\id GEN Genesis started 26 Feb 96 [Silas Nabinicaboo]; Consultant Check 2006 [Steve Kempf, Watson Williams] 14 Jan 2012
\h ᒐᓂᓯᔅ
\toc3 ᒐᓂᓯᔅ
\toc2 ᒐᓂᓯᔅ
\toc1 ᒐᓂᓯᔅ
\mt ᒐᓂᓯᔅ
\c 1
\s1 ᐅᔅᑭᒡ ᑲ ‍ ᐃᓯᓇᒂᒡ ᑭᔭ ᐅᔅᑭᒡ ᑲ ‍ ᐃᔅᐱᔨᒡ
\s2 Genesis 1.1-2.4 (Trinity Year A)
\s2 Genesis 1.1-5 (Epiphany-1 Year B)
\p
\v 1 ᓂᔅᑎᒻ ᒋᓴᒪᓂᑐᐤ ᒋ ‍ ᐅᓯᑕᐤ ᒋᒋᒋᓯᑯᔪᐤ ᑭᔭ ᐊᔅᒋᔪᐤ᙮
\v 2 ᓇᔅᒡ ᒋ ‍ ᐱᓯᒂᐤ ᐊᔅᒋᔾ ᑭᔭ ᓇᒪ ᒐᒂᓐ ᐅᒋ ᐃᓯᓇᑯᓐ, ᓂᐱᔾ ᒥᒄ ᒋ ‍ ᑎᑯᓐ ᑭᔭ ᓇᔅᒡ ᒋ ‍ ᐅᑲᔅᑕᔭᐤ᙮ ᒋᓴᒪᓂᑐᐤ ᐅᑦ ᐊᒐᒂ ᒋ ‍ ᑕᔪᐛ᙮
\p
\v 3 ᒋᓴᒪᓂᑐᐤ ᒂ ‍ ᐃᔅᒋᔄᑦ, “ᓂᑐᐛᔨᑕᓐ ᒐᒋ ᒋᐧᑲᔭᔅᑐᐛᒡ ᐛᔅᑕᐅᓐ !” ᒂ ‍ ᒋᐧᑲᔭᔅᑐᐛᒡ ᐛᔅᑕᐅᓐ᙮
\v 4 ᒋᓴᒪᓂᑐᐤ ᒋ ‍ ᒋᑕᐸᑎᒻ ᐛᔅᑕᐅᓂᔪᐤ ᐊᒋ ‍ ᒥᔽᔨᒡ, ᑭᔭ ᒋ ‍ ᑎᐸᓂᒻ ᐛᔅᑕᐅᓂᔪᐤ ᑭᔭ ᐊ ‍ ᐅᑲᔅᑕᔭᔨᒡ᙮
\v 5 ᒋᓴᒪᓂᑐᐤ ᒋ ‍ ᐃᓯᓂᐧᑲᑎᒻ ᐛᔅᑕᐅᓂᔪᐤ, “ᒋᓯᑲᐤ,” ᑭᔭ ᒋ ‍ ᐃᓯᓂᐧᑲᑎᒻ ᐊ ‍ ᐅᑲᔅᑕᔭᔨᒡ, “ᑎᐱᔅᑲᐤ᙮” ᒂ ‍ ᐅᑕᑯᓯᒡ ᑭᔭ ᒂ ‍ ᒐᒋᓴᐸᔭᒡ, ᐊᐅᑯᓐ ᓂᔅᑎᒻ ᐊ ‍ ᒋᓯᑲᒡ᙮
\p
\v 6 ᒋᓴᒪᓂᑐᐤ ᒂ ‍ ᐃᔅᒋᔄᑦ, “ᓂᑐᐛᔨᑕᓐ ᒋᓯᑯᔭᓐ ᒐᒋ ᐸᒋ ‍ ᒧᔅᒋᐱᔨᒡ ᐊᓐᑕ ᓂᐱᒡ ᒐᒋ ᑎᐸᓇᑭᓄᐅᒡ ᐃᔅᐱᒥᒡ ᓂᐱᔾ ᑭᔭ ᓂᑕᒡ ᓂᐱᔾ᙮”
\v 7 ᐊᐅᑯᓐ ᒂ ‍ ᐃᓯᓇᑯᓂᔨᒡ᙮ ᒋᓴᒪᓂᑐᐤ ᒂ ‍ ᐅᓯᐊᑦ ᒋᓯᑯᔭᓇ,
\v 8 ᑭᔭ “ᒋᓯᒄ” ᒂ ‍ ᐃᓯᓂᐧᑲᑕᐧᒄ᙮ ᒂ ‍ ᐅᑕᑯᓯᒡ ᑭᔭ ᒂ ‍ ᒐᒋᓴᐸᔭᒡ, ᐊᐅᑯᓐ ᓂᔄᐤ ᐊ ‍ ᒋᓯᑲᒡ᙮
\p
\v 9 ᒋᓴᒪᓂᑐᐤ ᒂ ‍ ᐃᔅᒋᔄᑦ, “ᓂᑐᐛᔨᑕᓐ ᓂᐱᔾ ᓯᐸ ᒋᓯᑯᒡ ᒐᒋ ᒪᒧᐱᔨᒡ, ᐊᑯ ᒐᒋ ᑎᒂᒡ ᐊ ‍ ᐸᒂᔅᑭᒥᑲᒡ᙮” ᐊᐅᑯᓐ ᒂ ‍ ᐃᓯᓇᑯᓂᔨᒡ᙮
\v 10 “ᐊᔅᒋᔾ” ᒋ ‍ ᐃᓯᓂᐧᑲᑎᒻ ᒋᓴᒪᓂᑐᐤ ᐊ ‍ ᐸᒂᔅᑭᒥᑲᔨᒡ, ᑭᔭ “ᐎᓂᐸᒄ” ᒋ ‍ ᐃᓯᓂᐧᑲᑎᒻ ᓂᐱᔪᐤ᙮ ᒋᓴᒪᓂᑐᐤ ᒋ ‍ ᒋᑕᐸᑎᒻ ᐊᓂᔭ ᒐᒂᔪᐤ ᑲ ‍ ᐃᑐᑕᐧᒃ, ᑭᔭ ᒋ ‍ ᒥᔽᔪᐤ᙮
\v 11 ᐊᑯ ᒋᓴᒪᓂᑐᐤ ᒂ ‍ ᐃᔅᒋᔄᑦ, “ᓂᑐᐛᔨᑕᓐ ᒐᒋ ᓂᑕᐅᒋᒋ ᒥᓯᐛ ᑕᑐᐎᒡ ᐊ ‍ ᐃᓯᓇᒂᒋ ᓂᑕᐅᒋᑕᑭᓇ, ᐊᓂᔭ ᓇᑕᐅᒋᑕᒥᑲᒋ ᐸᒂᓯᑭᓂᒥᓇ ᑭᔭ ᐊᓂᔭ ᓇᑕᐅᒋᑕᒥᑲᒋ ᒥᓂᓴ᙮” ᐊᐅᑯᓐ ᒂ ‍ ᐃᓯᓇᑯᓂᔨᒡ᙮
\v 12 ᒥᓯᐛ ᑕᑐᐎᒡ ᐊ ‍ ᐃᓯᓇᒂᒋ ᓂᑕᐅᒋᑕᑭᓇ ᒋ ‍ ᓂᑕᐅᒋᓇ ᐅᑕ ᐊᔅᒋᒡ᙮ ᒋᓴᒪᓂᑐᐤ ᒋ ‍ ᒋᑕᐸᑎᒻ ᐊᓂᔭ ᒐᒂᔪᐤ ᑲ ‍ ᐃᑐᑕᐧᒃ ᑭᔭ ᒋ ‍ ᒥᔽᔪᐤ᙮
\v 13 ᒂ ‍ ᐅᑕᑯᓯᒡ ᑭᔭ ᒂ ‍ ᒐᒋᓴᐸᔭᒡ, ᐊᐅᑯᓐ ᓂᔍᐤ ᐊ ‍ ᒋᓯᑲᒡ᙮
\p
\v 14 ᒋᓴᒪᓂᑐᐤ ᒂ ‍ ᐃᔅᒋᔄᑦ, “ᓂᑐᐛᔨᑕᓐ ᐛᔅᑕᐅᓇ ᐊᓐᑕ ᒋᓯᑯᒡ ᒐ ‍ ᑎᐸᓇᐱᔨᒡ ᐊ ‍ ᒋᓯᑲᒡ ᑭᔭ ᐊ ‍ ᑎᐱᔅᑲᒡ ᒐᒋ ᒋᔅᒐᔨᑕᒂᒋ ᒋᓯᒂ ᑭᔭ ᐱᐳᓇ᙮
\v 15 ᓂᑐᐛᔨᑕᓐ ᒐᒋ ᐛᔅᑕᒋ ᐊᓐᑕ ᐊᔅᒋᒡ᙮” ᐊᐅᑯᓐ ᒂ ‍ ᐃᓯᓇᑯᓂᔨᒡ᙮
\v 16 ᒪᒃ ᒋᓴᒪᓂᑐᐤ ᒋ ‍ ᐅᓯᐊᐤ ᒋᓯᑲᐤ ᐱᓯᒺ ᑭᔭ ᑎᐱᔅᑲᐤ ᐱᓯᒺ᙮ ᒋ ‍ ᐅᓯᐊᐤ ᒋᓯᑲᐤ ᐱᓯᒺ, ᐊᑎᑐᐤ ᒥᓯᑐᐤ ᐃᔅᐱᔅ ᑎᐱᔅᑲᐤ ᐱᓯᒺ, ᒐᒋ ᐛᔅᑐᐛᑦ ᒐᓯᑲᔨᒋ, ᒋ ‍ ᐅᓯᐊᐤ ᐃᔭᐱᒡ ᑎᐱᔅᑲᐤ ᐱᓯᒺ᙮ ᐊᑎᑐᐤ ᐊᐱᓯᓯᓱᐤ ᐃᔅᐱᔅ ᒋᓯᑲᐤ ᐱᓯᒺ, ᒐᒋ ᐛᔅᑐᐛᑦ ᑕᐱᔅᑲᔨᒋ᙮ ᐅᒐᑭᑕᒂ ᐃᔭᐱᒡ ᒋ ‍ ᐅᓯᐊᐤ᙮
\v 17 ᐊᑯ ᒋᓴᒪᓂᑐᐤ ᒂ ‍ ᑎᔭᑦ ᐅᔭ ᐛᔅᑕᐅᓇ ᐊᓐᑕ ᒋᓯᑯᒡ ᒐᒋ ᒋᐧᑲᔭᔅᑕᔨᒡ ᐊᔅᒋᔪᐤ᙮
\v 18 ᒋ ‍ ᐃᑐᑐᐛᐤ ᒋᓯᑲᐤ ᐱᓯᒺ ᒐ ‍ ᒋᐧᑲᔭᔅᑐᐛᔨᒋ ᒐᓯᑲᔨᒋ ᑭᔭ ᑎᐱᔅᑲᐤ ᐱᓯᒺ ᒐ ‍ ᒋᐧᑲᔭᔅᑐᐛᔨᒋ ᑕᐱᔅᑲᔨᒋ ᑭᔭ ᒐᒋ ᑎᐸᓇᑭᓄᐅᒡ ᐛᔅᑕᐅᓐ ᑭᔭ ᐅᑲᔅᑕᔭᐅᓐ᙮ ᒋᓴᒪᓂᑐᐤ ᒋ ‍ ᒋᑕᐸᑎᒻ ᐊᓂᔭ ᒐᒂᔪᐤ ᑲ ‍ ᐃᑐᑕᐧᒃ, ᑭᔭ ᒋ ‍ ᒥᔽᔪᐤ᙮
\v 19 ᒂ ‍ ᐅᑕᑯᓯᒡ ᑭᔭ ᒂ ‍ ᒐᒋᓴᐸᔭᒡ, ᐊᐅᑯᓐ ᓇᐛᐤ ᐊ ‍ ᒋᓯᑲᒡ᙮
\p
\v 20 ᒋᓴᒪᓂᑐᐤ ᒂ ‍ ᐃᔅᒋᔄᑦ, “ᓂᑐᐛᔨᑕᓐ ᐎᓂᐸᑯᒡ ᒐᒋ ᓴᑭᔅᒋᓇᒡ ᐱᒪᑎᓯᐤ ᐊᐛᓯᓯᒡ, ᓂᑐᐛᔨᒪᐅᒡ ᑭᔭ ᐱᔭᓱᐅᒡ ᒐᒋ ᐱᐸᒥᔭᒡ ᐊᓐᑕ ᒋᓯᑯᒡ᙮” \fig Fish and Birds|AP-01-05a.tif|col||Alice Paschal|ᓂᒪᓴ ᑭᔭ ᐱᔭᓱᐛ|ᒐᓂᓯᔅ 1.20\fig*
\v 21 ᒋᓴᒪᓂᑐᐤ ᒋ ‍ ᐅᓯᐊᐤ ᐊ ‍ ᒥᓯᑎᔨᒋ ᐊᐛᓯᓴ ᒐ ‍ ᑕᔨᒋ ᐊᓐᑕ ᓂᐱᒡ, ᓂᒪᓴ ᒋ ‍ ᐅᓯᐊᐤ ᑭᔭ ᒥᓯᐛ ᑕᑐᐎᒡ ᐊ ‍ ᐃᓯᓇᑯᓂᔨᒡ ᒐᒂᔪᐤ ᒐᒋ ᑎᑯᓂᔨᒡ ᐊᓐᑕ ᓂᐱᒡ, ᒋ ‍ ᐅᓯᐊᐤ ᐃᔭᐱᒡ ᒥᓯᐛ ᑕᑐᐎᒡ ᐊᓯᓇᑯᓯᔨᒋ ᐱᔭᓱᐛ᙮ ᒋᓴᒪᓂᑐᐤ ᒋ ‍ ᒋᑕᐸᑎᒻ ᐊᓂᔭ ᒐᒂᔪᐤ ᑲ ‍ ᐃᑐᑕᐧᒃ, ᑭᔭ ᒋ ‍ ᒥᔽᔪᐤ᙮
\v 22 ᐊᑯ ᒋᓴᒪᓂᑐᐤ ᒂ ‍ ᒥᔭᑦ ᐱᒪᑎᓯᐤ ᐊᐛᓯᓴ ᐅᓱᐛᔨᒋᒐᐅᓐ, ᒂ ‍ ᐃᑕᑦ ᐎᓂᐸᑯᒡ ᐊᐛᓯᓴ ᒐᒋ ᑕᔨᒋ ᐊᓐᑕ ᒥᓯᐛ ᐊᔅᐱᓴᔨᒡ ᐎᓂᐸᑯᔪᐤ ᑭᔭ ᐱᔭᓱᐛ ᒐᒋ ᑕᔨᒋ ᐊᓐᑕ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᒡ᙮
\v 23 ᒂ ‍ ᐅᑕᑯᓯᒡ ᑭᔭ ᒂ ‍ ᒐᒋᓴᐸᔭᒡ, ᐊᐅᑯᓐ ᐱᑕᑕᒡ ᑕᑥᐤ ᐊ ‍ ᒋᓯᑲᒡ᙮
\p
\v 24 ᒋᓴᒪᓂᑐᐤ ᒂ ‍ ᐃᔅᒋᔄᑦ, “ᓂᑐᐛᔨᒪᐅᒡ ᒥᓯᐛ ᑕᑐᐎᒡ ᐊ ‍ ᐃᓯᓇᑯᓯᒡ ᐊᐛᓯᓯᒡ ᒐᒋ ᑕᒡ ᐅᑕ ᐊᔅᒋᒡ᙮” ᑭᔭ ᐊᐅᑯᓐ ᒂ ‍ ᐃᔅᐱᔨᒡ᙮
\v 25 ᒋᓴᒪᓂᑐᐤ ᒥᓯᐛ ᒋ ‍ ᐅᓯᐊᐤ ᐊᐛᓯᓴ᙮ ᐊᑯ ᑲ ‍ ᒋᑕᐸᑕᐧᒃ ᐊᓂᔭ ᒐᒂᔪᐤ ᑲ ‍ ᐃᑐᑕᐧᒃ, ᑭᔭ ᒋ ‍ ᒥᔽᔪᐤ᙮
\v 26 ᒋᓴᒪᓂᑐᐤ ᒂ ‍ ᐃᔅᒋᔄᑦ, “ᐊᓄᒡ ᐃᔪᒡ ᒋᑭ ‍ ᐅᓴᓄᐅᒡ, ᑭᔭ ᒧᔭᒻ ᐊᓯᓇᑯᓱᐛᐧᒄ ᒋᑭ ‍ ᐃᓯᓇᑯᓱᐅᒡ᙮ ᒋᑭ ‍ ᒥᔭᓄᐅᒡ ᒐᒋ ᑎᐸᔨᒪᒡ ᓂᒪᓴ, ᐱᔭᓱᐛ, ᑭᔭ ᒥᓯᐛ ᐊᐛᓯᓴ᙮”
\q
\v 27 ᐊᑯ ᒋᓴᒪᓂᑐᐤ ᒂ ‍ ᐅᓯᐊᑦ ᓇᐸᐛ ᑭᔭ ᐃᔎᐛ ᒐᒋ ᐃᓯᓇᑯᓯᔨᒋ ᒧᔭᒻ ᐎᔾ ᐊᓯᓇᑯᔅᑦ᙮
\p
\v 28 ᒋᓴᒪᓂᑐᐤ ᒋ ‍ ᒥᔭᐤ ᐅᓱᐛᔨᒋᒐᐅᓐ ᑭᔭ ᒂ ‍ ᐃᑕᑦ, “ᒐ ‍ ᒥᒐᑥᐊᑯᒡ ᐊᐛᓯᒡ, ᒐᒋ ᒥᒐᑎᑦ ᐃᔪᐤ ᐅᑕ ᐊᔅᐱᑎᔅᑭᒥᑲᒡ ᐊᔅᒋᒡ ᑭᔭ ᒋᔨᐛᐤ ᒐ ‍ ᑭᓄᐛᔨᑎᒪᒄ᙮ ᒋᔨᐛᐤ ᒋᑭ ‍ ᐅᒋᒪᐅᓇᐛᐤ ᐊᓐᒡ ᓂᒪᓯᒡ ᐊᓐᑕ ᓂᐱᒡ, ᐱᔭᓱᐅᒡ ᐊᓐᑕ ᒋᓯᑯᒡ ᑭᔭ ᒥᓯᐛ ᐊᐛᓯᓯᒡ ᐅᑕ ᐊᔅᒋᒡ᙮
\p
\v 29 ᐛᐸᑎᒧᒄ, ᒋ ‍ ᒥᔨᑎᓇᐛᐤ ᓂᑕᐅᒋᑕᑭᓐ ᒥᓯᐛ ᐅᑕ ᐊᔅᒋᒡ, ᑭᔭ ᒥᓯᐛ ᑕᑐᐤ ᒥᔅᑎᑯᒡ ᑲ ‍ ᓂᑕᐅᒋᑕᑦ ᒥᓂᓴ ᒐ ‍ ᐅᒥᒋᒥᔭᒄ,
\v 30 ᑭᔭ ᓂᒋ ‍ ᒥᔭᐅᒡ ᐊᐛᓯᓯᒡ ᑭᔭ ᐱᔭᓱᐅᒡ ᒥᓯᐛ ᒥᔅᑯᓱᐛ ᑭᔭ ᓂᑕᐅᒋᑕᑭᓇ ᒐ ‍ ᐅᒥᒋᒥᑕᒡ᙮” ᐊᐅᑯᓐ ᑲ ‍ ᐃᔅᐱᔨᒡ᙮
\p
\v 31 ᒋᓴᒪᓂᑐᐤ ᒋ ‍ ᒋᑕᐸᑎᒻ ᐊᓂᔭ ᒐᒂᔪᐤ ᑲ ‍ ᐃᑐᑕᐧᒃ, ᒥᓯᐛ ᓇᔅᒡ ᒋ ‍ ᒥᔽᓯᔪᐤ᙮ ᒂ ‍ ᐅᑕᑯᓯᒡ ᑭᔭ ᒂ ‍ ᒐᒋᓴᐸᔭᒡ, ᐊᐅᑯᓐ ᐊᓱᑕᒡ ᑕᑥᐤ ᐊ ‍ ᒋᓯᑲᒡ᙮
\c 2
\s2 Genesis 1.1-2.4a (Proper-5 Year A)
\p
\v 1 ᒪᒃ ᒋᓴᒪᓂᑐᐤ ᒋ ‍ ᒋᔅᑕᐤ ᑲ ‍ ᐅᓯᑕᑦ ᒋᓯᑯᔪᐤ ᑭᔭ ᐊᔅᒋᔪᐤ, ᑭᔭ ᒥᓯᐛ ᒐᒂᔪᐤ ᐊᓐᑕ ᐊ ‍ ᑎᑯᓂᔨᒡ᙮
\v 2 ᑲ ‍ ᐅᑎᒋᐱᔨᒡ ᓂᔄᐅᑕᒡ ᐊ ‍ ᒋᓯᑲᔨᒡ, ᒋᓴᒪᓂᑐᐤ ᒋ ‍ ᐊᔽᓯᐤ ᑲᒋ ᒥᓯᐛ ‍ ᒋᔅᑕᑦ ᐅᑦ ᐊᑐᔅᒐᐅᓐ᙮
\v 3 ᐊᑯ ᒋᓴᒪᓂᑐᐤ ᒂ ‍ ᐃᔅᒋᔄᑦ ᒐᒋ ᒋᔅᑕᔨᑕᑯᓂᔨᒡ ᐊᓯᑯᒻ ᓂᔄᐅᑕᒡ ᐊ ‍ ᒋᓯᑲᔨᒡ᙮ ᒋ ‍ ᐃᑐᑎᒻ ᐅᔭ ᐛᔅ ᒋ ‍ ᐊᔽᓯᐤ ᑲ ‍ ᓂᔄᐅᑕᒡ ᑕᑐᐤ ᒋᓯᑲᔨᒡ ᑲᒋ ‍ ᒋᔅᑕᑦ ᐊ ‍ ᐅᓯᑕᑦ ᒥᓯᐛ ᒐᒂᔪᐤ᙮
\s1 ᒋᓴᒪᓂᑐᐤ ᑲ ᐃᓯ ‍ ᐅᓯᐊᑦ ᓂᔅᑎᒻ ᓇᐸᐛ ᑭᔭ ᓂᔅᑎᒻ ᐃᔎᐛ
\p
\v 4 ᐊᐅᑯᐤ ᑲ ‍ ᐃᔅᐱᔨᒡ ᒧᔭᒻ ᒋᓴᒪᓂᑐᐤ ᑲ ‍ ᐅᓯᑕᑦ ᒋᓯᑯᔪᐤ ᑭᔭ ᐊᔅᒋᔪᐤ᙮
\p
\v 5 ᓇᒪ ᐅᒋ ᓂᑕᐅᒋᓐ ᐊᔅᒄ ᒐᒂᓐ ᐅᑕ ᐊᔅᒋᒡ, ᐅᓴᒻ ᑎᐸᔨᒋᒐᓱᐤ ᒋᓴᒪᓂᑐᐤ ᐊᔅᒄ ᓇᒪ ᐅᒋ ᐃᑎᓴᐊᒻ ᐊ ‍ ᒋᒧᓂᔨᒡ, ᑭᔭ ᓇᒪ ᐅᒋ ᑕᐤ ᐊᐛᓐ ᒐᒋ ᓂᑕᐅᒋᑕᑦ ᒥᒋᒥᔪᐤ᙮
\v 6 ᒥᒄ ᑭᔅᑯᐅᓂᐱᔾ ᒋ ᐸᒋ ‍ ᒧᔅᒋᐱᔪᐤ ᐊᓐᑕ ᒧᔅᑎᔅᑭᒥᒡ, ᒐᒋ ᓄᑎᒻ ᓂᐱᐅᔅᑭᒥᑲᒡ᙮
\p
\v 7 ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ‍ ᐅᑎᓇᑦ ᐊᓯᔅᒍᐛ ᑭᔭ ᒂ ‍ ᐅᓯᐊᑦ ᓇᐸᐛ, ᒋ ‍ ᐳᑕᑎᒧᐛᐤ ᐅᔭᔭᐅᓐ ᐅᔅᑯᑎᔨᒡ ᑭᔭ ᒂ ‍ ᐃᑐᑐᐛᑦ ᓇᐸᐛ ᒐᒋ ᐱᒪᑎᓯᔨᒋ᙮
\p
\v 8 ᑎᐸᔨᒋᒐᓱᐤ ᒋᓴᒪᓂᑐᐤ ᒋ ‍ ᓂᑕᐅᒋᑕᐤ ᐊ ‍ ᒥᔽᔎᔨᒡ ᓂᑕᐅᒋᑕᑭᓂᔪᐤ ᐊᓐᑕ ᐛᐱᓄᑕᒡ, ᐃᑎᓐ ᐊᓯᓂᐧᑲᑕᔨᒡ᙮ ᐊᑯᑕ ᑲ ‍ ᐱᔅᑎᓇᑦ ᐊᓂᔭ ᓇᐸᐛ ᑲ ‍ ᐅᓯᐊᑦ᙮
\v 9 ᑎᐸᔨᒋᒐᓱᐤ ᒋᓴᒪᓂᑐᐤ ᒋ ‍ ᐃᑐᑐᐛᐤ ᒐᒋ ᓂᑕᐅᒋᒋ ᒥᓯᐛ ᑕᑐᐎᒡ ᐊᓯᓇᑯᓯᔨᒋ ᒥᓂᓯᐅ-ᒥᔅᑎᒂ, ᓇᔅᒡ ᐊ ‍ ᒥᔪᓯᓯᒡ ᐊ ‍ ᒋᑕᐱᒪᑭᓄᐅᒡ ᑭᔭ ᒐᒋ ᓂᑕᐅᒋᒋ ᒥᓂᓴ ᐊ ‍ ᒥᔽᒋ ᒐᒋ ᒥᒋᓇᓄᔨᒋ᙮ ᒋ ‍ ᐃᑐᑎᒻ ᐃᔭᐱᒡ ᐊᓐᑕ ᑕᑕᐅᒡ ᐊ ‍ ᒥᔽᔎᔨᒡ ᓂᑕᐅᒋᑕᑭᓂᔪᐤ ᒐᒋ ᓂᑕᐅᒋᒋ ᐱᒪᑎᓯᔪᐤ ᒥᔅᑎᒂ ᑭᔭ ᒋᔅᒐᔨᑎᒧᐤ ᒥᔅᑎᒂ, ᐃᔪᒡ ᒐ ᐅᒋ ‍ ᒋᔅᒐᔨᑕᒡ ᐊ ‍ ᒥᔽᔨᒡ ᑭᔭ ᐊ ‍ ᒪᔭᑎᓂᔨᒡ᙮
\p
\v 10 ᒋ ‍ ᑎᑯᓐ ᓯᐱᔾ ᐊ ‍ ᐱᒥᐱᔨᒡ ᐊᓐᑕ ᐃᑎᓐ ᒐᒋ ᓂᐱᐅᔅᑭᒥᑲᒡ ᒧᔅᑎᔅᑭᒥᔾ, ᒂᔅᑕᒐ ᐃᑎᓐ ᒋ ‍ ᓇᐅᔅᑎᒂᐱᔪᐛ᙮
\v 11 ᐊᓂᔭ ᐊ ‍ ᓇᐅᔅᑎᒂᒋ, ᐱᓴᓐ ᐃᓯᓂᐧᑲᑕᐤ ᓂᔅᑎᒻ ᓯᐱᔾ᙮ ᑭᔭ ᐱᒪᑭᒥᒍᓱᐤ ᒥᓯᐛ ᐊᓐᑕ ᐊᐱᓚ ᐊᔅᒋᒡ᙮
\v 12 ᐊᓐᑕ ᐊ ‍ ᑎᒂᒡ ᐎᔄᐅᓱᓇᔭᐤ ᓇᔅᒡ ᐊ ‍ ᒥᔽᓯᒡ ᑭᔭ ᐊᑲ ᐊᔅᒋᐱᔨᒡ ᒐᒂᓐ ᒐᒋ ᐅᒋ ‍ ᐃᔭᔪᐛᒡ, ᑎᑯᓐ ᐃᔭᐱᒡ ᑲᐎᒋᒪᒂᒡ ᐱᒍᐤ ᐊ ‍ ᐃᓯᓂᐧᑲᑕᒡ ᑭᔭ ᐊ ‍ ᒥᔽᔨᒋ ᐊᓯᓂᓴ ᒧᔭᒻ ᓱᓇᔭᐤ ᐊᓯᓂᓴ ᐊ ‍ ᐃᓯᓇᒂᒋ, ᐅᓂᑭᔅ ᐃᓯᓂᐧᑲᑕᐛ᙮
\v 13 ᑭᐊᓐ ᐃᓯᓂᐧᑲᑕᑭᓄᐤ ᓂᓱ ᓯᐱᔾ᙮ ᒥᓯᐛ ᐊᓐᑕ ᐃᔅᐱᔪᐤ ᑯᔅ ᐊᔅᒋᒡ᙮
\v 14 ᑕᐃᑭᕆᔅ ᐃᓯᓂᐧᑲᑕᐤ ᓂᔅᑐ ᓯᐱᔾ, ᐛᐱᓄᑕᒡ ᐊᓐᑕ ᐱᒥᐱᔪᐤ ᐊᓯᕆᔭ ᐊᔅᒋᒡ ᑭᔭ ᔪᑉᕆᑎᔅ ᐃᓯᓂᐧᑲᑕᐤ ᓇᐤ ᓯᐱᔾ᙮
\s2 Genesis 2.15-17, 3.1-7 (Lent-1 Year A)
\p
\v 15 ᑲᒋ ‍ ᐅᓯᐊᑦ ᑎᐸᔨᒋᒐᓱᐤ ᒋᓴᒪᓂᑐᐤ ᐊᓂᔭ ᓇᐸᐛ, ᒋ ‍ ᐱᔅᑎᓇᐤ ᐊᓐᑕ ᐃᑎᓐ ᓂᑕᐅᒋᑕᑭᓂᒡ ᒐᒋ ᓂᑕᐅᒋᑕᔨᒋ ᑭᔭ ᒐᒋ ᑭᓄᐛᔨᑎᒥᔨᒋ
\v 16 ᑎᐸᔨᒋᒐᓱᐤ ᒋᓴᒪᓂᑐᐤ ᒂ ‍ ᐃᑎᓱᒪᑦ ᓇᐸᐛ, ᐊ ‍ ᐃᑕᑦ, “ᒋᑭ ᒋ ᐅᒋ ‍ ᒥᒋᓐ ᒥᓂᓴ ᐊᓐᑕ ᒥᓯᐛ ᐊ ‍ ᑕᑎᔅᑦ ᒥᔅᑎᒄ ᓂᑕᐅᒋᑕᑭᓂᒡ,
\v 17 ᒥᒄ ᐊᑲ ᒋᑭ ‍ ᒥᒋᓐ ᐅᔭ ᒥᓂᓴ ᐊᓐᑕ ᒋᔅᒐᔨᑎᒧᐤ ᒥᔅᑎᑯᒡ ᑲ ᐅᒋ ‍ ᒋᔅᒐᔨᑕᒂᒡ ᐊ ‍ ᒥᔽᒡ ᑭᔭ ᐊ ‍ ᒪᔭᑎᒡ, ᐊᓐ ᑲᓯᑲᒡ ᒥᒋᔨᓇ ᒐᔅᑎᓇᔅ ᒋᑭ ‍ ᐳᓂᐱᒪᑎᓯᓐ᙮”
\s2 Genesis 2.18-24 (Proper-22 Year B)
\p
\v 18 ᒪᒃ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ‍ ᐃᔅᒋᔄᑦ, “ᓇᒪ ᐃᓯᓇᑯᓐ ᒐᒋ ᐸᐃᑯᓯᑦ ᓇᐸᐤ, ᓂᑭ ‍ ᐅᓯᐃᒪᐛ ᐊᐱᒋᐊᑭᓇ ᒐᒋ ᐛᐎᒋᐃᑯᑦ᙮”
\v 19 ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ‍ ᐅᑎᓇᑦ ᐊᓯᔅᒍᐛ ᑭᔭ ᒂ ‍ ᐅᓯᐊᑦ ᒥᓯᐛ ᑕᑐᐎᒡ ᐊᐛᓯᓴ ᑭᔭ ᐱᔭᓱᐛ, ᒂ ‍ ᐃᑐᑐᐛᑦ ᐅᔭ ᓇᐸᐛ ᒐᒋ ᐸᑐᐛᑦ ᑕᓐ ᒋᐸ ‍ ᐃᓯᓂᐧᑲᑕᔪᐛ᙮ ᐊᓂᔭ ᓇᐸᐤ ᑲ ᐃᓯ ‍ ᐎᔭᑦ ᒥᓯᐛ ᐱᒪᑎᓯᐤ ᐊᐛᓯᓴ, ᐊᐅᑯᓐ ᑲ ‍ ᐃᓯᓂᐧᑲᑕᑭᓄᔨᒋ᙮
\v 20 ᑲᒋ ‍ ᐎᔭᑦ ᓇᐸᐤ ᒥᓯᐛ ᐱᒪᑎᓯᐤ ᐊᐛᓯᓴ ᑭᔭ ᐱᔭᓱᐛ, ᒥᒄ ᐊᓂᔭ ᐊᑎᓯᔨᒋ ᐊᐛᓯᓴ ᑭᔭ ᐱᔭᓱᐛ, ᓇᒪ ᐅᒋ ᑕᔪᐛ ᒐ ‍ ᐛᐎᒋᐃᑯᑦ ᑭᔭ ᒐᒋ ᑕᔨᒋ ᐊ ‍ ᑕᑦ᙮
\p
\v 21 ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ‍ ᐃᑐᑐᐛᑦ ᓇᐸᐛ ᒐᒋ ᒥᔪᒂᒧᐎᒋ, ᒪᒂᒡ ᐅᑎᓂᐸ ᓇᐸᐤ,
\v 22 ᑎᐸᔨᒋᒐᓱᐤ ᒋᓴᒪᓂᑐᐤ ᒋ ‍ ᐅᑎᓂᒺᐤ ᐸᐃᒄ ᐅᔅᐱᒐᑭᓂᔪᐤ ᑭᔭ ᑲᐤ ᒂ ‍ ᒋᐸᐅᒺᑦ ᐊᓐᑕ ᑲ ᐅᒋ ‍ ᐅᑎᓂᒺᑦ᙮ ᒂ ‍ ᐅᑎᓇᐧᒃ ᐊᓂᔭ ᐅᔅᐱᒐᑭᓂᔪᐤ ᐊᓐᑕ ᓇᐸᐛ ᐎᔭᔨᒡ ᑲ ᐅᒋ ‍ ᐅᑎᓂᒺᑦ, ᒂ ‍ ᐃᑐᑕᐧᒃ ᒧᔭᒻ ᐃᔎᒡ ᒐᒋ ᐃᓯᓇᑯᓂᔨᒡ, ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ‍ ᐅᑎᓇᑦ ᐃᔎᐛ ᑭᔭ ᒂ ‍ ᐛᐸᑎᔭᑦ ᐊᓂᔭ ᓇᐸᐛ᙮ \fig Woman and Man|AP-01-07a.tif|col||Alice Paschal|ᐃᔎᐤ ᑭᔭ ᓇᐸᐤ|ᒐᓂᓯᔅ 2.22\fig*
\v 23 ᐎᔭᐱᒪᑦ ᐃᔎᐛ ᐊᓐ ᓇᐸᐤ, ᒂ ‍ ᐃᔅᒋᔄᑦ,
\q “ᐅᒪ ᐊᐛᓐ ᑲ ‍ ᐃᓯᓇᑯᔅᑦ ᓂᔾ ᐊᓯᓇᑯᓱᐅᒡ, ᓂᔅᑭᓂᒡ ᐅᒋᐱᔪᐛ ᐅᔅᑭᓇ ᑭᔭ ᓂᔭᒡ ᐅᒋᐱᔪᐤ ᐎᔪᐤ᙮
\q ᐃᔎᐤ ᒋᑭ ‍ ᐃᓯᓂᐧᑲᓱᐤ, ᐛᔅ ᓇᐸᐛ ᐎᔭᔨᒡ ᐅᒋᐱᔪᐤ᙮”
\m
\v 24 ᐊᐅᑯᓐ ᐛᒋ ‍ ᐃᓯᓇᒂᒡ, ᒥᓯᐛ ᓇᐸᐤ ᒐ ‍ ᓂᑭᑕᑦ ᐅᑕᐎᔭ ᑭᔭ ᐅᑲᐎᔭ ᑭᔭ ᒪᒧᐤ ᒐᒋ ᑕᑦ ᐎᐛ ᐊ ‍ ᑕᔨᒋ ᑭᔭ ᒂ ‍ ᐃᓯᓇᑯᓯᒡ ᒧᔭᒻ ᐸᐃᒄ ᐊᐛᓐ᙮
\p
\v 25 ᑭᔭ ᓇᐸᐤ ᒪᒃ ᐎᐛ ᒋ ‍ ᒧᓴᔅᑭᑕᐅᒡ, ᓇᒪ ᐅᒋ ᑎᑯᓂᔪᐤ ᒐᒋ ᓴᒂᔨᒧᒡ᙮
\c 3
\s1 ᐊ ‍ ᐎᑕᑭᓄᐅᒡ ᐃᔪᒡ ᐊᑲ ᐅᒋ ᑕᑈᑎᒺᒡ ᒋᓴᒪᓂᑐᐛ ᐅᑦ ᐃᑎᓱᐛᐅᓂᔪᐤ
\s2 Genesis 2.15-17, 3.1-7 (Lent-1 Year A)
\p
\v 1 ᐊᑎᓯᑦ ᒥᓯᐛ ᐊᐛᓯᔅ ᒋᓴᒪᓂᑐᐤ ᑲ ‍ ᐅᓯᐊᑦ, ᒋᓇᐱᒄ ᒥᒄ ᒋ ᐅᒋ ‍ ᑭᔅᒋᑕᐤ ᐊ ‍ ᐎᔭᓯᒪᑦ ᐊᐛᔪᐛ, ᐃᔅᐱᔅ ᑯᑎᒂ ᐊᐛᓯᓴ, ᐸᐃᒂᐤ ᒋ ‍ ᓇᑕᐤ ᐃᔎᐛ ᐊᑯ ᐊᑕᑦ, “ᑕᑈ ᐊ ᒋ ‍ ᐃᔅᒋᔄᐤ ᒋᓴᒪᓂᑐᐤ ᒐ ᐊᑲ ᒋ ᒥᒋᔭᒄ ᒥᓂᓴ ᒥᔅᑎᑯᒡ ᐅᒡ ᐅᑕ ᓂᑕᐅᒋᑕᑭᓂᒡ ?”
\p
\v 2 ᐊᑯ ᐃᔎᐤ ᐊᑕᑦ, “ᓇᒪ, ᒋᓴᒪᓂᑐᐤ ᓇᒪ ᐅᒋ ᐃᔅᒋᔄᐤ ᐅᔭ, ᒋᓴᒪᓂᑐᐤ ᓂᒋ ‍ ᐃᑎᑯᓇᓐ ᒐᒋ ᒥᒍᐅᒋᒡ ᒥᓂᓴ ᒥᓯᐛ ᒥᔅᑎᑯᒡ ᐅᒡ ᐅᑕ ᐊ ‍ ᑕᔨᒋ ᓂᑕᐅᒋᑕᑭᓂᒡ᙮
\v 3 ᒥᒄ ᒋᓴᒪᓂᑐᐤ ᒋ ‍ ᐃᔅᒋᔄᐤ ᒐ ᐊᑲ ᐅᒋ ‍ ᒥᒋᔭᒡ ᒥᓂᓴ ᐊᓐᑕ ᒥᔅᑎᑯᒡ ᑕᑕᐅᒡ ᐊ ‍ ᒋᒥᓱᑦ ᓂᑕᐅᒋᑕᑭᓂᒡ, ᒋᓴᒪᓂᑐᐤ ᒋ ‍ ᐃᔅᒋᔄᐤ ᒐ ᐊᑲ ‍ ᒥᒋᔭᒡ ᐊᓂᔭ ᒥᓂᓴ ᑭᔭ ᒪᒃ ᓇᔅᒡ ᒐ ᐊᑲ ‍ ᑕᒋᓂᒪᒡ᙮ ᐃᑐᑎᒪᒐ ᒪᒃ ᐅ, ᓂᑭ ‍ ᐳᓂᐱᒪᑎᓯᓇᓐ᙮”
\p
\v 4 ᐊᑯ ᒋᓇᐱᒄ ᐊᑕᑦ ᐃᔎᐛ, “ᓇᒪ, ᓇᒪ ᑕᑈᓄᐤ᙮ ᓇᒪ ᒋᑭ ‍ ᐳᓂᐱᒪᑎᓯᓇᐛᐤ
\v 5 ᒋᓴᒪᓂᑐᐤ ᒋ ‍ ᐃᔅᒋᔄᐤ ᐅᔭ ᐅᓴᒻ ᒋᔅᒐᔨᑎᒻ ᒥᒍᐛᒂ ᐊᓂᔭ ᒥᓂᓴ ᒋᑭ ‍ ᑭᒐᑕᐛᔨᑕᑯᓯᓇᐛᐤ, ᒋᑭ ‍ ᒋᔅᒐᔨᑕᓇᐛᐤ ᐊ ‍ ᒥᔽᒡ ᑭᔭ ᒪᔭᑎᓯᐅᓐ, ᒧᔭᒻ ᒋᓴᒪᓂᑐᐤ᙮”
\p
\v 6 ᒋ ‍ ᐛᐸᑎᒻ ᐃᔎᐤ ᐊᔅᐱᔅ ᒥᔽᓯᔨᒡ ᑭᔭ ᐊ ‍ ᒥᔽᔨᒡ ᒐᒋ ᒥᒋᓇᓄᐎᒡ; ᐃᔭᐱᒡ ᒋᔅᒐᔨᑎᒻ ᒥᒋᑦ ᐊᐛᓐ ᐊᓂᔭ ᒥᓂᓴ ᒋᐸ ‍ ᑭᒐᑕᐛᔨᑕᑯᓱᐤ ᑭᔭ ᓇᔅᒡ ᒋ ‍ ᓇᓂᑐᐛᔨᑎᒻ ᐃᔎᐤ ᒐᒋ ᑭᒐᑕᐛᔨᑕᑯᔅᑦ, ᐊᑯ ᐛᑎᓇᐧᒃ ᐊᓂᔭ ᒥᓂᓴ, ᒂ ‍ ᒥᒋᑦ ᑭᔭ ᒂ ‍ ᒥᔭᑦ ᐱᔅᒐ ᐅᓇᐸᒪ ᑭᔭ ᐎᔾ ᓇᐸᐤ ᒪᒋᑦ᙮
\v 7 ᑲᒋ ‍ ᒥᒋᒡ, ᒂ ‍ ᑭᒐᑕᐛᔨᑕᑯᓯᒡ ᑭᔭ ᒂ ‍ ᒋᔅᒐᔨᑕᒡ ᐊ ‍ ᒧᓴᔅᑭᑕᒡ᙮ ᐊᑯ ᐛᑎᓇᒡ ᐊ ‍ ᒪᒥᓴᔨᒋ ᓂᐱᔭ ᐊᓐᑕ ᒥᔅᑎᑯᒡ ᐅᒡ ᑭᔭ ᒂ ‍ ᒪᒧᒂᑕᒡ ᒐᒋ ᐊᑯᓇᐎᓱᒡ᙮
\s2 Genesis 3.8-15 (Proper-5 Year B)
\p
\v 8 ᐛᑕᑯᓯᔨᒡ ᐸᑐᐛᐅᒡ ᑎᐸᔨᒋᒐᓱᐤ ᒋᓴᒪᓂᑐᐛ ᐸᒧᑕᔨᒋ ᐊᓐᑕ ᓂᑕᐅᒋᑕᑭᓂᒡ, ᒂ ‍ ᒋᒋᐸᔨᑐᒡ ᑭᔭᓱᒡ ᐊᓐᑕ ᒥᓇᔎᒡ ᒐ ᐊᑲ ᒋ ᐛᐱᒥᑯᒡ᙮
\v 9 ᐊᑯ ᒋᓴᒪᓂᑐᐤ ᑎᔭᑈᑕᑦ ᓇᐸᐛ ᐊᑕᑦ, “ᐊᑕᒻ, ᑕᓐᑕ ᐊ ‍ ᑕᔨᓐ ?”
\p
\v 10 ᐊᑯ ᓇᐸᐤ ᐊᑕᑦ ᒋᓴᒪᓂᑐᐛ, “ᒋ ‍ ᐸᑕᑎᓐ ᒪᒂᒡ ᐸᒧᑕᔨᓐ ᓂᑕᐅᒋᑕᑭᓂᒡ; ᒂ ‍ ᑯᔅᑕᒋᔭᓐ ᐛᔅ ᐊ ‍ ᒧᓴᔅᑭᑕᔭᓐ, ᒂ ‍ ᒋᒋᐸᑕᔭᓐ ᒐᒋ ᑲᓱᔭᓐ᙮”
\p
\v 11 ᑎᐸᔨᒋᒐᓱᐤ ᒋᓴᒪᓂᑐᐤ ᒂ ‍ ᑯᒂᒋᒪᑦ ᓇᐸᐛ ᐊᑕᑦ, “ᐊᐛᓐ ᑲ ‍ ᐃᑎᔅᒃ ᐊ ‍ ᒧᓴᔅᑭᑕᔨᓐ ? ᓇᒪ ᒋ ᐅᒋ ‍ ᒥᒋᓇᐛᐤ ᐊ ᒥᓂᓴ ᐊᓐᑕ ᒥᔅᑎᑯᒡ ᐅᒡ ᑲ ‍ ᐃᑎᑎᑯᒡ ᒐ ᐊᑲ ᐅᒋ ‍ ᒥᒋᔭᒄ ?”
\p
\v 12 ᐊᑯ ᓇᐸᐤ ᐊᑕᑦ ᒋᓴᒪᓂᑐᐛ, “ᐊᓐ ᐃᔎᐤ ᑲ ‍ ᐅᓯᐃᑦ ᑭᔭ ᑲ ‍ ᒥᔨᓐ ᒐᒋ ᑕᑦ ᐅᑕ ᐊ ‍ ᑕᐅᒡ, ᐊᐅᑯᓐ ᑭᔭ ᒪᔨᑦ ᒐᒋ ᒥᒍᐅᒡ᙮”
\p
\v 13 ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᐊᑕᑦ ᐊᓂᔭ ᐃᔎᐛ, “ᒐᒂᓐ ᐅ ᐛᒋ ‍ ᐃᑐᑎᒥᓐ ?” ᐃᔎᐤ ᐃᑕᐤ ᒋᓴᒪᓂᑐᐛ, “ᒋᓇᐱᒄ ᐊᓐ ᓂᒋ ‍ ᐎᔭᓯᒥᒄ ᐊᑯ ᑭᑈ ᒪᒍᐅᒡ᙮”
\p
\v 14 ᑎᐸᔨᒋᒐᓱᐤ ᒋᓴᒪᓂᑐᐤ ᐃᑕᐤ ᐊᓂᔭ ᒋᓇᐱᒂ, “ᐅᓴᒻ ᐅ ᑲ ᐃᓯ ‍ ᐃᑐᑎᒥᓐ,
\q ᒪᐅ ᒐ ᐃᓯ ‍ ᐊᓏᔨᒥᑯᔨᓐ ᒋᔾ ᐊ ‍ ᐸᐃᑯᓯᔨᓐ, ᐊ ‍ ᑕᑎᓯᑦ ᒥᓯᐛ ᐊᐛᓯᔅ ᒋᔾ ᓇᒪ ᒋᑭ ᒋ ᓇᔅᒡ ‍ ᐃᔭᐱᑕᔨᒥᑯᐅᓐ;
\q ᐊᓄᒡ ᑲᓯᑲᒡ ᒋᑭ ‍ ᐅᑎᒋᐱᔪᐤ ᒋᔅᑭᑕᒡ ᒋᑭ ‍ ᐅᒡ ᓱᔅᑯᐱᔪᓐ, ᑭᔭ ᐊ ‍ ᐎᓇᒂᒡ ᐊᔅᒋᔾ ᒋᑭ ‍ ᒥᒋᓐ ᒐ ᐃᔅᐱᔅ ‍ ᐱᒪᑎᓯᔨᓐ᙮
\q
\v 15 ᓂᑭ ‍ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ‍ ᐛᐧᑲᑎᑐᐅᒡ᙮
\q ᒥᔅᑲᔎᐛ ᒋᑭ ‍ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ‍ ᒪᒂᑎᒺᓐ ᐅᑐᑎᓄᐛᐛ᙮”
\p
\v 16 ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ‍ ᐃᔨᒪᐊᑦ ᐃᔎᐛ ᐊᑕᑦ,
\q “ᒪᐅ ᒐ ᐃᓯ ‍ ᐊᓏᔨᒥᑯᔨᓐ ᐅᓴᒻ ᐅ ᑲ ᐃᓯ ‍ ᐃᑐᑎᒥᓐ, ᑕᑥᐤ ᐊ ‍ ᐊᓱᐛᐱᒪᐅᓱᐎᓂ, ᒋᑭ ‍ ᐊᐧᑯᓯᓐ ᑭᔭ ᐛᐃᔪᐅᒋ ᒋᑦ ᐊᐛᓯᒻ ᐊᑎᑐᐤ ᒋᑭ ‍ ᐊᐧᑯᓯᓐ᙮
\q ᒥᒄ ᒋᒋᐛ ᒋᑭ ‍ ᓂᑐᐛᔨᑕᓐ ᒐᒋ ᑕᐅᑦ ᐊ ‍ ᑕᑦ ᒋᓇᐸᒻ, ᑭᔭ ᐎᔾ ᒋᑭ ‍ ᐅᒋᒪᐅ᙮”
\p
\v 17 ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ‍ ᐃᔨᒪᐊᑦ ᓇᐸᐛ ᐊᑕᑦ, “ᐅᓴᒻ ᒋᔾ ᑲ ‍ ᓂᑐᑐᐅᑦ ᒋᐅ ᐊ ‍ ᐃᑎᔅᒃ ᑭᔭ ᑲ ‍ ᒥᒋᔨᓐ ᒥᓂᓴ ᐊᓐᑕ ᒥᔅᑎᑯᒡ ᐅᒡ ᑲ ‍ ᐃᑎᑕᓐ ᒐ ᐊᑲ ‍ ᒥᒋᔨᓐ, ᒋᔾ ᑭᔭ ᒋᑭ ‍ ᐊᓏᔨᒥᑯᐅᓐ᙮
\q ᐅᓴᒻ ᐊᑲ ᐅᒋ ‍ ᓂᑐᑐᐎᔨᓐ, ᐊᓯᑯᒻ ᒋᓯᑲᐛ ᒐ ᐃᔅᐱᔅ ‍ ᐱᒪᑎᓯᔨᓐ, ᓇᒪ ᒋᑭ ᒋ ‍ ᒥᔅᑲᓐ ᒥᒋᒻ ᒧᔅᑎᔅᑭᒥᒡ ᒧᔭᒻ ᐅᔅᑭᒡ ᑲᒋ ‍ ᐃᑎᔨᓐ᙮
\q
\v 18 ᒥᒋᒥᔅᑯᓱᐛ ᒥᒄ ᒋᑭ ‍ ᓂᑕᐅᒋᓇ ᐊᓐᑕ ᒧᔅᑎᔅᑭᒥᒡ ᐃᔅᐱᔅ ᒪᒃ ᐊ ‍ ᒥᔽᒡ ᓂᑕᐅᒋᑕᑭᓐ ᑭᔭ ᒋᑭ ‍ ᐱᐸᒧᑕᓐ ᓄᒋᒥᒡ ᐊ ‍ ᓇᓂᑐᐛᐸᑎᒥᓐ ᒥᒋᒻ᙮
\q
\v 19 ᒋᒋᐛ ᒋᑭ ‍ ᐅᔅᑯᔨᓐ ᐊᑐᔅᒐᔨᓐ ᒐ ᐅᒋ ‍ ᑲᔅᑎᓂᒥᓐ ᒥᒋᒻ ᒐ ‍ ᒥᒋᔨᓐ ᐃᔅᐱᔅ ᐅᑎᒋᐱᔨᒐ ᒐ ‍ ᐳᓂᐱᒪᑎᓯᔨᓐ ᑭᔭ ᒥᓄᐛᒡ ᒧᔅᑎᔅᑭᒥᓇᑯᓯᔨᓇ᙮
\q ᒐ ‍ ᒋᔅᒋᔨᓐ ᐊᓯᔅᒍᒡ ᑲ ᐅᒋ ‍ ᐅᓯᐃᑯᔨᓐ, ᒋᔾ ᐅ ᐊᓯᔅᒍᐤ ᒥᒄ, ᑭᔭ ᐳᓂᐱᒪᑎᓯᓇ, ᐊᓯᔅᒍᐤ ᒥᓐ ᑲᐤ ᒐ ‍ ᐃᓯᓇᑯᓯᔨᓐ᙮”
\p
\v 20 ᓂᔅᑎᒻ ᓇᐸᐤ ᐊᑕᒻ ᒋ ‍ ᐃᓯᓂᐧᑲᓱᐤ᙮ ᐃᑉ ᒋ ‍ ᐃᓯᓂᐧᑲᑕᐤ ᐎᐛ ᐊᑕᒻ; ᐱᒪᑎᓯᐅᓐ ᐃᑥᒥᑭᓐ ᐃᑉ, ᐛᔅ ᐎᔾ ᒋᑭ ‍ ᐅᑲᐎᒪᐤ ᒥᓯᐛ ᐊᐛᔪᐛ ᒐ ‍ ᐱᒪᑎᓯᔨᒋ᙮
\p
\v 21 ᑎᐸᔨᒋᒐᓱᐤ ᒋᓴᒪᓂᑐᐤ ᒂ ‍ ᐅᑎᓇᑦ ᐊᐛᓯᔅᐅᔭᓇ ᒐᒋ ᐅᓯᑕᑦ ᐊᐱᒋᑕᐅᓇ ᑭᔭ ᒂ ‍ ᒥᔭᑦ ᐊᑕᒪ ᑭᔭ ᐎᐎᐛ ᒐᒋ ᐳᔅᑭᒥᔨᒋ᙮
\v 22 ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ‍ ᐃᔅᒋᔄᑦ, “ᐅᓴᒻ ᑲ ‍ ᒥᒋᑦ ᐊᓂᔭ ᒥᓂᓴ ᑲ ‍ ᐃᑎᒃ ᒐ ᐊᑲ ᒋ ᒥᒋᑦ᙮ ᐃᔪᐤ ᓴᔅ ᒋᔅᒐᔨᑎᒻ ᐊ ‍ ᒥᔽᔨᒡ ᑭᔭ ᒪᔭᑎᓯᐅᓂᔪᐤ ᒧᔭᒻ ᒋᔭᓄᐤ᙮ ᓇᒪ ᒋᑭ ᒋ ‍ ᑕᑈᑐᐛᓄᐤ ᒐᒋ ᐅᒋ ‍ ᐅᑎᓇᐧᒃ ᒥᓂᓴ ᐊᓐᑕ ᐱᒪᑎᓯᐅ-ᒥᔅᑎᑯᒡ ᐅᒡ ᒐ ‍ ᒥᒋᑦ ᑭᔭ ᑲᒋᒡ ᒐᒋ ᐱᒪᑎᓯᑦ᙮”
\v 23 ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ‍ ᐃᑲᑎᓴᐛᑦ ᓇᐸᐛ ᑭᔭ ᐃᔎᐛ ᐊᓐᑕ ᐃᑎᓐ ᓂᑕᐅᒋᑕᑭᓂᒡ ᐅᒡ᙮ ᒋ ‍ ᐃᑎᓴᐛᐤ ᒐᒋ ᓂᑕᐅᒋᑕᔨᒋ ᐅᒥᒋᒥᔪᐤ᙮ ᒋᓴᒪᓂᑐᐤ ᒋ ‍ ᐊᐱᒋᐊᐤ ᐊᓯᔅᒍᐛ ᑲ ‍ ᐅᓯᐊᑦ ᓇᐸᐛ, ᒧᔅᑎᔅᑭᒥᔪᐤ ᒋᑭ ‍ ᒧᓇᐊᒻ ᒐᒋ ᐅᒋ ‍ ᐱᒪᑎᓯᐅᑦ᙮
\v 24 ᑲᒋ ‍ ᐃᒐᑎᓴᐛᑦ ᒋᓴᒪᓂᑐᐤ ᓇᐸᐛ ᐊᓐᑕ ᑲ ‍ ᑎᔭᑦ, ᐊᓐᒋᓇ ᒋ ‍ ᐱᔅᑎᓇᐤ ᒐᒋ ᒋᐱᑲᐳᐎᔨᒋ ᐛᐱᓄᑕᒡ ᐊᓐᑕ ᐛᒋ ‍ ᐱᒐᓄᐎᒡ ᓂᑕᐅᒋᑕᑭᓂᒡ ᒐ ᐊᑲ ᐊᐛᓐ ᒋ ‍ ᐅᑎᑕᑦ ᐱᒪᑎᓯᐅᐤ ᒥᔅᑎᒂ᙮ ᐃᔭᐱᒡ ᓂᑐᐱᔪᐅ-ᒧᐧᑯᒪᓂᔪᐤ ᒧᔭᒻ ᐊ ‍ ᐃᔅᑯᑕᐎᒡ ᒥᓯᐛ ᐊ ‍ ᐃᔅᐱᔨᒡ ᒋ ‍ ᑎᑎᒻ ᒐ ᐊᑲ ᒋ ᐃᑐᑕᑦ ᐊᓐᑕ ᐊᐛᓐ ᒐᒋ ᐅᒋ ‍ ᐅᑎᑕᑦ ᐱᒪᑎᓯᐅᐤ ᒥᔅᑎᒂ᙮
\c 4
\s1 ᑎᐸᒋᒧᐅᓐ—ᐊᑕᒻ ᑭᔭ ᐃᑉ, ᐅᑦ ᐊᐛᓯᒧᐛᐛ ᑲᐃᓇ ᑭᔭ ᐊᐳᓚ
\p
\v 1 ᐊᑯ ᐊᑕᒻ ᒋ ‍ ᐎᐸᒪᐤ ᐎᐛ ᐃᐸᔨᒋ᙮ ᒂ ‍ ᐊᓱᐛᐱᒪᐅᓱᑦ ᐃᑉ ᑭᔭ ᒋ ‍ ᐅᑯᓱᐤ; ᑲᐃᓐ ᒋ ‍ ᐃᓯᓂᐧᑲᑕᐤ (ᓂ ‍ ᑭᓄᐛᔨᒪᐤ, ᐊ ‍ ᐃᑥᒥᑲᒡ) ᐛᔅ ᒋ ‍ ᐃᔅᒋᔄᐤ, “ᑎᐸᔨᒋᒐᓱᐤ ᐊ ‍ ᐎᒋᐃᑦ, ᓂᒋ ‍ ᑐᑕᓐ ᒐᒋ ᑭᓄᐛᔨᒥᒃ ᐅᑯᓯᒪᐤ᙮”
\v 2 ᓇᓇᒐ ᐃᑉ ᒥᓐ ᒋ ‍ ᐅᑯᓱᐤ, ᐊᐳᓪ ᒋ ‍ ᐃᓯᓂᐧᑲᑕᐅᒡ᙮
\p ᑲᒋ ‍ ᒋᓯᓂᑕᐅᒋᒡ ᐊᐳᓪ ᑭᔭ ᑲᐃᓐ, ᐊᐳᓪ ᒋ ‍ ᒪᔭᑕᓂᓯᐅ-ᐃᔪᐤ, ᑲᐃᓐ ᐎᔾ ᒋ ‍ ᓂᑕᐅᒋᑕᐤ ᒥᒋᒥᔪᐤ᙮
\v 3 ᐸᐃᒂᐤ ᑲᐃᓐ ᒋ ‍ ᐅᑎᓂᒻ ᒥᒋᒥᔪᐤ ᑲ ‍ ᓂᑕᐅᒋᑕᑦ ᑭᔭ ᒋ ‍ ᒥᔭᐤ ᑎᐸᔨᒋᒐᓱᐛ ᒧᔭᒻ ᐱᔅᑎᓂᒐᐅᓂᔪᐤ;
\v 4 ᐊᐳᓪ ᑭᔭ ᐎᔾ ᒋ ‍ ᐸᓱᐛᐤ ᐱᔅᒐ ᐊᔭᐱᓯᓯᔨᒋ ᓂᔅᑎᒻ ᑲ ‍ ᑕᔨᒋ ᐅᒪᔭᑕᓂᓯᒪ ᑭᔭ ᒂ ‍ ᓂᐸᐊᑦ ᑭᔭ ᒋ ‍ ᒥᔭᐤ ᑎᐸᔨᒋᒐᓱᐛ ᐊ ‍ ᐎᔪᔨᒋ ᒧᔭᒻ ᐱᔅᑎᓂᒐᐅᓂᔪᐤ᙮ ᑎᐸᔨᒋᒐᓱᐤ ᒋ ‍ ᒥᔽᔨᑕᒥᑯᐤ ᐊᐳᓚ ᑭᔭ ᐅᐱᔅᑎᓂᒐᐅᓂᔪᐤ,
\v 5 ᒥᒄ ᒋ ‍ ᐊᑐᐛᔨᒪᐤ ᑲᐃᓇ ᑭᔭ ᐅᐱᔅᑎᓂᒐᐅᓂᔪᐤ᙮ ᒋᒋᐛ ᒋ ‍ ᒋᔄᐳᐤ ᑲᐃᓐ ᐅᔭ ᑲ ‍ ᐃᔅᐱᔨᒡ᙮
\p
\v 6 ᐊᑯ ᑎᐸᔨᒋᒐᓱᐤ ᐎᔭᐱᒪᑦ ᑲᐃᓇ ᐊᑯ ᐊᑕᑦ, “ᒐᒂᓐ ᐛᒋ ‍ ᒋᔄᐱᔨᓐ ? ᒐᒂᓐ ᐛᒋ ‍ ᐃᓯᓇᒂᒡ ᒋᑕᔅᑎᒥᐧᒄ ?
\v 7 ᓇᒪ ᒋᔅᒐᔨᑕᓐ ᐊ, ᐃᑐᑎᒥᓇ ᐊ ‍ ᒥᔽᒡ ᒋᑭ ‍ ᐸᐱᒂᔨᓐ ? ᒥᒄ ᓇᑭᑐᐛᔨᑕ ᐛᔅ ᐊᑲ ᐃᑐᑎᒥᓇ ᐊ ‍ ᒥᔽᒡ, ᒧᔭᒻ ᒥᒋᒥᓂᑐᐅᒡ ᐃᓯᓇᒂᓐ ᒥᒋᑥᐅᓐ ᓇᔅᒡ ᐊ ‍ ᐸᓱᓇᑯᓯᑦ, ᓇᓂᑐᐛᔨᑎᒻ ᒐᒋ ᑎᐸᔨᒥᔅᒃ᙮ ᓇᔅᒡ ᒋᐸ ᐎ ‍ ᓱᒋᓯᓐ ᒐᒋ ᓴᑯᑕᔨᓐ ᐅ ᑯᒂᒋᐃᐛᐅᓐ᙮”
\p
\v 8 ᑲᐃᓐ ᒂ ‍ ᐃᑕᑦ ᐊᐳᓚ, “ᐊᔅᑎᒻ ᐃᑐᑕᑕᐤ ᓄᒋᒥᒡ᙮” ᑲᒋ ‍ ᑕᒡ ᒪᒃ ᐊᓐᑕ ᓄᒋᒥᒡ, ᓯᔅᒋᑯᒡ ᐛᑕᒪᐛᑦ ᑲᐃᓐ ᐅᓯᒪ ᑭᔭ ᒂ ‍ ᓂᐸᐊᑦ᙮ \fig Cain kills Abel|AP-01-28a.tif|col||Alice Paschal|ᑲᐃᓐ ᑲ ‍ ᓂᐸᐊᑦ ᐊᐳᓚ|ᒐᓂᓯᔅ 4.8\fig*
\p
\v 9 ᐊᑯ ᑎᐸᔨᒋᒐᓱᐤ ᐊᑕᑦ ᑲᐃᓇ, “ᑕᓐᑕ ᐊ ‍ ᑕᑦ ᐊᐳᓪ ?”
\p ᑲᐃᓐ ᐃᑕᐤ, “ᓇᒪ ᓂ ‍ ᒋᔅᒐᔨᒪᐤ᙮ ᓂᔾ ᐊ ᓂᐸ ‍ ᑭᓄᐛᔨᒪᐤ ᓂᓯᒻ ?”
\p
\v 10 ᐊᑯ ᑎᐸᔨᒋᒐᓱᐤ ᐊᑕᑦ, “ᓂ ‍ ᐛᐸᑕᓐ ᑲ ᐃᓯ ‍ ᓂᐸᐃᑦ ᒋᓯᒻ᙮ ᒧᔭᒻ ᐊ ‍ ᑕᑈᑎᑯᐅᒡ ᐅᒥᐧᒄ ᐊ ‍ ᐃᑎᑯᒡ ᒐᒋ ᐊᓏᔨᒥᒋ ᐊᐛᔪᐛ ᑲ ‍ ᓂᐸᐃᑯᑦ᙮
\v 11 ᐛᔅ ᑲ ‍ ᐃᑐᑎᒧᑦ ᒋᓯᒻ ᐅᒥᐧᒄ ᒐᒋ ᐱᒥᑯᔨᒡ ᐊᓐᑕ ᒧᔅᑎᔅᑭᒥᒡ, ᐊᐅᑯᐤ ᒐ ᐃᓯ ‍ ᐊᓏᔨᒥᑕᓐ᙮
\v 12 ᐎ ᓂᑕᐅᒋᑕᔨᓇ ᒋᒥᒋᒻ, ᓇᒪ ᒐᒂᓐ ᒋᑭ ‍ ᓂᑕᐅᒋᓐ; ᒋᑭ ‍ ᐱᐸᒧᑕᓐ ᑭᔭ ᓇᒪ ᒋᑭ ᒋ ‍ ᑎᒂᓐ ᐊᓐᑕ ᒐ ‍ ᐎᒋᔨᓐ ᐅᑕ ᐊᔅᒋᒡ᙮”
\p
\v 13 ᐊᑯ ᑲᐃᓐ ᐊᑕᑦ ᑎᐸᔨᒋᒐᓱᐛ, “ᐅᒪ ᐊ ᐃᓯ ‍ ᐊᓏᔨᒥᔨᓐ ᒋᒋᐛ ᐊᔨᒥᓐ᙮
\v 14 ᐊᓄᒡ ᑲ ‍ ᐃᑲᑎᓴᐎᔨᓐ ᐅᑕ ᑲ ‍ ᑕᔭᓐ; ᓇᒪ ᓂᑭ ᒋ ‍ ᑕᓐ ᐅᑕ ᐊ ‍ ᑕᔨᓐ᙮ ᓂᑭ ‍ ᐱᐸᒧᑕᓐ ᑭᔭ ᓇᒪ ᒋᑭ ᒋ ‍ ᑎᒂᓐ ᒐ ‍ ᐎᒋᔭᓐ ᐅᑕ ᐊᔅᒋᒡ; ᑭᔭ ᓂᒋᔅᑯᐅᑲ ᐊᐛᓐ ᒐᔅᑎᓇᔅ ᓂᑭ ‍ ᓂᐸᐃᒄ᙮”
\p
\v 15 ᑎᐸᔨᒋᒐᓱᐤ ᐃᑕᐤ, “ᓇᒪ, ᓂᐸᐃᔅᒐ ᐊᐛᓐ, ᓂᔄᐅᑕᒡ ᑕᑥᐤ ᐊᔨᒥᓂᔨᒡ ᓂᑭ ‍ ᐊᓏᔨᒪᐤ ᑲ ᐃᔅᐱᔅ ‍ ᐊᓏᔨᒥᑕᓐ᙮” ᑎᐸᔨᒋᒐᓱᐤ ᒂ ‍ ᒥᓯᓇᐛᑦ ᑲᐃᓇ, ᒐ ᐊᑲ ᐊᐛᓐ ᓂᐸᐊᑦ ᓂᒋᔅᑯᐛᒐ᙮
\s1 ᑲᐃᓐ ᐅᑦ ᐊᓂᔅᑯᑕᐸᓇ
\p
\v 16 ᐊᑯ ᑲᐃᓐ ᒂ ‍ ᓂᑭᑕᑦ ᑎᐸᔨᒋᒐᓱᐛ ᐊ ‍ ᑕᔨᒋ, ᐛᐱᓄᑕᒡ ᐊᔅᒋᒡ ᐃᑕᒐ ᒋ ‍ ᐃᑐᑕᐤ ᓄᑦ ᐊᓯᓂᐧᑲᑕᔨᒡ, ᓴᔅ ᓇᒪ ᒋᑭ ᒋ ‍ ᓂᑐᐛᐱᒪᐤ ᑎᐸᔨᒋᒐᓱᐛ᙮
\v 17 ᓇᓇᒐ ᑲᐃᓐ ᒋ ‍ ᐎᐸᒪᐤ ᐎᐛ; ᒋ ‍ ᐊᓱᐛᐱᒪᐅᓱᔪᐛ ᑭᔭ ᓇᐸᓴ ᒂ ‍ ᑕᔨᒋ᙮ ᐃᓄᒃ ᒋ ‍ ᐃᓯᓂᐧᑲᑕᐤ ᑲᐃᓐ᙮ ᒂ ‍ ᐃᑐᑕᐧᒃ ᐅᑕᓇᔪᐤ ᑲᐃᓐ, ᐃᓄᒃ ᒋ ‍ ᐃᓯᓂᐧᑲᑎᒻ ᒧᔭᒻ ᐅᑯᓴ ᐊ ‍ ᐃᓯᓂᐧᑲᓱᔨᒋ᙮
\v 18 ᑲᒋ ‍ ᒋᓯᓂᑕᐅᒋᑦ ᐃᓄᒃ, ᒋ ‍ ᐅᑯᓱᐤ ᐃᕋᑦ ᒋ ‍ ᐃᓯᓂᐧᑲᓱᔪᐛ᙮ ᐊᑯ ᐃᕋᑦ ᒋ ‍ ᐅᑯᓱᐤ ᒥᐧᑯᒐᐃᓪ ᒋ ‍ ᐃᓯᓂᐧᑲᓱᔪᐛ᙮ ᒥᐧᑯᒐᐃᓪ ᒋ ‍ ᐅᑯᓱᐤ ᒥᑐᓴᐃᓪ ᒋ ‍ ᐃᓯᓂᐧᑲᓱᔪᐛ᙮ ᑭᔭ ᒥᑐᓴᐃᓪ ᒋ ‍ ᐅᑯᓱᐤ ᓚᒪᒃ ᒋ ‍ ᐃᓯᓂᐧᑲᓱᔪᐛ᙮
\p
\v 19 ᓚᒪᒃ ᒋ ‍ ᐎᒋᒪᐤ ᓂᓱ ᐃᔎᐛ, ᐊᑕ ᑭᔭ ᓯᓚ ᒋ ‍ ᐃᓯᓂᐧᑲᓱᔪᐛ᙮
\v 20 ᐊᑕ ᒋ ‍ ᐅᑯᓱᐤ ᒐᐸᓪ ᒋ ‍ ᐃᓯᓂᐧᑲᓱᔪᐛ᙮ ᒐᐸᓪ ᐎᔾ ᒋ ‍ ᐅᑕᐎᒪᐤ ᒥᓯᐛ ᐃᔪᐛ ᐱᒍᐎᔭᓂᒋᐛᐱᒡ ᑲ ‍ ᐎᒋᔨᒋ ᑭᔭ ᒥᒋᑎᒂ ᒋ ‍ ᑭᓄᐛᔨᒪᐤ᙮
\v 21 ᐊᑕ ᑯᑎᑲ ᒋ ‍ ᑕᔪᐛ ᐅᑯᓴ ᒍᐸᓪ ᒋ ‍ ᐃᓯᓂᐧᑲᓱᔪᐛ᙮ ᒍᐸᓪ ᐎᔾ ᒋ ‍ ᐅᑕᐎᒪᐤ ᒥᓯᐛ ᐃᔪᐛ ᑲ ‍ ᒪᑐᐛᔨᒋ ᒋᔍᐛᐱᒋᑭᓂᔪᐤ ᑭᔭ ᐳᑕᒋᑭᓂᔪᐤ᙮
\v 22 ᓯᓚ ᒋ ‍ ᐅᑯᓱᐤ ᑐᐸᓪ-ᑲᐃᓐ ᒋ ‍ ᐃᓯᓂᐧᑲᓱᔪᐛ, ᒋ ‍ ᐅᓯᑕᐤ ᒥᓯᐛ ᑕᑐᐎᒡ ᒐᒂᔪᐤ ᐃᓴᑯᔪᐤ ᐊ ‍ ᐊᐱᒋᑕᑦ᙮ ᑭᔭ ᓇᐊᒪ ᒋ ‍ ᐃᓯᓂᐧᑲᓱᔪᐛ ᐅᒥᓴ ᑐᐸᓪ-ᑲᐃᓐ᙮
\p
\v 23 ᐸᐃᒂᐤ ᓚᒪᒃ ᐃᑕᐤ ᐊ ‍ ᓂᓯᔨᒋ ᐎᐛ,
\q “ᒋᔨᐛᐤ ᐊᑕ ᑭᔭ ᓯᓚ, ᒥᔪ ‍ ᓂᑐᑎᒧᒄ ᒐᒂᓐ ᒐ ‍ ᐃᔅᒋᔄᔭᓐ᙮
\q ᐊᐛᓐ ᐅᑕᒪᐅᒐ, ᑎᐛᒡ ᓂᑭ ‍ ᓂᐸᐊᐤ᙮
\q
\v 24 ᐊᐛᓐ ᓂᐸᐊᒐ ᑲᐃᓇ, ᓂᔄᐅᑕᒡ ᐊᐛᓐᒋ ᒋᑭ ‍ ᐳᓂᐱᒪᑎᓯᐅᒡ᙮
\q ᒥᒄ ᐊᐛᓐ ᐊᑯᐎᒐ, ᓂᔄᐅᑕᒡ ᑕᑐᔪᐤ ᐊᓱ ᓂᔄᐅᑕᒡ ᐊᐛᓐᒋ ᒋᑭ ‍ ᐳᓂᐱᒪᑎᓯᐅᒡ᙮”
\p
\v 25 ᐊᑕᒻ ᒥᓐ ᒋ ‍ ᐎᐸᒪᐤ ᐎᐛ ᑭᔭ ᒋ ‍ ᐊᓱᐛᐱᒪᐅᓱᔪᐛ, ᒋ ‍ ᐅᑯᓱᐤ ᑭᔭ ᓴᑦ ᒋ ‍ ᐃᓯᓂᐧᑲᑕᐤ (ᒥᔨᐛᐅᓐ ᐊ ‍ ᐃᑥᒥᑲᒡ) ᐛᔅ ᐃᔅᒋᔄᐤ, “ᒋᓴᒪᓂᑐᐤ ᓂᒋ ‍ ᒥᔨᒄ ᑯᑎᑲ ᐊᐛᓴ, ᒐᒋ ᒥᔅᑯᑎᔅᑯᐛᑦ ᐊᐳᓚ, ᑲᐃᓐ ᑲ ‍ ᓂᐸᐊᑦ᙮”
\v 26 ᑲᒋ ‍ ᒋᓯᓂᑕᐅᒋᑦ ᓴᑦ, ᒋ ‍ ᐅᑯᓱᐤ ᐃᓄᔅ ᒋ ‍ ᐃᓯᓂᐧᑲᑕᐤ᙮
\p ᐊᑯᑕ ᐃᔪᒡ ᓂᔅᑎᒻ ᑲ ᐅᒋ ‍ ᒋᒋᐱᔨᒡ ᐊ ‍ ᐃᓯᓂᐧᑲᑕᒡ ᒋᓴᒪᓂᑐᐛ, “ᒋᓴᒪᓂᑐᐤ”, ᑭᔭ ᐊᔭᒥᐊᔅᑐᐛᒡ᙮
\c 5
\s1 ᐊᑕᒻ ᐅᑦ ᐊᓂᔅᑯᑕᐸᓇ
\p
\v 1 ᐊᐅᑯᐤ ᐊ ᐃᓯ ‍ ᑎᐸᒋᒪᑭᓄᐅᑦ ᐊᑕᒻ ᐅᑦ ᐊᓂᔅᑯᑕᐸᓇ, ᓇᐸᐤ ᒧᔭᒻ ᒋᓴᒪᓂᑐᐛ ᑲ ‍ ᐃᓯᓇᑯᔅᑦ ᐅᔅᑭᒡ ᑲ ‍ ᐅᓯᐊᑭᓄᐅᑦ᙮
\v 2 ᒋᓴᒪᓂᑐᐤ ᒋ ‍ ᐅᓯᐊᐤ ᓇᐸᐛ ᑭᔭ ᐃᔎᐛ ᑭᔭ ᒋ ‍ ᒥᔭᐤ ᐅᓱᐛᔨᒋᒐᐅᓐ, ᑭᔭ ᐃᔪᐤ ᒋ ‍ ᐃᓯᓂᐧᑲᑕᐤ ᐅᔅᑭᒡ ᑲ ‍ ᐅᓯᐊᑦ᙮
\p
\v 3 ᐊᑕᒻ ᐸᐃᑯ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᒋ ‍ ᐃᑕᑐᐳᓇᓱᐤ ᑲ ‍ ᐃᔪᔨᒋ ᐅᑯᓴ ᓴᑦ, ᒧᔭᒻ ᐊᓯᓇᑯᓯᔨᒋ ᐅᑕᐎᔭ ᓴᑦ ᒋ ‍ ᐃᓯᓇᑯᓱᐤ᙮
\v 4 ᐊᑕᒻ ᒥᓐ ᔭᓇᐤ ᑕᑐᐤ ᒥᑕᓯᒥᑎᓄᐤ ᐱᐳᓇ ᒋ ‍ ᐃᔅᐱᔅ ᐱᒪᑎᓯᐤ, ᒋ ‍ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ,
\v 5 ᑭᔭ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᑲ ‍ ᐃᑕᑐᐳᓇᓯᑦ ᒋ ‍ ᐳᓂᐱᒪᑎᓯᐤ᙮
\p
\v 6 ᓴᑦ ᐸᐃᑯ ᒥᑕᓯᒥᑎᓄᐤ ᐊᓱ ᐱᑕᑕᒡ ᒋ ‍ ᐃᑕᑐᐳᓇᓱᐤ ᑲ ‍ ᐃᔪᔨᒋ ᐅᑯᓴ ᐃᓄᔅ᙮
\v 7 ᔭᓇᐤ ᑕᑐᐤ ᒥᑕᓯᒥᑎᓄᐤ ᐊᓱ ᓂᔄᐅᑕᒡ ᑕᑐᐤ ᐱᐳᓇ ᒥᓐ ᒋ ‍ ᐃᔅᐱᔅ ᐱᒪᑎᓯᐤ, ᒋ ‍ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ,
\v 8 ᑭᔭ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐊᓱ ᓂᓱᓴᑉ ᑲ ‍ ᐃᑕᑐᐳᓇᓯᑦ ᒋ ‍ ᐳᓂᐱᒪᑎᓯᐤ᙮
\p
\v 9 ᐃᓄᔅ ᐸᐃᑯᔅᑕᐤ ᑕᑐᔪᐤ ᒋ ‍ ᐃᑕᑐᐳᓇᓱᐤ ᑲ ‍ ᐃᔪᔨᒋ ᐅᑯᓴ ᑭᓇᓐ,
\v 10 ᔭᓇᐤ ᑕᑐᐤ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᓴᑉ ᑕᑐᐤ ᐱᐳᓇ ᒥᓐ ᒋ ‍ ᐃᔅᐱᔅ ᐱᒪᑎᓯᐤ, ᒋ ‍ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ,
\v 11 ᑭᔭ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐊᓱ ᐱᑕᑕᒡ ᑲ ‍ ᐃᑕᑐᐳᓇᓯᑦ ᒋ ‍ ᐳᓂᐱᒪᑎᓯᐤ᙮
\p
\v 12 ᑭᓇᓐ ᓂᔄᐅᑕᒡ ᑕᑐᔪᐤ ᒋ ‍ ᐃᑕᑐᐳᓇᓱᐤ ᑲ ‍ ᐃᔪᔨᒋ ᐅᑯᓴ ᒪᐊᓚᓕᓪ,
\v 13 ᔭᓇᐤ ᑕᑐᐤ ᒥᑕᓯᒥᑎᓄᐤ ᐊᓱ ᓇᐎᔪᐤ ᑕᑐᐤ ᐱᐳᓇ ᒥᓐ ᒋ ‍ ᐃᔅᐱᔅ ᐱᒪᑎᓯᐤ, ᒋ ‍ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ,
\v 14 ᑭᔭ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐊᓱ ᐸᐃᑯᔪᐤ ᑲ ‍ ᐃᑕᑐᐳᓇᓯᑦ ᒋ ‍ ᐳᓂᐱᒪᑎᓯᐤ᙮
\p
\v 15 ᒪᐊᓚᓕᓪ ᐊᓱᑕᒡ ᑕᑐᔪᐤ ᐊᓱ ᐱᑕᑕᒡ ᒋ ‍ ᐃᑕᑐᐳᓇᓱᐤ ᑲ ‍ ᐃᔪᔨᒋ ᐅᑯᓴ ᒐᕋᑦ,
\v 16 ᔭᓇᐤ ᑕᑐᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᑕᑐᐤ ᐱᐳᓇ ᒥᓐ ᒋ ‍ ᐃᔅᐱᔅ ᐱᒪᑎᓯᐤ, ᒋ ‍ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ,
\v 17 ᑭᔭ ᔭᓇᐤ ᑕᑐᐤ ᒥᑕᓯᒥᑎᓄᐤ ᐊᓱ ᐸᐃᑯᔅᑕᐤ ᑕᑐᔪᐤ ᐊᓱ ᐱᑕᑕᒡ ᑲ ‍ ᐃᑕᑐᐳᓇᓯᑦ ᒋ ‍ ᐳᓂᐱᒪᑎᓯᐤ᙮
\p
\v 18 ᒐᕋᑦ ᐸᐃᑯ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐤ ᐊᓱ ᓂᓱ ᒋ ‍ ᐃᑕᑐᐳᓇᓱᐤ ᑲ ‍ ᐃᔪᔨᒋ ᐅᑯᓴ ᐃᓄᒃ,
\v 19 ᔭᓇᐤ ᑕᑐᐤ ᒥᑕᓯᒥᑎᓄᐤ ᑕᑐᐤ ᐱᐳᓇ ᒥᓐ ᒋ ‍ ᐃᔅᐱᔅ ᐱᒪᑎᓯᐤ, ᒋ ‍ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ,
\v 20 ᑭᔭ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐤ ᐊᓱ ᓂᓱ ᑲ ‍ ᐃᑕᑐᐳᓇᓯᑦ ᒋ ‍ ᐳᓂᐱᒪᑎᓯᐤ᙮
\p
\v 21 ᐃᓄᒃ ᐊᓱᑕᒡ ᑕᑐᔪᐤ ᐊᓱ ᐱᑕᑕᒡ ᒋ ‍ ᐃᑕᑐᐳᓇᓱᐤ ᑲ ‍ ᐃᔪᔨᒋ ᐅᑯᓴ ᒪᑐᓴᓚ,
\v 22 ᑲᒋ ‍ ᐃᔪᔨᒋ ᐅᑯᓴ ᐃᓄᒃ, ᓂᔅᑐ ᒥᑕᓯᒥᑎᓄᐤ ᑕᑐᐤ ᐱᐳᓇ ᒋ ‍ ᐎᒐᐛᐤ ᒋᓴᒪᓂᑐᐛ, ᑭᔭ ᒋ ‍ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ,
\v 23 ᐊᑯ ᓂᔅᑐ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐤ ᐊᓱ ᐱᑕᑕᒡ ᑕᑐᐤ ᐱᐳᓇ ᒥᓐ ᒋ ‍ ᐃᔅᐱᔅ ᐱᒪᑎᓯᐤ,
\v 24 ᓇᓂᑎᒻ ᐊ ‍ ᒥᔪᐎᒐᐛᑦ ᒋᓴᒪᓂᑐᐛ ᐃᓄᒃ, ᐊᑯ ᓇᒪ ᐅᒋ ᓄᑯᓱᐤ, ᐛᔅ ᒋᓴᒪᓂᑐᐛ ᐊᒋ ‍ ᐅᑎᓂᑯᑦ᙮
\p
\v 25 ᒪᑐᓴᓚ ᐸᐃᑯ ᒥᑕᓯᒥᑎᓄᐤ ᐊᓱ ᔭᓇᐤ ᑕᑐᔪᐤ ᐊᓱ ᓂᔄᐅᑕᒡ ᒋ ‍ ᐃᑕᑐᐳᓇᓱᐤ ᑲ ‍ ᐃᔪᔨᒋ ᐅᑯᓴ ᓚᒪᒃ,
\v 26 ᓂᔄᐅᑕᑕᑐᐤ ᒥᑕᓯᒥᑎᓄᐤ ᐊᓱ ᔭᓇᐤ ᑕᑐᔪᐤ ᐊᓱ ᓂᓱ ᑕᑐᐤ ᐱᐳᓇ ᒥᓐ ᒋ ‍ ᐃᔅᐱᔅ ᐱᒪᑎᓯᐤ, ᒋ ‍ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ,
\v 27 ᑭᔭ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐤ ᐊᓱ ᐸᐃᑯᔅᑕᐤ ᑲ ‍ ᐃᑕᑐᐳᓇᓯᑦ ᒋ ‍ ᐳᓂᐱᒪᑎᓯᐤ᙮
\p
\v 28 ᓚᒪᒃ ᐸᐃᑯ ᒥᑕᓯᒥᑎᓄᐤ ᐊᓱ ᔭᓇᐤ ᑕᑐᔪᐤ ᐊᓱ ᓂᓱ ᒋ ‍ ᐃᑕᑐᐳᓇᓱᐤ ᑲ ‍ ᐃᔪᔨᒋ ᐅᑯᓴ ᓄᐛᔨᒋ,
\v 29 ᓄᐛ ᒋ ‍ ᐃᓯᓂᐧᑲᑕᐤ ᐅᑯᓴ ᓚᒪᒃ, (ᐊᔽᓯᐅᓐ ᐊ ‍ ᐃᑥᒥᑲᒡ) ᐛᔅ ᒋ ‍ ᐃᔅᒋᔄᐤ, “ᐎᔾ ᒋᑭ ‍ ᒥᔨᑯᓄᐤ ᒐᒋ ᐊᔽᓯᐛᐧᒄ ᐊ ‍ ᐅᔅᑯᐎᔭᐧᒄ ᐊ ᐎ ‍ ᓂᑕᐅᒋᑕᔭᐧᒄ ᒋᒥᒋᒥᓄᐤ ᐊᓐᑕ ᒧᔅᑎᔅᑭᒥᒡ ᒋᓴᒪᓂᑐᐤ ᑲ ‍ ᐊᓏᔨᑕᐧᒃ᙮”
\v 30 ᓚᒪᒃ ᐱᑕᑕᒡ ᑕᑐᐤ ᒥᑕᓯᒥᑎᓄᐤ ᐊᓱ ᐸᐃᑯᔅᑕᐤ ᑕᑐᔪᐤ ᐊᓱ ᐱᑕᑕᒡ ᑕᑐᐤ ᐱᐳᓇ ᒥᓐ ᒋ ‍ ᐃᔅᐱᔅ ᐱᒪᑎᓯᐤ, ᒋ ‍ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ,
\v 31 ᑭᔭ ᓂᔄᐅᑕᑕᑐᐤ ᒥᑕᓯᒥᑎᓄᐤ ᐊᓱ ᓂᔄᐅᑕᒡ ᑕᑐᔪᐤ ᐊᓱ ᓂᔄᐅᑕᒡ ᑲ ‍ ᐃᑕᑐᐳᓇᓯᑦ ᒋ ‍ ᐳᓂᐱᒪᑎᓯᐤ᙮
\p
\v 32 ᓄᐛ ᐱᑕᑕᒡ ᑕᑐᐤ ᒥᑕᓯᒥᑎᓄᐤ ᒋ ‍ ᐃᑕᑐᐳᓇᓱᐤ ᑭᔭ ᒋ ‍ ᓂᔅᑎᔨᐛ ᐅᑯᓴ, ᓴᒻ, ᐊᒻ, ᑭᔭ ᒐᐸᑦ᙮
\c 6
\s1 ᑲ ‍ ᒥᒋᑥᑦ ᐃᔪᐤ
\p
\v 1 ᐃᔅᐱ ᑲ ‍ ᒥᒐᑎᒡ ᐃᔪᒡ ᐅᑕ ᐊᔅᒋᒡ ᑭᔭ ᑲ ‍ ᐃᔪᔨᒋ ᐅᑕᓂᓱᐛᐛ,
\v 2 ᒋᓴᒪᓂᑐᐤ ᐅᑦ ᐃᔨᒪ ᒋ ‍ ᐛᐱᒪᔪᐛ ᐊᓂᔭ ᐃᔪᐛ ᐅᑕᓂᓯᔪᐛ ᐊᔅᐱᔅ ᒥᔪᔎᐎᔨᒋ ᑭᔭ ᒋ ‍ ᐅᑎᓇᒪᓱᐅᒡ ᒐ ‍ ᐎᐅᒡ᙮
\v 3 ᐊᑯ ᑎᐸᔨᒋᒐᓱᐤ ᐊᔅᒋᔄᑦ, “ᓇᒪᔭᐤ ᓇᓂᑎᒻ ᒐ ‍ ᑕᔨᒋ ᓂᑦ ᐊᒐᒂ ᐊ ‍ ᑕᑦ ᐃᔪᐤ, ᐊ ‍ ᒪᔭᑎᓯᑦ, ᒥᒄ ᐸᐃᑯ ᒥᑕᓯᒥᑎᓄᐤ ᐊᓱ ᓂᓱᔪᐤ ᑕᑐᐳᓇ ᓂᑭ ‍ ᒥᔭᐤ ᐊᐛᓐ ᒐ ᐃᔅᐱᔅ ‍ ᐱᒪᑎᓯᑦ᙮”
\p
\v 4 ᐃᔭᐱᒡ ᒋ ‍ ᑕᐅᒡ ᒥᔅᑕᐸᐅᒡ ᐅᑕ ᐊᔅᒋᒡ, ᒧᔭᒻ ᒋᓴᒪᓂᑐᐤ ᐅᑦ ᐃᔨᒪ ᑲ ‍ ᐎᒋᒪᔨᒋ ᐊᓂᔭ ᐃᔪᐛ ᐅᑕᓂᓯᔪᐛ ᑭᔭ ᒋ ‍ ᑕᔪᐛ ᐅᑦ ᐊᐛᓯᒧᐛᐛ, ᒋᒋᐛ ᒋᓴᐱᐅᒡ ᐅᒡ ᐎᐱᒡ ᐃᔪᒡ ᑭᔭ ᒋ ‍ ᐊᔭᐅᒡ ᒥᔅᑯᓯᐅᓂᔪᐤ᙮
\p
\v 5 ᐊᑯ ᑎᐸᔨᒋᒐᓱᐤ ᒂ ‍ ᐛᐱᒪᑦ ᐃᔪᐛ ᓇᔅᒡ ᐊ ‍ ᒥᒋᑥᔨᒋ ᐅᑕ ᐊᔅᒋᒡ, ᑭᔭ ᐊᓯᑯᒻ ᒥᒋ ‍ ᐃᑕᔨᑎᒧᐅᓂᔪᐤ ᒥᒄ ᒋ ‍ ᑎᑯᓂᔪᐤ ᐅᑕᐃᐛᒡ᙮
\v 6 ᑎᐸᔨᒋᒐᓱᐤ ᒋ ‍ ᒪᒋᔨᐛᓱᐤ ᑲᒋ ‍ ᐅᓯᐊᑦ ᐃᔪᐛ ᑭᔭ ᓇᒪ ᐅᒋ ᒥᔽᔨᑎᒻ ᐅᑕᐃᒡ᙮
\v 7 ᐊᑯ ᑎᐸᔨᒋᒐᓱᐤ ᐊᔅᒋᔄᑦ, “ᓂᑭ ‍ ᓂᓱᐅᓇᒋᐊᐅᒡ ᒥᓯᐛ ᐃᔪᒡ ᐊᔅᒋᔪᐤ ᑲ ᐅᒋ ‍ ᐅᓯᐃᒂᐤ, ᒥᓯᐛ ᐃᔪᒡ ᑭᔭ ᐊᐛᓯᓯᒡ, ᒥᓐᑐᓯᒡ ᑭᔭ ᐱᔭᓱᐅᒡ ᐃᔅᐱᒥᒡ, ᓂ ‍ ᒥᒋᔨᐛᓯᓐ ᑲᒋ ‍ ᐅᓯᐃᒂᐤ᙮”
\v 8 ᒥᒄ ᓄᐛᔨᒋ ᒋ ‍ ᓇᐊᔨᑎᒥᐃᑯᐤ ᑎᐸᔨᒋᒐᓱᐤ᙮
\s1 ᓄᐛ ᑲ ‍ ᐅᓯᑕᑦ ᐅᐤᑎᔪᐤ
\s2 Genesis 6.9-22; 7.24; 8.14-19 (Proper-4 Year A)
\p
\v 9 ᐊᐅᑯᐤ ᐊ ᐃᓯ ‍ ᑎᐸᒋᒪᑭᓄᐅᑦ ᓄᐛ ᐅᑦ ᐊᓂᔅᑯᑕᐸᓇ᙮
\p ᓄᐛ ᒥᒄ ᒋ ‍ ᐸᐃᑯᓱᐤ ᑲ ‍ ᑯᐃᔅᑯᑕᑎᓯᑦ ᐃᔪᐤ ᐅᑕ ᐊᔅᒋᒡ ᑭᔭ ᓇᓂᑎᒻ ᒋ ‍ ᓇᐊᔨᑎᒪᐊᐤ ᒋᓴᒪᓂᑐᐛ ᒥᒄ ᒐᒂᔪᐤ ᑲ ‍ ᐃᑐᑕᐧᒃ,
\v 10 ᑭᔭ ᒋ ‍ ᓂᔅᑎᔨᐛ ᐅᑯᓴ: ᓴᒻ, ᐊᒻ ᑭᔭ ᒐᐸᑦ᙮ \fig Noah had three sons: Shem, Ham and Japheth|AP-01-31a.tif|col||Alice Paschal|ᓄᐛ ᒋ ‍ ᓂᔅᑎᔨᐛ ᐅᑯᓴ: ᓴᒻ, ᐊᒻ ᑭᔭ ᒐᐸᑦ|ᒐᓂᓯᔅ 6.10\fig*
\p
\v 11 ᒋᓴᒪᓂᑐᐤ ᒋ ‍ ᐛᐸᑎᒻ ᒋᒋᐛ ᐊ ‍ ᒥᓴᔨᒡ ᒥᒋᑥᐅᓂᔪᐤ ᐅᑕ ᐊᔅᒋᒡ ᑭᔭ ᒋ ‍ ᒥᓴᐤ ᐊᒂᑎᓯᐅᓐ᙮
\v 12 ᒋᓴᒪᓂᑐᐤ ᒋ ‍ ᒋᑕᐸᑎᒻ ᐊᔅᒋᔪᐤ ᑭᔭ ᒋ ‍ ᐛᐸᑎᒻ ᑲ ᐃᔅᐱᔅ ‍ ᒥᒋᑥᒥᑭᓂᔨᒡ, ᒥᓯᐛ ᐊᐛᓐ ᑲ ‍ ᑕᑦ ᐅᑕ ᐊᔅᒋᒡ ᒋ ‍ ᒥᒋᑥᐤ ᒥᒄ ᒐᒂᔪᐤ ᑲ ᐃᓯ ‍ ᐃᑐᑕᐧᒃ᙮
\v 13 ᐊᑯ ᒋᓴᒪᓂᑐᐤ ᐊᑕᑦ ᓄᐛᔨᒋ, “ᓂᒋ ‍ ᐎᔭᔨᑕᓐ ᒐᒋ ᓂᓱᐅᓇᒋᐃᒂᐤ ᒥᓯᐛ ᐃᔪᒡ ᐅᑕ ᐊᔅᒋᒡ, ᐎᔨᐛᐤ ᐛᒋ ‍ ᒥᓴᒡ ᒥᒋᑐᑎᒧᐅᓐ ᐅᑕ ᐊᔅᒋᒡ᙮ ᓂᐦᐃ, ᓂᑭ ‍ ᓂᓱᐅᓇᒋᑕᓐ ᐊᔅᒋᔾ ᑭᔭ ᐃᔪᒡ᙮
\p
\v 14 ᒐ ‍ ᐅᓯᑕᔨᓐ ᐊ ‍ ᒥᓴᒡ ᐅᐤᑦ, ᐊ ‍ ᐱᓯᑯᓯᒡ ᒥᔅᑎᑯᒡ ᒐ ‍ ᐊᐱᒋᐃᑥᐤ, ᐱᒍᐤ ᒐ ‍ ᒋᐳᔅᒋᓂᑲᒐᔨᓐ ᐱᑎᑭᒥᒡ ᑭᔭ ᐎᐎᑎᒥᒡ᙮
\v 15 ᒪᐅ ᒐ ‍ ᐃᓯᓇᑯᑕᔨᓐ, ᓇᐤ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐤ ᒥᓯᑦ ᒐ ᐃᔅᐱᔅ ‍ ᒋᓄᑕᔨᓐ, ᓂᔄᐅᑕᒡ ᑕᑐᔪᐤ ᐊᓱ ᐱᑕᑕᒡ ᑕᑐᐤ ᒥᓯᑦ ᒐ ᐃᔅᐱᔅ ‍ ᐃᔨᑭᔅᒋᑕᔨᓐ, ᓇᐎᔪᐤ ᐊᓱ ᐱᑕᑕᒡ ᑕᑐᐤ ᒥᓯᑦ ᒐ ᐃᔅᐱᔅ ‍ ᐃᔅᐱᑕᓂᑕᔨᓐ᙮
\v 16 ᒐ ‍ ᐃᑐᑎᒥᓐ ᒐ ᐅᒋ ‍ ᓴᒐᐛᐱᓇᓄᐅᒡ ᒥᓯᐛ ᐛᔅᑲ ᐅᐤᑎᒡ, ᔭᓇᐤ ᑕᑐᓴᑉ ᒥᒋᒋᓐ ᒐᑲᑦ ᑕᐧᑯᒡ ᒐᒋ ᑎᒂᒋ᙮ ᓂᔍᐤ ᐊ ‍ ᐃᔅᐱᒥᑎᑯᐅᒡ ᒐ ‍ ᐃᓯᓇᑯᑕᔨᓐ ᐱᑎᑭᒥᒡ ᑭᔭ ᔅᑐᐧᑭᓐ ᐅᐱᒪ ᒐ ‍ ᒋᑯᒧᐃᑦ᙮”
\p
\v 17 “ᐛᐸᑕ ! ᓂᑭ ‍ ᐃᑎᓴᓐ ᒐᒋ ᐃᔅᒋᐸᒡ ᐊᔅᒋᔾ ᑭᔭ ᒋᑭ ‍ ᓂᓱᐅᓇᑎᓯᐅᒡ ᒥᓯᐛ ᐃᔪᒡ, ᒥᓯᐛ ᐊᐛᓐ ᑲ ‍ ᐊᔭᑦ ᐱᒪᑎᓯᐤ ᔭᔭᐅᓂᔪᐤ, ᒥᓯᐛ ᒐᒂᓐ ᐊ ‍ ᑎᒂᒡ ᐅᑕ ᐊᔅᒋᒡ ᒋᑭ ‍ ᓂᓱᐅᓇᑎᓐ᙮
\v 18 ᒥᒄ ᓂᑭ ‍ ᑐᑕᓐ ᓂᓇᔅᑯᒧᐅᓐ, ᒋᔾ ᒥᒄ ᒋᑭ ‍ ᐳᓯᓐ ᐅᐤᑦ, ᒋᔾ ᑭᔭ ᒋᑯᓯᒡ ᑭᔭ ᒋᐅ ᑭᔭ ᒋᑯᓯᒡ ᐎᐛᐛ ᒐ ᐎᒋ ‍ ᐳᓯᒪᑯᒡ᙮
\v 19 ᒐ ‍ ᐳᓯᐃᑥᐤ ᓇᓂᓱ ᒥᓯᐛ ᑕᑐᐎᒡ ᐊᐛᓯᓯᒡ, ᓇᐸ ᐊᐛᓯᔅ ᑭᔭ ᓄᓴ ᐊᐛᓯᔅ, ᒐ ‍ ᐳᓯᐃᑥᐤ ᐊᓐᑕ ᐅᐤᑎᒡ᙮ ᒐ ‍ ᑭᓄᐛᔨᒥᑥᐤ ᒐᒋ ᐱᒪᑎᓯᒡ ᒪᒂᒡ ᐃᔅᒋᐸᒐ᙮
\v 20 ᓂᓱ ᒥᓯᐛ ᑕᑐᐎᒡ ᐊᓯᓇᑯᓯᑦ ᐱᔭᓱᐤ ᑭᔭ ᐊᐛᓯᔅ ᑭᔭ ᒥᓐᑐᔅ᙮
\v 21 ᒐ ‍ ᐅᑎᓂᒥᓐ ᒥᓯᐛ ᑕᑐᐎᒡ ᐊ ‍ ᐃᓯᓇᒂᒡ ᒥᒋᒻ ᐊ ‍ ᒥᒋᓇᓄᐅᒡ ᑭᔭ ᒐ ‍ ᒪᐅᒋᑕᔨᓐ, ᒐᒋ ᐅᒋ ‍ ᒥᒋᔭᒄ ᑭᔭ ᒐ ᐅᒋ ‍ ᒥᒋᒡ ᐊᐛᓯᓯᒡ᙮”
\p
\v 22 ᓄᐛ ᒋ ‍ ᐃᑐᑎᒻ ᒥᓯᐛ ᑲ ‍ ᐃᑎᓱᒥᑯᑦ ᒋᓴᒪᓂᑐᐛ᙮
\c 7
\s1 ᑲ ‍ ᐃᔅᒋᐸᒡ
\p
\v 1 ᐊᑯ ᑎᐸᔨᒋᒐᓱᐤ ᐊᑕᑦ ᓄᐛᔨᒋ, “ᐳᓯᒃ ᒋᔾ ᑭᔭ ᐊ ‍ ᐸᐃᑯᔅᑲᓇᓯᔨᓐ ᐊᓐᑕ ᐅᐤᑎᒡ, ᒋᔾ ᒥᒄ ᒋ ‍ ᐸᐃᑯᓯᓐ ᐊ ‍ ᑯᐃᔅᑯᑕᑎᓯᓐ ᐅᑕ ᐊᔅᒋᒡ᙮
\v 2 ᒐ ‍ ᐅᑎᓂᑥᐤ ᓇᓂᔄᐅᑕᒡ ᑕᑐᐎᒡ ᒥᓯᐛ ᐊ ‍ ᐃᓯᓇᑯᓯᒡ ᐊᐛᓯᓯᒡ, ᒐᒋ ᒧᐛᑭᓄᐅᒡ ᑭᔭ ᒐᒋ ᒥᑐᔅᑕᐊᒪᒐᓄᐅᒡ ᑭᔭ ᓇᓂᓱ ᐊᓐᒡ ᑯᑎᑭᒡ, ᐸᐃᒄ ᓇᐸ ᐊᐛᓯᔅ ᑭᔭ ᐸᐃᒄ ᓄᓴ ᐊᐛᓯᔅ,
\v 3 ᑭᔭ ᒐ ‍ ᐅᑎᓂᑥᐤ ᓇᓂᔄᐅᑕᒡ ᑕᑐᐎᒡ ᒥᓯᐛ ᐊ ‍ ᐃᓯᓇᑯᓯᒡ ᐱᔭᓱᐅᒡ, ᐱᔅᒐ ᓇᐸᔭᓱᐅᒡ ᑭᔭ ᐃᔎᔭᓱᐅᒡ᙮ ᒐ ‍ ᐃᑐᑎᒥᓐ ᐅ ᒐᒋ ᓇᓂᑎᒻ ᐃᑕᒡ ᐊᐛᓯᓯᒡ ᑭᔭ ᐱᔭᓱᐅᒡ ᐊᔅᒋᒡ᙮
\v 4 ᒋ ‍ ᓂᔄᐅᑕᒡ ᑕᑐᐤ ᒋᓯᑲᒐ ᓂᑭ ‍ ᐃᑎᓴᓐ ᐊ ‍ ᒋᒺᒡ ᐃᔅᐱᔅ ᓇᐅᐎᔪᐛ ᒋᓯᑲᐛ ᑭᔭ ᓇᐅᐎᔪᐛ ᑎᐱᔅᑲᐛ, ᑭᔭ ᓂᑭ ‍ ᓂᓱᐅᓇᒋᑕᓐ ᒥᓯᐛ ᐊ ‍ ᐱᒪᑎᓯᒥᑲᒡ ᒐᒂᓐ ᐅᑕ ᐊᔅᒋᒡ᙮”
\p
\v 5 ᑭᔭ ᓄᐛ ᒋ ‍ ᐃᑐᑎᒺᐤ ᒥᓯᐛ ᒐᒂᔪᐤ ᑲ ‍ ᐃᑎᑯᑦ ᒐ ‍ ᐃᑐᑕᐧᒃ᙮
\p
\v 6 ᓄᐛ ᐊᓱᑕᒡ ᑕᑐᐤ ᒥᑕᓯᒥᑎᓄᐤ ᒋ ‍ ᐃᑕᑐᐳᓇᓱᐤ ᑲ ‍ ᒋᒋᐱᔨᒡ ᐊ ‍ ᐃᔅᒋᐸᔨᒡ᙮
\p
\v 7 ᓄᐛ, ᐎᐛ, ᐅᑯᓴ, ᑭᔭ ᐅᓇᐊᑭᓂᔎᒪ ᒥᓯᐛ ᒋ ‍ ᐎᒋᐳᓯᒥᑯᐤ ᐅᐤᑎᒡ, ᒐᒋ ᒋᑎᓯᑕᒡ ᐊ ‍ ᐃᔅᒋᐸᔨᒡ᙮
\v 8 ᒥᓯᐛ ᑕᑐᐎᒡ ᐊ ‍ ᐃᓯᓇᑯᓯᔨᒋ ᐊᐛᓯᓴ ᐊ ‍ ᒥᔪᓯᔨᒋ ᒐᒋ ᒧᐛᑭᓄᔨᒋ ᑭᔭ ᐊ ‍ ᒥᑐᔅᑕᐊᒪᒐᐅᓄᔨᒋ ᑭᔭ ᐊᑲ ᒥᔪᓯᔨᒋ ᒐᒋ ᒧᐛᑭᓄᔨᒋ ᑭᔭ ᐱᔭᓱᐅᒡ ᑭᔭ ᒥᓐᑐᓯᒡ,
\v 9 ᒥᓯᐛ ᐊᐛᓯᓯᒡ ᒋ ‍ ᓇᑕᐅᒡ ᓄᐛᔨᒋ ᑭᔭ ᒂ ‍ ᐳᓯᒡ ᐅᐤᑎᔪᐤ ᐊ ‍ ᓇᓂᓱᑕᒡ ᒧᔭᒻ ᒋᓴᒪᓂᑐᐤ ᑲ ‍ ᐃᑎᓱᒪᑦ ᓄᐛᔨᒋ᙮
\v 10 ᑲᒋ ‍ ᓂᔄᐅᑕᒡ ᑕᑐᐤ ᒋᓯᑲᒡ ᒂ ‍ ᐸᐱᔨᒡ ᓂᐱᔾ ᒐᒋ ᐃᔅᒋᐸᒡ ᐊᔅᒋᔾ᙮
\p
\v 11 ᓄᐛ ᒋ ‍ ᐊᓱᑕᒡ ᑕᑐᐤ ᒥᑕᓯᒥᑎᓄᐛᐳᓇᓱᐤ ᐊᓱ ᓂᓱᐱᓯᒺ ᐊᓱ ᓂᔄᐅᑕᒡ ᑕᑐᓴᑉ ᒋᓯᑲᐛ, ᒥᓯᐛ ᐅᑕᐃᐸᓇ ᑕᒥᔅᑭᒥᑲᒡ ᑲ ‍ ᔪᑕᐱᔨᒋ, ᒋᓯᑯᔭᓐ ᒋ ‍ ᑕᑐᐱᔪᐤ,
\v 12 ᑭᔭ ᒂ ‍ ᒋᒋᐱᔨᒡ ᐊ ‍ ᒋᒺᒡ ᐃᔅᐱᔅ ᓇᐎᔪᐛ ᒋᓯᑲᐛ ᑭᔭ ᓇᐎᔪᐛ ᑎᐱᔅᑲᐛ᙮
\p
\v 13 ᐊᓂᔭ ᒋᓯᑯᔪᐤ, ᓄᐛ ᑭᔭ ᐎᐛ ᒋ ‍ ᐳᓱᐅᒡ ᐅᐤᑎᔪᐤ ᒋᒡ ᐊ ‍ ᓂᔅᑎᔨᒋ ᐅᑯᓱᐛᐛ ᓴᒻ, ᐊᒻ ᑭᔭ ᒐᐸᑦ, ᑭᔭ ᐎᐛᐛ᙮
\v 14 ᒥᓯᐛ ᑕᑐᐤ ᐊ ‍ ᐃᓯᓇᑯᓯᔨᒋ ᐊᐛᓯᓴ, ᐊ ‍ ᒪᒥᓯᑎᔨᒋ ᑭᔭ ᐊᔭᐱᓯᓯᔨᒋ, ᐊ ‍ ᑭᓄᐛᔨᒪᑭᓄᐅᒡ ᐊᐛᓯᓯᒡ ᑭᔭ ᒥᓇᔎᒡ ᑲ ‍ ᑕᑦ, ᒋᒡ ᐱᔭᓱᐛ ᒋ ‍ ᐅᑎᓇᐅᒡ᙮
\v 15 ᓄᐛ ᒋ ‍ ᐅᑎᓇᐤ ᐸᐃᑯ ᓇᐸ ᐊᐛᓯᓴ ᑭᔭ ᓄᓴ ᐊᐛᓯᓴ ᒥᓯᐛ ᑕᑐᐤ ᐊ ‍ ᐃᓯᓇᑯᓯᔨᒋ,
\v 16 ᒧᔭᒻ ᑲ ‍ ᐃᑎᓱᒥᑯᑦ ᒋᓴᒪᓂᑐᐛ ᒐ ‍ ᐃᑐᑕᐧᒃ᙮ ᑲᒋ ‍ ᒥᓯᐛ ᐳᓯᒡ ᐅᐤᑎᔪᐤ, ᒋᓴᒪᓂᑐᐤ ᒋ ‍ ᒋᐸᐛᐤ ᔅᑐᐧᑭᓇ᙮
\p
\v 17 ᓇᐎᔪᐛ ᒋᓯᑲᐛ ᒋ ‍ ᐃᔅᐱᔅ ᒥᔅᑎ ᒋᒧᓐ ᐊᑲ ᓂᑕ ᒋᒺᑕᒡ᙮ ᒐᒃ ᒋ ‍ ᑎᒥᐤ ᑭᔭ ᒋ ‍ ᐅᐸᐸᐛᐤ ᐅᐤᑦ᙮
\v 18 ᒋᒋᐛ ᒋ ‍ ᒥᓯᐸᔭᐤ ᑭᔭ ᒋ ‍ ᒋᔅᑲᑎᒥᐤ, ᒋ ‍ ᐱᐸᒪᐊᓐ ᐅᐤᑦ ᐃᔅᐱᒥᒡ ᐊᔅᒋᒡ᙮ \fig The ark floated above the earth|AP-01-34a.tif|col||Alice Paschal|ᒋ ‍ ᐱᐸᒪᐊᓐ ᐅᐤᑦ ᐃᔅᐱᒥᒡ ᐊᔅᒋᒡ|ᒐᓂᓯᔅ 7.18\fig*
\v 19 ᐊᔭᔅᒃ ᒋ ‍ ᒥᓯᐸᔭᐤ ᓂᐱᔾ ᑭᔭ ᐱᔅᑯᑎᓇᐛ ᓯᐸ ᒋᓯᑯᒡ ᓇᒪ ᐅᒋ ᓄᑯᓇ᙮
\v 20 ᐅᔅᑕ ᓂᓱᔪᐤ ᐊᓱ ᐱᑕᑕᒡ ᑕᑐᐤ ᒥᓯᑦ ᒋ ‍ ᐃᔅᐱᓯᐸᔭᐤ ᓂᐱᔾ ᑕᐧᑯᒡ ᐊ ‍ ᐃᔅᐱᑎᓇᒡ᙮
\v 21 ᒥᓯᐛ ᑲ ‍ ᐱᒪᑎᓯᒥᑲᒡ ᒐᒂᓐ ᐊᔅᒋᒡ ᒋ ‍ ᓂᓱᐅᓇᑕᓐ, ᐱᔭᓱᐤ ᑭᔭ ᐊᐛᓯᔅ ᑲ ‍ ᑭᓄᐛᔨᒪᑭᓄᐅᑦ ᑭᔭ ᒥᓇᔎᒡ ᑲ ‍ ᑕᑦ ᐊᐛᓯᔅ ᑭᔭ ᒥᓯᐛ ᐃᔪᐤ᙮
\v 22 ᒥᓯᐛ ᑲ ‍ ᐊᔭᑦ ᐱᒪᑎᓯᐤ ᔭᔭᐅᓂᔪᐤ ᑭᔭ ᑲ ‍ ᐎᒋᑦ ᐸᒂᔅᑭᒥᑲᒡ ᒋ ‍ ᓂᐱᒥᑭᓐ᙮
\v 23 ᒋᓴᒪᓂᑐᐤ ᒋ ‍ ᓂᓱᐅᓇᒋᑕᐤ ᒥᓯᐛ ᑲ ‍ ᐱᒪᑎᓯᒥᑭᓂᔨᒡ ᒐᒂᔪᐤ ᐊᓐᑕ ᐊᔅᒋᒡ, ᐃᔪᐛ ᑭᔭ ᐊᐛᓯᓴ, ᑭᔭ ᐊ ‍ ᔭᔭᒋᒥᑭᓂᔨᒡ ᒐᒂᔪᐤ ᒧᔅᑎᔅᑭᒥᒡ, ᑭᔭ ᐱᔭᓱᐛ ᐃᔅᐱᒥᒡ, ᒥᓯᐛ ᒋ ‍ ᓂᓱᐅᓇᒋᐊᑭᓄᐎᒡ ᐅᑕ ᐊᔅᒋᒡ᙮ ᒥᒄ ᓄᐛ ᒋ ‍ ᑕᐤ ᑭᔭ ᐊᓐᒡ ᑲ ‍ ᑕᒡ ᐊᓐᑕ ᑲ ‍ ᒥᓴᔨᒡ ᐅᐤᑎᔪᐤ᙮
\s2 Genesis 6.9-22; 7.24; 8.14-19 (Proper-4 Year A)
\p
\v 24 ᑭᔭ ᐸᐃᑯ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐛ ᒋᓯᑲᐛ ᒋ ᐃᔅᐱᔅ ‍ ᑎᑯᓐ ᓂᐱᔾ ᐊᑲ ᓄᒂᒡ ᐊᔅᒋᔾ᙮
\c 8
\s1 ᑲ ᐳᓂ ‍ ᐃᔅᒋᐸᒡ
\p
\v 1 ᒋᓴᒪᓂᑐᐤ ᒋ ‍ ᒋᔅᒋᓯᑐᐛᐤ ᓄᐛᔨᒋ ᑭᔭ ᒥᓯᐛ ᐊᐛᓯᓴ ᐊᓐᑕ ᑲ ‍ ᑕᔨᒋ ᐅᐤᑎᒡ᙮ ᐊᑯ ᒋᓴᒪᓂᑐᐤ ᒂ ‍ ᐃᑐᑕᐧᒃ ᒐᒋ ᔪᑎᓂᔨᒡ, ᑭᔭ ᒋ ‍ ᐊᒍᐸᐱᔪᐤ᙮
\v 2 ᒋᓴᒪᓂᑐᐤ ᒋ ‍ ᒋᐸᐊᒻ ᐅᑕᐃᐸᓇ ᑕᒥᔅᑭᒥᑲᒡ ᐊᓐᑕ ᑲ ‍ ᐅᒋᐱᔨᒡ ᓂᐱᔪᐤ᙮ ᐃᔭᐱᒡ ᒋ ‍ ᐅᓯᐊᐤ ᒋᒋᒋᓯᑯᔭᓇ ᑲ ‍ ᑕᑐᐱᔨᒋ ᑭᔭ ᒂ ‍ ᒋᒺᑕᑎᓂᔨᒡ᙮
\v 3 ᒪᑎᐧᑲᒡ ᒋ ‍ ᐊᒍᐸᐱᔪᐤ ᓂᐱᔾ ᐃᔅᐱᔅ ᐸᐃᑯ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐛ ᒋᓯᑲᐛ᙮
\v 4 ᐊᑯ ᐊᕋᕋᑦ ᐱᔅᑯᑎᓇᒡ ᒋ ‍ ᓂᑲᑎᓐ ᐅᐤᑦ ᑲᒋ ‍ ᓂᔄᐅᑕᒡ ᑕᑐᓴᑉ ᒋᓯᑲᒡ ᐊᓐ ᓂᔄᐅᑕᒡ ᐱᓯᒻ ᐸᐃᑯᑕᐤ ᐱᐳᓐ᙮
\v 5 ᐊᔅᒄ ᒋ ‍ ᐊᒍᐸᐱᔪᐤ ᓂᐱᔾ, ᑲᒋ ‍ ᓂᔅᑐᐱᓯᒺᔭᒡ ᑕᐧᑯᒡ ᐱᔅᑯᑎᓇᐛ ᒋ ‍ ᓄᑯᓇ᙮
\p
\v 6 ᑲᒋ ‍ ᓇᐎᔪᐛ ‍ ᒋᓯᑲᔨᒡ, ᓄᐛ ᒋ ‍ ᔪᑕᓂᒻ ᐛᒋ ‍ ᓴᒋᐛᐱᓇᓄᐎᒡ ᑲ ‍ ᐅᓯᑕᑦ ᐅᐤᑎᒡ᙮
\v 7 ᐊᑯ ᒂ ‍ ᐃᑎᓴᐛᑦ ᑲᐧᑲᒍᐛ, ᒥᒄ ᒋ ‍ ᐱᐸᒥᔭᔪᐛ ᐸᑐᔅ ᑲᒋ ‍ ᐸᒂᔅᑭᒥᑲᔨᒡ᙮
\v 8 ᓄᐛ ᒋ ᐎ ᓂᑐ ‍ ᒋᔅᒐᔨᑎᒻ ᑲᒋ ‍ ᒍᐱᔨᒂ ᓂᐱᔪᐤ, ᐊᑯ ᒂ ‍ ᐃᑎᓴᐛᑦ ᐛᐱᓯᐤ ᐱᔭᓯᓴ᙮
\v 9 ᒥᒄ ᐛᐱᓯᐤ ᐱᔭᓯᔅ ᓇᒪ ᐅᒋ ᒥᔅᑭᒻ ᒐ ‍ ᑥᐅᑦ, ᐊᑯ ᑲᐤ ᒋ ‍ ᒋᐛᐱᔪᐤ ᐊᓐᑕ ᐅᐤᑎᒡ᙮ ᐊᔅᒄ ᒋ ‍ ᑎᑯᓂᔪᐤ ᓂᐱᔪᐤ ᐃᔅᐱᒥᒡ ᐊᔅᒋᒡ᙮ ᐊᑯ ᒂ ‍ ᓱᐅᓂᔅᒐᔨᑦ ᓄᐛ ᑭᔭ ᒂ ‍ ᐱᑎᑲᐊᑦ ᐊᓐᑕ ᐅᐤᑎᒡ᙮
\v 10 ᓂᔄᐅᑕᒡ ᑕᑐᐤ ᒋᓯᑲᐛ ᒋ ‍ ᐊᓯᓄᐛᐸᑎᒻ, ᒥᓐ ᒂ ‍ ᐃᑎᓴᐛᑦ ᐛᐱᓯᐤ ᐱᔭᓯᓴ᙮ \fig Noah knew the water was going down|AP-01-37a.tif|col||Alice Paschal|ᓄᐛ ᒋᔅᒐᔨᑎᒻ ᐊᒍᐱᔨᒡ ᓂᐱᔪᐤ|ᒐᓂᓯᔅ 8.11\fig*
\v 11 ᐛᑕᑯᓯᔨᒡ ᒋ ‍ ᒋᐛᐱᔪᐛ ᐛᐱᓯᐤ ᐱᔭᓯᓴ, ᐊ ‍ ᑕᐧᑯᑕᑎᒥᔨᒋ ᓯᐸᑯᓂᐱᔪᐤ ᒥᔅᑎᑯᒡ ᐛᑎᓂᒥᔨᒋ᙮ ᓄᐛ ᒋᔅᒐᔨᑎᒻ ᐊᒍᐱᔨᒡ ᓂᐱᔪᐤ᙮
\v 12 ᓂᔄᐅᑕᒡ ᑕᑐᐤ ᒋᓯᑲᐛ ᒥᓐ ᒋ ‍ ᐊᓯᓄᐛᐸᑎᒻ ᑭᔭ ᒋ ‍ ᐃᑎᓴᐛᐤ ᐛᐱᓯᐤ ᐱᔭᓯᓴ᙮ ᒥᒄ ᑲᐤ ᓇᒪ ᐅᒋ ᐸᐱᔪᐛ᙮
\p
\v 13 ᐊᓱᑕᒡ ᑕᑐᐤ ᒥᑕᓯᒥᑎᓄᐤ ᐊᓱ ᐸᐃᒄ ᒋ ‍ ᐃᑕᑐᐳᓇᓱᐤ ᓄᐛ, ᑭᔭ ᓂᔅᑎᒻ ᒋᓯᑯᔪᐤ ᐊᓂᔭ ᑯᑎᒃ ᐱᐳᓂᔪᐤ, ᑲ ‍ ᐊᒍᐱᔨᒡ ᓂᐱᔪᐤ᙮ ᓄᐛ ᒋ ‍ ᔪᑕᓇᐤ ᔅᑐᐧᑭᓇ ᐅᐤᑎᒡ ᒐᒋ ᐃᑕᐱᑦ ᑭᔭ ᒋ ‍ ᐛᐸᑎᒻ ᒐᑲᑦ ᐱᔭᐧᑯᔅᑭᒥᑲᔨᒡ᙮
\s2 Genesis 6.9-22; 7.24; 8.14-19 (Proper-4 Year A)
\p
\v 14 ᐊᓂᔭ ᓂᓱ ᐱᓯᒺ, ᓂᓱᔪᐤ ᐊᓱ ᓂᔄᐅᑕᒡ ᒋᓯᑯᔪᐤ, ᓄᑎᒻ ᒋ ‍ ᐸᒂᔪᐤ ᐊᔅᒋᔪᐤ᙮
\p
\v 15 ᐊᑯ ᒋᓴᒪᓂᑐᐤ ᐊᑕᑦ ᓄᐛᔨᒋ,
\v 16 “ᒋᔾ, ᑭᔭ ᒋᐅ, ᑭᔭ ᒋᑯᓯᒡ ᑭᔭ ᒋᓇᐊᑭᓂᔎᒥᒡ ᐎᐎᒄ ᐊᓐᑕ ᐅᐤᑎᒡ᙮
\v 17 ᐎᐎᑕᐃᐧᑯᒡ ᐱᔭᓱᐅᒡ, ᐊᐛᓯᓯᒡ ᑭᔭ ᒥᓐᑐᓯᒡ, ᐊᑯ ᒐᒋ ᐅᑦ ᐊᐛᓯᒥᒡ ᑭᔭ ᒐᒋ ᒥᒐᑎᒡ ᐅᑕ ᒥᓯᐛ ᐊᔅᒋᒡ᙮”
\p
\v 18 ᐊᑯ ᓄᐛ ᐛᔪᐎᑦ ᐅᐤᑎᒡ ᐊ ‍ ᐎᒐᐅᑯᑦ ᐅᑯᓴ ᑭᔭ ᐎᐛ ᑭᔭ ᐅᓇᐊᑭᓂᔎᒪ᙮
\v 19 ᒥᓯᐛ ᐊᐛᓯᓯᒡ, ᒥᓯᐛ ᐱᔭᓱᐅᒡ ᑭᔭ ᒥᓯᐛ ᒥᓐᑐᓯᒡ, ᒋ ‍ ᐎᐎᐅᒡ ᐅᐤᑎᒡ ᑭᔭ ᒋ ‍ ᔅᑐᑕᐅᒡ ᐊᑎ ‍ ᐱᐸᐃᑯᑕᐅᓯᒡ᙮
\s1 ᓄᐛ ᐅᒥᑐᔅᑕᐊᒪᒐᐅᓇ
\p
\v 20 ᒋ ‍ ᐃᑐᑎᒧᐛᐤ ᓄᐛ ᐅᑎᐸᔨᒋᒐᐛ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒂ ‍ ᓂᐸᐊᑦ ᐊᓐᑕ ᐱᔅᒐ ᐊ ‍ ᒥᔪᓯᔨᒋ ᐊᐛᓯᓴ ᑭᔭ ᐱᔭᓱᐛ ᑭᔭ ᒋ ‍ ᒥᑐᔅᑕᐊᒪᒐᐤ ᐱᔅᑎᓂᒐᐅᓇᐱᔅᑯᒡ ᐊ ‍ ᓂᑐᑎᒪᑦ᙮ \fig Noah offers a sacrifice to the Lord|AP-01-38a.tif|col||Alice Paschal|ᒋ ‍ ᐃᑐᑎᒧᐛᐤ ᓄᐛ ᐅᑎᐸᔨᒋᒐᐛ ᐱᔅᑎᓂᒐᐅᓇᐱᔅᑯᔪᐤ|ᒐᓂᓯᔅ 8.20\fig*
\v 21 ᒋ ‍ ᓇᐊᔨᑎᒥᐃᑯᐤ ᑎᐸᔨᒋᒐᓱᐤ ᐊ ‍ ᒥᔪᒪᑯᓂᔨᒡ ᒥᑐᔅᑕᐊᒪᒐᐅᓂᔪᐤ, ᑭᔭ ᑎᐸᔨᒋᒐᓱᐤ ᒂ ‍ ᐃᔅᒋᔄᑦ, “ᓇᒪ ᓂᑕ ᒥᓐ ᓂᑭ ‍ ᐊᓏᔨᑕᓐ ᐊᔅᒋᔾ ᒥᒋᑐᑎᒧᐅᓂᔪᐤ ᐊ ‍ ᐃᑐᑕᐧᒃ ᐃᔪᐤ᙮ ᒥᓯᐛ ᐎᔨᐛᐤ ᒋ ᐅᒋ ‍ ᒥᒋᒪᒥᑐᓇᔨᑎᒧᒡ ᑲ ᐸᒋ ‍ ᐅᔅᑎᓂᒋᐅᒡ, ᒥᒄ ᓇᒪ ᓂᑕ ᓂᑭ ‍ ᓂᓱᐅᓇᒋᑕᓐ ᒥᓯᐛ ᒐᒂᓐ ᑲ ‍ ᐱᒪᑎᓯᒥᑲᒡ ᒧᔭᒻ ᑲ ᐃᓯ ‍ ᐃᑐᑎᒪᓐ᙮
\q
\v 22 ᒐ ᐃᔅᐱᔅ ‍ ᑎᒂᒡ ᐊᔅᒋᔾ,
\q ᓇᒪ ᓂᑕ ᒋᑭ ‍ ᐃᔎᐱᔪᐛ ᐊ ‍ ᒥᔪᔅᑭᒥᒡ ᑭᔭ ᐊ ‍ ᒪᒧᓴᒋᓂᑭᓄᐅᒡ ᑲ ‍ ᓂᑕᐅᒋᒡ ᒥᒋᒻ,
\q ᐊ ‍ ᑕᐧᑲᒡ ᑭᔭ ᐊ ‍ ᒋᓯᑕᒡ,
\q ᐊ ‍ ᐱᐳᒡ ᑭᔭ ᐊ ‍ ᓂᐱᒡ,
\q ᐊ ‍ ᒋᓯᑲᒡ ᑭᔭ ᐊ ‍ ᑎᐱᔅᑲᒡ᙮”
\c 9
\s1 ᒋᓴᒪᓂᑐᐤ ᑭᔭ ᓄᐛ ᐅᓂᔅᑯᒥᑐᐅᓄᐛᐤ
\p
\v 1 ᒋᓴᒪᓂᑐᐤ ᒋ ‍ ᓱᐛᔨᑕᑯᐛᐤ ᑭᔭ ᒋ ‍ ᐃᑕᐤ ᓄᐛᔨᒋ ᑭᔭ ᐅᑯᓯᔪᐛ, “ᓇᑐᐛᔨᑕᓐ ᒥᓯᐛ ᒐᒂᓐ ᒐᒋ ᐃᓯ ‍ ᒥᔪᐱᔨᔭᒄ᙮ ᒐ ‍ ᒥᒐᑥᐊᑯᒡ ᒋᑦ ᐊᐛᓯᒧᐛᐅᒡ ᑭᔭ ᒍᓯᒧᐛᐅᒡ, ᐊᑯ ᒐᒋ ᒥᒐᑎᒡ ᐃᔪᒡ ᐅᑕ ᐊᔅᒋᒡ᙮
\v 2 ᒥᓯᐛ ᐊᐛᓯᓯᒡ, ᐱᔭᓱᐅᒡ, ᒥᓐᑐᓯᒡ, ᑭᔭ ᓂᒪᓯᒡ ᒋᑭ ‍ ᑯᔅᑎᑯᐛᐅᒡ᙮ ᒋ ‍ ᐱᔅᑎᓂᒪᑎᓇᐛᐤ ᒐᒋ ᑎᐸᔨᒪᑯᒡ,
\v 3 ᑭᔭ ᒋ ‍ ᒥᔨᑎᓇᐛᐤ ᐅᒡ ᒐ ‍ ᐅᒥᒋᒥᔭᒄ᙮ ᒋᑭ ᒋ ‍ ᒧᐛᐛᐅᒡ ᐅᒡ, ᒧᔭᒻ ᑲ ᐃᓯ ‍ ᒥᔨᑎᑯᒡ ᑲ ‍ ᓯᐸᑯᐅᒋ ᓂᐱᔭ᙮
\q
\v 4 ᒥᒄ ᑕᐸ ᒋᑭ ᒋ ‍ ᒥᒍᐛᓇᐛᐤ ᐎᔭᔅ ᐊᐛᓯᔅ ᐊᔅᒄ ᐊᑲ ᓯᑯᓂᒺᒄ ᐅᒥᐧᒄ, ᐛᔅ ᐊᐅᑯᔪᐤ ᐊᓂᔭ ᐅᑦ ᐃᔪᐎᓐ᙮
\v 5 ᓂᒋ ‍ ᐃᓯᓇᒂᐅᒡ ᐃᔪᒡ ᒧᔭᒻ ᓂᔾ ᐊᓯᓇᑯᓯᔭᓐ, ᑭᔭ ᓂᑭ ‍ ᐊᓏᔨᒪᐤ ᓂᑐᐎᔾ ᐊᐛᓯᔅ ᑭᔭ ᒪᒃ ᐃᔪᐤ ᐅᑎᓇᒐ ᐃᔪᐅᓂᔪᐤ᙮ ᒥᓱᐤ ᐊᐛᓯᔅ ᓂᐸᐊᒐ ᐊᐛᔪᐛ, ᐊᐛᓯᔅ ᒋᑭ ‍ ᓂᐸᐊᑭᓄᐤ,
\q
\v 6 ᑭᔭ ᒥᓱᐤ ᐊᐛᓐ ᐅᑎᓂᒺᒐ ᑯᑎᑲ ᐊᐛᔪᐛ ᐅᑦ ᐃᔪᐅᓂᔪᐤ, ᐊᓐ ᐊᐛᓐ ᒋᑭ ‍ ᐱᔅᑎᓇᑭᓄᐤ ᓂᐳᐅᓂᒡ;
\q ᐛᔅ ᒋ ‍ ᐃᑐᑐᐛᐤ ᒋᓴᒪᓂᑐᐤ ᐊᐛᔪᐛ ᒐ ‍ ᓂᔅᐱᑕᑯᑦ᙮
\m
\v 7 ᒋ ‍ ᓂᑐᐛᔨᒥᑎᓇᐛᐤ ᒋᔾ ᑭᔭ ᒋᑐᑕᒥᒡ ᒐᒋ ᒥᒐᑐᓴᔭᒃ, ᐊᑯ ᒐ ‍ ᑕᒡ ᐃᔪᒡ ᒥᓯᐛ ᐅᑕ ᐊᔅᒋᒡ᙮”
\s2 Genesis 9.8-17 (Lent-1 Year B)
\p
\v 8 ᒥᓐ, ᒋᓴᒪᓂᑐᐤ ᐃᑕᐤ ᓄᐛᔨᒋ ᑭᔭ ᐅᑯᓯᔪᐛ,
\v 9 “ᓂᑭ ‍ ᑐᑕᓐ ᐊᓱᑎᒪᒐᐅᓐ ᒋᔨᐛᐤ ᐅᒡ, ᑭᔭ ᒥᓯᐛ ᐊᐛᓐ ᒐ ‍ ᐱᒪᑎᓯᑦ,
\v 10 ᒋᒡ ᐱᔭᓱᐅᒡ ᑭᔭ ᐊᐛᓯᓯᒡ ᐅᐤᑎᒡ ᑲ ᐅᒋ ‍ ᐎᐎᒡ᙮
\v 11 ᓂᑦ ᐊᓱᑎᒪᒐᓐ ᒥᓯᐛ ᐱᒪᑎᓯᐤ ᐊᐛᓯᔅ ᑭᔭ ᐊᓐᒡ ᐊᑕᒡ ᐅᑕ ᐊᔅᒋᒡ ᒐ ᐊᑲ ᒥᓐ ‍ ᐃᔅᒋᐸᒡ ᒐᒋ ᓂᓱᐅᓇᑎᒡ᙮”
\p
\v 12 ᒥᓐ, ᒋᓴᒪᓂᑐᐤ ᐃᑕᐤ, “ᓂ ‍ ᐱᔅᑎᓇᓐ ᐎᐧᑯᐱᓴᑭᓐ ᐊᓐᑕ ᒋᓯᑯᒡ ᒐᒋ ᐛᐸᑎᔨᑎᑯᒡ ᑭᔭ ᒥᓯᐛ ᐱᒪᑎᓯᐤ ᐊᐛᓯᓯᒡ,
\v 13 ᒐᒋ ᒋᔅᒋᔭᒄ ᓇᓂᑎᒻ ᒐ ‍ ᑭᓄᐛᔨᑎᒪᓐ ᐅ ᐊᓱᑎᒪᒐᐅᓐ ᐊ ‍ ᐃᑐᑎᒪᓐ᙮
\v 14 ᐃᑎᓴᐅᒂᐛ ᑭᔅᑯᐅᓐᒡ ᐃᔅᐱᒥᒡ ᐊᔅᒋᒡ, ᑭᔭ ᐎᐧᑯᐱᓴᑭᓐ ᓄᒂᒐ ᒋᓯᑯᒡ, \fig Rainbow in the sky|AP-01-39a.tif|col||Alice Paschal|ᐎᐧᑯᐱᓴᑭᓐ ᒋᓯᑯᒡ|ᒐᓂᓯᔅ 9.14\fig*
\v 15 ᓂᑭ ‍ ᒋᔅᒋᑕᓐ ᐊᓱᑎᒪᒐᐅᓐ ᑲ ‍ ᐃᑐᑎᒪᑎᑯᒡ ᑭᔭ ᒥᓯᐛ ᑯᑎᑭᒡ ᐱᒪᑎᓯᐤ ᐊᐛᓯᓯᒡ᙮ ᓇᒪ ᓂᑕ ᒥᓐ ᒋᑭ ᒋ ‍ ᐃᔅᒋᐸᐤ ᒐᒋ ᓂᓱᐅᓇᑎᒡ ᐱᒪᑎᓯᐅᓐ᙮
\v 16 ᐛᐸᑎᒪᓇ ᐎᐧᑯᐱᓴᑭᓐ ᒋᓯᑯᒡ, ᓂᑭ ‍ ᒋᔅᒋᑕᓐ ᓇᓂᑎᒻ ᒐ ‍ ᑎᑯᓂᔨᒡ ᐊᓱᑎᒪᒐᐅᓂᔪᐤ ᒥᓯᐛ ᑲ ‍ ᐃᑐᑎᒧᐅᒂᐤ ᑲ ‍ ᐱᒪᑎᓯᒡ ᐃᔪᒡ᙮”
\p
\v 17 ᒥᓐ, ᒋᓴᒪᓂᑐᐤ ᐃᑕᐤ ᓄᐛᔨᒋ, “ᐎᐧᑯᐱᓴᑭᓐ ᒋᑭ ‍ ᒋᔅᒋᓄᐛᓯᓇᑯᓐ ᐊᓐ ᓂᑦ ᐊᓱᑎᒪᒐᐅᓐ᙮”
\s1 ᓄᐛ ᑭᔭ ᐅᑯᓴ
\p
\v 18 ᓄᐛ ᐊ ‍ ᓂᔅᑎᔨᒋ ᐅᑯᓴ ᐅᐤᑎᒡ ᑲ ᐅᒋ ‍ ᐎᐎᔨᒋ ᓴᒻ, ᐊᒻ ᑭᔭ ᒐᐸᑦ ᐃᓯᓂᐧᑲᓱᔪᐛ᙮ ᐊᒻ ᓇᓇᒐ ᒋ ‍ ᐅᑯᓱᐤ ᑲᐃᓇᓐ ᒋ ‍ ᐃᓯᓂᐧᑲᑕᑭᓄᐅᔪᐛ᙮
\v 19 ᐅᔭ ᐊ ‍ ᓂᔅᑎᔨᒋ ᓄᐛ ᐅᑯᓴ ᐊᑯᑕ ᑲ ‍ ᐅᒋᐱᔨᒡ ᒥᓯᐛ ᐃᔪᒡ ᐅᑕ ᐊᔅᒋᒡ᙮
\p
\v 20 ᓄᐛ ᒂ ‍ ᐃᑕᐱᑎᓯᑦ ᐊ ‍ ᓂᑕᐅᒋᑕᑦ ᒥᒋᒥᔪᐤ ᑭᔭ ᐎᔾ ᓂᔅᑎᒻ ᒋ ‍ ᓂᑕᐅᒋᑕᐤ ᓱᒥᓇᑎᐧᑯ ᓂᑕᐅᒋᑕᑭᓂᔪᐤ᙮
\v 21 ᐸᐃᒂᐤ ᒋ ‍ ᒥᔪᑯᓱᐤ ᐅᓴᒻ ᐊᒋ ‍ ᒥᔅᑎᒥᓂᑦ ᑲ ‍ ᒥᒂᑭᒥᔨᒡ ᑭᔭ ᑲ ‍ ᐱᒥᓯᐧᒃ ᐊ ‍ ᒧᓴᔅᑭᑕᑦ ᐊᓐᑕ ᐅᐱᒍᐎᔭᓂᒋᐛᐱᒡ᙮
\v 22 ᐊᒻ, ᑲᐃᓇᓐ ᐅᑕᐎᔭ, ᒂ ‍ ᐱᒐᑦ ᐱᒍᐎᔭᓂᒋᐛᐱᒡ, ᐎᔭᐱᒪᑦ ᐊ ‍ ᒧᓴᔅᑭᑕᔨᒋ, ᒂ ‍ ᐎᑎᒧᐛᑦ ᐎᐧᑲᓂᓴ᙮
\v 23 ᓴᒻ ᑭᔭ ᒐᐸᑦ ᒂ ‍ ᐅᑎᓇᒡ ᐊᑯᐱᔪᐤ ᐅᑎᑎᒥᓄᐛᒡ ᐊᔅᑕᒡ ᑭᔭ ᒂᓴᑕᒡ ᐊ ‍ ᐱᒐᒡ ᐱᒍᐎᔭᓂᒋᐛᐱᒡ᙮ ᐊᑯ ᐊᑯᓇᐛᒡ ᐅᑕᐎᐛᐛ ᐊᑲ ᒋᑕᐱᒪᒡ᙮
\p
\v 24 ᑲᒋ ‍ ᐅᓂᑦ ᓄᐛ ᑭᔭ ᑲ ‍ ᒋᔅᒐᔨᑕᐧᒃ ᐊᐛᓯᐎᔨᒋ ᐅᑯᓴ ᐊᒻ ᑲ ‍ ᐃᑐᑎᒥᔨᒋ,
\v 25 ᒂ ‍ ᐃᔅᒋᔄᑦ,
\q “ᓂᑦ ᐊᓏᔨᒪᐤ ᑲᐃᓇᓐ !
\q ᐅᔅᑕᓴ ᐅᑯᐸᓇᒥᔪᐛ ᒋᑭ ‍ ᐅᑯᐸᓇᒥᑕᑯᐤ᙮”
\p
\v 26 ᑭᔭ ᒂ ‍ ᐃᔅᒋᔄᑦ,
\q “ᒪᒃ ᓂᑐᐛᔨᑎᒧᐛᐤ ᑎᐸᔨᒋᒐᓱᐤ, ᓂᒋᓴᒪᓂᑐᒻ,
\q ᒐᒋ ᓱᐛᔨᒪᑦ ᓴᒪ ᑭᔭ ᒐᒋ ᐃᑐᑐᐛᑦ ᑲᐃᓇᓇ ᒐᒋ ᑯᐸᓇᐎᔨᒋ᙮
\q
\v 27 ᑭᒪ ᒥᓐ ᑎᐸᔨᒋᒐᓱᐤ ᒥᔭᑦ ᒐᐸᑕ ᐊᔅᒋᔪᐤ;
\q ᑭᔭ ᐃᑐᑐᐛᑦ ᒐᒋ ᐅᑎᓂᒺᑦ ᓴᒪ ᐅᑎᐸᔨᑎᒧᐅᓂᔪᐤ,
\q ᑭᔭ ᑲᐃᓇᓇ ᒐ ‍ ᐅᑯᐸᓇᒥᔨᒋ᙮”
\p
\v 28 ᓄᐛ ᓂᔅᑐ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐤ ᐱᐳᓇ ᒋ ‍ ᐃᔅᐱᔅ ᐱᒪᑎᓯᐤ ᑲᒋ ‍ ᐃᔅᒋᐸᔨᒡ,
\v 29 ᑭᔭ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐤ ᒋ ‍ ᐃᑕᑐᐳᓇᓱᐤ ᑲ ‍ ᐳᓂᐱᒪᑎᓯᑦ᙮
\c 10
\s1 ᓄᐛ ᐅᑯᓴ ᐅᑦ ᐊᓂᔅᑯᑕᐸᓂᔪᐛ
\p
\v 1 ᐊᐅᑯᐤ ᐊ ᐃᓯ ‍ ᑎᐸᒋᒪᑭᓄᐅᒡ ᓄᐛ ᐅᑯᓴ, ᓴᒻ, ᐊᒻ, ᑭᔭ ᒐᐸᑦ ᐅᑦ ᐊᓂᔅᑯᑕᐸᓄᐛᐛ, ᑲ ‍ ᐃᔪᔨᒋ ᑲᒋ ‍ ᐃᔅᒋᐸᔨᒡ᙮
\s1 ᒐᐸᑦ ᐅᑦ ᐊᓂᔅᑯᑕᐸᓇ
\p
\v 2 ᒐᐸᑦ ᒋ ‍ ᐅᑯᓱᐤ ᑯᒪᕐ, ᒪᑯᒃ, ᒪᑕᐃ, ᒐᐸᓐ, ᑐᐸᓪ, ᒥᓴᒃ, ᑭᔭ ᑎᕋᔅ᙮
\p
\v 3 ᑯᒪᕐ ᒋ ‍ ᐅᑯᓱᐤ ᐊᔅᑭᓇᔅ, ᐎᐸᑦ ᑭᔭ ᑐᑲᕐᒪ᙮
\p
\v 4 ᒐᐸᓐ ᒋ ‍ ᐅᑯᓱᐤ ᐃᓕᓴ, ᑕᕐᓯᔅ, ᑭᑎᒻ ᑭᔭ ᕈᑕᓂᒻ᙮
\v 5 ᐅᒡ ᐃᔪᒡ ᒥᒋᒪ ᐎᓂᐸᑯᒡ ᒋ ‍ ᐎᒍᐅᒡ ᑕᑎᐸᓐ ᐅᑦ ᐊᔅᒋᐛᒡ, ᑎᐸᓐ ᐊ ᐃᓯ ‍ ᐃᔨᒥᒡ ᑭᔭ ᐊ ‍ ᐃᑎᔅᑲᓇᓯᒡ᙮
\s1 ᐊᒻ ᐅᑦ ᐊᓂᔅᑯᑕᐸᓇ
\p
\v 6 ᐊᒻ ᒋ ‍ ᐅᑯᓱᐤ ᑯᔅ, ᒥᔅᕋᐃᒻ, ᐳᑦ ᑭᔭ ᑲᐃᓇᓐ᙮
\p
\v 7 ᑯᔅ ᒋ ‍ ᐅᑯᓱᐤ ᓯᐸ, ᐊᐱᓚ, ᓴᑉᑕ, ᕋᐊᒪ ᑭᔭ ᓴᑉᑎᑲ᙮
\p ᕋᐊᒪ ᒋ ‍ ᐅᑯᓱᐤ ᓯᐸ ᑭᔭ ᑎᑕᓐ᙮
\p
\v 8 ᑯᔅ ᒋ ‍ ᐅᑕᐎᑕᑯᐤ ᓂᒻᕋᑦ, ᐎᔾ ᐅᔅᑭᒡ ᓇᔅᒡ ᐊᒋ ‍ ᓱᒋᓯᑦ ᓇᐸᐤ ᐅᑕ ᐊᔅᒋᒡ᙮
\v 9 ᒋᒋᐛ ᒋ ‍ ᓂᑕᐤ ᓂᑐᐎᔪᐤ ᐊ ‍ ᐎᒋᐃᑯᑦ ᑎᐸᔨᒋᒐᓱᐛ, ᐎᔾ ᓂᒻᕋᑦ ᑲ ᐅᒋ ‍ ᐃᔅᒋᔄᓄᐎᒡ, “ᒋ ‍ ᓂᑕᐤ ᓂᑐᐎᓐ ᒧᔭᒻ ᓂᒻᕋᑦ ᑎᐸᔨᒋᒐᓱᐤ ᐊ ‍ ᐎᒋᐃᔅᒃ᙮”
\v 10 ᑯᔅ ᓂᔅᑎᒻ ᒋ ‍ ᐅᒋᒪᐤ ᐊᓐᑕ ᐸᐱᓗᓐ, ᐊᕋᒃ, ᐊᑲᑦ ᑭᔭ ᑲᓂ, ᐊᓐᑕ ᓯᓇᕐ ᐊᔅᒋᒡ᙮
\v 11 ᐊᓯᕆᔭ ᒋ ‍ ᐃᑐᑕᐤ ᑭᔭ ᒋ ‍ ᒋᒥᑕᐤ ᓂᓇᐸ ᐅᑕᓇᔪᐤ᙮ ᐎᔾ ᒋᒡ ᒋ ‍ ᒋᒥᑕᐤ ᕋᐅᐳᑦ-ᐊᕐ ᑭᔭ ᑲᓚ,
\v 12 ᑭᔭ ᕋᓯᓐ ᑎᔅᑐᐎᒡ ᓂᓇᐸ ᑭᔭ ᑲᓚ, ᐊᐅᑯᐤ ᐊ ‍ ᒥᔅᑎᐅᑕᓇᐅᒡ᙮
\p
\v 13 ᒥᔅᕋᐃᒻ ᒋ ‍ ᐅᑕᐎᑕᑯᐤ ᓗᑎᒻ, ᐊᓇᒥᒻ, ᓚᐊᐱᒻ, ᓇᑉᑐᐃᒻ,
\v 14 ᐸᑦᕈᓯᒻ, ᑲᔅᓗᐃᒻ (ᐊᓐᑕ ᐛᒋᐱᔨᒡ ᐱᓕᔅᑕᐃᓐ ᐃᔪᒡ) ᑭᔭ ᑲᑉᑐᕆᒻ᙮
\p
\v 15 ᑲᐃᓇᓐ ᒋ ‍ ᐅᑕᐎᑕᑯᐤ ᓴᐃᑐᓐ, ᐅᓂᔅᑎᒧᓴᓇ ᑭᔭ ᐊᑦ,
\v 16 ᑭᔭ ᒐᐱᐅᔅ ᐃᔪᐛ, ᐊᒧᕆ ᐃᔪᐛ, ᑲᕐᑭᔅ ᐃᔪᐛ,
\v 17 ᐃᑉ ᐃᔪᐛ, ᐊᕐᑲ ᐃᔪᐛ, ᓯᓇ ᐃᔪᐛ,
\v 18 ᐊᕐᐸᑦ ᐃᔪᐛ, ᓴᒪᕐ ᐃᔪᐛ ᑭᔭ ᐊᒪᑦ ᐃᔪᐛ᙮
\p ᓇᓇᒐ ᑲᐃᓇᓐ ᐃᔪᒡ ᑕᑎᐸᓐ ᒋ ‍ ᐃᑐᑕᐅᒡ᙮
\v 19 ᐊᑯ ᑲᐃᓇᓐ ᐃᔪᒡ ᓴᐃᑐᓐ ᒋ ‍ ᐅᑦ ᐊᔅᒋᐅᒡ ᑭᔭ ᑭᕋᕐ ᐃᑕᒐ ᐃᔅᐱᔅ ᑲᓴ ᑭᔭ ᓱᑕᒻ, ᑯᒧᕋ, ᐊᑦᒪ ᑭᔭ ᓴᐳᐃᒻ ᐃᔅᐱᔅ ᓚᓴ᙮
\p
\v 20 ᐊᐅᑯᐤ ᐅᔭ ᐅᑦ ᐊᐛᓯᒪ ᐊᒻ, ᑲ ᐃᓯ ‍ ᑕᑐᐃᒋᓯᒡ, ᑲ ᐃᓯ ‍ ᐃᔨᒥᒡ, ᑲ ᐃᓯ ‍ ᐅᑦ ᐊᔅᒋᒡ ᑭᔭ ᑲ ‍ ᑕᑐᔅᑲᓇᓯᒡ᙮
\s1 ᓴᒻ ᐅᑦ ᐊᓂᔅᑯᑕᐸᓇ
\p
\v 21 ᓴᒻ ᒋ ‍ ᑕᔪᐛ ᐅᑦ ᐊᐛᓯᒪ, ᒋ ‍ ᐅᑕᐎᒪᐤ ᒥᓯᐛ ᐃᐳᕐ ᐅᑦ ᐊᐛᓯᒥᔪᐛ ᑭᔭ ᒐᐸᑕ ᒋ ‍ ᐅᔅᑕᓱᐤ᙮
\p
\v 22 ᓴᒻ ᒋ ‍ ᐅᑯᓱᐤ ᐃᓚᒻ, ᐊᔅᐅᕐ, ᐊᕐᐸᑭᓴᑦ, ᓗᑦ ᑭᔭ ᐊᕋᒻ᙮
\p
\v 23 ᐊᕋᒻ ᒋ ‍ ᐅᑯᓱᐤ ᐅᔅ, ᐅᓪ, ᑲᑐᕐ ᑭᔭ ᒪᔅ᙮
\p
\v 24 ᐊᕐᐸᑭᓴᑦ ᐎᔾ ᒋ ‍ ᐅᑕᐎᒪᐤ ᓴᓚ᙮ ᓴᓚ ᐎᔾ ᒋ ‍ ᐅᑕᐎᒪᐤ ᐃᐳᕐ᙮
\p
\v 25 ᒋ ‍ ᓂᓯᔪᐛ ᐃᐳᕐ ᐅᑯᓴ᙮ ᐸᓚᒃ ᐸᐃᒄ ᒋ ‍ ᐃᓯᓂᐧᑲᓱᔪᐛ, ᐊ ‍ ᐃᑎᔅᑲᓇᓯᒡ ᒋ ‍ ᑎᐸᓂᒧᒡ ᐊᔅᒋᔪᐤ ᑲᒋ ‍ ᑕᑦ᙮ ᒍᒃᑕᓐ ᒋ ‍ ᐃᓯᓂᐧᑲᑕᑭᓄᐅᔪᐛ ᐅᓯᒪ᙮
\p
\v 26 ᒍᒃᑕᓐ ᐎᔾ ᒋ ‍ ᐅᑕᐎᒪᐤ ᐊᓪᒧᑕᑦ, ᓯᓚᑉ, ᐊᓴᕐᒪᐸᑦ, ᒋᕋ,
\v 27 ᐊᑐᕋᒻ, ᐅᓴᓪ, ᑎᒃᓚ,
\v 28 ᐅᐸᓪ, ᐊᐱᒪᐃᓪ, ᓯᐸ,
\v 29 ᐅᐳᕐ, ᐊᐱᓚ ᑭᔭ ᒍᐸᑉ᙮ ᒍᒃᑕᓐ ᐅᔭ ᒥᓯᐛ ᐅᑯᓴ᙮
\v 30 ᒥᓴ ᐊᔅᒋᒡ ᐅᒡ ᐃᔅᐱᔅ ᓯᐸᕐ ᒋ ‍ ᐎᒍᐅᒡ ᐛᐱᓄᑕᒡ ᐱᔅᑯᑎᓇᒡ᙮
\v 31 ᐊᐅᑯᐤ ᐅᔭ ᑲ ᐃᓯ ‍ ᐎᔭᑭᓄᔨᒋ ᓴᒻ ᐅᑦ ᐊᐛᓯᒪ, ᑲ ‍ ᐃᑎᔅᑲᓇᓯᒡ ᑭᔭ ᑲ ‍ ᐅᑦ ᐊᔅᒋᒡ᙮
\p
\v 32 ᐊᐅᑯᐤ ᑲ ᐃᓯ ‍ ᐎᔭᑭᓄᔨᒋ ᓄᐛ ᐅᑯᓴ ᐅᑦ ᐊᓂᔅᑯᑕᐸᓂᔪᐛ, ᒋ ‍ ᒥᒐᑐᔅᑲᓇᓯᔨᐛ ᐅᑦ ᐊᓂᔅᑯᑕᐸᓂᔪᐛ ᑭᔭ ᒥᓯᐛ ᐊᔅᐱᑎᔅᑭᒥᑲᔨᒡ ᐅᑕ ᐊᔅᒋᒡ ᒋ ‍ ᑕᔪᐛ ᑲᒋ ‍ ᐃᔅᒋᐸᔨᒡ᙮
\c 11
\s1 ᐸᐱᓪ ᑲ ‍ ᐃᔅᐸᒡ ᒥᒋᐛᑉ
\p
\v 1 ᐅᔅᑭᒡ ᒥᓯᐛ ᐊᐛᓐᒋ ᐅᑕ ᐊᔅᒋᒡ ᒋ ‍ ᐸᐃᒂᓂᔪᐤ ᐅᑦ ᐃᔨᒧᐅᓄᐛᐤ
\v 2 ᐱᔅᒐ ᑲᒋ ‍ ᐅᑐᑕᒡ ᐛᐱᓄᑕᒡ ᑭᔭ ᑲ ‍ ᐎᒋᒡ ᐊᓐᑕ ᐸᐱᓗᓂᔭ ᐊᔅᒋᒡ᙮
\v 3 ᒂ ‍ ᐃᔅᒋᔄᒡ, “ᐅᓯᑎᒪᓱᑕᐤ ᐅᑕᓇᐤ ! ᐊᓯᔅᒍᐤ ᐊᓯᓂᔾ ᒐ ‍ ᐊᐱᒋᐊᐧᒄ ᑭᔭ ᐱᒍᐤ ᒐᒋ ᒪᒧᐅᒥᒋ᙮” ᐊᑯ ᒋ ‍ ᐊᐱᒋᐊᐅᒡ ᐊᓯᔅᒍᐤ ᐊᓯᓂᔾ ᒧᔭᒻ ᐊᓯᓂᔭ, ᑭᔭ ᐱᒍᐛ ᒧᔭᒻ ᐊᓯᓂᔾ ᐱᓯᒂᐃᑭᓇ᙮
\v 4 ᐊᑯ ᒂ ‍ ᐃᔅᒋᔄᒡ, “ᐅᓯᑎᒪᓱᑕᐤ ᐅᑕᓇᐤ ᒋᒡ ᐊ ‍ ᐃᔅᐸᒡ ᒥᒋᐛᑉ ᐊᓐ ᒐ ‍ ᐅᑎᒋᐱᒡ ᒋᒋᒋᓯᑯᒡ, ᒋᑭ ᒥᔅᑎ ‍ ᐃᑕᔨᑕᑯᓯᓇᓄᐤ, ᑭᔭ ᒐ ᐊᑲ ᒋ ᑕᑎᐸᓐ ᑎᔨᑯᐅᔭᐧᒄ ᐅᑕ ᒥᓯᐛ ᐊᔅᐱᑎᔅᑭᒥᑲᒡ ᐊᔅᒋᒡ᙮”
\p
\v 5 ᐊᑯ ᑎᐸᔨᒋᒐᓱᐤ ᒪᒃ ᒋ ᐸᒋ ‍ ᔭᓯᐤ ᒐᒋ ᒋᑕᐸᑕᐧᒃ ᐅᑕᓇᔪᐤ ᑭᔭ ᑲ ‍ ᐃᔅᐸᔨᒡ ᒥᒋᐛᐱᔪᐤ,
\v 6 ᑭᔭ ᒂ ‍ ᐃᔅᒋᔄᑦ, “ᐅᒡ ᐃᔪᒡ ᒪᒧᐤ ᐎᒋᑐᔅᒐᒥᑐᐅᒡ ᑭᔭ ᐸᐃᑯᑕᐤ ᐃᔨᒧᐅᓂᔪᐤ ᐃᔨᒧᐅᒡ᙮ ᐊᐅᑯᐤ ᒥᒄ ᐛ ‍ ᒋᒋᐱᔨᒡ ᐊᓂᔭ ᒐᒂᔪᐤ ᒐ ‍ ᑐᑕᒡ, ᐸᓱᓇᑯᓂᔪᐤ ᐎᔨᐛᐤ ᒐᒋ ᑐᑕᒡ ᓂᑐᐎᔾ ᒐᒂᔪᐤ ᐛᑐᑕᒡ᙮
\v 7 ᐊᔅᑎᒻ ᔭᓯᑕᐤ ᑭᔭ ᒐ ‍ ᐃᑐᑐᐛᐧᑯᒡ ᑕᑎᐸᓐ ᒐ ᐃᓯ ‍ ᐃᔨᒥᒡ ᐃᔨᒧᐅᓇ ᒐ ᐊᑲ ᒋ ᓂᔅᑐᑕᑐᒡ᙮”\fig The Lord made all the languages|NT-012na.tif|col||New Tribes|ᑎᐸᔨᒋᒐᓱᐤ ᑲ ‍ ᐃᑐᑐᐛᑦ ᑕᑎᐸᓐ ᒐ ᐃᓯ ‍ ᐃᔨᒥᔨᒋ|ᒐᓂᓯᔅ 11.7\fig*
\p
\v 8 ᐊᑯ ᑎᐸᔨᒋᒐᓱᐤ ᒂ ‍ ᐃᑎᓴᐛᑦ ᒥᓯᑕ ᐅᑕ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᒡ ᑭᔭ ᒂ ‍ ᐳᓂᒡ ᐊ ‍ ᐅᓯᑕᒡ ᐅᑕᓇᔪᐤ᙮
\v 9 ᐊᑯ “ᐸᐱᓪ” ᒋ ‍ ᐃᓯᓂᐧᑲᑕᑭᓄᐤ ᐅᑕᓇᐤ ᐛᔅ ᐊᑯᑕ ᐊᓐᑕ ᑎᐸᔨᒋᒐᓱᐤ ᑲ ‍ ᐃᑐᑐᐛᑦ ᑕᑎᐸᓐ ᒐ ᐃᓯ ‍ ᐃᔨᒥᔨᒋ᙮ ᒋ ‍ ᐃᑎᓴᐛᐤ ᐃᔪᐛ ᐊᓐᑕ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᒡ ᒐᒋ ᑕᔨᒋ᙮
\s1 ᓴᒻ ᐅᑦ ᐊᓂᔅᑯᑕᐸᓇ
\p
\v 10 ᐊᐅᑯᐤ ᐊᓯ ‍ ᑎᐸᒋᒪᑭᓄᔨᒋ ᓴᒻ ᐅᑦ ᐊᓂᔅᑯᑕᐸᓇ᙮
\p ᓂᓱᐳᓇ ᑲᒋ ‍ ᐃᔅᒋᐸᔨᒡ, ᐃᔅᐱ ᓴᒻ ᑲ ‍ ᐸᐃᑯ ᒥᑕᓯᒥᑎᓄᐛᐳᓇᓯᑦ, ᒋ ‍ ᑕᔪᐛ ᐅᑯᓴ ᐊᕐᐸᑭᓴᑦ ᐊᓯᓂᐧᑲᑕᑭᓄᔨᒋ᙮
\v 11 ᒋ ‍ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᑭᔭ ᒂ ‍ ᐳᓂᐱᒪᑎᓯᑦ ᐱᑕᑕᒡ ᑕᑐᐤ ᒥᑕᓯᒥᑎᓄᐤ ᑲ ‍ ᐃᑕᑐᐳᓇᓯᑦ᙮
\p
\v 12 ᓂᔅᑐᔪᐤ ᐊᓱ ᐱᑕᑕᒡ ᑲ ‍ ᐃᑕᑐᐳᓇᓯᑦ ᐊᕐᐸᑭᓴᑦ, ᒋ ‍ ᑕᔪᐛ ᐅᑯᓴ ᓯᓚ ᐊᓯᓂᐧᑲᑕᑭᓄᔨᒋ᙮
\v 13 ᒋ ‍ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᐊᕐᐸᑭᓴᑦ, ᐊᑯ ᒂ ‍ ᐳᓂᐱᒪᑎᓯᑦ ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᔭᓇᐤ ᑲ ‍ ᐃᑕᑐᐳᓇᓯᑦ᙮
\p
\v 14 ᓂᔅᑐᔪᐤ ᑲ ‍ ᐃᑕᑐᐳᓇᓯᑦ ᓯᓚ, ᒋ ‍ ᑕᔪᐛ ᐅᑯᓴ ᐃᐳᕐ ᐊᓯᓂᐧᑲᑕᑭᓄᔨᒋ᙮
\v 15 ᒋ ‍ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᓯᓚ, ᐊᑯ ᒂ ‍ ᐳᓂᐱᒪᑎᓯᑦ ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᓂᔅᑐ ᑲ ‍ ᐃᑕᑐᐳᓇᓯᑦ᙮
\p
\v 16 ᓂᔅᑐᔪᐤ ᐊᓱ ᓇᐤ ᑲ ‍ ᐃᑕᑐᐳᓇᓯᑦ ᐃᐳᕐ, ᒋ ‍ ᑕᔪᐛ ᐅᑯᓴ ᐸᓚᒃ ᐊᓯᓂᐧᑲᑕᑭᓄᔨᒋ᙮
\v 17 ᒋ ‍ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᐃᐳᕐ, ᐊᑯ ᒂ ‍ ᐳᓂᐱᒪᑎᓯᑦ ᓇᐤ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐤ ᐊᓱ ᓇᐤ ᑲ ‍ ᐃᑕᑐᐳᓇᓯᑦ᙮
\p
\v 18 ᓂᔅᑐᔪᐤ ᑲ ‍ ᐃᑕᑐᐳᓇᓯᑦ ᐸᓚᒃ, ᒋ ‍ ᑕᔪᐛ ᐅᑯᓴ ᕆᐅ ᐊᓯᓂᐧᑲᓱᐎᔨᒋ᙮
\v 19 ᒋ ‍ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᐸᓚᒃ, ᐊᑯ ᒂ ‍ ᐳᓂᐱᒪᑎᓯᑦ ᓂᓱ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᐸᐃᑯᔅᑕᐤ ᑲ ‍ ᐃᑕᑐᐳᓇᓯᑦ᙮
\p
\v 20 ᓂᔅᑐᔪᐤ ᐊᓱ ᓂᓱ ᑲ ‍ ᐃᑕᑐᐳᓇᓯᑦ ᕆᐅ, ᒋ ‍ ᑕᔪᐛ ᐅᑯᓴ ᓴᕈᒃ ᐊᓯᓂᐧᑲᑕᑭᓄᔨᒋ᙮
\v 21 ᒋ ‍ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᕆᐅ, ᐊᑯ ᒂ ‍ ᐳᓂᐱᒪᑎᓯᑦ ᓂᓱ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᐸᐃᑯᔅᑕᐤ ᑲ ‍ ᐃᑕᑐᐳᓇᓯᑦ᙮
\p
\v 22 ᓂᔅᑐᔪᐤ ᑲ ‍ ᐃᑕᑐᐳᓇᓯᑦ ᓴᕈᒃ, ᒋ ‍ ᑕᔪᐛ ᐅᑯᓴ ᓇᐅᕐ ᐊᓯᓂᐧᑲᓱᔨᒋ᙮
\v 23 ᒋ ‍ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᓴᕈᒃ, ᐊᑯ ᒂ ‍ ᐳᓂᐱᒪᑎᓯᑦ ᓂᓱ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᑲ ‍ ᐃᑕᑐᐳᓇᓯᑦ᙮
\p
\v 24 ᓂᓱᔪᐤ ᐊᓱ ᐸᐃᑯᔅᑕᐤ ᑲ ‍ ᐃᑕᑐᐳᓇᓯᑦ ᓇᐅᕐ, ᒋ ‍ ᑕᔪᐛ ᐅᑯᓴ ᑕᕋ ᐊᓯᓂᐧᑲᑕᑭᓄᔨᒋ᙮
\v 25 ᒋ ‍ ᑕᔪᐛ ᑯᑎᑲ ᒥᒐᑦ ᐅᑦ ᐊᐛᓯᒪ ᓇᐅᕐ, ᐊᑯ ᒂ ‍ ᐳᓂᐱᒪᑎᓯᑦ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᔭᓇᐤ ᑲ ‍ ᐃᑕᑐᐳᓇᓯᑦ᙮
\p
\v 26 ᑲᒋ ‍ ᓂᔄᐅᑕᒡ ᑕᑐᔪᐤ ᐃᑕᑐᐳᓇᓯᑦ ᑕᕋ, ᒋ ‍ ᓂᔅᑎᔨᐛ ᐅᑯᓴ: ᐊᑉᕋᒻ, ᓇᐅᕐ ᑭᔭ ᐦᐊᕋᓐ᙮
\s1 ᑕᕋ ᐅᑦ ᐊᓂᔅᑯᑕᐸᓇ
\p
\v 27 ᐊᐅᑯᐤ ᐊᓯ ‍ ᑎᐸᒋᒪᑭᓄᔨᒋ ᑕᕋ ᐅᑦ ᐊᓂᔅᑯᑕᐸᓇ᙮
\p ᑕᕋ ᒋ ‍ ᓂᔅᑎᐛ ᐅᑯᓴ, ᐊᑉᕋᒻ, ᓇᐅᕐ ᑭᔭ ᐦᐊᕋᓐ᙮ ᐊᕋᓐ ᒋ ‍ ᑕᔪᐛ ᐅᑯᓴ ᓗᑦ ᐊᓯᓂᐧᑲᓱᔨᒋ, ᑕᕋ ᐊ ‍ ᓂᔅᑎᔨᒋ ᐅᑯᓴ ᐊᑯᑕ ᑲ ‍ ᐃᔪᔨᒋ ᐊᓐᑕ ᐅᕐ ᐅᑕᓇᔪᐤ ᐊᓐᑕ ᑲᓪᑎᔭ᙮
\v 28 ᐊᑯᑕ ᑲ ‍ ᐳᓂᐱᒪᑎᓯᑦ ᐦᐊᕋᓐ ᐊᔅᒄ ᐊᑲ ᐅᒋ ᐳᓂᐱᒪᑎᓯᔨᒋ ᐅᑕᐎᔭ᙮ ᐊᐅᑯᐤ ᐊᓯᐎᔭᑭᓄᔨᒋ ᑕᕋ ᐅᑦ ᐊᓂᔅᑯᑕᐸᓇ,
\v 29 ᐊᑉᕋᒻ ᑭᔭ ᓇᐅᕐ ᐊ ‍ ᓂᓯᒡ ᒋ ‍ ᓂᐳᐎᒡ, ᐊᑉᕋᒻ ᐎᐛ ᓴᕋᐃ ᒋ ‍ ᐃᓯᓂᐧᑲᓱᔪᐛ᙮ ᓇᐅᕐ ᐎᐛ ᒥᓪᑲ ᒋ ‍ ᐃᓯᓂᐧᑲᓱᔪᐛ, ᐦᐊᕋᓇ ᐅᑕᓂᓯᔪᐛ᙮ ᐦᐊᕋᓐ ᒋ ‍ ᐅᑕᐎᒪᐤ ᒥᓪᑲ ᑭᔭ ᐃᔅᑲ᙮
\v 30 ᒥᒄ ᓴᕋᐃ ᓇᒪ ᐅᒋ ᐅᑦ ᐊᐛᓯᒧᐤ, ᐊᑯ ᓇᒪ ᐅᒋ ᑭᓄᐛᔨᒪᐤ ᐊᐛᓴ᙮
\p
\v 31 ᑕᕋ ᒋ ‍ ᔅᑐᑕᐊᐤ ᐅᑯᓴ ᐊᑉᕋᒪ ᑭᔭ ᐅᔅᒋᒪ ᓗᑕ, ᐦᐊᕋᓇ ᐅᑯᓯᔪᐛ ᑭᔭ ᐅᓇᐊᑭᓂᔎᒪ ᓴᕋᔨᒋ, ᐅᑯᓴ ᐊᑉᕋᒪ ᐎᐎᐛ᙮ ᒪᒧᐤ ᒂ ‍ ᓂᑭᑕᒡ ᐅᕐ ᐊᓐᑕ ᑲᓪᑎᔭ, ᑲᐃᓇᓐ ᐊᔅᒋᒡ ᐊ ‍ ᐃᑐᑕᒡ᙮ ᒥᒄ ᐊᕋᓐ ᐃᔅᐱᔅ ᒋ ‍ ᐃᑐᑕᐅᒡ, ᐊᑯᑕ ᑲ ‍ ᐃᑐᑕᒡ ᐎᒋᐛᐤ᙮
\p
\v 32 ᓂᓱ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᐤ ᐱᐳᓇ ᒋ ‍ ᐃᔅᐱᔅ ᐃᔪᐤ ᑕᕋ ᑭᔭ ᒂ ‍ ᐳᓂᐱᒪᑎᓯᑦ ᐊᓐᑕ ᐦᐊᕋᓐ᙮
\c 12
\s1 ᐊᑉᕋᒻ ᑲ ‍ ᑕᑈᑎᑯᑦ ᒋᓴᒪᓂᑐᐛ
\s2 Genesis 12.1-9 (Proper-5 Year A)
\s2 Genesis 12.1-4a (Lent-2 Year A)
\p
\v 1 ᑎᐸᔨᒋᒐᓱᐤ ᐃᑕᐤ ᐊᑉᕋᒪ, “ᓂᑭᑕ ᒋᑦ ᐊᔅᒋᔾ ᑭᔭ ᒋᐧᑲᓂᓯᒡ ᑭᔭ ᒍᑕᐎᔾ ᐎᒡ, ᐃᑐᑕ ᒪᒃ ᐊᓐᑕ ᐊᔅᒋᔾ ᒐ ‍ ᐛᐸᑎᔨᑕᓐ᙮
\q
\v 2 ᒋᑭ ‍ ᐅᑕᐎᒪᐅᓐ ᐊ ‍ ᓱᐧᑲᑎᓯᒡ ᐊ ‍ ᐃᑎᔅᑲᓇᓯᒡ, ᒋᑭ ‍ ᒥᔪᑐᑕᑎᓐ ᒥᓯᐛ ᒐᒂᓐ ᐅᒡ,
\q ᓂᑭ ‍ ᒋᔅᑕᔨᑕᑯᑕᓐ ᒋᑦ ᐃᓯᓂᐧᑲᓱᐅᓐ, ᒋᑭ ‍ ᓱᐛᔨᑕᑯᐎᐛᓐ ᒪᒃ᙮
\q
\v 3 ᓂᑭ ‍ ᒥᔽᒋᒪᐅᒡ ᐊᓐᒡ ᑲ ‍ ᒥᔽᒋᒥᔅᒡ ᑭᔭ ᓂᑭ ‍ ᒥᒐᒋᒪᐤ ᐊᓐ ᒪᒐᒋᒥᔅᒃ;
\q ᒋᔾ ᐅᒡ ᒥᓯᐛ ᐊ ‍ ᑕᑎᓯᒡ ᐃᔪᒡ ᐅᑕ ᐊᔅᒋᒡ ᒋᑭ ‍ ᓱᐛᔨᑕᑯᓱᐅᒡ᙮”
\p
\v 4 ᓂᔄᐅᑕᒡ ᑕᑐᔪᐤ ᐊᓱ ᐱᑕᑕᒡ ᒋ ‍ ᐃᑕᑐᐳᓇᓱᐤ ᐊᑉᕋᒻ ᑲ ‍ ᐃᑎᑯᑦ ᑎᐸᔨᒋᒐᓱᐛ ᒐᒋ ᓂᑭᑕᐧᒃ ᐦᐊᕋᓐ ᐅᑕᓇᔪᐤ᙮ ᒋ ‍ ᑕᑈᑐᐛᐤ ᑭᔭ ᒋ ‍ ᔅᑐᑕᐤ ᓗᑕ ᐊ ‍ ᐎᒐᐅᑯᑦ᙮ \fig Abram left the town of Haran|NT-014na.tif|col||New Tribes|ᐊᑉᕋᒻ ᑲ ‍ ᓂᑭᑕᐧᒃ ᐊᕋᓐ ᐅᑕᓇᔪᐤ᙮|ᒐᓂᓯᔅ 12.4\fig*
\v 5 ᐊᑉᕋᒻ ᒋ ‍ ᐅᑎᓇᐤ ᐎᐛ ᓴᕋᐃᔨᒋ ᑭᔭ ᐅᑐᓯᒪ ᓗᑕ ᑭᔭ ᒥᓯᐛ ᒐᒂᓂᔪᐤ ᑲ ‍ ᒪᐅᒋᑕᑦ ᑭᔭ ᒥᓯᐛ ᐅᑦ ᐊᐱᒋᐊᑭᓇ ᐦᐊᕋᓐ ᑲ ᐅᒋ ‍ ᐊᔭᐛᒡ, ᒋ ‍ ᔅᑐᑕᐅᒡ ᒐᒋ ᐃᑐᑕᒡ ᑲᐃᓇᓐ ᐊᔅᒋᒡ᙮ ᐊᑯ ᑲ ‍ ᑎᑯᓯᒡ ᐊᓐᑕ ᑲᐃᓇᓐ ᐊᔅᒋᒡ᙮
\p
\v 6 ᒧᕋᐃ ᒋ ‍ ᐃᔅᐱᔅ ᐃᑐᑕᐤ ᐊᑉᕋᒻ ᐊᓐᑕ ᓴᑭᒻ ᐃᑕᐅᓂᒡ᙮ ᑲᐃᓇᓐ ᐃᔪᐛ ᐊᔅᒄ ᒋ ‍ ᑕᔪᐛ ᐊᓐᑕ ᐊᔅᒋᒡ᙮
\v 7 ᑎᐸᔨᒋᒐᓱᐤ ᒋ ‍ ᓄᑯᓯᔅᑐᐛᐤ ᐊᑉᕋᒪ ᑭᔭ ᒂ ‍ ᐃᑕᑦ, “ᓂᑭ ‍ ᒥᔭᐅᒡ ᒋᑦ ᐊᑐᔅᒐᔭᑭᓐᒡ ᐅᔭ ᑲᐃᓇᓐ ᐊᔅᒋᔪᐤ᙮” ᐊᑯ ᐊᑉᕋᒻ ᒂ ‍ ᐃᑐᑎᒧᐛᑦ ᑎᐸᔨᒋᒐᓱᐛ ᐱᔅᑎᓂᒐᐅᓇᐱᔅᑯᔪᐤ ᑲᒋ ‍ ᓄᑯᓯᔅᑕᑯᑦ᙮
\p
\v 8 ᐊᑉᕋᒻ ᒪᒃ ᒋ ‍ ᐃᑐᑕᐤ ᐱᔅᑯᑎᓇᒡ ᐛᐱᓄᑕᒡ ᐸᑕᓪ ᐃᑕᒐ ᑭᔭ ᐊᑯᑕ ᑲ ‍ ᒋᒥᑕᑦ ᐅᐱᒍᐎᔭᓂᒋᐛᑉ, ᐸᑕᓪ ᐊᑎᒪᐱᓯᒧᒡ ᐊ ‍ ᑎᑯᓂᔨᒡ ᐃᑕᒐ ᑭᔭ ᐊᐃ ᐛᐱᓄᑕᒡ ᐃᑕᒐ᙮ ᐊᑯᑕ ᐱᔅᑎᓂᒐᐅᓇᐱᔅᑯᔪᐤ ᑲ ‍ ᐅᓯᑎᒧᐛᑦ ᑎᐸᔨᒋᒐᓱᐛ ᑭᔭ ᒋ ‍ ᓂᑐᑎᒧᐛᐤ ᑎᐸᔨᒋᒐᓱᐛ᙮
\v 9 ᐊᑯ ᐊᑉᕋᒻ ᐱᓯᒧᑕᒡ ᒋ ᐃᓯ ‍ ᔅᑐᑕᐤ ᐃᔅᐱᔅ ᓇᒐᑉ ᐊᔅᒋᒡ᙮
\s1 ᐃᒋᑉᑎᒡ ᐊ ‍ ᑕᑦ ᐊᑉᕋᒻ
\p
\v 10 ᒋ ‍ ᑎᒂᓐ ᓄᑕᐧᑭᑕᐅᓐ ᐊᓐᑕ ᑲᐃᓇᓐ ᐊᔅᒋᒡ᙮ ᐊᑯ ᐊᑉᕋᒻ ᒂ ‍ ᐃᑐᑕᑦ ᐱᓯᒧᑕᒡ ᐃᒋᑉᑎᒡ ᒐᒋ ᑕᑦ ᐊᓐᑕ, ᐅᓴᒻ ᒋ ‍ ᐊᔨᒥᓐ ᒐᒋ ᐎᒋᓇᓄᐅᒡ ᐊᓐᑕ ᐊᔅᒋᒡ ᐊᑲ ᑎᒂᒡ ᒥᒋᒻ᙮
\v 11 ᒥᒄ ᐊᔅᒄ ᐊᑲ ᑎᑯᓯᒡ ᐊᓐᑕ ᐃᒋᑉᑎᒡ, ᐊᑯ ᐊᑕᑦ ᐎᐛ ᓴᕋᐃᔨᒋ, “ᓂ ‍ ᒋᔅᒐᔨᑕᓐ ᐊᔅᐱᔅ ᒥᔪᔎᐎᓐ,
\v 12 ᐛᐱᒥᔎᐛ ᐃᒋᑉᑦ ᐃᔪᒡ ᐊᔅᐱᔅ ᒥᔪᔎᐎᓐ, ᓂᑭ ᐎ ‍ ᓂᐸᐃᑯᒡ ᐅᓴᒻ ᓂᔾ ᐅ ᒋᓇᐸᒻ᙮ ᒥᒄ ᒋᔾ ᓇᒪ ᒋᑭ ‍ ᓂᐸᐃᒂᒡ᙮
\v 13 ᒐ ‍ ᐃᑎᑥᐤ ᐊ ‍ ᐅᓯᒥᑕᑕᓐ᙮ ᐃᑎᑥᐛ ᐅᔭ, ᓂᑭ ‍ ᒥᔪᑐᑕᑯᒡ ᑭᔭ ᓇᒪ ᓂᑭ ‍ ᓂᐸᐃᑯᒡ᙮”
\p
\v 14 ᐃᔅᐱ ᑲ ‍ ᑎᑯᓯᒡ ᐊᓐᑕ ᐃᒋᑉᑎᒡ, ᒋ ‍ ᐛᐱᒪᐅᒡ ᐃᒋᑉᑦ ᐃᔪᒡ ᐊᔅᐱᔅ ᒥᔪᔎᐎᔨᒋ ᐊᓂᔭ ᐃᔎᐛ᙮
\v 15 ᐃᔅᐱ ᐱᔅᒐ ᒋᓴᐅᒋᒪᐤ ᐅᑯᐸᓇᒪ ᐎᔭᐱᒪᒡ ᐃᔎᐛ, ᒋ ‍ ᐎᑎᒧᐛᐅᒡ ᒋᓴᐅᒋᒪᐛ ᐊᔅᐱᔅ ᒥᔪᔎᐎᔨᒋ᙮ ᐊᑯ ᒋᓴᐅᒋᒪᐤ ᑲ ‍ ᓂᑐᐛᔨᒪᑦ ᒐᒋ ᐸᓱᐛᑭᓄᔨᒋ ᒐᒋ ᑕᔨᒋ ᐎᒋᒡ᙮
\v 16 ᒋ ‍ ᒥᔪᑐᑐᐛᐤ ᒪᒃ ᐊᑉᕋᒪ, ᐊᒋ ‍ ᐃᑕᔨᒪᑦ ᓴᕋᐃᔨᒋ ᐊ ‍ ᐅᔅᑕᓯᔨᒋ᙮ ᐊᑉᕋᒻ ᒋ ‍ ᒥᔭᑭᓄᐤ ᒪᒃ ᒪᔭᑕᓂᓴ ᑭᔭ ᒥᔅᑐᓴ, ᓇᐸᐤ ᐊᐱᒋᐊᑭᓇ ᑭᔭ ᐃᔎᐤ ᐊᐱᒋᐊᑭᓇ, ᓇᐸ ᐅᐧᑲᓇ ᑭᔭ ᓄᓴ ᐅᐧᑲᓇ, ᑭᔭ ᑲ ᒥᔅᑎ ‍ ᐱᔎᐅᑯᓇᔨᒋ ᐊᐛᓯᓴ᙮
\p
\v 17 ᐅᓴᒻ ᒋᓴᐅᒋᒪᐤ ᑲ ‍ ᐅᑎᓇᑦ ᐊᑉᕋᒪ ᐎᐎᐛ, ᑎᐸᔨᒋᒐᓱᐤ ᒋ ‍ ᐃᑐᑐᐛᐤ ᒋᓴᐅᒋᒪᐛ ᑭᔭ ᒥᓯᐛ ᑲ ‍ ᑕᔨᒋ ᐎᒋᐛᔨᒡ ᒐᒋ ᒥᔅᑎᐊᐧᑯᓯᔨᒋ᙮
\v 18 ᐊᑯ ᒋᓴᐅᒋᒪᐤ ᒂ ‍ ᓂᑐᒪᑦ ᐊᑉᕋᒪ ᑭᔭ ᐊᑕᑦ, “ᒐᒂᓐ ᐅ ᑲ ‍ ᐃᑐᑕᐎᓐ ? ᒋᐸ ‍ ᐎᑎᒧᐅᓇᐱᓐ ᐅ ᒋᔾ ᐛᐎᓐ᙮
\v 19 ᒐᒂᓐ ᒪᒃ ᐛᒋ ‍ ᐃᔅᒋᔄᔨᓐ ᐊ ‍ ᐅᓯᒥᔨᓐ ? ᒪᐅ ᒋᐅ, ᐅᑎᓐ ᑭᔭ ᒐ ‍ ᔅᑐᑕᔨᓐ᙮”
\v 20 ᐊᑯ ᒋᓴᐅᒋᒪᐤ ᒂ ‍ ᐃᑕᑦ ᐅᓂᑐᐱᔪᐅ-ᐃᔨᒪ ᒐᒋ ᐅᑎᓇᔨᒋ ᐊᑉᕋᒪ ᑭᔭ ᐎᐎᐛ ᑭᔭ ᒥᓯᐛ ᒐᒂᓂᔪᐤ ᑲ ‍ ᑎᐱᔨᐛᐅᓯᔨᒋ ᒐᒋ ᐎᐎᑎᓴᐛᔨᒋ ᐊᓐᑕ ᐃᒋᑉᑎᒡ᙮
\c 13
\s1 ᐊᑉᕋᒻ ᑭᔭ ᓗᑦ ᑎᐸᓐ ᐃᑐᑕᐅᒡ
\p
\v 1 ᐊᑉᕋᒻ ᑭᔭ ᐎᐛ ᒋ ‍ ᓂᑭᑐᒧᒡ ᐃᒋᑉᑦ ᐊᔅᒋᔪᐤ᙮ ᒋ ‍ ᔅᑐᑕᐅᒡ ᒥᓯᐛ ᒐᒂᔪᐤ ᑲ ‍ ᑎᐸᔨᑕᒡ ᑭᔭ ᑲᐤ ᒋ ‍ ᐃᑐᑕᐅᒡ ᐊᓐᑕ ᑲᐃᓇᓐ ᐱᓯᒧᑕᒡ ᐃᑕᒐ᙮ ᓗᑦ, ᐊᑉᕋᒻ ᐅᑐᓯᒪ ᒋ ‍ ᐎᒐᒐᐤ᙮
\v 2 ᐊᑉᕋᒻ ᒋ ‍ ᐛᔪᑎᓯᐤ᙮ ᒋ ‍ ᑎᐸᔨᒪᐤ ᒥᒐᑦ ᒥᒋᑎᒂ, ᒪᔭᑕᓂᓴ ᑭᔭ ᒥᔅᑐᓴ ᑭᔭ ᒋ ᒥᔅᑎ ‍ ᑭᓄᐛᔨᑎᒻ ᐛᐱᓯᐅᓱᓇᔭᐱᔎ ᑭᔭ ᐎᔄᐅᓱᓇᔭᔪᐤ᙮
\p
\v 3 ᒋ ‍ ᐱᐸᒧᑕᐤ ᓇᒐᑉ ᐊ ᐅᒋ ‍ ᔅᑐᑕᑦ ᐃᔅᐱᔅ ᐸᑕᓪ, ᐊᓐᑕ ᐅᔅᑭᒡ ᑲ ‍ ᒋᒥᑕᑦ ᐅᐱᒍᐎᔭᓂᒋᐛᑉ, ᑎᔅᑐᐎᒡ ᐸᑕᓪ ᐃᑕᐅᓂᔪᐤ ᑭᔭ ᐊᐃ,
\v 4 ᐊᓐᑕ ᐅᔅᑭᒡ ᑲ ‍ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ᙮ ᐊᑯᑕ ᑲ ‍ ᓂᑐᑎᒧᐛᑦ ᑎᐸᔨᒋᒐᓱᐛ᙮
\p
\v 5 ᓗᑦ ᑭᔭ ᐅᑐᑕᒪ ᑭᔭ ᐅᑦ ᐊᐱᒋᐊᑭᓇ ᒋ ‍ ᐱᐸᒧᐎᒐᐛᐅᒡ ᐊᑉᕋᒪ᙮ ᒋ ‍ ᑭᓄᐛᔨᒪᐤ ᒪᔭᑕᓂᓴ ᑭᔭ ᒥᒋᑎᒂ᙮
\v 6 ᒐᒃ ᑲ ‍ ᐅᑎᒋᐱᔨᒡ ᐊᑉᕋᒻ ᑭᔭ ᓗᑦ ᑲ ‍ ᒥᔅᑎᑭᓄᐛᔨᒪᒡ ᐊᐛᓯᓴ ᓇᒪ ᐅᒋ ᐃᔅᐱᔪᒡ ᐊᔅᒋᔪᐤ ᒐᒋ ᒪᒧᐤ ᐎᒋᒡ᙮
\v 7 ᒂ ‍ ᒋᒋᐱᔨᒡ ᐊ ‍ ᒋᐧᑲᒥᑐᔨᒋ ᐊᑉᕋᒻ ᑭᔭ ᓗᑦ ᐅᑦ ᐊᐱᒋᐊᑭᓄᐛᐛ, ᑲᐃᓇᓐ ᑭᔭ ᐸᕆᔅ ᐃᔪᒡ ᐃᔭᐱᒡ ᐊᓐᑕ ᒋ ‍ ᐎᒍᐅᒡ ᐊᔅᒋᒡ᙮
\p
\v 8 ᐊᑯ ᐊᑉᕋᒻ ᐊᑕᑦ ᓗᑕ, “ᐛᐸᑕ ! ᒋ ‍ ᐎᐧᑲᓂᓯᑕᑐᓇᓄᐤ, ᐊᑲ ᒥᔭᑕᐅᒋ ᒋᑦ ᐊᐱᒋᐊᑭᓄᐅᒡ ᒐᒋ ᒪᓯᐧᑲᑐᒡ᙮
\v 9 ᑎᑯᓐ ᐊᔅᒋᔾ ᒐᔅᑎᓇᔅ ᒐ ‍ ᐃᔅᐱᔭᐧᒄ ᐊ ‍ ᓂᓯᔭᐧᒄ᙮ ᒋᐸ ‍ ᒥᔽᐤ ᒐᒋ ᑎᐸᓂᔭᐧᒄ᙮ ᐛᔭᐸᑕ ᑕᓐᑕ ᒐᐸ ‍ ᒥᔽᔨᑕᓐ ᒐᒋ ᐎᒋᔨᓐ ᑭᔭ ᓂᔾ ᐃᔭᒡ ᓂᑭ ‍ ᐃᑐᑕᓐ᙮”
\p
\v 10 ᓗᑦ ᒋ ‍ ᓇᓂᑐᐛᐳᐤ ᑭᔭ ᒂ ‍ ᐛᐸᑕᐧᒃ ᐊ ‍ ᐱᓴᔨᒡ ᒠᕐᑕᓐ ᐊ ᒥᔪ ‍ ᓂᐱᐎᒡ, ᒧᔭᒻ ᐃᑎᓐ ᓂᑕᐅᒋᑕᑭᓂᔪᐤ ᑭᔭ ᒧᔭᒻ ᐃᒋᑉᑦ ᐊᔅᒋᔪᐤ, ᓱᐊᕐ ᐃᑕᒐ᙮ ᐊᐅᑯᐤ ᑲ ‍ ᐃᔅᐱᔨᒡ ᐊᒺᔭ ᑎᐸᔨᒋᒐᓱᐤ ᓂᓱᐅᓇᒋᑕᑦ ᓱᑕᒻ ᑭᔭ ᑯᒧᕋ ᐅᑕᓇᐛ᙮
\v 11 ᐊᑯ ᓗᑦ ᒂ ‍ ᐎᔭᔨᑕᐧᒃ ᒐᒋ ᐎᒋᑦ ᐊᓐᑕ ᐊ ‍ ᐱᓴᔨᒡ ᒠᕐᑕᓐ, ᐎᔾ ᑭᔭ ᐅᑦ ᐃᔨᒪ ᐛᐱᓄᑕᒡ ᒋ ᐃᓯ ‍ ᐊᑐᒐᐅᒡ᙮ ᐊᐅᑯᐤ ᑲ ᐃᓯ ‍ ᑎᐸᓄᑕᒡ ᐊ ‍ ᓂᓯᒡ ᓇᐸᐅᒡ᙮
\v 12 ᑲᐃᓇᓐ ᐊᔅᒋᒡ ᒋ ‍ ᐎᒍᐤ ᐊᑉᕋᒻ, ᒥᒄ ᓗᑦ ᒥᒋᒪ ᐅᑕᓇᐛ ᐊᓐᑕ ᐊ ‍ ᐱᓴᔨᒡ ᒠᕐᑕᓐ ᒋ ᐃᓯ ‍ ᐊᑐᒐᐤ, ᒥᒋᒪ ᓱᑕᒻ ᐅᑕᓇᔪᐤ ᒋ ‍ ᐎᒍᐤ᙮
\v 13 ᐃᔪᒡ ᑲ ‍ ᐎᒋᒡ ᐊᓐᑕ ᓱᑕᒻ ᒋᒋᐛ ᒋ ᒥᒋ ‍ ᐃᔪᐎᒡ ᑭᔭ ᐊ ‍ ᒥᒋᑐᑕᒡ ᐊᑲ ᑕᑈᑐᐛᒡ ᑎᐸᔨᒋᒐᓱᐛ᙮
\p
\v 14 ᑎᐸᔨᒋᒐᓱᐤ ᒋ ‍ ᐃᑕᐤ ᐊᑉᕋᒪ ᑲᒋ ‍ ᓂᑭᑎᑯᑦ ᓗᑕ, “ᑎᔅᑎᓴᐱᔾ ᑭᔭ ᒐ ‍ ᐃᑕᐱᔨᓐ ᒋᐛᑎᓄᒡ ᑭᔭ ᐱᓯᒧᑕᒡ, ᐛᐱᓄᑕᒡ ᑭᔭ ᐊᑎᒪᐱᓯᒧᒡ᙮
\v 15 ᒥᓯᐛ ᐊᓐ ᐎᔭᐸᑎᒥᓐ ᐊᔅᒋᔾ ᒋᑭ ‍ ᒥᔨᑎᓐ ᑭᔭ ᒋᓂᑕᐅᒋᐊᑭᓐᒡ, ᒋᔨᐛᐤ ᓇᓂᑎᒻ ᒋᑭ ‍ ᑎᐸᔨᑕᓇᐛᐤ᙮
\v 16 ᓂᑭ ‍ ᐃᑐᑐᐛᐅᒡ ᒋᓂᑕᐅᒋᐊᑭᓐᒡ ᒐᒋ ᒥᒐᑎᒡ ᒐ ᐊᑲ ᒋ ᐊᒋᒪᑦ ᐊᐛᓐ᙮ ᐅᔅᑕ ᒋᑭ ‍ ᒥᒐᑐᐅᒡ ᐃᔅᐱᔅ ᐊ ‍ ᑕᑎᓂᔨᒋ ᐃᔭᑲᐛ ᐅᑕ ᐊᔅᒋᒡ᙮
\v 17 ᔅᑐᑕ, ᐱᐸᒧᑕ ᒥᓯᐛ ᒐ ‍ ᐃᑐᑕᔨᓐ ᐅ ᐊᔅᒋᔾ, ᐛᔅ ᒋᑭ ‍ ᒥᔨᑎᓐ ᐅ᙮”
\p
\v 18 ᐊᑯ ᐊᑉᕋᒻ ᒋ ‍ ᐊᑐᒐᐤ ᑭᔭ ᒋ ‍ ᐎᒍᐤ ᒥᒋᒪ ᒪᒻᕋ ᒥᔅᑎᒂ ᐊ ‍ ᑕᔨᒋ ᐊᓐᑕ ᐃᑉᕈᓐ, ᐊᑯᑕ ᑲ ‍ ᐃᑐᑕᐧᒃ ᐱᔅᑎᓂᒐᐅᓇᐱᔅᑯᔪᐤ ᒐᒋ ᓂᑐᑎᒧᐛᑦ ᑎᐸᔨᒋᒐᓱᐛ᙮ \fig Abram stayed near Hebron|HK00221Ba.tif|col||Horace Knowles|ᐊᑉᕋᒻ ᐊ ‍ ᑕᔨᒋ ᐊᓐᑕ ᐃᑉᕈᓐ|ᒐᓂᓯᔅ 13.18\fig*
\c 14
\s1 ᑲ ‍ ᒪᑯᓇᑭᓄᐅᑦ ᑭᔭ ᑲ ‍ ᐱᐧᑯᐊᐛᑭᓄᐅᑦ ᓗᑦ
\p
\v 1 ᓇᐤ ᒋᓴᐅᒋᒪᐅᒡ, ᐸᐱᓗᓂᔭ ᒋᓴᐅᒋᒪᐤ ᐊᒻᕋᐸᓪ, ᐃᓚᓴᕐ ᒋᓴᐅᒋᒪᐤ ᐊᕆᐅᒃ, ᐃᓚᒻ ᒋᓴᐅᒋᒪᐤ ᑲᑐᓚᐅᒧᕐ ᑭᔭ ᑯᐃᒻ ᒋᓴᐅᒋᒪᐤ, ᑎᑕᓪ ᒋᓴᐅᒋᒪᐤ᙮
\v 2 ᒋ ‍ ᓂᑐᐱᔨᑐᐛᐅᒡ ᐱᑕᑕᒡ ᑯᑎᑲ ᒋᓴᐅᒋᒪᐛ, ᓱᑕᒻ ᒋᓴᐅᒋᒪᐛ ᐱᕋ, ᑯᒧᕋ ᒋᓴᐅᒋᒪᐛ ᐱᕐᓴ, ᐊᑦᒪ ᒋᓴᐅᒋᒪᐛ ᓯᓇᑉ, ᓴᐳᐃᐃᒻ ᒋᓴᐅᒋᒪᐛ ᓯᒥᐱᕐ ᑭᔭ ᐱᓚ ᒋᓴᐅᒋᒪᐛ (ᑭᔭ ᒪᒃ ᓱᐊᕐ)᙮
\v 3 ᐱᑕᑕᒡ ᒋᓴᐅᒋᒪᐅᒡ ᒋ ‍ ᒪᒧᓇᐅᒡ ᐅᓂᑐᐱᔪᐅ-ᐃᔨᒧᐛᐛ ᑭᔭ ᒪᒧᐤ ᒂ ‍ ᐃᑐᑕᒡ ᐊᓐᑕ ᓯᑎᒻ ᐊ ‍ ᐱᓴᔨᒡ, (ᐊᓄᒡ ᑲ ‍ ᓂᐱᒥᑲᒡ ᐎᓂᐸᒄ ᐃᓯᓂᐧᑲᑕᐤ᙮)
\v 4 ᓂᓱᓴᑉ ᐱᐳᓇ ᑲᑐᓚᐅᒧᕐ ᒋ ‍ ᑎᐸᔨᒪᐤ ᑯᑎᑲ ᒋᓴᐅᒋᒪᐛ, ᒥᒄ ᑲ ‍ ᓂᔅᑎᓴᑉ ᐱᐳᓂᔨᒡ ᓇᒪ ᐅᒋ ᑎᐸᔨᑎᒻ᙮
\p
\v 5 ᑲᒋ ‍ ᐸᐃᑯᐳᓂᔨᒡ, ᑲᑐᓚᐅᒧᕐ ᑭᔭ ᑯᑎᑭᒡ ᒋᓴᐅᒋᒪᐅᒡ ᒋ ‍ ᓂᑐᐱᔨᑐᐛᐅᒡ ᑭᔭ ᒋ ‍ ᓴᒂᐅᒡ ᕋᐸ ᐃᔪᐛ ᐊᓐᑕ ᐊᔅᑐᕈᑦ ᑲᓇᐃᒻ ᑭᔭ ᓱᓯᒻ ᐃᔪᐛ ᐊᓐᑕ ᐊᒻ ᑭᔭ ᐃᒥᒻ ᐃᔪᐛ ᐊᓐᑕ ᓴᐸ ᑭᕆᐊᑕᐃᒻ,
\v 6 ᑭᔭ ᐦᐅᕆ ᐃᔪᐛ ᐊᓐᑕ ᓯᐅᕐ ᐱᔅᑯᑎᓇᒡ, ᐃᓪ ᐸᕋᓐ ᐃᔅᐱᔅ ᒋ ‍ ᓇᓴᐛᐅᒡ ᒥᒋᒪ ᐸᐧᑯᑎᔅᑭᒥᑲᒡ᙮
\v 7 ᒋ ‍ ᒋᐛᐱᔪᐎᒡ ᑭᔭ ᑲᐤ ᒂ ‍ ᐃᑐᑕᒡ ᐊᓐᑕ ᑲᑎᔅ (ᐊᓄᒡ ᐃᓐ ᒥᔅᐸᑦ ᐃᓯᓂᐧᑲᑕᐤ) ᑭᔭ ᓄᑎᒻ ᐊᒪᓕᒃ ᐃᔪᐛ ᐅᑦ ᐊᔅᒋᔨᒡ ᒋ ‍ ᓴᑯᐎᐛᐅᒡ, ᐃᔭᐱᒡ ᒋ ‍ ᓴᒂᐅᒡ ᐊᒧᕆ ᐃᔪᐛ ᑲ ‍ ᐎᒋᔨᒋ ᐊᓐᑕ ᐊᓯᓴᓐ ᑕᒪᕐ᙮
\p
\v 8 ᐊᑯ ᓱᑕᒻ ᒋᓴᐅᒋᒪᐤ, ᑯᒧᕋ ᒋᓴᐅᒋᒪᐤ, ᐊᑦᒪ ᒋᓴᐅᒋᒪᐤ, ᓴᐳᐃᐃᒻ ᒋᓴᐅᒋᒪᐤ ᑭᔭ ᐱᓚ ᒋᓴᐅᒋᒪᐤ (ᑭᔭ ᒪᒃ ᓱᐊᕐ) ᒋ ‍ ᔅᑐᑕᐅᒡ ᑭᔭ ᒋ ‍ ᐊᔭᔅᑯᐎᔪᐅᒡ ᒐᒋ ᒪᓯᒐᒡ ᐊᓐᑕ ᓯᑎᒻ ᐊ ‍ ᐱᓴᔨᒡ᙮
\v 9 ᒐ ‍ ᒪᓯᐧᑯᐛᐅᒡ ᐃᓚᒻ, ᑯᐃᒻ, ᓯᓇᕐ ᑭᔭ ᐃᓚᓴᕐ ᒋᓴᐅᒋᒪᐛ᙮ ᐅᒡ ᐱᑕᑕᒡ ᒋᓴᐅᒋᒪᐅᒡ ᑭᔭ ᐅᓂᑐᐱᔪᐅ-ᐃᔨᒧᐛᐛ ᒋ ‍ ᓂᑐᐱᔨᑐᐛᐅᒡ ᐊ ‍ ᓇᐎᔨᒋ ᐊ ‍ ᓱᐧᑲᑎᓯᔨᒋ ᒋᓴᐅᒋᒪᐛ ᑭᔭ ᐅᓂᑐᐱᔪᐅ-ᐃᔨᒥᔪᐛ᙮
\v 10 ᐃᔅᐱ ᑲ ᐎ ‍ ᒋᑎᓯᒧᔨᒋ ᐅᓂᑐᐱᔪᐅ-ᐃᔨᒧᐛᐛ ᓱᑕᒻ ᑭᔭ ᑯᒧᕋ ᒋᓴᐅᒋᒪᐅᒡ, ᐱᔅᒐ ᓇᐸᐅᒡ ᒋ ‍ ᐱᑎᓱᐛᐱᔪᒡ ᐊᒂᐃᑕᐅᐧᑲᔨᒡ ᐱᒍᐛ ᐊ ‍ ᓴᑭᔅᒋᓇᔨᒋ ᐊᓐᑕ ᓯᑎᒻ ᐊ ‍ ᐱᓴᔨᒡ᙮ ᑯᑎᑭᒡ ᐱᔅᑯᑎᓇᒡ ᒋ ‍ ᐃᔅᐸᔨᑐᐅᒡ ᒐᒋ ᑲᓱᒡ᙮
\v 11 ᐊᑯ ᐊᓐᒡ ᑲ ‍ ᓱᐧᑲᑎᓯᒡ ᓇᐤ ᒋᓴᐅᒋᒪᐅᒡ ᑭᔭ ᐅᓂᑐᐱᔪᐅ-ᐃᔨᒧᐛᐛ ᒋ ‍ ᐅᑎᓂᒧᒡ ᒥᓯᐛ ᒐᒂᓂᔪᐤ ᐊᓐᑕ ᓱᑕᒻ ᑭᔭ ᑯᒧᕋ ᐅᑕᓇᐛ, ᒋᒡ ᒥᒋᒥᔪᐤ ᑭᔭ ᒂ ᐊᑎ ‍ ᔅᑐᑕᒡ᙮
\v 12 ᐃᔭᐱᒡ ᓗᑕ ᒋ ‍ ᑲᔅᑎᓇᐅᒡ, ᐊᑉᕋᒪ ᐅᑐᓯᒥᔪᐛ ᑭᔭ ᒥᓯᐛ ᐅᐛᔪᑎᓯᐅᓂᔪᐤ᙮
\p
\v 13 ᒥᒄ ᐸᐃᒄ ᓇᐸᐤ ᒋ ‍ ᒋᑎᓯᒧᐤ ᑭᔭ ᑲ ‍ ᐎᑎᒧᐛᑦ ᐊᑉᕋᒪ, ᐃᑉᕈᐤ ᐃᔪᐛ, ᑲ ‍ ᐎᒋᔨᒋ ᐊᓐᑕ ᒥᒋᒪ ᐃᓚᓐ ᒥᔅᑎᒂ, ᒪᒻᕋ ᐊᒧᕆ ᐃᔪᐛ ᑲ ‍ ᑎᐸᔨᒪᔨᒋ᙮ ᒪᒻᕋ ᒋ ‍ ᓂᓯᔪᐛ ᐎᐧᑲᓂᓴ, ᐃᔅᑯᓪ ᑭᔭ ᐊᓄᕐ, ᐅᒡ ᐊ ‍ ᓂᔅᑎᒡ ᓇᐸᐅᒡ, ᒋ ‍ ᐃᑐᑎᒧᒡ ᐊᓱᑎᒪᒐᐅᓂᔪᐤ ᒐᒋ ᐎᒋᒪᓯᒐᒪᒡ ᐊᑉᕋᒪ ᓇᑐᐱᓇᓄᔨᒋ᙮
\v 14 ᐃᔅᐱ ᐊᑉᕋᒻ ᐱᔭᑕᐧᒃ ᒥᐊᑯᓇᑭᓄᔨᒋ ᐅᑐᓯᒪ, ᒋ ‍ ᐎᓴᒪᐤ ᒪᒧᐤ ᐅᑲᒪᓯᒐᓯᒪ᙮ ᓂᔅᑐ ᒥᑕᓯᒥᑎᓄᐤ ᐊᓱ ᔭᓇᐤ ᑕᑐᓴᑉ ᒋ ‍ ᑕᑎᓯᔨᐛ, ᒥᓯᐛ ᑲ ‍ ᐃᔪᔨᒋ ᐊᓐᑕ ᐅᑦ ᐊᔅᒋᒡ᙮ ᐊᑯ ᐎᔾ ᑭᔭ ᐅᑦ ᐃᔨᒪ, (ᒋᒡ ᒪᒻᕋ ᑭᔭ ᐎᐧᑲᓂᓴ) ᒪᒧᐤ ᒋ ‍ ᓇᓴᐛᐅᒡ ᑲ ‍ ᓇᐎᔨᒋ ᒋᓴᐅᒋᒪᐛ ᐃᔅᐱᔅ ᑕᓐ ᐅᑕᓇᔪᐤ᙮
\v 15 ᐊᑉᕋᒻ ᒋ ‍ ᑕᑎᐸᓇᐊᐤ ᐅᑦ ᐃᔨᒪ ᑭᔭ ᒂ ‍ ᒋᒋᓇᒡ ᑲ ‍ ᐛᐧᑲᑎᑯᒡ ᒪᒂᒡ ᑕᐱᔅᑲᔨᒡ᙮ ᑲ ‍ ᓇᐅᒡ ᒋᓴᐅᒋᒪᐅᒡ ᑭᔭ ᐅᓂᑐᐱᔪᐅ-ᐃᔨᒧᐛᐛ ᒋ ‍ ᒋᑎᓯᒧᐅᒡ᙮ ᐊᑉᕋᒻ ᑭᔭ ᐅᓂᑐᐱᔪᐅ-ᐃᔨᒪ ᒋ ‍ ᓇᓴᐛᐅᒡ ᐃᔅᐱᔅ ᐅᐸ, ᑕᒪᔅᑲᔅ ᒋᐛᑎᓄᒡ᙮
\v 16 ᐊᑉᕋᒻ ᒋ ‍ ᐅᑎᓂᒺᐤ ᒥᓯᐛ ᒐᒂᓂᔪᐤ ᒋᓴᐅᒋᒪᐛ ᑲ ‍ ᐅᑎᓂᒥᔨᒋ ᑭᔭ ᑲᐤ ᒋ ‍ ᒋᐛᑕᐤ᙮ ᐅᑐᓯᒪ ᓗᑕ ᒋ ‍ ᐱᐧᑯᐊᐤ, ᒋᒡ ᑭᔭ ᐃᔎᐛ ᑭᔭ ᒥᓯᐛ ᑲ ‍ ᒪᑯᓇᑭᓄᔨᒋ᙮
\p
\v 17 ᐊᑉᕋᒻ ᑲᐤ ᒋ ‍ ᑎᑯᓯᓐ ᑲᒋ ‍ ᓴᑯᐛᑦ ᒋᓴᐅᒋᒪᐛ ᑲᑐᓚᐅᒧᕐ ᑭᔭ ᑯᑎᑲ ᒋᓴᐅᒋᒪᐛ᙮ ᓱᑕᒻ ᒋᓴᐅᒋᒪᐤ ᒋ ‍ ᐃᑐᑕᐤ ᐊᓐᑕ ᓴᐸ ᐊ ‍ ᐱᓴᔨᒡ ᒐᒋ ᓂᒋᔅᑯᐛᑦ ᐊᑉᕋᒪ (ᒋᓴᐅᒋᒪᐅᒡ ᐅᐱᓴᒧᐛᐤ ᐊᓄᒡ ᐃᓯᓂᐧᑲᑕᐤ)᙮
\p
\v 18 ᒪᓪᑭᓴᑕᒃ, ᓴᓚᒻ ᒋᓴᐅᒋᒪᐤ, (ᑭᔭ ᐎᔾ ᒋ ‍ ᑎᑯᓯᓐ ᒐᒋ ᓂᒋᔅᑯᐛᑦ ᐊᑉᕋᒪ)᙮ ᐸᒂᓯᑭᓇ ᑭᔭ ᓱᒥᓇᐳᔪᐤ ᒋ ‍ ᐸᑕᐤ᙮ ᐎᔾ ᒋ ‍ ᐊᔭᒥᐊᐅᒋᒪᐤ ᒋᓴᒪᓂᑐᐛ ᒪᐅᒡ ᐃᔅᐱᒥᒡ ᐅᒡ᙮
\v 19 ᒋ ‍ ᓱᐛᔨᑕᑯᐛᐤ ᐊᑉᕋᒪ, ᐊ ‍ ᐃᔅᒋᔄᑦ,
\q “ᓱᐛᔨᑕᑯᐃᑯᐤ ᐊᑉᕋᒻ ᒋᓴᒪᓂᑐᐛ ᒪᐅᒡ ᐃᔅᐱᒥᒡ, ᑲ ‍ ᐅᓯᑕᔨᒋ ᒋᒋᒋᓯᑯᔪᐤ ᑭᔭ ᐊᔅᒋᔪᐤ,
\q
\v 20 ᒋᔅᑕᒋᒪᑕᐤ ᒋᓴᒪᓂᑐᐤ ᒪᐅᒡ ᐃᔅᐱᒥᒡ, ᐊᓐ ᑲ ‍ ᒥᔨᑕᒃ ᓴᑯᐎᐛᐅᓂᔪᐤ᙮”
\m ᐊᑯ ᐊᑉᕋᒻ ᒋ ‍ ᒥᔭᐤ ᒪᓪᑭᓴᑕᑲ ᐸᐃᒄ ᐊᓂᔭ ᐸᐃᑯᔪᐤ ᒐᒂᓂᔪᐛ ᑲ ‍ ᐸᑐᑕᑦ᙮
\p
\v 21 ᓱᑕᒻ ᒋᓴᐅᒋᒪᐤ ᐃᑕᐤ ᐊᑉᕋᒪ, “ᐸᒋᒥᔾ ᑲᐤ ᐊᓐᒡ ᓂᑦ ᐃᔨᒥᒡ, ᒥᒄ ᒐ ‍ ᑎᐸᔨᑎᒥᓐ ᒥᓯᐛ ᒐᒂᓐ᙮”
\p
\v 22 ᒥᒄ ᐊᑉᕋᒻ ᒋ ‍ ᐃᑕᐤ, “ᓂᒋ ‍ ᐅᐱᑐᐛᐤ ᓂᑎᒋᔪᐤ ᑎᐸᔨᒋᒐᓱᐤ ᒋᓴᒪᓂᑐᐤ ᒪᐅᒡ ᐃᔅᐱᒥᒡ, ᑲ ‍ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ ᑭᔭ ᓂᒋ ‍ ᑐᑕᓐ ᑕᑈᐅᓐ,
\v 23 ᒐ ᐊᑲ ‍ ᐅᑎᓂᒪᓐ ᐊᓐ ᒐᒂᓐ ᑕᐱᔨᐛᐅᓯᔨᓐ, ᐊᑎ ᒥᒄ ᓴᔅᑎᒂᔭᐱᔾ ᑭᔭ ᒪᒃ ᒥᔅᒋᓇᔭᐱᔾ, ᐊᑯ ᒐ ᐊᑲ ᓂᑕ ᒋ ‍ ᐃᔅᒋᔄᔨᓐ, ‘ᓂᒋ ‍ ᐃᑐᑐᐛᐤ ᐊᑉᕋᒻ ᒐᒋ ᐛᔪᑎᓯᑦ᙮’
\v 24 ᓇᒪ ᒐᒂᓐ ᓂᑭ ‍ ᐅᑎᓇᓐ ᒥᒄ ᐊᓂᔭ ᓂᑦ ᐃᔨᒥᒡ ᑲ ‍ ᒥᒋᒡ, ᒥᒄ ᐊᓄᕐ, ᐃᔅᑯᓪ ᑭᔭ ᒪᒻᕋ ᒋᑭ ‍ ᐅᑎᓂᒧᒡ ᐱᔅᒐ ᒐᒂᔪᐛ, ᐅᓴᒻ ᓂᒋ ‍ ᐎᒐᐅᑯᒡ᙮”
\c 15
\s1 ᓂᔅᑯᒧᑐᐅᓂᔪᐤ ᑲ ‍ ᐃᑐᑎᒪᑐᒡ ᒋᓴᒪᓂᑐᐤ ᑭᔭ ᐊᑉᕋᒻ
\s2 Genesis 15.1-12, 17-18 (Lent-2 Year C)
\s2 Genesis 15.1-6 (Proper-14 Year C)
\p
\v 1 ᓇᓇᒐ ᑎᐸᔨᒋᒐᓱᐤ ᒋ ‍ ᓄᑯᓯᔅᑐᐛᐤ ᐊᑉᕋᒪ ᑭᔭ ᒋ ‍ ᐃᑕᐤ,
\q “ᐊᑲ ᑯᔅᑕᒋ, ᐊᑉᕋᒻ᙮ ᓂᔾ ᐅ ᒋᑦ ᐊᒂᓇᐅᓱᐛᑭᓐ,
\q ᒋᒋᐛ ᒋᑭ ‍ ᒥᓴᐤ ᒋᑎᐸᒪᑯᓯᐅᓐ᙮”
\p
\v 2 ᒥᒄ ᐊᑉᕋᒻ ᐃᑕᐤ, “ᑎᐸᔨᒋᒐᓱᐤ ᒋᓴᒪᓂᑐᐤ, ᒐᒂᓐ ᒐ ‍ ᒥᔨᓐ ? ᐊᔅᒄ ᓇᒪ ᓂ ‍ ᐅᑦ ᐊᐛᓯᒥᓐ᙮ ᐃᓕᐃᓱᐤ ᑕᒪᔅᑲᔅ ᑲ ‍ ᐅᒋᑦ ᐊᐅᑯᓐ ᒐ ‍ ᑎᐸᔨᑕᐧᒃ ᓂᑎᐸᔨᑎᒧᐅᓇ ᐃᔅᐱ ᐳᓂᐱᒪᑎᓯᔭᓇ᙮”
\v 3 ᑭᔭ ᐊᑉᕋᒻ ᐃᑕᐤ, “ᓇᒪ ᒋ ᐅᒋ ‍ ᒥᔨᓐ ᐊᐛᓯᒡ, ᐊᑯ ᓂᒋᒡ ᐊᐱᒋᐊᑭᓐ ᒋᑭ ‍ ᑎᐸᔨᑎᒻ ᓂᑎᐸᔨᑎᒧᐅᓇ᙮”
\p
\v 4 ᑎᐸᔨᒋᒐᓱᐤ ᒋ ‍ ᐃᔨᒪᐊᐤ ᒥᓄᐛᒡ ᐊᑉᕋᒪ ᐊ ‍ ᐃᑕᑦ, “ᐃᓕᐃᓱᐤ ᒋᑦ ᐊᐱᒋᐊᑭᓐ ᓇᒪᔭᐤ ᐎᔾ ᒐ ‍ ᑎᐸᔨᑕᐧᒃ ᒋᑎᐸᔨᑎᒧᐅᓇ ! ᒋᑭ ‍ ᑕᐤ ᑎᐱᔨᐛ ᒋᑯᔅ ᑭᔭ ᐎᔾ ᒋᑭ ‍ ᑎᐸᔨᑎᒻ ᒋᑎᐸᔨᑎᒧᐅᓇ᙮”
\v 5 ᐊᑯ ᑎᐸᔨᒋᒐᓱᐤ ᐎᐎᑎᒥᒡ ᐊ ‍ ᑐᑕᐊᑦ ᐊᑉᕋᒪ ᑭᔭ ᒋ ‍ ᐃᑕᐤ, “ᒋᓯᑯᒡ ᐃᑕᐱᔾ ᑭᔭ ᑯᒋᑕ ᒐᒋ ᐊᒋᒥᑥᐤ ᐅᒐᑭᑕᐧᑯᒡ,” ᐊᑯ ᑎᐸᔨᒋᒐᓱᐤ ᐊᑕᑦ, “ᐊᐅᑯᓐ ᒐ ‍ ᐃᔅᐱᒐᑎᒡ ᒋᓂᑕᐅᒋᐊᑭᓐᒡ ᒐ ‍ ᑭᓄᐛᔨᒥᑥᐤ᙮”
\p
\v 6 ᐊᑉᕋᒻ ᒋ ‍ ᑕᑈᐅᒐᔨᒪᐤ ᑎᐸᔨᒋᒐᓱᐛ ᑭᔭ ᑎᐸᔨᒋᒐᓱᐤ ᒂ ‍ ᐃᑎᒋᒪᑦ ᒧᔭᒻ ᐊ ‍ ᑯᐃᔅᑯᑕᑎᓯᑦ ᐃᔪᐤ᙮
\p
\v 7 ᐊᑯ ᒋᓴᒪᓂᑐᐤ ᐊᑕᑦ ᐊᑉᕋᒪ, “ᓂᔾ ᐅ ᑎᐸᔨᒋᒐᓱᐤ, ᑲ ‍ ᐎᐎᑕᐃᑕᓐ ᐅᕐ ᐅᒡ ᐊᓐᑕ ᑲᓪᑎᔭ, ᒐᒋ ᒥᔨᑕᓐ ᐅ ᐊᔅᒋᔾ ᒐᒋ ᑎᐸᔨᑎᒥᓐ᙮”
\p
\v 8 ᐊᑉᕋᒻ ᒋ ‍ ᑯᒂᒋᒪᐤ, “ᐅ ᑎᐸᔨᒋᒐᓱᐤ ᒋᓴᒪᓂᑐᐤ, ᑕᓐᑕ ᒐᒋ ᐅᒋ ‍ ᒋᔅᒐᔨᑎᒪᓐ ᓂᔾ ᒐ ‍ ᑎᐸᔨᑎᒧᐛᓇ ᐅ ᐊᔅᒋᔾ ?”
\p
\v 9 ᐊᑯ ᑎᐸᔨᒋᒐᓱᐤ ᐊᑕᑦ ᐊᑉᕋᒪ, “ᒐ ‍ ᐸᑐᐎᓐ ᐊ ‍ ᓂᔅᑐᐳᓇᓯᑦ ᓄᓴ ᒥᔅᑐᓯᔅ, ᐊ ‍ ᓂᔅᑐᐳᓇᓯᑦ ᓇᐸ ᒪᔭᑕᓂᔅ ᑭᔭ ᐊ ‍ ᓂᔅᑐᐳᓇᓯᑦ ᓇᐸ ᒪᔭᑕᓂᔅ, ᐛᐱᓯᐤ ᐱᔭᓯᔅ ᑭᔭ ᐅᔅᑎᓂᒋᐅ-ᐱᔭᓯᔅ᙮”
\p
\v 10 ᐊᑉᕋᒻ ᒋ ‍ ᐸᑐᐛᐤ ᑎᐸᔨᒋᒐᓱᐛ ᒥᓯᐛ ᐅᔭ ᐊᐛᓯᓴ, ᒂ ‍ ᓂᐸᐊᑦ᙮ ᒂ ‍ ᑕᔅᒍᐛᑦ ᑭᔭ ᒂ ‍ ᑕᐱᔅᑯᒐᔭᑦ ᐊᓐᑕ ᒧᔅᑎᔅᑭᒥᒡ᙮ ᒥᒄ ᓇᒪ ᐅᒋ ᑕᔅᒍᐛᐤ ᐊᓂᔭ ᐱᔭᓯᓴ᙮
\v 11 ᐊᑯ ᐱᔅᒐ ᐱᔭᓱᐅᒡ ᐱᔭᒋᓂᓯᐱᔪᐅᒡ ᒐᒋ ᒧᐛᒡ ᐊᓂᔭ ᐊᐛᓯᓴ, ᒥᒄ ᐊᑉᕋᒻ ᒋ ‍ ᐅᐸᐎᔭᐤ᙮
\p
\v 12 ᐃᔅᐱ ᐱᔭᒋᓯᒧᑦ ᐱᓯᒻ, ᐊᑉᕋᒻ ᒋ ‍ ᓂᐸᐤ ᒧᔭᒻ ᐳᓂᐱᒪᑎᓯᔨᒋ ᒋ ‍ ᐃᓯᓇᑯᓱᐤ ᑭᔭ ᓯᔅᒋᑯᒡ ᒋ ‍ ᐅᑎᑎᑯᐤ ᑯᔅᑕᒋᐅᓂᔪᐤ᙮
\v 13 ᐊᑯ ᑎᐸᔨᒋᒐᓱᐛ ᐊᑎᑯᑦ, “ᒐ ᐎ ‍ ᓂᔅᑐᑎᒥᓐ ᒐᒂᓐ ᒐ ‍ ᐎᑎᒪᑕᓐ, ᒋᓂᑕᐅᒋᐊᑭᓐᒡ ᒋᑭ ‍ ᐎᒍᐅᒡ ᐊᓐᑕ ᐊᔅᒋᒡ ᐊᑲ ᑎᐸᔨᑕᒡ᙮ ᒋᑭ ‍ ᓯᒋᒪᐅᒡ ᐃᔪᒡ ᐛᑎᔅᒋᒡ ᒐᒋ ᐊᑐᔅᒐᔅᑕᑯᒡ ᒋᓂᑕᐅᒋᐊᑭᓇ ᑭᔭ ᓇᐤ ᒥᑕᓯᒥᑎᓄᐛᐳᓇ ᐃᔅᐱᔅ ᒋᑭ ‍ ᐱᐛᔨᒪᑭᓄᐎᒡ᙮
\v 14 ᒥᒄ ᓂᑭ ‍ ᐊᓏᔨᒪᐛ ᐊᓂᔭ ᐊ ‍ ᐸᐃᑯᔅᑲᓇᓯᔨᒋ ᐊᑐᔅᒐᔅᑐᐛᒡ᙮ ᐊᑯ ᒋᓂᑕᐅᒋᐊᑭᓐᒡ ᒋᑭ ‍ ᓂᑭᑎᒧᒡ ᐊᓂᔭ ᒪᓐᑕᐤ ᐊᔅᒋᔪᐤ ᐛᔪᑎᓯᐅᓂᔪᐤ ᐊ ‍ ᔅᑐᑕᒡ᙮
\v 15 ᒥᒐᑐᐳᓇ ᒋᑭ ‍ ᐱᒪᑎᓯᓐ, ᒋᔭᒪᔨᑎᒧᐅᓂᒡ ᒋᑭ ‍ ᐳᓂᐱᒪᑎᓯᓐ ᑭᔭ ᒋᑭ ‍ ᓇᐃᐧᑲᑯᐅᓐ᙮
\v 16 ᐸᑎᒪ ᓇᐤ ᐊᓂᔅᒐ ᐱᒪᑎᓯᓇᓄᒐ, ᒋᓂᑕᐅᒋᐊᑭᓐᒡ ᑲᐤ ᒋᑭ ‍ ᑎᑯᓯᓄᐅᒡ ᐅᑕ ᑭᔭ ᒋᑭ ‍ ᐅᑎᓂᒧᒡ ᐅᔭ ᐊᔅᒋᔪᐤ, ᐛᔅ ᐊᒧᕆ ᐃᔪᒡ ᐊᔅᒄ ᓇᒪ ᐃᔅᐱᔅ ᒪᔭᑎᓯᐅᒡ ᓂᔾ ᒐᒋ ᐊᓏᔨᒥᒂᐤ᙮”
\s2 Genesis 15.1-12, 17-18 (Lent-2 Year C)
\p
\v 17 ᐃᔅᐱ ᑲᒋ ‍ ᐸᒋᓯᒧᑦ ᐱᓯᒻ ᑭᔭ ᓇᔅᒡ ᐃᔭᒋᑲᒡ, ᐊᑉᕋᒻ ᓯᔅᒋᑯᒡ ᒋ ‍ ᐛᐱᒪᐤ ᐊ ‍ ᐱᒋᑥᔨᒋ ᐃᔅᑯᑕᐤ ᐊᔅᒋᒂ ᑭᔭ ᐊ ‍ ᐛᔭᑕᔨᒡ ᐃᔅᑯᑕᔪᐤ ᑲ ‍ ᐱᒥᐱᔨᒡ ᐊᓐᑕ ᑎᔅᑐᐎᒡ ᑲ ‍ ᑕᔅᒍᐛᑦ ᐊᐛᓯᓴ᙮
\p
\v 18 ᐊᓂᔭ ᑲ ‍ ᒋᓯᑲᔨᒡ, ᑎᐸᔨᒋᒐᓱᐤ ᑭᔭ ᐊᑉᕋᒻ ᒋ ‍ ᐃᑐᑎᒧᒡ ᓂᔅᑯᒥᑐᐅᓂᔪᐤ ᑭᔭ ᑎᐸᔨᒋᒐᓱᐤ ᒂ ‍ ᐃᑕᑦ, “ᓂᒋ ‍ ᐊᓱᑎᒪᒐᓐ ᒐᒋ ᒥᔨᒂᐤ ᒋᓂᑕᐅᒋᐊᑭᓐᒡ ᒥᓯᐛ ᐅᔭᔪᐤ ᐊᔅᒋᔪᐤ, ᐃᒋᑉᑎᒡ ᓯᐱᒡ ᐛᒋᒋᐱᔨᒡ ᐃᔅᐱᔅ ᔪᑉᕆᑎᔅ ᓯᐱᒡ᙮
\v 19 ᑭᓂ ᐃᔪᒡ ᐅᑦ ᐊᔅᒋᐛᐤ, ᑭᓇᔅ ᐃᔪᒡ, ᑲᑦᒧᓐ ᐃᔪᒡ,
\v 20 ᐊᑦ ᐃᔪᒡ, ᐸᕆᔅ ᐃᔪᒡ, ᕋᐸ ᐃᔪᒡ,
\v 21 ᐊᒧᕆ ᐃᔪᒡ, ᑲᐃᓇᓐ ᐃᔪᒡ, ᑯᑲᓯ ᐃᔪᒡ ᑭᔭ ᒐᐳᔅ ᐃᔪᒡ᙮”
\c 16
\s1 ᐦᐊᐃᑲᕐ ᑭᔭ ᐃᔅᒪᐃᓪ
\p
\v 1 ᓴᕋᐃ, ᐊᑉᕋᒻ ᐎᐛ, ᓇᒪ ᐅᒋ ᐅᑦ ᐊᐛᓯᒧᐤ, ᒥᒄ ᒋ ‍ ᑭᓄᐛᔨᒪᐤ ᑯᐸᓇᔎᐛ ᐃᒋᑉᑦ ᐊᔅᒋᒡ ᑲ ‍ ᐅᒋᔨᒋ᙮ ᐦᐊᐃᑲᕐ ᒋ ‍ ᐃᓯᓂᐧᑲᓱᔪᐛ,
\v 2 ᐊᑯ ᓴᕋᐃ ᐊᑕᑦ ᐊᑉᕋᒪ, “ᑎᐸᔨᒋᒐᓱᐤ ᓇᒪ ᓂ ‍ ᒥᔨᒄ ᒐᒋ ᐅᑦ ᐊᐛᓯᒧᐅᒡ, ᒐ ‍ ᐎᐸᒥᑦ ᓂᑯᐸᓇᔎᒻ, ᒂᔄᓐ ᓂ ᐸᒋ ‍ ᐅᑦ ᐊᐛᓯᒥᓐ ᐎᔾ ᐅᒡ᙮”
\p ᐊᑉᕋᒻ ᒋ ‍ ᑕᑈᑎᑐᐛᐤ ᑲ ‍ ᐃᔅᒋᔄᔨᒋ ᓴᕋᐃᔨᒋ᙮
\v 3 ᐊᐅᑯᐤ ᑲ ‍ ᐃᔅᐱᔨᒡ ᐸᐃᑯᔪᐛᐳᓇ ᑲᒋ ‍ ᐎᒋᒡ ᐊᓐᑕ ᑲᐃᓇᓐ ᐊᔅᒋᒡ, ᓴᕋᐃ ᒋ ‍ ᒥᔭᐤ ᐊᑉᕋᒪ ᐊᓂᔭ ᐅᑯᐸᓇᔎᒪ ᐦᐊᐃᑲᕋ᙮
\v 4 ᐊᑉᕋᒻ ᒋ ‍ ᐎᐸᒪᐤ ᐦᐊᐃᑲᕋ ᑭᔭ ᐦᐊᐃᑲᕐ ᒂ ‍ ᐊᓱᐛᐱᒪᐅᓱᑦ᙮
\p ᐃᔅᐱ ᑲ ‍ ᒋᔅᒐᔨᑕᐧᒃ ᐦᐊᐃᑲᕐ ᐊ ‍ ᐊᓱᐛᐱᒪᐅᓱᑦ, ᒋᔅᑕᔨᒥᓱᐤ ᑭᔭ ᓇᒪ ᐅᒋ ᒋᔅᑕᔨᒪᐤ ᓴᕋᐃᔨᒋ᙮
\v 5 ᐊᑯ ᓴᕋᐃ ᒂ ‍ ᐃᑕᑦ ᐊᑉᕋᒪ, “ᒋᔾ ᐅ ᑲ ‍ ᐃᑐᑎᒥᓐ ᐸᐛᔨᒥᑦ ᐦᐊᐃᑲᕐ, ᓂᔾ ᐊᓐ ᔅᒋ ‍ ᒥᔨᑎᓐ ᐃᔎᔅ ᒧᔭᒻ ᒋᐅ ᑭᔭ ᐊᓄᒡ ᒐᔅᒐᔨᑕᐧᒃ ᐊ ‍ ᐊᓱᐛᐱᒪᐅᓱᑦ, ᒋᔅᑕᔨᒥᓱᐤ ᑭᔭ ᓂᔾ ᐊᑲ ᒋᔅᑕᔨᒥᑦ᙮ ᑭᒪ ᐊᓏᔨᒥᔅᒃ ᑎᐸᔨᒋᒐᓱᐤ ᑲ ᐃᓯ ‍ ᐃᑐᑎᒥᓐ᙮”
\p
\v 6 ᐊᑉᕋᒻ ᒂ ‍ ᐃᑕᑦ, “ᓂᑐᑕ, ᒋᔾ ᒋ ‍ ᑎᐸᔨᒪᐤ ᐊᓐ ᑯᐸᓇᔎᐤ, ᑐᑐᐤ ᐛᑐᑐᐅᑦ᙮” ᐊᑯ ᓴᕋᐃ ᓇᒪ ᐅᒋ ᒥᔪᑐᑐᐛᐤ ᐦᐊᐃᑲᕋ, ᒂ ‍ ᒋᑎᓯᒧᑦ ᐦᐊᐃᑲᕐ᙮
\p
\v 7 ᑎᐸᔨᒋᒐᓱᐤ ᐅᑦ ᐊᓐᒋᓂᒪ ᒋ ‍ ᒥᔅᑯᐛᐤ ᐦᐊᐃᑲᕋ ᒥᒋᒪ ᒧᓇᐃᐸᓂᒡ ᐅᐱᒪ ᒪᔅᑭᓇᒡ ᓱᕐ ᐊᑎᒧᐎᒡ᙮
\v 8 ᐊᑯ ᐊᑕᑦ, “ᐦᐊᐃᑲᕐ, ᓴᕋᐃ ᐅᑯᐸᓇᔎᒪ, ᑕᓐᑕ ᑲ ‍ ᐅᑐᑕᔨᓐ ᑭᔭ ᑕᓐᑕ ᐛ ‍ ᐃᑐᑕᔨᓐ ?”
\p ᐦᐊᐃᑲᕐ ᐃᑕᐤ, “ᓂᒋ ‍ ᒋᑎᓯᒪᐤ ᓄᐅᒋᒪᔎᒻ᙮”
\p
\v 9 ᐊᑯ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᐊᑎᑯᑦ, “ᓂᑐᐛᐱᒻ ᑲᐤ ᒋᐅᒋᒪᔎᒻ ᑭᔭ ᒐ ‍ ᑕᑈᑐᐅᑦ᙮
\v 10 ᒥᒐᑦ ᒋᑭ ‍ ᒥᔨᑎᓐ ᐊᓂᔅᑯᑕᐸᓐᒡ ᒐ ᐊᑲ ᒋ ᐊᒋᒪᑭᓄᐅᒡ ᒐ ‍ ᐃᔅᐱᒐᑎᒡ᙮”
\p
\v 11 ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᐃᔭᐱᒡ ᒂ ‍ ᐃᑎᑯᑦ,
\q “ᓂᑐᑐᐎ, ᒋᑭ ‍ ᐅᑯᓯᓐ᙮
\q ᐃᔅᒪᐃᓪ ᒐ ‍ ᐃᓯᓂᐧᑲᑎᑦ, ᐅᓴᒻ ᑎᐸᔨᒋᒐᓱᐤ ᒋ ‍ ᐸᑎᒻ ᑲ ᐃᔅᐱᔅ ‍ ᓂᓇᐧᑲᑕᔨᑎᒥᓐ᙮
\q
\v 12 ᒥᓯᐛ ᐊᐛᔪᐛ ᒋᑭ ‍ ᒪᓯᐧᑯᐛᐤ ᑭᔭ ᒥᓯᐛ ᐊᐛᔪᐛ ᒋᑭ ‍ ᒪᓯᐧᑲᑯᐤ,
\q ᑭᔭ ᐊ ‍ ᐛᐧᑲᑕᑦ ᐎᐧᑲᓂᓴ ᒋᑭ ᐃᓯ ‍ ᐱᒪᑎᓯᔪᐤ᙮”
\p
\v 13 ᐊᑯ ᐦᐊᐃᑲᕐ ᒂ ‍ ᐃᔅᒋᔄᑦ, “ᒋᔾ ᐅ ᒋᓴᒪᓂᑐᐤ ᐎᔭᐸᑕᐧᒃ ᑕᓐᑕ ᐊ ‍ ᑕᐅᒡ᙮” ᒂ ‍ ᐃᔅᒋᔄᑦ, “ᐛᔅ ᓂᒋ ‍ ᐛᐱᒪᐤ ᐊᓐ ᐊᐛᓐ ᑲᓄᐛᔨᒥᑦ ᑭᔭ ᐊᔅᒄ ᓂ ‍ ᐱᒪᑎᓯᓐ᙮”
\v 14 ᐊᐅᑯᓐ ᑲ ᐅᒋ ‍ ᐃᓯᓂᐧᑲᑕᒡ ᒧᓇᐃᐸᓐ ᐱᕐ-ᓚᐊᐃ-ᕈᐃ, “ᐊᓐ ᐊᐛᓐ ᑲ ‍ ᐛᐱᒥᑦ”; ᐊᔅᒄ ᐊᓐᑕ ᑎᒂᓐ ᑕᑕᐅᒡ ᑲᑎᔅ ᑭᔭ ᐸᕋᑦ ᐅᑕᓇᐛ᙮
\s1 ᐃᔅᒪᐃᓪ ᑲ ‍ ᐃᔪᐅᑦ
\p
\v 15 ᑲᐤ ᒋ ‍ ᓂᑐᐛᐱᒪᐤ ᐦᐊᐃᑲᕐ ᐅᒋᒪᔎᒪ᙮ ᐊᑯ ᐦᐊᐃᑲᕐ ᒋ ‍ ᓄᑯᐃᒪᐤ ᐊᑉᕋᒪ ᐅᑯᓯᔪᐛ ᑭᔭ ᐃᔅᒪᐃᓪ ᒋ ‍ ᐃᓯᓂᐧᑲᑕᐤ ᐊᑉᕋᒻ ᐅᑯᓴ᙮
\v 16 ᔭᓇᐤ ᑕᑐᔪᐤ ᐊᓱ ᐊᓱᑕᒡ ᒋ ‍ ᐃᑕᑐᐱᓇᓱᐤ ᐊᑉᕋᒻ ᑲ ‍ ᐃᔪᔨᒋ ᐃᔅᒪᐃᓚ᙮
\c 17
\s1 ᐊᑉᕋᒻ ᑭᔭ ᒋᓴᒪᓂᑐᐤ ᑲ ‍ ᑐᑕᒡ ᓂᓇᔅᑯᒧᐅᓂᔪᐤ
\s2 Genesis 17.1-7, 15-16 (Lent-2 Year B)
\p
\v 1 ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒋ ‍ ᐃᑕᑐᐳᓇᓱᐤ ᐊᑉᕋᒻ ᒥᓐ ᑲ ‍ ᓄᑯᓯᔅᑕᑯᑦ ᑎᐸᔨᒋᒐᓱᐛ ᑭᔭ ᒂ ‍ ᐃᑎᑯᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊ ᐃᓯ ‍ ᓱᐧᑲᑎᓯᑦ᙮ ᓂᑐᑐᐎᓇ ᑭᔭ ᓇᓂᑎᒻ ᑯᐃᔅᒄ ᐃᑐᑎᒥᓇ,
\v 2 ᓂᑭ ‍ ᑐᑕᓐ ᓂᓇᔅᑯᒧᐅᓐ ᑭᔭ ᒋᑭ ‍ ᒥᔨᑎᓐ ᒥᒐᑦ ᐊᓂᔅᑯᑕᐸᓐᒡ ᒐ ᐊᑲ ᒋ ᒋᒪᑭᓄᐎᒡ᙮”
\p
\v 3 ᒋ ‍ ᓂᐱᔅᑯᐱᔅᑐᐛᐤ ᐊᑉᕋᒻ ᒋᓴᒪᓂᑐᐛ ᐊ ‍ ᒋᔅᑕᔨᒪᑦ ᑭᔭ ᒋᓴᒪᓂᑐᐤ ᒂ ‍ ᐃᑕᑦ,
\v 4 “ᐊᐅᑯᐤ ᐊ ᐃᓯ ‍ ᐊᓱᑎᒪᒐᔭᓐ, ᒋᔾ ᒋᑭ ‍ ᐅᑕᐎᒪᐅᓐ ᒥᒐᑦ ᒐ ‍ ᑕᑐᔅᑲᓇᓯᒡ ᐃᔪᒡ,
\v 5 ᓂ ‍ ᒥᔅᑯᑐᓇᓐ ᒋᑦ ᐃᓯᓂᐧᑲᓱᐅᓐ᙮ ᓇᒪ ᒋᑭ ᒋ ᓴᔅ ᐃᓯᓂᐧᑲᓱᓐ ‘ᐊᑉᕋᒻ’, ᒥᒄ ‘ᐊᑉᕋᐊᒻ’ ᒋᑭ ‍ ᐃᓯᓂᐧᑲᑎᑯᐅᓐ᙮
\v 6 ᒋᑭ ‍ ᒥᔨᑎᓐ ᒥᒐᑦ ᐊᓂᔅᑯᑕᐸᓐᒡ ᑭᔭ ᓂᑲᓄᒡ ᐊᓐᑕ ᒋᑭ ‍ ᒥᒐᑐᔅᑲᓇᓱᐅᒡ᙮ ᐱᔅᒐ ᒋᑭ ‍ ᒋᓴᐅᒋᒪᐅᒡ᙮
\v 7 ᒧᔅ ᑲᒋᒡ ᓂᑭ ‍ ᑭᓄᐛᔨᑕᓐ ᑲ ‍ ᐊᓱᑎᒪᑕᓐ ᑭᔭ ᒋᑦ ᐊᓂᔅᑯᑕᐸᓐᒡ ᓂᑲᓐ ᒐ ᐊᑎ ᐊᓂᔅᒐ ‍ ᐱᒪᑎᓯᒡ ᒧᔭᒻ ᑲᒋᒡ ᓂᓇᔅᑯᒧᐅᓐ, ᓂᔾ ᒋᑭ ‍ ᐅᒋᓴᒪᓂᑐᒥᑐᐅᓐ ᑭᔭ ᒋᑦ ᐊᓂᔅᑯᑕᐸᓐᒡ ᒐ ‍ ᐅᒋᓴᒪᓂᑐᒥᒡ᙮
\v 8 ᒋᑭ ‍ ᒥᔨᑎᓐ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐊᓂᔅᒐ ‍ ᐱᒪᑎᓯᒡ ᒥᓯᐛ ᐊᓐ ᑲᐃᓇᓐ ᐊᔅᒋᔾ ᐊᓐᑕ ᐊᓄᒡ ᒥᔭᓂᑕᐎᔭᒄ, ᒋᔨᐛᐤ ᒧᔅ ᑲᒋᒡ ᒋᑭ ‍ ᑎᐸᔨᑕᓇᐛᐤ ᑭᔭ ᓂᔾ ᒋᑭ ‍ ᐅᒋᓴᒪᓂᑐᒥᑐᓇᐛᐤ᙮”
\p
\v 9 ᐊᑯ ᒋᓴᒪᓂᑐᐤ ᐃᔭᐱᒡ ᐊᑕᑦ ᐊᑉᕋᐊᒪ, “ᒋᔾ ᐊᑉᕋᐊᒻ, ᒋᑭ ᐎ ‍ ᑕᑈᑕᓐ ᒐᒂᓐ ᐊᑎᑕᓐ ᒐ ‍ ᐃᑐᑎᒥᓐ᙮ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐊᑎ ᐊᓂᔅᒐ ‍ ᐱᒪᑎᓯᒡ᙮
\v 10 ᒪᐅ ᒐ ᐎ ᐃᓯ ‍ ᑭᓄᐛᔨᑎᒪᒄ ᓂᓂᔅᑭᒧᐅᓐ, ᑕᐱᔅᑯᓐ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ᙮ ᒪᐅ ᐊ ᐃᓯ ‍ ᓂᑐᐛᔨᒥᑕᓐ ᒐᒋ ᐃᑐᑎᒥᓐ, ᒐ ‍ ᒋᔅᒋᓄᐛᒋᔄᑥᐤ ᒥᓯᐛ ᐊ ‍ ᓇᐸᓯᐅᒡ ᐊᐛᓯᒡ᙮
\v 11 ᒋᑭ ᐎ ‍ ᒋᔅᒋᓄᐛᒋᔄᐅᒡ ᒥᓯᐛ ᓇᐸᐅᒡ ᐊᓐᑕ ᐊ ‍ ᐸᐃᑯᐎᔅᒋᔨᓐ᙮
\v 12 ᒥᓯᐛ ᓂᔭᐸᐅᒡ ᐊᐛᓯᒡ ᐊ ‍ ᐃᔪᐅᒡ ᑲᒋ ‍ ᔭᓇᐤ ᑕᑐᐤ ᒋᓯᑲᓯᑥᐎ ᒋᑭ ‍ ᒋᔅᒋᓄᐛᒋᔄᑭᓄᐎᒡ, ᒋᒡ ᑭᔭ ᒋᓇᐸᐤ-ᐊᐱᒋᐊᑭᓐᒡ, ᒋᒡ ᐊᓐᒡ ᑲ ‍ ᐃᔪᐅᒡ ᐊᓐᑕ ᒋᑦ ᐊᔅᒋᒡ ᑭᔭ ᐊᓐᒡ ᓂᔭᐸᐅᒡ ᒪᓐᑕᐛ ᑲ ᐅᒋ ‍ ᐃᔭᐅᑥᐤ᙮
\v 13 ᒥᓯᐛ ᓂᔭᐸᐅᑦ ᐊᐛᔅ ᒋᑭ ᐎ ‍ ᒋᔅᒋᓄᐛᒋᔄᐤ, ᐊᐅᑯᓐ ᒋᔅᒋᓄᐛᒡ ᐛᐸᑎᔨᐛᐅᓐ ᐊᓐ ᓂᓇᔅᑯᒧᐅᓐ ᑲ ‍ ᐃᑐᑎᒪᑕᓐ, ᐊᓐ ᒧᔅ ᑲᒋᒡ ᒐ ‍ ᑎᒂᒡ᙮
\v 14 ᒥᒄ ᐊᓐ ᓇᐸᐤ ᐊ ᐊᑲ ᐎ ‍ ᒋᔅᒋᓄᐛᒋᐃᑯᓯᑦ ᐱᑯᓂᒻ ᓂᓇᔅᑯᒧᐅᓂᔪᐤ ᑭᔭ ᓇᒪ ᒋᑭ ᒋ ‍ ᐃᑎᒋᑕᑯᓱᐤ ᒧᔭᒻ ᐸᐃᒄ ᓂᑦ ᐃᔨᒻ᙮”
\s2 Genesis 17.1-7, 15-16 (Lent-2 Year B)
\p
\v 15 ᐊᑯ ᒥᓐ ᒋᓴᒪᓂᑐᐤ ᐊᑕᑦ ᐊᑉᕋᐊᒪ, “ᒋᐅ ᓴᕋᐃ, ᒐ ᐊᑲ ‍ ᐃᓯᓂᐧᑲᑎᑦ ‘ᓴᕋᐃ’, ᒥᒄ ‘ᓴᕋ’ ᒋᑭ ‍ ᐃᓯᓂᐧᑲᓱᐤ᙮
\v 16 ᓂᑭ ‍ ᓱᐛᔨᑕᑯᐛᐤ ᓴᕋ ᑭᔭ ᒋᑭ ‍ ᐅᑯᓱᐤ ᒋᔾ ᐅᒡ᙮ ᓂᑭ ‍ ᓱᐛᔨᑕᑯᐛᐅ ᑭᔭ ᐎᔾ ᒋᑭ ‍ ᐅᑲᐎᒪᐤ ᒐ ‍ ᑕᑐᔅᑲᓇᓯᓇᓄᐎᒡ; ᐱᔅᒐ ᐅᑦ ᐊᓂᔅᑯᑕᐸᓇ ᒋᑭ ‍ ᒋᓴᐅᒋᒪᐎᔪᐛ᙮”
\p
\v 17 ᒥᓐ ᒋ ‍ ᓂᐱᔅᑯᐱᔅᑐᐛᐤ ᐊᑉᕋᐊᒻ ᒋᓴᒪᓂᑐᐛ ᐊ ‍ ᒋᔅᑕᔨᒪᑦ, ᒂ ‍ ᐸᐱᑦ ᑭᔭ ᒂ ‍ ᐃᑎᓱᑦ, “ᒐᑲᑦ ᓂ ‍ ᐸᐃᑯ ᒥᑕᓯᒥᑎᓄᐛᐳᓇᓯᓐ, ᑕᓐᑕ ᓂᐸ ᐅᒋ ‍ ᐅᑕᐎᒪᐅᓐ ? ᑭᔭ ᓴᕋ ᐸᐃᑯᔅᑕᐤ ᑕᑐᔪᐛᐳᓇᓱᐤ᙮ ᑕᓐᑕ ᒋᐸ ᐅᒋ ‍ ᐅᑦ ᐊᐛᓯᒧᐤ ?”
\v 18 ᐊᑯ ᐊᑉᕋᐊᒻ ᐊᑕᑦ ᒋᓴᒪᓂᑐᐛ, “ᑭᒪ ᒋᓴᐛᑐᑐᐅᑦ ᓂᑯᔅ ᐃᔅᒪᐃᓪ᙮”
\p
\v 19 ᐊᑯ ᒋᓴᒪᓂᑐᐤ ᐊᑕᑦ, ᓂᐦᐃ, ᒥᒄ ᒋᐅ ᓴᕋ ᒋᑭ ‍ ᒥᔨᒄ ᐅᑯᓯᒪᐛ ᑭᔭ ᐊᐃᓯᒃ ᒋᑭ ‍ ᐃᓯᓂᐧᑲᑕᐤ᙮ ᓂᑭ ‍ ᐊᔨᒋᑎᒧᐛᐤ ᓂᓇᔅᑯᒧᐅᓂᔪᐤ, ᐊᐅᒄ ᐅᒪ ᓂᓇᔅᑯᒧᐅᓐ ᒐ ᐊᑲ ᓂᑕ ᐃᔎᐱᔨᒡ, ᐎᔾ ᐅᒡ ᑭᔭ ᐅᑦ ᐊᓂᔅᑯᑕᐸᓇ᙮
\v 20 ᒥᒄ ᒋᑯᔅ ᐃᔅᒪᐃᓪ, ᒋᑭ ‍ ᒥᔨᑎᓐ ᐊ ᐃᓯ ‍ ᓂᑐᐛᔨᑎᒥᓐ, ᓂᑭ ‍ ᓱᐛᔨᑕᑯᐛᐤ᙮ ᒥᒐᑦ ᐊᐛᓴ ᓂᑭ ‍ ᒥᔭᐤ ᑭᔭ ᒥᒐᑦ ᐊᓂᔅᑯᑕᐸᓇ ᓂᑭ ‍ ᒥᔭᐤ᙮ ᐎᔾ ᒋᑭ ‍ ᐅᑕᐎᒪᐅ ᐊ ‍ ᓂᓱᓴᐳᔨᒋ ᒋᓴᐅᒋᒪᓴ, ᓂᑭ ‍ ᑐᑐᒪᐛ ᐅᑦ ᐊᓂᔅᑯᑕᐸᓇ ᒐᒋ ᒥᒐᑐᔅᑲᓇᓯᔨᒋ᙮
\v 21 ᒥᒄ ᓂᑭ ‍ ᒥᔭᐤ ᓂᓂᔅᑯᒧᐅᓂᔪᐤ ᐊᐃᓯᒃ, ᐊᓂᔭ ᒐ ‍ ᓂᑕᐅᒋᔭᑦ ᓴᕋ ᒋ ‍ ᐸᐃᑯᐳᓂᔨᒐ᙮”
\p
\v 22 ᒋᓴᒪᓂᑐᐤ ᒋ ‍ ᓂᑭᑕᐤ ᐊᑉᕋᐊᒪ ᐃᔅᐱ ᑲᒋ ᐃᓯ ‍ ᐃᔨᒪᐊᑦ᙮
\p
\v 23 ᐊᓂᔭ ᐸᐃᑯᑕᐤ ᒋᓯᑯᔪᐤ, ᐊᑉᕋᐊᒻ ᒋ ‍ ᓂᓇᐃᑐᐛᐤ ᑲ ‍ ᐃᑎᑯᑦ ᒋᓴᒪᓂᑐᐛ ᑭᔭ ᒂ ‍ ᒋᔅᒋᓄᐛᒋᔄᑦ ᐅᑯᓴ ᐃᔅᒪᐃᓚ ᑭᔭ ᒥᓯᐛ ᑯᑎᑲ ᓇᐸᐤ ᐊᐱᒋᐊᑭᓇ ᑲ ‍ ᑕᔨᒋ ᐊᓐᑕ ᐎᒋᒡ᙮ ᒋᒡ ᒥᓯᐛ ᐊᐱᒋᐊᑭᓇ ᑲ ‍ ᐃᔪᔨᒋ ᐊᓐᑕ ᐅᑦ ᐃᑕᐅᓂᒡ ᑭᔭ ᐊᓂᔭ ᒥᓯᐛ ᑲ ‍ ᐃᔭᐛᑦ᙮
\v 24 ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒋ ‍ ᐃᑕᑐᐳᓇᓱᐤ ᑲ ‍ ᒋᔅᒋᓄᐛᒋᔄᑭᓄᐅᑦ ᐊᑉᕋᐊᒻ,
\v 25 ᒋ ‍ ᓂᔅᑎᓴᐳᓇᓯᔪᐛ ᐅᑯᓴ ᐃᔅᒪᐃᓚ᙮
\v 26 ᐸᐃᑯᑕᐤ ᒋᓯᑯᔪᐤ ᑕᐱᔅᑯᓐ ᐊᑉᕋᐊᒻ ᑭᔭ ᐃᔅᒪᐃᓪ ᒋ ‍ ᒋᔅᒋᓄᐛᒋᔄᑭᓄᐛᒡ᙮
\v 27 ᒥᓯᐛ ᓂᔭᐸᐅᑦ ᒋ ‍ ᒋᔅᒋᓄᐛᒋᔄᑭᓄᐤ, ᐊᓐ ᑲ ‍ ᐃᔪᐅᑦ ᐊᑉᕋᐊᒪ ᐅᑦ ᐃᑕᐅᓂᔨᒡ ᑭᔭ ᒪᒃ ᒪᓐᑕᐛ ᑲ ᐅᒋ ‍ ᐃᔭᐛᑭᓄᐅᑦ᙮
\c 18
\s1 ᑲ ‍ ᓂᔅᑎᒡ ᒪᓐᑕᐅᒡ
\s2 Genesis 18.1-15 (Proper-6 Year A)
\s2 Genesis 18.1-10a (Proper-11 Year C)
\p
\v 1 ᑎᐸᔨᒋᒐᓱᐤ ᒥᓐ ᒋ ‍ ᓄᑯᓯᔅᑐᐛᐤ ᐊᑉᕋᐊᒪ ᐊᓐᑕ ᒪᒻᕋ ᒥᒋᒪ ᒥᔅᑯᐛᐤ ᒥᔅᑎᒂ ᐊ ‍ ᑕᔨᒋ᙮ ᒋᐱᔎᒡ ᒋ ‍ ᐊᐳᐤ ᐅᐱᒍᐎᔭᓂᒋᐛᐱᒡ ᒪᒂᒡ ᐊ ‍ ᒋᓯᑕᔨᒡ᙮
\v 2 ᐊᑉᕋᐊᒻ ᒋ ‍ ᐅᐸᐳᐤ ᑭᔭ ᒋ ‍ ᐛᐱᒪᐤ ᓂᔅᑐ ᐊᓐᒋᓇ ᒥᒋᒪ ᑲ ‍ ᓂᐳᔨᒋ᙮ ᐃᔅᐱ ᐎᔭᐱᒪᑦ, ᒋ ‍ ᓂᑭᑎᒻ ᐅᐱᒍᐎᔭᓂᒋᐛᑉ ᑭᔭ ᒂ ‍ ᒋᒋᓇᑦ ᒐᒋ ᓂᒋᔅᑯᐛᑦ᙮ ᒂ ‍ ᓂᐱᔅᑯᐱᔅᑐᐛᑦ ᐊ ‍ ᒋᔅᑕᔨᒪᑦ᙮
\p
\v 3 ᒂ ‍ ᐃᑕᑦ ᐊᓂᔭ ᐸᐃᒄ, “ᓂᑎᐸᔨᒋᒐᓯᒻ, ᐊᑕᔨᒧᐅᓇ ᐊ ‍ ᒋᔅᑕᔨᑕᑯᓯᔭᓐ, ᐊᑲ ᓴᐳᑐᐛᔅᑯᐤ ᒋᑦ ᐊᐱᒋᐊᑭᓐ᙮
\v 4 ᓂᑭ ‍ ᓂᑐᐛᔨᑕᓐ ᓂᐱᔾ ᒐ ‍ ᐸᑥᑯᐅᔭᒄ ᒐᒋ ᒋᔅᑕᐸᐅᑕᔭᒄ ᒋᓯᑐᐛᐛ, ᐊᐱᒄ ᑭᔭ ᐊ ‍ ᐊᔅᑕᔭᔅᑯᐃᑎᓱᒄ ᐊ ‍ ᐊᒋᑲᔅᑕᓯᒧᔭᒄ ᐅᑕ ᒥᔅᑎᑯᒡ᙮
\v 5 ᓂᑭ ‍ ᐸᑕᓐ ᒥᒋᒻ ᒐ ‍ ᒥᒋᔭᒄ ᒐᒋ ᓴᐱᓯᔅᑲᑯᔭᒄ, ᐊᑯ ᐸᑐᔅ ᒐ ‍ ᒪᒋᔭᒄ᙮ ᓂ ‍ ᒥᔽᔨᑕᓐ ᒐᒋ ᐃᑐᑕᑎᑯ ᐊᓄᒡ ᐱᔭᑐᑕᔭᒄ ᐅᑕ ᓂᒋᒡ᙮” ᒂ ‍ ᓂᔎᐅᓯᐃᑯᑦ ᐊ ‍ ᐃᑎᑯᑦ, “ᐊᑯᓐ ᒧᔭᒻ, ᑐᑕ ᐊ ‍ ᐃᔅᒋᔄᔨᓐ᙮”
\p
\v 6 ᐊᑉᕋᐊᒻ ᒋ ‍ ᑭᒐᐃᐱᔪᐤ ᑲ ‍ ᐃᑐᑕᑦ ᐅᐱᒍᐎᔭᓂᒋᐛᐱᒡ ᑭᔭ ᒋ ‍ ᐃᑕᐤ ᓴᕋᔨᒋ, “ᒋᐱᔾ, ᐅᑎᓂᒡ ᐱᔅᒐ ᐊ ‍ ᒥᔪᓯᒡ ᔪᔎᐛᓂᒡ ᑭᔭ ᒐ ‍ ᐱᒥᓄᐛᔨᓐ ᐸᒂᓯᑭᓐ᙮”
\p
\v 7 ᐊᑯ ᐊᑉᕋᐊᒻ ᒂ ‍ ᐃᔅᐸᑕᑦ ᐊᓐᑕ ᒥᒋᑎᒂ ᐊ ‍ ᑕᔨᒋ, ᒋ ‍ ᐅᑎᓇᐤ ᐸᐃᒄ ᐊ ‍ ᐎᔪᐎᔨᒋ ᒥᒋᑎᐧᑯᓴ ᑭᔭ ᒋ ‍ ᒥᔭᐤ ᐅᑦ ᐊᐱᒋᐊᑭᓇ ᒐᒋ ᓂᐸᐃᔨᒋ ᑭᔭ ᐱᒥᓄᐛᔨᒋ᙮
\v 8 ᒋ ‍ ᐸᑐᑐᐛᐤ ᒋᒋᓇᐳᔭ, ᑲ ‍ ᒥᔅᑯᐛᔨᒡ ᑭᔭ ᐎᔭᓯᔪᐤ, ᒂ ‍ ᒥᔭᑦ ᐊᓂᔭ ᐊ ‍ ᓂᔅᑎᔨᒋ ᐊᓐᒋᓇ᙮ ᒪᒂᒡ ᑲ ‍ ᒥᒋᓱᔨᒋ, ᐊᑉᕋᐊᒻ ᒥᒋᒪ ᓯᐸᔭᒋᔅᑎᑯᒡ ᒋ ‍ ᐅᒋᑲᐳᔅᑐᐛᐤ᙮
\p
\v 9 ᐊᑯ ᑲ ‍ ᑯᒂᒋᒥᑯᑦ, “ᑕᓐᑕ ᐊ ‍ ᑕᑦ ᒋᐅ ᓴᕋ ?”
\p ᐊᑉᕋᐊᒻ ᒋ ‍ ᐎᑎᒧᐛᐤ, “ᐊᓐᑕ ᐱᒍᐎᔭᓂᒋᐛᐱᒡ ᑕᐤ᙮”
\p
\v 10 ᑎᐸᔨᒋᒐᓱᐤ ᒂ ‍ ᐃᑕᑦ ᐊᑉᕋᐊᒪ, “ᒋ ‍ ᐸᐃᑯᔅᑕᐤ ᑕᑐᐤ ᐱᓯᒺᔭᒐ, ᑲᐤ ᐅᑕ ᓂᑭ ‍ ᑎᑯᓯᓐ ᑭᔭ ᓴᕋ ᒋᑭ ‍ ᐅᑯᓱᐤ᙮”
\p ᓴᕋ ᐅᑕᒡ ᒋ ‍ ᐅᒋᑲᐳᔅᑐᐛᐤ, ᒋᐱᔎᒡ ᐅᒡ ᐅᐱᒍᐎᔭᓂᒋᐛᐳᐛᒡ ᐛᒋ ‍ ᓂᑐᑐᐛᑦ᙮
\v 11 ᑕᐱᔅᑯᓐ ᐊᑉᕋᐊᒻ ᑭᔭ ᓴᕋ ᓴᔅ ᒋ ‍ ᒋᓴᐃᔪᐎᒡ᙮ ᓴᕋ ᓇᒪ ᐅᒋ ᐅᑦ ᐊᐛᓯᒧᐤ ᐊ ‍ ᒋᓴᐃᔎᐅᑦ᙮
\v 12 ᐊᑯ ᓴᕋ ᒂ ‍ ᐸᐱᑦ ᐊ ‍ ᐃᑕᔨᑕᐧᒃ, “ᑕᐱᔅᑯᓐ ᐊᑉᕋᐊᒻ ᑭᔭ ᓂᔾ ᓂ ‍ ᒋᓴᐃᔪᐅᓇᓐ᙮ ᓴᔅ ᐎᒪᐱᔪᐤ ᒐᒋ ᑭᓄᐛᔨᑎᒪᓐ ᒥᔽᔨᑎᒧᐅᓐ ᐊ ‍ ᐅᑦ ᐊᐛᓯᒥᓇᓄᐅᒡ᙮”
\p
\v 13 ᐊᑯ ᑎᐸᔨᒋᒐᓱᐤ ᐊᑕᑦ ᐊᑉᕋᐊᒪ, “ᒐᒂᓐ ᒪᒃ ᐛᒋ ‍ ᐸᐱᑦ ᓴᕋ ᐊᓂᔭ ᑲ ‍ ᐃᔅᒋᔄᐅᒡ ? ᒐᒂᓂᔪᐤ ᐛᒋ ‍ ᐊᓏᑕᐧᒃ ᒐ ‍ ᐅᑦ ᐊᐛᓯᒥᑦ ᐊ ‍ ᒋᓴᐃᔎᐅᑦ ?
\v 14 ᓇᒪ ᑎᑯᓂᔪᐤ ᒐᒂᓂᔪᐤ ᒐ ᐊᑲ ᒋ ᐃᑐᑕᐧᒃ ᑎᐸᔨᒋᒐᓱᐤ᙮ ᒧᔭᒻ ᑲ ‍ ᐃᔅᒋᔄᔭᓐ, ᒋ ‍ ᐸᐃᑯᔅᑕᐤ ᑕᑐᐤ ᐱᓯᒺᔭᒐ ᑲᐤ ᐅᑕ ᓂᑭ ‍ ᑎᑯᓯᓐ ᑭᔭ ᓴᕋ ᒋᑭ ‍ ᐅᑯᓱᐤ᙮”
\p
\v 15 ᓴᕋ ᒋ ‍ ᑯᔅᑕᒍᐤ, ᐊᑯ ᒂ ᐎ ‍ ᑭᑭᒋᔭᑦ ᑭᔭ ᒂ ‍ ᐃᔅᒋᔄᑦ, “ᓇᒪ ᓂ ᐅᒋ ‍ ᐸᐱᓐ᙮”
\p ᑎᐸᔨᒋᒐᓱᐛ ᒂ ‍ ᐃᑎᑯᑦ, “ᓂᐦᐃ, ᔅᒋ ‍ ᐸᐱᓐ᙮”
\s1 ᑲ ‍ ᓂᑐᑎᒪᔅᑎᒧᐛᑦ ᐊᑉᕋᐊᒻ ᑲ ‍ ᒥᔽᑎᓯᔨᒋ
\p
\v 16 ᑲᒋ ‍ ᒋᓯᒥᒋᓱᒡ, ᒂ ‍ ᔅᑐᑕᒡ ᐊ ‍ ᓂᔅᑎᒡ ᐊᓐᒋᓐᒡ ᑭᔭ ᒂ ‍ ᐃᑐᑕᒡ ᐊᓐᑕ ᒐ ᐅᒋ ‍ ᐛᐸᑕᒡ ᓱᑕᒻ ᐅᑕᓇᔪᐤ᙮ ᐊᑉᕋᐊᒻ ᒋ ᐊᑎ ‍ ᐎᒐᐛᐤ ᒐᒋ ᐛᒋᔭᒪᑦ᙮
\v 17 ᐊᑯ ᑎᐸᔨᒋᒐᓱᐤ ᒂ ‍ ᐃᑎᓱᑦ, “ᓇᒪ ᓂᑭ ᒋ ‍ ᑲᑐᐛᐤ ᐊᑉᕋᐊᒻ ᒐᒂᓂᔪᐤ ᐛ ‍ ᑐᑕᒧᒡ᙮
\v 18 ᐛᔅ ᐊᑉᕋᐊᒻ ᐅᑦ ᐊᓂᔅᑯᑕᐸᓇ ᒋᑭ ‍ ᒥᒐᑐᔅᑲᓇᓯᔨᐛ ᑭᔭ ᒋᑭ ‍ ᓱᐧᑲᑎᓯᔨᐛ ᑭᔭ ᐎᔾ ᐅᒡ ᓂᑭ ᐅᒋ ‍ ᒥᔪᑐᑐᐛᐅᒡ ᒥᓯᐛ ᐊ ‍ ᑕᑐᔅᑲᓇᓯᒡ ᐅᑕ ᐊᔅᒋᒡ᙮
\v 19 ᐛᔅ ᐎᔾ ᓂᒋ ‍ ᐛᔭᐱᒪᐤ ᒐᒋ ᒋᔅᑯᑎᒧᐛᑦ ᐅᑦ ᐊᐛᓯᒪ ᑭᔭ ᒐ ᐊᓂᔅᒐ ‍ ᐱᒪᑎᓯᔨᒋ ᐅᑦ ᐊᓂᔅᑯᑕᐸᓇ ᒐᒋ ᓇᐊᔨᑎᒥᔨᒋ ᓂᑦ ᐃᑎᓱᐛᐅᓇ ᑭᔭ ᐃᑐᑎᒥᔨᒋ ᑯᐃᔅᑯᑐᑎᒧᐅᓂᔪᐤ ᑭᔭ ᑎᐸᔅᑯᓂᒐᐅᓂᔪᐤ ᑭᔭ ᐊᑯ ᒪᒃ ᒐ ‍ ᒥᔨᒃ ᐊᑉᕋᐊᒻ ᒥᓯᐛ ᒐᒂᔪᐤ ᑲ ᐃᓯ ‍ ᐊᓱᑎᒧᐅᒃ᙮”
\s2 Genesis 18.20-32 (Proper-12 Year C)
\p
\v 20 ᐊᑯ ᑎᐸᔨᒋᒐᓱᐤ ᐊᑕᑦ ᐊᑉᕋᐊᒪ, “ᓂᒋ ‍ ᐸᑎᒺᓐ ᐊ ‍ ᑕᑈᓯᒡ ᐊᓐᒡ ᐊ ᐊᑲ ‍ ᒥᔪᑐᑕᑯᒡ ᓱᑕᒻ ᑭᔭ ᑯᒧᕋ ᐃᔪᐛ᙮ ᒪᔭᑎᓂᔪᐤ ᐊ ‍ ᑐᑕᒡ ᐊᓐᒡ ᐃᔪᒡ᙮
\v 21 ᓂᑭ ‍ ᐃᑐᑕᓐ ᒐᒋ ᐛᐸᑎᒧᒡ ᒐᒂᓂᔪᐤ ᑲ ᐃᓯ ‍ ᑐᑕᒡ᙮ ᐊᑯ ᒐᔅᒐᔨᑎᒧᒡ ᑎᔭᑈᓄᐎᒂ᙮”
\p
\v 22 ᐊᑯ ᓂᓱ ᐊᓐᒋᓐᒡ ᒋ ‍ ᓂᑭᑕᐅᒡ ᐊᑉᕋᐊᒪ ᑭᔭ ᒂ ‍ ᐃᑐᑕᒡ ᐊᓐᑕ ᓱᑕᒻ ᐅᑕᓇᔪᐤ, ᒥᒄ ᑎᐸᔨᒋᒐᓱᐤ ᒋ ‍ ᑕᐤ ᐊ ‍ ᐎᒋᑲᐳᔅᑐᐛᑦ ᐊᑉᕋᐊᒪ᙮
\v 23 ᐊᑉᕋᐊᒻ ᒥᒋᒪ ᒋ ‍ ᓇᑕᐤ ᑎᐸᔨᒋᒐᓱᐛ ᑭᔭ ᒋ ‍ ᐃᑕᐤ, “ᒋᑭ ‍ ᓂᓱᐅᓇᒋᐊᐅᒡ ᐊ ᒪᒧᐤ ᐊᓐᒡ ᑯᐃᔅᒄ ᑲ ‍ ᑐᑕᒡ ᒋᒡ ᐊᓐᒡ ᐊ ‍ ᒪᔭᑎᓂᔨᒡ ᑲ ‍ ᑐᑕᒡ ?
\v 24 ᒥᒄ ᒪ ᐱᑕᑕᒡ ᑕᑐᔪᐤ ᑕᑎᓯᑥᐛ ᑲ ‍ ᑯᐃᔅᑯᑕᑎᓯᒡ ᐃᔪᒡ ᐊᓐᑕ ᐅᑕᓇᒡ, ᒋᑭ ‍ ᓂᓱᐅᓇᒋᑕᓐ ᐊ ? ᒋᑭ ‍ ᐱᒪᒋᑕᓐ ᐊ ᐊᑯ ᒪᒃ ᒐ ᐊᑲ ‍ ᐳᓂᐱᒪᑎᓯᒡ ᐊᓐᒡ ᐱᑕᑕᒡ ᑕᑐᔪᐤ ᑲ ‍ ᑯᐃᔅᑯᑕᑎᓯᒡ ᐃᔪᒡ ?
\v 25 ᓂ ‍ ᒋᔅᒐᔨᑕᓐ ᒐ ᐊᑲ ‍ ᓂᓱᐅᓇᒋᐃᑥᐤ ᑲ ‍ ᑯᐃᔅᑯᑕᑎᓯᒡ ᐃᔪᒡ ᐊᓯᒡ ᐊᓐᒡ ᑲ ‍ ᒥᒐᑎᓯᒡ ᐃᔪᒡ᙮ ᒋᔾ ᐅ ᐅᑎᐸᔅᑯᓂᒐᐤ ᐅᑕ ᒥᓯᐛ ᐊᔅᒋᒡ ᑭᔭ ᒋᑦ ᐃᑐᑕᓐ ᒐᒂᓐ ᐊ ‍ ᒥᔽᒡ᙮”
\p
\v 26 ᑎᐸᔨᒋᒐᓱᐤ ᒋ ‍ ᐃᑕᐤ, “ᒥᔅᑯᒂᐛ ᐱᑕᑕᒡ ᑕᑐᔪᐤ ᑲ ‍ ᑯᐃᔅᑯᑕᑎᓯᒡ ᐃᔪᒡ ᐊᓐᑕ ᓱᑕᒻ ᐅᑕᓇᒡ, ᓇᒪ ᓂᑭ ᒋ ‍ ᓂᓱᐅᓇᒋᑕᓐ ᐅᑕᓇᐤ ᐎᔨᐛᐤ ᐅᒋ᙮”
\p
\v 27 ᐊᑯ ᐊᑉᕋᐊᒻ ᒥᓐ ᐊ ‍ ᐃᔨᒥᑦ, “ᑎᐸᔨᒋᒐᓱᐤ, ᓂᑭ ‍ ᒥᔅᑲᓐ ᓱᒋᑕᐅᓐ ᑭᔭ ᒥᓐ ᒐᒋ ᐃᔨᒥᑕᓐ, ᐛᔅ ᐅ ᓂᔾ ᒥᒄ ᓇᐸᐤ, ᓇᒪ ᑭᔭ ᓂ ‍ ᑎᐸᒐᔨᑕᑯᓯᓐ ᒐᒋ ᐃᔨᒥᑕᓐ,
\v 28 ᒂᔄᓐ ᒥᒄ ᓇᐎᔪᐤ ᐊᓱ ᐱᑕᑕᒡ ᐊᑎᓯᐛᐛᒂ, ᒋᑭ ‍ ᓂᓱᐅᓇᒋᑕᓐ ᐊ ᓄᑎᒻ ᐅᑕᓇᐤ ᐅᓴᒻ ᐊᓐᒡ ᐱᑕᑕᒡ ᑲ ‍ ᑯᐃᔅᑯᑕᑎᓯᒡ ᐃᔪᒡ ?”
\p ᑎᐸᔨᒋᒐᓱᐤ ᒋ ‍ ᐃᑕᐤ, “ᒥᔅᑯᒂᐛ ᓇᐎᔪᐤ ᐊᓱ ᐱᑕᑕᒡ ᑲ ‍ ᑯᐃᔅᑯᑕᑎᓯᒡ ᐃᔪᒡ, ᓇᒪ ᓂᑭ ᒋ ‍ ᓇᓱᐅᓇᒋᑕᓐ᙮”
\p
\v 29 ᐊᑉᕋᐊᒻ ᒥᓐ ᐸᐃᒂᐤ ᐊ ‍ ᐃᔨᒪᐊᑦ, “ᒂᔄᓐ ᒪ ᓇᐎᔪᐤ ᒥᒄ ᒥᔅᑯᐛᑭᓄᑥᐛ ᑲ ‍ ᑯᐃᔅᑯᑕᑎᓯᒡ ᐃᔪᒡ ᐊᓐᑕ ?” ᑎᐸᔨᒋᒐᓱᐤ ᒂ ‍ ᐃᑕᑦ, “ᐊᑎ ᒥᒄ ᓇᐎᔪᐤ ᑕᑥᐛ ᑲ ‍ ᑯᐃᔅᑯᑕᑎᓯᒡ ᐃᔪᒡ, ᓇᒪ ᓂᑭ ᒋ ‍ ᓂᓱᐅᓇᒋᑕᓐ ᐊᓐ ᐅᑕᓇᐤ᙮”
\p
\v 30 ᐊᑯ ᐊᑉᕋᐊᒻ ᐊᑕᑦ, “ᑎᐸᔨᒋᒐᓱᐤ, ᒋ ‍ ᐱᑯᓴᔨᒥᑎᓐ ᒐ ᐊᑲ ‍ ᒋᔄᐱᔅᑐᐎᓐ, ᒥᒄ ᓇᐃᒥᔾ ᒐᒋ ᒥᓐ ᑯᒂᒋᒥᑕᓐ, ᒐᒂᓐ ᒐ ‍ ᐃᑐᑎᒥᓐ ᒥᒄ ᓂᔅᑐᔪᐤ ᑕᑎᓯᑥᐛ ᑲ ‍ ᑯᐃᔅᑯᑕᑎᓯᒡ ᐃᔪᒡ ᐊᓐᑕ ᐅᑕᓇᒡ ?”
\p ᑎᐸᔨᒋᒐᓱᐤ ᒋ ‍ ᐃᑕᐤ, “ᓂᑭ ‍ ᐱᒪᒋᐊᐅᒡ ᒥᓯᐛ ᑯᑎᑭᒡ, ᒋᒡ ᐊᓐᒡ ᓂᔅᑐᔪᐤ ᐃᔪᒡ ᑲ ‍ ᑯᐃᔅᑯᑕᑎᓯᒡ᙮”
\p
\v 31 ᐊᑯ ᐊᑉᕋᐊᒻ ᐊᑕᑦ, “ᑎᐸᔨᒋᒐᓱᐤ, ᐛᐸᔨᑎᒧᐎ ᐊᓐ ᐊᓱᒋᑕᔭᓐ ᒐᒋ ᒥᓐ ᑯᒂᒋᒥᑕᓐ, ᒥᒄ ᒐᒂᓐ ᒐ ‍ ᐃᑐᑎᒥᓐ ᒥᒄ ᓂᓱᔪᐤ ᑲ ‍ ᑯᐃᔅᑯᑕᑎᓯᒡ ᐃᔪᒡ ᒥᔅᑯᑥᐛ ?”
\p ᑎᐸᔨᒋᒐᓱᐤ ᒋ ‍ ᐃᑕᐤ, “ᐊᑎ ᒥᒄ ᓂᓱᔪᐤ ᑕᑥᐛ ᑲ ‍ ᑯᐃᔅᑯᑕᑎᓯᒡ ᐃᔪᒡ, ᓇᒪ ᓂᑭ ᒋ ‍ ᓂᓱᐅᓇᒋᑕᓐ ᐊᓐ ᐅᑕᓇᐤ᙮”
\p
\v 32 ᐊᑉᕋᐊᒻ ᒥᓐ ᑲ ‍ ᑯᒂᒋᒪᑦ, “ᑎᐸᔨᒋᒐᓱᐤ, ᒋ ‍ ᐱᑯᓴᔨᒥᑎᓐ ᒐ ᐊᑲ ‍ ᒋᔄᐱᔅᑐᐎᓐ, ᐊᐅᑯᐤ ᒪᔅᑕᔾ ᒐ ‍ ᐃᔨᒥᔭᓐ, ᒐᒂᓐ ᒐ ‍ ᐃᑐᑎᒥᓐ ᒥᒄ ᐸᐃᑯᔪᐤ ᑲ ‍ ᑯᐃᔅᑯᑕᑎᓯᒡ ᐃᔪᒡ ᒥᔅᑯᑥᐛ ?”
\p ᑎᐸᔨᒋᒐᓱᐤ ᐃᑕᐤ, “ᐊᑎ ᒥᒄ ᐸᐃᑯᔪᐤ ᑕᑥᐛ ᑲ ‍ ᑯᐃᔅᑯᑕᑎᓯᒡ ᐃᔪᒡ, ᓇᒪ ᓂᑭ ᒋ ‍ ᓂᓱᐅᓇᒋᑕᓐ ᐊᓐ ᐅᑕᓇᐤ᙮”
\p
\v 33 ᐃᔅᐱ ᑎᐸᔨᒋᒐᓱᐤ ᑲᒋ ᐃᓯ ‍ ᐃᔨᒪᐊᑦ ᐊᑉᕋᐊᒪ, ᒋ ‍ ᔅᑐᑕᐤ ᑭᔭ ᐎᔾ ᐊᑉᕋᐊᒻ ᒂ ‍ ᒋᐛᑦ᙮
\c 19
\s1 ᑲ ᒥᒋ ‍ ᐱᒪᑎᓯᒡ ᓱᑕᒻ ᐃᔪᒡ
\p
\v 1 ᐊᑎ ‍ ᐅᑕᑯᓯᔨᒡ ᑲ ‍ ᓂᓯᒡ ᐊᓐᒋᓐᒡ ᒋ ‍ ᐅᑎᑕᒧᒡ ᓱᑕᒻ ᐅᑕᓇᔪᐤ, ᓗᑦ ᒋ ‍ ᐊᐳᐤ ᐊᓐᑕ ᐛᒋ ‍ ᐱᒐᓄᐎᒡ ᐅᑕᓇᔪᐤ᙮ ᐃᔅᐱ ᐎᔭᐱᒪᑦ ᐊ ‍ ᓂᓯᔨᒋ ᐊᓐᒋᓇ, ᒋ ‍ ᐱᓯᑯᓯᐸᑕᐤ, ᒋ ‍ ᓇᑕᐤ ᒐᒋ ᓂᒋᔅᑯᐛᑦ ᑭᔭ ᒂ ‍ ᓂᐱᔅᑯᐱᔅᑐᐛᑦ ᐊ ‍ ᒋᔅᑕᔨᒪᑦ᙮
\v 2 ᒂ ‍ ᐃᑕᑦ, “ᓂᑎᐸᔨᒋᒐᓯᒥᒡ, ᐸᑐᑕᒃ ᓂᒋᒡ ᐊᑯ ᒐᒋ ᐃᑐᑕᑎᑯᒡ᙮ ᒐ ‍ ᒋᔅᑕᐸᐅᒋᓯᑕᔭᒄ ᑭᔭ ᒐ ‍ ᑕᔭᒄ ᒐ ‍ ᑎᐱᔅᑲᒡ᙮ ᐊᑯ ᒐ ‍ ᒪᒋᔭᒄ ᐎᐱᒡ ᒐᒋᓴᐸᔭᒐ᙮”
\p ᒥᒄ ᒂ ‍ ᐃᑎᑯᑦ, “ᓇᒪ, ᐎᐎᑎᒥᒡ ᐊᑐᐛᒡ ᓂᑭ ‍ ᓂᐸᓇᓐ ᐊᓐᑕ ᒪᒧᐤ ᓇᒋᔅᑲᑐᒡ ᐃᔪᒡ᙮”
\p
\v 3 ᒥᒄ ᒋ ‍ ᐱᑯᓴᔨᒪᐤ, ᐊᑯ ᑲ ‍ ᐎᒐᐅᑯᑦ ᑭᔭ ᒂ ‍ ᐃᑐᑕᒡ ᐎᒋᒡ᙮ ᒋ ‍ ᐱᒥᓄᑕᐤ ᓗᑦ ᑭᔭ ᒋ ‍ ᐸᒂᓯᑭᓂᒐᐤ ᐊ ᐊᑲ ‍ ᐊᐱᒋᐊᑦ ᓯᐅᔅᑎᒪᑭᓇ᙮ ᐃᔅᐱ ᑲ ‍ ᔭᔅᑯᔅᑕᔨᒡ ᒥᒋᒥᔪᐤ, ᒂ ‍ ᐅᑕᑯᓯᐅᒥᒋᓱᒡ᙮
\p
\v 4 ᐊᒺᔭ ᐅᐛᐃᓯᓂᒡ ᒪᓐᑕᐅᒡ᙮ ᒥᓯᐛ ᓱᑕᒻ ᓇᐸᐅᒡ ᑕᐱᔅᑯᓐ ᐊ ‍ ᒋᓴᐃᔪᐅᒡ ᑭᔭ ᐊᐛᓯᐅᒡ ᒋ ‍ ᒪᒧᐎᐅᒡ ᐊᓐᑕ ᓗᑕ ᐎᒋᔨᒡ᙮
\v 5 ᓗᑕ ᒋ ‍ ᑕᑈᑕᐅᒡ ᐊ ‍ ᐃᑕᒡ᙮ “ᓂ ‍ ᒋᔅᒐᔨᒪᓇᓐᒡ ᓂᓱ ᒪᓐᑕᐅᒡ ᐊ ‍ ᑕᒡ ᐊᓐᑕ ᒋᒋᒡ᙮ ᐸᒋ ‍ ᐎᐎᑎᓯᓂᒧᐅᓇᓐ, ᓂ ᐎ ‍ ᐎᐸᒪᓇᓐᒡ ᐊᓐᒡ ᐊ ‍ ᓂᓯᒡ, ᓂ ᐎ ‍ ᐃᑐᑐᐛᓇᓐᒡ ᒧᔭᒻ ᓇᐸᐤ ᐊ ‍ ᐃᑐᑐᐛᑦ ᐃᔎᐛ᙮”
\p
\v 6 ᓗᑦ ᒋ ‍ ᐎᐎᔪᐤ ᑭᔭ ᒂ ‍ ᒋᐸᐛᑦ ᔅᑐᐧᑭᓇ᙮
\v 7 ᒂ ‍ ᐃᑕᑦ, “ᓇᒪ, ᓂᐎᒐᐛᑭᓂᑐᒄ, ᐊᑲ ᐃᑐᑎᒥᒄ ᐅ ᒥᒋᒐᒂᓐ᙮
\v 8 ᓂᑐᑐᐅᒄ, ᓂᓱᔎᐅᒡ ᓂᑕᓂᓯᒡ ᐊ ᐊᑲ ᓂᑕ ‍ ᐎᐸᒪᒡ ᓇᐸᐛ, ᒋᑭ ᐸᒋ ‍ ᐎᐎᑐᐛᑎᓇᐛᐤ ᑭᔭ ᒋᑭ ᒋ ‍ ᐃᑐᑐᐛᐛᐅᒡ ᒥᒄ ᐛᑐᑐᐛᑯᒡ᙮ ᒥᒄ ᐅᒡ ᐊ ‍ ᓂᓯᒡ ᒪᓐᑕᐅᒡ, ᒐ ᐊᑲ ‍ ᒐᒂᔪᐤ ᐃᑐᑐᐛᑯᒡ᙮ ᐛᔅ ᐅᒡ ᑲ ‍ ᓂᓯᒡ ᒪᓐᑕᐅᒡ ᒋ ‍ ᑎᑯᓯᓄᐅᒡ ᓂᒋᒡ ᒐᒋ ᓂᐸᒡ ᑭᔭ ᓂᔾ ᓂᑭ ᐎ ᒥᔪ ‍ ᑭᓄᐛᔨᒪᐅᒡ᙮”
\p
\v 9 ᒥᒄ ᒂ ‍ ᐃᔅᒋᔄᒡ, “ᐃᔨᒐᑲᐳᐎ !” ᑭᔭ ᒂ ‍ ᐃᑎᑐᒡ, “ᔅᒋ ‍ ᒥᔭᓄᐤ ᓗᑦ ᒐᒋ ᐎᒋᒥᑕᐧᒄ ᒐᒂᔪᐤ ᒐ ‍ ᐃᑐᑎᒺᐧᒄ !” ᐊᑯ ᒂ ‍ ᐃᑕᒡ ᓗᑕ, “ᒋᔾ ᒋᑭ ‍ ᐊᒂᑐᑕᑎᓇᓐ ᐃᔅᐱᔅ ᐎᔨᐛᐤ᙮” ᐊᑯ ᒂ ‍ ᓴᐛᐱᔅᑯᐛᒡ ᓗᑕ ᑭᔭ ᓂᑲᓐ ᒂ ‍ ᐃᔅᐱᔪᐅᒡ ᒐᒋ ᐱᑯᔅᑯᐛᒡ ᔅᑐᐧᑭᓇ᙮
\p
\v 10 ᒥᒄ ᑲ ‍ ᓂᓯᒡ ᐊᓐᒋᓐᒡ ᐱᑎᑭᒥᒡ ᑲ ‍ ᑕᒡ ᒋ ‍ ᐱᑕᐱᑕᐅᒡ ᓗᑕ ᑭᔭ ᒂ ‍ ᒋᐸᐛᒡ ᔅᑐᐧᑭᓇ᙮
\v 11 ᐊᑯ ᒂ ‍ ᐃᑐᑐᐛᒡ ᒥᓯᐛ ᓱᑕᒻ ᓇᐸᐛ ᒐ ᐊᑲ ‍ ᐛᐸᑎᒥᔨᒋ ᒪᒃ ᒐ ᐊᑲ ᒋ ᒥᔅᑯᐛᔨᒋ ᔅᑐᐧᑭᓇ᙮
\s1 ᓗᑦ ᑭᔭ ᐊ ‍ ᐸᐃᑯᔅᑲᓇᓯᑦ ᓂᑭᑎᒧᒡ ᓱᑕᒻ
\p
\v 12 ᐊ ‍ ᓂᓯᒡ ᐊᓐᒋᓐᒡ ᒋ ‍ ᑯᒂᒋᒪᐅᒡ ᓗᑕ, “ᒪᑕᐅᒡ ᐅᑕ ᑯᑎᑭᒡ ᒋᐧᑲᓂᓯᒡ, ᒋᓇᐊᒋᒥᒡ, ᒋᑯᓯᒡ, ᒋᑕᓂᓯᒡ ᑭᔭ ᒪᒃ ᑯᑎᑭᒡ ᑕᐱᔨᐛᐅᓯᔨᓐ ᐅᑕ ᐅᑕᓇᒡ ? ᒐ ‍ ᐃᑲᑕᐃᑥᐤ ᐅᑕ,
\v 13 ᐛᔅ ᓂᑭ ‍ ᓂᓱᐅᓇᒋᑕᓇᓐ ᐅ ᐅᑕᓇᐤ᙮ ᐛᔅ ᑎᐸᔨᒋᒐᓱᐤ ᒋᔅᒐᔨᒪᐤ ᓱᑕᒻ ᐃᔪᐛ ᑲ ᐃᓯ ‍ ᐃᑐᑎᒥᔨᒋ ᒐᒂᔪᐤ ᐊ ‍ ᒪᔭᑎᓂᔨᒡ᙮ ᐊᓄᒡ ᑎᐸᔨᒋᒐᓱᐤ ᓂᒋ ‍ ᐃᑎᓴᐅᑯᓇᓐ ᒐᒋ ᓂᓱᐅᓇᒋᑕᐅᒋᒡ ᐅᑕᓇᔪᐤ᙮”
\p
\v 14 ᓗᑦ ᒂ ‍ ᓂᑐᐛᐱᒪᑦ ᐊᓂᔭ ᓇᐸᐛ ᑲ ‍ ᐎᐎᒋᒪᔨᒋ ᐅᑕᓂᓴ, ᒂ ‍ ᐃᑕᑦ, “ᐃᔭᓯᒋᒄ, ᓂᑭᑎᒥᒄ ᐅ ᐅᑕᓇᐤ, ᐛᔅ ᑎᐸᔨᒋᒐᓱᐤ ᒋᑭ ‍ ᓂᓱᐅᓇᒋᑕᐤ ᐅᔭ ᐅᑕᓇᔪᐤ᙮” ᒥᒄ ᐅᐎᑥᐤ ᒋ ‍ ᐃᑕᔨᒥᑯᐤ ᐅᓇᒋᒪ ᑭᔭ ᓇᒪ ᐅᒋ ᑕᑈᑕᑯᐤ᙮
\p
\v 15 ᐃᔅᐱ ᐛᑎᒋᐱᔨᒡ ᒋᔭᒋᓴᐸᔭᔨᒡ, ᐊᓐᒋᓐᒡ ᒋ ‍ ᐅᔅᑯᐎᔅᑐᐛᐅᒡ ᓗᑕ ᒐᒋ ᔅᑐᑕᔨᒋ ᐊ ‍ ᐃᑕᒡ, “ᐃᔭᓯᒋ, ᐅᑎᓂᒡ ᒋᐅ ᑭᔭ ᐊ ‍ ᓂᓯᒡ ᒋᑕᓂᓯᒡ ᑭᔭ ᒐ ‍ ᒪᒋᔭᒄ ᐊᑯ ᒐ ᐊᑲ ‍ ᐳᓂᐱᑎᓯᔭᒄ ᐃᔅᐱ ᓂᓱᐅᓇᒋᑕᒐ ᑎᐸᔨᒋᒐᓱᐤ ᐅᔭᔪᐤ ᐅᑕᓇᔪᐤ᙮”
\p
\v 16 ᐃᔅᐱ ᑲ ‍ ᑯᐃᑐᐛᔨᑕᐧᒃ ᓗᑦ, ᒂ ‍ ᐅᑎᓂᒥᔨᒋ ᐅᑎᒋᐛᐛ ᐊᓐᒋᓇ ᐎᔾ ᑭᔭ ᐎᐛ ᑭᔭ ᐊ ‍ ᓂᓯᔨᒋ ᐅᑕᓂᓴ, ᒐᔅᒋᓄᑕᐃᑯᒡ ᐅᑕᓇᒡ ᐛᔪᐎᑕᐃᑯᒡ᙮ ᐛᔅ ᑎᐸᔨᒋᒐᓱᐛ ᐎᔭᐸᑎᔨᑯᒡ ᒋᓴᐛᑎᓯᐅᓂᔪᐤ᙮
\v 17 ᐃᔅᐱ ᑲᒋ ‍ ᓂᑭᑕᒡ ᐅᑕᓇᔪᐤ, ᐸᐃᒄ ᐊᓐᒋᓐ ᒂ ‍ ᐃᑕᑦ, “ᒋᔅᑎᑉ ᒋᑎᓯᒧᒄ ᐅᑕ, ᒐ ᐊᑲ ‍ ᐊᐱᓴᐱᔭᒄ ᑭᔭ ᒐ ᐊᑲ ‍ ᓂᑲᐎᔭᒄ ᓂᑎᒥᒄ ᐅᑕ ᐊ ‍ ᐱᓴᒡ᙮ ᐱᔅᑯᑎᓇᒡ ᒐ ‍ ᐃᔅᐸᔨᑐᔭᒄ ᐛᐱᒪᑎᓯᐛᒂ᙮”
\p
\v 18 ᒥᒄ ᓗᑦ ᒂ ‍ ᐃᑕᑦ, “ᒪᐛᒡ, ᓇᒪᔭᐤ ᐅᑕ ᐱᔅᑯᑎᓇᒡ, ᓂᑎᐸᔨᒋᒐᓯᒻ᙮
\v 19 ᒋ ᒥᔪ ‍ ᐃᑕᔨᒥᓇᐛᐤ ᑭᔭ ᒋ ‍ ᐛᐸᑎᔨᓇᐛᐤ ᐊ ‍ ᒥᓴᒡ ᒋᓴᐛᑎᓯᐅᓐ ᐊ ‍ ᐱᒪᒋᐃᔭᒄ᙮ ᒥᒄ ᓇᒪ ᓂᒋ ‍ ᒋᐃᑎᓯᒧᓐ ᐱᔅᑯᑎᓇᒡ, ᓂᑭ ‍ ᐅᓇᒋᐅᓐ ᐊᒺᔭ ᓇᑕ ᑎᑯᓯᐸᑕᔭᓐ᙮
\v 20 ᒋ ‍ ᐛᐸᑕᓐ ᐊ ᐊᓐ ᑲᐱᓴᓱᐛ ᐅᑕᓇᐤ ? ᐸᓱᓇᑯᓐ᙮ ᐸᒋ ‍ ᒥᔨᓇᓐ ᓇᑕ ᒐᒋ ᐃᔅᐸᔨᑐᔭᒡ, ᒋ ‍ ᐛᐸᑕᓐ ᐊᐱᓴᓯᒡ ᐊᓐ ᐃᑕᐅᓐ ᐊᑯ ᒪᒃ ᑭᔭ ᒐ ‍ ᐱᒪᑎᓯᐅᔭᒡ᙮”
\p
\v 21 ᐊᑯ ᐊᓐᒋᓇ ᐊᑎᑯᑦ, “ᐊᑯᓐ ᒧᔭᒻ, ᒋᑭ ‍ ᒥᔨᑎᓐ ᐊ ᐃᓯ ‍ ᓂᑐᐛᔨᑎᒥᓐ, ᓇᒪ ᓂᑭ ᒋ ‍ ᓂᓱᐅᓇᒋᑕᓐ ᐊᓐ ᐅᑕᓇᐤ ᐃᔭᔨᒧᑎᒥᓐ᙮
\v 22 ᐃᔭᓯᒋᒄ ᑭᔭ ᐃᔅᐸᔨᑐᒄ ᓇᑕ, ᐛᔅ ᓇᒪ ᓂᑭ ᒋ ‍ ᑐᑕᓐ ᒐᒂᓐ ᐸᑐᔅ ᑎᑯᓯᓂᔭᒂ ᓇᑕ᙮” (ᐅᓴᒻ “ᐊᐱᓴᓱᐤ” ᑲ ᐃᓯ ‍ ᐎᑕᐧᒃ ᓗᑦ ᐊᓂᔭ ᐅᑕᓇᔪᐤ, ᓱᐊᕐ ᐊᓄᒡ ᐃᓯᓂᐧᑲᑕᐤ ᐊ ‍ ᐃᑉᕈᐅ-ᐃᔨᒥᓇᓄᐅᒡ ᐊᓐ ᐅᑕᓇᐤ᙮)
\s1 ᒋᓴᒪᓂᑐᐤ ᑲ ‍ ᓂᓱᐅᓇᒋᑕᑦ ᓱᑕᒻ ᑭᔭ ᑯᒧᕋ ᐃᑕᐅᓇ
\p
\v 23 ᑲᒋ ‍ ᓴᑲᔅᑐᐛᔨᒋ ᐱᓯᒺ, ᓗᑦ ᑭᔭ ᐊ ‍ ᐸᐃᑯᔅᑲᓇᓯᑦ ᒋ ‍ ᐅᑎᑕᒧᒡ ᓱᐊᕐ ᐅᑕᓇᔪᐤ᙮
\v 24 ᐊᑯ ᑎᐸᔨᒋᒐᓱᐤ ᒋ ‍ ᐃᑐᑎᒻ ᐃᔅᑯᑕᔪᐤ ᒐᒋ ᐸᒋᑎᓂᔨᒡ ᐊᓐᑕ ᓱᑕᒻ ᑭᔭ ᑯᒧᕋ, ᒋᒋᒋᓯᑯᒡ ᐅᒡ ᒋ ᐅᒋ ‍ ᐳᐅᓂᒻ᙮
\v 25 ᒋ ‍ ᓂᓱᐅᓇᒋᑕᐤ ᐊᓂᔭ ᐅᑕᓇᐛ ᑭᔭ ᒥᓯᐛ ᐃᔪᐛ ᑭᔭ ᒋ ‍ ᓂᓱᐅᓇᒋᑕᐤ ᒥᓯᐛ ᒐᒂᓂᔪᐤ ᑲ ‍ ᓂᑕᐅᒋᓂᔨᒡ ᐊᓐᑕ ᓄᑎᒻ ᐊ ‍ ᐱᓴᔨᒡ᙮
\v 26 ᒥᒄ ᓗᑦ ᐎᐛ ᐅᑕᒡ ᑲ ᐅᒋ ‍ ᓇᓴᐅᑯᑦ, ᒋ ‍ ᐊᐱᓴᐸᑎᒻ ᐅᑕᓇᔪᐤ ᑭᔭ ᓯᐅᑕᑭᓐ ᐃᔨᒐᐛᓇ ᒂ ‍ ᐃᓯᓇᑯᐃᑯᑦ ᑎᐸᔨᒋᒐᓱᐛ᙮
\s1 ᓗᑦ ᐅᑦ ᐊᓂᔅᑯᑕᐸᓇ
\p
\v 27 ᐎᐱᒡ ᒋᔭᒋᓴᐸᔭᔨᒡ, ᐊᑉᕋᐊᒻ ᒋ ‍ ᐃᑐᑕᐤ ᐊᓐᑕ ᑲ ‍ ᐃᔨᒪᐊᑦ ᑭᔭ ᑲ ᐎᒋ ‍ ᑲᐳᔅᑐᐛᑦ ᑎᐸᔨᒋᒐᓱᐛ᙮
\v 28 ᐃᔅᐱ ᑲᒋ ‍ ᑕᐸᑕᐧᒃ ᓱᑕᒻ ᑭᔭ ᑯᒧᕋ ᐅᑕᓇᐛ ᑭᔭ ᐊᓐᑕ ᒥᓯᐛ ᑲ ‍ ᐱᓴᔨᒡ ᐊᔅᒋᔪᐤ᙮ ᒋ ‍ ᐛᐸᑎᒻ ᐊ ‍ ᒧᔅᑲᐸᑕᔨᒡ᙮ ᒧᔭᒻ ᐊ ‍ ᑕᐸᑕᒋ ᒪᔅᑎ ‍ ᐃᔎᑕᒋ᙮
\p
\v 29 ᐃᔅᐱ ᒋᓴᒪᓂᑐᐤ ᑲ ‍ ᓂᓱᐅᓇᒋᑕᑦ ᐅᑕᓇᐛ ᐊᓐᑕ ᐊ ‍ ᐱᓴᔨᒡ, ᒋ ‍ ᒋᔅᒋᑎᒺᐤ ᑲ ‍ ᑯᒂᒋᒥᑯᑦ ᐊᑉᕋᐊᒪ᙮ ᒋ ‍ ᐱᒪᒋᐊᐤ ᓗᑕ ᒐ ᐊᑲ ᒋ ᓂᓱᐅᓇᒋᐅᔨᒋ ᐃᔅᐱ ᑲ ‍ ᓂᓱᐅᓇᒋᑕᑦ ᐅᑕᓇᐛ ᐊᓐᑕ ᑲ ‍ ᐎᒋᔨᒋ᙮
\s1 ᓗᑦ ᑭᔭ ᐅᑕᓂᓴ
\p
\v 30 ᓇᓇᒐ, ᓗᑦ ᑭᔭ ᐊ ‍ ᓂᓯᔨᒋ ᐅᑕᓂᓴ ᒋ ‍ ᓂᑭᑎᒧᒡ ᓱᐊᕐ ᑭᔭ ᒂ ‍ ᐃᑐᑕᒡ ᐱᔅᑯᑎᓇᒡ᙮ ᐛᔅ ᒋ ‍ ᑯᔅᑕᒍᐤ ᒐᒋ ᐎᒋᑦ ᐊᓐᑕ ᓱᐊᕐ᙮ ᐎᔾ ᑭᔭ ᐊ ‍ ᓂᓯᔨᒋ ᐅᑕᓂᓴ ᐊ ‍ ᐱᑯᓇᓴᑲᔨᒡ ᒋ ‍ ᐎᒍᐅᒡ᙮
\v 31 ᐸᐃᒂᐤ ᒐᓯᑲᔨᒡ, ᒐᓴᐃᔎᐅᑦ ᐅᑕᓂᓯᒪᐤ ᒋ ‍ ᐃᑕᐤ ᐅᓯᒪ, “ᒍᑕᐎᓄᐤ ᓴᔅ ᒋᓴᐃᔪᐤ ᑭᔭ ᓇᒪ ᑕᐤ ᐅᑕ ᓇᐸᐤ ᒐ ‍ ᐎᒋᒥᑕᐧᒄ ᒧᔭᒻ ᐊᑎᓇᓄᐅᒡ ᒥᓯᐛ ᐊᔅᒋᒡ᙮
\v 32 ᐃᑐᑐᐛᑕᐤ ᒍᑕᐎᓄᐤ ᒐᒋ ᒥᓂᑦ ᑲ ‍ ᒥᒂᑭᒥᔨᒡ ᐃᔅᐱᔅ ᒋᔎᐸᒐ, ᐊᑯ ᒐ ‍ ᐎᐸᒪᐧᒄ ᒐᒋ ᐅᑦ ᐊᐛᓯᒥᔭᐧᒄ ᒍᑕᐎᓄᐤ ᐅᒡ᙮”
\p
\v 33 ᐊᓂᔭ ᑕᐱᔅᑲᔨᒡ ᒋ ‍ ᒋᔎᐸᐅᒡ ᐅᑕᐎᐛᐛ ᑭᔭ ᒐᓴᐃᔎᐅᑦ ᐅᑕᓂᓯᒪᐤ ᒋ ‍ ᐎᐸᒪᐤ᙮ ᒋᒋᐛ ᒋ ‍ ᒋᔎᐸᐤ ᓗᑦ ᑭᔭ ᓇᒪ ᐅᒋ ᒋᔅᒐᔨᒪᐤ ᒐᒂᓂᔪᐤ ᑲ ‍ ᐃᑐᑎᒥᔨᒋ᙮
\p
\v 34 ᒥᓐ ᐎᔭᐱᓂᔨᒡ ᒂ ‍ ᐃᑕᑦ ᐅᓯᒪ, “ᑕᐱᔅᑲᔨᒡ ᓂᒋ ‍ ᐎᐸᒪᐤ ᒍᑕᐎᓄᐤ᙮ ᒐ ‍ ᐃᑐᑐᐛᐧᒄ ᒥᓐ ᒐ ‍ ᑎᐱᔅᑲᔨᒡ ᒐᒋ ᒋᔎᐸᑦ ᒥᒄ ᐊᓄᒡ ᒋᔾ ᒐ ‍ ᐎᐸᒥᑦ ᐊᑯ ᒪᒃ ᒐᒋ ᐅᑦ ᐊᐛᓯᒥᔭᐧᒄ ᒍᑕᐎᓄᐤ ᐅᒡ᙮”
\v 35 ᐊᓂᔭ ᑕᐱᔅᑲᔨᒡ ᒋ ‍ ᐃᑐᑐᐛᐅᒡ ᒥᓐ ᒐᒋ ᒥᓂᔨᒋ ᑲ ‍ ᒥᒂᑭᒥᔨᒡ ᑭᔭ ᐊᐛᓯᐅᑦ ᐅᑕᓂᓯᒪᐤ ᒋ ‍ ᐎᐸᒪᐤ ᐅᑕᐎᐛᐛ᙮ ᒥᓐ ᑲ ‍ ᒋᔎᐸᑦ ᑭᔭ ᐛᐛᒡ ᓇᒪ ᐅᒋ ᒋᔅᒐᔨᒪᐤ ᒐᒂᓂᔪᐤ ᑲ ‍ ᐃᑐᑎᒥᔨᒋ ᐊᐛᓯᐎᔨᒋ ᐅᑕᓂᓴ᙮
\p
\v 36 ᐊᑯ ᐊ ‍ ᓂᓯᔨᒋ ᓗᑦ ᐅᑕᓂᓴ ᒋ ‍ ᐊᓱᐛᐱᒪᐅᓱᔪᐛ᙮
\v 37 ᐊ ‍ ᒋᓴᐃᔎᐅᑦ ᐅᑕᓂᓯᒪᐤ ᒋ ‍ ᐅᑯᓱᐤ ᑭᔭ ᒧᐊᑉ ᒋ ‍ ᐃᓯᓂᐧᑲᑕᐤ᙮ ᐎᔾ ᐅᑕᐎᒪᐤ ᐊᓄᒡ ᒧᐊᑉ ᐊᓯᓂᐧᑲᑕᑭᓄᔨᒋ ᐃᔪᐛ᙮
\v 38 ᒋ ‍ ᐅᑯᓱᐤ ᐃᔭᐱᒡ ᐊᐛᓯᐅᑦ ᐅᑕᓂᓯᒪᐤ ᑭᔭ ᐱᓐ-ᐊᒥ ᒋ ‍ ᐃᓯᓂᐧᑲᑕᐤ᙮ ᐎᔾ ᐅᑕᐎᒪᐤ ᐊᓄᒡ ᐊᒧᓐ ᐊᓯᓂᐧᑲᑕᑭᓄᔨᒋ ᐃᔪᐛ᙮
\c 20
\s1 ᐊᑉᕋᐊᒻ ᑭᔭ ᐊᐱᒪᓕᒃ
\p
\v 1 ᐱᓯᒧᑕᒡ ᒋ ᐃᓯ ‍ ᐊᑐᒐᐤ ᐊᑉᕋᐊᒻ ᑭᔭ ᑎᔅᑐᐎᒡ ᑲᑎᔅ ᑭᔭ ᓱᕐ ᒂ ‍ ᐎᒋᑦ, ᑭᕋᕐ ᐛᐃᐱᔅᒋᔅ ᒋ ‍ ᑕᐤ,
\v 2 ᒪᒂᒡ ᐊᓐᑕ ᑲ ‍ ᑕᑦ, ᐊᑉᕋᐊᒻ ᒋ ‍ ᐃᑕᐤ ᐃᔪᐛ ᐊᐅᓯᒥᑦ ᐊᓂᔭ ᐎᐛ ᓴᕋᔨᒋ᙮ ᐊᑯ ᐊᐱᒪᓚᒃ, ᑭᕋᕐ ᒋᓴᐅᒋᒪᐤ, ᒋ ‍ ᓂᑐᒪᐤ ᓴᕋᔨᒋ ᑭᔭ ᒂ ‍ ᐅᑎᓇᑦ ᒐ ‍ ᐎᐅᑦ᙮
\p
\v 3 ᐸᐃᒂᐤ ᑕᐱᔅᑲᔨᒡ, ᒋᓴᒪᓂᑐᐤ ᒋ ‍ ᓄᑯᓯᔅᑐᐛᐤ ᐊᐱᒪᓕᑲ ᐅᐳᐛᒧᐅᓂᔨᒡ ᑭᔭ ᒂ ‍ ᐃᑕᑦ, “ᓂᑐᑕ ! ᒋᑭ ‍ ᐳᓂᐱᒪᑎᓯᓐ, ᐛᔅ ᐊᓐ ᐃᔎᐤ ᑲ ‍ ᐅᑎᓂᑦ ᓴᔅ ᐊ ‍ ᓂᐳᐅᑦ᙮”
\p
\v 4 ᒥᒄ ᐊᐱᒪᓕᒃ ᓇᒪ ᐅᒋ ᐎᐸᒪᐤ, ᐊᑯ ᒂ ‍ ᐃᔅᒋᔄᑦ, “ᑎᐸᔨᒋᒐᓱᐤ, ᓇᒪ ᓂ ᐅᒋ ‍ ᒥᒋᑐᑕᓐ᙮ ᑕᐱᔅᑯᓐ ᐊ ᒋᑭ ‍ ᓂᐸᐃᓇᓐ ᓂᔾ ᑭᔭ ᐊᓐᒡ ᐃᔪᒡ ᑕᐸᔨᒋᒐᔭᓐ ?
\v 5 ᓇᒪ ᓇ ᓂ ᐅᒋ ‍ ᐃᑎᒄ ᐊᑉᕋᐊᒻ, ‘ᓂᓯᒻ ᐊᓐ,’ ᑭᔭ ᓇᒪ ᓇ ᐃᔭᐱᒡ ᐅᒋ ᐃᔅᒋᔄᐤ ᓴᕋ, ‘ᓂᔅᑕᔅ ᐊᓐ᙮’ ᓇᒪ ᓂ ᐅᒋ ᐎ ‍ ᒥᒋᑐᑕᓐ, ᑯᐃᔅᒄ ᒐᒂᓐ ᓂᑦ ᐃᑐᑕᓐ ᓂᒋ ‍ ᐃᑕᔨᑕᓐ᙮”
\p
\v 6 ᒋᓴᒪᓂᑐᐤ ᒂ ‍ ᓂᔎᐅᓯᐊᑦ, “ᓂ ‍ ᒋᔅᒐᔨᑕᓐ ᑯᐃᔅᒄ ᒐᒂᓐ ᓂᑦ ᐃᑐᑕᓐ ᐊᒋ ‍ ᐃᑕᔨᑎᒥᓐ, ᓇᒪ ᒋ ᐅᒋ ‍ ᒥᔨᑎᓐ ᒐᒋ ᐎᐸᒥᑦ ᓴᕋ, ᐊᑯ ᑭᔭ ᓂᔾ ᔅᒋ ‍ ᓂᑲᓂᑎᓐ ᒐᒋ ᐅᓂᑐᑐᐎᓐ᙮
\v 7 ᑲᐤ ᒐ ‍ ᒥᔨᑦ ᐅ ᓇᐸᐤ ᐎᐛ, ᐛᔅ ᐎᔾ ᐅᒋᔅᒋᐛᐃᒐᓱᐤ ᑭᔭ ᒋᑭ ‍ ᐃᔨᒥᑥᒄ ᐊᑯ ᒪᒃ ᒐ ᐊᑲ ‍ ᐳᓂᐱᒪᑎᓯᓐ᙮ ᒥᒄ ᐊᑲ ᒋᐛᑎᓴᐅᑕ ᓴᕋ, ᑕᐱᔅᑯᓐ ᒋᔾ ᑭᔭ ᒋᑦ ᐃᔨᒥᒡ ᒋᑭ ‍ ᐳᓂᐱᒪᑎᓯᓇᐛᐤ᙮”
\p
\v 8 ᐎᐱᒡ ᒥᓐ ᒋᔭᒋᓴᐸᔭᔨᒡ ᐊᐱᒪᓕᒃ ᒋ ‍ ᐎᓴᒪᐤ ᒥᓯᐛ ᐅᑦ ᐊᑐᔅᒐᔭᑭᓇ, ᒋ ‍ ᐎᑎᒧᐛᐤ ᒥᓯᐛ ᒐᒂᔪᐤ ᑲ ‍ ᐛᐸᑕᐧᒃ ᐅᐳᐛᒧᐅᓂᒡ᙮ ᒋᒋᐛ ᒋ ‍ ᑯᔅᑕᒋᔪᐛ᙮
\v 9 ᐊᑯ ᐊᐱᒪᓕᒃ ᒂ ‍ ᐎᓴᒪᑦ ᐊᑉᕋᐊᒪ ᑭᔭ ᒂ ‍ ᐃᑕᑦ, “ᒐᒂᓐ ᐅ ᑲ ‍ ᑐᑐᐎᔭᒡ ? ᑭᔭ ᑕᓐ ᑲ ᐃᓯ ‍ ᐅᓂᑐᑕᑕᓐ ? ᓇᒪ ᒋ ‍ ᐅᓂᑐᑕᑎᓐ, ᐊᑯ ᒐᒂᓐ ᒪᒃ ᐛᒋ ‍ ᐸᑐᐎᓐ ᑭᔭ ᓂᑦ ᐃᔨᒥᒡ ᐊ ‍ ᒥᓴᒡ ᒥᒋᑐᑎᒧᐅᓐ ? ᔅᒋ ‍ ᑐᑐᐅᓐ ᐅ ᒐᒂᓐ ᒐ ᐊᑲ ᒋ ᐃᑐᑐᐛᑦ ᑯᑎᒃ ᐊᐛᓐ ᐊᐛᔪᐛ᙮
\v 10 ᒐᒂᓐ ᒪᒃ ᐛᒋ ‍ ᐎᔭᔨᑎᒥᓐ ᐅ ᒐᒋ ᐃᑐᑎᒥᓐ ?”
\p
\v 11 ᐊᑉᕋᐊᒻ ᒋ ‍ ᐃᑕᐤ, “ᓂᒋ ‍ ᐃᑕᔨᑕᓐ ᐊ ᐊᑲ ᐊᐛᓐ ᐅᑕ ᒋᔅᑕᔨᒪᑦ ᒋᓴᒪᓂᑐᐛ᙮ ᓂᑭ ᐎ ‍ ᓂᐸᐃᑯᒡ ᐃᔪᒡ ᐊᑯ ᒪᒃ ᒐ ‍ ᐅᑎᓇᒡ ᓂᐎᒋᒪᑭᓇ ᓂᒋ ‍ ᐃᑕᔨᒪᐅᒡ᙮”
\v 12 ᑭᔭ ᑕᑈᓄᐤ, ᓂᐧᑲᓂᔅ ᐊᓐ᙮ ᓂ ‍ ᐸᐃᒂᐊᓇᓐ ᓄᑕᐎᓇᓐ ᒥᒄ ᓇᒪ ᓂ ‍ ᐸᐃᒂᐊᓇᓐ ᓂᑲᐎᓇᓐ, ᓇᓇᒐ ᒂ ‍ ᐎᒋᒥᒃ᙮
\v 13 ᐃᔅᐱ ᑲ ‍ ᐃᓯᑦ ᒋᓴᒪᓂᑐᐤ ᒐᒋ ᓂᑭᑎᒧᒡ ᓄᑕᐎᔭ ᐎᒋᔪᐤ, ᓂᒋ ‍ ᐃᑕᐤ ᓴᕋ, “ᒪᐅ ᒐ ᐃᓯ ‍ ᓄᑯᑕᔨᓐ ᐊ ‍ ᓴᒋᐃᔨᓐ, ᒥᓯᐛ ᐊᓐᑕ ᒐ ‍ ᐃᑐᑕᔭᐧᒄ, ‘ᓂᔅᑕᔅ ᐊᓐ’ ᒐ ‍ ᐃᑕᒋᒥᔨᓐ᙮”
\p
\v 14 ᐊᐱᒪᓕᒃ ᑲᐤ ᒋ ‍ ᒥᔭᐤ ᐊᑉᕋᐊᒪ ᐎᐎᔪᐛ᙮ ᐃᔭᐱᒡ ᑭᔭ ᒥᔨᐛᐅᓇ, ᒋᒡ ᒪᔭᑕᓂᓴ, ᒥᒋᑎᒂ, ᓇᐸᐤ ᐊᐱᒋᐊᑭᓇ ᑭᔭ ᐃᔎᐤ ᐊᐱᒋᐊᑭᓇ᙮
\v 15 ᒂ ‍ ᐃᑕᑦ ᐊᑉᕋᐊᒪ, “ᒪᐅ ᓄᑎᒻ ᓂᑦ ᐊᔅᒋᔾ, ᒐ ‍ ᐎᒋᔨᓐ ᐊᓐᑕ ᒥᒄ ᐛᐎᒋᐃᔨᓐ᙮”
\p
\v 16 ᐊᑯ ᒂ ‍ ᐃᑕᑦ ᓴᕋᔨᒋ, “ᐸᐃᒂᐤ ᒐᓯᐱᔪᐤ ᓇᒪᔭᐤ ᐛᐱᓯᐅᓱᓇᔭᐱᔎ ᒋᐧᑲᓂᔅ, ᐊᐅᑯᐤ ᒐᒋ ᐛᐸᑎᔭᑭᓄᐅᒡ ᒥᓯᐛ ᒋᑦ ᐃᔨᒧᐛᐅᒡ ᐊ ‍ ᒥᔽᑎᓯᔨᓐ, ᒥᓯᐛ ᐊᐛᓐ ᒋᑭ ‍ ᒋᔅᒐᔨᑎᒻ ᐊ ᐊᑲ ᐅᒋ ‍ ᒥᒋᑐᑕᒥᓐ᙮”
\p
\v 17 ᐊᑯ ᐊᑉᕋᐊᒻ ᓇᑐᑕᒧᐛᑦ ᒋᓴᒪᓂᑐᐛ ᑭᔭ ᒋᓴᒪᓂᑐᐤ ᒋ ‍ ᒥᓏᒋᐊᐤ ᐊᐱᒪᓕᑲ, ᒋᒡ ᐎᒋᒪᑭᓂᔪᐛ ᑭᔭ ᐅᑦ ᐃᔎᐤ ᐊᐱᒋᐊᑭᓂᔪᐛ, ᐊᑯ ᒪᒃ ᒐᒋ ᒥᓐ ᐅᑦ ᐊᐛᓯᒥᔨᒋ᙮
\v 18 ᐛᔅ ᑎᐸᔨᒋᒐᓱᐤ ᒋ ‍ ᓂᑲᐊᒺᐤ ᒐᒋ ᐅᑦ ᐊᐛᓯᒥᔨᒋ ᒥᓯᐛ ᐊ ‍ ᑕᔨᒋ ᐃᔎᐛ ᐊᓐᑕ ᐊᐱᒪᓕᑲ ᐅᒋᓴᐅᒋᒪᐅᒋᐛᐱᒡ, ᐛᔅ ᐊᐱᒪᓕᒃ ᑲᒋ ‍ ᐅᑎᓇᑦ ᓴᕋᔨᒋ, ᐊᑉᕋᐊᒪ ᐎᐎᔪᐛ᙮
\c 21
\s1 ᓴᕋ ᑲ ‍ ᐅᑯᓯᑦ
\p
\v 1 ᒋᓴᒪᓂᑐᐤ ᒋ ‍ ᓱᐛᔨᑕᑯᐛᐤ ᓴᕋᔨᒋ ᒧᔭᒻ ᑲ ‍ ᐃᔅᒋᔄᑦ ᒐ ‍ ᐃᑐᑕᐧᒃ, ᓇᒪ ᐅᒋ ᐅᓂᒋᔅᒍᐤ ᒐᒋ ᑐᑕᐧᒄ ᒐᒂᔪᐤ ᑲ ‍ ᐊᓱᑎᒪᒐᑦ᙮
\v 2 ᓴᕋ ᒋ ‍ ᐊᓱᐛᐱᒪᐅᓱᐤ ᑭᔭ ᒋ ‍ ᐅᑯᓱᐤ ᐃᔅᐱ ᑲ ‍ ᒋᓴᐃᔪᔨᒋ ᐊᑉᕋᐊᒪ, ᒋ ‍ ᐃᔪᐤ ᐅᑯᓯᓯᒪᐤ ᐊᓂᔭ ᒧᔭᒻ ᒋᓴᒪᓂᑐᐤ ᑲ ‍ ᐃᔅᒋᔄᑦ ᒐ ᐃᔅᐱᔅ ‍ ᐃᔪᔨᒋ᙮
\v 3 ᐊᐃᓯᒃ ᒋ ‍ ᐃᓯᓂᐧᑲᑕᐤ ᐊᑉᕋᐊᒻ, “ᐸᐳᐤ,” ᐊ ‍ ᐃᑥᒥᑲᒡ᙮
\v 4 ᐃᔅᐱ ᔭᓇᐤ ᑲ ‍ ᑕᑐᒋᓯᒂᓯᔨᒋ ᐅᑯᓴ ᐊᐃᓯᑲ, ᐊᑉᕋᐊᒻ ᒋ ‍ ᒋᔅᒋᓄᐛᒋᐊᐤ ᒧᔭᒻ ᑲ ‍ ᐃᑎᓱᒥᑯᑦ ᒋᓴᒪᓂᑐᐛ᙮
\v 5 ᒋ ‍ ᐸᐃᑯ ᒥᑕᓯᒥᑎᓄᐛᐳᓇᓱᐤ ᐊᑉᕋᐊᒻ ᑲ ‍ ᐃᔪᔨᒋ ᐅᑯᓴ ᐊᐃᓯᑲ᙮
\p
\v 6 ᓴᕋ ᒂ ‍ ᐃᔅᒋᔄᑦ, “ᐸᐳᐅᓂᔪᐤ ᑭᔭ ᒥᔽᔨᑎᒧᐅᓂᔪᐤ ᓂᒋ ‍ ᒥᔨᒄ ᒋᓴᒪᓂᑐᐤ ᑭᔭ ᒥᓯᐛ ᐊᐛᓐ ᐸᑕᒐ ᑲᒋ ‍ ᐛᐱᒪᐅᓱᐅᒡ ᓂᑭ ᐎᒋ ‍ ᐸᐱᒥᒄ᙮”
\v 7 ᐊᑯ ᐊᔅᒋᔄᑦ, “ᐊᐛᓐ ᒋᐸ ᒋ ‍ ᐃᑕᐱᓐ ᐊᑉᕋᐊᒪ ᐊᓂᔭ ᒐᒋ ᑭᓄᐛᔨᒪᐅᓱᔨᒋ ᓴᕋᔨᒋ ? ᐃᔭᐱᒡ ᐊᓄᒡ ᐊ ‍ ᒋᓴᐃᔨᐅᑦ ᓂᒋ ‍ ᒥᔭᐤ ᐊᐛᓴ᙮”
\s1 ᑲ ‍ ᒋᑎᓴᐛᑭᓄᐎᒡ ᐦᐊᐃᑲᕐ ᑭᔭ ᐃᔅᒪᐃᓪ
\s2 Genesis 21.8-21 (Proper-7 Year A)
\p
\v 8 ᐃᔅᐱ ᑲᒋ ᐃᓯ ‍ ᓂᑕᐅᒋᑦ ᐊᐃᓯᒃ ᑭᔭ ᐊᓂᔭ ᒋᓯᑯᔪᐤ ᑲ ᐳᓂ ‍ ᓄᓴᓂᑦ, ᒋ ‍ ᒥᒋᓱᓇᓂᒐᐤ ᐊᑉᕋᐊᒻ᙮
\v 9 ᐸᐃᒂᐤ ᒐᓯᑲᔨᒡ ᓴᕋ ᒋ ‍ ᐛᐱᒪᐤ ᐅᑯᓴ ᐊᐃᓯᑲ ᑭᔭ ᐃᔅᒪᐃᓚ, ᐦᐊᐃᑲᕋ ᐃᒋᑉᑦ ᐃᔎᐛ ᐅᑯᓯᔪᐛ ᐊ ‍ ᐎᒋᒪᑐᐛᒥᑐᐎᔨᒋ,
\v 10 ᐊᑯ ᓴᕋ ᐊᑕᑦ ᐊᑉᕋᐊᒪ, “ᐃᒐᑎᓴᐤ ᐊᓐ ᐃᔎᐤ ᐊᑐᔅᒐᔭᑭᓐ ᑭᔭ ᐅᑯᓴ᙮ ᓇᒪ ᓂᑐᐛᔨᒪᔪᐛ ᐅᑯᓴ ᒐᒋ ᑎᐸᔨᑎᒥᔨᒋ ᒐᒂᓂᔪᐤ, ᒋᑯᓯᓄᐤ ᐊᐃᓯᒃ ᒥᓯᐛ ᒐᒂᔪᐤ ᒋᑭ ‍ ᑎᐸᔨᑎᒻ᙮”
\p
\v 11 ᒋᒋᐛ ᒋ ‍ ᒥᑯᔅᑲᑕᔨᑎᒥᐃᑯᐤ ᐅᔭ ᐊᑉᕋᐊᒻ ᐛᔅ ᐃᔭᐱᒡ ᐎᔾ ᒋ ‍ ᐅᑯᓱᐤ ᐃᔅᒪᐃᓚ᙮
\v 12 ᒥᒄ ᒋᓴᒪᓂᑐᐤ ᒋ ‍ ᐃᑕᐤ ᐊᑉᕋᐊᒪ, “ᐊᑲᐎᔭ ᐅ ᒋᑭ ‍ ᒥᑯᔅᑲᑕᔨᑎᒥᐃᑯᓐ, ᓂᑐᑐ ᓴᕋ ᒐᒂᔪᐤ ᐊᑎᔅᒃ, ᐛᔅ ᐊᐃᓯᒃ ᐅᒡ ᒋᑭ ᐅᒋ ‍ ᑕᐅᒡ ᒋᑦ ᐊᓂᔅᑯᑕᐸᓐᒡ ᑲ ‍ ᐊᓱᑎᒪᑕᓐ᙮
\v 13 ᒋᒡ ᓂᑭ ‍ ᑐᑐᒪᐛ ᐊᓐ ᐃᔎᐤ ᐊᑐᔅᒐᔭᑭᓐ ᐅᑯᓴ ᒐᒋ ᐃᑎᔅᑲᓇᓯᔨᒋ, ᐛᔅ ᐎᔾ ᐊᓐ ᑭᔭ ᒋᑯᔅ᙮”
\s1 ᐊᓐᒋᓐ ᑲ ‍ ᑕᑈᑕᑦ ᐦᐊᐃᑲᕋ
\p
\v 14 ᐎᐱᒡ ᒥᓐ ᒋᔭᒋᓴᐸᔭᔨᒡ ᒋ ‍ ᐅᓂᔪᐤ ᐊᑉᕋᐊᒻ, ᒂ ‍ ᐅᑎᓇᐧᒃ ᐱᔅᒐ ᒥᒋᒥᔪᐤ ᑭᔭ ᓂᐱᔪᐤ ᐱᓴᑭᓄᐅᑕᒡ ᐊ ‍ ᓴᑭᔅᒋᓇᐸᔨᒡ ᑭᔭ ᒂ ᒥᔭᑦ ᐦᐊᐃᑲᕋ᙮ ᐅᑎᑎᒥᓂᔨᒡ ᒋ ‍ ᐊᔅᑕᐛᐤ ᐊᑯ ᑭᔭ ᒂ ‍ ᒋᑎᓴᐛᑦ ᐊᓯᒡ ᓇᐸᓴ᙮ ᐦᐊᐃᑲᕐ ᒂ ‍ ᔅᑐᑕᑦ ᑭᔭ ᒂ ‍ ᐱᐸᒧᑕᑦ ᐊᓐᑕ ᐱᕐ-ᓯᐸ ᐸᐧᑯᑎᔅᑭᒥᑲᒡ᙮
\p
\v 15 ᐃᔅᐱ ᑲ ‍ ᒪᒋᐱᔨᒡ ᓂᐱᔪᐤ, ᐦᐊᐃᑲᕐ ᒋ ‍ ᐱᔅᑎᓇᐤ ᓇᐸᓴ ᐊᓐᑕ ᑕᒥᓯᑲᒡ᙮
\v 16 ᒪᒃ ᐛᔪᐎᔅ ᒋ ‍ ᐃᑐᑕᐤ ᑭᔭ ᒂ ‍ ᓇᐃᐱᑦ, ᐛᔅ ᒋ ‍ ᐃᑕᔨᑎᒻ, “ᓇᒪ ᓂᑭ ᒋ ‍ ᑭᓄᐛᐱᒪᐤ ᓇᐸᔅ ᐊ ‍ ᐳᓂᐱᒪᑎᓯᑦ᙮” ᐊᑯ ᒂ ‍ ᒪᑦ᙮
\p
\v 17 ᒋᓴᒪᓂᑐᐤ ᒋ ‍ ᐸᑐᐛᐤ ᐊᒪᔨᒋ ᓇᐸᓴ ᑭᔭ ᐅᑦ ᐊᓐᒋᓂᒪ ᒋᒋᒋᓯᑯᒡ ᒋ ᐅᒋ ‍ ᑕᑈᑕᔪᐛ ᐦᐊᐃᑲᕋ ᑭᔭ ᒂ ‍ ᐃᑕᔨᒋ, “ᐦᐊᐃᑲᕐ, ᒐᒂᓐ ᒪᑯᔅᑲᑕᔨᑎᒥᐃᑯᔨᓐ ? ᐊᑲ ᑯᔅᑕᒋ, ᒋᓴᒪᓂᑐᐤ ᒋ ‍ ᐸᑐᐛᐤ ᐊᒪᔨᒋ ᓇᐸᓴ ᐅᑎ ‍ ᐱᒥᓯᓂᔾ ᐊᓐᑕ ᑕᒥᓯᑲᒡ᙮
\v 18 ᐱᓯᑯ, ᒐ ‍ ᐅᐱᓂᑦ ᐊᓐ ᓇᐸᔅ ᑭᔭ ᐅᑎᒋᒡ ᒐ ᐅᒋ ‍ ᑕᐧᑯᓐᑦ, ᐛᔅ ᓂᑭ ‍ ᐃᑐᑐᐛᐤ ᒐᒋ ᒥᒐᑐᔅᑲᓇᓯᑦ᙮”
\p
\v 19 ᒪᒃ ᒋᓴᒪᓂᑐᐤ ᒂ ‍ ᐃᑐᑐᐛᑦ ᐦᐊᐃᑲᕋ ᒐᒋ ᐛᐸᑎᒥᔨᒋ ᒧᓇᐃᐸᓂᔪᐤ ᐊ ‍ ᓴᑭᔅᒋᓇᐸᔨᒡ ᓂᐱᔪᐤ᙮ ᒋ ‍ ᓇᑎᒻ ᒧᓇᐃᐸᓂᔪᐤ ᑭᔭ ᒋ ‍ ᓴᑭᔅᒋᓇᐱᑕᐤ ᓂᐱᔪᐤ ᐱᓴᑭᓄᐅᑎᒡ ᑭᔭ ᒂ ‍ ᒥᓇᐊᑦ ᐅᑯᓴ᙮
\p
\v 20 ᒋᓴᒪᓂᑐᐤ ᒋ ‍ ᑭᓄᐛᔨᒪᐤ ᓇᐸᓴ ᐊᑎ ‍ ᓂᑕᐅᒋᔨᒋ, ᒋ ‍ ᓂᑕᐤ ᓂᑐᐅᐤ ᑭᔭ ᐸᕋᓐ ᐸᐧᑯᑎᔅᑭᒥᑲᒡ ᒋ ‍ ᐎᒋᐤ᙮
\v 21 ᒪᒂᒡ ᑲ ‍ ᐎᒋᑦ ᐊᓐᑕ ᐸᕋᓐ ᐸᐧᑯᑎᔅᑭᒥᑲᒡ, ᐃᒋᑉᑎᒡ ᒋ ‍ ᐅᑎᓂᒪᑯᐤ ᐅᑲᐎᔭ ᐃᔎᐛ ᒐ ‍ ᐎᒋᒪᑦ᙮
\s1 ᑲ ‍ ᑐᑕᒡ ᐊᑉᕋᐊᒻ ᑭᔭ ᐊᐱᒪᓕᒃ ᓂᔅᑯᒧᐅᓂᔪᐤ
\p
\v 22 ᐸᐃᒂᐤ ᒐᓯᑲᔨᒡ, ᐊᐱᒪᓕᒃ ᓇᑐᐛᐱᒪᑦ ᐊᑉᕋᐊᒪ ᓂᑐᐱᔪᐅ-ᐅᒋᒪᐛ ᐱᑯᓪ ᐊ ‍ ᐎᒐᐛᑦ, ᑭᔭ ᒂ ‍ ᐃᑕᑦ ᐊᑉᕋᐊᒪ, “ᓂ ‍ ᒋᔅᒐᔨᒪᐤ ᒋᓴᒪᓂᑐᐤ ᒋ ‍ ᐎᒋᐃᒄ ᒐᒋ ᑭᔅᒋᑕᐅᑦ ᐊᓐᑕ ᒥᒄ ᒐᒂᓂᔪᐤ ᐊ ‍ ᐃᑐᑎᒧᑦ,
\v 23 ᒋ ‍ ᓂᑐᐛᔨᒥᑎᓐ ᒐᒋ ᐊᓱᑎᒪᒐᔨᓐ ᐅᑕ ᒋᓴᒪᓂᑐᐤ ᐊ ‍ ᐛᐱᒥᑕᐧᒄ ᒐ ᐊᑲ ‍ ᒥᒋᑐᑐᐎᓐ ᑭᔭ ᒪᒃ ᓂᑦ ᐊᐛᓯᒥᒡ ᑭᔭ ᐅᑦ ᐊᐛᓯᒧᐛᐛ᙮ ᑕᐱᔅᑯᓐ ᒋᓴᐛᑎᓯᐅᓐ ᑲ ‍ ᐛᐸᑎᔨᑕᓐ ᐸᒋ ᐛᐸᑎᔾ ᑭᔭ ᐊᓐᒡ ᐃᔪᒡ ᐅᑕ ᓂᑦ ᐊᔅᒋᒡ ᐊᓐᑕ ᐛᒋᔨᓐ ᒧᔭᒻ ᒪᓐᑕᐤ᙮”
\p
\v 24 ᐊᑉᕋᐊᒻ ᒂ ‍ ᐃᑕᑦ, “ᓂᑦ ᐊᓱᑎᒪᒐᓐ᙮”
\p
\v 25 ᒪᒃ ᐊᑉᕋᐊᒻ ᒋ ‍ ᐎᑎᒧᐛᐤ ᐊᐱᒪᓕᑲ ᒧᓇᐃᐸᓂᔪᐤ ᑲ ‍ ᒪᑯᓂᒥᔨᒋ ᐅᑦ ᐊᐱᒋᐊᑭᓂᔪᐛ᙮
\v 26 ᒥᒄ ᐊᐱᒪᓕᒃ ᒋ ‍ ᐃᑕᐤ, “ᓇᒪ ᓂ ‍ ᒋᔅᒐᔨᒪᐤ ᐊᐛᓐ ᐅᔭ ᑲ ‍ ᐃᑐᑕᐧᒃ ᓇᒪ ᒋ ᐅᒋ ‍ ᐎᑎᒧᐅᓐ ᓂᑦ ᐊᐱᒋᐊᑭᓐᒡ ᑲᒋ ‍ ᐅᑎᓇᒡ ᐅᔭ ᒧᓇᐃᐸᓂᔪᐤ ᑭᔭ ᐃᔭᒄ ᐅ ᐊᓄᒡ ᐱᔭᑎᒪᓐ᙮”
\p
\v 27 ᐊᑯ ᐊᑉᕋᐊᒻ ᐱᔭᓱᐛᑦ ᒪᔭᑕᓂᓴ ᑭᔭ ᒥᒋᑎᒂ, ᒂ ‍ ᒥᔭᑦ ᐊᐱᒪᓕᑲ᙮ ᒂ ‍ ᑐᑕᒡ ᓂᔅᑯᒧᐅᓂᔪᐤ ᐊᓐᒡ ᐊ ‍ ᓂᓯᒡ ᓇᐸᐅᒡ᙮
\v 28 ᐊᑉᕋᐊᒻ ᒋ ‍ ᑎᐸᓇᐤ ᓂᔄᐅᑕᒡ ᓄᓴ ᒪᔭᑕᓂᓴ ᑭᔭ ᐅᐱᒪ ᒂ ‍ ᑎᔭᑦ᙮
\v 29 ᐊᐱᒪᓕᒃ ᒋ ‍ ᑯᒂᒋᒪᐤ ᐊᑉᕋᐊᒪ, “ᒐᒂᓐ ᐛᒋ ‍ ᐅᐱᒪ ᑎᔨᑥᐤ ᐊᓐᒡ ᓂᔄᐅᑕᒡ ᓄᓴ ᒪᔭᑕᓂᓯᒡ ?”
\p
\v 30 ᐊᑉᕋᐊᒻ ᐛᑎᒧᐛᑦ ᐊ ‍ ᐃᑕᑦ, “ᒋ ‍ ᓂᑐᐛᔨᒥᑎᓐ ᒐᒋ ᐅᑎᓂᑥᐤ ᐅᒡ ᒪᔭᑕᓂᓯᒡ ᒐ ‍ ᑎᐸᔨᒥᑥᐤ ᒐᒋ ᐅᒋ ‍ ᒋᔅᒋᓯᔨᓐ ᓂᔾ ᑲᒋ ‍ ᒧᓇᐊᒪᓐ ᐊᓐ ᒧᓇᐃᐸᓐ᙮”
\p
\v 31 ᐊᐅᑯᓐ ᐊᓂᔭ ᐛᒋ ‍ ᐃᓯᓂᐧᑲᑕᐧᒃ ᐊᐛᓐ ᐊᓂᔭ ᐃᑕᐅᓂᔪᐤ ᐱᕐ-ᓯᐸ, ᐛᔅ ᐊᑯᑕ ᐊᓐᑕ ᑲ ‍ ᑐᑕᒡ ᓂᔅᑯᒧᐅᓂᔪᐤ ᐊᓐᒡ ᐊ ‍ ᓂᓯᒡ ᓇᐸᐅᒡ᙮
\p
\v 32 ᑲᒋ ‍ ᑐᑕᑭᓄᐅᒡ ᓂᔅᑯᒥᑐᐅᓐ ᐊᓐᑕ ᐱᕐ-ᓯᐸ, ᐊᐱᒪᓕᒃ ᑭᔭ ᓂᑐᐱᔪᐅ-ᐅᒋᒪᐤ ᐱᑯᓪ ᑲᐤ ᒋ ‍ ᒋᐛᐅᒡ ᐊᓐᑕ ᐱᓕᔅᑕᐃᓐ ᐊᔅᒋᒡ᙮
\v 33 ᐊᑉᕋᐊᒻ ᐛᒋᓇᑭᓇᑎᒂ ᒋ ‍ ᓂᑕᐅᒋᐊᐤ ᐊᓐᑕ ᐱᕐ-ᓯᐸ, ᐊᑯᑕ ᑭᔭ ᑲ ‍ ᓂᑐᑕᒺᑦ ᐅᑦ ᐃᓯᓂᐧᑲᓱᐅᓂᔪᐤ ᑎᐸᔨᒋᒐᓱᐛ ᒋᓴᒪᓂᑐᐛ ᒧᔅ ᑲᒋᒡ ᐸᒪᑎᓯᔨᒋ᙮
\v 34 ᓇᐅᔅ ᒋ ‍ ᑕᐤ ᐊᑉᕋᐊᒻ ᐊᓐᑕ ᐱᓕᔅᑕᐃᓐ ᐊᔅᒋᒡ᙮
\c 22
\s1 ᒋᓴᒪᓂᑐᐤ ᑲ ‍ ᑯᒂᒐᐊᑦ ᐊᑉᕋᐊᒪ
\s2 Genesis 22.1-14 (Proper-8 Year A)
\p
\v 1 ᓇᓇᒐ ᒋᓴᒪᓂᑐᐤ ᒋ ‍ ᑯᒂᒐᐊᐤ ᐊᑉᕋᐊᒪ ᑭᔭ ᒂ ‍ ᐃᑕᑦ, “ᐊᑉᕋᐊᒻ !” ᐊᑉᕋᐊᒻ ᐊᑕᑦ, “ᒐᒂᓐ ᑎᐸᔨᒋᒐᓱᐤ ? ᒋ ‍ ᓂᑐᑕᑎᓐ᙮”
\p
\v 2 ᐊᑯ ᒋᓴᒪᓂᑐᐛ ᐊᑎᑯᑦ, “ᐅᑎᓐ ᒋᑯᔅ, ᑲ ‍ ᐸᐃᑯᓯᑦ ᒥᒄ ᒋᑯᔅ ᐊᐃᓯᒃ ᐊᓐ ᒪᐅᒡ ᑲ ‍ ᓴᒋᐃᑦ ᑭᔭ ᒐ ‍ ᐃᑐᑕᔭᒄ ᐊᓐ ᐱᔅᑯᑎᓇᐤ ᒐ ‍ ᐛᐸᑎᔨᑕᓐ ᐊᓐᑕ ᒧᕋᔭ ᐊᔅᒋᒡ᙮ ᒐ ‍ ᐱᔅᑎᓂᒐᔨᓐ ᒋᑯᔅ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᒥᑐᔅᑕᐊᒪᒐᐅᓐ᙮”
\p
\v 3 ᒥᓐ ᒋᔭᒋᓴᐸᔭᔨᒡ ᐎᐱᒡ ᒋ ‍ ᐅᓂᔪᐤ ᐊᑉᕋᐊᒻ ᑭᔭ ᒋ ‍ ᐛᑕᔭᐤ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮ ᓂᓱ ᒋ ‍ ᐅᑎᓇᐤ ᐅᑦ ᐊᐱᒋᐊᑭᓇ ᒐ ‍ ᐎᒐᐅᑯᑦ ᑭᔭ ᐅᑯᓴ ᐊᐃᓯᑲ᙮ ᐊᒺᔭ ᔅᑐᑕᑦ, ᐊᑉᕋᐊᒻ ᒋ ‍ ᑕᔅᑲᐊᒻ ᒥᑕ ᒐ ‍ ᑯᑐᐛᒐᑦ ᑭᔭ ᒋ ‍ ᐃᑐᑕᐤ ᐊᓐᑕ ᐃᑕᐅᓂᒡ ᑲ ‍ ᐃᑎᑯᑦ ᒋᓴᒪᓂᑐᐛ ᒐᒋ ᐃᑐᑕᑦ᙮
\p
\v 4 ᓂᔅᑐ ᒋᓯᑲᐛ ᑲᒋ ᐃᔅᐱᔅ ‍ ᐱᒧᑕᒡ, ᐊᑉᕋᐊᒻ ᒋ ‍ ᔭᐛᐸᑎᒻ ᐱᔅᑯᑎᓇᔪᐤ᙮
\v 5 ᐊᑯ ᐊᑉᕋᐊᒻ ᐊᑕᑦ ᐅᑦ ᐊᐱᒋᐊᑭᓇ, “ᓂᔾ ᑭᔭ ᓂᑯᔅ ᓂᑭ ‍ ᐃᑐᑕᓇᓐ ᓇᑕ ᐱᔅᑯᑎᓇᒡ ᑭᔭ ᓂᑭ ‍ ᒥᔭᓇᓐ ᒋᓴᒪᓂᑐᐤ ᒥᑐᔅᑕᐊᒪᒐᐅᓂᔪᐤ, ᐊᑯ ᒪᒃ ᑲᐤ ᒐ ‍ ᓂᑐᐛᐱᒥᑕᒡ᙮ ᐊᑯ ᑕᒄ ᐅᑕ ᐊᓯᒡ ᑲᓂᐧᑲᑎᓯᑦ ᑲᐸᐃᑭᔎᐤ ᐸᑎᒪ ᑎᑯᓯᓂᔭᒐ᙮”
\p
\v 6 ᐊᑉᕋᐊᒻ ᒋ ‍ ᒥᔭᐤ ᐅᑯᓴ ᒥᑕ ᒐᒋ ᑕᐧᑯᓂᒥᔨᒋ᙮ ᐎᔾ ᒧᐧᑯᒪᓂᔪᐤ ᑭᔭ ᐃᔎᔅᒐᔪᐤ ᒐ ‍ ᑯᑐᐛᒐᑦ ᒋ ‍ ᑕᐧᑯᓂᒻ᙮ ᒪᒧᐤ ᐊ ‍ ᓂᓯᒡ ᒂ ‍ ᔅᑐᑕᒡ᙮
\v 7 ᐊᐃᓯᒃ ᒋ ‍ ᐃᔨᒧᐤ ᑭᔭ ᒂ ‍ ᐃᑕᑦ ᐅᑕᐎᔭ ᐊᑉᕋᐊᒪ, “ᓄᑕ !”
\p ᐊᑉᕋᐊᒻ ᒋ ‍ ᐃᑕᐤ, “ᒐᒂᓐ ᓂᑯᓴ ?”
\p ᐊᐃᓯᒃ ᐃᑕᐤ, “ᒋ ‍ ᑭᓄᐛᔨᑕᓇᓄᐤ ᒥᑕ ᑭᔭ ᐃᔎᔅᒐᐤ ᒐ ‍ ᑯᑐᐛᒐᔭᐧᒄ, ᒥᒄ ᑕᓐ ᐊᓐ ᒪᔭᑕᓂᔅ ᒐ ‍ ᒥᑐᔅᑕᐊᒪᒐᔭᐧᒄ ?”
\p
\v 8 ᐊᑉᕋᐊᒻ ᐃᑕᐤ᙮ “ᓂᑯᓴ, ᐎᔾ ᑎᐱᔨᐛ ᒋᓴᒪᓂᑐᐤ ᒋᑭ ‍ ᐅᑎᓇᐤ ᒪᔭᑕᓂᓴ ᒐ ‍ ᒥᑐᔅᑕᐊᒪᒐᐛᐧᒄ᙮” ᐊᑯ ᒪᒧᐤ ᐊᑎ ‍ ᐱᒧᑕᒡ᙮
\p
\v 9 ᐃᔅᐱ ᐛᑎᑕᒡ ᐃᑕᐅᓂᔪᐤ ᑲ ‍ ᐊᔨᒧᑎᒪᑯᑦ ᒋᓴᒪᓂᑐᐛ, ᒋ ‍ ᐅᓯᑕᐤ ᒪᒃ ᐊᑉᕋᐊᒻ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒋ ‍ ᑕᐧᑯᑎᔅᑕᐤ ᐊᓐᑕ ᒥᑕ᙮ ᒋ ‍ ᒪᑯᐱᑕᐤ ᐅᑯᓴ ᐊᐃᓯᑲ ᑭᔭ ᐱᔅᑎᓂᒐᐅᓇᐱᔅᑯᒡ ᒂ ‍ ᑕᑯᒋᐱᔅᑎᓇᑦ ᒥᑎᒡ᙮ \fig He tied up his son Isaac|KV-011a.tif|col||Katie Voigtlander|ᒋ ‍ ᒪᑯᐱᑕᐤ ᐅᑯᓴ ᐊᐃᓯᑲ|ᒐᓂᓯᔅ 22.10\fig*
\v 10 ᐊᑯ ᐛᑎᓇᐧᒃ ᒧᐧᑯᒪᓂᔪᐤ ᒐᒋ ᓂᐸᐊᑦ ᐅᑯᓴ᙮
\v 11 ᓯᔅᒋᑯᒡ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᒋᒋᒋᓯᑯᒡ ᒋ ᐅᒋ ‍ ᑕᑈᑎᑯ ᐊ ‍ ᐃᑎᑯᑦ, “ᐊᑉᕋᐊᒻ ! ᐊᑉᕋᐊᒻ !”
\p ᐊᑉᕋᐊᒻ ᐃᑕᐤ, “ᓂᑦ ᐃᑕᓐ ᐅᑕ᙮”
\p
\v 12 ᐊᓐᒋᓇ ᐃᑎᑯᐤ, “ᐊᑲ ᓂᐸᐃ ᒋᑯᔅ, ᐊᑲ ᐃᔭᐱᒡ ᐊᐧᑯᐃᔾ, ᐛᔅ ᐊᓄᒡ ᓂ ‍ ᒋᔅᒐᔨᑕᓐ ᐊ ‍ ᒋᔅᑕᔨᒥᑦ ᑭᔭ ᓂᔭᐃᑐᐅᑦ ᒋᓴᒪᓂᑐᐤ᙮ ᓇᒪ ᒋ ᐅᒋ ‍ ᐊᓏᑕᓐ ᑲ ‍ ᐸᐃᑯᓯᑦ ᒋᑯᔅ ᒐᒋ ᐱᔅᑎᓂᒪᒐᔨᓐ᙮”
\p
\v 13 ᒋ ‍ ᐅᐸᐳᐤ ᐊᑉᕋᐊᒻ ᑭᔭ ᒂ ‍ ᐛᐱᒪᑦ ᓇᐸ ᒪᔭᑕᓂᓴ ᐊᓴᑲᔅᑯᒋᒪᔨᒋ ᐅᑦ ᐊᔅᑭᓂᔪᐛ ᐊᓐᑕ ᓯᑲᒡ᙮ ᒋᓇᑕᐤ ᑭᔭ ᒂ ‍ ᐅᑎᓇᑦ ᑭᔭ ᐸᔅᑎᓂᒐᑦ ᓇᐸ ᒪᔭᑕᓂᓴ ᒧᔭᒻ ᒥᑐᔅᑕᐊᒪᒐᐅᓂᔪᐤ, ᐊᑲ ᒥᔅᑯᒡ ᐊᓂᔭ ᐅᑯᓴ᙮
\v 14 ᒪᒃ “ᑎᐸᔨᒋᒐᓱᐤ ᑲ ‍ ᐅᑎᓂᒪᒐᑦ,” ᒋ ‍ ᐃᓯᓂᐧᑲᑎᒻ ᐊᑉᕋᐊᒻ ᐊᓂᔭ ᐃᑕᐅᓂᔪᐤ ᑭᔭ ᐃᔪᒡ ᐃᔭᐱᒡ ᐊᓄᒡ ᑲᓯᑲᔨᒡ ᒂ ‍ ᐃᔅᒋᔄᒡ, “ᐊᓐᑕ ᐅᐱᔅᑯᑎᓇᒥᒡ ᑎᐸᔨᒋᒐᓱᐤ, ᒋᑭ ‍ ᐅᑎᓂᒪᒐᐤ᙮”
\p
\v 15 ᒥᓄᐛᒡ ᒋᒋᒋᓯᑯᒡ ᐛᒋ ‍ ᑕᑈᑎᑯᑦ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ᙮
\v 16 ᒂ ‍ ᐃᑎᑯᑦ, “ᓂᑦ ᐃᓯᓂᐧᑲᓱᐅᓂᒡ ᐅᒡ ᓂ ‍ ᑐᑕᓐ ᐊᓱᑎᒪᒐᐎᓐ ᐃᔅᒋᔄᐤ ᐅᑎᐸᔨᒋᒐᐤ, ᐛᔅ ᐊᓐ ᑎᔭᑈᑐᐎᓐ ᑭᔭ ᐊᑲ ᐅᒋᑯᔅᑎᔨᓐ ᑲ ‍ ᐸᐃᑯᑦ ᒋᑯᔅ᙮
\v 17 ᒋᑭ ‍ ᒥᔪᑐᑕᑎᓐ, ᓂᑭ ‍ ᒥᒐᑐᐛᐅᒡ ᒋᑦ ᐊᐛᓯᒥᒡ ᒧᔭᒻ ᐊᔅᐱᒐᑎᒡ ᐅᒐᑭᑕᐧᑯᒡ ᒋᓯᑯᒡ ᑭᔭ ᒧᔭᒻ ᐃᔭᑲᐤ ᐊᓐᑕ ᓇᓯᐸᑎᒥᒡ᙮ ᒋᑭ ‍ ᓴᒂᐅᒡ ᒋᑦ ᐊᐛᓯᒥᒡ ᐊᓂᔭ ᑲ ‍ ᐛᐧᑲᑎᑯᒡ ᑭᔭ ᐅᑦ ᐃᑕᐅᓂᔪᐛ ᒋᑭ ‍ ᓴᑯᑕᐛᐅᒡ᙮
\v 18 ᒋᑦ ᐊᐛᓯᒥᒡ ᐅᒡ ᓂᑭ ‍ ᒥᔪᑐᑐᐛᐅᒡ ᒥᓯᐛ ᐃᔪᒡ ᐊᓐᑕ ᐊᔅᒋᒡ, ᐊᐅᑯᐤ ᒋᑎᐸᐊᒪᑯᓯᐅᓐ ᐊᒋ ‍ ᑕᑈᔭᔨᒥᔨᓐ᙮”
\p
\v 19 ᐊᑯ ᐊᑉᕋᐊᒻ ᑭᔭ ᐊᐃᓯᒃ ᑲᐤ ᒋ ‍ ᓂᑐᐛᐱᒪᐅᒡ ᐊᐱᒋᐊᑭᓇ ᑭᔭ ᒪᒧᐤ ᒋ ‍ ᐃᑐᑕᐅᒡ ᐱᕐ-ᓯᐸ ᐊᓐᑕ ᑲ ‍ ᐎᒋᑦ ᐊᑉᕋᐊᒻ᙮
\s1 ᓇᐅᕐ ᐅᑯᓴ
\p
\v 20 ᓇᓇᒐ ᐊᑉᕋᐊᒻ ᒋ ‍ ᐎᑎᒧᐛᑭᓄᐤ ᐎᐧᑲᓂᓴ ᓇᐅᕋ ᑭᔭ ᐎᐛ ᒥᓪᑲ ᔭᓇᐤ ᐊᑕᑎᓯᔨᒋ ᐅᑦ ᐊᐛᓯᒥᔪᐛ᙮
\v 21 ᓂᔅᑎᒧᓴᓇ ᐅᔅ, ᐎᐧᑲᓂᓴ ᐳᔅ, ᑭᔭ ᑭᒥᐅᓪ, ᐊᕋᒻ ᐅᑕᐎᔭ᙮
\v 22 ᒐᓯᑦ, ᐊᓱ, ᐱᓪᑕᔅ, ᒋᑦᓚᑉ, ᑭᔭ ᐸᑎᐅᓪ᙮
\v 23 ᕋᐸᑲ ᒋ ‍ ᐅᑕᐎᔪᐤ ᐸᑎᐅᓚ᙮ ᒥᓪᑲ ᔭᓇᐤ ᒋ ‍ ᓂᑕᐅᒋᐃᒪᐤ ᓇᐅᕋ ᐅᑯᓯᔪᐛ, ᐊᑉᕋᐊᒪ ᐎᐧᑲᓂᓯᐛ᙮
\v 24 ᒋ ‍ ᑕᔪᐛ ᑯᑎᑲ ᐎᐛ ᓇᐅᕐ, ᕈᒪ ᒋ ‍ ᐃᓯᓂᐧᑲᓱᔪᐛ᙮ ᓇᐅᕐ ᑭᔭ ᕈᒪ ᒋᓇᐅᔪᐛ ᐅᑯᓱᐛᐛ, ᑎᐸ, ᑲᐊᒻ, ᑕᐊᔅ ᑭᔭ ᒪᐊᑲ᙮
\c 23
\s1 ᑲ ‍ ᐳᓂᐱᒪᑎᓯᑦ ᑭᔭ ᑲ ‍ ᓇᐃᐧᑯᐛᑭᓄᐅᑦ ᓴᕋ
\p
\v 1 ᑲᒋ ‍ ᒥᒐᑐᐳᓂᔨᒡ ᐃᔅᐱ ᓴᕋ ᐸᐃᑯ ᒥᑕᓯᒥᑎᓄᐤ ᐊᓱ ᓂᓱᔪᐤ ᐊᓱ ᓂᔄᐅᑕᒡ ᑲ ‍ ᐃᑕᑐᐳᓇᓯᑦ,
\v 2 ᒋ ‍ ᐳᓂᐱᒪᑎᓯᐤ ᓴᕋ ᐊᓐᑕ ᑲᐃᓇᓐ ᐊᔅᒋᒡ᙮ ᑭᕆᐊᑦ ᐊᕐᐸ ᐅᑕᓇᔪᐤ, ᐊᓐ ᐊᓄᒡ ᐃᑉᕈᓐ ᐊ ‍ ᐃᓯᓂᐧᑲᑕᒡ᙮ ᒋ ‍ ᓇᐧᑲᑕᔨᒧᐤ ᐊᑉᕋᐊᒻ ᑲ ‍ ᐳᓂᐱᒪᑎᓯᔨᒋ᙮
\p
\v 3 ᐊᑯ ᐊᑉᕋᐊᒻ ᓇᑭᑕᐧᒃ ᐊᓐᑕ ᑲ ‍ ᐱᒥᓯᓂᔨᒋ ᐎᐛ ᑭᔭ ᐊᑐᑕᑦ ᐅᑕᓇᐤ ᐃᔎᑕᒥᒡ ᐊᓐᑕ ᑲ ‍ ᓂᒋᔅᑲᑐᐎᒋ ᐊᑦ ᐃᔪᐛ᙮ ᒋ ‍ ᐃᑕᐤ ᒪᒃ,
\v 4 “ᓂ ‍ ᐎᒋᓐ ᐅᑕ ᒋᑦ ᐊᔅᒋᐛᒡ ᒧᔭᒻ ᒪᓐᑕᐤ ᑭᔭ ᓇᒪ ᓂ ‍ ᑎᐸᔨᑕᓐ ᐊᔅᒋᔾ ᐊᓐᑕ ᒐᒋ ᓇᐃᐧᑯᐅᒃ ᓂᐅ᙮ ᐸᒋ ‍ ᐊᑕᒥᒄ ᐱᔅᒐ ᒐᒋ ᐊᔭᔭᓐ ᒋᑦ ᐊᔅᒋᐛᐤ᙮”
\p
\v 5 ᐊᑉᕋᐊᒻ ᒋ ‍ ᐃᑎᑯᐤ ᐊᑦ ᐃᔪᐛ,
\v 6 “ᓂᑐᑐᐅᓇᓐ ᒪ ᐅᒋᒪᐤ, ᒋᔅᑕᔨᒥᑯᐅᓐ ᒧᔭᒻ ᐊ ‍ ᓱᐧᑲᑎᓯᑦ ᑲᓂᑲᓂᔅᑲᐧᒃ ᐅᑕ ᐊ ‍ ᐃᑕᔭᒡ᙮ ᐎᔭᐸᑕ ᒋᐱᐃᒋᐛᑉ ᐊ ‍ ᒥᔽᒡ ᒐᒋ ᓇᐃᐧᑯᐅᑦ ᒋᐅ᙮ ᓇᒪ ᐊᐛᓐ ᒋᑭ ‍ ᑯᔅᑎᐃᒄ ᒋᐱᐃᒋᐛᐱᔪᐤ ᒐᒋ ᓇᐃᐧᑯᐅᒥᑎ ᒋᐅ᙮”
\p
\v 7 ᐊᑯ ᐸᓯᑯᑦ ᐊᑉᕋᐊᒻ ᑭᔭ ᐊ ‍ ᒋᔅᑕᔨᒪᑦ ᒋ ‍ ᓄᐛᑲᐳᔅᑐᐛᐤ᙮
\v 8 ᒂ ‍ ᐃᑕᑦ, “ᓂᔭᐃᑎᒧᐛᒂ ᒐᒋ ᓇᐃᐧᑯᐅᒃ ᓂᐅ ᐅᑕ ᒋᑦ ᐊᔅᒋᐛᒡ, ᐊᑯ ᒐᓯᒋᒪᒄ ᐃᑉᕋᓐ, ᓱᐊᕐ ᐅᑯᓴ,
\v 9 ᒐᒋ ᐊᑕᒥᑦ ᒪᒃᐱᓚ ᐛᑎᑯᔪᐤ ᐎᔾ ᑕᐱᔨᐛᐅᓯᑦ, ᐊ ‍ ᐅᓂᔎᔨᒡ ᐅᓂᑕᐅᒋᑕᑭᓂᒡ ᐊ ‍ ᑎᑯᓂᔨᒡ᙮ ᓄᑎᒻ ᐊᑐᑕᒡ ᓂᑭ ‍ ᒋᓯᐧᑲᓱᓐ ᐅᓂᒂᔅᑲᓐ ᐊᔅᒋᔾ ᐅᑕ ᒋᑦ ᐊᔅᒋᐛᒡ᙮”
\p
\v 10 ᐃᑉᕋᓐ ᐎᒡ ᐃᔪᐛ ᒋ ‍ ᐎᑎᐱᒪᐤ ᑭᔭ ᒋ ‍ ᓂᑐᑐᐛᐤ ᐊ ‍ ᐃᔅᒋᔄᔨᒋ ᐊᑉᕋᐊᒪ ᑭᔭ ᒂ ‍ ᐃᑕᑦ ᐊ ‍ ᐸᑕᑯᑦ ᒥᓯᐛ ᐊᑦ ᐃᔪᐛ ᑲ ᐸᒋ ‍ ᐃᑐᑕᔨᒋ ᐊᓐᑕ ᐅᑕᓇᐤ ᐃᔎᑕᒥᒡ᙮
\v 11 “ᓇᒪ ᐅᒋᒪᐤ, ᓂᑐᑐᐎ, ᐊᓂᒪ ᓂᑕᐅᒋᑕᑭᓐ ᑭᔭ ᐊ ‍ ᑎᒂᒡ ᐊᓐᑕ ᐛᑎᒄ ᒋ ‍ ᒥᔨᑎᓐ᙮ ᐊ ‍ ᐛᐱᒥᔅᒡ ᓂᑦ ᐃᔨᒥᒡ ᒋ ‍ ᒥᔨᑎᓐ, ᐊᑯ ᒪᒃ ᒐᒋ ᓇᐃᐧᑯᐅᑦ ᒋᐅ᙮”
\p
\v 12 ᐊᑉᕋᐊᒻ ᒥᓐ ᐸᐃᒂᐤ ᐊ ‍ ᒋᔅᑕᔨᒪᑦ ᒋ ‍ ᓄᐛᑲᐳᔅᑐᐛᐤ ᐊᑦ ᐃᔪᐛ᙮
\v 13 ᒋ ‍ ᐃᑕᐤ ᒪᒃ ᐃᑉᕋᓇ ᒥᓯᐛ ᐊᐛᔪᐛ ᐊ ‍ ᐸᑕᑯᑦ, “ᒋᑭ ‍ ᑯᒂᒋᒥᑎᓐ ᒪ ᒐᒋ ᓂᑐᑐᐎᓐ, ᓄᑎᒻ ᓂᑭ ‍ ᐃᔭᓐ ᓂᑕᐅᒋᑕᑭᓐ᙮ ᐅᑎᓇ ᓱᓇᔭᐤ ᐊᑯ ᒪᒃ ᐊᓐᑕ ᒐᒋ ᓇᐃᐧᑯᐅᒃ ᓂᐅ ᑲ ‍ ᐳᓂᐱᒪᑎᓯᑦ᙮”
\p
\v 14 ᐃᑉᕋᓐ ᒋ ‍ ᐃᑕᐤ ᐊᑉᕋᐊᒪ,
\v 15 “ᓂᑐᑐᐎ, ᒥᒄ ᓇᐤ ᒥᑕᓯᒥᑎᓄᐤ ᐛᐱᓯᐅᓱᓇᔭᐱᔎ ᐃᔅᐱᑕᔨᑕᑯᓐ ᐊᓐ ᐊᔅᒋᔾ, ᒥᒄ ᐊᑐᒡ ᔅᒋ ‍ ᐎᔭᔨᒪᔨᑎᒥᑯᓇᓄᐤ ᐊ ‍ ᐃᑐᑕᒡ᙮ ᒪᒋ ᑭᔭ ᓇᐃᐧᑯᐤ ᒋᐅ᙮”
\p
\v 16 ᐊᑉᕋᐊᒻ ᒋ ‍ ᓂᔅᑯᒪᐤ ᐃᑉᕋᓇ ᑭᔭ ᒋ ‍ ᑎᐸᐸᑲᒧᐛᐤ ᐛᐱᓯᐅᓱᓇᔭᐱᔎ ᑲ ‍ ᐃᔅᒋᔄᔨᒋ ᑲ ‍ ᐸᑎᑯᔨᒋ ᐊᑦ ᐃᔪᐛ ᐊᑐᑕᐃᒡ᙮ ᓇᐤ ᒥᑕᓯᒥᑎᓄᐤ ᐛᐱᓯᐅᓱᓇᔭᐱᔎ᙮ ᒋ ‍ ᑎᐸᐸᑲᐃᑭᓄᐤ ᐛᐱᓯᐅᓱᓇᔭᐱᔎ ᒧᔭᒻ ᐊᑕᐛᐤ ᐃᔨᓯᒡ ᑲ ᐃᓯ ‍ ᑎᐸᐸᑲᐊᒡ ᐛᐱᓯᐅᓱᓇᔭᐱᔎ ᐊᓐᑕ ᐊᑕᐛᓄᔨᒋ᙮
\p
\v 17 ᐊᑯ ᐃᑉᕋᓐ ᒪᒃᐱᓚ ᐅᓂᑕᐅᒋᑕᑭᓐ ᐊᓐᑕ ᒪᒻᕋ ᐛᐱᓄᑕᒡ ᑭᔭ ᐊᓐᑕ ᑲ ‍ ᑎᑯᓂᔨᒡ ᐛᑎᑯᔪᐤ, ᒋᒡ ᒥᔅᑎᒂ ᓂᑕᐅᒋᑕᑭᓂᒡ ᑲ ‍ ᑕᔨᒋ ᒋ ‍ ᐱᔅᑎᓂᒧᐛᑭᓄᐤ᙮
\v 18 ᐊᑉᕋᐊᒻ ᒐᒋ ᑎᐱᔨᐛᐅᓯᑦ ᐊ ‍ ᐛᐱᒥᑯᑦ ᐊᑦ ᐃᔪᐛ ᐊᓂᔭ ᑲ ᐸᒋ ‍ ᐃᑐᑕᔨᒋ ᐊᓐᑕ ᐅᑕᓇᐤ ᐃᔎᑕᒥᒡ᙮
\p
\v 19 ᑲᒋ ‍ ᐃᔭᑦ ᐊᔅᒋᔪᐤ ᐊᑉᕋᐊᒻ, ᐛᑎᑯᒡ ᐊᓐᑕ ᒋ ‍ ᓇᐃᐧᑯᐛᐤ ᐎᐛ ᓴᕋᔨᒋ᙮ ᑲᐃᓇᓐ ᐊᔅᒋᒡ ᑎᒂᓐ ᐊᓐ ᐃᑕᐅᓐ, ᐛᐱᓄᑕᒡ ᒪᒻᕋ ᐅᑕᓇᒡ, ᐊᓄᒡ ᐃᑉᕈᓐ ᐊ ‍ ᐃᓯᓂᐧᑲᑕᒡ᙮
\v 20 ᐊᑯ ᐊᑉᕋᐊᒻ ᒋ ‍ ᒥᔨᑯᐤ ᐊᑦ ᐃᔪᐛ ᓂᑕᐅᒋᑕᑭᓂᔪᐤ ᒧᔭᒻ ᓂᒂᔅᑲᓐ ᐊᔅᒋᔪᐤ ᑭᔭ ᐛᑎᑯᔪᐤ ᐊᓐᑕ ᑲ ‍ ᑎᑯᓂᔨᒡ᙮
\c 24
\s1 ᐊᐃᓯᒃ ᑭᔭ ᕋᐸᑲ ᑲ ‍ ᓂᐳᐅᒡ
\p
\v 1 ᐊᑉᕋᐊᒻ ᓴᔅ ᒋ ‍ ᒋᓴᐃᔪᐤ ᑭᔭ ᒥᓯᐛ ᒋ ᐃᓯ ‍ ᒥᔪᑐᑕᑯᐤ ᑎᐸᔨᒋᒐᓱᐛ᙮
\v 2 ᐸᐃᒂᐤ ᒐᓯᑲᔨᒡ, ᐊᑉᕋᐊᒻ ᒋ ‍ ᓂᑐᒪᐤ ᐅᑦ ᐊᐱᒋᐊᑭᓇ ᓇᑲᓂᔅᑭᒥᔨᒋ ᐊᓐᑕ ᐎᒋᒡ, ᐊᓂᔭ ᑲᓄᐛᔨᑎᒥᔨᒋ ᒥᓯᐛ ᐅᑎᐱᔨᐛᐅᓯᐅᓇ ᑭᔭ ᒂ ‍ ᐃᑕᑦ, “ᓴᒄ ᓂᑈᒥᒡ ᐊᔅᑕ ᔅᑎᒋᔾ,
\v 3 ᒋ ‍ ᓂᑐᐛᔨᒥᑎᓐ ᒐ ‍ ᐊᓱᑎᒪᒐᔨᓐ ᐅᑎᐸᔨᒋᒐᐤ ᐅᑦ ᐃᓯᓂᐧᑲᓱᐅᓂᒡ ᐅᒡ, ᒋᒋᒋᓯᑯᒡ ᑭᔭ ᐊᔅᒋᒡ ᒐ ‍ ᒋᓴᒪᓂᑐᐅᑦ, ᐊᓱᑎᒪᒐ ᒐ ᐊᑲ ‍ ᐅᑎᓂᒧᐅᑦ ᓂᑯᔅ ᐅᔅᒋᓂᒋᔎᐛ ᒐ ‍ ᐎᔪᑦ ᐅᑕ ᐅᒡ ᑲᐃᓇᓐ ᐃᔪᐛ ᐊ ‍ ᑕᔨᒋ᙮
\v 4 ᒥᔅᑯᒡ ᒐ ‍ ᐃᑐᑕᔨᓐ ᐊᓐᑕ ᐊᔅᒋᒡ ᑲ ‍ ᐃᔪᐅᔭᓐ ᑭᔭ ᐊᑯᑕ ᓂᐧᑲᓂᓴ ᐅᒡ ᒐ ‍ ᐅᑎᓂᒧᐅᑦ ᓂᑯᔅ ᐃᔎᐛ ᒐ ‍ ᐎᔪᑦ᙮”
\p
\v 5 ᐊᐱᒋᐊᑭᓐ ᒋ ‍ ᑯᒂᒋᒪᐤ ᐊᑉᕋᐊᒪ, “ᑕᓐ ᒐ ‍ ᐃᑎᔭᓐ ᑲ ‍ ᐎᓂᑭᑕᒐ ᐅᔅᒋᓂᒋᔎᔅ ᐅᑦ ᐃᑕᐅᓐ ᒐᒋ ᐎᒐᐅᑦ ᐅᑕ ᐊᔅᒋᒡ ? ᓂᑭ ‍ ᐃᑐᑕᐊᐤ ᐊ ᒋᑯᔅ ᐊᓐᑕ ᐊᔅᒋᒡ ᑲ ‍ ᐅᒋᔨᓐ ?”
\p
\v 6 ᐊᑉᕋᐊᒻ ᒋ ‍ ᐃᑕᐤ, “ᔭᐃᑕᔾ ᒐ ᐊᑲ ᓂᑕ ‍ ᐊᓐᑕ ᐃᑐᑕᐃᑦ ᓂᑯᔅ᙮
\v 7 ᑎᐸᔨᒋᒐᓱᐤ ᒋᒋᒋᓯᑯᒡ ᒋᓴᒪᓂᑐᐤ, ᐊᓐ ᓄᑕᐎᔭ ᐎᒋᔨᒡ ᑲ ᐅᒋ ‍ ᐅᑎᓂᑦ ᑭᔭ ᓂᐧᑲᓂᓴ ᐅᑦ ᐊᔅᒋᔨᒡ ᐅᒡ, ᓂᒋ ‍ ᐃᔨᒥᐃᒄ ᑭᔭ ᓂᒋ ‍ ᐊᓱᑎᒪᒄ, ᐊ ‍ ᐃᔅᒋᔄᑦ, ‘ᒋᑦ ᐊᓂᔅᑯᑕᐸᓐᒡ ᐅᔭ ᓂᑭ ‍ ᒥᔭᐅᒡ ᐊᔅᒋᔪᐤ᙮’ ᒋᑭ ‍ ᐃᑎᓴᐛᐤ ᐅᑦ ᐊᓐᒋᓂᒪ ᒐᔅᒋᓄᑕᐃᔅᒋᔨᔅᒋ ᑭᔭ ᐊᑯᑕ ᒐ ‍ ᐅᑎᓂᒧᐅᑦ ᓂᑯᔅ ᐅᔅᒋᓂᒋᔎᐛ ᒐ ‍ ᐎᔪᑦ᙮
\v 8 ᐊᑲ ᓇᐊᔨᑕᒐ ᐊᓐ ᐅᔅᒋᓂᒋᔎᐤ ᒐᒋ ᐎᒐᐅᔅᒃ, ᒋᑭ ‍ ᐱᐧᑯᐅᓐ ᐊᓐ ᑲ ‍ ᐊᓱᑎᒪᒐᔨᓐ᙮ ᒥᒄ ᒐᒂᓐ ᒐ ‍ ᐃᔅᐱᔨᒂ, ᒐ ᐊᑲ ᓂᑕ ‍ ᐊᓐᑕ ᐃᑐᑕᐃᑦ ᓂᑯᔅ᙮”
\v 9 ᐊᑯ ᐊᐱᒋᐊᑭᓐ ᒂ ‍ ᔅᑕᐛᑦ ᐅᑎᒋᔾ ᐊᓐᑕ ᓴᒄ ᐅᒋᒪᒪ ᐊᑉᕋᐊᒪ ᐅᑈᒥᔨᒡ ᑭᔭ ᒋ ‍ ᐊᓱᑎᒪᒐᐤ ᒐᒋ ᐃᑐᑕᐧᒃ ᒐᒂᔪᐤ ᑲ ‍ ᐃᑎᓱᒥᑯᑦ ᐊᑉᕋᐊᒪ᙮
\p
\v 10 ᐸᐃᑯᔪᐤ ᐅᒋᒪᒪ ᐅᑲᐱᔎᐅᑯᒥᔪᐛ ᒋ ‍ ᐅᑎᓂᒺᐤ ᑭᔭ ᒂ ‍ ᔅᑐᑕᑦ, ᒥᓯᐛ ᑕᑐᐎᒡ ᐊᓯᓇᑯᓂᔨᒋ ᐅᒋᒪᒪ ᐅᒥᔨᐛᐅᓂᔪᐛ ᒋ ‍ ᔅᑐᑐᐛᐤ ᑭᔭ ᒋ ‍ ᐃᑐᑕᐤ ᐊᓐᑕ ᐅᑕᓇᔪᐤ ᓇᐅᕋ ᑲ ‍ ᐎᒋᔨᒋ ᒋᐛᑎᓄᒡ ᐊᓐᑕ ᒥᓱᐸᑕᒥᐊ ᐊ ‍ ᐃᓯᓂᐧᑲᑕᔨᒡ᙮
\v 11 ᐃᔅᐱ ᑲᒋ ‍ ᑎᑯᓯᐧᒃ ᓇᑕ, ᐊᑯᑕ ᑲ ‍ ᐃᑐᑐᐛᑦ ᑲᐱᔎᐅᑯᔨᒋ ᒐᒋ ᓇᐃᐱᔨᒋ ᐅᐱᒪ ᒧᓇᐃᐸᓂᒡ ᐎᐎᑎᒥᒡ ᐅᑕᓇᔪᐤ᙮ ᒋ ‍ ᐅᑕᑯᓯᔪᐤ ᑭᔭ ᒧᔭᒻ ᒋ ‍ ᓇᒋᒂᐱᒐᔪᐛ ᐃᔎᐛ᙮
\p
\v 12 ᐊᑯ ᒂ ‍ ᐊᔭᒥᐊᑦ, “ᐅ ᑎᐸᔨᒋᒐᓱᐤ, ᓄᒋᒪᒻ ᐊᑉᕋᐊᒻ ᐅᒋᓴᒪᓂᑐᒪ ! ᐸᒋ ‍ ᒥᔨᔾ ᑭᔅᒋᐅᓐ ᒐᒋ ᒥᔅᑭᒥᒋ ᒐ ‍ ᐎᔪᑦ ᐊᐃᓯᒃ ᐊᑯ ᑭᔭ ᒐ ‍ ᑎᐱᐱᔨᒡ ᐅᓂᑐᐛᔨᑎᒧᐅᓐ ᓄᒋᒪᒻ ᐊᑉᕋᐊᒻ᙮
\v 13 ᐸᒋ ‍ ᐎᐎᔪᒡ ᐅᔅᒋᓂᒋᔎᐅᒡ ᐅᑕᓇᔪᐤ ᒐᒋ ᒂᐸᐊᒡ ᓂᐱᔪᐤ ᐅᑕ ᒧᓇᐃᐸᓂᒡ᙮
\v 14 ᓂᑭ ‍ ᑯᒂᒋᒪᐤ ᐸᐃᒄ ᐃᔎᔅ ᒐᒋ ᒥᓇᐃᑦ ᓂᐱᔪᐤ᙮ ᓂᔅᑯᒧᒐ ᒪᒃ ᑭᔭ ᐊᓯᒡ ᒥᔭᒐ ᒐᒋ ᒥᓂᔨᒋ ᑲᐱᔎᐅᑯᔨᒋ᙮ ᐊᑯ ᒐᔅᒐᔨᒥᒋ ᐊᓂᔭ ᑲ ‍ ᐛᔭᐱᒥᑎ ᒐ ‍ ᐎᔪᑦ ᐊᐃᓯᒃ᙮ ᐊᐅᑯᐤ ᒐᒋ ᐅᒋ ‍ ᒋᔅᒐᔨᑎᒪᓐ ᑲᒋ ‍ ᒥᔨᑦ ᑲ ᐃᓯ ‍ ᓂᑐᐛᔨᑕᐧᒃ ᓄᒋᒪᒻ᙮”
\p
\v 15 ᒪᒂᒡ ᐊᔅᒄ ᐊᔭᒥᐊᑦ ᐊᐱᒋᐊᑭᓐ, ᒋ ᐸᒋ ‍ ᐎᐎᔪᐛ ᐅᔅᒋᓂᒋᔎᐛ ᐅᑕᓇᔪᐤ ᐛᐱᑎᓂᔅᒋᐳᑕᔪᐤ ᐅᑎᑎᒥᓂᔨᒡ ᐊ ‍ ᐎᐅᓱᔨᒋ᙮ ᕋᐸᑲ ᒋ ‍ ᐃᓯᓂᐧᑲᓱᔪᐛ, ᐸᑎᐅᐊᓚ ᐅᑕᓂᓯᔪᐛ, ᐊᓐ ᑲ ‍ ᐅᑯᓯᒪᐅᑦ ᐊᑉᕋᐊᒪ ᐎᐧᑲᓂᓯᔪᐛ ᓇᐅᕐ ᑭᔭ ᐎᐛ ᒥᓪᑲᔨᒋ᙮
\v 16 ᒋᒋᐛ ᒋ ‍ ᒥᔪᔎᐤ ᕋᐸᑲ ᑭᔭ ᓴᔅ ᒋ ‍ ᐃᔅᐱᑎᓯᔪᐤ ᒐᒋ ᓂᐳᐅᑦ ᑭᔭ ᐊᔅᒄ ᒋ ‍ ᐅᔅᒋᓂᒋᔎᐤ᙮ ᒋ ‍ ᐃᑐᑕᐤ ᒧᓇᐃᐸᓂᒡ, ᒋ ‍ ᓴᑭᔅᒋᓇᐱᑕᐤ ᐛᐱᑎᓂᔅᒋᐳᑕᔪᐤ ᑭᔭ ᒥᓐ ᒂ ‍ ᒋᐸᐊᐧᒃ᙮
\v 17 ᐊᑉᕋᐊᒻ ᐅᑦ ᐊᐱᒋᐊᑭᓇ ᒋ ‍ ᒋᒋᓇᐤ ᒐᒋ ᓂᒋᔅᑯᐛᑦ ᑭᔭ ᒋ ‍ ᐃᑕᐤ᙮ “ᒪ ᒋᑭ ᒋ ‍ ᒥᔨᓐ ᐱᔅᒐ ᓂᐱᔾ ᒐᒋ ᒥᓂᔭᓐ ?”
\p
\v 18 “ᒥᓂᔾ ᓄᒋᒪᒻ,” ᐃᑕᐤ ᕋᐸᑲ ᑭᔭ ᒋ ‍ ᐱᔅᑎᓂᒧᐛᐤ ᐅᐛᐱᑎᓂᔅᒋᐳᑕᒻ ᐅᑎᑎᒥᓂᒡ ᐅᒡ ᑭᔭ ᒋ ‍ ᑕᐧᑯᓂᒧᐛᐤ ᒪᒂᒡ ᒪᓂᔨᒋ᙮
\p
\v 19 ᐃᔅᐱ ᑲᒋ ‍ ᒥᓂᔨᒋ ᐊᐱᒋᐊᑭᓇ ᒂ ‍ ᐃᑕᑦ, “ᒋᒡ ᓂᑭ ‍ ᒥᓇᐅᒡ ᒋᑲᐱᔎᐅᑯᒥᒡ ᓂᐱᔪᐤ ᐸᑐᔅ ᐃᔅᐱᔨᑥᐛ᙮” \fig I’ll water your camels|KV-012a.tif|col||Katie Voigtlander|ᒋᒡ ᓂᑭ ‍ ᒥᓇᐅᒡ ᒋᑲᐱᔎᐅᑯᒥᒡ ᓂᐱᔪᐤ|ᒐᓂᓯᔅ 24.20\fig*
\v 20 ᐊᑯ ᒋᔅᑎᑉ ᒂ ‍ ᐳᓇᐧᒃ ᓂᐱᔪᐤ ᐛᐱᔅᒋᐳᑕᒡ ᑲ ‍ ᐃᔅᑯᐱᔨᒡ ᐊᓐᑕ ᐊᐛᓯᓴ ᓂᐱᔾ ᐅᐎᔭᑭᓂᔨᒡ᙮ ᒪᒃ ᑲᐤ ᒋ ‍ ᐃᔅᐸᑕᐤ ᒧᓇᐃᐸᓂᒡ ᑭᔭ ᑲᐱᔎᐅᑯᔨᒋ ᒋ ‍ ᒂᐸᒧᐛᐤ ᓂᐱᔪᐤ᙮
\v 21 ᒋᔭᒻ ᒋ ‍ ᑭᓄᐛᐱᒪᐤ ᐊᐱᒋᐊᑭᓐ ᑭᔭ ᒋ ‍ ᒪᒥᑐᓇᔨᒪᐤ ᐊ ‍ ᔭᐅᒂᓂ ᐃᔎᓴ ᑎᐸᔨᒋᒐᓱᐤ ᑲ ‍ ᐎᔭᐱᒪᑦ ᒐ ‍ ᐎᒋᒪᑭᓂᔨᒋ ᐊᐃᓯᑲ᙮
\p
\v 22 ᐃᔅᐱ ᑲᒋ ᐃᓯ ‍ ᒥᓂᒡ ᑲᐱᔎᐅᑭᓇᒡ, ᒋ ‍ ᒧᔅᒋᓇᐤ ᐊᐱᒋᐊᑭᓐ ᐊ ‍ ᐃᔨᒥᓯᔨᒋ ᐎᔄᐅᓱᓇᔭᐤ ᒥᔅᑯᑦ ᑕᐱᒋᒐᐱᓱᓇ ᑭᔭ ᒂ ‍ ᒋᑭᒧᑕᑎᔭᑦ ᐅᔅᑯᑎᔨᒡ ᑭᔭ ᐅᔅᐱᑐᓂᔨᒡ ᒋ ‍ ᒋᑭᒧᑕᑎᔭᐤ ᓂᓱ ᒥᔅᐱᑐᓇᐱᔅᑯᓴ᙮
\v 23 ᐊᑯ ᒂ ‍ ᐃᑕᑦ, “ᐎᑎᒧᐎ ᐊᐛᓐ ᐛᑕᐎᔨᓐ ? ᒪᑎᑎᒻ ᐊᐳᓂᔪᐤ ᐊᓐᑕ ᐎᒋᒡ ᒐᒋ ᑕᐅᒋᒡ ᒐ ‍ ᑎᐱᔅᑲᔨᒡ ?”
\p
\v 24 ᕋᐸᑲ ᒂ ‍ ᐃᑕᑦ, “ᐸᑎᐅᓪ ᓄᑕᐎᔾ, ᓇᐅᕐ ᑭᔭ ᒥᓪᑲ ᐅᑯᓱᐛᐛ᙮
\v 25 ᑎᑯᓐ ᐊᐳᐅᓐ ᒐᒋ ᑕᔭᒄ ᐊᑕᔭᒡ ᑭᔭ ᐛᔪᑎᓂᔪᐤ ᐊᐛᓯᓯᒡ ᐅᒥᒋᒧᐛᐤ᙮”
\p
\v 26 ᒂ ‍ ᓂᐱᔅᑯᐱᑦ ᐊᐱᒋᐊᑭᓐ ᑭᔭ ᒋ ‍ ᐊᔭᒥᐊᐤ᙮
\v 27 ᐊ ‍ ᐃᔅᒋᔄᑦ, “ᒋ ‍ ᓂᔅᑯᒥᑎᓐ ᑎᐸᔨᒋᒐᓱᐤ, ᓄᒋᒪᒻ ᐊᑉᕋᐊᒻ ᐅᒋᓴᒪᓂᑐᒪ, ᔅᒋ ‍ ᑭᓄᐛᔨᑕᓐ ᒋᑦ ᐊᓱᑎᒪᒐᐅᓐ ᑭᔭ ᔅᒋ ‍ ᒥᔭᐤ ᑲ ᐃᓯ ‍ ᓂᑐᐛᔨᑕᐧᒄ ᓄᒋᒪᒻ ᐊᑉᕋᐊᒻ᙮ ᑯᐃᔅᒄ ᔅᒋ ‍ ᐃᑐᑕᔨᓐ ᐊ ‍ ᑕᔨᒋ ᓄᒋᒪᒻ ᐎᐧᑲᓂᓴ᙮”
\s1 ᐊᐱᒋᐊᑭᓐ ᑲ ‍ ᑕᐛᑦ ᕋᐸᑲᔨᒋ ᐅᑐᑕᒥᐎᐛ ᐎᒋᐛᔨᒡ
\p
\v 28 ᒪᒂᒡ ᑲ ‍ ᐊᔭᒥᐊᔨᒋ ᐊᐱᒋᐊᑭᓇ, ᒋ ‍ ᒋᐛᐸᑕᐤ ᕋᐸᑲ ᑭᔭ ᐛᑎᒧᐛᑦ ᐊᓂᔭ ᐎᐧᑲᓂᓴ ᒥᓯᐛ ᒐᒂᔪᐤ ᑲ ‍ ᐃᔅᐱᔨᒡ ᓇᑕ ᒧᓇᐃᐸᓂᒡ᙮
\v 29 ᒋ ‍ ᑕᔪᐛ ᐅᔅᑕᓴ ᕋᐸᑲ ᓚᐸᓐ ᐊ ‍ ᐃᓯᓂᐧᑲᓱᔨᒋ ᑭᔭ ᒋ ‍ ᐎᐎᐸᑕᐤ ᒧᓇᐃᐸᓂᒡ ᐊ ‍ ᐃᔅᐸᑕᑦ ᐊᓐᑕ ᐊᑉᕋᐊᒪ ᐅᑦ ᐊᐱᒋᐊᑭᓂᔪᐛ ᑲ ‍ ᑕᔨᒋ᙮
\v 30 ᐛᔅ ᐃᔅᐱ ᓚᐸᓐ ᑲᒋ ‍ ᐛᐱᒥᒪᑦ ᒥᔅᑯᑦ ᑕᐱᒋᒐᐱᓱᓇ ᑭᔭ ᒥᔅᐱᑐᓇᐱᔅᑯᓴ ᐊᓐᑕ ᐅᓯᒪ ᐅᐧᑯᓂᑎᒋᒡ ᑲ ‍ ᒋᑭᒧᑕᔨᒋ ᑭᔭ ᑲ ‍ ᐸᑐᐛᑦ ᕋᐸᑲᔨᒋ ᑲ ‍ ᐎᑎᒥᔨᒋ ᒐᒂᓂᔪᐤ ᑲ ‍ ᐃᑎᑯᔨᒋ ᓇᐸᐛ᙮ ᓚᐸᓐ ᒋ ‍ ᐃᔅᐸᑕᐤ ᒧᓇᐃᐸᓂᒡ᙮ ᐃᔅᐱ ᑲ ‍ ᑎᑯᓯᐸᑕᑦ ᓇᑕ ᒧᓇᐃᐸᓂᒡ, ᒋ ‍ ᐛᐱᒥᒪᐤ ᐊᑉᕋᐊᒪ ᐅᑦ ᐊᐱᒋᐊᑭᓂᔪᐛ ᐊ ‍ ᐎᒋᑲᐳᔅᑕᐛᔨᒋ ᑲᐱᔎᐅᑭᓇᔨᒋ᙮
\v 31 ᒂ ‍ ᐃᑕᑦ, “ᐸᒋ ‍ ᐎᒐᐎ ᓂᒋᓇᒡ᙮ ᒋᔾ ᐅ ᓇᐸᐤ ᑲ ‍ ᓱᐛᔨᑕᑯᐎᑯᑦ ᑎᐸᔨᒋᒐᓱᐛ᙮ ᒐᒂᓐ ᐅᑕ ᐛᒋ ‍ ᐃᓯᑲᐳᐎᓐ ᐎᐎᑎᒥᒡ ? ᐛᔅ ᒋ ‍ ᐊᔭᔅᑯᔅᑐᐛᑎᓐ ᐊᐳᐅᓐ ᓂᒋᓇᒡ ᑭᔭ ᑎᑯᓂᔪᐤ ᐊᓐᑕ ᒐ ‍ ᑕᒡ ᒋᑲᐱᔎᐅᑯᒥᒡ᙮”
\p
\v 32 ᐊᑯ ᓇᐸᐅᒡ ᒂ ‍ ᐃᑐᑕᒡ ᒥᒋᐛᐱᒡ ᑭᔭ ᓚᐸᓐ ᒋᓂᑎᓂᒺᐤ ᑲ ‍ ᐎᐅᔄᐛᑭᓄᔨᒋ ᑲᐱᔎᐅᑭᓇᔨᒋ᙮ ᒥᒋᒥᔪᐤ ᒋ ‍ ᒥᔭᐤ ᑲᐱᔎᐅᑭᓇᔨᒋ ᑭᔭ ᒋ ‍ ᐃᑐᑕᐊᐤ ᐊᓐᑕ ᒐ ‍ ᓂᐸᔨᒋ᙮ ᒂ ‍ ᐸᑐᐛᑦ ᓂᐱᔪᐤ ᐊᑉᕋᐊᒪ ᐅᑦ ᐊᐱᒋᐊᑭᓂᔪᐛ ᑭᔭ ᐊᓂᔭ ᓇᐸᐛ ᑲ ‍ ᐎᒐᐅᑯᔨᒋ ᒐᒋ ᒋᔅᑕᐸᐅᓯᑕᔨᒋ᙮
\v 33 ᐃᔅᐱ ᑲ ‍ ᐸᑐᐛᑭᓄᐅᒡ ᒥᒋᒥᔪᐤ ᒐ ‍ ᒥᒋᒡ, ᐊᐱᒋᐊᑭᓐ ᒋ ‍ ᐃᔅᒋᔄᐤ᙮ “ᓇᒪ ᓂᑭ ‍ ᒥᒋᓱᓐ ᐸᑎᒪ ᒋ ‍ ᐎᑎᒪᑎᑯᒐ ᒐᒂᓐ ᐛᒋ ‍ ᑎᑯᓯᓂᔭᓐ᙮”
\p ᓚᐸᓐ ᒂ ‍ ᐃᑕᑦ, “ᐎᑎᒧᐅᓇᓐ ᒐᒂᓐ ᐛᒋ ‍ ᑎᑯᓯᓂᔨᓐ᙮”
\s2 Genesis 24.34-38, 42-49, 58-67 (Proper-9 Year A)
\p
\v 34 ᐊᑯ ᐊᐱᒋᐊᑭᓐ ᒂ ‍ ᐃᔅᒋᔄᑦ, “ᓂᔾ ᐅ ᐊᑉᕋᐊᒻ ᐅᑦ ᐊᐱᒋᐊᑭᓇ,
\v 35 ᑎᐸᔨᒋᒐᓱᐤ ᒋ ‍ ᒥᔪᑐᑐᐛᐤ ᓄᒋᒪᒪ ᑭᔭ ᐃᑐᑐᐛᐤ ᒐᒋ ᐛᔪᑎᓯᔨᒋ᙮ ᒋ ‍ ᒥᔭᐤ ᒪᔭᑕᓂᓴ ᑭᔭ ᒥᔅᑐᓴ, ᐛᐱᓯᐅᓱᓇᔭᔪᐤ ᑭᔭ ᐎᔄᐅᓱᓇᔭᔪᐤ, ᓇᐸᐤ ᐊᑐᔅᒐᔭᑭᓇ ᑭᔭ ᐃᔎᐤ ᐊᑐᔅᒐᔭᑭᓇ, ᑲᐱᔎᐅᑭᓇᔨᒋ ᑭᔭ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮
\v 36 ᐃᔅᐱ ᓴᕋ, ᓄᒋᒪᒻ ᐎᐛ, ᐊ ‍ ᒋᓴᐃᔎᐅᑦ ᒋ ‍ ᓄᑯᓯᔨᐛ ᐅᑯᓴ ᑭᔭ ᓄᒋᒪᒻ ᐊᑉᕋᐊᒻ ᒋ ‍ ᒥᔭᐤ ᐅᑯᓴ ᒥᓯᐛ ᐅᐛᔪᑎᓯᐅᓐ᙮
\v 37 ᓂᒋ ‍ ᑐᑕᒄ ᓄᒋᒪᒻ ᒐᒋ ᐊᓱᑎᒪᒐᐅᒡ ᒋᒋᐃᑥᐅᓂᔪᐤ ᒐᒋ ᑕᑈᑐᐅᒃ ᑲ ‍ ᐃᑎᓴᐛᑦ, ᒋ ‍ ᐃᔅᒋᔄᐤ, ‘ᒐ ᐊᑲ ‍ ᐅᑎᓂᒧᐅᑦ ᐅᑕ ᑲᐃᓇᓐ ᐊᔅᒋᒡ ᓂᑯᔅ ᐅᔅᒋᓂᒋᔎᐛ ᒐ ‍ ᐎᔪᑦ᙮
\v 38 ᒥᔅᑯᒡ ᒐ ‍ ᓂᑐᐛᐱᒥᑥᐤ ᓄᑕᐎᔾ ᐅᑦ ᐃᔨᒪ, ᓂᐧᑲᓂᓯᒡ ᑭᔭ ᐊᑯᑕ ᒐ ‍ ᐅᑎᓂᒧᐅᑦ ᓂᑯᔅ ᒐ ‍ ᐎᔪᑦ᙮’
\p
\v 39 ᑭᔭ ᓂᒋ ‍ ᑯᒂᒋᒪᐤ ᓄᒋᒪᒻ, ‘ᑕᓐ ᒐ ‍ ᐃᑎᔭᓐ ᐊᑲ ᐎᐎᒐᐅᒐ ᐊᓐ ᐃᔎᔅ ?’
\p
\v 40 ᐊᑉᕋᐊᒻ ᒋ ‍ ᐃᔅᒋᔄᐤ ‘ᐊᓐ ᑎᐸᔨᒋᒐᓱᐤ ᒋᓴᒪᓂᑐᐤ ᐊᔭᒥᐊᔅᑐᐅᒃ, ᒋᑭ ‍ ᐃᑎᓴᐛᐤ ᐅᑦ ᐊᓐᒋᓂᒪ ᒐᔅᒋᓄᑕᐃᔅᒋᔨᔅᒋ, ᒐ ‍ ᒥᔨᔅᒃ ᑭᔅᒋᐅᓂᔪᐤ᙮ ᐊᑯ ᒪᒃ ᒐ ‍ ᐅᑎᓂᒥᑎ ᒐ ‍ ᐎᐅᑦ ᓂᑯᔅ ᓂᐧᑲᓂᓴ ᐅᒡ ᑭᔭ ᓄᑕᐎᔾ ᐅᑐᑕᒪ ᐅᒡ᙮
\v 41 ᒥᒄ ᒪ ᐃᓯᓇᒂᒐ ᒐ ᐊᑲ ‍ ᒥᔨᒡ ᓂᐧᑲᓂᓯᒡ ᒐ ‍ ᐎᐎᔨᒋ ᓂᑯᓴ, ᐊᑯ ᒐ ‍ ᐱᐧᑯᐃᔨᓐ ᒋᑦ ᐊᓱᑎᒪᒐᐅᓂᒡ ᐅᒡ᙮’
\s2 Genesis 24.34-38, 42-49, 58-67 (Proper-9 Year A)
\p
\v 42 ᐃᔅᐱ ᐊᓄᒡ ᑲ ‍ ᑎᑯᓯᓂᔭᓐ ᒧᓇᐃᐸᓂᒡ, ᓂᒋ ‍ ᓂᑐᑎᒪᓐ, ‘ᑎᐸᔨᒋᒐᓱᐤ ᓄᒋᒪᒻ ᐊᑉᕋᐊᒻ ᐅᒋᓴᒪᓂᑐᒪ, ᐸᒋ ‍ ᒥᔨᔾ ᑭᔅᒋᐅᓐ ᐊᓐ ᒐᒂᓐ ᐊ ‍ ᐃᑐᑎᒪᓐ᙮
\v 43 ᒪᐅᑕ ᐊ ‍ ᑕᔭᓐ ᒧᓇᐃᐸᓂᒡ, ᐃᔅᐱ ᓇᒋ ‍ ᒂᐱᒐᒐ ᐅᔅᒋᓂᒋᔎᐤ ᓇᒋᒂᐸᐊᒐ ᒪᒃ ᓂᐱᔪᐤ, ᓂᑭ ‍ ᑯᒂᒋᒪᐤ ᒐᒋ ᒥᓇᐃᑦ ᓂᐱᔪᐤ ᐅᐛᐱᑎᓂᔅᒋᐳᑕᒥᒡ ᐅᒡ᙮
\v 44 ᓂᔅᑯᒧᒐ ᑭᔭ ᐃᔭᐱᒡ ᐎᒥᓇᐊᒐ ᓂᑲᐱᔎᐅᑭᓂᒪ᙮ ᐊᑯ ᒐᔅᒐᔨᑎᒪᓐ ᐊᓐ ᑎᐸᔨᒋᒐᓱᐤ ᑲ ‍ ᐛᔭᐱᒥᒪᑦ ᐊᓂᔭ ᐃᔎᓴ ᒐ ‍ ᐎᒋᒪᑭᓂᔨᒋ ᐊᑉᕋᐊᒻ ᐅᑯᓴ᙮’
\p
\v 45 ᐊᒺᔭ ᒋᔅᑕᔭᓐ ᐊᔭᒥᐊᔭᓐ ᓂᑕᐃᒡ ᐅᒡ, ᕋᐸᑲ ᒋ ‍ ᑎᑯᓯᓐ ᐅᑎᑎᒥᓂᒡ ᐊ ‍ ᐎᐅᓯᑦ ᐛᐱᑎᓂᔅᒋᐳᑕᔪᐤ ᑭᔭ ᒂ ‍ ᓂᑎᒋᐛᑦ ᒐᒋ ᒂᐸᐧᒃ ᓂᐱᔪᐤ᙮ ᓂᒋ ‍ ᐃᑕᐤ ᒪᒃ, ‘ᐸᒋᒥᓇᐃ ᒪ ᓂᐱᔾ᙮’
\p
\v 46 ᒋᔅᑕᑉ ᒋ ‍ ᓂᑎᓂᒻ ᐅᐛᐱᑎᓂᔅᒋᐳᑕᒻ ᐅᑎᑎᒥᓂᒡ ᐅᒡ ᑭᔭ ᒂ ‍ ᐃᓯᑦ, ‘ᒥᓂᔾ ᑭᔭ ᓯᒡ ᓂᑭ ‍ ᒥᓇᐅᒡ ᒋᑲᐱᔎᐅᑭᓂᒥᒡ’ ᐊᑯ ᒂ ‍ ᒥᓄᐅᒡ ᑭᔭ ᒋ ‍ ᒥᓇᐤ ᑲᐱᔎᐅᑭᓂᔨᒋ᙮
\p
\v 47 ᒪᒃ ᓂᒋ ‍ ᑯᒂᒋᒪᐤ, ‘ᐊᐛᔪᐛ ᐛᓂᒋᐃᑯᑦ ?’
\p ᓂᒋ ‍ ᐎᑎᒪᒄ, ‘ᐸᑎᐅᓪ ᓄᑕᐎᔾ, ᓇᐅᕐ ᑭᔭ ᒥᓪᑲ ᐅᑯᓱᐛᐛ᙮’
\p ᐃᔅᐱ ᐱᔭᑎᒪᓐ ᐅ, ᓂᒋ ‍ ᒋᑭᒧᑕᑎᔭᐤ ᑕᐱᒋᒐᐱᓱᓇ ᐅᔅᑯᑎᒡ ᑭᔭ ᒥᔅᐱᑐᓇᐱᔅᑯᓴ ᐅᔅᐱᑐᓂᒡ᙮
\v 48 ᒂ ‍ ᓂᐱᔅᑯᐱᔭᓐ ᑭᔭ ᓇᑐᑎᒧᐅᒃ ᑎᐸᔨᒋᒐᓱᐤ᙮ ᓂᒋ ‍ ᒪᒥᒋᒪᐤ ᑎᐸᔨᒋᒐᓱᐤ, ᓄᒋᒪᒻ ᐊᑉᕋᐊᒻ ᐅᒋᓴᒪᓂᑐᒪ ᐛᔅ ᑯᐃᔅᒄ ᓂᒋ ‍ ᐃᑐᑕᐃᒄ ᓄᒋᒪᒪ ᐎᐧᑲᓂᓯᔪᐛ ᐎᒋᔨᒡ, ᐊᓐᑕ ᑲ ‍ ᒥᔅᑯᐅᒥᒋ ᐅᑕᓂᓯᔪᐛ ᒐ ‍ ᐎᒋᒪᔨᒋ ᓄᒋᒪᒻ ᐅᑯᓴ᙮
\v 49 ᐊᑯ ᐎᔭᐸᑎᔭᐛᐛᒂ ᓄᒋᒪᒻ ᒋᓴᐛᑎᓯᐅᓂᔪᐤ ᑭᔭ ᑕᑈᔭᔨᑎᒧᐅᓂᔪᐤ ᐸᒋ ‍ ᐎᑎᒧᐅᒃ ᑭᔭ ᐊᑲ ᐃᓯᓇᑯᓂᒂ ᐸᒋ ‍ ᐎᑎᒧᐅᒄ, ᐊᑯ ᒪᒃ ᒐ ‍ ᐎᔭᔨᑎᒪᓐ ᒐᒂᓐ ᒐ ‍ ᐃᑐᑎᒪᓐ᙮”
\p
\v 50 ᒋ ‍ ᐎᑎᒪᑯᐤ ᓚᐸᓇ ᑭᔭ ᐸᑎᐅᓚ, “ᑕᑈ, ᑎᐸᔨᒋᒐᓱᐤ ᐅᑕ ᔅᒋ ᐃᓯ ‍ ᒋᔅᒋᓄᑕᔨᒄ᙮ ᓂᑭ ᒋ ‍ ᐃᑐᑎᒺᓇᓐ ᒥᒄ ᒐᒂᔪᐤ ᑲ ‍ ᐃᔅᒋᔄᑦ ᑎᐸᔨᒋᒐᓱᐤ᙮
\v 51 ᒪᐅ ᕋᐸᑲ, ᒐ ‍ ᐎᒐᐅᑦ, ᐛᔅ ᓂᑕᑈᑐᐛᓇᓐ ᒐᒋ ᐎᒋᒪᑦ ᒋᐅᒋᒪᒪ ᐅᑯᓯᔪᐛ, ᒧᔭᒻ ᑲ ᐃᓯ ‍ ᐎᔭᔨᑎᒥᒂ ᑎᐸᔨᒋᒐᓱᐤ᙮”
\p
\v 52 ᐃᔅᐱ ᐊᑉᕋᐊᒻ ᐅᑦ ᐊᐱᒋᐊᑭᓇ ᑲ ‍ ᐸᑐᐛᑦ ᑲ ‍ ᐃᔅᒋᔄᔨᒋ, ᒋ ‍ ᓄᐛᑲᐳᔅᑐᐛᐤ ᑭᔭ ᒋ ‍ ᓂᓇᔅᑯᒪᐤ ᑎᐸᔨᒋᒐᓱᐛ᙮
\v 53 ᒂ ‍ ᐸᑕᑦ ᐛᐱᓯᐤ ᑭᔭ ᐎᔄᐅᓱᓇᔭᔪᐤ ᐊᓯᓂᓴ ᑭᔭ ᐊᐱᒋᑕᐅᓇ ᑭᔭ ᒂ ‍ ᒥᔭᑦ ᕋᐸᑲᔨᒋ᙮ ᐃᔭᐱᒡ ᒋ ‍ ᒥᔭᐤ ᐎᐧᑲᓂᓯᔪᐛ ᑭᔭ ᐅᑲᐎᔪᐛ ᐊ ‍ ᓱᓇᔭᐎᔨᒋ ᒥᔨᐛᐅᓇ᙮
\v 54 ᐊᑉᕋᐊᒻ ᐅᑦ ᐊᐱᒋᐊᑭᓇ ᑭᔭ ᐊᓂᔭ ᓇᐸᐛ ᑲ ᐸᒋ ‍ ᐎᒐᐅᑯᑦ ᒋ ‍ ᒥᒋᓱᐅᒡ ᑭᔭ ᐸᐃᒄ ᑎᐱᔅᑲᐛ ᒋ ‍ ᓂᐸᐅᒡ ᐊᓐᑕ᙮
\s1 ᕋᐸᑲ ᑲ ‍ ᐎᒐᐛᑦ ᐊᑉᕋᐊᒪ ᐅᑦ ᐊᐱᒋᐊᑭᓂᔪᐛ ᑲᐃᓇᓐ ᐃᔅ
\p ᒥᓐ ᒋᔭᒋᓴᐸᔭᔨᒡ, ᐊᑉᕋᐊᒻ ᐅᑦ ᐊᐱᒋᐊᑭᓇ ᒋ ‍ ᑯᒂᒋᒪᐤ ᕋᐸᑲᔨᒋ ᐎᐧᑲᓂᓯᔪᐛ ᑭᔭ ᐅᑲᐎᔪᐛ, “ᓇᐊᔨᒥᓇᓐ ᒐᒋ ᑲᐤ ᓂᑐᐛᐱᒥᒋᒡ ᓄᒋᒪᒻ᙮”
\p
\v 55 ᒪᒃ ᒋ ‍ ᐃᑎᑯᐤ, “ᓂᐸ ‍ ᒥᔽᔨᑕᓇᓐ ᐊᑐᐎᔅ ᐸᐃᑯᔪᐛ ᒋᓯᑲᐛ ᒐᒋ ᑕᑦ ᕋᐸᑲ ᐊᑕᐅᒋᒡ, ᐊᑯ ᐸᑐᔅ ᒋᐸ ‍ ᐎᒐᐅᒃ᙮”
\p
\v 56 ᒥᒄ ᒋ ‍ ᐃᑕᐤ, “ᐊᑲ ᑐᑐᐅᒄ ᒐᒋ ᑕᔭᓐ ᐅᑕ, ᒋ ‍ ᒥᔪᐱᔨᑕᐤ ᓂᑦ ᐊᑐᔅᒐᐅᓂᔪᐤ ᑎᐸᔨᒋᒐᓱᐤ, ᓇᐃᒥᒄ ᑲᐤ ᒐᒋ ᓂᑐᐛᐱᒥᒃ ᓄᒋᒪᒻ᙮”
\p
\v 57 ᒋ ‍ ᐎᑎᒧᐛᐅᒡ ᐊ ‍ ᐃᑕᒡ᙮ “ᑯᒂᒋᒪᑕᐤ ᐃᔎᔅ ᑕᓐ ᒐ ‍ ᑎᒂ᙮”
\s2 Genesis 24.34-38, 42-49, 58-67 (Proper-9 Year A)
\p
\v 58 ᐊᑯ ᒂ ‍ ᑕᑈᑕᒡ ᕋᐸᑲᔨᒋ ᑭᔭ ᒋ ‍ ᑯᒂᒋᒪᐅᒡ ᓇᐊᔨᑎᒥᔨᒂᓂ ᒐᒋ ᔅᑐᑕᔨᒋ, ᑭᔭ ᒂ ‍ ᐃᔅᒋᔄᑦ ᕋᐸᑲ, “ᓂᐦᐃ, ᓂᑦ ᐊᔭᔅᑯᐎᓐ ᒐᒋ ᔅᑐᑕᔭᓐ᙮”
\p
\v 59 ᐊᑯ ᒋ ‍ ᓇᐃᒥᑯᐤ ᕋᐸᑲ ᐅᑐᑕᒪ ᑭᔭ ᐊᓂᔭ ᐃᔎᐤ ᐊᐱᒋᐊᑭᓇ ᑲ ‍ ᓂᑕᐅᒋᓂᑯᑦ ᒐᒋ ᐎᒐᐛᒡ ᐊᑉᕋᐊᒪ ᐅᑦ ᐊᐱᒋᐊᑭᓂᔪᐛ ᑭᔭ ᐅᑦ ᐃᔨᒥᔪᐛ᙮
\v 60 ᒪᒂᒡ ᑲ ‍ ᐛᒋᔭᒪᒡ ᕋᐸᑲᔨᒋ, ᒋ ‍ ᐃᔅᒋᔄᐅᒡ ᐅᔭ ᐊᔭᒥᐊᐅᓂᔪᐤ,
\q “ᑭᒪ ᐃᑐᑐᐛᑦ ᒋᓴᒪᓂᑐᐤ ᕋᐸᑲᔨᒋ ᒐᒋ ᐅᑲᐎᒪᐅᔨᒋ ᒋᓴᒥᑕᓯᒥᑎᓄᐤ ᐊᓂᔅᑯᑕᐸᓇ᙮
\q ᑭᒪ ᒋᓴᒪᓂᑐᐤ ᒥᔭᑦ ᒋᑦ ᐊᓂᔅᑯᑕᐸᓇ ᒐᒋ ᓴᒂᐊᔨᒋ ᐊᓂᔭ ᑲ ‍ ᐛᐧᑲᑎᑯᔨᒋ᙮”
\p
\v 61 ᐊᑯ ᕋᐸᑲ ᑭᔭ ᓯᒡ ᒥᒐᑦ ᐃᔎᐤ ᐊᐱᒋᐊᑭᓇ ᐛᒐᐅᑯᑦ ᒂ ‍ ᐳᓯᒡ ᑲᐱᔎᐅᑭᓇᔨᒋ ᒐ ‍ ᐎᒐᐛᒡ ᐊᑉᕋᐊᒪ ᐅᑦ ᐊᐱᒋᐊᑭᓂᔪᐛ ᑭᔭ ᒥᓯᐛ ᒂ ‍ ᔅᑐᑕᒡ᙮
\s1 ᑲ ‍ ᐛᐱᒪᑦ ᐊᐃᓯᒃ ᕋᐸᑲᔨᒋ
\p
\v 62 ᐊᑯ ᐊᐃᓯᒃ ᒋ ‍ ᓂᑭᑎᒻ ᐱᕐ-ᓚᐊᐃ-ᕈᐃ, ᑭᔭ ᓇᒐᑉ ᒂ ‍ ᐎᒋᑦ᙮
\v 63 ᐸᐃᒂᐤ ᐛᑕᑯᓯᔨᒡ, ᒋ ‍ ᐃᑐᑕᐤ ᓂᑕᐅᒋᑕᑭᓂᒡ ᒐᒋ ᐱᐸᒧᑕᑦ ᑭᔭ ᒋ ‍ ᐛᐱᒪᐤ ᑲᐱᔎᐅᑭᓇᔨᒋ ᐱᔭᒋ ‍ ᓄᑯᓯᔨᒋ᙮
\v 64 ᐃᔅᐱ ᕋᐸᑲ ᐎᐊᐱᒪᑦ ᐊᐃᓯᑲ᙮ ᒋ ‍ ᐊᒥᐤ ᑲᐱᔎᐅᑭᓇᔨᒋ ᐅᒋ
\v 65 ᑭᔭ ᒋ ‍ ᑯᒂᒋᒪᐤ ᐊᐱᒋᐊᑭᓇ, “ᐊᐛᓐ ᒪᓐ ᓇᐸᐤ ᑭᐸᑐᑕᑎᑲ ᓂᑕᐅᒋᑕᑭᓂᒡ ᒐᒋ ᓂᒋᔅᑲᑕᐧᒄ ?” ᐊᐱᒋᐊᑭᓐ ᒋ ‍ ᐃᑕᐤ, “ᓄᒋᒪᒻ ᐊᓐ ᐊᐃᓯᒃ᙮” ᒂ ‍ ᐅᑎᓇᐧᒃ ᐅᑦ ᐊᑯᐛᐱᒂᐅᓐ ᑭᔭ ᒋ ‍ ᐊᑯᓇᐊᒻ ᐅᑕᔅᑎᒥᐧᒄ᙮
\p
\v 66 ᐊᐱᒋᐊᑭᓐ ᒋ ‍ ᐎᑎᒧᐛᐤ ᐊᐃᓯᑲ ᒥᓯᐛ ᑲ ᐃᓯ ‍ ᐃᑐᑕᐧᒃ᙮
\v 67 ᐊᑯ ᐊᐃᓯᒃ ᒋ ‍ ᐃᑐᑕᐊᐤ ᕋᐸᑲᔨᒋ ᐱᒍᐎᔭᓂᒋᐛᐱᒡ ᐊᓐᑕ ᑲᒋ ‍ ᐎᒋᔨᒋ ᐅᑲᐎᔭ ᓴᕋᔨᒋ᙮ ᐊᐃᓯᒃ ᒋ ‍ ᐎᒋᒪᐤ ᕋᐸᑲᔨᒋ᙮ ᒋᒋᐛ ᒋ ‍ ᓴᒋᐊᐤ ᑭᔭ ᒂ ‍ ᒥᔅᑲᐧᒃ ᐊᐃᓯᒃ ᒥᔽᔨᒧᐅᓂᔪᐤ ᑲᒋ ‍ ᐳᓂᐱᒪᑎᓯᔨᒋ ᐅᑲᐎᔭ᙮
\c 25
\s1 ᑯᑎᑲ ᐃᔎᐛ ᑲ ‍ ᐎᒋᒪᑦ ᐊᑉᕋᐊᒻ
\p
\v 1 ᐊᑉᕋᐊᒻ ᒋ ‍ ᐎᒋᒪᐤ ᑯᑎᑲ ᐃᔎᐛ ᑲᑐᕋ ᐊᓯᓂᐧᑲᓱᔨᒋ,
\v 2 ᐊᓱᑕᒡ ᒋ ‍ ᐃᑕᑎᓯᔪᐛ ᐅᑯᓱᐛᐛ ᓯᒻᕋᓐ, ᒍᒃᓴᓐ, ᒪᑕᓐ, ᒥᑎᐊᓐ, ᐃᔅᐸᒃ ᑭᔭ ᓱᐊ ᐊ ‍ ᐃᓯᓂᐧᑲᓱᔨᒋ᙮
\v 3 ᒍᒃᓴᓐ ᐎᔾ ᒋ ‍ ᐅᑕᐎᒪᐤ ᓯᐸ ᑭᔭ ᑎᑕᓐ᙮ ᐊᓱ ᐃᔪᐛ, ᓚᑐᒻ ᐃᔪᐛ ᑭᔭ ᓚᐅᒻ ᐃᔪᐛ ᒋᑦ ᐊᓂᔅᑯᑕᐸᓄᐤ ᑎᑕᓐ᙮
\v 4 ᒥᑎᐊᓐ ᒋ ‍ ᐅᑯᓱᐤ ᐊᑉᐸ, ᐊᑉᐳ, ᐊᓇᒃ, ᐊᐱᑕ ᑭᔭ ᐊᓪᑕ᙮ ᑲᑐᕋ ᐅᔭ ᒥᓯᐛ ᐅᑦ ᐊᓂᔅᑯᑕᐸᓇ᙮
\p
\v 5 ᐊᑉᕋᐊᒻ ᒥᓯᐛ ᐅᑎᐱᔨᐛᐅᓯᐅᓐ ᒋ ‍ ᓂᑭᑎᒧᐛᐤ ᐅᑯᓴ ᐊᐃᓯᑲ᙮
\v 6 ᒥᒄ ᐊᔅᒄ ᐊᒋ ‍ ᐱᒪᑎᓯᑦ, ᒋ ‍ ᒥᔭᐤ ᒥᔨᐛᐅᓇ ᐊᓂᔭ ᐅᑯᓯᔪᐛ ᑯᑎᑲ ᐃᔎᐛ ᑲ ‍ ᐎᔪᑦ ᑭᔭ ᒋ ‍ ᐃᑎᓴᐛᐤ ᐊᓐᑕ ᐛᐱᓄᑕᒡ ᐊᔅᒋᒡ ᐃᑕᒐ, ᓇᒪ ᐅᒋ ᓂᑐᐛᔨᒪᐤ ᒐᒋ ᐎᒋᔨᒋ ᐊᓐᑕ ᐸᐃᑯᑕᐤ ᐃᑕᐅᓂᒡ ᒧᔭᒻ ᐅᑯᓴ ᐊᐃᓯᑲ᙮
\s1 ᑲ ‍ ᐳᓂᐱᒪᑎᓯᑦ ᐊᑉᕋᐊᒻ
\p
\v 7-8 ᐊᑉᕋᐊᒻ ᒋ ‍ ᐳᓂᐱᒪᑎᓯᐤ ᐸᐃᑯ ᒥᑕᓯᒥᑎᓄᐤ ᐊᓱ ᓂᔄᐅᑕᑕᑐᔪᐤ ᐊᓱ ᐱᑕᑕᒡ ᑲ ‍ ᐃᑕᑐᐳᓇᓯᑦ᙮
\v 9 ᒋ ‍ ᓇᐃᐧᑯᐛᐤ ᐅᑯᓴ ᐊᐃᓯᑲ ᑭᔭ ᐃᔅᒪᐃᓚ ᐊᓐᑕ ᒪᒃᐱᓚ ᐛᑎᑯᒡ᙮ ᐛᐱᓄᑕᒡ ᒪᒻᕋ ᓂᑕᐅᒋᑕᑭᓂᒡ ᐃᑉᕋᓇ ᑲᒋ ‍ ᑎᐸᔨᑎᒥᔨᒋ, ᓱᐊᕐ ᐊᑦ ᐃᔪᐛ ᐅᑯᓯᔪᐛ᙮
\v 10 ᐊᐅᑯᔪᐤ ᐊᓂᔭ ᓂᑕᐅᒋᑕᑭᓂᔪᐤ ᐊᑉᕋᐊᒻ ᐊᑦ ᐃᔪᐛ ᑲ ᐅᒋ ‍ ᐃᔭᑦ, ᑕᐱᔅᑯᓐ ᐊᑉᕋᐊᒻ ᑭᔭ ᐎᐛ ᓴᕋᔨᒋ ᐊᑯᑕ ᑲ ‍ ᓇᐃᐧᑯᐛᑭᓄᐅᒡ᙮
\v 11 ᑲᒋ ‍ ᐳᓂᐱᒪᑎᓯᑦ ᐊᑉᕋᐊᒻ, ᒋᓴᒪᓂᑐᐤ ᒋ ‍ ᓱᐛᔨᑕᑯᐃᒪᐤ ᐅᑯᓯᔪᐛ ᐊᐃᓯᑲ, ᒥᒋᒪ ᐱᕐ-ᓚᐊᐃ-ᕈᐃ ᑲ ‍ ᐎᒋᔨᒋ᙮
\s1 ᑲ ‍ ᓂᓱᓴᐳᔨᒋ ᐃᔅᒪᐃᓪ ᐅᑯᓴ
\p
\v 12 ᐊᐅᑯᐤ ᐊ ᐃᓯ ‍ ᑎᐸᒋᒪᑭᓄᐅᑦ ᐃᔅᒪᐃᓪ, ᐊᑉᕋᐊᒻ ᐅᑯᓴ ᐅᑦ ᐊᓂᔅᑯᑕᐸᓇ᙮ ᐦᐊᐃᑲᕋ ᒋ ‍ ᐅᑲᐎᔪᐤ, ᐃᒋᑉᑦ ᐊᐱᒋᐊᑭᓂᔎᐛ ᓴᕋ ᑲ ‍ ᒥᔭᑦ ᐊᑉᕋᐊᒪ ᒧᔭᒻ ᐎᐛ᙮
\p
\v 13 ᐊᐅᑯᐤ ᐊᓯᓂᐧᑲᑕᑭᓄᔨᒋ ᐃᔅᒪᐃᓪ ᐅᑯᓴ, ᐊᓯᐎᔭᑭᓄᔨᒋ ᑲ ᐃᓯ ‍ ᐃᔪᔨᒋ᙮ ᓂᔅᑎᒧᓴᓐ ᓇᐸᐃᐅᑦ, ᒂ ‍ ᑕᒡ ᑲᑕᕐ, ᐊᑦᐱᐃᓪ, ᒥᑉᓴᒻ,
\v 14-15 ᒥᔅᒪ, ᑐᒪ, ᒪᓴ, ᐊᑕᕐ, ᑕᒪ, ᒐᑐᕐ, ᓇᐱᔅ ᑭᔭ ᑲᑎᒪ᙮
\v 16 ᐊᐅᑯᓂ ᐅᔭ ᑲ ‍ ᐃᓯᓂᐧᑲᑕᑭᓄᔨᒋ ᑲ ‍ ᓂᓱᓴᐳᔨᒋ ᐅᑯᓴ ᐃᔅᒪᐃᓪ᙮ ᒂ ‍ ᓂᑲᓂᔅᑯᐛᒡ ᓂᓱᓴᑉ ᑲ ‍ ᐃᑎᔅᑲᓇᓯᔨᒋ ᐃᔪᐛ, ᐊ ‍ ᐎᒋᒡ ᐊᓐᑕ ᑎᐸᓐ ᐅᑦ ᐃᑕᐅᓄᐛᒡ ᑭᔭ ᐊ ‍ ᐃᓯᓂᐧᑲᑕᑭᓄᔨᒋ ᐅᑦ ᐊᓂᔅᑯᑕᐸᓄᐛᐛ ᒋ ‍ ᐃᓯ ‍ ᐎᔅᒍᑎᒧᒡ ᐃᑎᑕᐅᓄᐛᐛ᙮
\v 17 ᐸᐃᑯ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᓂᔄᐅᑕᒡ ᒋ ‍ ᐃᑕᑐᐳᓇᓱᐤ ᑲ ‍ ᐳᓂᐱᒪᑎᓯᑦ ᐃᔅᒪᐃᓪ᙮
\v 18 ᑎᔅᑐᐎᒡ ᐊᐱᓚ ᑭᔭ ᓱᕐ ᐊᔅᒋᒡ ᒋ ‍ ᐎᒋᔨᐛ ᐅᑦ ᐊᓂᔅᑯᑕᐸᓇ ᐃᔅᒪᐃᓪ, ᐛᐱᓄᑕᒡ ᐃᒋᑉᑎᒡ ᐊᓯᕆᔭ ᐊᑎᒧᐃᒡ ᐱᒧᑕᔅᑭᓇᔪᐤ᙮ ᐦᐊᐃᑲᕐ ᐎᐧᑲᓂᓱᐛᐛ ᐊ ‍ ᑕᔨᒋ ᒋ ‍ ᐎᒍᐅᒡ᙮
\s1 ᒐᑭᑉ ᑭᔭ ᐃᓴᐅ ᑲ ‍ ᐃᔪᐅᒡ
\s2 Genesis 25.19-34 (Proper-10 Year A)
\p
\v 19 ᐊᐅᑯᐤ ᐊ ᐃᓯ ‍ ᑎᐸᒋᒪᑭᓄᐅᑦ ᐊᐃᓯᒃ, ᐊᑉᕋᐊᒻ ᐅᑯᓴ ᐅᑦ ᐊᓂᔅᑯᑕᐸᓇ᙮
\p
\v 20 ᒋ ‍ ᓇᐎᔪᐛᐳᓇᓱᐤ ᐊᐃᓯᒃ ᑲ ‍ ᐎᒋᒪᑦ ᕋᐸᑲᔨᒋ, ᐸᑎᐅᓪ ᐅᑕᓂᓯᔪᐛ (ᐊᕋᒻ ᐃᔪᐤ ᒥᓱᐳᑕᒥᐊᒡ ᐅᒋ) ᑭᔭ ᓚᐸᓐ ᐅᓯᒪ᙮
\p
\v 21 ᐛᔅ ᐊᑲ ᐅᒋ ᐅᑦ ᐊᐛᓯᒥᑦ ᕋᐸᑲ, ᐊᐃᓯᒃ ᒋ ‍ ᓂᑐᑎᒧᐛᐤ ᑎᐸᔨᒋᒐᓱᐛ ᐅᔭ ᐅᒋ, ᒋ ‍ ᒥᔭᐤ ᑎᐸᔨᒋᒐᓱᐤ ᑲ ᐃᓯ ‍ ᓂᑐᐛᔨᑎᒪᑯᑦ ᐊᐃᓯᑲ ᑭᔭ ᒂ ‍ ᐊᓱᐛᐱᒪᐅᓱᑦ ᕋᐸᑲ᙮
\p
\v 22 ᓂᓱ ᐊᐛᓴ ᒋ ‍ ᒪᑕᔨᒪᐤ ᕋᐸᑲ᙮ ᒧᔭᒻ ᐊ ‍ ᒪᓯᐧᑲᑐᐎᒋ ᒋ ‍ ᐃᑎᒪᒐᐊᐤ ᑭᔭ ᒂ ‍ ᐃᔅᒋᔄᑦ, “ᒐᒂᓐ ᐅ ᓂᔾ ᐛᒋ ‍ ᐃᓯᓇᑯᓯᔭᓐ ?” ᐊᑯ ᑲ ‍ ᑯᒂᒋᒪᑦ ᑎᐸᔨᒋᒐᓱᐛ ᒐᒂᓂᔪᐤ ᐊᑎᑦ᙮
\p
\v 23 ᑎᐸᔨᒋᒐᓱᐛ ᒋ ‍ ᐃᑎᑯᐤ,
\q “ᐃᔅᐱ ᓂᑕᐅᒋᑥᐛ ᐊᓐᒡ ᐊ ‍ ᓂᓯᒡ ᒋᑯᓯᒡ ᒐᔅᑯᐅᑥᐤ,
\q ᐊᐛᓯᐅᑦ ᒋᑭ ‍ ᑎᐸᔨᒪᐤ ᒐᓴᐃᔪᔨᒋ᙮
\q ᐊ ‍ ᓂᓯᒡ ᓇᐸᓯᒡ ᒋᑭ ‍ ᓂᑕᐅᒍᐅᒡ ᑭᔭ ᒋᑭ ‍ ᐅᑦ ᐊᐛᓯᒧᐅᒡ ᑭᔭ ᐅᑦ ᐊᓂᔅᑯᑕᐸᓄᐛᐛ ᒋᑭ ‍ ᓂᓱᔅᑲᓇᓯᔪᐛ ᐊ ‍ ᐊᑐᐛᔨᒥᑐᔨᒋ᙮
\q ᐊᐛᓯᐅᑦ ᐅᑦ ᐊᓂᔅᑯᑕᐸᓇ ᒋᑭ ‍ ᓴᐱᔨᐛ ᐃᔅᐱᔅ ᐊ ‍ ᒋᓴᐃᔪᑦ ᐅᑦ ᐊᓂᔅᑯᑕᐸᓇ᙮ ᐊᐅᑯᐤ ᐊᑥᒥᑲᒡ ᐅ ᐃᔅᐱ ᒧᓯᔨᑥᐎ ᐊᔭᒋᓂᑐᒡ ᓇᐸᓯᒡ᙮”
\p
\v 24 ᒂ ‍ ᐅᑎᒋᐱᔨᒡ ᒐᒋ ᐛᐱᒪᐅᓱᑦ ᕋᐸᑲ ᑭᔭ ᒧᔭᒻ ᑲ ‍ ᐃᔅᒋᔄᑦ ᑎᐸᔨᒋᒐᓱᐤ, ᑲ ‍ ᓂᓯᓯᔨᒋ ᒋ ‍ ᑭᓄᐛᔨᒪᐤ,
\v 25 ᐅᔅᑭᒡ ᐊ ‍ ᐃᔪᑦ ᒋ ‍ ᒥᑯᓯᓱᐤ ᑭᔭ ᒥᓯᐛ ᐎᔭᒡ ᑲ ‍ ᐅᐱᐛᐅᓱᐛ ᒋ ‍ ᐃᓯᓇᑯᓯᐤ, ᐃᓴᐅ ᒋ ‍ ᐃᓯᓂᐧᑲᑕᐅᒡ᙮
\v 26 ᑯᑎᒡ ᒋ ‍ ᐃᔪᐤ ᐊᓱᒋᒪᒋᑭᓂᒺᑦ ᐅᑐᑎᓂᔪᐤ ᐃᓴᐅᐛ, ᐊᑯ ᒐᑭᑉ ᒂ ‍ ᐃᓯᓂᐧᑲᑕᑭᓄᐅᑦ᙮ ᐊᐃᓯᒃ ᐊᓱᑕᒡ ᑕᑐᔪᐤ ᒋ ‍ ᐃᑕᑐᐳᓇᓱᐤ ᐃᔅᐱ ᑲ ‍ ᐃᔪᐎᔨᒋ ᑲ ‍ ᓂᓯᓯᔨᒋ᙮
\s1 ᐃᓴᐅ ᑲ ‍ ᑕᐛᒐᑦ ᐅᓂᔅᑎᒧᓴᓇᐅᓐ
\p
\v 27 ᐃᔅᐱ ᑲᒋ ‍ ᓂᑕᐅᒋᒡ ᓇᐸᓯᒡ, ᐃᓴᐅ ᒋ ‍ ᓄᒋᒥᐅ-ᐃᔪᐤ, ᓇᐸᐤ ᑲ ‍ ᒥᔽᔨᑕᐧᒃ ᐎᐎᑎᒥᒡ ᐊ ‍ ᑕᑦ᙮ ᒥᒄ ᒐᑭᑉ ᐃᔭᒡ ᒋ ‍ ᐃᑕᔨᑕᑯᓱᐤ, ᒋ ‍ ᒋᔭᒪᐛᔨᑕᑯᓱᐤ ᒥᒋᒪ ᐊ ‍ ᑕᑦ ᐊ ‍ ᐎᒋᒡ᙮
\v 28 ᐊᐃᓯᒃ ᒋ ‍ ᓴᒋᐊᐤ ᐃᓴᐅᐛ, ᐛᔅ ᒋ ‍ ᐸᑥᑯᐤ ᓄᒋᒥᐅ-ᒥᒋᒥᔪᐤ ᒐ ‍ ᒥᒋᑦ, ᐊᑯ ᕋᐸᑲ ᒐᑭᐸ ᒋ ‍ ᓴᒋᐊᐤ᙮
\p
\v 29 ᐸᐃᒂᐤ ᒐᓯᑲᔨᒡ ᒪᒂᒡ ᒐᑭᑉ ᑲ ‍ ᓱᐸᐳᒐᑦ, ᒋ ‍ ᑎᑯᓯᓐ ᐃᓴᐅ ᑲᒋ ‍ ᓂᑐᐅᑦ ᐊᔭᔅᑯᓯᑦ ᑭᔭ ᐊ ‍ ᓯᐛᔨᑦ,
\v 30 ᒪᒃ ᒂ ‍ ᐃᑕᑦ ᒐᑭᐸ, “ᐸᒋᓯᒥ ᐱᔅᒐ ᐊᓐ ᑲᒥᒂᑭᒧᐛ ᓱᐸᐳᔾ ᐛᔅ ᒋᒋᐛ ᓂ ‍ ᓯᐛᔨᓐ᙮” (ᐊᐅᑯᓐ ᑲ ᐅᒋ ‍ ᐃᓯᓂᐧᑲᑕᑭᓄᐅᑦ ᐃᑕᒻ᙮)
\p
\v 31 ᒐᑭᑉ ᐃᑕᐤ, “ᓂᔅᑎᒻ, ᐸᒋ ‍ ᒥᔾ ᒋᓂᔅᑎᒧᓴᓇᐅ-ᑎᐸᔨᑎᒧᐅᓐ᙮”
\p
\v 32 ᐃᓴᐅ ᐃᑕᐤ, “ᐊᐅᑯᓐ ᒧᔭᒻ, ᓇᒪ ᓂᑭ ᒋ ‍ ᐎᒋᐃᑯᓐ ᓂᑎᐸᔨᑎᒧᐅᓇ ᐊ ‍ ᓂᔅᑎᒧᓴᓇᐅᔭᓐ ᐳᓂᐱᒪᑎᓯᔭᓇ ᐊ ‍ ᓄᑕᐱᐃᔭᓐ ᒥᒋᒻ᙮”
\p
\v 33 ᒪᒃ ᒐᑭᑉ ᐃᑕᐤ, “ᓂᔅᑎᒻ ᐊᓱᑎᒪᒐ ᐊᓐ ᒐ ‍ ᒥᔨᓐ ᒋᑎᐸᔨᑎᒧᐅᓇ᙮” ᒋ ‍ ᐊᓱᑎᒪᒐᐤ ᐃᓴᐅ ᑭᔭ ᒋ ‍ ᐱᔅᑎᓂᒧᐛᐤ ᒐᑭᐸ ᐅᑎᐸᔨᑎᒧᐅᓇ᙮
\p
\v 34 ᐊᑯ ᒐᑭᑉ ᒂ ‍ ᒥᔭᑦ ᐃᓴᐅᐛ ᐸᒂᓯᑭᓇ ᑭᔭ ᓱᐸᐳᔪᐤ᙮ ᐃᓴᐅ ᓇᒪ ᐅᒋ ᐃᔅᐱᑕᔨᑎᒻ ᐅᑎᐸᔨᑎᒧᐅᓇ ᐊ ‍ ᓂᔅᑎᒧᓴᓇᐅᑦ᙮ ᐱᓯᒄ ᐸᒂᓯᑭᓇ ᒋ ‍ ᒧᐛᐤ ᑭᔭ ᓱᐸᐳᔪᐤ ᒋ ‍ ᒥᓇᑎᒻ ᑭᔭ ᒂ ᐊᑎ ‍ ᔅᑐᑕᑦ᙮
\c 26
\s1 ᐊᐃᓯᒃ ᑭᔭ ᕋᐸᑲ ᑭᕋᕐ ᑲ ‍ ᑕᒡ
\p
\v 1 ᒪᒂᒡ ᐊᐃᓯᒃ ᑲ ‍ ᐎᒋᑦ ᐱᕐ-ᓚᐊᐃ-ᕈᐃ, ᒋ ‍ ᑎᑯᓐ ᐊᑲ ᐅᒋ ᒥᓴᒡ ᒥᒋᒻ ᒧᔭᒻ ᑲ ‍ ᐃᔅᐱᔨᒡ ᐊᑉᕋᐊᒻ ᑲ ‍ ᐎᒋᑦ ᐊᓐᑕ ᐊᔅᒋᒡ᙮ ᐊᑯ ᑭᕋᕐ ᒂ ᐃᓯ ‍ ᐊᑐᒐᑦ ᐊᐃᓯᒃ, ᐊᓐᑕ ᐊᐱᒪᓕᒃ ᑲ ‍ ᒋᓴᐅᒋᒪᐅᑦ ᐱᓕᔅᑕᐃᓐ ᐃᔪᐛ᙮
\v 2 ᑎᐸᔨᒋᒐᓱᐤ ᒋ ‍ ᓄᑯᓯᔅᑐᐛᐤ ᐊᐃᓯᑲ ᑭᔭ ᒂ ‍ ᐃᑕᑦ, “ᒐ ᐊᑲ ‍ ᐃᑐᑕᔨᓐ ᐊᓐᑕ ᐃᒋᑉᑦ ᐊᔅᒋᒡ ᒐᒋ ᐎᒋᔨᓐ᙮ ᒋᑭ ‍ ᐛᐸᑎᔨᑎᓐ ᐊᓐᑕ ᒐ ‍ ᐎᒋᔨᓐ᙮
\v 3 ᒐ ‍ ᑕᔨᓐ ᐅᑕ ᐊᔅᒋᒡ ᑭᔭ ᓂᑭ ‍ ᑕᓐ ᐊ ‍ ᑕᔨᓐ ᑭᔭ ᒋᑭ ‍ ᒥᔪᑐᑕᑎᓐ᙮ ᐛᔅ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᓂᑭ ‍ ᒥᔭᐅᒡ ᐅᔭ ᒥᓯᐛ ᐊᔅᒋᔪᐤ᙮ ᓂᑭ ‍ ᑭᓄᐛᔨᑎᒺᓐ ᓂᔅᑯᒥᑐᐅᓂᔪᐤ ᑲ ‍ ᐃᑐᑎᒧᐅᒃ ᒍᑕᐎᔾ ᐊᑉᕋᐊᒻ᙮
\v 4 ᓂᑭ ‍ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓐᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ‍ ᒥᔭᐅᒡ ᐅᔭ ᒥᓯᐛ ᐊᔅᒋᔭ᙮ ᒋᑦ ᐊᓂᔅᑯᑕᐸᓐᒡ ᐅᒡ ᓂᑭ ‍ ᒥᔪᑐᑐᐛᐅᒡ ᒥᓯᐛ ᐊ ‍ ᑕᑐᔅᑲᓇᓯᒡ ᐃᔪᒡ ᐅᑕ ᐊᔅᒋᒡ᙮
\v 5 ᒥᓯᐛ ᐅ ᓂᑭ ‍ ᑐᑕᓐ ᐛᔅ ᐊᒋ ‍ ᑕᑈᑐᐅᑦ ᐊᑉᕋᐊᒻ ᑭᔭ ᒥᓯᐛ ᒐᒂᓂᔪᐤ ᑲ ‍ ᐃᑐᑕᐧᒃ ᑲ ‍ ᐃᑎᓱᒥᒃ᙮”
\v 6 ᐊᑯ ᐊᐃᓯᒃ ᒋ ‍ ᑕᑈᑐᐛᐤ ᑎᐸᔨᒋᒐᓱᐛ ᑲ ‍ ᐃᑎᑯᑦ ᑭᔭ ᒂ ‍ ᑕᑦ ᐊᓐᑕ ᑭᕋᕐ᙮
\s1 ᐊᐃᓯᒃ ᑲ ‍ ᐎᔭᓯᒪᑦ ᐊᐱᒪᓕᑲ
\p
\v 7 ᐃᔅᐱ ᑭᕋᕐ ᓇᐸᐛ ᑲ ‍ ᑯᒂᒋᒥᑯᑦ ᐊᐃᓯᒃ ᒐᒄ ᐊᐛᔪᐛ ᐊᓂᔭ ᕋᐸᑲᔨᒋ, ᒋ ‍ ᑯᔅᑕᒍᐤ ᒐᒋ ᐎᑎᒧᐛᑦ ᑕᑈᐅᓂᔪᐤ᙮ ᐛᔅ ᒋ ‍ ᐃᑕᔨᑎᒻ, “ᒋᒋᐛ ᒥᔪᔎᐤ ᕋᐸᑲ᙮ ᓂᐅ ᐊᓐ ᐃᑎᒂᐛ, ᓂᑭ ᐎ ‍ ᓂᐸᐃᑯᒡ ᑭᔭ ᐎᔨᐛᐤ ᒐ ‍ ᐅᑎᓂᒪᑎᓱᒡ ᕋᐸᑲᔨᒋ᙮” ᐊᑯ ᒂ ‍ ᐎᔭᓯᒪᑦ ᐊᐃᓯᒃ ᑭᔭ ᒂ ‍ ᐃᔅᒋᔄᑦ ᐊ ‍ ᐅᓯᒥᑦ ᐊᓂᔭ ᕋᐸᑲᔨᒋ᙮
\p
\v 8 ᐃᔅᐱ ᓇᐅᔅ ᑲᒋ ‍ ᐎᒋᑦ ᐊᓐᑕ ᐊᐃᓯᒃ, ᒋᓴᐅᒋᒪᐤ ᐊᐱᒪᓕᒃ ᒋ ᐅᒋ ‍ ᐃᑕᐳᐤ ᐊᓐᑕ ᐛᒋᓴᒋᐛᐱᓇᓄᐎᒡ ᑭᔭ ᒂ ‍ ᐛᐱᒪᑦ ᐊᐃᓯᑲ ᐊᐛᐅᒋᓇᔨᒋ ᐎᐎᐛ ᕋᐸᑲᔨᒋ᙮
\v 9 ᑎᐛᒡ ᒋ ‍ ᐃᑎᓴᐛᐤ ᐅᑦ ᐊᐱᒋᐊᑭᓇ ᐊᐱᒪᓕᒃ ᒐᒋ ᓂᑐᐛᐱᒪᔨᒋ ᐊᐃᓯᑲ᙮ ᐃᔅᐱ ᑕᑯᓯᓂᔨᒋ ᒋᓴᐅᒋᒪᐤ ᒋ ‍ ᐃᑕᐤ, “ᐛᐸᑕ ! ᓇᒪ ᑎᑯᓐ ᐊᓏᑎᒧᐅᓐ ᐊ ‍ ᐎᒋᒪᑭᓂᔨᓐ ᐊᓐ ᐃᔎᐤ᙮ ᒐᒂᓐ ᒪᒃ ᑲ ᐅᒋ ‍ ᐃᔅᒋᔄᔨᓐ ᐊ ‍ ᐅᓯᒥᔨᓐ ?”
\p ᐊᐃᓯᑲ ᒋ ‍ ᐃᑎᑯᐤ, “ᐅᓴᒻ ᓂᑭ ‍ ᓂᐸᐃᑯᓐ ᓂᐅ ᐃᔅᒋᔄᔭᓇ ᓂᒋ ‍ ᐃᑕᔨᑕᓐ᙮”
\p
\v 10 ᐊᑯ ᐊᐱᒪᓕᒃ ᐃᑕᐤ, “ᒐᒂᓐ ᐅ ᑲ ‍ ᐃᑐᑐᐎᔭᒡ ? ᐛᓂᔅᒐ ᐸᐃᒄ ᓂᑦ ᐃᔨᒻ ᒋᐸ ᒋ ‍ ᐅᑎᓇᐱᓐ ᒐᒋ ᐎᐸᒪᑦ ᒋᐎᒋᒪᑭᓇ ᑭᔭ ᓂᐸ ‍ ᐊᓏᔨᒪᑯᓇᓇᐱᓐ ᓂᒋᓴᒪᓂᑐᒥᓇᓐ ᐛᔅ ᑲ ᐃᓯ ‍ ᐃᑐᑎᒥᓐ᙮”
\v 11 ᐊᐱᒪᓕᒃ ᒋ ‍ ᐃᔭᒂᒥᒪᐤ ᒥᓯᐛ ᐃᔪᐛ, “ᒥᒄ ᐊᐛᓐ ᒐ ‍ ᐅᓂᑐᑐᐛᒂ ᐅᔭ ᓇᐸᐛ ᑭᔭ ᒪᒃ ᐅᐎᒋᒪᑭᓂᔪᐛ ᒋᑭ ‍ ᓂᐸᐊᑭᓄᐤ᙮”
\s1 ᐊᐃᓯᒃ ᑲ ‍ ᐛᔪᑎᓯᑦ
\p
\v 12 ᒪᒂᒡ ᑲ ‍ ᐎᒋᑦ ᐊᐃᓯᒃ ᐊᓐᑕ ᑭᕋᕐ ᑭᔭ ᑲ ‍ ᐛᓴᔄᐱᓂᒐᑦ ᒐᒋ ᓂᑕᐅᒋᑕᑦ ᒥᒋᒥᔪᐤ᙮ ᒋ ‍ ᐃᑐᑕᑯᐤ ᑎᐸᔨᒋᒐᓱᐛ ᒐᒋ ᒥᓯᐛ ᒐᒂᔪᐤ ᐃᓯ ‍ ᒥᔪᐱᔨᑦ᙮ ᐊᐃᓯᒃ ᒋ ‍ ᒪᒧᓴᒋᓂᒻ ᐸᐃᑯ ᒥᑕᓯᒥᑎᓄᐤ ᑕᑥᐤ ᐃᔅᐱᔅ ᐊᓂᔭ ᑲ ‍ ᐛᓴᔄᐱᓂᒐᑦ᙮
\v 13 ᒋ ‍ ᐛᔪᑎᓯᐤ ᐊᐃᓯᒃ ᑭᔭ ᒥᒄ ᐊᔭᔅᒃ ᒋ ‍ ᒥᓴᔪᐤ ᐅᐛᔪᑎᓯᐅᓐ᙮
\v 14 ᒥᒐᑦ ᒋ ‍ ᑭᓄᐛᔨᒪᐤ ᒪᔭᑕᓂᓴ, ᒥᒋᑎᒂ ᑭᔭ ᐊᐱᒋᐊᑭᓇ, ᒂ ‍ ᐅᑕᔨᒥᑯᑦ ᐱᓕᔅᑕᐃᓐ ᐃᔪᐛ᙮
\v 15 ᐃᔅᐱ ᐅᑕᐎᔭ ᐊᑉᕋᐊᒪ ᐊᔅᒄ ᐊᒋ ‍ ᐱᒪᑎᓯᔨᒋ᙮ ᒋ ‍ ᒧᓇᐊᒥᔪᐛ ᐱᔅᒐ ᒧᓇᐃᐸᓇ ᐊᑉᕋᐊᒻ ᐅᑦ ᐊᐱᒋᐊᑭᓇ, ᒥᒄ ᓇᓇᒐ ᐱᓕᔅᑕᐃᓐ ᐃᔪᐛ ᒋ ‍ ᐃᑲᑎᒥᔪᐛ ᒥᓯᐛ ᒧᓇᐃᐸᓇ᙮
\p
\v 16 ᒪᒃ ᐊᐱᒪᓕᒃ ᒂ ‍ ᐃᑕᑦ ᐊᐃᓯᑲ, “ᓂᑭᑕ ᓂᑦ ᐊᔅᒋᓇᓐ, ᐅᔅᑕ ᒋᔾ ᒋ ‍ ᓱᐧᑲᑎᓯᓐ ᐃᔅᐱᔅ ᓂᔭᓐ᙮”
\p
\v 17 ᐊᑯ ᐊᐃᓯᒃ ᐊ ‍ ᐱᓴᔨᒡ ᑭᕋᕐ ᒋ ᐃᓯ ‍ ᐊᑐᒐᐤ ᑭᔭ ᐊᑯᑕ ᑲ ‍ ᐎᒋᑦ᙮
\s1 ᐅᔅᒋ ᒧᓇᐃᐸᓇ ᑲ ‍ ᒧᓇᐊᐧᒃ ᐊᐃᓯᒃ
\p
\v 18 ᐊᑯᑕ ᐊᓂᔭ ᐃᑕᐅᓂᔪᐤ ᐅᑕᐎᔭ ᐊᑉᕋᐊᒪ ᑲ ‍ ᒧᓇᐊᒥᔨᒋ ᒧᓇᐃᐸᓇ᙮ ᒥᒄ ᐃᔅᐱ ᑲ ‍ ᐳᓂᐱᒪᑎᓯᑦ ᐊᑉᕋᐊᒻ, ᐱᓕᔅᑕᐃᓐ ᐃᔪᒡ ᒋ ‍ ᐃᑲᑎᒧᒡ ᒧᓇᐃᐸᓇ᙮ ᐊᑯ ᐊᐃᓯᒃ ᑲᐤ ᒋ ‍ ᒧᓇᐊᒻ ᑭᔭ ᐸᐃᑯᑕᐤ ᒋ ‍ ᐃᓯᓂᐧᑲᑎᒻ ᑲ ‍ ᐃᓯᓂᐧᑲᑎᒥᔨᒋ ᐅᑕᐎᔭ᙮
\p
\v 19 ᐊ ‍ ᐱᓴᔨᒡ ᒋ ‍ ᒧᓇᐊᒥᔪᐛ ᒧᓇᐃᐸᓇ ᐊᐃᓯᒃ ᐅᑦ ᐊᐱᒋᐊᑭᓇ ᑭᔭ ᒋ ‍ ᒥᔅᑭᒥᔪᐛ ᐊᓐᑕ ᐊ ‍ ᐱᒥᐱᔨᒡ ᓂᐱᔪᐤ᙮
\v 20 ᑭᕋᕐ ᒪᔭᑕᓂᓯᐅ-ᐃᔪᒡ ᒋ ‍ ᒋᐧᑲᒪᐅᒡ ᐊᐃᓯᑲ ᐅᒪᔭᑕᓂᓯᐅ-ᐃᔨᒥᔪᐛ ᐊ ‍ ᐃᑕᒡ, “ᓂᔭᓐ ᐅ ᓂ ‍ ᑎᐱᔨᐛᐅᓯᓇᓐ ᓂᐱᔾ᙮” ᐊᑯ ᐊᐃᓯᒃ “ᒋᐧᑲᒥᑐᐅᓐ” ᒋ ‍ ᐃᓯᓂᐧᑲᑎᒻ ᐊᓂᔭ ᒧᓇᐃᐸᓂᔪᐤ, ᐛᔅ ᑲᒋ ‍ ᒋᐧᑲᒥᑯᑦ᙮
\v 21 ᓇᓇᒐ ᑯᑎᒋᔪᐤ ᒧᓇᐃᐸᓂᔪᐤ ᒋ ‍ ᒧᓇᐊᒥᔪᐛ ᐊᐃᓯᒃ ᐅᑦ ᐊᐱᒋᐊᑭᓇ, ᒥᒄ ᐃᔭᐱᒡ ᒋ ‍ ᒋᐧᑲᒥᑐᐅᒡ ᐊᓂᔭ ᐅᒡ᙮ ᐊᑯ ᐊᐃᓯᒃ “ᐊᔨᒥᓯᐅᓐ” ᒋ ‍ ᐃᓯᓂᐧᑲᑎᒻ ᐊᓂᔭ ᒧᓇᐃᐸᓂᔪᐤ᙮
\v 22 ᐛᔪᐎᔅ ᐊᓐᑕ ᐅᒡ ᒋ ᐃᓯ ‍ ᐊᑐᒐᐤ ᐊᐃᓯᒃ᙮ ᒥᓐ ᐸᐃᒂᐤ ᒧᓇᐊᐧᒃ ᒧᓇᐃᐸᓂᔪᐤ ᐊᐅᑯᔪᐤ ᒪᒃ ᓇᒪ ᐊᐛᔪᐛ ᒋᑭ ᒋ ‍ ᑕᔪᐛ ᒐᒋ ᒥᔅᑭᒥᑯᑦ᙮ ᕋᐅᐳᑦ, “ᑎᐸᔨᒥᓱᐅᓐ” ᒋ ‍ ᐃᓯᓂᐧᑲᑎᒻ ᐊ ‍ ᐃᔅᒋᔄᑦ, “ᐊᓄᒡ ᐅᑎᐸᔨᒋᒐᐤ ᒋ ‍ ᒥᔨᑯᓄᐤ ᑎᐸᔨᒥᓱᐅᓂᔪᐤ ᒐᒋ ᐎᒋᔭᐧᒄ ᐅᑕ ᐊᔅᒋᒡ ᑭᔭ ᒋᑭ ‍ ᒥᒐᑎᓇᓐ ᐅᑕ᙮”
\p
\v 23 ᒋ ‍ ᔅᑐᑕᐤ ᐊᐃᓯᒃ ᑭᔭ ᐱᕐ-ᓯᐸ ᒂ ‍ ᐃᑐᑕᑦ᙮
\v 24 ᐊᓂᔭ ᑕᐱᔅᑲᔨᒡ ᒋ ‍ ᓄᑯᓯᔅᑕᑯᐤ ᑎᐸᔨᒋᒐᓱᐛ ᑭᔭ ᒂ ‍ ᐃᑎᑯᑦ, “ᓂᔾ ᐅ ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ᙮ ᐊᑲ ᑯᔅᑕᒋ, ᓂᔾ ᓂᑦ ᐃᑕᓐ ᐊ ‍ ᑕᔨᓐ᙮ ᒋᑭ ‍ ᒥᔪᑐᑕᑎᓐ ᑭᔭ ᒋᑭ ‍ ᒥᔨᑎᓐ ᒥᒐᑦ ᐊᓂᔅᑯᑕᐸᓐᒡ ᐛᔅ ᑲ ᐃᓯ ‍ ᐊᓱᑎᒧᐅᒃ ᐊᑉᕋᐊᒻ ᓂᑦ ᐊᐱᒋᐊᑭᓐ᙮”
\p
\v 25 ᒋ ‍ ᐅᓯᑕᐤ ᐊᓐᑕ ᐊᐃᓯᒃ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒋ ‍ ᓂᑐᑎᒧᐛᐤ ᑎᐸᔨᒋᒐᓱᐛ᙮ ᐊᑯᑕ ᑲ ‍ ᒪᓂᑲᓱᒡ ᑭᔭ ᐅᑦ ᐊᐱᒋᐊᑭᓇ ᑲ ‍ ᒧᓇᐊᒥᔨᒋ ᒧᓇᐃᐸᓂᔪᐤ᙮
\p
\v 26 ᒪᒂᒡ ᐊᐃᓯᒃ ᑲ ‍ ᐎᒋᑦ ᐊᓐᑕ ᐱᕐ-ᓯᐸ, ᐊᐱᒪᓕᒃ ᒋᓴᐅᒋᒪᐤ ᑭᕋᕐ ᐅᒡ ᒋ ‍ ᐅᑐᑕᐤ ᐊ ‍ ᐎᒐᐅᑯᑦ ᐊᐅᓴᑕ ᐅᑲᐛᐎᒐᐛᐅᓯᒥᔪᐛ ᑭᔭ ᐱᑯᓪ ᓂᑐᐱᔪᐅ-ᐅᒋᒪᐛ ᒐᒋ ᓇᒋ ‍ ᐛᐱᒪᒡ ᐊᐃᓯᑲ᙮
\v 27 ᐊᐃᓯᒃ ᒋ ‍ ᑯᒂᒋᒪᐤ, “ᒐᒂᓐ ᐛᒋ ‍ ᑎᑯᓯᓂᔭᒄ ᐊᓄᒡ ᒐᒋ ᐛᐱᒥᔭᒄ, ᐃᔅᐱ ᐅᔅᑭᒡ ᑲ ‍ ᒥᒋᐎᒐᐎᔭᒄ ᑭᔭ ᑲ ‍ ᐃᑐᑐᐎᔭᒄ ᒐᒋ ᓂᑭᑎᒪᓐ ᒋᑦ ᐊᔅᒋᐛᐤ ?”
\p
\v 28 ᐊᐱᒪᓕᒃ ᒋᓴᐅᒋᒪᐤ ᒋ ‍ ᐃᑕᐤ, “ᓂ ‍ ᒋᔅᒐᔨᑕᓇᓐ ᐊᓄᒡ ᑎᐸᔨᒋᒐᓱᐤ ᐊ ‍ ᐎᒋᐃᔅᒃ ᑭᔭ ᓂᑦ ᐃᑕᔨᑕᓇᓐ ᒐᒋ ᐃᑐᑎᒪᐧᒄ ᓂᔅᑯᒥᑐᐅᓐ ᐊᓯᒡ ᒋᔨᐛᐤ᙮ ᒋ ‍ ᓂᑐᐛᔨᒥᑎᓇᓐ ᒐᒋ ᐊᓱᑎᒪᒐᔨᓐ᙮
\v 29 ᒐ ᐊᑲ ‍ ᐅᓂᑐᑐᐅᔭᒡ, ᒧᔭᒻ ᐊᑲ ᐅᒋ ᐅᓂᑐᑕᑕᒡ᙮ ᔅᒋ ‍ ᒥᔪᑐᑕᑎᓇᓐ ᑭᔭ ᔅᒋ ‍ ᒥᔨᑎᓇᓐ ᒋᔭᒻ ᒐᒋ ᔅᑐᑕᔨᓐ᙮ ᐊᓄᒡ ᐅᑎᐸᔨᒋᒐᐤ ᒋ ᒥᔪ ‍ ᑐᑕᒄ᙮”
\p
\v 30 ᐊᐃᓯᒃ ᒋ ‍ ᐃᑐᑐᐛᐤ ᐅᑦ ᐊᐱᒋᐊᑭᓇ ᒐ ‍ ᐊᔭᔅᑯᔅᑕᔨᒋ ᒐ ‍ ᒥᒋᓱᓇᓄᐎᒡ, ᐊᑯ ᐎᔾ ᑭᔭ ᐅᒪᓐᑕᒪ ᒂ ‍ ᒥᒋᓱᒡ᙮
\v 31 ᒥᓐ ᒋᔭᒋᓴᐸᔭᒡ ᒋ ‍ ᐊᓱᑎᒪᑐᐅᒡ ᒋᒋᐃᑥᐅᓂᔪᐤ ᒐ ᐊᑲ ᓂᑕ ᐊᐧᑯᐎᔨᑐᒡ, ᐛᒋᔭ ᒂ ‍ ᐃᑕᑦ ᐊᐃᓯᒃ ᑭᔭ ᒂ ‍ ᔅᑐᑕᔨᒋ ᐊ ᒥᔪ ‍ ᐎᒐᐅᑯᑦ᙮
\p
\v 32 ᐸᐃᑯᑕᐤ ᒋᓯᑯᔪᐤ ᐊᐃᓯᒃ ᐅᑦ ᐊᐱᒋᐊᑭᓇ ᒋ ‍ ᑎᑯᓯᓂᔨᐛ ᑭᔭ ᒋ ‍ ᐎᑎᒪᑯᐤ ᒧᓇᐃᐸᓂᔪᐤ ᑲ ‍ ᒧᓇᐊᒥᔨᒋ ᑭᔭ ᒋ ‍ ᐃᑎᑯᐤ, “ᓂᒥᔅᑲᓇᓐ ᓂᐱᔾ᙮”
\v 33 ᐊᐃᓯᒃ “ᓯᐸ” ᒋ ‍ ᐃᓯᓂᐧᑲᑎᒻ ᐊᓂᔭ ᒧᓇᐃᐸᓂᔪᐤ, “ᒋᒋᐃᑥᐅᓐ” ᐊ ‍ ᐃᑥᒥᑲᒡ, ᐊᐅᑯᔪᐤ ᐊᓄᒡ ᐛᒋ ‍ ᐃᓯᓂᐧᑲᑕᒡ ᐃᔪᒡ ᒥᒋᒪ ᐅᑕᓇᔪᐤ ᐊ ‍ ᑎᑯᓂᔨᒡ ᐱᕐ-ᓯᐸ, “ᒋᒋᐃᑥᐤ ᒧᓇᐃᐸᓐ” ᐊ ‍ ᐃᑥᒥᑲᒡ᙮
\s1 ᐃᓴᐅ ᑲ ‍ ᐎᒋᒪᑦ ᓂᓱ ᐊᑦ ᐃᔪᐛ ᐃᔎᐛ
\p
\v 34 ᐃᔅᐱ ᑲ ‍ ᓇᐎᔪᐛᐳᓇᓯᑦ ᐃᓴᐅ, ᓂᓱ ᐊᑦ ᐃᔪᐛ ᐃᔎᐛ ᒋ ‍ ᐎᒋᒪᐤ, ᒍᑎᑦ ᐸᕆ ᐅᑕᓂᓯᔪᐛ ᑭᔭ ᐸᓴᒪᑦ ᐃᓚᓐ ᐅᑕᓂᓯᔪᐛ᙮
\v 35 ᒋᒋᐛ ᓇᒪ ᐅᒋ ᒥᔽᔨᑎᒥᑯᐅᒡ ᐊᐃᓯᒃ ᑭᔭ ᕋᐸᑲ᙮
\c 27
\s1 ᒐᑭᑉ ᑲ ‍ ᒥᔨᑯᑦ ᐊᐃᓯᑲ ᐅᓱᐛᔨᒋᒐᐅᓂᔪᐤ
\p
\v 1 ᐃᔅᐱ ᑲ ‍ ᒋᓴᐃᔪᑦ ᐊᐃᓯᒃ ᑭᔭ ᓴᔅ ᐊᑲ ᐅᒋ ᐛᐸᑕᒄ᙮ ᐸᐃᒂᐤ ᒐᓯᑲᔨᒡ ᒋ ‍ ᓂᑐᒪᐤ ᒐᓴᐃᔪᔨᒋ ᐅᑯᓴ ᐃᓴᐅᐛ ᒐᒋ ᑎᑯᓯᓂᔨᒋ ᐅᐱᒍᐎᔭᓂᒋᐛᐱᒡ᙮ ᐃᔅᐱ ᑕᑯᓯᓂᔨᒋ ᒂ ‍ ᐃᑕᑦ, “ᒋᔾ ᐊ ᓂᑯᔅ ᐃᓴᐅ ?” ᐃᓴᐅ ᒂ ‍ ᐃᑕᑦ, “ᒐᒂᓐ ᓄᑕ, ᓂᔾ ᐅ ᐃᓴᐅ ᒋᑯᔅ᙮ ᒐᒂᓐ ᓇᑐᐛᔨᑎᒥᓐ ?”
\p
\v 2 ᐊᐃᓯᒃ ᐃᑕᐤ, “ᓴᔅ ᓂ ‍ ᒋᓴᐃᔪᐅᓐ ᑭᔭ ᓇᒪ ᓂ ‍ ᒋᔅᒐᔨᑕᓐ ᒐ ᐃᔅᐱᔅ ‍ ᐳᓂᐱᒪᑎᓯᔭᓐ᙮
\v 3 ᐅᑎᓐ ᒋᑦ ᐊᒐᐱᔾ ᑭᔭ ᒋᑭᔅᑯᒡ ᑭᔭ ᒐ ‍ ᓂᑐᐅᐎᓐ᙮ ᐃᔅᐱ ᑎᑯᓯᓂᓇ, ᒐ ‍ ᐱᒥᓄᐛᔨᓐ ᒪᒃ ᐊᐎᑭᓯᒡ ᒥᒋᒻ ᒧᔭᒻ ᐊ ᐃᓯ ‍ ᒥᔽᔨᑎᒪᓐ ᑭᔭ ᒐ ‍ ᐸᑐᐎᓐ ᒐᒋ ᒥᒋᔭᓐ᙮
\v 4 ᐊᑯ ᒪᒃ ᒐ ‍ ᒥᔨᑕᓐ ᓂᓱᐛᔨᒋᒐᐅᓐ ᐊᒺᔭ ᐳᓂᐱᒪᑎᓯᔭᓐ᙮”
\p
\v 5 ᒪᒃ ᕋᐸᑲ ᒋ ‍ ᐸᑐᐛᐤ ᒐᒂᓂᔪᐤ ᐊᐃᓯᑲ ᑲ ‍ ᐃᑕᔨᒋ ᐃᓴᐅᐛ᙮ ᐃᔅᐱ ᑲᒋ ‍ ᐃᔨᒥᑦ ᐊᐃᓯᒃ, ᐃᓴᐅ ᒋ ‍ ᔅᑐᑕᐤ ᒐᒋ ᓂᑐᐛᐊᑦ ᐅᑕᐎᔭ᙮
\v 6 ᕋᐸᑲ ᒂ ‍ ᐃᑕᑦ ᐅᑯᓴ ᒐᑭᐸ, “ᓂᐸᑐᐛᐤ ᒍᑕᐎᔾ ᐊᑕᑦ ᒋᔅᑕᓴ ᐃᓴᐅᐛ,
\v 7 ‘ᒐ ‍ ᐸᑐᐎᓐ ᒥᒋᒻ ᑭᔭ ᒐ ‍ ᐱᒥᓄᐛᔨᓐ ᒪᒃ ᐊᐎᑭᓯᒡ ᒥᒋᒻ ᒐᒋ ᒥᒋᔭᓐ, ᐊᑯ ᒪᒃ ᒐ ‍ ᒥᔨᑕᓐ ᓂᓱᐛᔨᒋᒐᐅᓐ ᑎᐸᔨᒋᒐᓱᐤ ᐊ ‍ ᐛᐱᒥᑕᐧᒄ ᐊᒺᔭ ᐳᓂᐱᒪᑎᓯᔭᓐ᙮’
\v 8 ᐊᑯ ᓂᑯᓴ, ᓂᑐᑐᐎ ᑭᔭ ᒐ ‍ ᐃᑐᑎᒥᓐ ᒐ ‍ ᐃᑕᓐ,
\v 9 ᐃᑐᑕᒪ ᒥᔅᑐᓯᒡ ᐊᑕᒡ ᑭᔭ ᒐ ‍ ᐸᓱᐅᑥᐤ ᓂᓱ ᐊ ‍ ᐎᔪᐅᒡ ᒥᔅᑐᓯᓯᒡ, ᐊᑯ ᒐ ‍ ᐱᒥᓄᑎᒃ ᒍᑕᐎᔾ ᐊᐎᑭᓂᔨᒡ ᒥᒋᒥᔪᐤ ᒧᔭᒻ ᐊᓯ ‍ ᐎᔅᑕᐧᒃ᙮
\v 10 ᐊᑯ ᒐ ‍ ᐃᑐᑐᐅᑦ ᒐ ‍ ᒥᒋᑦ ᒍᑕᐎᔾ, ᐊᑯ ᒪᒃ ᒐ ‍ ᒥᔨᔅᒃ ᐅᓱᐛᔨᒋᒐᐅᓐ ᐊᒺᔭ ᐳᓂᐱᒪᑎᓯᑦ᙮”
\p
\v 11 ᒪᒃ ᒐᑭᑉ ᒂ ‍ ᐃᑕᑦ ᐅᑲᐎᔭ, “ᒋᔅᒐᔨᒪᐤ ᒥᓯᐛ ᐎᔭᒡ ᐛᐱᐛᐅᑦ ᐃᓴᐅ, ᒥᒄ ᓱᓱᓯᐤ ᓂᔾ ᓂᓯᑭᔾ᙮
\v 12 ᒂᔄᓐ ᓂᑭ ‍ ᑕᒋᓂᒄ ᓄᑕᐎᔾ ᑭᔭ ᓂᑭ ‍ ᒋᔅᒐᔨᒥᒄ ᐊ ᐎ ‍ ᐎᔭᓯᒥᒃ, ᒋᑭ ‍ ᐃᑕᐤ ᒋᓴᒪᓂᑐᐛ ᒐᒋ ᐅᓯᑯᐃᔨᒋ ᑭᔭ ᓇᒪ ᓂᑭ ᒋ ‍ ᒥᔨᑯᐅᓐ ᓱᐛᔨᒋᒐᐅᓐ᙮”
\p
\v 13 ᒂ ‍ ᐃᑎᑯᑦ ᐅᑲᐎᔭ, “ᓂᑯᓴ, ᑭᒪ ᓂᔾ ᐱᑎᔅᑕᐅᑯᔭᓐ ᐅᓯᑯᐃᐛᐅᓐ᙮ ᑯᐃᔅᒄ ᐃᑐᑕ ᒐᒂᓐ ᐊ ‍ ᐃᑕᓐ, ᒪᒋᔾ ᓂᑐᐛᐱᒪᒋᓐᒡ ᓂᓱ ᒥᔅᑐᓯᓯᒡ᙮”
\p
\v 14 ᒐᑭᑉ ᒂ ‍ ᓂᑐᐛᐱᒪᑦ ᓂᓱ ᒥᔅᑐᓯᓴ, ᒂᓂᐸᐊᑦ ᑭᔭ ᐱᔭᑐᐛᑦ ᐅᑲᐎᔭ᙮ ᐊᑯ ᕋᐸᑲ ᒂ ‍ ᐱᒥᓄᐛᑦ ᒧᔭᒻ ᐅᑕᐎᔪᐛ ᐊᓯᐎᔅᑎᒥᔨᒋ᙮
\v 15 ᐊᑯ ᕋᐸᑲ ᐛᑎᓂᒺᑦ ᐊ ‍ ᒥᔽᔨᒋ ᐃᓴᐅᐛ ᐅᑦ ᐊᐱᒋᑕᐅᓂᔪᐛ, ᐊᓐᑕ ᐎᒋᐛᒡ ᑲ ‍ ᑎᑯᓂᔨᒋ ᑭᔭ ᒂ ‍ ᐃᑐᑐᐛᑦ ᒐᑭᐸ ᒐᒋ ᒋᔅᑭᒥᔨᒋ᙮
\v 16 ᒋ ‍ ᒋᔅᑯᒧᑎᔭᐤ ᒥᔅᑐᓱᔭᓇ ᐅᔅᐱᑐᓂᔨᒡ ᑭᔭ ᐅᑯᔭᔨᒡ ᐊᓐᑕ ᐊ ᐊᑲ ‍ ᐅᐱᐛᐎᔨᒋ᙮
\v 17 ᒪᒃ ᒂ ‍ ᒥᔭᑦ ᐎᔭᓯᔪᐤ ᑲ ‍ ᐱᒥᓄᐛᑦ ᒋᒡ ᐱᔅᒐ ᐸᒂᓯᑭᓇ ᒐᒋ ᐃᑐᑐᐛᔨᒋ ᐅᑕᐎᔪᐛ᙮
\p
\v 18 ᒋ ‍ ᓂᑐᐛᐱᒪᐤ ᐅᑕᐎᔭ ᑭᔭ ᒂ ‍ ᐃᑕᑦ, “ᓄᑕ᙮”
\p ᐊᐃᓯᒃ ᐃᑕᐤ, “ᒐᒂᓐ, ᐊᐛᓐ ᐅ, ᒐᑭᑉ ᑭᔭ ᒪᒃ ᐃᓴᐅ ?”
\p
\v 19 ᒐᑭᑉ ᐃᑕᐤ ᐅᑕᐎᔭ, “ᓂᔾ ᐅ ᐃᓴᐅ ᒋᓂᔅᑎᒧᓴᓂᒻ᙮ ᓂᒋ ‍ ᐃᑐᑕᓐ ᑲ ‍ ᐃᑎᓱᒥᔨᓐ᙮ ᓯᒥᑎᐱᔾ ᑭᔭ ᒐ ‍ ᒥᒋᔨᓐ ᐱᔅᒐ ᐎᔭᔅ ᑲ ‍ ᐱᒥᓄᐛᔭᓐ ᐊᑯ ᒪᒃ ᒐ ‍ ᒥᔨᓐ ᒋᓱᐛᔨᒋᒐᐅᓐ᙮”
\p
\v 20 ᐊᐃᓯᒃ ᐃᑕᐤ, “ᑕᓐᑕ ᐛᒋ ‍ ᒥᔅᑯᐅᑦ ᑭᔭ ᐎᐱᒡ ᓂᐸᐃᑦ ᐊᐛᓯᔅ, ᓂᑯᓴ ?”
\p ᒐᑭᑉ ᐃᑕᐤ ᐅᑕᐎᔭ, “ᑎᐸᔨᒋᒐᓱᐤ ᒋᒋᓴᒪᓂᑐᒻ ᓂᒋ ‍ ᒥᔨᒄ ᑭᔅᒋᐅᓂᔪᐤ᙮”
\p
\v 21 ᐊᑯ ᐊᐃᓯᒃ ᐊᑕᑦ ᒐᑭᐸ, “ᒥᒋᒪ ᐸᒋ ᓇᓯ ᐊᑯ ᒪᒃ ᒐᒋ ᑯᑎᓂᑕᓐ ᓂᑯᓴ, ᒐᒋ ᑕᑈ ᒋᔅᒐᔨᒥᑕᓐ ᐃᔭᐅᓇ ᐃᓴᐅ ᓂᑯᔅ᙮”
\p
\v 22 ᒥᒋᒪ ᒋ ‍ ᓇᑕᐤ ᒐᑭᑉ ᐊᐃᓯᑲ ᐅᑕᐎᔭ, ᒋ ‍ ᑯᑎᓂᑯᐤ ᑭᔭ ᒂ ‍ ᐃᑎᑯᑦ, “ᒧᔭᒻ ᒐᑭᑉ ᐅᐸᑕᑯᓱᐅᓐ ᒂ ‍ ᑎᑕᒂᒡ ᒋᐸᑕᑯᓱᐅᓐ ᒥᒄ ᐃᓴᐅ ᐅᔅᐱᑐᓇ ᐊᒂᑕᔨᑕᒂᒋ ᒋᔅᐱᑐᓇ᙮” \fig Jacob said to his father, “I am your son Esau.”|MX-27a.tif|col||public domain|ᒐᑭᑉ ᐃᑕᐤ ᐅᑕᐎᔭ, “ᓂᔾ ᐅ, ᐃᓴᐅ ᒋᑯᔅ᙮”|ᒐᓂᓯᔅ 27.23\fig*
\v 23 ᓇᒪ ᒋᒋᐛ ᐅᒋ ᒋᔅᒐᔨᒪᐤ ᐊᐃᓯᒃ ᐊ ‍ ᔭᐅᒂᓂ ᐃᓴᐅᐛ,
\v 24 ᐊᑯ ᒥᓐ ᑲ ‍ ᑯᒂᒋᒪᑦ, “ᐊᐛᓐ ᐅ ᒋᔾ ?”
\p ᒐᑭᑉ ᐃᑕᐤ ᐅᑕᐎᔭ, “ᓂᔾ ᐅ, ᐃᓴᐅ ᒋᑯᔅ᙮”
\p
\v 25 ᐊᑯ ᐊᐃᓯᒃ ᐊᑕᑦ, “ᐸᑐᐎ ᐎᔭᔅ, ᒋ ‍ ᒥᒋᓱᔭᓇ ᐊᑯ ᒐ ‍ ᐛᑕᐱᒥᑕᓐ ᒧᔭᒻ ᐊᓐ ᐊᐛᓐ ᒐ ‍ ᑎᐸᐊᒪᑯᑦ ᒋᓴᒪᓂᑐᐛ᙮”
\p ᒪᒃ ᒐᑭᑉ ᐊ ‍ ᐃᑐᑐᐛᑦ ᐅᑕᐎᔭ ᒥᒋᒥᔪᐤ᙮ ᑲᒋ ᐃᓯ ‍ ᒥᒋᓱᔨᒋ, ᒐᑭᑉ ᒋ ‍ ᒥᔭᐤ ᐃᔭᐱᒡ ᓱᒥᓇᐳᔪᐤ ᒐ ‍ ᒥᓂᔨᒋ᙮
\v 26 ᐊᑯ ᐊᑎᑯᑦ ᐅᑕᐎᔭ, “ᐸᑐᑕ ᐅᑕ ᑭᔭ ᓱᐛᔨᒥ, ᓂᑯᓴ᙮”
\p
\v 27 ᐊᑯ ᓂᔭᑕᑦ ᐅᑕᐎᔭ ᑭᔭ ᓴᐛᔨᒪᑦ᙮ ᐃᔅᐱ ᐊᐃᓯᒃ ᒪᔭᑎᒺᑦ ᐅᑦ ᐊᐱᒋᑕᐅᓂᔪᐛ, ᒂ ‍ ᒥᔭᑦ ᐅᓱᐛᔨᒋᒐᐅᓐ ᑭᔭ ᐊᑕᑦ,
\q “ᐊᓯᒪᑯᔅᑦ ᓂᑯᔅ ᐊᐅᑯᓐ ᒧᔭᒻ ᐊᓯᒪᑯᓂᔨᒡ ᓄᒋᒥᔪᐤ ᐊᔅᒋᔪᐤ ᑎᐸᔨᒋᒐᓱᐛ ᑲ ‍ ᓱᐛᔨᑕᑯᑕᔨᒋ᙮
\q
\v 28 ᒋᓴᒪᓂᑐᐤ ᒋᑭ ‍ ᒥᔨᒄ ᓂᐱᔪᐤ ᐊᑯ ᒪᒃ ᒐ ‍ ᓂᑕᐅᒋᒋ ᒋᓂᑕᐅᒋᑕᑭᓇ ᒪᒃ ᐊ ‍ ᒥᓴᒡ ᐸᒂᓯᑭᓂᒥᓐ ᑭᔭ ᐅᔅᒋ ᓱᒥᓇᐳᔾ᙮
\q
\v 29 ᒋᓴᒪᓂᑐᐤ ᒋᑭ ‍ ᐃᑐᑐᐛᐤ ᐊ ‍ ᐃᑎᔅᑲᓇᓯᔨᒋ ᒐᒋ ᐊᑐᔅᒐᔅᑕᔅᒋᔨᔅᒋ ᑭᔭ ᒐ ‍ ᑐᑕᒡ ᐊ ‍ ᐃᑎᓱᒥᑥᐤ᙮
\q ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᒋᑭ ‍ ᑎᐸᔨᒪᐛᐅᒡ ᒋᐧᑲᓂᓱᐛᐅᒡ ᑭᔭ ᒋᑭ ‍ ᐅᒋᒋᐧᑯᓂᐱᔨᔅᑕᑯᐛᐅᒡ ᐊ ‍ ᒋᔅᑕᔨᒥᑕᑯᒡ᙮
\q ᒋᓴᒪᓂᑐᐤ ᒋᑭ ‍ ᐊᓏᔨᒪᐤ ᐊᓂᔭ ᑲ ‍ ᒥᒐᒋᒥᐃᔅᒋᔨᔅᒋ, ᑭᔭ ᒋᑭ ‍ ᒥᔪᑐᑐᐛᐤ ᐊᓂᔭ ᑲ ‍ ᒥᔪᑐᑕᔅᒋᔨᔅᒋ᙮”
\p
\v 30 ᐃᔅᐱ ᐊᐃᓯᒃ ᑲᒋ ‍ ᓱᐛᔨᑕᑯᐛᐊᑦ ᒐᑭᐸ ᑭᔭ ᑲᒋ ‍ ᔅᑐᑕᑦ ᒐᑭᑉ, ᐃᓴᐅ ᒋ ‍ ᑎᑯᓯᓐ ᑲᒋ ‍ ᓂᑐᐅᑦ᙮
\v 31 ᒋ ‍ ᐱᒥᓄᐛᐤ ᐃᓴᐅ ᓄᒋᒥᔪᐤ ᒥᒋᒥᔪᐤ ᑲ ‍ ᓂᐸᑕᑦ ᑭᔭ ᒂ ‍ ᐃᑐᑐᐛᑦ ᐅᑕᐎᔭ᙮ ᒂ ‍ ᐃᑕᑦ, “ᓯᒥᑎᐱᔾ ᓄᑕ ᑭᔭ ᒐ ‍ ᒥᒋᔨᓐ ᓄᒋᒥᔪᐤ ᒥᒋᒻ ᑲ ‍ ᐱᒥᓄᑎᑕᓐ᙮ ᐊᑯ ᒪᒃ ᒐ ‍ ᒥᔨᓐ ᒋᓱᐛᔨᒋᒐᐅᓐ᙮”
\p
\v 32 ᐅᑕᐎᔭ ᒋ ‍ ᑯᒂᒋᒥᑯᐤ, “ᐊᐛᓐ ᐅ ᒋᔾ ?”
\p ᐃᓴᐅ ᐃᑕᐤ ᐅᑕᐎᔭ, “ᓂᔾ ᐅ ᐃᓴᐅ, ᒐᓴᐃᔪᐅᑦ ᒋᑯᔅ᙮”
\p
\v 33 ᐃᔅᐱ ᐊᐃᓯᒃ ᐱᔭᑕᐧᒃ ᐅᔭ, ᒋ ‍ ᑯᔅᑯᐱᔪᐤ ᐊᐃᓯᒃ᙮ ᐊ ᒥᔅᑎ ‍ ᓂᓇᒥᐱᔨᑦ ᒂ ‍ ᐃᔅᒋᔄᑦ, “ᐊᐛᓐ ᒪᒃ ᐊᓂᔭ ᑲ ‍ ᓂᑐᐎᔪᑦ ᑭᔭ ᑲ ‍ ᐸᑐᐅᑦ ᓄᒋᒥᔪᐤ ᒥᒋᒥᔪᐤ ? ᓂᒋ ‍ ᒥᒍᐛᓐ ᐊᒺᔭ ᑎᑯᓯᓂᔨᓐ ᑭᔭ ᓂᒋ ‍ ᓱᐛᔨᑕᑯᐛᐤ ᑭᔭ ᑕᑈ, ᒋᑭ ‍ ᓱᐛᔨᑕᑯᐊᑭᓄᐤ᙮”
\p
\v 34 ᑲᒋ ‍ ᐸᑐᐛᑦ ᐅᑕᐎᔭ ᒐᒂᓂᔪᐤ ᑲ ‍ ᐃᔅᒋᔄᔨᒋ, ᒂ ‍ ᒪᑦ ᐊ ‍ ᒋᔄᐛᑦ ᑭᔭ ᒂ ‍ ᓂᓇᐧᑲᒋᒧᑦ ᐛᔅ ᒋᒋᐛ ᒋ ‍ ᐅᔅᑐᐛᔨᑎᒻ ᑭᔭ ᒂ ‍ ᐃᑕᑦ ᐅᑕᐎᔭ, “ᓄᑕ, ᓂᔾ ᑭᔭ ᐸᒋ ‍ ᒥᔨᔾ ᒋᓱᐛᔨᒋᒐᐅᓐ !”
\p
\v 35 ᐊᐃᓯᒃ ᒪᒃ ᐃᑕᐤ, “ᓇᒪ ᓂᑭ ᒋ ‍ ᑲᐤ ᒋ ‍ ᐅᑎᓂᒺᓐ ᒐᒂᓂᔪᐤ ᑲ ‍ ᐃᑎᒃ, ᓂᒋ ‍ ᐎᔭᓯᒥᒄ ᒋᓯᒻ ᑭᔭ ᒋ ‍ ᐅᑎᓂᒻ ᒋᓱᐛᔨᒋᒐᐅᓂᔪᐤ᙮”
\p
\v 36 ᐊᑯ ᐃᓴᐅ ᐊᑕᑦ ᐅᑕᐎᔭ, “ᒧᔭᒻ ᐊ ᐃᓯᓂᐧᑲᓱᐤ, ᒐᑭᑉ ? ᐊᐅᑯᔪᐤ ᐅᔭ ᓂᔄᐤ ᐛᔭᓯᒥᑦ᙮ ᓂᔅᑎᒻ ᒋ ‍ ᐅᑎᓂᒻ ᓂᑎᐸᔨᑎᒧᐅᓂᔪᐤ ᐊᓂᔅᑕᒧᓴᓄᐎᒡ᙮ ᐊᑯ ᐊᓄᒡ ᐅᑎᓂᒻ ᐊᓂᔭ ᓂᓱᐛᔨᒋᒐᐅᓂᔪᐤ᙮ ᒪᒋ ᐅᒋ ᐃᔅᑯᓂᒧᐅᓐ ᓱᐛᔨᒋᒐᐅᓐ ?”
\p
\v 37 ᐊᐃᓯᒃ ᐃᑕᐤ, “ᓂᒋ ‍ ᐎᑎᒺᓐ ᒋᐧᑲᓂᔅ ᒐ ‍ ᑎᐸᔨᒥᔅᒃ᙮ ᒥᓯᐛ ᐃᔭᐱᒡ ᒋᑭ ‍ ᐎᑐᔅᒐᔅᑕᑯᐤ ᐎᐧᑲᓂᓴ᙮ ᓂᒋ ‍ ᐃᔅᒋᔄᐛᓐ ᒋᓴᒪᓂᑐᐛ ᒐ ‍ ᒥᔨᑯᑦ ᐊ ‍ ᐛᔪᑎᓂᔨᒡ ᐸᒂᓯᑭᓂᒥᓇ ᑭᔭ ᐅᔅᒋ ᓱᒥᓇᐳᔪᐤ᙮ ᓇᒪ ᓂ ‍ ᒋᔅᒐᔨᑕᓐ ᒐᒂᓐ ᓂᑯᓴ ᐊᓄᒡ ᒐ ᐃᓯ ‍ ᐃᑐᑕᑕᓐ᙮”
\p
\v 38 ᐃᓴᐅ ᒋ ‍ ᐱᑯᓴᔨᒧᑐᐛᐤ ᐅᑕᐎᔭ, “ᓇᒪ ᑎᑯᓐ ᐊ ᒐᒂᓐ ᒐᒋ ᐊᓱᒥᔨᓐ ? ᐸᒋ ‍ ᒥᔨᔾ ᒐᒂᓐ,” ᐊᑯ ᐊᔭᔅᒃ ᒂ ‍ ᒋᐧᑲᐛᑦ ᐊ ‍ ᒪᑦ ᐃᓴᐅ᙮
\p
\v 39 ᐅᑕᐎᔭ ᐊᐃᓯᑲ ᐊᑎᑯᑦ,
\q “ᐛᔪᐤ ᒋᑭ ‍ ᐎᒋᓐ ᐊ ‍ ᒥᔽᒡ ᐊᔅᒋᔾ ᐅᒡ,
\q ᐊᒥᓄᐛᑕᒡ ᒥᒄ ᒋᑭ ‍ ᐸᒋᑎᓐ ᒋᓂᑕᐅᒋᑕᑭᓂᒡ᙮
\q
\v 40 ᓇᓂᑎᒻ ᒋᑭ ‍ ᒪᓯᐧᑯᐛᐅᒡ ᐃᔭᒡ ᐃᔪᒡ ᑭᔭ ᒋᑭ ᐎ ‍ ᒥᔅᑎᑐᔅᒐᔅᑐᐛᐤ ᒋᐧᑲᓂᔅ᙮
\q ᓇᓇᒐ ᒋᑭ ‍ ᓱᐧᑲᑎᓯᓐ ᑭᔭ ᒋᑭ ‍ ᐱᐧᑯᐅᓐ᙮ ᓇᒪ ᒋᑭ ᒋ ᓴᔅ ‍ ᑎᐸᔨᒥᒄ᙮”
\p
\v 41 ᒋ ‍ ᐛᐧᑲᑕᐤ ᒐᑭᐸ ᐃᓴᐅᐛ, ᐛᔅ ᐅᑕᐎᔭ ᒋ ‍ ᒥᔭᔪᐛ ᐅᓱᐛᔨᒋᒐᐅᓂᔪᐤ᙮ ᐃᓴᐅ ᒋ ‍ ᐛᑕᔨᑎᒻ ᒐ ‍ ᐃᑎᑦ, “ᐎᐱᒡ ᒋ ‍ ᐳᓂᐱᒪᑎᓯᒐ ᓄᑕᐎᔾ, ᓂᑭ ‍ ᓂᐸᐊᐤ ᓂᐧᑲᓂᔅ᙮”
\p
\v 42 ᐃᔪᒡ ᒋ ‍ ᐸᑎᒧᒡ ᐃᓴᐅᐛ ᐊ ᐎ ‍ ᓂᐸᐃᔨᒋ ᒐᑭᐸ, ᐊᑯ ᒂ ‍ ᓂᑐᐛᐱᒪᒡ ᑭᔭ ᐛᑎᒧᐛᒡ ᕋᐸᑲᔨᒋ᙮ ᕋᐸᑲ ᒋ ‍ ᐎᓴᒪᐤ ᒐᑭᐸ ᑭᔭ ᒂ ‍ ᐃᑕᑦ, “ᒋᒧᑦ ᐎᑎᐸᒪᓱᐤ ᒋᐧᑲᓂᔅ ᑭᔭ ᒋ ᐎ ‍ ᓂᐸᐃᒄ᙮
\v 43 ᐊᑯ ᒐ ‍ ᐃᑐᑎᒥᓐ ᒐᒂᓐ ᒐ ‍ ᐃᑎᑕᓐ᙮ ᐦᐊᕋᓐ ᐅᑕᓇᔪᐤ ᐊᑯᑕ ᐛᒋᑦ ᓂᐧᑲᓂᔅ᙮ ᒋᔅᑎᑉ ᔅᑐᑕᒪ ᑭᔭ ᒐ ‍ ᑕᐅᑦ ᐊ ‍ ᑕᑦ᙮
\v 44 ᒐ ‍ ᑕᔨᓐ ᓚᐸᓐ ᐊ ‍ ᑕᑦ ᐸᑎᒪ ᐳᓂᒐ ᐊ ‍ ᐛᐧᑲᑎᔅᒃ ᐃᓴᐅ᙮
\v 45 ᐅᓂᒋᔅᒋᒐ ᑲ ‍ ᐃᑐᑐᐅᑦ, ᓂᑭ ‍ ᐃᑎᓴᐛᐤ ᒐᒋ ᐎᑎᒪᔅᒃ ᐊᐛᓐ ᒐᒋ ᐸᒋ ‍ ᒋᐛᔨᓐ᙮ ᓇᒪ ᓂᑐᐛᔨᑕᓐ ᑕᐱᔅᑯᓐ ᐸᐃᑯᑕᐤ ᒋᓯᒄ ᒐᒋ ᐳᓂᐱᒪᑎᓯᔭᒄ᙮”
\s1 ᐊᐃᓯᒃ ᒋ ‍ ᐃᑎᓴᐛᐤ ᒐᑭᐸ ᐊᓐᑕ ᓚᐸᓇ ᐎᒋᔨᒡ
\p
\v 46 ᐊᑯ ᕋᐸᑲ ᓇᑐᐛᐱᒪᑦ ᐊᐃᓯᑲ ᑭᔭ ᐊᑕᑦ, “ᓇᒪ ᓂ ‍ ᒥᔽᔨᑎᒪᐛ ᐃᓴᐅ ᐎᐛ, ᐊᓐᒡ ᐃᑕᐃᑦ ᐃᔎᐅᒡ ᑲᐃᓇᓐ ᐅᒡ᙮ ᐃᑐᑎᒧᒡ ᒐ ᐊᑲ ‍ ᓴᐸᔨᑕᑯᓂᔨᒡ ᓂᐱᒪᑎᓯᐅᓂᔪᐤ᙮ ᓇᒪ ᓂᑐᐛᔨᒪᐤ ᒐᑭᑉ ᒐᒋ ᐅᑎᓇᑦ ᐅᑕ ᐃᔎᐛ ᒐ ‍ ᐎᔪᑦ, ᒧᔭᒻ ᑲ ‍ ᐃᑎᑦ ᐃᓴᐅ᙮ ᐃᐛᒃ ᓂᑐᐛᔨᑕᓐ ᒐᒋ ᐳᓂᐱᒪᑎᓯᔭᓐ ᐃᔅᐱᔅ ᒐᒋ ᒥᔨᒃ ᒐ ‍ ᐎᒋᒪᑦ ᐃᑕᐃᑦ ᐃᔎᐛ᙮”
\c 28
\p
\v 1 ᐊᑯ ᐊᐃᓯᒃ ᐊᑎᓴᐛᑦ ᐊᐛᔪᐛ ᒐ ‍ ᐎᑎᒧᐛᐎᔨᒋ ᒐᒋ ᓂᑐᐛᐱᒥᑯᑦ ᒐᑭᐸ᙮ ᐃᔅᐱ ᐸᒐᔨᒋ ᒐᑭᐸ ᐅᐱᒍᐎᔭᓂᒋᐛᐱᒡ᙮ ᐊᐃᓯᒃ ᒋ ‍ ᐊᑎᒥᔅᑯᐛᐤ ᑭᔭ ᒂ ‍ ᐃᑕᑦ, “ᐊᑲᐎᔭ ᒋᑭ ‍ ᐎᒋᒪᐤ ᐃᔎᐤ ᑲᐃᓇᓐ ᐊᔅᒋᒡ ᐅᒡ᙮
\v 2 ᒥᔅᑯᒡ ᐸᑕᓐ ᐊᕋᒻ ᐃᑐᑕ, ᐸᑎᐅᓪ ᒋᒧᓱᒻ ᐅᑦ ᐃᑕᐅᓂᒡ ᑭᔭ ᐸᐃᒄ ᐊᓐᑕ ᐅᔅᒋᓂᒋᔎᔅ ᒐ ‍ ᐎᒋᒥᑦ, ᐸᐃᒄ ᐅᑕᓂᓴ ᓚᐸᓐ ᒍᐧᑯᒥᔅ᙮”
\v 3 ᒂ ‍ ᐃᑕᑦ ᐊᐃᓯᒃ, “ᑭᒪ ᒋᓴᒪᓂᑐᐤ ᐊᓐ ᒥᓯᐛ ᐊᓯ ‍ ᓱᐧᑲᑎᓯᑦ, ᐃᑐᑕᐧᒃ ᒐᒋ ᐃᔅᐱᔪᑦ ᒥᔪ ‍ ᒐᒂᓂᔪᐤ᙮ ᑭᒪ ᒥᒐᑦ ᐊᐛᓴ ᒥᔨᔅᒃ ᑭᔭ ᒥᒐᑎᒡ ᒋᑦ ᐊᓂᔅᑯᑕᐸᓐᒡ ᐊᑯ ᒪᒃ ᒐ ‍ ᒥᒐᑐᔅᑲᓇᓯᒡ᙮
\v 4 ᑭᒪ ᒋᓴᒪᓂᑐᐤ ᒥᔨᔅᒃ ᑭᔭ ᒋᑦ ᐊᓂᔅᑯᑕᐸᓇ ᐊᓂᔭ ᐊᔅᒋᔪᐤ ᒋᒧᓱᒪ ᐊᑉᕋᐊᒪ ᑲ ‍ ᐊᓱᑎᒧᐛᑦ᙮ ᐊᑯ ᒪᒃ ᒐ ‍ ᑎᐸᔨᑎᒥᓐ ᐅ ᐊᔅᒋᔾ ᐊᓐᑕ ᐊᓄᒡ ᐛᒋᔨᓐ ᒧᔭᒻ ᒪᓐᑕᐤ᙮”
\v 5 ᑲᒋ ‍ ᐛᒋᔭᒪᑦ ᐊᐃᓯᒃ, ᐸᑕᓐ ᐊᕋᒻ ᒋ ‍ ᐃᑎᓴᐛᐤ ᒐᑭᐸ, ᐊᓐᑕ ᓚᐸᓇ ᐎᒋᔨᒡ ᐅᑲᐎᔭ ᐅᔅᑕᓯᔪᐛ᙮ ᐸᑎᐅᓚ ᒋ ‍ ᐅᑯᓯᑕᑯᐤ ᓚᐸᓐ, ᐊᕋᒻ ᐃᔪᐤ ᑲ ‍ ᐃᓯᓂᐧᑲᑕᑭᓄᐅᑦ ᐸᐃᒄ ᐃᔪᐤ᙮
\s1 ᐃᓴᐅ ᐎᒋᒥᒪᐤ ᐃᔅᒪᐃᓚ ᐅᑕᓂᓯᔪᐛ
\p
\v 6 ᐃᓴᐅ ᒋ ‍ ᐎᑎᒪᑯ ᐊᐛᔪᐛ ᒐᒂᓂᔪᐤ ᐊᐃᓯᒃ ᑲ ‍ ᐃᑕᑦ ᒐᑭᐸ᙮ ᐊᐅᑯᔪᐤ ᐅᔭ ᑲ ᐅᒋ ‍ ᒋᔅᒐᔨᑕᐧᒃ ᐅᑕᐎᔭ ᐊᑲ ᐅᒋ ᓂᑐᐛᔨᒪᔨᒋ ᒐᑭᐸ ᒐᒋ ᐎᒋᒪᔨᒋ ᑲᐃᓇᓐ ᐃᔎᐛ ᒧᔭᒻ ᐎᔾ ᑲ ‍ ᑐᑕᐧᒃ᙮
\v 7 ᒋ ‍ ᐸᑎᒻ ᐃᔭᐱᒡ ᒐᑭᐸ ᑲ ‍ ᑕᑈᑐᐛᔨᒋ ᐅᓂᒋᐃᑯᔪᐛ ᑭᔭ ᓴᔅ ᑲ ‍ ᐃᑐᑕᔨᒋ ᐊᓐᑕ ᐸᑕᓐ ᐊᕋᒻ᙮
\v 8 ᒂ ‍ ᓂᔅᑐᑕᑎᓱᑦ ᐃᓴᐅ ᐊᓂᔭ ᐅᑕᐎᔭ ᐊᐃᓯᑲ ᐊᑲ ᒥᔽᔨᑕᔨᒋ ᑲᐃᓇᓐ ᐃᔎᐛ
\v 9 ᐊᑯ ᓇᑐᐛᐱᒪᑦ ᐃᔅᒪᐃᓚ ᐊᑉᕋᐊᒪ ᐅᑯᓯᔪᐛ ᑭᔭ ᓇᐳᐅᐛᑦ ᐅᑕᓂᓯᔪᐛ ᒪᐊᓚᑕ, ᐊᓂᔭ ᓇᐸᐃᐅᑕ ᐅᓯᒥᔪᐛ᙮
\s1 ᒐᑭᑉ ᑲ ‍ ᐳᐛᒧᑦ ᐊᓐᑕ ᐸᑕᓪ
\s2 Genesis 28.10-19a (Proper-11 Year A)
\p
\v 10 ᐃᔅᐱ ᒐᑭᑉ ᑲ ‍ ᓂᑭᑕᐧᒃ ᐱᕐ-ᓯᐸ, ᐦᐊᕋᓐ ᐃᑕᒐ ᒋ ‍ ᐃᑐᑕᐤ᙮
\v 11 ᒋ ‍ ᐅᑎᑐᒻ ᐸᐃᒄ ᐃᑕᐅᓂᔪᐤ ᑭᔭ ᒂ ‍ ᑕᑦ ᐊᓐᑕ ᑕᐱᔅᑲᔨᒡ, ᐛᔅ ᒋ ‍ ᐸᒋᓯᒧᔪᐛ ᐱᓯᒺ᙮ ᒋ ‍ ᐅᑎᓇᐤ ᐊᓐᑕ ᐸᐃᒄ ᐊᓯᓂᔭ, ᒋ ‍ ᐊᔭᐤ ᒪᒃ ᒐᒋ ᐊᔎᓯᒧᑦ᙮ ᐊᑯᑕ ᒪᒃ ᓂᐊᐃᓯᐧᒃ ᒐᒋ ᓂᐸᑦ᙮
\v 12 ᒋ ‍ ᐳᐛᒧᐤ, ᒋ ‍ ᐛᐸᑎᒻ ᑕᑕᐧᑯᔅᑲᓇᓇ ᐊ ‍ ᐃᔨᑭᔅᑲᔨᒋ ᐊᔅᒋᒡ ᐅᒋ ᐃᔅᐱᒥᒡ ᒋᒋᒋᓯᑯᒡ ᐃᔅ ᐊᑎᒧᐃᒡ᙮ ᒋ ‍ ᐛᐱᒪᐤ ᒋᓴᒪᓂᑐᐛ ᐅᑦ ᐊᓐᒋᓂᒥᔪᐛ ᐊ ‍ ᓂᑎᒋᐛᔨᒋ ᑭᔭ ᐊ ‍ ᓴᑭᒋᐛᔨᒋ ᐊᓐᑕ ᑕᑕᑯᔅᑲᓇᓂᒡ᙮
\v 13 ᑎᐸᔨᒋᒐᓱᐤ ᐃᔅᐱᒥᒡ ᒋ ‍ ᓂᐳᐤ ᑭᔭ ᒋ ‍ ᐃᑕᐤ, “ᓂᔾ ᐊᐅᒄ ᑎᐸᔨᒋᒐᓱᐤ, ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᐊᐃᓯᒃ ᐅᒋᓴᒪᓂᑐᒪ, ᒋᑭ ‍ ᒥᔨᑎᓐ ᐅ ᐊᔅᒋᔾ ᐊᓐᑕ ᐸᒥᓯᓂᔨᓐ, ᒋᔾ ᒋᑭ ‍ ᑎᐱᔨᐛᐅᓯᓐ ᑭᔭ ᒋᑦ ᐊᓂᔅᑯᑕᐸᓐᒡ᙮
\v 14 ᓂᑭ ‍ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓐᒡ ᒐ ᐊᑲ ᐊᐛᓐ ᒋᒋᒪᑦ, ᒋᑭ ‍ ᒥᓯᑕᐱᔪᐅᒡ ᐊᑎᒪᐱᓯᒧᒡ ᑭᔭ ᐛᐱᓄᑕᒡ ᐃᔅ, ᒋᐛᑎᓄᒡ ᑭᔭ ᐱᓯᒧᑕᒡ ᐃᔅ᙮ ᒋᔾ ᐅᒋ ᑭᔭ ᒋᑦ ᐊᓂᔅᑯᑕᐸᓐᒡ ᓂᑭ ‍ ᒥᔪᑐᑐᐛᐅᒡ ᒥᓯᐛ ᐊ ‍ ᑕᑐᔅᑲᓇᓯᒡ ᐅᑕ ᐊᔅᒋᒡ᙮
\v 15 ᐛᐸᑕ ᓂᑦ ᐊᓱᑎᒪᒐᓐ ᒐ ‍ ᐎᒐᐅᑕᓐ ᑭᔭ ᒐ ‍ ᑭᓄᐛᔨᒥᑕᓐ ᒥᒄ ᐊᓐᑕ ᐊ ‍ ᐃᑐᑕᔨᓐ ᑭᔭ ᑲᐤ ᒋᑭ ‍ ᐸᓱᐅᑎᓐ ᐅᑕ ᐊᔅᒋᒡ᙮ ᓇᒪ ᒋᑭ ᒋ ‍ ᓂᑭᑎᑎᓐ ᐸᑎᒪ ᒋ ‍ ᐃᑐᑎᒪᓇ ᒥᓯᐛ ᐊᓐ ᑲ ‍ ᐊᓱᑎᒪᑕᓐ᙮”
\p
\v 16 ᒋ ‍ ᐸᑯᐱᔪᐤ ᒐᑭᑉ ᑭᔭ ᒂ ‍ ᐃᔅᒋᔄᑦ, “ᑕᐤ ᐅᑕ ᑎᐸᔨᒋᒐᓱᐤ᙮ ᑕᐤ ᐅᑕ ᐃᑕᐅᓂᒡ, ᑭᔭ ᓇᒪ ᓂ ᐅᒋ ‍ ᒋᔅᒐᔨᑕᓐ᙮”
\v 17 ᒋ ‍ ᑯᔅᑕᒍᐤ ᑭᔭ ᒂ ‍ ᐃᔅᒋᔄᑦ, “ᒋᒋᐛ ᓂ ‍ ᑯᔅᑕᒋᓐ ᐊ ‍ ᑕᔭᓐ ᐅᑕ ᐃᑕᐅᓂᒡ, ᐊᐎᒐ ᐅᔭ ᐎᒡ ᒋᓴᒪᓂᑐᐤ ᑭᔭ ᐊᐅᑯᐤ ᒋᒋᒋᓯᒄ ᐃᔎᑕᒻ᙮”
\p
\v 18 ᐎᐱᒡ ᒐᒋᓴᐸ ᒋ ‍ ᐅᓂᔪᐤ ᒐᑭᑉ, ᒋ ‍ ᐅᑎᓇᐤ ᐊᓂᔭ ᐊᓯᓂᔭ ᑲᔎᓯᒧᑦ ᑭᔭ ᒂᒋ ‍ ᒥᔭᑦ ᒐᒋ ᒋᔅᒋᓄᐛᒋᑕᑦ ᒧᔭᒻ ᑲ ‍ ᓄᑯᓯᔅᑕᑯᑦ ᒋᓴᒪᓂᑐᐛ ᐊᓐᑕ ᐃᑕᐅᓂᒡ, ᒂ ‍ ᐳᓇᐧᒃ ᐱᒥᔪᐤ ᐊᓐᑕ ᑕᐧᑯᒡ ᐊᓯᓂᒡ᙮
\v 19 ᐸᑕᓪ ᒋ ‍ ᐃᓯᓂᐧᑲᑎᒻ ᐊᓂᔭ ᐃᑕᐅᓂᔪᐤ, ᒋᓴᒪᓂᑐᐤ ᐎᒡ ᐊ ‍ ᐃᑥᒥᑲᒡ᙮ (ᓗᔅ ᐅᔅᑭᒡ ᒋ ‍ ᐃᓯᓂᐧᑲᑕᐤ ᒥᒋᒪ ᑲ ‍ ᑎᒂᒡ ᐊᓐᑕ ᐅᑕᓇᐤ᙮)
\p
\v 20 ᒂ ‍ ᐊᓱᑎᒪᒐᑦ ᒐᑭᑉ, ᐊ ‍ ᐃᔅᒋᔄᑦ, “ᐎᒐᐅᒐ ᒋᓴᒪᓂᑐᐤ ᑭᔭ ᓇᑭᑐᐛᔨᒥᒐ ᐊ ‍ ᐱᐸᒧᑕᐅᒡ ᑭᔭ ᒥᔨᒐ ᒥᒋᒥᔪᐤ ᒐ ‍ ᒥᒍᐅᒡ ᑭᔭ ᐊᐱᒋᑕᐅᓇ ᒐ ‍ ᒋᔅᑭᒧᒡ
\v 21 ᑭᔭ ᒥᓐ ᑲᐤ ᒥᔪ ‍ ᑎᑯᓯᓂᔭᓇ ᐊᓐᑕ ᐛᒋᑦ ᓄᑕᐎᔾ, ᐊᑯ ᒪᒃ ᒐ ‍ ᐅᒋᓴᒪᓂᑐᒥᔭᓐ ᐅᑎᐸᔨᒋᒐᐤ᙮
\v 22 ᐅ ᐊᓯᓂᔾ ᑲ ‍ ᒋᒥᑕᔭᓐ, ᐊᑯᑕ ᐅᑕ ᐃᑕᐅᓐ ᒐ ‍ ᐊᔭᒥᐊᔅᑕᑯᔨᓐ ᑭᔭ ᓂᑦ ᐊᓱᑎᒪᒐᓐ ᐸᐃᑯᔪᐤ ᑕᑐᐤ ᒪᐃᔨᓐ ᒐᒂᓂᔪᐛ ᑲᐤ ᐸᐃᒄ ᒋᑭ ‍ ᒥᔨᑎᓐ᙮”
\c 29
\s1 ᒐᑭᑉ ᐊᕋᓐ ᑲ ‍ ᑎᑯᓯᐧᒃ
\p
\v 1 ᐊᑯ ᒐᑭᑉ ᐛᐱᓄᑕᒡ ᒂ ᐃᓯ ‍ ᔅᑐᑕᑦ ᐊᓐᑕ ᐅᑐᑕᒪ ᑲ ‍ ᐎᒋᔨᒋ᙮
\v 2 ᐸᐃᒂᐤ ᒐᓯᑲᔨᒡ ᒋ ‍ ᐅᑎᑐᒻ ᓂᑕᐅᒋᑕᑭᓂᔪᐤ ᒧᓇᐃᐸᓂᔪᐤ ᐊ ‍ ᑎᑯᓂᔨᒡ ᐊᓐᑕ ᑲ ‍ ᐃᑐᑕᐊᒡ ᒪᔭᑕᓂᓯᐅ-ᐃᔪᒡ ᐅᑦ ᐊᐛᓯᓯᒧᐛᐛ ᒐᒋ ᒥᓂᔨᒋ ᓂᐱᔪ᙮ ᓂᔅᑐᔨᒡ ᒋ ‍ ᑕᔪᐛ ᒪᔭᑕᓂᓴ ᑭᔭ ᐛᐱᑎᒂ ᐊᔽᓯᔨᒋ ᒥᒋᒪ ᒧᓇᐃᐸᓂᒡ᙮ ᐊ ‍ ᒥᒐᐱᓯᔨᒋ ᐊᓯᓂᔭ ᒋ ‍ ᒋᐸᐱᔪᐛ ᐊᓐᑕ ᒧᓇᐃᐸᓂᒡ᙮
\v 3 ᒋ ‍ ᐊᓯᓄᐛᓯᐅᒡ ᒪᔭᑕᓂᓯᐅ-ᐃᔪᒡ ᐸᑎᒪ ᒥᓯᐛ ᑲ ‍ ᒪᒧᐃᑐᔨᒋ ᐊᐛᓯᓴ᙮ ᐊᑯ ᒪᒧᐤ ᑲ ‍ ᐃᒐᓇᒡ ᐊᓯᓂᔭ ᐊᓐᑕ ᒧᓇᐃᐸᓂᒡ ᐅᒡ ᑭᔭ ᒪᓇᐊᒡ ᐅᑦ ᐊᐛᓯᓯᒧᐛᐛ᙮ ᐃᔅᐱ ᑲᒋ ‍ ᒥᓂᒡ ᒪᔭᑕᓂᓯᒡ, ᑲᐤ ᒋ ‍ ᒋᑈᐊᐅᒡ ᐊᓯᓂᔭ ᐊᓐᑕ ᒧᓇᐃᐸᓂᒡ᙮
\p
\v 4 ᒋ ‍ ᓇᑕᐤ ᒐᑭᑉ ᒪᔭᑕᓂᓯᐅ-ᐃᔪᐛ ᑭᔭ ᑲ ‍ ᑯᒂᒋᒪᑦ, “ᓂᐧᑲᓂᓯᑐᒄ, ᑕᓐᑕ ᐛᒋᔭᒄ ?”
\p ᒂ ‍ ᐃᑎᑯᑦ, “ᐦᐊᕋᓐ ᐃᑕᐅᓂᒡ ᓂ ‍ ᐅᒋᓇᓐ᙮”
\p
\v 5 ᐊᑯ ᒐᑭᑉ ᑲ ‍ ᑯᒂᒋᒪᑦ, “ᒪ ᒋᔅᒐᔨᒪᐛᐤ ᓚᐸᓐ, ᓇᐅᕐ ᐅᓯᒪ ?”
\p “ᓂᐦᐃ, ᓂ ‍ ᒋᔅᒐᔨᒪᓇᓐ,” ᐃᑎᑯᐤ᙮
\p
\v 6 ᐊᑯ ᒐᑭᑉ ᑲ ‍ ᑯᒂᒋᒪᑦ, “ᒥᔪᐱᔪᐤ ᐊ ?”
\p ᒂ ‍ ᐎᑎᒪᑯᑦ, “ᒥᔪᐱᔪᐤ; ᑭᔭ ᐛᐱᒻ, ᐅᑕᓂᓴ ᕋᐃᒍᓚ ᐸᓱᐛᔪᐛ ᐅᒪᔭᑕᓂᓯᒪ᙮”
\p
\v 7 ᒐᑭᑉ ᐃᑕᐤ, “ᒐᒂᓐ ᐛᒋ ‍ ᒪᒧᓇᑯᒡ ᒪᔭᑕᓂᓯᒡ ? ᒥᒄ ᐅ ᐊᐱᑕᒋᓯᑲᐤ᙮ ᒋᐸ ‍ ᒥᔭᐛᐅᒡ ᓂᐱᔪᐤ ᐊᑯ ᑭᔭ ᑲᐤ ᒋᐸ ‍ ᐃᑐᑕᐛᐅᒡ ᓂᑕᐅᒋᑕᑭᓂᒡ ᒐᒋ ᒥᒋᒡ ᒥᔅᑯᓱᐛ᙮”
\p
\v 8 ᒥᒄ ᒋ ‍ ᐃᑎᑯᐤ, “ᓂᑭ ᐎ ‍ ᐊᓯᓄᐛᐊᓇᓐᒡ ᐸᑎᒪ ᒥᓯᐛ ᑎᑯᓯᓂᑥᐛ ᒪᔭᑕᓂᓯᐅ-ᐃᔪᒡ ᐊᓯᒡ ᐅᒪᔭᑕᓂᓯᒧᐛᐛ᙮ ᐊᑯ ᒪᒧᐤ ᒐᒋ ᐊᒋᐱᑎᒋᒡ ᐊᓯᓂᔾ ᑭᔭ ᒐ ‍ ᒥᔨᒋᒡ ᓂᐱᔪᐤ ᐊᐛᓯᓯᒡ᙮”
\p
\v 9 ᒐᑭᑉ ᐊᔅᒄ ᒪᒂᒡ ᒋ ‍ ᐃᔨᒪᐤ ᒪᔭᑕᓂᓯᐅ-ᐃᔪᐛ ᑕᑯᓯᓂᔨᒋ ᕋᐃᒍᓚ ᒧᓇᐃᐸᓂᒡ ᐊᓯᒡ ᒪᔭᑕᓂᓴ ᑭᔭ ᐛᐱᑎᒂ, ᐛᔅ ᒋ ‍ ᓇᑭᑐᐛᔨᒪᐤ ᐅᑕᐎᔭ ᐅᑦ ᐊᐛᓯᓯᒥᔪᐛ᙮
\v 10 ᐃᔅᐱ ᒐᑭᑉ ᐎᔭᐱᒪᑦ ᐎᐧᑲᓂᓴ ᕋᐃᒍᓚ ᑭᔭ ᒪᔭᑕᓂᓴ ᑭᔭ ᐛᐱᑎᒂ ᑲ ‍ ᑎᐸᔨᒪᔨᒋ ᐅᐧᑯᒥᓴ, ᒋ ‍ ᓇᑎᒻ ᒧᓇᐃᐸᓂᔪᐤ, ᒋ ‍ ᐃᒐᐱᑕᐤ ᐊᓯᓂᔭ ᑭᔭ ᒋ ‍ ᒥᓇᐃᒪᐤ ᐅᐧᑯᒥᓴ ᐅᒪᔭᑕᓂᓯᒥᔪᐛ᙮
\v 11 ᒐᑭᑉ ᒋ ‍ ᐅᒐᒪᐤ ᕋᐃᒍᓚ᙮ ᒋᒋᐛ ᒋ ‍ ᐊᒂᑕᔨᑎᒻ ᑲᒋ ‍ ᐅᑎᑕᑦ ᐅᑐᑕᒪ, ᒂ ‍ ᒪᑦ᙮
\v 12 ᒂ ‍ ᐃᑕᑦ ᕋᐃᒍᓚ, “ᓂᔾ ᐅ ᒍᑕᐎᔾ ᐎᐧᑲᓂᓴ, ᕋᐸᑲ ᐅᑯᓴ᙮” ᐃᔅᐱ ᐱᔭᑕᐧᒃ ᐅᔭ ᕋᐃᒍᓪ, ᒋ ‍ ᒋᐛᐸᑕᐤ ᑭᔭ ᐛᑎᒧᐛᑦ ᐅᑕᐎᔭ ᐊᓂᔭ ᓂᔭᒋᒧᐱᔨᒋ ᒐᑭᐸ, ᐎᐧᑲᓂᓴ ᐅᑯᓯᔪᐛ᙮
\p
\v 13 ᐃᔅᐱ ᓚᐸᓐ ᐱᔭᑕᐧᒃ ᑕᑯᓯᓂᔨᒋ ᐅᑐᓯᒪ, ᒋ ‍ ᒋᒋᓇᐤ ᒐᒋ ᓂᒋᔅᑯᐛᑦ, ᒋ ‍ ᐛᐅᒋᓇᐤ ᑭᔭ ᒋ ‍ ᐅᒐᒪᐤ ᑭᔭ ᒂ ‍ ᐃᑐᑕᐊᑦ ᐎᒋᒡ᙮ ᐊᑯᑕ ᒐᑭᑉ ᐛᑎᒧᐛᑦ ᒥᓯᐛ ᒐᒂᓂᔪᐤ ᑲ ‍ ᐃᔅᐱᔨᒡ᙮
\v 14 ᑲᒋ ‍ ᓂᑐᑐᐛᑦ ᒐᑭᐸ, ᓚᐸᓐ ᒋ ‍ ᐃᑕᐤ, “ᓂᐦᐃ, ᒋᔾ ᑎᐱᔨᐛ ᓂᐧᑲᓂᔅ᙮” ᓚᐸᓐ ᒋ ‍ ᓂᑐᒪᐤ ᒐᑭᐸ ᒐᒋ ᑕᔨᒋ ᐊ ‍ ᑕᑦ᙮ ᒐᑭᑉ ᐸᐃᒄ ᐱᓯᒺ ᒋᑕᐛᐤ ᓚᐸᓇ ᐎᒋᔨᒡ᙮
\s1 ᓚᐸᓇ ᑲ ‍ ᐊᑐᔅᒐᔅᑐᐛᑦ ᒐᑭᑉ
\s2 Genesis 29.15-28 (Proper-12 Year A)
\p
\v 15 ᓚᐸᓐ ᒂ ‍ ᐃᑕᑦ ᒐᑭᐸ, “ᑲ ᐃᔅᐱᔅ ‍ ᑎᑯᓯᓂᔨᓐ, ᒥᒐᑦ ᒐᒂᓐ ᔅᒋ ‍ ᐃᑐᑎᒧᐅᓐ ᒥᒄ ᓇᒪ ᒋ ᐅᒋ ‍ ᒋᓯᐧᑲᑎᓐ᙮ ᓇᒪ ᒥᔽᐤ ᐅ᙮ ᐊᑎᓱᐧᒄ ᒥᒋᒪ ᐎᐧᑲᓂᓯᑕᑐᔭᐧᒄ, ᒋᐸ ‍ ᒋᓯᐧᑲᑎᓐ ᒐᒂᓐ᙮ ᑕᓐ ᐊᔅᐱᔅ ᓂᑐᐛᔨᑎᒥᓐ ?”
\p
\v 16 ᒋᓂᓱᔎᐎᔪᐛ ᐅᑕᓂᓴ ᓚᐸᓐ᙮ ᓕᐊ ᒋ ‍ ᐃᓯᓂᐧᑲᓱᔪᐛ ᒐᓴᐃᔎᐎᔨᒋ ᑭᔭ ᕋᐃᒍᓪ ᐛᔅᑎᓂᒋᐅᔨᒋ᙮
\v 17 ᒋ ‍ ᒥᔽᓯᔪᐛ ᐅᔅᒋᓯᒂ ᓕᐊ, ᒥᒄ ᕋᐃᒍᓪ ᓇᔅᒡ ᒋ ‍ ᒥᔪᓇᑯᓱᐤ ᐎᔭᒡ ᑭᔭ ᐅᑕᔅᑎᒥᐧᑯᒡ᙮
\v 18 ᒐᑭᑉ ᒋ ‍ ᓴᒋᐊᐤ ᕋᐃᒍᓚ ᐊᑯ ᐊᑕᑦ ᓚᐸᓇ, “ᓂᔄᐅᑕᒡ ᑕᑐᐳᓇ ᒋᑭ ‍ ᐊᑐᔅᒐᔅᑕᑎᓐ ᓇᐃᒥᓇ ᒐᒋ ᐎᒋᒥᒄ ᒋᑕᓂᔅ ᕋᐃᒍᓪ᙮”
\p
\v 19 ᒋ ‍ ᓇᐃᑎᒻ ᓚᐸᓐ ᑭᔭ ᒋ ‍ ᐃᑕᐤ, “ᒋᒋᐛ ᓂ ‍ ᒥᔽᔨᑕᓐ ᒐᒋ ᒥᔨᑕᓐ ᓂᑕᓂᔅ ᐃᔅᐱᔅ ᒪᒃ ᑯᑎᒃ ᐊᐛᓐ᙮ ᐊᑯ ᒐ ‍ ᑕᔨᓐ ᐊ ‍ ᑕᔭᓐ ᑭᔭ ᒐ ‍ ᐊᑐᔅᒐᔅᑐᐎᔨᓐ ᐃᔅᐱᔅ ᓂᔄᐅᑕᒡ ᑕᑐᐳᓇ᙮”
\v 20 ᐊᑯ ᓂᔄᐅᑕᒡ ᑕᑐᐳᓇ ᒋ ‍ ᐊᑐᔅᒐᐤ ᒐᑭᑉ ᒐᒋ ᐎᒋᒪᑦ ᕋᐃᒍᓚ, ᒥᒄ ᐛᐃᐱᔅᒋᔅ ᒋ ‍ ᐃᑕᔨᑎᒻ ᐛᔅ ᑲ ᐃᔅᐱ ‍ ᓴᒋᐊᑦ ᕋᐃᒍᓚ᙮
\p
\v 21 ᐊᑯ ᒐᑭᑉ ᐊᑕᑦ ᓚᐸᓇ, “ᓴᔅ ᓂᔄᐅᑕᒡ ᑕᑐᐳᓇ ᔅᒋ ‍ ᐊᑐᔅᒐᔅᑕᑎᓐ; ᐊᑯ ᐸᒋ ‍ ᒥᔨᔾ ᒋᑕᓂᔅ ᒐᒋ ᐎᒋᒥᒃ᙮”
\p
\v 22 ᐊᑯ ᓚᐸᓐ ᓇᑐᒪᑦ ᒥᓯᐛ ᐛᔪᐛ ᐊᓐᑕ ᐅᑕᓇᒡ ᒐ ‍ ᓂᐳᒥᒋᓱᓇᓂᒐᑦ᙮
\v 23 ᒥᒄ ᐊᓂᔭ ᑕᐱᔅᑲᔨᒡ, ᓚᐸᓐ ᒋ ‍ ᐅᑎᓇᐤ ᐅᑕᓂᓴ ᓕᐊᔨᒋ ᑭᔭ ᐊ ‍ ᐃᑐᑐᐛᑦ ᒐᑭᐸ ᑭᔭ ᒐᑭᑉ ᒂ ‍ ᐎᐸᒪᑦ᙮
\v 24 ᓚᐸᓐ ᐃᔭᐱᒡ ᒋ ‍ ᐅᑎᓇᐤ ᐅᑯᐸᓇᔎᒪ ᓯᓪᐸ ᑭᔭ ᐅᑕᓂᓴ ᓕᐊᔨᒋ ᒋ ‍ ᒥᔭᐤ ᒐ ‍ ᐅᑯᐸᓇᔎᒥᔨᒋ᙮
\p
\v 25 ᒥᓐ ᒐ ‍ ᒋᓴᐸᔭᔨᒡ ᒐᑭᑉ ᐛᓂᑦ ᒋ ‍ ᐛᐱᒪᐤ ᓕᐊᔨᒋ ᐛᐸᒥᑯᑦ᙮ ᒋ ‍ ᓂᑐᐛᐱᒪᐤ ᒐᑭᑉ ᓚᐸᓇ ᑭᔭ ᒋ ‍ ᐃᑕᐤ᙮ “ᓇᒪ ᓂ ‍ ᒥᔽᔨᑕᓐ ᑲ ‍ ᐃᑐᑎᒥᓐ᙮ ᓂᔄᐅᑕᒡ ᑕᑐᐳᓇ ᔅᒋ ‍ ᐊᑐᔅᒐᔅᑕᑎᓐ ᕋᐃᒍᓪ ᒐᒋ ᐎᒋᒥᒃ, ᒥᒄ ᓕᐊ ᔅᒋ ‍ ᒥᔨᓐ᙮ ᒐᒂᓐ ᐛᒋ ‍ ᐎᔭᓯᒥᔨᓐ ?”
\p
\v 26 ᒥᒄ ᓚᐸᓐ ᐃᑕᐤ, “ᓇᒪ ᒋ ‍ ᒥᔨᑎᓐ ᐛᔅᑎᓂᒋᔎᐅᑦ ᓂᑕᓂᔅ, ᐅᑕ ᓂᑦ ᐊᔅᒋᓇᒡ ᒐᓴᐃᔎᐎᔨᒋ ᐊᐛᓐ ᐅᑕᓂᓴ ᒋᑭ ‍ ᐎᓂᐳᐛᐤ ᐊᒺᔭ ᐛᔅᑎᓂᒋᔎᐅᔨᒋ᙮
\v 27 ᐊᓱᐛᐸᑕ ᐸᑎᒪ ᐃᔎᐱᒐ ᐅ ᐅᔅᒋᓂᐳ-ᒥᓇᔅᑕᑭᓐ᙮ ᐊᑯ ᒐ ‍ ᒥᔨᑕᓐ ᒐᒋ ᐎᒋᒥᑦ ᕋᐃᒍᓪ, ᒥᒄ ᓂᔄᐅᑕᒡ ᑕᑐᐳᓇ ᒥᓐ ᒋᑭ ᐎ ‍ ᐊᑐᔅᒐᔅᑐᐅᓐ᙮”
\p
\v 28 ᒋ ‍ ᓂᔅᑯᒧᐤ ᒐᑭᑉ ᑭᔭ ᐃᔅᐱ ᐊᔎᐱᔨᒡ ᐅᔅᒋᓂᐳ-ᒥᓇᔅᑕᑭᓂᔪᐤ, ᓚᐸᓐ ᒋ ‍ ᒥᔭᐤ ᒐᑭᐸ ᐅᑕᓂᓴ ᕋᐃᒍᓚ ᒐᒋ ᐎᒋᒪᔨᒋ᙮
\v 29 ᒋ ‍ ᑭᓄᐛᔨᒪᐤ ᓚᐸᓐ ᐃᔎᐤ ᐊᐱᒋᐊᑭᓇ ᐱᓚ ᑲ ‍ ᐃᓯᓂᐧᑲᓱᔨᒋ᙮ ᕋᐃᒍᓚ ᒋ ‍ ᒥᔭᐤ ᒐ ‍ ᐊᑐᔅᒐᔅᑕᑯᔨᒋ᙮
\v 30 ᒐᑭᑉ ᐃᔭᐱᒡ ᒋ ‍ ᐎᐸᒪᐤ ᕋᐃᒍᓚ ᑭᔭ ᐊᑎᑐᐤ ᒋ ‍ ᓴᒋᐊᐤ ᕋᐃᒍᓚ ᐃᔅᐱᔅ ᓕᐊᔨᒋ᙮ ᑲᒋ ‍ ᐎᒋᒪᑦ ᒐᑭᑉ ᕋᐃᒍᓚ, ᓂᔄᐅᑕᒡ ᑕᑐᐳᓇ ᒥᓐ ᒋ ‍ ᐊᑐᔅᒐᔅᑐᐛᐤ ᓚᐸᓇ᙮
\s1 ᒐᑭᑉ ᐎᐛ ᑭᔭ ᐅᑦ ᐊᐛᓯᒧᐛᐛ
\p
\v 31 ᐃᔅᐱ ᐎᔭᐱᒪᑦ ᐅᑎᐸᔨᒋᒐᐤ ᐊᑲ ᓴᒋᐊᑭᓄᔨᒋ ᓕᐊᔨᒋ, ᒋ ‍ ᐃᑐᑐᐛᐤ ᒐᒋ ᐊᓱᐛᐱᒪᐅᓯᔨᒋ᙮ ᒥᒄ ᕋᐃᒍᓪ ᓇᒪ ᐅᒋ ᐊᓱᐛᐱᒪᐅᓱᐤ᙮
\v 32 ᐊᑯ ᓕᐊ ᒋ ‍ ᐊᓱᐛᐱᒪᐅᓱᐤ ᑭᔭ ᒂ ‍ ᑕᔨᒋ ᐅᑯᓴ᙮ ᒂ ‍ ᐃᔅᒋᔄᑦ, “ᓂᒋ ‍ ᐛᐱᒥᒄ ᐅᑎᐸᔨᒋᒐᐤ ᐊᑲ ᐅᒋ ᒥᔽᔨᑎᒧᒡ ᑭᔭ ᓂᒋ ‍ ᒥᔨᒄ ᐅᑯᓯᒪᐛ᙮ ᐊᓄᒡ ᓂᑭ ‍ ᓴᒋᐃᒄ ᓂᐎᒋᒪᑭᓐ᙮” ᐊᑯ ᕈᐱᓐ ᒂ ‍ ᐃᓯᓂᐧᑲᑕᑦ ᐅᑯᓴ᙮
\p
\v 33 ᒥᓐ ᒋ ‍ ᐊᓱᐛᐱᒪᐅᓱᐤ ᑭᔭ ᒂ ‍ ᑕᔨᒋ ᑯᑎᑲ ᐅᑯᓴ᙮ ᒂ ‍ ᐃᔅᒋᔄᑦ, “ᐅᑎᐸᔨᒋᒐᐤ ᐃᔭᐱᒡ ᓂᒋ ‍ ᒥᔨᒄ ᐅᔭ ᐅᑯᓯᒪᐛ, ᐛᔅ ᒋ ‍ ᐸᑎᒻ ᐊᑲ ᓴᒋᐃᑯᐅᐎᒡ᙮” ᐊᑯ ᓯᒥᐅᓐ ᒂ ‍ ᐃᓯᓂᐧᑲᑕᑦ ᐅᑯᓴ᙮
\p
\v 34 ᒥᓐ ᐸᐃᒂᐤ ᒋ ‍ ᐊᓱᐛᐱᒪᐅᓱᐤ ᑭᔭ ᒋ ‍ ᑕᔪᐛ ᑯᑎᑲ ᐅᑯᓴ᙮ ᒂ ‍ ᐃᔅᒋᔄᑦ, “ᐊᓄᒡ ᓂᑭ ‍ ᓴᒋᐃᒄ ᓂᐎᒋᒪᑭᓐ ᐛᔅ ᓂᔅᑐ ᐅᑯᓯᒪᐛ ᓂᒋ ‍ ᒥᔭᐤ᙮” ᐊᑯ ᓕᐸᐃ ᒂ ‍ ᐃᓯᓂᐧᑲᑕᑦ ᐅᑯᓴ᙮
\p
\v 35 ᓕᐊ ᒥᓐ ᐸᐃᒂᐤ ᒋ ‍ ᐛᐱᒪᐅᓱᐤ᙮ ᓇᐸᓴ ᐃᔭᐱᒡ ᒋ ‍ ᑕᔪᐛ ᑭᔭ ᒂ ‍ ᐃᔅᒋᔄᑦ, “ᐊᓄᒡ ᓂᑭ ‍ ᒪᒥᒋᒪᐤ ᐅᑎᐸᔨᒋᒐᐤ᙮” ᐊᑯ ᒍᑕ ᒋ ‍ ᐃᓯᓂᐧᑲᑕᐤ᙮ ᑲᒋ ‍ ᑕᔨᒋ ᒍᑕᔨᒋ, ᒂ ‍ ᐳᓂᐱᔨᒡ ᐊ ‍ ᐅᑦ ᐊᐛᓯᒥᑦ᙮
\c 30
\s1 ᑲ ‍ ᓂᓯᔨᒋ ᐅᑯᓴ ᕋᐃᒍᓪ ᐱᓚᔨᒋ ᐅᒡ
\p
\v 1 ᐃᔅᐱ ᒐᔅᒐᔨᑕᐧᒃ ᕋᐃᒍᓪ ᐊᑲ ᒋ ‍ ᓂᑕᐅᒋᐃᒪᑦ ᒐᑭᐸ ᐅᑦ ᐊᐛᓯᒥᔪᐛ, ᒋ ‍ ᐅᑕᔨᒪᐤ ᐎᐧᑲᓂᓴ ᓕᐊᔨᒋ᙮ ᒂ ‍ ᐃᑕᑦ ᒐᑭᐸ᙮ “ᐸᒋ ‍ ᒥᔾ ᐊᐛᓯᒡ ᑭᔭ ᒪᒃ ᓂᑭ ‍ ᐳᓂᐱᒪᑎᓯᓐ !”
\p
\v 2 ᒐᑭᑉ ᒋ ‍ ᐃᑕᐤ ᐊᒋᓯᒧᑦ, “ᒐᒂᓐ ᓂᐸ ᒋ ‍ ᐃᑐᑕᓐ ? ᒋᓴᒪᓂᑐᐤ ᒥᒄ ᒋ ‍ ᒥᔨᐛᐤ ᐊᐛᓴ᙮ ᐎᔾ ᓇᒪ ᒋ ‍ ᓇᐃᒥᒄ ᒐᒋ ᐅᑦ ᐊᐛᓯᒧᐅᑦ᙮”
\p
\v 3 ᕋᐃᒍᓪ ᒂ ‍ ᐃᑕᑦ, “ᒋᑭ ‍ ᒥᔨᑎᓐ ᐱᓚ ᓂᑯᐸᓇᔎᒻ, ᒐ ‍ ᐎᐸᒥᑦ ᐊᑯ ᒐᒋ ᑭᓄᐛᔨᒥᒄ ᐊᐛᔅ ᐎᔾ ᐅᒡ᙮”
\p
\v 4 ᐊᑯ ᕋᐃᒍᓪ ᒂ ‍ ᒥᔭᑦ ᒐᑭᐸ ᐅᑯᐸᓇᔎᒪ ᐱᓚᔨᒋ ᒧᔭᒻ ᐎᐛ ᑭᔭ ᒂ ‍ ᐎᐸᒪᑦ ᒐᑭᑉ ᐱᓚᔨᒋ᙮
\v 5 ᒋ ‍ ᐊᓱᐛᐱᒪᐅᓱᐤ ᐱᓚ ᑭᔭ ᒂ ‍ ᓂᑕᐅᒋᐊᑦ ᐅᑯᓯᒪᐛ᙮
\v 6 ᕋᐃᒍᓪ ᒂ ‍ ᐃᔅᒋᔄᑦ, “ᒋ ‍ ᐛᐸᑎᔨᐛᐤ ᒋᓴᒪᓂᑐᐤ ᑲ ‍ ᑕᑈᐅᒡ᙮ ᒋᔅᒐᔨᑎᒻ ᑲ ᐃᓯ ‍ ᐱᑯᓴᔨᒧᐅᒡ ᑭᔭ ᓂᒋ ‍ ᒥᔨᒄ ᐅᑯᓯᒪᐛ᙮” ᐊᑯ ᑕᐊᓐ ᒂ ‍ ᐃᓯᓂᐧᑲᑕᑦ ᐊᓂᔭ ᓇᐸᓴ᙮
\p
\v 7 ᓇᓇᒐ ᐱᓚ ᒥᓐ ᒋ ‍ ᐊᓱᐛᐱᒪᐅᓱᐤ ᑭᔭ ᒋ ‍ ᓂᑕᐅᒋᐃᒪᐤ ᑯᑎᑲ ᒐᑭᐸ ᐅᑯᓯᔪᐛ᙮
\v 8 ᐊᑯ ᒂ ‍ ᐃᔅᒋᔄᑦ ᕋᐃᒍᓪ, “ᓂᒋ ‍ ᒪᓯᐊᐤ ᓂᐧᑲᓂᔅ ᒐᒋ ᐅᑎᑎᒧᒡ ᒋᓴᒪᓂᑐᐤ ᐅᐎᒋᐃᐛᐅᓐ ᑭᔭ ᓂᒋ ‍ ᑲᓂᔪᓐ᙮” ᐊᑯ ᓇᑉᑕᓕ ᒂ ‍ ᐃᓯᓂᐧᑲᑕᑦ ᐊᐛᓴ᙮
\s1 ᑲ ‍ ᓂᓯᔨᒋ ᐅᑯᓴ ᓕᐊ ᓯᓪᐸ ᐅᒡ
\p
\v 9 ᑲᒋ ‍ ᓇᐅᔨᒋ ᓕᐊ ᐅᑦ ᐊᐛᓯᒪ, ᒋ ‍ ᐳᓂᐱᔪᐤ ᐊ ‍ ᐅᑦ ᐊᐛᓯᒥᑦ᙮ ᐊᑯ ᒂ ‍ ᒥᔭᑦ ᒐᑭᐸ ᐅᑯᐸᓇᔎᒪ ᓯᓪᐸᔨᒋ ᒧᔭᒻ ᐎᐛ᙮
\v 10 ᐊᑯ ᓯᓪᐸ ᒂ ‍ ᓂᑕᐅᒋᐊᑦ ᐅᑯᓯᒪᐛ ᒐᑭᑉ ᐊ ‍ ᐅᑕᐎᒪᐅᑦ᙮
\v 11 ᒂ ‍ ᐃᔅᒋᔄᑦ ᓕᐊ, “ᓂᒋ ‍ ᒥᔪᐱᔨᓐ” ᐊᑯ ᑲᑦ ᒂ ‍ ᐃᓯᓂᐧᑲᑕᑦ ᐅᑯᓴ᙮ “ᒥᔪᐱᔪᐤ” ᐊ ‍ ᐃᑥᒥᑲᒡ᙮
\p
\v 12 ᓇᓇᒐ ᑯᑎᑲ ᒋ ‍ ᑕᔪᐛ ᐅᑯᓴ ᓯᓪᐸ ᒐᑭᑉ ᐊ ‍ ᐅᑕᐎᒪᐅᑦ᙮
\v 13 ᐊᓱᕐ ᒂ ‍ ᐃᓯᓂᐧᑲᑕᑦ ᐊᐛᓴ ᓕᐊ᙮ “ᒥᔽᔨᑎᒻ” ᐊ ‍ ᐃᑥᒥᑲᒡ᙮ ᒂ ‍ ᐃᔅᒋᔄᑦ, “ᒋᒋᐛ ᓂ ‍ ᒥᔽᔨᑕᓐ᙮ ᑯᑎᑭᒡ ᐃᔎᐅᒡ ᒋᑭ ‍ ᑎᐸᒋᒧᐅᒡ ᐊᔅᐱᔅ ᒥᔽᔨᑎᒧᒡ᙮”
\s1 ᓕᐊ ᑲ ‍ ᓂᓯᔨᒋ ᐅᑯᓴ ᑭᔭ ᑲ ‍ ᐅᑕᓂᓯᑦ
\p
\v 14 ᐸᐃᒂᐤ ᒐᓯᑲᔨᒡ, ᐃᔅᐱ ᐛᑎᒋᐱᒡ ᐃᔪᒡ ᑲ ‍ ᒪᐅᑕᒡ ᐸᒂᓯᑭᓂᒥᓇ, ᕈᐱᓐ ᒋ ‍ ᐃᑐᑕᐤ ᓂᑕᐅᒋᑕᑭᓂᒡ ᑭᔭ ᒋ ‍ ᒥᔅᑭᒻ ᓂᑕᐅᒋᑕᑭᓇ ᐊᓂᔭ ᐃᔎᐅᒡ ᒪᒋᒡ ᒐᒋ ᐎᒋᐃᑯᒡ ᒐᒋ ᐊᓱᐛᐱᒪᐅᓱᐅᒡ᙮ ᒂ ‍ ᐃᑐᑐᐛᑦ ᐅᑲᐎᔭ ᓕᐊᔨᒋ᙮ ᒋ ‍ ᐛᐸᑎᒺᐤ ᕋᐃᒍᓪ ᑭᔭ ᒋ ‍ ᐃᑕᐤ, “ᐸᒋ ‍ ᒥᔾ ᐊᓂᔭ ᐱᔅᒐ ᒋᑯᔅ ᑲ ‍ ᒥᔅᑲᐧᒃ ᓂᑕᐅᒋᑕᑭᓇ᙮”
\p
\v 15 ᓕᐊ ᒋ ‍ ᐃᑕᐤ, “ᓇᒪ ᓇ ᐃᔅᐱᔪᐤ ᓴᔅ ᑲᒋ ‍ ᐅᑎᓂᑦ ᓂᐎᒋᒪᑭᓐ ? ᐊᓄᒡ ᐃᔭᐱᒡ ᒋ ᐎ ‍ ᐅᑎᓂᒺᓐ ᓂᑯᔅ ᐅᓂᑕᐅᒋᑕᑭᓇ᙮” ᕋᐃᒍᓪ ᐃᑕᐤ, “ᒥᔨᓇ ᒋᑯᔅ ᐅᓂᑕᐅᒋᑕᑭᓇ, ᒐ ‍ ᐎᐸᒥᑦ ᒐᑭᑉ ᐊᓄᒡ ᒐ ‍ ᑎᐱᔅᑲᔨᒡ᙮” ᐊᑯ ᓕᐊ ᒂ ‍ ᓇᐃᑕᐧᒃ᙮
\p
\v 16 ᓇᓇᒐ ᐛᑕᑯᓯᔨᒡ, ᐃᔅᐱ ᒐᑭᑉ ᑕᑯᓯᐧᒃ ᑲ ‍ ᐊᑐᔅᒐᑦ ᓂᑕᐅᒋᑕᑭᓂᒡ ᐅᒡ, ᒋ ‍ ᓇᒋᓂᒋᔅᑯᐛᐤ ᓕᐊ ᑭᔭ ᒋ ‍ ᐃᑕᐤ, “ᒋᑭ ‍ ᐎᐸᒥᓐ ᐊᓄᒡ ᒐ ‍ ᑎᐱᔅᑲᒡ, ᐛᔅ ᓂᑯᔅ ᐅᓂᑕᐅᒋᑕᑭᓇ ᓂᒋ ‍ ᒋᓯᐧᑲᓱᐛᒐᐛᓐ ᒐᒋ ᐎᐸᒥᔨᓐ᙮” ᐊᑯ ᒐᑭᑉ ᒂ ‍ ᐎᐸᒪᑦ ᓕᐊᔨᒋ ᑕᐱᔅᑲᔨᒡ᙮
\p
\v 17 ᒋᔅᒐᔨᒪᐤ ᒋᓴᒪᓂᑐᐤ ᐊᑲ ᐅᒋ ᒥᔽᔨᑎᒥᔨᒋ ᓕᐊᔨᒋ ᐊᑯ ᒂ ‍ ᐃᑐᑐᐛᑦ ᒐᒋ ᓂᑕᐅᒋᐊᔨᒋ ᐊᐛᓴ, ᒂ ‍ ᐊᓱᐛᐱᒪᐅᓱᑦ ᑭᔭ ᒋᓄᑯᐃᒪᐤ ᒪᒃ ᒐᑭᐸ ᐅᑯᓯᔪᐛ᙮
\v 18 ᓕᐊ ᒋ ‍ ᐃᔅᒋᔄᐤ, “ᓂᒋ ‍ ᑎᐸᐊᒪᒄ ᒋᓴᒪᓂᑐᐤ ᑲᒋ ‍ ᒥᔨᒃ ᓂᐎᒋᒪᑭᓐ ᓂᑯᐸᓇᔎᒪ᙮” ᐊᑯ ᐃᓴᑲᕐ ᒂ ‍ ᐃᓯᓂᐧᑲᑕᑦ ᐅᑯᓴ᙮
\p
\v 19 ᓇᓇᒐ ᒥᓐ ᒋ ‍ ᐊᓱᐛᐱᒪᐅᓱᐤ ᓕᐊ ᑭᔭ ᒂ ‍ ᓂᑕᐅᒋᐃᒪᑦ ᒐᑭᐸ ᐊᓱᑕᒡ ᐅᑯᓯᔪᐛ᙮
\v 20 ᒂ ‍ ᐃᔅᒋᔄᑦ ᓕᐊ, “ᓂᒋ ‍ ᒥᔨᒄ ᒋᓴᒪᓂᑐᐤ ᒥᔪ ‍ ᒥᔨᐛᐅᓂᔪᐤ᙮ ᐊᓄᒡ ᓂᑭ ‍ ᐅᑎᓄᒄ ᓂᐎᒋᒪᑭᓐ ᐛᔅ ᐊᓱᑕᒡ ᐅᑯᓯᒪᐛ ᓂᒋ ‍ ᒥᔭᐤ,” ᐊᑯ ᓴᐳᓕᓐ ᒂ ‍ ᐃᓯᓂᐧᑲᑕᑦ ᐅᑯᓴ᙮
\p
\v 21 ᓇᓇᒐ ᒋ ‍ ᓂᑕᐅᒋᐊᐤ ᐅᑕᓂᓯᒪᐛ ᓕᐊ, ᑕᐃᓇ ᒋ ‍ ᐃᓯᓂᐧᑲᑕᐤ᙮
\s1 ᐅᑯᓱᐤ ᕋᐃᒍᓪ
\p
\v 22 ᐊᑯ ᒋᓴᒪᓂᑐᐤ ᒂ ‍ ᒋᔅᒋᑐᐛᑦ ᕋᐃᒍᓚ; ᒋ ‍ ᒥᔭᐤ ᑲ ᐃᓯ ‍ ᓂᑐᑎᒪᔨᒋ ᑭᔭ ᒋ ‍ ᐃᑐᑐᐛᐤ ᒐᒋ ᓂᑕᐅᒋᐊᔨᒋ ᐊᐛᓴ᙮
\v 23 ᒋ ‍ ᐊᓱᐛᐱᒪᐅᓱᐤ ᑭᔭ ᒋ ‍ ᓂᑕᐅᒋᐊᐤ ᐅᑯᓯᒪᐛ᙮ ᒂ ‍ ᐃᔅᒋᔄᑦ, “ᓂᒋ ‍ ᒥᒋᐛᐎᑯᒡ ᐃᔪᒡ ᐛᔅ ᐊᑲ ᐅᒋ ᐅᑦ ᐊᐛᓯᒧᐅᒡ᙮ ᐊᓄᒡ ᑲᒋ ‍ ᒥᔨᑦ ᒋᓴᒪᓂᑐᐤ ᐅᑯᓯᒪᐛ, ᓂᑭ ‍ ᒋᔅᑕᔨᒥᑯᒡ ᐃᔪᒡ᙮”
\v 24 ᒍᓯᑉ ᒋ ‍ ᐃᓯᓂᐧᑲᑕᐤ ᐅᑯᓴ ᕋᐃᒍᓪ ᑭᔭ ᒂ ‍ ᐃᔅᒋᔄᑦ, “ᑭᒪ ᒥᔨᑦ ᐅᑎᐸᔨᒋᒐᐤ ᑯᑎᑲ ᐅᑯᓯᒪᐛ᙮”
\s1 ᑲ ‍ ᒥᒐᑎᔨᒋ ᒐᑭᑉ ᐅᑦ ᐊᐛᓯᓯᒪ
\p
\v 25 ᑲᒋ ‍ ᐃᔪᑦ ᒍᓯᑉ, ᒐᑭᑉ ᒋ ‍ ᐃᑕᐤ ᓚᐸᓇ, “ᓇᐃᒥ ᒐᒋ ᔅᑐᑕᔭᓐ, ᐊᑯ ᒪᒃ ᒐᒋ ᑲᐤ ᒋᐛᔭᓐ᙮”
\v 26 ᑭᔭ ᒋ ‍ ᐃᑕᐤ, “ᒋᔅᒐᔨᑕᓐ ᑲ ‍ ᐃᔅᐱᔅ ᒥᔪ ‍ ᐊᑐᔅᒐᔅᑕᑕᓐ᙮ ᓂᒋ ‍ ᒋᔅᑕᓐ ᒥᓯᐛ ᐊᑐᔅᒐᐅᓐ ᑲ ‍ ᓂᔅᑯᒧᔭᓐ ᒐᒋ ᐃᑐᑎᒪᓐ ᓂᐅᒡ ᑭᔭ ᓂᑦ ᐊᐛᓯᒥᒡ ᐅᒡ᙮ ᐊᓄᒡ ᒋ ‍ ᑯᒂᒋᒥᑎᓐ, ᓇᐃᒥ ᒐᒋ ᐅᑎᓂᒂᐤ ᑭᔭ ᒐ ‍ ᒋᐛᔭᓐ᙮”
\p
\v 27 ᓚᐸᓐ ᐃᑕᐤ, “ᐊᑕ ᐅᑕ ᐊ ‍ ᑕᔭᓐ, ᓂᒋ ‍ ᓂᔅᑐᑎᒺᓐ ᐅᒋᔅᒋᓄᐛᒡ ᐛᐸᑎᔨᐛᐅᓇ ᑭᔭ ᓂᒋ ‍ ᒥᔅᑭᒺᓐ ᐊᒋ ‍ ᐸᑐᐅᑦ ᒥᔪᐱᐅᓂᔪᐤ ᐅᑎᐸᔨᒋᒐᐤ ᒋᔭ ᐅᒡ,
\v 28 ᐊᑯ ᐎᑎᒧᐎ ᑕᓐ ᒋᐸ ᐃᔅᐱᔅ ᒋᓯᐧᑲᑎᓐ ᑕᐃᓇ ᐅᑕ ᐊ ‍ ᑕᔭᓐ ?”
\p
\v 29 ᐊᑯ ᒐᑭᑉ ᐊᑕᑦ, “ᒋᔅᒐᔨᑕᓐ ᑲ ᒥᔪ ‍ ᐊᑐᔅᒐᔅᑕᑕᓐ᙮ ᒂ ‍ ᒥᒐᑎᒡ ᒋᑦ ᐊᐛᓯᓯᒥᒡ ᒪᒂᒡ ᑲ ‍ ᑭᓄᐛᔨᒥᒂᐤ᙮
\v 30 ᓇᒪ ᐅᒋ ᒥᒐᑐᐅᒡ ᒋᑦ ᐊᐛᓯᓯᒥᒡ ᐊᒺᔭ ᐅᒋ ᑎᑯᓯᓂᔭᓐ᙮ ᐊᓄᒡ ᒥᒐᑦ ᒋ ‍ ᑭᓄᐛᔨᒪᐅᒡ ᐊᐛᓯᓯᒡ ᑭᔭ ᔅᒋ ‍ ᒥᔪᑐᑕᒄ ᐅᑎᐸᔨᒋᒐᐤ ᑕᓐᑕ ᒥᒄ ᐊᑎ ‍ ᐃᑕᐅᒡ᙮ ᔅᒋ ‍ ᐊᑐᔅᒐᔅᑕᑎᓐ ᐊᓐᑕ ᐸᒡ ᐅᑕᒡ, ᐊᓄᒡ ᓂ ᐎ ‍ ᐅᑎᓂᒧᐛᐅᒡ ᓂᐅᒡ ᑭᔭ ᓂᑦ ᐊᐛᓯᒥᒡ᙮”
\p
\v 31 ᐊᑯ ᓚᐸᓐ ᑲ ‍ ᑯᒂᒋᒪᑦ, “ᑕᓐ ᒐ ᐃᔅᐱᔅ ‍ ᒋᓯᐧᑲᑕᓐ ?” ᒐᑭᑉ ᒋ ‍ ᐃᑕᐤ, “ᐊᑲ ᒋᓯᐧᑯᐎ ᒐᒂᓐ᙮ ᒥᒄ ᐅ ᐃᑐᑎᒧᐎᓇ ᐸᐃᒄ ᒐᒂᓐ᙮ ᒥᓐ ᓂᑭ ‍ ᓯᒪᐅᒡ ᑭᔭ ᓂᑭ ‍ ᑭᓄᐛᔨᒪᐅᒡ ᒋᑦ ᐊᐛᓯᓯᒥᒡ᙮
\v 32 ᓇᐃᒥ ᒐᒋ ᐛᐛᐱᒥᒂᐤ ᒥᓯᐛ ᒋᑦ ᐊᐛᓯᓯᒥᒡ ᐊᓄᒡ ᑭᔭ ᓂᑭ ‍ ᐅᑎᓇᐅᒡ ᒥᓯᐛ ᑲ ‍ ᐎᐱᓯᒡ ᒪᔭᑕᓂᓯᒡ ᑭᔭ ᒥᓯᐛ ᐊ ‍ ᐸᐸᑕᐅᓯᒡ ᒥᔅᑐᓯᒡ᙮ ᒐ ‍ ᒥᔨᓐ ᐊᓐᒡ ᒧᔭᒻ ᒋᓯᐧᑲᑐᐅᓐ᙮
\v 33 ᓂᑲᓄᒡ ᐛᓂᔅᒐ ᒋᑭ ‍ ᒋᔅᒐᔨᑕᓐ ᑲ ‍ ᒥᔪᐃᑕᑎᓯᐛᓇ᙮ ᒥᔅᑯᐅᑥᐛ ᒥᔅᑐᓯᒡ ᐊᑲ ᐸᐸᑕᐅᓯᒡ ᑭᔭ ᒪᒃ ᐊᑲ ᐎᐱᓯᒡ ᒪᔭᑕᓂᓯᒡ, ᒋᑭ ‍ ᒋᔅᒐᔨᑕᓐ ᐊᓐᒡ ᑲᒋ ‍ ᒋᒧᑎᒪᑕᓐ᙮”
\v 34 ᓚᐸᓐ ᒋ ‍ ᐃᑕᐤ, “ᓂᓂᔅᑯᒧᓐ, ᑐᑕ ᐊᔅᒋᔄᔨᓐ᙮”
\p
\v 35 ᒥᒄ ᐊᓂᔭ ᐸᐃᑯᑕᐤ ᒋᓯᑯᔪᐤ ᓚᐸᓐ ᒋ ‍ ᐅᑎᓇᐤ ᒥᓯᐛ ᑲ ‍ ᐸᐸᑕᐅᓯᔨᒋ ᓇᐸ ᒥᔅᑐᓴ ᑭᔭ ᒥᓯᐛ ᑲ ‍ ᐸᐸᑕᐅᓯᔨᒋ ᓄᓴ ᒥᔅᑐᓴ, ᑭᔭ ᒪᒃ ᒥᓯᐛ ᑲ ‍ ᐎᐱᓯᔨᒋ ᒪᔭᑕᓂᓴ ᑭᔭ ᒂ ‍ ᐃᑕᑦ ᐅᑯᓴ ᒐᒋ ᑭᓄᐛᔨᒪᔨᒋ᙮
\v 36 ᒋ ‍ ᒥᔭᐤ ᐅᑯᓴ ᐊᐛᓯᓴ ᓂᔅᑐ ᒋᓯᑲᐛ ᐊᔅᐱᓴᔨᒡ ᒐᒋ ᐃᑐᑕᔨᒋ ᑭᔭ ᒋ ‍ ᓂᑭᑕᑭᓄᐤ ᒐᑭᑉ ᒐᒋ ᑭᓄᐛᔨᒪᑦ ᐊᔅᑯᐱᔨᒋ ᓚᐸᓇ ᐅᑦ ᐊᐛᓯᓯᒥᔪᐛ᙮
\p
\v 37 ᒋ ‍ ᒋᑲᑐᐛᐛᐤ ᒐᑭᑉ ᓂᔅᑐᐎᒡ ᐊᓯᓇᑯᓯᔨᒋ ᒥᔅᑎᒂ ᑭᔭ ᐱᔅᒐ ᒋ ‍ ᐳᓯᒋᐱᑕᐤ ᓯᑕᑯᓇ ᒐᒋ ᒋᐧᑲᓇᑯᓯᔨᒋ᙮
\v 38 ᐊᑯ ᒐᑭᑉ ᒂ ‍ ᐊᔭᑦ ᐊᓂᔭ ᑲ ‍ ᐳᓯᒋᐱᑕᑦ ᓯᑕᑯᓇ ᐅᐱᒪ ᐊᓐᑕ ᐊᐛᓯᓴ ᐅᓂᐱᔾ ᐎᔭᑭᓂᔨᒡ ᒐᒋ ᐛᐱᒪᔨᒋ ᓚᐸᓇ ᐅᑦ ᐊᐛᓯᓯᒥᔪᐛ ᐃᔅᐱ ᓇᒋᒥᓂᔨᒐᓂ, ᐛᔅ ᒋ ‍ ᐎᓴᑯᐅᒡ ᒥᔅᑐᓯᒡ ᓂᔭᒋᒥᓂᑥᐎ᙮
\v 39 ᐊᑯ ᐃᔅᐱ ᑲ ‍ ᐎᓴᑯᒡ ᒥᔅᑐᓯᒡ ᐊᓐᑕ ᓂᑲᓐ ᑲ ‍ ᐱᔨᒋ ᓯᑕᑯᓇ, ᒋ ‍ ᐸᐸᑕᐅᓯᐅᒡ ᐊᓐᒡ ᑲ ‍ ᐃᔪᐅᒡ ᒥᔅᑐᓯᓯᒡ᙮
\p
\v 40 ᒋ ‍ ᑎᐸᓇᐊᐤ ᒐᑭᑉ ᒪᔭᑕᓂᓴ ᑭᔭ ᒥᔅᑐᓴ ᑭᔭ ᒂ ‍ ᐃᑐᑐᐛᑦ ᐊᐛᓯᓴ ᒐᒋ ᐃᓯᑲᐳᐎᔨᒋ ᐊᓐᑕ ᐃᑕᒐ ᑲ ‍ ᐎᐱᓯᔨᒋ ᑭᔭ ᑲ ‍ ᐸᐸᑕᐅᓯᔨᒋ ᓚᐸᓇ ᐅᑦ ᐊᐛᓯᓯᒥᔪᐛ ᐊ ‍ ᑕᔨᒋ, ᑎᐸᓐ ᒂ ‍ ᑎᔭᑦ ᐅᑦ ᐊᐛᓯᓯᒪ᙮
\p
\v 41 ᐃᔅᐱ ᐛᐎᓴᑯᑥᐎ ᐊ ‍ ᐎᔪᐅᒡ ᐊᐛᓯᓯᒡ, ᒐᑭᑉ ᓂᑲᓐ ᐊᐛᓯᓴ ᐊ ‍ ᐃᑕᔨᒋ ᒋ ‍ ᐊᔨᒪᐤ ᓯᑕᑯᓇ᙮
\v 42 ᒥᒄ ᓇᒪ ᐅᒋ ᐃᑐᑐᐛᐤ ᐊᑲ ᐎᔪᔨᒋ ᐊᐛᓯᓴ, ᐊᑯ ᐊᑲ ᐎᔪᔨᒋ ᓚᐸᓐ ᒋ ‍ ᑎᐸᔨᒪᐤ ᑭᔭ ᐊ ‍ ᐎᔪᔨᒋ ᒐᑭᑉ ᒋ ‍ ᑎᐸᔨᒪᐤ᙮
\v 43 ᒋ ‍ ᐛᔪᑎᓯᐤ ᒐᑭᑉ, ᒥᒐᑦ ᒋ ‍ ᑭᓄᐛᔨᒪᐤ ᒪᔭᑕᓂᓴ ᑭᔭ ᒥᔅᑐᓴ, ᑲᐱᔎᐅᑭᓂᔨᒋ, ᑲᓂᐧᑲᑎᓯᔨᒋ ᑲᐸᐃᑭᔎᐛ, ᐃᔎᐤ ᐊᑐᔅᒐᔭᑭᓇ ᑭᔭ ᓇᐸᐤ ᐊᑐᔅᒐᔭᑭᓇ᙮
\c 31
\s1 ᒐᑭᑉ ᑲ ‍ ᓂᑭᑕᑦ ᓚᐸᓇ
\p
\v 1 ᒐᑭᑉ ᒋ ‍ ᐸᑎᒻ ᑲ ‍ ᐃᔅᒋᔄᔨᒋ ᓚᐸᓇ ᐅᑯᓯᔪᐛ, “ᒥᓯᐛ ᒐᒂᓂᔪᐤ ᒐᑭᑉ ᒋ ‍ ᐅᑎᓂᒺᐤ ᒍᑕᐎᓄᐛ ᑲ ‍ ᑎᐸᔨᑎᒥᔨᒋ᙮ ᒋ ‍ ᐛᔪᑎᓯᐛᒐᐛᐤ ᒍᑕᐎᓄᐛ ᑲ ‍ ᑎᐸᔨᑎᒥᔨᒋ᙮”
\v 2 ᒋ ‍ ᒋᔅᒐᔨᒪᐤ ᒐᑭᑉ ᐊᑲ ᒥᔪᐃᑕᔨᒥᑯᑦ ᓚᐸᓇ ᒧᔭᒻ ᐅᔅᑭᒡ ᑲ ‍ ᐃᑐᑕᑯᑦ᙮
\p
\v 3 ᐊᑯ ᐅᑎᐸᔨᒋᒐᐛ ᒂ ‍ ᐃᑎᑯᑦ, “ᑲᐤ ᐊᓐᑕ ᒐ ‍ ᐃᑐᑕᔨᓐ ᑲ ‍ ᐎᒋᒡ ᒋᑦ ᐊᓂᔅᑯᑕᐸᓐᒡ, ᐊᓐᑕ ᐊᓄᒡ ᐛᒋᒡ ᒋᐧᑲᓂᓯᒡ᙮ ᓂᑦ ᐊᓱᑎᒪᒐᓐ ᒐ ‍ ᑭᓄᐛᔨᒥᑕᓐ᙮”
\p
\v 4 ᐊᑯ ᒐᑭᑉ ᒋ ‍ ᐃᑎᓴᐛᐤ ᐅᑦ ᐊᐱᒋᐊᑭᓇ ᒐᒋ ᐎᑎᒧᐛᔨᒋ ᕋᐃᒍᓚ ᑭᔭ ᓕᐊᔨᒋ ᒐᒋ ᑎᑯᓯᓂᔨᒋ ᓂᑕᐅᒋᑕᑭᓂᒡ ᐊᓐᑕ ᑲ ‍ ᒥᒋᓱᔨᒋ ᐅᑦ ᐊᐛᓯᓯᒪ᙮
\v 5 ᐃᔅᐱ ᑕᑯᓯᓂᔨᒋ ᒂ ‍ ᐃᑕᑦ, “ᓂ ‍ ᒋᔅᒐᔨᒪᐤ ᐊᑲ ᒥᔪ ‍ ᐃᑕᔨᒥᑦ ᒍᑕᐎᐛᐤ ᒧᔭᒻ ᐅᔅᑭᒡ ᑲ ‍ ᑐᑐᐅᑦ᙮ ᒥᒄ ᓇᒪ ᓂ ‍ ᑯᔅᑕᒋᓐ, ᐛᔅ ᐊᓂᔭ ᑲ ‍ ᐊᑐᔅᒐᔅᑐᐛᑦ ᒋᓴᒪᓂᑐᐛ ᓄᑕᐎᔾ, ᓇᒪ ᓂ ᐅᒋ ‍ ᓂᑭᑎᑯᔪᐛ᙮ ᓇᓂᑎᒻ ᐊ ‍ ᑕᐤ ᐊ ‍ ᑕᐅᒡ᙮
\v 6 ᑕᐱᔅᑯᓐ ᒋ ‍ ᒋᔅᒐᔨᑕᓇᐛᐤ ᑲ ‍ ᐃᔅᐱᔅ ᒥᔅᑎ ᐊᑐᔅᒐᔅᑐᐅᒃ ᒍᑕᐎᐛᐤ᙮
\v 7 ᒥᒄ ᓇᒪ ᐅᒋ ᒥᔪᐃᑕᑎᓯᐤ, ᐸᐃᑯᔪᐛᐤ ᑕᑥᐤ ᒋ ‍ ᒥᔅᑯᑐᓂᒻ ᓂᑲᓂᔪᐅᓂᔪᐤ᙮ ᒥᒄ ᓇᒪ ᐅᒋ ᒥᔨᑯᐤ ᒋᓴᒪᓂᑐᐛ ᒐᒋ ᐊᐧᑯᐃᑦ᙮
\v 8 ᐃᔅᐱ ᐊᔅᒋᔄᒋ ᓚᐸᓐ ᒐᒋ ᑎᐸᔨᒥᒋ ᑲ ‍ ᐸᐸᑕᐅᓯᔨᒋ ᐊᐛᓯᓴ ᒧᔭᒻ ᓂᑲᓂᔪᐅᓂᔪᐤ, ᐊᑯ ᒥᒄ ᐊ ‍ ᐸᐸᑕᐅᓯᔨᒋ ᐊᐛᓯᓴ ᒋ ‍ ᐃᔪᔪᐛ᙮ ᐃᔅᐱ ᐊᔅᒋᔄᒋ ᒐᒋ ᑎᐸᔨᒥᒋ ᑲ ‍ ᐸᐱᓯᓇᓯᔨᒋ ᐊᐛᓯᓴ ᒧᔭᒻ ᓂᑲᓂᔪᐅᓂᔪᐤ, ᐊᑯ ᒥᒄ ᐊ ‍ ᐸᐱᓯᓇᓯᔨᒋ ᐊᐛᓯᓴ ᒋ ‍ ᐃᔪᔪᐛ᙮
\v 9 ᐊᑯ ᒋ ‍ ᐛᐸᑕᓇᐛᐤ ᐎᔾ ᐊᓂᔭ ᒋᓴᒪᓂᑐᐤ ᒂ ‍ ᐅᑎᓂᒺᑦ ᒍᑕᐎᐛᐛ ᐅᑦ ᐊᐛᓯᓯᒥᔪᐛ ᑭᔭ ᓂᔾ ᒂ ‍ ᒥᔨᑦ᙮
\p
\v 10 ᒪᒂᒡ ᑲ ‍ ᐎᓴᑯᒡ ᐊᐛᓯᓯᒡ ᓂᒋ ‍ ᐳᐛᒧᓐ ᑭᔭ ᓂᒋ ‍ ᐛᐱᒪᐅᒡ ᐊ ‍ ᐸᐸᑕᐅᓯᒡ ᑭᔭ ᐊ ‍ ᐸᐱᒥᓯᓇᓱᒡ ᓇᐸ ᒥᔅᑐᓯᒡ ᐊ ‍ ᐎᓴᑯᒡ,
\v 11 ᐊᑯ ᒋᓴᒪᓂᑐᐤ ᐅᑦ ᐊᓐᒋᓂᒪ ᓂᒋ ‍ ᐃᔨᒥᑯᔪᐛ ᓂᐳᐛᒧᐅᓂᒡ ᑭᔭ ᓂᒋ ‍ ᐃᑎᑯᔪᐛ, ‘ᒐᑭᑉ,’ ᑭᔭ ᒂ ‍ ᐃᑎᒃ, ‘ᒐᒂᓐ ?’
\v 12 ᒂ ‍ ᐃᔅᒋᔄᑦ, ‘ᒋ ‍ ᑕᐱᒥᒡ ᐊᐛᓯᓯᒡ, ᒥᓯᐛ ᐊᓐᒡ ᒥᔅᑐᓯᒡ ᐛᓴᑯᐅᒡ ᐸᐸᑕᐅᓯᐅᒡ ᑭᔭ ᐸᐱᒥᓯᓇᓱᐅᒡ᙮ ᓂ ‍ ᑐᑕᓐ ᐅ ᒐᒋ ᐃᓯᓇᒂᒡ ᐛᔅ ᓂᒋ ‍ ᐛᐸᑎᒺᓐ ᐊᓯ ‍ ᐎᔭᓯᒥᔅᒃ ᓚᐸᓐ᙮
\v 13 ᓂᔾ ᐅ ᒋᓴᒪᓂᑐᐤ ᐊᓐᑕ ᐸᑕᓪ ᑲ ‍ ᓄᑯᓯᔅᑕᑕᓐ, ᐊᑯᑕ ᑲ ‍ ᐳᐅᓐᑦ ᐱᒥᔾ ᐊᓐᑕ ᐊᓯᓂᒡ ᒐ ‍ ᒋᔅᑕᔨᒥᔨᓐ᙮ ᐊᑯᑕ ᐃᔭᐱᒡ ᑲ ‍ ᐊᓱᑎᒧᔨᓐ ᒐᒋ ᐊᔭᒥᐊᔅᑐᐎᓐ᙮ ᐊᑯ ᓇᐊᐎᔾ ᑭᔭ ᑲᐤ ᐊᓐᑕ ᒐ ‍ ᐃᑐᑕᔨᓐ ᐊᔅᒋᒡ ᑲ ᐅᒋ ‍ ᐃᔪᐎᔨᓐ᙮’ ”
\p
\v 14 ᕋᐃᒍᓪ ᑭᔭ ᓕᐊ ᒂ ‍ ᐃᑕᒡ, “ᓇᒪ ᓂᐸᓱᐛᔨᑕᓇᓐ ᒐᒋ ᒥᔨᒥᑦ ᓄᑕᐎᓇᓐ ᒐᒂᓂᔪᐤ᙮
\v 15 ᒧᔭᒻ ᒪᓐᑕᐛ ᓂᑦ ᐃᓱᑎᓂᑯᓇᓐ᙮ ᒋ ‍ ᑕᐛᒐᐤ ᓂᔭᓇᓇ ᑭᔭ ᒥᓯᐛ ᒋ ‍ ᒪᔅᑎᓂᒻ ᓱᓇᔭᔪᐤ ᑲ ‍ ᒋᓯᐧᑯᐛᑭᓄᐅᑦ ᓂᔭᓐ ᐅᒡ᙮
\v 16 ᐊᑯ ᒥᓯᐛ ᐊᓂᔭ ᑲ ‍ ᐅᑎᓂᒺᑦ ᒋᓴᒪᓂᑐᐤ ᓄᑕᐎᓇᓇ ᐅᐛᔪᑎᓯᐅᓂᔪᐤ, ᓂᑦ ᐊᐛᓯᒥᓇᓐᒡ ᑭᔭ ᓂᔭᓐ ᓂ ‍ ᑎᐱᔨᐛᐅᓯᓇᓐ᙮ ᐊᑯ ᐃᑐᑎᒻ ᒥᒄ ᒐᒂᓂᔪᐤ ᑲ ‍ ᐃᑎᓱᒥᔅᒃ ᒋᓴᒪᓂᑐᐤ ᒐᒋ ᐃᑐᑎᒧᑦ, ᒋᑭ ‍ ᐎᒐᐅᑎᓇᓐ᙮”
\p
\v 17 ᐊᑯ ᒐᑭᑉ ᓂᔭᐎᑦ, ᒂ ‍ ᐳᓴᐊᑦ ᐊ ‍ ᓂᓯᔨᒋ ᐎᐛ ᑭᔭ ᐅᑦ ᐊᐛᓯᒧᐛᐛ ᐊᓐᑕ ᑲᐱᔎᐅᑭᓂᔨᒋ,
\v 18 ᒋ ‍ ᔅᑐᑕᐊᐤ ᒥᓯᐛ ᐅᑦ ᐊᐛᓯᓯᒪ ᑭᔭ ᒥᓯᐛ ᐅᐛᔪᑎᓯᐅᓐ ᑲ ‍ ᑲᓂᔪᐅᑦ ᑭᔭ ᒥᓯᐛ ᐊᐛᓯᓴ ᑲ ‍ ᐅᑎᓇᑦ ᐊᓐᑕ ᐸᑕᓐ ᐊᕋᒻ, ᒂ ‍ ᔅᑐᑕᑦ ᒐ ‍ ᓂᑐᐛᐱᒪᑦ ᐅᑕᐎᔭ ᐊᐃᓯᑲ ᐊᓐᑕ ᑲᐃᓇᓐ ᐊᔅᒋᒡ᙮
\p
\v 19 ᒥᒄ ᐊᒺᔭ ᒐᑭᑉ ᑭᔭ ᐊ ‍ ᐸᐃᑯᔅᑲᓇᓯᑦ ᑲᐃᓇᓐ ᐃᔅ ᐃᑐᑕᒡ, ᕋᐃᒍᓪ ᐅᑕᐎᔭ ᐎᒋᔨᒡ ᒋ ‍ ᐱᒐᐛᐤ ᑭᔭ ᒂ ‍ ᒋᒧᑎᑦ ᒪᓂᑐᐛ ᐅᑕᐎᔭ ᑲ ‍ ᑎᐸᔨᒪᔨᒋ᙮ ᒧᔭᒻ ᓇᒪ ᐅᒋ ᑕᐤ ᐎᒋᒡ ᓚᐸᓐ, ᒋ ᓇᒋ ‍ ᐱᔅᑯᔄᐤ ᐅᒪᔭᑕᓂᓴᒪ᙮
\v 20 ᓇᒪ ᐅᒋ ᐎᑎᒧᐛᐤ ᓚᐸᓇ ᐛ ‍ ᔅᑐᑕᑦ ᒐᑭᑉ, ᒥᒄ ᒋ ‍ ᐎᔭᓯᒪᐤ᙮ ᒋᒧᑦ ᒐ ‍ ᐃᑐᑕᑦ ᒪᒂᒡ ᐊᑲ ᐅᒋ ᑕᔨᒋ ᓚᐸᓇ᙮
\v 21 ᒋ ‍ ᐅᑎᓂᒻ ᒥᓯᐛ ᒐᒂᔪᐤ ᑲ ‍ ᑎᐱᔨᐛᐅᓯᑦ ᑭᔭ ᒋ ‍ ᐃᔭᓯᒋᐤ ᒐ ‍ ᐃᑐᑕᑦ᙮ ᒋ ‍ ᐊᓱᐛᐤ ᔪᑉᕆᑎᔅ ᓯᐱᔪᐤ ᑭᔭ ᑭᓕᐊᑦ ᐱᔅᑯᑎᓇᐛ ᒋ ᐃᓯ ‍ ᔅᑐᑕᐤ᙮
\s1 ᓚᐸᓐ ᓇᓴᐛᐤ ᒐᑭᐸ
\p
\v 22 ᑲᒋ ᓂᔅᑐ ‍ ᒋᓯᑲᔨᒡ, ᒋ ‍ ᐎᑎᒧᐛᑭᓄᐤ ᓚᐸᓐ ᒐᑭᐸ ᑲ ‍ ᔅᑐᑕᔨᒋ᙮
\v 23 ᐊᑯ ᓚᐸᓐ ᒂ ‍ ᐎᓴᒪᑦ ᐎᐧᑲᓂᓴ ᑭᔭ ᒪᒧᐤ ᒋ ‍ ᓇᓴᐛᐅᒡ ᒐᑭᐸ ᐃᔅᐱᔅ ᓂᔄᐅᑕᒡ ᑕᑐᐤ ᒋᓯᑲᐛ᙮ ᑭᓕᐊᑦ ᐱᔅᑯᑎᓇᐛ ᐊᑯᑕ ᑲ ‍ ᐸᔄᐱᒪᑦ᙮
\v 24 ᒥᒄ ᒪᒂᒡ ᑕᐱᔅᑲᔨᒡ ᒋ ‍ ᐃᔭᒂᒥᑯᐤ ᒋᓴᒪᓂᑐᐛ ᐅᐳᐛᒧᐅᓂᒡ ᒐ ᐊᑲ ‍ ᒐᒂᔪᐤ ᒥᒋ ‍ ᐃᑕᑦ ᒐᑭᐸ᙮
\p
\v 25 ᑭᓕᐊᑦ ᐱᔅᑯᑎᓇᒡ ᓚᐸᓐ ᒋ ᐅᑎ ‍ ᑕᐤ ᒐᑭᐸ ᐊᓐᑕ ᑲ ‍ ᐎᒋᔨᒋ᙮ ᓚᐸᓐ ᐃᔭᐱᒡ ᐊᑯᑕ ᑲ ‍ ᐎᒋᑦ ᐊᓯᒡ ᐎᐧᑲᓂᓴ᙮
\v 26 ᐎᔭᐱᓂᔨᒡ ᓚᐸᓐ ᒋ ‍ ᓂᑐᐛᐱᒪᐤ ᒐᑭᐸ ᑭᔭ ᒂ ‍ ᐃᑕᑦ, “ᒐᒂᓐ ᐛᒋ ‍ ᐎᔭᓯᒥᔨᓐ ᑭᔭ ᐛᒋ ‍ ᔅᑐᑕᐃᑥᐤ ᓂᑕᓂᓯᒡ ?
\v 27 ᒐᒂᓐ ᐛᒋ ‍ ᒋᒧᑦ ᐅᒋ ᔅᑐᑕᔨᓐ ᑭᔭ ᐛᒋ ‍ ᐎᔭᓯᒥᔨᓐ ? ᒐᒂᓐ ᐛᒋ ᐊᑲ ‍ ᐎᑎᒧᐎᔨᓐ ? ᐎᑎᒧᐎᓇᒂ ᐛ ‍ ᔅᑐᑕᔨᓐ, ᓂᐸ ‍ ᑐᑕᓇᐱᓐ ᒐᒋ ᒥᔽᔨᑕᑭᓄᐅᒡ, ᒋᐸ ‍ ᓂᑭᒧᐱᓐᒡ ᓂᑭᒧᐅᓇ ᐃᔪᒡ᙮ ᑯᑎᑭᒡ ᒋᐸᒪᑥᒐᐱᓐᒡ ᑕᐛᐃᑭᓇ ᑭᔭ ᒋᔍᐛᐱᒋᑭᓇ᙮
\v 28 ᓇᒪ ᒋ ᐅᒋ ‍ ᒥᔨᓐ ᒐᒋ ᐛᒋᐊᒥᒂᐤ ᓂᑕᓂᓯᒡ ᑭᔭ ᓄᔅᒋᒥᒡ ᐃᔅᐱ ᑲ ‍ ᔅᑐᑕᒡ᙮ ᓇᒪ ᐃᑈᐧᑲᐅᓐ ᐅ ᑲ ᐃᓯ ‍ ᐃᑐᑎᒥᓐ᙮
\v 29 ᓂ ‍ ᑭᓄᐛᔨᑕᓐ ᓱᐧᑲᑎᓯᐅᓐ ᒐᒋ ᐊᐧᑯᐃᑕᓐ, ᒥᒄ ᑕᐱᔅᑲᔨᒡ ᓂᒋ ‍ ᐃᔭᒂᒥᒄ ᒍᑕᐎᔾ ᐅᒋᓴᒪᓂᑐᒪ ᒐ ᐊᑲ ‍ ᐊᐧᑯᐎᑕᓐ᙮
\v 30 ᓂ ‍ ᒋᔅᒐᔨᑕᓐ ᐊᓐ ᐛᒋ ‍ ᔅᑐᑕᔨᓐ ᐛᔅ ᒋᒋᐛ ᒋ ‍ ᐱᒂᐃᑕᓐ ᒐᒋ ᒋᐛᔨᓐ, ᒥᒄ ᒐᒂᓐ ᐛᒋ ‍ ᒋᒧᑎᔨᓐ ᓂᒪᓂᑐᒥᒡ ?”
\p
\v 31 ᒐᑭᑉ ᐛᑎᒧᐛᑦ ᓚᐸᓇ, “ᓂᒋ ‍ ᑯᔅᑕᒋᓐ, ᐊᐅᑯᓐ ᐛᒡ ᐊᑲ ᐎᑎᒪᑕᓐ᙮ ᑲᐤ ᒋᑭ ‍ ᐅᑎᓇᐤ ᐅᑕᓂᓴ ᔅᒋ ‍ ᐃᑕᔨᒥᑎᓐ᙮
\v 32 ᒥᒄ ᓇᒪ ᓂ ᐅᒋ ‍ ᐅᑎᓇᐅᒡ ᒋᒪᓂᑐᒥᒡ᙮ ᒥᔅᑯᐅᑕ ᐅᑕ ᐊᐛᓐ ᑲᓄᐛᔨᒪᑦ, ᒋᑭ ‍ ᓂᐸᐊᑭᓄᐤ᙮ ᐊ ‍ ᑭᓄᐛᐱᒥᔅᑭᒡ ᒋᐧᑲᓂᓯᓄᐅᒡ, ᓇᓂᑐᐛᐸᑕ ᒥᒄ ᒐᒂᓐ ᑕᐱᔨᐛᐅᓯᓐ ᑭᔭ ᒐ ‍ ᐅᑎᓂᒥᓐ ᑕᐸᔨᑎᒥᓐ᙮” ᓇᒪ ᐅᒋ ᒋᔅᒐᔨᒪᐤ ᒐᑭᑉ ᐊᓂᔭ ᕋᐃᒍᓚ ᑲ ‍ ᒋᒧᑎᔨᒋ ᓚᐸᓇ ᐅᒪᓂᑐᒥᔪᐛ᙮
\p
\v 33 ᐊᑯ ᓚᐸᓐ ᒂ ‍ ᐃᑐᑕᐛᑦ ᑭᔭ ᓂᔭᓂᑐᐛᐸᒐᐛᑦ ᒐᑭᐸ ᐅᐱᒍᐎᔭᓂᒋᐛᐱᒡ᙮ ᓕᐊᔨᒋ ᒥᓐ ᐅᐱᒍᐎᔭᓂᒋᐛᐱᒡ ᐊᑐᑕᐛᑦ ᑭᔭ ᐊ ‍ ᓂᓯᔨᒋ ᑯᐸᓇᔎᐛ ᐅᐱᒍᐎᔭᓂᒋᐛᐱᒡ, ᒥᒄ ᓇᒪ ᐅᒋ ᒥᔅᑯᐛᐤ ᐅᒪᓂᑐᒪ᙮ ᕋᐃᒍᓚ ᒥᓐ ᐅᐱᒍᐎᔭᓂᒋᐛᐱᒡ ᐊᑐᑕᐛᑦ᙮
\v 34 ᐊᒺᔭ ᐱᒐᔨᒋ ᓚᐸᓇ, ᕋᐃᒍᓪ ᒋ ‍ ᐅᑎᓇᐤ ᒪᓂᑐᐛ ᑭᔭ ᒋᐱᑕᐛᐤ ᐊᓐᑕ ᑲᐱᔎᐅᑭᓂᔨᒋ ᐅᐱᓴᑭᓂᒥᐅᑎᔨᒡ ᑭᔭ ᒂ ‍ ᐱᑎᑯᔅᑯᐅᒪᑦ᙮ ᒋ ‍ ᓇᓂᑐᐛᐸᒐᐛᐤ ᓚᐸᓐ ᐊᓐᑕ ᒥᓯᐛ ᐱᒍᐎᔭᓂᒋᐛᐱᒡ, ᒥᒄ ᓇᒪ ᐅᒋ ᒥᔅᑯᐛᐤ ᐅᒪᓂᑐᒪ᙮
\p
\v 35 ᕋᐃᒍᓪ ᒋ ‍ ᐃᑕᐤ ᐅᑕᐎᔭ, “ᓄᑕ, ᐊᑲ ᒋᔄᐱᔅᑐᐎ ᐊᑲ ᒋ ‍ ᐱᓯᑯᔭᓐ ᒐᒋ ᐛᐸᑎᔨᑕᓐ ᐊ ‍ ᒋᔅᑕᔨᒥᑕᓐ, ᐛᔅ ᐅ ᓂᑭᑎᑯᓐ ᓂᒥᐧᒄ᙮”
\p
\v 36 ᐊᑯ ᒐᑭᑉ ᒐᔄᐱᑦ ᑭᔭ ᒐᐧᑲᓇᒂᐊᑦ ᓚᐸᓇ ᑭᔭ ᒂ ‍ ᐃᑕᑦ, “ᒐᒂᓐ ᑲ ‍ ᐅᓂᑐᑎᒥᓐ ? ᒐᒄ ᐎᓱᐛᐅᓐ ᑲ ‍ ᐱᑯᓂᒪᓐ ᑲ ᐅᒋ ‍ ᓇᓴᐎᔨᓐ ?
\v 37 ᐛᔅ ᒥᓯᐛ ᔅᒋ ‍ ᓇᓂᑐᐛᔨᒐᓐ ᓂᑦ ᐊᐱᒋᑕᐅᓂᒡ ᑭᔭ ᓇᒪ ᒋ ᐅᒋ ‍ ᒥᔅᑲᓐ ᒐᒂᓐ ᒋᒋᒡ ᑲ ᐅᒋ ‍ ᒋᒧᑎᒪᑯᔨᓐ᙮ ᑲᒋ ‍ ᒋᒧᑎᒪᑯᐅᓇ ᒐᒂᓐ, ᐛᐸᑎᔨᒡ ᒋᐧᑲᓂᓯᓄᐅᒡ ᐊᓐᒡ ᐛᒐᐅᔅᒡ ᑭᔭ ᓂᔾ ᐛᒐᐅᒡ ᑭᔭ ᐎᔨᐛᐤ ᒋᑭ ‍ ᐎᔭᔨᑎᒧᒡ ᐊᐛᓐ ᐊᓂᓯᔭᐧᒄ ᑎᔭᑈᒂ᙮
\p
\v 38 ᒪᒂᒡ ᓂᓱᔪᐛᐳᓇ ᑲ ‍ ᑕᔭᓐ ᐊ ‍ ᑕᔨᓐ, ᓂᒋ ᒥᔪ ‍ ᑭᓄᐛᔨᒪᐅᒡ ᒋᒪᔭᑕᓂᓯᒥᒡ ᑭᔭ ᒋᒥᔅᑐᓯᒥᒡ᙮ ᓇᓂᑎᒻ ᒋ ‍ ᒥᔪᐱᔪᐅᒡ ᐊᓂᑕᐅᓴᒡ ᐊᐛᓯᓯᒡ᙮ ᓇᒪ ᐅᒋ ᐅᓇᐅᒡ ᒪᔭᑕᓂᓴ ᑭᔭ ᒪᒃ ᒥᔅᑐᓯᓴ ᐊ ‍ ᐃᔪᔨᒋ᙮ ᓇᒪ ᓂᑕ ᐛᐛᒡ ᓂᐸᐊᐤ ᓇᐸ ᒥᔅᑐᔅ ᒐᒋ ᐅᑎᓂᒪᓱᔭᓐ ᒥᒋᒻ᙮
\v 39 ᓇᒪ ᒋ ᐅᒋ ‍ ᐸᑥᑎᓐ ᐊᓐᒡ ᑲ ‍ ᓂᐸᐃᑯᒡ ᑯᑎᑲ ᐊᐛᓯᓴ᙮ ᓂᔾ ᓂᒋ ‍ ᐱᑎᔅᑕᐅᓱᓐ ᐊᓐ ᑲ ‍ ᐅᓂᐃᑦ᙮ ᔅᒋ ‍ ᓂᑐᐛᔨᒥᓐ ᒐᒋ ᒋᓯᐧᑲᓱᔭᓐ ᐊᓐ ᑲ ‍ ᒋᒧᑎᓇᓄᐎᒡ ᒪᒂᒡ ᒐᓯᑲᒋ ᑭᔭ ᒪᒃ ᑕᐱᔅᑲᒋ᙮
\v 40 ᓂᒋ ‍ ᐛᓂᐧᑭᓱᓐ ᒐᓯᑲᒋ ᑭᔭ ᓂᒋ ‍ ᓯᑭᒋᓐ ᑕᐱᔅᑲᒋ ᑭᔭ ᓇᒪ ᓂ ᐅᒋ ‍ ᓂᐸᓐ᙮
\v 41 ᓂᓱᔪᐛᐳᓇ ᐃᔅᐱᔅ ᓂᒋ ‍ ᑕᓐ ᒋᒋᒡ, ᓇᐅᓴᐱᐳᓇ ᔅᒋ ‍ ᐊᑐᔅᒐᔅᑕᑎᓐ ᐊᑯ ᒪᒃ ᒐᒋ ᐎᒋᒥᒂᐤ ᐊ ‍ ᓂᓯᒡ ᒋᑕᓂᓯᒡ ᑭᔭ ᐊᓱᑕᒡ ᑕᑐᐳᓇ ᐊᐛᓯᓯᒡ ᐅᒡ ᐊᓐᒡ ᑲ ‍ ᒥᔨᓐ ᒧᔭᒻ ᒋᓯᐧᑲᑐᐅᓐ᙮ ᐸᐃᑯᔪᐤ ᑕᑥᐤ ᔅᒋ ‍ ᒥᔅᑯᑐᓇᓐ ᓂᑲᓂᔪᐅᓐ᙮
\v 42 ᐊᑲ ᐅᒋ ᑭᓄᐛᔨᒥᑕᒂ ᐊᐃᓯᒃ ᑭᔭ ᐊᑉᕋᐊᒻ ᐅᒋᓴᒪᓂᑐᒧᐛᐛ, ᒐᔅᑎᓇᔅ ᐱᓯᒄ ᒋᐸ ‍ ᒋᑎᓴᐅᓇᐱᓐ᙮ ᒋ ‍ ᐛᐸᑎᒻ ᒋᓴᒪᓂᑐᐤ ᑲ ᐃᓯ ‍ ᐎᓯᒐᔨᑎᒧᒡ ᑭᔭ ᑲ ᐃᓯ ‍ ᐅᔅᑯᐎᔭᓐ ᐊ ‍ ᐊᑐᔅᒐᔭᓐ᙮ ᐊᐅᑯᓐ ᑲ ᐅᒋ ‍ ᐛᐸᑎᔨᔅᒃ ᐅᑎᐸᔅᑯᓂᒐᐅᓐ᙮”
\s1 ᐅᓂᔅᑯᒥᑐᐅᓄᐛᐤ ᒐᑭᑉ ᑭᔭ ᓚᐸᓐ
\p
\v 43 ᐊᑯ ᓚᐸᓐ ᐊᑕᑦ ᒐᑭᐸ, “ᓂᔾ ᐊᓐᒡ ᓂᑕᓂᓯᒡ ᐅᔅᒋᓂᒋᔎᐅᒡ ᑭᔭ ᓂᔾ ᐊᓐᒡ ᓄᔅᒋᒥᒡ ᐊᐛᓯᒡ, ᐃᔭᐱᒡ ᓂᔾ ᒥᓯᐛ ᓂ ‍ ᑎᐱᔨᐛᐅᓯᓐ ᐊᓐᒡ ᐊᐛᓯᓯᒡ, ᒥᓯᐛ ᐅᑕ ᒐᒂᓐ ᐎᔭᐸᑎᒥᓐ ᓂᔾ ᓂ ‍ ᑎᐱᔨᐛᐅᓯᓐ᙮ ᒥᒄ ᐊᓄᒡ ᓇᒪ ᒐᒂᓐ ᓂᒋ ‍ ᑐᑕᓐ ᒐᒋ ᑲᐤ ᑲᔅᑎᓂᒂᐤ ᓂᑕᓂᓯᒡ ᑭᔭ ᐅᑦ ᐊᐛᓯᒧᐛᐛ᙮
\v 44 ᐊᓂᓯᔭᐧᒄ ᑐᑕᑕᐤ ᓂᔅᑯᒥᑐᐅᓐ, ᒋᐱᑕᐱᔅᒋᓂᒐᑕᐤ ᒐᒋ ᒋᔅᒋᑎᒪᐧᒄ ᒋᓂᔅᑯᒥᑐᐅᓄᐤ᙮”
\p
\v 45 ᒋ ‍ ᓂᔅᑯᒪᐤ ᓚᐸᓇ ᒐᑭᑉ, ᒂ ‍ ᐅᑎᓇᑦ ᐊᓯᓂᔭ ᑭᔭ ᒐ ‍ ᒥᔭᑦ ᒐᒋ ᒋᔅᑕᔨᑕᒡ ᐅᓂᔅᑯᒥᑐᐅᓄᐛᐤ᙮
\v 46 ᐊᑯ ᒐᑭᑉ ᒂ ‍ ᐃᑕᑦ ᐎᐧᑲᓂᓴ ᒐᒋ ᒪᒧᓴᒋᓇᔨᒋ ᐊᓯᓂᔭ ᑭᔭ ᒐᒋ ᒋᐱᑕᐱᔅᒋᓂᒐᔨᒋ᙮ ᑲᒋ ᒋ ‍ ᔅᑐᑕᑭᓄᔨᒋ, ᓚᐸᓐ ᑭᔭ ᒐᑭᑉ ᑭᔭ ᐎᐧᑲᓂᓱᐛᐛ ᒋ ‍ ᐎᒋᒥᒋᓱᒥᑐᐅᒡ ᐊᓐᑕ ᒥᒋᒪ ᒋᐱᑕᐱᔅᒋᓂᑭᓂᒡ᙮
\v 47 ᐊᕋᒥᒃ ᐃᔨᒧᐅᓐ ᐊ ᐃᓯ ‍ ᐃᔨᒥᑦ ᓚᐸᓐ, “ᒋᑲᕐ-ᓴᐊᑐᑕ” ᒋ ‍ ᐃᓯᓂᐧᑲᑎᒻ ᐊᓂᔭ ᒋᐱᑕᐱᔅᒋᓂᑭᓇ, “ᑲ ‍ ᐱᔅᑯᔅᑕᒋ ᒐᒋ ᒋᔅᒋᑎᒪᐧᒄ” ᐊ ‍ ᐃᑥᒥᑲᒡ᙮ ᐊᑯ ᒐᑭᑉ ᒋ ‍ ᐃᑉᕈᐅ-ᐃᔅᒋᓱᑎᒻ “ᑲᓕᑦ”, ᐊ ‍ ᐃᓯᓂᐧᑲᑎᐧᒃ, “ᑲ ‍ ᐱᔅᑯᔅᑕᒋ ᒐᒋ ᒋᔅᒋᑎᒪᐧᒄ” ᐃᔭᐱᒡ ᐊ ‍ ᐃᑥᒥᑲᒡ᙮
\v 48 ᐊᑯ ᓚᐸᓐ ᐊᔅᒋᔄᑦ, “ᐅ ᒋᐱᑕᐱᔅᒋᓂᑭᓐ ᐊᐅᑯᐤ ᒋᔅᒋᓄᐛᒋᑕᑭᓐ ᓂᔅᑯᒥᑐᐅᓐ ᐊᓄᒡ ᑲ ‍ ᐃᑐᑎᒪᐧᒄ᙮” ᐊᐅᑯᓐ ᑲᓕᑦ ᑲ ᐅᒋ ‍ ᐃᓯᓂᐧᑲᑕᑭᓄᐅᒡ ᐊᓐ ᐃᑕᐅᓐ᙮
\v 49 ᒥᔅᐸ ᐃᔭᐱᒡ ᒋ ‍ ᐃᓯᓂᐧᑲᑎᒻ, “ᑲ ‍ ᓂᑐᐛᐱᓇᓄᐅᒡ” ᐊ ‍ ᐃᑥᒥᑲᒡ᙮ ᐛᔅ ᒋ ‍ ᐃᔅᒋᔄᐤ ᓚᐸᓐ, “ᑭᒪ ᑭᓄᐛᐱᒥᑕᐧᒄ ᐅᑎᐸᔨᒋᒐᐤ ᒪᒂᒡ ᑕᑎᐸᓐ ᑕᔭᒂ᙮
\v 50 ᐊᐧᑯᐃᑥᐛ ᓂᑕᓂᓯᒡ ᑭᔭ ᒪᒃ ᐎᒋᒥᑥᐛ ᑯᑎᑭᒡ ᐃᔎᐅᒡ, ᐊᑎᓱᐧᒄ ᐊᑲ ᒋᔅᒐᔨᑎᒪᓐ, ᒐ ‍ ᒋᔅᒋᔨᓐ ᐊᓐ ᑲᓄᐛᐱᒥᑕᐧᒄ ᒋᓴᒪᓂᑐᐤ᙮”
\p
\v 51 ᓇᓇᒐ ᓚᐸᓐ ᒋ ‍ ᐃᑕᐤ ᒐᑭᐸ, “ᒪᐅ ᒋᐱᑕᐱᔅᒋᓂᑭᓐ ᑭᔭ ᒋᔅᒋᓄᐛᒋᑕᑭᓐ᙮ ᒋᑭ ‍ ᒋᔅᒋᑯᓇᓄᐤ ᒋᓂᔅᑯᒥᑐᐅᓄᐤ ᐊᓐ ᑲ ‍ ᐃᑐᑎᒪᐧᒄ᙮
\v 52 ᒋᑭ ‍ ᒋᔅᒋᑯᓇᓄᐤ ᐅᔭ ᒐ ᐊᑲ ‍ ᐊᓱᑕᔭᐧᒄ ᐊᐱᒥᓯᓇᑕᒡ ᒐᒋ ᐊᐧᑯᐎᑐᔭᐧᒄ᙮
\v 53 ᑭᒪ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᓇᐃᐅᕐ ᐅᒋᓴᒪᓂᑐᒪ ᑐᑕᑕᐧᒄ ᔭᐃᑕᔾ ᒐᒋ ᑭᓄᐛᔨᑎᒪᐧᒄ ᑲ ᐃᓯ ‍ ᓂᔅᑯᒥᑐᔭᐧᒄ᙮”
\p ᐊᑯ ᐊᓂᔭ ᐅᑕᐎᔭ ᐊᐃᓯᑲ ᒋᓴᒪᓂᑐᐛ ᑲ ‍ ᐊᔭᒥᐊᔅᑐᐛᔨᒋ ᐅᑦ ᐃᓯᓂᐧᑲᓱᓂᔨᒡ ᐅᒡ, ᒋ ‍ ᐊᓱᑎᒪᒐᐤ ᒐᑭᑉ ᒐᒋ ᑭᓄᐛᔨᑕᐧᒃ ᐅᒋᓴᓂᔅᑯᒧᐅᓐ᙮
\v 54 ᐊᑯ ᒐᑭᑉ ᒂᓂᐸᐊᑦ ᐊᐛᓯᓴ ᑭᔭ ᒂ ‍ ᒥᑐᔅᑕᐊᒪᒐᑦ ᐊᓐᑕ ᐱᔅᑯᑎᓇᒡ, ᐊᑯ ᒂ ‍ ᓂᑐᒪᑦ ᐎᐧᑲᓂᓴ ᒐᒋ ᒥᒋᓱᔨᒋ᙮ ᑲᒋ ‍ ᒥᒋᓱᐅᒡ, ᒋ ‍ ᐸᐃᑯᑎᐱᔎᐅᒡ ᐊᓐᑕ ᐱᔅᑯᑎᓇᒡ᙮
\p
\v 55 ᐎᐱᒡ ᒋ ‍ ᐅᓂᔪᐤ ᓚᐸᓐ ᒥᓐ ᒋᔭᒋᓴᐸᔭᔨᒡ ᒐᒋ ᔅᑐᑕᑦ᙮ ᒋ ‍ ᐅᒐᒪᐤ ᐅᑕᓂᓴ ᑭᔭ ᐅᔅᒋᒪ, ᐊᑯ ᒂ ‍ ᔅᑐᑕᑦ ᑭᔭ ᒐᐛᑦ᙮
\c 32
\s1 ᑲ ‍ ᓂᒋᔅᑲᑐᒡ ᒐᑭᑉ ᑭᔭ ᐃᓴᐅ
\p
\v 1 ᒪᒂᒡ ᐊᑎ ‍ ᒋᐛᑦ ᒐᑭᑉ, ᒋ ‍ ᓂᒋᔅᑯᒪᐤ ᒋᓴᒪᓂᑐᐛ ᐅᑦ ᐊᓐᒋᓂᒥᔪᐛ᙮
\v 2 ᐃᔅᐱ ᐎᔭᐱᒪᑦ ᒐᑭᑉ ᒂ ‍ ᐃᔅᒋᔄᑦ, “ᐊᐅᑯᔪᐛ ᐅᔭ ᒋᓴᒪᓂᑐᐤ ᐅᓂᑐᐱᔪᐅ-ᐃᔨᒪ,” ᐊᑯ ᒪᐊᓇᐃᒻ ᒂ ‍ ᐃᓯᓂᐧᑲᑕᐧᒃ ᐊᓂᔭ ᐃᑕᐅᓂᔪᐤ᙮
\p
\v 3 ᒪᒂᒡ ᑲ ‍ ᑕᒡ ᐊᓐᑕ ᒪᐊᓇᐃᒻ, ᒋ ‍ ᐃᑎᓴᐊᒧᐛᐤ ᒐᑭᑉ ᐅᔅᑕᓴ ᐃᓴᐅᐛ ᐅᑦ ᐊᐱᒋᐊᑭᓇ᙮ ᒧᔭᒻ ᓯᐅᕐ ᒋ ‍ ᐎᒋᐤ ᐃᓴᐅ, ᐃᑕᒻ ᐊᔅᒋᒡ᙮
\v 4 ᒋ ‍ ᐎᑎᒧᐛᐤ ᐅᑦ ᐊᐱᒋᐊᑭᓇ ᒐᒋ ᒥᔭᔨᒋ ᐅᔅᑕᓴ ᐅᔭ ᐃᔨᒧᐅᓂᔪᐤ, “ᒋᑎᒥᔅᑲᑎᓐ᙮ ᓂᔾ ᐅ ᒐᑭᑉ, ᒋᑦ ᐃᑎᓴᐊᒪᑎᓐ ᐅ ᐃᔨᒧᐅᓐ, ᐃᓴᐅ᙮ ᑕᑈ ᓂ ‍ ᐱᑯᓴᔨᑕᓐ ᒐᒋ ᐊᑐᔅᒐᔅᑕᑕᓐ ᑭᔭ ᒐ ‍ ᓇᐊᔨᑕᑕᓐ᙮ ᒍᐧᑯᒥᓯᓄᐤ ᓚᐸᓐ ᓂᒋ ‍ ᑕᐛᓐ ᐊ ‍ ᑕᑦ ᒥᒄ ᐊᓄᒡ ᓂᐸ ‍ ᒋᐛᓐ᙮
\v 5 ᒥᒐᑦ ᐛᔪᑎᓯᐅᓐ ᓂᒋ ‍ ᐅᑎᓂᒪᓱᓐ ᒋᒡ ᒥᒋᑎᐧᑯᒡ ᑭᔭ ᑲᓂᐧᑲᑎᓯᒡ ᑲᐸᐃᑭᔎᐅᒡ, ᒪᔭᑕᓂᓯᒡ ᑭᔭ ᒥᔅᑐᓯᒡ, ᓇᐸᐤ ᑭᔭ ᐃᔎᐤ ᐊᐱᒋᐊᑭᓐᒡ᙮ ᒋᑦ ᐃᑎᓴᐊᒪᑎᓐ ᐅ ᐃᔨᒧᐅᓐ, ᐃᓴᐅ᙮ ᒪᐅᒡ ᐊᔅᐱᑕᔨᒥᑕᓐ, ᒐᒋ ᒥᔪ ‍ ᐅᑎᓂᔨᓐ ᐃᔅᐱ ᑎᑯᓯᓂᔭᓇ᙮”
\p
\v 6 ᐊᑯ ᒂ ‍ ᔅᑐᑕᒡ ᓇᐸᐅᒡ ᒐ ‍ ᐃᑐᑐᐛᒡ ᐃᓴᐅᐛ ᐃᔨᒧᐅᓂᔪᐤ᙮ ᓇᓇᒐ ᑲᐤ ᒋ ‍ ᑎᑯᓯᓄᐅᒡ ᑭᔭ ᒂ ‍ ᐃᑕᒡ ᒐᑭᐸ, “ᓂᒋ ‍ ᓂᑐᐛᐱᒪᓇᓐ ᒋᔅᑕᔅ ᐃᓴᐅ ᑭᔭ ᓴᔅ ᐸᒋ ‍ ᔅᑐᑕᐤ ᒐᒋ ᓂᒋᔅᑲᔅᒃ᙮ ᓇᐤ ᒥᑕᓯᒥᑎᓄᐤ ᐃᔪᐛ ᐎᒐᐛᐤ᙮”
\p
\v 7 ᒋᒋᐛ ᒋ ‍ ᓴᒋᓱᐤ ᒐᑭᑉ ᑭᔭ ᒋ ‍ ᒥᑯᔅᑲᑕᔨᑎᒻ᙮ ᒂ ‍ ᓂᓱᐎᒡ ᐃᓯ ᑎᐸᓇᐊᑦ ᐃᔪᐛ ᑲ ‍ ᐎᒐᑯᑦ ᑭᔭ ᒋᒡ ᐅᒪᔭᑕᓂᓯᒪ, ᒥᔅᑐᓴ, ᒥᒋᑎᒂ ᑭᔭ ᑲᐱᔎᐅᑯᒡ᙮
\v 8 ᒂ ‍ ᐃᔅᒋᔄᑦ, “ᒋᒋᓇᒐ ᐃᓴᐅ ᐊᓂᔭ ᓂᔅᑎᒻ ᑎᐸᓐ ᐊ ‍ ᑕᔨᒋ, ᒂᔄᓐ ᑯᑎᑭᒡ ᒋ ᐸᒋ ‍ ᒋᑎᓯᒧᐅᒡ᙮”
\p
\v 9 ᐊᑯ ᒐᑭᑉ ᓇᑐᑎᒧᐛᑦ ᒋᓴᒪᓂᑐᐛ, ᐊᑕᑦ, “ᒋᔾ ᐅ ᓂᒧᓱᒻ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᓄᑕᐎᔾ ᐊᐃᓯᒃ ᐅᒋᓴᒪᓂᑐᒪ᙮ ᒋᔾ ᐅ ᒋᓴᒪᓂᑐᐤ, ᐊᓐ ᐊᐛᓐ ᑲ ‍ ᐃᓯᑦ ᒐᒋ ᑲᐤ ᒋᐛᔭᓐ ᓂᑦ ᐊᔅᒋᒡ ᑭᔭ ᓂᑐᐛᐱᒥᒂᐤ ᓂᐧᑲᓂᓯᒡ᙮ ᔅᒋ ‍ ᐊᓱᑎᒧᐅᓐ ᒐᒋ ᒥᓯᐛ ᒐᒂᓐ ᐃᓯ ‍ ᒥᔪᐱᔨᔭᓐ᙮
\v 10 ᒋᒋᐛ ᒋᔅᑎᒪᒐᔨᒧᐛᓐ᙮ ᓇᓂᑎᒻ ᔅᒋ ‍ ᑕᓐ ᒐᒋ ᐎᒋᐃᔨᓐ ᐃᔅᐱ ᓇᑐᐛᔨᒥᑕᓂ᙮ ᓇᒪ ᓂᒋ ‍ ᒋᔅᑕᔨᑕᑯᓯᓐ ᑲ ᐃᓯ ‍ ᒪᒥᔪᑐᑐᐎᔨᓐ᙮ ᒋᑭ ‍ ᐊᑐᔅᒐᔅᑕᑎᓐ ᑭᔭ ᒋᑭ ‍ ᓇᐃᑕᑎᓐ᙮ ᐃᔅᐱ ᐅᔅᑭᒡ ᑲ ‍ ᑎᔅᑭᒥᑲᓯᔭᓐ ᒠᕐᑕᓐ ᓯᐱᔾ ᐊᕋᓐ ᒐᒋ ᐃᑐᑕᔭᓐ, ᓯᔅᑲᐅᓐ ᒥᒄ ᓂᒋ ‍ ᑭᓄᐛᔨᑕᓐ᙮ ᐊᓄᒡ ᑲᐤ ᓂ ‍ ᒋᐛᓐ ᒋᒡ ᓂᓱᐎᒡ ᐃᔪᒡ ᑭᔭ ᒥᒐᑦ ᐊᐛᓯᓯᒡ᙮
\v 11 ᒥᒄ ᓂᔅᑕᔅ ᐸᑐᑕᐤ ᑭᔭ ᓂ ‍ ᑯᔅᑕᒋᓐ ᒐ ᐎ ‍ ᓂᐸᐃᑦ ᒋᒡ ᓂᔪᐛ ᑭᔭ ᓂᑦ ᐊᐛᓯᒪ᙮ ᒋ ‍ ᓂᑐᑎᒪᑎᓐ ᒐ ‍ ᐱᒪᒋᐃᔭᒡ᙮
\v 12 ᒋᔅᒋᓯ ᑲ ‍ ᐊᓱᑎᒧᔨᓐ ᒐᒋ ᒥᓯᐛ ᐃᓯ ‍ ᒥᔪᐱᔨᔭᓐ ᑭᔭ ᐊᑎᑐᐤ ᒐᒋ ᒥᔨᓐ ᐊᓂᔅᑯᑕᐸᓐᒡ ᒧᔭᒻ ᐊᑕᑎᒡ ᐃᔭᑲᐤ ᓇᓯᐸᑎᒥᒡ ᒐ ᐊᑲ ᐊᐛᓐ ᒋᒋᒪᑦ᙮”
\p
\v 13 ᑲᒋ ‍ ᑕᑦ ᐊᓐᑕ ᐸᐃᒄ ᑎᐱᔅᑲᐛ, ᒋ ‍ ᐅᑎᓇᐤ ᒐᑭᑉ ᐱᔅᒐ ᐅᑦ ᐊᐛᓯᓯᒪ ᒐᒋ ᒥᔭᑦ ᐅᔅᑕᓴ ᐃᓴᐅᐛ ᒧᔭᒻ ᒥᔨᐛᐅᓂᔪᐤ᙮
\v 14 ᓂᓱ ᒥᑕᓯᒥᑎᓄᐤ ᓄᓴ ᒥᔅᑐᓴ ᑭᔭ ᓂᓱᔪᐤ ᓇᐸ ᒥᔅᑐᓴ, ᓂᓱ ᒥᑕᓯᒥᑎᓄᐤ ᓄᓴ ᒪᔭᑕᓂᓴ ᑭᔭ ᓂᓱᔪᐤ ᓇᐸ ᒪᔭᑕᓂᓴ,
\v 15 ᓂᔅᑐᔪᐤ ᑲᐱᔎᐅᑭᓂᔨᒋ ᐊᐛᓯᓴ ᐊᓄᒋᒐ ᑲ ‍ ᐅᑦ ᐊᐛᓯᒥᔨᒋ ᒋᒡ ᐅᑦ ᐊᐛᓯᒥᔪᐛ, ᓇᐎᔪᐤ ᓄᓴ ᒥᒋᑎᒂ ᑭᔭ ᐸᐃᑯᔪᐤ ᓇᐸ ᒥᒋᑎᒂ, ᓂᓱᔪᐤ ᑲᓂᐧᑲᑎᓯᔨᒋ ᓄᓴ ᑲᐸᐃᑭᔎᐛ ᑭᔭ ᐸᐃᑯᔪᐤ ᑲᓂᐧᑲᑎᓯᔨᒋ ᓇᐸ ᑲᐸᐃᑭᔎᐛ᙮
\v 16 ᒂ ‍ ᑕᐸᓇᐊᑦ ᒐᑭᑉ ᐊᐛᓯᓴ, ᐱᔅᒐ ᒪᔭᑦ ᐅᑦ ᐊᑐᔅᒐᔭᑭᓇ ᑕᑎᐸᓐ ᒐ ‍ ᑭᓄᐛᔨᒪᔨᒋ᙮ ᒋ ‍ ᐃᑕᐤ ᒐᒋ ᑎᔅᑭᒥᑲᓯᔨᒋ ᓯᐱᔪᐤ ᑭᔭ ᓂᑲᓐ ᒐᔅᑐᑕᔨᒋ, ᒐ ‍ ᑕᑎᐸᓄᑕᔨᒋ ᐊᑎ ‍ ᐸᐃᑯᑕᐅᓯᔨᒋ ᒐᒋ ᔭᐛᐱᒥᑐᔨᒋ ᐊᐛᓯᓴ᙮
\p
\v 17 ᐊᑯ ᒐᑭᑉ ᐊᑎᓱᒪᑦ ᐅᑦ ᐊᑐᔅᒐᔭᑭᓇ ᑲᓄᐛᔨᒪᔨᒋ ᓂᔅᑎᒻ ᐊ ‍ ᐸᐃᑯᑕᐅᓯᔨᒋ, “ᐃᔅᐱ ᓂᒋᔅᑲᔅᑲ ᓂᔅᑕᔅ ᐃᓴᐅ, ᑯᒂᒋᒥᔅᒐ ᐊᐛᔪᐛ ᐛᒋᒪᒧᐅᑦ ᑭᔭ ᑕᓐᑕ ᐊᑐᑕᐅᑦ ᑭᔭ ᐊᐛᓐ ᑕᐱᔨᐛᐅᓯᑦ ᒥᓯᐛ ᐊᓂᔭ ᐊᐛᓯᓴ ?
\v 18 ᐊᑯ ᒐ ‍ ᐃᑎᑦ, ‘ᒋᑦ ᐊᑐᔅᒐᔭᑭᓐ ᒐᑭᑉ ᐅᔭ ᑎᐱᔨᐛᐅᓯᐤ᙮ ᐃᑎᓴᒧᐛᐤ ᐅᔭ ᐅᒋᒪᒪ ᐃᓴᐅᐛ ᐊᑎᒥᔅᑯᐛᑦ᙮ ᒐᑭᑉ ᐎᔾ ᓂᐸ ᒋ ‍ ᓇᓴᐅᑯᓇᓐ᙮’ ”
\p
\v 19 ᒥᓯᐛ ᐸᐃᑯᑕᐤ ᒋ ‍ ᐃᑎᓱᒪᐤ ᐊᓂᔭ ᓂᓱ ᑭᔭ ᓂᔅᑐ ᐊ ‍ ᑕᔨᒋ ᑭᔭ ᒥᓯᐛ ᑯᑎᑲ ᐊᓂᔭ ᑲᓄᐛᔨᒪᔨᒋ ᐊᐛᓯᓴ᙮ “ᐊᐅᑯᔪᐤ ᐅᔭ ᐛᒧᒡ ᐸᐃᑯᑕᐤ ᒐ ‍ ᐃᑕᒄ ᐃᓴᐅ ᓂᒋᔅᑯᐛᒂ
\v 20 ᑭᔭ ᒋᑭ ‍ ᐎᑕᐛᐤ, ‘ᓂᐦᐃ, ᒋᑦ ᐊᑐᔅᒐᔭᑭᓐ ᒐᑭᑉ ᐅᑕᒡ ᐸᑐᑕᐤ,’ ” ᐛᔅ ᒐᑭᑉ ᒋ ‍ ᐃᑕᔨᑎᒻ, “ᓂᑭ ‍ ᒥᔽᔨᑎᒪᐊᐤ ᐅᔭ ᒥᔨᐛᐅᓇ ᐅᒡ ᑭᔭ ᐃᔅᐱ ᓂᒋᔅᑯᐅᑲ, ᒂᔄᓐ ᓂᑭ ‍ ᐛᐸᔨᑎᒪᒄ᙮”
\v 21 ᒋ ‍ ᓂᑲᓂᑎᓴᐊᒻ ᐅᒥᔨᐛᐅᓇ ᑭᔭ ᒋ ‍ ᑕᐤ ᐊᓐᑕ ᐸᐃᑯᑎᐱᔅᑲᐛ᙮
\s1 ᒐᑭᑉ ᑲ ‍ ᒪᓴᐊᑦ ᐊᓐᒋᓇ
\s2 Genesis 32.22-31 (Proper-13 Year A, C)
\p
\v 22 ᐸᐃᑯᑕᐤ ᐊᓂᔭ ᑕᐱᔅᑲᔨᒡ ᒂ ‍ ᐅᓂᑦ ᒐᑭᑉ, ᐛᑎᓇᑦ ᐊ ‍ ᓂᓯᔨᒋ ᐎᐛ, ᐊ ‍ ᓂᓯᔨᒋ ᐅᑯᐸᓇᔎᒪ ᑭᔭ ᑲ ‍ ᐸᐃᑯᓴᐳᔨᒋ ᐅᑦ ᐊᐛᓯᒪ ᑭᔭ ᒂ ‍ ᑎᔅᑭᒥᑲᓯᑕᐊᑦ ᐊᓐᑕ ᐊᐃᐛᓯᔨᒡ ᒐᐳᒃ ᓯᐱᔪᐤ᙮
\v 23 ᑲᐤ ᒂ ‍ ᐃᑐᑕᑦ ᐊᓐᑕ ᑲ ‍ ᐎᒋᑦ ᑭᔭ ᒂ ‍ ᐃᑎᓴᐛᑦ ᐊᐛᓯᓴ ᑭᔭ ᐊᑎᓴᐊᐧᒃ ᑯᑎᑲ ᑲ ‍ ᑎᐱᔨᐛᐅᓯᑦ ᒐᒂᓂᔪᐛ ᐊᓐᑕ ᐃᑕᒐᑲᒻ ᑲ ‍ ᑕᔨᒋ ᐎᐧᑲᓂᓴ᙮
\v 24 ᒥᒄ ᐎᔾ ᒂ ‍ ᑕᑦ ᐊᓐᑕ ᐊ ‍ ᐸᐃᑯᓯᑦ᙮ ᐊᑯ ᑕᑯᓯᓂᔨᒋ ᓇᐸᐛ ᑭᔭ ᒥᔭᓯᐧᑲᑯᑦ ᐃᔅᐱᔅ ᐊᒺᔭ ᐸᑕᐱᓂᔨᒡ᙮
\v 25 ᐃᔅᐱ ᒐᔅᒐᔨᑕᐧᒃ ᐊᓐ ᓇᐸᐤ ᐊᑲ ᒋ ‍ ᑲᓂᔪᐅᑦ ᐊ ‍ ᒪᓯᒐᑦ, ᐛᑕᒪᐛᑦ ᒐᑭᐸ ᐅᑐᐧᑭᓂᔨᒡ ᑭᔭ ᒂ ‍ ᑯᑎᑯᑕᐛᑦ᙮
\v 26 ᐊᑯ ᐊᓐ ᓇᐸᐤ ᐊᑕᑦ, “ᐸᔅᑎᓂ ᐛᔅ ᓴᔅ ᒐᑲᑦ ᐛᐱᓐ᙮”
\p ᒐᑭᑉ ᒂ ‍ ᐃᑕᑦ, “ᓇᒪ ᒋᑭ ‍ ᐱᔅᑎᓂᑎᓐ ᐸᑐᔅ ᒋ ‍ ᓱᐛᔨᑕᑯᐎᔨᓇ᙮”
\p
\v 27 ᐊᑯ ᓇᐸᐤ ᐊᑕᑦ, “ᐎᑎᒧᐎ ᒋᑦ ᐃᓯᓂᐧᑲᓱᐅᓐ᙮”
\p ᒐᑭᑉ ᐃᑕᐤ, “ᒐᑭᑉ ᓂᑦ ᐃᓯᓂᐧᑲᑎᑯᐅᓐ᙮”
\p
\v 28 ᐊᑯ ᓇᐸᐤ ᐊᑕᑦ, “ᓇᒪ ᓴᔅ ᒐᑭᑉ ᒋᑭ ‍ ᐃᓯᓂᐧᑲᑎᑯᐅᓐ᙮ ᔅᒋ ‍ ᒪᓴᐊᐤ ᒋᓴᒪᓂᑐᐤ ᑭᔭ ᐃᔪᒡ ᑭᔭ ᔅᒋ ‍ ᑲᓂᔪᐅᓐ; ᐊᑯ ᐃᔅᕋᐃᓪ ᒋᑭ ‍ ᐃᓯᓂᐧᑲᓱᓐ᙮”
\p
\v 29 ᐊᑯ ᒐᑭᑉ ᑲ ‍ ᑯᒂᒋᒪᑦ, “ᐎᑎᒧᐎ ᒪ ᒋᑦ ᐃᓯᓂᐧᑲᓱᐅᓐ᙮”
\p ᒥᒄ ᒋ ‍ ᐃᑎᑯᐤ ᓇᐸᐛ, “ᒐᒂᓐ ᐛᒋ ‍ ᐎᔅᒐᔨᑎᒥᓐ ᓂᑦ ᐃᓯᓂᐧᑲᓱᐅᓐ ?” ᐊᑯ ᒂ ‍ ᓱᐛᔨᑕᑯᐛᑦ ᒐᑭᐸ᙮
\p
\v 30 ᒂ ‍ ᐃᔅᒋᔄᑦ ᒐᑭᑉ, “ᓂᒋ ‍ ᐛᐱᒪᐤ ᒋᓴᒪᓂᑐᐤ ᑭᔭ ᐊᔅᒄ ᓂ ‍ ᐱᒪᑎᓯᓐ,” ᐊᑯ ᐱᓂᐊᓪ ᒂ ‍ ᐃᓯᓂᐧᑲᑕᐧᒃ ᐊᓂᔭ ᐃᑕᐅᓂᔪᐤ᙮
\p
\v 31 ᒋᒋᓯᑲᔪᐤ ᐃᔅᐱ ᑲ ‍ ᔅᑐᑕᑦ ᐊᓐᑕ ᐱᓇᐃᐅ ᑭᔭ ᐛᔅ ᑲᒋ ‍ ᒪᓴᐊᑦ ᐊᓐᒋᓇ, ᒋ ‍ ᒪᔅᒋᐱᔪᐤ ᐅᑎ ‍ ᐱᒧᑕᐧᒃ᙮
\p
\v 32 ᐃᔭᐱᒡ ᐊᓄᒡ ᑲᓯᑲᒡ ᐃᔅᕋᐃᓪ ᐅᑦ ᐊᓂᔅᑯᑕᐸᓇ ᓇᒪ ᒥᒋᔪᐛ ᐅᑈᒪᐅᑯᔪᐤ, ᐛᔅ ᐊᑯᑕ ᐊᓐᑕ ᑲ ‍ ᐅᑕᒪᐅᑯᑦ ᐊᓐᒋᓇ ᒐᑭᑉ᙮
\c 33
\s1 ᒐᑭᑉ ᑲ ‍ ᐛᐱᒪᑦ ᐃᓴᐅᐛ
\p
\v 1 ᓇᒪ ᓱᐧᒄ ᓇᐅᔅ ᑲᒋ ‍ ᓂᑭᑕᐧᒃ ᒐᑭᑉ ᐱᓇᐃᐅ᙮ ᒋ ‍ ᐛᐱᒪᐤ ᐃᓴᐅᐛ ᐱᔭᑕᔅᑎᒧᑕᔨᒋ ᓇᐤ ᒥᑕᓯᒥᑎᓄᐤ ᐃᔪᐛ ᐊ ‍ ᐎᒐᐅᑯᔨᒋ᙮ ᒂ ‍ ᓂᔅᑐᐎᒡ ᐃᓯ ᑎᐸᓇᐊᑦ ᐊᐛᓴ ᐅᑲᐎᔪᐛ ᐊ ‍ ᐎᒐᐛᔨᒋ᙮
\v 2 ᓂᔅᑎᒻ ᐅᑯᐸᓇᔎᒪ ᒋ ‍ ᑎᔭᐤ ᑭᔭ ᐅᑦ ᐊᐛᓯᒥᔪᐛ, ᒂ ᐅᒋ ‍ ᓇᓴᐅᑯᒡ ᓕᐊᔨᒋ ᑭᔭ ᐅᑦ ᐊᐛᓯᒥᔪᐛ ᑭᔭ ᒪᔅᑕᔾ ᐛᒋ ‍ ᐱᒧᑕᒡ ᕋᐃᒍᓪ ᑭᔭ ᒍᓯᑉ᙮
\v 3 ᐎᔾ ᒋ ‍ ᓂᑲᓄᑕᐤ ᒐᑭᑉ ᒐᒋ ᓂᒋᔅᑯᐛᑦ ᐃᓴᐅᐛ᙮ ᓂᔄᐅᑕᒡ ᑕᑥᐤ ᒋ ‍ ᓄᐛᑲᐳᔅᑐᐛᐤ ᒪᒂᒡ ᐊᑎ ‍ ᐅᑎᑕᑦ ᐅᔅᑕᓴ ᐃᓴᐅᐛ, ᐊ ᐎ ‍ ᐛᐸᑎᔭᑦ ᐊ ‍ ᒋᔅᑕᔨᒪᑦ᙮
\p
\v 4 ᒥᒄ ᐃᓴᐅ ᒋ ‍ ᒋᒋᓇᐤ ᒐᒋ ᓂᒋᔅᑯᐛᑦ ᒐᑭᐸ ᑭᔭ ᒂ ‍ ᐛᐅᒋᓇᑦ ᑭᔭ ᓴᐛᔨᒪᑦ᙮ ᑕᐱᔅᑯᓐ ᒋ ‍ ᒪᐅᒡ ᐊ ‍ ᒥᔽᔨᑕᒡ᙮
\v 5 ᐃᔅᐱ ᐎᔭᐱᒪᑦ ᐃᓴᐅ ᐃᔎᐛ ᑭᔭ ᐊᐛᓴ, ᒂ ‍ ᑯᒂᒋᒪᑦ, “ᐊᐛᓐᒋ ᐅᒡ ᐃᔪᒡ ᑲᒋ ‍ ᐎᒐᐛᐅᒋ ?”
\p ᒐᑭᑉ ᒋ ‍ ᐃᑕᐤ, “ᓂᒋ ‍ ᒥᔪᑐᑕᒄ ᒋᓴᒪᓂᑐᐤ᙮ ᐊᐛᓴ ᓂᒋ ‍ ᒥᔨᒄ᙮”
\v 6 ᐊᑯ ᑯᐸᓇᔎᐅᒡ ᒂ ‍ ᐸᑐᑕᒡ ᐊ ‍ ᐎᒐᐅᑯᒡ ᐅᑦ ᐊᐛᓯᒧᐛᐛ ᑭᔭ ᒂ ‍ ᓄᐛᑲᐳᔅᑐᐛᒡ ᐊ ‍ ᒋᔅᑕᔨᒪᒡ ᐃᓴᐅᐛ᙮
\v 7 ᒥᓐ ᓕᐊ ᑭᔭ ᐅᑦ ᐊᐛᓯᒪ ᐱᔭᑐᑕᒡ, ᑭᔭ ᐎᔨᐛᐤ ᓇᐛᑲᐳᔅᑐᐛᒡ ᐊ ‍ ᒋᔅᑕᔨᒪᒡ ᐃᓴᐅᐛ᙮ ᒪᔅᑕᔾ ᕋᐃᒍᓪ ᑭᔭ ᒍᓯᑉ ᐱᔭᑐᑕᒡ ᑭᔭ ᓇᐛᑲᐳᔅᑐᐛᒡ ᐃᓴᐅᐛ᙮
\p
\v 8 ᐊᑯ ᐃᓴᐅ ᑲ ‍ ᑯᒂᒋᒪᑦ ᒐᑭᐸ, “ᒐᒂᓐ ᐛᒋ ‍ ᐃᑎᓴᐊᒪᐎᓐ ᐊᐛᓯᓯᒡ ?”
\p ᒐᑭᑉ ᒋ ‍ ᐎᑎᒧᐛᐤ ᐊ ‍ ᐃᑕᑦ, “ᔅᒋ ‍ ᐃᑎᓴᐊᒪᑎᓐ ᐊᓐᒡ ᒧᔭᒻ ᒥᔨᐛᐅᓇ᙮ ᔅᒋ ᐎ ‍ ᓇᐊᔨᑎᒥᐃᑎᓐ᙮”
\p
\v 9 ᒥᒄ ᐃᓴᐅ ᐃᑕᐤ, “ᓂᑦ ᐃᔅᐱᔨᓐ ᐊᐛᓯᓯᒡ, ᓂᐧᑲᓂᔅ᙮ ᒋᔾ ᒋᐸ ‍ ᑭᓄᐛᔨᒪᐅᒡ᙮”
\p
\v 10 ᒐᑭᑉ ᒂ ‍ ᐃᑕᑦ, “ᓇᒪ, ᐅᑎᓇ ᓂᒥᔨᐛᐅᓐ ᐊᑯ ᒐᔅᒐᔨᑎᒪᓐ ᐊᑲ ᓴᔅ ᒋᔄᐱᔅᑐᐎᓐ᙮ ᐊᐅᑯᐤ ᒐ ‍ ᐛᐸᑎᐛᔨᓐ ᐊᒋ ‍ ᐛᐸᔨᑎᒧᔨᓐ, ᒧᔭᒻ ᒋᓴᒪᓂᑐᐤ ᑲ ᐃᓯ ‍ ᐛᐸᔨᑎᒧᐅᑦ᙮
\v 11 ᐅᑎᓇ ᓂᒥᔨᐛᐅᓐ᙮ ᐛᔅ ᓂᒋ ‍ ᑐᑕᒄ ᒋᓴᒪᓂᑐᐤ ᒐ ‍ ᒥᔪᐱᔪᐅᒡ ᑭᔭ ᓴᔅ ᓂᑦ ᐃᔅᐱᔨᓐ ᐊᐛᓯᓯᒡ᙮” ᐊᑯ ᒐᑭᑉ ᒋ ‍ ᓴᐧᑯᒋᒪᐤ ᐅᔅᑕᓴ ᑭᔭ ᐃᓴᐅ ᒐᒃ ᐛᑎᓂᒺᑦ ᐅᒥᔨᐛᐅᓂᔪᐤ᙮
\p
\v 12 ᐊᑯ ᐃᓴᐅ ᐊᑕᑦ ᒐᑭᐸ, “ᒪᒧᐤ ᐊᑎ ‍ ᐱᒧᑕᑕᐤ᙮ ᓂᔾ ᓂᑭ ‍ ᓂᑲᓄᑕᓐ᙮”
\p
\v 13 ᒐᑭᑉ ᒋ ‍ ᐎᑎᒧᐛᐤ, “ᒋᔅᒐᔨᒪᐅᒡ ᐊᑲ ᓴᐱᓯᒡ ᐊᐛᓯᒡ ᒐᒋ ᐱᒧᑕᒡ ᐊᔅᐱᓯᐱᔨᓐ᙮ ᐃᔭᐱᒡ ᓂᑦ ᐊᔨᒪᔨᑎᒥᑯᒡ ᐊᐛᓯᓯᒡ ᐊ ‍ ᐊᓯᒪᒡ ᐅᑦ ᐊᐛᓯᒧᐛᐛ᙮ ᑐᑐᐅᒂᐛ ᒐᒋ ᒋᓯᐱᔨᒡ, ᐊᑎᓱᐧᒄ ᐸᐃᑯᒋᓯᑲᐛ᙮ ᒥᓯᐛ ᐊᐛᓯᓯᒡ ᒋᑭ ‍ ᐳᓂᐱᒪᑎᓯᐅᒡ᙮
\v 14 ᓂᑲᓄᑕᒪ ᑭᔭ ᐸᑎᑲᒡ ᒋᑭ ‍ ᓇᓴᐅᑎᓐ, ᐊᔅᐱᓯᐱᔨᒡ ᐊᐛᓯᒡ ᑭᔭ ᐊᐛᓯᓯᒡ᙮ ᓇᓇᒐ ᒋᑭ ‍ ᓂᒋᔅᑲᑎᓐ ᐊᓐᑕ ᓯᐅᕐ᙮”
\p
\v 15 ᐊᑯ ᐃᓴᐅ ᐊᑕᑦ, “ᐊᑯ ᓇᐃᒥ ᐱᔅᒐ ᒐᒋ ᓂᑭᑎᒪᑕᓐ ᓂᑦ ᐃᔨᒥᒡ᙮”
\p ᒐᑭᑉ ᐃᑕᐤ, “ᒋ ‍ ᓂᔅᑯᒥᑎᓐ, ᒥᒄ ᐃᔅᐱᔪᐤ ᑲᒋ ‍ ᐛᐸᑎᔨᓐ ᒋᓴᐛᑎᓯᐅᓐ ᑭᔭ ᑲ ᒥᔪ ‍ ᐅᑎᓂᔨᓐ᙮”
\p
\v 16 ᐊᑯ ᐃᓴᐅ ᒂ ‍ ᓂᓇᔅᑯᒧᑦ ᑭᔭ ᐊᓂᔭ ᐸᐃᑯᑕᐤ ᒋᓯᑯᔪᐤ ᒂ ‍ ᔅᑐᑕᑦ ᑲᐤ ᓯᐅᕐ ᐊᔅᒋᒡ ᐊᑐᑕᑦ᙮
\v 17 ᒥᒄ ᒐᑭᑉ ᓱᑯᑦ ᒋ ‍ ᐃᑐᑕᐤ ᑭᔭ ᐊᑯᑕ ᑲ ‍ ᐃᑐᑕᐧᒃ ᐎᒡ ᑭᔭ ᑲ ‍ ᐎᒋᐧᑯᐛᑦ ᐅᑦ ᐊᐛᓯᓯᒪ᙮ ᐊᐅᑯᓐ ᓱᑯᑦ ᑲ ᐅᒋ ‍ ᐃᓯᓂᐧᑲᑕᒡ ᐃᔪᒡ ᐊᓂᔭ ᐃᑕᐅᓂᔪᐤ᙮
\p
\v 18 ᒂ ‍ ᓂᑭᑕᐧᒃ ᓱᑯᑦ, ᒐᒃ ᒂ ‍ ᑎᑯᓯᐧᒃ ᒐᑭᑉ ᐊᓐᑕ ᑲᐃᓇᓐ ᐊᔅᒋᒡ, ᒋᓴᒪᓂᑐᐛ ᒋ ᒥᔪ ‍ ᑎᑯᓯᑕᐃᑯᐤ ᐅᑦ ᐊᔅᒋᒡ ᐸᑕᓐ ᐊᕋᒻ ᐅᒡ᙮ ᒋ ‍ ᒪᓂᑲᓱᐅᒡ ᓂᑕᐅᒋᑕᑭᓂᒡ ᐊᓐᑕ ᒥᒋᒪ ᓴᑭᒻ ᐅᑕᓇᔪᐤ᙮
\v 19 ᒋ ‍ ᐃᔭᐤ ᐱᔅᒐ ᓂᑕᐅᒋᑕᑭᓂᔪᐤ ᐦᐊᒧᕋ ᐅᑦ ᐊᐛᓯᒥᔪᐛ ᐅᒡ, ᓴᑭᒪ ᐅᑕᐎᔪᐛ᙮ ᐸᐃᑯ ᒥᑕᓯᒥᑎᓄᐤ ᐛᐱᓯᐅᓱᓇᔭᐱᔎ ᐊᑐᑕᐃᒡ᙮
\v 20 ᐊᑯᑕ ᐊᓐᑕ ᒐᑭᑉ ᑲ ‍ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ ᑭᔭ ᐃᓪ ᐃᓗᐃ ᐃᔅᕋᐃᓪ ᒂ ‍ ᐃᓯᓂᐧᑲᑕᐧᒄ, “ᒋᓴᒪᓂᑐᐤ ᐊᐅᑯᓐ ᐃᔅᕋᐃᓪ ᒋᓴᒪᓂᑐᐤ᙮”
\c 34
\s1 ᑕᐃᓇ ᑭᔭ ᓴᑭᒻ
\p
\v 1 ᐸᐃᒂᐤ ᒐᓯᑲᔨᒡ ᑕᐃᓇ, ᒐᑭᑉ ᑭᔭ ᓕᐊ ᐅᑕᓂᓱᐛᐛ, ᒂ ‍ ᔅᑐᑕᑦ ᒐᒋ ᒧᐱᔅᑐᐛᑦ ᑲᐃᓇᓐ ᐃᔎᐛ᙮
\v 2 ᐃᔅᐱ ᓴᑭᒻ, ᐦᐊᒧᕐ ᐃᐎ ᐃᔪᐤ ᐅᑯᓴ, ᐅᒋᒪᐤ ᐊᓐᑕ ᐅᑕᓇᒡ᙮ ᐎᔭᐱᒪᑦ ᑕᐃᓇᔨᒋ, ᒋ ‍ ᐅᑎᓇᐤ ᑭᔭ ᒂ ‍ ᒥᒋᑐᑐᐛᑦ᙮
\v 3 ᒋᒋᐛ ᒋ ‍ ᒧᔅᑕᓄᐛᐤ ᑕᐃᓇᔨᒋ, ᒐᑭᐸ ᐅᑕᓂᓯᔪᐛ᙮ ᒋ ‍ ᓴᒋᐊᐤ ᐊᓂᔭ ᐃᔎᓴ ᑭᔭ ᒋ ᒥᔪ ‍ ᐃᔨᒪᐊᐤ᙮
\v 4 ᐊᑯ ᓴᑭᒻ ᐊᑕᑦ ᐅᑕᐎᔭ ᐦᐊᒧᕋ, “ᒐ ‍ ᑯᒂᒋᒥᑎ ᐅᑕᐎᔭ ᒐᒋ ᐎᒋᒥᒃ ᐅ ᐃᔎᔅ᙮”
\p
\v 5 ᒐᑭᑉ ᒋ ‍ ᐸᑎᒻ ᓴᑭᒪ ᑲ ‍ ᒥᒋᑐᑐᐛᔨᒋ ᐅᑕᓂᓴ ᑕᐃᓇᔨᒋ, ᒥᒄ ᐅᑯᓴ ᓂᑕᐅᒋᑕᑭᓂᒡ ᒋ ‍ ᑭᓄᐛᔨᒪᔪᐛ ᐊᐛᓯᓴ, ᐊᑯ ᓇᒪ ᒐᒂᔪᐤ ᐅᒋ ᐃᔅᒋᔄᐤ ᐸᑎᒪ ᑲᒋ ‍ ᑎᑯᓯᓂᔨᒋ ᐅᑯᓴ᙮
\p
\v 6 ᐊᑯ ᓴᑭᒻ ᐅᑕᐎᔭ, ᐦᐊᒧᕐ, ᒋ ‍ ᓂᑐᐛᐱᒪᐤ ᒐᑭᐸ ᒐᒋ ᐃᔨᒪᐊᑦ,
\v 7 ᒧᔭᒻ ᒐᑭᑉ ᐅᑯᓴ ᑕᑯᓯᓂᔨᒋ ᓂᑕᐅᒋᑕᑭᓂᒡ ᐅᒡ᙮ ᐃᔅᐱ ᐱᔭᑕᒡ ᒐᒂᔪᐤ ᑲ ‍ ᐃᔅᐱᔨᒡ, ᒋ ‍ ᓴᑭᔅᒋᓇᔅᑲᑯᐅᒡ ᑯᐸᑕᔨᒧᐅᓂᔪᐤ ᑭᔭ ᒋ ‍ ᒋᔄᐳᐅᒡ᙮ ᐛᔅ ᓴᑭᒻ ᑲ ᐃᓯ ‍ ᐃᑐᑕᐧᒃ ᒐᒂᔪᐤ ᐊᑲ ᒥᔽᔨᒡ ᑭᔭ ᑲ ‍ ᒥᒋᑕᐛᑦ ᐃᔅᕋᐃᓪ ᐃᔪᐛ ᐅᑦ ᐃᓯᓂᐧᑲᓱᐅᓂᔪᐤ ᑲᒋ ‍ ᒥᒋᑐᑐᐛᑦ ᒐᑭᐸ ᐅᑕᓂᓯᔪᐛ᙮ ᐊᑐᒡ ᐊᐛᓐ ᒋ ᐎ ‍ ᑐᑕᒧᐱᓐ ᐅᔭ ᒐᒂᓂᔪᐤ᙮
\p
\v 8 ᐃᔅᐱ ᑲᒋ ‍ ᒪᒧᐎᒡ ᓇᐸᐅᒡ, ᐦᐊᒧᕐ ᒋ ‍ ᐎᑎᒧᐛᐤ ᒐᒂᔪᐤ ᐛᒋ ‍ ᑎᑯᓯᐧᒃ, “ᓂᑯᔅ ᓴᑭᒻ ᒋᒋᐛ ᓂᑐᐛᔨᑎᒻ ᒐᒋ ᐎᒋᒪᑦ ᒋᑕᓂᓴ᙮ ᒋ ‍ ᑯᒂᒋᒥᑎᓐ ᒐᒋ ᒥᔨᑦ ᒐᒋ ᐎᔪᑦ᙮
\v 9 ᑐᑕᑕᐤ ᓂᐳᐤ ᓂᔅᑯᒥᑐᐅᓐ᙮ ᒥᔨᓇᓐ ᒋᑕᓂᓯᐛᐅᒡ ᒐᒋ ᐎᒋᒥᒋᒡ ᑭᔭ ᒋᑭ ‍ ᒥᔨᑎᓇᓐ ᓂᑕᓂᓯᓇᓐᒡ᙮
\v 10 ᒋᑭ ᒋ ‍ ᐎᒋᒥᓇᓐ᙮ ᐎᔭᐸᑎᒥᒄ ᓂᑐᐎᔾ ᐃᑕᐅᓐ ᐛ ‍ ᐊᐱᒋᑕᔭᒄ᙮ ᒋᑭ ᒋ ‍ ᐎᒋᓇᐤ ᐅᑕ ᐊᔅᒋᒡ, ᒐ ‍ ᐃᑐᑕᔭᒄ ᑕᓐᑕ ᒥᒄ ᓇᑐᐛᔨᑎᒪᒄ ᒐᒋ ᐃᑐᑕᔭᒄ ᑭᔭ ᐃᔭᐱᒡ ᒋᑭ ᒋ ‍ ᐃᔭᓇᐛᐤ ᐊᔅᒋᔾ᙮”
\p
\v 11 ᐊᑯ ᓴᑭᒻ ᐊᑕᑦ ᑕᐃᓇᔨᒋ ᐅᑕᐎᔪᐛ ᑭᔭ ᐅᔅᑕᓯᔪᐛ, “ᐸᒋ ‍ ᒥᔨᒄ ᐊᓯ ‍ ᓂᑐᐛᔨᑎᒪᑎᑯᒡ ᑭᔭ ᒋᑭ ‍ ᒥᔨᑎᓇᐛᐤ ᒥᒄ ᒐᒂᓐ ᓇᑐᐛᔨᑎᒪᒄ᙮
\v 12 ᐎᑎᒧᐅᒄ ᒐᒄ ᒥᔨᐛᐅᓇ ᓇᑐᐛᔨᑎᒪᒄ ᒐ ‍ ᒥᔨᑎᑯᒡ ᑭᔭ ᒋᑭ ᒋ ‍ ᐃᔅᐱᐱᑕᓇᐛᐤ ᐅᔅᒋᓂᐳ-ᒥᔨᐛᐅᓐ ᒥᒄ ᐊᔅᐱᔅ ᒥᔽᔨᑎᒪᒄ᙮ ᓇᐊᔨᑎᒪᒂ ᒐᒋ ᐎᒋᒥᑦ, ᒋᑭ ‍ ᒥᔨᑎᓇᐛᐤ ᐊᔅᐱᔅ ᓂᑐᐛᔨᑎᒪᒄ ᒥᔨᔭᒂ ᐊᓐ ᐃᔎᔅ ᒐᒋ ᐎᐅᔭᓐ᙮”
\s1 ᒐᑭᑉ ᐅᑯᓴ ᑲ ‍ ᐎᔭᓯᒪᒡ ᓴᑭᒪ
\p
\v 13 ᒐᑭᑉ ᐅᑯᓴ ᒋ ‍ ᒋᔄᐳᐅᒡ ᐊᓂᔭ ᓴᑭᒪ ᑲ ‍ ᒥᒋᑐᑐᐛᔨᒋ ᐎᐧᑲᓂᓱᐛᐛ ᑕᐃᓇᔨᒋ᙮ ᐊᑯ ᒂ ‍ ᐎᔭᔨᑕᒡ ᒐᒋ ᐎᔭᓯᒪᒡ ᓴᑭᒪ ᑭᔭ ᐅᑕᐎᔪᐛ᙮
\v 14 ᒂ ‍ ᐃᑕᒡ, “ᓇᒪ ᓂᒋ ‍ ᓇᐊᔨᒪᓇᓐ ᓂᐧᑲᓂᓯᓇᓐ ᒐᒋ ᐎᒋᒪᑦ ᓇᐸᐛ ᐊ ᐊᑲ ‍ ᒋᔅᒋᓄᐛᒋᔄᑭᓄᔨᒋ, ᓂᐸ ‍ ᓴᒂᔨᒧᓇᓐ ᐸᐃᒄ ᓂᐅᔅᒋᓂᒋᔎᓯᒥᓇᓐ ᒋ ‍ ᐎᒋᒪᑦ ᓇᐸᐛ ᐊ ᐊᑲ ‍ ᒋᔅᒋᓄᐛᒋᔄᑭᓄᔨᒋ, ᐛᔅ ᒥᓯᐛ ᓂᔭᐸᐅᒡ ᓂᑦ ᐃᔨᒥᓇᓐ ᒋᔅᒋᓄᐛᒋᔄᑭᓄᐎᒡ᙮
\v 15 ᑎᑯᓐ ᐸᐃᒄ ᒐᒂᓐ ᐊᓐ ᒐ ᐅᒋ ‍ ᓇᐃᒥᑕᒡ ᒐᒋ ᐎᒋᒥᑦ ᓂᐅᔅᒋᓂᒋᔎᓯᒥᓇᓐ, ᒥᓯᐛ ᑕᑐᐤ ᓂᔭᐸᐅᑦ ᐊ ‍ ᑕᔭᒄ ᒋᑭ ᐎ ‍ ᒋᔅᒋᓄᐛᒋᔄᑭᓄᐤ ᐊᑯ ᒪᒃ ᒐ ‍ ᐃᓯᓇᑯᓯᒡ ᐊᓐᒡ ᓇᐸᐅᒡ ᐊᓯᓇᑯᓱᐅᒋᒡ᙮
\v 16 ᐊᑯ ᒐ ‍ ᒥᔨᑕᒡ ᓂᑕᓂᓯᓇᓐᒡ ᑭᔭ ᓂᑭ ‍ ᐎᒋᒪᓇᓐᒡ ᒋᑕᓂᓱᐛᐅᒡ᙮ ᒋᑭ ‍ ᐎᒋᒥᑎᓇᓐ ᑭᔭ ᐸᐃᒄ ᐃᔪᒡ ᒐ ᐊᑎ ‍ ᐃᓯᓇᑯᓯᔭᐧᒄ᙮
\v 17 ᐊᑲ ᐎ ᒋᔅᒋᓄᐛᒋᔄᑯᓯᑥᐛ ᒋᑦ ᐃᔨᒧᐛᐅᒡ, ᓂᑭ ‍ ᐅᑎᓇᓇᓐ ᓂᐧᑲᓂᓯᓇᓐ ᑭᔭ ᓂᑭ ‍ ᓂᑭᑕᓇᓐ ᒋᑦ ᐊᔅᒋᐛᐤ᙮”
\p
\v 18 ᐊᑯ ᐦᐊᒧᕐ ᑭᔭ ᐅᑯᓴ ᓴᑭᒪ ᒋ ‍ ᓂᔅᑯᒪᐅᒡ ᒐᑭᐸ ᐅᑯᓯᔪᐛ ᐊᓂᔭ ᒐᒂᔪᐤ ᑲ ‍ ᐃᑎᑯᒡ ᒐᒋ ᐅᑎᓇᑦ ᓴᑭᒻ ᑕᐃᓇᔨᒋ ᒧᔭᒻ ᐎᐛ᙮
\v 19 ᐛᔅ ᒋᒋᐛ ᒋ ‍ ᓴᒋᐊᐤ ᒐᑭᐸ ᐅᑕᓂᓯᔪᐛ, ᒋᔅᑎᑉ ᒐᒂᔪᐤ ᒋ ᐎ ‍ ᐃᑐᑎᒻ ᑲ ‍ ᐃᑎᓱᒥᑯᒡ ᒐᑭᐸ ᐅᑯᓯᔪᐛ᙮ ᒋᔅᒐᔨᒪᐤ ᐃᔭᐱᒡ ᒐ ‍ ᐎᒋᐃᑯᑦ ᐅᑕᐎᔭ ᒐᒋ ᓯᒋᒪᔨᒋ ᐊᓂᔭ ᓇᐸᐛ ᐊᓐᑕ ᐅᑕᓇᒡ᙮ ᐛᔅ ᐅᑕᐎᔭ ᐊᒧᕋ ᒋ ‍ ᓂᑲᓂᔅᑯᐛᔪᐛ ᐃᔪᐛ ᑭᔭ ᓇᓂᑎᒻ ᒋ ᐎ ‍ ᓇᐊᔨᑎᒪᐊᐤ ᐅᑯᓴ ᐃᔅᐱᔅ ᑯᑎᑲ ᐊᐛᔪᐛ ᐊᓐᑕ ᐊ ‍ ᐸᐃᑯᔅᑲᓇᓯᑦ᙮
\p
\v 20 ᐦᐊᒧᕐ ᑭᔭ ᐅᑯᓴ ᓴᑭᒪ ᐊᑐᑕᒡ ᓇᒋᔅᑲᑐᑕᓄᐎᒡ ᐊᓐᑕ ᐅᑕᓇᐤ ᐃᔎᑕᒥᒡ ᑭᔭ ᐊᔨᒪᐊᒡ ᑯᑎᑲ ᓇᐸᐛ ᐊᓐᑕ ᐅᑕᓇᔪᐤ ᐅᒡ᙮
\v 21 “ᒥᔽᔨᑕᑯᓱᐅᒡ ᐊᓐᒡ ᐃᔪᒡ; ᒥᔭᐧᑯᒡ ᒐᒋ ᐎᒋᒥᑕᐧᑯᒡ ᐅᑕ ᐊᔅᒋᒡ ᑭᔭ ᒧᓴ ᒐᒋ ᐱᐸᒧᑕᒡ᙮ ᐊᓯᒡ ᐃᔅᐱᔪᐤ ᐊᔅᒋᔾ ᑕᐱᔅᑯᓐ ᐊ ‍ ᓂᓱᐎᒋᔭᐧᒄ ᒐᒋ ᐎᒋᔭᐧᒄ ᐅᑕ᙮ ᓂᐳᐅᐛᑕᐤ ᐅᑕᓂᓱᐛᐛ ᑭᔭ ᒐ ‍ ᒥᔭᐧᑯᒡ ᒋᑕᓂᓯᓄᐛ ᒐᒋ ᐎᒋᒪᒡ᙮
\v 22 ᒪᒃ, ᒋᑭ ‍ ᓂᔅᑯᒧᐅᒡ ᒐᒋ ᒪᒧᐤ ᐎᒋᒥᑕᐧᑯᒡ ᒧᔭᒻ ᐸᐃᒄ ᐃᔪᒡ ᐃᔅᐱ ᒋᔅᒋᓄᐛᒋᔄᑭᓄᑥᐛ ᓇᐸᐅᒡ ᒧᔭᒻ ᐎᔨᐛᐤ᙮
\v 23 ᓂᔅᑯᒧᔭᒂ, ᒥᓯᐛ ᑲᓄᐛᔨᑕᒡ ᒐᒂᔪᐤ ᒋᔭᓄᐤ ᒋᑭ ‍ ᑎᐸᔨᑎᒺᓇᓐ, ᐊᓯᒡ ᒥᓯᐛ ᐅᑦ ᐊᐛᓯᓯᒧᐛᐛ ᑭᔭ ᒥᓯᐛ ᑯᑎᒋᔪᐤ ᒐᒂᔪᐤ ᑕᐱᔨᐛᐅᓯᒡ᙮ ᐃᑐᑎᒺᑕᐤ ᒐᒂᔪᐤ ᐊᔅᒋᔄᒡ ᐊᑯ ᒪᒃ ᒐ ‍ ᐎᒋᒥᑕᐧᑯᒡ ᐅᑕ ᐊᔅᒋᒡ᙮”
\p
\v 24 ᒥᓯᐛ ᐃᔪᒡ ᐅᑕᓇᒡ ᐅᒡ ᒋ ‍ ᓂᔅᑯᒪᐅᒡ ᒐᒂᔪᐤ ᑲ ‍ ᑯᒂᒋᒥᑯᒡ ᐦᐊᒧᕋ ᑭᔭ ᓴᑭᒪ᙮ ᒥᓯᐛ ᓇᐸᐅᒡ ᒋ ‍ ᒋᔅᒋᓄᐛᒋᔄᑭᓄᐎᒡ᙮
\p
\v 25 ᑲᒋ ᓂᔅᑐ ‍ ᒋᓯᑲᔨᒡ, ᐃᔅᐱ ᐊᔅᒄ ᑲ ‍ ᐊᐧᑯᓯᒡ ᓇᐸᐅᒡ ᑲ ‍ ᒋᔅᒋᓄᐛᒋᔄᑭᓄᐎᒡ, ᓂᓱ ᒐᑭᑉ ᐅᑯᓴ, ᓯᒥᐅᓐ ᑭᔭ ᓕᐸᐃ, ᑕᐃᓇ ᐅᔅᑕᓴ, ᐛᑎᓇᒡ ᐅᑦ ᐊᓯᒪᑭᓂᐛᐛ ᑭᔭ ᒋᒧᑦ ᐊ ‍ ᑐᑕᒡ ᐊᓐᑕ ᐃᑕᐅᓂᒡ ᐊ ᐊᑲ ‍ ᒋᔅᒐᔨᒪᑭᓄᐎᒡ ᑭᔭ ᓇᐸᐊᒡ ᒥᓯᐛ ᓇᐸᐛ,
\v 26 ᒋᒡ ᐦᐊᒧᕋ ᑭᔭ ᐅᑯᓯᔪᐛ ᓴᑭᒪ᙮ ᐊᑯ ᐛᔪᐎᑕᐊᒡ ᑕᐃᓇᔨᒋ ᓴᑭᒪ ᐎᒋᔨᒡ ᐅᒡ ᑭᔭ ᒂ ‍ ᔅᑐᑕᒡ᙮
\v 27 ᐊᑯ ᑯᑎᑲ ᒐᑭᑉ ᐅᑯᓴ ᒂ ‍ ᐃᑐᑕᔨᒋ ᐃᑕᐅᓂᒡ᙮ ᒋ ‍ ᑕᑕᑯᔅᑲᑕᐅᒡ ᐊᓂᔭ ᑲ ‍ ᓂᐸᐊᑭᓄᔨᒋ, ᒥᒋᐛᐸ ᐸᒐᒡ ᑭᔭ ᐛᑎᓇᒡ ᒥᓯᐛ ᐊᔅᐱᑕᔨᑕᑯᓂᔨᒡ ᒐᒂᔪᐤ᙮ ᒥᓯᐛ ᒋ ‍ ᑭᒐᒧᑐᐅᒡ ᒐᒂᔪᐤ ᐅᑕᓇᒡ ᐅᒡ ᐛᔅ ᓴᑭᒪ ᒋ ‍ ᒥᒋᑐᑐᐛᔪᐛ ᐎᐧᑲᓂᓱᐛᐛ ᑕᐃᓇᔨᒋ᙮
\v 28 ᒥᓯᐛ ᒪᔭᑕᓂᓴ, ᒥᔅᑐᓴ, ᒥᒋᑎᒂ, ᑲᓂᐧᑲᑎᓯᔨᒋ ᑲᐸᐃᑭᔎᐛ ᑭᔭ ᒥᓯᐛ ᑯᑎᒋᔪᐤ ᒐᒂᔪᐤ ᑲ ‍ ᑎᑯᓂᔨᒡ ᐊᓐᑕ ᐃᑕᐅᓂᒡ ᑭᔭ ᓂᑕᐅᒋᑕᑭᓂᒡ ᒋ ‍ ᐅᑎᓂᒧᒡ᙮
\v 29 ᒥᓯᐛ ᐊᔅᐱᑕᔨᑕᑯᓂᔨᒡ ᒐᒂᔪᐤ ᐊᓐᑕ ᒥᒋᐛᐱᒡ ᐅᒡ ᒋ ‍ ᐅᑎᓂᒧᒡ, ᐊᓯᒡ ᐃᔎᐛ ᑭᔭ ᐊᐛᓴ᙮ ᓇᒪ ᒐᒂᔪᐤ ᐅᒋ ᐃᔅᑯᓂᒧᒡ ᐊᓐᑕ ᐎᒋᐛᔨᒡ᙮
\p
\v 30 ᐊᑯ ᒐᑭᑉ ᐊᑕᑦ ᓯᒥᐅᓇ ᑭᔭ ᓕᐸᐃᔨᒋ, “ᒋ ‍ ᐅᔅᑕᐱᓇᐛᐤ, ᐊᓄᒡ ᑲᐃᓇᓐ ᐃᔪᒡ, ᐸᕆᔅ ᐃᔪᒡ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᓂᑭ ‍ ᐛᐧᑲᑎᑯᒡ᙮ ᓇᒪ ᒥᒐᑐᐅᒡ ᓂᑦ ᐃᔨᒥᒡ, ᒪᒧᐎᑥᐛ ᑭᔭ ᓂᑐᐱᔨᑕᑕᒂᐛ, ᒋᑭ ‍ ᓂᓱᐅᓇᒋᐃᑭᓄᐅᒡ ᒥᓯᐛ ᐊᑎᓯᐛᐧᒄ᙮”
\p
\v 31 ᒥᒄ ᓯᒥᐅᓐ ᑭᔭ ᓕᐸᐃ ᒋ ‍ ᐎᑎᒧᐛᐅᒡ, “ᓇᒪ ᓂᒋ ‍ ᓇᐃᑕᓇᓐ ᒐᒋ ᐃᓯ ‍ ᐅᑎᓇᑭᓄᐅᑦ ᓂᐧᑲᓂᓯᓇᓐ ᒧᔭᒻ ᐱᓯᒂᑎᔎᐛ᙮”
\c 35
\s1 ᒋᓴᒪᓂᑐᐤ ᐸᑕᓪ ᑲ ‍ ᐃᑎᓴᐛᑦ ᒐᑭᐸ ᑭᔭ ᐎᐎᐛ
\p
\v 1 ᓇᓇᒐ ᐊᑯ ᒋᓴᒪᓂᑐᐤ ᐊᑕᑦ ᒐᑭᐸ, “ᐸᑕᓪ ᐅᑕᓇᐤ ᐃᑐᑕ ᑭᔭ ᐊᑯᑕ ᒐ ‍ ᐎᒋᔨᓐ᙮ ᓂᔾ ᐅ ᒋᓴᒪᓂᑐᐤ ᑲ ‍ ᓄᑯᓯᔅᑕᑕᓐ ᐃᔅᐱ ᑲ ‍ ᒋᑎᓯᒥᑦ ᒋᔅᑕᔅ ᐃᓴᐅ᙮ ᐊᑯ ᒐ ‍ ᐅᓯᑕᔨᓐ ᐱᔅᑎᓂᒐᐅᓇᐱᔅᒄ ᐊᓐᑕ ᐸᑕᓪ ᑭᔭ ᐊᑯᑕ ᒐ ‍ ᐊᔭᒥᐊᔅᑐᐅᔭᒄ᙮” ᐊᑯ ᒐᑭᑉ ᒋ ‍ ᑕᑈᑐᐛᐤ ᒋᓴᒪᓂᑐᐛ ᑲ ‍ ᐃᑎᓱᒥᑯᑦ᙮
\p
\v 2 ᐊᑯ ᒐᑭᑉ ᐊᑕᑦ ᐅᑦ ᐃᔨᒪ, “ᐱᔅᒐ ᒋᔨᐛᐤ ᒋᑦ ᐊᔭᒥᐊᔅᑐᐛᐛᐅᒡ ᒥᓂᑐᐧᑲᓐᒡ ᐃᔭᒡ ᐊᔅᒋᒡ ᐅᒡ ᑲ ‍ ᐅᑎᓇᑯᒡ᙮ ᓂᔅᑐᐅᓇᐧᑯᒡ, ᒋᑭ ‍ ᐎᐛᐱᓇᓄᐅᒡ ᐊᓐᒡ᙮ ᐸᔭᒋᐃᓱᒄ ᑭᔭ ᒐ ‍ ᐳᔅᑎᔅᑭᒪᒄ ᐊ ‍ ᐛᔅᑭᒪᒋ ᐊᐱᒋᑕᐅᓇ᙮
\v 3 ᒋᑭ ‍ ᓂᑭᑕᓇᓄᐤ ᐅᑕ ᑭᔭ ᐸᑕᓪ ᒋᑭ ‍ ᐃᑐᑕᓇᓄᐤ, ᐊᓐᑕ ᒐ ‍ ᐃᑐᑎᒧᐛᐧᒄ ᐱᔅᑎᓂᒐᐅᓇᐱᔅᑯᔪᐤ ᒋᓴᒪᓂᑐᐤ ᐊᓐ ᑲ ‍ ᐎᒋᐃᑦ ᑲ ‍ ᐅᔅᑕᐱᔪᐅᒡ ᑭᔭ ᐊᓐ ᑲ ‍ ᐎᒐᐅᑦ ᒥᒂᑕ ᑲ ᐊᑎ ‍ ᐃᑕᐅᒡ᙮”
\p
\v 4 ᒋ ‍ ᐃᑐᑎᒧᒡ ᐃᔪᒡ ᑲ ‍ ᐃᑎᑯᒡ ᒐᑭᐸ᙮ ᒋ ‍ ᓂᔅᑐᓇᐅᒡ ᒥᓯᐛ ᒥᓂᑐᐧᑲᓇ ᑭᔭ ᒂ ‍ ᒥᔭᒡ ᒐᑭᐸ᙮ ᐃᔭᐱᒡ ᒋ ‍ ᒥᔭᐅᒡ ᐎᑐᑲᐛᒡ ᑲ ‍ ᒋᑭᒧᑕᒡ᙮ ᐊᑯ ᒐᑭᑉ ᓯᐸᔭᔅᑎᑯᒡ ᒥᔅᑯᐛᑎᑯᒡ ᒋ ‍ ᐃᔨᔅᑭᒥᒋᓇᐤ ᒥᒋᒪ ᓴᑭᒥᒡ᙮
\v 5 ᐊᑯ ᒐᑭᑉ ᑭᔭ ᐅᑦ ᐃᔨᒪ ᓇᑭᑕᒡ ᓴᑭᒻ ᐸᑕᓪ ᐃᔅ ᒐᒋ ᐃᑐᑕᒡ᙮ ᒋ ‍ ᑭᓄᐛᔨᒥᑯᐅᒡ ᒋᓴᒪᓂᑐᐛ ᒪᒂᒡ ᐊᑎ ‍ ᐱᒧᑕᑕᐤ, ᓇᒪ ᐛᐛᒡ ᐸᐃᒄ ᐃᔪᐛ ᑲᐃᓇᓐ ᐅᑕᓇᐛ ᐅᒡ ᒋ ‍ ᓇᓴᐅᑯᒡ ᐛᔅ ᒋᓴᒪᓂᑐᐤ ᒋ ‍ ᐃᑐᑐᐛᐤ ᐃᔪᐛ ᐊᓐᑕ ᐅᑕᓇᐛ ᒐᒋ ᒋᒋᐛ ᑯᔅᑕᔨᒋ ᒐᑭᐸ ᑭᔭ ᐅᑦ ᐃᔨᒥᔪᐛ᙮
\p
\v 6 ᓗᔅ ᑲᐃᓇᓐ ᐊᔅᒋᔪᐤ ᒐᑭᑉ ᒋ ‍ ᐅᑎᑎᒧᒡ ᐊᓯᒡ ᐅᑦ ᐃᔨᒪ, ᐸᑕᓪ ᐊᓄᒡ ᐊᓯᓂᐧᑲᑕᒡ ᐊᓐ ᐃᑕᐅᓐ᙮
\v 7 ᐊᑯᑕ \fig Jacob built an altar|HK00251Ba.tif|col||Horace Knowles|ᒐᑭᑉ ᑲ ‍ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ |ᒐᓂᓯᔅ 35.7\fig*ᑭᔭ ᒋᓴᒪᓂᑐᐤ ᐸᑕᓪ ᐅᒡ ᒋ ‍ ᐃᓯᓂᐧᑲᑎᒻ ᐊᓂᔭ ᐅᑕᓇᔪᐤ ᐛᔅ ᐊᑯᑕ ᐊᓐᑕ ᑲ ‍ ᓄᑯᓯᔅᑐᐛᑦ ᒋᓴᒪᓂᑐᐤ ᒐᑭᐸ ᐃᔅᐱ ᑲᒋ ‍ ᒋᑎᓴᒪᔨᒋ ᐅᔅᑕᓯᔪᐛ᙮
\p
\v 8 ᒪᒂᒡ ᑲ ‍ ᐎᒋᒡ ᒥᒋᒪ ᐸᑕᓪ, ᑕᐳᐛ ᕋᐸᑲ ᑲ ‍ ᐅᑯᐸᓇᔎᒥᑦ ᒋ ‍ ᐳᓂᐱᒪᑎᓯᐤ᙮ ᓯᐸᔭᔅᑎᑯᒡ ᒥᔅᑯᐛᑎᑯᒡ ᐸᑕᓪ ᐱᓯᒧᑕᒡ ᒋ ‍ ᓇᐃᐧᑯᐛᑭᓄᐤ᙮ ᐊᑯ “ᒥᔅᑯᐛᑎᒄ ᑲ ‍ ᒪᓄᐅᒡ” ᒂ ‍ ᐃᓯᓂᐧᑲᑕᑭᓄᐅᒡ᙮
\p
\v 9 ᒪᒂᒡ ᑲ ‍ ᑕᒡ ᐊᓐᑕ ᐸᑕᓪ, ᒋᓴᒪᓂᑐᐤ ᒥᓐ ᒋᓄᑯᓯᔅᑐᐛᐤ ᒐᑭᐸ ᑭᔭ ᒂ ‍ ᒥᔪᑐᑐᐛᑦ᙮ ᒥᓐ ᐛᑎᒧᐛᑦ ᐊᓱᑎᒪᒐᐅᓇ ᐎᐱᒡ ᑲ ‍ ᐊᓱᑎᒧᐛᑦ᙮
\v 10 ᒋᓴᒪᓂᑐᐤ ᒂ ‍ ᐃᑕᑦ, “ᒐᑭᑉ ᒋᑦ ᐃᓯᓂᐧᑲᑎᑯᐅᓐ, ᒥᒄ ᐊᓄᒡ ᐃᔅᕋᐃᓪ ᒋᑭ ‍ ᐃᓯᓂᐧᑲᑎᑯᐅᓐ᙮” ᐊᑯ ᒋᓴᒪᓂᑐᐤ ᐃᔅᕋᐃᓪ ᒂ ‍ ᐃᓯᓂᐧᑲᑕᑦ ᒐᑭᐸ᙮
\p
\v 11 ᐊᑯ ᒋᓴᒪᓂᑐᐤ ᐊᑕᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊᓯ ‍ ᓱᐧᑲᑎᓯᑦ, ᒐ ‍ ᐃᔭᐛᑯᒡ ᒥᒐᑦ ᐊᐛᓯᒡ᙮ ᒋᑭ ‍ ᒥᒐᑐᔅᑲᓇᓱᐅᒡ ᒋᑦ ᐊᐛᓯᒥᒡ ᑭᔭ ᐱᔅᒐ ᒋᑭ ‍ ᒋᓴᐅᒋᒪᐅᒡ ᒋᑦ ᐊᐛᓯᒥᒡ᙮
\v 12 ᐊᓂᔭ ᐊᔅᒋᔪᐤ ᑲ ‍ ᒥᔨᒂᐤ ᐊᑉᕋᐊᒻ ᑭᔭ ᐊᐃᓯᒃ, ᐊᓄᒡ ᒋ ‍ ᒥᔨᑎᓐ ᐊᓐ ᐊᔅᒋᔾ ᑭᔭ ᓂᑭ ‍ ᒥᔭᐅᒡ ᒋᑦ ᐊᐛᓯᒥᒡ ᒐ ‍ ᐊᔭᓂᔅᒐ ᐱᒪᑎᓯᒡ ᐊᓂᔭᔪᐤ ᐊᔅᒋᔪᐤ᙮”
\v 13 ᐊᑯ ᒋᓴᒪᓂᑐᐤ ᒂ ‍ ᐃᑐᑎᒧᐛᑦ ᒐᑭᐸ ᐅᔭ ᐊᓱᑎᒪᒐᐅᓇ ᑭᔭ ᑲᒋ ᐃᓯ ‍ ᐃᔨᒥᑦ, ᒋ ‍ ᓂᑭᑎᒻ ᐊᓂᔭ ᐃᑕᐅᓂᔪᐤ ᐊᓐᑕ ᑲ ‍ ᑕᔨᒋ ᒐᑭᐸ᙮
\v 14 ᐊᓐᑕ ᒪᒃ ᑲ ‍ ᐃᔨᒥᑯᑦ ᒋᓴᒪᓂᑐᐛ, ᒋ ‍ ᒋᒥᔭᐤ ᒐᑭᑉ ᐊᓯᓂᔭ ᑭᔭ ᒋ ‍ ᐃᔨᒥᑥᑎᒻ ᐊᓯᒋᓇᒃ ᒥᓂᒂᐎ ᐱᔅᑎᓂᒐᐅᓂᔪᐤ ᑭᔭ ᐱᒥᐛᑎᒃ ᐱᒥᔪᐤ ᑕᐧᑯᒡ ᐊᓯᓂᒡ᙮
\v 15 ᐊᑯ ᐸᑕᓪ ᒂ ‍ ᐃᓯᓂᐧᑲᑕᐧᒃ ᒐᑭᑉ ᐊᓐᑕ ᑲ ‍ ᐃᔨᒥᑯᑦ ᒋᓴᒪᓂᑐᐛ᙮
\s1 ᑲ ‍ ᐳᓂᐱᒪᑎᓯᒡ ᕋᐃᒍᓪ ᑭᔭ ᐊᐃᓯᒃ
\p
\v 16 ᓇᓇᒐ ᒐᑭᑉ ᑭᔭ ᐅᑦ ᐃᔨᒪ ᒋ ‍ ᑎᒪᒋᐅᒡ ᑭᔭ ᐱᓯᒧᑕᒡ ᐸᑕᓪ ᐅᒡ ᒋ ᐃᓯ ‍ ᔅᑐᑕᐅᒡ᙮ ᐛᔪᐤ ᐃᑉᕋᑦ ᐅᒡ ᐊᔅᒄ ᒋ ‍ ᑕᐅᒡ ᐃᔅᐱ ᑲ ‍ ᐅᑎᒋᐱᔨᒡ ᒐᒋ ᐛᐱᒪᐅᓱᑦ ᕋᐃᒍᓪ᙮
\v 17 ᐃᔅᐱ ᑲ ᒥᔅᑎ ‍ ᐊᐧᑯᓯᑦ ᕋᐃᒍᓪ᙮ ᒂ ‍ ᐃᑕᑦ ᐃᔎᐤ ᑲ ‍ ᐅᑎᓇᐅᓱᑦ, “ᐊᑲ ᑯᔅᑕᒋ, ᐛᔅ ᒥᓐ ᒋ ‍ ᐅᑯᓯᓐ᙮”
\v 18 ᒥᒄ ᐎ ‍ ᐳᓂᐱᒪᑎᓯᐤ ᑭᔭ ᒪᔅᑕᔾ ᐊᑎ ‍ ᐊᔭᔭᑦ, ᐱᓐᐅᓂ ᒋ ‍ ᐃᓯᓂᐧᑲᑕᐤ ᐅᑯᓴ᙮ ᒥᒄ ᓇᓇᒐ ᒐᑭᑉ ᒋ ‍ ᒥᔅᑯᑐᓂᒺᐤ ᐊᓯᓂᐧᑲᓱᔨᒋ ᐅᑯᓴ, ᐱᓐᒋᒥᓐ ᒋ ‍ ᐃᓯᓂᐧᑲᑕᐤ᙮
\p
\v 19 ᐃᔅᐱ ᑲ ‍ ᐳᓂᐱᒪᑎᓯᑦ ᕋᐃᒍᓪ, ᐅᐱᒪᔅᑭᓇᒡ ᐊᓐᑕ ᐃᑉᕋᑦ ᐊᑎ ‍ ᐃᑎᒧᒡ ᒋ ‍ ᓇᐃᐧᑯᐛᑭᓄᐤ, ᐸᑦᓕᔭᒥᒡ ᐊᓄᒡ ᐊᑎ ‍ ᐃᑎᒧᒡ ᐊᓐ ᒪᔅᑭᓄᐤ᙮
\v 20 ᒋ ‍ ᒋᒥᔭᐤ ᐊᓯᓂᔭ ᒐᑭᑉ ᐊᓐᑕ ᐅᒋᐱᐃᒋᐛᐱᒡ, ᐊᔅᒄ ᐊᓄᒡ ᑲᓯᑲᒡ ᒋ ‍ ᒥᓱᐤ ᐊᓐ ᐊᓯᓂᔾ᙮
\p
\v 21 ᐊᑯ ᒐᑭᑉ ᐊᓄᒡ ᐃᔅᕋᐃᓪ ᐊᓯᓂᐧᑲᑕᑭᓄᐅᑦ, ᐅᔅᑕᒐ ᒥᒃᑕᓪ ᐃᑐᕐ ᒋ ‍ ᐃᑐᑕᐅᒡ᙮ ᐊᑯᑕ ᐎᔾ ᑭᔭ ᐅᑦ ᐃᔨᒪ ᑲ ‍ ᒋᒥᑕᒡ ᐎᒋᐛᐛ
\v 22 ᒪᒂᒡ ᑲ ‍ ᐎᒋᒡ ᐊᓐᑕ ᐃᑕᐅᓂᒡ, ᕈᐱᓐ ᒋ ‍ ᐎᐸᒪᐤ ᐱᓚᔨᒋ, ᐸᐃᒄ ᐅᑕᐎᔭ ᐎᑎᒧᓯᔪᐛ᙮ ᓇᓇᒐ ᒋ ‍ ᐸᑎᒻ ᒐᑭᑉ ᑲ ‍ ᐃᑎᔨᒋ ᕈᐱᓇ᙮
\p ᐊᐅᑯᔪᐤ ᐅᔭ ᑲ ‍ ᐃᓯᓂᐧᑲᓱᔨᒋ ᑲ ‍ ᓂᓱᓴᐳᔨᒋ ᒐᑭᑉ ᐅᑯᓴ᙮
\p
\v 23 ᐊᓱᑕᒡ ᒋ ‍ ᐃᑕᑎᓯᔪᐛ ᐅᑯᓴ ᓕᐊᔨᒋ ᐅᒡ᙮
\q ᓂᔅᑎᒧᓴᓐ ᕈᐱᓐ,
\q ᒥᓐ ᓯᒥᐅᓐ, ᓕᐸᐃ, ᒍᑕ, ᐃᓴᑲᕐ ᑭᔭ ᓴᐳᓕᓐ᙮
\p
\v 24 ᕋᐃᒍᓪ ᒋ ‍ ᓂᓯᔨᐛ ᐅᑯᓴ,
\q ᒍᓯᑉ ᑭᔭ ᐱᓐᒋᒥᓐ᙮
\p
\v 25 ᕋᐃᒍᓪ ᐅᑯᐸᓇᔎᒪ ᐱᓚ ᒋ ‍ ᓂᓯᔨᐛ ᐅᑯᓴ,
\q ᑕᐊᓐ ᑭᔭ ᓇᑉᑕᓕ᙮
\p
\v 26 ᓯᓪᐸ, ᓕᐊ ᐅᑯᐸᓇᔎᒪ, ᒋ ‍ ᓂᓯᔨᐛ ᐅᑯᓴ,
\q ᑲᑦ ᑭᔭ ᐊᓱᕐ᙮
\p ᒥᓯᐛ ᒐᑭᑉ ᐅᑯᓴ ᐸᑕᓐ ᐊᕋᒻ ᒋ ‍ ᐃᔪᔨᐛ᙮
\p
\v 27 ᒋ ‍ ᓂᑐᐛᐱᒪᐤ ᒐᑭᑉ ᐅᑕᐎᔭ ᐊᐃᓯᑲ ᐊᓐᑕ ᒪᒻᕋ, ᒥᒋᒪ ᐃᑉᕈᓐ, ᐊᓐᑕ ᑲ ‍ ᐎᒋᒡ ᐊᑉᕋᐊᒻᐱᓐ ᑭᔭ ᐊᐃᓯᒃ᙮
\v 28 ᐸᐃᑯ ᒥᑕᓯᒥᑎᓄᐤ ᐊᓱ ᔭᓇᐤ ᑕᑐᔪᐛᐳᓇ ᒋ ‍ ᐃᔅᐱᔅ ᐱᒪᑎᓯᐤ ᐊᐃᓯᒃ
\v 29 ᑭᔭ ᒂ ‍ ᐳᓂᐱᒪᑎᓯᑦ ᐊ ‍ ᒋᓴᐃᔪᐅᑦ ᑭᔭ ᓂᔭᐃᐧᑲᑯᑦ ᐅᑯᓴ ᐃᓴᐅᐛ ᑭᔭ ᒐᑭᐸ᙮
\c 36
\s1 ᐃᓴᐅ ᐎᐛ ᑭᔭ ᐅᑦ ᐊᐛᓯᒪ ᑲᐃᓇᓐ ᑲ ‍ ᑕᒡ
\p
\v 1 ᐊᐅᑯᐤ ᐊ ᐃᓯ ‍ ᑎᐸᒋᒪᑭᓄᐅᑦ ᐃᓴᐅ ᐅᑦ ᐊᓂᔅᑯᑕᐸᓇ, ᐃᑕᒻ ᐃᔭᐱᒡ ᑲ ‍ ᐃᓯᓂᐧᑲᑕᑭᓄᐅᑦ᙮
\v 2 ᓇᒪ ᐅᒋ ᐎᒋᒪᐤ ᐃᔎᐛ ᐊᓐᑕ ᐎᒡ ᐃᔪᐛ ᐅᒡ, ᒥᔅᑯᒡ ᐃᔭᒡ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋ ‍ ᐅᑎᓇᐤ ᐃᔎᐛ ᐊᓐᑕ ᑲᐃᓇᓐ ᐊᔅᒋᒡ ᑲ ‍ ᐎᒋᔨᒋ᙮ ᒋ ‍ ᓂᔅᑎᔨᐛ ᐎᐛ; ᐊᑕ, ᐅᐅᓕᐸᒪ ᑭᔭ ᐸᓯᒪᑦ᙮ ᐊᑦ ᐃᔪᐛ ᒋ ‍ ᐅᑕᐎᔪᐤ ᐊᑕ, ᐃᓚᓐ ᐃᓯᓂᐧᑲᓱᔪᐛ᙮ ᐅᐅᓕᐸᒪ ᐊᓇ ᒋ ‍ ᐅᑕᐎᔪᐤ ᑭᔭ ᓯᐱᔭᓇ ᒋ ‍ ᐅᒧᓱᒧᐤ, (ᐃᐎ) ᐃᔪᐛ᙮
\v 3 ᐸᓯᒪᑦ ᐃᔅᒪᐃᓪ ᒋ ‍ ᐅᑕᐎᔪᐤ ᑭᔭ ᓇᐸᐃᐅᑦ ᒋ ‍ ᐃᓯᓂᐧᑲᓱᔪᐛ ᐅᔅᑕᓴ᙮
\p
\v 4 ᐃᓴᐅ ᑭᔭ ᐊᑕ ᒋ ‍ ᑕᔪᐛ ᐅᑯᓱᐛᐛ ᐃᓕᐸᔅ ᐊ ‍ ᐃᓯᓂᐧᑲᓱᔨᒋ; ᐃᓴᐅ ᑭᔭ ᐸᓯᒪᑦ ᒋ ‍ ᑕᔪᐛ ᐅᑯᓱᐛᐛ ᕋᐅᓪ ᐊ ‍ ᐃᓯᓂᐧᑲᓱᔨᒋ᙮
\v 5 ᐃᓴᐅ ᑭᔭ ᐅᐅᓕᐸᒪ ᒋ ‍ ᑕᔪᐛ ᐅᑯᓱᐛᐛ ᒐᐅᔅ, ᒐᓚᒻ ᑭᔭ ᑯᕋ ᐊ ‍ ᐃᓯᓂᐧᑲᓱᔨᒋ᙮ ᐊᐅᑯᐤ ᐅᔭ ᐃᓴᐅ ᐅᑯᓴ ᐎᐛ ᑲ ‍ ᓂᑕᐅᒐᔨᒋ ᒪᒂᒡ ᐊᓐᑕ ᑲ ‍ ᑕᒡ ᑲᐃᓇᓐ ᐊᔅᒋᒡ᙮
\p
\v 6 ᐃᓴᐅ ᒂ ‍ ᓂᑭᑕᑦ ᐎᐧᑲᓂᓴ ᒐᑭᐸ ᑭᔭ ᒂ ‍ ᐃᑐᑕᑦ ᒐᒋ ᐎᒋᒡ ᐊᓐᑕ ᐃᔭᑎᔅᒋᒡ᙮ ᒋ ‍ ᐅᑎᓇᐤ ᐎᐛ, ᐅᑯᓴ, ᐅᑕᓂᓴ ᑭᔭ ᒥᓯᐛ ᐊᐛᔪᐛ ᑲ ‍ ᑕᔨᒋ ᐎᒋᒡ, ᐊᓯᒡ ᒥᓯᐛ ᐅᑦ ᐊᐛᓯᓯᒪ ᑭᔭ ᒥᓯᐛ ᐅᑎᐱᔨᐛᐅᓯᐅᓐ ᑲᐃᓇᓐ ᐊᔅᒋᒡ ᑲ ‍ ᐅᑎᓇᐧᒃ ᑭᔭ ᒂ ‍ ᔅᑐᑕᑦ᙮
\v 7 ᒋ ‍ ᔅᑐᑕᐤ ᐅᓴᒻ ᒋᒋᐛ ᒋ ‍ ᐱᓴᓯᔪᐤ ᐊᔅᒋᔪᐤ ᐎᔾ ᑭᔭ ᒐᑭᐸ ᐊᓐᑕ ᑲ ‍ ᐎᒋᒡ; ᒋ ‍ ᒥᒐᑎᔨᐛ ᐅᑦ ᐊᐛᓯᓯᒧᐛᐛ ᑭᔭ ᓇᒪ ᐅᒋ ᒪᒧᐤ ᑕᐅᒡ᙮
\v 8 ᐊᑯ ᐃᓴᐅ ᓯᐅᕐ ᐱᔅᑯᑎᓇᒡ ᒂ ‍ ᐎᒋᑦ᙮
\s1 ᐃᓴᐅ ᑭᔭ ᐅᑦ ᐊᓂᔅᑯᑕᐸᓇ ᓯᐅᕐ ᑲ ‍ ᑕᒡ
\p
\v 9 ᒂ ‍ ᐅᑕᐎᒪᐅᑦ ᐃᓴᐅ ᐃᑕᒻ ᐃᔪᐛ ᐊᓐᑕ ᑲ ‍ ᐎᒋᒡ ᓯᐅᕐ ᐱᔅᑯᑎᓇᒡ᙮ ᐊᐅᑯᐤ ᐅᔭ ᐊ ᐃᓯ ‍ ᐎᔭᑭᓄᔨᒋ ᐅᑦ ᐊᓂᔅᑯᑕᐸᓇ:
\p
\v 10 ᐃᓕᐸᔅ, ᐊᑕ ᐅᑯᓴ, ᐃᓴᐅ ᐎᐛ ᑭᔭ ᕋᐅᓪ, ᐸᓯᒪᑦ ᐅᑯᓴ, ᐃᓴᐅ ᐎᐛ᙮
\p
\v 11 ᐃᓕᐸᔅ ᐱᑕᑕᒡ ᒋ ‍ ᐃᑕᑎᓯᔨᐛ ᐅᑯᓴ: ᑕᒪᓐ, ᐅᒪᕐ, ᓯᐳ, ᑲᑕᒻ ᑭᔭ ᑭᓇᔅ ᐃᓯᓂᐧᑲᑕᑭᓄᐎᔪᐛ᙮
\v 12 ᒋ ‍ ᑕᔪᐛ ᐃᓕᐸᔅ ᑯᑎᑲ ᐎᐛ ᑎᒻᓇ ᐊ ‍ ᐃᓯᓂᐧᑲᓱᔨᒋ᙮ ᒋ ‍ ᓂᑕᐅᒋᐃᒪᐤ ᐃᓕᐸᓴ ᐅᑯᓯᔪᐛ, ᐊᒪᓕᒃ ᐊ ‍ ᐃᓯᓂᐧᑲᓱᔨᒋ᙮ ᒥᓯᐛ ᐅᔭ ᒋ ‍ ᐅᔅᒋᒧᐤ ᐊᑕ, ᐃᓴᐅ ᐎᐛ᙮
\p
\v 13 ᐃᓴᐅ ᐅᑯᓴ, ᕋᐅᓪ, ᒋ ‍ ᓇᐎᔪᐛ ᐅᑯᓴ: ᓇᐊᑦ, ᓯᕋ, ᓴᒪ ᑭᔭ ᒥᓴ᙮ ᒥᓯᐛ ᐅᔭ ᒋ ‍ ᐅᔅᒋᒧᐤ ᐸᓯᒪᑦ, ᐃᓴᐅ ᐎᐛ᙮
\p
\v 14 ᐃᓴᐅ ᐎᐛ ᐅᐅᓕᐸᒪ, ᐊᓇ ᐅᑕᓂᓴ ᑭᔭ ᓯᐱᐅᓐ ᐅᔅᒋᒪ, ᓂᔅᑐ ᒋ ‍ ᓂᑕᐅᒋᐊᐤ ᐅᑯᓯᒪᐛ; ᒐᐅᔅ, ᒐᓚᒻ ᑭᔭ ᑯᕋ᙮
\s1 ᐊᓂᔅᒐ ᐅᑕᐎᒪᐅᒡ ᐃᑕᒻ ᐅᒡ ᑲ ‍ ᐃᑎᔅᑲᓇᓯᒡ
\p
\v 15 ᐊᐅᑯᓐᒡ ᐅᒡ ᑲ ‍ ᐃᑎᔅᑲᓇᓯᒡ ᐃᓴᐅᐛ ᑲ ᐅᒋ ‍ ᐊᓂᔅᑯᑕᐸᓄᐎᒡ᙮ ᐃᓴᐅ ᐅᓂᔅᑎᒧᓴᓇ ᐃᓕᐸᔅ ᒋ ‍ ᐊᓂᔅᒐ ᐅᑕᐎᒪᐤ ᐅᔭ ᑲ ‍ ᐃᑎᔅᑲᓇᓯᔨᒋ: ᑕᒪᓐ, ᐅᒪᕐ, ᓯᐳ, ᑭᓇᔅ,
\v 16 ᑯᕋ, ᑲᑕᒻ ᑭᔭ ᐊᒪᓕᒃ᙮ ᐊᐅᑯᐤ ᐅᔭ ᐃᓴᐅ ᐎᐛ ᐊᑕ ᒥᓯᐛ ᑲ ‍ ᐅᑦ ᐊᓂᔅᑯᑕᐸᓐᑦ᙮
\p
\v 17 ᐃᓴᐅ ᐅᑯᓴ ᕋᐅᓪ ᒋ ‍ ᐊᓂᔅᒐ ᐅᑕᐎᒪᐤ ᐅᔭ ᑲ ‍ ᐃᑎᔅᑲᓇᓯᔨᒋ: ᓇᐊᑦ, ᓯᕋ, ᓴᒪ ᑭᔭ ᒥᓴ᙮ ᒥᓯᐛ ᐅᒡ ᐸᓯᒪᑦ, ᐃᓴᐅ ᐎᐛ ᒋ ᐅᒋ ‍ ᐊᓂᔅᑯᑕᐸᓄᐎᒡ᙮
\p
\v 18 ᐅᒡ ᑲ ‍ ᐃᑎᔅᑲᓇᓯᒡ ᐃᓴᐅ ᐎᐛ, ᐅᐅᓕᐸᒪ, ᐊᓇ ᐅᑕᓂᓴ, ᒋ ᐅᒋ ‍ ᐊᓂᔅᑯᑕᐸᓄᐎᒡ: ᒐᐅᔅ, ᒐᓚᒻ ᑭᔭ ᑯᕋ᙮
\p
\v 19 ᒥᓯᐛ ᐅᒡ ᑲ ‍ ᐃᑎᔅᑲᓇᓯᒡ ᐃᓴᐅᐛ ᒋ ᐅᒋ ‍ ᐊᓂᔅᑯᑕᐸᓄᐎᒡ᙮
\s1 ᓯᐅᕐ ᐅᕆ ᐃᔪᐤ ᐅᑦ ᐊᓂᔅᑯᑕᐸᓇ
\p
\v 20 ᐊᒺᔭ ᐃᓴᐅ ᑭᔭ ᐅᑦ ᐃᔨᒪ ᐃᑕᒻ ᐃᔅ ᐊᑐᒐᒡ᙮ ᐊᓐᒡ ᐊᓐᑕ ᐃᔪᒡ ᑲ ‍ ᐎᒋᒡ ᓯᐅᕐ, ᐦᐅᕆ ᐃᔪᐛ, ᒋ ᐅᒋ ‍ ᐊᓂᔅᑯᑕᐸᓄᐎᒡ᙮ ᓯᐅᕐ ᐅᑯᓴ, ᐅᑦ ᐃᔨᒧᐛᐛ ᒋ ‍ ᓂᑲᓂᔅᑯᐛᐅᒡ:
\v 21 ᓗᑕᓐ, ᓱᐸᓪ, ᓯᐱᐊᓐ, ᐊᓇ, ᑎᓱᓐ, ᐃᓱᕐ ᑭᔭ ᑎᓴᓐ ᒋ ‍ ᐃᓯᓂᐧᑲᓱᔨᐛ᙮
\p
\v 22 ᒋ ‍ ᐅᑯᓱᐤ ᓚᑕᓐ, ᐦᐅᕆ ᑭᔭ ᐅᒪᒻ ᒋ ‍ ᐃᓯᓂᐧᑲᓱᔨᐛ᙮ ᒋ ‍ ᑕᔪᐛ ᐃᔭᐱᒡ ᐅᒥᓴ, ᑎᒻᓇ ᐊ ‍ ᐃᓯᓂᐧᑲᓱᔨᒋ᙮
\p
\v 23 ᓱᐸᓪ ᒋ ‍ ᐅᑯᓱᐤ: ᐊᓪᐸᓐ, ᒪᓇᐊᑦ, ᐃᐸᓪ, ᓯᐳ ᑭᔭ ᐅᓇᒻ᙮
\p
\v 24 ᓯᐱᐅᓐ ᒋ ‍ ᐅᑯᓱᐤ: ᐊᐃᐊ ᑭᔭ ᐊᓇ᙮ ᐊᓇ ᒋ ‍ ᐃᓯᓂᐧᑲᓱᐤ ᐊᓐ ᓇᐸᐤ ᑲ ‍ ᒥᔅᑲᐧᒃ ᓂᐱᔪᐤ ᐊᓐᑕ ᐸᐧᑯᑎᔅᑭᒥᑲᒡ ᐃᔅᐱ ᑲ ‍ ᑭᓄᐛᔨᒪᑦ ᐅᑕᐎᔭ ᑲᓂᐧᑲᑎᓯᔨᒋ ᐅᑲᐸᐃᑭᔎᒥᔪᐛ᙮
\p
\v 25 ᐊᓇ ᒋ ‍ ᐅᑯᓱᐤ ᑎᓱᓐ ᐊ ‍ ᐃᓯᓂᐧᑲᓱᔨᒋ ᑭᔭ ᒋ ‍ ᐅᑕᓂᓱᐤ ᐅᐅᓕᐸᒪ ᐊ ‍ ᐃᓯᓂᐧᑲᓱᔨᒋ᙮
\p
\v 26 ᒋ ‍ ᓇᐎᔨᐛ ᑎᓱᓐ ᐅᑯᓴ: ᐊᒻᑕᓐ, ᐃᔅᐸᓐ, ᐃᑦᕋᓐ ᑭᔭ ᑲᕋᓐ᙮
\p
\v 27 ᒋ ‍ ᓂᔅᑎᔨᐛ ᐃᓱᕐ ᐅᑯᓴ: ᐱᓚᓐ, ᓴᐊᐸᓐ ᑭᔭ ᐊᑲᓐ᙮
\p
\v 28 ᒋ ‍ ᓂᓯᔨᐛ ᑎᓴᓐ ᐅᑯᓴ: ᐅᔅ ᑭᔭ ᐊᕋᓐ᙮
\p
\v 29 ᐊᐅᑯᓐᒡ ᐅᒡ ᑲ ‍ ᓂᑲᓂᔅᑯᐛᒡ ᐦᐅᕆ ᐃᔪᐛ: ᓚᑕᓐ, ᓱᐸᓪ, ᓯᐱᐅᓐ, ᐊᓇ,
\v 30 ᑎᓱᓐ, ᐃᓱᕐ ᑭᔭ ᑎᓴᓐ᙮ ᐊᐅᑯᓐᒡ ᐅᒡ ᑲ ‍ ᓂᑲᓂᔅᑲᒡ ᐊᓐᑕ ᓯᐅᕐ ᐊᔅᒋᒡ᙮
\s1 ᒋᓴᐅᒋᒪᐅᒡ ᐃᑕᒻ ᑲ ‍ ᑎᐸᔨᒋᒐᒡ
\p
\v 31 ᐊᒺᔭ ᐃᔅᕋᐃᓪ ᐃᔪᒡ ᑭᓄᐛᔨᒪᒡ ᑎᐱᔨᐛ ᐅᒋᓴᐅᒋᒪᒧᐛᐛ᙮ ᒋ ‍ ᑕᐅᒡ ᒋᓴᐅᒋᒪᐅᒡ ᑲ ‍ ᑎᐸᔨᒋᒐᒡ ᐊᓐᑕ ᐃᑕᒻ ᐊᔅᒋᒡ᙮ ᐊᐅᑯᐤ ᐊ ᐃᓯ ‍ ᐎᔭᑭᓄᐅᒡ ᐊᓐᒡ ᒋᓴᐅᒋᒪᐅᒡ:
\p
\v 32 ᓂᔅᑎᒻ ᒋ ‍ ᑕᐤ ᒋᓴᐅᒋᒪᐤ ᐸᓚ ᐊᓐ ᐃᑕᒻ ᑲ ‍ ᑎᐸᔨᒋᒐᑦ ᑎᓇᐸ ᐅᑕᓇᔪᐤ ᐅᒡ᙮ ᐱᐅᕐ ᒋ ‍ ᐃᓯᓂᐧᑲᓱᔨᐛ ᐅᑕᐎᔭ᙮
\p
\v 33 ᑲᒋ ‍ ᐳᓂᐱᒪᑎᓯᑦ ᐸᓚ, ᒍᐸᑉ, ᓯᕋ ᐅᑯᓴ, ᐸᔅᕋ ᐃᑕᐅᓂᒡ ᐅᒡ, ᒋ ‍ ᐊᓂᔅᑲᔅᑯᐛᐤ ᐊ ‍ ᒋᓴᐅᒋᒪᐅᑦ᙮
\p
\v 34 ᑲᒋ ‍ ᐳᓂᐱᒪᑎᓯᑦ ᒍᐸᑉ, ᐅᔅᐊᒻ ᒋ ‍ ᐊᓂᔅᑲᔅᑯᐛᐤ ᐊ ‍ ᒋᓴᐅᒋᒪᐅᑦ᙮ ᑎᒪᓐ ᐃᔪᐛ ᐅᑦ ᐊᔅᒋᔨᒡ ᒋ ‍ ᐅᒋᐱᔪᐤ ᐅᔅᐊᒻ᙮
\p
\v 35 ᑲᒋ ‍ ᐳᓂᐱᒪᑎᓯᑦ ᐅᔅᐊᒻ, ᐊᑕᑦ, ᐱᑕᑦ ᐅᑯᓴ, ᒋ ‍ ᐊᓂᔅᑲᔅᑯᐛᐤ ᐊ ‍ ᒋᓴᐅᒋᒪᐅᑦ᙮ ᒋ ‍ ᓴᐧᑯᒋᐊᐤ ᒥᑎᐊᓐ ᓂᑐᐱᔪᐅ-ᐃᔪᐛ ᐊᓐᑕ ᒧᐊᑉ ᐊᔅᒋᒡ᙮ ᐊᐱᑦ ᐃᑕᐅᓂᒡ ᒋ ᐅᒋ ‍ ᑎᐸᔨᒋᒐᐤ᙮
\p
\v 36 ᐃᔅᐱ ᑲ ‍ ᐳᓂᐱᒪᑎᓯᑦ ᐊᑕᑦ, ᓴᒻᓚ ᒂ ‍ ᐊᓂᔅᑲᔅᑯᐛᑦ ᐊ ‍ ᒋᓴᐅᒋᒪᐅᑦ᙮ ᒪᔅᕆᑲ ᐅᑕᓇᔪᐤ ᒋ ‍ ᐅᒋᐱᔪᐤ᙮
\p
\v 37 ᐃᔅᐱ ᑲ ‍ ᐳᓂᐱᒪᑎᓯᑦ ᓴᒻᓚ, ᓴᐅᓪ ᒂ ‍ ᐊᓂᔅᑲᔅᑯᐛᑦ ᐊ ‍ ᒋᓴᐅᒋᒪᐅᑦ᙮ ᕋᐅᐳᑦ ᐊᓇᐊᕐ ᐅᑕᓇᔪᐤ ᒋ ‍ ᐅᒋᐱᔪᐤ᙮
\p
\v 38 ᐃᔅᐱ ᑲ ‍ ᐳᓂᐱᒪᑎᓯᑦ ᓴᐅᓪ, ᐸᐊᓪ-ᐊᓇᓐ, ᐊᒃᐳᕐ ᐅᑯᓴ, ᒂ ‍ ᐊᓂᔅᑲᔅᑯᐛᑦ ᐊ ‍ ᒋᓴᐅᒋᒪᐅᑦ᙮
\p
\v 39 ᐃᔅᐱ ᑲ ‍ ᐳᓂᐱᒪᑎᓯᑦ ᐸᐊᓪ-ᐊᓇᓐ, ᐊᑕᕐ ᒂ ‍ ᐊᓂᔅᑲᔅᑯᐛᑦ ᐊ ‍ ᒋᓴᐅᒋᒪᐅᑦ᙮ ᐸᐅ ᐅᑕᓇᔪᐤ ᒋ ᐅᒋ ‍ ᑎᐸᔨᒋᒐᐤ᙮ ᒪᐊᑕᐱᓪ ᒋ ‍ ᐃᓯᓂᐧᑲᓱᔨᐛ ᐎᐛ᙮ ᒪᑦᕋᑦ ᐅᑕᓂᓯᔪᐛ ᑭᔭ ᒪ-ᓴᐊᑉ ᐅᔅᒋᒥᔪᐛ᙮
\s1 ᐃᑕᒻ ᐅᒋᒪᐅᒡ
\p
\v 40 ᐊᐅᑯᐤ ᐅᔭ ᑲ ‍ ᐃᓯᓂᐧᑲᑕᑭᓄᔨᒋ ᐃᓴᐅ ᐅᒋᒪᐧᑲᓂᒪ, ᐊ ᐃᓯ ‍ ᑕᑐᐃᒋᓯᒡ, ᐅᑦ ᐃᑕᐅᓄᐛᐤ ᑭᔭ ᐅᑦ ᐃᓯᓂᐧᑲᓱᐅᓄᐛᐤ: ᑎᒻᓇ, ᐊᓪᐸ, ᒐᑕᐊᑦ,
\v 41 ᐅᐅᓕᐸᒪ, ᐃᓚ, ᐱᓄᓐ,
\v 42 ᑭᓇᔅ, ᑎᒪᓐ, ᒥᑉᓴᕐ,
\v 43 ᒪᒃᑎᐅᓪ ᑭᔭ ᐃᕋᒻ᙮
\p ᐊᐅᑯᓐᒡ ᐅᒡ ᐃᑕᒻ ᐅᒋᒪᐅᒡ, ᐊᓐ ᐃᓴᐅ, ᐃᑕᒻ ᐃᔪᐛ ᑲ ‍ ᐅᑕᐎᒪᐅᑦ, ᐊᓐᑕ ᑲ ‍ ᐎᒋᒡ ᑲ ‍ ᑎᐱᔨᐛᐅᓯᒡ ᐊᔅᒋᔪᐤ᙮
\c 37
\s1 ᒍᓯᑉ ᐅᐳᐛᒧᐅᓇ
\s2 Genesis 37.1-4, 12-28 (Proper-14 Year A)
\p
\v 1 ᑲᒋ ‍ ᐳᓂᐱᒪᑎᓯᑦ ᐊᐃᓯᒃ, ᑲᐃᓇᓐ ᐊᔅᒋᒡ ᒋ ‍ ᐎᒍᐤ ᒐᑭᑉ ᐊᓐᑕ ᐅᑕᐎᔭ ᑲ ‍ ᒪᓐᑕᐅᔨᒋ᙮
\v 2 ᐊᐅᑯᐤ ᐊ ᐃᓯ ‍ ᑎᐸᒋᒪᑭᓄᐅᑦ ᒐᑭᑉ ᐅᑦ ᐊᓂᔅᑯᑕᐸᓇ᙮
\p ᒍᓯᐸ ᒋ ‍ ᐅᑯᓱᐤ᙮ ᐃᔅᐱ ᓂᔄᐅᑕᒡ ᑕᑐᓴᑉ ᑲ ‍ ᐃᑕᑐᐳᓇᓯᑦ ᒍᓯᑉ, ᒋ ‍ ᐎᒋ ‍ ᐊᑐᔅᒐᒪᐤ ᐱᔅᒐ ᐎᐧᑲᓂᓴ, ᐱᓚ ᑭᔭ ᓯᓪᐸ ᐅᑯᓯᔪᐛ᙮ ᒪᒧᐤ ᒋ ‍ ᑭᓄᐛᔨᒪᐅᒡ ᐅᑕᐎᐛᐛ ᐅᑦ ᐊᐛᓯᓯᒥᔪᐛ᙮ ᓇᓇᒐ, ᒋ ‍ ᐎᑎᒧᐛᐤ ᐅᑕᐎᔭ ᐊ ᐃᓯ ᒥᒋ ‍ ᐃᑎᔨᒋ ᐎᐧᑲᓂᓴ᙮
\p
\v 3 ᒐᑭᑉ ᒪᒃ ᐅᔅᑕ ᒋ ‍ ᓴᒋᐊᐤ ᒍᓯᐸ ᐃᔅᐱᔅ ᑯᑎᑲ ᐅᑦ ᐊᐛᓯᒪ ᐛᔅ ᒋ ‍ ᒋᓴᐃᔪᐤ ᐃᔅᐱ ᑲ ‍ ᐃᔪᔨᒋ ᒍᓯᐸ, ᒋ ‍ ᐅᑦ ᐊᑯᐱᑯᐛᐤ ᐊ ‍ ᑭᑲᓂᓂᒂᔭᔨᒡ ᐊᑯᐱᔪᐤ ᒥᒐᑐᐎᒡ ᐊ ᐃᓯ ‍ ᒂᑕᔨᒡ᙮
\v 4 ᐃᔅᐱ ᒪᒃ ᐎᐧᑲᓂᓴ ᐎᔭᐸᑎᒥᔨᒋ ᐅᑕᐎᐛᐛ ᐅᔅᑕ ᐊᓴᒐᔨᒋ ᒍᓯᐸ ᐃᔅᐱᔅ ᐎᔨᐛᐤ, ᒋ ‍ ᐛᐧᑲᑕᐅᒡ ᒍᓯᐸ, ᓇᒪ ᑭᔭ ᐅᒋ ᒥᔪ ‍ ᐃᔨᒪᐊᐅᒡ᙮
\p
\v 5 ᒍᓯᑉ ᒋ ‍ ᐳᐛᒧᐤ ᑭᔭ ᒂ ‍ ᐎᑎᒧᐛᑦ ᐎᐧᑲᓂᓴ, ᐊᑎᑐᐤ ᒋ ‍ ᐛᐧᑲᑎᑯᐤ᙮
\v 6 ᒋ ‍ ᐃᑕᐤ ᒪᒃ, “ᓂᑐᑎᒧᒄ ᐅᒪ ᑲ ᐃᓯ ‍ ᐳᐛᒧᔭᓐ᙮
\v 7 ᓂᑕᐅᒋᑕᑭᓂᒡ ᒋᑦ ᐃᑕᓇᓄᐤ ᐊ ‍ ᒪᒧᐛᐱᐧᑲᑎᒪᐧᒄ ᐸᒂᓯᑭᓂᒥᓇ, ᐊᑯ ᑲ ‍ ᒪᒧᐛᐱᐧᑲᑎᒪᓐ ᐸᒂᓯᑭᓂᒥᓐ ᒋ ‍ ᐱᓯᑯᒥᑭᓐ ᑭᔭ ᒋᓯᒥᒋᑲᐳᐎᒥᑭᓐ, ᒋᐸᒂᓯᑭᓂᒥᓄᐛᐛ ᐛᔅᑲ ᒋᓯᒥᒋᑲᐳᐎᒥᑭᓇ ᑭᔭ ᒋ ‍ ᔭᓱᑎᓇ ᒋᓂᔅᑐᐎᒥᑭᓇ ᓂᐸᒂᓯᑭᓂᒥᒡ᙮”
\p
\v 8 ᒋ ‍ ᐃᑎᑯᐤ ᒪᒃ ᐎᐧᑲᓂᓴ, “ᑕᑈ ᐊ ᒋᑦ ᐃᑕᔨᑕᓐ ᒐ ‍ ᒋᓴᐅᒋᒪᐎᔨᓐ ᑭᔭ ᒐ ‍ ᑎᐸᔨᒥᔭᒡ ?” ᐊᑯ ᐊᑎᑐᐤ ᒋ ‍ ᐛᐧᑲᑎᑯᐤ ᐅᐳᐛᒧᐅᓇ ᐅᒡ ᑭᔭ ᐊᓂᔭ ᑲ ‍ ᐃᑕᑦ᙮
\p
\v 9 ᐊᑯ ᒍᓯᑉ ᒥᓐ ᒋ ‍ ᐳᐛᒧᐤ ᑭᔭ ᒋ ‍ ᐎᑎᒧᐛᐤ ᐎᐧᑲᓂᓴ, “ᒥᓐ ᓂᒋ ‍ ᐳᐛᒧᓐ, ᓂ ‍ ᐛᐱᒪᐅᒡ ᐱᓯᒻ, ᑎᐱᔅᑲᐤ ᐱᓯᒻ ᑭᔭ ᐸᐃᑯᓴᑉ ᐅᒐᑭᑕᐧᑯᒡ ᐊ ‍ ᓄᐅᒋᔅᑐᐅᒡ᙮”
\p
\v 10 ᐃᔭᐱᒡ ᒋ ‍ ᐎᑎᒧᐛᐤ ᐅᑕᐎᔭ ᐅᐳᐛᒧᐅᓐ ᑭᔭ ᒋ ‍ ᔅᑐᑎᑯᐤ ᒪᒃ ᐅᑕᐎᔭ ᐊ ‍ ᐃᑎᑯᑦ, “ᒐᒂᓐ ᐅᒪ ᑲ ᐃᓯ ‍ ᐳᐛᒧᔨᓐ ? ᑕᑈ ᐊ ᒋᑦ ᐃᑕᔨᑕᓐ ᑕᐱᔅᑯᓐ ᓂᔾ ᑭᔭ ᒋᑲᐎᔾ ᑭᔭ ᒋᐧᑲᓂᓯᒡ ᒐ ᐸᒋ ‍ ᓄᐅᒋᔅᑕᑕᒡ ?”
\v 11 ᒋ ‍ ᐅᑕᔨᒥᑯᐤ ᒍᓯᑉ ᐎᐧᑲᓂᓴ, ᒥᒄ ᐅᑕᐎᔭ ᒋ ‍ ᒪᒥᑐᓇᔨᑎᒥᑯᔪᐛ ᑲ ‍ ᐃᔅᒋᔄᑦ᙮
\s1 ᑲ ‍ ᑕᐛᒐᓄᐅᑦ ᒍᓯᑉ ᑭᔭ ᐃᒋᑉᑎᒡ ᑲ ‍ ᐃᑐᑕᑭᓄᐅᑦ
\s2 Genesis 37.1-4, 12-28 (Proper-14 Year A)
\p
\v 12 ᐸᐃᒂᐤ ᒐᓯᑲᔨᒡ, ᒍᓯᑉ ᐎᐧᑲᓂᓴ ᓴᑭᒥᒡ ᒋ ‍ ᐃᑐᑕᔪᐛ ᒐᒋ ᑭᓄᐛᔨᒪᔨᒋ ᐅᑕᐎᐛᐛ ᐅᒪᔭᑕᓂᓯᒥᔪᐛ᙮
\v 13 ᒐᑭᑉ ᒋ ‍ ᐃᑕᐤ ᒍᓯᐸ, “ᒋ ‍ ᓂᑐᐛᔨᒥᑎᓐ ᒐᒋ ᐃᑐᑕᔨᓐ ᓴᑭᒥᒡ, ᐊᓐᑕ ᑲᓄᐛᔨᒪᒡ ᒋᐧᑲᓂᓯᒡ ᒪᔭᑕᓂᓴ᙮”
\p ᒍᓯᑉ ᐃᑕᐤ, “ᓴᔅ ᓂᑦ ᐊᔭᔅᑯᐎᔨᓐ᙮”
\p
\v 14 ᐅᑕᐎᔭ ᒋ ‍ ᐃᑎᑯᐤ, “ᓇᒋ ‍ ᐛᐱᒥᒡ ᒪᔪᐱᔪᐛᒂ ᒋᐧᑲᓂᓯᒡ ᑭᔭ ᒪᔪᐱᔪᐛᒂ ᒪᔭᑕᓂᓯᒡ᙮ ᐊᑯ ᒐ ‍ ᐸᒋ ‍ ᒋᐛᔨᓐ ᑭᔭ ᒐ ‍ ᐎᑎᒧᐎᓐ᙮” ᐊᑯ ᒐ ‍ ᐃᑎᓴᐅᑯᑦ ᐅᑕᐎᔭ ᐃᑉᕈᓐ ᐊ ‍ ᐱᓴᔨᒡ ᐅᒡ᙮
\p ᒍᓯᑉ ᒂ ‍ ᑎᑯᓯᐧᒃ ᓴᑭᒥᒡ᙮
\v 15 ᒂ ‍ ᓇᓂᑐᐛᐱᒪᑦ ᐎᐧᑲᓂᓴ ᑭᔭ ᒪᔭᑕᓂᓴ᙮ ᓂᑕᐅᒋᑕᑭᓂᒡ ᒋ ‍ ᐱᐸᒧᑕᐤ ᒐᒃ ᒪᔅᑲᑯᑦ ᓇᐸᐛ ᑭᔭ ᑲ ‍ ᑯᒂᒋᒥᑯᑦ, “ᒐᒂᓐ ᓂᔭᓂᑐᐛᐸᑎᒥᓐ ?”
\p
\v 16 ᒍᓯᑉ ᒂ ‍ ᐃᑕᑦ, “ᓂᐧᑲᓂᓯᒡ ᓇᓂᑐᐛᐱᒪᐅᒡ ᐊᓐᒡ ᑲᓄᐛᔨᒪᒡ ᓄᑕᐎᔭ ᐅᑦ ᐊᐛᓯᓯᒥᔪᐛ᙮ ᒪᒋᔅᒐᔨᒪᐅᒡ ᑕᓐᑕ ᐊᑕᒡ ?”
\p
\v 17 ᓇᐸᐤ ᒂ ‍ ᐃᑕᑦ, “ᓴᔅ ᐊᓂᔭ ᒋ ‍ ᔅᑐᑕᐅᒡ᙮ ᓂᒋ ‍ ᐸᑐᐛᐅᒡ ᐊ ‍ ᐊᔨᒧᑕᒡ ᑐᑎᓐ ᒐᒋ ᐃᑐᑕᒡ᙮”
\p ᐊᑯ ᒍᓯᑉ ᒂ ‍ ᓇᓴᐛᑦ ᐎᐧᑲᓂᓴ ᑭᔭ ᒪᔅᑯᐛᑦ ᐊᓐᑕ ᑐᑎᓐ᙮
\v 18 ᒥᒄ ᐎᐧᑲᓂᓯᒪᐅᒡ ᒋ ‍ ᐛᐱᒪᐅᒡ ᒍᓯᐸ ᐱᔭᑕᔅᑎᒧᑕᐅᐎᒋ᙮ ᑎᐛᒡ ᒋ ‍ ᐅᔭᔨᑎᒧᒡ ᑕᓐ ᒐ ᐃᓯ ‍ ᓂᐸᐊᒡ᙮
\p
\v 19 ᒂ ‍ ᐃᑎᑐᒡ, “ᐱᔭᑐᑕᑦ ᑲᐳᐛᒧᔅᑦ᙮
\v 20 ᒐ ‍ ᓂᐸᐊᐧᒄ ᐊᑯ ᑭᔭ ᒐ ‍ ᐱᑕᐛᐱᓂᒺᐧᒄ ᐎᔪᐤ ᐊᓐᑕ ᐸᐃᒄ ᐊ ‍ ᐸᒂᔨᒡ ᒧᓇᐃᐸᓂᔪᐤ᙮ ᒐ ‍ ᐃᔅᒋᔄᔭᐧᒄ ᒥᒋ ‍ ᐊᐛᓯᓴ ᐊ ‍ ᓂᐸᐃᑯᑦ᙮ ᐊᑯ ᒐ ‍ ᐛᐸᑎᒺᐧᒄ ᒐ ‍ ᑕᑈᒥᑭᓂᒂᓂ ᐅᐳᐛᒧᐅᓇ᙮”
\p
\v 21 ᕈᐱᓐ ᒋ ‍ ᐸᑐᐛᐤ ᐎᐧᑲᓂᓴ ᐊ ‍ ᐃᔅᒋᔄᔨᒋ ᑭᔭ ᒂ ‍ ᑯᒋᑕᑦ ᒐᒋ ᐱᒪᒐᐊᑦ ᒍᓯᐸ ᐊ ‍ ᐃᑕᑦ ᐎᐧᑲᓂᓴ, “ᐊᑲ ᓂᐸᐊᑕᐤ,
\v 22 ᒋᔭᒻ ᐱᑕᐛᐱᓇᑕᐤ ᐅᑕ ᐸᒂᑎᔅᒋᐅ-ᒧᓇᐃᐸᓂᒡ, ᒥᒄ ᐊᑲ ᐅᓯᑯᐊᐧᒄ᙮” ᒋ ‍ ᐃᔅᒋᔄᐤ ᐅᔭ ᕈᐱᓐ ᐊ ‍ ᐅᔭᔨᑕᐧᒄ ᒐᒋ ᐱᒪᒐᐊᑦ ᒍᓯᐸ ᐎᐧᑲᓂᓴ ᐅᒡ ᑭᔭ ᐅᑕᐎᐛᐛ ᐃᔅ ᒐᒋ ᐃᑎᓴᐛᑦ᙮
\p
\v 23 ᐃᔅᐱ ᒍᓯᑉ ᐛᑎᑕᑦ ᐎᐧᑲᓂᓴ, ᒺᔅᑎᓂᑯᑦ ᑭᔭ ᒪᓂᐱᑎᒥᔨᒋ ᐅᑦ ᐊᑯᑉ ᒥᒐᑐᔨᒡ ᐊ ᐃᓯ ‍ ᒂᑕᔨᒡ ᐅᑕᐎᔭ ᑲ ‍ ᐅᓯᑎᒪᑯᑦ᙮
\v 24 ᐊᑯ ᒂ ‍ ᐱᑕᐛᐱᓇᒡ ᒍᓯᐸ ᐊᓐᑕ ᐊᐸᒂᔨᒡ ᒧᓇᐃᐸᓂᔪᐤ᙮
\p
\v 25 ᒪᒂᒡ ᐅᑎ ‍ ᒥᒋᓱᑕᐤ ᐊᓐᒡ ᐎᐧᑲᓂᓯᒪᐅᒡ, ᒐᒃ ᐎᔭᐱᒪᒡ ᐃᔅᒪᐃᓪ ᐃᔪᐛ ᑭᓕᐊᑦ ᐅᒋ ᐃᒋᑉᑎᒡ ᐃᔅ ᐊᑐᑕᔨᒋ᙮ ᐅᑲᐱᔎᐅᑭᒥᔪᐛ ᒋ ‍ ᐎᐅᓴᔪᐛ ᑲᐎᒋᒪᑯᓯᔨᒋ ᑭᔭ ᐊ ‍ ᐎᒋᒪᑯᓯᔨᒋ ᐱᒍᐛ᙮
\p
\v 26 ᒍᑕ ᒂ ‍ ᐃᑕᑦ ᐎᐧᑲᓂᓴ, “ᒐᒂᓐ ᒐ ‍ ᑲᓂᔪᐅᔭᐧᒄ ᓂᐸᐊᒂ ᒋᐧᑲᓂᓯᓄᐤ ᑭᔭ ᑲ ‍ ᑕᔭᒂ ᐊ ‍ ᓂᐸᑕᒐᔭᐧᒄ ?
\v 27 ᐊᑕᒪᑕᐅᓐᒋ ᐃᔅᒪᐃᓪ ᐃᔪᒡ ᒋᐧᑲᓂᓯᓄᐛ ᒥᔅᑯᒡ ᒐ ᐊᑲ ‍ ᓂᐸᐊᐧᒄ᙮ ᓇᒪ ᐃᓯᓇᑯᓐ ᒐᒋ ᓂᐸᐊᐧᒄ ᐊᐛᓐ ᑎᐱᔨᐛ ᐊ ‍ ᐎᐧᑲᓂᓯᔭᐧᒄ᙮” ᐎᐧᑲᓂᓯᒪᐅᒡ ᒋ ‍ ᐎᔭᔨᑎᒧᒡ ᒐᒋ ᑐᑕᒡ ᐊᔅᒋᔄᔨᒋ ᒍᑕᔨᒋ᙮
\p
\v 28 ᐃᔅᐱ ᐃᔅᒪᐃᓪ ᐃᔪᒡ ᐛᒪᔅᑯᐛᒡ, ᐎᐧᑲᓂᓯᒪᐅᒡ ᐛᔪᐎᑎᓯᓇᒡ ᒍᓯᐸ ᐊᓐᑕ ᒧᓇᐃᐸᓂᒡ ᐅᒋ, ᒂ ‍ ᑕᒪᒡ ᐃᔅᒪᐃᓪ ᐃᔪᐛ ᐎᐧᑲᓂᓱᐛᐛ ᓂᓱᔪᐤ ᐛᐱᓯᐅᓱᓇᔭᐱᔎ ᑭᔭ ᐃᔅᒪᐃᓪ ᐃᔪᒡ ᐃᒋᑉᑎᒡ ᒂ ‍ ᐃᑐᑕᐊᒡ᙮ \fig They sold Joseph for twenty pieces of silver|KV-014a.tif|col||Katie Voigtlander|ᒂ ‍ ᑕᒪᒡ ᐃᔅᒪᐃᓪ ᐃᔪᐛ ᐎᐧᑲᓂᓱᐛᐛ ᓂᓱᔪᐤ ᐛᐱᓯᐅᓱᓇᔭᐱᔎ|ᒐᓂᓯᔅ 37.28\fig*
\p
\v 29 ᐃᔅᐱ ᕈᐱᓐ ᐊᑐᑕᑦ ᒧᓇᐃᐸᓂᒡ ᑭᔭ ᐎᔭᐸᑕᐧᒃ ᐊᑲ ᑕᔨᒋ ᒍᓯᐸ, ᒋ ‍ ᐱᑯᐱᑎᒻ ᐅᑦ ᐊᐱᒋᑕᐅᓇ ᐊᑯᐸᑕᔨᑕᐧᒃ᙮
\v 30 ᑲᐤ ᒋ ‍ ᓂᑐᐛᐱᒪᐤ ᐎᐧᑲᓂᓴ ᑭᔭ ᒂ ‍ ᐃᑕᑦ, “ᓇᒪᑕᐤ ᐊᓂᔭ ᒍᓯᑉ, ᑕᓐ ᐊᑯ ᒐ ‍ ᐃᑎᔭᓐ ?”
\p
\v 31 ᒂ ‍ ᓂᐸᐊᒡ ᓇᐸ ᒥᔅᑐᓴ ᑭᔭ ᒂ ‍ ᑯᑕᐛᒡ ᒍᓯᐸ ᐅᑦ ᐊᑯᐱᔪᐤ ᐊᓐᑕ ᐅᒥᐧᑯᐃᒡ᙮
\v 32 ᑲᐤ ᒂ ‍ ᓂᑐᐛᐱᒪᒡ ᐅᑕᐎᐛᐛ ᑭᔭ ᐎᔭᐸᑎᔭᒡ ᐊᑯᐱᔪᐤ᙮ ᒂ ‍ ᐃᔅᒋᔄᒡ, “ᓂᒥᔅᑲᓇᓐ ᐅ ᐊᑯᑉ, ᓇᒪᔭᔪᐤ ᐊ ᐅᔭ ᑲ ‍ ᒥᔨᑦ ᒋᑯᔅ ?”
\p
\v 33 ᐃᔅᐱ ᒐᑭᑉ ᐎᔭᐸᑕᐧᒃ ᐊᑯᐱᔪᐤ ᒂ ‍ ᐃᔅᒋᔄᑦ, “ᓂᑯᔅ ᐅᔭ ᐅᑦ ᐊᑯᑉ, ᒋ ‍ ᒋᒋᓂᑯᒐ ᒥᒋ ‍ ᐊᐛᓯᓴ ᑭᔭ ᒋᒧᐅᑯᒐ, ᐊᐸᐱᑯᐱᑎᑯᑦ᙮”
\p
\v 34 ᒋ ‍ ᐱᑯᐱᑎᒻ ᐅᑦ ᐊᐱᒋᑕᐅᓇ ᐊᑯᐸᑕᔨᑕᐧᒃ᙮ ᒂ ‍ ᐳᔅᑯᐛᑦ ᐊ ‍ ᐎᐱᓯᔨᒋ ᒥᔅᑐᓱᔭᓇ ᐊᓂᔭ ᑈᔅᑯᐛᒡ ᐃᔪᒡ ᐳᓂᐱᒪᑎᓯᔨᒋ ᐊᐛᔪᐛ᙮ ᓇᒪ ᐅᒋ ᐳᓂᔪᐤ ᐊ ‍ ᓇᐧᑲᑕᔨᑕᐧᒃ ᐛᔅ ᑲ ‍ ᐃᓯᓇᑯᓯᔨᒋ ᒍᓯᐸ᙮
\v 35 ᒥᓯᐛ ᐅᑯᓴ ᑭᔭ ᐅᑕᓂᓴ ᒋ ᐸᒋ ‍ ᓂᑐᐛᐱᒥᑯᐤ ᒐᒋ ᒥᔽᔨᒧᐃᑯᑦ, ᒥᒄ ᓇᒪ ᐅᒋ ᑕᑈᑎᒻ ᒐᒋ ᒥᔽᔨᒧᐛᑭᓄᐅᑦ᙮ ᒂ ‍ ᐃᔅᒋᔄᑦ, “ᓂᑭ ‍ ᐃᑐᑕᓐ ᒋᐱᔾ ᐊᔅᒋᒡ ᐊᔅᒄ ᐊ ‍ ᓇᐧᑲᑕᔨᒧᔭᓐ ᓂᑯᔅ ᒍᓯᑉ ᐅᒡ᙮”
\p
\v 36 ᒪᒂᒡ ᐊᓐᑕ ᐃᒋᑉᑎᒡ, ᐃᔅᒪᐃᓪ ᐃᔪᒡ ᐸᑎᐸᕋ ᒋ ‍ ᑕᒪᐅᒡ ᒍᓯᐸ, ᐸᐃᒄ ᒋᓴᐅᒋᒪᐛ ᐅᓂᑐᐱᔪᐅ-ᐅᒋᒪᒥᔪᐛ, ᐊᓂᔭ ᑲ ‍ ᐅᒋᒪᐎᔨᒋ ᑲᒪᑯᓄᐛᓯᐅᒋᐛᐱᔪᐤ᙮
\c 38
\s1 ᒍᑕ ᑭᔭ ᑕᐃᒪᕐ
\p
\v 1 ᓇᓇᒐ ᒍᑕ ᒋ ‍ ᓂᑭᑕᐤ ᐎᐧᑲᓂᓴ ᑭᔭ ᒂ ‍ ᐃᑐᑕᑦ ᐊᑐᓚᒻ ᐅᑕᓇᒡ ᒐᒋ ᐎᒋᒪᑦ ᓇᐸᐛ ᐃᕋ ᐊ ‍ ᐃᓯᓂᐧᑲᓱᔨᒋ᙮
\v 2 ᒪᒂᒡ ᐊᓐᑕ ᑲ ‍ ᑕᑦ ᒍᑕ, ᒋ ‍ ᓂᒋᔅᑯᐛᐤ ᑲᐃᓇᓐ ᐃᔎᐛ, ᓱᐊ ᑲ ‍ ᐃᓯᓂᐧᑲᓱᔨᒋ ᐅᑕᐎᔪᐛ, ᒂ ‍ ᐎᒋᒪᑦ᙮
\v 3 ᒋ ‍ ᐊᓱᐛᐱᒪᐅᓱᔨᐛ ᑭᔭ ᒋ ‍ ᓂᑕᐅᒋᔭᔨᐛ ᓇᐸᓴ, ᒍᑕ ᐅᕐ ᒋ ‍ ᐃᓯᓂᐧᑲᑕᐤ᙮
\v 4 ᒥᓐ ᒋ ‍ ᐊᓱᐛᐱᒪᐅᓱᔨᐛ ᑭᔭ ᒂ ‍ ᑕᔨᒋ ᑯᑎᑲ ᐅᑯᓴ, ᐅᓇᓐ ᒋ ‍ ᐃᓯᓂᐧᑲᑕᐤ᙮
\v 5 ᒥᓐ ᒋ ‍ ᐅᑯᓱᐤ ᑭᔭ ᓯᓚ ᒋ ‍ ᐃᓯᓂᐧᑲᑕᐤ᙮ ᑲᓯᑉ ᒋ ‍ ᑕᐤ ᒍᑕ ᐃᔅᐱ ᑲ ‍ ᐃᔪᔨᒋ ᓇᐸᓴ᙮
\p
\v 6 ᐃᔅᐱ ᐅᕐ, ᒍᑕ ᐅᓂᔅᑎᒧᓴᓇ ᑲ ‍ ᒋᓴᐸᐎᒋ, ᒍᑕ ᒋ ‍ ᐎᔭᐸᑎᒧᐛᐤ ᐃᔎᐛ ᒐ ‍ ᐎᒋᒪᔨᒋ᙮ ᑕᐃᒪᕐ ᒋ ‍ ᐃᓯᓂᐧᑲᓱᔨᐛ᙮
\v 7 ᒥᒄ ᐅᕐ, ᒍᑕ ᐅᓂᔅᑎᒧᓴᓇ, ᒋ ‍ ᒥᒋᑐᑎᒻ᙮ ᓇᒪ ᐅᒋ ᓇᐃᑎᒪᐊᐤ ᑎᐸᔨᒋᒐᓱᐛ, ᐊᑯ ᑎᐸᔨᒋᒐᓱᐤ ᒂ ‍ ᐅᑎᓂᒺᑦ ᐅᐱᒪᑎᓯᐅᓂᔪᐤ᙮
\p
\v 8 ᑲᒋ ‍ ᐳᓂᐱᒪᑎᓯᑦ ᐅᕐ, ᒍᑕ ᒂ ‍ ᐃᑕᑦ ᐅᓇᓇ, “ᒋᑭ ᐎ ‍ ᐎᒋᒪᐤ ᑕᐃᒪᕐ, ᒧᔭᒻ ᐊᓯ ‍ ᓂᑐᐛᔨᑕᒂᒡ ᒋᐎᓱᐛᐅᓄᐤ ᒐᒋ ᐃᑐᑕᐧᒃ ᐎᐧᑲᓂᓯᒪᐤ, ᐊᑯ ᒪᒃ ᒐᒋ ᑕᔨᒋ ᐅᑦ ᐊᓂᔅᑯᑕᐸᓇ ᒋᐧᑲᓂᔅ᙮”
\v 9 ᒥᒄ ᐅᓇᓐ ᒋᔅᒐᔨᑎᒻ ᒐ ᐊᑲ ‍ ᑎᐸᔨᒪᑦ ᐊᐛᓴ᙮ ᐊᑯ ᑕᑥᐤ ᐛᐸᒪᒋ ᐅᔅᑕᓴ ᐎᐎᐛ, ᒋ ‍ ᑯᒋᑕᐤ ᒐ ᐊᑲ ᒋ ᐊᓱᐛᐱᒪᐅᓱᔨᒋ᙮
\v 10 ᓇᒪ ᐅᒋ ᓇᐃᑎᒪᐊᐤ ᑎᐸᔨᒋᒐᓱᐛ, ᐊᑯ ᐃᔭᐱᒡ ᒂ ‍ ᐅᑎᓂᒺᑦ ᑎᐸᔨᒋᒐᓱᐤ ᐅᓇᓇ ᐅᐱᒪᑎᓯᐅᓂᔪᐤ᙮
\p
\v 11 ᒂ ‍ ᐃᑕᑦ ᒍᑕ ᐅᓇᐊᑭᓂᔎᒪ ᑕᐃᒪᕐᔨᒋ, “ᑲᐤ ᒐ ‍ ᒋᐛᔨᓐ ᒍᑕᐎᔾ ᐎᒋᒡ, ᒥᒄ ᒐ ᐊᑲ ᒥᓐ ‍ ᓂᐳᔨᓐ ᐸᑎᒪ ᒋ ᐃᓯ ‍ ᓂᑕᐅᒋᒐ ᓂᑯᔅ ᓯᓚ᙮” ᒋ ‍ ᐃᑕᐤ ᐅᔭ ᐛᔅ ᒋ ‍ ᑯᔅᑕᒍᐤ ᒐᒋ ᐃᔭᐱᒡ ᐳᓂᐱᒪᑎᓯᔨᒋ ᓯᓚᔨᒋ ᒧᔭᒻ ᐎᐧᑲᓂᓯᔪᐛ, ᐊᑯ ᑕᐃᒪᕐ ᑲᐤ ᒂ ‍ ᒋᐛᑦ᙮
\s1 ᑕᐃᒪᕐ ᑲ ‍ ᐎᔭᓯᒪᑦ ᒍᑕᔨᒋ
\p
\v 12 ᑲᒋ ‍ ᒥᒐᑎᐳᓂᔨᒡ, ᒍᑕ ᐎᐛ ᒋ ‍ ᐳᓂᐱᒪᑎᓯᔪᐛ᙮ ᐃᔅᐱ ᐃᔭᐧᑭᓂᔨᒡ ᐅᒥᑐᓇᔨᒋᑭᓐ, ᐎᔾ ᑭᔭ ᐎᒐᐛᑭᓇ, ᐃᕋᔨᒋ ᐊᑐᓚᒻ ᐅᒡ, ᑎᒻᓇ ᒋ ‍ ᐃᑐᑕᐅᒡ, ᐊᓐᑕ ᑲ ‍ ᒧᓱᐛᑭᓄᔨᒋ ᐅᒪᔭᑕᓂᓯᒪ᙮
\p
\v 13 ᑕᐃᒪᕐ ᒋ ‍ ᐎᑎᒪᑯᐤ ᐊᐛᔪᐛ ᐊᓂᔭ ᐅᒋᓴᐃᔨᒪ ᐊᑐᑕᔨᒋ ᐊᓐᑕ ᑎᒻᓇ ᓂᔭᒋᒧᓱᐛᔨᒋ ᐅᒪᔭᑕᓂᓯᒥᔪᐛ᙮
\v 14 ᒋ ‍ ᒥᔅᑯᑎᔅᑯᒻ ᐊᓂᔭ ᑲ ‍ ᐳᔅᑲᐧᒃ ᒋᔅᑎᒪᒋᔎᐤ ᐊᐱᒋᑕᐅᓇ ᑭᔭ ᑯᑎᑲ ᐊᐱᒋᑕᐅᓇ ᒋ ‍ ᐳᔅᑭᒻ ᑭᔭ ᐊᑯᐛᐱᒂᐅᓂᔪᐤ ᒋ ‍ ᐊᑯᓇᐊᒻ ᐅᑕᔅᑎᒥᐧᒄ ᒐ ᐊᑲ ᒪᒃ ᒋᔅᒐᔨᒥᑯᑦ ᐊᐛᔪᐛ᙮ ᐊᑯ ᒂ ‍ ᐃᑐᑕᑦ ᐊᓐᑕ ᐃᓇᐃᒻ ᐅᑕᓇᒡ ᐅᐱᒪᔅᑭᓇᒡ, ᑎᒻᓇ ᐃᔅ ᐊᑎᒧᐃᒡ᙮ ᐊᑯᑕ ᒂ ‍ ᓇᐃᐱᑦ ᐊᓐᑕ ᐛᒋ ‍ ᐱᒐᓄᐎᒡ ᐊᓂᔭ ᐅᑕᓇᔪᐤ᙮ ᐛᔅ ᒋ ‍ ᒋᔅᒐᔨᒪᐤ ᑲᒋ ᐃᓯ ‍ ᓂᑕᐅᒋᔨᒋ ᓯᓚᔨᒋ ᑭᔭ ᓇᒪ ᐅᒋ ᒥᔭᑭᓄᐤ ᒐᒋ ᐎᒋᒪᑦ᙮
\p
\v 15 ᓇᓇᒐ ᒍᑕ ᐛᒋ ‍ ᐱᒧᑕᑦ ᐊᓐᑕ ᑲ ‍ ᐊᐱᔨᒋ ᑕᐃᒪᕐᔨᒋ᙮ ᒍᑕ ᒋ ‍ ᐛᐱᒪᐤ ᒥᒄ ᓇᒪ ᐅᒋ ᒋᔅᒐᔨᒪᐤ ᐊᐛᔪᐛ ᐃᔭᐅᔨᒋ᙮ ᐱᓯᒂᑎᓯᔎᐤ ᒋ ‍ ᐃᑕᔨᒪᐤ ᐊᒋ ‍ ᐊᑯᐛᒥᔨᒋ ᐅᑕᔅᑎᒥᐧᑯᔪᐤ᙮
\v 16 ᓇᒪ ᐅᒋ ᒋᔅᒐᔨᒪᐤ ᐊᓂᔭ ᐃᔭᐅᔨᒋ ᐅᓇᐊᑭᓂᔎᒪ, ᐊᑯ ᒋ ‍ ᓇᑕᐤ ᐊᓐᑕ ᑲ ‍ ᐊᐱᔨᒋ ᐅᐱᒪᔅᑭᓇᒡ ᑭᔭ ᒂ ‍ ᐃᑕᑦ, “ᓇᐃᒥ ᒐᒋ ᐎᐸᒥᑕᓐ᙮”
\p ᑕᐃᒪᕐ ᒂ ‍ ᐃᑕᑦ, “ᒐᒂᓐ ᒐ ‍ ᒥᔨᓐ ᐎᐸᒥᑕᓇ ?”
\p
\v 17 ᒍᑕ ᒂ ‍ ᐎᑎᒧᐊᑦ, “ᒋᑭ ‍ ᐃᑎᓴᐊᒪᑎᓐ ᒥᔅᑐᓯᔅ ᓂᑦ ᐊᐛᓯᓯᒥᒡ ᐅᒡ᙮”
\p ᑕᐃᒪᕐ ᒂ ‍ ᐃᑕᑦ, “ᒐᒂᓐ ᒐ ‍ ᒥᔨᓐ ᒐᒋ ᑭᓄᐛᔨᑎᒪᓐ ᐸᑎᒪ ᒋ ‍ ᐃᑎᓴᐊᒧᐎᓇ ᒥᔅᑐᓯᔅ ?”
\p
\v 18 ᒍᑕ ᑲ ‍ ᑯᒂᒋᒪᑦ, “ᒐᒂᓐ ᓇᑐᐛᔨᑎᒥᓐ ᒐ ‍ ᒥᔨᑕᓐ ᒐᒋ ᑭᓄᐛᔨᑎᒥᓐ ᐸᑎᒪ ᒋ ‍ ᐃᑎᓴᐊᒪᑕᓇ ᒥᔅᑐᓯᔅ ?”
\p ᑕᐃᒪᕐ ᐃᑕᐤ, “ᒋᑦ ᐊᐱᒋᒐᐱᓱᓐ ᑭᔭ ᐊᓯᒡ ᒋᓯᔅᑲᐅᓐ᙮” ᒍᑕ ᒂ ‍ ᒥᔭᑦ ᑭᔭ ᒂ ‍ ᐎᐸᒪᑦ ᒥᒄ ᓇᒪ ᐅᒋ ᒋᔅᒐᔨᒪᐤ ᐃᔭᐅᔨᒋ ᐅᓇᐊᑭᓂᔎᒪ᙮ ᐊᑯ ᓇᓇᒐ ᒂᔅᒐᔨᑕᐧᒃ ᑕᐃᒪᕐ ᐊᓱᐛᐱᒪᐅᓱᑦ᙮
\v 19 ᐃᔅᐱ ᑲᒋ ‍ ᔅᑐᑕᑦ ᒍᑕ, ᑎᐛᒡ ᒋ ‍ ᒋᐛᐤ ᑕᐃᒪᕐ, ᒂ ‍ ᒥᓇᐧᒃ ᐅᑦ ᐊᑯᐛᐱᒂᐅᓐ ᑭᔭ ᑲᐤ ᑈᔅᑲᐧᒃ ᒋᔅᑎᒪᒋᔎᐤ ᐊᐱᒋᑕᐅᓇ᙮
\p
\v 20 ᓇᓇᒐ ᒍᑕ ᒋ ‍ ᐃᑎᓴᐛᐤ ᐎᒐᐛᑭᓇ ᐃᕋᔨᒋ ᒐᒋ ᓂᑐᐛᐱᒪᔨᒋ ᐊᓂᔭ ᐃᔎᐛ ᑭᔭ ᒥᔭᔨᒋ ᐸᐃᒄ ᐅᒥᔅᑐᓯᓯᒥᓴ᙮ ᒋ ‍ ᐃᑕᐤ ᒐᒋ ᔭᐃᑕᔾ ᐅᑎᓂᒺᑦ ᐅᑦ ᐊᐱᒋᒐᐱᓱᓇ ᑭᔭ ᐅᓯᔅᑲᐅᓐ᙮ ᐊᑯ ᐃᕋ ᑲ ‍ ᐃᑐᑕᑦ ᐊᓐᑕ ᐅᑕᓇᒡ, ᒥᒄ ᐃᔅᐱ ᑲ ‍ ᑎᑯᓯᐧᒃ ᓇᒪ ᐅᒋ ᒥᔅᑯᐛᐤ ᐃᔎᐛ᙮
\v 21 ᐃᕋ ᒋ ‍ ᑯᒂᒋᒪᐤ ᐱᔅᒐ ᐃᔪᐛ ᐊᓐᑕ ᑲ ‍ ᐎᒋᔨᒋ, “ᑕᓐᑕ ᐊᓂᔭ ᐱᓯᒂᑎᓯᔎᐤ ᑲ ‍ ᐊᐱᑦ ᐊᓐᑕ ᐅᐱᒪᔅᑭᓇᒡ ?”
\p ᒥᒄ ᒋ ‍ ᐃᑎᑯᐤ, “ᑕᐸ ᓂᑕ ᐊᑕᐤ ᐅᑕ ᐱᓯᒂᑎᓯᔎᐤ᙮”
\p
\v 22 ᐊᑯ ᒍᑕ ᑲᐤ ᒋ ‍ ᓂᑐᐛᐱᒥᑯᐤ ᐎᒐᐛᑭᓇ ᑭᔭ ᒂ ‍ ᐃᑎᑯᑦ, “ᓇᒪ ᓂ ‍ ᒥᔅᑯᐛᐤ ᐊᓐ ᐃᔎᐤ᙮ ᐃᔪᒡ ᐊᓐᑕ ᐛᒋᒡ ᐃᔅᒋᔄᐅᒡ ᐊ ᐊᑲ ᓂᑕ ‍ ᑕᔨᒋ ᐱᓯᒂᑎᓯᔎᐛ᙮”
\p
\v 23 ᒍᑕ ᒂ ‍ ᐃᔅᒋᔄᑦ, “ᒋᑭ ‍ ᑎᐸᔨᑎᒻ ᐊᓂᔭ ᒐᒂᓂᔪᐛ᙮ ᓇᒪ ᒋ ‍ ᓂᑐᐛᔨᒪᓄᐅᒡ ᒐᒋ ᐛᐅᓯᓇᑕᐧᑯᒡ ᐃᔪᒡ, ᓂᒋ ‍ ᑯᒋᑕᐛᓐ ᒐᒋ ᒋᓯᐧᑯᐅᒃ ᒥᒄ ᓇᒪ ᒋ ᐅᒋ ‍ ᒥᔅᑯᐛᐤ᙮”
\p
\v 24 ᑲᒋ ‍ ᓂᔅᑐ ᐱᓯᒺᔭᔨᒡ ᒍᑕ ᒋ ‍ ᐃᑎᑯᐤ ᐊᐛᔪᐛ, “ᒋᓇᐊᑭᓂᔎᒻ ᑕᐃᒪᕐ ᒋ ᒥᒋ ‍ ᐃᑐᐤ᙮ ᒋ ‍ ᐎᐸᒪᓯᐱᓐ ᐊᐛᔪᐛ ᑭᔭ ᐊᓄᒡ ᐊᓱᐛᐱᒪᐅᓱᐤ᙮”
\p ᒋ ‍ ᒋᔄᒋᓇᑭᓂᐳᐤ ᒍᑕ ᑭᔭ ᒂ ‍ ᐃᔅᒋᔄᑦ, “ᐸᒋ ᐎᐎᑕᐃᐧᒄ ᑭᔭ ᒐ ‍ ᓂᐸᐃᑭᓱᐛᒄ᙮”
\p
\v 25 ᒋ ‍ ᓂᑐᐛᐱᒪᐅᒡ ᐃᔪᒡ ᑭᔭ ᒪᒂᒡ ᐱᔭᑐᑕᐊᑭᓄᐅᑦ ᑕᐃᒪᕐ ᐊᓐᑕ ᐛᒋᐱᒐᓂᐎᒡ ᐅᑕᓇᔪᐤ, ᒋ ‍ ᐃᑎᓴᐊᒧᐛᐤ ᐊᐛᔪᐛ ᐅᒋᓴᐃᔨᒪ ᐊ ‍ ᑕᐧᑯᓂᒥᔨᒋ ᑲ ‍ ᒥᔨᑯᑦ ᑕᐱᒋᒐᐱᓱᓇ ᑭᔭ ᓯᔅᑲᐅᓂᔪᐤ ᑭᔭ ᐊᑕᑦ, “ᐊᓐ ᓇᐸᐤ ᑲ ‍ ᒥᔨᑦ ᐅᔭ ᓂᓱ ᒐᒂᓂᔪᐛ ᐊᐅᑯᓐ ᑲ ‍ ᑭᔅᒋᑲᑕᐅᑦ᙮ ᒥᔪ ᒋ ‍ ᑕᐸᑕ ᐅᔭ, ᒋᔅᒐᔨᒪᐤ ᐅᔭ ᐊᐛᓐ ᑕᐸᔨᑕᐧᒄ᙮”
\p
\v 26 ᐃᔅᐱ ᒍᑕ ᐎᔭᐸᑕᐧᒃ ᐊᓂᔭ ᓂᓱ ᒐᒂᓂᔪᐛ, ᒋ ‍ ᒋᔅᒐᔨᑎᒻ ᐎᔾ ᐊᓂᔭ ᑲ ‍ ᑎᐱᔨᐛᐅᓯᑦ᙮ ᒂ ‍ ᐃᔅᒋᔄᑦ, “ᑯᐃᔅᒄ ᒋ ‍ ᐃᑐᑎᒻ ᒐᒂᔪᐤ ᑕᐃᒪᕐ ᑭᔭ ᓂᔾ ᓂᒋ ‍ ᐅᓂᑐᑕᓐ, ᐛᔅ ᓇᒪ ᓂ ᐅᒋ ‍ ᒥᔭᐤ ᓂᑯᓴ ᓯᓚᔨᒋ ᑕᐃᒪᕐ ᒐ ‍ ᐅᓇᐸᒥᑦ᙮” ᓇᒪ ᒥᓐ ᐅᒋ ᐎᐸᒪᐤ ᒍᑕ ᑕᐃᒪᕐᔨᒋ᙮
\s1 ᑲ ‍ ᐅᓂᓯᓯᒥᑦ ᑕᐃᒪᕐ
\p
\v 27 ᐃᔅᐱ ᑲ ‍ ᐅᑎᒋᐱᔨᒡ ᑕᐃᒪᕐ ᒐᒋ ᐛᐱᒪᐅᓱᑦ, ᒂ ‍ ᒋᔅᒐᔨᒪᑭᓄᐅᑦ ᑲ ‍ ᓂᓯᓯᔨᒋ ᒐ ‍ ᑭᓄᐛᔨᒪᑦ᙮
\v 28 ᒪᒂᒡ ᐃᔭᐧᑯᓯᑦ, ᐸᐃᒄ ᐅᑦ ᐊᐛᓯᒪ ᒋ ‍ ᓴᒋᐱᔨᑕᔪᐛ ᐅᔅᐱᑐᓂᔪᐤ᙮ ᒋ ‍ ᒐᔅᑎᓂᒺᐤ ᐊᓐ ᑲ ‍ ᐅᑎᓇᐅᓱᑦ ᑭᔭ ᒥᔭᑭᐱᑎᒺᑦ ᑲ ‍ ᒥᐧᑯᓯᔨᒋ ᓴᔅᑎᒂᔭᐱᔭ ᐅᐧᑯᓂᑎᒋᒡ, ᒂ ‍ ᐃᔅᒋᔄᑦ, “ᐊᐅᑯᐤ ᓂᔅᑎᒻ ᐊ ‍ ᐃᔪᐅᑦ᙮”
\v 29 ᒥᒄ ᑲᐤ ᒋ ‍ ᐅᒋᐱᑕᐤ ᐅᔅᐱᑐᓐ ᑭᔭ ᐎᐧᑲᓂᓴ ᓂᔅᑎᒻ ᒋ ‍ ᐃᔪᐃᔪᐛ᙮ ᐊᑯ ᑲ ‍ ᐅᑎᓇᐅᓱᑦ ᒂ ‍ ᐃᔅᒋᔄᑦ, “ᒋᔾ ᐅᔅᑭᒡ ᔅᒋ ᐸᒋ ‍ ᐎᐎᐱᔪᐅᓐ᙮” ᐊᑯ ᐸᕋᔅ ᒋ ‍ ᐃᓯᓂᐧᑲᑕᐤ ᒍᑕ᙮
\v 30 ᐊᑯ ᐎᐧᑲᓂᓴ ᐅᐧᑯᓂᑎᒋᒡ ᑲ ‍ ᒋᑭᒧᑕᑎᔭᑭᓄᔨᒋ ᑲ ‍ ᒥᐧᑯᓯᔨᒋ ᓴᔅᑎᒂᔭᐱᔭ ᐊ ‍ ᐃᔪᔨᒋ᙮ ᓴᕋ ᒋ ‍ ᐃᓯᓂᐧᑲᑕᐤ ᒍᑕ᙮
\c 39
\s1 ᒍᓯᑉ ᑭᔭ ᐸᑎᐸᕐ ᐎᐛ
\p
\v 1 ᑲᒋ ‍ ᐃᔭᐛᒡ ᒍᓯᐸ ᐊᓐᒡ ᐃᔅᒪᐃᓪ ᐃᔪᒡ ᑭᔭ ᐃᒋᑉᑎᒡ ᑲ ‍ ᐃᑐᑕᐊᒡ, ᐸᑎᐸᕐ, ᒋᓴᐅᒋᒪᐤ ᐸᕈᐤ ᐅᓂᑐᐱᔪᐅ-ᐅᒋᒪᒪ, ᒂ ‍ ᐃᔭᐛᑦ ᐃᔅᒪᐃᓪ ᐃᔪᐛ ᐅᒡ᙮
\p
\v 2 ᐅᑎᐸᔨᒋᒐᐤ ᒋ ‍ ᐎᒐᐛᐤ ᒍᓯᐸ ᑭᔭ ᒋ ‍ ᐃᑐᑐᐛᐤ ᒥᓯᐛ ᒐ ᐃᓯ ‍ ᒥᔪᐱᔨᒋ ᒪᒂᒡ ᑲ ‍ ᐊᑐᔅᒐᔨᒋ ᐊᓐᑕ ᐅᒋᒪᒥᔪᐛ ᐎᒋᔨᒡ᙮
\v 3 ᒋ ‍ ᒋᔅᒐᔨᑎᒥᔪᐛ ᒍᓯᑉ ᐅᒋᒪᒪ ᐛᒋᐃᑯᑦ ᑎᐸᔨᒋᒐᓱᐛ᙮ ᐛᔅ ᒥᓯᐛ ᒐᒂᔪᐤ ᒍᓯᑉ ᑲ ‍ ᐃᑐᑕᐧᒃ ᒋ ‍ ᒥᔪᐱᔪᐤ᙮
\v 4 ᒋ ‍ ᓇᐊᔨᑎᒥᐃᑯᐤ ᐸᑎᐸᕐ ᑭᔭ ᒂ ‍ ᐅᑎᓇᑦ ᒍᓯᐸ ᒧᔭᒻ ᐊᐱᒋᐊᑭᓇ, ᓇᓇᒐ ᐸᑎᐸᕐ ᒋ ‍ ᐱᔅᑎᓇᐤ ᒍᓯᐸ ᒐ ‍ ᑎᐸᔨᒪᔨᒋ ᒥᓯᐛ ᐊᐱᒋᐊᑭᓇ ᐊᓐᑕ ᐎᒋᒡ᙮ ᒍᓯᑉ ᒐᒃ ᒂ ‍ ᑭᓄᐛᔨᑎᒺᑦ ᒥᓯᐛ ᒐᒂᔪᐤ ᐅᒋᒪᒪ ᑲ ‍ ᑎᐸᔨᑎᒥᔨᒋ᙮
\v 5 ᐅᑎᐸᔨᒋᒐᐤ ᒍᓯᐸ ᐅᒡ ᒋ ‍ ᐃᑐᑎᒻ ᒥᓯᐛ ᒐ ᐃᓯ ‍ ᒥᔪᐱᔨᒡ ᐊᓐᑕ ᐸᑎᐸᕋ ᐎᒋᔨᒡ ᑭᔭ ᐅᓂᑕᐅᒋᑕᑭᓂᔨᒡ᙮
\v 6 ᒥᓯᐛ ᑲ ‍ ᑎᐸᔨᑕᐧᒃ ᐸᑎᐸᕐ ᒋ ‍ ᐱᔅᑎᓂᒧᐛᐤ ᒍᓯᐸ ᒐᒋ ᑭᓄᐛᔨᑎᒥᔨᒋ ᑭᔭ ᓇᒪ ᐅᒋ ᐊᔨᒪᑎᒥᐃᑯᐤ ᒐᒂᔪᐤ ᒥᒄ ᐊᓂᔭ ᒥᒋᒥᔪᐤ ᒐ ‍ ᒥᒋᑦ᙮
\p ᒋᓴᐱᐤ ᑭᔭ ᒋ ‍ ᒥᔪᓇᑯᓱᐤ ᒍᓯᑉ᙮
\v 7 ᐸᑎᐸᕐ ᐎᐛ ᒋ ‍ ᐛᐱᒪᐤ ᒪᔪᓇᑯᓯᔨᒋ ᒍᓯᐸ ᑭᔭ ᒂ ‍ ᒧᔅᑕᓄᐛᑦ᙮ ᐸᐃᒂᐤ ᒐᓯᑲᔨᒡ ᒂ ‍ ᐃᑕᑦ, “ᐸᒋ ᐎᐸᒥ᙮”
\p
\v 8 ᒥᒄ ᓇᒪ ᐅᒋ ᑕᑈᑐᐛᐤ ᒍᓯᑉ᙮ ᒂ ‍ ᐃᑕᑦ, “ᓂᒋ ‍ ᒥᔨᒄ ᓄᒋᒪᒻ ᒐᒋ ᑭᓄᐛᔨᑎᒧᒡ ᒥᓯᐛ ᒐᒂᔪᐤ ᐊ ‍ ᐃᔅᐱᔨᒡ ᐅᑕ ᓄᑎᒻ ᐎᒋᒡ᙮ ᓂᒋ ‍ ᑕᑈᐅᒐᔨᒥᒄ ᒐᒋ ᑭᓄᐛᔨᑎᒧᒡ ᒥᓯᐛ ᒐᒂᔪᐤ ᑕᐱᔨᐛᐅᓯᑦ᙮
\v 9 ᓂᐸ ‍ ᒥᔨᒄ ᓄᒋᒪᒻ ᒥᒄ ᒐᒂᔪᐤ ᓇᑐᐛᔨᑎᒧᒡ, ᐛᔅ ᓂᔾ ᓂ ‍ ᑭᓄᐛᔨᑎᒺᓐ ᒥᓯᐛ ᒐᒂᔪᐤ ᐅᑕ ᐎᒋᒡ᙮ ᒥᒄ ᐊᑐᒡ ᒋ ‍ ᓇᐃᑎᒻ ᐅᔭ ᒐᒋ ᐃᑐᑎᒧᒡ᙮ ᒋᔾ ᐅ ᓄᒋᒪᒻ ᐎᐛ᙮ ᑕᓐᑕ ᓂᐸ ᐅᒋ ‍ ᑐᑕᓐ ᐅ ᒥᒋ ‍ ᒐᒂᓐ ᑭᔭ ᒐᒋ ᒥᒋᑐᑐᐅᒃ ᒋᓴᒪᓂᑐᐤ ?”
\v 10 ᐊᓯᑯᒻ ᒋᓯᑲᐛ ᒋ ‍ ᑯᒂᒐᐤ ᒍᓯᐸ, ᒥᒄ ᐃᔅᐱ ᑲ ‍ ᑯᒂᒋᒥᑯᒋ ᒍᓯᑉ ᒐᒋ ᐎᐸᒪᑦ ᑭᔭ ᒪᒃ ᒐᒋ ᑕᐛᑦ ᐊ ‍ ᑕᔨᒋ, ᓇᒪ ᐅᒋ ᑕᑈᑐᐛᐤ᙮
\p
\v 11 ᐊᑯ ᐸᐃᒂᐤ ᒐᓯᑲᔨᒡ ᒍᓯᑉ ᒋ ‍ ᐃᑐᑕᐤ ᐊᓐᑕ ᐅᒋᒪᒪ ᐎᒋᔨᒡ ᒐᒋ ᐃᑐᑕᐧᒃ ᐅᑦ ᐊᑐᔅᒐᐅᓐ, ᐛᐛᒡ ᐸᐃᒄ ᓇᒪ ᐅᒋ ᑕᔪᐛ ᑯᑎᑲ ᐊᐱᒋᐊᑭᓇ ᐊᓐᑕ ᐱᑎᑭᒥᒡ᙮
\v 12 ᒋ ‍ ᐛᐱᒥᑯᐤ ᐅᒋᒪᒪ ᐎᐎᐛ ᑭᔭ ᐅᑦ ᐊᑯᐱᒡ ᒂ ‍ ᐅᒋᒪᑭᓂᑯᑦ ᑭᔭ ᒂ ‍ ᐃᑎᑯᑦ, “ᐊᔅᑎᒻ ᐎᐸᒥ᙮” ᒥᒄ ᒋ ‍ ᐎᐎᐸᑕᐤ ᒍᓯᑉ ᒥᒋᐛᐱᒡ ᐊ ‍ ᓂᑭᑕᐧᒃ ᐅᑦ ᐊᑯᑉ ᐊᔅᒄ ᐊ ‍ ᑕᐧᑯᓂᒥᔨᒋ᙮
\p
\v 13 ᐃᔅᐱ ᐸᑎᐸᕐ ᐎᐛ ᐎᔭᐸᑕᐧᒃ ᐊ ‍ ᓂᑭᑎᒥᔨᒋ ᐅᑦ ᐊᑯᐱᔪᐤ ᑭᔭ ᑲ ‍ ᐎᐎᐸᑕᔨᒋ ᒥᒋᐛᐱᒡ,
\v 14 ᒋ ‍ ᑕᑈᑕᐤ ᑯᑎᑲ ᐅᑦ ᐊᐱᒋᐊᑭᓇ ᑭᔭ ᒂ ‍ ᐃᑕᑦ, “ᒋ ‍ ᐸᓱᐛᐤ ᐅᑕ ᓂᐎᒋᒪᑭᓐ ᐅᔭ ᐃᑉᕈᐤ ᐃᔪᐛ ᒐᒋ ᐱᐛᔨᒥᑎᑕᐧᑯᐤ᙮ ᒋᐸ ᒋ ‍ ᐱᒐᐤ ᒥᒋᐛᐱᔪᐤ ᑭᔭ ᓂᒋ ᐎ ‍ ᒥᒋᑐᑕᒄ, ᒥᒄ ᓂᒋ ‍ ᐊᓯᒂᐛᓐ ᐊᔅᐱᔅ ᒋ ‍ ᐊᓯᒂᐅᒡ᙮
\v 15 ᐃᔅᐱ ᐱᔭᑐᐅᑦ ᐃᔭᓯᒂᐅᒡ, ᒂ ‍ ᐎᐎᐸᑕᑦ ᐊ ‍ ᓂᑭᑕᐧᒃ ᐅᑦ ᐊᑯᑉ᙮”
\p
\v 16 ᒋ ‍ ᑭᓄᐛᔨᑎᒺᐤ ᐅᑦ ᐊᑯᐱᔪᐤ ᐸᑎᒪ ᒍᓯᐸ ᐅᒋᒪᒥᔪᐛ ᑲ ‍ ᑎᑯᓯᓂᔨᒋ᙮
\v 17 ᐊᑯ ᐸᐃᑯᑕᐤ ᒂ ‍ ᐃᑕᒋᒧᔅᑐᐛᑦ᙮ “ᐊᓐ ᐃᑉᕈᐤ ᐃᔪᐤ ᐅᑕ ᑲ ‍ ᐸᓱᐅᑦ ᓂᒋ ‍ ᐸᒋᓇᑎᒄ ᑭᔭ ᓂᒋ ᐎ ‍ ᒥᒋᑐᑕᒄ᙮
\v 18 ᒥᒄ ᐃᔅᐱ ᐃᔭᓯᒂᐅᒡ, ᒂ ‍ ᐎᐎᐸᑕᑦ ᐊ ‍ ᓂᑭᑕᐧᒃ ᐅᑦ ᐊᑯᑉ᙮”
\p
\v 19 ᐃᔅᐱ ᒍᓯᑉ ᐅᒋᒪᒪ ᑲ ‍ ᐸᑎᒺᑦ ᐎᐛ ᐅᑎᐸᒋᒧᐅᓂᔪᐤ, ᒋᒋᐛ ᒋ ‍ ᒋᔄᐳᐤ᙮
\v 20 ᒂ ‍ ᐃᑎᓱᐛᑦ ᒐᒋ ᒪᑯᓇᑭᓄᔨᒋ ᑭᔭ ᒋᐸᐛᑭᓄᔨᒋ ᒍᓯᐸ ᐊᓐᑕ ᒋᓴᐅᒋᒪᐤ ᐅᒋᐸᐛᑭᓇ ᑲ ‍ ᑭᓄᐛᔨᒪᑭᓄᔨᒋ᙮
\p ᒪᒂᒡ ᑲ ‍ ᑕᑦ ᐊᓐᑕ ᑲᒪᑯᓄᐛᓯᐅᒋᐛᐱᒡ,
\v 21 ᒋ ‍ ᐎᒋᐃᑯᐤ ᑭᔭ ᒋ ᒥᔪ ‍ ᑐᑕᑯᐤ ᑎᐸᔨᒋᒐᓱᐛ᙮ ᐃᔭᐱᒡ ᐊᓐ ᓇᐸᐤ ᑲ ‍ ᑭᓄᐛᔨᒪᑦ ᑲ ‍ ᒪᑯᓇᑭᓄᓯᔨᒋ ᒋ ‍ ᒥᔽᔨᒪᐤ ᒍᓯᐸ᙮
\v 22 ᒋ ‍ ᒥᔭᐤ ᒍᓯᐸ ᒐᒋ ᑭᓄᐛᔨᒪᔨᒋ ᒥᓯᐛ ᑯᑎᑲ ᑲ ‍ ᒪᑯᓇᑭᓄᓯᔨᒋ ᑭᔭ ᒂ ‍ ᐃᑐᑐᐛᑦ ᒐᒋ ᑎᐸᔨᑎᒥᔨᒋ ᒥᓯᐛ ᐊ ‍ ᐃᑎᓇᓄᐎᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮
\v 23 ᐅᑎᐸᔨᒋᒐᐤ ᒋ ‍ ᐎᒐᐛᐤ ᒍᓯᐸ ᒐᒋ ᑭᔅᒋᑕᔨᒋ ᒥᓯᐛ ᒐᒂᔪᐤ ᐊ ‍ ᐃᑐᑎᒥᔨᒋ᙮ ᐅᔭ ᐅᒡ, ᑲᓂᑲᓂᔅᑲᐧᒃ ᑲᒪᑯᓄᐛᓯᐅᒋᐛᐱᔪᐤ ᒋᒋᐛ ᒋ ‍ ᓱᒐᔨᒪᐤ ᒍᓯᐸ ᒥᓯᐛ ᒐᒂᔪᐤ ᐊ ‍ ᐃᑐᑎᒥᔨᒋ᙮
\c 40
\s1 ᒍᓯᑉ ᑲᒪᑯᓄᐛᓯᐅᒋᐛᐱᒡ ᑲ ‍ ᑕᑦ
\p
\v 1 ᐸᐃᒂᐤ ᒐᓯᑲᔨᒡ, ᓂᓱ ᐃᒋᑉᑎᒡ ᒋᓴᐅᒋᒪᐤ ᐅᑯᐸᓇᒪ ᓇᒪ ᐅᒋ ᓇᐊᔨᑎᒥᐃᑯᐤ, ᐸᐃᒄ ᐅᒥᓇᐃᐛᐤ ᐃᔪᐤ ᑭᔭ ᑯᑎᒃ ᐅᒋᒪᐤ ᑲᐱᒥᓄᐛᔅᑦ᙮
\v 2 ᒋᓴᐅᒋᒪᐤ ᒋ ‍ ᒋᔄᓯᔅᑐᐛᐤ ᐅᔭ ᓂᓱ ᑯᐸᓇᐛ᙮
\v 3 ᐊᑯ ᒂ ‍ ᐃᑎᓱᒪᑦ ᐅᓂᑐᐱᔪᐅ-ᐅᒋᒪᒪ ᒐᒋ ᑎᔭᔨᒋ ᑲᒪᑭᓄᐛᓯᐅᒋᐛᐱᒡ, ᐊᓐᑕ ᐸᐃᑯᑕᐤ ᑲ ‍ ᑭᓄᐛᔨᒪᑭᓄᐅᑦ ᒍᓯᑉ᙮
\v 4 ᒍᓯᐸ ᒪᒃ ᒐ ‍ ᐃᑐᑐᐛᐤ ᓂᑐᐱᔪᐅ-ᐅᒋᒪᐤ ᑭᔭ ᒋ ‍ ᐃᑎᓱᒪᐤ ᒐᒋ ᐃᑐᑐᐛᔨᒋ ᐊ ‍ ᓂᓯᔨᒋ ᑯᐸᓇᐛ᙮
\s1 ᒍᓯᑉ ᑲ ‍ ᐃᑥᔅᑎᒧᐛᑦ ᒋᓴᐅᒋᒪᐤ ᑯᐸᓇᐛ ᐅᐳᐛᒧᐅᓂᔪᐛ
\p
\v 5 ᒥᒐᑐᒋᓯᑲᐛ ᒋ ‍ ᑕᐅᒡ ᐊ ‍ ᓂᓯᒡ ᑯᐸᓇᐅᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ, ᐊᑯ ᐸᐃᒂᐤ ᑕᐱᔅᑲᔨᒡ ᑕᐱᔅᑯᓐ ᒋ ‍ ᐳᐛᒧᐅᒡ᙮ ᑕᑎᐸᓐ ᐊ ‍ ᐃᑥᒥᑭᓂᔨᒋ ᐅᐳᐛᒧᐅᓄᐛᐛ᙮
\p
\v 6 ᐃᔅᐱ ᒍᓯᑉ ᑲ ᐸᒋ ‍ ᐱᑎᑯᐛᑦ ᒋᔭᒋᓴᐸᔭᔨᒡ, ᒋ ‍ ᐛᐱᒪᐤ ᐊ ‍ ᒥᑯᔅᑲᑕᔨᑎᒥᔨᒋ᙮
\v 7 ᐊᑯ ᑲ ‍ ᑯᒂᒋᒪᑦ᙮ “ᑕᓇᒡ ᐛᒡ ᒥᑯᔅᑲᑕᔨᑎᒪᒄ ᐊᓄᒡ ᑲᓯᑲᒡ ?”
\p
\v 8 ᒂ ‍ ᐎᑎᒪᑯᑦ, “ᑕᐱᔅᑯᓐ ᓂᒋ ‍ ᐳᐛᒧᓇᓐ ᑭᔭ ᓇᒪ ᑕᐤ ᐅᑕ ᐊᐛᓐ ᒐᒋ ᐎᑎᒪᒐᑦ᙮”
\p ᒍᓯᑉ ᐃᑕᐤ “ᓇᒪ ᓇ ᒋᓴᒪᓂᑐᐤ ᑎᐸᔨᑎᒻ ᐎᑎᒪᒐᐅᓇ ? ᐎᑎᒧᐅᒃ ᒋᐳᐛᒧᐅᓄᐛᐛ᙮”
\p
\v 9 ᐊᑯ ᐊᓐ ᒥᓇᐃᐛᐤ ᐃᔪᐤ ᒪᒃ ᒋ ‍ ᐎᑎᒧᐛᐤ ᒍᓯᐸ ᐅᐳᐛᒧᐅᓐ, ᐊ ‍ ᐃᑕᑦ, “ᓂᐳᐛᒧᐅᓂᒡ, ᓱᒥᓇᑎᒄ ᓂᒋ ‍ ᐅᔅᑎᔅᑲᐎᔅᑕᒄ᙮
\v 10 ᒋ ‍ ᓂᔅᑎᓇ ᐅᑎᐧᑯᓇ, ᒥᓐ ᐊᓴᒋᐱᒋᔨᒋ ᒋ ‍ ᐃᓯᓇᑯᓱᐅᒡ ᑭᔭ ᒂ ᐊᑎ ‍ ᐛᐱᑯᓄᐅᒋ ᑭᔭ ᒋ ‍ ᐊᑎᑕᐛ ᓱᒥᓇ᙮
\v 11 ᒋᓴᐅᒋᒪᐤ ᒪᒃ ᐅᒥᓂᒂᑭᓐ ᓂᒋ ‍ ᑕᐧᑯᓂᒺᓐ, ᐊᑯ ᐛᑎᓂᒪᓐ ᓱᒥᓇ ᑭᔭ ᓂᒋ ‍ ᒪᒪᑯᓇᐅᒡ ᒪᒃ ᐅᒥᓂᒂᑭᓂᒡ, ᐊᑯ ᑲ ‍ ᒥᔨᒃ ᐅᒥᓂᒂᑭᓐ᙮”
\p
\v 12 ᐊᑯ ᒍᓯᑉ ᐃᑕᐤ, “ᐊᐅᑯᐤ ᐊᑥᒥᑲᒡ ᒋᐳᐛᒧᐅᓐ᙮ ᐊᓂᐃ ᓂᔅᑐ ᐅᑎᐧᑯᓇ, ᐊᐅᑯᓂ ᓂᔅᑐ ᒋᓯᑲᐛ᙮
\v 13 ᒋ ‍ ᓂᔅᑐ ᒋᓯᑲᒐ ᒪᒃ ᒋᓴᐅᒋᒪᐤ ᒋᑭ ‍ ᐛᐸᔨᑎᒪᒄ ᑭᔭ ᒋᑭ ‍ ᒋᐛᓂᒪᒄ ᒋᑦ ᐊᐱᑎᓯᐅᓂᔪᐤ, ᒋᑭ ‍ ᒥᔭᐤ ᐅᒥᓂᒂᑭᓐ ᐅᑎᒋᒡ ᒧᔭᒻ ᑲ ᐃᓯ ‍ ᐃᑐᑎᒥᓐ ᑲ ‍ ᒥᓇᐃᐛᐤ ᐃᔪᔨᓐ᙮
\v 14 ᒥᒄ ᒐ ‍ ᒋᔅᒋᑐᐎᓐ ᐃᔅᐱ ᒥᓯᐛ ᐃᓯ ‍ ᒥᔪᐱᔨᓇ ᑭᔭ ᒐ ‍ ᐎᒋᔨᓐ ᒐᒋ ᐎᐎᔭᓐ ᐅᑕ ᑲᒪᑯᓄᐛᓯᐅᒋᐛᐱᒡ, ᒐ ‍ ᐃᔨᒥᑦ ᒋᓴᐅᒋᒪᐤ ᐊᔭᔨᒧᒥᔨᓐ᙮
\v 15 ᐛᔅ ᒋᒧᑦ ᓂᒋ ‍ ᐸᓱᑯᐅᓐ ᐃᑉᕈᐤ ᐃᔪᒡ ᐅᑦ ᐊᔅᒋᐛᒡ ᐅᒡ, ᑭᔭ ᐅᑕ ᓇᒪ ᒐᒂᓐ ᓂ ᐅᒋ ‍ ᑐᑕᓐ ᒐ ᐅᒋ ‍ ᒋᐸᐅᑯᐎᔭᓐ᙮”
\p
\v 16 ᐃᔅᐱ ᐅᒋᒪᐤ ᑲᐱᒥᓄᐛᔅᑦ ᐱᔭᑕᐧᒃ ᐊ ‍ ᒥᔽᔨᒡ ᐎᑎᒪᒐᐅᓂᔪᐤ, ᒋ ‍ ᐃᑕᐤ ᒍᓯᐸ, “ᓂᔾ ᑭᔭ ᓂᒋ ‍ ᐳᐛᒧᓐ, ᓂᔅᑐ ᐅᑎᐱᐅᑕ ᓂᒋ ‍ ᐱᒧᐅᑕᓐ ᑕᐧᑯᒡ ᓂᔅᑎᒂᓂᒡ᙮
\v 17 ᐊᓂᒪ ᑕᐧᑯᒡ ᐅᑎᐱᐅᑦ ᒋ ‍ ᑎᑯᓐ ᒥᒋᒻ ᒥᓯᐛ ᐊ ‍ ᐃᓯᓇᒂᒡ ᒐ ‍ ᒥᒋᑦ ᒋᓴᐅᒋᒪᐤ᙮ ᐱᔭᓱᐅᒡ ᒋ ‍ ᒥᒍᐅᒡ ᐅᑎᐱᐅᑎᒡ ᐅᒡ ᑕᐧᑯᒡ ᓂᔅᑎᒂᓂᒡ᙮”
\p
\v 18 ᐊᑯ ᒍᓯᑉ ᐛᑎᒧᐛᑦ, “ᐊᐅᑯᐤ ᐊᑥᒥᑲᒡ ᒋᐳᐛᒧᐅᓐ᙮ ᐊᓂᐃ ᓂᔅᑐ ᐅᑎᐱᐅᑕ, ᐊᐅᑯᓂ ᓂᔅᑐ ᒋᓯᑲᐛ᙮
\v 19 ᒋ ‍ ᓂᔅᑐ ᒋᓯᑲᒐ ᒋᑭ ‍ ᐱᔅᑎᓂᒄ ᒋᓴᐅᒋᒪᐤ ᑭᔭ ᒐ ‍ ᐃᑎᓱᐛᑦ ᒐ ‍ ᒥᓂᔅᑎᒂᓇᓱᑯᐅᑦ᙮ ᐊᑯ ᒐ ‍ ᐊᑯᑕᑭᓄᐅᒡ ᒋᔪᐤ ᐊᓐᑕ ᒥᔅᑎᑯᒡ, ᐱᔭᓱᐅᒡ ᒪᒃ ᒋᑭ ‍ ᒥᒍᐅᒡ ᒋᐎᔭᓯᔪᐤ᙮”
\p
\v 20 ᑲᒋ ᓂᔅᑐ ‍ ᒋᓯᑲᔨᒡ, ᒋ ‍ ᐅᒋᓯᑯᒧᐤ ᑭᔭ ᒋ ‍ ᒥᒋᓱᓇᓂᒐᐤ ᒋᓴᐅᒋᒪᐤ, ᒋ ‍ ᓂᑐᒪᐤ ᒥᓯᐛ ᐅᑦ ᐊᑐᔅᒐᔭᑭᓇ᙮ ᒋ ‍ ᐱᔅᑎᓇᐤ ᒪᒃ ᒥᓇᐃᐛᐤ ᐃᔪᐛ ᑭᔭ ᐅᒋᒪᐤ ᑲ ‍ ᐱᒥᓄᐛᓯᔨᒋ ᑭᔭ ᒋ ‍ ᐸᑐᐛᑭᓄᐤ ᑲᒪᑯᓄᐛᓯᐅᒋᐛᐱᒡ ᐅᒡ᙮
\v 21 ᒋ ‍ ᒋᐛᓂᒧᐛᐤ ᒥᓇᐃᐛᐤ ᐃᔪᐛ ᐅᑦ ᐊᑐᔅᒐᐅᓂᔪᐤ᙮
\v 22 ᒥᒄ ᒋ ‍ ᐃᑎᓱᐛᐤ ᒥᔅᑎᑯᒡ ᒐ ‍ ᐊᑯᔭᑭᓄᔨᒋ ᐅᒋᒪᐤ ᑲ ‍ ᐱᒥᓄᐛᓯᔨᒋ, ᒧᔭᒻ ᒍᓯᑉ ᑲ ‍ ᐃᔅᒋᔄᑦ ᒐ ‍ ᐃᔅᐱᔨᒡ᙮
\p
\v 23 ᒥᓇᐃᐛᐤ ᐃᔪᐤ ᒪᒃ ᓇᒪ ᓂᑕ ᒪᒥᑐᓇᔨᒪᐤ ᒍᓯᐸ, ᒋ ‍ ᐅᓂᒋᔅᒋᑐᐛᐤ᙮
\c 41
\s1 ᐃᒋᑉᑎᒡ ᒋᓴᐅᒋᒪᐤ ᒋ ‍ ᐳᐛᒧᐤ
\p
\v 1 ᓂᓱ ᐱᐳᓇ ᑲᒋ ‍ ᐎᒪᐱᔨᒡ, ᐃᒋᑉᑎᒡ ᒋᓴᐅᒋᒪᐤ ᒋ ‍ ᐳᐛᒧᐤ ᐊ ‍ ᓂᐳᐅᑦ ᓇᓯᐸᑎᒥᒡ ᓇᐃᔭᓪ ᓯᐱᒡ᙮
\v 2 ᓯᔅᒋᑯᒡ ᓂᔄᐅᑕᒡ ᐊ ‍ ᒥᔪᓇᑯᓯᔨᒋ ᑭᔭ ᐊ ‍ ᑕᒋᐳᔨᒋ ᒥᒋᑎᒂ ᐱᔭᒋ ‍ ᒧᔅᒋᐸᐱᔪᔨᒋ ᓇᐃᔭᓪ ᓯᐱᔪᐤ ᑭᔭ ᒂᒋ ‍ ᒋᒥᒋᔨᒋ ᒥᔅᑯᓱᐛ᙮
\v 3 ᒥᓐ ᓂᔄᐅᑕᒡ ᑯᑎᑲ ᒥᒋᑎᒂ ᒧᔅᒋᐸᐱᔪᔨᒋ ᓇᐃᔭᓪ ᓯᐱᒡ, ᒥᒄ ᒋ ‍ ᐱᔅᒐᐛᔪᐛ ᑭᔭ ᒋ ‍ ᒋᒪᐧᑭᑕᔪᐛ ᐅᔭ ᒥᒋᑎᒂ᙮ ᒥᒋᒪ ᐅᒡ ᒥᒋᑎᐧᑯᒡ ᒋ ‍ ᓇᑕᐅᒡ ᑭᔭ ᐛᒋᑲᐳᔅᑐᐛᒡ ᐅᔭ ᑯᑎᑲ ᒥᒋᑎᒂ ᐊᓐᑕ ᓇᓯᐸᑎᒥᒡ ᓯᐱᒡ᙮
\v 4 ᐊᑯ ᐊᓐᒡ ᑲ ‍ ᒋᒪᐧᑭᑕᒡ ᒥᒋᑎᐧᑯᒡ ᒂ ‍ ᒧᐛᒡ ᐊᓂᔭ ᑲ ‍ ᑕᒋᐳᔨᒋ ᒥᒋᑎᒂ᙮ ᒂ ‍ ᐸᑯᐱᔨᑦ ᒋᓴᐅᒋᒪᐤ᙮
\p
\v 5 ᒥᓐ ᑲᐤ ᒂ ‍ ᓂᐸᑦ ᒋᓴᐅᒋᒪᐤ ᑭᔭ ᒥᓐ ᐸᐛᒧᑦ᙮ ᓂᔄᐅᑕᒡ ᐊᑎᑕᔨᒋ ᑭᔭ ᐊ ‍ ᒪᒥᓴᔨᒋ ᐊ ‍ ᐅᔅᑎᒂᓄᔨᒋ ᐸᒂᓯᑭᓂᒥᓇ ᒋ ‍ ᐛᐸᑎᒻ ᐊ ‍ ᐸᐸᐃᑯ ᓂᑕᐅᒋᓂᔨᒋ᙮
\v 6 ᐊᑯ ᒥᓐ ᑯᑎᑲ ᐊ ‍ ᓴᒋᓂᑕᐅᒋᓂᔨᒋ ᓂᔄᐅᑕᒡ ᐊ ‍ ᐅᔅᑎᒂᓄᔨᒋ ᐸᒂᓯᑭᓂᒥᓇ, ᐊ ‍ ᐱᓴᔅᑯᓯᔨᒋ ᑭᔭ ᐊ ‍ ᐸᔅᑕᔨᒋ ᐛᐱᓄᑕᒡ ᐅᒡ ᐊ ‍ ᐅᑎᓂᔨᒡ᙮
\v 7 ᐊᑯ ᐊᓐᒡ ᐊᐱᓴᔅᑯᓯᒡ ᐊ ‍ ᐅᔅᑎᒂᓄᐎᒡ ᐸᒂᓯᑭᓂᒥᓐᒡ ᓯᔅᒋᑯᒡ ᓇᒪ ᑎᔭᐅᒡ ᐊᓂᔭ ᓂᔄᐅᑕᒡ ᐊᑎᑕᔨᒋ ᑭᔭ ᐊ ‍ ᒪᒥᓴᔨᒋ ᐊ ‍ ᐅᔅᑎᒂᓄᔨᒋ ᐸᒂᓯᑭᓂᒥᓇ, ᐃᔅᐱ ᒋᓴᐅᒋᒪᐤ ᐱᔭᑯᐱᔨᑦ, ᒂ ‍ ᒋᔅᒐᔨᑕᐧᒃ ᒥᒄ ᐊᒋ ‍ ᐳᐛᒧᑦ᙮
\p
\v 8 ᒋᔭᒋᓴᐸᔭᔨᒡ ᒋ ‍ ᒥᑯᔅᑲᑕᔨᑎᒻ ᑲ ‍ ᐃᓯᓇᐧᒃ ᐅᐳᐛᒧᐅᓂᒡ, ᐊᑯ ᐛᓴᒪᑦ ᒥᓯᐛ ᑲ ‍ ᒥᓂᑐᐅᓯᔨᒋ ᑭᔭ ᐃᒋᑉᑎᒡ ᑲ ‍ ᑭᒐᑕᐛᔨᑕᑯᓯᔨᒋ ᐃᔪᐛ᙮ ᒋ ‍ ᐊᑕᐳᐛᒧᔅᑐᐛᐤ, ᒥᒄ ᓇᒪ ᐊᐛᔪᐛ ᒋ ‍ ᐎᑎᒪᑯᐤ ᑕᓐ ᐊᑥᒥᑭᓂᔨᒋ ᐅᐳᐛᒧᐅᓇ᙮
\p
\v 9 ᐊᑯ ᒥᓇᐃᐛᐤ ᐃᔪᐤ ᐊᑕᑦ ᒋᓴᐅᒋᒪᐛ, “ᓂ ‍ ᒋᔅᒋᑕᓐ ᒐᒂᓐ ᐊᓐ ᑲ ‍ ᐅᓂᒋᔅᒋᔭᓐ ᒐᒋ ᐎᑎᒪᑕᓐ᙮
\v 10 ᐸᐃᒂᐤ ᐃᔅᐱ ᑲ ‍ ᒋᔄᓯᔅᑐᐎᔭᒡ ᐅᒋᒪᐤ ᑲᐱᒥᓄᐛᔅᑦ ᑭᔭ ᓂᔾ ᑭᔭ ᑲᒪᑯᓄᐛᓯᐅᒋᐛᐱᒡ ᑲ ‍ ᐱᔅᑎᓂᔭᒡ ᐊᓐᑕ ᓂᑐᐱᔪᐅ-ᐅᒋᒪᐤ ᐎᒋᒡ᙮
\v 11 ᐸᐃᒂᐤ ᑕᐱᔅᑲᒡ ᑕᐱᔅᑯᓐ ᓂᒋ ‍ ᐳᐛᒧᓇᓐ ᒥᒄ ᑕᑎᐸᓐ ᒋ ‍ ᐃᓯᓇᑯᓇ ᓂᐳᐛᒧᐅᓇᓇ᙮
\v 12 ᒋ ‍ ᑕᐤ ᐊᓐᑕ ᐊ ‍ ᐅᔅᑎᓂᒋᐅᑦ ᐃᑉᕈᐤ ᐃᔪᐤ ᐊᑕᐅᒋᒡ, ᓂᑐᐱᔪᐅ-ᐅᒋᒪᐤ ᐅᑯᐸᓇᒪ, ᑕᐱᔅᑯᓐ ᓂᒋ ‍ ᐊᑕᐳᐛᒧᔅᑐᐛᓇᓐ ᑭᔭ ᓂᒋ ‍ ᐎᑎᒪᑯᓇᓐ ᓂᐳᐛᒧᐅᓇᓇ᙮
\v 13 ᒥᓯᐛ ᒐᒂᔪᐤ ᒋ ‍ ᐃᔅᐱᔪᐤ ᒧᔭᒻ ᑲ ‍ ᐃᔅᒋᔄᑦ ᒐ ‍ ᐃᔅᐱᔨᒡ, ᔅᒋ ‍ ᒋᐛᓂᒧᐅᓐ ᓂᑦ ᐊᐱᑎᓯᐅᓐ, ᒥᒄ ᔅᒋ ‍ ᐃᑎᓱᐛᓐ ᒥᔅᑎᑯᒡ ᒐ ‍ ᐊᑯᔭᑭᓄᐅᑦ ᐅᒋᒪᐤ ᑲᐱᒥᓄᐛᔅᑦ᙮”
\s1 ᒍᓯᑉ ᐎᑎᒧᐛᐤ ᒋᓴᐅᒋᒪᐛ ᐅᐳᐛᒧᐅᓂᔪᐛ
\p
\v 14 ᑲᒋ ‍ ᐸᑕᐧᒃ ᐅᔭ ᒋᓴᐅᒋᒪᐤ, ᒂ ‍ ᐎᓴᒪᑦ ᒍᓯᐸ ᑭᔭ ᑎᐛᒡ ᒋ ‍ ᐸᓱᐛᑭᓄᐎᔪᐛ ᑲᒪᑯᓄᐛᓯᐅᒋᐛᐱᒡ ᐅᒡ᙮ ᑲᒋ ‍ ᑲᔅᑲᐃᔅᑐᐛᑦ ᑭᔭ ᐊᑕᔅᐱᓱᑦ ᒍᓯᑉ, ᐊᑯ ᓇᑐᐛᐱᒪᑦ ᒋᓴᐅᒋᒪᐛ᙮
\p
\v 15 ᒂ ‍ ᐃᑎᑯᑦ ᒋᓴᐅᒋᒪᐛ, “ᓂᒋ ‍ ᐳᐛᒧᓐ ᑭᔭ ᓇᒪ ᑕᐤ ᐊᐛᓐ ᒐᒋ ᐎᑎᒧᐅᑦ᙮ ᓂᒋ ‍ ᐎᑎᒪᑯᐅᓐ ᐊᓂᑕᐤ ᐎᑎᒪᒐᔨᓐ ᐳᐛᒧᐅᓇ᙮”
\p
\v 16 ᐊᑯ ᒍᓯᑉ ᐊᑕᑦ, “ᓇᒪᔭᐤ ᓂᔾ ᐊ ‍ ᐃᑐᑎᒪᓐ, ᒥᒄ ᒋᓴᒪᓂᑐᐤ ᒋᑭ ‍ ᒥᔭᐤ ᒋᓴᐅᒋᒪᐛ ᐊ ‍ ᒥᔽᔨᒡ ᐎᑎᒪᒐᐅᓂᔪᐤ᙮”
\p
\v 17 ᐊᑯ ᒋᓴᐅᒋᒪᐤ ᐛᑎᒧᐛᑦ ᒍᓯᐸ ᐅᐳᐛᒧᐅᓇ, “ᓇᓯᐸᑎᒥᒡ ᓇᐃᔭᓪ ᓯᐱᒡ ᓂ ‍ ᓂᐳᐅᓐ,
\v 18 ᓯᔅᒋᑯᒡ ᓂᔄᐅᑕᒡ ᐊ ‍ ᒥᔪᓇᑯᓯᒡ ᑭᔭ ᐊ ‍ ᑕᒋᐳᒡ ᒥᒋᑎᐧᑯᒡ ᐸᒋ ᒧᔅᒋᐸᐱᔪᐅᒡ ᓇᐃᔭᓪ ᓯᐱᔪᐤ ᑭᔭ ᒂᒋ ‍ ᒋᒥᒋᒡ ᒥᔅᑯᓱᐛ᙮
\v 19 ᒥᓐ ᓂᔄᐅᑕᒡ ᑯᑎᑭᒡ ᐊ ‍ ᐱᔅᒐᐛᒡ ᑭᔭ ᐊ ‍ ᒋᒪᐧᑭᑕᒡ ᒥᒋᑎᐧᑯᒡ ᒺᔅᒋᐸᐱᔪᐅᒡ ᓇᐃᔭᓪ ᓯᐱᔪᐤ, ᓇᒪ ᓂᑕ ᐛᐱᒪᐅᒡ ᐊ ‍ ᒥᒋᓇᑯᓯᒡ ᒥᒋᑎᐧᑯᒡ ᐊᓐᑕ ᒥᓯᐛ ᐃᒋᑉᑦ ᐊᔅᒋᒡ᙮
\v 20 ᐊᑯ ᐊᓐᒡ ᑲ ‍ ᒋᒪᐧᑭᑕᒡ ᒥᒋᑎᐧᑯᒡ ᒂ ‍ ᒧᐛᒡ ᐊᓂᔭ ᑲ ‍ ᑕᒋᐳᔨᒋ ᒥᒋᑎᒂ᙮
\v 21 ᒥᒄ ᑲᒋ ‍ ᒧᐛᒡ ᐊᓐᒡ ᑲ ‍ ᐱᔅᒐᐛᒡ ᒥᒋᑎᐧᑯᒡ ᐊᓂᔭ ᑲ ‍ ᑕᒋᐳᔨᒋ ᒥᒋᑎᒂ, ᐸᐃᑯᑕᐤ ᐊᔅᒄ ᒋ ‍ ᐃᓯᓇᑯᓱᐅᒡ᙮ ᒂ ᐊᑎ ‍ ᐸᑯᐱᔨᔭᓐ᙮
\p
\v 22 ᒥᓐ ᑲᐤ ᓇᐸᔭᓐ, ᒥᓄᐛᒡ ᐸᐛᒧᔭᓐ, ᓂᔄᐅᑕᒡ ᐊᑎᑕᔨᒋ ᑭᔭ ᐊ ‍ ᒪᒥᓴᔨᒋ ᐊ ‍ ᐅᔅᑎᒂᓄᔨᒋ ᐸᒂᓯᑭᓂᒥᓇ ᓂ ‍ ᐛᐸᑕᓐ ᐊ ‍ ᐸᐃᑯ ᓂᑕᐅᒋᒋ᙮
\v 23 ᐊᑯ ᒥᓐ ᓯᔭᒋᓂᑕᐅᒋᒋ ᓂᔄᐅᑕᒡ ᐊ ‍ ᐅᔅᑎᒂᓄᔨᒋ ᐸᒂᓯᑭᓂᒥᓇ, ᐊᔭᐱᓴᔅᑯᓯᒋ ᑭᔭ ᐊ ‍ ᐸᔅᑕᒋ ᐛᐱᓄᑕᒡ ᐅᒡ ᐊ ‍ ᐅᑎᒡ᙮
\v 24 ᐊᑯ ᐊᓐᒡ ᐊᔭᐱᓴᔅᑯᓯᒡ ᐊ ‍ ᐅᔅᑎᒂᓄᐎᒡ ᐸᒂᓯᑭᓂᒥᓐᒡ ᓯᔅᒋᑯᒡ ᒥᑎᔭᐅᒡ ᐊᓂᔭ ᓂᔄᐅᑕᒡ ᐊᑎᑕᔨᒋ ᑭᔭ ᐊ ‍ ᒪᒥᓴᔨᒋ ᐊ ‍ ᐅᔅᑎᒂᓄᔨᒋ ᐸᒂᓯᑭᓂᒥᓇ᙮ ᓂᒋ ‍ ᐊᑕᐳᐛᒧᔅᑐᐛᐅᒡ ᑲᒥᓂᑐᐅᓯᒡ, ᒥᒄ ᓇᒪ ᑕᐤ ᐊᐛᓐ ᒐᒋ ᐎᑎᒧᐅᑦ ᑕᓐ ᐊᑥᒥᑭᓂᔨᒋ ᓂᐳᐛᒧᐅᓇ᙮”
\p
\v 25 ᐊᑯ ᒍᓯᑉ ᐊᑕᑦ ᒋᓴᐅᒋᒪᐛ, “ᐸᐃᑯᑕᐤ ᐃᑥᒥᑭᓇ ᐊ ‍ ᓂᓯᒋ ᒋᐳᐛᒧᐅᓇ; ᔅᒋ ‍ ᐎᑎᒪᒄ ᒐᒂᓂᔪᐤ ᒐ ‍ ᐃᑐᑕᐧᒃ ᒋᓴᒪᓂᑐᐤ᙮
\v 26 ᐊᓐᒡ ᓂᔄᐅᑕᒡ ᐊ ‍ ᑕᒋᐳᒡ ᒥᒋᑎᐧᑯᒡ ᑭᔭ ᐊᓂᔭ ᓂᔄᐅᑕᒡ ᐊ ‍ ᐅᔅᑎᒂᓄᒋ ᐸᒂᓯᑭᓂᒥᓇ ᐊᐅᑯᓐ ᓂᔄᐅᑕᒡ ᑕᑐᐤ ᐱᐳᓇ ᒐ ‍ ᐛᔪᑎᒡ ᒥᒋᒻ, ᐸᐃᑯᑕᐤ ᐃᑥᒥᑭᓇ᙮
\v 27 ᒥᒄ ᐊᓐᒡ ᓂᔄᐅᑕᒡ ᐊᐱᔅᒐᐛᒡ ᒥᒋᑎᐧᑯᒡ ᓇᓇᒐ ᑲ ᐸᒋ ‍ ᒧᔅᒋᐸᐱᔪᐅᒡ ᑭᔭ ᐊᐱᓴᔅᑯᓯᒡ ᐊ ‍ ᐅᔅᑎᒂᓄᐎᒡ ᐸᒂᓯᑭᓂᒥᓐᒡ ᐊ ‍ ᐸᔅᑕᔨᒋ ᐛᐱᓄᑕᒡ ᐅᒡ ᐊ ‍ ᐅᑎᒡ ᐊᐅᑯᓐ ᓂᔄᐅᑕᒡ ᑕᑐᐤ ᐱᐳᓇ ᒐ ‍ ᓯᐛᔨᓇᓄᐅᒡ᙮
\p
\v 28 ᒋᓴᒪᓂᑐᐤ ᔅᒋ ‍ ᐛᐸᑎᔨᒄ ᒐᒂᔪᐤ ᒐ ‍ ᐃᑐᑕᐧᒃ, ᐊᐅᑯᓐ ᒧᔭᒻ ᒐ ‍ ᐃᔅᐱᔨᒡ ᐊ ᐃᓯ ‍ ᐎᑎᒪᑕᓐ᙮
\v 29 ᒋᑭ ‍ ᐅᑎᒋᐱᔪᐤ ᓂᔄᐅᑕᒡ ᑕᑐᐤ ᐱᐳᓇ ᐃᔅᐱ ᒐ ‍ ᐛᔪᑎᒡ ᒥᒋᒻ ᐊᓐᑕ ᒥᓯᐛ ᐃᒋᑉᑦ ᐊᔅᒋᒡ᙮
\v 30 ᒋ ‍ ᐳᓂᐱᔨᒐ ᐅᔭ ᐱᐳᓇ ᒐ ‍ ᐛᔪᑎᒡ ᒥᒋᒻ, ᐊᑯ ᒐ ‍ ᐅᑎᒋᐱᔨᒡ ᓂᔄᐅᑕᒡ ᑕᑐᐤ ᐱᐳᓇ ᒐ ‍ ᓯᐛᔨᓇᓄᐅᒡ᙮ ᒋᑭ ‍ ᐅᓂᒋᔅᒋᐅᒡ ᐃᔪᒡ ᑕᓐ ᑲ ‍ ᐃᑕᔨᑕᑯᓂᔨᒡ ᐃᔅᐱ ᑲ ‍ ᐛᔪᑎᓂᔨᒡ ᒥᒋᒥᔪᐤ ᐊᓐᑕ ᐃᒋᑉᑎᒡ᙮ ᒋᑭ ‍ ᐊᔨᒥᐅᐎᒡ ᐃᔪᒡ ᐊ ‍ ᓯᐛᔨᓇᓄᐅᒡ᙮
\v 31 ᒋᒋᐛ ᒋᑭ ‍ ᐊᔨᒥᓐ ᒐ ᐊᑲ ‍ ᑎᒂᒡ ᒥᒋᒻ, ᓇᒪ ᐊᐛᓐ ᐊᓐᑕ ᐊᔅᒋᒡ ᒋᑭ ‍ ᒋᔅᒋᑎᒻ ᐃᔅᐱ ᑲ ‍ ᐛᔪᑎᓂᔨᒡ ᒥᒋᒥᔪᐤ᙮
\v 32 ᐊᒂᑥᒥᑲᒡ ᐊᓐ ᓂᔄᐤ ᑲ ᐃᓯ ‍ ᐳᐛᒧᔨᓐ, ᒋᓴᒪᓂᑐᐤ ᓴᔅ ᒋ ‍ ᐛᑕᔨᑎᒻ ᒐᒂᔪᐤ ᒐ ‍ ᐃᔅᐱᔨᒡ ᑭᔭ ᐎᐱᒡ ᒐ ‍ ᐅᑎᒋᐱᔨᑕᑦ᙮
\p
\v 33 ᐊᑯ ᒪᒃ ᐊᓄᒡ ᒋᓴᐅᒋᒪᐤ ᒋᐸ ‍ ᐅᑎᓇᐤ ᓇᐸᐛ ᐊ ‍ ᑭᒐᑕᐛᔨᑕᑯᓯᔨᒋ ᑭᔭ ᐊ ‍ ᑭᔅᒋᑕᔨᒋ ᒐᒋ ᑎᐸᔨᑎᒪᑭᓄᔨᒋ ᐃᒋᑉᑦ ᐊᔅᒋᔪᐤ᙮
\v 34 ᐃᔭᐱᒡ ᑯᑎᑭᒡ ᐅᒋᒪᓯᒡ ᒋᐸ ‍ ᐅᑎᓇᐅᒡ ᑭᔭ ᒋᐸ ‍ ᐃᑎᓱᒪᐅᒡ ᐅᒡ ᐅᒋᒪᓯᒡ ᒐᒋ ᐱᑕᑕᒡ ᑕᑐᐎᒡ ᐃᓯᑕᑎᐸᓇᒡ ᒥᒋᒥᔪᐤ ᓇᑕᐅᒋᑕᑭᓄᐎᒡ, ᓇᐎᒡ ᐅᔭ ᒐ ‍ ᒥᒋᓇᓄᔨᒋ ᑭᔭ ᐸᐃᒄ ᒐᒋ ᓇᐅᔅᑕᑭᓄᐎᒡ᙮
\v 35 ᒐ ‍ ᐃᑎᓱᒥᑥᐤ ᒐᒋ ᒪᒧᓴᒋᓇᒡ ᒥᓯᐛ ᒥᒋᒥᔪᐤ ᒪᒂᒡ ᐅᑎᒋᐱᔨᒐ ᓂᔄᐅᑕᒡ ᑕᑐᐤ ᐱᐳᓇ ᒐ ᐃᔅᐱᔅ ‍ ᒥᔪᐱᔨᒡ ᑭᔭ ᒐ ‍ ᒥᔨᑥᐤ ᑎᐸᔨᒋᒐᐅᓂᔪᐤ ᒐ ‍ ᓇᐅᔅᑕᒡ ᐸᒂᓯᑭᓂᒥᓇ ᐊᓐᑕ ᐅᑕᓇᐛ ᑭᔭ ᒐ ᒥᔪ ‍ ᑭᓄᐛᔨᑕᒡ᙮
\v 36 ᐊᐅᑯᐤ ᒥᒋᒻ ᒐ ‍ ᐃᔅᑯᓇᑭᓄᐅᒡ ᐃᔪᒡ ᒐ ‍ ᒥᒋᒡ ᒪᒂᒡ ᒐ ‍ ᐅᑎᒋᐱᔨᒡ ᓂᔄᐅᑕᒡ ᑕᑐᐤ ᐱᐳᓇ ᒐ ᐊᑲ ‍ ᑎᒂᒡ ᒥᒋᒻ ᐅᑕ ᐃᒋᑉᑦ ᐊᔅᒋᒡ᙮ ᐊᐅᑯᐤ ᐅᒡ ᒐ ᐊᑲ ‍ ᑯᐧᑭᑕᒡ ᐃᔪᒡ ᒪᒂᒡ ᐊᑲ ᑎᒂᒐ ᒥᒋᒻ᙮”
\s1 ᒍᓯᑉ ᐅᒋᒪᐧᑲᑕᑭᓄᐤ ᒥᓯᐛ ᐃᒋᑉᑎᒡ
\p
\v 37 ᒋ ‍ ᒥᔽᔨᑎᒥᐃᑯᐅᒡ ᒋᓴᐅᒋᒪᐤ ᑭᔭ ᐅᑦ ᐊᑐᔅᒐᔭᑭᓇ ᒍᓯᐸ ᐅᑦ ᐃᑕᔨᑎᒧᐅᓂᔪᐛ᙮
\v 38 ᐊᑯ ᒋᓴᐅᒋᒪᐤ ᐊᑕᑦ ᐅᑦ ᐊᑐᔅᒐᔭᑭᓇ, “ᓇᒪ ᓂᑕ ᒋᑭ ‍ ᒥᔅᑯᐛᓄᐤ ᐊ ᒥᔪ ‍ ᑭᔅᒋᑕᑦ ᐊᐛᓐ ᐃᔅᐱᔅ ᒍᓯᑉ, ᐊᓐ ᓇᐸᐤ ᑲ ‍ ᐱᒋᔅᑲᑯᑦ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮” ᓇᒪ ᑕᐤ ᐊᐛᓐ ᑲᓄᐛᔨᑕᐧᒃ ᐃᑈᐧᑲᐅᓂᔪᐤ ᑭᔭ ᑭᒐᑕᐛᔨᑕᑯᓱᐅᓂᔪᐤ ᒧᔭᒻ ᒋᔾ ᐊᓯ ‍ ᑭᓄᐛᔨᑎᒥᓐ᙮
\p
\v 39 ᐊᑯ ᒋᓴᐅᒋᒪᐤ ᐊᑕᑦ ᒍᓯᐸ, “ᐛᔅ ᒋᓴᒪᓂᑐᐤ ᑲᔅᒐᔨᑎᒥᐃᔅᒃ ᐊᑥᒥᑭᓂᔨᒋ ᓂᐳᐛᒧᐅᓇ᙮
\v 40 ᒋᔾ ᒋᑭ ‍ ᑭᓄᐛᔨᑎᔨᑎᓐ ᓂᒋᓴᐅᒋᒪᐅᒋᐛᑉ ᑭᔭ ᓂᑎᐸᔨᑎᒧᐅᓇ᙮ ᒥᓯᐛ ᐊᐛᓐᒋ ᒋᑭ ‍ ᓂᓇᐃᑕᑯᒡ ᒐᒂᔪᐤ ᐊ ‍ ᐃᑎᑥᐤ᙮ ᓂᔾ ᒥᒄ ᐅᔅᑕ ᓂᑭ ‍ ᐃᑕᔨᑕᑯᓯᓐ ᐃᔅᐱᔅ ᒋᔾ᙮”
\p
\v 41 ᐊᑯ ᒋᓴᐅᒋᒪᐤ ᐊᑕᑦ ᒍᓯᐸ, “ᐊᓄᒡ ᒥᓯᐛ ᐃᒋᑉᑎᒡ ᒋᑭ ‍ ᒋᓴᐅᒋᒪᐤ ᒋᔅᒋᓄᐛᒋᐃᑎᓐ᙮”
\v 42 ᒋᓴᐅᒋᒪᐤ ᒂ ‍ ᒥᓇᑦ ᐅᒋᓴᐅᒋᒪᐅ ᑕᐱᒋᒐᐱᓱᓇ ᐅᑎᒋᒡ ᐅᒡ ᑭᔭ ᒐᑭᒧᐃᒪᑦ ᐊᓐᑕ ᒍᓯᐸ ᐅᑎᒋᔨᒡ, ᐃᔭᐱᒡ ᒋᒋᑭᒧᑕᑎᔭᐤ ᐊ ‍ ᒥᔽᔨᒋ ᐊᐱᒋᑕᐅᓇ ᑭᔭ ᑎᔭᐱᔅᑯᒧᑎᔭᑦ ᑲ ‍ ᐎᔄᐅᓱᓇᔭᐎ ᑲᐃᑕᐸᔅᑲᑭᓄᐎᒡ᙮
\v 43 ᒋᓴᐅᒋᒪᐤ ᒋ ‍ ᒥᔭᐤ ᒍᓯᐸ ᑯᑎᑲ ᑲ ‍ ᑎᑎᐱᔨᒋ ᐅᑕᐸᓇᔎ ᒐᒋ ᐳᓯᔨᒋ ᑭᔭ ᐅᓂᑐᐱᔪᐅ-ᐃᔨᒪ ᓇᑲᓄᐸᑕᔨᒋ ᑭᔭ ᑎᔭᑈᔨᒋ, “ᑐᐎᔅᑐᐛᐧᒄ᙮” ᐊᑯ ᒍᓯᑉ ᒂ ‍ ᒋᓴᐅᒋᒪᐧᑲᑕᑭᓄᐅᑦ ᒥᓯᐛ ᐃᒋᑉᑎᒡ᙮\fig The pharaoh gave Joseph his other chariot to ride on|KV-016a.tif|col||Katie Voigtlander|ᒋᓴᐅᒋᒪᐤ ᒋ ‍ ᒥᔭᐤ ᒍᓯᐸ ᑯᑎᑲ ᑲ ‍ ᑎᑎᐱᔨᒋ ᐅᑕᐸᓇᔎ ᒐᒋ ᐳᓯᔨᒋ |ᒐᓂᓯᔅ 41.43\fig*
\p
\v 44 ᒋᓴᐅᒋᒪᐤ ᒂ ‍ ᐃᑕᑦ ᒍᓯᐸ, “ᐊᑎᓱᐧᒄ ᓂᔾ ᒋᓴᐅᒋᒪᐎᔭᓐ ᐃᒋᑉᑎᒡ, ᒋᑭ ‍ ᓇᐃᒥᑎᓐ ᒐᒋ ᓄᑎᒻ ᑎᐸᔨᒥᑥᐤ ᓂᑦ ᐃᔨᒥᒡ᙮ ᓇᒪ ᒐᒂᔪᐤ ᒋᑭ ‍ ᐃᑐᑎᒧᒡ ᐸᑐᔅ ᓂᔅᑯᒧᔨᓇ᙮”
\v 45 ᒋᓴᐅᒋᒪᐤ ᒂ ‍ ᐅᔅᒋᓯᓂᐧᑲᑕᑦ ᒍᓯᐸ, “ᓴᐱᓇᑦ-ᐸᓂᐊ” ᐊ ‍ ᐃᓯᓂᐧᑲᑕᑦ, ᐃᔭᐱᒡ ᐃᒋᑉᑦ ᐃᔎᐛ ᒋ ‍ ᒥᔭᐤ ᒐ ‍ ᐎᐎᔨᒋ, ᐊᓯᓇᑦ ᒋ ‍ ᐃᓯᓂᐧᑲᓱᔪᐛ᙮ ᐸᑎᐸᕋ ᐅᑕᓂᓴ ᐊᓐ ᑲ ‍ ᐊᔭᒥᐊᐅᒋᒪᐅᑦ ᐊᓐᑕ ᐅᓐ᙮ ᐊᑯ ᒍᓯᑉ ᐛᒋᒪᐅᑦ ᒥᓯᐛ ᐃᔪᐛ ᑭᔭ ᐃᒋᑉᑎᒡ ᐊᔅᒋᔪᐤ᙮
\p
\v 46 ᒋ ‍ ᓂᔅᑐᔪᐛᐱᐳᓇᓱᐤ ᒍᓯᑉ ᐃᔅᐱ ᑲ ‍ ᐊᑐᔅᑯᐛᑦ ᐃᒋᑉᑎᒡ ᒋᓴᐅᒋᒪᐛ᙮ ᐊᑯ ᒍᓯᑉ ᓇᑭᑕᑦ ᒋᓴᐅᒋᒪᐛ ᑭᔭ ᒥᓯᐛ ᐃᒋᑉᑦ ᐊᔅᒋᒡ ᐊᑎ ‍ ᐃᑐᑕᑦ᙮
\v 47 ᒪᒂᒡ ᐊᓂᔭ ᐅᔅᑭᒡ ᓂᔄᐅᑕᒡ ᑕᑐᐤ ᐱᐳᓇ, ᒋ ᒥᔅᑎ ‍ ᓂᑕᐅᒋᓐ ᒥᒋᒻ ᐊᓐᑕ ᐊᔅᒋᒡ᙮
\v 48 ᒍᓯᑉ ᒋ ‍ ᐃᑎᓱᒪᐤ ᐅᑦ ᐊᑐᔅᒐᔭᑭᓇ ᒪᒂᒡ ᑲ ‍ ᐛᔪᑎᓂᔨᒡ ᒥᒋᒥᔪᐤ ᐃᒋᑉᑎᒡ ᒐᒋ ᒪᐅᒋᑕᔨᒋ ᑭᔭ ᓇᐅᔅᑕᔨᒋ ᒥᒋᒥᔪᐤ ᐊᓐᑕ ᐅᑕᓇᐛ᙮ ᐊᓐ ᒥᒋᒻ ᑲ ‍ ᓂᑕᐅᒋᒡ ᓂᑕᐅᒋᑕᑭᓂᒡ ᒥᒋᒪ ᐊᓐᑕ ᐊ ‍ ᐅᑕᓇᐅᒡ ᒋ ‍ ᑭᓄᐛᔨᑕᑭᓄᐤ᙮
\v 49 ᒋᒋᐛ ᒋ ‍ ᒥᓴᔪᐤ ᐊᓂᔭ ᒥᒋᒥᔪᐤ ᒍᓯᑉ ᑲ ‍ ᐃᑎᓱᒪᑦ ᐃᔪᐛ ᒐᒋ ᓇᐅᔅᑕᔨᒋ ᒐᒃ ᑲ ‍ ᓂᑲᐎᒡ ᒐᒋ ᑎᐱᒋᑕᒡ ᑕᓐ ᐊᔅᐱᓴᔨᒡ, ᐊ ᐎ ‍ ᑎᐱᒋᑕᑭᓄᐅᒡ ᒥᒋᒻ ᒧᔭᒻ ᐊ ‍ ᑎᐱᒋᑕᑭᓄᐅᒡ ᐃᔭᑲᐤ ᓇᓯᐸᑎᒥᒡ ᐎᓂᐸᑯᒡ ᐃᓯᓇᑯᓐ᙮
\p
\v 50 ᐊᒺᔭ ᐅᑎᒋᐱᔨᒋ ᐱᐳᓇ ᐊ ‍ ᓯᐛᔨᓇᓄᐅᒡ, ᒋ ‍ ᓂᓯᔨᐛ ᒍᓯᑉ ᐅᑯᓴ ᐎᐛ ᐊᓯᓇᑦ ᐅᒡ᙮
\v 51 “ᒪᓇᓴ” ᒋ ‍ ᐃᓯᓂᐧᑲᑕᐤ ᒍᓯᑉ ᓂᔅᑎᒻ ᐅᑯᓴ, “ᐊᓐ ᐊᐛᓐ ᐊ ‍ ᐃᑐᑕᐧᒃ ᒐ ‍ ᐅᓂᒋᔅᒋᓇᓄᐎᒡ,” ᐊ ‍ ᐃᑥᒥᑲᒡ᙮ ᐛᔅ ᒋ ‍ ᐃᔅᒋᔄᐤ, “ᓂᒋ ‍ ᑐᑕᒄ ᒋᓴᒪᓂᑐᐤ ᒐᒋ ᐅᓂᒋᔅᒋᑎᒧᒡ ᓂᐎᓯᒐᔨᑎᒧᐅᓇ ᑭᔭ ᒥᓯᐛ ᓄᑕᐎᔭ ᐎᒋᔨᒡ ᐊ ‍ ᑕᔨᒋ᙮”
\v 52 “ᐃᑉᕋᐃᒻ” ᒋ ‍ ᐃᓯᓂᐧᑲᑕᐤ ᑯᑎᑲ ᐅᑯᓴ, “ᑲ ‍ ᒥᓂᓱᐅᒡ,” ᐊ ‍ ᐃᑥᒥᑲᒡ᙮ ᐛᔅ ᒋ ‍ ᐃᔅᒋᔄᐤ, “ᒋᓴᒪᓂᑐᐤ ᓂᒋ ‍ ᒥᔨᒄ ᐊᐛᓴ ᐊᓐᑕ ᐊᔅᒋᒡ ᑲ ᒥᔅᑎ ‍ ᐅᔅᑕᐱᔪᐅᒡ᙮”
\p
\v 53 ᐃᔅᐱ ᑲ ‍ ᐳᓂᐱᔨᒡ ᓂᔄᐅᑕᒡ ᑕᑐᐤ ᐱᐳᓇ ᑲ ‍ ᐛᔪᑎᒡ ᒥᒋᒻ ᐊᓐᑕ ᐃᒋᑉᑎᒡ,
\v 54 ᐊᑯ ᒐ ‍ ᒋᐱᔨᒡ ᓂᔄᐅᑕᒡ ᑕᑐᐤ ᐱᐳᓇ ᐊ ‍ ᓯᐛᔨᓇᓄᐅᒡ, ᒧᔭᒻ ᒍᓯᑉ ᑲ ‍ ᐃᔅᒋᔄᑦ ᒐ ‍ ᐃᔅᐱᔨᒡ᙮ ᓇᒪ ᐅᒋ ᑎᑯᓐ ᒥᒋᒻ ᐊᓐᑕ ᑯᑎᑲ ᐊᔅᒋᔭ, ᒥᒄ ᒋ ‍ ᑎᑯᓐ ᒥᒋᒻ ᐊᓐᑕ ᒥᓯᐛ ᐃᒋᑉᑎᒡ᙮
\v 55 ᐊᑯ ᐃᔅᐱ ᐃᒋᑉᑎᒡ ᐃᔪᒡ ᓄᑕᐱᔨᒡ ᒥᒋᒥᔪᐤ, ᒋ ‍ ᓂᑐᐛᔨᑎᒧᐛᐅᒡ ᒋᓴᐅᒋᒪᐛ ᒐᒋ ᒥᔨᑯᒡ ᒐᒂᔪᐤ ᒐ ‍ ᒥᒋᒡ᙮ ᒋᓴᐅᒋᒪᐤ ᒂ ‍ ᐃᑕᑦ ᐃᔪᐛ, “ᒍᓯᑉ ᓂᑐᐛᐱᒥᐧᒄ ᑭᔭ ᒐ ‍ ᐃᑐᑎᒺᒄ ᒥᒄ ᒐᒂᔪᐤ ᐊ ‍ ᐃᑎᓱᒥᑕᒄ᙮”
\p
\v 56 ᐃᔅᐱ ᒪᓯᑕᐱᔨᒡ ᓄᑕᐧᑭᑕᐅᓐ ᒥᓯᐛ ᐊᔅᐱᑎᔅᑭᒥᑲᒡ ᐊᔅᒋᒡ, ᒂ ‍ ᓴᓇᐧᒃ ᒍᓯᑉ ᒥᓯᐛ ᐊᔅᑕᓱᐅᒋᐛᐸ ᐊᓐᑕ ᑲᓄᐛᔨᑕᑭᓄᐎᒡ ᒥᒋᒥᔪᐤ ᑲᒪᐅᑕᑭᓄᐎᒡ ᑭᔭ ᒂ ‍ ᐊᑕᒪᑦ ᒥᒋᒥᔪᐤ ᐃᒋᑉᑎᒡ ᐃᔪᐛ᙮
\v 57 ᐃᒋᑉᑎᒡ ᒋ ‍ ᐃᑐᑕᐅᒡ ᐃᔪᒡ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᒡ ᐅᒡ ᒐᒋ ᐃᔭᒡ ᒥᒋᒥᔪᐤ ᒍᓯᐸ ᐅᒡ, ᐛᔅ ᒋᒋᐛ ᒋ ‍ ᐊᔨᒥᓐ ᑲ ‍ ᐅᑎᒋᐱᔨᒡ ᐊᑲ ᐅᒋ ᑎᒂᒡ ᒥᒋᒻ ᐊᓐᑕ ᒥᓯᐛ ᐊᔅᒋᒡ᙮
\c 42
\s1 ᐃᒋᑉᑎᒡ ᐃᑐᑕᔪᐛ ᒍᓯᑉ ᐎᐧᑲᓂᓴ
\p
\v 1 ᒋ ‍ ᐸᑎᒻ ᒐᑭᑉ ᐊ ‍ ᑎᑯᓂᔨᒋ ᐸᒂᓯᑭᓂᒥᓇ ᐃᒋᑉᑎᒡ, ᒋ ‍ ᐃᑕᐤ ᒪᒃ ᐅᑯᓴ, “ᑕᓇᒡ ᐛᒋ ‍ ᑭᓄᐛᐱᒥᑐᔭᒄ ?
\v 2 ᓂᒋ ‍ ᐸᑕᓐ ᐊᑎᒂᒋ ᐸᒂᓯᑭᓂᒥᓇ ᐃᒋᑉᑎᒡ, ᐃᑐᑕᒄ ᐊᓐᑕ ᑭᔭ ᒐ ‍ ᐊᔭᔭᒄ ᐊᑯ ᒪᒃ ᒐᒋ ᐱᒪᑎᓯᔭᐧᒄ ᑭᔭ ᒐ ᐊᑲ ‍ ᒋᒪᐧᑭᑕᔭᐧᒄ᙮”
\p
\v 3 ᐊᑯ ᐊ ‍ ᐸᐃᑯᔪᐛᓯᔨᒋ ᒍᓯᑉ ᐎᐧᑲᓂᓴ ᐊᑐᑕᔨᒋ ᐃᒋᑉᑎᒡ ᒐᒋ ᐃᔭᔨᒋ ᐸᒂᓯᑭᓂᒥᓇ᙮
\v 4 ᒥᒄ ᒐᑭᑉ ᓇᒪ ᐅᒋ ᐃᑎᓴᐛᐤ ᒍᓯᐸ ᐅᓯᒥᔪᐛ ᐱᓐᒋᒥᓇ ᐛᔅ ᒋ ‍ ᑯᔅᑕᐤ ᒐᒋ ᐃᔅᐱᔨᒋ ᒐᒂᓂᔪᐤ᙮
\v 5 ᐊᑯ ᒐᑭᑉ ᐅᑯᓴ ᒋ ᐸᒋ ‍ ᐎᒐᐛᔪᐛ ᑯᑎᑲ ᐃᔪᐛ ᑲ ᓇᒋ ‍ ᐃᔭᔨᒋ ᐸᒂᓯᑭᓂᒥᓇ ᐛᔅ ᓇᒪ ᐅᒋ ᑎᑯᓐ ᒥᒋᒻ ᐊᓐᑕ ᑲᐃᓇᓐ ᐊᔅᒋᒡ᙮
\p
\v 6 ᒍᓯᑉ ᒋ ‍ ᑎᐸᔨᑎᒻ ᐊᓂᔭᔪᐤ ᐊᔅᒋᔪᐤ, ᐎᔾ ᒪᒃ ᒋ ‍ ᐊᑕᒪᐤ ᐸᒂᓯᑭᓂᒥᓇ ᐃᔪᐛ ᒥᓯᐛ ᐊᔅᒋᒡ ᐅᒡ, ᐊᑯ ᐃᔅᐱ ᑲ ‍ ᑎᑯᓯᓂᔨᒋ ᒍᓯᑉ ᐎᐧᑲᓂᓴ ᑭᔭ ᒋ ‍ ᓇᐛᒋᔅᑕᑯᐤ ᐊ ‍ ᒋᔅᑕᔨᒥᑯᑦ᙮
\v 7 ᐃᔅᐱ ᒍᓯᑉ ᐎᔭᐱᒪᑦ ᐎᐧᑲᓂᓴ, ᑎᐛᒡ ᒋᔅᒐᔨᒪᐤ᙮ ᒥᒄ ᓇᒪ ᐅᒋ ᒋᔅᒐᔨᒥᑯᐤ ᑭᔭ ᒂ ‍ ᐃᑕᔨᑕᐧᒃ ᒐ ᐊᑲ ‍ ᐎᑎᒧᐛᑦ᙮ ᒋ ‍ ᒋᓯᒧᑐᐛᐤ ᑭᔭ ᒋ ‍ ᐃᑕᐤ, “ᑕᓐᑕ ᐛᒋᔭᒄ ?”
\p ᒋ ‍ ᐃᑎᑯᐤ ᒪᒃ, “ᑲᐃᓇᓐ ᐊᔅᒋᒡ ᐅᒡ ᒐᒋ ᐃᔭᔭᒡ ᒥᒋᒻ᙮”
\v 8 ᒍᓯᑉ ᒋ ‍ ᓂᔅᑐᓄᐛᐤ ᐎᐧᑲᓂᓴ, ᒥᒄ ᓇᒪ ᐅᒋ ᓂᔅᑐᓇᑯᐤ᙮
\v 9 \fig Joseph recognized his brothers, but they did not recognize him|KV-017a.tif|col||Katie Voigtlander|ᒍᓯᑉ ᒋ ‍ ᓂᔅᑐᓄᐛᐤ ᐎᐧᑲᓂᓴ, ᒥᒄ ᓇᒪ ᐅᒋ ᓂᔅᑐᓇᑯᐤ|ᒐᓂᓯᔅ 42.9\fig*ᒂ ‍ ᒋᔅᒋᑦ ᒍᓯᑉ ᐅᐳᐛᒧᐅᓇ ᑲ ‍ ᐳᐛᑕᑦ ᐎᐧᑲᓂᓴ ᐃᔅᐱ ᑲ ‍ ᐅᔅᑎᓂᒋᐅᑦ ᐊᓐᑕ ᑲᐃᓇᓐ ᐊᔅᒋᒡ᙮ ᒋ ‍ ᐃᑕᐤ ᒪᒃ, “ᒋ ‍ ᑲᑭᒋᒧᑎᓯᓇᐛᐤ, ᒋ ᐸᒋ ‍ ᑎᑯᓯᓇᐛᐤ ᒐᒋ ᓇᓂᑐ ‍ ᒋᔅᒐᔨᑎᒪᒄ ᑕᓐᑕ ᐊᔨᔨᒥᓯᒥᑲᒡ ᓂᑦ ᐊᔅᒋᓇᓐ᙮”
\p
\v 10 ᒋ ‍ ᐃᑕᐅᒡ ᒪᒃ, “ᓇᒪ, ᓄᒋᒪᒥᓇᓐ, ᒥᒄ ᒐᒋ ᐃᔭᒡ ᒥᒋᒥᔪᐤ ᒋ ᐅᒋ ‍ ᑎᑯᓯᓄᐅᒡ ᒋᑦ ᐊᑐᔅᒐᔭᑭᓂᒡ᙮
\v 11 ᐸᐃᑯᑕᐤ ᐅᑕᐎᒪᐤ ᓂ ‍ ᐅᑯᓯᑕᑯᓇᓐ᙮ ᓂ ‍ ᑕᑈᓇᓐ, ᓇᒪᐎᔾ ᓂᔭᓐ ᑲᑭᒋᒧᑎᓯᒡ᙮”
\p
\v 12 ᒍᓯᑉ ᒋ ‍ ᐃᑕᐤ, “ᓇᒪ, ᔅᒋ ᐸᒋ ‍ ᑎᑯᓯᓇᐛᐤ ᒐᒋ ᐛᐸᑎᒪᒄ ᑕᓐᑕ ᐊᔨᔨᒥᓯᒥᑲᒡ ᓂᑦ ᐊᔅᒋᓇᓐ᙮”
\p
\v 13 ᐊᑯ ᐊᑕᒡ, “ᑲᐃᓇᓐ ᐊᔅᒋᒡ ᓂ ‍ ᐅᒋᓇᓐ᙮ ᓂᓱᓴᑉ ᓂᒋ ‍ ᑕᑥᐸᐅᓇᓐ᙮ ᐊᓄᒡ ᐊ ‍ ᐅᔅᑎᓂᒋᐅᑦ ᓂᐧᑲᓂᓯᓇᓐ ᓄᑕᐎᓇᓇ ᑕᐤ ᐊ ‍ ᑕᔨᒋ᙮ ᑯᑎᒃ ᓂᐧᑲᓂᓯᓇᓐ ᒋ ‍ ᐳᓂᐱᒪᑎᓯᐤ᙮”
\p
\v 14 ᒍᓯᑉ ᒋ ‍ ᐃᑕᐤ, “ᓴᔅ ᔅᒋ ‍ ᐎᑎᒪᑎᓇᐛᐤ ᐊᑕᔨᑎᒪᓐ, ᒋᔨᐛᐤ ᐅ ᑲᑭᒋᒧᑎᓯᒡ !
\v 15 ᐊᐅᑯᐤ ᒐ ᐃᓯ ‍ ᑯᒂᒋᐃᑯᐎᔭᒄ, ᓂ ‍ ᑕᑈᓐ ᐃᒋᑉᑎᒡ ᒋᓴᐅᒋᒪᐤ ᐅᓱᐧᑲᑎᓯᐅᓂᒡ ᐅᒡ, ᓇᒪ ᒋᑭ ᒋ ᓂᑕ ᒋ ‍ ᔅᑐᑕᓇᐛᐤ ᐸᑎᒪ ᐅᑕ ᒋ ‍ ᐸᓱᐛᑭᓄᒐ ᒋᓯᒧᐛᐤ᙮
\v 16 ᐊᐅᑯᐤ ᒐ ᐎ ‍ ᐃᑐᑎᒪᒄ, ᐸᐃᒄ ᐊ ‍ ᐃᑎᓯᔭᒄ ᒋᑭ ‍ ᒋᐛᐤ ᒐᒋ ᓂᑐᐛᐱᒪᑦ ᒋᓯᒧᐛᐛ᙮ ᒋᔨᐛᐤ ᒪᒃ ᒋᑭ ‍ ᒋᐸᐅᑯᓇᐛᐤ᙮ ᐃᔅᐱ ᑎᑯᓯᒐ ᐊᓯᒡ ᒋᓯᒧᐛᐛ, ᐊᑯ ᒐᔅᒐᔨᑎᒪᓐ ᑕᑈᐅᓐ ᑲᒋ ‍ ᐎᑎᒪᒄ᙮ ᒥᒄ ᓂᑕᑈᓐ ᐃᒋᑉᑎᒡ ᒋᓴᐅᒋᒪᐤ ᐅᐱᒪᑎᓯᐅᓂᒡ ᐅᒡ ᐊᑲ ᑎᑯᓯᒐ, ᐊᑯ ᒐᔅᒐᔨᑎᒪᓐ ᒋᒋᐛ ᑲ ‍ ᑭᒋᒧᑎᓯᔭᒄ ᑭᔭ ᓂᐳᐅᓂᒡ ᒋᑭ ᐃᓯ ‍ ᐱᔅᑎᓂᑎᓇᐛᐤ᙮”
\v 17 ᐊᑯ ᒍᓯᑉ ᒪᒧᐤ ᒂ ‍ ᒋᐸᐛᑦ ᓂᔅᑐᒋᓯᑲᐛ᙮
\p
\v 18 ᑲᒋ ᓂᔅᑐ ‍ ᒋᓯᑲᔨᒡ ᒋ ‍ ᐃᑎᓱᐛᐤ ᒍᓯᑉ ᒐᒋ ᐸᓱᐛᑭᓄᔨᒋ ᐎᐧᑲᓂᓴ ᐅᑎᔅᑯᐤ ᐊ ‍ ᑕᑦ ᑭᔭ ᒋ ‍ ᐃᑕᐤ, “ᓂᔾ ᐅ ᓇᐸᐤ ᑲ ‍ ᒋᔅᑕᔨᒪᑦ ᒋᓴᒪᓂᑐᐛ, ᐊᑯ ᒐ ‍ ᐃᑐᑎᒪᒄ ᒐ ‍ ᐃᑎᑯᒡ ᐊᑯ ᑭᔭ ᒐ ᐊᑲ ‍ ᓂᐸᐃᑯᐅᔭᒄ᙮
\v 19 ᓂ ᐎ ‍ ᒋᔅᒐᔨᑕᓐ ᑎᔭᑈᐛᒂ᙮ ᐸᐃᒄ ᐊᐃᑎᓯᔭᒄ ᒋᑭ ‍ ᑕᐤ ᐅᑕ ᑭᔭ ᒋᑭ ‍ ᒋᐸᐛᑭᓄᐤ᙮ ᒋᔨᐛᐤ ᒪᒃ ᒋᑭ ‍ ᔅᑐᑕᓇᐛᐤ ᑭᔭ ᐸᒂᓯᑭᓂᒥᓇ ᒐ ‍ ᒋᐛᑐᐛᑯᒡ ᑲ ‍ ᓯᐛᔨᒡ ᒋᒡ ᐃᔪᐛᐅᒡ᙮
\v 20 ᒪᒃ ᒐ ‍ ᐸᑐᐎᔭᒄ ᒋᓯᒧᐛᐤ, ᐊᑯ ᒪᒃ ᒐᔅᒐᔨᑎᒪᓐ ᑎᔭᑈᔭᒄ ᑲ ‍ ᐃᔅᒋᔄᔭᒄ ᑭᔭ ᓇᒪ ᒋᑭ ᐃᓯ ‍ ᐱᔅᑎᓂᑎᓇᐛᐤ ᓂᐳᐅᓂᒡ᙮” ᐊᑯ ᐎᐧᑲᓂᓯᒪᐅᒡ ᒋ ‍ ᓂᔅᑯᒪᐅᒡ ᑲ ‍ ᐃᑎᑯᒡ ᒍᓯᐸ᙮
\p
\v 21 ᐎᐧᑲᓂᓯᒪᐅᒡ ᒂ ‍ ᐃᔨᒥᑐᒡ ᐅᑦ ᐃᔨᒧᐅᓄᐛᒡ, “ᐊᐅᑯᐤ ᐊᓯᓇᑯᓯᔭᐧᒄ ᑲ ᐃᓯ ‍ ᐎᓂᑐᑐᐛᐧᒄ ᒋᐧᑲᓂᓯᓄᐤ᙮ ᐃᔅᐱ ᑲ ‍ ᐳᑎᓯᐛᐱᓇᐧᒄ ᒧᓇᐃᐸᓂᒡ, ᑲ ‍ ᐱᑯᓴᔨᒥᑕᐧᒄ ᒐ ‍ ᒋᔅᑎᒪᒐᔨᒪᐧᒄ ᒥᒄ ᓇᒪ ᒋ ᐅᒋ ‍ ᓂᑐᑐᐛᓄᐤ᙮ ᐊᐅᑯᐤ ᐛᒋ ‍ ᐅᔅᑕᐱᐃᔭᐧᒄ᙮”
\p
\v 22 ᕈᐱᓐ ᒂ ‍ ᐃᑕᑦ, “ᒋᒋᐃᑎᓇᐛᐤ ᒐ ᐊᑲ ‍ ᐊᐧᑯᐊᒄ ᓇᐸᔅ, ᒥᒄ ᓇᒪ ᒋ ᐅᒋ ‍ ᓂᑐᑐᓇᐛᐤ᙮ ᐊᓄᒡ ᒪᒃ ᒋᑦ ᐊᓏᔨᒥᑯᓄᐤ ᒋᓴᒪᓂᑐᐤ ᑲᒋ ‍ ᐅᑎᓂᒺᐧᒄ ᐅᐱᒪᑎᓯᐅᓐ᙮”
\v 23 ᒪᒂᒡ ᐅᑦ ᐃᔨᒥᑐᑕᐤ, ᐎᐧᑲᓂᓯᒪᐅᒡ ᓇᒪ ᐅᒋ ᒋᔅᒐᔨᑎᒧᒡ ᓇᔅᑐᑕᑯᒡ ᒍᓯᐸ ᒐᒂᔪᐤ ᐊᔅᒋᔄᒡ᙮ ᐛᔅ ᑲ ‍ ᐅᑐᓂᑲᒐᔨᒋ ᒋ ‍ ᐊᐱᒋᐊᔪᐛ ᒐᒋ ᐃᔨᒥᑯᒡ᙮
\p
\v 24 ᒂ ‍ ᓂᑭᑕᑦ ᒍᓯᑉ ᑭᔭ ᒂ ‍ ᒪᑦ, ᐊᑯ ᒥᓐ ᓇᑐᐛᐱᒪᑦ ᒐᒋ ᐃᔨᒪᐊᑦ, ᐛᑎᓇᑦ ᓯᒥᐅᓇ ᑭᔭ ᒥᔭᑯᐱᑕᑦ ᐊ ‍ ᑭᓄᐛᐱᒥᑯᑦ ᐎᐧᑲᓂᓴ᙮
\p
\v 25 ᐊᑯ ᒍᓯᑉ ᐊᑎᓱᐛᑦ ᒐᒋ ᓴᑭᔅᒋᓂᑕᑭᓄᔨᒋ ᐸᒂᓯᑭᓂᒥᓇ ᑭᔭ ᑲᐤ ᒋᒧᑦ ᒐᒋ ᐱᑕᐃᑭᓄᔨᒋ ᐅᓱᓇᔭᓂᒥᔪᐛ ᒥᓯᐛ ᐊ ‍ ᐃᑎᓯᔨᒋ ᐎᐧᑲᓂᓴ ᐎᐅᑎᔨᒡ ᑭᔭ ᒥᒋᒥᔪᐤ ᒐ ‍ ᓂᒪᔨᒋ᙮ ᒥᓯᐛ ᒋ ‍ ᑐᑕᑭᓄᐎᔪᐤ ᐊᑎᓱᐛᑦ᙮
\v 26 ᐎᐧᑲᓂᓯᒪᐅᒡ ᒂ ‍ ᐎᐅᓴᐊᒡ ᑲᓂᐧᑲᑎᓯᔨᒋ ᐅᑲᐸᐃᑭᔎᒧᐛᐛ ᐸᒂᓯᑭᓂᒥᓇ ᑭᔭ ᒐ ‍ ᑐᑕᒡ᙮
\p
\v 27 ᒥᒄ ᐃᔅᐱ ᐊᑎ ‍ ᐎᒋᒡ ᑕᐱᔅᑲᔨᒡ, ᐸᐃᒄ ᐊ ‍ ᐃᑎᓯᒡ ᐃᔭᐱᐧᑯᓇᐧᒃ ᐎᐅᑦ ᒐᒋ ᐊᓯᒪᑦ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ, ᒋ ‍ ᐛᐸᑎᒻ ᐅᓱᓇᔭᓂᒻ ᐊ ‍ ᑎᑯᓂᔨᒡ ᑕᐧᑯᒡ ᐎᐅᑎᒡ᙮
\v 28 ᒂ ‍ ᐃᑕᑦ ᐎᐧᑲᓂᓴ, “ᓂ ᒋᐛ ‍ ᒥᔨᑯᓇᓯᐱᓐ ᓂᓱᓇᔭᓂᒻ, ᐱᒡ ᐅᑕ ᓂᐅᑎᒡ ᑎᑯᓐ᙮”
\p ᓴᒋᓱᐅᓂᔪᐤ ᒋ ‍ ᐱᒋᔅᑲᑯᐅᒡ ᐅᑕᐃᐛᒡ ᑭᔭ ᐊ ‍ ᓴᒋᓯᒡ ᒋ ‍ ᑯᒂᒋᒥᑐᐅᒡ ᐊ ‍ ᐃᔅᒋᔄᒡ, “ᒐᒂᓂᔪᐤ ᐅᔭ ᑲ ‍ ᑐᑕᑕᐧᒄ ᒋᓴᒪᓂᑐᐤ ?”
\p
\v 29 ᐃᔅᐱ ᐛᑎᑕᒡ ᐅᑕᐎᐛᐛ ᒐᑭᐸ ᑲᐃᓇᓐ ᐊᔅᒋᒡ, ᒋ ‍ ᐎᑎᒧᐛᐅᒡ ᒥᓯᐛ ᒐᒂᔪᐤ ᑲ ‍ ᐃᔅᐱᔨᒡ᙮ ᐊ ‍ ᐃᑕᒡ,
\v 30 “ᐊᓐ ᐃᔪᐤ ᑲ ‍ ᑎᐸᔨᑕᐧᒃ ᐊᓂᔭᔪᐤ ᐊᔅᒋᔪᐤ ᓂᒋ ‍ ᒋᓯᒧᑕᑯᓇ᙮ ᓂᒋ ‍ ᐃᑕᔨᒥᑯᓇᓐ ᐊ ‍ ᑲᑭᒋᒧᑎᓯᐅᒋᒡ ᒐᒋ ᓇᓂᑐ ‍ ᒋᔅᒐᔨᑎᒧᒋᒡ ᑕᓐᑕ ᐊᔨᔨᒥᓯᒥᑲᓂᔨᒡ ᐅᑦ ᐊᔅᒋᐛᐤ᙮
\v 31 ᒥᒄ ᒂ ‍ ᐃᑎᒋᒡ, ‘ᓂᔭᓐ ᐅ ᑲ ‍ ᒥᔪᐃᑕᑎᓯᒡ ᐃᔪᒡ᙮ ᓇᒪᔭᐤ ᐅ ᓂᔭᓐ ᑲᑭᒋᒧᑎᓯᒡ,
\v 32 ᓂᓱᓴᑉ ᓂᒋ ‍ ᑕᑥᐸᐅᓇᓐ᙮ ᐊᓄᒡ ᐊ ‍ ᐅᔅᑎᓂᒋᐅᑦ ᓂᐧᑲᓂᓯᓇᓐ ᓄᑕᐎᓇᓇ ᐊᔅᒄ ᑕᐤ ᐊ ‍ ᑕᔨᒋ᙮ ᑯᑎᒃ ᓂᐧᑲᓂᓯᓇᓐ ᒋ ‍ ᐳᓂᐱᒪᑎᓯᐤ᙮’
\p
\v 33 ᒥᒄ ᐊᓐ ᐃᔪᐤ ᑲ ‍ ᑎᐸᔨᑕᐧᒃ ᐊᓂᔭᔪᐤ ᐊᔅᒋᔪᐤ ᓂᒋ ‍ ᐃᑎᑯᓇᓐ, ‘ᐊᐅᑯᐤ ᒐ ᐅᒋ ‍ ᒋᔅᒐᔨᑎᒪᓐ ᒪᔪᐃᑕᑎᓯᐛᐛᒂ, ᓂᑭᑎᒧᐅᒄ ᐸᐃᒄ ᒋᐧᑲᓂᓱᐛᐤ; ᒋᔨᐛᐤ ᒪᒃ ᒋᐛᑐᐛᑯᒡ ᐸᒂᓯᑭᓂᒥᓇ ᑲ ‍ ᓯᐛᔨᒡ ᒋᒡ ᐃᔪᐛᐅᒡ᙮
\v 34 ᒥᒄ ᒋᑭ ᐎ ‍ ᐸᑐᐅᓇᐛᐤ ᒋᓯᒧᐛᐤ᙮ ᐊᑯ ᒐᔅᒐᔨᑎᒪᓐ ᐊ ‍ ᒥᔪᐃᑕᑎᓯᔭᒄ ᑭᔭ ᐊᑲ ᑲ ‍ ᑭᒋᒧᑎᓯᔭᒄ; ᐊᑯ ᒐ ‍ ᐱᔅᑎᓂᒪᑎᑯᒡ ᒋᐧᑲᓂᓱᐛᐤ ᑭᔭ ᒋᑭ ᒋ ‍ ᐊᑕᐛᓇᐛᐤ ᐅᑕ ᐊᔅᒋᒡ᙮’ ”
\p
\v 35 ᒪᒂᒡ ᓴᑯᓇᒡ ᐎᐅᑐᐛᐛ, ᒥᓯᐛ ᐊ ‍ ᐃᑎᓯᒡ ᒋ ‍ ᒥᔅᑭᒧᒡ ᐅᓱᓇᔭᓂᒧᐛᐛ ᑲ ‍ ᒋᓯᐧᑲᓱᒡ ᐸᒂᓯᑭᓂᒥᓇ᙮ ᐃᔅᐱ ᐅᑕᐎᐛᐛ ᑭᔭ ᐎᔨᐛᐤ ᐎᔭᐸᑕᒡ ᓱᓇᔭᔪᐤ, ᓴᒋᓱᐅᓂᔪᐤ ᒋ ‍ ᐱᒋᔅᑲᑯᐅᒡ᙮
\v 36 ᒋ ‍ ᐃᑎᑯᐅᒡ ᒪᒃ ᐅᑕᐎᐛᐛ ᒐᑭᐸ, “ᒋ ‍ ᒋᒥᔅᑭᒥᓇᐛᐤ ᓂᑦ ᐊᐛᓯᒥᒡ, ᒍᓯᑉ ᓇᒪ ᑕᐤ ᑭᔭ ᓯᒥᐅᓐ ᓇᒪ ᑕᐤ, ᐊᑯ ᐊᓄᒡ ᒋ ᐎ ‍ ᐅᑎᓇᐛᐤ ᐱᓐᒋᒥᓐ᙮ ᓂᔾ ᐅ ᓂ ‍ ᐎᓯᒐᔨᑕᓐ᙮”
\p
\v 37 ᐊᑯ ᕈᐱᓐ ᐊᑕᑦ ᐅᑕᐎᔭ, “ᓇᐃᒻ ᒋᑯᔅ ᐱᓐᒋᒥᓐ ᒐᒋ ᐎᒐᐅᑦ ᐃᒋᑉᑎᒡ, ᒋᑦ ᐊᓱᑎᒪᑎᓐ ᑲᐤ ᒐ ‍ ᐸᑥᑕᓐ᙮ ᒐ ‍ ᓂᐸᐃᑥᐤ ᐊ ‍ ᓂᓯᒡ ᓂᑯᓯᒡ ᐊᑲ ᑲᐤ ᐸᑥᑕᓇ᙮”
\p
\v 38 ᒥᒄ ᒐᑭᑉ ᐃᑕᐤ, “ᓇᒪ ᒋᑭ ‍ ᐎᒐᑯᐛᐤ ᓂᑯᔅ᙮ ᐛᔅ ᒋ ‍ ᓂᐱᔨᐛ ᐅᔅᑕᓴ ᑭᔭ ᐎᔾ ᒥᒄ ᐸᐃᑯᓱᐤ ᐅᑲᐎᔭ ᐅᒡ᙮ ᐎᔭᔅᑎᒐ ᐊᓐᑕ ᒐ ᐊᑎ ‍ ᐃᑐᑕᔭᒄ᙮ ᒋᑭ ‍ ᓇᔍᔨᑎᒥᐃᓇᐛᐤ᙮”
\c 43
\s1 ᒍᓯᑉ ᐎᐧᑲᓂᓴ ᓂᔄᐤ ᐊᑐᑕᔨᒋ ᐃᒋᑉᑎᒡ
\p
\v 1 ᐊᔅᒄ ᒋ ‍ ᐱᒥᐱᔪᐤ ᐊ ‍ ᓯᐛᔨᓇᓄᐅᒡ ᐊᓐᑕ ᑲᐃᓇᓐ ᐊᔅᒋᒡ᙮
\v 2 ᐃᔅᐱ ᑲᒋ ‍ ᒥᓯᐛ ᒥᒋᒡ ᐸᒂᓯᑭᓂᒥᓇ ᐃᒋᑉᑎᒡ ᑲ ᐅᒋ ‍ ᐃᔭᒡ, ᒋ ‍ ᐃᑎᑯᐅᒡ ᒪᒃ ᐅᑕᐎᐛᐛ, “ᒥᓐ ᐃᑐᑕᒄ ᐃᒋᑉᑎᒡ ᑭᔭ ᒐ ‍ ᐅᑎᓂᒧᐅᔭᒡ ᐊᐱᓯᔅ ᒥᒋᒻ᙮”
\p
\v 3 ᒥᒄ ᒍᑕ ᒋ ‍ ᐃᑕᐤ ᐅᑕᐎᔭ, “ᐊᓐ ᐃᔪᐤ ᑲ ‍ ᑎᐸᔨᑕᐧᒃ ᐊᓂᔭᔪᐤ ᐊᔅᒋᔪᐤ ᓂᒋ ‍ ᐃᔭᒂᒥᑯᓇᓐ ᒐ ᐊᑲ ᒥᓐ ᒋ ‍ ᐛᐱᒥᔨᒥᑦ ᐸᑐᔅ ᐎᒐᐅᒥᒋᒐᓂ ᓂᓯᒥᓇᓇ᙮
\v 4 ᓇᐃᒥᑕ ᒐᒋ ᐎᒐᐎᒥᑦ ᓂᐧᑲᓂᓯᓇᓐ, ᑲᐤ ᓂᑭ ‍ ᐃᑐᑕᓇᓐ ᐃᒋᑉᑎᒡ ᑭᔭ ᐊᑎᑐᐤ ᒋᑭ ‍ ᐃᔭᑎᔨᑎᓇᓐ ᒥᒋᒻ᙮
\v 5 ᒥᒄ ᐊᑲ ᓇᐃᒥᑕ ᒐᒋ ᐎᒐᐎᒥᑦ, ᓇᒪ ᓂᑭ ᒋ ‍ ᐃᑐᑕᓇᓐ ᐃᒋᑉᑎᒡ, ᐛᔅ ᐊᓐ ᐃᔪᐤ ᑲ ‍ ᑎᐸᔨᑕᐧᒃ ᐊᓂᔭᔪᐤ ᐊᔅᒋᔪᐤ ᓂᒋ ‍ ᐃᑎᑯᓇᓐ ᒐ ᐊᑲ ᒥᓐ ᒋ ‍ ᐛᐱᒥᔨᒥᑦ ᐸᑐᔅ ᐸᒋ ‍ ᐎᒐᐅᒥᒋᒐᓂ ᓂᓯᒥᓇᓇ᙮”
\p
\v 6 ᐊᑯ ᒐᑭᑉ, ᐃᔭᐱᒡ ᐃᔅᕋᐃᓪ ᐊᓯᓂᐧᑲᑕᑭᓄᐅᑦ ᐊᑕᑦ, “ᒐᒂᓐ ᒋᒋᐛ ᐛᒋ ‍ ᐅᔅᑕᐱᐃᔭᒄ ᐊ ‍ ᐎᑎᒧᐛᒄ ᐊᓐ ᐃᔪᐤ ᐊ ‍ ᑕᔨᒋ ᑯᑎᑲ ᒋᐧᑲᓂᓱᐛᐛ ?”
\p
\v 7 ᒥᒄ ᒋ ‍ ᐃᑎᑯᐤ, “ᐊᓐ ᐃᔪᐤ ᓂ ‍ ᑯᒂᒋᒥᑯᓇᓐ ᐊ ‍ ᐃᑐᐅᒋᒡ ᑭᔭ ᐊ ‍ ᐸᐃᑯᔅᑲᓇᓱᐛᐧᒄ᙮ ᓂᒋ ‍ ᑯᒂᒋᒥᑯᓇᓐ ᐊᔅᒄ ᐸᒪᑎᓯᐛᐅᑕ᙮ ᐃᔭᐱᒡ ᒋ ᐎ ᓂᑐ ‍ ᒋᔅᒐᔨᑎᒻ ᐊ ‍ ᑕᔨᒂᓂ ᑯᑎᑲ ᓂᐧᑲᓂᓯᓇᓇ᙮ ᐊᑯ ᐛᑎᒧᐅᒋᒡ ᐊ ᐃᓯ ‍ ᑯᒂᒋᒐᒧᑦ᙮ ᒥᒄ ᓇᒪ ᓂ ᐅᒋ ‍ ᒋᔅᒐᔨᒪᓇᓐ ᒐᒋ ᐃᓯ ‍ ᐃᔨᒥᑦ ᒐᒋ ᐃᑐᑕᐃᒥᒋᔨᒋ ᐱᓐᒋᒥᓇ ᐃᒋᑉᑎᒡ᙮”
\p
\v 8 ᐊᑯ ᒍᑕ ᐊᑕᑦ ᐅᑕᐎᔭ ᒐᑭᐸ, “ᓇᐃᒻ ᒐᒋ ᐎᒐᐅᑦ ᐱᓐᒋᒥᓐ ᑭᔭ ᑎᐛᒡ ᓂᑭ ‍ ᔅᑐᑕᓇᓐ ᒐᒋ ᐃᔭᔭᒡ ᒥᒋᒻ, ᐊᑯ ᒪᒃ ᒐ ᐊᑲ ᐛᐛᒡ ᐸᐃᒄ ᒋᒪᐧᑭᑕᔭᐧᒄ᙮
\v 9 ᓂᑦ ᐊᓱᑎᒪᒐᓐ ᒐ ᒥᔪ ‍ ᑭᓄᐛᔨᒥᒃ᙮ ᐃᔅᐱ ᐊᑲ ᑲᐤ ᐸᑥᑕᓇ, ᓂᔾ ᒐ ‍ ᐊᑕᒪᔨᒥᔨᓐ ᒐ ᐃᔅᐱᔅ ‍ ᐱᒪᑎᓯᔭᓐ᙮
\v 10 ᐊᑲ ᓇᐅᔅ ᑕᔭᒂᒂ ᐊ ‍ ᐛᑕᔨᑎᒪᒄ, ᒐᔅᑎᓇᔅ ᓂᔄᐤ ᒋᐸ ᒋ ‍ ᑎᑯᓯᓇᓇᐱᓐ᙮”
\p
\v 11 ᐊᑯ ᐊᑎᑯᒡ ᐅᑕᐎᐛᐛ, “ᐛᓴ ᐊᑯ ᒐ ‍ ᐃᓯᓇᑯᓂᒂ, ᐊᑯ ᐃᑐᑎᒥᒄ ᐅᒪ᙮ ᒐ ‍ ᐅᑎᓂᒪᒄ ᑲ ‍ ᒥᔽᓯᔨᒋ ᒐᒂᔪᐛ ᑲ ‍ ᓂᑕᐅᒋᒋ ᒋᑦ ᐊᔅᒋᓇᒡ᙮ ᐃᑐᑐᐛᐧᒄ ᐊᓐ ᐃᔪᐤ ᒧᔭᒻ ᒥᔨᐛᐅᓇ, ᒥᔭᐧᒄ ᓱᑈᒋᐅᓂᔪᐤ, ᑲᓯᐛᓯᐛᐳᔪᐤ, ᑲᐎᒋᒪᑯᓯᔨᒡ, ᑭᔭ ᐱᐧᑲᓇ᙮
\v 12 ᓂᔄᐤ ᐃᔅᐱᔅ ᒐ ‍ ᑕᐧᑯᓂᒪᒄ ᓱᓇᔭᐤ ᐛᔅ ᑲᐤ ᒋᑭ ᐎ ‍ ᒋᓯᐧᑲᓱᓇᐛᐤ ᐊᓐ ᓱᓇᔭᐤ ᑲ ‍ ᒥᔅᑭᒪᒄ ᐊᓐᑕ ᑕᐧᑯᒡ ᒋᐅᑐᐛᒡ᙮ ᒂᔄᓐ ᒋᐱᑕᐃᑭᓄᔨᒐ᙮
\v 13 ᔅᑐᑕᐃᐧᒄ ᒋᓯᒧᐛᐤ ᑭᔭ ᓂᑐᐛᐱᒥᐧᒄ ᐊᓄᒡ ᐊᓐ ᐃᔪᐤ ᑲ ‍ ᑎᐸᔨᑕᐧᒃ ᐊᓂᔭᔪᐤ ᐊᔅᒋᔪᐤ᙮
\v 14 ᑭᒪ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᐃᑐᑐᐛᑦ ᐊᓂᔭ ᐃᔪᐛ ᒐᒋ ᒋᔅᑎᒪᒐᔨᒥᑎᑕᑯ ᐊᑯ ᒪᒃ ᒐᒋ ᐱᔅᑎᓂᒪᑕᒄ ᒋᓯᒧᐛᐛ ᐱᓐᒋᒥᓇ ᑭᔭ ᑯᑎᑲ ᒋᐧᑲᓂᓱᐛᐛ ᓯᒥᐅᓇ, ᒥᔅᑭᒥᑯᐅᔭᓇ ᓂᑦ ᐊᐛᓯᒥᒡ, ᓇᐧᑲᑕᔨᒧᐅᓐ ᓂ ‍ ᓴᑭᔅᒋᓇᔅᑲᑯᓐ᙮”
\s1 ᐎᐧᑲᓂᓯᒪᐅᒡ ᒥᓐ ᓇᔅᑯᐛᒡ ᒍᓯᐸ
\p
\v 15 ᐊᑯ ᐎᐧᑲᓂᓯᒪᐅᒡ ᒐ ‍ ᑐᑕᒡ ᒥᔨᐛᐅᓇ ᑭᔭ ᓂᔄᐤ ᐃᔅᐱᔅ ᓱᓇᔭᔪᐤ ᑭᔭ ᐃᒋᑉᑎᒡ ᐊ ᑐᑕᒡ ᐱᓐᒋᒥᓇ ᐊ ‍ ᐎᒐᐛᒡ᙮ ᑲᒋ ‍ ᑕᑯᓯᒡ, ᒍᓯᐸ ᒋ ‍ ᓂᑐᐛᐱᒪᐅᒡ᙮
\v 16 ᐃᔅᐱ ᒍᓯᑉ ᐎᔭᐱᒪᑦ ᐱᓐᒋᒥᓇ ᐊ ‍ ᐎᒐᐛᔨᒋ, ᒋ ‍ ᐃᑕᐤ ᐊᓂᔭ ᑭᓄᐛᔨᑎᔭᑭᓇ ᑲ ‍ ᑭᓄᐛᔨᑎᒥᔨᒋ ᐎᒡ, “ᓂᒋᒡ ᐃᑐᑕᐃᒡ ᐅᒡ ᐃᔪᒡ, ᒐ ‍ ᓂᐸᐃᑦ ᐊᐛᓯᔅ ᑭᔭ ᒐ ‍ ᐊᔭᔅᑯᔅᑕᔨᓐ ᒐ ‍ ᒥᒋᓱᓇᓄᐅᒡ, ᐛᔅ ᓂᑭ ‍ ᐎᒋᒥᒋᓱᒥᑯᒡ ᐅᒡ ᐃᔪᒡ ᐊᐱᑕᒋᓯᑲᔨᒐ᙮”
\p
\v 17 ᑭᓄᐛᔨᑎᔭᑭᓐ ᒋ ‍ ᐃᑐᑎᒻ ᑲ ‍ ᐃᑎᓱᐛᔨᒋ ᒍᓯᐸ᙮ ᒋ ‍ ᐃᑐᑕᐤ ᒪᒃ ᐎᐧᑲᓂᓯᒪᐛ ᒍᓯᐸ ᐎᒋᔨᒡ᙮
\v 18 ᒪᒂᒡ ᐊᑐᑕᑭᓄᐅᒡ ᒥᒋᐛᐱᒡ, ᒋ ‍ ᑯᔅᑕᒍᐅᒡ ᑭᔭ ᒋ ‍ ᐃᑎᑐᐅᒡ, “ᒋ ‍ ᐸᓱᐅᑯᓄᐤ ᐅᑕ ᐎᒋᒡ ᐊᓐ ᓱᓇᔭᐤ ᐅᒡ ᑲᐤ ᑲ ‍ ᐱᑕᐃᑭᓄᒂ ᒋᐅᑎᓇᒡ ᐅᔅᑭᒡ ᐅᑕ ᑲ ‍ ᑎᑯᓯᓂᔭᐧᒄ᙮ ᒋᑭ ‍ ᑕᒪᔨᒥᑯᓄᐅᒡ ᑭᔭ ᒐ ‍ ᒂᔅᑯᑕᑕᐧᑯᒡ ᑭᔭ ᒋᑭ ‍ ᐅᑎᓂᑯᓄᐤ ᒐᒋ ᐅᑦ ᐊᑐᔅᒐᔭᑭᓂᒥᑕᑕᐧᒄ ᐊᓯᒡ ᒐ ‍ ᐅᑎᓇᒡ ᑲᓂᐧᑲᑎᓯᔨᒋ ᒋᑲᐸᐃᑭᔎᒥᓄᐛ᙮”
\p
\v 19 ᐊᑯ ᓂᔭᑕᒡ ᑲ ‍ ᑭᓄᐛᔨᑎᒥᔨᒋ ᒥᒋᐛᐱᔪᐤ ᑭᔭ ᒋ ‍ ᐃᔨᒪᐊᐅᒡ ᒪᒃ ᒋᐱᔎᒡ ᒥᒋᐛᐱᒡ,
\v 20 ᒋ ‍ ᐃᑕᐅᒡ ᒪᒃ, “ᓂᒋ ‍ ᑎᑯᓯᓇᓐ ᐅᑕ ᓴᔅ ᐸᐃᒂᐤ ᒐᒋ ᐃᔭᔭᒡ ᒥᒋᒻ᙮
\v 21 ᒥᒄ ᐃᔅᐱ ᐊᑎ ‍ ᐎᒋᔭᒡ ᑕᐱᔅᑲᒡ, ᒂ ‍ ᐊᐱᐧᑯᓂᒪᒡ ᓂᐅᑎᓇᓇ ᑭᔭ ᒥᓯᐛ ᐊᐛᓐ ᒂ ‍ ᒥᔅᑲᐧᒃ ᐅᓱᓇᔭᓂᒻ ᐊ ‍ ᑎᑯᓂᔨᒡ ᑕᐧᑯᒡ ᐎᐅᑎᒡ᙮ ᒥᓐ ᒪᒃ ᑲᐤ ᓂ ‍ ᐸᑕᓇᓐ᙮
\v 22 ᐃᔭᐱᒡ ᑯᑎᒃ ᓱᓇᔭᐤ ᓂ ‍ ᐸᑕᓇᓐ ᐊᑎᑐᐤ ᒐᒋ ᐃᔭᔭᒡ ᒥᒋᒻ᙮ ᓇᒪ ᓂ ‍ ᒋᔅᒐᔨᒪᓇᓐ ᐊᐛᓐ ᑲᐤ ᑲ ‍ ᐊᔅᑕᑦ ᓂᓱᓇᔭᓂᒥᓇᓂᔪᐤ ᐊᓐᑕ ᓂᐅᑎᓇᒡ᙮”
\p
\v 23 ᒥᒄ ᒋ ‍ ᐃᑎᑯᐅᒡ ᑭᓄᐛᔨᑎᔭᑭᓇ, “ᒋᔭᒪᔨᑎᒥᒄ, ᐊᑲ ᑯᔅᑕᒋᒄ᙮ ᐊᓐ ᒋᓴᒪᓂᑐᐤ ᒋᔨᐛᐤ ᑭᔭ ᒍᑕᐎᐛᐤ ᐊᔨᒥᑐᐛᒄ ᒋᐱᑕᐊᒧᒐ ᓱᓇᔭᔪᐤ ᒋᐅᑐᐛᒡ, ᓂᒋ ‍ ᑲᔅᑎᓇᓐ ᓱᓇᔭᐤ ᑲ ‍ ᒋᓯᐧᑲᓱᔭᒄ ᐸᒂᓯᑭᓂᒥᓇ᙮” ᐊᑯ ᑭᓄᐛᔨᑎᔭᑭᓐ ᒐ ‍ ᑐᑕᑦ ᑭᔭ ᒂ ‍ ᐸᓱᐛᑦ ᓯᒥᐅᓇ᙮
\p
\v 24 ᒋ ‍ ᒋᔅᒐᔨᑎᒧᒡ ᐎᐧᑲᓂᓯᒪᐅᒡ ᒐ ‍ ᒥᒋᓱᒡ ᒍᓯᐸ ᐎᒋᔨᒡ ᐃᔭᐱᑕᒋᓯᑲᔨᒐ᙮ ᑲᒋ ‍ ᐱᒐᒡ ᒥᒋᐛᐱᔪᐤ, ᑭᓄᐛᔨᑎᔭᑭᓐ ᒂ ‍ ᒥᔭᑦ ᐎᐧᑲᓂᓯᒪᐛ ᓂᐱᔪᐤ ᒐᒋ ᒋᔅᑕᐸᐛᓯᑕᔨᒋ ᑭᔭ ᒋᓯᒥᒪᐤ ᑲᓂᐧᑲᑎᓯᔨᒋ ᐅᑲᐸᐃᑭᔎᒥᔪᐛ᙮
\v 25 ᒪᒂᒡ ᐎᐧᑲᓂᓯᒪᐅᒡ ᐊ ‍ ᐊᓱᐛᐱᒪᒡ ᒍᓯᐸ ᒐᒋ ᑎᑯᓯᓂᔨᒋ, ᒋ ‍ ᒧᓴᔅᑕᐅᒡ ᒥᔨᐛᐅᓇ ᑲ ‍ ᐸᑐᐛᒡ᙮
\s1 ᐎᐧᑲᓂᓯᒪᐅᒡ ᐎᒋᒥᒋᓱᒪᐅᒡ ᒍᓯᐸ
\p
\v 26 ᐃᔅᐱ ᑕᑯᓯᓂᔨᒋ ᒍᓯᐸ, ᒋ ‍ ᒥᔭᐅᒡ ᒥᔨᐛᐅᓇ ᑲ ‍ ᐸᑕᒡ ᐊ ‍ ᓄᐛᒋᔅᑐᐛᒡ᙮
\v 27 ᒋ ‍ ᐛᒋᔭᒪᐤ ᒍᓯᑉ ᑭᔭ ᒂ ‍ ᐃᑕᑦ, “ᒥᔪ ‍ ᐱᒪᑎᓯᐤ ᐊ ᒍᑕᐎᐛᐤ, ᐊᓐ ᒋᓴᐃᔪᐤ ᑲ ‍ ᐊᔨᒧᒪᒄ ? ᐊᔅᒄ ᐊ ᐱᒪᑎᓯᐤ ?”
\p
\v 28 ᒋ ‍ ᐎᑎᒧᐛᐅᒡ ᒪᒃ, “ᒋᑦ ᐊᑐᔅᒐᔭᑭᓐ ᓄᑕᐎᓇᓐ ᐊᔅᒄ ᒥᔪ ‍ ᐱᒪᑎᓯᐤ᙮” ᒥᓐ ᒂ ‍ ᓄᐛᒋᔅᑐᐛᒡ ᐊ ‍ ᒋᔅᑕᔨᒪᒡ ᒍᓯᐸ᙮
\p
\v 29 ᐃᔅᐱ ᒍᓯᑉ ᐎᔭᐱᒪᑦ ᐅᓯᒪ ᐱᓐᒋᒥᓇ, ᒂ ‍ ᐃᑕᑦ, “ᐊᐛᐤ ᒋᓯᒧᐛᐤ ᑲᒋ ‍ ᐃᔭᔨᒧᑎᒧᐅᔭᒄ᙮ ᒋᓴᒪᓂᑐᐤ ᒋᑭ ᐎ ‍ ᒥᔪᑐᑕᒄ, ᓂᑯᔅ᙮”
\v 30 ᐊᑯ ᒍᓯᑉ ᒋ ‍ ᐃᔭᓯᒋᐤ ᐛᔪᐎᑦ, ᐛᔅ ᒋᔅᑎᒪᒐᔨᒪᐤ ᐅᓯᒪ, ᒂᔅᑕᒐ ᑲᐱᔅᒋᒐᔭᔨᒡ ᒋ ‍ ᐃᑐᑕᐤ ᑭᔭ ᒂ ‍ ᒪᑦ᙮
\p
\v 31 ᑲᒋ ‍ ᒪᑦ, ᒂ ‍ ᐛᐸᑲᐎᓱᑦ ᑭᔭ ᑲᐤ ᓇᑐᐛᐱᒪᑦ ᐎᐧᑲᓂᓴ᙮ ᐃᔅᐱ ᑲᒋ ‍ ᒋᔭᒪᐛᔨᑕᐧᒃ, ᒋ ‍ ᐃᑎᓱᒪᐤ ᐅᑦ ᐊᐱᒋᐊᑭᓇ ᒐᒋ ᒪᑎᓄᐛᔨᒋ ᒥᒋᒥᔪᐤ᙮
\p
\v 32 ᒍᓯᑉ ᒋ ‍ ᐸᐃᑯᒥᒋᓱᐤ, ᐎᐧᑲᓂᓴ ᑎᐸᓐ ᒥᒋᓱᐛᑭᓇᑎᑯᒡ ᒋ ‍ ᐊᐱᔪᐛ ᑭᔭ ᐃᒋᑉᑦ ᐃᔪᒡ ᑯᑎᒋᔪᐤ ᒥᒋᓱᐛᑭᓇᑎᑯᔪᐤ ᒋ ‍ ᐊᐳᐅᒡ᙮ ᐛᔅ ᐃᒋᑉᑦ ᐃᔪᒡ ᐅᑦ ᐃᑐᐅᓄᐛᒡ ᓇᒪ ᐅᒋ ᓇᐊᔨᒪᑭᓄᐎᒡ ᒐᒋ ᐎᒋᒥᒋᓱᒪᒡ ᐃᑉᕈᐤ ᐃᔪᐛ᙮
\v 33 ᒥᒋᓱᐛᑭᓇᑎᑯᒡ ᒋ ‍ ᐊᔭᑭᓄᐎᒡ ᐎᐧᑲᓂᓯᒪᐅᒡ ᐊ ‍ ᐸᑕᔅᑎᒥᐱᔅᑐᐛᒡ ᒍᓯᐸ, ᐊᑎ ᑕᑐᐤ ᐱᐳᓇᓯᒡ ᒋ ᐃᓯ ‍ ᓂᐸᑕᐳᐅᒡ, ᐊ ‍ ᒋᓴᐃᔨᐅᑦ ᐅᔅᑭᒡ ᐃᔅᐱᔅ ᐊ ‍ ᐊᐛᓯᐅᑦ᙮ ᒋ ‍ ᒥᔅᑲᑕᔭᔨᑎᒧᒡ ᑲ ‍ ᐃᑕᔭᑭᓄᐎᒡ᙮
\v 34 ᒍᓯᑉ ᒋ ‍ ᐎᑎᒧᐛᐤ ᐅᑦ ᐊᐱᒋᐊᑭᓇ ᐅᒥᒋᓱᐛᑭᓇᑎᑯᒡ ᒐ ᐅᒋ ‍ ᒪᑎᓂᒧᐛᔨᒋ ᐎᐧᑲᓂᓴ ᒥᒋᒥᔪᐤ, ᒥᒄ ᐱᓐᒋᒥᓐ ᐱᑕᑕᒡ ᑕᑥᐤ ᒋ ‍ ᐃᔅᐱᓴᔪᐤ ᐅᒥᒋᒻ ᐃᔅᐱᔅ ᐊᓂᔭ ᑯᑎᑲ᙮ ᐊᑯ ᐎᐧᑲᓂᓯᒪᐅᒡ ᐛᒋ ‍ ᒥᓂᒪᒡ ᑭᔭ ᐛᒋ ‍ ᒥᔽᔨᑎᒧᒪᒡ ᒍᓯᐸ᙮
\c 44
\s1 ᑲ ‍ ᐅᓂᑎᒡ ᒥᓂᒂᑭᓐ
\p
\v 1 ᑲᒋ ᐃᓯ ‍ ᒥᒋᓱᓇᓄᐅᒡ, ᒍᓯᑉ ᒋ ‍ ᐃᑎᓱᒪᐤ ᐅᑭᓄᐛᔨᑎᔭᑭᓇ ᑲ ‍ ᑭᓄᐛᔨᑎᒥᔨᒋ ᐎᒡ, “ᓴᑭᔅᒋᓂᑕᐤ ᐎᐅᑐᐛᐛ ᐸᒂᓯᓂᒥᓇ ᒥᒄ ᐊᔅᐱᔅ ᒋ ‍ ᐎᐅᓴᐊᒡ ᑲᓂᐧᑲᑎᓯᔨᒋ ᐅᑲᐸᐃᑭᔎᒧᐛᐛ ᑭᔭ ᒥᓯᐛ ᐊᑎᓯᒡ ᐅᓱᓇᔭᓂᒧᐛᐤ ᒐ ‍ ᐱᑕᐊᒧᑦ ᑕᐧᑯᒡ ᐎᐅᑐᐛᒡ᙮
\v 2 ᒐ ‍ ᐱᑕᐊᒧᑦ ᓂᓱᓇᔭᐱᔅᑯᐅ-ᒥᓂᒂᑭᓂᔪᐤ ᐊᐛᓯᐅᑦ ᐎᐅᑎᒡ ᐊᓯᒡ ᐅᓱᓇᔭᓂᒻ ᑲ ‍ ᒋᓯᐧᑲᓱᐛᒐᑦ ᐸᒂᓯᑭᓂᒥᓇ᙮” ᐊᑯ ᑭᓄᐛᔨᑎᔭᑭᓐ ᒋ ‍ ᐃᑐᑎᒺᐤ ᑲ ‍ ᐃᑎᓱᒥᑯᑦ ᒍᓯᐸ᙮
\p
\v 3 ᐎᐱᒡ ᒋᔭᒋᓴᐸᔭᔨᒡ ᒋ ‍ ᔅᑐᑕᐅᒡ ᐎᐧᑲᓂᓯᒪᐅᒡ ᒐ ‍ ᒋᐛᒡ ᐊᓯᒡ ᑲᓂᐧᑲᑎᓯᔨᒋ ᐅᑲᐸᐃᑭᔎᒧᐛᐛ᙮
\v 4 ᐃᔅᐱ ᑲᒋ ‍ ᓂᑭᑕᒡ ᐅᑕᓇᔪᐤ ᑭᔭ ᐊᑲ ᐛᔪᐤ ᐅᒋ ᑕᒡ, ᒍᓯᑉ ᒋ ‍ ᐃᑕᐤ ᐅᑭᓄᐛᔨᑎᔭᑭᓇ ᒐᒋ ᓇᓴᐛᔨᒋ ᐊᓂᔭ ᐎᐧᑲᓂᓯᒪᐛ ᑭᔭ ᒐ ‍ ᓂᑲᓇᔨᒋ ᒐ ᐊᑲ ᐊᑎᑐᐤ ᒋ ‍ ᔅᑐᑕᔨᒋ᙮ ᒋ ‍ ᐃᑕᐤ ᐅᑭᓄᐛᔨᑎᔭᑭᓇ ᒐᒋ ᒥᔭᔨᒋ ᐅᔭ ᐃᔨᒧᐅᓂᔪᐤ, “ᒐᒂᓐ ᐛᒋ ‍ ᒋᐛᑎᐸᒪᒐᔭᒄ ᑲ ‍ ᒪᔭᑎᒡ ᒥᔅᑯᒡ ᑲ ‍ ᒥᔽᓯᒡ ?
\v 5 ᒐᒂᓐ ᐛᒋ ‍ ᒋᒧᑎᒧᐛᒄ ᓄᒋᒪᒻ ᐅᓱᓇᔭᐱᔅᑯ ᒥᓂᒂᑭᓐ ? ᐊᐅᑯᔪᐤ ᐊᓂᔭ ᒪᓂᒂᒐᑦ ᒥᓂᒂᑭᓂᔪᐤ ᑭᔭ ᐃᔭᐱᒋᑕᑦ ᒐᒋ ᓂᑲᓂᐎᑎᒪᒐᑦ, ᑕᑈ ᒥᒋᓐ ᒐᒂᓐ ᐊ ‍ ᐃᑐᑎᒪᒄ᙮”
\p
\v 6 ᐊᑯ ᑭᓄᐛᔨᑎᔭᑭᓐ ᒐ ‍ ᑐᑕᑦ ᓂᔭᓴᐛᑦ ᐎᐧᑲᓂᓯᒪᐛ᙮ ᐃᔅᐱ ᒪᒃ ᐛᑎᑕᑦ ᒋ ‍ ᐎᑎᒧᐛᐤ ᒐᒂᔪᐤ ᑲ ‍ ᐃᑎᑯᑦ ᒍᓯᐸ ᒐ ‍ ᐃᑕᑦ᙮
\v 7 ᒥᒄ ᐊᓐᒡ ᐎᐧᑲᓂᓯᒪᐅᒡ ᐃᑕᐅᒡ, “ᓇᒪ ᓂ ‍ ᒋᔅᒐᔨᑕᓇᓐ ᒐᒂᓐ ᐃᔭᔨᒧᑎᒥᓐ, ᐊᑐᒡ ᒋ ᓂᑕ ᒋ ‍ ᐃᑐᑎᒧᒡ ᐅᔭ ᒋᑦ ᐊᐱᒋᐊᑭᓐᒡ᙮
\v 8 ᒋ ‍ ᒋᔅᒐᔨᑕᓐ ᑲᐤ ᑲ ‍ ᐸᑥᑕᒡ ᑲᐃᓇᓐ ᐊᔅᒋᒡ ᐅᒡ ᐊᓐ ᓱᓇᔭᔪᐤ ᑲ ‍ ᒥᔅᑭᒪᒡ ᐊᓐᑕ ᑕᐧᑯᒡ ᓂᐅᑎᓇᒡ᙮ ᒐᒂᓐ ᒪᒃ ᓂᐸ ᐅᒋ ‍ ᒋᒧᑎᓇᓐ ᓱᓇᔭᐱᔅᒄ ᑭᔭ ᒪᒃ ᐎᔄᐅᓱᓇᔭᐱᔅᒄ ᒋᐅᒋᒪᒻ ᐎᒋᒡ ᐅᒡ ?”
\v 9 ᒥᔅᑯᐅᑕ ᐊᓐ ᐊᐛᓐ ᐊᑎᓯᔭᒡ ᑲᒋ ‍ ᒋᒧᑎᒂ ᒥᓂᒂᑭᓂᔪᐤ, ᓂᐳᐅᓂᒡ ᒋᑭ ᒋ ᐃᓯ ‍ ᐱᔅᑎᓄᐤ, ᐊᑯ ᒥᓯᐛ ᐊᑎᓯᔭᒡ ᒐ ‍ ᐅᑎᓂᔭᒡ ᒧᔭᒻ ᒋᑦ ᐊᑐᔅᒐᔭᑭᓂᒡ᙮
\p
\v 10 ᐊᑯ ᑭᓄᐛᔨᑎᔭᑭᓐ ᐊᑕᑦ, “ᐊᐅᑯᓐ ᒐ ‍ ᐃᓯᓇᒂᒡ ᒧᔭᒻ ᐊᔅᒋᔄᔨᓐ᙮ ᐊᓐ ᐊᐛᓐ ᒪᔅᑯᐛᑭᓄᐅᑦ ᒐ ‍ ᑭᓄᐛᔨᑎᒧᒂ ᒥᓂᒂᑭᓂᔪᐤ ᓂᑭ ‍ ᐅᑦ ᐊᑐᔅᒐᔭᑭᓂᒥᑐᐛᐤ, ᐊᑯ ᒋᔨᐛᐤ ᒥᓯᐛ ᐊᑎᓯᔭᒄ ᒋᑭ ᒋ ‍ ᔅᑐᑕᓇᐛᐤ᙮”
\p
\v 11 ᐊᑯ ᒥᓯᐛ ᐸᐸᐃᒄ ᐎᐧᑲᓂᓯᒪᐤ ᒋᔅᑎᐸᐤ ᐊᔅᑕᑦ ᐎᐅᑦ ᒧᔅᑎᔅᑭᒥᒡ ᑭᔭ ᓯᔭᓇᐧᒃ᙮
\v 12 ᐊᒋ ‍ ᓴᓇᐸᐎᔨᒋ ᐎᐅᑎᔪᐛ ᐅᔅᑭᒡ ᓇᔭᓂᑐᓂᒐᑦ ᐸᑎᒪ ᐊᐛᓯᐎᔨᒋ ᐛᑎᒋᐱᔨᑦ ᑭᔭ ᐱᓐᒋᒥᓐ ᐎᐅᑎᒡ ᒋ ‍ ᒥᔅᑲᑭᓄᐎᔪᐤ ᒥᓂᒂᑭᓂᔪᐤ᙮
\v 13 ᒋ ‍ ᑯᔅᑯᓯᐃᑯᐅᒡ ᐎᐧᑲᓂᓯᒪᐅᒡ, ᒂ ‍ ᐱᑯᐱᑕᒡ ᐅᑦ ᐊᐱᒋᑕᐅᓄᐛᐛ ᐊᑯᐸᑕᔨᑕᒡ᙮ ᒋᔅᑎᐸᐤ ᒋ ‍ ᐳᓯᑐᐛᐅᒡ ᐎᐅᑐᐛᐛ ᑲᓂᐧᑲᑎᓯᔨᒋ ᐅᑲᐸᐃᑭᔎᒧᐛᐛ ᑭᔭ ᑲᐤ ᒐᐛᒡ ᐅᑕᓇᒡ ᐊᓯᒡ ᒍᓯᐸ ᐅᑦ ᐊᐱᒋᐊᑭᓂᔪᐛ᙮
\p
\v 14 ᐃᔅᐱ ᒍᑕ ᑭᔭ ᐎᐧᑲᓂᓴ ᐛᑎᑕᒺᒡ ᒍᓯᐸ ᐎᒋᔪᐤ, ᐊᔅᒄ ᒋ ‍ ᑕᔪᐛ᙮ ᒋ ‍ ᓄᒋᔅᑐᐛᐅᒡ ᐊ ‍ ᒋᔅᑕᔨᒪᒡ᙮
\v 15 ᐊᑯ ᒍᓯᑉ ᐊᑕᑦ, “ᒐᒂᓐ ᐅ ᑲ ‍ ᐃᑐᑎᒪᒄ ? ᓇᒪ ᓇ ᒋ ᐅᒋ ‍ ᒋᔅᒐᔨᑕᓇᐛᐤ ᐊᓐ ᓇᐸᐤ ᑕᐸᔨᒋᒐᑦ ᒧᔭᒻ ᓂᔾ ᐊᔭᑦ ᓱᐧᑲᑎᓯᐅᓂᔪᐤ ᒐ ‍ ᒋᔅᒐᔨᑕᐧᒃ ᒐᒂᔪᐤ ᐊ ᐊᑲ ᑯᑎᑲ ᒋᔅᒐᔨᑎᒥᔨᒋ ?”
\p
\v 16 ᐊᑯ ᒍᑕ ᐊᑕᑦ, “ᓇᒪ ᓂ ‍ ᒋᔅᒐᔨᑕᓇᓐ ᒐᒂᓐ ᒐ ‍ ᐃᑎᑕᒡ, ᐅᒋᒪᐤ᙮ ᓇᒪ ᓂ ‍ ᒋᔅᒐᔨᑕᓇᓐ ᑕᓐᑕ ᒐ ᐅᒋ ‍ ᒋᔅᒐᔨᑕᒥᐃᑕᒡ ᐊ ‍ ᒥᔽᑎᓯᔭᒡ᙮ ᐛᔅ ᒋᓴᒪᓂᑐᐤ ᒋ ‍ ᐛᐸᑎᔨᐛᐤ ᒋᑦ ᐊᑐᔅᒐᔭᑭᓇ ᐅᒥᒐᑎᓯᐅᓂᔪᐛ᙮ ᐊᑯ ᒪᒃ ᐊᓄᒡ, ᓂᔭᓐ ᐅ ᒥᓯᐛ ᒋᑦ ᐊᑐᔅᒐᔭᑭᓐᒡ, ᑕᐱᔅᑯᓐ ᐊᓐ ᐊᐛᓐ ᑲ ‍ ᐃᔭᑦ ᒥᓂᒂᑭᓂᔪᐤ ᐎᐅᑎᒡ ᑭᔭ ᒥᓯᐛ ᓂᔭᓐ ᐊᑎᓯᔭᒡ᙮”
\p
\v 17 ᒥᒄ ᒍᓯᑉ ᒂ ‍ ᐃᑕᑦ, “ᓇᒪ, ᓇᒪ ᓂᒋ ‍ ᑐᑕᓐ᙮ ᒥᒄ ᐊᓐ ᐊᐛᓐ ᑲ ‍ ᐊᔭᑦ ᒥᓂᒂᑭᓂᔪᐤ ᓂᑭ ‍ ᐅᑦ ᐊᑐᔅᒐᔭᑭᓂᒥᓐ᙮ ᒥᒄ ᒋᔨᐛᐤ ᒥᓯᐛ ᐊᑎᓯᔭᒄ ᒋᔭᒪᔨᐃᑎᒧᐅᓂᒡ ᒐ ‍ ᒋᐛᔭᒄ ᒐ ‍ ᓂᑐᐛᐱᒪᒄ ᒍᑕᐎᐛᐤ᙮”
\p
\v 18 ᐊᑯ ᒍᑕ ᒥᒋᒪ ᓂᔭᑕᑦ ᒍᓯᐸ ᑭᔭ ᐃᑕᐤ, “ᐅᒋᒪᐤ, ᓇᐃᒥ ᐛᐃᐱᔅᒋᔅ ᒐᒋ ᐃᔨᒥᐃᑕᓐ, ᓄᒋᒪᒻ᙮ ᒧᔭᒻ ᐃᒋᑉᑎᒡ ᒋᓴᐅᒋᒪᐤ ᒋᑦ ᐃᑕᔨᑕᑯᓯᓐ᙮ ᒐᒂᓐ ᐎᔭᔨᑎᒥᓐ, ᒋᑭ ‍ ᐃᑐᑎᒧᒡ ᐃᔪᒡ᙮ ᓂᔾ ᒥᒄ ᒋᑦ ᐊᐱᒋᐊᑭᓐ ᓂᑦ ᐃᑕᔨᑕᑯᓯᓐ᙮ ᐊᑯ ᐊᑲ ᒋᔄᐱᔅᑐᐎ ᐊ ‍ ᑯᒂᒋᒥᑕᓐ ᒐᒋ ᐃᔨᒥᑕᓐ᙮
\v 19 ᐅᔅᑭᒡ ᐅᑕ ᐃᒋᑉᑎᒡ ᑲ ‍ ᑎᑯᓯᓂᔭᒡ ᒐᒋ ᐃᔭᔭᒡ ᐸᒂᓯᑭᓂᒥᓇ, ᔅᒋ ‍ ᑯᒂᒋᒥᓇᓐ ᐊᑕᒂ ᓄᑕᐎᓇᓐ ᑭᔭ ᒪᒃ ᓂᓯᒥᓇᓐ ?
\v 20 ᔅᒋ ‍ ᐎᑎᒪᑎᓇᓐ, ‘ᐊ ‍ ᑕᑦ ᓄᑕᐎᓇᓐ ᑭᔭ ᓂᓯᒥᓇᓐ, ᐊᓐ ᑲ ‍ ᐃᔪᑦ ᐊ ‍ ᒋᓴᐃᔪᔨᒋ ᓄᑕᐎᓇᓇ᙮ ᒋ ‍ ᐳᓂᐱᒪᑎᓯᔨᐛ ᐎᐧᑲᓂᓴ᙮ ᐎᔾ ᒥᒄ ᐸᐃᑯᓱᐤ ᐸᒪᑎᓯᑦ ᐅᑲᐎᔭ ᐅᒡ ᑭᔭ ᒋᒋᐛ ᓴᒋᐃᑯᐤ ᐅᑕᐎᔭ᙮’
\p
\v 21 ᐊᑯ ᒂ ‍ ᐃᓯᔭᒡ ᒐᒋ ᐸᓱᐅᒋᒡ ᒋᔾ ᐛᒋᒡ ᒐᒋ ᐛᐱᒥᑦ᙮
\v 22 ᒥᒄ ᔅᒋ ‍ ᐃᑎᑎᓇᓐ ᐊᑲ ᒋ ‍ ᓂᑭᑕᑦ ᐅᑕᐎᔭ, ᐛᔅ ᒪᒃ ᓂᑭᑕᑦ, ᒋᐸ ‍ ᐳᓂᐱᒪᑎᓯᔨᐛ ᐅᑕᐎᔭ᙮
\v 23 ᐊᑯ ᒂ ‍ ᐃᓯᔭᒡ, ‘ᒥᓱᐤ ᐊᑲ ᐅᑕ ᐎᒐᐅᑕᒂ ᒋᓯᒧᐛᐤ, ᓇᒪ ᒥᓐ ᒋᑭ ‍ ᐛᐸᑕᓇᐛᐤ ᓂᑕᔅᑎᒥᐧᒄ᙮’
\v 24 ᐊᑯ ᑲᐤ ᑲ ‍ ᓂᑐᐛᐱᒥᒋᒡ ᓄᑕᐎᓇᓐ ᑭᔭ ᓂᒋ ‍ ᐎᑎᒧᐛᓇᓐ ᒂ ‍ ᐃᔅᒋᔄᔨᓐ᙮
\p
\v 25 ᐃᔅᐱ ᐎᔭᔨᑕᐧᒃ ᓄᑕᐎᓇᓐ ᒐᒋ ᑲᐤ ᐃᑎᓴᐎᒥᑦ ᐃᒋᑉᑎᒡ ᐊᑎᑐᐤ ᒐᒋ ᐃᔭᐅᒋᒡ ᒥᒋᒥᔪᐤ᙮
\v 26 ᓂᒋ ‍ ᒋᔅᒋᓱᒪᓇᓐ ᒐ ᐊᑲ ᒥᓐ ‍ ᐛᐱᒥᑕᒡ ᐸᑐᔅ ᐎᒐᐅᒥᒋᒐᓂ ᓂᓯᒥᓇᓇ᙮
\p
\v 27 ᓄᑕᐎᓇᓐ ᒂ ‍ ᐃᓯᐃᒥᑦ, ‘ᒋᔅᒐᔨᑕᓇᐛᐤ ᓂᐅ ᕋᐃᒍᓪ ᒥᒄ ᓂᓱ ᑲ ‍ ᓂᑕᐅᒋᔭᑦ ᓂᑯᓴ᙮
\v 28 ᐸᐃᒄ ᓴᔅ ᓂᒋ ‍ ᓂᑭᑐᒄ᙮ ᒋ ‍ ᐸᐱᑯᐱᑎᑯᒐ ᒥᒋ ‍ ᐊᐛᓯᓴ᙮ ᓴᔅ ᐊ ᐊᑲ ᒪᒃ ᓂᑕ ᐛᐱᒥᒃ᙮
\v 29 ᒥᔅᑭᒥᔭᒂ ᐃᔭᐱᒡ ᐅ ᓂᑯᔅ ᑭᔭ ᐎᔭᔅᑎᒐ, ᒋᑭ ‍ ᓇᔍᔨᑎᒥᐃᓇᐛᐤ᙮’
\p
\v 30 ᓄᑕᐎᔾ ᐅᐱᒪᑎᓯᐅᓐ ᑭᔭ ᐱᓐᒋᒥᓐ ᐅᐱᒪᑎᓯᐅᓐ ᐛᔅ ᐸᐃᑯᓂᔨᐛ᙮ ᐊᑯ ᑲᐤ ᓂᑐᐛᐱᒥᒋᒐ ᓄᑕᐎᓇᓐ ᐊᑲ ᐎᒐᐅᒋᒡ ᐱᓐᒋᒥᓐ,
\v 31 ᒋᑭ ‍ ᐳᓂᐱᒪᑎᓯᐤ ᓄᑕᐎᓇᓐ ᐊᑲ ᐛᐱᒪᒐ ᐱᓐᒋᒥᓇ, ᒋᒋᐛ ᒋᓴᐃᔪᐤ ᑭᔭ ᒋᐸ ‍ ᐳᓂᐱᒪᑎᓯᐤ ᐊ ‍ ᓇᐧᑲᑕᔨᑎᒥᐃᒋᒡ᙮
\v 32 ᓂᒋ ‍ ᐊᓱᑎᒧᐛᐤ ᓄᑕᐎᔾ ᒐᒋ ᒥᔪ ‍ ᑭᓄᐛᔨᒥᒋ ᐱᓐᒋᒥᓇ, ᓂᒋ ‍ ᐃᑕᐤ᙮ ‘ᐃᔅᐱ ᐊᑲ ᑲᐤ ᐸᑥᑕᓇ, ᓂᔾ ᒐ ‍ ᐊᑕᒪᔨᒥᔨᓐ ᒐ ᐃᔅᐱᔅ ‍ ᐱᒪᑎᓯᔭᓐ᙮’
\p
\v 33 ᐊᑯ ᑎᐱᑕᔨᒧᐅᓂᒡ ᒋ ‍ ᑯᒂᒋᒥᑎᓐ, ᓄᒋᒪᒻ, ᓂᔾ ᒐ ᐅᑦ ᐊᑐᔅᒐᔭᑭᓂᒥᑐᐎᓐ ᒥᔅᑯᒡ ᐱᓐᒋᒥᓐ, ᓇᐊᔨᒻ ᒐᒋ ᒋᐛᑦ ᐊᓯᒡ ᐎᐧᑲᓂᓴ᙮
\v 34 ᐛᔅ ᑕᓐᑕ ᓂᐸ ᐅᒋ ᑲᐤ ᓂᑐᐛᐱᒪᐤ ᓄᑕᐎᔾ ᐊ ᐊᑲ ‍ ᐎᒐᐅᑦ ᐱᓐᒋᒥᓐ ? ᓇᒪ ᓂᑕᐸᔨᒧᓐ ᒐᒋ ᐛᐱᒥᒃ ᓄᑕᐎᔾ ᓇᐧᑲᑕᔨᒧᐅᓂᔪᐤ ᐊ ‍ ᐎᓯᒐᔨᑎᒥᐃᑯᑦ᙮”
\c 45
\s1 ᒍᓯᑉ ᐛᑎᒧᐛᑦ ᐎᐧᑲᓂᓴ ᐊᐛᓐ ᐎᔾ ᐃᔭᐅᑦ
\s2 Genesis 45.1-15 (Proper-15 Year A)
\p
\v 1 ᐃᔅᐱ ᒍᓯᑉ ᐱᔭᑕᐧᒃ ᐅᔭ, ᓇᒪ ᐅᒋ ᑭᔅᒋᑕᐤ ᒐᒋ ᒋᐱᒋᐃᑎᓱᑦ ᐊ ‍ ᐛᐱᒥᑯᑦ ᐊᓂᔭ ᑲ ‍ ᓂᐳᔅᑕᑯᑦ, ᒂ ‍ ᐃᔅᒋᔄᑦ᙮ “ᐊᑯᔅ ᒥᓯᐛ ᐊᐱᒋᐊᑭᓐ ᒋᑭ ‍ ᐎᐎᔪᐤ ᒐᒋ ᓂᑭᓯᑦ᙮” ᓇᒪ ᐛᔪᐛ ᒋ ‍ ᐎᒋᑲᐳᐅᔅᑕᑯᐤ, ᒪᒂᒡ ᑲ ‍ ᒋᔅᒐᔨᑕᑯᐃᑎᓱᔅᑐᐛᑦ ᐎᐧᑲᓂᓴ᙮
\v 2 ᑲᒋ ‍ ᐎᐎᔨᒋ ᐊᐱᒋᐊᑭᓇ, ᒂ ‍ ᒪᑦ ᒍᓯᑉ ᐊ ‍ ᐸᑕᑯᓯᑦ, ᒋ ‍ ᐸᑕᑯᐤ ᒪᒃ ᐊᐱᒋᐊᑭᓇ᙮ ᓇᓇᒐ ᒪᒃ ᒋ ‍ ᐸᑎᒥᔪᐛ ᐸᕈᐛ ᑭᔭ ᐊᓂᔭ ᑲ ‍ ᐃᑕᔨᒋ ᐎᒋᔨᒡ᙮
\p
\v 3 ᒍᓯᑉ ᒪᒃ ᒋ ‍ ᐃᑕᐤ ᐎᐧᑲᓂᓴ, “ᓂᔾ ᐅ ᒍᓯᑉ; ᐊᔅᒄ ᐊ ᐱᒪᑎᓯᐤ ᓄᑕᐎᔾ ?” ᓇᒪ ᐅᒋ ᐎᑎᒪᑯᐤ ᒪᒃ ᐎᐧᑲᓂᓴ, ᐛᔅ ᒋ ‍ ᓴᒋᓯᔨᐛ ᐊ ‍ ᑭᓄᐛᐱᒪᑦ᙮
\p
\v 4 ᐊᑯ ᐊᑕᑦ ᒍᓯᑉ ᐎᐧᑲᓂᓴ, “ᒥᒋᒪ ᐸᒋ ‍ ᓇᓯᒄ,” ᒥᒋᒪ ᒪᒃ ᒋ ᐸᒋ ‍ ᓇᑎᑯᐤ, ᑭᔭ ᒋ ‍ ᐃᑕᐤ; “ᓂᔾ ᐅ ᒍᓯᑉ ᒋᐧᑲᓂᓱᐛᐤ, ᐃᒋᑉᑎᒡ ᑲᒋ ‍ ᐊᑕᐛᒐᔭᒄ᙮
\v 5 ᐊᑲ ᒥᑯᔅᑲᑕᔨᑎᒥᒄ, ᐊᑲ ᑭᔭ ᒋᔄᐃᓱᒄ ᐅᑕ ᑲᒋ ‍ ᐊᑕᐛᓯᔭᒄ; ᐛᔅ ᒋᓴᒪᓂᑐᐤ ᓂᒋ ‍ ᓂᑲᓂᑎᓴᐅᒄ ᒐᒋ ᐱᒪᒋᑕᔭᓐ ᐱᒪᑎᓯᐅᓇ᙮
\v 6 ᐛᔅ ᓴᔅ ᓂᓱᐳᓇ ᒋ ‍ ᑯᐅᐧᑭᑕᓄᐤ ᐅᑕ ᐊᔅᒋᒡ ᑭᔭ ᐊᔅᒄ ᐱᑕᑕᒡ ᑕᑐᐤ ᐱᐳᓇ ᐃᔅᐱᔅ ᒐ ᐊᑲ ‍ ᓂᑕᐅᒋᒐᓄᐅᒡ ᑭᔭ ᒪᐛᒋᒐᓄᐅᒡ᙮
\v 7 ᓂᒋ ‍ ᓂᑲᓂᑎᓴᐅᒄ ᒋᓴᒪᓂᑐᐤ ᒐᒋ ᐱᒪᒋᐊᒂᐤ ᒋᑦ ᐊᐛᓯᒧᐛᐅᒡ ᐊᔅᒋᒡ, ᑭᔭ ᒐᒋ ᐱᒪᒋᑕᔭᓐ ᒋᐱᒪᑎᓯᐅᓄᐛᐛ ᐊᔅᒋᔾ ᐱᒪᑎᓯᐅᓂᒡ᙮
\p
\v 8 ᐊᑯ ᓇᒪᔭᐤ ᒋᔨᐛᐤ ᑲᐸᒡ ᐃᑎᓴᐎᔭᒄ ᐅᑕ, ᒥᒄ ᒋᓴᒪᓂᑐᐤ᙮ ᓂᒋ ‍ ᐃᓯᐃᒄ ᒐᒋ ᐅᑕᐎᑐᐎᒋ ᐸᕈᐛ, ᑭᔭ ᒐᒋ ᑎᐸᔨᑎᒧᒡ ᒥᓯᐛ ᐎᒋᔨᒡ ᑭᔭ ᒥᓯᐛ ᐊᔅᐱᓴᔨᒡ ᐃᒋᑉᑦ ᐊᔅᒋᔪᐤ᙮
\v 9 ᒋᐱᒄ ᑭᔭ ᓂᑐᐛᐱᒥᐧᒄ ᓄᑕᐎᔾ, ᒐ ‍ ᐃᑕᒄ ᒪᒃ, ᐊᒂᑎᔅᒃ ᒋᑯᔅ ᒍᓯᑉ, ᒋᓴᒪᓂᑐᐤ ᓂᒋ ‍ ᑎᐸᔨᑎᒥᔨᒄ ᒥᓯᐛ ᐃᒋᑉᑦ ᐊᔅᒋᔪᐤ; ᐸᒋ ‍ ᓇᓯ, ᑭᔭ ᐊᑲ ᓱᐛᐱᔾ᙮
\v 10 ᑯᓯᓐ ᐊᔅᒋᒡ ᒋᑭ ‍ ᐎᒋᓐ, ᒥᒋᒪ ᐊ ‍ ᑕᔭᓐ ᒪᒃ ᒋᑭ ‍ ᑕᓐ, ᒋᔾ ᒋᑦ ᐊᐛᓯᒥᒡ ᑭᔭ ᒍᓯᒥᒡ, ᒋᑦ ᐊᐛᓯᓯᒥᒡ ᑭᔭ ᒥᓯᐛ ᒐᒂᓐ ᑲ ᐃᓯ ‍ ᐊᔭᔨᓐ᙮
\v 11 ᐊᑯᑕ ᒪᒃ ᒐ ‍ ᑭᓄᐛᔨᒥᑕᓐ ᑭᔭ ᓇᒪ ᒋ ‍ ᓂᑐᐛᔨᒥᑎᓐ ᒋᔾ ᑭᔭ ᐊᑕᑎᓯᔨᓐ ᑭᔭ ᒋᑦ ᐊᐛᓯᓯᒥᒡ ᒐ ‍ ᒋᔅᑎᒪᑎᓯᔭᒄ, ᐛᔅ ᐊᔅᒄ ᐱᑕᑕᒡ ᑕᑐᐤ ᐱᐳᓇ ᒐ ᐃᔅᐱᔅ ‍ ᑯᐅᐧᑭᑕᓄᐅᒡ᙮
\p
\v 12 ᑭᓄᐛᐱᒥᒄ, ᑕᐱᔅᑯᓐ ᒋᔨᐛᐤ ᑭᔭ ᓂᓯᒻ ᐱᓐᒋᒥᓐ ᒋ ‍ ᐛᐸᑕᓇᐛᐤ ᐊᐅᒄ ᐅ ᓂᔾ, ᒍᓯᑉ, ᐊ ‍ ᐃᒥᔨᑎᑯᒡ᙮
\v 13 ᒋᑭ ‍ ᐎᑎᒧᐛᐛᐤ ᓄᑕᐎᔾ ᒥᓯᐛ ᓂᒋᔅᑕᔨᑕᑯᓱᐅᓂᔪᐤ ᐊᓐᑕ ᐃᒋᑉᑎᒡ ᑭᔭ ᒥᓯᐛ ᑲ ᐃᓯ ‍ ᐛᐸᑎᒪᒄ᙮ ᒋᑭ ᐎ ‍ ᒋᐱᓇᐛᐤ ᑭᔭ ᒐᒋ ᐸᓱᐛᒄ ᐅᑕ ᓄᑕᐎᔾ᙮”
\p
\v 14 ᐊᑯ ᒍᓯᑉ ᐎᔭᐛᒋᓇᑦ ᐅᓯᒪ ᐱᓐᒋᒥᓇ ᑭᔭ ᒥᔭᑦ᙮ ᑭᔭ ᐎᔾ ᐱᓐᒋᒥᓐ ᒋ ‍ ᒪᐤ ᑭᔭ ᒋ ‍ ᐛᐅᒋᓇᐤ᙮
\v 15 ᑭᔭ ᓴᐛᔨᒪᑦ ᒥᓯᐛ ᐎᐧᑲᓂᓴ ᑭᔭ ᒥᔭᑐᐛᑦ᙮ ᐊᑯ ᒪᒃ ᐊᔨᒥᐃᑯᑦ ᐎᐧᑲᓂᓴ᙮
\p
\v 16 ᐃᔅᐱ ᑕᐸᒋᒧᓇᓄᐎᒡ ᐸᕈᐤ ᐎᒋᒡ ᑲ ‍ ᑎᑯᓯᓂᔨᒋ ᒍᓯᑉ ᐎᐧᑲᓂᓴ, ᐸᕈᐤ ᑭᔭ ᐅᑦ ᐊᑐᔅᒐᔭᑭᓇ ᒋ ‍ ᒥᔽᔨᑎᒧᒡ᙮
\v 17 ᐊᑯ ᐸᕈᐤ ᐊᑕᑦ ᒍᓯᐸ, “ᐃᓯᒡ ᐅᔭ ᒋᐧᑲᓂᓯᒡ, ᐎᐅᓴᐧᑯᒡ ᑲᓂᐧᑲᑎᓯᒡ ᒋᑲᐸᐃᑭᔎᒧᐛᐅᒡ ᐸᒂᓯᑭᓂᒥᓇ ᑭᔭ ᑲᐤ ᐃᑐᑕᒄ ᑲᐃᓇᓐ ᐊᔅᒋᒡ᙮
\v 18 ᐸᓱᐎᐧᒄ ᒪᒃ ᒍᑕᐎᐛᐤ ᑭᔭ ᑲ ‍ ᐃᑎᓯᒡ ᑭᔭ ᒐ ᐸᒋ ‍ ᓇᓯᔭᒄ᙮ ᒋᑭ ‍ ᒥᔨᑎᓇᐛᐤ ᒪᒃ ᐊ ᐃᓯ ‍ ᒥᔽᓯᒡ ᐃᒋᑉᑦ ᐊᔅᒋᒡ, ᐊᓐᑕ ᒐ ‍ ᒥᒋᔭᒄ ᐊ ᐃᓯ ‍ ᐎᔪᐃᒥᑲᒡ ᐊᔅᒋᔾ᙮
\p
\v 19 ᐃᔭᐱᒡ ᒐ ‍ ᐃᑎᑥᐤ, ᐅᑎᓇᐧᑯᒡ ᑎᑎᐱᑕᐸᓇᔅᑯᒡ ᐃᒋᑉᑦ ᐊᔅᒋᒡ ᐅᒡ, ᒐ ‍ ᐊᐱᒋᐊᒡ ᒋᑦ ᐊᐛᓯᒧᐛᐅᒡ ᑭᔭ ᒋᐅᐛᐅᒡ᙮ ᐸᓱᐎᐧᒄ ᒪᒃ ᒍᑕᐎᐛᐤ ᑭᔭ ᒐ ᐸᒋ ‍ ᑎᑯᓯᓂᔭᒄ᙮
\v 20 ᒐ ᐊᑲ ᒪᒃ ‍ ᐅᑎᒪᔨᑎᒪᒄ ᒐᒂᓐ ᑲ ᐃᓯ ‍ ᑎᐸᔨᑎᒪᒄ, ᐛᔅ ᒋᔨᐛᐤ ᒋᑭ ‍ ᑎᐸᔨᑕᓇᐛᐤ ᐊ ᐃᓯ ‍ ᒥᔽᓯᒡ ᐃᒋᑉᑦ ᐊᔅᒋᒡ᙮”
\p
\v 21 ᒐᑭᑉ ᐅᑯᓴ ᒋ ‍ ᐃᑐᑎᒥᔪᐛ ᑲ ‍ ᐃᑕᑭᓄᔨᒋ᙮ ᒧᔭᒻ ᑲ ‍ ᐃᑎᑯᑦ ᐸᕈᐛ, ᒍᓯᑉ ᒋ ‍ ᒥᔭᐤ ᑎᑎᐱᑕᐸᓇᔎ, ᑭᔭ ᒋᓂᒪᐊᐤ᙮
\v 22 ᒥᓯᐛ ᐊ ‍ ᐃᑎᓯᔨᒋ ᒋ ‍ ᒥᔭᐤ ᐅᔅᒋ ᐊᐱᒋᑕᐅᓇ, ᒥᒄ ᐱᑕᑕᒡ ᑕᑥᐤ ᐊ ‍ ᐃᑕᔅᐱᓱᓇᓄᐎᒡ ᐊᐱᒋᑕᐅᓇ ᒋ ‍ ᒥᔭᐤ ᐱᓐᒋᒥᓇ ᑭᔭ ᓂᔅᑐ ᒥᑕᓯᒥᑎᓄᐤ ᓱᓇᔭᐱᔎ᙮
\v 23 ᐅᑕᐎᔭ ᒪᒃ ᒋ ‍ ᐃᑎᓴᐊᒧᐛᐤ ᐸᐃᑯᔪᐤ ᑲᓂᐧᑲᑎᓯᔨᒋ ᑲᐸᐃᑭᔎᐛ ᐊ ‍ ᐎᐅᓯᔨᒋ ᑲ ‍ ᒥᔽᓯᔨᒋ ᒐᒂᓇ ᐃᒋᑉᑎᒡ ᐅᒡ, ᑭᔭ ᐸᐃᑯᔪᐤ ᑲᓂᐧᑲᑎᓯᔨᒋ ᓄᓴ ᑲᐸᐃᑭᔎᐛ ᐊ ‍ ᐎᐅᓯᔨᒋ ᐸᒂᓯᑭᓂᒥᓇ ᑭᔭ ᐸᒂᓯᑭᓇ ᑭᔭ ᒥᒋᒥᔪᐤ ᒐ ᐸᒋ ‍ ᓂᒪᔨᒋ᙮
\v 24 ᐊᑯ ᒐ ‍ ᑎᓴᐛᑦ ᐎᐧᑲᓂᓴ, ᑭᔭ ᒪᒂᒡ ᐊᑎ ‍ ᔅᑐᑕᔨᒋ, ᒋ ‍ ᐃᑕᐤ, “ᐊᑲᐎᔾ ᑎᓯᐧᑲᑐᒄ ᒐ ᐊᑎ ‍ ᔅᑐᑕᔭᒄ᙮”
\p
\v 25 ᐊᑯ ᐎᐧᑲᓂᓯᒪᐅᒡ ᐃᒋᑉᑎᒡ ᒋ ᐅᒋ ‍ ᔅᑐᑕᐅᒡ ᑭᔭ ᐃᔅᐱ ᐛᑎᑕᒡ ᐅᑕᐎᐛᐛ ᒐᑭᐸ ᐊᓐᑕ ᑲᐃᓇᓐ ᐊᔅᒋᒡ᙮
\v 26 ᐊᑯ ᐛᑎᒧᐛᒡ ᐊ ‍ ᐃᑕᒡ, “ᒍᓯᑉ ᐊᔅᒄ ᐱᒪᑎᓯᐤ ! ᒥᓯᐛ ᐃᒋᑉᑦ ᐊᔅᒋᔪᐤ ᑎᐸᔨᑎᒻ !” ᒋ ‍ ᓯᔅᒋᑯᒋᐃᑯᐤ ᒐᑭᑉ ᐛᔅ ᓇᒪ ᐅᒋ ᑕᑈᑐᐛᐤ᙮
\v 27 ᒋ ‍ ᐎᑎᒧᐛᐅᒡ ᒥᓯᐛ ᑲ ‍ ᐃᑎᑯᒡ ᒍᓯᐸ ᑭᔭ ᐃᔅᐱ ᒐᑭᑉ ᐎᔭᐸᑕᐧᒃ ᐊᓂᔭ ᑎᑎᐱᑕᐸᓇᔎ ᒍᓯᐸ ᑲ ‍ ᐃᑎᓴᐊᒪᑯᑦ ᒐ ‍ ᐃᑐᑕᐃᑯᑦ ᐃᒋᑉᑎᒡ, ᒋ ‍ ᐊᒂᑕᔨᑎᒻ ᑭᔭ ᑎᔭᑈᑕᐧᒃ ᐊᔅᒋᔄᔨᒋ᙮
\v 28 ᐊᑯ ᒐᑭᑉ ᐊᔅᒋᔄᑦ, “ᓂ ‍ ᓯᔅᒋᑯᒋᒥᑯᐅᓐ, ᒍᓯᑉ ᓂᑯᔅ ᐊᔅᒄ ᐸᒪᑎᓯᑦ ! ᓂᑭ ‍ ᓂᑐᐛᐱᒪᐤ ᐊᒺᔭ ᓂᐱᔭᓐ᙮”
\c 46
\s1 ᒐᑭᑉ ᐃᒋᑉᑎᒡ ᐃᔅ ᐊᑐᒐᐤ
\p
\v 1 ᐊᑯ ᒐᑭᑉ ᑕᒪᒋᓇᐧᒃ ᒥᓯᐛ ᑲ ‍ ᑎᐱᔨᐛᐅᓯᑦ ᐃᒋᑉᑎᒡ ᐊᑐᑕᑦ ᑭᔭ ᐃᔅᐱ ᐛᑎᑕᐧᒃ ᐱᕐ-ᓯᐸ ᐊᑯᑕ ᑲ ‍ ᒥᑐᔅᑕᐊᒧᒪᑦ ᐅᑕᐎᔭ ᐊᐃᓯᑲ ᐅᒋᓴᒪᓂᑐᒥᔪᐛ᙮
\p
\v 2 ᒋᓴᒪᓂᑐᐛ ᒋ ‍ ᐃᔨᒥᑯᐤ ᐅᐳᐛᒧᐅᓂᒡ ᑕᐱᔅᑲᔨᒡ ᐊ ‍ ᐃᑎᑯᑦ, “ᒐᑭᑉ, ᒐᑭᑉ᙮”
\p ᒐᑭᑉ ᐊᑕᑦ, “ᒪᐅᑕ ᐊ ‍ ᑕᔭᓐ᙮”
\p
\v 3 ᒋᓴᒪᓂᑐᐛ ᐃᑎᑯᐤ, “ᓂᔾ ᐅ ᒋᓴᒪᓂᑐᐤ, ᒍᑕᐎᔾ ᐅᒋᓴᒪᓂᑐᒪ, ᐊᑲ ᑯᔅᑕᒋ ᒐᒋ ᐃᑐᑕᔨᓐ ᐃᒋᑉᑎᒡ, ᐛᔅ ᐊᑯᑕ ᒐ ‍ ᐃᑐᑎᒪᑕᓐ ᒐᒋ ᓱᐧᑲᑎᓯᐤ ᒥᒐᑐᔅᑲᓇᓯᔨᓐ᙮
\v 4 ᒋᑭ ‍ ᐎᒐᐅᑎᓐ ᐃᑐᑕᔨᓇ ᐃᒋᑉᑎᒡ ᑭᔭ ᑲᐤ ᓂᑭ ‍ ᐸᓱᐛᐅᒡ ᒋᑦ ᐊᓂᔅᑯᑕᐸᓐᒡ ᐅᑕ ᐊᔅᒋᒡ᙮ ᐳᓂᐱᒪᑎᓯᔨᓇ ᒋᑯᔅ ᒍᓯᑉ ᒋᑭ ‍ ᑕᐤ ᐊᑕᐅᑦ᙮”
\p
\v 5 ᐊᑯ ᒐᑭᑉ ᓇᑭᑕᐧᒃ ᐱᕐ-ᓯᐸ ᑭᔭ ᐃᒋᑉᑎᒡ ᐊᑐᑕᑦ᙮ ᑲᑎᑎᐱᔨᒋ ᐅᑕᐸᓇᔎ ᐃᒋᑉᑎᒡ ᒋᓴᐅᒋᒪᐛ ᑲ ‍ ᐃᑎᓴᐊᒪᑯᑦ ᐊᑯᑕ ᑎᔭᑯᓴᐃᑯᑦ ᐅᑯᓴ, ᐊᓯᒡ ᐅᑦ ᐊᐛᓯᒥᔪᐛ, ᑭᔭ ᐎᐎᐛ᙮
\v 6 ᐃᔭᐱᒡ ᐅᑦ ᐊᐛᓯᓯᒧᐛᐛ ᑭᔭ ᒥᓯᐛ ᐅᑎᐸᔨᑎᒧᐅᓄᐛᐛ ᑲᐃᓇᓐ ᐊᔅᒋᒡ ᑲ ‍ ᐅᑎᓇᒡ ᒋ ‍ ᔅᑐᑕᐅᒡ ᑭᔭ ᐃᒋᑉᑎᒡ ᐊᑐᑕᒡ᙮ ᒥᓯᐛ ᐅᑦ ᐊᓂᔅᑯᑕᐸᓇ ᒋ ‍ ᔅᑐᑕᐊᐤ ᒐᑭᑉ:
\v 7 ᐅᑯᓴ, ᐅᑕᓂᓴ, ᐅᓯᒥᓴ᙮
\p
\v 8 ᐊᐅᑯᔪᐛ ᑲ ‍ ᐃᓯᓂᐧᑲᑕᑭᓄᔨᒋ ᒐᑭᑉ ᐅᑦ ᐊᓂᔅᑯᑕᐸᓇ ᐃᒋᑉᑎᒡ ᑲ ‍ ᐎᒐᐅᑯᑦ:
\p ᒐᓴᐃᔪᔨᒋ ᐅᑯᓴ ᕈᐱᓐ᙮
\p
\v 9 ᑭᔭ ᕈᐱᓐ ᐅᑯᓴ: ᐊᓇᒃ, ᐸᓗ, ᐊᔅᕈᓐ, ᑭᔭ ᑲᕐᒥ᙮
\p
\v 10 ᓯᒥᐅᓐ ᑭᔭ ᐅᑯᓴ: ᔭᒧᐃᓪ, ᔭᒥᓐ, ᐅᐊᑦ, ᔭᑭᓐ, ᓱᐊᕐ, ᑭᔭ ᓴᐅᓪ, ᑲᐃᓇᓐ ᐃᔎᐤ ᐅᑯᓴ᙮
\p
\v 11 ᓕᐸᐃ ᑭᔭ ᐅᑯᓴ: ᑭᕐᓴᓐ, ᑯᐊᑦ ᑭᔭ ᒪᕋᕆ᙮
\p
\v 12 ᒍᑕ ᑭᔭ ᐅᑯᓴ: ᐅᕐ, ᐅᓇᓐ, ᓯᓚ, ᐸᕋᔅ ᑭᔭ ᓯᕋ, (ᒥᒄ ᐅᕐ ᑭᔭ ᐅᓇᓐ ᑲᐃᓇᓐ ᐊᔅᒋᒡ ᒋ ‍ ᐳᓂᐱᒪᑎᓯᐅᒡ) ᐸᕋᔅ ᒋ ‍ ᐅᑯᓯᐤ ᐊᔅᕈᓇ ᑭᔭ ᐊᒧᓚ᙮
\p
\v 13 ᐃᓴᑲᕐ ᑭᔭ ᐅᑯᓴ: ᑐᓚ, ᐳᐊ, ᒐᓱᑉ ᑭᔭ ᓯᒻᕈᓐ᙮
\p
\v 14 ᓴᐳᓕᓐ ᑭᔭ ᐅᑯᓴ: ᓴᕆᑦ, ᐃᓗᓐ ᑭᔭ ᔭᓕᐅᓪ᙮
\p
\v 15 ᐊᐅᑯᔪᐛ ᐅᔭ ᓕᐊ ᐅᑯᓴ, ᒐᑭᐸ ᐅᑯᓯᔪᐛ ᑲ ‍ ᓂᑕᐅᒋᐃᒪᑦ ᐊᓐᑕ ᒥᓱᐱᑕᒥᐊᔨᒡ ᐊᓯᒡ ᐅᑕᓂᓯᔪᐛ ᑕᐃᓇᔨᒋ, ᒪᒧᐤ ᒋ ‍ ᓂᔅᑐᐎᔭᐛᓯᔨᐛ ᐊᓱ ᓂᔅᑐ ᐅᑯᓱᐛᐛ ᑭᔭ ᐅᑕᓂᓱᐛᐛ ᒐᑭᑉ ᑭᔭ ᓕᐊ᙮
\p
\v 16 ᑲᑦ ᑭᔭ ᐅᑯᓴ: ᓯᐳᓐ, ᐊᑭ, ᓱᓂ, ᐃᔅᐳᓐ, ᐊᕋ, ᐊᕈᑎ ᑭᔭ ᐊᕆᓕ᙮
\p
\v 17 ᐊᓱᕐ ᑭᔭ ᐅᑯᓴ: ᐃᒻᓇ, ᐃᔅᐸ, ᐃᔅᐱ, ᐱᕆᐊ ᑭᔭ ᐎᐧᑲᓂᓱᐛᐛ ᓯᕋ᙮ ᐃᐱᕐ ᑭᔭ ᒪᓪᑭᐊᓪ ᒋ ‍ ᐃᓯᓂᐧᑲᓱᔪᐛ ᐱᕆᐊ ᐅᑯᓴ᙮
\p
\v 18 ᐊᐅᑯᔪᐛ ᐅᔭ ᒐᑭᑉ ᑭᔭ ᓯᓪᐸ ᐊᓱᑕᒡ ᑕᑐᓴᑉ ᑲ ‍ ᐃᑕᑎᓯᔨᒋ ᐅᑦ ᐊᓂᔅᑯᑕᐸᓄᐛᐛ, ᐊᓂᔭ ᐃᔎᐤ ᐊᐱᒋᐊᑭᓇ ᓚᐸᓐ ᑲ ‍ ᒥᔭᑦ ᐅᑕᓂᓴ ᓕᐊᔨᒋ᙮
\p
\v 19 ᒐᑭᑉ ᐎᐛ ᕋᐃᒍᓪ ᓂᓱ ᒋ ‍ ᓂᑕᐅᒋᐃᒪᐤ ᒐᑭᐸ ᐅᑯᓯᔪᐛ: ᒍᓯᐸ ᑭᔭ ᐱᓐᒋᒥᓇ᙮
\v 20 ᒋ ‍ ᓂᓯᔨᐛ ᒍᓯᑉ ᐅᑯᓴ, ᒪᓇᓴ ᑭᔭ ᐃᑉᕋᐃᒻ, ᐊᓯᓇᑦ ᑲ ‍ ᓂᑕᐅᒋᐃᒪᑦ ᐊᓐᑕ ᐃᒋᑉᑎᒡ, ᐸᑎᐸᕋ ᐅᑕᓂᓴ, ᐃᓕᐅᐳᓕᔅ ᑲ ‍ ᐊᔭᒥᐊᐅᒋᒪᐅᑦ᙮
\p
\v 21 ᐱᓐᒋᒥᓐ ᐅᑯᓴ: ᐸᓚ, ᐸᑯᐤ, ᐊᔅᐱᓪ, ᑲᕋ, ᓇᒪᓐ, ᐃᐊᐦᐃ, ᕈᔅ ᒧᐱᒻ, ᐅᐱᒻ ᑭᔭ ᐊᕐᑦ᙮
\p
\v 22 ᐊᐅᑯᔪᐛ ᐅᔭ ᒍᓯᑉ ᑭᔭ ᕋᐃᒍᓪ ᐊ ‍ ᓇᐅᓴᐳᔨᒋ ᐅᑯᓱᐛᐛ᙮
\p
\v 23 ᑕᐊᓐ ᑭᔭ ᐅᑯᓴ ᐅᓯᒻ᙮
\p
\v 24 ᓇᑉᑕᓕ ᑭᔭ ᐅᑯᓴ: ᔭᓯᐅ, ᑯᓂ, ᔭᓱᕐ ᑭᔭ ᓯᓕᒻ᙮
\p
\v 25 ᐊᐅᑯᔪᐛ ᐅᔭ ᒍᓯᑉ ᑭᔭ ᐱᓚ ᐅᑯᓱᐛᐛ, ᐊᓂᔭ ᐃᔎᐛ ᓚᐸᓐ ᑲ ‍ ᒥᔭᑦ ᐅᑕᓂᓴ ᕋᐃᒍᓚ᙮ ᒪᒧᐤ ᓂᔄᐅᑕᒡ ᒋ ‍ ᑕᑥᐸᐎᔪᐛ᙮
\p
\v 26 ᒥᓯᐛ ᐊᐛᔪᐛ ᒐᑭᑉ ᑲ ‍ ᐎᒐᐅᑯᑦ ᐃᒋᑉᑎᒡ ᑲ ‍ ᐃᑐᑕᒡ ᐊᓱᑕᒡ ᑕᑐᔪᐤ ᐊᓱ ᐊᓱᑕᒡ ᒋ ‍ ᐃᑕᑎᓱᐅᒡ, ᐎᔾ ᑎᐱᔨᐛ ᐅᑦ ᐊᐛᓯᒪ ᒐᑭᑉ, ᐊᑲ ᐊᔅᑎᒋᒪᑭᓄᔨᒋ ᐅᓇᐊᑭᓂᔎᒪ᙮
\v 27 ᒋ ‍ ᓂᓯᔨᐛ ᐅᑯᓴ ᒍᓯᑉ ᑲ ‍ ᐃᔪᔨᒋ ᐊᓐᑕ ᐃᒋᑉᑎᒡ᙮ ᐊᑯ ᒪᒧᐤ ᓂᔄᐅᑕᒡ ᑕᑐᔪᐤ ᒋ ‍ ᐃᑕᑎᓱᐅᒡ ᒐᑭᑉ ᐊ ‍ ᐸᐃᑯᔅᑲᓇᓯᑦ ᐊᓐᑕ ᐃᒋᑉᑎᒡ᙮
\p
\v 28 ᒐᑭᑉ ᒋ ‍ ᓂᑲᓂᑎᓴᐛᐤ ᐅᑯᓴ ᒍᑕᔨᒋ ᒐᒋ ᑯᒂᒋᒪᔨᒋ ᒍᓯᐸ ᒐ ‍ ᓂᔅᑲᑯᔨᒋ ᐊᓐᑕ ᑯᓴᓐ᙮ ᐃᔅᐱ ᑕᑯᓯᒡ ᐊᓐᑕ ᑯᓯᓐ ᐊᔅᒋᒡ,
\v 29 ᒂ ‍ ᐊᔭᔅᑯᐛᔭᑦ ᒍᓯᑉ ᑲᑎᑎᐱᔨᒋ ᐅᑕᐸᓇᔎ ᑭᔭ ᐊᑐᑕᑦ ᑯᓯᓐ ᒐᒋ ᓂᒋᔅᑯᐛᑦ ᐅᑕᐎᔭ ᒐᑭᐸ᙮ ᐎᐱᒡ ᓇᒋᔅᑲᑐᒡ, ᒋ ‍ ᐛᐅᒋᓇᐤ ᐅᑕᐎᔭ ᒍᓯᑉ ᑭᔭ ᓇᐅᔅ ᒋ ‍ ᒪᐤ᙮\fig Joseph embraced his father|MX-34a.tif|col||public domain|ᒋ ‍ ᐛᐅᒋᓇᐤ ᐅᑕᐎᔭ ᒍᓯᑉ ᑭᔭ ᓇᐅᔅ ᒋ ‍ ᒪᐤ|ᒐᓂᓯᔅ 46.29\fig*
\p
\v 30 ᒐᑭᑉ ᒋ ‍ ᐃᑕᐤ ᒍᓯᐸ, “ᐊᓄᒡ ᓴᔅ ᑲᒋ ‍ ᐛᐱᒥᑕᓐ ᑭᔭ ᐊ ‍ ᒋᔅᒐᔨᑎᒪᓐ ᐊᔅᒄ ᐸᒪᑎᓯᔨᓐ, ᓴᔅ ᓂᑦ ᐊᔭᔅᑯᐎᓐ ᒐᒋ ᓂᐱᔭᓐ᙮”
\p
\v 31 ᐊᑯ ᒍᓯᑉ ᐊᑕᑦ ᐎᐧᑲᓂᓴ ᑭᔭ ᐊᓂᔭ ᒥᓯᐛ ᑲ ᐸᒋ ‍ ᐎᒐᐛᔨᒋ, “ᓂᑭ ‍ ᓂᑐᐛᐱᒪᐤ ᑭᔭ ᓂᑭ ‍ ᐃᔨᒪᐊᐤ ᒋᓴᐅᒋᒪᐤ ᑭᔭ ᓂᑭ ‍ ᐃᑕᐤ, ‘ᓂᐧᑲᓂᓯᒡ ᑭᔭ ᒥᓯᐛ ᑲ ‍ ᑕᔨᒋ ᓄᑕᐎᔾ ᐎᒋᒡ ᓂ ᐸᒋ ‍ ᓂᑐᐛᐱᒥᑯᒡ ᑲᐃᓇᓐ ᐊᔅᒋᒡ ᐅᒡ᙮
\v 32 ᓂᑭ ‍ ᐃᑕᐤ ᒪᔭᑕᓂᓯᐅ-ᐃᔪᒡ ᐅᒡ, ᐊᐛᓯᓴ ᓂᔭᑭᑐᐛᔨᒪᑯᐤ ᑭᔭ ᐱᔭᓱᒪᑯᐤ ᒋᒪᔭᑕᓂᓯᒧᐛᐛ, ᒋᒥᔅᑐᓯᒧᐛᐛ, ᒋᒥᒋᑎᐧᑯᒧᐛᐛ ᑭᔭ ᒥᓯᐛ ᒐᒂᔪᐤ ᑕᐱᔨᐛᐅᓯᐛᒄ᙮’
\v 33 ᐃᔅᐱ ᐎᓴᒥᑕᒂ ᑭᔭ ᐃᑎᑕᒂ, ‘ᑕᓐ ᐊᓯ ‍ ᐊᑐᔅᒐᔭᒄ ?’
\v 34 ᐊᑯ ᒐ ‍ ᐃᑕᒄ, ‘ᒋᑦ ᐊᐱᒋᐊᑭᓐᒡ ᒋ ‍ ᓇᑭᑐᐛᔨᒪᐅᒡ ᐊᐛᓯᓴ ᐊ ‍ ᐅᔅᑎᓂᒋᐅᒡ ᐅᒡ ᐃᔅᐱᔅ ᐊᓄᒡ, ᑕᐱᔅᑯᓐ ᓂᔭᓐ ᑭᔭ ᓂᑦ ᐊᓂᔅᑯᑕᐸᓇᓐᒡ,’ ᐊᑯ ᒪᒃ ᒐ ‍ ᒥᔨᑕᒄ ᒐᒋ ᐎᒋᐛᒄ ᐊᓐᑕ ᑯᓯᓐ ᐊᔅᒋᒡ, ᐛᔅ ᐃᒋᑉᑦ ᐃᔪᒡ ᓇᒪ ᒥᔽᔨᑎᒧᒡ ᒐᒋ ᒥᒋᒪ ᑕᐛᒡ ᒪᔭᑕᓂᓯᐅ-ᐃᔪᐛ ᐊ ‍ ᑕᔨᒋ᙮”
\c 47
\s1 ᒐᑭᑉ ᐊᑐᑕᐊᑭᓄᐅᑦ ᒐᒋ ᐛᐱᒪᑦ ᐸᕈᐛ
\p
\v 1 ᑲᒋ ‍ ᐃᔨᒪᐊᑦ ᐎᐧᑲᓂᓴ, ᒍᓯᑉ ᑲᐤ ᒋ ‍ ᐃᑐᑕᐤ ᒋᓴᐅᒋᒪᐅᒋᐛᐱᒡ ᑭᔭ ᓇᑐᐛᐱᒪᑦ ᒋᓴᐅᒋᒪᐛ ᒐᒋ ᐃᔨᒪᐊᑦ ᑭᔭ ᒂ ‍ ᐃᑕᑦ, “ᓄᑕᐎᔾ ᑭᔭ ᓂᐧᑲᓂᓯᒡ ᓴᔅ ᒋ ‍ ᑎᑯᓯᓄᐅᒡ ᑲᐃᓇᓐ ᐊᔅᒋᒡ ᐅᒡ ᐊᓯᒡ ᐅᒪᔭᑕᓂᓯᒧᐛᐛ, ᐅᒥᔅᑐᓯᒧᐛᐛ, ᐅᒥᒋᑎᐧᑯᒧᐛᐛ ᑭᔭ ᒥᓯᐛ ᒐᒂᔪᐤ ᑕᐱᔨᐛᐅᓯᒡ, ᑯᓯᓐ ᐊᔅᒋᒡ ᐊᓄᒡ ᑕᐅᒡ᙮”
\v 2 ᒍᓯᑉ ᒂ ‍ ᐎᓴᒪᑦ ᐅᑕᐎᔭ ᑭᔭ ᐎᐧᑲᓂᓴ᙮ ᐱᑕᑕᒡ ᐎᐧᑲᓂᓴ ᒋ ‍ ᐅᑎᓇᐤ ᒐᒋ ᓂᑐᐛᐱᒪᔨᒋ ᒋᓴᐅᒋᒪᐛ᙮ ᐃᔅᐱ ᑕᑯᓯᓂᔨᒋ, ᒂ ‍ ᐛᐸᑎᔭᑦ ᒋᓴᐅᒋᒪᐛ᙮
\p
\v 3 ᐊᑯ ᒋᓴᐅᒋᒪᐤ ᑲ ‍ ᑯᒂᒋᒪᑦ, “ᑕᓐ ᐊᓯ ‍ ᐊᑐᔅᒐᔭᒄ ?”
\p ᒂ ‍ ᐃᑕᒡ, “ᒋᑦ ᐊᐱᒋᐊᑭᓐᒡ ᒋ ‍ ᓇᑭᑐᐛᔨᒪᐅᒡ ᐊᐛᓯᓴ ᐊ ‍ ᐅᔅᑎᓂᒋᐅᒡ ᐅᒡ ᐃᔅᐱᔅ ᐊᓄᒡ, ᑕᐱᔅᑯᓐ ᓂᔭᓐ ᑭᔭ ᓂᑦ ᐊᓂᔅᑯᑕᐸᓇᓐᒡ᙮
\v 4 ᓂᒋ ‍ ᐸᒋᑎᑯᓯᓇᓐ ᒐᒋ ᐛᐃᐱᔅᒋᔅ ᐅᑕ ᐎᒋᔭᒡ, ᐛᔅ ᓴᔅ ᓇᒪ ᑎᑯᓐ ᐊ ‍ ᒥᔅᑯᓯᐅᔅᑭᒥᑲᒡ ᒐ ᐅᒋ ‍ ᒥᒋᓱᒡ ᓂᑦ ᐊᐛᓯᓯᒥᓇᓐᒡ, ᐛᔅ ᒋᒋᐛ ᐊᔨᒥᓐ ᐊᑲ ᑎᒂᒡ ᒥᒋᒻ ᐊᓐᑕ ᑲᐃᓇᓐ ᐊᔅᒋᒡ᙮ ᐊᑯ ᒪᒃ, ᒋ ‍ ᓂᑐᐛᔨᒥᑎᓇᓐ ᒐᒋ ᓇᐃᒥᔭᒡ ᒐᒋ ᐎᒋᔭᒡ ᐊᓐᑕ ᑯᓯᓐ ᐊᔅᒋᒡ᙮”
\p
\v 5 ᐊᑯ ᒋᓴᐅᒋᒪᐤ ᐸᕈᐤ ᐊᑕᑦ ᒍᓯᐸ, “ᐊᓄᒡ ᓴᔅ ᑲᒋ ‍ ᐸᒋᓂᑐᐛᐱᒥᔅᒡ ᒍᑕᐎᔾ ᑭᔭ ᒋᐧᑲᓂᓯᒡ, ᒋᑭ ‍ ᐎᒍᐅᒡ ᑕᓐᑕ ᒥᒄ ᐊᓯ ‍ ᒥᔽᔨᑎᒥᓐ᙮ ᓇᐃᒥᒡ ᒐᒋ ᐎᒋᒡ ᐊᓐᑕ ᐊ ‍ ᒥᔽᔨᒡ ᐊᔅᒋᔪᐤ᙮ ᑯᓯᓐ ᐊᔅᒋᒡ ᒥᔨᒡ ᒐᒋ ᐎᒋᒡ᙮
\v 6 ᐊᑕᒂᓐᒋ ᒪᒃ ᐊ ‍ ᐃᑎᓯᒡ ᐊ ‍ ᑭᔅᒋᑕᒡ ᐊ ‍ ᑭᓄᐛᔨᒪᒡ ᐊᐛᓯᓴ, ᒐ ‍ ᓇᑭᑐᐛᔨᑎᔨᑥᐤ ᓂᑦ ᐊᐛᓯᓯᒪ᙮”
\p
\v 7 ᐊᑯ ᒍᓯᑉ ᐱᔭᓱᐛᑦ ᐅᑕᐎᔭ ᒐᑭᐸ ᒐᒋ ᐛᐱᒪᔨᒋ ᒋᓴᐅᒋᒪᐛ᙮ ᒐᑭᑉ ᒋ ‍ ᐃᔨᒥᑐᐛᐤ ᒐᒋ ᒥᔪᐱᔨᒋ ᒋᓴᐅᒋᒪᐛ᙮
\v 8 ᐊᑯ ᒋᓴᐅᒋᒪᐤ ᑲ ‍ ᑯᒂᒋᒪᑦ ᒐᑭᐸ, “ᑕᓐ ᐊ ‍ ᐃᑕᑐᐳᓇᓯᔨᓐ ?”
\p
\v 9 ᒐᑭᑉ ᒋ ‍ ᐎᑎᒧᐛᐤ, “ᓂ ‍ ᐸᐃᑯ ᒥᑕᓯᒥᑎᓄᐛᐳᓇᓯᓐ ᐊᓱ ᓂᔅᑐᔪᐤ᙮ ᐊᔅᒄ ᓇᒪ ᓇᐅᔅ ᓂ ‍ ᐱᒪᑎᓯᓐ ᒥᒄ ᓂᑦ ᐊᔨᒥᔪᐅᓐ ᓂᐱᒪᑎᓯᐅᓂᒡ᙮ ᐊᑎᑐᐤ ᓇᐅᔅ ᒋ ‍ ᐱᒪᑎᓯᐅᒡ ᓂᑦ ᐊᓂᔅᑯᑕᐸᓐᒡ ᐃᔅᐱᔅ ᓂᔾ᙮”
\v 10 ᐊᑯ ᒐᑭᑉ ᒥᓐ ᐊᔨᒥᑐᐛᑦ ᒋᓴᐅᒋᒪᐛ ᒐᒋ ᒥᔪᐱᔨᒋ, ᐊᒺᔭ ᓂᑭᑕᑦ᙮
\p
\v 11 ᐊᑯ ᒍᓯᑉ ᒋ ‍ ᐃᑐᑎᒺᐤ ᑲ ‍ ᐃᑎᓱᒥᑯᑦ ᒋᓴᐅᒋᒪᐛ᙮ ᒋ ‍ ᒥᔭᐤ ᐅᑕᐎᔭ ᑭᔭ ᐎᐧᑲᓂᓴ ᐊ ‍ ᒥᔽᔨᒡ ᐊᔅᒋᔪᐤ ᐃᒋᑉᑎᒡ ᐊᓐᑕ ᒥᒋᒪ ᕋᒪᓯᔅ ᐅᑕᓇᒡ᙮
\v 12 ᒍᓯᑉ ᐃᔭᐱᒡ ᒥᒋᒥᔪᐤ ᒋ ‍ ᒥᔭᐤ ᒥᓯᐛ ᐎᐧᑲᓂᓴ, ᒋᒡ ᓇᔅᒡ ᑲ ‍ ᐊᐛᓯᐎᔨᒋ᙮
\s1 ᓄᑕᐧᑭᑕᐅᓐ
\p
\v 13 ᒋᒋᐛ ᒋ ‍ ᐊᔨᒥᓐ ᓄᑕᐧᑭᑕᐅᓐ ᓇᒪ ᐅᒋ ᑎᑯᓐ ᒥᒋᒻ ᒐ ‍ ᒥᒋᓇᓄᐅᒡ ᐊᓐᑕ ᒥᓯᐛ ᐊᔅᒋᒡ, ᐊᑯ ᐃᒋᑉᑦ ᑭᔭ ᑲᐃᓇᓐ ᐃᔪᒡ ᓇᒪ ᐅᒋ ᓴᐱᓯᐅᒡ ᐊ ‍ ᓯᐛᔨᒡ᙮
\v 14 ᐃᔅᐱ ᐃᔪᒡ ᐊᑲ ᐅᒋ ᑭᓄᐛᔨᑕᒡ ᒥᒋᒥᔪᐤ, ᒍᓯᐸ ᐅᒡ ᒋ ᐅᒋ ‍ ᐃᔭᐅᒡ ᐸᒂᓯᑭᓂᒥᓇ, ᒥᓯᐛ ᒋ ‍ ᐅᑎᓂᒻ ᓱᓇᔭᔪᐤ ᒍᓯᑉ ᑭᔭ ᒋᓴᐅᒋᒪᐛ ᐎᒋᔨᒡ ᒋ ‍ ᐃᑐᑐᐛᐤ᙮
\v 15 ᑲᒋ ‍ ᒥᓯᐛ ᒪᔅᑎᓇᒡ ᐅᓱᓇᔭᓂᒧᐛᐤ ᐃᒋᑉᑦ ᑭᔭ ᑲᐃᓇᓐ ᐃᔪᒡ ᐊ ‍ ᐃᔭᒡ ᐸᒂᓯᑭᓂᒥᓇ, ᒥᓯᐛ ᐃᒋᑉᑦ ᐃᔪᒡ ᑲᐤ ᒋ ‍ ᓂᑐᐛᐱᒪᐅᒡ ᒍᓯᐸ, ᑭᔭ ᒂ ‍ ᐃᑕᒡ, “ᓴᔅ ᓇᒪ ᓂ ‍ ᑭᓄᐛᔨᑕᓇᓐ ᓱᓇᔭᐤ᙮ ᐸᒋ ᒥᔨᓇᓐ ᒥᒋᒻ ᑭᔭ ᒪᒃ ᓂᑭ ‍ ᑯᐧᑭᑕᓇᓐ ᐅᑎᔅᑯᐤ ᐅᑕ ᐊ ‍ ᑕᔨᓐ !”
\p
\v 16 ᐊᑯ ᒍᓯᑉ ᐊᑕᑦ, “ᐊᑲ ᑭᓄᐛᔨᑎᒧᐛᒂ ᓱᓇᔭᐤ, ᐸᓱᐛᑯᒡ ᒋᑦ ᐊᐛᓯᓯᒧᐛᐅᒡ ᑭᔭ ᒋᑭ ‍ ᒥᔨᑎᓇᐛᐤ ᒥᒋᒻ ᒥᔅᑯᒡ ᒋᑦ ᐊᐛᓯᓯᒧᐛᐅᒡ᙮”
\v 17 ᐊᑯ ᐃᔪᒡ ᒍᓯᐸ ᒋ ‍ ᐸᑐᐛᐅᒡ ᐅᑲᐸᐃᑭᔎᒧᐛᐛ, ᐅᒪᔭᑕᓂᓯᒧᐛᐛ ᑭᔭ ᐅᒥᔅᑐᓯᒧᐛᐛ, ᐅᒥᒋᑎᐧᑯᒧᐛᐛ ᒥᔅᑯᒡ ᒥᒋᒥᔪᐤ᙮ ᒪᒂᒡ ᐊᓂᔭ ᐱᐳᓂᔪᐤ, ᒥᓯᐛ ᒍᓯᐸ ᒋ ‍ ᐸᑐᐛᐅᒡ ᐅᑦ ᐊᐛᓯᓯᒧᐛᐛ ᑭᔭ ᒋ ‍ ᐅᑎᓂᒪᑯᐅᒡ ᒥᒋᒥᔪᐤ᙮
\p
\v 18 ᑲᒋ ‍ ᐸᐃᑯᐳᓂᔨᒡ, ᑲᐤ ᓇᑐᐛᐱᒪᒡ ᐃᔪᒡ ᒍᓯᐸ ᑭᔭ ᒋ ‍ ᐃᑕᐅᒡ, “ᐅᒋᒪᐤ, ᓴᔅ ᓇᒪ ᓂᐅᓱᓇᔭᓂᒥᓇᓐ ᒐᒋ ᐃᔭᔭᒡ ᒥᒋᒻ ᑭᔭ ᒥᓯᐛ ᓴᔅ ᒋ ‍ ᑎᐸᔨᒪᐅᒡ ᓂᑦ ᐊᐛᓯᓯᒥᓇᓐᒡ᙮ ᓇᒪ ᒐᒂᓐ ᓂᑦ ᐃᔅᑯᐱᔨᓇᓐ ᒥᒄ ᓂᑦ ᐊᔅᒋᓇᓇ ᑭᔭ ᑎᐱᔨᐛ ᓂᔭᓇᓇ᙮
\v 19 ᓂᑭ ‍ ᐳᓂᐱᒪᑎᓯᓇᓐ ᑭᔭ ᒋᑭ ‍ ᒧᓱᐛᐛ ᓂᑦ ᐊᔅᒋᓇᓇ᙮ ᐃᔭᐅᓇᓐ ᑭᔭ ᓂᑦ ᐊᔅᒋᓇᓇ ᒥᔅᑯᒡ ᒥᒋᒻ᙮ ᓂᑭ ‍ ᐅᑦ ᐊᐱᒋᐊᑭᓂᒥᑕᑯᓇᓐ ᐸᕈᐤ᙮ ᒋᑭ ‍ ᑎᐸᔨᑎᒻ ᓂᑦ ᐊᔅᒋᓇᓇ᙮ ᐸᒂᓯᑭᓂᒥᓇ ᐸᒋ ᒥᔨᓇᓐ ᐊᑯ ᒪᒃ ᒐ ‍ ᑭᓄᐛᔨᑎᒪᒡ ᒥᒋᒻ ᒐ ‍ ᒥᒋᔭᒡ ᑭᔭ ᒐ ᐊᑲ ‍ ᐳᓂᐱᒪᑎᓯᔭᒡ᙮ ᓂᑭ ‍ ᓂᑕᐅᒋᐊᓇᓐᒡ ᓯᒥᓐᒡ ᐊᑯ ᒪᒃ ᒐ ‍ ᓂᑕᐅᒋᒋ ᐸᒂᓯᑭᓂᒥᓇ ᓂᑕᐅᒋᑕᑭᓂᒡ ᑭᔭ ᒐ ᐊᑲ ‍ ᒧᓱᐛᒋ᙮”
\p
\v 20 ᐊᑯ ᒍᓯᑉ ᒂ ‍ ᓂᓇᔅᑯᒧᑦ ᒐᒋ ᐃᔭᐛᑦ ᐅᑦ ᐊᔅᒋᔪᐛ᙮ ᒪᒃ ᒥᓯᐛ ᐃᒋᑉᑦ ᐃᔪᐤ ᒂ ‍ ᑕᐛᒐᑦ ᐅᑦ ᐊᔅᒋᔾ, ᐛᔅ ᒋᒋᐛ ᒋ ‍ ᐊᔨᒥᐅᐎᒡ ᐊᑲ ᐅᒋ ᑎᑯᓂᔨᒡ ᒥᒋᒥᔪᐤ᙮ ᐊᐅᑯᔪᐤ ᐊᓂᔭ ᒋᓴᐅᒋᒪᐤ ᑲ ᐅᒋ ‍ ᒥᓯᐛ ᑎᐸᔨᑕᐧᒄ ᐃᒋᑉᑦ ᐊᔅᒋᔪᐤ᙮
\v 21 ᐊᑯ ᒍᓯᑉ ᒂ ‍ ᑐᑐᐛᑦ ᐃᔪᐛ ᐊᓐᑕ ᐊ ᒥᔅᑎ ‍ ᐅᑕᓇᐎᔨᒋ ᒐᒋ ᐃᓯ ‍ ᐊᑎᐱᔨᒋ ᒐᒋ ᐊᑐᔅᑯᐛᔨᒋ ᒋᓴᐅᒋᒪᐛ᙮ ᐊᐅᑯᐤ ᑲ ‍ ᐃᔅᐱᔨᒡ ᐊᓐᑕ ᒥᓯᐛ ᐃᒋᑉᑦ ᐊᔅᒋᒡ᙮
\v 22 ᒥᒄ ᒍᓯᑉ ᓇᒪ ᐅᒋ ᐃᔭᐛᐤ ᐃᒋᑉᑎᒡ ᐊᔭᒥᐊᐅᒋᒪᐛ ᐅᑦ ᐊᔅᒋᔪᐛ᙮ ᓇᒪ ᐅᒋ ᓂᑐᐛᔨᑕᑯᓱᐅᒡ ᒐᒋ ᑕᐛᒐᒡ ᐊᔭᒥᐊᐅᒋᒪᐅᒡ ᐅᑦ ᐊᔅᒋᐛᐛ ᐛᔅ ᒋ ‍ ᒥᔨᑯᐅᒡ ᒋᓴᐅᒋᒪᐛ ᒥᒋᒥᔪᐤ᙮
\p
\v 23 ᐊᑯ ᒍᓯᑉ ᐊᑕᑦ ᐃᒋᑉᑦ ᐃᔪᐛ, “ᐛᐸᑎᒥᒄ, ᐊᓄᒡ ᓴᔅ ᔅᒋ ‍ ᐅᑎᓂᑎᓇᐛᐤ ᑭᔭ ᒋᑦ ᐊᔅᒋᐛᐛ, ᒋᓴᐅᒋᒪᐤ ᐊᓄᒡ ᒋ ‍ ᑎᐸᔨᒥᑯᐛᐤ ᑭᔭ ᒋᑦ ᐊᔅᒋᐛᐛ᙮ ᐊᓄᒡ ᒋᑭ ‍ ᒥᔨᑎᓇᐛᐤ ᓯᒥᓐᒡ ᐊᑯ ᒪᒃ ᒐᒋ ᓂᑕᐅᒋᑕᔭᒄ ᐸᒂᓯᑭᓂᒥᓇ᙮
\v 24 ᐃᔅᐱ ᐅᑎᒋᐱᔨᒐ ᒐ ‍ ᒪᐛᒋᒐᓄᐅᒡ, ᐱᑕᑕᒡ ᑕᑐᐤ ᐊ ‍ ᒪᐛᒋᒐᔭᒄ, ᐸᐃᒄ ᒋᑭ ᐎ ‍ ᒥᔭᐛᐤ ᒋᓴᐅᒋᒪᐤ, ᐊᑯ ᐊᔅᑯᐱᔨᒋ ᒋᔨᐛᐤ ᒐ ‍ ᑎᐸᔨᑎᒪᒄ ᒐᒋ ᓂᑕᐅᒋᒐᔭᒄ ᒋᓂᑕᐅᒋᑕᑭᓂᐛᒡ ᑭᔭ ᒐᒋ ᐊᓯᒥᑎᓱᔭᒄ ᑭᔭ ᒋᑦ ᐊᐛᓯᒧᐛᐅᒡ ᑭᔭ ᒥᓯᐛ ᑲ ‍ ᑕᒡ ᐊᓐᑕ ᒋᒋᐛᐛᒡ᙮”
\p
\v 25 ᐊᑯ ᐃᔪᒡ ᐊᑕᒡ ᒍᓯᐸ, “ᐅᒋᒪᐤ, ᓂ ‍ ᓂᔅᑯᒧᓇᓐ ᒐᒋ ᐅᑦ ᐊᐱᒋᐊᑭᓂᑐᐎᒥᑦ ᒋᓴᐅᒋᒪᐤ, ᐛᔅ ᔅᒋ ‍ ᒥᔪᑐᑐᐅᓇᓐ ᑭᔭ ᔅᒋ ‍ ᐱᒪᒋᑕᓐ ᓂᐱᒪᑎᓯᐅᓇᓇ !”
\p
\v 26 ᐊᑯ ᒍᓯᑉ ᐊᑐᑕᐧᒃ ᐎᓱᐛᐅᓂᔪᐤ ᐊᓐᑕ ᐃᒋᑉᑦ ᐊᔅᒋᒡ ᒐᒋ ᓇᓴᐊᒡ ᒥᓯᐛ ᐃᒋᑉᑦ ᐃᔪᒡ, ᐱᑕᑕᒡ ᑕᑐᐤ ᐊᒪᐛᒋᒐᓄᐎᒡ, ᐸᐃᒄ ᒐᒋ ᒥᔭᑭᓄᔨᒋ ᒋᓴᐅᒋᒪᐛ᙮ ᐊᔅᒄ ᐊᓄᒡ ᐱᒥᐱᔪᐤ ᐊᓐ ᐎᓱᐛᐅᓐ᙮ ᒥᒄ ᐊᔭᒥᐊᐅᒋᒪᐛ ᐅᑦ ᐊᔅᒋᔪᐤ ᓇᒪ ᐅᒋ ᑎᐸᔨᑎᒺᐤ ᒋᓴᐅᒋᒪᐤ᙮
\s1 ᒐᑭᑉ ᒪᔅᑕᔾ ᐅᐱᑯᓴᔨᑎᒧᐅᓐ
\p
\v 27 ᐊᑯ ᐃᔅᕋᐃᓪ ᐃᔪᒡ ᒂ ‍ ᐎᒋᒡ ᐊᓐᑕ ᑯᓯᓐ ᐊᔅᒋᒡ ᐊᓐᑕ ᐃᒋᑉᑎᒡ᙮ ᒋ ‍ ᒥᔪᐱᔪᐅᒡ ᑭᔭ ᒥᒐᑦ ᒋ ‍ ᑕᔪᐛ ᐅᑦ ᐊᐛᓯᒧᐛᐛ ᑭᔭ ᒂ ‍ ᒥᒐᑎᒡ ᐊ ‍ ᐃᔅᐱᒐᑎᒡ᙮
\p
\v 28 ᓂᔄᐅᑕᒡ ᑕᑐᓴᐱᐳᓇ ᒋ ‍ ᐎᒍᐤ ᒐᑭᑉ ᐊᓐᑕ ᐃᒋᑉᑎᒡ, ᐊᑯ ᒪᒧᐤ ᐸᐃᑯ ᒥᑕᓯᒥᑐᓄᐤ ᐊᓱ ᓇᐎᔪᐤ ᐊᓱ ᓂᔄᐅᑕᒡ ᑕᑐᐱᐳᓇ ᒋ ‍ ᐃᔅᐱᔅ ᐱᒪᑎᓯᐤ᙮
\v 29 ᐃᔅᐱ ᒐᑭᑉ ᒐᔅᒐᔨᑕᐧᒃ ᒐ ᐊᑲ ‍ ᓇᐅᔅ ᓴᔅ ᐱᒪᑎᓯᑦ, ᒋ ‍ ᐎᓴᒪᐤ ᐅᑯᓴ ᒍᓯᐸ ᒐᒋ ᓂᑐᐛᐱᒥᑯᑦ᙮ ᐃᔅᐱ ᑕᑯᓯᓂᔨᒋ, ᒐᑭᑉ ᒋ ‍ ᐃᑕᐤ, “ᓇᔅᒡ ᑕᑈ ᓯᔭᒋᐅᓇ, ᒐ ‍ ᐊᓱᑎᒧᐎᔨᓐ᙮ ᐛᐸᑎᔾ ᐊ ‍ ᒋᓴᐛᑐᑐᐎᔨᓐ ᑭᔭ ᐊ ‍ ᑕᑈᔭᔨᒥᔨᓐ᙮ ᐃᔅᐱ ᐳᓂᐱᒪᑎᓯᔭᓇ, ᒐ ᐊᑲ ‍ ᐱᒥᓯᒥᔨᓐ ᐅᑕ ᐃᒋᑉᑎᒡ᙮ ᐊᓱᑎᒧᐎᔾ ᐊ ‍ ᐃᔅᒋᔄᔨᓐ ᒐ ‍ ᐃᑐᑎᒥᓐ ᐅ ᐊ ᐃᓯ ‍ ᓂᑐᐛᔨᑎᒪᑕᓐ᙮
\v 30 ᐳᓂᐱᒪᑎᓯᔭᓇ, ᑲᐃᓇᓐ ᒐ ‍ ᐃᑐᑕᔨᓐ ᓂᔪᐤ ᑭᔭ ᐊᓐᑕ ᐸᒥᓯᒡ ᓂᑦ ᐊᓂᔅᑯᑕᐸᓐᒡ ᐊᑯᑕ ᑭᔭ ᒐ ‍ ᐱᒥᓯᒥᔨᓐ᙮ ᒐ ᐊᑲ ‍ ᐱᒥᓯᒥᔨᓐ ᐅᑕ ᐃᒋᑉᑎᒡ᙮”
\p ᐊᑯ ᒍᓯᑉ ᐊᑕᑦ, “ᓂᑭ ‍ ᑐᑕᓐ ᙭ ᐊᓯ ‍ ᓂᑐᐛᔨᑎᒥᓐ᙮”
\p
\v 31 ᐊᑯ ᒐᑭᑉ ᐊᑕᑦ, “ᐊᓱᑎᒪᒐ ᐅᑦ ᐃᓯᓂᐧᑲᓱᐅᓂᒡ ᐅᒡ ᒋᓴᒪᓂᑐᐤ, ᐅ ᒐ ‍ ᐃᑐᑎᒥᓐ,” ᐊᑯ ᒍᓯᑉ ᐊᑐᑕᐧᒃ ᒋᒋ ‍ ᐊᓱᑎᒪᒐᐅᓂᔪᐤ᙮ ᐊᑯ ᒐᑭᑉ ᓇᐛᔎᔨᑦ ᑭᔭ ᐊᔭᒥᐊᑦ ᐊᓐᑕ ᐊ ‍ ᐅᔅᑎᒂᓄᐎᒡ ᐅᓂᐸᐅᓂᒡ᙮
\c 48
\s1 ᒍᓯᑉ ᒧᐱᔅᑐᐛᐤ ᒐᑭᐸ
\p
\v 1 ᓇᓇᒐ, ᐃᔅᐱ ᒍᓯᑉ ᑲ ‍ ᐃᑕᑦ ᐊᓐᑕ ᒥᔅᑎᐅᑕᓇᒡ, ᒋ ‍ ᐎᑎᒧᐛᑭᓄᐤ ᐃᔭᐧᑯᓯᔨᒋ ᐅᑕᐎᔭ ᐊᓐᑕ ᑯᓯᓐ ᑲ ‍ ᑕᔨᒋ, ᐊᑯ ᒍᓯᑉ ᓇᑐᐛᐱᒪᑦ ᐅᑕᐎᔭ, ᐊ ‍ ᓂᓯᔨᒋ ᐅᑯᓴ, ᒪᓇᓴᔨᒋ ᑭᔭ ᐃᑉᕋᐃᒪ ᒋ ‍ ᐎᒐᐛᐤ᙮
\v 2 ᐃᔅᐱ ᐛᑎᒧᐛᑭᓄᐅᑦ ᒐᑭᑉ ᓂᔭᒋᐛᐱᒥᑯᑦ ᐅᑯᓴ ᒍᓯᐸ, ᒋᒋᐛ ᒋ ‍ ᐅᔅᑯᐎᐤ ᒥᒄ ᒐᒋ ᓴᒥᑎᐱᑦ ᐅᓂᐸᐅᓂᒡ᙮
\p
\v 3 ᒋ ‍ ᐛᒋᔭᒪᐤ ᒐᑭᑉ ᒍᓯᐸ ᑭᔭ ᒂ ‍ ᐃᑕᑦ, “ᓂᒋ ‍ ᓄᑯᓯᔅᑕᒄ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᐊᓐᑕ ᓗᔅ ᑲᐃᓇᓐ ᐊᔅᒋᒡ, ᑭᔭ ᐊᑯᑕ ᑲ ‍ ᒥᔨᑦ ᐅᓱᐛᔨᒋᒐᐅᓐ᙮
\v 4 ᑭᔭ ᓂᒋ ‍ ᐃᑎᒄ, ‘ᒥᒐᑦ ᐊᐛᓯᒡ ᒋᑭ ‍ ᒥᔨᑎᓐ, ᐊᑯ ᒪᒃ ᒐ ‍ ᒥᒐᑐᔅᑲᓇᓯᒡ ᒋᑦ ᐊᓂᔅᑯᑕᐸᓐᒡ; ᓂᑭ ‍ ᒥᔭᐅᒡ ᒋᑦ ᐊᓂᔅᑯᑕᐸᓐᒡ ᐅᔭ ᑲᐃᓇᓐ ᐊᔅᒋᔪᐤ ᒧᔅ ᑲᒋᒡ ᐎᔨᐛᐤ ᒐᒋ ᑎᐱᔨᐛᐅᓯᒡ᙮’
\p
\v 5 ᐊᓐᒡ ᓂᓱ ᒋᑯᓯᒡ, ᐃᒋᑉᑎᒡ ᑲ ‍ ᐃᔪᐅᒡ ᐊᒺᔭ ᐅᒋ ᑎᑯᓯᓂᔭᓐ ᐅᑕ, ᓂᔾ ᑎᐱᔨᐛ ᓂᑦ ᐊᐛᓯᒥᒡ ᓂᑦ ᐃᓯ ‍ ᐅᑎᓇᐅᒡ ᒧᔭᒻ ᓂᑯᓯᒡ ᕈᐱᓐ ᑭᔭ ᓯᒥᐅᓐ᙮
\v 6 ᑕᑥᐛ ᑯᑎᑭᒡ ᒋᑯᓯᒡ, ᒋᔾ ᒋᑭ ‍ ᑎᐸᔨᒪᐅᒡ, ᒥᒄ ᐊᓂᔅᒐ ᐅᑎᐸᔨᑎᒧᐅᓄᐛᐛ ᐃᑉᕋᐃᒪ ᑭᔭ ᒪᓇᓴᔨᒋ ᒋᑭ ‍ ᐅᒋᐱᔪᐛ᙮
\v 7 ᒋᑲᐎᔾ ᕋᐃᒍᓪ ᐅ ᐛᒋ ‍ ᐃᑐᑎᒪᓐ ᐃᔅᐱ ᐸᑕᓐ ᑲ ᐅᒋ ‍ ᒋᐛᔭᓐ, ᑲᐃᓇᓐ ᐊᔅᒋᒡ ᒋ ‍ ᐳᓂᐱᒪᑎᓯᐤ᙮ ᒋᒋᐛ ᓂᒋ ‍ ᓇᐧᑲᑕᔨᑕᓐ᙮ ᑲ ‍ ᐸᓱᐛᐸᑎᒪᒡ ᐃᑉᕋᑦ, ᒥᒋᒪ ᐸᑦᓕᔭᒻ, ᒂ ‍ ᐳᓂᐱᒪᑎᓯᑦ᙮ ᐅᐱᒪᔅᑭᓇᒡ ᓂᒋ ‍ ᓇᐃᐧᑯᐛᐤ᙮”
\p
\v 8 ᒋᒋᐛ ᒋ ‍ ᒋᓴᐃᔪᐤ ᒐᑭᑉ ᑭᔭ ᒐᑲᑦ ᓇᒪ ᐅᒋ ᐛᐸᑎᒻ, ᓇᒪ ᐅᒋ ᓂᔅᑐᐛᐱᒪᐤ ᐊ ‍ ᓂᓯᔨᒋ ᒍᓯᐸ ᐅᑯᓯᔪᐛ, ᐊᑯ ᑭᔭ ᑲ ‍ ᑯᒂᒋᒪᑦ ᒍᓯᐸ, “ᐊᐛᓐᒋ ᐅᒡ ᐊᐛᓯᒡ ?”
\p
\v 9 ᐊᑯ ᒍᓯᑉ ᐊᑕᑦ ᐅᑕᐎᔭ, “ᐊᐅᑯᓐᒡ ᐅᒡ ᓂᑯᓯᒡ ᐊᓂᔭ ᑲ ‍ ᒥᔨᑦ ᒋᓴᒪᓂᑐᐤ ᐅᑕ ᐃᒋᑉᑎᒡ᙮” ᐊᑯ ᒐᑭᑉ ᐃᑕᐤ, “ᐸᓱᐅᒡ ᐅᑕ ᐊᑯ ᒪᒃ ᒐ ‍ ᒥᔨᒂᐤ ᓂᓱᐛᔨᒋᒐᐅᓂᔪᐤ᙮”
\p
\v 10 ᓇᒪ ᐅᒋ ᓂᔅᑐᐛᐱᒪᐤ ᒐᑭᑉ ᓇᐸᓴ ᐛᔅ ᐊ ‍ ᒋᓴᐃᔪᑦ ᑭᔭ ᓇᒪ ᓱᒃ ᐅᒋ ᒥᔪᐛᐸᑎᒻ, ᐊᑯ ᒍᓯᑉ ᑲ ‍ ᐃᑐᑐᐛᑦ ᐅᑕᐎᔭ ᐅᑯᓴ, ᐊᑯ ᐎᔭᐛᒋᓇᔨᒋ ᑭᔭ ᓴᐛᔨᒪᔨᒋ᙮
\p
\v 11 ᒐᑭᑉ ᒂ ‍ ᐃᑕᑦ ᒍᓯᐸ, “ᓇᒪ ᓂ ᐅᒋ ‍ ᐸᓱᐛᔨᑕᓐ ᒥᓐ ᒐᒋ ᐛᐱᒥᑕᓐ, ᑭᔭ ᐊᓄᒡ ᒋᓴᒪᓂᑐᐤ ᓂᒋ ‍ ᓇᐃᒥᒄ ᒐᒋ ᐛᐱᒥᑎᑯᒡ ᑕᐱᔅᑯᓐ ᒋᔾ ᑭᔭ ᒋᑦ ᐊᐛᓯᒪᒡ᙮”
\p
\v 12 ᐊᑯ ᒍᓯᑉ ᑲ ‍ ᑐᑐᐛᑦ ᐅᑯᓴ ᒐᒋ ᐱᑲᔨᒋ ᑲ ‍ ᑕᐧᑯᓇᑭᓄᔨᒋ ᑭᔭ ᓇᐱᔅᑯᐱᑦ᙮
\v 13 ᐊᑯ ᒍᓯᑉ ᒥᓐ ᐊ ‍ ᐃᑐᑐᐛᑦ ᐅᑕᐎᔭ ᐅᑯᓴ, ᐅᓂᔅᐸᒋᐅᓂᔨᒡ ᐃᑕᒐ ᐊᑯᑕ ᐊᔭᑦ ᐃᑉᕋᐃᒪ, ᐊᑯ ᒪᓇᓴᔨᒋ ᐅᒥᔪᓂᔨᒡ ᐃᑕᒐ᙮
\v 14 ᒥᒄ ᐊᒺᔭ ᒐᑭᑉ ᒥᔨᐛᑦ ᐅᓱᐛᔨᒋᒐᐅᓐ, ᒋ ‍ ᐱᒥᑎᓂᒻ ᐅᔅᐱᑐᓇ, ᐅᒥᔪᐅᓂᒡ ᐃᑕᒐ ᐛᒋ ‍ ᓯᑐᔎᓇᑦ ᐃᑉᕋᐃᒪ, ᐊᑎᓱᐧᒄ ᐊᐛᓯᐎᔨᒋ ᑭᔭ ᐅᓂᔅᐸᒋᐅᓂᒡ ᐃᑕᒐ ᐛᒋ ‍ ᓯᑐᔎᓇᑦ ᒪᓇᓴᔨᒋ, ᐊᓂᔭ ᒐᓴᐃᔪᔨᒋ᙮
\p
\v 15 ᐊᑯ ᒂ ‍ ᒥᔭᑦ ᐅᓱᐛᔨᒋᒐᐅᓐ ᒐᑭᐸ ᑭᔭ ᐅᑯᓯᔪᐛ ᐊ ‍ ᐃᔅᒋᔄᑦ,
\q “ᐅ ᒋᓴᒪᓂᑐᐤ ᒋᔾ ᐅ ᓂᒧᓱᒻ ᐊᑉᕋᐊᒻ ᑭᔭ ᓄᑕᐎᔾ ᐊᐃᓯᒃ ᑲ ‍ ᐊᔭᒥᐊᔅᑐᐛᒡ,
\q ᒋᔾ ᐅ ᒋᓴᒪᓂᑐᐤ ᑲ ᐸᒋ ᒥᔪ ‍ ᑭᓄᐛᔨᒥᔨᓐ ᒥᓯᐛ ᑕᑐᐤ ᒋᓯᑲᐛ ᑲ ᐃᔅᐱᔅ ‍ ᐱᒪᑎᓯᔭᓐ᙮
\q
\v 16 ᒋᔾ ᐅ ᐃᔭᐱᒡ ᐊᓐᒋᓐ ᐊᓐ ᑲ ‍ ᐱᐧᑯᒋᐃᑦ ᒥᓯᐛ ᐊ ‍ ᐃᓯᓇᑯᓂᔨᒡ ᑲ ‍ ᒪᔭᑎᓂᔨᒡ ᐅᒡ,
\q ᒋᓴᒪᓂᑐᐤ, ᓱᐛᔨᑕᑯᔨᒡ ᐅᒡ ᑲᓂᓯᒡ ᓇᐸᓯᒡ᙮
\q ᑭᒪ ᐃᔪᒡ ᒋᔅᒋᑕᒡ ᓂᑦ ᐃᓯᓂᐧᑲᓱᐅᓂᔪᐤ ᑭᔭ ᐅᑦ ᐃᓯᓂᐧᑲᓱᐅᓂᔪᐛ ᓄᑕᐎᔭ ᐊᐃᓯᑲ ᑭᔭ ᓂᒧᓱᒪ ᐊᑉᕋᐊᒪ ᐅᔭ ᓇᐸᓴ ᐅᒡ᙮
\q ᑭᒪ ᐅᒡ ᓇᐸᓯᒡ ᒥᒐᑎᔨᒋ ᐅᑦ ᐊᓂᔅᑯᑕᐸᓄᐛᐛ᙮”
\p
\v 17 ᓇᒪ ᐅᒋ ᒥᔽᔨᑎᒻ ᒍᓯᑉ ᐎᔭᐱᒪᑦ ᐅᑕᐎᔭ ᐅᒥᔪᓂᔨᒡ ᐃᑕᒐ ᐊ ᐅᒋ ‍ ᓯᑐᔎᓇᔨᒋ ᐃᑉᕋᐃᒪ; ᐊᑯ ᐛᐎᐅᑎᓂᒺᑦ ᐅᑕᐎᔭ ᐅᑎᒋᔪᐤ ᐃᑉᕋᐃᒪ ᐅᔅᑎᒂᓂᔨᒡ ᐅᒡ ᑭᔭ ᒪᓇᓴᔨᒋ ᐅᔅᑎᒂᓂᔨᒡ ᒐᒋ ᐊᔅᑕᐛᑦ᙮
\v 18 ᐊᑯ ᐊᑕᑦ ᐅᑕᐎᔭ, “ᐊᑲ ᐊᓐᑕ ᐃᓯ ᑐᑕ, ᓄᑕ᙮ ᒋᒥᔪᐅᓂᒡ ᑭᑕᐛ ᐊᐅᑯᓐ ᓂᔅᑎᒧᓴᓐ, ᒋᒥᔪᐅᓂᒡ ᐃᑕᒐ ᐅᒋ ᓯᑐᔎᓐ᙮”
\p
\v 19 ᒥᒄ ᓇᒪ ᐅᒋ ᐎᔭᒋᐱᑕᔪᐛ ᐅᑕᐎᔭ ᐅᑎᒋᔪᐤ ᐊ ‍ ᐃᑎᑯᑦ, “ᓂ ‍ ᒋᔅᒐᔨᒪᐤ ᑕᓐ ᐅᔅᑭᒡ ᑲ ‍ ᐃᔪᑦ ᒋᑯᔅ, ᓂᑯᓴ᙮ ᒪᓇᓴ, ᐊᓐ ᐅᔅᑭᒡ ᑲ ‍ ᐃᔪᑦ, ᒋᑭ ‍ ᓱᐧᑲᑎᓯᐤ ᑭᔭ ᐅᑦ ᐊᓂᔅᑯᑕᐸᓇ ᒋᑭ ᒥᒐᑦ ‍ ᐃᑎᔅᑲᓇᓯᔨᐛ᙮ ᒥᒄ ᐃᑉᕋᐃᒻ ᐊᑎᑐᐤ ᒋᑭ ‍ ᓱᐧᑲᑎᓯᐤ ᐃᔅᐱᔅ ᒪᓇᓴᔨᒋ, ᑭᔭ ᐅᑦ ᐊᓂᔅᑯᑕᐸᓇ ᒋᒋᐛ ᒋᑭ ‍ ᒥᒐᑎᔨᐛ ᐊᑯ ᒐ ᒥᒐᑦ ‍ ᐃᑎᔅᑲᓇᓯᔨᒋ᙮”
\v 20 ᐊᑯ ᐊᓂᔭ ᒋᓯᑯᔪᐤ, ᒐᑭᑉ ᒂ ‍ ᒥᔭᑦ ᐅᓱᐛᔨᒋᒐᐅᓐ ᑭᔭ ᒂ ‍ ᐃᔅᒋᔄᑦ,
\q “ᐃᔅᕋᐃᓪ ᐃᔪᒡ ᒋᑭ ‍ ᐊᐱᒋᑕᐅᒡ ᒋᑦ ᐃᓯᓂᐧᑲᓱᓄᐛᐛ ᐃᔅᐱ ᐎᑕᑥᐛ ᓱᐛᔨᒋᒐᐅᓂᔪᐤ᙮ ᐊᑯ ᒐ ‍ ᐃᔅᒋᔄᒡ,
\q ‘ᑭᒪ ᒋᓴᒪᓂᑐᐤ ᒥᔪᐱᔨᑕᒄ ᒧᔭᒻ ᐃᑉᕋᐃᒪ ᑭᔭ ᒪᓇᓴᔨᒋ᙮’ ”
\p ᐊᑯ ᒐᑭᑉ ᐃᑉᕋᐃᒪ ᓂᔅᑎᒻ ᐊᑎᔭᑦ ᐃᔅᐱᔅ ᒪᓇᓴᔨᒋ᙮
\p
\v 21 ᐊᑯ ᒐᑭᑉ ᐊᑕᑦ ᒍᓯᐸ, “ᒋ ‍ ᐛᐸᑕᓐ ᒐ ᐊᑲ ‍ ᓇᐅᔅ ᓴᔅ ᐱᒪᑎᓯᔭᓐ, ᒥᒄ ᒋᓴᒪᓂᑐᐤ ᒋᑭ ᒥᔪ ‍ ᑭᓄᐛᔨᒥᑯᐛᐤ ᑭᔭ ᑲᐤ ᒋᑭ ᐃᓯ ‍ ᒋᔅᒋᓄᑕᐃᑯᐛᐤ ᐊᓐᑕ ᐊᔅᒋᔪᐤ ᑲ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓄᐛᐛ᙮
\v 22 ᐊᑎᑐᐤ ᒋᑭ ‍ ᒥᔨᑎᓐ ᐊᔅᒋᔾ ᐃᔅᐱᔅ ᒋᐧᑲᓂᓯᒡ, ᓴᑭᒻ ᐊ ‍ ᒥᔽᒡ ᐊᔅᒋᔾ ᒋᔾ ᒋᑭ ‍ ᒥᔨᑎᓐ ᐊᒧᕆ ᐃᔪᒡ ᑲ ᐅᒋ ‍ ᒪᑯᓂᒪᓐ ᓂᑦ ᐊᒐᐱᔾ ᑭᔭ ᓂᑭᔅᑯᒡ ᑲ ‍ ᐊᐱᒋᐃᒂᐤ᙮”
\c 49
\s1 ᒐᑭᑉ ᒪᔅᑕᔾ ᑲ ‍ ᐃᔨᒪᐊᑦ ᐅᑯᓴ
\p
\v 1 ᐊᑯ ᒐᑭᑉ ᐛᓴᒪᑦ ᐅᑯᓴ ᒐᒋ ᓂᑐᐛᐱᒥᑯᑦ, ᐃᔅᐱ ᑕᑯᓯᓂᔨᒋ ᐊᑯ ᐊᑕᑦ, “ᐛᔅᑲᑲᐳᔅᑐᐅᒄ ᑭᔭ ᒋᑭ ‍ ᐎᑎᒪᑎᓇᐛᐤ ᒐ ‍ ᐃᓯᓇᑯᓯᔭᒄ ᐊᓐᑕ ᓂᑲᓄᒡ᙮
\q
\v 2 ᐸᑐᑕᒄ ᑭᔭ ᓂᑐᑎᒧᒄ ᒐᒂᓐ,
\q ᓂᔾ ᒍᑕᐎᐛᐤ ᐃᔅᕋᐃᓪ, ᒐ ᐃᓯ ‍ ᐎᑎᒪᑎᑯᒡ:
\p
\v 3 ᕈᐱᓐ, ᓂᓂᔅᑎᒧᓴᓐ,
\q ᒋᔾ ᐅ ᓂᒥᔅᑯᓯᐅᓐ ᑭᔭ ᓂᔅᑎᒻ ᐅᑯᓯᒪᐤ ᑲᒋᓴᐸᐎᔭᓐ,
\q ᑲ ‍ ᒋᔅᑕᔨᒧᑦ ᑭᔭ ᒪᐅᒡ ᑲ ‍ ᓱᒋᓯᑦ ᒥᓯᐛ ᓂᑯᓯᒡ᙮
\q
\v 4 ᐛᔅ ᒧᔭᒻ ᐊᑲ ᒋᑲᐛᑕᔨᑕᒂᒡ ᐊ ‍ ᐃᔅᒋᐸᒡ ᒂᑕᔨᑕᑯᓯᔨᓐ,
\q ᒥᒄ ᓇᒪ ᓴᔅ ᒋᑭ ᒋ ‍ ᒥᔅᑎ ‍ ᐃᔅᐱᑕᔨᑕᑯᓯᓐ,
\q ᐛᔅ ᔅᒋ ‍ ᐎᐸᒪᐤ ᓂᐅ ᑭᔭ ᔅᒋ ‍ ᐅᓂᑐᑕᓐ ᓂᓂᐸᐅᓂᒡ᙮
\p
\v 5 ᓯᒥᐅᓐ ᑭᔭ ᓕᐸᐃ, ᐅᓂᑐᑎᒧᐅᓂᒡ ᒋ ‍ ᐎᐧᑲᓂᓯᑕᑐᓇᐛᐤ᙮
\q ᒋᓂᑐᐱᔪᐅ-ᒧᐧᑯᒪᓄᐛᐛ ᒋᑦ ᐊᐱᒋᑕᓇᐛᐤ ᒐᒋ ᐊᒂᑎᓯᔭᒄ᙮
\q
\v 6 ᓇᒪ ᓂᑭ ‍ ᑐᑕᓐ ᐛᒋᒪᐛᐃᒥᔭᑯ ᐛᔅ ᒋᒋᔄᐳᓄᐛᒡ
\q ᔅᒋ ‍ ᓂᐸᐛᐅᒡ ᐃᔪᒡ ᑭᔭ ᓴᒐᐃᔾ ᒋ ‍ ᐃᑐᑐᐛᐛᐅᒡ ᒐᒋ ᒪᔅᒋᒡ ᐊᐛᓯᓯᒡ᙮
\q
\v 7 ᒋᓴᒪᓂᑐᐤ ᐅᑦ ᐊᓏᔨᒋᒐᐅᓐ ᒋᑭ ‍ ᐱᑎᔅᑕᐅᑯᐛᓇᐛᐤ,
\q ᐅᓴᒻ ᐊᒂᑎᓯᒥᑭᓐ ᒋᒋᔄᓱᐅᓄᐛᐤ ᑭᔭ ᒋᒋᐛ ᒥᔅᑯᐛᐤ ᒋᑦ ᐊᐧᑯᔪᐛᓱᐅᓄᐛᐤ᙮
\q ᓂᑭ ‍ ᑕᑎᐸᓇᔭᐅᒡ ᒋᑦ ᐊᓂᔅᑯᑕᐸᓄᐛᐅᒡ ᐊᓐᑕ ᐃᔅᕋᐃᓪ ᐊᔅᒋᒡ᙮
\q ᓂᑭ ‍ ᐛᓯᔄᐛᔭᑎᓴᐛᐅᒡ ᐊᓐᑕ ᐃᔅᕋᐃᓪ ᐊᔅᒋᒡ᙮
\p
\v 8 ᒍᑕ, ᒋ ‍ ᓴᐧᒋᐊᐅᒡ ᒥᓯᐛ ᑲ ‍ ᐛᐧᑲᑎᔅᒡ᙮
\q ᐊᑯ ᑭᔭ ᒐ ‍ ᒪᒥᒋᒥᔅᒡ ᑭᔭ ᒐ ‍ ᓄᐛᒋᔅᑕᔅᒡ ᒋᐧᑲᓂᓯᒡ᙮
\q
\v 9 ᒍᑕ ᓂᑯᓴ, ᒋ ‍ ᓱᐧᑲᑎᓯᓐ ᒧᔭᒻ ᒥᓯᐱᓱᐤ᙮
\q ᐊᐛᓯᓯᒡ ᐅᐎᔭᓱᐛᐤ ᔅᒋ ᐅᒋ ‍ ᐱᒥᓂᑯᐅᓐ,
\q ᒧᔭᒻ ᒥᓯᐱᓱᐤ ᒋ ‍ ᐱᑎᐱᓐ ᑭᔭ ᒋ ‍ ᐱᒥᓯᓐ,
\q ᓇᒪ ᐊᐛᓐ ᑯᒂᑕᔨᑎᒻ ᒐᒋ ᐅᐧᑲᐊᑦ᙮
\q
\v 10 ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ‍ ᑎᑯᓐ ᐊᓐᑕ ᐊ ‍ ᑕᒡ ᐊ ‍ ᐸᐃᑯᔅᑲᓇᓯᔨᓐ,
\q ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ‍ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ,
\q ᐸᑎᒪ ᒋ ‍ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ‍ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮
\q
\v 11 ᒋᑭ ‍ ᒪᐱᑯᑕᐤ ᑲᓂᐧᑲᑎᓯᑦ ᒋᑲᐸᐃᑭᔎᒻ ᓱᒥᓇᑎᑯᒡ,
\q ᑭᔭ ᐅᑦ ᐊᐛᓯᒥᓴ ᑲᓂᐧᑲᑎᓯᑦ ᒋᑲᐸᐃᑭᔎᒻ ᐊᓐᑕ ᒥᐧᑯᓱᒥᓇᑎᑯᒡ᙮
\q ᐃᔭᐱᒡ ᑲ ‍ ᒥᒂᑭᒥᒡ ᒋᑭ ‍ ᒋᔅᑕᐸᐅᑕᓐ ᒋᑦ ᐊᐱᒋᑕᐅᓇ,
\q ᒋᑦ ᐊᑯᑉ ᐊᓐᑕ ᐊ ‍ ᒥᒂᑭᒥᒋ ᒥᓂᓴ ᒋᑭ ‍ ᒋᔅᑕᐸᐅᑕᓐ᙮
\q
\v 12 ᒋᑭ ‍ ᒥᒂᐛ ᒋᔅᒋᓯᒂ ᑲ ‍ ᒥᒂᑭᒥᒡ ᐊ ‍ ᒥᓂᔨᓐ,
\q ᑭᔭ ᒋᑭ ‍ ᐛᐸᐛ ᒋᐱᑕ ᐊ ‍ ᒥᓂᔨᓐ ᒋᒋᓇᐳᐃᒡ᙮
\p
\v 13 ᓴᐳᓕᓐ, ᓇᓯᐸᑎᒥᒡ ᐎᓂᐸᑯᒡ ᒋᑭ ‍ ᐎᒋᓐ,
\q ᑲᐸᒪᔅᑎᒋ ᐅᐤᑕ ᐊᑯᑕ ᓯᓱᒡ ᒐ ‍ ᑎᐱᓄᐛᓯᑯᒧᒋ,
\q ᑭᔭ ᓴᐃᑐᓐ ᐃᔅᐱᔅ ᒋᑭ ‍ ᐅᑦ ᐊᔅᒋᓐ᙮
\p
\v 14 ᐃᓴᑲᕐ, ᒧᔭᒻ ᐊ ‍ ᓱᒋᓯᑦ ᑲᓂᐧᑲᑎᓯᑦ ᑲᐸᐃᑭᔎᐤ ᒂ ‍ ᐃᑕᔨᑕᑯᓯᔨᓐ,
\q ᒋ ‍ ᐎᒋᓐ ᐊᓐᑕ ᐊᑲ ᑎᐱᔨᐛᐅᓯᓇᓄᐅᒡ ᐊᔅᒋᔾ ᑎᔅᑐᐎᒡ ᐅᑕᓇᐛ᙮
\q
\v 15 ᔅᒋ ‍ ᐛᐸᑕᓐ ᐊ ‍ ᒥᔽᒡ ᐊᔽᐳᐅᓐ ᑭᔭ ᐊ ‍ ᒥᔽᔨᑕᒂᒡ ᐊᔅᒋᔾ,
\q ᐊᑯ ᑭᔭ ᑲ ‍ ᓄᐛᑲᐳᔅᑎᒥᓐ ᑯᓯᑯᒪᒋᐅᓐ ᑭᔭ ᒂ ‍ ᐱᔅᑎᓂᑎᓱᔨᓐ ᒐᒋ ᒥᔅᑎ ᐊᑐᔅᑲᐃᑯᔨᓐ᙮
\p
\v 16 ᑕᐊᓐ, ᒋᔾ ᒋᑭ ‍ ᑎᐸᔨᒪᐅᒡ ᒋᑦ ᐃᔨᒥᒡ ᒧᔭᒻ ᐸᐃᒄ ᐃᔅᕋᐃᓪ ᐊ ‍ ᐃᑎᔅᑲᓇᓯᒡ᙮
\q
\v 17 ᒧᔭᒻ ᒋᓇᐱᒄ ᐊ ‍ ᑕᑦ ᐊᓐᑕ ᒪᔅᑭᓇᒡ ᒋᑭ ‍ ᐃᑕᔨᑕᑯᓯᓐ,
\q ᐊ ‍ ᒥᒋᓂᑐᐧᑯᐅᓄᐅᑦ ᒋᓇᐱᒄ ᐊ ‍ ᑕᑦ ᐅᐱᒪ ᐱᒧᑕᔅᑭᓇᒡ ᐊ ‍ ᒪᒂᑎᒺᑦ ᑲᐸᐃᑭᔎᐛ ᐅᓯᑎᔪᐤ,
\q ᐊᑯ ᒪᒃ ᒐᒋ ᐊᒥᐱᔨᒋ ᐊᐛᔪᐛ ᑲ ‍ ᐳᓯᔨᒋ᙮”
\p
\v 18 ᐊᑯ ᒐᑭᑉ ᑎᔭᑈᑦ,
\q “ᓂᑦ ᐊᔅᐸᔨᒧᑐᑕᓐ ᒋᐱᒪᒋᐃᐛᐅᓐ ᐅ ᑕᐸᔨᒋᒐᔨᓐ᙮”
\p
\v 19 “ᐊᑯ ᒋᔾ ᑲᑦ, ᐊ ‍ ᒥᒐᑎᒡ ᑲᓂᑕᐅᒋᒧᑎᒡ ᒋᑭ ‍ ᒥᔅᑎᒪᓯᐧᑲᑯᒡ,
\q ᒥᒄ ᒋᑭ ‍ ᓴᐧᑯᒋᐊᐅᒡ ᑭᔭ ᒋᑭ ‍ ᒋᑕᒧᒐᓐ᙮
\p
\v 20 ᐊᓱᕐ, ᒋᑭ ᒥᔅᑎ ‍ ᓂᑕᐅᒋᓐ ᒥᒋᒻ ᒋᑦ ᐊᔅᒋᒡ,
\q ᑭᔭ ᒋᓴᐅᒋᒪᐅᒡ ᒋᑭ ‍ ᐅᑎᓂᒺᐅᒡ ᐊ ‍ ᒥᔽᔨᒡ ᒥᒋᒥᔪᐤ᙮
\p
\v 21 ᓇᑉᑕᓕ, ᒧᔭᒻ ᓄᓴᑎᐧᒄ ᒋᑦ ᐃᑕᔨᑕᑯᓯᓐ ᐊ ‍ ᐱᐸᒥᐸᑕᑦ ᐊᑲ ᒋᐱᔅᑲᑯᑦ ᒐᒂᓂᔪᐤ,
\q ᑭᔭ ᐊ ‍ ᑭᓄᐛᔨᒪᑦ ᐊ ‍ ᒥᔪᓯᓯᔨᒋ ᐊᑎᐧᑯᓴ᙮
\p
\v 22 ᒍᓯᑉ, ᒧᔭᒻ ᑲᓂᐧᑲᑎᓯᑦ ᑲᐸᐃᑭᔎᐤ ᒋᑦ ᐃᑕᔨᑕᑯᓯᓐ,
\q ᑲᓂᐧᑲᑎᓯᑦ ᑲᐸᐃᑭᔎᐤ ᐊ ‍ ᑕᑦ ᐅᐱᒪ ᒧᔅᒋᒍᐅᓂᐸᑯᒡ ᐊᓐᑕ ᐅᐱᒪᔭᐛᒡ᙮
\q
\v 23 ᑲ ‍ ᐛᐧᑲᑎᔅᒡ ᐊᒂᑎᓯᐅᓂᒡ ᔅᒋ ‍ ᒪᓯᐧᑲᑯᒡ,
\q ᑭᔭ ᒋ ‍ ᓇᓴᐅᑯᒡ ᐊ ‍ ᑕᑯᓇᒡ ᐅᑦ ᐊᒐᐱᐛᐛ ᑭᔭ ᐅᑭᔅᑯᐛᐛ᙮
\q
\v 24 ᒥᒄ ᔅᑎᒋᔾ ᐊᓐᑕ ᑎᔭᑯᓂᑦ ᐊᒐᐱᔾ ᓇᒪ ᓂᓇᒥᐱᔪᐤ᙮
\q ᒥᔅᑯᐎᑕᑭᓄᐛ ᒋᔅᐱᑐᓇ ᑭᔭ ᔅᑎᒋᔭ ᐅᓱᐧᑲᑎᓯᐅᓂᒡ ᐅᒡ ᒥᓯᐛ ᐊᓯ ‍ ᓱᐧᑲᑎᓯᔨᒋ ᒐᑭᑉ ᐅᒋᓴᒪᓂᑐᒪ,
\q ᐊᓐ ᐃᔭᐱᒡ ᐊᓯᓂᐧᑲᑕᑭᓄᐅᑦ ᒪᔭᑕᓂᓯᐅ-ᐃᔪᐤ ᑭᔭ ᐃᔅᕋᐃᓪ ᐅᒋᔅᑕᐱᔅᑯᒪ᙮
\q
\v 25 ᐊᐅᑯᓐ ᐊᓐ ᐊᔭᒥᐊᔅᑐᐅᒃ ᒋᓴᒪᓂᑐᐤ ᒐ ‍ ᐛᐎᒋᐃᔅᒃ᙮
\q ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᐊᓐ ᒐ ‍ ᓱᐛᔨᒥᔅᒃ,
\q ᒐ ‍ ᒥᔨᔅᒃ ᓱᐛᔨᒋᒐᐅᓇ ᒋᒋᒋᓯᑯᒡ ᐅᒡ,
\q ᓂᐱᔪᐤ ᒧᔅᒋᒍᐅᓇᐳᒡ ᐅᒡ ᐊᓐᑕ ᑕᒥᔅᑭᒥᑲᒡ ᐅᒡ,
\q ᑭᔭ ᓱᐛᔨᒋᒐᐅᓇ ᒐᒋ ᒥᒐᑎᒡ ᒋᒥᒋᑎᐧᑯᒥᒡ ᑭᔭ ᒋᑦ ᐊᐛᓯᒥᒡ᙮
\q
\v 26 ᓱᐛᔨᒋᒐᐅᓇ ᓄᑕᐎᒡ ᑲ ‍ ᒥᔨᒡ ᐊᑎᑐᐤ ᒥᓴᐛ
\q ᐃᔅᐱᔅ ᐊᓂᔭ ᑲ ‍ ᐅᑎᓂᒪᒄ ᐊ ‍ ᒥᔽᒋ ᒐᒂᔪᐛ ᐊᓐᑕ ᑲᒋᒡ ᐱᔅᑯᑎᓇᐛ᙮
\q ᑭᒪ ᒋᓴᒪᓂᑐᐤ ᒥᔭᑦ ᒍᓯᐸ ᐅᔭ ᓱᐛᔨᒋᒐᐅᓇ, ᐊᓐ ᓇᑲᓂᔅᑯᐛᑦ ᐎᐧᑲᓂᓴ᙮
\p
\v 27 ᐱᓐᒐᐱᓐ, ᒧᔭᒻ ᐊᒂᑎᓯᑦ ᒥᐃᐧᑭᓐ ᒂ ‍ ᐃᑕᔨᑕᑯᓯᔨᓐ,
\q ᒋ ‍ ᓂᓱᐅᓇᒋᐊᐅᒡ ᑲ ‍ ᐛᐧᑲᑎᔅᒡ ᒋᔭᒋᓴᐸᔭᒋ ᑭᔭ ᐛᑕᑯᓯᔨᒋ᙮”
\p
\v 28 ᐊᐅᑯᓐᒡ ᐅᒡ ᐃᔅᕋᐃᓪ ᓂᓱᓴᑉ ᑲ ‍ ᐃᑎᔅᑲᓂᓯᒡ ᑭᔭ ᐊᐅᑯᔪᐤ ᐅᔭ ᒐᑭᑉ ᑲ ᐃᓯ ‍ ᐃᔨᒪᐊᑦ ᑲ ‍ ᓂᓱᓴᐳᔨᒋ ᐅᑯᓴ ᑭᔭ ᑲ ‍ ᐛᒋᔭᒪᑦ᙮ ᒥᓯᐛ ᐊᑎ ‍ ᐸᐸᐃᑯᓯᔨᒋ ᐅᑯᓴ ᒋ ‍ ᒥᔭᐤ ᒥᔪᐃᔨᒧᐅᓂᔪᐤ᙮
\s1 ᑲ ‍ ᐳᓂᐱᒪᑎᓯᑦ ᒐᑭᑉ
\p
\v 29 ᒋ ‍ ᒋᔅᒐᔨᑎᒻ ᒐᑭᑉ ᓴᔅ ᐱᔭᓱᓇᑯᓂᔨᒡ ᒐ ‍ ᐳᓂᐱᒪᑎᓯᑦ ᐊᑯ ᑲ ‍ ᐃᑎᓱᒪᑦ ᐅᑯᓴ, “ᑲᐃᓇᓐ ᐊᔅᒋᒡ ᒐ ‍ ᐃᑐᑕᔭᒄ ᓂᔪᐤ ᑭᔭ ᒐ ‍ ᓇᐃᐧᑯᐅᔭᒄ ᐊᓐᑕ ᐛᑎᑯᒡ ᐊᓐᑕ ᓂᑦ ᐊᓂᔅᑯᑕᐸᓐᒡ ᓂᔭᐃᐧᑯᐛᑭᓄᐎᒡ᙮
\v 30 ᒪᒃᐱᓚ ᓂᑕᐅᒋᑕᑭᓂᒡ ᑎᑯᓐ ᐅ ᐛᑎᒄ, ᐛᐱᓄᑕᒡ ᒪᒻᕋ ᐃᑕᒐ ᐊᓐᑕ ᑲᐃᓇᓐ᙮ ᐊᑉᕋᐊᒻ ᐅᔭ ᒋ ‍ ᐃᔭᐤ ᑕᐱᔅᑯᓐ ᐛᑎᑯᔪᐤ ᑭᔭ ᓂᑕᐅᒋᑕᑭᓂᔪᐤ ᐃᑉᕋᓇ ᐊᑦ ᐃᔪᐛ ᐅᒡ, ᐎᔾ ᑎᐱᔨᐛ ᒐᒋ ᑎᐱᔨᐛᐅᓯᑦ᙮
\v 31 ᐊᑯᑕ ᐊᑉᕋᐊᒻ ᑭᔭ ᐎᐛ ᓴᕋᔨᒋ ᑲ ‍ ᓇᐃᐧᑯᐛᑭᓄᐎᒡ, ᐊᑯᑕ ᑭᔭ ᑲ ‍ ᓇᐃᐧᑯᐛᒡ ᐊᐃᓯᑲ ᑭᔭ ᐎᐎᐛ ᕋᐸᑲᔨᒋ᙮ ᐊᑯᑕ ᑭᔭ ᑲ ‍ ᓇᐃᐧᑯᐅᒄ ᓂᐅ ᓕᐊ᙮
\v 32 ᐊᑦ ᐃᔪᐛ ᒋ ᐅᒋ ‍ ᐃᔭᐤ ᐊᑉᕋᐊᒻ ᐊᓂᔭ ᓂᑕᐅᒋᑕᑭᓂᔪᐤ ᑭᔭ ᐛᑎᑯᔪᐤ᙮”
\p
\v 33 ᑲᒋ ‍ ᐃᔨᒪᐊᑦ ᒐᑭᑉ ᐅᑯᓴ, ᒂ ‍ ᐱᒥᓯᒃ ᐊᓐᑕ ᐅᓂᐸᐅᓂᒡ ᑭᔭ ᒂ ‍ ᐳᓂᐱᒪᑎᓯᑦ᙮
\c 50
\p
\v 1 ᐃᔅᐱ ᒍᓯᑉ ᐎᔭᐱᒪᑦ ᐅᑕᐎᔭ ᐳᓂᐱᒪᑎᓯᔨᒋ, ᐊᑯ ᒥᔭᑦ ᑭᔭ ᐎᔭᐅᒋᓇᑦ ᑭᔭ ᓴᐛᔨᒪᑦ᙮
\v 2 ᐊᑯ ᒍᓯᑉ ᐊᑕᑦ ᐊᓂᔭ ᑲ ‍ ᐃᑐᑕᑯᔨᒋ ᓂᑐᐧᑯᐃᔨᓴ ᒐ ‍ ᐊᔭᔅᑯᐎᑐᑎᒥᔨᒋ ᐅᑕᐎᔭ ᐎᔭᔪᐤ ᒐᒋ ᓇᐃᐧᑲᑭᓄᐎᒡ᙮
\v 3 ᓇᐎᔪᐛ ᒋᓯᑲᐛ ᒋ ‍ ᐃᔅᐱᔅ ᑎᓯᐧᑯᒧᒡ ᐅᑦ ᐊᑐᔅᒐᓄᐛᐤ ᒐᒋ ᒋᔅᑕᒡ᙮ ᐊᐅᑯᓐ ᑲ ᐃᔅᐱᔅ ‍ ᑎᓯᐧᑲᑭᓄᐅᒡ ᐊᔭᔅᑯᐎᑐᑕᑭᓄᐅᒋ ᒥᔪᐤ ᒐᒋ ᓇᐃᐧᑲᑭᓄᐎᒡ᙮ ᓂᔄᐅᑕᒡ ᑕᑐᔪᐛᒋᓯᑲᐛ ᒋ ‍ ᐃᔅᐱᔅ ᓇᐧᑲᑕᔨᑎᒧᒡ ᒥᓯᐛ ᐃᒋᑉᑦ ᐃᔪᒡ ᑲ ‍ ᓂᑭᑎᑯᒡ ᒐᑭᐸ᙮
\p
\v 4 ᑲᒋ ‍ ᐎᒪᐱᔨᒡ ᓂᔄᐅᑕᒡ ᑕᑐᔪᐛ ᒋᓯᑲᐛ᙮ ᒋ ‍ ᓂᑐᐛᐱᒪᐤ ᒍᓯᑉ ᒋᓴᐅᒋᒪᐛ ᐅᑦ ᐊᐱᒋᐊᑭᓂᔪᐛ ᑭᔭ ᐊᑕᑦ, “ᒐ ‍ ᐃᑐᑐᐛᒄ ᐅᔭ ᐃᔨᒧᐅᓂᔪᐤ ᒋᓴᐅᒋᒪᐤ:
\v 5 ᐃᔅᐱ ᒐ ᐊᑎ ‍ ᐳᓂᐱᒪᑎᓯᑦ ᓄᑕᐎᔾ, ᓂᒋ ‍ ᑐᑕᒄ ᒐᒋ ᐊᓱᑎᒪᒐᐅᒡ ᒐᒋ ᓇᐃᐧᑯᐅᒃ ᐊᓐᑕ ᐛᑎᑯᒡ ᑲᐃᓇᓐ ᐊᔅᒋᒡ ᑲ ‍ ᐃᔭᒂ᙮ ᐊᑯ ᒪᒃ ᓇᐃᒥᔾ ᒐᒋ ᔅᑐᑕᔭᓐ ᑭᔭ ᓇᐃᐧᑯᐅᒃ ᓄᑕᐎᔾ, ᐊᑯ ᒥᓐ ᒐ ᐸᒋ ‍ ᑎᑯᓯᓂᔭᓐ᙮”
\p
\v 6 ᒋᓴᐅᒋᒪᐤ ᒋ ‍ ᓂᔅᑯᒪᐤ ᑲ ᐃᓯ ‍ ᓂᑐᐛᔨᑎᒥᔨᒋ ᒍᓯᐸ ᐊ ‍ ᐃᑕᑦ, “ᒪᒋ ᓇᐃᐧᑯᐤ ᒪ ᒍᑕᐎᔾ, ᒧᔭᒻ ᑲ ᐃᓯ ‍ ᐊᓱᑎᒪᒐᔨᓐ ᒐᒋ ᐃᑐᑎᒥᓐ᙮”
\p
\v 7 ᐊᑯ ᒍᓯᑉ ᐊᑐᑕᑦ ᑲᐃᓇᓐ ᐊᔅᒋᒡ ᒐᒋ ᓇᐃᐧᑯᐛᑦ ᐅᑕᐎᔭ᙮ ᒥᓯᐛ ᒋᓴᐅᒋᒪᐛ ᐅᑦ ᐊᐱᒋᐊᑭᓂᔪᐛ ᒋ ‍ ᐎᒐᐅᑯᐤ, ᐊᓯᒡ ᒥᓯᐛ ᒋᓴᐃᔪᐛ ᐊᓐᑕ ᒋᓴᐅᒋᒪᐅᒋᐛᐱᒡ ᑲ ‍ ᑕᔨᒋ ᑭᔭ ᒥᓯᐛ ᓇᑲᓂᔅᑭᒥᔨᒋ ᐃᒋᑉᑦ ᐊᔅᒋᔪᐤ᙮
\v 8 ᐊ ‍ ᐸᐃᑯᑕᐅᓯᑦ ᒍᓯᑉ ᐊᓯᒡ ᑭᔭ ᐎᐧᑲᓂᓴ ᑭᔭ ᐊᑎ ‍ ᐸᐃᑯᑕᐅᓯᔨᒋ ᑭᔭ ᒥᓯᐛ ᐊᓂᔭ ᐊᐛᔪᐛ ᑲ ‍ ᐎᒋᒥᑯᔨᒋ ᒋ ‍ ᐎᒐᐛᐅᒡ ᒍᓯᐸ᙮ ᒥᒄ ᐊᓂᔭ ᐊᐛᓯᐎᔨᒋ ᐅᑦ ᐊᐛᓯᒧᐛᐛ ᑭᔭ ᐱᔅᒐ ᐊᐱᒋᐊᑭᓇ ᒐ ‍ ᑭᓄᐛᔨᒥᑯᔨᒋ ᑭᔭ ᐊᓂᔭ ᒥᓯᐛ ᐅᑦ ᐊᐛᓯᓯᒧᐛᐛ ᒋ ‍ ᓂᑭᑕᐅᒡ ᐊᓐᑕ ᑯᓯᓐ ᐊᔅᒋᒡ᙮
\v 9 ᐊᓯᒪᑭᓂᓯᒡ ᐃᔭᐱᒡ ᒋ ‍ ᐎᒐᐛᐅᒡ ᒍᓯᐸ᙮ ᐱᔅᒐ ᑲᑎᑎᐱᔨᒋ ᐅᑕᐸᓇᔎ ᒋ ‍ ᐳᓱᐅᒡ, ᑯᑎᑭᒡ ᑲᐸᐃᑭᔎᐛ᙮ ᒋ ‍ ᒥᒐᑐᐅᒡ ᐃᔪᒡ ᑲ ‍ ᐎᒐᐛᒡ ᒍᓯᐸ᙮
\p
\v 10 ᒋ ‍ ᐅᑎᑎᒧᒡ ᐊᑕᑦ ᐃᑕᐅᓂᔪᐤ ᐊᓐᑕ ᐊ ‍ ᑕᑎᐸᓇᑭᓄᔨᒋ ᐸᒂᓯᑭᓂᒥᓇ, ᐛᐱᓄᑕᒡ ᒠᕐᑕᓐ ᓯᐱᒡ᙮ ᐊᑯᑕ ᒪᒃ ᑲ ‍ ᐸᑕᑯᓯᒡ ᐊ ‍ ᒪᒡ ᑭᔭ ᒋᒋᐛ ᓂᔭᐧᑲᑕᔨᑕᒡ ᐛᔅ ᑲᒋ ‍ ᐳᓂᐱᒪᑎᓯᔨᒋ ᒐᑭᐸ᙮ ᐊᑯ ᒍᓯᑉ ᒂ ‍ ᐃᔅᒋᔄᑦ ᒐᒋ ᑕᒡ ᐊᓐᑕ ᑭᔭ ᓂᔄᐅᑕᒡ ᑕᑐᐤ ᒋᓯᑲᐛ ᒐᒋ ᐃᔅᐱᔅ ᓇᐧᑲᑕᔨᑕᒡ᙮
\v 11 ᐃᔅᐱ ᐃᔪᒡ ᐊᓐᑕ ᑲ ‍ ᐎᒋᒡ ᑲᐃᓇᓐ ᐊᔅᒋᒡ ᐎᔭᐱᒪᒡ ᐊ ᐃᓯ ‍ ᓇᐧᑲᑕᔨᑎᒥᔨᒋ ᐃᒋᑉᑦ ᐃᔪᐛ ᐊᓐᑕ ᐊ ‍ ᑕᔨᒋ ᐃᑕᐅᓂᒡ, ᒋ ‍ ᐱᔅᑲᐸᑎᒺᐅᒡ ᐊᔅᐱᔅ ᐛᐸᑎᔨᐛᔨᒋ ᐊ ‍ ᓇᐧᑲᑕᔨᒧᔨᒋ ᑭᔭ ᐊ ‍ ᒥᑯᔅᑲᑕᔨᑎᒥᔨᒋ, ᐊᐅᑯᐤ ᑲ ᐅᒋ ‍ ᐃᓯᓂᐧᑲᑕᒡ ᐊᓐ ᐃᑕᐅᓐ ᐊᐳᓪ-ᒥᔅᕋᐃᒻ᙮
\p
\v 12 ᐊᑯ ᒐᑭᑉ ᐅᑯᓴ ᒂ ‍ ᐃᑐᑎᒥᔨᒋ ᑲ ‍ ᐃᑎᓱᒪᑦ ᒐ ‍ ᐃᑎᔨᒋ᙮
\v 13 ᑲᐃᓇᓐ ᐊᔅᒋᒡ ᒋ ‍ ᐃᑐᑕᔪᐛ ᐎᔪᐤ ᑭᔭ ᐊᑯᑕ ᒂ ‍ ᓇᐃᐧᑲᑯᑦ ᐊᓐᑕ ᒪᒃᐱᓚ ᐛᑎᑯᒡ ᐛᐱᓄᑕᒡ ᒪᒻᕋ ᐃᑕᒐ ᐊᓂᔭ ᐊᑉᕋᐊᒻ ᑲ ‍ ᐃᔭᑦ ᒧᔭᒻ ᐛᑎᑯᔪᐤ ᑭᔭ ᓂᑕᐅᒋᑕᑭᓂᔪᐤ ᐃᑉᕋᓇ ᐊᑦ ᐃᔪᐛ ᐅᒡ ᐎᔾ ᑎᐱᔨᐛ ᒐᒋ ᑎᐱᔨᐛᐅᓯᑦ᙮
\v 14 ᑲᒋ ‍ ᓇᐃᐧᑯᐛᑦ ᒍᓯᑉ ᐅᑕᐎᔭ, ᐎᔾ ᑭᔭ ᐎᐧᑲᓂᓴ ᑭᔭ ᒥᓯᐛ ᐊᓂᔭ ᑲ ‍ ᐎᒐᐅᑯᑦ ᑲᐤ ᒋ ‍ ᒋᐛᐅᒡ ᐃᒋᑉᑎᒡ᙮
\s1 ᒍᓯᑉ ᒥᔽᔨᒧᐊᐤ ᐎᐧᑲᓂᓴ
\p
\v 15 ᑲᒋ ‍ ᑎᑯᓯᒡ ᐊ ‍ ᓇᐃᐧᑯᐛᒡ ᐅᑕᐎᐛᐛ, ᒋ ‍ ᑯᔅᑎᑯᐤ ᒍᓯᑉ ᐎᐧᑲᓂᓴ ᒐᒋ ᒋᔄᐃᑯᑦ ᑭᔭ ᐊᓏᔨᒪᑦ ᑲ ᐃᓯ ‍ ᐅᓂᑐᑕᑯᑦ ᑲ ‍ ᐊᐛᓯᐅᑦ᙮
\v 16 ᐊᑯ ᐎᐧᑲᓂᓯᒪᐅᒡ ᐊᑎᓴᒧᐛᒡ ᐃᔨᒧᐅᓂᔪᐤ ᒍᓯᐸ, “ᒋ ‍ ᒥᔪᐤ ᐎᑎᒧᐛᐅᒡ ᒐᒂᔪᐤ ᑲ ‍ ᐃᑎᑯᒡ ᐅᑕᐎᐛᐛ ᒐᒋ ᐃᑕᒡ ᒍᓯᐸ ᐊᒺᔭ ᐅᒋ ᐳᓂᐱᒪᑎᓯᔨᒋ᙮
\v 17 ‘ᒐ ‍ ᐛᐸᔨᑎᒧᑥᐤ ᒥᓯᐛ ᑲ ᐃᔅᐱᔅ ‍ ᐅᓂᑐᑎᔅᒡ ᒋᐧᑲᓂᓯᒡ᙮ ᒋᒋᐛ ᒪᔭᑎᓂᔪᐤ ᒐᒂᔪᐤ ᑲ ᐃᓯ ‍ ᑐᑕᔅᒡ᙮’ ᐊᑯ ᒪᒃ ᐊᓄᒡ ᒋ ‍ ᑯᒂᒋᒥᑎᓇᓐ ᒐᒋ ᐛᐸᔨᑎᒧᐅᔭᒡ ᓂᒥᒋᑐᑎᒧᐅᓇᓇ ᐛᔅ ᐸᐃᑯᓱᐤ ᐊᑐᔅᑯᐅᒋᒡ ᒋᓴᒪᓂᑐᐤ ᐊᓂᔭ ᒍᑕᐎᓄᐤ ᑲ ‍ ᐊᑐᔅᑯᐛᑦ᙮” ᒋ ‍ ᒪᐤ ᒍᓯᑉ ᐃᔅᐱ ᑲ ‍ ᐸᑎᒺᑦ ᐎᐧᑲᓂᓴ ᐅᑦ ᐃᔨᒧᐅᓂᔪᐤ᙮
\p
\v 18 ᐊᑯ ᐎᐧᑲᓂᓯᒪᐅᒡ ᑲ ‍ ᓂᑐᐛᐱᒪᒡ ᒍᓯᐸ ᑭᔭ ᑎᐱᑕᔨᒧᐅᓂᒡ ᓇᐛᒋᔅᑐᐛᐅᒡ, ᒋ ‍ ᐃᔨᒪᐊᐅᒡ ᑭᔭ ᐊ ‍ ᐃᑕᒡ᙮ “ᓂᑦ ᐊᔭᔅᑯᐎᓇᓐ ᒐᒋ ᐅᑦ ᐊᑐᔅᒐᔭᑭᓂᒥᑐᐅᔭᒡ᙮”
\p
\v 19 ᒥᒄ ᒍᓯᑉ ᒋ ‍ ᐃᑕᐤ, “ᐊᑲ ᑯᔅᑕᒋᒄ, ᒋᓴᒪᓂᑐᐤ ᒥᒄ ᐃᓯᓇᑯᓂᔪᐤ ᒐᒋ ᑎᐸᔅᑯᓂᑕᒄ, ᓇᒪᔭᐤ ᓂᔾ᙮
\v 20 ᐊᑎᓱᐧᒄ ᑲᒋ ‍ ᐎᔭᔨᑎᒪᒄ ᒐᒋ ᒥᒋᑐᑐᐅᔭᒄ, ᒋᓴᒪᓂᑐᐤ ᒋ ‍ ᐃᑐᑎᒻ ᒐ ‍ ᐅᒋᐱᔨᒡ ᐊ ‍ ᒥᔽᔨᒡ ᒐᒂᔪᐤ ᐊᓐᑕ ᑲ ᐃᓯ ‍ ᐎᔭᔨᑎᒪᒄ᙮ ᐛᔅ ᒋᓴᒪᓂᑐᐤ ᑲᒋ ‍ ᓂᑲᓂᑎᓴᐅᑦ ᐅᑕ ᐃᒋᑉᑎᒡ, ᒥᒐᑦ ᐊᐛᔪᐛ ᒋ ‍ ᐱᒪᒋᑕᐛᐤ ᐅᐱᒪᑎᓯᐅᓂᔪᐛ᙮
\v 21 ᐊᑯ ᒪᒃ ᐊᑲ ᑯᔅᑕᒋᒄ, ᓂᔾ ᒋᑭ ‍ ᐅᑎᓂᒪᑎᓇᐛᐤ ᑭᔭ ᒋᑦ ᐊᐛᓯᒧᐛᐅᒡ᙮” ᒋ ᒥᔪ ‍ ᐃᔨᒪᐊᐤ ᒍᓯᑉ ᐎᐧᑲᓂᓴ ᐊᑯ ᒪᒃ ᒐ ᐊᑲ ‍ ᑯᔅᑕᒋᔨᒋ᙮
\s1 ᑲ ‍ ᐃᔎᐱᔨᒡ ᒍᓯᑉ ᐅᐱᒪᑎᓯᐅᓐ
\p
\v 22 ᐃᒋᑉᑎᒡ ᒋ ‍ ᑕᐅᒡ ᒍᓯᑉ ᑭᔭ ᐎᐧᑲᓂᓴ ᑭᔭ ᐊ ‍ ᐸᐃᑯᑕᐅᓯᔨᒋ᙮ ᐸᐃᑯ ᒥᑕᓯᒥᑎᓄᐛᐳᓇ ᒋ ‍ ᐃᔅᐱᔅ ᐱᒪᑎᓯᐤ ᒍᓯᑉ᙮
\v 23 ᒋ ‍ ᐅᑎᓴᐱᒪᐤ ᐃᑉᕋᐃᒪ ᐅᑦ ᐊᐛᓯᒥᔪᐛ ᑭᔭ ᐅᓯᒥᔪᐛ᙮ ᐃᔭᐱᒡ ᐅᑦ ᐊᓂᔅᑯᑕᐸᓇ ᒋ ‍ ᐅᑎᓴᐱᒪᐤ, ᒪᑯᕋ ᐅᑦ ᐊᐛᓯᒥᔪᐛ᙮ ᐃᔅᐱ ᑲ ‍ ᐃᔪᔨᒋ ᐊᐛᓴ ᒍᓯᑉ ᒋ ‍ ᐅᑎᓇᐤ ᒐᒋ ᑭᓄᐛᔨᒪᑦ ᒧᔭᒻ ᐎᔾ ᑎᐱᔨᐛ ᐊ ‍ ᐅᑦ ᐊᐛᓯᒥᑦ᙮
\p
\v 24 ᒋ ‍ ᐎᓴᒪᐤ ᐎᐧᑲᓂᓴ ᒍᓯᑉ᙮ ᐃᔅᐱ ᒪᒃ ᑕᑯᓯᓂᔨᒋ ᐊᑯ ᐊᑕᑦ, “ᓴᔅ ᐎᐱᒡ ᓂᑭ ‍ ᐳᓂᐱᒪᑎᓯᓐ, ᒥᒄ ᒋᓴᒪᓂᑐᐤ ᒋᑭ ᒥᔪ ‍ ᑭᓄᐛᔨᒥᑯᐛᐤ ᑭᔭ ᒋᑭ ‍ ᒋᔅᒋᓄᑕᐃᑯᐛᐤ ᐃᒋᑉᑦ ᐊᔅᒋᒡ ᐅᒡ ᐊᓐᑕ ᐊᔅᒋᒡ ᒐ ᐃᓯ ‍ ᒋᔅᒋᓄᑕᔨᑕᒄ ᑲ ‍ ᐊᓱᑎᒧᐛᑦ ᒐᒋ ᒥᔭᑦ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ᙮
\v 25 ᐊᑯ ᐊᓱᑎᒧᐅᒄ ᒐᒋ ᔅᑐᑕᔭᒄ ᓂᔪᐤ ᐃᔅᐱ ᒋᓴᒪᓂᑐᐤ ᑲᐃᓇᓐ ᐊᔅᒋᒡ ᐃᓯ ‍ ᒋᔅᒋᓄᑕᔨᑕᒂ᙮”
\p
\v 26 ᐊᑯ ᒍᓯᑉ ᒂ ‍ ᐳᓂᐱᒪᑎᓯᑦ ᐃᒋᑉᑎᒡ ᑲ ‍ ᐸᐃᑯ ᒥᑕᓯᒥᑎᓄᐛᐳᓇᓯᑦ ᐊᓱ ᐸᐃᑯᔪᐤ᙮ ᒋ ‍ ᐊᔭᔅᑯᐎᑐᑎᒺᐅᒡ ᒍᓯᐸ ᐎᔭᔪᐤ ᑭᔭ ᒥᔅᑎᑯᐅᑎᒡ ᒋ ‍ ᐱᑕᐊᒺᐅᒡ᙮
\id EXO Exodus started 18 Feb 1997 [Peter Einish]; Revision Nov 2010 [Tshiueten Vachon]; Consultant Check Sep 2016 [Watson Williams]; Revision Feb 2018, Mar 2022 [Silas Nabinicaboo]; Publish Feb 2023 [Canadian Bible Society]
\h ᐊᒃᓱᑕᔅ
\toc3 ᐊᒃᓱᑕᔅ
\toc2 ᐊᒃᓱᑕᔅ
\toc1 ᐊᒃᓱᑕᔅ
\mt ᐊᒃᓱᑕᔅ
\imt ᓂᔅᑎᒻ ᐛᑕᒂᒡ ᐅᑕ ᒥᓯᓇᐃᑭᓂᒡ
\ip ᐊᒃᓱᑕᔅ ᐊ ‍ ᐃᓇᓄᐅᒡ “ᐊ ‍ ᔅᑐᑕᓄᐅᒡ” ᐃᔅᒋᔄᒥᑭᓐ ᑭᔭ ᐊᑯᑕ ᐃᔭᔨᒧᑕᒡ ᐊ ‍ ᒋᔅᑕᔨᑕᒂᒡ ᐎᐱᒡ ᑲ ‍ ᐃᔅᐱᔨᒡ ᐃᔅᕋᐃᓪ ᐃᔪᒡ, ᐅᑕ ᒥᔪᐎᑕᑭᓄᐅᒡ ᒥᓯᓇᐃᑭᓂᒡ᙮ ᑲ ‍ ᔅᑐᑕᒡ ᐃᔅᕋᐃᓪ ᐃᔪᒡ ᐃᒋᑉᑎᒡ ᐅᒡ, ᐊᓐᑕ ᑲ ‍ ᐅᑦ ᐊᐱᒋᐊᑭᓂᑐᐛᑭᓄᐅᒡ᙮
\ip ᓇᐎᒡ ᐃᓯᓇᑯᓐ ᐅ ᒥᓯᓇᐃᑭᓐ: 1) ᑲ ‍ ᐱᐧᑯᐛᑭᓄᐅᒡ ᐃᑉᕈᐤ ᐃᔪᒡ ᐊᓐᑕ ᑲ ‍ ᐅᑦ ᐊᐱᒋᐊᑭᓂᑐᐛᑭᓄᐅᒡ᙮ 2) ᓴᐃᓇᐃ ᐱᔅᑯᑎᓇᒡ ᑲ ᐃᓯ ‍ ᐊᑐᒐᒡ᙮ 3) ᒋᓴᒪᓂᑐᐤ ᑲ ‍ ᐃᑐᑎᒧᐛᑦ ᓂᔅᑯᒧᑐᐅᓂᔪᐤ ᐅᑦ ᐃᔨᒪ ᐊᓐᑕ ᓴᐃᓇᐃ ᐱᔅᑯᑎᓇᒡ, ᐊᓂᔭ ᑲ ‍ ᒥᔭᑦ ᒥᔪᐃᑕᑎᓯᐤ ᑭᔭ ᒥᓯᐛ ᑕᑐ ᐃᔪᐤ ᑭᔭ ᐊᔭᒥᐊᐛᑎᓯᐤ ᐎᓱᐛᐅᓇ ᒐ ‍ ᐃᑕᑎᓯᔨᒋ ᑭᔭ 4) ᑲ ‍ ᒋᒥᑕᒡ ᑭᔭ ᑲ ‍ ᐅᓯᑕᒡ ᒐᒂᔪᐛ ᒐ ‍ ᐊᐱᑎᓂᔨᒋ ᐊᓐᑕ ᐃᔅᕋᐃᓪ ᐃᔪᒡ ᒐ ‍ ᐊᔭᒥᐊᒡ, ᑭᔭ ᐎᓱᐛᐅᓇ ᒐ ‍ ᐃᔨᑎᒡ ᐊᔭᒥᐊᐅᒋᒪᐅᒡ ᑭᔭ ᐊᔭᒥᐊᔅᑐᐛᑭᓄᐅᑦ ᒋᓴᒪᓂᑐᐤ᙮
\ip ᒥᔪᐎᑕᑭᓄᐤ ᐅᑕ ᒥᓯᓇᐃᑭᓂᒡ ᒐᒂᔪᐤ ᑲ ‍ ᐃᑐᑕᐧᒃ ᒋᓴᒪᓂᑐᐤ, ᒪᒂᒡ ᑲ ‍ ᐱᐧᑯᐛᐊᑦ ᐅᑦ ᐃᔨᒪ ᑲ ‍ ᐅᑦ ᐊᐱᒋᐊᑭᓂᑐᐛᑭᓄᐎᒋ ᑭᔭ ᑲ ‍ ᑐᑐᐛᑦ ᒐᒋ ᐃᑎᔅᑲᓇᓯᔨᒋ ᓂᑲᓄᒡ ᐊ ᐃᓯ ‍ ᐊᔅᐸᔨᒧᔨᒋ᙮
\ip ᒧᓱᔅ ᐊᓐ ᒋᒋᐛ ᐃᔭᔨᒧᒪᑭᓄᐤ ᐅᑕ ᒥᓯᓇᐃᑭᓂᒡ, ᐊᓂᔭ ᐊᐛᔪᐛ ᑲ ‍ ᐎᔭᔨᒪᑦ ᒋᓴᒪᓂᑐᐤ ᒐᒋ ᒋᔅᒋᓄᑕᔨᒋ ᐅᑦ ᐃᔨᒪ ᐃᒋᑉᑎᒡ ᐅᒋ᙮ ᐊ ‍ ᐎᑕᒋ ᐸᐃᑯᔪᐤ ᐃᑎᓱᐛᐅᓇ ᐊᓐᑕ 20 ᐱᓯᑎᓯᓇᐃᑭᓂᒡ ᐊᐅᒄ ᒪᐅᒡ ᐊ ‍ ᒥᓴᒡ ᒐᒂᓐ ᒐᔅᒐᔨᑕᒂᒡ ᐅᑕ ᒥᓯᓇᐃᑭᓂᒡ᙮
\c 1
\s1 ᐃᔅᕋᐃᓪ ᐃᔪᒡ ᑲ ‍ ᐱᐛᔨᒪᑭᓄᐅᒡ ᐊᓐᑕ ᐃᒋᑉᑎᒡ
\p
\v 1 ᐊᐅᑯᔪᐛ ᐅᔭ ᒐᑭᑉ ᐅᑯᓴ ᑲ ‍ ᐎᒐᐅᑯᑦ ᐊᓐᑕ ᐃᒋᑉᑦ ᐊᔅᒋᒡ, ᒋ ‍ ᐸᐃᑯᓴᐳᔪᐛ ᒪᒧᐤ ᐅᑦ ᐊᐛᓯᒪ ᑲ ‍ ᐎᒐᐅᑯᑦ:
\v 2 ᕈᐱᓐ, ᓯᒥᐅᓐ, ᓕᐸᐃ, ᒍᑕ,
\v 3 ᐃᓴᑲᕐ, ᓴᐳᓕᓐ, ᐱᓐᒋᒥᓐ,
\v 4 ᑕᐊᓐ, ᓇᑉᑕᓕ, ᑲᑦ, ᐊᓱᕐ᙮
\v 5 ᒐᑭᑉ ᑲ ‍ ᐃᑐᑕᑦ ᐊᓐᑕ ᐃᒋᑉᑎᒡ, ᓴᔅ ᐊᓐᑕ ᐅᑯᓴ ᒍᓯᐸ ᒋ ‍ ᑕᔪᐛ᙮ ᓂᔄᐅᑕᒡ ᑕᑐᔪᐤ ᒪᒧᐤ ᐎᐧᑲᓂᓴ ᒋ ‍ ᑕᑎᓯᔨᐛ ᒐᑭᑉ, ᑲ ‍ ᐎᒐᐅᑯᑦ ᐊᓐᑕ ᐃᒋᑉᑎᒡ᙮
\p
\v 6 ᐊᑯ ᓇᓇᒐ ᒍᓯᑉ ᑭᔭ ᒥᓯᐛ ᐎᐧᑲᓂᓴ ᒂ ‍ ᐳᓂᐱᒪᑎᓯᒡ᙮
\v 7 ᐊᑯ ᐊᓂᔭ ᐎᐧᑲᓂᓯᐛᐛ ᒋ ‍ ᒥᒐᑎᔪᐛ ᐅᑦ ᐊᐛᓯᒥᔪᐛ ᑭᔭ ᒂ ‍ ᑕᔨᒋ ᐅᓯᒥᔪᐛ ᑭᔭ ᐅᑦ ᐊᓂᔅᑯᑕᐸᓂᔪᐛ᙮ ᒋᒋᐛ ᒋ ‍ ᒋᓯᐱᔨᔪᐤ ᐊ ‍ ᒥᒐᑎᔨᒋ ᒂ ᐊᑎ ‍ ᓴᑭᔅᒋᓇᔨᒋ ᐊᓐᑕ ᑯᓯᓐ ᐊᔅᒋᒡ᙮
\s2 Exodus 1.8-2.10 (Proper-16 Year A)
\p
\v 8 ᐊᑯ ᐊ ‍ ᐅᔅᒋᑦ ᒋᓴᐅᒋᒪᐊᐤ ᒋ ‍ ᑕᐤ, ᐊᓐᑕ ᐃᒋᑉᑎᒡ ᐊᑲ ᐅᒋ ᒋᔅᒐᔨᒪᑦ ᒍᓯᐸ᙮
\v 9 ᒂ ‍ ᐃᑕᑦ ᐅᑦ ᐃᔨᒪ, “ᓴᔅ ᒋᒋᐛ ᒥᒐᑐᐅᒡ ᐃᔅᕋᐃᓪ ᐃᔪᒡ ᑭᔭ ᐊᑎᑐᐤ ᓴᐱᐅᒡ ᐃᔅᐱᔅ ᒋᔭᓄᐤ᙮
\v 10 ᒐ ᐎ ‍ ᒥᔅᑲᒪᐧᒄ ᒐᒂᓐ ᒐ ‍ ᐃᑐᑐᐛᐧᑯᒡ ᒐ ᐊᑲ ᒋ ᒥᒐᑎᒡ ᐛᔅ ᒋᑭ ‍ ᐎᒐᐅᓯᐅᒡ ᓂᑐᐱᔨᓇᓄᐎᒐ ᒋᑭ ‍ ᐎᒐᐅᒡ ᐊᓂᔭ ᑲ ‍ ᐛᐧᑲᑎᔨᑕᐧᑯᐤ ᑭᔭ ᒐ ‍ ᒪᓯᐧᑲᑕᐧᑯᒡ ᑭᔭ ᒐᒃ ᒐ ‍ ᒋᑎᓯᒧᒡ ᐅᑕ ᐃᒋᑉᑎᒡ ᐅᒡ᙮”
\p
\v 11 ᐊᑯ ᐃᒋᑉᑦ ᐃᔪᒡ ᒂ ‍ ᑎᔭᒡ ᐅᒋᒪᐤ ᐊᐱᒋᐊᑭᓇ ᐃᔅᕋᐃᓪ ᐃᔪᐛ ᐊ ‍ ᑕᔨᒋ ᒐᒋ ᓇᓇᑭᒐᔨᒋ ᑭᔭ ᒐ ᒥᔅᑎ ‍ ᐊᑐᔅᑲᐊᔨᒋ᙮ ᐃᔅᕋᐃᓪ ᐃᔪᒡ ᒂ ‍ ᐅᓯᑕᒡ ᐱᑐᒻ ᑭᔭ ᕋᒪᓯᔅ ᐅᑕᓇᐛ, ᐊᓐᑕ ᒐ ‍ ᐊᔅᑕᓱᐅᔨᒋ ᒋᓴᐅᒋᒪᐛ᙮\fig Making bricks; Egyptian flogging man|Exo01-11-co00798b.tif|col||© 1996 David C Cook|ᐃᒋᑉᑦ ᐃᔪᒡ ᒂ ‍ ᑎᔭᒡ ᐅᒋᒪᐤ ᐊᐱᒋᐊᑭᓇ ᐃᔅᕋᐃᓪ ᐃᔪᐛ ᐊ ‍ ᑕᔨᒋ ᒐᒋ ᓇᓇᑭᒐᔨᒋ ᑭᔭ ᒐ ‍ ᒥᔅᑎ ‍ ᐊᑐᔅᑲᐊᔨᒋ|1.11\fig*
\v 12 ᒥᒄ ᐊᑎᑐᐤ ᒋ ᐊᑎ ‍ ᓇᐧᑲᒐᑭᓄᐅᒡ ᐃᔅᕋᐃᓪ ᐃᔪᒡ, ᐊᑎᑐᐤ ᒂ ᐊᑎ ‍ ᒥᒐᑎᒡ ᐸᑎᒪ ᒥᓯᐛ ᐊᓐᑕ ᐊᔅᒋᒡ ᑲᒋ ‍ ᐃᑕᒡ᙮ ᐊᑯ ᐃᒋᑉᑦ ᐃᔪᒡ ᒐᒃ ᒂ ‍ ᑯᔅᑕᒡ ᐃᔅᕋᐃᓪ ᐃᔪᐛ᙮
\v 13 ᑭᔭ ᐃᒋᑉᑦ ᐃᔪᒡ ᐊᑎᑐᐤ ᒂ ᐊᑎ ‍ ᒥᔅᑎ ᐊᑐᔅᑲᐊᒡ ᐃᔅᕋᐃᓪ ᐃᔪᐛ᙮
\v 14 ᒋᒋᐛ ᒋ ‍ ᓂᓇᐧᑲᑕᔨᑎᒧᒡ ᐃᔅᕋᐃᓪ ᐃᔪᒡ ᐊ ᒥᔅᑎ ‍ ᐊᑐᔅᒐᒡ ᐊ ‍ ᐅᓯᐊᒡ ᐊ ‍ ᑭᒋᒐᔭᐱᔅᒋᔨᒋ ᐊᓯᓂᔭ ᑭᔭ ᐊᓯᔅᒍᐛ ᑭᔭ ᒥᓯᐛ ᐊ ᐃᓯ ‍ ᐊᑐᔅᒐᒡ ᐊᓐᑕ ᓂᑕᐅᒋᒋᑭᓂᒡ᙮
\p
\v 15 ᐊᑯ ᐃᒋᑉᑎᒡ ᒋᓴᐅᒋᒪᐤ ᒂ ‍ ᐃᑕᑦ ᓂᓱ ᐃᑉᕈᐤ ᐃᔎᐛ, ᓯᑉᕋ ᑭᔭ ᐳᐊ ᐊ ‍ ᐃᓯᓂᐧᑲᓱᔨᒋ, ᐊᓐᒡ ᐛᒐᐅᒡ ᐊ ᐎ ‍ ᐛᐱᒪᐅᓱᔨᒋ ᐃᔎᐛ᙮
\v 16 “ᐃᔅᐱ ᐛᒐᐊᑯ ᐃᑉᕈᐤ ᐃᔎᐤ ᐊ ‍ ᐛᐱᒪᐅᓱᑦ, ᒐ ‍ ᓂᐸᐃᒪᑯ ᓂᔭᐸᓯᐎᔨᒋ ᐅᑦ ᐊᐛᓯᒪ᙮ ᐊᑯ ᐃᔎᓯᐎᒐᓂ ᒐ ᐊᑲ ‍ ᓂᐸᐃᒪᑯ, ᒐ ‍ ᒥᔨᒪᑯ ᒐᒋ ᐱᒪᑎᓯᔨᒋ᙮”
\v 17 ᐊᑯ ᐊᓐᒡ ᐃᔎᐅᒡ ᐛᒐᐊᒡ ᐊ ‍ ᐛᐱᒪᐅᓯᔨᒋ ᐃᔎᐛ ᒋ ‍ ᓇᓂᒋᔅᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᐅᒋ ᑕᑈᑐᐛᐅᒡ ᒋᓴᐅᒋᒪᐛ ᑲ ‍ ᐃᑎᓱᒥᑯᒡ, ᓇᒪ ᐅᒋ ᓂᐸᐊᐅᒡ ᓇᐸᓴ ᐊ ‍ ᐃᔪᔨᒋ᙮
\v 18 ᐊᑯ ᒋᓴᐅᒋᒪᐤ ᒂ ‍ ᐎᓴᒪᑦ ᐊᓂᔭ ᐃᔎᐛ ᑭᔭ ᒂ ‍ ᐃᑕᑦ, “ᒐᒂᓐ ᐅ ᑲ ‍ ᐃᑐᑎᒪᒄ ? ᒐᒂᓐ ᐛᒋ ‍ ᓇᐊᔨᒪᑯᒡ ᒐᒋ ᐱᒪᑎᓯᒡ ᐊᓐᒡ ᓇᐸᓯᒡ ?”
\p
\v 19 ᐊᑯ ᐊᓐᒡ ᐃᔎᐅᒡ ᐛᒐᐊᒡ ᐊ ‍ ᐛᐱᒪᐅᓯᔨᒋ ᐃᔎᐛ, ᒂ ‍ ᐃᑕᒡ ᒋᓴᐅᒋᒪᐛ, “ᓴᔅ ᒋ ‍ ᐃᔪᐃᓯᐱᓂ ᐃᑉᕈᐤ ᐃᔎᐅᒡ ᐅᑦ ᐊᐛᓯᒧᐛᐛ ᐊᒺᔭ ᓂᑐᐛᐱᒥᑯᑥᐎ ᐃᔎᐛ ᒐ ‍ ᐛᐎᒋᐃᑯᒡ᙮”
\p
\v 20 ᐊᑯ ᒋᓴᒪᓂᑐᐤ ᒂ ‍ ᒥᔪᑐᑐᐛᑦ ᐊᓂᔭ ᓂᓱ ᐃᔎᐛ ᐛᒐᔨᒋ ᐊ ‍ ᐛᐱᒪᐅᓱᔨᒋ ᐃᔎᐛ, ᒂ ‍ ᒥᔭᑦ ᒐᒋ ᐅᑦ ᐊᐛᓯᒥᔨᒋ ᑭᔭ ᐊᑎᑐᐤ ᒂ ‍ ᒥᒐᑎᒡ ᑭᔭ ᒂ ‍ ᓱᒋᓯᒡ ᐃᔅᕋᐃᓪ ᐃᔪᒡ᙮
\v 21 ᐊᑯ ᐊᓐᒡ ᐃᔎᐅᒡ ᐊᒋ ‍ ᓇᓂᒋᔅᑐᐛᒡ ᒋᓴᒪᓂᑐᐛ, ᒋ ‍ ᓱᐛᔨᑕᑯᐃᑯᐅᒡ ᑭᔭ ᒋ ‍ ᒥᔨᑯᐅᒡ ᒐᒋ ᐸᐃᑯᔅᑲᓇᓯᒡ᙮
\p
\v 22 ᐊᑯ ᒋᓴᐅᒋᒪᐤ ᒂ ‍ ᐃᑎᓱᒪᑦ ᐅᑦ ᐃᔨᒪ, “ᒥᓯᐛ ᑕᑐᐤ ᐃᑉᕈᐤ ᓇᐸᓯᒡ ᐊ ‍ ᐃᔪᑥᐎ, ᓇᐃᔭᓪ ᓯᐱᒡ ᐊᓐᑕ ᒐ ‍ ᐱᑭᔅᑐᐛᐱᓇᑯᒡ, ᐊᑯ ᐊᓐᒡ ᐊ ‍ ᐃᔎᓯᐅᒡ ᒐ ᐊᑲ ‍ ᓂᐸᐊᑯᒡ᙮”
\c 2
\s1 ᑲ ‍ ᐃᔪᑦ ᒧᓱᔅ
\s2 Exodus 1.8-2.10 (Proper-16 Year A)
\p
\v 1 ᐊᑯ ᓇᐸᐤ ᐊᓐᑕ ᓕᐸᐃ ᐃᔪᐛ ᒋ ‍ ᐎᒋᒪᐤ ᐃᔎᐛ ᓕᐸᐃ ᐅᒡ᙮
\v 2 ᐊᑯ ᐃᔎᐤ ᒂ ‍ ᐊᓱᐛᐱᒪᐅᓱᑦ ᑭᔭ ᒋ ‍ ᐅᑯᓱᐤ᙮ ᐃᔅᐱ ᐎᔭᐱᒪᑦ ᓇᔅᒡ ᐊᒋ ‍ ᒥᔪᓇᑯᓯᔨᒋ, ᓂᔅᑐ ᐱᓯᒺ ᒋ ‍ ᐃᔅᐱᔅ ᑲᔭᐤ᙮
\v 3 ᒥᒄ ᐃᔅᐱ ᐛᑎᒋᐱᔨᒡ ᒐ ᐊᑲ ᓇᐅᔅ ᒋ ‍ ᑲᔭᑦ, ᒂ ‍ ᐅᓯᑕᐛᑦ ᐅᑎᐱᐅᑎᔪᐤ ᐱᒍᐛ ᐊᐱᒋᐊᑦ ᒐ ᐊᑲ ‍ ᓴᑈᐸᐛᔨᒡ᙮ ᒂ ‍ ᐱᑕᐛᑦ ᐊᐛᓴ ᐊᓐᑕ ᐅᑎᐱᐅᑎᒡ ᑭᔭ ᐸᔅᑎᓇᑦ ᐊᓐᑕ ᐊ ‍ ᒋᓏᔅᑯᓂᔨᒋ ᒥᔅᑯᓱᐛ ᐊᓐᑕ ᔭᔭᐤ ᓇᐃᔭᓪ ᓯᐱᔪᐤ᙮
\v 4 ᐊᑯ ᐊᓐ ᐊᐛᔅ ᐅᒥᓴ, ᐛᔪᐎᔅ ᒋ ‍ ᓂᐳᔪᐛ ᐛᒋ ‍ ᑭᓄᐛᐱᒪᑯᑦ ᑕᓐ ᒐ ‍ ᐃᔅᐱᔨᒂ᙮\fig Miram watching the basket|Exo02-04-CO00764B.TIF|col||© 1996 David C Cook|ᒥᕆᔭᒻ ᒋ ‍ ᓂᐳᔪᐛ ᐛᒋ ‍ ᑭᓄᐛᐱᒪᑯᑦ|2.4\fig*
\p
\v 5 ᐊᑯ ᒋᓴᐅᒋᒪᐤ ᐅᑕᓂᓴ ᒂ ‍ ᐃᑐᑕᔨᒋ ᐊᓐᑕ ᓇᐃᔭᓪ ᓯᐱᒡ ᒐ ‍ ᒋᔅᑕᐸᐅᐎᓱᔨᒋ, ᑭᔭ ᐅᑯᐸᓇᔎᒪ ᒂ ‍ ᐱᐸᒧᑕᔨᒋ ᐊᓐᑕ ᓯᓱᒡ ᓇᐃᔭᓪ ᓯᐱᒡ᙮ ᒂ ‍ ᐛᐸᑕᐧᒃ ᐅᑎᐱᐅᑎᔪᐤ ᐊᓐᑕ ᐊ ‍ ᒋᓏᔅᑯᓂᔨᒋ ᒥᔅᑯᓯᒡ ᑭᔭ ᒂ ‍ ᐃᑎᓴᐛᑦ ᐅᑯᐸᓇᔎᒪ ᒐᒋ ᓂᑐᐛᐸᑎᒥᔨᒋ᙮
\v 6 ᐃᔅᐱ ᒋᓴᐅᒋᒪᐤ ᐅᑕᓂᓴ ᓯᔭᓇᐧᒃ ᐅᑎᐱᐅᑎᔪᐤ ᑭᔭ ᐎᔭᐱᒪᑦ ᐊᐛᓴ ᐊ ‍ ᑕᔨᒋ᙮ ᒋᒋᐛ ᒋᔅᑎᒪᒐᔨᒪᐤ, ᐛᔅ ᒋ ‍ ᒪᔪᐛ᙮ ᐊᑯ ᐊᔅᒋᔄᑦ, “ᐊᐅᑯᐤ ᐸᐃᒄ ᐃᑉᕈᐤ ᐊᐛᔅ !”
\p
\v 7 ᐊᑯ ᐊᓐ ᐊᐛᔅ ᐅᒥᓴ ᑲ ‍ ᑯᒂᒋᒪᑦ ᒋᓴᐅᒋᒪᐛ ᐅᑕᓂᓯᔪᐛ ᑭᔭ ᐊᑕᑦ, “ᓂᑭ ‍ ᓂᑐᐛᐱᒪᐤ ᐊ ‍ ᐃᑉᕈᐤ ᐃᔎᐤ ᒐᒋ ᑭᓄᐛᔨᑎᒪᔅᒃ ᐅᔭ ᐊᐛᓴ ?”
\p
\v 8 ᐊᑯ ᐊᑎᑯᑦ ᒋᓴᐅᒋᒪᐛ ᐅᑕᓂᓯᔪᐛ, “ᓂᐦᐃ, ᒪᒋ᙮” ᐊᑯ ᐊᓐ ᐃᔎᔅ ᒐ ‍ ᑐᑕᑦ ᑭᔭ ᓇᑐᐛᐱᒪᑦ ᐊᐛᓴ ᐅᑲᐎᔪᐛ᙮
\v 9 ᐊᑯ ᒋᓴᐅᒋᒪᐤ ᐅᑕᓂᓴ ᐊᑕᑦ, “ᐅᑎᓐ ᐅ ᐊᐛᔅ, ᒐ ‍ ᐃᑐᑐᐅᑦ ᑭᔭ ᒋᑭ ‍ ᒋᓯᐧᑲᑎᓐ᙮” ᐊᑯ ᐊᓐ ᐃᔎᐤ ᒐ ‍ ᐛᑕᐊᑦ ᐅᑦ ᐊᐛᓯᒪ ᑭᔭ ᐊ ‍ ᐃᑐᑐᐛᑦ᙮
\v 10 ᐃᔅᐱ ᒐ ᐃᓯ ‍ ᓂᑕᐅᒋᔨᒋ ᐊᐛᓴ, ᐊᑯ ᐊᓐ ᐅᑲᐎᒪᐤ ᒂ ‍ ᐃᑐᑐᐛᑦ ᒋᓴᐅᒋᒪᐛ ᐅᑕᓂᓯᔨᐛ ᑭᔭ ᒂ ‍ ᐱᒥᓇᔨᒋ᙮ ᒧᓱᔅ ᒂ ‍ ᐃᓯᓂᐧᑲᑕᑦ ᒋᓴᐅᒋᒪᐤ ᐅᑕᓂᓴ ᐊ ‍ ᐃᔅᒋᔄᑦ, “ᐛᔅ ᓂᔾ ᓂᐱᒡ ᓂᒋ ᐅᒋ ‍ ᐅᑎᓇᐤ᙮”
\s1 ᒧᓱᔅ ᑲ ‍ ᐃᑎᓯᒧᑦ ᐊᓐᑕ ᒥᑎᐊᓐ ᐊᔅᒋᒡ
\p
\v 11 ᑲᒋ ‍ ᒥᒐᑐᐱᐳᓂᔨᒡ, ᒧᓱᔅ ᑲᒋ ‍ ᒋᓴᐸᐅᑦ, ᒂ ᓇᒋ ‍ ᒧᐱᔅᑐᐛᑦ ᐅᑦ ᐃᔨᒪ ᐃᑉᕈᐤ ᐃᔪᐛ ᐊᓐᑕ ᐊᑐᔅᑲᐊᑭᓂᔨᒋ, ᑭᔭ ᒂ ‍ ᐛᐱᒪᑦ ᐊ ‍ ᒥᔅᑎᑐᔅᒐᔨᒋ᙮ ᒋ ‍ ᐛᐱᒪᐤ ᐃᒋᑉᑦ ᐃᔪᐛ ᑲ ‍ ᒪᓯᐧᑯᐛᔨᒋ ᐃᑉᕈᐤ ᐃᔪᐛ᙮\fig Moses sees Egyptian striking Israelite|Exo02-14-CO00772B.TIF|col||© 1996 David C Cook|ᒧᓱᔅ ᒋ ‍ ᐛᐱᒪᐤ ᐃᒋᑉᑦ ᐃᔪᐛ ᑲ ‍ ᒪᓯᐧᑯᐛᔨᒋ ᐃᑉᕈᐤ ᐃᔪᐛ᙮|2.11\fig*
\v 12 ᐊᑯ ᒂ ‍ ᓇᓂᑐᐛᐱᑦ ᒐ ᐊᑲ ‍ ᑕᔨᒂᓂ ᐊᐛᔪᐛ ᐊᑯ ᒂ ‍ ᓂᐸᐊᑦ ᐃᒋᑉᑦ ᐃᔪᐛ ᑭᔭ ᐊᑎ ᐃᔨᑲᑕᑦ ᒥᔭᔪᐤ᙮
\v 13 ᐎᔭᐱᓂᔨᒡ, ᒧᓱᔅ ᒥᓐ ᒋ ᓇᒋ ‍ ᒧᐱᔅᑐᐛᐤ ᐅᑦ ᐃᔨᒪ, ᒂ ‍ ᐛᐱᒪᑦ ᓂᓱ ᐃᑉᕈᐤ ᐃᔪᐛ ᐊ ‍ ᒪᓯᐧᑲᑐᔨᒋ᙮ ᒧᓱᔅ ᑲ ‍ ᐃᑕᑦ, “ᑕᓐ ᐊ ‍ ᐃᑎᔭᒄ ᐊᓐ ? ᐊᑯ ᒐᒂᓂᔪᐤ ᐛᒋ ‍ ᐅᑕᒧᐅᑦ ᒋᐎᒐᐛᑭᓐ ? ᓇᒪ ᒥᔽᐤ ᒐᒋ ᐃᑐᑕᔭᒄ ᐊᓐ᙮”
\p
\v 14 ᓇᐸᐛ ᐃᑎᑯᐤ, “ᐊᐛᓐ ᑲ ‍ ᒥᔨᔅᒃ ᒐᒋ ᐅᒋᒪᐎᓐ ᑭᔭ ᒐᒋ ᑎᐸᔅᑯᓂᔭᒡ ? ᒋᑦ ᐃᑕᔨᑕᓐ ᐊ ᒐᒋ ‍ ᓂᐸᐃᔨᓐ ᒧᔭᒻ ᑲ ‍ ᓂᐸᐃᑦ ᐃᒋᑉᑦ ᐃᔪᐤ ᐅᑕᑯᓯᒡ ?” ᒧᓱᔅ ᒂ ‍ ᓴᒋᓯᑦ ᑭᔭ ᒂ ‍ ᐃᑕᔨᑕᐧᒃ ᓄᑎᒻ ᓴᔅ ᒐᔅᒐᔨᑕᑭᓄᐎᒡ᙮
\p
\v 15 ᐊᑯ ᒋᓴᐅᒋᒪᐤ ᐱᔭᑕᐧᒃ ᐅᔭ, ᒋ ‍ ᐃᑎᓱᐛᐤ ᒐᒋ ᒪᑯᓇᑭᓄᔨᒋ ᑭᔭ ᓂᐸᐊᑭᓄᔨᒋ ᒧᓱᓴ᙮ ᒂ ‍ ᒋᑎᓯᒪᑦ ᒧᓱᔅ ᒥᑎᐊᓐ ᐊᔅᒋᒡ ᐃᔅ᙮ ᒧᓱᔅ ᑲ ‍ ᑎᑯᓯᒃ ᐊᓐᑕ ᒥᑎᐊᓐ ᐊᔅᒋᒡ, ᒂ ‍ ᓇᐃᐱᑦ ᐊᓐᑕ ᒥᒋᒪ ᐅᑕᐃᐸᓂᒡ᙮
\v 16 ᐊᑯ ᐊᔭᒥᐊᐅᒋᒪᐤ ᐊᓐᑕ ᒥᑎᐊᓐ, ᒐᑎᕈᐤ ᑲ ‍ ᐃᓯᓂᐧᑲᓱᑦ, ᓂᔄᐅᑕᒡ ᒋ ‍ ᐃᑕᑎᓯᔪᐛ ᐅᑕᓂᓴ, ᑭᔭ ᒂ ‍ ᑎᑯᓯᓂᔨᒋ ᐊᓐᑕ ᐅᑕᐃᐸᓂᒡ ᒐᒋ ᒥᓇᔨᒋ ᐊᓂᔭ ᐅᑕᐎᐛᐛ ᐅᒪᔭᑕᓂᓯᒥᔪᐛ᙮
\v 17 ᐊᑯ ᒪᔭᑕᓂᓯᐅ-ᐃᔪᒡ ᒂ ‍ ᑎᑯᓯᓂᒡ ᐊᓐᑕ ᐅᑕᐃᐸᓂᒡ ᑭᔭ ᒂ ‍ ᐃᑐᑐᐛᒡ ᒐᒋ ᔅᑐᑕᔨᒋ ᐃᔎᓴ, ᐊᑯ ᒧᓱᔅ ᒂ ‍ ᐎᒐᐊᑦ ᐃᔎᓴ ᑭᔭ ᒂ ‍ ᒥᓇᐃᒪᑦ ᐅᒪᔭᑕᓂᓯᒥᔪᐛ᙮
\p
\v 18 ᐊᑯ ᐃᔎᓯᒡ ᒂ ᐊᑎ ‍ ᒋᐛᒡ, ᐊᑯ ᒂ ‍ ᐃᑎᑯᒡ ᐅᑕᐎᐛᐛ, “ᑕᓐ ᐊ ‍ ᐃᑎᔭᒄ ᐅ ᐎᐱᒡ ᐛᒋ ‍ ᑎᑯᓯᓂᔭᒄ ?”
\p
\v 19 ᒂ ‍ ᐃᑕᒡ ᐅᑕᐎᐛᐛ, “ᐃᒋᑉᑦ ᐃᔪᐤ ᓂᒋ ‍ ᐎᒋᐃᑯᓇᓐ ᒪᔭᑕᓂᓯᐅ-ᐃᔪᐛ ᐅᒡ, ᑭᔭ ᒋ ‍ ᒂᐱᒐᐤ ᑭᔭ ᒋ ‍ ᒥᓇᐊᐤ ᐊᓂᔭ ᒋᒪᔭᑕᓂᓯᒥᓄᐛ᙮”
\p
\v 20 ᒂ ᐊᑎ ‍ ᑯᒂᒋᒪᑦ ᐅᑕᓂᓴ, “ᑕᓐᑕ ᐊ ‍ ᑕᑦ ? ᐊᑯ ᒐᒂᓂᔪᐤ ᐛᒋ ‍ ᓂᑭᑕᒄ ? ᒪᒋᒄ, ᒐ ‍ ᐎᓴᒪᒄ ᒐᒋ ᓇᒋ ‍ ᐅᑕᑯᓯᐅᒥᒋᓱᑦ᙮”
\p
\v 21 ᒧᓱᔅ ᒋ ‍ ᓂᔅᑯᒧᐤ ᒐᒋ ᑕᐛᑦ ᐊᓐᑕ ᒐᑎᕈᐛ ᐊ ‍ ᑕᔨᒋ᙮ ᐊᑯ ᒐᑎᕈᐤ ᒋ ‍ ᒥᔭᐤ ᐊᓂᔭ ᒧᓱᓴ ᐸᐃᒄ ᐅᑕᓂᓴ ᒐᒋ ᐎᒋᒪᔨᒋ᙮ ᓯᐳᕋ ᒋ ‍ ᐃᓯᓂᐧᑲᓱᔨᐛ ᐊᓂᔭ ᐅᑕᓂᓴ᙮
\v 22 ᐊᑯ ᒋ ‍ ᐅᑯᓱᐤ ᓯᐳᕋ, ᑭᕐᓱᒻ ᒋ ‍ ᐃᓯᓂᐧᑲᑕᑭᓂᔨᐛ, (ᒪᓐᑕᐤ ᐃᔅᒋᔄᒥᑯᓂᔪᐤ) ᐛᔅ ᒧᓱᔅ ᒋ ‍ ᐃᔅᒋᔄᐤ, “ᓂᔾ ‍ ᓂ ‍ ᒪᓐᑕᐅᓐ ᐅᑕ ᒪᓐᑕᐤ ᐊᔅᒋᒡ᙮”\fig Moses' wife and two sons|Exo02-21-CO00781B.TIF|col||© 1996 David C Cook|ᒋ ‍ ᐅᑯᓱᐤ ᓯᐳᕋ, ᑭᕐᓱᒻ ᒋ ‍ ᐃᓯᓂᐧᑲᑕᑭᓂᔨᐛ|2.22\fig*
\p
\v 23 ᓇᓇᒐ ᑲᒋ ‍ ᒥᒐᑐᐱᐳᓂᒡ ᒋ ‍ ᐳᓂᐱᒪᑎᓯᐤ ᐊᓐ ᐃᒋᑉᑦ ᒋᓴᐅᒋᒪᐤ, ᐃᔅᕋᐃᓪ ᐃᔪᒡ ᒋ ‍ ᓂᓇᐧᑲᒋᒧᐅᒡ ᐊᔅᒄ ᐊ ‍ ᒪᑯᓇᑭᓄᐅᒡ ᐊᓐᑕ ᐃᒋᑉᑎᒡ᙮ ᒋ ‍ ᐸᑕᑯᐅᒡ ᒋᓴᒪᓂᑐᐛ ᐊ ‍ ᓂᓇᐧᑲᒋᒧᒡ᙮
\v 24 ᒂ ᐊᑎ ‍ ᒋᔅᒋᑐᐛᑦ ᐊᓂᔭ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᑲ ‍ ᐃᑕᑦ ᒐ ‍ ᒋᐛᑕᐊᑦ ᐊᓂᔭ ᐅᑦ ᐊᓂᔅᑯᑕᐸᓂᔪᐛ ᓇᑕ ᑲᐃᓇᓐ ᐊᔅᒋᒡ᙮
\v 25 ᒋᔅᒐᔨᒪᐤ ᑕᓐ ᑲ ‍ ᐃᔅᐱᔨᒋ ᐅᑦ ᐃᔨᒪ ᑭᔭ ᒋᔅᑎᒪᒐᔨᒪᐤ᙮
\c 3
\s1 ᒋᓴᒪᓂᑐᐤ ᑲ ‍ ᐃᔨᒪᐊᑦ ᒧᓱᓴ
\s2 Exodus 3.1-15 (Proper-17 Year A)
\p
\v 1 ᐸᐃᒂᐤ ᒐᓯᑲᔨᒡ, ᒧᓱᔅ ᒋ ‍ ᑭᓄᐛᔨᒪᐤ ᐅᒋᓴᐃᔨᒪ ᒐᑦᕈᐛ, ᒥᑎᐊᓐ ‍ ᐊᔭᒥᐊᐅᒋᒪᐛ, ᐅᒪᔭᑕᓂᓯᒥᔪᐛ᙮ ᐊᑎᒪᐱᓯᒧᒡ ᐃᑕᒐ ᐸᐧᑯᑎᔅᑭᒥᑲᒡ ᐊᑲᒥᒡ ᒋ ‍ ᐃᑐᑕᐤ ᑭᔭ ᒂ ‍ ᐅᑎᑕᐧᒃ ᓴᐃᓇᐃ, ᑲ ‍ ᐸᔭᒋᓯᐤ ᐱᔅᑯᑎᓇᔪᐤ᙮
\v 2 ᐊᑯᑕ ᒪᒃ ᑲ ‍ ᓄᑯᓯᔅᑕᑯᑦ ᑎᐸᔨᒋᒐᓱᐛ ᐅᑦ ᐊᒋᓂᒥᔪᐛ ᐊᓐᑕ ᑕᑕᐅᒡ ᐊ ‍ ᐃᔅᑯᑕᐎᒡ ᓯᑲᒡ ᐅᒡ᙮ ᐊᑎᓱᐧᒄ ᒧᓱᔅ ᐛᐸᑕᐧᒃ ᐊ ‍ ᐛᔭᑕᔨᒋ ᓯᑲᐛ, ᓇᒪ ᐅᒋ ᐃᔎᑕᔪᐛ᙮
\v 3 ᒧᓱᔅ ᒂ ‍ ᐃᑕᔨᑕᐧᒃ, “ᒥᔅᑲᑕᔨᑕᑯᓐ ᐅ ! ᓂᑭ ‍ ᐃᑐᑕᓐ ᓇᑕ ᑭᔭ ᓂᑭ ‍ ᐛᐸᑕᓐ ᐊᓐ ᒪᒥᔅᑲᒡ ᐛᔅᑕᐅᓐ, ᒐᒂᓐ ᐛᒋ ᐊᑲ ‍ ᐃᔎᑕᒋ ᓯᑲᐛ ?”\fig Moses goes to see burning bush|Exo03-03-CO00782B.TIF|col||© 1996 David C Cook|ᒧᓱᔅ ᓇᒋ ‍ ᐛᐸᑎᒻ ᐊ ‍ ᐛᔭᑕᔨᒋ ᓯᑲᐛ, ᓇᒪ ᐅᒋ ᐃᔎᑕᔪᐛ᙮|3.2\fig*
\p
\v 4 ᐃᔅᐱ ᑎᐸᔨᒋᒐᓱᐤ ᐎᔭᐱᒪᑦ ᒧᓱᓴ ᒥᒋᒪ ᓂᔭᑎᒥᔨᒋ ᓯᑲᐛ ᐛ ᓇᒋ ‍ ᐛᐸᑎᒥᔨᒋ᙮ ᒋᓴᒪᓂᑐᐤ ᒂ ‍ ᑕᑈᑕᑦ ᒧᓱᓴ ᐊᓐᑕ ᑕᑕᐅᒡ ᓯᑲᐛ ᐅᒡ, ᐊ ‍ ᐃᑕᑦ, “ᒧᓱᔅ, ᒧᓱᔅ !”
\p ᐊᑯ ᐊᑕᑦ ᒧᓱᔅ, “ᒪᐤ ᐅᑕ ᐊ ‍ ᑕᔭᓐ᙮”
\p
\v 5 ᒋᓴᒪᓂᑐᐤ ᒂ ‍ ᐃᑕᑦ, “ᐊᑲ ᒥᒋᒪ ᐸᑐᑕ᙮ ᒥᓇ ᒋᒥᔅᒋᓇ, ᐛᔅ ᐸᔭᐧᑭᓐ ᐊᓐ ᐊᔅᒋᔾ ᐊᓐᑕ ᑭᒋ ‍ ᓂᐳᐅᓇᐛ᙮”
\v 6 ᐃᔭᐱᒡ ᒂ ‍ ᐃᑎᑯᑦ, “ᓂᔾ ᐅ ᒋᑦ ᐊᓂᔅᑯᑕᐸᓐᒡ ᐅᒋᓴᒪᓂᑐᒧᐛᐛ᙮ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ ᐅᒋᓴᒪᓂᑐᒧᐛᐛ᙮” ᐊᑯ ᐃᔭᑯᐛᓂᑎᓱᑦ ᒧᓱᔅ ᐛᔅ ᒋ ‍ ᑯᔅᑕᐤ ᒐᒋ ᒋᑕᐱᒪᑦ ᒋᓴᒪᓂᑐᐛ᙮
\p
\v 7 ᐊᑯ ᑎᐸᔨᒋᒐᓱᐤ ᐊᔅᒋᔄᑦ, “ᓂᒋ ‍ ᐛᐱᒪᐅᒡ ᑕᓐ ᐊᔅᐱᔅ ᓂᓇᐧᑲᑕᔨᒧᒡ ᓂᑦ ᐃᔨᒥᒡ ᐊᓐᑕ ᐃᒋᑉᑎᒡ᙮ ᓂᒋ ‍ ᐸᑎᒺᓐ ᐊ ‍ ᐱᑯᓴᔨᑕᒡ ᒐᒋ ᐎᒋᐃᒂᐤ ᐛᔅ ᐊᑲ ᒥᔪᑐᑐᐛᑭᓄᐅᒡ ᑭᔭ ᓂ ‍ ᒋᔅᒐᔨᑎᒺᓐ ᐅᒥᓯᒪᐃᑎᒧᐅᓄᐛᐛ᙮
\v 8 ᓂᒋ ᐸᒋ ‍ ᔭᓯᓐ ᒐᒋ ᐱᒪᒋᐃᒂᐤ ᐃᒋᑉᑦ ᐃᔪᐛ ᐅᓱᐧᑲᑎᓯᐅᓂᒡ ᐅᒡ ᑭᔭ ᒐᒋ ‍ ᐸᒋ ‍ ᐎᐎᑕᐃᒂᐤ ᐃᒋᑉᑎᒡ ᐅᒡ ᑭᔭ ᐊᓐᑕ ᐊ ‍ ᒥᔽᓯᔨᒡ ᐊᔅᒋᔪᐤ ᒐ ‍ ᐃᑐᑕᐃᒂᐤ, ᐊᓐᑕ ᐊ ‍ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ, ᐊᓐᑕ ᐛᒋᔨᒋ ᑲᐃᓇᓐ ᐃᔪᐛ, ᐊᑦ ᐃᔪᐛ, ᐊᒧᕆ ᐃᔪᐛ, ᐸᕆᔅ ᐃᔪᐛ, ᐃᑉ ᐃᔪᐛ ᑭᔭ ᒐᐱᐅᔅ ᐃᔪᐛ᙮
\v 9 ᒋ ‍ ᐱᑯᓴᔨᑎᒧᒡ ᐃᔅᕋᐃᓪ ᐃᔪᒡ ᒐᒋ ᐎᒋᐃᒂᐤ, ᑭᔭ ᓂᒋ ‍ ᐛᐸᑕᓐ ᐊ ᐃᓯ ‍ ᓇᐧᑲᒋᐃᑯᒡ ᐃᒋᑉᑦ ᐃᔪᐛ᙮
\v 10 ᐊᓄᒡ ᒪᒃ ᒋᑭ ‍ ᐃᑎᓴᐅᑎᓐ ᒐᒋ ᓂᑐᐛᐱᒥᑦ ᒋᓴᐅᒋᒪᐤ, ᒐᒋ ᐸᒋ ‍ ᐎᐎᑕᐃᑥᐤ ᓂᑦ ᐃᔨᒥᒡ, ᐃᔅᕋᐃᓪ ᐃᔪᒡ, ᐃᒋᑉᑎᒡ ᐅᒡ᙮”
\v 11 ᐊᑯ ᒧᓱᔅ ᐊᑕᑦ ᒋᓴᒪᓂᑐᐛ, “ᐊᐛᓐ ᐅ ᓂᔾ ᒐᒋ ᓂᑐᐛᐱᒪᑦ ᒋᓴᐅᒋᒪᐛ, ᑭᔭ ᒐᒋ ᐸᒋ ‍ ᐎᐎᑕᐃᒂᐤ ᒋᑦ ᐃᔨᒥᒡ, ᐃᔅᕋᐃᓪ ᐃᔪᒡ, ᐃᒋᑉᑎᒡ ᐅᒡ ?”
\p
\v 12 ᒋᓴᒪᓂᑐᐤ ᒋ ‍ ᐃᑕᐤ, “ᒋᑭ ‍ ᐎᒐᐅᑎᓐ᙮ ᐊᐅᑯᐤ ᐅᒪ ᒪᒃ ᒐ ‍ ᐅᒋᔅᒋᓄᐛᒋᒋᑭᓂᔨᓐ ᐊᒋ ‍ ᐃᑎᓴᐅᑕᓐ᙮ ᐃᔅᐱ ᒋ ᐸᒋ ‍ ᐎᐎᑕᔨᑥᐛ ᐊᓐᒡ ᐃᔪᒡ ᐊᓐᑕ ᐃᒋᑉᑎᒡ ᐅᒡ, ᒋᑭ ‍ ᐊᔭᒥᐊᔅᑐᐅᓇᐛᐤ ᐅᑕ ᐱᔅᑯᑎᓇᒡ᙮”
\p
\v 13 ᒧᓱᔅ ᒪᒃ ᒋ ‍ ᑯᒂᒋᒪᐤ, “ᐃᔅᐱ ᓂᑐᐛᐱᒥᒂᐛ ᐃᔅᕋᐃᓪ ᐃᔪᒡ ᑭᔭ ᐎᑎᒧᐅᒂᐛ, ‘ᐊᓂᔭ ᐅᑕᐎᐛᐛ ᐅᒋᓴᒪᓂᑐᒥᔪᐛ ᓂᒋ ‍ ᐃᑎᓴᐅᑯᔨᐛ,’ ᑕᓐ ᒐ ‍ ᐃᑎᒂᐤ ᑯᒂᒋᒥᑥᐛ ᐊᓯᓂᐧᑲᓱᐅᑦ ?”
\p
\v 14 ᒋᓴᒪᓂᑐᐤ ᒋ ‍ ᐃᑕᐤ ᒧᓱᓴ, “ᓂᔾ ᐅ ᒧᔅ ᑲᒋᒡ ᒋᓴᒪᓂᑐᐤ᙮ ᒋᔭᒻ ᒐ ‍ ᐃᑎᑥᐤ, ‘ᓂᔾ ᓂᑦ ᐊᐎᓐ, ᓂᒋ ‍ ᐃᑎᓴᐅᒃ !’ ”
\p
\v 15 ᒋᓴᒪᓂᑐᐤ ᐃᔭᐱᒡ ᒋ ‍ ᐃᑕᐤ ᒧᓱᓴ, “ᒐ ‍ ᐃᑎᑥᐤ ᐃᔅᕋᐃᓪ ᐃᔪᒡ, ‘ᓂᔾ ᐅᑎᐸᔨᒋᒐᓱᐤ, ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ ᐅᒋᓴᒪᓂᑐᒧᐛᐛ, ᓂᒋ ᐸᒋ ‍ ᐃᑎᓴᐅᑯᔪᐛ ᐊᓐᑕ ᐊ ‍ ᑕᐛᒄ ᒋᔨᐛᐤ ᐃᔅᕋᐃᓪ ᐃᔪᒡ᙮’ ᐊᐅᑯᐤ ᒧᔅ ᑲᒋᒡ ᓂᑦ ᐃᓯᓂᐧᑲᓱᐅᓐ ᒐᒋ ‍ ᐅᒋ ‍ ᒋᔅᒋᑕᑯᐅᔭᓐ ᒐ ᐊᑎ ᐊᓂᔅᒐ ‍ ᐱᒪᑎᓯᓇᓄᐅᒡ᙮ 
\p
\v 16 ᒐ ‍ ᒪᒧᐅᓂᑥᐤ ᒥᓯᐛ ᐅᒋᒪᐅᒡ ᐊᓐᑕ ᐃᔅᕋᐃᓕᒡ᙮ ᑭᔭ ᒐ ‍ ᐃᑎᑥᐤ, ‘ᑎᐸᔨᒋᒐᓱᐤ, ᒍᑕᐎᐛᐅᒡ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ ᐅᒋᓴᒪᓂᑐᒧᐛᐛ ᓂᒋ ‍ ᓄᑯᓯᔅᑕᒃ ᑭᔭ ᐃᔅᒋᔄᐤ, “ᓂᒋ ‍ ᐛᐸᑕᓐ ᐊᑐᑕᑯᐅᔭᒃ ᐊᓐᑕ ᐃᒋᑉᑎᒡ᙮ 
\v 17 ᓂᒋ ‍ ᐊᓱᑎᒪᒐᓐ ᒐ ‍ ᐎᐎᑕᐃᒂᐤ ᓂᑦ ᐃᔨᒥᒡ ᐃᒋᑉᑎᒡ ᐅᒡ ᐊᓐᑕ ᑲ ᐃᔅᐱᔅ ‍ ᓂᓇᐧᑲᒋᐅᒡ ᑭᔭ ᒐ ‍ ᐃᑐᑕᐃᒂᐤ ᐊᓐᑕ ᐛᒋᔨᒋ ᑲᐃᓇᓐ ᐃᔪᐛ ᑭᔭ ᐊᑦ ᐃᔪᐛ ᑭᔭ ᐊᒧᕆ ᐃᔪᐛ ᑭᔭ ᐸᕆᔅ ᐃᔪᐛ ᑭᔭ ᐃᑉ ᐃᔪᐛ ᑭᔭ ᒐᐱᐅᔅ ᐃᔪᐛ, ᐊᓐᑕ ᐊ ‍ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ᙮” ’
\p
\v 18 ᐃᔅᕋᐃᓪ ᐅᒋᒪᐅᒡ ᒋᑭ ‍ ᓂᑐᑕᑯᒡ ᒐᒂᓂᔪᐤ ᒐ ‍ ᐃᑎᑥᐤ᙮ ᐊᑯ ᒋᔾ ᑭᔭ ᐊᕋᓐ ᒐ ‍ ᓂᑐᐛᐱᒪᒄ ᐃᒋᑉᑦ ᒋᓴᐅᒋᒪᐤ ᑭᔭ ᒐ ‍ ᐃᑕᒄ, ‘ᑎᐸᔨᒋᒐᓱᐤ, ᐃᑉᕈᐤ ᐃᔪᒡ ᐅᒋᓴᒪᓂᑐᒧᐛᐛ ᓂᒋ ‍ ᓄᑯᓯᔅᑕᑯᓇᓐ᙮ ᓇᐃᒥᓇᓐ ᒐᒋ ‍ ᐱᒧᑕᔭᒡ ᓂᔅᑐᒋᓯᑲᐛ ᐃᔅᐱᔅ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᒥᑐᔅᑕᐊᒧᐅᒋᒡ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ᙮’
\v 19 ᓂ ‍ ᒋᔅᒐᔨᒪᐤ ᐃᒋᑉᑎᒡ ᒋᓴᐅᒋᒪᐤ ᒐ ᐊᑲ ‍ ᐱᔅᑎᓂᑕᒄ ᐸᑐᔅ ᓇᔅᒡ ᑐᑕᑯᒐ ᒐᒂᔪᐤ ᒐᒋ ᐱᔅᑎᓂᑕᒄ᙮
\v 20 ᐊᑯ ᓂᓱᐧᑲᑎᓯᐅᓐ ᒐ ‍ ᐊᐱᒋᑕᔭᓐ ᒐᒋ ᑐᑐᐅᒂᐤ ᒪᒥᔅᑲᒡ ᒐᒂᔪᐤ, ᐊᑯ ᐸᑐᔅ ᑭᔭ ᒐ ‍ ᐱᔅᑎᓂᑕᒄ᙮”
\p
\v 21 “ᓂᑭ ‍ ᐃᑐᑐᐛᐅᒡ ᐃᒋᑉᑦ ᐃᔪᒡ ᒐᒋ ᒥᔪᑐᑕᑯᒡ᙮ ᔅᑐᑕᔭᒂ ᒪᒃ ᓇᒪ ᒋᑭ ‍ ᐱᓯᑯᑕᓇᐛᐤ᙮
\v 22 ᒥᓯᐛ ᐃᔅᕋᐃᓪ ᐃᔎᐤ ᒋᑭ ‍ ᓂᑐᐛᔨᑎᒧᐛᐤ ᐊᓂᔭ ᐃᒋᑉᑦ ᐃᔪᐛ ᐛᒋᒪᑭᓂᑐᐛᑦ ᑭᔭ ᒪᒃ ᐃᒋᑉᑦ ᐃᔎᐛ ᐛᒋᒥᑯᑦ ᐊᓐᑕ ᐎᒋᐛᒡ᙮ ᒐ ‍ ᑯᒂᒋᒪᑦ ᒐᒋ ᒥᔨᑯᑦ ᐎᔄᐅᓱᓇᔭᐤ ᑭᔭ ᐛᐱᓯᐅᓱᓇᔭᐤ ᐊᓯᓂᔭ ᑭᔭ ᐊ ‍ ᒥᔽᔨᒋ ᐅᑦ ᐊᐱᒋᑕᐅᓂᔪᐛ᙮ ᐃᒋᑉᑦ ᐃᔪᒡ ᒋᑭ ‍ ᒥᔨᑯᐛᐅᒡ ᐊᑯ ᒐ ‍ ᐳᔅᑯᒥᑎᔭᑯᒡ ᒋᑯᓯᐛᐅᒡ ᑭᔭ ᒋᑕᓂᓱᐛᐅᒡ᙮ ᐊᐅᑯᐤ ᒐ ‍ ᑕᐧᑯᓂᒪᒄ ᓂᑭᑎᒪᒂ ᐃᒋᑉᑦ ᐊᔅᒋᔾ᙮”
\c 4
\s1 ᒧᓱᔅ ᑲ ‍ ᒥᔭᑭᓄᐅᑦ ᐅᓱᐧᑲᑎᓯᐅᓐ
\p
\v 1 ᒧᓱᔅ ᒂ ‍ ᐃᑕᑦ, “ᐊᑲ ᒪᒃ ᐎ ‍ ᑕᑈᑐᐅᑥᐛ ᑭᔭ ᐊᑲ ᐎ ‍ ᓂᑐᑐᐅᑥᐛ᙮ ᑕᓐ ᒐ ‍ ᐃᑎᔭᓐ ᐃᓯᑥᐛ, ‘ᑎᐸᔨᒋᒐᓱᐤ ᓇᒪ ᒋ ᐅᒋ ‍ ᓄᑯᓯᔅᑕᒄ᙮’ ” 
\p
\v 2 ᑎᐸᔨᒋᒐᓱᐤ ᒂ ‍ ᐃᑕᑦ, “ᒐᒂᓐ ᑎᔭᐧᑯᓂᒥᓐ ?”
\p ᒧᓱᔅ ᒂ ‍ ᐃᑕᑦ, “ᓯᔅᑲᐅᓐ᙮”
\p
\v 3 ᑎᐸᔨᒋᒐᓱᐤ ᒂ ‍ ᐃᑕᑦ, “ᐛᐱᓇ ᐊᓐᑕ ᒧᔅᑎᔅᑭᒥᒡ᙮”
\p ᐊᑯ ᒧᓱᔅ ᑲ ‍ ᐛᐱᓇᐧᒃ ᐊᓐᑕ ᒧᔅᑎᔅᑭᒥᒡ, ᑭᔭ ᒋᓇᐱᑯᒡ ᒂ ᐃᓯ ‍ ᒥᔅᑯᒋᐱᔨᒡ᙮ ᒧᓱᔅ ᒂ ‍ ᒋᑎᓯᒧᑕᐧᒃ᙮
\p
\v 4 ᑎᐸᔨᒋᒐᓱᐤ ᒂ ‍ ᐃᑕᑦ, “ᐅᒋᐱᔅ ᐊᓐᑕ ᐅᓱᒡ᙮” ᐊᑯ ᒧᓱᔅ ᒂ ‍ ᐅᒋᐱᑕᑦ ᐅᓱᔨᒡ ᐅᒡ, ᑭᔭ ᓯᔅᑲᐅᓐ ᑲᐤ ᒂ ‍ ᐃᓯᓇᑯᓯᔨᒋ᙮
\v 5 ᑎᐸᔨᒋᒐᓱᐤ ᒂ ‍ ᐃᑕᑦ, “ᐊᐅᑯᐤ ᒐ ‍ ᐃᑐᑎᒥᓐ, ᐛᐸᑕᐧᑲᐛ ᐅᔭ ᐊᑯ ᒐ ‍ ᑕᑈᑥᒡ ᓂᔾ, ᑎᐸᔨᒋᒐᓱᐤ, ᒍᑕᐎᐛᐅᒡ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ ᐅᒋᓴᒪᓂᑐᒧᐛᐛ, ᐊᒋ ‍ ᓄᑯᓯᔅᑕᑕᓐ᙮”
\p
\v 6 ᑎᐸᔨᒋᒐᓱᐤ ᒂ ‍ ᐃᑕᑦ, “ᐳᑎᓇ ᒋᑎᒋᔾ ᐊᓐᑕ ᒋᑦ ᐊᑯᐱᒡ,” ᐊᑯ ᒧᓱᔅ ᒂ ‍ ᐱᑕᐊᐧᒃ ᐅᑎᒋᔾ ᐊᓐᑕ ᐅᑦ ᐊᑯᐱᒡ᙮ ᐃᔅᐱ ᐛᒋᐱᔨᑕᑦ ᐅᑎᒋᔾ ᐊᓐᑕ ᐅᑦ ᐊᑯᐱᒡ ᐅᒡ, ᒋ ‍ ᐛᐸᔪᐤ ᐅᑎᒋᔾ ᒧᔭᒻ ᑯᓇ ᐊᓯᓇᑯᓯᔨᒋ ᐊᐅᒥᒋᔪᐅᓇᑯᓂᔨᒡ᙮
\p
\v 7 ᑎᐸᔨᒋᒐᓱᐤ ᒂ ‍ ᐃᑕᑦ, “ᐳᑎᓇ ᑲᐤ ᒋᑎᒋᔾ ᐊᓐᑕ ᒋᑦ ᐊᑯᐱᒡ᙮” ᐊᑯ ᒧᓱᔅ ᒥᓐ ᒂ ‍ ᐱᑕᐊᐧᒃ ᐅᑎᒋᔾ ᐊᓐᑕ ᐅᑦ ᐊᑯᐱᒡ᙮ ᐃᔅᐱ ᐛᒋᐱᔨᑕᑦ ᐅᑎᒋᔾ ᐊᓐᑕ ᐅᑕᑯᐱᒡ ᐅᒡ, ᑲᐤ ᒋ ‍ ᒥᔪᓇᑯᓂᔪᐤ ᒧᔭᒻ ᑯᑎᒋᔪᐤ ᐅᑎᒋᔾ ᐊᓯᓇᑯᓂᔨᒡ᙮
\p
\v 8 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ, “ᐊᑯ ᑲ ‍ ᑕᑈᑕᐧᑲᐛ ᐅᔭ ᒋᔅᒋᓄᐛᒡ ᐛᐸᑎᔨᐛᐅᓇ, ᒋᑭ ‍ ᑕᑈᑕᑯᐛᐅᒡ ‍ ᐅᔭ ᑯᑎᒋᔪᐤ᙮”
\v 9 ᐊᑯ ᐊᑲ ᑕᑈᑕᒂᐛ ᐊᓂᔭ ᓂᓱ ᒋᔅᒋᓄᐛᒡ ᐛᐸᑎᔨᐛᐅᓇ ᑭᔭ ᐊᑲ ᐎ ‍ ᓂᑐᑕᔎᐛ ᒐᒂᔪᐤ ᐊᔅᒋᔄᐅᑦ, ᐊᑯ ᒐ ‍ ᐅᑎᓂᒥᓐ ᐱᔅᒐ ᓂᐱᔾ ᐊᓐᑕ ᓇᐃᔭᓪ ᓯᐱᒡ ᐅᒡ ᑭᔭ ᒐ ‍ ᑯᑎᐱᓂᒥᓐ ᐊᓐᑕ ᐊᔅᒋᒡ᙮ ᒥᐧᑯᒡ ᒋᑭ ‍ ᐃᓯᓇᑯᓐ ᐊᓐ ᓂᐱᔾ᙮
\p
\v 10 ᒧᓱᔅ ᒂ ‍ ᐃᑕᑦ ᑎᐸᔨᒋᒐᓱᐛ, “ᑎᐸᔨᒋᒐᓱᐤ, ᓇᒪ ᓇᔅᒡ ᓂ ‍ ᑭᔅᒋᑕᓐ ᐊᔨᒥᔭᓐ᙮ ᓇᒪ ᓂ ᐅᒋ ‍ ᑭᔅᒋᑕᓐ ᐊᔨᒥᔭᓐ ᐊᒺᔭ ᐅᒋ ‍ ᐃᔨᒥᔨᓐ, ᑭᔭ ᐊᓄᒡ ᓇᒪ ᓂᑭᔅᒋᑕᓐ᙮ ᒋᒋᐛ ᐸᑎᐧᑲᒡ ᓂᑦ ᐃᔨᒥᓐ ᐊ ‍ ᐃᔨᒥᔭᓂ ᑭᔭ ᓂᑦ ᐊᔨᒥᐃᑯᓐ ᐛ ‍ ᐃᔨᒥᔭᓂ᙮”
\p
\v 11 ᒥᒄ ᑎᐸᔨᒋᒐᓱᐛ ᐃᑎᑯᐤ “ᐊᐛᓐ ᑲ ‍ ᐅᓯᑕᐛᑦ ᓇᐸᐛ ᐅᑐᓂᔪᐤ ? ᐊᐛᓐ ᑲ ‍ ᒥᔭᑦ ᒐᒋ ᐃᔨᒥᔨᒋ ᑭᔭ ᒐ ᐊᑲ ᒋ ᐃᔨᒥᔨᒋ ? ᑭᔭ ᐊᐛᓐ ᑲ ‍ ᒥᔭᑦ ᒐᒋ ᐛᐸᑎᒥᔨᒋ ᑭᔭ ᒐ ᐊᑲ ‍ ᐛᐸᑎᒥᔨᒋ ? ᓇᒪᔭᐤ ᐊ ᓂᔾ, ᑎᐸᔨᒋᒐᓱᐤ ?
\p
\v 12 ᐊᑯ ᐃᑐᑕᒪ, ᒋᑭ ‍ ᐎᒋᐃᑎᓐ ᒐᒋ ᐃᔨᒥᔨᓐ ᑭᔭ ᒋᑭ ‍ ᐎᑎᒪᑎᓐ ᑕᓐ ᒐ ‍ ᐃᔅᒋᔄᔨᓐ᙮”
\p
\v 13 ᐊᑯ ᒧᓱᔅ ‍ ᐊᑕᑦ, “ᑎᐸᔨᒋᒐᓱᐤ, ᒋ ‍ ᐱᑯᓴᔨᒥᑎᓐ ᑯᑎᒃ ᐊᐛᓐ ᒐᒋ ᐃᑎᓴᐅᑦ᙮”
\p
\v 14 ᑎᐸᔨᒋᒐᓱᐤ ᒋ ‍ ᒋᔄᐃᑯᐤ ᒧᓱᓴ ᑭᔭ ᒂ ‍ ᐃᑕᑦ, “ᐊᑯ ᒋᔅᑕᔅ ᐊᕋᓐ, ᓕᐸᐃ ᐊ ‍ ᐃᑎᔅᑲᓇᓯᑦ ? ᓂ ‍ ᒋᔅᒐᔨᒪᐤ ᐎᔾ ᓇᑕᐤ ᐃᔨᒥᑦ᙮ ᒪᒂᒡ ᐸᑐᑕᐤ ᒐ ᓇᒋ ‍ ᒧᐱᔅᑕᔅᒃ᙮ ᒋᒋᐛ ᒋᑭ ‍ ᒥᔽᔨᑎᒻ ᐛᐱᒥᔅᑲ᙮
\v 15 ᒋᔾ ᒐ ‍ ᐃᔨᒥᔨᑦ, ᑭᔭ ᒐ ‍ ᐎᑎᒧᐅᑦ ᒐᒂᔪᐤ ᒐ ‍ ᐃᔅᒋᔄᑦ᙮ ᑕᐱᔅᑯᓐ ᒋᑭ ‍ ᐎᒋᐃᑎᓇᐛᐤ ᒐᒋ ᐃᔨᒥᔭᒄ ᑭᔭ ᒋᑭ ᐎᑎᒪᑎᓇᐛᐤ ᑕᓐ ᒐ ‍ ᐃᑎᔭᒄ᙮
\v 16 ᐊᕋᓐ ᐎᔾ ᒋᑭ ‍ ᐃᔨᒪᐤ ᐃᔪᐛ ᑭᔭ ᒧᔭᒻ ᓂᔾ ᐊᑕᔨᑕᑯᓯᔭᓐ ᒋᑭ ‍ ᐃᑕᔨᑕᑯᓯᓐ ᐊᐛᐎᑎᒧᐅᑦ ᐊᕋᓐ ᑕᓐ ᒐ ‍ ᐃᔅᒋᔄᑦ᙮ ᓂᑭ ‍ ᑕᓐ ᐊᑕᔭᒄ ᒪᒂᒡ ᐃᔨᒥᔭᒂ ᑭᔭ ᑕᐱᔅᑯᓐ ᒋᑭ ‍ ᐎᑎᒪᑎᓇᐛᐤ ᑕᓐ ᒐ ‍ ᐃᑎᔭᒄ, ᒐ ‍ ᐎᑎᒧᐅᑦ ᒐᒂᔪᐤ ᒐ ‍ ᐃᔅᒋᔄᑦ᙮
\v 17 ᐊᑯ ᐅᑎᓇ ᐅ ᓯᔅᑲᐅᓐ ᑭᔭ ᒐ ‍ ᐊᐱᒋᑕᔨᓐ ᐃᑐᑎᒥᓇ ᒋᔅᒋᓄᐛᒡ ᐛᐸᑎᑕᐛᐅᓇ᙮”
\s1 ᒧᓱᔅ ᑲᐤ ᒋᐛᐤ ᐊᓐᑕ ᐃᒋᑉᑎᒡ
\p
\v 18 ᒧᓱᔅ ᑲᐤ ᒂ ‍ ᒋᐛᑦ ᑭᔭ ᒂ ‍ ᐃᔨᒪᐊᑦ ᐅᒋᓴᐃᔨᒪ ᒐᑦᕈᐛ᙮ ᒧᓱᔅ ᑲ ‍ ᐃᑕᑦ, “ᑕᑈᑎᒥᓇ ᓂ ᐎ ‍ ᐃᑐᑕᓐ ᑲᐤ ᐊᓐᑕ ᐃᒋᑉᑎᒡ ᒐᒋ ‍ ᒧᐱᔅᑐᐅᒂᐤ ᓂᐧᑲᓂᓯᒡ᙮ ᐛᔅ ᑭᔭ ᓇᒪ ᓂ ‍ ᒋᔅᒐᔨᒪᐅᒡ ᒐᒋ ᐃᔪᐛᐛᒂ᙮”
\p ᒐᑦᕈᐤ ᒂ ‍ ᐃᑕᑦ ᒧᓱᓴ, “ᐊᑯ ᑭᑈ ᒐ ‍ ᐃᑐᑕᔨᓐ᙮”
\p
\v 19 ᑎᐸᔨᒋᒐᓱᐛ ᒂ ‍ ᐃᑎᑯᑦ ᒧᓱᔅ ᐊᔅᒄ ᐊᑕᑦ ᐊᓐᑕ ᒥᑎᐊᓐ, “ᑲᐤ ᐃᑐᑕᒪ ᐊᓐᑕ ᐃᒋᑉᑎᒡ, ᐊᓐᒡ ᓇᐸᐅᒡ ᑲ ᐎ ‍ ᓂᐸᐃᔅᒡ ᓄᑎᒻ ᐊᓂᔭᐧᑲ ᓂᐳᐅᒡ᙮”
\v 20 ᐊᑯ ᒧᓱᔅ ᒂ ‍ ᐳᓴᐊᑦ ᐎᐛ ᑭᔭ ᐅᑯᓴ ᐊᓐᑕ ᑲᓂᐧᑲᑎᓯᔨᒋ ᑲᐸᐃᑭᔎᐛ, ᑭᔭ ᑲᐤ ᒂ ‍ ᐃᑐᑕᒡ ᐊᓐᑕ ᐃᒋᑉᑦ ᐊᔅᒋᒡ᙮ ᐊᑕᐧᑯᓂᒺᑦ ᒋᓴᒪᓂᑐᐛ ᐅᓯᔅᑲᐅᓂᔪᐤ᙮
\p
\v 21 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒋ ‍ ᑎᑯᓯᓂᔭᒂ ᐊᓐᑕ ᐃᒋᑉᑎᒡ, ᒐ ‍ ᓂᑐᐛᐱᒥᑦ ᒋᓴᐅᒋᒪᐤ, ᒐ ‍ ᐃᑐᑎᒥᓐ ᐅᔭ ᐊᒥᔅᑲᑕᔨᑕᒂᒋ ᒐᒂᔪᐛ ᑲ ‍ ᒥᔨᑕᓐ ᓱᐧᑲᑎᓯᐅᓐ ᒐᒋ ᐃᑐᑎᒥᓐ᙮ ᓂᑭ ‍ ᐃᑐᑐᐛᐤ ᒐᒋ ᒥᔅᑯᔅᑎᒂᓇᑦ ᑭᔭ ᓇᒪ ᒋᑭ ᐎ ‍ ᐱᔅᑎᓇᐤ ᐃᔪᐛ᙮
\v 22 ᐊᑯ ᒐ ‍ ᐎᑎᒧᐅᑦ, ‘ᐊᐅᑯᐤ ᐅᔭ ᑲ ‍ ᐃᔅᒋᔄᑦ ᑎᐸᔨᒋᒐᓱᐤ, “ᐃᔅᕋᐃᓪ ᐊᐅᒃ ᐅ ᓂᔅᑎᒻ ᑲ ‍ ᐃᔪᐅᑦ ᓂᑯᔅ᙮
\v 23 ᐊᐅᑯᐤ ᑲ ‍ ᐃᑎᑕᓐ, “ᐱᔅᑎᓐ ᓂᑯᔅ ᐊᑯ ᒪᒃ ᒐᒋ ᐃᔭᒥᐊᔅᑐᐅᑦ᙮” ᐊᑯ ᒪᒃ ᐊᑲ ᑕᑈᑎᐎᓇ, ᐊᑯ ᒐ ‍ ᓂᐸᐃᒃ ᓂᔅᑎᒻ ᒋᑯᔅ᙮” ’ ”
\p
\v 24 ᑎᐸᔨᒋᒐᓱᐤ ᒂ ‍ ᓄᑯᓯᔅᑐᐛᑦ ᒧᓱᓴ ᐊᓐᑕ ᑲ ‍ ᒪᓂᑲᓱᐎᒋ ᑭᔭ ᒐᑲᑦ ᒋ ‍ ᓂᐸᐊᐤ᙮
\v 25 ᐊᑯ ᐎᐛ ᓯᐳᕋᔨᒋ, ᒂ ‍ ᐅᑎᓂᒥᔨᒋ ᐊ ‍ ᒋᓇᐱᔅᑲᔨᒡ ᐊᓯᓂᔪᐤ ᒂ ‍ ᒪᑎᓯᐛᔨᒋ ᐊᐱᓯᔅ ᐅᑯᓴ ᐅᓯᑲᔪᐤ (ᒐᒋ ᒋᔅᒋᓄᐛᒋᔄᑭᓄᐅᑦ) ᑭᔭ ᒂ ‍ ᑕᒋᑕᐛᑦ ᒧᓱᓴ ᐅᓯᑎᔨᒡ᙮ ᒂ ‍ ᐃᑕᑦ, “ᒋᔾ ᐅ ᓂᓇᐸᒻ ᒥᐧᑯᒡ ᐅᒡ᙮”
\v 26 ᐊᐅᑯᔪᐤ ᐅᔭ ᑲ ‍ ᐃᔅᒋᔄᑦ ᒪᒂᒡ ᑲ ‍ ᒥᓂᓱᒺᑦ ᐅᑯᓴ ᐅᓯᑲᔪᐤ (ᒐᒋ ᒋᔅᒋᓄᐛᒋᔄᑭᓄᐅᑦ), ᐊᑯ ᒋᓴᒪᓂᑐᐤ ᓇᒪ ᐅᒋ ᓂᐸᐊᐤ ᒧᓱᓴ᙮
\p
\v 27 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᐊᕋᓇ, “ᒐ ‍ ᐃᑐᑕᔨᓐ ᐊᓐᑕ ᐸᐧᑯᑎᔅᑭᒥᑲᒡ ᒐ ‍ ᓂᑐᐛᐱᒥᑦ ᒧᓱᔅ᙮” ᐊᑯ ᐊᕋᓐ ᒂ ‍ ᐃᑐᑕᑦ ᐊᓐᑕ ᒋᓴᒪᓂᑐᐛ ᐅᐱᔅᑯᑎᓇᒥᔪᐤ, ᑭᔭ ᒂ ‍ ᒥᔅᑯᐛᑦ ᒧᓱᓴ ᑭᔭ ᒋ ‍ ᒥᔽᔨᑎᒥᔪᐛ ᐎᔭᐱᒥᑯᑦ᙮\fig Moses goes to meet Aaron|Exo04-27-CO00789B.TIF|col||© 1996 David C Cook|ᐊᕋᓐ ᑲ ‍ ᒥᔅᑯᐛᑦ ᒧᓱᓴ ᑭᔭ ᒋ ‍ ᒥᔽᔨᑎᒥᔪᐛ ᐎᔭᐱᒥᑯᑦ᙮|4.27\fig*
\v 28 ᒧᓱᔅ ᒂ ‍ ᐎᑎᒧᐛᑦ ᐊᕋᓇ ᓄᑎᒻ ᒐᒂᔪᐤ ᑎᐸᔨᒋᒐᓱᐛ ᑲ ‍ ᐃᑎᑯᔨᒋ ᑲᐤ ᒐᒋ ᐃᑐᑕᑦ ᐊᓐᑕ ᐃᒋᑉᑎᒡ ᑭᔭ ᒋ ‍ ᐎᑎᒪᑯᐤ ᒪᒥᔅᑲᒡ ᒐᒂᔪᐛ ᒐ ‍ ᐃᑐᑕᐧᒃ ᑲ ‍ ᐃᑎᓱᒥᑯᑦ ᒐᒋ ᐃᑐᑕᐧᒄ᙮
\p
\v 29 ᒧᓱᔅ ᑭᔭ ᐊᕋᓐ ᑲᐤ ᒂ ‍ ᐃᑐᑕᒡ ᐊᓐᑕ ᐃᒋᑉᑎᒡ ᑭᔭ ᒂ ‍ ᐎᓴᒪᒡ ᓄᑎᒻ ᐅᒋᒪᐛ ᐊᓐᑕ ᐃᔅᕋᐃᓪ ᒐᒋ ᓇᔅᑯᐛᒡ᙮
\v 30 ᐊᕋᓐ ᒂ ‍ ᐎᑕᒃ ᓄᑎᒻ ᒐᒂᔪᐤ ᑎᐸᔨᒋᒐᓱᐛ ᑲ ‍ ᐃᑕᔨᒋ ᒧᓱᓴ, ᒧᓱᔅ ᒂ ‍ ᐛᐸᑎᔨᐛᑦ ᐊᓂᔭ ᒋᔅᒋᓄᐛᒡ ᐛᐸᑎᔨᐛᐅᓂᔪᐤ ᒥᓯᐛ ᐊᐛᔪᐛ ᐊ ‍ ᑭᓄᐛᐱᒥᑯᑦ,
\v 31 ᐊᑯ ᓄᑎᒻ ᒂ ‍ ᑕᑈᑕᒡ᙮ ᐊᑯ ᒐᔅᒐᔨᑕᒡ ᐊᓂᔭ ᑎᐸᔨᒋᒐᓱᐛ ᑲ ‍ ᐛᐸᑎᒥᔨᒋ ᑕᓐ ᑲ ᐃᓯ ‍ ᓇᐧᑲᒋᐅᒡ, ᒂ ‍ ᓄᐛᑲᐳᔅᑐᐛᒡ ᑭᔭ ᒂ ‍ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮
\c 5
\s1 ᒧᓱᔅ ᑭᔭ ᐊᕋᓐ ᑲ ‍ ᓂᑐᐛᐱᒪᒡ ᒋᓴᐅᒋᒪᐛ
\p
\v 1 ᐸᑐᔅ ᑲᒋ ‍ ᐛᐸᑎᔭᒡ ᐊᓂᔭ ᒋᓴᐃᔪᐛ ᒐᒂᔪᐤ, ᐊᐅᑯᔪᐤ ᒧᓱᔅ ᑭᔭ ᐊᕋᓐ ᒂ ‍ ᓂᑐᐛᐱᒪᒡ ᒋᓴᐅᒋᒪᐛ᙮ ᒂ ‍ ᐃᑕᒡ, “ᐊᐅᑯᔪᐤ ᑎᐸᔨᒋᒐᓱᐤ, ᐃᔅᕋᐃᓪ ᐅᒋᓴᒪᓂᑐᒧᐛᐛ ᑲ ‍ ᐃᔅᒋᔄᔨᒋ, ‘ᐱᔅᑎᓂᒡ ᓂᑦ ᐃᔨᒥᒡ ᒐᒋ ᔅᑐᑕᒡ, ᒋᑭ ‍ ᐃᑐᑕᐅᒡ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᒥᑯᓴᒡ ᑭᔭ ᒐᒋ ᐊᔭᒥᐊᔅᑐᐅᒡ᙮’ ”
\p
\v 2 ᐊᑯ ᒋᓴᐅᒋᒪᐤ ᒂ ‍ ᐃᑕᑦ, “ᐊᐛᓐ ᐊᓐ ᑎᐸᔨᒋᒐᓱᐤ ᒐᒋ ᓂᑐᑐᐅᒄ ᑭᔭ ᒐᒋ ᐱᔅᑎᓂᒥᒋ ᐃᔅᕋᐃᓪ ᐃᔪᐛ ᒐᒋ ᔅᑐᑕᔨᒋ ?”
\p
\v 3 ᐊᑯ ᒂ ‍ ᐃᑕᒡ, “ᐃᑉᕈᐤ ᐃᔪᒡ ᐅᒋᓴᒪᓂᑐᒧᐛᐛ ᓂᒋ ‍ ᓄᑯᓯᔅᑕᑯᐱᓇᓂ, ᓇᐃᒥᓇᓐ ᒐᒋ ᐱᒧᑕᔭᒡ ᓂᔅᑐ ᒋᓯᑲᐛ ᐃᔅᐱᔅ ᐊᓐᑕ ᐸᐧᑯᑎᔅᑭᒥᑲᒡ, ᑭᔭ ᒐᒋ ᒥᔨᒋᒡ ᒥᑐᔅᑕᐊᒪᒐᐅᓂᔪᐤ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ, ᐊᑲ ᑕᑈᑐᔭᒐ ᐊᐧᑯᓱᐅᓐ ᓂᑭ ‍ ᓂᐸᐃᑯᓇᓐ ᑭᔭ ᒪᒃ ᓂᑐᐱᔪᐅ-ᒧᐧᑯᒪᓐ᙮”\fig Moses and Aaron before Pharaoh|Exo05-03-CO00793B.TIF|col|5.1-4|© 1996 David C Cook|ᒧᓱᔅ ᑭᔭ ᐊᕋᓐ ᑲ ‍ ᓂᑐᐛᐱᒪᒡ ᒋᓴᐅᒋᒪᐛ᙮|5.3\fig*
\p
\v 4 ᒋᓴᐅᒋᒪᐤ ᒂ ‍ ᐃᑕᑦ, “ᒧᓱᔅ ᑭᔭ ᐊᕋᓐ, ᐊᑯ ᒐᒂᓐ ᐛᒋ ‍ ᑯᔅᑎᔭᑯᒡ ᐃᔪᒡ ᒐᒋ ᐊᑐᔅᒐᒡ ? ᒪᒋᒄ ᑲᐤ ᐊᓐᑕ ᐊᑐᔅᒐᒄ !
\v 5 ᐛᐸᑎᒧᒄ ! ᒋᒋᐛ ᒋ ‍ ᒥᒐᑎᓇᐛᐤ ᐃᔅᐱᔅ ᐃᒋᑉᑦ ᐃᔪᒡ᙮ ᐊᓄᒡ ᒋ ᐎ ‍ ᑯᔅᑎᔭᐛᐅᒡ ᒐᒋ ᐊᑐᔅᒐᒡ᙮”
\p
\v 6 ᐊᓂᔭ ᐸᐃᑯᑕᐤ ᒋᓯᑯᔪᐤ ᒋᓴᐅᒋᒪᐤ ᒋ ‍ ᐃᑎᓱᒪᐤ ᐅᑯᐸᓇᒪ ᓂᔭᑭᑐᐛᔨᒪᔨᒋ ᐃᔅᕋᐃᓪ ᑲ ‍ ᐊᑐᔅᒐᓯᔨᒋ ᐊ ‍ ᐃᑕᑦ᙮
\v 7 “ᐊᑲ ᒥᔭᐧᑯᒡ ᐃᔪᒡ ᒥᔅᑯᓱᐛ ᒐᒋ ᐅᓯᐊᒡ ᐊᓯᔅᒍᐤ ᐊᓯᓂᔭ᙮ ᐎᔪᐛᐤ ᒋᑭ ‍ ᐅᑎᓂᒪᓱᐅᒡ᙮
\v 8 ᒥᒄ ᒧᔭᒻ ᐸᐃᑯᑕᐤ ᒋᑭ ᐎ ‍ ᐃᔅᐱᔅ ᐅᓯᐊᒡ ᐊᓯᔅᒍᐤ ᐊᓯᓂᔭ ᒐ ᐊᑲ ᒋ ᓄᑕᐱᔨᒡ᙮ ᒋᑎᒧᐅᒡ ᐊᓐᒡ, ᑭᔭ ᒪᒃ ᓇᒪ ᓂᐸ ᐅᒋ ‍ ᓂᑐᐛᔨᑎᒪᐧᑯᐱᓐᒡ ᒐᒋ ᔅᑐᑕᒡ ᒐᒋ ᒥᔭᒡ ᒥᑐᔅᑕᐊᒪᒐᐅᓇ ᐅᒋᓴᒪᓂᑐᒧᐛᐛ᙮
\v 9 ᒐ ᐎ ᒥᔅᑎ ‍ ᐊᑐᔅᑲᑯᒡ ᒐ ᐊᑲ ‍ ᓂᑐᑕᒡ ᐅᔭ ᐊ ᐃᓯ ᐎ ‍ ᑭᑭᒋᔭᒥᑯᒡ ᐅᒋᒪᒧᐛᐛ᙮”
\p
\v 10 ᐅᒋᒪᐅᒡ ᑲ ‍ ᓇᑭᑐᐛᔨᒪᒡ ᑲ ‍ ᐊᑐᔅᒐᓯᔨᒋ ᒋ ‍ ᓂᑐᐛᐱᒪᐅᒡ ᐃᔪᐛ ᑭᔭ ᒋ ‍ ᐃᑕᐅᒡ᙮ “ᐊᐅᒃ ᐅᔭ ᒋᓴᐅᒋᒪᐤ ᑲ ‍ ᐃᔅᒋᔄᑦ, ‘ᓇᒪ ᒋᑭ ᒋ ‍ ᒥᔨᑎᓇᐛᐤ ᒥᔅᑯᓱᐛ᙮
\v 11 ᒋᔨᐛᐤ ᒋᑭ ᐎ ‍ ᓂᑐᐛᐸᑎᒪᓱᓇᐛᐤ᙮ ᒋᔨᐛᐤ ᒋᑭ ᐎ ‍ ᒥᔅᑲᓇᐤ ᑕᓐᑕ ᒐ ‍ ᐅᑎᓂᒪᒄ᙮ ᒥᒄ ᐸᐃᑯᑕᐤ ᒋᑭ ᐎ ‍ ᐃᔅᐱᔅ ᐅᓯᐊᐅᒡ ᐊᓯᔅᒍᐤ ᐊᓯᓂᔨᒡ ᑲ ‍ ᐃᔅᐱᔅ ᐅᓯᐊᑯᒡ᙮’ ”
\v 12 ᐊᑯ ᐃᔅᕋᐃᓪ ᐃᔪᒡ ᒥᓯᐛ ᐃᒋᑉᑦ ᐊᔅᒋᒡ ᒋ ‍ ᐃᑐᑕᐅᒡ ᐊ ‍ ᓇᓂᑐᐛᐸᑕᒡ ᒥᔅᑯᓱᐛ᙮
\v 13 ᐅᒋᒪᐅᒡ ᑲ ‍ ᓇᑭᑐᐛᔨᒪᒡ ᑲ ‍ ᐊᑐᔅᒐᓯᔨᒋ ᒋ ‍ ᐃᔨᒧᐅᒡ ᐃᔪᐛ ᐊ ‍ ᐃᑕᒡ, “ᐊᓯᑯᒻ ᒋᓯᑲᐛ ᒋᑭ ᐎ ‍ ᐃᔅᐱᔅ ᐅᓴᐛᐅᒡ ᐊᓯᔅᒍᐤ ᐊᓯᓂᔨᒡ ᒧᔭᒻ ᑲ ᐃᔅᐱᔅ ᐅᓯᐊᑯᒡ ᑲ ‍ ᒥᔨᑯᐅᔭᒄ ᒥᔅᑯᓱᐛ᙮”\fig Israelites making bricks|Exo05-06-CO00796B.TIF|col|5.6-19|© 1996 David C Cook|ᒧᔭᒻ ᐸᐃᑯᑕᐤ ᒋᑭ ᐎ ‍ ᐃᔅᐱᔅ ᐅᓴᐛᐅᒡ ᐊᓯᔅᒍᐤ ᐊᓯᓂᔭ ᒐ ᐊᑲ ᒋ ᓄᑕᐱᔨᒡ|5.13\fig*
\v 14 ᐃᒋᑉᑦ ᐅᒋᒪᐅᒡ ᒂ ‍ ᐱᓯᔅᑕᐛᒡ ᐃᔅᕋᐃᓪ ᐅᒋᒪᐛ ᐊᓂᔭ ᑲ ‍ ᓇᑭᑐᐛᔨᒪᒋ ᑲ ‍ ᐊᑐᔅᒐᓯᔨᒋ᙮ ᒂ ‍ ᐃᑕᒡ, “ᐊᑯ ᒐᒂᓐ ᐛᒋ ᐊᑲ ᐅᒋ ‍ ᓯᒋᒪᑯᒡ ᐃᔪᒡ ᒐᒋ ᐃᔅᐱᔅ ᐅᓯᐊᒡ ᐊᓯᔅᒍᐤ ᐊᓯᓂᔭ ᒧᔭᒻ ᑲᒋ ‍ ᐃᑎᒡ ?”
\p
\v 15 ᐊᑯ ᐃᔅᕋᐃᓪ ᐅᒋᒪᐅᒡ ᒂ ‍ ᓂᑐᐛᐱᒪᒡ ᒋᓴᐅᒋᒪᐛ ᑭᔭ ᒂ ‍ ᐃᑕᒡ, “ᒐᒂᓐ ᐅ ᐛᒋ ‍ ᐃᑐᑐᐅᔭᒡ ?
\v 16 ᓇᒪ ᓂ ‍ ᒥᔨᑯᐅᓇᓐ ᒥᔅᑯᓱᐛ, ᑭᔭ ᐃᔭᐱᒡ ᓂᑦ ᐃᑐᑕᑯᐅᓇᓐ ᒐᒋ ᐅᓯᔨᒋᒡ ᐊᓯᔅᒍᐤ ᐊᓯᓂᔨᒡ ᒧᔭᒻ ᑲᒋ ᐃᔅᐱᔅ ‍ ᐅᓯᔨᒋᒡ᙮ ᓴᒐᔾ ᓂ ‍ ᐱᓯᔅᑕᐅᑯᓇᓐ, ᓇᒪᔭᐤ ᐅ ᓂᔭᓐ ᑲ ‍ ᐃᑐᑎᒪᒡ᙮ ᒋᐅᒋᒪᒧᐛᐅᒡ ᐊᓂᔭ ᐃᑐᑎᒧᒡ ᐊ ‍ ᒥᔅᑎᓂᑐᐛᔨᑕᒡ ᒐᒂᔪᐤ᙮”
\p
\v 17 ᒋᓴᐅᒋᒪᐛ ᒂ ‍ ᐃᑎᑯᒡ, “ᓇᒪ ᒋᑦ ᐃᔅᐱᔅ ᐊᑐᔅᒐᓇᐛᐤ ᒋᔨᐛᐤ ᑭᔭ ᒪᒃ ᓇᒪ ᒋᐸ ‍ ᐃᓯᓇᐤ, ‘ᐱᔅᑎᓇᓐ, ᓂ ᐎ ‍ ᔅᑐᑕᓇᓐ ᒐᒋ ᒥᔨᒋᒡ ᒥᑐᔅᑕᐊᒪᒐᐅᓂᔪᐤ ᑎᐸᔨᒋᒐᓱᐤ᙮’
\v 18 ᒪᒋᒄ ᑲᐤ ᐊᑐᔅᒐᒪᒃ᙮ ᓇᒪ ᒋᑭ ᒋ ‍ ᒥᔨᑯᐅᓇᐛᐤ ᒥᔅᑯᓱᐛ, ᑭᔭ ᓇᔅᒡ ᒋᑭ ᐎ ‍ ᐅᓴᐛᐅᒡ ᐊᓯᔅᒍᐤ ᐊᓯᓂᔨᒡ ᒧᔭᒻ ᑲᒋ ᐃᔅᐱᔅ ‍ ᐅᓯᐊᑯᒡ ᐸᐃᑯᒋᓯᑲᐛ !”
\p
\v 19 ᓇᐸᐅᒡ ᒋᔅᒐᔨᑎᒧᒡ ᐊ ᒥᔅᑎ ᒋᔄᐃᐛᒡ ᑭᔭ ᑲ ‍ ᐃᑎᓱᒪᑭᓄᐅᒡ ᒐᒋ ‍ ᐅᓯᐊᒡ ᐊᓯᔅᒍᐤ ᐊᓯᓂᔭ ᒧᔭᒻ ᑲᒋ ᐃᔅᐱᔅ ‍ ᐅᓯᐊᒡ ᐸᐃᑯᒋᓯᑲᐛ᙮
\v 20 ᑲᒋ ‍ ᓂᑐᐛᐱᒪᒡ ᒋᓴᐅᒋᒪᐛ᙮ ᒂ ‍ ᓂᑐᐛᐱᒪᒡ ᒧᓱᓴ ᑭᔭ ᐊᕋᓇ, ᑲ ‍ ᐊᓱᐛᐱᒥᑯᒡ ᐊᓐᑕ ᐎᐎᑎᒥᒡ ᒋᓴᐅᒋᒪᐛ ᐎᒋᔨᒡ᙮
\v 21 ᒂ ‍ ᐃᑕᒡ ᒧᓱᓴ ᑭᔭ ᐊᕋᓇ, “ᑭᒪ ᑎᐸᔨᒋᒐᓱᐤ ᑎᐸᔅᑯᓂᑕᒄ ᐊᑐᑐᐅᔭᒡ ᒐᒋ ᐛᐧᑲᓯᔨᒥᑦ ᒋᓴᐅᒋᒪᐤ, ᑭᔭ ᐅᔅᑦ ᒐᒋ ᓂᐸᐃᑯᐅᔭᒡ᙮”
\s1 ᑎᐸᔨᒋᒐᓱᐤ ᐊᓱᑎᒧᐛᐤ ᐃᔅᕋᐃᓪ ᐃᔪᐛ᙮
\p
\v 22 ᐊᑯ ᒧᓱᔅ ᑲᐤ ᒂ ‍ ᓂᑐᐛᐱᒪᑦ ᑎᐸᔨᒋᒐᓱᐛ ᑭᔭ ᒂ ‍ ᐃᑕᑦ, “ᐅᑎᐸᔨᒋᒐᐤ, ᐊᑯ ᒐᒂᓐ ᐛᒋ ‍ ᓂᓇᐧᑲᒋᐃᑥᐤ ᐅᒡ ᐃᔪᒡ ? ᐊᑯ ᒐᒂᓐ ᐛᒋ ‍ ᐃᑎᓴᐎᓐ ?
\v 23 ᐃᔅᐱ ᑲᒋ ‍ ᓂᑐᐛᐱᒥᒃ ᒋᓴᐅᒋᒪᐤ, ᑲ ‍ ᐃᔨᒥᐃᒃ ᒋᑦ ᐃᓯᓂᐧᑲᓱᐅᓂᒡ ᐅᒡ, ᒋ ‍ ᐊᐧᑯᐊᐤ ᐃᔪᐛ᙮ ᑭᔭ ᓇᒪ ᒐᒂᓐ ᒋ ᐅᒋ ‍ ᑐᑕᓐ ᒐᒋ ᐎᒋᐃᑥᐤ᙮”
\c 6
\p
\v 1 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒋᑭ ‍ ᐛᐱᒪᐤ ᒐ ‍ ᐃᑐᑐᐅᒃ ᒋᓴᐅᒋᒪᐤ ᐊᔅᐱᔅ ᓱᐧᑲᑎᓯᔭᓐ᙮ ᒋᑭ ‍ ᐱᔅᑎᓇᐤ ᓂᑦ ᐃᔨᒪ, ᑭᔭ ᓇᔅᒡ ᒋᑭ ᐎ ‍ ᐃᑲᑎᓴᐛᐤ ᐅᑦ ᐊᔅᒋᒡ ᐅᒡ᙮”
\p
\v 2 ᒋᓴᒪᓂᑐᐤ ᒂ ‍ ᐃᑕᑦ ᒧᓱᓴ, “ᓂᔾ ᐅ ᑎᐸᔨᒋᒐᓱᐤ᙮
\v 3 ᐃᔅᐱ ᑲ ‍ ᓄᑯᓯᔅᑐᐅᒂᐤ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ ᓂᒋ ‍ ᑎᑯᓯᓐ ᒧᔭᒻ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᓇᒪ ᓂ ᐅᒋ ‍ ᐊᐱᒋᑕᓐ ᓂᑦ ᐃᓯᓂᐧᑲᓱᐅᓐ᙮
\v 4 ᓂᒋ ‍ ᐃᑐᑎᒧᐛᐅᒡ ᑕᑈᐅᓂᔪᐤ ᑭᔭ ᓂᒋ ‍ ᐊᓱᑎᒪᒐᓐ ᒐ ‍ ᒥᔨᒂᐤ ᑲᐃᓇᓐ ᐊᔅᒋᔪᐤ, ᐊᓐᑕ ᐊᓄᒡ ᒥᔭᓂᑕᐅᒡ᙮
\v 5 ᓴᔅ ᓂᒋ ‍ ᐛᐱᒪᐅᒡ ᐃᔅᕋᐃᓪ ᐃᔪᒡ ᐊᔅᐱᔅ ᓂᓇᐧᑲᒋᐃᑯᒡ ᐃᒋᑉᑦ ᐃᔪᐛ, ᑭᔭ ᓂᑭ ‍ ᑭᓄᐛᔨᑎᒺᓐ ᑲ ᐃᓯ ‍ ᐊᓱᑎᒧᐅᒂᐤ᙮”\fig Israelite working, Egyptian flogging man|Exo06-01-CO00795b.TIF|col|© 1996 David C Cook|5.1-6.5|ᒋᓴᒪᓂᑐᐤ ᒂ ‍ ᐃᑕᑦ ᒧᓱᓴ, “ᓴᔅ ᓂᒋ ‍ ᐛᐱᒪᐅᒡ ᐃᔅᕋᐃᓪ ᐃᔪᒡ ᐊᔅᐱᔅ ᓂᓇᐧᑲᒋᐃᑯᒡ ᐃᒋᑉᑦ ᐃᔪᐛ᙮”|6.5\fig*
\p
\v 6 “ᐊᐅᑯᐤ ᒐ ‍ ᐃᑎᑥᐤ ᐃᔅᕋᐃᓪ ᐃᔪᒡ, ‘ᓂᔾ ᐅ ᑎᐸᔨᒋᒐᓱᐤ᙮ ᑭᔭ ᓂᓱᐧᑲᑎᓯᐅᓐ ᐅᒡ ᓂᑭ ‍ ᐊᓏᔨᒪᐅᒡ ᐃᒋᑉᑦ ᐃᔪᒡ ᑭᔭ ᒋᑭ ‍ ᐱᐧᑯᐃᑎᓇᐛᐤ ᐊ ‍ ᓂᓇᐧᑲᒋᐃᑯᐅᔭᒄ ᐊᓐᑕ ᐃᒋᑉᑎᒡ᙮
\v 7 ᒋᑭ ‍ ᐅᑎᓂᑎᓇᐛᐤ ᒧᔭᒻ ᓂᑦ ᐃᔨᒥᒡ ᑭᔭ ᓂᔾ ᒋᑭ ‍ ᐅᒋᓴᒪᓂᑐᒥᑐᓇᐛᐤ, ᐊᑯ ᒐ ‍ ᒋᔅᒐᔨᑎᒪᒄ ᓂᔾ ᐅ ᑎᐸᔨᒋᒐᓱᐤ, ᐊᓐ ᐊᐛᓐ ᑲ ‍ ᐱᐧᑯᐎᑕᒄ ᐃᒋᑉᑦ ᐃᔪᐛ ᐅᒡ᙮
\v 8 ᒋᑭ ‍ ᐃᑐᑕᔨᑎᓇᐛᐤ ᐊᓐᑕ ᐊᔅᒋᒡ ᑲ ᒋᒋ ‍ ᐊᓱᑎᒧᐅᒂᐤ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ᙮ ᒋᔨᐛᐤ ᒋᑭ ‍ ᑎᐱᔨᐛᐅᓯᓇᐛᐤ ᐅ ᐊᔅᒋᔾ, ᓂᔾ ᐅ ᑎᐸᔨᒋᒐᓱᐤ᙮’ ”
\p
\v 9 ᐃᔅᐱ ᒧᓱᔅ ᑲ ‍ ᐎᑎᒧᐛᑦ ᐃᔅᕋᐃᓪ ᐃᔪᐛ ᑎᐸᔨᒋᒐᓱᐛ ᑲ ‍ ᐃᔅᒋᔄᔨᒋ, ᓇᒪ ᐅᒋ ᐎ ‍ ᑕᑈᑐᐛᐅᒡ ᐛᔅ ᓴᔅ ᓇᔅᒡ ᒋ ‍ ᐱᒋᑕᐃᒧᐅᒡ ᑭᔭ ᒋ ‍ ᐱᐛᔨᒪᑭᓄᐎᒡ᙮
\p
\v 10 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ,
\v 11 “ᒪᒋ ᓂᑐᐛᐱᒻ ᐃᒋᑉᑦ ᒋᓴᐅᒋᒪᐤ ᑭᔭ ᒐ ‍ ᐃᑎᑦ ᒐᒋ ᐱᔅᑎᓇᑦ ᐃᔅᕋᐃᓪ ᐃᔪᐛ ᒐᒋ ᔅᑐᑕᔨᒋ᙮”
\p
\v 12 ᒧᓱᔅ ᒂ ‍ ᐃᑕᑦ ᑎᐸᔨᒋᒐᓱᐛ, “ᓇᒪ ᓇᔅᒡ ᓂ ‍ ᓂᑕᐛᓐ, ᓇᒪ ᓱᐧᒃ ᓂᐎ ‍ ᓂᑐᑕᑯᒡ ᐃᔅᕋᐃᓪ ᐃᔪᒡ, ᐊᑯ ᒐᒂᔪᐤ ᐃᒋᑉᑦ ᒋᓴᐅᒋᒪᐤ ᓂᐸ ᐅᒋ ‍ ᓂᑐᑕᒄ ᑭᔭ ᐎᔾ ?”
\p
\v 13 ᒥᒄ ᑎᐸᔨᒋᒐᓱᐤ ᒂ ‍ ᐃᑎᓱᒪᑦ ᒧᓱᓴ ᑭᔭ ᐊᕋᓇ ᒐᒋ ᒥᔭᔨᒋ ᐃᔨᒧᐅᓂᔪᐤ ᐃᔅᕋᐃᓪ ᐃᔪᐛ ᑭᔭ ᒋᓴᐅᒋᒪᐛ ᐎᔨᐛᐤ ᒐᒋ ᒋᔅᒋᓄᑕᐊᒡ ᐃᔪᐛ ᐃᒋᑉᑎᒡ ᐅᒡ᙮
\s1 ᐊ ‍ ᐃᑎᔅᑲᓇᓯᑦ ᒧᓱᔅ ᑭᔭ ᐊᕋᓐ
\p
\v 14 ᕈᐱᓐ, ᒐᑭᑉ ᐅᓂᔅᑎᒧᓴᓇ, ᒋ ‍ ᓇᐎᔪᐛ ᐅᑯᓴ; ᐊᓇᒃ, ᐸᓗ, ᐊᔅᕈᓐ, ᑲᕐᒥ ᐊᐅᑯᔪᐤ ᐅᔭ ᕈᐱᓐ ᐊ ‍ ᐃᑎᔅᑲᓇᓯᑦ᙮
\p
\v 15 ᐊᐅᑯᔪᐛ ᐅᔭ ᐅᑯᓴ ᓯᒥᐅᓐ: ᔭᒧᐃᓪ, ᔭᒥᓐ, ᐅᐦᐊᑦ, ᔭᑭᓐ, ᓱᐊᕐ, ᑭᔭ ᓴᐅᓪ, ᑲᐃᓇᓐ ᐃᔎᐤ ᐅᑯᓴ; ᐊᐅᑯᔪᐤ ᐅᔭ ᓯᒥᐅᓐ ᐊ ‍ ᐃᑎᔅᑲᓇᓯᑦ᙮
\p
\v 16 ᐊᐅᑯᔪᐛ ᐅᔭ ᐊᓯᓂᐧᑲᑕᑭᓄᔨᒋ ᓕᐸᐃ ᐅᑯᓴ ᑕᓐ ᐊᑎ ‍ ᐃᑎᔅᑲᓇᓯᔨᒋ; ᑭᕐᓱᓐ, ᑯᐊᑦ, ᒪᕋᕆ᙮ ᐸᐃᑯ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᓂᔄᐅᑕᒡ ᑕᑐᐤ ᐱᐳᓇ ᒋ ᐃᔅᐱᔅ ‍ ᐱᒪᑎᓯᔪᐤ ᓕᐸᐃ᙮
\p
\v 17 ᒋ ‍ ᓂᓯᔨᐛ ᐅᑯᓴ ᑭᕐᓱᓐ: ᓕᑉᓂ ᑭᔭ ᓯᒥᔨᒋ, ᒋᒋᐛ ᒋ ‍ ᒥᒐᑎᔨᐛ ᐅᑦ ᐊᓂᔅᑯᑕᐸᓄᐛᐛ᙮
\v 18 ᐊᐅᑯᔪᐛ ᐅᔭ ᐅᑯᓴ ᑯᐊᑦ: ᐊᒻᕋᒻ, ᐃᔅᐊᕐ, ᐃᑉᕈᓐ, ᑭᔭ ᐅᓯᐃᓪ, ᐸᐃᑯ ᒥᑕᓯᒥᑐᓄᐤ ᐊᓱ ᓂᔅᑐᔪᐤ ᐊᓱ ᓂᔅᑐ ᑕᑐᐤ ᐱᐳᓇ ᒋ ‍ ᐃᔅᐱᔅ ᐱᒪᑎᓯᔪᐤ ᑯᐊᑦ᙮
\p
\v 19 ᐊᐅᑯᔪᐛ ᐅᔭ ᐅᑯᓴ ᒪᕋᕆ: ᒪᓕ ᑭᔭ ᒧᓯ᙮ ᐊᐅᑯᔪᐛ ᐅᔭ ᐊ ‍ ᐃᑎᔅᑲᓇᓯᒡ ᓕᐸᐃ ᐃᔪᒡ ᑕᓐ ᐊᑎ ‍ ᐃᑎᔅᑲᑐᐎᒋ᙮
\p
\v 20 ᐸᐃᑯ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᓂᔄᐅᑕᒡ ᑕᑐᐤ ᐱᐳᓇ ᒋ ᐃᔅᐱᔅ ‍ ᐱᒪᑎᓯᔪᐤ ᐊᒻᕋᒻ, ᐅᑕᐎᔭ ᐎᐧᑲᓂᓯᔨᐛ ᒐᑲᐸᑕ ᒋ ‍ ᐎᒋᒪᐤ ᑭᔭ ᒋ ‍ ᓂᓯᔨᐛ ᐅᑯᓱᐛᐛ, ᐊᕋᓇ ᑭᔭ ᒧᓱᓴ᙮
\p
\v 21 ᐊᐅᑯᔪᐛ ᐅᔭ ᐅᑯᓴ ᐃᔅᐊᕐ: ᑯᕋ, ᓇᐸᒃ, ᑭᔭ ᓯᒃᕆ᙮
\p
\v 22 ᐊᐅᑯᔪᐛ ᐅᔭ ᐅᑯᓴ ᐅᓯᐃᓪ: ᒥᓴᐃᓪ, ᐊᓪᓴᐸᓐ, ᑭᔭ ᓯᑦᕆ᙮
\p
\v 23 ᐊᕋᓐ ᒋ ‍ ᐎᒋᒪᐤ ᐊᓕᓯᐸᔨᒋ, ᐊᒥᓇᑕᐸ ᐅᑕᓂᓯᔨᐛ ᑭᔭ ᓇᓱᓇ ᐎᐧᑲᓂᓯᔨᐛ; ᒋ ‍ ᓇᐎᔪᐛ ᐅᑯᓴᐛᐛ, ᓇᑕᑉ, ᐊᐱᐦᐅ, ᐃᓕᐊᓴᕐ, ᑭᔭ ᐃᑕᒪᕐ᙮
\p
\v 24 ᐊᐅᑯᔪᐛ ᐅᔭ ᐅᑯᓴ ᑯᕋ: ᐊᔅᓯᕐ, ᐊᓪᑲᓇ, ᑭᔭ ᐊᐱᐊᓴᑉ, ᐊᐅᑯᓐᒡ ᐊᓐᒡ ᐊ ‍ ᐃᑎᔅᑲᓇᓯᒡ ᑯᕋ ᐃᔪᒡ᙮
\p
\v 25 ᐃᓕᐊᓴᕐ, ᐊᕋᓐ ᐅᑯᓴ ᒋ ‍ ᐎᒋᒪᐤ ᐸᐃᒄ ᐳᑎᐃᓚ ᐅᑕᓂᓯᔪᐛ; ᐱᓂᐦᐊᔅ ᒋ ‍ ᐃᓯᓂᐧᑲᓱᔪᐛ ᐅᑯᓱᐛᐛ᙮ ᐊᐅᒄ ᐅᔭ ᐅᑦ ᐊᓂᔅᑯᑕᐸᓇ ᓕᐸᐃ ᑭᔭ ᐎᐧᑲᓂᓴ᙮ ᐊᑯᑕ ᐊᔎᒡ ᐊᓐ ᐊ ‍ ᐎᔭᑭᓄᐅᒡ ᐊᓐᒡ ᑲ ‍ ᐅᒋᒪᐅᒡ ᐊᓐᑕ ᓕᐸᐃ ᐃᔪᐛ᙮
\p
\v 26 ᐸᐃᑯᑕᐤ ᐊᓂᔭ ᐊᕋᓇ ᑭᔭ ᒧᓱᓴ ᑎᐸᔨᒋᒐᓱᐤ ᑲ ‍ ᐃᑕᑦ ᒐᒋ ᔅᑐᑕᐊᔨᒋ ᐃᔅᕋᐃᓪ ᐃᔪᐛ ᐊᓐᑕ ᐃᒋᑉᑦ ᐊᔅᒋᒡ ᐅᒡ᙮
\v 27 ᐊᕋᓐ ᑭᔭ ᒧᓱᔅ ᒂ ‍ ᓂᑐᐛᐱᒪᒡ ᒋᓴᐅᒋᒪᐛ ᒂ ‍ ᑯᒂᒋᒪᒡ ᒐᒋ ᔅᑐᑕᐊᒡ ᐃᔪᐛ ᐊᓐᑕ ᐃᒋᑉᑎᒡ ᐅᒡ᙮
\p
\v 28 ᐃᔅᐱ ᒧᓱᔅ ᑲ ‍ ᐃᔨᒥᐃᑯᑦ ᑎᐸᔨᒋᒐᓱᐛ ᐊᓐᑕ ᐃᒋᑉᑦ ᐊᔅᒋᒡ᙮
\v 29 ᒂ ‍ ᐃᑎᑯᑦ, “ᓂᔾ ᐅ ᑎᐸᔨᒋᒐᓱᐤ᙮ ᒐ ‍ ᐎᑎᒧᐅᑦ ᐃᒋᑉᑎᒡ ᒋᓴᐅᒋᒪᐤ ᓄᑎᒻ ᒐᒂᔪᐤ ᑲ ‍ ᐃᑎᑕᓐ᙮”
\p
\v 30 ᐊᑯ ᒧᓱᔅ ᒂ ‍ ᐃᑕᑦ ᐊᓂᔭ ᑎᐸᔨᒋᒐᓱᐛ, “ᒋ ‍ ᒋᔅᒐᔨᑕᓐ ᐊᑲ ᑭᔅᒋᐅᔭᓐ ᐊ ‍ ᐃᔨᒥᔭᓐ, ᑭᔭ ᒋᓴᐅᒋᒪᐤ ᓇᒪ ᓂᑭ ᒋ ᐎ ‍ ᓂᑐᑕᒃ᙮”
\c 7
\s1 ᒧᓱᔅ ᒋᓇᐱᑯᒡ ᑲ ‍ ᐃᓯᓇᑯᓂᔨᒡ ᐅᓯᔅᑲᐅᓐ
\p
\v 1 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᓂᑭ ‍ ᒥᔭᐤ ᒋᔅᑕᔅ ᐊᕋᓐ ᒐᒋ ᐃᔨᒥᔅᑎᒪᔅᒃ, ᒧᔭᒻ ᐅᒋᔅᒋᐛᐃᒐᓱᐤ ᐊᔨᒧᑎᒧᐛᒋ ᓂᑦ ᐃᔨᒧᓂᔪᐤ ᐊᓂᔭ ᐃᔪᐛ᙮
\v 2 ᒐ ‍ ᐎᑎᒧᐅᑦ ᐊᕋᓐ ᓄᑎᒻ ᒐᒂᔪᐤ ᑲ ‍ ᐃᑎᑕᓐ ᑭᔭ ᒐ ‍ ᐃᑎᓱᒪᑦ ᒋᓴᐅᒋᒪᐛ ᒐᒋ ᐱᔅᑎᓇᔨᒋ ᓂᑦ ᐃᔨᒪ ᒐᒋ ᓂᑭᑎᒥᔨᒋ ᐊᓂᔭ ᐅᑦ ᐊᔅᒋᔪᐤ᙮
\v 3 ᑭᔭ ᓂᑭ ‍ ᐃᑐᑐᐛᐤ ᒐᒋ ᒥᔅᑯᔅᑎᒂᓇᑦ᙮ ᓇᒪ ᒋᑭ ‍ ᓂᑐᑕᒃ ᐊᑎᓱᐧᒄ ᒥᔅᑎ ᐊᓏᔨᒥᑲ ᑭᔭ ᐅᑦ ᐃᔨᒪ᙮
\v 4 ᐊᑯ ᒐ ‍ ᐃᑐᑎᒪᓐ ᓂᓱᐧᑲᑎᓯᐅᓐ ᒪᔅᑕᔾ ᒐ ᒥᔅᑎ ‍ ᐊᓏᔨᒥᒂᐤ ᐊᓐ ᐃᒋᑉᑦ ᐃᔪᒡ, ᐊᑯ ᒐ ‍ ᒋᔅᒋᓄᑕᐃᒂᐤ ᓂᑦ ᐃᔨᒥᒡ ᐃᒋᑉᑎᒡ ᐅᒡ᙮
\v 5 ᐅ ᒋ ‍ ᐃᔅᐱᔨᒐ ᐊᑯ ᐃᒋᑉᑦ ᐃᔪᒡ ᒐ ‍ ᒋᔅᒐᔨᑕᒡ, ᓂᔾ ᐅ ᑎᐸᔨᒋᒐᓱᐤ᙮”
\p
\v 6 ᐊᑯ ᒧᓱᔅ ᑭᔭ ᐊᕋᓐ ᒂ ‍ ᑐᑕᒡ ᑲ ‍ ᐃᑎᓱᒪᑯᒡ ᑎᐸᔨᒋᒐᓱᐛ᙮
\v 7 ᔭᓇᐤ ᑕᑐᔪᐤ ᒋ ‍ ᐃᑕᑐᐳᓇᓱᐤ ᒧᓱᔅ ᑭᔭ ᔭᓇᐤ ᑕᑐᔪᐤ ᐊᓱ ᓂᔅᑐ ᒋ ‍ ᐃᑕᑐᐳᓇᓱᐤ ᐊᕋᓐ, ᑲ ‍ ᓂᑐᐛᐱᒪᒡ ᑭᔭ ᑲ ‍ ᐃᔨᒪᐊᒡ ᒋᓴᐅᒋᒪᐛ᙮
\p
\v 8 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ ᑭᔭ ᐊᕋᓇ,
\v 9 “ᐃᑎᑕᒂ ᒋᓴᐅᒋᒪᐤ, ‘ᒐ ‍ ᐃᑐᑎᒪᒄ ᒪᒥᔅᑲᒡ ᐃᑐᐅᓐ,’ ᒐ ‍ ᐃᑎᑦ ᐊᕋᓐ, ‘ᐅᑎᓇ ᒋᓯᔅᑲᐅᓐ ᑭᔭ ᒐ ‍ ᐛᐱᓂᒥᓐ ᐊᓐᑕ ᓂᑲᓐ ᐊᑕᑦ ᒋᓴᐅᒋᒪᐤ ᐊᑯ ᒋᓇᐱᑯᒡ ᒐ ᐃᓯ ‍ ᒥᔅᑯᒋᐱᔨᒡ᙮’ ”\fig Moses and snake|Exo07-10-CO00799B.TIF|col||© 1996 David C Cook|ᐊᕋᓐ ᒂ ‍ ᐛᐱᓇᐧᒃ ᐅᒥᔅᑎᑯᒻ ᐊᓐᑕ ᓂᑲᓄᒡ ᑭᔭ ᒋᓇᐱᑯᒡ ᒂ ᐃᓯ ‍ ᒥᔅᑯᒋᐱᔨᒡ᙮|7.9\fig*
\p
\v 10 ᐊᑯ ᒧᓱᔅ ᑭᔭ ᐊᕋᓐ ᒂ ‍ ᓂᑐᐛᐱᒪᒡ ᒋᓴᐅᒋᒪᐛ, ᒂ ‍ ᑐᑕᒡ ᑲ ‍ ᐃᑎᓱᒪᑯᒡ ᑎᐸᔨᒋᒐᓱᐛ᙮ ᐊᕋᓐ ᒂ ‍ ᐛᐱᓇᐧᒃ ᐅᓯᔅᑲᐅᓐ ᐊᓐᑕ ᓂᑲᓄᒡ ᑭᔭ ᒋᓇᐱᑯᒡ ᒂ ᐃᓯ ‍ ᒥᔅᑯᒋᐱᔨᒡ᙮
\v 11 ᒋᓴᐅᒋᒪᐤ ᒂ ‍ ᐎᓴᒪᑦ ᐅᑲᒥᓂᑐᐅᓯᒪ ᑭᔭ ᒂ ‍ ᐃᑐᑎᒥᔨᒋ ᒧᔭᒻ ᑲ ‍ ᑐᑕᒡ ᑭᔭ ᐎᔨᐛᐤ᙮
\v 12 ᒂ ‍ ᐛᐱᓇᒡ ᐅᓯᔅᑲᐅᓄᐛᐛ ᑭᔭ ᒋᓇᐱᑯᒡ ᒂ ᐃᓯ ‍ ᒥᔅᑯᒋᐱᔨᒋ, ᒥᒄ ᐊᕋᓐ ᐅ ᒋᓇᐱᑯᒪ ᑲ ‍ ᑯᒋᐱᔭᔨᒋ ᐊᓂᔭ ᑯᑎᑲ ᒋᓇᐱᒂ᙮
\v 13 ᒋᓴᐅᒋᒪᐤ ᐊᔅᒄ ᐃᔭᐱᒡ ᒋ ‍ ᒥᔅᑯᔅᑎᒂᓇᐤ ᑭᔭ ᓇᒪ ᐅᒋ ‍ ᐎᓂᑐᑎᒻ ᐃᔭᐱᒡ, ᒧᔭᒻ ᑎᐸᔨᒋᒐᓱᐛ ᑲ ‍ ᐃᔅᒋᔄᔨᒋ᙮
\s1 ᓂᐱᔾ ᒥᐧᑯᒡ ᑲ ‍ ᐃᓯᓇᒂᒡ
\p
\v 14 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒋᒋᐛ ᐃᔭᐱᒡ ᒥᔅᑯᔅᑎᒂᓇᐤ ᒋᓴᐅᒋᒪᐤ, ᑭᔭ ᓇᒪ ᑕᑈᑎᒻ ᒐᒋ ᐱᔅᑎᓇᑦ ᓂᑦ ᐃᔨᒪ᙮
\v 15 ᒐᒋᓴᐸᔭᒐ, ᒐ ‍ ᑕᐧᑯᓂᒥᓐ ᒋᓯᔅᑲᐅᓐ ᒋᓇᐱᑯᒡ ᑲ ᐃᓯ ‍ ᒥᔅᑯᒋᐱᔨᒡ, ᑭᔭ ᓯᓱᒡ ᓇᐃᔭᓪ ᓯᐱᒡ, ᐊᑯᑕ ᒐ ‍ ᐊᓱᐛᐱᒥᑦ ᐊᓐ ᒋᓴᐅᒋᒪᐤ᙮
\v 16 ᑭᔭ ᒐ ‍ ᐎᑎᒧᐅᑦ, ‘ᑎᐸᔨᒋᒐᓱᐤ, ᐃᑉᕈᐤ ᐅᒋᓴᒪᓂᑐᒧᐛᐛ, ᓂᒋ ‍ ᐃᑎᓴᐅᒃ ᒐᒋ ᐃᑎᓱᒥᑕᓐ, ᐱᔅᑎᓇᐧᑯᒡ ᓂᑦ ᐃᔨᒥᒡ ᒐᒋ ᐊᔭᒥᐊᔅᑐᐅᒡ ᐊᓐᑕ ᐸᐧᑯᑎᔅᑭᒥᑲᒡ᙮ ᒥᒄ ᐊᔅᒄ ᐃᔭᐱᒡ ᐊᓄᒡ, ᓇᒪ ᒋ ᐅᒋ ‍ ᓂᑐᑐᐛᐤ᙮
\v 17 ᑎᐸᔨᒋᒐᓱᐤ ᐃᔅᒋᔄᐤ, “ᐊᑯ ᒐᔅᒐᔨᑎᒥᓐ ᐊᐛᓐ ᐊᓐ ᐎᔾ ᐊᓂᔭ ᒐᒂᔪᐤ ᒐ ‍ ᐃᑐᑕᐧᒃ ᐅᒡ: ᐅ ᓂᓯᔅᑲᐅᓐ ᐅᒡ ᓂᑭ ‍ ᑕᐧᑲᑭᒪᐊᓐ ᓇᐃᔭᓪ ᓯᐱᔾ, ᐊᑯ ᒥᐧᑯᒡ ᒐ ‍ ᐃᓯᓇᒂᒡ᙮
\v 18 ᒥᓯᐛ ᓂᒪᓯᒡ ᒋᑭ ‍ ᓂᐳᐅᒡ, ᑭᔭ ᓇᐃᔭᓪ ᓯᐱᔾ ᒋᑭ ‍ ᒥᒋᒪᑯᓐ᙮ ᐃᒋᑉᑦ ᐃᔪᒡ ᓇᒪ ᒋᑭ ᒋ ‍ ᒥᓄᐅᒡ ᐊᓂᔭ ᓂᐱᔪᐤ ᐊᓐᑕ ᓯᐱᒡ ᐅᒡ᙮” ’ ”
\p
\v 19 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒐ ‍ ᐃᑎᑦ ᐊᕋᓐ, ‘ᐅᑎᓇ ᒋᓯᔅᑲᐅᓐ ᑭᔭ ᓂᐱᒡ ᐊᓐᑕ ᒐ ‍ ᐃᔅᐱᑕᔨᓐ, ᒥᓯᐛ ᓯᐱᓴ, ᑭᔭ ᒥᓯᐛ ᓂᐱᔭ,’ ᒥᐧᑯᒡ ᒐ ‍ ᐃᓯᓇᒂᒋ᙮ ᒥᓯᐛ ᓂᐱᔾ ᐊᓐᑕ ᐃᒋᑉᑎᒡ ᒥᐧᑯᒡ ᒋᑭ ‍ ᐃᓯᓇᑯᓐ ᐃᔭᐱᒡ ᐊᓐᑕ ᐛᐱᑎᓂᔅᒋᐳᑕᒡ ᑭᔭ ᒥᓯᐛ ᒐᒂᓂᒡ ᑲ ‍ ᐊᓱᐅᑕᒡ ᓂᐱᔾ᙮”
\p
\v 20 ᒧᓱᔅ ᑭᔭ ᐊᕋᓐ ᒂ ‍ ᑐᑕᒡ ᑎᐸᔨᒋᒐᓱᐛ ᑲ ‍ ᐃᑎᑯᒡ᙮ ᐊᕋᓐ ᒂ ‍ ᐅᐱᑕᐧᒃ ᐅᓯᔅᑲᐅᓐ ᑭᔭ ᒂ ‍ ᑕᐧᑲᑭᒪᐊᐧᒃ ᓇᐃᔭᓪ ᓯᐱᔪᐤ, ᐊᑯ ᒥᐧᑯᒡ ᒂ ‍ ᐃᓯᓇᑯᓂᔨᒡ ᓄᑎᒻ ᓂᐱᔪᐤ᙮\fig Moses, Aaron and Pharaoh by river|Exo07-20-CO00802B.TIF|col||© 1996 David C Cook|ᓯᓱᒡ ᓇᐃᔭᓪ ᓯᐱᒡ, ᐊᑯᑕ ᒐ ‍ ᐊᓱᐛᐱᒥᑦ ᐊᓐ ᒋᓴᐅᒋᒪᐤ᙮|7.20\fig*
\v 21 ᓂᒪᓯᒡ ᒋ ‍ ᓂᐳᐅᒡ ᑭᔭ ᓂᐱᔾ ᒋᑭ ‍ ᒥᒋᒪᑯᓐ, ᐃᒋᑉᑦ ᐃᔪᒡ ᓇᒪ ᒋ ᐅᒋ ‍ ᒥᓄᐅᒡ ᐊᓂᔭ ᓂᐱᔪᐤ᙮ ᒥᓯᐛ ᐊᓐᑕ ᒥᐧᒄ ᒋ ‍ ᑎᑯᓐ ᐃᒋᑉᑦ ᐊᔅᒋᒡ᙮
\p
\v 22 ᒋᓴᐅᒋᒪᐤ ᐅᑲᒥᓂᑐᓯᒪ ᐸᐃᑯᑕᐤ ᒂ ‍ ᐃᑐᑎᒥᔨᒋ᙮ ᐊᑯ ᒋᓴᐅᒋᒪᐤ ᐃᔭᐱᒡ ᒋ ‍ ᒥᔅᑯᔅᑎᒂᓇᐤ, ᓇᒪ ᐅᒋ ᐎ ‍ ᓂᑐᑐᐛᐤ ᒧᓱᓴ ᑭᔭ ᐊᕋᓇ ᒧᔭᒻ ᑎᐸᔨᒋᒐᓱᐤ ᑲ ‍ ᐃᔅᒋᔄᑦ᙮
\v 23 ᒋᓴᐅᒋᒪᐤ ᑲᐤ ᒂ ‍ ᒋᐛᑦ ᐊᓐᑕ ᐅᒋᓴᒋᒪᐅᒋᐛᐱᒡ ᐊᑲ ᐅᒋ ‍ ᒪᒥᑐᓇᔨᑕᐧᒃ ᐅᔭ ᑲ ‍ ᐃᔅᐱᔨᒡ ᒐᒂᔪᐤ᙮
\v 24 ᐃᒋᑉᑦ ᐃᔪᒡ ᒋ ‍ ᒧᓇᐃᒐᐅᒡ ᐊᓐᑕ ᓯᓱᒡ ᓯᐱᒡ ᐊ ‍ ᓇᓂᑐᐛᐸᑕᒡ ᐊ ‍ ᒥᔽᑭᒥᔨᒡ ᓂᐱᔪᐤ ᒐᒋ ᒥᓂᒡ, ᐛᔅ ᓇᒪ ᐅᒋ ᒥᓄᐅᒡ ᓂᐱᔪᐤ ᐊᓐᑕ ᓯᐱᒡ ᐅᒡ᙮
\v 25 ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ ᑎᐸᔨᒋᒐᓱᐤ ᑲ ‍ ᐅᑕᒪᑭᒪᐊᐧᒃ ᓇᐃᔭᓪ ᓯᐱᔪᐤ᙮
\c 8
\s1 ᐃᔨᑭᒡ ᑲ ‍ ᐊᑯᓇᐊᒡ ᐊᔅᒋᔪᐤ
\p
\v 1 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, ᒐ ‍ ᓂᑐᐛᐱᒥᑦ ᒋᓴᐅᒋᒪᐤ ᑭᔭ ᒐ ‍ ᐃᑎᑦ, “ᐊᐅᑯᐤ ᐅᔭ ᑎᐸᔨᒋᒐᓱᐤ ᐊ ‍ ᐃᔅᒋᔄᑦ: ‘ᐱᔅᑎᓂᒡ ᓂᑦ ᐃᔨᒥᒡ ᒐᒋ ᐊᔭᒥᐊᔅᑐᐅᒡ᙮
\v 2 ᑲ ‍ ᑕᑈᑎᒥᓇ, ᓂᑭ ‍ ᐃᑎᓴᐛᐅᒡ ᓇᔅᒡ ᐊ ‍ ᒥᒐᑎᒡ ᐃᔨᑭᒡ ᐊᓐᑕ ᒥᓯᐛ ᒋᑦ ᐊᔅᒋᒡ᙮
\v 3 ᒋᑭ ‍ ᓴᑭᔅᒋᓇᐅᒡ ᐃᔨᑭᒡ ᐊᓐᑕ ᓇᐃᔭᓪ ᓯᐱᒡ ᑭᔭ ᒋᒋᐛᐛᒡ ᒋᑭ ‍ ᑕᐅᒡ, ᒐ ᐊᑎ ‍ ᐱᒐᒡ ᐊᓐᑕ ᒋᑲᐱᔅᒋᒐᔭᒧᐛᒡ ᑭᔭ ᒋᓂᐸᐅᓄᐛᐛᒡ ᒋᑭ ‍ ᑕᐅᒡ ! ᓄᑎᒻ ᒥᒋᐛᐱᒡ ᐊᓐᑕ ᐃᒋᑉᑎᒡ ᒋᑭ ‍ ᑕᐅᒡ᙮ ᓄᑎᒻ ᐊᓐᑕ ᒋᑭ ‍ ᓴᑭᔅᒋᓇᐅᒡ ᒋᑲᐱᒥᓄᐛᐤ ᒋᓴᐱᔅᒐᐛᓄᐛᒡ ᑭᔭ ᒋᑦ ᐊᔅᒋᐧᑯᐛᐛᒡ᙮
\v 4 ᒋᑭ ‍ ᒂᔅᑯᑕᑯᒡ ᑭᔭ ᒋᑦ ᐃᔨᒪ ᑭᔭ ᒋᑯᐸᓇᒪ᙮’ ”
\p
\v 5 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒐ ‍ ᐃᑎᑦ ᐊᕋᓐ ᒐᒋ ᐃᔅᐱᔨᑕᑦ ᐅᓯᔅᑲᐅᓐ ᐊᓐᑕ ᓇᐃᔭᓪ ᓯᐱᒡ ᑭᔭ ᐊᓐᑕ ᒥᓯᐛ ᓴᑲᐃᑭᓂᒡ ᑭᔭ ᓯᐱᓯᒡ ᑭᔭ ᒐ ‍ ᑐᑐᐅᑥᐤ ᐃᔨᑭᒡ ᒐᒋ ᒧᔅᒋᐱᔨᒡ ᑭᔭ ᒐ ‍ ᐊᑯᓇᐊᒡ ᒥᓯᐛ ᐃᒋᑉᑦ ᐊᔅᒋᔪᐤ᙮”
\p
\v 6 ᐊᑯ ᐊᕋᓐ ᒂ ‍ ᐃᔅᐱᔨᑕᑦ ᐅᒥᔅᑎᑯᒻ ᐊᓐᑕ ᒥᓯᐛ ᓂᐱᒡ ᐊᑯ ᐃᔨᑭᒡ ᒂ ‍ ᐊᑯᓇᐊᒡ ᒥᓯᐛ ᐃᒋᑉᑦ ᐊᔅᒋᔪᐤ᙮
\v 7 ᒥᒄ ᑲᒥᓂᑐᐅᓯᒡ ᒂ ‍ ᑐᑕᒡ ᑭᔭ ᐎᔪᐛᐤ ᐅᒥᓂᑐᓯᐅᓄᐛᐤ, ᑭᔭ ᐎᔪᐛᐤ ᒂ ‍ ᐃᑐᑐᐛᒡ ᐃᔨᑲ ᒐᒋ ᑕᔨᒋ ᐊᓐᑕ ᐊᔅᒋᒡ᙮\fig Frogs in a stream|Exo08-05-bk00023c.tif|col||Horace Knowles revised by Louise Bass © The British & Foreign Bible Society, 1994|ᐊᑯ ᐊᕋᓐ ᒂ ‍ ᐃᔅᐱᔨᑕᑦ ᐅᒥᔅᑎᑯᒻ ᐊᓐᑕ ᒥᓯᐛ ᓂᐱᒡ ᐊᑯ ᐃᔨᑭᒡ ᒂ ‍ ᐊᑯᓇᐊᒡ ᒥᓯᐛ ᐊᔅᒋᔪᐤ᙮|8.6\fig*
\p
\v 8 ᐊᑯ ᒋᓴᐅᒋᒪᐤ ᒂ ‍ ᐎᓴᒪᑦ ᒧᓱᓴ ᑭᔭ ᐊᕋᓇ ᑭᔭ ᒂ ‍ ᐃᑕᑦ, “ᐊᔭᒥᐊᔅᑐᐛᐧᒄ ᒋ ‍ ᑎᐸᔨᒋᒐᓯᒧᐛᐤ ᒐᒋ ᐅᑎᓇᑦ ᐊᓂᔭᔪᐛ ᐃᔨᑲ ᐊᓐᑕ ᓂᑦ ᐃᔨᒪ ᑭᔭ ᓂᔾ ᐅᒡ, ᓂᑭ ‍ ᐱᔅᑎᓇᐅᒡ ᒋᑦ ᐃᔨᒧᐛᐅᒡ ᒐᒋ ᒥᔭᒡ ᒥᑐᔅᑕᐊᒪᒐᐅᓂᔪᐤ ᑎᐸᔨᒋᒐᓱᐛ᙮”
\p
\v 9 ᒧᓱᔅ ᒂ ‍ ᐃᑕᑦ ᒋᓴᐅᒋᒪᐛ, “ᒐ ‍ ᐎᑎᒧᐎᓐ ᑕᐃᔅᐱ ᒐ ‍ ᐊᔭᒥᐊᔅᑕᑎᑯᒡ, ᒋᔾ ᑭᔭ ᒋᑯᐸᓇᒥᒡ ᑭᔭ ᒋᑦ ᐃᔨᒥᒡ ᒐ ᐊᑲ ‍ ᐃᑕᒡ ᐃᔨᑭᒡ ᐊᓐᑕ ᒋᒋᐛᐛᒡ ᒥᒄ ᐊᓐᑕ ᓇᐃᔭᓪ ᓯᐱᒡ ᒐ ‍ ᑕᒡ᙮”
\p
\v 10 ᒋᓴᐅᒋᒪᐤ ᒂ ‍ ᐃᔅᒋᔄᑦ, “ᐛᐸᒐ ᒐ ‍ ᐃᔨᒥᑐᐎᓐ᙮” ᒧᓱᔅ ᒂ ‍ ᐃᑕᑦ, “ᐊᐅᑯᐤ ᒐ ‍ ᐃᓯᓇᒂᒡ ᐅ ᐊ ‍ ᐃᔅᒋᔄᔨᓐ ᐊᑯ ᒐ ‍ ᒋᔅᒐᔨᑎᒪᒄ ᐊ ᐊᑲ ‍ ᐃᔨᑕᑦ ᒪᓂᑐᐤ ᒧᔭᒻ ᑎᐸᔨᒋᒐᓱᐤ ᓂ ‍ ᒋᓴᒪᓂᑐᒥᓇᓐ᙮
\v 11 ᒋᑭ ‍ ᓂᑭᑎᑯᐛᐅᒡ ᐃᔨᑭᒡ ᒋᔾ ᑭᔭ ᒋᑯᐸᓇᒥᒡ ᑭᔭ ᒋᑦ ᐃᔨᒥᒡ᙮ ᒥᒄ ᐊᓐᑕ ᓇᐃᔭᓪ ᓯᐱᒡ ᒋᑭ ‍ ᑕᐅᒡ᙮”
\p
\v 12 ᐊᑯ ᒧᓱᔅ ᑭᔭ ᐊᕋᓐ ᒂ ‍ ᓂᑭᑕᒡ ᒋᓴᐅᒋᒪᐛ, ᑭᔭ ᒧᓱᔅ ᒂ ‍ ᓂᑐᑎᒪᔅᑎᒧᐛᑦ ᑎᐸᔨᒋᒐᓱᐛ ᒐᒋ ᐅᑎᓇᔨᒋ ᐃᔨᑲ ᑲ ‍ ᐃᑎᓴᐊᒧᐛᑦ ᒋᓴᐅᒋᒪᐛ᙮
\v 13 ᑎᐸᔨᒋᒐᓱᐤ ᒂ ‍ ᐃᑐᑕᐧᒃ ᑲ ᐃᓯ ‍ ᓂᑐᑎᒪᑯᑦ ᒧᓱᓴ ᑭᔭ ᐃᔨᑭᒡ ᒥᓯᐛ ᒋ ‍ ᓂᐳᐅᒡ ᐊᓐᑕ ᒥᒋᐛᐱᒡ ᑭᔭ ᓂᑕᐅᒋᒋᑭᓂᒡ ᑲ ‍ ᑕᒡ᙮
\v 14 ᐃᒋᑉᑦ ᐃᔪᒡ ᒂ ‍ ᒪᒧᓴᒋᓇᒡ ᑭᔭ ᒂ ‍ ᒪᒧᐊᔭᒡ, ᑭᔭ ᓇᔅᒡ ᒂ ‍ ᒥᒋᒪᒂᒡ ᐊᔅᒋᔾ᙮
\v 15 ᐊᑯ ᒋᓴᐅᒋᒪᐤ ᒂ ‍ ᐛᐱᒪᑦ ᐃᔨᑲ ᓇᐱᔨᒋ, ᑲᐤ ᒥᓐ ᒂ ‍ ᒥᔅᑯᔅᑎᒂᓇᑦ ᓇᒪ ᐅᒋ ᐎ ‍ ᑕᑈᑎᒻ ᒐᒋ ᐱᔅᑎᓇᑦ ᐃᔪᐛ, ᒧᔭᒻ ᑎᐸᔨᒋᒐᓱᐤ ᑲ ‍ ᐃᔅᒋᔄᑦ, ᓇᒪ ᐅᒋ ᐎ ‍ ᓂᑐᑐᐛᐤ ᒧᓱᓴ ᑭᔭ ᐊᕋᓇ᙮
\s1 ᒥᓐᑐᓯᓯᒡ ᓇᔅᒡ ᑲ ‍ ᒥᒐᑎᒡ
\p
\v 16 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒐ ‍ ᐃᑎᑦ ᐊᕋᓐ ᒐᒋ ᐅᑕᒪᐊᒃ ᒧᔅᑎᔅᑭᒥᔪᐤ ᐅᓯᔅᑲᐅᓐ ᐊ ‍ ᐊᐱᒋᑕᑦ, ᐊᑯ ᒥᓯᐛ ᐊᓐᑕ ᐃᒋᑉᑦ ᐊᔅᒋᒡ ᒥᓐᑐᓯᓯᒡ ᒐ ‍ ᐃᓯᓇᑯᓂᔨᒡ ᐃᔭᑲᔪᐤ᙮”
\v 17 ᐊᑯ ᐊᕋᓐ ᒂ ‍ ᐅᑕᒪᐊᐧᒃ ᒧᔅᑎᔅᑭᒥᔪᐤ ᐅᓯᔅᑲᐅᓐ ᐊ ‍ ᐊᐱᒋᑕᑦ ᐊᑯ ᒥᓯᐛ ᐃᔭᑲᔪᐤ ᐊᓐᑕ ᐃᒋᑉᑦ ᐊᔅᒋᒡ ᒥᓐᑐᓯᓯᒡ ᒂ ‍ ᐃᓯᓂᑯᓂᔨᒡ ᒥᓯᐛ ᐃᔪᒡ ᑭᔭ ᐊᐛᓯᓯᒡ ᐊᑯᓇᐅᑯᒡ᙮
\v 18 ᐊᑯ ᑲᒥᓂᑐᐅᓯᒡ ᑲ ‍ ᑯᒋᐱᑕᒡ ᑭᔭ ᐎᔪᐛᐤ ᐊ ‍ ᐊᐱᒋᑕᒡ ᐅᒥᓂᑐᓯᐅᓄᐛᐤ ᒐᒋ ᓄᑯᓯᔨᒋ ᒥᓐᑐᓯᓴ ᒥᒄ ᓇᒪ ᐅᒋ ᑭᔅᒋᑕᐅᒡ, ᒥᓯᐛ ᐊᓐᑕ ᒋ ‍ ᑕᐅᒡ ᒥᓐᑐᓯᓯᒡ᙮
\p
\v 19 ᑭᔭ ᑲᒥᓂᑐᐅᓯᒡ ᒂ ‍ ᐃᑕᒡ ᒋᓴᐅᒋᒪᐛ, “ᐊᐅᑯᔪᐤ ᐅᔭ ᒋᓴᒪᓂᑐᐤ ᐅᑦ ᐃᑐᐅᓐ᙮” ᒥᒄ ᒋᓴᐅᒋᒪᐤ ᒋ ‍ ᒥᔅᑯᔅᑎᒂᓇᐤ, ᒧᔭᒻ ᑎᐸᔨᒋᒐᓱᐤ ᑲ ‍ ᐃᔅᒋᔄᑦ, ᓇᒪ ᐅᒋ ᐎ ‍ ᓂᑐᑐᐛᐤ ᒧᓱᓴ ᑭᔭ ᐊᕋᓇ᙮
\s1 ᐅᒐᐅᒡ ᓇᔅᒡ ᑲ ‍ ᒥᒐᑎᒡ
\p
\v 20 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᐎᐱᒡ ᒐᒋᓴᐸ ᒐ ‍ ᐅᓂᔨᓐ ᑭᔭ ᒐ ‍ ᓂᔅᑯᐅᑦ ᒋᓴᐅᒋᒪᐤ ᐊᓐᑕ ᓯᐱᒡ ᒪᒂᒡ ᒐ ‍ ᒋᔅᑕᐸᐅᐎᓱᑦ, ᑭᔭ ᒐ ‍ ᐃᑎᑦ, ‘ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᐊ ‍ ᐃᔅᒋᔄᑦ: ᐱᔅᑎᓂᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᑭᔭ ᒐᒋ ᐊᔭᒥᐊᔅᑐᐅᒡ᙮\fig Egyptian man and flies|Exo08-24-CO00804B.TIF|col||© 1996 David C Cook|ᒋᒋᐛ ᒋ ‍ ᒥᒐᑎᔪᐛ ᐅᒐᐛ ᐊᓐᑕ ᒋᓴᐅᒋᒪᐤ ᐎᒋᒡ ᑭᔭ ᐊᓐᑕ ᒥᓯᐛ ᒥᒋᐛᐱᒡ ᐊᓐᑕ ᐃᒋᑉᑎᒡ᙮|8.20\fig*
\v 21 ᐊᑲ ᐎ ‍ ᐱᔅᑎᓂᑥᐛ ᒋᑭ ‍ ᐃᑎᓴᐊᒪᑎᓐ ᓇᔅᒡ ᐊ ‍ ᒥᒐᑎᒡ ᐅᒐᐅᒡ ᑭᔭ ᒋᑯᐸᓇᒥᒡ ᑭᔭ ᒋᑦ ᐃᔨᒥᒡ᙮ ᒋᑭ ‍ ᓴᑭᔅᒋᓇᐅᒡ ᐊᓐᑕ ᐃᒋᑉᑦ ᐃᔪᒡ ᐎᒋᐛᐛᒡ ᑭᔭ ᒋᑭ ‍ ᑯᓇᐊᒧᒡ ᒧᔅᑎᔅᑭᒥᔪᐤ᙮
\p
\v 22 ᒋᓴᒪᓂᑐᐤ ᐅᑦ ᐃᔨᒪ ᐊᓐᑕ ᑯᓯᓐ ᐊ ‍ ᑕᔨᒋ ᓇᒪ ᒋᑭ ‍ ᐛᐧᑲᐃᑯᐅᒡ ᐅᒐᐛ, ᒥᒄ ᒋᑦ ᐃᔨᒥᒡ ᐊᓐᑕ ᒥᓯᐛ ᐃᒋᑉᑦ ᐊᔅᒋᒡ ᓇᔅᒡ ᒋᑭ ‍ ᐛᐧᑲᐃᑯᐅᒡ᙮ ᐊᐅᑯᓐ ᒐ ‍ ᒋᔅᒐᔨᑎᒪᒃ ᑎᐸᔨᒋᒐᓱᐤ ᐊᑕᑦ ᐅᑕ ᐃᒋᑉᑦ ᐊᔅᒋᒡ᙮
\v 23 ᓂᑭ ‍ ᑎᐸᓇᐅᒡ ᓂᑦ ᐃᔨᒥᒡ ᒋᑦ ᐃᔨᒪ ᐅᒡ, ᐛᐸᒐ ᐅ ᒋᑭ ‍ ᐃᔅᐱᔪᐤ᙮’ ”
\p
\v 24 ᑭᔭ ᑎᐸᔨᒋᒐᓱᐤ ᒂ ‍ ᐃᑐᑕᐧᒃ ᑲ ‍ ᐃᔅᒋᔄᑦ, ᐊᑯ ᒋᒋᐛ ᒋ ‍ ᒥᒐᑎᔪᐛ ᐅᒐᐛ ᐊᓐᑕ ᒋᓴᐅᒋᒪᐛ ᐎᒋᔨᒡ ᑭᔭ ᐊᓐᑕ ᒥᓯᐛ ᒥᒋᐛᐱᒡ ᐊᓐᑕ ᐃᒋᑉᑎᒡ᙮ ᒥᓯᐛ ᒋ ‍ ᐃᔭᔪᑕᐅᒡ ᐃᒋᑉᑦ ᐊᔅᒋᔪᐤ ᐊᓐᒡ ᐅᒐᐅᒡ᙮
\p
\v 25 ᒋᓴᐅᒋᒪᐤ ᒂ ‍ ᐎᓴᒪᑦ ᒧᓱᓴ ᑭᔭ ᐊᕋᓇ, “ᒪᒋᒄ ᒥᔭᐧᒄ ᒥᑐᔅᑕᐊᒪᒐᐅᓂᔪᐤ ᒋᒋᓴᒪᓂᑐᒧᐛᐤ ᐅᑕ ᐊᔅᒋᒡ᙮”\fig Moses, Aaron and Pharaoh|Exo08-08-CO00803B.TIF|col||© 1996 David C Cook|ᒋᓴᐅᒋᒪᐤ ᒂ ‍ ᐎᓴᒪᑦ ᒧᓱᓴ ᑭᔭ ᐊᕋᓇ᙮|8.25\fig*
\p
\v 26 ᐊᑯ ᒧᓱᔅ ᒂ ‍ ᐃᑕᑦ, “ᓇᒪ ᒥᔽᐤ ᒐᒋ ᐃᑐᑎᒪᓐ ᐅ᙮ ᒋᑭ ‍ ᐛᐧᑲᐃᑯᐅᒡ ᐃᒋᑉᑦ ᐃᔪᒡ ᐊ ‍ ᒥᑐᔅᑕᐊᒧᒥᒋᒋ ᐊᐛᓯᓴ ᑎᐸᔨᒋᒐᓱᐛ ᓂᒋᓴᒪᓂᑐᒥᓇᓇ᙮ ᒐᔅᑎᓇᔅ ᓂᐸ ᐎ ‍ ᓂᐸᐃᑯᓇᓐᒡ ᐊᓯᓂᔭ ᐊ ‍ ᐸᐱᒧᓯᓇᑕᐎᒥᒡ᙮
\v 27 ᐛᔅ ᓇᔅᒡ ᓂᑭ ᐎ ‍ ᐱᒧᑕᓇᓐ ᓂᔅᑐ ᒋᓯᑲᐛ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᒥᔨᒋᒡ ᒥᑐᔅᑕᐊᒪᒐᐅᓂᔪᐤ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ, ᒧᔭᒻ ᑲ ‍ ᐃᔅᒋᔄᑦ᙮”
\p
\v 28 ᐊᑯ ᒋᓴᐅᒋᒪᐤ ᒂ ‍ ᐃᑕᑦ, “ᒋᑭ ‍ ᐱᔅᑎᓂᑎᓇᐤ ᒐᒋ ᐃᑐᑕᔭᒃ ᐊᓐᑕ ᐸᐧᑯᑎᔅᑭᒥᑲᒡ ᑭᔭ ᒐᒋ ᒥᔭᒄ ᒥᑐᔅᑕᐊᒪᒐᐅᓂᔪᐤ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ, ᒥᒄ ᒐ ᐊᑲ ᐛᔪᐤ ᐃᑐᑕᔭᒄ ᐊᑯ ᐸᒋ ‍ ᐃᔨᒥᑐᐅᒄ᙮”
\v 29 ᒧᓱᔅ ᒂ ‍ ᐃᑕᑦ, “ᐅ ᐊᑎ ‍ ᓂᑭᑕᓇ, ᓂᑭ ‍ ᐊᔭᒥᐊᔅᑐᐛᐤ ᑎᐸᔨᒋᒐᓱᐤ, ᑭᔭ ᐛᐸᒐ ᒋᑭ ‍ ᐳᓂᐧᑲᑯᐛᐅᒡ ᐊᓐᒡ ᐅᒐᐅᒡ ᒋᔾ ᑭᔭ ᒋ ‍ ᑯᐸᓇᒥᒡ ᑭᔭ ᐊᓐᒡ ᒋᑦ ᐃᔨᒥᒡ᙮ ᒥᒄ ᒋᑭ ᐎ ‍ ᑕᑈᓐ ᐅ ᐊ ‍ ᐃᔅᒋᔄᔨᓐ ᑭᔭ ᒐ ‍ ᓇᐃᒥᑥᐤ ᐃᔪᒡ ᒐᒋ ᐱᔅᑎᓂᒧᐛᒡ ᒥᑐᔅᑕᐊᒪᒐᐅᓂᔪᐤ ᑎᐸᔨᒋᒐᓱᐛ᙮”
\p
\v 30 ᑲᒋ ‍ ᓂᑭᑎᒺᑦ ᐅᒋᓴᐅᒋᒪᐅᒋᐛᐱᔪᐤ, ᐊᑯ ᒂ ᐊᑎ ‍ ᓂᑐᑎᒧᐛᑦ ᑎᐸᔨᒋᒐᓱᐛ ᒧᓱᔅ,
\v 31 ᑭᔭ ᑎᐸᔨᒋᒐᓱᐤ ᒋ ‍ ᐃᑐᑎᒺᐤ ᑲ ᐃᓯ ‍ ᓂᑐᐛᔨᑎᒥᔨᒋ ᒧᓱᓴ᙮ ᓇᒪ ᐛᐛᒡ ᐸᐃᒄ ᐅᒐᐛ ᐅᒋ ‍ ᑕᔪᐛ ᒐᒋ ᐅᐧᑲᐃᑯᑦ ᒋᓴᐅᒋᒪᐤ, ᑭᔭ ᐅᑯᐸᓇᒪ, ᑭᔭ ᒪᒃ ᑯᑎᒃ ᐊᐛᓐ ᐊᓐᑕ ᐃᒋᑉᑎᒡ᙮
\v 32 ᒥᒄ ᒋᓴᐅᒋᒪᐤ ᒥᓐ ᒋ ‍ ᒥᔅᑯᔅᑎᒂᓇᐤ ᑭᔭ ᓇᒪ ᐅᒋ ᑕᑈᑎᒻ ᒐᒋ ᔅᑐᑕᔨᒋ ᐊᓂᔭ ᐃᔪᐛ᙮
\c 9
\s1 ᐊᐛᓯᓯᒡ ᑲ ‍ ᓂᐱᒡ
\p
\v 1 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᑲᐤ ᓂᑐᐛᐱᒪ ᒋᓴᐅᒋᒪᐤ ᑭᔭ ᒐ ‍ ᐃᑎᑦ, ‘ᑎᐸᔨᒋᒐᓱᐤ ᐃᑉᕈᐤ ᐅᒋᓴᒪᓂᑐᒧᐛᐛ ᒂ ‍ ᐃᔅᒋᔄᔨᒋ “ᐱᔅᑎᓇᐧᑯᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᐊᑯ ᒪᒃ ᒐᒋ ᐊᔭᒥᐊᔅᑐᐅᒡ᙮”
\v 2 ᐊᑲ ᑕᑈᑎᒥᓇ ᑭᔭ ᐊ ᐊᑲ ‍ ᓇᐃᒥᑥᐛ ᒐᒋ ᔅᑐᑕᒡ,
\v 3 ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᐅᒡ ᒋᑭ ᐸᒋ ‍ ᐃᑎᓴᒻ ᒥᔅᑎ ‍ ᐊᐧᑯᓱᐅᓂᔪᐤ ᒐ ‍ ᐃᔭᒡ ᒋᑦ ᐊᐛᓯᓯᒧᐛᐅᒡ ᐊᓐᑕ ᑲ ‍ ᑕᒡ ᓂᑕᐅᒋᒋᑭᓂᒡ᙮ ᐊᓐᒡ ᑲᐸᐃᑭᔎᐅᒡ ᑭᔭ ᐅᐧᑲᓐᒡ ᑭᔭ ᑲ ᒥᔅᑎ ‍ ᐱᔎᐅᑯᓇᒡ ᐊᐛᓯᓯᒡ ᑭᔭ ᒥᔅᑐᓯᒡ, ᒪᔭᑕᓂᓯᒡ ᑭᔭ ᑲ ‍ ᐅᑦ ᐊᔅᑭᓂᓯᒡ᙮
\v 4 ᒥᒄ ᑎᐸᔨᒋᒐᓱᐤ ᒋᑭ ‍ ᑎᐸᓇᐅᒡ ᐊᓂᔭ ᐃᔅᕋᐃᓪ ᐃᔪᐛ ᐅᒥᔅᑐᓯᒥᔪᐛ ᑭᔭ ᐊᓂᔭ ᐃᒋᑉᑦ ᐃᔪᐛ ᐅᒥᔅᑐᓯᒥᔪᐛ, ᒐ ᐊᑲ ‍ ᓂᐱᔨᒋ ᒥᔅᑐᓴ ᐃᔅᕋᐃᓪ ᐃᔪᐛ ᑕᐸᔨᒪᔨᒋ᙮’ ”
\p
\v 5 ᑎᐸᔨᒋᒐᓱᐤ ᒋ ‍ ᐎᔨᔭᑎᒻ ᑕᐃᔅᐱ ᒐ ‍ ᐃᔅᐱᔨᒡ ᑭᔭ ᒂ ‍ ᐃᔅᒋᔄᑦ, “ᐛᐸᒐ ᑎᐸᔨᒋᒐᓱᐤ ᐅᔭ ᒋᑭ ‍ ᐃᑐᑎᒻ ᒐᒂᔪᐤ ᐅᑕ ᐃᒋᑉᑦ ᐊᔅᒋᒡ᙮”
\v 6 ᑭᔭ ᐎᔭᐱᓂᔨᒡ ᐊᐅᑯᔪᐤ ᑲ ‍ ᐃᑎᑦ ᑎᐸᔨᒋᒐᓱᐤ: ᒥᓯᐛ ᐊᓂᔭ ᐅᑦ ᐊᐛᓯᓯᒥᔪᐛ ᐃᒋᑉᑦ ᐃᔪᐛ ᒋ ‍ ᐳᓂᐱᒪᑎᓯᔪᐛ, ᒥᒄ ᓇᒪ ᐛᐛᒡ ᐸᐃᒄ ᐃᔅᕋᐃᓪ ᐃᔪᐛ ᐅᑦ ᐊᐛᓯᓯᒥᔪᐛ ᐅᒋ ‍ ᐳᓂᐱᒪᑎᓯᔪᐛ᙮
\v 7 ᒋᓴᐅᒋᒪᐤ ᒂ ‍ ᐃᑎᓴᐛᑦ ᓇᐸᐛ ᒐᒋ ᓇᓂᑐ ‍ ᒋᔅᒐᔨᑎᒥᔨᒋ ᑭᔭ ᒂ ‍ ᒋᔅᒐᔨᑕᐧᒄ ᐊᑲ ᐛᐛᒡ ᐸᐃᒄ ᓂᐱᔨᒋ ᐃᔅᕋᐃᓪ ᐃᔪᐛ ᐅᑦ ᐊᐛᓯᓯᒥᔪᐛ᙮ ᒥᒄ ᐃᔭᐱᒡ ᒋ ‍ ᒥᔅᑯᔅᑎᒂᓇᐤ ᑭᔭ ᓇᒪ ᐅᒋ ᐎ ‍ ᐱᔅᑎᓇᐤ ᐃᔅᕋᐃᓪ ᐃᔪᐛ᙮
\s1 ᒥᓯᑭᔾ ᐊᐧᑯᓱᐅᓐ
\p
\v 8 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ ᑭᔭ ᐊᕋᓇ, “ᒐ ‍ ᓴᑭᔅᒋᓂᑕᔨᒄ ᑭᔅᑕᐤ ᐊᓐᑕ ᒋᑎᒋᐛᐛᒡ ᐊᓐᑕ ᒋᓴᐱᔅᒐᐛᓂᒡ ᐅᒡ, ᑭᔭ ᒧᓱᔅ ᐃᔅᐱᒥᒡ ᒋᑭ ᐃᓯ ‍ ᐛᐱᓂᒻ ᐊ ‍ ᐛᐱᒥᑯᑦ ᒋᓴᐅᒋᒪᐛ᙮
\v 9 ᐅ ᒧᔭᒻ ᒐ ‍ ᐃᔅᐱᔨᒡ ᐊ ‍ ᒥᓯᑕᐱᔨᒡ ᒋᑭ ‍ ᐱᒋᑕᐱᔪᐤ ᒥᓯᐛ ᐊᓐᑕ ᐃᒋᑉᑦ ᐊᔅᒋᒡ, ᒐ ‍ ᐊᐧᑯᓯᒡ ᐅᓯᑭᔪᐛᐛ ᐃᔪᒡ ᑭᔭ ᐊᐛᓯᓯᒡ ᒥᓯᐛ ᐃᒋᑉᑎᒡ᙮”
\p
\v 10 ᐊᑯ ᑲ ‍ ᒪᒧᓴᒋᓇᒡ ᑭᔅᑕᔪᐤ ᒋᓴᐱᔅᒐᐛᓂᒡ ᐅᒋ ᑭᔭ ᒂ ‍ ᓂᑐᐛᐱᒪᒡ ᒋᓴᐅᒋᒪᐛ᙮ ᒋᓴᐅᒋᒪᐤ ᐊ ‍ ᑭᓄᐛᐱᒥᑦ, ᒧᓱᔅ ᒂ ‍ ᐛᐱᓇᐧᒃ ᑭᔅᑕᔪᐤ ᐃᔅᐱᒥᒡ ᐃᓯ, ᑭᔭ ᒥᓯᑭᔾ ᐊᐧᑯᓱᐅᓐ ᒂ ‍ ᐱᒥᐱᔨᒡ ᐊ ‍ ᑲᔅᑎᓇᒡ ᐃᔪᒡ ᑭᔭ ᐊᐛᓯᓯᒡ ᒥᓯᐛ ᐊᓐᑕ ᐃᒋᑉᑎᒡ᙮
\v 11 ᑭᔭ ᑲᒥᓂᑐᐅᓯᒡ ᓇᒪ ᐅᒋ ᐅᑎᔅᑯᑲᐳᔅᑐᐛᐅᒡ ᒧᓱᓴ ᐛᔅ ᑭᔭ ᐎᔨᐛᐤ ᒋᑲᔅᑎᓂᒧᒡ ᒥᓯᑭᔾ ᐊᐧᑯᓱᐅᓂᔪᐤ ᒧᔭᒻ ᒥᓯᐛ ᐃᒋᑉᑦ ᐃᔪᒡ᙮
\v 12 ᐊᑯ ᑎᐸᔨᒋᒐᓱᐤ ᒂ ‍ ᐃᑐᑐᐛᑦ ᒋᓴᐅᒋᒪᐛ ᒐᒋ ᒥᔅᑯᔅᑎᒂᓇᔨᒋ᙮ ᑭᔭ ᒋᓴᐅᒋᒪᐤ ᓇᒪ ᐅᒋ ᓂᑐᑐᐛᐤ ᒧᓱᓴ ᑭᔭ ᐊᕋᓇ, ᒧᔭᒻ ᑎᐸᔨᒋᒐᓱᐤ ᑲ ‍ ᐃᑕᑦ ᒧᓱᓴ᙮
\s1 ᓯᓯᑯᓂᐱᔾ
\p
\v 13 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᐎᐱᒡ ᒐ ‍ ᐅᓂᔨᓐ ᒐᒋᓴᐸᔭᒐ᙮ ᒐ ‍ ᓂᑐᐛᐱᒥᑦ ᒋᓴᐅᒋᒪᐤ ᑭᔭ ᒐ ‍ ᐃᑎᑦ, ‘ᑎᐸᔨᒋᒐᓱᐤ ᐃᑉᕈᐤ ᐅᒋᓴᒪᓂᑐᒧᐛᐛ ᒂ ‍ ᐃᔅᒋᔄᔨᒋ: “ᐱᔅᑎᓇᐧᑯᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᑭᔭ ᒐᒋ ᐊᔭᒥᐊᔅᑐᐅᒡ᙮”
\v 14 ᐊᑲ ᐃᑐᑎᒥᓇ ᐅ, ᒋᑭ ‍ ᐃᑎᓴᐊᒪᑎᓇᐛᐤ ᒥᓯᐛ ᐊ ‍ ᐃᓯᓇᒂᒡ ᐊᐧᑯᓱᐅᓐ ᒋᔾ ᑭᔭ ᒋᑯᐸᓇᒥᒡ ᑭᔭ ᒋᑦ ᐃᔨᒥᒡ᙮ ᐊᑯ ᒐ ᐎ ‍ ᐛᐸᑎᔨᑕᑯᒡ ᓂᔾ ᐅ ᒋᓴᒪᓂᑐᐤ ᓇᒪ ᑕᐤ ᐊᐛᓐ ᐊᑕᔨᑕᑯᓯᑦ ᐊᑕᔨᑕᑯᓯᔭᓐ ᐅᑕ ᐊᔅᒋᒡ᙮
\v 15 ᓴᔅ ᓄᑎᒻ ᒋᐸ ᒋ ‍ ᓂᐸᐃᑎᓇᐛᐱᓐ᙮ ᒋᐸ ᒋ ‍ ᒥᔨᑎᓇᐛᐱᓐ ᐊᐧᑯᓱᐅᓐ ᑭᔭ ᓇᒪ ᐊᑐᒡ ᔅᒋ ‍ ᓄᑯᓯᓇᐛᐱᓐ ᐅᑕ ᐊᔅᒋᒡ᙮
\v 16 ᐊᑯ ᒋ ‍ ᒥᔨᑎᓇᐛᐤ ᒐᒋ ᐱᒪᑎᓯᔭᒄ ᒥᒄ ᒐᒋ ᐛᐸᑎᒪᒃ ᓂᓱᐧᑲᑎᓯᐅᓐ ᑭᔭ ᓂᑦ ᐃᓯᓂᐧᑲᓱᐅᓐ ᒐᒋ ᒋᔅᒐᔨᑕᑭᓄᐅᒡ ᐅᑕ ᐊᔅᒋᒡ᙮
\v 17 ᐊᔅᒄ ᒋ ‍ ᒥᔅᑯᐅᓯᓐ ᐊᑲ ᐎ ‍ ᐱᔅᑎᓂᑥᐤ ᒋᓴᒪᓂᑐᐤ ᐅᑦ ᐃᔨᒥᒪ᙮
\v 18 ᐛᐸᒐ, ᓂᑭ ‍ ᐃᑎᓴᐊᓐ ᒐ ‍ ᓯᓯᑯᓂᐱᔨᒡ ᒥᓯᐛ ᐊᓐᑕ ᐃᒋᑉᑎᒡ ᑭᔭ ᐊᑲ ᓂᑕ ᐃᓯᓇᒂᒡ ᒋᑭ ‍ ᐃᓯᓇᑯᓐ ᐊᓐᑕ ᐃᒋᑉᑎᒡ᙮
\v 19 ᒐ ‍ ᐃᑎᓱᒥᑥᐤ ᒋᑦ ᐃᔨᒥᒡ ᐱᑎᑭᒥᒡ ᒐᒋ ᑕᒡ ᑭᔭ ᒐᒋ ᐱᑎᑲᐊᒡ ᐅᑦ ᐊᐛᓯᓯᒧᐛᐛ ᑭᔭ ᒐᒋ ᐱᑎᑭᑕᒡ ᓄᑎᒻ ᒐᒂᔪᐛ ᐊᓐᑕ ᐊ ‍ ᑎᑯᓂᔨᒋ ᓂᑕᐅᒋᒋᑭᓂᒡ ᐛᔅ ᐊᑲ ᐱᑎᑲᑭᓄᑥᐛ, ᒥᓯᐛ ᐊᐛᓐ ᑭᔭ ᐊᐛᓯᓯᒡ ᒋᑭ ‍ ᑲᔅᑕᐅᑯᐅᒡ ᐊ ‍ ᓯᓯᑯᓂᐱᔨᒡ ᐎᐎᑎᒥᒡ ᐊᑕᒡ ᑭᔭ ᒥᓯᐛ ᒋᑭ ‍ ᐳᓂᐱᒪᑎᓯᐅᒡ᙮’ ”
\p
\v 20 ᐱᔅᒐ ᒋᓴᐅᒋᒪᐤ ᐅᑯᐸᓇᒪ ᐊ ‍ ᑯᔅᑎᒺᒡ ᑎᐸᔨᒋᒐᓱᐛ ᐅᑦ ᐃᔨᒧᐅᓂᔪᐤ, ᒋ ‍ ᐃᔭᓯᒋᔨᐛ ᐊᐱᑎᑲᔨᒋ ᐅᑯᐸᓇᒥᔪᐛ ᑭᔭ ᐅᑦ ᐊᐛᓯᓯᒥᔪᐛ᙮
\v 21 ᐊᑯ ᐊᓐ ᐊᐛᓐ ᐊᑲ ᐅᒋ ᓂᑐᑎᒺᑦ ᑎᐸᔨᒋᒐᓱᐛ ᐅᑦ ᐃᔨᒧᐅᓂᔪᐤ ᒂ ‍ ᓂᑭᑕᑦ ᐅᑯᐸᓇᒪ ᑭᔭ ᐊᐛᓯᓴ ᐊᓐᑕ ᓂᑕᐅᒋᒋᑭᓂᒡ᙮
\p
\v 22 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᐃᔅᐱᑕ ᔅᑎᒋᔾ ᐊᓐᑕ ᒋᓯᑯᒡ ᐃᔅ ᑭᔭ ᐊ ‍ ᓯᓯᑯᓂᐱᔨᒡ ᒐ ‍ ᐸᒋᑎᒡ ᐊᓐᑕ ᐃᒋᑉᑎᒡ᙮ ᒐ ‍ ᑲᔅᑕᐅᑯᒡ ᐊᓐᒡ ᐃᔪᒡ ᑭᔭ ᐊᐛᓯᓯᒡ ᑭᔭ ᐊ ‍ ᓂᑕᐅᒋᓂᔨᒋ ᒐᒂᔪᐛ ᐊᓐᑕ ᓂᑕᐅᒋᑭᓂᒡ ᐊᓐᑕ ᒥᓯᐛ ᐃᒋᑉᑦ ᐊᔅᒋᒡ᙮”
\v 23 ᒧᓱᔅ ᒂ ‍ ᐃᔅᐱᔨᑕᑦ ᐅᓯᔅᑲᐅᓐ ᐊᓐᑕ ᒋᓯᑯᒡ ᐃᔅ᙮ ᐊᑯ ᑎᐸᔨᒋᒐᓱᐤ ᒂ ‍ ᐃᑎᓴᐛᑦ ᓂᒥᔅᒋᐅᐛ ᑭᔭ ᐊ ‍ ᓯᓯᑯᓂᐱᔨᒡ᙮ ᑭᔭ ᓂᒥᔅᒋᐅᔅᑯᑕᐤ ᒂ ‍ ᐃᔅᐱᔨᒡ ᐊᓐᑕ ᒧᔅᑎᔅᑭᒥᒡ᙮ ᑎᐸᔨᒋᒐᓱᐤ ᒂ ‍ ᐃᑎᓴᐧᒃ ᐊ ‍ ᓯᓯᑯᓂᐱᔨᒡ ᐊᓐᑕ ᐃᒋᑉᑦ ᐊᔅᒋᒡ᙮
\v 24 ᐊᑯ ᒂ ‍ ᓯᓯᑯᓂᐱᔨᒡ ᑭᔭ ᓂᒥᔅᒋᐅᒡ ᒂ ‍ ᐸᑕᑯᓯᒡ᙮ ᒋᒋᐛ ᒋ ‍ ᐊᒂᑕᔨᑕᑯᓂᔪᐤ, ᓇᒪ ᓂᑕ ᐅᒋ ᐃᓯᓇᑯᓐ ᐊ ‍ ᒋᔎᔨᑕᒂᒡ ᐊᓐᑕ ᐃᒋᑉᑎᒡ᙮\fig Egyptian and hail|Exo09-23-CO00805B.TIF|col||© 1996 David C Cook|ᑎᐸᔨᒋᒐᓱᐤ ᒂ ‍ ᐃᑎᓴᐧᒃ ᐊ ‍ ᓯᓯᑯᓂᐱᔨᒡ ᐊᓐᑕ ᐃᒋᑉᑦ ᐊᔅᒋᒡ᙮|9.24\fig*
\v 25 ᒥᓯᐛ ᐎᐎᑎᒥᒡ ᑲ ‍ ᑎᒂᒡ ᒐᒂᓐ ᐃᒋᑉᑎᒡ ᒋ ‍ ᐃᔭᔪᐅᓐ᙮ ᒥᓯᐛ ᒐᒂᓐ ᐊᓐᑕ ᓂᑕᐅᒋᒋᑭᓂᒡ ᒋ ‍ ᐅᓂᑎᓐ, ᐃᔪᒡ ᑭᔭ ᐊᐛᓯᓯᒡ ᑭᔭ ᓂᑕᐅᒋᒋᑭᓇ, ᐃᔭᐱᒡ ᒥᔅᑎᑯᒡ᙮
\v 26 ᒥᒄ ᐊᓐᑕ ᑯᓯᓐ ᐊᔅᒋᒡ ᐃᔅᕋᐃᓪ ᐃᔪᒡ ᐊᑕᒡ ᓇᒪ ᐅᒋ ᓯᓯᑯᓂᐱᔪᐤ᙮
\p
\v 27 ᒋᓴᐅᒋᒪᐤ ᒂ ‍ ᐎᓴᒪᑦ ᒧᓱᓴ ᑭᔭ ᐊᕋᓇ᙮ “ᓂᔾ ᓂᒋ ‍ ᒥᒋᑐᑕᓐ,” ᒂ ‍ ᐃᑕᑦ᙮ “ᑎᐸᔨᒋᒐᓱᐤ ᑕᑈᐤ, ᑭᔭ ᓂᔾ ᑭᔭ ᓂᑦ ᐃᔨᒥᒡ ᓂᒋ ‍ ᒥᒋᑐᑕᓇᓐ᙮
\v 28 ᓂᑐᑎᒧᐤ ᑎᐸᔨᒋᒐᓱᐤ᙮ ᓴᔅ ᓂᑦ ᐃᔅᐱᔨᓇᓐ ᓂᒥᔅᒍᐅᒡ ᑭᔭ ᐊ ‍ ᓯᓯᑯᓂᐱᔨᒡ᙮ ᑭᔭ ᒋᑭ ‍ ᐱᔅᑎᓂᑎᓇᐛᐤ᙮ ᓴᔅ ᐅᑕ ᓇᒪ ᒋᑭ ᐅᒋ ‍ ᑕᓇᐛᐤ᙮”
\p
\v 29 ᒧᓱᔅ ᒂ ‍ ᐃᑕᑦ, “ᐅ ᒋ ‍ ᐎᐎᔭᓇ ᐅᑕᓇᐤ, ᐊᑯ ᒐ ‍ ᓴᑐᓂᒧᐅᒃ ᓂᑎᒋᔭ ᑎᐸᔨᒋᒐᓱᐤ ᐊᔭᒥᐊᐃᔭᓐ᙮ ᓂᒥᔅᒍᐅᒡ ᒐ ‍ ᒋᒺᒡ᙮ ᓇᒪ ᒋᑭ ᒋ ‍ ᑎᑯᓐ ᐃᔭᐱᒡ ᐊ ‍ ᓯᓯᑯᓂᐱᔨᒡ᙮ ᐊᑯ ᒐ ‍ ᒋᔅᒐᔨᑎᒪᒄ ᑎᐸᔨᒋᒐᓱᐤ ᑕᐸᔨᑕᐧᒃ ᐅᔭ ᐊᔅᒋᔪᐤ᙮
\v 30 ᒥᒄ ᓂ ‍ ᒋᔅᒐᔨᑕᓐ ᒋᔾ ᑭᔭ ᒋᑦ ᐊᐱᒋᐊᑭᓐᒡ ᓇᒪ ᐊᔅᒄ ᒋ ‍ ᑯᔅᑕᐛᐤ ᑎᐸᔨᒋᒐᓱᐤ ᒋᓴᒪᓂᑐᐤ᙮”
\p
\v 31 ᒥᓯᐛ ᒋ ‍ ᓂᓱᐅᓇᑎᓇ ᐛᐱᔅᑲᑭᓂᑭᓇ ᑭᔭ ᐃᔎᓯᒥᓄᒂ, ᐛᔅ ᒋ ‍ ᐊᑎᑕᐛ ᐃᔎᓯᒥᓄᒂ ᑭᔭ ᒋ ᐊᑎ ‍ ᐛᐱᑯᓂᑭᓄᐛ ᐛᐱᔅᑲᑭᓂᑭᓇ᙮ (ᐛᐱᔅᑲᑭᓂᑭᓐ ᐊᐅᑯᓐ ᐊᐱᒋᑕᐅᓇ ᐊ ᐅᒋ ᐅᓯᑕᑯᓂᔨᒋ, ᑭᔭ ᓂᑕᐅᒋᑕᑭᓐ ᐃᔎᓯᒥᓄᒃ ᐊᓯᓂᐧᑲᑕᒡ ᒧᔭᒻ ᐸᒂᓯᑭᓂᒥᓐ ᐃᓯᓇᑯᓐ᙮) 
\v 32 ᐊᑯ ᓇᒪ ᐛᒋ ᐸᐃᒄ ᐸᒂᓯᑭᓂᒥᓇ ᐅᒋ ᓂᓱᐅᓇᑎᓇ ᐛᔅ ᐊᔅᒄ ᓇᒪ ᐅᒋ ᐊᑎᑕᐛ᙮
\p
\v 33 ᐊᑯ ᒧᓱᔅ ᓇᑭᑕᑦ ᒋᓴᐅᒋᒪᐛ ᑭᔭ ᐛᔪᐎᑦ ᐅᑕᓇᔪᐤ᙮ ᒂ ‍ ᐅᐱᓂᔅᒐᔨᔅᑐᐛᑦ ᑎᐸᔨᒋᒐᓱᐛ, ᑲ ‍ ᒋᒺᔨᒋ ᓂᒥᔅᒍᐛ ᑭᔭ ᒂ ‍ ᓂᑲᐱᔨᒡ ᐊ ‍ ᓯᓯᑯᓂᐱᔨᒡ, ᑭᔭ ᒂ ‍ ᒋᒧᐛᑎᓂᔨᒡ᙮
\v 34 ᐃᔅᐱ ᒋᓴᐅᒋᒪᐤ ᐎᔭᐸᑕᐧᒃ ᐊ ‍ ᒋᒧᐛᑎᓂᔨᒡ ᑭᔭ ᐊᑲ ‍ ᓯᓯᑯᓂᐱᔨᒡ ᑭᔭ ᐊᑲ ᐸᑕᑯᓯᔨᒋ ᓂᒥᔅᒍᐛ, ᐎᔾ ᑭᔭ ᐅᑯᐸᓇᒪ ᒥᓐ ᒂ ‍ ᒥᒋᑐᑕᒡ ᑭᔭ ᒂ ‍ ᒥᔅᑯᔅᑎᒂᓇᒡ᙮
\v 35 ᒋᓴᐅᒋᒪᐤ ᓇᒪ ᐅᒋ ᑕᑈᑎᒻ ᐃᔪᐛ ᒐᒋ ᔅᑐᑕᔨᒋ, ᒧᔭᒻ ᑎᐸᔨᒋᒐᓱᐤ ᑲ ‍ ᐃᑕᑦ ᒧᓱᓴ᙮
\c 10
\s1 ᑲ ‍ ᒥᒐᑎᒡ ᒂᔅᑯᑎᓯᓯᒡ
\p
\v 1 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒐ ‍ ᓇᑎᑦ ᒋᓴᐅᒋᒪᐤ, ᐛᔅ ᓂᒋ ‍ ᐃᑐᑐᐛᐅᒡ ᒐᒋ ᒥᔅᑯᔅᑎᒂᓇᒡ ᐎᔾ ᑭᔭ ᐅᑯᐸᓇᒪ, ᐊᑯ ᒪᒃ ᒐ ‍ ᐃᑐᑎᒧᒡ ᑲ ‍ ᓱᐧᑲᑎᓯᒥᑭᓂᔨᒋ ᒪᒥᔅᑲᒡ ᐃᑐᐅᓇ ᐊᓐᑕ ᐊ ‍ ᐃᑕᒡ᙮
\v 2 ᑭᔭ ᐃᔭᐱᒡ ᒐᒋ ᐛ ‍ ᐎᑎᒧᐛᑯᒡ ᒋᑦ ᐊᐛᓯᒧᐛᐅᒡ ᑭᔭ ᐊᓐᒡ ᒍᓯᒧᐛᐅᒡ ᑕᓐ ᑲ ᐃᓯ ‍ ᐊᔨᒥᔨᐊᒂᐤ ᐃᒋᑉᑦ ᐃᔪᒡ ᑭᔭ ᑲ ‍ ᐃᑐᑎᒧᒡ ᐊᓂᔭ ᑲ ‍ ᓱᐧᑲᑎᓯᒥᑭᓂᔨᒋ ᒪᒥᔅᑲᒡ ᐃᑐᐅᓇ, ᑭᔭ ᒥᓯᐛ ᒋᔨᐛᐤ ᒐ ‍ ᒋᔅᒐᔨᑎᒪᒄ ᓂᔾ ᐊ ‍ ᐎᔭᓐ ᑎᐸᔨᒋᒐᓱᐤ᙮”
\p
\v 3 ᐊᑯ ᒧᓱᔅ ᑭᔭ ᐊᕋᓐ ᒂ ‍ ᓂᑐᐛᐱᒪᒡ ᒋᓴᐅᒋᒪᐛ᙮ ᒂ ‍ ᐃᑕᒡ, “ᒪᐤ ᐅᔭ ᐊᔅᒋᔄᑦ ᑎᐸᔨᒋᒐᓱᐤ, ᐃᑉᕈᐤ ᐃᔪᒡ ᐅᒋᓴᒪᓂᑐᒧᐛᐛ, ‘ᑕᐃᔅᐱ ᒐ ‍ ᐳᓂᔨᓐ ᐊᑲ ᑕᑈᑎᒥᓐ ? ᓇᐃᒥᒡ ᓂᑦ ᐃᔨᒥᒡ ᒐᒋ ᔅᑐᑕᒡ ᑭᔭ ᒐᒋ ᐊᔭᒥᐊᔅᑐᐅᒡ᙮
\v 4 ᐊᑲ ᑕᑈᑎᒥᓇ ᒐᒋ ᐱᔅᑎᓂᑥᐤ ᓂᑦ ᐃᔨᒥᒡ, ᐛᐸᒐ ᓂᑭ ‍ ᐃᑎᓴᐛᒡ ᒂᔅᑯᑎᓯᓯᒡ ᐊᓐᑕ ᒥᓯᐛ ᒋᑦ ᐊᔅᒋᐛᒡ᙮
\v 5 ᒥᓯᐛ ᒋᑭ ‍ ᐊᑯᓇᐊᒧᒡ ᐊᔅᒋᔪᐤ, ᑭᔭ ᓇᒪ ᒋᑭ ᒋ ‍ ᐛᐸᑕᓇᐛᐤ ᒧᔅᑎᔅᑭᒥᔾ᙮ ᒋᑭ ‍ ᒥᒍᐅᒡ ᐊᓂᔭ ᐊᐱᓯᔅ ᑲ ‍ ᐃᔅᑯᐱᔨᒋ ᑲᒋ ᐳᓂ ‍ ᓯᓯᑯᓂᐱᔨᒡ᙮ ᒥᓯᐛ ᒋᑭ ‍ ᒥᒍᐅᒡ ᐊᓂᔭ ᐊᔅᑯᐱᔨᒋ ᐊᓐᑕ ᒥᔅᑎᑯᒡ ᐊᔅᒄ ‍ ᓇᑕᐅᒋᓂᔨᒋ᙮
\v 6 ᒥᓯᐛ ᒋᑭ ‍ ᓴᑭᔅᒋᓇᐅᒡ ᐊᓐᑕ ᒋᒋᐛᐛᒡ ᑭᔭ ᒋᑦ ᐊᐱᒋᐊᑭᓄᐛᐅᒡ ᐎᒋᐛᐛᒡ, ᑭᔭ ᒥᓯᐛ ᐃᒋᑉᑎᒡ ᐃᔪᒡ ᐎᒋᐛᐛᒡ᙮ ᒍᑕᐎᐛᐅᒡ ᑭᔭ ᒋᒧᓱᒧᐛᐅᒡ ᓇᒪ ᓂᑕ ᐛᐸᑎᒧᒡ ᐊᓂᔭ ᐊᓯᓇᑯᓂᔨᒡ ᑲ ᐃᔅᐱᔅ ‍ ᑕᒡ ᐅᑕ ᐊᔅᒋᒡ, ᐊᓐᑕ ᑲ ‍ ᑎᑯᓯᓂᒡ ᐃᔅᐱᔅ ᐊᓄᒡ᙮’ ” ᒧᓱᔅ ᒂ ‍ ᒋᐛᑲᐳᐅᑦ ᑭᔭ ᒂ ‍ ᓂᑭᑕᑦ ᒋᓴᐅᒋᒪᐛ᙮
\p
\v 7 ᒋᓴᐅᒋᒪᐤ ᐅᑦ ᐊᐱᒋᐊᑭᓇ ᒂ ‍ ᐃᑎᑯᑦ, “ᑕᓐ ᒐ ᐃᔅᐱᔅ ‍ ᐃᑐᑕᑕᐧᒄ ᐅ ᓇᐸᐤ ᒐᒋ ᐊᔨᒥᐅᐛᐧᒃ ? ᐱᔅᑎᓂᒡ ᐃᔅᕋᐃᓪ ᐃᔪᒡ ᒐᒋ ᔅᑐᑕᒡ ᒐᒋ ᐊᔭᒥᐊᔅᑐᐛᒡ ᑎᐸᔨᒋᒐᓱᐛ ᐅᒋᓴᒪᓂᑐᒧᐛᐛ᙮ ᓇᒪ ᐊ ᐊᔅᒄ ᒋᔅᒐᔨᑕᓐ ᓇᓱᓇᒋᑕᑭᓄᐅᒡ ᐃᒋᑉᑦ ᐊᔅᒋᔾ ?”
\p
\v 8 ᐊᑯ ᒧᓱᔅ ᑭᔭ ᐊᕋᓐ ᒂ ‍ ᐃᑐᑕᑭᓄᐅᒡ ᐊᓐᑕ ᒥᓐ ᒋᓴᐅᒋᒪᐛ, ᑭᔭ ᒂ ‍ ᐃᑎᑯᒡ, “ᒪᒋᒄ ᒐ ‍ ᐊᔭᒥᐊᔅᑐᐛᐧᒃ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ᙮ ᒥᒄ ᐊᐛᓐᒋ ᐊᓐ ᒐ ‍ ᔅᑐᑕᒡ ?”
\p
\v 9 ᒧᓱᔅ ᒂ ‍ ᐃᑕᑦ, “ᒥᓯᐛ ᓂᑭ ‍ ᔅᑐᑕᓇᓐ, ᐊᓯᒡ ᐊᐛᓯᐅᒡ ᑭᔭ ᐊ ‍ ᒋᓴᐃᔪᐅᒡ, ᓂᑯᓯᓇᓐᒡ ᑭᔭ ᓂᑕᓂᓯᓇᓐᒡ, ᑭᔭ ᒥᒋᑎᐧᑯᒡ᙮ ᐛᔅ ᓂᑭ ᐎ ‍ ᒥᒋᓱᓇᓂᒐᓇᓐ ᒐᒋ ᒋᔅᑕᔨᒥᒋᒡ ᑎᐸᔨᒋᒐᓱᐤ᙮”
\p
\v 10 ᒋᓴᐅᒋᒪᐤ ᒋ ‍ ᐃᑕᐤ, “ᓂᑦ ᐊᓱᑎᒪᒐᓐ ᑎᐸᔨᒋᒐᓱᐤ ᐅᒡ, ᒐ ᐊᑲ ‍ ᓂᑕ ᓇᐊᔨᒥᑎᑯᒡ ᒐᒋ ᔅᑐᑕᐊᑯᒡ ᐃᔎᐅᒡ ᑭᔭ ᒋᑦ ᐊᐛᓯᒧᐛᐅᒡ ! ᐛᐸᑎᒥᒄ, ᑎᑯᓐ ᒐᒂᓐ ᐊ ᒥᒋ ‍ ᐃᑕᔨᑎᒪᒄ᙮
\v 11 ᓇᒪ, ᒋᔨᐛᐤ ᒥᒄ ᓇᐸᐅᒡ ᒋᑭ ‍ ᔅᑐᑕᓇᐛᐤ ᒐᒋ ᐊᔭᒥᐊᔅᑐᐛᒄ ᑎᐸᔨᒋᒐᓱᐤ, ᐊᐅᒄ ᐊᓐ ᑲ ‍ ᓂᑐᐛᔨᑎᒪᒃ᙮” ᐊᑯ ᒋᓴᐅᒋᒪᐤ ᒂ ‍ ᐎᐎᑎᓴᐛᑦ ᐊᓐᑕ ᐎᒋᒡ᙮
\p
\v 12 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᐃᔅᐱᒥᒡ ᒐ ᐃᓯ ‍ ᓱᐅᓂᔅᒐᐎᔨᓐ ᐊᓐᑕ ᐃᒋᑉᑦ ᐊᔅᒋᒡ ᒐᒋ ᐸᐱᔨᒡ ᒂᔅᑯᑎᓯᓯᒡ᙮ ᒋᑭ ‍ ᐊᑯᓇᐊᒧᒡ ᐊᔅᒋᔪᐤ ᑭᔭ ᒋᑭ ‍ ᒥᒍᐅᒡ ᓂᑕᐅᒋᑕᑭᓇ ᐊᓂᔭ ᑲ ‍ ᐃᔅᑯᐱᔨᒋ ᑲ ‍ ᓯᓯᑯᓂᐱᔨᒡ᙮”
\p
\v 13 ᐊᑯ ᒧᓱᔅ ᒂ ‍ ᐅᐱᑕᐧᒃ ᐅᓯᔅᑲᐅᓐ, ᑭᔭ ᑎᐸᔨᒋᒐᓱᐤ ᒂ ‍ ᐃᑐᑕᐧᒃ ᒐᒋ ᒥᔅᑎᔪᑎᓂᔨᒡ ᐊ ‍ ᐛᐱᓄᑎᓂᐱᔨᒡ ᐃᔅᑭᓐ ᒋᓯᑲᐛ ᑭᔭ ᐃᔅᑭᓐ ᑕᐱᔅᑲᐛ᙮ ᐊᑯ ᒋᓴᒋᓴᐸᔭᔨᒡ, ᓴᔅ ᒋ ‍ ᐸᑕᓱᐎᓯᐱᓂ ᒂᔅᑯᑎᓯᓴ᙮
\v 14 ᑭᔭ ᒂᔅᑯᑎᓯᓴ ᒂ ‍ ᐊᑯᓇᒥᔨᒋ ᐃᒋᑉᑦ ᐊᔅᒋᔪᐤ᙮ ᒋᒋᐛ ᒋ ‍ ᒥᒐᑎᔨᐛ ᑲ ‍ ᑕᔨᒋ᙮ ᓇᒪ ᓂᑕ ᐛᐱᒪᑭᓄᐅᒡ ᒂᔅᑯᑎᓯᓯᒡ ᐊ ‍ ᐃᔅᐱᒐᑎᒡ᙮ ᑭᔭ ᓇᒪ ᓂᑕ ᒥᓐ ᒋᑭ ‍ ᐛᐱᒪᑭᓄᐅᒡ ᒐᒋ ᐃᔅᐱᒐᑎᒡ᙮
\v 15 ᒋ ‍ ᐊᑯᓇᐊᒧᒡ ᒂᔅᑯᑎᓯᓯᒡ ᒥᓯᐛ ᐃᒋᑉᑦ ᐊᔅᒋᔪᐤ ᐸᑐᔅ ᑭ ‍ ᐎᐸᔪᐛ ᑲ ‍ ᐃᓯᓇᑯᑕᒡ ᒧᔅᑎᔅᑭᒥᔪᐤ᙮ ᒥᓯᐛ ᒋ ‍ ᒥᒍᐅᒡ ᒐᒂᔪᐛ ᐊᓐᑕ ᓂᑕᐅᒋᒋᑭᓂᒡ ᑭᔭ ᒥᓂᓴ ᑲ ‍ ᓂᑕᐅᒋᒋ ᐊᓐᑕ ᒥᔅᑎᑯᒡ ᑭᔭ ᐊᓂᔭ ᑲ ‍ ᐃᔅᑯᐱᔨᒋ ᑲ ‍ ᓯᓯᑯᓂᐱᔨᒡ᙮ ᓇᒪ ᒐᒂᓐ ᐅᒋ ᐃᔅᑯᐱᔪᐤ ᐊᓯᐸᑯᐅᒡ ᐊᓐᑕ ᒥᔅᑎᑯᒡ ᑭᔭ ᒪᒃ ᓂᑕᐅᒋᑕᑭᑭᓂᒡ ᐊᓐᑕ ᒥᓯᐛ ᐃᒋᑉᑦ ᐊᔅᒋᒡ᙮
\p
\v 16 ᒋᓴᐅᒋᒪᐤ ᒋᔅᑎᑉ ᒂ ‍ ᐎᓴᒪᑦ ᒧᓱᓴ ᑭᔭ ᐊᕋᓇ ᑭᔭ ᒂ ‍ ᐃᑕᑦ, “ᓇᒪ ᑯᐃᔅᒄ ᓂ ᐅᒋ ‍ ᐃᑐᑐᐛᐤ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᑭᔭ ᒋᔨᐛᐤ᙮
\v 17 ᐛᐸᔨᑎᒧᐎᔾ ᓂᒥᒋᑐᑎᒧᐅᓐ ᒥᓐ ᐸᐃᒂᐤ, ᑭᔭ ᐊᔭᒥᐊᔅᑐᐤ ᑎᐸᔨᒋᒐᓱᐤ ᒋᒋᓴᒪᓂᑐᒻ ᒐᒋ ᐅᑎᓇᐧᒃ ᓂᐳᐅᓂᔪᐤ ᐅᑕ ᐃᒋᑉᑦ ᐊᔅᒋᒡ᙮”\fig Moses and Aaron before Pharaoh|Exo10-16-CO00807B.TIF|col||© 1996 David C Cook|ᒋᓴᐅᒋᒪᐤ ᒋᔅᑎᑉ ᒂ ‍ ᐎᓴᒪᑦ ᒧᓱᓴ ᑭᔭ ᐊᕋᓇ|10.16\fig*
\p
\v 18 ᐊᑯ ᒧᓱᔅ ᒂ ‍ ᓂᑭᑕᑦ ᒋᓴᐅᒋᒪᐛ ᑭᔭ ᒂ ‍ ᐊᔭᒥᐊᔅᑐᐛᑦ ᑎᐸᔨᒋᒐᓱᐛ᙮
\v 19 ᑎᐸᔨᒋᒐᓱᐤ ᒂ ‍ ᒥᔅᑯᑎᓇᐧᒃ ᓇᔅᒡ ᒐᒋ ᒥᔅᑎᔪᑎᓂᔨᒡ ᐊᑎᒪᐱᓯᒧᒡ ᒐᒋ ᐃᓯ ᔪᑎᓂᔨᒡ᙮ ᒂ ‍ ᐅᐸᓯᔨᒋ ᐊᓂᔭ ᒂᔅᑯᑎᓯᓴ ᑭᔭ ᒥᒂᑭᒥ ᐎᓂᐸᑯᒡ ᒂ ‍ ᐃᑕᓯᔨᒋ᙮
\v 20 ᐊᑯ ᑎᐸᔨᒋᒐᓱᐤ ᒂ ‍ ᐃᑐᑐᐛᑦ ᒋᓴᐅᒋᒪᐛ ᒐᒋ ᒥᔅᑯᔅᑎᒂᓇᔨᒋ ᑭᔭ ᒥᓐ ᓇᒪ ᐅᒋ ᓇᐊᔨᒪᔨᐛ ᐃᔅᕋᐃᓪ ᐃᔪᐛ ᒐᒋ ᔅᑐᑕᔨᒋ᙮
\s1 ᑲ ‍ ᐊᒋᑲᒡ ᐊᓐᑕ ᐃᒋᑉᑦ ᐊᔅᒋᒡ
\p
\v 21 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒐ ‍ ᐅᐱᓂᔅᒐᔨᓐ ᒋᓯᑯᒡ ᐃᔅ, ᑭᔭ ᒥᓯᐛ ᒋᑭ ‍ ᐊᒋᑲᐤ ᐊᓐᑕ ᐃᒋᑉᑦ ᐊᔅᒋᒡ, ᐊᓐ ᒐ ‍ ᒧᓯᑕᑭᓄᐅᒡ ᐊ ‍ ᐊᒋᑲᒡ᙮”
\v 22 ᐊᑯ ᒧᓱᔅ ᒋᓯᑯᒡ ᒂ ᐃᓯ ‍ ᐅᐱᓂᔅᒐᔨᑦ᙮ ᑭᔭ ᓇᔅᒡ ᒂ ‍ ᐊᒋᑲᔨᒡ ᒥᓯᐛ ᐃᒋᑉᑦ ᐊᔅᒋᒡ ᓂᔅᑐ ᒋᓯᑲᐛ ᐃᔅᐱᔅ᙮
\v 23 ᓇᒪ ᐅᒋ ᐛᐱᒥᑐᐅᒡ ᐃᒋᑉᑦ ᐃᔪᒡ, ᑭᔭ ᓇᒪ ᐅᒋ ᐎᐎᔪᐅᒡ ᐎᒋᐛᐛᒡ ᓂᔅᑐ ᒋᓯᑲᐛ ᐃᔅᐱᔅ᙮ ᒥᒄ ᒋ ‍ ᐛᔅᑕᔪᐤ ᐊᓐᑕ ᐛᒋᒡ ᐎᔨᐛᐤ ᐃᔅᕋᐃᓪ ᐃᔪᒡ᙮\fig Egyptian woman and child in dark night|Exo10-22-CO00806B.TIF|col||© 1996 David C Cook|ᓇᒪ ᐅᒋ ᐛᐱᒥᑐᐅᒡ ᐃᒋᑉᑦ ᐃᔪᒡ᙮|10.23\fig*
\p
\v 24 ᐊᑯ ᒋᓴᐅᒋᒪᐤ ᒂ ‍ ᐎᓴᒪᑦ ᒧᓱᓴ, ᒂ ‍ ᐃᑕᑦ, “ᒪᒋ ᔅᑐᑕᒪᒃ ᑭᔭ ᐊᔭᒥᐊᔅᑐᐛᐧᒃ ᑎᐸᔨᒋᒐᓱᐤ᙮ ᒐ ‍ ᔅᑐᑕᐊᑯᒡ ᐃᔭᐱᒡ ᐃᔎᐅᒡ ᑭᔭ ᐊᐛᓯᒡ ᒥᒄ ᒐ ‍ ᓂᑭᑕᑭᒡ ᒪᔭᑕᓂᓯᒡ ᑭᔭ ᑲ ‍ ᐱᓯᓯᒡ ᑲ ‍ ᐅᑕᔅᑭᓂᓯᒡ ᐊᐛᓯᓯᒡ ᑭᔭ ᒥᒋᑎᐧᑯᒡ᙮”
\p
\v 25 ᒧᓱᔅ ᒂ ‍ ᐃᑕᑦ, “ᓇᒪ, ᒋᑭ ᐎ ‍ ᓇᐃᒥᓇᓐ ᐃᔭᐱᒡ ᒐᒋ ᔅᑐᑕᔨᒋᒡ ᒪᔭᑕᓂᓯᒡ ᑭᔭ ᑲ ‍ ᐱᓯᓯᒡ ᑲ ‍ ᐅᑕᔅᑭᓂᓯᒡ ᐊᐛᓯᓯᒡ ᑭᔭ ᒥᒋᑎᐧᑯᒡ ᒐᒋ ᐱᔅᑎᓂᒧᐅᒋᒡ ᑭᔭ ᒥᑐᔅᑕᐊᒧᐅᒋᒡ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ᙮
\v 26 ᓂᑦ ᐊᐛᓯᓯᒥᓇᒡ ᐃᔭᐱᒡ ᓂᑭ ‍ ᔅᑐᑕᐊᓇᓐᒡ᙮ ᓇᒪ ᐛᒡ ᐸᐃᒄ ᒋᑭ ‍ ᓂᑭᑕᑭᓄᐎᒡ ᒐᒋ ᑕᒡ ᐅᑕ᙮ ᒥᒄ ᐱᔅᒐ ᓂᑭ ‍ ᐅᑎᓇᓇᓐᒡ ᒐᒋ ᐊᐱᒋᔨᒋᒡ ᐊᔭᒥᐊᔅᑐᐅᒋᒐ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ᙮ ᑭᔭ ᓇᒪ ᓂᑭ ‍ ᒋᔅᒐᔨᒪᓇᓐᒡ ᐊᓐᒡ ᒐ ‍ ᐊᐱᒋᔨᒋᒡ ᐸᑐᔅ ᒋ ‍ ᑎᑯᓯᓂᔭᒐ ᓇᑕ ᐊ ᐎ ‍ ᐃᑐᑕᔭᒡ ᒐᒋ ᐊᔭᒥᐊᔅᑐᐅᒋᒡ ᑎᐸᔨᒋᒐᓱᐤ᙮”
\p
\v 27 ᐊᑯ ᑎᐸᔨᒋᒐᓱᐤ ᑲ ‍ ᐃᑐᑐᐛᑦ ᒋᓴᐅᒋᒪᐛ ᒐᒋ ᒥᔅᑯᔅᑎᒂᓇᔨᒋ᙮ ᓇᒪ ᐅᒋ ᐎ ‍ ᐱᔅᑎᓇᐤ ᐃᔪᐛ ᒐᒋ ᔅᑐᑕᔨᒋ᙮
\v 28 ᒋᓴᐅᒋᒪᐤ ᒂ ‍ ᐃᑕᑦ ᒧᓱᓴ, “ᒪᒋ ᔅᑐᑕᒪ, ᑭᔭ ᓇᔅᒡ ᒐ ᐎ ‍ ᐃᑐᑎᒥᓐ ᒐ ᐊᑲ ᒋ ᒥᓐ ᐛᐱᒥᑕᓐ ! ᐊᓐ ᒋᓯᒄ ᐛᐱᒥᑕᓇ, ᐊᑯ ᒐ ‍ ᓂᐱᔨᓐ᙮”\fig Pharaoh telling Moses and Aaron to go|Exo10-28-CO00809B.TIF|col||© 1996 David C Cook|ᒋᓴᐅᒋᒪᐤ ᒂ ‍ ᐃᑕᑦ ᒧᓱᓴ, “ᒪᒋ ᔅᑐᑕᒪ, ᑭᔭ ᓇᔅᒡ ᒐ ᐎ ‍ ᐃᑐᑎᒥᓐ ᒐ ᐊᑲ ᒋ ᐛᐱᒥᑕᓐ ᒥᓄᐛᒡ !”|10.28\fig*
\p
\v 29 ᒧᓱᔅ ᒂ ‍ ᐃᑕᑦ, “ᐊᐅᑯᓐ ᒐ ‍ ᐃᓯᓇᒂᒡ ᒧᔭᒻ ᐊᔅᒋᔄᔨᓐ,” ᒧᓱᔅ ᒂ ‍ ᐃᑕᑦ ᒥᓐ, “ᓇᒪ ᓂᑕ ᒥᓐ ‍ ᓂᑭ ‍ ᐛᐸᑕᓐ ᒋᑕᔅᑎᒥᐧᒄ᙮”
\c 11
\s1 ᑲ ‍ ᐳᓂᐱᒪᑎᓯᒡ ᐅᔅᑭᒡ ᐊᐛᓯᒡ ᑲ ‍ ᓇᐸᓯᐅᒡ
\p
\v 1 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒪᔅᑕᔾ ᐸᐃᒂᐤ ᓂᑭ ‍ ᐃᑎᓴᐊᒧᐛᐤ ᐊᓏᔨᑎᒧᐅᓂᔪᐤ ᐊᓐᒡ ᒋᓴᐅᒋᒪᐤ ᑭᔭ ᐃᒋᑉᑦ ᐃᔪᒡ᙮ ᐊᑯ ᐸᑐᔅ ᒐ ‍ ᐱᔅᑎᓇᑦ ᐃᔅᕋᐃᓪ ᐃᔪᐛ, ᓇᔅᒡ ᒋᑭ ᐎ ‍ ᐃᒐᑎᓴᐅᑯᐛᐤ ᐊᓐᑕ ᐅᑦ ᐊᔅᒋᐛᒡ᙮
\v 2 ᒐ ‍ ᐎᑎᒧᐅᑥᐤ ᒥᓯᐛ ᐃᔅᕋᐃᓪ ᐃᔪᒡ, ᓇᐸᐅᒡ ᑭᔭ ᐃᔎᐅᒡ ᒐᒋ ᑯᒂᒋᒪᒡ ᐎᒐᐛᑭᓄᐛᐛ ᐃᒋᑉᑦ ᐊ ‍ ᐃᑎᔅᑲᓇᓯᔨᒋ ᐊ ‍ ᐎᓴᐅᓱᓇᔭᐎᒋ ᑭᔭ ᐊ ‍ ᓱᓇᔭᐱᔅᑯᔨᒋ ᐛᐛᓯᐅᓇ᙮”
\v 3 ᑎᐸᔨᒋᒐᓱᐤ, ᒋ ‍ ᐃᑐᑐᐛᐤ ᐃᒋᑉᑦ ᐃᔪᐛ ᒐᒋ ᐃᔅᐱᑕᐃᒪᔨᒋ ᐃᔅᕋᐃᓪ ᐃᔪᐛ, ᑭᔭ ᒧᓱᔅ ᓇᔅᒡ ᒋᔅᑕᔨᒥᑯᐤ ᐊᓂᔭ ᒋᓴᐅᒋᒪᐛ ᐅᑦ ᐊᐱᒋᐊᑭᓂᔪᐛ ᑭᔭ ᐃᒋᑉᑦ ᐃᔪᐛ᙮
\p
\v 4 ᐊᑯ ᒧᓱᔅ ᒂ ‍ ᐃᔅᒋᔄᑦ, “ᐊᐅᑯᔪᐤ ᐅᔭ ᐊ ‍ ᐃᔅᒋᔄᑦ ᑎᐸᔨᒋᒐᓱᐤ: ‘ᐊᐱᑕᑎᐱᔅᑲᒐ ᓂᑭ ‍ ᐃᑐᑕᓐ ᐊᓐᑕ ᒥᓯᐛ ᐃᒋᑉᑎᒡ᙮
\v 5 ᒥᓯᐛ ᓂᔅᑎᒧᓴᓐᒡ ᑲ ‍ ᓇᐸᓯᐅᒡ ᐊᓐᑕ ᐃᒋᑉᑎᒡ ᒋᑭ ‍ ᐳᓂᐱᒪᑎᓯᐅᒡ, ᒋᓴᐅᒋᒪᐤ ᐅᓂᔅᑎᒧᓴᓇ ᑲ ‍ ᓇᐸᓯᐎᔨᒋ ᐃᔅᐱᔅ ᐊᓐ ᑯᐸᓇᔎᐤ ᐅᓂᔅᑎᒧᓴᓇ ᑲ ‍ ᓇᐸᓯᐎᔨᒋ ᑭᔭ ᓇᐸ ᐊᐛᓯᓯᒡ ᐃᔭᐱᒡ ᒋᑭ ‍ ᐳᓂᐱᒪᑎᓯᐅᒡ᙮
\v 6 ᒥᓯᐛ ᐊᓐᑕ ᐃᒋᑉᑎᒡ ᒋᒋᐛ ᒋᑭ ᒥᔅᑎ ‍ ᒪᓄᐤ, ᓇᒪ ᓂᑕ ‍ ᐃᔅᐱᔪᐤ ᐅ ᒐᒂᓐ ᑭᔭ ᓇᒪ ᓂᑕ ᒥᓐ ᒋᑭ ‍ ᐃᔅᐱᔪᐤ᙮ 
\v 7 ᒥᒄ ᐊᓐᑕ ᐊᑕᒡ ᐃᔅᕋᐃᓪ ᐃᔪᒡ, ᓇᔅᒡ ᓇᒪ ᒐᒂᓐ ᒋᑭ ‍ ᐸᑕᑯᓐ, ᓇᒪ ᒋᑭ ‍ ᐸᑕᑯᓱᐤ ᐊᑎᒻ ᒐᒋ ᒥᒋᔅᑕᑦ ᓇᐸᐛ ᑭᔭ ᒪᒃ ᐊᐛᓯᓴ᙮’ ᐊᐅᑯᓐ ᐸᑐᔅ ᒐ ‍ ᒋᔅᒐᔨᑎᒪᒄ ᑎᐸᔨᒋᒐᓱᐤ ᐊ ‍ ᒥᔪᑐᑐᐛᑦ ᐃᔅᕋᐃᓪ ᐃᔪᐛ ᒪᒂᒡ ᐊ ‍ ᐊᓏᔨᒪᑦ ᐃᒋᑉᑦ ᐃᔪᐛ᙮
\v 8 ᒥᓯᐛ ᒋᑦ ᐊᐱᒋᐊᑭᓐᒡ ᓂᑭ ‍ ᓂᑐᐛᐱᒥᑯᒡ ᒐ ᐊᑎ ‍ ᓂᐱᔅᑯᐱᔅᑐᐅᒡ ᑭᔭ ᒐ ‍ ᐃᔅᒋᔄᒡ, ‘ᒪᒋᒄ ᔅᑐᑕᒄ ! ᒋᔾ ᑭᔭ ᒥᓯᐛ ᒋᑦ ᐃᔨᒥᒡ !’ ᐊᑯ ᐸᑐᔅ ᒐᔅᑐᑕᔭᓐ᙮” ᐊᑯ ᓇᔅᒡ ᐊ ‍ ᒋᔄᐱᑦ ᒧᓱᔅ ᒂ ‍ ᓂᑭᑕᑦ ᒋᓴᐅᒋᒪᐛ᙮
\p
\v 9 ᑎᐸᔨᒋᒐᓱᐤ ᒋ ‍ ᐃᑕᐤ ᒧᓱᓴ, “ᓇᒪ ᒋᑭ ‍ ᑕᑈᑎᒻ ᒋᓴᐅᒋᒪᐤ ᒐᒋ ᓂᑐᑕᔅᒄ, ᐊᑯ ᒪᒃ ᐊᑎᑐᐤ ᐊ ‍ ᓱᐧᑲᑎᓯᒥᑲᒋ ᓂᒋᔅᒋᓄᐛᒡ ᐛᐸᑎᔨᐛᐅᓇ ᒐ ‍ ᐃᑐᑎᒪᓐ ᐊᓐᑕ ᐃᒋᑉᑎᒡ᙮”
\v 10 ᒧᓱᔅ ᑭᔭ ᐊᕋᓐ ᒂ ‍ ᐃᑐᑎᒺᒡ ᒋᓴᒪᓂᑐᐛ ᐅᒪᒥᔅᑲᒡ ᐃᑐᐅᓂᔪᐤ ᐊ ‍ ᐛᐱᒥᑯᒡ ᐊᓂᔭ ᒋᓴᐅᒋᒪᐛ, ᒥᒄ ᑎᐸᔨᒋᒐᓱᐤ ᒋ ‍ ᐃᑐᑐᐛᐤ ᒋᓴᐅᒋᒪᐛ ᒐᒋ ᒥᔅᑯᔅᑎᒂᓇᔨᒋ, ᑭᔭ ᓇᒪ ᐅᒋ ᐎ ‍ ᐱᔅᑎᓇᐤ ᐃᔅᕋᐃᓪ ᐃᔪᐛ ᒐᒋ ᓂᑭᑎᒥᔨᒋ ᐅᑦ ᐊᔅᒋᔾ᙮
\c 12
\s1 ᐎᒪᔅᑲᒐᐅᓐ
\s2 Exodus 12.1-14 (Proper-18 Year A)
\p
\v 1 ᑎᐸᔨᒋᒐᓱᐤ ᒪᒃ ᒋ ‍ ᐃᔨᒪᐊᐤ ᒧᓱᓴ ᑭᔭ ᐊᕋᓇ ᐊᓐᑕ ᐃᒋᑉᑎᒡ, ᐊ ‍ ᐃᑕᑦ,
\v 2 “ᐊᓄᒡ ᐅ ᐱᓯᒻ ᐊᐅᒄ ᒐ ‍ ᐅᔅᑭᑯᒋᐧᒄ ᐱᓯᒻ, ᐊᓐ ᐅᔅᑭᒡ ᐱᓯᒻ ᒐ ‍ ᐱᐳᒡ᙮
\v 3 ᐃᔨᒪᐧᑯᒡ ᒥᓯᐛ ᐃᔅᕋᐃᓪ ᐃᔪᒡ, ᐊ ‍ ᐃᑕᑯᒡ, ᐃᔅᐱ ᐸᐃᑯᔪᐛ ᒋᓯᑲᒐ ᐅ ᐱᓯᒻ, ᒋᑭ ‍ ᐅᑎᓇᒪᓱᐤ ᒥᓯᐛ ᓇᐸᐤ ᐊᓐᑕ ᐊ ‍ ᐸᐃᑯᔅᑲᓇᓯᑦ ᐸᐃᒄ ᒪᔭᑕᓂᓯᓴ᙮
\v 4 ᒧᔭᒻ ᒪᒃ ᐊ ‍ ᐸᐃᑯᑕᐅᓯᒡ ᐸᐃᒄ ᒥᒋᐛᐱᒡ ᐊᑲ ᒥᒐᑎᑥᐛ ᐸᐃᒄ ᒪᔭᑕᓂᓴ ᒐᒋ ᐅᑎᓇᒡ, ᐊᑯᔅ ᐎᔨᐛᐤ ᑭᔭ ᐎᒋᒪᑭᓄᐛᐛ ᒥᒋᒪ ᑲ ‍ ᐎᒋᔨᒋ ᒋᑭ ‍ ᒪᒧᐧᑯᐛᐅᒡ, ᒋᔨᐛᐤ ᒋᑭ ‍ ᒋᔅᒐᔨᑕᓇᐛᐤ ᐊ ‍ ᑕᑎᓯᒡ ᐊᐛᓐᒋ; ᒥᓯᐛ ᑕᑐᐤ ᐃᔪᐤ ᒐ ‍ ᐃᔅᐱᔅ ‍ ᒥᒋᓱᑦ᙮
\p
\v 5 ᓇᒪ ᒋᑭ ᐎ ‍ ᒪᔅᒋᔪᐤ ᒋᒪᔭᑕᓂᓯᒧᐛᐤ, ᓇᐸ ᒪᔭᑕᓂᔅ ᐊ ‍ ᐸᐃᑯᐱᐳᓇᓯᑦ; ᒪᔭᑕᓂᔅ ᑭᔭ ᒪᒃ ᑲ ‍ ᐅᑦ ᐊᔅᑭᓂᓯᑦ ᑲ ‍ ᐊᐱᓯᓯᒡ ᐊᐛᓯᓯᒡ ᒋᑭ ᐅᒋ ‍ ᐅᑎᓇᐛᐅᒡ᙮
\v 6 ᒋᑭ ‍ ᑭᓄᐛᔨᒪᐛᐤ ᒪᒃ ᐃᔅᐱᔅ ᓇᐅᓴᑉ ᐊ ‍ ᒋᓯᑲᒡ ᐊᓐ ᐱᓯᒻ: ᑭᔭ ᒥᓯᐛ ᑲ ‍ ᒪᒧᐎᒡ ᐃᔅᕋᐃᓪ ᐃᔪᒡ ᒋᑭ ‍ ᓂᐸᐊᐅᒡ ᐊᑎ ‍ ᐅᑕᑯᓯᔨᒐ᙮
\p
\v 7 ᒋᑭ ‍ ᐅᑎᓂᒺᐅᒡ ᒪᒃ ᐱᔅᒐ ᐅᒥᐧᑯᔪᐤ, ᑭᔭ ᒋᑭ ‍ ᒥᓯᒂᐊᒧᒡ ᐊᔨᑐᐤ ᔅᑐᐧᑭᓇᑎᑯᒡ, ᑭᔭ ᑕᐧᑯᒡ ᔅᑐᐧᑭᓇᑎᑯᒡ ᐊᓐᑕ ᒥᒋᐛᐱᒡ ᒐ ‍ ᒧᐛᒡ᙮\fig Israelite putting blood on doorposts|Exo12-07-CO00810b.tif|col||© 1996 David C Cook|ᒋᑭ ‍ ᐅᑎᓂᒺᐅᒡ ᒪᒃ ᐅᒥᐧᑯᔪᐤ, ᑭᔭ ᒋᑭ ‍ ᒥᓯᒂᐊᒡ ᐊᔨᑐᐤ ᔅᑐᐧᑭᓇᑎᑯᒡ, ᑭᔭ ᑕᐧᑯᒡ ᔅᑐᐧᑭᓇᑎᑯᒡ ᐊᓐᑕ ᒥᒋᐛᐱᒡ ᒐ ‍ ᒧᐛᒡ|12.7\fig*
\p
\v 8 ᒋᑭ ‍ ᒥᒍᐛᐅᒡ ᒪᒃ ᐅᐎᔭᓯᔪᐤ ᐊᓂᔭ ᐊ ‍ ᑎᐱᔅᑲᔨᒡ; ᐊ ‍ ᓯᑭᑈᓄᐎᒡ ᒋᒡ ᑭᔭ ᐊᑲ ᐅᐱᓱᐎᔨᒋ ᐸᒂᓯᑭᓇ, ᒋᒡ ᑭᔭ ᐎᓴᒋᐸᒂ ᒋᑭ ᐃᓯ ‍ ᒥᒍᐅᒡ᙮
\v 9 ᐊᑲᐎᔭ ᒥᒋᒄ ᐊ ‍ ᐊᔅᑲᒡ, ᐊᑲ ᑭᔭ ᑲ ‍ ᐅᓯᑭᓄᐅᒡ; ᒥᒄ ᐊ ‍ ᓴᑭᑈᓄᐅᒡ, ᐊᓯᒡ ᐅᔅᑎᒂᓐ ᑭᔭ ᐅᔅᑲᑕ, ᑭᔭ ᐊᓯᒡ ᑕᒥᔪᐤ᙮
\v 10 ᓇᒪᐎᔾ ᒐᒂᓐ ᒪᒃ ᒋᑭ ‍ ᐎᔅᑯᐱᔪᐤ ᒐᒋᓴᐸᔭᒐ: ᐊᓐ ᒪᒃ ᒐ ‍ ᐃᔅᑯᐱᔨᒡ ᒐᒋᓴᐸᔭᒐ, ᒋᑭ ‍ ᐃᔎᓴᓇᐛᐤ᙮
\v 11 ᐊᐅᒄ ᒪᒃ ᒐ ᐃᓯ ‍ ᒥᒋᔭᒄ; ᐊ ‍ ᐱᒂᑕᐅᔭᒄ, ᐊ ‍ ᒋᑭᔅᒋᓇᔭᒄ, ᑭᔭ ᐊ ‍ ᑕᐧᑯᓂᒪᒄ ᒋᓯᔅᑲᐅᓄᐛᐛ: ᑭᔭ ᒋᑭ ‍ ᔭᓯᒋᐳᓇᐛᐤ; ᐊᐅᒄ ᐅᒪ ᑎᐸᔨᒋᒐᓱᐤ ᐅᐎᒪᔅᑲᒐᐎᓐ᙮
\p
\v 12 ᐛᔅ ᓂᑭ ‍ ᓴᐳᑐᐛᔅᑲᓐ ᐃᒋᑉᑦ ᐊᔅᒋᔾ ᐊᓐ ᒐ ‍ ᑎᐱᔅᑲᒡ, ᒥᓯᐛ ᓂᔅᑎᒧᓴᓐᒡ ᑲ ‍ ᓇᐸᓯᐅᒡ ᓂᑭ ‍ ᓂᐸᐅᒡ ᐊᓐᑕ ᐃᒋᑉᑦ ᐊᔅᒋᒡ, ᑕᐱᔅᑯᓐ ᐃᔪᐤ ᑭᔭ ᐊᐛᓯᔅ᙮ ᒥᓯᐛ ᐃᒋᑉᑎᒡ ᒥᓂᑐᐧᑲᓐᒡ ᓂᑭ ‍ ᐊᓏᔨᒪᐅᒡ; ᓂᔾ ᐅ ᑎᐸᔨᒋᒐᓱᐤ᙮
\v 13 ᐊᓐ ᒥᐧᒄ ᒪᒃ ᒋᑭ ‍ ᐅᒋᔅᒋᓄᐛᒋᒋᑭᓂᓇᐛᐤ ᒥᒋᐛᐱᒡ ᐊ ‍ ᑕᔭᒄ: ᐃᔅᐱ ᒪᒃ ᐛᐸᑎᒪᓇ ᒥᐧᒄ, ᒋᑭ ‍ ᐎᒪᔅᑲᑎᓇᐛᐤ, ᑭᔭ ᐊᐧᑯᐃᑕᔅᐱᓇᐅᓐ ᓇᒪᐎᔾ ᒋᑭ ‍ ᐅᑎᑎᑯᓇᐛᐤ ᒐᒋ ᓂᓱᐅᓇᒋᐃᑯᔭᒄ, ᐃᔅᐱ ᐅᑕᒪᐊᒪᓇ ᐃᒋᑉᑦ ᐊᔅᒋᔾ᙮
\p
\v 14 ᐊᓄᒡ ᐊ ‍ ᒋᓯᑲᒡ ᒪᒃ ᒋᑭ ‍ ᐅᒋᔅᒋᓄᐛᒋᒋᑭᓂᓇᐛᐤ; ᒋᑭ ‍ ᑭᓄᐛᔨᑕᓇᐛᐤ ᒪᒃ ᐊ ‍ ᒥᑯᓴᔅᑐᐛᒄ ᑎᐸᔨᒋᒐᓱᐤ ᐃᔅᐱᔅ ᒐ ᐊᑎ ‍ ᐊᔭᓂᔅᒐ ᐱᒪᑎᓯᐛᐛᒂ: ᒋᑭ ‍ ᑭᓄᐛᔨᑕᓇᐛᐤ ᐊ ‍ ᒥᑯᓴᔭᒄ ᐊ ‍ ᐃᑎᓱᐛᓄᐅᒡ ᑲᒋᒡ᙮
\p
\v 15 ᐃᔅᐱᔅ ᓂᔄᐅᑕᒡ ᒋᓯᑲᐛ ᒋᑭ ᐎ ‍ ᒧᐛᐛᐤ ᐸᒂᓯᑭᓐ ᐊᑲ ᐅᐱᓱᑦ᙮ ᐊᓐ ᓂᔅᑎᒻ ᒋᓯᒄ ᒐ ‍ ᐎᐎᑎᓯᓇᒃ ᓯᐅᔅᑎᒪᑭᓐ, ᐅ ᒥᒄ ᐊᐛᓐ ᒥᒋᒐ ᒐᒂᔪᐤ ᓯᐅᔅᑎᒪᑭᓇ ᐊ ᐅᒋ ‍ ᐅᓯᑕᑭᓄᐎᒡ ᒪᒂᒡ ᐊᓂᔭ ᓂᔄᐅᑕᒡ ᒋᓯᒂ, ᒋ ‍ ᐃᑲᑎᓴᐛᑭᓄᐤ ᐊᓐᑕ ᐃᔅᕋᐃᓪ ᐅᒡ᙮
\v 16 ᐅᔅᑭᒡ ᐊ ‍ ᒋᓯᑲᒡ ᒐ ‍ ᒪᒧᐎᔭᒃ, ᑭᔭ ᓂᔄᐅᑕᒡ ᐊ ‍ ᒋᓯᑲᒡ ᐃᔭᐱᒡ ᒐ ‍ ᒪᒧᐎᔭᒃ᙮ ᓇᒪ ᒋᑭ ‍ ᐊᑐᔅᒐᓄᐤ ᐅᔭ ᒋᓯᒂ, ᒥᒄ ᒐ ‍ ᐊᔭᔅᑯᔅᑕᔭᒄ ᒥᒋᒻ ᓄᑎᒻ ᐊᐛᓐ ᒐᒋ ᒥᒋᓱᑦ ᐊᐅᑯᓐ ᒥᒄ ᒐᒋ ᑐᑕᑭᓄᐅᒡ᙮
\p
\v 17 ᒐ ‍ ᒥᑯᓴᔭᒃ ᐊ ‍ ᒥᒋᓱᓇᓂᒐᔭᒃ ᐸᒂᓯᑭᓐ ᐊᑲ ᐅᐱᓱᑦ, ᐛᔅ ᐊᐅᑯᓐ ᐅ ᓇᐊᐤ ᒋᓯᒄ ᑲ ‍ ᐎᐎᑕᔨᑎᑯᒡ ᐃᒋᑉᑎᒡ ᐅᒡ᙮ ᒐ ‍ ᒥᑯᓴᔭᒄ ᐅ ᒋᓯᒄ ᒐ ᐊᑎ ᐊᓂᔅᒐ ‍ ᐱᒪᑎᓯᔭᒄ᙮
\v 18 ᐅᔅᑭᒡ ᐱᓯᒻ ᒐ ᐊᑲ ‍ ᒧᐛᒄ ᐸᒂᓯᑭᓐ ᐊᓯᐅᔅᑎᒪᑭᓄᐅᑦ, ᐊ ‍ ᓇᐅᓴᑉ ᒋᓯᑲᒡ ᐊ ‍ ᐅᑕᑯᓯᒡ ᐅᒡ ᐃᔅᐱᔅ ᓂᓱᔪᐤ ᐊᓱ ᐸᐃᒄ ᐊ ‍ ᒋᓯᑲᒡ ᐊ ‍ ᐅᑕᑯᓯᒡ᙮
\v 19 ᓂᔄᐅᑕᒡ ᑕᑐ ᒋᓯᑲᐛ ᐃᔅᐱᔅ ᓇᒪ ᒋᑭ ᐎ ‍ ᑕᐤ ᓯᐅᔅᑎᒪᑭᓐ ᐊᓐᑕ ᐱᑎᑭᒥᒡ ᒋᒋᐛᐛᒡ᙮ ᒥᒋᒐ ᐊᐛᓐ ᒐᒂᔪᐤ ᐊ ‍ ᐅᐱᓯᔪᐎᒡ, ᒋᑭ ᐃᑲᑎᓴᐛᑭᓄᐤ ᐊᓐᑕ ᐃᔅᕋᐃᓪ ᐃᔪᐛ ᐅᒡ᙮
\v 20 ᒐ ᐊᑲ ‍ ᒥᒋᔭᒄ ᒐᒂᓐ ᓯᐅᔅᑎᒪᑭᓐ ᐊᔅᒋᐱᔨᑦ᙮ ᒥᒄ ᑕᓐᑕ ᒐ ᐊᑎ ‍ ᐃᑕᔭᒃ, ᒐ ‍ ᒧᐛᒃ ᐸᒂᓯᑭᓐ ᐊᑲ ᐅᐱᓱᑦ᙮”
\p
\v 21 ᐊᑯ ᒧᓱᔅ ᒂ ‍ ᒪᒧᐅᓇᑦ ᒥᓯᐛ ᐃᔅᕋᐃᓪ ᒋᓴᐃᔪᐛ ᑭᔭ ᒂ ‍ ᐃᑕᑦ, “ᒪᒋᒃ ᑎᐛᒡ ᔅᑐᑕᒪᒃ ᑭᔭ ᒐ ‍ ᐅᑎᓂᒪᓱᔭᒄ ᒋᒪᔭᑕᓂᓯᒧᐛᐅᒡ ᑭᔭ ᒐ ‍ ᓂᐸᐊᑯᒡ᙮ ᐊᐅᑯᓐᒡ ᐅᒡ ᐎᒪᔅᑲᒐᐅ ᒪᔭᑕᓂᓯᒡ᙮
\v 22 ᒐ ‍ ᐅᑎᓇᑯᒡ ᐃᓴᑉ ᓂᐱᓯᔭᑎᑯᒡ ᑭᔭ ᒥᐧᑯᒡ ᒐ ‍ ᑯᒋᒪᑯᒡ ᐊᓐᑕ ᐊᔅᒋᐧᑯᒡ ᑭᔭ ᒐ ‍ ᒥᓯᒂᐊᒪᒄ ᐊᓐᑕ ᐃᔅᐱᒥᒡ ᔅᑐᐧᑭᓇᑎᑯᒡ ᑭᔭ ᐊᓐᑕ ᐊᔨᑐᐤ ᔅᑐᐧᑭᓇᑎᑯᒡ᙮ ᒥᓯᐛ ᐊᐛᓐ ᐱᑎᑭᒥᒡ ᒋᑭ ᐎ ‍ ᑕᐤ ᐃᔅᐱᔅ ᒐᒋᓴᐸᔭᒐ᙮
\v 23 ᐊᓄᒡ ᒐ ‍ ᑎᐱᔅᑲᒡ ᒋᑭ ‍ ᐃᑐᑕᐤ ᑎᐸᔨᒋᒐᓱᐤ ᐊᓐᑕ ᒥᓯᐛ ᐃᒋᑉᑎᒡ ᒐᒋ ᓂᐸᐊᑦ ᒥᓯᐛ ᓂᔅᑎᒧᓴᓇ ᑲ ‍ ᓇᐸᓯᔪᐎᔨᒋ ᐅᑯᓯᒪᐛ ᐃᒋᑉᑦ ᐊ ‍ ᐃᑎᔅᑲᓇᓯᔨᒋ, ᐛᐸᑎᒥᔨᒐᓂ ᒥᐧᑯᔪᐤ ᐊᓐᑕ ᔅᑐᐧᑭᓇᑎᑯᒡ ᐊᑯ ᓇᒪ ᒋᑭ ‍ ᓇᐊᔨᒪᐤ ᐊᓐᒋᓇ ᑲ ‍ ᓂᐸᔪᐛᔨᒋ ᒐᒋ ᐱᑎᒂᑎᔨᑕᑯᐤ ᒐᒋ ᓂᐸᐃᑎᑕᑯᐤ᙮
\p
\v 24 ᒋᔾ ᑭᔭ ᒋᑦ ᐊᐛᓯᒥᒡ ᒋᑭ ᐎ ‍ ᓇᔨᑕᓇᐛᐤ ᐅᔭ ᐃᑎᓱᐛᐅᓇ ᒧᔅ ᑲᒋᒡ᙮
\v 25 ᑎᑯᓯᓂᔭᒂ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᑲ ‍ ᐊᓱᑎᒪᑕᒄ ᒐᒋ ᒥᔨᑕᒄ, ᒐ ‍ ᑭᓄᐛᔨᑎᒪᒄ ᐅ ᐃᑐᐅᓐ᙮
\v 26 ᑭᔭ ᑭ ‍ ᑯᒂᒋᒥᑕᒂᐛ ᒋᑦ ᐊᐛᓯᒧᐛᐅᒡ, ‘ᒐᒂᓐ ᐅ ᐛᒋ ‍ ᒥᑯᓴᔭᐧᒄ ?’
\v 27 ᐊᑯ ᒐ ‍ ᐃᑕᑯᒡ, ‘ᐎᒪᔅᑲᒐᐅ ᐱᔅᑎᓂᒐᐅᓐ ᐅ ᒐᒋ ᒋᔅᑕᔨᒪᑭᓄᐅᑦ ᑎᐸᔨᒋᒐᓱᐤ, ᐛᔅ ᒋ ‍ ᐎᒪᔅᑭᒻ ᐃᔅᕋᐃᓪ ᐃᔪᐛ ᐎᒋᔪᐤ ᐊᓐᑕ ᐃᒋᑉᑎᒡ ᑲ ‍ ᑕᓄᐎᒡ ᑭᔭ ᓇᒪ ᐅᒋ ᐎᔭᔅᑐᑐᐛᐤ ᐃᔅᕋᐃᓪ ᐃᔪᐛ ᑲ ‍ ᐊᓏᔨᒪᑦ ᐃᒋᑉᑦ ᐃᔪᐛ᙮’ ”
\p ᐊᑯ ᒂ ᐊᑎ ‍ ᓂᐱᔅᑯᐱᒋ ᐃᔪᐛ ᑭᔭ ᒂ ‍ ᐊᔭᒥᐊᒪᔅᑐᐛᔨᒋ ᑎᐸᔨᒋᒐᓱᐛ᙮
\v 28 ᐃᔅᕋᐃᓪ ᐃᔪᒡ ᒋ ‍ ᐃᑐᑎᒧᒡ ᒐᒂᔪᐤ ᑲ ‍ ᐃᑎᓯᒥᑯᒡ ᒧᓱᓴ ᑭᔭ ᐊᕋᓇ᙮
\p
\v 29 ᐊᐱᑕᑎᐱᔅᑲᔨᒡ ᑎᐸᔨᒋᒐᓱᐤ ᒂ ‍ ᓂᐸᐊᑦ ᒥᓯᐛ ᓂᔅᑎᒧᓴᓇ ᑲ ‍ ᓇᐸᓯᔪᐎᒋ ᐊᓐᑕ ᐃᒋᑉᑎᒡ, ᒋᓴᐅᒋᒪᐤ ᐅᓂᔅᑎᒧᓴᓇ ᐅᒡ ᐃᔅᐱᔅ ᐊᓂᔭ ᑲ ‍ ᒪᑯᓇᑭᓄᓯᔨᒋ ᑲ ‍ ᓇᐸᓯᔪᐎᒋ ᐅᓂᔅᑎᒧᓴᓂᔪᐛ, ᐊᓐᑕ ᑲ ‍ ᑕᔨᒋ ᑲᒪᑯᓄᐛᓯᐅᒋᐛᐱᒡ, ᑭᔭ ᐊᓂᔭ ᐃᔭᐱᒡ ᐅᔅᑭᒡ ᓇᐸ ‍ ᐊᐛᓯᓴ᙮
\v 30 ᒋᓴᐅᒋᒪᐤ ᑭᔭ ᐅᑯᐸᓇᒪ ᑭᔭ ᐊᓐᒡ ᒥᓯᐛ ᐃᒋᑉᑦ ᐃᔪᒡ ᒂ ‍ ᐸᑯᐱᔨᒡ ᑕᐱᔅᑲᔨᒡ, ᒋ ‍ ᐸᑕᑯᓐ ᐊ ‍ ᒥᔅᑎᒪᓄᐅᒡ ᐊᓐᑕ ᐃᒋᑉᑎᒡ, ᓇᔅᒡ ᓇᒪ ᐅᒋ ᑎᑯᓐ ᐸᐃᒄ ᒥᒋᐛᑉ ᐊ ᐊᑲ ‍ ᑕᑦ ᐊᐛᓐ ᐊ ‍ ᐳᓂᐱᒪᑎᓯᑦ᙮
\s1 ᐃᔅᕋᐃᓪ ᐃᔪᒡ ᑲ ‍ ᓂᑭᑕᒡ ᐃᒋᑉᑎᔪᐤ
\p
\v 31 ᒪᒂᒡ ᐊ ‍ ᑎᐱᔅᑲᔨᒡ ᒋᓴᐅᒋᒪᐤ ᒂ ‍ ᐎᓴᒪᑦ ᒧᓱᓴ ᑭᔭ ᐊᕋᓇ ᑭᔭ ᒂ ‍ ᐃᑕᑦ, “ᒪᒋᒃ ! ᔅᑐᑕᒪᒃ, ᒋᔾ ᑭᔭ ᐃᔅᕋᐃᓪ ᐃᔪᒡ ! ᓂᑭᑎᒥᒄ ᓂᑦ ᐊᔅᒋᔾ᙮ ᒪᒋᒃ, ᒐ ‍ ᐊᔭᒥᐊᔅᑐᐛᒄ ᑎᐸᔨᒋᒐᓱᐤ ᐊᓐ ᑲ ᐃᓯ ‍ ᓂᑐᐛᔨᑎᒪᒃ᙮
\v 32 ᒐ ‍ ᐅᑎᓇᑯᒡ ᒋ ‍ ᒪᔭᑕᓂᓯᒧᐛᐅᒡ ᑭᔭ ᒋᑦ ᐊᐛᓯᓯᒧᐅᒡ, ᒧᔭᒻ ᑲ ‍ ᐃᔅᒋᔄᔭᒄ ᑭᔭ ᒐ ‍ ᔅᑐᑕᔭᒃ᙮ ᑭᔭ ᒐ ‍ ᓂᑐᐛᔨᑎᒧᐛᒄ ᒋ ‍ ᑎᐸᔨᒋᒐᓯᒧᐛᐤ ᒐᒋ ‍ ᓱᐛᔨᑕᑯᔨᑦ᙮”
\p
\v 33 ᐃᒋᑉᑦ ᐃᔪᒡ ᓇᔅᒡ ᒋ ‍ ᐅᔅᑯᐎᔅᑐᐛᐅᒡ ᒐᒋ ᒋᔅᑕᑉ ᓂᑭᑎᒥᔨᒋ ᐊᓂᔭ ᐊᔅᒋᔪᐤ᙮ ᐛᔅ ᒋ ‍ ᐃᔅᒋᔄᐅᒡ, “ᒥᓯᐛ ᓂᑭ ‍ ᐳᓂᐱᒪᑎᓯᓇᓐ ᐊ ᐊᑲ ‍ ᔅᑐᑕᔭᒂ”
\v 34 ᒂ ᐊᑎ ‍ ᐅᑎᓇᒡ ᐃᔅᕋᐃᓪ ᐃᔪᒡ ᐸᑎᑯᓇᑭᓇ ᐊᑲ ᐅᐱᔨᒋ, ᒂ ‍ ᐱᑕᐛᒡ ᐊᓐᑕ ᐊᔅᒋᐧᑯᒡ ᐊ ‍ ᐎᔎᔭᒋᓇᒡ ᐊᐱᒋᑕᐅᓂᒡ ᐅᑎᑎᒥᓄᐛᒡ ᐊ ‍ ᐎᐅᓯᒡ᙮\fig Israelites preparing to leave|Exo12-34-CO00811B.TIF|col||© 1996 David C Cook|ᒂ ᐊᑎ ‍ ᐅᑎᓇᒡ ᐃᔅᕋᐃᓪ ᐃᔪᒡ ᐸᑎᑯᓇᑭᓇ ᐊᑲ ᐅᐱᔨᒋ, ᒂ ‍ ᐱᑕᐛᒡ ᐊᓐᑕ ᐊᔅᒋᐧᑯᒡ ᐊ ‍ ᐎᔎᔭᒋᓇᒡ ᐊᐱᒋᑕᐅᓂᒡ ᐅᑎᑎᒥᓄᐛᒡ ᐊ ‍ ᐎᐅᓯᒡ|12.34\fig*
\v 35 ᐃᔅᕋᐃᓪ ᐃᔪᒡ ᒋ ‍ ᐃᑐᑎᒧᒡ ᒐᒂᔪᐤ ᑲ ‍ ᐃᑎᓯᒥᑯᒡ ᒧᓱᓴ ᐊᑯ ᒋ ‍ ᑯᒂᒋᒪᐅᒡ ᐊᓂᔭ ᐃᒋᑉᑦ ᐃᔪᐛ ᐊ ‍ ᓱᓇᔭᐱᔅᑯᔨᒡ ᑭᔭ ᐊ ‍ ᐎᓴᐅᓱᓇᔭᐎᒡ ᒐᒂᔪᐛ, ᐊᓯᒡ ᐊᐱᒋᑕᐅᓇ᙮
\v 36 ᑎᐸᔨᒋᒐᓱᐤ ᒋ ‍ ᐃᑐᑐᐛᐤ ᐃᒋᑉᑦ ᐃᔪᐛ ᒐᒋ ᒥᔪᐃᑕᔨᒪᔨᒋ ᐃᔅᕋᐃᓪ ᐃᔪᐛ, ᑭᔭ ᒂ ‍ ᒥᔭᔨᒋ ᒥᒄ ᒐᒂᔪᐤ ᓇᑐᐛᔨᑎᒥᒋ, ᒥᓯᐛ ᒋ ‍ ᔅᑐᑕᐛᐅᒡ ᐊᓱᓇᔭᐎᒋ ᒐᒂᔪᐛ ᑲ ‍ ᑎᐸᔨᑎᒥᔨᒋ ᐃᒋᑉᑦ ᐃᔪᐛ᙮
\p
\v 37 ᐃᔅᕋᐃᓪ ᐃᔪᒡ ᒋ ‍ ᓂᑭᑎᒧᒡ ᕋᒪᓯᔅ ᐃᑕᐅᓂᔪᐤ ᒂ ‍ ᐃᑐᑕᒡ ᐊᓐᑕ ᓱᑯᑦ᙮ ᒐᑲᑦ ᐊᓱᑕᒡ ᒐᓯᐱᔪᐤ ᓇᐸᐅᒡ ᒋ ‍ ᐃᑕᑎᓱᐅᒡ ᐊ ‍ ᐱᒧᑕᒡ, ᐊᑲ ᒋᒪᑭᓄᐅᒡ ᐃᔎᐅᒡ ᑭᔭ ᐊᐛᓯᒡ᙮
\v 38 ᒥᒐᑦ ᑯᑎᑲ ᐃᔪᐛ ᒋ ‍ ᐎᒐᐅᑯᐅᒡ ᐃᔭᐱᒡ ᐊᐛᓯᓴ, ᒪᔭᑕᓂᓴ ᑭᔭ ᒥᔅᑐᓴ᙮
\v 39 ᐊᑯ ᐊᓂᔭ ᑲ ‍ ᐸᓱᐛᒡ ᐸᑎᑯᓇᑭᓇ ᐃᒋᑉᑎᒡ ᐅᒡ, ᒂ ‍ ᐸᒂᓯᑭᓂᒐᒡ ᐊᑲ ᐅᐱᓱᔨᒋ ᐸᑎᑯᓇᑭᓇ ᐅᒡ᙮ ᐛᔅ ᓯᔅᒋᑯᒡ ᑲ ‍ ᐃᑲᑎᓴᐛᑭᓄᐅᒡ ᐊᓐᑕ ᐃᒋᑉᑎᒡ ᐅᒡ ᓇᒪ ᐅᒋ ᐃᔅᐱᓯᔪᐅᒡ ᒐᒋ ᐃᔭᔅᑯᔅᑕᒡ ᒥᒋᒥᔪᐤ ᑭᔭ ᒪᒃ ᒐᒋ ᐊᔭᔅᑯᐛᐊᒡ ᐊ ‍ ᐅᐱᓱᔨᒋ ᐸᑎᑯᓇᑭᓇ᙮
\v 40 ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐛ ᐱᐳᓇ ᒋ ᐃᔅᐱᔅ ‍ ᐎᒍᐅᒡ ᐃᔅᕋᐃᓪ ᐃᔪᒡ ᐊᓐᑕ ᐃᒋᑉᑦ ᐊᔅᒋᒡ᙮
\v 41 ᐊᑯ ᐊᓂᔭ ᑲ ‍ ᐃᔎᐱᔨᒡ ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐛ ᐱᐳᓇ, ᓇᐊᐤ ᐊᓂᔭ ᒋᓯᑯᔪᐤ ᐊᐅᑯᔪᐤ ᐊᓂᔭ ᑎᐸᔨᒋᒐᓱᐤ ᐅᑦ ᐃᔨᒪ ᑲ ‍ ᓂᑭᑕᒡ ᐃᒋᑉᑦ ᐊᔅᒋᔪᐤ᙮
\v 42 ᐊᑯ ᒂ ‍ ᓇᑭᑐᐛᐱᒥᑯᒡ ᑎᐸᔨᒋᒐᓱᐛ ᑕᐱᔅᑲᔨᒡ ᒐᒋ ᐎᐎᑕᐃᑯᒡ ᐊᓐᑕ ᐃᒋᑉᑎᒡ ᐅᒡ, ᐊᐅᑯᔪᐤ ᐅᔭ ᐸᐃᑯᑕᐤ ᑕᐱᔅᑲᔨᒡ ᒥᓯᐛ ᐃᔅᕋᐃᓪ ᐃᔪᒡ ᐊ ‍ ᑎᐱᔅᑲᐤ ᐊᔭᒥᐊᒡ ᒐ ᐃᔅᐱᔅ ᐊᓂᔅᒐ ‍ ᐱᒪᑎᓯᒡ ᐊᔅᑕᔨᒪᒡ ᑎᐸᔨᒋᒐᓱᐛ᙮
\s1 ᒐ ᐃᓯ ‍ ᑐᑕᑭᓄᐅᒡ ᐎᒪᔅᑲᒐᐅ-ᒥᑯᓴᐅᓐ
\p
\v 43 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ ᑭᔭ ᐊᕋᓇ, “ᐊᐅᑯᐤ ᐅᔭ ᒐᒂᔪᐛ ᒐ ‍ ᓇᓴᐊᒪᒄ ᐅᑎᒋᐱᔨᒐ ᐎᒪᔅᑲᒐᐅ-ᒥᑯᓴᐅᓐ: ᒐ ᐊᑲ ‍ ᒥᒋᑦ ᒪᓐᑕᐤ ᐊᓂᔭ ᐎᒪᔅᑲᒐᐅ-ᒥᑯᓴᐅ-ᒥᒋᒥᔪᐤ᙮
\v 44 ᑲ ‍ ᐃᔭᐛᒄ ᐊᐱᒋᐊᑭᓐ ᒋᑭ ᒋ ‍ ᒥᒍᐤ ᐊᓂᔭ ᐎᒪᔅᑲᒐᐅ-ᒥᑯᓴᐅ-ᒥᒋᒥᔪᐤ ᑲᒋ ‍ ᒋᔅᒋᓄᐛᒋᔄᑭᓄᒂ,
\v 45 ᒥᒄ ᒪᓐᑕᐤ ᑭᔭ ᐊᓐ ᑲ ‍ ᐅᑎᓇᒄ ᒐᒋ ᐊᑐᔅᑲᔅᑕᑕᒄ ᓇᒪ ᒋᑭ ᐅᒋ ‍ ᒥᒋᐤ ᐊᓂᔭ ᒥᒋᒥᔪᐤ᙮
\v 46 ᐱᑎᑭᒥᒡ ᒋᑭ ᐎ ‍ ᒥᒋᓇᓄᐤ ᐊᓐᑕ ᒥᒋᐛᐱᒡ ᑲ ‍ ᐊᔭᔅᑯᔅᑕᑭᓄᐅᒡ ᒥᒋᒻ; ᑭᔭ ᒐ ᐊᑲ ‍ ᐎᐎᑕᑭᓄᐅᒡ ᐎᔭᔅ ᐊᓐᑕ ᒥᒋᐛᐱᒡ ᐅᒡ, ᒐ ᐊᑲ ᐛᒋ ᐸᐃᒄ ᐱᒂᐊᒪᒄ ᐊᓂᔭ ᐅᔅᑭᓇ᙮
\v 47 ᒥᓯᐛ ᐃᔅᕋᐃᓪ ᐃᔪᐤ ᐊ ‍ ᐃᑎᔅᑲᓇᓯᑦ ᒋᑭ ᐎ ‍ ᒥᑯᓴᐤ᙮
\p
\v 48 ᐊᐛᓐ ᐊ ‍ ᒪᓐᑕᐅᑦ ᐊ ‍ ᐎᒋᒥᑕᒄ ᐎ ‍ ᒥᑯᓴᒐ ᐅᔭ ᑎᐸᔨᒋᒐᓱᐛ ᐎᒪᔅᑲᒐᐅᓂᔪᐤ, ᒥᓯᐛ ᓂᔭᐸᐅᐎᔨᒋ ᐊᓐᑕ ᐎᒋᒡ ᒋᑭ ᐎ ‍ ᒋᔅᒋᓄᐛᒋᔄᑭᓄᐎᔪᐛ; ᐊᑯ ᐸᑐᔅ ᒐᒋ ᒥᒋᑦ ᒧᔭᒻ ᐃᔅᕋᐃᓪ ᐃᔪᐛ᙮ ᓇᒪ ᒋᑭ ‍ ᒥᒍᐤ ᓇᐸᐤ ᐊᑲ ᒋᔅᒋᓄᐛᒋᔄᑭᓄᐅᑦ᙮
\v 49 ᐃᔅᕋᐃᓪ ᑲ ‍ ᐃᑎᔅᑲᓇᓯᑦ ᑭᔭ ᒪᒃ ᒪᓐᑕᐤ ᐊ ‍ ᐎᒋᒥᑕᒄ ᒋᑭ ᐎ ‍ ᓇᓴᐊᒻ ᐅᔭ ᐃᑎᓱᐛᐅᓂᔪᐤ᙮”
\p
\v 50 ᒥᓯᐛ ᐃᔅᕋᐃᓪ ᐃᔪᒡ ᒋ ‍ ᐃᑐᑎᒧᒡ ᒐᒂᔪᐤ ᑎᐸᔨᒋᒐᓱᐛ ᑲ ‍ ᐃᑎᓱᒪᔨᒋ ᒧᓱᓴ ᑭᔭ ᐊᕋᓇ᙮
\v 51 ᑭᔭ ᓇᐊᐤ ᐊᓂᔭ ᒋᓯᑯᔪᐤ ᑎᐸᔨᒋᒐᓱᐤ ᒂ ‍ ᐎᐎᑕᐊᑦ ᐃᔅᕋᐃᓪ ᐃᔪᐛ ᐊᓐᑕ ᐃᒋᑉᑎᒡ ᐅᒡ᙮
\c 13
\s1 ᐊ ‍ ᐱᔅᑎᓇᑭᓄᐅᒡ ᓂᔅᑎᒧᓴᓐᒡ ᐊ ‍ ᓇᐸᓯᐅᒡ
\p
\v 1 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ,
\v 2 “ᒐ ‍ ᒥᔨᔭᒄ ᒥᓯᐛ ᓂᔅᑎᒧᓴᓐᒡ ᐊ ‍ ᓇᐸᓯᐅᒡ᙮ ᒥᓯᐛ ᐃᔅᕋᐃᓪ ᓂᔅᑎᒧᓴᓐᒡ ᐊ ‍ ᓇᐸᓯᐅᒡ ᓂᑎᐸᔨᒪᐅᒡ, ᑕᐱᔅᑯᓐ ᐃᔪᒡ ᑭᔭ ᐊᐛᓯᓯᒡ᙮”
\s1 ᑲ ‍ ᐎᒪᔅᑲᒐᐅ-ᒥᒋᓱᓇᓂᒐᓄᐅᒡ
\p
\v 3 ᒂ ‍ ᐃᑕᑦ ᒧᓱᔅ ᐃᔪᐛ, “ᒐ ‍ ᒋᔅᑕᔨᑎᒪᒃ ᐅ ᒋᓯᒄ, ᑲ ‍ ᐎᐎᔭᒄ ᐃᒋᑉᑎᒡ ᐅᒡ, ᑲ ‍ ᒪᑯᓂᑯᐅᔭᒄ, ᐛᔅ ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᒋ ‍ ᐊᐱᒋᑕᐤ ᒐᒋ ᐎᐎᑕᔨᑕᒄ ᐊᓐᑕ ᐃᒋᑉᑎᒡ᙮ ᒐ ᐊᑲ ‍ ᒥᒋᔭᒄ ᒐᒂᓐ ᓯᐅᔅᑎᒪᑭᓐ ᐊᔅᒋᐱᔨᑦ᙮
\v 4 ᐊᓄᒡ ᐱᓯᒻ, ᐊᐱᑉ ᐊ ‍ ᐃᓯᓂᐧᑲᓱᑦ, ᑲ ‍ ᓂᑭᑎᒪᒄ ᐃᒋᑉᑦ ᐊᔅᒋᔾ᙮
\v 5 ᐊᑯ ᐸᓱᐅᑕᒂ ᑎᐸᔨᒋᒐᓱᐤ ᐊᓐᑕ ᑲᐃᓇᓐ ᐃᔪᐛ, ᐊᑦ ᐃᔪᐛ, ᐊᒧᕆ ᐃᔪᐛ, ᐃᑉ ᐃᔪᐛ, ᒐᐱᐅᔅ ᐃᔪᐛ ᐅᑦ ᐊᔅᒋᔨᒡ, ᐊᓂᔭ ᐊᔅᒋᔪᐤ ᑲ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓇᐛᐛ ᒐᒋ ᒥᔨᑕᒄ, ᐊᓐᑕ ᐊᔅᒋᔪᐤ ᐊ ‍ ᐛᔪᑎᓯᔨᒋ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ, ᒐᒋ ᓇᑭᑐᐛᔨᑎᒪᒃ ᐅ ᒥᑯᓴᐅᓐ ᐅ ᐱᓯᒻ᙮
\v 6 ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ ᒐ ‍ ᒧᐛᒃ ᐸᒂᓯᑭᓐ ᐊᑲ ᐅᐱᔨᑦ ᑭᔭ ᐅᑎᒋᐱᔨᒐ ᓂᔄᐅᑕᒡ ᒋᓯᒄ ᒐ ‍ ᒥᑯᓴᔅᑐᐛᒄ ᑎᐸᔨᒋᒐᓱᐤ᙮
\v 7 ᒐ ‍ ᒧᐛᒃ ᐸᒂᓯᑭᓐ ᐊᑲ ᐅᐱᔨᑦ ᒪᒂᒡ ᐊᓐ ᓂᔄᐅᑕᒡ ᒋᓯᑲᐛ; ᓇᒪ ᒋᑭ ᐎ ‍ ᑭᓄᐛᔨᒪᐛᐤ ᐊ ‍ ᓯᐅᔅᑎᒪᑭᓄᐅᑦ ᐸᒂᓯᑭᓐ ᑭᔭ ᓇᔅᒡ ᓇᒪ ᒐᒂᓐ ᐊᓯᐅᔅᑎᒪᑭᓄᐅᑦ ᒋᑭ ᐎ ‍ ᑎᑯᓐ ᐊᓐᑕ ᒋᑦ ᐊᔅᒋᐛᒡ, ᑭᔭ ᒐ ᐊᑲ ‍ ᑭᓄᐛᔨᒪᒃ ᓯᐅᔅᑎᒪᑭᓐ᙮
\v 8 ᐅᑎᒋᐱᔨᒐ ᐊᓐ ᒋᓯᒄ ᐊ ‍ ᒥᑯᓴᓄᐅᒡ, ᒐ ‍ ᐎᑎᒧᐛᑯᒡ ᒋᑦ ᐊᐛᓯᒧᐛᐅᒡ, ‘ᐅ ᐛᒋ ‍ ᐃᑎᓇᓄᐅᒡ ᒐᒋ ᒋᓯᑕᑭᓄᐅᒡ ᑎᐸᔨᒋᒐᓱᐤ ᑲ ‍ ᐃᑐᑕᐧᒃ ᒐᒋ ᓂᑭᑕᒥᒋ ᒋᑦ ᐊᓂᔅᑯᑕᐸᓄᐛ ᐃᒋᑉᑦ ᐊᔅᒋᔪᐤ᙮’
\v 9 ᐅ ᐊ ᐃᓯ ‍ ᑭᓄᐛᐱᑕᑭᓄᐅᒡ ᒧᔭᒻ ᐊ ‍ ᒪᑯᐱᑎᒥᓂ ᒐᒂᓐ ᒋᑦ ᐅᐧᑯᓂᑎᒋᒡ ᑭᔭ ᒪᒃ ᐊᓐᑕ ᒋᔅᑲᑎᑯᒡ ᒐᒋ ᒋᔅᒋᔭᒄ ᒐᒋ ᒋᔅᑯᑎᒧᐛᑯᒡ ᐊᐛᓐᒋ ᑎᐸᔨᒋᒐᓱᐛ ᐅᑦ ᐃᑎᓱᐛᐅᓂᔪᐤ, ᐊᓂᔭ ᐅᓱᐧᑲᑎᓯᐅᓐ ᑲ ‍ ᐊᐱᒋᑕᑦ ᒐᒋ ᐎᐎᑕᔨᑕᒄ ᐃᒋᑉᑎᒡ᙮
\v 10 ᐛᒧᒡ ᒋᑭ ᐎ ‍ ᒥᑯᓴᓄᐤ ᐛᑎᒋᐱᔨᒋ ᐊᓯᑯᒻ ᐱᐳᓇ ᒧᔭᒻ ᑎᐸᔨᒋᒐᓱᐤ ᑲ ‍ ᐃᔅᒋᔄᑦ᙮”
\p
\v 11 “ᒋ ‍ ᐸᓱᐅᑕᒂ ᑎᐸᔨᒋᒐᓱᐤ ᐊᓐᑕ ᐊᔅᒋᒡ ᑲᐃᓇᓐ ᐃᔪᒡ ᐊ ‍ ᑕᒡ ᑭᔭ ᒥᔨᑯᔭᒂ, ᑲ ‍ ᐊᓱᑎᒪᑕᒄ ᒐᒋ ᒥᔨᑕᒄ ᑭᔭ ᒋᐊᓂᔅᑯᑕᐸᓄᐛᐛ,
\v 12 ᒋᑭ ᐎ ‍ ᒥᔭᐛᐤ ᑎᐸᔨᒋᒐᓱᐤ ᓂᔅᑎᒧᓴᓇ ᐊ ‍ ᓇᐸᓯᐎᔨᒋ᙮ ᒥᓯᐛ ᓂᔅᑎᒧᓴᓐᒡ ᐊ ‍ ᓇᐸᓯᐅᒡ ᒋᒥᔅᑐᓯᒧᐛᐛ ᑎᐸᔨᒋᒐᓱᐤ ᐊᓂᔭ ᑎᐸᔨᒪᐤ᙮
\v 13 ᒋᑭ ᒋ ‍ ᐱᒪᒋᑕᐛᓐ ᐅᐱᒪᑎᓯᐅᓐ ᐅᔅᑭᒡ ᑲᓂᐧᑲᑎᓯᑦ ᓇᐸ ᑲᐸᐃᑭᔎᐤ ᐊ ‍ ᒥᑐᔅᑕᐊᒪᒐᔨᓐ ᒪᔭᑕᓂᔅ; ᐊᑲ ᒪᒃ ᒋ ‍ ᐃᑐᑎᒥᓇ, ᒐ ‍ ᓇᑥᑯᔪᐛᓐᑦ ᐊᓐ ᑲᓂᐧᑲᑎᓯᑦ ᑲᐸᐃᑭᔎᐤ᙮ ᒋᑭ ᐎ ‍ ᐱᒪᒐᐛᐅᒡ ᒥᓯᐛ ᐅᔅᑭᒡ ᐊ ‍ ᐃᔪᐅᒡ ᓂᔭᐸᐅᒡ ᒋᑦ ᐊᐛᓯᒧᐛᐅᒡ᙮”
\p
\v 14 “ᓇᑕ ᒪ ᓂᑲᓄᒡ, ᑯᒂᒋᒥᔅᒐ ᒋᑦ ᐊᐛᓯᒻ, ‘ᒐᒂᓐ ᐊᓐ ᒋᐸ ‍ ᐃᔅᒋᔄᒥᑯᓐ ?’ ᒐ ‍ ᐛᐎᑎᒧᐅᑦ ᐊ ‍ ᐃᑎᑦ, ‘ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᔅᒋ ‍ ᐱᒪᒋᐃᑯᐛᓇᓄᐤ ᐊᒋ ᐅᑦ ‍ ᐊᐱᒋᐊᑭᓄᐅᔭᐧᒄ ᐊᓐᑕ ᐃᒋᑉᑦ ᐊᔅᒋᒡ᙮
\v 15 ᐃᔅᐱ ᑲ ‍ ᒥᔅᑯᔅᑎᒂᓇᑦ ᒋᓴᐅᒋᒪᐤ ᐊᑲ ᐅᒋ ᐎ ‍ ᐱᔅᑎᓇᑦ ᐃᔪᐛ, ᐊᑯ ᑎᐸᔨᒋᒐᓱᐤ ᒂ ‍ ᓂᐸᐊᑦ ᒥᓯᐛ ᓂᔅᑎᒧᓴᓇ ᐊ ‍ ᓇᐸᓯᐎᔨᒋ ᐊᓐᑕ ᐃᒋᑉᑎᒡ, ᑕᐱᔅᑯᓐ ᓇᐸᐛ ᑭᔭ ᐊᐛᓯᓴ᙮ ᐊᐅᑯᓐ ᐛᒋ ‍ ᒥᑐᔅᑕᐊᒧᐛᐧᒄ ᑎᐸᔨᒋᒐᓱᐤ ᒥᓯᐛ ᓂᔅᑎᒻ ᐊ ‍ ᐃᔪᐎᔨᒋ ᐊᐛᓯᓴ, ᒥᒄ ᒐ ‍ ᐱᒪᒋᐊᐧᑯᒡ ᓂᔅᑎᒻ ᒋᑦ ᐊᐛᓯᒥᓄᐅᒡ ᐊ ‍ ᓇᐸᓯᐅᒡ᙮’
\v 16 ᐅ ᐊ ᐃᓯ ‍ ᑭᓄᐛᐱᑕᑭᓄᐅᒡ ᒧᔭᒻ ᐊ ‍ ᒪᑯᐱᑎᒪᐧᑯᐤ ᒐᒂᓐ ᒋᑦ ᐅᐧᑯᓂᑎᒋᓇᒡ ᑭᔭ ᒪᒃ ᐊᓐᑕ ᒋᔅᑲᑎᑯᓇᒡ ᒐᒋ ᒋᔅᒋᒥᑯᔭᐧᒄ ᑎᐸᔨᒋᒐᓱᐤ ᐊᓂᔭ ᐅᓱᐧᑲᑎᓯᐅᓐ ᑲ ‍ ᐊᐱᒋᑕᑦ ᒐᒋ ᐎᐎᑕᔨᑕᐧᒄ ᐃᒋᑉᑎᒡ᙮”
\s1 ᑲ ‍ ᑎᔅᑯᒧᑕᓄᐅᒡ ᐎᓂᐸᒄ
\p
\v 17 ᐃᔅᐱ ᑲᒋ ‍ ᐱᔅᑎᓇᑦ ᐃᔪᐛ ᒋᓴᐅᒋᒪᐤ, ᒋᓴᒪᓂᑐᐤ ᓇᒪ ᐅᒋ ᐃᓯ ᒋᔅᒋᓄᑕᐤ ᐃᔪᐛ ᐊᓐᑕ ᒪᔅᑭᓇᒡ ᐱᓕᔅᑕᐃᓐ ᐊᔅᒋᒡ ᐊᑎᒧᐎᒡ, ᐊᑎᓱᐧᒄ ᒋ ‍ ᑕᒂᔨᒡ᙮ ᒋᓴᒪᓂᑐᐤ ᒋ ‍ ᐃᔅᒋᔄᐤ, “ᓂᑐᐱᔨᑐᐛᑭᓄᑥᐛ, ᑲᐤ ᒋᑭ ᐎ ‍ ᐃᑐᑕᐅᒡ ᐊᓐᑕ ᐃᒋᑉᑎᒡ᙮”
\v 18 ᐊᑯ ᒋᓴᒪᓂᑐᐤ ᐸᐧᑯᑎᔅᑭᒥᑲᒡ ᒂ ᐃᓯ ‍ ᐛᔅᑲᑕᐊᑦ ᐃᔪᐛ ᒥᒂᑭᒥ ᐎᓂᐸᑯᒡ ᐃᔅ᙮ ᐃᔅᕋᐃᓪ ᐃᔪᒡ ᑲ ‍ ᐎᐎᒡ ᐃᒋᑉᑎᒡ ᐅᒡ ᒋ ‍ ᐊᔭᔅᑯᐎᔪᒡ ᒐᒋ ᓂᑐᐱᔨᒡ᙮
\p
\v 19 ᒧᓱᔅ ᒋ ‍ ᐅᑎᓂᒺᐤ ᒍᓯᐸ ᐅᔅᑭᓂᔨᐛ, ᒧᔭᒻ ᒍᓯᑉ ᑲ ‍ ᐃᑐᑐᐛᑦ ᐃᔅᕋᐃᓪ ᐅᑯᓯᓴᓇ ᒐᒋ ᐊᓱᑎᒪᒐᔨᒋ᙮ ᐛᔅ ᒋ ‍ ᐃᔅᒋᔄᐤ, “ᐃᔅᐱ ᒋᓴᒪᓂᑐᐤ ᐎᒋᐃᑕᒂ, ᒐᔅᑐᑕᔭᒄ ᓂᔅᑭᓇ ᓂᑭᑎᒪᒂ ᐅ ᐃᑕᐅᓐ᙮”
\p
\v 20 ᑲᒋ ‍ ᓂᑭᑕᒡ ᓱᑯᑦ ᒋ ‍ ᒪᓂᑲᓱᐅᒡ ᐊᓐᑕ ᐃᑕᒻ ᒋᒡ ᐊ ‍ ᐸᐧᑯᑎᔅᑭᒥᑲᔨᒡ᙮
\v 21 ᒐᓯᑲᔨᒋ ᑎᐸᔨᒋᒐᓱᐛ ᒋ ‍ ᓂᑲᓄᑕᔨᑯᐅᒡ ᑭᔅᑯᐅᓂᔅᑯᒡ ᐊ ‍ ᐛᐸᑎᔨᑯᒡ ᑕᓐᑕ ᒐ ‍ ᐃᑐᑕᒡ ᑭᔭ ᐃᔅᑯᑕᐤ ᓯᑥᔎᐃᑭᓂᒡ ᒐᒋ ᐛᐸᑕᒡ ᑕᐱᔅᑲᔨᒋ᙮\fig Israelites following cloud|Exo13-21-CO00814B.TIF|col||© 1996 David C Cook|ᒐᓯᑲᔨᒋ ᑎᐸᔨᒋᒐᓱᐛ ᒋ ‍ ᓂᑲᓄᑕᔨᑯᐅᒡ ᑭᔅᑯᐅᓂᔅᑯᒡ ᐊ ‍ ᐛᐸᑎᔨᑯᒡ ᑕᓐᑕ ᒐ ‍ ᐃᑐᑕᒡ|13.21\fig*
\v 22 ᓇᒪ ᓂᑕ ᐅᒋ ᓂᑭᑎᑯᐅᒡ ᐃᔅᕋᐃᓪ ᐃᔪᒡ ᑲ ‍ ᓂᑲᓄᑕᔨᑯᒡ ᐊᓂᔭ ᑭᔅᑯᐅᓂᔎ ᒐᓯᑲᔨᒋ ᑭᔭ ᒪᒃ ᐃᔅᑯᑕᐤ ᓯᑥᔎᐃᑭᓇ ᑕᐱᔅᑲᔨᒋ᙮
\c 14
\s1 ᒋ ‍ ᑎᔅᑭᒧᑕᐅᒡ ᒥᒂᑭᒥ ᐎᓂᐸᑯᔪᐤ ᐊ ‍ ᐸᔎᑭᒥᑲᔨᒡ
\p
\v 1 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ,
\v 2 “ᒐ ‍ ᐎᑎᒧᐅᑥᐤ ᐃᔅᕋᐃᓪ ᐃᔪᒡ ᒐᒋ ᑲᐤ ᒐᒋ ᒋᐛᒡ ᑭᔭ ᒐᒋ ᒪᓂᑲᓱᒡ ᒥᒋᒪ ᐊᓐᑕ ᐸᐃ-ᐦᐊᐦᐃᕈᑦ ᐅᑕᓇᔪᐤ, ᑎᔅᑐᐎᒡ ᒥᒃᑕᐅᓪ ᑭᔭ ᑲ ‍ ᒥᒂᔨᒡ ᐎᓂᐸᑯᔪᐤ ᒥᒋᒪ ᐸᐊᓪ-ᓯᐳᓐ ᐅᑕᓇᔪᐤ᙮
\v 3 ᒋᓴᐅᒋᒪᐤ ᒋᑭ ‍ ᐃᑕᔨᑎᒻ, ‘ᐃᔅᕋᐃᓪ ᐃᔪᒡ ᐱᐸᒥᔨᑕᐅᒡ ᐊᓐᑕ ᐊᔅᒋᒡ, ᐊ ‍ ᒋᔎᐃᑯᒡ ᐸᐧᑯᑎᔅᑭᒥᑯᔪᐤ᙮’
\v 4 ᑭᔭ ᓂᑭ ‍ ᐃᑐᑐᐛᐤ ᒋᓴᐅᒋᒪᐤ ᒥᓐ ᒐᒋ ᒥᔅᑯᔅᑎᒂᓇᑦ, ᑭᔭ ᒋᑭ ‍ ᓇᓴᐛᐤ ᐃᔪᐛ ᑭᔭ ᓂᑭ ‍ ᓴᐧᑯᒋᐊᐤ ᒋᓴᐅᒋᒪᐤ ᑭᔭ ᐅᓂᑐᐱᔪᐅ-ᐃᔨᒪ ᑭᔭ ᓂᑭ ‍ ᒋᔅᑕᔨᑕᑯᐃᑯᐅᓐ᙮ ᐊᑯ ᐃᒋᑉᑦ ᐃᔪᒡ ᒐᔅᒐᔨᑕᒡ ᓂᔾ ᐊᐅᔭᓐ ᑎᐸᔨᒋᒐᓱᐤ᙮” ᐊᑯ ᐃᔅᕋᐃᓪ ᐃᔪᒡ ᒂ ‍ ᓂᓇᐃᑐᐛᒡ ᑎᐸᔨᒋᒐᓱᐛ ᑭᔭ ᒂ ‍ ᒪᓂᑲᓱᒡ ᐊᓐᑕ ᑲ ‍ ᐃᑎᑯᒡ ᒐᒋ ᒪᓂᑲᓱᒡ᙮
\p
\v 5 ᐃᔅᐱ ᑲ ‍ ᐎᑎᒧᐛᑭᓄᐅᑦ ᐃᒋᑉᑦ ᒋᓴᐅᒋᒪᐤ ᐊᒋ ‍ ᔅᑐᑕᔨᒋ ᐃᔅᕋᐃᓪ ᐃᔪᐛ, ᒋᓴᐅᒋᒪᐤ ᑭᔭ ᐅᑯᐸᓇᒪ ᒂ ‍ ᒂᔅᒐᔨᑕᒡ ᑭᔭ ᒂ ‍ ᐃᔅᒋᔄᒡ, “ᑕᓐ ᑲ ‍ ᐊᐃᑎᔭᐧᒃ ᐅ ? ᔅᒋ ‍ ᐱᔅᑎᓇᓄᐅᒡ ᐃᔅᕋᐃᓪ ᐃᔪᒡ ᑭᔭ ᓇᒪ ᒋᑭ ᒋ ᓴᔅ ‍ ᐅᑯᐸᓇᒥᑐᐛᓄᐅᒡ !”
\v 6 ᐊᑯ ᒂ ‍ ᓂᑐᐛᔨᑕᐧᒃ ᒋᓴᐅᒋᒪᐤ ᒐᒋ ᐊᔭᔅᑯᐛᔭᑭᓄᐎᒋ ᐅᑎᑎᐱᑕᐸᓇᔎ ᑭᔭ ᐅᓂᑐᐱᔪᐅ-ᐃᔨᒪ᙮
\v 7 ᒂ ‍ ᔅᑐᑕᐊᑦ ᐊᓱᑕᒡ ᑕᑐᐤ ᒥᑕᓯᒥᑎᓄᐤ ᐛᒋ ‍ ᒥᔪᓯᔨᒋ ᑎᑎᐱᑕᐸᓇᔎ, ᑭᔭ ᒥᓯᐛ ᑯᑎᒂ ᑎᑎᐱᑕᐸᓇᔎ ᐊᓐᑕ ᐃᒋᑉᑎᒡ ᐊᓯᒡ ᐅᓂᑐᐱᔪᐅ-ᐃᔨᒪ᙮
\v 8 ᑎᐸᔨᒋᒐᓱᐤ ᒋ ‍ ᐃᑐᑐᐛᐤ ᒋᓴᐅᒋᒪᐛ ᒐᒋ ᒥᔅᑯᔅᑎᒂᓇᔨᒋ, ᐊᑯ ᒋᓴᐅᒋᒪᐤ ᒂ ‍ ᓇᓴᐛᑦ ᐊᓂᔭ ᐃᔅᕋᐃᓪ ᐃᔪᐛ, ᑲ ‍ ᔅᑐᑕᔨᒋ ᐊ ‍ ᓱᒋᑕᐊᔨᒋ᙮
\v 9 ᐃᒋᑉᑦ ᐃᔪᒡ ᒋ ‍ ᓇᓴᐛᐅᒡ ᐃᔅᕋᐃᓪ ᐃᔪᐛ ᒂ ‍ ᒐᔅᑎᐱᑕᒡ ᒪᒂᒡ ᑲ ‍ ᐎᒋᔨᒋ ᒥᒋᒪ ᐸᐃ-ᐦᐊᐦᐃᕈᑦ, ᒂᔅᑕᒐ ᐸᐊᓪ-ᓯᐳᓐ ᐅᑕᓇᔪᐤ᙮
\v 10 ᐃᔅᐱ ᐃᔅᕋᐃᓪ ᐃᔪᒡ ᐎᔭᐱᒪᒡ ᒋᓴᐅᒋᒪᐛ ᑭᔭ ᐅᓂᑐᐱᔪᐅ-ᐃᔨᐛ ᐊ ‍ ᓇᓴᐅᑯᒡ, ᓇᔅᒡ ᒋ ‍ ᓴᒋᓯᐅᒡ ᑭᔭ ᒂ ‍ ᑕᑈᑕᒡ ᑎᐸᔨᒋᒐᓱᐛ᙮
\p
\v 11 ᒂ ‍ ᐃᑕᒡ ᒧᓱᓴ, “ᓇᒪ ᓇ ᐅᒋᑎᑯᓇ ᓂᒂᔅᑲᓇ ᐊᓐᑕ ᐃᒋᑉᑎᒡ ? ᒋᒋ ‍ ᐸᓱᐅᓇᓐ ᐊ ᐅᑕ ᐸᐧᑯᑎᔅᑭᒥᑲᒡ ᒐᒋ ᓂᐱᔭᒡ ? ᒋ ‍ ᐛᐸᑕᓐ ᐊ ᐊᑐᑎᒥᓐ ᑲ ‍ ᐎᐎᑕᔨᔭᒡ ᐃᒋᑉᑎᒡ !
\v 12 ᐊᐅᒄ ᐊᓐ ᑲ ‍ ᐎᑎᒪᑕᒡ ᐊᓐᑕ ᑲ ‍ ᑕᔭᐧᒃ ᐃᒋᑉᑎᒡ ! ᓂᒋ ‍ ᐃᔅᒋᔄᓇᓐ, ‘ᓂᑭᓯᓇᓐ, ᑭᔭ ᒥᔨᓇᓐ ᒐᒋ ᐊᑐᔅᑲᔨᒥᒡ ᐃᒋᑉᑦ ᐃᔪᒡ᙮’ ᐊᑎᑐᐤ ᒋᐸ ‍ ᒥᔽᐱᓐ ᒐᒋ ᐊᑐᔅᑲᔨᒥᒡ ᐃᒋᑉᑦ ᐃᔪᒡ ᐃᔅᐱᔅ ᐎ ᒐᒋ ᐳᓂᐱᒪᑎᓯᔭᒡ ᐅᑕ ᐸᐧᑯᑎᔅᑭᒥᑲᒡ !”
\p
\v 13 ᒧᓱᔅ ᒂ ‍ ᐃᑕᑦ ᐃᔪᐛ, “ᐊᑲ ᓴᒋᓱᒄ ! ᐎ ‍ ᓱᒋᓯᒄ, ᑭᔭ ᒋᑭ ‍ ᐛᐸᑎᒺᓇᐛᐤ ᒐᒂᔪᐤ ᒐ ‍ ᐃᑐᑕᐧᒃ ᑎᐸᔨᒋᒐᓱᐤ ᒐᒋ ᐱᒪᒋᐃᑕᒄ ᐊᓄᒡ᙮ ᓇᒪ ᒋᑭ ‍ ᓄᒋᐧᑲᑯᐛᐅᒡ ᒥᓐ ᐊᓐᒡ ᐃᒋᑉᑦ ᐃᔪᒡ᙮
\v 14 ᑎᐸᔨᒋᒐᓱᐤ ᒋᑭ ‍ ᒪᓯᒐᔅᑎᒪᑯᐛᐤ, ᓇᒪ ᒐᒂᓐ ᒋᑭ ‍ ᑎᑯᓐ ᒐ ‍ ᐃᑐᑎᒪᒄ᙮”
\p
\v 15 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒐᒂᓐ ᐛᒋ ‍ ᑕᑈᓯᔭᒄ ᒐᒋ ᐎᒋᐃᑎᑯᒡ ? ᐃᓯᒡ ᐃᔅᕋᐃᓪ ᐃᔪᒡ ᒐᒋ ᔅᑐᑕᒡ᙮
\v 16 ᐊᑯ ᒪᒃ ᒐ ‍ ᐅᐱᓂᒥᓐ ᒋᓯᔅᑲᐅᓐ, ᐎᓂᐸᑯᒡ ᒐ ᐃᓯ ‍ ᓱᓂᔅᒐᔨᓐ᙮ ᒋᑭ ‍ ᑎᐸᓂᐱᔨᐛ ᓂᐱᔭ ᐎᓂᐸᑯᒡ ᐊᑯ ᒐ ‍ ᐱᒧᑕᒡ ᐊᓐᑕ ᐊ ‍ ᐸᔅᑕᐛᔅᑲᒥᑲᔨᒡ᙮
\v 17 ᓂᑭ ‍ ᐃᑐᑐᐛᐅᒡ ᐃᒋᑉᑦ ᐃᔪᒡ ᓇᔅᒡ ᒐᒋ ᒥᔅᑯᔅᑎᒂᓇᒡ, ᐊᑯ ᒐ ‍ ᓇᓴᐛᒡ ᐃᔅᕋᐃᓪ ᐃᔪᐛ᙮ ᐊᑯ ᒐᔅᑕᔨᑕᑯᐃᑯᐅᔭᓐ ᒋ ‍ ᓴᐧᑯᒋᐃᒂᐛ ᒋᓴᐅᒋᒪᐤ ᑭᔭ ᐅᓂᑐᐱᔪᐅ-ᐃᔨᒪ᙮
\v 18 ᐃᔅᐱ ᒋ ‍ ᓴᐧᑯᒋᐃᒂᐛ, ᒋᑭ ‍ ᒋᔅᒐᔨᑎᒧᒡ ᐃᒋᑉᑦ ᐃᔪᒡ ᓂᔾ ᐊ ‍ ᐎᔭᓐ ᑎᐸᔨᒋᒐᓱᐤ᙮”
\s2 Exodus 14.19-31 (Proper-19 Year A)
\p
\v 19 ᒋᓴᒪᓂᑐᐤ ᐅᑦ ᐊᓐᒋᓂᒪ ᒪᒃ, ᑲ ‍ ᓂᑲᓄᑐᐛᑦ ᐊᓂᔭ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᒋ ‍ ᐊᒋᐱᔪᐤ ᐊ ‍ ᐅᑕᒐᔅᑯᐛᑦ; ᑭᔅᑯᐅᓇ ᒪᒃ ᑲᒋ ‍ ᐱᒥᐅᑎᔅᑲᐎᔅᑲᑯᒡ ᒋ ‍ ᐊᒋᐱᔪᐛ ᐊ ‍ ᐅᑕᒐᔅᑲᑯᒡ᙮
\v 20 ᒋ ᐸᒋ ‍ ᐃᑐᑕᐱᔪᐛ ᒪᒃ ᑎᔅᑐᐎᒡ ᐊᓐᑕ ᑲ ‍ ᐃᑕᒡ ᐃᒋᑉᑦ ᐃᔪᒡ ᑭᔭ ᐃᔅᕋᐃᓪ ᐃᔪᒡ; ᐊᓐᒡ ᒋ ‍ ᐊᑯᐛᒋᐱᑕᐤ ᑭᔭ ᐅᓂᑎᐱᔅᑲᒋᔅᑲᑯᐛᒡ, ᒪᒃ ᐊᑯ ᒋ ‍ ᐛᔅᑕᓂᒪᑯᐅᒡ ᐊ ‍ ᒪᒂᑎᐱᔅᑲᔨᒡ᙮ ᓇᒪᐎᔾ ᒪᒃ ᒥᒋᒪ ᒋ ᐸᒋ ‍ ᓇᑎᑯᐅᒡ ᐃᔅᑭᓐ ᑎᐱᔅᑲᐛ᙮
\p
\v 21 ᒧᓱᔅ ᒪᒃ ᐎᓂᐸᑯᒡ ᒋ ᐃᓯ ‍ ᓱᐅᓂᔅᒐᔪᐤ, ᑎᐸᔨᒋᒐᓱᐤ ᒪᒃ ᒋ ‍ ᒋᐛᐱᔨᑕᐤ ᓂᐱᔭ ᐊ ‍ ᒥᔅᑎᔪᑎᓂᔨᒡ ᐛᐱᓄᑕᒡ ᐅᒋ ᐃᔅᑭᓐ ᑎᐱᔅᑲᐛ, ᒋ ‍ ᐸᔅᑕᐛᔅᑲᒥᒋᑕᐤ ᒪᒃ ᐎᓂᐸᑯᔪᐤ, ᓂᐱᔭ ᒪᒃ ᒋ ‍ ᑎᐸᓂᐱᔨᐛ᙮
\v 22 ᐊᓐᒡ ᐃᔅᕋᐃᓪ ᐃᔪᒡ ᒪᒃ ᒋ ‍ ᐱᒧᑕᐅᒡ ᑕᑕᐅᒡ ᐎᓂᐸᑯᒡ ᐊ ‍ ᐸᒂᔅᑭᒥᑲᔨᒡ᙮ ᓂᐱᔭ ᒪᒃ ᒋ ‍ ᒪᓂᑭᓂᔅᑲᑯᐅᒡ ᐅᒥᔪᓄᐛᒡ ᐃᑕᒐ, ᑭᔭ ᐅᓂᔅᐸᒋᐅᓄᐛᒡ ᐃᑕᒐ᙮\fig Crossing Red Sea|Exo14-22-CO00820B.TIF|col||© 1996 David C Cook|ᐊᓐᒡ ᐃᔅᕋᐃᓪ ᐃᔪᒡ ᒪᒃ ᒋ ‍ ᐱᒧᑕᐅᒡ ᑕᑕᐅᒡ ᐎᓂᐸᑯᒡ ᐊ ‍ ᐸᒂᔅᑭᒥᑲᔨᒡ|14.22\fig*
\v 23 ᐃᒋᑉᑦ ᐃᔪᒡ ᒪᒃ ᒋ ‍ ᐱᒥᑎᓴᐛᐅᒡ, ᐊ ‍ ᓇᓴᐛᒡ, ᑕᑕᐅᒡ ᐎᓂᐸᑯᒡ ᐃᔅᐱᔅ, ᒥᓯᐛ ᒋᓴᐅᒋᒪᐤ ᐅᑲᐸᐃᑭᔎᒪ, ᐅᑎᑎᐱᑕᐸᓇᔎ, ᑭᔭ ᑲᐸᐃᑭᔎᐛ ᓇᐸᐛ ᑲ ‍ ᐳᓯᔨᒋ᙮
\p
\v 24 ᒋ ‍ ᐃᔅᐱᔪᐤ ᒪᒃ ᐃᔅᐱ ᐱᔭᑕᐸᓂᔨᒡ, ᐅᑎᐸᔨᒋᒐᐤ ᒋ ‍ ᑭᓄᐛᐱᒪᐤ ᐃᒋᑉᑦ ᓂᑐᐱᔪᐅ-ᐃᔪᐛ ᐃᔅᑯᑕᐤ ᓯᑥᔎᐃᑭᓂᒡ ᑭᔭ ᑭᔅᑯᐅᓂᒡ ᐅᒋ, ᑭᔭ ᒋ ‍ ᒥᑯᔅᑲᑕᔨᑎᒪᐊᐤ ᐃᒋᑉᑦ ᓂᑐᐱᔪᐅ-ᐃᔪᐛ᙮
\v 25 ᒋ ‍ ᒥᓂᐱᑎᒺᐤ ᒪᒃ ᐅᑎᑎᐱᑕᐸᓇᔎ ᑎᑎᐱᓂᑭᓂᔪᐛ, ᒐᒋ ᐅᒋ ‍ ᑯᓯᑯᐸᔨᒋ᙮ ᐊᑯ ᒪᒃ ᐊ ‍ ᐃᑕᒡ ᐃᒋᑉᑦ ᐃᔪᒡ, “ᐊᑯᔅ ᒋ ‍ ᑎᓯᒪᑕᐅᓐᒋ ᐃᔅᕋᐃᓪ ᐃᔪᒡ; ᐛᔅ ᑎᐸᔨᒋᒐᓱᐤ ᒋᒪᓯᒐᔅᑎᒧᐛᐤ ᐊ ‍ ᒪᓴᐊᑦ ᐃᒋᑉᑦ ᐃᔪᐛ᙮”
\p
\v 26 ᑎᐸᔨᒋᒐᓱᐤ ᒪᒃ ᒋ ‍ ᐃᑕᐤ ᒧᓱᓴ, “ᐎᓂᐸᑯᒡ ᐃᓯ ᓱᐅᓂᔅᒐᔨ ᒐᒋ ᒋᐛᐊᒂᓇᔅᑲᑯᒡ ᐃᒋᑉᑦ ᐃᔪᒡ, ᑭᔭ ᐅᑎᑎᐱᑕᐸᓇᔅᑯᒥᐛᐛ, ᑭᔭ ᑲᐸᐃᑭᔎᐛ ᑲ ‍ ᐊᐱᒋᐊᒡ᙮”
\v 27 ᒧᓱᔅ ᒪᒃ ᒋ ‍ ᓱᐅᓂᔅᒐᔨᔅᑎᒻ ᐎᓂᐸᑯᔪᐤ, ᐎᓂᐸᒄ ᒪᒃ ᒋᓱᐧᑲᑎᓯᐅᓐ ᐊ ᐸᒋ ‍ ᒋᐛᐱᔨᒡ, ᐃᒋᑉᑦ ᐃᔪᒡ ᒪᒃ ᒋ ‍ ᒋᑎᓯᒧᑎᒧᒡ: ᑎᐸᔨᒋᒐᓱᐤ ᒪᒃ ᒋ ‍ ᒂᑎᐱᐛᐸᐛᐤ ᑕᑕᐅᒡ ᐎᓂᐸᑯᒡ᙮
\v 28 ᓂᐱᔾ ᒪᒃ ᒋ ‍ ᒋᐛᐱᔪᐤ, ᑎᑎᐱᑕᐸᓇᔎᒡ ᑭᔭ ᑲᐸᐃᑭᔎᐛ ᑲ ‍ ᐊᐱᒋᐊᒡ ᑭᔭ ᒥᓯᐛ ᐅᓂᑐᐱᔪᐅ-ᐃᔨᒪ ᒋᓴᐅᒋᒪᐤ ᐎᓂᐸᑯᒡ ᑲᒋ ᐃᓯ ‍ ᓇᓴᐛᒡ ᑕᒥᐸᑯᒡ ᒋ ‍ ᑕᔪᐛ: ᓇᒪᐎᔾ ᐛᐛᒡ ᐸᐃᒄ ᐊ ‍ ᐃᑕᓯᒡ ᒋ ‍ ᐃᔅᑯᐱᔪᐅᒡ᙮
\p
\v 29 ᒥᒄ ᐊᓐᒡ ᐃᔅᕋᐃᓪ ᐃᔪᒡ ᒋ ‍ ᐱᒧᑕᐅᒡ ᐊ ‍ ᐸᒂᔅᑭᒥᑲᔨᒡ ᑕᑕᐅᒡ ᐎᓂᐸᑯᒡ: ᓂᐱᔭ ᒪᒃ ᒋ ‍ ᒪᓂᔅᑲᑎᑯᐛᔅᑲᑯᐅᒡ ᐅᒥᔪᓄᐛᒡ ᐃᑕᒐ, ᑭᔭ ᐅᓂᔅᐸᒋᐅᓄᐛᒡ ᐃᑕᒐ᙮
\v 30 ᐊᑯ ᒪᒃ ᑎᐸᔨᒋᒐᓱᐤ ᐸᒪᒋᐊᑦ ᐃᔅᕋᐃᓪ ᐃᔪᐛ ᐊᓂᔭ ᐊ ‍ ᒋᓯᑲᔨᒡ ᐃᒋᑉᑦ ᐃᔪᐛ ᐅᑎᒋᔨᒡ ᐅᒋ: ᐃᔅᕋᐃᓪ ᐃᔪᒡ ᒪᒃ ᒋ ‍ ᐛᐱᒪᐅᒡ ᐃᒋᑉᑦ ᐃᔪᐛ ᐊ ‍ ᓂᐱᔨᒋ ᐎᓂᐸᑯᒡ᙮
\v 31 ᐃᔅᕋᐃᓪ ᐃᔪᒡ ᒪᒃ ᒋ ‍ ᐛᐸᑎᒧᒡ ᐊᓂᔭᔪᐤ ᑲ ᒋᒋ ‍ ᐃᑕᔨᑕᒂᓂᔨᒡ ᑎᐸᔨᒋᒐᓱᐤ ᑲᒋ ‍ ᐃᑐᑐᐛᑦ ᐃᒋᑉᑦ ᐃᔪᐛ: ᐃᔪᒡ ᒪᒃ ᒋ ‍ ᓇᓂᒋᔅᑐᐛᐅᒡ ᑎᐸᔨᒋᒐᓱᐛ, ᑭᔭ ᒋ ‍ ᑕᑈᑐᐛᐅᒡ ᑎᐸᔨᒋᒐᓱᐛ, ᑭᔭ ᐅᑦ ᐊᑐᔅᒐᔭᑭᓂᔪᐛ ᒧᓱᓴ᙮
\c 15
\s1 ᒧᓱᔅ ᐅᓂᑭᒧᐅᓐ
\p
\v 1 ᒧᓱᔅ ᑭᔭ ᐃᔅᕋᐃᓪ ᐃᔪᒡ ᒂ ‍ ᓂᑭᒧᑐᐛᒡ ᑎᐸᔨᒋᒐᓱᐛ:
\q1 “ᓂᑭ ‍ ᓂᑭᒧᑐᐛᐤ ᑎᐸᔨᒋᒐᓱᐤ,
\q2 ᐎᔾ ᐊᒋ ‍ ᓴᐧᑯᒋᐃᐛᑦ ᒋᔅᑕᔨᑕᑯᓯᐅᓂᒡ,
\q1 ᐎᓇᐸᑯᒡ ᒋ ᐃᓯ ‍ ᐛᐱᓇᐤ
\q2 ᑲᐸᐃᑭᔎᐛ ᑭᔭ ᐊᓂᔭ ᑲ ‍ ᐳᓯᔨᒋ᙮
\q1
\v 2 ᑎᐸᔨᒋᒐᓱᐤ ᐊᐅᒄ ᓂᒥᔅᑯᓯᐅᓐ;
\q2 ᑭᔭ ᐎᔾ ᓂᒋ ‍ ᐱᒪᒋᐃᒄ᙮
\q1 ᐎᔾ ᓂᒋᓴᒪᓂᑐᒻ ᑭᔭ ᐎᔾ ᓂᑭ ‍ ᒪᒥᒋᒪᐤ᙮
\q2 ᓄᑕᐎᔾ ᐅᒋᓴᒪᓂᑐᒪ, ᑭᔭ ᓂᑭ ‍ ᐎᑎᒧᐛᐅᒡ ᑯᑎᑭᒡ ᐊᐛᓐᒋ ᐊᔅᐱᔅ ᒋᔅᑕᔨᑕᑯᓯᑦ᙮
\q1
\v 3 ᑎᐸᔨᒋᒐᓱᐤ ᓂᑐᐱᔪᐅ-ᐃᔪᐅᐤ;
\q2 ᑎᐸᔨᒋᒐᓱᐤ ᐃᓯᓂᐧᑲᓱᐤ᙮
\q1
\v 4 ᐎᓂᐸᑯᒡ ᒋ ᐃᓯ ‍ ᐛᐱᓂᒺᐤ
\q2 ᒋᓴᐅᒋᒪᐛ ᐅᓂᑐᐱᔪᐅ-ᐃᔨᒥᒧᐛᐛ ᑭᔭ ᐅᑎᑎᐱᑕᐸᓇᔅᑯᒥᔪᐛ᙮
\q1 ᐛᒋ ‍ ᐱᑯᑕᔨᒋ ᐅᑦ ᐊᓯᒪᑭᓂᓯᒪ
\q2 ᒋ ‍ ᑯᓴᐸᔪᐛ ᐊᓐᑕ ᒥᒂᑭᒥ ᐎᓂᐸᑯᒡ᙮
\q1
\v 5 ᒥᓯᐛ ᒋ ‍ ᑯᓇᐅᑯᐅᒡ ᓂᐱᔪᐤ;
\q2 ᓇᔅᒡ ᑕᒥᐸᑯᒡ ᒋ ‍ ᐃᔅᐱᔪᐅᒡ ᒧᔭᒻ ᐊᓯᓂ᙮
\q1
\v 6 ᒋᒥᔪᐅᓐ, ᐅ ᑎᐸᔨᒋᒐᓱᐤ,
\q2 ᒋᒋᐛ ᓱᐧᑲᑎᓯᒥᑭᓐ ᑭᔭ ᒋ ‍ ᐱᑯᓇᐅᒡ ᐊᐛᓐᒋ ᑲ ‍ ᐛᐧᑲᑎᔅᒡ᙮
\q1
\v 7 ᒋᓱᐧᑲᑎᓯᐅᓂᒡ ᐅᒡ,
\q2 ᒋ ‍ ᓴᐧᑯᒋᐊᐅᒡ ᑲ ‍ ᐛᐧᑲᑎᔅᒡ᙮
\q1 ᒋᒋᔄᓱᐅᓂᒡ ᐅᒡ ᒋ ‍ ᔭᔪᐛᐅᒡ
\q2 ᒧᔭᒻ ᐃᔅᑯᑕᐤ ᐊ ‍ ᐃᔎᓴᐧᒃ ᑲ ‍ ᐸᔅᑕᔨᒋ ᒥᔅᑯᓱᐛ᙮
\q1
\v 8 ᒋ ‍ ᐳᑕᑕᓐ ᐎᓇᐸᒄ
\q2 ᑭᔭ ᐱᔅᑯᔅᑕᐱᔪᐤ ᓂᐱᔾ;
\q1 ᒋ ‍ ᒋᒥᑕᐱᔪᐤ ᓂᐱᔾ
\q2 ᒧᔭᒻ ᐊ ‍ ᒥᔅᑯᑎᒋ ᐊ ‍ ᐃᓯᓇᒂᒡ᙮
\q1
\v 9 ᑲ ‍ ᐛᐧᑲᓱᐛᑦ ᒋ ‍ ᐃᔅᒋᔄᐤ,
\q2 ‘ᓂᑭ ‍ ᓇᓴᐛᐅᒡ ᑭᔭ ᓂᑭ ‍ ᐅᑎᑕᐅᒡ᙮
\q1 ᐊᑯ ᒐ ‍ ᑎᐸᓂᒧᒡ ᐅᐛᔪᑎᓯᐅᓄᐛᐤ᙮
\q2 ᓂᑭ ‍ ᐅᑎᓇᓐ ᒥᓯᐛ ᒐᒂᓐ ᐛ ‍ ᐎᐅᑎᓂᒪᓐ᙮
\q1 ᓂᑭ ‍ ᒧᔅᒋᓇᓐ ᓂᓂᑐᐱᔪᐅ-ᒧᐧᑯᒪᓐ
\q2 ᑭᔭ ᒐ ‍ ᑕᐧᑭᒥᒂᐤ᙮’
\q1
\v 10 ᒥᒄ ᒋ ‍ ᐳᑕᑕᐅᒡ ᒋᔭᔭᐅᓂᔪᐤ ᐅᒡ,
\q2 ᑭᔭ ᒂ ‍ ᑯᓇᐅᑯᒡ ᐎᓂᐸᑯᔪᐤ᙮
\q2 ᒂ ‍ ᑯᑕᐱᔨᒡ ᒧᔭᒻ ᐊᓯᓂᔾ᙮\fig Moses and people praising God|Exo15-01-CO00823B.TIF|col||© 1996 David C Cook|ᒧᓱᔅ ᑭᔭ ᐃᔅᕋᐃᓪ ᐃᔪᒡ ᒂ ‍ ᓂᑭᒧᑐᐛᒡ ᑎᐸᔨᒋᒐᓱᐛ|15.10\fig*
\q1
\v 11 ᑎᐸᔨᒋᒐᓱᐤ, ᒐᒄ ᒥᓂᑐᐧᑲᓐ ᐊ ‍ ᑕᑦ ᒧᔭᒻ ᒋᔾ,
\q2 ᒋᔅᑕᔨᑕᑯᓯᓐ,
\q1 ᐊᐛᓐ ᐊ ‍ ᑕᑦ ᒐᒋ ᐃᑐᑕᐧᒃ
\q2 ᒪᒥᔅᑲᒡ ᒐᒂᔪᐛ ᒧᔭᒻ ᒋᔾ !
\q1
\v 12 ᒋ ‍ ᒋᓱᐅᓂᔅᒐᔨᓐ ᒋᒥᔪᐅᓂᒡ,
\q2 ᐊᑯ ᒂ ‍ ᑯᒋᐱᔨᑯᒡ ᐊᔅᒋᔪᐤ ᑲ ‍ ᐛᐧᑲᑎᑕᐧᑯᒡ᙮
\b
\q1
\v 13 ᑲ ‍ ᑕᑈᒥᑲᒡ ᒋᓴᒋᐃᐛᐅᓂᒡ ᐅᒡ,
\q2 ᔅᒋ ‍ ᒋᔅᒋᓄᑕᐅᒡ ᐊᓐᒡ ᐃᔪᒡ ᑲ ‍ ᐱᒪᒋᐃᑥᐤ;
\q1 ᒋᓱᐧᑲᑎᓯᐅᓂᔪᐤ ᐅᒡ ᔅᒋ ‍ ᒋᔅᒋᓄᑕᐅᒡ
\q2 ᐊᓐᑕ ᐊᔅᒋᔪᐤ ᑲ ᐃᓯ ‍ ᑎᐸᓂᔅᑎᒧᐅᑥᐤ᙮
\q1
\v 14 ᒥᒐᑦ ᑯᑎᑭᒡ ᐃᔪᒡ ᒋᑭ ‍ ᐸᑎᒧᒡ
\q2 ᑭᔭ ᒋᑭ ‍ ᓇᓇᒥᐱᔪᐅᒡ ᐊᔅᐱᔅ ᓴᒋᓯᒡ᙮
\q2 ᐱᓕᔅᑕᐃᓐ ᐃᔪᒡ ᒋᒋᐛ ᒋᑭ ‍ ᓴᒋᓱᐅᒡ᙮
\q1
\v 15 ᐃᑕᒻ ᐅᒋᒪᐅᒡ ᒋᑭ ‍ ᓴᒋᓱᐅᒡ᙮
\q2 ᑲ ‍ ᓱᐧᑲᑎᓯᒡ ᒧᐊᑉ ᐃᔪᒡ ᒋᑭ ‍ ᓇᓇᒥᐱᔪᐅᒡ ᐊᓴᒋᓯᒡ᙮
\q1 ᑲᐃᓇᓐ ᐃᔪᒡ ᒋᑭ ‍ ᐸᒋᓯᓄᐅᒡ᙮
\q2
\v 16 ᓴᒋᓱᐅᓂᔪᐤ ᑭᔭ ᑯᔅᑕᒋᐅᓂᔪᐤ ᒋᑭ ‍ ᐅᑎᑎᑯᐅᒡ᙮
\q1 ᐊ ‍ ᐛᐸᑕᒡ ᒋᓱᐧᑲᑎᓯᐅᓂᔪᐤ, ᐅ ᑎᐸᔨᒋᒐᓱᐤ,
\q2 ᒥᒄ ᓇᔅᒡ ᓇᒪ ᒋᑭ ‍ ᐸᑕᑯᓱᐅᒡ ᒧᔭᒻ ᐊᓯᓂᔭ
\q1 ᐸᑐᔅ ᒋ ‍ ᐎᒪᔅᑲᑯᑥᐛ ᒋᑦ ᐃᔨᒪ,
\q2 ᐊᓂᔭ ᐃᔪᐛ ᑲ ‍ ᐱᒪᒋᐃᒥᑎ ᐃᒋᑉᑎᒡ ᐅᒡ᙮
\q1
\v 17 ᒐᒋ ᐃᑐᑕᒡ ᐊᓐᑕ ᑲᐃᓇᓐ ᐊᔅᒋᒡ,
\q2 ᒋ ‍ ᓇᐊᔨᒪᐅᒡ ᒐᒋ ᐎᒋᒡ ᐊᓐᑕ ᒋᐱᔅᑯᑎᓇᒥᒡ,
\q1 ᐊᓐ ᐃᑕᐅᓐ ᑲ ‍ ᐅᑎᓂᒥᓐ ᒐ ‍ ᐎᒋᔨᓐ,
\q2 ᐊᓐᑕ ᒋᔾ ᑲ ‍ ᐅᓯᑕᔨᓐ ᒋᒡ ᑭᔭ ᒋᑦ ᐊᔭᒥᐊᐅᒋᐛᑉ᙮
\q1
\v 18 ᒋᔾ, ᓂᑎᐸᔨᒋᒐᓯᒥᓇᓐ,
\q2 ᒧᔅ ᑲᒋᒡ ᒋᑭ ‍ ᑎᐸᔨᒋᒐᓯᐅᓐ !”
\p
\v 19 ᐃᔅᐱ ᒋᓴᐅᒋᒪᐤ ᐅᑲᐸᐃᑭᔎᒪ ᑭᔭ ᐅᑎᑎᐱᑕᐸᓇᔅᑯᒪ ᑲ ᐎ ‍ ᑎᔅᑭᒧᑕᒡ ᐎᓂᐸᑯᔪᐤ, ᑎᐸᔨᒋᒐᓱᐤ ᒋ ‍ ᑐᑐᐛᐤ ᒐᒋ ᐊᑯᓇᐅᑯᐎᒋ ᓂᐱᔪᐤ᙮ ᒥᒄ ᐃᔅᕋᐃᓪ ᐃᔪᒡ ᒋ ‍ ᑎᔅᑭᒧᑕᐅᒡ ᑕᑕᐅᒡ ᐎᓂᐸᑯᔪᐤ ᐊ ‍ ᐸᔎᑭᒥᑲᔨᒡ᙮
\v 20 ᐊᑯ ᒥᕆᔭᒻ, ᐊᕋᓐ ᐅᒥᓴ ᐊᓐ ᑲ ‍ ᐅᒋᔅᒋᐛᐃᒐᓯᐅᔎᐅᑦ ᒂ ‍ ᐅᑎᓇᑦ ᑕᐛᐃᑭᓂᓴ, ᒂ ‍ ᓇᓴᐅᑯᑦ ᑯᑎᑲ ᐃᔎᐛ ᐊ ‍ ᑕᐧᑯᓇᔨᒋ ᑕᐛᐃᑭᓂᓴ᙮
\v 21 ᑭᔭ ᒂ ‍ ᓂᑭᒧᑐᐛᑦ ᐃᔎᐛ ᐅᔭ ᓂᑭᒧᐅᓂᔪᐤ:
\q1 “ᓂᑭᒧᑐᐛᐧᒄ ᑎᐸᔨᒋᒐᓱᐤ,
\q2 ᐛᔅ ᒋ ‍ ᓴᐧᑯᒋᐃᐛᐤ ᒋᔅᑕᔨᑕᑯᓯᐅᓂᒡ,
\q1 ᐎᓇᐸᑯᒡ ᒋ ᐃᓯ ‍ ᐛᐱᓇᐤ
\q2 ᑲᐸᐃᑭᔎᐛ ᑭᔭ ᐊᓂᔭ ᑲ ‍ ᑕᑎᐱᔨᒋ᙮”
\s1 ᑲ ‍ ᐎᓯᑲᐧᑭᒧᒡ ᓂᐱᔾ ᐊᓐᑕ ᒪᕋ᙮
\p
\v 22 ᐊᑯ ᒧᓱᔅ ᒂ ‍ ᒋᔅᒋᓄᑕᐊᑦ ᐃᔅᕋᐃᓪ ᐃᔪᐛ ᐊᓐᑕ ᒥᒂᑭᒥ ᐎᓂᐸᑯᒡ ᐅᒡ᙮ ᓱᕐ ᐸᐧᑯᑎᔅᑭᒥᑲᔪᐤ ᒋ ‍ ᐃᑐᑕᐅᒡ᙮ ᓂᔅᑐ ᒋᓯᑲᐛ ᒋ ᐃᔅᐱᔅ ‍ ᐱᒧᑕᐅᒡ ᐊᓐᑕ ᐸᐧᑯᑎᔅᑭᒥᑲᒡ, ᐊ ᐊᑲ ‍ ᒥᔅᑲᒡ ᓂᐱᔪᐤ᙮
\v 23 ᐊᑯ ᒂ ‍ ᓴᐳᑐᐛᑕᒡ ᑭᔭ ᒂ ‍ ᑎᑯᓯᒡ ᐊᓐᑕ ᒪᕋ ᐊ ‍ ᐃᓯᓂᐧᑲᑕᔨᒡ᙮ ᒋ ‍ ᑎᑯᓂᔪᐤ ᐊᓐᑕ ᓂᐱᔪᐤ ᒥᒄ ᓇᒪ ᐅᒋ ᒥᓄᐅᒡ, ᐅᓴᒻ ᒋ ‍ ᐎᓯᑲᐧᑭᒧᔪᐤ᙮ ᐊᐅᑯᓐ ᐛᒋ ‍ ᐃᓯᓂᐧᑲᑕᒡ ᒪᕋ᙮ ᐊᐅᑯᐤ ᐊ ‍ ᐃᔅᒋᔄᓄᐅᒡ ᐃᑉᕈ ᐃᔨᒧᓂᒡ ‘ᐎᓯᑭᓐ’᙮
\v 24 ᐃᔅᕋᐃᓪ ᐃᔪᒡ ᒂ ‍ ᐊᓏᔨᒪᒡ ᒧᓱᓴ, “ᒐᒂᓐ ᐅ ᒐ ‍ ᒥᓂᔭᒡ ?”
\p
\v 25 ᐊᑯ ᒧᓱᔅ ᒂ ‍ ᓂᑐᑎᒧᐛᑦ ᑎᐸᔨᒋᒐᓱᐛ᙮ ᐊᑯ ᒂ ‍ ᐛᐸᑎᔨᑯᑦ ᒥᔅᑎᒂ᙮ ᐊᑯ ᒂ ‍ ᐅᑎᓇᑦ ᐸᐃᒄ ᓯᑕᐧᑯᓇ ᑭᔭ ᒂ ‍ᐱᑭᔅᑐᐛᐱᓇᑦ᙮ ᑭᔭ ᒂ ‍ ᒥᔽᔨᒡ ᓂᐱᔪᐤ ᒐᒋ ᒥᓇᓄᐎᒡ᙮ ᐊᑯᑕ ᐊᓐᑕ ᒪᕋ, ᑎᐸᔨᒋᒐᓱᐤ ᑲ ‍ ᒥᔭᑦ ᒥᒐᑦ ᐃᑎᓱᐛᐅᓇ ᒐᒋ ᓇᓴᒥᔨᒋ ᐊᓐᑕ ᐅᐱᒪᑎᓯᐅᓂᔨᒡ᙮
\p ᑭᔭ ᒋ ‍ ᑯᒂᒐᐤ ᐃᔭᐱᒡ ᐃᔪᐛ, ᒐ ᐊᑲ ‍ ᓂᑐᑕᑯᒂ,
\v 26 ᐊ ‍ ᐃᔅᒋᔄᑦ, “ᓂᔾ ᐅ ᑎᐸᔨᒋᒐᓱᐤ, ᒋᒋᓴᒪᓂᑐᒧᐛᐤ᙮ ᒥᔪ ‍ ᓇᔨᑐᐅᔭᒂ ᐊᔨᑐᑎᒪᒄ ᒐᒂᓐ ᓂᔾ ᒐ ‍ ᒋᔅᒐᔨᑎᒪᓐ ᒪᔽᒡ, ᑭᔭ ᐃᑐᑎᒪᒂ ᒥᓯᐛ ᒐᒂᓐ ᐊ ‍ ᐃᑎᓱᒥᑎᑯᒡ, ᓇᒪ ᒋᑭ ‍ ᐃᑎᓴᒪᐊᒪᑎᓇᐛᐤ ᐊᐧᑯᓱᐅᓐ ᑲ ‍ ᐃᑎᓴᒪᐊᒧᒂᐤ ᐃᒋᑉᑦ ᐃᔪᒡ᙮ ᓂᔾ ᐅ ᑎᐸᔨᒋᒐᓱᐤ, ᐊᓐ ᒪᓏᒋᐃᑕᒄ᙮”
\p
\v 27 ᓇᓇᒐ ᒂ ‍ ᑎᑯᓯᓂᒡ ᐊᓐᑕ ᐃᓕᒻ ᐊ ‍ ᐃᓯᓂᐧᑲᑕᔨᒡ᙮ ᐊᓐᑕ ᐊ ‍ ᑎᑯᓂᔨᒋ ᓂᓴᑉ ᒥᔅᒋᒍᓇᐳᔭ ᑭᔭ ᓂᔄᐅᑕᒡ ᑕᑐᔪᐤ ᓂᐱᓯᔭᑎᒂ᙮ ᐊᑯᑕ ᐊᓐᑕ ᒂ ‍ ᒪᓂᑲᓱᒡ᙮
\c 16
\s1 ᒪᓇ ᑭᔭ ᐱᔭᓱᐛ
\p
\v 1 ᒥᓯᐛ ᐃᔅᕋᐃᓪ ᐃᔪᒡ ᒋ ‍ ᓂᑭᑎᒧᒡ ᐃᓕᒻ ᑭᔭ ᒂ ‍ ᐃᑐᑕᒡ ᐊᓐᑕ ᐸᐧᑯᑎᔅᑭᒥᑲᒡ ᓯᓐ ᑲ ‍ ᐃᓯᓂᐧᑲᑕᔨᒡ᙮ ᑕᑕᐅᒡ ᐊᓐᑕ ᐃᓕᒻ ᑭᔭ ᓴᐃᓇᐃ ᐱᔅᑯᑎᓇᔪᐤ᙮ ᐱᑕᑕᒡ ‍ ᑕᑐᓴᑉ ᒋᓯᑯᔪᐤ ᐊᓂᔭ ᓂᓱ ‍ ᐱᓯᒺ ᐃᔅᐱ ᑲᒋ ‍ ᓂᑭᑕᒡ ᐃᒋᑉᑦ ᐊᔅᒋᔪᐤ᙮
\s2 Exodus 16.2-15 (Proper-20 Year A, Proper-13 Year B)
\p
\v 2 ᐊᓐᑕ ᒪᒃ ᐸᐧᑯᑎᔅᑭᒥᑲᒡ, ᒋ ‍ ᐊᓏᔨᒪᐅᒡ ᐃᔪᒡ ᒧᓱᓴ ᑭᔭ ᐊᕋᓇ᙮
\v 3 ᐊ ‍ ᐃᑕᒡ, “ᑭᒪ ᒋ ‍ ᓂᐸᐃᒥᑎᑕᒂ ᑎᐸᔨᒋᒐᓱᐤ ᐊᓐᑕ ᐃᒋᑉᑎᒡ ! ᐃᔅᐱ ᐊᓐᑕ ᑲ ‍ ᐎᒋᔭᒡ, ᐊᔪᐛᒡ ᓂᒋ ‍ ᐛᔅᑲᐱᔅᑕᓇᓐ ᐊᔅᒋᒂ ᐊ ‍ ᓴᑭᔅᒋᓇᒡ ᐎᔭᔅ ᑭᔭ ᓂᒋ ‍ ᒥᒋᓇᓐ ᒥᒋᒻ ᒥᒄ ᐊᔅᐱᔅ ᓂᑐᐛᔨᑎᒪᒡ, ᒥᒄ ᔅᒋ ‍ ᐸᓱᐅᓇᓐ ᐅᑕ ᐸᐧᑯᑎᔅᑭᒥᑲᒡ ᒐᒋ ᒥᓯᐛ ᑯᐧᑭᑕᐊᔭᒡ᙮”
\p
\v 4 ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᒋᑭ ‍ ᐃᑎᓴᐊᒪᑎᓇᐛᐤ ᐸᒂᓯᑭᓐ ᒋᓯᑯᒡ ᐅᒡ, ᐊᓯᑯᒻ ᒋᓯᑲᐛ ᒋᑭ ᐎ ᓇᒋ ‍ ᒪᒧᓴᒋᓇᐅᒡ ᐃᔪᒡ ᐊᓂᔭ ᐸᒂᓯᑭᓇ ᒐ ᐃᔅᐱ ‍ ᐃᔅᐱᔨᒡ ᐊᓂᔭ ᒋᓯᑯᔪᐤ᙮ ᐊᑯᑕ ᒐ ᐅᒋ ‍ ᑯᒂᒋᐃᒂᐤ ᑭᔭ ᒐᔅᒐᔨᒥᒂᐤ ᒐ ‍ ᓇᓴᐊᒥᒂᓂᒋ ᓂᑦ ᐃᑎᓱᐛᐅᓇ᙮
\p
\v 5 ᐊᓱᑕᒡ ᒋᓯᑯᔪᐤ ᒪᒃ, ᓂᔄᐤ ᐊᓐᑕ ᒋᑭ ᐃᔅᐱᔅ ‍ ᒪᒧᓴᒋᓂᒧᒡ ᒥᒋᒥᔪᐤ ᑲ ᐃᔅᐱᔅ ‍ ᒪᒧᓴᒋᓇᒡ ᑭᔭ ᒋᑭ ᐊᔭᔅᑯ ‍ ᐃᑐᑎᒧᒡ᙮”
\p
\v 6 ᐊᑯ ᒧᓱᔅ ᑭᔭ ᐊᕋᓐ ᐊᔨᑕᒡ ᒥᓯᐛ ᐃᔅᕋᐃᓪ ᐃᔪᐛ, “ᐅᑕᑯᓯᔨᒐ ᒋᑭ ‍ ᒋᔅᒐᔨᑕᓇᐛᐤ ᐎᔾ ᐊᓐ ᑎᐸᔨᒋᒐᓱᐤ ᑲ ᐸᒋ ‍ ᐎᐎᑕᐃᑕᒄ ᐃᒋᑉᑎᒡ ᐅᒡ᙮
\v 7 ᒐᒋᓴᐸᔭᒐ ᒋᑭ ‍ ᐛᐸᑎᒺᓇᐛᐤ ᑎᐸᔨᒋᒐᓱᐤ ᐅᒋᔅᑕᔨᑕᑯᓱᐅᓐ, ᐛᔅ ᒋ ‍ ᐸᑎᒻ ᑲ ‍ ᐊᓏᔨᒐᔭᒄ᙮ ᐊᐛᓐ ᐅ ᓂᔭᓐ, ᒐᒋ ᐊᓏᔨᒥᔭᒡ ?”
\v 8 ᒧᓱᔅ ᐃᔭᐱᒡ ᒋ ‍ ᐃᔅᒋᔄᐤ, “ᐎᔾ ᐊᓐ ᑎᐸᔨᒋᒐᓱᐤ ᒐ ‍ ᒥᔨᑕᒄ ᐎᔭᓯᔪᐤ ᒐ ‍ ᒥᒍᐛᒄ ᐛᑕᑯᓯᔨᒋ ᑭᔭ ᒪᒃ ᐊᔅᐱᔅ ᓂᑐᐛᔨᑎᒺᒄ ᒥᒋᒥᔪᐤ ᒋᔭᒋᓴᐸᔭᔨᒋ, ᐛᔅ ᒋ ‍ ᐸᑎᒻ ᑕᓐ ᑲ ᐃᔅᐱᔅ ‍ ᐊᓏᔨᒐᔭᒄ, ᐎᔾ ᐊᓐ ᑕᑈ ᑎᐸᔨᒋᒐᓱᐤ ᔅᒋ ‍ ᐊᓏᔨᒪᐛᐤ, ᓇᒪᔭᐤ ᓂᔭᓐ᙮”
\p
\v 9 ᐊᑯ ᒧᓱᔅ ᐊᑕᑦ ᐊᕋᓇ, “ᒐ ‍ ᐃᑎᑥᐤ ᒥᓯᐛ ᐃᔅᕋᐃᓪ ᐃᔪᒡ, ‘ᐸᑐᑕᒄ ᒐ ‍ ᐅᑎᔅᑯᑲᐳᔅᑐᐛᒄ ᑎᐸᔨᒋᒐᓱᐤ, ᐛᔅ ᒋ ‍ ᐸᑎᒻ ᑲ ‍ ᐊᓏᔨᒐᔭᒄ᙮’ ”
\p
\v 10 ᒪᒂᒡ ᐊᕋᓐ ᑲ ‍ ᐃᔨᒪᐊᑦ ᒥᓯᐛ ᐃᔅᕋᐃᓪ ᐃᔪᐛ, ᐸᐧᑯᑎᔅᑭᒥᑲᒡ ᒋ ‍ ᐃᑕᐳᐅᒡ ᐃᔪᒡ, ᐊᑯᑕ ᒪᒃ ᑲ ‍ ᓄᑯᓂᔨᒡ ᑎᐸᔨᒋᒐᓱᐤ ᐅᒋᔅᑕᔨᑕᑯᓱᐅᓐ ᐊᓐᑕ ᑭᔅᑯᐅᓂᒡ᙮
\p
\v 11 ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ,
\v 12 “ᓂᒋ ‍ ᐸᑎᒺᓐ ᐊᓏᔨᒐᒡ ᐃᔅᕋᐃᓪ ᐃᔪᒡ᙮ ᒐ ‍ ᐃᑎᑥᐤ, ‘ᐎᔭᔅ ᒋᑭ ‍ ᒥᒋᓇᐛᐤ ᐊᓯᑯᒻ ᐅᑕᑯᓯᔪᐛ ᑭᔭ ᒋᑭ ‍ ᐃᔅᐱᔨᑯᓇᐛᐤ ᐸᒂᓯᑭᓐ ᒋᔭᒋᓴᐸᔭᒋ᙮ ᐊᑯ ᒐᔅᒐᔨᒥᔭᒄ ᓂᔾ ᐊᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ᙮’ ”
\p
\v 13 ᐊᓂᔭ ᒪᒃ ᐛᑕᑯᓯᔨᒡ, ᐱᔭᓱᐛ ᒋ ‍ ᐸᐱᔪᐛ ᑭᔭ ᒥᓯᐛ ᐊᓐᑕ ᒋ ‍ ᑥᐅᔪᐛ ᐊᓐᑕ ᑲ ‍ ᐎᒋᒡ, ᑭᔭ ᒋᔭᒋᓴᐸᔭᒡ ᒋ ‍ ᐊᑯᔅᒋᐸᔭᐤ ᒥᓯᐛ ᐛᔅᑲ ᐊᓐᑕ ᐛᒋᓇᓄᐅᒡ᙮\fig Israelites gathering quail|Exo16-12-CO00854B.TIF|col||© 1996 David C Cook|ᐊᓂᔭ ᒪᒃ ᐛᑕᑯᓯᔨᒡ, ᐱᔭᓱᐛ ᒋ ‍ ᐸᐱᔪᐛ ᑭᔭ ᒥᓯᐛ ᐊᓐᑕ ᒋ ‍ ᑥᐅᔪᐛ ᐊᓐᑕ ᑲ ‍ ᐎᒋᒡ|16.13\fig*
\v 14 ᐃᔅᐱ ᐊᑲ ᓄᒂᒡ ᑲ ‍ ᐊᑯᔅᒋᐸᔭᒡ, ᐊ ‍ ᐱᐅᐱᔨᒡ ᒐᒂᓐ ᒧᔭᒻ ᐊ ‍ ᓂᐱᐛᐱᑕᒡ ᐊ ‍ ᐃᓯᓇᒂᒡ ᒋ ‍ ᓄᑯᓐ ᐊᓐᑕ ᒧᔅᑎᔅᑭᒥᒡ ᐸᐧᑯᑎᔅᑭᒥᑲᒡ᙮
\v 15 ᐃᔅᐱ ᐃᔅᕋᐃᓪ ᐃᔪᒡ ᐎᔭᐸᑕᒡ ᐅᔭ, ᐊᑯ ᑲ ‍ ᐃᑎᑐᒡ, “ᒐᒂᓐ ᐊᓐ ?” ᐛᔅ ᓇᒪ ᐅᒋ ᒋᔅᒐᔨᑎᒧᒡ ᒐᒂᔪᐤ ᐊᓂᔭ᙮
\p ᐊᑯ ᒧᓱᔅ ᐊᑕᑦ, “ᐊᐅᑯᔪᐛ ᐊᓂᔭ ᐸᒂᓯᑭᓇ ᑲ ‍ ᒥᔨᑕᒄ ᑎᐸᔨᒋᒐᓱᐤ ᒐᒋ ᒧᐅᒪᑯᐤ᙮”
\p
\v 16 ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᑲ ‍ ᐃᑎᓱᐛᑦ: ᑕᑐᐎᒡ ᐸᐃᒄ ᐊᐛᓐ ᒋᑭ ᐎ ‍ ᐅᑎᓂᒪᓱᐤ ᐊᔅᐱᔅ ᓄᑕᐱᔨᑦ ᐎᔾ᙮
\p
\v 17 ᐃᔅᕋᐃᓪ ᐃᔪᒡ ᒋ ‍ ᐃᑐᑎᒧᒡ ᑲ ‍ ᐃᑎᓱᒪᑭᓄᐅᒡ᙮ ᐱᔅᒐ ᒋ ‍ ᒥᔅᑎ ‍ ᐅᑎᓇᓱᐅᒡ ᑭᔭ ᐱᔅᒐ ᐱᔅᓯᔅ ᒋ ‍ ᐅᑎᓇᓱᐅᒡ᙮\fig Two people gathering manna|Exo16-17-CO00828B.TIF|col||© 1996 David C Cook|ᐃᔅᕋᐃᓪ ᐃᔪᒡ ᒋ ‍ ᐃᑐᑎᒧᒡ ᑲ ‍ ᐃᑎᓱᒪᑭᓄᐅᒡ᙮ ᐱᔅᒐ ᒋ ‍ ᒥᔅᑎ ‍ ᐅᑎᓇᓱᐅᒡ ᑭᔭ ᐱᔅᒐ ᐱᔅᓯᔅ ᒋ ‍ ᐅᑎᓇᓱᐅᒡ|16.17\fig*
\v 18 ᒥᒄ ᑲᒋ ‍ ᑎᐸᐸᑲᐊᒡ ᐊᓂᔭ ᑲ ‍ ᒪᐅᑎᒪᓱᒡ, ᐸᐃᒄ ᐊᐛᓐ ᒧᔭᒻ ᒋ ‍ ᐃᔅᐱᔅ ᒪᐅᒋᑎᒪᓱᐤ ᐊ ᐃᓯ ‍ ᓄᑕᐱᔨᑦ, ᓇᒪ ᒐᒂᓐ ᐅᒋ ᐃᔅᑯᐱᔪᐤ᙮
\v 19 ᐊᑯ ᒧᓱᔅ ᒂ ‍ ᐃᑕᑦ, “ᒐ ᐊᑲ ‍ ᑭᓄᐛᔨᑎᒪᒃ ᒐᒂᓐ ᐸᐃᑯᑎᐱᔅᑲᐛ᙮”
\v 20 ᐱᔅᒐ ᐊᐛᓐᒋ ᓇᒪ ᐅᒋ ᓂᑐᑐᐛᐅᒡ ᒧᓱᓴ ᑭᔭ ᐊᕋᓇ, ᒋ ‍ ᐃᔅᑯᓇᐅᒡ ᐸᒂᓯᑭᓇ, ᒋ ‍ ᒥᓐᑐᓱᐅᔪᐤ ᑭᔭ ᒋ ‍ ᒥᒋᒪᑯᓂᔪᐤ ᐊᓂᔭ ᒥᒋᒥᔪᐤ᙮ ᐊᑯ ᒧᓱᔅ ᒋᒋᐛ ᒋ ‍ ᒋᔄᐃᑯᐤ ᐃᔅᕋᐃᓪ ᐃᔪᐛ᙮
\v 21 ᐊᓯᑯᒻ ᒋᔭᒋᓴᐸᔭᒋ ᒥᓯᐛ ᐊᐛᓐ ᒋ ‍ ᒪᐅᒋᑎᒪᓱᐤ ᐊ ᐃᔅᐱᔅ ‍ ᓄᑕᐱᔨᑦ ᐊᑯ ᐊ ‍ ᒋᓱᐎᔨᒋ ᐱᓯᒺ ᒋ ‍ ᐊᐸᓱᔪᐛ ᐸᒂᓯᑭᓇ᙮
\p
\v 22 ᐊᓱᑕᒡ ᒋᓯᑯᔪᐤ ᑲᒋ ‍ ᒋᒋᐱᔨᒡ ᐊ ‍ ᒪᐅᒋᑎᒪᓱᒡ, ᒥᓯᐛ ᐊᐛᓐ ᓂᔄᐤ ᒋ ᐃᔅᐱᔅ ‍ ᒪᒧᓴᒋᓇᐤ ᐸᒂᓯᑭᓇ᙮ ᒥᓯᐛ ᐅᒋᒪᐅᒡ ᒋ ‍ ᐎᑎᒧᐛᐅᒡ ᒧᓱᓴ᙮
\v 23 ᒧᓱᔅ ᒂ ‍ ᐃᑕᑦ “ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᑲ ‍ ᐃᑎᓱᒥᑕᒄ: ᐛᐸᒐ, ᐊᐅᒄ ᐊᓐ ᒋᓱᒄ ᒐ ᐎ ‍ ᐊᔅᑕᔭᔅᑯᓯᔭᒄ ᐛᔅ ᐊᐅᒃ ᐊᓐ ᒋᓯᒄ ᐊ ‍ ᒋᔅᑕᔨᒪᑭᓄᐅᑦ ᑎᐸᔨᒋᒐᓱᐤ᙮ ᒐ ‍ ᐱᒥᓄᐛᔭᒄ ᑭᔭ ᒐ ‍ ᐅᓯᒪᒄ ᒐᒂᓐ ᐛ ‍ ᐅᓯᒪᒄ᙮ ᑭᔭ ᐃᔅᑯᐱᔭᒂ ᒥᒋᒻ ᒐ ‍ ᑭᓄᐛᔨᑎᒪᒄ ᐃᔅᐱᔅ ᒐᒋᓴᐸᔭᒐ᙮”
\p
\v 24 ᐊᑯ ᒂ ‍ ᑐᑕᒡ ᐊᓂᔭ ᒧᓱᓴ ᐊᑎᓱᒥᑯᒡ᙮ ᐊᓂᔭ ᐊᔅᑯᐱᔨᒡ, ᒋ ‍ ᑭᓄᐛᔨᑎᒧᒡ ᐃᔅᐱᔅ ᒋᔭᒋᓴᐸᔨᒡ ᑭᔭ ᓇᒪ ᒋ ᐅᒋ ‍ ᐎᒐᑭᓂᔪᐤ ᑭᔭ ᒐᒋ ᒥᓐᑐᓱᐎᒡ᙮
\v 25 ᒧᓱᔅ ᒂ ‍ ᐃᑕᑦ “ᒥᒋᒄ ᐊᓄᒡ ᐊᓐ ᒥᒋᒻ ᑲ ‍ ᐃᔅᑯᔅᑎᒪᒄ, ᐛᔅ ᐊᓄᒡ ᐅ ᐊᔽᓯᐅᒋᓯᒄ ᒋᑭ ‍ ᒪᒥᒋᒪᓄᐤ ᑎᐸᔨᒋᒐᓱᐤ, ᑭᔭ ᓇᒪ ᒋᑭ ‍ ᒥᔅᑲᓇᐛᐤ ᒥᒋᒻ ᐎᐎᑎᒥᒡ᙮
\v 26 ᐊᓯᑯᒻ ᒥᓇᔅᑕᑭᓇ, ᒋᑭ ᐎ ‍ ᒪᒧᓴᒋᓇᐛᐤ ᐸᒂᓯᑭᓐ᙮ ᒥᒄ ᐊ ‍ ᓂᔄᐅᑕᒡ ᐊ ‍ ᒋᓯᑲᒡ ᐊᓐ ᒋᓯᒄ ᐊ ‍ ᒪᒥᒋᒪᑭᓄᐅᑦ ᑎᐸᔨᒋᒐᓱᐤ, ᓇᒪ ᒋᑭ ‍ ᒥᔅᑲᓇᐛᐤ ᒥᒋᒻ ᐎᐎᑎᒥᒡ᙮”
\p
\v 27 ᒥᒄ ᑲᒋ ‍ ᐅᑎᒋᐱᔨᒡ ᐊᓂᔭ ᓂᔄᐅᑕᒡ ᒋᓯᑯᔪᐤ, ᐱᔅᒐ ᐃᔪᒡ ᒋ ‍ ᐎᐎᔪᐅᒡ ᒐᒋ ᒪᒧᓴᒋᓇᒡ ᐱᔅᒐ ᒥᒋᒥᔪᐤ᙮ ᓇᒪ ᐅᒋ ‍ ᑎᑯᓂᔪᐤ ᒥᒋᒥᔪᐤ ᒐᒋ ‍ ᒪᒧᓴᒋᓇᒡ᙮
\v 28 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᑕᓐ ᒐ ‍ ᐃᔅᐱᔅ ᐊᑲ ‍ ᓂᑐᑎᒪᒄ ᓂᑦ ᐃᑎᓱᐛᐅᓇ ?”
\v 29 ᐎ ‍ ᒋᔅᒋᑎᒧᒃ ᓂᔾ ᐅ ᑎᐸᔨᒋᒐᓱᐤ ᑲ ‍ ᒥᔨᑎᑯᒡ ᐅ ᒋᓯᒄ ᒐᒋ ᐊᔅᑕᔭᔅᑯᓯᔭᒃ᙮ ᐊᐅᑯᓐ ᐛᒋ ‍ ᒥᔨᑎᑯᒡ ᐊᓱᑕᒡ ᒋᓯᒄ ᓂᔄᐤ ᒐᒋ ᐃᔅᐱᔅ ᐅᑎᓂᒪᒄ ᒥᒋᒻ ᓂᓱ ᒋᓯᑲᐛ ᒐ ‍ ᐃᔅᐱᔭᒄ᙮ ᒥᓯᐛ ᐊᐛᓐ ᐎᒋᒡ ᒋᑭ ᐎ ‍ ᐃᑕᐤ ᒐ ᐊᑲ ‍ ᔅᑐᑕᑦ ᑭᔭ ᒪᒃ ᒐᒋ ᐎᐎᑦ᙮
\v 30 ᐊᑯ ᐃᔅᕋᐃᓪ ᐃᔪᒡ ᒂ ‍ ᐊᔅᑕᔭᔅᑯᓯᒡ ᓂᔄᐅᑕᒡ ᒋᓯᑯᔪᐤ᙮
\p
\v 31 ᐃᔅᕋᐃᓪ ᐃᔪᒡ “ᒪᓇ” ᒋ ‍ ᐃᓯᓂᐧᑲᑕᐅᒡ ᐊᓂᔭ ᐸᒂᓯᑭᓇ᙮ ᒧᔭᒻ ᐊ ‍ ᐛᐸᓯᒋ ᓂᑕᐅᒋᑕᑭᓇ ᒋ ‍ ᐃᓯᓇᑯᓂᔪᐛ, ᑭᔭ ᒧᔭᒻ ᑲᓯᐛᓯᐛᐳᐎᔾ ᐃᔭᑲᐅᑐᐛ ᒋ ‍ ᐃᔅᐳᑯᓯᔪᐛ᙮
\v 32 ᒧᓱᔅ ᒂ ‍ ᐎᑎᒧᐛᑦ ᐃᔪᐛ ᒐᒂᔪᐤ ᑲ ‍ ᐃᔅᒋᔄᔨᒋ ᑎᐸᔨᒋᒐᓱᐛ, “ᒐ ‍ ᑭᓄᐛᔨᒪᒄ ᐱᔅᒐ ᒪᓇ ᒐᒋ ᐛᐱᒪᒡ ᒋᑦ ᐊᓂᔅᒐ ᐊᓂᔅᑯᑕᐸᓄᐛᐅᒡ, ᒐᒋ ᐛᐱᒪᒡ ᐸᒂᓯᑭᓇ ᑲ ‍ ᒥᔨᑐᑯᒡ ᐊᓐᑕ ᐸᐧᑯᑎᔅᑭᒥᑲᒡ ᐃᔅᐱ ᐃᒋᑉᑎᒡ ᐅᒡ ᑲ ‍ ᐅᑐᑕᔭᒄ᙮”
\p
\v 33 ᒧᓱᔅ ᒂ ‍ ᐃᑕᑦ ᐊᕋᓇ, “ᐅᑎᓇ ᐸᐃᒄ ᐊᔅᒋᐧᒄ ᑭᔭ ᒐ ‍ ᐱᑕᐅᑦ ᐊᓐᑕ ᒪᓇ ᐳᔅᑯᔭᑭᓐ᙮ ᐊᑯ ᒐ ‍ ᐊᔅᑕᔨᓐ ᐊᓐᑕ ᐅᑎᔅᑯᐤ ᑎᐸᔨᒋᒐᓱᐤ ᐊᑕᑦ ᒐᒋ ᑭᓄᐛᔨᑕᑭᓄᐅᒡ᙮”
\v 34 ᐊᕋᓐ ᒂ ‍ ᐃᑐᑕᐧᒄ ᑎᐸᔨᒋᒐᓱᐛ ᑲ ‍ ᐃᑎᓱᒪᔨᒋ ᒧᓱᓴ᙮
\v 35 ᐃᔅᕋᐃᓪ ᐃᔪᒡ ᓇᐎᔪᐛᐱᐳᓇ ᒋ ‍ ᐃᔅᐱᔅ ᒧᐛᐅᒡ ᐊᓂᔭ ᒪᓇ, ᐊᒺᔭ ᐅᑎᑕᒡ ᑲᐃᓇᓐ ᐊᔅᒋᔪᐤ᙮
\v 36 ᐱᑕᑕᒡ ᑕᑐᔭᑭᓐ ᒋ ‍ ᐃᔅᐱᓴᒐ ᐊ ‍ ᑎᐸᐸᑲᐃᑭᓄᐅᒡ ᐸᐃᒄ ᐊᔅᒋᐧᒄ᙮
\c 17
\s1 ᓂᐱᔾ ᑲ ‍ ᐅᒋ ‍ ᐎᐎᔨᐱᒡ ᐊᓯᓂᒡ ᐅᒡ
\s2 Exodus 17.1-7 (Lent-3 Year A; Proper-21 Year A)
\p
\v 1 ᒥᓯᐛ ᐃᔅᕋᐃᓪ ᐃᔪᒡ, ᓯᓐ ᐸᐧᑯᑎᔅᑭᒥᑲᒡ ᒋ ᐅᒋ ‍ ᔅᑐᑕᐅᒡ, ᐊᔭᑎᐊᑐᒐᒡ ᒧᔭᒻ ᑲ ‍ ᐃᑎᓱᒥᑯᒡ ᑎᐸᔨᒋᒐᓱᐛ᙮ ᐸᐃᒂᐤ ᕆᐱᑎᒻ ᒋ ‍ ᐎᒍᐅᒡ, ᒥᒄ ᓇᒪ ᐅᒋ ᑎᑯᓂᔪᐤ ᐊᓐᑕ ᓂᐱᔪᐤ ᒐᒋ ᒥᓂᒡ ᐃᔪᒡ᙮
\v 2 ᐊᑯ ᐃᔪᒡ ᒂ ‍ ᐊᓏᔨᒪᒡ ᒧᓱᓴ ᐊ ‍ ᐃᑕᒡ, “ᐸᒋ ᒥᔨᓇᓐ ᓂᐱᔾ ᒐ ‍ ᒥᓂᔭᒡ᙮”
\p ᐊᑯ ᒧᓱᔅ ᐊᑕᑦ, “ᒐᒂᓐ ᐛᒋ ‍ ᐊᓏᔨᒥᔭᒄ ? ᒐᒂᓐ ᐛᒋ ‍ ᑯᒂᒐᐊᒄ ᑎᐸᔨᒋᒐᓱᐤ ?”
\p
\v 3 ᒥᒄ ᒋᒋᐛ ᒋ ‍ ᓄᑕᔭᐸᒂᐅᒡ ᐃᔪᒡ ᑭᔭ ᒋ ‍ ᐊᓏᔨᒪᐅᒡ ᒧᓱᓴ᙮ ᒋ ‍ ᐃᑕᐅᒡ, “ᒐᒂᓐ ᐛᒋ ‍ ᐎᐎᑕᐃᔭᒡ ᐃᒋᑉᑎᒡ ᐅᒡ ᒐᒋ ᐃᑐᑐᐅᔭᒡ ᓂᔭᓐ ᑭᔭ ᓂᑦ ᐊᐛᓯᒥᓇᓐᒡ ᑭᔭ ᓂᑦ ᐊᐛᓯᓯᒥᓇᓐᒡ ᒐᒋ ᒋᒪᐸᒂᔭᒡ ?”
\p
\v 4 ᐊᑯ ᒧᓱᔅ ᓇᑐᑎᒧᐛᑦ ᑎᐸᔨᒋᒐᓱᐛ, “ᒐᒂᔪᐤ ᒐ ‍ ᐃᑐᑐᐅᒂᐤ ᐅᒡ ᐃᔪᒡ ? ᓴᔅ ᐅᒡ ᒐᑲᑦ ᐊᔭᔅᑯᔪᐅᒡ ᒐᒋ ᓂᐸᐃᒡ ᐊᐱᒧᓯᓇᑕᐅᒡ ᐊᓯᓂᔭ᙮”
\p
\v 5 ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᐅᑎᓂᒡ ᐱᔅᒐ ᐅᒋᒪᐅᒡ ᐃᔅᕋᐃᓪ ᐃᔪᒡ ᑭᔭ ᒐ ‍ ᒋᔅᒋᓄᑕᐃᑥᐤ ᐃᔪᒡ, ᐊᓯᒡ ᒐ ‍ ᑕᐧᑯᓂᒥᓐ ᒋᓯᔅᑲᐅᓐ ᐊᓐ ᑲ ‍ ᐊᐱᒋᑕᔨᓐ ᑲ ‍ ᐅᑕᒪᐸᑲᒥᓐ ᓇᐃᔭᓪ ᓯᐱᔾ᙮
\v 6 ᐃᔅᐱ ᐅᑎᑎᒪᒂ ᐦᐅᕋᑉ ᐊᓯᓂᔾ ᐊᓐᑕ ᓴᐃᓇᐃ ᐱᔅᑯᑎᓇᒡ ᓂᑭ ‍ ᑕᓐ ᐊᓐᑕ ᐊ ‍ ᑕᔭᒄ᙮ ᒐ ‍ ᐅᑕᒪᒥᓐ ᐊᓯᓂᔾ ᐊᑯ ᓂᐱᔾ ᒐ ᐸᒋ ‍ ᐎᐎᐱᔨᒡ ᒐ ‍ ᒥᓂᒡ ᐃᔪᒡ,” ᐊᐅᑯᓐ ᑲ ‍ ᐃᑎᑦ ᒧᓱᔅ ᐊ ‍ ᑭᓄᐛᐱᒥᑯᑦ ᐃᔅᕋᐃᓪ ᐅᒋᒪᐅᒡ᙮
\v 7 ᐊᑯ ᒪᓴ (ᑯᒂᒋᐃᐛᐅᓐ ᐊ ‍ ᐃᓇᓄᐅᒡ) ᑭᔭ ᒪᕆᐸ (ᐊᓏᔨᒐᓄᐅᓐ ᐊ ‍ ᐃᓇᓄᐅᒡ) ᒂ ‍ ᐃᓯᓂᐧᑲᑕᐧᒃ ᒧᓱᔅ ᐊᓂᔭ ᐃᑕᐅᓂᔪᐤ ᐛᔅ ᐊᒋ ‍ ᑯᒂᒐᐊᒡ ᐃᔅᕋᐃᓪ ᐃᔪᒡ ᑎᐸᔨᒋᒐᓱᐛ ᐊ ‍ ᐃᔅᒋᔄᒡ, “ᑕᐤ ᐊ ᑎᐸᔨᒋᒐᓱᐤ ᐊ ‍ ᑕᐛᐧᒄ ᑭᔭ ᒪᒃ ᓇᒪ ᑕᐤ ᐊ ?”
\s1 ᑲ ‍ ᐅᓂᑕᐅᒧᑎᔭᑭᓄᐅᒡ ᐊᒪᓕᒃ ᐃᔪᒡ
\p
\v 8 ᐊᑯ ᐊᒪᓕᒃ ᐃᔪᒡ ᐅᑦ ᐊᓂᔅᑯᑕᐸᓄᐛᐛ ᒋ ‍ ᑎᑯᓯᓂᔪᐛ ᑭᔭ ᒂ ‍ ᒪᓯᐧᑯᐛᔨᒋ ᐊᓂᔭ ᐃᔅᕋᐃᓪ ᐃᔪᐛ ᐊᓐᑕ ᕆᐱᑎᒻ᙮
\v 9 ᒧᓱᔅ ᒂ ‍ ᐃᑕᑦ ᐊᓂᔭ ᒐᓱᐛᔨᒋ, “ᒐ ‍ ᐅᑎᓂᑥᐤ ᓇᐸᐅᒡ ᒐᒋ ᔅᑐᑕᒡ ᑭᔭ ᒐᒋ ᒪᓯᐧᑯᐛᒡ ᐊᓂᔭ ᐊᒪᓕᒃ ᐃᔪᐛ᙮ ᐛᐸᓂᔨᒐ ᓂᑭ ‍ ᓂᐳᐅᓐ ᐊᓐᑕ ᑕᐧᑯᒡ ᐱᔅᑯᑎᓇᒡ, ᓂᑭ ‍ ᑕᐧᑯᓇᒺᓐ ᐊᓂᔭ ᒋᓴᒪᓂᑐᐤ ᐅᓯᔅᑲᐅᓐ ᑲ ‍ ᐃᔅᒋᔄᑦ ᒐᒋ ᑕᐧᑯᓂᒧᒡ᙮”
\p
\v 10 ᐊᑯ ᒂ ‍ ᐃᑐᑕᐧᒃ ᒐᓱᐛ ᑲ ‍ ᐃᑎᑯᑦ ᒧᓱᓴ ᒐᒋ ᐃᑐᑕᐧᒃ᙮ ᒋ ‍ ᐅᑎᓇᐤ ᓇᐸᐛ ᒐ ‍ ᒪᓯᐧᑯᐛᔨᒋ ᐊᒪᓕᒃ ᐃᔪᐛ᙮ ᐊᑯ ᒪᒂᒡ ᐅᔭ ᐊᔅᐱᔨᒡ, ᒧᓱᔅ, ᐊᕋᓐ ᑭᔭ ᐦᐅᕐ ᒋ ‍ ᐃᑐᑕᐅᒡ ᐊᓐᑕ ᑕᐧᑯᒡ ᐱᔅᑯᑎᓇᒡ᙮
\v 11 ᒋ ‍ ᑲᓂᔪᐎᒡ ᐊ ‍ ᓂᑐᐱᔨᒡ ᐃᔅᕋᐃᓪ ᐃᔪᒡ ᑕᑥᐤ ᐛᐱᓂᔅᒐᒋ ᒧᓱᔅ, ᒥᒄ ᐊ ‍ ᔭᓯᐱᑕᒋ ᐅᔅᐱᑐᓇ ᐊᒪᓕᒃ ᐃᔪᒡ ᒋ ‍ ᑲᓂᔪᐎᒡ᙮
\p
\v 12 ᐊᑯ ᒧᓱᔅ ᒂ ‍ ᐊᔭᔅᑯᓯᑦ, ᐊᕋᓐ ᑭᔭ ᐦᐅᕐ ᒂ ‍ ᐃᑐᑐᐛᒡ ᐊᓯᓂᔪᐤ ᒧᓱᓴ ᒐᒋ ᑕᑎᐱᔨᒋ᙮ ᐊᑯ ᐊᔨᑐᐤ ᐛᒋᑲᐳᔅᑐᐛᒡ ᒧᓱᓴ ᑭᔭ ᑎᔭᐧᑯᓂᒧᐛᒡ ᐅᔅᐱᑐᓂᔨᐛ ᐃᔅᐱᔅ ᐛᑕᑯᓯᔨᒡ᙮\fig Aaron and Hur holding Moses' arms: soldiers below|Exo17-12-co00832b.TIF|col||© 1996 David C Cook|ᐊᑯ ᐊᔨᑐᐤ ᐛᒋᑲᐳᔅᑐᐛᒡ ᒧᓱᓴ ᑭᔭ ᑎᔭᐧᑯᓂᒧᐛᒡ ᐅᔅᐱᑐᓂᔨᐛ ᐃᔅᐱᔅ ᐛᑕᑯᓯᔨᒡ|17.12\fig*
\v 13 ᐊᑯ ᒐᓱᐛ ᑭᔭ ᐊᓂᔭ ᓇᐸᐛ ᑲ ‍ ᐎᒐᐅᑯᑦ ᒋ ‍ ᐅᓂᑕᒧᑎᔭᐅᒡ ᐊᒪᓕᒃ ᐃᔪᐛ᙮
\p
\v 14 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒐ ‍ ᒥᓯᓇᑕᒥᓐ ᐅ ᑲᒪᓯᐧᑲᑐᓇᓄᐅᒡ, ᑭᔭ ᒐ ‍ ᐃᔨᒥᑐᐅᑦ ᐅᔭ ᒐᓱᐛ ᐅᓴᒻ ᓂᑭ ‍ ᑐᑕᓐ ᒐᒋ ᐅᓂᒋᔅᒋᑐᐛᑭᓄᐅᒡ ᐊᒪᓕᒃ ᐃᔪᒡ᙮”
\p
\v 15 ᒧᓱᔅ ᒂ ‍ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ ᑭᔭ “ᑎᐸᔨᒋᒐᓱᐤ ᓂᒋ ‍ ᒥᔨᒄ ᐱᔅᒋᔭᒐᐅᓂᔪᐤ᙮” ᒂ ‍ ᐃᓯᓂᐧᑲᑕᐧᒃ᙮
\v 16 ᐊᑯ ᒧᓱᔅ ᒂ ‍ ᐃᔅᒋᔄᑦ, “ᑎᐸᔨᒋᒐᓱᐤ ᓂᒋ ‍ ᐊᔅᐸᔨᒧᑐᑐᐛᐤ, ᒥᒄ ᒐ ᐊᑎ ᐊᓂᔅᒐ ‍ ᐱᒪᑎᓯᓇᓄᐅᒡ, ᑎᐸᔨᒋᒐᓱᐤ ᒋᑭ ‍ ᒪᓯᐧᑯᐛᐤ ᐊᒪᓕᒃ ᐃᔪᐛ ᒧᔅ ᑲᒋᒡ᙮”
\c 18
\s1 ᒐᑦᕈᐤ ᒧᐱᔅᑐᐛᐤ ᒧᓱᓴ
\p
\v 1 ᒐᑦᕈᐤ, ᒥᑎᐊᓐ ᐃᔪᒡ ᐅᑦ ᐊᔭᒥᐊᐅᒋᒪᒧᐛᐛ ᑭᔭ ᒧᓱᔅ ᐅᒋᓴᐃᔨᒪ᙮ ᒋ ‍ ᐸᑎᒥᔪᐛ ᒐᒂᔪᐤ ᒋᓴᒪᓂᑐᐛ ᑲ ‍ ᐃᑐᑎᒧᐛᔨᒋ ᒧᓱᓴ ᑭᔭ ᐅᑦ ᐃᔨᒥᔪᐛ᙮ ᐃᔅᐱ ᑎᐸᔨᒋᒐᓱᐤ ᑲ ‍ ᐎᐎᑕᐊᑦ ᐃᔅᕋᐃᓪ ᐃᔪᐛ ᐊᓐᑕ ᐃᒋᑉᑎᒡ ᐅᒡ᙮
\p
\v 2 ᐊᑯ ᒧᓱᔅ ᒋ ‍ ᐃᑎᓴᐛᐤ ᐎᐛ ᓯᐳᕋᔨᒋ ᑭᔭ ᓂᓱ ᐅᑯᓯᔨᐛ ᒐᒋ ᐎᒋᒪᔨᒋ ᒐᑦᕈᐛ᙮
\v 3 ᒧᓱᔅ ᐊᔅᒃ ᒋ ‍ ᒪᓐᑕᐤ ᐊᓐᑕ ᒥᑎᐊᓂᒡ ᑲ ‍ ᐃᔪᐎᔨᒋ ᐅᓂᔅᑎᒧᓴᓇ, ᐊᑯ ᒧᓱᔅ ᒂ ‍ ᐃᔅᒋᔄᑦ, “ᑭᕐᓱᒻ ᒋᑭ ‍ ᐃᓯᓂᐧᑲᓱᐤ᙮ ᑭᕐᓱᒻ ᒧᔭᒻ ‘ᒪᓐᑕᐤ’ ᐊ ‍ ᐃᓇᓄᐅᒡ ᐃᑉᕈᐤ ᐃᔨᒧᐅᓂᒡ᙮”
\v 4 ᐊᑯ ᐊᓂᔭ ᑯᑎᑲ ᐅᑯᓴ ᑲ ‍ ᐃᔪᐎᔨᒋ, ᒧᓱᔅ ᒂ ‍ ᐃᔅᒋᔄᑦ, “ᐃᓕᐃᓱᕐ ᒋᑭ ‍ ᐃᓯᓂᐧᑲᓱᐤ, ᐛᔅ ᐊᓂᔭ ᒋᓴᒪᓂᑐᐛ ᓄᑕᐎᔾ ᑲ ‍ ᐊᔭᒥᐊᔅᑐᐛᑦ ᓂᒋ ‍ ᐱᒪᒋᐃᒄ ᐃᒋᑉᑎᒡ ᒋᓴᐅᒋᒪᐛ ᐅᒡ᙮”
\p
\v 5 ᒐᑦᕈᐤ, ᐊᐎᒐᐅᑯᑦ ᒧᓱᓴ ᐅᑯᓯᔪᐛ ᑭᔭ ᐎᐎᐛ, ᒋ ‍ ᑎᑯᓯᓄᐅᒡ ᐊᓐᑕ ᐸᐧᑯᑎᔅᑭᒥᑲᒡ, ᐊᓐᑕ ᒧᓱᓴ ᑲ ‍ ᐎᒋᔨᒋ ᒥᒋᒪ ᑎᐸᔨᒋᒐᓱᐛ ᐅᐱᔅᑯᑎᓇᒥᔪᐤ᙮
\v 6 ᒐᑦᕈᐤ ᒋ ‍ ᐃᑎᓴᒧᐛᐤ ᐃᔨᒧᐅᓂᔪᐤ ᒧᓱᓴ, “ᓂᔾ, ᒐᑦᕈᐤ ᒋᒋᓴᐃᔨᒻ, ᓂᒋ ‍ ᑎᑯᓯᓐ ᒐᒋ ᒧᐱᔅᑕᑕᓐ ᐊᓯᒡ ᐊᐸᓱᐅᒂᐤ ᒋᔪᐤ ᑭᔭ ᐊ ‍ ᓂᓯᒡ ᒋᑯᓯᒡ᙮”
\p
\v 7 ᐊᑯ ᒧᓱᔅ ᒂ ‍ ᓇᒋ ‍ ᓂᒋᔅᑯᐛᑦ ᐅᒋᓴᐃᔨᒪ, ᒂ ‍ ᓂᐱᔅᑯᐱᔅᑐᐛᑦ ᑭᔭ ᒂ ‍ ᓱᐛᔨᒪᑦ ᐊᓐᑕ ᐅᑕᒥᐧᑭᓂᒡ᙮ ᒋ ‍ ᑎᒥᔅᑲᑐᐅᒡ ᑭᔭ ᒂ ‍ ᐱᒐᒡ ᐊᓐᑕ ᐱᒍᐎᔭᓂᒋᐛᐱᒡ᙮
\v 8 ᐊᑯᑕ ᐊᓐᑕ ᒧᓱᔅ ᑲ ‍ ᐛᐎᑎᒧᐛᑦ ᑎᐸᔨᒋᒐᓱᐛ ᑲ ‍ ᐃᑐᑎᒥᔨᒋ ᒐᒋ ᓇᑭᑐᐛᔨᒪᔨᒋ ᐃᔅᕋᐃᓪ ᐃᔪᐛ ᐊᓂᔭ ᑲ ‍ ᐃᑐᑐᐛᔨᒋ ᒋᓴᐅᒋᒪᐛ ᑭᔭ ᐃᒋᑉᑎᒡ ᐃᔪᐛ᙮ ᐃᔭᐱᒡ ᑲ ᐃᓯ ‍ ᐊᔨᒥᔪᐅᒡ ᑭᔭ ᑲ ᐃᓯ ‍ ᐱᒪᒋᐃᑯᒡ ᑎᐸᔨᒋᒐᓱᐛ᙮
\p
\v 9 ᒐᑦᕈᐤ ᒋ ‍ ᒥᔽᔨᑎᒻ ᐅᔭ ᐱᔭᑕᐧᒃ ᒥᓯᐛ ᑲ ᐃᓯ ‍ ᒥᔪᑐᑐᐛᔨᒋ ᑎᐸᔨᒋᒐᓱᐛ ᐃᔅᕋᐃᓪ ᐃᔪᐛ ᑲ ‍ ᐎᐎᑕᔨᒋ ᐃᒋᑉᑎᒡ ᐅᒡ᙮
\v 10 ᑭᔭ ᒂ ‍ ᐃᔅᒋᔄᑦ, “ᒪᒥᒋᒪᑕᐤ ᑎᐸᔨᒋᒐᓱᐤ, ᑲ ‍ ᐱᒪᒋᐃᑕᐧᒄ ᐃᒋᑉᑎᒡ ᒋᓴᐅᒋᒪᐛ ᐅᒡ ᑭᔭ ᐅᓂᑐᐱᔪᐅ-ᐃᔨᒥᔪᐛ᙮
\v 11 ᓴᔅ ᓂᒋ ‍ ᒋᔅᒐᔨᑕᓐ ᑎᐸᔨᒋᒐᓱᐤ ᐊᑐᐎᔅ ᐎᔾ ᐊᓱᐧᑲᑎᓯᑦ ᐃᔅᐱᔅ ᑯᑎᑭᒡ ᒥᓂᑐᐅᒡ᙮ ᒋ ‍ ᐃᑐᑎᒻ ᐅᔭ ᐃᔅᐱ ᐃᒋᑉᑦ ᐃᔪᒡ ᑲ ‍ ᐱᐛᔨᒪᒡ ᐃᔅᕋᐃᓪ ᐃᔪᐛ᙮”
\v 12 ᐊᑯ ᒐᑦᕈᐤ ᒂ ‍ ᐸᑕᑦ ᐱᔅᑎᓂᒐᐅᓂᔪᐤ ᒐᒋ ᐃᔎᓴᑭᓄᐎᒡ ᑭᔭ ᑯᑎᑲ ᒥᑐᔅᑕᐊᒪᒐᐅᓇ ᒐᒋ ᒥᔭᑭᓄᐅᑦ ᒋᓴᒪᓂᑐᐤ᙮ ᐊᕋᓐ ᑭᔭ ᐃᔅᕋᐃᓪ ᐅᒋᒪᐅᒡ ᒋ ‍ ᑎᑯᓯᓄᐅᒡ ᒐᒋ ‍ ᒥᒋᓱᐅᒡ ᐊᓐᑕ ᐊᔭᒥᐊᓄᐎᒡ᙮ ᐊᕈᓐ ᒋ ‍ ᑎᑯᓯᓄᐤ ᐊ ‍ ᐎᒐᐛᑦ ᒥᓯᐛ ᐃᔅᕋᐃᓪ ᐅᒋᒪᐅᒡ ᒐᒋ ᐎᒋᒥᒋᓱᒪᒡ ᒧᓱᓴ ᐅᒋᓴᐃᒥᔪᐛ ᐅᑎᔅᑯᐤ ᒋᓴᒪᓂᑐᐛ᙮
\p
\v 13 ᐎᔭᐱᓂᔨᒡ ᒧᓱᔅ ᒋ ‍ ᐎᒋᐊᐤ ᐃᔅᕋᐃᓪ ᐃᔪᐛ ᒐᒋ ‍ ᓇᐃᐱᑕᑦ ᐊ ‍ ᒪᒥᒋᐱᔨᑐᐎᒋ᙮ ᑲ ‍ ᑎᐸᔅᑯᓂᒐᔅᑦ ᒋ ‍ ᐃᑕᐱᑎᓯᔪᐤ, ᐅᑎᔅᑯᐤ ᐊᓂᐳᔅᑕᑯᑦ ᐊ ‍ ᒐᒋᓴᐸᔨᒡ ᐃᔅᐱᔅ ᐊ ‍ ᐅᑕᑯᓯᔨᒡ᙮
\v 14 ᐃᔅᐱ ᒐᑎᕈᐤ ᑲᒋ ‍ ᐛᐸᑎᒺᑦ ᒧᓱᓴ ᐊ ‍ ᐃᑐᑐᐛᔨᒋ ᐃᔪᐛ, ᒂ ‍ ᐃᔅᒋᔄᑦ, “ᐊᑯ ᒐᒂᓐ ᐛᒋ ‍ ᐸᐃᑯᓯᔨᓐ ᐊ ‍ ᑎᐸᔅᑯᓂᒐᔨᓐ ? ᐊᑯ ᒐᒂᓐ ᐛᒋ ‍ ᒥᔨᑥᐤ ᒐᒋ ᒥᒐᑎᑲᐳᐅᒡ ᐅᒡ ᐃᔪᒡ ᐊ ‍ ᒐᒋᓴᐸᔨᒡ ᐃᔅᐱᔅ ᐊᐅᑕᑯᓯᔨᒡ ?”
\p
\v 15 ᒧᓱᔅ ᒂ ‍ ᐃᑕᑦ, “ᒋ ‍ ᑎᑯᓯᓄᐅᒡ ᒐᒋ ᒋᔅᒐᔨᑕᒡ ᒐᒂᔪᐤ ᒋᓴᒪᓂᑐᐛ ᓇᑐᐛᔨᒥᑯᒡ ᒐ ‍ ᑐᑕᒡ᙮
\v 16 ᐃᔅᐱ ᒪᒥᒋᐱᐃᑐᑥᐎ ᓂᓱ ᐃᔪᒡ, ᓂ ᐸᒋ ‍ ᓂᑐᐛᐱᒥᑯᒡ, ᐊᑯ ᒂ ‍ ᑯᒂᒋᒥᒡ ᒐᒋ ᐎᔭᔨᑎᒪᓐ ᐊᐛᓐ ᑎᔭᑈᒂ ᑭᔭ ᒂ ‍ ᐎᑎᒧᐅᒂᐤ ᒋᓴᒪᓂᑐᐛ ᐅᑦ ᐃᑎᓱᐛᐅᓂᔪᐤ᙮”
\p
\v 17 ᒂ ‍ ᐃᑎᑯᑦ ᐅᒋᓴᐃᔨᒪ, “ᓇᒪ ᒥᔽᐤ ᐊᓐ ᒐᒂᓐ ᐊ ‍ ᐃᑐᑎᒥᓐ᙮
\v 18 ᒋᔾ ᑭᔭ ᐊᓐᒡ ᐃᔪᒡ ᒋᑭ ‍ ᐊᔭᔅᑯᓯᓇᐛᐤ᙮ ᒥᓴᐤ ᐊᓐ ᐊᑐᔅᒐᐅᓐ ᐊ ‍ ᐃᑐᑎᒥᓐ ᒐᒋ ᐸᐃᑯᐧᑭᒥᓐ᙮
\v 19 ᒋᑭ ‍ ᐎᒋᐃᒄ ᒋᓴᒪᓂᑐᐤ ᓂᑐᑐᐎᓇ᙮ ᒋᑭ ᐎ ‍ ᐎᑎᒧᐛᐤ ᒋᓴᒪᓂᑐᐤ ᐊ ‍ ᐃᔅᐱᔨᒋ ᐃᔪᐛ᙮
\v 20 ᒐ ‍ ᒋᔅᑯᑎᒧᐅᑥᐤ ᒋᓴᒪᓂᑐᐛ ᐅᑦ ᐃᑎᓱᐛᐅᓂᔪᐤ ᑭᔭ ᒐ ‍ ᐎᑎᒧᐅᑥᐤ ᑕᓐ ᒐ ᐃᓯ ‍ ᐱᒪᑎᓯᒡ ᑭᔭ ᒐᒂᔪᐤ ᒐ ᐎ ‍ ᑐᑕᒡ ᒐᒋ ᑯᐃᔅᑯᑕᑎᓯᒡ᙮
\v 21 ᒥᒄ ᐃᔭᐱᒡ, ᒋᑭ ᐎ ‍ ᐅᑎᓇᐅᒡ ᓇᐸᐅᒡ ᒐᒋ ᐎᒋᐃᔅᒡ, ᓇᐸᐅᒡ ᐊ ‍ ᓇᓂᒋᔅᑐᐛᒡ ᒋᓴᒪᓂᑐᐛ, ᒐᒋ ᓱᒐᔨᒪᑭᓂᐅᒡ ᑭᔭ ᒐ ᐊᑲ ‍ ᐃᔭᐛᑭᓄᐅᒡ᙮ ᒐᒋ ᓂᑲᓂᔅᑯᐛᒡ ᐊ ‍ ᐸᐃᑯᔪᐛᓯᔨᒋ ᑭᔭ ᐊ ‍ ᐱᑕᑕᑐᔪᐅᐛᓯᔨᒋ, ᑭᔭ ᐊ ‍ ᐸᐃᑯᒥᑕᓯᒥᑎᓄᐛᓯᔨᒋ ᑭᔭ ᐊ ‍ ᐸᐃᑯᒐᓯᐱᔪᐛᓯᔨᒋ ᐃᔪᐛ᙮\fig Moses speaking to leaders of Israel|Exo18-21-CO00847B.TIF|col||© 1996 David C Cook|ᒂ ‍ ᐅᑎᓇᑦ ᐊᑭᒐᑕᐛᔨᑕᑯᓯᔨᒋ ᓇᐸᐛ ᐊᓐᑕ ᐃᔅᕋᐃᓪ ᐅᒡ ᑭᔭ ᒂ ‍ ᐃᑐᑐᐛᑦ ᒐᒋ ᓂᑲᓂᔅᑯᐛᔨᒋ|18.21\fig*
\v 22 ᑲᑎᐸᔅᑯᓂᒐᒡ ᓇᓂᑎᒻ ᒋᑭ ᐃᓯ ‍ ᐊᑐᔅᒐᐅᒡ᙮ ᐊᑯ ᒋᐸ ‍ ᐃᑐᑕᑕᑯᒡ ᐊᔨᒥᓂᔨᒡ ᐊ ᐃᓯ ‍ ᒪᒥᒋᐱᐃᑐᒡ, ᐊᑯ ᐊᑲ ‍ ᐊᔨᒥᓂᔨᒋ ᐎᔨᐛᐤ ᒋᑭ ‍ ᐎᔭᔨᑎᒧᒡ᙮ ᐊᑎᑐᐤ ᒋᐸ ‍ ᐛᑎᓐ ᐅ ᒥᔅᑯᒡ, ᒪᒧᐤ ᐊᑐᔅᑲᔅᑎᒪᒄ᙮
\v 23 ᐃᑐᑎᒥᓇ ᐅ, ᒋᓴᒪᓂᑐᐤ ᐊ ‍ ᐃᑎᓱᒥᔅᒃ, ᓇᒪ ᒋᑭ ‍ ᐃᔅᐱᔅ ᐊᔭᔅᑯᓯᓐ, ᑭᔭ ᓄᑎᒻ ᐊᐛᓐ ᒋᑭ ‍ ᒥᔽᔨᑎᒻ ᒋᐛᒐ, ᐎᐱᒡ ᒥᔪᐱᐃᑐᑥᐛ ᐊ ‍ ᒪᒥᒋᐱᐃᑐᒡ᙮”
\p
\v 24 ᒧᓱᔅ ᒋ ‍ ᓂᑐᑐᐛᐤ ᐅᒋᓴᐃᔨᒪ ᑲ ‍ ᐃᑎᑯᑦ ᑭᔭ ᒋ ‍ ᐃᑐᑎᒺᐤ ᒥᓯᐛ ᒐᒂᔪᐤ ᑲ ‍ ᐃᑎᑯᑦ᙮
\v 25 ᒂ ‍ ᐅᑎᓇᑦ ᐊᑭᒐᑕᐛᔨᑕᑯᓯᔨᒋ ᓇᐸᐛ ᐊᓐᑕ ᐃᔅᕋᐃᓪ ᐃᔪᐛ ᐅᒡ ᑭᔭ ᒂ ‍ ᑐᑐᐛᑦ ᒐᒋ ᓂᑲᓂᔅᑯᐛᔨᒋ ᐊ ‍ ᐸᐃᑯᔪᐛᓯᔨᒋ, ᐊ ‍ ᐱᑕᑕᑐᔪᐅᐛᓯᔨᒋ, ᐊ ‍ ᐸᐃᑯᒥᑕᓯᒥᑎᓄᐛᓯᔨᒋ, ᐊ ‍ ᐸᐃᑯᒐᓯᐱᔪᐛᓯᔨᒋ ᐃᔪᐛ᙮
\v 26 ᒋ ‍ ᑎᐸᔅᑯᓂᒐᓯᐅᐎᒡ ᐊᐎᔭᔨᑕᒡ ᐎᔪᐛᐤ ᐊ ‍ ᐛᑎᓂᔨᒋ ᐊ ‍ ᒪᒥᒋᐱᐃᑐᓇᓄᐎᒡ, ᒧᓱᓴ ᒋᒥᔭᐅᒡ ᐊ ‍ ᐊᒥᓂᔨᒋ ᒐᒋ ᑎᓯᐧᑭᒥᔨᒋ᙮
\p
\v 27 ᑲᒋ ‍ ᐛᒋᔭᒥᑐᒡ ᒧᓱᔅ ᑭᔭ ᐅᒋᓴᐃᔨᒪ ᒐᑦᕈᐛ᙮ ᒐᑦᕈᐤ ᑲᐤ ᒋ ‍ ᒋᐛᐤ᙮
\c 19
\s1 ᐊᓐᑕ ᓴᐃᓇᐃ ᐱᔅᑯᑎᓇᒡ
\p
\v 1 ᑲᒋ ‍ ᓂᔅᑐ ᐱᓯᒺᔭᔨᒡ ᑲ ‍ ᒋᔅᑐᑕᒡ ᐃᔅᕋᐃᓪ ᐃᔪᒡ ᐊᓐᑕ ᐃᒋᑉᑎᒡ ᐅᒡ, ᐊᓂᔭ ᓂᔅᑎᒻ ᒋᓯᑯᔪᐤ ᒋ ‍ ᑎᑯᓯᓄᐅᒡ ᐊᓐᑕ ᓴᐃᓇᐃ ᐱᔅᑯᑎᓇᒡ᙮
\v 2 ᑲᒋ ‍ ᒋᔅᑐᑕᒡ ᐊᓐᑕ ᕆᐱᑎᒻ ᐅᒡ, ᒂ ‍ ᐅᑎᑕᒡ ᓴᐃᓇᐃ ᐸᐧᑯᑎᔅᑭᒥᑯᔪᐤ, ᓂᑕᒥᑎᓄᐤ ᐊᓐᑕ ᒂ ‍ ᒪᓂᑲᓱᒡ᙮\fig Israel encampted before Mt. Sinai|Exo19-01-CO00833B.TIF|col||© 1996 David C Cook|ᒂ ‍ ᑎᑯᓯᒡ ᐊᓐᑕ ᐸᐧᑯᑎᔅᑭᒥᑲᒡ ᒥᒋᒪ ᓴᐃᓇᐃ ᐱᔅᑯᑎᓇᒡ, ᐊᑯᑕ ᒂ ‍ ᒪᓂᑲᓱᒡ ᐊᓐᑕ ᓂᑕᒥᑎᓄᐤ|19.2\fig*
\p
\v 3 ᑭᔭ ᒧᓱᔅ ᒂ ‍ ᓴᑭᒋᐛᑦ ᐱᔅᑯᑎᓇᔪᐤ ᒐᒋ ᓂᒋᔅᑯᐛᑦ ᒋᓴᒪᓂᑐᐛ᙮ ᑎᐸᔨᒋᒐᓱᐛ ᒋ ‍ ᑕᑈᑎᑯᐤ ᐊᓐᑕ ᐱᔅᑯᑎᓇᔪᐤ ᐅᒡ ᑭᔭ ᒂ ‍ ᐃᑎᑯᑦ ᒐᒋ ᐃᑕᑦ ᐃᔅᕋᐃᓪ ᐃᔪᐛ, ᒐᑭᐸ ᐅᑦ ᐊᓂᔅᑯᑕᐸᓂᔪᐛ,
\v 4 “ ‘ᔅᒋ ‍ ᐛᐸᑕᓇᐛᐤ ᒐᒂᓐ ᓂᔾ, ᑎᐸᔨᒋᒐᓱᐤ, ᑲ ‍ ᑐᑐᐅᒂᐤ ᐊᓐᒡ ᐃᒋᑉᑦ ᐃᔪᒡ ᑭᔭ ᑲ ‍ ᑕᐧᑯᓂᑎᑯᒡ ᒧᔭᒻ ᒥᒋᓱᐤ ᐊ ᐃᓯ ‍ ᑕᐧᑯᓇᑦ ᐅᑦ ᐊᐛᓯᒥᓴ ᐊᓐᑕ ᐅᑎᑎᑭᓂᒡ ᑭᔭ ᑲ ‍ ᐸᓱᑎᑯᒡ ᐅᑕ ᐊᑕᔭᓐ᙮
\v 5 ᐊᑯ ᐊᓄᒡ, ᑕᑈᑐᐅᔭᒂ ᑭᔭ ᑭᓄᐛᔨᑎᒪᒂ ᓂᓂᔅᑯᒧᐅᓐ, ᒋᑭ ᐅᑦ ᐃᔨᒥᑕᑎᓇᐛᐤ᙮ ᒥᓯᐛ ᐊᔅᒋᔾ ᓂ ‍ ᑎᐸᔨᑕᓐ᙮
\v 6 ᓂᔾ ᐅ ᔅᒋ ‍ ᑎᐸᓇᐃᑎᓇᐛᐤ ᑭᔭ ᒋᑭ ‍ ᐊᑐᔅᑯᓇᐛᐤ ᒧᔭᒻ ᐊᔭᒥᐊᐅᒋᒪᐅᒡ,’ ᐊᐅᑯᔪᐤ ᐅᔭ ᐃᔨᒧᐅᓂᔪᐤ ᒐ ‍ ᐃᑎᑥᐤ ᐃᔪᒡ᙮”
\p
\v 7 ᒂ ‍ ᓂᑎᒋᐛᑦ ᒧᓱᔅ ᑭᔭ ᒂ ‍ ᑕᑈᑕᑦ ᒥᓯᐛ ᐅᒋᒪᐛ ᑭᔭ ᒂ ‍ ᐎᑎᒧᐛᑦ ᒥᓯᐛ ᒐᒂᔪᐤ ᑲ ‍ ᐃᑎᑯᑦ ᑎᐸᔨᒋᒐᓱᐛ ᒐ ‍ ᐃᔅᒋᔄᑦ᙮
\v 8 ᐊᑯ ᒂ ‍ ᐃᔅᒋᔄᒡ ᒥᓯᐛ ᐃᔪᒡ, “ᓂᑭ ‍ ᑐᑕᒺᓇᓐ ᒥᓯᐛ ᒐᒂᔪᐤ ᑎᐸᔨᒋᒐᓱᐤ ᑲ ‍ ᐃᑎᓱᒥᔨᒥᑦ᙮” ᐊᑯ ᒧᓱᔅ ᒂ ‍ ᐎᑎᒧᐛᑦ ᐃᔨᒧᓂᔪᐤ ᑎᐸᔨᒋᒐᓱᐛ ᑲ ‍ ᐃᔅᒋᔄᔨᒋ ᐃᔪᐛ᙮
\p
\v 9 ᑎᐸᔨᒋᒐᓱᐤ ᒋ ‍ ᐃᑕᐤ ᒧᓱᓴ, “ᒋᑭ ‍ ᓂᑐᐛᐱᒥᑎᓇᐛᐤ ᒧᔭᒻ ᐊ ‍ ᒋᔅᐱᒋᓯᑦ ᑭᔅᑯᐅᓐ ᓂᑭ ‍ ᐃᓯᓇᑯᓯᓐ, ᐊᑯ ᐃᔅᕋᐃᓪ ᐃᔪᒡ ᓂᑭ ‍ ᐸᑕᑯᒡ ᒪᒂᒡ ᐃᔨᒥᔨᑕᓇ ᑭᔭ ᓇᓂᑎᒻ ᒋᑭ ‍ ᓱᒐᔨᒥᑯᒡ᙮” ᐊᑯ ᒧᓱᔅ ᒂ ‍ ᐎᑎᒧᐛᑦ ᐊᓂᔭ ᐃᔪᐛ ᒐᒂᔪᐤ ᑲ ‍ ᐃᔅᒋᔄᔨᒋ ᑎᐸᔨᒋᒐᓱᐛ᙮
\p
\v 10 ᐊᑯ ᒂ ‍ ᐃᑎᑯᑦ ᒧᓱᔅ ᑎᐸᔨᒋᒐᓱᐛ, “ᒪᒋ ‍ ᓂᑐᐛᐱᒥᒡ ᐃᔪᒡ ᑭᔭ ᒐ ‍ ᐎᑎᒧᐅᑥᐤ ᒐᒋ ᐊᔭᔅᑯᐱᒡ ᒐ ‍ ᑎᑯᓯᓄᐅᒡ᙮ ᒋᑭ ‍ ᐸᔭᒋᐃᓱᐅᒡ ᐊᓄᒡ ᑭᔭ ᐛᐱᓂᒐ ᑭᔭ ᒋᑭ ᐎ ‍ ᒋᔅᑕᐸᐅᑕᐅᒡ ᐅᑦ ᐊᐱᒋᑕᐅᓄᐛᐛ᙮
\v 11 ᐛᒧᒡ ᐅᔭ ᒋᑭ ᐎ ‍ ᐃᑐᑎᒧᒡ ᒐᒋ ‍ ᐊᔭᔅᑯᐱᒡ ᐅᓱᐛᐱᓂᔨᒐ᙮ ᐊᐅᑯᓐ ᒋᓱᒄ ᒐ ‍ ᓂᑎᒋᐛᔭᓐ ᓴᐃᓇᐃ ᐱᔅᑯᑎᓇᐤ ᒐᒋ ᐛᐱᒥᒡ ᒥᓯᐛ ᐃᔅᕋᐃᓪ ᐃᔪᒡ᙮
\v 12 ᒐ ‍ ᓂᔅᑐᐛᒋᑕᔨᓐ ᐊᓐᑕ ᐛᔅᑲ ᐱᔅᑯᑎᓇᒡ ᑭᔭ ᒐ ‍ ᐃᑎᑥᐤ, ᒐ ‍ ᓇᑭᑐᐛᐸᑎᒪᒃ ᒐ ᐊᑲ ‍ ᓴᑭᒋᐛᔭᒃ ᑭᔭ ᒪᒃ ᒐᒋ ᐎᒪᔅᑭᒪᒄ ᐅ ᒐ ‍ ᓂᔅᑐᐛᒋᑕᔭᓐ᙮ ᒋᑭ ‍ ᓂᐸᐊᑭᓄᐤ ᐊᐛᓐ ᐊᑲ ᓂᑐᑕᐧᒃ᙮
\v 13 ᐃᔪᐤ ᑭᔭ ᒪᒃ ᐊᐛᓯᔅ, ᒋᑭ ᐎ ‍ ᓂᐸᐊᑭᓄᐤ ᐊ ᐊᑲ ‍ ᑕᒋᓇᑭᓄᐅᑦ᙮ ᒥᒄ ᐃᔅᐱ ᐸᑕᒂᒐ ᐳᑕᒋᑭᓐ, ᐊᑯ ᒋᐸ ‍ ᓴᑭᒋᐛᐅᒡ ᐃᔪᒡ ᐊᓂᔭ ᐸᐃᔅᑯᑎᓇᔪᐤ᙮”
\p
\v 14 ᑲᒋ ‍ ᓂᑎᒋᐛᑦ ᒧᓱᔅ ᐱᔅᑯᑎᓇᔪᐤ, ᒂ ᐊᑎ ᐃᑕᑦ ᐃᔪᐛ ᒐᒋ ᒥᔪᐧᑭᒥᔨᒋ ᐅᑦ ᐊᐱᒋᑕᐅᓂᔪᐛ ᑭᔭ ᒐᒋ ᐸᔭᒋᓯᔨᒋ ᑭᔭ ᒐᒋ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮
\v 15 ᒂ ᐊᑎ ‍ ᐃᑕᑦ ᐃᔪᐛ ᒐᒋ ᐊᔭᔅᑯᐎᒋ ᐅᓱᐛᐱᓂᔨᒐ ᑭᔭ ᒐ ᐊᑲ ‍ ᐎᐸᒥᑐᐎᔨᒋ ᓇᐸᐛ ᑭᔭ ᐃᔎᐛ᙮
\p
\v 16 ᑲᒋ ᓂᓱ ‍ ᒋᓯᑲᔨᒡ ᐊ ‍ ᒐᒋᓴᐸᔭᒡ ᒋ ‍ ᓂᒥᔅᒋᐅᔅᔎᔪᐤ, ᑭᔭ ᒋ ‍ ᑯᒋᓂᔪᐛ ᐊ ‍ ᐎᐱᓯᔨᒋ ᑭᔅᑯᐅᓇ ᐊᓐᑕ ᐱᔅᑯᑎᓇᒡ᙮ ᒂ ‍ ᐸᑕᑯᓂᔨᒡ ᐳᑕᒋᑭᓂᔪᐤ ᓇᔅᒡ ᐊ ‍ ᒋᔄᐱᔨᒡ, ᑭᔭ ᒥᓯᐛ ᐃᔅᕋᐃᓪ ᐃᔪᒡ ᒋᓴᒋᓱᐅᒡ᙮ 
\v 17 ᒧᓱᔅ ᒂ ‍ ᓂᑲᓄᑕᐊᑦ ᐃᔪᐛ ᒐᒋ ᓂᒋᔅᑯᐛᔨᒋ ᒋᓴᒪᓂᑐᐛ, ᓂᑎᒍᐤ ᐱᔅᑯᑎᓇᒡ ᒋ ‍ ᓇᓂᐳᐎᒡ᙮
\v 18 ᒥᓯᐛ ᓴᐃᓇᐃ ᐱᔅᑯᑎᓇᐤ ᒋ ‍ ᐱᐳᑕᐤ ᐅᓴᒻ ᑎᐸᔨᒋᒐᓱᐤ ᒋ ‍ ᓂᑎᒋᐛᐤ ᐱᔅᑯᑎᓇᔪᐤ ᐊᐛᔅᑲᔅᑲᑯᑦ ᐃᔅᑯᑕᔪᐤ᙮ ᒋ ‍ ᐅᐸᐱᑕᐤ ᒧᔭᒻ ᐊ ‍ ᐱᐳᑥᑦ ᒋᓴᐱᔅᒐᐛᓐ, ᑭᔭ ᒥᓯᐛ ᐱᔅᑯᑎᓇᐤ ᒋ ᒥᔅᑎ ‍ ᓇᓇᒥᐱᔪᐤ᙮
\v 19 ᒪᒃ ᐊᔭᔅᒄ ᒋ ‍ ᒋᐧᑲᐛᐱᔪᐤ ᐳᑕᒋᑭᓐ᙮ ᒧᓱᔅ ᒂ ‍ ᐃᔨᒪᐊᑦ ᒋᓴᒪᓂᑐᐛ ᑭᔭ ᒂ ‍ ᓂᔎᐅᓯᐃᑯᑦ ᐊ ‍ ᒋᐧᑲᐛᔨᒋ ᒧᔭᒻ ᓂᒥᔅᒍᐛ ᐊ ‍ ᐃᑎᑕᑯᓯᔨᒋ᙮
\p
\v 20 ᐊᑯ ᑎᐸᔨᒋᒐᓱᐤ ᒂ ‍ ᑎᑯᓯᐧᒃ ᐊᓐᑕ ᑕᐧᑯᑕᒥᑎᓐ ᓴᐃᓇᐃ ᐱᔅᑯᑎᓇᔪᐤ ᑭᔭ ᒂ ‍ ᐃᑕᑦ ᒧᓱᓴ ᒐᒋ ᐊᓐᑕ ᓂᒋᔅᑲᑯᑦ᙮ ᒧᓱᔅ ᒂ ‍ ᓴᑭᒋᐛᑦ᙮
\v 21 ᑎᐸᔨᒋᒐᓱᐤ ᒂ ‍ ᐃᑕᑦ, “ᒧᓱᔅ, ᒐ ‍ ᓂᑕᒥᒋᐛᔨᓐ ᑭᔭ ᒐ ‍ ᐎᑎᒧᐅᑥᐤ ᐃᔪᒡ ᒐ ᐊᑲ ‍ ᐎᒪᔅᑲᒡ ᑲ ‍ ᓂᔅᑐᐛᒋᑕᔨᓐ ᐊᓐᑕ ᓂᑕᒥᑎᓄᐤ ᒐᒋ ᑎᑯᓯᓂᒡ ᒐᒋ ᒋᑕᐱᒥᒡ; ᑐᑕᒐ ᐊᐛᓐ ᒋᑭ ‍ ᐳᓂᐱᒪᑎᓯᔪᐤ᙮
\v 22 ᐃᔭᐱᒡ ᐊᓐᒡ ᐊᔭᒥᐊᐅᒋᒪᐅᒡ ᒋᑭ ᐎ ‍ ᐸᔭᒋᐃᓱᐅᒡ ᓂᑐᐛᐱᒥᑥᐛ ᑭᔭ ᒪᒃ ᓂᑭ ‍ ᐊᓏᔨᒪᐅᒡ᙮”
\p
\v 23 ᒧᓱᔅ ᒂ ‍ ᐃᑕᑦ ᑎᐸᔨᒋᒐᓱᐛ, “ᐃᔪᒡ ᓇᒪ ᒋ ‍ ᓴᑭᒋᐛᐅᒡ ᐱᔅᑯᑎᓇᔪᐤ ᐅᓴᒻ ᒋᔾ ᔅᒋ ‍ ᐃᑎᓱᒪᐅᒡ ᒐᒋ ᓂᔅᑐᐛᒋᑕᒡ ᐊᓐᑕ ᐛᔅᑲ ᐱᔅᑯᑎᓇᔪᐤ ᑭᔭ ᒐᒋ ᐸᔭᒋᑕᒡ᙮”
\p
\v 24 ᒂ ‍ ᐃᑕᑦ ᒧᓱᓴ, “ᓂᑕᒥᒋᐛᒪ ᑭᔭ ᒐ ‍ ᐸᓱᐅᑦ ᐊᕋᓐ᙮ ᒥᒄ ᐊᓐᒡ ᐊᔭᒥᐊᐅᒋᒪᐅᒡ ᑭᔭ ᐃᔪᒡ ᒐ ᐊᑲ ‍ ᐎᒪᔅᑲᒡ ᑲ ‍ ᓂᔅᑐᐛᒋᑕᑭᓄᐎᒡ ᒐᒋ ᓂᑐᐛᐱᒥᒡ ᑭᔭ ᒪᒃ ᓂᑭ ‍ ᐊᓏᔨᒪᐅᒡ᙮”
\p
\v 25 ᒧᓱᔅ ᒂ ‍ ᓂᑕᒥᒋᐛᑦ, ᒋ ‍ ᐎᑎᒧᐛᐤ ᐃᔪᐛ ᒐᒂᔪᐤ ᑲ ‍ ᐃᔅᒋᔄᔨᒋ ᑎᐸᔨᒋᒐᓱᐛ᙮
\c 20
\s1 ᐸᐃᑯᔪᐤ ᐃᑎᓱᐛᐅᓇ
\s2 Exodus 20.1-4, 7-10, 12-20 (Proper-22 Year A)
\s2 Exodus 20.1-17 (Lent-3 Year B)
\p
\v 1 ᒋᓴᒪᓂᑐᐤ ᐎᔾ ᒋ ᐸᒋ ‍ ᐸᑕᑯᓂᒐᐤ ᐅᔭᔪᐛ ᐃᔨᒧᐅᓇ, ᐊᑯ ᐃᔭᑦ:
\p
\v 2 “ᓂᔾ ᐊᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᒻ, ᑲ ᐅᒋ ᐸᒋ ‍ ᐎᐎᑕᐃᔅᒃ ᐃᒋᑉᑦ ᐊᔅᒋᒡ, ᐊ ‍ ᐛᐧᑲᑎᑯ-ᐊᔅᒋᒡ ᐅᒡ᙮
\p
\v 3 ᐊᑲᐎᔾ ᒋᑭ ‍ ᐅᒋᓴᒪᓂᑐᒥᓐ ᑯᑎᑭᒡ ᒥᓂᑐᐅᒡ ᓂᔾ ᒥᒄ᙮
\p
\v 4 ᐊᑲᐎᔾ ᐛᐛᒡ ᐸᐃᒄ ᒥᓂᑐᐧᑲᓐ ᒋᑭ ᐅᒋ ‍ ᐅᓯᑥᓱᓐ᙮ ᐊᑲᐎᔾ ᑭᔭ ᒐᒂᓐ ᐊᓂᔅᐱᑕᒧᒥᑲᒡ ᒋᒋᒋᓯᑯᒡ ᐃᔅᐱᒥᒡ ᐊ ‍ ᑎᒂᒡ ᑭᔭ ᐊᔅᒋᒡ ᑕᐱᓯᔅ ᑭᔭ ᓂᐱᒡ ᑕᒥᐸᑯᒡ᙮
\v 5 ᐊᑲᐎᔾ ᒋᑭ ‍ ᐅᒋᒋᐧᑯᓂᐱᔅᑐᐛᐛᐅᒡ, ᐛᔅ ᓂᔾ ᑎᐸᔨᒋᒐᓱᐤ ᒋᒋᓴᒪᓂᑐᒻ ᓄᒋᐃᐛᐤ ᒋᓴᒪᓂᑐᐅᓐ; ᓂᑦ ᐊᔨᒥᐊᐅᒡ ᒪᒃ ᐊᐛᓯᒡ ᐅᑕᐎᐛᐛ ᐅᒥᒋᑥᐅᓂᔪᐛ ᐅᒡ ᐱᐃᒻ ᓂᔅᑐ ᑭᔭ ᓇᐤ ᒐ ᐊᑎ ᐊᓂᔅᒐ ‍ ᐱᒪᑎᓯᒡ ᐊᓐᒡ ᐎᔭᐧᑲᓯᒡ;
\v 6 ᓂ ‍ ᒋᓴᐛᑐᑐᐛᐅᒡ ᒪᒃ ᒥᒐᑥᐤ ᒐᓯᐱᔪᐤ ᒥᑕᑐᒥᑎᓄᐤ ᒐ ᐊᓂᔅᒐ ‍ ᐱᒪᑎᓯᒡ ᐊᓐᒡ ᓯᐊᒋᐃᒡ, ᑭᔭ ᓂᔭᑭᑐᐛᔨᑕᒡ ᐊᑎᓱᐛᐅᒡ᙮
\s2 Exodus 20.1-4, 7-10, 12-20 (Proper-22 Year A)
\p
\v 7 ᐊᑲᐎᔾ ᓂᑐᐎᔾ ᒋᑭ ᐃᓯ ‍ ᐎᔭᐤ ᑎᐸᔨᒋᒐᓱᐤ ᒋᒋᓴᒪᓂᑐᒻ ᐛᔅ ᑎᐸᔨᒋᒐᓱᐤ ᓇᒪᐎᔾ ᒋᑭ ‍ ᒥᔪᑥᐛᔨᒪᐤ ᐊᓂᔭᔪᐛ ᓂᑐᐎᔾ ᐊᓯ ‍ ᐎᔨᑯᑦ᙮
\p
\v 8 ᒧᔅ ᒋᔅᒋᔾ ᒐ ᐸᔭᒋ ‍ ᓇᑭᑐᐛᔨᑎᒥᓐ ᐊᔽᓯᐅᒋᓯᑲᒡ᙮
\v 9 ᐊᓱᑕᒡ ᑕᑐᐤ ᒋᓯᑲᐛ ᒋᑭ ‍ ᐊᐱᑎᓯᓐ ᒋᑭ ‍ ᑐᑕᓐ ᑭᔭ ᒥᓯᐛ ᐊ ‍ ᑎᒂᒡ ᒐᒂᓐ ᒐ ‍ ᐃᑐᑎᒥᓐ᙮
\v 10 ᒥᒄ ᓂᔄᐅᑕᒡ ᐊ ‍ ᒋᓯᑲᒡ ᐎᔾ ᐊᔪᐅᒄ ᐅᑦ ᐊᔽᓯᐅᒋᓯᑲᒻ ᑎᐸᔨᒋᒐᓱᐤ ᒋᒋᓴᒪᓂᑐᒻ᙮ ᐊᓐ ᒐᓯᑲᒡ ᐊᑲᐎᔾ ᐎᔭᔅᑦ ᒋᑭ ‍ ᐃᑕᐱᑎᓯᓐ, ᒋᔾ ᑭᔭ ᒋᑯᔅ ᑭᔭ ᒋᑕᓂᔅ, ᑭᔭ ᒋ ᓇᐸᐤ-ᐊᑐᔅᒐᔭᑭᓐ, ᑭᔭ ᒋᑦ ᐊᑐᔅᒐᔭᑭᓂᔎᒻ, ᑭᔭ ᒋᑦ ᐊᐛᓯᓯᒥᒡ, ᑭᔭ ᐊᓐ ᒪᓐᑕᐤ ᒋᑦ ᐃᑕᐅᓂᒡ ᐊᑕᑦ᙮
\v 11 ᐛᔅ ᐊᓱᑕᒡ ᑕᑐᐤ ᒋᓯᑲᐛ ᒋ ‍ ᐃᔅᐱᔅ ᐅᓯᑕᑕᑯᐱᓐ ᑎᐸᔨᒋᒐᓱᐤ ᒋᒋᒋᓯᑯᔪᐤ ᑭᔭ ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᐊ ‍ ᑎᑯᓂᔨᒡ, ᒋ ‍ ᐊᔽᓯᑕᑯᐱᓐ ᒪᒃ ᓂᔄᐅᑕᒡ ᐊ ‍ ᒋᓯᑲᔨᒡ; ᐊᔪᐅᒄ ᐛᒋ ᒥᔪ ‍ ᐃᑐᑎᒥᑯᐱᓇ ᑎᐸᔨᒋᒐᓱᐤ ᐊᓂᔭᔪᐤ ᓂᔄᐅᑕᒡ ᐊ ‍ ᒋᓯᑲᔨᒡ, ᑭᔭ ᐛᒋ ᐸᔭᒋ ‍ ᒋᓯᑲᒐᑕᒧᑯᐱᓇ᙮
\s2 Exodus 20.1-4, 7-10, 12-20 (Proper-22 Year A)
\p
\v 12 ᒋᔅᑕᔨᒻ ᒍᑕᐎᔾ ᑭᔭ ᒋᑲᐎᔾ, ᐊᑯ ᒪᒃ ᓇᐅᔅ ᒐᒋ ᑕᔨᓐ ᐊᓐᑕ ᑲ ᐅᑦ ᐊᔅᒋᒥᑲᔅᒃ ᑎᐸᔨᒋᒐᓱᐤ ᒋᒋᓴᒪᓂᑐᒻ᙮
\p
\v 13 ᐊᑲᐎᔾ ᒋᑭ ‍ ᓂᐸᐃᔨᐛᓐ᙮
\p
\v 14 ᐊᑲᐎᔾ ᒋᑭ ‍ ᐱᓯᒂᑎᓯᓐ᙮
\p
\v 15 ᐊᑲᐎᔾ ᒋᑭ ‍ ᑭᒐᒧᑎᓐ᙮
\p
\v 16 ᐊᑲᐎᔾ ᒋᑭ ‍ ᑭᒋᔭᐛᑕᒋᒪᐤ ᒋᒡ ᐃᔪᐤ᙮
\p
\v 17 ᐊᑲᐎᔾ ᒋᑭ ‍ ᒧᔅᑕᓂᒧᐛᐤ ᒋᒡ ᐃᔪᐤ ᐎᒡ, ᐊᑲᐎᔾ ᒋᑭ ‍ ᒧᔅᑕᓂᒧᐛᐤ ᒋᒡ ᐃᔪᐤ ᐎᐛ, ᐊᑲᐎᔾ ᑭᔭ ᐅᑦ ᐊᑐᔅᒐᔭᑭᓂᒪ, ᑭᔭ ᐅᑦ ᐊᑐᔅᒐᔭᑭᓂᔎᒪ, ᑭᔭ ᐅᓇᐸᒥᔅᑐᓯᒪ ᑭᔭ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᑭᔭ ᒥᒄ ᒐᒂᔪᐤ ᑕᐱᔨᐛᐅᓯᑦ᙮”
\p
\v 18 ᐃᔅᐱ ᐱᔭᑐᐛᒡ ᐃᔪᒡ ᓂᒥᔅᒍᐛ ᑭᔭ ᐱᔭᑕᒡ ᐊ ‍ ᒋᔄᐛᒥᑭᓂᔨᒡ ᐳᑕᒋᑭᓂᔪᐤ ᑭᔭ ᐎᔭᐸᑕᒡ ᐊᐱᒋᑐᐛᔨᒡ ᐱᔅᑯᑎᓇᔪᐤ, ᒋ ‍ ᓇᓇᒥᐱᐅᒡ ᐊ ‍ ᑯᔅᑕᒋᒡ ᑭᔭ ᐛᔪᐤ ᒋ ‍ ᓂᐳᐅᐎᒡ᙮
\v 19 ᐊᑯ ᐃᔪᒡ ᐃᑕᐅᒡ ᒧᓱᓴ, “ᒋᔾ ᐃᔨᒥᐃᓇᓐ ᑭᔭ ᓂᑭ ‍ ᓂᑐᑕᓇᓐ; ᒥᒄ ᐊᑲ ᓇᐃᒻ ᒐᒋ ᐃᔨᒥᔨᒥᑦ ᒋᓴᒪᓂᑐᐤ, ᓂᑭ ‍ ᓂᐳᐛᓇᓐ ᐃᔨᒥᔨᒥᒐ᙮”
\p
\v 20 ᐊᑯ ᒧᓱᔅ ᐊᑕᑦ ᐃᔪᐛ, “ᐊᑲ ᑯᔅᑕᒋᒄ, ᐛᔅ ᒋᓴᒪᓂᑐᐤ ᔅᒋ ᐸᒋ ‍ ᓂᑐᐛᐱᒥᑯᐛᐤ ᒐᒋ ᑯᒂᒋᐃᑕᒄ ᑭᔭ ᐃᑐᑕᑕᒄ ᒐᒋ ᓇᓂᑎᒻ ᓂᓇᐃᑐᐛᒄ, ᐊᑯ ᒪᒃ ᒐ ᐊᑲ ‍ ᒥᒋᑐᑎᒪᒄ᙮”
\p
\v 21 ᐊᑯ ᐃᔪᒡ ᐛᔪᐃᔅ ᒋ ‍ ᓂᐳᐅᐎᒡ ᐊᓐᑕ ᐊ ‍ ᑕᔨᒋ ᒋᓴᒪᓂᑐᐛ, ᒪᒂᒡ ᒧᓱᔅ ᐊᑐᑕᑦ ᒥᒋᒪ ᐊ ‍ ᑕᔨᒋ ᒋᓴᒪᓂᑐᐛ᙮
\s1 ᒥᓂᑐᐧᑲᓐᒡ ᑭᔭ ᐱᔅᑎᓂᒐᐅᓇᐱᔎ᙮
\p
\v 22 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ ᒐᒋ ᐃᑕᔨᒋ ᐃᔅᕋᐃᓪ ᐃᔪᐛ: ᒋᔨᐛᐤ ᓇᔅᒡ ᒋ ‍ ᐛᐸᑕᓇᐛᐤ ᒋᔅᒋᓯᑯᐛᒡ, ᑲ ‍ ᐃᔨᒥᑎᑯᒡ ᒋᒋᒋᓯᑯᒡ ᐅᒡ᙮
\v 23 ᒐ ᐊᑲ ‍ ᐅᓯᐊᑯᒡ ᒥᓂᑐᐧᑲᓐᒡ ᐊ ‍ ᓱᓇᔭᐱᔅᑯᐅᒡ ᑭᔭ ᒪᒃ ᐊ ‍ ᐎᓴᐅᓱᓇᐱᔅᑯᐅᒡ ᒐᒋ ᐊᔭᒥᐊᔅᑐᐛᑯᒡ ᒥᔅᑯᒡ ᓂᔾ᙮
\p
\v 24 ᒐ ‍ ᐛᓯᑕᔭᒄ ᐱᔅᑎᓂᒐᐅᓇᐱᔅᒄ ᐊᔅᒋᒡ ᐅᒡ ᑭᔭ ᒐ ‍ ᐱᔅᑎᓇᑯᒡ ᐊᓐᑕ ᒪᔭᑕᓂᓯᒡ, ᑲ ‍ ᐅᑦ ᐊᔅᑭᓂᓯᒡ ᑭᔭ ᒥᔅᑐᓯᒡ ᒥᑐᔅᑕᐊᒪᒐᐅᓇ ᒥᓯᐛ ᒐᒋ ᐃᔎᓱᒡ ᑭᔭ ᒧᔭᒻ ᒋᔭᒪᔨᑎᒧᐅ ᐱᔅᑎᓂᒐᐅᓇ᙮ ᑕᓐᑕ ᒥᒄ ᒐ ‍ ᐎᔭᔨᑎᒪᓐ ᒐᒋ ᐊᔭᒥᐊᔅᑕᑯᐅᔭᓐ, ᓂᑭ ‍ ᑎᑯᓯᓐ ᒐᒋ ᓱᐛᑕᑯᐎᑎᑯᒡ᙮
\v 25 ᒐᒄ ᐛᓯᑕᔭᒂ ᐱᔅᑎᓂᒐᐅᓇᐱᔅᒄ ᐊᓯᓂᔭ ᐅᒡ, ᒐ ᐊᑲ ‍ ᒪᑎᓯᒪᒄ ᐊᓯᓂᔭ ᒐᒋ ‍ ᒥᔪᓇᑯᑕᔭᒄ ᐛᔅ ᓇᒪ ᒋᑭ ‍ ᒥᔽᐤ ᒐᒋ ᐸᔭᒋ-ᐊᐱᒋᑕᑭᓄᐅᒡ᙮\fig Early stone altar|Exo20-25-HK00251B.TIF|col||Horace Knowles © The British & Foreign Bible Society|ᒐᒄ ᐛᓯᑕᔭᒂ ᐱᔅᑎᓂᒐᐅᓇᐱᔅᒄ ᐊᓯᓂᔭ ᐅᒡ, ᒐ ᐊᑲ ‍ ᒪᑎᓯᒪᒄ ᐊᓯᓂᔭ ᒐᒋ ‍ ᒥᔪᓇᑯᑕᔭᒄ ᐛᔅ ᓇᒪ ᒋᑭ ‍ ᒥᔽᐤ ᒐᒋ ᐸᔭᒋ-ᐊᐱᒋᑕᑭᓄᐅᒡ|20.25\fig*
\v 26 ᒐ ᐊᑲ ‍ ᐃᓯᓇᑯᑕᔭᒄ ᒐᒋ ᑕᑕᐧᑯᔅᑲᓇᓄᐅᒡ, ᐃᑐᑎᒪᒂ ᐅ ᒋᑭ ‍ ᓄᑯᓯᓇᐛᐤ ᐊ ‍ ᒧᓴᓯᔭᒄ ᐃᔅᐱ ᓴᑭᒋᐛᔭᒂ᙮
\c 21
\p
\v 1 ᑎᐸᔨᒋᒐᓱᐤ ᒂ ‍ ᒥᔭᑦ ᒧᓱᓴ ᐅᔭ ᐎᓱᐛᐅᓇ ᒐᒋ ᓇᓴᒥᔨᒋ ᐃᔅᕋᐃᓪ ᐃᔪᐛ᙮
\s1 ᐃᑉᕈᐤ ᐊᐱᒋᐊᑭᓐᒡ
\p
\v 2 ᐃᔭᐛᒐ ᐊᐛᓐ ᐃᑉᕈᐤ ᐊᐱᒋᐊᑭᓇ, ᒋᑭ ᐎ ‍ ᐊᑐᔅᑲᑯᐤ ᐃᔅᐱᔅ ᐊᓱᑕᒡ ᑕᑐᐤ ᐱᐳᓇ, ᒥᒄ ᓂᔄᐅᑕᒡ ᐱᐳᓂᔪᐤ ᒋᑭ ᐎ ‍ ᐱᔅᑎᓇᐤ ᐊᑲ ᒋᓯᐧᑲᑯᑦ᙮
\v 3 ᐊᑯ ᐸᐃᑯᓯᒐ ᓇᐸᐤ ᑲ ‍ ᐊᔭᐛᑭᓄᐅᑦ, ᐊ ‍ ᐸᐃᑯᓯᑦ ᒋᑭ ᐎ ‍ ᐱᔅᑎᓇᑭᓄᐤ᙮ ᒥᒄ ᑲ ‍ ᓂᐳᐅᒂ ᒪᒂᒡ ᑲ ‍ ᐃᔭᐛᑭᓄᐅᑦ, ᐎᔾ ᑭᔭ ᐎᐛ ᒋᑭ ᐎ ‍ ᐱᔅᑎᓇᑭᓄᐎᒡ᙮
\v 4 ᐊᑯ ᒋᔾ ᒥᔨᑕ ᐃᔎᐛ ᒐ ‍ ᐎᐅᑦ, ᑭᔭ ᐅᑦ ᐊᐛᓯᒥᑕᐛ, ᒥᒄ ᐊᓐ ᓇᐸᐤ ᒋᑭ ᐎ ‍ ᒥᔭᑭᓄᐤ ᒐᒋ ᒋᔅᑐᑕᑦ; ᐎᐛ ᑭᔭ ᐅᑦ ᐊᐛᓯᒧᐛᐛ ᑎᐸᔨᒪᔪᐛ ᐊᓂᔭ ᐅᒋᒪᒪ᙮
\p
\v 5 ᒥᒄ ᐊᑲ ᐎ ‍ ᓂᑭᑕᒐ ᐎᐛ ᑭᔭ ᐅᑦ ᐊᐛᓯᒪ, ᒋᑭ ᐎ ‍ ᐃᔅᒋᔄᐤ, “ᓂᓴᒋᐊᐤ ᓄᒋᒪᒻ, ᓂᐅ, ᑭᔭ ᓂᑦ ᐊᐛᓯᒥᒡ᙮ ᓇᒪ ᓂ ᐎ ‍ ᐱᔅᑎᓂᑯᓯᓐ᙮”
\v 6 ᒋᑭ ᐎ ‍ ᓂᐳᐤ ᐊᓐᑕ ᔅᑐᐧᑭᓇ ᐊ ‍ ᑕᔨᒋ ᑭᔭ ᒪᒃ ᐅᐱᒪ ᔅᑐᐧᑭᓂᒡ ᐊᓐᑕ ᐊᔭᒥᐊᐅᐱᒍᐎᔭᓂᒋᐛᐱᒡ ᒪᒂᒡ ᐅᒋᒪᒪ ᐊ ‍ ᐱᑯᓇᒥᔨᒋ ᐊᓂᔭ ᐸᐃᒄ ᐎᑐᑭᔾ᙮ ᐊᑯ ᒐ ‍ ᑎᐸᔨᒥᑯᑦ ᐅᒋᒪᒪ ᒐ ᐃᔅᐱᔅ ‍ ᐱᒪᑎᓯᑦ᙮
\p
\v 7 ᓇᐸᐤ ᐊᑕᐛᒐᑦ ᐅᑕᓂᓴ ᒧᔭᒻ ᐊᐱᒋᐊᑭᓇ, ᓇᒪ ᒋᑭ ᒋ ‍ ᐱᔅᑎᓇᑭᓄᐤ ᐃᔎᐤ ᒧᔭᒻ ᐊ ᐃᓯ ‍ ᐱᔅᑎᓇᑭᓄᐎᒋ ᓇᐸᐤ ᐊᐱᒋᐊᑭᓇ᙮
\v 8 ᐊᑯ ᐊᑲ ᓇᐊᔨᑎᒪᐊᒐ ᐅᒋᒪᒪ ᐊᓂᔭ ᑲ ‍ ᐃᔭᐅᑯᑦ ᒐᒋ ᐎᒋᒥᑯᑦ᙮ ᐊᑯ ᑲᐤ ᒐ ‍ ᑕᒪᑦ ᐅᑕᐎᒪᐛ, ᓇᒪ ᒋᑭ ᒋ ‍ ᑕᒪᐤ ᒪᓐᑕᐛ ᐊᓂᔭ ᐃᔎᓴ; ᐛᔅ ᐅᔭ ᐃᔨᑎᑦ ᐅᒋᒪᐤ ᒋᐸ ‍ ᐱᑯᓂᒻ ᓂᔅᑯᒧᐅᓂᔪᐤ ᑲ ‍ ᑐᑕᒡ ᐎᔾ ᑭᔭ ᐅᑕᐎᒪᐛ᙮
\v 9 ᐅᑎᓇᒐ ᐊᓂᔭ ᐃᔎᓴ ᒐᒋ ᓂᐳᐅᐎᒋ ᐅᑯᓴ, ᒧᔭᒻ ᑎᐱᔨᐛ ᐅᑕᓂᓴ ᒋᑭ ᐎ ᐃᓯ ‍ ᐅᑎᓇᐤ᙮
\v 10 ᐊᑯ ᐊᓐ ᓇᐸᐤ ᓂᐳᐅᒐ ᑯᑎᑲ ᐃᔎᐛ, ᐊᔅᒄ ᐃᔭᐱᒡ ᒋᑭ ᐎ ‍ ᐱᑲᔅᒐᐊᐤ ᐊᓂᔭ ᐃᔎᐛ ᑲ ‍ ᐃᔭᐛᑦ ᑭᔭ ᐊᔅᒃ ᒧᔭᒻ ᐎᐛ ᒋᑭ ᐎ ‍ ᐃᑐᑐᐛᐤ ᐊᓂᔭ ᐅᔅᑭᒡ ᑲ ‍ ᓂᐳᐅᑦ᙮
\v 11 ᐊᑯ ᐊᑲ ᑐᑕᒐ ᐅᔭ ᒐᒂᔪᐛ, ᒋᑭ ᐎ ‍ ᐱᔅᑎᓇᐤ ᐃᔎᐛ ᐊᑲ ᒋᓯᐧᑯᐛᑭᓄᐅᑦ᙮
\s1 ᐊᐛᓐ ᐊ ‍ ᐅᓯᑯᔨᐛᑦ
\p
\v 12 ᐊᐛᓐ ‍ ᐅᑕᒪᐛᒐ ᑯᑎᒂ ᓇᐸᐛ ᑭᔭ ‍ ᓂᐸᐊᒐ, ᑭᔭ ᐎᔾ ᒋᑭ ᐎ ‍ ᓂᐸᐊᑭᓄᐤ᙮
\v 13 ᒥᒄ ᐊᐛᓐ ᐊᑲ ᐅᔅᑦ ᐃᑐᑐᐛᑦ ᐊ ‍ ᓂᐸᐊᑦ ᑯᑎᑲ ᓇᐸᐛ, ᒋᑭ ᒋ ‍ ᒋᑎᓯᒧᐤ ᐊᓐᑕ ᐃᑕᐅᓂᒡ ᐃᔅ, ᓂᔾ ᑎᐸᔨᒋᒐᓱᐤ, ᒐ ‍ ᐎᔭᔨᑎᒪᑕᓐ᙮
\v 14 ᒥᒄ ᐃᑕᔨᑕᒐ ᐊᐛᓐ ᒐᒋ ᓂᐸᐊᑦ ᐊᐛᔪᐛ ᑭᔭ ᓂᐸᐊᒐ ᒪᒃ, ᒋᑭ ᐎ ‍ ᓂᐸᐊᑭᓄᐤ᙮
\p
\v 15 ᒋᑭ ᐎ ‍ ᓂᐸᐊᑭᓄᐤ ᐃᔭᐱᒡ ᐊᐛᓐ ᐅᑕᒪᐛᒐ ᐅᑕᐎᔭ ᑭᔭ ᒪᒃ ᐅᑲᐎᔭ᙮
\p
\v 16 ᐊᐛᓐ ᐊ ‍ ᒋᒧᑎᑦ ᑯᑎᑲ ᐊᐛᔪᐛ ᐊ ᐎ ‍ ᑕᐛᒐᑦ ᑭᔭ ᒪᒃ ᒐᒋ ᑭᓄᐛᔨᒪᑦ ᒧᔭᒻ ᐊᐱᒋᐊᑭᓇ, ᒋᑭ ᐎ ‍ ᓂᐸᐊᑭᓄᐤ᙮
\p
\v 17 ᐊᐛᓐ ᑲ ‍ ᒪᔭᔨᒪᑦ ᐅᑕᐎᔭ ᑭᔭ ᒪᒃ ᐅᑲᐎᔭ ᒋᑭ ᐎ ‍ ᓂᐸᐊᑭᓄᐤ᙮
\p
\v 18 ᒪᓯᐧᑲᑐᑥᐛ ᓂᓱ ᐊᐛᓐᒋ, ᐊᑯ ᐸᐃᒄ ᐅᑕᒪᐛᒐ ᐊᓯᓂᔪᐤ ᑭᔭ ᒪᒃ ᐅᑎᒋ ᑭᔭ ᐊᑲ ‍ ᓂᐱᔨᒐᓂ ᐊᓂᔭ ᐊᐛᔪᐛ ᑲ ‍ ᐅᑕᒪᐛᑦ ᒥᒄ ᐅᓂᐸᐅᓂᔨᒡ ᑕᔨᒐᓂ᙮
\v 19 ᑭᔭ ᓇᓇᒐ ᒋ ‍ ᐱᒧᑕᔨᒐᓂ ᓯᔅᑲᐅᓂᔪᐤ ᐊᐱᒋᑕᔨᒋ, ᐊᑯ ᐊᓐ ᓇᐸᐤ ᑲ ‍ ᐅᑕᒪᐃᒐᑦ ᓇᒪ ᒋᑭ ‍ ᐊᓏᔨᒪᑭᓄᐤ᙮ ᒥᒄ ᒋᑭ ᐎ ‍ ᒋᓯᐧᑯᐛᐤ ᐊᓂᔭ ᓇᐸᐛ ᑲ ‍ ᐅᑕᒪᐛᑦ ᑲ ‍ ᐅᓂᑕᔨᒋ ᓱᓇᔭᔪᐤ ᐊᑲ ᐅᒋ ‍ ᐅᓯᑎᒪᓱᐎᒋ ᑭᔭ ᒋᑭ ᐎ ‍ ᒋᓯᐧᑲᓱᐛᐤ ᐊ ᐃᓯ ‍ ᓂᑐᐧᑲᑭᓄᐎᒋ ᐸᑐᔅ ᒥᔪᐱᒪᑎᓯᔨᒐᓂ᙮
\p
\v 20 ᐊᑯ ᐅᑕᒪᐛᒐ ᒥᔅᑎᑯᔪᐤ ᐊᐛᓐ ᐅᑦ ᐊᐱᒋᐊᑭᓇ ᑭᔭ ᒪᒃ ᐅᑦ ᐊᐱᒋᐊᑭᓂᔎᒪ, ᐳᓂᐱᒪᑎᓯᐅᐎᒐᓂ ᐊᓂᔭ ᑲ ‍ ᐅᑕᒪᐛᑦ ᒋᑭ ‍ ᐊᓏᔨᒪᑭᓄᐤ᙮
\v 21 ᒥᒄ ᐊᔅᒄ ᐃᔪᐎᒐᓂ ᐸᐃᑯᒋᓯᑲᐛ ᑭᔭ ᒪᒃ ᓂᓱᒋᓯᑲᐛ ᐃᔅᐱᔅ ᑭᔭ ᒐᒃ ᓂᐱᔨᒐᓂ, ᓇᒪ ᒋᑭ ‍ ᐊᓏᔨᒪᑭᓄᐤ ᐊᓐ ᐅᒋᒪᐤ, ᐛᔅ ᓴᔅ ᐊᓂᔭ ᐅᓇᐊᐤ ᑲ ‍ ᑎᐸᔨᒪᑦ᙮
\p
\v 22 ᒪᓯᐧᑲᑐᑥᐛ ᓂᓱ ᐊᐛᓐᒋ ᑭᔭ ᐅᓯᒂᑥᐛ ᐊ ‍ ᐊᓱᐛᐱᒪᐅᓯᔪᐎᒋ ᐃᔎᐛ, ᐅᓂᑥᓱᐎᒐᓂ ᑭᔭ ᒥᒄ ᐊᑲ ᓇᔅᒡ ᐅᓯᒂᑭᓄᒐ ᐊᓐ ᐃᔎᐤ᙮ ᐊᓐ ᐊᐛᓐ ᑲ ‍ ᐅᓯᒂᐊᑦ ᒋᑭ ᐎ ‍ ᒋᓯᐧᑯᐛᐅᐤ ᐊᓂᔭ ᐅᓇᐸᒥᔪᐛ ᒥᒄ ᐊᓯ ‍ ᓂᑐᐛᑎᒪᑯᑦ, ᑭᔭ ᒋᑭ ᐎ ‍ ᑕᑈᑎᒥᔪᐛ ᑎᐸᔅᑭᓂᒐᓱᐛ᙮
\v 23 ᒥᒄ ᓇᔅᒡ ᒥᔅᑎ ‍ ᐅᓯᒂᑭᓄᐅᒐ ᐊᓐ ᐃᔎᐤ, ᑕᐱᔅᑯᓐ ᒋᑭ ᐃᓯ ‍ ᐎᔭᔅᑐᑐᐛᑭᓄᐤ ᐊᓐ ᑲ ‍ ᐅᓯᒂᐊᑦ᙮ ᓂᐱᔨᒐᓂ ᑭᔭ ᐎᔾ ᒋᑭ ‍ ᓂᐸᐊᑭᓄᐤ᙮
\v 24 ᐅᓯᒂᐊᒐ ᐅᔅᒋᓱᑯᐎᒡ ᑭᔭ ᒪᒃ ᐎᐱᑎᔨᒡ ᑭᔭ ᒪᒃ ᐅᓯᑎᔨᒡ᙮ ᐸᐃᑯᑕᐤ ᑭᔭ ᐎᔾ ᒋᑭ ᐃᓯ ‍ ᐅᓯᒂᐊᑭᓄᐤ᙮
\v 25 ᐃᔎᓱᐎᒐᓂ ᑭᔭ ᐎᔾ ᒋᑭ ‍ ᐃᔎᓱᐛᑭᓄᐤ, ᐅᑐᒋᓯᓂᒐᓂ ᑭᔭ ᐎᔾ ᒋᑭ ‍ ᐅᑐᑲᐛᑭᓄᐤ᙮
\p
\v 26 ᐅᑕᒪᐛᒐ ᐊᐛᓐ ᐅᑦ ᐊᐱᒋᐊᑭᓇ ᑭᔭ ᒪᒃ ᐅᑦ ᐊᐱᒋᐊᑭᓂᔎᒪ ᐅᔅᒋᓯᑯᐎᒡ ᑭᔭ ᐅᓂᑕᔨᒐᓂ ᐅᔅᒋᓯᑯᔪᐤ, ᒋᑭ ᐎ ‍ ᐱᔅᑎᓇᐤ ᐊᓂᔭ ᐅᑦ ᐊᐱᒋᐊᑭᓇ ᑭᔭ ᒪᒃ ᐅᑦ ᐊᐱᒋᐊᑭᓂᔎᒪ ᐊᒋ ‍ ᐅᓂᑕᔨᒋ ᐅᔅᒋᓯᑯᔪᐤ᙮
\v 27 ᐃᔭᐱᒡ ᐎᐱᑎᔪᐤ ᐅᓂᑕᔨᒐᓂ ᐅᑦ ᐊᐱᒋᐊᑭᓇ ᐊᓂᔭ ᑲ ‍ ᐅᑕᒪᐛᑦ ᒋᑭ ᐎ ‍ ᐱᔅᑎᓇᐤ ᐊᓂᔭ ᐊᐱᒋᐊᑭᓇ᙮
\p
\v 28 ᐊᑯ ᓇᐸᒥᔅᑐᔅ ᐅᓯᑯᐊᒐ ᓇᐸᐛ ᑭᔭ ᒪᒃ ᐃᔎᐛ ᑭᔭ ᓂᐱᔨᒐᓂ, ᒋᑭ ᐎ ‍ ᓂᐸᐊᑭᓄᐤ ᐊ ‍ ᐸᐱᐳᒧᓯᓇᑕᐊᑭᓄᐊᑦ ᐊᓯᓂᔭ ᑭᔭ ᓇᒪ ᒋᑭ ᐎ ‍ ᒧᐛᑭᓄᐤ᙮ ᒥᒄ ᓇᒪ ᒋᑭ ᐎ ‍ ᐊᓏᔨᒪᑭᓄᐤ ᐊᓐ ᑕᐸᔨᒪᑦ᙮
\v 29 ᒥᒄ ᒥᒐᑥᐤ ᒋ ‍ ᐅᓯᒂᒐ ᐊᐛᔪᐛ ᐊᓐ ᓇᐸ ᒥᔅᑐᔅ ᑭᔭ ᐊᒋ ‍ ᐃᔭᒂᒪᑭᓄᐎᒋ ᑕᐸᔨᒥᑯᑦ, ᒥᒄ ᐊᓐ ᑕᐸᔨᒪᑦ ᐊᑲ ‍ ᐅᒋ ᒋᐸᐛᑦ ᐊᓐᑕ ᒪᓂᔅᑲᑎᑯᒡ ᐊᑯ ᓂᐸᐊᒐ ᐊᐛᔪᐛ, ᐊᑯ ᒋᑭ ᐎ ‍ ᓂᐸᐊᑭᓄᐤ ᐊᓐ ᓇᐸ ᒥᔅᑐᔅ ᐊ ‍ ᐸᐱᐳᒧᓯᓇᑕᐛᑭᓄᐅᑦ ᐊᓯᓂᔭ ᑭᔭ ᐊᓐ ᐃᔭᐱᒡ ᑕᐸᔨᒪᑦ ᒋᑭ ᐎ ‍ ᓂᐸᐊᑭᓄᐤ᙮
\v 30 ᒥᒄ ᑕᑈᑐᐛᑭᓄᒐ ᒐᒋ ᒋᓯᐧᑲᓱᑦ ᒐ ᐊᑲ ‍ ᓂᐸᐊᑭᓄᐅᑦ, ᒥᓯᐛ ᐊᓂᔭ ᐊ ᐃᓯ ‍ ᓂᑐᐛᑎᒧᐛᑭᓄᐅᑦ ᒋᑭ ᐎ ‍ ᒋᓯᐧᑲᓱᐤ᙮
\v 31 ᐃᔭᐱᒡ ᐸᐃᑯᑕᐤ ᐅ ᐃᑎᓱᐛᐅᓐ ᒋᑭ ‍ ᐱᒥᐱᔪᐤ ᓂᐸᐃᑯᒐ ᓇᐸᔅ ᑭᔭ ᒪᒃ ᐃᔎᔅ ᓇᐸᒥᔅᑐᓴ᙮
\v 32 ᐊᑯ ᐊᐱᒋᐊᑭᓐ ᑭᔭ ᒪᒃ ᐊᐱᒋᐊᑭᓂᔎᐤ ᓂᐸᐃᑯᒐ ᐊᓂᔭ ᓇᐸ ᒥᔅᑐᓴ, ᐊᓐ ᑕᐸᔨᒪᑦ ᓇᐸ ᒥᔅᑐᓴ, ᒋᑭ ᐎ ‍ ᒋᓯᐧᑯᐛᐤ ᐊᓂᔭ ᑕᐸᔨᒪᔨᒋ ᐊᐱᒋᐊᑭᓇ ᑭᔭ ᒪᒃ ᐊᐱᒋᐊᑭᓂᔎᐛ ᓂᔅᑐᐎᔪᐤ ᓱᓇᔭᐱᔎ ᑭᔭ ᒋᑭ ᐎ ‍ ᓂᐸᐊᑭᓄᐤ ᓇᐸ ᒥᔅᑐᔅ ᐊ ‍ ᐸᐱᐳᒧᓯᓇᑕᐛᑭᓄᐅᑦ ᐊᓯᓂᔭ᙮
\p
\v 33 ᑭᓄᐛᔨᑕᒐ ᐊᐛᓐ ᒧᓇᐃᐸᓂᔪᐤ ᑭᔭ ᐊᑲ ᐅᒋ ‍ ᒋᐸᐊᐧᒃ, ᑭᔭ ᐱᑎᓱᐛᐱᐃᒐᓂ ᓇᐸ ᒥᔅᑐᓴ ᑭᔭ ᒪᒃ ᑲᓂᐧᑲᑎᓯᔨᒋ ᑲᐸᐃᑭᔎᐛ ᑭᔭ ‍ ᓂᐱᔨᒐᓂ᙮
\v 34 ᐊᓐ ᐊᐛᓐ ᑕᐸᔨᑕᐧᒃ ᐊᓂᔭ ᒧᓇᐃᐸᓂᔪᐤ ᒋᑭ ᐎ ‍ ᒋᓯᐧᑯᐛᐤ ᐊᓂᔭ ᑕᐸᔨᒪᔨᒋ ᒥᔅᑐᓴ ᑭᔭ ᒪᒃ ᐊᓂᔭ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮ ᒥᒄ ᒋᑭ ‍ ᑎᐸᔨᒪᐤ ᐊᓂᔭ ᑲ ‍ ᓂᐱᔨᒋ ᐊᐛᓯᓴ᙮
\p
\v 35 ᐊᑯ ᐊᐛᓐ ᐅᓇᐸᒥᔅᑐᓯᒪ ᓂᐸᐃᒐᓂ ᑯᑎᑲ ᐊᐛᔪᐛ ᐅᓇᐸᒥᔅᑐᓯᒥᔪᐛ, ᐊᓐᒡ ᑕᐸᔨᒪᒡ ᐊᓂᔭ ᓇᐸ ᒥᔅᑐᓴ ᒋᑭ ᐎ ‍ ᑕᐛᒐᐅᒡ ᐊᓂᔭ ᓇᐸᒥᔅᑐᓴ ᐊᔅᒄ ᐊᐃᔪᐎᒋ ᐊᑯ ᒐ ‍ ᑕᑕᐅᓂᒪᑐᒡ ᐊᓂᔭ ᓱᓇᔭᔪᐤ ᑲ ‍ ᑲᔅᑎᓇᒡ ᑭᔭ ᐊᓂᔭ ᐎᔭᓯᔪᐤ ᐃᔭᐱᒡ ᒋᑭ ᐎ ‍ ᑕᑕᐅᓂᒪᑐᐅᒡ᙮
\v 36 ᒥᒄ ᒋᔅᒐᔨᒪᑥᐛ ᐃᔪᒡ ᓇᐸ ᒥᔅᑐᓴ ᒥᒐᑥᐤ ᐊᒋ ‍ ᐅᓯᑯᐛᔨᒋ ᑯᑎᑲ ᐊᐛᓯᓴ ᑭᔭ ᐊᓐ ᑕᐸᔨᒪᑦ ᐊ ᐊᑲ ᐅᒋ ‍ ᒋᐸᐛᑦ ᒪᓂᔅᑲᑎᑯᒡ᙮ ᐊᑯ ᑕᐸᔨᒪᑦ ᐊᓂᔭ ᓇᐸ ᒥᔅᑐᓴ ᒋᑭ ᐎ ‍ ᒥᔭᐤ ᐅᓇᐸᒥᔅᑐᓯᒪ ᐊᓂᔭ ᑲ ‍ ᓂᐸᐊᑭᓄᐎᒋ ᐅᓇᐸᒥᔅᑐᓯᒥᔪᐛ ᒥᒄ ᒋᑭ ᒋ ‍ ᐅᑎᓇᐤ ᐊᓂᔭ ᑲ ‍ ᓂᐱᔨᒋ ᐊᐛᓯᓴ᙮
\c 22
\s1 ᐊ ᐃᓯ ‍ ᓇᑭᑐᐛᔨᑕᑭᓄᐅᒋ ᑎᐸᐃᑎᒧᐅᓇ
\p
\v 1 ᑎᐸᔨᒋᒐᓱᐤ ᐃᔭᐱᒡ ᒋ ‍ ᐃᔅᒋᔄᐤ, “ᒋᒧᑎᒐ ᐊᐛᓐ ᓇᐸ ᒥᔅᑐᓴ ᑭᔭ ᒪᒃ ᒪᔭᑕᓂᓴ, ᑭᔭ ᒂ ‍ ᓂᐸᐊᑦ ᑭᔭ ᒪᒃ ᒂ ‍ ᑕᐛᒐᑦ᙮ ᒋᑭ ᐎ ‍ ᒋᓯᐧᑲᓱᐤ ᐱᑕᑕᒡ ᓇᐸ ᒥᔅᑐᓴ ᐊᓂᔭ ᐸᐃᒄ ᓇᐸ ᒥᔅᑐᓴ ᑲ ‍ ᒋᒧᑎᑦ ᑭᔭ ᓇᐤ ᒪᔭᑕᓂᓴ ᒋᑭ ᐎ ‍ ᒋᓯᐧᑲᓱᐤ ᐊᓂᔭ ᒪᔭᑕᓂᓴ ᑲ ‍ ᒋᒧᑎᑦ᙮
\p
\v 2 ᒐᔅᑎᐱᑕᑭᓄᒐ ᐊᐛᓐ ᐊᐱᒂᔎᐊᒺᑦ ᑯᑎᑲ ᐊᐛᔪᐛ ᐎᒋᔪᐤ ᐊ ‍ ᑎᐱᔅᑲᔨᒡ, ᑭᔭ ᐊᓐ ᐊᐛᓐ ᑲ ‍ ᒐᔅᑎᐱᑕᑦ ᑲ ‍ ᓂᑕᐅᒋᒧᑎᔨᒋ ᓂᐸᐊᒐ ᒪᒃ, ᓇᒪ ᒋᑭ ‍ ᑕᒪᔨᒪᑭᓄᐤ ᐊᓂᔭ ᑲ ‍ ᓂᐸᐊᑦ᙮
\v 3 ᒥᒄ ᐃᔅᐱᔨᒐ ᐅ ᒪᒂᒡ ᐊ ‍ ᒋᓯᑲᒡ ᒋᑭ ‍ ᑕᒪᔨᒪᑭᓄᐤ ᐊᓂᔭ ᑲ ‍ ᓂᐸᐊᑦ᙮ ᒥᒄ ᐊᑲ ᓂᐱᒐ ᐊᓐ ᑲ ‍ ᓂᑕᐅᒋᒧᑎᑦ, ᒋᑭ ᐎ ‍ ᒋᓯᐧᑲᓱᐤ ᐊᓂᔭ ᒐᒂᔪᐤ ᑲ ‍ ᒋᒧᑎᑦ᙮ ᐊᑲ ᑭᓄᐛᔨᑕᒐ ᒐᒂᔪᐤ, ᒋᑭ ᐎ ‍ ᑕᐛᒐᓄᐤ ᒧᔭᒻ ᐊᐱᒋᐊᑭᓐ ᒐᒋ ᒋᓯᐧᑲᓱᑦ ᐊᓂᔭ ᑲᒋᒧᑎᑦ᙮
\p
\v 4 ᐊᔅᒄ ᑭᓄᐛᔨᒪᒐ ᐊᓂᔭ ᒥᒄ ᐊᓯᓇᑯᓯᔨᒋ ᐊᐛᓯᓴ ᑲ ‍ ᒋᒧᑎᑦ ᐃᔅᐱ ᑲ ‍ ᒐᔅᑎᐱᑕᑭᓄᐅᑦ ᑭᔭ ᐊᔅᒄ ᐃᔪᐎᒐᓂ, ᑲᐤ ᒋᑭ ᐎ ‍ ᐱᔅᑎᓇᐤ ᐊᓂᔭ ᐊᐛᓯᓴ ᑲ ‍ ᒋᒧᑎᑦ ᐊᓯᒡ ᓂᓱ ᐊᐛᓯᓴ ᒋᑭ ᐎ ‍ ᒋᓯᐧᑲᓱᐤ ᐊᓂᔭ ᐸᐃᒄ ᑲ ‍ ᒋᒧᑎᑦ᙮
\p
\v 5 ᐊᑯ ᓇᐊᔨᒪᒐ ᐊᐛᓐ ᐅᑦ ᐊᐛᓯᓯᒪ ᒐᒋ ᒥᒋᓱᐎᔨᒋ ᐊᓐᑕ ᐅᓂᑕᐅᒋᒋᑭᓂᒡ, ᑭᔭ ᒂ ‍ ᔅᑐᑕᔨᒋ ᑭᔭ ᒂ ‍ ᒥᒋᔨᒋ ᑯᑎᑲ ᐊᐛᔪᐛ ᑲ ‍ ᓂᑕᐅᒋᑕᔨᒋ ᒥᒋᒥᔪᐤ ᐊᓐᑕ ᐅᓂᑕᐅᒋᒋᑭᓂᔨᒡ, ᐊᐛᓐ ᐊ ‍ ᑕᐸᔨᒪᑦ ᐊᓂᔭ ᐊᐛᓯᓴ ᒋᑭ ᐎ ‍ ᒋᓯᐧᑯᐛᐤ ᐊᓂᔭ ᑯᑎᑲ ᑲ ‍ ᑎᐸᔨᑎᒥᔨᒋ ᓂᑕᐅᒋᒋᑭᓂᔪᐤ, ᒋᑭ ᐎ ‍ ᒥᔭᐤ ᐊᓂᔭ ᐛᒋ ‍ ᒥᔽᔨᒋ ᓂᑕᐅᒋᑕᑭᓇ ᐅᓂᑕᐅᒋᒋᑭᓂᒡ ᐅᒡ᙮
\p
\v 6 ᐃᔅᐱ ᑯᑐᐛᒐ ᐊᐛᓐ ᐊᓐᑕ ᐅᓂᑕᐅᒋᒋᑭᓂᒡ ᑭᔭ ᒂ ‍ ᐃᔅᐱᔨᒡ ᐊᓂᔭ ᐃᔅᑯᑕᔪᐤ ᐊᓐᑕ ᑯᑎᑲ ᐊᐛᔪᐛ ᐅᓂᑕᐅᒋᒋᑭᓂᔨᒡ ᑭᔭ ᒂ ‍ ᐃᔎᑕᔨᒡ ᐊᓂᔭ ᐅᒥᒋᒥᔪᐤ ᑲ ‍ ᓂᑕᐅᒋᑕᔨᒋ, ᐊᑯ ᐊᓐ ᐊᐛᓐ ᑲ ‍ ᒋᒋᐱᔨᑕᑦ ᐊᓂᔭ ᐃᔅᑯᑕᔪᐤ ᒋᑭ ᐎ ‍ ᒋᓯᐧᑲᓱᐤ ᐊᓂᔭ ᑲ ᐃᔅᐱᔅ ‍ ᐅᓂᑕᔨᒋ ᑕᐸᔨᑎᒥᔨᒋ ᐊᓂᔭ ᓂᑕᐅᒋᒋᑭᓂᔪᐤ᙮
\p
\v 7 ᓇᐸᐤ ᑯᒂᒋᒪᒐ ᑯᑎᑲ ᐊᐛᔪᐛ ᒐᒋ ᐛᐃᐱᔅᒋᔅ ᑭᓄᐛᔨᑎᒥᔨᒋ ᐅᓱᓇᔭᓂᒻ ᑭᔭ ᒪᒃ ᐊ ‍ ᓱᓇᔭᐎᒋ ᒐᒂᔪᐛ᙮ ᐊᑯ ᒋᒧᑎᓇᓄᐎᔨᒐᓂ ᐊᓂᔭ ᒐᒂᔪᐛ ᐊᓐᑕ ᑲ ‍ ᑭᓄᐛᔨᑕᑭᓄᐎᒡ, ᐊᑯ ᒐᔅᑎᐱᑕᑭᓄᒐ ᐊᓐ ᐊᐛᓐ ᑲ ‍ ᑭᒐᒧᑎᑦ, ᐛᒧᒡ ᓂᔄᐤ ᐃᔅᐱᔅ ᒋᑭ ᐎ ‍ ᒋᓯᐧᑲᓱᐤ ᐊᓂᔭ ᑲ ‍ ᒋᒧᑎᑦ᙮
\v 8 ᐊᑯ ᐊᑲ ᒐᔅᑎᐱᑕᑭᓄᒐ ᐊᓐ ᐊᐛᓐ ᑲ ‍ ᑭᒐᒧᑎᑦ, ᒋᑭ ᐎ ‍ ᓂᑐᐛᐱᒪᐤ ᑎᐸᔅᑭᓂᒐᓱᐛ ᐊᓐ ᑲ ‍ ᑭᓄᐛᔨᑎᔭᑭᓄᐅᑦ, ᐊᑯ ᒐ ᐎ ‍ ᒋᔅᒐᔨᑎᒥᔨᒋ ᐊᓂᔭ ᑎᐸᔅᑭᓂᒐᓱᐛ ᐎᔾ ᐊᓂᔭ ᐊᑲ ‍ ᐅᒋ ᐅᑎᓂᒧᒂ ᐊᓂᔭ ᒐᒂᔪᐛ ᑲ ‍ ᑭᓄᐛᔨᑎᔭᑭᓄᐅᑦ᙮
\v 9 ᐊᑯ ᒥᒋᐱᔨᑐᑥᐛ ᓂᓱ ᐊᐛᓐᒋ, ᒋᐧᑲᒥᑐᑥᐛ ᐊᐛᓐ ᐊᓂᔭ ᑕᐸᔨᑕᐧᒃ ᒐᒂᔪᐛ ᑲᒋ ‍ ᐅᓂᑕᑭᓄᐎᒋ, ᒋᑭ ᐎ ‍ ᐅᑎᔅᑯᑲᐳᔅᑐᐛᐅᒡ ‍ ᑎᐸᔅᑯᐅᓂᒐᓱᐛ, ᐊᑯ ᐊᓐ ᐊᐛᓐ ᐊ ‍ ᐃᔨᑎᑯᑦ ᑎᐸᔅᑯᓂᒐᓱᐛ ᐊ ‍ ᑭᑭᒋᔭᑦ, ᓂᔄᐤ ᐃᔅᐱᔅ ᒋᑭ ᐎ ‍ ᒋᓯᐧᑯᐛᐤ ᐊᓂᔭ ᑯᑎᒂ ᐊᐛᔪᐛ᙮
\p
\v 10 ᐊᑯ ᑭᓄᐛᔨᑎᔭᒐ ᐊᐛᓐ ᑯᑎᒂ ᐊᐛᔪᐛ ᐅᑦ ᐊᐛᓯᓯᒪ ᑭᔭ ᒂ ‍ ᓂᐱᔨᒋ ᑭᔭ ᒪᒃ ᐊᐧᑯᓯᔪᐛ ᑭᔭ ᒪᒃ ᑲ ‍ ᒋᒧᑎᓇᓄᐎᒋ ᐊᑲ ᐅᒋ ᐛᐱᒪᔨᒋ ᐊᐛᔪᐛ᙮
\v 11 ᐊᑯ ᐊᓐ ᑲ ‍ ᑭᓄᐛᔨᑎᐊᑭᓄᐅᑦ ᐊᓂᔭ ᐊᐛᓯᓴ ᐛᒧᒡ ᒋᑭ ᐎ ‍ ᐎᑎᒻ ᐊᑲ ᐅᒋ ᒋᒧᑎᑦ ᐊᓂᔭ ᐊᐛᓯᓴ ᐅᑎᔅᑯᐤ ᑎᐸᔨᒋᒐᓱᐛ᙮ ᒋᑭ ᐎ ‍ ᑕᑈᑎᒻ ᐊᓐ ᑲ ‍ ᑎᐸᔨᒪᑦ ᐊᓂᔭ ᐊᐛᓯᓴ, ᑭᔭ ᓇᒪ ᒋᑭ ᒋ ‍ ᒋᓯᐧᑲᑯᐤ ᐊᓂᔭ ᑲ ‍ ᑭᓄᐛᔨᑎᔭᑦ ᐊᐛᓯᓴ᙮
\v 12 ᒥᒄ ᑲ ‍ ᒋᒧᑎᓇᓄᐎᒂᓂ ᐊᓂᔭ ᐊᐛᓯᓴ ᑲ ‍ ᑭᓄᐛᔨᑎᔭᑭᓄᐅᑦ, ᒋᑭ ᐎ ‍ ᒋᓯᐧᑯᐛᐤ ᐊᓂᔭ ᑕᐸᔨᒪᔨᒋ ᐊᐛᓯᓴ᙮
\v 13 ᑲ ‍ ᓂᐸᐃᑯᐎᒂᓂ ᑲ ‍ ᑯᔅᑕᑎᑯᓯᔨᒋ ᐊᐛᓯᓴ, ᒋᑭ ᐎ ‍ ᐸᓱᐛᐤ ᐊᓂᔭ ᐊᔅᑯᐱᔨᒋ ᐊᐛᓯᓴ ᑲ ‍ ᓂᐸᐊᑭᓄᐎᒋ ᒐᒋ ᐛᐸᑎᔭᑦ ᐊᓂᔭ ᑕᐸᔨᒪᔨᒋ᙮ ᑐᑕᒐ ᒪᒃ ᐅᔭ, ᓇᒪ ᒋᑭ ᐎ ‍ ᒋᓯᐧᑲᓱᐤ ᐊᓂᔭ ᐊᐛᓯᓴ᙮
\p
\v 14 ᐊᐛᓐ ᐅᐛᐊᓱᒐ ᐊᐛᓯᓴ, ᐊᑯ ᒂ ‍ ᐊᐧᑯᓯᔨᒋ ᑭᔭ ᒪᒃ ᒂ ‍ ᓂᐱᔨᒋ, ᐊᑲ ᑕᔨᒋ ᐊᓂᔭ ᑕᐸᔨᒪᔨᒋ ᐊᐛᓯᓴ, ᒋᑭ ᐎ ‍ ᒋᓯᐧᑲᓱᐤ ᐊᓐ ᐊᐛᓐ ᑲ ‍ ᐅᐛᐊᓱᐅᑦ᙮
\v 15 ᒥᒄ ᑕᔨᒐᓂᔾ ᐊᓂᔭ ᑕᐸᔨᒪᔨᒋ ᐊᓂᔭ ᐊᐛᓯᓴ, ᐊᑯ ᐊᓐ ᑲ ‍ ᐅᐛᐊᓱᐅᑦ ᓇᒪ ᒋᑭ ‍ ᒋᓯᐧᑲᓱᐤ᙮ ᒥᒄ ᐅᐛᐊᓱᒐ ᐊᓂᔭ ᐊᐛᓯᓴ ᐊ ‍ ᒋᓯᐧᑲᓱᑦ, ᓴᔅ ᐊᓂᔭ ᑎᐸᐊᒻ ᑲ ‍ ᓂᐱᔨᒋ ᑭᔭ ᒪᒃ ᑲ ‍ ᐊᐧᑯᓯᔨᒋ᙮”
\s1 ᐊᓯᑯᒻ ᒋᓯᑲᐛ ᐎᓱᐛᐅᓇ
\p
\v 16 “ᐊᑯ ᓴᐧᑯᒋᒪᒐ ᓇᐸᐤ ᐅᔅᒋᓂᒋᔎᓴ ᐊᒋ ‍ ᒋᔅᒋᓄᐛᒋᐊᑭᓄᐎᒋ ᒐᒋ ᓂᐳᐎᒋ ᒐᒋ ᐎᐸᒥᑯᑦ, ᒋᑭ ᐎ ‍ ᒋᓯᐧᑯᐛᐤ ᐅᓂᒋᐃᑯᔪᐛ ᑭᔭ ᒋᑭ ᐎ ᓂᐳᐤ ᐊᓂᔭ ᐃᔎᓴ,
\v 17 ᒥᒄ ᐊᑲ ᑕᑈᑎᒥᒐᓂᔾ ᐊᓂᔭ ᐅᑕᐎᒪᐛ ᒐᒋ ᓂᐳᐅᑦ ᐊᓂᔭ ᐃᔎᓴ, ᐃᔭᐱᒡ ᒋᑭ ᐎ ‍ ᒋᓯᐧᑯᐛᐤ ᐊᓂᔭ ᐅᑕᐎᒪᐛ᙮
\p
\v 18 ᒋᑭ ᐎ ‍ ᓂᐸᐊᑭᓄᐤ ᐃᔎᐤ ᐊ ‍ ᒥᑕᐅᑦ᙮
\p
\v 19 ᒋᑭ ᐎ ‍ ᓂᐸᐊᑭᓄᐤ ᐊᐛᓐ ᐊ ᐎᒋ ‍ ᐱᓯᒂᑎᓯᒪᑦ ᐊᐛᓯᓴ (ᐊ ‍ ᒥᒋᑐᑐᐛᑦ ᐊᐛᓯᓴ)᙮
\p
\v 20 ᐊᐛᓐ ᐊ ‍ ᒥᑐᔅᑕᐊᒧᐛᑦ ᑯᑎᑲ ᒥᓂᑐᐧᑲᓇ, ᐊ ᐊᑲ ᓂᔾ ᐅᑎᐸᔨᒋᒐᐤ, ᒥᑐᔅᑕᐊᒧᐅᑦ ᒋᑭ ‍ ᓂᐸᐊᑭᓄᐤ᙮
\p
\v 21 ᒐ ᐊᑲ ‍ ᒋᔅᑎᒪᐊᑯᒡ ᑭᔭ ᒪᒃ ᓂᓇᐧᑲᒋᐊᑯᒡ ᒪᓐᑕᐅᒡ ᐛᒋᒡ ᐊᓐᑕ ᐊ ‍ ᑕᐛᒄ᙮ ᒐ ‍ ᒋᔅᒋᔭᒄ ᑲ ‍ ᒪᓐᑕᐅᑯᔭᒃ ᑭᔭ ᒋᔨᐛᐤ ᐊᓐᑕ ᐃᒋᑉᑎᒡ᙮
\p
\v 22 ᒐ ᐊᑲ ‍ ᒋᔅᑎᒪᐊᑯᒡ ᑲ ‍ ᐸᐃᑯᓯᒡ ᐃᔎᐅᒡ ᑭᔭ ᒪᒃ ᒋᐅᓴᓂᓯᒡ᙮
\v 23 ᐃᑐᑎᒪᒂ ᐅ, ᑕᑈᓯᑥᐛ ᐊ ‍ ᐎᐎᒋᐃᑯᓯᒡ ᓂᑭ ‍ ᐸᑐᐛᐅᒡ᙮
\v 24 ᑭᔭ ᓇᔅᒡ ᒋᑭ ‍ ᒋᔄᐃᓇᐛᐤ ᑭᔭ ᒋᑭ ‍ ᑐᑕᑎᓇᐛᐤ ᒐᒋ ᓂᐸᐃᑯᐅᔭᒄ ᐊᓐᑕ ᐊ ‍ ᓂᑐᐱᔨᓇᓄᐅᒡ᙮ ᒋᑭ ‍ ᐸᐃᑯᓱᐅᒡ ᒋᐅᐛᐅᒡ ᑭᔭ ᓇᒪ ᒋᑭ ‍ ᐅᑕᐎᔪᐅᒡ ᒋᑦ ᐊᐛᓯᒧᐛᐅᒡ᙮
\p
\v 25 ᐅᐛᐊᒂᐛ ᐊᐛᓐ ᓱᓇᔭᔪᐤ ᐊ ‍ ᒋᔅᑎᒪᑎᓯᒡ, ᒐ ᐊᑲ ‍ ᐃᑎᔨᓐ ᒧᔭᒻ ᐊᐛᓐ ᑲ ‍ ᐎᐃᐛᑦ ᓱᓇᔭᔪᐤ, ᑕᐧᑯᒡ ᒐᒋ ᓂᑐᐛᔨᒧᐅᑦ᙮
\v 26 ᒥᔨᔅᒐ ᐊᐛᓐ ᐅᑦ ᐊᑯᑉ ᐊ ‍ ᐊᓱᑎᒪᒐᑦ ᒐᒋ ‍ ᒋᓯᐧᑲᔅᒃ ᐊ ‍ ᒥᓯᓇᐊᒪᔅᒃ, ᑲᐤ ᐊᓂᔭ ᒋᑭ ᐎ ‍ ᒥᔭᐛᐤ ᐅᑦ ᐊᑯᑉ ᐊᔅᒃ ᐊᑲ ᐸᒋᓱᒧᐎᒋ ᐱᓯᒧᐛ᙮
\v 27 ᐛᔅ ᒋᑭ ‍ ᓄᑕᐱᔪᐤ ᐊᓂᔭ ᐅᑦ ᐊᑯᑉ ᒐᒋ ᒋᓱᓂᑯᑦ ᑎᐸᔅᑲᔨᒐ᙮ ᐛᔅ ᐊᐅᑯᔪᐤ ᒥᒄ ᑭᓄᐛᔨᑕᐧᒃ ᐊᐛᓐ ᐊ ‍ ᒋᔅᑎᒪᑎᓯᑦ᙮ ᐃᔅᐱ ᑕᑈᓯᒐ ᒐᒋ ᐎᒋᐃᒄ, ᓂᑭ ‍ ᐸᑐᐛᐤ ᐛᔅ ᓂ ‍ ᒋᔅᑎᒪᒐᔨᒧᐛᓐ᙮
\p
\v 28 ᒐ ᐊᑲ ᒥᒋ ‍ ᐛᐎᔭᒄ ᒋᓴᒪᓂᑐᐤ ᑭᔭ ᐊᑲᐎᔾ ᒋᑭ ᐅᒋ ᒥᒋ ‍ ᐊᔨᒧᒪᐛᐤ ᐊᐛᓐ ᐊ ‍ ᓂᑲᓂᔅᑯᐛᑦ ᒋᑦ ᐃᔨᒧᐛᐛ᙮
\p
\v 29 ᒐ ᐊᑲ ‍ ᑎᔭᒄ ᒐᒋ ᒥᔨᔭᒄ ᐛᒋ ‍ ᒥᔽᒋ ᒋᓂᑕᐅᒋᒋᑭᓄᐛᐛ ᑭᔭ ᐱᒥᔾ ᑭᔭ ᓱᒥᓇᐳᐎᔾ᙮ ᒐ ‍ ᒥᔨᔭᒄ ᒋᓂᔅᑎᒧᓴᓄᐛᐅᒡ ᐊ ‍ ᓇᐸᓯᐅᒡ᙮
\v 30 ᑭᔭ ᓂᔅᑎᒻ ᑲ ‍ ᐃᔪᐅᒡ ᒋᓇᐸ ᐊᐛᓯᓯᒧᐛᐅᒡ᙮ ᒐ ‍ ᒥᔭᑯᒡ ᒐᒋ ᑕᒡ ᐊᓐᑕ ᐅᑲᐎᐛᐛ ᐊ ‍ ᑕᔨᒋ ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ ᐊᑯ ᔭᓇᐤ ᐊ ‍ ᒋᓯᑲᔨᒡ ᒐ ‍ ᐸᓯᐛᑯᒡ ᒐᒋ ᒥᔨᔭᒄ᙮
\p
\v 31 ᒋᔨᐛᐤ ᐅ ᓂᑦ ᐃᔨᒥᒡ, ᒐ ᐊᑲ ‍ ᒥᒋᔭᒄ ᐎᔭᔅ ᐊᐛᓯᔅ ᑲᒋ ‍ ᓂᐸᐃᑯᑦ ᑲ ‍ ᐊᒂᑎᓯᒋ ᑯᑎᑲ ᐊᐛᓯᓴ, ᒥᒄ ᒐ ‍ ᒥᔭᑯᒡ ᐊᑎᒧᒡ ᒐᒋ ᒥᒋᒡ᙮”
\c 23
\s1 ᒋᓴᐛᑎᓯᐅᓐ ᑭᔭ ᑯᐃᔅᑯᑐᑎᒧᐅᓐ ᐎᓱᐛᐅᓇ
\p
\v 1 “ᒐ ᐊᑲ ᒥᒋ ‍ ᐛᐎᔭᑯᒡ ᑯᑎᑭᒡ ᐊᐛᓐᒋ᙮ ᒐ ᐊᑲ ‍ ᐎᒐᐊᒄ ᑲ ‍ ᒥᒋᑐᑕᐧᒄ ᐊᐛᓐ ᐊ ‍ ᒥᔭᒄ ᑭᑭᒋᔭᐤ-ᐃᔨᒧᐅᓂᔪᐤ᙮
\p
\v 2 ᒐ ᐊᑲ ‍ ᐎᒐᐊᑯᒡ ᐊ ‍ ᒥᒋᑐᑕᒡ ᐊᐛᓐᒋ᙮ ᒐ ‍ ᐎᑎᒪᒄ ᑕᑈᐅᓐ ᐊᑎᓱᐧᒄ ᐊᑲ ᐎᐎᑕᑥᐛ ᐊᐛᓐᒋ ᑕᑈᐅᓂᔪᐤ᙮
\v 3 ᐊ ‍ ᐛᓴᑭᓄᐅᑦ ᐊᐛᓐ ᐊᒋ ‍ ᒋᔅᑎᒪᑎᓯᑦ, ᒐ ᐊᑲ ‍ ᒋᔅᑎᒪᒐᔨᒪᒄ ᐊᓐ ᐊᐛᓐ ᒥᒄ ᐊᓂᔭ ᐊ ‍ ᒋᔅᑎᒪᑎᓯᑦ᙮
\p
\v 4 ᒥᔅᑭᒧᑕᓂ ᐊᐛᓐ ᐅᑦ ᐊᐛᓯᓯᒪ ᓂᑎᒥᒄ ᐊᐱᐸᒥᐸᑕᔨᒋ, ᒐ ‍ ᒋᐛᑕᐃᑦ ᐊᓐ ᐊᐛᓯᔅ ᑕᓐᑕ ᐛᒋ ‍ ᑎᐸᐃᑕᑯᓯᑦ ᐊᑎᓱᐧᒄ ᐛᐧᑲᑎᔅᒐ ᐊᓐ ᐊᐛᓐ ᑕᐸᔨᒪᑦ᙮
\v 5 ᐛᐱᒥᑕᓂᔾ ᐊᐛᓐ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᐸᒋᓯᓂᔨᒐᓂ ᐊᑲ ᒋ ‍ ᐎᑲᐳᐎᓱᐅᐎᔨᒋ ᐊᑯᓯᑯᓂᔨᒡ ᐎᐅᓱᐅᓂᔪᐤ᙮ ᒐ ‍ ᐎᒋᐃᒥᑎ ᐊᑎᓱᐧᒄ ᐛᐧᑲᑎᔅᒐ ᐊᓐ ᐊᐛᓐ ᑕᐸᔨᒪᑦ, ᒐ ᐊᑲ ᒥᒄ ᐃᓯ ‍ ᔅᑐᑕᔨᓐ᙮
\p
\v 6 ᐸᐃᑯᑕᐤ ᒋᑭ ᐎ ᐃᓯ ‍ ᐱᒥᐱᔭᐛᐤ ᐛᓴᐊᑭᓄᒐ ᐊᐛᓐ ᐊ ‍ ᒋᔅᑎᒪᑎᓯᑦ ᒧᔭᒻ ᑯᑎᑲ ᐊᐛᔪᐛ᙮
\v 7 ᒐ ᐊᑲ ‍ ᑕᐸᔨᒥᑦ ᐊᐛᓐ ᐊᑲ ᑕᑈᔨᓐ, ᒐ ᐊᑲ ‍ ᐃᑐᑎᒪᒄ ᒐᒋ ᓂᐸᐊᑭᓄᐅᑦ ᐊᐛᓐ ᐊ ‍ ᒥᔽᑎᓯᑦ ᑭᔭ ᐊᐛᓐ ᐊ ‍ ᑯᐃᔅᑯᑕᑎᓯᑦ᙮ ᓂᔾ, ᑎᐸᔨᒋᒐᓱᐤ, ᓂᑭ ‍ ᐊᓏᔨᒪᐤ ᐊᓐ ᐊᐛᓐ ᑐᑕᒐ ᐅᔭ ᒐᒂᔪᐤ ᐊᔅᐱᔅ ᒥᒋᓂᔨᒡ᙮
\p
\v 8 ᒐ ᐊᑲ ‍ ᐅᑎᓂᒪᒄ ᐎ ‍ ᒋᓯᐧᑲᑯᐅᔭᒂ ᓱᓇᔭᐤ ᒐᒋ ᒂᔅᑕᒐ ᐃᑕᒋᒧᔭᒄ, ᐛᔅ ᐊᓐᒡ ᐅᒋᒪᐅᒡ ᑲ ‍ ᒋᓯᐧᑯᐛᑭᓄᐅᒡ ᓇᒪ ᒋ ‍ ᐎᔭᔨᑎᒧᒡ ᒐᒋ ᑐᑕᒡ ᒐᒂᔪᐤ ᐊ ‍ ᑯᐃᔅᑯᓂᔨᒡ, ᑭᔭ ᓇᒪ ᓇᐊᔨᑎᒧᒡ ᒐᒋ ᑯᐃᔅᒄ ᐃᑐᑐᐛᑭᓄᐎᒋ ᐊᐛᔪᐛ ᑲ ‍ ᒥᔪᑥᐛᑎᓯᔨᒋ᙮
\p
\v 9 ᒐ ᐊᑲ ‍ ᐛᐧᑲᑕᒄ ᒪᓐᑕᐤ, ᒋᔨᐛᐤ ᒋ ‍ ᒋᔅᒋᑕᓇᐛᐤ ᐊ ‍ ᑕᔨᑕᒂᒡ ᐊ ‍ ᒪᓐᑕᐅᓇᓄᒡ, ᓇᒪ ᒋ ᐅᒋ ‍ ᒥᔪᑐᑕᑯᐛᐅᒡ ᐃᒋᑉᑦ ᐃᔪᒡ ᐊᓐᑕ ᑲ ‍ ᒪᓐᑕᐅᔭᒄ᙮”
\s1 ᐊᔭᒥᐊᐅᒋᓯᒄ ᐎᓱᐛᐅᓐ
\p
\v 10 “ᒐ ‍ ᓂᑕᐅᒋᑕᔭᒄ ᓂᑕᒋᒋᑭᓂᔅᒐ ᑭᔭ ᒐ ‍ ᒪᒧᓴᒋᓂᒪᒄ ᒐᒂᓐ ᑲ ‍ ᓂᑕᐅᒋᑕᔭᒄ ᐊᓱᑕᒡ ᑕᑐᐤ ᐱᐳᓇ ᐃᔅᐱᔅ᙮
\v 11 ᒥᒄ ᓂᔄᐅᑕᒡ ᐱᐳᓐ ᐅᑎᒋᐱᔨᒐ ᒐ ᐊᑲ ‍ ᓂᑕᐅᒋᑕᔭᒄ ᒐᒂᓐ᙮ ᓂᑕᐅᒋᒐ ᒐᒂᓐ ᐊ ᐊᑲ ᒋᔾ ᐅᒋ ᓂᑕᐅᒋᑕᔨᓐ, ᒐ ‍ ᒥᔭᑯᒡ ᐊ ‍ ᒋᔅᑎᒪᑎᓯᒡ ᐃᔪᒡ ᒐᒋ ᒪᒧᓴᒋᓇᒡ ᑭᔭ ᒥᒋᒡ ᒐᒂᔪᐤ ᐛᒥᒋᒡ ᐊᓐᑕ ᓇᑕᐅᒋᑕᑭᓂᒡ ᑭᔭ ᓱᒥᓇᑎᑯᐤ ᓂᑕᐅᒋᒋᑭᐊᓂᒡ ᑭᔭ ᐊᓕᑉ ᒥᔅᑎᑯᒡ ᐅᒋ ᐊᓂᔭ ᐱᐳᓂᔪᐤ᙮ ᐃᔅᐱ ᐃᔅᐱᔨᑥᐛ ᐛ ᐃᔅᐱᔅ ‍ ᐊᐱᒋᑕᒡ ᒋᓂᑕᐅᒋᑕᑭᓄᐛᒡ ᐅᒡ, ᐊᑯ ᑲ ‍ ᐊᒂᑎᓯᒡ ᐊᐛᓯᓯᒡ ᒐᒥᒋᒡ ᐊᔅᑯᐱᔨᒡ᙮
\p
\v 12 ᒋᑭ ᒋ ‍ ᐊᑐᔅᒐᓇᐛᐤ ᐊᓱᑕᒡ ᑕᑐᐤ ᒋᓯᑲᐛ ᐃᔅᐱᔅ, ᒥᒄ ᓂᔄᐅᑕᒡ ᐊᒋᓯᑲᒡ ᒋᑭ ᐎ ‍ ᐊᔅᑕᔭᔅᑯᓯᓇᐛᐤ ᑭᔭ ᐊᓐᒡ ᑲᑐᔅᑲᐊᑯᒡ ᒋᑦ ᐊᐛᓯᓯᒧᐛᐅᒡ, ᑭᔭ ᒋᑦ ᐊᐱᒐᑭᓄᐛᐅᒡ ᑭᔭ ᐊᓐᒡ ᐊ ‍ ᒪᓐᑕᐅᒡ ᐊᑕᒡ ᐊᑕᔭᒄ᙮ ᒋᑭ ᐎ ‍ ᒥᔭᐛᐅᒡ ᒐᒋ ᐊᔅᑕᔭᔅᑯᓯᒡ᙮
\p
\v 13 ᓇᔅᒡ ᒐ ᐎ ‍ ᐃᑐᑎᒪᒄ ᒥᓯᐛ ᒐᒂᓐ ᑲ ‍ ᐃᑎᓱᒥᑎᑯᒡ ᒐᒋ ᐃᑐᑎᒪᒄ᙮ ᒐ ᐊᑲ ‍ ᐊᔭᒥᐊᔅᑐᐛᑯᒡ ᑯᑎᑭᒡ ᒪᓂᑐᐅᒡ, ᑭᔭ ᒐ ᐊᑲ ‍ ᐃᔅᒋᔄᐛᒄ ᐅᑦ ᐃᓯᓂᐧᑲᓱᓂᐛᐛ᙮”
\s1 ᓂᔅᑐ ᒥᑯᓴᓐ-ᒋᓯᒂ ᐊᓯᑯᒻ ᐱᐳᓇ᙮
\m ᐊᑯ ᑎᐸᔨᒋᒐᓱᐤ ᐊᔅᒋᔄᑦ:
\p
\v 14 “ᐊᓯᑯᒻ ᐱᐳᓇ ᒋᑭ ᐎ ‍ ᒥᑯᓴᓇᐛᐤ ᓂᔅᑐ ᒥᑯᓴᐅᓇ ᒐᒋ ᒋᔅᑕᔨᒥᔭᒄ᙮ 
\p
\v 15 ᐅᔅᑭᒡ ᒥᑯᓴᓐ ᒐ ‍ ᐃᑐᑎᒪᒄ ᐊᑲ ᐅᐱᓱᑦ ᐸᒂᓯᑭᓐ ᒋᑭ ‍ ᐃᓯᓂᐧᑲᑕᓇᐛᐤ᙮ ᐊᐱᑉ ᐃᓯᓂᐧᑲᑕᐤ ᐊᓐ ᐱᓯᒻ ᒐ ‍ ᒥᑯᓴᔭᒄ ᐅ ᒥᑯᓴᓐ᙮ ᐊᐅᑯᓐ ᐅ ᐱᓯᒻ ᑲ ‍ ᒋᔅᑐᑕᔭᒄ ᐊᓐᑕ ᐃᒋᑉᑎᒡ ᐅᒡ᙮ ᒧᔭᒻ ᑲ ‍ ᐃᑎᓱᒥᑎᑯᒡ ᒐ ᐃᓯ ‍ ᒥᑯᓴᔭᒄ᙮ ᓇᓂᑎᒻ ᒐ ‍ ᐸᑕᔭᒄ ᐱᔅᑎᓂᒐᐅᓐ ᑕᑥᐤ ᑕᑯᓯᓂᔭᑯᐤ ᒐᒋ ᐊᔭᒥᐊᔅᑐᐅᔭᒄ᙮
\v 16 ᑲ ‍ ᒪᒧᓴᒋᓂᑭᓄᐅᒡ ᑲ ‍ ᓂᑕᐅᒋᒡ ᒥᒋᒻ ᐃᓯᓂᐧᑲᑕᐤ ᓂᓱ ᐛᒋ ‍ ᑎᒂᒡ ‍ ᒪᑯᓴᐅᓐ᙮
\p ᒪᒂᒡ ᐊ ‍ ᒥᑯᓴᓄᐅᒡ ᒋᑭ ᐎ ‍ ᐱᔅᑎᓂᒧᐅᓇᐛᐤ ᐅᔅᑭᒡ ᑲ ‍ ᓂᑕᐅᒋᒡ ᒥᒋᒻ ᑲ ‍ ᒪᒧᓴᒋᓂᒪᒄ ᐊᓂᔭ ᑲ ‍ ᐊᐱᒋᑕᔭᒄ ᓂᑕᐅᒋᒋᑭᓂᔅᒐ᙮ ‘ᒥᑯᓴᓐ ᐛᔅᑲᐃᑭᓇ’ ᐃᓯᓂᐧᑲᑕᐤ ᓂᔅᑐ ᐛᒋ ‍ ᑎᒂᒡ ᒪᑯᓴᐅᓐ᙮ ᐊᐅᑯᓐ ᒐ ‍ ᐃᑐᑎᒪᒄ ᒋ ‍ ᒪᒧᓴᒋᓂᒪᒄ ᒋ ‍ ᒥᒋᒧᐛᐤ ᑭᔭ ᐊᓂᔭ ᒥᓂᓴ ᒥᓯᐛ ᐊ ‍ ᐃᓯᓇᒂᒋ᙮
\p
\v 17 ᐊᓯᑯᒻ ᐅᑎᒋᐱᔨᒐᓂ ᐅᔭ ᒥᑯᓴᐅᓇ, ᒥᓯᐛ ᓇᐸᐅᒡ ᒋᑭ ᐎ ‍ ᑎᑯᓯᓄᐅᒡ ᒐᒋ ᐊᔭᒥᐊᔅᑐᐅᒡ, ᓂᔾ ᑎᐸᔨᒋᒐᓱᐤ ᒋᓴᒪᓂᑐᐤ᙮
\p
\v 18 ᑕᑥᐤ ᓂᐸᐊᒂ ᐊᐛᓯᔅ ᒐ ‍ ᒥᑐᔅᑕᐊᒧᐅᔭᒄ, ᒐ ᐊᑲ ‍ ᒥᑐᔅᑕᐊᒪᒐᔭᒄ ᐸᒂᓯᑭᓐ ᑲ ‍ ᐱᒥᓄᐛᔭᒄ ᓯᐅᔅᑎᒪᑭᓐ ᐊ ‍ ᐊᐱᒋᐊᒄ ᒪᑐᔅᑕᐊᒧᔭᐅᑯ ᐊᐛᓯᔅ᙮ ᐃᔅᐱ ᒥᑐᔅᑕᐊᒧᔭᒂ ᐊᐛᓯᔅ, ᒐ ‍ ᐃᔎᔄᒄ ᐊ ‍ ᐎᔪᐅᑦ ᐊᓂᔭ ᐸᐃᑯᑕᐤ ᒋᓯᑯᔪᐤ᙮
\p
\v 19 ᐊᓯᑯᒻ ᐱᐳᓇ, ᒥᔭᒧᓴᒋᓂᒪᑯᐤ ᒋᓂᑕᐅᒋᑕᑭᓄᐛᐛ, ᒐ ‍ ᐸᑐᐅᔭᒄ, ᓂᔾ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ, ᐊᓐᑕ ᐊᔭᒥᐊᔅᑐᐅᔭᒄ, ᐊᓐ ᐅᔅᑭᒡ ᒥᔭᒧᓴᒋᓂᒪᒄ ᒋᓂᑕᐅᒋᑕᑭᓄᐛᐤ᙮ ᓇᐸᐊᑯᐤ ᐊ ‍ ᐊᐛᓯᐅᑦ ᐊᐛᓯᔅ ᒐ ᐊᑲ ‍ ᐅᔄᒄ ᐊᓐᑕ ᐅᑲᐎᔭ ᐅᒋᒋᓇᐳᐃᒥᔨᒡ᙮”
\s1 ᒋᓴᒪᓂᑐᐤ ᐅᑦ ᐊᓐᒋᓂᒪ ᑲ ‍ ᓂᑲᓄᑕᔨᒋ
\p
\v 20 “ᓂᑭ ‍ ᐃᑎᓴᐛᐤ ᐊᓐᒋᓐ ᐊᓐᑕ ᓂᑲᓐ ᐊ ‍ ᑕᔭᒄ, ᒐᒋ ᓇᑭᑐᐛᔨᒥᑕᒄ ᒪᒂᒡ ᐸᒥᐱᒋᐊᑯᐤ ᑭᔭ ᒐᒋ ᐸᓱᐅᑕᒄ ᐊᓐᑕ ᐃᑕᐅᓂᒡ ᑲ ‍ ᐊᔭᔅᑯᔅᑐᐛᑎᑯᒡ᙮
\v 21 ᑭᔭ ᒐ ‍ ᓂᑐᑐᐛᒄ ‍ ᒐᒂᔪᐤ ᒐ ‍ ᐃᑎᑕᒃ ᑭᔭ ᒐ ‍ ᓇᐃᑐᐛᒄ᙮ ᒐ ᐊᑲ ‍ ᐱᐛᔨᒪᒄ ᐛᔅ ᓂ ‍ ᒥᔭᐤ ᑎᐸᔨᒋᒐᐅᓂᔪᐤ ᑭᔭ ᓇᒪ ᒋᑭ ‍ ᐛᐸᔨᑎᒪᑯᐛᐤ ᒪᔭᔨᒪᒂ᙮
\v 22 ᒥᒄ ᓇᐃᑐᐛᒂ ᒐᒂᔪᐤ ᐊ ‍ ᐃᑎᓱᒥᑕᒄ ᑭᔭ ᓂᔾ ᐃᑐᑎᒪᒂ ᒥᓯᐛ ᐊᐃᑎᓱᒥᑎᑯᒡ ᓂᑭ ‍ ᒪᓯᐧᑯᐛᐅᒡ ᒥᓯᐛ ᐊᓐᒡ ᑲ ‍ ᐛᐧᑲᑎᑕᑯᒡ᙮
\v 23 ᒋᑭ ‍ ᒋᔅᒋᓄᑕᔨᑯᐛᐤ ᓂᑦ ᐊᓐᒋᓂᒻ ᑭᔭ ᒋᑭ ‍ ᐃᑐᑕᐃᑯᐛᐤ ᐊᓐᑕ ᐛᒋᔨᒋ ᐊᒧᕆ ᑭᔭ ᐊᑦ ᑭᔭ ᐸᕆᔅ ᑭᔭ ᑲᐃᓇᓐ ᑭᔭ ᐃᑉ ᑭᔭ ᒐᐱᐅᔅ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑭᔭ ᓂᑭ ‍ ᓂᓱᐅᓇᒋᐊᐅᒡ᙮
\v 24 ᒐ ᐊᑲ ‍ ᓂᐱᔅᑯᐱᔅᑐᒪᑯᐤ ᐅᒪᓂᑐᒧᐛᐛ, ᑭᔭ ᒪᒃ ᐊᔭᒥᐊᔅᑐᒪᑯᐤ᙮ ᒐ ᐊᑲ ‍ ᐃᑐᑎᒺᒄ ᐊᓂᔭ ᐊᑕᔨᑕᒡ ᐊ ‍ ᐃᑎᑯᒡ ᐅᒥᓂᑐᒧᐛᐛ ᒐᒋ ᑐᑕᒡ ᒐᒂᔪᐤ᙮ ᒥᓯᐛ ᒐ ‍ ᐱᑯᓇᒪᑯᐤ ᐅᒪᓂᑐᒧᐛᐛ ᑭᔭ ᓇᔅᒡ ᒐᐱᓴᓱᒪᑯᐤ ᐅᐸᔭᒋ ᐅᓯᓂᒧᐛᐛ᙮
\v 25 ᓂᔾ, ᒥᒄ ᒋᑭ ᐎ ‍ ᐊᔭᒥᐊᔅᑐᐅᓇᐛᐤ, ᑎᐸᔨᒋᒐᓱᐤ ᒋᓴᒪᓂᑐᐤ, ᐃᑐᑎᒪᒂ ᐅ ᒋᑭ ‍ ᓱᐛᔨᑕᑯᐃᑎᓇᐛᐤ ᐊ ‍ ᒥᔨᑎᑯᒡ ᓂᐱᔾ ᑭᔭ ᒥᒋᒻ, ᑭᔭ ᒋᑭ ‍ ᑭᓄᐛᔨᒥᑎᓇᐛᐤ ᒐ ᐊᑲ ᒋ ᐊᐧᑯᓯᔭᒄ᙮
\v 26 ᓇᒪ ᒋᑭ ‍ ᐅᓂᑕᓱᐤ ᐃᔎᐤ ᑭᔭ ᒐᒋ ᐃᓯᓇᑯᓯᑦ ᒐ ᐊᑲ ᒋ ᓱᐛᐱᒪᐅᓱᑦ᙮ ᓂᑭ ‍ ᑐᑕᓐ ᓇᐅᔅ ᒐᒋ ᐱᒪᑎᓯᔭᒄ᙮”
\p
\v 27 ᓂᑭ ‍ ᐃᑐᑐᐛᐅᒡ ᐊᐛᓐᒋ ᑲ ‍ ᐛᐧᑲᑎᑕᑯᒡ ᒐᒋ ᑯᓯᒡ᙮ ᓂᑭ ‍ ᐃᑐᑐᐛᐅᒡ ᒐᒋ ᒋᔎᔭᑕᑯᓯᒡ ᐊᐛᓐᒋ ᐊ ‍ ᒪᓯᐧᑲᑕᑯᒡ᙮ ᑭᔭ ᓂᑭ ‍ ᐃᑐᑐᐛᐅᒡ ᒐᒋ ᒋᐛᐱᔪᐅᒡ ᑭᔭ ᒋᑎᓯᒥᑕᑯᒡ᙮
\v 28 ᓂᑭ ‍ ᐃᑐᑐᐛᐅᒡ ᓇᔅᒡ ᒐᒋ ᓴᒋᓯᒡ ᐊᓐᒡ ᑲ ‍ ᐛᐧᑲᑎᑕᑯᒡ᙮ ᑭᔭ ᓂᑭ ‍ ᐃᑲᑎᓴᐛᐅᒡ ᒋᑦ ᐊᔅᒋᐛᒡ ᐅᒡ ᐊᓐᒡ ᐃᑉ, ᑲᐃᓇᓐ, ᑭᔭ ᐊᑦ ᑲ ‍ ᐃᑎᔅᑲᓇᓯᒡ ᐃᔪᒡ᙮
\v 29 ᒥᒄ ᓇᒪ ᒥᓯᐛ ᓂᑭ ‍ ᐃᑲᑎᓴᐛᐅᒡ ᐊ ‍ ᐸᐃᑯᐳᓂᐃᒡ ᐅᓴᒻ ᒋᒋᐛ ᒋᐸ ‍ ᐱᓯᒂᐤ ᒋᑦ ᐊᔅᒋᐛᐤ ᑭᔭ ᒥᓯᐛ ᐊᓐᑕ ᒋᐸ ‍ ᐃᑕᐅᒡ ᐊᒂᑎᓯᒡ ᐊᐛᓯᓯᒡ᙮
\v 30 ᒪᑎᐧᑲᒡ ᓂᑭ ‍ ᐃᑐᑐᐛᐅᒡ ᐊᓐᒡ ᐃᔪᒡ ᒐᒋ ᓂᑭᑕᒡ ᐅᔭ ᐊᔅᒋᔪᐤ, ᐸᐱᓯᔅ ᒋᑭ ‍ ᒋᔅᑐᑕᐅᒡ, ᐸᑐᔅ ᒋᔨᐛᐤ ᒥᒐᑎᔭᒂ ᑭᔭ ᒋ ‍ ᐎᒋᔭᒂ ᐊᓐᑕ ᒥᓯᐛ ᐊᔅᒋᒡ᙮
\p
\v 31 ᓂᑭ ‍ ᑐᑕᓐ ᒐᒋ ᒥᓴᒡ ᒋᑦ ᐊᔅᒋᐛᐤ ᐊᓐᑕ ᐅᒡ ᒥᒂᑭᒥ ᐎᓂᐸᒄ ᐃᔅᐱᔅ ᐊᓐᑕ ᒥᑎᑐᕋᓂᔭᓐ ᐎᓂᐸᑯᒡ ᑭᔭ ᔪᑉᕆᑎᔅ ᓯᐱᔾ ᐃᔅᐱᔅ ᓴᐃᓇᐃ ᐸᐧᑯᔅᑎᔅᑭᒥᑲᒡ᙮ ᒋᑭ ‍ ᒥᔨᑎᓇᐛᐤ ᓱᐧᑲᑎᓯᐅᓐ ᒐᒋ ᓴᒂᐊᑯᒡ ᑭᔭ ᒐᒋ ᐃᑲᑎᓴᐛᑯᒡ ᐃᔪᒡ ᐊᓐᑕ ᐊᔅᒋᒡ ᐅᒡ᙮
\v 32 ᓇᒪ ᒋᑭ ᐎ ‍ ᑐᑕᓇᐛᐤ ᓂᔅᑯᒧᐅᓇ ᐊᓯᒡ ᐊᓐᒡ ᐃᔪᒡ ᑭᔭ ᒪᒃ ᐅᒪᓂᑐᒧᐛᐛ᙮
\v 33 ᒐ ᐊᑲ ‍ ᑕᑈᑐᐛᑯᒡ ᒐᒋ ᐎᒋᒡ ᐊᓐᑕ ᒋᑦ ᐊᔅᒋᐛᒡ ᐛᔅ ᓂᑭ ‍ ᓂᔅᑯᔅᑕᑯᒡ ᑭᔭ ᒋᑭ ‍ ᑐᑕᑯᐛᐅᒡ ᒐᒋ ᐊᔭᒥᐊᔅᑐᒪᑯᐤ ᐊᓂᔭ ᐅᒪᓂᑐᒧᐛᐛ, ᒧᔭᒻ ᒥᔭᑯᓂᑯᔭᑯᐤ ᒋᑭ ‍ ᐃᓯᓇᑯᓯᓇᐛᐤ᙮
\c 24
\s1 ᐃᔅᕋᐃᓪ ᐃᔪᒡ ᑲ ‍ ᑕᑈᑕᒡ ᑎᐸᔨᒋᒐᓱᐛ ᐅᓂᔅᑯᒧᐅᓂᔪᐤ᙮
\p
\v 1 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᐸᒋ ‍ ᓴᑭᒋᐛ ᐅ ᐱᔅᑯᑎᓇᐤ, ᒐ ‍ ᐸᓱᐅᑥᐤ ᐊᕋᓐ ᑭᔭ ᐊᓂᔭ ᓂᓱ ᐅᑯᓴ, ᓇᑕᑉ ᑭᔭ ᐊᐱᐦᐅ ᑭᔭ ᐊᓐᒡ ᓂᔄᐅᑕᒡ ᑕᑐᔪᐤ ᐃᔅᕋᐃᓪ ᐅᒋᒪᐅᒡ᙮ ᐛᔪᐎᔅ ᓂᑭ ᐅᒋ ‍ ᐊᔭᒥᐊᔅᑕᑯᒡ᙮
\v 2 ᒥᒄ ᒋᔾ ᒥᒋᒪ ᒐ ‍ ᐸᒋᓇᓯᔨᓐ, ᒐ ᐊᑲ ‍ ᑕᑈᑐᐅᑦ ᑯᑎᒃ ᐊᐛᓐ ᒐᒋ ᑎᑯᓯᐧᒄ᙮”
\p
\v 3 ᒧᓱᔅ ᒂ ‍ ᒥᔭᑦ ᐃᔪᐛ ᑎᐸᔨᒋᒐᓱᐛ ᐅᑦ ᐃᑎᓱᐛᐅᓂᔪᐛ, ᑭᔭ ᒋ ‍ ᐊᓱᑎᒪᒐᐅᒡ ᐃᔪᒡ ᐊ ‍ ᐃᔅᒋᔄᒡ, “ᒥᓯᐛ ᒐᒂᓐ ᓂᑭ ‍ ᑐᑕᓇᓐ ᑲ ‍ ᐃᑎᓱᒥᔨᒥᑦ ᑎᐸᔨᒋᒐᓱᐤ !”
\v 4 ᐊᑯ ᒧᓱᔅ ᒋ ‍ ᒥᓯᓇᑕᐊᒻ ᒐᒂᔪᐤ ᑎᐸᔨᒋᒐᓱᐛ ᑲ ‍ ᐃᔅᒋᔄᔨᒋ᙮ ᐎᐱᒡ ᒋᔭᒋᓴᐸᔭᐱᓂᔨᒡ ᒋ ‍ ᐅᓂᔪᐤ᙮ ᒋ ‍ ᐅᓯᑕᐤ ᐱᔅᑎᓂᒐᐅᓇᐱᔅᑯᔪᐤ ᓂᑕᒥᑎᓇᒡ ᑭᔭ ᒂ ‍ ᒋᒥᑐᐛᑦ ᓂᓴᑉ ᐊ ‍ ᒪᒥᓴᔨᒋ ᐊᓯᓂᔭ, ᐸᐸᐃᒄ ᐊᓂᔭ ᒥᓯᐛ ᓂᓴᑉ ᐊ ‍ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ᙮
\p
\v 5 ᒋ ‍ ᐃᑎᓴᐛᐤ ᐱᔅᒐ ᐅᔅᒋᓂᒋᓱᐛ ᒐᒋ ᒥᑐᔅᑕᐊᒪᒐᔨᒋ ᒥᔨᐛᐅᓇ ᑭᔭ ᒥᔅᑐᓴ ᒐᒋ ᐱᔅᑎᓂᒧᐛᔨᒋ ᑎᐸᔨᒋᒐᓱᐛ ᒧᔭᒻ ᐊ ‍ ᒋᔅᑕᔨᑕᑯᓂᔨᒡ ᐱᔅᑎᓂᒐᐅᓂᔪᐤ᙮
\v 6 ᒧᓱᔅ ᒂ ‍ ᐅᑎᓇᐧᒄ ᐊᐱᑐᐤ ᐊᐛᓯᓴ ᐅᒥᐧᑯᔪᐤ ᑭᔭ ᒂ ‍ ᐊᓱᑕᑦ ᐊᓐᑕ ᓱᐸᐳᐎᔭᑭᓂᒡ ᐊᑯ ᒂ ‍ ᓱᐎᐧᑯᑕᑦ ᐱᔅᑎᓂᒐᐅᓇᐱᔅᑯᔪᐤ ᐊᓂᔭ ᑲ ‍ ᐃᔅᑯᐱᔨᒡ ᐊᐱᑐᐤ ᒥᐧᑯᔪᐤ᙮
\v 7 ᒂ ‍ ᐃᔨᒥᑐᐛᑦ ᐃᔪᐛ ᐊᓂᔭ ᑲ ‍ ᒥᓯᓇᑕᐊᐧᒃ ᒥᓯᐛ ᑎᐸᔨᒋᒐᓱᐛ ᐅᑦ ᐃᑎᓱᐛᐅᓂᔨᐛ ᑭᔭ ᐅᑦ ᐊᓱᑎᒪᒐᐅᓂᔨᐛ, ᐊᑯ ᒂ ‍ ᐃᔅᒋᔄᒡ ᐊᓐᒡ ᐃᔅᕋᐃᓪ ᐃᔪᒡ, “ᓂᑭ ‍ ᓇᐃᑐᐛᓇᓐ ᑎᐸᔨᒋᒐᓱᐤ ᑭᔭ ᒥᓯᐛ ᓂᑭ ‍ ᐃᑐᑎᒺᓇᓐ ᑲ ‍ ᐃᑎᓱᒥᔨᒥᑦ !”
\p
\v 8 ᒧᓱᔅ ᒂ ‍ ᐅᑎᓇᐧᒃ ᒥᐧᑯᔪᐤ ᒂ ‍ ᐱᓂᐱᔨᑐᐛᑦ ᐃᔪᐛ᙮ ᒥᓐ ᒂ ‍ ᐃᑕᑦ, “ᐅ ᒥᐧᒄ ᐅᒡ, ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᐊᑐᑕᐧᒃ ᓂᔅᑯᒧᐅᓂᔪᐤ ᓯᒡ ᒋᔨᐛᐤ᙮”
\p
\v 9 ᒧᓱᔅ ᑭᔭ ᐊᕋᓐ, ᒪᒧᐤ ᓯᒡ ᓇᑕᑉ ᑭᔭ ᐊᐱᐦᐅ ᑭᔭ ᓂᔄᐅᑕᒡ ᑕᑐᔪᐤ ᐃᔅᕋᐃᓪ ᐅᒋᒪᐅᒡ ᒂ ‍ ᓴᑭᒋᐛᒡ ᐱᔅᑯᑎᓇᔪᐤ᙮
\v 10 ᑭᔭ ᒂ ‍ ᐛᐱᒪᒡ ᐃᔅᕋᐃᓪ ᒋᓴᒪᓂᑐᐛ, ᐊᓂᔭ ᐃᔅᕋᐃᓪ ᐃᔪᒡ ᑲ ‍ ᐊᔭᒥᐊᔅᑐᐛᒡ᙮ ᓴᑯ ᐅᓯᑎᔨᒡ ᒋᑎᑯᓂᔪᐤ ᒐᒂᔪᐤ ᒧᔭᒻ ᐊ ‍ ᐱᔅᑭᓇᔨᒡ ᒪᔅᑭᓇᔪᐤ ᐊ ‍ ᓴᐳᓄᑯᓂᔨᒡ ‍ ᐊ ‍ ᐃᓯᓇᑯᓂᔨᒡ᙮
\v 11 ᐊᑯ ᒋᓴᒪᓂᑐᐤ ᓇᒪ ᐅᒋ ‍ ᐊᓏᔨᒪᐤ ᐊᓂᔭ ᐅᒋᒪᐛ ᐊᑎᓱᐧᒄ ᒋ ‍ ᐛᐱᒥᑯᑦ᙮ ᐊᑯ ᒪᒧᐤ ᒋ ‍ ᒥᒋᓱᐅᒡ ᑭᔭ ᒋ ‍ ᒥᓄᐅᒡ᙮
\s2 Exodus 24.12-18 (Transfiguration Year A)
\p
\v 12 ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᐸᒋ ‍ ᓴᑭᒋᐛ ᐱᔅᑯᑎᓇᐤ ᑭᔭ ᐛᐃᐱᔅᒋᔅ ᐅᑕ ᒐ ‍ ᑕᔨᓐ᙮ ᓂᓱ ᑲ ‍ ᐱᐱᒋᓯᒡ ᐊᓯᓂᔨᒡ ᒋᑭ ‍ ᒥᔨᑎᓐ ᐊᓐᑕ ᑲ ‍ ᒥᓯᓇᐊᒪᓐ ᐃᑎᓱᐛᐅᓇ ᓂᑦ ᐃᔨᒥᒡ ᒐ ᐎ ‍ ᓇᓴᐊᒡ᙮”
\p
\v 13 ᒧᓱᔅ ᑭᔭ ᐊᓂᔭᔪᐛ ᐎᔭᐎᒋᐃᑯᑦ ᒐᓱᐛᔨᒋ ᒋ ‍ ᐊᔭᔅᑯᐎᔪᒡ᙮ ᐊᑯ ᒧᓱᔅ ᐊᑎ ‍ ᓴᑭᒋᐛᑦ ᐱᔅᑯᑎᓇᔪᐤ ᒐᒋ ᓂᒋᔅᑯᐛᑦ ᒋᓴᒪᓂᑐᐛ᙮
\v 14 ᐊᑯ ᒧᓱᔅ ᐊᑕᑦ ᐊᓂᔭ ᐃᔅᕋᐃᓪ ᐅᒋᒪᐛ, “ᐊᑯᑕ ᐅᑕ ᐊᓱᐛᐱᒥᓇᓐ ᐸᑎᒪ ᑲᐤ ᓂᑐᐛᐱᒥᑕᒐ᙮ ᐊᕋᓐ ᑭᔭ ᐦᐅᕐ ᒋᑭ ‍ ᑕᐅᒡ ᐊ ‍ ᑕᐛᒄ, ᑭᔭ ᒥᒄ ᐊᐛᓐ ᐊᑕᒪᔨᒪᒐ ᑯᑎᑲ ᐊᐛᔪᐛ, ᐊᐅᑯᔪᐛ ᒐ ‍ ᓇᑕᒡ᙮”
\p
\v 15 ᐃᔅᐱ ᒧᓱᔅ ᓯᔭᑭᒋᐛᑦ ᐱᔅᑯᑎᓇᔪᐤ, ᑭᔅᑯᐅᓂᒡ ᒋ ‍ ᐊᑯᓇᐃᐱᔪᐤ᙮
\v 16 ᑭᔭ ᐊᑯᑕ ᑲ ‍ ᑎᑯᓂᔨᒡ ᐊ ‍ ᒋᐧᑲᔭᔅᑕᔨᒡ ᑎᐸᔨᒋᒐᓱᐤ ᐅᒋᔅᑕᔨᑕᑯᓱᐅᓐ ᓴᐃᓇᐃ ᐱᔅᑯᑎᓇᒡ᙮ ᐊᓱᑕᒡ ᑕᑐᐤ ᒋᓯᑲᐛ ᐃᔅᐱᔅ ᐊᑯᓇᐃᐱᔪᐤ ᐱᔅᑯᑎᓇᔪᐤ ᑭᔅᑯᐅᓂᒡ ᑭᔭ ᐊᓂᔭ ᓂᔄᐅᑕᒡ ᒋᓯᑯᔪᐤ ᑎᐸᔨᒋᒐᓱᐤ ᒋ ‍ ᑕᑈᑕᐤ ᒧᓱᓴ ᑭᔅᑯᐅᓂᒡ ᐅᒡ᙮
\v 17 ᐃᔅᐱ ᐃᔅᕋᐃᓪ ᐃᔪᒡ ᐊᑕᐱᒡ ᑕᐧᑯᒡ ᐱᔅᑯᑎᓇᒡ, ᒧᔭᒻ ᐊ ᒥᔅᑎ ‍ ᐃᔅᑯᑕᔨᒡ ᒋ ‍ ᐃᓯᓂᒧᐛᐅᒡ ᑎᐸᔨᒋᒐᓱᐛ ᐅᒋᔅᑕᔨᑕᑯᓱᐅᓂᔪᐤ᙮
\v 18 ᐊᑯ ᒧᓱᔅ ᓯᔭᑭᒋᐛᑦ ᑲ ‍ ᑭᔅᑯᐅᓄᐎᒡ ᐱᔅᑯᑎᓇᔪᐤ ᑭᔭ ᓇᐎᔪᐛ ᒋᓯᑲᐛ ᑭᔭ ᓇᐎᔪᐛ ᑎᐱᔅᑲᐛ ᒋ ‍ ᐃᔅᐱᔅ ᑕᐤ ᐊᓐᑕ ᐱᔅᑯᑎᓇᒡ᙮
\c 25
\s1 ᒐ ‍ ᐱᔅᑎᓂᒐᓄᐅᒡ ᒐᒋ ᐅᓯᑕᑭᓄᐅᒡ ᐸᔭᒋ-ᐱᒍᐎᔭᓂᒋᐛᑉ
\p
\v 1 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ,
\v 2 “ᒐ ‍ ᐎᑎᒧᐅᑥᐤ ᒥᓯᐛ ᐃᔪᒡ ᒐ ᐎ ‍ ᒥᔨᒡ ᒥᔨᐛᐅᓇ, ᐎ ‍ ᒥᔨᑥᐛ ᒥᔨᐛᐅᓇ, ᒋᔾ ᒐ ‍ ᐅᑎᓂᒧᑦ᙮
\v 3 ᐊᐅᑯᔪᐛ ᐅᔭ ᒐᒂᔪᐛ ᒐ ‍ ᐅᑎᓂᒥᓐ: ‍ ᐎᔄᐅᓱᓇᔭᐱᔅᔎ, ‍ ᓱᓇᔭᐱᔅᔎ ᑭᔭ ᐎᔄᐛᐱᔎ;
\v 4 ᑲ ‍ ᐱᔅᑭᓂᓯᑦ, ᑲ ‍ ᐱᒋᒥᓇᑯᓯᑦ ᑭᔭ ᑲ ‍ ᒥᐧᑯᓯᑦ ᐊᓯᑭᓂᔭᐱᔾ; ᐊ ‍ ᒥᔽᓯᒡ ᐱᒍᐎᔭᓐ; ᒥᔅᑐᓯᔅ ᐅᐱᐎᔭ ᒐ ᐅᒋ ‍ ᐅᓯᑕᑭᓄᐅᒡ ᐱᒍᐎᔭᓐ;
\v 5 ᓇᐸ ᒪᔭᑕᓂᓱᔭᓐ ᐊ ‍ ᒋᓯᓇᑭᓄᐅᑦ; ᐊ ‍ ᒥᔽᒡ ᐱᓴᑭᓐ; ᐊᑲᓯᔭ ᒥᔅᑎᒄ;
\v 6 ᐊᓕᑉ ᐱᒥᔾ ᒐᒋ ᓯᔅᑲᐛᑭᓄᐅᒡ ᐛᔅᑕᓂᐱᒪᑭᓐᒡ; ᓂᐱᓯᔭ ᑲ ‍ ᐎᒋᒪᑯᓯᔨᒋ ᒐᒋ ᒪᒧᐱᑕᑭᓄᐅᒋ ᐊᓐᑕ ᐊᓕᑉ ᐱᒥᒡ ᒐᒋ ᑐᒥᓇᑭᓄᐅᒡ ᐊᔭᒥᐊᐅᒋᒪᐅᒡ ᑭᔭ ᐊᓐᑕ ᑲ ‍ ᒥᔪᒪᒂᒡ ᐎᒋᒪᓯᑭᓂᒡ;
\v 7 ᑲ ‍ ᓱᓇᔭᐎᒋ ᐊᓯᓂᔭ ᐅᓂᒃᔅ ᐊᓯᓂᐧᑲᑕᒋ ᑭᔭ ᑯᑎᒂ ᑲ ‍ ᓱᓇᔭᐅᒋ ᐊᓯᓂᔭ, ᒐᒋ ᒋᑭᒧᑕᑭᓂᔨᒋ ᐊᓐᑕ ᐊᔅᐱᒋᑯᓇᐅᓂᒡ ᑭᔭ ᐱᑕᓱᐅᓂᒡ ᐊᔭᒥᐊᐅᒋᒪᐤ ᐅᑦ ᐊᐱᒋᑕᐅᓂᒡ᙮
\p
\v 8 ᑭᔭ ᓂ ‍ ᓂᑐᐛᔨᑎᒧᐛᐅᒡ ᒐᒋ ᐅᓯᑎᒧᐅᒡ ᐸᔭᒋ-ᐱᒍᐎᔭᓂᒋᐛᐱᔪᐤ, ᐊᓐᑕ ᒐ ‍ ᐎᒋᒥᒂᐤ ᓂᑦ ᐃᔨᒥᒡ᙮\fig Tabernacle|Exo25-09-LB00259B.TIF|col||Louise Bass © The British & Foreign Bible Society, 1994.|ᑭᔭ ᓂ ‍ ᓂᑐᐛᔨᑎᒧᐛᐅᒡ ᒐᒋ ᐅᓯᑎᒧᐅᒡ ᐊᔭᒥᐊᐤ ᒥᒋᐛᐱᔪᐤ, ᐊᓐᑕ ᒐ ‍ ᐎᒋᒥᒂᐤ ᓂᑦ ᐃᔨᒥᒡ|25.8\fig*
\v 9 ᐸᐃᑯᑕᐤ ᒋᑭ ᐎ ‍ ᐃᓯᓇᑯᑕᐅᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᐊᓂᔭ ᒐᒂᔪᐛ ᒐ ‍ ᐊᐱᑎᓂᔨᒋ ᐊᓐᑕ ᐱᑎᑭᒥᒡ ᒧᔭᒻ ᒐ ᐃᓯ ‍ ᐛᐸᑎᔨᑕᓐ᙮”
\s1 ᐸᔭᒋ-ᒥᐅᑦ
\p
\v 10 “ᒐ ‍ ᐎᑎᒧᐅᑥᐤ ᒐᒋ ᐅᓯᑕᒡ ᐸᔭᒋ-ᒥᐅᑎᔪᐤ ᐊᑲᓯᔭ ᒥᔅᑎᒂ ᐅᒡ ᓇᐎᔪᐤ ᐊᓱ ᐱᑕᑕᒡ ᒥᒋᒋᓐ ᐊ ᐃᓯ ‍ ᒋᓏᔨᒡ, ᓂᓱᔪᐤ ᐊᓱ ᓂᔄᐅᑕᒡ ᒥᒋᒋᓐ ᐊ ᐃᔅᐱᔅ ‍ ᐃᔨᑭᔅᑲᔨᒡ, ᓂᓱᔪᐤ ᐊᓱ ᓂᔄᐅᑕᒡ ᒥᒋᒋᓐ ᐊ ᐃᓯ ‍ ᐃᔅᐸᔨᒡ᙮
\v 11 ᐎᔄᐅᓱᓇᔭᐤ ᒋᑭ ‍ ᐎᔎᔭᒋᓂᒧᒡ ᐱᑎᑭᒥᒡ ᑭᔭ ᐎᐎᑎᒥᒡ ᑭᔭ ᐊᓐᑕ ᐛᔅᑲᔭᔎᔨᑭᓐᒡ ᒋᐸᐃᑭᓂᒡ᙮
\v 12 ᓇᐤ ᐊ ‍ ᐎᔄᐅᓱᓇᔭᐎᒋ ᐛᐎᔭᐱᔎ ᒋᑭ ‍ ᐅᓴᐅᒡ ᑭᔭ ᒋᑭ ‍ ᒋᑭᒺᐊᒡ ᐸᐸᐃᒄ ᐊᓐᑕ ᐊ ‍ ᒋᒐᔭᒡ ᒥᐅᑎᒡ᙮
\v 13 ᒋᑭ ‍ ᐅᓴᐅᒡ ᐃᔭᐱᒡ ᒥᔅᑎᑯᐧᑲᓇ ᐊᑲᓯᔭ ᒥᔅᑎᒂ ᐅᒡ ᑭᔭ ᐎᔄᐅᓱᓇᔭᔪᐤ ᒋᑭ ‍ ᐎᔎᔭᒋᓇᐅᒡ᙮
\v 14 ᒋᑭ ‍ ᐱᑕᔅᑯᓄᐅᒡ ᒥᔅᑎᑯᐧᑲᓇ ᐊᓐᑕ ᐛᐎᔭᐱᔅᑯᒡ, ᐊᐅᑯᓐ ᒐ ᐅᒋ ‍ ᐱᒥᑕᐧᑯᓂᑭᓄᐅᒡ ᐸᔭᒋ-ᒥᐅᑦ᙮
\v 15 ᒐ ᐊᑲ ‍ ᓂᑕ ᐎ ‍ ᒥᓇᑯᒡ ᐊᓐᒡ ᒥᔅᑎᑯᐧᑲᓐᒡ ᐛᐎᔭᐱᔅᑯᒡ ᐅᒡ᙮
\v 16 ᒋ ‍ ᒥᔨᑕᓇ ᓂᓱ ᑲ ‍ ᐱᐱᒋᓯᒡ ᐊᓯᓂᔨᒡ ᐊᓐᑕ ᒐ ‍ ᒥᓯᓇᐊᒪᓐ ᓂᐎᓱᐛᐅᓇ, ᐊᑯᑕ ᐊᓐᑕ ᒐ ‍ ᐱᑕᐊᒥᓐ᙮
\p
\v 17 ᒐ ‍ ᐎᑎᒧᐅᑥᐤ ᒐᒋ ᐅᓯᑕᒡ ᒋᐸᐃᑭᓂᔪᐤ ᐎᔄᐅᓱᓇᔭᔪᐤ ᐅᒡ᙮ ᐊᑯᑕ ᐊᓐᑕ ᒐ ‍ ᐛᐸᔨᑎᒧᐅᒂᐤ ᐃᔪᒡ ᐅᒥᒋᑐᑎᒧᐅᓄᐛᐛ᙮ ᓇᐎᔪᐤ ᐊᓱ ᐱᑕᑕᒡ ᒥᒋᒋᓐ ᒋᑭ ᐃᔅᐱᔅ ‍ ᒋᓄᑕᐅᒡ ᑭᔭ ᓂᓱᔪᐤ ᐊᓱ ᓂᔄᐅᑕᒡ ᒥᒋᒋᓐ ᒋᑭ ᐃᔅᐱᔅ ᐃᔨᑭᔅᒋᑕᐅᒡ᙮
\v 18 ᒋᑭ ‍ ᐅᓴᐅᒡ ᐃᔭᐱᒡ ᓂᓱ ᐊᐛᓯᓴ ᐊ ‍ ᐅᑎᑎᑭᓄᐎᒋ ᐎᔄᐅᓱᓇᔭᔪᐤ ᐅᒡ᙮
\v 19 ᐸᐃᒄ ᐅᒡ ᐊ ‍ ᓂᓯᒡ ᐊᐛᓯᓯᒡ ᐊ ‍ ᐅᑎᑎᑭᓄᐅᒡ ᒋᑭ ‍ ᒋᑭᒺᐅᒡ ᐊᓐᑕ ᐊ ‍ ᐃᔎᔭᔨᒡ ᒥᐅᑎᒡ, ᒥᒄ ᐊᓐ ᐎᔄᐅᓱᓇᔭᐤ ᐊᐛᓯᓯᒡ ᐊ ‍ ᐅᑎᑎᑭᓄᐅᒡ ᑲ ᐅᒋ ‍ ᐅᓯᐊᑭᓄᐅᒡ ᒋᑭ ᐎ ‍ ᐊᓂᔅᑯᑎᓐ ᐊᓐᑕ ᐎᔄᐅᓱᓇᔭᒡ ᒋᐸᐃᑭᓐ ᑲ ᐅᒋ ‍ ᐅᓯᑕᑭᓄᐅᒡ᙮
\v 20 ᒐ ‍ ᐎᑎᒧᐅᑥᐤ ᒐ ᐎ ‍ ᑕᔅᑲᑐᐎᔨᒋ ᐊᐛᓯᓴ ᐊ ‍ ᐅᑎᑎᑭᓄᐎᒋ ᑭᔭ ᒐ ‍ ᒥᓯᑕᔅᑕᒡ ᐅᑎᑎᐧᑯᓇ ᒋᐸᐃᑭᓂᒡ᙮
\v 21 ᒐ ‍ ᐱᑕᐊᒥᓐ ᐊᓐᑕ ᓂᓱ ᑲ ‍ ᐱᐱᒋᓯᒡ ᐊᓯᓂᔨᒡ ᒐ ‍ ᒥᔨᑕᓐ ᐊᑯ ᐎᔄᐅᓱᓇᔭᐱᔅᒃ ᒋᐸᐃᑭᓐ ᒐ ‍ ᒋᐸᐊᒥᓐ ᐊᓐ ᐸᔭᒋ-ᒥᐅᑦ᙮
\v 22 ᐊᑯᑕ ᐊᓐᑕ ᒐ ‍ ᐃᒥᔨᑕᓐ ᑕᑕᐅᒡ ᐊᐛᓯᓯᒡ ᐊ ‍ ᐅᑎᑎᑭᓄᐅᒡ ᑭᔭ ᒐ ‍ ᐎᑎᒪᑕᓐ ᒐᒂᔪᐤ ᒐ ‍ ᑐᑕᒡ ᑭᔭ ᒐ ᐊᑲ ‍ ᑐᑕᒡ ᓂᑦ ᐃᔨᒥᒡ᙮”
\s1 ᒥᒋᓱᐛᑭᓇᑎᒄ
\p
\v 23 “ᒐ ‍ ᐎᑎᒧᐅᑥᐤ ᒐᒋ ᐅᓯᑕᒡ ᒥᒋᓱᐛᑭᓇᑎᑯᔪᐤ ᐊᑲᓯᔭ ᒥᔅᑎᒂ ᐅᒡ, ᓂᔅᑐᐎᔪᐤ ᐊᓱ ᐊᓱᑕᒡ ᒥᒋᒋᓐ ᐊᔅᐱᔅ ᒋᓏᔨᒡ ᑭᔭ ᔭᓇᐤ ᑕᑐᓴᑉ ᒥᒋᒋᓐ ᐊᔅᐱᔅ ᐃᔨᑭᔅᑲᔨᒡ, ᑭᔭ ᓂᓱᐎᔪᐤ ᐊᓱ ᓂᔄᐅᑕᒡ ᒥᒋᒋᓐ ᐊᔅᐱᔅ ᐃᔅᐸᔨᒡ᙮
\v 24 ᐎᔄᐅᓱᓇᔭᔪᐤ ᒋᑭ ‍ ᐎᔎᔭᒋᓂᒧᒡ ᑭᔭ ᑲ ‍ ᐎᔄᐅᓱᓇᔭᐅᔨᒋ ᐛᔅᑲᔅᑲᐃᑭᓇ ᒥᓯᐛ ᐊᓐᑕ ᐛᔅᑲ ᒋᑭ ‍ ᒋᑯᒺᐅᒡ᙮
\v 25 ᒋᑭ ‍ ᒋᑭᒺᐅᒡ ᐃᔭᐱᒡ ᐛᔅᑲᔅᑲᐃᑭᓇ ᓂᔅᑐ ᒥᒋᒋᓐ ᐊ ᐃᔅᐱᔅ ‍ ᐃᔨᑭᔅᒋᔨᒋ ᐊᓐᑕ ᐛᔅᑲ ᒋᒡ ᒥᒋᓱᐛᑭᓇᑎᑯᒡ, ᑭᔭ ᑲ ‍ ᐎᔄᐅᓱᓇᔭᐅᔨᒋ ᐛᔅᑲᔅᑲᐃᑭᓇ ᒐᒋ ᒋᑭᒺᐊᒡ ᐛᔅᑲ ᒋᒡ ᒥᔅᑎᑯᒡ᙮
\v 26 ᒋᑭ ‍ ᐅᓴᐅᒡ ᓇᐤ ᐊ ‍ ᐎᔄᐅᓱᓇᔭᐅᔨᒋ ᐛᐎᔭᐱᔎ ᑭᔭ ᒋᑭ ‍ ᒋᑭᒺᐅᒡ ᐊᓐᑕ ᐊ ‍ ᒋᒐᔭᔨᒡ ᒥᒋᓱᐛᑭᓇᑎᑯᒡ ᒥᒋᒪ ᐊ ‍ ᐅᔅᑲᑐᐎᔨᒡ
\v 27 ᒥᒋᒪ ᒋᒡ ᒋᑭ ‍ ᒋᑭᒺᐅᒡ ᐛᐎᔭᐱᔎ ᒥᒋᓱᐛᑭᓇᑎᑯᒡ᙮
\v 28 ᒋᑭ ‍ ᐅᓴᐅᒡ ᓂᓱ ᒥᔅᑎᐧᑯᑲᓇ ᐊᑲᓯᔭ ᒥᔅᑎᒂ ᐅᒡ ᑭᔭ ᐎᔄᐅᓱᓇᔭᔪᐤ ᒋᑭ ‍ ᐎᔎᔭᒋᓇᐅᒡ᙮ ᐊᐅᑯᓐᒡ ᒥᔅᑎᐧᑯᑲᓐᒡ ᒐᒋ ᐅᒋ ᑕᐧᑯᓂᑭᓄᐅᒡ ᒐᒋ ᐱᐸᒧᑕᑭᓄᐅᒡ ᒥᒋᓱᐛᑭᓇᑎᒄ᙮
\v 29 ᒐ ‍ ᐎᑎᒧᐅᑥᐤ ᐃᔭᐱᒡ ᒐᒋ ᐅᓯᑕᒡ ᐊᑐᔅᐳᐛᑭᓇ ᑭᔭ ᒥᓂᒂᑭᓇ ᑭᔭ ᐎᔭᑭᓇ ᒐ ‍ ᐊᐱᒋᑕᑯᓄᐅᒋ ᐃᔅᐱ ᐊᔭᒥᐊᐅᒋᒪᐤ ᐱᔅᑎᓂᒧᐅᒐ ᓱᒥᓇᐳᔪᐤ᙮ ᒥᓯᐛ ᐅᔭ ᐎᔄᐅᓱᓇᔭᐱᔅᑯᒡ ᒋᑭ ᐅᒋ ‍ ᐅᓯᑕᑭᓄᐅᐛ᙮
\v 30 ᑕᐧᑯᒡ ᒥᒋᓱᐛᑭᓇᑎᑯᒡ ᐊᓐᑕ ᓂᑲᓐ ᐃᑕᒐ ᐊᔅᑕᒡ ᐸᔭᒋ-ᒥᐅᑦ, ᓇᓂᑎᒻ ᒋᑭ ᐎ ‍ ᑕᐤ ᐊᓐᑕ ᐸᔭᒋ-ᐸᒂᓯᑭᓐ ᑲ ‍ ᐱᔅᑎᓂᒐᒡ ᐊᔭᒥᐊᐅᒋᒪᐅᒡ᙮”
\s1 ᑲ ‍ ᐸᔭᐧᑲᒡ ᐛᔅᑕᓂᐱᒪᑭᓇᑎᒄ
\p
\v 31 “ᒐ ‍ ᐎᑎᒧᐅᑥᐤ ᒐᒋ ᐅᓯᑕᒡ ᐛᔅᑕᓂᐱᒪᑭᓇᑎᑯᔪᐤ ᐎᔄᐅᓱᓇᔭᐤ ᐅᒡ᙮ ᐊ ‍ ᓄᑎᒪᔨᒡ ᐛᔅᑕᓂᐱᒪᑭᓇᑎᑯᔪᐤ, ᐊᓯᒡ ᐊᒪᒪᑕᐅᓇᑯᑕᑭᓄᐅᒋ ᐛᐱᑯᓇ ᐊ ‍ ᐅᑎᑕᒪᐃᑭᓄᐅᒡ ᐊ ‍ ᐸᐃᒂᑲᒡ ᐎᔄᐅᓱᓇᔭᐱᔅᒄ ᐅᒡ᙮
\v 32 ᓂᔅᑐ ᓯᑕᐧᑯᓐᒡ ᒋᑭ ᐎ ‍ ᑕᐅᒡ ᐊᔨᑐᐤ ᐊᓐᑕ ᐛᔅᑕᓂᐱᒪᑭᓇᔅᑯᒡ᙮ ᒪᒧᐤ ᐊᓱᑕᒡ ᒋᐸ ‍ ᐃᑕᑎᓱᐅᒡ ᐊᓐᒡ ᓯᑕᐧᑯᓐᒡ᙮
\v 33 ᓂᔅᑐ ᐛᐱᑯᓐᒡ ᒋᑭ ᐎ ‍ ᒋᑭᒧᐅᒡ ᐊᓐᑕ ᐸᐃᒄ ᓯᑕᐧᑯᓂᒡ᙮
\v 34 ᐊᓐᑕ ᑕᑕᐅᒡ ᐛᔅᑕᓂᐱᒪᑭᓇᑎᑯᒡ ᒋᑭ ‍ ᐛᓴᐛᐅᒡ ᓇᐤ ᐱᑲᓐᒡ ᐛᐱᑯᓐᒡ᙮
\v 35 ᐸᐃᒃ ᐛᐱᑯᓐ ᒋᑭ ᐎ ‍ ᒋᑭᒧᐤ ᐊᓇᒡ ᐊ ‍ ᓂᓯᒡ ᓯᑕᐧᑯᓂᒡ᙮
\v 36 ᒥᓯᐛ ᐊᓐ ᐛᔅᑕᓂᐱᒪᑭᓇᑎᒄ ᐊᓯᒡ ᓯᑕᐧᑯᓐᒡ ᑭᔭ ᐛᐱᑯᓇ ᐊ ‍ ᓄᑎᒪᒡ ᐎᔄᐅᓱᓇᔭᐤ ᐅᒡ ᒋᑭ ᐅᒋ ‍ ᐅᓯᑕᑭᓄᐛ᙮\fig Lampstand|Exo25-31-hk00264c.tif|col||Horace Knowles © The British & Foreign Bible Society, 1954|ᒐ ‍ ᐎᑎᒧᐅᑥᐤ ᒐᒋ ᐅᓯᐊᒡ ᐛᔅᑕᓂᐱᒪᑭᓇᑎᒂ ᐎᔄᐅᓱᓇᔭᐤ ᐅᒡ|25.36\fig*
\p
\v 37 ᒋᑭ ‍ ᐅᓯᐊᐅᒡ ᓂᔄᐅᑕᒡ ᐛᔅᑕᓂᐱᒪᑭᓇ ᑭᔭ ᒋᑭ ‍ ᐃᓯᓇᒂᐅᒡ ᓂᑲᓐ ᐃᑕᒐ ᒐᒋ ᐛᔅᑕᔨᒡ ᐛᔅᑕᓂᐱᒪᑭᓇᔅᑯᒡ᙮
\v 38 ᑭᔭ ᐊᓂᔭ ᐊ ‍ ᐃᑕᐱᑎᒋ ᐎᔭᑭᓇ ᑭᔭ ᑎᑯᐧᑯᒪᓇ ᒐᒋ ᐃᓯᓇᑯᑕᑭᓄᐅᒋ ᐎᔄᐅᓱᓇᔭᐤ ᐅᒡ (ᐊᔅᑐᐛᔨᑭᓇᔅᒄ ᑭᔭ ᓯᔅᑲᐃᑭᓇᔅᒄ ᐊ ‍ ᐸᐃᒂᒡ)᙮
\v 39 ᓂᔄᐅᑕᒡ ‍ ᑕᑐᔪᐤ ᐊᓱ ᐱᑕᑕᒡ ᑕᑐᐤ ᑎᐸᐸᑲᐃᑭᓐ ᒋᑭ ‍ ᐃᔅᐱᔅ ᐊᐱᑎᓯᐤ ᐎᔄᐅᓱᓇᔭᐤ ᐊ ‍ ᐅᓯᑕᑭᓄᐅᒡ ᐛᔅᑕᓂᐱᒪᑭᓇᑎᒄ ᑭᔭ ᒥᓯᐛ ᒐᒂᓐ᙮
\v 40 ᔭᐃᑕᔾ ᒋᑭ ‍ ᐃᓯᓇᑯᑕᐅᒡ ᒥᓯᐛ ᒐᒂᓇ ᒧᔭᒻ ᑲ ᐃᓯ ‍ ᐛᐸᑎᔨᑕᓐ ᐊᓐᑕ ᐱᔅᑯᑎᓇᒡ ᑲ ‍ ᑕᔭᐧᒄ᙮”
\c 26
\s1 ᒐ ‍ ᐃᓯᓇᑯᑕᓄᐅᒡ ᐸᔭᒋ-ᐱᒍᐎᔭᓂᒋᐛᑉ
\p
\v 1 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒐ ‍ ᐎᑎᒧᐅᑥᐤ ᐃᔪᒡ ᒐᒋ ᐅᓯᑕᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᐸᐃᑯᔪᐤ ᐊ ‍ ᒋᓏᑲᒋ ᐊ ‍ ᒥᔽᓯᔨᒋ ᐱᒍᐎᔭᓇ ᐊ ‍ ᐊᐱᒋᑕᒡ, ᐊ ‍ ᓂᔅᑯᐛᐱᔅᑕᐛᒡ ᑲ ‍ ᐱᔅᑭᓂᓯᔨᒋ ᑭᔭ ᑲ ‍ ᐱᒋᒥᓇᑯᓯᔨᒋ ᑭᔭ ᑲ ‍ ᒥᐧᑯᓯᔨᒋ ᐊᓯᑭᓇᔭᐱᔭ᙮ ᒋᑭ ‍ ᒥᒪᑕᐅᒂᑕᐅᒡ ᐊᓐᑕ ᐊᐛᓯᓴ ᐊ ‍ ᐅᑎᑎᑭᓄᐎᒋ᙮
\v 2 ᒥᓯᐛ ᐸᐃᑯᑕᐤ ᒋᑭ ᐎ ‍ ᐃᔅᐱᓴᑭᓇ ᐱᒍᐎᔭᓇ: ᓇᐅᓴᑉ ᑎᐸᔎᐃᑭᓇ ᐊᔅᐱᔅ ᒋᓏᒋ ᑭᔭ ᓂᓱ ᑎᐸᔎᐃᑭᓇ ᐊᔅᐱᔅ ᐃᔨᑭᔅᑲᔨᒋ᙮
\v 3 ᒪᒧᐤ ᐱᑕᑕᒡ ᒋᑭ ‍ ᒪᒧᒂᑎᒧᒡ ᐱᒍᐎᔭᓇ ᒐᒋ ᐸᐃᑯᓂᔨᒡ ᑭᔭ ᐸᐃᑯᑕᐤ ᒋᑭ ‍ ᐃᑐᑎᒧᒡ ᐊᓂᔭ ᑯᑎᑲ ᐱᑕᑕᒡ᙮
\v 4 ᐊᓂᔭ ᑕᑐᐤ ᐊ ‍ ᐸᐃᒂᑭᓂᔨᒋ, ᒋᑭ ‍ ᐛᐅᔭᔭᐸᒋᓂᒧᒡ ᐊ ‍ ᐱᔅᑭᓇᔨᒋ ᐱᒍᐎᔭᓇ ᐊᓐᑕ ᐊᔨᑐᐤ᙮
\v 5 ᐱᑕᑕᒡ ᑕᑐᔪᐤ ᒋᑭ ‍ ᐛᐅᔭᔭᐸᒋᓂᒧᒡ ᐊᓐᑕ ᐊ ‍ ᐅᓂᔎᑭᓂᔨᒋ ᓂᔅᑎᒻ ᐊ ‍ ᐸᐃᒂᑭᓂᔨᒡ ᐱᒍᐎᔭᓂᒡ ᑭᔭ ᐱᑕᑕᒡ ᑕᑐᔪᐤ ᐊᓐᑕ ᐊ ‍ ᐅᓂᔎᑭᓂᔨᒡ ᑯᑎᒋᔪᐤ ᐱᒍᐎᔭᓂᒡ᙮
\v 6 ᐊᑯ ᒐ ‍ ᐛᓯᑕᒡ ᐱᑕᑕᒡ ᑕᑐᔪᐤ ᐊ ‍ ᐎᔄᐅᓱᓇᔭᐱᓯᔨᒋ ᓯᒋᐸᒋᑭᓇ ᒐᒋ ᑕᐱᑐᒧᒋ ᐱᒍᐎᔭᓇ ᒐᒋ ᐸᐃᒂᑲᒡ, ᐊᑯ ᒧᔭᒻ ᐊ ‍ ᐸᐃᒂᒡ ᒐᒋ ᐃᓯᓇᒂᒡ ᐸᔭᒋ-ᐱᒍᐎᔭᓂᒋᐛᑉ᙮
\p
\v 7 ᐃᔭᐱᒡ ᒋᑭ ‍ ᐅᓯᑕᐅᒡ ᐊᑯᐛᑲᐃᑭᓂᔪᐤ ᒐᒋ ᒋᐸᐃᑭᓄᐅᒡ ᐸᔭᒋ-ᐱᒍᐎᔭᓂᒋᐛᑉ ᐸᐃᑯᓴᑉ ᐊᑕᑥᑲᒋ ᐱᒍᐎᔭᓇ ᒥᔅᑐᓯᔅ ᐅᐱᐎᔭ ᐊ ᐅᒋ ‍ ᐅᓯᑕᑭᓄᐅᒋ᙮
\v 8 ᒥᓯᐛ ᐸᐃᑯᑕᐤ ᒋᑭ ᐎ ‍ ᐃᔅᐱᓴᐛ: ᐱᑕᑕᒡ ᑕᑐᓴᑉ ᑎᐸᔎᐃᑭᓇ ᐊᔅᐱᔅ ᒋᓏᒋ ᑭᔭ ᓂᓱ ᑎᐸᔎᐃᑭᓇ ᐊᔅᐱᔅ ᐃᔨᑭᔅᑲᒋ᙮
\v 9 ᒪᒧᐤ ᐱᑕᑕᒡ ᒋᑭ ‍ ᒪᒧᒂᑎᒧᒡ ᐱᒍᐎᔭᓇ ᒐᒋ ᐸᐃᒂᑭᓂᔨᒡ ᑭᔭ ᒪᒧᐤ ᑯᑎᑲ ᐊᓱᑕᒡ ᒋᑭ ‍ ᒪᒧᒂᑎᒧᒡ ᐱᒍᐎᔭᓇ ᒐᒋ ᐸᐃᒂᑭᓂᔨᒡ᙮ ᒋᑭ ᐎ ‍ ᓂᔄᒋᓂᒧᒡ ᐊᓂᔭ ᐊᓱᑕᒡ ᐊᑕᑥᑭᓂᔨᒋ ᐱᒍᐎᔭᓇ ᒐᒋ ᐊᑯᓇᐃᑭᓄᐎᒡ ᓂᑲᓐ ᐸᔭᒋ-ᐱᒍᐎᔭᓂᒋᐛᐱᔪᐤ᙮
\v 10 ᒋᑭ ‍ ᐅᓴᐅᒡ ᐱᑕᑕᒡ ᑕᑐᔪᐤ ᒐ ‍ ᐛᐅᔭᔭᐸᒋᓇᒡ ᐊᐱᔅᑭᓇᔨᒋ ᐱᒍᐎᔭᓇ ᑭᔭ ᒐ ‍ ᒋᑭᒺᐊᒡ ᐊᓂᔭ ᐱᑕᑕᒡ ᑕᑐᔪᐤ ᐊᓐᑕ ᐊ ‍ ᐅᓂᔎᓂᔨᒡ ᐊ ‍ ᐸᐃᒂᑭᔨᒡ ᐱᒍᐎᔭᓂᔪᐤ᙮
\v 11 ᐊᑯ ᒐ ‍ ᐛᓯᑕᒡ ᐱᑕᑕᒡ ᑕᑐᔪᐤ ᑲ ‍ ᐎᔄᐛᐱᔅᑯᔨᒋ ᓯᒋᐸᒋᑭᓇ᙮ ᒋᑭ ‍ ᒪᑯᐱᑎᒧᒡ ᓯᒋᐸᒋᑭᓇ ᐊᑯ ᒐ ‍ ᒋᑭᒧᑕᒡ ᐊᓐᑕ ᑲ ‍ ᐛᐅᔭᔭᐸᒋᓇᒡ ᑲ ‍ ᐱᔅᑭᓇᔨᒋ ᐱᒍᐎᔭᓇ, ᐊᑯ ᒐ ‍ ᒪᒧᒋᑭᒧᑕᒡ ᒐᒋ ᐸᐃᒂᑭᓂᔨᒡ᙮
\v 12 ᐊᔅᑯᐱᔨᒡ ᐱᒍᐎᔭᓐ ᐅᑕᒡ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ ᒐ ‍ ᐱᔅᑕᑭᔅᑕᒡ᙮
\v 13 ᐊᓐ ᐊᔅᑯᐱᔨᒡ ᐳᔅᒄ ᑎᐸᔎᐃᑭᓇ ᐊᔨᑐᐤ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ ᒐ ‍ ᐱᔅᑕᑭᔅᑕᒡ᙮
\v 14 ᒋᑭ ‍ ᐅᓯᑕᐅᒡ ᒥᓐ ᓂᓱ ᐊᑯᓇᐃᑭᓇ᙮ ᐸᐃᒄ ᓇᐸ ᒪᔭᑕᓂᓱᐎᔭᓇ ᐊ ‍ ᒋᓯᓇᑭᓄᔨᒋ ᐊᐱᒋᐊᒡ᙮ ᐊᑯ ᐊᓐ ᑯᑎᒃ ᐊ ‍ ᒥᔽᒡ ᐱᓴᑭᓐ, ᐅᔅᒡ ᒐᒋ ᐅᒋ ᐱᔅᑕᑭᔅᑕᔨᒡ᙮
\p
\v 15 ᓇᐎᔪᐤ ᐊᓱ ᔭᓇᐤ ᐊᐱᓱᔭ ᒋᑭ ‍ ᐅᓴᐅᒡ ᐊᑲᓯᔭ ᒥᔅᑎᒂ ᐅᒋ ᒐᒋ ᒋᒥᑕᔨᒋ᙮
\v 16 ᐸᐃᒄ ᐊᐱᓱᔾ ᐱᑕᑕᒡ ᑕᑐᓴᑉ ᒥᓯᑦ ᒋᑭ ‍ ᐃᔎᔅᑯᓱᐤ ᑭᔭ ᓂᓱᔪᐤ ᐊᓱ ᓂᔄᐅᑕᒡ ᒥᒋᒋᓐ ᒋᑭ ‍ ᐃᔅᐱᔅ ᐃᔨᑭᔅᒋᔪᐤ᙮
\v 17 ᒋᑭ ‍ ᓂᓯᓇ ᐊᓐᑕ ᐊᓇᒡ ᐊᐱᓱᔨᒡ ᐊ ‍ ᓂᓱᑲᐳᐅᒋ ᒥᔅᑎᒂ ᒐᒋ ᒪᒧᑭᒧᒋ ᐊᒋᒥᑕᒋ ᐊᐱᓱᔭ᙮ ᒥᓯᐛ ᑕᑐᐤ ᑕᐱᔅᑯᓐ ᒋᑭ ᐎ ‍ ᐃᓯᓇᑯᑕᐅᒡ᙮
\v 18 ᒋᑭ ‍ ᐅᓯᑕᐅᒡ ᓂᓱᔪᐤ ᐊᐱᓱᔭ ᐱᓯᒧᑕᒡ ᐃᑕᒐ ᒐᒋ ᒋᒥᑕᒋ᙮
\v 19 ᑭᔭ ᓇᐎᔪᐤ ᐊ ‍ ᓱᓇᔭᐱᔅᑯᔨᒋ ᑕᑕᐃᑭᓇ ᐊᓇᒡ ᒐᒋ ᐊᔅᑕᒋ, ᓂᓱ ᑕᑕᐃᑭᓇ ᐊᓇᒡ ᐸᐃᒄ ᐊᐱᓱᔨᒡ ᒐᒋ ᒋᒥᑕᒋ ᐊᐱᓱᔭ ᒐᒋ ᒥᒋᒪᔨᑭᓄᔨᒋ᙮
\v 20 ᒋᑭ ‍ ᐅᓯᑕᐅᒡ ᓂᓱᔪᐤ ᐊᐱᓱᔭ ᒋᐛᑎᓄᑕᒡ ᐃᑕᒐ ᐸᔭᒋ-ᐱᒍᐎᔭᓂᒋᐛᐱᒡ ᒐᒋ ᒋᒥᑕᔨᒋ
\v 21 ᑭᔭ ᓇᐎᔪᐤ ᐊ ‍ ᓱᓇᔭᐱᔅᑯᔨᒋ ᑕᑕᐃᑭᓇ, ᓂᓱ ᑕᑕᐃᑭᓇ ᐊᓇᒡ ᐸᐃᒄ ᐊᐱᓱᔨᒡ᙮
\v 22 ᐊᓱᑕᒡ ᐊᐱᓱᔭ ᒋᑭ ‍ ᐅᓯᑕᐅᒡ ᐊᓐᑕ ᐅᑕᒡ ᐸᔭᒋ-ᐱᒍᐎᔭᓂᒋᐛᐱᒡ, ᐊᑎᒪᐱᓯᒧᑕᒡ ᐃᑕᒐ,
\v 23 ᑭᔭ ᓂᓱ ᐊᐱᓱᔭ ᐊᓐᑕ ᐊ ‍ ᒋᒐᔭᒡ ᐅᑕᒡ ᐸᔭᒋ-ᐱᒍᐎᔭᓂᒋᐛᐱᒡ᙮
\v 24 ᒋᑭ ‍ ᐊᓂᔅᑯᒺᐅᒡ ᐊᓂᔭ ᐊ ‍ ᒋᒐᔭᔨᒡ ᐊᐱᓱᔭ ᐊᓐᑕ ᐊᓇᒡ ᐃᔅᐱᔅ ᑕᐧᑯᒡ᙮
\v 25 ᐊᑯ ᒪᒧᐤ ᔭᓇᐤ ᐊᐱᓱᔭ ᒋᑭ ‍ ᐃᑕᑎᓂᔨᐛ ᑭᔭ ᐊᓱᑕᒡ ᑕᑐᓴᑉ ᐊ ‍ ᓱᓇᔭᐱᔅᑯᔨᒋ ᑕᑕᐃᑭᓐ, ᓇᓂᓱ ᐊᓇᒡ ᐊᐱᓱᔭ ᒐᒋ ‍ ᑎᒂᒋ᙮
\p
\v 26 ᐱᑕᑕᒡ ᑕᑐᓴᑉ ᓯᐸᔅᑯᓂᑭᓇ ᒋᑭ ‍ ᐅᓯᑕᐅᒡ ᐊᑲᓯᔭ ᒥᔅᑎᒂ ᐅᒡ, ᐱᑕᑕᒡ ᓯᐸᔅᑯᓂᑭᓇ ᐊᓐᑕ ᐊᐱᓱᔨᒡ ᐊᓐᑕ ᐅᐱᒪ ᐸᔭᒋ-ᐱᒍᐎᔭᓂᒋᐛᐱᒡ ᐃᑕᒐ,
\v 27 ᑭᔭ ᐱᑕᑕᒡ ᓯᐸᔅᑯᓂᑭᓇ ᐊᓐᑕ ᐊᐱᓱᔨᒡ ᒂᔅᑕᒐ ᐃᑕᒐ ᐸᔭᒋ-ᐱᒍᐎᔭᓂᒋᐛᐱᒡ᙮ ᑭᔭ ᐱᑕᑕᒡ ᓯᐸᔅᑯᓂᑭᓇ ᐊᓐᑕ ᐊᐱᓱᔨᒡ ᓂᔅᐸᒋᐅᓂᒡ ᐃᑕᒐ ᐅᑕᒡ ᐸᔭᒋ-ᐱᒍᐎᔭᓂᒋᐛᐱᒡ᙮
\v 28 ᒋᑭ ‍ ᒪᑯᐱᑕᐅᒡ ᓯᐸᔅᑯᓂᑭᓇ ᐊᓐᑕ ᑕᑕᐅᒡ ᐊᐱᓱᔨᒡ ᒥᓯᐛ ᐊᔅᐱᓴᔨᒡ ᐸᔭᒋ-ᐱᒍᐎᔭᓂᒋᐛᐱᒡ᙮
\v 29 ᐎᔄᐅᓱᓇᔭᐤ ᒋᑭ ‍ ᐎᔎᔭᒋᓂᒧᒡ ᐊᐱᓱᔭ ᑭᔭ ᒋᑭ ‍ ᐅᓯᐊᐅᒡ ᐊ ‍ ᐎᔄᐅᓱᓇᔭᔨᒡ ᐛᐎᔭᐱᔎ ᒐᒋ ᒋᑭᒧᒋ ᓯᐸᔅᑯᓂᑭᓇ ᐊᓐᑕ ᐊᐱᓱᔨᒡ᙮ ᐎᔄᐅᓱᓇᔭᔪᐤ ᐃᔭᐱᒡ ᒋᑭ ‍ ᐎᔎᔭᒋᓂᒧᒡ ᓯᐸᔅᑯᓂᑭᓂᒡ᙮
\p
\v 30 ᐊᑯ ᒐ ‍ ᐎᑲᐳᑕᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᒧᔭᒻ ᑲ ᐃᓯ ‍ ᐛᐸᑎᔨᑕᓐ ᐊᓐᑕ ᐱᔅᑯᑎᓇᒡ ᑲ ‍ ᑕᔭᐧᒄ᙮
\p
\v 31 ᒋᑭ ‍ ᐅᓯᑕᐅᒡ ᐊᑯᐛᑲᐃᑭᓇ ᒐᒋ ᒋᐸᐃᑭᓄᔨᒋ ᑲ ‍ ᐸᔭᐧᑭᓂᔨᒋ ᐊᔅᐱᔅᒋᒐᔨᒋ ᐊ ‍ ᒥᔽᓯᔨᒋ ᐱᒍᐎᔭᓇ ᐊ ‍ ᐊᐱᒋᑕᒡ, ᐊ ‍ ᓂᔅᑯᐛᐱᔅᑕᐛᒡ ᑲ ‍ ᐱᔅᑭᓂᓯᔨᒋ ᑭᔭ ᑲ ‍ ᐱᒋᒥᓇᑯᓯᔨᒋ ᑭᔭ ᑲ ‍ ᒥᐧᑯᓯᔨᒋ ᐊᓯᑭᓇᔭᐱᔭ᙮ ᒋᑭ ‍ ᒥᒪᑕᐅᒂᑕᐅᒡ ᐊᓐᑕ ᐊᐛᓯᓴ ᐊ ‍ ᐅᑎᑎᑭᓄᐎᒋ᙮
\v 32 ᒋᑭ ‍ ᐊᑯᑕᐅᒡ ᐊᑯᐛᑲᐃᑭᓇ ᐊᓐᑕ ᓇᐤ ᐊᑲᓯᐊ ᒥᔅᑎᒂ ᓯᑥᔎᐃᑭᓂᒡ ᐎᔄᐅᓱᓇᔭᐤ ᐊ ‍ ᐎᔎᔭᒋᓇᑭᓄᔨᒡ, ᓯᒋᐸᒋᑭᓇ ᐊ ‍ ᒋᑭᒧᒋ ᑭᔭ ᒐᒥᑕᒋ ᐊᓐᑕ ᓇᐤ ᐊ ‍ ᓱᓇᔭᐱᔅᑯᔨᒋ ᑕᑕᐃᑭᓇ᙮
\v 33 ᒋᑭ ‍ ᐊᑯᑕᐅᒡ ᐊᑯᐛᑲᐃᑭᓇ ᐊᓐᑕ ᓯᐸᔅᑯᓂᑭᓂᒡ ᐃᔅᐱᒥᒡ ᐸᔭᒋ-ᐱᒍᐎᔭᓂᒋᐛᐱᒡ, ᑭᔭ ᐅᑕᒡ ᐊᑯᐛᑲᐃᑭᓂᒡ ᒋᑭ ‍ ᐊᔅᑕᐅᒡ ᐸᔭᒋ-ᒥᐅᑎᔪᐤ ᐊᓐᑕ ᐸᒋᑎᒋ ᓂᓱ ᑲ ‍ ᐱᐱᒋᓯᒡ ᐊᓯᓂᔨᒡ ᐊᓐᑕ ᑲ ‍ ᒥᓯᓇᐃᑭᓄᐅᒋ ᓂᐎᓱᐛᐅᓇ᙮ ᐊᑯᐛᑲᐃᑭᓐ ᒋᑭ ‍ ᑎᐸᓂᒧᒥᑭᓐ ᑲ ‍ ᐸᔭᒋᒥᑲᒡ ᑲᐱᔅᒋᒐᔭᒡ ᑭᔭ ᑲᐱᔅᒋᒐᔭᒡ ᒪᐅᒡ ᑲ ‍ ᐸᔭᒋᓯᒥᑲᒡ᙮
\v 34 ᒋᑭ ‍ ᒋᐸᐊᒧᒡ ᐸᔭᒋ-ᒥᐅᑎᔪᐤ᙮
\v 35 ᐎᐎᑎᒥᒡ ᐊᓐᑕ ᑲᐱᔅᒋᒐᔭᔨᒡ ᒪᐅᒡ ᑲ ‍ ᐸᔭᒋᓯᒥᑭᓂᔨᒡ ᒋᑭ ‍ ᐊᔅᑕᐅᒡ ᒥᒋᓱᐛᑭᓇᑎᑯᔪᐤ ᐊᓐᑕ ᒋᐛᑎᓄᑕᒡ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᐛᔅᑕᓂᐱᒪᑭᓇᑎᒂ ᐊᓐᑕ ᐱᓯᒧᑕᒡ ᐃᑕᒐ᙮
\p
\v 36 ᒋᑭ ‍ ᐅᓯᑕᐅᒡ ᐊᑯᐛᑲᐃᑭᓂᔪᐤ ᒐᒋ ᒋᐸᐃᑭᓄᐅᒡ ᐛᒋ ‍ ᐱᒐᓄᐅᒡ ᐸᔭᒋ-ᐱᒍᐎᔭᓂᒋᐛᑉ ᐊ ‍ ᒥᔽᔨᒡ ᐱᒍᐎᔭᓂᔪᐤ ᐊ ‍ ᐊᐱᒋᑕᒡ ᐊ ‍ ᒥᒪᑕᐅᒂᑕᑭᓄᔨᒡ ᑲ ‍ ᐱᔅᑭᓂᓯᔨᒋ ᑭᔭ ᑲ ‍ ᐱᒋᒥᓇᑯᓯᔨᒋ ᑭᔭ ᑲ ‍ ᒥᐧᑯᓯᔨᒋ ᐊᓯᑭᓇᔭᐱᔭ᙮\fig Interior of tabernacle|Exo26-35-BK00278B.TIF|col||Horace Knowles revised by Louise Bass © The British & Foreign Bible Society, 1994|ᐎᐎᑎᒥᒡ ᐊᓐᑕ ᑲᐱᔅᒋᒐᔭᔨᒡ ᑲ ‍ ᐸᔭᒋᓯᒥᑭᓂᔨᒡ ᒋᑭ ‍ ᐊᔅᑕᐅᒡ ᒥᒋᓱᐛᑭᓇᑎᑯᔪᐤ ᐊᓐᑕ ᒋᐛᑎᓄᑕᒡ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᐛᔅᑕᓂᐱᒪᑭᓇᑎᒂ ᐊᓐᑕ ᐱᓯᒧᑕᒡ ᐃᑕᒐ|26.36\fig*
\v 37 ᐊᓐᑕ ᒐᒋᑭᒧᒡ ᐊᑯᐛᑲᐃᑭᓐ, ᒋᑭ ‍ ᐅᓯᐊᐅᒡ ᐱᑕᑕᒡ ᐊᑲᓯᐊ ᒥᔅᑎᒄ ᐊᐱᓱᔭ ᐎᔄᐅᓱᓇᔭᔪᐤ ᐊ ‍ ᐎᔎᔭᒋᓇᑭᓄᔨᒋ ᓯᒋᐸᒋᑭᓇ ᐊ ‍ ᒋᑭᒧᔨᒋ; ᒋᑭ ‍ ᐅᓯᐊᐅᒡ ᐱᑕᑕᒡ ᐊ ‍ ᐎᔄᐛᐱᔅᑯᔨᒋ ᑕᑕᐃᑭᓇ ᐊᓐᑕ ᒐ ‍ ᒋᒥᓱᔨᒋ ᐊᐱᓱᔭ᙮”
\c 27
\s1 ᑕᓐ ᒐ ‍ ᐃᓯᓇᑯᑕᑭᓄᐅᒡ ᐱᔅᑎᓂᒐᐅᓇᐱᔅᒄ
\p
\v 1 ᒂ ‍ ᐃᑕᑦ ᑎᐸᔨᒋᒐᓱᐤ ᒧᓱᓴ, “ᒐ ‍ ᐎᑎᒧᐅᑥᐤ ᐃᔪᒡ ᐊᑲᓯᔭ ᒥᔅᑎᒂ ᒋᑭ ‍ ᐊᐱᒋᐊᒡ ᒐᒋ ᐅᓯᑕᒡ ᐊᑭᔅᑭᒐᔨᒡ ᐱᔅᑎᓂᒐᐅᓇᐱᔅᑯᔪᐤ᙮ ᓂᔄᐅᑕᒡ ᒪᒃ ᐳᔅᒄ ᒥᓯᑦ ᐊᔅᐱᔅ ᒋᓏᔨᒡ ᑭᔭ ᓂᔄᐅᑕᒡ ᒪᒃ ᐳᔅᒄ ᒥᓯᑦ ᐊᔅᐱᔅ ‍ ᐃᔨᑭᔅᑲᔨᒡ ᑭᔭ ᓇᐤ ᒪᒃ ᐳᔅᒄ ᒥᓯᑦ ᐊᔅᐱᔅ ᐃᔅᐸᔨᒡ᙮\fig Burnt offering on an altar|Exo27-08-hk00256c.tif|col||Horace Knowles © The British & Foreign Bible Society, 1954|ᐊᑲᓯᔭ ᒥᔅᑎᒂ ᒋᑭ ‍ ᐊᐱᒋᐊᒡ ᒐᒋ ᐅᓯᑕᒡ ᐊᑭᔅᑭᒐᔨᒡ ᐱᔅᑎᓂᒐᐅᓇᐱᔅᑯᔪᐤ|27.1\fig*
\v 2 ᒧᔭᒻ ᐊ ‍ ᒋᒥᓱᔨᒋ ᐊᔅᑭᓇ ᐊᓐᑕ ᓇᐤ ᐊ ‍ ᒋᒐᔭᒡ ᒋᑭ ‍ ᐃᓯᓇᑯᑕᐅᒡ᙮ ᐊᑯ ‍ ᐊ ‍ ᐸᐃᑯᓂᔨᒡ ᒐ ‍ ᐃᓯᓇᑯᓯᔨᒋ ᐊᔅᑭᓇ ᐊᓯᒡ ᐱᔅᑎᓂᒐᐅᓇᐱᔅᑯᔪᐤ᙮ ᑭᔭ ᒥᓯᐛ ᐎᔄᐛᐱᔅᑯᔪᐤ ᒋᑭ ‍ ᐎᔎᔭᒋᓂᒧᒡ᙮
\v 3 ᒋᑭ ᐎ ‍ ᐅᓯᑕᐅᒡ ᑭᔅᑭᒋᔭᑭᓇ ᒐᒋ ᐱᑕᐃᑭᓄᔨᒋ ᐊᓐᑕ ᐊ ‍ ᐱᒥᐅᒋ ᑭᔅᑕᐛ, ᑭᔭ ᒋᑭ ᐎ ‍ ᐅᓯᑕᐅᒡ ᒥᑲᐃᐸᑭᓇ ᒐᒋ ᐛᐸᔨᑭᓄᐅᒋ ᐊ ‍ ᐱᒥᐅᒋ ᑭᔅᑕᐛ, ᑭᔭ ᐎᔭᑭᓇ ᒋᑭ ‍ ᐅᓯᑕᐅᒡ ᑭᔭ ᒋᔅᑕᒥᒋᓱᐛᑭᓇ ᒐᒋ ᒂᐱᔅᒋᓇᑭᓄᐅᒡ ᐎᔭᔅ ᒪᒂᒡ ᐊ ‍ ᑎᑭᔅᑕᒡ ᑭᔭ ᐊᔅᒋᒂ ᒐᒋ ᓱᑕᑭᓄᐅᒋ ᑭᔅᑕᐛ᙮ ᒥᓯᐛ ᐅᔭ ᒐᒂᓇ ᐎᔄᐛᐱᔅᑯᒡ ᒋᑭ ᐎ ‍ ᐅᒋ ᐅᓯᑕᑭᓄᐅᐛ᙮
\v 4 ᒋᑭ ‍ ᐅᓯᑕᐅᒡ ᐃᔭᐱᒡ ᐊ ‍ ᐎᔄᐛᐱᔅᑯᔨᒡ ᐃᐸᐱᔅᑯᔪᐤ ᒐ ‍ ᑕᐧᑯᓯᔅᑕᑭᓄᔨᒋ ᐊ ‍ ᐃᔎᑕᒋ ᒥᑕ ᑭᔭ ᑭᔅᑕᐛ᙮ ᒋᑭ ‍ ᒋᑭᒧᑕᐅᒡ ᐊᓐᑕ ᐊᒋᒐᔨᒡ ᐊ ‍ ᐎᔄᐛᐱᔅᑯᔨᒋ ᐛᐎᔭᐱᔎ ᒐᒋ ᐅᒋ ‍ ᑕᐧᑯᓂᑭᓄᔨᒡ ᐱᔅᑎᓂᒐᐅᓇᐱᔅᑯᔪᐤ᙮
\v 5 ᒋᑭ ‍ ᒋᑭᒧᑕᐅᒡ ᐃᐸᐱᔅᑯᔪᐤ ᐊᓐᑕ ᓯᐸ ᐛᔅᑲᔅᑲᐃᑭᓂᒡ ᐛᔅᑲ ᐱᔅᑎᓂᒐᐅᓇᐱᔅᑯᒡ, ᐱᑎᓱᐤ ᒐᒋ ᑎᑭᑯᓂᔨᒡ ᐱᔅᑎᓂᒐᐅᓇᐱᔅᑯᒡ ᐊᐱᑐᒥᐅᑎᒡ ᒐ ‍ ᑎᑯᓂᔨᒡ᙮
\v 6 ᒋᑭ ᐎ ‍ ᐅᓯᐊᐅᒡ ᒥᔅᑎᑯᐧᑲᓇ ᐊᑲᓯᔭ ᒥᔅᑎᒂ ᐅᒡ ᒐ ᐅᒋ ‍ ᑕᐧᑯᓇᑭᓄᔨᒡ ᐱᔅᑎᓂᒐᐅᓇᐱᔅᑯᔪᐤ ᑭᔭ ᐎᔄᐛᐱᔅᑯᔪᐤ ᒋᑭ ‍ ᐎᔎᔭᒋᓇᐅᒡ᙮
\v 7 ᒋᑭ ‍ ᓴᒂᐅᒡ ᒥᔅᑎᑯᐧᑲᓇ ᐊᓐᑕ ᐛᐎᔭᐱᔅᑯᒡ ᐊᔨᑐᐤ ᐱᔅᑎᓂᒐᐅᓇᐱᔅᑯᒡ ᒐᒋ ᐅᒋ ᐸᒧᑕᑭᓄᔨᒡ᙮
\v 8 ᒥᔅᑎᑯᐅᑦ ᒋᑭ ‍ ᐃᓯᓇᑯᓐ ᐊᓐ ᐱᔅᑎᓂᒐᐅᓇᐱᔅᒄ ᐊᑲᐃᓯᔭ ᑲᒥᓴᔪᒋᓯᒡ ᐊ ‍ ᐊᐱᒋᐊᑭᓄᐅᒡ ᐊ ᐅᒋ ‍ ᐅᓯᑕᑭᓄᐅᒡ ᒧᔭᒻ ᑲ ᐃᓯ ‍ ᐛᐸᑎᔨᑕᓐ ᒐ ‍ ᐃᓯᓇᑯᑕᑭᓄᐅᒡ ᐅᑕ ᐱᔅᑯᑎᓇᒡ᙮”
\s1 ᐛᔅᑲ ᐊᑐᐛᒡ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ
\p
\v 9 “ᒐ ‍ ᐎᑎᒧᐅᑥᐤ ᒐᒋ ᐅᓯᑕᒡ ᐛᔅᑲ ᐊᑐᐛᔨᒡ ᐊᓐᑕ ᒐ ‍ ᑎᑯᓂᔨᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮ ᐱᑕᑕᒡ ᑕᑐᔪᐤ ᑎᐸᔎᐃᑭᓇ ᐊᔅᐱᔅ ᒋᓏᔨᒡ ᐊᓐᑕ ᓴᐅᓄᒡ ᐃᑕᒐ ᑭᔭ ᐊᑯᐛᑲᐃᑭᓇ ᒐ ‍ ᑯᑕᒡ ᐊ ‍ ᒥᔽᔨᒡ ᐱᒍᐎᔭᓂᔪᐤ ᐊ ᐅᒋ ‍ ᐅᓯᑕᒡ᙮
\v 10 ᐊᓯᒡ ᓂᓱᔪᐤ ᑕᑕᐃᑭᓇ ᑭᔭ ᓂᓱᔪᐤ ᐊ ‍ ᐎᔄᐛᐱᔅᑯᔨᒋ ᑕᑕᐃᑭᓇ ᑭᔭ ᐊᓯᒡ ᓯᐸᔅᑯᓂᑭᓇ ᑭᔭ ᐊ ‍ ᓱᓇᔭᐱᔅᑯᔨᒋ ᓯᒋᐸᒋᑭᓇ᙮
\v 11 ᐸᐃᑯᑕᐤ ᒋᑭ ᐎ ‍ ᐃᓯᓇᑯᑕᐅᒡ ᐊᑯᐛᑲᐃᑭᓇ ᐊᓐᑕ ᒋᐛᑎᓄᒡ ᐃᑕᒐ ᐛᔅᑲ ᐊᑐᐛᔨᒡ᙮
\p
\v 12 ᐊᑯ ᐊᓐᑕ ᐊᑐᐛᒡ ᐊᑎᒪᐱᓯᒧᑕᒡ ᐃᑕᒐ ᒋᑭ ‍ ᐅᓯᑕᐅᒡ ᐊᑯᐛᑲᐃᑭᓂᔪᐤ ᓂᓱᔪᐤ ᐊᓱ ᐸᑕᑕᒡ ᑎᐸᔎᐃᑭᓇ ᐊᔅᐱᔅ ᒋᓏᔨᒡ ᐊᓯᒡ ᐸᐃᑯᔪᐤ ᑕᑕᐃᑭᓇ ᐊᓐᑕ ᒐ ‍ ᐊᑯᑕᔨᒡ ᑭᔭ ᐊᓯᒡ ᐸᐃᑯᔪᐤ ᑕᑕᐃᑭᓇ᙮
\v 13 ᑭᔭ ᐛᐱᓄᑕᒡ ᐃᑕᒐ ᐊᑐᐛᔨᒡ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ ᐛᒋᐱᔨᒐᓄᔨᒡ ᓂᓱᔪᐤ ᐊᓱ ᐸᑕᑕᒡ ᑎᐸᔎᐃᑭᓇ ᒋᑭ ᐊᔅᐱᔅ ‍ ᐃᔨᑭᔅᒋᑕᐅᒡ᙮
\v 14 ᒐ ‍ ᐎᑎᒧᐅᑥᐤ ᒐᒋ ᐊᑯᑕᒡ ᐊᑯᐛᑲᐃᑭᓂᔪᐤ ᐊᓐᑕ ᐅᐱᒪ ᐛᒋ ‍ ᐱᒐᓄᐎᔨᒡ ᓂᔄᐅᑕᒡ ᒪᒃ ᐳᔅᒄ ᑎᐸᔎᐃᑭᓇ ᐊᔅᐱᔅ ᒋᓏᔨᒡ ᐊᓯᒡ ᓂᔅᑐ ᓯᑥᔎᐃᑭᓇ ᑭᔭ ᓂᔅᑐ ᑕᑕᐃᑭᓇ᙮
\v 15 ᐊᑯ ᐊᓐᑕ ᒂᔅᑕᒐ ᐃᑕᒐ ᓂᔄᐅᑕᒡ ᒪᒃ ᐳᔅᒄ ᑎᐸᔎᐃᑭᓇ ᐊᔅᐱᔅ ᒋᓏᔨᒡ ᐊᑯᐛᑲᐃᑭᓂᔪᐤ ᑭᔭ ᓂᔅᑐ ᓯᑥᔎᐃᑭᓇ ᑭᔭ ᓂᔅᑐ ᑕᑕᐃᑭᓇ᙮
\p
\v 16 ᒋᑭ ‍ ᐅᓯᑕᐅᒡ ᐊᑯᐛᑲᐃᑭᓂᔪᐤ ᐸᐃᑯᔪᐤ ᑎᐸᔎᐃᑭᓇ ᐊᔅᐱᔅ ᒋᓏᔨᒡ ᐊᓐᑕ ᐛᒋ ‍ ᐱᒐᓄᔨᒡ ᐊᑐᐛᔨᒡ, ᑲ ‍ ᐱᔅᑭᓂᓯᔨᒋ ᑭᔭ ᑲ ‍ ᐱᒋᒥᓇᑯᓯᔨᒋ ᑭᔭ ᑲ ‍ ᒥᐧᑯᓯᔨᒋ ᐊᓯᑭᓇᔭᐱᔭ ᐊ ‍ ᐊᐱᒋᐊᒡ ᐊ ‍ ᒥᒪᑕᐅᒂᑕᒡ ᑭᔭ ᓇᐤ ᓯᑥᔎᐃᑭᓐᒡ ᐊᓐᑕ ᒐ ‍ ᒋᒥᓱᒡ ᓇᐤ ᑕᑕᐃᑭᓐᒡ᙮
\v 17 ᒥᓯᐛ ᓯᑥᔎᐃᑭᓐᒡ ᐊᓐᑕ ᐛᔅᑲ ᐊᑐᐛᒡ ᓱᓇᔭᐱᔅᑯᐤ ᐃᓴᑯᒡ ᒋᑭ ᐎ ‍ ᐊᓂᔅᑯᓯᒪᐅᒡ᙮ ᓱᓇᔭᐱᔅᒄ ᐅᒡ ᒋᑭ ᐎ ‍ ᐅᓯᑕᑭᓄᐅᐛ ᓯᒋᐸᒋᑭᓇ ᑭᔭ ᑕᑕᐃᑭᓇ ᐎᔄᐛᐱᔅᑯᒡ ᐅᒡ᙮
\v 18 ᐱᑕᑕᒡ ᑕᑐᔪᐤ ᑎᐸᔎᐃᑭᓇ ᒋᑭ ᐎ ‍ ᐃᔅᐱᔅ ᒋᓏᐤ ᑭᔭ ᓂᓱᔪᐤ ᐊᓱ ᐱᑕᑕᒡ ᑎᐸᔎᐃᑭᓇ ᒋᑭ ᐎ ‍ ᐃᔅᐱᔅ ᐃᔨᑭᔅᑲᐤ ᑭᔭ ᓂᓱ ᒪᒃ ᐳᔅᒄ ᑎᐸᔎᐃᑭᓇ ᒋᑭ ᐎ ‍ ᐃᔅᐱᔅ ᐃᔅᐸᐤ ᐊᓐᑕ ᐛᔅᑲ ᐊᑐᐛᒡ᙮ ᐊ ‍ ᒥᔽᒡ ᐱᒍᐎᔭᓐ ᒋᑭ ᐎ ᐅᒋ ‍ ᐅᓯᑕᑭᓄᐅᐛ ᐊᑯᐛᑲᐃᑭᓇ ᑭᔭ ᑕᑕᐃᑭᓐᒡ ᓱᓇᔭᐱᔅᑯᒡ ᐅᒡ᙮
\v 19 ᒥᓯᐛ ᒐᒂᓐ ᒐ ‍ ᐊᐱᑎᒡ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᒋᔅᑕᐸᒋᑭᓐᒡ ᐃᔭᐱᒋᐊᑭᓄᐅᒡ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᐊᓐᑕ ᐛᔅᑲ ᐊᑐᐛᒡ ᑲ ‍ ᐎᔄᐛᐱᔅᑯᐅᒡ ᒋᑭ ᐅᒋ ‍ ᐅᓯᑕᑭᓄᐅᐛ᙮”
\s1 ᐊ ‍ ᓇᑭᑐᐛᔨᑕᑭᓄᐅᒡ ᐛᔅᑕᓂᐱᒪᑭᓇᑎᒄ
\p
\v 20 “ᒐ ‍ ᐃᑎᓱᒥᑥᐤ ᐃᔅᕋᐃᓪ ᐃᔪᒡ ᒐᒋ ᐃᑐᑥᔅᒡ ᓇᔅᒡ ᐛᒋ ‍ ᒥᔽᑭᒥᓯᔨᒋ ᐱᒥᔭ ᒐᒋ ᓇᓂᑎᒻ ᐛᔅᑕᒡ ᐛᔅᑕᓂᐱᒪᑭᓇᔅᒄ᙮
\v 21 ᐊᕋᓐ ᑭᔭ ᐅᑯᓴ ᒋᑭ ‍ ᐊᔭᔅᑯᔅᑕᐅᒡ ᐛᔅᑕᓂᐱᒪᑭᓇᔅᑯᔪᐤ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ ᐎᐎᑎᒥᒡ ᐊᑯᑕᔨᒡ ᐊᑯᐛᑲᐃᑭᓂᔪᐤ ᐅᑎᔅᑯᐤ ᐸᔭᒋ-ᒥᐅᑎᔪᐤ᙮ ᐊᓯᑯᒻ ᑕᐱᔅᑲᐛ ᒋᑭ ᐎ ‍ ᐛᔅᑕᐤ ᐛᔅᑕᓂᐱᒪᑭᓇᔅᒄ ᐃᔅᐱᔅ ᒋᔭᒋᓴᐸᔭᒋ᙮ ᒧᔅ ᑲᒋᒡ ᒋᑭ ᐎ ‍ ᓇᑭᑐᐛᔨᑎᒧᒡ ᐃᔅᕋᐃᓪ ᐃᔪᒡ ᑭᔭ ᐅᑦ ᐊᓂᔅᑯᑕᐸᓄᐛᐛ ᐅᔭ ᐃᑎᓱᐛᐅᓂᔪᐤ᙮”
\c 28
\s1 ᒐ ‍ ᐃᓯᓇᑯᓂᔨᒋ ᐊᔭᒥᐅᒋᒪᐅᒡ ᐅᑦ ᐊᐱᒋᑕᐅᓄᐛᐛ
\p
\v 1 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᐃᑎᓴᐤ ᐊᐛᓐ ᒐᒋ ᓂᑐᐛᐱᒪᑦ ᐊᕋᓇ ᑭᔭ ᐅᑯᓯᔨᐛ: ᓇᑕᑉ, ᐊᐱᐦᐅ, ᐃᓕᐊᓴᕐ ᑭᔭ ᐃᑕᒪᕐ᙮ ᐊᐅᑯᓐᒡ ᐅᒡ ᑲ ‍ ᐅᑎᓂᒂᐤ ᐊᓐᑕ ᒥᓯᐛ ᐊᑕᑎᓯᒡ ᐃᔅᕋᐃᓪ ᐃᔪᒡ ᐅᒡ ᒐᒋ ᐊᑐᔅᑯᐅᒡ ᒐᒋ ᐊᔭᒥᐊᐅᒋᒪᐅᒡ᙮
\v 2 ᒐ ‍ ᐎᑎᒧᐅᑥᐤ ᑲ ‍ ᑭᔅᒋᐅᒡ ᐊᑐᔅᒐᒡ ᐃᔪᒡ ᒐᒋ ᐅᓯᑕᐛᒡ ᐊᕋᓇ ᐸᔭᒋ-ᐊᐱᒋᑕᐅᓇ ᒐᒋ ᐃᔅᐱᑕᔨᒪᑭᓄᐅᑦ ᑭᔭ ᒥᔪᓇᑯᓯᑦ᙮
\v 3 ᒐ ‍ ᐎᑎᒧᐅᑥᐤ ᑲ ‍ ᑭᔅᒋᐅᒡ ᐊᑐᔅᒐᒡ ᐊᓐᒡ ᑲ ‍ ᒥᔨᑲᐤ ᒐᒋ ᐊᔭᒡ ᑭᔅᒋᐅᓂᔪᐤ ᒐᒋ ᐅᓯᑎᒧᐛᒡ ᐊᕋᓇ ᐊᐱᒋᑕᐅᓇ ᒐᒋ ᐳᔅᑲᐧᒃ ᐃᔅᐱᔾ ᐱᔅᑎᓇᑭᓄᐅᒐ ᒐᒋ ᐊᑐᔅᑯᐅᑦ ᐊ ‍ ᐊᔭᒥᐊᐅᒋᒪᐅᑦ᙮ 
\v 4 ᒐ ‍ ᐎᑎᒧᐅᑥᐤ ᒐᒋ ᐅᓯᑕᒡ ᐱᑕᓱᐅᓂᔪᐤ, ᐊᔅᐱᒋᑯᓇᐅᓂᔪᐤ, ᐊᔭᒥᐊᐤ ᐊᑯᐱᔪᐤ, ᐊ ‍ ᒥᒪᑕᐅᒂᑕᔨᒡ ᐱᒍᐎᔭᓂᔪᐤ, ᑕᐱᔅᑲᑭᓂᔪᐤ, ᑭᔭ ᐱᒂᑕᐅᓂᔪᐤ᙮ ᐊᐅᑯᔪᐛ ᐅᔭ ᐊᔭᒥᐊᐅ-ᐊᐱᒋᑕᐅᓇ ᒐ ‍ ᐳᔅᑲᒡ ᒋᐧᑲᓂᔅ ᐊᕋᓐ ᑭᔭ ᐅᑯᓴ ᒪᒂᒡ ᐊᑐᔅᑯᐅᒡ ᐊᔭᒥᐊᐅᒋᒪᐅᒡ᙮
\v 5 ᐊ ‍ ᒥᔽᔨᒡ ᐱᒍᐎᔭᓂᔪᐤ ᒋᑭ ‍ ᐊᐱᒋᑕᐅᒡ, ᑲ ‍ ᐱᔅᑭᓂᓯᔨᒋ ᑭᔭ ᑲ ‍ ᐱᒋᒥᓇᑯᓯᔨᒋ ᑭᔭ ᑲ ‍ ᒥᐧᑯᓯᔨᒋ ᐊᓯᑭᓇᔭᐱᔭ, ᑭᔭ ᐊ ‍ ᐎᔄᐅᓱᓇᔭᐱᔅᑯᔨᒋ ᓴᔅᑎᒂᔭᐱᔭ ᐊ ‍ ᐊᐱᒋᐊᒡ᙮”
\s1 ᐊᔅᐱᒋᑯᓇᐅᓐ
\p
\v 6 “ᒋᑭ ‍ ᐅᓯᑕᐅᒡ ᐊᔅᐱᒋᑯᓇᐅᓂᔪᐤ ᐊ ‍ ᒥᔽᔨᒡ ᐱᒍᐎᔭᓂᔪᐤ ᐊ ‍ ᐊᐱᒋᑕᒡ, ᐊ ‍ ᒥᒪᑕᐅᒂᑕᑭᓄᐎᔨᒡ ᑲ ‍ ᐱᔅᑭᓂᓯᔨᒋ ᑭᔭ ᑲ ‍ ᐱᒋᒥᓇᑯᓯᔨᒋ ᑭᔭ ᑲ ‍ ᒥᐧᑯᓯᔨᒋ ᐊᓯᑭᓇᔭᐱᔭ ᐅᒡ, ᑭᔭ ᐊ ‍ ᐎᔄᐅᓱᓇᔭᐱᔅᑯᔨᒋ ᓴᔅᑎᒂᔭᐱᔭ᙮
\v 7 ᒋᑭ ᐎ ‍ ᒋᑭᒧᐛ ᓂᓱ ᒥᑎᑎᒥᓂᒡ ᒪᑯᐱᓱᐅᓇ ᒐ ‍ ᐊᓂᔅᑯᑎᒋ ᐊᓐᑕ ᓂᓱ ᐊ ‍ ᒋᒐᔭᒋ ᐊᔅᐱᒋᑯᓇᐅᓂᒡ ᒐᒋ ᒋᔅᑲᐧᒃ ᐊᔭᒥᐊᐅᒋᒪᐤ᙮
\v 8 ᑭᔭ ᐱᒂᑕᐅᓐ ᐸᐃᑯᑕᐤ ᒋᑭ ᐅᒋ ‍ ᐅᓯᑕᑭᓄᐤ ᑭᔭ ᒐ ‍ ᐊᓂᔅᑯᑎᒡ ᐊᓐᑕ ᐊᔅᐱᒋᑯᓇᐅᓂᒡ ᐊ ‍ ᐸᐃᒂᒡ ᒐᒋ ᐃᓯᓇᒂᒡ᙮
\p
\v 9 ᓂᓱ ᐅᓂᒃᔅ ᐊᓯᓂᔭ ᒋᑭ ‍ ᐅᑎᓂᒧᒡ ᑭᔭ ᒋᑭ ‍ ᒥᓯᓂᐱᔎᐊᒺᐅᒡ ᐅᑦ ᐃᓯᓂᐧᑲᓱᓂᔨᐛ ᐊᓂᓴᐳᐎᒋ ᒐᑭᐸ ᐅᑯᓯᔨᐛ᙮
\v 10 ᓂᔅᑎᒧᓴᓐ ᐅᒡ ᐃᔅᐱᔅ ᐊᓐ ᒪᔅᑕᓄᓴᓐ ᒐᑭᑉ ᐅᑯᓴ ᒋᑭ ᐎ ‍ ᒥᓯᓂᐱᔎᐊᑭᓄᔪᐛ ᐅᑦ ᐃᓯᓂᐧᑲᓱᓄᐛᐛ, ᐊᓱᑕᒡ ᐊᓐᑕ ᐸᐃᒄ ᐊᓯᓂᒡ ᑭᔭ ᐊᓱᑕᒡ ᐊᓐᑕ ᑯᑎᑲ ᐊᓯᓂᒡ᙮
\v 11 ᐊᓐ ᐊᐛᓐ ᑲᔅᒋᑕᑦ ᐊ ‍ ᒋᒥᔄᑦ ᐊᓯᓂᔭ ᑲ ᒥᔅᑎ ‍ ᒥᔪᓯᓯᔨᒋ ᒋᑭ ‍ ᒥᓯᓂᐱᔎᐊᒺᐤ ᐅᑦ ᐃᓯᓂᐧᑲᓱᓂᔨᐛ ᓂᓴᑉ ᒐᑭᐸ ᐅᑯᓯᔨᐛ, ᑭᔭ ᒋᑭ ‍ ᒋᑭᒧᑕᐤ ᐎᔄᐅᓱᓇᔭᔪᐤ ᐊᓐᑕ ᐛᔅᑲ ᐊᓯᓂᒡ᙮
\v 12 ᐊᑯ ᒐ ‍ ᒋᑭᒧᑕᑦ ᐊᓂᔭ ᓂᓱ ᐊᓯᓂᔭ ᑲ ᒥᔅᑎ ‍ ᒥᔪᓯᓯᔨᒋ ᐊᓐᑕ ᒥᑎᑎᒥᓂᒡ ᒪᑯᐱᓱᐅᓇ ᑲ ‍ ᐎᐸᔨᒋ, ᒐᒋ ᒋᔅᒋᑐᐛᑭᓄᐅᒡ ᓂᓴᑉ ᐊᑕᑐᔅᑲᓇᓯᒡ ᐃᔅᕋᐃᓪ ᐃᔪᒡ᙮ ᐊᕋᓐ ᒋᑭ ‍ ᒋᔅᑭᒻ ᐅᑦ ᐃᓯᓂᐧᑲᓱᓂᔨᐛ ᐊᓂᔭ ᓂᓴᑉ ᐊ ‍ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ ᐊᑯ ᓂᔾ ᑎᐸᔨᒋᒐᓱᐤ ᓇᓂᑎᒻ ᒐ ‍ ᒋᔅᒋᑐᐅᒂᐤ ᓂᑦ ᐃᔨᒥᒡ᙮
\v 13 ᐊᓐᑕ ᐛᔅᑲ ᐊᓯᓂᒡ ᒋᑭ ‍ ᒋᑭᒧᑕᐅᒡ, ᐎᔄᐅᓱᓇᔭᐤ ᐅᒡ ᒋᑭ ᐅᒋ ‍ ᐅᓯᑕᐅᒡ,
\v 14 ᑭᔭ ᓂᓱ ᐊ ‍ ᐎᔄᐅᓱᓇᔭᐱᔅᑯᔨᒋ ᐃᓴᒂᔭᐱᔭ ᐊ ‍ ᐱᐧᑲᑕᔨᒋ ᒋᑭ ‍ ᒋᑭᒧᑕᐅᒡ ᐊᓐᑕ ᐛᔅᑲ ᐎᔄᐅᓱᓇᔭᐤ ᐊᓯᓂᒡ᙮”
\s1 ᐱᑕᓱᐅᓐ
\p
\v 15 “ᒐ ‍ ᐎᑎᒧᐅᑥᐤ ᐊ ‍ ᑭᔅᒋᑕᒡ ᐊᑐᔅᒐᒡ ᐃᔪᒡ ᒐᒋ ᐅᓯᑎᒧᐛᒡ ᐊᕈᓇ ᐱᑕᓱᐅᓂᔪᐤ ᒐᒋ ᒋᔅᑭᒥᔨᒋ ᐅᔅᑲᔅᒋᑭᓂᔨᒡ ᒐᒋ ᐅᒋ ᒋᔅᒐᔨᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔨᐛ, ᑭᔭ ᐸᐃᑯᑕᐤ ᒐᒂᓂᒡ ᒋᑭ ᐅᒋ ‍ ᐅᓯᑕᑭᓄᐅᔪᐤ ᒧᔭᒻ ᐊᔅᐱᒋᑯᓇᐅᓂᔪᐤ ᑭᔭ ᐸᐃᑯᑕᐤ ᒋᑭ ᐃᓯ ‍ ᒥᒪᑕᐅᒂᑕᑭᓄᐎᔪᐤ᙮\fig Breastplate, turban|Exo28-09-hk00261c.tif|col||Horace Knowles © The British & Foreign Bible Society, 1954|ᒐ ‍ ᐎᑎᒧᐅᑥᐤ ᐊ ‍ ᑭᔅᒋᑕᒡ ᐊᑐᔅᒐᒡ ᐃᔪᒡ ᒐᒋ ᐅᓯᑎᒧᐛᒡ ᐊᕈᓇ ᐱᑕᓱᐅᓂᔪᐤ ᒐᒋ ᒋᔅᑭᒥᔨᒋ ᐅᔅᑲᔅᒋᑭᓂᔨᒡ ᒐᒋ ᐅᒋ ᒋᔅᒐᔨᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔨᐛ|28.15\fig*
\v 16 ᒋᑭ ᐎ ‍ ᑭᔅᑭᒐᔪᐤ ᑭᔭ ᒋᑭ ᐎ ‍ ᓂᔄᒋᓇᑭᓄᐅᔪᐤ ᐸᐃᑯᔅᑕᐤ ᒥᒋᒋᓐ ᒋᑭ ᐎ ‍ ᐃᔅᐱᔅ ᒋᓏᔪᐤ ᑭᔭ ᐸᐃᑯᔅᑕᐤ ᒥᒋᒋᓐ ᒋᑭ ᐎ ‍ ᐃᔅᐱᔅ ᐃᔅᑭᔅᑲᔪᐤ᙮
\v 17 ᐊᑯ ᐊ ‍ ᑭᔅᒋᐅᑦ ᐊᑐᔅᒐᑦ ᐃᔪᐤ ᒋᑭ ‍ ᒋᑭᒧᑕᐤ ᐊ ‍ ᓇᐛᐸᑭᒧᑕᑦ ᐊ ‍ ᒥᔪᓯᓯᔨᒋ ᐊᓯᓂᓴ᙮ ᐊᓐᑕ ᐅᔅᑭᒡ ᒐ ‍ ᐱᒪᐸᑯᒧᐎᔨᒡ ᕈᐱᔾ (ᑲ ‍ ᒥᒂᒡ ᐊᓯᓂᔾ), ᑭᔭ ᑐᐸᔅ (ᑲ ‍ ᐎᔄᐛᒡ ᐊᓯᓂᔾ), ᑭᔭ ᑲᕐᓂᑦ (ᑲ ‍ ᒥᒂᒡ ᐊᓯᓂᔾ) ᒋᑭ ‍ ᒋᑭᒧᑕᐤ᙮
\v 18 ᐊᑯ ᒥᓐ ᒐ ‍ ᐱᒪᐸᑯᒧᐎᔨᒡ ᐊᓐᑕ ᐊᓇᒡ, ᐊᒥᕋᓪᑦ (ᑲ ‍ ᓯᐸᑯᐅᒡ ᐊᓯᓂᔾ), ᑭᔭ ᓴᐸᐃᕐ (ᑲ ‍ ᐱᔅᑭᓇᒡ ᐊᓯᓂᔾ), ᑭᔭ ᓱᓇᔭᐤ ᐊᓯᓂᔅ (ᐊ ‍ ᓴᐳᓄᒂᒡ ᐊᓯᓂᔾ)᙮
\v 19 ᐊᑯ ᐊᓐᑕ ᓂᔅᑐ ᒐ ‍ ᐱᒪᐸᑯᒧᐎᔨᒡ ‍ ᐊ ‍ ᒥᔪᓯᓯᒡ ᐊᓯᓂᔨᒡ ᒐᓴᓐᑦ (ᑲ ‍ ᒥᒂᒡ ᐊᓯᓂᔾ), ᑭᔭ ᐊᑲᑦ (ᑲ ‍ ᐛᐸᒡ ᐊᓯᓂᔾ), ᑭᔭ ᐊᒪᑎᔅᑦ (ᑲ ‍ ᐱᒋᒥᓇᒡ ᐊᓯᓂᔾ)᙮
\v 20 ᐊᑯ ᒪᔅᑕᔾ ᒐ ‍ ᐱᒪᐸᑯᒧᐎᔨᒡ ᐸᕆᓪ (ᑲ ‍ ᐎᔄᐛᒡ ᐊᓯᓂᔾ), ᑲᕐᓂᓕᔭᓐ (ᑲ ‍ ᒥᒂᒡ ᐊᓯᓂᔾ), ᒐᔅᐳᕐ (ᑲ ‍ ᓯᐸᑯᐅᒡ ᐊᓯᓂᔾ)᙮ ᒥᓯᐛ ᐅᔭ ᐊ ‍ ᒥᔪᓯᓯᔨᒋ ᐊᓯᓂᔭ ᒋᑭ ᐎ ‍ ᒋᑭᒺᐅᒡ ᐎᔄᐅᐤ ᓯᑭᓇᔭᐱᔅᑯᒡ᙮
\v 21 ᒥᓯᐛ ᐊᓐᑕ ᐸᐸᐃᒄ ᐊᓂᓴᐳᒡ ᐊᓯᓂᔨᒡ ᒋᑭ ᐎ ‍ ᒥᓯᓇᑕᐃᑭᓄᔪᐛ ᒐᑭᑉ ᑲ ‍ ᓂᓴᐳᔨᒋ ᐅᑯᓴ ᐅᑦ ᐃᓯᓂᐧᑲᓱᐅᓂᔨᐛ ᒐ ‍ ᓂᑲᓂᔅᑯᐛᔨᒋ ᐃᔅᕋᐃᓪ ᐃᔪᐛ᙮
\p
\v 22 ᓂᓱ ᒋᑭ ᐎ ‍ ᐅᓯᑕᑭᓄᐛ ᐊ ‍ ᐎᔄᐅᓱᓇᔭᐱᔅᑯᐅᒋ ᐃᓴᒂᔭᐱᔭ ᐊ ‍ ᐱᐧᑲᑕᔨᒋ ᒐᒋ ᒋᑭᒧᑕᑭᓄᐅᒡ ᐱᑕᓱᓐ᙮ ᒐ ‍ ᒪᒧᑭᒧᐎᔨᒋ ᐊᓐᑕ ᐊᔅᐱᒋᑯᓇᐅᓂᒡ᙮
\v 23 ᐊᑯ ᓂᓱ ᐊ ‍ ᐎᔄᐅᓱᓇᔭᐱᔅᑯᔨᒋ ᓯᒋᐸᒋᑭᓇ ᒋᑭ ‍ ᐅᓯᑕᐤ ᑭᔭ ᒋᑭ ‍ ᒋᑭᒧᑕᐤ ᐊᓐᑕ ᐃᔅᐱᒥᒡ ᐊ ‍ ᒋᒐᔭᔨᒡ ᐊᔅᐱᒋᑯᓇᐅᓂᒡ᙮
\v 24 ᒋᑭ ᐎ ‍ ᐅᓯᑕᐤ ᓂᓱ ᐊ ‍ ᐎᔄᐛᐱᔅᑯᔨᒋ ᐃᓴᒂᔭᐱᔭ ᑭᔭ ᒋᑭ ‍ ᒋᑭᒧᑕᐤ ᐊᓐᑕ ᐸᐸᐃᒄ ᐊ ‍ ᐎᔄᐅᓱᓇᔭᐱᔅᑯᔨᒋ ᓯᒋᐸᒋᑭᓂᒡ᙮
\v 25 ᒋᑭ ‍ ᒪᑯᐱᑎᒻ ᐊᔨᑐᐤ ᐊᓐᑕ ᐛᔅᑲ ᐎᔄᐅᓱᓇᔭᐤ ᐊᓯᓂᒡ ᐊᑯ ᐱᑕᓱᐅᓐ ᒐ ‍ ᒋᑭᒧᒡ ᐊᔅᐱᒋᑯᓇᐅᓂᒡ ᒥᑎᑎᒥᓂᒡ ᒪᑯᐱᓱᐅᓇ ᐊᐱᒋᑕᑭᓄᐅᒋ᙮
\v 26 ᓂᓱ ᒥᓐ ᒋᑭ ‍ ᐅᓯᑕᐤ ᐊ ‍ ᐎᔄᐅᓱᓇᔭᐱᔅᑯᔨᒋ ᓯᒋᐸᒋᑭᓇ ᐊᑯ ᒐ ‍ ᒋᑭᒧᑕᑦ ᐊᓇᒡ ᐃᑕᒐ ᐱᑕᓱᐅᓂᒡ ᐊᓐᑕ ᒋᒡ ᐱᑎᑭᒥᒡ ᐊᔅᐱᒋᑯᓇᐅᓂᒡ᙮
\v 27 ᐊᑯ ᓂᓱ ᒥᓐ ᒐ ‍ ᐅᓯᑕᑦ ᐊ ‍ ᐎᔄᐅᓱᓇᔭᐱᔅᑯᔨᒋ ᓯᒋᐸᒋᑭᓇ ᐊᑯ ᒐ ‍ ᒋᑭᒧᑕᑦ ᐊᓐᑕ ᐊᓇᒡ ᐃᑕᒐ ᓂᑲᓐ ᒥᑎᑎᒥᓂᒡ ᒪᑯᐱᓱᐅᓂᒡ, ᒥᒋᒪ ᐱᑕᓱᐅᓂᒡ ᐛᒋ ‍ ᒋᑭᒧᒡ ᐊᔅᐱᒋᑯᓇᐅᓂᒡ, ᐃᔅᐱᒥᒡ ᐱᒂᑕᐅᓂᒡ᙮
\v 28 ᑲ ‍ ᑭᔅᒋᐅᑦ ᐊᑐᔅᒐᑦ ᒋᑭ ‍ ᒪᑯᐱᑎᒻ ᐊ ‍ ᐎᔄᐅᓱᓇᔭᐱᔅᑯᔨᒋ ᐱᑕᓱᐅᓂᒡ ᓯᒋᐸᒋᑭᓇ ᐊᓐᑕ ᐊᔅᐱᒋᑯᓇᐅᓂᒡ ᐊᐱᔅᑭᓇᔨᒡ ᐊᐱᓯᔪᐤ ᐊ ‍ ᐊᐱᑕᑦ, ᐃᔅᐱᒥᒡ ᐱᒂᑕᐅᓂᒡ ᒐᒋ ᒋᑭᒧᔨᒡ ᑭᔭ ᒐ ᐊᑲ ᒋ ᒥᓂᐱᔨᒡ᙮
\p
\v 29 ᐃᔅᐱ ᐸᒐᒋ ᐊᕋᓐ ᐊᓐᑕ ᑲ ‍ ᐸᔭᒋᒥᑭᓂᔨᒡ ᑲᐱᔅᒋᒐᔭᔨᒡ, ᒋᑭ ‍ ᐳᔅᑭᒻ ᐊᓂᔭ ᐱᑕᓱᐅᓂᔪᐤ ᐊ ‍ ᒥᓯᓇᓱᐎᔨᒋ ᓂᓴᑉ ᐊ ‍ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ᙮ ᐊᑯ ᓂᔾ ᑎᐸᔨᒋᒐᓱᐤ, ᓇᓂᑎᒻ ᒐ ‍ ᒋᔅᒋᑐᐅᒂᐤ ᓂᑦ ᐃᔨᒥᒡ᙮
\v 30 ᐊᕋᓐ ᒋᑭ ‍ ᐱᑕᐊᒻ ᐊᓐᑕ ᐱᑕᓱᐅᓂᒡ ᐊᓂᔭ ᓂᓱ ᒐᒂᔪᐛ ᐊᔭᒥᐊᐅᒋᒪᐤ ᒐ ‍ ᐊᐱᒋᑕᑦ ᒐᒋ ᒋᔅᒐᔨᑕᐧᒄ ᓂ ‍ ᓂᔎᐛᓯᐛᐅᓂᔪᐤ ᐊᓂᔭ ᑕᓐ ᑲ ᐃᓯ ‍ ᑯᒂᒋᒐᒧᑦ᙮ ᐊᑯ ᒪᒃ ᒥᒋᒪ ᐅᔅᑲᔅᒋᑭᓂᒡ ᒐ ‍ ᑎᑯᓂᔨᒡ ᐸᒐᒋ ᑲ ‍ ᐸᔭᒋᒥᑭᓂᔨᒡ ᑲᐱᔅᒋᒐᔭᔨᒡ ᒐᒋ ᐃᔨᒥᐃᑦ᙮ ᓇᓂᑎᒻ ᒋᑭ ᐎ ‍ ᐳᔅᑭᒻ ᐊᓂᔭ ᐱᑕᓱᐅᓂᔪᐤ ᐸᒐᒋ ᒐᒋ ᐅᒋ ᒋᔅᒐᔨᑕᐧᒃ ᐊ ‍ ᐃᑎᓱᒥᒋ ᐃᔅᕋᐃᓪ ᐃᔪᐛ᙮”
\s1 ᑯᑎᑲ ᐊᔭᒥᐊᐅᒋᒪᐛ ᐅᑦ ᐊᐱᒋᑕᐅᓂᔪᐛ
\p
\v 31 “ᒐ ᐎ ‍ ᑎᒧᐅᑥᐤ ᐊᑭᒐᑕᐛᔨᑕᑯᓯᒡ ᐊᑐᔅᒐᒡ ᐃᔪᒡ ᐊ ‍ ᐱᔅᑭᓂᓯᔨᒋ ᓯᑭᓇᔭᐱᔭ ᒐᒋ ᐊᐱᒋᐊᒡ ᐊ ‍ ᐅᓯᑕᒡ ᐊᔭᒥᐊᐤ ᐊᑯᐱᔪᐤ ᑕᒥᒡ ᐊᔅᐱᒋᑯᓇᐅᓂᒡ ᒐᒋ ᒋᔅᑲᐧᒃ ᐊᔭᒥᐊᐅᒋᒪᐤ᙮
\v 32 ᒋᑭ ‍ ᐱᑯᓇᑕᐅᒡ ᐊᓐᑕ ᐃᔅᐱᒥᒡ ᐅᔅᑎᒂᓂᔨᒡ ᒐᒋ ᐅᒋ ‍ ᐳᔅᑭᒥᔨᒋ ᑭᔭ ᒋᑭ ‍ ᓱᒋᓇᑯᑕᐅᒡ ᐊᓐᑕ ᐛᔅᑲ ᒐ ᐊᑲ ‍ ᐱᑯᐱᔨᒡ᙮
\v 33 ᐊᓇᒡ ᐊᓐᑕ (ᐊᔅᐱᒂᓱᐅᓂᒡ) ᐊ ‍ ᐅᓂᔎᑭᓂᔨᒡ ᐅᑦ ᐊᑯᐱᔪᐤ ᒋᑭ ‍ ᒥᒪᑕᐅᒂᑎᒧᒡ ᑲ ‍ ᒥᒂᔨᒋ ᒥᔅᑎᒥᓇ ᐊᑯ ᐊᓐᑕ ᑕᐧᑯᒡ ᒧᔭᒻ ᒋᓴᐅᒋᒪᐅᑯᓂᔎᐅᓂᔪᐤ ᒋᑭ ‍ ᐃᓯᓇᑯᑕᐅᒡ᙮ ᑲ ‍ ᐱᔅᑭᓂᓯᔨᒋ ᑭᔭ ᑲ ‍ ᐱᒋᒥᓇᑯᓯᔨᒋ, ᑭᔭ ᑲ ‍ ᒥᐧᑯᓯᔨᒋ ᐊᓯᑭᓇᔭᐱᔭ ᒋᑭ ‍ ᐊᐱᒋᐊᐅᒡ᙮
\v 34 ᒋᑭ ‍ ᒋᑭᒧᑕᐅᒡ ᑲ ‍ ᐎᔄᐅᓱᓇᔭᐱᔅᑯᔨᒋ ᒥᑥᐃᑭᓂᓴ ᐊᓐᑕ ᑎᔅᑐᐎᒡ ᒥᔅᑎᒥᓂᒡ᙮
\v 35 ᐊᑯ ᑕᑥᐤ ᐸᒐᒋ ᐊᕋᓐ ᐊᓐᑕ ᑲ ‍ ᐸᔭᒋᒥᑭᓂᔨᒡ ᑲᐱᔅᒋᒐᔭᔨᒡ ᒐᒋ ᐃᑐᑕᐧᒃ ᐅᑦ ᐊᑐᔅᒐᐅᓐ ᐊᔭᒥᐊᐅᒋᒪᐅᑦ ᑭᔭ ᐛᔪᐎᒋ, ᒋᑭ ‍ ᒥᑥᐱᔨᐛ ᐊᓂᔭ ᒥᑥᐃᑭᓂᓴ ᒪᒂᒡ ᐸᒧᑕᒋ ᒐ ᐊᑲ ‍ ᐳᓂᐱᒪᑎᓯᑦ᙮
\v 36 ᒋᑭ ‍ ᐅᓯᑕᐅᒡ ᐊᓴᑯᐛᔨᒡ ᐎᔄᐅᓱᓇᔭᐱᔅᑯᔪᐤ ᑭᔭ ᒐ ‍ ᐎᑎᒧᐅᑦ ᑲ ‍ ᑭᔅᒋᑕᒡ ᐊᑐᔅᒐᒡ ᒐᒋ ᐎᓯᓇᑕᐊᒡ, “ᐊ ‍ ᐸᔭᒋᓯᑦ ᑎᐸᔨᒋᒐᓱᐛ ᐃᔅ,” ᐊᑎᔅᑕᔨᒡ᙮
\v 37 ᒋᑭ ‍ ᒪᑯᐱᑎᒧᒡ ᐊᓐᑕ ᓂᑲᓐ ᑕᐱᔅᑲᑭᓂᒡ ᐊᐱᔅᑭᓇᐸᑭᓂᔨᒡ ᐊᐱᓯᔪᐤ ᐊ ‍ ᐊᐱᒋᑕᒡ᙮
\v 38 ᐊᑯ ᐊᐅᑯᔪᐤ ᐅᔭ ᒐ ‍ ᐳᔅᑲᐧᒃ ᐊᕋᓐ ᒐᒋ ᒥᔪ ‍ ᐅᑎᓂᒥᔨᒋ ᑎᐸᔨᒋᒐᓱᐛ ᐃᔪᐛ ᐅᒥᑐᔅᑕᐊᒪᒐᐅᓂᔪᐛ ᐊᑎᓱᐧᒄ ᐊᑲ ᓄᓴᒻ ᐃᑎᔨᒋ᙮
\p
\v 39 ᓇᔅᒡ ᐛᒋ ‍ ᒥᔽᓯᔨᒋ ᐱᒍᐎᔭᓇ ᒋᑭ ᐅᒋ ‍ ᐅᓯᑕᐛᐅᒡ ᐊᕋᓇ ᐅᑦ ᐊᑯᐱᔪᐤ ᑭᔭ ᐅᑕᐱᔅᑲᑭᓂᔨᐛ᙮ ᐃᔭᐱᒡ ᒋᑭ ‍ ᐅᓯᑕᐛᐅᒡ ᐊ ‍ ᒥᒪᑕᐅᒂᑕᔨᒡ ᐅᐱᒂᑕᐅᓂᔪᐤ᙮
\v 40 ᒐ ‍ ᐎᑎᒧᐅᑥᐤ ᒐᒋ ᐅᓯᑎᒧᐛᒡ ᐊᕋᓇ ᐅᑯᓯᔨᐛ ᐊᑯᐸ, ᐱᒂᑕᐅᓇ, ᑭᔭ ᐊᑯᓂᔎᐅᓇ ᒐᒋ ᒋᔅᑕᔨᑕᑯᓯᔨᒋ ᑭᔭ ᒐᒋ ᒥᔪᓇᑯᓯᔨᒋ᙮
\v 41 ᐊᑯ ᒐ ‍ ᒋᑭᒧᑕᑎᔨᑥᐤ ᒋᐧᑲᓂᔅ ᐊᕋᓐ ᑭᔭ ᐅᑯᓴ᙮ ᐊᑯ ᒐ ᐊᑎ ‍ ᑯᑎᐱᓂᒧᐅᑥᐤ ᐱᒥᔪᐤ ᐊ ‍ ᐸᔭᒋᓯᒡ ᑎᐸᔨᒋᒐᓱᐛ ᐃᔅ, ᐊᑯ ᒐ ‍ ᐊᑐᔅᑯᐅᒡ ᐊᔭᒥᐊᐅᒋᒪᐅᒡ᙮
\p
\v 42 ᐊᑯ ᒐ ‍ ᐅᓯᑎᒧᐛᒡ ᐅᐱᑐᔅᑭᒋᐱᓱᐅᓂᔨᐛ ᐃᔅᐱᔅ ᐅᑈᒪᐅᑯᐛᒡ ᐊ ‍ ᐃᔅᐱᑎᔨᒋ ᒐ ᐊᑲ ‍ ᓄᑯᓯᔨᒋ ᐊ ‍ ᒧᓴᓯᔨᒋ᙮\fig Priest in his priestly garments|Exo28-42-LB00266B.TIF|col||Louise Bass © The British & Foreign Bible Society, 1994|ᑯᑎᑲ ᐊᔭᒥᐊᐅᒋᒪᐛ ᐅᑦ ᐊᐱᒋᑕᐅᓂᔪᐛ|28.42\fig*
\v 43 ᑕᑥᐤ ᐸᒐᑥᐎ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᒪᒃ ᐊᓐᑕ ᑲ ‍ ᐸᔭᒋᒥᑭᓂᔨᒡ ᑲᐱᔅᒋᒐᔭᔨᒡ ᒋᑭ ᐎ ‍ ᐳᔅᑯᐛᐅᒡ ᐱᑐᑭᔅᒋᐱᓱᓇᓇ ᒐ ᐊᑲ ‍ ᓂᐸᐊᑭᓄᐅᒡ ᐊ ‍ ᒧᓴᓯᒡ᙮ ᐊᐅᑯᔪᐤ ᐅᔭ ᐸᐃᑯᑕᐤ ᒧᔅ ᒐ ᐎ ‍ ᑐᑕᒡ ᐊᕋᓐ ᑭᔭ ᐅᑦ ᐊᓂᔅᑯᑕᐸᓇ᙮”
\c 29
\s1 ᒐ ‍ ᐃᑎᓇᓄᐅᒡ ᐊ ‍ ᐅᓯᐊᑭᓄᐅᒡ ᐊᔭᒥᐊᐅᒋᒪᐅᒡ
\p
\v 1 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᐊᐅᑯᐤ ᒐ ‍ ᐃᑐᑐᐅᑥᐤ ᐅᓯᔨᑥᐛ ᐊᕋᓐ ᑭᔭ ᐅᑯᓴ ᒐᒋ ᐊᔭᒥᐊᐅᒋᒪᐅᒡ, ᒐ ‍ ᐅᑎᓂᑥᐤ ᐊᑲ ᓇᔅᒡ ᒐᒂᓐ ᐃᓯᓇᑯᓯᒡ ᐊᐛᓯᓯᒡ: ᐸᐃᒄ ᓇᐸ ᒥᔅᑐᔅ ᑭᔭ ᓂᓱ ᓇᐸ ᒪᔭᑕᓂᓯᒡ᙮
\v 2 ᒐ ‍ ᐅᑎᓂᑥᐤ ᐊ ‍ ᒥᔪᓯᒡ ᔪᔎᐛᓂᒡ ᐊ ᐊᑲ ‍ ᓯᐅᔅᑎᒪᑭᓄᐅᒡ ᑭᔭ ᒐ ‍ ᐱᒥᓄᐛᔨᓐ ᐸᒂᓯᑭᓐᒡ: ᐱᒥᔾ ᐊ ‍ ᐊᐱᒋᑕᔨᓐ, ᐱᔅᒐ ᐸᒂᓯᑭᓐᒡ ᐊ ᐊᑲ ‍ ᐊᐱᒋᑕᔨᓐ ᐱᒥᔾ, ᑭᔭ ᒐ ‍ ᑐᑐᐅᑥᐤ ᒂᔨᐧᑯᓇᐅᒡ ᐱᒥᔪᐤ ᐊᓱᓯᓂᑥᐤ᙮
\v 3 ᒐ ‍ ᐱᑕᐛᑯᒡ ᐸᒂᓯᑭᓐᒡ ᐊᓐᑕ ᐅᑎᐱᐅᑎᒡ ᑭᔭ ᒐ ‍ ᐱᔅᑎᓂᒧᐅᔭᒄ ᒪᒂᒡ ᒥᑐᔅᑕᐊᒪᒐᔭᒂ ᓇᐸ ᒥᔅᑐᔅ ᑭᔭ ᓂᓱ ᓇᐸ ᒪᔭᑕᓂᓯᒡ᙮
\v 4 ᒐ ‍ ᐸᓱᐛᑯᒡ ᐊᕋᓐ ᑭᔭ ᐅᑯᓴ ᐊᓐᑕ ᐛᒋ ‍ ᐱᒐᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᒐ ‍ ᒋᔅᑕᐸᐎᑥᐤ᙮
\v 5 ᐊᑯ ᒐ ‍ ᒋᑭᒧᑎᔨᑦ ᐊᕋᓐ ᐊᔭᒥᐊᐤ ᐊᐱᒋᑕᐅᓇ: ᐊᑯᐱᔪᐤ, ᐊᔭᒥᐊᐤ ᐊᑯᐱᔪᐤ ᑕᒥᒡ ᐊᔅᐱᒋᑯᓇᐅᓂᒡ ᒐ ‍ ᒋᔅᑲᐧᒃ, ᐊᔅᐱᒋᑯᓇᐅᓂᔪᐤ, ᐱᑕᓱᐅᓂᔪᐤ, ᑭᔭ ᐱᒂᑕᐅᓂᔪᐤ᙮
\v 6 ᒐ ‍ ᒋᑭᒧᑕᑎᔨᑦ ᑕᐱᔅᑲᑭᓂᔪᐤ ᑭᔭ ᒐ ‍ ᒪᑯᐱᑎᒧᑦ ᐊᓴᑯᐛᔨᒡ ᐎᔄᐅᓱᓇᔭᐱᔅᑯᔪᐤ ᐊᓐᑕ ᒪᓯᓇᑕᔨᒡ ‘ᐊ ‍ ᐸᔭᒋᓯᑦ ᑎᐸᔨᒋᒐᓱᐛ ᐃᔅ,’ ᐊᑎᔅᑕᔨᒡ᙮
\v 7 ᐊᑯ ᒐ ‍ ᐅᑎᓂᑦ ᐊᓐ ᑐᒥᓂᒐᐅ-ᐱᒥᔾ ᐊᑯ ᒐ ‍ ᑯᑎᐱᓂᒧᐅᑦ ᐅᔅᑎᒂᓂᒡ ᒐᒋ ᐅᓯᐃᑦ ᒐᒋ ᐊᔭᒥᐊᐅᒋᒪᐅᑦ᙮
\v 8 ᐊᑯ ᒐ ‍ ᐸᓱᒥᑎ ᐅᑯᓴ ᑭᔭ ᒐ ‍ ᒋᑭᒧᑕᑎᔨᒥᑎᔾ ᐊᑯᐸ᙮
\v 9 ᒐ ‍ ᒋᑭᒧᑕᑎᔨᒥᑎᔾ ᐱᒂᑕᐅᓇ ᑭᔭ ᒐ ‍ ᒪᑯᐱᑎᒧᑦ ᐊᑯᓂᔎᐅᓇ ᐅᔅᑎᒂᓄᐛᒡ᙮ ᐊᐅᑯᓐ ᒐ ᐎ ‍ ᐃᑐᑎᒥᓐ ᐊ ‍ ᐅᓯᔨᑥᐤ ᐊᕋᓐ ᑭᔭ ᐅᑯᓴ᙮ ᐎᔨᐛᐤ ᑭᔭ ᒥᓯᐛ ᐊ ‍ ᓇᐸᐎᒋ ᐅᑦ ᐊᓂᔅᑯᑕᐸᓄᐛᐛ ᓂᑭ ‍ ᐊᑐᔅᑲᑯᒡ ᒧᔅ ᑲᒋᒡ ᐊᔭᒥᐊᐅᒋᒪᐅᒡ᙮
\p
\v 10 ᐊᑯ ᒐ ‍ ᐸᓱᐅᑦ ᓇᐸ ᒥᔅᑐᔅ ᐊᓐᑕ ᐛᒋ ‍ ᐱᒐᓄᐅᒡ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᒐ ‍ ᐃᑎᑥᐤ ᐊᕋᓐ ᑭᔭ ᐅᑯᓴ ᒐᒋ ᐊᔅᑕᒡ ᐅᑎᒋᐛᐛ ᐊᓐᑕ ᐅᔅᑎᒂᓂᔨᒡ᙮
\v 11 ᒪᒂᒡ ᐊᓂᔭ ᐃᑎᑥᐛ, ᐊᑯ ᒐ ‍ ᓂᐸᐃᑦ ᐊᓐ ᓇᐸ ᒥᔅᑐᔅ ᐊ ‍ ᒋᒥᑯᔪᐛᓯᑦ ᑭᔭ ᓱᐸᐳᔭᑭᓂᒡ ᒐ ‍ ᓯᑯᐸᒋᐱᔨᑕᐅᑦ ᐅᒥᐧᒄ᙮
\v 12 ᐊᑯ ᒐ ‍ ᑯᑕᔨᓐ ᒋᑐᐛᑭᓐ ᐊᓐᑕ ᓇᐸ ᒥᔅᑐᔅ ᐅᒥᐧᑯᒡ ᑭᔭ ᒐ ‍ ᐊᓯᐳᑎᒥᓐ ᐊᓐᑕ ᐊ ‍ ᓇᐅᒡ ᐊᔅᑭᓐᒡ ᐊᓐᑕ ᐊ ‍ ᒋᒐᔭᒋ ᐱᔅᑎᓂᒐᐅᓇᐱᔅᑯᒡ᙮ ᐊᑯ ᒐ ‍ ᑯᑎᐱᓂᒥᓐ ᐊᔅᑯᐱᔨᒡ ᒥᐧᒄ ᐊᓐᑕ ᒋᑲᔅᒄ ᐱᔅᑎᓂᒐᐅᓇᐱᔅᑯᒡ᙮
\v 13 ᒐ ‍ ᒥᓂᓯᒥᓐ ᒥᓯᐛ ᐊᓂᔭ ᐊ ‍ ᐎᔪᐅᑦ ᐊᐛᓯᔅ ᐊᓯᒡ ᐅᔅᑯᓇ ᑭᔭ ᐅᑕᑕᐧᑯᓱᐛ ᐊ ‍ ᐎᔪᐎᒋ ᑭᔭ ᒐ ‍ ᐃᔎᓱᒥᓐ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᐊ ‍ ᐱᔅᑎᓂᒧᐎᓐ᙮
\v 14 ᒥᒄ ᐊᓂᔭ ᐅᐎᔭᓯᒻ ᓇᐸ ᒥᔅᑐᔅ ᑭᔭ ᐊᓂᔭ ᓇᐸ ᒥᔅᑐᓱᔭᓐ ᑭᔭ ᐅᑎᒋᓯᔭ ᐎᐎᑎᒥᒡ ᐊᓐᑕ ᐊ ‍ ᐎᒋᓇᓄᒡ ᒋᑭ ‍ ᐃᔎᓴᑭᓂᔪᐛ᙮ ᐊᐅᑯᓐ ᐊᓐ ᐱᔅᑎᓂᒐᐅᓐ ᒐ ‍ ᐛᐸᔨᑎᒧᐛᑭᓄᐅᒡ ᐅᒥᒋᑥᐅᓄᐛᐛ ᐊᓐᒡ ᐊᔭᒥᐊᐅᒋᒪᐅᒡ᙮
\p
\v 15 ᐊᑯ ᒐ ‍ ᐅᑎᓂᑦ ᐸᐃᒄ ᓇᐸ ᒪᔭᑕᓂᔅ ᑭᔭ ᒐ ‍ ᐎᑎᒧᐅᑥᐤ ᐊᕋᓐ ᑭᔭ ᐅᑯᓴ ᒐᒋ ᑕᐧᑯᑎᔅᑕᒡ ᐅᑎᒋᔨᐛᐛ ᐊᓐᑕ ᐅᔅᑎᒂᓂᔨᒡ᙮
\v 16 ᒐ ᐊᑎ ‍ ᓂᐸᐃᑦ ᓇᐸ ᒪᔭᑕᓂᔅ ᑭᔭ ᒐ ‍ ᐅᑎᒧᑦ ᐅᒥᐧᒄ ᑭᔭ ᒐ ᐊᑎ ‍ ᐅᔄᐸᒋᐱᔨᑕᐅᑦ ᒥᓯᐛ ᓇᐎᒡ ᐅᐱᒪ ᐃᑕᒐ ᐱᔅᑎᓂᒐᐅᓇᐱᔅᑯᒡ᙮
\v 17 ᐊᑯ ᒐ ‍ ᐱᐱᑯᓱᑦ ᐊᓐ ᓇᐸ ᒪᔭᑕᓂᔅ, ᒐᔅᑕᐳᑕᐅᑦ ᐅᑎᒋᓯᔭ ᑭᔭ ᐅᔅᑲᑕ ᐊᑯ ᒐ ‍ ᑕᐧᑯᑎᔅᑕᔨᓐ ᐊᓐᑕ ᓇᐸ ᒪᔭᑕᓂᔅ ᐅᔅᑎᒂᓂᒡ᙮
\v 18 ᒐ ‍ ᐃᔎᓱᑦ ᒥᓯᐛ ᓇᐸ ᒪᔭᑕᓂᔅ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᒥᒋᒻ ᐱᔅᑎᓂᒐᐅᓐ᙮ ᓂ ‍ ᓇᐊᔨᑎᒥᔨᑯᓐ ᐊᓐ ᐊ ‍ ᒥᔭᒂᒡ ᐱᔅᑎᓂᒐᐅᓐ᙮
\p
\v 19 ᒐ ‍ ᐅᑎᓂᑦ ᑯᑎᒃ ᓇᐸ ᒪᔭᑕᓂᔅ ᐊᓐ ᒐ ‍ ᐊᐱᒋᐊᑭᓄᐅᑦ ᐅᓯᐊᑭᓄᐅᒐ ᐊᔭᒥᐊᐅᒋᒪᐤ ᑭᔭ ᒐ ‍ ᐎᑎᒧᐅᑥᐤ ᐊᕋᓐ ᑭᔭ ᐅᑯᓴ ᒐ ‍ ᑕᐧᑯᑎᔅᑕᒡ ᐅᑎᒋᔨᐛᐛ ᐊᓐᑕ ᓇᐸ ‍ ᒪᔭᑕᓂᓴ ᐅᔅᑎᒂᓂᔨᒡ᙮
\v 20 ᐊᑯ ᒐ ‍ ᓂᐸᐃᑦ ᐊᓐ ᓇᐸ ᒪᔭᑕᓂᔅ, ᒐ ᐊᑎ ‍ ᐅᑎᓂᒧᑦ ᐊᓂᔭ ᐅᒥᐧᒄ ᒐ ᐊᑎ ‍ ᓱᐳᓂᒧᑦ ᐊᓐᑕ ᐊᓇᒡ ᐅᒥᔪᓄᐛᒡ ᐎᑐᑲᐛᒡ ᐊᕋᓐ ᑭᔭ ᐅᑯᓴ ᑭᔭ ᐊᓐᑕ ᒥᔪᓂᒡ ᐅᑐᐛᑭᓄᐛᒡ ᑭᔭ ᐅᓯᑯᑕᒧᐛᒡ᙮ ᒐ ᐊᑎ ‍ ᐅᔄᐸᒋᐱᔨᑕᔨᓐ ᒥᓯᐛ ᓇᐎᒡ ᐅᐱᒪ ᐃᑕᒐ ᐱᔅᑎᓂᒐᐅᓇᐱᔅᑯᒡ ᐊᔅᑯᐱᔨᒡ ᒥᐧᒄ᙮
\v 21 ᐊᑯ ᒐ ᐊᑎ ‍ ᐅᑎᓂᒥᓐ ᐱᔅᒐ ᒥᐧᒄ ᐊᓐᑕ ᐱᔅᑎᓂᒐᐅᓇᐱᔅᑯᒡ ᐅᒡ ᑭᔭ ᑐᒥᓂᒐᐅ-ᐱᒥᔾ ᐊᑯ ᒐ ‍ ᐱᓂᐱᔨᑐᐅᑥᐤ ᐊᕈᓐ ᑭᔭ ᐅᑯᓴ ᑭᔭ ᐊᓐᑕ ᐅᑦ ᐊᐱᒋᑕᐅᓄᐛᒡ᙮ ᐊᑯ ᒐ ‍ ᐸᔭᒋᓯᒡ ᐊᕈᓐ ᑭᔭ ᐅᑯᓴ ᑭᔭ ᐅᑦ ᐊᐱᒋᑕᐅᓄᐛᐛ ᑎᐸᔨᒋᒐᓱᐛ ᐃᔅ᙮ 
\p
\v 22 ᒐ ‍ ᒥᓂᓯᒧᑦ ᐊ ‍ ᐎᔪᐅᑦ ᓇᐸ ᒪᔭᑕᓂᔅ ᑭᔭ ᐊ ‍ ᐎᔪᐎᔨᒡ ᐅᓱᔾ ᑭᔭ ᐊ ‍ ᐎᔪᐅᑦ ᑕᒥᔪᐤ ᐊᓯᒡ ᐊ ‍ ᒥᔽᔨᒡ ᐅᔅᑯᓐ ᑭᔭ ᐅᑕᑕᐧᑯᓱᐛ ᐊ ‍ ᐎᔪᐎᒋ ᑭᔭ ᒥᔪᓂᒡ ᐅᑈᒪᐅᒄ᙮
\v 23 ᒐ ‍ ᐅᑎᓂᑦ ᐃᔭᐱᒡ ᐊᑲ ᐅᐱᓱᑦ ᐸᒂᓯᑭᓐ ᐅᑎᐱᐅᑎᒡ ᐅᒡ ᐊᓐ ᑲ ‍ ᐱᔅᑎᓂᒪᑯᐎᔭᓐ, ᒐ ‍ ᐅᑎᓂᑥᐤ ᐸᐸᐃᒄ ᐊᓐ ᑕᑐᐎᒡ ᐊ ‍ ᐃᓯᓇᑯᓯᒡ ᐸᒂᓯᑭᓐᒡ, ᐸᐃᒄ ᐸᒂᓯᑭᓐ ᐱᒥᒡ ᐊ ᐅᒋ ‍ ᐅᓯᐊᑭᓄᐅᑦ ᑭᔭ ᐸᐃᒄ ᐊᑲ ᐱᒥᒡ ᐅᒋ ᐅᓯᐊᑭᓄᐅᑦ ᑭᔭ ᐊ ᐊᑲ ‍ ᐅᐱᓱᑦ ᐸᒂᓯᑭᓐ ᑭᔭ ᐸᐃᒄ ᒂᔨᐧᑯᓇᐤ᙮
\v 24 ᒥᓯᐛ ᒐᒂᓂᔪᐤ ᒐ ‍ ᐱᔅᑎᓂᒧᑦ ᐊᕋᓐ ᑭᔭ ᐅᑯᓴ ᐅᑎᒋᐛᒡ ᐊᑯ ᒐ ‍ ᐎᑎᒧᐅᑥᐤ ᒐᒋ ᓂᒥᓇᒡ ᐊᓂᔭ ᒐᒂᔪᐛ ᒋᒋᒋᓯᑯᒡ ᐃᔅ ᒐᒋ ᐱᔅᑎᓂᒧᐅᒡ ᒧᔭᒻ ᐊ ‍ ᒋᔅᑕᔨᑯᓂᔨᒡ ᒥᔨᐛᐅᓂᔪᐤ᙮
\v 25 ᒋ ‍ ᑐᑕᐧᑲᐛ ᐅᔭ ᐊᑯ ᒐ ‍ ᐅᑎᓂᒧᑦ ᑭᔭ ᒐ ᐊᑎ ‍ ᑕᐧᑯᑎᔅᑕᔨᓐ ᐊᓐᑕ ᐱᔅᑎᓂᒐᐅᓇᐱᔅᑯᒡ, ᑕᐧᑯᒡ ᐊᓐᑕ ᑲ ‍ ᒥᑐᔅᑕᐊᒪᒐᓄᒋ ᒐᒂᔪᐛ᙮ ᐊᐅᑯᓐ ᐃᔭᐱᒡ ᒐ ‍ ᐱᔅᑎᓂᒪᑯᐅᔭᓐ ᑭᔭ ᓂᑭ ‍ ᓇᐊᔨᑎᒥᔨᑯᓐ ᐊᓐ ᐊ ‍ ᒥᔭᒂᒡ᙮
\v 26 ᐊᑯ ᒐ ‍ ᐅᑎᓂᒧᑦ ᓇᐸ ᒪᔭᑕᓂᔅ ᐅᔅᐱᒐᑭᓇ ᐊᓐ ᓂᓱ ᑲ ‍ ᓂᐸᐊᑭᓄᐅᑦ ᓇᐸ ᒪᔭᑕᓂᔅ ᐊᑯ ᒐ ‍ ᐃᑎᓂᒥᓐ ᐊᓐᑕ ᒋᒋᒋᓯᑯᒡ ᐃᔅ ᒧᔭᒻ ᐊ ‍ ᐱᔅᑎᓂᒧᐎᔨᓐ᙮ ᐊᐅᑯᓐ ᒐ ‍ ᑎᐸᔨᑎᒥᓐ ᒐᒋ ᒥᒋᔨᓐ᙮
\p
\v 27 ᐊᑯ ᒐ ‍ ᐅᑎᓂᒥᓐ ᐎᔭᔅ ᐊᓐᑕ ᐅᔅᐱᒐᑭᓂᒡ, ᑭᔭ ᑯᑎᒡ ᐅᑈᒪᐅᒄ ᐊᓐᑕ ᐅᔅᑭᒡ ᑲ ‍ ᓂᐸᐊᑭᓄᑦ ᓇᐸ ᒪᔭᑕᓂᔅ ᑲ ‍ ᐊᐱᒋᐊᑭᓄᐅᑦ ᑲ ‍ ᐅᓯᐊᑭᓄᐅᒡ ᐊᔭᒥᐊᐅᒋᒪᐅᒡ ᑭᔭ ᐊᓂᔭ ᑯᑎᒃ ᓇᐸ ᒪᔭᑕᓂᔅ ᐅᔅᐱᒐᑭᓇ ᒋᒋᒋᓯᑯᒡ ᐃᔅ ᑲ ‍ ᐃᑎᓂᒥᓐ ᒧᔭᒻ ᐊ ‍ ᐱᔅᑎᓂᒧᐎᔨᓐ ᑭᔭ ᒐ ‍ ᑎᐸᓂᔅᑎᒧᐅᑥᐤ ᐊᕋᓐ ᑭᔭ ᐅᑯᓴ ᒐᒋ ᒥᒋᒡ ᐊᓂᔭ ᐎᔭᓯᔪᐤ ᐊᓐᑕ ᐅᔅᐱᒐᑭᓂᒡ ᑭᔭ ᐅᑈᒪᐅᑯᔪᐤ ᐅᒡ᙮
\v 28 ᓂᑲᓄᒡ ᐊᓐᑕ ᐃᔅᐱ ᐊᐛᓐ ᐃᔅᕋᐃᓕᒡ ᐅᒡ ᐱᔅᑎᓂᒐᒐ ᐅᔅᐱᒐᑭᓇ ᑭᔭ ᐅᑈᒪᐅᑯᔪᐤ ᒐᒋ ᐅᓯᐊᑭᓄᐎᒋ ᐊᔭᒥᐊᐅᒋᒪᐛ ᑭᔭ ᒪᒃ ᓂᑐᐛᔨᑕᒐ ᓂᓱᐛᔨᒋᒐᐅᓂᔪᐤ, ᓂᔾ ᐊᓐ ᓂᑭ ‍ ᑎᐱᔨᐛᐅᓯᓐ ᐎᔭᔅ, ᒥᒄ ᒋᑭ ᒋ ‍ ᒥᒍᐅᒡ ᐊᓂᔭ ᐊᔭᒥᐊᐅᒋᒪᐅᒡ᙮ ᓇᒪ ᓂᑕ ᒋᑭ ‍ ᒥᔅᑯᒋᐱᔪᐤ ᐅ ᐃᑎᓱᐛᐅᓐ᙮
\p
\v 29 ᐊᑯ ᐳᓂᐱᒪᑎᓯᒐ ᐊᕋᓐ, ᐊᓂᔭ ᐊᔭᒥᐊᐅ-ᐊᐱᒋᑕᐅᓇ ᑲᒋ ‍ ᒋᔅᑲᐧᒃ, ᐅᑯᓴ ᒋᑭ ‍ ᑎᐸᔨᑎᒥᔨᐛ᙮ ᒋᑭ ᐎ ‍ ᐳᔅᑭᒥᔨᐛ ᐃᔅᐱ ᐅᓯᐊᑭᓄᐎᒐᓂ ᒐᒋ ᐊᔭᒥᐊᐅᒋᒪᐎᒋ᙮
\v 30 ᐊᓂᔭ ᒐ ‍ ᐅᔅᑕᔅᑯᑦ ᐊᕋᓐ ᐅᑯᓴ ᐊᔭᒥᐊᐅᒋᒪᐎᒋ ᐱᒐᔨᒐᓂ ᐸᔭᒋ ‍ ᐱᒍᐎᔭᓂᒋᐛᐱᔪᐤ ᑭᔭ ᐃᑐᑎᒥᔨᒐ ᐅᑦ ᐊᔭᒥᐊᐤ ‍ ᐊᑐᔅᒐᐅᓂᔪᐤ ᐊᓐᑕ ᑲ ‍ ᐸᔭᐧᑭᓂᔨᒡ, ᒋᑭ ᐎ ‍ ᐃᑕᐤ ᐊᓐᑕ ᐸᔭᒋ ‍ ᐱᒍᐎᔭᓂᒋᐛᐱᒡ, ᐊ ‍ ᒋᔅᑲᐧᒃ ᐊᔭᒥᐊᐅ-ᐊᐱᒋᑕᐅᓇ, ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ᙮
\p
\v 31 ᒐ ‍ ᐅᑎᓂᒧᑦ ᐅᐎᔭᔅ ᓇᐸ ᒪᔭᑕᓂᔅ ᐊᓐ ᑲ ‍ ᒥᑐᔅᑕᐊᒪᒐᓄᐅᒡ ᐊ ‍ ᐅᓯᐊᑭᓄᐅᒡ ᒐᒋ ᐊᔭᒥᐊᐅᒋᒪᐅᒡ ᐊᕈᓐ ᑭᔭ ᐅᑯᓴ ᑭᔭ ᒐ ‍ ᐅᓯᒥᓐ ᐊᓐᑕ ᐊᑐᐛᒡ ᐃᑕᐅᓂᒡ᙮
\v 32 ᐊᑯ ᒋ ‍ ᑎᑭᔅᑕᔨᒐ, ᐊᕋᓐ ᑭᔭ ᐅᑯᓴ ᒪᒧᐤ ᒋᑭ ‍ ᒥᒍᐅᒡ ᐊᓯᒡ ᐸᒂᓯᑭᓇ ᑲ ‍ ᐃᔅᑯᐱᔨᒋ ᐅᑎᐱᔪᑎᒡ ᐊᓐᑕ ᒥᒋᒪ ᐛᒋ ‍ ᐱᔨᒐᓄᐎᒡ ᐸᔭᒋ ‍ ᐱᒍᐎᔭᓂᒋᐛᐱᒡ᙮
\v 33 ᒋᑭ ᐎ ‍ ᒥᒍᐅᒡ ᐊᓂᔭ ᓇᐸ ᒪᔭᑕᓂᓴ ᐅᐎᔭᓯᔪᐤ ᑲ ‍ ᒥᑐᔅᑕᐊᒪᒐᓄᐎᔨᒋ ᒐᒋ ᐛᐸᔨᑎᒧᐛᑭᓄᐅᒡ ᐅᒥᒋᑥᐅᓄᐛᐛ ᐃᔅᐱ ᑲ ‍ ᐱᔅᑎᓇᑭᓄᐅᒡ ᒐᒋ ᑐᑕᒡ ᐅᔭ ᐊᑐᔅᒐᐅᐱᔪᐤ᙮ ᐎᔪᐛᐤ ᒥᒄ ᒥᔭᑭᓄᐅᒡ ᒐᒋ ᒥᒋᒡ ᐅᔭ ᐎᔭᓯᔪᐤ᙮ ᓇᒪ ᓇᐊᔨᒪᑭᓄᐅᒡ ᒐᒋ ᒥᒋᒡ ᐊᓐᒡ ᐊᑲ ᐊᔭᒥᐊᐅᒋᒪᐅᒡ ᐛᔅ ᐸᔭᒋᓯᒥᑭᓇ ᐊᓂᔭᔪᐛ᙮
\v 34 ᐊᑯ ᐃᔅᑯᐱᔨᒐ ᐊᓐ ᐸᔭᒋ ‍ ᒥᒋᒻ ᒐᒋᓴᐸᔭᒐ ᒋᑭ ᐎ ‍ ᐃᔎᓴᑭᓄᐤ᙮ ᓇᒪ ᒋᑭ ᒋ ‍ ᒥᒋᓇᓄᐤ ᐊᓐ ᒥᒋᒻ ᐛᔅ ᐸᔭᒋᓯᒥᑭᓇ ᐊᓂᔭᔪᐛ᙮
\p
\v 35 ᓂᔄᐅᑕᒡ ᑕᑐᐤ ᒋᓯᑲᐛ ᒋᑭ ‍ ᐃᔅᐱᔅ ᑕᓄᐤ ᐊ ‍ ᐅᓯᐊᑭᓄᐅᒡ ᒐᒋ ᐊᔭᒥᐊᐅᒋᒪᐅᒡ ᐊᕋᓐ ᑭᔭ ᐅᑯᓴ ᒧᔭᒻ ᑲ ‍ ᐃᑎᓱᒥᑕᓐ᙮
\v 36 ᐊᓯᑯᒻ ᒋᓯᑲᐛ ᒋᑭ ᐎ ‍ ᒥᑐᔅᑕᐊᒧᐅᓐ ᓇᐸ ᒥᔅᑐᔅ ᒐᒋ ᐅᒋ ᐛᐸᔨᑎᒪᒐᔭᓐ ᒥᒋᑥᐅᓇ᙮ ᐃᔭᐱᒡ ᑯᑎᒃ ᒋᑭ ᐎ ‍ ᒥᑐᔅᑕᐊᒧᐅᓐ ᒐᒋ ᐅᒋ ᐸᔭᒋᓇᒂᒡ ᐱᔅᑎᓂᒐᐅᓇᐱᔅᒄ᙮ ᐃᔭᐱᒡ ᒋᑭ ᐎ ‍ ᑐᒥᓇᓐ ᐱᔅᑎᓂᒐᐅᓇᐱᔅᒄ ᐅᓕᑉ ᐱᒥᔾ ᐅᒋ ᒥᓯᐛ ᒐᒋ ᐸᔭᐧᑲᒡ᙮
\v 37 ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ ᒋᑭ ‍ ᑐᑕᓐ ᐊᑯ ᐊᓐ ᐱᔅᑎᓂᒐᐅᓇᐱᔅᒄ ᒋᑭ ᒥᔅᑎ ‍ ᐸᔭᒋᓇᑯᓐ ᒥᓯᐛ ᑕᒋᓇᒐ ᐊᐛᓐ ᒋᑭ ‍ ᐸᔭᒋᓯᐤ᙮
\p
\v 38 ᐊᓯᑯᒻ ᒋᓯᑲᐛ ᓂᓱ ᒋᑭ ᐎ ‍ ᒥᑐᔅᑕᐊᒪᒐᓐ ᐊ ‍ ᐸᐃᑯᐱᓇᓯᒡ ᒪᔭᑕᓂᓯᒡ ᐊᓐᑕ ᐱᔅᑎᓂᒐᐅᓇᐱᔅᑯᒡ᙮
\v 39 ᐸᐃᒄ ᒋᔭᒋᓴᐸᔭᒋ ᑭᔭ ᐸᐃᒄ ᐛᑕᑯᓯᔨᒋ᙮
\v 40 ᐊᓐ ᐊᓯᒡ ᓂᔅᑎᒻ ᒪᔭᑕᓂᔅ ᐃᔭᐱᒡ ᒋᑭ ‍ ᒥᑐᔅᑕᐊᒪᒐᓐ ᓂᓱ ᑎᐸᐸᑲᐃᑭᓐ ᓇᔅᒡ ᐛᒋ ‍ ᒥᔪᓯᒡ ᔪᔎᐛᓂᒡ ᐊᓯᒡ ᐊ ‍ ᒪᒧᐱᔨᒡ ᓇᔅᒡ ᐛᒋ ‍ ᒥᔪᓯᑦ ᓇᐤ ᐎᔭᑭᓇ ᐅᓕᑉ ᐱᒥᔾ ᑭᔭ ᒐ ‍ ᑯᑎᐱᓂᒥᓐ ᓇᐤ ᐎᔭᑭᓇ ᓱᒥᓇᐳᔾ ᒧᔭᒻ ᐱᔅᑎᓂᒐᐅᓐ᙮
\v 41 ᒐ ‍ ᒥᑐᔅᑕᐊᒪᒐᔨᓐ ᐊᓐ ᑯᑎᒃ ᒪᔭᑕᓂᔅ ᐅᑕᑯᓯᔨᒐ, ᑭᔭ ᒐ ‍ ᒥᑐᔅᑕᐊᒪᒐᔨᓐ ᐊᓯᒡ ᐸᐃᑯᑕᐤ ᒐ ‍ ᐃᔅᐱᔅ ᐊᐱᒋᐃᑥᐤ ᔪᔎᐛᓂᒡ ᑭᔭ ᐸᐃᑯᑕᐤ ᒐ ᐃᔅᐱᔅ ‍ ᐊᐱᒋᑕᔨᓐ ᐱᒥᔾ ᑭᔭ ᓱᒥᓇᐳᔾ ᒧᔭᒻ ᑲ ‍ ᒐᒋᓴᐸᔭᒡ᙮ ᐊᐅᑯᐤ ᒥᒋᒻ ᓂᔾ ᑎᐸᔨᒋᒐᓱᐤ ᒐ ‍ ᐱᔅᑎᓂᒧᐎᔨᓐ, ᑭᔭ ᓂᑭ ‍ ᓇᐊᔨᑎᒥᔨᑯᓐ ᐊ ‍ ᒥᔭᒂᒡ᙮
\p
\v 42 ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᒋᑭ ᐎ ‍ ᐱᒥᐱᑕᓇᐛᐤ ᐊ ‍ ᒥᑐᔅᑕᐊᒧᐅᔭᒄ ᐊᓂᔭ ᒐᒂᔪᐛ ᐊᓐᑕ ᐛᒋ ‍ ᐱᔨᒐᓄᐅᒡ ᐸᔭᒋ ‍ ᐱᒍᐎᔭᓂᒋᐛᐱᒡ, ᐊᑯᑕ ᐊᓐᑕ ᒐ ‍ ᓂᒋᔅᑲᑎᑯᒡ ᑭᔭ ᒐ ‍ ᐃᔨᒥᑎᑯᒡ᙮
\v 43 ᐊᑯᑕ ᐊᓐᑕ ᒐ ‍ ᓂᒋᔅᑯᐅᒂᐤ ᐃᔅᕋᐃᓪ ᐃᔪᒡ ᑭᔭ ᓂᑭ ‍ ᐸᔭᒋᑕᔭᓐ ᐸᔭᒋ ‍ ᐱᒍᐎᔭᓂᒋᐛᑉ ᓂᐛᔅᑕᐅᓐ ᐅᒡ᙮
\p
\v 44 ᓂᑭ ‍ ᐸᔭᒋᑕᓐ ᐸᔭᒋ ‍ ᐱᒍᐎᔭᓂᒋᐛᑉ ᑭᔭ ᐱᔅᑎᓂᒐᐅᓇᐱᔅᒄ ᑭᔭ ᐃᔭᐱᒡ ᓂᑭ ‍ ᐸᔭᒐᐅᒡ ᐊᕋᓐ ᑭᔭ ᐅᑯᓴ ᒐᒋ ‍ ᐊᑐᔅᑯᐅᒡ ᐊᔭᒥᐊᐅᒋᒪᐅᒡ᙮
\v 45 ᓂᑭ ‍ ᐎᒋᒪᐅᒡ ᐃᔅᕋᐃᓪ ᐃᔪᒡ ᑭᔭ ᓂᑭ ‍ ᐅᒋᓴᒪᓂᑐᒥᑕᑯᒡ᙮
\v 46 ᒋᑭ ‍ ᒋᔅᒐᔨᑎᒧᒡ ᓂᔾ ᐊᐅᒄ ᑎᐸᔨᒋᒐᓱᐤ ᐛ ‍ ᒋᓴᒪᓂᑐᒧᒥᒡ ᐊᓂᔭ ᑲ ‍ ᐎᐎᑕᐃᑯᒡ ᐃᒋᑉᑎᒡ ᐅᒡ, ᐊᑯ ᒪᒃ ᒐᒋ ‍ ᐎᒋᒥᒂᐤ᙮”
\c 30
\s1 ᐱᔅᑎᓂᒐᐅᓇᐱᔅᒄ ᐊᓐᑕ ᒐ ‍ ᐃᔎᓴᑭᓄᐅᒋ ᑲᐎᒋᒪᑯᓯᔨᒋ
\p
\v 1 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒐ ‍ ᐎᑎᒧᐅᑥᐤ ᑲ ‍ ᑭᔅᒋᑕᒡ ᐊᑐᔅᒐᒡ ᒐᒋ ᐅᓯᑕᒡ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒐ ‍ ᐃᔎᓴᑭᓄᐅᒋ ᐎᒋᒪᓯᑭᓇ, ᐊᑲᓯᐊ ᒥᔅᑎᒂ ᒋᑭ ‍ ᐊᐱᒋᐊᐅᒡ᙮
\v 2 ᒋᑭ ᐎ ‍ ᑭᒋᒐᔭᐤ ᐱᔅᑎᓂᒐᐅᓇᐱᔅᒄ᙮ ᔭᓇᐅᑕᑐᓴᑉ ᒥᒋᒋᓐ ᒋᑭ ᐎ ‍ ᐃᔅᐱᔅ ᒋᓏᐤ ᐊᓐᑕ ᐊᔨᑐᐤ ᑭᔭ ᓂᔅᑐᔪᐤ ᐊᓱ ᐊᓱᑕᒡ ᒥᒋᒋᓐ ᒋᑭ ᐎ ‍ ᐃᔅᐱᔅ ‍ ᐃᔅᐸᓇᐤ ᑭᔭ ᒋᑭ ‍ ᒋᑭᒧᑕᐅᒡ ᒥᒋᑎᐧᒄ ᐊᔅᑭᓇ ᐊᓐᑕ ᑕᐧᑯᒡ ᒥᓯᐛ ᐊ ‍ ᒋᒐᔭᔨᒡ᙮ ᐸᐃᑯᑕᐤ ᒥᔅᑎᒂ ᑲ ‍ ᐅᓯᑕᒡ ᐱᔅᑎᓂᒐᐅᓇᐱᔪᐤ ᒋᑭ ᐅᒋ ‍ ᒧᐧᑯᑎᑕᐅᒡ᙮
\v 3 ᒥᓯᐛ ᐊᔅᐱᓴᔨᒡ ᐎᔄᐅᓱᓇᔭᔪᐤ ᒋᑭ ‍ ᐎᔎᔭᒋᓂᒧᒡ ᑭᔭ ᐃᔭᐱᒡ ᐛᔅᑲᔅᑲᐃᑭᓇ ᒋᑭ ‍ ᒋᑭᒺᐅᒡ ᐊᓐᑕ ᒐᑲᑦ ᑕᐧᑯᒡ ᐱᔅᑎᓂᒐᐅᓇᐱᔅᑯᒡ᙮
\v 4 ᐊᓐᑕ ᐊᔨᑐᐤ ᒥᐅᑎᒡ ᒋᑭ ‍ ᒋᑭᒺᐅᒡ ᐛᐎᔭᐱᔎ ᐊ ‍ ᐎᔄᐅᓱᓇᔭᐱᔅᑯᔨᒋ ᒐᒋ ᐱᒧᑕᑭᓄᐎᔨᒡ ᐱᔅᑎᓂᒐᐅᓇᐱᔅᑯᔪᐤ᙮ ᐊᔨᑐᐤ ᓂᑕᒡ ᐊᓐᑕ ᐛᔅᑲᔅᑲᐃᑭᓂᒡ ᒋᑭ ‍ ᒋᑭᒺᐅᒡ᙮ ᐊᐅᑯᐤ ᐅᒡ ᐛᐎᔭᔅᐱᑯᒡ ᐊᓐᑕ ᒐ ‍ ᓴᒂᐛᑭᓄᐅᒡ ᒥᔅᑎᑯᐧᑲᓐᒡ ᒐ ᐅᒋ ‍ ᐱᒧᑕᑭᓄᐅᒡ ᐱᔅᑎᓂᒐᐅᓇᐱᔅᑯᒡ᙮
\v 5 ᒐ ᐎ ‍ ᑎᒧᐅᑥᐤ ᓂᓱ ᒥᔅᑎᑯᐧᑲᓇ ᒐᒋ ᐅᓯᐊᒡ ᐊᑲᓯᔭ ᒥᔅᑎᒂ ᐅᒡ ᑭᔭ ᐎᔄᐅᓱᓇᔭᐤ ᒋᑭ ‍ ᐎᔎᔭᒋᓇᐅᒡ᙮
\v 6 ᐎᐎᑎᒥᒡ ᒋᑭ ‍ ᐊᔅᑕᐅᒡ ᐱᔅᑎᓂᒐᐅᓇᐱᔅᑯᔪᐤ ᐊᑯᑕᔨᒡ ᐊᑯᐛᑲᐃᑭᓂᔪᐤ ᓂᑲᓄᒡ ᐊᔅᑕᔨᒡ ᐸᔭᒋ-ᒥᐅᑎᔪᐤ ᑭᔭ ᒋᐸᐃᑭᓂᔪᐤ᙮ ᐊᑯᑕ ᐊᓐᑕ ᒐ ‍ ᓂᒋᔅᑲᑎᑯᒡ᙮
\p
\v 7 ᐊᑯ ᐊᕋᓐ ᒋᑭ ᐎ ‍ ᐃᔎᓯᒻ ᑲᐎᒋᒪᑯᓯᔨᒋ ᐊᓐᑕ ᐱᔅᑎᓂᒐᐅᓇᐱᔅᑯᒡ ᐊᓯᑯᒻ ᒋᔭᒋᓴᐸᔭᔨᒋ ᐃᔅᐱ ᐊ ‍ ᐃᑐᑐᐛᒋ ᐛᔅᑕᓂᐱᒪᑭᓇ᙮
\v 8 ᑭᔭ ᐛᑕᑯᓯᔨᒋ ᐃᔭᐱᒡ ᒋᑭ ‍ ᐃᔎᓯᐊᒻ ᑲᐎᒋᒪᑯᓯᔨᒋ ᐃᔅᐱ ᓴᔅᑲᐛᒋ ᐛᔅᑕᓂᐱᒪᑭᓇ᙮ ᓇᓂᑎᒻ ᒋᑭ ᐎ ‍ ᐃᔎᓴᑭᓄᐤ ᒐ ᐃᔅᐱᔅ ᐊᓂᔅᒐ ‍ ᐱᒪᑎᓯᓇᓄᐅᒡ᙮
\v 9 ᒐ ᐊᑲ ‍ ᐱᔅᑎᓂᒐᔨᓐ ᐊᓐᑕ ᐱᔅᑎᓂᒐᐅᓇᐱᔅᑯᒡ ᐊᑲ ‍ ᐸᔭᒋᓇᒂᔨᒋ ᑲᐎᒋᒪᑯᓯᔨᒋ ᑭᔭ ᒪᒃ ᒐᒋ ᒥᑐᔅᑕᐊᒪᔨᓐ ᐎᔭᔅ ᑭᔭ ᒪᒃ ᓂᑕᐅᒋᑕᑭᓐ, ᑭᔭ ᒪᒃ ᒐᒋ ᐳᐅᓂᒥᓐ ᓱᒥᓇᐳᔾ ᐊᓐᑕ ᐱᔅᑎᓂᒐᐅᓇᐱᔅᑯᒡ᙮
\v 10 ᐸᐃᒂᐤ ᐸᐃᒄ ᐱᐳᓇ, ᐊᕋᓐ ᒋᑭ ᐎ ‍ ᐸᔭᒋᑕᐤ ᐱᔅᑎᓂᒐᐅᓇᐱᔅᑯᔪᐤ ᐊ ‍ ᑐᒥᓂᒺᑦ ᐊᐛᓯᓴ ᐅᒥᔪᐧᑯᔪᐤ ᐊᓐᑕ ᒥᒋᑎᒂ ᐅᑦ ᐊᔅᑭᓂᔨᒡ ᓇᐤ ᐊ ‍ ᒋᒐᔭᔨᒡ ᒐᒋ ᐛᐸᔨᑎᒧᐛᑭᓄᐅᒡ ᐃᔪᒡ ᐅᒥᒋᑥᐅᓄᐛᐛ᙮ ᓇᔅᒡ ᒋᑭ ᐎ ‍ ᐸᔭᐧᑭᓐ ᐅ ᐱᔅᑎᓂᒐᐅᓇᐱᔅᒄ ᑎᐸᔨᒋᒐᓱᐤ ᐃᔅ᙮” \fig High priest with incense altar|Exo30-01-hk00260c.tif|col||Horace Knowles © The British & Foreign Bible Society, 1954|ᒐ ‍ ᐎᑎᒧᐅᑥᐤ ᑲ ‍ ᑭᔅᒋᑕᒡ ᐊᑐᔅᒐᒡ ᒐᒋ ᐅᓯᑕᒡ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒐ ‍ ᐃᔎᓴᑭᓄᐅᒋ ᐎᒋᒪᓯᑭᓇ|30.10\fig*
\s1 ᐱᔅᑎᓂᒐᐅᐤ ᓱᓇᔭᐤ
\p
\v 11 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ,
\v 12 “ᐃᔅᐱ ᐊᓐᒡ ᑲᓂᑲᓂᔅᑲᒐᒡ ᑎᐱᒋᒪᑥᐛ ᐃᔅᕋᐃᓪ ᐃᔪᐛ, ᒥᓯᐛ ᑕᑐᐤ ᐊᐛᓐ ᑕᐱᒋᒪᑭᓄᐅᑦ ᓂᑭ ᐎ ‍ ᒋᓯᐧᑲᒄ ᒐᒋ ᐱᒪᒋᑕᑭᓄᐎᔨᒡ ᐅᐱᒪᑎᓯᐅᓐ᙮ ᒋᑭ ᐎ ‍ ᐃᑐᑎᒧᒡ ᐅᔭ ᒐ ᐊᑲ ᒋ ᐅᑎᑎᑯᒡ ᒐᒂᔪᐤ ᑲ ‍ ᑯᔅᑕᑎᑯᓂᔨᒡ ᒪᒂᒡ ᑎᐱᒋᒪᑭᓄᑕᐛ ᐃᔪᒡ᙮
\v 13 ᒥᓯᐛ ᐊᐛᓐ ᐊ ‍ ᑎᐱᒋᒪᑭᓄᐅᑦ ᒋᑭ ᐎ ‍ ᒋᓯᐧᑲᓱᐤ ᐊᔅᐱᔅ ᓂᑐᐛᑎᒧᐛᑭᓄᐅᑦ ᓱᓇᔭᐱᔅᑯᓴ ᐊ ᐃᓯ ‍ ᑎᐸᐸᑲᐃᑭᓄᐎᔨᒋ ᒧᔭᒻ ᐊ ‍ ᐱᔅᑎᓂᒧᐅᑦ᙮
\v 14 ᒥᓯᐛ ᓇᐸᐅᒡ ᐊ ‍ ᓂᓱᔪᐊᐳᓇᓯᒡ ᑭᔭ ᒪᒃ ᐅᔅᑕ ᓂᑭ ᐎ ‍ ᒋᓯᐧᑲᒄ ᐊᔅᐱᔅ ᓂᑐᐛᔨᑕᑯᓂᔨᒡ ᐃᔅᐱ ᑎᐱᒋᒪᑭᓄᑕᐛ ᐃᔪᒡ᙮
\v 15 ᑲ ‍ ᐛᔪᑎᓯᑦ ᐊᐛᓐ ᓇᒪ ᒋᑭ ᒥᔅᑎ ‍ ᒋᓯᐧᑲᓱᐤ ᑭᔭ ᐊ ‍ ᒋᔅᑎᒪᑎᓯᑦ ᐊᐛᓐ ᓇᒪ ᐊᐱᓯᔅ ᒋᑭ ‍ ᒋᓯᐧᑲᓱᐤ ᐊᔅᐱᔅ ᓂᑐᐛᔨᑕᑯᓂᔨᒡ ᐃᔅᐱ ᒋᓯᐧᑲᓱᑥᐛ ᒐᒋ ᐱᒪᒋᑕᑭᓄᐎᔨᒋ ᐅᐱᒪᑎᓯᔪᓄᐛᐛ᙮
\v 16 ᒋᑭ ‍ ᒪᒧᓴᒋᓂᒧᒡ ᐊᓐᒡ ᑲᓂᑲᓂᔅᑲᒐᒡ ᐅᔭ ᓱᓇᔭᐤ ᐃᔅᕋᐃᓪ ᐃᔪᐛ ᐅᒡ ᑭᔭ ᒐ ‍ ᐊᐱᑎᒡ ᐊᓐ ᓱᓇᔭᐤ ᒐᒋ ᐱᒥᐱᔨᒡ ᐸᔭᒋ-ᐱᒍᐎᔭᓂᒋᐛᑉ ᐊᓐᑕ ᐊᑕᔭᓐ᙮ ᐊᐅᑯᔪᐤ ᐅᔭ ᒐᓯᐧᑲᓱᒡ ᐅᐱᒪᑎᓯᐅᓄᐛᐛ ᐅᒡ ᑭᔭ ᓂᑭ ‍ ᒋᔅᒋᑎᒺᓐ ᒐᒋ ᒥᔪᑭᓄᐛᔨᒥᒂᐤ᙮”
\s1 ᐛᐸᑲᐅᓱᔭᑭᓐ
\p
\v 17 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ,
\v 18 “ᒐ ᐎ ‍ ᑎᒧᐅᑥᐤ ᑲ ‍ ᑭᔅᒋᑕᒡ ᐊᑐᔅᒐᒡ ᒐᒋ ᐅᓯᑕᒡ ᐊ ‍ ᐎᔄᐛᐱᔅᑯᔨᒡ ᐛᐸᑲᐅᓱᔭᑭᓂᔪᐤ ᑭᔭ ᐊ ‍ ᐎᔄᐛᐱᔅᑯᔨᒡ ᒐ ‍ ᑐᐧᑯᑎᔅᑕᔨᒡ, ᑎᔅᑐᐎᒡ ᐊᓐᑕ ᒋᑭ ‍ ᐊᔅᑕᐅᒡ ᐱᔅᑎᓂᒐᐅᓇᐱᔅᑯᒡ ᑭᔭ ᐸᔭᒋ-ᐱᒍᐎᔭᓂᒋᐛᐱᒡ, ᐊᑯ ᒐ ‍ ᓴᑭᔅᒋᓇᐱᑕᒡ ᓂᐱᔪᐤ᙮
\v 19 ᐊᕋᓐ ᑭᔭ ᐅᑯᓴ ᒋᑭ ‍ ᒋᔅᑕᐸᐅᑕᐅᒡ ᐅᓯᑐᐛᐛ ᑭᔭ ᐅᑎᒋᐛᐛ ᐊᓐᑕ ᐅᒡ᙮
\v 20 ᐊᒺᔭ ᐱᒐᒡ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᐊᒺᔭ ᒥᒋᒪ ᓇᑕᒡ ᐱᔅᑎᓂᒐᐅᓇᐱᔅᑯᔪᐤ ᒐᒋ ᒥᑐᔅᑕᐊᒧᐛᒡ ᑎᐸᔨᒋᒐᓱᐛ᙮ ᐃᑐᑕᒂᐛ ᐅᔭ, ᐊᑯ ᓇᒪ ᒋᑭ ‍ ᐳᓂᐱᒪᑎᓯᐅᒡ ᐊ ᐊᑲ ‍ ᐱᓯᒋᑕᒡ ᑲ ‍ ᐃᑎᓱᒥᒂᐤ᙮
\v 21 ᓇᓂᑎᒻ ᒋᑭ ᐎ ‍ ᒋᔅᑕᐸᐅᑕᐅᒡ ᐅᑎᒋᔨᐛᐛ ᑭᔭ ᐅᓯᑐᐛᐛ ᒐ ᐊᑲ ‍ ᐳᓂᐱᒪᑎᓯᒡ᙮ ᓇᓂᑎᒻ ᐅᔭ ᒋᑭ ᐎ ‍ ᓇᓴᐊᒧᒡ ᐎᓱᐛᐅᓂᔪᐤ ᑭᔭ ᓂᔭᐸᐎᒋ ᐅᑦ ᐊᓂᔅᑯᑕᐸᓄᐛᐛ ᒐ ᐸᒋ ‍ ᑕᔨᒋ᙮”
\s1 ᑐᒥᓂᒐᐅ-ᐱᒥᔾ
\p
\v 22 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ,
\v 23 “ᒐ ‍ ᐎᑎᒧᐅᑥᐤ ᑲ ‍ ᑭᔅᒋᑕᒡ ᐊᑐᔅᒐᒡ ᒐᒋ ᒪᒧᓴᒋᓇᒡ ᓂᐱᓯᔭ ᑲ ‍ ᐎᒋᒪᑯᓂᔨᒋ: ᓂᓴᑉ ᑎᐸᐸᑲᐃᑭᓇ ᑲ ‍ ᐎᒋᒪᑯᓯᔨᒋ ᑐᒥᓂᑭᓇ ᑭᔭ ᐊᓱᑕᒡ ᑎᐸᐸᑲᐃᑭᓇ ᑲ ‍ ᐎᒋᒪᓱᔨᒋ ᐱᒍᐛ᙮
\v 24 ᑭᔭ ᓂᓴᑉ ᑎᐸᐸᐃᑭᓇ ᑲᓯᐊ ᒥᔅᑎᒃ ᐎᒐᔎ ᑯᐃᔅᒄ ᐊ ᐃᓯ ‍ ᑎᐸᐸᑲᐃᒐᓄᐎᒡ, ᒋᑭ ‍ ᒪᒧᐱᑕᐅᒡ ᐅᔭ ᒐᒋ ᐅᓯᐊᒡ ᔭᓇᐤ ᑕᑐᔭᑭᓇ ᐱᒥᔭ᙮
\v 25 ᒐᒋ ᐊᐱᒋᐊᑭᓄᐅᑦ ᐸᔭᒋ ᑐᒥᓂᒐᐅ-ᐱᒥᔾ ᒐ ‍ ᑐᒥᓂᑐᓇᓄᐅᒡ᙮
\v 26 ᐊᐅᑯᐤ ᒐ ‍ ᐊᐱᒋᐃᑦ ᐅ ᐱᒥᔾ ᒐᒋ ‍ ᑐᒥᓂᒥᓐ ᐸᔭᒋ-ᐱᒍᐎᔭᓂᒋᐛᑉ ᑭᔭ ᐸᔭᒋ-ᒥᐅᑦ,
\v 27 ᑭᔭ ᒥᒋᓱᐛᑭᓇᑎᒄ ᑭᔭ ᒥᓯᐛ ᐊ ‍ ᐃᑕᐱᑎᒡ ᒥᒋᓱᐛᑭᓇᑎᑯᒡ, ᐛᔅᑕᓂᐱᒪᑭᓇᔅᒄ ᑭᔭ ᒥᓯᐛ ᒐᒂᓐ ᐃᔭᐱᒋᑕᑭᓄᐅᒡ ᐊ ‍ ᐃᑐᑕᑭᓄᐅᒡ ᐛᔅᑕᓂᐱᒪᑭᓇᔅᒄ, ᑭᔭ ᐱᔅᑎᓂᒐᐅᓇᐱᔅᒄ ᐊᓐᑕ ᒐ ‍ ᐃᔎᓴᑭᓄᐅᒋ ᑲᐎᒋᒪᑯᓯᔨᒋ᙮
\v 28 ᑭᔭ ᐱᔅᑎᓂᒐᐅᓇᐱᔅᒄ ᐊᓐᑕ ᐊ ‍ ᒥᑐᔅᑕᐊᒪᒐᓄᐅᒡ ᑭᔭ ᒥᓯᐛ ᐊᓐᑕ ᒐᒂᓐ ᐊ ‍ ᐃᑕᐱᑎᒡ, ᐛᐸᑲᐎᓱᔭᑭᓐ ᑭᔭ ᐊᓐᑕ ᑎᔭᐧᑯᑎᔅᑕᒡ᙮
\v 29 ᒐ ‍ ᐸᔭᒋᑕᔨᓐ ᐅᔭ ᒐᒂᔪᐛ ᑎᐸᔨᒋᒐᓱᐤ ᐃᔅ, ᐊᑯ ᒋᒋᐛ ᒐ ‍ ᐸᔭᐧᑲᒋ ᑭᔭ ᒥᒄ ᒐᒂᓐ ᑕᔭᒋᑎᒡ ᐊᓐᑕ ᒋᑭ ‍ ᐸᔭᐧᑭᓐ᙮”
\p
\v 30 “ᐊᑯ ᒐ ‍ ᑐᒥᓂᑥᐤ ᐊᕋᓐ ᑭᔭ ᐅᑯᓴ ᑭᔭ ᒐ ‍ ᐅᓯᔨᑥᐤ ᒐᒋ ᐊᔭᒥᐊᐅᒋᒪᐅᒡ ᒐᒋ ᐊᑐᔅᑯᐅᒡ᙮
\v 31 ᒐ ‍ ᐃᑎᑥᐤ ᐃᔅᕋᐃᓪ ᐃᔪᒡ, ‘ᐅ ᐱᒥᔾ ᐊᐅᑯᐤ ᓂᐸᔭᒋ-ᑐᒥᓂᒐᐅ-ᐱᒥᒻ ᐊᓐ ᒐ ‍ ᐊᐱᒐᑭᓄᐅᑦ ᒐ ᐊᑎ ᐊᓂᔅᒐ ‍ ᐱᒪᑎᓯᓇᓄᐅᒡ᙮
\v 32 ᒐ ᐊᑲ ‍ ᐳᓂᒧᐅᑥᐤ ᐊᓐᒡ ᐃᔪᒡ ᐊᑲ ᐊᔭᒥᐊᐅᒋᒪᐅᒡ᙮ ᑭᔭ ᒐ ᐊᑲ ‍ ᐸᐃᑯᑕᐤ ᐃᓯ ‍ ᐅᓯᐊᑦ ᐅ ᐱᒥᔾ, ᐸᔭᒋᓯᐤ ᐅ ᐱᒥᔾ ᑭᔭ ᐊ ‍ ᐸᔭᒋᓯᑦ ᒋᑭ ᐎ ᐃᓯ ‍ ᐅᑎᓇᐤ᙮
\v 33 ᐅᓯᐊᒐ ᐊᐛᓐ ᑯᑎᒂ ᐱᒥᔭ ᒧᔭᒻ ᑐᒥᓂᒐᐅ-ᐱᒥᔭ ᑭᔭ ᒪᒃ ᐳᓂᒧᐛᒐ ᐊᐛᔪᐛ ᐊᑲ ᐊᔭᒥᐊᒋᒪᐅᐎᔨᒋ ᓇᒪ ᓂᑭ ᒋ ᐃᓯ ‍ ᐅᑎᓇᐤ ᒧᔭᒻ ᓂᑦ ᐃᔨᒻ᙮’ ”
\s1 ᑲᐎᒋᒪᑯᓯᒋ
\p
\v 34 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒐ ‍ ᐎᑎᒧᐅᑥᐤ ᑲ ‍ ᑭᔅᒋᑕᒡ ᐊᑐᔅᒐᒡ ᒐᒋ ᐅᑎᓇᒡ ᓂᔅᑐ ᐸᐃᑯᑕᐤ ᐊᔅᐱᓴᔨᒋ ᑲ ‍ ᐎᒋᒪᑯᓯᔨᒋ᙮
\v 35 ᐊᐅᑯᐤ ᐅᔭ ᒐ ‍ ᐊᐱᒋᑕᒡ ᐊ ‍ ᐅᓯᑕᒡ ᑲᐎᒋᒪᑯᓯᔨᒋ ᐊ ‍ ᒪᒧᐱᑕᒡ ᒧᔭᒻ ᑲᐎᒋᒪᑯᓂᒡ, ᒋᑭ ‍ ᐊᔅᑕᐅᒡ ᓯᐅᑕᑭᓂᔪᐤ ᒐᒋ ᐸᔭᒋᓯᒥᑭᓂᔨᒡ᙮
\v 36 ᒋᑭ ‍ ᑎᒂᐊᒧᒡ ᐱᔅᒐ ᒐᒋ ᐱᓂᐱᔨᒡ ᑭᔭ ᒐ ᐊᑎ ‍ ᐱᓂᐱᔨᑕᔨᓐ ᐊᓐᑕ ᓂᑲᓐ ᑲ ‍ ᐸᔭᒋᓇᒂᒡ ᒥᐅᑎᒡ ᐊ ‍ ᐸᔭᐧᑲᒡ ᒋᑭ ᐎ ᐃᓯ ‍ ᐅᑎᓇᓐ᙮
\v 37 ᓇᒪ ᒋᑭ ‍ ᐅᓯᑎᒪᓱᐤ ᐊᐛᓐ ᑯᑎᒋᔪᐤ ᑲᐎᒋᒪᑯᓯᔨᒡ ᒧᔭᒻ ᐊ ᐃᓯ ‍ ᐅᓯᑕᑭᓄᐎᒡ, ᐊ ‍ ᐸᔭᐧᑲᒡ ᑎᐸᔨᒋᒐᓱᐤ ᐃᔅ ᒋᑭ ᐎ ᐃᓯ ‍ ᐅᑎᓇᓐ᙮
\v 38 ᐅᓯᑎᒪᓱᒐ ᐅᔭ ᐊᐛᓐ ᒧᔭᒻ ᑲᐎᒋᒪᑯᓯᔨᒡ, ᓇᒪ ᓂᑭ ᒋ ᐃᓯ ‍ ᐅᑎᓇᐤ ᒧᔭᒻ ᓂᑦ ᐃᔨᒻ᙮”
\c 31
\s1 ᐸᓴᓕᓪ ᑭᔭ ᐅᐦᐅᓕᐊᑉ
\p
\v 1 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ,
\v 2 “ᓂᒋ ‍ ᐅᑎᓇᐤ ᐸᓴᓕᓪ, ᔪᕆᔨᒋ ᐅᑕᐎᔪᐤ, ᐦᐅᕐ ᐅᒧᓱᒧᐤ, ᒍᑕ ᐅᒡ ᑲ ‍ ᐃᑎᔅᑲᓇᓯᑦ᙮
\v 3 ᓂᒋ ‍ ᑐᑐᐛᐤ ᒐᒋ ‍ ᓴᑭᔅᒋᓇᔅᑲᑯᑦ ᑲ ‍ ᐸᔭᒋᓯᔨᒋ ᐊᒐᒂ ᐸᓴᓕᓪ ᑭᔭ ᓂᒋ ‍ ᑐᑐᐛᐤ ᒐᒋ ᑭᔅᒋᑕᑦ ᐊ ‍ ᐅᓯᑕᑦ ᐊ ‍ ᒋᔅᑕᔨᑕᑯᓂᔨᒋ ᒐᒂᔪᐛ ᒐ ‍ ᐊᐱᑎᓂᔨᒋ ᐊᓐᑕ ᐸᔭᒋ ‍ ᐱᒍᐎᔭᓂᒋᐛᐱᒡ᙮
\v 4 ᒋᑭ ᒋ ‍ ᒥᒪᑕᐅᓯᓇᑕᐊᒻ ᒐᒂᔪᐛ ᐎᔄᐅᓱᓇᔭᒡ, ᓱᓇᔭᐱᔅᑯᒡ ᑭᔭ ᑲ ‍ ᐎᔄᐛᐱᔅᑯᔨᒡ ᐃᓴᑯᔪᐤ ᐅᒡ᙮
\v 5 ᒋᑭ ᒋ ‍ ᒪᑎᓱᒻ ᑲ ‍ ᓱᓇᔭᐎᔨᒋ ᐊᓯᓂᔭ ᒐᒋ ᒋᑭᒧᑕᑦ ᐎᔄᐅᓱᓇᔭᒡ ᐊᓐᑕ ᐛᔅᑲ ᐊᓯᓂᒡ ᑭᔭ ᐊ ‍ ᒧᐧᑯᑕᑦ ᒥᔅᑎᒂ ᑭᔭ ᒐᒋ ‍ ᑐᑕᐧᒄ ᐊᑭᔅᒋᑕᑦ ᐊᐅᓯᑕᑦ ᒐᒂᔪᐛ᙮
\v 6 ᓂᒋ ‍ ᐅᑎᓇᐤ ᐃᔭᐱᒡ ᐅᐦᐅᓕᐊᑉ, ᐊᐦᐃᓴᒪᒃ ᐅᑯᓴ ᑕᐊᓐ ᐃᔪᐛ ᐅᑎᔅᑲᓇᓱᐤ ᒐᒋ ᐎᒋ ‍ ᐊᑐᔅᒐᒥᑯᑦ ᐸᓴᓚᓪ᙮ ᐃᔭᐱᒡ ᑭᔅᒋᐅᓂᔪᐤ ᓂᒋ ‍ ᒥᔭᐅᒡ ᑯᑎᑭᒡ ᓇᐸᐅᒡ ᒐᒋ ᐅᓯᑕᒡ ᒥᓯᐛ ᒐᒂᔪᐛ ᑲ ‍ ᐃᑎᓱᒥᑕᓐ ᒐᒋ ᐅᓯᑕᑭᓄᐅᒋ᙮
\v 7 ᐊᓯᒡ ᐸᔭᒋ ‍ ᐱᒍᐎᔭᓂᒋᐛᐱᔪᐤ ᑭᔭ ᐸᔭᒋ-ᒥᐅᑎᔪᐤ ᑭᔭ ᒋᐸᐃᑭᓂᔪᐤ ᑭᔭ ᒥᓯᐛ ᒐ ‍ ᐃᑕᐱᑎᓂᔨᒋ ᒐᒂᔪᐛ ᐊᓐᑕ ᐸᔭᒋ ‍ ᐱᒍᐎᔭᓂᒋᐛᐱᒡ,
\v 8 ᒥᒋᓱᐛᑭᓇᑎᑯᔪᐤ ᑭᔭ ᑲ ‍ ᐎᔄᐅᓱᓇᔭᐱᔅᑯᔨᒋ ᐛᔅᑕᓂᐱᒪᑭᓇᑎᒂ ᑭᔭ ᐊᓂᔭ ᒐ ‍ ᐃᑕᐱᑎᓂᔨᒋ ᒐᒂᔪᐛ ᒐ ‍ ᓇᑭᑐᐛᔨᑎᑭᓄᐎᔨᒡ ᑭᔭ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒐ ‍ ᐃᔎᓴᑭᓄᐎᔨᒋ ᑲ ‍ ᐎᒋᒪᑯᓯᔨᒋ᙮
\v 9 ᑭᔭ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒐ ‍ ᒥᑐᔅᑕᐊᒪᒐᓄᐎᔨᒡ ᑭᔭ ᒐ ‍ ᐃᑕᐱᑎᓂᔨᒋ ᒐᒂᔪᐛ ᑭᔭ ᐛᐸᑲᐅᓱᔭᑭᓂᔪᐤ ᑭᔭ ᐊᓐᑕ ᒐ ᐅᒋ ‍ ᑕᐧᑯᑎᔅᑕᔨᒡ ᐛᐸᑲᐅᓱᔭᑭᓂᔪᐤ᙮
\v 10 ᑭᔭ ᒥᓯᐛ ᑲ ‍ ᒥᔽᓯᔨᒋ ᐅᑦ ᐊᔭᒥᐊᐅ-ᐊᐱᒋᑕᐅᓂᔨᐛ ᐊᕋᓇ ᑭᔭ ᐅᑯᓯᔨᐛ ᒐ ‍ ᐳᔅᑲᒥᔨᒋ ᐃᔅᐱ ᐊᑐᔅᒐᔨᒐᓂ ᐊᔭᒥᐊᐅᒋᒪᐅᐎᔨᒋ᙮
\v 11 ᑭᔭ ᑐᒥᓂᒐᐅ-ᐱᒥᔭ ᑭᔭ ᑲᐎᒋᒪᑯᓯᒡ ᒐ ‍ ᐊᐱᑎᓂᔨᒡ ᐊᓐᑕ ᑲ ‍ ᐸᔭᒋᒥᑭᓂᔨᒡ ᑲᐱᔅᒋᒐᔭᔨᒡ᙮ ᒥᓯᐛ ᓇᐊᐤ ᒋᑭ ᐎ ‍ ᐃᓯᓇᑯᑕᐅᒡ ᒐᒂᔪᐛ ᐊᓐᒡ ᐊᔭᒡ ᑭᔅᒋᐅᓂᔪᐤ ᒧᔭᒻ ᑲ ‍ ᐃᑎᓱᒥᑕᓐ᙮”
\s1 ᐊᔭᒥᐊᐅᒋᓯᒄ
\p
\v 12 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ,
\v 13 “ᒐ ‍ ᐃᑎᑥᐤ ᐃᔅᕋᐃᓪ ᐃᔪᒡ ᒐᒋ ᓇᐃᑕᒡ ᐊᓂᔭ ᑲ ‍ ᐃᑐᓱᒥᒂᐤ ᒐ ‍ ᓇᑭᑐᐛᔨᑕᒡ ᐊᔽᓯᐅᒋᓯᑲᔨᒡ ᒐᒋ ᒋᔅᒋᑎᒪᒄ ᒋᔾ ᑭᔭ ᒋᑦ ᐊᔭᓂᔅᒐ ᐊᓂᔅᑯᑕᐸᓐᒡ ᑲᒋ ‍ ᐅᑎᓂᑎᑯᒡ ᒐ ᐅᑦ ᐃᔨᒥᑕᑎᑯᒡ᙮
\p
\v 14 ᒋᑭ ᐎ ‍ ᓇᐃᑕᓐ ᓂᑦ ᐃᑎᓱᐛᐅᓇ ᐊ ‍ ᓇᑭᑐᐛᔨᑕᑭᓄᐅᒡ ᐊᔽᓯᐅᒋᓯᑲᒡ ᐛᔅ ᒋᒋᐛ ᐸᔭᐧᑭᓐ᙮ ᐊᐛᓐ ᐊᑲ ᓇᓴᐊᐧᒃ ᓂᑦ ᐃᑎᓱᐛᓂᔪᐤ ᑭᔭ ᒐ ‍ ᐊᑐᔅᒐᒂ ᐊᓂᔭ ᒋᓯᑯᔪᐤ, ᒋᑭ ‍ ᓂᐸᐊᑭᓄᐤ᙮
\v 15 ᐊᓱᑕᒡ ᑕᑐᐤ ᒋᓯᑲᐛ ᒋᑭ ‍ ᐊᑐᔅᒐᓐ, ᒋᑭ ‍ ᑐᑕᓐ ᑭᔭ ᒥᓯᐛ ᒐᒂᓐ ᐊ ‍ ᑎᒂᒡ ᒐ ‍ ᐃᑐᑎᒥᓐ, ᒥᒄ ᓂᔄᐅᑕᒡ ᐊ ‍ ᒋᓯᑲᒡ ᐊᔪᐅᒄ ᐅᑦ ᐊᔽᓯᐅᒋᓯᑲᒻ ᑎᐸᔨᒋᒐᓱᐤ ᒋ ‍ ᒋᓴᒪᓂᑐᒻ, ᐊᐛᓐ ᒐ ‍ ᐊᑐᔅᒐᒂ ᐅᔭ ᒋᓯᑯᔪᐤ ᒋᑭ ‍ ᓂᐸᐊᑭᓄᐤ᙮
\v 16 ᒥᓯᐛ ᐊᐛᓐ ᒐ ᐊᑎ ᐊᓂᔅᒐ ‍ ᐱᒪᑎᓯᑦ ᐃᔅᕋᐃᓪ ᐊ ‍ ᐃᑎᔅᑲᓇᓯᑦ ᒋᑭ ᐎ ‍ ᒋᔅᑕᔨᑎᒻ ᐅᔭ ᒋᓯᑯᔪᐤ ᒐᒋ ᒋᔅᒋᑎᒪᒄ ᓂᔅᑯᒧᐅᓐ ᑲ ‍ ᐃᑐᑎᒪᑎᑯᒡ ᒧᔅ ᑲᒋᒡ ᒐ ‍ ᑎᒂᒡ᙮
\v 17 ᐊᐅᒄ ᐅ ᒐᒋ ᐅᒋ ‍ ᒋᔅᒋᑎᒪᒄ ᓂᔾ ᑎᐸᔨᒋᒐᓱᐤ ᐊᓱᑕᒡ ᑕᑐᐤ ᒋᓯᑲᐛ ᐃᔅᐱᔅ ᑲ ‍ ᐅᓯᑕᔭᓐ ᒋᒋᒋᓯᒄ ᑭᔭ ᐊᔅᒋᔾ ᒥᒄ ᐊᓐ ᓂᔄᐅᑕᒡ ᒋᓯᒄ ᓂᒋ ‍ ᐊᔅᑕᔭᔅᑯᓯᓐ᙮”
\p
\v 18 ᐃᔅᐱ ᒋᓴᒪᓂᑐᐤ ᑲᒋ ᐃᓯ ‍ ᐃᔨᒪᐊᑦ ᒧᓱᓴ ᐊᓐᑕ ᓴᐃᓇᐃ ᐱᔅᑯᑎᓇᒡ᙮ ᒂ ‍ ᒥᔭᑦ ᓂᓱ ᐊᓯᓂᔭ ᐊᓐᑕ ᑲ ‍ ᒥᓯᓇᐊᐧᒃ ᐅᑦ ᐃᑎᓱᐛᐅᓇ ᐅᑎᒋᒡ ᐅᒡ᙮
\c 32
\s1 ᑲ ‍ ᐎᔄᐅᓱᓇᔭᐱᔅᑯᔨᒋ ᒥᒋᑎᐧᒄ ᒥᓂᑐᐧᑲᓇ
\s2 Exodus 32.1-14 (Proper-23 Year A, Proper-19 Year C)
\p
\v 1 ᐃᔅᐱ ᐃᔪᒡ ᒐ ‍ ᒋᔅᒐᔨᒪᒡ ᒧᓱᓴ ᐊᔅᐱᔅ ᐊᑲ ᓇᐅᔅ ᓂᑎᒋᐛᔨᒋ ᐱᔅᑯᑎᓇᒡ ᐅᒡ, ᒋ ‍ ᓂᑐᐛᐱᒪᐅᒡ ᐊᕋᓇ ᑭᔭ ᒂ ‍ ᐃᑕᒡ, “ᐅᓯᑎᒧᐅᓇᓐ ᒥᓂᑐᐧᑲᓐ ᒐ ‍ ᓂᑲᓂᔅᑯᐎᒥᑦ᙮ ᐛᔅ ᐅᐛ ᒧᓱᔅ ᑲ ᐸᒋ ‍ ᐎᐎᑕᔨᒥᑦ ᐃᒋᑉᑎᒡ ᐅᒡ, ᓇᒪ ᓂ ‍ ᒋᔅᒐᔨᒪᓇᓐ ᑕᓐ ᐊᑎᑦ᙮”
\p
\v 2 ᐊᑯ ᐊᕋᓐ ᐊᑕᑦ ᐃᔪᐛ, “ᒥᓂᒺᐧᒄ ᐊᓂᔭ ᑲ ‍ ᐎᔄᐅᓱᓇᔭᐱᔅᑯᔨᒋ ᒥᑐᑲᒡ ᑭ ‍ ᐳᔅᑲᑭᓄᐛᓂ ᑭ ‍ ᐳᔅᑭᒧᐅᒋ ᒋᐎᒋᒪᑭᓄᐛᐅᒡ, ᒋᑯᓱᐛᐅᒡ ᑭᔭ ᒋᑕᓂᓱᐛᐅᒡ ᑭᔭ ᒐ ‍ ᐸᑐᑐᐎᔭᒄ᙮”
\v 3 ᐊᑯ ᒥᓯᐛ ᐃᔪᒡ ᒂ ‍ ᒥᓇᒡ ᐊᓂᔭ ᑲ ‍ ᐳᔅᑲᒡ ᑲ ‍ ᐎᔄᐅᓱᓇᔭᐱᔅᑯᔨᒋ ᒥᑐᑲᒡ ᑭ ‍ ᐳᔅᑲᑭᓄᐛᓂ, ᑭᔭ ᐊᑐᑐᐛᒡ ᐊᕋᓇ᙮
\v 4 ᒂ ‍ ᐊᐸᓴᐧᒃ ᐊᕋᓐ ᒥᓯᐛ ᐊᓂᔭ ᑲ ‍ ᒥᔭᑭᓄᐅᑦ ᑭᔭ ᒂ ‍ ᐅᓯᐊᑦ ᒥᓂᑐᐧᑲᓇ ᒥᒋᑎᒂ ᐊ ‍ ᐃᓯᓇᑯᓯᔨᒋ᙮ ᒂ ‍ ᐃᔅᒋᔄᒡ ᐃᔪᒡ, “ᑭᓄᐛᐱᒥᐧᒄ ᒋ ‍ ᒋᓴᒪᓂᑐᒧᐛᐤ, ᐅ ᐃᔅᕋᐃᓪ, ᑲᒋ ᐸᒋ ‍ ᐎᐎᑕᐃᑕᒄ ᐃᒋᑉᑎᒡ ᐅᒡ᙮”
\p
\v 5 ᐃᔅᐱ ᐊᕋᓐ ᐎᔭᐸᑕᐧᒃ ᑲ ‍ ᐃᔅᐱᔨᒡ, ᐱᔅᑎᓂᒐᐅᓇᐱᔅᑯᔪᐤ ᒋ ‍ ᐅᓯᑕᐤ ᐅᑎᔅᑯᐤ ᑲ ‍ ᐎᔄᐅᓱᓇᔭᐱᔅᑯᔨᒋ ᒥᓂᑐᐧᑲᓇ ᐊ ‍ ᑕᔨᒋ ᑭᔭ ᒂ ‍ ᐃᔅᒋᔄᑦ, “ᐛᐸᒐ ᒋᑭ ‍ ᒥᔽᑕᓇᓄᐤ ᐊ ‍ ᒋᔅᑕᔨᒪᐧᒄ ᐅᑎᐸᔨᒋᒐᐤ᙮”
\v 6 ᐊᑯ ᒥᓐ ᐎᔭᐱᓂᔨᒡ ᐎᐱᒡ ᒋ ‍ ᐅᓂᐅᒡ ᐃᔪᒡ ᑭᔭ ᒂ ‍ ᓂᐸᐊᒡ ᐱᔅᒐ ᐊᐛᓯᓴ ᒐᒋ ᒥᑐᔅᑕᐊᒪᒐᒡ ᑭᔭ ᒐᒋ ᒧᐛᒡ᙮ ᐃᔪᒡ ᒋ ‍ ᓇᐃᐳᐅᒡ ᒐᒋ ᒥᒋᓱᒡ ᑭᔭ ᒥᓂᒡ, ᒋ ‍ ᐱᓯᑯᐅᒡ ᒪᒃ ᒐᒋ ᓂᒥᒡ ᑭᔭ ᐎᓂᓯᐤ ᐱᒪᑎᓯᒡ᙮\fig Israelites worshipping golden calf|Exo32-06-CO00834B.TIF|col||© 1996 David C Cook|ᒂ ‍ ᐊᐸᓴᐧᒃ ᐊᕋᓐ ᒥᓯᐛ ᐊᓂᔭ ᑲ ‍ ᒥᔭᑭᓄᐅᑦ ᑭᔭ ᒂ ‍ ᐅᓯᐊᑦ ᒥᓂᑐᐧᑲᓇ ᒥᒋᑎᒂ ᐊ ‍ ᐃᓯᓇᑯᓯᔨᒋ|32.6\fig*
\p
\v 7 ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᓂᑎᒋᐛ, ᐛᔅ ᒋᑦ ᐃᔨᒥᒡ ᐊᓐᒡ ᐃᒋᑉᑎᒡ ᑲ ᐅᒋ ‍ ᐎᐎᑕᐃᑥᐤ, ᓴᔅ ᒥᒐᑎᓯᐅᒡ᙮
\v 8 ᓴᔅ ᓂᑭᑎᒧᒡ ᑲ ‍ ᐃᑎᓱᐛᑎᒂᐤ ᒐ ‍ ᐃᑎᒡ, ᒥᓂᑐᐧᑲᓇ ᒪᒃ ᐅᓯᑎᒪᓱᐅᒡ, ᐊᔭᒥᐊᔅᑐᐛᐅᒡ ᑭᔭ ᒥᑐᔅᑕᐊᒧᐛᐅᒡ ᑭᔭ ᐃᔅᒋᔄᐅᒡ, ‘ᐊᐅᑯᐤ ᒋ ‍ ᒋᓴᒪᓂᑐᒧᐛᐤ, ᐅ ᐃᔅᕋᐃᓪ, ᐃᒋᑉᑦ ᐊᔅᒋᒡ ᐅᒡ ᑲ ᐸᒋ ‍ ᐎᐎᑕᐃᑕᐧᒄ᙮’ ”
\p
\v 9 ᑭᔭ ᑎᐸᔨᒋᒐᓱᐤ ᐃᑕᐤ ᒧᓱᓴ, “ᓴᔅ ᓂᒋ ‍ ᐛᐱᒪᐅᒡ ᐅᒡ ᐃᔪᒡ ᑭᔭ ᒥᔅᑯᔅᑎᒂᓇᐅᒡ,
\v 10 ᐊᑯ ᒪᒃ ᐊᑲ ᑯᒋᑕ ᒐᒋ ᓂᑲᐎᔨᓐ, ᓂ ‍ ᒋᔄᐃᑯᒡ ᑭᔭ ᓂᑭ ‍ ᓂᓱᐅᓇᒋᐊᐅᒡ᙮ ᐊᑯ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᒐ ‍ ᐃᑐᑕᑎᑯᒡ ᒐ ᒥᒐᑐ ‍ ᐃᑎᔅᑲᓇᓯᔭᒄ᙮”
\p
\v 11 ᒥᒄ ᒧᓱᔅ ᒋ ‍ ᓂᑐᑎᒧᐛᐤ ᐅᒋᓴᒪᓂᑐᒪ ᑎᐸᔨᒋᒐᓯᐛ ᐊ ‍ ᐃᑕᑦ, “ᐅᑎᐸᔨᒋᒐᐤ, ᒐᒂᓐ ᒋᐸ ᐅᒋ ‍ ᒋᔄᐱᔅᑐᐛᐅᒡ ᒋᑦ ᐃᔨᒥᒡ, ᐊᓐᒡ ᐃᒋᑉᑎᒡ ᑲ ᐅᒋ ‍ ᐎᐎᑕᐃᑥᐤ ᒋᓱᐧᑲᑎᓯᐅᓂᒡ ᐅᒡ ?
\v 12 ᒐᒂᓂᔪᐤ ᒋᐸ ᐅᒋ ‍ ᐃᔅᒋᔄᐅᒡ ᐃᒋᑉᑦ ᐃᔪᒡ, ᐊᒋ ‍ ᐎᐎᑕᐃᑥᐤ ᐃᒋᑉᑎᒡ ᐅᒡ ᒐᒋ ᓂᐸᐃᑥᐤ ᐊᓐᑕ ᐱᔅᑯᑎᓇᒡ ᑭᔭ ᒥᓯᐛ ᓂᓱᐅᓇᒋᐊᑥᐤ ? ᐊᑲ ᒋᔄᐱᔅᑐᐅᒡ ᒋᑦ ᐃᔨᒥᒡ, ᐊᑲ ᓂᓱᐅᓇᒋᐃᒡ᙮
\v 13 ᒋᔅᒋᑐᐅᒡ ᒋᑦ ᐊᐱᒋᐊᑭᓐᒡ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮ ᑲ ‍ ᐊᓱᑎᒧᐅᑥᐤ ᑲ ‍ ᐃᑎᑥᐤ, ‘ᓂᑭ ‍ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓄᐛᐅᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ‍ ᒥᔭᐅᒡ ᒥᓯᐛ ᐅᔭ ᐊᔅᒋᔭ ᑲ ‍ ᐊᓱᑎᒧᐅᒂᐤ ᑭᔭ ᐎᔨᐛᐤ ᒧᔅ ᑲᒋᒡ ᒋᑭ ‍ ᑎᐱᔨᐛᓯᐅᒡ᙮’ ”
\v 14 ᑎᐸᔨᒋᒐᓱᐤ ᒂ ‍ ᒂᔅᒐᔨᑕᐧᒃ ᐊᓂᔭ ᑲ ‍ ᐃᑕᑦ ᒐ ‍ ᐃᑐᑐᐛᑦ ᐅᑦ ᐃᔨᒪ᙮
\p
\v 15 ᒧᓱᔅ ᒂ ‍ ᒋᐛᑲᐳᔅᑐᐛᑦ ᒂ ᐊᑎ ‍ ᓂᑎᒋᐛᑦ ᐊᓂᔭ ᐱᔅᑯᑎᓇᔪᐤ, ᐊ ‍ ᑕᐧᑯᓇᑦ ᐊᓂᔭ ᐊᓯᓂᔭ ᐊᔨᑐᐤ ᐃᑕᒐ ᑲ ‍ ᒥᓯᓇᑕᒥᔨᒋ ᒋᓴᒪᓂᑐᐛ ᐃᑎᓱᐛᐅᓇ᙮
\v 16 ᐎᔾ ᒋᓴᒪᓂᑐᐤ ᒋ ‍ ᐅᓯᐊᐤ ᐊᓂᔭ ᐊᓯᓂᔭ ᑭᔭ ᐎᔾ ᒋ ‍ ᒥᓯᓇᑕᐊᒻ ᐊᓂᔭ ᐎᓱᐛᐅᓇ᙮\fig Moses on Mt. Sinai with tablets of stone|Exo32-15-CO00835B.TIF|col||© 1996 David C Cook|ᒧᓱᔅ ᐊ ‍ ᑕᐧᑯᓇᑦ ᐊᓂᔭ ᐊᓯᓂᔭ ᐊᔨᑐᐤ ᐃᑕᒐ ᑲ ‍ ᒥᓯᓇᑕᒥᔨᒋ ᒋᓴᒪᓂᑐᐛ ᐃᑎᓱᐛᐅᓇ|32.16\fig*
\p
\v 17 ᒐᓱᐛ ᒋ ‍ ᐸᑎᒻ ᐊ ‍ ᐃᑎᑕᑯᓯᔨᒋ ᐃᔪᐛ᙮ ᐊᑯ ᒐᑲᑦ ᐛᑎᑕᐧᒃ ᐊᓐᑕ ᑲ ‍ ᒪᓂᑲᓱᓇᓄᐎᒡ, ᒧᓱᓴ ᒋᓂᒋᔅᑯᐛᐤ ᐊᑯ ᒂ ‍ ᐃᑕᑦ, “ᓂ ‍ ᐸᑕᓐ ᐊᓐᑕ ᑲ ‍ ᒪᓂᑲᓱᓇᓄᐅᒡ ᒧᔭᒻ ᐊ ‍ ᓂᑐᐱᔨᓇᓄᐅᒋ ᐊᑎᑕᒂᒡ᙮”
\p
\v 18 ᒧᓱᔅ ᒂ ‍ ᐃᑕᑦ,
\q1 “ᓇᒪ, ᓇᒪᔭᔪᐤ ᐊᓂᔭ ᐊ ‍ ᐃᑎᑕᑯᓯᒡ ᐃᔪᒡ ᑲᒋ ‍ ᑲᓂᔪᑥᐎ ᑭᔭ ᒪᒃ ᑲᒋ ‍ ᐅᓂᑕᒡ ᓇᑐᐱᔨᑥᐎ !
\q1 ᐊ ‍ ᓂᑭᒧᓇᓄᐅᒡ ᓂᐸᑕᓐ !”
\p
\v 19 ᒥᒋᒪ ᑲᒋ ‍ ᐅᑎᑕᐧᒃ ᒧᓱᔅ ᐊᓐᑕ ᐛᒋᓇᓄᐎᒡ ᑭᔭ ᐎᔭᐱᒪᑦ ᒥᓂᑐᐧᑲᓇ ᑭᔭ ᐊᓂᔭ ᐃᔪᐛ ᓇᒥᔨᒋ, ᒋᒋᐛ ᒋ ‍ ᒋᔄᐳᐤ᙮ ᒋ ‍ ᐛᐱᓇᐤ ᐊᓂᔭ ᐊᓯᓂᔭ ᑲ ‍ ᑕᐧᑯᓇᑦ ᐊᓐᑕ ᒧᔅᑎᑭᒥᒡ ᑭᔭ ᒋ ‍ ᐱᓯᓯᒪᐤ᙮\fig Moses smashing stone tablets|Exo32-19-CO00836B.TIF|col||© 1996 David C Cook|ᒧᓱᔅ ᒋ ‍ ᐛᐱᓇᐤ ᐊᓂᔭ ᐊᓯᓂᔭ ᑲ ‍ ᑕᐧᑯᓇᑦ ᐊᓐᑕ ᒧᔅᑎᑭᒥᒡ ᑭᔭ ᒋ ‍ ᐱᓯᓯᒪᐤ|32.19\fig*
\v 20 ᒂ ‍ ᐅᑎᓇᑦ ᐊᓂᔭ ᒥᓂᑐᐧᑲᓇ ᒥᒋᑎᒂ ᐊ ‍ ᐃᓯᓇᑯᓯᔨᒋ ᐃᔪᐛ ᑲ ‍ ᐅᓴᔨᒋ, ᒂ ᐊᑎ ‍ ᒥᑐᔅᑕᐛᐱᓇᑦ ᑭᔭ ᒂ ‍ ᐊᐸᓱᐎᔨᒋ᙮ ᒂ ‍ ᐱᒋᔅᑲᐛᑦ ᑭᔭ ᒂ ᐊᑎ ‍ ᐱᓂᐱᔭᐊᑦ ᐊᓐᑕ ᓂᐱᒡ ᑭᔭ ᒂ ‍ ᑐᑐᐛᑦ ᐃᔅᕋᐃᓪ ᐃᔪᐛ ᒐᒋ ᒥᓂᔨᒋ ᓂᐱᔪᐤ᙮
\p
\v 21 ᐊᑯ ᒂ ‍ ᐃᑕᑦ ᐊᕋᓇ, “ᒐᒂᔪᐤ ᑲ ‍ ᑐᑕᔅᒡ ᐊᓐᒡ ᐃᔪᒡ, ᐛᒋ ‍ ᒥᔨᑥᐤ ᒐᒋ ‍ ᑐᑕᒡ ᐅᔭ ᒥᒋᑐᑎᒧᐅᓂᔪᐤ ?”
\p
\v 22 ᐊᕋᓐ ᒂ ‍ ᐃᑕᑦ, “ᐊᑲ ‍ ᒋᔄᐱᔅᑐᐎ, ᒋ ‍ ᒋᔅᒐᔨᒪᐅᒡ ᐅᒡ ᐃᔪᒡ ᐊᔅᐱᔅ ᓱᒐᔨᒧᒡ ᒐᒋ ᒥᒋᑐᑕᒡ᙮
\v 23 ᓂᒋ ‍ ᐃᑎᑯᒡ ᐊᓐᒡ ᐃᔪᒡ, ‘ᓇᒪ ᓂ ‍ ᒋᔅᒐᔨᒪᓇᓐ ᑕᓐ ᐊ ‍ ᐃᑎᑦ ᐅ ᓇᐸᐤ ᒧᓱᔅ, ᐊᓐ ᑲ ‍ ᐎᐎᑕᔨᒥᑦ ᐃᒋᑉᑎᒡ ᐅᒡ, ᐅᓯᑎᒧᐅᓇᓐ ᒪᒃ ᒥᓂᑐᐧᑲᓐ ᒐᒋ ᒋᔅᒋᓄᑕᔨᒥᑦ !’
\v 24 ᐊᑯ ᒂ ‍ ᐃᑎᒂᐤ, ‘ᒥᓯᐛ ᐊᐛᓐ ᑈᔅᑲᐧᒃ ᑲ ‍ ᐎᔄᐅᓱᓇᔭᐱᔅᑯᔨᒋ ᒥᑐᑲᒡ ᑭᐳᔅᑲᑭᓄᐛᓂ ᒋᑭ ‍ ᒥᓂᒻ᙮’ ᐊᑯ ᒂ ‍ ᒥᓇᒡ ᑭᔭ ᒂ ‍ ᒥᔨᒡ᙮ ᒂ ᐊᑎ ‍ ᒥᑐᔅᑕᐊᒧᒡ, ᐊᑯ ᐱᔭᒋ ‍ ᓄᑯᓯᑦ ᒥᒋᑎᐧᒄ ᐃᔨᒐᐛᓐ !”
\p
\v 25 ᒧᓱᔅ ᒂ ‍ ᐛᐸᑕᐧᒃ ᐊᕋᓇ ᐊᒋ ‍ ᓇᐊᔨᒪᔨᒋ ᐃᔪᐛ ᒐᒋ ‍ ᒋᔎᔭᔨᑕᑯᓯᔨᒋ ᑭᔭ ᒐᒋ ᐃᑐᑎᒥᔨᒋ ᒐᒂᔪᐤ ᐊ ᐊᑲ ‍ ᒥᔽᔨᒡ, ᒐᒋ ‍ ᐃᑎᑯᔨᒋ ᑲ ‍ ᐛᐧᑲᑎᑯᔨᒋ ᐃᔪᐛ ᓇᒪ ᓂᔅᑐᐛᔨᑎᒧᒡ ᐃᔅᕋᐃᓪ ᐃᔪᒡ᙮
\v 26 ᐊᑯ ᒂ ‍ ᓇᓂᐳᐅᑦ ᐊᓐᑕ ᐛᒋ ‍ ᐱᔨᒐᓄᐎᒡ ᐊᓐᑕ ᐛᒋᓇᓄᐎᒡ ᑭᔭ ᒂ ᐊᑎ ‍ ᑕᑈᑦ, “ᒥᓯᐛ ᐊᐛᓐ ᐛᒐᐛᑦ ᑎᐸᔨᒋᒐᓱᐛ ᓂᑭ ᐸᒋ ‍ ᓇᑎᒄ !” ᐊᑯ ᒥᓯᐛ ᐊᓂᔭ ᓕᐸᐃ ᐊ ‍ ᐃᑎᔅᑲᓇᓯᔨᒋ ᒋ ᐸᒋ ‍ ᐛᔅᑲᑲᐳᔅᑕᑯᐤ᙮
\p
\v 27 ᐊᑯ ᒂ ‍ ᐃᑕᑦ ᐊᓂᔭ ᐃᔪᐛ, “ᑎᐸᔨᒋᒐᓱᐤ ᐃᔅᕋᐃᓪ ᐅᒋᓴᒪᓂᑐᒧᐛᐛ ᒋᑦ ᐃᑎᓱᒥᑯᐛᐤ ᒥᓯᐛ ᐊ ‍ ᑎᓯᔭᒄ ᒐᒋ ᒋᔅᑭᒪᒄ ᒋᓂᑐᐱᔪᐅ-ᒧᐧᑯᒪᓄᐛᐛ ᑭᔭ ᒥᓯᐛ ᐊᓐᑕ ᐊ ᐊᑎ ‍ ᐃᑕᓄᐅᒡ ᒐ ‍ ᐃᑐᑕᔭᒄ ᐅᑕ ᐛᒋᓇᓄᐅᒡ ᑭᔭ ᒐ ‍ ᓂᐸᐊᑯᒡ ᒋᐧᑲᓂᓱᐛᐅᒡ, ᒋᐎᒐᐛᑭᓄᐛᐅᒡ ᑭᔭ ᐊᓐᒡ ᒥᒋᒪ ᐛᒋ ‍ ᐎᒋᒥᑕᑯᒡ᙮”
\v 28 ᓕᐸᐃ ᑲ ‍ ᐃᑎᔅᑲᓇᓯᒡ ᐃᔪᒡ ᒋ ‍ ᐃᑐᑎᒺᐅᒡ ᑲ ‍ ᐃᑎᓱᒥᑯᒡ ᒧᓱᓴ, ᓂᔍᐤ ᒐᓯᐱᔪᐤ ᐃᔪᒡ ᒋ ‍ ᓂᐸᐊᑭᓄᐎᒡ ᐊᓂᔭ ᒋᓯᑯᔪᐤ᙮
\v 29 ᒧᓱᔅ ᒪᒃ ᒋ ‍ ᐃᑕᐤ ᐊᓂᔭ ᓕᐸᐃ ᐃᔪᐛ, “ᐊᓄᒡ ᒐᓯᑲᒡ ᔅᒋ ‍ ᐸᔭᒋᐃᓱᓇᐛᐤ ᒐᒋ ᐊᑐᔅᑯᐛᒄ ᑎᐸᔨᒋᒐᓱᐤ ᐊᒋ ‍ ᓂᐸᐊᑯᒡ ᑎᐱᔨᐛ ᒋᑯᓱᐛᐅᒡ ᑭᔭ ᒋᐧᑲᓂᓯᐛᐅᒡ, ᑭᔭ ᒋᒋ ‍ ᓱᐛᔨᑕᑯᐃᑯᐛᐤ ᐊᓄᒡ ᒐᓯᑲᔨᒡ᙮”
\p
\v 30 ᒥᓐ ᐎᔭᐱᓂᔨᒡ ᒧᓱᔅ ᒂ ‍ ᐃᑕᑦ ᐃᔪᐛ, “ᒋᒋᐛ ᒋᒥᒋᑐᑕᓇᐛᐤ, ᒥᒄ ᐊᓄᒡ ᒥᓐ ᓂᑭ ‍ ᓴᑭᒋᐛᓐ ᐱᔅᑯᑎᓇᐤ ᒐᒋ ᓂᑐᐛᐱᒥᒄ ᑎᐸᔨᒋᒐᓱᐤ, ᒐᒋ ‍ ᒥᔪᐱᑕᔭᓐ ᒐᒋ ᐛᐸᔨᑎᒪᑯᐅᔭᒄ ᒋᒥᒋᑐᑎᒧᐅᓄᐛᐤ᙮”
\p
\v 31 ᒧᓱᔅ ᒂ ‍ ᓴᑭᒋᐛᑦ ᐱᔅᑯᑎᓇᔪᐤ ᑭᔭ ᒂ ‍ ᐃᑕᑦ ᑎᐸᔨᒋᒐᓱᐛ “ᒋᒋᐛ ᒥᒋᑐᑎᒧᒡ ᐅᒡ ᐃᔪᒡ, ᒋ ‍ ᐅᓯᑎᒪᓱᐅᒡ ᐊ ‍ ᐎᔄᐅᓱᓇᔭᐎᒋ ᒥᓂᑐᐧᑲᓇ ᒐ ‍ ᐅᒋᓴᒪᓂᑐᒥᒡ᙮
\v 32 ᒥᒄ ᒋ ‍ ᐱᑯᓴᔨᒥᑎᓐ ᒐᒋ ᐛᐸᔨᑎᒧᐅᑥᐤ ᐊᓂᔭ ᐅᒥᒋᑥᐅᓄᐛᐤ, ᐊᑯ ᐊᑲ ᐎ ‍ ᐛᐸᔨᑎᒧᐅᑥᐛ ᒐ ‍ ᑲᓯᓯᓇᐊᒥᓐ ᓂᑦ ᐃᓯᓂᐧᑲᓱᐅᓐ ᐊᓐᑕ ᒋᒥᓯᓇᐃᑭᓂᒡ ᑲ ‍ ᒥᓯᓇᑕᐅᒧᑦ ᒋᑦ ᐃᔨᒥᒡ ᐅᑦ ᐃᓯᓂᐧᑲᓱᓄᐛᐛ᙮”
\p
\v 33 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒥᒄ ᐊᓐᒡ ᑲ ‍ ᐅᓂᑐᑐᐅᒡ ᓂᑭ ‍ ᑲᓯᓯᓇᐊᒺᓐ ᐅᑦ ᐃᓯᓂᐧᑲᓱᐅᓄᐛᐛ ᓂᒥᓯᓇᐃᑭᓂᒡ᙮
\v 34 ᒪᒋ ᒪᒃ ᒐ ‍ ᐃᑐᑕᐃᑥᐤ ᐃᔪᒡ ᐊᓐᑕ ᐃᔅ ᐃᑕᐅᓂᒡ ᑲ ‍ ᐊᔨᒧᑎᒪᑕᓐ, ᒐ ‍ ᒋᔅᒋᔨᓐ ᓂᑦ ᐊᓐᒋᓂᒻ ᒐ ‍ ᒋᔅᒋᓄᑕᔨᑕᒄ᙮ ᒥᒄ ᓴᔅ ᒋᑭ ‍ ᐅᑎᒋᐱᔪᐤ ᒐ ‍ ᐊᓏᔨᒥᒂᐤ ᐅᒡ ᐃᔪᒡ ᐊᓂᔭ ᑲ ᐃᓯ ‍ ᒥᒋᑐᑎᒡ᙮”
\p
\v 35 ᐊᑯ ᓇᓇᒐ ᑎᐸᔨᒋᒐᓱᐤ ᒂ ‍ ᐊᓏᔨᒪᑦ ᐃᔅᕋᐃᓪ ᐃᔪᐛ ᐊ ‍ ᐃᑎᓴᐊᒧᐛᑦ ᒥᒋ ‍ ᐃᑕᔅᐱᓇᐅᓂᔪᐤ ᐛᔅ ᑲᒋ ‍ ᓯᒋᒪᒡ ᐊᕋᓇ ᒐᒋ ᐅᓯᑎᒪᑯᒡ ᑲ ‍ ᐎᔄᐅᓱᓇᔭᐅᔨᒋ ᒥᓂᑐᐧᑲᓇ ᒥᒋᑎᒂ ᐊ ‍ ᐃᓯᓇᑯᓯᔨᒋ᙮
\c 33
\p
\v 1 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᓂᑭᑕ ᐅ ᐃᑕᐅᓐ, ᒋᔾ ᑭᔭ ᐃᔅᕋᐃᓪ ᐃᔪᒡ ᐊᓐᒡ ᑲ ‍ ᐎᐎᑕᐃᑥᐤ ᐊᓐᑕ ᐃᒋᑉᑎᒡ ᐅᒡ᙮ ᒐ ‍ ᐃᑐᑕᐃᑥᐤ ᐊᓐᑕ ᑲ ‍ ᐊᓱᑎᒧᐅᒂᐤ ᐊᔅᒋᔪᐤ ᒐᒋ ᒥᔨᒂᐤ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ, ᑭᔭ ᐅᑦ ᐊᓂᔅᑯᑕᐸᓄᐛᐛ᙮
\v 2 ᓂᑭ ‍ ᐃᑎᓴᐛᐤ ᓂᑦ ᐊᓐᒋᓂᒻ ᒐᒋ ᒋᔅᒋᓄᑕᔨᑕᒄ, ᑭᔭ ᓂᑭ ‍ ᐎᐎᑎᓴᐛᐅᒡ ᑲᐃᓇᓐ ᐃᔪᒡ, ᐊᒧᕆ ᐃᔪᒡ, ᐊᑦ ᐃᔪᒡ, ᐸᕆᔅ ᐃᔪᒡ, ᐃᑉ ᐃᔪᒡ, ᑭᔭ ᒐᐱᐅᔅ ᐃᔪᒡ ᐊᓐᑕ ᐊᔅᒋᒡ ᐅᒡ᙮
\v 3 ᒋᑭ ‍ ᐃᑐᑕᓇᐛᐤ ᐊᔅᒋᒡ ᐊᓐᑕ ᐊ ‍ ᐛᔪᑎᓯᒡ ᒋᒋᓇᐳᔭᐎᒡ ᑭᔭ ᑲᓯᐛᓯᐛᐳᔾ, ᒥᒄ ᓇᒪ ᒋᑭ ᒋ ‍ ᐎᒐᐅᑎᓇᐛᐤ ᐅᓴᒻ ᒋᔨᐛᐤ ᐅ ᑲ ‍ ᒥᔅᑯᔅᑎᒂᓇᒡ ᐃᔪᒡ ᑭᔭ ᒂᔄᓐ ᒋᑭ ᒋ ‍ ᓂᓱᐅᓇᒋᐃᑎᓇᐛᐤ ᒪᒂᒡ ᐊᑎ ‍ ᐱᒧᑕᔭᒄ᙮”
\p
\v 4 ᐃᔅᐱ ᐱᔭᑕᒡ ᐃᔪᒡ ᐅᔭ ᐊᒥᔅᑲᑕᔨᑕᑯᓂᔨᒡ ᐃᔨᒧᐅᓂᔪᐤ, ᒂ ‍ ᓂᓇᐧᑲᒋᒧᒡ ᑭᔭ ᓇᒪ ᐅᒋ ᐳᔅᑭᒧᒡ ᐛᐛᓯᐅᓇᐱᔎ᙮
\v 5 ᐛᔅ ᑎᐸᔨᒋᒐᓱᐤ ᒋ ‍ ᐃᑎᓱᒪᐤ ᒧᓱᓴ ᒐᒋ ᐃᑕᔨᒋ ᐃᔪᐛ, “ᒋᔨᐛᐤ ᐅ ᑲ ‍ ᒥᔅᑯᔅᑎᒂᓇᒡ ᐃᔪᒡ, ᐊᑎᓱᐧᒄ ᐸᐃᒄ ᐊᒐᐧᑭᔅᑕᒡ ᐎᒐᐅᑎᑯᒡ, ᓇᔅᒡ ᒋᐸ ‍ ᓂᓱᐅᓇᒋᐃᑎᓇᐛᐤ᙮ ᐊᑯ ᒥᓂᒥᒄ ᐊᓂᔭ ᐛᐛᓯᐅᓇᐱᔎ, ᑭᔭ ᓂᑭ ‍ ᐎᔭᔨᑕᓐ ᒐᒂᓐ ᒐ ‍ ᐃᑐᑕᑎᑯᒡ᙮”
\v 6 ᐊᑯ ᑲᒋ ‍ ᓂᑭᑕᒡ ᓴᐃᓇᐃ ᐱᔅᑯᑎᓇᔪᐤ, ᓇᒪ ᓴᔅ ᐅᒋ ᐳᔅᑭᒧᒡ ᐃᔅᕋᐃᓪ ᐃᔪᒡ ᐛᐛᓯᐅᓇᐱᔎ᙮
\s1 ᑲ ‍ ᓂᒋᔅᑲᑐᑕᓄᐅᒡ ᐸᔭᒋ ‍ ᐱᒍᐎᔭᓂᒥᒋᐛᑉ
\p
\v 7 ᐃᔅᐱ ᒥᔭᓂᑲᓱᑥᐎ ᐃᔅᕋᐃᓪ ᐃᔪᒡ, ᒧᓱᔅ ᒋ ‍ ᐅᑎᓂᒻ ᑲ ‍ ᐸᔭᐧᑭᓂᔨᒡ ᐱᒍᐎᔭᓂᒋᐛᐱᔪᐤ ᑭᔭ ᐛᔪᐎᔅ ᐊᓐᑕ ᐛᒋᓇᓄᐎᒡ ᐅᒡ ᒋ ‍ ᒋᒥᑕᐤ᙮ ᐊᑯ ‘ᑲ ‍ ᓂᒋᔅᑲᑎᓇᓄᐅᒡ ᐸᔭᒋ ‍ ᐱᒍᐎᔭᓂᒥᒋᐛᑉ,’ ᒋ ‍ ᐃᓯᓂᐧᑲᑎᒻ᙮ ᒥᒄ ᐊᐛᓐ ᐛ ‍ ᐃᔨᒪᐊᑦ ᑎᐸᔨᒋᒐᓱᐛ ᐊᑯᑕ ᑲ ‍ ᐃᑐᑕᑦ᙮
\v 8 ᑕᑥᐤ ᐊ ‍ ᑐᑕᒋ ‍ ᒧᓱᔅ ᐊᓐᑕ ᑲ ‍ ᐸᔭᐧᑭᓂᔨᒡ ᐱᒍᐎᔭᓂᒋᐛᐱᔪᐤ, ᒥᓯᐛ ᐊᐛᓐ ᒋᐱᔎᒡ ᑎᐱᔨᐛ ᐅᐱᒍᐎᔭᓂᒋᐛᐱᒡ ᒋ ‍ ᓇᓂᐳᐤ ᐊ ‍ ᑭᓄᐛᐱᒪᑦ ᒧᓱᓴ ᐸᑐᔅ ᑲᒋ ‍ ᐱᒐᔨᒋ ᑲ ‍ ᐸᔭᐧᑭᓂᔨᒡ ᐱᒍᐎᔭᓂᒋᐛᐱᔪᐤ᙮
\v 9 ᐃᔅᐱ ᑲ ‍ ᐱᒐᑦ ᒧᓱᔅ ᑲ ‍ ᐸᔭᐧᑭᓂᔨᒡ ᐱᒍᐎᔭᓂᒋᐛᐱᔪᐤ ᒂ ᐸᒋ ‍ ᔭᓯᐱᔨᒋ ᑭᔅᑯᐅᓇ ᒧᔭᒻ ᐃᔅᑯᑕᔪᐤ ᐊ ‍ ᐃᓯᓇᑯᓯᔨᒋ, ᐊᓐᑕ ᐊ ᐅᒋ ‍ ᐱᒐᓄᐎᒡ ᐃᔅ ᐱᒍᐎᔭᓂᒋᐛᐱᒡ, ᐊᑯᑕ ᒂ ᐅᒋ ‍ ᐃᔨᒥᑯᑦ ᒧᓱᔅ ᑎᐸᔨᒋᒐᓱᐛ᙮
\v 10 ᐃᔅᐱ ᐎᔭᐱᒪᑥᐎ ᐃᔪᒡ ᐊᓂᔭ ᑭᔅᑯᐅᓇ ᐊᓐᑕ ᐊ ᐅᒋ ‍ ᐱᒐᓄᐎᒡ ᐸᔭᒋ ‍ ᐱᒍᐎᔭᓂᒋᐛᐱᒡ ᒂ ‍ ᓂᐱᔅᑯᐱᒡ ᐊᓐᑕ ᒋᐱᔎᒡ ᑎᐱᔨᐛ ᐅᐱᒍᐎᔭᓂᒋᐛᐳᐛᐛᒡ ᑭᔭ ᒂ ‍ ᐊᔭᒥᐊᔅᑐᐛᒡ ᑎᐸᔨᒋᒐᓱᐛ᙮
\v 11 ᑎᐸᔨᒋᒐᓱᐤ ᐅᑎᔅᑯᐤ ᒋ ‍ ᐃᔨᒪᐤ ᒧᓱᓴ ᒧᔭᒻ ᐊᐛᓐ ᐊ ᐃᓯ ‍ ᐃᔨᒪᒋ ᐎᒐᐛᑭᓇ᙮ ᐊᑯ ᒧᓱᔅ ᑲᐤ ᐊᑐᑕᑦ ᐊᓐᑕ ᐛᒋᓇᓄᐎᒡ᙮ ᒥᒄ ᐊᓂᔭ ᐅᑯᐸᓇᒪ ᒐᓱᐛᔨᒋ ᓇᓐ ᐅᑯᓯᔨᐛ, ᓇᒪ ᐅᒋ ᓂᑭᑎᒥᔪᐛ ᑲ ‍ ᐸᔭᐧᑭᓂᔨᒡ ᐱᒍᐎᔭᓂᒋᐛᐱᔪᐤ᙮
\s1 ᑎᐸᔨᒋᒐᓱᐤ ᑲ ‍ ᐊᓱᑎᒪᒐᑦ ᒐ ‍ ᑕᐛᑦ ᐊ ‍ ᑕᔨᒋ ᐅᑦ ᐃᔨᒪ
\s2 Exodus 33.12-23 (Proper-24 Year A)
\p
\v 12 ᒧᓱᔅ ᒪᒃ ᒋ ‍ ᐃᑕᐤ ᐅᑎᐸᔨᒋᒐᐛ, “ᐛᐸᑕ, ᒋᒋ ᐃᓯᓐ, ‘ᐸᓱᐅᒡ ᐊᑯ ᐃᔪᒡ᙮’ ᓇᒪ ᒪᒃ ᒋ ‍ ᒋᔅᒐᔨᑎᒥᔨᓐ ᐊᐛᓐ ᒐ ‍ ᐃᑎᓴᐅᑦ ᒐᒋ ᐎᒐᐅᑦ᙮ ᐊᔪᐛᒡ ᒪᒃ ᔅᒋ ‍ ᐃᔅᒋᔄᓐ, ‘ᒋ ‍ ᒋᔅᒐᔨᒥᑎᓐ ᒋᑦ ᐃᓯᓂᐧᑲᓱᐅᓐ ᐅᒡ, ᑭᔭ ᔅᒋ ‍ ᒥᔅᑲᓐ ᓱᐛᔨᑕᑯᓱᐅᓐ ᐊ ‍ ᐸᑕᔅᑎᒥᐱᔭᓐ᙮’
\v 13 ᐊᐅᒄ ᐛᒋ ᒪᒃ, ᒋ ‍ ᐱᑯᓴᔨᒥᑎᓐ, ᒧᔭᒻ ᑲ ‍ ᒥᔅᑯᒧᐛᓇ ᓱᐛᔨᑕᑯᓱᐅᓐ ᐊ ‍ ᐸᑕᔅᑎᒥᐱᔨᓐ, ᐛᐸᑎᔨ ᐊᑯ ᒋᑦ ᐃᓯᑥᐅᓐ, ᒐᒋ ᐊᑎᑐᐤ ᒋᔅᒐᔨᒥᑕᓐ, ᒐᒋ ᒥᔅᑲᒪᓐ ᓱᐛᔨᑕᑯᓱᐅᓐ ᐊ ‍ ᐸᑕᔅᑎᒪᐱᔨᓐ; ᑭᔭ ᒪᒥᑐᓇᔨᑕ, ᐊᐅᑯᐤ ᐅᒡ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ‍ ᐎᔭᔨᒥᑥᐤ ᒐ ᐅᑦ ᐃᔨᒥᔨᓐ᙮”
\p
\v 14 ᒋ ‍ ᐃᔅᒋᔄᐤ ᒪᒃ ᑎᐸᔨᒋᒐᓱᐤ, “ᒋᑭ ‍ ᐎᒐᐅᑎᓐ, ᑭᔭ ᒋᑭ ‍ ᒥᔨᑎᓐ ᒐᒋ ᐊᔽᓯᔨᓐ᙮”
\p
\v 15 ᒋ ‍ ᐃᑎᑯᐤ ᒪᒃ ᒧᓱᓴ, “ᒧᔭᒻ ᐊᑲ ᐎᒐᐎᓇ, ᐊᑲᐎᔾ ᒋᑎᓴᐅᓇᓐ ᐅᑕ ᐅᒋ᙮
\v 16 ᐛᔅ ᑕᓐᑕ ᒐ ᐅᒋ ‍ ᒋᔅᒐᔨᑕᒂᒡ ᓂᔾ ᑭᔭ ᒋᑦ ᐃᔨᒥᒡ ᐊᒋ ‍ ᒥᔅᑲᒪᒡ ᓴᐛᔨᑕᑯᓯᐅᓐ ᐊ ‍ ᐸᑕᔅᑎᒪᐱᔨᓐ ᐊᑲ ‍ ᐎᒐᐎᔭᒐ ? ᐊᑯ ᐃᔭᒡ ᒐ ‍ ᐃᑎᔅᑲᓂᓯᔭᒡ, ᓂᔾ ᑭᔭ ᒋᑦ ᐃᔨᒥᒡ, ᒥᓯᐛ ᐃᔪᒡ ᐅᒋ ᒥᓯᐛᔅᑭᒥᒡ ᑲ ‍ ᐃᑕᒡ᙮”
\p
\v 17 ᑎᐸᔨᒋᒐᓱᐤ ᒪᒃ ᒋ ‍ ᐃᑕᐤ ᒧᓱᓴ, “ᐅᒪ ᑭᔭ ᓂᑭ ‍ ᑐᑕᓐ ᑲᒋ ‍ ᐃᔅᒋᔄᔨᓐ: ᐛᔅ ᔅᒋ ‍ ᒥᔅᑲᓐ ᓱᐛᔨᑕᑯᓱᐅᓐ ᐊ ‍ ᐸᑕᔅᑎᒥᐱᔭᓐ, ᒋ ‍ ᒥᔪ ‍ ᒋᔅᒐᔨᒥᑎᓐ᙮”
\p
\v 18 ᒋ ‍ ᐃᑎᑯᐤ ᒪᒃ ᒧᓱᓴ, “ᒋ ‍ ᐱᑯᓴᔨᒥᑎᓐ, ᐛᐸᑎᔨ ᒋ ‍ ᒋᓴᒪᓂᑐᓇᑯᓯᐅᓐ᙮”
\p
\v 19 ᑎᐸᔨᒋᒐᓱᐤ ᒪᒃ ᒋ ‍ ᐃᑕᐤ, “ᓂᑭ ‍ ᑐᑕᓐ ᒥᓯᐛ ᓂᒥᔽᑎᓯᐅᓐ ᒐᒋ ᐎᒪᐱᔨᔅᑕᑯᔨᓐ ᐅᑎᔅᑯᐤ ᐊᑕᔨᓐ ᑭᔭ ᓂᑭ ‍ ᐎᑕᒺᓐ ᑎᐸᔨᒋᒐᓱᐤ ᐅᑦ ᐃᓯᓂᐧᑲᓱᐅᓐ: ᓂᑭ ‍ ᒋᔅᑎᒪᒐᔨᒪᐤ ᒪᒃ ᐊᐛᓐ ᐛ ‍ ᒋᔅᑎᒪᒐᔨᒥᒃ ᑭᔭ ᓂᑭ ‍ ᓱᐛᔨᒪᐤ ᐊᐛᓐ ᐛ ‍ ᓱᐛᔨᒥᒃ᙮
\v 20 ᒥᒄ ᓇᒪᐎᔾ ᒋᑭ ᒋ ‍ ᐛᐸᑕᓐ ᓂᑕᔅᑎᒥᐧᒄ: ᐛᔅ ᓇᒪ ᐎ ᐊᐛᓐ ᓂᑭ ‍ ᐛᐱᒥᒄ, ᐃᔭᐱᒡ ᒐ ‍ ᐱᒪᑎᓯᑦ᙮
\p
\v 21 ᐊᑯᑕ ᐅᑕ ᐃᑕᐅᓐ ᒐ ‍ ᑕᔭᓐ, ᒋᑭ ‍ ᓂᐳᐅᓐ ᒪᒃ ᑕᐧᑯᒡ ᒋᔅᑕᐱᔅᑯᒡ᙮
\v 22 ᒋᑭ ‍ ᐃᔨᓐ ᒪᒃ, ᒪᒂᒡ ᐊ ‍ ᐎᒪᐱᔨᒡ ᓂᒋᓴᒪᓂᑐᓇᑯᓯᐅᓐ, ᒋᑭ ‍ ᐊᐃᑎᓐ ᐊᓐᑕ ᐊᐱᓴᐱᔅᒋᐱᔨᒡ ᐊᓯᓂᔾ: ᒋᑭ ‍ ᐊᑯᐛᓇᐅᑎᓐ ᒪᒃ ᓂᑎᒋᔾ ᐅᒋ ᒪᒂᒡ ᐊ ‍ ᐎᒪᔅᑲᑕᓐ᙮
\v 23 ᓂᑭ ‍ ᐅᒋᐱᔨᑕᓐ ᒪᒃ ᓂᑎᒋᔾ, ᐊᑯ ᒪᒃ ᒐ ‍ ᐛᐱᒥᔨᓐ ᓂᔅᐱᔅᑯᓂᒡ ᐃᑕᒐ: ᒪᒃ ᓂᑕᔅᑎᒥᐧᒄ ᓇᒪᐎᔾ ᒋᑭ ᒋ ‍ ᐛᐸᑕᑭᓄᐤ᙮”
\c 34
\s1 ᑲ ‍ ᐅᔅᑲᒋ ᐎᓱᐛᐅ-ᐊᓯᓂᔭ
\p
\v 1 ᒂ ‍ ᐃᑕᑦ ᑎᐸᔨᒋᒐᓱᐤ ᒧᓱᓴ, “ᒐ ‍ ᒋᒥᓱᑥᐤ ᓂᓱ ᐊ ‍ ᐱᐱᒋᓯᒡ ᐊᓯᓂᔨᒡ ᒧᔭᒻ ᐅᔅᑭᒡ ᐊᓯᓂᔨᒡ, ᓂᑭ ‍ ᒥᓯᓇᐊᓐ ᐊᓐᑕ ᐸᐃᑯᑕᐤ ᐎᓱᐛᐅᓇ, ᒧᔭᒻ ᑲ ‍ ᒥᓯᐊᒪᓐ ᐊᓐᑕ ᐅᔅᑭᒡ ᓂᓱ ᐊᓯᓂᒡ, ᐊᓂᔭ ᑲ ‍ ᐱᑯᑕᔨᓐ᙮
\v 2 ᒐ ‍ ᐊᔭᔅᑯᐎᔨᓐ ᐛᐸᒐ ᒐᒋᓴᐸᔭᒐ ᑭᔭ ᒐ ᐸᒋ ‍ ᓴᑭᒋᐛᔨᓐ ᓴᐃᓇᐃ ᐱᔅᑯᑎᓇᐤ ᒐᒋ ᓂᒋᔅᑯᐎᓐ ᐊᓐᑕ ᑕᐧᑯᒡ᙮
\v 3 ᒐ ᐊᑲ ‍ ᓇᐃᒥᑦ ᐊᐛᓐ ᒐᒋ ᐎᒐᐅᔅᒄ, ᓇᒪ ᓂᑐᐛᔨᒪᐤ ᑯᑎᒃ ᐊᐛᓐ ᒐᒋ ᐃᑕᑦ ᐊᓐᑕ ᐱᔅᑯᑎᓇᒡ, ᒐ ᐊᑲ ᐊᐛᒡ ᓇᐃᒥᑥᐤ ᒋᑦ ᐊᐛᓯᓯᒧᐛᐅᒡ ᒐᒋ ᒥᒋᓱᐅᒡ ᐊᓐᑕ ᓂᑕᒥᑎᓐ᙮”
\p
\v 4 ᐊᑯ ᒧᓱᔅ ᒂ ‍ ᒋᒥᓴᐧᒃ ᓂᓱ ᐊᓯᓂᔭ ᒧᔭᒻ ᐊᓂᔭ ᐅᔅᑭᒡ, ᐊᑯ ᒋᔭᒋᓴᐸᔭᔨᒡ ᒂ ‍ ᐃᑐᑕᐊᑦ ᐊᓯᓂᔭ ᐊᓐᑕ ᑕᐧᑯᒡ ᓴᐃᓇᐃ ᐱᔅᑯᑎᓇᒡ, ᒧᔭᒻ ᑲ ‍ ᐃᑎᓱᒥᑯᑦ ᑎᐸᔨᒋᒐᓱᐛ᙮
\v 5 ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐸᒋ ‍ ᔭᓯᑦ ᑭᔅᑯᐅᓂᔅᑯᒡ ᑭᔭ ᐊᑯᑕ ᒂ ‍ ᐎᒋᑲᐳᔅᑐᐛᑦ ᒧᓱᓴ ᐊᓐᑕ ᐱᔅᑯᑎᓇᒡ ᑭᔭ ᒂ ‍ ᐎᑕᐧᒃ ᐅᑦ ᐃᓯᓂᐧᑲᓱᐅᓐ ᐎᔾ ᐃᔭᐅᑦ ‘ᑎᐸᔨᒋᒐᓱᐤ’᙮
\v 6 ᐊᑯ ᑎᐸᔨᒋᒐᓱᐤ ᓂᑲᓐ ᐊᓐᑕ ᒂ ‍ ᐃᓯ ‍ ᐎᒪᔅᑯᐛᑦ ᒧᓱᓴ ᑭᔭ ᒂ ‍ ᐃᔅᒋᔄᑦ, “ᓂᔾ ᐅ ᑎᐸᔨᒋᒐᓱᐤ ᒋᓴᒪᓂᑐᐤ ᐊᓐ ᑲ ‍ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᒋᔅᑎᒪᒐᔨᒋᒐᐅᓂᔪᐤ, ᐊᑲ ᐎᐱᒡ ᒋᔄᓯᑦ ᑭᔭ ᑲ ‍ ᐛᔪᑎᓯᑦ ᓱᐛᔨᒋᒐᐅᓂᔪᐤ ᑭᔭ ᑕᑈᐅᒐᔨᑕᑯᓱᐅᓂᔪᐤ᙮
\v 7 ᒧᔅ ᑲᒋᒡ ᓂᑭ ‍ ᓴᒋᐊᐎᒡ ᓂᑦ ᐃᔨᒥᒡ, ᓂ ‍ ᐛᐸᔨᑕᓐ ᒥᔭᑎᓯᐅᓐ ᑭᔭ ᒥᒋᑥᐅᓐ, ᒥᒄ ᐃᔭᐱᒡ ᓂᑭ ‍ ᐊᓏᔨᒪᐅᒡ ᐊᓐ ᐊᐛᓐᒋ ᑲ ‍ ᒥᒋᑐᑕᒡ᙮ ᐃᔅᐱ ᒥᒋᑐᑕᒂᐛ ᐃᔪᒡ ᓂᑭ ‍ ᐊᓏᔨᒪᐅᒡ ᑭᔭ ᐅᑦ ᐊᐛᓯᒧᐛᐛ ᑭᔭ ᐅᓯᒧᐛᐛ ᐱᐃᒻ ᓂᔅᑐ ᑭᔭ ᓇᐤ ᒐ ᐊᑎ ᐊᓂᔅᒐ ‍ ᐱᒪᑎᓯᒡ ᐅᑕᐎᐛᐛ ᐅᒥᒋᑥᐅᓂᔨᐛ ᐅᒋ᙮”
\p
\v 8 ᒧᓱᔅ ᒂ ‍ ᓂᐱᔅᑯᐱᑦ ᑭᔭ ᒂ ᐊᑎ ‍ ᐊᔭᒥᐊᔅᑐᐛᑦ ᑎᐸᔨᒋᒐᓱᐛ᙮
\v 9 ᒂ ‍ ᐃᑕᑦ ᒧᓱᔅ, “ᑎᐸᔨᒋᒐᓱᐤ, ᓇᔅᒡ ᒪᔽᔨᑎᒥᑐᐛᓇ, ᓂ ‍ ᐱᑯᓴᔨᑕᓐ ᒐᒋ ᐎᒐᐎᔭᒡ᙮ ᒋ ‍ ᑕᑈᓐ ᐊᓐ ᐊ ‍ ᐃᔅᒋᔄᔨᓐ ᐊ ‍ ᒥᒋᑐᑕᒡ ᐅᒡ ᐃᔪᒡ ᑭᔭ ᐊ ᐊᑲ ‍ ᓇᐃᑕᒡ ᒐᒂᔪᐤ ᑲ ‍ ᐃᑎᓱᐛᔨᓐ, ᒥᒄ ᐛᐸᔨᑎᒧᐅᓇᓐ ᓂᒥᒋᑥᐅᓇᓇ ᑭᔭ ᐅᑎᓂᓇᓐ ᒋᔾ ᒐ ᐅᑦ ᐃᔨᒥᑐᐅᔭᒡ ᒧᔅ ᑲᒋᒡ᙮”
\p
\v 10 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᐊᓄᒡ ᓂ ‍ ᐃᑐᑎᒧᐛᐅᒡ ᐃᔅᕋᐃᓪ ᐃᔪᒡ ᓂᔅᑯᒥᑐᐅᓂᔪᐤ, ᐅᑎᔅᑯᐤ ᐊᔨᑕᒡ ᐃᔪᒡ ᓂᑭ ‍ ᑐᑕᓐ ᒪᒥᔅᑲᒡ ᒐᒂᓇ ᐊᑲ ᓂᑕ ᐛᐸᑕᑭᓄᐅᒋ ᐅᑕ ᐊᔅᒋᒡ᙮ ᒥᓯᐛ ᐃᔪᒡ ᒋᑭ ‍ ᐛᐸᑎᒧᒡ ᐅᔭ ᑭᔭ ᒋᑭ ‍ ᒋᔅᒐᔨᑎᒧᒡ ᓂᔾ, ᑎᐸᔨᒋᒐᓱᐤ, ᒐ ‍ ᐃᑐᑎᒧᐅᒂᐤ ᒪᒥᔅᑲᒡ ᒐᒂᔪᐛ᙮
\v 11 ᒐ ‍ ᓂᓇᐃᑎᒥᓐ ᑕᓐ ᐊᐃᑎᓱᒥᑕᓐ ᐊᓄᒡ ᒐᓯᑲᒡ᙮ ᓂᑭ ‍ ᐃᑲᑎᓴᐛᐅᒡ ᐅᑎᔅᑯᐤ ᐊᐃᑕᔨᓐ ᐊᒧᕆ ᐃᔪᒡ, ᑲᐃᓇᓐ ᐃᔪᒡ, ᐊᑦ ᐃᔪᒡ, ᐸᕆᔅ ᐃᔪᒡ, ᐃᑉ ᐃᔪᒡ, ᒐᐱᐅᔅ ᐃᔪᒡ, ᒥᒄ ᒋᑭ ᐎ ‍ ᑐᑕᓐ ᒐᒂᓐ ᒐ ‍ ᐃᑎᓱᒥᑕᓐ ᐊᓄᒡ᙮
\v 12 ᒐ ᐊᑲ ‍ ᐃᑐᑎᒪᒄ ᓂᔅᑯᒧᐅᓇ ᐊᓯᒡ ᐊᓐᒡ ᐃᔪᒡ ᐛᒋᒡ ᐊᓐᑕ ᐊᔅᒋᒡ ᒐ ‍ ᐃᑐᑕᔨᓐ᙮ ᐃᑐᑎᒥᓇ ᒪᒃ ᐅ, ᒧᔭᒻ ᐊ ‍ ᑕᐱᒂᑎᑯᐎᔨᓐ ᒋᑭ ‍ ᐃᓯᓇᑯᓐ᙮
\v 13 ᒐ ‍ ᐱᑯᓂᒺᒄ ᐅᐱᔅᑎᓂᒐᐅᓇᐱᔅᑯᒧᐛᐛ ᑭᔭ ᒐ ‍ ᓂᓱᐅᓇᒋᑕᐛᒄ ᐅᐸᔭᒋ ‍ ᓯᑥᔅᑲᐃᑭᓄᐛᐛ ᑭᔭ ᒐ ‍ ᒋᒪᐅᒪᑯᐤ ᐊᓂᔭ ᒥᔅᑎᒂ ᐃᔭᐱᒐᐊᒡ ᐊᔭᒥᐊᔅᑐᐛᒡ ᐅᑦ ᐃᔎᐅ-ᒥᓂᑐᐧᑲᓂᒧᐛᐛ ᐊᓱᕋᔨᒋ᙮
\v 14 ᓂᔾ ᒥᒄ ᒐ ‍ ᐊᔭᒥᐊᔅᑐᐅᔭᒄ, ᒐ ᐊᑲ ‍ ᐊᔭᒥᐊᔅᑐᐛᑯᒡ ᑯᑎᑭᒡ ᒥᓂᑐᐅᒡ, ᐛᔅ ᓂᔾ ᑎᐸᔨᒋᒐᓱᐤ ᓂ ‍ ᒋᔨᐛᐤ ᒋᓴᒪᓂᑐᐅᓐ᙮
\p
\v 15 ᒐ ᐊᑲ ‍ ᐃᑐᑎᒪᒄ ᓂᔅᑯᒥᑐᐅᓐ ᐊᓯᒡ ᐊᓐᒡ ᐃᔪᒡ ᐊᓐᑕ ᐛᒋᒡ ᐊᔅᒋᒡ ᐅᓴᒻ ᐃᔅᐱ ᐊᔭᒥᐊᔅᑐᐛᑥᐛ ᐅᒥᓂᑐᐅᒧᐛᐛ ᑭᔭ ᒥᑐᔅᑕᐊᒧᐛᑥᐛ, ᒋᑭ ‍ ᐎᓴᒥᑯᐛᐅᒡ ᒐᒋ ᒥᒍᐛᒄ ᐊᓂᔭ ᒥᒋᒥᔪᐤ ᑲ ‍ ᒥᑐᔅᑕᐊᒧᐛᒡ ᐅᒥᓂᑐᐅᒧᐛᐛ᙮
\v 16 ᐃᔭᐱᒡ ᒋᑯᓱᐛᐅᒡ ᒋᑭ ᐎ ‍ ᐎᒋᒪᐅᒡ ᐊᓂᔭ ᐅᑕᓂᓯᔨᐛ ᑭᔭ ᒋᑭ ‍ ᓯᒋᒥᑯᐅᒡ ᒐᒋ ᐊᔭᒥᐊᔅᑐᐅᒪᒡ ᐊᓂᔭ ᐅᒥᓂᑐᐅᒥᔪᐛ᙮
\p
\v 17 ᒐ ᐊᑲ ‍ ᐅᓯᐊᑯᒡ ᐊ ‍ ᐃᓴᑯᐅᒡ ᒥᓂᑐᐧᑲᓐᒡ ᒐᒋ ᐊᔭᒥᐊᔅᑐᐛᑯᒡ᙮
\p
\v 18 ᒐ ᐊᑲ ‍ ᐅᓂᒋᔅᒋᑎᒪᒄ ᒥᑯᓴᐤ ᒋᓯᒄ ᐊᑲ ᐅᐱᓱᑦ ᐸᒂᓯᑭᓐ, ᒧᔭᒻ ᑲ ‍ ᐃᑎᓱᒥᑎᑯᒡ᙮ ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ ᒋᑭ ‍ ᒧᐛᐛᐤ ᐊᑲ ᐅᐱᓱᑦ ᐸᒂᓯᑭᓐ ᐊᐱᑉ ᐱᓯᒧᒡ ᐛᔅ ᐊᐅᑯᐤ ᐱᓯᒻ ᐃᒋᑉᑎᒡ ᑲ ᐅᒋ ‍ ᐎᐎᔭᒄ᙮
\p
\v 19 ᒥᓯᐛ ᐅᔅᑭᒡ ᓂᔭᐸᐅᒡ ᒋᑦ ᐊᐛᓯᓯᒧᐛᐅᒡ ᑭᔭ ᒋᓇᐸ ᐊᐛᓯᓯᒧᐛᐅᒡ ᓂᔾ ᓂ ‍ ᑎᐸᔨᒪᐅᒡ᙮
\v 20 ᐅᔅᑭᒡ ᑲᓂᐧᑲᑎᓯᑦ ᒋᓇᐸ ᑲᐸᐃᑭᔎᒧᐛᐤ ᐃᔭᐱᒡ ᓂᔾ ᓂᑎᐸᔨᒪᐤ᙮ ᒋᑭ ᒋ ‍ ᐱᒪᒋᑕᐛᓇᐛᐤ ᐅᐱᒪᑎᓯᔪᐅᓐ ᐅᔅᑭᒡ ᑲᓂᐧᑲᑎᓯᑦ ᑲᐸᐃᑭᔎᐤ ᐊ ‍ ᒥᑐᔅᑕᐊᒪᒐᔭᒄ ᒪᔭᑕᓂᔅ᙮ ᐊᑲ ᑭᓄᐛᔨᒪᒂ ᒪᔭᑕᓂᔅ ᒋᑭ ᐎ ‍ ᓇᑥᑯᐎᐛᓇᐛᐤ ᑲᓂᐧᑲᑎᓯᑦ ᑲᐸᐃᑭᔎᐤ᙮ ᒋᑭ ᐎ ‍ ᐱᒪᒐᐛᐅᒡ ᐅᔅᑭᒡ ᓂᔭᐸᐅᒡ ᒋᑯᓱᐛᐅᒡ᙮ ᓇᓂᑎᒻ ᒋᑭ ᐎ ‍ ᒥᔨᓇᐛᐤ ᐱᔅᑎᓂᒐᐅᓐ ᑕᑥᐤ ᓂᔭᒋ ‍ ᐊᔭᒥᐊᔅᑐᐎᔭᑯᐤ᙮
\p ᒐ ‍ ᐸᑕᔭᒄ ᐱᔅᑎᓂᒐᐅᓐ ᑕᑥᐤ ᑕᑯᓯᓂᔭᑯᐤ ᒐᒋ ᐊᔭᒥᐊᔭᒄ᙮
\p
\v 21 ᐊᓱᑕᒡ ᑕᑐᐤ ᒋᓯᑲᐛ ᒋᑭ ‍ ᐊᑐᔅᒐᓇᐛᐤ ᐊᑯ ᓂᔄᐅᑕᒡ ᐊ ‍ ᒋᓯᑲᒡ ᒋᑭ ‍ ᐊᔭᔅᑕᔅᑯᓯᓇᐛᐤ᙮ ᐊᑎᓱᐧᒄ ᒐ ‍ ᒋᐱᓇᓄᒋ ᐊ ‍ ᓂᑕᐅᒋᒐᓄᐅᒡ ᑭᔭ ᐊ ‍ ᒪᒧᓴᒋᓇᑭᓄᐅᒡ᙮ 
\p
\v 22 ᐊᓯᑯᒻ ᐱᐳᓇ ᒐ ‍ ᒥᑯᓴᔭᒄ ᑲ ‍ ᒪᒧᓴᒋᓂᑭᓄᐅᒡ ᑲ ‍ ᓂᑕᐅᒋᒡ ᒥᒋᒻ ᒥᑯᓴᐅᓐ ᐃᔅᐱ ᒐᒋᐱᔭᑯᐤ ᐊ ‍ ᒪᒧᓴᒋᓂᒪᒄ ᐅᔅᑭᒡ ᑲ ‍ ᓂᑕᐅᒋᒡ ᐸᒂᓯᑭᓂᒥᓐ ᑭᔭ ᐃᔭᐱᒡ ᒐ ‍ ᒥᑯᓴᔭᒄ ᐛᔅᑲᐃᑭᓇ ᒥᑯᓴᐅᓐ ᑕᒂᒋᒋ ᐃᔅᐱ ᒋ ᐃᓯ ‍ ᒪᒧᓴᒋᓂᒪᒂ ᒥᔅᑎᑯᒡ ᓂᑕᐅᒋᑕᑭᓇ᙮
\v 23 ᓂᔍᐤ ᐸᐃᑯᐳᓇ ᒥᓯᐛ ᓇᐸᐤ ᒋᑭ ‍ ᑎᑯᓯᓐ ᒐᒋ ᐊᔭᒥᐊᔅᑐᐅᑦ ᓂᔾ ᑎᐸᔨᒋᒐᓱᐤ ᐃᔅᕋᐃᓪ ᐃᔪᒡ ᐅᒋᓴᒪᓂᑐᒧᐛᐛ᙮
\v 24 ᓂᑭ ‍ ᐃᑲᑎᓴᐛᐅᒡ ᐃᔪᒡ ᐊᓐᑕ ᐊᔅᒋᒡ ᒐ ‍ ᐎᒋᔭᒄ ᑭᔭ ᓂᑭ ‍ ᒥᓯᑕᓐ ᒋᑦ ᐊᔅᒋᐛᐤ, ᓇᒪ ᐊᐛᓐ ᒋᑭ ᒋ ‍ ᒥᔅᑭᒥᑯᐛᐤ ᒋᑦ ᐊᔅᒋᐛᐅᔪᐤ ᐃᔅᐱ ᐸᒋ ‍ ᐊᔭᒥᐊᔅᑐᔭᑯᐤ ᓂᔍᐤ ᐊᓯᑯᒻ ᐱᐳᓇ᙮
\p
\v 25 ᐃᔅᐱ ᒪᑐᔅᑕᒧᐅᔭᑯᐤ ᐊᐛᓯᔅ ᒐ ᐊᑲ ᐊᓯᒡ ᒥᑐᔅᑕᐊᒧᐅᔭᒄ ᓯᐅᔅᑎᒪᑭᓐ᙮ ᒐ ᐊᑲ ‍ ᓇᔅᑎᔅ ᐃᔅᑯᓂᒪᒄ ᐎᔭᔅ ᑲ ‍ ᒥᑐᔅᑕᐊᒪᒐᓄᐅᒡ ᐎᒪᔅᑲᒐᐤ ᒥᔅᑯᓴᐅᓂᒡ ᒐᒋᓴᐸᔭᒐ᙮
\p
\v 26 ᓂᔾ ᐅ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ᙮ ᒋᑭ ᐎ ‍ ᐸᑕᓇᐛᐤ ᐅᔅᑭᒡ ᑲ ‍ ᒪᒧᓴᒋᓂᒪᒄ ᑲᓂᑕᐅᒋᑕᔭᒄ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ, ᒐ ᐊᑲ ‍ ᐅᓱᐛᒃ ᒪᔭᑕᓂᔅ ᐊᓐᑕ ᐅᑲᐎᔭ ᐅᒋᒋᓇᐳᒥᔨᒡ᙮”
\p
\v 27 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ, “ᒐ ‍ ᒥᓯᓇᑕᐊᒥᓐ ᐅᔭ ᐃᔨᒧᐅᓇ ᑲ ‍ ᐎᑎᒪᑕᓐ᙮ ᐅᔭ ᐅᒡ ᑲ ‍ ᒥᔨᑕᓐ ᐎᓱᐛᐅᓇ, ᒋᒋ ‍ ᓂᔅᑯᒧᐅᓐ ᒋ ‍ ᐃᑐᑎᒪᑎᓐ ᐊᓯᒡ ᐃᔅᕋᐃᓪ ᐃᔪᒡ᙮”
\v 28 ᓇᐎᔪᐛᒋᓯᑲᐛ ᑭᔭ ᓇᐎᔪᐛᑎᐱᔅᑲᐛ ᐃᔅᐱᔅ ᓇᒪ ᐅᒋ ‍ ᓂᑎᒋᐛᐤ ᒧᓱᔅ ᐱᔅᑯᑎᓇᔪᐤ ᑭᔭ ᓇᒪ ᐅᒋ ‍ ᒥᒋᓱᐤ ᑭᔭ ᓇᒪ ᐅᒋ ᒥᓄᐤ ᓂᐱᔪᐤ᙮ ᒋ ‍ ᒥᓯᓇᑕᐊᒻ ᓂᔅᑯᒧᐤ ᐃᔨᒧᐅᓇ ᐊᓐᑕ ᐊᓯᓂᒡ, ᐊᐅᑯᔪᐛ ᐸᐃᑯᔪᐤ ᐃᑎᓱᐛᐅᓇ᙮
\s1 ᒧᓱᔅ ᑲ ‍ ᓂᑎᒋᐛᑦ ᓴᐃᓇᐃ ᐱᔅᑯᑎᓇᔪᐤ
\s2 Exodus 34.29-35 (Transfiguration Year C)
\p
\v 29 ᐃᔅᐱ ᒧᓱᔅ ᐱᔭᒋ ‍ ᓂᑎᒋᐛᑦ ᓴᐃᓇᐃ ᐱᔅᑯᑎᓇᔪᐤ ᐅᒡ, ᐊ ‍ ᑕᐧᑯᓇᐧᒃ ᐸᐃᑯᔪᐤ ᐃᑎᓱᐛᐅᓇ, ᓇᒪ ᐅᒋ ᒋᔅᒐᔨᑎᒻ ᒪᒃ ᐊᐛᔅᑕᔨᒡ ᐅᑕᔅᑎᒥᐧᒄ ᐛᔅ ᐊᒋ ‍ ᐃᔨᒪᐊᑦ ᒋᓴᒪᓂᑐᐛ᙮
\v 30 ᐃᔅᐱ ᐊᕋᓐ ᑭᔭ ᒥᓯᐛ ᐃᔅᕋᐃᓪ ᐃᔪᒡ ᒐ ‍ ᑕᐱᒪᒡ ᒧᓱᓴ ᑭᔭ ᐎᔭᐸᑎᒺᒡ ᐊᐛᔅᑕᔨᒡ ᐅᑕᔅᑎᒥᐧᑯᔪᐤ, ᒋ ‍ ᑯᔅᑕᐅᒡ ᒥᒋᒪ ᒐᒋ ᓇᑕᒡ᙮
\v 31 ᒥᒄ ᒧᓱᔅ ᒋ ‍ ᑕᑈᑕᐤ, ᐊᕋᓐ ᑭᔭ ᑲ ‍ ᓂᑲᓇᔨᑕᑯᓯᒡ ᐃᔪᒡ ᒋ ᐸᒋ ‍ ᓇᑕᐅᒡ ᑭᔭ ᐊ ‍ ᐃᔨᒥᑯᒡ ᒧᓱᓴ᙮
\v 32 ᐊᑯ ᒥᓯᐛ ᐃᔅᕋᐃᓪ ᐃᔪᒡ ᐱᔭᒋ ‍ ᐛᔅᑲᑲᐳᔅᑐᐛᒡ ᑭᔭ ᒧᓱᔅ ᒂ ‍ ᒥᔭᑦ ᐊᓂᔭ ᐃᑎᓱᐛᐅᓇ ᑲ ‍ ᒥᔨᑯᑦ ᑎᐸᔨᒋᒐᓱᐛ ᐊᓐᑕ ᓴᐃᓇᐃ ᐱᔅᑯᑎᓇᒡ᙮
\p
\v 33 ᐊᔅᒄ ᒧᓱᔅ ᒋ ‍ ᐛᔅᑕᔪᐤ ᐅᑕᔅᑎᒥᐧᒄ ᑭᔭ ᑲᒋ ᐃᓯ ‍ ᐃᔨᒪᐊᑦ ᒧᓱᔅ ᐃᔪᐛ, ᐊᑯᐛᐱᒂᐅᓂᔪᐤ ᒋ ‍ ᐊᑯᓇᐊᒻ ᐅᑕᔅᑎᒥᐧᒄ᙮\fig Moses with veil on face|Exo34-29-CO00838B.TIF|col||© 1996 David C Cook|ᐊᔅᒄ ᒧᓱᔅ ᒋ ‍ ᐛᔅᑕᔪᐤ ᐅᑕᔅᑎᒥᐧᒄ ᑭᔭ ᑲᒋ ᐃᓯ ‍ ᐃᔨᒪᐊᑦ ᒧᓱᔅ ᐃᔪᐛ, ᐊᑯᐛᐱᒂᐅᓂᔪᐤ ᒋ ‍ ᐊᑯᓇᐊᒻ ᐅᑕᔅᑎᒥᐧᒄ|34.33\fig*
\v 34 ᐃᔅᐱ ᒧᓱᔅ ᐸᒐᒋ ᐸᔭᒋ-ᐱᒍᐎᔭᓂᒋᐛᐱᔪᐤ ᒐᒋ ᐃᔨᒪᐊᑦ ᑎᐸᔨᒋᒐᓱᐛ, ᒋ ‍ ᒥᓂᒻ ᐊᑯᐛᐱᒂᐅᓂᔪᐤ ᑭᔭ ᐃᔅᐱ ᐸᒋ ‍ ᐎᐎᔨᒋ, ᒋ ‍ ᐎᑎᒧᐛᐤ ᐃᔅᕋᐃᓪ ᐃᔪᐛ ᒥᓯᐛ ᒐᒂᔪᐤ ᑲ ‍ ᐃᑎᑯᑦ ᑎᐸᔨᒋᒐᓱᐛ ᒐᒋ ᐃᔅᒋᔄᑦ᙮
\v 35 ᑭᔭ ᐃᔪᒡ ᒋ ‍ ᐛᐸᑎᒺᐅᒡ ᒧᓱᓴ ᐊᐛᔅᑕᔨᒡ ᐅᑕᔅᑎᒥᐧᑯᔪᐤ ᑭᔭ ᑲᐤ ᐊᑯᐛᐱᒂᐅᓂᔪᐤ ᒋ ‍ ᐊᑯᓇᐊᒻ ᐅᑕᔅᑎᒥᐧᒄ ᐸᑐᔅ ᒥᓐ ᐸᒐᒋ ᐸᔭᒋ-ᐱᒍᐎᔭᓂᒋᐛᐱᔪᐤ ᒐᒋ ᐃᔨᒪᐊᑦ ᑎᐸᔨᒋᒐᓱᐛ᙮
\c 35
\s1 ᒍᐤ ᐊᔭᒥᐊᐅᒋᓯᑲᒡ ᐎᓱᐛᐅᓇ
\p
\v 1 ᒧᓱᔅ ᒂ ‍ ᒪᒧᓇᑦ ᐃᔅᕋᐃᓪ ᐃᔪᐛ ᑭᔭ ᒂ ‍ ᐃᑕᑦ, “ᐊᐅᑯᔪᐛ ᐅᔭ ᒐᒂᔪᐛ ᑲ ‍ ᐃᑎᓱᐛᑦ ᑎᐸᔨᒋᒐᓱᐤ ᒐ ‍ ᐃᑐᑎᒺᒄ:
\v 2 ᐊᓱᑕᒡ ᑕᑐᐤ ᒋᓯᑲᐛ ᒋᑭ ‍ ᐃᔅᐱᔅ ᐊᑐᔅᒐᓇᐛᐤ᙮ ᒥᒄ ᐊᓐ ᓂᔄᐅᑕᒡ ᐊ ‍ ᒋᓯᑲᒡ ᒋᑭ ᐎ ‍ ᐊᔭᔅᑕᔭᔅᑯᓯᓇᐛᐤ, ᐊᐅᑯᓐ ᐊ ᐸᔭᒋ ‍ ᒋᓴᑲᒡ ᑎᐸᔨᒋᒐᓱᐤ ᑕᐸᔨᑕᐧᒃ, ᐊᐛᓐ ᒐ ‍ ᐊᑐᔅᒐᒂ ᐊᓂᔭ ᒋᓯᑯᔪᐤ ᒋᑭ ‍ ᓂᐸᐊᑭᓄᐤ᙮
\v 3 ᒐ ᐊᑲ ‍ ᐃᔭᐱᒡ ᑯᑐᐛᔭᒄ ᒋᒋᐛᐛᒡ ᐊᓐ ᒋᓯᒄ᙮”
\s1 ᒐ ‍ ᐱᔅᑎᓇᑭᓄᐅᒋ ᒥᔨᐛᐅᓇ ᐸᔭᒋ-ᐱᒍᐎᔭᓂᒋᐛᐱᒡ
\p
\v 4 ᐊᑯ ᒧᓱᔅ ᑲ ᐃᑕᑦ ᒥᓯᐛ ᐃᔅᕋᐃᓪ ᐃᔪᐛ, “ᐊᐅᑯᔪᐤ ᐅᔭ ᑲ ‍ ᐃᑎᓱᐛᑦ ᑎᐸᔨᒋᒐᓱᐤ ᒐᒋ ᐃᑐᑎᒺᒄ:
\v 5 ᒐ ‍ ᒥᔭᒄ ᑎᐸᔨᒋᒐᓱᐤ ᒥᔨᐛᐅᓇ᙮ ᒥᓯᐛ ᐊᐛᓐ ᒋᑭ ᒋ ‍ ᐸᑕᐤ ᒥᔨᐛᐅᓇ ᐊ ‍ ᐎᔄᐅᓇᔭᐱᔅᑯᔨᒋ, ᐊ ‍ ᓱᓇᔭᐱᔅᑯᔨᒋ ᑭᔭ ᐊ ‍ ᐎᔄᐛᐱᔅᑯᔨᒋ;
\v 6 ᑲ ‍ ᐱᔅᑭᓂᓯᒡ, ᑲ ‍ ᐱᒋᒥᓇᑯᓯᒡ ᑭᔭ ᑲ ‍ ᒥᐧᑯᓯᒡ ᐊᓯᑭᓂᔭᐱᔨᒡ; ᑲ ‍ ᒥᔽᓯᒡ ᐱᒍᐎᔭᓐ; ᒥᔅᑐᓯᔅ ᐅᐱᐎᔭ;
\v 7 ᓇᐸ ᒪᔭᑕᓂᓱᔭᓐ ᐊ ‍ ᒋᓯᓇᑭᓄᐅᑦ; ᐊ ‍ ᒥᔽᒡ ᐱᓴᑭᓐ; ᐊᑲᓯᔭ ᒥᔅᑎᒄ;
\v 8 ᐱᒥᔾ ᒐᒋ ᐛᔅᑕᓂᑲᐛᒐᓄᐅᒡ; ᓂᐱᓯᔭ ᑲᐎᒋᒪᑯᓯᔨᒋ ᒐᒋ ᒪᒧᐱᑕᑭᓄᐅᒋ ᐊᓐᑕ ᑐᒥᓂᒐᐅ-ᐱᒥᒡ ᑭᔭ ᐎᒋᒪᓯᑭᓂᒡ;
\v 9 ᑲ ‍ ᓱᓇᔭᐎᒋ ᐊᓯᓂᔭ ᐅᓂᒃᔅ ᐊᓯᓂᐧᑲᑕᒋ ᑭᔭ ᑯᑎᒂ ᑲ ‍ ᓱᓇᔭᐎᔨᒋ ᐊᓯᓂᔭ, ᒐᒋ ᒋᑭᒧᑕᑭᓄᐎᔨᒋ ᐊᓐᑕ ᐊᔅᐱᒋᑯᓇᐅᓂᒡ ᑭᔭ ᐱᑕᓱᐅᓂᒡ ᐊᔭᒥᐊᐅᒋᒪᐤ ᐅᑦ ᐊᐱᒋᑕᐅᓂᒡ᙮
\p
\v 10 ᑲᓄᐛᔨᑎᒧᒂ ᐊᐛᓐ ᑭᔅᒋᐅᓂᔪᐤ ᒋᐸ ‍ ᐅᓯᑕᐤ ᐊᓂᔭ ᒐᒂᔪᐛ ᑎᐸᔨᒋᒐᓱᐤ ᑲ ‍ ᐃᑎᓱᐛᑦ᙮
\v 11 ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᐊᑯᐛᑲᐃᑭᓇ ᑭᔭ ᓯᐸᔅᑯᓂᑭᓇ, ᑭᔭ ᐊᓂᔭ ᐛᔅᑲᔭᔅᑯᓂᑭᓇ᙮
\v 12 ᑭᔭ ᐸᔭᒋ-ᒥᐅᑎᔪᐤ ᐊᓯᒡ ᒥᔅᑎᒂ ᑭᔭ ᐊᑯᐛᑲᐃᑭᓐ ᒐᒋ ᐊᑯᐛᑲᐃᑭᓄᐅᒡ ᒪᐅᒡ ‍ ᐸᔭᒋᓇᒂᒡ ᑲᐱᔅᒋᒐᔭᒡ᙮
\v 13 ᒥᒋᓱᐛᑭᓇᑎᒄ ᑭᔭ ᒥᔅᑎᒂ ᒐ ᐅᒋ ‍ ᑕᐧᑯᓇᑭᓄᐅᒡ ᒥᒋᓱᐛᑭᓇᑎᒄ ᑭᔭ ᒐᒂᔪᐛ ᒐ ‍ ᐊᐱᑎᓂᔨᒋ ᒥᒋᓱᐛᑭᓇᑎᑯᒡ ᑭᔭ ᑲ ‍ ᐸᔭᒋᓯᑦ ᐸᒂᓯᑭᓐ᙮
\v 14 ᐛᔅᑕᓂᐱᒪᑭᓇᑎᒄ ᒐ ‍ ᒋᒥᓱᒡ ᐛᔅᑕᓂᐱᒪᑭᓐᒡ ᑭᔭ ᒐ ‍ ᐊᐱᑎᓂᔨᒋ ᒐᒂᔪᐛ ᑭᔭ ᐱᒥᔾ ᒐ ‍ ᐛᔅᑕᓂᑲᐛᒐᓄᐅᒡ ᐛᔅᑕᓂᐱᒪᑭᓂᒡ,
\v 15 ᑭᔭ ᐱᔅᑎᓂᒐᐅᓇᐱᔅᒄ ᐊᓐᑕ ᒐ ‍ ᓯᔅᑲᐃᑭᓂᔨᒋ ᑲᐎᒋᒪᑯᓯᔨᒋ ᑭᔭ ᒥᔅᑎᑯᒡ ᒐ ᐅᒋ ‍ ᑕᐧᑯᓂᑭᓄᐅᒡ ᐱᔅᑎᓂᒐᐅᓇᐱᔅᒄ᙮ ᑐᒥᓂᒐᐅ-ᐱᒥᔾ ᑭᔭ ᐎᒋᒪᓯᑭᓐ, ᐊᑯᐛᑲᐃᑭᓐ ᐊᓐᑕ ᒐ ‍ ᐊᑯᑕᒡ ᐛᒋ ‍ ᐱᔨᒐᓄᐅᒡ ᐸᔭᒋ-ᐱᒍᐎᔭᓂᒋᐛᐱᒡ᙮
\v 16 ᒥᑐᔅᑕᐊᒪᒐᐅᓇᐱᔅᒄ ᐊᓯᒡ ᐊ ‍ ᐎᔄᐱᔅᑲᒡ ᐃᐸᐱᔅᒄ ᑭᔭ ᒥᓯᐛ ᒐᒂᓐ ᐊᓐᑕ ᐊ ‍ ᐃᑕᐱᑎᒡ ᐊᓯᒡ ᐛᐸᑲᐅᓱᔭᑭᓂᔪᐤ, ᑭᔭ ᐊᓐᑕ ᒐ ‍ ᑕᐧᑯᑎᔅᑕᒡ᙮
\v 17 ᐊᑯᐛᑲᐃᑭᓇ ᒐ ‍ ᒋᑭᒧᒋ ᐊᑐᐛᒡ ᐛᔅᑲ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᓯᑥᔎᐃᑭᓐᒡ ᑭᔭ ᑕᑕᐃᑭᓐᒡ, ᐊᑯᐛᑲᐃᑭᓐ ᒐ ‍ ᐊᑯᑕᒡ ᐊᓐᑕ ᐛᒋ ‍ ᐱᒐᓄᐅᒡ᙮
\v 18 ᑭᔭ ᒋᔅᑕᐸᒋᑭᓇ ᑭᔭ ᐊᐱᓴ ᒐ ‍ ᐊᐱᑎᒋ ᐸᔭᒋ-ᐱᒍᐎᔭᓂᒥᒋᐛᐱᒡ ᑭᔭ ᐊᓐᑕ ᐊᑐᐛᒡ ᐛᔅᑲ ᒐᐸᐃᑭᓄᐅᒡ᙮
\v 19 ᑭᔭ ᑲ ‍ ᒥᔽᓯᔨᒋ ᐊᔭᒥᐊᐅ-ᐊᐱᒋᑕᐅᓇ ᐊᕋᓐ ᑭᔭ ᐅᑯᓴ ᒐ ‍ ᒋᔅᑲᒡ ᑐᑕᐧᑲᐛ ᐅᑦ ᐊᔭᒥᐊᐅ-ᐊᑐᔅᒐᐅᓄᐛ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ᙮”
\p
\v 20 ᐊᑯ ᒥᓯᐛ ᐃᔪᒡ ᒂ ‍ ᒋᐛᒡ,
\v 21 ᑭᔭ ᒥᓯᐛ ᐊᐛᓐᒋ ᑲ ᐎ ‍ ᒥᔭᒡ ᒥᔨᐛᐅᓇ ᑎᐸᔨᒋᒐᓱᐛ, ᒋᐸᑕᐅᒡ ᒐᒋ ᐊᐱᒋᑕᑭᓄᐎᒋ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᐊᔭᒥᐊᓄᐎᒋ ᑭᔭ ᒐ ‍ ᐊᐱᑎᓂᔨᒋ ᐊ ‍ ᐅᓯᑕᑭᓂᐎᒋ ᐸᔭᒋ ‍ ᐊᔭᒥᐊᐅ-ᐊᐱᒋᑕᐅᓇ᙮
\v 22 ᒥᓯᐛ ᓇᐸᐤ ᑭᔭ ᐃᔎᐤ ᐛ ‍ ᐱᔅᑎᓇᐧᒃ ᒥᔨᐛᐅᓇ ᒋ ‍ ᑎᑯᓯᓄᐤ ᐊᐸᑕᑦ ᒥᓯᐛ ᐊ ‍ ᐃᓯᓇᑯᓂᔨᒋ ᐊ ‍ ᐎᔄᐅᓱᓇᔭᐱᔅᑯᔨᒋ ᐛᐛᓯᐅᓇᐱᔎ, ᒋᔅᑕᐸᓱᓇ, ᒥᑐᑲᒡ ᑲ ‍ ᐳᔅᑲᑭᓄᐅᒋ, ᑕᐱᒋᒐᐱᓱᓇ, ᑭᔭ ᒐᒂᔪᐛ ᐎᔄᐅᓱᓇᔭᐱᔅᑯᒡ ᐊᐅᒡ ‍ ᐅᓯᑕᑭᓄᐎᒋ ᐛ ‍ ᐊᑎᒥᔅᑯᐛᑦ ᑎᐸᔨᒋᒐᓱᐛ᙮ \fig Israelites bring offerings for tabernacle|Exo35-20-CO00841B.TIF|col||© 1996 David C Cook|ᒥᓯᐛ ᐊᐛᓐᒋ ᑲ ᐎ ‍ ᒥᔭᒡ ᒥᔨᐛᐅᓇ ᑎᐸᔨᒋᒐᓱᐛ, ᒋᐸᑕᐅᒡ ᒐᒋ ᐊᐱᒋᑕᑭᓄᐎᒋ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᐊᔭᒥᐊᓄᐎᒋ ᑭᔭ ᒐ ‍ ᐊᐱᑎᓂᔨᒋ ᐊ ‍ ᐅᓯᑕᑭᓂᐎᒋ ᐸᔭᒋ ‍ ᐊᔭᒥᐊᐅ-ᐊᐱᒋᑕᐅᓇ|35.22\fig*
\v 23 ᒥᓯᐛ ᐊᐛᓐ ᒋ ‍ ᐸᓱᐛᐤ ᑲ ‍ ᑭᓄᐛᔨᒪᑦ ᑲ ‍ ᐱᔅᑯᓂᓯᔨᒋ, ᑲ ‍ ᐱᒋᒥᓇᑯᓯᔨᒋ ᑭᔭ ᑲ ‍ ᒥᐧᑯᓯᔨᒋ ᐊᓯᑭᓂᔭᐱᔭ ᑭᔭ ᐊ ‍ ᒥᔽᔨᒡ ᐱᒍᐎᔭᓂᔪᐤ ᑭᔭ ᑲ ‍ ᐅᑦ ᐊᔅᑭᓂᓯᔨᒋ ᐅᐱᐎᔪᐛ ᑭᔭ ᐊ ‍ ᒋᓯᓇᑭᓄᔨᒋ ᓇᐸ ᒪᔭᑕᓂᓱᔭᓇ ᑭᔭ ᐊ ‍ ᒥᔽᔨᒡ ᐱᓴᑭᓂᔪᐤ᙮
\v 24 ᒥᓯᐛ ᐊᐛᓐ ᑲ ‍ ᑭᓄᐛᔨᑕᐧᒃ ᓱᓇᔭᐅᐱᔅᑯᔪᐤ ᑭᔭ ᑲ ‍ ᐎᔄᐛᐱᔅᑯᔨᒡ ᒋ ‍ ᐸᑕᐅᒡ ᒂ ‍ ᒥᔭᒡ ᑎᐸᔨᒋᒐᓱᐛ ᑭᔭ ᐊᐛᓐ ᑲ ‍ ᑭᓄᐛᔨᒪᑦ ᒋ ‍ ᐸᓱᐛᐤ ᐊᑲᓯᔭ ᒥᔅᑎᒂ ᒐᒋ ᐊᐱᒋᐊᑭᓄᐎᒋ ᐊᑐᔅᑲᓄᐎᒡ᙮
\v 25 ᐃᔎᐅᒡ ᐃᔭᐱᒡ ᒋ ‍ ᐸᑕᐅᒡ ᐊᓂᔭ ᑲ ᐃᓯ ‍ ᐛᓯᑕᒡ: ᑲ ‍ ᐱᔅᑭᓂᓯᔨᒋ ᑭᔭ ᑲ ‍ ᐱᒋᒥᓇᑯᓂᔨᒋ ᑭᔭ ᑲ ‍ ᒥᐧᑯᓯᔨᒋ ᐱᒍᐎᔭᓇ ᑭᔭ ᐊᓂᔭ ᐛᒋ ‍ ᒥᔽᓯᔨᒋ ᐱᒍᐎᔭᓇ᙮
\v 26 ᑭᔭ ᐊᓐᒡ ᐃᔎᐅᒡ ᑲ ‍ ᐛᓴᐊᒡ ᐱᒍᐎᔭᓇ ᑲ ᐅᑦ ᐊᔅᑭᓂᓯᔨᒋ ᐅᐱᔅᑲᐅᓂᔪᐛ ᒋ ‍ ᒥᔽᔨᑎᒧᒡ ᒐᒋ ᑎᒥᔅᑲᒐᒡ᙮
\v 27 ᐅᒋᒪᐅᒡ ᒋ ‍ ᐸᑕᐅᒡ ᐊᓂᔭ ᐊ ‍ ᒥᔪᓯᔨᒋ ᑲ ‍ ᓱᓇᔭᐎᒋ ᐊᓯᓂᔭ ᐅᓂᒃᔅ ᐊᓯᓂᐧᑲᑕᒋ (ᑲ ‍ ᐎᐸᒋ ᐊᓯᓂᔭ) ᒐᒋ ᒋᑭᒧᑕᑭᓄᐎᔨᒋ ᐊᓐᑕ ᐊᕋᓐ ᐅᐸᔭᒋ ‍ ᐊᔅᐱᒋᑯᓇᐅᓂᒡ ᑭᔭ ᐱᑕᓱᐅᓂᒡ᙮
\v 28 ᐃᔭᐱᒡ ᒋ ‍ ᐸᓱᐛᐅᒡ ᐸᔭᒋ ‍ ᐱᒥᔭ ᒐᒋ ᓯᔅᑲᐛᑭᓄᒡ ᐛᔅᑕᓂᐱᒪᑭᓐᒡ ᑭᔭ ᒋ ‍ ᐸᑕᐅᒡ ᐊᓂᔭ ᑲ ‍ ᐎᒋᒪᑯᓯᔨᒋ ᒐᒋ ᐅᒋ ‍ ᐊᒥᔅᒐᔨᑭᓄᐅᒋ ᐎᒋᒪᓯᑭᓇ ᑭᔭ ᐱᒥᔭ ᒐ ‍ ᐊᐱᒋᐊᑭᓄᒡ ᐊ ‍ ᐅᓯᐊᑭᓄᐅᒡ ᐊᔭᒥᐊᐅᒋᒪᐅᒡ᙮
\v 29 ᒧᓱᔅ ᒋ ‍ ᐎᑎᒧᐛᐤ ᐃᔪᐛ ᒐᒂᔪᐛ ᓇᑐᐛᔨᑎᒥᔨᒋ ᑎᐸᔨᒋᒐᓱᐛ ᒐᒋ ᑐᑕᒡ ᑭᔭ ᒥᒐᑦ ᐊᐛᓐ ᑲ ᐎ ‍ ᒥᔭᑦ ᒋ ‍ ᐸᑕᐤ ᐊᓂᔭ ᐅᒥᔨᐛᐅᓇ᙮
\s1 ᐸᓴᓕᓪ ᑭᔭ ᐅᐦᐅᓕᐊᑉ
\p
\v 30 ᒧᓱᔅ ᒋ ‍ ᐃᑕᐤ ᐊᓂᔭ ᐃᔅᕋᐃᓪ ᐃᔪᐛ ᐊᐛᔪᐛ ᑲ ‍ ᐅᑎᓇᑦ ᑎᐸᔨᒋᒐᓱᐤ, ᐸᓴᓕᓪ, ᒪᒃ ᔪᕆᔨᒋ ᒋ ‍ ᐅᑕᐎᔪᐤ, ᔪᕆ ᒪᒃ ᐦᐅᕐ ᒋ ‍ ᐅᑕᐎᔪᐤ, ᐊᓐᑕ ᒍᑕ ᐅᒡ ᑲ ‍ ᐃᑎᔅᑲᓇᓯᑦ᙮
\v 31 ᑲ ‍ ᐊᔅᒋᐧᑯᒪᓂᒐᔅᑦ ᑭᔭ ᑲ ‍ ᒥᒪᑕᐅᓯᓂᔨᒐᔅᑦ ᒋ ᐃᓯ ‍ ᒥᔭᑭᓄᐤ ᑭᔅᒋᐅᓂᔪᐤ ᐊᓂᔭ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᐊ ‍ ᐱᔅᑲᑯᑦ ᐊᓴᑭᔅᒋᓇᔅᑲᑯᑦ ᒋᔅᒐᔨᑎᒧᓂᔪᐤ ᑭᔭ ᑭᔅᒋᐅᓂᔪᐤ
\v 32 ᓇᒪᔭᔪᐤ ᒥᒄ ᑲ ‍ ᓴᑭᔅᒋᓇᔅᑲᑯᑦ ᐅᑦ ᐊᒐᐧᑯᔪᐛ ᑎᐸᔨᒋᒐᓱᐛ, ᐃᔭᐱᒡ ᒋ ‍ ᑐᑕᑯᐤ ᒥᓯᐛ ᒐᒂᔪᐛ ᒐᒋ ᐛᓯᑕᑦ ᒥᔅᑎᑯᒡ ᐅᒡ, ᐊ ‍ ᓱᓇᔭᐱᔅᑯᐎᒡ, ᐊ ‍ ᐎᔄᐅᓱᓇᔭᐎᒡ, ᐊᓯᓂᔪᐤ ᑭᔭ ᑲ ‍ ᐎᔄᐛᐱᔅᑯᐎᒡ ᐃᓴᑯᔪᐤ ᐅᒡ᙮
\v 33 ᐃᔭᐱᒡ ᒋᒪᑎᔄᐤ ᐊᓂᔭ ᐊ ‍ ᒥᔪᓯᔨᒋ ᐊᓯᓂᔭ ᑭᔭ ᒥᔅᑎᒂ ᒋ ‍ ᒥᐧᑯᑕᐤ ᒐᒋ ᒥᔪᓇᑯᑕᑦ ᑭᔭ ᒐᒋ ᒋᑭᒧᑕᑦ ᐊᓐᑕ ᐎᔄᐅᓱᓇᔭᐱᔅᑯᔪᐤ ᑭᔭ ᒋ ‍ ᐎᓯᓇᑕᐊᒻ ᐊᓐᑕ ᒐᒂᔪᐤ᙮
\v 34 ᐸᓴᓕᓪ ᑭᔭ ᐅᐦᐅᓕᐊᑉ, ᐊᐦᐃᓴᒪᒃ ᐅᑯᓴ, ᑕᐊᓐ ᐊ ‍ ᐃᑎᔅᑲᓇᓯᔨᒋ, ᑎᐸᔨᒋᒐᓱᐛ ᒋ ‍ ᒥᔨᑯᐅᒡ ᑭᔅᒋᐅᓂᔪᐤ ᒐᒋ ᒋᔅᑯᑎᒧᐛᔨᒋ ᑯᑎᑲ ᐊᐛᔪᐛ᙮
\v 35 ᒥᓯᐛ ᒐᒂᔪᐤ ᒐᒋ ᐅᓯᑕᔨᒋ ᐊ ᐃᓯ ᒥᔪᓇᑯᓂᔨᒡ ᑭᔭ ᐊ ᐃᓯ ‍ ᒥᔽᔨᒡ ᑭᔭ ᐃᔭᐱᒡ ᒐᒋ ᐎᓯᓇᑕᒥᔨᒋ ᒐᒂᔪᐤ ᐊᓐᑕ ᐛᒋ ‍ ᒥᔽᓯᔨᒡ ᐱᒍᐎᔭᓂᔪᐤ ᐊ ‍ ᐱᔅᑭᓂᓯᔨᒋ ᑭᔭ ᐊ ‍ ᐱᒋᒥᓇᑯᓯᔨᒋ ᑭᔭ ᐊ ‍ ᒥᐧᑯᓯᔨᒋ ᐊᓯᑭᓂᔭᐱᔭ ᐊᐱᒋᐊᔨᒋ᙮
\c 36
\p
\v 1 ᒥᓯᐛ ᐊᐛᓐ ᑲ ‍ ᒥᔨᑯᑦ ᑭᔅᒋᐅᓂᔪᐤ ᑎᐸᔨᒋᒐᓱᐛ ᒧᔭᒻ ᐸᓴᓕᓪ ᑭᔭ ᐅᐦᐅᓕᐊᑉ ᑭᔭ ᑯᑎᑭᒡ ᐊᑕᒡ, ᐊᑐᔅᑲᔅᑕᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᒥᓯᐛ ᒋᑭ ᐎ ‍ ᐃᑐᑎᒧᒡ ᒐᒂᔪᐤ ᑲ ‍ ᐃᑎᓱᒥᑯᒡ ᑎᐸᔨᒋᒐᓱᐛ᙮
\p
\v 2 ᐊᑯ ᒧᓱᔅ ᒂ ‍ ᐎᓴᒪᑦ ᐸᓴᓕᓚ ᑭᔭ ᐅᐦᐅᓕᐊᐸ ᑭᔭ ᐊᓂᔭ ᐊᐛᔪᐛ ᑲ ‍ ᒥᔭᑭᓄᐎᔨᒋ ᑭᔅᒋᐅᓂᔪᐤ ᑭᔭ ᑲ ᐎ ‍ ᐊᑐᔅᑲᔅᑎᒥᔨᒋ ᐊᓂᔭ ᐸᔭᒋ-ᐱᒍᐎᔭᓂᒋᐛᐱᔪᐤ᙮ 
\v 3 ᒧᓱᔅ ᒋ ‍ ᒥᔭᐤ ᒥᓯᐛ ᒐᒂᔪᐛ ᑲ ‍ ᐸᑕᔨᒋ ᐃᔪᐛ ᒐᒋ ᐎᑲᐳᐎᑕᑭᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮ ᐊᔅᒄ ᐃᔭᐱᒡ ᒋ ‍ ᐸᑕᐅᒡ ᐃᔪᒡ ᒐᒂᔪᐛ ᐊᓯᑯᒻ ᒋᔭᒋᓴᐸᔭᒋ᙮
\v 4 ᒥᓯᐛ ᐊᓐᒡ ᓇᐸᐅᒡ ᑲ ‍ ᑭᔅᒋᐅᒡ ᑲ ‍ ᑐᑕᒡ ᑕᑐᐎᒡ ᒐᒂᔪᐛ ᐊ ‍ ᐅᓯᑕᑭᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᒋᓂᑲᐱᔪᐅᒡ ᐊᑐᔅᒐᒡ᙮
\v 5 ᒋ ‍ ᓂᑐᐛᐱᒪᐅᒡ ᒧᓱᓴ ᑭᔭ ᒋ ‍ ᐃᑕᐅᒡ, “ᐅᓴᒻ ᒥᔅᑎᐸᑕᐅᒡ ᐃᔪᒡ ᒐᒂᔪᐤ, ᓴᔅ ᒋ ᒥᔅᑎ ‍ ᑭᓄᐛᔨᑕᓇᓐ ᒐᒂᓐ ᒐᒋ ᐃᑐᑎᒪᒡ ᐊᓐ ᐊᑐᔅᒐᐅᓐ ᑲ ‍ ᐃᑎᓱᒥᔨᒥᑦ ᑎᐸᔨᒋᒐᓱᐤ᙮”
\p
\v 6 ᐊᑯ ᒧᓱᔅ ᒂ ‍ ᐃᑎᓱᐛᑦ ᒐ ᐊᑲ ‍ ᐊᐛᓐ ᐸᑕᑦ ᒐᒂᔪᐤ ᒐᒋ ᐱᔅᑎᓂᒐᑦ ᐊ ‍ ᐅᓯᑕᑭᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ,
\v 7 ᐊᓂᔭ ᒐᒂᔪᐤ ᓴᔅ ᑲ ‍ ᐸᑕᒡ ᒋ ‍ ᐃᔅᐱᔪᐤ ᒐᒋ ᑐᑕᑭᓄᐎᒡ ᒥᓯᐛ ᐊᑐᔅᒐᐅᓂᔪᐤ ᑭᔭ ᐅᔅᑕ ᒋ ‍ ᒥᓴᔪᐤ ᐃᔅᐱᔅ ᒐ ᐃᓯ ‍ ᓄᑕᐱᔨᒡ᙮
\s1 ᐸᔭᒋ-ᐱᒍᐎᔭᓂᒋᐛᑉ
\p
\v 8 ᒥᓯᐛ ᐊᐛᓐ ᑲ ‍ ᑭᔅᒋᐅᑦ ᐊ ‍ ᐅᓯᑕᑦ ᒐᒂᔪᐤ ᒋ ‍ ᐎᒋᐃᐛᐤ ᐊ ‍ ᐅᓯᑕᑭᓂᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮ ᐸᐃᑯᔪᐤ ᐊ ‍ ᒥᔽᓯᔨᒋ ᐱᒍᐎᔭᓇ ᐊ ‍ ᐊᐱᒋᑕᒡ, ᐊ ‍ ᓂᔅᑯᐛᐱᔅᑕᐛᒡ ᑲ ‍ ᐱᔅᑭᓂᓯᔨᒋ ᑭᔭ ᑲ ‍ ᐱᒋᒥᓇᑯᓯᔨᒋ ᑭᔭ ᑲ ‍ ᒥᐧᑯᓯᔨᒋ ᐊᓯᑭᓇᔭᐱᔭ᙮ ᒐ ‍ ᒥᒪᑕᐅᒂᑕᐅᒡ ᐊᓐᑕ ᐊᐛᓯᓴ ᐊ ‍ ᐅᑎᑎᑭᓄᐎᒋ᙮
\v 9 ᐸᐃᒄ ᐊᓐᒡ ᑕᑐᐎᒡ ᐸᐃᑯᔪᐤ ᐊᑯᐛᑲᐃᑭᓐᒡ ᓇᐅᓴᑉ ᑎᐸᔎᐃᑭᓇ ᐊᔅᐱᔅ ᒋᓏᒋ ᑭᔭ ᓂᓱ ᑎᐸᔎᐃᑭᓇ ᐊᔅᐱᔅ ᐃᔨᑭᔅᑲᒋ᙮
\v 10 ᒪᒧᐤ ᐱᑕᑕᒡ ᒋᑭ ‍ ᒪᒧᒂᑎᒧᒡ ᐱᒍᐎᔭᓇ ᒐᒋ ᐸᐃᑯᓂᔨᒡ ᑭᔭ ᐸᐃᑯᑕᐤ ᒋᑭ ‍ ᐃᑐᑎᒧᒡ ᐊᓂᔭ ᑯᑎᑲ ᐱᑕᑕᒡ᙮
\v 11 ᐊᑯ ᒥᓐ ᐛᐅᔭᔭᐸᒋᓂᑭᓇ ᐊ ‍ ᐱᔅᑭᓇᔨᒡ ᐱᒍᐎᔭᓂᔪᐤ ᒋ ‍ ᒪᑯᐱᑕᐅᒡ ᐊᓐᑕ ᐊ ‍ ᐅᓂᔎᑭᓂᔨᒡ ᐊᑯᐛᑲᐃᑭᓂᒡ᙮ ᐸᐃᑯᑕᐤ ᒋ ‍ ᑐᑕᒧᒡ ᑯᑎᒋᔪᐤ ᐊ ‍ ᐅᓂᔎᑭᓂᔨᒡ ᐊᑯᐛᑲᐃᑭᓂᔪᐤ ᐊᓐᑕ ᐅᔅᒡ ᐊ ‍ ᐅᒋᑯᑕᔨᒡ᙮
\v 12 ᐱᑕᑕᒡ ᑕᑐᔪᐤ ᐛᐅᔭᔭᐸᒋᓂᑭᓇ ᐊᓐᑕ ᐸᐃᒄ ᐊᑯᐛᑲᐃᑭᓂᒡ ᑭᔭ ᐱᑕᑕᒡ ᑕᑐᔪᐤ ᐛᐅᔭᔭᐸᒋᓂᑭᓇ ᐊᓐᑕ ᐊ ‍ ᐅᓂᔎᑭᓂᔨᒡ ᑯᑎᒋᔪᐤ ᐊᑯᐛᑲᐃᑭᓂᔪᐤ ᐊᓐᑕ ᐅᔅᒡ ᐊ ‍ ᐅᒋᑯᑕᔨᒡ᙮
\v 13 ᐱᑕᑕᒡ ᑕᑐᔪᐤ ᒋ ‍ ᐅᓯᑕᐅᒡ ᐊ ‍ ᐎᔄᐅᓱᓇᔭᐱᓯᔨᒋ ᓯᒋᐸᒋᑭᓇ ᒐᒋ ᒪᒧᑯᑕᔨᒋ ᐊᑯᐛᑲᐃᑭᓇ ᐊᑯ ᐊᐸᐃᒂᒡ ᒋ ‍ ᐃᓯᓇᑯᓐ᙮
\p
\v 14 ᒥᔅᑐᓯᓴ ᐅᐱᐎᔪᐎᐛ ᒋ ᐅᒋ ᐅᓯᑕᐅᒡ ᐊᑯᐛᑲᐃᑭᓇ ᒐ ‍ ᐊᑯᓇᐃᑭᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ, ᒋ ‍ ᐸᐃᑯᓴᐳᔨᐛ᙮
\v 15 ᐸᐃᑯᑕᐤ ᒋ ‍ ᐃᔎᑭᓇ ᐊᓂᔭ ᒥᓯᐛ ᐸᐃᑯᓴᑉ ᐊᑯᐛᑲᐃᑭᓇ᙮ ᐱᑕᑕᒡ ᑕᑐᓴᑉ ᑎᐸᔎᐃᑭᓇ ᒋ ᐃᔅᐱᔅ ‍ ᒋᓏᐤ ᐸᐃᒄ ᐊᑯᐛᑲᐃᑭᓐ ᑭᔭ ᓂᓱ ᑎᐸᔎᐃᑭᓇ ᒋ ᐃᔅᐱᔅ ‍ ᐃᔨᑭᔅᑲᐤ᙮
\v 16 ᒋ ‍ ᓂᓱᐛᑭᓇ ᐊᑯᐛᑲᐃᑭᓇ, ᐱᑕᑕᒡ ᐊᑯᐛᑲᐃᑭᓇ ᒋ ‍ ᒪᒧᒂᑎᒧᒡ ᒐᒋ ᐸᐃᑯᓂᔨᒡ ᐸᐃᒄ ᐊᑯᐛᑲᐃᑭᓂᔪᐤ ᐊᑯ ᐊᓐ ᑯᑎᒃ ᐊᑯᐛᑲᐃᑭᓐ ᐊᓱᑕᒡ ᒋ ‍ ᒪᒧᒂᑕᑭᓄᐛ᙮
\v 17 ᐱᑕᑕᒡ ᑕᑐᔪᐤ ᓯᒋᐸᒋᑭᓇ ᐊ ‍ ᐅᓂᔎᔨᒡ ᐊᓐᑕ ᐅᔅᒡ ᐊ ‍ ᐅᒋᑯᑕᔨᒡ ᐊᑯᐛᑲᐃᑭᓂᔪᐤ ᒋ ‍ ᐅᓯᑕᐅᒡ, ᑭᔭ ᐱᑕᑕᒡ ᑕᑐᔪᐤ ᓯᒋᐸᒋᑭᓇ ᐊᓐᑕ ᐊ ᐅᒋ ‍ ᐊᓂᔅᑯᒧᐎᒡ ᑯᑎᒋᔪᐤ ᐊᑯᐛᑲᐃᑭᓂᔪᐤ᙮
\v 18 ᐱᑕᑕᒡ ᑕᑐᔪᐤ ᐊ ‍ ᐎᔄᐛᐱᔅᑯᔨᒋ ᓯᒋᐸᒋᑭᓇ ᒋ ‍ ᐅᓯᐊᐅᒡ ᒪᒧᐤ ᒐᒋ ᓯᒋᐸᑕᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᒐᒋ ᐸᐃᑯᓂᔨᒡ ᐊᑯᐛᑲᐃᑭᓂᔪᐤ᙮
\v 19 ᓂᓱ ᐊᑯᓇᐃᑭᓇ ᒥᓐ ᒋ ‍ ᐅᓯᑕᐅᒡ᙮ ᐸᐃᒄ ᓇᐸ ᒪᔭᑕᓂᓱᐎᔭᓇ ᐊ ‍ ᒋᓯᓇᑭᓄᐅᒋ ᐊᐱᒋᐊᒡ᙮ ᐊᑯ ᑯᑎᑲ ᐊ ‍ ᒥᔽᔨᒡ ᐱᓴᑭᓂᔪᐤ, ᐅᔅᒡ ᒐᒋ ᐅᒋ ᐱᔅᑕᑭᔅᑕᔨᒡ᙮
\p
\v 20 ᓇᐎᔪᐤ ᐊᓱ ᔭᓇᐤ ᐛᔅᑲᔭᔅᑯᓂᑭᓇ ᒋ ‍ ᐅᓯᐊᐅᒡ ᐊᑲᓯᔭ ᒥᔅᑎᒂ ᐅᒡ ᒐᒋ ᒋᒥᑕᔨᒋ ᐸᔭᒋ-ᐱᒍᐎᔭᓂᒋᐛᐱᒡ᙮
\v 21 ᐸᐃᒄ ᐛᔅᑲᔭᔅᑯᓂᑭᓐ ᐱᑕᑕᒡ ᒥᓯᑦ ᒋ ‍ ᐃᔎᔅᑯᓱᐤ ᑭᔭ ᓂᓱᔪᐤ ᐊᓱ ᓂᔄᐅᑕᒡ ᒥᒋᒋᓐ ᒋ ᐃᔅᐱᔅ ‍ ᐃᔨᑭᔅᒋᔪᐤ᙮
\v 22 ᑭᔭ ᐊ ‍ ᓂᓱᑲᐳᐅᒋ ᒋᔅᑕᐸᒋᑭᓇ ᐊᓐᑕ ᐊᓇᒡ ᐛᔅᑲᔭᔅᑯᓂᑭᓂᒡ ᒐᒋ ᒪᒧᑭᒧᒋ ᐊᒋᒥᑕᒋ ᐛᔅᑲᔭᔅᑯᓂᑭᓇ᙮ ᒥᓯᐛ ᑕᑐᐤ ᑕᐱᔅᑯᓐ ᒋ ‍ ᐃᓯᓇᑯᑕᐅᒡ᙮
\v 23 ᐊᓐᒡ ᓇᐸᐅᒡ ᒋ ‍ ᐅᓯᐊᐅᒡ ᓂᓱᔪᐤ ᐛᔅᑲᔭᔅᑯᓂᑭᓇ ᐊᓐᑕ ᓴᐅᓄᑕᒡ ᐃᑕᒐ ᐸᔭᒋ-ᐱᒍᐎᔭᓂᒋᐛᐱᒡ᙮
\v 24 ᑭᔭ ᓇᐎᔪᐤ ᐊ ‍ ᓱᓇᔭᐱᔅᑯᔨᒋ ᑕᑕᐃᑭᓇ ᒋ ‍ ᐅᓯᐊᐅᒡ ᒐᒋ ᐅᒋ ‍ ᒋᑭᒧᐎᔨᒋ ᐊᓐᑕ ᐊᓇᒡ ᓂᓱᔪᐤ ᐛᔅᑲᔭᔅᑯᓂᑭᓇ, ᓇᓂᓱ ᑕᑕᐃᑭᓇ ᐊᓐᑕ ᓴᒄ ᐸᐃᒄ ᐛᔅᑲᔭᔅᑯᓂᑭᓂᒡ, ᒐᒋ ᒋᒥᑕᒋ ᐛᔅᑲᔭᔅᑯᓂᑭᓇ ᒐᒋ ᒥᒋᒪᔨᑭᓄᐅᒋ᙮
\v 25 ᓂᓱᔪᐤ ᒋ ‍ ᐅᓯᑕᐅᒡ ᐛᔅᑲᔭᔅᑯᓂᑭᓇ ᒋᐛᑎᓄᒡ ᐃᑕᒐ ᐸᔭᒋ-ᐱᒍᐎᔭᓂᒋᐛᐱᒡ ᒐᒋ ᒋᒥᑕᔨᒋ᙮
\v 26 ᑭᔭ ᓇᐎᔪᐤ ᐊ ‍ ᓱᓇᔭᐱᔅᑯᔨᒋ ᑕᑕᐃᑭᓇ, ᓂᓱ ᑕᑕᐃᑭᓇ ᐊᓇᒡ ᐸᐃᒄ ᐛᔅᑲᔭᔅᑯᓂᑭᓂᒡ᙮
\v 27 ᑭᔭ ᐊᓱᑕᒡ ᐛᔅᑲᔭᔅᑯᓂᑭᓇ ᐊᓐᑕ ᐅᑕᒡ ᐸᔭᒋ-ᐱᒍᐎᔭᓂᒋᐛᐱᒡ, ᐊᑎᒪᐱᓯᒧᑕᒡ ᐃᑕᒐ,
\v 28 ᑭᔭ ᓂᓱ ᐛᔅᑲᔭᔅᑯᓂᑭᓇ ᐊᓐᑕ ᐊ ‍ ᒋᒐᔭᒡ ᐅᑕᒡ ᐸᔭᒋ-ᐱᒍᐎᔭᓂᒋᐛᐱᒡ᙮
\v 29 ᒋ ‍ ᐊᓂᔅᑯᓯᒪᐅᒡ ᐊ ‍ ᒋᒐᔭᒡ ᐛᔅᑲᔭᔅᑯᓂᑭᓇ ᐊᓐᑕ ᐊᓇᒡ ᐃᔅᐱᔅ ᑕᐧᑯᒡ᙮ ᒋ ‍ ᒋᑭᒺᐅᒡ ᓯᒋᐸᒋᑭᓇ ᐊᓐᑕ ᑕᐧᑯᒡ ᐊ ‍ ᒋᒐᔭᔨᒡ ᐊ ‍ ᓂᓯᔨᒋ ᐛᔅᑲᔭᔅᑯᓂᑭᓇ ᒐᒋ ᒋᑭᒧᔨᒋ ᓯᐸᔅᑯᓂᑭᓇ᙮
\v 30 ᐊᑯ ᒪᒧᐤ ᔭᓇᐤ ᐛᔅᑲᔭᔅᑯᓂᑭᓇ ᒋ ‍ ᐃᑕᑎᓂᔨᐛ ᑭᔭ ᐊᓱᑕᒡ ᑕᑐᓴᑉ ᑕᑕᐃᑭᓇ ᐊ ‍ ᓱᓇᔭᐱᔅᑯᔨᒋ, ᓇᓂᓱ ᐊᓇᒡ ᐛᔅᑲᔭᔅᑯᓂᑭᓂᒡ ᒋ ‍ ᑎᑯᓇ᙮
\v 31 ᐱᑕᑕᒡ ᑕᑐᓴᑉ ᓯᐸᔅᑯᓂᑭᓇ ᒋ ‍ ᐅᓯᐊᐅᒡ ᐊᑲᓯᔭ ᒥᔅᑎᒂ ᐅᒡ, ᐱᑕᑕᒡ ᓯᐸᔅᑯᓂᑭᓇ ᐊᓐᑕ ᐛᔅᑲᔭᔅᑯᓂᑭᓂᒡ ᐊᓐᑕ ᐅᐱᒪ ᐸᔭᒋ-ᐱᒍᐎᔭᓂᒋᐛᐱᒡ ᐃᑕᒐ,
\v 32 ᑭᔭ ᐱᑕᑕᒡ ᓯᐸᔅᑯᓂᑭᓇ ᐊᓐᑕ ᐛᔅᑲᔭᔅᑯᓂᑭᓂᒡ ᒂᔅᑕᒐ ᐃᑕᒐ ᐸᔭᒋ-ᐱᒍᐎᔭᓂᒋᐛᐱᒡ᙮ ᑭᔭ ᐱᑕᑕᒡ ᓯᐸᔅᑯᓂᑭᓇ ᐊᓐᑕ ᐛᔅᑲᔭᔅᑯᓂᑭᓂᒡ ᓂᔅᐸᒋᐅᓂᒡ ᐃᑕᒐ ᐅᑕᒡ ᐸᔭᒋ-ᐱᒍᐎᔭᓂᒋᐛᐱᒡ᙮
\v 33 ᓯᐸᔅᑯᓂᑭᓇ ᐊᓐᑕ ᒋᐛᑎᓄᒡ, ᓴᐅᓄᒡ ᑭᔭ ᐊᑎᒪᐱᓯᒧᒡ ᐃᑕᒐ ᒥᓯᐛ ᐊᔅᐱᓴᔨᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᑕᑕᐅᒡ ᐛᔅᑲᔭᔅᑯᓂᑭᓂᒡ ᒋᒋᑭᒧᑕᐅᒡ᙮
\v 34 ᐎᔄᐅᓱᓇᔭᔪᐤ ᒋ ‍ ᐎᔎᔭᒋᓂᒧᒡ ᓯᐸᔅᑯᓂᑭᓇ ᑭᔭ ᐛᔅᑲᔭᔅᑯᓂᑭᓇ ᑭᔭ ᒋ ‍ ᐅᓯᑕᐅᒡ ᐊ ‍ ᐎᔄᐅᓱᓇᔭᐎᒋ ᐛᐎᔭᐱᔎ ᐊᓐᑕ ᒐ ‍ ᑎᑯᓂᔨᒋ ᓯᐸᔅᑯᓂᑭᓇ᙮ ᐎᔄᐅᓱᓇᔭᐱᔅᑯᒡ ᐃᔭᐱᒡ ᒋ ‍ ᐎᔎᔭᒋᓂᒧᒡ ᓯᐸᔅᑯᓂᑭᓇ᙮
\p
\v 35 ᒋ ‍ ᐅᓯᑕᐅᒡ ᐊᑯᐛᑲᐃᑭᓂᔪᐤ ᐊ ‍ ᒥᔽᓯᔨᒋ ᐱᒍᐎᔭᓇ, ᐊ ‍ ᐱᔅᑭᓂᓯᔨᒋ ᑭᔭ ᐊ ‍ ᐱᒋᒥᓇᑯᓯᔨᒋ ᑭᔭ ᐊ ‍ ᒥᐧᑯᓯᔨᒋ ᐊᓯᑭᓇᔭᐱᔭ ᐅᒡ᙮ ᓇᐸᐅᒡ ᐊ ‍ ᑭᔅᒋᐅᒡ ᐊᐅᓯᑕᒡ ᒐᒂᔪᐤ ᒋ ‍ ᒥᒪᑕᐅᒂᑕᐅᒡ ᐊᓐᑕ ᐊ ‍ ᐅᑎᑎᑭᓄᐎᒋ ᐊᐛᓯᓴ᙮
\v 36 ᓇᐤ ᓯᑥᔎᐃᑭᓇ ᒋ ‍ ᐅᓯᐊᐅᒡ ᐊᑲᓯᔭ ᒥᑎᑯᒡ ᐅᒡ ᐊᓐᑕ ᒐ ‍ ᐊᑯᑕᔨᒡ ᐊᑯᐛᑲᐃᑭᓂᔪᐤ ᑭᔭ ᐎᔄᐅᓱᓇᔭᔪᐤ ᒋ ‍ ᐎᔎᔭᒋᓇᐅᒡ, ᑭᔭ ᒂ ‍ ᒋᑭᒧᑕᒡ ᐊᓐᑕ ᐊ ‍ ᐎᔄᐅᓱᓇᔭᐎᒋ ᓯᒋᐸᒋᑭᓇ᙮ ᐊᑯ ᒥᓐ ᓇᐤ ᐊ ‍ ᓱᓇᔭᐱᔅᑯᔨᒋ ᑕᑕᐃᑭᓇ ᒋ ‍ ᐅᓯᐊᐅᒡ ᐊᓐᑕ ᒐ ‍ ᒋᒥᓱᐎᒋ ᑭᔭ ᒐ ‍ ᒥᒋᒥᓂᑯᐎᒋ ᓯᑥᔎᔨᑭᓇ᙮
\v 37 ᐊᑯᐛᑲᐃᑭᓂᔪᐤ ᒋ ‍ ᐅᓯᑕᐅᒡ ᒐᒋ ᒋᐸᐃᑭᓄᐎᒡ ᐛᒋ ‍ ᐱᒐᓄᐎᔨᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᐊ ‍ ᒥᔽᔨᒋ ᐱᒍᐎᔭᓂᔪᐤ ᐅᒡ ᐊ ‍ ᓂᔅᑯᐛᐱᔅᑕᐛᒡ ᑲ ‍ ᐱᔅᑭᓂᓯᔨᒋ ᑭᔭ ᑲ ‍ ᐱᒋᒥᓇᑯᓯᔨᒋ ᑭᔭ ᑲ ‍ ᒥᐧᑯᓯᔨᒋ ᐊᓯᑭᓇᔭᐱᔭ ᐊ ‍ ᒥᒪᑕᐅᒂᑕᒡ᙮
\v 38 ᒋ ‍ ᐅᓯᐊᐅᒡ ᐱᑕᑕᒡ ᓯᑥᔎᐃᑭᓇ ᐊᑲᓯᐊ ᒥᔅᑎᒂ ᐅᒡ ᐊᓐᑕ ᒐ ‍ ᐊᑯᑕᐃᒡ ᐊᑯᐛᑲᐃᑭᓂᔪᐤ, ᐎᔄᐅᓱᓇᔭᔪᐤ ᒋ ‍ ᐎᔎᔭᒋᓇᐅᒡ, ᓯᒋᐸᒋᑭᓇ ᐊ ‍ ᒋᑭᒧᔨᒋ; ᐱᑕᑕᒡ ᐊ ‍ ᐎᔄᐛᐱᔅᑯᔨᒋ ᑕᑕᐃᑭᓇ ᒋ ‍ ᐅᓯᐊᐅᒡ ᐊᓐᑕ ᒐ ‍ ᒋᒥᓱᐎᔨᒋ ᓯᑥᔎᐃᑭᓇ᙮\fig Tabernacle in the wilderness|Exo36-08-co00844b.tif|col||© 1996 David C Cook|ᐸᔭᒋ-ᐱᒍᐎᔭᓂᒋᐛᑉ|36.38\fig*
\c 37
\s1 ᐸᔭᒋ-ᒥᐅᑦ
\p
\v 1 ᐸᓴᓕᓪ ᒋ ‍ ᐅᓯᑕᐤ ᐸᔭᒋ-ᒥᐅᑎᔪᐤ ᐊᑲᓯᔭ ᒥᔅᑎᒂ ᐅᒡ ᓇᐎᔪᐤ ᐊᓱ ᐱᑕᑕᒡ ᒥᒋᒋᓐ ᐊ ᐃᓯ ‍ ᒋᓏᔨᒡ, ᓂᓱᔪᐤ ᐊᓱ ᓂᔄᐅᑕᒡ ᒥᒋᒋᓐ ᐊ ᐃᔅᐱᔅ ‍ ᐃᔨᑭᔅᑲᔨᒡ, ᓂᓱᔪᐤ ᐊᓱ ᓂᔄᐅᑕᒡ ᒥᒋᒋᓐ ᐊ ᐃᓯ ‍ ᐃᔅᐸᔨᒡ᙮
\v 2 ᐎᔄᐅᓱᓇᔭᔪᐤ ᒋ ‍ ᐎᔎᔭᒋᓂᒻ ᐱᑎᑭᒥᒡ ᑭᔭ ᐎᐎᑎᒥᒡ ᑭᔭ ᐊᓐᑕ ᒋᒡ ᐛᔅᑲ ᒋᐸᐃᑭᓂᒡ᙮
\v 3 ᒋ ‍ ᐅᓯᐊᐤ ᓇᐤ ᓯᒋᐸᒋᑭᓇ ᐊ ‍ ᐎᔄᐅᓱᓇᔭᐎᔨᒋ ᑭᔭ ᒋ ‍ ᒋᑭᒧᐛᐤ ᐸᐸᐃᒄ ᐊᓐᑕ ᐊ ‍ ᒋᒐᔭᒡ ᒥᐅᑎᒡ᙮
\v 4 ᒋ ‍ ᐅᓯᐊᐤ ᓂᓱ ᒥᔅᑎᑯᐧᑲᓇ, ᐎᔄᐅᓱᓇᔭᔪᐤ ᒋ ‍ ᐎᔎᔭᒋᓇᐤ᙮
\v 5 ᒋ ‍ ᐱᑕᔅᑯᓄᐤ ᒥᔅᑎᑯᐧᑲᓇ ᐊᓐᑕ ᐛᐎᔭᐱᔅᑯᒡ, ᐊᐅᑯᓐ ᒐ ᐅᒋ ‍ ᐱᒧᑕᐧᑯᓂᑭᓄᐅᒡ ᐸᔭᒋ-ᒥᐅᑦ᙮
\p
\v 6 ᒋ ‍ ᐅᓯᑕᐤ ᐎᔄᐅᓱᓇᔭᐤ ᒋᐸᐃᑭᓂᔪᐤ ᐊᓐᑕ ᒐ ‍ ᐛᐸᔨᑎᒧᐛᑭᓄᐎᒋ ᐃᔪᐛ ᐅᒥᒋᑐᑎᒧᐅᓂᔪᐛ᙮ ᓇᐎᔪᐤ ᐊᓱ ᐱᑕᑕᒡ ᒥᒋᒋᓐ ᐊ ᐃᔅᐱᔅ ‍ ᒋᓏᔨᒡ ᑭᔭ ᓂᓱᔪᐤ ᐊᓱ ᓂᔄᐅᑕᒡ ᒥᒋᒋᓐ ᐃᔅᐱᔅ ᐃᔨᑭᔅᑲᔨᒡ᙮
\v 7 ᒋ ‍ ᐅᓯᐊᐤ ᐃᔭᐱᒡ ᓂᓱ ᐊ ‍ ᐅᑎᑎᑭᓄᐎᒋ ᐊᐛᓯᓴ ᐎᔄᐅᓱᓇᔭᒡ ᐅᒡ᙮
\v 8 ᐸᐃᒄ ᐊᓂᔭ ᐊ ‍ ᓂᓯᔨᒋ ᐊ ‍ ᐅᑎᑎᑭᓄᐎᒋ ᐊᐛᓯᓴ ᐊᓐᑕ ᐊᔨᑐᐤ ᒋᐸᐃᑭᓂᒡ ᒋᒋᑭᒧᐊᐤ,
\v 9 ᐊᑯ ᐊᓐᒡ ᐊ ‍ ᐅᑎᑎᑭᓂᒡ ᐊᐛᓯᓯᒡ ᒋ ‍ ᑕᔅᑲᑐᐅᒡ ᐅᑎᑎᑭᓄᐛᒡ ᑭᔭ ᒋ ‍ ᐊᑯᓇᐊᒧᒡ ᒋᐸᐃᑭᓂᔪᐤ ᐊ ‍ ᒥᓯᑕᔅᑕᔨᒋ ᐅᑎᑎᑭᓄᐛᐛ᙮\fig The Ark of the Covenant|Exo37-01-CO00842B.TIF|col||© 1996 David C Cook|ᐸᓴᓕᓪ ᒋ ‍ ᐅᓯᑕᐤ ᐸᔭᒋ-ᒥᐅᑎᔪᐤ ᐊᑲᓯᔭ ᒥᔅᑎᒂ|37.9\fig*
\s1 ᒥᒋᓱᐛᑭᓇᑎᒄ
\p
\v 10 ᐱᓴᓕᓪ ᒋ ‍ ᐅᓯᑕᐤ ᒥᒋᓱᐛᑭᓇᑎᑯᔪᐤ ᓂᔅᑐᐎᔪᐤ ᐊᓱ ᐊᓱᑕᒡ ᒥᒋᒋᓐ ᐊᔅᐱᔅ ᒋᓏᔨᒡ ᑭᔭ ᔭᓇᐤ ᑕᑐᓴᑉ ᒥᒋᒋᓐ ᐊᔅᐱᔅ ᐃᔨᑭᔅᑲᔨᒡ, ᑭᔭ ᓂᓱᐎᔪᐤ ᐊᓱ ᓂᔄᐅᑕᒡ ᒥᒋᒋᓐ ᐊᔅᐱᔅ ᐃᔅᐸᔨᒡ᙮ ᐊᑲᓯᔭ ᒥᔅᑎᒂ ᒋ ‍ ᐊᐱᒋᐊᐤ᙮
\v 11 ᐎᔄᐅᓱᓇᔭᔪᐤ ᒋ ‍ ᐎᔎᔭᒋᓂᒻ ᑭᔭ ᑲ ‍ ᐎᔄᐅᓱᓇᔭᐅᔨᒋ ᐛᔅᑲᔅᑲᐃᑭᓇ ᒥᓯᐛ ᐊᓐᑕ ᐛᔅᑲ ᒋ ‍ ᒋᑭᒺᐊᐤ᙮
\v 12 ᒋ ‍ ᒋᑭᒧᑕᐤ ᐃᔭᐱᒡ ᒥᔅᑎᒂ ᐊᓐᑕ ᐛᔅᑲ ᒋᒡ ᒥᒋᓱᐛᑭᓇᑎᑯᒡ, ᓂᔅᑐ ᒥᒋᒋᓐ ᐊᔅᐱᔅ ᐃᔨᑭᔅᑲᔨᒡ, ᑭᔭ ᑲ ‍ ᐎᔄᐅᓱᓇᔭᐅᔨᒋ ᐛᔅᑲᔅᑲᐃᑭᓇ ᒋ ‍ ᒋᑯᒺᐊᐤ ᐊᓐᑕ ᐛᔅᑲ ᒋᒡ ᒥᔅᑎᑯᒡ᙮
\v 13 ᒋ ‍ ᐅᓯᐊᐤ ᓇᐤ ᐊ ‍ ᐎᔄᐅᓱᓇᔭᐅᔨᒋ ᐛᐎᔭᐱᔎ ᑭᔭ ᒋ ‍ ᒋᑭᒺᐊᐤ ᐊᓐᑕ ᐊ ‍ ᒋᒐᔭᔨᒡ ᒥᒋᓱᐛᑭᓇᑎᑯᒡ ᒥᒋᒪ ᐊ ‍ ᐅᔅᑲᑐᐎᔨᒡ᙮
\v 14 ᒥᒋᒪ ᒋᒡ ᒋ ‍ ᒋᑭᒺᐊᐤ ᐛᐎᔭᐱᔎ ᒐᒋ ᑕᐧᑯᓇᑭᓄᐎᔨᒡ ᒥᒋᓱᐛᑭᓇᑎᑯᔪᐤ᙮
\v 15 ᒋ ‍ ᐅᓯᐊᐤ ᓂᓱ ᒥᔅᑎᑯᐧᑲᓇ ᐊᑲᓯᔭ ᒥᔅᑎᒂ ᐅᒡ ᑭᔭ ᒋ ‍ ᐎᔎᔭᒋᓇᐤ ᐎᔄᐅᓱᓇᔭᔪᐤ, ᐊᐅᑯᓐᒡ ᐅᒡ ᒥᔅᑎᑯᐧᑲᓐᒡ ᒐᒋ ᐅᒋ ᑕᐧᑯᓂᑭᓄᐅᒡ ᐊ ‍ ᐱᐸᒧᑕᑭᓄᐅᒡ ᒥᒋᓱᐛᑭᓇᑎᒄ᙮
\v 16 ᒥᓯᐛ ᒐᒂᔪᐤ ᐊᓐᑕ ᒐ ‍ ᐊᐱᒋᑕᑭᓄᐎᒡ ᒥᒋᓱᐛᑭᓇᑎᑯᒡ ᐎᔄᐅᓱᓇᔭᔪᐤ ᒋ ᐅᒋ ‍ ᐅᓯᑕᐤ: ᓱᒥᓇᐳᔾ ᒥᓂᒂᑭᓇ ᑭᔭ ᐊᑐᔅᐳᐛᑭᓇ ᑭᔭ ᐎᔭᑭᓇ ᒐ ‍ ᐱᔅᑎᓂᒐᓄᐅᒡ ᓱᒥᓇᐳᔾ᙮
\s1 ᐛᔅᑕᓂᐱᒪᑭᓇᑎᒄ
\p
\v 17 ᒋ ‍ ᐅᓯᑕᐤ ᐛᔅᑕᓂᐱᒪᑭᓇᑎᑯᔪᐤ ᒋᒋᐛ ᐎᔄᐅᓱᓇᔭᔪᐤ ᐅᒡ᙮ ᒋ ‍ ᐅᓯᐊᐤ ᐃᔭᐱᒡ ᑕᑕᐃᑭᓇ ᑭᔭ ᐅᑎᐧᑯᓇ ᐊ ‍ ᐱᐱᑲᐃᑭᓄᐎᒡ ᐊ ‍ ᓄᑎᒪᔨᒡ ᐎᔄᐅᓱᓇᔭᔪᐤ ᐅᒡ ᑭᔭ ᒋ ‍ ᒥᒪᑕᐛᐱᔅᑲᐊᒻ ᐊᓐᑕ ᒥᓂᒂᑭᓇ ᐊᓱᔭᑭᓄᐅᑦ ᐱᒥᔾ ᑭᔭ ᐛᐱᑯᓂᔅᒐ ᑭᔭ ᐛᐱᑯᓐ ᓂᐱᔭ᙮
\v 18 ᓂᔅᑐ ᐅᑎᐧᑯᓐᒡ ᒋ ‍ ᑕᐅᒡ ᐊᔨᑐᐤ ᐊᓐᑕ ᐛᔅᑕᓂᐱᒪᑭᓇᑎᑯᒡ᙮ ᒪᒧᐤ ᐊᓱᑕᒡ ᒋ ‍ ᐃᑕᑎᓱᐅᒡ ᐅᑎᐧᑯᓐᒡ᙮
\v 19 ᓂᔅᑐ ᒥᓂᒂᑭᓂᔅᒐ ᐊᓐᑕ ᐊᓱᔭᑭᓄᐅᑦ ᐱᒥᔾ ᒧᔭᒻ ᐛᐱᑯᓂᓯᒡ ᐊ ‍ ᐃᓯᓇᑯᓂᔨᒋ ᒋ ‍ ᒋᑭᒧᐛ ᐊᓐᑕ ᐸᐃᒄ ᐅᑎᐧᑯᓂᒡ᙮ ᒪᒧᐤ ᐊᓱᑕᒡ ᒋ ‍ ᐃᑕᑎᓇ ᐊᓐᑕ ᐛᔅᑕᓂᐱᒪᑭᓇᑎᑯᒡ᙮
\v 20 ᐊᓐᑕ ᑕᑕᐅᒡ ᐛᔅᑕᓂᐱᒪᑭᓇᑎᑯᒡ ᓇᐤ ᐊ ‍ ᒥᒪᑕᐛᐱᔅᑲᐃᑭᓄᐅᒋ ᐱᑲᓐ ᐛᐱᑯᓇ ᐊᓯᒡ ᐛᐱᑯᓂᔅᒐ᙮
\v 21 ᐸᐃᒃ ᐛᐱᑯᓂᔅᒡ ᒋ ‍ ᒋᑭᒧᐤ ᐊᓇᒡ ᐊ ‍ ᓂᓯᒡ ᐅᑎᐧᑯᓂᒡ᙮ ᒪᒧᐤ ᒋ ‍ ᓂᔅᑎᓇ ᐊ ‍ ᓇᓂᓱᒧᒋ ᐅᑎᐧᑯᓇ᙮
\v 22 ᒥᓯᐛ ᐊᓐ ᐛᔅᑕᓂᐱᒪᑭᓇᑎᒄ ᐊᓯᒡ ᐅᑎᐧᑯᓐᒡ ᑭᔭ ᐛᐱᑯᓇ ᐊ ‍ ᓄᑎᒪᒡ ᐎᔄᐅᓱᓇᔭᐤ ᒋ ᐅᒋ ‍ ᐅᓯᑕᑭᓄᐤ᙮
\p
\v 23 ᐸᓴᓚᓪ ᐃᔭᐱᒡ ᒋ ‍ ᐅᓯᐊᐤ ᓂᔄᐅᑕᒡ ᐛᔅᑕᓂᐱᒪᑭᓇ ᑭᔭ ᐊ ‍ ᐃᑕᐱᒋᑕᑭᓄᐎᒋ ᒐᒂᔪᐛ ᐊᓯᒡ ᐛᔅᑕᓂᐱᒪᑭᓇᔭᐱᔪᐤ ᐊᒍᓴᑭᓄᐎᒡ ᑭᔭ ᐎᔭᑭᓂᔪᐤ ᒋᒋᐛ ᐎᔄᐅᓱᓇᔭᔪᐤ ᐅᒡ᙮
\v 24 ᓂᔄᐅᑕᒡ ᑕᑐᔪᐤ ᐊᓱ ᐱᑕᑕᒡ ᑕᑐᐤ ᑎᐸᐸᑲᐃᑭᓇ ᒋ ᐃᔅᐱᔅ ‍ ᐊᐱᑎᓐ ᐎᔄᐅᓱᓇᔭᐤ ᐊ ‍ ᐅᓯᑕᑭᓄᐅᒡ ᐛᔅᑕᓂᐱᒪᑭᓇᑎᒄ ᑭᔭ ᒥᓯᐛ ᐊ ‍ ᐃᑕᐱᑎᒡ ᒐᒂᓐ᙮\fig |Exo37-24-hk00257c.tif|col|Altar, candlestick, shewbread|Horace Knowles © The British & Foreign Bible Society, 1954|ᒥᒋᓱᐛᑭᓇᑎᒄ, ᐛᔅᑕᓂᐱᒪᑭᓇᑎᒄ, ᑭᔭ ᐱᔅᑎᓂᒐᐅᓇᐱᔅᒄ ᐊᓐᑕ ᒐ ‍ ᓯᔅᑲᐃᑭᓄᐅᒋ ᐎᒋᒪᓯᑭᓇ|37.24\fig*
\s1 ᐱᔅᑎᓂᒐᐅᓇᐱᔅᒄ ᐊᓐᑕ ᒐ ‍ ᓯᔅᑲᐃᑭᓄᐅᒋ ᐎᒋᒪᓯᑭᓇ
\p
\v 25 ᐱᓴᓕᓪ ᒋ ‍ ᐅᓯᑕᐤ ᐱᔅᑎᓂᒐᐅᓇᐱᔅᑯᔪᐤ ᒐᒋ ᓯᔅᑲᐃᑭᓂᔨᒋ ᐎᒋᒪᓯᑭᓇ, ᐊᑲᓯᐊ ᒥᔅᑎᒂ ᒋ ‍ ᐊᐱᒋᐊᐤ᙮ ᒋ ‍ ᑭᒋᒐᔭᐤ ᐊᓐ ᐱᔅᑎᓂᒐᐅᓇᐱᔅᒄ ᑭᔭ ᔭᓇᐅᑕᑐᓴᑉ ᒥᒋᒋᓐ ᒋ ‍ ᐃᔅᐱᓯᑕᐤ ᑭᔭ ᓂᔅᑐᔪᐤ ᐊᓱ ᐊᓱᑕᒡ ᒥᒋᒋᓐ ᒋ ᐃᔅᐱᔅ ‍ ᐃᔅᐸᓂᑕᐤ ᑭᔭ ᒧᔭᒻ ᒥᒋᑎᒂ ᐅᑦ ᐊᔅᑭᓂᔨᐛ ᐊᐅᒡ ᓴᑲᔅᑯᒧᔨᒋ ᐊᓐᑕ ᑕᐧᑯᒡ ᓇᐤ ᐊ ‍ ᒋᒐᔭᔨᒋ ᒋ ‍ ᐃᓯᓇᑯᑕᐤ᙮ ᐸᐃᑯᑕᐤ ᒥᔅᑎᒂ ᒋ ‍ ᐊᐱᒋᐊᐤ ᐊᓂᔭ ᑲ ‍ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ᙮
\v 26 ᐎᔄᐅᓱᓇᔭᐤ ᒋ ‍ ᐎᔅᑯᔭᒋᓂᒻ ᒥᓯᐛ ᐱᔅᑎᓂᒐᐅᓇᐱᔅᑯᔪᐤ ᑭᔭ ᐊᓂᔭ ᒥᒋᑎᒂ ᐅᑦ ᐊᔅᑭᓂᔨᐛ ᐊᐅᒡ ᓴᑲᔅᑯᒧᔨᒋ ᑭᔭ ᐛᔅᑲ ᐊᓐᑕ ᒋᒋᑭᒺᐊᐤ ᑲ ‍ ᐎᔄᐅᓱᓇᔭᐎᒋ ᐛᔅᑲᔅᑲᐃᑭᓇ᙮
\v 27 ᔭᓯᒄ ᐊᓐᑕ ᐛᔅᑲᔅᑲᐃᑭᓇ ᒐᑯᒧᐎᔨᒋ, ᓇᓂᓱ ᐛᐎᔭᐱᔎ ᒋ ‍ ᒋᑭᒧᑕᐤ ᐊᓐᑕ ᐊᔨᑐᐤ ᒥᐅᑎᒡ ᒐᒋ ᓴᑯᓯᒪᑭᓄᐅᒡ ᐊᓐᑕ ᒥᔅᑎᑯᐧᑲᓐᒡ ᒐᒋ ᐱᐸᒧᑕᑭᓄᐅᒡ ᒥᐅᑦ᙮
\v 28 ᐊᑲᓯᔭ ᒥᔅᑎᒂ ᒋ ‍ ᐊᐱᒋᐊᐤ ᑲ ‍ ᐅᓯᐊᑦ ᒥᔅᑎᑯᐧᑲᓇ ᒐ ‍ ᓴᑯᓯᒪᑦ ᐛᐎᔭᐱᔅᑯᒡ ᑭᔭ ᐎᔄᐅᓱᓇᔭᔪᐤ ᒋ ‍ ᐎᔎᔭᒋᓇᐤ᙮
\p
\v 29 ᒋ ‍ ᐅᓯᐊᐤ ᐃᔭᐱᒡ ᐸᔭᒋ ᑐᒥᓂᒐᐅ-ᐱᒥᔭ ᑭᔭ ᐎᒋᒪᓯᑭᓂᔪᐤ ᐊ ‍ ᒪᒧᐱᔨᑕᑦ ᒧᔭᒻ ᑲᐎᒋᒪᑯᓯᔨᒡ᙮
\c 38
\s1 ᐱᔅᑎᓂᒐᐅᓇᐱᔅᒄ ᐊᓐᑕ ᒐ ‍ ᓯᔅᑲᐃᑭᓄᐅᒋ ᐎᒋᒪᓯᑭᓇ
\p
\v 1 ᐱᓴᓕᓪ ᒋ ‍ ᐅᓯᑕᐤ ᐱᔅᑎᓂᒐᐅᓇᐱᔅᑯᔪᐤ ᐊᑲᓯᔭ ᒥᔅᑎᒂ ᐅᒡ ᒐᒋ ᒥᑐᔅᑕᐊᒧᐛᑯᓂᔨᒋ ᑎᐸᔨᒋᒐᓱᐛ᙮ ᓂᔄᐅᑕᒡ ᒪᒃ ᐳᔅᒄ ᒥᓯᑦ ᒋ ᐃᔅᐱᔅ ‍ ᒋᓏᔪᐤ ᑭᔭ ᓂᔄᐅᑕᒡ ᒪᒃ ᐳᔅᒄ ᒥᓯᑦ ᒋ ᐃᔅᐱᔅ ‍ ᐃᔨᑭᔅᑲᔭᐤ, ᓇᐤ ᒪᒃ ᐳᔅᒄ ᒥᓯᑦ ᒋ ᐃᔅᐱᔅ ‍ ᐃᔅᐸᓂᑯᑕᔪᐤ᙮
\v 2 ᒧᔭᒻ ᐊ ‍ ᒋᒥᓱᐎᑥᐎ ᐊᔅᑭᓇ ᐊᓐᑕ ᓇᐤ ᐊ ‍ ᒋᒐᔭᒋ ᒋ ‍ ᐃᓯᓇᑯᑕᐤ᙮ ᐊ ‍ ᐸᐃᒂᒡ ᒋ ‍ ᐃᓯᓇᑯᓐ ᐊᓯᒡ ᐱᔅᑎᓂᒐᐅᓇᐱᔅᒄ᙮ ᑭᔭ ᒥᓯᐛ ᑲ ‍ ᐎᔄᐛᐱᔅᑯᔨᒡ ᒋ ‍ ᐎᔎᔭᒋᓂᒻ᙮
\v 3 ᐃᔭᐱᒡ ᒋ ‍ ᐅᓯᑕᐤ ᒐ ‍ ᐃᑕᐱᑎᓂᔨᒋ ᒐᒂᔪᐛ ᐱᔅᑎᓂᒐᐅᓇᐱᔅᑯᒡ: ᑭᔅᑭᒋᔭᑭᓇ ᒐᒋ ᐱᑕᐃᑭᓄᐅᒋ ᐊᓐᑕ ᐊ ‍ ᐱᒥᐅᐎᒋ ᑭᔅᑕᐛ ᑭᔭ ᒋ ‍ ᐅᓯᑕᐤ ᐃᔭᐱᒡ ᒥᑲᐃᐸᑭᓇ ᒐᒋ ᐛᐸᔨᑭᓄᐎᒋ ᑭᔅᑕᐛ᙮ ᐎᔭᑭᓇ ᑭᔭ ᒋᔅᑕᒥᒋᓱᐛᑭᓇ ᒋ ‍ ᐅᓯᐊᐤ ᒐᒋ ᒂᔎᔨᑭᓄᐎᔨᒡ ᐎᔭᓯᔪᐤ ᒪᒂᒡ ᐸᒥᓄᐛᓄᐎᔨᒋ ᑭᔭ ᐊᔅᒋᒂ ᒐᒋ ᓱᑕᑭᓄᐎᒋ ᐊ ‍ ᒋᓯᑕᔨᒋ ᑭᔅᑕᐛ᙮ ᒥᓯᐛ ᒐᒂᓐ ᐎᔄᐛᐱᔅᑯᒡ ᒋ ᐅᒋ ‍ ᐅᓯᑕᑭᓄᐤ᙮
\v 4 ᒋ ‍ ᐅᓯᑕᐤ ᐊ ‍ ᐎᔄᐛᐱᔅᑯᔨᒡ ᐃᐸᐱᔅᑯᔪᐤ ᒐ ‍ ᑕᐧᑯᓯᔅᑕᑭᓄᔨᒋ ᐊ ‍ ᐃᔎᑕᒋ ᒥᑕ ᑭᔭ ᑭᔅᑕᐛ᙮ ᒋ ‍ ᒋᑭᒧᑕᐤ ᐊᓐᑕ ᐊᒋᒐᔨᒡ ᐊ ‍ ᐎᔄᐛᐱᔅᑯᔨᒡ ᐛᐎᔭᐱᔎ ᒐᒋ ᐅᒋ ‍ ᑕᐧᑯᓂᑭᓄᐅᐎᒡ ᐱᔅᑎᓂᒐᐅᓇᐱᔅᑯᔪᐤ᙮
\v 5 ᒋ ‍ ᒋᑭᒧᑕᐤ ᐊᓐᑕ ᐊ ‍ ᒋᒐᔭᔨᒡ ᐊ ‍ ᐎᔄᐛᐱᔅᑯᔨᒡ ᐛᐎᔭᐱᔎ ᒐᒋ ᐅᒋ ‍ ᑕᐧᑯᓇᑭᓄᐅᒡ ᐱᔅᑎᓂᒐᐅᓇᐱᔅᒄ᙮
\v 6 ᒋ ‍ ᐅᓯᐊᐤ ᒥᔅᑎᑯᐧᑲᓇ ᐊᑲᓯᔭ ᒥᔅᑎᑯᒡ ᐅᒡ ᒐ ᐅᒋ ‍ ᑕᐧᑯᓇᑭᓄᐎᒡ ᐱᔅᑎᓂᒐᐅᓇᐱᔅᑯᔪᐤ ᑭᔭ ᐎᔄᐛᐱᔅᑯᔪᐤ ᒋ ‍ ᐎᔎᔭᒋᓇᐤ᙮
\v 7 ᒋ ‍ ᓴᒂᐛᐤ ᒥᔅᑎᑯᐧᑲᓇ ᐊᓐᑕ ᐛᐎᔭᐱᔅᑯᒡ ᐊᔨᑐᐤ ᐱᔅᑎᓂᒐᐅᓇᐱᔅᑯᒡ ᒐᒋ ᐱᐸᒧᑕᑭᓄᐎᒡ᙮ ᒋ ‍ ᐅᓯᑕᐤ ᐱᔅᑎᓂᒐᐅᓇᐱᔅᑯᔪᐤ ᐊ ᐊᑲ ‍ ᒋᐸᐃᑭᓄᐎᒡ ᑲ ‍ ᒥᓴᔪᒋᓯᔨᒋ ᐊ ‍ ᐊᐱᒋᐊᑦ᙮
\p
\v 8 ᑭᔭ ᐃᔭᐱᒡ ᒋ ‍ ᐅᓯᑕᐤ ᐊ ‍ ᐎᔄᐛᐱᔅᑯᔨᒡ ᐛᐸᑲᐎᓱᔭᑭᓂᔪᐤ ᑭᔭ ᐊᑕᐧᑯᑎᔅᑕᔨᒡ ᐃᔎᐛ ᐅᐛᐱᒥᓱᓂᔨᐛ ᐅᒡ ᐊᓂᔭ ᑲ ‍ ᑯᐸᓇᐎᒋ ᐊᓐᑕ ᐛᒋ ‍ ᐱᒐᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮
\s1 ᐊᑐᐛᒡ ᐊ ‍ ᐱᐸᒧᑕᓄᒡ
\p
\v 9 ᒋ ‍ ᐅᓯᑕᐤ ᐊᑯᐛᑲᐃᑭᓇ ᐊ ‍ ᒥᔽᔨᒋ ᐱᒍᐎᔭᓂᔪᐤ ᐅᒡ ᒐᒋ ᒋᐸᐃᑭᓄᐎᒡ ᐊᔅᑲ ᐸᔭᒋ-ᐱᒍᐎᔭᓂᒋᐛᐱᔪᐤ᙮ ᐸᐃᑯ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐛ ᒥᓯᑦ ᒋ ᐃᔅᐱᔅ ‍ ᒋᓏᐤ ᐊᑯᐛᑲᐃᑭᓐ ᐊᓐᑕ ᓴᐅᓄᒡ᙮
\v 10 ᒐᒋ ᑯᑕᒡ ᐊᑯᐛᑲᐃᑭᓐ ᒋ ‍ ᐅᓯᐊᐤ ᓂᓱᔪᐤ ᓯᑥᔎᐃᑭᓇ ᑭᔭ ᑲ ‍ ᐎᔄᐛᐱᔅᒋᔨᒋ ᑕᑕᐃᑭᓇ ᐊᓯᒡ ᐊ ‍ ᓱᓇᔭᐱᔅᑯᔨᒋ ᓯᒋᐸᒋᑭᓇ ᑭᔭ ᐃᓴᒂ ᓱᓇᔭᐱᔅᑯᒡ ᐊᐎᔎᔭᒋᓂᑭᓄᐎᒋ᙮
\v 11 ᐸᐃᑯᑕᐤ ᒋ ‍ ᐃᑐᑎᒻ ᐊᓐᑕ ᒋᐛᑎᓄᒡ ᐃᑕᒐ ᐸᔭᒋ-ᐱᒍᐎᔭᓂᒋᐛᐱᒡ᙮
\p
\v 12 ᒋ ‍ ᐅᓯᑕᐤ ᐊᓐᑕ ᐊᑎᒪᐱᓯᒧᑕᒡ ᐃᑕᒐ ᐊᑯᐛᑲᐃᑭᓇ ᓂᓱᔪᐤ ᐊᓱ ᐸᑕᑕᒡ ᑎᐸᔎᐃᑭᓇ ᐊᔅᐱᔅ ᒋᓏᔨᒋ ᐊᓐᑕ ᐸᐃᑯᔪᐤ ᓯᑥᔎᐃᑭᓂᒡ ᐊᓐᑕ ᒐᒥᓱᐎᒋ ᐸᐃᑯᔪᐤ ᑕᑕᐃᑭᓇ ᐊᓯᒡ ᐊ ‍ ᓱᓇᔭᐱᔅᑯᔨᒋ ᓯᒋᐸᒋᑭᓇ ᑭᔭ ᐃᓴᒂ ᓱᓇᔭᐱᔅᑯᒡ ᐊᐎᔎᔭᒋᓂᑭᓄᐎᒋ᙮
\v 13 ᐊᑯ ᐊᓐᑕ ᐛᐱᓄᑕᒡ ᐃᑕᒐ ᐊᓐᑕ ᐛᒋ ‍ ᐱᒐᓄᐅᒡ: ᓂᔄᐅᑕᒡ ᑕᑐᔪᐤ ᐊᓱ ᐱᑕᑕᒡ ᒥᓯᑦ ᒋ ‍ ᐃᔅᐱᔅ ᐃᔨᑭᔅᑲᐤ᙮
\v 14 ᐊᓐᑕ ᐸᐃᒄ ᐊᔨᑐᐤ ᐛᒋ ‍ ᐱᒐᓄᐎᒡ ᒋ ‍ ᐅᓯᑕᐤ ᐊᑯᐛᑲᐃᑭᓇ ᓂᓱᔪᐤ ᐊᓱ ᓂᓱ ᒪᒃ ᐳᔅᒃ ᑕᑐᐤ ᒥᓯᑦ ᐊᔅᐱᔅ ᒋᓏᔨᒋ᙮ ᒋ ‍ ᐊᑯᑕᐤ ᐊᓐᑕ ᓂᔅᑐ ᓯᑥᔎᐃᑭᓂᒡ ᐊᓐᑕ ᑲ ‍ ᒋᒥᓱᐎᒋ ᓂᔅᑐ ᑕᑕᐃᑭᓇ᙮
\v 15 ᑭᔭ ᒂᔅᑕᒐ ᐃᑕᒐ ᓂᔄᐅᑕᒡ ᒪᒃ ᐳᔅᒄ ᑎᐸᔎᐃᑭᓇ ᐊᔅᐱᔅ ᒋᓏᒋ ᐊᓐᑕ ᓂᔅᑐ ᓯᑥᔎᐃᑭᓂᒡ ᐊᓐᑕ ᒐ ‍ ᒥᓱᒡ ᓂᔅᑐ ᑕᑕᐃᑭᓐᒡ᙮
\v 16 ᒥᓯᐛ ᐊᑯᐛᑲᐃᑭᓇ ᐊᓐᑕ ᐛᔅᑲ ᐊ ‍ ᒥᔽᓯᒡ ᐱᒍᐎᔭᓐ ᒋ ᐅᒋ ‍ ᐅᓯᑕᑯᓄᐎᐛ᙮
\v 17 ᒥᓯᐛ ᒋ ‍ ᐎᔄᐛᐱᔅᒍᐅᒡ ᑕᑕᐃᑭᓐᒡ, ᒥᒄ ᐊᓐᑕ ᑕᐧᑯᒡ ᒋ ‍ ᓱᓇᔭᐛᐱᔅᒍᐅᒡ, ᒋ ‍ ᐊᓂᔅᑯᓯᒪᐅᒡ ᓯᑥᔅᑲᐃᑭᓐᒡ ᐊᓐᑕ ᐃᓴᑯᒡ ᓱᓇᔭᐱᔅᑯᒡ ᑲ ‍ ᐎᔎᔭᒋᓇᑭᓄᐅᒡ᙮ ᐛᐎᔭᐱᔅᔎ ᑭᔭ ᓯᒋᐸᒋᑭᓇ ᓱᓇᔭᐱᔅᑯᒡ ᒋ ᐅᒋ ‍ ᐅᓯᑕᑭᓄᐛ᙮ 
\p
\v 18 ᐊᑯ ᐊᓐᑕ ᐊᑐᐛᒡ ᑎᔅᑐᐎᒡ ᐛᒋ ‍ ᐱᒐᓄᐅᒡ ᑭᔭ ᐸᔭᒋ-ᐱᒍᐎᔭᓂᒋᐛᐱᒡ, ᐱᓴᓕᓪ ᒋ ‍ ᐅᓯᑕᐤ ᐊᑯᐛᑲᐃᑭᓂᔪᐤ ᒐ ‍ ᐊᑯᑕᔨᒡ ᐊᓐᑕ ᐛᒋ ‍ ᐱᒐᓄᐎᒡ, ᐊ ‍ ᒥᔽᔨᒋ ᐱᒍᐎᔭᓂᔪᐤ ᐅᒡ ᑭᔭ ᑲ ‍ ᓂᑕᐅᒂᓱᑦ ᒋ ‍ ᒥᒪᑕᐅᒂᑎᒻ ᐊ ‍ ᐱᔅᑭᓂᓯᔨᒋ ᑭᔭ ᐊ ‍ ᐱᒋᒥᓇᑯᓯᔨᒋ ᑭᔭ ᐊ ‍ ᒥᐧᑯᓯᔨᒋ ᐊᓯᑭᓇᔭᐱᔭ ᐅᒡ᙮ ᓂᔅᑐᔪᐛ ᒥᓯᑦ ᐊᔅᐱᔅ ᐃᔅᐸᓂᑯᑕᔨᒡ ᒧᔭᒻ ᐊᓂᔭ ᑯᑎᒂ ᐊᑯᐛᑲᐃᑭᓇ᙮
\v 19 ᒥᓯᐛ ᐊᓂᔭ ᐊᑯᐛᑲᐃᑭᓇ ᓇᔅᒡ ᐛᒋ ‍ ᒥᔽᔅᒡ ᐱᒍᐎᔭᓐ ᒋ ᐅᒋ ‍ ᐛᓯᑕᑭᓂᔪᐛ᙮ ᒥᓯᐛ ᒋ ‍ ᐊᑯᑕᔪᐛ ᐊᓐᑕ ᓇᐤ ᓯᑥᔎᐃᑭᓂᒡ ᐊᑯ ᐊᓇᒡ ᒋ ‍ ᒋᑭᒧᐛ ᓇᐤ ᑲ ‍ ᐎᔄᐛᐱᔅᑯᔨᒋ ᑕᑕᐃᑭᓇ, ᑲ ‍ ᐎᔄᐛᐱᔅᑯᒡ ᐃᓴᒄ ᒥᓯᐛ ᒋ ᐅᒋ ‍ ᐛᓯᑕᑭᓂᔪᐛ ᐅᒡ᙮ ᑕᐧᑯᒡ ᐊᓐᒡ ᐛᔅᑲᔭᔅᑯᓂᑭᓇ ᒋ ‍ ᓱᓇᔭᐱᔅᑯᔪᐛ ᓄᑎᒻ ᐊ ‍ ᓇᐅᓂᔨᒋ ᐊᓂᔭ ᒥᓯᐛ ᓯᒋᐸᒋᑭᓇ᙮
\v 20 ᒥᓯᐛ ᒐᒂᓐ ᒐ ‍ ᐊᐱᑎᒡ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᒋᔅᑕᐸᒋᑭᓐᒡ ᐃᔭᐱᒋᐊᑭᓄᐅᒡ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᐊᓐᑕ ᐛᔅᑲ ᐊᑐᐛᒡ ᐊ ‍ ᐱᐸᒧᑕᓄᒡ ᐎᔄᐛᐱᔅᑯᒡ ᒋ ᐅᒋ ‍ ᐅᓯᑕᑭᓄᐅᐛ᙮
\s1 ᐸᔭᒋ-ᐱᒍᐎᔭᓂᒋᐛᐱᒡ ᒐ ‍ ᐃᑕᐱᑎᔨᒋ ᒐᒂᔪᐛ
\p
\v 21 ᐊᐅᑯᐤ ᑲ ᐃᓯ ‍ ᒪᔅᑎᓂᑭᓄᐅᒡ ᒥᓯᐛ ᐃᓴᒄ ᑲ ‍ ᐊᐱᑎᒡ ᐊ ‍ ᒋᒥᑕᑭᓄᐅᒡ ᐸᔭᒋ-ᐱᒍᐎᔭᓂᒋᐛᑉ᙮ ᒧᓱᔅ ᒋ ‍ ᐃᑎᓱᒪᓯᐱᓐ ᓕᐸᐃ ᐃᔪᐛ ᐊ ‍ ᐃᑎᔅᑲᓇᓯᔨᒋ ᒐᒋ ᒋᒥᔨᒋ ᒥᓯᐛ ᒐᒂᔪᐤ ᑲ ‍ ᐊᐱᒋᑕᑭᓄᐎᒡ ᑭᔭ ᒐᒋ ᒥᓯᓇᒥᔨᒋ ᒥᓯᐛ ᒐᒂᔪᐤ ᑲ ‍ ᐊᐱᑎᓂᔨᒡ᙮ ᐃᑕᒪᕐ ᐊᕋᓐ ᐅᑯᓴ, ᓇᑭᑐᐛᔨᒪᐤ ᑲ ‍ ᒋᑕᓱᐎᒋ᙮
\v 22 ᐸᓴᓕᓪ ᔪᕆ ᐅᑯᓴ, ᐅᕐ ᐅᔅᒋᒪ ᒥᓯᐛ ᒋ ‍ ᐅᓯᑕᐤ ᑎᐸᔨᒋᒐᓱᐛ ᑲ ‍ ᐃᑎᓱᒪᔨᒋ ᒧᓱᓴ ᒐᒂᔪᐤ ᒐᒋ ᐛᓯᑕᑭᓄᔨᒡ᙮
\v 23 ᐱᓴᓕᓪ ᐅᐦᐅᓕᐊᐸ, ᐊᐦᐃᓴᒪᑲ ᐅᑯᓯᔨᐛ, ᑕᐊᓐ ᐃᔪᐛ ᑲ ‍ ᐃᑎᔅᑲᓇᓯᔨᒋ, ᒋ ‍ ᐎᒋᐃᑯᐤ᙮ ᐅᐦᐅᓕᐊᑉ ᒋ ‍ ᑭᔅᒋᐅᐤ ᐊᐅᓯᑕᑦ ᒐᒂᔪᐤ ᑭᔭ ᐊ ‍ ᒥᒪᑕᐅᓯᓇᔨᒐᑦ ᑭᔭ ᐊ ‍ ᒥᒪᑕᐅᒂᓱᑦ ᐊ ‍ ᐱᔅᑭᓂᓯᔨᒋ ᑭᔭ ᐊ ‍ ᐱᒋᒥᓇᑯᓯᔨᒋ ᑭᔭ ᐊ ‍ ᒥᐧᑯᓯᔨᒋ ᐊᓯᑭᓇᔭᐱᔭ ᑭᔭ ᐊ ‍ ᒥᔽᓯᔨᒋ ᐱᒍᐎᔭᓇ ᐊ ‍ ᐊᐱᒋᐊᑦ᙮ 
\v 24 ᓂᔄᐤ ᒐᓯᐱᔪᐤ ᐊᓱ ᐸᐃᑯᒥᑕᓯᒥᑎᓄᐤ ᐊᓱ ᐸᐃᑯᔅᑕᐤ ᑕᑐᔪᐤ ᐊᓱ ᐱᑕᑕᒡ ᑎᐸᐸᑲᐃᑭᓇ, ᒋᔅᐱᔅ ᐊᐱᑎᓐ ᐎᔄᐅᓱᓇᔭᐤ ᐊ ‍ ᐅᓯᑕᑭᓄᐅᒡ ᐸᔭᒋ-ᐱᒍᐎᔭᓂᒋᐛᑉ᙮
\p
\v 25 ᒥᓯᐛ ᓱᓇᔭᐱᔅᒄ ᑲ ‍ ᐱᔅᑎᓂᒐᓄᐅᒡ ᒋ ‍ ᒋᑕᑭᓄᐤ ᐸᔭᒋ-ᐱᒍᐎᔭᓂᒋᐛᐱᒡ ᐊ ‍ ᑎᐸᐸᑲᐃᑭᓄᐅᒡ ᓱᓇᔭᓇᐱᔅᒃ ᒋ ‍ ᐊᐱᒋᑕᑭᓄᐤ᙮ ᓂᔄᐅᑕᒡ ᒐᓯᐱᔪᐤ ᐊᓱ ᐱᑕᑕᒡ ᑕᑐ ᒥᑕᓯᒥᑎᓄᐤ ᒋ ‍ ᑕᑎᐸᐸᑲᐃᑭᓇᔭᐤ᙮
\v 26 ᒥᓯᐛ ᓇᐸᐅᒡ ᑲ ‍ ᓂᓱᔪᐛᐳᓇᓯᒡ ᑭᔭ ᐅᔅᑕ ᒋ ‍ ᒋᒪᑭᓄᐎᒡ ᑭᔭ ᒥᓯᐛ ᐊᐛᓐ ᒋ ‍ ᒋᓯᐧᑲᓱᐤ ᐊᓂᔭ ᑕᓐ ᑲ ᐃᓯ ‍ ᓂᑐᐛᔨᑎᒧᐛᑭᓄᐅᑦ᙮ ᒥᓯᐛ ᐊ ‍ ᒋᒪᑭᓄᐅᒡ ᐊᓐᒡ ᓇᐸᐅᒡ ᐊᓱᑕᒡ ᑕᑐ ᒥᑕᓯᒥᑎᓄᐤ ᐊᓱ ᓂᔍᐤ ᒐᓯᐱᔪᐤ ᐊᓱ ᐱᑕᑕᒡ ᑕᑐ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐤ ᒋ ‍ ᐃᑕᑎᓱᐅᒡ᙮
\v 27 ᓂᔄᐅᑕᒡ ᑕᑐᔪᐤ ᐊᓱ ‍ ᐱᑕᑕᒡ ᑎᐸᐸᑲᐃᑭᓇ ᓱᓇᔭᐱᔅᒄ ᒋ ‍ ᐊᐱᒋᑕᑭᓄᐤ ᒐᒋ ᐅᓯᐊᑭᓄᑦ ᐸᐃᒄ ᐊᓐ ᐊ ‍ ᐸᐃᑯᒥᑕᓯᒥᑎᓄᐛᓯᒡ ᑕᑕᐃᑭᓐᒡ ᐊᓐᑕ ᒐ ‍ ᒋᒥᓱᒡ ᓯᑥᔅᑲᐃᑭᓐᒡ ᐊᓐᑕ ᒐ ‍ ᐊᑯᑕᒋ ᐊᑯᐛᑲᐃᑭᓇ ᐸᔭᒋ-ᐱᒍᐎᔭᓂᒋᐛᐱᒡ᙮
\v 28 ᐱᓴᓕᓪ ᑭᔭ ᐎᒋᑐᔅᒐᐛ ᐱᑕᑕᒡ ᑕᑐᔪᐛ ᑎᐸᐸᑲᐃᑭᓇ ᓱᓇᔭᐱᔅᑯᔪᐤ ᑲ ‍ ᐃᔅᑯᐱᔨᒡ ᒋ ᐅᒋ ‍ ᐅᓯᑕᐅᒡ ᓯᒋᐸᒋᑭᓇ ᐊᓐᑕ ᓯᑥᔎᔨᑭᓂᒡ ᒐ ‍ ᒋᑭᒧᐎᒋ ᒐᒋ ᐊᑯᓇᐃᑭᓄᐎᒋ ᑕᐧᑯᒡ ᓯᑥᔎᔨᑭᓇ᙮
\p
\v 29 ᐱᑕᑕᒡ ᒐᓯᐱᔪᐤ ᐊᓱ ᓂᔅᑐ ᒥᑕᓯᒥᑎᓄᐤ ᐊᓱ ᐸᐃᑯᔪᐤ ᑕᑐᐤ ᑎᐸᐸᑲᐃᑭᓇ ᒋ ᐃᔅᐱᔅ ‍ ᐱᔅᑎᓂᒐᐅᒡ ᐃᔪᒡ ᑲ ‍ ᐎᔄ ᐛᐱᔅᑲᔨᒡ᙮
\v 30 ᑕᑕᐃᑭᓇ ᒋ ‍ ᐅᓯᐊᐅᒡ ᑲ ‍ ᐎᔄᐛᐱᔅᑲᔨᒡ ᐅᒡ ᐊᓐᑕ ᒐ ‍ ᒋᒥᓱᐎᒋ ᓯᑥᔎᔨᑭᓇ ᐊᓐᑕ ᐛᒋ ‍ ᐱᔨᒐᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮ ᐱᔅᑎᓂᒐᐅᓇᐱᔅᑯᔪᐤ ᐊ ‍ ᐎᔄᐛᐱᔅᑯᔨᒡ ᐃᔭᐱᒡ ᒋ ‍ ᐅᓯᑕᐅᒡ ᐊᓯᒡ ᑭᔭ ᐃᐸᐱᔅᑯᔪᐤ ᑭᔭ ᐃᔭᐱᒋᑕᑭᓂᐎᒋ ᒐᒂᔪᐛ ᐱᔅᑎᓂᒐᐅᓇᐱᔅᑯᒡ᙮
\v 31 ᑭᔭ ᑕᑕᐃᑭᓇ ᐊᓐᑕ ᒐ ‍ ᒋᒥᓱᐎᒋ ᓯᑥᔎᔨᑭᓇ ᐊᓐᑕ ᒐ ‍ ᐊᑯᑕᔨᒋ ᐊᑯᐛᑲᐃᑭᓇ ᐊᑐᐛᔨᒡ ᐛᔅᑲ ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᑕᑕᐃᑭᓇ ᐊᓐᑕ ᐛᒋ ‍ ᐱᒐᓄᐎᔨᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᒥᓯᐛ ᒋᔅᑕᐸᒋᑭᓇ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᐊᓐᑕ ᐛᔅᑲ ᐊᑐᐛᔨᒡ ᑲ ‍ ᐱᐸᒧᑕᓄᐎᒡ᙮
\c 39
\s1 ᐊ ‍ ᐅᓯᑕᑭᓄᐅᒋ ᐊᔭᒥᐊᐅ-ᐊᐱᒋᑕᐅᓇ
\p
\v 1 ᐱᓴᓕᓪ ᑭᔭ ᐅᐦᐅᓕᐊᑉ ᑭᔭ ᑯᑎᑭᒡ ᐊᐛᓐᒋ ᑲ ‍ ᑭᔅᒋᐅᒡ ᐊᐅᓯᑕᒡ ᒐᒂᔪᐛ; ᒋ ‍ ᐅᓯᑕᐛᐅᒡ ᐊᔭᒥᐊᐅᒋᒪᐛ ᐅᑦ ᐊᔭᒥᐊᐅ-ᐊᐱᒋᑕᐅᓂᔨᐛ᙮ ᒋ ‍ ᐅᓯᑕᐛᐅᒡ ᐊᕋᓇ ᐊ ‍ ᒥᔽᔨᒋ ᐊᐱᒋᑕᐅᓇ ᐊ ‍ ᐱᔅᑭᓂᓯᔨᒋ, ᐊ ‍ ᐱᒋᒥᓇᑯᓯᔨᒋ ᑭᔭ ᐊ ‍ ᒥᐧᑯᓯᔨᒋ ᐊᓯᑭᓇᔭᐱᔭ ᐅᒡ ᒐᒋ ᒋᔅᑭᒥᔨᒋ ᒪᒂᒡ ᐊᑐᔅᒐᔨᒋ ᐊ ‍ ᐊᔭᒥᐊᐅᒋᒪᐎᔨᒋ ᐊᓐᑕ ᑲ ‍ ᐸᔭᒋ-ᐱᔅᒋᒐᔨᒡ, ᒧᔭᒻ ᑎᐸᔨᒋᒐᓱᐤ ᑲ ‍ ᐃᑎᓱᒪᑦ ᒧᓱᓴ᙮
\s1 ᐊᔅᐱᒋᑯᓇᐅᓐ
\p
\v 2 ᒋ ‍ ᐅᓯᑕᐅᒡ ᓇᔅᒡ ᐛᒋ ‍ ᒥᔽᓯᔨᒡ ᐊᔅᐱᒋᑯᓇᐅᓂᔪᐤ ᐊ ‍ ᐱᔅᑭᓇᔨᒡ, ᐊ ‍ ᐱᒋᒥᓇᔨᒡ ᑭᔭ ᐊ ‍ ᒥᒂᔨᒡ ᑭᔭ ᓇᔅᒡ ᐛᒋ ‍ ᒥᔽᓯᔨᒡ ᐊ ‍ ᒥᔽᔨᒋ ᐱᒍᐎᔭᓂᔪᐤ ᐅᒡ᙮
\v 3 ᒋ ‍ ᐱᐱᒂᐊᒧᒡ ᐎᔄᐅᓱᓇᔭᐱᔅᑯᔪᐤ ᑭᔭ ᒋ ‍ ᐱᐱᒋᓯᒧᒡ ᒂ ᐊᑎ ‍ ᒥᒪᑕᐅᒂᑕᒡ ᐊᓐᑕ ᐛᒋ ‍ ᒥᔽᓯᔨᒡ ᐱᒍᐎᔭᓂᔪᐤ ᑭᔭ ᐊᓐᑕ ᐊ ‍ ᐱᔅᑭᓂᓇᔨᒡ, ᐊ ‍ ᐱᒋᒪᓇᔨᒡ ᑭᔭ ᐊ ‍ ᒥᒂᔨᒡ ᐱᒍᐎᔭᓂᒡ᙮
\v 4 ᒋ ‍ ᓂᓯᓂᔪᐛ ᓂᓱ ᒥᑎᑎᒥᓂᒡ ᒪᑯᐱᓱᐅᓇ ᐊᓂᔅᑯᑎᒋ ᐊᓐᑕ ᓂᓱ ᐊ ‍ ᒋᒐᔭᒋ ᒐᒋ ᒪᒧᑯᒧᒋ ᓂᑲᓐ ᑭᔭ ᐅᑕᒡ ᒥᑎᑎᒥᓂᒡ᙮
\v 5 ᑭᔭ ᐱᒂᑕᐅᓐ ᐸᐃᑯᑕᐤ ᒋᑭ ᐅᒋ ‍ ᐅᓯᑕᑭᓄᐤ ᑭᔭ ᒐ ‍ ᐊᓂᔅᑯᑎᓐ ᐊᓐᑕ ᐊᔅᐱᒋᑯᓇᐅᓂᒡ ᐊ ‍ ᐸᐃᒂᒡ ᒐᒋ ᐃᓯᓇᒂᒡ, ᒧᔭᒻ ᑎᐸᔨᒋᒐᓱᐤ ᑲ ‍ ᐃᑎᓱᒪᑦ ᒧᓱᓴ᙮
\p
\v 6 ᓂᓱ ᒋ ‍ ᒪᑎᓱᐛᐅᒡ ᑲ ‍ ᓱᓇᔭᐎᒋ ᐊᓯᓂᔭ ᐅᓂᒃᔅ ᐊᓯᓂᐧᑲᑕᒋ (ᐊ ‍ ᐎᐸᔨᒋ ᐊᓯᓂᔭ), ᐊᑯ ᐛᔅᑲ ᐊᓐᑕ ᒋᒡ ᒋ ‍ ᐎᔎᔭᒋᓂᒧᒡ ᐎᔄᐅᓱᓇᔭᔪᐤ ᑭᔭ ᐊᓐ ᐊᐛᓐ ᑲᔅᒋᑕᑦ ᐊ ‍ ᒪᑎᓴᐧᒃ ᐊᓯᓂᔭ ᒋ ‍ ᐎᓯᓇᑕᐊᒺᐤ ᐊᓐᑕ ᓂᓴᑉ ᒐᑭᐸ ᐅᑭᔅᒋᔪᐛ ᐅᑦ ᐃᓯᓂᐧᑲᓱᓂᔪᐛ᙮
\v 7 ᒋ ‍ ᒋᑭᒧᑕᐅᒡ ᐊᓯᓂᔭ ᐊᓐᑕ ᒥᑎᑎᒥᓂᒡ ᒪᑯᐱᓱᐅᓂᒡ ᐸᔭᒋ ‍ ᐊᔅᐱᒋᑯᓇᐅᓂᒡ ᐊ ‍ ᒋᔅᒋᑐᐛᑭᓄᐎᒋ ᓂᓴᑉ ᐃᔅᕋᐃᓪ ᐃᔪᐛ ᐊ ‍ ᐃᑎᔅᑲᓇᓯᔨᒋ, ᒧᔭᒻ ᑎᐸᔨᒋᒐᓱᐤ ᑲ ‍ ᐃᑎᓱᒪᑦ ᒧᓱᓴ᙮
\s1 ᒥᔅᑲᔅᒋᑭᓐ ᐱᑕᓱᐅᓐ
\p
\v 8 ᒋ ‍ ᐅᓯᑕᐅᒡ ᐸᔭᒋ ‍ ᒥᔅᑲᔅᒋᑭᓂ ‍ ᐱᑕᓱᐅᓂᔪᐤ᙮ ᐸᐃᑯᑕᐤ ᒐᒂᔪᐤ ᒋ ‍ ᐊᐱᒋᑕᐅᒡ ᑲ ‍ ᐅᓯᑕᒡ ᐸᔭᒋ ‍ ᐊᔅᐱᒋᑯᓇᐅᓂᔪᐤ ᑭᔭ ᐸᐃᑯᑕᐤ ᒋ ᐃᓯ ‍ ᒥᒪᑕᐅᒂᑎᒧᒡ᙮
\v 9 ᒋ ‍ ᑭᒋᒐᔭᐤ ᑭᔭ ᒋ ‍ ᓂᔄᒋᓇᑭᓄᐤ ᐊᓐ ᒐᒂᓐ ᑲ ᐅᒋ ‍ ᐅᓯᑕᑭᓄᐅᒡ ᐊᑯ ᐸᐃᑯᔅᑕᐤ ᒥᒋᒋᓐ ᒐᒋ ‍ ᐃᔅᐱᔅ ᒋᓏᒡ ᑭᔭ ᐸᐃᑯᔅᑕᐤ ᒥᒋᒋᓐ ᒐᒋ ᐃᔅᐱᔅ ᐃᔨᑭᔅᑲᒡ᙮
\v 10 ᒋ ‍ ᒋᑭᒧᑕᐅᒡ ᓇᐛᐤ ᐊᐱᒧᒂᑕᔨᒋ ᐊ ᒥᔅᑎ ‍ ᒥᔪᓯᓯᔨᒋ ᐊᓯᓂᔭ: ᐅᔅᑭᒡ ᕈᐱᔾ (ᑲ ‍ ᒥᒂᒡ ᐊᓯᓂᔾ), ᓂᓱ ᐛᒋ ‍ ᑎᒂᒡ ᐎᔄᐅᐤ ᐊᓯᓂᔾ ᑐᐸᔅ (ᑲ ‍ ᐎᔄᐅᓇᒂᒡ ᐊᓯᓂᔾ), ᐊᑯ ᓂᔅᑐ ᐛᒋ ‍ ᑎᒂᒡ ᑲᐊᕐᓂᑦ (ᑲ ‍ ᒥᒂᒡ ᐊᓯᓂᔾ)᙮
\v 11 ᐊᑯ ᑎᐛᒡ ᒥᓐ ᐊᓐᑕ ᐊᓇᒡ, ᐊᒥᕋᓪᑦ (ᑲ ‍ ᓯᐸᑯᓇᒂᒡ ᐊᓯᓂᔾ), ᑭᔭ ᓴᐸᐃᕐ (ᑲ ‍ ᐱᔅᑭᓇᒂᒡ ᐊᓯᓂᔾ), ᑭᔭ ᓱᓇᔭᐤ ᐊᓯᓂᔅ (ᐊ ‍ ᓴᐳᓇᒂᒡ ᐊᓯᓂᔾ)᙮
\v 12 ᐊᑯ ᐊᓐᑕ ᒐᑲᑦ ᒪᔅᑕᔾ: ᒐᓴᓐᑦ (ᑲ ‍ ᒥᒂᒡ ᐊᓯᓂᔾ), ᑭᔭ ᐊᑲᑦ (ᑲ ‍ ᐛᐸᒡ ᐊᓯᓂᔾ), ᒥᓐ ᐊᒪᑎᔅᑦ (ᑲ ‍ ᐸᔅᒍᓴᐅᓇᒂᒡ ᐊᓯᓂᔾ)᙮
\v 13 ᐊᑯ ᒪᔅᑕᔾ, ᐸᕆᓪ (ᑲ ‍ ᐎᔄᐅᓇᒂᒡ ᐊᓯᓂᔾ), ᑲᕐᓂᓕᔭᓐ (ᑲ ‍ ᒥᒂᒡ ᐊᓯᓂᔾ), ᒐᔅᐸᕐ (ᑲ ‍ ᓯᐸᑯᓇᒂᒡ ᐊᓯᓂᔾ)᙮ ᒥᓯᐛ ᐅᒡ ᐊ ‍ ᒥᔪᓯᓯᒡ ᐊᓯᓂᔨᒡ ᒋ ‍ ᒋᑭᒺᑭᓄᐎᒡ ᐎᔄᐅᐤ ᐊᓯᑭᓇᔭᐱᔨᒡ᙮
\v 14 ᒥᓯᐛ ᐊᓐᑕ ᐸᐸᐃᒄ ᐊᓂᓴᐳᒡ ᐊᓯᓂᔨᒡ ᒋ ‍ ᒥᓯᓇᑕᐃᑭᓄᔪᐛ ᒐᑭᑉ ᑲ ‍ ᓂᓴᐳᔨᒋ ᐅᑯᓴ ᐅᑦ ᐃᓯᓂᐧᑲᓱᐅᓂᔨᐛ ᓇᑲᓂᔅᑯᐛᔨᒋ ᓂᓴᑉ ᐊ ‍ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ᙮
\p
\v 15 ᓂᓱ ᒋ ‍ ᐅᓯᑕᐅᒡ ᐊ ‍ ᐎᔄᐅᓱᓇᔭᐱᔅᑯᐅᒋ ᐃᓴᒂᔭᐱᔭ ᐊ ‍ ᐱᐧᑲᑕᔨᒋ ᒐ ‍ ᒋᑭᒧᒋ ᐊᓐᑕ ᐱᑕᓱᐅᓂᒡ᙮ ᒐ ‍ ᒪᒧᑭᒧᐎᔨᒋ ᐊᓐᑕ ᐊᔅᐱᒋᑯᓇᐅᓂᒡ᙮
\v 16 ᓂᓱ ᐊ ‍ ᐎᔄᐅᓱᓇᔭᐱᔅᑯᐅᒋ ᓯᒋᐸᒋᑭᓇ ᒋ ‍ ᐅᓯᐊᐅᒡ ᑭᔭ ‍ ᒋ ‍ ᒋᑭᒺᐅᒡ ᐊᓐᑕ ᐃᔅᐱᒥᒡ ᐊ ‍ ᒋᒐᔭᒡ ᐊᔅᐱᒋᑯᓇᐅᓂᒡ᙮
\v 17 ᒋ ‍ ᒪᑯᐱᑎᒧᒡ ᓂᓱ ᐊ ‍ ᐎᔄᐛᐱᔅᑯᔨᒋ ᐃᓴᒂᔭᐱᔭ ᐊᓐᑕ ᓂᓱ ᐛᐎᔭᐱᔅᑯᒡ᙮
\v 18 ᒋ ‍ ᒪᑯᐱᑎᒧᒡ ᐊᔨᑐᐤ ᐊᓐᑕ ᐛᔅᑲ ᐎᔄᐅᓱᓇᔭᒡ ᐊᓯᓂᒡ ᐊᑯ ᐱᑕᓱᐅᓐ ᒐ ‍ ᒋᑭᒧᒡ ᐊᔅᐱᒋᑯᓇᐅᓂᒡ ᒥᑎᑎᒥᓂᒡ ᒪᑯᐱᓱᐅᓇᓂᒡ᙮
\v 19 ᓂᓱ ᒥᓐ ᐊ ‍ ᐎᔄᐅᓱᓇᔭᐱᔅᑯᐅᒋ ᓯᒋᐸᒋᑭᓇ ᒋ ‍ ᐅᓯᐊᐅᒡ ᐊᑯ ᒐ ‍ ᑭᒺᐊᒡ ᐊᓇᒡ ᐃᑕᒐ ᐸᔭᒋ ‍ ᐱᑕᓱᐅᓄᑎᒡ ᐊᓐᑕ ᒋᒡ ᐱᑎᓱᐤ ᒥᒋᒪ ᐊᔅᐱᒋᑯᓇᐅᓂᒡ᙮
\v 20 ᓂᓱ ᒥᓐ ᐊ ‍ ᐎᔄᐅᓱᓇᔭᐱᔅᑯᐅᒋ ᓯᒋᐸᒋᑭᓇ ᒋ ‍ ᐅᓯᐊᐅᒡ ᐊᑯ ᒂ ‍ ᒋᑭᒧᐛᒡ ᐊᓐᑕ ᔭᓯᒄ ᓂᑲᓐ ᐸᔭᒋ ‍ ᐱᑕᓱᐅᓂᒡ ᒥᑎᑎᒥᓂ ᒪᑯᐱᓱᐅᓂᒡ ᒥᒋᒪ ᐊᓐᑕ ᐊᐱᒥᒂᑕᔨᒡ ᑭᔭ ᑕᐧᑯᒡ ᐱᒂᑕᐅᓂᔪᐤ᙮
\v 21 ᒧᔭᒻ ᑎᐸᔨᒋᒐᓱᐤ ᑲ ‍ ᐃᑎᓱᒪᑦ ᒧᓱᓴ, ᒋ ‍ ᒪᑯᐱᑕᐅᒡ ᓂᓱ ᓯᒋᐸᒋᑭᓇ ᐸᔭᒋ ᐱᑕᓱᐅᓂᒡ ᐊᓐᑕ ᓯᒋᐸᒋᑭᓇ ᐊᔅᐱᒋᑯᓇᐅᓂᒡ ᐊᐱᔅᑭᓇᐸᑭᓂᔨᒡ ᐊᐱᓯᔪᐤ, ᐊᑯ ᑕᐧᑯᒡ ᒐ ‍ ᐊᑯᑕᒡ ᐸᔭᒋ ‍ ᐱᑕᓱᐅᓄᐅᑦ ᐱᒂᑕᐅᓂᒡ ᑭᔭ ᒐ ᐊᑲ ‍ ᐱᓯᑯᐱᔨᒡ ᐊᔅᐱᒋᑯᓇᐅᓂᒡ ᐅᒡ᙮
\s1 ᑯᑎᑲ ᒐᒂᔪᐛ ᐊᔭᒥᐊᐅᐊᐱᒋᑕᐅᓂᒡ
\p
\v 22 ᒋ ‍ ᐅᓯᑕᐅᒡ ᐊᔭᒥᐊᐤ ᐊᑯᐱᔪᐤ ᑕᒥᒡ ᐊᔅᐱᒋᑯᓇᐅᓂᒡ ᒐᒋ ᒋᔅᑲᑭᓄᐎᔨᒡ ᐊ ‍ ᐱᔅᑭᓂᓯᔨᒋ ᐊᓯᑭᓂᔭᐱᔭ ᐅᒋ᙮
\v 23 ᐊᑯ ᐊᓐᑕ ᑕᑕᐅᒡ ᐛᒋ ‍ ᐱᑯᓇᐃᔨᒡ ᐊᓐᑕ ᐅᔅᑎᒂᓂᒡ ᒐ ᐅᒋ ᐳᔅᑲᐧᒃ ᐊᔭᒥᐊᐅᒋᒪᐤ ᒋ ‍ ᑭᔅᒋᒂᑎᒧᒡ ᐱᒍᐎᔭᓂᔪᐤ ᐊ ‍ ᓱᒋᓇᑯᑕᒡ ᐊᓐᑕ ᐛᔅᑲ ᒐ ᐊᑲ ‍ ᐱᑯᐱᔨᒡ᙮
\v 24 ᐊᓇᒡ ᐊᓐᑕ ᐊ ‍ ᐅᓂᔎᑭᓂᔨᒡ ᐊᑯᐱᔪᐤ ᒐ ‍ ᒥᒪᑕᐅᒂᑎᒧᒡ ᑲ ‍ ᒥᒂᔨᒋ ᒥᔅᑎᒥᓇ ᑲ ‍ ᐱᔅᑭᓂᓯᔨᒋ, ᑲ ‍ ᐱᒋᒥᓇᑯᓯᔨᒋ, ᑭᔭ ᑲ ‍ ᒥᐧᑯᓯᔨᒋ ᐊᓯᑭᓇᔭᐱᔭ ᐊᐱᒋᐊᒡ᙮
\v 25 ᒋ ‍ ᒋᑭᒧᑕᐅᒡ ᑲ ‍ ᐎᔄᐅᓱᓇᔭᐱᔅᑯᐎᒋ ᒥᑥᐃᑭᓂᓴ ᐊᓐᑕ ᑎᔅᑐᐎᒡ ᒥᔅᑎᒥᓇ ᐊ ‍ ᑎᑯᓂᔨᒋ ᐊᓐᑕ ᐊᔅᐱᒂᓱᐅᓂᒡ ᐊ ‍ ᐅᓂᔎᑭᓂᔨᒡ ᐊᑯᐱᔪᐤ᙮
\v 26 ᒐᒋ ᐳᔅᑲᐧᒃ ᐊᕈᓐ ᒪᒂᒡ ᐊᑐᑕᒋ ᐅᑦ ᐊᑐᔅᒐᐅᓐ ᐊᔭᒥᐊᐅᒋᒪᐅᑦ᙮ ᒥᓯᐛ ᐅᔭ ᒐᒂᔪᐛ ᓇᐊᐤ ᒋ ‍ ᐃᓯᓇᑯᑕᑭᓄᔪᐛ ᒧᔭᒻ ᑎᐸᔨᒋᒐᓱᐤ ᑲ ‍ ᐃᑎᓱᒪᑦ ᒧᓱᓴ᙮
\p
\v 27 ᒋ ‍ ᐅᓯᑎᒧᐛᐅᒡ ᐱᒍᐎᔭᓇ ᐊᕋᓇ ᑭᔭ ᐅᑯᓯᔨᐛ᙮
\v 28 ᑭᔭ ᐃᔭᐱᒡ ᐅᐎᔎᔭᔅᑎᒂᓇᐱᓱᐅᓂᔨᐛ ᐱᒍᐎᔭᓂᔪᐤ ᐅᒡ ᒐᒋ ᒋᔅᑯᐛᔨᒋ ᐊᕈᓇ ᐅᔅᑎᒂᓂᔨᒡ᙮ ᒋ ‍ ᐅᓯᑎᒧᐛᐅᒡ ᐊᕈᓇ ᐅᑯᓯᔨᐛ ᐊᑯᓂᔎᐅᓇ ᑭᔭ ᐱᑐᑭᔅᒋᐱᓱᓇᓇ ᐱᒍᐎᔭᓂᔪᐤ ᐅᒡ᙮
\v 29 ᑭᔭ ᐱᒂᑕᐅᓂᔪᐤ ᐱᒍᐎᔭᓂᔪᐤ ᑭᔭ ᐊ ‍ ᐱᔅᑭᓂᓯᔨᒋ, ᐊ ‍ ᐱᒋᒥᓇᑯᔨᒋ ᑭᔭ ᐊ ‍ ᒥᐧᑯᓯᔨᒋᑦ ᐊᓯᑭᓂᔭᐱᔭ ᒋ ᐅᒋ ‍ ᐅᓯᑕᐅᒡ ᑭᔭ ᒋ ‍ ᒥᒪᑕᐅᒂᑎᒧᒡ, ᒧᔭᒻ ᑎᐸᔨᒋᒐᓱᐤ ᑲ ‍ ᐃᑎᓱᒪᑦ ᒧᓱᓴ᙮
\p
\v 30 ᒋ ‍ ᐅᓯᑕᐅᒡ ᐊᐱᓴᓯᔨᒡ ᐛᐛᓯᐅᓂᔪᐤ ᐎᔄᐅᓱᓇᔭᔪᐤ ᐅᒡ ᑭᔭ ᐊᐛᓐ ᑲ ‍ ᑭᔅᒋᐅᑦ ᐊᐅᓯᑕᑦ ᒐᒂᔪᐤ ᒋ ‍ ᐎᓯᓇᑕᐊᒻ, “ᐊ ‍ ᐸᔭᒋᓯᑦ ᑎᐸᔨᒋᒐᓱᐛ ᐃᔅ,” ᐊ ‍ ᐃᑎᔅᑕᔨᒡ᙮
\v 31 ᓂᑲᓐ ᐊᓐᑕ ᐅᐎᔎᔭᔅᑎᒂᓇᐱᓱᐅᓂᔨᒡ ᒋ ‍ ᒪᑯᐱᑎᒧᒡ ᐊ ‍ ᐱᔅᑭᓇᔨᒡ ᐊᐱᓯᔪᐤ ᒧᔭᒻ ᒥᓯᐛ ᑎᐸᔨᒋᒐᓱᐤ ᑲ ‍ ᐃᑎᓱᒪᑦ ᒧᓱᓴ᙮
\s1 ᑲ ‍ ᒋᓯᑕᑭᓄᐅᒡ ᐊᑐᔅᒐᐅᓐ ᐊ ‍ ᐅᓯᑕᑭᓄᐅᒡ ᐸᔭᒋ-ᐱᒍᐎᔭᓂᒋᐛᑉ
\p
\v 32 ᒥᓯᐛ ᐊᑐᔅᒐᐅᓐ ᑲ ‍ ᐃᑐᑕᑭᓄᐅᒡ ᐸᔭᒋ-ᐱᒍᐎᔭᓂᒋᐛᑉ ᒋ ‍ ᒋᓯᑕᑭᓄᐤ᙮ ᒥᓯᐛ ᒐᒂᔪᐤ ᒋ ‍ ᐃᑐᑎᒥᒡ ᐃᑉᕈᐤ ᐃᔪᒡ ᒧᔭᒻ ᑎᐸᔨᒋᒐᓱᐤ ᑲ ‍ ᐃᑎᓱᒪᑦ ᒧᓱᓴ᙮
\v 33 ᒥᓯᐛ ᒐᒂᔪᐤ ᒋ ‍ ᐃᑐᑐᐛᐅᒡ ᒧᓱᓴ: ᓯᒋᐸᒋᑭᓇ, ᐛᔅᑲᔭᔅᑯᓂᑭᓇ, ᓯᐸᔅᑯᓂᑭᓇ, ᓯᑥᔎᐃᑭᓇ ᑭᔭ ᑕᑕᐃᑭᓇ᙮
\v 34 ᓇᐸ ᒪᔭᑕᓂᓱᔭᓇ ᐊ ‍ ᒋᓯᓇᑭᓄᔨᒋ ᑭᔭ ᐊ ‍ ᒥᔽᔨᒡ ᐱᓴᑭᓂᔪᐤ ᐊᑯᓇᐃᑭᓇ ᑭᔭ ᐊᑯᐛᑲᐃᑭᓇ,
\v 35 ᐸᔭᒋ-ᒥᐅᑎᔪᐤ ᐊᓐᑕ ᐸᒋᑎᓂᔨᒋ ᐊᓯᓂᔭ ᐎᓱᐛᐅᓇ ᑲ ‍ ᒥᓯᓇᑕᔨᒋ ᑭᔭ ᒥᔅᑎᒂ ᑭᔭ ᒋᐸᐃᑭᓂᔪᐤ;
\v 36 ᑭᔭ ᒥᒋᓱᐛᑭᓇᑎᑯᔪᐤ ᑭᔭ ᒥᓯᐛ ᒐᒂᔪᐤ ᐊ ‍ ᐃᑕᐱᑎᓂᔨᒡ ᒥᒋᓱᐛᑭᓇᑎᑯᒡ ᑭᔭ ᐸᒂᓯᑭᓇ ᑲ ‍ ᐱᔅᑎᓂᒧᐛᑭᓄᐅᑦ ᒋᓴᒪᓂᑐᐤ;
\v 37 ᑲ ‍ ᐎᔄᐅᓱᓇᔭᐅᔨᒡ ᐛᔅᑕᓂᐱᒪᑭᓇᑎᑯᔪᐤ ᐊᓯᒡ ᐛᔅᑕᓂᐱᒪᑭᓇ, ᑭᔭ ᒥᓯᐛ ᐊ ‍ ᐃᑕᐱᑎᓂᔨᒡ ᑭᔭ ᐱᒥᔭ ᒐ ‍ ᐛᔅᑕᓂᑲᐛᒐᓄᐎᒋ;
\v 38 ᑭᔭ ᐎᔄᐅᓱᓇᔭᐤ ᐱᔅᑎᓂᒐᐅᓇᐱᔅᒄ ᐊᓐᑕ ᒐ ‍ ᓯᔅᑲᐃᑭᓂᔨᒋ ᑲ ‍ ᐎᒋᒪᑯᓯᔨᒋ ᑭᔭ ᑐᒥᓂᒐᐅ-ᐱᒥᔭ ᑭᔭ ᐎᒋᒪᓯᑭᓂᔪᐤ, ᑭᔭ ᐊᑯᐛᑲᐃᑭᓂᔪᐤ ᐊᓐᑕ ᒐ ‍ ᐊᑯᑕᔨᒡ ᐛᒋ ‍ ᐱᔨᒐᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮\fig Aaron and the altar of burnt offerings|Exo38-01-CO00846B.TIF|col||© 1996 David C Cook|ᐊᕋᓐ ᑭᔭ ᐎᔄᐅᓱᓇᔭᐤ ᐱᔅᑎᓂᒐᐅᓇᐱᔅᒄ|39.39,41\fig*
\v 39 ᑲ ‍ ᐎᔄᐛᐱᔅᑯᔨᒡ ᐱᔅᑎᓂᒐᐅᓇᐱᔅᑯᔪᐤ ᐊᓯᒡ ᐃᐸᐱᔅᑯᔪᐤ ᑭᔭ ᒥᔅᑎᒂ ᑭᔭ ᒥᓯᐛ ᐊ ‍ ᐃᑕᐱᑎᓂᔨᒡ ᑭᔭ ᐛᐸᑲᐅᓱᔭᑭᓂᔪᐤ ᑭᔭ ᐊᓂᔭ ᐊᓐᑕ ᐊ ‍ ᑕᐧᑯᑎᔅᑕᔨᒡ᙮
\v 40 ᐊᑯᐛᑲᐃᑭᓇ ᒐ ‍ ᐊᑯᑕᔨᒋ ᐊᑐᐛᒡ ᐛᔅᑲ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᓯᑥᔎᐃᑭᓇ ᑭᔭ ᑕᑕᐃᑭᓇ, ᐊᑯᐛᑲᐃᑭᓂᔪᐤ ᒐ ‍ ᐊᑯᑕᔨᒡ ᐊᓐᑕ ᐛᒋ ‍ ᐱᒐᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᐊᐱᓴ, ᒋᔅᑕᐸᒋᑭᓇ ᑭᔭ ᒥᓯᐛ ᒐᒂᔪᐛ ᒐ ‍ ᐊᐱᑎᓂᔨᒋ ᐸᔭᒋ-ᐱᒍᐎᔭᓂᒋᐛᐱᒡ᙮
\v 41 ᑭᔭ ᑲ ‍ ᒥᔽᓯᔨᒋ ᐊᔭᒥᐅ-ᐊᐱᒋᑕᐅᓇ ᐊᕋᓐ ᑭᔭ ᐅᑯᓴ ᒐ ‍ ᒋᔅᑲᒡ ᑐᑕᐧᑲᐛ ᐅᑦ ᐊᔭᒥᐊᐅ-ᐊᑐᔅᒐᐅᓄᐛᐤ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ᙮
\p
\v 42 ᒥᓯᐛ ᒐᒂᔪᐤ ᒋ ‍ ᐃᑐᑎᒥᒡ ᐃᑉᕈᐤ ᐃᔪᒡ ᒧᔭᒻ ᑎᐸᔨᒋᒐᓱᐤ ᑲ ‍ ᐃᑎᓱᒪᑦ ᒧᓱᓴ᙮
\v 43 ᒥᓯᐛ ᒐᒂᔪᐤ ᒋ ᓂᑐ ‍ ᒋᔅᒐᔨᑎᒻ ᒧᓱᔅ, ᒋ ‍ ᐛᐱᑎᒻ ᒥᓯᐛ ᓇᐊᐤ ᑲ ‍ ᐃᑐᑎᒥᔨᒋ ᒐᒂᔪᐤ ᒧᔭᒻ ᑲ ‍ ᐃᑎᓱᐛᔨᒋ ᑎᐸᔨᒋᒐᓱᐛ, ᐊᑯ ᒧᓱᔅ ᒂ ‍ ᓱᐛᔨᑕᑯᑕᑦ᙮
\c 40
\s1 ᐊ ᐎ ‍ ᑲᐳᑕᑭᓄᐅᒡ ᐸᔭᒋ-ᐱᒍᐎᔭᓂᒋᐛᑉ
\p
\v 1 ᑎᐸᔨᒋᒐᓱᐤ ᒂ ‍ ᐃᑕᑦ ᒧᓱᓴ,
\v 2 “ᐅᔅᑭᒡ ᒋᓯᒄ ᐊᓐᑕ ᐅᔅᑭᒡ ᐱᓱᒻ ᒥᓐ ᑯᑎᒃ ᐱᐳᓐ ᒐ ‍ ᐎᑎᒧᐅᑥᐤ ᐃᔪᒡ ᒐᒋ ᐎᑲᐳᐅᑕᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮
\v 3 ᒐ ‍ ᐱᑕᐊᒪᒄ ᐊᓐᑕ ᒥᐅᑎᒡ ᐊᓯᓂᔭ ᐸᐃᑯᔪᐤ ᐎᓱᐛᐅᓇ ᑲ ‍ ᒥᓯᓇᑕᔨᒋ, ᐊᑯᐛᑲᐃᑭᓐ ᒐ ‍ ᒋᑭᒧᑕᔭᒄ ᐊᓐᑕ ᓂᑲᓄᒡ᙮
\v 4 ᒐ ‍ ᐱᑎᑭᑕᔭᒄ ᒥᒋᓱᐛᑭᓇᑎᒄ ᑭᔭ ᒐ ‍ ᑕᐧᑯᑎᔅᑕᔭᒄ ᐊᓐᑕ ᒐᒂᓐ ᒐ ‍ ᐃᑕᐱᑎᒡ ᑭᔭ ᐊᓯᒡ ᒐ ‍ ᐱᑎᑭᑕᔭᒄ ᐛᔅᑕᓂᐱᒪᑭᑕᓂᑎᒂ ᑭᔭ ᐊᔭᔅᑯᔭᑯᒡ ᐛᔅᑕᓂᐱᒪᑭᓐᒡ᙮\fig Levite lighting a seven-branched lampstand|Exo40-04-lb00277c.tif|col||Louise Bass © The British & Foreign Bible Society, 1994|ᐊᔭᔅᑯᔭᑯᒡ ᐛᔅᑕᓂᐱᒪᑭᓐᒡ|40.4\fig*
\v 5 ᐊᑯ ᐊᓐ ᐱᔅᑎᓂᒐᐅᓇᐱᔅᒄ ᐊᓐᑕ ᑲ ‍ ᓯᔅᑲᐃᑭᓄᐎᒋ ᑲᐎᒋᒪᑯᓯᔨᒋ ᒐ ‍ ᐊᔅᑕᔭᒄ ᐊᓐᑕ ᓂᑲᓐ ᐸᔭᒋ-ᒥᐅᑎᒡ, ᑭᔭ ᒐ ‍ ᐊᑯᑕᔭᒄ ᐊᑯᐛᑲᐃᑭᓐ ᐊᓐᑕ ᐛᒋ ‍ ᐱᔨᒐᓄᐅᒡ ᐸᔭᒋ-ᐱᒍᐎᔭᓂᒋᐛᑉ᙮
\p
\v 6 ᒐ ‍ ᐊᔅᑕᔭᒄ ᐊᓐᑕ ᐱᔅᑎᓂᒐᐅᓇᐱᔅᒄ ᐊᓐᑕ ᒪᑐᔅᑕᐊᒪᒐᓄᐎᔨᒋ ᐊᐛᓯᓯᒡ ᐊᓐᑕ ᓂᑲᓄᒡ ᐸᔭᒋ-ᐱᒍᐎᔭᓂᒋᐛᐱᒡ᙮
\v 7 ᒐ ‍ ᐊᔅᑕᔭᒄ ᐛᑲᐸᐅᓱᐎᔭᑭᓐ ᑎᔅᑐᐎᒡ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᐱᔅᑎᓂᒐᐅᓇᐱᔅᑯᒡ ᑭᔭ ᒐ ‍ ᓴᑭᔅᒋᓇᐱᑕᔭᒄ ᓂᐱᔾ᙮
\v 8 ᒐ ‍ ᐊᑯᑕᔭᒄ ᐊᑯᐛᑲᐃᑭᓇ ᒥᓯᐛ ᐊᓐᑕ ᐛᔅᑲ ᐊᑐᐛᒡ ᑭᔭ ᒐ ‍ ᐊᑯᑕᔭᒄ ᐊᑯᐛᑲᐃᑭᓐ ᐊᓐᑕ ᐛᒋ ‍ ᐱᒐᓄᐅᒡ᙮
\p
\v 9 ᐊᑯ ᒐ ‍ ᐅᑎᓇᒃ ᑐᒥᓂᒐᐅ-ᐱᒥᔾ ᑭᔭ ᒐ ‍ ᑐᒥᓂᒪᒄ ᐸᔭᒋ-ᐱᒍᐎᔭᓂᒋᐛᑉ ᑭᔭ ᒥᓯᐛ ᒐᒂᓐ ᐊ ‍ ᐃᑕᐱᑎᒡ ᐊᑯ ᒐ ‍ ᐸᔭᒋᓇᒂᒡ᙮
\v 10 ᐃᔭᐱᒡ ᒐ ‍ ᑐᒥᓂᒪᒄ ᐱᔅᑎᓂᒐᐅᓇᐱᔅᒄ ᐊᓐᑕ ᑲ ‍ ᒥᑐᔅᑕᐊᒪᒐᓄᐅᒡ ᐊᐛᓯᓯᒡ ᑭᔭ ᒥᓯᐛ ᒐᒂᓐ ᐊ ‍ ᐃᑕᐱᑎᒡ ᐊᑯ ᒋᒋᐛ ᒐ ‍ ᐸᔭᒋᓇᒂᒡ᙮
\v 11 ᐃᔭᐱᒡ ᐸᐃᑯᑕᐤ ᒐ ᐃᓯ ‍ ᑐᒥᓂᒪᒄ ᐛᑲᐸᐅᓱᐎᔭᑭᓐ ᑭᔭ ᐊᓐᑕ ᐊᑕᐧᑯᑎᔅᑕᒡ᙮
\p
\v 12 ᐊᑯ ᒐ ‍ ᐸᓱᐛᑯᒡ ᐊᕋᓐ ᑭᔭ ᐅᑯᓴ ᐊᓐᑕ ᓂᑲᓐ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᒐ ‍ ᒋᔅᑕᐸᐅᔭᑯᒡ ᓂᐱᔪᐤ᙮
\v 13 ᐊᑯ ᒐ ‍ ᐳᔅᑭᒧᑎᔭᒄ ᐊᕋᓐ ᐊᔭᒥᐊᐅ-ᐊᐱᒋᑕᐅᓇ ᐊᑯ ᒐ ‍ ᑐᒥᓇᒄ ᒐᒋ ᐊᑐᔅᑯᐅᑦ ᐊᔭᒥᐊᐅᒋᒪᐅᑦ᙮
\v 14 ᑭᔭ ᒐ ‍ ᐸᓱᐛᑯᒡ ᐊᕋᓐ ᐅᑯᓴ ᑭᔭ ᒐ ‍ ᒋᔅᑯᒧᑎᔭᑯᒡ ᐊᔭᒥᐊᐅ-ᐊᐱᒋᑕᐅᓇ᙮
\v 15 ᐊᑯ ᒐ ‍ ᑐᒥᓇᑯᒡ ᒧᔭᒻ ᑲ ᐃᓯ ‍ ᑐᒥᓂᒪᑯᐤ ᐅᑕᐎᐛᐛ, ᐊᑯ ᒪᒃ ᒐᒋ ᐊᑐᔅᑯᐅᒡ ᐊᔭᒥᐊᐅᒋᒪᐅᒡ ᒥᓯᐛ ᒐ ᐊᑎ ‍ ᐊᔭᓂᔅᒐ ᐱᒪᑎᓯᓇᓄᐎᒡ᙮”
\v 16 ᒥᓯᐛ ᒋ ‍ ᐃᑐᑎᒺᐤ ᒧᓱᔅ ᑲ ‍ ᐃᑎᓱᒥᑯᑦ ᑎᐸᔨᒋᒐᓱᐛ᙮
\p
\v 17 ᐊᑯ ᐊᓂᔭ ᓂᔅᑎᒻ ᒋᓯᑯᔪᐤ ᐊᓐᑕ ᓂᔅᑎᒻ ᐱᓯᒺ ᓂᓱ ᐱᐳᓂᔪᐤ ᒂ ‍ ᔅᑐᑕᒡ ᐃᒋᑉᑎᒡ ᐅᒡ, ᒂ ‍ ᒋᒥᑕᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮
\v 18 ᐊᑐᑎᒺᒡ ᐊ ‍ ᐃᑎᓱᐛᔨᒋ ᒧᓱᓴ᙮ ᒂ ‍ ᒋᒥᑕᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᑕᑕᐃᑭᓇ, ᒂ ‍ ᒋᒥᔭᒡ ᐛᔅᑲᔭᔅᑯᓂᑭᓇ᙮ ᒂ ‍ ᒋᑭᒺᐊᒡ ᓯᐸᔅᑯᓂᑭᓇ ᑭᔭ ᒂ ‍ ᒋᒥᔭᒡ ᓯᑥᔎᐃᑭᓇ ᐊᓐᑕ ᒐ ‍ ᐊᑯᑕᔨᒋ ᐊᑯᐛᑲᐃᑭᓇ᙮
\v 19 ᒂ ‍ ᓴᑥᑭᔅᑕᒡ ᐊᑯᓇᐃᑭᓇ ᑕᑯᒡ ᐸᔭᒋ-ᐱᒍᐎᔭᓂᒋᐛᐱᒡ ᒧᔭᒻ ᒂ ‍ ᐃᑎᓱᐛᔨᒋ ᑎᐸᔨᒋᒐᓱᐛ᙮
\p
\v 20 ᐊᑯ ᒧᓱᔅ ᒂ ‍ ᐅᑎᓇᐧᒃ ᐊᓂᔭ ᓂᓱ ᐊᓯᓂᔭ ᑲ ‍ ᒥᓯᓇᐃᑭᓄᔨᒋ ᐸᐃᑯᔪᐤ ᐎᓱᐛᐅᓇ, ᒂ ‍ ᐱᑕᐊᐧᒃ ᐸᔭᒋ-ᒥᐅᑎᒡ᙮ ᒂ ‍ ᓴᒂᐛᑦ ᒥᔅᑎᒂ ᐛᐎᔭᐱᔅᑯᒡ ᒐ ᐅᒋ ‍ ᑕᐧᑯᓇᑭᓂᐎᔨᒡ ᒥᐅᑎᔪᐤ ᑭᔭ ᒂ ‍ ᒋᐸᐊᐧᒃ ᒥᐅᑎᔪᐤ᙮
\v 21 ᒂ ‍ ᐱᑎᑭᑕᑦ ᒥᐅᑎᔪᐤ ᐊᓐᑕ ᒪᐅᒡ ᐊ ‍ ᐸᔭᒋᓯᒥᑭᓂᔨᒡ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᒂ ‍ ᐊᑯᑕᑦ ᐊᓐᑕ ᐊᑯᐛᑲᐃᑭᓂᔪᐤ, ᐊ ᐊᑲ ‍ ᓇᐊᔨᒪᑦ ᐃᔪᐛ ᒐᒋ ᐛᐸᑎᒥᔨᒋ ᐸᔭᒋ-ᒥᐅᑎᔪᐤ, ᒥᓯᐛ ᐅᔭ ᒋ ‍ ᐃᑐᑎᒻ ᒧᔭᒻ ᑲ ‍ ᐃᑎᓱᒥᑯᑦ ᑎᐸᔨᒋᒐᓱᐛ᙮
\p
\v 22 ᒧᓱᔅ ᒂ ‍ ᐱᑎᑭᑕᑦ ᒥᒋᓱᐛᑭᓇᑎᑯᔪᐤ ᒋᐛᑎᓄᒡ ᐃᑕᒐ ᐸᔭᒋ-ᐱᒍᐎᔭᓂᒋᐛᐱᒡ, ᐎᐎᑎᒥᒡ ᐊᑯᑕᔨᒡ ᐊᑯᐛᑲᐃᑭᓂᔪᐤ᙮
\v 23 ᒥᒋᓱᐛᑭᓇᑎᑯᒡ ᒂ ‍ ᐊᔭᑦ ᐸᒂᓯᑭᓇ ᐊᓂᔭ ᑎᐸᔨᒋᒐᓱᐛ ᑲ ‍ ᐱᔅᑎᓂᒧᐛᑭᓄᐎᒋ, ᒧᔭᒻ ᑲ ‍ ᐃᑎᓱᒥᑯᑦ ᑎᐸᔨᒋᒐᓱᐛ᙮
\p
\v 24 ᒂ ‍ ᐊᔅᑕᑦ ᐛᔅᑕᓂᐱᒪᑭᓇᑎᑯᔪᐤ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ ᓴᐅᓄᒡ ᐃᑕᒐ, ᒂᔅᑕᒐ ᐊ ‍ ᑎᑯᓂᔨᒡ ᒥᒋᓱᐛᑭᓇᑎᑯᔪᐤ᙮
\v 25 ᒂ ‍ ᓯᔅᑲᐛᑦ ᐛᔅᑕᓂᐱᒪᑭᓇ ᐅᑎᔅᑯᐤ ᑎᐸᔨᒋᒐᓱᐛ, ᒧᔭᒻ ᓇᐊᐤ ᑲ ‍ ᐃᑎᓱᐛᔨᒋ ᑎᐸᔨᒋᒐᓱᐛ᙮
\p
\v 26 ᒂ ‍ ᐊᔅᑕᑦ ᑲ ‍ ᐎᔄᐅᓱᓇᔭᐅᔨᒡ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᑲ ‍ ᓯᔅᑲᐃᑭᓄᐎᒋ ᑲᐎᒋᒪᑯᓯᔨᒋ ᐊᓐᑕ ᓂᑲᓐ ᐊᑯᐛᑲᐃᑭᓂᒡ᙮
\v 27 ᑭᔭ ᒂ ‍ ᓯᔅᑲᐊᐧᒃ ᐱᔅᒐ ᑲᐎᒋᒪᑯᓯᔨᒋ, ᒧᔭᒻ ᓇᐊᐤ ᑲ ‍ ᐃᑎᓱᐛᔨᒋ ᑎᐸᔨᒋᒐᓱᐛ᙮
\v 28 ᐊᑯ ᒂ ‍ ᐊᑯᑕᑦ ᐊᑯᐛᑲᐃᑭᓂᔪᐤ ᐊᓐᑕ ᐛᒋ ‍ ᐱᔨᒐᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ᙮
\p
\v 29 ᒂ ‍ ᐊᔅᑕᑦ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒥᒪᑐᔅᑕᐊᒪᒐᓂᐎᔨᒋ ᐊᐛᓯᓴ ᒥᒋᒪ ᐛᒋ ‍ ᐱᒐᓄᐎᔨᒡ ᐸᔭᒋ-ᐱᒍᐎᔭᓂᒋᐛᐱᔪᐤ, ᑭᔭ ᒂ ‍ ᒥᑐᔅᑕᐊᒪᑦ ᐎᔭᓯᔪᐤ ᑭᔭ ᐸᒂᓯᑭᓂᒥᓇ, ᒧᔭᒻ ᑲ ‍ ᐃᑎᓱᒥᑯᑦ ᒧᓱᔅ ᑎᐸᔨᒋᒐᓱᐛ᙮
\p
\v 30 ᒂ ‍ ᐊᔅᑕᑦ ᐛᑲᐸᐅᓱᐎᔭᑭᓂᔪᐤ ᑎᔅᑐᐎᒡ ᐱᔅᑎᓂᒐᐅᓇᐱᔅᑯᒡ ᑭᔭ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᒂ ‍ ᓴᑭᔅᒋᓇᐱᑕᑦ ᓂᐱᔪᐤ᙮
\v 31 ᐊᑯᑕ ᒧᓱᔅ ᑭᔭ ᐊᕋᓐ ᑭᔭ ᐅᑯᓯᔪᐛ ᒂ ‍ ᒋᔅᑕᐸᐅᑕᒡ ᐅᑎᒋᔨᐛᐛ ᑭᔭ ᐅᓯᑎᐛᐛ,
\v 32 ᑕᑥᐤ ᐛᐱᒐᑥᐎ ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᒪᒃ ᐛᓇᑕᑥᐎ ᐱᔅᑎᓂᒐᐅᓇᐱᔅᑯᔪᐤ᙮ ᒧᔭᒻ ᑲ ‍ ᐃᑎᓱᒥᑯᑦ ᒧᓱᔅ ᑎᐸᔨᒋᒐᓱᐛ᙮
\p
\v 33 ᒧᓱᔅ ᒂ ‍ ᐊᑯᑕᑦ ᐊᑯᐛᑲᐃᑭᓇ ᒥᓯᐛ ᐊᓐᑕ ᐛᔅᑲ ᐊᑐᐛᔨᒡ ᑭᔭ ᒋ ‍ ᐊᑯᑕᐤ ᐊᑯᐛᑲᐃᑭᓂᔪᐤ ᐊᓐᑕ ᐛᒋ ‍ ᐱᒐᓄᐎᔨᒡ᙮ ᐊᑯ ᒧᓱᔅ ᒂ ‍ ᒋᔅᑕᑦ ᒥᓯᐛ ᐊᑐᔅᒐᐅᓂᔪᐤ᙮
\s1 ᑭᔅᑯᐅᓐ ᑭᔭ ‍ ᒋᔅᑕᔨᑕᑯᓱᐅᓐ
\p
\v 34 ᐊᑯ ᑭᔅᑯᐅᓐ ᒂ ‍ ᐊᑯᓇᐧᒃ ᐊᓂᔭ ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᒂ ‍ ᓴᑭᔅᒋᓇᔨᒡ ᐊᓐᑕ ᑎᐸᔨᒋᒐᓱᐤ ᐅᒋᔅᑕᔨᑕᑯᓱᐅᓐ᙮
\v 35 ᐅᔭ ᐅᒡ, ᒧᓱᔅ ᓇᒪ ᐅᒋ ‍ ᐱᒐᐤ ᐊᓂᔭ ᐸᔭᒋ-ᐱᒍᐎᔭᓂᒋᐛᐱᔪᐤ᙮
\p
\v 36 ᐊᑯ ᑕᑥᐤ ᐛᐱᔨᒋ ᑭᔅᑯᐅᓐ ᐸᔭᒋ-ᐱᒍᐎᔭᓂᒋᐛᐱᒡ ᐅᒡ, ᒂ ‍ ᐊᑐᒐᒡ ᐃᔅᕋᐃᓪ ᐃᔪᒡ᙮
\v 37 ᒥᒄ ᐊᑲ ᐅᐱᔨᒋ ᑭᔅᑯᐅᓐ, ᓇᒪ ᐅᒋ ᐊᑐᒐᐅᒡ ᐃᔅᕋᐃᓪ ᐃᔪᒡ᙮
\v 38 ᒪᒂᒡ ᑕᑥᐤ ᐃᔭᑐᒐᑥᐎ ᐃᔅᕋᐃᓪ ᐃᔪᒡ ᒋ ‍ ᐛᐱᒪᐅᒡ ᑭᔅᑯᐅᓇ ᐊᓐᑕ ᐊ ‍ ᑕᔨᒋ ᑎᐸᔨᒋᒐᓱᐛ ᐊᓐᑕ ᑕᐧᑯᒡ ᐸᔭᒋ-ᐱᒍᐎᔭᓂᒋᐛᐱᒡ ᒐᓯᑲᔨᒋ ᑭᔭ ᑕᐱᔅᑲᔨᒋ ᐃᔅᑯᑕᔪᐤ ᒋ ‍ ᐛᐸᑎᒧᒡ᙮
\id DEU Deuteronomy Started 19 Jul 2018 [Tshiueten Vachon], Revision 16 Nov 2021 [Silas Nabinicaboo]; Revision finished 27 Jan 2022;
\h ᑐᑎᕋᓄᒥᔾ
\toc3 ᑐᑎᕋᓄᒥᔾ
\toc2 ᑐᑎᕋᓄᒥᔾ
\toc1 ᑐᑎᕋᓄᒥᔾ
\mt ᑐᑎᕋᓄᒥᔾ
\c 1
\s1 ᒧᓱᔅ ᒪᔅᑕᔾ ᐅᑦ ᐃᔨᒧᐅᓇ
\p
\v 1-5 ᐅ ᒥᓯᓇᐃᑭᓐ ᑎᑯᓂᔨᐛ ᐅᑕ ᒧᓱᔅ ᑲ ‍ ᑭᒐᔅᒋᒪᑦ ᐃᔅᕋᐃᓪ ᐃᔪᐛ, ᒪᒂᒡ ᑲ ᐃᑕᒡ ᐊᓐᑕ ᒧᐊᑉ ᐊᔅᒋᒡ, ᐊᓐᑕ ᑲ ‍ ᒪᓂᑲᓱᐅᒡ ᒥᒋᒪ ᓱᐸᐃᒡ, ᐊᓐᑕ ᐸᐧᑯᑎᔅᑭᒥᑲᒡ ᐛᐱᓄᑕᒡ ᒠᕐᑕᓐ ᓯᐱᒡ᙮ ᐸᕋᓐ ᐅᑕᓇᔪᐤ ᒋ ‍ ᑎᑯᓂᔪᐤ ᐊᓐᑕ ᑲ ‍ ᒪᓂᑲᓱᒡ ᐃᑕᒐ ᐊᑯ ᐊᓐᑕ ᒂᔅᑕᒐ ᒠᕐᑕᓐ ᓯᐱᔪᐤ, ᐸᕋᓐ, ᑐᐸᐊᓪ, ᓚᐸᓐ, ᐦᐊᓴᕈᑦ, ᑎᓴᐊᑉ ᐅᑕᓇᐛ᙮
\p ᐊᓄᒋᒐ, ᒧᓱᔅ ᒋ ‍ ᓴᐧᑯᒋᐊᐤ ᐊᓂᔭ ᓯᐦᐅᓐ ᐊᒧᕆ ᐃᔪᐛ ᒋᓴᐅᒋᒪᐛ, ᐦᐊᔅᐳᓐ ᑲ ‍ ᐅᒋᔨᒋ᙮ ᒧᓱᔅ ᐃᔭᐱᒡ ᒋ ‍ ᐅᓂᑕᐅᒥᑎᔭᐤ ᒋᓴᐅᒋᒪᐛ ᐊᓐᑕ ᐸᓴᓐ ᐅᒃ ᑲ ‍ ᐃᓯᓂᐧᑲᓱᐎᔨᒋ, ᓂᓱ ᐊᔅᒋᔭ ᐊᔅᑕᕋᑦ ᑭᔭ ᐃᑦᕋᔾ ᒋ ‍ ᑕᐤ ᐸᐃᑯᐳᓇ᙮
\p ᒥᒄ ᐸᐃᑯᓴᑉ ᒋᓯᑲᐛ ᒋ ‍ ᐃᔅᐱᓯᓇᒂᓐ ᐊ ‍ ᐱᒧᑕᓄᒡ ᓴᐃᓇᐃ ᐱᔅᑯᑎᓇᐤ ᐅᒡ ᐃᔅᐱᔅ ᑲᑕᔅ-ᐸᕐᓂᐊ ᓯᐅᕐ ᐱᔅᑯᑎᓇᐤ ᒪᔅᑭᓄᐤ, ᐃᔅᐱ ᑲᒋ ‍ ᓇᐎᔪᐤ ᐱᐳᓇ ᐅᑎᒋᐱᔨᒡ ᑲᒋ ‍ ᒋᔅᑐᑕᒡ ᐅᒡ ᐃᒋᑉᑎᒡ ᐊᑯᑕ ᐸᑐᔅ ᑲ ‍ ᑭᒐᔅᒋᒧᑦ᙮
\p ᐅᔅᑭᒡ ᐊ ‍ ᐃᔨᒥᑦ ᒧᓱᔅ ᐊ ‍ ᑎᐸᑕᐧᒃ ᐛᔅᑭᒡ ᑎᐸᔨᒋᒐᓱᐛ ᑲ ‍ ᐃᑎᓱᐛᔨᒋ ᓴᐃᓇᐃ ᐱᔅᑯᑎᓇᒡ ᑎᐸᔨᒋᒐᓱᐤ ᒋ ‍ ᒥᔭᐤ ᐊᓂᔭ ᒧᓱᓴ ᐎᓱᐛᐅᓇ ᒐᒋ ᓇᓴᐊᒥᔨᒋ ᐃᔅᕋᐃᓪ ᐃᔪᐛ᙮ ᑭᔭ ᐊᓐᑕ ᐅᔅᑭᒡ ᒋᓯᑯᔪᐤ ᐊᓐᑕ ᐸᐃᑯᓴᑉ ᐱᓯᒺ, ᒧᓱᔅ ᒂ ‍ ᐊᑎ ᒋᒋᐱᔨᑦ ᐊ ‍ ᐛᐎᑎᒧᐛᑦ ᐎᓱᐛᐅᓇ ᐊ ‍ ᐃᑕᑦ:
\p
\v 6 “ᐃᔅᕋᐃᓪ ᐃᔪᒡ, ᐊᓐᑕ ᑲ ‍ ᑕᔭᐧᒄ ᑲ ‍ ᒪᓂᑲᓱᔭᐧᒃ ᓴᐃᓇᐃ ᐱᔅᑯᑎᓇᒡ, ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᔅᒋ ‍ ᐎᑎᒪᑯᓄᐤ:
\pi ‘ᓴᔅ ᓇᐅᔅ ᔅᒋ ‍ ᑕᓇᐛᐤ ᐅᑕ᙮
\v 7 ᓂᑭᑎᒧᒄ ᐅᑕ, ᒐ ‍ ᐃᑐᑕᔭᒄ ᐊᓐᑕ ᐊᒧᕆ ᐃᔪᒡ ᑭᔭ ᑲᐃᓇᓐ ᐃᔪᒡ ᐅᑦ ᐊᔅᒋᐛᐤ᙮ ᐅ ᐊᔅᒋᔾ ᐊᓐᑕ ᒋᑭ ‍ ᐅᒋᒋᐱᔪᐤ ᒠᕐᑕᓐ ᓯᐱᔾ ᐊ ‍ ᐱᓴᔨᒡ, ᐱᔅᑯᑎᓇᒡ, ᓴᐅᓄᒡ ᐸᐧᑯᑎᔅᑭᒥᑲᒡ, ᐊᓱᒡ ᒥᑎᑐᕋᓂᔭᓐ ᐎᓂᐸᑯᒡ, ᓚᐸᓇᓐ ᐱᔅᑯᑎᓇᐛ, ᑭᔭ ᒥᓯᐛ ᐊᓐ ᐊᔅᒋᔾ ᐃᔅᐱᔅ ᐊᓐᑕ ᔪᑉᕆᑎᔅ ᓯᐱᒡ᙮
\v 8 ᐛᐸᑎᒧᒄ, ᒋ ‍ ᒥᔨᑎᓇᐛᐤ ᐅ ᐊᔅᒋᔾ, ᒧᔭᒻ ᑲ ‍ ᐃᑎᒂᐤ ᑲ ‍ ᐊᓱᑎᒧᐅᒂᐤ ᒋᑦ ᐊᓂᔅᑯᑕᐸᓄᐛᐅᒡ: ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ᙮ ᒐᒋ ᑎᐸᔨᑕᒡ ᑭᔭ ᐊᓂᔭ ᐅᑕᓇᔅᑯᑕᐸᓂᐛᐛ ᒐ ‍ ᑕᔨᒋ᙮’ ”
\s1 ᒧᓱᔅ ᑲ ‍ ᒋᔅᒋᒪᑦ ᐊᒋ ‍ ᐅᑎᓇᑦ ᒐ ‍ ᓂᑲᓂᔅᑲᑯᐎᔨᒋ
\p
\v 9 ᒧᓱᔅ ᒂ ‍ ᐃᑕᑦ ᐃᔅᕋᐃᓪ ᐃᔪᐛ, “ᐃᔅᐱ ᑲ ‍ ᑕᔭᐧᒄ ᐊᓐᑕ ᓴᐃᓇᐃ ᐱᔅᑯᑎᓇᐤ, ᓂᒋ ‍ ᐎᑎᒧᐛᐅᒡ ᒋᑦ ᐊᓂᔅᑯᑕᐸᓄᐛᐅᒡ, ‘ᐅᓴᒻ ᒥᓴᐅᐤ ᐊᑐᔅᒐᐅᓐ ᒐᒋ ᓂᑲᓂᔅᑲᑎᑯᒡ ᒥᓯᐛ ᐊᑎᓯᔭᒄ᙮ ᐊᑯ ᓇᒪ ᓂᒋ ‍ ᑐᑕᓐ ᐊ ‍ ᐸᐃᑯᓯᔭᓐ᙮
\v 10 ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᒋ ‍ ᓱᐛᔨᑕᑯᐎᑯᓄᐤ, ᑭᔭ ᐊᓄᒡ ᒋ ‍ ᒋᑐᑕᑯᓄᐤ ᒋᒋᐛ ᒐᒋ ᒥᒐᑐᐛᐧᒄ ᐃᔅᕋᐃᓪ ᐃᔪᒡ ᒧᔭᒻ ᐊᔅᐱᔅ ᒥᒐᑎᔨᒋ ᐅᒐᑭᑕᒂ ᐊᓐᑕ ᒋᓯᑯᒡ᙮
\v 11 ᑭᒪ ᐅᑎᐸᔨᒋᒐᐤ ᒍᑕᐎᐛᐅᒡ ᐅᒋᓴᒪᓂᑐᒧᐛᐛ ᓱᐛᔨᑕᑯᐎᑕᐧᒄ ᑭᔭ ᐊᑎᑐᐤ ᐸᐃᒂᐤ ᒐᓯᐱᔪᐤ ᐃᔅᐱᒐᑎᔭᐧᒄ, ᑭᔭ ᒐ ‍ ᓱᐛᔨᑕᑯᐎᑕᐧᒄ ᒧᔭᒻ ᑲ ᐃᓯ ‍ ᐊᓱᑎᒪᒐᑦ ᒐᒋ ᑐᑕᐧᒃ᙮
\v 12 ᒥᒄ ᓇᒪ ᓂᑭ ᒋ ‍ ᐸᐃᑯᐧᑲᓐ ᒥᓯᐛ ᐊ ᐊᑲ ‍ ᒥᔪᐱᔨᑯᔭᒄ ᑭᔭ ᐊ ‍ ᑎᑥᐛᔨᑯᔭᒄ ᒐᒂᓐ᙮
\v 13 ᐊᑯ ᒐ ‍ ᐅᑎᓇᑯᒡ ᐊ ‍ ᑭᒋᑕᐛᔨᑕᔨᑕᑯᓯᒡ ᓇᐸᐅᒡ ᑭᔭ ᐊ ‍ ᐃᔭᒡ ᓂᔅᑐᑎᒧᐅᓂᔪᐤ ᒐᒋ ᓂᑲᓂᔅᑲᒡ ᒐᒋ ‍ ᐛᐛᑎᓇᒡ ᒐᒂᔪᐛ᙮ ᐊᐅᑯᓐᒡ ᐊᓐᒡ ᓇᐸᐅᒡ ᒐ ‍ ᐅᒋᒪᐅᒡ᙮’
\p
\v 14 ᒋ ‍ ᐃᔅᒋᔄᐅᒡ ᐊᓐᒡ ᐃᔪᒡ ‘ᒥᔽᐤ ᒐᒂᓐ ᐛ ‍ ᐃᑐᑎᒥᓐ᙮’
\p
\v 15 ᒂ ᐊᑎ ᐅᑎᓂᒂᐤ ᐊᓐᒡ ᓇᐸᐅᒡ ᑲ ‍ ᑭᒋᐛᑕᔨᑕᑯᓯᒡ ᑭᔭ ᐊ ‍ ᐃᔭᒡ ᓂᔅᑐᑎᒧᐅᓂᔪᐤ, ᒂ ᐊᑎ ‍ ᑐᑐᐅᒂᐤ ᒐᒋ ᒋᔅᑕᔨᑕᑯᓯᒡ ᒋᔨᐛᐤ ᒐ ‍ ᓂᑲᓂᔅᑲᑕᑯᒡ, ᐱᔅᒐ ᒐᒋ ᑎᐸᔨᒪᒡ ᐸᐃᒂᐤ ᒐᓯᐱᔪᐤ ᐃᔪᐛ, ᑭᔭ ᐸᐃᒄ ᒥᑕᓯᒥᑎᓄᐤ ᑭᔭ ᐱᑕᑕᑐᔪᐤ ᐃᔪᐛ ᑭᔭ ᐸᐃᑯᔪᐤ ᐃᔪᐛ ᒐ ‍ ᓂᑲᓂᔅᑯᐛᔨᒋ᙮
\v 16 ᑭᔭ ᑯᑎᑭᒡ ᒐᒋ ᑎᐸᔅᑯᓂᒐᓯᐅᒡ᙮ ᓂᒋ ‍ ᒥᔭᐅᒡ ᑲ ‍ ᑎᐸᔅᑯᓂᒐᒡ ᑕᓐ ᒐ ‍ ᐃᔨᑎᒡ᙮ ‘ᒐ ‍ ᒥᔪᓂᑐᑎᒪᒄ ᒐᒂᓐ ᐛᑎᒪᑯᔭᑯᐤ ᑭᔭ ᑯᐃᔅᒄ ᒐ ᐃᓯ ‍ ᑎᐸᔅᑯᓂᒐᔭᒃ, ᓇᒪ ᐃᔭᒡ ᐃᑕᔨᑕᑯᓐ ᐊ ‍ ᐃᑐᑐᐛᒃ ᐃᔅᕋᐃᓪ ᐃᔪᐤ ᑭᔭ ᒪᒃ ᒪᓐᑕᐤ᙮
\v 17 ᑭᔭ ᓇᒪ ᐃᔭᒡ ᐃᑕᔨᑕᑯᓐ ᐊᐛᓐ ᐊᑐᐎᔅ ᐊ ‍ ᓱᐧᑲᑎᓯᑦ ᑭᔭ ᒪᒃ ᐊ ‍ ᒋᔅᑎᒪᑎᓯᑦ, ᒐ ᐊᑲ ‍ ᑯᔅᑕᒄ ᐊᐛᓐ᙮ ᒥᒄ ᐊᓯᓇᑯᔅᑦ ᐊᐛᓐ ᐸᒋ ‍ ᑎᑯᓯᒐ ᐊᓐᑕ ᑎᐸᔅᑯᓂᒐᐅᒋᐛᐱᒡ, ᒋᓴᒪᓂᑐᐤ ᒋᑭ ‍ ᐎᒋᐃᑯᐛᐤ ᒐᒋ ᒥᔪᐤ ᐛᐛᑎᓱᐛᔭᒄ᙮ ᐊᑯ ‍ ᓇᔅᒡ ᐊ ‍ ᐃᔨᒪᒐ ᒐᒂᓐ, ᒐ ‍ ᐸᓱᐛᑯᒡ ᐊᓐᒡ ᐊᐛᓐᒋ, ᑭᔭ ᓂᔾ ᓂᑭ ‍ ᐛᐛᑎᓯᒪᐅᒡ᙮’
\v 18 ᑲᒋ ‍ ᒥᔨᒂᐤ ᒐᒂᔪᐤ ᒐ ‍ ᑐᑕᒡ ᑲ ‍ ᑎᐸᔅᑯᓂᒐᒡ᙮ ᔅᒋ ‍ ᒋᔅᑯᑎᒪᑎᓇᐛᐤ ᑎᐸᔨᒋᒐᓱᐤ ᐅᑦ ᐃᑎᓱᐛᐅᓇ᙮”
\s1 ᑲ ‍ ᐃᑎᓴᐛᑭᓄᐅᒡ ᓇᐸᐅᒡ ᒐᒋ ‍ ᒋᒧᓴᐸᑕᒡ ᐊᓐᑕ ᐊ ‍ ᐛᐛᑭᑕᐅᐧᑲᔨᒡ
\p
\v 19 “ᑎᐸᔨᒋᒐᓱᐤ ᒋ ‍ ᐃᑎᓱᐛᐤ ᒐᒋ ᓂᑭᑎᒺᐧᒄ ᓴᐃᓇᐃ ᐱᔅᑯᑎᓇᔪᐤ ᑭᔭ ᐊᓐᑕ ᐊ ‍ ᐛᐛᑭᑕᐅᐧᑲᔨᒡ ᒐᒋ ‍ ᐃᓯ ‍ ᐊᑐᒐᐛᐧᒄ ᐊᓂᔭ ᑲ ‍ ᑎᐸᔨᑎᒥᔨᒋ ᐊᒧᕆ ᐃᔪᐛ, ᐦᐅᕋᑉ ᔅᒋ ‍ ᐅᒋ ᔅᑐᑕᓇᓄᐤ ᐊ ‍ ᒥᓴᒡ ᐸᐧᑯᑎᔅᑭᒥᑲᒡ ᐃᔅ, ᒧᔭᒻ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲ ‍ ᐃᑎᓱᒥᑕᐧᒄ, ᒂ ᐊᑎ ‍ ᑎᑯᓯᓂᔭᐧᒄ ᐊᓐᑕ ᑲᑕᔅ-ᐸᕐᓂᐊ᙮
\v 20 ᒂ ᐊᑎ ‍ ᐃᑎᑎᑯᒡ, ‘ᓴᔅ ᔅᒋ ‍ ᐅᑎᑕᓇᓄᐤ ᐊ ‍ ᐛᐛᑭᑕᐅᐧᑲᒡ, ᐊᒧᕆ ᐃᔪᒡ ᑕᐸᔨᑕᒡ, ᒥᒄ ᐊᓄᒡ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊᓂᔭ ᒋ ‍ ᒥᔨᑯᓄᐤ᙮
\v 21 ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᔅᒋ ‍ ᐎᑎᒪᑯᓄᐤ ᒐᒋ ‍ ᐱᒐᔭᐧᒃ ᑭᔭ ᒐᒋ ‍ ᐅᑎᓂᒺᐧᒄ ᐊᓂᔭ ᐊᔅᒋᔪᐤ, ᐊᑯ ᒐ ᐊᑲ ‍ ᓇᓂᑲᐎᔭᒃ ᑭᔭ ᒐ ᐊᑲ ‍ ᑯᔅᑕᒋᔭᒃ᙮’
\p
\v 22 ᒥᓯᐛ ᐊᑎᓯᔭᒄ ᔅᒋ ‍ ᐸᒋ ‍ ᓇᓯᓇᐤ ᑭᔭ ᒂ ‍ ᐃᓯᔭᒃ, ‘ᐊᔅᒄ ᐊᑲ ᐃᑐᑕᔭᐧᒄ ᐊᓐᑕ ᐊᔅᒋᒡ, ᐃᑎᓴᐛᑕᐅᓐᒋ ᓇᐸᐅᒡ ᒐᒋ ᒋᒧᓴᐸᑕᒡ ᐊ ‍ ᐃᓯᓇᑯᓂᔨᒡ ᐊᔅᒋᔪᐤ ᑭᔭ ᒐᒋ ‍ ᒋᔅᒐᔨᑎᒪᐧᒄ ᑕᓐᑕ ᐊ ‍ ᒥᔽᔨᒡ ᒐ ‍ ᐃᑐᑕᓄᐎᒡ ᑭᔭ ᒐᒃ ᐅᑕᓇᐛ ᒐ ᐊᑎ ‍ ᓂᒋᔅᑭᒪᐧᒃ᙮’
\p
\v 23 ᒋ ‍ ᒥᔽᐤ ᑲ ‍ ᐃᑕᔨᑎᑭᓄᐅᒡ ᑭᔭ ᒂ ᐊᑎ ᐅᑎᓂᒂᐤ ᓂᓴᑉ ᓇᐸᐅᒡ ᐊᓐᑕ ᑕᑐᐎᒡ ᐸᐃᒄ ᐊᑎᔅᑲᓇᓱᓇᓄᐎᒡ᙮
\v 24 ᒋ ‍ ᐃᑐᑕᐅᒡ ᐊᓐᑕ ᑲ ‍ ᐛᐛᑭᑕᐅᐧᑲᔨᒡ ᐃᔅᐱᔅ ᐃᔅᑲᐅᓪ ᐊ ‍ ᐱᓴᔨᒡ ᑭᔭ ᒂ ‍ ᓂᓇᑐᔅᒐᔨᑕᒡ᙮
\v 25 ᑭᔭ ᒋ ‍ ᐸᑕᐅᒡ ᒥᓂᓴ᙮ ᑭᔭ ᒂ ‍ ᐃᔅᒋᔄᒡ, ‘ᑎᐸᔨᒋᒐᓱᐤ ᒋᓴᒪᓂᑐᐤ ᑕᑈ ᒋ ‍ ᒥᔪᐤ ᒥᔨᑯᓄᐤ ᐊ ‍ ᒥᔽᔨᒡ ᐊᔅᒋᔪᐤ᙮’ ”
\s1 ᒧᓱᔅ ᑲ ‍ ᒋᔅᒋᒪᑦ ᐃᔪᐛ ᑕᓐ ᑲ ᐃᓯ ‍ ᐊᓏᔨᒪᑦ ᒋᓴᒪᓂᑐᐤ ᐊ ᐊᑲ ᐅᒋ ‍ ᑕᑈᑎᒥᔨᒋ ᒐᒋ ᐃᑐᑕᔨᒋ
\p
\v 26 “ᒥᒄ ᒋᑦ ᐊᓂᔅᑯᑕᐸᓄᐛᐅᒡ ᓇᒪ ᐅᒋ ‍ ᑕᑈᑎᒧᒡ ᒐᒋ ‍ ᐃᑐᑕᒡ ᑭᔭ ᒐᒋ ‍ ᐅᑎᓂᒪᓱᒡ ᐊᓂᔭ ᐊᔅᒋᔪᐤ᙮ ᓇᒪ ᐅᒋ ᐎ ‍ ᓇᐃᑎᒺᐅᒡ ᑎᐸᔨᒋᒐᓱᐛ ᒋᒋᓴᒪᓂᑐᒥᓄᐛ ᐅᑦ ᐃᑎᓱᐛᓂᔪᐤ᙮
\v 27 ᒋᑦ ᐊᓂᔅᑯᑕᐸᓄᐛᐅᒡ ᒋ ‍ ᐃᑕᐅᒡ ᐅᐱᒍᐎᔭᓂᒋᐛᐳᐛᒡ ᑭᔭ ᒂ ‍ ᑎᑥᑕᒡ ᐊ ‍ ᐃᔅᒋᔄᒡ, ‘ᓂ ‍ ᐛᐧᑲᑎᑯᓇᓐ ᑎᐸᔨᒋᒐᓱᐤ, ᓂᒋ ‍ ᐎᐎᑕᔨᑯᓇᓐ ᐃᒋᑉᑎᒡ ᐅᒡ ᐊᒧᕆ ᐃᔪᐛ ᒐᒋ ᓂᓱᐅᓇᒋᔨᒥᔨᒥᒋ᙮
\v 28 ᓂ ‍ ᑯᔅᑕᒋᓇᓐ, ᐅᓴᒻ ᐊᓐᒡ ᓇᐸᐅᒡ ᑲ ‍ ᓂᓇᑐᔅᒐᔨᑕᒡ ᐊᓂᔭ ᐅᑕᓇᔪᐤ ᓂᒋ ‍ ᐃᔨᑎᑯᓇᓐᒡ ᒋᒋᐛ ᒥᓴᔨᐛ ᐅᑕᓇᐛ ᑭᔭ ᐛᔅᑲ ᐊᔅᑎᒥᑎᒡ ᒋᓯᑯᒡ ᐅᑎᒋᐱᔨᐛ, ᑭᔭ ᐊᓐᒡ ᐃᔪᒡ ᐊᓐᑕ ᐛᒋᒡ ᒋᒋᐛ ᒋᓏᔅᑯᓱᐅᒡ ᑭᔭ ᐊᑎᑐᐤ ᓱᒋᓯᐅᒡ ᐃᔅᐱᔅ ᒋᔭᓄᐤ᙮ ᑭᔭ ᐱᔅᒐ ᒋ ‍ ᑕᐅᒡ ᐊᓐᒡ ᐊᓇᒃ ᐊ ‍ ᐃᑎᔅᑲᓇᓯᒡ ᐃᔪᒡ᙮’
\p
\v 29 ᒂ ‍ ᐃᑎᒂᐤ ᒋᑦ ᐊᓂᔅᑯᑕᐸᓄᐛᐅᒡ, ‘ᒐ ᐊᑲ ‍ ᓴᒋᓯᔭᒄ, ᒐ ᐊᑲ ‍ ᑯᔅᑕᑯᒡ ᐅᒡ ᐃᔪᒡ᙮
\v 30 ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᒋᑭ ‍ ᓂᑲᓄᑕᐤ, ᑭᔭ ᐎᔾ ᒋᑭ ‍ ᒪᓯᒐᔅᑎᒪᑯᐛᐤ᙮ ᒧᔭᒻ ᑲ ‍ ᐃᑎᑦ ᐃᔅᐱ ᑲ ‍ ᐛᐸᑎᒺᐧᒄ ᒥᓯᐛ ᒐᒂᔪᐤ ᑲ ‍ ᐃᑐᑐᐛᑦ ᐃᒋᑉᑦ ᐃᔪᐛ᙮
\v 31 ᑭᔭ ᒋᔅᒐᔨᑕᓇᐤ ᑲ ‍ ᑭᓄᐛᔨᒥᑕᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᑲ ‍ ᑕᔭᒄ ᐊᓐᑕ ᐸᐧᑯᔅᑎᑭᒥᑲᒡ, ᒧᔭᒻ ᐊᑕᐧᑯᓇᑦ ᐅᑕᐎᒪᐤ ᐅᑦ ᐊᐛᓯᒪ᙮’
\p
\v 32 ᒥᒄ ᐊᔅᒄ ᓇᒪ ᒋ ‍ ᑕᑈᐅᒐᔨᒪᐛᐤ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ᙮
\v 33 ᐊᑎᓱᐧᒄ ᓇᓂᑎᒻ ᑲ ‍ ᐎᒐᐅᑕᐧᒄ ᐸᐧᑯᑎᔅᑭᒥᑲᒡ᙮ ᒪᒂᒡ ᐊ ‍ ᒋᓯᑲᔨᒡ, ᑎᐸᔨᒋᒐᓱᐤ ᒋ ‍ ᑕᐤ ᐊᓐᑕ ᑭᔅᑯᐅᓂᒡ, ᑯᐃᔅᒄ ᑲ ᐃᓯ ‍ ᒋᔅᒋᓄᑕᐃᑕᐧᒄ ᑭᔭ ᑲ ‍ ᐛᐸᑎᔨᑕᐧᒄ ᐊᓐᑕ ᒐ ‍ ᐎᒋᐛᐧᒄ ᑭᔭ ᑕᔅᐱᑲᔨᒋ ᐊᓐᑕ ᐃᔅᑯᑕᒡ ᒋ ‍ ᑕᐤ᙮
\p
\v 34 ᐃᔅᐱ ᒋᓴᒪᓂᑐᐤ ᑲ ‍ ᐸᑕᐧᒃ ᒐᒂᔪᐤ ᑲ ‍ ᐃᔅᒋᔄᔨᒋ ᒋᑦ ᐊᓂᔅᑯᑕᐸᓄᐛᐛ, ᒋ ‍ ᒋᔄᐅᒡ ᑭᔭ ᒂ ‍ ᐃᔅᒋᔄᑦ:
\v 35-36 ‘ᑲᐃᓕᑉ, ᒐᐳᓇ ᐅᑯᓴ, ᒋᑭ ‍ ᐱᒐᐤ ᐊᓂᔭ ᐊᔅᒋᔪᐤ᙮ ᓇᓂᑎᒻ ᒋ ‍ ᓇᐃᑎᒻ ᒥᓯᐛ ᒐᒂᔪᐤ ᑲ ‍ ᐃᑎᓱᒥᒄ᙮ ᐊᑯ ᓂᑭ ‍ ᒥᔭᐤ ᑭᔭ ᐊᓂᔭ ᐅᑦ ᐊᓂᔅᑯᑕᐸᓇ ᐱᔅᒐ ᐊᓂᔭ ᐊᔅᒋᔪᐤ ᑲ ‍ ᓂᓇᑐᔅᒐᔨᑕᐧᒃ᙮ ᐎᔾ ᒥᒄ ᒥᓯᐛ ᐊᑎᓯᔭᒄ ᒋᑭ ‍ ᐱᒐᐤ ᐊᓂᔭ ᐊᔅᒋᔪᐤ᙮ ᓇᒪ ᐛᐛᒡ ᐸᐃᒄ ᐊᑎᓯᒡ ᐊᓐᒡ ᑲ ‍ ᒥᒐᑎᓯᒡ ᐃᔪᒡ ᒋᑭ ‍ ᐛᐸᑎᒧᒡ ᐊᓂᔭ ᑲ ‍ ᒥᔽᓯᔨᒡ ᐊᔅᒋᔪᐤ ᑲ ‍ ᐊᓱᑎᒧᐅᒂᐤ᙮’
\p
\v 37 ᑎᐸᔨᒋᒐᓱᐤ ᓂᒋ ‍ ᒋᔄᐱᔅᑕᒃ, ᒋᑦ ᐊᓂᔅᑯᑕᐸᓄᐛᐛ ᐅᒡ, ᑭᔭ ᒂ ‍ ᐃᔅᒋᔄᑦ, ‘ᒧᓱᔅ, ᓇᒪ ᒋᑭ ‍ ᒥᔨᑎᓐ ᑭᔭ ᒋᔾ ᒐᒋ ‍ ᐃᑐᑕᔨᓐ ᐊᓐᑕ ᐊᔅᒋᒡ᙮
\v 38 ᒐᓱᐛ, ᓇᓐ ᐅᑯᓴ, ᒋᑭ ‍ ᐱᒐᐤ ᐊᓂᔭ ᐊᔅᒋᔪᐤ ᒐ ‍ ᑎᐸᔨᑕᒡ ᐃᔅᕋᐃᓪ ᐃᔪᒡ, ᒐ ‍ ᓯᒋᒥᑦ ᐛᔅ ᐎᔾ ᒋᑭ ‍ ᓂᑲᓂᔅᑯᐛᐤ ᐃᔅᕋᐃᓪ ᐃᔪᐛ ᒐᒋ ᐅᑎᓂᒥᔨᒋ ᐊᓂᔭ ᐊᔅᒋᔪᐤ᙮’
\v 39 ᐊᑯ ᑎᐸᔨᒋᒐᓱᐤ ᒂ ᐊᑎ ‍ ᐃᑕᑦ ᒥᓐ, ‘ᒋᔨᐛᐤ ᑲ ‍ ᐃᔅᒋᔄᔭᒄ ᒋᑦ ᐊᐛᓯᒧᐛᐅᒡ ᒐ ‍ ᒪᑯᓂᑯᒡ ᑲ ‍ ᐱᒂᑎᑕᑯᐤ ᐃᔪᐛ᙮ ᐅᓴᒻ ᒋᒋᐛ ᐊᐛᓯᐅᒡ, ᓇᒪ ᒋᔅᒋᒐᔨᑎᒧᒡ ᒐᒂᔪᐤ ᐊ ‍ ᒥᔽᔨᒡ ᑭᔭ ᒐᒂᔪᐤ ᐊ ‍ ᒪᔭᑎᓂᔨᒡ᙮ ᐎᔨᐛᐤ ᓂᑭ ‍ ᒥᔭᐅᒡ ᐊᓂᔭ ᐊᔅᒋᔪᐤ ᑭᔭ ᒋᑭ ‍ ᐱᔨᒐᐅᒡ ᑭᔭ ᐎᔨᐛᐤ ᒋᑭ ‍ ᐅᑎᓂᒧᒡ᙮
\v 40 ᒥᒄ ᒋᔨᐛᐤ, ᒋᐛᑕᒄ ᑭᔭ ᑲᐤ ᒐ ‍ ᐃᑐᑕᔭᒄ ᐊᓐᑕ ᐸᐧᑯᑎᔅᑭᒥᑲᒡ ᒥᒂᑭᒥ ᐎᓂᐸᒄ ᐃᔅ᙮’
\p
\v 41 ᒂ ‍ ᐃᔅᒋᔄᒡ ᒋᑦ ᐊᓂᔅᑯᑕᐸᓄᐛᐅᒡ, ‘ᓂᒋ ‍ ᒥᒋᑐᑐᐛᓇᓐ ᑎᐸᔨᒋᒐᓱᐤ, ᒥᒄ ᐊᓄᒡ ᓂᑭ ‍ ᓂᑐᐱᔨᑐᐛᓇᓐᒡ ᐊᓐᑕ ᐛᒋᒡ ᐃᔪᒡ ᒧᔭᒻ ᑲ ‍ ᐃᑎᓱᒥᔨᒥᑦ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ᙮’ ᐊᑯ ᒥᓯᐛ ᓇᐸᐤ ᒂ ᐊᑎ ‍ ᐳᔅᑲᐧᒃ ᐅᓂᑐᐱᔪᐅ-ᐊᐱᒋᑕᐅᓇ ᐊ ‍ ᐃᑕᔨᑕᒡ ᐛᓂᔅᒐ ᒐᒋ ᐅᑎᓇᒡ ᐊᓂᔭ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᔪᐤ᙮
\p
\v 42 ᒥᒄ ᒂ ‍ ᐃᓯᑦ ᑎᐸᔨᒋᒐᓱᐤ, ‘ᐎᑎᒧᐅᒡ, “ᒐ ᐊᑲ ‍ ᐃᑐᑕᔭᒄ ᓇᑕ ᑭᔭ ᒐ ᐊᑲ ‍ ᓂᑐᐱᔨᑐᐛᑯᒡ ᐊᓐᒡ ᐃᔪᒡ, ᓇᒪ ᒋᑭ ‍ ᐎᒐᐅᑎᓇᐤ᙮ ᐃᑐᑕᔭᒂ, ᒋᑭ ‍ ᐅᓂᑕᐅᒥᑎᑯᐛᐅᒡ ᐊᓐᒡ ᑲ ‍ ᐛᐧᑲᑎᑕᑯᒡ᙮” ’
\p
\v 43 ᐊᑯ ᓂᒋ ‍ ᐎᑎᒧᐛᐅᒡ ᒋᑦ ᐊᓂᔅᑯᑕᐸᓄᐛᐅᒡ, ᒥᒄ ᓇᒪ ᐅᒋ ᓇᐃᑎᒧᒡ ᒐᒂᔪᐤ ᑲ ‍ ᐃᑎᒂᐤ᙮ ᐎᔨᐛᐤ ᒥᓐ ᒋ ‍ ᒪᔭᔨᒪᐅᒡ ᒋᓴᒪᓂᑐᐛ ᑲ ‍ ᐃᑎᓱᒥᑯᒡ ᒐᒂᔪᐤ ᒐ ‍ ᑐᑕᒡ᙮ ᒋ ‍ ᐃᑐᑕᐅᒡ ᓂᑐᐱᔪᐅ-ᐃᔪᒡ ᐊᒋᔅᑕᔨᒧᒡ ᐊᓐᑕ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᒡ᙮
\v 44 ᐊᑯ ᐊᒧᕆ ᐃᔪᒡ ᐊᓐᑕ ᑲ ‍ ᐎᒋᒡ ᐊᔅᒋᒡ ᒋᐸ ‍ ᒋ ‍ ᐎᐎᔪᒡ ᐅᑕᓇᒧᐛᐛ ᑭᔭ ᒂ ‍ ᓂᑐᐱᔨᑐᐛᒡ ᐊᓂᔭ ᓂᑐᐱᔪᐅ-ᐃᔪᐛ᙮ ᐊᑯ ᒋᓇᓴᐛᐅᒡ ᒋᑦ ᐊᓂᔅᑯᑕᐸᓄᐛᐛ ᐅᓂᑐᐱᔪᐅ-ᐃᔨᒥᔪᐛ ᒧᔭᒻ ᐊᒧᐅᒡ ᐊ ᐃᓯ ‍ ᒋᒋᓇᒡ ᐃᔪᐛ, ᑭᔭ ᒋ ‍ ᒋᒋᓇᔨᐛ ᐊᓂᔭ ᐅᓂᑐᐱᔪᐅ-ᐃᔨᒥᔪᐛ ᓴᐅᓄᒡ ᐃᑕᒻ ᐅᒡ ᑭᔭ ᐦᐅᕐᒪ ᐅᑕᓇᒡ ᒋ ‍ ᐅᓂᑕᐅᒥᑎᑯᐅᒡ᙮
\v 45 ᑲᐤ ᒂ ‍ ᑎᑯᓯᒡ ᐊᓐᑕ ᐊᔭᒥᐊᐅᐱᒍᐎᔭᓂᒋᐛᐱᒡ ᐊᓐᑕ ᑲᑕᔅ-ᐸᕐᓂᐊ ᑭᔭ ᒂ ᐊᑎ ‍ ᒪᔭᒄ, ᒥᒄ ᓇᒪ ᒋ ᐅᒋ ᐎ ‍ ᓂᑐᑕᑯᐛᐤ ᑎᐸᔨᒋᒐᓱᐤ ᐊᔭᒥᐊᔅᑐᐛᒄ᙮
\v 46 ᒥᒐᑦ ᒋᓯᑲᐛ ᒂ ‍ ᑕᔭᒄ ᐊᓐᑕ ᑲᑕᔅ-ᐸᕐᓂᐊ᙮”
\c 2
\s1 ᒧᓱᔅ ᑲ ‍ ᒋᔅᒋᒪᑦ ᐊ ‍ ᐱᐸᒧᑕᔨᒋ ᐸᐧᑯᑎᔅᑭᒥᑲᒡ
\p
\v 1 “ᒥᒐᑐᐤ ᐱᐳᓇ ᔅᒋ ‍ ᐱᐸᒧᑕᓇᓐ ᐊᓐᑕ ᐊ ‍ ᐛᐛᑭᑕᐅᐧᑲᒡ ᐊᔅᒋᒡ ᓯᐅᕐ ᐃᑕᒐ ᑭᔭ ᒂ ᐊᑎ ᒋ ‍ ᐛᑕᔭᐧᒄ ᐊᓐᑕ ᒥᒂᑭᒥ ᐎᓂᐸᒄ ᐃᑕᒐ᙮
\p
\v 2 ᐸᑐᔅ ᐃᔅᐱ ᑲᒋ ‍ ᐃᓯᑦ ᑎᐸᔨᒋᒐᓱᐤ,
\v 3 ‘ᓴᔅ ᓇᐅᔅ ᔅᒋ ‍ ᐱᐸᒧᑕᓇᐤ ᐅᑕ ᐊ ‍ ᐛᐛᑭᑕᐅᐧᑲᒡ ᐊᔅᒋᒡ, ᒋᐛᑎᓄᒡ ᐃᓯ ᒋᐛᒄ᙮
\v 4 ᑭᔭ ᒐ ‍ ᐎᑎᒧᐛᑯᒡ ᐃᔪᒡ ᒐ ‍ ᐱᒧᑕᒡ ᒥᒋᒪ ᐊᔅᒋᔪᐤ ᐃᓴᐅ ᐅᑦ ᐊᓂᔅᑯᑕᐸᓇ ᑕᐸᔨᑎᒥᔨᒋ, ᐊᐃᓯᒃ ᐊᓂᔭ ᐃᔭᐱᒡ ᐅᑦ ᐊᓂᔅᑯᑕᐸᓇ᙮ ᐃᑕᒻ ᐊᔅᒋᒡ ᐊ ‍ ᐛᐛᑭᑕᐅᐧᑲᔨᒡ ᐎᒍᐅᒡ, ᒋᑭ ‍ ᑯᔅᑎᑯᐛᐅᒡ ᐊᓐᒡ ᐃᔪᒡ᙮
\v 5 ᒥᒄ ᒐ ᐊᑲ ‍ ᒪᓯᐧᑯᐛᑭᒡ, ᐛᔅ ᓇᒪ ᒋᑭ ‍ ᒥᔨᑎᓇᐛᐤ ᐊᑎ ᐊᐱᔅᓯᔅ ᐅᑦ ᐊᔅᒋᔨᐛᐤ, ᐃᓴᐅ ᐅᑦ ᐊᓂᔅᑯᑕᐸᓇ ᓂᒋ ‍ ᒥᔨᒪᐛ᙮
\v 6 ᐱᒧᑕᐛᒂ ᐊᓐᑕ ᒥᒋᒪ ᐅᑦ ᐊᔅᒋᐛᒡ ᒐ ‍ ᐃᔭᐛᒄ ᒥᒋᒥᔪᐤ ᑭᔭ ᓂᐱᔪᐤ ᐎᔪᐛᐤ ᐅᒋ᙮’ ”
\p
\v 7 ᒐ ᐊᑲ ‍ ᐅᓂᒋᔅᒋᔭᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᔅᒋ ‍ ᓱᐛᔨᑕᑯᐃᑯᐛᐤ ᒥᓯᐛ ᑲ ‍ ᐸᒋ ‍ ᐃᑐᐛᒄ᙮ ᒋᔅᒐᔨᒥᑯᐛᐤ ᒐᒂᔪᐤ ᑲ ‍ ᐃᔅᐱᔨᐛᒄ ᒪᒂᒡ ᑲ ‍ ᐱᒧᑕᔭᒄ ᐊᓐᑕ ᑲ ‍ ᒥᓴᔨᒡ ᐸᐧᑯᑎᔅᑭᒥᑯᔪᐤ, ᒥᒄ ᔅᒋ ‍ ᐎᒐᐅᑯᐛᐤ ᒪᒂᒡ ᐅᔭ ᓇᐎᔪᐛ ᐱᐳᓇ᙮ ᐅᔭ ᐅᒋ, ᒥᓯᐛ ᒋᑦ ᐃᓯ ‍ ᑭᓄᐛᔨᑕᓇᐛᐤ ᒐᒂᓐ ᑲ ᐃᓯ ‍ ᓄᑕᐱᔨᔭᒄ᙮
\p
\v 8 ᐊᑯ ᐊᔅᒄ ᒂ ‍ ᐱᒧᑕᔭᐧᒄ᙮ ᐊᑯ ᓇᒪ ᒋ ᐅᒋ ‍ ᐃᑐᑕᓇᓄᐤ ᐃᓴᐅ ᐃᔪᒡ ᐅᑦ ᐊᔅᒋᔨᐛᐤ ᐃᑕᒐ, ᓇᒪ ᒋ ‍ ᐅᒋ ‍ ᐱᒧᑕᓇᓄᐤ ᐊᓐ ᒪᔅᑭᓄᐤ ᐊᓐᑕ ᐅᐱᒪ ᒠᕐᑕᓐ ᐊ ‍ ᐱᓴᒡ ᐃᓯᐅᓐ-ᑭᐳᕐ ᑭᔭ ᐃᓚᑦ ᐅᑕᓇᐛ ᐊᑎᒂᒋ᙮ ᒂ ‍ ᐃᑐᑕᔭᐧᒃ ᐊᓐᑕ ᐱᔅᑕᒋᐛᑎᓄᒡ ᐸᐧᑯᑎᔅᑭᒥᑲᒡ ᐃᔅ ᐊᓐᑕ ᐛᒋᒡ ᒧᐊᑉ ᐃᔪᒡ᙮
\p
\v 9 ᑎᐸᔨᒋᒐᐅᐤ ᓂᒋ ‍ ᐃᑎᒄ, ‘ᒐ ᐊᑲ ‍ ᓄᒋᐧᑯᐛᑯᒡ ᒧᐊᑉ ᐃᔪᒡ, ᑭᔭ ᒐ ᐊᑲ ‍ ᒪᓯᐧᑯᐛᑯᒡ, ᐛᔅ ᓇᒪ ᒋᑭ ‍ ᒥᔨᑐᐛᓇᐛᐤ ᐅᑦ ᐊᔅᒋᐛᐤ᙮ ᒐ ᐊᑲ ‍ ᐅᓂᒋᔅᒋᔭᒄ ᐊᑉᕋᐊᒻ ᐅᑐᓯᒪ ᓗᑦ ᐊᓂᔭ ᐅᑦ ᐊᓂᔅᑯᑕᐸᓇ ᑭᔭ ᐎᔪᐛᐤ ᓂᒋ ‍ ᒥᔭᐅᒡ ᐊᓂᔭ ᐊᕐ ᒥᔅᑎ ᐅᑕᓇᔪᐤ, ᑭᔭ ᐊᓂᔭ ᑯᑎᑲ ᐊᔅᒋᔭ ᐊᓐᑕ ᑲ ‍ ᑎᑯᓂᔨᒋ᙮’ ”
\p
\v 10 (ᐊᔅᒄ ᐊᑲ ‍ ᒥᔨᒂᐤ ᒧᐊᑉ ᐃᔪᒡ ᐅᑦ ᐊᔅᒋᐛᐤ, ᒋ ‍ ᐎᒋᐅᒡ ᐊᓐᑕ ᐊ ‍ ᒥᒐᑎᒡ ᑭᔭ ᐊ ‍ ᓱᐧᑲᑎᓯᒡ ᐃᒥᒻ ᑲ ‍ ᐃᑎᔅᑲᓇᓯᒡ ᐃᔪᒡ, ᑭᔭ ᐸᐃᑯᑕᐤ ᒋ ‍ ᐃᔅᐱᔅ ᒋᓄᑲᐳᐅᒡ ᒧᔭᒻ ᐊᓂᔭ ᐊᓇᒃ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\v 11 ᐎᔨᐛᐤ ᑭᔭ ᐊᓇᒃ ᐅᑦ ᐊᓂᔅᑯᑕᐸᓇ ᕋᐸ ᑲ ‍ ᒋᓄᑲᐳᐅᒡ ᐃᔭᐱᒡ ᒋ ‍ ᐃᓯᓂᐧᑲᑕᑭᓄᐅᒡ, ᒥᒄ ᒧᐊᑉ ᐃᔪᒡ ᐃᒥᒻ ᒋ ‍ ᐃᓯᓂᐧᑲᑕᐅᒡ ᐊᓂᔭ ᐃᔪᐛ᙮
\v 12 ᐦᐅᕆ ᐃᔪᒡ ᒋ ‍ ᐎᒍᐅᒡ ᐊᓐᑕ ᐃᑕᒻ ᐃᑕᒐ, ᒥᒄ ᐃᓴᐅ ᐅᑦ ᐊᓂᔅᑯᑕᐸᓇ ᒋ ‍ ᐎᐎᑎᓴᐛᐅᒡ᙮ ᒋ ‍ ᓴᐧᑯᒋᐊᐅᒡ ᑭᔭ ᒋ ‍ ᓂᐸᐅᒡ ᐊᓂᔭ ᐃᔪᐛ ᑭᔭ ᒂ ‍ ᐅᑎᓂᒺᒡ ᐊᓂᔭ ᐅᑦ ᐊᔅᒋᔨᐛ, ᒧᔭᒻ ᓇᓇᒐ ᑲ ‍ ᑐᑐᐛᒡ ᑲ ‍ ᐛᐧᑲᑎᑯᒡ ᒐᒋ ᓂᑭᑎᒥᔨᒋ ᐊᓂᔭ ᐊᔅᒋᔪᐤ ᑲ ‍ ᒥᔨᑯᒡ ᒋᓴᒪᓂᑐᐛ᙮)
\p
\v 13 ᐃᔭᐱᒡ ᓂᒋ ‍ ᐃᑕᐅᒡ ᐃᔅᕋᐃᓪ ᐃᔪᒡ, “ᐊᑯ ᒂ ‍ ᐊᓱᐛᐊᒪᒡ ᓴᕆᑦ ᐊ ‍ ᐱᓴᒡ, ᒧᔭᒻ ᑲ ‍ ᐃᓯᔨᒥᑦ ᑎᐸᔨᒋᒐᓱᐤ
\p
\v 14 ᓴᔅ ᓂᔅᑐᔪᐛᐱᐳᓇ ᐊᓱ ᔭᓇᐤ ‍ (38) ᓂᔅᑎᒻ ᑲᓂᑭᑎᒪᐧᒄ ᑲᑕᔅ-ᐸᕐᓂᐊ ᐸᑎᒪ ᑲ ‍ ᐊᓱᐛᐊᒪᐧᒄ ᓴᕆᑦ ᐊ ‍ ᐱᓴᒡ, ᒪᒂᒡ ᐊᓂᔭ ᐱᐳᓇ ᒥᓯᐛ ᐃᔅᕋᐃᓪ ᐃᔪᒡ ᑲ ‍ ᓂᑐᐱᔨᒡ ᓴᔅ ᐊᓂᔭ ᒋ ‍ ᐳᓂᐱᒪᑎᓯᐅᒡ, ᒧᔭᒻ ᑲ ᐃᓯ ‍ ᐊᓱᑎᒪᒐᑦ ᑎᐸᔨᒋᒐᓱᐤ᙮
\v 15 ᒋ ‍ ᐳᓂᐱᒪᑎᓯᐅᒡ ᐛᔅ ᑎᐸᔨᒋᒐᓱᐤ ᓇᒪ ᐅᒋ ᓇᐊᔨᒪᐤ ᐊᓂᔭ ᐃᔪᐛ, ᐸᑐᒡ ᒥᓯᐛ ᐊᑲ ‍ ᐅᒋ ‍ ᐃᑕᔨᒋ᙮
\v 16 ᒥᓯᐛ ᑲ ‍ ᐃᔅᐱᑎᓯᒡ ᓇᐸᐅᒡ ᒐᒋ ᓂᑐᐱᔨᒡ ᒋ ‍ ᐳᓂᐱᒪᑎᓯᔪᐅᒡ᙮
\p
\v 17 ᑎᐸᔨᒋᒐᓱᐤ ᓂᒋ ‍ ᐃᑎᒄ,
\v 18 ‘ᐊᓄᒡ, ᒋᑭ ᐎ ‍ ᐊᓱᐛᐊᓐ ᐊᐱᒥᓯᓇᑕᒡ ᒧᐊᑉ ᐊᔅᒋᒡ ᐃᔅ, ᒥᒋᒪ ᐊᕐ ᐅᑕᓇᐤ, ᐊᓂᔭ ᐅᒥᔅᑎ ‍ ᐅᑕᓇᒧᐛᐤ᙮
\v 19 ᐃᔅᐱ ᐅᑎᑎᒪᒂ ᐊᓐᑕ ᐊᐱᒥᓯᓇᑕᒡ ᐊᔅᒋᔾ ᐊᓐᑕ ᐛᒋᒡ ᐊᒧᓐ ᐃᔪᒡ᙮ ᒐ ᐊᑲ ‍ ᒥᑯᔅᑲᒋᐊᑯᒡ ᑭᔭ ᒪᒃ ᓂᑐᐱᔨᑐᐛᑯᒡ᙮ ᓗᑦ ᐊᓂᔭ ᐅᑦ ᐊᓂᔅᑯᑕᐸᓇ, ᐊᑯ ᓇᒪ ᒋᑭ ‍ ᒥᔨᑐᐛᓇᐛᐤ ᐊᓂᔭ ᐊᔅᒋᔪᐤ ᑲ ‍ ᒥᔨᒂᐤ᙮’ ”
\p
\v 20 ᐊᑯ ᐊᓐ ᐃᑕᐅᓐ ᕆᐸ ᑲ ‍ ᒋᓄᑲᐳᐅᒡ ᐅᑦ ᐊᔅᒋᐛᐤ ᐃᔭᐱᒡ ᒋ ‍ ᐃᓯᓂᐧᑲᑕᐤ, ᐊᓐᒡ ᐊᓐᑕ ᑲ ‍ ᐎᒋᒡ᙮ ᐱᔅᒐ ᐊᓐᒡ ᕋᐸ ᐃᔪᐛ ᑲ ‍ ᒋᓄᑲᐳᐅᒡ ᐊᑯᑕ ᐊᓐᑕ ᑲ ‍ ᐎᒋᒡ, ᐊᒧᓐ ᐃᔪᒡ ᓴᒻᓱᒻ ᒋ ‍ ᐃᓯᓂᐧᑲᑕᐅᒡ᙮
\v 21 ᒋ ‍ ᒥᒐᑐᐅᒡ ᑭᔭ ᒋ ‍ ᓱᐧᑲᑎᓯᐅᒡ ᓴᒻᓱᒻ ᐃᔪᒡ ᑭᔭ ᒋ ‍ ᒋᓄᑲᐳᐅᒡ ᒧᔭᒻ ᐊᓇᒃ ᐅᑦ ᐊᓂᔅᑯᑕᐸᓇ, ᒥᒄ ᑎᐸᔨᒋᒐᓱᐤ ᒋ ‍ ᐃᑲᑎᓴᐛᐤ ᐊᓂᔭ ᐃᔪᐛ, ᑭᔭ ᐊᒧᓐ ᐃᔪᒡ ᒋ ‍ ᐎᐎᑎᓴᐛᐅᒡ ᑭᔭ ᒋ ‍ ᐅᑎᓂᒺᐅᒡ ᐅᑦ ᐊᔅᒋᔪᐤ ᑭᔭ ᒂ ‍ ᐊᑎ ‍ ᐎᒍᐛᒡ ᐊᓐᑕ᙮
\v 22 ᐸᐃᑯᑕᐤ ᒋ ‍ ᑐᑐᐛᐤ ᑎᐸᔨᒋᒐᓱᐤ ᐃᓴᐅᐛ ᐅᑦ ᐊᓂᔅᑯᑕᐸᓂᔨᐛ ᑲ ‍ ᐎᒋᔨᒋ ᐊᓐᑕ ᐃᑕᒻ ᐊᐱᔅᑯᑕᐛᐧᑲᔨᒡ᙮ ᐦᐅᕆ ᐃᔪᐛ ᒋ ‍ ᐃᑲᑎᓴᐛᐤ, ᐊᑯ ᐃᑕᒻ ᐃᔪᒡ ᒂ ‍ ᐅᑎᓂᒺᒡ ᐅᑦ ᐊᔅᒋᔪᐤ ᑭᔭ ᒂ ‍ ᐎᒍᐛᒡ ᐊᓐᑕ᙮ ᐊᔅᒄ ᐊᓐᑕ ᐊᓄᒡ ᐎᒍᐅᒡ᙮
\v 23 ᑭᕆᑦ ᒥᓂᔅᑎᑯᒡ ᑲ ‍ ᐅᒋᒡ ᐃᔪᒡ ᒋ ‍ ᐃᑲᑎᓴᐛᐅᒡ ᐊᑉ ᐃᔪᐛ ᐊᓂᔭ ᐅᔅᑭᒡ ᑲ ‍ ᐎᒋᔨᒋ ᐊᓐᑕ ᐊᔅᒋᒡ ᒥᒋᒪ ᒥᑎᑐᕋᓂᔭᓐ ᐎᓂᐸᑯᔪᐤ ᐃᔅᐱᔅ ᐛᔪᐤ ᓴᐅᓄᒡ ᑲᓴ᙮ ᒋ ‍ ᐅᑎᓂᒺᐅᒡ ᐊᓂᔭ ᐊᔅᒋᔪᐤ ᑭᔭ ᒂ ᐊᑎ ᐎᒋᒡ ᐊᓐᑕ᙮
\s1 ᒧᓱᔅ ᑲ ‍ ᒋᔅᒋᒪᑦ ᑲ ‍ ᐊᓱᐛᒥᔨᒋ ᐊᕐᓇᓐ ᓯᐱᔪᐤ
\p
\v 24 “ᑲᒋ ‍ ᓴᐳᑐᐛᔅᑭᒪᐧᒄ ᒧᐊᑉ ᐊᔅᒋᔾ, ᑎᐸᔨᒋᒐᓱᐤ ᔅᒋ ‍ ᐃᑎᑯᓄᐤ, ‘ᐊᓄᒡ ᐊᓱᐊᒥᒄ ᐊᕐᓇᓐ ᓯᐳᐤ᙮ ᒋᑭ ‍ ᐎᒋᐃᑎᓇᐛᐤ ᒐᒋ ᓴᐧᑯᒋᐊᑯᒡ ᓯᐦᐅᓐ ᓂᑐᐱᔪᐅ-ᐃᔪᒡ, ᐊᒧᕆ ᐃᔪᐛ ᒋᓴᐅᒋᒪᐤ, ᐊᓐᑕ ᑲ ‍ ᐎᒋᒡ ᐦᐊᔅᐳᓐ ᐅᑕᓇᔪᐤ᙮ ᐊᑯ ᒐ ‍ ᓂᑐᐱᔨᑐᐅᒪᑯᐤ ᐅᓂᑐᐱᔨᒧᐛᐛ ᑭᔭ ᒐ ‍ ᐅᑎᓂᒺᒄ ᐅᑦ ᐊᔅᒋᐛᐤ᙮
\v 25 ᐊᓄᒡ ᓂᑭ ‍ ᑐᑕᓐ ᒥᓯᐛ ᐊᐛᓐ ᑭᔭ ᒥᓯᑕ ᐊ ‍ ᐃᑕᒡ ᒐᒋ ‍ ᑯᔅᑎᑕᑯᒡ᙮ ᒥᓯᐛ ᐊᐛᓐ ᐊ ‍ ᐛᐎᑯᑕᒄ ᒋᑭ ‍ ᓇᓇᐱᔪᐤ ᑭᔭ ᒋᑭ ‍ ᓴᒋᓱᐤ᙮’
\p
\v 26 ᐊᑯ ᑲ ‍ ᐃᑎᓴᐅᒂᐤ ᐊᐱᒋᐊᑭᓐᒡ ᓯᐦᐅᓐ ᒋᓴᐅᒋᒪᐛ ᐊᓐᑕ ᐦᐊᔅᐳᓐ, ᐊᑎᒧᒡ ᐸᐧᑯᑎᔅᑭᒥᑲᒡ ᐅᒡ᙮ ᓂᒋ ‍ ᐃᑕᐅᒡ ᒐᒋ ᐎᑎᒧᐛᒡ ᐅᔭ ᒋᔭᒪᔨᑎᒧᐤ ᐃᔨᒧᐅᓂᔪᐤ ᐊᓂᔭ ᒋᓴᐅᒋᒪᐛ᙮
\v 27 ‘ᓇᐊᔨᒥᓇᓐ ᒐᒋ ᐊᑎ ‍ ᐱᒧᑕᔭᒡ ᒋᑦ ᐊᔅᒋᐛᒡ᙮ ᓂᑦ ᐊᓱᑎᒪᒐᓇᓐ ᒪᔅᑭᓇᒡ ᒥᒄ ᒐᒋ ᐱᒧᑕᔭᒡ, ᓇᒪ ᓂᑭ ‍ ᐱᔅᒐᑕᓇᓐ᙮
\v 28 ᓂᑭ ‍ ᒋᓯᐧᑲᓱᓇᓐ ᒥᒋᒻ ᑭᔭ ᓂᐱᔾ ᓇᐊᔨᒥᔭᒐ ᒐᒋ ᐅᑎᓂᒐᔭᒡ᙮ ᒥᒄ ᓂᐎ ‍ ᓴᐳᑐᐛᔅᑲᓇᓐ ᒋᑦ ᐊᔅᒋᔾ᙮
\v 29 ᐃᔅᐱᔅ ᒋ ‍ ᐊᓱᐛᐊᒪᒐ ᒠᕐᑕᓐ ᓯᐳᐤ ᐊᓂᔭ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ ᒪᔨᒥᑦ᙮ ᑐᑎᒧᐅᓇᓐ ᒧᔭᒻ ᑲ ‍ ᐃᑐᑐᒧᐎᔨᒥᒡ ᐃᓴᐅᐤ ᐅᑦ ᐊᓂᔅᑯᑕᐸᓇ ᐊᓐᑕ ᐛᒋᔨᒋ ᐃᑕᒻ ᐊᔅᒋᒡ ᑭᔭ ᒧᐊᑉ ᐃᔪᒡ ᑲ ‍ ᓇᐊᔨᒥᔨᒥᒡ ᒐᒋ ‍ ᓴᐳᑐᐛᔅᑯᒧᐅᒋᒡ ᐅᑦ ᐊᔅᒋᐛᐛ᙮’
\v 30 ᒥᒄ ᓇᒪ ᒋ ‍ ᐅᒋ ‍ ᑕᑈᑕᑯᓄᐤ ᓯᐦᐅᓐ ᒐᒋ ᓴᐳᑐᐛᔅᑯᒺᐧᒄ ᐅᑦ ᐊᔅᒋᔾ᙮ ᐛᔅ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋ ‍ ᑐᑐᐛᐤ ᒐᒋ ᒥᔅᑯᔅᑎᒂᓇᔨᒋ᙮ ᐊᐅᑯᔪᐤ ᐅᒡ ᒂ ‍ ᑐᑐᐎᔨᒥᑦ ᑎᐸᔨᒋᒐᓱᐤ ᒐᒋ ᓴᐧᑯᒋᐃᒥᒋᒋ ᐅᓂᑐᐱᔪᐅ-ᐃᔨᒥᔨᐛ ᑭᔭ ᐅᑎᓂᒧᒋᒡ ᐅᑦ ᐊᔅᒋᐛᐤ, ᐊᓐᑕ ᐊᓄᒡ ᐊᔅᒄ ᐛᒋᔭᐧᒄ᙮
\p
\v 31 ᑎᐸᔨᒋᒐᓱᐤ ᓂᒋ ‍ ᐃᑎᒄ, ‘ᓂᑐᑕ ! ᓴᔅ ᒋᑭ ‍ ᓇᐊᔨᒥᑎᓇᐛᐤ ᒐᒋ ‍ ᓴᐧᑯᒋᐊᑯᒡ ᓯᐦᐅᓐ ᐅᓂᑐᐱᔪᐅ-ᐃᔨᒪ ᑭᔭ ᒐ ‍ ᐅᑎᓂᒺᒃ ᐊᓐᒡ ᐃᔪᒡ ᐅᑦ ᐊᔅᒋᔪᐛᐤ᙮ ᐊᑯ ᒐ ‍ ᐎᒋᐛᒄ ᐊᓐᑕ᙮’
\p
\v 32 ᐊᑯ ᓯᐦᐅᓐ ᒂ ‍ ᐎᐎᑦ ᐅᑕᓇᔪᐤ ᐅᒡ ᐊᓯᒡ ᒥᓯᐛ ᐅᓂᑐᐱᔪᐅ-ᐃᔨᒪ ᒐᒋ ᓂᑐᐱᔨᑕᑕᐧᑯᒡ ᐊᓐᑕ ᒐᐦᐊᔅ ᐅᑕᓇᒡ᙮
\v 33 ᒥᒄ ᒋᓴᒪᓂᑐᐤ ᔅᒋ ‍ ᑐᑕᑯᓄᐤ ᒐᒋ ‍ ᓴᐧᑯᒋᐊᐧᑯᒡ ᑭᔭ ᔅᒋ ‍ ᓂᐸᐊᓄᐤ ᓯᐧᑲᓐ ᑭᔭ ᐅᑯᓴ ᑭᔭ ᒥᓯᐛ ᐅᓂᑐᐱᔪᐅ-ᐃᔨᒪ᙮
\v 34 ᒥᓯᐛ ᔅᒋ ‍ ᑲᔅᑎᓂᒺᓇᓄᐤ ᐅᑕᓇᒧᐛᐛ ᑭᔭ ᒥᓯᐛ ᔅᒋ ᓂᓱᐅᓇᒋᑕᐛᓇᓄᐤ᙮ ᒥᓯᐛ ᔅᒋ ‍ ᓂᐸᐊᓄᐅᒡ ᓇᐸᐅᒡ ᑭᔭ ᐃᔎᐅᒡ ᑭᔭ ᐊᐛᓯᒡ; ᓇᒪ ᐛᒋ ᐸᐃᒄ ᒋ ᐅᒋ ‍ ᓇᐊᔨᒪᓄᐅᒡ ᒐᒋ ᐱᒪᑎᓯᒡ᙮
\v 35 ᔅᒋ ‍ ᐅᑎᓂᒺᓇᓄᐤ ᒥᓯᐛ ᐊ ‍ ᒋᔅᑕᔨᑕᑯᓂᔨᒋ ᒐᒂᔪᐛ ᐊᓐᑕ ᑲ ‍ ᑎᑯᓂᔨᒋ ᐅᑕᓇᒧᐛᒡ ᑲ ‍ ᒪᑯᓂᒺᐧᒄ ᐊᓯᒡ ᑭᔭ ᐅᑦ ᐊᐛᓯᓯᒧᐛᐛ᙮
\v 36 ᑎᐸᔨᒋᒐᓱᐤ ᒋ ‍ ᒋᓴᒪᓂᑐᒥᓄᐤ ᔅᒋ ‍ ᐎᒋᐃᑯᓄᐤ ᒐᒋ ᒪᑯᓂᒺᐧᒄ ᒥᓯᐛ ᐅᑕᓇᒧᐛᐛ ᐊᕈᐊᕐ ᐅᒋ ᐊᓐᑕ ᓴᐅᓄᒡ, ᐊᕐᓇᓐ ᓯᐱᔾ ᑭᐱᓴᐛ ᐃᑕᒐ ᐃᔅᐱᔅ ᑭᓕᐊᑦ ᐃᑕᐅᓂᒡ ᐊᓐᑕ ᒋᐛᑎᓄᒡ᙮ ᐱᔅᒐ ᐅᑕᓇᒧᐛᐛ ᐛᔅᑲ ᐊᔅᑎᒥᑎᒡ ᒋ ‍ ᐃᓯᓇᑯᓂᔪᐛ, ᒥᒄ ᐃᔭᐱᒡ ᒋᒋ ‍ ᓴᑭᒍᐛᐛᓇᓄᐤ᙮
\v 37 ᒥᒄ ᓇᒪ ᒋ ᐅᒋ ‍ ᐃᑐᑕᓇᓄᐤ ᐊᓐᑕ ᐊᒧᓐ ᐃᔪᒡ ᐛᒋᒡ, ᑭᔭ ᒪᒃ ᐊᓐᑕ ᓯᓱᒡ ᒐᐳᒃ ᓂᑕᒥᔅᑲᒡ ᑭᔭ ᒪᒃ ᐊᓐᑕ ᐊ ‍ ᐛᐛᑭᑕᐅᐧᑲᒡ ᐊ ‍ ᑎᒂᒋ ᐅᑕᓇᐛ, ᑭᔭ ᒪᒃ ᐊᓐᑕ ᐃᑕᐅᓂᒡ ᑲ ‍ ᐃᑎᑕᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒐ ᐊᑲ ‍ ᐃᑐᑕᐛᐧᒄ᙮”
\c 3
\s1 ᑲ ‍ ᓴᐧᑯᒋᐊᑭᓄᐅᑦ ᐅᒃ ᐸᓴᓐ ᒋᓴᐅᒋᒪᐤ
\p
\v 1 “ᐊᑯ ‍ ᒋᐛᑎᓄᒡ ᒂ ‍ ᐊᑎ ‍ ᐃᑐᑕᔭᐧᒄ ᐊᓐᑕ ᐸᓴᓐ ᐊᔅᒋᒡ᙮ ᐅᒃ, ᑲ ‍ ᒋᓴᐅᒥᒪᐅᑦ ᐊᓐᑕ ᐊᔅᒋᒡ, ᑭᔭ ᒥᓯᐛ ᐅᓂᑐᐱᔪᐅ-ᐃᔨᒪ ᓴᐅᓄᒡ ᒋ ‍ ᐃᑐᑕᔪᐛ ᐊᓐᑕ ᐃᑦᕋᔾ ᐅᑕᓇᒡ ᒐᒋ ᓂᑐᐱᔨᑕᑕᐧᑯᒡ᙮
\v 2 ᑎᐸᔨᒋᒐᓱᐤ ᒂ ‍ ᐃᓯᑦ, ‘ᒧᓱᔅ, ᒐ ᐊᑲ ‍ ᑯᔅᑎᑦ ᐊᓐ ᒋᓴᐅᒋᒪᐤ ᐛᔅ ᓂᑭ ‍ ᑐᑐᐛᐅᒡ ᒋᓂᑐᐱᔪᐅ-ᐃᔨᒥᒡ ᒐᒋ ᓴᐧᑯᒋᐊᒡ ᐊᓂᔭ ᒋᓴᐅᒋᒪᐛ ᑭᔭ ᐅᓂᑐᐱᔪᐅ-ᐃᔨᒥᔨᐛ ᑭᔭ ᒐᒋ ᒪᑭᓂᒺᒄ ᒥᓯᐛ ᐅᑦ ᐊᔅᒋᐛᐤ᙮ ᒐ ‍ ᑐᑐᐅᑦ ᒧᔭᒻ ᑲ ‍ ᑐᑐᒥᑎ ᓯᐦᐅᓇ, ᐊᒧᕆ ᐃᔪᐛ ᑲ ‍ ᑎᐸᔨᒋᒐᔨᒋ ᐊᓐᑕ ᐦᐊᔅᐳᓐ ᐅᑕᓇᔪᐤ᙮’
\p
\v 3 ᐊᑯ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ ᒂ ᐊᑎ ‍ ᐃᑐᑕᐧᒃ ᒐᒋ ᓴᐧᑯᒋᐃᒪᐧᑯᐤ ᐅᒃ ᒋᓴᐅᒋᒪᐛ ᑭᔭ ᒥᓯᐛ ᐅᓂᑐᐱᔪᐅ-ᐃᔨᒥᔨᐛ᙮ ᒥᓯᐛ ᔅᒋ ‍ ᓂᐸᐊᓄᐅᒡ, ᓇᒪ ᐛᒋ ᐸᐃᒄ ᐅᒋ ‍ ᐅᔅᑯᐱᔪᐅᒡ᙮
\v 4 ᒥᓯᐛ ᐊᓱᑕᒡ ᑕᑐᔪᐤ ‍ (60) ᐊᓐᑕ ᐅᑕᓇᐛ ᒥᒋᒪ ᑲ ‍ ᑎᑯᓂᔨᒋ ᐊᕐᑯᑉ ᐊᔅᒋᒡ ᔅᒋ ᒪᑯᓇᓇᓐ, ᐊᓐᑕ ᐸᓴᓐ ᐊᔅᒋᒡ, ᐅᒃ ᐅᒋᓴᐅᒋᒪᓂᒡ᙮
\v 5 ᒥᓯᐛ ᐅᑕᓇᐛ ᐛᔅᑲ ᐊ ‍ ᐃᔅᐸᓇᔨᒋ ᐊᔅᑎᒥᑎᒡ ᒋ ‍ ᐃᓯᓇᑯᓂᔪᐛ ᑭᔭ ᐊᑕᐅᓂᑲᐃᑲᓇ ᒋ ‍ ᒋᐸᔎᔨᑭᓄᔪᐛ ᑭᔭ ᒋ ‍ ᐃᔎᑕᒧᔪᐛ᙮ ᒥᒐᑦ ᐅᑕᓇᐛ ᐊ ᐊᑲ ‍ ᐛᔅᑲ ᐊᔅᑎᒥᑎᒡ ᐃᓯᓇᑯᓂᔨᒋ ᔅᒋ ‍ ᒪᑯᓇᓇᓐ᙮
\v 6 ᒥᓯᐛ ᒐᒂᓐ ᔅᒋ ‍ ᓂᓱᐅᓇᒋᑕᓇᓐ, ᒧᔭᒻ ᑲ ‍ ᑐᑐᐛᐧᒄ ᓯᐦᐅᓐ ᒋᓴᐅᒋᒪᐤ ᐊᓐᑕ ᑲ ‍ ᑎᐸᔨᒋᒐᑦ, ᒥᓯᐛ ᓇᐸᐅᒡ, ᐃᔎᐅᒡ, ᑭᔭ ᐊᐛᓯᒡ ᔅᒋ ‍ ᓂᐸᐊᓄᐅᒡ᙮
\v 7 ᒥᒄ ᔅᒋ ‍ ᐅᑎᓇᓄᐅᒡ ᒥᓯᐛ ᒥᔅᑐᓯᒡ ᑭᔭ ᐊ ‍ ᒋᔅᑕᔨᑕᑯᓂᔨᒋ ᒐᒂᔪᐛ ᐊᓐᑕ ᐅᑕᓇᐛ ᐅᒋ᙮
\p
\v 8 ᐊᑯ ᐊᓂᔭ ᒪᒂᒡ, ᔅᒋ ‍ ᐅᑎᓂᒺᓇᓐ ᐊ ‍ ᓂᓯᒡ ᐊᒧᕆ ᐃᔪᐛ ᒋᓴᐅᒋᒪᐅᒡ ᒥᓯᐛ ᐅᑦ ᐊᔅᒋᐛᐤ ᐛᐱᓄᑕᒡ ᒠᕐᑕᓐ ᓯᐱᒡ, ᑭᔭ ᓴᐅᓄᒡ ᐊ ‍ ᐱᓴᔨᒡ ᐊᕐᓇᓐ ᓯᐱᒡ ᐅᒡ ᐃᔅᐱᔅ ᐊᓐᑕ ᒋᐛᑎᓄᒡ ᐦᐊᕐᒧᓐ ᐱᔅᑯᑎᓇᒡ᙮”
\v 9 (ᓯᕆᐅᓐ ᐃᓯᓂᐧᑲᑎᒧᒡ ᓴᐃᑐᓐ ᐅᑕᓇᐛ ᐃᔪᒡ, ᑭᔭ ᓯᓂᕐ ᐃᓯᓂᐧᑲᑎᒧᒡ ᐊᓐᒡ ᐊᒧᕆ ᐃᔪᒡ᙮)
\v 10 “ᔅᒋ ‍ ᐅᑎᒺᓇᓐ ᒥᓯᐛ ᐅᑕᓇᐛ ᐊᓐᑕ ᑕᐧᑯᒡ ᐊ ‍ ᐱᓴᒡ ᐱᔅᑯᑎᓇᒡ ᐊᔅᒋᒡ ᑭᔭ ᒥᓯᐛ ᑭᓕᐊᑦ ᑭᔭ ᒥᓯᐛ ᐸᓴᓐ ᐊᔅᒋᒡ, ᐃᔅᐱᔅ ᐊᓐᑕ ᒋᐛᑎᓄᒡ ᐃᑦᕋᔾ ᑭᔭ ᓴᓕᑲ ᐅᑕᓇᐛ, ᐊᓐᑕ ᑲ ᐅᒋ ᑎᐸᔨᑕᑯᓂᔨᒋ ᐅᒃ ᐅᒋᓴᐅᒋᒪᐅᓂᒡ᙮”
\v 11 (ᐅᒃ, ᐸᓴᓐ ᐊᔅᒋᔾ ᒋᓴᐅᒋᒪᐤ ᐊᐅᑯᓐ ᒪᔅᑕᔾ ᑲ ‍ ᐃᔅᑯᐱᔨᑦ ᐊᓐᒡ ᕋᐸ ᐃᔪᒡ, ᑭᔭ ᐅᓂᒂᔅᑲᓂᒻ ᕋᐸ ᐅᑕᓇᒡ ᐊᓐᑕ ᑎᑯᓂᔪᐤ᙮ ᐊ ‍ ᐎᐸᐱᔅᑲᔨᒡ ᐊᓯᓂᔪᐤ ᒋ ᐅᒋ ‍ ᐛᓯᑕᑯᓂᔪᐤ ᑭᔭ ᐅᔅᑕ ᓂᔅᑎᓴᑉ ᑕᑐᐤ ᒥᓯᑦ ‍ (13) ᒋ ‍ ᐃᔅᐱᓴᔪᐤ ᑭᔭ ᐊᓱᑕᒡ ‍ (6) ᑕᑐᐤ ᒥᓯᑦ ᐃᔅᐱᔅ ᐃᔨᑭᔅᑲᔪᐤ᙮ ᐊᔅᒄ ᐊᓐᑕ ᑎᑯᓂᔪᐤ ᕋᐸ ᐅᑕᓇᒡ ᐊᓐᒡ ᐊᒧᓐ ᐃᔪᒡ ᐅᑦ ᐊᔅᒋᐛᒡ᙮)
\s1 ᑲ ‍ ᑎᐸᓂᐱᔨᓇᓄᐅᒡ ᐊᓐᑕ ᐊᔅᒋᒡ
\p
\v 12 “ᐊᔅᒋᔾ ᐅᒋ ᑲ ‍ ᒪᑯᓂᒪᐧᒄ ᐊᓐ ᒪᒂᒡ, ᓂᒋ ‍ ᒥᔭᐅᒡ ᕈᐱᓐ ᑭᔭ ᑲᑦ ᐃᔪᒡ ᐊᕈᐊᕐ ᒋᐛᑎᓄᒡ ᐊᔅᒋᔪᐤ ᒥᒋᒪ ᐊᕐᓇᓐ ᓯᐱᔪᐤ, ᑭᔭ ᐱᔅᒐ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᔪᐤ ᐊᓐᑕ ᑭᓕᐊᑦ ᐊᔅᒋᒡ ᐊᓯᒡ ᒥᒋᒪ ᐊ ‍ ᑎᑯᓂᔨᒋ ᐅᑕᓇᐛ᙮
\v 13 ᒂᔅᑕᒐ ᑭᓕᐊᑦ ᐊᔅᒋᔪᐤ ᑭᔭ ᒥᓯᐛ ᐸᓴᓐ ᐊᔅᒋᔪᐤ ᐊᓐᑕ ᑲ ‍ ᑎᐸᔨᒋᒐᑦ ᐅᒃ ᒋᓴᐅᒋᒪᐤ, ᑕᑕᐅᒡ ᓂᒋ ‍ ᒥᔭᐅᒡ ᒪᓇᓴ ᑲ ‍ ᐃᑎᔅᑲᓇᓯᒡ᙮” (ᒥᓯᐛ ᐊᕐᑯᑉ ᐊᓐᑕ ᐸᓴᓐ ᐊᔅᒋᔾ ᕋᐸ ᑲ ‍ ᒋᓄᑲᐳᐅᒡ ᐃᓯᓂᐧᑲᑕᐤ)᙮
\v 14 “ᒐᐃᕐ, ᒪᓇᓴ ᐃᔪᐤ ᑲ ‍ ᐃᑎᔅᑲᓇᓯᑦ ᒋ ‍ ᓴᐧᑯᒋᐃᐛᐤ ᐊᓐᑕ ᒥᓯᐛ ᐸᓴᓐ ᐊᔅᒋᒡ ᐃᔅᐱᔅ ᐊᓐᑕ ᒋᐛᑎᓄᒡ ᑲ ‍ ᐱᒥᓯᓇᑕᔨᒡ ᑭᓱᕐ ᑭᔭ ᒪᑲ ᐃᔪᐛ ᐛᒋᔨᒋ ᑭᔭ ᐎᔾ ᐊ ‍ ᐃᓯᓂᐧᑲᓱᑦ ᒋ ‍ ᐃᓯ ‍ ᐎᒋᓱᑎᒻ ᐃᑕᐅᓇ, ᑭᔭ ᐊᔅᒄ ᒐᐃᕐ ᐊᓄᒡ ᐃᓯᓂᐧᑲᑕᐛ ᐃᑕᐅᓇ᙮
\v 15 ᑭᔭ ᒪᑭᕐ ᐃᔪᒡ ᓂᒋ ‍ ᒥᔭᐅᒡ ᒋᐛᑎᓄᒡ ᑭᓕᐊᑦ ᐊᔅᒋᔪᐤ, ᒪᓇᓴ ᐊ ‍ ᐃᑎᔅᑲᓇᓯᒡ ᐅᑦ ᐊᓂᔅᑯᑕᐸᓄᐛᐛ᙮
\v 16 ᕈᐱᓐ ᐃᔪᒡ ᑭᔭ ᑲᑦ ᐃᔪᒡ ᓴᐅᓄᒡ ᑭᓕᐊᑦ ᐊᔅᒋᔪᐤ ᐃᔅᐱᔅ ᐊᕐᓇᓐ ᓯᐱᔪᐤ ᓂᒋ ‍ ᒥᔭᐅᒡ᙮ ᑕᑕᐅᒡ ᓯᐱᒡ ᐊᑯᑕ ᓴᐅᓄᒡ ᐸᒥᓯᓇᑕᒡ᙮ ᒋᐛᑎᓄᒡ ᐸᒥᓯᓇᑕᒡ ᐊᐅᒄ ᒐᐳᒃ ᓯᐱᔾ ᐊᓐᑕ ᐊᓯᒡ ᐸᒥᓯᓇᑕᒡ ᐊᒧᓐ ᐊᔅᒋᔾ᙮
\v 17 ᐊᑎᒪᐱᓯᒧᒡ ᐃᑕᒐ ᐃᔅᐱᔅ ᒠᕐᑕᓐ ᓯᐱᒡ ᐊ ‍ ᐱᓴᔨᒡ ᒋ ‍ ᐃᔅᐱᓴᔪᐤ ᐅᑦ ᐊᔅᒋᔨᐛᐤ, ᒋᐛᑎᓄᒡ ᑲᓕᓕ ᓂᐱᒡ ᐃᔅᐱᔅ ᓴᐅᓄᒡ ᑲ ‍ ᓂᐱᒥᑲᒡ ᐎᓂᐸᒄ ᑭᔭ ᐛᐱᓄᑕᒡ ᐱᔅᑲ ᐱᔅᑯᑎᓇᒡ ᐃᔅᐱᔅ᙮
\p
\v 18 ᐊᓂᔭ ᒪᒂᒡ, ᓂᒋ ‍ ᐎᑎᒧᐛᐅᒡ ᑲ ‍ ᓂᔅᑐᔅᑲᓇᓯᒡ ᐃᔪᒡ, ‘ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋ ‍ ᒥᔨᑯᐛᐤ ᐅᔭ ᐊᔅᒋᔪᐤ ᐛᐱᓄᑕᒡ ᒠᕐᑕᓐ ᓯᐱᒡ ᒋᔨᐛᐤ ᒐᒋ ᑎᐸᔨᑎᒪᒄ᙮ ᐊᑯ ᐊᓄᒡ, ᒐ ‍ ᒥᔭᑯᒡ ᒋᓂᑐᐱᔪᐅ-ᐃᔨᒧᐛᐅᒡ ᓂᑐᐱᔪᐅ-ᐊᐱᒋᑕᐅᓇ ᑭᔭ ᐊᑲᒥᒡ ᒠᕐᑕᓐ ᓯᐱᒡ ᒐ ‍ ᐃᑎᓴᐛᑯᒡ ᐊ ‍ ᓂᑲᓂᔅᑯᐛᒡ ᑯᑎᑲ ᐃᔅᕋᐃᓪ ᐊ ‍ ᐃᑎᔅᑲᓇᓯᔨᒋ ᓂᑐᐱᔪᐅ-ᐃᔪᐛ ᒐᒋ ᐎᒋᐃᑯᒡ ᒐᒋ ᒪᑯᓇᒡ ᐊᓂᔭ ᐊᔅᒋᔪᐤ ᑲ ‍ ᒥᔭᑭᓄᐅᒡ᙮
\v 19 ᒥᒄ ᒋᐅᐛᐅᒡ ᑭᔭ ᒋᑦ ᐊᐛᓯᒧᐛᐅᒡ ᑭᔭ ᒥᒐᑦ ᒋᑦ ᐊᐛᓯᓯᒧᐛᐅᒡ ᒋᑭ ᒋ ‍ ᑕᐅᒡ ᐊᓐᑕ ᐅᑕᓇᐛ ᑲ ‍ ᒥᔨᑎᑯᒡ᙮
\v 20 ᒋᑦ ᐃᔨᒧᐛᐅᒡ ᒋᑭ ᐎ ‍ ᐎᒐᐅᒡ ᒋᒋ ‍ ᐃᔅᕋᐃᓪ ᐃᔨᒧᐛᐛ ᐸᑐᔅ ᒋ ‍ ᒥᔨᑯᑥᐛ ᑎᐸᔨᒋᒐᓱᐛ ᒋᔭᒪᔨᑎᒧᐅᓂᒡ ᐊᓐᑕ ᐎᒋᔨᒋ ᒋ ‍ ᒪᑯᓇᑥᐛ ᒥᓯᐛ ᐊᔅᒋᔪᐤ ᒪᔨᑯᒡ ᑎᐸᔨᒋᒐᓱᐛ ᒋᒋᓴᒪᓂᑐᒥᓄᐛ ᐊᑎᒪᐱᓱᒧᒡ ᐃᑕᒐ ᒠᕐᑕᓐ ᓯᐱᔪᐤ᙮ ᓇᓇᒐ, ᑲᐤ ᐊᓐᑕ ᒋᑭ ᒋ ‍ ᐃᑐᑕᓇᐛᐤ ᐅ ᐊᔅᒋᔾ ᑲ ‍ ᒥᔨᑎᑯᒡ᙮’
\p
\v 21 ᑭᔭ ᓂᒋ ‍ ᐃᑕᐤ ᒐᓱᐛ, ‘ᒥᓯᐛ ᔅᒋ ‍ ᐛᐸᑎᒺᓐ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲ ‍ ᐃᑐᑐᐛᑦ ᐊ ‍ ᓂᓯᔨᒋ ᒋᓴᐅᒋᒪᐛ ᓯᐧᑯᓇ ᑭᔭ ᐅᑲ᙮ ᐸᐃᑯᑕᐤ ᒋᑭ ‍ ᐃᑐᑐᐛᐤ ᐊᓂᔭ ᐃᔪᐛ ᐊᓄᒡ ᐛᒋᔨᒋ ᐊᓐᑕ ᐊᔅᒋᒡ ᒐ ‍ ᐃᑐᑕᐛᒄ᙮
\v 22 ᒐ ᐊᑲ ‍ ᑯᔅᑕᑯᒡ ᐊᓐᒡ ᐃᔪᒡ, ᐛᔅ ᐊᐅᑯᓐ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒐ ‍ ᒪᓯᒐᔅᑎᒪᑕᒄ ᒥᓯᐛ ᐊᑎᓯᔭᒄ᙮’ ”
\s1 ᒋᓴᒪᓂᑐᐤ ᓇᒪ ᐅᒋ ᓇᐊᔨᒪᐤ ᒧᓱᓴ ᑲᐃᓇᓐ ᐊᔅᒋᒡ ᒐᒋ ᐃᑐᑕᔨᒋ
\p
\v 23 “ᒪᒂᒡ ᐅᔭ, ᓇᔅᒡ ᓂᒋ ‍ ᓂᑐᑎᒪᓐ, ᐊ ‍ ᐃᔅᒋᔄᔭᓐ,
\v 24 ‘ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ, ᒋᔭᒻ ᔅᒋ ‍ ᐛᐸᑎᔨᓐ ᐊᔅᐱᔅ ᓱᐧᑲᑎᓯᔨᓐ ᑭᔭ ᔅᒋ ‍ ᐛᐸᑎᔨᓐ ᒐᒋ ᐃᑐᑎᒥᓐ ᒪᒪᔅᑲᒡ ᒐᒂᔪᐛ᙮ ᓇᒪ ᑕᐤ ᑯᑎᒃ ᒥᓂᑐᐤ ᐊᓐᑕ ᒋᒋᒋᓯᑯᒡ ᑭᔭ ᒪᒃ ᐅᑕ ᐊᔅᒋᒡ ᒐᒋ ᐃᑐᑕᐧᒃ ᒪᒪᔅᑲᒡ ᒐᒂᔪᐛ ᒧᔭᒻ ᐊ ‍ ᐃᑐᑎᒥᓐ᙮
\v 25 ᐊᑯ ᓇᐃᒥ ᒐᒋ ᐊᓱᐛᐊᒪᓐ ᒠᕐᑕᓐ ᓯᐱᔾ ᑭᔭ ᒐᒋ ᐛᐸᑎᒪᓐ ᐊ ‍ ᒥᔽᔅᒡ ᐊᔅᒋᔾ ᐊᓐᑕ ᐛᐱᓄᑕᒡ ᐃᑕᒐ, ᓇᔅᒡ ᐊ ‍ ᒥᔽᔅᒡ ᐊ ‍ ᐛᐛᑭᑕᐅᐧᑲᒡ ᐊᔅᒋᔾ ᑭᔭ ᓚᐸᓇᓐ ᐱᔅᑯᑎᓇᐛ᙮’
\p
\v 26 ᒥᒄ ᑎᐸᔨᒋᒐᓱᐤ ᓂᒋ ‍ ᒋᔄᐱᔅᑕᒄ ᒋᑦ ᐊᓂᔅᑯᑕᐸᓂᐛᐅᒡ ᐅᒡ ᑲᓯᒋᒥᒡ ᒐᒋ ᐃᑐᑎᒧᒡ ᒐᒂᔪᐤ, ᐊᑯ ᓇᒪ ᓂ ᐅᒋ ‍ ᐎᓂᑐᑕᒄ᙮ ᒥᔅᑯᒡ ᓂᒋ ‍ ᐃᑎᒄ, ‘ᐊᑯᓐ ᓴᔅ ᐃᔅᐱᔪᐤ ᐊᔅᐱᔅ ᐃᔨᒥᔨᓐ ! ᓇᒪ ᓴᔅ ᓂ ᐎ ‍ ᐸᑕᓐ ᐅ ᒐᒋ ᐛᐎᑎᒥᓐ ! 
\v 27 ᒐ ‍ ᓴᑭᒋᐛᔨᓐ ᑕᐧᑯᒡ ᐱᔅᑲ ᐱᔅᑯᑎᓇᐤ ᑭᔭ ᒋᐛᑎᓄᒡ, ᓴᐅᓄᒡ, ᐛᐱᓄᑕᒡ ᑭᔭ ᐊᑎᒪᐱᓯᒧᒡ ᒐ ‍ ᐃᑕᐱᔨᓐ᙮ ᓇᔅᒡ ᒐ ᒥᔪ ᒋ ‍ ᑕᐸᑎᒥᓐ, ᐛᔅ ᓇᒪ ᒋᑭ ᒋ ‍ ᐊᓱᐛᐊᓐ ᒠᕐᑕᓐ ᓯᐱᔾ᙮
\v 28 ᒥᒄ ᒐ ‍ ᐎᑎᒧᐅᑦ ᒐᓱᐛ ᒐᒂᔪᐤ ᒐ ᐎ ‍ ᐃᑐᑕᐧᒃ ᑭᔭ ᒐ ‍ ᓯᒋᒥᑦ ᒐᒋ ᓱᒋᓯᑦ ᐛᔅ ᒋᑭ ‍ ᓂᑲᓄᑕᐊᐤ ᐃᔅᕋᐃᓪ ᐃᔪᐛ ᒐᒋ ᐊᓱᐛᐊᒥᔨᒋ ᒠᕐᑕᓐ ᓯᐱᔪᐤ ᒐᒋ ᒪᑯᓂᒥᔨᒋ ᐊᓂᔭ ᐊᔅᒋᔪᐤ ᐊᓐᑕ ᑕᐧᑯᑕᒧᑎᓐ ᒐ ᐅᒋ ‍ ᐛᐸᑎᒥᓐ᙮’
\v 29 ᐊᑯ ᐊᑯᑕ ᑲ ‍ ᐃᑕᔭᒡ ᐊᓐᑕ ᐊ ‍ ᐱᓴᒡ ᒠᕐᑕᓐ ᓯᐱᔾ ᒥᒋᒪ ᐸᑦ-ᐱᐅᕐ ᐅᑕᓇᐤ᙮”
\c 4
\s1 ᒧᓱᔅ ᒋ ‍ ᓯᒋᒪᐤ ᐃᔪᐛ ᒐᒋ ᓇᐃᑎᒥᔨᒋ ᒋᓴᒪᓂᑐᐛ ᐅᑦ ᐃᑎᓱᐛᐅᓂᔨᐛ
\s2 Deuteronomy 4.1-2, 6-9 (Proper-17 Year B)
\p
\v 1 “ᐊᓄᒡ ᐃᔅ ᒪᒃ ᓂᑐᑎᒧᒄ ᐅ ᐃᔅᕋᐃᓪ ᐃᔪᒡ, ᐎᓱᐛᐅᓇ ᑭᔭ ᑎᐸᔅᑯᓂᒐᐅᓇ, ᑲ ‍ ᒋᔅᑯᑎᒪᑎᑯᒡ, ᒐᒋ ᐃᑐᑎᒪᒄ, ᐊᑯ ᒪᒃ ᒐᒋ ᐱᒪᑎᓯᔭᒄ, ᑭᔭ ᐱᒐᔭᒄ ᒐᒋ ᑎᐸᔨᑎᒪᒄ ᐊᓂᒪ ᐊᔅᒋᔾ ᑲ ‍ ᒥᔨᑕᒄ ᐅᑎᐸᔨᒋᒐᐤ ᒍᑕᐎᐛᐅᒡ ᐅᒋᓴᒪᓂᑐᒧᐛᐛ᙮
\v 2 ᐊᑲᐎᔾ ᒋᑭ ‍ ᔭᒋᑕᓇᐛᐤ ᐊᓂᒪ ᐃᔨᒧᐅᓐ ᑲ ‍ ᐃᑎᓱᐛᑎᑎᑯᒡ, ᐊᑲ ᑭᔭ ᒋᑭ ‍ ᐊᒍᐅᓇᓇᐛᐤ, ᒥᒄ ᓂᓇᐃᑎᒺᐧᒄ ᐅᐎᓱᐛᐅᓇ ᑎᐸᔨᒋᒐᐤ ᒋᒋᓴᒪᓂᑐᒧᒥᓄᐤ, ᑲ ‍ ᐃᑎᓱᐛᑎᑎᑯᒡ᙮
\p
\v 3 ᒋᒋ ‍ ᐛᐱᒪᐛᐤ ᑕᓐ ᑲ ᐃᓯ ‍ ᓂᐸᐊᑦ ᒥᓯᐛ ᐊᐛᔪᐛ ᑲ ‍ ᐊᔭᒥᐊᔅᑐᐛᔨᒋ ᐸᐊᓪ-ᐱᐅᕋ ᒥᓂᑐᐧᑲᓇ᙮
\v 4 ᒥᒄ ᒪᒃ ᒥᓯᐛ ᒋᔨᐛᐤ ᑲ ‍ ᑕᑈᐛᒐᔨᒪᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊᔅᒄ ᒋ ‍ ᐱᒪᑎᓯᓇᐛᐤ ᐊᓄᒡ ᒐᓯᑲᒡ᙮
\p
\v 5 ᐛᐸᑎᒥᒄ, ᒋ ‍ ᒋᔅᑯᑎᒪᑎᓇᐛᐤ ᒋᔅᑯᑎᒪᒐᐅᓇ ᑭᔭ ᐎᓱᐛᐅᓇ ᒧᔭᒻ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲ ‍ ᐃᑎᓱᒥᑦ, ᐊᑯ ᒪᒃ ᒐᒋ ᓂᓇᐃᑎᒪᒄ ᐊᓐᑕ ᐊᔅᒋᒡ ᒐ ‍ ᐱᒐᔭᒃ ᒐᒋ ᐅᑎᓂᒪᒄ᙮
\s2 Deuteronomy 4.1-2, 6-9 (Proper-17 Year B)
\p
\v 6 ᑭᓄᐛᔨᑎᒧᒄ ᐃᔅ ᒪᒃ ᑭᔭ ᐃᑐᑎᒧᒄ; ᐛᔅ ᐊᐅᑯᐤ ᒋᑭᒐᑕᐛᔨᑎᒧᐅᓄᐛᐤ ᑭᔭ ᒋᓂᔅᑐᑎᒧᐅᓄᐛᐤ ᐊ ‍ ᑭᓄᐛᐱᒥᑕᑯᒡ ᑲ ‍ ᑕᑐᔅᑲᓇᓯᒡ ᐃᔪᒡ, ᒐ ‍ ᐸᑕᒡ ᒥᓯᐛ ᐅᔭ ᐎᓱᐛᐅᓇ, ᑭᔭ ᒐ ‍ ᐃᔅᒋᔄᒡ, ‘ᒐᔅᑎᓇᔅ ᐊᑯ ᐊ ᒋᓴ ‍ ᐃᑎᔅᑲᓇᓯᒡ ᐃᔪᒡ ᑭᒐᑕᐛᔨᑎᒧᐎ ᑭᔭ ᓂᔅᑐᑎᒧᐎ ᐃᔪᐅᒡ᙮’
\v 7 ᐛᔅ ᒐᒄ ᐃᔪᒡ ᐊᔅᐱᔅ ᒋ ‍ ᐃᑕᔨᑕᑯᓯᒡ, ᑲ ‍ᐃᔅᐱᔅ ‍ ᐸᔄᐱᒥᑯᒡ ᒋᓴᒪᓂᑐᐛ, ᐃᔅᐱ ᐅᑎᐸᔨᒋᒐᐤ ᒋᒋᓴᒪᓂᑐᒥᓄᐤ ᐊᑎᑦ ᒥᓯᐛ ᒐᒂᓇ ᐅᒋ ᑲ ‍ ᓂᑐᑎᒧᐛᐧᒄ ?
\v 8 ᑭᔭ ᓇᒪ ᑕᐅᒡ ᐃᔪᒡ ᑯᑎᑭᒡ, ᐊᑎᓱᐧᒄ ᐊ ᒥᔅᑎ ‍ ᓱᐧᑲᑎᓯᒡ, ᐊᔭᒡ ᐎᓱᐛᐅᓇ ᑭᔭ ᑎᐸᔅᑯᓂᒐᐅᓇ ᐊ ᐃᔅᐱᔅ ‍ ᑯᐃᔅᑯᓂᔨᒋ, ᐃᔅᐱ ᒥᓯᐛ ᐅᒪ ᐃᑎᓱᐛᐅᓐ ᑲ ‍ ᐎᑎᒪᑎᑯᒡ ᐊᓄᒡ ᒐᓯᑲᒡ ?
\p
\v 9 ᒥᒄ ᐃᔭᒂᒥᓯᒄ, ᑭᔭ ᒥᔪ ‍ ᑭᓄᐛᔨᒥᓱᒄ, ᒐ ᐊᑲ ᒋ ᐅᓂᒋᔅᒋᔭᒄ ᐊᓂᔭ ᒐᒂᓇ ᒋᔅᒋᓯᑯᐛᒡ ᑲ ‍ ᐛᐸᑎᒪᒄ ᒋᓴᒪᓂᑐᐤ ᑲ ‍ ᐃᑐᑕᐧᒃ᙮ ᒐ ‍ ᒋᔅᒋᑎᒪᒄ ᐅᔭ ᒐᒂᔪᐛ ᒥᓯᐛ ᑕᑐᐤ ᒋᓯᑲᐛ ᒐ ᐃᔅᐱᔅ ‍ ᐱᒪᑎᓯᔭᒄ: ᒪᒃ ᒐ ‍ ᒋᔅᑯᑎᒧᐛᑯᒡ ᒋᑦ ᐊᐛᓯᒧᐛᐅᒡ ᑭᔭ ᒍᓯᒧᐛᐅᒡ᙮
\p
\v 10 ᒋ ‍ ᒋᔅᒋᑕᓇᐛᐤ ᐊ ᐊᓂᔭ ᒋᓯᑯᔪᐤ ᒋᑦ ᐊᓂᔅᑯᑕᐸᓄᐛᐅᒡ ᑲ ‍ ᐅᑎᔅᑯᑲᐳᔅᑐᐛᒡ ᒋᓴᒪᓂᑐᐛ ᐊᓐᑕ ᓴᐃᓇᐃ ᐱᔅᑯᑎᓇᒡ ? ᐃᔅᐱ ᑲ ‍ ᐃᓯᑦ, ‘ᒐ ‍ ᒪᒧᐅᓂᑥᐤ ᐃᔪᒡ ᒐᒋ ᐸᑕᒡ ᒐᒂᔪᐤ ᐊᔅᒋᔄᐅᒡ᙮ ᓂᑐᐛᔨᒪᐅᒡ ᒐᒋ ᓇᔅᒡ ᐃᔅᐱᑕᔨᒥᒡ ᒐ ᐃᔅᐱᔅ ‍ ᐱᒪᑎᓯᒡ, ᑭᔭ ᒐᒋ ᒋᔅᑯᑎᒧᐛᒡ ᐅᑦ ᐊᐛᓯᒧᐛᐛ ᐸᐃᑯᑕᐤ ᒐᒋ ᐃᑐᑎᒥᔨᒋ᙮’
\v 11 ᒐ ‍ ᐃᑎᑥᐤ ᒋᑦ ᐊᓂᔅᑯᑕᐸᓄᐛᐅᒡ ᒋ ‍ ᑎᑯᓯᓄᐅᒡ ᐅᑕ ᓂᑎᒍᐤ ᓴᐃᓇᐃ ᐱᔅᑯᑎᓇᒡ ᒪᒂᒡ ᑲ ‍ ᐛᔭᑕᒡ ᐃᔅᑯᑕᐤ ᐅᒡ ᒋᓯᑯᒡ ᐃᔅ, ᑭᔭ ᐱᔅᑯᑎᓇᐤ ᑲ ‍ ᐊᑯᓇᐃᐱᔨᒡ ᐊ ‍ ᐎᐱᓯᑦ ᑭᔅᑯᐅᓂᒡ ᑭᔭ ᐊ ‍ ᐎᐸᐸᑕᒡ᙮
\v 12 ᐊᑯ ᑎᐸᔨᒋᒐᓱᐤ ᒂ ‍ ᐃᔨᒪᐊᑦ ᒋᑦ ᐊᓂᔅᑯᑕᐸᓄᐛᐛ ᐊᓐᑕ ᑕᑕᐅᒡ ᐃᔅᑯᑕᒡ ᐅᒡ᙮ ᒋ ‍ ᐸᑐᐛᐅᒡ ᒋᑦ ᐊᓂᔅᑯᑕᐸᓄᐛᐅᒡ ᐊᔨᒥᔨᒋ ᒥᒄ ᓇᒪ ᐅᒋ ᐛᐱᒪᐅᒡ᙮ ᒥᒄ ᒋᔭᒻ ᒋ ‍ ᐸᑐᐛᐅᒡ᙮
\v 13 ᑭᔭ ᒋ ‍ ᐎᑎᒧᐛᐤ ᐅᓂᔅᑯᒧᐅᓇ ᑭᔭ ᒋᔨᐛᐤ ᓇᑐᐛᔨᒥᑕᒄ ᒐᒋ ᐱᓯᒋᑎᒺᒄ᙮ ᐸᐃᑯᔪᐤ ᐃᑎᓱᐛᐅᓇ ᒋ ‍ ᒥᔭᐤ᙮ ᓂᓱ ᐊᓯᓂᒡ ᒋ ‍ ᒥᓯᓇᑕᐊᒻ᙮
\v 14 ᓂᒋ ‍ ᐃᑎᓱᒥᒄ ᑎᐸᔨᒋᒐᓱᐤ ᒐᒋ ᒋᔅᑯᑎᒪᑎᑯᒡ ᒥᓯᐛ ᐎᓱᐛᐅᓇ ᑭᔭ ᒐ ‍ ᐃᔨᑎᓇᓄᐅᒡ, ᒐᒋ ᓂᓇᐃᑎᒪᒄ ᐊᓐᑕ ᐊᔅᒋᒡ ᒐ ‍ ᐅᑎᓂᒪᒄ ᑭᔭ ᒐ ‍ ᐱᔨᒐᔭᒃ᙮”
\s1 ᒧᓱᔅ ᒋ ‍ ᐃᔭᒂᒪᐤ ᒐ ᐊᑲ ‍ ᐊᔭᒥᐊᔅᑐᐛᔨᒋ ᒥᓂᑐᐧᑲᓇ
\p
\v 15 “ᐊᓂᔭ ᒋᓯᑯᔪᐤ ᑎᐸᔨᒋᒐᓱᐤ ᑲ ‍ ᐃᔨᒪᑦ ᒋᑦ ᐊᓂᔅᑯᑕᐸᓄᐛ ᐊᓐᑕ ᓴᐃᓇᐃ ᐱᔅᑯᑎᓇᒡ, ᓇᒪ ᐅᒋ ᓄᑯᓱᐤ, ᐊᑯ ᐃᔭᒂᒥᒄ᙮
\v 16 ᒐ ᐊᑲ ‍ ᒥᒋᑐᑎᒪᒄ ᐊᐅᓯᐊᒄ ᒥᓂᑐᐧᑲᓐ, ᐊ ‍ ᐛᐸᑕᑭᓄᐅᒡ ᒐᒂᓂᒡ ᒐᒋ ᐃᓯᓇᑯᓯᑦ ! ᒐ ᐊᑲ ‍ ᐊᐅᓯᐊᒄ ᒥᓂᑐᐧᑲᓐ ᒐᒋ ᐃᓯᓇᑯᓯᑦ ᒧᔭᒻ ᐃᔎᐤ ᑭᔭ ᒪᒃ ᓇᐸᐤ᙮
\v 17 ᑭᔭ ᒪᒃ ᒐᒋ ᐃᓯᓇᑯᓯᑦ ᒧᔭᒻ ᐊᐛᓯᔅ ᑭᔭ ᒪᒃ ᐱᔭᓱᐤ᙮
\v 18 ᑭᔭ ᒪᒃ ᒧᔭᒻ ᒥᓂᑐᓯᔅ ᐊ ‍ ᐱᐸᒥᑕᒋᒧᑦ ᒧᔅᑎᔅᑭᒥᒡ ᑭᔭ ᒪᒃ ᓂᒪᔅ ᐊᓐᑕ ᑕᒥᐸᑯᒡ ᐎᓂᐸᑯᒡ᙮
\v 19 ᑭᔭ ᐃᔭᒂᒥᒄ ᒐ ᐊᑲ ‍ ᐃᑕᐱᔭᒃ ᐊᓐᑕ ᒋᓯᑯᒡ ᑭᔭ ᓴᐧᑯᒋᐃᑯᐅᔭᒃ ᒐᒋ ᐊᔭᒥᐊᔅᑎᒪᒄ ᒐᒂᓐ ᐎᔭᐸᑎᒪᒄ, ᒋᓯᑲᐤ ᐱᓯᒻ ᑭᔭ ᒪᒃ ᑎᐱᔅᑲᐤ ᐱᓯᒻ ᑭᔭ ᒪᒃ ᐅᒐᑯᑕᐧᑯᒡ, ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋ ‍ ᒥᔭᐤ ᒥᓯᐛ ᐃᔪᐛ ᒥᓯᑕ ᒧᔭᒻ ᓱᐛᔨᑕᑯᑕᒐᐅᓂᔪᐤ, ᒥᒄ ᓇᒪ ᒋᑭ ᐎ ‍ ᐊᔭᒥᔅᑐᐛᐛᐅᒡ᙮
\v 20 ᑎᐸᔨᒋᒐᓱᐤ ᒋ ‍ ᐎᐎᑕᐤ ᒋᑦ ᐊᓂᔅᑯᑕᐸᓄᐛᐛ ᐊᓐᑕ ᐃᒋᑉᑎᒡ ᐅᒡ, ᐊᓐᑕ ᑲ ‍ ᐎᓯᒐᔨᑕᒡ ᒧᔭᒻ ᐊᓐᑕ ᐊᑕᑥᐎ ᐱᑎᑭᒥᒡ ᒋᓴᐱᔅᒐᐛᓂᒡ ᐊ ‍ ᐃᔅᑯᑕᐎᔨᒋ ᒐᒋ ᐃᓯᓇᑯᓯᒡ ᐊ ‍ ᑎᐸᔨᒥᑯᒡ ᒧᔭᒻ ᐊᓄᒡ ᐊ ‍ ᐃᓯᓇᑯᓯᔭᒄ᙮
\p
\v 21 ᒥᒄ ᑎᐸᔨᒋᒐᓱᐤ ᓂᒋ ‍ ᒋᔄᐱᔅᑕᒄ ᒋᑦ ᐊᓂᔅᑯᑕᐸᓂᐛᐅᒡ ᐅᒡ ᑲᓯᒋᒥᒡ ᒐᒋ ᐃᑐᑎᒧᒡ ᒐᒂᔪᐤ, ᓇᔅᒡ ᒋ ‍ ᐃᔅᒋᔄᐤ ᒐ ᐊᑲ ‍ ᐊᓱᐛᐅᒧᒡ ᒠᕐᑕᓐ ᓯᐱᔪᐤ ᒐᒋ ᐃᑐᑕᐅᒡ ᐊᓐᑕ ᐊ ‍ ᒥᔽᔨᒡ ᐊᔅᒋᔪᐤ ᒐ ‍ ᒥᔨᑕᒄ᙮
\v 22 ᓂᒋ ‍ ᐃᑎᒄ ᐊᑯᑕ ᐅᑕ ᐊᔅᒋᒡ ᒐ ‍ ᐳᓂᐱᒪᑎᓯᔪᐅᒡ ᑭᔭ ᒐ ᐊᑲ ‍ ᓂᑕ ‍ ᐊᓱᐛᐅᒧᒡ ᒠᕐᑕᓐ ᓯᐱᔪᐤ ᒥᒄ ᒋᔨᐛᐤ ᒋᑭ ‍ ᐊᓱᐛᐊᓇᐛᐤ ᑭᔭ ᒋᑭ ‍ ᐅᑎᓇᓇᐛᐤ ᐊᓐ ᐊᔅᒋᔾ᙮
\v 23 ᒐ ‍ ᒋᔅᒋᑎᒪᒃ ᐊᓂᔭ ᐊᓱᑎᒪᒐᐅᓂᔪᐤ ᑲ ‍ ᑐᑕᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊᓯᒡ ᒋᔨᐛᐤ, ᑭᔭ ᒐ ᐊᑲ ‍ ᑐᑐᐛᒃ ᑯᑎᒃ ᒥᓂᑐᐧᑲᓐ ᒥᒄ ᑕᓐ ᐃᓯᓇᑯᔅᑦ, ᐛᔅ ᔅᒋ ‍ ᑯᔅᑎᔨᑯᐛᐤ ᐅᔭ ᒐᒋ ᐃᔨᑎᐛᒄ᙮
\v 24 ᐛᔅ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᒋᑭ ᓂᓱᐅᓇᒋᐊᐤ ᐊᐛᔪᐛ ᐊᔭᒥᐊᔅᑐᐛᔨᒐᓂ ᒥᓂᑐᐧᑲᓇ, ᒧᔭᒻ ᓇᔅᒡ ᐊ ‍ ᓂᓱᐅᓇᒋᑎᒡ ᒐᒂᓐ ᐃᔅᑯᑕᒡ᙮ ᓂᑐᐛᔨᒪᐤ ᐃᔪᐛ ᐎᔾ ᒥᒄ ᒐᒋ ᐊᔭᒥᐊᔅᑕᑯᑦ, ᒋᑭ ‍ ᐊᓏᔨᒪᐤ ᐊᐛᔪᐛ ᐊᔭᒥᐊᔅᑐᐛᔨᒐᓂ ᑯᑎᑲ ᐊᐛᔪᐛ ᑭᔭ ᒪᒃ ᑯᑎᒋᔪᐤ ᒐᒂᔪᐤ᙮
\p
\v 25 ᐃᔅᐱ ᓇᐅᔅ ᑕᔭᒂ ᐊᓐᑕ ᑲᐃᓇᓐ ᐊᔅᒋᒡ ᑭᔭ ᐅᑦ ᐊᐛᓯᒥᔭᒂ ᑭᔭ ᐅᓯᒥᔭᒂ, ᒐ ᐊᑲ ‍ ᒥᒋᑐᑎᒪᒄ ᐊᐅᓯᐊᑯᒡ ᒥᓂᑐᐧᑲᓐᒡ ᐊᓂᔅᐱᑐᒧᒥᑲᒡ ᒥᒄ ᐊᓯᓇᒂᒡ ᒐᒂᓐ, ᐛᔅ ᑎᐸᔨᒋᒐᓱᐤ ᐃᔅᒋᔄᐤ ᐊ ‍ ᒥᒋᑐᑐᒥᑭᓂᔨᒡ, ᑭᔭ ᐃᑐᑎᒪᒂ ᐅ, ᒋᑭ ‍ ᑐᑐᐛᐛᐤ ᒐᒋ ᒋᔄᐱᔅᑕᑕᒄ ᑭᔭ ᐊᓏᔨᒥᑕᒄ᙮
\v 26 ᐊᓄᒡ ᒐᓯᑲᒡ ᓂᑥᔨᒪᐤ ᒥᓯᐛ ᐊᐛᓐ ᐊᓐᑕ ᐊ ‍ ᑕᑦ ᒋᒋᒋᓯᑯᒡ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᒐᒋ ᓇᑭᑐᐛᔨᒥᓱᑦ ᒐᒂᔪᐤ ᐊ ‍ ᐃᑐᑕᐧᒃ᙮ ᐊ ᐊᑲ ‍ ᓂᑐᑐᐅᔭᒂ ᒐᒂᓐ ᐛᑎᒪᑎᑯᒡ ᒥᓯᐛ ᒋᑭ ‍ ᐳᓂᐱᒪᑎᓯᓇᐛᐤ ᐊᓐᑕ ᐊᔅᒋᒡ ᒐ ‍ ᒪᑯᓂᒪᒄ ᐊᓐᑕ ᒐ ‍ ᐊᓱᐛᐊᒪᒄ ᒠᕐᑕᓐ ᓯᐱᒡ ᐃᑕᒐ᙮ ᓇᒪ ᓇᐅᔅ ᒋᑭ ‍ ᐱᒪᑎᓯᓇᐛᐤ ᐊᓐᑕ ᐊᔅᒋᒡ ᒐ ‍ ᒪᑯᓂᒪᒄ, ᒥᒐᑦ ᐊᑎᓯᔭᒄ ᒋᑭ ‍ ᓂᓱᐅᓇᒋᐃᑯᐛᐤ ᑎᐸᔨᒋᒐᓱᐤ᙮
\v 27 ᒥᒄ ᐊᔅᒄ ᐱᔅᒐ ᒋᑭ ‍ ᑕᓇᐛᐤ ᒐ ‍ ᐱᒪᑎᓯᔭᒄ ᑭᔭ ᒋᑭ ‍ ᑐᑕᑯᐛᐤ ᒐᒋ ᓂᑭᑎᒪᒃ ᐊᔅᒋᔾ ᑲ ‍ ᒥᔨᑯᐅᔭᒃ ᑭᔭ ᒥᓯᐛ ᐊᓐᑕ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋᑭ ᐃᓯ ‍ ᐱᔅᑎᓂᑯᐛᐤ᙮
\v 28 ᐃᔅᐱ ᑕᔭᒂ ᐊᓐᑕ ᐊ ‍ ᐃᑎᔅᑲᓇᓯᒡ ᐃᔪᒡ, ᐊᑯᑕ ᒐ ᐊᑎ ‍ ᐊᔭᒥᐊᔅᑐᐛᑯᒡ ᐊᓐᒡ ᒥᓂᑐᐧᑲᓐᒡ ᒥᔅᑎᑯᒡ ᑭᔭ ᐊᓯᓂᒡ ᐊ ᐅᒋ ‍ ᐅᓯᐊᑭᓄᐅᒡ, ᑭᔭ ᒥᓂᑐᐧᑲᓐᒡ ᐃᔪᐤ ᐊ ‍ ᐅᓯᐊᑦ, ᑭᔭ ᒥᓂᑐᐧᑲᓐᒡ ᐊ ᐊᑲ ‍ ᒐᒂᔪᐤ ᐛᐸᑕᒡ ᑭᔭ ᒪᒃ ᐸᑕᒡ ᒐᒂᔪᐤ, ᑭᔭ ᒪᒃ ᐊᐊᑲ ‍ ᒥᔭᒐᒡ ᑭᔭ ᒪᒃ ᐊᑲ ‍ ᒥᒋᓱᒡ᙮
\v 29 ᒥᒄ ᒪᒂᒡ ᑕᔭᒂ ᐊᓐᑕ, ᑯᒋᑕᔭᒂ ᒐᒋ ᒋᔅᒐᔨᒪᒃ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᑭᔭ ᑯᒋᑕᔭᒂ ᒥᓯᐛ ᐊᔅᐱᑎᓯᔭᒄ ᒐᒋ ᒋᔅᒐᔨᒪᒃ, ᒋᑭ ‍ ᓂᑯᓯᔅᑕᑯᐛᐤ᙮
\v 30 ᐊᓐᑕ ᓂᑲᓄᒡ ᒋ ᐃᓯ ‍ ᓂᓇᐧᑲᒋᐃᑯᐅᔭᒂ ᑭᔭ ᒥᓯᐛ ᒋ ‍ ᐃᓯ ‍ ᒥᒋᐱᔨᔭᒂ, ᒪᒃ ᒥᓐ ᑲᐤ ᒋᑭ ‍ ᐊᔭᒥᐊᔅᑐᐛᐛᐤ ᑭᔭ ᓂᓇᐃᑐᐛᐛᐤ ᑎᐸᔨᒋᒐᓱᐤ᙮
\v 31 ᑎᐸᔨᒋᒐᓱᐤ ᐊᐅᑯᓐ ᒋᓴᒪᓂᑐᐤ ᒐᑎᒪᒐᔨᒧᐛᑦ᙮ ᓂᓇᐃᑐᐛᒂ, ᓇᒪ ᒋᑭ ‍ ᓂᑭᑎᑯᐛᐤ ᑭᔭ ᒪᒃ ᓂᓱᐅᓇᒋᐃᑯᐛᐤ ᑭᔭ ᒪᒃ ᒐ ᐊᑲ ‍ ᐅᓂᒋᔅᒋᑕᐧᒃ ᓂᔅᑯᒥᑐᐅᓂᔪᐤ ᑲ ‍ ᑐᑕᐧᒄ ᐊᓯᒡ ᒋᑦ ᐊᓂᔅᑯᑕᐸᓂᐛᐛ᙮”
\s1 ᑎᐸᔨᒋᒐᓱᐤ ᐊᐅᒃ ᒥᒄ ᒐᓴᒪᓂᑐᐅᑦ
\p
\v 32 “ᐊᑯ ᒪᒥᑐᓇᔨᑎᒥᒄ ᐊᓐᑕ ᐅᑕᒡ, ᐊᔅᒄ ᐊᑲ ‍ ᐅᒋ ᐃᔪᐅᔭᒃ, ᐊᓂᔭᔪᐤ ᒋᓯᑯᔪᐤ ᐅᒡ ᓂᔅᑎᒻ ᑲ ‍ ᐅᓯᐊᑦ ᐃᔪᐛ ᒋᓴᒪᓂᑐᐤ ᐅᑕ ᐊ ‍ ᑕᔨᒋ ᐊᔅᒋᒡ᙮ ᒋᐸ ᒋ ᓇᓂᑐ ‍ ᒋᔅᒐᔨᑕᓇᐛᐤ ᒥᓯᑕ, ᐊᓐᑕ ᒋᒋᒋᓯᑯᒡ ᑭᔭ ᐊᔅᒋᒡ, ᓴᔅ ᐊ ᒋ ‍ ᐃᔅᐱᔪᐤ ᒐᒂᓐ ᐊ ‍ ᒋᔅᑕᔨᑕᒂᒡ ᒧᔭᒻ ᑎᐸᔨᒋᒐᓱᐤ ᑲ ‍ ᑐᑐᒧᐛᑦ ᐃᔅᕋᐃᓪ ᐃᔪᐛ ? ᓇᒪ ᓂᑕ ᒐᒂᓐ ᐅᒋ ‍ ᐃᔅᐱᔪᐤ ᐊ ‍ ᒋᔅᑕᔨᑕᒂᒡ ᒧᔭᒻ ᑎᐸᔨᒋᒐᓱᐤ ᑲ ‍ ᑐᑐᒧᐛᑦ ᐃᔅᕋᐃᓪ ᐃᔪᐛ᙮ ᑲ ‍ ᐅᑎᓂᑯᐅᔭᒄ ᐃᒋᑉᑎᒡ ᐅᒋ, ᓇᒪ ᓂᑕ ᐊ ᐸᑎᒻ ᐊᐛᓐ ᐅᔭ ᒐᒂᔪᐤ ᐊ ‍ ᐃᓯᓇᑯᓂᔨᒡ ? ᑕᑈ ᓇᒪ ᑕᐤ ᐊᐛᓐ ᐊᒋ ‍ ᐸᑕᐧᒃ ᐅᔭ ᒐᒂᔪᐤ ᐊ ‍ ᐃᓯᓇᑯᓂᔨᒡ᙮
\v 33 ᑕᐅᒡ ᐊ ᐊ ‍ ᐃᑎᔅᑲᓇᓯᒡ ᐃᔪᒡ ᐊᔅᒄ ᐊᐱᒪᑎᓯᒡ ᑲᒋ ‍ ᐃᔨᒥᑯᒡ ᒋᓴᒪᓂᑐᐛ ᑕᑕᐅᒡ ᐃᔅᑯᑕᒡ ᐅᒡ, ᒧᔭᒻ ᒋᔭᓄᐤ ? ᑕᑈ ᓇᒪ ᑕᐅᒡ ᐊ ‍ ᐃᑎᔅᑲᓇᓯᒡ ᐃᔪᒡ ᐊᔅᒄ ᐊᐱᒪᑎᓯᒡ ᑲᒋ ‍ ᐃᔨᒥᑯᒡ ᒋᓴᒪᓂᑐᐛ ᑕᑕᐅᒡ ᐃᔅᑯᑕᒡ ᐅᒋ, ᒧᔭᒻ ᒋᔭᓄᐤ᙮
\v 34 ᑕᑈ ᓇᒪ ᑕᐤ ᑯᑎᒃ ᒥᓂᑐᐤ ᒐᒋ ᑯᒋᐱᔨᑕᑦ ᒐᒋ ᐎᐎᑕᐊᑦ ᐊ ‍ ᒥᒐᑎᔨᒋ ᐃᔪᐛ ᐸᐃᒄ ᐊ ‍ ᐃᑎᔅᑲᓇᓯᔨᒋ ᐅᒡ ᒂᔅᑕᒐ ᐃᑕᐅᓂᒡ ᒐᒋ ᐃᑐᑕᐊᑦ ᒧᔭᒻ ᑲ ‍ ᐃᑐᑎᒪᑕᐧᒄ ᐃᔅᐱ ᑲ ‍ ᐎᐎᑕᔨᑕᐧᒄ ᐃᒋᑉᑎᒡ ᐅᒡ᙮ ᔅᒋ ᐛᐸᑎᒺᓇᓄᐤ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲ ‍ ᐊᐱᒋᑕᑦ ᒋᒋ ‍ ᓱᐧᑲᑎᓯᐅᓂᔪᐤ ᐃᔅᐱ ᒪᒥᔅᑲᒡ ᒐᒂᔪᐛ ᑲ ‍ ᐃᑐᑕᐧᒄ ᑭᔭ ᑲ ‍ ᐃᑎᓴᐧᒃ ᒥᒋ ‍ ᐃᑕᔅᐱᓇᐅᓇ ᑭᔭ ᑲ ‍ ᐃᑐᑕᐧᒃ ᒥᒐᑦ ᐊ ‍ ᑯᔅᑕᑕᔨᑕᑯᓂᔨᒋ ᒐᒂᔪᐛ, ᑭᔭ ᑲ ‍ ᐎᐧᑯᒋᔨᑕᐧᒄ ᐃᔅᐱ ᐃᒋᑉᑦ ᓂᑐᐱᔪᐅ-ᐃᔪᒡ ᑲ ‍ ᑯᒋᑕᒡ ᒐᒋ ᒪᓯᐧᑲᑕᐧᑯᒡ᙮
\p
\v 35 ᑎᐸᔨᒋᒐᓱᐤ ᔅᒋ ᐛᐸᑎᔨᑯᐛᐤ ᒥᓯᐛ ᐅᔭ ᒐᒂᔪᐛ ᒐᒋ ᐅᒋ ᒋᔅᒐᔨᑎᒺᒃ ᐎᔾ ᒥᒄ ᒋᒋᐛ ᒐᓴᒪᓂᑐᐅᑦ ᑭᔭ ᐊ ᐊᑲ ᐃᑕᑦ ᑯᑎᒃ ᒋᓴᒪᓂᑐᐤ᙮
\v 36 ᒋ ‍ ᓇᐊᔨᒪᐤ ᒋᑦ ᐊᓂᔅᑯᑕᐸᓂᐛᐛ ᒐᒋ ᐸᑕᑯᑦ ᐊ ‍ ᐃᔨᒥᐊᑦ ᒋᒋᒋᓯᑯᒡ ᐅᒋ ᒐᒋ ᒥᔪᐃᑎᒡ᙮ ᒋ ‍ ᓇᐊᔨᒪᐤ ᐅᑕ ᐊᔅᒋᒡ ᒐᒋ ᐛᐸᑎᒥᔨᒋ ᐅᒋᒋᐃᔅᑯᑕᒻ ᐊᓐᑕ ᓴᐃᓇᐃ ᐱᔅᑯᑎᓇᒡ, ᑭᔭ ᑕᑕᐅᒡ ᐃᔅᑯᑕᒡ ᒋ ᐅᒋ ‍ ᐃᔨᒥᐊᐤ᙮
\p
\v 37 ᐛᔅ ᑎᐸᔨᒋᒐᓱᐤ ᒋ ‍ ᓴᒋᐊᐤ ᒋᑦ ᐊᓂᔅᑯᑕᐸᓄᐛᐛ ᑭᔭ ᔅᒋ ᐅᑎᓂᑯᐛᐤ ᒋᔨᐛᐤ ᐃᔅᕋᐃᓪ ᐃᔪᒡ ᑲ ᐅᑦ ᐊᓂᔅᑯᑕᐸᓂᑕᑕᑯᒡ ᑭᔭ ᐅᓱᐧᑲᑎᓯᐅᓐ ᐅᒋ ᒋ ‍ ᐎᐎᑕᐤ ᒋᑦ ᐊᓂᔅᑯᑕᐸᓂᐛᐛ ᐃᒋᑉᑎᒡ ᐅᒡ᙮
\v 38 ᒪᒂᒡ ᑲ ‍ ᐸᑐᑕᔨᒋ, ᒋ ‍ ᐎᐎᑎᓴᐛᐤ ᑲ ‍ ᐃᑎᔅᑲᓇᓯᔨᒋ ᐃᔪᐛ ᐊᑎᑐᐤ ᐊ ‍ ᒥᒐᑎᔨᒋ ᑭᔭ ᐊ ‍ ᓱᐧᑲᑎᓯᔨᒋ ᐃᔅᐱᔅ ᐎᔨᐛᐤ ᒐᒋ ᓇᐃᒥᑕᒄ ᒐᒋ ᒪᑭᓂᒺᒄ ᐅᑦ ᐊᔅᒋᐛᐤ ᑭᔭ ᒐᒋ ᑎᐸᔨᑎᒺᒄ ᐊᐅᑯᓐ ᐊᓄᒡ ᐊ ‍ ᐃᔅᐱᔨᒡ᙮
\p
\v 39 ᐊᑯ ᐊᓄᒡ ᒐ ‍ ᒪᒥᑐᓇᔨᑎᒪᒄ, ᑎᐸᔨᒋᒐᓱᐤ ᐎᔾ ᒐᓴᒪᓂᑐᐅᑦ, ᑭᔭ ᐎᔾ ᑕᐸᔨᒋᒐᓯᐅᑦ ᐊᓐᑕ ᒋᒋᒋᓯᑯᒡ ᑭᔭ ᐊᔅᒋᒡ᙮ ᑭᔭ ᓇᒪ ᑕᐤ ᑯᑎᒃ ᒪᓂᑐᐤ᙮
\v 40 ᒐ ‍ ᑕᑈᑎᒪᒄ ᒥᓯᐛ ᐎᓱᐛᐅᓇ ᐊᓄᒡ ᒪᔨᑎᑯᒡ ᒐᒋ ᒥᓯᐛ ᒐᒂᓐ ᐅᒋ ‍ ᒥᔪᐱᔨᔭᒄ ᑭᔭ ᒋᑦ ᐊᓂᔅᑯᑕᐸᓂᐛᐅᒡ᙮ ᑭᔭ ᓇᐅᔅ ᒐ ‍ ᐱᒪᑎᓯᔭᒄ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᒪᔨᑕᒄ ᒐ ‍ ᑎᐸᔨᑎᒺᒄ ᒧᔅ ‍ ᑲᒋᒡ᙮”
\s1 ᑲ ‍ ᒥᔽᔨᒧᐛᒋ ᐅᑕᓇᐛ
\p
\v 41 ᐊᑯ ᒂ ‍ ᑎᐸᓂᒪᓐ ᓂᔅᑐ ᐅᑕᓇᐛ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᒡ᙮
\v 42 ᓂᐸᐊᒐ ᐊᐛᓐ ᑯᑎᒂ ᐊᐛᔪᐛ ᐊ ᐊᑲ ‍ ᐅᔅᑦ ᑐᑐᐛᑦ, ᐊ ᐊᑲ ‍ ᐅᒋ ‍ ᐛᐧᑲᑎᑯᑦ ᐊᓐᑕ ᐅᑕᒡ, ᐊᑯᑕ ᐊᓂᔭ ᐸᐃᒄ ᐅᑕᓇᐛ ᒋᐸ ᒋ ‍ ᐃᑎᓯᒧᐤ᙮ ᐊᑯᑕ ᒋᐸ ‍ ᓇᑯᑕᐛᔨᒪᑭᓄᐤ ᐊᓐᑕ ᐊᓂᔭ ᐸᐃᒄ ᐅᑕᓇᐛ, ᐛᔅ ᐊᓐᑕ ᐃᔪᐛ ᒋᐸ ‍ ᓇᑭᑐᐛᔨᒥᑯᐤ᙮
\v 43 ᓂᒋ ‍ ᑎᐸᓂᔅᑎᒧᐛᐅᒡ ᕈᐱᓐ ᐃᑎᔅᑲᓂᓯᒡ ᐱᓯᕐ ᐅᑕᓇᔪᐤ ᐊᓐᑕ ᐊ ‍ ᐃᔅᐱᑎᓇᔨᒡ ᐃᑕᒐ, ᑭᔭ ᓂᒋ ‍ ᑎᐸᓂᔅᑎᒧᐛᐅᒡ ᑲᑦ ᐃᑎᔅᑲᓇᓯᒡ ᕋᒧᑦ ᐅᑕᓇᔪᐤ ᐊᓐᑕ ᑭᓕᐊᑦ ᐃᑕᒐ, ᑭᔭ ᓂᒋ ‍ ᑎᐸᓂᔅᑎᒧᐛᐅᒡ ᒪᓇᓴ ᐃᑎᔅᑲᓇᓯᒡ ᑯᓚᓐ ᐅᑕᓇᐤ ᐊᓐᑕ ᐸᓴᓐ ᐃᑕᒐ᙮
\s1 ᐊᓐᑕ ᒧᓱᔅ ᑲ ᒥᔭᑦ ᒋᓴᒪᓂᑐᐛ ᐅᑦ ᐃᑎᓱᐛᐅᓂᔨᐛ
\p
\v 44 ᓂᒋ ‍ ᒥᔭᐅᒡ ᐃᔅᕋᐃᓪ ᐃᔪᒡ ᒋᓴᒪᓂᑐᐛ ᐅᑦ ᐃᑎᓱᐛᐅᓂᔨᐛ᙮
\v 45 ᒋ ‍ ᐊᔅᒋᐱᔪᐛ ᒥᓯᐛ ᐃᑎᓱᐛᐅᓇ ᑭᔭ ᑕᓐ ᒐ ‍ ᐃᑎᒡ ᑲ ‍ ᒥᔨᒂᐤ ᑲᒋ ‍ ᐎᐎᒡ ᐃᒋᑉᑎᒡ ᐅᒡ᙮
\v 46 ᐃᔅᐱ ᑲ ‍ ᑕᔭᒡ ᐊᓐᑕ ᐊ ‍ ᐱᓴᒡ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᒡ᙮ ᐊᑲᒥᒡ ᐃᑕᒐ ᓂᒋ ‍ ᑕᓇᓐ ᐊᓐᑕ ᐸᑦ-ᐱᐅᕐ ᐅᑕᓇᒡ, ᓯᐦᐅᓐ, ᐊᒧᕆ ᐃᔪᐛ ᒋᓴᐅᒋᒪᐛ ᐊᔅᒄ ᐊᓐᑕ ᐊᒋ ‍ ᑎᐸᔨᑎᒐᔨᒋ ᐦᐊᔅᐳᓐ ᐅᑕᓇᒡ ᑲ ‍ ᐎᒋᔨᒋ, ᓂᔾ ᑭᔭ ᑯᑎᑭᒡ ᐃᔅᕋᐃᓪ ᐃᔪᒡ ᓂᒋ ‍ ᓴᐧᑯᒋᐃᒪᓇᓂ ᐅᓂᑐᐱᔪᐅ-ᐃᔨᒪ ᐃᔅᐱ ᐃᒋᑉᑎᒡ ᑲ ᐅᒋ ‍ ᔅᑐᑕᔭᒡ᙮
\v 47 ᓂᒋ ‍ ᒪᑭᓂᒺᓇᓐ ᓯᐦᐅᓐ ᐅᑦ ᐊᔅᒋᔾ ᑭᔭ ᐊᓂᔭ ᐊᔅᒋᔪᐤ ᐅᒃ ᐸᓴᓐ ᒋᓴᐅᒋᒪᐤ ᑲ ‍ ᑎᐸᔨᒋᒐᑦ᙮ ᒋ ‍ ᓂᓱᐅᒡ ᐅᒡ ᒋᓴᐅᒋᒪᐅᒡ ᑲ ‍ ᑎᐸᔨᒪᒡ ᐊᒧᕆ ᐃᔪᐛ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᒡ᙮
\v 48 ᓴᐅᓄᒡ ᐊᕈᐊᕐ ᐅᑕᓇᒡ ᐅᒋ ᓯᓱᒡ ᐊᕐᓇᓐ ᓯᐱᔪᐤ ᐃᔅᐱᔅ ᓯᕆᐅᓐ ᐱᔅᑯᑎᓇᒡ ᐃᔅ ᐊᓐᑕ ᒋᐛᑎᓄᒡ ᒋ ‍ ᐃᔅᐱᓴᔪᐤ ᐅᑦ ᐊᔅᒋᔪᐤ, ᐱᔅᒐ ᐃᔪᒡ ᐦᐊᕐᒧᓐ ᐱᔅᑯᑎᓇᐤ ᐃᓯᓂᐧᑲᑎᒧᒡ᙮
\v 49 ᐃᔭᐱᒡ ᒋ ‍ ᐊᔅᒋᐱᔪᐤ ᒥᓯᐛ ᐊᔅᒋᔪᐤ ᐊᓐᑕ ᐛᐱᓄᑕᒡ ᐊ ‍ ᐱᓴᔨᒡ ᒠᕐᑕᓐ ᓯᐱᔪᐤ ᐃᔅᐱᔅ ᑲ ‍ ᓂᐱᔨᒥᑲᒡ ᐎᓂᐸᑯᔪᐤ ᐊᓐᑕ ᓴᐅᓄᒡ ᑭᔭ ᐊᓐᑕ ᐛᐱᓄᑕᒡ ᐊᓱᔅᑯᑎᓇᔨᒡ ᐱᔅᑲ ᐱᔅᑯᑎᓇᔪᐤ᙮
\c 5
\s1 ᐸᐃᑯᔪᐤ ᐃᑎᓱᐛᐅᓇ
\p
\v 1 ᒥᓯᐛ ᓂᒋ ‍ ᐎᓴᒪᐅᒡ ᐃᔅᕋᐃᓪ ᐃᔪᒡ ᑭᔭ ᒂ ‍ ᐃᑎᒂᐤ:
\p “ᒋᔨᐛᐤ ᐃᔅᕋᐃᓪ ᐃᔪᒡ, ᓂᑐᑎᒥᒄ ᐊᓂᔭ ᒥᓯᐛ ᐎᓱᐛᐅᓇ ᑭᔭ ᒋᔅᑯᑎᒪᒐᐅᓇ ᒪᔨᑎᑯᒡ ᐊᓄᒡ᙮ ᐎᒋᔅᒐᔨᑎᒥᒄ ᑭᔭ ᔭᔨᑕᔾ ᒐᐎ ‍ ᓇᓴᐊᒪᒄ᙮
\v 2 ᐃᔅᐱ ᑲᑕᔭᐧᒄ ᐊᓐᑕ ᓴᐃᓇᐃ ᐱᔅᑯᑎᓇᒡ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋ ‍ ᐃᑐᑎᒻ ᓂᔅᑯᒧᐅᓂᔪᐤ ᐊᓯᒡ ᒋᔭᓄᐤ᙮
\v 3 ᓇᒪᔭᐤ ᒥᒄ ᒋᑦ ᐊᓂᔅᑯᑕᐸᓄᐅᒡ ᑲ ‍ ᐃᑐᑎᒪᑯᒡ ᐊᓂᔭ ᓂᔅᑯᒧᐅᓂᔪᐤ, ᐃᔭᐱᒡ ᒋᔭᓄᐤ ᔅᒋ ‍ ᐃᑐᑎᒪᑯᓄᐤ, ᐊᓄᒡ ᐸᒪᑎᓯᔭᐧᒃ᙮
\v 4 ᑎᐸᔨᒋᒐᓱᐤ ᐅᑎᔅᑯᐤ ᔅᒋ ‍ ᐃᔨᒥᑯᓄᐤ ᐊᓐᑕ ᐱᔅᑯᑎᓇᒡ, ᑕᑕᐅᒡ ᐃᔅᑯᑕᒡ ᐅᒡ᙮
\v 5 ᐊᓐ ᒐᓯᑲᒡ, ᓂᒋ ‍ ᓂᐳᐅᓐ ᑎᔅᑐᐎᒡ ᒋᑦ ᐊᓂᔅᑯᑕᐸᓄᐛᐅᒡ ᑭᔭ ᑎᐸᔨᒋᒐᓱᐤ ᒐᒋ ᐎᑎᒧᐅᒂᐤ ᒐᒂᔪᐤ ᑲ ‍ ᐃᔅᒋᔄᑦ, ᐛᔅ ᒋ ‍ ᑯᔅᑎᒧᒡ ᐃᔅᑯᑕᔪᐤ ᑭᔭ ᓇᒪ ᐅᒋ ᐎ ‍ ᓴᑭᒋᐛᒡ ᐱᔅᑯᑎᓇᔪᐤ᙮ ᐊᐅᑯᔪᐤ ᐅᔭ ᑲ ‍ ᐃᔅᒋᔄᑦ ᑎᐸᔨᒋᒐᓱᐤ:
\b
\pi3
\v 6 ‘ᓂᔾ ᐅ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ, ᓂᔾ ᑲ ‍ ᐎᐎᑕᔨᑎᑯᒡ ᐊᓐᑕ ᐃᒋᑉᑎᒡ ᐅᒡ᙮ ᓂᔾ ᔅᒋ ‍ ᐱᐧᑯᐃᑎᓇᐛᐤ ᐊᓐᑕ ᑲ ‍ ᐊᐱᒋᑭᐊᓄᐅᔭᒄ᙮
\li
\v 7 ᒐ ᐊᑲ ‍ ᐊᔭᒥᐊᔅᑐᐛᒄ ᑯᑎᒃ ᒥᓂᑐᐤ ᓂᔾ ᒥᒄ᙮
\li
\v 8 ᐊᑲᐎᔾ ‍ ᐛᐛᒡ ᐸᐃᒄ ᒋᑭ ‍ ᐅᒡ ‍ ᐅᓯᑥᓱᓐ ᒥᓂᑐᐧᑲᓐ, ᑭᔭ ᒐᒂᓐ ᐊ ‍ ᓇᔅᐱᑕᒧᒥᑲᒡ ᒋᓯᑯᒡ ᐃᔅᐱᒥᒡ ᐊᑎᒂᒡ ᑭᔭ ᒪᒃ ᐊᔅᒋᒡ ᑭᔭ ᒪᒃ ᓂᐱᒡ ᐃᑕᒻᐸᑯᒡ᙮
\v 9 ᐊᑲᐎᔾ ᒋᑭ ‍ ᐅᒋᒋᐧᑯᓂᐱᔅᑐᐛᐛᐅᒡ, ᐊᑲ ᑭᔭ ᒋᑭ ‍ ᐊᔭᒥᐊᔅᑐᐛᐛᐅᒡ ᐛᔅ ᓂᔾ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ, ᓄᐅᒋᔨᐛᐤ ᒋᓴᒪᓂᑐᐅᓐ᙮ ᓂᑦ ᐊᓏᔨᒪᐅᒡ ᐊᓐᒡ ᑲ ‍ ᒥᒋᑐᑕᒡ ᑭᔭ ᑲ ‍ ᐛᐧᑲᓯᒡ᙮ ᓇᒪᔭᐤ ᒥᒄ ᐎᔪᐛᐤ ᒐ ‍ ᐊᓏᔨᒥᒂᐤ, ᓂᑭ ‍ ᐊᓏᔨᒪᐛ ᐅᑦ ᐊᓂᔅᑯᑕᐸᓂᐛᐛ ᐱᐃᒻ ᓂᔅᑐ ᑭᔭ ᒪᒃ ᓇᐤ ᒐ ᐊᑎ ᐊᓂᔅᒐ ‍ ᐱᒪᑎᓯᒡ᙮
\v 10 ᒥᒄ ᒋᒋᐛ ᓂᑭ ‍ ᓴᒋᐊᐅᒡ ᐊᓐᒡ ᒋᓴᒥᑕᑐᒥᑎᓄᐤ ᑲ ‍ ᐃᑎᔅᑲᓇᓯᒡ ᑲ ‍ ᓴᒋᐃᒋᔨᒡ ᑭᔭ ᑲ ‍ ᓇᐃᑕᒡ ᓂᑦ ᐃᑎᓱᐛᐅᓇ᙮
\li
\v 11 ᒐ ᐊᑲ ᒥᒋ ‍ ᐊᐱᒋᔨᑕᔭᒃ ᓂᑦ ᐃᓯᓂᐧᑲᓱᐅᓐ, ᐛᔅ ᓂᔾ ᐅ ᑎᐸᔨᒋᒐᓱᐤ ᒋᓴᒪᓂᑐᐤ, ᐊᓐ ᒋᐸ ‍ ᐊᔭᒥᐊᔅᑐᐛᐛᐤ ᑭᔭ ᓂᑭ ‍ ᐊᓏᔨᒪᐤ ᐊᓐ ᐊᐛᓐ ᑲ ‍ ᒥᒋ ‍ ᐊᐱᒋᑕᑦ ᓂᑦ ᐃᓯᓂᐧᑲᓱᐅᓂᔪᐤ᙮
\s2 Deuteronomy 5.12-15 (Epiphany-9 Year B)
\li
\v 12 “ᒧᔅ ᒋᔅᒋᓯ ᒐ ᐸᔭᒋ ‍ ᓇᑭᑐᐛᔨᑎᒥᓐ ᐊᓂᔄᓯᐅᒋᓯᑲᒡ, ᒐ ‍ ᐸᔭᒋᑕᔭᒄ ᐊᓐ ᒐᓯᑲᒡ ᒧᔭᒻ ᓂᔾ, ᑎᐸᔨᒋᒐᓱᐤ ᒋᒋᓴᒪᓂᑐᒻ, ᑲ ‍ ᐃᑎᓱᒥᑕᓐ᙮
\v 13 ᐊᓱᑕᒡ ᑕᑐᐤ ᒋᓯᑲᐛ ᒋᑭ ᐃᔅᐱᔅ ᐊᐱᑎᓯᓐ, ᑭᔭ ᒋᑭ ‍ ᑐᑕᓐ ᑭᔭ ᒥᓯᐛ ᐊ ‍ ᑎᒂᒡ ᒐᒂᓐ ᒐ ‍ ᐃᑐᑎᒥᓐ᙮
\v 14 ᒥᒄ ᐊᓐ ᐊᔽᓯᐅᒋᓯᑲᒡ ᐎᔾ ᐊᔪᐅᒄ ᐅᑦ ᐊᔽᓯᐅᒋᓯᑲᒻ ᑎᐸᔨᒋᒐᓱᐤ ᒋᒋᓴᒪᓂᑐᒻ, ᐊᑲᐎᔾ ᐎᔭᔅᑦ ᒋᑭ ‍ ᐃᑕᐱᑎᓯᓐ, ᒋᔾ ᑭᔭ ᒋᑯᔅ ᑭᔭ ᒋᑕᓂᔅ ᑭᔭ ᒋ ᓇᐸᐤ-ᐊᑐᔅᒐᔭᑭᓐ ᑭᔭ ᒋᑦ ᐊᑐᔅᒐᔭᑭᓂᔎᒻ ᑭᔭ ᒋᑦ ᐊᑐᐧᑲᓂᒥᒡ ᑭᔭ ᐊᓐ ᒪᓐᑕᐤ ᒋᑦ ᐃᑕᐅᓂᒡ ᐊ ‍ ᑕᑦ, ᐊᑯ ᒪᒃ ᒐᒋ ᐊᔽᓯᒡ ᒋᑦ ᐊᑐᔅᒐᔭᑭᓐᒡ ᑭᔭ ᐎᔨᐛᐤ ᒧᔭᒻ ᒋᔾ ᐊᑐᐅᑦ᙮
\v 15 ᒐ ‍ ᒋᔅᒋᔨᓐ ᑲ ‍ ᐅᐧᑲᓄᐎᔨᓐ ᐊᓐᑕ ᐃᒋᑉᑎᒡ ᑭᔭ ᓂᔾ ᑎᐸᔨᒋᒐᓱᐤ ᒋᒋᓴᒪᓂᑐᒻ, ᑲ ‍ ᐱᐧᑯᐎᔨᑕᓐ ᓂᓱᐧᑲᑎᓯᐅᓂᒡ ᑭᔭ ᓂᓱᒋᐅᓂᒡ ᐅᒋ᙮ ᐊᐅᒃ ᒪᒃ ᐅ ᐛᒋ ‍ ᐃᑎᓱᒥᑕᓐ ᒐ ᐸᔭᒋ ‍ ᓇᑭᑐᐛᔨᑎᒥᓐ ᐊᔽᓯᐅᒋᓯᑲᒡ᙮”
\li
\v 16 ᒋᔅᑕᔨᒻ ᒍᑕᐎᔾ ᑭᔭ ᒋᑲᐎᔾ, ᒧᔭᒻ ᓂᔾ ᑎᐸᔨᒋᒐᓱᐤ ᒋᒋᓴᒪᓂᑐᒻ ᑲ ‍ ᐃᑎᓱᒥᑕᓐ, ᐊᑯ ᒪᒃ ᒐᒋ ᒥᔪ ᐱᒪᑎᓯᔨᓐ ᐊᓐᑕ ᐊᔅᒋᒡ ᒐ ‍ ᒥᔨᑕᓐ᙮
\li
\v 17 ᐊᑲᐎᔾ ᒋᑭ ‍ ᓂᐸᐃᐛᓐ᙮
\li
\v 18 ᐊᑲᐎᔾ ᒋᑭ ‍ ᐱᓯᒂᑎᓯᓐ᙮
\li
\v 19 ᐊᑲᐎᔾ ᒋᑭ ‍ ᑭᒐᒧᑎᓐ᙮
\li
\v 20 ᐊᑲᐎᔾ ᒋᑭ ‍ ᑭᒋᔭᐛᑕᒋᒪᐤ ᒋᒡ ᐃᔪᐤ᙮
\li
\v 21 ᐊᑲᐎᔾ ᒋᑭ ‍ ᒧᔅᑕᓂᒧᐛᐤ ᒋᒡ ᐃᔪᐤ ᐎᒡ, ᐊᑲᐎᔾ ᒋᑭ ‍ ᒧᔅᑕᓂᒧᐛᐤ ᒋᒡ ᐃᔪᐤ ᐎᐛ, ᐊᑲᐎᔾ ᑭᔭ ᐅᑦ ᐊᑐᔅᒐᔭᑭᓂᒪ, ᑭᔭ ᐅᑦ ᐊᑐᔅᒐᔭᑭᓂᔎᒪ, ᑭᔭ ᐅᓇᐸᒥᔅᑐᓯᒪ ᑭᔭ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᑭᔭ ᒥᒄ ᒐᒂᔪᐤ ᑕᐱᔨᐛᐅᓯᑦ᙮’
\b
\p
\v 22 ᐊᐅᑯᔪᐛ ᐅᔭ ᐃᑎᓱᐛᐅᓇ ᑎᐸᔨᒋᒐᓱᐤ ᑲ ‍ ᒥᔭᑦ ᒋᑦ ᐊᓂᔅᑯᑕᐸᓄᐛᐛ ᐃᔅᐱ ᑲ ‍ ᒪᒧᐎᒡ ᐊᓐᑕ ᓂᑕᒥᑎᓇᐤ, ᒋ ‍ ᒋᓴᐛᐤ ᑎᐸᔨᒋᒐᓱᐤ ᑲ ᐃᔨᒥᑦ ᐊᓐᑕ ᐅᒋ ᑕᑕᐅᒡ ᐃᔅᑯᑕᒡ ᑭᔭ ᑭᔅᑯᐅᓇ ᐛᔅᑲ ᒋ ‍ ᑕᔪᐛ ᐱᔅᑯᑎᓇᒡ ᑭᔭ ᐊᔪᐅᒄ ᐊᓂᔭ ᒥᒄ ᑲ ‍ ᐎᑕᐧᒃ ᐸᐃᑯᔪᐤ ᐃᑎᓱᐛᐅᓇ᙮ ᐊᑯ ᒂ ‍ ᒥᓯᓇᐧᒃ ᐊᓐᑕ ᓂᓱ ᐊᓯᓂᒡ ᑭᔭ ᒂ ‍ ᒥᔨᑦ᙮
\p
\v 23 ᐃᔅᐱ ᑲᒋ ‍ ᐸᑎᒺᒡ ᒋᑦ ᐊᓂᔅᑯᑕᐸᓄᐛᐅᒡ ᑎᐸᔨᒋᒐᓱᐛ ᐅᐸᑕᑯᓱᐅᓂᔪᐤ ᐊᓐᑕ ᐊᒋᑲᔨᒡ ᐅᒋ, ᒪᒂᒡ ᑲ ‍ ᐃᔅᑯᑕᐎᒡ ᐱᔅᑯᑎᓇᔪᐤ, ᒂ ᐸᒋ ‍ ᓇᓯᒡ ᐅᒋᒪᐅᒡ ᑭᔭ ᒋᓴᐃᔪᒡ᙮
\v 24 ᑭᔭ ᐸᐃᒄ ᐊᓐ ᒂ ‍ ᐃᓯᑦ, ‘ᓂᑐᑐᐅᓇᓐ, ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ ᓂᒋ ‍ ᐛᐸᑎᔨᑯᓇᓐ ᐊᔅᐱᔅ ᓱᐧᑲᑎᓯᑦ ᑭᔭ ᒋᔅᑕᔨᑕᑯᓯᑦ ᐃᔅᐱ ᑲ ‍ ᐸᑐᐅᒋᒡ ᐃᔅᑯᑕᒡ ᑲ ᐅᒋ ‍ ᐃᔨᒥᔨᒥᑦ᙮ ᐊᓄᒡ ᓂ ‍ ᒋᔅᒐᔨᑕᓇᓐ ᓂᔭᓐ ᐃᔪᒡ ᐊᔅᒄ ᒐ ‍ ᐱᒪᑎᓯᔭᒡ, ᐊᑎᓱᐧᒄ ᒋᓴᒪᓂᑐᐤ ᑲᒋ ‍ ᐃᔨᒥᔨᒥᑦ᙮
\v 25 ᒥᒄ ᓂᑯᔅᑕᓇᓐ ᒐᒋ ᐳᓂᐱᒪᑎᓯᔭᒡ, ᒥᓐ ᐸᑐᐅᒋᒐ ᐊᔨᒥᔨᒥᑦ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ, ᓂᑭ ‍ ᓂᓱᐅᓇᒋᐃᑯᐛᓇᓐ ᑲ ‍ ᑯᔅᑕᑕᔨᑕᑯᓂᔨᒡ ᐅᑦ ᐃᔅᑯᑕᒻ᙮
\v 26 ᐊᐛᓐᒋ ᐊᔅᒄ ᐸᒪᑎᓯᒡ ᑲᒋ ‍ ᐸᑐᐛᒡ ᒥᓯᐛ ᐊᓯᓱᐧᑲᑎᓯᔨᒋ ᒋᓴᒪᓂᑐᐛ ᐊᔨᒥᔨᑯᒡ ᐃᔅᑯᑕᒡ ᐅᒡ?
\v 27 ᐊᑯ ᒧᓱᔅ, ᒐ ‍ ᓴᑭᒍᐛᔨᓐ ᐱᔅᑯᑎᓇᐤ ᑭᔭ ᒐ ‍ ᓂᑐᑐᐅᑦ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒐᒂᔪᐤ ᒐ ‍ ᐃᔅᒋᔄᑦ᙮ ᐊᑯ ᑲᐤ ᒐ ‍ ᑎᑯᓯᓂᔨᓐ, ᑭᔭ ᒐ ‍ ᐎᑎᒧᐅᔭᒡ ᒐᒂᔪᐤ ᐊᔅᒋᔄᑦ ᑭᔭ ᓂᑭ ‍ ᓂᑐᑎᒺᓇᓐ ᒐᒂᔪᐤ ᑲ ‍ ᐃᔅᒋᔄᑦ ᑭᔭ ᓂᑭ ‍ ᓂᓇᐃᑎᒺᓇᓐ᙮’
\p
\v 28 ᒋ ‍ ᐸᑐᐛᐤ ᑎᐸᔨᒋᒐᓱᐤ ᑲ ‍ ᐃᔅᒋᔄᔨᒋ ᐅᔭ ᑲ ‍ ᓂᑲᓂᔅᑲᒐᔨᒋ, ᐊᑯ ᐃᔅᐱ ᑲᐤ ᑲ ‍ ᓴᑭᒍᐛᔭᓐ ᐱᔅᑯᑎᓇᐤ, ᓂᒋ ‍ ᐃᑎᒄ ᑎᐸᔨᒋᒐᓱᐤ, ‘ᓂᒋ ‍ ᐸᑐᐛᐅᒡ ᑲᓂᑲᓂᔅᑲᒐᒡ ᑲ ‍ ᐃᔅᒋᔄᒡ ᑭᔭ ᑕᑈᒥᑭᓂᔪᐤ ᒐᒂᔪᐤ ᑲ ‍ ᐃᔅᒋᔄᒡ᙮
\v 29 ᓂ ‍ ᐱᑯᓴᔨᑕᓐ ᒐᒋ ᓇᓂᑎᒻ ᐃᑕᔨᑕᒡ ᐊᓂᔭᔪᐤ ᑭᔭ ᐊᔭᒥᐊᔅᑐᐅᒡ ᑭᔭ ᓂᓇᐃᑕᒡ ᓂᑦ ᐃᑎᓱᐛᐅᓇ, ᐊᑯ ᓇᓂᑎᒻ ᒐᒋ ᒥᔪᐱᔨᒡ ᑭᔭ ᐅᑦ ᐊᓂᔅᑯᑕᐸᓄᐛᐛ ᒧᔅ ᑲᒋᒡ᙮
\p
\v 30 ᐊᑯ, ᓂᑎᒍᐛᒪ ᑭᔭ ᒐ ‍ ᐎᑎᒧᐅᑥ ᑲᐤ ᒐᒋ ᐃᑐᑕᒡ ᐊᓐᑕ ᐅᐱᒍᐎᔭᓂᒋᐛᐳᐛᐛᒡ᙮
\v 31 ᒥᒄ ᑲᐤ ᒐ ‍ ᑎᑯᓯᓂᔨᓐ ᑭᔭ ᒥᒋᒪ ᒐ ‍ ᓂᐳᔅᑐᐎᔨᓐ, ᑭᔭ ᒋᑭ ‍ ᒥᔨᑎᓐ ᒥᓯᐛ ᓂᑦ ᐃᑎᓱᐛᐅᓇ ᑭᔭ ᓂᔅᑯᑎᒪᒐᐅᓇ ᐊᓂᔭᔪᐛ ᒐ ᐎ ‍ ᓂᓇᐃᑕᒡ, ᐊᑯ ᒐᒋᔅᑯᑎᒧᐅᑥᐤ ᐊᓂᔭ ᐃᔪᒡ, ᐊᑯ ᒐ ‍ ᐎ ‍ ᓂᓇᐃᑕᒡ ᐅᔭ ᐎᓱᐛᐅᓇ ᐊᓐᑕ ᑕᑥᐛ ᐊᔅᒋᒡ ᒐ ‍ ᒥᔨᒂᐤ᙮’
\p
\v 32 ᐊᑯ ᑲᐤ ᒂ ‍ ᓂᑐᐛᐱᒥᒂᐤ ᐃᔪᒡ, ᑭᔭ ᒂ ‍ ᐃᑎᒂᐤ, ‘ᐃᔅᕋᐃᓪ, ᔭᔨᑕᔾ ᒐ ᐎ ‍ ᓇᓴᐊᒺᒄ ᒥᓯᐛ ᒐᒂᔪᐛ ᑲ ‍ ᐃᑎᓱᒥᑕᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᒐ ᐊᑲ ‍ ᑎᔭᒄ ᐊᑲ ᓂᓇᐃᑎᒺᒃ ᐅᑦ ᐃᑎᓱᐛᐅᓇ᙮
\v 33 ᒐ ᐃᓯ ‍ ᐱᒪᑎᓯᐛᒄ ᑲ ‍ ᐃᑎᓱᒥᑕᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒐ ‍ ᑐᐛᐧᒄ᙮ ᐊᑯ ᒪᒃ ᓇᐅᔅ ᒐᒋ ᐱᒪᑎᓯᔭᒄ ᑭᔭ ᒥᓯᐛ ᒐ ᐃᓯ ᒥᔪ ‍ ᐱᔨᔭᒄ ᐃᔅᐱ ᐎᒋᔭᒂ ᐊᓐᑕ ᐊᔅᒋᒡ ᒐ ‍ ᐅᑎᓂᒪᒄ᙮’ ”
\c 6
\s1 ᓴᒋᐃ ᑎᐸᔨᒋᒐᓱᐤ ᒋᒋᓴᒪᓂᑐᒻ
\s2 Deuteronomy 6.1-9 (Proper-26 Year B)
\p
\v 1 “ᐅᔭ ᒪᒃ ᐊᐅᑯᓂ ᐎᓱᐛᐅᓇ, ᐃᑎᓱᐛᐅᓇ, ᑭᔭ ᑎᐸᔅᑯᓂᒐᐅᓇ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲᒋ ‍ ᐃᑎᓱᐛᑦ ᒐᒋ ᒋᔅᒋᓄᐊᒪᑎᑯᒡ, ᒐᒋ ᐃᑐᑎᒪᒄ ᐊᓂᒪ ᐊᔅᒋᒡ ᐊᓐᑕ ᐊ ‍ ᐃᑐᑕᔭᒄ ᒐᒋ ᑎᐸᔨᑎᒪᒄ:
\v 2 ᒐᒋ ᓇᓂᒋᔅᑐᐛᒄ ᑎᐸᔨᒋᒐᓱᐤ ᒋᓴᒪᓂᑐᐤ, ᒐᒋ ᑭᓄᐛᔨᑎᒺᒄ ᒥᓯᐛ ᐅᑦ ᐃᑎᓱᐛᐅᓇ, ᑭᔭ ᐅ ᐎᓱᐛᐅᓇ, ᑲ ‍ ᐃᑎᓱᐛᑎᑎᑯᒡ; ᒋᔨᐛᐤ, ᑭᔭ ᒋᑦ ᐊᐛᓯᒧᐛᐅᒡ, ᑭᔭ ᒍᓯᒥᐛᐅᒡ, ᒥᓯᐛ ᑕᑐᐤ ᒋᓯᑲᐛ ᒐ ‍ ᐱᒪᑎᓯᔭᒄ, ᑭᔭ ᒋᒋᓯᑲᒧᐛᐛ ᒐᒋ ᒥᒐᑐᑕᑭᓄᐅᒋ᙮
\v 3 ᓂᑐᑎᒥᒄ, ᒪᒃ ᒋᔨᐛᐤ ᐃᔅᕋᐃᓪ ᐃᔪᒡ, ᓇᑭᑐᐛᔨᑎᒥᒄ ᒐᒋ ᐃᑐᑎᒪᒄ; ᒐᒋ ᒥᔪᐱᔨᔭᒄ, ᑭᔭ ᓇᔅᒡ ᒐᒋ ᐊᑎ ‍ ᒥᒐᑎᔭᒄ, ᑲᒋ ᐃᓯ ‍ ᐊᓱᑎᒪᑕᒄ ᑎᐸᔨᒋᒐᓱᐤ ᒍᑕᐎᐛᐅᒡ ᐅᒋᓴᒪᓂᑐᒧᐛᐛ, ᐊᓂᒪ ᐊᔅᒋᒡ ᐊᓐᑕ ᐊ ‍ ᐱᒥᒍᐅᒡ ᒋᒋᓇᐳᐃᒡ ᑭᔭ ᑲᓯᐛᓯᐛᐳᔾ᙮
\p
\v 4 ᓂᑐᑎᒥᒄ, ᒋᔨᐛᐤ ᐃᔅᕋᐃᓪ ᐃᔪᒡ; ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐸᐃᑯᓱᐤ ᐊ ‍ ᑎᐸᔨᒋᒐᑦ !
\v 5 ᒋᑭ ‍ ᓴᒋᐊᐛᐤ ᑎᐸᔨᒋᒐᓱᐤ ᒋᓴᒪᓂᑐᒧᐤ ᒥᓯᐛ ᒋᑕᐃᐛᒡ, ᑭᔭ ᒥᓯᐛ ᒋᑦ ᐊᒐᐧᑯᐛᒡ, ᑭᔭ ᒥᓯᐛ ᒋᒥᔅᑯᓯᐅᓄᐛᒡ᙮
\v 6 ᐅᔭ ᐃᔨᒧᐅᓇ ᒪᒃ, ᑲ ‍ ᐃᑎᓱᐛᑎᑎᑯᒡ ᐊᓄᒡ ᒐᓯᑲᒡ, ᒐ ᐊᑲ ᓂᑕ ᐅᓂᒋᔅᒋᑎᒪᒄ᙮
\v 7 ᓱᒃ ᒪᒃ ᒋᑭ ‍ ᒋᔅᒋᓄᐛᒧᐛᐛᐅᒡ ᒋᑦ ᐊᐛᓯᒧᐛᐅᒡ, ᑭᔭ ᒋᑭ ‍ ᐊᔨᒧᑕᓇᐛᐤ ᒋᒋᐛᐛᒡ ᐊᐱᔭᑯᐤ, ᑭᔭ ᐸᒧᑕᔭᑯᐤ ᒪᔅᑭᓇᒡ, ᑭᔭ ᐊᑎ ‍ ᓇᐃᓱᒧᔭᑯ ᑕᐱᔅᑲᒋ ᑭᔭ ᐛᓂᔭᑯ ᒋᔭᒋᓴᐸᔭᒋ᙮
\v 8 ᒋᑭ ‍ ᒪᑯᐱᑕᓇᐛᐤ ᒪᒃ ᒐᒋ ᐅᒋᔅᒋᓄᐛᒋᒋᑭᓂᔭᒄ ᒋᑎᒋᔨᐛᐛᒡ, ᑭᔭ ᐊᐱᓱᐎᔭ ᒋᑭ ‍ ᐃᓯᓇᑯᓇ ᑎᔅᑐᐎᒡ ᒋᔅᑲᑎᑯᐛᐛᒡ ᒐᒋ ᐎᒋᐃᑯᔭᒄ ᒐᒋ ᓂᓇᐃᑎᒪᒄ᙮
\v 9 ᒋᔅᑐᐧᑭᓇᑎᑯᐛᒡ ᒐ ‍ ᒥᓯᓇᑕᐊᒪᒄ ᑭᔭ ᐃᔎᑕᒥᒡ ᒋᑦ ᐃᑕᐅᓄᐛᒡ᙮
\p
\v 10 ᑎᐸᔨᒋᒐᓱᐤ ᒋ ‍ ᐊᓱᑎᒧᐛᐤ ᐊᓂᔭ ᒋᑦ ᐊᓂᔅᑯᑕᐸᓂᐛᐛ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᒐ ‍ ᒥᔨᑕᒄ ᐅᔭᔪᐤ ᐊᔅᒋᔪᐤ᙮ ᐊᑯ ᐊᓄᒡ ᒋᑭ ‍ ᐃᑐᑕᔨᑯᐛᐤ ᑭᔭ ᒋᑭ ‍ ᒥᔨᑯᐛᐤ ᒥᔅᑎ ᐅᑕᓇᐛ ᐊᓯᒡ ᐊ ‍ ᒥᔽᓯᔨᒋ ᒥᒋᐛᐸ ᐊᓂᔭ ᐊᑲ ᐅᒋ ‍ ᐅᓯᑕᔭᒄ,
\v 11 ᑭᔭ ᒥᒋᐛᐸ ᐊᓴᑭᔅᒋᓇᔨᒋ ᒥᔪᐤ ᒐᒂᓇ ᐊᑲ ᒋᔨᐛᐤ ᐅᒋ ‍ ᓴᑭᔅᒋᓂᑕᔭᒃ᙮ ᑎᐸᔨᒋᒐᓱᐤ ᒋᑭ ‍ ᒥᔨᑯᐛᐤ ᐅᑕᐃᐸᓇ ᐊᑲ ᒋᔨᐛᐤ ᐅᒋ ‍ ᒧᓇᐊᒪᒄ ᑭᔭ ᓱᒥᓇᐳᐤ ᓂᑕᐅᒋᑕᑭᓇ ᑭᔭ ᐎᓯᒋᒥᓇᑎᒂ ᐊᑲ ᒋᔨᐛᐤ ᐅᒋ ᓂᑕᐅᒋᑕᔭᒄ᙮ ᐊᑯ ᐃᔅᐱ ᐸᓱᐅᑕᒂ ᑎᐸᔨᒋᒐᓱᐤ ᐊᓐᑕ ᐊᔅᒋᒡ, ᒋᑭ ‍ ᒥᒋᓱᓇᐛᐤ ᒥᒄ ᐛ ᐃᔅᐱᔅ ᒥᒋᓱᔭᒄ᙮
\v 12 ᒐ ᐊᑲ ‍ ᐅᓂᒋᔅᒋᔭᒄ ᑎᐸᔨᒋᒐᓱᐤ ᑲ ‍ ᐎᐧᑯᒋᔨᑕᒄ ᐊᓐᑕ ᑲ ‍ ᒪᑯᓇᑯᐅᔭᒄ ᑭᔭ ᑲ ‍ ᐎᐎᑕᔨᑕᒄ ᐃᒋᑉᑎᒡ ᐅᒡ᙮
\p
\v 13 ᒐ ‍ ᐊᔭᒥᐊᔅᑐᐛᒃ ᑭᔭ ᒐ ‍ ᓇᔨᑐᐛᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊᓇᓂᒋᔅᑐᐛᒄ ᑭᔭ ᐊᓇᓇᐱᔨᐊᒄ ᑭᔭ ᒐ ‍ ᐊᓱᑎᒧᐛᒄ ᒐᒋ ᐃᔅᐱᔨᑕᔨᒪᒄ᙮
\v 14 ᒐ ᐊᑲ ‍ ᐊᔭᒥᐊᔅᑐᐛᑯᒡ ᑯᑎᑭᒡ ᒥᓂᑐᐧᑲᓐᒡ ᐊᓂᔭ ᐊᔭᒥᐊᔅᑐᐛᒡ ᐊᓐᑕ ᐛᔅᑲ ᐊ ‍ ᐃᑕᒡ ᐊ ‍ ᐃᑎᔅᑲᓇᓯᒡ ᐃᔪᒡ᙮
\v 15 ᐊᔭᒥᐊᔅᑐᐛᒂᐛ ᑯᑎᑭᒡ ᒥᓂᑐᐧᑲᓐᒡ, ᑎᐸᔨᒋᒐᓱᐤ ᒋᑭ ‍ ᐊᓏᔨᒥᑯᐛᐤ ᑭᔭ ᒋᑭ ‍ ᓂᓱᐅᓇᒋᐃᑯᐛᐤ ᐊᔅᒋᒡ ᐅᒡ᙮ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑕᐤ ᐊ ‍ ᑕᐛᒄ᙮
\v 16 ᒐ ᐊᑲ ‍ ᐃᑐᑎᒪᒄ ᐊ ‍ ᒪᔭᑎᔨᒋ ᒐᒂᓇ ᒐᒋ ᓂᑐ ‍ ᒋᔅᒐᔨᒪᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒐ ᐊᑲ ᒋ ᐊᓏᔨᒥᑕᒄ ᒧᔭᒻ ᑲ ‍ ᐃᑎᒡ ᒋᑦ ᐊᓂᔅᑯᑕᐸᓂᐛᐅᒡ ‍ ᐊᓐᑕ ᒪᓴ᙮
\v 17 ᓇᓂᑎᒻ ᒐ ‍ ᓇᓴᐊᒪᒄ ᐊᓂᔭ ᐎᓱᐛᐅᓇ, ᐃᑎᓱᐛᐅᓇ, ᑭᔭ ᑎᐸᔅᑯᓂᒐᐅᓇ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲ ‍ ᒥᔨᑕᒄ᙮
\v 18 ᒐ ‍ ᐃᑐᑎᒺᒄ ᑎᐸᔨᒋᒐᓱᐤ ᐊ ‍ ᐃᔅᒋᔄᑦ ᐊ ‍ ᑯᐃᔅᑯᓇᑯᔨᒡ ᑭᔭ ᐊ ‍ ᒥᔨᐛᔨᒡ᙮ ᐃᑐᑎᒪᒂ ᐅ ᒋᑭ ‍ ᒥᔪᐱᔨᓇᐛᐤ᙮ ᐊᑯ ᐸᑐᔅ ᒐᒋ ᐃᑐᑕᔭᒄ ᑭᔭ ᒐᒋ ᐅᑎᓂᒪᒄ ᐊᓐ ᒥᔽᒡ ᐊᔅᒋᔾ ᑲ ‍ ᐊᓱᑎᒧᐛᑦ ᑎᐸᔨᒋᒐᓱᐤ ᒐᒋ ᒥᔭᑦ ᒋᑦ ᐊᓂᔅᑯᑕᐸᓂᐛᐛ᙮
\v 19 ᒋᑭ ‍ ᐃᑐᑎᒻ ᐅᔭ ᐊ ‍ ᐎᐎᑎᓴᐛᑦ ᑲ ‍ ᐱᒂᑎᑕᑯᐤ ᐊᓐᑕ ᐊᔅᒋᒡ ᐅᒡ ᒧᔭᒻ ᑲ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓂᐛᐛ ᒐ ‍ ᐃᑐᑕᐧᒃ᙮
\p
\v 20 ᐊᑯ ᒋᑭ ‍ ᑎᑯᓐ ᒋᓯᒄ ᒐ ‍ ᑯᒂᒋᒥᑕᑯᒡ ᒋᑦ ᐊᐛᓯᒧᐛᐅᒡ, ‘ᒐᒂᔪᐤ ᒪᒃ ᐛᒋ ‍ ᐃᑎᓱᒥᑕᐧᒄ ᒐᒋ ᓇᔅᒡ ᓂᓇᐃᑎᒺᐧᒄ ᐅᔭ ᒥᓯᐛ ᒋᔅᑯᑎᒪᒐᐅᓇ ᑭᔭ ᐎᓱᐛᐅᓇ ?’
\v 21 ᐊᑯ ‍ ᒐ ‍ ᐃᑕᑯᒡ, ‘ᓂᑦ ᐊᓂᔅᑯᑕᐸᓇᓐᒡ ᒋ ‍ ᒪᑯᓂᑯᐅᒡ ᐃᒋᑉᑎᒡ ᒋᓴᐅᒋᒪᐛ, ᒥᒄ ᑎᐸᔨᒋᒐᓱᐤ ᒋ ‍ ᐊᐱᒋᑕᐤ ᐅᓱᐧᑲᑎᓯᐅᓐ ᒐᒋ ᐎᐎᑕᔨᒥᑦ ᐊᓐᑕ ᑲ ‍ ᑕᔭᒡ ᐅᒡ᙮
\v 22 ᒋ ‍ ᐛᐱᒪᐅᒡ ᐊ ‍ ᐃᑐᑎᒥᔨᒋ ᒪᒥᔅᑲᒡ ᒐᒂᔪᐛ ᑭᔭ ᐊ ‍ ᐃᑐᑎᒥᔨᒋ ᒐᒋ ᒥᒋᐱᔨᒋ ᐊᓂᔭ ᒋᓴᐅᒋᒪᐛ ᑭᔭ ᐅᑦ ᐊᑐᔅᒐᔭᑭᓂᒥᔪᐛ ᑭᔭ ᒥᓯᐛ ᑯᑎᑲ ᐊᐛᔪᐛ᙮
\v 23 ᑎᐸᔨᒋᒐᓱᐤ ᒋ ‍ ᐎᐧᑯᒋᐊᐤ ᒋᑦ ᐊᓂᔅᑯᑕᐸᓄᐛ ᐃᒋᑉᑎᒡ ᐅᒡ, ᒐᒋ ᐸᓱᐛᑦ ᐅᑕ ᐊᔅᒋᒡ, ᒧᔭᒻ ᑲ ᐃᓯ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓄᐛ᙮
\v 24 ᐊᐅᑯᔪᐤ ᐛᒋ ‍ ᐃᑎᓱᒥᑕᐧᒄ ᑎᐸᔨᒋᒐᓱᐤ ᒐᒋ ᓂᓇᐃᑎᒺᐧᒄ ᒥᓯᐛ ᐅᔭ ᐎᓱᐛᐅᓇ ᑭᔭ ᒐ ‍ ᐊᔭᒥᐊᔅᑐᐛᐧᒄ ᒐᒋ ᐅᒋ ᒥᔪᐱᔨᔭᐧᒄ ᑭᔭ ᓇᑭᑐᐛᔨᒥᑕᐧᒄ ᐊ ‍ ᐃᑎᔅᑲᓇᓱᐛᐧᒄ ᑭᔭ ᑐᑕᑕᐧᒄ ᒥᓯᐛ ᒐᒋ ᐃᓯ ᒥᔪ ‍ ᐱᔨᔭᐧᒄ ᒧᔭᒻ ᐊᓄᒡ ᐊ ‍ ᐃᑐᑕᑕᐧᒄ᙮
\v 25 ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲ ‍ ᑯᐃᔅᑯᑕᑎᓯᒡ ᒋᑭ ᐃᓯ ‍ ᐅᑎᓂᑯᓄᐤ ᒥᔪ ‍ ᓂᓇᐃᑎᒺᒂ ᒥᓯᐛ ᑲ ‍ ᐃᑎᓱᒥᑕᐧᒄ᙮’ ”
\c 7
\s1 ᓱᐛᔨᑕᑯᐛᐤ ᒋᓴᒪᓂᑐᐤ ᐊᐛᔪᐛ ᑲ ‍ ᐊᔭᒥᐊᔅᑕᑯᑦ
\p
\v 1 “ᐃᔅᕋᐃᓪ ᐃᔪᒡ, ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᐸᓱᑯᐛᐤ ᐊᓐᑕ ᐊᔅᒋᔪᐤ ᒐ ‍ ᐱᔨᒐᐛᒄ ᑭᔭ ᒐ ‍ ᐅᑎᓂᒺᒄ ᐊᑦ ᐃᔪᒡ, ᑲᕐᑭᔅ ᐃᔪᒡ, ᐊᒧᕋ ᐃᔪᒡ, ᑲᐃᓇᓐ ᐃᔪᒡ, ᐸᕆᔅ ᐃᔪᒡ, ᒐᐳᔅ ᐃᔪᒡ ᐅᑦ ᐊᔅᒋᐛᐤ᙮ ᓂᔄᐅᑕᒡ ᑲ ‍ ᐃᑎᔅᑲᓇᓯᒡ ᐅᒡ ᐃᔪᒡ ᐊᑎᑐᐤ ᒥᒐᑐᐅᒡ ᑭᔭ ᐊᑎᑐᐤ ᓱᐧᑲᑎᓯᐅᒡ ᐃᔅᐱᔅ ᐃᔅᕋᐃᓚ᙮
\v 2 ᑎᐸᔨᒋᒐᓱᐤ ᒋᑭ ‍ ᑐᑐᐛᐤ ᒐᒋ ᓂᑭᑎᒥᔨᒋ ᐊᓂᔭ ᐊᔅᒋᔪᐤ᙮ ᒋᑭ ᐎ ‍ ᓂᓱᐅᓇᒋᐊᐛᐅᒡ ᐊᑲ ‍ ᒋᔅᑎᒪᒐᔨᒪᑯᒡ᙮ ᒐ ᐊᑲ ‍ ᐃᑐᑎᒪᒄ ‍ ᓂᔅᑯᒧᐅᓇ ᐊᓯᒡ ᐎᔨᐛᐤ᙮
\v 3 ᒐ ᐊᑲ ᐛᒋ ‍ ᐸᐃᒄ ᓂᐳᐅᐛᐧᒄ ᐅᑦ ᐃᔨᒧᐛᐛ ᑭᔭ ᒐ ᐊᑲ ‍ ᒥᔭᑯᒡ ᒐᒋ ᓂᐳᐅᒡ ᒋᑯᓱᐛᐅᒡ ᑭᔭ ᒋᑕᓂᓱᐛᐅᒡ ᐅᑕᓂᓯᔨᐛ ᑭᔭ ᐅᑯᓯᔨᐛ᙮
\v 4 ᐛᔅ ᑎᑐᒪᒂ ᐅ, ᒋᑭ ‍ ᑐᑐᐛᐅᒡ ᐊᓐᒡ ᐃᔪᒡ ᒋᑦ ᐊᓂᔅᑯᑕᐸᓂᐛᐛ ᒐᒋ ᐊᔭᒥᐊᔅᑐᐛᔨᒋ ᑯᑎᑲ ᒥᓂᑐᐛ ᑭᔭ ᒐ ‍ ᒋᐛᑲᐳᔅᑐᐛᒡ ᑎᐸᔨᒋᒐᓱᐛ᙮ ᒋᑭ ‍ ᑐᑕᐛᐛᐤ ᒐᒋ ‍ ᓇᔅᒡ ᒋᔄᐱᑦ ᑭᔭ ᑎᐛᒡ ᒋᑭ ‍ ᓂᓱᐅᓇᒋᐃᑯᐛᐤ᙮
\v 5 ᐊᑯ ᐃᔅᐱ ᓴᐧᑯᒋᑕᐛᒂ ᐅᒡ ᐊ ‍ ᐃᑎᔅᑲᓇᓯᒡ ᐃᔪᒡ ᐅᑦ ᐊᔅᒋᐛᐤ, ᒐ ‍ ᐱᒂᐅᒺᒄ ᐅᐱᔅᑎᓂᒐᐅᓇᐱᔅᑯᒧᐛᐛ ᐊᓐᑕ ᒪᑐᔅᑕᒪᒐᒡ ᐊᐛᓯᓴ᙮ ᒐ ‍ ᐱᒂᐅᒺᒄ ᐊ ‍ ᒋᔅᑕᔨᑕᒡ ᐅᑦ ᐊᓯᓂᒧᐛᐛ, ᒐ ‍ ᒋᒥᓯᒪᑯᐤ ᐊᓂᔭ ᐊᔭᒥᐊᔅᑐᐛᒡ ᐊᓱᕋ ᒥᔅᑎᑯᐧᑲᓇ, ᑭᔭ ᒐ ‍ ᐃᔎᓱᒪᑯᐤ ᑲ ‍ ᒥᔅᑐᑯᐎᔨᒋ ᐅᒥᓂᑐᐧᑲᓂᒧᐛᐛ᙮
\v 6 ᐃᔅᕋᐃᓪ, ᒋᔨᐛᐤ ᐅᒡ ᐃᔪᒡ ᑲ ‍ ᐎᔭᔨᑕᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒐ ‍ ᐅᑦ ᐃᔨᒥᑕᑕᒄ᙮ ᒋᔨᐛᐤ ᔅᒋ ‍ ᐅᑎᓂᑯᐛᐤ ᒥᒐᑦ ᐊ ‍ ᐃᑎᔅᑲᓇᓯᔨᒋ ᐃᔪᐛᐤ ᐅᑕ ᐊᔅᒋᒡ ᐅᒡ ᒐᒋ ᐅᑦ ᐃᔅᐱᑕᔨᑕᑯᓯᐅ ᐃᔨᒥᑕᑕᒄ᙮
\p
\v 7 ᓇᒪᔭᔪᐤ ᐅᒋ ᐊᒋ ᒥᒐᑐᐛᒄ ᐃᔅᐱᔅ ᑯᑎᑲ ᐃᔪᐛ ᐛᒋ ᐅᑎᓂᑕᒄ, ᓇᒪ ᒋ ‍ ᒥᒐᑐᐛᓇᐛᐤ ᐊ ‍ ᐃᑎᔅᑲᓇᓯᔭᒄ ᐅᑕ ᐊᔅᒋᒡ᙮
\v 8 ᒥᒄ ᐃᔭᐱᒡ ᔅᒋ ‍ ᐅᑎᓂᑯᐛᐤ ᐊᓴᒋᔨᑕᒄ ᑭᔭ ᒋ ‍ ᐎᑐᑎᒻ ᑕᓐ ᑲ ᐃᓯ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓂᐛᐛ᙮ ᐊᐅᑯᔪᐤ ᐅᔭ ᐛᒋ ᐱᒪᒋᐃᑕᒄ ᐅᓱᐧᑲᑎᓯᐅᓂᒡ ᐅᒋ ᑭᔭ ᑲ ‍ ᐎᐧᑯᒋᔨᑕᒄ ᑲ ‍ ᐊᐛᐧᑲᓂᑕᑕᒄ ᐃᒋᑉᑎᒡ ᒋᓴᐅᒋᒪᐤ᙮
\v 9 ᒋᔅᒐᔨᑕᓇᐛᐤ ᑎᐸᔨᒋᒐᓱᐤ ᐊᐅᑯᓐ ᒥᒄ ᒋᒋᐛ ᒐᓴᒪᓂᑐᐅᑦ᙮ ᐊᑯ ᒐ ‍ ᓴᒋᐊᐧᒄ ᑭᔭ ᒐ ‍ ᓂᓇᐃᑎᒺᐧᒄ ᐅᑦ ᐃᑎᓱᐛᐅᓇ, ᑭᔭ ᒋᑭ ‍ ᓇᑭᑐᐛᔨᑎᒻ ᐅᓂᔅᑯᒧᐅᓐ ᑲ ‍ ᑐᑎᒪᑕᒄ ᑭᔭ ᒋᑦ ᐊᓂᔅᑯᑕᐸᓂᐛᐛ ᐃᔅᐱᔅ ᐸᐃᒂᐤ ᒐᓯᐱᔪᐤ ᒐ ‍ ᐊᓂᔅᒐ ᐃᑎᔅᑲᓇᓯᔨᒋ᙮
\v 10 ᒥᒄ ᐊᓂᔭ ᐎᔭᐧᑲᑎᑯᑦ ᒋᑭ ‍ ᒋᐛ ‍ ᑎᐸᐊᒧᐛᐤ ᒧᔭᒻ ᐊ ᐃᓯ ‍ ᑐᑎᒥᔨᒋ᙮ ᒋᑭ ‍ ᐊᓏᔨᒪᐤ ᑭᔭ ᐎᐱᒡ ᒋᑭ ‍ ᓂᓱᐅᓇᒋᐊᐤ᙮
\m
\v 11 ᐊᑯ ᒐ ᐎ ‍ ᓂᓇᐃᑎᒺᒄ ᒥᓯᐛ ᐅᑦ ᐎᓱᐛᐅᓇ ᑭᔭ ᐅᒋᔅᑯᑎᒪᒐᐅᓇ ᐊᓄᒡ ᒪᔨᑎᑯᒡ᙮
\p
\v 12 ᒥᓯᐛ ᑕᑈ ᓇᑭᑐᐛᔨᑎᒺᒂ ᑭᔭ ᓂᓇᐃᑎᒺᒂ ᐅᑦ ᐃᑎᓱᐛᐅᓇ, ᒋᑭ ‍ ᑐᑎᒪᑯᐛᐤ ᐊᓂᔭᔪᐤ ᑲ ᐃᓯ ‍ ᓂᔅᑯᒧᑦ ᒐ ‍ ᑐᑎᒪᑕᒄ ᑭᔭ ᑕᑈ ᒋᑭ ‍ ᓴᒋᐃᑯᐛᐤ, ᐊᐅᑯᔪᐤ ᑲ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓄᐛᐛ ᒐ ‍ ᑐᑐᐛᑦ᙮
\v 13 ᑎᐸᔨᒋᒐᓱᐤ ᒋᑭ ‍ ᓴᒋᐃᑯᐛᐤ ᑭᔭ ᒋᑭ ‍ ᓱᐛᔨᑕᑯᐎᑯᐛᐤ ᐊ ‍ ᒥᔨᑕᒄ ᒥᒐᑦ ᐊᐛᓴ ᑭᔭ ᒥᒋᒥᔪᐤ, ᓱᒥᓇᐳᔪᐤ ᑭᔭ ᐊᓕᑉ ᐱᒥᔭ᙮ ᒋ ‍ ᒥᔅᑐᓯᒧᐛᐅᒡ ᒋᑭ ‍ ᒥᔅᑎ ᐅᒥᔅᑐᓯᓯᒧᐅᒡ ᑭᔭ ᒋᒪᔭᑕᓂᓯᒧᐛᐅᒡ ᒋᑭ ‍ ᒥᒐᑎᔨᐛ ᐅᒪᔭᑕᓂᓯᓯᒧᐛᐛ᙮
\v 14 ᒋᓴᒪᓂᑐᐤ ᐊᑎᑐᐤ ᒋᑭ ‍ ᓱᐛᔨᑕᑯᐎᑯᐛᐤ ᐃᔅᐱᔅ ᑯᑎᑲ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᐊᑎᑐᐤ ᒋᑭ ‍ ᒥᒐᑎᓇᐛᐤ ᐊ ‍ ᐸᐃᑯᔅᑲᓇᓯᔭᒄ ᑭᔭ ᐊᑎᑐᐤ ᒋᑭ ‍ ᒥᒐᑐᐅᒡ ᒋ ‍ ᒥᔅᑐᓯᒧᐛᐅᒡ᙮
\v 15 ᓇᒪ ᒋᑭ ‍ ᐎᓯᒐᔨᑎᒥᔨᑯᓇᐛᐤ ᐊᓐ ᑲᒋ ‍ ᐃᑕᐧᑯᓯᔭᒄ ᑲ ‍ ᑕᔭᒄ ᐃᒋᑉᑎᒡ᙮ ᒋᑭ ᒥᔪ ‍ ᐱᒪᑎᓯᓇᐛᐤ, ᑭᔭ ᑎᐸᔨᒋᒐᓱᐤ ᒋᑭ ‍ ᑐᑐᐛᐤ ᐊᓂᔭ ᑲ ‍ ᐛᐧᑲᑎᐃᑕᑯᐤ ᒐᒋ ᐊᐧᑯᓯᔨᒋ᙮
\v 16 ᐃᔅᐱ ᑎᐸᔨᒋᒐᓱᐤ ᐎᒋᐃᑕᒂ ᒐᒋ ‍ ᓴᐧᑯᒋᐃᒪᑯᐤ ᐊᓂᔭ ᑲ ‍ ᐛᐧᑲᑎᔨᑕᑯᐤ, ᒋᑭ ᐎ ‍ ᓂᓱᐅᓇᒋᐊᐛᐅᒡ ᐊᑲ ‍ ᒋᔅᑎᒪᒐᔨᒪᑯᒡ᙮ ᑭᔭ ᐊᑲᐎᔾ ᒋᑭ ‍ ᐎᔭᓯᔨᑯᓇᐛᐤ ᒐᒋ ᐊᔭᒥᐊᔅᑐᒪᑯᐤ ᐅᒥᓂᑐᐧᑲᓂᒧᐛᐛ᙮
\p
\v 17 ᒐ ᐊᑲ ‍ ᐃᑕᔨᑎᒪᒄ, ‘ᑕᓐᑕ ᒐ ᐅᒋ ‍ ᓂᓱᐅᓇᒋᐃᒋᒡ ᐅᒡ ᐊ ‍ ᐃᑎᔅᑲᓇᓯᒡ, ᐊᑎᑐᐤ ᓱᐧᑲᑎᓯᐅᒡ ᐃᔅᐱᔅ ᓂᓇᓐ ?’
\v 18 ᒐ ᐊᑲ ‍ ᑯᔅᑕᑯᒡ, ᒥᒄ ᒋᔭᒻ ᒐ ‍ ᒋᔅᒋᑐᐛᒄ ᑕᓐ ᑲ ‍ ᑐᑐᐛᑦ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐃᒋᑉᑦ ᒋᓴᐅᒋᒪᐛ ᑭᔭ ᑲ ‍ ᑎᐸᔨᒪᔨᒋ ᐃᔪᐛ᙮
\v 19 ᔅᒋ ‍ ᐛᐸᑎᒺᓇᐛᐤ ᑎᐸᔨᒋᒐᓱᐤ ᑲ ‍ ᐊᐱᒋᑕᑦ ᐅᓱᐧᑲᑎᓯᐅᓐ ᑲ ‍ ᐃᑐᑕᐧᒃ ᒪᒥᔅᑲᒡ ᒐᒂᔪᐛ ᑭᔭ ᑲ ‍ ᐎᐎᑕᔨᑕᒄ ᐃᒋᑉᑎᒡ ᐅᒡ᙮ ᑭᔭ ᒥᓐ ᒋᑭ ‍ ᐃᑐᑎᒻ ᒪᒥᔅᑲᒡ ᒐᒂᔪᐛ ᓂᒋᔅᑯᐛᑲᐛ ᐊᓐᒡ ᑲ ‍ ᑯᔅᑕᑯᒡ ᑲ ‍ ᐛᐧᑲᑎᑕᑯᒡ᙮
\v 20 ᐱᔅᒐ ᒋᑭ ᐎ ‍ ᑲᓱᐅᒡ ᒐᒋ ᐱᒪᑎᓯᒡ, ᒥᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᑐᑐᐛᐤ ᒐᒋ ᐅᑎᑎᑯᔨᒋ ᐊᐧᑯᓱᐅᓂᔪᐤ ᑭᔭ ᒐᒃ ᒐ ᐊᑎ ‍ ᓂᐱᔨᒋ᙮
\v 21 ᒐ ᐊᑲ ‍ ᑯᔅᑕᑯᒡ ᐊᓐᒡ ᐃᔪᒡ, ᐛᔅ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᐃᑕᐤ ᐊ ‍ ᑕᐛᒄ, ᒋᒋ ‍ ᒋᓴᒪᓂᑐᐅᐤ ᐊᐅᑯᓐ ᒋᐸ ‍ ᑯᔅᑕᐛᐤ᙮
\v 22 ᒪᑎᐧᑲᒡ ᒋᑭ ‍ ᐃᑲᑎᓴᐛᐤ ᐊᓂᔭ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᒐ ᐊᑲ ‍ ᓱᐳᑐᐛ ᒥᓯᐛ ᐎ ‍ ᐃᑲᑎᓴᐛᑯᒡ ᐛᔅ ᑐᑎᒪᒂ ᐅ, ᐊᑎᑐᐤ ᒋᐸ ‍ ᒥᒐᑐᐅᒡ ᑲ ‍ ᐊᒂᑎᓯᒡ ᐊᐛᓯᓯᒡ ᑭᔭ ᓇᒪ ᒋᑭ ᒋ ‍ ᐃᑲᑎᓴᐛᐛᐅᒡ᙮
\v 23 ᒥᒄ ᑎᐸᔨᒋᒐᓱᐤ ᒋᑭ ‍ ᑐᑕᑯᐛᐤ ᒐᒋ ᐸᐸᐃᒂᐤ ᓴᐧᑯᒋᐃᒪᐃᑯᐤ ᑲ ‍ ᐛᐧᑲᑎᔨᑕᑯᐤ᙮ ᒋᑭ ‍ ᑐᑐᐛᐤ ᒐᒋ ᓴᒋᓯᔨᒋ ᐸᑎᒪ ᒋ ‍ ᓂᓱᐅᓇᒋᐊᑭᓄᐎᑥᐛ᙮
\v 24 ᒋᑭ ‍ ᑐᑕᑯᐛᐤ ᒐᒋ ᓴᐧᑯᒋᐃᒪᑯᐤ ᐅᒋᓴᐅᒋᒪᒧᐛ᙮ ᒋ ‍ ᓂᐸᒂᐛ, ᒋᑭ ‍ ᐅᓂᒋᔅᒋᑕᑯᐅᒡ ᐃᔪᐛ᙮ ᓇᒪ ᒋᑭ ᒋ ᒋ ‍ ᓂᑲᓂᑯᐛᐅᒡ ᑯᑎᑭᒡ ᐊ ‍ ᐃᑎᔅᑲᓇᓯᒡ᙮ ᒥᓯᐛ ᒋᑭ ‍ ᓂᓱᐅᓇᒋᐊᐛᐅᒡ᙮
\v 25 ᒐ ‍ ᐃᔎᓱᒪᑯᐤ ᒥᔅᑎᒄ ‍ ᒥᓂᑐᐧᑲᓇ ᐊᓂᔭ ᐛ ‍ ᒥᓂᑐᒥᑐᐛᒡ᙮ ᒐ ᐊᑲ ‍ ᒧᔅᑕᓂᒪᒄ ᒐᒋ ᐅᑎᓂᒪᒄ ᒐᑭᒧᐎᔨᒋ ᓱᓇᔭᐱᔅᑯᒡ ᑭᔭ ᒪᒃ ᐎᓱᐛᐅᓱᓇᔭᒡ ᐊ ᐃᓯ ‍ ᒥᒪᑕᐅᓇᒂᐊᒡ ᐅᒥᓂᑐᐧᑲᓂᒧᐛᐛ, ᐛᔅ ᐊᓂᔭ ᐅᑎᓂᒪᑎᓱᔭᒂ, ᒧᔭᒻ ᐊ ‍ ᐎᔭᓯᔨᑯᐅᔭᒄ ᒐᒋ ᐊᔭᒥᐊᔅᑐᐅᒪᑯᐤ ᐅᒥᓂᑐᐧᑲᓂᒧᐛᐛ᙮ ᐛᐧᑲᑕᐤ ᑎᐸᔨᒋᒐᓱᐤ ᐊᔭᒥᐊᔅᑐᐛᑭᓄᐎᒋ ᐊᓂᔭ ᒥᓂᑐᐧᑲᓇ᙮
\v 26 ᐃᑐᑕᐊᒂᐛ ᐊᓐᒡ ᒥᓂᑐᐧᑲᓐᒡ ᒋᒋᐛᐛᒡ, ᒋᑭ ‍ ᓂᓱᐅᓇᒋᐃᑯᐛᐤ ᒋᓴᒪᓂᑐᐤ ᒋᔾ ᑭᔭ ᐊ ‍ ᐸᐃᑯᔅᑲᓇᓯᔨᓐ᙮ ᐛᔅ ᐊᐅᑯᔪᐤ ᒐᒂᔪᐛ ᑲ ‍ ᓂᓱᐅᓇᒋᑕᑦ ᒋᓴᒪᓂᑐᐤ᙮”
\c 8
\s1 ᒐ ᐊᑲ ‍ ᐅᓂᒋᔅᒋᑐᐛᒄ ᑎᐸᔨᒋᒐᓱᐤ
\p
\v 1 “ᒋᑭ ᐎ ‍ ᓇᓴᐊᓇᐛᐤ ᒥᓯᐛ ᐃᑎᓱᐛᐅᓇ ᐊᓄᒡ ᒪᔨᑎᑯᒡ᙮ ᑐᑎᒪᒂ ᐅ, ᒋᒋᐛ ᓇᐅᔅ ᒋᑭ ‍ ᐱᒪᑎᓯᓇᐛᐤ, ᑭᔭ ᒋᒋᐛ ᒋᑭ ‍ ᒥᒐᑎᓇᐛᐤ ᑭᔭ ᒋᑭ ‍ ᐅᑎᓂᒺᓇᐛᐤ ᐊᓂᔭ ᐊᔅᒋᔪᐤ ᑎᐸᔨᒋᒐᓱᐤ ᑲ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓄᐛᐛ ᒂ ‍ ᐃᔅᒋᔄᑦ ᒐᒋ ᒥᔨᑕᒄ᙮
\v 2 ᒐ ᐊᑲ ‍ ᐅᓂᒋᔅᒋᑎᒺᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲ ‍ ᒋᔅᒋᓄᑕᐃᑕᐧᒄ ᐊᓐᑕ ‍ ᐸᐧᑯᑎᔅᑭᒥᑲᒡ ᓇᐎᔪᐛᐱᐳᓇ ᐃᔅᐱᔅ᙮ ᔅᒋ ‍ ᑐᑕᑯᐛᐤ ᒥᒐᑦ ᒐᒋ ᐃᓯ ‍ ᐅᔅᑕᐱᔨᐛᒄ ᐛᔅ ᔅᒋ ᐎ ‍ ᑐᑕᑯᐛᐤ ᒐᒋ ᒋᔅᒐᔨᑎᒺᒄ ᐎᔾ ᒐᒋ ᑕᑈᐅᒐᔨᒪᒄ ᑭᔭ ᓇᒪᔭᐤ ᒋᔨᐛᐤ ᒐᒋ ᑕᑈᐅᒐᔨᒥᓱᔭᒄ᙮ ᑭᔭ ᔅᒋ ᐎ ‍ ᑯᒂᒋᐃᑯᐛᐤ ᒐᒋ ᒋᔅᒐᔨᑕᐧᒃ ᒐᒂᔪᐤ ᒐ ‍ ᐃᑐᐛᒄ, ᒐ ‍ ᑕᑈᐅᒐᔨᒪᐛᒂ ᑭᔭ ᒪᒃ ᒪᐛᒡ ᙮
\v 3 ᐊᑯ ᔅᒋ ‍ ᑐᑕᑯᐛᐤ ᒐᒋ ᓯᐛᔨᐛᒄ, ᐊᑯ ᒂ ‍ ᒥᔨᑕᒄ ᒪᓇ ᒋᒋᒋᓯᑯᒡ ᐅᒋ, ᐊᓂᔭ ᒥᒋᒥᔪᐤ ᒋᔨᐛᐤ ᑭᔭ ᒋᑦ ᐊᓂᔅᑯᑕᐸᓂᐛᐅᒡ ᐊᑲ ‍ ᓂᑕ ‍ ᐅᒋ ᒥᒍᐛᒄ᙮ ᔅᒋ ‍ ᑐᑕᑯᐛᐤ ᐅᔭ ᑎᐸᔨᒋᒐᓱᐤ ᒐᒋ ‍ ᒋᔅᑯᑎᒪᑕᒄ ᓂᑐᐛᔨᑎᒥᔨᒋ ᐃᔪᐛ ᒥᒋᒥᔪᐤ ᐎᔭᔨᒡ ᒥᒄ ᐃᔭᐱᒡ ᓂᑐᐛᔨᑎᒧᒡ ᒥᒋᒥᔪᐤ ᐅᑦ ᐊᒐᐧᑯᐛᐛ ᐅᒋ, ᐊᓂᔭ ᐛᒋᐱᔨᒡ ᐊᓂᑐᑕᑭᓄᐎᔨᒡ ᒥᓯᐛ ᐃᔨᒧᐅᓂᔪᐤ ᑎᐸᔨᒋᒐᓱᐛ ᐊ ‍ ᐃᔅᒋᔄᔨᒋ᙮
\v 4 ᒪᒂᒡ ᐊᓂᔭ ᓇᐎᔪᐛᐳᓇ ᑲ ‍ ᐱᒧᑕᔭᒄ ᐸᐧᑯᑎᔅᑭᒥᑲᒡ, ᓇᒪ ᓂᑕ ‍ ᒋ ᐅᒋ ᒪᔅᑎᔅᑲᓇᓄᐤ ᒋᑦ ᐊᐱᒋᑕᐅᓄᐛ ᑭᔭ ᓇᒪ ᓂᑕ ᒋ ᐅᒋ ‍ ᐸᒋᓯᑕᐱᔨᓇᓄᐤ ᐛᔪᐤ ᐊᑎ ‍ ᐱᒧᑕᔭᒄ ᐸᐧᑯᑎᔅᑭᒥᑲᒡ᙮
\v 5 ᒐ ᐊᑲ ‍ ᐅᓂᒋᔅᒋᑎᒪᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑕᐸᔨᒥᑕᒄ ᒧᔭᒻ ᐅᓂᒋᐃᑯᒪᐅᒡ ᐊ ᐃᓯ ‍ ᑎᐸᔨᒪᒡ ᐅᑦ ᐊᐛᓯᒧᐛᐛ᙮
\p
\v 6 ᐊᑯ ᒐ ‍ ᓂᓇᐃᑎᒪᒄ ᐅᑦ ᐃᑎᓱᐛᐅᓇ ᑎᐸᔨᒋᒐᓱᐤ ᒋᒋᓴᒪᓂᑐᐅᒥᓄᐤ ᑭᔭ ᒐ ᐃᓯ ‍ ᐱᒪᑎᓯᔭᒄ ᒧᔭᒻ ᐊ ᐃᓯ ‍ ᓂᑐᐛᔨᒥᑕᒄ ᒐ ‍ ᑐᐛᒄ ᑭᔭ ᒐ ‍ ᓇᓂᒋᔅᑐᐛᒄ᙮
\v 7 ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋ ‍ ᐸᓱᐅᑯᐛᐤ ᐊᓐᑕ ᒪᔽᓯᔨᒡ ᐊᔅᒋᔪᐤ ᐊᓐᑕ ᐊ ‍ ᑎᑯᓂᔨᒋ ᓯᐱᓴ ᐊ ‍ ᐱᓴᔨᒡ ᑭᔭ ᐊ ‍ ᐛᐛᑭᑕᐅᐧᑲᔨᒡ ᐛᒋᒍᐅᓂᔨᒋ᙮
\v 8 ᐊᑯᑕ ᓇᑕᐅᒋᒋ ᐸᐧᑲᓯᑭᓂᒥᓇ ᑭᔭ ᐃᔎᓯᒥᓄᒂ ᐊᓐᑕ ᐊᔅᒋᒡ, ᐊᓐᑕ ᑭᔭ ᐊᑕᒡ ᒥᓯᓱᒥᓇᑎᑯᒡ ᑭᔭ ᒥᔅᑎᒥᓇ ᑭᔭ ᐊᓐ ᐊᔅᒋᔾ ᐊᓐᑕ ᐊᑕᒡ ᐊᓕᑉ ᒥᔅᑎᑯᒡ ᑭᔭ ᑲᓯᐛᓯᐛᐳᐎᔾ᙮
\v 9 ᐊᐅᑯᓐ ᐊᓐ ᐊᔅᒋᔾ ᐊᓐᑕ ᐊ ‍ ᐛᔪᑎᒡ ᒥᒋᒻ ᒋᔨᐛᐤ ᐅᒡ, ᐊᓐᑕ ᒐ ᐊᑲ ‍ ᓄᑕᐱᔨᔭᒄ ᒐᒂᓐ ᑭᔭ ᐊᑎᒂᒡ ᐃᔨᓴᒄ ᐊᓯᓂᔾ ᐊᓐᑕ ᐊᓯᓂᒡ ᑭᔭ ᒐᒋ ᒧᓇᐊᒪᒄ ᑲ ‍ ᐎᔄᐛᐱᔅᑲᒡ ᐊᓐᑕ ᐊ ‍ ᐛᐛᑭᑕᐅᐧᑲᒡ ᐊᔅᒋᒡ᙮
\p
\v 10 ᐊᓯᑯᒻ ᒋᓯᑲᐛ ᒋᑭ ‍ ᒥᒋᓱᓇᐛᐤ ᐃᔅᐱᔅ ᒋ ‍ ᑕᐱᔅᑯᐎᔭᒂ ᑭᔭ ᒋᑭ ‍ ᓂᓇᔅᑯᒪᐛᐤ ᑎᐸᔨᒋᒐᓱᐤ ᒋᒋᓴᒥᓂᑐᒥᓄᐤ ᑲ ‍ ᒥᔨᑕᒄ ᐊ ‍ ᒥᔽᔨᒡ ᐊᔅᒋᔪᐤ᙮
\v 11 ᒥᒄ ᐃᔅᐱ ᐃᔅᐱᔨᒐ ᐅ, ᔭᔨᑕᔾ ᒐ ᐊᑲ ‍ ᐅᓂᒋᔅᒋᑐᐛᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊ ᐊᑲ ‍ ᓂᓇᐃᑎᒺᒄ ᐅᑦ ᐃᑎᓱᐛᐅᓇ ᑭᔭ ᐅᒋᔅᑯᑎᒪᒐᐅᓇ ᐊᓄᒡ ᒪᔨᑎᑯᒡ᙮
\v 12 ᐃᔅᐱ ᒋᔅᐳᔭᒂ ᐊᓯᑯᒻ ᒋᓯᑲᐛ ᑭᔭ ᒪᓂᑲᓱᔭᒂ ᐊ ‍ ᒥᔽᔨᒋ ᒥᒋᐛᐸ ᑭᔭ ᐊᓐᑕ ᐎᒋᔭᒂ,
\v 13 ᑭᔭ ᐊᔭᔅᒄ ᒥᒐᑎᑥᐛ ᒋ ‍ ᒥᔅᑐᓯᒧᐛᐅᒡ, ᑭᔭ ᒋ ᒥᔅᑎ ‍ ᒪᐅᒋᑎᒪᓱᔭᒂ ᓱᓇᔭᐱᔅᒄ, ᑭᔭ ᐎᓱᐛᐅᓱᓇᔭᐤ ᑭᔭ ᒋ ‍ ᒥᔅᑎ ‍ ᐃᔅᐱᐱᔨᒐᓂ ᑯᑎᒂ ᒐᒂᔪᐛ ᐊᓯ ‍ ᑭᓄᐛᔨᑎᒪᒄ᙮
\v 14 ᔭᔨᑕᔾ ᒐ ᐊᑲ ‍ ᒋᔅᑕᔨᒥᓱᔭᒄ ᐊ ‍ ᐅᓂᒋᔅᒋᑐᐛᒄ ᒋᒋᓴᒪᓂᑐᒥᓄᐤ, ᐊᓐ ᑲ ‍ ᐎᐧᑯᒋᐊᑦ ᒋᑦ ᐊᓂᔅᑯᑕᐸᓄᐛᐛ ᑲ ‍ ᐊᐊᐧᑲᓄᔨᒋ ᐊᓐᑕ ᐃᒋᑉᑎᒡ ᑭᔭ ᑲ ‍ ᐎᐎᑕᐊᑦ ᐊᓐᑕ ᐅᒋ᙮
\v 15 ᒐ ᐊᑲ ‍ ᐅᓂᒋᔅᒋᔭᒄ ᐎᔾ ᑲᒋ ‍ ᒋᔅᒋᓄᑕᐊᑦ ᒪᒂᒡ ᑲᐱᒧᑕᔨᒋ ᐊᓐᑕ ᓇᔅᒡ ᑲ ‍ ᒥᓴᔨᒡ ᑭᔭ ᑲ ‍ ᑯᔅᑎᑯᓂᔨᒡ ᐸᐧᑯᑎᔅᑭᒥᑭᔪᐤ, ᐊᓐᑕ ᐊ ‍ ᑕᔨᒋ ᑲ ‍ ᐱᒋᐳᔨᒋ ᒋᓇᐱᒂ ᑭᔭ ᒥᓐᑐᓯᓴ ᐊ ‍ ᐱᒋᔅᑯᐛᔨᒋ ᐊᐛᔪᐛ᙮ ᒐ ᐊᑲ ‍ ᐅᓂᒋᔅᒋᔭᒄ ᐊᓐᑕ ᓇᔅᒡ ᑲ ‍ ᐸᔅᑕᒡ ᐊᔅᒋᔾ ᐊ ᐊᑲ ᐅᒋ ‍ ᑎᒂᒡ ᐊᓐᑕ ᓂᐱᔾ, ᒋ ‍ ᐃᑐᑎᒻ ᒐᒋ ᐎᐎᑯᔨᒡ ᓂᐱᔪᐤ ᐊᓐᑕ ᐊ ‍ ᒥᔅᑯᐛᔨᒡ ᐊᓯᓂᒡ ᐅᒋ᙮
\v 16 ᒐ ᐊᑲ ‍ ᐅᓂᒋᔅᒋᔭᒄ ᒪᓇ ᐊᒋ ‍ ᒥᔨᑯᒡ ᒋᑦ ᐊᓂᔅᑯᑕᐸᓂᐛᐅᒡ ᒐᒋ ᒧᐛᒡ᙮ ᐊᓂᔭ ᒥᒋᒥᔪᐤ ᐊᑲ ‍ ᓂᑕ ‍ ᐅᒋ ᒧᐛᒡ᙮ ᒋ ‍ ᑐᑐᐛᐤ ᒥᒐᑥᐤ ᒐᒋ ᐊᔨᒥᔪᐃᒋ, ᐛᔅ ᒋ ‍ ᓂᑐᐛᔨᒪᐤ ᒐᒋ ᒋᔅᒐᔨᑎᒥᔨᒋ ᓇᑐᐛᔨᑕᑯᓯᔨᒋ ᒐᒋ ᑕᑈᐅᒐᔨᒥᑯᑦ, ᑭᔭ ᓇᒪᔭᐤ ᐎᔪᐛᐤ ᒐ ‍ ᑕᑈᐅᒐᔨᒥᓱᔨᒋ ᑭᔭ ᒋ ᐎ ‍ ᑯᒂᒋᐊᐤ ᒐᒋ ᓂᑐᔅᒐᔨᒪᑦ ᒐ ‍ ᓂᓇᐃᑕᑯᒂ, ᐊᑯ ᐃᔅᐱ ᐎᒪᐱᔨᒂᐛ ᐊᓂᔭ ᑲ ‍ ᐊᔭᔨᒥᔪᐅᒡ, ᒥᒐᑦ ᒥᔪᐤ ᒐᒂᔪᐛ ᒐ ‍ ᑐᑎᒧᐛᑦ᙮
\v 17 ᐊᑯ ᒥᔪᐱᔨᔭᒂ ᒋᑦ ᐃᔪᓂᐛᒡ ᒐ ᐊᑲ ‍ ᐃᔅᒋᔄᔭᒃ, ‘ᒋᒋᐛ ᓂ ‍ ᐛᔪᑎᓯᓐ, ᑭᔭ ᓂᔾ ᐅ ᓂᒋ ‍ ᐅᓯᑎᒪᓱᐅᓐ᙮’
\v 18 ᒐ ᐊᑲ ‍ ᐅᓂᒋᔅᒋᔭᒄ ᑎᐸᔨᒋᒐᓱᐤ ᒋᒋᓴᒥᓂᑐᒥᓄᐤ ᐊᐅᒄ ᑲ ‍ ᑐᑕᑕᒄ ᒐᒋ ᐛᔪᑎᓯᐛᒄ᙮ ᐃᑐᑎᒻ ᐅᔭ ᐛᔅ ᐊᐅᑯᔪᐤ ᓇᔅᒡ ᐛᑐᑕᐧᒃ ᑕᓐ ᑲᒋ ᒋᒋ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓄᐛ ᒐ ‍ ᐃᑐᑕᐧᒃ᙮
\p
\v 19 ᓇᔅᒡ ᑕᑈ ᒋᑦ ᐃᔭᒂᒥᑎᓇᐛᐤ ᐅᓂᒋᔅᒋᑐᐛᒂ ᑎᐸᔨᒋᒐᓱᐤ ᒋᒋᓴᒥᓂᑐᒥᓄᐤ ᑭᔭ ᓇᑕᒂᓐᒋ ᑭᔭ ᐊᔭᒥᐊᔅᑐᐛᒂᐛ ᑯᑎᑭᒡ ᒥᓂᑐᐧᑲᓐᒡ, ᒐᔅᑎᓇᔅᒡ ᒋᑭ ‍ ᓂᓱᐅᓇᒋᐃᑯᓇᐛᐤ᙮
\v 20 ᐊ ᐊᑲ ‍ ᓂᓇᐃᑐᐛᒂ ᑎᐸᔨᒋᒐᓱᐤ ᒋᒋᓴᒥᓂᑐᒥᓄᐤ, ᒐᔅᑎᓇᔅᒡ ᒋᑭ ‍ ᓂᓱᐅᓇᒋᐃᑯᐛᐤ ᒧᔭᒻ ᒐ ᐃᓯ ‍ ᓂᓱᐅᓇᒋᐊᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒐ ‍ ᒪᓯᔨᒪᑯᐤ᙮”
\c 9
\s1 ᐊᓂᔭ ᐅᒋ ᒐᒂᔪᐤ ᒋᓴᒪᓂᑐᐤ ᒐ ‍ ᑐᑐᐛᑦ ᒐᒋ ᑲᓂᔪᐃᒋ
\p
\v 1 “ᒋᔨᐛᐤ ᐃᔅᕋᐃᓪ ᐃᔪᒡ, ᓂᑐᑐᐅᒄ, ᓴᔅ ᒐᑲᑦ ᒋᑭ ‍ ᐊᓱᐛᐊᓇᐛᐤ ᒠᕐᑕᓐ ᓯᐱᔾ᙮ ᑭᔭ ᒋᑭ ‍ ᐃᑐᑕᓇᐛᐤ ᐊᓐᑕ ᐊᔅᒋᔾ ᒐᒋ ᐃᑲᑎᓴᐛᑯᒡ ᐊᓐᒡ ᐃᔪᒡ ᐊᓐᑕ ᐛᒋᒡ᙮ ᐊᑎᑐᐤ ᓱᐧᑲᑎᓯᐅᒡ ᐃᔅᐱᔅ ᒪᒃ ᒋᔨᐛᐤ ᑭᔭ ᒥᓯᐛ ᐛᔅᑲ ᒪᓂᔅᑲᑎᑯᐛ ᐊᓂᔭ ᐅᑕᓇᐛ ᒋᓯᑯᒡ ᐃᔅ᙮
\v 2 ᒋᒋᐛ ᒋᓂᑲᐳᐅᒡ ᐅᒡ ᐃᔪᒡ ᑭᔭ ᓴᐱᐅᒡ, ᐱᔅᒐ ᐊᓐᒡ ᒋᓏᔅᑯᓱᐅᒡ ᐊᓇᒃ ᐃᑎᔅᑲᓇᓯᒡ᙮ ᔅᒋ ‍ ᐸᑕᓇᐛᐤ ᐃᔪᒡ ᐊ ‍ ᐃᔅᒋᔄᒡ ᐊ ᐊᑲ ‍ ᐊᐛᓐ ᒐ ‍ ᓴᐧᑯᒋᐊᑦ ᐊᓇᒃ ᐅᑦ ᐊᓂᔅᑯᑕᐸᓂᔨᐛ᙮
\v 3 ᒥᒄ ᒋ ‍ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᒐᓂᑲᓂᔅᑲᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ᙮ ᒧᔭᒻ ᓇᔅᒡ ᐊ ‍ ᒥᔅᑎ ᐛᔭᑕᒡ ᐃᔅᑯᑕᐤ ᒋᑭ ‍ ᐃᓯᓇᑯᓱᐤ, ᒪᒂᒡ ᒐ ᐊᑎ ‍ ᐃᑐᑕᔭᒄ, ᒥᓯᐛ ᒋᑭ ‍ ᓴᐧᑯᒋᐊᐤ ᑭᔭ ᓂᓱᐅᓇᒋᐊᐤ᙮ ᐅᔭ ᐅᒋ, ᒋᑭ ‍ ᒋ ‍ ᐃᑲᑎᓴᐛᐅᒡ ᑭᔭ ᓂᐸᐛᐅᒡ ᑯᑎᑭᒡ, ᐛᔅ ᐊᐅᒄ ᑲ ᐃᓯ ‍ ᐊᓱᑎᒪᒐᑦ ᒐᑐᐛᒄ᙮
\p
\v 4 ᒋ ‍ ᐃᑲᑎᓴᐊᒪᑕᒂ ᑎᐸᔨᒋᒐᓱᐤ ᐊᓂᔭ ᐃᔪᐛ᙮ ᒐ ᐊᑲ ‍ ᐃᑎᑎᓱᔭᒄ, ‘ᐊᑯᐃᔅᑯᑕᑎᓯᔭᒡ ᐊᓐ ᐛᒋ ‍ ᑐᑐᔨᒥᑦ ᑎᐸᔨᒋᒐᓱᐤ ᒐᒋ ᒪᑯᓂᒪᒡ ᐅ ᐊᔅᒋᔾ᙮’ ᒪᐤ ᑕᑈᐅᓐ, ᑎᐸᔨᒋᒐᓱᐤ ᒋᑭ ‍ ᐃᑲᑎᓴᐛᐤ ᐊᓂᔭ ᐃᔪᐛ ᒪᒂᒡ ᒐ ᐊᑎ ‍ ᐃᑐᑕᔭᒄ ᐛᔅ ᒪᔭᑎᓯᔨᐛ ᐊᓂᔭ ᐃᔪᐛ ᐊᓐᑕ ᐛᒋᔨᒋ᙮
\v 5 ᒥᓐ ᓂᑦ ᐃᔅᒋᔄᓐ, ᓇᒪᔭᐤ ᐊᓐ ᐊ ‍ ᑯᐃᔅᑯᑕᑎᓯᔭᒄ ᑭᔭ ᒪᒃ ᐊ ‍ ᐃᑐᑎᒪᒄ ᒐᒂᓐ ᑯᐃᔅᑯᑕᑎᓯᐅᓂᒡ ᒐᒋ ᐅᒋ ᐱᒐᔭᒄ ᑭᔭ ᒪᑯᓂᒪᒄ ᐊᓐ ᐊᔅᒋᔾ᙮ ᐛᔅ ᒋᒋᐛ ᒪᔭᑎᓯᔨᐛ ᐊᓂᔭ ᐃᔪᐛ ᐊ ‍ ᐃᑎᔅᑲᓇᓯᔨᒋ ᒐ ᐅᒋ ‍ ᐃᑲᑎᓴᐛᑦ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒪᒂᒡ ᒐ ᐊᑎ ‍ ᐃᑐᑕᔭᒄ ᐛᔅ ᐎ ‍ ᑐᑎᒻ ᑕᓐ ᑲ ᐃᓯ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓂᐛᐛ ᐊᑉᕋᐊᒪ, ᐊᐃᓯᑲ, ᑭᔭ ᒐᑭᐸ ᒐᒋ ᑐᑕᐧᒃ᙮
\v 6 ᒋ ‍ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᓇᒪᔭᐤ ᐊᓐ ᐊ ‍ ᑯᐃᔅᑯᑕᑎᓯᔭᒄ ᐛᒋ ‍ ᒥᔨᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊᓂᔭ ᐊ ‍ ᒥᔽᔨᒡ ᐊᔅᒋᔪᐤ᙮ ᓂᑦ ᐃᔅᒋᔄᓐ ᐅ ᐛᔅ ᓇᒪ ᒋ ‍ ᑯᐃᔅᑯᑕᑎᓯᓇᐛᐤ, ᒋᔨᐛᐤ ᐅ ᐃᔪᒡ ᓇᔅᒡ ᑲ ‍ ᒥᔅᑯᔅᑎᒂᓇᒡ᙮
\s1 ᒧᓱᔅ ᑲ ‍ ᒋᔅᒋᒪᑦ ᑲ ‍ ᐎᔄᐅᓱᓇᔭᐱᔅᑯᔨᒋ ᒥᒋᑎᐧᒄ ᒥᓂᑐᐧᑲᓇ ᐅᒋ
\p
\v 7 “ᒐ ᐊᑲ ‍ ᓂᑕ ᐅᓂᒋᔅᒋᑎᒪᒄ ᑲ ‍ ᑐᑕᒡ ᒐᒂᔪᐤ ᒋᑦ ᐊᓂᔅᑯᑕᐸᓄᐛᐅᒡ ᐊᓐᑕ ᐸᐧᑯᑎᔅᑭᒥᑲᒡ ᑲ ‍ ᒋᔄᐊᒡ ᑎᐸᔨᒋᒐᓱᐛ ᒋᒋᓴᒪᓂᑐᒥᓄᐛ᙮ ᐊᓐ ᒐᓯᑲᒡ ᐃᒋᑉᑎᒡ ᑲ ᐅᒋ ‍ ᔅᑐᑕᔭᐧᒄ ᐸᑎᒪ ᐊᓐ ᒋᓯᒄ ᑲ ‍ ᑎᑯᓯᓂᔭᒄ ᐅᑕ, ᐊᔅᒄ ᐃᔭᐱᒡ ᒋ ‍ ᒪᔭᔨᒪᐛᐤ ᑎᐸᔨᒋᒐᓱᐤ᙮
\v 8 ᐃᔭᐱᒡ ᐊᓐᑕ ᓴᐃᓇᐃ ᐱᔅᑯᑎᓇᒡ ᒋᑦ ᐊᓂᔅᑯᑕᐸᓄᐛᐅᒡ ‍ ᒋᔄᐊᐅᒡ ᑎᐸᔨᒋᒐᓱᐛ᙮ ᐊᓂᔭ ᓇᔅᒡ ᐊᒋ ‍ ᒋᔄᐊᒡ ᒋ ‍ ᐊᔭᔅᑯᔨᐛ ᒐᒋ ᓂᓱᐅᓇᒋᐃᑯᒡ᙮
\v 9 ᐃᔅᐱ ᑲ ‍ ᓴᑭᒋᐛᔭᓐ ᐱᔅᑯᑎᓇᐤ ᒐᒋ ᒥᔨᑦ ᑎᐸᔨᒋᒐᓱᐤ ᐊᓯᓂᔭ ᐊᓐᑕ ᑲ ‍ ᒥᓯᓇᑕᐊᐧᒄ ᐸᐃᑯᔪᐤ ᐎᓱᐛᐅᓇ ᐊᓂᔭ ᒐ ‍ ᒥᔭᑦ, ᓇᐎᔪᐛ ᒋᓯᑲᐛ ᑭᔭ ᑎᐱᔅᑲᐛ ᐊᓐᑕ ᓂᒋ ‍ ᑕᓐ ᐊᑲ ‍ ᒥᓂᔭᓐ ᑭᔭ ᐊᑲ ‍ ᒋ ‍ ᒥᒋᓱᔭᓐ᙮
\v 10 ᓂᒋ ᒥᔨᒄ ᑎᐸᔨᒋᒐᓱᐤ ᐊᓂᔭ ᓄᓱ ᐊᓯᓂᔭ ᐊᓐᑕ ᑲ ‍ ᒥᓯᓇᑕᐊᐧᒃ ᐸᐃᑯᔪᐤ ᐎᓱᐛᐅᓇ ᐅᑎᒋᔾ ᑲ ‍ ᐊᐱᒋᑕᑦ᙮ ᐊᐅᑯᔪᐤ ᐊᓂᔭ ᐎᓱᐛᐅᓇ ᑲ ‍ ᐊᔨᒧᑎᒧᐛᑦ ᒋᑦ ᐊᓂᔅᑯᑕᐸᓂᐛᐛ ᐃᔅᑯᑕᒡ ᐅᒡ ᐊᓐᑕ ᐱᔅᑯᑎᓇᒡ ᐃᔅᐱ ᑲ ‍ ᒪᒧᐎᒡ ᐊᓐᑕ ᓂᑕᒥᑎᓇᒡ᙮
\p
\v 11 ᑲ ‍ ᐎᒪᐱᔨᒋ ᐊᓂᔭ ᓇᐎᔪᐛᒋᓯᑲᐛ ᑭᔭ ᓇᐎᔪᐛᑎᐱᔅᑲᐛ, ᓂᒋ ᒥᔨᒄ ᑎᐸᔨᒋᒐᓱᐤ ᐊᓂᔭ ᓄᓱ ᐊᓯᓂᔭ ᐊᓐᑕ ᑲ ‍ ᒥᓯᓇᑕᐊᐧᒃ ᐸᐃᑯᔪᐤ ᐎᓱᐛᐅᓇ᙮
\v 12 ᒥᒄ ᒂ ‍ ᐃᓯᑦ, ‘ᒧᓱᔅ, ᑎᐛᒡ ᓂᑕᒥᒋᐛᒪ ᐛᔅ ᐊᓐᒡ ᐃᔪᒡ ᒐᔅᒋᓄᑕᐃᑥᐤ, ᐊᓐᒡ ᐃᔪᒡ ᑲ ‍ ᐎᐎᑕᐃᑥᐤ ᐃᒋᑉᑎᒡ ᐅᒡ, ᓴᔅ ᒋᒋᐛ ᒥᒋᑐᑎᒧᒡ ! ᓴᔅ ᐃᑐᑎᒧᒡ ᒐᒂᔪᐤ ᑲ ‍ ᐃᑎᓱᒥᒂᐤ ᒐ ᐊᑲ ‍ ᑐᑕᒡ᙮ ᐅᓯᑎᒪᓱᐅᒡ ᐎᔄᐅ ᐊᑎᑯᓴ ᒥᓂᑐᐧᑲᓇ ᒐ ‍ ᐊᔭᒥᐊᔅᑐᐛᒡ᙮’
\p
\v 13 ᐊᑯ ᒂ ‍ ᐃᓯᑦ ᑎᐸᔨᒋᒐᓱᐤ, ‘ᓂᒋ ‍ ᑭᓄᐛᐱᒪᐅᒡ ᐊᓐᒡ ᐃᔅᕋᐃᓪ ᐃᔪᒡ, ᑭᔭ ᓂ ‍ ᐛᐱᒪᐅᒡ ᐊ ‍ ᒥᔅᑯᑕᐊᒡ᙮
\v 14 ᐊᑯ ᒐ ᐊᑲ ᐎ ‍ ᓇᓂᑲᓂᔨᓐ᙮ ᒥᓯᐛ ᓂᑭ ‍ ᓂᓱᐅᓇᒋᐊᐅᒡ ᑭᔭ ᓇᒪ ᐊᐛᓐ ᒋᑭ ‍ ᑕᐤ ᐅᑕ ᐊᔅᒋᒡ ᒐᒋ ᒋᔅᒋᔨᑎᒺᑦ ᑲᒋ ‍ ᐱᒪᑎᓯᔨᒋ᙮ ᐊᑯ ᒐ ‍ ᑐᑕᑕᓐ ᒋᔾ ᒐ ‍ ᐅᑕᐎᒪᐎᔨᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐊᑎᑐᐤ ᐊ ‍ ᒥᒐᑎᒡ ᑭᔭ ᐊᑎᑐᐤ ᐊ ‍ ᓱᐧᑲᑎᓯᒡ ᐃᔅᐱᔅ ᐎᔨᐛᐤ᙮’
\p
\v 15 ᐊᑯ ᒂ ᐊᑎ ‍ ᓂᑕᒥᒋᐛᔭᓐ ᐊ ‍ ᑕᐧᑯᓂᒪᓐ ᓂᓱ ᐊᓯᓂᔭ ᐊᓐᑕ ᒪᓯᓇᑕᒋ ᐸᐃᑯᔪᐤ ᐎᓱᐛᐅᓇ᙮ ᒥᓯᐛ ᒋ ‍ ᐃᔎᑕᐤ ᐊᓐ ᐱᔅᑯᑎᓇᐤ᙮
\v 16 ᐃᔅᐱ ᑲ ‍ ᐃᑕᐱᔭᓐ, ᓂᒋ ‍ ᑯᔅᑯᐱᔨᓐ ᐎᔭᐱᒥᒂᐤ ᒋᑦ ᐊᓂᔅᑯᑕᐸᓄᐛᐅᒡ ᐊᔅᐱᔅ ᐅᓂᑐᑐᐛᒡ ᑎᐸᔨᒋᒐᓱᐛ᙮ ᐃᑐᑎᒧᒡ ᒐᒂᔪᐤ ᑲ ‍ ᐃᑎᓱᒥᑯᒡ ᑎᐸᔨᒋᒐᓱᐛ ᒐ ᐊᑲ ‍ ᑐᑕᒡ᙮ ᒋ ‍ ᓂᑐᐛᔨᑎᒧᐛᐅᒡ ᐊᕋᓇ ᒐᒋ ᐅᓯᑎᒪᑯᒡ ᐎᔄᐅ ᐊᑎᑯᓴ ᒥᓂᑐᐧᑲᓇ ᒐ ‍ ᐊᔭᒥᐊᔅᑐᐛᒡ᙮
\v 17 ᐊᑯ ᒪᒂᒡ ᐊ ‍ ᑭᓄᐛᐱᒥᒡ, ᓂᒋ ‍ ᐅᐱᓇᓐ ᐊᓂᔭ ᓂᓱ ᐊᓯᓂᔭ ᒂ ‍ ᐛᐱᓂᒪᓐ ᐊᓐᑕ ᒧᔅᑎᔅᑭᒥᒡ ᑭᔭ ᒂ ‍ ᐱᓯᐱᔨᒋ᙮
\p
\v 18 ᒂ ‍ ᓂᐱᔅᑯᐱᔭᓐ ᒧᔅᑎᔅᑭᒥᒡ ᐅᑎᔅᑯᐤ ᑎᐸᔨᒋᒐᓱᐤ ᒧᔭᒻ ᑲᒋ ‍ ᐃᑎᔭᓐ, ᑭᔭ ᓇᒪ ᓂ ᐅᒋ ‍ ᒥᒋᓱᓐ ᑭᔭ ᓇᒪ ᓂ ᐅᒋ ᒥᓐ ᓇᐎᔪᐛ ᒋᓯᑲᐛ ᑭᔭ ᑎᐱᔅᑲᐛ᙮ ᐊᒋ ‍ ᒥᒋᑐᑐᐛᒡ ᒋᑦ ᐊᓂᔅᑯᑕᐸᓄᐛᐅᒡ ᑭᔭ ᐊᒋ ‍ ᒋᓱᐛᐊᒡ ᑎᐸᔨᒋᒐᓱᐛ ᐅ ᑲ ‍ ᐅᒋ ‍ ᑐᑎᒪᓐ᙮
\v 19 ᓂᒋ ‍ ᐊᐃᒪᔨᑕᓐ ᐛᔅ ᒋᒋᐛ ᒋ ‍ ᒋᔄᐳᐤ, ᒋ ᐎ ‍ ᓂᓱᐅᓇᒋᐊᐤ, ᒥᒄ ᒥᓐ ᓂᒋ ‍ ᓂᑐᑎᒪᓐ ᒐ ᐊᑲ ᐊᓂᔭ ᑐᑕᐧᒃ ᑭᔭ ᒥᓐ ᓂᒋ ‍ ᓂᑐᑕᒄ ᑭᔭ ᓂᒋ ‍ ᒥᔨᒄ ᑲ ᐃᓯ ‍ ᓂᑐᑎᒪᔭᓐ᙮
\v 20 ᒋᒋᐛ ᐃᔭᐱᒡ ᒋ ‍ ᒋᔄᐃᑯᐤ ᐊᕈᓇ ᐊᒋ ‍ ᐅᓯᐊᔨᒋ ᑲ ‍ ᐎᔄᐅᓱᓇᔭᐅᔨᒋ ᐊᑎᑯᓴ ᒥᓂᑐᐧᑲᓇ ᑭᔭ ᒋ ‍ ᐊᔭᔅᑯᔪᐤ ᒐᒋ ᓂᐸᐊᑦ ᐊᕈᓇ᙮ ᒥᒄ ᐃᔭᐱᒡ ᓂᒋ ‍ ᓂᑐᑎᒪᔅᑎᒧᐛᐤ ᐊᕈᓐ, ᑭᔭ ᓂᒋ ‍ ᐊᔭᒥᔨᒃ ᑎᐸᔨᒋᒐᓱᐤ ᑕᓐ ᑲ ᐃᓯ ‍ ᓂᑐᑎᒪᔭᓐ᙮
\v 21 ᒋ ‍ ᒥᒋᑐᑕᒧᒡ ᒋᑦ ᐊᓂᔅᑯᑕᐸᓄᐛᐅᒡ ᑲ ‍ ᓂᑐᐛᔨᑎᒧᐛᒡ ᐊᕈᓇ ᒐᒋ ᐅᓯᑎᒪᑯᒡ ᐊ ‍ ᐃᓴᑯᔨᒋ ᑲ ‍ ᐎᔄᐅᓱᓇᐛᔨᒋ ᐊᑎᑯᓴ ᒥᓂᑐᐧᑲᓇ᙮ ᐊᑯ ᒂ ‍ ᐅᑎᓂᒃ ᐊᓐ ᒥᓂᑐᐧᑲᓐ, ᑭᔭ ᒂ ‍ ᑎᒋᓱᒄ ᐃᔅᑯᑕᒡ ᑭᔭ ᒂ ᐊᑎ ‍ ᐱᒂᐅᒄ ᑭᔭ ᒂ ‍ ᐱᔅᒋᓂᒃ᙮ ᒂ ᐊᑎ ‍ ᐱᑯᔍᐊᒪᓐ ᐊᓐ ᑲ ‍ ᐱᔅᒋᐱᔨᑦ ᐊᓐᑕ ᓯᐱᓯᒡ ᑲ ‍ ᓂᑎᒋᐛᒋᐛᒡ ᐱᔅᑯᑎᓇᒡ᙮
\p
\v 22 ᐃᔭᐱᒡ ᒋᒋᐛ ᒋ ‍ ᒋᔄᐊᐅᒡ ᒋᑦ ᐊᓂᔅᑯᑕᐸᓄᐛᐅᒡ ᑎᐸᔨᒋᒐᓱᐛ ᑲ ‍ ᑐᑕᒡ ᒐᒂᔪᐤ ᐊᓐᑕ ᑲ ‍ ᑕᒡ ᑕᐱᕋ, ᑭᔭ ᒪᓴ ᑭᔭ ᑭᐳᕋᑦ-ᐊᑕᐸ᙮
\p
\v 23 ᑭᔭ ᐃᔅᐱ ᑲ ‍ ᑕᔭᐧᒄ ᐊᓐᑕ ᑲᑕᔅ-ᐸᕐᓂᐊ ᑎᐸᔨᒋᒐᓱᐤ ᑲ ‍ ᐃᑕᑦ ᒋᑦ ᐊᓂᔅᑯᑕᐸᓄᐛᐛ, ‘ᒐ ‍ ᔅᑐᑕᔭᒃ ᑭᔭ ᒐ ‍ ᐅᑎᓂᒪᒃ ᐊᓐ ᐊᔅᒋᔾ ᒐ ‍ ᒥᔨᑎᑯᒡ,’ ᒥᒄ ᒋ ‍ ᒪᔭᔨᒪᐅᒡ᙮ ᓇᒪ ᐅᒋ ᑕᑈᐅᒐᔨᒪᐅᒡ ᑭᔭ ᓇᒪ ᐅᒋ ᓂᓇᐃᑎᒺᐅᒡ ᑲ ‍ ᐃᑎᑯᒡ ᒐᒂᔪᐤ ᒐ ‍ ᑐᑕᒡ᙮
\v 24 ᒋ ‍ ᒪᔭᔨᒪᐅᒡ ᒋᑦ ᐊᓂᔅᑯᑕᐸᓄᐛᐅᒡ ᑎᐸᔨᒋᒐᓱᐛᐤ ᐊᓂᔭ ᐅᔅᑭᒡ ᒋᓯᑯᔪᐤ ᐅᒋ ᑲ ‍ ᓂᔅᑐᐛᐱᒥᒂᐤ ᐊᓐᑕ ᐃᒋᑉᑎᒡ᙮
\p
\v 25 ᐊᑯ ᒧᔭᒻ ᑲ ‍ ᐃᔅᒋᔄᔭᓐ ᓂᒋ ‍ ᐱᒥᓯᓐ ᒧᔅᑎᔅᑭᒥᒡ ᑎᐸᔨᒋᒐᓱᐤ ᐊ ‍ ᑕᑦ ᓇᐎᔪᐛ ᒋᓯᑲᐛᐤ ᑭᔭ ᑎᐱᔅᑲᐛ ᐃᔅᐱᔅ, ᐛᔅ ᑲ ‍ ᐃᔅᒋᔄᑦ ᑎᐸᔨᒋᒐᓱᐤ ᒐᒋ ᓂᓱᐅᓇᒋᐊᑦ ᒋᑦ ᐊᓂᔅᑯᑕᐸᓄᐛᐛ᙮
\v 26 ᒂ ‍ ᐊᑎ ‍ ᓂ ‍ ᑐᑎᒧᐅᒄ ᑎᐸᔨᒋᒐᓱᐤ ᐊ ‍ ᐃᔅᒋᔄᔭᓐ, ‘ᑎᐸᔨᒋᒐᓱᐤ ᒋᓴᒪᓂᑐᐤ, ᒋᔾ ᒋᑎᐸᔨᒪᐅᒡ ᐅᒡ ᐃᔪᒡ, ᐊᑲ ᓂᓱᐅᓇᒋᐃᒡ᙮ ᐊᐅᑯᐤ ᐅᒡ ᐃᔪᒡ ᑲ ‍ ᐱᐧᑯᐃᑥᐤ ᑭᔭ ᑲ ‍ ᐎᐎᑕᔨᑥ ᐃᒋᑉᑎᒡ ᒋᓱᐧᑲᑎᓯᐅᓂᒡ᙮
\v 27 ᒐ ᐊᑲ ‍ ᐅᓂᒋᔅᒋᑎᒧᑦ ᑲ ‍ ᐊᓱᑎᒧᐅᑥᐤ ᐊᕋᐊᒻ, ᐊᐃᓯᒃ, ᑭᔭ ᒐᑭᑉ᙮ ᐊᑲ ᐃᔭᐱᑕᔨᑎᒻ ᑲ ‍ ᒥᔅᑯᔅᑎᒂᓇᒡ ᑭᔭ ᑲ ‍ ᒥᒐᑎᓯᒡ ᑭᔭ ᐊᓂᔭ ᑲ ‍ ᒥᒋᑐᑕᒡ᙮
\v 28 ᓂᐸᐃᑥᐛ ᒥᓯᐛ ᒋᑦ ᐃᔨᒥᒡ, ᐊᑯ ᒐ ‍ ᐃᔅᒋᔄᐅᒡ ᐃᒋᑉᑦ ᐃᔪᒡ᙮ “ᑎᐸᔨᒋᒐᓱᐤ ᒋ ‍ ᐊᓱᑎᒧᐛᐤ ᐊᓂᔭ ᐃᔅᕋᐃᓪ ᐃᔪᐛ ᐊᔅᒋᔪᐤ, ᒥᒄ ᓇᒪ ᐅᒋ ᓱᐧᑲᑎᓯᐤ ᒐᒋ ᑭᓄᐛᔨᑕᐧᒃ ᐊᓂᔭ ᐅᑦ ᐊᓱᑎᒪᒐᐅᓐ᙮ ᑕᑈ ᐊᔅᐱᔅ ‍ ᐎᓇᐊᔨᒪᑦ ᒋ ‍ ᐃᑐᑕᐊᐤ ᐊᓐᑕ ᐸᐧᑯᑎᔅᑭᒥᑲᔨᒡ ᒂ ‍ ᓂᐸᐊᑦ᙮”
\v 29 ᒥᒄ ᒋᔾ, ᓂᑎᐸᔨᒋᒐᓯᒥᓇᓐ, ᒋ ‍ ᐅᑎᓇᐅᒡ ᐊᓐᒡ ᐃᔅᕋᐃᓪ ᐃᔪᒡ ᒐᒋ ᑎᐸᔨᒥᑕᐤ ᑭᔭ ᒋᓱᐧᑲᑎᓯᐅᓂᒡ ᐅᒡ ᒋ ‍ ᐎᐎᑕᐅᒡ ᐃᒋᑉᑎᒡ ᐅᒋ᙮’ ”
\c 10
\s1 ᐸᐃᑯᔪᐤ ᐎᓴᐛᐅᓇ ᒧᔭᒻ ᐅᔅᑭᒡ
\p
\v 1 “ᐊᑯ ᑎᐸᔨᒋᒐᓱᐤ ᒂ ‍ ᐃᔅᒋᔄᑦ, ‘ᒐ ‍ ᒪᑎᓯᒥᓐ ᓂᓱ ᐊᓯᓂᔾ ᒧᔭᒻ ᐊᓂᔭ ᐅᔅᑭᒡ ᑲ ‍ ᑎᑯᓂᔨᒋ᙮ ᑭᔭ ᒐ ‍ ᐅᓯᑕᔨᓐ ᐊ ‍ ᒥᔅᑎᑯᐅᒡ ᒥᐅᑦ ᒐᒋ ᐱᑕᒥᓐ ᐊᓐᑕ᙮ ᐊᑯ ᒐ ‍ ᐊᑎ ‍ ᐸᑕᔨᓐ ᐊᓂᔭ ᐊᓯᓂᔭ ᐊᓐᑕ ᐱᔅᑯᑎᓇᒡ᙮
\v 2 ᓂᑭ ‍ ᒥᓯᓇᑕᓐ ᐸᐃᑯᑕᐤ ᐃᔨᒧᐅᓇ ᒧᔭᒻ ᑲ ‍ ᒥᓯᓇᑕᒪᓐ ᐊᓐᑕ ᐅᔅᑭᒡ ᐊᓯᓂᔭ, ᐊᓂᔭ ᑲ ‍ ᐱᑯᓂᒥᓐ᙮ ᐊᑯ ᒐ ᐊᑎ ‍ ᐱᑕᒥᓐ ᐊᓐᑕ ᑲ ‍ ᒥᔅᑎᑯᐅᒡ ᒥᐅᑦ᙮’
\p
\v 3 ᐊᑯ ᒂ ‍ ᐅᓯᑕᔭᓐ ᒥᐅᑦ, ᐊᑲᓯᔭ ᒥᔅᑎᒄ ᓂᒋ ‍ ᐊᐱᒐᐤ ᒐᒋ ‍ ᐅᓯᑕᔭᓐ᙮ ᐊᑯ ᒂ ‍ ᒪᑎᓯᒪᓐ ᓂᓱ ᐊᓯᓂᔭ ᒧᔭᒻ ᐊᓂᔭ ᐅᔅᑭᒡ ᑭᔭ ᒂ ‍ ᓴᑭᒋᐛᑕᔭᓐ ᐱᔅᑯᑎᓇᒡ᙮
\v 4 ᐊᑯᑕ ᐊᓐᑕ ᑲ ‍ ᒥᓯᓇᑕᐧᒃ ᐸᐃᑯᑕᐤ ᐊᓂᔭ ᐸᐃᑯᔪᐤ ᐎᓱᐛᐅᓇ ᒧᔭᒻ ᐊᓂᔭ ᐅᔅᑭᒡ᙮ ᐊᐅᑯᔪᐛ ᐅᔭ ᑲ ‍ ᐎᑎᒧᐛᑦ ᒋᑦ ᐊᓂᔅᑯᑕᐸᓂᐛᐛ ᐊᓐᑕ ᐅᒡ ᐃᔅᑯᑕᒡ ᑕᐧᑯᒡ ᐱᔅᑯᑎᓇᒡ, ᑲ ‍ ᒪᒧᐎᒡ ᐊᓐᑕ ᒥᒋᒪ ᐱᔅᑯᑎᓇᒡ᙮
\v 5 ᑭᔭ ᒂ ᐊᑎ ‍ ᒋᐛᐱᔪᔭᓐ ᑭᔭ ᒂ ‍ ᓂᑎᒋᐛᔭᓐ ᐱᔅᑯᑎᓇᒡ, ᒧᔭᒻ ᑲ ‍ ᐃᑎᓱᐛᑦ, ᒂ ᐊᑎ ‍ ᐱᑕᒧᒡ ᐊᓐᑕ ᒥᔅᑎᒄ ᒥᐅᑎᒡ᙮ ᑭᔭ ᐊᔅᒄ ᐊᓐᑕ ᑎᑯᓂᔨᐛ᙮”
\p
\v 6 ᐊᑯ ᐊᓐᑕ ᐅᒡ ᐅᑕᐃᐸᓇ ᔭᑲᓐ ᐃᔪᒡ ᑲ ‍ ᑎᐸᔨᑕᒡ ᒋ ᐅᒋ ‍ ᔅᑐᑕᐅᒡ ᐃᔅᕋᐃᓪ ᐃᔪᒡ ᐃᔅᐱᔅ ᐊᓐᑕ ᒧᓴᕋ᙮ ᐊᕋᓐ ᐊᑯᑕ ᐊᓐᑕ ᑲ ‍ ᐳᓂᐱᒪᑎᓯᑦ ᑭᔭ ᐊᑯᑕ ᓂᑯᐛᔅᑲᑕᑭᓄᐅᑦ, ᑭᔭ ᐅᑯᓴ ᐃᓕᐊᓴᕐ ᒂ ‍ ᐅᑎᓂᒥᔨᒋ ᐊᓂᔭ ᐅᑎᐳᐅᓐ ᐊ ‍ ᒋᓴᐊᔭᒥᐊᐅᒋᒪᐅᔨᒋ᙮
\v 7 ᐊᑯᑕ ᑲ ᐅᒋ ‍ ᔅᑐᑕᒡ ᐃᔅᕋᐃᓪ ᐃᔪᒡ ᑯᑦᑯᑕ ᑲ ‍ ᐃᑐᑕᒡ ᐊᑯ ᒥᓐ ᒍᑦᐸᑕᐧᒃ, ᑲ ‍ ᒥᔅᑎ ‍ ᓯᐱᓯᔪᐎᒡ᙮
\v 8 ᑎᐸᔨᒋᒐᓱᐤ ᒋ ‍ ᓂᔅᑐᐛᒋᐊᐤ ᓕᐸᐃ ᑲ ‍ ᐃᑎᑲᓇᓯᔨᒋ ᐃᔪᐛ ᒐᒋ ᑕᐧᑯᓂᒥᔨᒋ ᐊᓂᔭ ᒥᐅᑎᔪᐤ ᑲ ‍ ᑎᑯᓂᔨᒋ ᐊᓯᓂᔭ ᑲ ‍ ᒥᓯᓇᑕᐧᒃ ᐸᐃᑯᔪᐤ ᐎᓱᐛᐅᓇ, ᑭᔭ ᒐᒋ ‍ ᓂᐳᐎᒋ ᐊᓐᑕ ᐊ ‍ ᑕᔨᒋ ᒋᓴᒪᓂᑐᐛ ᐊᔭᒥᐊᐅᐱᒍᐎᔭᓂᒋᐛᐱᒡ, ᒐᒋ ᒥᑐᔅᑕᐊᒧᐛᒡ ᒐᒂᔪᐛ ᐅᑦ ᐃᓯᓂᐧᑲᓱᐅᓂᔨᒡ ᐅᒡ᙮
\v 9 ᐊᐅᑯᔪᐤ ᐊᓂᔭ ᐛᒋ ᐊᑲ ‍ ᒥᔭᑭᓄᐅᒡ ᐊᔅᒋᔪᐤ ᓕᐸᐃ ᐃᔪᒡ ᒐᒋ ‍ ᐊᓱ ‍ ᒥᔭᒡ ᐅᑦ ᐊᓂᔅᑯᑕᐸᓂᐛ᙮ ᐊᐅᑯᔪᐛ ᐅᔭ ᒥᓯᐛ ᒐᒂᔪᐤ ᒐ ‍ ᒥᔨᑯᒡ ᑎᐸᔨᒋᒐᓱᐛ ᑭᔭ ᒐ ᐊᑲ ‍ ᓄᑕᐱᔨᒡ ᒐᒂᔪᐤ, ᒧᔭᒻ ᑲ ‍ ᐃᑎᑯᒡ᙮
\p
\v 10 “ᓂᒋ ‍ ᑕᓐ ᐊᓐᑕ ᐱᔅᑯᑎᓇᒡ ᓇᐎᔪᐛ ᒋᓯᑲᐛ ᑭᔭ ᑎᐱᔅᑲᐛ, ᒧᔭᒻ ᑲ ‍ ᐃᑎᔭᓐ ᐅᔅᑭᒡ᙮ ᓂᒋ ‍ ᐊᔭᒥᐊᔅᑐᐛᐤ ᑎᐸᔨᒋᒐᓱᐤ ᑭᔭ ᒂ ‍ ᐃᑐᑕᐧᒃ ᒥᓄᐛᒡ ᒐᒂᔪᐤ ᑲ ᐃᓯ ‍ ᓂᑐᑎᒧᐅᒄ ᑭᔭ ᒂ ‍ ᐃᔅᒋᔄᑦ ᒐ ᐊᑲ ‍ ᒥᓯᐛ ᓂᐸᐊᑦ ᐊᓂᔭ ᒋᑦ ᐊᓂᔅᑯᑕᐸᓂᐛᐛ᙮
\v 11 ᐊᑯ ᑎᐸᔨᒋᒐᓱᐤ ᒂ ‍ ᐃᔅᒋᔄᑦ, ‘ᒪᒋ ᒐ ‍ ᐎᒋᐃᑥᐤ ᐊᔅᒄ ᐃᔪᒡ ᒐᒋ ᐃᑐᑕᒡ ᐊᓐᑕ ᐊᔅᒋᒡ ᒐᒋ ᐅᑎᓇᒡ ᑲ ‍ ᐊᓱᑎᒧᒥᒋ ᐅᑦ ᐊᓂᔅᑯᑕᐸᓂᐛᐛ᙮’ ”
\s1 ᒐ ‍ ᑯᔅᐱᓂᔅᑐᐛᒄ ᑎᐸᔨᒋᒐᓱᐤ
\p
\v 12 “ᐊᑯ, ᒋᔨᐛᐤ ᐃᔅᕋᐃᓪ ᐃᔪᒡ, ᒋᑭ ‍ ᐎᑎᒪᑎᓇᐛᐤ ᒐᒂᔪᐤ ᑎᐸᔨᒋᒐᓱᐤ ᒋᒋᓴᒥᓂᑐᒥᓄᐤ ᐊ ‍ ᓂᑐᐛᔨᒥᑕᒄ ᒐᒋ ᐃᑐᑎᒪᒄ᙮ ᒋ ‍ ᓂᑐᐛᔨᒥᑯᐛᐤ ᒐᒋ ‍ ᓇᔅᒡ ᐃᔅᐱᑕᔨᒪᒄ, ᒐᒋ ᐃᓯ ‍ ᐱᒪᑎᓯᔭᒄ ᒧᔭᒻ ᐊ ᐃᓯ ‍ ᓂᑐᐛᔨᑎᒪᑕᒄ ᒐᒋ ᐃᓯ ‍ ᐱᒪᑎᓯᐛᒄ, ᒐᒋ ‍ ᓴᒋᐊᒄ, ᑭᔭ ᒐᒋ ᐊᑐᔅᑯᐛᒄ ᒥᓯᐛ ᐊᔅᐱᑎᓯᔭᒄ,
\v 13 ᑭᔭ ᒐᒋ ᓇᐃᑎᒺᒄ ᒥᓯᐛ ᐊᓂᔭ ᐎᓱᐛᐅᓇ ᐅᔭ ᐊᓄᒡ ᒐ ‍ ᒥᔨᑎᑯᒡ ᒐᒋ ᒥᔪᐱᒪᑎᓯᔭᒄ᙮
\p
\v 14 ᒐ ᐊᑲ ‍ ᐅᓂᒋᔅᒋᑎᒪᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑎᐸᔨᑕᐧᒃ ᐊᓂᔭ ᒋᓯᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᐊ ‍ ᑎᑯᓂᔨᒡ᙮
\v 15 ᒥᒄ ᐊᑎᓱᐧᒄ ᐊᓂᔭ ᐊ ‍ ᑎᐸᔨᑕᐧᒃ ᒥᓯᐛ ᒐᒂᔪᐛ, ᑎᐸᔨᒋᒐᓱᐤ ᒋ ‍ ᓴᒋᐊᐤ ᐊᓂᔭ ᒋᑦ ᐊᓂᔅᑯᑕᐸᓄᐛ, ᑭᔭ ᒥᓯᐛ ᐃᔪᒡ ᐊ ‍ ᐃᑎᔅᑲᓇᓯᒡ ᐅᑕ ᐊᔅᒋᒡ ᒋᔭᓄᐤ ᒋ ‍ ᐅᑎᓂᑯᓄᐤ, ᐊ ‍ ᐅᑦ ᐊᓂᔅᑯᑕᐸᓂᑕᑕᐧᒄ, ᑭᔭ ᐊᔅᒄ ᒋᔭᓄᐤ ᒋᑦ ᐅᑦ ᐃᔨᒥᑕᑯᓄᐤ᙮
\v 16 ᐊᑯ ᒐ ‍ ᐳᓂᔭᒄ ᐊ ‍ ᒥᒐᑎᓯᔭᒄ ᑭᔭ ᐊ ‍ ᒥᔅᑯᔅᑐᒂᓇᔭᒄ᙮
\v 17 ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊᑎᑐᐤ ᓱᐧᑲᑎᓯᐤ ᐃᔅᐱᔅ ᑯᑎᒂ ᒥᓂᑐᐛ, ᑭᔭ ᐊᑎᑐᐤ ᓱᐧᑲᑎᓯᐤ ᐃᔅᐱᔅ ᒥᓯᐛ ᑲ ᑎᐸᔨᒋᒐᔨᒋ᙮ ᒋᒋᐛ ‍ ᓱᐧᑲᑎᓯᐤ ᑭᔭ ᒥᔅᑲᑕᔨᑕᑯᓱᐤ᙮ ᓇᒪ ᐃᔭᒡ ᑐᑐᐛᐤ ᐊᐛᔪᐛ ᐊᑐᑎᐛᑦ ᑯᑎᑲ ᐊᐛᔪᐛ᙮ ᑭᔭ ᓇᒪ ᐎ ‍ ᒋᓯᐧᑲᑯᓯᐤ᙮
\v 18 ᒋ ‍ ᐃᑐᑎᒻ ᒐᒋ ᒥᔪᑐᑥᑭᓄᐎᔨᒋ ᐊᓂᔭ ᑲ ‍ ᐸᐃᑯᓯᔨᒋ ᐃᔎᐛ ᑭᔭ ᒋᐅᓴᓂᓴ᙮ ᐃᔭᐱᒡ ᓴᒋᐊᐤ ᐊᓂᔭ ᒪᓐᑕᐛ ᑭᔭ ᑯᑎᑲ ᐊ ‍ ᐃᑎᔅᑲᓇᓯᔨᒋ ᐊᓐᑕ ᐊᐎᒋᒥᔨᒥᑕᐧᑯᐤ, ᑭᔭ ᒥᓯᐛ ᐊᓯᒪᐤ ᑭᔭ ᐛᑕᔅᐱᑕᐤ᙮
\v 19 ᐊᑯ ᑭᔭ ᒋᔨᐛᐤ ᒋᐸ ‍ ᓴᒐᐛᐅᒡ ᒪᓐᑕᐅᒡ, ᐛᔅ ᒋᔨᐛᐤ ᔅᒋ ᒪᓐᑕᐅᓇᐛᐤ ᐊᓐᑕ ᑲ ‍ ᐎᒋᔭᒃ ᐃᒋᑉᑎᒡ᙮
\v 20 ᒐ ᐎ ‍ ᐃᔅᐱᑕᔨᒪᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑭᔭ ᐎᔾ ᒥᒄ ᒐ ‍ ᐊᔭᒥᐊᔅᑐᐛᒃ᙮
\v 21 ᐎᔾ ᒥᒄ ᒋᑭ ᐎ ‍ ᒋᔅᑕᔨᒪᐛᐤ, ᐎᔾ ᐊᓐ ᒋᒋᓴᒪᓂᑐᒥᓄᐤ, ᑭᔭ ᒋ ‍ ᐛᐸᑎᒺᓇᓄᐤ ᒥᓯᐛ ᒪᒥᔅᑲᒡ ᑭᔭ ᓱᐧᑲᑎᓯᒥᑭᓂᔨᒡ ᒐᒂᔪᐤ ᑲ ‍ ᐃᑐᑎᒪᑕᒄ᙮
\v 22 ᑲ ‍ ᐃᑐᑕᒡ ᒋᑦ ᐊᓂᔅᑯᑕᐸᓄᒡ ᒐᑭᑉ ᑭᔭ ᐎᐧᑲᓂᓴ, ᐊᓐᑕ ᐃᒋᑉᑎᒡ, ᒥᒄ ᓂᔄᐅᑕᒡ ᑕᑐᔪᐤ ᒋ ‍ ᐃᑕᑎᓱᐅᒡ᙮ ᒥᒄ ᐊᓄᒡ ᒋᒥᒐᑎᓇᓄᐤ ᐊ ‍ ᐃᔅᐱᒐᑎᒡ ᐅᒐᑭᑕᐧᑯᒡ᙮”
\c 11
\s1 ᓴᒋᐃ ᑭᔭ ᓂᓇᐃᑐᐤ ᑎᐸᔨᒋᒐᓱᐤ
\p
\v 1 “ᐛᔅ ᒥᓯᐛ ᑲ ‍ ᐃᑐᑎᒪᑕᒄ ᑎᐸᔨᒋᒐᓱᐤ ᒋᒋᓴᒥᓂᑐᒥᓄᐤ, ᒋᑭ ‍ ᓴᒋᐊᐛᐤ ᑭᔭ ᓇᓂᑎᒻ ᒋᑭ ‍ ᓂᓇᐃᑎᒺᓇᐛᐤ ᒥᓯᐛ ᐅᐎᓱᐛᐅᓇ ᑭᔭ ᐅᒋᔅᑯᑎᒪᒐᐅᓇ᙮
\v 2 ᒐ ‍ ᒋᔅᒋᔨᔭᒄ ᑲ ‍ ᑯᐃᔅᑯᑕᔨᑕᒄ ᑭᔭ ᓇᒪᔭᐤ ᒋᑦ ᐊᐛᓯᒧᐛᐅᒡ᙮ ᒋᔨᐛᐤ ᑲ ‍ ᐛᐸᑎᒺᒄ ᑎᐸᔨᒋᒐᓱᐤ ᐊᐱᒋᑕᑦ ᐅᓱᐧᑲᑎᓯᐅᓐ
\v 3 ᑲ ‍ ᐃᑐᑕᐧᒃ ᑲ ‍ ᒥᔅᑲᑕᔨᑕᑯᓂᔨᒡ ᐊᓐᑕ ᐃᒋᑉᑎᒡ, ᑲ ‍ ᐃᑐᑕᐧᒃ ᒐᒋ ᒥᔅᑎ ᒥᒋᐱᔨᒋ ᐊᓂᔭ ᒋᓴᐅᒋᒪᐛ ᑭᔭ ᒥᓯᐛ ᐅᑦ ᐃᔨᒥᔪᐛ᙮
\v 4 ᑭᔭ ᑲ ‍ ᓇᓴᐅᑕᑯᒡ ᐃᒋᑉᑦ ᐊᓯᒪᑭᓂᓯᒡ ᐅᑎᑎᐸᓇᔅᑯᐛᐛ, ᔅᒋ ‍ ᐛᐱᒪᐛᐤ ᑎᐸᔨᒋᒐᓱᐤ ᐊ ‍ ᑯᓴᐱᔭᐊᑦ ᑭᔭ ᐅᑲᐸᐃᑭᔎᒥᔨᐛ ᒥᒂᑭᒥ ᐎᓂᐸᑯᒡ᙮ ᐃᒋᑉᑦ ᐃᔪᒡ ᒋ ‍ ᓂᓇᐧᑲᒋᐅᒡ ᑲ ‍ ᓴᐧᑯᒋᔭᑭᓄᐅᒡ !
\v 5 ᔅᒋ ‍ ᐛᐸᑕᓇᐛᐤ ᒐᒂᔪᐤ ᑲ ‍ ᐃᑐᑕᐧᒃ ᒪᒂᒡ ᑲ ‍ ᑕᔭᒃ ᐊᓐᑕ ᐸᐧᑯᑎᔅᑭᒥᑲᒡ, ᐃᔅᐱ ᐅᑕ ᑲᒋ ‍ ᑎᑯᓯᓂᔭᒄ᙮
\v 6 ᑭᔭ ᔅᒋ ‍ ᐛᐸᑕᓇᐛᐤ ᑎᐸᔨᒋᒐᓱᐤ ᑲ ‍ ᐃᑐᑕᐧᒃ ᒐᒋ ᓴᓂᐱᔨᒡ ᒧᔅᑎᔅᑭᒥᒡ ᑕᑕᐅᒡ ᐊᓐᑕ ᑲ ‍ ᒪᓂᑲᓱᓇᓄᐎᒡ ᑕᑦᐊᓐ ᑭᔭ ᐊᐱᕋᒻ, ᑲ ‍ ᐱᑎᓱᐛᐱᔨᒡ ᐊᓐᒡ ᐎᐧᑲᓂᓯᒪᐅᒡ ᑭᔭ ᐅᑦ ᐊᐛᓯᓯᒧᐛᐛ ᑭᔭ ᐅᐱᒍᐎᔭᓂᒋᐛᐳᐛᐛ᙮
\v 7 ᒋᔅᒋᓯᑯᐛᐛ ᐅᒋ, ᔅᒋ ‍ ᐛᐸᑕᓇᐛᐤ ᑎᐸᔨᒋᒐᓱᐤ ᐅᓱᐧᑲᑎᓯᐅᓂᒡ ᑲᒋ ‍ ᐃᑐᑕᐧᒃ ᐅᔭ ᒐᒂᔪᐛ᙮
\p
\v 8 ᐊᑯ, ᒐ ‍ ᓇᐃᑎᒺᒄ ᒥᓯᐛ ᐎᓱᐛᐅᓇ ᒪᔨᑎᑯᒡ ᐊᓄᒡ, ᒐᒋ ᓱᐧᑲᑎᓯᔭᒃ ᑭᔭ ᒐᒋ ᐊᓱᐛᐊᒪᒄ ᐊᓐ ᓯᐱᔾ ᒐᒋ ‍ ᐅᑎᓂᒪᒄ ᐊᔅᒋᔾ ᐊᓐᑕ ᒐ ‍ ᐃᑐᑕᔭᒄ᙮
\v 9 ᑭᔭ ᒐᒋ ᓇᐅᔅ ᐱᒪᑎᓯᔭᒄ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᑲ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓄᐛᐛ ᒐᒋ ‍ ᒥᔭᑦ ᑭᔭ ᐅᑦ ᐊᐛᓯᒥᔨᐛ, ᐊᓐᑕ ᐊ ‍ ᒥᔪᓂᑕᐅᒋᒡ ᒐᒂᓐ᙮
\v 10 ᐊᓐᑕ ᒐ ‍ ᐃᑐᑕᔭᒄ ᑭᔭ ᒐ ‍ ᐅᑎᓂᒪᒄ ᐊᓐ ᐊᔅᒋᔾ ᓇᒪ ᐃᓯᓇᑯᓐ ᒧᔭᒻ ᐃᒋᑉᑦ ᐊᔅᒋᔾ, ᐊᓐᑕ ᑲ ‍ ᐎᒋᒡ ᒋᑦ ᐊᓂᔅᑯᑕᐸᓄᐛᐅᒡ᙮ ᑲᒋ ‍ ᓂᑕᐅᒋᒐᒡ ᐊᓐᑕ ᐃᒋᑉᑎᒡ, ᐛᒧᒡ ᒋ ᐎ ‍ ᓂᐱᔪᐛᐅᒡ ᓂᑕᐅᒋᑭᓂᔅᒐ ᑲᒋ ‍ ᐊᔅᑕᒡ ᐊᓐᑕ ᐊᔅᒋᒡ, ᑭᔭ ᒋᐸ ‍ ᐎ ‍ ᐅᔅᑯᐎᔪᒡ ᒐᒋ ᓂᑕᐅᒋᓂᔨᒋ ᓂᑕᐅᒋᑕᑭᓇ᙮
\v 11 ᒥᒄ ᐊᓐ ᐊᔅᒋᔾ ᐊᓐᑕ ᒐ ‍ ᐃᑐᑕᔭᒃ ᐊ ‍ ᐛᐛᑭᑕᐅᐧᑲᒡ ᑭᔭ ᐊ ‍ ᐱᓴᒡ ᐊᔅᒋᔾ ᐃᓯᓇᑯᓐ, ᐊᓐᑕ ᒥᔅᑎᒋᒺᒡ᙮
\v 12 ᐊᓯᑯᒻ ᒋᓯᑲᐛ ᓇᑭᑐᐛᔨᑎᒻ ᑎᐸᔨᒋᒐᓱᐤ ᐊᓂᔭ ᐊᔅᒋᔪᐤ, ᐃᔅᑭᓐ ᐱᐳᓇ᙮
\p
\v 13 ᐊᓄᒡ ᒋᑦ ᐃᑎᓱᒥᑎᓇᐛᐤ ᒐᒋ ᓴᒋᐊᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑭᔭ ᒐᒋ ᐊᑐᔅᑯᐛᒄ ᒥᓯᐛ ᐊᔅᐱᓯᔭᒄ᙮ ᐃᑐᑎᒪᒂ ᐅ,
\v 14 ᐊᓯᑯᒻ ᐱᐳᓇ ᒋᑭ ᐃᑎᓴᐊᒻ ᐊᒋᒧᓂᔨᒡ ᒋᑦ ᐊᔅᒋᐛᒡ ᐛᑎᒋᐱᔨᒋ ᒐᒋ ᒋᒧᓂᔨᒡ, ᐊᑎ ‍ ᓯᒂᒋ ᑭᔭ ᐊᑎ ‍ ᑎᒂᒋ᙮ ᐊᑯ ᒐᑭᓄᐛᔨᑎᒪᒄ ᒥᒋᒻ, ᐸᒂᓯᑭᒥᓐ, ᓱᒥᓇ, ᑭᔭ ᐊᓕᐱᒡ᙮
\v 15 ᑭᔭ ᒋᑭ ‍ ᐃᑐᑎᒻ ᒐᒋ ᓂᑕᐅᓂᔨᒋᒋ ᒥᔅᑭᓱᐛ ᐊᓐᑕ ᒋᓂᑕᐅᒋᒋᑭᓄᐛᐛᒡ ᒐᒋ ‍ ᒥᒋᓱᒡ ᒋ ‍ ᒥᔅᑐᓯᒧᐛᐅᒡ᙮ ᒋᑭ ‍ ᑭᓄᐛᔨᑕᓇᐛ ᒥᓯᐛ ᐊ ‍ ᐃᓯᓇᒂᒡ ᒥᒋᒻ ᒐᒋ ᒥᒋᔭᒃ᙮
\p
\v 16 ᒥᒄ ᒋᑦ ᐃᔭᒂᒥᑎᓇᐛᐤ, ᒐ ᐊᑲ ‍ ᒋᐛᑲᐳᔅᑐᐛᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑭᔭ ᒐ ᐊᑲ ‍ ᒋᒋᐱᔨᔭᒃ ᒐᒋ ᐊᔭᒥᐊᔅᑐᐛᑯᒡ ᑯᑎᑭᒡ ᒥᓂᑐᐅᒡ᙮
\v 17 ᐃᑐᑎᒪᒂ ᐅ, ᑎᐸᔨᒋᒐᓱᐤ ᒋᒋᐛ ᒋᑭ ‍ ᒋᔄᐛᐤ᙮ ᒋᑭ ‍ ᓂᑲᐊᒻ ᐊ ‍ ᒋᒧᐅᓂᒡ᙮ ᐊᑯ ᒋᓂᑕᐅᒋᑭᓂᐛᐛ ᓇᒪ ᒋᑭ ‍ ᓂᑕᐅᒋᓂᔪᐛ, ᑭᔭ ᒐ ᐊᑎ ‍ ᒋᒪᐧᑭᑕᔭᒃ ᒐ ‍ ᐳᓂᐱᒪᑎᓯᔭᒃ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᑲ ‍ ᒥᔨᑕᒄ᙮
\s2 Deuteronomy 11.18-21, 26-28 (Epiphany-9 Year A)
\p
\v 18 ᒐ ‍ ᑭᓄᐛᔨᑎᒪᒄ ᐅᔭ ᐃᑎᓱᐛᐅᓇ ᒋᑕᐃᐛᐛᒡ ᑭᔭ ᒋᒥᑐᓇᔨᒋᑭᓄᐛᐛᒡ, ᒪᑯᐱᑎᒥᒄ ᐊᓐᑕ ᐊᐱᓯᑯᐱᔨᒋ ᒋᑎᒋᐛᐛᒡ ᑭᔭ ᒋᔅᑭᒥᒄ ᒋᐅᔅᑲᑎᑯᐛᐛᒡ ᐊᑯ ᒪᒃ ᒐᒋ ᐛᐎᒋᐃᑯᔭᒄ ᐊᑕᑈᑎᒪᒄ᙮
\v 19 ᒋᔅᑯᑎᒧᐛᐧᑯᒡ ᒋᑦ ᐊᐛᓯᒧᐛᐅᒡ, ᐊᔨᒧᑎᒧᐛᐧᑯᒡ ᐊᐱᔭᑯ ᒋᒋᐛᐛᒡ ᑭᔭ ᐸᒧᑕᔭᑯ ᒪᔅᑭᓇᒡ, ᐊᑎ ‍ ᓇᐃᓱᒧᔭᑯ ᑕᐱᔅᑲᒋ ᑭᔭ ᐛᓂᔭᑯ ᒋᔭᒋᓴᐸᔭᒋ᙮
\v 20 ᒋᔅᑐᑯᓇᑎᑯᐛᒡ ᒐ ‍ ᒥᓯᓇᑕᐊᒪᒄ ᑭᔭ ᐃᔎᑕᒥᒡ ᒋᑦ ᐃᑕᐅᓄᐛᒡ᙮
\v 21 ᐊᑯ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᓇᐅᔅ ᒐ ‍ ᐎᒋᔭᒄ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᑲ ‍ ᐊᓱᑎᒧᐛᑦ ᒍᑕᐎᐛᐛ ᒐ ᐃᔅᐱᔅ ‍ ᑎᒂᒋ ᒋᓯᒂ ᐃᔅᐱᒥᒡ ᐊᔅᒋᒡ᙮
\p
\v 22 ᑕᑈᔭᔨᑎᒧᒄ ᐅ ᐊ ‍ ᐃᑎᓱᒥᑎᑯᒡ ᒐᒋ ᐃᑐᑎᒪᒄ ᒐᒋ ‍ ᓴᒋᐊᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᑭᔭ ᒐ ᐃᓯ ‍ ᐱᒪᑎᓯᔭᒄ ᒧᔭᒻ ᑎᐸᔨᒋᒐᓱᐤ ᐊ ᐃᓯ ‍ ᓂᑐᐛᔨᑕᐧᒃ ᑭᔭ ᒐᒋ ‍ ᑕᑈᐅᒐᔨᒪᒃ ᑭᔭ ᒐ ‍ ᒥᔪᐎᒐᐛᒄ᙮
\v 23 ᐃᑐᑎᒪᒂ ᐅ, ᑎᐸᔨᒋᒐᓱᐤ ᒋᑭ ‍ ᐃᑲᑎᓯᓇᐤ ᐊᓂᔭ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐊᓐᑕ ᐊᔅᒋᒡ ᒐ ‍ ᐃᑐᑕᔭᒄ, ᐊ ‍ ᐃᑎᔅᑲᓇᓯᒡ ᐊᐛᓐᒋ ᐊᑎᑐᐤ ᐊ ‍ ᓱᐧᑲᑎᓯᒡ ᑭᔭ ᐊᑎᑐᐤ ᒥᒐᑎᒡ ᐃᔅᐱ ᒋᔨᐛᐤ᙮
\v 24 ᒥᓯᐛ ᐊᓐᑕ ᒐ ‍ ᐱᒧᑕᔭᒃ ᒧᔅᑎᔅᑭᒥᒡ ᒋᑭ ‍ ᑎᐸᔨᑕᓇᐛᐤ᙮ ᒋ ‍ ᑎᐸᔨᑎᒧᐅᓂᐛᐤ ᐊᓐᑕ ᐸᐧᑯᑎᔅᑭᒥᑲᒡ ᓴᐅᓂᒡ ᐃᔅᐱᔅ ᐊᓐᑕ ᓚᐸᓇᓐ ᐱᔅᑯᑎᓇᐛ ᐊᓐᑕ ᒋᐛᑎᓄᒡ ᐅᒡ ᔪᑉᕆᑎᔅ ᓯᐱᒡ ᐊᓐᑕ ᐛᐱᓄᑕᒡ ᐃᔅᐱᔅ ᐊᓐᑕ ᒥᑎᑐᕋᓂᔭᓐ ᐎᓂᐸᒄ ᐊᓐᑕ ᐊᑎᒪᐱᓯᒧᒡ᙮
\v 25 ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᑐᑐᐛᐤ ᒥᓯᐛ ᐃᔪᐛ ᒐᒋ ‍ ᑯᔅᑎᔨᑕᑯᐤ, ᐊᐅᑯᔪᐤ ᐅᔭ ᑲ ‍ ᐊᓱᑎᒪᑕᒄ, ᒐ ᐊᑲ ᒋ ᓂᑲᓂᑯᔭᒄ᙮
\s2 Deuteronomy 11.18-21, 26-28 (Epiphany-9 Year A)
\p
\v 26 ᐛᐸᑕ, ᐊᓄᒡ ᒋ ‍ ᐎᑎᒪᑎᓇᐛᐤ ᓱᐛᔨᒋᒐᐅᓐ ᑭᔭ ᐊᓏᔨᒋᒐᐅᓐ,
\v 27 ᐊᓄᒡ ᒋ ‍ ᒥᔨᑎᓇᐛᐤ ᐅᔭ ᐅᑦ ᐃᑎᓱᐛᐅᓇ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑭᔭ ᓇᐃᑐᐛᒂ, ᒋᑭ ‍ ᓱᐛᔨᒥᑯᐛᐤ᙮
\v 28 ᒥᒄ ᒪᒃ ᐊ ᐊᑲ ‍ ᓇᐃᑐᐛᒂ ᑭᔭ ᐊᔭᒥᐊᔅᑐᐅᑥᒂᐛ ᑯᑎᑭᒡ ᒥᓂᑐᐧᑲᓐᒡ ᒋᑭ ‍ ᐊᓏᔨᒥᑯᐛᐤ᙮
\v 29 ᑭᔭ ᑎᐸᔨᒋᒐᓱᐤ ᐸᓱᐅᑕᒂ ᐊᓐᑕ ᐊᔅᒋᒡ ᒐ ‍ ᐃᑐᑕᔭᒄ ᑭᔭ ᒐ ‍ ᐅᑎᓂᒪᒄ᙮”
\v 30 (ᐊᓂᔭ ᓂᓱ ᐱᔅᑯᑎᓇᐛ ᐊᑎᒪᐱᓯᒧᒡ ᐊᓐᑕ ᒠᕐᑕᓐ ᓯᐱᒡ, ᐊᑎᒪᐱᓯᒧᒡ ᒋᒋᒡ ᒠᕐᑕᓐ ᓯᐱᒡ ᒥᒋᒪ ᐊᓐᑕ ᑭᒥᓯᑎᐛ ᒥᔅᑎᒄ ᐊᓐᑕ ᒧᕋᐃ ᐅᑕᓇᐤ ᐊᓐᑕ ᐊᔅᒋᒡ ᑲᐃᓇᓐ ᐃᔪᒡ ᐛ ᒋᒡ᙮ ᒥᒋᒪ ᐎᒍᐅᒡ ᐊᓐᑕ ᑲ ‍ ᐸᔭᐧᑯᓯᒡ ᒥᔅᑎᑯᒡ ᒥᒋᒪ ᑭᓪᑲᓪ᙮)
\v 31 “ᓴᔅ ᒐᑲᑦ ᒋᑭ ‍ ᐊᓱᐛᐊᓇᐛᐤ ᒠᕐᑕᓐ ᓯᐱᔾ ᒐ ‍ ᐅᑎᓂᒪᒄ ᐊᔅᒋᔾ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒪᔨᑕᒄ᙮ ᐊᑯ ᐅᑎᑎᒪᒂ ᑭᔭ ᐊᓐᑕ ᐎᒋᔭᒂ,
\v 32 ᒐ ‍ ᐎ ‍ ᓇᐃᑎᒪᒄ ᐃᑎᓱᐛᐅᓇ ᑭᔭ ᒋᔅᑯᑎᒪᒐᐅᓇ ᐊᓄᒡ ᒪᔨᑎᑯᒡ᙮”
\c 12
\s1 ᐸᐃᒄ ᐃᑕᐅᓐ ᐊᓐᑕ ᒐ ‍ ᐊᔭᒥᐊᓄᐅᒡ
\p
\v 1 “ᒋᑭ ‍ ᐎᑎᒪᑎᓇᐛᐤ ᒥᓐ, ᐊᐅᑯᔪᐤ ᐅᔭ ᐎᓱᐛᐅᓇ ᑭᔭ ᒋᔅᑯᑎᒪᒐᐅᓇ ᑕᑈᐅᒐᔨᑎᒧᐅᓂᒡ ᒐ ᐎ ‍ ᓇᓴᐊᒪᒄ ᐊᓐᑕ ᐊᔅᒋᒡ ᑎᐸᔨᒋᒐᓱᐤ, ᒋᓴᒪᓂᑐᐤ ᒋᑦ ᐊᓂᔅᑯᑕᐸᓄᐅᒡ ᑲ ‍ ᐊᒥᔭᐊᔅᑐᐛᒡ, ᒪᔨᑕᒄ ᒐᒋ ‍ ᐎᒋᐛᒃ᙮
\v 2 ᒋᑭ ᐎ ‍ ᓂᓱᐅᓇᒋᑕᐛᓇᐛᐤ ᒥᓯᐛ ᐊᓂᔭ ᐃᑕᐅᓇ ᐊᓐᑕ ᐊᔭᒥᐊᔅᑐᐛᒡ ᐅᒥᓂᑐᐧᑲᓂᒧᐛᐛ ᐊᓐᒡ ᑯᑎᑭᒡ ᐊ ‍ ᐃᑎᑲᓇᓯᒡ ᐃᔪᒡ ᒐ ‍ ᐃᑲᑎᓴᐛᑭᒡ, ᐊᓐᑕ ᑕᐧᑯᒡ ᐱᔅᑯᑎᓇᐛ ᑭᔭ ᐊ ‍ ᐛᐛᑭᑕᐅᐧᑲᔨᒡ ᑭᔭ ᐊᓐᑕ ᓯᐸ ᒪᓯᑎᔨᒋ ᓯᐸᑯᐤ ᒥᔅᑎᒂ᙮
\v 3 ᒋᑭ ᐎ ‍ ᐱᑯᓂᒺᓇᐛᐤ ᐅᐱᔅᑎᓂᒐᐅᓇᐱᔅᑯᐛᐛ ᑭᔭ ᒐ ‍ ᐱᓴᐊᒺᒄ ᑲ ‍ ᐸᔭᒋᓇᑯᓂᔨᒋ ᓯᑥᔅᑲᐃᑭᓇ᙮ ᒥᓯᐛ ᒐ ‍ ᐃᔎᓱᐅᒪᑯᐤ ᐅᒥᓂᑐᐧᑲᓂᒧᐛᐛ ᐊᓱᕋᔨᒋ, ᑭᔭ ᒐ ‍ ᒋᒥᑲᐅᒪᑯᐤ ᑲ ‍ ᒥᔅᑎᑯᐎᔨᒋ ᐅᒥᓂᑐᐧᑲᓂᒧᐛᐛ, ᒐ ‍ ᐊᑲ ᐊᐛᓐ ᒥᓐ ᒋ ‍ ᐊᔭᒥᐊᔅᑐᐛᑦ ᐊᓐᑕ ᐃᑕᐅᓂᒡ᙮
\p
\v 4 ᒐ ᐊᑲ ᐃᓯ ‍ ᐊᔭᒥᐊᔅᑐᐛᒄ ᑎᐸᔨᒋᒐᓱᐤ ᒧᔭᒻ ᐊ ᐃᓯ ‍ ᐊᔭᒥᐊᔅᑐᐛᒡ ᐊᓐᒡ ᑲᐃᓇᓐ ᐃᔪᒡ ᐅᒥᓂᑐᐧᑲᓂᒧᐛᐛ᙮
\v 5 ᒥᒄ, ᒋᑭ ᐎ ‍ ᐃᑐᑕᓇᐛᐤ ᐊᓐᑕ ᐃᑕᐅᓂᒡ ᑎᐸᔨᒋᒐᓱᐤ ᒐ ‍ ᐎᔭᔨᑕᐧᒃ᙮ ᐊᑯᑕ ᐊᓐᑕ ᐃᑕᐅᓂᒡ ᒐ ‍ ᐎᒋᒡ ᐸᐃᒄ ᑲ ‍ ᐃᑎᔅᑲᓇᓯᒡ ᒋᑦ ᐃᔨᒧᐛᐅᒡ᙮ ᐊᑯᑕ ᐊᓐᑕ ᒐ ᐎ ‍ ᑐᑕᔭᒄ ᒐᒋ ᐊᔭᒥᐊᔅᑐᐛᒄ ᑎᐸᔨᒋᒐᓱᐤ᙮
\v 6 ᐊᑯᑕ ᐊᓐᑕ ᒐ ‍ ᐎ ‍ ᐸᑕᔭᒄ ᒋ ‍ ᒥᑐᔅᑕᐊᒪᒐᐅᓄᐛᐛ ᓄᑎᒻ ᒐ ᐎ ‍ ᐃᔎᓴᑭᓂᔨᒋ ᐊᓐᑕ ᑕᐧᑯᒡ ᐱᔅᑎᓂᒐᐅᓇᐱᔅᑯᒡ ᑭᔭ ᑯᑎᑲ ᒥᑐᔅᑕᐊᒪᒐᐅᓇ ᑲ ‍ ᐎᔭᔨᑎᒪᒄ ᒐᒋ ᒥᑐᔅᑕᐊᒪᒐᔭᒄ ᑭᔭ ᐅᔅᑭᒡ ᑲ ‍ ᐃᔪᐅᒡ ᒋᒥᒋᑎᐧᑯᒧᐛᐅᒡ ᑭᔭ ᒋᒪᔭᑎᓂᓯᒧᐛᐅᒡ᙮
\v 7 ᐊᓐᑕ ᐊ ‍ ᑕᑦ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᐊᓐ ᑲ ‍ ᓱᐛᔨᑕᑯᐎᔨᑕᒄ ᒋᔾ ᑭᔭ ᒋᓴᐧᑲᓂᓱᐛᐅᒡ ᒋᑭ ‍ ᒥᒋᓇᐛᐤ ᐊ ‍ ᒥᔽᔨᒋ ᒐᒂᔪᐛ ᑲ ‍ ᐊᑐᔅᒐᔭᒄ ᒐᒋ ᐅᓯᑕᔭᒄ ᑭᔭ ᒋᑭ ‍ ᒥᔽᔨᑕᓇᐛᐤ᙮
\p
\v 8 ᒋ ‍ ᑕᔭᒂ ᐊᓐᑕ ᐊᔅᒋᒡ, ᓇᒪ ᒋᑭ ᐎ ‍ ᑐᑕᓇᐛᐤ ᐱᔅᒐ ᒐᒂᔪᐛ ᐊᓂᔭ ᑲᒋ ‍ ᐃᑐᑎᒪᐧᒄ᙮ ᐃᔅᐱ ᐊᓄᒡ, ᔅᒋ ‍ ᐊᔭᔅᑐᐛᐛᐤ ᑎᐸᔨᒋᒐᓱᐤ ᑕᓐ ᑲ ᐃᓯ ‍ ᐎ ‍ ᐊᔭᒥᐊᔅᑐᐛᒄ᙮
\v 9 ᐛᔅ ᐊᔅᒄ ᓇᒪ ᒋ ‍ ᐅᑎᑕᓇᐛᐤ ᐊᓂᔭ ᐊᔅᒋᔪᐤ ᑎᐸᔨᒋᒐᓱᐤ ᒪᔨᑕᒄ, ᐊᓐᑕ ᒋᔭᒪᔨᑎᒧᐅᓂᒡ ᒐ ‍ ᐎᒋᔭᒃ᙮
\v 10 ᒥᒄ ᐃᔅᐱ ᐊᓱᐛᐊᒪᒂ ᒠᕐᑕᓐ ᓯᐱᔾ, ᒋᑭ ‍ ᒋᒋᐱᔪᐤ ᒐ ‍ ᐎᒋᔭᒄ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒪᔨᑕᒄ᙮ ᒋᑭ ‍ ᒋᔅᐸᐛᑎᑯᐛᐤ ᒥᓯᐛ ᒐᐛᔅᑲᔅᑲᑎᔨᑕᑯᐤ ᑲ ‍ ᐱᒂᑎᑕᑯᐤ ᐅᒋ, ᑭᔭ ᒋᔭᒪᔨᑎᒧᐅᓂᒡ ᒋᑭ ‍ ᐱᒪᑎᓯᓇᐛᐤ᙮
\v 11 ᑎᐸᔨᒋᒐᓱᐤ ᒋᑭ ‍ ᐎᔭᔨᑎᒻ ᐊᓐᑕ ᓇᑐᐛᔨᑕᐧᒃ ᒐ ‍ ᐊᔭᒥᐊᔅᑐᐛᒄ᙮ ᐊᐅᑯᓐ ᐊᓐᑕ ᒐ ‍ ᐸᑕᔭᒄ ᒥᓯᐛ ᒋ ‍ ᒥᑐᔅᑕᐊᒪᒐᐅᓄᐛᐛ ᑲ ‍ ᐃᑎᓱᒥᑎᑯᒡ ᒐᒋ ᐸᑕᔭᒃ᙮ ᒥᓯᐛ ᒥᑐᔅᑕᐊᒪᒐᐅᓇ ᓄᑎᒻ ᒋᑭ ᐎ ‍ ᐃᔎᓯᑭᓄᐅᐛ ᐊᓐᑕ ᐱᔅᑎᓂᒐᐅᓇᐱᔅᑯᒡ, ᑯᑎᑲ ᒥᑐᔅᑕᐊᒪᒐᐅᓇ, ᑯᑎᑲ ᐱᔅᑎᓂᒐᐅᓇ ᒋᔨᐛᐤ ᑲ ‍ ᐎᔭᔨᑎᒪᒄ ᒐᒋ ᐱᔅᑎᓂᒪᒃ, ᑭᔭ ᑯᑎᑲ ᑲ ‍ ᒋᔅᑕᔨᑕᒂᒋ ᐱᔅᑎᓂᒐᐅᓇ ᑲᒋ ᒋᒋ ‍ ᐊᓱᑎᒧᐛᒄ ᒐᒋ ᒥᔭᒄ ᑎᐸᔨᒋᒐᓱᐤ᙮
\v 12 ᒧᒋᒐᔨᑎᒥᒄ ᐊᓐᑕ ᐅᑎᔅᑯᐤ ᑎᐸᔨᒋᒐᓱᐤ ᐊ ‍ ᑕᑦ ᐊᓯᒡ ᒋᑦ ᐊᐛᓯᒧᐛᐅᒡ, ᑭᔭ ᒋᑦ ᐃᔎᐤ ᑭᔭ ᓇᐸᐤ ᐊᐱᒋᐊᑭᓂᒧᐛᐅᒡ ᑭᔭ ᓕᐸᐃ ᐃᔪᒡ ᐅᑦ ᐊᓂᔅᑯᑕᐸᓄᐛᐛ ᐊᓐᑕ ᐛᒋᔨᒋ ᒋᑦ ᐅᑕᓇᒧᐛᐛᒡ᙮ ᒐ ᐊᑲ ‍ ᐅᓂᒋᔅᒋᔭᒄ ᓕᐸᐃ ᐃᔪᒡ ᐅᑦ ᐊᓂᔅᑯᐸᓂᐛᐛ ᐊ ᐊᑲ ‍ ᐛᒋᒡ ᐅᑦ ᐊᔅᒋᒡ ᒧᔭᒻ ᒋᔨᐛᐤ ᒐ ᐅᑦ ᐊᔅᒋᔭᒄ᙮
\v 13 ᔭᐃᑕᔾ ᒐ ᐊᑲ ‍ ᒥᑐᔅᑕᐊᒪᒐᔭᒃ ᓂᑎᒥᒄ ᐊᓐᑕ ᐛ ᒥᑐᔅᑕᐊᒪᒐᔭᒄ᙮
\v 14 ᐊᓐᑕ ᒥᒄ ᐃᑕᐅᓂᒡ ᑲ ‍ ᐎᔭᔨᑎᒪᑕᒄ ᑎᐸᔨᒋᒐᓱᐤ, ᐊᓐᑕ ᐃᑕᐅᓂᔪᐤ ᑕᐸᔨᑎᒥᔨᒋ ᐸᐃᒄ ᐊ ‍ ᐃᑎᔅᑲᓇᓯᔨᒋ ᒋᑦ ᐃᔨᒧᐛᐛ᙮ ᐊᑯᑕ ᐊᓐᑕ ᒥᒄ ᓇᑐᐛᔨᒥᑕᒄ ᒐ ‍ ᒥᔨᐛᔭᒄ ᒋᐱᔅᑎᓂᒐᐅᓄᐛᐛ ᓄᑎᒻ ᒐ ‍ ᐃᔎᓯᑭᓄᐎᔨᒋ ᐊᓐᑕ ᐱᔅᑎᓂᒐᐅᓇᐱᔅᑯᒡ, ᑭᔭ ᒐ ‍ ᑐᑎᒪᒄ ᑯᑎᑲ ᒐᒂᔪᐛ ᐊᔨᑎᓱᒥᑎᑯᒡ ᒐᒋ ᑐᑎᒪᒄ ᐃᔅᐱ ᐊᔭᒥᐊᔅᑐᐛᒂ᙮
\p
\v 15 ᒥᒄ, ᒋᑭ ‍ ᓇᐃᒥᑯᓇᐛᐤ ᒐᒋ ᓂᐸᑕᒐᔭᒄ ᑭᔭ ᒥᒍᐛᒄ ᐅᐎᔭᓯᒧᐛᐤ ᒋᑦ ᐊᐛᓯᓯᒧᐛᐅᒡ ᐊᓐᑕ ᐃᑕᐅᓇ ᐛᒋᔭᒄ᙮ ᒥᒄ ᐛ ‍ ᐃᔅᐱᔅ ᒥᒍᐛᒄ ᐊᐛᓯᓯᒡ ᐅᐎᔭᓯᒧᐛᐤ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒐ ‍ ᓱᐛᔨᑕᑯᐎᔨᑕᒄ ᒐ ‍ ᒥᔨᑕᒄ᙮ ᒥᓯᐛ ᐊᑎᓯᔭᒄ ᐊ ‍ ᐛᔅᑭᒥᓯᔭᒄ ᑭᔭ ᐊᑲ ‍ ᐛᔅᑭᒥᓯᔭᒄ ᒋᑭ ᒋ ‍ ᒥᒋᓇᐛᓇᐛᐤ ᐊᓂᔭ ᐎᔭᓯᔪᐤ, ᒧᔭᒻ ᐊ ᐃᓯ ‍ ᒧᐛᒄ ᐊᑎᐧᒄ ᑭᔭ ᒪᒄ ᓄᓴᑎᐧᒄ᙮
\v 16 ᒥᒄ ᓇᒪ ᒋᑭ ᐎ ‍ ᒥᒍᐛᓇᐛᐤ ᐅᒥᐧᑯᐛᐤ ᐊᓐᒡ ᐊᐛᓯᓯᒡ, ᒋᑭ ᐎ ‍ ᐎᐎᑯᐎᑕᓇᐛᐤ ᒥᐧᒄ ᐊᓐᑕ ᒧᔅᑎᔅᑭᒥᒡ ᐊᔅᒄ ᐊᑲ ᐱᒥᓂᐛᔭᒄ᙮
\v 17 ᐊᓐᑕ ᐛᒋᔭᒄ ᓇᒪ ᒋᑭ ‍ ᒥᒋᓇᐛᐤ ᒐᒂᔪᐛ ᒐ ‍ ᒥᔭᒄ ᑎᐸᔨᒋᒐᓱᐤ: ᓇᒪ ᒋᑭ ᐎ ‍ ᒥᒍᐛᓇᐛᐤ ᐸᐃᒄ ᐊᓂᔭ ᐸᐃᑯᔪᐤ ᐸᒂᓯᑭᓂᒥᓇ ᑭᔭ ᒪᒃ ᓱᒥᓇᐳᔾ ᑭᔭ ᒪᒃ ᐊᓕᑉ ᐱᒥᔾ ᑭᔭ ᒪᒃ ᐅᔅᑭᒡ ᑲ ‍ ᐃᔪᐅᒡ ᒋ ‍ ᒥᒋᑎᐧᑯᒧᐛᐅᒡ ᑭᔭ ᒋ ‍ ᒪᔭᑎᓂᓯᒧᐛᐅᒡ ᑭᔭ ᒪᒃ ᑯᑎᑲ ᒥᔨᐛᐅᓇ ᒋᔨᐛᐤ ᑲ ‍ ᐎᔭᔨᑎᒪᒃ ᒐᒋ ᒥᔭᒄ ᑎᐸᔨᒋᒐᓱᐤ ᑭᔭ ᒪᒃ ᒥᒄ ᐊ ‍ ᐃᓯᓇᒂᒋ ᑯᑎᑲ ᒥᔨᐛᐅᓇ᙮
\v 18 ᒥᔅᑯᒡ, ᒋᔾ ᑭᔭ ᒋᑦ ᐊᐛᓯᒧᐛᐅᒡ ᑭᔭ ᒋᑦ ᐃᔎᐤ ᑭᔭ ᓇᐸᐤ ᐊᐱᒋᐊᑭᓂᒧᐛᐅᒡ ᑭᔭ ᓕᐸᐃ ᐃᔪᒡ ᐅᑦ ᐊᓂᔅᑯᑕᐸᓄᐛᐛ ᐊᓐᑕ ᐛᒋᒡ ᒋᑦ ᐅᑕᓇᒧᐛᐛᒡ ᒋᑭ ᐎ ‍ ᐃᑐᑕᓇᐛᐤ ᐊᓐᑕ ᑲ ‍ ᐎᔭᔨᑕᐧᒃ ᐃᑕᐅᓂᔪᐤ ᑎᐸᔨᒋᒐᓱᐤ ᑭᔭ ᒋᑭ ‍ ᒥᒍᐛᓇᐛᐤ ᐊᓂᔭ ᐅᑎᔅᑯᐤ ᑎᐸᔨᒋᒐᓱᐤ᙮ ᑭᔭ ᒋᐸ ᐎ ‍ ᒧᒋᒐᔨᑕᓇᐛᐤ ᐅᑎᔅᑯᐤ ᑎᐸᔨᒋᒐᓱᐤ ᒥᓯᐛ ᒐᒂᓐ ᐊ ‍ ᐃᑐᑎᒪᒄ᙮
\v 19 ᔭᐃᑕᔾ ᒐ ‍ ᐎ ‍ ᑭᓇᐛᔨᒪᑯᐤ ᓕᐸᐃ ᐃᔪᒡ ᐅᑦ ᐊᓂᔅᑯᑕᐸᓂᐛᐛ ᒪᒂᒡ ᒐ ‍ ᐃᔅᐱᔅ ᐎᒋᔭᒄ ᐊᓐᑕ ᒋᑦ ᐊᔅᒋᐛᒡ᙮
\p
\v 20 ᐃᔅᐱ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒥᔨᑕᒂ ᐊᑎᑐᐤ ᐊᔅᒋᔪᐤ ᐃᔅᐱ ᐅᔅᑭᒡ ᐊᓐᑕ ᑲ ‍ ᑕᔭᒄ ᐊᔅᒋᒡ, ᒧᔭᒻ ᑲ ‍ ᐊᓱᑎᒪᒐᑦ ᒐᒋ ᐃᑐᑕᐧᒃ ᑭᔭ ᐃᔅᒋᔄᔭᒂ, ‘ᓂᐸ ᒥᔽᔨᑕᓐ ᒥᒋᔭᓐ ᐎᔭᔅ’ ᐛᔅ ᐊ ‍ ᒧᔅᑕᓂᒥᓐ ᒐᒋ ᒥᒋᔨᓐ, ᒋᑭ ᒋ ‍ ᒥᒋᓇᐛᐤ ᐎᔭᔅ ᐛ ᐎ ‍ ᒥᒋᔭᑯᐤ᙮
\v 21 ᐛᔪᐤ ᑎᑯᓂᔨᒐ ᐃᑕᐅᓂᔪᐤ ᐛᒍᐛᒄ ᐅᒋ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲ ‍ ᐎᔭᔨᑕᐧᒃ ᐊᓐᑕ ᒐ ‍ ᐊᔭᒥᐊᔅᑐᐛᑭᓄᐅᑦ, ᒋ ‍ ᓇᐊᔨᒥᑯᓇᐛᐤ ᒐᒋ ᓂᐸᑯᒡ ᐱᔅᒐ ᒋ ‍ ᒥᒋᑎᐧᑯᒧᐛᐅᒡ ᑭᔭ ᒋ ‍ ᒪᔭᑕᓂᓯᒧᐛᐅᒡ ᑎᐸᔨᒋᒐᓱᐤ ᑲ ‍ ᒥᔨᑕᒄ, ᒋᑭ ᒋ ‍ ᒥᒋᓇᐛᐤ ᐊᓐ ᐎᔭᔅ ᐊᓐᑕ ᐛᒋᔭᒄ, ᒧᔭᒻ ᑲ ‍ ᐃᑎᑎᑯᒡ ᒐᒋ ᐃᔨᑎᔭᒄ᙮
\v 22 ᐊᓐᒡ ᐊᐛᓐᒋ ᑲ ‍ ᑐᑕᒡ ᒐᒂᔪᐤ ᒐ ᐊᑲ ᒋ ᐛᔅᑭᒥᓯᒡ ᑭᔭ ᐊᓐᒡ ᐊ ‍ ᐛᔅᑭᒥᓯᒡ ᒋᑭ ᒋ ‍ ᒥᒍᐅᒡ ᐊᓂᔭ ᐎᔭᓯᔪᐤ, ᒥᓯᐛ ᓇᐊᔨᒪᑭᓄᐅᒡ ᒋ ‍ ᒥᒋᒡ ᐊᓂᔭ ᐎᔭᐃᔪᐤ, ᒧᔭᒻ ᒪᒋᐛᑯᐤ ᐊᑎᐧᒄ ᑭᔭ ᒪᒃ ᓄᓴᑎᐧᒄ ᐅᐎᔭᔅ᙮
\v 23 ᒥᒄ ᔭᐃᑕᔾ ᒐ ᐊᑲ ‍ ᒥᒍᐛᒄ ᐅᒥᐧᒄ ᒥᒄ ᐊᓯᓇᑯᔅᑦ ᐊᐛᓯᔅ, ᐛᔅ ᐊᐅᑯᓐ ᐊᓐ ᒥᐧᒄ ᐛᒋ ᐃᔪᐅᑦ ᒥᓯᐛ ᐊ ‍ ᐱᒪᑎᓯᑦ ᐊᐛᓐ, ᐊᑯ ᑭᔭ ᓇᒪ ᒋᑭ ᐎ ‍ ᒥᒍᐛᓐ ᐅᐱᒪᑎᓯᔪᐎᓐ ᐊᓯᒡ ᐅᐎᔭᓯᒻ᙮
\v 24 ᒐ ᐊᑲ ‍ ᒥᒋᔭᒄ ᒥᐧᒄ, ᒐ ‍ ᐎᐎᑯᑕᔭᒄ ᐊᓐᑕ ᒧᔅᑎᔅᑭᒥᒡ᙮
\v 25 ᓇᓴᐊᒪᒂ ᐅ ᐃᑎᓱᐛᐅᓐ ᑭᔭ ᐃᑐᑎᒪᒂ ᒐᒂᔪᐤ ᐊᔅᒋᔄᑦ ᐊ ‍ ᑯᐃᔅᑯᓂᔨᒡ ᒐᒋ ᑐᑎᒪᒄ, ᒋᑭ ‍ ᒥᔪᐱᔨᓇᐛᐤ ᒋᔨᐛᐤ ᑭᔭ ᒋᑦ ᐊᓂᔅᑯᑕᐸᓂᐛᐅᒡ᙮
\p
\v 26 ᒥᒄ ᐊᓂᔭ ᑲ ‍ ᐸᔭᒋᓂᔨᒋ ᒥᔨᐛᐅᓇ ᑎᐸᔨᒋᒐᓱᐤ ᑲ ‍ ᐃᑎᑕᒄ ᒐᒋ ᐱᔅᑎᓂᒐᔭᒄ ᑭᔭ ᐊᓂᔭ ᒥᔨᐛᐅᓇ ᑲ ‍ ᐎᔭᔨᑎᒪᒄ ᒐᒋ ᐱᔅᑎᓂᒐᔭᒄ, ᒋᑭ ᐎ ‍ ᐃᑐᑕᓇᐛᐤ ᐊᓐᑕ ᐃᑕᐅᓂᒡ ᑎᐸᔨᒋᒐᓱᐤ ᑲ ‍ ᐎᔭᔨᑕᐧᒃ᙮
\v 27 ᐊᑯᑕ ᐊᓐᑕ ᒐ ᐎ ‍ ᐱᔅᑎᓂᒪᒄ ᒐ ‍ ᒥᑐᔅᑕᐊᒪᒐᔭᒄ ᓄᑎᒻ ᒐ ‍ ᐃᔎᓱᐛᑭᓂᔨᒋ ᐊᓐᑕ ᑎᐸᔨᒋᒐᓱᐤ ᐅᐱᔅᑎᓂᒐᐅᓇᐱᔅᑯᒥᒡ᙮ ᒋᑭ ‍ ᒥᑐᔅᑕᐊᒪᒐᓇᐛᐤ ᐊᓂᔭ ᐱᔅᒐ ᒐ ‍ ᒥᒍᐛᒄ ᐎᔭᔅ ᐊᓐᒡ ᒐ ‍ ᓂᐸᐊᑯᒡ ᐊᐛᓯᓯᒡ ᑭᔭ ᒐ ‍ ᐎᐎᑯᑕᐛᒄ ᐅᒥᐧᒄ ᑭᔭ ᐱᔅᒐ ᒐ ᐃᓯ ‍ ᐛᐱᓂᒺᒄ ᐊᓐᑕ ᐊᔨᑐᐤ ᐱᔅᑎᓂᒐᐅᓇᐱᔅᑯᒡ᙮
\v 28 ᑕᑈᐅᒐᔨᑎᒧᐅᓂᒡ ᒐ ‍ ᓂᓇᐃᑎᒪᒄ ᐅᔭ ᒥᓯᐛ ᒐᒂᔪᐛ ᑲ ‍ ᐃᑎᓱᒥᑎᑯᒡ᙮ ᐃᑐᑎᒪᒂ ᐅᔭ, ᒥᓯᐛ ᒐᒂᓇ ᒋᑭ ᐃᓯ ‍ ᒥᔪᐱᔨᓇᐛᐤ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ, ᐛᔅ ᒋᑭ ‍ ᑐᑎᒺᓇᐛᐤ ᒐᒂᔪᐤ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊ ‍ ᐃᔅᒋᔄᑦ ᐊ ‍ ᒥᔽᔨᒡ ᒐᒋ ᐃᑐᑎᒺᒄ ᑭᔭ ᐊᓂᔭ ᒐᒂᔪᐤ ᒪᔽᔨᑎᒥᔨᑯᑦ᙮
\p
\v 29 ᐃᑐᔭᒂ ᐊᓐᑕ ᐊᔅᒋᔾ ᒐ ‍ ᐅᑎᓂᒪᒄ, ᐊᑎ ‍ ᐱᔨᒐᔭᒂ ᒪᒃ, ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᐃᑲᑎᓴᐛᐤ ᐊᓂᔭ ᐃᔪᐛ ᐊᓐᑕ ᐛᒋᔨᒋ᙮
\v 30 ᒋ ‍ ᑐᑕᒐ ᐅᔭ, ᔭᐃᑕᔾ ᒐ ᐊᑲ ‍ ᐊᔭᒥᐊᔅᑐᐅᒪᑯᐤ ᐊᓂᔭ ᒥᓂᑐᐧᑲᓇ ᑲ ᐸᒋ ‍ ᐊᔭᒥᐊᔅᑐᐛᒡ, ᐛᔅ ᐃᑐᑎᒪᒂ ᐅ, ᒋᑭ ‍ ᐃᓯᓇᑯᓯᓇᐛᐤ ᒧᔭᒻ ᐎᔨᐛᐤ ᑲ ‍ ᐃᓯᓇᑯᓯᒡ᙮ ᒐ ᐊᑲ ‍ ᑯᒂᒋᒪᒄ ᐊᐛᓐ ᐊᓂᔭ ᒥᓂᑐᐧᑲᓇ ᐅᒋ, ᐊ ‍ ᐃᔅᒋᔄᔭᒄ, ‘ᐎᑎᒧᐎ ᑕᓐ ᑲ ᐃᓯ ‍ ᐊᔭᒥᔅᑐᐛᒡ ᐅᒥᓂᑐᐧᑲᓂᒧᐛᐛ ᒐᒋ ᑭᔭ ᓂᔾ ᐊᔭᒥᐊᔅᑐᐅᒥᒋ᙮’
\v 31 ᒐ ᐊᑲ ᐃᓯ ‍ ᐊᔭᒥᐊᔅᑐᐛᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒧᔭᒻ ᑲ ᐃᓯ ‍ ᐊᔭᒥᐊᔅᑐᐛᒡ ᐅᒥᓂᑐᐧᑲᓂᒧᐛᐛ, ᐛᔅ ᐊᔭᒥᐊᔅᑐᐛᑐᐛᐎ, ᒋ ‍ ᐃᑐᑎᒧᒡ ᒐᒂᔪᐤ ᐊ ‍ ᒥᒋᓂᔨᒡ, ᐊᓂᔭ ᒐᒂᔪᐛ ᑲ ‍ ᐛᐧᑲᑕᐧᒃ ᑎᐸᔨᒋᒐᓱᐤ᙮ ᓇᔅᒡ ᐛᒋ ᐊᑲ ‍ ᐅᒋ ‍ ᒥᔽᔨᒡ ᒐᒂᔪᐤ ᑲ ‍ ᑐᑕᒡ, ᒋ ‍ ᒥᑐᔅᑕᐊᒪᒐᐅᒡ ᐅᑦ ᐊᐛᓯᒧᐛᐛ ᑭᔭ ᒋ ‍ ᐃᔎᔄᐅᒡ ᐊᓐᑕ ᐅᐱᑎᓂᒐᐅᓇᐱᔅᑯᒧᐛᒡ᙮
\p
\v 32 ᔭᐃᑕᔾ ᒐ ᐎ ‍ ᐃᑐᑎᒪᒄ ᒥᓯᐛ ᒐᒂᓐ ᑲ ‍ ᐃᑎᓱᒥᑎᑯᒡ ᒐᒋ ᑐᑎᒪᒄ᙮ ᒐ ᐊᑲ ᒐᒂᓐ ᐊᓱᔅᑕᔭᒄ ᐅᔭ ᐃᑎᓱᐛᐅᓇ ᑭᔭ ᒐ ᐊᑲ ᒋ ᐅᓂᒪᒄ᙮”
\c 13
\s1 ᐊᔭᒥᐊᔅᑐᐛᑭᓄᐅᒡ ᑯᑎᑭᒡ ᒥᓂᑐᐧᑲᓐᒡ
\p
\v 1 “ᒋᑭ ‍ ᐃᓯᓇᑭᓄᒐ ᒐ ‍ ᐃᑕᒡ ᐃᔪᒡ ᐊ ‍ ᐃᔅᒋᔄᒡ ᐊ ‍ ᒋᔅᒋᐛᐃᒐᓱᐅᒡ᙮ ᒋᑭ ᒋ ‍ ᐃᔅᒋᔄᐅᒡ ᐊ ‍ ᐎᑎᒪᒐᒡ ᐊ ‍ ᐃᑥᒥᑭᓂᔨᒋ ᐳᐛᒧᐅᓇ ᑭᔭ ᒪᒃ ᒐᒋ ᑐᑕᒡ ᒪᒥᔅᑲᒡ ᐃᑐᐅᓇ᙮
\v 2 ᒋᑭ ‍ ᐃᔅᒋᔄᐅᒡ ᐅᔭ ᒥᒄ ᒐᒋ ᓯᒋᒥᑕᑯᒡ ᒐᒋ ᐊᔭᒥᐊᔅᑐᐅᒪᑯᐤ ᒥᓂᑐᐧᑲᓇ ᐊ ᐊᑲ ᓂᑕ ᐅᒋ ᒋᔅᒐᔨᒪᑯᐤ ᒥᒄ ᐊᑎᓱᐧᒄ ᐃᔅᐱᔨᒐ ᒐᒂᔪᐤ ᒂ ‍ ᐃᔅᒋᔄᒡ ᒐ ‍ ᐃᔅᐱᔨᒡ᙮
\v 3 ᒐ ᐊᑲ ‍ ᐊᐱᓯᑐᐛᑯᒡ ᒐᒂᔪᐤ ᐊ ‍ ᐃᔅᒋᔄᒡ᙮ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᑯᒂᒋᐃᑯᐛᐤ ᒐᒋ ᓇᓂᑐ ‍ ᒋᔅᒐᔨᑕᐧᒃ ᒐ ᐊᑲ ‍ ᓴᒋᐊᒂ ᒥᓯᐛ ᒋᑕᐃᐛᒡ ᑭᔭ ᒋᑦ ᐊᒐᐧᑯᐛᒡ ᐅᒋ᙮
\v 4 ᒋᑭ ᐃᓯ ‍ ᐱᒪᑎᓯᓇᐛᐤ ᒧᔭᒻ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊ ᐃᓯ ‍ ᓂᑐᐛᔨᑕᐧᒃ, ᑭᔭ ᒋᑭ ᐎ ‍ ᓇᓂᒋᔅᑐᐛᐛᐤ, ᑭᔭ ᒐ ‍ ᐃᑐᑎᒺᒄ ᒐᒂᔪᐤ ᐊ ‍ ᐃᑎᑕᒄ, ᑭᔭ ᐎᔾ ᒥᒄ ᒐ ‍ ᐊᔭᒥᐊᔅᑐᐛᒄ, ᑭᔭ ᒐ ‍ ᑕᑈᐅᒐᔨᒪᒄ᙮
\v 5 ᒋᑭ ᐎ ‍ ᓂᐸᐊᑭᓄᐤ ᐊᐛᓐ ᐊ ‍ ᑭᑭᒋᔭᑦ ᐊ ‍ ᐃᔅᒋᔄᑦ ᐊ ‍ ᒋᔅᒋᐛᐃᒐᓱᐅᑦ ᑭᔭ ᒪᒃ ᑯᑎᒃ ᐊᐛᓐ ᐊ ‍ ᑭᑭᒋᔭᑦ ᐊ ‍ ᐃᔅᒋᔄᑦ ᐊ ‍ ᐎᑎᒪᒐᑦ ᐊᐃᑥᒥᑭᓂᔨᒋ ᐳᐛᒧᐅᓇ, ᑭᔭ ᒪᒃ ᐊ ‍ ᐃᔅᒋᔄᑦ ᐊᐛᓐ ᒐᒋ ‍ ᒋᐛᑲᐳᔅᑐᐅᒪᑯᐤ ᑎᐸᔨᒋᒐᓱᐛ ᒋᒋᓴᒪᓂᑐᒥᓄᐛ, ᐊᓂᔭ ᑲ ‍ ᐎᐎᑕᐊᑦ ᒋᑦ ᐊᓂᔅᑯᑕᐸᓂᐛᐛ ᑲ ‍ ᐅᐧᑲᓄᐎᔨᒋ ᐊᓐᑕ ᐃᒋᑉᑎᒡ᙮ ᐊᐛᓐᒋ ᐊᓂᔭ ᐊ ‍ ᐃᑎᒡ ᒥᒄ ᒋ ᐎ ‍ ᑐᑕᑯᐛᐅᒡ ᒐ ᐊᑲ ᐃᓯ ‍ ᐃᔪᐛᒄ ᒧᔭᒻ ᑲ ‍ ᐃᑎᓱᐛᑎᑕᒄ ᑎᐸᔨᒋᒐᓱᐤ ᒐᒋ ᐃᑐᐛᒄ᙮ ᒐ ‍ ᓂᐸᐊᑯᒡ ᐊᓐᒡ, ᒐᒋ ᐃᑲᑎᓴᐊᒪᒄ ᐅ ᐊ ‍ ᒪᔭᑎᒡ ᒐᒂᓐ ᐊᓐᑕ ᐊ ‍ ᑕᔭᒄ᙮
\p
\v 6 ᓇᒪ ᐊᐱᑕᔨᑕᑯᓐ ᐊᑎᓱᐧᒄ ᓯᒋᒥᑕᒂᐛ ᒋᐧᑲᓂᓯᐛᐅᒡ ᑭᔭ ᒪᒃ ᒋᑕᓂᓱᐛᐅᒡ ᑭᔭ ᒪᒃ ᒋᐎᐅᐛᐅᒡ ᑭᔭ ᒪᒃ ᒋᐎᒐᐛᑭᓄᐛᐅᒡ ᒋᒧᑦ ᓯᒋᒥᑕᒂᐛ, ᐊ ‍ ᐃᔅᒋᔄᒡ ‘ᑯᑎᑭᒡ ᒥᓂᑐᐧᑲᓐᒡ ᐊᔭᒥᐊᔅᑐᐛᑕᐅᓐᒋ,’ ᐊᐅᒄ ᐊᓐᒡ ᒪᓂᑐᐅᒡ ᐊᑲ ᓂᑕ ᐅᒋ ‍ ᒋᔅᒐᔨᒪᑯᒡ ᒋᔾ ᑭᔭ ᒋᑦ ᐊᓂᔅᑯᑕᓂᐛᐅᒡ᙮
\v 7 ᐱᔅᒐ ᐊᓐᒡ ᒋᑭ ‍ ᓯᒋᒥᑯᐛᐅᒡ ᒐᒋ ᐊᔭᒥᐊᔅᑐᐅᒪᑯᐤ ᒥᓂᑐᐧᑲᓇ ᒋᑦ ᐊᓂᔅᑯᑕᐸᓄᐛᐅᒡ ᒥᒋᒪ ᐊ ‍ ᐎᒋᒡ ᐊᑕᔭᒄ ᐊᔭᒥᐊᔅᑐᐛᒡ, ᑭᔭ ᒪᒃ ᐛᔪᐤ ᐛᒋᒡ ᐃᔪᒡ ᐊᔭᒥᐊᔅᑐᐛᒡ᙮
\v 8 ᒐ ᐊᑲ ‍ ᐃᑎᐛᒄ ᒐᒂᔪᐤ ᐊ ‍ ᐃᑎᓯᐛᒡ᙮ ᒐ ᐊᑲ ‍ ᐃᔭᐱᓯᑐᐛᑯᒡ᙮ ᒐ ᐊᑲ ᐃᔭᐱᒡ ᒋᔅᑎᒪᒐᔨᒪᑯᒡ ᑭᔭ ᒐ ᐊᑲ ‍ ᑲᑕᐛᒄ ᒐᒂᔪᐤ ᑲ ‍ ᐃᑐᑕᒡ᙮
\v 9 ᒐ ‍ ᓂᐸᐊᑯᒡ ! ᒋᔨᐛᐤ ᓂᔅᑎᒻ ᐛᐧᑲᓂᔅᑐᐛᑭᒡ ᒋᑭ ᐎ ‍ ᐱᐳᒧᓯᓇᑕᐛᐅᒡ ᐊᓯᓂᔭ ᒐᒋ ᓂᐸᐊᑯᒡ ᐊᑯ ᒐ ‍ ᒥᔭᑯᒡ ᒥᓯᐛ ᑯᑎᑭᒡ ᐊᐛᓐᒋ ᒐᒋ ᐱᐳᒧᓯᓇᑕᐛᐅᒡ ᐊᓯᓂᔭ ᐃᔭᐱᒡ᙮
\v 10 ᒐ ‍ ᓂᐸᐊᑯᒡ ᐊᓐᒡ ᐊᐛᓐᒋ ᐊᓯᓇᑯᓯᒡ ᐊ ‍ ᐱᐳᒧᓯᓇᑕᐛᑯᒡ ᐊᓯᓂᔭ, ᐛᔅ ᒋ ᐎ ‍ ᑐᑕᑯᐛᐅᒡ ᒐᒋ ᐊᑲ ‍ ᐊᔭᒥᐊᔅᑐᐅᒪᑯᐤ ᑎᐸᔨᒋᒐᓱᐛ ᒋᒋᓴᒪᓂᑐᒥᓄᐛ, ᐊᓂᔭ ᑲ ‍ ᐎᐎᑕᔨᑎᑯᐤ ᐃᒋᑉᑎᒡ ᐅᒋ ᑲ ‍ ᐅᐧᑲᓄᐅᔭᒄ᙮
\v 11 ᒋ ‍ ᓂᐸᐊᑭᓄᑕᐛ, ᒥᓯᐛ ᐃᔅᕋᐃᓪ ᐃᔪᒡ ᒋᑭ ‍ ᐸᑎᒧᒡ ᒐᒂᔪᐤ ᑲ ‍ ᐃᓯᐱᔨᒡ, ᐊᑯ ᑭᔭ ᒐ ‍ ᑯᔅᑕᒋᒡ ᑭᔭ ᓇᒪ ᐛᒋ ‍ ᐸᐃᒄ ᒥᓐ ᒋᑭ ‍ ᐃᑐᑎᒧᒡ ᐊᓂᔭ ᐊ ‍ ᒪᔭᑎᓂᔨᒡ᙮
\p
\v 12 ᐃᔅᐱ ᒪᒃ ᐎᒋᔭᒂ ᐊᓐᑕ ᐸᐃᒄ ᐅᑕᓇᐤ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒪᔨᑕᒄ, ᒋᑭ ‍ ᐸᑕᓇᐛᐤ
\v 13 ᐱᔅᒐ ᐊ ᐊᑲ ‍ ᐃᔭᐱᑕᔨᑕᑯᓯᒡ ᐃᔪᒡ ᐊᑕᒡ ᐊᓐᑕ ᐊ ᑕᔭᒄ ᐅᑕᓇᐛ, ᑭᑭᒋᔭᒪᐅᒡ ᐊᐛᔪᐛ ᐊᓐᑕ ᐅᑕᓇᒧᐛᒡ, ᐊ ‍ ᐃᔅᒋᔄᒡ, ‘ᓇᒋ ᐊᔭᒥᐊᔅᑐᐛᑕᐅᓐᒋ ᑯᑎᑭᒡ ᒥᓂᑐᐅᒡ,’ ᒥᒄ ᐊᐅᒄ ᐊᓐᒡ ᒥᓂᑐᐅᒡ ᐊᑲ ‍ ᓂᑕ ᐅᒋ ᐸᑎᒪᒄ ᐊ ‍ ᐃᑕᒡ᙮
\v 14 ᒐ ᐎ ᒥᔪ ᓂᑐ ‍ ᒋᔅᒐᔨᑎᒪᒄ, ᒐᒄ ᐃᓯᓇᒂᒐ ᑕᑈ ᑲᒋ ‍ ᐃᔅᐱᔨᒂ ᐊᓐ ᒐᒂᓐ,
\v 15 ᒐ ‍ ᓂᐸᐊᑯᒡ ᒥᓯᐛ ᐊᐛᓐᒋ ᐊᓐᑕ ᐅᑕᓇᒡ᙮ ᑭᔭ ᐃᔭᐱᒡ ᒐ ‍ ᓂᐸᐊᐃᒪᑯ ᒥᓯᐛ ᐊᓂᔭ ᐅᑦ ᐊᐛᓯᓯᒧᐛᐛ᙮ ᒐ ‍ ᓂᓱᐅᓇᒋᐃᑕᔭᒃ ᒥᓯᐛ ᐊᔅᐱᓴᒡ ᐅᑕᓇᐤ᙮
\v 16 ᒐ ‍ ᒪᒧᐅᓂᒺᒄ ᒥᓯᐛ ᒐᒂᔪᐤ ᑕᐸᔨᑕᒡ ᑭᔭ ᒐ ‍ ᒪᒧᔅᑕᐛᒄ ᐊᓐᑕ ᐊ ‍ ᒪᒧᐎᓇᓄᐅᒡ ᐊᓐᑕ ᐅᑕᓇᒡ᙮ ᐊᑯ ᒐ ‍ ᐃᔎᓯᒪᒄ ᐅᑕᓇᐤ ᑭᔭ ᒥᓯᐛ ᒐᒂᓐ ᐊᓐᑕ ᐊᑎᒂᒡ᙮ ᒧᔭᒻ ᐊ ‍ ᒥᑐᔅᑕᐊᒧᐛᑭᓄᐅᑦ ᑎᐸᔨᒋᒐᓱᐤ ᐊᓂᔭ ᒥᓯᐛ ᒐ ‍ ᐃᔎᓴᑭᓄᐅᒋ ᐱᔅᑎᓂᒐᐅᓇᐱᔅᑯᒡ᙮ ᑭᔅᑕᐤ ᓇᓐᑎᒻ ᐊᓐᑕ ᒋᑭ ᐎ ‍ ᑎᑯᓐ; ᓇᒪ ᓂᑕ ᒥᓐ ᑲᐤ ᒋᑭ ‍ ᐎᑲᐳᑕᑭᓄᐤ ᐊᓐ ᐅᑕᓇᐤ᙮
\v 17 ᓇᒪ ᐛᒋ ‍ ᐸᐃᒄ ᐊᑎᓯᔭᒄ ᐃᔅᕋᐃᓪ ᐃᔪᒡ ᒋᑭ ‍ ᐅᑎᓂᒪᓱᐤ ᒐᒂᔪᐤ ᐊᓂᔭ ᑎᐸᔨᒋᒐᓱᐤ ᑲ ‍ ᐃᔅᒋᔄᑦ ᒐᒋ ᓂᓱᐅᓇᒋᑕᑭᓄᐎᒡ, ᒥᒄ ᐃᑐᑎᒪᒂ ᒐᒂᓐ ᐊ ‍ ᐃᔅᒋᔄᔭᓐ, ᑎᐸᔨᒋᒐᓱᐤ ᒋᑭ ᐊᔅᑕ ‍ ᒋᔄᐱᔅᑕᑯᐛᐤ, ᑭᔭ ᒋᑭ ‍ ᒋᔅᑎᒪᒐᔨᒥᑯᐛᐤ᙮ ᑭᔭ ᒋᑭ ‍ ᐃᑐᑎᒻ ᒐᒋ ᒥᒐᑎᔅᑲᓇᓱᐛᒄ, ᐊᐅᑯᔪᐤ ᐊᓂᔭ ᑲ ᐃᓯ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓂᐛᐛ ᒐ ‍ ᐃᑐᑕᐧᒃ᙮
\v 18 ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᐃᑐᑎᒻ ᒥᓯᐛ ᐅᔭ ᒐᒂᔪᐛ ᐃᑐᑎᒺᒂ ᒐᒂᔪᐤ ᐊ ‍ ᐃᑎᑕᒄ, ᑭᔭ ᓇᐃᑎᒪᒂ ᒥᓯᐛ ᐎᓱᐛᐅᓇ ᐊᓄᒡ ᒪᔨᑎᑯᒡ ᑭᔭ ᐃᑐᑎᒺᒂ ᒐᒂᔪᐤ ᐊ ‍ ᒥᔽᔨᒡ ᑎᐸᔨᒋᒐᓱᐤ ᐊ ‍ ᐃᔅᒋᔄᑦ ᒐᒋ ‍ ᐃᑐᑎᒺᒄ᙮”
\c 14
\s1 ᐊᐱᔭᐧᑲᒡ ᑭᔭ ᐊ ᐊᑲ ‍ ᐱᔭᐧᑲᒡ ᒥᒋᒻ
\p
\v 1 “ᒋᔭᓄᐤ ᐅᒡ ᐃᔪᒡ ᑎᐸᔨᒋᒐᓱᐛ ᒋᓴᒪᓂᑐᐛ ᐊ ᐅᒋ ‍ ᑎᐸᔨᑕᑯᓯᒡ᙮ ᐊᑯ, ᐃᔅᐱ ᑈᓂ ‍ ᐱᒪᑎᓯᑥᐎ ᐊᐛᓐᒋ, ᒐ ᐊᑲ ‍ ᒥᓯᒪᔨᑎᒥᒄ ᐊ ‍ ᒪᑎᓱᑎᓱᔭᒄ ᑭᔭ ᒪᒃ ᒐᒋ ‍ ᒋᒥᓯᒪᒄ ᒥᓯᐛ ᒋ ‍ ᐱᔅᑲᐅᓄᐛᐛ ᒋᔅᑲᑎᑯᐛᐛᒡ ᐅᒋ ᒧᔭᒻ ᑯᑎᑭᒡ ᐊᐛᓐᒋ ᐊ ‍ ᐃᑎᔅᑲᓇᓯᒡ ᐊ ‍ ᐃᑎᒡ᙮
\v 2 ᒥᒄ ᐎᔾ ᐊ ‍ ᐸᐃᑯᓯᑦ ᑎᐸᔨᒋᒐᓱᐤ ᒋ ‍ ᑎᐸᔨᒥᑯᓄᐤ᙮ ᑎᐸᔨᒋᒐᓱᐤ ᔅᒋ ‍ ᐅᑎᓂᑯᓄᐤ ᒥᓯᐛ ᑯᑎᑭᒡ ᐊᐛᓐᒋ ᐊ ‍ ᐃᑎᔅᑲᓇᓯᒡ ᐅᒋ ᐅᑕ ᐊᔅᒋᒡ ᒐᒋ ᐃᔅᐱᑕᔨᒥᑎᓯᐅ ᐅᑦ ᐃᔨᒥᑕᑕᐧᒄ᙮
\p
\v 3 ᒐ ᐊᑲ ‍ ᒥᒋᔭᒄ ᒐᒂᓐ ᐊ ‍ ᐎᓇᐃᑕᐧᒃ ᑎᐸᔨᒋᒐᓱᐤ᙮
\v 4 ᐊᓐᒡ ᐊᐛᓯᓯᒡ ᐅᐎᔭᓯᐛᐤ ᓂ ‍ ᐊᔨᒥᑯᐅᔭᒃ ᒐᒋ ᒥᒍᐛᒄ ᐊᐅᒄ ᒥᒋᑎᐧᑯᒡ, ᒪᔭᑕᓂᓯᒡ, ᑲ ‍ ᐅᑦ ᐊᔅᑭᓂᓯᒡ ᐊᐛᓯᓯᒡ,
\v 5 ᐊᑎᐧᑯᒡ ᑭᔭ ᓄᓴᑎᐧᑯᒡ ᑭᔭ ᒥᓇᔎᒡ ᑲ ‍ ᑕᒡ ᑲ ‍ ᐅᑦ ᐊᔅᑭᓂᓯᒡ, ᑭᔭ ᐱᔅᑯᑎᓇᐤ ᒪᔭᑕᓂᓯᒡ᙮
\v 6 ᐊᓐᒡ ᑭᔭ ᐊᐛᓯᓯᒡ ᐊ ‍ ᒋᔅᑐᓯᑕᓂᒡ ᑭᔭ ᐊᓐᒡ ᑲ ‍ ᐎᐎᐱᔨᑕᒡ ᐅᒥᒋᒧᐛᐤ ᐅᔅᑭᑕᐛᒡ ᐅᒋ ᑲᐤ ᒐᒋ ᒪᒪᒂᑕᒡ᙮
\v 7 ᒥᒄ ᑕᐅᒡ ᐊᓐᒡ ᑯᑎᑭᒡ ᐊᐛᓯᓯᒡ ᑲ ‍ ᐎᐎᐱᔨᑕᒡ ᐅᒥᒋᒧᐛᐤ ᐅᔅᑭᑕᐛᒡ ᐅᒋ ᑲᐤ ᒐᒋ ᒪᒪᒂᑕᒡ ᒐ ᐊᑲ ‍ ᒧᐛᑯᒡ᙮ ᐊᐅᒄ ᐊᓐᒡ ᑲ ᒥᔅᑎ ‍ ᐱᔎᐅᑯᓇᒡ ᐊᐛᓯᓯᒡ, ᑭᔭ ᐛᐳᓯᒡ, ᑭᔭ ᐸᐧᑯᒋᔅᑯᒡ᙮ ᐎᐎᐱᔨᑕᐅᒡ ᐅᒥᒋᒧᐛᐤ ᐅᔅᑭᑕᐛᒡ ᐅᒋ ᑲᐤ ᒐᒋ ᒪᒪᒂᑕᒡ, ᒥᒄ ᓇᒪ ᐅᒋᔅᑐᓯᑕᓄᐅᒡ᙮ ᐊᑯ ᓇᒪ ᒥᔪᓯᐅᒡ ᐊᓐᒡ ᒐᒋ ᒧᐛᑯᒡ᙮
\v 8 ᒐ ᐊᑲ ‍ ᒧᐛᑯᒡ ᑯᐧᑯᓯᒡ᙮ ᓇᒪ ᒥᔪᓯᐅᒡ ᐊᓐᒡ ᒐᒋ ᒧᐛᑯᒡ᙮ ᐅᒋᔅᑐᓯᑕᓄᐅᒡ ᐊᓐᒡ, ᒥᒄ ᓇᒪ ᐎᐎᐱᔨᑕᒡ ᐅᒥᒋᒧᐛᐤ ᐅᔅᑭᑕᐛᒡ ᐅᒋ ᑲᐤ ᒐᒋ ᒪᒪᒂᑕᒡ᙮ ᒐ ᐊᑲ ‍ ᒥᒍᐛᒄ ᐎᔭᓯᒧᐛᐤ ᐊᓐᒡ ᐊᐛᓯᓯᒡ, ᒐ ᐊᑲ ᐃᔭᐱᒡ ᑕᒋᓂᒺᒄ ᑲ ‍ ᓂᐱᒥᑭᓂᔨᒋ ᐎᔭᐛᐛ᙮
\p
\v 9 ᒋᑭ ᒋ ‍ ᒧᐛᐛᐤ ᒥᒄ ᐊᓯᓇᑯᔅᑦ ᓂᒪᔅ ᐊ ‍ ᐛᑯᓇᐅᑦ ᑭᔭ ᐊ ‍ ᐅᑎᒋᑭᓇᓄᐅᑦ᙮
\v 10 ᒥᒄ ᑯᑎᒃ ᒐᒂᓐ ᓂᐱᒡ ᐊᑎᒂᒡ ᐊᑲ ᐊ ‍ ᐛᑯᓇᐅᑦ ᑭᔭ ᐊ ‍ ᐅᑎᒋᑭᓇᓄᐅᑦ ᓇᒪ ᒋᑭ ‍ ᒧᐛᐛᐅᒡ, ᐛᔅ ᒧᐛᒂᐛ, ᓇᒪ ᒋᑭ ‍ ᒥᔽᔨᒥᑯᐛᐤ ᑎᐸᔨᒋᒐᓱᐤ᙮
\p
\v 11 ᒋ ‍ ᑕᑈᑕᑯᓇᐛᐤ ᒐᒋ ᒧᐛᒄ ᐱᔭᓱ ᐊ ‍ ᐛᔅᑭᒥᓯᑦ᙮
\v 12 ᒥᒄ ᒐ ᐊᑲ ‍ ᒧᐛᑯᒡ ᒥᒋᓱᐅᒡ, ᒥᔅᑎᒥᓱᐅᒡ, ᑲᐎᐱᓯᒡ ᒥᔅᑎᒥᓱᐅᒡ,
\p
\v 13 ᓄᒋᒪᓴᐅᒡ, ᐸᒥᔭᐤ ᐊᐱᑯᓯᓯᒡ,
\p
\v 14 ᒥᓯᐛ ᐊ ‍ ᐃᓯᓇᑯᓯᒡ ᑲᐧᑲᒍᐅᒡ,
\p
\v 15 ᒥᔅᑕ ᐱᔭᓱᐅᒡ ᐊᑲ ᒋ ‍ ᐅᐸᐅᒡ, ᒋᔭᔅᑯᒡ,
\p
\v 16 ᐅᐦᐅᒡ, ᓄᒋᔭᐛᓱᐅᒡ,
\p
\v 17 pelican ᒥᔅᑎᒥᓱᐅᒡ ᐊᒧᐛᒡ ᑭᑎᑲ ᐊᐛᓯᓴ ᑲ ‍ ᓂᐱᔨᒋ, ᑲᐧᑲᒋᐅᓯᑉ,
\p
\v 18 storks, herons, hoopoes ᑭᔭ ᐱᒥᔭᐤ ᐊᐱᑯᓯᓯᒡ᙮
\p
\v 19 ᒥᒄ ᒐ ᐊᑲ ‍ ᒧᐛᑯᒡ ᐊ ‍ ᒪᒧᐱᒥᔭᒡ ᒥᓐᑐᓯᓯᒡ ᑭᔭ ᒧᔅᑎᔅᑭᒥᒡ ᑲ ‍ ᐱᐸᒧᑕᒡ, ᓇᒪ ᐛᔅᑭᒥᓯᔪᐅᒡ, ᒐ ᐊᑲ ‍ ᒧᐛᑯᒡ᙮
\v 20 ᒥᒄ ᒋᑭ ᒋ ‍ ᒧᐛᐛᐅᒡ ᑯᑎᑭᒡ ᒥᓐᑐᔅᓯᓯᒡ ᐊᐱᒥᔭᒡ ᑭᔭ ᒧᔅᑎᔅᑭᒥᒡ ᑲ ‍ ᑭᒂᔅᑯᑎᒡ᙮
\p
\v 21 ᑎᐸᔨᒋᒐᓱᐤ ᒋᒋᓴᒥᓂᑐᒥᓄᐤ ᒋ ‍ ᑎᐸᔨᒥᑯᐛᐤ, ᐊᑯ ᐃᓯᓇᒂᒐ ᒐᒋ ᒥᔅᑯᐛᒄ ᐊ ‍ ᓂᐱᑦ ᐊᐛᓯᔅ, ᒐ ᐊᑲ ‍ ᒥᒍᐛᒄ ᐎᔭᓯᒻ᙮ ᒋᑭ ‍ ᒋ ‍ ᒥᔭᐛᐅᒡ ᐊᓐᒡ ᒪᓐᑕᐅᒡ ᐊ ‍ ᐎᒋᒡ ᐊᓐᑕ ᒋ ‍ ᐅᑕᓇᒧᐛᒡ ᑭᔭ ᒪᒃ ᒋᑭ ᒋ ‍ ᐊᑕᒪᐛᐤ ᒪᓐᑕᐤ ᐊ ᓇᒋ ‍ ᒧᐅᐱᑦ᙮
\p ᒐ ᐊᑲ ‍ ᐅᓱᐛᒄ ᑲ ‍ ᐅᑦ ᐊᔅᑭᓂᓯᑦ ᐊᐛᓯᔅ ᐊᓐᑕ ᐅᑲᐎᔭ ᐅᒋᒋᓇᐳᒥᔨᒡ᙮”
\s1 ᒐ ‍ ᒥᔨᑦ ᑎᐸᔨᒋᒐᓱᐤ ᐸᐃᒄ ᐊᓂᔭ ᐸᐃᑯᔪᐤ ᑲ ‍ ᒪᒧᓴᒋᓂᒧᑦ
\p
\v 22 “ᐃᔅᕋᐃᓪ ᐃᔪᒡ, ᐊᓯᑯᒻ ᐱᐳᓇ ᒐ ‍ ᑎᐸᓂᔅᑕᔭᒄ ᐸᐃᒄ ᐊᓂᔭ ᐸᐃᑯᔪᐤ ᑲ ‍ ᒪᒧᓴᒋᓂᒪᒄ ᐸᒂᓯᑭᓂᒥᓇ ᒋᓂᑕᐅᒋᒋᑭᓄᐛᐛᒡ᙮
\v 23 ᒐ ‍ ᐃᑐᑕᔭᒄ ᐊᓐᑕ ᐃᑕᐅᓂᔪᐤ ᒐ ‍ ᐎᔭᔨᑕᐧᒃ ᐊᓐᑕ ᒐ ‍ ᐊᔭᒥᐊᔅᑐᐛᒄ᙮ ᐊᑯᑕ ᒐ ‍ ᒥᒋᔭᒄ ᐸᐃᒄ ᐊᓂᔭ ᐸᐃᑯᔪᐤ ᒋ ‍ ᐸᒂᓯᑭᓂᒥᐛᐛ ᑭᔭ ᒋ ‍ ᓱᒥᓇᐱᒧᐛᐤ ᑭᔭ ᐊᓕᑉ ᒋ ‍ ᐱᒥᒧᐛᐤ ᑭᔭ ᐎᔭᓯᒻ ᓂᔅᑎᒻ ᑲ ‍ ᐃᔪᐅᒡ ᒋ ‍ ᒥᒋᑎᐧᑯᒧᐛᐅᒡ ᑭᔭ ᒋ ‍ ᒪᔭᑕᓂᓯᒧᐛᐅᒡ᙮ ᒐ ‍ ᑐᑎᒪᒄ ᐅ ᒐᒋ ᐅᒋ ᒋᔅᒐᔨᑎᒪᒄ ᒐᒋ ᓇᓂᑎᒻ ᐃᔅᐱᑕᔨᒪᒄ ᑎᐸᔨᒋᒐᓱᐤ, ᐊᓐ ᑲ ‍ ᓱᐛᔨᑕᑯᐎᔨᑕᒄ ᑲ ‍ ᒥᔨᑕᒄ ᐅᔭ ᒐᒂᔪᐛ᙮
\v 24 ᐃᔅᐱ ᐊᓐ ᐃᑕᐅᓐ ᑲ ‍ ᐎᔭᔨᑕᐧᒃ ᑎᐸᔨᒋᒐᓱᐤ ᐛᔪᐤ ᑎᒂᒐ ᒋᒋᐛᐛᒡ ᐅᒋ, ᐃᓯᓇᒂᒐ ᐊ ᐊᑲ ᒋ ‍ ᐃᑐᑕᔭᒄ ᐸᐃᒄ ᐊᓂᔭ ᐸᐃᑯᔪᐤ ᐸᒂᓯᑭᓂᒥᓇ ᐊᓂᔭ ᑲ ‍ ᓱᐛᔨᑕᑯᐎᔨᑕᒄ ᑎᐸᔨᒋᒐᓱᐤ ᑲ ‍ ᒥᔨᑕᒄ, ᒪᐅ ᒐ ‍ ᐃᑎᔭᒄ,
\v 25 ᒐ ‍ ᑕᐛᒐᔭᒄ ᐊᓂᔭ ᒋ ‍ ᐸᒂᓯᑭᓂᒧᐛᐛ ᑭᔭ ᒐ ‍ ᒥᔪ ‍ ᐎᔎᔭᒋᓂᒪᒄ ᐊᓐ ᓱᓇᔭᐤ ᐱᒍᐎᔭᓂᒡ, ᒐ ‍ ᐃᑐᑕᔭᒄ ᐊᓐᑕ ᐃᑕᐅᓂᒡ ᑲ ‍ ᐎᔭᔨᑕᐧᒃ ᒐ ‍ ᐊᔭᒥᐊᔅᑐᐛᒄ᙮
\v 26 ᐊᑯᑕ ᒐ ‍ ᐊᐱᒋᑕᔭᒄ ᓯᓇᔭᐤ ᒐᒋ ᐃᔭᔭᒄ ᒥᒋᒻ ᒐᒋ ᒥᑯᓴᒋᓯᑭᓂᑕᔭᒄ᙮ ᒐ ‍ ᐃᔭᐛᑯᒡ ᒥᒋᑎᐧᑯᒡ, ᒪᔭᑕᓂᔅ, ᑲ ‍ ᐅᑦ ᐊᔅᑭᓂᓯᒡ ᐊᐛᓯᓯᒡ, ᓱᒥᓇᐛᐳᔾ, ᓇᐱᔭᓇ, ᑭᔭ ᐊᓐᑕ ᐅᑎᔅᑯᐤ ᑎᐸᔨᒋᒐᓱᐤ ᐊᑕᑦ, ᒋᔾ ᑭᔭ ᒋᐧᑲᓂᓯᐛᐅᒡ ᒐ ‍ ᒥᒋᓱᔭᒄ ᑭᔭ ᒐ ‍ ᒥᓂᔭᒄ ᐊᓂᔭ ᒐᒂᔪᐛ ᑭᔭ ᒐ ‍ ᒥᔽᔨᑎᒪᒄ᙮
\v 27 ᔭᐃᑕᔾ ᒐ ᐊᑲ ‍ ᐅᓂᒋᔅᒋᑐᐛᑯᒡ ᓕᐸᐃ ᐅᑦ ᐊᓂᔅᑯᑕᐸᓇ ᐛᒋᔨᒋ ᒋ ‍ ᐅᑕᓇᒧᐛᒡ, ᐛᔅ ᓇᒪ ᒋᑭ ‍ ᑎᐱᔨᐛᐅᓯᐅᒡ ᐊᔅᒋᔪᐤ᙮
\p
\v 28 ᑲᒋ ‍ ᐃᔎᐱᔨᒋ ᐊᓯᑯᒻ ᓂᔅᑐ ᐱᐳᓇ, ᒐ ‍ ᐸᑕᔭᒄ ᒥᓯᐛ ᐸᐃᒄ ᐊᓂᔭ ᐸᐃᑯᔪᐤ ᒋ ‍ ᐸᒂᓯᑭᓂᒥᐛᐛ ᑲ ‍ ᒪᒧᓱᒋᓂᑭᓄᐅᒋ ᐊᓐ ᐱᐳᓐ ᑭᔭ ᒐ ‍ ᐊᔍᓱᔭᒄ ᐊᓐᑕ ᒋ ‍ ᐅᑕᓇᒧᐛᒡ᙮
\v 29 ᓕᐸᐃ ᐃᔪᒡ ᐊᓂᔭ ᐅᒥᒋᒧᐛᐤ, ᐛᔅ ᑎᐱᔨᐛ ᓇᒪ ᐅᑦ ᐊᔅᒋᔪᐅᒡ ᑭᔭ ᒐ ‍ ᐅᒥᒋᒥᒡ ᒋᐅᓴᓐᒡ ᑭᔭ ᒋᔅᑎᒪᒋᔎᐅᒡ ᐛᒋᒡ ᐊᓐᑕ ᒋ ‍ ᐅᑕᓇᒧᐛᒡ᙮ ᒋᑭ ‍ ᓇᐊᔨᒪᑭᓄᐅᒡ ᒐᒋ ᐃᑐᑕᒡ ᐊᓐᑕ ᐊᔅᑕᑭᓄᐎᔨᒡ ᒥᒋᒥᔪᐤ ᑭᔭ ᒐ ‍ ᐅᑎᓂᒪᓱᒡ ᒐᒂᔪᐤ ᓄᑕᐱᔨᒡ᙮ ᒐ ‍ ᑐᑎᒪᒄ ᐅ ᒐᒋ ᓱᐛᔨᑕᑯᐎᔨᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒥᓯᐛ ᒐᒂᔪᐤ ᐊ ‍ ᐃᑐᑎᒺᒄ᙮”
\c 15
\s1 ᐊᓐ ᐱᐳᓐ ᑲ ‍ ᑲᓴᐃᑭᓄᐅᒋ ᐊ ᐃᓯ ‍ ᒥᓯᓇᔨᒐᓄᐅᒡ
\p
\v 1 “ᐛᑎᒋᐱᒋ ᐊ ‍ ᐃᔎᐱᔨᒋ ᐊᓯᑯᒻ ᓂᔄᐅᑕᒡ ᐱᐳᓇ, ᒋᑭ ᐎ ‍ ᐎᑎᒺᐛᐅᒡ ᐃᔪᒡ ᒪᓯᓇᐊᒪᑕᑯᒡ ᓱᓇᔭᔪᐤ ᐊ ᐊᑲ ‍ ᓂᑐᐛᔨᑕᑯᓯᒡ ᒐᒋ ᑲᐤ ᒋᓯᐧᑲᑕᑯᒡ᙮
\p
\v 2 ᒪᐅ ᒐ ‍ ᐃᑎᔭᒄ, ᒥᓯᐛ ᐊᑎᓯᔭᒄ ᑲᒋ ‍ ᐛᐊᒂ ᐎᒋ ‍ ᐃᔅᕋᐃᓪ ᐃᔪᐛ ᒋᑭ ‍ ᑲᓯᓯᓇᐊᒺᓐ ᑲ ‍ ᒥᓯᓇᐊᒪᔅᒃ᙮ ᒐ ᐊᑲ ᐎ ‍ ᓯᒋᒥᑦ ᒐᒋ ᑲᐤ ᐱᑯᓯᓇᔨᒐᑦ᙮ ᐊᐅᒄ ᒐ ᐎ ‍ ᑐᑎᒥᓐ ᐛᔅ ᑎᐸᔨᒋᒐᓱᐤ ᒋ ‍ ᐃᔅᒋᔄᐤ ᒐᒋ ᑲᓯᓯᓇᐃᑭᓄᐎᒋ ᒥᓯᓇᐃᑭᓇ ᑲᒋ ‍ ᓂᔄᐅᑕᒡ ᑕᑐᐤ ᐱᑈᒋ᙮
\v 3 ᒪᒂᒡ ᐅ ᐱᐳᓐ ᒋᑭ ᒋ ‍ ᓂᑐᐛᔨᑎᒧᐛᐛᐅᒡ ᐊᓐᒡ ᒪᓐᑕᐅᒡ ᐛᒋᒥᑕᑯᒡ ᒐᒋ ᐱᑯᓯᓇᐊᒪᑕᑯᒡ ᒐᒂᔪᐤ ᒪᓯᓇᐊᒪᑕᑯᒡ, ᒥᒄ ᒐ ᐊᑲ ‍ ᓂᑐᐛᔨᑎᒧᐛᑯᒡ ᒋᒡ ᐃᔅᕋᐃᓪ ᐃᔨᒧᐛᐅᒡ ᒐᒋ ᒋᓯᐧᑲᓱᒡ ᒐᒂᔪᐤ ᑲᒥᓯᓇᐊᒪᑕᑯᒡ᙮
\v 4-5 ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᓱᐛᔨᑕᑯᐎᑯᐛᐤ ᐊᓐᑕ ᐊᔅᒋᒡ ᒐ ‍ ᒥᔨᑕᒄ᙮ ᓂᓇᐃᑎᐛᒂ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑭᔭ ᓂᓇᐃᑎᒺᒂ ᒥᓯᐛ ᐅᑦ ᐃᑎᓱᐛᓇ ᒪᔨᑎᑯᒡ ᐊᓄᒡ, ᓇᒪ ᒋᑭ ‍ ᐃᑕᐤ ᐊᐛᓐ ᐊ ‍ ᒋᔅᑎᒪᑎᓯᑦ ᐊᓐᑕ ᐊ ‍ ᐃᑕᔭᒄ᙮
\v 6 ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᓱᐛᔨᑕᑯᐎᑯᐛᐤ ᒧᔭᒻ ᑲ ᐃᓯ ‍ ᐊᓱᑎᒪᒐᑦ ᒐ ‍ ᐃᑐᑕᐧᒃ, ᑭᔭ ᒋᑭ ᒋ ‍ ᐅᐊᐅᒡ ᑯᑎᑭᒡ ᐊ ‍ ᐃᑎᔅᑲᓇᓯᒡ ᐃᔪᒡ, ᒥᒄ ᓇᒪ ᒋᑭ ᒋ ‍ ᓂᑐᐛᔨᑕᓇᐛᐤ ᒐᒋ ᐅᐊᓱᐛᒄ ᐅᓱᓇᔭᓂᒧᐛᐤ᙮ ᒋᔨᐛ ᒋᑭ ‍ ᐊᔭᑎᓂᒺᓇᐛᐤ ᐅᓱᓇᔭᓂᒧᐛᐤ, ᒥᒄ ᓇᒪ ᒋᑭ ‍ ᐊᔭᑎᓂᒧᒡ ᐎᔪᐛᐤ ᒋᓱᓇᔭᓂᒧᐛᐛᔪᐤ᙮
\p
\v 7 ᐊᓐᑕ ᐅᑕᓇᐛ ᒪᔨᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᑕᑥᐛ ᐊᓐᑕ ᐊ ‍ ᒋᔅᑎᒪᑎᓯᒡ ᐃᔅᕋᐃᓪ ᐃᔪᒡ, ᒐ ᐊᑲ ‍ ᐛᐧᑲᓯᔭᒄ ᑭᔭ ᒐ ᐊᑲ ‍ ᐃᑎᔭᒄ ᒐᒋ ᐎᒐᐊᑯᒡ᙮
\v 8 ᒥᒄ ᒐ ‍ ᒥᔪᑐᑕᒐᔭᒄ ᑭᔭ ᒐ ‍ ᐅᐊᑯᒡ ᓄᑕᐱᔨᑥᐎᔾ ᓱᓇᔭᔪᐤ᙮
\v 9 ᔭᐃᑕᔾ ᒐ ᐊᑲ ‍ ᐃᑎᑎᓱᐎᔨᓐ, ‘ᐊᓐ ᐱᐳᓐ ᐃᔅᐱ ᒐ ᐅᑎᒋᐱᔨᒡ ᐊᑲᓯᓯᓇᐃᑯᓄᐅᒋ ᒥᓯᓇᐃᑭᓇ, ᐊᑯ ᒐ ᐊᑲ ᓴᔅ ‍ ᐎᐛᔭᓐ ᓱᓇᔭᐤ ᐛᔅ ᒐ ᐊᑲ ‍ ᐱᑯᓯᓇᐊᒧᐅᑦ ᐊᐛᓐ ᐃᔅᐱ ᐅᑎᒋᐱᔨᒐ ᐊᓂᔭ ᐱᐳᓂᔪᐤ,’ ᒋᐸ ‍ ᒥᔭᑎᓐ ᐊᓐ ᒐᒋ ‍ ᐃᑕᔨᑎᒥᓐ᙮ ᐃᑕᑎᓯᔨᓇ ᐊ ᐊᑲ ᒥᔪ ‍ ᐎᒐᐅᑦ ᐊ ‍ ᒋᔅᑎᒪᑎᓯᑦ ᒋᒡ ᐃᔅᕋᐃᓪ ᐃᔪᐤ, ᑭᔭ ᐊ ᐊᑲ ᒐᒂᔪᐤ ᒥᔨᑦ, ᒋᑭ ‍ ᑕᑈᑕᐤ ᑎᐸᔨᒋᒐᓱᐛ ᒋᔾ ᐅᒋ, ᑭᔭ ᑎᐸᔨᒋᒐᓱᐤ ᒋᑭ ‍ ᐃᑎᒄ ᐊ ‍ ᒥᒋᑐᑎᒧᑦ ᐊ ᐊᑲ ‍ ᐎᒋᐃᑦ ᐊᓐ ᐊᐛᓐ᙮
\v 10 ᒐ ‍ ᒥᔭᒄ ᐊᐛᓐ ᒐᒂᔪᐤ ᐊ ‍ ᒋᔅᑎᒪᑎᓯᑦ ᑭᔭ ᒐ ‍ ᒥᔪᑐᑕᒐᔭᒄ
\v 11 ᑐᑎᒥᒂ ᒪᒃ ᐅ, ᒋᑭ ‍ ᓱᐛᔨᑕᑯᔨᑯᐛᐤ ᑎᐸᔨᒋᒐᓱᐤ ᒥᓯᐛ ᒐᒂᔪᐤ ᐊ ‍ ᐃᑐᑎᒺᒄ᙮ ᓇᓂᑎᒻ ᒋᑭ ‍ ᐃᑕᐅᒡ ᐱᔅᒐ ᐊ ‍ ᒋᔅᑎᒪᑎᓯᒡ ᐃᔪᒡ ᒋᑦ ᐊᔅᒋᐛᒡ, ᐊᑯ ᐊᐅᒄ ᐅ ᐊ ‍ ᐃᑎᓯᒥᑎᑯᒡ ᒐᒋ ᒥᔪᑐᑥᑯᒡ ᐊᒋᔅᑎᒪᑎᓯᒡ ᐊᐛᓐᒋ᙮”
\s1 ᐊᐱᐧᑯᐊᑭᓄᐅᒡ ᐅᐛᐧᑲᓐᒡ
\p
\v 12 “ᐃᔭᐛᒂᐛ ᐃᔅᕋᐃᓪ ᐃᔪᒡ ᒐᒋ ᐅᑦ ᐊᐱᒋᐊᑭᓂᑐᐛᑯᒡ, ᒋᑭ ᐎ ‍ ᐱᔅᑎᓇᐛᐅᒡ ᑲᒋ ‍ ᐊᓱᐅᑕᒡ ᑕᑐᐤ ᐳᐱᓂᔨᒋ᙮
\v 13 ᐃᔅᐱ ᐱᔅᑎᓇᒂᐛ, ᒐ ᐊᑲ ‍ ᒥᒄ ᐃᓯ ᒋᑎᓴᐛᑯᒡ ᐊ ᐊᑲ ‍ ᒥᔭᑯᒡ ᒐᒂᔪᐤ,
\v 14 ᒐ ‍ ᐛᔭᐅᒡ ᒥᔭᐧᑯᒡ ᒐᒂᔪᐛ ᑲ ‍ ᓱᐛᔨᑕᑯᐃᑕᒄ ᑎᐸᔨᒋᒐᓱᐤ ᑲ ‍ ᒥᔨᑕᒄ—ᒪᔭᑕᓂᓴ ᑭᔭ ᐸᒂᓯᑭᒥᓇ ᑭᔭ ᓱᒥᓇᐛᐳᔪᐤ᙮
\v 15 ᒐ ᐊᑲ ‍ ᐅᓂᒋᔅᒋᔭᒄ ᒋᑦ ᐊᓂᔅᑯᑕᐸᓄᐛᐛ ᑲ ‍ ᐅᐛᐧᑲᓄᐎᔨᒋ ᐊᓐᑕ ᐃᒋᑉᑎᒡ ᑭᔭ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲ ‍ ᐱᐧᑯᐊᐊᑦ᙮ ᐊᐅᒄ ᐅ ᐊᓄᒡ ᐛᒋ ‍ ᐃᑎᓱᐛᑎᑎᑯᒡ ᒐᒋ ᐃᔨᑎᔭᒄ᙮
\p
\v 16 ᒥᒄ ᒋᑭ ‍ ᑕᐤ ᐸᐃᒄ ᒋᑦ ᐊᐱᒋᐊᑭᓐ ᒐᒋ ᐃᔅᒋᔄᑦ, ‘ᓇᒪ ᒋ ᐎ ‍ ᓂᑭᑎᑎᓐ,’ ᒋᓴᒋᐃᑯᐛᐤ ᒋᔾ ᑭᔭ ᐊ ‍ ᐸᐃᑯᔅᑲᓇᓯᔨᓐ, ᐛᔅ ᒋᒋᐛ ᔅᒋ ‍ᒥᔪ ‍ ᑐᑐᐛᐛᐤ᙮
\v 17 ᐃᔅᒋᔄᒐ ᐅᔭ, ᒐ ‍ ᐃᑐᑕᔨᑦ ᐊᓐᑕ ᔅᑐᐧᑭᓂᒡ ᑭᔭ ᒪᒂᒡ ᓂᐳᐅᒐ ᐊᓐᑕ ᔅᑐᐧᑭᓂᒡ, ᒐ ‍ ᐱᑯᓇᐊᒧᑦ ᐸᐃᒄ ᐎᑐᑭᔾ ᒋᔅᑕᐃᑭᓐ ᐊ ‍ ᐊᐱᒋᑕᔨᓐ᙮ ᐊᐅᒄ ᐅ ᒐᒋ ᒋᔅᒐᔨᑕᒂᒡ ᓂᒋᔅᒃ ᒐ ‍ ᐅᑦ ᐊᐱᒋᐊᑭᓂᔨᓐ ᒐ ‍ ᐃᔅᐱᔅ ᐱᒪᑎᓯᑦ᙮ ᐸᐃᑯᑕᐤ ᒐ ‍ ᐃᑐᑐᐅᑦ ᐃᔎᐤ ᐊᐱᒋᐊᑭᓐ ᐊ ᐊᑲ ᐎ ‍ ᓂᑭᑎᔎ᙮
\p
\v 18 ᒐ ᐊᑲ ‍ ᒥᑯᔅᑲᒋᑕᑯᓯᓐ ᐃᔅᐱ ᓂᑐᐛᔨᑕᑯᓯᔨᓇ ᒐᒋ ‍ ᐱᔅᑎᓂᑥᐤ ᒋᑦ ᐊᐱᒋᐊᑭᓐᒡ᙮ ᒐᒋᔅᒋᔨᓐ ᐊᓯᑕᒡ ᑕᑐᐤ ᐱᐳᓇ ᑲ ᐃᔅᐱᔅ ‍ ᐊᑐᔅᑲᔅᒃ, ᑭᔭ ᐊᐱᑐᐤ ᒥᒄ ᔅᒋ ‍ ᐃᔅᐱᔅ ᒋᓯᐧᑯᐛᐤ ᑲ ‍ ᐃᔅᐱᔅ ᒋᓯᐧᑯᐅᑥᐤ ᐊᓐᒡ ᐊᐱᒋᐊᑭᓐᒡ ᑲ ‍ ᐅᑎᓂᑥᐤ ᒐᒋ ᐊᑐᔅᑲᔅᒡ᙮ ᐱᔅᑎᓂᑥᐛ ᒪᒃ, ᒋᑭ ‍ ᓱᐛᔨᑕᑯᔨᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒥᓯᐛ ᒐ ᐊᑎ ‍ ᐃᔨᑎᔨᓐ᙮”
\s1 ᓂᔅᑎᒻ ᑲ ‍ ᐃᔪᐅᒡ ᐊᐛᓯᓯᒡ᙮
\p
\v 19 “ᐅᐱᒪ ᒐ ‍ ᐊᔅᑐᐛᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᓂᔅᑎᒻ ᑲ ‍ ᐃᔪᐅᒡ ᓇᐸ ᐊᐛᓯᓯᒡ ᒋᒥᒋᑎᐧᑯᒧᐛᐅᒡ ᑭᔭ ᒋ ‍ ᒪᔭᑕᓂᓯᒧᐛᐅᒡ ᐅᒋ᙮ ᒐ ᐊᑲ ‍ ᑐᑐᐛᑯᒡ ᒐᒋ ᐊᑐᔅᑲᑕᑯᒡ ᑭᔭ ᒐ ᐊᑲ ‍ ᒥᓂᓯᒺᒄ ᐅᐱᐎᔪᐛᐛ ᓂᔅᑎᒻ ᑲ ‍ ᐃᔪᐅᒡ ᐊᐛᓯᓯᒡ ᐅᐱᐎᔪᐛᐛ ᒐᒋ ᐊᑕᐛᒐᐛᒄ᙮
\v 20 ᒥᔅᑯᒡ ᐊᓯᑯᒻ ᐱᐳᓇ ᒋᔾ ᑭᔭ ᐊ ‍ ᐸᐃᑯᔅᑲᓇᓯᔨᓐ ᒋᑭ ᒋ ‍ ᓂᐸᐛᐅᒡ ᑭᔭ ᒥᒍᐛᓇᐛᐤ ᐎᔭᓱᐛᐤ ᐅᑎᔅᑯᐤ ᐊᑕᑦ ᑎᐸᔨᒋᒐᓱᐤ ᐊᓐᑕ ᐃᑕᐅᓂᒡ ᑲ ‍ ᐎᔭᔨᑕᐧᒃ ᑎᐸᔨᒋᒐᓱᐤ ᒐᒋ ᐊᔭᒥᐊᔅᑐᐛᑭᓄᐅᑦ᙮
\v 21 ᒥᒄ ᐃᔅᐱ ᐊᑲ ᒥᔪᓯᑥᐛ ᐊᐛᓯᓯᒡ, ᒪᔅᒋᑥᐛ ᑭᔭ ᒪᒃ ᐊᑲ ‍ ᐛᐸᑕᒂᐛ ᑭᔭ ᒪᒃ ᑭᑎᒋᔪᐤ ᒐᒂᔪᐤ ᐊ ᐊᑲ ᐃᓯ ‍ ᒥᔪᓯᑥᐛ᙮ ᒐ ᐊᑲ ᐊᓂᔭ ᒥᑐᔅᑕᐊᒧᐛᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ᙮
\v 22 ᒋᑭ ‍ ᒋ ‍ ᓂᐸᐊᐛᐅᒡ ᐊᓐᒡ ᐊᐛᓯᓯᒡ ᐊᓐᑕ ᐛᒋᔭᒄ ᑭᔭ ᒋᑭ ᒋ ‍ ᒥᒋᐛᓇᐛᐤ ᐎᔭᓯᒧᐛᐤ᙮ ᐊᓐᒡ ᐃᔪᒡ ᐊ ᐊᑲ ‍ ᐛᔅᑭᒥᓯᒡ ᑕᑈᑐᐛᑭᓄᐅᒡ ᒐᒋ ᒥᒋᒡ ᐊᓂᔭ ᐎᔭᓯᔪᐤ, ᒧᔭᒻ ᐊ ᐃᓯ ‍ ᑕᑈᑐᐛᑭᓄᐅᑦ ᐊᐛᓐ ᒐᒋ ᒥᒋᐛᑦ ᐊᑎᒂ ᑭᔭ ᒪᒃ ᓄᓴᑎᒂ ᐎᔭᓯᒥᔪᐤ᙮
\v 23 ᒥᒄ ᓇᒪ ᒋᑭ ᐎ ‍ ᒥᒍᐛᓇᐛᐤ ᐅᒥᐧᑯᐛᐤ, ᒧᔅᑎᔅᑭᒥᒡ ᒐ ‍ ᐎᐎᑯᑕᐛᒄ ᐃᔅᐱ ᓂᐸᐊᒂᐛ ᐊᓐᒡ ᐊᐛᓯᓯᒡ᙮”
\c 16
\s1 ᐎᒪᔅᑲᒐᐅᓐ
\p
\v 1 “ᐊᓯᑯᒻ ᐱᐳᓇ ᒐᒋᔅᑕᔨᒪᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊ ‍ ᒥᑯᓴᔭᒄ ᐎᒪᔅᑲᒐᐅᓐ ᐊᓐᑕ ᐊᐱᑉ ᐱᓯᒻ ᐎᐱᒡ ᓯᒂᒐ, ᐛᔅ ᐊᐅᑯᔪᐤ ᐊᓂᔭ ᐸᐃᒄ ᐊ ‍ ᑎᐱᔅᑲᔨᒡ ᐊᓂᔭ ᐱᓯᒺ, ᑎᐸᔨᒋᒐᓱᐤ ᒋᒋᓴᒥᓂᑐᒥᓄᐤ ᑲᒋ ‍ ᐱᐧᑯᐛᐊᑦ ᒋᑦ ᐊᓂᔅᑯᑕᐸᓄᐛᐤ ᐃᒋᑉᑎᒡ ᐅᒋ᙮
\v 2 ᒐᒋ ᐅᒋ ᒥᑯᓴᔭᒄ ᐊᓐ ᐎᒪᔅᑲᒐᐅᓐ, ᒐ ‍ ᐃᑐᑕᔭᒄ ᐊᓐᑕ ᐃᑕᐅᓂᔪᐤ ᑲ ‍ ᐎᔭᔨᑕᐧᒃ ᑎᐸᔨᒋᒐᓱᐤ ᒐᒋ ᐊᔭᒥᐊᔅᑐᐛᒄ ᑭᔭ ᒐ ‍ ᒥᑐᔅᑕᐊᒪᒐᔭᒄ ᐸᐃᒄ ᐊ ‍ ᐅᔅᑎᓂᒋᐅᑦ ᒋ ‍ ᒥᒋᑎᐧᑯᒧᐛᐅᒡ ᐅᒋ ᑭᔭ ᒪᒃ ᒋᒪᔭᑕᓂᓯᒧᐛᐤ ᐊᓐ ᒐ ‍ ᒥᑯᓴᔭᒄ ᐎᒪᔅᑲᒐᐅᓐ ᒐᒋ ᒋᔅᑕᔨᒪᒄ ᑎᐸᔨᒋᒐᓱᐤ᙮
\v 3 ᐃᔅᐱ ᒥᒋᔭᒂ ᐎᒪᔅᑲᒐᐤ ᒥᒋᒻ, ᐊᓐ ᐸᒂᓯᑭᓐ ᒐ ‍ ᒧᐛᒄ ᓇᒪ ᒋᑭ ᐎ ‍ ᐊᔅᒋᐱᔪᐤ ᓯᐅᔅᑎᒪᑭᓐ᙮ ᐊᐅᑯᐤ ᐊ ‍ ᐃᓯᓇᑯᔅᑦ ᐸᒂᓯᑭᓐ ᒐ ‍ ᐎ ‍ ᒧᐛᒄ, ᐊᓐ ᐎᓯᒐᔨᑎᒧᐤ ᐸᒂᓯᑭᓐ ᒐ ‍ ᐃᓯᓂᐧᑲᑕᑭᓄᐅᑦ ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ᙮ ᒋᑭ ‍ ᐎᒋᐃᑯᓇᐛᐤ ᐅ ᒐᒋ ᒋᔅᒋᔭᒄ ᒪᒂᒡ ᒐ ‍ ᐃᔅᐱᔅ ᐱᒪᑎᓯᔭᒄ ᐃᔅᐱ ᒋᑦ ᐊᓂᔅᑯᑕᐸᓄᐛᐅ ᑲ ‍ ᓂᑭᑕᒡ ᐃᒋᑉᑦ ᐊᔅᒋᔪᐤ, ᐊᓐᑕ ᑲ ‍ ᐎᓯᒐᔨᑕᒡ ᐛᔅ ᑲ ‍ ᐅᐛᐧᑲᓄᐅᒡ, ᒋᔅᑎᑉ ᒋ ‍ ᓂᑭᑎᒧᒡ᙮ ᓇᒪ ᐅᒋ ᐊᐱᒋᐊᐅᒡ ᓯᐅᔅᑎᒪᑭᓇ ᒐᒋ ᐊᓱᐛᐱᒪᒡ ᒐᒋ ᐅᐱᔨᒋ ᐅᐸᒂᓯᑭᓂᐧᑲᓄᐛᐛ᙮
\v 4 ᒪᒂᒡ ᐊᓐ ᒥᑯᓴᓄᐅᒐ, ᓇᒪ ᒋᑭ ᐎ ‍ ᑭᓄᐛᔨᒪᐛᐤ ᓯᐅᔅᑎᒪᑭᓐ ᒥᒋᐛᐱᒡ ᐊᓐᑕ ᒋᑦ ᐊᔅᒋᐛᒡ ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ᙮ ᐊᓯᒡ ᐊᓐ ᐎᔭᔅ ᐊᐛᓯᓯᒡ ᐅᒋ ᑲ ‍ ᒥᑐᔅᑕᐊᒪᒐᔭᒄ ᐊ ‍ ᐅᑕᑯᓯᒡ ᐊᓐ ᓂᔅᑎᒻ ᒋᓯᒄ ᐎᒪᔅᑲᒐᐤ ᒥᑯᓴᓐ ᒋᑭ ᐎ ‍ ᒥᒋᓇᓄᐤ ᐊᓐ ᒐ ‍ ᑎᐱᔅᑲᒡ, ᒐ ᐊᑲ ‍ ᑕᑈᑎᒪᒄ ᒐᒋ ᐃᔅᑯᐱᔨᒡ ᐃᔅᐱᔅ ᒥᓐ ᒋᓯᑲᒐ᙮
\p
\v 5-6 ᒐᒋ ᒋᔅᑕᔨᒪᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᐊᑯᑕ ᐊᓐᑕ ᒥᒄ ᒐ ‍ ᐱᔅᑎᓂᒪᒄ ᐎᒪᔅᑲᒐᐅᓐ ᒥᑐᔅᑕᐊᒐᐅᓐ ᐊᓐᑕ ᐃᔨᑕᐅᓂᒡ ᑲ ‍ ᐎᔭᔨᑕᐧᒃ ᑎᐸᔨᒋᒐᓱᐤ ᒐᒋ ᐊᔭᒥᐊᔅᑐᐛᒄ, ᒐ ᐊᑲ ‍ ᐱᔅᑎᓂᒪᒄ ᐊᓐ ᒥᑐᔅᑕᐊᒪᒐᐅᓐ ᓂᑐᐎᔾ ᐅᑕᓇᒡ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᒪᔨᑕᒄ᙮ ᐸᒋᓯᒧᒐ ᐱᓯᒻ ᒐ ‍ ᒥᑐᔅᑕᐊᒪᒐᔭᒄ, ᒧᔭᒻ ᐊᓐ ᑎᐸᔨᑭᓐ ᐱᓯᒧᐧᑲᓂᒡ ᐊᓐ ᒋᓯᒄ ᑲᒋᒋᐱᔨᒡ ᒋᑦ ᐊᓂᔅᑯᑕᐸᓄᐛᐅᒡ ᑲ ‍ ᔅᑐᑕᒡ ᐃᒋᑉᑎᒡ ᐅᒋ
\v 7 ᒐ ‍ ᐅᓯᒪᒄ ᐎᔭᔅ ᑭᔭ ᒐ ‍ ᒥᒋᔭᒄ ᐊᓐᑕ ᑲ ‍ ᐎᔭᔨᑕᐧᒃ ᒐ ‍ ᐊᔭᒥᐊᔅᑐᐛᑭᓄᐅᑦ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᒥᓐ ᒐᒋᓴᐸᔭᒐ, ᒐ ‍ ᒋᔨᐛᔭᒄ ᐊᓐᑕ ᒋᐱᒍᐎᔭᓂᒋᐛᐳᐛᐛᒡ᙮
\v 8 ᐊᓯᑯᒻ ᒋᓯᑲᐛ ᐃᔅᐱᔅ ᐊᓯᑕᒡ ᑕᑐᐤ ᒋᓯᑲᐛ ᓇᒪ ᒋᑭ ᐎ ‍ ᐊᔅᒋᐱᔪᐤ ᓯᐅᔅᑎᒪᑭᓐ ᐊᓐᑕ ᒐ ‍ ᒧᐛᒄ ᐸᒂᓯᑭᓐ᙮ ᐊᓐ ᓂᔄᐅᑕᒡ ᒋᓯᒄ, ᒥᓯᐛ ᒐ ‍ ᒪᒧᐎᔭᒄ ᒐᒋ ᐊᔭᒥᐊᔅᑐᐛᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ᙮ ᐊᐅᒄ ᐊᓐ ᒐ ‍ ᐊᔽᓯᐅᒋᓯᑲᒡ, ᓇᒪ ᒋᑭ ᐎ ‍ ᐊᑐᔅᒐᓇᐛᐤ ᐊᓐ ᒋᓯᒄ᙮”
\s1 ᐊ ᒪᒧᓴᒋᓂᑭᓄᐅᒋ ᐸᒂᓯᑭᓂᒥᓇ ᒥᑯᓴᐅᓐ
\p
\v 9 “ᐊᓯᑯᒻ ᐱᐳᓇ, ᐊᓐ ᒋᓯᒄ ᐅᒋ ᑲᒋ ‍ ᒋᒋᐱᔭᒄ ᐊ ‍ ᒪᒧᓴᒋᓂᒪᒄ ᒋᐸᒂᓯᑭᓂᒧᐛᐛ, ᓂᔄᐅᑕᒡ ᑕᑐᐤ ᒥᓇᔅᑕᑭᓇ ᒐ ‍ ᐊᒋᑎᒪᒄ,
\v 10 ᐊᑯ, ᒐᒋ ᒋᔅᑕᔨᒪᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᒐ ‍ ᒥᑯᓴᔭᒄ ᑲ ‍ ᒪᒧᓴᒋᓂᒐᓄᐅᒡ ᒥᑯᓴᓐ᙮ ᐊᐅᑯᐤ ᒐ ‍ ᐃᑎᔭᒄ ᐊᐸᑐᐛᒄ ᐊᓂᔭ ᒐ ‍ ᒥᔭᒄ ᐸᒂᓯᑭᓂᒥᓇ᙮ ᔅᒋ ‍ ᓱᐛᔨᑕᑯᐃᑯᐛᐤ ᑎᐸᔨᒋᒐᓱᐤ ᐊᒋ ‍ ᑐᑕᐧᒃ ᒐᒋ ᓂᑕᐅᒋᓂᔨᒋ ᒋᓂᑕᐅᒋᑕᑭᓄᐛᒡ ᐊᓂᔭ ᒪᒂᒡ ᐱᐳᓂᔪᐤ᙮ ᑲᒋ ᒥᔅᑎ ‍ ᒪᒧᓴᒋᓂᒐᐛᒂ, ᒐ ᒥᔅᑎ ‍ ᐸᑕᔭᒄ ᒋᒥᔨᐛᐅᓄᐛᐛ᙮ ᐊᐱᓯᔅ ᑲᒋ ‍ ᒪᒧᓴᒋᓂᒐᐛᒂ, ᐊᐱᓯᔅ ᒐ ‍ ᐸᑕᔭᒄ ᒋ ‍ ᒥᔨᐛᐅᓄᐛᐛ᙮
\v 11 ᒥᓯᐛ ᑲ ‍ ᓂᐳᐅᒡ ᒋᐸ ‍ ᐎ ‍ ᒧᒋᒐᔨᑎᒧᒡ ᐅᑎᔅᑯᐤ ᑎᐸᔨᒋᒐᓱᐛ᙮ ᐅᑦ ᐊᐛᓯᒧᐛᐛ ᑭᔭ ᐅᑦ ᐊᐱᒋᐊᑭᓄᐛᐛ ᑭᔭ ᓕᐸᐃ ᐅᑦ ᐊᓂᔅᑯᑕᐸᓇ ᐊ ‍ ᑕᔨᒋ ᐊᓐᑕ ᐅᑕᓇᒡ, ᑭᔭ ᒪᓐᑕᐅᒡ ᑭᔭ ᒋᐅᓴᓐᒡ ᑭᔭ ᒋᔅᑎᒪᒋᔎᐅᒡ ᐛᒋᒥᑕᑯᒡ ᑭᔭ ᐎᔨᐛᐤ ᒐᐸ ‍ ᒧᒋᒐᔨᑎᒧᒡ᙮ ᒐ ‍ ᐸᑕᔭᒄ ᐊᓂᔭ ᐱᔅᑎᓂᒐᐅᓇ ᐊᓐ ᐃᑕᐅᓂᔪᐤ ᑎᐸᔨᒋᒐᓱᐤ ᒐ ‍ ᐎᔭᔨᑕᐧᒃ ᒐ ‍ ᐊᔭᒥᐊᔅᑐᐛᑭᓄᐅᑦ᙮
\v 12 ᐃᔅᐱ ᒥᑯᓴᔭᒂ ᐅᔭ ᒥᑯᓴᐅᓇ ᐊ ‍ ᓂᓇᐃᑎᒪᒄ ᐅᔭ ᐎᓱᐛᐅᓇ, ᒐ ‍ ᒋᔅᒋᔭᒄ ᐊᒋ ‍ ᐅᐛᐧᑲᓄᐎᔭᒄ ᐊᓐᑕ ᐃᒋᑉᑎᒡ᙮”
\s1 ᒥᒋᐛᑉ ᒥᑯᓴᐅᓐ
\p
\v 13 “ᐊᓯᑯᒻ ᐱᐳᓇ, ᑲᒋ ‍ ᒋᔅᑕᔭᑯᐤ ᐊ ‍ ᒪᒧᓴᒋᓂᒪᒄ ᐸᒂᓯᓂᒥᓇ ᑭᔭ ᓱᒥᓇ ᒐ ‍ ᐃᑐᑕᐊᑯᒡ ᒋᑯᓱᐛᐅᒡ ᑭᔭ ᒋᑕᓂᓱᐛᐅᒡ ᑭᔭ ᒋᑦ ᐊᐱᒋᔭᑭᓂᐛᐅᒡ ᐊᓐᑕ ᑲ ‍ ᐎᔭᔨᑕᐧᒃ ᐃᑕᐅᓂᔪᐤ ᑎᐸᔨᒋᒐᓱᐤ ᒐᒋ ᐊᔭᒥᐊᔅᑐᐛᑭᓄᑦ᙮ ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ ᒋᑭ ‍ ᒥᑯᓴᓇᐛᐤ ᒥᒋᐛᑉ ᒥᑯᓴᐅᓐ᙮
\v 14 ᐃᔭᐱᒡ ᒐ ‍ ᐎᓴᒪᑯᒡ ᑲ ‍ ᒋᔅᑎᒪᑎᓯᒡ ᑭᔭ ᐊᓯᒡ ᓕᐸᐃ ᐃᔪᒡ ᑭᔭ ᒪᓐᑕᐅᒡ ᑭᔭ ᒋ ‍ ᐅᓴᓐᒡ ᑭᔭ ᒋᔅᑎᒪᒋᔎᐅᒡ, ᑭᔭ ᐎᔨᐛᐤ ᒋᐸ ‍ ᐎ ‍ ᒧᒋᒐᔨᑎᒧᒡ ᐅᑎᔅᑯᐤ ᑎᐸᔨᒋᒐᓱᐛ ᐊ ‍ ᑕᔨᒋ᙮
\v 15 ᒐᒋᔅᑕᔨᒪᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊ ‍ ᒥᑯᓴᔭᒄ ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ ᐊᓐᑕ ᑲ ‍ ᐎᔭᔨᑕᐧᒃ ᐃᑕᐅᓂᒡ ᑎᐸᔨᒋᒐᓱᐤ ᒐᒋ ᐊᔭᒥᐊᔅᑎᐛᑭᓄᐅᑦ᙮ ᒥᓯᐛ ᐊᐛᓐ ᐊᑎᓯᔭᒄ ᒋᐸ ‍ ᒥᒋᒐᔨᑎᒻ, ᐛᔅ ᔅᒋ ‍ ᓱᐛᔨᑕᑯᑕᐤ ᑲ ‍ ᒪᒧᓴᒋᓂᒺᒄ ᑭᔭ ᒥᓯᐛ ᐊᑐᔅᒐᐅᓂᔪᐤ ᑲ ‍ ᐃᑐᑎᒺᒄ᙮
\p
\v 16 ᐊᓯᑯᒻ ᐱᐳᓇ ᓂᔅᑎᓇ ᒥᑯᓴᐅᓇ ᐃᔅᐱ ᐊᓐᑕ ᒥᓯᐛ ᐃᔅᕋᐃᓪ ᐃᔪᒡ ᒐᐎ ‍ ᐃᑐᑕᒡ ᐊᓐᑕ ᑲ ‍ ᐎᔭᔨᑕᐧᒃ ᐃᑕᐅᓂᒡ ᑎᐸᔨᒋᒐᓱᐤ ᒐᒋ ᐊᔭᒥᐊᔅᑎᐛᑭᓄᐅᑦ᙮ ᐊᐅᑯᔪᐛ ᐅᔭ ᑲ ‍ ᐱᐱᒋᓯᑦ ᐸᒂᓯᑭᓐ, ᑭᔭ ᑲ ‍ ᒪᒧᓴᒋᓇᑭᓄᒡ ᒥᒋᒻ, ᑭᔭ ᒥᒋᐛᑉ ᒥᑯᓴᐅᓐ᙮ ᑭᔭ ᒐ ᐊᑲ ‍ ᐅᓂᒋᔅᒋᑎᒪᒄ ᒐᒋ ᑕᐧᑯᓂᒺᒄ ᐊᓂᔭ ᐱᔅᑎᓂᒐᐅᓂᔪᐤ ᒐ ‍ ᒥᔭᒄ ᑎᐸᔨᒋᒐᓱᐤ᙮
\v 17 ᐊᑎᑐᐤ ᒥᔨᑕᒂ ᒥᒋᒥᔪᐤ ᑎᐸᔨᒋᒐᓱᐤ, ᐊᑎᑐᐤ ᒋᐸ ‍ ᐎ ‍ ᒥᓴᐤ ᒋ ‍ ᐱᔅᑎᓂᒐᐅᓄᐛᐤ᙮”
\s1 ᑯᐃᔅᒄ ᐊ ‍ ᐃᓯ ᑎᐸᔅᑯᓇᑭᓄᐅᒡ ᐃᔪᒡ
\p
\v 18 ᒐ ‍ ᐅᑎᓇᑯᒡ ᑲ ‍ ᑎᐸᔅᑭᓂᒐᒡ ᑭᔭ ᑯᑎᑭᒡ ᑯᐸᓇᓯᒡ ᒥᓯᐛ ᐊ ‍ ᐃᑎᔅᑲᓇᓯᔭᒄ, ᐊᓐᑕ ᐅᑕᓇᐛ ᒪᔨᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ᙮ ᑯᐃᔅᒄ ᒋᑭ ᐎ ᐃᓯ ‍ ᑎᐸᔅᑯᓂᒐᐅᒡ᙮
\v 19 ᐊᑲᐎᔾ ᒋᑭ ᐎ ‍ ᑐᐅᒡ ᐊᑲ ᑯᐃᔅᒄ ᐃᓯ ‍ ᑎᐸᔅᑯᓂᒐᒡ᙮ ᐊᑲ ‍ ᐎ ᒋᑭ ‍ ᒥᔪ ‍ ᐃᑕᔨᒪᐅᒡ ᐸᐃᒄ ᐊᐛᔪᐛ ᐃᔅᐱᔅ ᑯᑎᑲ ᐊᐛᔪᐛ, ᒐ ᐊᑲ ‍ ᐅᑎᓂᒪᒄ ᐛᔭᓯᐃᐛᐎ ᒥᔨᑯᓯᐅᓇ᙮ ᐛᔅ ᐅᑎᓇᒐ ᑲᑎᐸᔅᑯᓂᒐᑦ ᐛᔭᓯᐃᐛᐎ ᒥᔨᑯᓯᐅᓇ, ᐊᑎᓱᐧᒄ ᑲᒐᑕᐛᔨᑕᑯᓯᒐ ᑭᔭ ᑯᐃᔅᑯᑕᑎᓯᒐ, ᒋᒋᐛ ᒋᑭ ‍ ᐊᔨᒥᓂᔪᐤ ᒐᒋ ᑯᐃᔅᒄ ᐃᓯ ‍ ᑎᐸᔅᑯᓂᒐᑦ, ᒋᑭ ᐎ ‍ ᑐᑎᒻ ᐊᓯ ‍ ᓂᑐᐛᔨᑎᒥᔨᒋ ᐊᓂᔭᔪᐛ ᑲ ‍ ᒥᔨᑯᑦ ᐛᔭᓯᐃᐛᐎ ᒥᔨᑯᓯᐅᓂᔪᐤ ᑭᔭ ᒐ ‍ ᐃᔅᒋᔄᑦ ᒐᒋ ᐊᓏᔨᒪᑭᓄᐎᔨᒋ ᑲ ‍ ᑯᔅᑯᑎᔨᒋ᙮
\v 20 ᑯᐃᔅᒄ ᒋᑭ ᐎ ᐃᓯ ‍ ᑎᐸᔅᑯᓂᒐᓇᐛᐤ ᑭᔭ ᐃᑎᓇᐛᐤ, ᒐᒋ ᐱᒐᔭᒄ ᑭᔭ ᐅᑎᓂᒪᒄ ᐊᓐ ᐊᔅᒋᔾ ᒪᔨᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ᙮”
\s1 ᐊᔭᒥᐊᔅᑐᐛᑭᓄᐅᒡ ᑯᑎᑭᒡ ᒥᓂᑐᐅᒡ
\p
\v 21 “ᐃᔅᐱ ᐅᓯᑕᔭᒂ ᐱᔅᑎᓂᒐᐅᓇᐱᔅᒄ ᒐᒋ ᐊᔭᒥᐊᔅᑐᐛᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᒐ ᐊᑲ ‍ ᐊᔅᑕᔭᒄ ᐊᓐᑕ ᐅᐱᒪ ᐊᓱᕋ ᒥᓂᑐᐧᑲᓐ᙮
\v 22 ᑭᔭ ᒐ ᐊᑲ ‍ ᐎᔭᔅᑯᑕᔭᒄ ᐸᔭᒋ ᐊᓯᓂᔾ ᒐᒋ ᐊᔭᒥᐊᔅᑐᐛᑭᓄᐅᑦ ᓂᑐᐎᔾ ᒥᓂᑐᐧᑲᓐ, ᐛᔅ ᐛᐧᑲᑕᐤ ᐊᓂᔭ ᑎᐸᔨᒋᒐᓱᐤ᙮”
\c 17
\s1 ᐃᔭᒂᒧᐛᐅᓐ ᐊ ‍ ᒥᔅᑐᑕᐊᒪᒐᓄᐅᒡ ᐊ ᐊᑲ ‍ ᒥᔪᓯᒡ ᐊᐛᓯᓯᒡ
\p
\v 1 “ᒐ ᐊᑲ ‍ ᒥᔅᑐᐊᒧᐛᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊ ᐊᑲ ‍ ᒥᔪᓯᔨᒋ ᒥᒋᑎᒂ ᑭᔭ ᒪᒃ ᒪᔭᑕᓂᓴ ᑭᔭ ᒪᒃ ᑲ ‍ ᐅᑕᔅᑭᓂᓯᔨᒋ ᐊᐛᓯᓴ, ᐛᔅ ᐛᐧᑲᑎᒻ ᐊᓂᔭ ᐊ ‍ ᐃᓯᓇᑯᓂᔨᒡ ᒥᔨᐛᐅᓂᔪᐤ᙮”
\s1 ᐱᓯᒂᑎᓯᐤ ᐊᓏᔨᒐᐅᓐ
\p
\v 2 “ᐃᔅᐱ ᐎᒋᔭᒂ ᐊᓐᑕ ᐅᑕᓇᐛ ᑎᐸᔨᒋᒐᓱᐤ ᒋᓴᒪᓂᑐᒥᓄᐤ ᒪᔨᑕᒄ, ᐃᓯᓇᒂᒐ ᒐᒋ ᐸᑎᒪᒄ ᓇᐸᐤ ᑭᔭ ᒪᒃ ᐃᔎᐤ ᐊ ‍ ᒥᒋᑐᑕᐧᒃ ᐊ ᐊᑲ ‍ ᓂᓇᐃᑎᒺᑦ ᐅᓂᔅᑯᒥᑐᐅᓂᔪᐤ ᑲ ‍ ᑐᑎᒪᑎᔨᑕᑯᐤ ᑎᐸᔨᒋᒐᓱᐛ᙮
\v 3 ᐃᓯᓇᒂᒐ ᒐᒋ ᐎᑎᒪᔅᒄ ᐊᐛᓐ ᐊ ‍ ᑕᔨᒋ ᐊᓐᑕ ᐊᐛᔪᐛ ᐊᔭᒥᐊᔅᑐᐛᔨᒋ ᑭᔭ ᐊᑐᔅᑯᐛᔨᒋ ᑯᑎᑲ ᒥᓂᑐᐛ, ᑭᔭ ᒪᒃ ᐱᓯᒺ, ᑭᔭ ᒪᒃ ᑎᐱᔅᑲᐤ ᐱᓯᒺ ᑭᔭ ᒪᒃ ᐅᒐᑭᑕᒂ᙮
\v 4 ᐸᑎᒪᒂ ᑲᒋ ‍ ᐃᑐᑎᒥᒂ ᐅᔭ ᐊᐛᓐ, ᐛᒧᒡ ᒋᑭ ᐎ ᒥᔪᐤ ᓂᑐ ‍ ᒋᔅᒐᔨᑕᓇᐛᐤ᙮ ᒋᔅᒐᔨᑎᒪᒂ ᓇᔅᒡ ᑎᔭᑈᓄᐅᒂ ᑲᒋ ‍ ᐃᔅᐱᔨᒂ ᐊᓐᑕ ᐃᔅᕋᐃᓕᒡ᙮
\v 5 ᒐ ‍ ᐃᑐᑕᐊᒄ ᐊᓐ ᑲ ‍ ᐃᑎᑦ ᓇᐸᐤ ᑭᔭ ᒪᒃ ᐃᔎᐤ ᐊᓐᑕ ᐎᐎᑎᒥᒡ ᐅᑕᓇᒡ᙮ ᐊᑯ ᒐ ‍ ᓂᐸᐊᒄ ᐊᓐ ᐊᐛᓐ ᐊᓯᓂᔭ ᐊ ‍ ᐱᐳᒧᓯᓇᑕᐛᒄ᙮
\v 6 ᒪᒄ ᒋᑭ ᒋ ‍ ᓂᐸᐊᐛᐤ ᐊᓐ ᐊᐛᓐ ᒥᒄ ᐊᑐᐎᔾ ᓂᓱ ᐊᐛᓐᒋ ᒐᒋ ᐎᑕᒡ ᑲ ‍ ᐛᐱᒪᒡ ᐊᓂᔭ ᑲ ‍ ᐃᑎᔨᒂᓂᐃ᙮ ᓇᒪ ᒋᑭ ᐎ ‍ ᓂᐸᐊᑭᓄᐤ ᐊᓐ ᐊᐛᓐ ᐸᐃᑯᓯᔨᒐᓂᐃ ᐊᐛᔪᐛ ᐊᒋ ᐛᐱᒪᑯᑦ᙮
\v 7 ᐊᓐᒡ ᑲ ‍ ᐛᐱᒪᒡ ᐊ ‍ ᐃᑎᔨᒋ ᐅᔭ ᐎᔨᐛᐤ ᓂᔅᑎᒻ ᒋᑭ ‍ ᐱᐳᒧᓯᓇᑕᐛᐅᒡ ᐊᓯᓂᔭ᙮ ᐊᑯ ᑯᑎᑭᒡ ᐃᔪᒡ ᒐ ‍ ᐱᐳᒧᓯᓇᑕᐛᒡ ᐊᓯᓂᔭ, ᐃᑐᑎᒪᒂ ᐅ, ᒋᑭ ‍ ᐃᒐᑎᓯᓇᓇᐛ ᐅ ᒥᒋ ‍ ᐃᑐᐅᓐ ᐊᓐᑕ ᐊᑕᔭᒄ ᐅᒋ᙮”
\s1 ᐊ ‍ ᑎᐸᔅᑯᓇᑭᓄᐅᒋ ᐊᔨᒪᒋ ᒐᒂᔪᐛ
\p
\v 8 “ᓂᔭᓂᑯᑎᓂ ᒋᒋᐛ ᒋᑭ ‍ ᐊᔨᒥᓂᔪᐤ ᑲᑎᐸᔅᑯᓂᒐᑦ ᒐᒋ ᐎᔭᔨᑕᐧᒃ ᑕᓐ ᒋᒋᐛ ᑲ ‍ ᐃᔅᐱᔨᒡ ᒐᒂᔪᐤ᙮ ᒋᑭ ᒋ ‍ ᑯᒋᑕᐤ ᒐᒋ ᐎᔭᔨᑕᐧᒃ ᐃᔅᐱ ᒥᑐᐛᒡ ᐊᐛᓐ ᑲ ‍ ᐅᓯᑯᐊᒂ ᑭᔭ ᒪᒃ ᑲᒋ ‍ ᓂᐸᐊᒂ ᑯᑎᑲ ᐊᐛᔪᐛ, ᐅᔅᑦ ᑭᔭ ᐊᑲ ‍ ᐅᔅᑦ ᐎ ‍ ᑐᑐᐛᒂ, ᑭᔭ ᒪᒃ ᒋᑭ ᑯᒋᑕᐤ ᒐᒋ ‍ ᐎᔭᔨᑕᐧᒃ ᐸᐃᒄ ᐊᐛᔪᐛ ᐊ ᐊᑲ ‍ ᑯᐃᔅᒄ ᐃᓯ ‍ ᓇᓴᐛᒂᔨᒂᓂᐃ ᒐᒂᔪᐤ ᑯᑎᑲ ᐊᐛᔪᐛ᙮ ᐃᔭᔨᒥᓂᒂ ᒐᒋ ᒋᔅᒐᔨᑕᑭᓄᐅᒡ ᑕᓐ ᒋᒋᐛ ᑲ ‍ ᐃᔅᐱᔨᒡ ᐊᓐᑕ ᓂᑎᒥᒄ ᐅᑕᓇᐤ, ᐊ ᐊᑲ ᒋ ‍ ᐎᔭᔨᑕᐧᒃ ᐎᔾ ᑲᑎᐸᔅᑯᓂᒐᑦ, ᒋᐸ ‍ ᐃᑐᑕᓇᐛᐤ ᐊᓐᑕ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲ ‍ ᐅᑎᓇᐧᒃ ᐃᑕᐅᓂᔪᐤ ᒐᒋ ᐊᔭᒥᐊᔅᑐᐛᑭᓄᑦ᙮
\v 9 ᐊᑯᑕ ᐊᓐᑕ ᒋᐸ ‍ ᒥᔭᑭᓄᐅᒡ ᑲ ‍ ᐃᔅᐱᔨᒡ ᓕᐸᐃ ᐅᑦ ᐊᓂᔅᑯᑕᐸᓇ ᐊᓐᒡ ᐊᔭᒥᐊᐅᒋᒪᐅᒡ, ᑭᔭ ᐊᓐ ᑲᑎᐸᔅᑯᓂᒐᑦ ᒪᒂᒡ ᐊᑐᔅᒐᒡ ᑭᔭ ᐎᔨᐛᐤ ᒋᐸ ‍ ᐎᔭᔨᑎᒧᒡ ᑕᓐ ᒋᐸ ‍ ᐃᑎᓇᓄᐅᔪᐤ᙮
\v 10 ᐃᔅᐱ ᒋ ‍ ᐎᔭᔨᑕᒂᐛ, ᒋᑭ ᐎ ‍ ᑎᑐᒺᓇᐛᐤ ᒐᒂᔪᐤ ᐊ ‍ ᐃᑎᑕᑯᒡ᙮
\v 11 ᒐ ‍ ᐅᑎᓂᒺᒄ ᒐᒂᔪᐤ ᑲ ‍ ᐃᓯ ‍ ᐎᔭᔨᑕᒡ, ᑭᔭ ᒋᐸ ‍ ᐃᑐᑎᒺᓇᐛᐤ ᒂ ‍ ᐃᔅᒋᔄᒡ ᒐ ‍ ᐃᑐᐛᒄ᙮ ᒐ ᐊᑲ ‍ ᑯᒋᑕᐛᒄ ᒐᒋ ᒥᔅᑯᑎᓂᒺᒄ ᒐᒂᔪᐤ ᑲ ‍ ᐎᔭᔨᑕᒡ᙮
\v 12 ᒋᑭ ᐎ ‍ ᓂᐸᐊᐛᐤ ᐊ ‍ ᒋᔅᑕᔨᒥᑎᓱᑦ ᐊᐛᓐ ᐊ ‍ ᐊᓏᑐᐛᑦ ᑲᑎᐸᔅᑯᓂᒐᔨᒋ ᑭᔭ ᒪᒃ ᐊᔭᒥᐊᐅᒋᒪᐛ ᐊᓂᐳᐅᑦ ᐅᑎᔅᑯᐤ ᑎᐸᔨᒋᒐᓱᐛ ᐊ ‍ ᑕᔨᒋ ᑭᔭ ᑲ ‍ ᐎᔭᔨᑕᐧᒃ ᑕᓐ ᒐ ‍ ᐃᑎᓇᓄᐎᔨᒡ, ᒋᑭ ‍ ᐃᑲᑎᓯᓇᓇᐛᐤ ᒥᒋᐃᑐᐅᓐ ᐊᓐᑕ ᐊ ‍ ᐃᑕᔭᒄ
\v 13 ᐸᑕᒂᐛ ᐅᔭ ᑯᑎᑭᒡ ᐊᓐᒡ ᐃᔅᕋᐃᓪ ᐃᔪᒡ, ᒋᑭ ‍ ᓴᒋᓱᐅᒡ ᑭᔭ ᒐ ᐊᑎ ‍ ᓇᐃᑕᒡ ᐅᔭ ᑲ ᐃᓯ ‍ ᑎᐸᔅᑭᓂᒐᓄᐎᒡ ᐊᓐᑕ ᑲ ‍ ᐛᔅᑕᑭᓄᐎᒡ᙮”
\s1 ᑯᐃᔅᒄ ᒐᒋ ᐃᑕᑎᓯᑦ ᒋᓴᐅᒋᒪᐤ
\p
\v 14 “ᐃᔅᕋᐃᓪ ᐃᔪᒡ, ᒋ ᑲᔅᑎᓂᒪᒂ ᐊᓐ ᐊᔅᒋᔾ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒪᔨᑕᒄ ᑭᔭ ᐎᒋᔭᒂ ᐊᓐᑕ, ᒋᑭ ‍ ᐃᔅᒋᔄᓇᐛᐤ, ‘ᒋᐸ ‍ ᑭᓄᐛᔨᒪᓄᐤ ᒋᓴᐅᒋᒪᐤ ᒐᒋ ᑎᐸᔨᒥᑕᐧᒄ, ᒧᔭᒻ ᐊᓐᒡ ᑯᑎᑭᒡ ᑲ ‍ ᐃᑎᔅᑲᓇᓯᒡ ᐛᔅᑲ ᐊ ‍ ᑕᐛᐧᒄ᙮’
\v 15 ᒋᑭ ‍ ᓇᐊᔨᒥᑯᐛᐤ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒐᒋ ᐅᒋᓴᐅᒋᒪᒥᔭᒄ ᒥᒄ ᒐ ‍ ᐅᑎᓇᒃ ᐊᐛᓐ ᐊᓂᔭᔪᐛ ᑲ ‍ ᐎᔭᔨᒪᑦ, ᒋᑭ ᐎ ‍ ᐃᔅᕋᐃᓪ ᐃᔪᐅ ᐊᓐ ᓇᐸᐤ᙮ ᒐ ᐊᑲ ᐎ ‍ ᐅᑎᓇᒄ ᐊᐛᓐ ᐊ ‍ ᒪᓐᑕᐅᑦ ᒐᒋ ᐅᒋᓴᐅᒋᒪᒥᔭᒄ᙮
\v 16 ᒋᓴᐅᒋᒪᐤ ᓇᒪ ᒋᐸ ᐎ ᒥᔅᑎ ‍ ᑭᓄᐛᔨᒪᐤ ᐊᓂᔭ ᑲᐸᐃᑭᔎᐛ, ᒪᓱᐎ ᐊᑲ ‍ ᐅᒋᐱᔨᒡ ᐊᓐᑕ ᐃᒋᑉᑎᒡ᙮ ᑎᐸᔨᒋᒐᓱᐤ ᒋ ‍ ᐃᔅᒋᔄᐤ, ‘ᒐ ᐊᑲ ᓂᑕ ᒥᓐ ‍ ᐃᑐᑕᔭᒄ ᐊᓐᑕ ᐃᒋᑉᑎᒡ ᓂᑎᒥᒄ ᒐᒂᓐ ᐅᒋ᙮’
\v 17 ᑭᔭ ᐊᓐ ᒋᓴᐅᒋᒪᐤ ᓇᒪ ᒋᑭ ‍ ᒥᒐᑐᐛᐅᐤ ᐎᐛ, ᒐᔅᑎᓇᔅ ᒋᐸ ᑯᒂᒋᐃᑯᐤ ᒐ ᐊᑲ ‍ ᑕᑈᐅᒐᔨᒪᑦ ᑎᐸᔨᒋᒐᓱᐛ᙮ ᑭᔭ ᓇᒪ ᒋᑭ ‍ ᑯᒋᐱᔨᑕᐤ ᒐᒋ ᒥᔅᑎ ᑲᔅᑎᓇᐧᒃ ᐎᔄᐅᓱᓇᔭᐤ ᑭᔭ ᓱᓇᔭᐱᔅᑯᔪᐤ᙮
\p
\v 18 ᒋᒋᐛ ᒥᓯᓇᐃᑭᓐ ᐊᓂᔭ ᒋᓴᒪᓂᑐᐤ ᐅᐎᓱᐛᐅᓇ ᓕᐸᐃ ᐃᔪᒡ ᒋᑭ ‍ ᑭᓄᐛᔨᑎᒧᒡ᙮ ᐊᑯ, ᐎᐱᒡ ᒋᓴᐅᒋᒪᐅᒐ ᐊᐛᓐ, ᒋᑭ ᐎ ‍ ᓂᑐᐛᐱᒪᐤ ᐊᔭᒥᐊᐅᒋᒪᐛ ᑭᔭ ᒋᑭ ᐎ ‍ ᑕᐱᔅᑕᐤ ᐊᓂᔭ ᐎᓱᐛᐅᓇ ᒪᒂᒡ ᐊ ‍ ᑭᓄᐛᐱᒥᑯᑦ᙮
\v 19 ᐊᓯᑯᒻ ᒋᓯᑲᐛ ᐊᓂᔭ ᒋᑭ ᐎ ‍ ᐃᔨᒥᑕᐤ ᒋᓴᐅᒋᒪᐤ ᒐ ‍ ᐃᔅᐱᔅ ‍ ᐃᔪᐅᑦ ᑭᔭ ᒋᑭ ᐎ ‍ ᓂᓇᐃᑎᒻ ᐅᔭ ᐎᓱᐛᐅᓇ, ᐊᑯ ᒐᒋ ᒋᔅᒐᔨᑕᐧᒃ ᒐ ᐎ ‍ ᐊᔭᒥᐊᔅᑐᐛᑦ ᐊ ‍ ᓇᓂᒋᔅᑐᐛᑦ ᑎᐸᔨᒋᒐᓱᐛ᙮
\v 20 ᑭᔭ ᒐ ᐊᑲ ‍ ᒥᔅᑎ ‍ ᐃᑕᔨᒥᓱᑦ ᐃᔅᐱᔅ ᑯᑎᑲ ᐊᐛᔪᐛ᙮ ᒥᓯᐛ ᓇᓴᐊᒐ ᑎᐸᔨᒋᒐᓱᐛ ᐅᐎᓱᐛᐅᓂᔨᐛ, ᐎᔾ ᑭᔭ ᐅᑦ ᐊᓂᔅᑯᑕᐸᓇ ᒥᒐᑦ ᐊᐳᓇ ᒋᑭ ‍ ᑎᐸᔨᒋᒐᐅᒡ᙮”
\c 18
\s1 ᐊᔭᒥᐊᐅᒋᒪᐅᒡ ᑭᔭ ᓕᐸᐃ ᐃᔪᒡ ᐅᐱᔅᑎᓂᒐᐅᓄᐛᐤ
\p
\v 1 “ᐊᔭᒥᐊᐅᒋᒪᐅᒡ, ᐊᓐᒡ ᑲ ‍ ᐅᒋᒡ ᓕᐸᐃ ᐃᔪᐛ ᐊ ‍ ᐃᑎᔅᑲᓇᓯᔨᒋ, ᓇᒪ ᒋᑭ ‍ ᑲᔅᑎᓂᒧᒡ ᐊᔅᒋᔪᐤ᙮ ᒥᔅᑯᒡ, ᐱᔅᒐ ᒥᑐᔅᑕᐊᒪᒐᐅᓂᔪᐤ ᒋᑭ ‍ ᒥᔭᑭᓄᐎᒡ ᑯᑎᑲ ᐃᔪᐛ ᑲ ‍ ᐱᔅᑎᓂᒥᔨᒋ ᒐᒋ ᒥᑐᔅᑕᐊᒧᐛᑭᓄᐎᔨᒋ ᑎᐸᔨᒋᒐᓱᐛ ᑭᔭ ᑯᑎᑲ ᒥᑐᔅᑕᐊᒪᒐᐅᓇ ᐸᔅᑎᓂᒧᐛᑭᓂᐎᔨᒋ ᑎᐸᔨᒋᒐᓱᐛ,
\v 2 ᓇᒪ ᒋᑭ ‍ ᒥᔭᑭᓄᐎᒡ ᐊᔅᒋᔪᐤ ᒧᔭᒻ ᒐ ᐃᓯ ‍ ᒥᔭᑭᓄᐎᔨᒋ ᑯᑎᑲ ᐊ ‍ ᐃᑎᔅᑲᓇᓯᔨᒋ᙮ ᐊᑐᔅᒐᐅᓂᔪᐤ ᒋᑭ ‍ ᒥᔭᑭᓄᐎᒡ ᐊ ‍ ᐅᑦ ᐊᔭᒥᐊᐅᒋᒪᒥᑕᑯᒡ ᑎᐸᔨᒋᒐᓱᐛ, ᐊᐅᑯᔪᐤ ᐊᓂᔭ ᑲ ‍ ᐃᔅᒋᔄᑦ ᒋᐸ ‍ ᐃᔭᔪᐛ᙮
\p
\v 3 ᐃᔅᐱ ᐱᔭᓱᐛᑥᐎ ᐃᔪᒡ ᓇᐸ ᒥᔅᑐᓴ ᑭᔭ ᒪᒃ ᒪᔭᑕᓂᓴ ᒐᒋ ᒥᑐᔅᑕᐊᒪᒐᒡ, ᐊᔭᒥᐊᐅᒋᒪᐛ ᒋᑭ ᐎ ‍ ᒥᔭᐅᒡ ᐊᐛᓯᓴ ᐅᓯᒋᓂᔪᐤ, ᑭᔭ ᐅᑕᐱᔅᒋᑭᓂᔪᐤ, ᑭᔭ ᐅᔅᑭᑕᔪᐤ᙮
\v 4 ᐃᔭᐱᒡ ᐊᓂᔭ ᐅᔅᑭᒡ ᒐ ‍ ᒪᒧᓴᒋᓂᒺᒄ ᒋ ‍ ᐸᒂᓯᑭᓂᒧᐛᐛ ᑭᔭ ᐱᔅᒐ ᐊᓂᔭ ᐅᔅᑭᒡ ᓱᒥᓇᐛᐳᔪᐤ ᑲ ‍ ᐅᓯᑕᐛᒄ ᑭᔭ ᐊᓕᑉ ᐱᒥᔭ ᒋᑭ ‍ ᒥᔭᐛᐅᒡ᙮ ᑭᔭ ᐊᓂᔭ ᐅᔅᑭᒡ ᑲ ‍ ᐱᔅᑯᓱᒺᒄ ᒪᔭᑕᓂᓴ ᐅᐱᔪᐎᔨᐛ᙮
\v 5 ᒋᑭ ᐎ ‍ ᑐᑕᓇᐛᐤ ᐅ ᐛᔅ ᑎᐸᔨᒋᒐᓱᐤ ᓕᐸᐃᔨᒋ ᐅᑦ ᐊᓂᔅᑯᑕᐸᓂᔨᐛ ᒋ ‍ ᐎᔭᔨᒪᐤ ᒥᓯᐛ ᒋᑦ ᐊᓂᔅᑯᑕᐸᓄᐛᐛ ᐅᒋ, ᓇᓂᑎᒻ ᐊᓐᒡ ᐊ ‍ ᐃᑎᔅᑲᓇᓯᒡ ᐊᔭᒥᐊᐅᒋᒪᐅᒡ ᓇᐸᐅᒡ ᒐᒋ ᐊᑐᔅᑯᐛᒡ᙮
\p
\v 6 ᒥᒄ ᐊᓯᓇᑯᔅᑦ ᓇᐸᐤ ᐊᓐᑕ ᓕᐸᐃ ᐃᔪᒡ ᐅᑦ ᐊᓂᔅᑯᑕᐸᓄᐛᐛ ᐅᒋ ᑲᒋ ‍ ᐎᒋᑦ ᐊᓐᑕ ᐸᐃᒄ ᐅᑕᓇᐛ ᐊᓐᑕ ᐃᔅᕋᐃᓕᒡ ᐎᔅᑐᑕᒐ ᐊᓐᑕ ᐅᒋ ᒐᒋ ᐃᑐᑕᑦ ᐊᓐᑕ ᐃᑕᐅᓂᔪᐤ ᑎᐸᔨᒋᒐᓱᐛ ᑲ ‍ ᐎᔭᔨᑎᒥᔨᒋ ᒐᒋ ᐊᔭᒥᐊᔅᑐᐛᑭᓂᔨᒋ ᑭᔭ ᐎᒋᒐ ᐊᓐᑕ,
\v 7 ᒋᑭ ‍ ᓇᐊᔨᒪᑭᓄᐅᐤ ᒐᒋ ᐊᑐᔅᑯᐛᑦ ᑎᐸᔨᒋᒐᓱᐛ ᐊᔭᒥᐊᐅᒋᒪᐅᑦ, ᒧᔭᒻ ᑲ ‍ ᐃᑎᒡ ᑯᑎᑭᒡ ᓇᐸᐅᒡ ᓕᐸᐃ ᐃᔪᒡ ᐊ ‍ ᐃᑎᔅᑲᓇᓯᒡ ᐅᒋ ᑲ ‍ ᐊᑐᔅᒐᒡ ᐊᓐᑕ᙮
\v 8 ᒋᑭ ᐎ ‍ ᒥᔭᑭᓄᐤ ᐸᐃᑯᑕᐤ ᑲ ‍ ᐃᔅᐱᔅ ᑲᔅᑎᓂᒥᔨᒋ ᒥᒋᒥᔪᐤ ᑯᑎᑲ ᐊᔭᒥᐊᐅᒋᒪᐛᐤ᙮ ᒋᑭ ‍ ᓇᐊᔨᒪᑭᓄᐅᐤ ᒐᒋ ᑭᓄᐛᔨᑕᐧᒄ ᓱᓇᔭᔪᐤ ᑲ ‍ ᒥᔨᑯᑦ ᐎᐧᑲᓂᓴ ᑲ ‍ ᐊᑕᐛᒐᔨᒋ ᐅᑎᐸᔨᑎᒧᐅᓂᔨᐛ᙮
\s1 ᐊᔭᒂᒧᐛᐅᓐ ᐊ ‍ ᐅᓂᑎᓇᓄᐅᒡ
\p
\v 9 ᐃᔅᐱ ᐃᑐᑕᔭᒂ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒪᔨᑕᒄ, ᒐ ᐊᑲ ᐎ ‍ ᒋᔅᒋᓄᐛᐱᒪᑯᒡ ᐛᓴ ᓂᑎᒥᒄ ᐊ ‍ ᐃᔨᑎᒡ ᐊᓐᒡ ᐊ ‍ ᐃᑎᔅᑲᓇᓯᒡ ᐃᔪᒡ ᐊᓐᑕ ᐊᓄᒡ ᐛᒋᒡ᙮
\v 10 ᒐ ᐊᑲ ‍ ᒥᑐᔅᑕᐊᒪᒐᔭᒄ ᒋᑦ ᐊᐛᓯᒧᐛᐅᒡ ᐊ ‍ ᐃᔎᓱᐛᑯᒡ ᐊᓐᑕ ᐱᔅᑎᓂᒐᐅᓇᐱᔅᑯᒡ᙮ ᒐ ᐊᑲ ‍ ᑯᒋᑕᔭᒃ ᒐᒋ ᒥᑕᐅ-ᐃᑎᔭᒄ ᒐᒋ ᐎᑎᒪᒄ ᑕᓐ ᒐ ‍ ᐃᔅᐱᔨᒡ ᐊᓐᑕ ᓂᑲᓄᒡ᙮ ᒐ ᐊᑲ ‍ ᐊᐱᒋᑕᔭᒄ ᒥᓂᑐᓯᐅᓐ ᒐᒋ ᐎᑎᒪᒄ ᑕᓐ ᒐ ‍ ᐃᔅᐱᔨᒡ ᐊᓐᑕ ᓂᑲᓄᒡ᙮ ᒐ ᐊᑲ ‍ ᒥᓂᑐᓯᐧᑲᑐᐛᑯᒡ ᑯᑎᑭᒡ ᐊᐛᓐᒋ ᐊ ‍ ᐃᑕᑯᒡ ᒐ ‍ ᒥᒋᐱᔨᒡ᙮
\v 11 ᒐ ᐊᑲ ‍ ᑯᒋᑕᔭᒄ ᒐᒋ ᐃᔨᒪᑯᒡ ᑲ ‍ ᓂᐱᒡ ᐊᐛᓐᒋ᙮ ᒐ ᐊᑲ ‍ ᓄᒋᐧᑭᒪᒄ ᒥᓂᑐᓯᐅᓐ᙮
\v 12 ᓇᒪ ᒥᔽᔨᒪᐤ ᑎᐸᔨᒋᒐᓱᐤ ᐊᐛᔪᐛ ᐅᔭ ᐊ ‍ ᐃᑐᑎᒥᔨᒋ ᐊ ‍ ᒥᒋᓂᔨᒋ ᒐᒂᔪᐛ, ᑭᔭ ᒪᒂᒡ ᒐ ᐊᑎ ‍ ᓴᐳᑐᐛᔅᑭᒪᒄ ᐊᓐ ᐊᔅᒋᔾ, ᒋᑭ ‍ ᐃᑲᑎᓴᐛᐤ ᐊᓂᔭ ᑲ ‍ ᐃᑎᔅᑲᓇᓯᔨᒋ ᐊᐛᔪᐛ ᐛᔅ ᐊ ‍ ᐃᑐᑎᒥᔨᒋ ᐊ ‍ ᒥᒋᓂᔨᒋ ᒐᒂᔪᐛ᙮
\v 13 ᒥᒄ ‍ ᒐ ᐊᑲ ᐎ ‍ ᑐᑎᒪᒄ ᐅᔭ ᐊ ‍ ᒥᒋᓂᔨᒋ ᒐᒂᔪᐛ᙮
\s1 ᐅᒋᔅᒋᐛᐃᒐᓱᐤ
\p
\v 14 ᒋᑭ ‍ ᐃᑐᑕᓇᐛᐤ ᑭᔭ ᒋᑭ ‍ ᐅᑎᓂᒺᓇᐛᐤ ᐅᑦ ᐊᔅᒋᐛᐤ ᐊᓐᒡ ᑲ ‍ ᐃᑎᔅᑲᓇᓯᒡ ᐃᔪᒡ ‍ ᓄᒋᐧᑲᒡ ᒥᓂᑐᓯᐅᓂᔪᐤ ᑭᔭ ᒥᑕᐅᓂᔪᐤ, ᒥᒄ ᓇᒪ ᒋ ‍ ᑕᑈᑕᑯᐛᐤ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒐᒋ ᐃᑐᑎᒺᒄ ᐅᔭ ᒐᒂᔪᐛ᙮
\s2 Deuteronomy 18.15-20 (Epiphany-4 Year B)
\p
\v 15 ᐅᑎᐸᔨᒋᒐᐤ ᒋᒋᓴᒪᓂᑐᒥᓄᐤ ᒋᑭ ‍ ᐃᑎᓴᐊᒪᑯᐛᐤ ᒐ ‍ ᐅᒋᔅᒋᐛᐃᒐᓱᔨᒋ ᐊᐛᔪᐛ ᒋᐧᑲᓂᓱᐛᐛ ᐅᒋ, ᒧᔭᒻ ᓂᔾ ᑲ ᐃᓯ ᐸᒋ ‍ ᐃᑎᓴᐅᑦ, ᒋᑭ ᐎ ‍ ᓂᑐᑐᐛᐛᐤ᙮
\v 16 ᐛᔅ ᐊᐅᑯᔪᐤ ᐅᔭ ᑲ ᐃᓯ ‍ ᓂᑐᐛᔨᑎᒧᐛᒄ ᒋᒋᓴᒪᓂᑐᒧᐛᐤ ᐊᓂᔭ ᒋᓯᑯᔪᐤ ᐃᔅᐱ ᑲ ‍ ᒪᒧᐎᓇᓄᐎᒡ ᐊᓐᑕ ᓴᐃᓇᐃ ᐱᔅᑯᑎᓇᒡ ᑲ ‍ ᐃᑕᒄ, ‘ᓇᒪ ᒥᓐ ᓂ ᐎ ‍ ᐸᑎᒺᓇᓐ ᐅᑎᐸᔨᒋᒐᐤ ᓂᒋᓴᒪᓂᑐᒥᓇᓐ ᐅᐸᑕᑯᓱᐅᓐ ᑭᔭ ᒪᒃ ᒐᒋ ᐛᐸᑎᒪᒡ ᐅ ᑲ ‍ ᐊᒂᑕᔨᑕᒂᒡ ᐃᔅᑯᑕᐤ, ᐃᔅᐱᔨᒐ ᒪᒃ ᐅ, ᓂᑭ ‍ ᓂᐱᓇᓐ᙮’
\p
\v 17 ᐅᑎᐸᔨᒋᒐᐤ ᓂᒋ ‍ ᐃᑎᒄ, ‘ᒥᔽᔪᐤ ᐊᓂᔭ ᒐᒂᔪᐤ ᑲ ‍ ᐃᔅᒋᔄᒡ᙮
\v 18 ᓂᑭ ‍ ᐃᑎᓴᒧᐛᐅᒡ ᐅᒋᔅᒋᐛᐃᒐᓱᐛ ᐎᐧᑲᓂᓱᐛᐛ ᐅᒋ, ᒧᔭᒻ ᒋᔾ ᑲ ᐃᓯ ‍ ᐃᑎᓴᐅᑕᓐ, ᓂᑭ ‍ ᐎᑎᒧᐛᐤ ᐅᒋᔅᒋᐛᐃᒐᓱᐤ ᒐ ‍ ᐃᔅᒋᔄᑦ ᐊᑯ ᑭᔭ ᒐ ‍ ᐛᐎᑎᒧᐛᑦ ᐃᔪᐛ ᒥᓯᐛ ᐊᑎᓱᐛᐅᒡ᙮
\v 19 ᓂᑭ ‍ ᐊᓏᔨᒪᐤ ᒥᒄ ᐊᓐ ᐊᐛᓐ ᐊᑲ ᐎ ᑕᑈᑕᒐ ᐊᔨᒥᔅᑎᒧᔨᒋ ᐊᓂᔭ ᐅᒋᔅᒋᐛᐃᒐᓱᐛ᙮
\v 20 ᒥᒄ ᐊᓐ ᑯᑎᒃ ᐊᐛᓐ ᐊ ‍ ᐅᒋᔅᒋᐛᐃᒐᓱᐅᑦ ᐊ ‍ ᐃᑕᔨᑕᐧᒃ ᐊᐱᒧᑕᑦ ᓂᑦ ᐃᔨᒧᐅᓂᔪᐤ ᐊᑲ ᒪᒃ ᐃᑎᓱᒥᒃ, ᑭᔭ ᒪᒃ, ᑯᑎᑲ ᒥᓂᑐᐛ ᐊᐱᒧᑕᐛᑦ ᐅᑦ ᐃᔨᒧᐅᓂᔪᐤ, ᓂᐳᐅᓂᒡ ᒋᑭ ᐃᓯ ‍ ᐱᔅᑎᓇᑭᓄᐤ᙮’
\p
\v 21 ᑯᒂᒋᒥᑎᓱᔭᒂ ᒪᒃ, ‘ᑕᓐᑕ ᓂᐸ ‍ ᐅᒋ ‍ ᒋᔅᒐᔨᑕᓇᓐ ᐊᓐ ᐃᔨᒧᐅᓐ ᐛᑎᒧᐎᔨᒥᑦ ᒋᒋᐛ ᐛᒋᐱᔨᒂ ᑎᐸᔨᒋᒐᓱᐛ ᐅᒋ?’
\v 22 ᐊᐅᑯᐤ ᓂᔎᐛᓯᐛᐅᓐ, ᐃᔅᐱ ᐛᐎᑕᒐ ᑕᓐ ᒐ ‍ ᐃᓱᐃᔨᒡ ᐊᓐᑕ ᓂᑲᓄᒡ, ᐃᔅᒋᔄᒐ ᒪᒃ ᑲᒋ ‍ ᐎᑎᒪᑯᑦ ᑎᐸᔨᒋᒐᓱᐛ, ᐃᔅᐱ ᒪᒃ ᐊ ᐊᑲ ‍ ᐃᔅᐱᔨᒐ ᐊᓂᔭ ᑲ ‍ ᐃᔅᒋᔄᑦ, ᒋᑭ ‍ ᒋᔅᒐᔨᑕᓇᐛᐤ ᐊᑲ ᐅᒋᐱᔨᒡ ᐊᓐ ᐃᔨᒧᐅᓐ ᑎᐸᔨᒋᒐᓱᐤ ᐅᒋ᙮ ᒋᒋ ‍ ᐎᔭᓯᒥᑯᐛᐤ ᐊᓐ ᐊᐛᓐ ᑲ ᐃᔅᒋᔄᑦ ᑎᐸᔨᒋᒐᓱᐛ ᐊᒋ ‍ ᐎᑎᒪᑯᑦ ᒐᒂᔪᐤ᙮ ᐊᑯ ᒐ ᐊᑲ ‍ ᑯᔅᑎᒺᒄ ᒥᒄ ᒐᒂᔪᐤ ᐊ ‍ ᐃᔅᒋᔄᑦ᙮”
\c 19
\s1 ᐅᑕᓇᐛ ᐊᓐᑕ ᒐ ᒥᔪ ‍ ᑭᓄᐛᔨᒪᑭᓄᐅᑦ ᐊᐛᓐ
\p
\v 1 “ᒋ ‍ ᓂᓱᐅᓇᒋᐊᒐ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᓐᑦ ᐊᔅᒋᒡ ᐅᒋ ᒪᔨᑕᒄ ᑭᔭ ᒋ ‍ ᐃᑲᑎᓴᐛᒂᓐᒋ ᐊᓐᑕ ᐅᑕᓇᐛ ᐅᒋ ᑭᔭ ᐎᒋᐛᒂ ᐊᓐᑕ ᐎᒋᐛᐛᒡ,
\v 2-3 ᓂᔅᑐᐎᒡ ᒋᑭ ᐎ ᐃᓯ ‍ ᑕᑕᐅᓇᓇᐛᐤ ᐊᓂᔭ ᒐ ‍ ᒥᔨᑕᒄ᙮ ᐊᑯ ᒐ ‍ ᐎᔭᑎᒪᒄ ᐅᑕᓇᐤ ᐊᓐᑕ ᐸᐸᐃᒄ᙮ ᒋᑭ ᐎ ‍ ᒥᔪ ‍ ᐅᓯᑕᓇᐛᐤ ᒪᔅᑭᓇᐛ ᒐᒋ ᐅᒋ ᐛᒋᐅᒡ ᐃᔪᒡ ᒐᒋ ᐃᑐᑕᒡ ᐊᓐᑕ ᐅᑕᓇᐛ᙮ ᐊᓐ ᐊᐛᓐ ᓂᐸᐊᒐ ᐊᐛᔪᐛ, ᒋᑭ ‍ ᒋ ‍ ᐃᑎᓯᒧᐤ ᐊᓐᑕ ᐅᑕᓇᐛ ᒐᒋ ᒥᔪ ‍ ᑭᓄᐛᔨᒪᑭᓄᐅᑦ᙮
\v 4 ᐊᐅᑯᐤ ᐃᑎᓱᐛᐅᓐ ᐊᐛᓐ ᑲ ‍ ᓂᐸᐊᑦ ᐊᐛᔪᐛ᙮ ᐊᐛᓐ ᐊ ᐊᑲ ᐅᔅᑦ ‍ ᓂᐸᐊᒐ ᐊᐛᔪᐛ ᐊ ᐊᑲ ᐅᒋ ‍ ᐱᒂᑎᑯᑦ, ᒋᑭ ‍ ᒋ ‍ ᐃᑎᓯᒧᐤ ᐊᓐᑕ ᐸᐃᒄ ᐅᑕᓇᐛ ᐊᓐᑕ ᒐᒋ ᒥᔪ ‍ ᑭᓄᐛᔨᒪᑭᓄᐅᑦ᙮
\p
\v 5 ᐃᔅᒋᔄᑕᐤ, ᓂᓱᐤ ᓇᐸᐅᒡ ᒥᓇᔎᒡ ᐃᑐᑕᐅᒡ ᒐᒋ ᓂᑯᑕᒡ, ᐊᑯ ᐸᐃᒄ ᐊᓐ ᒪᓂᐱᔨᒡ ᐅᑦ ᐊᑭᑕᔅᒃ ᐊᑭᑕᔎᔅᑯᒡ ᐅᒋ ᒪᒂᒡ ᐎᒐᐛᑭᓇ ᐅᑎ ‍ ᐅᑕᒥᑲᔨᔅᒐᔨ ᑭᔭ ᑭᔭᔅᑕᑯᔨᒋ ᐅᑦ ᐊᑭᑕᔅᒃ ᑭᔭ ᒂ ‍ ᓂᐸᐃᑯᔨᒋ, ᒋᑭ ‍ ᓇᐊᔨᒪᑭᓄᐤ ᐊᓐ ᓇᐸᐤ ᑲ ‍ ᐊᐱᒋᑕᑦ ᐊᓂᔭ ᐊᑭᑕᔅᑯᔪᐤ ᒐᒋ ᐃᑎᓯᒧᑦ ᐊᓐᑕ ᐸᐃᒄ ᐅᑕᓇᐛ ᑭᔭ ᐱᒪᑎᓯᐅᑦ ᐊᓐᑕ, ᐛᔅ ᒋᑭ ᒥᔪ ‍ ᑭᓄᐛᔨᒥᑯᐤ ᐃᔪᐛ ᐊᓐᑕ ᐅᑕᓇᒡ ᐅᒋ᙮
\v 6 ᐛᔅ ᓇᒪ ᐅᔅᑦ ᐅᒋ ‍ ᓂᐸᐊᐤ, ᑭᔭ ᓇᒪ ᐅᒋ ᐱᒂᑎᑯᐤ, ᒋᑭ ᒋ ‍ ᐃᑎᓯᒧᐤ ᐊᓐᑕ ᐸᐃᒄ ᐅᑕᓇᐛ᙮ ᐸᐃᑯᓯᔨᑕᒂ ᐅᑕᓇᔪᐤ, ᐛᔪᐤ ᒋᐸ ‍ ᒋ ‍ ᑎᑯᓂᔨᐱᓐ ᐊᓐᑕ ᐅᑕᓇᒡ ᐃᔅ᙮ ᐊᑯ ᐊᓐ ᓇᐸᐤ ᑲ ‍ ᓂᐸᐊᑭᓄᔨᒋ ᐎᐧᑲᓂᓴ, ᐊᓐ ᒋᐸ ‍ ᑎᐸᒧᐛᐤ ᒋᒋᐛ ᒋᔄᐳᐤ, ᒋᐸ ᒋ ‍ ᑲᔅᑎᓇᐤ ᐊᓂᔭ ᑯᑎᑲ ᓇᐸᐛ ᐊᒺᔭ ᑎᑯᓯᐸᑕᔨᒋ ᐊᓐᑕ ᐅᑕᓇᔪᐤ᙮
\v 7 ᒐ ᐊᑲ ᒋ ‍ ᐃᔅᐱᔨᒡ ᐅ, ᒐ ‍ ᐎᔭᔨᑎᒪᒄ ᓂᔅᑐ ᐅᑕᓇᐛ, ᓂᒪᔭᐤ ᒥᒄ ᐸᐃᒄ, ᒐᒋ ᐃᑐᑕᑦ ᐊᓐ ᐊᐛᓐ ᐊᓐᑕ ᐸᐃᒄ ᐊᓂᔭ ᐅᑕᓇᔭᐤ᙮
\p
\v 8-9 ᐃᔅᕋᐃᓪ ᐃᔪᒡ, ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋ ‍ ᐊᓱᑎᒪᒐᐤ ᓇᐊᔨᑎᒧᐛᒂ ᐅᐎᓱᐛᐅᓇ ᑭᔭ ᐅᒋᔅᑯᑎᒪᒐᐅᓇ ᐊᓄᒡ ᒪᔨᑎᑯᒡ ᑭᔭ ᓇᓐᑎᒻ ᓴᒋᐊᒂ, ᐊᑯ ᒐ ‍ ᒥᔨᑕᒄ ᐊᓂᔭ ᐊᔅᒋᔪᐤ ᑲ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓂᐛᐛ᙮ ᐊᑯ ᐃᔅᐱᔨᒐ ᐅ, ᒋᑭ ᐎ ‍ ᐅᑎᓇᓇᐛᐤ ᒥᓐ ᓂᔅᑐ ᒐ ‍ ᔭᔨᑕᔨᑕᒂᒋ ᐅᑕᓇᐛ ᐊᓐᑕ ᐅᔅᒡ ᐊᔅᒋᒡ᙮
\v 10 ᐊᐅᑯᐤ ᒐ ‍ ᐃᑐᑎᒪᒄ, ᐊᓐᒡ ᐊᐛᓐᒋ ᑲ ‍ ᓂᐸᐊᒡ ᐊᐛᔪᐛ ᐊ ᐊᑲ ᐅᔅᑦ ᐎ ‍ ᑐᑐᐛᒡ ᒐ ᐊᑲ ‍ ᓂᐱᒡ ᑭᔭ ᓇᒪ ᒋᑭ ‍ ᐊᑕᒪᔨᑕᑯᓯᓇᐛᐤ ᓇᐊᔨᑎᒪᒂ ᒐᒋ ᓂᐸᐊᑭᓄᐅᒡ ᐊᓐᒡ ᐊᐛᓐᒋ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒪᔨᑕᒄ᙮
\p
\v 11 ᒥᒄ ᐛᐧᑲᑕᒐ ᐊᐛᓐ ᑲ ‍ ᐱᒂᑎᑯᑦ ᐊᐛᔪᐛ ᑭᔭ ᒂ ‍ ᑲᓱᑦ ᑭᔭ ᒂ ‍ ᐊᓱᐛᐱᒪᑦ ᐊᓂᔭ ᐊᐛᔪᐛ ᒐᒋ ᐸᑐᑕᔨᒋ ᒪᔅᑭᓇᒡ᙮ ᐊᑯ ᐃᔅᐱ ᐱᒧᑕᔨᒐᓂ ᓯᓯᑯᒡ ᒂ ‍ ᒋᒋᓇᑦ ᑭᔭ ᒂ ‍ ᓂᐸᐊᑦ᙮ ᐃᔅᐱ ᐃᑎᓱᒧᒐ ᐊᓐ ᑲ ‍ ᓂᐸᔪᐛᑦ ᐊᓐᑕ ᐸᐃᒄ ᐅᑕᓇᐛ ᒐᒋ ᑭᓄᐛᔨᒪᑭᓄᐅᑦ ᐊᓐᑕ,
\v 12 ᐊᑯ ᒋᓴᐃᔪᒡ ᐊᓐᑕ ᐅᑕᓇᔪᐤ ᐅᒋ ᐊᓐᑕ ᑲ ‍ ᐎᒋᔨᒋ ᐊᓂᔭ ᑲ ‍ ᓂᐸᐊᑭᓄᔨᒋ ᐊᐛᔪᐛ ᓇᒪ ᒋᑭ ‍ ᒋᔅᐸᐛᑕᐅᒡ ᐊᓂᔭ ᑲ ‍ ᒋᒋᓇᔨᒋ ᓇᐸᐛ᙮ ᒋᑭ ᐎ ‍ ᐃᑎᓴᐛᐅᒡ ᐊᐛᔪᐛ ᐊᓐᑕ ᐅᑕᓇᒡ ᐊᓐᑕ ᑲ ‍ ᐃᑎᓯᒧᔨᒋ ᓇᐸᐛ, ᑭᔭ ᒐ ‍ ᐸᓱᐛᔨᒋ ᐊᓐᑕ ᐎᐧᑲᓂᓯᔨᐛ ᒐ ‍ ᑎᐸᒧᐛᔨᒋ, ᐊᑯ ᒐᓂᐸᐊᔨᒋ ᐊᓂᔭ ᓇᐸᐛ᙮
\v 13 ᒐ ᐊᑲ ‍ ᒋᔅᑎᒪᒐᔨᒪᑯᒡ ᐊᓐᒡ ᐊᐛᓐᒋ ᑲ ‍ ᓂᐸᐊᒡ ᑯᑎᑲ ᐊᐛᔪᐛ ! ᒥᔅᑯᒡ ᒋᑭ ᒋ ‍ ᓂᐸᐛᐅᒡ, ᒐᒋ ᐊ ᐊᑲ ‍ ᓂᐸᐊᒡ ᐃᔅᕋᐃᓪ ᐃᔪᒡ ᐊᐛᔪᐛ ᐊᓐᑕ ᐊᔅᒋᒡ ᐊ ᐊᑲ ‍ ᐊᑕᒪᔨᑕᑯᓯᔨᒋ, ᑭᔭ ᒐᒋ ᐅᒋ ᒥᓯᐛ ᐃᓯ ‍ ᒥᔪᐱᔨᔭᒄ᙮
\s1 ᐊᐱᒥᓯᓇᑕᒡ ᐊᔅᒋᔾ
\p
\v 14 ᐃᔅᐱ ᐎᒋᔭᒂ ᐊᓐᑕ ᐊᔅᒋᒡ ᒪᔨᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᒐ ᐊᑲ ‍ ᐊᑎᔅᑕᔭᒄ ᒋᔅᒋᓄᐛᒋᑕᑭᓇ ᒪᓯᓇᑕᔨᒡ ᒋᒋ ‍ ᐃᔪᐤ ᐅᑎᐸᔨᑎᒧᐅᓂᒡ ᐎᐱᒡ ᐊᓐᑕ ᑲᔅᑕᑭᓄᐎᔨᒋ᙮
\s1 ᑲ ‍ ᐛᐸᒐᒡ
\p
\v 15 ᐊ ‍ ᑕᒪᔨᒪᑯᓄᐅᒐ ᐊᐛᓐ ᐊᒋ ‍ ᒥᒋᑐᑕᐧᒃ, ᓇᒪ ᒋᑭ ᒋ ‍ ᐃᔅᐱᔪᐤ ᐸᐃᒄ ᐊᐛᓐ ᐃᔅᒋᔄᒐ, ‘ᓂᒋ ‍ ᐛᐱᒪᐤ ᐊᒋ ‍ ᑐᑕᐧᒃ,’ ᐛᒧᒡ ᓂᓱ ᐊᐛᓐᒋ ᒋᑭ ᐎ ‍ ᑕᐅᒡ ᐊ ‍ ᐃᔅᒋᔄᒡ, ‘ᓂᒋ ‍ ᐛᐱᒪᓇᓐ ᐊᒋ ‍ ᑐᑕᐧᒃ᙮’ ᐸᐃᑯᓯᔨᒐᓂ ᒥᒄ ᐊᒋ ‍ ᐛᐸᒐᔨᒋ, ᓇᒪ ᒋᑭ ᐎ ‍ ᑕᑈᑐᐛᐤ ᑲᑎᐸᔅᑯᓂᒐᑦ ᐊ ‍ ᐃᔅᒋᔄᔨᒋ ᒐᒂᔪᐤ ᐊ ‍ ᑕᑈᒥᑭᓂᔨᒡ
\p
\v 16 ᐃᔅᐱ ᐎ ‍ ᒥᒋᑐᑐᐛᒐ ᐊᐛᓐ ᑯᑎᑲ ᐊᐛᔪᐛ ᐊ ‍ ᑭᑭᒋᔭᐤ ᑕᐸᔨᒪᑦ,
\v 17 ᐸᐃᑯᑕᐤ ᐊᓐᒡ ᐃᔪᒡ ᒋᑭ ‍ ᐃᑐᑕᐅᒡ ᐊᓐᑕ ᐊᔭᒥᐊᔨᒋ ᐃᔪᐛ, ᒐᒋ ᐃᔨᒪᐊᒡ ᐊᔭᒥᐊᐅᒋᒪᐛ ᑭᔭ ᑲᑎᐸᔅᑯᓂᒐᔨᒋ ᐊᓂᔭ ᒪᒂᒡ ᐊᑐᔅᒐᔨᒋ᙮
\p
\v 18 ᒋᑭ ᐎ ᒥᔪᐤ ᓂᑐ ‍ ᒋᔅᒐᔨᑎᒧᒡ ᑲᑎᔅᐸᑯᓂᒐᒡ ᒐᒋ ᒋᔅᒐᔨᑕᒡ ᐊᐛᔪᐛ ᑎᔭᑈᔨᒋ᙮ ᐃᔅᐱ ᒋᔅᒐᔨᑕᑥᐛ ᑲᑎᔅᐸᑯᓂᒐᒡ ᐸᐃᒄ ᐊᐛᔪᐛ ᐊ ‍ ᑭᑭᒋᔭᐤ ᑕᐸᔨᒪᔨᒋ ᑯᑎᑲ,
\v 19 ᐊᑯ ᐸᐃᑯᑕᐤ ᒋᑭ ᐃᓯ ‍ ᐊᓏᔨᒪᑭᓄᐤ ᐊᓐ ᐊᐛᓐ ᒋᐸ ‍ ᐃᓯ ‍ ᐊᓏᔨᒪᑭᓄᐎᐱᓂᐃ ᑯᑎᑲ ᐊᐛᔪᐛ ᐃᔅᐱ ᐎᔭᔨᑕᒐ ᑲᑎᐸᔅᑯᓂᒐᑦ ᑲ ‍ ᒥᒋᑐᑎᒥᔨᒂᓂᐃ᙮ ᒋᑭ ‍ ᓂᓱᐅᓇᒋᑕᓇᐛᐤ ᐅ ᐊ ᒥᒋ ‍ ᐃᑎᓇᓄᐅᒡ, ᐊᓏᔨᒪᑭᓄᐅᒡ ᐊᐛᓐᒋ᙮
\v 20 ᐛᔅ ᐊᓏᔨᒪᑭᓄᐅᑦ ᐊᐛᓐ, ᒥᓯᐛ ᐊᐛᓐᒋ ᒋᑭ ‍ ᐸᑎᒧᒡ ᑕᓐ ᑲ ‍ ᐃᔅᐱᔨᒡ ᑭᔭ ᒐ ‍ ᑯᔅᑕᒋᒡ, ᑭᔭ ᓇᒪ ᓴᔅ ᒥᓐ ᐊᓂᔭ ᒋᑭ ᐎ ᐃᓯ ‍ ᐃᑕᑎᓯᐅᒡ᙮
\v 21 ᓇᒪ ᒋᑭ ᐎ ‍ ᒋᔅᑎᒪᒐᔨᒪᐛᐅᒡ ᐊᐛᓐᒋ ᐊᓂᔭ ᑲ ‍ ᐃᓯ ‍ ᐊᓏᔨᒪᑭᓄᐅᒡ᙮ ᐊᐅᒄ ᐃᑎᓱᐛᐅᓐ ᒋᑭ ᐎ ‍ ᓂᐸᐊᑭᓄᐤ ᐊᐛᓐ ᑲ ‍ ᓂᐸᐊᑦ ᐊᐛᔪᐛ, ᐸᐃᒄ ᐊᓐ ᐊᐛᓐ ᒋᑭ ᐎ ‍ ᒥᓂᐱᑕᑭᓄᐎᔪᐤ ᐅᔅᒋᓯᒄ ᑲ ‍ ᒥᓂᐱᑎᒺᒂ ᑯᑎᑲ ᐊᐛᔪᐛ ᐅᔅᒋᓯᑯᔪᐛ ᑭᔭ ᒋᑭ ‍ ᒥᓇᐱᑕᐛᑭᓄᐤ ᑲ ‍ ᒥᓂᐱᑕᐛᒂ ᑯᑎᑲ ᐊᐛᔪᐛ; ᑭᔭ ᐎᔾ ᒋᑭ ‍ ᒋᒥᓴᑭᓄᐎᔪᐤ ᐅᑎᒋᔾ ᑲ ‍ ᒋᒥᓯᒺᒂ ᑯᑎᑲ ᐊᐛᔪᐛ ᐅᑎᒋᔪᐤ; ᑭᔭ ᐸᐃᒄ ᐅᓯᑦ ᒋᑭ ‍ ᒋᒥᓴᑭᓄᐎᔪᐤ ᑲ ‍ ᒋᒥᓯᒺᒂ ᑯᑎᑲ ᐊᐛᔪᐛ ᐅᓯᑎᔪᐤ᙮”
\c 20
\s1 ᐃᑎᓱᐛᐅᓇ ᐊ ‍ ᓂᑐᐱᔨᓇᓄᐅᒡ
\p
\v 1 “ᐃᔅᐱ ᓇᒋ ‍ ᓂᑐᐱᔨᑐᐛᑥᐛ ᑲ ‍ ᐱᒂᑎᑕᑯᐤ ᒋᓂᑐᐱᔪᐅ-ᐃᔨᒧᐛᒡ, ᑭᔭ ᐛᐱᒪᒂᐛ ᐊ ‍ ᒥᒐᑎᔨᒋ ᑲᓄᐛᔨᒪᒡ ᑲᐸᐃᑭᔎᐛ ᑭᔭ ᑎᑎᐱᑕᐸᓇᐱᔎ ᑭᔭ ᒥᒐᑎᔨᑥᐛ ᐅᓂᑐᐱᔪᐅ-ᐃᔨᒧᐛᐛ, ᒐ ᐊᑲ ‍ ᑯᔅᑕᑯᒡ, ᐛᔅ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᐊᓐ ᑲ ‍ ᐎᐎᑕᐊᑦ ᑭᓄᐛᔨᑕᑯᓯᐅᓂᒡ ᒋᑦ ᐊᓂᔅᑯᑕᐸᓄᐛᐛ ᐃᒋᑉᑎᒡ ᐅᒋ, ᒋᑭ ‍ ᐃᑕᐤ ᐊ ‍ ᑕᐛᒄ᙮
\v 2 ᐃᔅᐱ ᐃᔭᔅᑯᐎᔭᒂ ᒐᒋ ᓂᑐᐱᔨᔭᒄ, ᐊᔭᒥᐊᐅᒋᒪᐤ ᓂᑲᓐ ᐊᓐᑕ ᒋᑭ ‍ ᓂᐳᐅᐤ ᐊᓐᑕ ᐊ ‍ ᑕᔨᒋ ᒋᓂᑐᐱᔪᐅ-ᐃᔨᒧᐛᐛ
\v 3 ᑭᔭ ᒐ ‍ ᐃᔅᒋᔄᑦ, ‘ᐃᔅᕋᐃᓪ ᓂᑐᐱᔪᐅ-ᐃᔪᒡ, ᓂᑐᑐᐅᒄ ! ᐊᓄᒡ ᒋᑭ ᓇᒋ ‍ ᓂᑐᐱᔨᑐᐛᐛᐅᒡ ᑲ ‍ ᐱᒂᑎᑕᑯᒡ᙮ ᒐ ᐊᑲ ‍ ᓴᑯᑕᔨᔭᒄ ᑭᔭ ᒪᒃ ᑯᔅᑕᒋᔭᒄ ᑭᔭ ᒪᒃ ᓇᓇᐱᔨᔭᒄ ᑭᔭ ᒪᒃ ᓴᒋᔭᒄ,
\v 4 ᐛᔅ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᐎᒐᐅᑯᐛᐤ᙮ ᒋᑭ ‍ ᒪᓯᔅᑎᒪᑯᐛᐤ ᑭᔭ ᒋᑭ ‍ ᑐᑕᑯᐛᐤ ᒐᒋ ᑲᓂᔪᐛᒄ᙮’
\p
\v 5 ᐊᑯ ᒐ ‍ ᐃᑕᒡ ᐊᓐᒡ ᐅᒋᒪᐅᒡ ᓂᑐᐱᔪᐅ-ᐃᔪᐛ, ‘ᐊᐛᓐ ᐊᓐᑕ ᐊ ‍ ᐃᑎᓯᔭᒄ ᑲᒋ ‍ ᐅᔅᒋ ‍ ᒥᒋᐛᐸᑦ, ᑭᔭ ᐊᑲ ᐅᒋ ᐱᔅᑎᓂᒧᐛᑦ ᒋᓴᒪᓂᑐᐛ, ᒋᐸ ‍ ᒋᐛᐤ ᑭᔭ ᒋᐸ ‍ ᐱᔅᑎᓂᒧᐛᐤ ᐊᓂᔭ ᒥᒋᐛᐱᔪᐤ᙮ ᐊ ‍ ᐊᑲ ᒪᒃ ᑐᑕᒐ ᐊᓂᔭ, ᐳᓂᐱᒪᑎᓯᒐ ᐊ ‍ ᓂᑐᐱᔨᓇᓄᐎᔨᒡ, ᑯᑎᑲ ᐊᐛᔪᐛ ᒋᐸ ‍ ᐱᔅᑎᓂᒧᐛᔪᐛ ᒥᒋᐛᐱᔪᐤ ᑭᔭ ᐎᒋᔨᐛ ᐊᓐᑕ ᐎᒋᒡ᙮
\v 6 ᐊᐛᓐ ᐊᓐᑕ ᐊ ‍ ᐃᑎᓯᔭᒄ ᑲᒋ ‍ ᓂᑕᐅᒋᑕᒂ ᓯᒥᓇᐛᐳᐤ ᓂᑕᐅᒋᒋᑭᓂᔪᐤ, ᑭᔭ ᐊᔅᒄ ᐊ ᐊᑲ ‍ ᒪᒧᓴᒋᓇᐧᒃ ᓱᒥᓇ ᐊᓐᑕ ᐅᒋ, ᒋᐸ ‍ ᒋᐛᐤ᙮ ᐃᑕᒐ ᐅᑕ ᑭᔭ ᐳᓂᐱᒪᑎᓯᒐ ᐊ ‍ ᓂᑐᐱᔨᓇᓄᐎᔨᒡ, ᑯᑎᑲ ᐊᐛᔪᐛ ᒋᑭ ‍ ᒪᒧᓴᒋᓂᒥᔨᐛ ᓱᒥᓇ ᑭᔭ ᒋᑭ ‍ ᒥᔽᔨᑎᒥᔨᐛ ᓱᒥᓇᐳᔪᐤ ᐊᓐᑕ ᑲ ‍ ᐅᒋ ‍ ᐅᓯᑕᑭᓄᐎᔨᒡ᙮
\v 7 ᐊᐛᓐ ᑲᒋ ‍ ᒋᔅᒋᓄᐛᒋᐊᑭᓄᑦ ᒐᒋ ᓂᐳᐅᑦ ᐃᔎᐛ ᒥᒄ ᐊᔅᒄ ᐊ ᐊᑲ ‍ ᐎᒋᒪᑦ, ᒋᐸ ‍ ᒋᐛᐤ, ᐃᑕᒐ ᐅᑕ ᑭᔭ ᐳᓂᐱᒪᑎᓯᒐ ᐊ ‍ ᓂᑐᐱᔨᓇᓄᐎᔨᒡ, ᑯᑎᑲ ᐊᐛᔪᐛ ᒋᑭ ‍ ᐎᒋᒪᔪᐛ ᐃᔎᐛ᙮’
\v 8 ᐊᑯ ᐊᓐᒡ ᐅᒋᒪᐅᒡ ᒋᑭ ᐎ ‍ ᐃᔅᒋᔄᐅᒡ, ‘ᐊᐛᓐ ᐊ ‍ ᐃᑎᓯᔭᒄ ᑯᔅᑕᑎᒐ ᑭᔭ ᒪᒃ ᓴᑯᑕᐊᒐ, ᒋᐸ ‍ ᒋᐛᐤ, ᒐ ᐊᑲ ‍ ᑐᑐᐛᑦ ᐎᒋ ‍ ᓂᑐᐱᔪᐅ-ᐃᔪᐛ ᒐᒋ ᐃᔭᐱᒡ ᒐ ᐊᑲ ‍ ᓱᒋᔅᑕᔨᒋ᙮’
\v 9 ᑭᔭ ᐃᔅᐱ ᒋ ᐃᓯ ‍ ᐃᔨᒥᑥᐛ ᐊᓐᒡ ᐅᒋᒪᐅᒡ, ᒋᑭ ᐎ ‍ ᐅᑎᓇᐅᒡ ᓂᑐᐱᔪᐅ-ᐅᒋᒪᐛ ᒐ ‍ ᒋᔅᒋᓄᑕᔨᒋ ᓂᑐᐱᔪᐅ-ᐃᔪᐛ᙮
\p
\v 10 ᐃᔅᐱ ᒐᑲᑦ ᐅᑎᑎᒪᒂ ᐊᓐ ᐅᑕᓇᐤ ᐛᔪᐤ ᐊᑎᒂᒡ ᒐᒋ ‍ ᓂᑐᐱᔨᑎᒪᒄ, ᓂᔅᑎᒻ ᒐ ‍ ᐎᑎᒧᐛᑯᒡ ᐊᓐᒡ ᐃᔪᒡ ᐛ ‍ ᐱᔅᑎᓂᓱᐛᒂ, ᓇᒪ ᒋᑭ ‍ ᓂᑐᐱᔨᑐᐛᐛᒡ
\v 11 ᓴᓇᑥᐛ ᐃᔎᑕᒥᔪᐤ ᑭᔭ ᐱᔅᑎᓂᓱᑥᐛ, ᒋᑭ ‍ ᐅᑦ ᐊᐱᒋᐊᑭᓂᑐᐛᐛᐅᒡ ᒐᒋ ᐊᑐᔅᑲᑕᑯᒡ᙮
\v 12 ᒥᒄ ᐊᑲ ‍ ᑕᑈᑕᑥᐛ ᒋᔭᒪᔨᑎᒧᐅᓂᒡ ᒐᒋ ᐱᔅᑎᓂᑎᓱᒡ, ᑭᔭ ᐎᔭᔨᑕᑥᐛ ᒐᒋ ᒪᓯᔨᑕᑯᒡ, ᒋ ‍ ᓂᑐᐱᔪᐅ-ᐃᔨᒧᐛᐅᒡ ᒋᑭ ᐎ ‍ ᐛᔅᑲᔅᑭᒧᒡ ᐊᓂᔭ ᐅᑕᓇᔪᐤ ᑭᔭ ᒋᑭ ‍ ᐱᒂᐊᒧᒡ ᐊᓂᔭ ᑲ ‍ ᐛᔅᑲᑲᐳᔨᒡ ᒥᓯᐛ ᐛᔅᑲ ᐊᓂᔭ ᐅᑕᓇᔪᐤ᙮
\v 13 ᐊᑯ, ᒥᔨᑕᒂ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒐᒋ ᑲᔅᑎᓂᒺᒄ ᐊᓂᔭ ᐅᑕᓇᔪᐤ, ᒥᓯᐛ ᒋᑭ ᐎ ‍ ᓂᐸᐊᐛᐅᒡ ᓇᐸᐅᒡ ᐊᓐᑕ ᐅᑕᓇᒡ᙮
\v 14 ᒥᒄ ᒋ ‍ ᓇᐊᔨᒥᑯᓇᐛᐤ ᒐᒋ ᐅᑎᓇᑯᒡ ᐃᔎᐅᒡ ᑭᔭ ᐊᐛᓯᒡ ᑭᔭ ᐊᐛᓯᓯᒡ ᑭᔭ ᒥᓯᐛ ᒐᒂᓐ ᐛ ᐎ ‍ ᐅᑎᓂᒪᒄ ᐊᓐᑕ ᐅᑕᓇᒡ ᐅᒋ, ᒋ ‍ ᓇᐊᔨᒥᑯᓇᐛᐤ ᒐᒋ ᒧᒋᒐᔨᑎᒥᔨᑯᐛᒄ ᒥᓯᐛ ᒐᒂᔪᐤ ᑲ ‍ ᑎᐱᔨᐛᐅᓯᒡ ᐊᓐᒡ ᑲ ‍ ᐱᒂᑎᑕᑯᒡ; ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊᐅᒄ ᒪᔨᑕᒄ ᐊᓂᔭ ᒐᒂᔪᐛ᙮
\v 15 ᐊᐅᑯᓐ ᒐ ‍ ᐃᑐᑎᔭᒄ ᐊᓐᑕ ᒥᓯᐛ ᐅᑕᓇᐛ ᐛᔪᐤ ᐊ ‍ ᐃᑎᒂᒋ ᐊᓐᑕ ᐊᔅᒋᒡ ᐅᒋ ᒐ ‍ ᐎᒋᔭᒄ᙮
\p
\v 16 ᒥᒄ ᐊᓐᑕ ᐅᑕᓇᐛ ᐊ ‍ ᐃᑎᒂᒋ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒪᔨᑕᒄ, ᒥᓯᐛ ᐃᔪᒡ ᑭᔭ ᐊᐛᓯᓯᒡ ᒋᑭ ᐎ ‍ ᓂᐸᐛᐅᒡ᙮
\v 17 ᓄᑎᒻ ᒋᑭ ᐎ ‍ ᓂᓱᐅᓇᒋᐊᐛᐅᒡ᙮ ᒐ ‍ ᓂᓱᐅᓇᒋᐊᑯᒡ ᐊᑦ ᐃᔪᒡ, ᑭᔭ ᐊᒧᕆ ᐃᔪᒡ, ᑭᔭ ᑲᐃᓇᓐ ᐃᔪᒡ, ᑭᔭ ᐸᕆᔅ ᐃᔪᒡ ᑭᔭ ᐃᑉ ᐃᔪᒡ, ᑭᔭ ᒐᐳᔅ ᐃᔪᒡ᙮ ᐊᐅᑯᔪᐤ ᐊ ‍ ᐃᑎᓱᒥᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒐ ‍ ᐃᑐᐛᒄ᙮
\v 18 ᐃᔅᐱ ᐊᑲ ᑐᑎᒪᒂ ᐅ, ᒋᑭ ‍ ᒋᔅᑯᑎᒪᑯᐛᐅᒡ ᒐᒋ ᒥᒋᑐᑐᒪᑯᐤ ᑎᐸᔨᒋᒐᓱᐛ ᒋᒋᓴᒪᓂᑐᒥᓄᐛ ᑭᔭ ᒐ ‍ ᐃᑐᑎᒺᒄ ᒥᒋᑐᑎᒧᐅᓂᔪᐤ ᐊ ‍ ᐃᑐᑕᒡ ᐃᔅᐱ ᐊᔭᒥᐊᐅᔅᑐᐛᑥᐎ ᐅᒥᓂᑐᐧᑲᓂᒥᐛᐛ᙮
\p
\v 19 ᐃᔅᐱ ᓇᐅᔅ ᐛᔅᑲᔅᑭᒪᒂ ᐅᑕᓇᐤ, ᐊ ‍ ᐎ ‍ ᒪᑯᓂᒪᒄ, ᒐ ᐊᑲ ‍ ᒋᒥᔄᑯᒡ ᒥᓂᓴᑎᑯᒡ ᒐᒥᓱᒡ ᐊᓐᑕ ᐎᐎᑎᒥᒡ ᐅᑕᓇᒡ᙮ ᒋ ‍ ᓇᐊᔨᒥᑯᓇᐛᐤ ᒐᒋ ᒥᒋᔭᒄ ᒥᓯᓴ ᐊᓐᑕ ᒥᔅᑎᑯᒡ ᐅᒋ, ᒥᒄ ᒐ ᐊᑲ ‍ ᓂᓱᐅᓇᒋᐊᑯᒡ, ᐛᔅ ᓇᒪᔭᐅᒡ ᐊᓐᒡ ᑲ ‍ ᐱᒂᑎᑕᑯᒡ᙮
\v 20 ᒋ ‍ ᓇᐊᔨᒥᑯᓇᐛᐤ ᒐᒋ ᒋᒪᐛᑯᒡ ᑯᑎᑭᒡ ᒥᔅᑎᑯᒡ ᑭᔭ ᐊᐱᒋᐊᑯᒡ ᒐᒋ ᐅᓯᑕᔭᒄ ᑕᑕᐧᑯᔅᑲᓇᓇ ᑭᔭ ᑲ ‍ ᐃᔅᐸᒡ ᒥᒋᐛᑉ ᒐᒋ ᐎᒋᐃᑯᔭᒄ ᒐᒋ ᐸᔅᑎᔅᒐᔭᒄ ᑲ ‍ ᐛᔅᑲᑲᐳᒡ ᒥᓯᐛ ᐛᔅᑲ ᐊᓐ ᐅᑕᓇᐤ ᑭᔭ ᒪᑯᓂᒪᒄ᙮”
\c 21
\s1 ᐃᔅᐱ ᐊᑲ ᒋᔅᒐᔨᒪᑭᓄᐅᑦ ᐊᐛᓐ ᑲ ‍ ᓂᐸᐊᑦ ᐊᐛᔪᐛ
\p
\v 1 ᐃᔅᒋᔄᑕᐤ ᒥᔅᑯᐛᑭᓄᐤ ᐊᐛᓐ ᐊᒋ ‍ ᓂᐸᐊᑭᓄᐅᑦ ᓂᑕᐅᒋᒋᑭᓂᒡ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒪᔨᑕᒄ, ᑭᔭ ᓇᒪ ᒋᔅᒋᔨᒪᐛᐤ ᐊᐛᓐ ᐊᓂᔭ ᑲ ‍ ᓂᐸᐊᑦ᙮
\v 2 ᐃᔅᐱᔨᒐ ᐅ, ᒋᓴᐃᔪᒡ ᑭᔭ ᒋ ‍ ᑎᐸᔅᑯᓂᒐᓯᒧᐛᐅᒡ ᒋᑭ ᐎ ‍ ᐃᑐᑕᐅᒡ ᐊᓐᑕ ᑲ ‍ ᒥᔅᑲᑭᓄᐎᒡ ᒥᔭᔪᐤ ᑭᔭ ᒐ ‍ ᑎᐸᐊᒡ ᐊᓐᑕ ᐅᒋ ᐃᔅᐱᔅ ᐊᓐᑕ ᒥᒋᒪ ᒥᓯᐛ ᐅᑕᓇᐛ ᐃᔅ᙮
\v 3 ᐊᑯ ᒋᓴᐃᔪᒡ ᐊᓐᑕ ᐅᑕᓇᔪᐤ ᒥᒋᒪ ᐊ ‍ ᑎᑯᓂᔨᒡ ᐊᓐᑕ ᑲᒥᔅᑲᑭᓄᐎᔨᒡ ᒥᔭᔪᐤ ᒋᑭ ᐎ ‍ ᐅᑎᓇᐅᒡ ᐸᐃᒄ ᒥᒋᑎᐧᑯᔅᒐ ᐊᑲ ᓂᑕ ‍ ᐊᑐᔅᑲᑭᓄᐎᒋ᙮
\v 4 ᒋᑭ ‍ ᐃᑐᑕᐅᒡ ᐊᓂᔭ ᒥᒋᑎᐧᑯᔅᒐ ᐊᓐᑕ ᐃᑕᐅᓂᒡ ᒥᒋᒪ ᓯᐱᓯᒡ ᐊᓐᑕ ᒧᔅᑎᔅᑭᒥᒡ ᐊ ‍ ᐊᑲ ᓂᑕ ᐊᓐᑕ ᐱᑯᐱᑕᑭᓄᐎᒡ ᑭᔭ ᒪᒃ ᓂᑕᐅᒋᒐᓄᐎᒡ᙮ ᒋᑭ ᐎ ‍ ᓇᑥᑯᐎᔭᓇᐅᒡ ᐊᓐᑕ ᐊ ‍ ᐱᓴᔨᒡ᙮
\v 5 ᒋᑭ ᐎ ‍ ᐃᑐᑕᐅᒡ ᐊᓐᑕ ᑭᔭ ᐎᔨᐛᐤ ᐊᔭᒥᐊᐅᒋᒪᐅᒡ, ᐛᔅ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊᓂᔭ ᒋ ‍ ᐎᔭᔨᒪᐤ ᓕᐸᐃ ᐃᔪᐛᒡ ᐅᒋ ᒐᒋ ᐊᑐᔅᑲᑯᑦ ᑭᔭ ᒐ ᐅᑦ ᐊᐱᒋᐊᑭᓂᑐᐛᑦ ᐃᔅᐱ ᓱᐛᔨᑕᒂᔨᒐᓂᐃ ᐃᔪᐛ᙮ ᑭᔭ ᒋ ‍ ᐎᔭᔨᒪᐤ ᐊᓂᔭ ᒐᒋ ᒥᔪᐱᑕᔨᒋ ᐊᐛᔪᐛ ᐊ ‍ ᒥᒋᐱᔨᑐᐛᔨᒋ ᑲᒋ ‍ ᐅᓯᒂᑭᓄᐎᒋ ᐊᐛᔪᐛ᙮
\v 6 ᐊᑯ ᒋᓴᐃᔪᒡ ᐊᓐᑕ ᐅᑕᓇᔪᐤ ᐅᒋ ᒥᒋᒪ ᑲ ‍ ᑎᑯᓂᔨᒡ ᒋᑭ ᐎ ‍ ᒋᔅᑕᐸᐅᑎᒐᐅᒡ ᐸᔅᒡ ᒥᒋᑎᐧᑯᔅᒐ ᑲ ‍ ᓇᑥᑯᐎᔭᓇᑭᓄᐎᔨᒋ᙮
\v 7 ᑭᔭ ᒋᑭ ᐎ ‍ ᐃᔅᒋᔄᐅᒡ, ‘ᓇᒪ ᓂ ᐅᒋ ‍ ᓂᐸᐊᓇᓐ ᐅ ᐃᔪᐤ, ᑭᔭ ᓇᒪ ᓂ ᐅᒋ ‍ ᐛᐱᒪᓇᓐ ᐊᐛᓐ ᑲ ‍ ᐃᑐᑕᐧᒃ᙮
\v 8 ᑎᐸᔨᒋᒐᓱᐤ, ᐛᐸᔨᑎᒧᐅᓇᓐ, ᓂᔭᓐ ᐃᔅᕋᐃᓪ ᐃᔪᒡ ᐊᓐᒡ ᑲ ‍ ᐱᐧᑯᐎᔨᑥᐤ ᐃᒋᑉᑎᒡ ᐅᒋ᙮ ᒐ ᐊᑲ ‍ ᐃᑎᒋᒥᔭᒡ ᐊᑕᒪᔨᑕᑯᓯᔭᒡ ᐊᒋ ‍ ᓂᐸᐃᒋᒡ ᐊᐛᓐ ᐊ ‍ ᒥᔽᑎᓯᑦ᙮ ᒥᔅᑯᒡ ᐛᐸᔨᑎᒧᐅᓇᓐ᙮’
\v 9 ᑐᑎᒪᒂ ᐅ, ᒋᑭ ‍ ᐃᑐᑎᒺᓇᐛᐤ ᒐᒂᔪᐤ ᐊᑕᔨᑕᐧᒃ ᑎᐸᔨᒋᒐᓱᐤ ᐊ ‍ ᒥᔽᔨᒡ, ᑭᔭ ᓇᒪ ᒋᑭ ‍ ᐃᑕᔨᒥᑯᐅᓇᐛᐤ ᐊᑕᒪᔨᑕᑯᓯᔭᒄ ᑲᒋ ‍ ᓂᐸᐊᒄ ᐊᓐ ᐊᐛᓐ᙮
\s1 ᐊ ‍ ᐎᒋᒪᑭᓄᐅᑦ ᐊᒋ ‍ ᒪᑯᓇᑭᓄᐅᑦ ᐃᔎᐤ
\p
\v 10 ᐃᔅᐱ ᒋ ‍ ᓂᑐᐱᔪᐅ-ᐃᔨᒧᐛᐅᒡ ᓇᒋ ‍ ᓂᑐᐱᔨᑐᐛᑥᐛ ᑲ ‍ ᐱᒂᑎᑕᑯᐤ, ᑭᔭ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒥᔨᑕᒂ ᒐᒋ ᓴᐧᑯᒋᐃᒪᑯᐤ, ᑭᔭ ᒪᑯᓇᒂᐛ,
\v 11 ᐸᐃᒄ ᐊ ‍ ᐃᑎᓯᔭᒄ ᒋᐸ ᒋ ‍ ᐛᐱᒪᐤ ᐃᔎᐛ ᐊ ‍ ᒥᔪᔎᐎᒋ ᐊ ‍ ᒥᔽᑕᑦ, ᒋᑭ ‍ ᓂᑐᐛᔨᑎᒻ ᒐᒋ ᐎᒋᒪᑦ᙮
\v 12 ᒋᐸ ᐎ ‍ ᒋᐛᑕᐅᐤ ᐊᓐᑕ ᐎᒋᒡ, ᑭᔭ ᐊᑯᑕ ᐊᓐᑕ ᒥᓯᐛ ᒐ ᐎ ‍ ᒥᓂᓴᐧᒃ ᐅᐱᔅᑯᐛᐅᓐ ᐃᔎᐤ ᑭᔭ ᒐ ‍ ᒥᓂᔄᑦ ᐅᔅᑭᓯᔭ ᐊ ‍ ᐛᐸᑎᔨᐛᑦ ᐊᓄᒡ ᐊ ᐊᑲ ᓴᔅ ᐅᒋ ᑎᐸᔨᑕᑯᓯᑦ ᐊᓐᑕ ᐊ ‍ ᐃᑎᔅᑲᓇᓯᔨᒋ ᐅᑦ ᐃᔨᒪ, ᒥᒄ ᒥᔅᑯᒡ ᐊ ‍ ᐃᔅᕋᐃᓪ ᐃᔪᐅᑦ᙮
\v 13 ᒋᑭ ᐎ ‍ ᒥᓂᒻ ᐅᑦ ᐊᐱᒋᑕᐅᓇ ᐊᓂᔭ ᑲ ‍ ᐳᔅᑲᐧᒃ ᑲ ‍ ᒪᑯᓇᑭᓄᐅᑦ, ᑭᔭ ᒐ ‍ ᐳᔅᑲᐧᒃ ᐃᔅᕋᐃᓪ ᐃᔪᐛ ᐅᑦ ᐊᐱᒋᑕᐅᓂᔪᐛ᙮ ᒋᑭ ᐎ ‍ ᑕᐤ ᐊᓐᑕ ᓇᐸᐛ ᐎᒋᔨᒡ ᑭᔭ ᒋᑭ ‍ ᓇᓇᐧᑲᒋᒧᐤ ᐸᐃᒄ ᐱᓯᒺ ᐃᔅᐱᔅ ᐛᔅ ᐊᒋ ‍ ᓂᑭᑕᑦ ᐅᓂᒋᐃᒂ, ᐊᑯ ᐸᑐᔅ ᒐ ‍ ᓇᐊᔨᒪᑭᓄᐅᑦ ᓇᐸᐤ ᒐᒋ ᐎᒋᒪᑦ ᐊᓂᔭ ᐃᔎᐛ᙮
\v 14 ᓇᓇᒐ, ᒐᒄ ᐊᑲ ᒥᔽᔨᒪᒐ ᐊᓂᔭ ᐃᔎᐛ, ᒋᑭ ‍ ᓇᐊᔨᒪᑭᓄᐅᐤ ᒐᒋ ᑕᑈᑐᐛᑦ ᒐᒋ ᓂᑭᑎᑯᑦ᙮ ᒥᒄ ᒥᔅᑯᒡ ᐊᒋ ‍ ᐎᐸᒪᑦ, ᓇᒪ ᓇᐊᔨᒪᑭᓄᐅᐤ ᒐᒋ ᐅᑦ ᐊᐱᒋᐊᑭᓂᑐᐛᑦ ᐃᔎᐛ ᑭᔭ ᐊᑕᒪᑦ ᑯᑎᑲ ᐊᐛᔪᐛ᙮
\s1 ᐅᑎᐸᔨᑎᒧᐅᓇ ᓂᔅᑎᒧᓴᓐ ᐅᑯᓯᒪᐤ
\p
\v 15 ᐃᔅᒋᔄᑕᐤ ᓂᓯᔨᐛ ᓇᐸᐤ ᐎᐛ, ᒥᒄ ᑭᔭ ᐊᑎᑐᐤ ᒥᔽᔨᒪᐤ ᐊᓂᔭ ᐸᐃᒄ ᑭᔭ ᓇᒪ ᒥᔽᑕᐤ ᐊᓂᔭ ᑯᑎᑲ᙮ ᑭᔭ ᐸᐃᑯᑕᐤ ᐊᓐᒡ ᐃᔎᐅᒡ ᒋ ‍ ᓂᑕᐅᒋᐊᐅᒡ ᓇᐸᓴ, ᑭᔭ ᒐᓴᔨᐅᑦ ᐅᑯᓯᒪᐤ ᐊᐅᑯᔪᐛ ᐊᓂᔭ ᐃᔎᐛ ᐅᑯᓯᔨᐛ ᐊᓐ ᓇᐸᐤ ᐊ ᐊᑲ ᐅᒋ ‍ ᒥᔽᑕᑦ᙮
\v 16 ᐊᓂᔭ ᒋᓯᑯᔪᐤ ᐎᔭᔨᑕᒐ ᓇᐸᐤ ᒐ ‍ ᑎᐸᓂᒧᐛᑦ ᐅᑎᐸᔨᑎᒧᐅᓇ ᐅᑯᓴ ᒐ ‍ ᑎᐸᔨᑎᒥᔨᒋ ᒋ ‍ ᐳᓂᐱᒪᑎᓯᒐ, ᓇᒪ ᒋᑭ ᐎ ‍ ᐃᑕᔨᒪᐤ ᐊᓂᔭ ᐃᔎᐛ ᓯᐊᒋᐊᑦ ᐅᑯᓯᔨᐛ ᒐᒋ ᒥᔅᑎ ‍ ᒥᔭᑦ ᐅᑎᐸᔨᑎᒧᐅᓇ, ᐊᓂᔭ ᒋᐸ ‍ ᐃᔅᐱᔅ ᑲᔅᑎᓂᒥᔨᐛ ᒐᓴᐸᐎᔨᒋ᙮
\v 17 ᓂᓱᐛᐤ ᒋᑭ ᐎ ‍ ᐃᔅᐱᔅ ᒥᔭᐤ ᐅᑎᐸᔨᑎᒧᐅᓇ ᐊᓂᔭ ᐎᐛ ᐊᑲ ᒥᔽᑕᑦ ᓂᔅᑎᒻ ᐅᑯᓯᔨᐛ᙮ ᐊᐅᑯᔪᐛ ᐊᓂᔭ ᓂᔅᑎᒻ ᐅᑯᓴ, ᑭᔭ ᒋᑭ ᐎ ‍ ᒥᔭᑭᓄᐤ ᑎᐸᔨᑎᒧᐅᓇ ᒋᐸ ‍ ᑲᔅᑎᓂᒧᐱᓐ ᐛᔅ ᐊᐅᑯᔪᐛ ᐊᓂᔭ ᓂᔅᑎᒻ ᐅᑯᓴ ᐊᓐ ᓇᐸᐤ᙮
\s1 ᑲ ‍ ᐱᔽᔨᒐᑦ ᐅᑯᓯᓯᒪᐤ
\p
\v 18 ᐅᑕᐎᒪᐤ ᑭᔭ ᐅᑲᐎᒪᐤ ᒋᐸ ᒋ ‍ ᑭᓄᐛᔨᒪᐅᒡ ᐊ ‍ ᒥᔅᑯᔅᑎᒂᓇᔨᒋ ᑭᔭ ᐊ ‍ ᐱᔽᔨᒥᑯᒡ ᐅᑯᓯᐛᐛ ᐊᑲ ‍ ᐎ ‍ ᓂᑐᑕᑯᒡ ᐊᑎᓱᐧᒄ ᑲᒋ ‍ ᐊᓏᔨᒪᒡ᙮
\v 19 ᐃᑕᔨᑕᑯᓯᒐ ᐅᔭ ᐅᑯᓯᓯᒪᐤ, ᒋᑭ ᐎ ‍ ᐃᑐᑕᔨᑯᐤ ᐅᓂᒋᐃᒂ ᐊᓐᑕ ᐃᔎᑕᒥᒡ ᐅᑕᓇᒡ, ᐊᓐᑕ ᐅᑕᓇᔪᐤ ᐅᒋᒪᐅᒡ ᐛᒋᒪᐅ-ᐃᔨᒥᒡ᙮
\v 20 ᐅᓂᒋᐃᑯᒪᐅᒡ ᒋᑭ ‍ ᐎᑎᒧᐛᐅᒡ ᐊᓂᔭ ᒋᓴᐃᔪᒡ ᐊᓐᑕ ᐅᑕᓇᒡ, ‘ᒥᔅᑯᔅᑎᒂᓇᐤ ᑭᔭ ᓇᒪ ᓂᑕ ᓂᑐᑎᒻ ᐅ ᓂᑯᓯᓇᓐ᙮ ᒥᒄ ᒋᔭᒻ ᒥᓄᐤ ᑭᔭ ᒥᔅᑎ ‍ ᒥᒋᓱᐤ᙮’
\v 21 ᐊᑯ ᒥᓯᐛ ᒋᓴᐃᔪᒡ ᐊᓐᑕ ᐅᑕᓇᒡ ᒋᑭ ᐎ ‍ ᓂᐸᐅᒡ ᐊ ‍ ᐱᐳᒧᓯᓇᑕᐛᐅᒡ ᐊᓯᓂᔭ ᐊᓂᔭ ᐅᑯᓯᓯᒪᐛ᙮ ᐅᔭ ᑐᑕᒂᐛ, ᒋᑭ ‍ ᓂᓱᐅᓇᒋᑕᓇᐛᐤ ᐅ ᐊ ‍ ᒥᒋ ‍ ᐃᔨᑎᓇᓄᐅᒡ ᐊᓐᑕ ᐊᑕᔭᒄ ᐅᒋ᙮ ᑭᔭ ᒥᓯᐛ ᐊᐛᓐ ᐊᓐᑕ ᐃᔅᕋᐃᓕᒡ ᒋᑭ ‍ ᐸᑎᒧᒡ ᑕᓐ ᑲ ‍ ᐃᔅᐱᔨᒡ ᑭᔭ ᒋᑭ ‍ ᑯᔅᑕᒍᐅᒡ ᒐᒋ ᑐᑕᒡ ᐊᓂᔭ ᑲ ‍ ᑐᑎᒥᔨᒋ᙮
\s1 ᐊ ‍ ᓇᐃᐧᑯᐛᑭᓄᐅᒡ ᑲ ‍ ᒥᒋᑐᑕᒡ
\p
\v 22 ᐃᔅᐱ ᓂᐸᐊᑭᓄᒐ ᑲ ‍ ᒥᒋᑐᑕᐧᒃ ᐊᐛᓐ ᑭᔭ ᑯᑕᐛᒂ ᐎᔪᐤ ᐊᓐᑕ ᒥᔅᑎᑯᒡ,
\v 23 ᓇᒪ ᒋᑭ ᐎ ‍ ᐃᑎᑯᑕᔪᐤ ᐃᔅᑭᓂᑎᐱᔅᑲᐛ, ᒋᑭ ᐎ ‍ ᓇᐃᐧᑯᒺᓇᐛᐤ ᐊᓂᔭ ᐸᐃᑯᑕᐤ ᒋᓯᑯᔪᐤ ᑲ ‍ ᐳᓂᐱᒪᑎᓯᑦ, ᐛᔅ ᐊᓏᔨᒐᐤ ᒋᓴᒪᓂᑐᐤ ᐊ ‍ ᓂᑭᑕᑭᓄᐎᒡ ᐊᐛᔪᐛ ᐎᔭᔪᐤ ᐊᓐᑕ ᒥᔅᑎᑯᒡ᙮ ᒋᑭ ᐎ ‍ ᓇᐃᐧᑲᓇᐛᐤ ᐊᓐ ᒥᔪᐤ ᐸᐃᑯᑕᐤ ᒋᓯᒄ, ᒐ ᐊᑲ ‍ ᐎᓇᑯᑕᐛᒄ ᐊᓂᔭ ᐊᔅᒋᔪᐤ ᒪᔨᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ᙮”
\c 22
\s1 ᑯᑎᑲ ᑕᑐᐤ ᐎᓱᐛᐅᓇ
\p
\v 1 “ᐛᐱᒪᔨᒂᓂᐃ ᐃᔅᕋᐃᓪ ᐃᔪᐤ ᐅᒥᔅᑐᓯᒪ ᑭᔭ ᒪᒃ ᐅᒪᔭᑕᓂᓯᒪ ᐊ ‍ ᐅᓄᑕᔨᒋ, ᒐ ᐊᑲ ‍ ᐃᔨᑎᔭᒄ ᒧᔭᒻ ᐊ ᐊᑲ ‍ ᐛᐱᒪᑯᐤ᙮ ᒐ ‍ ᐃᑐᑕᐊᒃ ᐊᓐᑕ ᐛᒋ ‍ ᑎᐸᔨᒪᑭᓄᐅᑦ᙮
\v 2 ᒥᒄ ᐊ ᐊᑲ ᒥᒋᒪ ᐎᒋᒐ ᐊᓐᑕ ᐛᒋᔨᓐ, ᑭᔭ ᒪᒃ ᐊᑲ ‍ ᒋᔅᒐᔨᒥᑕ ᐊᐛᓐ ᑎᐸᔨᒪᑦ, ᒐ ‍ ᒋᐛᑕᔨᑦ ᒋ ‍ ᒋᐛᒡ᙮ ᒐ ‍ ᑭᓄᐛᔨᒥᑦ ᐸᑎᒪ ᑎᑯᓯᓂᔨᒐᓂ ᐊᐛᔪᐛ ᑕᐸᔨᒥᑯᑦ, ᐊ ‍ ᓇᓂᑐᐛᐱᒪᑦ᙮ ᐊᑯ ᑲᐤ ᒐ ‍ ᒥᔨᑦ ᐊᓂᔭ ᐊᐛᓯᓴ᙮
\v 3 ᐸᐃᑯᑕᐤ ᒋᑭ ᐎ ‍ ᑐᑕᓇᐛᐤ ᐛᐱᒪᒂ ᑲᓂᐧᑲᑎᓯᑦ ᑲᐸᐃᑭᔎᐤ, ᑭᔭ ᒪᒃ ᐛᐸᑎᒪᒂ ᐊᐱᒋᑕᐅᓐ, ᑭᔭ ᒪᒃ ᑲ ‍ ᐅᓂᑕᒂ ᐊᐛᓐ ᒐᒂᓂᔪᐤ᙮ ᒐ ᐊᑲ ‍ ᐊᓏᔨᑎᒥᓐ ᒐᒋ ᑐᑎᒥᓐ ᒐᒂᓐ ᐊᓐ ᒋᐸ ᐎ ‍ ᑐᑕᓐ᙮
\p
\v 4 ᑭᔭ ᐛᐱᒥᑕᓂ ᒋᒡ ᐃᔅᕋᐃᓪ ᐃᔪᐤ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᑭᔭ ᒪᒃ ᐅᒥᒋᑎᐧᑯᒪ ᑲᒋ ‍ ᐸᒋᓯᓂᔨᒂᓂ ᐊᓐᑕ ᒪᔅᑭᓇᒡ, ᒐ ᐊᑲ ‍ ᐃᔨᑎᔨᓐ ᒧᔭᒻ ᐊ ᐊᑲ ‍ ᐛᐱᒥᑎ᙮ ᒐ ‍ ᐎᒋᐃᑦ ᐊᓐ ᑕᐸᔨᒪᑦ ᒐᒋ ᐎᑲᐳᐊᑦ ᒐᒋ ᓇᓂᐳᐎᒋ᙮
\p
\v 5 ᐃᔎᐅᒡ ᓇᒪ ᒋᑭ ᐎ ‍ ᐳᔅᑭᒺᐅᒡ ᓇᐸᐛ ᐅᑦ ᐊᐱᒋᑕᐅᓂᔨᐛ, ᓇᐸᐅᒡ ᓇᒪ ᒋᑭ ᐎ ‍ ᐳᔅᑭᒺᐅᒡ ᐃᔎᐛ ᐅᑦ ᐊᐱᒋᑕᐅᓂᔨᐛ, ᐛᐧᑲᑕᐤ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐛᔪᐛ ᐅᔭ ᐊ ‍ ᐃᑎᔨᒋ᙮
\p
\v 6 ᐃᓯᓇᒂ ᒐᒋ ᒥᔅᑭᒺᒄ ᐱᔭᓱᐤ ᐅᔅᑎᓐ ᐊᓐᑕ ᒥᔅᑎᑯᒡ ᑭᔭ ᒪᒃ ᒧᔅᑎᔅᑭᒥᒡ, ᑭᔭ ᐊᐱᒐ ᐊᓐᑕ ᐃᔎᐱᔭᓱᐤ ᐅᔅᑎᓂᒡ ᐊᓯᒡ ᐅᐛᐅᒪ ᑭᔭ ᒪᒃ ᐅᐱᔭᓯᓯᒪ, ᒐ ᐊᑲ ‍ ᐅᑎᓇᒄ ᐱᔭᓱᐤ ᒐᒋ ᓂᐸᐊᒄ᙮
\v 7 ᒋ ‍ ᓇᐊᔨᒥᑯᐅᓐ ᒐᒋ ᐅᑎᓂᑥᐤ ᐊᓐᒡ ᐱᔭᓯᓯᒡ, ᒥᒄ ᒋᑭ ᐎ ‍ ᓇᐊᔨᒪᐤ ᒐᒋ ᐅᐸᐅᑦ᙮ ᒐ ‍ ᑐᑎᒥᓐ ᐅ ᒐᒋ ᐅᒋ ᒥᔪᐱᔨᓐ ᑭᔭ ᓇᐅᔅ ᒋᑭ ‍ ᐱᒪᑎᓯᓐ᙮
\p
\v 8 ᒋᒥᑕᔨᓇ ᐅᔅᒋ ᒥᒋᐛᑉ, ᒐ ᐎ ‍ ᐊᑕᒐᒥᓐ ᐛᔅᑲ ᐃᔅᐱᒥᒡ ᒥᒋᐛᐱᒡ᙮ ᑐᑎᒥᓇ ᐅ, ᑭᔭ ᐊᒥᓯᒐ ᐊᐛᓐ ᐃᔅᐱᒥᒡ ᐅᒋ ᑭᔭ ᐳᓂᐱᒪᑎᓯᒐ, ᓇᒪ ᒋᑭ ‍ ᐊᑕᒪᔨᑕᑯᓯᓐ ᐊ ‍ ᐳᓂᐱᒪᑎᓯᑦ ᐊᓐ ᐊᐛᓐ᙮
\p
\v 9 ᒐ ᐊᑲ ‍ ᓂᑕᐅᒋᑕᔨᓐ ᒥᒋᒻ ᐊᓐᑕ ᒋ ‍ ᓱᒥᓂᒪ ᓂᑕᐅᒋᒋᓂᒡ᙮ ᑐᑎᒥᓇ ᐅ, ᓇᒪ ᒋ ‍ ᓇᐊᔨᒥᑯᐅᓐ ᒐᒋ ᒪᒧᓴᒋᓂᒥᓐ ᒥᒋᒻ ᑲ ‍ ᓂᑕᐅᒋᑕᔨᓐ ᑭᔭ ᒪᒃ ᒐᒋ ᒪᒧᓴᒋᓂᒥᓐ ᒥᓂᓴ ᒐᒋ ᐅᒋ ᐅᓯᑕᔨᓐ ᓱᒥᓇᐳᔾ᙮
\p
\v 10 ᒐ ᐊᑲ ᒪᒧᐤ ᓂᔄᐱᐧᑲᑎᑥᐤ ᒥᔅᑐᔅ ᑭᔭ ᑲᓂᐧᑲᑎᓯᑦ ᑲᐸᐃᑭᔎᐤ ᐱᑯᐱᑎᒥᓇ ᒋᓂᑕᐅᒋᒋᑭᓐ ᐊᔅᒋᔾ᙮
\p
\v 11 ᒐ ᐊᑲ ‍ ᐳᔅᑭᒥᓐ ᐊᐱᒋᑕᐅᓇ ᒪᒧᐤ ᐊᓂᔅᑯᐛᐱᔅᑕᐛᑭᓄᐅᑦ ᐊᓯᑭᓇᔭᐱᔾ ᑭᔭ ᐱᒍᐎᔭᓂᔅ᙮
\p
\v 12 ᒪᒧᐤ ᒐ ‍ ᐱᒪᐱᒐᓂᑥᐤ ᓴᔅᑎᒂᔭᐱᔨᒡ ᒐᒋ ᐅᓯᑕᔨᓐ ᐊᔽᐱᔨᒋ ᑭᔭ ᒐ ‍ ᑯᔅᒋᒂᑎᒥᓐ ᐊᓐᑕ ᓇᐤ ᐊᒋᒐᔨᒋ ᐊᓐᑕ ᐊᑯᐱᒡ᙮”
\s1 ᐃᔅᐱ ᓇᐸᐤ ᑎᔭᐸᔨᒪᒋ ᐎᐛ
\p
\v 13 “ᐃᔅᒋᔄᑕᐤ ᓇᐸᐤ ᓇᐳᐅᒋ ᐅᔅᒋᓂᒋᔎᐛ ᑭᔭ ᒋ ‍ ᐎᐸᒪᐤ ᑭᔭ ᓇᓇᒐ ᒂ ‍ ᐎᔭᔨᑕᐧᒃ ᐊ ᐊᑲ ᓴᔅ ᓂᑐᐛᔨᒪᑦ᙮
\v 14 ᑭᔭ ᒂ ᒥᒋ ‍ ᐛᐎᔭᑦ, ᑭᔭ ᒂ ‍ ᐃᔅᒋᔄᑦ ᐊ ᐊᑲ ᐅᒋ ᐅᔅᒋᓂᒋᔎᐛᐎᔨᒋ ᐃᔅᐱ ᑲ ‍ ᐎᒋᒪᑦ᙮
\v 15 ᐃᔅᐱᔨᒐ ᐅ, ᐊᓐ ᐃᔎᐤ ᐅᓂᒋᔨᒂ ᒋᑭ ᐎ ‍ ᐃᑐᑕᔪᐛ ᐱᑐᔅᐱᓯᒧᓂᔪᐤ ᐊᓐᑕ ᑲ ‍ ᑎᑯᓂᔨᒡ ᓂᐸᐅᓂᒡ ᐃᔅᐱ ᓇᐸᐛ ᑭᔭ ᐅᑕᓂᓯᐛᐛ ᑲ ‍ ᓂᐳᐎᔨᒋ, ᐊᔅᒄ ᐊᓱᐎᒂᑭᓂᔨᒡ, ᑭᔭ ᒐ ‍ ᐛᐸᑎᔭᔨᒋ ᐅᑕᓇᒡ ᒋᓴᐃᔪᒡ ᐊᓐᑕ ‍ ᐊ ‍ ᐃᔎᑕᒧᐎᔨᒡ ᐅᑕᓇᔪᐤ᙮
\v 16 ᐊᑯ ᐅᑕᐎᔭ ᐊᓐ ᐅᔅᒋᓂᒋᔎᐤ ᒐ ‍ ᐃᑕᔨᒋ ᒋᓴᐃᔪᐛ, ‘ᓂᒋ ‍ ᒥᔭᐤ ᓂᑕᓂᓴ ᐅ ᓇᐸᐤ ᒐ ‍ ᐎᐅᑦ᙮ ᒥᒄ ᐊᓄᒡ ᐃᔅᒋᔄᐤ ᐊ ‍ ᐊᑲ ᓴᔅ ᓂᑐᐛᔨᒪᑦ᙮
\v 17 ᑭᔭ ᒋ ‍ ᐊᑕᒪᔨᒪᐤ ᐊᒋ ‍ ᐃᔅᒋᔄᑦ ᐊ ᐊᑲ ᐅᒋ ‍ ᐅᔅᒋᓂᒋᔎᐛᐎᔨᒋ ᐃᔅᐱ ᑲ ‍ ᐎᒋᒪᑦ᙮ ᒥᒄ ᐛᐸᑎᒥᒄ, ᒪᐤ ᑕᑈᐤ ᐛᐸᑎᔨᐛᐅᓐ ᐊᒋ ‍ ᐅᔅᒋᓂᒋᔎᐅᑦ ᓂᑕᓂᔅ ! ᒋ ‍ ᑕᐸᑎᒥᒄ ᐊ ‍ ᓱᐎᒂᒡ ᐱᑐᔅᐱᓯᒧᓐ ᐊᓐᑕ ᑲ ‍ ᓂᐸᒡ ᐊᓂᔭ ᑕᐱᔅᑲᔨᒡ ᑲ ‍ ᓂᐳᐅᒡ !’ ᑭᔭ ᒐ ‍ ᐛᐸᑎᔭᑦ ᐊᓂᔭ ᐱᑐᔅᐱᓯᒧᓂᔪᐤ ᒋᓴᐃᔪᐛ᙮
\v 18 ᐊᑯ ᐊᓐᒡ ᒋᓴᐃᔪᒡ ᐅᑕᓇᔪᐤ ᐅᒋ ᒋᑭ ‍ ᐅᑎᓇᐅᒡ ᐊᓂᔭ ᓇᐸᐛ ᑭᔭ ᒐ ‍ ᐸᐱᓯᔅᑕᐛᒡ᙮
\v 19 ᐊᑯ ᒐ ‍ ᐃᑎᓱᒪᒡ ᒐᒋ ᒋᓯᐧᑲᓱᐎᔨᒋ ᐊᓇᓴᐛᑭᓄᐎᒋ ᐸᐃᑯᒥᑕᓯᒥᑎᓄᐤ ᐛᐱᓯᐤ ᓱᓇᔭᐱᔎ ᑭᔭ ᒐ ‍ ᒥᔭᑦ ᓱᓇᔭᔪᐤ ᐅᔅᒋᓂᒋᔎᓴ ᐅᑕᐎᔪᐛ, ᐛᔅ ᐊᓐ ᓇᐸᐤ ᒋ ‍ ᑐᑐᐛᐤ ᐊᓂᔭ ᐃᔅᕋᐃᓪ ᐅᔅᒋᓂᒋᔎᓴ ᒐ ᐊᑲ ‍ ᒋᔅᑕᔨᒪᑭᓄᐎᔨᒋ᙮ ᒪᒃ ᐊᔅᒄ ᐃᔭᐱᒡ ᒋᑭ ᐎ ‍ ᐎᒋᒪᐤ ᐊᓐ ᐃᔎᐤ ᐊᓂᔭ ᓇᐸᐛ; ᐊᐅᑯᔪᐛ ᐊᓂᔭ ᐎᐛ ᓇᐸᐤ᙮ ᓇᒪ ᒋᑭ ‍ ᓇᐊᔨᒪᑭᓄᐅᐤ ᒐᒋ ᓂᑭᑕᑦ ᒐ ‍ ᐃᔅᐱ ᐱᒪᑎᓯᔨᒋ᙮
\p
\v 20 ᒥᒄ ᑕᑈᒐ ᐊᓐ ᓇᐸᐤ ᐊᓂᔭ ᑲ ‍ ᐃᔅᒋᔄᑦ, ᑭᔭ ᐊᑲ ‍ ᑎᑯᓂᔨᒐ ᒐᒋ ᐛᐸᑎᔨᐛᑦ ᑲ ‍ ᐅᔅᒋᓂᒋᔎᐅᔨᒋ ᐃᔅᐱ ᑲ ‍ ᐎᒋᒪᑦ᙮
\v 21 ᒋᑭ ‍ ᐃᑐᑕᐅᒡ ᐊᓂᔭ ᐅᔅᒋᓂᒋᔎᓴ ᐊᓐᑕ ᐅᑕᐎᔪᐛ ᐅᔅᑐᐧᑭᓂᔨᒡ ᐎᒋᔨᒡ᙮ ᐊᑯ ᐊᓐᒡ ᓇᐸᐅᒡ ᐊᓐᑕ ᐅᑕᓇᒡ ᐅᒋ ᒐ ᐎ ‍ ᓂᐸᐊᒡ ᐊ ‍ ᐱᐳᒧᓯᓇᑕᐛᒡ ᐊᓯᓂᔭ᙮ ᐊᐅᑯᔪᐤ ᒐ ᐎ ‍ ᑐᑕᒡ ᐛᔅ ᐊᓐ ᐃᔎᐤ ᒋ ᑐᑎᒻ ᒐᒂᔪᐤ ᒋᒋᐛ ᐊ ᐊᑲ ‍ ᒋᔅᑕᔨᑕᑯᓂᔨᒡ ᐊᓐᑕ ᐃᔅᕋᐃᓕᒡ, ᑲ ‍ ᐎᐸᒪᑦ ᓇᐸᐛ ᒪᒂᒡ ᐊᔅᒄ ᑲ ‍ ᐎᒋᑦ ᐊᓐᑕ ᐅᑕᐎᔭ ᐎᒋᔨᒡ᙮ ᐊᓂᔭ ᑲ ᐃᓯ ‍ ᓂᐸᐊᒄ, ᒋᑦ ᐃᒐᑎᓯᓇᓇᐛᐤ ᒥᒋ ‍ ᐃᑐᐅᓐ ᐊᓐᑕ ᐊᑕᔭᒄ᙮
\p
\v 22 ᒐᔅᑎᐱᑕᑭᓄᒐ ᓇᐸᐤ ᐊ ‍ ᐎᐸᒪᑦ ᑯᑎᑲ ᓇᐸᐛ ᐎᔪᐎᐛ, ᑕᐱᔅᑯᓐ ᐊ ‍ ᓂᓯᒡ ᒋᑭ ᐎ ‍ ᓂᐸᐊᑭᓄᐎᒡ᙮ ᑐᑕᑭᓄᐅᒐ ᐅ, ᒋᑦ ᐃᒐᑎᓯᓇᓇᐛᐤ ᐊ ᒥᒋ ‍ ᐃᑎᓇᓄᐅᒡ ᐊᓐᑕ ᐃᔅᕋᐃᓕᒡ᙮
\p
\v 23 ᐃᔅᒋᔄᑕᐤ ᐊᓐᑕ ᐸᐃᒄ ᐅᑕᓇᐤ ᓇᐸᐤ ᐊ ‍ ᐛᐱᒪᑦ ᑲᒋ ‍ ᒋᔅᒋᓄᐛᒋᐊᑭᓄᐎᒋ ᐃᔎᐛ ᒐᒋ ᓂᐳᐎᒋ ᑭᔭ ᒐᔅᑎᐱᑕᑭᓄᐤ ᐊ ‍ ᐎᐸᒪᑦ᙮
\v 24 ᑕᐱᔅᑯᓐ ᐊ ‍ ᓂᓯᒡ ᒋᑭ ᐎ ‍ ᐃᑐᑕᑭᓄᐎᒡ ᐊᓐᑕ ᐊ ‍ ᐃᔎᑕᒧᐎᒡ ᐅᑕᓇᔪᐤ᙮ ᐊᑯᑕ ᒐ ᐎ ‍ ᓂᐸᐊᑯᒡ ᐊᐱᐳᒧᓯᓇᑕᐛᑯᒡ ᐊᓯᓂᔭ᙮ ᒋᑭ ᐎ ‍ ᓂᐸᐊᐛᐤ ᐅᔅᒋᓂᒋᔎᔅ ᐛᔅ ᓇᒪ ᐅᒋ ᑕᐱᑕᑈᐤ ᒐᒋ ᐎᒋᐊᑭᓄᐅᑦ ᐊᑎᓱᐧᒄ ᑲ ‍ ᐃᑕᑦ ᐊᓐᑕ ᐅᑕᓇᒡ᙮ ᑭᔭ ᒋᑭ ᐎ ‍ ᓂᐸᐊᑭᓄᐤ ᐊᓐ ᓇᐸᐤ ᐛᔅ ᐊᒋ ‍ ᐎᐸᒪᑦ ᓴᔅ ᑲᒋ ‍ ᒋᔅᒋᓄᐛᒋᐊᑭᓄᐎᒋ ᒐᒋ ‍ ᓂᐳᐎᔨᒋ᙮ ᑐᑎᒪᒂ ᐅ, ᒋᑭ ‍ ᐃᒐᑎᓯᓇᓇᐛᐤ ᐅ ᒥᒋ ‍ ᐃᑐᐅᓐ ᐊᓐᑕ ᐊ ‍ ᐃᑕᔭᒄ᙮
\p
\v 25 ᒥᒄ ᐃᔅᒋᔄᑕᐤ ᓇᐸᐤ ᓂᒋᔅᑯᐛᐤ ᑲᒋ ‍ ᒋᔅᒋᓄᐛᒋᐊᑭᓄᐎᒋ ᒐᒋ ‍ ᓂᐳᐎᔨᒋ ᐅᔅᒋᓂᒋᔎᓴ ᐊᓐᑕ ᓄᒋᒥᒡ ᑭᔭ ᒂ ‍ ᒥᒋᑐᑐᐛᑦ, ᐃᔅᐱᔨᒐ ᐅ, ᒥᒄ ᐊᓐ ᓇᐸᐤ ᒋᑭ ‍ ᓂᐸᐊᑭᓄᐤ᙮
\v 26 ᒐ ᐊᑲ ‍ ᐊᓏᔨᒪᒄ ᐊᓐ ᐅᔅᒋᓂᒋᔎᔅ; ᐛᔅ ᓇᒪ ᐅᒋ ᑐᑎᒻ ᒐᒂᔪᐤ ᒐᒋ ᐅᒋ ᓂᐸᐊᑭᓄᐅᑦ᙮ ᒧᔭᒻ ᒂ ‍ ᐃᓯᓇᒂᒡ ᐅ ᐃᔅᐱ ᓇᐸᐤ ᑲᒋ ‍ ᒋᒋᓇᑦ ᑯᑎᑲ ᓇᐸᐛ ᐊᓐᑕ ᓄᒋᒥᒡ ᑭᔭ ᑲ ‍ ᓂᐸᐊᑦ᙮
\v 27 ᐛᔅ ᐊᓐ ᓇᐸᐤ ᑲ ‍ ᒥᒋᑐᑐᐛᑦ ᐊᓂᔭ ᐅᔅᒋᓂᒋᔎᓴ ᐃᔅᐱ ᑲ ‍ ᑕᔨᒋ ᐊᓐᑕ ᓄᒋᒥᒡ ᑭᔭ ᐊᑎᓱᐧᒄ ᒋ ‍ ᑕᐱᑕᑈᑦ ᐊᓐ ᐅᔅᒋᓂᒋᔎᔅ, ᓇᒪ ᐅᒋ ᑕᔪᐛ ᐊᐛᔪᐛ ᒐᒋ ᐎᒋᐃᑯᑦ᙮
\p
\v 28 ᒥᒋᑐᑐᐛᒐ ᓇᐸᐤ ᐅᔅᒋᓂᒋᔎᓴ ᐊᑲ ᐅᒋ ‍ ᒋᔅᒋᓄᐛᒋᐊᑭᓄᐎᒋ ᒐᒋ ‍ ᓂᐳᐎᔨᒋ, ᑭᔭ ᒐᔅᑎᐱᑎᑯᒐ ᐊᐛᔪᐛ ᐊᓂᔭ ᐊ ‍ ᐃᑎᑦ,
\v 29 ᒋᑭ ‍ ᒋᓯᐧᑯᐛᐤ ᐱᑕᑕ ᑕᑐᔪᐤ ᐛᐱᓯᐤ ᓱᓇᔭᐱᔎ ᐅᔅᒋᓂᒋᔎᓴ ᐅᑕᐎᔪᐛ, ᑭᔭ ᐛᒧᒡ ᒋᑭ ᐎ ‍ ᐎᒋᒪᐤ ᐊᓂᔭ ᐅᔅᒋᓂᒋᔎᓴ, ᐛᔅ ᒋ ‍ ᑐᑐᐛᐤ ᒐᒋ ᐎᐸᒥᑯᑦ ᐊᓂᔭ ᐅᔅᒋᓂᒋᔎᓴ᙮ ᓇᒪ ᓇᐊᔨᒪᑭᓄᐤ ᒐᒋ ‍ ᓂᑭᑕᑦ ᐅᔅᒋᓂᒋᔎᓴ ᒐ ᐃᔅᐱᔅ ᐱᒪᑎᓯᔨᒋ᙮
\p
\v 30 ᓇᒪ ᓂᑕ ᒋᑭ ‍ ᑐᑐᐛᐤ ᓇᐸᐤ ᐅᑕᐎᔭ ᒐ ᐊᑲ ‍ ᒋᔅᑕᔨᒪᑦ ᐊ ‍ ᐎᐸᒪᑦ ᑕᓐ ᒥᒄ ᐊᓂᔭᔪᐛ ᐅᑕᐎᔭ ᐎᐎᔨᐛ᙮”
\c 23
\s1 ᐊᑲ ᐃᓯ ‍ ᐊᔅᑎᒋᒥᑯᐎᔨᓐ ᒋᓴᒪᓂᑐᐤ ᐅᑦ ᐃᔨᒪ
\p
\v 1 “ᓇᐸᐤ ᑲᒋ ‍ ᓯᒂᐛᑭᓄᐅᒂ ᑭᔭ ᒪᒄ ᑲᒋ ‍ ᒋᒥᔄᑭᓄᐅᒂ ᓇᐸᐛ ᐊ ‍ ᐃᓯᓇᑯᓯᔨᒋ ᓇᒪ ᒋᑭ ‍ ᐊᔅᑎᒋᒪᑭᓄᐅᐤ ᐸᐃᒄ ᒋᓴᒪᓂᑐᐛ ᐅᑦ ᐃᔨᒥᔨᐛ᙮
\p
\v 2 ᓇᒪ ᐊᐛᓐ ᐊ ᐊᑲ ‍ ᓂᐳᐎᔨᒋ ᐅᑲᐎᔭ ᑭᔭ ᐅᑕᐎᔭ ᑭᔭ ᒪᒃ ᐅᑦ ᐊᓂᔅᑯᑕᐸᓇ ᐊᓐ ᐊᐛᓐ, ᐱᐃᒻ ᐸᐃᑯᔪᐤ ᑲ ᐊᓂᔅᒐ ‍ ᐱᒪᑎᓯᒡ, ᒋᑭ ᒋ ‍ ᐊᔅᑎᒋᒪᑭᓄᐅᐤ ᐸᐃᒄ ᒋᓴᒪᓂᑐᐛ ᐅᑦ ᐃᔨᒥᔨᐛ᙮
\p
\v 3 ᓇᒪ ᐊᐛᓐ ᐊᓐᑕ ᐊᒧᕋ ᐃᔪᐛ, ᑭᔭ ᒪᒃ ᒧᐊᑉ ᐃᔪᐛ ᐊ ‍ ᐃᑎᔅᑲᓇᓯᔨᒋ ᐅᒋ, ᒋᑭ ᒋ ‍ ᐊᔅᑎᒋᒪᑭᓄᐅᐤ ᐸᐃᒄ ᒋᓴᒪᓂᑐᐛ ᐅᑦ ᐃᔨᒥᔨᐛ, ᐱᐃᒻ ᐸᐃᑯᔪᐤ ᑲ ᐊᓂᔅᒐ ‍ ᐱᒪᑎᓯᒡ᙮
\v 4 ᐛᔅ ᐊᐅᒄ ᐅᒋ ᐊᓂᔭ ᑲ ‍ ᓂᑲᓂᔅᑲᑯᒡ ᓇᒪ ᐅᒋ ‍ ᐎ ᒥᔭᐅᒡ ᒋᑦ ᐊᓂᔅᑯᑕᐸᓄᐛᐛ ᒥᒋᒥᔪᐤ ᑭᔭ ᓂᐱᔪᐤ ᐃᔅᐱ ᑲ ‍ ᐃᑐᑕᔨᒋ ᑲᐃᓇᓐ ᐊᔅᒋᒡ ᐃᒋᑉᑎᒡ ᐅᒋ, ᑯᑎᒋᔪᐤ ᒐᒂᔪᐤ ᒋ ᐎ ‍ ᒋᓯᐧᑯᐛᐅᒡ ᐸᓕᒪ, ᐱᐅᕐ ᐅᑯᓯᔨᐛ ᒥᓯᐳᑐᒥᐊ ᐅᑕᓇᒡ ᐅᒋ, ᒐᒋ ᒥᑕᐅᐎᑐᑕᑎᔨᑕᑯᐤ ᒋᔨᐛᐤ ᐃᔅᕋᐃᓪ ᐃᔪᐛ᙮
\v 5 ᒥᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᓇᒪ ᐅᒋ ᓂᑐᑐᐛᐤ ᐸᓕᒪᔨᒋ, ᒥᔅᑯᒡ ᒋ ‍ ᑐᑐᐛᐤ ᐸᓕᒪ ᒐᒋ ᓱᐛᔨᑕᑯᐛᔨᒋ ᒋᑦ ᐊᓂᔅᑯᑕᐸᓄᐛᐛ, ᐛᔅ ᒋᓴᒋᐊᐤ ᑎᐸᔨᒋᒐᓱᐤ ᒋᑦ ᐊᓂᔅᑯᑕᐸᓄᐛᐛ᙮
\v 6 ᒐ ᐃᔅᐱᔅ ‍ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ, ᒐ ᐊᑲ ‍ ᐎ ᑐᑎᒪᒄ ᒥᒄ ᐊᓯᓇᒂᒡ ᒐᒂᓐ ‍ ᒐᒋ ᑐᑕᑯᒡ ᐊᓐᒡ ᐊᓂᓱᔅᑲᓇᓯᒡ ᐃᔪᒡ ᒐᒋ ᒥᔪᐱᔨᒡ ᑭᔭ ᒪᒃ ᑐᑐᐛᑯᒡ ᒐᒋ ᐅᒋ ᒥᔪᐱᔨᒡ ᒐᒂᔪᐤ ᐅᒋ᙮
\p
\v 7 ᒥᒄ ᒐ ᐊᑲ ‍ ᐱᐛᔨᒪᒄ ᐊᐛᓐ ᐃᑕᒻ ᐃᔪᐛ ᐊ ‍ ᐃᑎᔅᑲᓇᓯᑦ, ᐛᔅ ᐊᐅᒄ ᐊᓐᒡ ᐊᓂᔭ ᐅᑦ ᐊᓂᔅᑯᑕᐸᓇ ᒋᑦ ᐊᓂᔅᑯᑕᐸᓄᐛᐤ ᒐᑭᑉ, ᒧᔭᒻ ᒋᔨᐛᐤ᙮ ᑭᔭ ᒐ ᐊᑲ ‍ ᐱᐛᔨᒪᑯᒡ ᐃᔪᒡ ᐃᔅᕋᐃᓪ ᐅᒋ, ᐛᔅ ᒋ ᒥᔪ ‍ ᑐᑐᐛᐅᒡ ᒋᑦ ᐊᓂᔅᑯᑕᐸᓄᐛᐛ ᐃᔅᐱ ᐅᔅᑭᒡ ᑲ ‍ ᐎᒋᔨᒋ ᐊᓐᑕ ᐃᒋᑉᑎᒡ᙮
\v 8 ᐅᑦ ᐊᐛᓯᒧᐛᐛ ᑭᔭ ᐅᓯᒧᐛᐛ ᐃᔪᒡ ᐃᑕᒻ ᑭᔭ ᐃᒋᑉᑦ ᐅᒋ ᐛᒋᒥᑎᔨᑕᑯ ᒋᑭ ‍ ᓇᐊᔨᒪᑭᓄᐅᒡ ᒐᒋ ᐊᔅᑎᒋᑕᑯᓯᒡ ᑎᐸᔨᒋᒐᓱᐛ ᐅᑦ ᐃᔨᒪ᙮”
\s1 ᐊ ᐊᑲ ‍ ᒥᔪᓇᒂᒡ ᐊᓐᑕ ᒥᔭᓂᑲᓱᓇᓄᐅᒡ
\p
\v 9 “ᐃᔅᐱ ᒋᓂᑐᐱᔪᐃ-ᐃᔨᒧᐛᐅᒡ ᐛᒋᑥᐛ ᐊᓐᑕ ᐱᒍᐎᔭᓂᒋᐛᐱᒡ ᒪᒂᒡ ᓂᑐᐱᔨᑥᑕᐛ ᑲ ‍ ᑈᒂᑎᔨᑕᑯᐤ, ᓇᒪ ᒋᑭ ᐎ ‍ ᑐᑎᒧᒡ ᒐᒂᔪᐛ ᒐ ᐊᑲ ‍ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮
\v 10 ᐃᔅᐱ ᓂᑐᐱᔪᐤ-ᐃᔪᐤ ᐊᑲ ᓇᐊᔨᑎᒪᐊᑦ ᒋᓴᒪᓂᑐᐛ ᐛᔅ ᐊᒋ ‍ ᑐᑕᐧᒃ ᒐᒂᔪᐤ ᑕᐱᔅᑲᔨᒡ ᐊᑲ ᒥᔪᓇᑯᓯᑦ, ᐃᔨᑲ ᒋᑭ ᐎ ‍ ᐃᑐᑕᐤ ᐛᒋᓇᓄᐎᔨᒡ ᒥᓐ ᒐᒋᓴᐸᔭᐱᓂᔨᒐ ᑭᔭ ᐊᑯᑕ ᐊᓐᑕ ᒐ ᐎ ‍ ᐃᑕᑦ ᒐ ‍ ᒋᓯᑲᔨᒡ᙮
\v 11 ᒥᒄ ᐅᑕᑯᓯᔨᒐ, ᒋᑭ ᐎ ‍ ᒋᔅᑕᐸᐎᓱᐤ, ᑭᔭ ᒋ ‍ ᐸᒋᓯᒧᐎᒐᓂᐃ ᐱᓯᒺ, ᒋᑭ ‍ ᓇᐊᔨᒪᑭᓄᐤ ᑲᐤ ᒐᒋ ᐃᑐᑕᑦ ᐊᓐᑕ ᐊ ‍ ᒪᓂᑲᓱᓇᓄᐎᒡ᙮
\p
\v 12 ᒋᑭ ᐎ ‍ ᑭᓄᐛᔨᑎᒧᒡ ᒋᓂᑐᐱᔪᐅ-ᐃᔨᒧᐛᐅᒡ ᒥᓯᐅᔭᑭᓂᔪᐤ ᐊᓐᑕ ᐎᐎᑎᒥᒡ ᐊ ‍ ᒪᓂᑲᓱᓇᓄᐎᒡ ᐊᓐᑕ ᒐᒋ ᐃᑐᑕᔭᒄ ᐛ ‍ ᐃᑐᑕᔭᑯᐤ᙮
\v 13 ᐃᔅᐱ ᓇᒋ ‍ ᓂᑐᐱᔨᑥᒂᐛ ᑲ ‍ ᐱᒂᑎᑕᑯᒡ, ᒐ ‍ ᑕᐧᑯᓂᒪᒄ ᒥᔅᑎᒄ ᐊᓯᒡ ᒋᓂᑐᐱᔪᐅ-ᐊᐱᒋᑕᐅᓄᐛᐛ, ᐃᔅᐱ ᐛ ᓇᒋ ‍ ᒥᓯᔭᑯᐤ, ᒥᔅᑎᒄ ᒐ ‍ ᒧᓇᐃᑲᒐᔭᒄ, ᐊᑯ ᑭᔭ ᒐ ‍ ᐊᑯᓇᐊᒪᒄ ᑲ ‍ ᒧᓇᐃᒐᔭᒄ ᑲᒋ ‍ ᒥᓯᔭᑯᐤ᙮
\v 14 ᒋᑭ ᐎ ‍ ᐛᔅᑭᒪᑕᓇᐛᐤ ᐊᓐᑕ ᑲ ‍ ᒪᓂᑲᓱᔭᒄ ᒐᒋ ᓇᐊᔨᑎᒥᔨᑯᑦ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᐛᔅ ᐃᑕᐤ ᐊ ‍ ᑕᐛᒄ ᐊᓐᑕ ᑲ ‍ ᒪᓂᑲᓱᔭᒄ ᒐ ‍ ᑭᓄᐛᔨᒥᑕᒄ ᑭᔭ ᒐ ‍ ᑐᑕᑕᒄ ᒐᒋ ᓴᐧᑯᒋᐃᒪᑯᐤ ᑲ ‍ ᐱᒂᑎᑕᑯᐤ, ᒐ ᐊᑲ ‍ ᑐᑎᒪᒄ ᒐᒂᓐ ᐊ ᐊᑲ ‍ ᓇᐊᔨᑎᒥᔨᑯᑦ ᒐᒋ ᐅᒋ ᓂᑭᑎᑕᒄ ᑎᐸᔨᒋᒐᓱᐤ᙮”
\s1 ᑕᑐᐎᒡ ᑯᑎᑲ ᐎᓱᐛᐅᓇ
\p
\v 15 “ᐃᔅᐱ ᐊᐱᒋᐊᑭᓐᒡ ᑲ ‍ ᒋᑎᓯᒪᒡ ᐅᒋᒪᒧᐛᐛ ᓂᑥᐱᒥᑕᒂᐛ ᑭᔭ ᑯᒂᒋᒥᑕᒂᐛ ᒐᒋ ᑭᓄᐛᔨᒪᑯᒡ, ᒐ ᐊᑲ ᑲᐤ ᒋᐛᑎᓴᐛᑯᒡ ᐅᒪᒧᐛᐛ ᐃᓯ᙮
\v 16 ᒐ ‍ ᓇᐊᔨᒪᑯᒡ ᒐᒋ ᐎᒋᒥᑕᑯᒡ, ᑕᓐᑕ ᒥᒄ ᐅᑕᓇᔪᐤ ᒐ ‍ ᐎᔭᔨᑕᒡ, ᑭᔭ ᒐ ᐊᑲ ‍ ᐱᐛᔨᒪᑯᒡ᙮
\p
\v 17 ᒐ ᐊᑲ ‍ ᓇᐊᔨᒥᑦ ᐃᔅᕋᐃᓪ ᓇᐸᐤ ᑭᔭ ᐃᔎᐤ ᒐᒋ ᐊᑕᐛᒐᑦ ᐎᔪᐤ ᐊᓐᑕ ᐊᔭᒥᐊᐅᒋᐛᐱᒡ᙮
\v 18 ᐃᔭᐱᒡ, ᒐ ᐊᑲ ‍ ᓇᐊᔨᒪᑯᒡ ᐊᐛᓐᒋ ᑲ ‍ ᐅᓯᑎᒪᓱᒡ ᓱᓇᔭᔪᐤ ᐊᒋ ‍ ᐊᑕᐛᒐᒡ ᐎᔪᐛᐛ ᒐᒋ ᐸᑕᒡ ᓱᓇᔭᔪᐤ ᐊᓐᑕ ᑎᐸᔨᒋᒐᓱᐛ ᒋᒋᓴᒪᓂᑐᒥᓄᐛ ᐅᑦ ᐊᔭᒥᐊᐅᒋᐛᐱᔨᒡ, ᐊᑎᓱᐧᒄ ᒋᒋ ‍ ᐊᓱᑎᒪᒐᒡ ᒐᒋ ᒋᓯᐧᑯᐛᒡ ᐊᓂᔭ ᓱᓇᔭᔪᐤ ᑎᐸᔨᒋᒐᓱᐛ᙮ ᐛᐧᑲᑕᐤ ᑎᐸᔨᒋᒐᓱᐤ ᐊᓂᔭ ᐊᐛᔪᐛ ᑲ ‍ ᑕᐛᒐᔨᒋ ᐎᔭᔪᐤ᙮
\p
\v 19 ᐃᔅᐱ ᐊ ‍ ᐎᐛᑎ ᓱᓇᔭᐤ ᑭᔭ ᒥᒋᒥᔪᐤ ᑭᔭ ᒪᒃ ᒥᒄ ᐊᓯᓇᑯᓂᔨᒡ ᒐᒂᔪᐤ ᒋᒋ ‍ ᐃᔅᕋᐃᓪ ᐃᔪᐤ, ᒐ ᐊᑲ ‍ ᑕᐧᑯᒡ ᓂᑐᐛᔨᑎᒧᐅᑦ᙮
\v 20 ᒋ ‍ ᓇᐊᔨᒥᑯᓇᐛᐤ ᑕᐧᑯᒡ ᒐᒋ ᓂᑐᐛᔨᑎᒧᐛᑯᒡ ᒪᓐᑕᐅᒡ ᐊᓐᑕ ᐛᒋᒡ ᒋᑦ ᐊᔅᒋᐛᒡ ᐃᔅᐱ ᐛᐊᒂᓐᒋ ᓱᓇᔭᔪᐤ᙮ ᒥᒄ ᓇᒪ ᐎ ‍ ᐎᔪᐛᐤ ᐃᔅᕋᐃᓪ ᐃᔪᒡ ᐃᔅᐱ ᐛᐊᒂᐛ ᓱᓇᔭᔪᐤ, ᐊᐅᒄ ᐅ ᒐ ‍ ᐃᑐᑎᒪᒄ ᒐᒋ ᓱᐛᔨᑕᑯᐎᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒥᓯᐛ ᒐᒂᓐ ᒐ ‍ ᐃᑐᑎᒪᒄ ᐊᓐᑕ ᐊᔅᒋᔾ ᒐ ‍ ᐱᒐᔭᒄ ᑭᔭ ᐅᑎᓂᒪᒄ᙮
\p
\v 21 ᐃᔅᐱ ᒋᒋ ‍ ᐊᓱᑎᒪᒐᔭᒂ ᒐᒋ ᒥᔭᒄ ᒐᒂᔪᐤ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑭᔭ ᒪᒃ ᒐᒋ ᑐᑎᒧᐛᒄ ᒐᒂᔪᐤ, ᐎᐱᒡ ᒐ ᐎ ‍ ᑐᑎᒪᒄ᙮ ᒋ ‍ ᐱᑯᓴᔨᒥᑯᐛᐤ ᑎᐸᔨᒋᒐᓱᐤ ᒐᒋ ᐃᑐᑎᒺᒄ ᒐᒂᔪᐤ ᑲ ‍ ᐊᓱᑎᒪᒐᐛᒄ, ᑭᔭ ᐊ ᐊᑲ ‍ ᐃᑐᑎᒺᒂ, ᒋᑭ ‍ ᒥᒋᑐᑕᓇᐛᐤ᙮
\v 22 ᒥᒄ ᐊᑲ ᐅᒋ ᒋᒋ ‍ ᐊᓱᑎᒪᒐᔭᒂ ᒐᒋ ᐃᑐᑎᒪᒄ ᒐᒂᓐ ᓇᒪ ᒥᒋᑐᑕᓇᐛᐤ᙮
\v 23 ᒥᒄ ᐃᔅᐱ ᐊᓱᑎᒪᒐᔭᒂ ᓴᒐᔾ ᒐᒋ ᑐᑎᒪᒄ ᒐᒂᓐ, ᒋᑭ ᐎ ‍ ᑐᑕᓇᐛᐤ᙮
\p
\v 24 ᐃᔅᐱ ᐱᒧᑕᔭᒂ ᐊᓐᑕ ᑯᑎᒃ ᐊᐛᓐ ᐅᓱᒥᓇᑎᑯᐅ-ᓂᑕᐅᒋᒋᑭᓂᒡ, ᒋ ‍ ᓇᐊᔨᒥᑯᓇᐛᐤ ᒐᒋ ᐅᑎᓂᒪᒄ ᑭᔭ ᒥᒋᔭᒄ ᓱᒥᓇ ᒥᒄ ᐛ ᐃᔅᐱᔅ ‍ ᒥᒋᔭᒄ, ᒥᒄ ᓇᒪ ᒋᑭ ᐎ ‍ ᒋᒥᓴᓇᐛᐤ ᐱᔅᒐ ᓱᒥᓇᑎᒂ ᑭᔭ ᔅᑐᑕᔭᒄ ᐊᓐᑕ ᐅᑎᐱᔪᑎᒡ᙮
\v 25 ᐃᔅᐱ ᐱᒧᑕᔭᒂ ᐱᒧᑕᔅᑭᓇᒡ ᐊᓐᑕ ᑯᑎᒃ ᐊᐛᓐ ᐅᐸᒂᓯᑭᓂᒥᓐ ᓂᑕᐅᒋᑕᑭᓂᒡ, ᒋ ‍ ᓇᐊᔨᒥᑯᓇᐛᐤ ᒐᒋ ᐅᑎᓂᒪᒄ ᐱᔅᒐ ᐸᒂᓯᑭᓂᒥᓇ ᑭᔭ ᒥᒋᔭᒄ, ᒥᒄ ᓇᒪ ᒋᑭ ᐎ ‍ ᒋᒥᓴᓇᐛᐤ ᐱᔅᒐ ᐸᒂᓯᑭᓂᒥᓇᑎᒂ ᒥᔅᑯᓯᐅ-ᒧᐧᑯᒪᓐ ᐊ ‍ ᐊᐱᒋᑕᔭᒄ ᑭᔭ ᔅᑐᑕᔭᒄ ᐊᓐᑕ ᐅᑎᐱᔪᑎᒡ᙮”
\c 24
\s1 ᐎᓱᐛᐅᓐ ᐊᐛᐱᓂᑐᓇᓄᐅᒡ
\p
\v 1 ᐃᔅᒋᔄᑕᐤ ᓇᐸᐤ ᓂᐳᐅ ᐃᔎᐛ ᑭᔭ ᓇᓇᒐ ᐎᔭᔨᑎᒻ ᓴᔅ ᐊᑲ ᐎ ‍ ᐎᒋᒪᑦ ᐛᔅ ᐊ ‍ ᑎᑯᓂᔨᒡ ᒐᒂᔪᐤ ᒐ ᐊᑲ ᐅᒋ ‍ ᒥᔽᑕᑦ᙮ ᑭᔭ ᐃᔅᒋᔄᑕᐤ ᒥᓯᓇᐃᒐᐤ ᐛ ‍ ᓂᑭᑕᑦ, ᑭᔭ ᒂ ‍ ᒥᔭᑦ ᒥᓯᓇᐃᑭᓂᔪᐤ ᑭᔭ ᒂ ‍ ᒋᑎᓴᐛᑦ ᐎᒋᒡ ᐅᒋ᙮
\v 2 ᐊᑯ ᒂ ᐊᑎ ‍ ᔅᑐᑕᑦ ᐃᔎᐤ ᑭᔭ ᒂ ᐊᑎ ‍ ᓂᐳᐅᑦ ᑯᑎᑲ ᓇᐸᐛ,
\v 3 ᐊᑯ ᓇᓇᒐ ᑭᔭ ᐎᔾ ᐊᓐ ᓇᐸᐤ ᒂ ‍ ᐎᔭᔨᑕᐧᒃ ᐊᑲ ‍ ᒥᔽᑕᑦ ᑭᔭ ᒂ ‍ ᒥᓯᓇᐃᒐᑦ ᐊ ᓂᑭᑕᑦ ᑭᔭ ᒂ ‍ ᒋᑎᓴᐛᑦ ᐎᒋᒡ ᐅᒋ, ᑭᔭ ᒪᒃ ᐃᔅᒋᔄᑕᐤ ᐊ ‍ ᐳᓂᐱᒪᑎᓯᑦ ᐊᓐ ᓂᓱ ᐅᓇᐸᒥᒪᐤ᙮
\v 4 ᐃᔅᐱ ᐃᔅᐱᔨᒂᐛ ᐅᔭ ᓂᓱ ᒐᒂᓇ, ᓇᒪ ᒥᓐ ᑲᐤ ᒋᑭ ‍ ᐎᒋᒥᑯᐤ ᐊᓂᔭ ᐅᔅᑭᒡ ᐅᓇᐸᒪ ᐊᓐ ᐃᔎᐤ᙮ ᐊᓐ ᓇᐸᐤ ᓇᒪ ᒥᔪ ‍ ᐅᑎᓂᑯᐤ ᑎᐸᔨᒋᒐᓱᐛ ᒋᑭ ᐎ ‍ ᐃᑕᔨᒪᐤ ᐃᔎᐛ᙮ ᐎᓇᑯᓐ ‍ ᒋᐸ ᒋ ‍ ᐃᑕᔨᑎᒻ ᑎᐸᔨᒋᒐᓱᐤ ᒥᓐ ᑲᐤ ᐎᒋᒪᑦ ᓇᐸᐤ ᐊᓂᔭ ᐃᔎᐛ᙮ ᒐ ᐊᑲ ᐎ ‍ ᒥᒋᑐᑎᒪᒄ ᐅ ᐊ ‍ ᐃᑎᔭᒄ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒪᔨᑕᒄ᙮
\s1 ᓂᓇᐧᑯᐤ ᐎᓱᐛᐅᓇ
\p
\v 5 ᐃᔅᐱ ᓇᐸᐤ ᐊᓄᒋᒐ ᓂᐳᐅᒐ, ᓇᒪ ᒋᑭ ᐎ ‍ ᓂᑐᐛᔨᑕᑯᓱᐤ ᒐᒋ ᓂᑐᐱᔪᐤ-ᐃᔪᐅᑦ ᑭᔭ ᒪᒃ ᒐᒋ ᐊᑐᔅᑯᐛᑦ ᒋᓴᐅᒋᒪᐛ ᐸᐃᑯᐳᓇ ᐃᔅᐱᔅ ᑲᒋ ‍ ᓂᐳᐅᑦ᙮ ᒋᐸ ᐎ ‍ ᑕᐤ ᐊᓐᑕ ᐎᒋᒡ ᐊ ‍ ᒥᔽᔨᑕᐧᒃ ᐊᓯᒡ ᐊᓂᔭ ᐎᐛ᙮
\p
\v 6 ᐊᐛᓐ ᐊ ‍ᐛᐊᑦ ᑯᑎᑲ ᐊᐛᔪᐛ ᓱᓇᔭᔪᐤ ᓇᐊᔨᒪᑭᓄᐤ ᒐᒋ ᓂᑐᐛᔨᑎᒧᐛᑦ ᒐᒋ ᒥᔨᑯᑦ ᒐᒂᔪᐤ ᒐᒋ ᐊᓱᑎᒪᒐᔨᒋ ᑲᐤ ᒐᒋ ᒋᓯᐧᑲᑯᑦ ᓱᓇᔭᔪᐤ ᑲ ‍ ᐊᐛᓱᔨᒋ᙮ ᒥᒄ ᓇᒪ ᒋᑭ ᐎ ‍ ᐅᑎᓂᒺᐤ ᐊᓂᔭ ᐊᓯᓂᔪᐤ ᐊᓐᑕ ᑲᑎᒂᔨᑭᓄᐎᒋ ᐸᒂᓯᑭᓂᒥᓇ᙮ ᒧᔭᒻ ᐊ ‍ ᐅᑎᓂᒺᑦ ᐊᓯᓂᔪᐤ ᐊᓐᑕ ᑲᑎᒂᔨᑭᓄᐎᒋ ᐸᒂᓯᑭᓂᒥᓇ ᒋᐸ ‍ ᐃᓯᓇᑯᓂᔪᐤ ᐊ ‍ ᐸᐃᑯᑕᐅᓯᔨᒋ ᐃᔭᐱᒋᑕᔨᒋ ᐊᑎᒂᐊᒥᔨᒋ ᐸᒂᓯᑭᓂᒥᓇ ᒐᒋ ᐅᓴᔨᒋ ᐸᒂᓯᑭᓇ ᒐᒋ ᐅᒋ ‍ ᐃᔪᐎᒋ᙮
\p
\v 7 ᒋᒧᑎᒐ ᐊᐛᓐ ᐎᒋ ‍ ᐃᔅᕋᐃᓪ ᐃᔪᐛ ᒐᒋ ᑐᑐᐛᑦ ᒐᒋ ᐊᐱᒋᐊᑭᓂᑐᐛᑦ ᑭᔭ ᒪᒃ ᐊᑕᐛᒐᑦ ᒐᒋ ᐊᐱᒋᐊᑭᓂᑕᑯᐎᒋ ᑯᑎᑲ ᐊᐛᔪᐛ, ᒋᑭ ᐎ ‍ ᓂᐸᐊᐛᐤ ᐊᓐ ᐊᐛᓐ ᐅᔭ ᑲ ᐃᑎᑦ᙮ ᐅ ᐊ ‍ ᐃᑐᑎᒪᒄ, ᒋᑭ ‍ ᐃᒐᑎᓯᓇᓇᐛᐤ ᐅ ᐊ ‍ ᒪᔭᑎᒡ ᒐᒂᓐ ᐊ ‍ ᐃᑕᔭᒄ᙮
\p
\v 8 ᐅᒥᒋᐅᐛᔅᐱᓇᔨᓇ, ᔭᐃᑕᔾ ᒐ ᐎ ‍ ᑐᑎᒧᑦ ᒥᓯᐛ ᒐᒂᔪᐤ ᐊᔭᒥᐊᐅᒋᒪᐅᒡ, ᓕᐸᐃ ᐃᔪᐛ ᐊ ᐅᒋᒡ, ᐊ ‍ ᐃᑎᔅᒡ ᒐ ‍ ᐃᑐᐅᑦ, ᒐ ᒥᔪ ‍ ᓇᐊᔨᑎᒺᒄ ᒐᒂᔪᐤ ᑲ ‍ ᐃᑎᓱᒥᒂᐤ᙮
\v 9 ᒐ ᐊᑲ ‍ ᐅᓂᒋᔅᒋᑎᒧᑦ ᒐᒂᔪᐤ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲ ‍ ᐃᑐᑎᐛᑦ ᒪᕆᐊᒪ, ᐃᔅᐱ ᑲ ‍ ᐅᒥᒋᐅᐛᔅᐱᓇᔨᒋ, ᑲᒋ ‍ ᓂᑭᑕᒡ ᐃᒋᑉᑎᔪᐤ ᒋᑦ ᐊᓂᔅᑯᑕᐸᓄᐛᐅᒡ᙮
\p
\v 10 ᐊ ᐛᐊᑎ ᐊᐛᓐ ᒐᒂᔪᐤ, ᒐ ᐊᑲ ‍ ᐱᒐᐅᑦ ᐎᒡ ᒐᒋ ᐅᑎᓂᒧᑦ ᐅᑦ ᐊᑯᑉ ᐊ ‍ ᐃᔅᒋᔄᑦ ᒐᒋ ᒥᔨᔅᒃ ᒐᒋ ᐊᓱᑎᒪᔅᒃ ᑲᐤ ᒐᒋ ᐸᑕᑦ ᒐᒂᔪᐤ ᑲ ‍ ᐅᐛᐊᓱᑦ᙮
\v 11 ᐎᐎᑎᒥᒡ ᐎᒋᒡ ᒐ ‍ ᓂᐳᐅᑦ, ᑭᔭ ᐊᓐ ᐊᐛᓐ ᑲ ‍ ᐊᐛᐊᑦ ᒐᒂᔪᐤ ᒋᑭ ‍ ᐸᑥᒄ ᐅᑦ ᐊᑯᑉ᙮
\v 12 ᒥᒄ ᐊ ‍ ᒋᔅᑎᒪᑎᓯᒐ, ᒐ ᐊᑲ ‍ ᑭᓄᐛᔨᑎᒥᓐ ᐊᓐ ᐊᑯᑉ ᐃᔅᑭᓐ ᑎᐱᔅᑲᐛ᙮
\v 13 ᐃᔅᐱ ᐸᒋᓯᒧᒐ ᐱᓯᒻ, ᑲᐤ ᒐ ‍ ᐃᑐᑐᐅᑦ ᐅᑦ ᐊᑯᑉ, ᒐᒋ ᐳᔅᑲᐧᒃ ᒪᒂᒡ ᓂᐸᒐ᙮ ᑐᑎᒥᓇ ᒪᒃ ᐅ, ᒋᑭ ‍ ᓂᑐᐛᔨᑎᒧᐛᐤ ᒋᓴᒪᓂᑐᐛ ᒐᒋ ᓱᐛᔨᑕᑯᐎᔅᒋᔨᔅᒋ, ᑭᔭ ᒋᑭ ‍ ᒥᔽᔨᑎᒪᐊᐤ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ᙮
\p
\v 14 ᒐ ᐊᑲ ‍ ᐱᔽᔨᒥᑥᐤ ᒥᒄ ᐊᓯᓇᑯᓯᒡ ᐊᐱᒋᐊᑭᓐᒡ ᐊ ‍ ᒋᔅᑎᒪᑎᓯᒡ ᐃᔪᒡ ᑲ ᐅᑎᓂᑥ ᒐᒋ ᐊᑐᔅᑲᔅᒡ᙮ ᐊ ‍ ᐃᔅᕋᐃᓪ ᐃᔪᐅᒡ ᑭᔭ ᒪᒃ ᒪᓐᑕᐅᒡ ᐛᒋᒡ ᐊᓐᑕ ᒋ ‍ ᐅᑕᓇᒥᒡ᙮
\v 15 ᐊᓯᑯᒻ ᒋᓯᑲᐛ, ᐊᒺᔭ ᐸᒋᓯᒧᑦ ᐱᓯᒻ, ᒋᑭ ᐎ ‍ ᒋᓯᐧᑯᐛᐅᒡ ᐅᑲᓂᔪᓄᐛᐤ ᑲ ‍ ᑭᔅᒋᑎᒪᓱᒡ᙮ ᒋᔅᑎᒪᑎᓯᐅᒡ ᐊᓐᒡ ᑭᔭ ᓂᑐᐛᔨᑎᒧᒡ ᐅᑲᓂᔪᓄᐛᐤ᙮ ᐊᑲ ᓴᐳᑐᐛ ᒋᓯᐧᑯᑥᐛ, ᒋᑭ ‍ ᑕᑈᑕᐅᒡ ᑎᐸᔨᒋᒐᓱᐛ ᐊᓏᔨᒥᔅᒡ ᑭᔭ ᒋᑭ ‍ ᐊᓏᔨᒥᒄ ᑎᐸᔨᒋᓴᓱᐤ ᐊᓂᔭ ᑲ ᐃᓯ ‍ ᒥᒋᑐᑎᒧᑦ᙮
\p
\v 16 ᓇᒪ ᒋᑭ ᐎ ‍ ᓂᐸᐊᑭᓄᐎᒡ ᐅᓂᒋᐃᑯᒪᐅᒡ ᑲ ᐃᓯ ᒥᒋᑐᑎᒥᔨᒋ ᐅᑦ ᐊᐛᓯᒧᐛᐛ, ᑭᔭ ᐊᐛᓯᒡ ᓇᒪ ᒋᑭ ᐎ ‍ ᓂᐸᐊᑭᓄᐎᒡ ᑲ ᐃᓯ ᒥᒋᑐᑎᒥᔨᒋ ᐅᓂᒋᐃᑯᐛᐛ᙮ ᒋᑭ ‍ ᓂᐸᐊᑭᓄᐎᒡ ᐊᐛᓐᒋ ᑎᐱᔨᐛ ᐎᔨᐛᐤ ᑲ ‍ ᒥᒋᑐᑕᒡ᙮
\p
\v 17 ᒋᑭ ᐎ ‍ ᑐᑐᐛᐛᐅᒡ ᐊᓐᒡ ᒪᓐᑕᐅᒡ ᐛᒋᒥᑕᑯᒡ ᑭᔭ ᒋᐅᓴᓐᒡ ᑕᓐ ᐊᑎᔅᑕᒋ ᐎᓱᐛᐅᓇ ᐊᓐᑕ ᐊᔅᒋᒡ ᒋᐸ ‍ ᐃᑐᑐᐛᑭᓄᐅᒡ᙮ ᑭᔭ ᐊᐛᐊᑕ ᒋᔅᑎᒪᒋᔎᐤ ᒐᒂᔪᐤ, ᒐ ᐊᑲ ‍ ᐅᑎᓂᒧᑦ ᐅᑦ ᐊᑯᑉ ᒐᒋ ᐅᒋ ᐊᓱᑎᒪᒐᑦ ᑲᐤ ᒐᒋ ᒥᔨᔅᒃ ᑲ ‍ ᐅᐛᐊᓱᑦ᙮
\v 18 ᒐ ᐊᑲ ‍ ᐅᓂᒋᔅᒋᔭᒄ ᑲᒋ ‍ ᐊᔨᒧᔪᔭᒄ ᐃᔅᐱ ᑲ ᐅᑦ ᐊᐱᒋᐊᑭᓄᐎᔭᒄ ᐊᓐᑕ ᐃᒋᑉᑎᒡ, ᑭᔭ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᔅᒋ ‍ ᐱᐧᑯᐎᔨᑯᐛᐤ ᐊᓐᑕ ᐅᒋ᙮ ᐊᐅᑯᐤ ᐛᒋ ‍ ᐃᑎᓱᒥᑎᑯᒡ ᒐᒋ ᐎᒋᐊᑯᒡ ᐊᐛᓐᒋ ᐊ ‍ ᐅᔅᑕᐱᔨᒡ᙮
\p
\v 19 ᐃᔅᐱ ᒪᒧᓴᒋᒥᓇ ᑲ ‍ ᓂᑕᐅᒋᑕᔨᓐ, ᐅᓂᒋᔅᒋᑎᒥᓇ ᐸᐃᒄ ᑲ ‍ ᒪᒧᐛᐱᐧᑲᑎᒥᓐ ᐸᒂᓯᑭᓂᒥᓇ ᓂᑕᐅᒋᒋᑭᓂᒡ, ᒐ ᐊᑲ ᑲᐤ ᐃᑐᑕᔨᓐ ᐊᓐᑕ ᒐᒋ ᓂᑐᐛᐸᑎᒥᓐ᙮ ᒐ ‍ ᓂᑭᑎᒧᐅᑥᐤ ᐊᓂᔭ ᒪᓐᑕᐅᒡ ᑭᔭ ᒋᐅᓴᓐᒡ ᑭᔭ ᒋᔅᑎᒪᒋᔎᐅᒡ᙮ ᐃᑐᑎᒥᓇ ᒪᒃ ᐅ, ᒋᑭ ‍ ᓱᐛᔨᑕᑯᐃᒄ ᑎᐸᔨᒋᒐᓱᐤ ᒥᓯᐛ ᒐᒂᔪᐤ ᐊ ‍ ᐃᑐᑎᒧᑦ᙮
\v 20 ᑭᔭ ᐸᐃᒂᐤ ᒪᒧᓴᒋᓂᑥᐛ ᐊᓕᐱᒡ ᒥᔅᑎᑯᒡ ᐅᒋ, ᒐ ᐊᑲ ‍ ᑲᐤ ᐃᑐᑕᔨᓐ ᐊᓐᑕ ᒐᒋ ᓇᒋ ‍ ᒪᒧᓴᒋᓂᑥᐤ ᐊ ‍ ᐃᔅᑯᐱᔨᒡ ᒥᔅᑎᑯᒡ᙮
\v 21 ᑭᔭ ᐃᔅᐱ ᒪᒧᓴᒋᓂᒥᓇ ᓱᒥᓇ ᒋᓱᒥᓇᑎᑯ ᓂᑕᐅᒋᒋᑭᓂᒡ, ᒐ ᐊᑲ ‍ ᑲᐤ ᐃᑐᑕᔨᓐ ᐊᓐᑕ ᒐᒋ ᐊᑎᑐᐤ ᐎ ‍ ᒥᔅᑯᐅᑥᐤ, ᒐ ‍ ᓂᑭᑎᒧᐅᑥᐤ ᐊᓂᔭ ᒪᓐᑕᐅᒡ ᑭᔭ ᒋᐅᓴᓐᒡ ᑭᔭ ᒋᔅᑎᒪᒋᔎᐅᒡ᙮
\v 22 ᒐ ᐊᑲ ‍ ᐅᓂᒋᔅᒋᔨᓐ ᑲ ‍ ᒋᓴᐛᑐᑕᔅᒃ ᑎᐸᔨᒋᒐᓱᐤ ᐃᔅᐱ ᑲ ᐅᑦ ᐊᐱᒋᐊᑭᓄᐎᔭᒄ ᐊᓐᑕ ᐃᒋᑉᑎᒡ᙮ ᐊᐅᑯᐤ ᐛᒋ ‍ ᐃᔨᑎᓯᒥᑯᒡ ᒐᒋ ᒋᓴᐛᑐᑐᐛᑯᒡ ᐊᐛᓐᒋ ᐊᒋᔅᑎᒪᑎᓯᒡ᙮
\c 25
\s1 ᐊ ‍ ᐸᐱᓯᔅᑕᐛᑭᓄᐅᒡ ᑲ ‍ ᒥᒋᑐᑕᒡ
\p
\v 1 “ᐃᔅᐱ ᓂᓱ ᐃᔅᕋᐃᓪ ᐃᔪᒡ ᐊᓯᑕᔨᒥᑐᒡ ᑭᔭ ‍ᑲ ‍ ᑎᐸᔅᑯᓂᑐᓇᓄᐎᔨᒡ ᐃᑐᑕᐅᒡ, ᒋᑭ ᒋ ‍ ᐎᔭᔨᑎᒻ ᑲ ‍ ᑎᐸᔅᑯᓂᒐᑦ ᐸᐃᒄ ᐊᑎᓯᔭᒄ ᐊᑲ ᐅᒋ ᒥᒋ ‍ ᑐᑕᐧᒃ ᑭᔭ ᑯᑎᒃ ᐊᓐ ᐊ ‍ ᑕᒪᔨᑕᑯᓯᑦ᙮
\v 2 ᐃᔅᒋᔄᒐ ᑲ ‍ ᑎᐸᔅᑯᓂᒐᑦ ᒐ ᐎ ‍ ᐸᐱᓯᔅᑕᐛᑭᓄᐎᔨᒋ ᐊᓂᔭ ᑲ ‍ ᑕᒪᔨᑕᑯᓯᔨᒋ, ᒋᑭ ‍ ᐃᑎᓱᐛᐤ ᒐᒋ ᐱᒥᓯᓂᔨᒋ ᒧᔅᑎᔅᑭᒥᒡ ᑭᔭ ᒐᒋ ᐸᐱᓯᔅᑕᐛᑭᓄᐎᔨᒋ᙮ ᒐᒄ ᒥᒋᑐᑎᒧᐅᓂᔪᐤ ᑲ ‍ ᑐᑕᐧᒃ ᐊᐅᑯᔪᐤ ᐊᓂᔭ ᑕᑥᐤ ᒐ ᐃᔅᐱᔅ ‍ ᐸᐱᓯᔅᑕᐛᑭᓄᐅᑦ ᐱᓯᔅᑕᔨᑭᓄᔪᐤ᙮
\v 3 ᑕᑈᑕᑭᓄᐎᔪᐤ ᓇᐎᔪᐛᐤ ᑕᑥᐤ ᐃᔅᐱᔅ ᒐᒋ ᐱᓯᔅᑕᐛᑭᓄᐅᑦ, ᓇᒪᔭᐤ ᐊᑎᑐᐤ᙮ ᓇᐎᔪᐛᐤ ᐊᑎᑐᐤ ᑕᑥᐤ ᐸᐱᓯᔅᑕᐛᑭᓄᐅᑦ, ᓇᒪ ᑎᐱᒐᔨᑕᑯᓱᐤ ᒐᐸ ‍ ᐃᑕᔨᒥᑯᐤ ᐃᔪᐛ᙮
\s1 ᒐ ᐊᑲ ‍ ᒋᑈᐱᐧᑲᑎᒧᑦ ᐅᑐᐅᓐ ᒋ ‍ ᒥᔅᑐᓯᒻ
\p
\v 4 ᐃᔅᐱ ᐱᒧᑕᒐ ᒋ ‍ ᒥᔅᑐᓯᒻ ᐸᒂᓯᑭᓂᒥᓂᒡ ᒐᒋ ᑕᑎᐸᓇᐧᒃ ᐸᒂᓯᑭᓂᒥᓇᑎᒂ ᐊᓐᑕ ᐸᒂᓯᑭᓂᒥᓂᒡ ᐅᒋ, ᒐ ᐊᑲ ‍ ᒋᑈᐱᐧᑲᑎᒧᑦ ᐅᑐᐅᓐ ᒪᒂᒡ ᒐᒋ ᐊᑲ ᒥᒋᑦ ᐸᒂᓯᑭᓂᒥᓇ᙮
\s1 ᒐ ‍ ᐃᑎᑦ ᐎᐧᑲᓂᓯᒪᐤ ‍ ᑲ ‍ ᐳᓂᐱᒪᑎᓯᔨᒋ ᐎᐧᑲᓂᓴ 
\p
\v 5 ᐃᔅᐱ ᓂᓱ ᐅᑯᓯᒪᐅᒡ ᒪᒧᐤ ᐎᒋᑎᑥ ᐊᓐᑕ ᐸᐃᑯᑕᐤ ᑎᐸᔨᑎᒧᓂᒡ, ᑭᔭ ᐸᐃᒄ ᐅᑯᓯᒪᐤ ᐊᑲ ‍ ᑕᔨᒋ ᐅᑯᓴ ᒂ ‍ ᐳᓂᐱᒪᑎᓯᑦ, ᐊᓐ ᓇᐸᐤ ᐅᒋᔅᑎᒪᒋᔎᒪ ᓇᒪ ᒋᑭ ᐎ ‍ ᓂᐳᔪᐛ ᑯᑎᑲ ᓇᐸᐛ ᐊ ᐊᑲ ‍ ᐅᒋᔨᒋ ᐊᓐᑕ ᐅᓇᐸᒪ ᐊ ‍ ᐸᐃᑯᑕᐅᓯᔨᒋ᙮ ᐊᑯ ᐊᓐ ᓇᐸᐤ ᑲ ‍ ᐳᓂᐱᒪᑎᓯᑦ ᐎᐧᑲᓂᓴ ᒋᑭ ᐎ ‍ ᓂᐳᐅ ᐊᓂᔭ ᐃᔎᐛ ᑭᔭ ᒐ ‍ ᐎᐸᒪᔨᒋ᙮ ᐊᐅᑯᔪᐤ ᐊᓂᔭ ᐅᑦ ᐊᑐᔅᒐᐅᓐ ᒐᒋ ᑐᑕᐧᒃ᙮
\v 6 ᓇᓇᒐ ᓄᒂᐊᒐ ᐅᑯᓯᓯᒪᐛ, ᐊᓐ ᓇᐸᐤ ᑲ ‍ ᐳᓂᐱᒪᑎᓯᑦ ᐅᑯᓴ ᒋᑭ ᐃᓯ ‍ ᐅᑎᓇᑭᓄᐤ᙮
\p
\v 7 ᒥᒄ ᐊᑲ ‍ ᐎ ‍ ᓂᐳᐅᒐ ᐎᐧᑲᓂᓯᒪᐤ ᐊᓂᔭ ᐃᔎᐛ, ᒋᑭ ᐎ ‍ ᓇᓂᐳᐅᐤ ᐊᓐ ᐃᔎᐤ ᐊᓐᑕ ᐃᔎᑕᒥᒡ ᐅᑕᓇᒡ ᑭᔭ ᒐ ‍ ᐃᑕᑦ ᐅᑕᓇᒡ ᑲᓂᑲᓇᔨᑕᑯᓯᔨᒋ, ‘ᓂᓇᐸᒻ ᐎᐧᑲᓂᓴ ᓇᒪ ᐎ ‍ ᑐᑎᒻ ᒐᒂᔪᐤ ᒋᐸ ᐎ ‍ ᑐᑎᒧᐱᓐ᙮ ᓇᒪ ᓂᐎ ‍ ᐎᒋᒥᒄ ᒐᒋ ᓄᑯᐃᒥᒋ ᐅᑯᓯᓯᒪᐛ ᒐ ᐊᑲ ‍ ᒋ ‍ ᐅᓂᑎᓂᔨᒡ ᓂᓇᐸᒻ ᐅᑦ ᐃᓯᓂᐊᑲᓱᐅᓐ ᐊᓐᑕ ᐃᔅᕋᐃᓕᒡ᙮’
\v 8 ᐊᑯ ᐊᓐᒡ ᑲᓂᑲᓇᔨᑕᑯᓯᒡ ᒋᑭ ᐎᓴᒪᐅᒡ ᐊᓂᔭ ᓇᐸᐛ ᑭᔭ ᒐ ‍ ᐃᔨᒪᐊᒡ᙮ ᐊᔅᒄ ᐊᑲ ᑕᑈᑕᒐ ᒐᒋ ᐎᒋᒪᑦ,
\v 9 ᒋᑭ ᓂᑐᐛᐱᒪᐤ ᐃᔎᐤ ᐊᓂᔭ ᓇᐸᐛ ᒪᒂᒡ ᐊ ‍ ᑭᓄᐛᐱᒥᑯᑦ ᑲᓂᑲᓇᔨᑕᑯᓯᔨᒋ, ᑭᔭ ᒥᓂᒺᑦ ᐸᐃᒄ ᐅᒥᔅᒋᓂᔪᐤ ᒐᒋ ᐛᐸᑎᔨᐛᑦ ᒐ ᐊᑲ ᓇᔅᒡ ᑲᔅᑎᓂᒥᔨᒋ ᐅᑎᐸᔨᑎᒧᐅᓂᔨᐛ, ᑭᔭ ᒐ ‍ ᓯᔅᑎᒂᑕᑦ ᐅᑕᔅᑎᒥᑯᔨᒡ, ᑭᔭ ᒐ ‍ ᐃᑕᑦ ‘ᐊᐅᑯᔪᐤ ᐊᓯᓇᑯᔅᑦ ᓇᐸᐤ ᐊᑲ ᐎ ‍ ᑕᑈᑕᐧᒃ ᒐᒋ ᑐᑕᐧᒃ ᒐᒂᔪᐤ ᓇᑐᐛᔨᑕᑯᓂᔨᒡ ᒐᒋ ᑕᑈᑕᐧᒃ ᒐᒋ ᑕᔨᒋ ᑲ ‍ ᐳᓂᐱᒪᑎᓯᔨᒋ ᐎᐧᑲᓂᓴ ᐅᑯᓯᔨᐛ ᒐ ᐊᑲ ‍ ᐅᓂᑎᓂᔨᒡ ᐊ ‍ ᐸᐃᑯᔅᑲᓇᓯᒡ ᐅᑦ ᐃᓯᓂᐧᑲᓱᐅᓄᐛᐤ᙮’
\v 10 ᒋ ‍ ᐃᔅᐱᔨᒐ ᐅ, ᐊᓐ ᓇᐸᐤ ᐊ ‍ ᐸᐃᑯᔅᑲᓇᓯᑦ ‘ᐊᓐ ᓇᐸᐤ ᐊᓐᑕ ᐊ ‍ ᐸᐃᑯᔅᑲᓇᓯᒡ ᑲ ‍ ᒥᓂᐱᑕᑭᓄᐎᒡ ᐸᐃᒄ ᐅᒥᔅᒋᓐ’ ᒋᑭ ᐃᓯ ‍ ᒋᔅᒐᔨᒪᑭᓄᐎᒡ᙮
\s1 ᓂᓱ ᑯᑎᑲ ᐎᓱᐛᐅᓇ
\p
\v 11 ᐃᔅᐱ ᓂᓱ ᓇᐸᐅᒡ ᒪᓯᐧᑲᑐᑕᐛ, ᑭᔭ ᐸᐃᒄ ᐊᓐ ᓇᐸᐤ ᐎᐛ ᐸᐸᑕᔪᐛ ᒐᒋ ᐎᒐᐊᑦ ᐅᓇᐸᒪ ᐊ ᐅᒋ ‍ ᒪᑯᓇᑦ ᐊᓐᑕ ᓇᐸᐤ ᐊ ‍ ᐃᓯᓇᑯᓯᑦ,
\v 12 ᒐ ᐊᑲ ‍ ᒋᔅᑎᒪᒐᔨᒪᒄ ᐊᓐ ᐃᔎᐤ, ᒐ ‍ ᒋᒥᓯᒺᒄ ᐅᑎᔨᒋ᙮
\p
\v 13-14 ᐃᔅᐱ ᐊᔭᔨᓂ ᑭᔭ ᒪᒃ ᐊᑕᐛᒐᔨᓂ ᒐᒂᓇ, ᒐ ᐊᑲ ‍ ᒋᒧᑎᒧᐅᑥᐤ ᐃᔪᒡ ᓂᓱᐎᒡ ᐊ ‍ ᐃᓯᓇᒂᒋ ᑎᐸᐸᔨᑭᓇ ᒐᒋ ᑭᓄᐛᔨᑎᒥᓐ, ᐸᐃᒄ ᐊ ‍ ᐊᐱᒋᑕᔨᓐ ᐃᔅᐱ ᐊᔭᔨᓂ ᒐᒂᓐ ᑭᔭ ᐸᐃᒄ ᐊ ‍ ᐊᐱᒋᑕᔨᓐ ᐃᔅᐱ ᐊᑕᐛᒐᔨᓂ ᒐᒂᓐ, ᑭᔭ ᓂᓱᐎᒡ ᐅᑎᐱᔪᐅᑦ ᑎᐸᐸᑲᔨᑭᓐ, ᐸᐃᒄ ᐊ ‍ ᐊᐱᒋᑕᔨᓐ ᐃᔅᐱ ᐊᔭᔨᓂ ᒐᒂᓐ ᑭᔭ ᐸᐃᒄ ᐊ ‍ ᐊᐱᒋᑕᔨᓐ ᐃᔅᐱ ᐊᑕᐛᒐᔨᓂ ᒐᒂᓐ᙮
\v 15 ᒧᓯᓇᐤ ᑯᐃᔅᒄ ᑎᐸᐸᑲᐃᑭᓇ ᑭᔭ ᑯᐃᔅᒄ ᐅᑎᐱᔪᐅᑦ ᑎᐸᐸᑲᔨᑭᓇ ᒐ ‍ ᐊᐱᒋᑕᔨᓐ ᒐᒋ ᓇᐊᔨᒥᔅᒃ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᓇᐅᔅ ᒐᒋ ᐱᒪᑎᓯᔨᓐ ᐊᓐᑕ ᐊᔅᒋᒡ ᒪᔨᔅᒃ᙮
\v 16 ᐛᐧᑲᑕᐤ ᑎᐸᔨᒋᒐᓱᐤ ᒥᓯᐛ ᐊᓂᔭ ᐊ ᐊᑲ ‍ ᑯᐃᔅᒄ ᐃᑎᔨᒋ, ᑭᔭ ᒋᑭ ‍ ᐊᓏᔨᒪᐤ᙮
\s1 ᐊ ‍ ᑎᐸᐊᒪᓱᓇᓄᐅᒡ ᑲ ‍ ᐃᑐᑕᒐᒡ ᐊᒪᓕᒃ ᐊ ‍ ᐃᑎᔅᑲᓇᓯᒡ
\p
\v 17 ᐊᔅᒄ ᒐᒋᔅᒋᑐᐛᑯᒡ ᐊᒪᓕᒄ ᐃᔪᒡ ᑲ ‍ ᐃᑐᑐᐛᒡ ᒋᑦ ᐊᓂᔅᑯᑕᐸᓄᐛᐛ ᐃᔅᐱ ᑲ ᐸᒋ ‍ ᐎᐎᔨᒋ ᐊᓐᑕ ᐃᒋᑉᑎᒡ ᐅᒋ᙮
\v 18 ᒋ ‍ ᒋᒋᓇᐅᒡ ᒋᑦ ᐊᓂᔅᑯᑕᐸᓄᐛᐛ ᒪᒂᒡ ᑲ ‍ ᐱᒧᑕᔨᒋ, ᐃᔅᐱ ᑲ ‍ ᐃᔨᔨᒥᓯᔨᒋ ᑭᔭ ᐊᔭᔅᑯᓯᔨᒋ᙮ ᓇᔅᑎᔅ ᓇᒪ ᐅᒋ ᑯᔅᑕᐅᒡ ᒋᓴᒪᓂᑐᐛ ᐊᓐᒡ ᐃᔪᒡ, ᐊᑯ ᐅᑕᒡ ᒂ ᐅᒋ ᒋᒋᓇᐅᒡ ᒋᑦ ᐊᓂᔅᑯᑕᐸᓄᐛᐛ ᒂ ‍ ᓂᐸᐊᒡ ᐊᓂᔭ ᐊᐛᔪᐛ ᐊᑲ ᐅᒋ ᒋᓯᐱᔨᒋ ᐊ ‍ ᐱᒧᑕᔨᒋ ᒧᔭᒻ ᐊᓂᔭ ᑯᑎᑲ᙮
\v 19 ᐊᑯ ᒪᒃ, ᐃᔅᐱ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋ ‍ ᒥᔨᑕᒂ ᐊᔅᒋᔪᐤ ᑲ ‍ ᐊᓱᑎᒪᑕᒄ ᒐᒋ ᒥᔨᑕᒄ, ᒐ ‍ ᓂᐸᐊᑯᒡ ᒥᓯᐛ ᐊᒪᓕᒃ ᐊ ‍ ᐃᑎᔅᑲᓇᓯᒡ, ᒐ ᐅᒋ ᐊᑲ ‍ ᒋᔅᒋᑕᑯᒡ ᐊᐛᔪᐛ᙮ ᒐ ᐊᑲ ‍ ᐅᓂᒋᔅᒋᑎᒪᒄ ᐅ ᒐᒋ ᐃᑐᑎᒪᒄ᙮”
\c 26
\s1 ᐊᐱᔅᑎᓂᒐᓄᐅᒡ ᐊᓐᑕ ᑲ ‍ ᒪᒧᓴᒋᓂᒐᓄᐅᒡ
\s2 Deuteronomy 26.1-11 (Lent-1 Year C)
\p
\v 1 ᒧᓱᔅ ᐃᑕᐤ ᐃᔅᕋᐃᓪ ᐃᔪᐛ: “ᐃᔅᐱ ᐸᒋ ᐱᒐᔨᓇ ᐊᓐ ᐊᔅᒋᔾ ᑎᐸᔨᒋᒐᓱᐤ ᒋᒋᓴᒪᓂᑐᒻ ᑲ ‍ ᒥᔨᔅᒃ ᒐ ‍ ᑎᐱᔨᐛᐅᓯᔨᓐ ᑭᔭ ᒋ ‍ ᐅᑎᓂᒥᓇ ᒪᒃ ᑭᔭ ᐎᒋᔨᓇ ᐊᓐᑕ,
\v 2 ᒐ ‍ ᐅᑎᓂᒥᓐ ᓂᔅᑎᒻ ᒋᓂᑕᐅᒋᑕᑭᓇ ᐊᓐᑕ ᐊᔅᒋᒡ ᐅᒋ ᐊᓂᔭ ᑲᒋ ‍ ᒥᔨᔅᒃ ᑎᐸᔨᒋᒐᓱᐤ ᒋᒋᓴᒪᓂᑐᒻ ᑭᔭ ᐅᑎᐱᐅᑎᒡ ᒐ ‍ ᑎᑎᒥᓐ᙮ ᐊᑯ ᒐ ‍ ᐃᑐᑕᔨᓐ ᐊᓐᑕ ᑎᐸᔨᒋᒐᓱᐤ ᒋᒋᓴᒪᓂᑐᒻ ᒐ ‍ ᐎᔭᔨᑕᐧᒃ ᐃᑕᐅᓂᔪᐤ ᒐ ‍ ᐊᔭᒥᐊᔅᑐᐛᑭᓄᐅᑦ᙮
\v 3 ᑭᔭ ᒐ ‍ ᓂᑐᐛᐱᒥᑦ ᑭᔭ ᒐ ‍ ᐃᑎᑦ ᐊᔭᒥᐊᐅᒋᒪᐤ ᐊᓐᑕ ᒐ ‍ ᑕᑦ, ‘ᐊᓄᒡ ᑲᓯᑲᒡ ᓂ ‍ ᐎᑎᒧᐛᐤ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊ ᐸᒋ ‍ ᐃᑐᑕᐅᒡ ᐅᑕ ᐊᔅᒋᒡ ᐅᑎᐸᔨᒋᒐᐤ ᑲ ‍ ᐊᓱᑎᒧᐛᑦ ᓄᑕᐎᓇᓇ ᒐᒋ ᒥᔨᒥᑦ᙮’
\v 4 ᐊᔭᒥᐊᐅᒋᒪᐤ ᒪᒃ ᒋᑭ ‍ ᐅᑎᓂᒻ ᐅᑎᐱᐅᑎᔪᐤ ᒋᑎᒋᒡ ᐅᒡ ᑭᔭ ᒐ ‍ ᐊᔅᑕᑦ ᐅᑎᔅᑯᐤ ᑎᐸᔨᒋᒐᓱᐛ ᒋᒋᓴᒪᓂᑐᒥᓄᐛ ᐅᐱᔅᑎᓂᒐᐅᓇᐱᔅᑯᔨᒡ᙮
\v 5 ᐊᑯ ᒐ ‍ ᐃᔨᒥᓐ ᑭᔭ ᒐ ‍ ᐃᔅᒋᔄᔨᓐ ᐅᑎᔅᑯᐤ ᐊ ‍ ᑕᑦ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ‘ᐊᓐ ᐊᕋᒻ ᐃᔪᐤ ᑲ ‍ ᐱᐸᒧᑕᑦ ᐊᐅᑯᓐ ᓄᑕᐎᔾ ᑭᔭ ᐃᒋᑉᑎᒡ ᑲ ‍ ᐃᑐᑕᑦ ᐊᓯᒡ ᑕᑐᐤ ᐃᔪᐛ, ᐊᑯᑕ ᑲ ‍ ᐎᒋᒡ, ᑭᔭ ᒂ ‍ ᐃᑕᔨᑕᑯᓯᒡ ᐊ ‍ ᐃᑎᔅᑲᓇᓯᒡ ᐊ ‍ ᓱᐧᑲᑎᓯᒡ ᑭᔭ ᐊ ‍ ᒥᒐᑎᒡ᙮
\v 6 ᒥᒄ ᐃᒋᑉᑦ ᐃᔪᒡ ᓂᒋ ‍ ᒥᒋᑐᑕᑯᓇᓐᒡ ᑭᔭ ᓂᒋ ‍ ᐅᔅᑕᐱᔨᑯᓇᓐᒡ, ᑭᔭ ᓂᒋ ‍ ᒪᒥᔅᑯ ‍ ᐊᐱᒋᔨᑯᓇᓐᒡ᙮
\p
\v 7 ᐊᑯ ᑎᔭᑈᑎᒋᒡ ᑎᐸᔨᒋᒐᓱᐤ ᓄᑕᐎᓇᓐᒡ ᐅᒋᓴᒪᓂᑐᒧᐛᐛ ᑭᔭ ᒋ ‍ ᐸᑎᒻ ᓂᐸᑕᑯᓱᐅᓇᓇ ᑭᔭ ᒋ ‍ ᐛᐸᑎᒻ ᓂᑦ ᐊᔨᒥᓯᐅᓇᓇ, ᓂ ‍ ᐎᓯᒐᔨᑎᒧᐅᓇᓇ, ᑭᔭ ᓂᓇᐧᑲᒋᒧᐛᐅᓇᓇ᙮
\v 8 ᐃᒋᑉᑎᒡ ᐅᒡ ᓂᒋ ᐸᒋ ‍ ᐎᐎᑕᔨᑯᐅᓇᓐ ᑎᐸᔨᒋᒐᓱᐤ ᐊ ‍ ᓱᐧᑲᑎᓯᒥᑭᓂᔨᒡ ᐅᑎᒋᔾ ᐅᒋ ᑭᔭ ᐊ ‍ ᓱᐅᓂᔅᒐᔨᑦ, ᐊᓯᒡ ᒋᒋᐛ ᑯᔅᑕᒍᐅᓂᒡ, ᐊᓯᒡ ᒋᔅᒋᓄᐛᒡ ᐛᐸᑎᔨᐛᐅᓂᒡ ᑭᔭ ᒪᒥᔅᑲᒡ ᐃᑐᐅᓂᒡ:
\v 9 ᓂᒋ ‍ ᐸᓱᐅᑯᓇᓐ ᐅᑕ ᐃᑕᐅᓂᒡ ᑭᔭ ᑲ ‍ ᒥᔨᒥᑦ ᐅᔭᔪᐤ ᐊᔅᒋᔪᐤ ᐊᓐᑕ ᐊ ‍ ᐛᔪᑎᓂᔨᒡ ᒥᒋᒥᔪᐤ ᑭᔭ ᑲᓯᐛᓯᐛᐳᔭ᙮
\v 10 ᐊᓄᒡ ᒪᒃ ᓂ ‍ ᐸᑕᓐ ᓂᔅᑎᒻ ᓂᑕᐅᒋᑕᑭᓇ ᐊᔅᒋᒡ ᐅᒋ, ᐊᓐ ᒋᔾ ᐅᑎᐸᔨᒋᒐᐤ ᑲᒋ ‍ ᒥᔨᓐ,’ ᒋ ‍ ᐃᔅᒋᔄᔨᓇ ᐅᔭ ᒐᒂᓇ, ᒐ ‍ ᐊᔅᑕᔨᓐ ᐅᑎᐱᐅᑦ ᐅᑎᔅᑯᐤ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐅᐱᔅᑎᓂᒐᐅᓇᐱᔅᑯᒡ ᑭᔭ ᐊᑯᑕ ᒐ ‍ ᐊᔭᒥᐊᔅᑐᐅᑦ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ᙮
\v 11 ᐊᑯ ᒐ ‍ ᒧᒋᒐᔨᑎᒥᓐ ᑲ ‍ ᒥᔽᓯᔨᒋ ᒐᒂᓇ ᑲ ᐃᓯ ‍ ᒥᔨᔅᒃ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᒋᔾ ᑭᔭ ᒥᓯᐛ ᒋᒋᒡ ᑲ ‍ ᑕᒡ, ᑭᔭ ᓕᐸᐃ ᐃᔪᒡ ᑭᔭ ᐊᓐ ᒪᓐᑕᐅᒡ ᒋᑦ ᐃᑕᐅᓂᒡ ᐊ ‍ ᑕᒡ᙮”
\s1 ᐸᐃᒄ ᐊᓂᔭ ᐸᐃᑯᔪᐤ ᓂᑕᐅᒋᑕᑭᓇ
\p
\v 12 “ᐊᓯᑭᒻ ᑲ ‍ ᓂᔅᑐ ᐱᑈᒋ, ᒋᑭ ᐎ ‍ ᐸᑐᑐᐛᐅᒡ ᓕᐸᐃ ᐊ ‍ ᐃᑎᔅᑲᓇᓯᒡ ᑭᔭ ᐊᓐᒡ ᒪᓐᑕᐅᒡ ᐛᒋᒥᑕᑯᒡ ᑭᔭ ᒋᐅᓴᓐᒡ ᑭᔭ ᒋᔅᑎᒪᒋᔎᐅᒡ ᐸᐃᒄ ᐊᓂᔭ ᐸᐃᑯᔪᐤ ᑲ ‍ ᓂᑕᐅᒋᑕᐛᒄ ᒥᒋᒥᔪᐤ ᒐᒋ ᐃᔅᐱᔨᒡ ᒥᒋᒥᔪᐤ ᐊᐛᓐᒋ ᐊᓐᑕ ᒥᓯᐛ ᐅᑕᓇᐛ᙮
\v 13 ᐊᑯ ᒐ ᐎ ‍ ᐃᑎᑦ ᑎᐸᔨᒋᒐᓱᐤ, ‘ᒋ ‍ ᐸᑥᑎᓐ, ᓂᒋᒡ ᐅᒋ, ᒥᓯᐛ ᑲ ‍ ᐸᔭᒋᓯᒥᑲᒡ ᐸᐃᒄ ᐊᓐ ᐸᐃᑯᔪᐤ ᑲ ‍ ᒪᒧᓴᒋᓂᒪᓐ ᐊᓄᒡ ᐸᐳᒡ᙮ ᓂ ‍ ᒥᔭᐅᒡ ᐊᓂᔭ ᓕᐸᐃ ᐅᑦ ᐊᓂᔅᑯᑕᐸᓇ, ᑭᔭ ᒪᓐᑕᐅᒡ ᑭᔭ ᒋᐅᓴᓐᒡ ᑭᔭ ᒋᔅᑎᒪᒋᔎᐅᒡ ᒧᔭᒻ ᑲ ‍ ᐃᑎᓯᒧᔭᒡ ᒐᒋ ᐃᔨᑎᔭᒡ᙮ ᓇᒪ ᓂ ᐅᒋ ‍ ᐃᔨᑎᓐ ᐊ ᐊᑲ ‍ ᓂᓇᐃᑎᒪᓐ ᑲ ‍ ᐃᑎᓱᐛᔨᓐ ᒐ ‍ ᐃᑐᑎᒪᓐ ᐸᐃᒄ ᐊᓐ ᐸᐃᑯᔪᐤ ᑲ ‍ ᒪᒧᓴᒋᓂᒪᓐ, ᑭᔭ ᓇᒪ ᐛᐛᒡ ᐸᐃᒄ ᓂ ᐅᒋ ‍ ᐅᓂᒋᔅᒋᑕᓐ ᒋᑦ ᐃᑎᓱᐛᐅᓇ᙮
\v 14 ᓂ ‍ ᐎᑕᓐ ᐊ ‍ ᐊᑲ ᓇᔅᒡ ᐅᒋ ‍ ᒥᒋᔭᓐ ᒥᒋᒻ ᐸᐃᒄ ᐊᓐ ᐸᐃᑯᔪᐤ ᐅᒋ ᒪᒂᒡ ᑲ ‍ ᓂᓇᐧᑲᑕᔨᑎᒪᓐ ᑲᒋ ‍ ᐳᓂᐱᒪᑎᓯᑦ ᐊᐛᓐ, ᑭᔭ ᓇᒪ ᓂ ᐅᒋ ‍ ᑕᒋᓇᓐ ᐊᑲ ᐅᒋ ‍ ᐛᔅᑭᒥᓯᔭᓐ᙮ ᑭᔭ ᓇᒪ ᓂ ᐅᒋ ‍ ᐱᔅᑎᓂᒧᐛᐅᒡ ᑲ ‍ ᐳᓂᐱᒪᑎᓯᒡ ᐃᔪᒡ᙮ ᑎᐸᔨᒋᒐᓱᐤ, ᓂᒋ ‍ ᓂᓇᐃᑕᑎᓐ ᑭᔭ ᓂᒋ ‍ ᑐᑕᓐ ᒥᓯᐛ ᒐᒂᓐ ᑲ ‍ ᐃᑎᓱᒥᔭᒡ ᒐ ‍ ᑐᑎᒪᒡ ᐸᐃᒄ ᐊᓐ ᐸᐃᑯᔪᐤ ᑲ ‍ ᒪᒧᓴᒋᓂᒪᒡ᙮
\v 15 ᐊᑯ ᐅᒋ ᐃᑕᐱ ᐊᓐᑕ ᑲ ‍ ᐸᔭᒋᓯᒥᑲᒡ ᒋᑦ ᐃᑕᐅᓐ ᐅᒋ ᐊᓐᑕ ᒋᒋᒋᓯᑯᒡ ᑭᔭ ᓱᐛᔨᑕᑯᐎᓇᓐ ᑭᔭ ᒋᑦ ᐃᔨᒥᒡ ᐃᔅᕋᐃᓪ ᐃᔪᒡ᙮ ᐃᔭᐱᒡ ᓱᐛᔨᑕᑯᑕ ᐅ ᑲ ᒥᔪ ‍ ᓂᑕᐅᒋᒥᑲᒡ ᐊᔅᒋᔾ ᐊᓐ ᑲᒋ ‍ ᒥᔨᔭᒡ, ᐊᓂᔭ ᑲ ᐃᓯ ‍ ᐊᓱᑎᒧᐅᑥᐤ ᓂᑦ ᐊᓂᔅᑯᑕᐸᓇᓐᒡ ᒐᒋ ᐃᑎᔨᓐ᙮’
\s1 ᑎᐸᔨᒋᒐᓱᐤ ᑎᐱᔨᐛ ᐅᑦ ᐃᔨᒪ
\p
\v 16 ᐊᓄᒡ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑦ ᐃᑎᓱᒥᑯᐛᐤ ᒐᒋ ᓂᓇᐃᑎᒺᒄ ᒥᓯᐛ ᐅᔭ ᐎᓱᐛᐅᓇ ᑭᔭ ᒋᔅᑯᑎᒪᒐᐅᓇ᙮ ᐊᑯ ᑕᑈᐅᒐᔨᑎᒧᐅᓂᒡ ᒐ ‍ ᓂᓇᐃᑎᒺᒄ, ᐊᓯᒡ ᒥᓯᐛ ᒋᑕᐃᒡ ᑭᔭ ᒋᑦ ᐊᒐᐧᑯᒡ᙮
\v 17 ᐊᓄᒡ ᒋᑦ ᐃᔅᒋᔄᓇᐛᐤ ᑎᐸᔨᒋᒐᓱᐤ ᐊᐅᒄ ᒋᒋᓴᒪᓂᑐᒧᐛᐤ, ᑭᔭ ᒐ ᐃᓯ ‍ ᐱᒪᑎᓯᐛᒄ ᒧᔭᒻ ᐊᓯ ‍ ᓂᑐᐛᔨᒥᑕᒄ ᒐ ᐃᓯ ‍ ᐱᒪᑎᓯᐛᒄ, ᑭᔭ ᒐ ‍ ᓂᓇᐃᑎᒺᒄ ᐅᐎᓱᐛᓇ ᑭᔭ ᐅᒋᔅᑯᑎᒪᒐᐅᓇ, ᑭᔭ ᒐ ‍ ᐃᑐᐛᒄ ᒐᒂᔪᐤ ᐊ ‍ ᐃᑎᑕᒄ ᒐ ‍ ᐃᑐᐛᒄ᙮
\v 18 ᑭᔭ ᐊᓄᒡ ᑎᐸᔨᒋᒐᓱᐤ ᐃᔅᒋᔄᐤ ᐊ ᐅᑦ ᐃᔨᒥᑕᑕᒄ, ᐊᓂᔭ ᑲ ᐃᓯ ‍ ᐊᓱᑎᒪᒐᑦ ᒐ ᐅᑦ ᐃᔨᒥᑕᑕᒄ, ᑭᔭ ᒋᑦ ᐃᑎᓱᒧᑯᐛᐤ ᒐᒋ ᓂᓇᐃᑎᒺᒄ ᒥᓯᐛ ᐅᑦ ᐃᑎᓱᐛᐅᓇ᙮
\v 19 ᑐᑎᒪᒂ ᐅ, ᒋᑭ ‍ ᑐᑕᑯᐛᐤ ᐊᑎᑐᐤ ᒐᒋ ᒥᒐᑐᐛᒄ ᐃᔅᐱ ᑯᑎᑲ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲᒋ ‍ ᐅᓯᐊᑦ, ᑭᔭ ᒋᑭ ‍ ᑐᑕᑯᐛᐤ ᒐᒋ ᒪᒥᒋᒪᒄ ᑭᔭ ᒋᔅᑕᔨᒪᒄ᙮ ᒋᒋᐛ ᑕᑈ ᒋᑭ ᑎᐸᔨᒥᑯᐛᐤ ᑎᐸᔨᒋᒐᓱᐤ ᒋᒋᓴᒥᓂᑐᒥᓄᐤ, ᐊᓂᔭ ᒧᔭᒻ ᑲ ᐃᓯ ‍ ᐊᓱᑎᒪᒐᑦ᙮”
\c 27
\s1 ᐱᔅᑎᓂᒐᐅᓇᐱᔅᒄ ᐊᓐᑕ ᐃᐸᓪ ᐱᔅᑯᑎᓇᒡ
\p
\v 1 ᒧᓱᔅ ᒋ ‍ ᐎᒋᑲᔅᐳᑐᐛᐤ ᑲᓂᑲᓇᔨᑕᑯᓯᔨᒋ ᑭᔭ ᒂ ‍ ᐃᔨᑕᑦ ᐃᔅᕋᐃᓪ ᐃᔪᐛ: “ᒐ ‍ ᓂᓇᐃᑎᒪᒄ ᒥᓯᐛ ᐅᔭ ᐎᓱᐛᐅᓇ ᑭᔭ ᒋᔅᑯᑎᒪᒐᐅᓇ ᒪᔨᑎᑯᒡ ᐊᓄᒡ ᑲᓯᑲᒡ᙮
\v 2-4 ᐸᓱᓇᑯᓐ ᒐ ‍ ᐱᔨᒐᔭᒄ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒪᔨᑕᒄ᙮ ᐊᐅᒄ ᒋᓴᒪᓂᑐᐤ ᒋᑦ ᐊᓂᔅᑯᑕᐸᓂᐛᐅᒡ ᑲ ‍ ᐊᔭᒥᐊᐅᔅᑐᐛᒡ, ᑭᔭ ᒋ ‍ ᐊᓱᑎᒪᒐᐤ ᐅᔭ ᐊᔅᒋᔪᐤ ᐊ ‍ ᐛᔪᑎᓯᔨᒋ ᐊᓐᑕ ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ᙮ ᒋ ‍ ᐊᓱᐛᐊᒪᒂ ᒠᕐᑕᓐ ᓯᐱᔾ, ᐃᐸᓪ ᐱᔅᑯᑎᓇᒡ ᒐ ‍ ᐃᑐᔭᒄ᙮ ᒐ ‍ ᐎᔭᔅᑯᑕᔭᒃ ᐊ ‍ ᒪᒥᓴᑭᓂᔨᒋ ᐊᓯᓂᔭ, ᑭᔭ ᒐ ᐊᑎ ‍ ᑯᓇᐊᒥᓐ ᐊ ‍ ᐛᐱᓯᑦ ᑯᐱᑎᒪᐅᓐ ᑭᔭ ᒐ ‍ ᒥᓯᓇᐊᒥᓐ ᐊᓐᑕ ᒥᓯᐛ ᐎᓱᐛᐅᓇ ᑭᔭ ᒋᔅᑯᑎᒪᒐᐅᓇ᙮
\v 5 ᑭᔭ ᒐ ‍ ᐛᓯᑕᔭᒄ ᐊᓯᓂᔪᐤ ᐱᔅᑎᓂᒐᐅᓇᐱᔅᒄ ᒐᒋ ᒥᔭᑭᓄᐅᑦ ᒥᑐᔅᑕᐊᒪᒐᐅᓇ ᑎᐸᔨᒋᒐᓱᐤ, ᒥᒄ ᒐ ᐊᑲ ‍ ᒋᒥᔄᑯᒡ ᐊᓯᓂᔨᒡ ᐃᓴᒄ ᐊᑐᔅᒐᐛᑭᓇ ᐊ ‍ ᐊᐱᒋᑕᔭᒄ᙮
\v 6 ᐊᓯᓂᔭ ᐊᑲ ‍ ᒋᒥᓴᑭᓄᐎᔨᒋ ᒋᑭ ‍ ᐊᐱᒋᑕᓇᐛᐤ ᐊ ‍ ᐅᓯᑕᔭᒄ ᐱᔅᑎᓂᒐᐅᓇᐱᔅᒄ ᒐᒋ ᒥᑐᔅᑕᐊᒧᐛᑭᓄᐅᑦ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ᙮
\v 7 ᑭᔭ ᐊᑯᑕ ᒐ ᐊᑎ ‍ ᒥᑐᔅᑕᐊᒪᒐᔭᒄ ᒋᒥᔨᐛᐅᓄᐛᐛ ᒐᒋ ᐊᔅᒄ ᐎᒐᐛᒄ ᑎᐸᔨᒋᒐᓱᐤ, ᑭᔭ ᒋᑭ ᐎ ‍ ᒥᒋᓇᐛᐤ ᑲ ‍ ᐱᔅᑎᓂᒪᒄ ᒋᒥᔨᐛᐅᓄᐛᐛ ᑭᔭ ᒐ ‍ ᒥᑯᓴᔭᒃ ᐅᑎᔅᑯᐤ ᐊ ‍ ᐃᑕᑦ ᑎᐸᔨᒋᒐᓱᐤ᙮
\v 8 ᑭᔭ, ᐃᔅᐱ ᒥᓯᓇᑕᐊᒪᒂ ᐎᓱᐛᐅᓇ ᐊᓐᑕ ᐊᓯᓂᒡ, ᓇᔅᒡ ᒋᑭ ᐎ ‍ ᒥᔪᔅᑕᓇᐛᐤ᙮”
\p
\v 9 ᐊᑯ ᒧᓱᔅ ᐊᓯᒡ ᑲᓂᑲᓇᔨᑕᑯᓯᔨᒋ ᒂ ‍ ᐃᑕᑦ ᐃᔅᕋᐃᓪ ᐃᔪᐛ, “ᐃᔅᕋᐃᓪ ᐃᔨᑐᒄ, ᒋᔭᒥᓯᒄ ᑭᔭ ᓂᑐᑐᐅᒄ ! ᐊᓄᒡ ᒋᔨᐛᐤ ᐅ ᐃᔪᒡ ‍ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑕᐸᔨᒪᑦ᙮
\v 10 ᐊᑯ ᒋᑭ ᐎ ‍ ᐃᑐᑎᒺᓇᐛ ᒐᒂᔪᐤ ᐊ ‍ ᐃᑎᑕᒄ, ᑭᔭ ᒐ ‍ ᓂᓇᐃᑎᒺᒄ ᒥᓯᐛ ᐅᐎᓱᐛᐅᓇ ᑭᔭ ᐅᑦ ᒋᔅᑯᑎᒪᒐᐅᓇ ᐊᓄᒡ ᒪᔨᑎᑯᒡ᙮”
\s1 ᐊᓏᔨᒋᒐᐅᓇ ᐊ ᐊᑲ ‍ ᓂᓇᐃᑐᐛᑭᓄᐅᑦ ᒋᓴᒪᓂᑐᐤ
\p
\v 11 ᐊᓂᔪᐤ ᐸᐃᑯᑕᐤ ᒋᓯᑯᔪᐤ, ᒧᓱᔅ ᒋ ‍ ᐃᑕᐤ ᐃᔅᕋᐃᓪ ᐃᔪᐛ,
\p
\v 12 “ᒋ ‍ ᐊᓱᐛᐊᒪᒂ ᒠᕐᑕᓐ ᓯᐱᔾ, ᓯᒥᐅᓐ ᐃᔪᒡ ᐊ ‍ ᐃᑎᔅᑲᓇᓯᒡ, ᑭᔭ ᓕᐸᐃ ᐃᔪᒡ, ᑭᔭ ᒍᑕ ᐃᔪᒡ, ᐃᓴᑲᕐ ᐃᔪᒡ, ᑭᔭ ᒍᓯᑉ ᐃᔪᒡ, ᑭᔭ ᐱᓐᒋᐱᓐ ᐃᔪᒡ ᒋᑭ ᐎ ‍ ᓂᐳᐅᒡ ᐊᓐᑕ ᑭᕆᓯᒻ ᐱᔅᑯᑎᓇᒡ, ᑭᔭ ᒐ ‍ ᓂᑐᐛᔨᑎᒧᐛᒡ ᑎᐸᔨᒋᒐᓱᐛ ᒐ ‍ ᓱᐛᔨᑕᑯᐛᔨᒋ ᐃᔪᐛ᙮
\v 13 ᕈᐱᓐ ᑲ ‍ ᐃᑎᔅᑲᓇᓯᒡ, ᑭᔭ ᑲᑦ ᐃᔪᒡ, ᑭᔭ ᐊᓯᕐ ᐃᔪᒡ, ᑭᔭ ᓴᐳᓕᓐ ᐃᔪᒡ, ᑭᔭ ᑕᐊᓐ ᐃᔪᒡ, ᑭᔭ ᓇᐸᑕᓕ ᐃᔪᒡ ᒋᑭ ᐎ ‍ ᓂᐳᐅᒡ ᐊᓐᑕ ᐃᐸᓪ ᐱᔅᑯᑎᓇᒡ ᑭᔭ ᒐ ‍ ᓂᑐᑕᒡ ᑕᓐ ᒐ ‍ ᐃᑎᔨᒋ ᑎᐸᔨᒋᒐᓱᐛ ᐃᔅᐱ ‍ ᐊᓏᔨᒪᔨᒐᓂᐃ ᐃᔪᐛ᙮ 
\p
\v 14 ᓕᐸᐃ ᐅᑦ ᐊᓂᔅᑯᑕᐸᓇ ᒋᑭ ᐎ ‍ ᒋᔄᐛᑕᑈᐅᒡ ᐅᔭ ᐃᔨᒧᐅᓇ :
\p
\v 15 ‘ᑎᐸᔨᒋᒐᓱᐤ ᒋᑭ ‍ ᐊᓏᔨᒪᐤ ᐊᐛᔪᐛ ᐅᓯᐊᔨᒐᓂ ᒥᓂᑐᐧᑲᓇ ᐊᓯᓂᒡ ᐅᒋ ᑭᔭ ᒪᒃ ᒥᔅᑎᒂ ᐅᒋ, ᑭᔭ ᒪᒃ ᐃᓴᑯᒡ ᐅᒋ, ᑭᔭ ᒋᒧᑦ ᐊᐎᑲᐳᐊᑦ ᑭᔭ ᐊᔭᒥᐊᔅᑐᐛᑦ᙮ ᐛᐧᑲᑎᒻ ᐊᓂᔭ ᒐᒂᔪᐛ ᑎᐸᔨᒋᒐᓱᐤ, ᐊᓂᔭ ᑲ ‍ ᐅᓯᑕᔨᒋ ᐃᔪᐛ᙮’ ᑭᔭ ᒥᓯᐛ ᐃᔪᒡ ᒋᑭ ᐎ ‍ ᐃᔅᒋᔄᐅᒡ, ‘ᐊᒥᓐ᙮’
\p
\v 16 ‘ᑎᐸᔨᒋᒐᓱᐤ ᒋᑭ ‍ ᐊᓏᔨᒪᐤ ᐊᐛᔪᐛ ᐊ ᐊᑲ ‍ ᒋᔅᑕᔨᒪᔨᒋ ᐅᑕᐎᔪᐛ ᑭᔭ ᒪᒃ ᐅᑲᐎᔪᐛ᙮’ ᑭᔭ ᒥᓯᐛ ᐃᔪᒡ ᒋᑭ ᐎ ‍ ᐃᔅᒋᔄᐅᒡ, ‘ᐊᒥᓐ᙮’
\p
\v 17 ‘ᑎᐸᔨᒋᒐᓱᐤ ᒋᑭ ‍ ᐊᓏᔨᒪᐤ ᐊᐛᔪᐛ ᐊᒥᓂᒥᔨᒋ ᑯᑎᑲ ᐊᐛᔪᐛ ᐊᒥᓯᓇᑕᔨᐃᒡ ᐅᑎᐸᔨᑎᒧᐅᓂᔨᐛ᙮’ ᑭᔭ ᒥᓯᐛ ᐃᔪᒡ ᒋᑭ ᐎ ‍ ᐃᔅᒋᔄᐅᒡ, ‘ᐊᒥᓐ᙮’
\p
\v 18 ‘ᑎᐸᔨᒋᒐᓱᐤ ᒋᑭ ‍ ᐊᓏᔨᒪᐤ ᐊᐛᔪᐛ ᐊᒋᔅᒋᓄᑕᔨᒋ ᐊ ᐊᑲ ‍ ᐛᐸᑎᒥᔨᒋ ᐊᐛᔪᐛ ᐃᔨᑲ ᒐᒋ ᐃᑐᑕᔨᒋ᙮’ ᑭᔭ ᒥᓯᐛ ᐃᔪᒡ ᒋᑭ ᐎ ‍ ᐃᔅᒋᔄᐅᒡ, ‘ᐊᒥᓐ᙮’
\p
\v 19 ‘ᑎᐸᔨᒋᒐᓱᐤ ᒋᑭ ‍ ᐊᓏᔨᒪᐤ ᐊᐛᔪᐛ ᐊ ᐊᑲ ‍ ᑐᑐᐛᔨᒋ ᒪᓐᑕᐛ ᑭᔭ ᒪᒃ ᒋᐅᔅᒐᓂᓴ ᑭᔭ ᒪᒃ ᒋᔅᑎᒪᒋᔎᐛ ᐊᓂᔭ ᒐᒂᔪᐛ ᐊᔅᑎᔅᑕᔨᒡ ᐎᓱᐛᐅᓂᒡ ᒋᐱ ‍ ᑐᑥᑭᓄᐎᔪᐛ᙮’ ᑭᔭ ᒥᓯᐛ ᐃᔪᒡ ᒋᑭ ᐎ ‍ ᐃᔅᒋᔄᐅᒡ, ‘ᐊᒥᓐ᙮’
\p
\v 20 ‘ᑎᐸᔨᒋᒐᓱᐤ ᒋᑭ ‍ ᐊᓏᔨᒪᐤ ᐊᐛᔪᐛ ᐊ ᐊᑲ ‍ ᒋᔅᑕᔨᒪᔨᒋ ᐅᑕᐎᔪᐛ ᐊ ‍ ᒥᒋᑐᑐᐅᒪᑦ ᑕᓐ ᒥᒄ ᐊᓂᔭ ᐎᐎᔨᐛ᙮’ ᑭᔭ ᒥᓯᐛ ᐃᔪᒡ ᒋᑭ ᐎ ‍ ᐃᔅᒋᔄᐅᒡ, ‘ᐊᒥᓐ᙮’
\p
\v 21 ‘ᑎᐸᔨᒋᒐᓱᐤ ᒋᑭ ‍ ᐊᓏᔨᒪᐤ ᐊᐛᔪᐛ ᑲ ‍ ᒥᒋᑐᑐᐛᔨᒋ ᒥᒄ ᐊᓯᓇᑯᓯᔨᒋ ᐊᐛᓯᓴ᙮’ ᑭᔭ ᒥᓯᐛ ᐃᔪᒡ ᒋᑭ ᐎ ‍ ᐃᔅᒋᔄᐅᒡ, ‘ᐊᒥᓐ᙮’
\p
\v 22 ‘ᑎᐸᔨᒋᒐᓱᐤ ᒋᑭ ‍ ᐊᓏᔨᒪᐤ ᐊᐛᔪᐛ ᑲ ‍ ᐎᐸᒪᔨᒋ ᐅᒥᓯᔨᐛ ᑭᔭ ᒪᒃ ᐅᓯᒥᔨᐛ ᑭᔭ ᒪᒃ ᐎᐧᑲᓂᓯᔨᐛ᙮’ ᑭᔭ ᒥᓯᐛ ᐃᔪᒡ ᒋᑭ ᐎ ‍ ᐃᔅᒋᔄᐅᒡ, ‘ᐊᒥᓐ᙮’
\p
\v 23 ‘ᑎᐸᔨᒋᒐᓱᐤ ᒋᑭ ‍ ᐊᓏᔨᒪᐤ ᐊᐛᔪᐛ ᑲ ‍ ᐎᐸᒪᔨᒋ ᐅᓯᑯᓯᔨᐛ᙮’ ᑭᔭ ᒥᓯᐛ ᐃᔪᒡ ᒋᑭ ᐎ ‍ ᐃᔅᒋᔄᐅᒡ, ‘ᐊᒥᓐ᙮’
\p
\v 24 ‘ᑎᐸᔨᒋᒐᓱᐤ ᒋᑭ ‍ ᐊᓏᔨᒪᐤ ᐊᐛᔪᐛ ᒋᒧᑦ ᑲ ‍ ᓂᐸᐃᒋ ᐊᐛᔪᐛ᙮’ ᑭᔭ ᒥᓯᐛ ᐃᔪᒡ ᒋᑭ ᐎ ‍ ᐃᔅᒋᔄᐅᒡ, ‘ᐊᒥᓐ᙮’
\p
\v 25 ‘ᑎᐸᔨᒋᒐᓱᐤ ᒋᑭ ‍ ᐊᓏᔨᒪᐤ ᐊᐛᔪᐛ ᑲ ‍ ᐅᑎᓂᒥᔨᒋ ᐛᔭᓯᐃᐛᐎ ᒥᔨᑯᓯᐅᓇ ᒐᒋ ᓂᐸᐊᑦ ᐊᐛᔪᐛ ᐊ ᐊᑲ ᐅᒋ ‍ ᒥᒋᑐᑎᒥᔨᒋ᙮’ ᑭᔭ ᒥᓯᐛ ᐃᔪᒡ ᒋᑭ ᐎ ‍ ᐃᔅᒋᔄᐅᒡ, ‘ᐊᒥᓐ᙮’
\p
\v 26 ‘ᑎᐸᔨᒋᒐᓱᐤ ᒋᑭ ‍ ᐊᓏᔨᒪᐤ ᐊᐛᔪᐛ ᐊ ᐊᑲ ‍ ᓂᓇᐃᑎᒥᔨᒋ ᐅᔭ ᐎᓱᐛᐅᓇ ᑭᔭ ᐊᓏᑎᒥᔨᒋ ᒐᒋ ᐃᔅᒋᔄᔨᒋ ᐊ ᒥᔽᔨᒋ ᐅᔭ ᐎᓱᐛᐅᓇ᙮’ ᑭᔭ ᒥᓯᐛ ᐃᔪᒡ ᒋᑭ ᐎ ‍ ᐃᔅᒋᔄᐅᒡ, ‘ᐊᒥᓐ᙮’ ”
\c 28
\s1 ᒥᔪᑐᑕᒐᐅᓇ ᐊᑕᑈᔭᔨᒪᑭᓄᐅᑦ ᒋᓴᒪᓂᑐᐤ
\p
\v 1 “ᑐᑎᒺᒂ ᒐᒂᔪᐤ ᐊ ‍ ᐃᑎᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒐᒋ ᐃᑐᑎᒺᒄ ᑭᔭ ᑕᑈᐅᒐᔨᑎᒧᐅᓂᒡ ᓂᓇᐃᑎᒪᒂ ᒥᓯᐛ ᒐᒂᓐ ᐊᓄᒡ ᐊ ‍ ᐃᑎᓱᒥᑎᑯᒡ ᒐᒋ ᐃᑐᑎᒪᒄ, ᒋᑭ ‍ ᑐᑕᑯᐛᐤ ᒐᒋ ᓱᐧᑲᑎᓯᐛᒄ ᐃᔅᐱᔅ ᑯᑎᑲ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᑕ ᐊᔅᒋᒡ᙮
\v 2 ᓂᓇᐃᑐᐛᒂ ᑎᐸᔨᒋᒐᓱᐤ, ᐊᐅᑯᔪᐤ ᐅᔭ ᒐ ᐃᓯ ‍ ᑐᑕᐧᒃ ᒐᒋ ᓱᐛᔨᑕᑯᔨᑕᒄ :
\p
\v 3 ᒥᓯᐛ ᒋᑭ ‍ ᓱᐛᔨᑕᑯᑕᐤ ᒐᒂᔪᐤ ᒐ ‍ ᐃᑐᐛᒄ ᐃᔅᐱ ᑕᐛᒂ ᐊᓐᑕ ᐅᑕᓇᒡ ᑭᔭ ᒥᓯᐛ ᒋᑭ ‍ ᓱᐛᔨᑕᑯᑕᐤ ᒐᒂᔪᐤ ᒐ ‍ ᐃᑐᐛᒄ ᐃᔅᐱ ᐊᑐᔅᒐᐛᒂ ᐊᓐᑕ ᓂᑕᐅᒋᑕᑭᓂᒡ᙮
\p
\v 4 ᒋᑭ ‍ ᓱᐛᔨᑕᑯᔨᑯᐛᐤ ᐊ ‍ ᒥᔨᑕᒄ ᒥᒐᑦ ᐊᐛᓴ ᑭᔭ ᐊ ‍ ᒥᔨᑕᒄ ᐊ ‍ ᐛᔪᑎᓂᔨᒡ ᒐ ‍ ᓂᑕᐅᒋᓂᔨᒡ ᒥᒋᒥᔪᐤ ᑭᔭ ᒥᒐᑦ ᒥᒋᑎᒂ ᑭᔭ ᒪᔭᑕᓂᓴ᙮
\p
\v 5 ᒋᑭ ‍ ᓱᐛᔨᑕᑯᔨᑯᐛᐤ ᒐᒋ ᒥᔪ ᓂᑕᐅᒋᒐᐛᒄ ᐊᓯᒡ ᒥᒐᑦ ᐸᒂᓯᑭᓂᒥᓇ ᒐᒋ ᐅᓯᐊᒄ ᐸᒂᓯᑭᓐ᙮
\p
\v 6 ᒥᓯᐛ ᐊᓐᑕ ᒋᑭ ‍ ᓱᐛᔨᑕᑯᔨᑯᐛᐤ—ᐃᔅᐱ ᐛᔪᐎᔭᑯᐤ ᒋᒋᐛᐛᒡ ᑭᔭ ᐃᔅᐱ ᐸᒐᔭᑯᐤ ᒋᒋᐛᐛᒡ᙮
\p
\v 7 ᑎᐸᔨᒋᒐᓱᐤ ᒋᑭ ‍ ᑐᑕᑯᐛᐤ ᒐᒋ ᓴᐧᑯᒋᐃᒪᑯᐤ ᑲ ‍ ᐱᒂᑎᑕᑯᐤ; ᐸᐃᑯᓄᒡ ᐃᑕᒐ ᒋᑭ ᐅᒋ ‍ ᑯᓯᒂᔨᒧᑕᑯᐛᐅᒡ, ᒥᒄ ᒥᒐᑐᐎᒡ ᒋᑭ ᐃᓯ ‍ ᒋᑎᓯᒥᑯᐛᐅᒡ᙮
\p
\v 8 ᑎᐸᔨᒋᒐᓱᐤ ᒋᑭ ‍ ᓱᐛᔨᑕᑯᔨᑯᐛᐤ ᐊ ‍ ᓴᑭᔅᒋᓂᑕᐛᒄ ᐸᒂᓯᑭᓂᒥᓇ ᒋᑦ ᐊᑕᓱᒋᐛᐳᐛᐛᒡ, ᑭᔭ ᒋᑭ ‍ ᓱᐛᔨᑕᑯᑕᐤ ᒥᓯᐛ ᐊᑐᔅᒐᐅᓂᔪᐤ ᒐ ‍ ᐃᑐᑎᒺᒄ; ᒋᑭ ‍ ᓱᐛᔨᑕᑯᔨᑯᐛᐤ ᐊᓐᑕ ᐊᔅᒋᒡ ᒪᔨᑕᒄ᙮
\p
\v 9 ᓂᓇᐃᑎᒪᒂ ᒥᓯᐛ ᐃᑎᓱᐛᐅᓇ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲ ‍ ᒥᔨᑕᒄ ᑭᔭ ᐃᓯ ‍ ᐱᒪᑎᓯᐛᒂ ᒧᔭᒻ ᐊ ᐃᓯ ‍ ᓂᑐᐛᔨᒥᑕᒄ, ᐊᔅᒄ ᒋᑭ ‍ ᐅᑦ ᐃᔨᒥᑕᑯᐛᐤ, ᐊᓂᔭ ᑲ ᐃᓯ ‍ ᐊᓱᑎᒪᒐᑦ᙮
\v 10 ᐊᑯ ᒥᓯᐛ ᐊ ‍ ᐃᑎᔅᑲᓇᓯᒡ ᐊᐛᓐᒋ ᐊᓐᑕ ᐊᔅᒋᒡ ᒋᑭ ‍ ᒋᔅᒐᔨᑎᒧᒡ ᐊᑎᐸᔨᒥᑎᔨᑕᑯᐤ ᑎᐸᔨᒋᒐᓱᐛ, ᑭᔭ ᒋᑭ ‍ ᑯᔅᑎᑯᐛᐅᒡ᙮
\v 11 ᑭᔭ ᑎᐸᔨᒋᒐᓱᐤ ᒋᑭ ‍ ᑐᑕᑯᐛ ᒋᒋᐛ ᒐᒋ ᒥᔪᐱᔨᐛᒄ᙮ ᒋᑭ ‍ ᒥᔨᑯᐛᐤ ᒥᒐᑦ ᐊᐛᓴ ᑭᔭ ᒥᒐᑦ ᒥᒋᑎᒂ, ᑭᔭ ᐊᐛᔪᑎᓂᔨᒡ ᒐ ‍ ᓂᑕᐅᒋᑕᐛᒄ ᒥᒋᒥᔪᐤ ᐊᓐᑕ ᐊᔅᒋᒡ ᑲ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓄᐛᐛ ᒐᒋ ᒥᔨᑕᒄ᙮
\p
\v 12 ᐃᔅᐱ ᓇᑐᐛᔨᑕᒂᓂᔨᒋ ᒐᒋ ᒋᒧᓂᔨᒡ, ᒋᑭ ‍ ᐃᑎᓴᐊᒻ ᐊ ‍ ᒋᒧᓂᔨᒡ ᑎᐸᔨᒋᒐᓱᐤ ᐊᓐᑕ ᑲᓄᐛᔨᑕᑯᓂᔨᒡ ᒋᓯᑯᒡ ᐅᒋ, ᒋᑭ ‍ ᓱᐛᔨᑕᑯᑕᐤ ᒥᓯᐛ ᒋᑦ ᐊᑐᔅᒐᐅᓄᐛᐛᔪᐤ, ᒐᒋ ᐅᒋ ᐊᐛᐊᑯᒡ ᓱᓇᔭᔪᐤ ᒥᒐᑦ ᑯᑎᑭᒡ ᐊ ‍ ᐃᑎᔅᑲᓇᓯᒡ, ᒥᒄ ᓇᒪ ᒋᑭ ‍ ᐅᐛᐊᓱᐛᓇᐛᐤ ᐎᔪᐛᐤ ᐅᓱᓇᔭᓂᒧᐛᐤ᙮
\p
\v 13 ᓂᓇᐃᑎᒺᒂ ᒥᓯᐛ ᐅᐎᓱᐛᐅᓇ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊᓄᒡ ᒪᔨᑎᑯᒡ, ᒋᑭ ‍ ᑐᑐᐛᐤ ᑎᐸᔨᒋᒐᓱᐤ ᒋᑦ ᐊᓂᔅᑯᑕᐸᓄᐛᐛ ᒐᒋ ᓂᑲᓂᔅᑯᐛᔨᒋ ᑯᑎᑲ ᐊ ‍ ᐃᑎᔅᑲᓇᓯᔨᒋ, ᓇᒪᔭᐤ ᒐ ‍ ᓇᓴᐛᔨᒋ; ᒧᓯᓇᐤ ᒋᑭ ‍ ᒥᔪᐱᔪᐅᒡ ᑭᔭ ᓇᒪ ᒋᑭ ‍ ᒋᔅᑎᒪᑎᓯᐅᒡ᙮
\v 14 ᒋᑭ ‍ ᐃᑐᑎᒪᑯᐛᐤ ᐅᔭ ᑎᐸᔨᒋᒐᓱᐤ ᐊ ᐊᑲ ‍ ᐊᑐᐛᔨᑎᒪᒂ ᐎᓱᐛᐅᓇ ᐊᓄᒡ ᒪᔨᑎᑯᒡ ᑭᔭ ᐊᑲ ᓂᑕ ᐊᔭᒥᐊᔅᑐᐛᒂᓐᒋ ᑭᔭ ᐊᑐᔅᑯᐛᒂᓐᒋ ᑯᑎᑭᒡ ᒥᓂᑐᐧᑲᓐᒡ᙮
\s1 ᐊᓏᔨᒐᐅᓇ ᐊ ᐊᑲ ‍ ᓂᓇᐃᑐᐛᑭᓄᐅᑦ ᒋᓴᒪᓂᑐᐤ
\p
\v 15 ᒥᒄ ᐊ ᐊᑲ ‍ ᑐᑎᒪᒂ ᒐᒂᔪᐤ ᐊ ‍ ᐃᑎᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᑭᔭ ᐊᑲ ᓂᓇᐃᑎᒺᒂ ᐅᐎᓱᐛᐅᓇ ᑭᔭ ᐅᒋᔅᑯᑎᒪᒐᐅᓇ ᑕᑈᐅᒐᔨᑎᒧᐅᓂᒡ ᐊᓄᒡ ᒪᔨᑎᑯᒡ, ᒪᐅᔭ ᒐ ‍ ᐃᑎᑦ ᒐᒋ ᐊᓏᔨᒥᑕᒄ᙮
\p
\v 16 ᒋᑭ ‍ ᐊᓏᔨᒥᑯᐛᐤ ᐃᔅᐱ ᑕᐛᒂ ᐊᓐᑕ ᐅᑕᓇᒡ ᑭᔭ ᒋᑭ ‍ ᐊᓏᔨᒥᑯᐛᐤ ᐃᔅᐱ ᐊᑐᔅᒐᐛᒂ ᐊᓐᑕ ᓂᑕᐅᒋᑕᑭᓂᒡ᙮
\p
\v 17 ᒋᑭ ‍ ᐊᓏᔨᒥᑯᐛᐤ ᐊ ᐊᑲ ‍ ᓇᐃᒥᑕᒄ ᒐᒋ ᒥᔪ ‍ ᒪᒧᓴᒋᓂᒐᐛᒄ ᐊᓯᒡ ᒥᒐᑦ ᐸᒂᓯᑭᓂᒥᓇ ᒐᒋ ᐅᓯᐊᒄ ᐸᒂᓯᑭᓐ᙮
\p
\v 18 ᒋᑭ ‍ ᐊᓏᔨᒥᑯᐛᐤ ᐊ ᐊᑲ ᒥᒐᑦ ᒥᔨᑕᒄ ᐊᐛᓴ, ᑭᔭ ᒐ ‍ ᑐᑕᒃ ᒐᒋ ᓂᑕᐅᒋᑕᐛᒄ ᐊ ᐊᑲ ‍ ᒥᔽᔨᒋ ᒋ ‍ ᓂᑕᐅᒋᑕᑭᓄᐛᐛ, ᑭᔭ ᒐ ᐊᑲ ‍ ᒥᒐᑐᐎᒪᑯᐤ ᒥᒋᑎᒂ ᑭᔭ ᒪᔭᑕᓂᓴ᙮
\p
\v 19 ᒥᓯᐛ ᐊᓐᑕ ᒋᑭ ᐃᓯ ‍ ᐊᓏᔨᒥᑯᐛᐤ, ᐃᔅᐱ ᐛᔪᐎᔭᑯᐤ ᒋᒋᐛᐛᒡ ᑭᔭ ᐃᔅᐱ ᐸᒐᔭᑯᐤ ᒋᒋᐛᐛᒡ᙮
\p
\v 20 ᑐᑎᒪᒂ ᒥᒋᐃᑐᐅᓇ ᑭᔭ ᐊᑐᐛᔨᒪᒂ ᑎᐸᔨᒋᒐᓱᐤ, ᒋᑭ ‍ ᐊᓏᔨᒥᑯᐛᐤ ᐊ ‍ ᑐᑕᑕᒄ ᒐᒋ ᒋᔎᔭᔨᑎᒺᒄ, ᑭᔭ ᒋᔄᐃᑯᔭᒄ ᒥᓯᐛ ᒐᒂᓐ ᐊ ‍ ᐃᑐᑎᒪᒄ, ᐸᑎᒪ ᒋᔅᑕᑉ ᑭᔭ ᒥᓯᐛ ᓂᓱᐅᓇᒋᔨᑕᒂᐛ ᑲ ‍ ᐱᒂᑎᑕᑯᒡ᙮
\v 21 ᑎᐸᔨᒋᒐᓱᐤ ᒋᑭ ‍ ᑐᑕᑯᐛᐤ ᒐᒋ ᐛᐸᑎᒺᒄ ᐊ ‍ ᒥᒋᒋ ᐊᐧᑯᓯᐅᓇ, ᐸᑎᒪ ᐊᑲ ᐛᒋ ‍ ᐸᐃᒄ ᐃᔅᑯᐱᔨᔭᒂ ᐊᓐᑕ ᐊᔅᒋᒡ ᒐ ‍ ᐱᒐᔭᒄ ᑭᔭ ᐅᑎᓂᒪᒄ᙮
\p
\v 22 ᒋᑭ ‍ ᐅᑕᒪᑯᐛᐤ ᑎᐸᔨᒋᒐᓱᐤ ᐊ ‍ ᒪᒋᐱᔨᐛᔨᒋ ᐊᐧᑯᓯᐅᓇ, ᒐ ‍ ᒋᓯᑕᐅᐱᔨᔪᐛᒄ, ᑭᔭ ᒐ ‍ ᐸᒋᐱᔨᔪᐛᒄ᙮ ᒋᒋᐛ ᒋᑭ ᒥᔅᑎ ‍ ᒋᓯᑕᐤ, ᑭᔭ ᓇᒪ ᒋᑭ ‍ ᒋᒧᓐ᙮ ᒋᒋᐛ ᒋᑭ ᒥᔅᑎ ‍ ᔪᑎᓐ, ᑭᔭ ᑎᐸᔨᒋᒐᓱᐤ ᒋᑭ ‍ ᐃᑐᑎᒻ ᒋᓂᑕᐅᒋᑕᑭᓄᐛᐛ ᒐᒋ ᐎᒐᑭᓂᔨᒋ᙮ ᒥᓯᐛ ᐅᔭ ᒋᑭ ‍ ᐛᐸᑕᓇᐛᐤ ᒐᒂᔪᐛ ᐸᑎᒪ ᐳᓂᐱᒪᑎᓯᔭᒂ᙮
\v 23 ᓇᒪ ᒋᑭ ‍ ᒋᒧᓐ, ᐊᑯ ᒐ ‍ ᐃᓯᓇᒂᒡ ᐊ ‍ ᒥᔅᑯᔅᑭᒥᑲᒡ ᒧᔭᒻ ᐃᓴᒄ᙮
\v 24 ᒥᔅᑯᒡ ᐊ ‍ ᐃᑎᓴᐧᒃ ᐊ ‍ ᒋᒧᓂᔨᒡ, ᐊ ᒥᔅᑎ ‍ ᔪᑎᓂᔨᒡ ᒋᑭ ‍ ᐃᑎᓴᐊᒻ ᒐᒋ ᐛᐸᔅᑎᓂᔨᒡ ᐃᔭᑲᔪᐤ ᑭᔭ ᐱᒋᑕᐱᔨᒡ ᒥᓯᐛ ᒋᑦ ᐊᔅᒋᐛᒡ, ᐸᑎᒪ ᐃᔭᔪᐛᒐ ᒋᑦ ᐊᔅᒋᐛᐤ᙮
\p
\v 25 ᒋᑭ ‍ ᑐᑐᐛᐤ ᑎᐸᔨᒋᒐᓱᐤ ᒐᒋ ᓴᐧᑯᒋᑎᔨᑕᑯᐤ ᑲ ‍ ᐱᒂᑎᑕᑯᐤ; ᒋᓂᑐᐱᔪᐤ-ᐃᔨᒧᐛᐅᒡ ᐸᐃᑯᓄᒡ ᐃᑕᒐ ᒋᑭ ᐅᒋ ‍ ᑯᓯᒂᔨᒧᑕᑯᐛᐅᒡ, ᒥᒄ ᒥᒐᑐᐎᒡ ᒋᑭ ᐃᓯ ‍ ᒋᑎᓯᒧᐅᒡ, ᑭᔭ ᐃᔅᐱ ᑯᑎᑭᒡ ᐊ ‍ ᐃᑎᔅᑲᓇᓯᒡ ᐃᔪᒡ ᐛᐱᒥᑕᒂᐛ ᐊ ‍ ᐃᔅᐱᔨᐛᒄ, ᒋᑭ ‍ ᐃᔅᒋᔄᐅᒡ ᐊ ‍ ᑯᔅᑕᑎᑯᓂᔨᒡ᙮
\p
\v 26 ᒋᑭ ‍ ᐳᓂᐱᒪᑎᓯᓇᐛᐤ, ᑭᔭ ᐱᔭᓱᒡ ᑭᔭ ᑲ ‍ ᑯᔅᑕᑎᑯᓯᒡ ᐊᐛᓯᓯᒡ ᒋᑭ ‍ ᒥᒍᐅᒡ ᒋᐎᔪᐛᐛ, ᓇᒪ ᒋᑭ ‍ ᐃᑕᐤ ᐊᐛᓐ ᒐᒋ ᐃᑲᑎᓴᐛᑦ᙮
\p
\v 27 ᒋᑭ ‍ ᑐᑕᑯᐛᐤ ᑎᐸᔨᒋᒐᓱᐤ ᒐᒋ ᐅᒥᓂᔅᒋᒧᐛᒄ ᒋᓯᑭᐛᐛᒡ, ᒧᔭᒻ ᑲ ‍ ᐃᑐᑐᐛᑦ ᐃᒋᑉᑦ ᐃᔪᐛ ᒥᒐᑐᐤ ᐱᐳᓇ ᐅᑕᒡ᙮ ᒋᑭ ‍ ᑐᑕᑯᐛᐤ ᒐᒋ ᐅᒥᓂᑐᓱᒧᐛᒄ, ᑭᔭ ᐅᒥᒋᐛᒄ, ᑭᔭ ᒋ ‍ ᒋᔨᒋᓱᐛᒄ ᒋᓯᑭᐛᐛᒡ, ᑭᔭ ᓇᒪ ᒋᑭ ‍ ᑎᑯᓐ ᓂᑐᐧᑯᐅᓐ ᒐᒋ ᒥᓏᒋᑕᔭᒄ ᒋᑦ ᐊᐧᑯᓱᐅᓄᐛᐛ᙮
\p
\v 28 ᐱᔅᒐ ᐊ ‍ ᐃᑎᓯᔭᒄ ᒋᑭ ‍ ᑐᑕᑯᐛᐤ ᑎᐸᔨᒋᒐᓱᐤ ᒐᒋ ᒋᔎᔭᐸᑎᒺᒄ, ᑭᔭ ᐱᔅᒐ ᐊ ‍ ᐃᑎᓯᔭᒄ ᒋᑭ ‍ ᑐᑕᑯᐛᐤ ᑎᐸᔨᒋᒐᓱᐤ ᒐ ᐊᑲ ‍ ᐛᐸᑎᒺᒄ, ᑭᔭ ᐱᔅᒐ ᒋᑭ ‍ ᑐᑕᑯᐛᐤ ᒐᒋ ᐛᐛᓇᔨᑎᒺᒄ᙮
\p
\v 29 ᐛᔅ ᒐ ᐊᑲ ‍ ᐛᐸᑎᒪᒄ ᑕᓐᑕ ᒐ ‍ ᐃᑐᑕᔭᒄ, ᐊᐱᑕᒋᓯᑲᒐ ᒋᑭ ‍ ᒪᒪᑐᓇᓇᐛᐤ ᑕᓐᑕ ᐛ ‍ ᐃᑐᑕᔭᒄ, ᒧᔭᒻ ᐊ ‍ ᐃᑎᒡ ᐊᐛᓐᒋ ᐊᓐᑕ ᐊ ᑭᔅᒋ ‍ ᑎᐱᔅᑲᔨᒡ᙮ ᓇᓂᑎᒻ ᒋᑭ ‍ ᓂᓇᐧᑲᒋᐃᑯᓇᐛᐤ ᑭᔭ ᒋᑭ ‍ ᑭᒐᒧᑎᒪᑯᓇᐛᐤ, ᑭᔭ ᓇᒪ ᐊᐛᓐ ᒋᑭ ‍ ᐎᒋᐃᑯᐛᐤ᙮
\p
\v 30 ᐱᔅᒐ ᐊ ‍ ᐃᑎᓯᔭᒄ ᓇᐸᐅᒡ ᒋᑭ ‍ ᒋᔅᒋᓄᐛᒋᐃᑯᓇᐛᐤ ᒐᒋ ᓂᐳᐅᔭᒄ ᐅᔅᒋᓂᒋᔎᓯᒡ, ᒥᒄ ᑯᑎᒃ ᐊᐛᓐ ᒋᑭ ‍ ᒥᒋᑐᑐᐛᐤ᙮ ᒋᑭ ‍ ᒋᒥᑕᓇᐛᐤ ᒥᒋᐛᐸ, ᒥᒄ ᓇᒪ ᓂᑕ ᐊᓐᑕ ᒋᑭ ‍ ᐎᒋᓇᐛᐤ᙮ ᒋᑭ ‍ ᓂᑕᐅᒋᑕᓇᐛᐤ ᓱᒥᓂᑎᑯᐤ ᓂᑕᐅᒋᑕᑭᓇ, ᒥᒄ ᓇᒪ ᒋᑭ ‍ ᒥᒋᓇᐛᐤ ᐊᓂᔭ ᒥᓂᓴ; ᑯᑎᒃ ᐊᐛᓐ ᒋᑭ ‍ ᒥᒍᐤ᙮
\v 31 ᑲ ‍ ᐱᒂᑎᑕᑯᒡ ᒋᑭ ‍ ᐎᔨᐊᐅᒡ ᒋ ‍ ᒥᒋᑎᐧᑯᒧᐛᐛ ᒪᒂᒡ ᐊ ‍ ᑭᓄᐛᐱᒪᑯᒡ, ᑭᔭ ᓇᒪ ᒋᑭ ‍ ᒥᔨᑯᓇᐛᐤ ᐎᔭᔅ ᒐᒋ ᒥᒋᔭᒄ᙮ ᒋᑭ ‍ ᐃᔨᑲᑕᒋᒪᐅᒡ ᑲᓂᐧᑲᑎᓯᔨᒋ ᒋᑲᐸᐃᑭᔎᒧᐛᐛ ᒪᒂᒡ ᐊ ‍ ᑭᓄᐛᐱᒪᑯᒡ ᐊᓂᔭ ᐊ ‍ ᐃᑎᒡ, ᑭᔭ ᓇᒪ ᒥᓐ ᑲᐤ ᒋᑭ ᒋ ‍ ᒥᔨᑯᐛᐅᒡ᙮ ᒋᑭ ‍ ᔅᑐᑕᐅᒡ ᒋᒪᔭᑕᓂᓯᒧᐛᐛ, ᑭᔭ ᓇᒪ ᒋᑭ ‍ ᐃᑕᐤ ᐊᐛᓐ ᒐᒋ ᐎᒋᐃᑕᒄ ᒐᒋ ᐱᐧᑯᔨᒪᑯᐤ᙮
\v 32 ᒪᒂᒡ ᐊ ‍ ᑭᓄᐛᐱᔭᒄ, ᒪᓐᑕᐅᒡ ᒋᑭ ‍ ᒥᔭᑭᓄᐎᒡ ᒋᑯᓱᐛᐛ ᑭᔭ ᒋᑕᓂᓱᐛᐛ ᒐᒋ ᐅᑦ ᐊᐱᒋᐊᑭᓂᑐᐛᒡ᙮ ᐊᓯᑯᒻ ᒋᓯᑲᐛ ᒐᑭ ‍ ᓇᓂᑐᐛᐱᓇᐛᐤ ᒐᒋ ᑲᐤ ᑎᑯᓯᒡ ᐊ ‍ ᓇᐧᑲᑕᔨᑎᒪᒄ, ᒥᒄ ᓇᒪ ᒥᓐ ‍ ᒋᑭ ‍ ᑎᑯᓯᓄᐅᒡ᙮
\v 33 ᒋᑭ ‍ ᐅᑎᓂᒧᒡ ᐃᔪᒡ ᒪᓐᑕᐤ ᐊᔅᒋᒡ ᐅᒋ ᒋᓂᑕᐅᒋᑕᑭᓄᐛᐛ ᑲ ᒥᔅᑎ ‍ ᐊᑐᔅᑲᔅᑎᒪᒄ ᒐᒋ ᓂᑕᐅᒋᑕᔭᒄ, ᑭᔭ ᓇᓂᑎᒻ ᒋᑭ ‍ ᐱᐛᔨᒥᑯᐛᐅᒡ᙮
\v 34 ᒋᑭ ‍ ᑐᑕᑯᓇᐛᐤ ᒐᒋ ᒋᔎᔭᐸᑎᒪᒄ ᐊ ‍ ᒪᔭᑎᒡ ᒐᒂᓐ ᐊ ‍ ᐃᑐᑕᑯᐅᔭᒄ,
\v 35 ᒋᑭ ‍ ᑐᑎᒻ ᒋᔅᑲᑐᐛᐛᒡ ᑎᐸᔨᒋᒐᓱᐤ ᒐᒋ ᐅᒥᓂᔅᒋᒧᐛᒄ ᒐ ᐊᑲ ᓂᑕ ‍ ᒥᓏᒋᑕᑯᓂᔨᒋ, ᑭᔭ ᒋᑭ ‍ ᐅᒥᓂᔅᒋᒥᓇᐛᐤ ᒋᓯᑐᐛᐛ ᐅᒋ ᐃᔅᐱᔅ ᑕᐧᑯᒡ ᒋᔅᑎᒂᓄᐛᒡ᙮
\p
\v 36 ᒋᑭ ‍ ᑐᑐᐛᐤ ᑎᐸᔨᒋᒐᓱᐤ ᒋᒋᓴᐅᒋᒪᒧᐛᐛ ᑭᔭ ᒥᓯᐛ ᐊᐃᑎᓯᐛᒄ ᒐᒋ ᐃᑐᑕᔨᑯᐅᐛᒄ ᐊᓐᑕ ᑯᑎᒃ ᐊᔅᒋᒡ, ᐊᓐᑕ ᐊᑲ ‍ ᓂᑕ ‍ ᐎᒋᔭᒄ ᑭᔭ ᐊᑯᑕ ᒐ ‍ ᐊᔭᒥᐊᔅᑐᐛᑯᒡ ᑭᔭ ᐊᑐᔅᑯᐛᑯᒡ ᒥᓂᑐᐧᑲᓐᒡ ᒥᔅᑎᑯᒡ ᑭᔭ ᐊᓯᓂᒡ ᐊ ᐅᒋ ‍ ᐅᓯᐊᑭᓄᐅᒡ᙮
\v 37 ᐃᔅᐱ ᐃᔪᒡ ᐊᓐᑕ ᒥᒋᒪ ᐊᔅᒋᔭ ᐛᐸᑕᒂᐛ ᐊᓂᔭ ᐊ ‍ ᐃᔅᐱᔨᐛᒄ, ᒋᑭ ‍ ᑯᔅᑯᑕᔨᑎᒧᒡ; ᒋᑭ ‍ ᐛᐅᓯᓇᑯᐛᐅᒡ᙮
\p
\v 38 ᒥᒐᑦ ᒋᑭ ‍ ᓂᑕᐅᒋᑕᓇᐛᐤ ᓂᑕᐅᒋᑕᑭᓇ ᐊᓐᑕ ᒋᓂᑕᐅᒋᒋᑭᓄᐛᒡ, ᒥᒄ ᐊᐱᔅᓯᔅ ᒋᑭ ‍ ᒪᒧᓴᒋᓇᓇᐛᐤ ᒥᒋᒻ, ᐛᔅ ᒂᔅᑲᑎᓯᓯᒡ ᒋᑭ ‍ ᒥᒍᐅᒡ ᐊᓂᔭ ᒋ ‍ ᓂᑕᐅᒋᑕᑭᓂᐛᐛ᙮
\v 39 ᒋᑭ ‍ ᓂᑕᐅᒋᑕᓇᐛᐤ ᒥᓂᓴᑎᒂ ᑭᔭ ᒋᑭ ᒥᔪ ‍ ᑭᓄᐛᔨᑕᓇᐛᐤ, ᒥᒄ ᓇᒪ ᒋᑭ ‍ ᒪᒧᓴᒋᓇᓇᐛᐤ ᒥᓂᓴ ᒐᒋ ᐅᓯᑕᔭᒄ ᓱᒥᓇᐳᔾ, ᐛᔅ ᒥᓂᑐᓯᓯᒡ ᒋᑭ ‍ ᒥᒍᐅᒡ ᓱᒥᓇᑎᒂ᙮
\v 40 ᐊᓕᑉ ᒥᔅᑎᑯᒡ ᒋᑭ ‍ ᓂᑕᐅᒋᐅᒡ ᐊᓐᑕ ᒥᓯᐛ ᒋᑦ ᐊᔅᒋᐛᒡ, ᒥᒄ ᓇᒪ ᒋᑭ ‍ ᑲᔅᑎᓇᐛᐤ ᐊᓕᑉ ᐱᒥᔾ ᒐᒋ ᓱᑈᒋᔭᒄ ᒋᓯᑭᐛᐛᒡ ᐛᔅ ᒋᑭ ‍ ᐸᒋᓯᓄᐅᒡ ᐊᓕᐱᒡ ᒧᔅᑎᔅᑭᒥᒡ ᐊᒺᔭ ᒋᓯᓂᑕᐅᒋᒡ᙮
\v 41 ᒋᑭ ‍ ᐅᑯᓯᓇᐛᐤ ᑭᔭ ᒋᑭ ‍ ᐅᑕᓂᓯᓇᐛᐤ, ᒥᒄ ᓇᒪ ᒋᑭ ‍ ᐃᑕᐅᒡ ᐊᓐᑕ ᐊ ‍ ᐃᑕᐛᒄ, ᐛᔅ ᒋᑭ ‍ ᐅᑎᓇᑭᓄᐎᒡ ᑭᔭ ᒋᑭ ‍ ᔅᑐᑕᑭᓄᐅᒡ᙮
\v 42 ᒂᔅᑲᑎᓯᒡ ᒋᑭ ‍ ᒥᒍᐅᒡ ᒋᓂᑕᐅᒋᑕᑭᓄᐛᐛ ᑭᔭ ᓂᐱᔭ ᐊᓐᑕ ᒥᓯᐛ ᒋᒥᔅᑎᑭᒧᐛᐛ ᐅᒋ᙮
\p
\v 43 ᐊᑎᑐᐤ ᒋᑭ ‍ ᓱᐧᑲᑎᓯᐅᒡ ᒪᓐᑕᐅᒡ ᐛᒋᒥᑕᑯᒡ ᒋᑦ ᐊᔅᒋᐛᒡ, ᐊᑯ ᒋᔨᐛᐤ ᐊᔭᔅᒃ ᓇᒪ ᒋᑭ ‍ ᓱᐧᑲᑎᓯᓇᐛᐤ᙮
\v 44 ᒋᑭ ‍ ᐅᓱᓇᔭᓂᒧᐅᒡ ᒐᒋ ᐎᔨᑕᑯᒡ, ᒥᒄ ᒋᔨᐛᐤ ᓇᒪ ᒋᑭ ‍ ᐅᓱᓇᔭᓂᒥᓇᐛᐤ ᒐᒋ ᐛᐊᑯᒡ᙮ ᒋᑭ ‍ ᑎᐸᔨᒥᑯᐛᐅᒡ, ᐊᑯ ᒋᔨᐛᐤ ᒐ ‍ ᓇᓴᐛᑯᒡ᙮
\p
\v 45 ᒥᓯᐛ ᐅᔭ ᒋᑭ ‍ ᐅᑎᑎᑯᓇᐛᐤ ᐊᔨᒥᐅᓇ, ᑭᔭ ᓇᓂᑎᒻ ᐅᔭ ᒋᑭ ‍ ᐅᑎᑎᑯᓇᐛᐤ ᐸᑎᒪ ᒋ ‍ ᓂᓱᐅᓇᒋᐃᑯᔭᒂ, ᐊ ᐊᑲ ‍ ᐃᑐᑎᒺᒂ ᒐᒂᔪᐤ ᐊ ‍ ᐃᑎᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᑭᔭ ᐊ ᐊᑲ ‍ ᓂᓇᐃᑎᒺᒂ ᒥᓯᐛ ᐎᓱᐛᐅᓇ ᑭᔭ ᒋᔅᑯᑎᒪᒐᐅᓇ ᑲ ‍ ᒥᔨᑕᒄ᙮
\v 46 ᓂᒋᔅᒃ ᒋᑭ ‍ ᐃᔭᒂᒥᑯᓇᐛᐤ ᐅᔭ ᐊᔨᒥᔪᐅᓇ ᑭᔭ ᒋᑦ ᐊᓂᔅᑯᑕᐸᓄᐛᐅᒡ ᑕᓐ ᐊ ‍ ᐃᔅᐱᔨᒡ ᐊ ‍ ᐃᑎᔅᑲᓇᓯᒡ ᐃᔪᒡ ᐊ ᐊᑲ ‍ ᓂᓇᐃᑐᐛᒡ ᑎᐸᔨᒋᒐᓱᐛ᙮
\v 47 ᐛᔅ ᒥᒐᑦ ᔅᒋ ᐃᓯ ‍ ᐛᔪᒡ ᓱᐛᔨᑕᑯᔨᑯᐛᐤ ᑎᐸᔨᒋᒐᓱᐤ, ᒋᐸ ‍ ᐊᑐᔅᑲᔅᑐᐛᐛᐱᓐ ᒧᒋᒐᔨᑎᒧᐅᓂᒡ, ᒥᒄ ᓇᒪ ᒋ ᐅᒋ ‍ ᑐᑕᓇᐛᐤ᙮
\v 48 ᐊᑯ ᐊᓐ ᐅᒋ, ᒋᑭ ‍ ᐊᑐᔅᑲᔅᑐᐛᐛᐅᒡ ᑲᐸᒂᑎᑕᑯᒡ ᐊᓂᔭ ᑲ ‍ ᐃᑎᓴᐛᑦ ᑎᐸᔨᒋᒐᓱᐤ ᒐᒋ ᒪᓯᐧᑲᑎᔨᑕᑯᐤ᙮ ᒋᑭ ‍ ᓯᐛᔨᓇᐛᐤ ᑭᔭ ᐸᐧᑯᑕᑕᓇᐛᐤ, ᓇᒪ ᒋᑭ ‍ ᑭᓄᐛᔨᑕᓇᐛᐤ ᐊᐱᒋᑕᐅᓇ ᒐᒋ ᒋᔅᑭᒪᒄ, ᑭᔭ ᒋᑭ ‍ ᓄᑕᐱᔨᓇᐛᐤ ᒥᓯᐛ ᒐᒂᓐ ᓇᑐᐛᔨᑎᒪᒄ᙮ ᑭᔭ ᒋᑭ ‍ ᑐᑕᑯᐛᐤ ᑎᐸᔨᒋᒐᓱᐤ ᒐᒋ ᐊᐱᒋᐊᑭᓄᐎᔭᒄ ᑭᔭ ᒥᔅᑎ ‍ ᐊᑐᔅᒐᐛᒄ ᐸᑎᒪ ᒋ ‍ ᓂᓱᐅᓇᒋᔨᑕᒂ᙮
\p
\v 49 ᒋᑭ ‍ ᑐᑐᐛᐤ ᓂᐱᔪᐤ-ᐃᔪᐛ ᐛᔪᐤ ᐅᒋ ᒐᒋ ᒪᓯᐧᑲᑎᔨᑕᑯᐤ, ᐊᓂᔭ ᐊ ‍ ᒪᓐᑕᐅ-ᐃᔨᒥᔨᒋ ᐊ ᐊᑲ ‍ ᓂᔅᑐᑐᐅᒪᑯᐤ, ᒋᔅᑎᑉ ᒋᑭ ‍ ᒋᒋᓂᑯᐛᐅᒡ ᒧᔭᒻ ᐃᔅᐱᔪᐅᑦ ᒥᒋᓱᐤ ᓇᑐᐅᒋ᙮
\v 50 ᓇᒪ ᒋᑭ ‍ ᒋᔅᑎᒪᒐᔨᒥᑯᐛᐅᒡ, ᓇᒪ ᒋᑭ ‍ ᐃᔅᐱᑕᔨᒪᐅᒡ ᒋᓴᐃᔪᐛ ᑭᔭ ᓇᒪ ᒋᑭ ‍ ᒋᔅᑎᒪᒐᔨᒪᐅᒡ ᐊᐛᓴ᙮
\v 51 ᒋᑭ ‍ ᓂᐸᐅᒡ ᑭᔭ ᒋᑭ ᒧᐛᐅᒡ ᒋᑦ ᐊᐛᓯᓯᒧᐛᐛ ᑭᔭ ᒋᑭ ‍ ᒥᒍᐅᒡ ᑲᓂᑕᐅᒋᑕᐛᒄ ᒋᒥᒋᒧᐛᐅᔪᐤ, ᑭᔭ ᒋᑭ ‍ ᓯᐛᔨᓇᐛᐤ ᐛᔅ ᐊ ᐊᑲ ‍ ᑎᒂᒡ ᒐᒂᓐ ᒐ ‍ ᒥᒋᔭᒄ᙮ ᓇᒪ ᒋᑭ ‍ ᓂᑭᑎᒪᑯᐛᐅᒡ ᐸᒂᓯᑭᓂᒥᓇ ᑭᔭ ᒪᒃ ᓱᒥᓇᐳᔪᐤ ᑭᔭ ᒪᒃ ᒥᒋᑎᒂ ᑭᔭ ᒪᒃ ᒪᔭᑕᓂᓴ; ᑭᔭ ᒋᑭ ‍ ᑯᐧᑭᑕᓇᐛᐤ ᙮
\v 52 ᒋᑭ ‍ ᐛᔅᑲᔅᑭᒧᒡ ᒋ ‍ ᐅᑕᓇᒧᐛᐛ ᑲ ‍ ᐱᒂᑎᑕᑯᒡ ᐊᓐᑕ ᒥᓯᐛ ᐊᔅᒋᔪᐤ ᑎᐸᔨᒋᒐᓱᐤ ᐛ ‍ ᒥᔨᑕᒄ, ᑭᔭ ᒋᑭ ‍ ᐱᒂᐊᒧᒡ ᑲ ‍ ᐃᔅᐸᔨᒋ ᑭᔭ ᑲ ‍ ᒥᔅᑯᐛᒋ ᒋᒪᓂᔅᑲᑎᑯᒧᐛᐛ ᐛᔅᑲ ᒋᐅᑕᓇᒧᐛᐛᒡ, ᐊᓂᔭ ᑲ ‍ ᐃᑕᔨᑎᒪᒄ ᒐ ‍ ᑭᓄᐛᔨᒥᑯᔭᒄ᙮
\p
\v 53 ᐃᔅᐱ ᐛᔅᑲᔅᑲᑥᐛ ᑲ ‍ ᐱᒂᑎᑕᑯᒡ ᒋᐅᑕᒪᓂᒧᐛᐛ, ᒋᒋᐛ ᒋᑭ ‍ ᓯᐛᔨᓇᐛᐤ, ᒐ ᐊᑎ ‍ ᒥᒍᐛᒄ ᑎᐱᔨᐛ ᒋᑯᓱᐛᐅᒡ ᑭᔭ ᒋᑕᓂᓯᐛᐅᒡ ᐅᓯᑭᐛᐛ ᑎᐸᔨᒋᒐᓱᐤ ᑲ ‍ ᒥᔨᑕᒄ᙮
\v 54-55 ᐃᔅᐱ ᒋ ‍ ᐛᔅᑲᔅᑲᑥᐛ ᑲᐱᒂᑎᑕᑯᒡ ᒋᐅᑕᒪᓂᒧᐛᐛ, ᐊᑎ ᓇᔅᒡ ᑲ ‍ ᔪᔅᐸᑎᓯᒡ ᑭᔭ ᑲ ‍ ᒥᔽᑕᑯᓯᒡ ᓇᐸᐅᒡ ᐃᔨᑕᒡ ᐊᓐᑕ ᐊ ‍ ᑕᐛᒄ ᒋᒋᐛ ᒋᑭ ‍ ᓂᑐᐛᔨᑎᒧᒡ ᒥᒋᒥᔪᐤ, ᐊᑯ ᒐ ‍ ᓂᐸᐊᒡ ᑎᐱᔨᐛ ᐅᑦ ᐊᐛᓯᒧᐛᐛ ᑭᔭ ᒐ ‍ ᒥᒍᐛᒡ ᐅᓯᑭᒥᔨᐛ, ᐛᔅ ᓇᒪ ᒋᑭ ‍ ᑎᑯᓂᔪᐤ ᒐᒂᔪᐤ ᒐ ‍ ᒥᒋᒡ᙮ ᓇᒪ ᒋᑭ ‍ ᓯᒪᐅᒡ ᐎᐧᑲᓂᓯᐛᐛ ᑭᔭ ᒪᒃ ᐎᐛᐛ ᐊᓂᔭ ᒋᒋᐛ ᑲ ᓴᒋᐊᒡ ᑭᔭ ᒪᒃ ᐊᓂᔭ ᑯᑎᑲ ᐅᑦ ᐊᐛᓯᒧᐛᐛ ᐊᔅᒄ ᐸᒪᑎᓯᔨᒋ᙮
\v 56-57 ᐊᑎ ᓇᔅᒡ ᑲ ‍ ᔪᔅᐸᑎᓯᒡ ᑭᔭ ᑲ ‍ ᒥᔽᑕᑯᓯᒡ ᐃᔎᐅᒡ ᐃᔨᑕᒡ ᐊᓐᑕ ᐊ ‍ ᑕᐛᒄ ᓇᔅᒡ ᒋᒋᐛ ᐊ ‍ ᐛᔪᑎᓯᒡ ᐊᑲ ᓂᑕ ᐊᓐᑕ ᓂᑎᒥᒄ ᐅᒋ ᐱᐸᒧᑕᒡ, ᐸᐃᑯᑕᐤ ᒋᑭ ‍ ᐃᑐᐅᒡ᙮ ᐃᔅᐱ ᒋ ‍ ᐛᔅᑲᔅᑲᑥᐛ ᑲ ‍ ᐱᒂᑎᑕᑯᒡ ᒋᐅᑕᒪᓂᒧᐛᐛᒐᒋ, ᒋᒋᐛ ᒋᑭ ‍ ᓯᐛᔪᐅᒡ ᐊᓐᒡ ᐃᔎᐅᒡ, ᐊᑯ ᒋ ‍ ᐛᐱᒪᐅᓱᑥᐛ, ᒋᒧᑦ ᒋᑭ ‍ ᓂᐊᐳᒡ ᑭᔭ ᒋᑭ ‍ ᒥᒍᐛᐅᒡ ᐅᓯᑲᒥᔪᐤ ᑭᔭ ᐊᓯᒡ ᐃᔭᐱᒡ ᐅᑎᔅᑯᐛᓯᒧᓂᓯᔪᐛ᙮ ᓇᒪ ᒋᑭ ‍ ᓯᒪᐅᒡ ᐅᓇᐸᒧᐛᐛ ᐊᓂᔭ ᒋᒋᐛ ᑲ ᓴᒋᐊᒡ ᑭᔭ ᒪᒃ ᐊᓂᔭ ᑯᑎᑲ ᐅᑦ ᐊᐛᓯᒧᐛᐛ᙮
\p
\v 58 ᐊ ᐊᑲ ‍ ᓂᓇᐃᑎᒪᒂ ᑕᑈᐅᒐᔨᑎᒧᐅᓂᒡ ᒥᓯᐛ ᐎᓱᐛᐅᓇ ᒪᓯᓇᐊᒪᓐ, ᑭᔭ ᐊ ᐊᑲ ‍ ᓇᓂᒋᔅᑐᐛᒂ ᑎᐸᔨᒋᒐᓱᐤ ᑲ ‍ ᒋᔅᑕᔨᑕᑯᓯᑦ ᒋᒋᓴᒪᓂᑐᒥᓄᐤ,
\v 59 ᒋᑭ ‍ ᐊᓏᔨᒥᑯᐛᐤ ᐊ ‍ ᐃᑐᑕᑕᒄ ᑭᔭ ᒋᑦ ᐊᓂᔅᑯᑕᐸᓂᐛᐛ ᒐᒋ ᐅᑎᑎᑯᔨᒋ ᒋᒋ ‍ ᐊᐧᑯᓯᔪᐛᓯᐅᓇ ᑭᔭ ᐊᐧᑯᓱᐅᓇ ᒥᒐᑐᐤ ᐱᐳᓇ ᒐ ‍ ᐃᑎᑯᓂᔨᒋ᙮
\v 60 ᒋᑭ ‍ ᑐᑕᑯᐛᐤ ᒐᒋ ᐅᑎᑎᑯᐛᒄ ᐊᐧᑯᓱᐅᓇ ᐊᓂᔭ ᑲ ‍ ᐃᑎᓴᐊᒧᐛᑦ ᐃᒋᑉᑦ ᐃᔪᐛ᙮
\v 61 ᒋᑭ ‍ ᑐᑕᑯᐛᐤ ᒐᒋ ᐅᑎᑎᑯᐛᒄ ᒥᒐᑦ ᑯᑎᑲ ᐊᐧᑯᓱᐅᓇ ᐊᓂᔭ ᐊ ᐊᑲ ‍ ᐊᔨᒧᑎᒪᓐ ᐊᓐᑕ ᐅᔭ ᐎᓱᐛᐅᓂᒡ, ᐸᑎᒪ ᒥᓯᐛ ᒋ ‍ ᐳᓂᐱᒪᑎᓯᔭᒂ᙮
\v 62 ᔅᒋ ‍ ᒥᒐᑎᓇᐛᐤ ᒧᔭᒻ ᐅᒐᑯᑕᐧᑯᒡ ᒋᓯᑯᒡ, ᒥᒄ ᐱᔅᒐ ᒋᑭ ‍ ᐃᔅᑯᐱᔨᓇᐛᐤ, ᐊᑲ ᓂᑐᑐᐛᑲ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ᙮
\v 63 ᒋᒋᐛ ᒋ ‍ ᒥᔽᔨᑎᒻ ᑎᐸᔨᒋᒐᓱᐤ ᒐᒋ ᑐᑎᒪᑕᒄ ᒥᔪᐤ ᒐᒂᓇ ᑭᔭ ᑐᑕᑕᒄ ᒐᒋ ᒥᒐᑐᐛᒄ, ᒥᒄ ᐊᓄᒡ ᒋᑭ ‍ ᒥᔽᔨᑎᒻ ᒐᒋ ᐃᔭᔪᐎᔨᑕᒄ ᑭᔭ ᓂᓱᐅᓇᒋᐃᑕᒄ᙮ ᐊᓐᒡ ᒋᔨᐛᐤ ᐊ ᐊᑲ ‍ ᓂᐸᐃᑯᔭᒄ ᐅᔭ ᐊᐧᑯᓱᐅᓇ ᒋᑭ ‍ ᐅᒋᐱᑎᑯᐅᓇᐛᐤ ᐊᓐᑕ ᐊᔅᒋᒡ ᐅᒋ ᓴᔅ ᒐ ‍ ᐱᒐᔭᒄ᙮
\p
\v 64 ᒥᓯᑕ ᒋᑭ ‍ ᐃᑎᓴᐅᑯᐛᐤ ᑎᐸᔨᒋᒐᓱᐤ ᐊᓐᑕ ᑯᑎᑲ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊ ‍ ᐃᑕᔨᒋ, ᒥᓯᐛ ᐊᔅᒋᒡ, ᑭᔭ ᐊᓐᑕ ᐃᑕᐅᓂᒡ ᒋᑭ ‍ ᐊᑐᔅᑯᐛᐛᐅᒡ ᑯᑎᑭᒡ ᒥᓂᑐᐧᑲᓐᒡ ᒥᔅᑎᑯᒡ ᑭᔭ ᒪᒃ ᐊᓯᓂᒡ ᐊ ᐅᒋ ‍ ᐅᓯᐊᑭᓄᐅᒡ, ᐊᓐᒡ ᒥᓂᑐᐧᑲᓐᒡ ᒋᔨᐛᐤ ᐊᑲ ‍ ᓂᑕ ‍ ᐅᒋ ᒋᔅᒐᔨᒪᑯᒡ ᑭᔭ ᒋᑦ ᐊᓂᔅᑯᑕᐸᓂᐛᐅᒡ᙮
\v 65 ᓇᒪ ᒋᑭ ‍ ᐊᔅᑕᔭᔅᑯᓯᓇᐛᐤ ᐊᓐᑕ ᐃᑕᐅᓂᒡ᙮ ᒋᑭ ‍ ᑐᑕᑯᐛᐤ ᑎᐸᔨᒋᒐᓱᐤ ᒐᒋ ᓇᓂᑎᒻ ᐊᔨᒪᔨᑎᒺᒄ, ᑭᔭ ᒐ ᐊᑲ ‍ ᐅᑦ ᐊᔅᐸᔨᒧᐅᓄᐛᒄ, ᑭᔭ ᒐᒋ ᐱᒋᑕᔨᒧᐛᒄ᙮
\v 66 ᓇᓂᑎᒻ ᒋᑭ ‍ ᑯᔅᑕᐛᐅᒡ ᒐᒋ ᓂᐸᐃᑕᑯᒡ ᑲ ‍ ᐱᒂᑎᑕᑯᒡ᙮ ᐃᔅᑭᓐ ᒋᓯᑲᐛ ᑭᔭ ᐃᔅᑭᓐ ᑎᐱᔅᑲᐛ, ᒋᒋᐛ ᒋᑭ ‍ ᑯᔅᑕᒋᓇᐛᐤ
\v 67 ᐛᔅ ᐊᓴᒋᓯᔭᒄ ᑭᔭ ᐊᓇᓇᐧᑲᑎᓯᔭᒄ ᑭᔭ ᐛᔅ ᐊ ‍ ᐛᐸᑎᒪᒄ ᒐᒂᔪᐛ ᐊᒂᑕᔨᑕᒂᒋ, ᐊᓯᑯᒻ ᒋᔭᒋᓴᐸ ᒋᑭ ‍ ᐃᔅᒋᔄᓇᐤ, ‘ᑭᒪ ᓴᔅ ᐅᑕᑯᓯᒡ’ ᑭᔭ ᑕᑥᐤ ᐛᑕᑯᓯᒋ ᒋᑭ ‍ ᐃᔅᒋᔄᓇᐛᐤ, ‘ᑭᒪ ᓴᔅ ᒐᒋᓴᐸᔭᒡ᙮’
\v 68 ᐱᔅᒐ ᐊ ‍ ᐃᑎᓯᔭᒄ ᑲᐤ ᐃᒋᑉᑎᒡ ᒋᑭ ‍ ᐃᑎᓴᐅᑯᐛᐤ ᐃᔅᑯᑕᐅᑎᒡ ᑎᐸᔨᒋᒐᓱᐤ, ᐊᑎᓱᐧᒄ ᒋ ‍ ᐊᓱᑎᒪᑕᒄ ᒐ ᐊᑲ ᓂᑕ ᐊ ‍ ᐃᔨᐧᑭᒥᑯᐎᔭᒄ ᒥᓐ ᐊᓐᑕ ᒐᒋ ᐃᑐᑕᔭᒄ᙮ ᒋᑭ ‍ ᑯᒋᐱᔨᑕᓇᐛᐤ ᒐᒋ ᐃᔭᑯᐅᔭᒄ ᒐᒋ ᐅᑦ ᐊᐱᒋᐊᑭᓂᑕᑕᑯᒡ ᑲ ‍ ᐱᒂᑎᑕᑯᒡ ᒐᒋ ᐅᒋ ᑭᓄᐛᔨᑎᒪᒄ ᒥᒋᒻ ᒐ ‍ ᒥᒋᔭᒄ, ᒥᒄ ᓇᒪ ᐊᐛᓐ ᒋᑭ ‍ ᐃᔭᐅᑯᐛᐤ᙮ ᒥᓯᐛ ᐅᔭ ᒐᒂᔪᐛ ᒋᑭ ‍ ᐃᔅᐱᔨᓇᐛᐤ ᐊ ᐊᑲ ‍ ᓂᓇᐃᑎᒺᒂ ᐎᓱᐛᐅᓇ ᒪᔨᑕᒄ ᑎᐸᔨᒋᒐᓱᐤ᙮”
\c 29
\s1 ᑲ ‍ ᑐᑕᑭᓄᐅᒡ ᓂᔅᑯᒥᑐᐅᓐ ᐊᓐᑕ ᒧᐊᐱᒡ
\p
\v 1 ᐊᐅᑯᔪᐛ ᐅᔭ ᒐᒂᔪᐛ ᓇᑐᐛᔨᑕᑯᓯᒡ ᐃᔅᕋᐃᓪ ᐃᔪᒡ ᒐᒋ ᑐᑕᒡ ᒐᒋ ᑭᓄᐛᔨᑕᒡ ᓂᔅᑯᒥᑐᐅᓂᔪᐤ ᑲ ‍ ᑐᑎᒪᑯᒡ ᑎᐸᔨᒋᒐᓱᐛ᙮ ᒧᓱᔅ ᒋ ‍ ᐃᑎᓱᒪᐤ ᒐᒋ ᑭᓄᐛᔨᑎᒥᔨᒋ ᐅᔭ ᓂᔅᑯᒥᑐᐅᓂᔪᐤ ᐃᔅᐱ ᑲ ᐃᑕᒡ ᐊᓐᑕ ᒧᐊᑉ ᐊᔅᒋᒡ ᐛᐱᓄᑕᒡ ᒠᕐᑕᓐ ᓯᐱᒡ ᐃᑕᒐ᙮ ᐊᐅᑯᔪᐤ ᐅᔭ ᐃᔭᐱᒡ ᑲ ‍ ᑐᑎᒪᑕᐧᒄ ᑎᐸᔨᒋᒐᓱᐛ ᐊᓐᑕ ᓴᐃᓇᐃ ᐱᔅᑯᑎᓇᒡ᙮
\p
\v 2 ᒧᓱᔅ ᒋ ‍ ᐎᓴᒪᐤ ᐊᓂᔭ ᐃᔅᕋᐃᓪ ᐃᔪᐛ ᑭᔭ ᒂ ‍ ᐃᑕᑦ:
\p “ᔅᒋ ‍ ᐛᐱᒪᐛᐤ ᑎᐸᔨᒋᒐᓱᐤ ᑲ ‍ ᑐᑐᐛᑦ ᒐᒂᔪᐤ ᐃᒋᑉᑦ ᒋᓴᐅᒋᒪᐛ ᑭᔭ ᐅᒋᒪᒥᔨᐛ ᑭᔭ ᒥᓯᐛ ᐊᐛᔪᐛ ᐊᓐᑕ ᐅᑦ ᐊᔅᒋᔨᒡ᙮
\v 3 ᔅᒋ ‍ ᐛᐱᑕᓇᐛᐤ ᒥᓯᐛ ᐊ ‍ ᐃᓯᓇᒂᒋ ᐊᐧᑯᓱᐅᓇ ᑎᐸᔨᒋᒐᓱᐤ ᑲ ‍ ᑐᑐᐛᑦ ᒐᒋ ᐅᑎᑎᑯᔨᒋ, ᑭᔭ ᒪᒥᔅᑲᒡ ᐊ ‍ ᐃᓯᓇᑯᓂᔨᒋ ᒐᒂᔪᐤ ᑲ ‍ ᑐᑕᐧᒃ ᑎᐸᔨᒋᒐᓱᐤ᙮
\v 4 ᒥᒄ ᐃᔅᐱᔅ ᐊᓄᒡ, ᓇᒪ ᒋ ᐅᒋ ‍ ᑐᑕᑯᐛᐤ ᑎᐸᔨᒋᒐᓱᐤ ᒐᒋ ᓂᔅᑐᑎᒺᒄ ᑕᓐ ᐊᑥᒥᑭᓂᔨᒡ ᒥᓯᐛ ᐊᓂᔭ ᑲ ‍ ᐛᐸᑎᒺᒄ ᑭᔭ ᑲ ‍ ᐸᑎᒺᒄ᙮
\v 5 ᔅᒋ ‍ ᒋᔅᒋᓄᑕᔨᑯᐛᐤ ᑎᐸᔨᒋᒐᓱᐤ ᒪᒂᒡ ᑲ ‍ ᐱᒧᑕᔭᒄ ᐊᓐᑕ ᐸᐧᑯᑎᔅᑭᒥᑲᒡ ᓇᐎᔪᐛ ‍ ᐱᐳᓇ ᐃᔅᐱᔅ, ᒪᒂᒡ ᐊᓂᔭ, ᓇᒪ ᐅᒋ ᐱᑯᐱᔨᐛ ᒋᑦ ᐊᐱᒋᑕᐅᓄᐛᐛ ᑭᔭ ᒋᒥᔅᒋᓄᐛᐛ᙮
\v 6 ᓇᒪ ᒋ ᐅᒋ ‍ ᑭᓄᐛᔨᒪᐛᐤ ᐸᒂᓯᑭᓐ ᒐᒋ ᒧᐛᒄ ᑭᔭ ᒪᒃ ᓱᒥᓇᐳᔾ ᑭᔭ ᒪᒃ ᐊᓱᒋᓯᒥᑲᒡ ᒐᒂᓐ ᒐᒋ ᒥᓂᔭᒄ, ᒥᒄ ᔅᒋ ᒥᔪ ‍ ᑭᓄᐛᔨᒥᑯᐛᐤ ᑎᐸᔨᒋᒐᓱᐤ, ᒐᒋ ᐅᒋ ᒋᔅᒐᔨᒪᒄ ᐎᔾ ᐛᒋᓴᒪᓂᑐᒥᔭᒄ᙮
\p
\v 7 ᑭᔭ ᐃᔅᐱ ᑲ ‍ ᑎᑯᓯᓂᔭᐧᒄ ᐅᑕ ᐃᑕᐅᓂᒡ, ᓯᐦᐅᓐ, ᐊᓐ ᒋᓴᐅᒋᒪᐤ ᑲ ‍ ᐅᒋᒪᐅᑦ ᐊᓐᑕ ᐦᐊᔅᐳᓐ ᐅᑕᓇᒡ, ᑭᔭ ᐅᒃ, ᐸᓴᓐ ᐃᑕᐅᓂᒡ ᑲ ‍ ᐅᒋᒪᐅᑦ, ᒋ ‍ ᑎᑯᓯᓄᐅᒡ ᐊᓯᒡ ᐅᓂᑐᐱᔪᐅ-ᐃᔨᒧᐛᐛ ᒐᒋ ᓂᑐᐱᔨᑕᑕᐧᑯᒡ, ᒥᒄ ᔅᒋ ‍ ᓴᐧᑯᒋᐊᓄᐅᒡ᙮
\v 8 ᔅᒋ ‍ ᐅᑎᓂᒺᓇᓄᐤ ᐅᑦ ᐊᔅᒋᐛᐛ ᑭᔭ ᒂ ᐊᑎ ‍ ᑕᑕᐅᓂᒧᐛᐧᑯᒡ ᕈᐱᓐ ᑭᔭ ᑲᑦ ᐊ ‍ ᐃᑎᔅᑲᓇᓯᒡ, ᑭᔭ ᑕᑕᐅᒡ ᒪᓇᓴ ᐊ ‍ ᐃᑎᔅᑲᓇᓯᒡ᙮
\p
\v 9 ᐊᑯ ᑕᑈᐅᒐᔨᑎᒧᐅᓂᒡ ᒐ ‍ ᑭᓄᐛᔨᑎᒺᒄ ᒥᓯᐛ ᐅᓂᔅᑯᒥᑐᐅᓇ, ᒐᒋ ᐅᒋ ᒥᐱᔨᔭᒄ ᒥᓯᐛ ᒐᒂᓐ ᐊ ‍ ᐃᑐᑎᒪᒄ᙮
\v 10 ᐊᓄᒡ ᒥᓯᐛ ᐊᐛᓐ ᐊᓐᑕ ᐊ ‍ ᐃᑎᔅᑲᓇᓯᔭᐧᒃ ᓂᐳᐤ ᐅᑎᔅᑯᐤ ᐊ ‍ ᐃᑕᔨᒋ ᑎᐸᔨᒋᒐᓱᐛ ᒋᒋᓴᒪᓂᑐᒥᓄᐛ, ᐊᓐᒡ ᓇᑲᓄᔅᑲᒐᒡ ᐊ ‍ ᐃᑎᔅᑲᓇᓱᐛᐧᒄ, ᑭᔭ ᒋᒋᓴᔨᒥᓄᐅᒡ, ᑭᔭ ᑲ ‍ ᐊᑐᔅᒐᓯᒡ, ᑭᔭ ᒥᓯᐛ ᒋᔨᐛᐤ ᐃᔅᕋᐃᓪ ᐃᔪᒡ,
\v 11 ᒋᐅᐛᐅᒡ, ᒋᑦ ᐊᐛᓯᒧᐛᐅᒡ, ᑭᔭ ᐊᓐᒡ ᒪᓐᑕᐅᒡ ᐛᒋᒥᑕᑯᒡ ᑭᔭ ᓇᑯᑥᑕᑯᒡ ᑭᔭ ᑲ ‍ ᒂᐱᒐᒡ, ᐊ ‍ ᐃᑕᒡ ᐅᑕ᙮
\v 12 ᐊᓄᒡ ᒋᑦ ᐃᑕᓇᓄᐤ ᒐᒋ ᐊᓱᑎᒪᒐᔭᐧᒃ ᒐᒋ ᑭᓄᐛᔨᑎᒪᐧᒄ ᐅ ᒋᒋ ‍ ᓂᔅᑯᒧᐅᓐ ᐊᓯᒡ ᑎᐸᔨᒋᒐᓱᐤ᙮
\v 13 ᒋ ‍ ᑐᑎᒪᑯᐛᐤ ᐅᔭ ᓂᔅᑯᒧᐅᓂᔪᐤ, ᒐᒋ ᐅᒋ ᒋᔅᒐᔨᑕᑯᑕᑦ ᐊ ᐅᑦ ᐃᔨᒥᑕᑕᒄ, ᑭᔭ ᐎᔾ ᐊ ‍ ᐅᒋᓴᒪᓂᑐᒥᑐᐛᒄ᙮ ᐊᐅᑯᔪᐤ ᐅᔭ ᓂᔅᑯᒧᐅᓂᔪᐤ ᑲ ‍ ᐊᓱᑎᒪᑕᒄ, ᑭᔭ ᑲ ᐃᓯ ‍ ᒋᒋ ‍ ᐊᓱᑎᒧᐛᑦ ᒐᒋ ᒥᔭᑦ ᒋᑦ ᐊᓂᔅᑯᑕᐸᓄᐛᐛ ᐊᐱᓇᐊᒺ, ᐊᐃᓯᑲ ᑭᔭ ᒐᑭᐸ᙮
\v 14 ᓇᒪᔭᐤ ᒥᒄ ᒋᔨᐛᐤ ᑲ ‍ ᑐᑎᒪᑯᐅᔭᒄ᙮
\v 15 ᔅᒋ ‍ ᑐᑎᒪᑯᓄᐤ ᐅᔭ ᓂᔅᑯᒧᐅᓂᔪᐤ ᒋᔭᓄᐤ ᐊᔅᒄ ᐊᑕᔭᐧᒄ ᐊᓄᒡ ᒐᓯᑲᒡ ᑭᔭ ᐃᔭᐱᒡ ᒋᑦ ᐊᓄᔅᑯᑕᐸᓄᐛ ᐊᔅᒄ ᐊ ᐊᑲ ᐱᒪᑎᓯᔨᒋ᙮
\p
\v 16 ᒋ ‍ ᒋᔅᒋᑎᒺᓇᐛᐤ ᑲ ᐃᓯ ‍ ᐎᓯᒐᔨᑕᒡ ᒋᑦ ᐊᓂᔅᑯᑕᐸᓄᐅᒡ ᐊᓐᑕ ᐃᒋᑉᑎᒡ, ᑭᔭ ᑕᓐ ᑲ ᐃᓯ ‍ ᓴᐳᑐᐛᔅᑲᒡ ᐊᔅᒋᔪᐤ ᑯᑎᑲ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᑎᐱᔽᐅᓯᔨᒋ ᐃᒋᑉᑎᒡ ᑲ ‍ ᐅᑐᑕᒡ᙮
\v 17 ᒋ ‍ ᐛᐱᒪᐅᒡ ᐊᓐᑕ ᐊᔅᒋᒡ ᐊ ‍ ᒥᒋᓇᑯᓯᔨᒋ ᒥᓂᑐᐧᑲᓇ ᒥᔅᑎᑯᒡ ᑭᔭ ᐊᓯᓂᒡ ᐊ ᐅᒋ ‍ ᐅᓯᐊᑭᓄᐎᔨᒋ ᑭᔭ ᐊ ‍ ᐛᐛᓯᐊᑭᓄᐎᒋ ᓱᓇᔭᐱᔅᑯᒡ ᑭᔭ ᐎᓱᐛᐅᓱᓇᔭᐱᔅᑯᒡ ᐅᒋ᙮
\v 18 ᐊᑯ ᔭᐃᑕᔾ ᒐ ᐊᑲ ‍ ᓂᑭᑕᑦ ᑎᐸᔨᒋᒐᓱᐛ ᓇᐸᐤ ᑭᔭ ᒪᒃ ᐃᔎᐤ ᑭᔭ ᒪᒃ ᐊ ‍ ᐸᐃᑯᔅᑲᓇᓯᒡ ᑭᔭ ᒪᒃ ᐊ ‍ ᐃᑎᔅᑲᓇᓯᒡ ᐃᔪᒡ ᒐᒋ ᐊᔭᒥᐊᔅᑐᐅᒪᒡ ᑯᑎᑲ ᐊ ‍ ᐃᑎᔅᑲᓇᓯᔨᒋ ᐅᒥᓂᑐᐧᑲᓂᒥᔨᐛ᙮ ᐅᐃᑐᑕᑭᓄᐅᒐ ᒧᔭᒻ ᐊ ‍ ᓂᑕᐅᒋᒡ ᐅᔅᑲᑕᔭᐱᔾ ᓂᑕᐅᒋᑕᑭᓂᒡ ᐊᓐᑕ ᐊ ‍ ᐃᑕᔭᒄ ᑭᔭ ᒐ ‍ ᓂᑕᐅᒋᑕᑦ ᐊ ‍ ᐱᒋᐳᔪᐅᓂᔨᒡ ᑭᔭ ᐊ ‍ ᐎᓯᑭᓂᔨᒡ ᒥᓂᓯᔪᐤ᙮
\p
\v 19 ᔭᐃᑕᔾ ᐊᐛᓐ ᐊᑕᑦ ᐊᓄᒡ ᑲᐸᑕᐧᒃ ᐅᔭ ᓂᔅᑯᒧᐅᓂᔪᐤ ᒐ ‍ ᐊᑲ ᐃᑕᔨᑕᐧᒃ, ‘ᒥᓯᐛ ᒐᒂᓐ ᓂᑦ ᐃᓯ ‍ ᒥᔪᐱᔨᓐ, ᐊᑎᓱᐧᒄ ᐊᔨᑕᔨᑎᒪᓐ ᒐᒋ ᑐᑎᒪᓐ ᒐᒂᓐ ᐛ ‍ ᑐᑎᒪᓐ,’ ᐊᓐ ᐊ ᐃᓯ ‍ ᓯᐱᑎᒪᒄ, ᒐᒄ ᒋᑭ ᒋ ‍ ᓂᓱᐅᓇᒋᐃᑯᐛᐤ ᑎᐸᔨᒋᒐᓱᐤ, ᑕᐱᔅᑯᓐ ᑲ ‍ ᒥᔪᑥᒡ ᐃᔪᒡ ᑭᔭ ᑲ ‍ ᒥᒋ ‍ ᐃᔪᐅᒡ᙮
\v 20 ᓇᒪ ᒋᑭ ‍ ᐛᐸᔨᑎᒧᐛᐤ ᐊᐛᔪᐛ ᐅᔭ ᑲ ᐃᓯ ‍ ᓯᐱᑎᒥᔨᒋ᙮ ᒥᔅᑯᒡ ᒋᒋᐛ ᒋᑭ ‍ ᒋᔄᐃᑯᐤ ᐊᓂᔭ ᐊᐛᔪᐛ, ᑭᔭ ᒋᑭ ‍ ᐅᑎᑎᑯᐤ ᐊᓐ ᐊᐛᓐ ᒥᓯᐛ ᐊᓏᔨᒐᐅᓇ ᐊᓂᔭ ᑲ ‍ ᐎᑎᒪᑎᑯᒡ, ᐸᑎᒪ ᒋ ‍ ᓂᓱᐅᓇᒐᐊᒐ ᑎᐸᔨᒋᒐᓱᐤ ᐊᓂᔭ ᐊᐛᔪᐛ ᑭᔭ ᐊ ‍ ᐸᐃᑯᔅᑲᓇᓯᔨᒋ᙮
\v 21 ᒋᑭ ‍ ᑎᐸᓇᐊᐤ ᑎᐸᔨᒋᒐᓱᐤ ᐊᓂᔭ ᐊᐛᔪᐛ ᐃᔅᕋᐃᓪ ᐊ ‍ ᐃᔅᑎᑲᓇᓯᔨᒋ ᐅᒋ᙮ ᒋᑭ ‍ ᑐᑐᐛᐤ ᒐᒋ ᐅᑎᑎᑯᔨᒋ ᒥᒐᑦ ᐊᐧᑯᓱᐅᓇ ᐊᓂᔭ ᑲ ‍ ᐎᑎᒪᓐ ᐊᓐᑕ ᐎᓱᐛᐅᓂᒡ ᐊᑎᔅᑕᔨᒋ ᒐ ‍ ᑐᑐᐛᑦ ᒐᒂᔪᐛ ᒐ ᐃᓯ ‍ ᐊᓏᔨᒪᑦ ᑎᐸᔨᒋᒐᓱᐤ ᐊᐛᔪᐛ ᐊ ᐊᑲ ᓂᓇᐃᑎᒥᔨᒋ ᐎᓱᐛᐅᓇ ᑲ ‍ ᒥᓯᓇᐊᒧᒡ ᐅᑕ ᒥᓯᓇᐃᑭᓂᒡ᙮
\p
\v 22 ᐊᓐᑕ ᓂᑲᓄᒡ, ᒋᑦ ᐊᓂᔅᑯᑕᐸᓄᐛᐅᒡ ᑭᔭ ᐃᔪᒡ ᑯᑎᑲ ᐊᔅᒋᔭ ᐅᒋ ᒋᑭ ‍ ᐛᐸᑎᒧᒡ ᒥᒋᐱᔪᐅᓇ ᑭᔭ ᐊᐧᑯᓱᐅᓇ ᐊᓂᔭ ᑲ ‍ ᑐᑕᑕᒄ ᑎᐸᔨᒋᒐᓱᐤ ᒐᒋ ᐃᔅᐱᔨᐛᒄ᙮
\v 23 ᒋᑭ ‍ ᐛᐸᑎᒧᒡ ᒋᑦ ᐊᔅᒋᐛᐅᔪᐤ ᓴᔅ ᐊᒋ ‍ ᔭᔪᑕᑭᓄᐎᔨᒡ ᐊ ‍ ᐃᔎᓴᑭᓄᐎᔨᒡ ᐊ ‍ ᐎᔄᐛᔨᒋ ᐊᓯᓂᔭ ᑭᔭ ᓯᐅᑕᑭᓂᔪᐤ. ᐊᑲ ‍ ᒐᒂᓐ ᓂᑕᐅᒋᑕᑭᓄᐅᒡ᙮ ᒥᒋ ‍ ᒥᔅᑯᓱᐛ ᐃᔭᐱᒡ ᓇᒪ ᒋᑭ ‍ ᓂᑕᐅᒋᓇ, ᒋᑦ ᐊᔅᒋᐛᐤ ᒧᔭᒻ ᓱᑕᒻ, ᑭᔭ ᑯᒪᕋ ᐅᑕᓇᐛ, ᐊᑦᒪ, ᑭᔭ ᓯᐳᐃᒻ ᐅᑕᓇᐛ ᒋᑭ ‍ ᐃᓯᓇᑯᓐ, ᐊᓂᔭ ᑎᐸᔨᒋᒐᓱᐤ ᑲ ‍ ᓂᓱᐅᓇᒋᑕᑦ ᐃᔅᐱ ᑲ ‍ ᒋᔄᐃᑯᑦ ᐃᔪᐛ ᐊᓐᑕ ᑲ ‍ ᐎᒋᔨᒋ᙮
\v 24 ᑭᔭ ᐃᔪᒡ ᑯᑎᑭᒡ ᐊ ‍ ᐃᑎᔅᑲᓇᓯᒡ ᐅᒋ ᒋᑭ ‍ ᑯᒂᒋᒧᐅᒡ, ‘ᒐᒂᔪᐤ ᐛᒋ ‍ ᐃᑐᑕᐧᒃ ᐅᔭ ᐊᔅᒋᔪᐤ ᑎᐸᔨᒋᒐᓱᐤ ?’
\p
\v 25 ᐊᑯ ᒐ ‍ ᐃᔅᒋᔄᒡ ᑯᑎᑭᒡ ᐃᔪᒡ, ᐛᔅ ᐊᓂᔭ ᐊᒋ ‍ ᐊᓏᑕᒡ ᒐᒋ ᑭᓄᐛᔨᑕᒡ ᓂᔅᑯᒧᐅᓂᔪᐤ ᑎᐸᔨᒋᒐᓱᐛ, ᐊᓂᔭ ᐅᑦ ᐊᓂᔅᑯᑕᐸᓄᐛᐛ ᑲ ‍ ᐊᔭᒥᐊᔅᑐᐛᔨᒋ, ᑲ ‍ ᑐᑎᒪᑯᒡ ᑲᒋ ‍ ᐎᐎᑕᐃᑯᒡ ᐃᒋᑉᑎᒡ ᐅᒋ᙮
\v 26 ᒥᔅᑯᒡ ᒂ ‍ ᐊᔭᒥᐊᔅᑐᐛᒡ ᑯᑎᑲ ᒥᓂᑐᐧᑲᓇ ᐊᓂᔭ ᐊᑲ ᓂᑕ ᐅᒋ ‍ ᐊᔭᒥᐊᔅᑐᐛᒡ, ᐊᓂᔭ ᒥᓂᑐᐧᑲᓇ ᑲ ᐃᑎᑯᒡ ᑎᐸᔨᒋᒐᓱᐛ ᒐ ‍ ᐊᑲ ᐊᔭᒥᐊᔅᑐᐛᒡ᙮
\v 27 ᐊᑯ ᒂ ᐊᑎ ᒥᔅᑎ ‍ ᒋᔄᐃᑯᑦ ᐃᔅᕋᐃᓪ ᐃᔪᐛ ᐅᑕ ᐊᔅᒋᒡ ᑭᔭ ᒂ ‍ ᑐᑐᐛᑦ ᒐᒋ ᐅᑎᑎᑯᔨᒋ ᒥᒐᑦ ᐊᐧᑯᓱᐅᓇ ᐊᓂᔭ ᑲ ‍ ᐊᔭᒂᒥᑯᒡ ᑲ ‍ ᓂᑲᓂᔅᑲᑯᒡ᙮
\v 28 ᒋᒋᐛ ᒋ ᒥᔅᑎ ‍ ᒋᔄᐃᑯᐤ ᑎᐸᔨᒋᒐᓱᐤ ᑭᔭ ᒂ ‍ ᐅᑎᓇᑦ ᐊᓐᑕ ᐅᑦ ᐊᔅᒋᔨᒡ ᐅᒋ ᑭᔭ ᒂ ‍ ᐃᑎᓴᐛᑦ ᐊᓐᑕ ᑯᑎᒋᔪᐤ ᐊᔅᒋᔪᐤ, ᐊᔅᒄ ᐊᓐᑕ ᐊᓄᒡ ᑕᐅᒡ᙮
\p
\v 29 ᐊᐅᑯᔪᐛ ᐅᔭ ᒐᒂᓇ ᐊ ᐊᑲ ᐅᒋ ᐎᑕᐧᒃ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᒥᒄ ᔅᒋ ‍ ᐎᑎᒪᑯᓄᐤ ᐅᐎᓱᐛᐅᓇ, ᑭᔭ ᒋ ‍ ᓂᑐᐛᔨᒥᑯᓄᐤ ᑭᔭ ᒋᑦ ᐊᓂᔅᑯᑕᐸᓄᐛ ᓂᒋᔅᒃ ᒐᒋ ᓂᓇᐃᑎᒺᐧᒄ᙮”
\c 30
\s1 ᐃᔅᕋᐃᓕᒡ ᑲᐤ ᐊ ‍ ᐃᑐᑕᑭᓄᐅᒡ
\p
\v 1 “ᔅᒋ ‍ ᐎᑎᒪᑎᓇᐛᐤ ᐊᓂᔭ ᑕᓐ ᒐ ᐃᓯ ‍ ᓱᐛᔨᑕᑯᔨᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᓂᓇᐃᑐᐛᒂ ᑭᔭ ᑕᓐ ᒐ ᐃᓯ ‍ ᐊᓏᔨᒥᑕᒄ ᐊ ᐊᑲ ᓂᓇᐃᑐᐛᒂ᙮ ᓂᑦ ᐃᔅᒋᔄᓐ ᒐᒋ ᐎᔭᑎᒪᒄ ᑕᓐ ᐊ ᐃᓯ ‍ ᓂᑐᐛᔨᑎᒪᒄ᙮ ᒥᒄ ᐃᔅᐱ ᐎᔭᔨᑎᒪᒂ ᒐ ᐊᑲ ‍ ᓂᓇᐃᑎᒺᒄ ᐅᑦ ᐃᑎᓱᐛᐅᓇ, ᐊᔅᒄ ᐸᐃᑯᒋᓯᑲᐛ ᒋᑭ ‍ ᐎᒋᓇᐛᐤ ᐊᓐᑕ ᐊᔅᒋᔭ ᒐ ‍ ᐛᓴᔄᐱᔨᑕᒄ, ᑭᔭ ᒋᑭ ‍ ᒋᔅᒋᓇᐛᐤ ᒐᒂᓐ ᑲ ‍ ᐎᑎᒪᑎᑯᒡ᙮
\v 2 ᐊᑯ, ᒋᐛ ‍ ᓇᑕᒂ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑭᔭ ᑕᑈᐅᒐᔨᑎᒧᐅᓂᒡ ᓂᓇᐃᑎᒺᒂ ᐊᓄᒡ ᐊ ‍ ᐃᑎᓱᒥᑎᑯᒡ ᒐᒋ ᐃᔨᑎᔭᒄ,
\v 3 ᒋᑭ ‍ ᒋᔅᑎᒪᒐᔨᒥᑯᐛᐤ᙮ ᑲᐤ ᒋᑭ ‍ ᐸᓱᐅᑯᐛᐤ ᐊᓐᑕ ᐊᔅᒋᔭ ᑲ ‍ ᐛᓴᔄᐱᔨᑕᒄ ᐅᒋ ᑭᔭ ᒋᑭ ‍ ᑐᑕᑯᐛᐤ ᒥᓐ ᒐᒋ ᒥᔪᐱᔨᐛᒄ᙮
\v 4 ᐊᑎᓱᐧᒄ ᓇᔅᒡ ᐛᔪᐤ ᐊᔅᒋᔭ ᒋ ᐃᓯ ‍ ᐛᓴᔄᐱᔨᑕᒄ ᐅᑕ ᐊᔅᒋᒡ, ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᓂᔅᑐᐅᓂᑯᐛᐤ ᐊᓐᑕ ᐅᒋ ᑭᔭ ᒥᒄ ᑲᐤ ᒋᑭ ‍ ᐸᓱᐅᑕᒄ ᒋᑦ ᐊᔅᒋᐛᒡ᙮
\v 5 ᒋᑭ ‍ ᑐᑕᑯᐛᐤ ᒐᒋ ᐅᑎᓂᒺᒄ ᐊᔅᒋᔪᐤ ᐊᓐᑕ ᑲ ‍ ᐎᒋᔨᒋ ᒋᑦ ᐊᓂᔅᑯᑕᐸᓄᐛᐛ᙮ ᑭᔭ ᒋᑭ ‍ ᑐᑕᑯᐛᐤ ᐊᑎᑐᐤ ᒥᔪᐱᔨᐛᒄ ᑭᔭ ᒥᒐᑐᐛᒄ ᐃᔅᐱᔅ ᐊᓄᒡ ᐊᑐᐛᒄ᙮
\v 6 ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᑐᑕᑯᐛᐤ ᒂᔅᑕᒐ ᒐᒋ ᐃᑕᑎᓯᐛᒄ ᒐᒋ ᐊᑎᑐᐤ ᓴᒋᐊᒄ ᐊᔅᐱᔅ ᓴᒋᑕᔭᒄ ᑯᑎᒃ ᒐᒂᓐ ᑭᔭ ᒐ ‍ ᐃᑐᑎᒺᒄ ᒐᒂᔪᐤ ᓇᑐᐛᔨᒥᑕᒄ ᒐ ‍ ᑐᑎᒺᒄ᙮ ᐊᑯ ᐊᔅᒄ ᒐ ‍ ᐎᒋᔭᒄ ᐊᓐᑕ ᐊᔅᒋᒡ᙮
\v 7 ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᑐᑐᐛᐤ ᑲ ‍ ᐱᒂᑎᑕᑯᐤ ᑭᔭ ᐊᓂᔭ ᑲ ‍ ᓇᓇᐧᑲᒋᐃᑎᑕᑯᐤ ᒐᒋ ᐅᑎᑎᑯᔨᒋ ᒥᒋᐱᔪᐅᓇ ᐊᓂᔭ ᑲᒋ ‍ ᐛᐎᑎᒪᑎᑯᒡ᙮
\v 8 ᒋᑭ ‍ ᐃᑐᑎᒺᓇᐛᐤ ᒐᒂᔪᐤ ᐊ ᐃᓯ ‍ ᓂᑐᐛᔨᒥᑕᒄ ᑎᐸᔨᒋᒐᓱᐤ ᒐ ‍ ᐃᑐᐛᒄ, ᒧᔭᒻ ᐅᔅᑭᒡ ᑲ ‍ ᐃᑎᔭᒄ, ᑭᔭ ᒋᑭ ‍ ᓂᓇᐃᑕᓇᐛᐤ ᒥᓯᐛ ᐃᑎᓱᐛᐅᓇ ᒪᔨᑎᑯᒡ ᐊᓄᒡ ᒐᓯᑲᒡ᙮”
\s2 Deuteronomy 30.9-14 (Proper-10 Year C)
\p
\v 9 “ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒪᒃ ᒋᑭ ‍ ᐛᔪᒋᑕᐤ ᒥᓯᐛ ᐊᑐᔅᒐᐅᓂᔪᐤ ᒋᑎᒋᐛᐛᒡ, ᒋᑦ ᐊᐛᓯᒥᓯᐛᐅᒡ ᒋᔭᐛᒡ ᑲ ‍ ᐅᒋᒡ, ᑭᔭ ᐊ ᐃᓯ ‍ ᓂᑕᐅᒋᒡ ᒋᑦ ᐊᐛᐧᑲᓇᒧᐛᐅᒡ, ᑭᔭ ᑲ ‍ ᓂᑕᐅᒋᓂᔨᒋ ᒋᑦ ᐊᔅᒋᐛᒡ, ᒐᒋ ᐅᒋ ᒥᔪ ‍ ᐊᔭᔭᒄ: ᐛᔅ ᑎᐸᔨᒋᒐᓱᐤ ᒋᑭ ᒥᔽᔨᑎᒻ ᒥᓐ ᒐᒋ ᒥᔪᑐᑕᑕᒄ, ᑲᒋ ᐃᓯ ‍ ᒥᔪᑐᑐᐛᑦ ᒍᑕᐎᐛᐛ:
\v 10 ᒧᔭᒻ ᓂᑐᑎᒧᐛᒂ ᐅᐸᑕᑯᓱᐅᓐ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᒐᒋ ᑭᓄᐛᔨᑎᒺᒄ ᐅᐎᓱᐛᐅᓇ ᑭᔭ ᐅᑦ ᐃᑎᓱᐛᐅᓇ ᑲ ‍ ᒥᓯᓇᑕᔨᒋ ᐅᒪ ᐅᔭᓱᐛᐎ ᒥᓯᓇᐃᑭᓂᒡ, ᒧᔭᒻ ᑭᔭ ᒋᐛ ᓇᑕᒂ ᒥᓯᐛ ᒋᑕᐃᐛᒡ, ᑭᔭ ᒥᓯᐛ ᒋᑦ ᐊᒐᐧᑯᐛᒡ᙮”
\s1 ᐛᔭᐸᑎᒥᒄ ᐱᒪᑎᓯᐅᓐ, ᓇᒪᔭᐤ ᓂᐳᐅᓐ
\p
\v 11 “ᐛᔅ ᐅᒪ ᐎᓱᐛᐅᓐ ᑲ ‍ ᐃᑎᓱᐛᑎᑎᑯᒡ ᐊᓄᒡ ᒐᓯᑲᒡ ᓇᒪ ᒋ ‍ ᑲᑥᑯᐅᓇᐛᐤ, ᓇᒪ ᑭᔭ ᔭᐅᓇᑯᓐ:
\v 12 ᓇᒪᐎᔾ ᒋᒋᒋᓯᑯᒡ ᑎᑯᓐ, ᒐᒋ ᐃᔅᒋᔄᔭᒄ, ᐊᐛᓐ ᒐ ‍ ᐃᑐᑕᔅᑎᒪᑕᐧᒄ ᒋᒋᒋᓯᑯᒡ, ᒐᒋ ᐸᑥᑕᐧᒄ, ᒐᒋ ᐸᑎᒪᐧᒄ ᑭᔭ ᐃᑐᑎᒪᐧᒄ ?
\v 13 ᓇᒪ ᑭᔭ ᐊᑲᒥᒡ ᐎᓂᐸᑯᒡ ᑎᑯᓐ, ᒐᒋ ᐃᔅᒋᔄᔭᒄ, ᐊᐛᓐ ᒐ ‍ ᐊᓱᐊᐛᔅᑎᒪᑕᐧᒄ ᐎᓂᐸᑯᔪᐤ, ᒐᒋ ᐸᑥᑕᐧᒄ, ᒐᒋ ᐸᑎᒪᐧᒄ ᑭᔭ ᐃᑐᑎᒪᐧᒄ ?
\v 14 ᒪᒃ ᐊᓂᒪ ᐃᔨᒧᐅᓐ ᒋᔅᒐᔨᑕᓇᐛᐤ ᑭᔭ ᒋᑭ ᒋ ‍ ᐃᔅᒋᔄᓇᐛᐤ᙮ ᒋᑕᐃᐛᒡ ᒋᑭ ‍ ᒋᔅᒐᔨᑕᓇᐛᐤ ᒐᒋ ᐃᑐᑎᒪᒄ᙮”
\s2 Deuteronomy 30.15-20 (Epiphany-6 Year A, Proper-18 Year C)
\p
\v 15 “ᐛᐸᑎᒥᒄ, ᔅᒋ ‍ ᐊᔭᔅᑯᔍᑎᓇᐛᐤ ᐊᓄᒡ ᒐᓯᑲᒡ ᐱᒪᑎᓯᐅᓐ ᑭᔭ ᑲ ‍ ᒥᔽᓯᒡ, ᓂᐳᐅᓐ ᑭᔭ ᑲ ‍ ᒥᔭᑎᒡ᙮
\v 16 ᐊ ‍ ᐃᑎᓱᐛᑎᑎᑯᒡ ᐊᓄᒡ ᒐᓯᑲᒡ ᒐᒋ ᓴᒋᐊᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᒐᒋ ᒥᑎᒪᐛᒄ ᐅᒪᔅᑭᓄᐤ, ᑭᔭ ᒐᒋ ᑭᓄᐛᔨᑎᒺᒄ ᐅᐎᓱᐛᐅᓇ, ᑭᔭ ᐅᑦ ᐃᑎᓱᐛᐅᓇ, ᑭᔭ ᐅᑎᐸᔅᑯᓂᒐᐅᓇ, ᐊᑯ ᒐ ‍ ᐱᒪᑎᓯᔭᒄ ᑭᔭ ᒐ ᐊᑎ ‍ ᒥᒐᑎᔭᒄ; ᑭᔭ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᒋᑭ ‍ ᒥᔽᒋᒥᑯᐛᐤ ᐊᓂᒪ ᐊᔅᒋᔾ ᓂᔭᑎᒪᒄ ᒐᒋ ᑎᐸᔨᑎᒪᒄ᙮
\p
\v 17 ᒪᒃ ᒧᔭᒻ ᒋᑕᐃᐛᐛ ᐱᔅᒐᒥᑭᓂᒐᓂ, ᐊᑲ ᐎ ‍ ᓂᑐᑎᒪᒂ, ᒪᒃ ᐊ ‍ ᐃᔅᐱᔨᔭᒄ ᒐᒋ ᓄᐛᒋᔅᑐᐛᑯᒡ ᑯᑎᑭᒡ ᒥᓂᑐᐧᑲᓐᒡ, ᑭᔭ ᒐᒋ ᐊᑐᔅᑯᐛᑯᒡ᙮
\v 18 ᒋ ‍ ᐎᑎᒪᑎᓇᐛᐤ ᐊᓄᒡ ᒐᓯᑲᒡ ᒐᒋ ᓂᓱᐅᓇᑎᓯᔭᒄ, ᑭᔭ ᒐ ᐊᑲ ᓇᐅᔅ ᐱᒪᑎᓯᔭᒄ ᐊᓐᑕ ᐊᔅᒋᒡ, ᐊᓂᒪ ᑲ ᐅᒋ ‍ ᐊᓱᐛᐊᒪᒄ ᒠᕐᑕᓐ ᓯᐱᔾ, ᒐᒋ ᑎᐸᔨᑎᒪᒄ᙮
\p
\v 19 ᓂ ‍ ᑕᑈᑕᓐ ᒋᓯᒄ ᑭᔭ ᐊᔅᒋᔾ ᒐᒋ ᒪᒥᓯᒥᑯᔭᒄ ᐊᓄᒡ ᒐᓯᑲᒡ, ᐊᒋ ‍ ᐊᔭᔅᑯᔍᑎᑯᒡ ᐱᒪᑎᓯᐅᓐ ᑭᔭ ᓂᐳᐅᓐ, ᑲ ‍ ᒥᔽᓯᒡ ᑭᔭ ᑲ ‍ ᒥᔭᑎᒡ: ᐊᐅᒄ ᐅᒡ ᐛᔭᐸᑎᒥᒄ ᐱᒪᑎᓯᐅᓐ, ᒋᔾ ᑭᔭ ᒋᑦ ᐊᐛᓯᒥᓯᒡ ᒐᒋ ᐱᒪᑎᓯᔭᒄ;
\v 20 ᒐᒋ ᓴᒋᐊᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᑭᔭ ᒐᒋ ᑕᑈᑐᐛᒄ, ᑭᔭ ᒐᒋ ᐊᔅᐸᔨᒧᑐᑐᐛᒄ; (ᐛᔅ ᐎᔾ ᒋᑦ ᐅᐱᒪᑎᓯᐅᓄᐛᐤ, ᑭᔭ ᐊᓐ ᑲ ᐅᒋ ‍ ᒥᒐᑎᒋ ᒋᒋᓯᑲᒧᐛᐛ;) ᒐᒋ ᐎᒋᔭᒄ ᐊᓐᑕ ᐊᔅᒋᒡ ᐊᓂᒪ ᑎᐸᔨᒋᒐᓱᐤ ᑲᒋ ‍ ᐊᓱᑎᒧᐛᑦ ᒍᑕᐎᐱᓄᐛᐛ, ᐊᑉᕋᐊᒪ, ᐊᐃᓯᑲ, ᑭᔭ ᒐᑭᐸ, ᒐᒋ ᒥᔭᑦ᙮”
\c 31
\s1 ᒐᓱᐛ ᒐ ‍ ᒥᔅᑯᑎᔅᑯᐛᑦ ᒧᓱᓴ
\p
\v 1 ᐃᔅᐱ ᒥᓯᐛ ᐅᔭ ᑲᒋ ‍ ᐃᑎᒂᐤ ᐃᔅᕋᐃᓪ ᐃᔪᒡ᙮
\v 2 ᓂᒋ ‍ ᐃᑕᐅᒡ, “ᓂ ‍ ᐸᐃᑯᒥᑕᓯᒥᑎᓄᐛᐱᐳᓇᓯᓐ ᐊᓱ ᓂᓱᐎᔪᐤ, ᓇᒪ ᓴᔅ ᒋᑭ ᒋ ‍ ᓂᑲᓂᔅᑲᑎᓇᐛᐤ᙮ ᑎᐸᔨᒋᒐᓱᐤ ᓂᒋ ‍ ᐎᑎᒄ ᒐ ᐊᑲ ‍ ᐊᓱᐛᐅᒧᒡ ᒠᕐᑕᓐ ᓯᐱᔪᐤ᙮
\v 3 ᒥᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᓂᑲᓂᔅᑲᑯᐛᐤ᙮ ᒋᑭ ‍ ᑐᑕᑯᐛᐤ ᒐᒋ ᓂᓱᐅᓇᒋᐃᒪᑯᐤ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᓐᑕ ᐛᒋᔨᒋ, ᒐᒋ ᑎᐸᔨᑎᒺᒄ ᐅᑦ ᐊᔅᒋᐛᐤ᙮ ᒐᓱᐛ ᒋᑭ ‍ ᓂᑲᓂᔅᑲᑯᐛᐤ, ᐊᐅᑯᔪᐤ ᐊᓂᔭ ᓴᔅ ᑲ ‍ ᐃᓯᑦ ᑎᐸᔨᒋᒐᓱᐤ᙮
\v 4 ᒋᑭ ‍ ᑐᑐᐛᐤ ᑎᐸᔨᒋᒐᓱᐤ ᐊᓂᔭ ᐊ ‍ ᐃᑎᔅᑲᓇᓯᔨᒋ ᒧᔭᒻ ᑲ ‍ ᐃᑐᑐᐛᑦ ᓯᐦᐅᓇ ᑭᔭ ᐅᑲ, ᐊᓂᔭ ᓂᓱ ᐊᒧᕆ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋᓴᐅᒋᒪᐛ᙮ ᐃᔅᐱ ᑲ ‍ ᓂᓱᐅᓇᒋᔨᒪᑦ ᐅᓂᑐᐱᔪᐤ-ᐃᔨᒥᔨᐛ᙮
\v 5 ᒋᑭ ‍ ᑐᑕᑯᐛᐤ ᑎᐸᔨᒋᒐᓱᐤ ᒐᒋ ᓴᐧᑯᒋᐊᑯᒡ ᐊᓐᒡ ᐊ ‍ ᐃᑎᔅᑲᓇᓯᒡ, ᒥᒄ ᒥᓯᐛ ᐊᓐᒡ ᐊ ‍ ᐃᑎᔅᑲᓇᓯᒡ ᐃᔪᒡ ᒋᑭ ‍ ᓂᐸᐊᐛᐅᒡ, ᐊᓐ ᑲ ‍ ᐃᑎᓱᒥᑎᑯᒡ ᒐᒋ ᐃᑎᔭᒄ᙮
\v 6 ᒐ ᐎ ‍ ᓱᒐᔨᒧᔭᒄ ᑭᔭ ᒐ ᐎ ‍ ᓱᐧᑲᑎᓯᔭᒄ ! ᒐ ᐊᑲ ‍ ᑯᔅᑕᑯᒡ ᐊᓐᒡ ᐃᔪᒡ᙮ ᒐ ᐊᑲ ‍ ᐅᓂᒋᔅᒋᔭᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊᐅᒄ ᐛᒐᐅᑕᒄ᙮ ᓇᓂᑎᒻ ᒋᑭ ‍ ᐎᒋᐃᑯᐛᐤ ᑭᔭ ᓇᒪ ᓂᑕ ᒋᑭ ‍ ᓂᑭᑎᑯᐛᐤ᙮”
\p
\v 7 ᐊᑯ ᒂ ‍ ᓂᑐᒥᒄ ᒐᓱᐛ, ᑭᔭ ᒪᒂᒡ ᐊᓂᑐᑐᐅᒡ ᒥᓯᐛ ᐃᔅᕋᐃᓪ ᐃᔪᒡ, ᓂᒋ ‍ ᐃᑕᐤ, “ᒐ ᐎ ‍ ᓱᒋᔅᑕᐊᔨᓐ ᑭᔭ ᒐ ᐎ ‍ ᓱᐧᑲᑎᓯᔨᓐ, ᒋᔾ ᐅ ᒋᑭ ‍ ᒋᔅᒋᓄᑕᐅᒡ ᐅᒡ ᐃᔪᒡ ᐊᓐᑕ ᐊᔅᒋᒡ ᐃᓯ ᐊᓂᔭ ᑎᐸᔨᒋᒐᓱᐤ ᑲ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓄᐛ ᒐᒋ ᒥᔭᑦ, ᑭᔭ ᒋᑭ ‍ ᑐᑐᐛᐅᒡ ᒐᒋ ᑎᐸᔨᑕᒡ ᐊᓂᔭ ᐊᔅᒋᔪᐤ᙮
\v 8 ᑎᐸᔨᒋᒐᓱᐤ ᐊᐅᒄ ᒐ ‍ ᓂᑲᓂᔅᑲᑕᒄ᙮ ᒋᑭ ᐎᒐᐅᑯᐛᐤ᙮ ᓇᓂᑎᒻ ᒋᑭ ‍ ᐎᒋᐃᑯᐛᐤ ᓇᒪ ᓂᑕ ᒋᑭ ‍ ᓂᑭᑎᑯᐛᐤ᙮ ᐊᑯ ᐊᑲ ᑯᔅᑕᒋᒄ ᑭᔭ ᒪᒃ ᐊᑲ ᐱᒋᑕᔨᒧᒄ᙮”
\s1 ᐊ ‍ ᐃᒥᑕᑭᓄᐅᒋ ᐎᓱᐛᐅᓇ
\p
\v 9 ᓂᒋ ‍ ᒥᓯᓇᐊᓐ ᒥᓯᐛ ᐎᓱᐛᐅᓇ ᐊᓐᑕ ᓂᓱ ᒥᓯᓇᐃᑭᓂᒡ ᑭᔭ ᐸᐃᒄ ᒂ ‍ ᒥᔨᒂᐤ ᐊᔭᒥᐊᐅᒋᒪᐅᒡ, ᐊᓐᒡ ᑲ ‍ ᑕᐧᑯᓇᒡ ᒥᐅᑎᔪᐤ ᐊᓐᑕ ᑲ ‍ ᑎᑯᓂᔨᒋ ᐸᐃᑯᔪᐤ ᐃᑎᓱᐛᐅᓇ ᑭᔭ ᒂ ‍ ᒥᔨᒂᐤ ᑯᑎᒋᔪᐤ ᒥᓯᓇᐃᑭᓂᔪᐤ ᐃᔅᕋᐃᓪ ᑲᓂᑲᓇᔨᑕᑯᓯᒡ᙮
\v 10 ᓂᒋ ‍ ᐎᑎᒧᐛᐅᒡ, “ᑲᒋ ‍ ᓂᔄᐅᑕᒡ ᑕᑐᐤ ᐱᑈᒋ, ᐛᑎᒋᐱᔨᒋ ᒐ ‍ ᑲᓯᓯᓇᐃᑭᓄᐅᒋ ᒪᓯᓇᔨᒐᓄᐅᒋ, ᒐ ‍ ᐃᔨᒥᑐᐛᑯᒡ ᐅᔭ ᐃᔪᒡ ᒪᒂᒡ ᒪᑯᓴᓄᐅᒋ ᒥᒋᐛᑉ ᒥᑯᓴᐅᓇ
\v 11 ᒐ ‍ ᐃᔨᒥᑐᐛᑯᒡ ᒥᓯᐛ ᐃᔅᕋᐃᓪ ᐃᔪᒡ ᐃᔅᐱ ᓇᔅᑐᐎᑥᐎ ᐊᓐᑕ ᐃᑕᐅᓂᔪᐤ ᑎᐸᔨᒋᒐᓱᐛ ᑲ ‍ ᐎᔭᔨᑎᒥᔨᒋ ᒐᒋ ᐊᔭᒥᐊᔅᑐᐛᒡ᙮
\v 12 ᒥᓯᐛ ᒐ ‍ ᒪᒧᐅᓇᑯᒡ—ᓇᐸᐅᒡ, ᐃᔎᐅᒡ, ᐊᐛᓯᒡ, ᑭᔭ ᐃᔭᐱᒡ ᒪᓐᑕᐅᒡ ᐛᒋᒡ ᐊᓐᑕ ᒋᐅᑕᓇᒧᐛᐛᒡ—ᒐᒋ ᐸᑕᒡ ᐅᔭ ᐎᓱᐛᐅᓇ ᑭᔭ ᒐᒋ ᒋᔅᑯᑎᒪᓱᒡ ᒐᒋ ᓇᓂᒋᔅᑐᐛᒡ ᑎᐸᔨᒋᒐᓱᐛ ᒋᒋᓴᒪᓂᑐᒥᓄᐛ, ᑭᔭ ᑕᑈᐅᒐᔨᑎᒧᐅᓂᒡ ᒐᒋ ᓂᓇᐃᑕᒡ ᒥᓯᐛ ᒐᒂᔪᐤ ᒪᓯᓇᐃᑭᓄᐎᔨᒡ ᐅᑕ ᐎᓱᐛᐅᓂᒡ᙮
\v 13 ᑐᑕᒂᐛ ᐅᔭ, ᒋᑦ ᐊᓂᔅᑯᑕᐸᓄᐛᐅᒡ ᐊ ᐊᑲ ᓂᑕ ᐅᒋ ᒋᔅᒐᔨᑕᒡ ᐅᔭ ᐎᓱᐛᐅᓇ ᒐᐸᑕᒡ ᑭᔭ ᒐ ‍ ᒋᔅᑯᑎᒪᓱᒡ ᒐᒋ ᓇᓂᒋᔅᑐᐛᒡ ᑎᐸᔨᒋᒐᓱᐛ ᒋᒋᓴᒪᓂᑐᒥᓄᐛ, ᒪᒂᒡ ᒐ ‍ ᐃᔅᐱᔅ ᐎᒋᒡ ᐊᓐᑕ ᐊᔅᒋᒡ ᓴᔅ ᒐ ‍ ᑎᐸᔨᑎᒪᒄ ᐊᓱᐛᐊᒪᒂ ᒠᕐᑕᓐ ᓯᐱ᙮”
\s1 ᒧᓱᔅ ᓂᑲᓐ ᑲ ‍ ᒋᔅᒐᔨᑎᒺᑦ ᐅᑦ ᐊᓏᔨᑎᒧᐅᓂᔪᐤ
\p
\v 14 ᐊᑯ ᑎᐸᔨᒋᒐᓱᐤ ᒂ ‍ ᐃᓯᑦ, “ᒥᔪ ‍ ᓂᑐᑐᐎ, ᓴᔅ ᐎᐱᒡ ᒋᑭ ‍ ᐳᓂᐱᒪᑎᓯᓐ, ᒐ ‍ ᓂᑐᒥᑦ ᒐᓱᐛ, ᑭᔭ ᒐ ‍ ᐃᑐᑕᔭᒄ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ, ᒐᒋ ᐅᑎᓂᒃ ᒐ ‍ ᐅᔅᒋ ᓂᑲᓂᔅᑲᒐᑦ᙮” ᐊᑯ ᒐᓱᐛ ᑭᔭ ᓂᔾ ᒂ ‍ ᐃᑐᑕᔭᒡ ᐊᓐᑕ ᐸᔭᒋ-ᐱᒍᐎᔭᓂᒋᐛᐱᒡ᙮
\p
\v 15 ᐊᑯᑕ ᑲ ‍ ᓄᑯᓯᔅᑐᐎᔨᒥᑦ ᑎᐸᔨᒋᒐᓱᐤ ᑭᔅᑯᓂᒡ, ᑭᔭ ᒥᒋᒪ ᐛᒋ ᐱᔨᒐᓄᐎᒡ ᐱᒍᐎᔭᓂᒋᐛᐱᔪᐤ ᒋ ‍ ᑕᐤ ᑭᔅᑯᐅᓐ᙮
\v 16 ᑎᐸᔨᒋᒐᓱᐤ ᒂ ‍ ᐃᓯᑦ, “ᓴᔅ ᐎᐱᒡ ᒋᑭ ‍ ᐳᓂᐱᒪᑎᓯᓐ᙮ ᐊᑯ ᒐᒄ ᒐ ᐊᑲ ‍ ᑕᑈᐅᒐᔨᒥᒡ ᐊᓐᒡ ᐃᔪᒡ᙮ ᓂᑭ ‍ ᓂᑭᑎᑯᒡ ᑭᔭ ᒐ ᐊᑎ ᐊᑲ ᓂᓇᐃᑕᒡ ᓂᔅᑯᒧᐅᓂᔪᐤ ᑲ ‍ ᑐᑎᒧᒡ ᐊᓯᒡ ᐎᔨᐛᐤ᙮ ᒋᑭ ‍ ᐊᔭᒥᐊᔅᑐᐛᐅᒡ ᑯᑎᑲ ᒥᓂᑐᐧᑲᓇ ᐊᔭᒥᐊᔅᑐᐛᔨᒋ ᐃᔪᐛ ᐊᓐᑕ ᐊᔅᒋᒡ ᐅᒋ ᒐ ‍ ᐱᒐᒡ᙮
\v 17 ᐃᔅᐱ ᐃᓯᓇᒂᒐ ᐅ, ᒋᒋᐛ ᓂᑭ ‍ ᒋᔄᐃᑯᒡ᙮ ᓂᑭ ‍ ᓂᑭᑕᐅᒡ ᑭᔭ ᓇᒪ ᓂᑭ ‍ ᓴᔅ ᐎᒐᐅᒡ ᑭᔭ ᓂᑭ ‍ ᓂᓱᐅᓇᒐᐅᒡ᙮ ᒥᒐᑦ ᐊᑯᔅᑕᑎᑯᓂᔨᒋ ᒐᒂᔪᐛ ᒋᑭ ‍ ᐃᔅᐱᔪᐅᒡ, ᐊᓂᔭ ᒐ ᐅᒋ ᐃᔅᒋᔄᒡ, ‘ᒐᔅᑎᓇᑕᔨᑕᑯᓐ ᐊ ‍ ᐃᔅᐱᔨᔭᐧᒄ ᐅᔭ ᒐᒂᔪᐛ ᐛᔅ ᓴᔅ ᐊ ᐊᑲ ᐃᑕᑦ ᒋᓴᒪᓂᑐᐤ ᐊ ‍ ᐃᑕᐛᐧᒄ᙮’
\v 18 ᑭᔭ ᐛᔅ ᐊᓂᔭ ᒐ ‍ ᐃᑐᑕᒡ ᑲ ‍ ᒪᔭᑎᓂᔨᒋ ᒐᒂᔪᐛ, ᐊᓯᒡ ᑭᔭ ᓴᔅ ᒐᒋᐱᔨᒡ ᐊᔭᒥᐊᔅᑐᐛᒡ ᑯᑎᑲ ᒥᓂᑐᐧᑲᓇ, ᓇᒪ ᓂᑭ ‍ ᐎᒐᐅᒡ᙮
\p
\v 19 ᐊᑯ, ᒋᑭ ‍ ᒥᔨᑎᓐ ᓂᑭᒧᐅᓐ᙮ ᒐ ‍ ᒥᓯᓇᐊᒥᓐ ᑭᔭ ᒐ ‍ ᒋᔅᑯᑎᒧᐅᑥᐤ ᐃᔅᕋᐃᓪ ᐃᔪᒡ ᑭᔭ ᒐ ‍ ᑐᑐᐅᑥᐤ ᒐᒋ ᒋᔅᑯᑎᒪᓱᒡ᙮ ᒧᔭᒻ ᐊᓂᔭ ᒐ ‍ ᑕᒪᔨᒥᑯᒡ ᐊᐛᔪᐛ ᒐ ‍ ᐃᓯᓇᑯᓂᔨᒡ᙮
\v 20 ᓴᔅ ᓂ ᐎ ‍ ᐃᑐᑕᐅᒡ ᐊᓐᑕ ᐊᔅᒋᒡ ᐊ ᒥᔪ ‍ ᓂᑕᐅᒋᓂᔨᒡ ᒐᒂᔪᐤ, ᐊᓂᔭ ᐊᔅᒋᔪᐤ ᑲ ᒋᒋ ‍ ᐊᓱᑎᒧᒥᒋ ᒐ ‍ ᒥᔨᒥᔨᒋ ᐅᑦ ᐊᓂᔅᑯᐸᓄᐛᐛ᙮ ᒋᒋᐛ ᒋᑭ ‍ ᐛᔨᑎᓂᔪᐤ ᒐ ‍ ᒥᒋᒡ, ᒐ ᐊᑎ ‍ ᓇᓂᑎᒻ ᑕᐱᔅᑯᐎᔨᒡ ᑭᔭ ᒐ ᐊᑎ ‍ ᐎᒥᓯᒡ᙮ ᐊᑯ ᒥᒄ ᒐ ᐊᑎ ‍ ᓂᑐᐛᐱᒪᒡ ᑯᑎᑲ ᒥᓂᑐᐧᑲᓇ ᑭᔭ ᒋᒋᐱᔨᒡ ᐊᔭᒥᐊᔅᑐᐛᒡ, ᑭᔭ ᓂᑭ ‍ ᐛᐧᑲᑎᑯᒡ ᑭᔭ ᒐ ᐊᑎ ‍ ᐱᑯᓇᒡ ᐊᓂᔭ ᓂᔅᑯᒧᐅᓂᔪᐤ ᑲ ‍ ᐅᓯᑕᐅᒡ ᐊᓯᒡ ᐎᔨᐛᐤ᙮
\v 21 ᓂᑭ ‍ ᐊᓂᔽᔨᒪᐅᒡ ᐃᔅᕋᐃᓪ ᐃᔪᒡ ᑭᔭ ᐊᓂᔭ ᐅᑦ ᐊᓂᔅᑯᑕᐸᓂᐛᐛ ᒋᑭ ‍ ᓇᐧᑲᒋᐅᐎᒡ ᑭᔭ ᒋᑭ ‍ ᐃᔅᐱᔨᔪᐤ ᒐᒂᔪᐤ, ᓂᑭ ᒋᔅᒋᒪᐅᒡ ᐊ ‍ ᒋᔅᒐᔨᑕᒡ ᐃᔨᒧᓇ ᐊᓂᔭ ᓂᑭᒧᐅᓂᔪᐤ, ᐊᑯ ᓇᒪ ‍ ᒋᑭ ‍ ᑭᓄᐛᔨᑎᒧᒡ ᒐᒂᔪᐤ ᒐᒋ ᐃᔅᒋᔄᒡ ᐊᑲ ‍ ᐎ ‍ ᓂᓇᐃᒥᒡ᙮ ᓂᑭ ‍ ᒥᔭᐅᒡ ᐊᓂᔭ ᐊᔅᒋᔪᐤ ᑲ ‍ ᐊᓱᑎᒧᐅᒂᐤ, ᒥᒄ ᓂ ‍ ᒋᔅᒐᔨᑕᓐ ᑕᓐ ᒐ ᐃᓯ ‍ ᐃᔨᔪᒡ ᓇᓇᒐ᙮”
\v 22 ᒧᓱᔅ ᒋ ‍ ᒥᓯᓇᑕᐊᒻ ᐊᓂᔭ ᐃᔨᒧᐅᓇ ᐅᒡ ᐊᓂᔭ ᓂᑭᒧᐅᓂᔪᐤ ᑭᔭ ᒂ ‍ ᒋᔅᑯᑎᒧᐛᑦ ᐊᓂᔭ ᐃᔅᕋᐃᓪ ᐃᔪᐛ᙮
\p
\v 23 ᑎᐸᔨᒋᒐᓱᐤ ᒋ ‍ ᐎᑎᒧᐛᐤ ᒐᓱᐛᔨᒋ ᓇᓐ ᐅᑯᓯᔨᐛ, “ᒐ ‍ ᓱᒋᔅᑕᐊᔨᓐ ᑭᔭ ᒐ ᐎ ‍ ᓱᐧᑲᑎᓯᔨᓐ ! ᒋᑭ ‍ ᐎᒋᐃᑎᓐ ᒐᒋ ᒋᔅᒋᓄᑕᔨᑥᐤ ᐃᔅᕋᐃᓪ ᐃᔪᒡ ᐊᓐᑕ ᐊᔅᒋᒡ ᐊᓂᔭ ᑲ ‍ ᐊᓱᑎᒧᐅᒂᐤ᙮”
\p
\v 24 ᐊᑯ ᒂ ᒋᓯ ‍ ᒥᓯᓇᑕᐊᒪᓐ ᒥᓯᓇᐃᑭᓂᒡ ᐎᓱᐛᐅᓇ ᑎᐸᔨᒋᒐᓱᐤ ᑲ ‍ ᐃᓯᑦ᙮
\v 25 ᐊᑯ ᒂ ‍ ᐎᑎᒧᐅᒂᐤ ᓕᐸᐃ ᐅᑦ ᐊᓂᔅᑯᑕᐸᓇ, ᐊᓐᒡ ᑲ ‍ ᑕᐧᑯᓇᒡ ᐸᔭᒋ-ᒥᐅᑎᔪᐤ ᐊᓐᑕ ᑲ ‍ ᐱᔅᑎᓂᔨᒋ ᐸᐃᑯᔪᐤ ᐃᑎᓱᐛᐅᓇ,
\v 26 “ᐅᑎᓂᒥᒄ ᐅ ᒥᓯᓇᐃᑭᓐ ᐊᓐᑕ ᒪᓯᓇᐃᑭᓄᐅᒋ ᐃᑎᓱᐛᐅᓇ, ᑭᔭ ᒐ ‍ ᐊᔅᑕᔭᒄ ᐊᓐᑕ ᐅᐱᒪ ᐸᔭᒋ-ᒥᐅᑎᒡ ᐊᓐᑕ ᐊᑎᒂᒡ ᓂᔅᑯᒧᐅᓐ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲ ‍ ᑐᑎᒪᑕᒃ, ᒐᒋ ᑎᒂᒡ ᐊᓐᑕ ᒐᒋ ᐅᒋ ‍ ᒋᔅᒐᔨᑕᒂᒡ ᑕᓐ ᒐ ‍ ᐃᑐᑐᐛᑦ ᑎᐸᔨᒋᒐᓱᐤ ᐃᔪᐛ ᐊᑲ ᓂᓇᐃᑕᑯᒐ᙮
\v 27 ᓂᑦ ᐃᔅᒋᔄᓐ ᐅ ᐛᔅ ᓂ ‍ ᒋᔅᒐᔨᑕᓐ ᐊᔅᐱᔅ ᒥᔅᑯᔅᑎᒂᓇᒡ᙮ ᒋ ‍ ᒪᔭᔨᒪᐅᒡ ᑎᐸᔨᒋᒐᓱᐛ ᒪᒂᒡ ᑲ ‍ ᑕᐅᒡ ᐊ ‍ ᐃᑕᒡ, ᑭᔭ ᐊᑎᑐᐤ ᒋᑭ ‍ ᒪᔭᔨᒪᐅᒡ ᒋ ‍ ᐳᓂᐱᒪᑎᓯᔭᓇ᙮
\v 28 ᐊᑯ ᒥᓯᐛ ᒪᐅᓇᑯᒡ ᑲᓂᑲᓇᔨᑕᑯᓯᒡ ᑭᔭ ᐛᒋᒪᐅᒡ ᐊᓐᑕ ᐊ ‍ ᐃᑎᔅᑲᓇᓯᒡ, ᒐᒋ ᐎᑎᒧᐅᒂᐤ ᐃᔨᒧᐅᓇ ᐅᔭ ᓂᑭᒧᐅᓂᔪᐤ ᐅᒋ, ᑭᔭ ᒐ ‍ ᓂᑐᐛᔨᑎᒧᐅᒂᐤ ᐊᓐᑕ ᒋᒋᒋᓯᑯᒡ ᑭᔭ ᐊᔅᒋᒡ ᐊᑕᒡ ᒐᒋ ᑎᐸᑕᒡ ᐊ ‍ ᐊᓏᔨᒪᒡ ᐅᔭ ᐃᔪᐛ᙮
\v 29 ᓂᑦ ᐃᔅᒋᔄᓐ ᐅ ᐛᔅ ᓂ ‍ ᒋᔅᒐᔨᑕᓐ ᒋ ‍ ᐳᓂᐱᒪᑎᓯᔭᓇ, ᒋᒋᐛ ᒋᑭ ᒥᔅᑎ ‍ ᒥᒋᑥᐅᒡ ᐃᔪᒡ᙮ ᒋᑭ ‍ ᓂᑭᑎᒧᒡ ᒐᒋ ᐃᑐᑕᒡ ᒥᓯᐛ ᒐᒂᔪᐤ ᑲ ‍ ᐃᑎᓱᒥᒂᐤ ᒐᒋ ᐃᑐᑕᒡ, ᑭᔭ ᐊᓐᑕ ᓂᑲᓄᒡ, ᐛᔅ ᐊᓂᔭ ᒥᓯᐛ ᐊ ‍ ᒪᔭᑎᓂᔨᒡ ᒐᒂᔪᐤ ᒐ ‍ ᐃᑐᑕᒡ, ᒋᑭ ‍ ᑐᑐᐛᐅᒡ ᑎᐸᔨᒋᒐᓱᐛ ᒐᒋ ᒥᔅᑎ ‍ ᒋᔄᐊᒡ᙮ ᐊᑯ ᒐ ‍ ᑐᑕᑯᒡ ᒐᒋ ᐅᑎᑎᑯᒡ ᒥᒋᐱᔪᐅᓇ᙮”
\s1 ᒧᓱᔅ ᐅᓂᑭᒧᐅᓐ
\p
\v 30 ᐊᑯ ᒪᒂᒡ ᐊᓂᑐᑕᒡ ᒥᓯᐛ ᐃᔅᕋᐃᓪ ᐃᔪᒡ, ᒧᓱᔅ ᒋ ‍ ᓂᑭᒧᑐᐛᐤ ᐅᔭ ᒥᓯᐛ ᓂᑭᒧᐅᓂᔪᐤ᙮
\c 32
\q1
\v 1 “ᐊᔅᒋᔾ ᑭᔭ ᒋᓯᒄ,
\q2 ᓂᑐᑎᒧᒃ ᒐᒂᓐ ᐊ ‍ ᐃᔅᒋᔄᔭᓐ !
\q1
\v 2 ᐃᔅᕋᐃᓪ, ᒋᑭ ‍ ᒋᔅᑯᑎᒪᑎᓐ᙮
\q1 ᓂᑦ ᐃᔨᒧᐅᓇ ᒧᔭᒻ ᐸᐧᑲᒡ ᐊ ‍ ᒋᒺᒡ
\q2 ᐊᓐᑕ ᐅᔅᒋ ᓂᑕᐅᒋᑕᑭᓂᒡ,
\q2 ᑭᔭ ᒪᒃ ᐊ ‍ ᓂᐱᔪᔅᑭᒥᑲᒡ ᐊᓐᑕ ᒥᔅᑯᓯᒡ᙮
\b
\q1
\v 3 ᐎᒋᐃᒄ ᐊ ‍ ᒋᔅᑕᔨᑎᒧᒡ
\q1 ᐅᒥᔪ ‍ ᐃᓯᓂᐧᑲᓱᐅᓐ
\q2 ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ᙮
\q1
\v 4 ᑎᐸᔨᒋᒐᓱᐤ ᐊᐅᒄ ᓱᐧᑲᑎᓯᐤ ᐊᓯᓂᔾ,
\q2 ᑭᔭ ᓇᒪ ᓂᑕ ᒥᒋᑐᑎᒻ᙮
\q1 ᓇᓂᑎᒻ ᒋᑭ ᒋ ‍ ᑕᑈᐅᒐᔨᒪᑭᓄᐤ ᒋᓴᒪᓂᑐᐤ
\q2 ᒐᒋ ᐸᑕᑦ ᑯᐃᔅᑯᑐᑎᒧᐅᓂᔪᐤ᙮
\q1
\v 5 ᒥᒄ ᒋ ‍ ᑭᑭᒋᔭᓇᐛᐤ ᑭᔭ ᒋ ‍ ᒋᒧᑎᓇᐛᐤ
\q2 ᑭᔭ ᓇᒪ ᒋ ‍ ᑕᑈᐅᒐᔨᒪᐛᐤ᙮
\q1 ᒋ ‍ ᒥᒐᔨᑕᑯᓯᓇᐛᐤ
\q1 ᑭᔭ ᓇᒪ ᓴᔅ ᒋᑕᐳᐛᒐᔨᑕᑯᓯᓇᐛᐤ
\q2 ᒐᒋ ᐅᑦ ᐊᐛᓯᒥᑕᑕᒄ᙮
\q1
\v 6 ᐃᔅᕋᐃᓪ ᐃᔪᒡ, ᑎᐸᔨᒋᒐᓱᐤ ᐊᐅᒄ ᒍᑕᐎᐛᐤ,
\q2 ᐊᓐ ᑲ ‍ ᐅᓯᔨᑕᒄ,
\q1 ᒥᒄ ᒋᑦ ᐃᓯ ‍ ᒋᑕᐊᒧᐛᐛᐤ
\q2 ᐊ ‍ ᒋᔎᐱᒪᑎᓯᔭᒄ᙮
\q1
\v 7 ᒪᒥᑐᓇᔨᒪᐧᑯᒡ ᐊᓐᒡ ᐅᑕᒡ ᒋᑦ ᐊᓂᔅᑯᑕᐸᓄᐛᐅᒡ᙮
\q1 ᑯᒂᒋᒪᐧᑯᒡ ᒋᓂᒋᐃᑯᐛᐅᒡ
\q2 ᑭᔭ ᒪᒃ ᐊᓐᒡ ᒋᒋᓴᐃᔨᒧᐛᐅᒡ
\q1 ᒋᑭ ‍ ᐎᑎᒪᑯᐛᐅᒡ
\q1
\v 8 ᐃᔅᐱ ᒋᓴᒪᓂᑐᐛ ᒪᐅᒡ ᓱᐧᑲᑎᓯᔨᒋ
\q2 ᒋ ᒥᔭᐤ ᐊᔅᒋᔪᐤ ᑕᑐᐤ ᐊ ‍ ᐃᑎᔅᑲᓇᓯᔨᒋ᙮
\q1 ᒋ ‍ ᐃᑎᓴᐊᒧᐛᐤ ᑲ ‍ ᓇᑭᑐᐛᒧᐛᔨᒋ ᐊᓐᒋᓇ
\q2 ᑕᑐᐤ ᐊ ‍ ᐃᑎᔅᑲᓇᓯᔨᒋ᙮
\q1
\v 9 ᒥᒄ ᑎᐸᔨᒋᒐᓱᐤ ᐎᔾ
\q2 ᓂᓇᑭᑐᐛᔨᒪᐤ ᐃᔅᕋᐃᓪ ᐃᔪᐛ᙮
\b
\q1
\v 10 ᐃᔅᕋᐃᓪ ᐃᔨᑎᒄ, ᑎᐸᔨᒋᒐᓱᐤ ᔅᒋ ‍ ᒥᔅᑲᑯᐛᐤ
\q1 ᐊᓐᑕ ᐊ ᐊᑲ ᑕᓄᐎᔨᒡ ᐸᐧᑯᑎᔅᑭᒥᑲᒡ
\q2 ᐊᓯᒡ ᐊ ᒋᓴᐛ ‍ ᔪᑎᒡ᙮
\q1 ᑎᐸᔨᒋᒐᓱᐤ ᐊᐅᒄ ᒋ ‍ ᓂᑐᐱᔪᐅᒋᐛᑉ
\q1 ᐊ ‍ ᑭᓄᐛᔨᒥᑕᒃ ᒧᔭᒻ
\q2 ᐊ ‍ ᐅᔅᒋᓯᑯᑕᑕᒄ᙮
\q1
\v 11 ᑎᐸᔨᒋᒐᓱᐤ ᒧᔭᒻ ᒥᒋᓱᐛ ᐃᑕᔨᑕᑯᓱᐤ,
\q2 ᐊᒋᔅᑯᑎᒧᐛᑦ ᐅᑦ ᐊᐛᓯᒪ ᒐᒋ ᐅᐸᐎᔨᒋ,
\q1 ᓇᓂᑎᒻ ᐊ ‍ ᔭᔅᑯᐎᑦ ᐊ ‍ ᔭᓯᐱᔪᐅᑦ
\q2 ᑭᔭ ᒐ ‍ ᑲᔅᑎᓇᑦ ᐅᔅᐱᔅᑯᓂᒡ᙮
\q1
\v 12 ᐃᔅᕋᐃᓪ ᐃᔨᑎᒄ, ᑎᐸᔨᒋᒐᓱᐤ ᔅᒋ ‍ ᒋᔅᒋᓄᑕᔨᑯᐛᐤ,
\q1 ᑭᔭ ᐊᑲ ‍ ᐎᒋᐃᑯᑦ
\q2 ᒪᓐᑕᐤ ᒥᓂᑐᐧᑲᓇ,
\q1
\v 13 ᔅᒋ ‍ ᐎᒋᐃᑯᐛᐤ ᒐᒋ ᑲᔅᑎᓂᒺᒄ ᐊᔅᒋᔪᐤ᙮
\q2 ᒋᓂᑕᐅᒋᑕᑭᓄᐛᐛ ᒋ ‍ ᐛᔪᑎᓯᒥᑭᓇ ᐸᒂᓯᑭᓂᒥᓇ᙮
\q1 ᐊᓕᑉ ᒥᔅᑎᑯᒡ ᒋ ‍ ᓂᑕᐅᒍᐅᒡ ᐊᓐᑕ ᐊᓯᓂᔪᐃᒡ ᐊᔅᒋᔪᐤ,
\q2 ᑭᔭ ᑲᓯᐛᓯᐛᐳᔾ ᒋ ‍ ᒥᔅᑲᑭᓄᐤ ᐊᓐᑕ ᐊᓯᓂᔪᐅᒡ᙮
\q1
\v 14 ᒋᒥᒋᑎᐧᑯᒧᐛᐅᒡ ᑭᔭ ᒋᒥᔅᑐᓯᒧᐛᐅᒡ ᒋ ‍ ᐅᒋᒋᓇᐳᒧᐅᒡ ᑭᔭ ᒋ ‍ ᐊᔭᐅᒡ ᑲᒥᔅᑯᐛᔨᒡ,
\q2 ᑭᔭ ᒋ ‍ ᐅᑎᓂᒪᓱᓐ ᐅᔅᑭᒡ ᐎᔭᔅ ᒋ ‍ ᒪᔭᑕᓂᓯᒧᐛᐅᒡ
\q1 ᑭᔭ ᒋ ᑲ ᐅᑦ ᐊᔅᑭᓂᓯᒧᐛᐅᒡ ᐊᓐᑕ ᐸᓴᓐ ᑲ ‍ ᒥᒋᓱᒡ᙮
\q2 ᒋᒋᐛ ᒋ ‍ ᒥᔽᐛᐛ ᒋ ‍ ᐸᒂᓯᑭᓂᒥᓄᐛᐛ
\q1 ᑭᔭ ᓇᔅᒡ ᐛᒋ ‍ ᒥᔽᒡ ᓱᒥᓇᐳᐎᔾ ᔅᒋ ‍ ᒥᓇᐛᐤ᙮
\b
\q1
\v 15 ᐃᔅᕋᐃᓪ ᐃᔨᑎᒄ, ᔅᒋ ‍ ᑕᒋᐳᓇᐛᐤ ᑭᔭ ᔅᒋ ‍ ᒪᔭᔨᒪᐛᐤ
\q2 ᒋᓴᒪᓂᑐᐤ, ᐊᓐ ᑲ ‍ ᐅᓯᔨᑕᒄ
\q1 ᔅᒋ ‍ ᐊᑐᐛᔨᒪᐛᐤ ᓱᐧᑲᑎᓯᐤ ᐊᓯᓂᔾ,
\q2 ᐊᓐ ᒥᒄ ᒐ ᒥᔪ ᑭᓄᐛᔨᒥᑕᒄ᙮
\q1
\v 16 ᔅᒋ ‍ ᑐᑐᐛᐛᐤ ᒐᒋ ᓄᒋᔨᐛᐤ ᒋᓴᒪᓂᑐᐅᑦ ᑭᔭ ᒐᒋ ᒋᔄᐱᑦ
\q2 ᐊᔭᒥᐊᔅᑐᐛᑯᒡ ᐊ ‍ ᒥᒋᓇᑯᓯᒡ ᒥᓂᑐᐧᑲᓐᒡ ᑭᔭ ᒪᓐᑕᐤ ᒥᓂᑐᐧᑲᓐᒡ᙮
\q1
\v 17 ᔅᒋ ‍ ᒥᑐᔅᑕᐊᒧᐛᐛᐅᒡ ᒥᒋᒥᓂᑐᐅᒡ,
\q2 ᐊ ᐊᑲ ᐊᐱᒋᐊᑭᓄᐅᒡ ᒥᓂᑐᐧᑲᓐᒡ ᐊᑲ ‍ ᓂᑕ ‍ ᐎᒋᐃᑕᑯᒡ,
\q2 ᐅᔅᒋ ᒥᓂᑐᐧᑲᓐᒡ
\q2 ᒋᑦ ᐊᓂᔅᑯᑕᐸᓂᐛᐅᒡ ᐊᑲ ᓂᑕ ‍ ᐅᒋ ‍ ᐊᔭᒥᐊᔅᑐᐛᒡ᙮
\q1
\v 18 ᔅᒋ ‍ ᒋᐛᑲᐳᔅᑐᐛᐛᐤ ᒋᓴᒪᓂᑐᐤ, ᐊᓐ ᑲ ‍ ᐅᓯᔨᑕᒄ;
\q2 ᔅᒋ ‍ ᐅᓂᒋᔅᒋᑐᐛᐛᐤ ᓱᑲᑎᓯᐤ ᐊᓯᓂᔾ, ᐊᓐᑕ ᐛᒋᐱᔨᒡ ᒋᐱᒪᑎᓯᔪᐅᓄᐛᐤ᙮
\q1
\v 19 ᔅᒋ ‍ ᐅᑐᐛᓯᒥᑕᑯᐛᐤ ᑎᐸᔨᒋᒐᓱᐤ,
\q2 ᒥᒄ ᔅᒋ ‍ ᒋᓱᐛᐛᐤ᙮
\q1 ᐊᑯ ᒂ ᐊᑎ ‍ ᐊᑐᐛᔨᒥᑕᒄ
\v 20 ᑭᔭ ᒂ ‍ ᐃᔅᒋᔄᑦ,
\q1 ‘ᓇᒪ ᒋ ‍ ᑕᑈᐅᒐᔨᑕᑯᓯᓇᐛᐤ
\q2 ᑭᔭ ᓇᒪ ᒋ ‍ ᓱᒐᔨᒥᑯᓇᐛᐤ᙮
\q1 ᐊᑯ ᓇᒪ ᒋᑭ ‍ ᓂᔎᐛᓯᔨᑎᓇᐛ ᓂᑐᑎᒪᔭᒂ;
\q1 ᒥᒄ ᒋᔭᒻ ᒋᑭ ‍ ᒋᑕᐱᒥᑎᓇᐛᐤ ᑭᔭ ᒐ ‍ ᐛᐸᑎᒪᓐ
\q2 ᒐᒂᓐ ᒐ ‍ ᐃᔅᐱᔪᐛᐛᒂ᙮
\q1
\v 21 ᒋᑦ ᐊᔭᒥᐊᔅᑐᐛᐛᐅᒡ ᐊᑲ ‍ ᐊᐱᑎᓯᒡ ᒥᓂᑐᐧᑲᓐᒡ,
\q1 ᑭᔭ ᒋ ‍ ᑐᑐᐅᓇᐛᐤ ᒐᒋ ᐅᑕᔨᑎᒪᓐ
\q2 ᑭᔭ ᒋᔄᐱᔭᓐ᙮
\q1 ᐊᑯ ᐊᓄᒡ ᒋᑭ ‍ ᐃᑎᓴᐊᒪᑎᓇᐤ ᐊ ‍ ᐊᔭᔨᒥᓯᒡ
\q2 ᑭᔭ ᐊ ᐊᑲ ‍ ᐊᔭᐱᑕᔨᑕᑯᓯᒡ ᐊ ‍ ᐃᑎᔅᑲᓇᓯᒡ
\q1 ᒐᒋ ᑐᑕᑯᔭᒃ ᒐᒋ ᑲᐧᑲᔨᑎᒪᒃ ᑭᔭ ᒋᔄᐱᔭᒄ᙮
\b
\q1
\v 22 ᓂᑦ ᐃᔨᒥᑐᒄ, ᓂᑭ ‍ ᔭᔭᑕᓐ ᐃᔅᑯᑕᐤ
\q1 ᒐ ‍ ᐃᑎᓴᐅᑯᔭᒄ
\q2 ᐊᓐᑕ ᑲ ‍ ᓂᐱᒡ ᐊ ‍ ᐃᑕᒡ;
\q1 ᒋᑭ ‍ ᓂᓱᐅᓇᑎᓇ ᒋᓂᑕᐅᒋᑕᑭᓐ ᐊᔅᒋᐛᐛ ᐃᔅᑯᑕᐤ ᐅᒋ
\q2 ᑭᔭ ᒋᑭ ‍ ᐃᔎᑕᐤ ᐊᓐᑕ ᓴᒄ ᐱᔅᑯᑎᓇᒡ᙮
\q1
\v 23 ᓂᑭ ‍ ᐃᑎᓴᐊᓐ ᒥᒋᐱᔪᐅᓇ ᑭᔭ ᒥᓐ ᒥᒋᐱᔪᐅᓇ
\q2 ᒐᒋ ᐅᑕᒪᐅᑯᔭᒃ ᒧᔭᒻ ᐊᑭᔅᑯᒡ᙮
\q1
\v 24 ᒋᑭ ‍ ᐅᑎᑎᑯᓇᐛᐤ ᑯᐧᑯᑕᐅᓐ
\q2 ᑭᔭ ᑲ ‍ ᓂᐸᐃᐛᒥᑲᒋ ᒥᒋᐱᔪᐅᓇ,
\q1 ᒥᒋᐊᐛᓯᓯᒡ ᐎᐱᑎᐛᐛ ᐅᒋ
\q2 ᑭᔭ ᑲᐱᒋᐳᔪᐛᒡ ᒋᓇᐱᑯᒡ᙮
\q1
\v 25 ᑕᐱᔅᑯᓐ ᐊᐛᓯᒡ ᑭᔭ ᒋᓴᐃᔪᒡ
\q1 ᒋᑭ ‍ ᓂᐸᐊᑭᓄᐎᒡ ᐊᓐᑕ ᒪᔅᑭᓇᒡ
\q2 ᑭᔭ ᒋᑭ ‍ ᓴᒋᓱᐅᒡ ᐎᒋᐛᐛᒡ᙮
\b
\q1
\v 26 ᔅᒋ ᐎ ‍ ᓴᔄᑎᓴᐅᑎᓇᐛᐤ,
\q1 ᐊᑯ ᒐ ᐊᑲ ᐊᐛᓐ ᒋᔅᒋᑕᑕᒄ
\q2 ᑲᒋ ‍ ᐱᒪᑎᓯᔭᒄ᙮
\q1
\v 27 ᒥᒄ ᓂᒋ ‍ ᐛᐧᑲᒥᑯᒡ
\q2 ᐊᓐᒡ ᑲ ‍ ᐱᒂᑎᑕᑯᒡ ᐊ ‍ ᐃᔅᒋᔄᒡ,
\q1 ‘ᓂᒋ ‍ ᓴᐧᑯᒋᐊᓇᓐ ᐃᔅᕋᐃᓪ
\q2 ᐊᑲ ‍ ᐎᒋᐃᒥᑦ ᑎᐸᔨᒋᒐᓱᐤ᙮’ ”
\b
\q1
\v 28 ᐃᔅᕋᐃᓪ ᐃᔨᑎᒄ,
\q1 ᐊᐅᑯᔪᐤ ᐅᔭ ᑲ ᐃᑎᑕᒄ ᑎᐸᔨᒋᒐᓱᐤ᙮
\q1 ᒥᒄ ᓇᒪ ᒋᑦ ᐃᑈᐧᑲᐅᒐᔨᑕᓇᐛᐤ,
\q1 ᑭᔭ ᓇᒪ ᓂᑕ ᒋᓂᑐᑕᓇᐛᐤ
\q2 ᐊ ᐎ ‍ ᑭᒐᔅᒋᒥᑯᐅᔭᒄ᙮
\q1
\v 29 ᐃᑐᑎᒧᐛᐛᒂ ᐅ,
\q2 ᒋᐸ ‍ ᐛᐸᑕᓇᐛᐤ ᑕᓐᑕ ᐊ ‍ ᐃᑐᑕᔭᒄ᙮
\q1
\v 30 ᑕᓐᑕ ᒋᐸ ‍ ᐅᒋ ‍ ᓇᓴᐛᐤ ᑲ ‍ ᐱᒂᓱᐛᑦ ᐊᓯᒪᑭᓂᔅ
\q1 ᐸᐃᒂᐤ ᒐᓯᐱᔪᐤ
\q2 ᐃᔅᕋᐃᓪ ᐊᓯᒪᑭᓂᓴ ?
\q1 ᑭᔭ ᒪᒃ ᑕᓐᑕ ᒋᐸ ᐅᒋ ‍ ᓇᓴᐛᔪᐛ ᓂᓱ ᐅᑦ ᐊᓯᒪᑭᓂᓯᒧᐛᐛ
\q2 ᐸᐃᑯᔪᐤ ᑕᑥᐤ ᒐᓯᐱᔪᐤ ᒋᑦ ᐊᓯᒪᑭᓂᓯᒥᓄᐛ ?
\q1 ᐊᐅᑯᓐ ᒥᒄ ᒐ ᐅᒋ ‍ ᐃᔅᐱᔨᒡ ᐸᑐᔅ ᑎᐸᔨᒋᒐᓱᐤ
\q1 ᐊᑲ ‍ ᓂᓇᑭᑐᐛᐱᒪᒐ ᐃᔅᕋᐃᓚ
\q2 ᑭᔭ ᓇᐃᒪᒐ ᒐᒋ ᑲᓂᔪᐎᔨᒋ ᑲ ‍ ᐱᒂᓱᐛᔨᒋ᙮
\q1
\v 31 ᐃᔭᐱᒡ ᒋᔅᒐᔨᑎᒧᒡ ᐊᓐᒡ ᑲ ‍ ᐱᒂᑎᑕᐧᑯᒡ
\q1 ᐊᓂᔭ ᒥᒄ ᒋᒋᓴᒪᓂᑐᒥᓄᐛ
\q2 ᐃᔭᐎᒋ ᓱᐧᑲᑎᓯᐤ ᐊᓯᓂᔭ᙮
\b
\q1
\v 32 ᑲ ‍ ᐱᒂᑎᑕᐧᑯᒡ ᐊᐅᒄ ᐊᓐᒡ ᓱᒥᓇᑎᑯᒡ
\q1 ᐊ ‍ ᐅᑎᐱᔪᐅᒡ ᐊᓐᑕ
\q2 ᓱᑕᒻ ᑭᔭ ᑲᒧᕋ ᓂᑕᐅᒋᑕᑭᓂᒡ᙮
\q1 ᓱᒥᓇ ᐊ ‍ ᓂᑕᐅᒋᑕᒡ
\q2 ᓴᑭᔅᒋᓇᔨᐛ ᐱᒋᐳᔪᐅᓂᔪᐤ᙮
\q1
\v 33 ᐅ ᓱᒥᓇᐳᒧᐛᐤ ᐊᑎᑐᐤ ᓂᐸᐃᐛᒥᑭᓂᔪᐤ
\q2 ᐃᔅᐱᔅ ᑲ ‍ ᑯᔅᑎᑯᓯᔨᒋ ᒋᓇᐱᒂ ᐅᐱᒋᐳᔪᐅᓂᔪᐤ᙮
\q1
\v 34 ᒥᒄ ᑎᐸᔨᒋᒐᓱᐤ ᒋ ‍ ᒥᓯᓇᐊᒺᐤ
\q1 ᑕᑐᐎᒡ ᐅᒥᒋᑐᑎᒧᐅᓂᔨᐛ
\q2 ᑭᔭ ᒋ ‍ ᐊᑎᓴᑲᐊᒻ ᐊᓐᑕ ᐎᐅᑎᒡ᙮
\q1
\v 35 ᐸᓱᓇᑯᓂᔪᐤ ᑲ ‍ ᐅᐱᒂᑎᐧᑯᒡ
\q2 ᒐ ‍ ᑲᔅᑎᓇᒡ ᒐᒂᔪᐤ ᓇᑐᐛᔨᑕᑯᓂᔨᒡ
\q1 ᓯᓯᑯᒡ ‍ ᒋᑭ ᐅᓂᐱᔪᐅᒡ,
\q1 ᑭᔭ ᒋᔅᑎᑉ ᒐ ‍ ᐊᑎᑎᑯᒡ
\q2 ᒥᔅᑎ ᒥᒋᐱᔪᐅᓇ᙮
\b
\q1
\v 36 ᐃᔅᐱ ᒥᒄ ᐱᔅᒐ ᐃᔅᑯᐱᔨᑕᐛ
\q2 ᑎᐸᔨᒋᒐᓱᐤ ᐅᑦ ᐃᔨᒪ,
\q1 ᐊ ᐊᑲ ᑎᑯᓂᔨᒐ ᐅᓱᐧᑲᑎᓯᐅᓂᐛᐤ
\q2 ᑭᔭ ᐱᔅᒐ ᐅᑦ ‍ ᐊᐱᒋᐊᑭᓂᑐᐛᑭᓄᐅᑥᐛ,
\q1 ᒋᑭ ‍ ᒋᔅᑎᒪᒐᔨᒪᐤ ᑎᐸᔨᒋᒐᓱᐤ
\q2 ᐊᑯ ᒐ ‍ ᒥᔭᑦ ᑯᐃᔅᑯᑐᑎᒧᐅᓂᔪᐤ᙮
\b
\q1
\v 37 ᒥᒄ ᓂᔅᑎᒻ ᒋᑭ ‍ ᐃᔅᒋᔄᐤ ᑎᐸᔨᒋᒐᓱᐤ,
\q1 “ᔅᒋ ‍ ᐃᑎᓯᒧᓇᐛᐤ ᒐᒋ ᒥᔪ ‍ ᑭᓄᐛᔨᒥᑕᑯᒡ ᑯᑎᑭᒡ ᒥᓂᑐᐧᑲᓐᒡ—
\q2 ᓇᒪ ᐊ ᔅᒋ ‍ ᐎᒋᐃᑯᐛᐅᒡ ?
\q1
\v 38 ᔅᒋ ‍ ᐱᔅᑎᓂᒧᐛᐛᐅᒡ ᓱᒥᓇᐳᔪᐤ
\q2 ᑭᔭ ᓇᔅᒡ ᐛᒋ ‍ ᒥᔽᔨᒋ ᒋ ‍ ᒥᑐᔅᑕᐊᒪᒐᐅᓄᐛᐛ᙮
\q1 ᓇᒪ ᐊ ᐊᓐᒡ ᔅᒋ ‍ ᐎᒋᐃᑯᐛᐅᒡ ᐊᓄᒡ
\q2 ᑭᔭ ᒪᒃ ᒐ ‍ ᑭᓂᓇᐛᔨᒥᑕᑯᒡ ?
\q1
\v 39 ᓇᒪ ᐊ ᒋ ‍ ᓂᔅᑐᑕᓇᐛᐤ ?
\q1 ᓂᔾ ᒥᒄ ᒐᓴᒪᓂᑐᐅᔭᓐ;
\q2 ᓇᒪ ᑕᐅᒡ ᑯᑎᑭᒡ᙮
\q1 ᓂᔾ ᐅ ᑲ ‍ ᐅᑎᓇᐧᒃ ᐱᒪᑎᓯᐅᓂᔪᐤ
\q2 ᑭᔭ ᒥᓐ ᑲ ‍ ᒥᔨᐛᑦ᙮
\q1 ᔅᒋ ‍ ᐊᓏᔨᒥᑎᓇᐛᐤ ‍ ᐎᓯᒐᔨᑎᒧᐅᓐ᙮
\q1 ᒥᒄ ᐊᓄᒡ ᒋᑭ ‍ ᒥᓏᒋᔨᑎᓇᐛᐤ,
\q2 ᑭᔭ ᓇᒪ ᒐᒂᓐ ᓂᑭ ᒋ ‍ ᓂᑲᐅᑭᓐ !”
\b
\q1
\v 40 “ᓂᑐᑕᓐ ᐅ ᒋᒋ ‍ ᐊᓱᑎᒪᒐᐅᓐ:
\q2 ᑲᒋᒡ ᐊ ‍ ᐱᒪᑎᓯᔭᓐ,
\q1
\v 41 ᓂᑭ ‍ ᒋᐛ ‍ ᑎᐸᐊᒧᐛᐅᒡ
\q2 ᐊᓐᒡ ᑲ ‍ ᐛᐧᑲᓱᐛᒡ ᑲ ‍ ᐱᒂᓯᒡ᙮
\q1 ᓂᑭ ‍ ᒋᓂᑕᓐ ᓂᓂᑐᐱᔪᐅ-ᒧᐧᑭᒪᓐ
\q1 ᑭᔭ ᒐ ᐊᑎ ‍ ᐛᔅᑕᐱᔨᒡ
\q2 ᐊ ‍ ᓂᒥᔅᒋᔎᒡ᙮
\q1
\v 42 ᓂᑭᔅᑯᒡ ᒋᑭ ‍ ᒋᔎᐸᐅᒡ; ᑲ ‍ ᐱᒂᓯᒡ ᐅᒥᐧᑯᐛᐤ ᐅᒋ
\q1 ᓂᒧᐧᑯᒪᓐ ᒋᑭ ‍ ᑯᒋᔅᑎᒻ ᐎᔭᓯᐅᐤ
\q2 ᑭᔭ ᐅᒥᐧᑯᔪᐤ ᑲ ‍ ᐱᒂᓯᐛᔨᒋ᙮
\q1 ᒋᑭ ‍ ᓂᐸᐃᑯᒡ ᑲ ‍ ᒪᑯᓇᑭᓄᓯᒡ,
\q1 ᑭᔭ ᒐ ‍ ᒋᒥᓯᒺᒡ
\q2 ᐅᔅᑎᒂᓂᔨᐛ ᐅᒋᒪᒥᔨᐛ᙮”
\b
\q1
\v 43 ᒐ ‍ ᐎᑎᒧᐛᑯᒡ ᒋᒋᒋᓯᒂ ᒐᒋ ᒧᒋᒐᔭᑕᒡ
\q1 ᑭᔭ ᒥᓯᐛ ᒥᓂᑐᐧᑲᓐᒡ ᒐᒋ ᓂᐱᔅᑯᐱᔅᑐᐛᒡ
\q2 ᑎᐸᔨᒋᒐᓱᐛ,
\q1 ᐛᔅ ᒋᑭ ‍ ᒋᐛ ‍ ᑎᐸᐊᒧᐛᐤ
\q1 ᑲ ‍ ᐛᐧᑲᓱᐛᔨᒋ ᑲ ‍ ᐱᒂᓱᐛᔨᒋ
\q2 ᑲ ‍ ᓂᐸᐃᒋ ᐅᑦ ᐃᔨᒥᔨᐛ᙮
\q1 ᒋᑭ ‍ ᐛᐸᔨᑎᒧᐛᐤ ᐃᔅᕋᐃᓚ ᐅᒥᒋᑥᐅᓂᔨᐛ
\q2 ᑭᔭ ᒐ ‍ ᐸᔭᒋᑕᐛᑦ ᐅᑦ ᐊᔅᒋᔪᐤ᙮
\p
\v 44 ᒐᓱᐛ ᓇᓐ ᐅᑯᓴ ᑭᔭ ᓂᔾ ᓂᒋ ‍ ᐃᔅᒋᔄᓇᓐ ᐅᔭ ᐃᔨᒧᐅᓇ ᐊᓐᑕ ᓂᑭᒧᐅᓂᒡ ᒪᒂᒡ ᒥᓯᐛ ᐃᔅᕋᐃᓪ ᐃᔪᒡ ᑲ ‍ ᓂᑐᑕᒡ᙮
\v 45 ᐃᔅᐱ ᑲᒋᔅᑕᔭᒡ ᐊ ‍ ᐎᑎᒧᐅᒋᒡ ᐃᔅᕋᐃᓪ ᐃᔪᒡ ᐃᔨᒧᐅᓇ ᐅᔭ ᓂᑭᒧᐅᓂᔪᐤ,
\v 46 ᓂᒋ ‍ ᐃᔅᒋᔄᓐ, “ᒐ ᐊᑲ ᓂᑕ ‍ ᐅᓂᒋᔅᒋᑎᒪᒄ ᐅᔭ ᐃᑎᓱᐛᐅᓇ ᐊᓄᒡ ᑲ ‍ ᒥᔨᑎᑯᒡ᙮ ᒐᒋᔅᑯᑎᒧᐛᑯᒡ ᒋᑦ ᐊᐛᓯᒧᐛᐅᒡ ᑕᑈᐅᒐᔨᑎᒧᐅᓂᒡ ᒐᒋ ᒥᓯᐛ ᐅᔭ ᓂᓇᐃᑕᒡ᙮
\v 47 ᒋᒋᐛ ᒋᔅᑕᔨᑕᑯᓇ ᐅᔭ ᐃᔨᒧᐅᓇ᙮ ᓂᓇᐃᑎᒪᒂ ᐅᔭ, ᓇᐅᔅ ᒋᑭ ‍ ᐱᒪᑎᓯᓇᐛᐤ ᐊᓐᑕ ᐊᔅᒋᒡ ᒐ ‍ ᐊᓱᐛᐊᒪᒄ ᒠᕐᑕᓐ ᓯᐱᔾ ᒐ ‍ ᐅᑎᓂᒪᒄ᙮”
\s1 ᒋᓴᒪᓂᑐᐤ ᒋ ‍ ᐃᑕᐤ ᒧᓱᓴ ᐛᔪᐤ ᒐ ᐅᒋ ‍ ᐛᐸᑎᒥᔨᒋ ᐊᔅᒋᔪᐤ
\p
\v 48 ᐊᓂᔭ ᐸᐃᑯᑕᐤ ᒋᓯᑯᔪᐤ, ᑎᐸᔨᒋᒐᓱᐤ ᓂᒋ ‍ ᐃᑎᒄ:
\v 49 “ᒐ ‍ ᐃᑐᑕᔨᓐ ᐊᓐᑕ ᐊᐸᕆᒻ ᐱᔅᑯᑎᓇᐤ ᐅᑕ ᒧᐊᐱᒡ, ᐊᑲᒥᒡ ᒐᕆᑯᐤ᙮ ᒐ ‍ ᓴᑭᒋᐛᔨᓐ ᓂᐳ ᐱᔅᑯᑎᓇᐤ, ᑭᔭ ᒐ ‍ ᐃᑕᐱᔨᓐ ᐊᑎᒪᐱᓯᒧᒡ ᒐᒋ ᐛᐸᑎᒥᓐ ᑲᐃᓇᓐ ᐊᔅᒋᔾ, ᐊᓂᔭ ᐊᔅᒋᔪᐤ ᒐ ‍ ᒥᔨᒂᐤ ᐃᔅᕋᐃᓪ ᐃᔪᒡ᙮
\v 50 ᐊᑯᑕ ᒐ ‍ ᐳᓂᐱᒪᑎᓯᔨᓐ ᐊᓐᑕ ᐱᔅᑯᑎᓇᒡ, ᒧᔭᒻ ᒋᔅᑕᔅ ᐊᕋᓐ ᑲ ‍ ᐳᓂᐱᒪᑎᓯᑦ ᐊᓐᑕ ᐦᐅᕐ ᐱᔅᑯᑎᓇᒡ᙮
\v 51 ᒋᑭ ‍ ᐳᓂᐱᒪᑎᓯᓐ ᐛᔅ ᑕᐱᔅᑯᓐ ᐊᓂᓯᔭᒄ ᓇᒪ ᒋ ᐅᒋ ‍ ᓂᓇᐃᑐᐅᓇᐛᐤ ᐅᑎᔅᑯᐤ ᐃᔅᕋᐃᓪ ᐃᔪᒡ, ᐃᔅᐱ ᒥᓯᐛ ᑲ ‍ ᑕᔭᒄ ᐊᓐᑕ ᒥᕆᐸ ᒧᔅᒍᓂᐸᑯᒡ ᒥᒋᒪ ᑲᑕᔅ ᐅᑕᓇᒡ ᐊᓐᑕ ᓯᓐ ᐸᐧᑯᑎᔅᑭᒥᑲᒡ᙮ ᓇᒪ ᒋ ᐅᒋ ‍ ᒋᔅᑕᔨᒥᓇᐛᐤ ᑭᔭ ᓇᒪ ᒋ ᐅᒋ ‍ ᐃᔅᐱᑕᔨᒥᓇᐛᐤ ᐊ ᐃᓯ ‍ ᓂᑐᐛᔨᑕᒂᒡ ᐅᑎᔅᑯᐤ ᐃᔅᕋᐃᓪ ᐃᔪᒡ ᐛᔅ ᐊᒋᓴᒪᓂᑐᐅᔭᓐ᙮
\v 52 ᐃᔅᐱ ᑕᔨᓇ ᐊᓐᑕ ᐱᔅᑯᑎᓇᒡ ᐊ ᑎᑕᓐ ᒐ ‍ ᐃᑐᑕᔨᓐ, ᐛᔪᐎᔅ ᐊ ‍ ᑕᔨᓐ ᐅᒋ ᒋᑭ ᐅᒋ ‍ ᐛᐸᑕᓐ ᐊᔅᒋᔾ ᐊᓂᔭ ᒐ ‍ ᒥᔨᒂᐤ ᐃᔅᕋᐃᓪ ᐃᔪᒡ, ᒥᒄ ᓇᒪ ᒋᑭ ‍ ᐅᒋ ᐱᒐᓐ ᐊᓐ ᐊᔅᒋᔾ᙮”
\c 33
\s1 ᒋ ‍ ᓱᐛᔨᑕᑯᐛᐊᐤ ᒧᓱᔅ ᐃᔅᕋᐃᓪ ᐊ ‍ ᐃᑎᔅᑲᓇᓯᔨᒋ
\p
\v 1 ᐊᒺᔭ ᒧᓱᔅ, ᒋᓴᒪᓂᑐᐤ ᐅᒋᔅᒋᐛᐃᒐᓯᒪ ᐳᓂᐱᒪᑎᓯᑦ, ᒋ ‍ ᑯᒂᒋᒪᐤ ᒋᓴᒪᓂᑐᐛ ᒐᒋ ᓱᐛᔨᑕᑯᐊᑦ ᐃᔅᕋᐃᓪ ᐃᔪᐛ:
\b
\q1
\v 2 ᒪᐅᔭ ᒂ ‍ ᐃᔅᒋᔄᑦ: “ᑎᐸᔨᒋᒐᓱᐤ ᔅᒋ ‍ ᓂᑐᐛᐱᒥᑯᓄᐤ ᑭᔭ ᒂ ‍ ᐃᔨᒥᑕᐧᒄ ᐊᓐᑕ ᓴᐃᓇᔾ ᐱᔅᑯᑎᓇᒡ; ᒋ ‍ ᑎᑯᓯᓐ ᑎᐸᔨᒋᒐᓱᐤ ᒧᔭᒻ ᐊᓴᑲᔅᑐᐛᑦ ᐱᓯᒻ ᐊᓐᑕ ᐃᑕᒻ ᐊᔅᒋᒡ ᑭᔭ ᒧᔭᒻ ᐊᐛᔅᑕᓂᒪᑯᐛᐧᒄ ᐅᐛᔅᑕᐎᓐ ᐃᔅᐱ ᑲ ‍ ᑕᔭᐧᒄ ᐊᓐᑕ ᐸᐧᑯᑎᔅᑭᒥᑲᒡ ᒥᒋᒪ ᐸᕋᓐ ᐱᔅᑯᑎᓇᒡ ᑲᒋ ‍ ᓂᑭᑎᒪᐧᒄ ᓴᐃᓇᐃ ᐱᔅᑯᑎᓇᐤ᙮ ᐸᐃᑯᔪᐤ ᑕᑥᐤ ᒐᓯᐱᔪᐤ ᐊᓐᒋᓇ ᒋ ‍ ᐎᒐᐛᐤ, ᑭᔭ ᐊᐛᔭᑕᔨᒡ ᐃᔅᑯᑕᔪᐤ ᒋ ‍ ᑎᑯᓂᔪᐤ ᐅᒥᔪᐅᓂᒡ᙮
\q1
\v 3 ᒋᒋᐛ ᑕᑈ ᓴᒋᐊᐤ ᑎᐸᔨᒋᒐᓱᐤ ᐅᑦ ‍ ᐃᔨᒪ ᑭᔭ ᓇᑭᑐᐛᔨᒪᐤ ᐊᓂᔭ ᑕᐸᔨᒪᑦ᙮ ᐊᑯ ᒂ ‍ ᐸᒋᓯᓂᔅᑕᑯᑦ ᐅᑎᔅᑯᐤ ᐊ ‍ ᐃᑕᑦ, ᑭᔭ ᓇᑐᑎᒥᔨᒋ ᐅᑦ ᐃᔨᒧᐅᓇ᙮
\v 4 ᓂᒋ ‍ ᒥᔭᐅᒡ ᐎᓱᐛᐅᓇ ᒐᒋ ᓂᓇᐃᑕᒡ, ᐎᓱᐛᐅᓇ ᐊᓂᔭ ᓇᔅᒡ ᑲ ‍ ᒋᔅᑕᔨᑕᑯᓂᔨᒋ ᒐᒂᓇ ᑲ ‍ ᑎᐸᔨᑎᒥᔨᒋ ᐅᑦ ᐊᓂᔅᑯᑕᐸᓇ ᒐᑭᑉ᙮
\q1
\v 5 ᐊᑯ ᑎᐸᔨᒋᒐᓱᐤ ᒂ ‍ ᒋᓴᐅᒋᒪᐅᑦ ᐅᑦ ‍ ᐃᔨᒪ ᐃᕋᐃᓚ᙮
\b
\q1
\v 6 ᐊᐅᑯᔪᐤ ᐅᔭ ᐊ ‍ ᐃᑎᒂᐤ ᕈᐳᓐ ᐊ ‍ ᐃᑎᔅᑲᓇᓯᒡ,
\q1 ᓂ ‍ ᐱᑯᓴᔨᑕᓐ ᒐ ᐊᑲ ᓂᑕ ᓂᓱᐅᓇᑎᓯᒡ ᐊ ‍ ᐃᑎᔅᑲᓇᓯᒡ,
\q2 ᒥᒄ ᓇᒪ ᓂᑕ ᒋᑭ ᒋ ‍ ᒥᒐᑐᐅᒡ᙮
\b
\q1
\v 7 ᐊᐅᑯᔪᐤ ᐅᔭ ᐊ ‍ ᐃᑎᒂᐤ ᒍᑕ ᐊ ‍ ᐃᑎᔅᑲᓇᓯᒡ: ᑎᐸᔨᒋᒐᓱᐤ, ‍ ᓂᑐᑐᐅᒡ ᐃᔅᐱ ᑎᔭᑈᑥᐎ ᒐᒋ ᐎᒋᔨᑥᐤ; ᑭᔭ
\q2 ᒥᓐ ᒐ ‍ ᒪᒧᐎᑥᐤ ᐊᓯᒡ ᑯᑎᑲ ᐊ ‍ ᐃᑎᔅᑲᓇᓯᔨᒋ᙮
\q2 ᒪᓯᒐᔅᑎᒧᐅᒡ, ᑭᔭ ᐎᒋᔨᒡ ᒐᒋ ᒪᓴᐊᒡ ᑲ ‍ ᐱᒂᑎᑯᒡ᙮
\b
\q1
\v 8 ᐊᐅᑯᔪᐤ ᐅᔭ ᐊ ‍ ᐃᑎᒂᐤ ᓕᐸᐃ ᐊ ‍ ᐃᑎᔅᑲᓇᓯᒡ: ᑎᐸᔨᒋᒐᓱᐤ, ᒥᔨᒡ ᐊᓐᒡ ᑎᔭᑈᐅᒐᔨᒥᔅᒡ ᐊᓯᓂᔭ ᒐ ‍ ᐊᐱᒋᐊᒡ ᒐᒋ ᒋᔅᒐᔨᑕᒡ ᒐᒂᔪᐤ ᓇᑐᐛᔨᑎᒧᑦ ᒐ ‍ ᐃᑐᑕᑭᓄᐎᔨᒡ;
\q1 ᔅᒋ ‍ ᑯᒂᒋᐅᒡ ᒧᔅᒍᓂᐸᑯᒡ ᐊᓐᑕ ᐸᐧᑯᑎᔅᑭᒥᑲᒡ, ᒪᓴ ᑲ ‍ ᐃᓯᓂᐧᑲᑕᒡ ᒧᔅᒍᓂᐸᑯᔪᐤ ᑭᔭ ᒪᕆᐸ ᐃᔭᐱᒡ ᐊ ‍ ᐃᓯᓂᐧᑲᑕᔨᒡ
\q2 ᒐᒋ ᐅᒋ ‍ ᒋᔅᒐᔨᒥᑥᐤ ᒐᒋ ᐊᔅᒄ ᓂᓇᐃᑕᔅᒡ᙮
\q1
\v 9 ᓕᐸᐃ ᐊ ‍ ᐃᑎᔅᑲᓇᓯᒡ ᒋ ‍ ᐃᑐᑎᒧᒡ ᒐᒂᔪᐤ ᑲ ‍ ᐃᑎᑥᐤ ᒐ ‍ ᑐᑕᒡ ᑭᔭ ᒋ ‍ ᓂᓇᐃᑎᒧᒡ ᓂᔅᑯᒧᐅᓂᔪᐤ ᑲ ‍ ᑐᑎᒧᐅᑥᐤ ᐃᔅᕋᐃᓪ ᐃᔪᒡ᙮
\q1 ᐊᑎᑐᐤ ᒋ ‍ ᐃᔅᐱᑕᔨᑎᒧᒡ ᐊᓂᔭ ᓂᔅᑯᒧᐅᓇ
\q1 ᐃᔅᐱᔅ ᐎᐧᑲᓂᓯᐛᐛ ᑭᔭ ᐅᑲᐎᐛᐛ ᑭᔭ ᐅᑦ ‍ᐊᐛᓯᒧᐛᐛ᙮
\b
\q1
\v 10 ᓕᐸᐃ ᐊ ‍ ᐃᑎᔅᑲᓇᓯᒡ ᒋᑭ ‍ ᒋᔅᑯᑎᒧᐛᐅᒡ ᐃᔅᕋᐃᓪ ᐃᔪᐛ ᒋ ‍ ᐎᓱᐛᐅᓇ ᑭᔭ ᒋ ‍ ᒋᔅᑯᑎᒪᒐᐅᓇ,
\q2 ᑭᔭ ᐎᔪᐛᐤ ᒋᑭ ‍ ᐃᔎᓯᒧᒡ ᑲ ‍ ᐎᒋᒪᑯᓯᔨᒡ ᑭᔭ ᐎᔨᐛᐤ ᒥᓯᐛ ᒐ ‍ ᐃᔎᓴᒡ ᒥᔨᐛᐅᓇ ᐊᓐᑕ ‍ ᐱᔅᑎᓂᒐᐅᓇᐱᔅᑯᒡ ᐃᔪᐛ ᒐ ‍ ᐸᑕᔨᒋ᙮
\q1
\v 11 ᑎᐸᔨᒋᒐᓱᐤ ᓱᐛᔨᑕᑯᑕᐤ ᐅᑦ ᐊᑐᔅᒐᐅᓄᐛᐤ
\q2 ᑭᔭ ᒥᔪ ‍ ᐅᑎᓂᒻ ᒥᓯᐛ ᒐᒂᔪᐤ ᐊ ‍ ᐃᑐᑕᒡ,
\q1 ᓂᓱᐅᓇᒋᐃᒻ ᒥᓯᐛ ᑲ ‍ ᐱᒂᑎᑯᒡ;
\q2 ᑐᑐᐅᒻ ᐊᓂᔭ ᑲ ‍ ᐱᒂᑎᑯᒡ ᒐ ᐊᑲ ‍ ᒥᓐ ᒋ ‍ ᒪᓯᐧᑲᑯᒡ᙮
\b
\q1
\v 12 ᐊᐅᑯᔪᐤ ᐅᔭ ᐊ ‍ ᐃᑎᒂᐤ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ:
\q2 ᐊᐅᑯᔪᐛ ᐊᓂᔭ ᐊ ‍ ᐃᑎᔅᑲᓇᓯᔨᒋ ᑲ ‍ ᓴᒋᐊᑦ ᑎᐸᔨᒋᒐᓱᐤ;
\q1 ᒥᔪ ‍ ᑭᓄᐛᔨᒪᐤ᙮
\q2 ᓇᓂᑎᒻ ᓇᑭᑐᐛᔨᒪᐤ, ᑭᔭ ᐊᑯᑕ ᐛᒋᐛᑦ ᐅᐱᔅᑯᑎᓇᒥᔨᒡ᙮
\b
\q1
\v 13 ᐊᐅᑯᔪᐤ ᐅᔭ ᐊ ‍ ᐃᑎᒂᐤ ᒍᓯᑉ ᐊ ‍ ᐃᑎᔅᑲᓇᓯᒡ: ᐅᑦ ᐊᓂᔅᑯᑕᐸᓇ,
\q2 ᓂ ‍ ᐱᑯᓴᔨᑕᓐ ᑎᐸᔨᒋᒐᓱᐤ ᒐᒋ ᓱᐛᔨᑕᑯᑕᐛᑦ ᐅᑦ ᐊᔅᒋᔪᐤ
\q1 ᐊ ‍ ᒥᔭᑦ ᐊ ‍ ᒋᒧᓂᔨᒡ ᒋᓯᑯᒡ ᐅᒋ
\q2 ᑭᔭ ᓂᐱᔪᐤ ᓇᔅᒡ ᐊᑕᒥᒡ ᒧᔅᑎᔅᑭᒥᒡ,
\q1
\v 14 ᐊ ‍ ᒥᔭᑦ ᒥᔪ ᒥᓂᓴ ᐊᒋᓯᓂᑕᐅᒋᓂᔨᒋ ᐱᓯᒺ ᐅᒋ᙮
\q1
\v 15 ᓂ ‍ ᐱᑯᓴᔨᑕᓐ ᐊ ‍ ᒥᔽᓯᒋ ᒥᓂᓴ ᒐᒋ ᓂᑕᐅᒋᒋ ᒥᔅᑎᑯᒡ
\q2 ᐊᓐᑕ ᒋᓴ ᐱᔅᑯᑎᓇᒡ
\q1
\v 16 ᑭᔭ ᒐ ‍ ᐛᔪᑎᓂᔨᒋ ᐊ ‍ ᒥᔽᔨᒋ ᑲ ‍ ᒪᒧᓴᒋᓂᑭᓄᐎᔨᒋ,
\q2 ᒐ ‍ ᓱᐛᔨᑕᑯᑕᔨᒋ ᑎᐸᔨᒋᒐᓱᐛ, ᐊᓂᔭ ᑲ ‍ ᓄᑭᓯᔅᑐᐎᔨᒋ ᐊᓐᑕ ᐊᑲ ‍ ᐃᔎᓱᐎᔨᒋ ᓯᑲᐛ᙮
\q1 ᓂ ‍ ᐱᑯᓴᔨᑕᓐ ᒥᒐᑦ ᐊᓂᔭ ᒐᒋ ᐃᓯ ‍ ᓱᐛᔨᑕᑯᐛᐊᑦ ᒍᓯᐸ ᐊ ‍ ᐃᑎᔅᑲᓇᓯᔨᒋ,
\q2 ᐛᔅ ᒋ ‍ ᓂᑲᓂᔅᑯᐛᐤ ᐅᑕᓴ ᐃᔅᐱ ᑲ ‍ ᑕᔨᒋ ᐊᓐᑦ ᐃᒋᑉᑎᒡ᙮
\b
\q1
\v 17 ᒋᑭ ‍ ᓱᐧᑲᑎᓯᔨᐛ ᒍᓯᑉ ᐅᑦ ᐊᓂᔅᑯᑕᐸᓇ ᒧᔭᒻ ᓇᐸ ᒥᔅᑐᓴ;
\q2 ᒋᑭ ‍ ᐅᓯᒂᐅᒡ ᑲ ‍ ᐱᒂᑎᑯᒡ ᐅᓯᒪᑭᓄᐛᐛ ᐅᒋ, ᒧᔭᒻ ᐊ ‍ ᐃᑐᑐᐛᑦ ᑲ ‍ ᐊᒂᑎᓯᑦ ᓇᐸ ᒥᔅᑐᓴ ᐊᓴᑈᐛᑦ
\q1 ᐅᑦ ᐊᔅᑭᓇ ᑯᑎᑲ ᐊᐛᓯᓴ᙮
\q2 ᒋᑭ ‍ ᑐᑐᐛᐅᒡ ᑯᑎᑲ ᐊ ‍ ᐃᑎᔅᑲᓇᓯᔨᒋ ᐃᔪᐛ,
\q1 ᒥᓯᐛ ᐃᔪᐛ, ᒐᒋ ᐃᑲᑎᓴᐛᑭᓄᐎᔨᒋ ᐛᔪᐤ ᐃᑕᐅᓂᒡ ᐃᓯ ᐊᓐᑕ ᐊᔅᒋᒡ᙮
\q2 ᐊᐅᑯᔪᐤ ᐊᓂᔭ ᒐ ‍ ᐃᑎᔨᒋ ᒍᓯᑉ ᐊ ‍ ᓂᓯᔨᒋ ᐅᑯᓴ ᐊ ‍ ᐃᑎᔅᑲᓇᓯᔨᒋ᙮ ᐸᐃᑯᔪᐤ ᑕᑥᐤ ᒐᓯᐱᔪᐤ ᐊ ‍ ᐃᑎᔅᑲᓇᓯᒡ ᐃᑉᕋᐃᒻ ᑭᔭ ᒐᓯᐱᔪᐤ ᑕᑥᐤ ᐊ ‍ ᐃᑎᔅᑲᓇᓯᒡ ᒪᓇᓴ᙮
\b
\q1
\v 18 ᐊᐅᑯᔪᐤ ᐅᔭ ᐊ ‍ ᐃᑎᒂᐤ ᓴᐳᓕᓐ ᐊ ‍ ᐃᑎᔅᑲᓇᓯᒡ ᑭᔭ ᐃᓴᑲᕐ:
\q2 ᓂ ‍ ᐱᑯᓴᔨᑕᓐ ᓴᐳᓕᓐ ᐃᔪᒡ ᒐᒋ ᒥᔪᐱᔨᒡ ᐊ ‍ ᐱᐸᒥᔅᑲᒡ ᐎᓂᐸᑯᒡ,
\q1 ᑭᔭ ᐃᓴᑲᕐ ᐃᔪᒡ ᒐ ‍ ᒥᔪᐱᔨᒡ ᒪᒂᒡ ᐃᑕᑥᐛ ᐎᒋᐛᐛᒡ ᑭᔭ,
\q2 ᓇᑭᑐᐛᔨᒪᑥᐛ ᐅᒥᒋᑎᐧᑯᒧᐛᐛ ᑭᔭ ᐊᓂᔭ ᒐ ‍ ᒪᒧᓴᒋᓇᒡ᙮
\q1
\v 19 ᒋᑭ ‍ ᓂᑐᒪᐅᒡ ᑯᑎᑲ ᐃᔅᕋᐃᓪ ᐊ ‍ ᐃᑎᔅᑲᓇᓯᔨᒋ ᐊᓐᑕ ᐱᔅᑯᑎᓇᒡ ᐃᓯ ᐊᓐᑕ
\q1 ᐊᔭᒥᐊᔅᑐᐛᒡ ᑎᐸᔨᒋᒐᓱᐛ,
\q2 ᑭᔭ ᒋᑭ ‍ ᐱᔅᑎᓂᒧᐛᒡ ᐊᓂᔭ ᒪᔽᔨᒋ ᒥᑐᔅᑕᐊᒪᒐᐅᓇ᙮
\q1 ᒋᑭ ‍ ᐛᔭᑎᓯᔪᒡ ᐊᓐᑕ ᐅᒡ ᐊ ‍ ᐃᑐᑕᒡ ᐅᑦ ᐊᑐᔅᒐᐅᓄᐛᐤ ᐊᓐᑕ ᐎᓂᐸᑯᒡ
\q2 ᑭᔭ ᐊ ‍ ᐅᓯᑕᒡ ᒐᒂᔪᐛ ᑭᔭ ᒪᒃ ᑲ ‍ ᒥᔅᑲᒡ ᐊᓐᑕ ᐊ ‍ ᐃᔭᑲᐅᓱᔨᒡ᙮
\b
\q1
\v 20 ᐊᐅᑯᔪᐤ ᐅᔭ ᐊ ‍ ᐃᑎᒂᐤ ᑲᑦ ᐊ ‍ ᐃᑎᔅᑲᓇᓯᒡ:
\q1 ᒪᒥᒋᒥᐧᒄ ᑎᐸᔨᒋᒐᓱᐤ, ᐊᓐ ᑲ ‍ ᒥᓯᑕᐛᑦ ᐅᑦ ᐊᔅᒋᔪᐤ᙮
\q2 ᐊ ‍ ᐃᑎᔅᑲᓇᓯᒡ ᐅᑦ ᐃᔨᒧᐛᐛ ᒋᑭ ‍ ᐊᒂᒋ ᑯᓯᒂᔨᒧᑐᐛᐅᒡ ᐊᓂᔭ ᑲ ‍ ᐱᒂᑎᑯᒡ
\q1 ᒧᔭᒻ ᒥᓯᐱᓱᐤ ᐊᐱᑯᐱᑕᑦ ᐊᐛᓯᓴ᙮
\q1 ᐊᓯᓄᐛᓯᑦ ᒐᒋ ᐱᑯᐱᑎᒺᑦ ᐊᐛᓯᓴ ᐅᔅᐱᑐᓂᔪᐤ ᑭᔭ ᒪᒃ ᐅᔅᑎᒂᓂᑭᓂᔪᐤ
\q1
\v 21 ᒋ ‍ ᐎᔭᔨᑎᒪᓱᐅᒡ ᐛᒋ ‍ ᒥᔽᔨᒡ ᐊᔅᒋᔪᐤ;
\q2 ᒐ ‍ ᒪᒧᐧᑲᑭᓄᐅᒡ ᐛᒋ ‍ ᒥᓴᒡ ᐊᔅᒋᔾ, ᒋ ‍ ᒥᔭᑭᓄᐅᒡ ᐊᓂᔭ ᐊᔅᒋᔪᐤ ᑲ ‍ ᓂᑲᓂᔅᑲᒐᔨᒋ ᒋᐸ ‍ ᒥᔭᑭᓄᐎᐱᓂ᙮,
\q1 ᑲᐊᑦ ᐊ ‍ ᐃᑎᔅᑲᓇᓯᒡ ᒋ ‍ ᓂᓇᐃᑎᒺᐅᒡ ᑎᐸᔨᒋᒐᓱᐛ ᐅᑦ ᐃᑎᓱᐛᐅᓂᔨᐛ ᑭᔭ ᐊᓂᔭ ᒐᒂᔪᐛ
\q2 ᑲ ‍ ᐎᔭᔨᑎᒥᔨᒋ ᒐᐸ ‍ ᐃᑐᑎᒧᒡ᙮
\b
\q1
\v 22 ᐊᐅᑯᔪᐤ ᐅᔭ ᐊ ‍ ᐃᑎᒂᐤ ᑕᐊᓐ ᐊ ‍ ᐃᑎᔅᑲᓇᓯᒡ:
\q1 ᒧᔭᒻ ᒥᓯᐱᓯᔅᒐ ᐃᑕᔨᑕᑯᓱᐅᒡ ᑕᐊᓐ ᐊ ‍ ᐃᑎᔅᑲᓇᓯᒡ ᐃᔪᒡ;
\q2 ᐅᐛᑎᑯᐛᒡ ᐅᒋ ᒂᔅᑯᑐᐅᒡ ᐊᓐᑕ ᐸᓴᓐ ᐊᔅᒋᒡ ᒐᒋ ᑯᓯᒂᔨᒧᑐᐛᒡ ᑲ ‍ ᐱᒂᑎᑯᒡ᙮
\b
\q1
\v 23 ᐊᐅᑯᔪᐤ ᐅᔭ ᐊ ‍ ᐃᑎᒂᐤ ᓇᑉᑕᓕ ᐊ ‍ ᐃᑎᔅᑲᓇᓯᒡ:
\q2 ᒋ ‍ ᓱᐛᔨᑕᑯᐃᑯᐅᒡ ᑎᐸᔨᒋᒐᓱᐛ ᓇᑉᑕᓕ ᐊ ‍ ᐃᑎᔅᑲᓇᓯᒡ ᐃᔪᒡ, ᐊᓂᔭ
\q1 ᒋᒋᐛ ᑲ ‍ ᒋᓴᐛᑐᑕᑯᒡ
\q1 ᐛᔪᐤ ᐃᔅᐱᓴᔪᐤ ᐅᑦ ᐊᔅᒋᐛᐤ ᓴᐅᓄᑕᒡ ᑲᓕᓕ ᓴᑲᐃᑭᓂᒡ ᐅᒋ᙮
\b
\q1
\v 24 ᐊᐅᑯᔪᐤ ᐅᔭ ᐊ ‍ ᐃᑎᒂᐤ ᐊᓯᕐ ᐊ ‍ ᐃᑎᔅᑲᓇᓯᒡ:
\q2 ᑭᒪ ᑎᐸᔨᒋᒐᓱᐤ ᐊᑎᑐᐤ ᓱᐛᔨᑕᑯᐛᐊᑦ ᐊᓯᕐ ᐊ ‍ ᐃᑎᔅᑲᓇᓯᔨᒋ᙮ ᐃᔅᐱᔅ ᒐ ᐃᓯ ‍ ᓱᐛᔨᑕᑯᐛᐊᑦ
\q1 ᑯᑎᑲ ᐊ ‍ ᐃᑎᔅᑲᓇᓯᔨᒋ
\q2 ᑭᒪ ᒋᒋᐛ ᐃᑕᔨᒪᑦ ᐊᓯᕋ ᐅᑦ ᐊᓂᔅᑯᑕᐸᓂᔨᐛ᙮
\q1 ᓂ ‍ ᐱᑯᓴᔨᑎᒺᓐ ᒐᒋ ‍ ᓴᑭᔅᒋᓇᔨᒋ ᐊᓕᑉ ᒥᔅᑎᒂ ᐊᓐᑕ ᐅᑦ ᐊᔅᒋᐛᒡ ᒐ ‍ ᓂᑕᐅᒐᐊᒡ
\q2 ᒥᒐᑦ ᐅᓕᐸ ᒐᒋ ᐅᓯᐊᒡ ᐊᓕᑉ ᐱᒥᔭ᙮
\q1
\v 25 ᒋᑭ ‍ ᑭᓄᐛᔨᑕᑭᓄᐅᐛ ᒋᐅᑕᓇᒧᐛᐛ ᐊ ‍ ᐃᔅᐸᓇᔨᒋ ᐊᔅᑎᒥᑎᒐ ᐊᓯᒡ ᐃᔎᑕᒪ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᒄ ᑭᔭ ᐃᔨᓴᑯᒡ ᐊ ᐅᒋ ‍ ᐅᓯᑕᑭᓄᐅᒡ᙮
\q2 ᓂᑦ ᐊᔅᐸᔨᒧᓐ ᒐ ‍ ᓱᐧᑲᑎᓯᒡ ᑭᔭ ᓇᑭᑐᐛᔨᒪᑭᓄᐅᒡ ᒐ ‍ ᐃᔅᐱᔅ ᐱᒪᑎᓯᒡ᙮
\b
\q1
\v 26 ᒋᔨᐛᐤ ᐃᔅᕋᐃᓪ ᐃᔪᒡ, ᓇᒥᑕᐤ ᑯᑎᒃ ᒪᓂᑐᐤ ᐊᑕᔨᑕᑯᓯᑦ ᒋᒋᓴᒪᓂᑐᒧᐛᐤ
\q2 ᐊᓐ ᐊ ‍ ᐱᒥᐸᑕᑦ ᒋᓯᑯᒡ ᒐᒋ ‍ ᐎᒋᐃᑕᒄ᙮
\q1
\v 27 ᐊᓐ ᒋᓴᒪᓂᑐᐤ, ᑲᒋᒡ ᐸᒪᑎᓯᑦ, ᐊᐅᑯᓐ ᑲᓄᐛᔨᒥᑕᒄ
\q1 ᒧᔭᒻ ᐊᔅᑕᑦ ᑲᒋᒡ ᐅᔅᐱᑐᓐ ᓴᒄ ᐊ ‍ ᑕᐛᒄ ᒐᒋ ᐎᒋᐃᑕᒄ᙮
\q2 ᒋᑭ ‍ ᐃᑲᑎᓴᐛᐤ ᑲ ‍ ᐱᒂᑎᑕᑯᐤ ᒪᒂᒡ ᒐ ᐊᑎ ‍ ᐱᒧᑕᔭᒄ᙮
\q1
\v 28 ᐊᑯ, ᒋᔨᐛᐤ ᐃᔅᕋᐃᓪ ᐃᔪᒡ ᒋᑭ ‍ ᒋᔭᒪᐤ ᐱᒪᑎᓯᓇᐛᐤ;
\q2 ᒋᔨᐛᐤ ᒐᑭᑉ ᐅᑦ ᐊᓇᔅᑯᑕᐸᓇ ᓇᒪ ᒋᑭ ‍ ᐊᔨᒥᐧᑲᑯᐛᐅᒡ ᑯᑎᑭᒡ;
\q2 ᐊᓐᑕ ᐊᔅᒋᒡ ᒐ ‍ ᐎᒋᔭᒄ, ᒋᑭ ‍ ᐛᔪᑎᓇ ᐸᒂᓯᑭᓂᓇ ᑭᔭ ᓱᒥᓇᐳᔾ,
\q2 ᑭᔭ ᒋᑭ ‍ ᐛᔪᑎᓐ ᐊ ‍ ᒋᒺᒡ᙮
\q1
\v 29 ᒋᔨᐛᐤ ᐃᔅᕋᐃᓪ ᐃᔪᒡ, ᑎᐸᔨᒋᒐᓱᐤ ᔅᒋ ‍ ᓱᐛᔨᑕᑯᐎᑯᐛᐤ,
\q1 ᑕᑈ ᓇᒪ ᑕᐅᒡ ᑯᑎᑭᒡ ᐊ ‍ ᐃᑎᔅᑲᓇᓯᒡ ᒧᔭᒻ ᒋᔨᐛᐤ,
\q2 ᐊᓐ ᑎᐸᔨᒋᒐᓱᐤ ᑲ ‍ ᐱᐧᑯᒋᔨᑕᒄ ᐃᒋᑉᑎᒡ ᐅᒋ ᑲ ‍ ᐅᑦ ‍ ᐊᐱᒋᐊᑭᓄᐎᔭᒄ᙮
\q1 ᒧᔭᒻ ᐊᑯᓇᓱᐛᑭᓐ ᒋᑭ ‍ ᐃᑕᔨᑕᑯᓱᐤ ᒐᒋ ᑭᓄᐛᔨᒥᑕᒄ
\q2 ᑭᔭ ᒧᔭᒻ ᓂᑐᐱᔪᐅ-ᒧᐧᑯᒪᓐ ᒐᒋ ᐅᒋ ᓴᐧᑯᒋᐊᑯᒡ ᑲ ‍ ᐱᒂᑎᑕᑯᒡ᙮
\q1 ᑲ ‍ ᐱᒂᑎᑕᑯᒡ ᒋᑭ ‍ ᓂᑐᐛᐱᒥᑯᐛᐅᒡ ᒐᒋ ᐱᑯᓴᔨᒥᑕᑯᒡ ᒐᒋ ᒋᔅᑎᒪᒐᔨᒪᑯᒡ
\q2 ᒥᒄ ᒋᑭ ‍ ᑕᑕᐧᑯᔅᑲᑕᐛᐅᒡ ᐅᔅᐱᔅᑯᓄᐛᐛᒡ᙮”
\c 34
\s1 ᑲ ‍ ᐳᓂᐱᒪᑎᓯᑦ ᒧᓱᔅ
\s2 Deuteronomy 34.1-12 (Proper-25 Year A)
\p
\v 1 ᒧᓱᔅ ᒪᒃ ᐊ ‍ ᑕᐱᔅᑯᒐᐃᒡ ᒧᐊᐱᒡ ᒋ ᐅᒋ ‍ ᔅᑐᑕᐤ ᐱᔅᑲ ᐱᔅᑯᑎᓇᐛ ᓂᔭᑕᐧᒃ, ᒂ ‍ ᑯᔅᐸᒪᒋᐛᑦ ᑕᐧᑯᑕᐱᔅᒃ ᓂᐳ ᐱᔅᑯᑎᓇᒡ, ᑎᐱᔅᑯᒡ ᒐᕆᑯᐤ ᑲ ‍ ᑎᒂᒡ᙮ ᑎᐸᔨᒋᒐᓱᐤ ᒪᒃ ᒋ ‍ ᐛᐸᑎᔭᐤ ᒥᓯᐛ ᑭᓕᐊᑦ ᐊᔅᒋᔪᐤ, ᐃᔅᐱᔅ ᑕᐊᓐ,
\v 2 ᑭᔭ ᒥᓯᐛ ᓇᑉᑕᓕ, ᑭᔭ ᐃᑉᕋᐃᒻ ᐊᔅᒋᔪᐤ, ᑭᔭ ᒪᓇᓴ, ᑭᔭ ᒥᓯᐛ ᒍᑕ ᐊᔅᒋᔪᐤ, ᐊᔎᔭᔨᒡ ᐎᓂᐸᒄ ᐃᔅᐱᔅ,
\v 3 ᑭᔭ ᓴᐅᓄᑕᒡ, ᑭᔭ ᒪᔅᒐᒃ ᐊ ‍ ᐱᓴᔨᒡ ᒐᕆᑯᐤ, ᑭᔭ ᐸᒻ ᒥᔅᑎᑯᒡ ᐃᑕᐅᓂᔪᐤ, ᓱᐊᕐ ᐃᔅᐱᔅ᙮
\v 4 ᑎᐸᔨᒋᒐᓱᐤ ᒪᒃ ᒋ ‍ ᐃᑕᐤ, “ᐊᐅᑯᐤ ᐅᒪ ᐊᔅᒋᔾ ᑲ ‍ ᐊᓱᑎᒧᐅᒂᐤ ᐊᑉᕋᐊᒻ, ᐊᐃᓯᒃ, ᑭᔭ ᒐᑭᑉ, ᑲ ‍ ᐃᔅᒋᔄᔭᓐ, ᓂᑭ ‍ ᒥᔽᐅᒡ ᒋᑦ ᐊᐛᓯᒧᐛᐅᒡ: ᔅᒋ ‍ ᐃᑐᑕᑎᓐ ᒐᒋ ᐛᐸᑎᒥᓐ ᒋᔅᒋᓯᑯᒡ ᐅᒡ, ᒥᒄ ᒪᒃ ᓇᒪ ᒋᑭ ᐅᑎᑕᓐ᙮”
\p
\v 5 ᑭᔭ ᒧᓱᔅ, ᑎᐸᔨᒋᒐᓱᐤ ᐅᑦ ᐊᑐᔅᒐᔭᑭᓇ, ᐊᑯᑕ ᑈᓂᐱᒪᑎᓯᑦ ᒧᐊᑉ ᐊᔅᒋᒡ, ᒧᔭᒻ ᑲᒋ ‍ ᐃᑎᑯᑦ ᑎᐸᔨᒋᒐᓱᐛ᙮
\v 6 ᒋ ‍ ᓇᐃᐧᑯᐛᑭᓄᐤ ᒪᒃ ᐊᓐᑕ ᐊ ‍ ᐱᓴᔨᒡ ᒧᐊᑉ ᐊᔅᒋᒡ ᑎᐱᔅᑯᒡ ᐸᑦ-ᐱᐅᕆᒡ: ᒪᒃ ᓇᒪᐎᔾ ᐊᐛᓐ ᒋᔅᒐᔨᑎᒺᐤ ᐅᓂᒂᔅᑲᓂᔪᐤ ᐊᓄᒡ ᐊ ‍ ᒋᓯᑲᔨᒡ᙮
\v 7 ᒧᓱᔅ ᒪᒃ ᐸᐃᑯ ᒥᑕᓯᒥᑎᓄᐤ ᐊᓱ ᓂᓱᔪᐤ ᒋ ‍ ᑕᑐᐤ ᐱᐳᓇᓱᐤ ᐃᔅᐱ ᑈᓂᐱᒪᑎᓯᑦ: ᓇᒪᐎᔾ ᒋ ‍ ᐅᓯᑲᐳᐤ, ᓇᒪ ᑭᔭ ᐅᒥᔅᑯᐅᓯᐅᓐ ᒋ ‍ ᐎᐎᐱᔪᐤ᙮
\v 8 ᐊᓐᒡ ᐃᔅᕋᐃᓪ ᐃᔪᒡ ᒋ ‍ ᒧᔎᑕᐅᒡ ᒧᓱᓴ ᐊᓐᑕ ᒧᐊᑉ ᒥᔅᒐᑯᒡ ᓂᔅᑐᔪᐛ ᒋᓯᑲᐛ: ᐊᑯ ᐳᓂᐸᔨᒡ ᐊᓂᔭ ᒋᓯᑲᐛ ᐊ ‍ ᒧᔎᑕᒡ ᒧᓱᓴ᙮
\p
\v 9 ᒐᓱᐛ ᒪᒃ ᓇᓐ ᐅᑯᓯᓴ ᒋ ‍ ᓴᑭᔅᒋᓇᔅᑲᑯᐤ ᑭᒐᑕᐛᔨᑎᒧᐅ-ᐊᒐᒂ; ᐛᔅ ᒋ ‍ ᓴᓴᒥᓂᑯᑯᐱᓇ ᒧᓱᓴ: ᒋ ‍ ᓂᑐᑕᑯᐤ ᒪᒃ ᐊᓂᔭ ᐃᔅᕋᐃᓪ ᐃᔪᐛ ᑭᔭ ᒋ ‍ ᐃᑐᑎᒥᔪᐛ ᑎᐸᔨᒋᒐᓱᐤ ᑲ ‍ ᐃᑎᓱᐛᑕᑦ ᒧᓱᓴ᙮
\p
\v 10 ᓇᒪᐎᔾ ᒪᒃ ᒋ ‍ ᐅᒋᐤ ᐅᒋᔅᒋᐛᐃᒐᐤ ᐃᔅᕋᐃᓕᒡ ᒧᔭᒻ ᒧᓱᓴ, ᐊᓂᔭ ᑎᐸᔨᒋᒐᓱᐤ ᐅᑎᔅᑯᐤ ᑲ ‍ ᐃᔨᒪᐊᑦ;
\v 11 ᒥᓯᐛ ᐊᓂᔭ ᒋᔅᒋᓄᐛᒋᒋᑭᓇ ᑭᔭ ᒪᒥᔅᑲᒡ-ᐃᑐᐅᓇ, ᑎᐸᔨᒋᒐᓱᐤ ᑲᒋ ‍ ᐃᑎᓴᐛᑦ ᒧᓱᓴ ᒐᒋ ᐃᑐᑐᐛᔨᒋ ᐸᕈᐛ, ᐊᓐᑕ ᐃᒋᑉᑦ ᐊᔅᒋᒡ, ᑭᔭ ᒥᓯᐛ ᐅᑦ ᐊᑐᔅᒐᔭᑭᓂᔪᐛ, ᑭᔭ ᒥᓯᐛ ᐅᑦ ᐊᔅᒋᔪᐤ;
\v 12 ᑭᔭ ᓇᒪ ᐅᒋ ᑕᐤ ᑯᑎᒃ ᐅᒋᔅᒋᐛᐃᒐᓱᐤ ᒐᒋ ᐃᑐᑕᐧᒃ ᒋᒋᐛ ᓱᐧᑲᑎᓯᐅᓇ ᑭᔭ ᑲ ‍ ᑯᔅᑕᑕᔨᑕᒂᓂᔨᒡ ᒐᒂᔪᐛ ᒧᔭᒻ ᒧᓱᔅ ᑲ ‍ ᑐᑕᐧᒃ ᐊ ‍ ᑭᓄᐛᐱᒥᑯᑦ ᒥᓯᐛ ᐃᔅᕋᐃᓪ ᐃᔪᐛ᙮
\id JOS Amanda 16 Apr 2013
\h ᒐᓱᐛ
\toc3 ᒐᓱᐛ
\toc2 ᒐᓱᐛ
\toc1 ᒐᓱᐛ
\mt ᒐᓱᐛ
\c 1
\s1 ᒐᒂᔪᐤ ᑲ ᐃᑎᓱᒪᑦ ᑎᐸᔨᒋᒐᓱᐤ ᒐᓱᐛᔨᒋ
\p
\v 1 ᑲᒋ ‍ ᐳᓂᐱᒪᑎᓯᑦ ᒧᓱᔅ, ᑎᐸᔨᒋᒐᓱᐤ ᐅᑦ ᐊᐱᒋᐊᑭᓇ, ᑎᐸᔨᒋᒐᓱᐤ ᒋ ‍ ᐃᑕᐤ ᒐᓱᐛᔨᒋ ᓇᓐ ᐅᑯᓯᔨᐛ, ᐊᓂᔭ ᒧᓱᔅ ᑲ ‍ ᐎᒋᔨᑯᑦ,
\v 2 “ᓴᔅ ᐳᓂᐱᒪᑎᓯᐤ ᒧᓱᔅ᙮ ᒋᔾ ᑭᔭ ᒥᓯᐛ ᐃᔅᕋᐃᓪ ᐃᔪᒡ ᒐ ‍ ᐃᔭᔅᑯᐃᔭᒄ ᒐᒋ ᐊᓱᐛᐊᒪᒄ ᐊᓐ ᒠᕐᑕᓐ ᓯᐱᔾ᙮ ᒐ ‍ ᐱᒐᔭᒄ ᐊᓐᑕ ᐊᔅᒋᒡ ᑲ ‍ ᒥᔨᑎᑯᒡ᙮
\v 3 ᒋᑭ ‍ ᒥᔨᑎᓇᐛᐤ ᐊᔅᒋᔾ ᐊᓐᑕ ᒥᓯᐛ ᒐ ᐊᑎ ‍ ᐃᑐᑕᔭᒄ ᒧᔭᒻ ᑲ ᐃᓯ ‍ ᐊᓱᑎᒧᐅᒄ ᒧᓱᔅ᙮
\v 4 ᐸᐧᑯᑎᔅᑭᒥᑲᒡ ᐊᓐᑕ ᓴᐅᓄᒡ ᒋᑭ ᐅᒋ ‍ ᒋᒋᐱᔪᐤ ᐊᓐ ᐊᔅᒋᔾ ᑭᔭ ᓚᐸᓇᓐ ᐱᔅᑯᑎᓇᐛ ᐃᔅ ᐊᓐᑕ ᒋᐛᑎᓄᓯᒡ ᐃᔅᐱᔅ ᔪᑉᕆᑎᔅ ᓯᐱᔾ ᐊᓐᑕ ᒋᓴ ‍ ᒋᐛᑎᓄᒡ, ᑭᔭ ᒥᑎᑐᕋᓂᔭᓐ ᐎᓂᐸᑯᒡ ᐃᔅᐱᔅ ᐊᓐᑕ ᐊᑎᒪᐱᓯᒧᒡ, ᐊᓯᒡ ᒥᓯᐛ ᐊᔅᒋᔾ ᐊᑦ ᐃᔪᒡ ᐅᑦ ᐊᓂᔅᑯᑕᐸᓄᐛᐛ ᐛᒋᔨᒋ᙮
\v 5 ᓇᒪ ᒋᑭ ‍ ᑕᐅᒡ ᐊᐛᓐᒋ ᒐ ‍ ᓴᑯᐃᔅᒡ ᒐ ᐃᔅᐱᔅ ‍ ᐱᒪᑎᓯᔨᓐ᙮ ᒋᑭ ‍ ᐎᒋᔨᑎᓐ ᒧᔭᒻ ᑲ ‍ᐃᓯ ‍ ᐎᒋᔨᒄ ᒧᓱᔅ᙮ ᓇᓂᑎᒻ ᓂᑭ ‍ ᐃᔨᑕᓐ ᐊᑕᔨᓐ; ᓇᒪ ᓂᑕ ᒋᑭ ‍ ᓂᑭᑎᑎᓐ᙮
\p
\v 6 ᐎ ‍ ᓱᒋᓯ ᑭᔭ ᒐ ‍ ᓱᒋᑕᐊᔨᓐ, ᐛᔅ ᒋᔾ ᒋᑭ ‍ ᓂᑲᓄᑕᐅᒡ ᐅᒡ ᐃᔅᕋᐃᓪ ᐃᔪᒡ ᑭᔭ ᒐ ‍ ᑐᑐᐅᑥᐤ ᒐᒋ ᐅᑎᓇᒡ ᐅᔭ ᐊᔅᒋᔪᐤ ᑲ ᐃᓯ ‍ ᒋᒋ ‍ ᐊᓱᑎᒧᐅᒥᒋ ᐅᑦ ᐊᓂᔅᑯᑕᐸᓄᐛᐛ ᒐ ‍ ᒥᔨᒥᒋ᙮
\p
\v 7 ᒐ ᐎ ‍ ᓱᒋᓯᔨᓐ ᑭᔭ ᓇᔅᒡ ᒐ ‍ ᓱᒋᑕᐊᔨᓐ᙮ ᔭᐃᑕᔾ ᒐ ‍ ᓂᓇᐃᑎᒥᓐ ᒥᓯᐛ ᐎᓱᐛᐅᓇ ᓂᑦ ᐊᑐᔅᒐᔭᑭᓐ ᒧᓱᔅ ᑲ ᒥᔨᔅᒃ᙮ ᒐᒋ ᐅᒋ ‍ ᒥᔪᐱᔨᓐ ᒥᓯᐛ ᒐᐸ ᒋ ‍ ᐃᑐᑕᐅᓇ, ᒐ ᐊᑲ ᐳᓂᔨᓐ ᐊ ‍ ᓂᓇᐃᑎᒥᓐ ᐛᐛᒡ ᐸᐃᒄ ᐊᑕᑎᒋ᙮
\v 8 ᔭᐃᑕᔾ ᓇᓂᑎᒻ ᒐ ‍ ᐃᔨᒥᑐᑥᐤ ᐃᔪᒡ ᐱᔅᒐ ᐎᓱᐛᐅᓇ ᒋᓴᒪᓂᑐᐤ ᑲ ‍ ᒥᔭᑦ ᒧᓱᓴ᙮ ᒐ ‍ ᒪᒥᑐᓇᔨᑎᒥᓐ ᐅᔭ ᐎᓱᐛᐅᓇ ᐊᓯᑯᒻ ᒋᓯᑲᐛ ᑭᔭ ᐊᓯᑯᒻ ᑎᐱᔅᑲᐛ᙮ ᔭᐃᑕᔾ ᒐ ‍ ᓂᓇᐃᑎᒥᓐ ᒥᓯᐛ ᐎᓱᐛᐅᓇ᙮ ᑐᑎᒥᓇ ᐅ, ᒋᑭ ‍ ᒥᔪᐱᔨᓐ ᒥᓯᐛ ᒐᒂᓐ ᒐ ‍ ᐃᑐᑎᒥᓐ᙮
\v 9 ᒐ ᐊᑲ ‍ ᐅᓂᒋᔅᒋᑎᒥᓐ ᑲ ‍ ᐃᑎᓱᒥᑕᓐ ᒐᒋ ᓱᒋᓯᔨᓐ ᑭᔭ ᒐᒋ ᓱᒋᑕᐃᔨᓐ᙮ ᒐ ᐊᑲ ‍ ᑯᔅᑕᒋᔨᓐ, ᑭᔭ ᒐ ᐊᑲ ‍ ᐱᒋᑕᔨᒧᐎᓐ᙮ ᐛᔅ ᓂᔾ, ᑎᐸᔨᒋᒐᓱᐤ ᒋᒋᓴᒪᓂᑐᒻ, ᒥᓯᐛ ᓂᑭ ‍ ᐃᑕᓐ ᐊᓐᑕ ᒐ ‍ ᐃᑐᑕᔨᓐ᙮”
\p
\v 10 ᐊᑯ ᒐᓱᐛ ᐊᑕᑦ ᑲ ‍ ᓂᑲᓂᔅᑯᐛᔨᒋ ᐃᔅᕋᐃᓪ ᐃᔪᐛ,
\v 11 “ᒥᓯᐛ ᐃᑐᑕᒄ ᐊᓐᑕ ᐛᒋᓇᓄᐅᒡ ᑭᔭ ᒐ ‍ ᐎᑎᒧᐛᑯᒡ ᐃᔪᒡ ᐅᔭ: ‘ᒐ ‍ ᐃᔭᔅᑯᔅᑕᔭᒄ ᒥᓯᐛ ᒥᒋᒻ ᒐ ‍ ᔅᑐᑕᔭᒄ, ᐛᔅ ᐅᓱᐛᐸᒐ ᒋᑭ ‍ ᐊᓱᐛᐊᓇᐛᐤ ᐅ ᒠᕐᑕᓐ ᓯᐱᔾ, ᒐᒋ ᐅᑎᓂᒺᒄ ᐊᓂᔭ ᐊᔅᒋᔪᐤ ᑎᐸᔨᒐᓱᐤ ᒋᒋᓴᒪᓂᑐᒧᐛᐤ, ᐛ ‍ ᒥᔨᑕᒄ᙮’ ”
\s1 ᒐᒂᔪᐤ ᑲ ‍ ᐃᑎᓱᒪᑦ ᒐᓱᐛ ᐛᐱᓄᑕᒡ ᐊ ‍ ᐃᑎᔅᑲᓇᓯᔨᒋ
\p
\v 12 ᒥᒄ ᐊᓂᔭ ᕈᐱᓐ ᐅᑦ ᐊᓂᔅᑯᑕᐸᓂᔨᐛ ᑭᔭ, ᑲᑦ ᐃᔪᐛ, ᑭᔭ ᑕᑕᐅᒡ ᒪᓇᓴ ᐊ ‍ ᐃᑎᔅᑲᓇᓯᔨᒋ, ᒐᓱᐛ ᒋ ‍ ᐃᑕᐤ,
\v 13 “ᒐ ᐊᑲ ‍ ᐅᓂᒋᔅᒋᑎᒺᒄ ᒧᓱᔅ, ᑎᐸᔨᒋᒐᓱᐤ ᐅᑦ ᐊᑐᔅᒐᔭᑭᓇ, ᑲ ‍ ᐃᑎᓱᒥᑕᒄ, ‘ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᒋᒋ ‍ ᒥᔨᑯᐛᐤ ᐅᔭ ᐊᔅᒋᔪᐤ ᒐᒋ ᐎᒋᔭᒄ ᐅᑕ ᒋᔭᒪᔨᑎᒧᐅᓂᒡ᙮’
\v 14 ᒋᐅᐛᐅᒡ, ᑭᔭ ᒋᑦ ᐊᐛᓯᒧᐛᐅᒡ ᑭᔭ ᒋᑦ ᐊᐛᓯᓯᒧᐛᐅᒡ ᒋᑭ ‍ ᐃᑕᐅᒡ ᐅᑕ ᐊᔅᒋᒡ ᐊᓐᑕ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᒡ, ᒥᒄ ᒥᓯᐛ ᒋᓯᒪᑭᓂᓯᒧᐛᐅᒡ ᒋᑭ ᐎ ‍ ᐊᓱᐛᐊᒧᒡ ᓯᐱᔪᐤ ᐊ ‍ ᓂᑲᓂᔅᑯᐛᒡ ᑯᑎᑲ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᒋᑭ ᐎ ‍ ᐊᔅᑐᑕᐅᒡ ᐅᓂᑐᐱᔪᐅ-ᐊᐱᒋᑕᐅᓄᐛᐛ᙮ ᒋᑭ ᐎ ‍ ᐎᒐᐛᐅᒡ ᒋᐧᑲᓂᓱᐛᐅᒡ,
\v 15 ᐃᔅᐱᔅ ᑎᐸᔨᒋᒐᓱᐤ ᒥᔭᒐ ᐊᔽᓯᐅᓂᔪᐤ ᒧᔭᒻ ᑲ ᐃᓯ ‍ ᑐᑎᒪᔅᒄ, ᑭᔭ ᐸᑐᔅ ᐊᓐᒡ ᐃᔪᒡ ᑎᐸᔨᑎᑥᐛ ᐊᓂᔭ ᐊᔅᒋᔪᐤ ᒋᓴᒪᓂᑐᐛ ᑲ ‍ ᒥᔨᑯᒡ᙮ ᐊᑯ ᒐ ‍ ᐃᑐᑕᔭᒃ ᐊᓐᑕ ᒋᑦ ᐊᔅᒋᐛᒡ ᑎᐸᔨᒋᒐᓱᐤ ᑲ ‍ ᒥᔨᑕᒄ ᐊᓐᑕ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᒡ᙮”
\p
\v 16 ᒂ ‍ ᐃᑎᑯᑦ ᐃᔪᐛ ᒐᓱᐛ, “ᓂᑭ ‍ ᑐᑕᓇᓐ ᒥᓯᐛ ᒐᒂᓐ ᐊ ‍ ᐃᑎᓱᒥᔭᒡ ᒐᒋ ᑐᑎᒪᒡ ᑭᔭ ᒥᒄ ᑕᓐᑕ ᐛ ‍ ᐃᑎᓴᐅᔭᒡ ᓂᑭ ‍ ᐃᑐᑕᓇᓐ᙮
\v 17 ᒧᔭᒻ ᑲ ᐃᓯ ‍ ᓇᐃᑎᒧᐅᒋᒡ ᒥᓯᐛ ᒐᒂᔪᐤ ᑲ ‍ ᐃᑎᓱᒥᔨᒥᑦ ᒧᓱᔅ, ᑭᔭ ᒋᔾ ᒋᑭ ‍ ᓂᓇᐃᑕᑎᓇᓐ ᒥᓯᐛ ᐊ ‍ ᐃᔅᒋᔭᒡ ᒐ ‍ ᑐᑎᒪᒡ᙮ ᓂ ‍ ᓂᑐᑎᒪᓇᓐ ᒐᒋ ᐃᑕᑦ ᑎᐸᔨᒋᒐᓱᐤ ᐊᓐᑕ ᐊ ‍ ᑕᐅᑦ ᒧᔭᒻ ᑲ ᐃᓯ ‍ ᐃᑕᑦ ᒧᓱᓴ ᐊ ‍ ᐃᑕᔨᒋ᙮
\v 18 ᒥᒄ ᐊᓐ ᐊᐛᓐ ᐊ ‍ ᐊᑐᐛᔨᒥᔅᒃ ᑭᔭ ᐊ ᐊᑲ ‍ ᓂᓇᐃᑕᐧᒃ ᒐᒂᔪᐤ ᐊ ‍ ᐃᑎᓱᐛᐅᑦ, ᒋᑭ ‍ ᓂᐸᐊᑭᓄᐤ᙮ ᒥᒄ ᒐ ᐎ ‍ ᓱᒋᓯᔨᓐ ᑭᔭ ᒐ ᐎ ‍ ᓱᒋᑕᐊᔨᓐ !”
\c 2
\s1 ᑕᓐ ᑲ ᐃᓯ ‍ ‍ᐎᒋᐊᑦ ᕋᐊᑉ ᐃᔅᕋᐃᓪ ᒋᒧᓴᐳᐤ ᐃᔪᐛ
\p
\v 1 ᐊᑯ ᒐᓱᐛ ᓇᓐ ᐅᑯᓴ ᒂ ‍ ᐎᔭᔨᒪᑦ ᓂᓱ ᓇᐸᐛ ᐊᓐᑕ ᑲ ‍ ᒪᓂᑲᓱᐅᒡ ᐊᑲᔅᒋᐊ ᐅᒋ᙮ ᒂ ᐃᑕᑦ, “ᐊᓱᐛᐊᒥᒄ ᒠᕐᑕᓐ ᓯᐳ ᑭᔭ ᒋᒧᑦ ᒐ ‍ ᓇᓂᑐ ᑭᔅᒐᔨᑎᒪᒄ ᒥᒄ ᐊᔅᐱᔅ ᒋ ‍ ᑐᑎᒪᒄ ᐊᓐ ᐊᔅᒋᔾ ᒂᔅᑕᒐᑲᒻ ᓯᐱᒡ, ᐊᓯᒡ ᒐᕆᑯᐤ ᐅᑕᓇᐤ᙮” ᐊᑯ ᒂ ‍ ᐊᓱᐛᐊᒡ ᓯᐱᔪᐤ ᐊ ‍ ᓂᓯᒡ ᓇᐸᐅᒡ ᑭᔭ ᑲ ‍ᑕᑯᓯᓂᒡ ᐊᓐᑕ ᒐᕆᑯᔨᒡ, ᒂ ᐱᒐᒡ ᐃᔎᐛ ᑲ ‍ ᑕᐛᒐᔨᒋ ᐎᔭᔪᐤ ᐎᒋᔨᒡ, ᕋᐊᑉ ᐊᓯᓂᐧᑲᑕᑭᓄᔨᒋ᙮ ᐊᑯᑕ ᑲᓂᐸᐛᒡ ᐎᒋᔨᒡ ᑕᐱᔅᑲᔨᒡ᙮
\p
\v 2 ᒥᒄ ᒋᐛᐱᒥᑯᐅᒡ ᐊᐛᔪᐛ ᑭᔭ ᒂ ‍ ᐎᑎᒧᐛᑦ ᒐᕆᑯᐤ ᒋᓴᐅᒋᒪᐛ, ᐱᔅᒐ ᐃᔅᕋᐃᓪ ᓇᐸᐅᒡ ᒋ ᑎᑯᓯᓄᐅᒡ ᒐᒋ ᒋᒧᑦ ᓇᓂᑐ ‍ ᒋᔅᒐᔨᑕᒡ ᐊᔅᒋᔪᐤ!”
\v 3 ᐊᑯ ᒋᓴᐅᒋᒪᐤ ᒂ ‍ ᐃᑎᓴᐛᑦ ᐅᐱᐸᒥᑎᓴᐛᑭᓇ ᒐᒋ ᐎᑎᒧᐛᔨᒋ ᕋᐊᐸ, “ᐸᓱᐅᒡ ᐊᓐᒡ ᓇᐸᐅᒡ ᑲᑎᑯᓯᒡ ᑭᔭ ᑲ ‍ ᐱᒐᒡ ᒋᒋᒡ, ᐊᑯ ᒐᒋ ᓂᐸᔨᒋᒡ ᐛᔅ ᒋ ‍ ᑎᑯᓯᓄᐅᒡ ᒐᒋ ᒋᒧᑦ ᓇᓂᑐ ‍ ᒋᔅᒐᔨᑕᒡ ᒥᓯᐛ ᐅᔭ ᐊᔅᒋᔪᐤ!”
\p
\v 4 ᒋ ᐎᑎᒧᐛᐤ ᐊᒋ ‍ ᐱᒐᔨᒋ ᐊᓂᔭ ᓂᓱ ᓇᐸᐛ ᐎᒋᒡ᙮ ᒥᒄ ᒋᑲᔭᐤ ᐊᓐᑕ ᐊᓂᔭ ᓂᓱ ᓇᐸᐛ᙮ ᐊᑯ ᐃᔅᐱ ᑲ ‍ ᐱᐸᒥᑎᓴᐛᑭᓄᐅᒡ ᑲ ‍ ᐃᑐᑕᔨᒋ ᐎᒋᒡ, ᒋ ‍ ᐃᑕᐤ, ‘‘ᓂᓱ ᓇᐸᐅᒡ ᒋ ‍ ᑎᑯᓯᓄᐅᒡ ᐅᑕ, ᒥᒄ ᓇᒪ ᓂ ‍ ᒋᔅᒐᔨᒪᐅᒡ ᑕᓐᑕ ᑲ ‍ ᐅᒋᒡ᙮
\v 5 ᐊᑎ ‍ ᑎᐱᔅᑲᔨᒡ, ᐊᒺᔭ ᒋ ‍ ᐸᐊᒡ ᑲᑭᓄᐛᐸᒐᒡ ᐅᑕᓇᒡ ᐃᔎᑕᒥᔪᐤ, ᒋ ‍ ᔅᑐᑕᐅᒡ ᐊᐊᓐᒡ ᓂᓱ ᐃᔅᕋᐃᓪ ᓇᐸᐅᒡ᙮ ᓇᒪ ᓂ ‍ ᒋᔅᒐᔨᒪᐅᒡ ᑕᓐᑕ ᐊᑐᑕᒡ᙮ ᐊᑯ, ᒋᔅᑲ ᒋᑐᑕᒄ ᑭᔭ ᒐ ᓇᓂᑐᐛᐱᒪᑯᒡ! ᒂᔄᓐ ᒋᑭ ‍ ᑲᔅᑎᓇᐛᐅᒡ!”
\v 6 ᒥᒄ ᒋᑭᑭᒋᔭᐤ, ᒋ ‍ ᐃᑐᑕᐊᐤ ᐊᓐᑕ ᐃᔅᐱᒥᒡ ᐎᒋᒡ ᑭᔭ ᒋ ‍ ᑲᔭᐤ ᐊᑯᓇᐛᑦ ᐛᐱᔅᑲᑭᓂᑭᓂᒡ ᐊᓐᑕ ᑲ ᐊᔅᑕᑦ ᐃᔅᐱᒥᒡ᙮
\v 7 ᒂ ‍ ᐎᐎᒡ ᑲ ᐱᐸᒥᑎᓴᐛᑭᓄᐅᒡ ᐅᑕᓇᔪᐤ ᒐᒋ ᓇᓂᑐᐛᐱᒪᒡ ᐊᓂᔭ ᓂᓱ ᓇᐸᐛ᙮ ᑎᐛᒡ, ᑲᑭᓄᐛᐸᒐᒡ ᒋᒋᐸᐊᒧᒡ ᐅᑕᓇᒡ ᐃᔎᑕᒥᔪᐤ᙮ ᒋ ᐊᑎ ‍ ᐳᒧᑕᐅᒡ ᐊᓐᒡ ᑲ ᐱᐸᒥᑎᓴᐛᑭᓄᐅᒡ ᐊᓂᔭ ᒪᔅᑭᓇᔪᐤ ᐊᑎᒧᐎᒡ ᐊᓐᑕ ᐛᒋ ‍ ᐊᓱᐛᐊᔨᑭᓄᐎᔨᒡ ᒠᕐᑕᓐ ᓯᐱᔪᐤ, ᒥᒄ ᓇᒪ ᐅᒋ ᒥᔅᑯᐛᐅᒡ ᐊᓂᔭ ᓂᓱ ᓇᐸᐛ᙮
\p
\v 8 ᐊᔅᒄ ᐊᑲ ᐱᒥᓯᓂᒡ ᐊᓐᒡ ᐃᔅᕋᐃᓪ ᓇᐸᐅᒡ ᒐᒋ ᓂᐸᒡ, ᕋᐊᑉ ᒋ ‍ ᓂᑐᐛᐱᒪᐤ ᐊᓐᑕ ᐃᔅᐱᒥᒡ ᐊ ‍ ᑕᔨᒋ
\v 9 ᒂ ‍ ᐃᑕᑦ, “ᓂ ‍ ᒋᔅᒐᔨᒪᐤ ᐛ ‍ ᒥᔨᑕᒄ ᑎᐸᔨᒋᒐᓱᐤ ᐅᔭ ᐊᔅᒋᔪᐤ ᒋᔨᐛᐤ ᐃᔅᕋᐃᓪ ᐃᔪᒡ, ᑭᔭ ᐅ ᐅᒋ ᒥᓯᐛ ᐃᔪᒡ ᐛᒋᒡ ᐅᑕ ᐊᔅᒋᒡ ᒋ ‍ ᑯᔅᑎᑯᐛᐅᒡ᙮
\v 10 ᓂᒋ ‍ ᐸᑕᓇᓐ ᑲ ᐃᓯ ‍ ᑎᐸᓇᐧᒃ ᑎᐸᔨᒋᒐᓱᐤ ᐊᓂᔭ ᒥᒂᑭᒥ ᐎᓂᐸᑯᔪᐤ ᒐᒋ ᐊᓱᐛᐊᒺᒄ ᐃᔅᐱ ᑲ ‍ ᔅᑐᑕᔭᒃ ᐊᓐᑕ ᐃᒋᑉᑎᒡ ᐅᒡ᙮ ᓂᒋ ‍ ᐸᑕᓇᓐ ᐃᔭᐱᒡ ᑲ ‍ ᓂᐸᐊᑯᒡ ᓯᐦᐅᓐ ᑭᔭ ᐅᒃ, ᐊᓐᒡ ᓂᓱ ᐊᒧᕆ ᐊ ‍ ᐃᑎᔅᑲᓇᓯᒡ ᐃᔪᒡ ᒋᓴᐅᒋᒪᐅᒡ ᑲ ‍ ᐅᒋᒡ ᐊᓐᑕ ᐛᐱᓄᑕᒡ ᒠᕐᑕᓐ ᓯᐱᒡ᙮
\v 11 ᓂᒋ ‍ ᓴᒋᓯᓇᓐ ᐃᔅᐱ ᑲ ‍ ᐸᑎᒪᒡ ᐅᔭ ᒐᒂᔪᐛ, ᓇᔅᒡ ᓂ ‍ ᐱᒋᑕᔨᒧᓇᓐ ᒋᔨᐛᐤ ᐅᒡ᙮ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᐊᐅᑯᓐ ᒋᓴᒪᓂᑐᐤ ᐊᓐᑕ ᒋᒋᒋᓯᑯᒡ ᑭᔭ ᐅᑕ ᐊᔅᒋᒡ᙮
\v 12 ᐊᑯ ᐊᓄᒡ ᒋ ‍ ᓂᑐᐛᔨᒥᑎᓐ ᒐᒋ ᐊᓱᑎᒧᐎᔨᓐ, ᑭᔭ ᒐ ‍ ᓂᑐᐛᔨᑎᒧᐅᑦ ᑎᐸᔨᒋᒐᓱᐤ ᒐᒋ ᐊᓏᔨᒥᔅᒃ ᐊ ᐊᑲ ᑐᑎᒥᓇ ᒐᒂᓐ ᑲ ‍ ᐊᓱᑎᒪᒐᔨᓐ᙮ ᒋᒋ ‍ ᐊᓱᑎᒧᐎ ᒐᒋ ᒥᔪᑐᑐᐅᔭᒡ ᓂᔾ ᑭᔭ ᐊᐸᐃᑯᔅᑲᓇᓯᔭᓐ, ᐛᔅ ᒋᒋ ‍ ᒥᔪᑐᑕᑎᓇᐛᐤ᙮
\v 13 ᑐᑕ ᒐᒂᓐ ᒐᒋ ᐅᒋ ᐛᐸᑎᔨᐛᔨᓐ ᒐ ‍ ᐱᒪᒋᐊᑥᐤ ᓄᑕᐎᔾ ᑭᔭ ᓂᑲᐎᔾ ᑭᔭ ᓂᐧᑲᓂᓯᒡ ᑭᔭ ᒥᓯᐛ ᐊ ᐃᓯ ‍ ᐸᐃᑯᔅᑲᓇᓯᒡ᙮ ᐊ ᐊᓱᑎᒧᐎ ᒋᔨᐛᐤ ᐃᔅᕋᐃᓪ ᐃᔪᒡ ᒐ ᐊᑲ ‍ ᓂᐸᐃᔭᒡ ᐃᔅᐱ ᓂᓱᐅᓇᒋᑕᔭᒂ ᐅ ᐅᑕᓇᐤ᙮”
\p
\v 14 ᒂ ‍ ᓂᔎᐛᓯᐊᒡ ᐊᓐᒡ ᓂᓱ ᓇᐸᐅᒡ, “ᓂᐱᑯᓴᔨᑕᓇᓐ ᒋᓴᒪᓂᑐᐤ ᒐ ‍ ᑐᑐᐛᔨᒥᑦ ᒐᒋ ᐳᓂᐱᒪᑎᓯᐅᒋᒡ ᐊ ᐊᑲ ᑐᑎᒪᒐ ᒐᒂᓐ ᐊ ‍ ᐃᔅᒋᔄᔭᒡ! ᐊᑲ ᐎᑎᒧᐅᑥᐛ ᑯᑎᑭᒡ ᒐᒂᔪᐤ ᐎᔭᔨᑎᒧᐅᒋᒡ ᒐ ‍ ᐃᑐᐅᒋᒡ, ᒋ ᑭ ‍ ᒥᔪᑐᑕᑎᓇ ᐃᔅᐱ ᑎᐸᔨᒋᒐᓱᐤ ᒥᔨᒥᒐ ᒐᒋ ᐅᑎᓂᒧᒋᒡ ᐅᔭ ᐊᔅᒋᔪᐤ᙮”
\p
\v 15 ᐸᐃᒄ ᐊᓂᔭ ᐊᔅᑎᒥᑎᒋᔪᐤ ᐊᓐᑕ ᑲ ᐎᒋᑦ ᕋᐊᑉ ᐎᐎᑎᒥᒡ ᐛᔅᑲ ᐊᔅᑎᒥᑎᒋᔪᐤ ᐊᓂᔭ ᐅᑕᓇᔪᐤ ᒋ ᐅᒋ ‍ ᒋᑭᒧᔪᐤ᙮ ᐊᑯ ᒋ ‍ ᐱᔅᑕᐱᒐᓂᒧᐛᐤ ᐊᐱᓯᔪᐤ ᐊᓐᑕ ᐛᒋ ‍ ᓴᒋᐛᐱᓇᓄᔨᒡ ᐊᓐᑕ ᒐᒋ ᐅᒋ ᓂᑎᒋᐛᔨᒋ ᐃᔅᕋᐃᓪ ᓇᐸᐛ᙮
\v 16 ᒂ ‍ ᐃᑕᑦ, “ᐃᔅᐱ ᓂᑭᑎᒪᒂ ᐅᑕᓇᐤ, ᒐ ‍ ᐃᑐᑕᔭᒄ ᐊᓐᑕ ᐊ ‍ ᐛᐛᑭᑕᐅᐧᑲᒡ ᐊᔅᒋᔾ ᐊᑯ ᒐ ᐊᑲ ᒋ ‍ ᒥᔅᑲᑕᑯᒡ ᐊᓐᒡ ᓇᐸᐅᒡ ᓂᓇᓂᑐᐛᐱᒥᑕᑯᒡ᙮ ᓂᔅᑐ ᒋᓯᑲᐛ ᐊᓐᑕ ᒐ ‍ ᑲᓱᔭᒄ ᐸᑐᔅ ᑲᐤ ᐅᑕ ᑎᑯᓯᓂᑕᐛ ᐊᓐᒡ ᑲ ‍ ᓇᓂᑐᐛᐱᒥᑕᑯᒡ ᓇᐸᐅᒡ᙮ ᐊᑯ ᑲᐤ ᒐᒋᐛᔭᒄ ᐊᓐᑕ ᐛᒋᔭᒄ᙮”
\p
\v 17 ᒂ ‍ ᒥᔭᒡ ᐊᓐᒡ ᓂᓱ ᓇᐸᐅᒡ ᐊ ᒥᒂᐸᑭᓂᔨᒡ ᐊᐱᓯᔪᐤ ᑭᔭ ᒂ ‍ ᐃᑕᒡ ᐊᓂᔭ ᕋᐊᐸ, “ ᐊᐅᑯᐤ ᒐ ‍ ᐎᔨᑎᔨᓐ, ᐊ ᐊᑲ ᑐᑎᒥᓇ ᐅ, ᓇᒪ ᓂᑭ ‍ ᓂᑐᐛᔨᑕᑯᓯᓇᓐ ᒐᒋ ᐃᑐᑎᒪᒡ ᐊᓐ ᒐᒂᓐ ᑲ ‍ ᐊᓱᑎᒪᒐᔭᒡ᙮
\v 18 ᒐ ‍ ᒪᑯᐱᑎᒥᓐ ᐅ ᐊ ‍ ᒥᒂᐸᑲᒡ ᐊᐱᔅ ᐊᓐᑕ ᐛᒋ ‍ ᓴᒋᐛᐱᓇᓄᐅᒡ ᐊᓐᑕ ᑲ ᐅᒋ ‍ ᓂᑎᒍᐛᔭᒡ᙮ ᒐ ᐊᑯᑕᔨᓐ ᐊᐱᔅ ᐊᓐᑕ᙮ ᒐ ‍ ᐃᑐᑕᔨᑥᐤ ᒋᑲᐎᔾ ᑭᔭ ᒍᑕᐎᔾ ᑭᔭ ᒋᐧᑲᓯᒡ ᑭᔭ ᒥᓯᐛ ᑯᑎᑭᒡ ᐊ ‍ ᐸᐃᑯᑕᐅᓯᔨᓐ ᐊᓐᑕ ᐱᑎᑭᒥᒡ ᒋᒋᒡ᙮ ᐊᑯ, ᐃᔅᐱ ᓂᑲ ᓂᑐᐱᔨᓯᒥᓇᓐᒡ ᐱᒐᑥᐛ ᒋᑦ ᐊᔅᒋᐛᒡ, ᓂᑭ ‍ ᐛᐸᑕᓇᓐ ᐊᓐ ᐊᐱᔅ, ᑭᔭ ᓇᒪ ᓂᑭ ‍‍ ᓂᐸᐊᓇᓐᒡ ᐊᐛᓐᒋ ᐊᑕᒡ ᐊᓐᑕ ᒥᒋᐛᐱᒡ᙮
\v 19 ᐊᐛᓐ ᐊᓐᑕ ᐊᐱᑯᔅᑲᓇᓯᔨᓐ ᐎᐎᒐ ᐅᔭ ᒥᒋᐛᐱᔪᐤ ᐎᔾ ᐊᓂᔭ ᒋᑭ ‍ ᐃᑐᑎᒻ ᒐᒋ ᓂᐸᐊᑭᓄᑦ, ᓂᒪᔭᐤ ᓂᔭᓐ ᒐ ‍ ᐊᑕᒪᔨᑕᑯᓯᔭᒡ᙮ ᐊᑯ ᐎᔭᔅᑐᑐᐛᑭᓄᒐ ᐊᐛᓐ ᐊᓐᑕ ᒥᒋᐛᐱᒡ, ᓂᔭᓐ ᓂᑭ ‍ ᐊᑕᒪᔨᑕᑯᓯᓇᓐ ᐊᓂᔭ ᐊᑐᑐᐛᑭᓄᐅᑦ᙮
\v 20 ᒥᒄ ᐎᑎᒥᓇ ᐛ ᐃᑎᔭᒡ, ᓇᒪ ᓂᑭ ‍ ᓂᑐᐛᔨᑕᑯᓯᓇᓐ ᒐᒋ ᐃᑐᑎᒪᒡ ᐊᓐ ᒐᒂᓐ ᑲ ‍ ᐊᓱᑎᒪᒐᔭᒡ᙮”
\p
\v 21 ᕋᐊᑉ ᐃᑕᐤ, “ᓂ ‍ ᑕᑈᑕᓐ ᒐᒂᓐ ᐊ ‍ ᐃᔅᒋᔄᔭᒄ᙮” ᐊᑯ ᒂ ‍ ᓂᑎᒍᐛᐱᔪᐅᒡ ᐊᐱᓯᒡ ᑭᔭ ‍ᒂ ᔅᑐᑕᒡ᙮ ᒋ ‍ ᒪᑯᐱᑎᒻ ᐊᒥᒂᔨᒡ ᐊᐱᓯᔪᐤ ᐊᓐᑕ ᐛᒋ ᓴᒋᐛᐱᓇᓄᔨᒡ᙮
\p
\v 22 ᐃᔅᐱ ᑲ ᓂᑭᑕᒡ ᐅᑕᓇᔪᐤ ᐊᓐᒡ ᐃᔅᕋᐃᓪ ᓇᐸᐅᒡ, ᒂ ‍ ᐃᑐᑕᒡ ᐊᓐᑕ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᔪᐤ᙮ ᓂᔅᑐ ᒋᓯᑲᐛ ᒋ ᐃᔅᐱᔅ ᐃᑕᐅᒡ ᐊᓐᑕ, ᒪᒂᒡ ᐊᓂᔭ ᒋᓴᐅᒋᒪᐛ ᐅᓯᒪᑭᓂᓯᒥᔪᐛ, ‍ᐊᔅᒄ ᑲ ‍ ᓇᓂᑐᐛᐱᒥᑯᒡ᙮ ᒥᓯᐛ ᐊᑎᒧᐎᒡ ᒪᔅᑭᓇᔪᐤ ᒋ ᐃᓯ ‍ ᓇᓂᑐᐛᐱᒥᑯᐅᒡ ᒥᒄ ᓇᒪ ᐅᒋ ‍ ᒥᔅᑲᑯᒡ᙮ ᐊᑯ ᒂ ‍ ᐃᑐᑕᔨᒋ ᒐᕆᑯᔨᒡ᙮
\v 23 ᐊᑯ ᒂ ‍ ᓂᑎᒋᐛᒡ ᐊᓂᔭ ᐱᔅᑯᑎᓇᔪᐤ ᓇᑐᐛᐱᒪᒡ ᑲᐤ ᒐᓱᐛᔨᒋ ᓇᓐ ᐅᑯᓯᔨᐛ᙮ ᒥᓯᐛ ᒐᒂᓂᔪᐤ ᒋ ‍ ᐎᑎᒧᐛᐅᒡ ᑲ ‍ ᐃᔅᐱᔨᒡ᙮
\v 24 ᑭᔭ ᒂ ‍ ᐃᑕᒡ ᒐᓱᐛᔨᒋ, “ᓂ ‍ ᒋᔅᒐᔨᑕᓇᓐ ᑎᐸᔨᒋᒐᓱᐤ ᒐ ‍ ᑐᑕᐧᒄ ᒐᒋ ᐅᑎᓂᒺᐧᒄ ᒥᓯᐛ ᒐᒂᔪᐤ ᐊᑎᑯᓂᔨᒡ ᐊᓐᑕ ᐊᔅᒋᒡ᙮ ᓄᑎᒻ ᒐᕆᑯᐤ ᐃᔪᒡ ᒋ ‍ ᑯᔅᑎᑭᓄᐅᒡ᙮”
\c 3
\s1 ᑲ ‍ ᐊᓱᐛᐊᒡ ᒠᕐᑕᓐ ᓯᐱᔪᐤ ᐃᔅᕋᐃᓪ ᐃᔪᒡ
\p
\v 1 ᒐᓱᐛ ᑭᔭ ᒥᓯᐛ ᑯᑎᑭᒡ ᐃᔅᕋᐃᓪ ᐃᔪᒡ ᐎᐱᒡ ᒋᔭᒋᓴᐸᔭᔨᒡ ᒋ ‍ ᐅᓂᔪᐅᒡ, ᒐ ‍ ᔅᑐᑕᒡ ᐊᓐᑕ ᐊᑲᓯᔭ ᑲ ‍ ᐎᒋᒡ ᐅᒋ ᑭᔭ ᐊᑐᑕᒡ ᐊᓐᑕ ᒠᕐᑕᓐ ᓯᐱᒡ᙮ ᒂ ‍ ᒪᓂᑲᓱᒡ ᐊᓐᑕ ᓂᓱ ᑎᐱᔅᑲᐛ ᐃᔅᐱᔅ᙮
\v 2 ᐊᑯ ᐊᓐᒡ ᑲ ‍ ᓂᑲᓂᔅᑯᐛᒡ ᐃᔅᕋᐃᓪ ᐃᔪᐛ ᒥᓯᐛ ᐊᓐᑕ ᒋ ‍ ᐃᑐᑕᐅᒡ ᑲ ᒪᓂᑲᓱᓇᓄᐎᒡ᙮
\v 3 ᐊ ‍ ᐃᑕᒡ ᐃᔪᐛ, “ᒋᑭ ‍ ᐛᐱᒪᐛᐅᒡ ᐱᔅᒐ ᐊᔭᒥᐊᐅᒋᒪᐅᒡ, ᓕᐸᐃ ᐅᑦ ᐊᓂᔅᑯᑕᐸᓇ, ᐊ ‍ ᑕᐧᑯᓇᒡ ᐸᔭᒋ-ᒥᐅᑎᔪᐤ ᐸᐃᑯᔪᐤ ᐃᑎᓱᐛᐅᓇ ᐊᐱᒋᑎᓂᔨᒋ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑲ ‍ ᒥᔨᑕᐧᒄ᙮ ᐃᔅᐱ ᐛᐱᒪᒂᐛ, ᒐ ‍ ᓂᑭᑎᒪᒃ ᐊᓐᑕ ᑲ ‍ ᒪᓂᑲᓱᔭᒄ ᑭᔭ ᒐ ‍ ᓇᓴᐛᑯᒡ᙮
\v 4 ᓇᒪ ᓂᑕ ‍ ᒋ ᐅᒋ ‍ ᐃᑕᓇᐛᐤ ᐅᑕ, ᐊᑯ ᒋᑭ ᐎ ᓇᓴᐛᐛᐅᒡ ᐊᔭᒥᐊᐅᒋᒪᐅᒡ᙮ ᒥᒄ ᒐ ᐊᑲ ‍ ᒥᒋᒪ ᐱᒧᑕᔭᒄ ᐊᑎᒂᒡ ᐸᔭᒋ-ᒥᐅᑦ᙮ ᓂᔅᑥᐤ ᒐᓯᐱᔪᐤ ᐛᒥᓯᑦ ᒐᑭ ᐎ ‍ ᐃᔅᐱᔅ ᐅᑕᒡ ᐸᓱᐛᐸᑕᓇᐛᐤ ᐸᔭᒋ-ᒥᐅᑦ᙮ ᐸᔭᒐᔨᑕᑯᓐ ᐊᓐ ᒥᐅᑦ, ᐊᑯ ᒋᑭ ‍ ᐊᓏᔨᒥᑯᐛᐤ ᒋᓴᒪᓂᑐᐤ ᐸᔄᐸᑎᒪᒂ᙮”
\p
\v 5 ᐊᑯ ᒐᓱᐛ ᒂ ᐃᑕᑦ ᐃᔪᐛ, “ᐸᔭᒋᐃᓱᒄ, ᐛᔅ ᐛᐸᒐ ᑎᐸᔨᒋᒐᓱᐤ ᒋᑭ ‍ ᐃᑐᑎᒪᑯᐛᐤ ᒪᒥᔅᑲᒡ ᒐᒂᔪᐛ᙮”
\p
\v 6 ᐊᑯ ᒐᓱᐛ ᒂ ‍ ᐃᑕᑦ ᐊᔭᒥᐊᐅᒋᒪᐛ, “ᑕᐧᑯᓂᒪᒄ ᐸᔭᒋ-ᒥᐅᑦ ᑭᔭ ᓂᑲᓐ ᐊ ‍ ᐃᑕᒡ ᐃᔪᒡ ᒐ ᐃᔪᑕᔭᒄ᙮” ᐊᑯ ᐛᐱᑎᒥᔨᒋ ᐱᔭᒋ-ᒥᐅᑎᔪᐤ ᑭᔭ ᓂᑲᓐ ᐊᑐᑕᔨᒋ᙮
\s2 Joshua 3.7-17 (Proper-26 Year A)
\p
\v 7 ᐊᑯ ᐅᑎᐸᔨᒋᒐᐤ ᐊᑕᑦ ᒐᓱᐛᔨᒋ, “ᐊᓄᒡ ᒐᓯᑲᒡ ‍ ᓂᑭ ‍ ᐛᐸᑎᔭᐅᒡ ᒥᓯᐛ ᐃᔅᕋᐃᓪ ᐃᔪᒡ ᒐ ‍ ᓂᑲᓂᔅᑯᐅᑥᐤ᙮ ᐊᑯ ᒐᒋᔅᑕᔨᒥᔅᒡ, ᑭᔭ ᒋᑭ ‍ ᒋᔅᒐᔨᑎᒧᒡ ᐊᐎᒐᐅᑕᓐ ᒧᔭᒻ ᑲ ᐃᓯ ‍ ᐎᒐᐅᒄ ᒧᓱᔅ
\v 8 ᒐ ‍ ᐎᑎᒧᑕᐤ ᐊᓐᒡ ᐊᔭᒥᐊᐅᒋᒪᐅᒡ ᑎᔭᐧᑯᓇᒡ ᐸᔭᒋ-ᒥᐅᑎᔪᐤ ᐊᓐᑕ ᐸᒋᑎᓂᔨᒋ ᐸᐃᑯᔪᐤ ᐃᑎᓱᐛᐅᓇ, ‘ᐃᔅᐱ ᐅᑎᑎᒪᒂ ᒋᒋᒡ ᒠᕐᑕᓐ ᓯᐱᔾ, ᒐ ᓇᓂᐳᐅᔭᒄ ᐊᓐᑕ ᓂᐱᒡ᙮’ ”
\p
\v 9 ᒐᓱᐛ ᒪᒃ ᒂ ‍ ᐃᑕᑦ ᐃᔪᐛ, “ᒥᒋᒪ ᐸᒋ ‍ ᓇᓯᒄ ᒐᒋ ᓂᑐᑎᒺᒄ ᒐᒂᓂᔪᐤ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᐛ ‍ ᐃᔅᒋᔄᑦ᙮”
\v 10 ᐃᔅᐱ ᒥᒋᒪ ᓂᔭᑎᑯᑦ, ᒂ ᐃᑕᑦ, “ ᐊᐅᑯᐤ ᒐᒋ ᐅᒋ ‍ ᒋᔅᒐᔨᑎᒪᒄ ᒋᓴᒪᓂᑐᐤ, ᒥᓯᐛ ᐊᓯ ‍ ᓱᐧᑲᑎᓯᑦ, ᐊ ‍ ᐃᑕᑦ ᐊᑕᐛᒄ, ᒋᑭ ‍ ᑐᑐᐛᐤ ᒐᒋ ᐎᐎᔨᒋ ᑲᐃᓇᓐ ᐃᔪᐛ, ᑭᔭ ᐊᑦ ᐃᔪᐛ, ᑭᔭ ᐃᑉ ᐃᔪᐛ, ᑭᔭ ᐸᕆᔅ ᐃᔪᐛ, ᑭᔭ ᑲᕐᑭᔅ ᐃᔪᐛ, ᑭᔭ ᐊᒧᕆ ᐃᔪᐛ, ᑭᔭ ᒐᐳᔅ ᐃᔪᐛ ᐊᓄᒡ ᐛᒋᔨᒋ ᐊᓐᑕ ᐊᔅᒋᒡ᙮
\v 11 ᒐ ‍ ᒪᒥᑐᓇᔨᑎᒪᒄ ᑎᐸᔨᒋᒐᓱᐤ ᐊᐅᒄ ᐊᓐ ᑕᐸᔨᑕᒋᒐᑦ ᐊᓐᑕ ᒥᓯᐛ ᐊᔅᒋᒡ᙮ ᐎᔾ ᑎᐸᔨᑎᒻ ᐸᔭᒋ-ᒥᐅᑎᔪᐤ ᑭᔭ ᒠᕐᑕᓐ ᓯᐱᒡ ᐃᓯ ᒋᑭ ‍ ᐃᑐᑕᑭᓄᐎᔪᐤ ᐊ ‍ ᓂᑲᓂᔅᑲᑯᐛᒄ᙮
\v 12 ᐊᑯ ᐅᑎᓂᐧᒡ ᓂᓱᓴᑉ ᓇᐸᐅᒡ, ᐸᐸᐃᒄ ᐃᔅᕋᐃᓪ ᐊ ‍ ᐃᑎᔅᑲᓇᓯᒡ ᐅᒋ, ᑭᔭ ᓇᓇᒐ ᒋᑭ ‍ ᐎᑎᒪᑎᓇᐛᐤ ᒐᒂᔪᐤ ᓇᑐᐛᔨᒥᒂᐤ ᒐ ‍ ᐃᑎᒡ᙮
\v 13 ᐃᔅᐱ ᒪᒃ ᐅᓯᑐᐛᐛ ᐊᔭᒥᐊᐅᒋᒪᐅᒡᐊᓐᒡ ᑲ ‍ ᐱᒧᐅᑕᐛᒡ ᐅᐸᔭᒋ-ᒥᐅᑎᒥᔪᐤ ᑎᐸᔨᒋᒐᓱᐛ, ᐅᑎᐸᔨᒋᒐᐤ ᒥᓯᐛᔅᑭᒥᒡ, ᑎᑯᓂᔨᒐ ᐊᓐᑕ ᒠᕐᑕᓐ ᓂᐱᒡ, ᒠᕐᑕᓐ ᓂᐱᔪᐤ ᒋᑭ ‍ ᓂᑲᐱᔪᐛ ᐊᓐ ᓂᐱᔾ ᐅᒋ ᓂᑎᒥᒡ ᑲ ‍ ᐅᒋᐱᔨᒋ; ᒋᑭ ‍ ᒪᒧᐱᔪᐤ ᒪᒃ᙮”
\p
\v 14 ᐊᑯ ᒪᒃ, ᐃᔅᐱ ᐃᔅᕋᐃᓪ ᐃᔪᒡ ᑕᒪᒋᒡ ᑭᔭ ᐃᔭᑐᒐᒡ ᒐᒋ ᐊᓱᐛᐊᒡ ᒠᕐᑕᓐ ᓯᐱᔪᐤ, ᑭᔭ ᐊᔭᒥᐊᐅᒋᒪᐅᒡ ᐊ ‍ ᐱᒧᐅᑕᒡ ᐸᔭᒋ-ᒥᐅᑎᔪᐤ ᐊ ‍ ᓂᑲᓄᔅᑯᐛᒡ ᐃᔪᐛ;
\v 15 ᐃᔅᐱ ᒪᒃ ᑲ ‍ ᐱᒧᐅᑕᒡ ᒥᐅᑎᔪᐤ ᑕᑯᓯᒡ ᒠᕐᑕᓐ ᓯᐱᒡ, ᑭᔭ ᐅᓯᑐᐛᐛ ᐊᔭᒥᐊᐅᒋᒪᐅᒡ ᑲ ‍ ᐱᒧᐅᑕᒡ ᒥᐅᑎᔪᐤ ᑎᔭᔅᑲᒡ ᓂᐱᔪᐤ (ᐛᔅ ᒠᕐᑕᓐ ᒋᐱᓇᔭᔅᑯᐸᐤ ᒥᔭᒧᓴᒋᓂᑭᓄᑥᐎ ᓂᑕᐅᒋᑕᑭᓇ);
\v 16 ᐊᓐ ᓂᐱᔾ ᓂᑎᒥᒡ ᑲ ‍ ᐅᒋᐱᔨᒡ ᐸᔭᑭᓄᐅᒡ ᒋ ‍ ᓂᑲᐱᔪᐤ, ᐊ ‍ ᒪᒧᐱᔨᒡ ᓇᔅᒡ ᐛᔪᐤ ᐊᑕᒻ ᐃᑕᐅᓂᒡ ᐅᒡ, ᒥᒋᒪ ᓴᕆᑕᓐ ᑲ ‍ ᑎᒂᒡ; ᐊᓐ ᑲ ‍ ᐃᓯᑯᐅᒡ ᐎᓂᐸᑯᒡ ᒪᔅᒐᑯᒡ, ᑲ ‍ ᓂᐱᒥᑲᒡ ᐎᓂᐸᑯᒡ ᐅᒡ, ᓂᐱᔾ ᒋ ‍ ᓂᑲᐱᔪᐤ ᐊᐱᒥᒍᐛᒡ᙮ ᐊᑯ ᐃᔪᒡ ᐃᔭᓱᐛᐊᒡ ᒐᕆᑯᒡ ᐃᔅ᙮
\v 17 ᐊᔭᒥᐊᐅᒋᒪᐅᒡ ᒪᒃ ᑲ ‍ ᐱᒧᐅᑕᒡ ᐅᐸᔭᒋ-ᒥᐅᑎᒥᔪᐤ ᑎᐸᔨᒋᒐᓱᐛ ᒋ ‍ ᓂᐳᐅᒡ ᐊ ‍ ᒧᔅᑎᔅᑭᒥᑲᔨᒡ ᑕᐅᒡ ᒠᕐᑕᓂᒡ, ᒥᓯᐛ ᐃᔅᕋᐃᓪ ᐃᔪᒡ ᒋ ‍ ᐊᓱᐛᐊᒧᒡ ᐊ ‍ ᒧᔅᑎᔅᑭᒥᑲᔨᒡ, ᐃᔅᐱᔅ ᒥᓯᐛ ᐃᔪᒡ ᑲᒋ ‍ ᐊᓱᐛᐊᒡ ᒠᕐᑕᓂᔪᐤ᙮
\c 4
\s1 ᐃᔅᕋᐃᓪ ᐃᔪᒡ ᑭᔭ ᒐᓱᐛ ᒋ ᒋᒥᑕᐅᒡ ᐊᓯᓂᔭ
\p
\v 1 ᑲᒋ ‍ ᐊᓱᐛᐊᒡ ᒥᓯᐛ ᐃᓴᕆᐊᓪ ᐃᔪᒡ ᒠᕐᑕᓐ ᓯᐱᔪᐤ, ᑎᐸᔨᒋᒐᓱᐤ ᒋ ‍ ᐃᑕᐤ ᒐᓱᐛᔨᒋ,
\v 2 “ᒐ ‍ᐎᔭᔨᒥᑥᐛᐤ ᓂᓱᓴᑉ ᓇᐸᐅᒡ, ᐸᐸᐃᒄ ᐊᑎ ‍ ᐃᑎᔅᑲᓇᓯᒡ,
\v 3 ᑭᔭ ᒐ ‍ ᐃᑎᑥᐤ ᒐᒋ ᐅᑎᓇᒡ ᐊ ‍ ᒪᒥᓴᔨᒋ ᐊᓯᓂᔭ ᑭᔭ ᒐ ᐱᔅᑎᓇᒡ ᐊᓐᑕ ᒐ ᑕᐛᒄ ᒐ ᑎᐱᔅᑲᔨᒡ᙮”
\p
\v 4 ᒐᓱᐛ ᒂ ‍ ᐎᔭᔨᒪᑦ ᓂᓱᓴᑉ ᓇᐸᐛ, ᐸᐸᐃᒄ ᐊᑎ ‍ ᐃᑎᔅᑲᓇᓯᔨᒋ᙮ ᒪᒧᐤ ‍ ᒋ ‍ ᓂᑐᒪᐤ, ᑭᔭ ᒂ ‍ ᐃᑕᑦ,
\v 5 “ᐃᑐᑕᒄ ᐊᓐᑕ ᓂᔭᐅᑕᔅᑎᑯᒡ ᒠᕐᑕᓐ ᓯᐱᔾ, ᐊᓐᑕ ᓇᐳᐅᒡ ᐊᔭᒥᐊᐅᒋᒪᐅᒡ, ᐊᑕᐧᑯᓄᒡ ᑎᐸᔨᒋᒐᓱᐛ ᒋᒋᓴᒪᓂᑐᒧᐛᐛ ᐅᐸᔭᒋ-ᒥᐅᑎᔪᐤ, ᑲ ‍ ᒥᔨᑎᑕᑯᐤ᙮ ᐸᐸᐃᒄ ᐊᑎᓯᔭᒄ ᒋᑭ ᐎ ‍ ᐅᑎᓇᐅ ᐊᒥᓯᑎᔨᒋ ᐊᓯᓂᔭ, ᐸᐸᐃᒄ ᐊᑎ ‍ ᐃᑎᔅᑲᓇᓯᒡ, ᑭᔭ ᒐ ‍ ᑕᐧᑯᓇᒡ ᐅᑎᑎᒥᓄᐛᒡ ᐛᒋᔭᒄ ᐃᓯ᙮
\v 6 ᒋᑭ ‍ ᐱᔅᑯᔅᑕᐅᒡ ᐊᓂᔭ ᒐ ‍ ᒋᔅᒋᒥᑯᔭᒄ ᐅᔭ ᐊᓯᓂᔭ᙮ ᓂᑲᓄᒡ ᐊᓐᑕ ᐃᔅᐱ ᑯᒂᒋᒥᑕᒂᐛ ᒋᑦ ᐊᐛᓯᒧᐛᐅᒡ, ‘ᒐᒂᓐ ᐊ ‍ ᐃᔅᒋᔄᒥᑲᒋ ᐅᔭ ᐊᓯᓂᔭ ?’
\v 7 ᒋᑭ ‍ ᐎᑎᒧᐛᐛᐅᒡ ᑲ ‍ ᓂᑲᐱᔨᒡ ᓂᐱᔪᐤ ᐊᓐᑕ ᒠᕐᑕᓐ ᓯᐱᒡ ᐃᔅᐱ ᑲ ‍ ᑎᔅᑯᒧᑕᑭᓄᐎᔨᒡ ᐊᓂᔭ ᐸᔭᒋ-ᒥᐅᑎᔪᐤ᙮ ᓇᓂᑎᒻ ᒋᑭ ‍ ᒋᔅᒋᒥᑯᐅᒡ ᐃᔅᕋᐃᓪ ᐃᔪᒡ ᐅᔭ ᐊᓯᓂᔭ ᑕᓐ ᑲ ‍ ᐃᔅᐱᔨᒡ ᐅᑕ᙮”
\p
\v 8 ᐊᑯ ᒋ ᑐᑎᒺᐅᒡ ᐊᓐᒡ ᐃᔅᕋᐃᓪ ᓇᐸᐅᒡ ᑕᓐ ᑲ ‍ ᐃᑎᓱᒥᑯᒡ ᒐᓱᐛᔨᒋ᙮ ᒋ ᐃᑐᑕᐅᒡ ᑭᔭ ᒂ ᐅᑎᓇᒡ ᓂᓱᓴᑉ ᐊᓯᓂᔭ ᐊᓐᑕ ᓂᔭᐅᑕᔅᑎᑯᒡ ᒠᕐᑕᓐ ᓯᐱᒡ, ᐸᐸᐃᒄ ᐊᑎ ‍ ᐃᑎᔅᑲᓇᓯᒡ, ᒧᔭᒻ ᑲ ‍ ᐃᑎᑯᑦ ᒐᓱᐛ ᑎᐸᔨᒋᒐᓱᐛ᙮ ᒂ ᐃᑐᑕᐅᒡ ᐊᓂᔭ ᐊᓯᓂᔭ ᐊᓐᑕ ᑲ ‍ ᐎᒋᒡ ᑭᔭ ᐊᑯᑕ ᒂ ᐊᔭᒡ᙮
\v 9 ᐊᑯ ᒐᓱᐛ ᒂ ᐊᑎ ‍ ᐱᔅᑯᔅᑕᑦ ᑯᑎᑲ ᓂᓱᓴᑉ ᐊᓯᓂᔭ ᐊᓐᑕ ᓂᔭᐅᑕᔅᑎᑯᒡ ᒠᕐᑕᓐ ᓯᐱᒡ, ᐊᓐᑕ ᐊᔭᒥᐊᐅᒪᐛ ᑲ ‍ ᓇᓂᐳᐎᒋ ᐊ ‍ ᑕᐧᑯᓂᒥᒋ ᐸᔭᒋ-ᒥᐅᑎᔪᐤ ᐊᓐᑕ ᑲ ‍ ᐱᒋᑎᓂᔨᒋ ᐸᐃᑯᔪᐤ ᐎᓱᐛᐅᓇ᙮ ᑭᔭ ᐊᔅᒄ ᐊᓄᒡ ᒂ ‍ ᑎᔅᑕᔨᒋ ᐊᓂᔭ ᐊᓯᓂᔭ᙮
\p
\v 10 ᐊᔅᒄ ᒋ ‍ ᓇᓂᐳᐎᒡ ᐊᓐᑕ ᓂᔭᐅᑕᔅᑎᑯᒡ ᐊᓐᒡ ᐊᔭᒥᐊᐅᒋᒪᐅᒡ ᑲ ‍ ᑕᐧᑯᓇᒡ ᐸᔭᒋ-ᒥᐅᑎᔪᐤ ᐃᔅᐱᔅ ᑲ ‍ ᒋᔅᑕᔨᒋ ᒥᓯᐛ ᒐᒂᓂᔪᐤ ᑲ ‍ ᐃᑎᓱᒪᑦ ᒋᓴᒪᓂᑐᐤ ᒐᓱᐛᔨᒋ ᒐᒋ ᐃᑕᔨᒋ ᒐ ᑐᑎᒥᔨᒋ ᐊᓂᔭ ᐃᔪᐛ᙮ ᐊᐅᑯᔪᐛ ᐸᐃᑯᑕᐤ ᑲ ᐃᑎᓱᐛᑕᑦ ᒧᓱᔅ ᒐᓱᐛᔨᒋ᙮ ᒂ ‍ ᐊᓱᐛᐊᒡ ᐃᔪᒡ ᐊᓂᔭ ᓯᐱᔪᐤ ᓇᔅᒡ ᐊ ᐎ ‍ ᒋᓯᐱᒡ᙮
\v 11 ᒥᓯᐛ ᑲᒋ ᐊᓱᐛᐊᒡ ᐃᔪᒡ, ᒪᒂᒡ ᐊᑭᓄᐛᐱᒪᒡ ᐃᔪᒡ, ᐊᔭᒥᐊᐅᒋᒪᐅᒡ ᒋ ‍ ᑎᔅᑯᒧᑕᐅᒡ ᐊᓂᔭ ᒥᐅᑎᔪᐤ᙮
\v 12 ᕈᐱᓐ, ᑭᔭ ᑲᑦ, ᑭᔭ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᐊᓯᒪᑭᓂᓯᒡ ᒋ ‍ ᓂᑲᓄᑕᐅᒡ ᑲ ‍ ᐊᓱᐛᐊᒡ ᓯᐱᔪᐤ, ᐅᑕᒡ ᑲ ᑕᔨᒋ ᐃᔅᕋᐃᓪ ᐃᔪᐛ, ᐊ ‍ ᑕᐧᑯᓇᒡ ᐅᓂᑎᐱᔪ ‍ ᐊᐱᒋᑕᐅᓄᐛᐛ, ᒧᔭᒻ ᑲ ‍ ᐃᑎᓱᒪᑦ ᒧᓱᔅ᙮
\v 13 ᒪᒂᒡ ᒋᓴᒪᓂᑐᐤ ᐊᓇᑭᑐᐛᐱᒪᑦ, ᓇᐎᔪᐤ ᑕᑥᐤ ᒐᓯᐱᔪᐤ ᒋ ‍ ᐃᑕᑎᓱᐅᒡ ᐊᓯᒪᑭᓂᓯᒡ ᑲ ‍ ᐊᓱᐛᐊᒡ ᓯᐱᔪᐤ ᒐᕆᑯᐤ ᐃᓯ, ᐊ ‍ ᐎᔭᔅᑯᐎᒡ ᒐᒋ ᓂᑐᐱᔨᒡ᙮
\p
\v 14 ᐊᓂᔭ ᒋᓯᑯᔪᐤ, ᒥᓯᐛ ᐃᔅᕋᐃᓪ ᐃᔪᒡ ᒋ ‍ ᐛᐸᑎᒺᐅᒡ ᑎᐸᔨᒋᒐᓱᐛ ᑲ ‍ ᑐᑐᐛᔨᒋ ᒐᓱᐛᔨᒋ ᒐᒋ ᒋᒋ ‍ ᓂᑲᓄᔅᑲᒐᔨᒋ᙮ ᑭᔭ ᒋ ᒋᔅᑕᔨᒪᐅᒡ ᐃᔪᒡ ᑲ ᐃᔅᐱᔅ ᐃᔪᐎᒋ, ᒧᔭᒻ ᑲ ‍ᐃᓯ ‍ ᒋᔅᑕᔨᒪᒡ ᒧᓱᓴ᙮
\p
\v 15 ᒋᓴᒪᓂᑐᐤ ᒂ ‍ ᐃᑕᑦ ᒐᓱᐛᔨᒋ,
\v 16 “ᐊᓄᒡ ᐎᑎᒧᐅᒡ ᐊᔭᒥᐊᐅᒋᒪᐅᒡ ᑎᔭᐧᑯᓇᒡ ᒥᐅᑎᔪᐤ ᑲ ‍ ᐱᒋᑎᓂᔨᒋ ᐸᐃᑯᔪᐤ ᐎᑎᓱᐛᐅᓇ ᒐᒋ ᐸᑐᑕᒡ ᐊᓐᑕ ᓂᔭᐅᑕᔅᑎᑯᒡ ᒠᕐᑕᓐ ᓯᐱᒡ ᐅᒋ᙮”
\v 17 ᐊᑯ ᒐᓱᐛ ᒂ ‍ᐃᑎᓱᒪᑦ ᐊᔭᒥᐊᐅᒋᒪᐛ ᒐᒋ ᐊᓂᔭ ᑐᑎᒥᔨᒋ᙮
\p
\v 18 ᐊᑯ ᐊᔭᒥᐊᐅᒋᒪᐅᒡ, ᐊᓐᒡ ᑲ ᑕᐧᑯᓇᒡ ᒥᐅᑎᔪᐤ ᐊᓐᑕ ᑲ ‍ ᐱᒋᑎᓂᔨᒋ ᐸᐃᑯᔪᐤ ᐃᑎᓱᐛᐅᓇ ᐊᓂᔭ ᒋᓴᒪᓂᑐᐤ ᑲ ‍ ᒥᔭᑦ ᒧᓱᓴ, ᑲᐱᑲᔨᒋ ᓂᔭᐅᑕᔅᑎᑯᒡ ᒠᕐᑕᓐ ᓯᐱᒡ ᐅᒋ, ᑭᔭ ᐎᐱᒡ ᑲᐱᑲᒡ ᓂᔭᐅᑕᔅᑎᑯᒡ ᒠᕐᑕᓐ ᓯᐱᒡ ᐅᒋ ᑕᐧᑯᑕᐅᒡ ᐃᓯ ᒂ ‍ ᐱᒥᐱᔨᒡ ᑲᐤ ᐊᓂᔭ ᒠᕐᑕᓐ ᓯᐱᒡ ᓂᐱᔪᐤ, ᐊᔅᒋᐳᑕᔨᒡ ᐊᓐᑕ ᑕᐧᑯᑕᐅᒡ ᒧᔭᒻ ᐎᐱᒡ ᑲ ‍ ᐃᔅᐱᔨᒡ᙮
\p
\v 19 ᐊᓂᔭ ᐸᐃᑯᔪᐤ ᒋᓯᑯᔪᐤ ᐊᓂᔭ ᐅᔅᑭᒡ ᐱᓯᒺ ᐊᓂᔭ ᐱᐳᓂᔪᐤ ᐊᓂᔭ ᑲ ‍ ᐊᓱᐛᐊᒡ ᐃᔪᒡ ᒠᕐᑕᓐ ᓯᐱᔪᐤ ᑭᔭ ᑲ ‍ ᐎᒋᒡ ᐊᓐᑕ ᑭᑲᓪ, ᐛᐱᓄᑕᒡ ᐊᔅᒋᒡ ᒥᒋᒪ ᒐᕆᑯᐤ ᐅᑕᓇᒡ᙮
\v 20 ᐊᑯ ᐊᓐᒡ ᓇᐸᐅᒡ ᑲ ‍ ᑕᐧᑯᓇᒡ ᓂᓱᓴᑉ ᐊᒪᒥᓴᔨᒋ ᐊᓯᓂᔭ ᓂᔭᐅᑕᔅᑎᑯᒡ ᒠᕐᑕᓐ ᓯᐱᒡ ᐅᒋ ᒋ ᐃᑐᑐᐛᐅᒡ ᒐᓱᐛᔨᒋ ᑭᔭ ᒂ ‍ ᒋᒥᔭᑦ ᐊᓐᑕ ᑭᓪᑲᓪ᙮
\v 21 ᒐᓱᐛ ᒋ ‍ ᐃᑕᐤ ᐃᔅᕋᐃᓪ ᐃᔪᐛ, “ᐊᓐᑕ ᓂᑲᓄᒡ, ᐃᔅᐱ ᑯᒂᒋᒥᑕᑲᐛ ᒋᑦ ᐊᐛᓯᒧᐛᐅᒡ ᑭᔭ ᒍᓯᒧᐛᐅᒡ ‘ᒐᒂᓐ ᐊᔅᒋᔄᒥᑭᓂᒋ ᐊᓂᔭ ᐊᓯᓂᔭ ?’
\v 22 ᒐ ‍ ᐃᑕᑭᒡ, ‘ᓂᔭᓐ ᐃᔅᕋᐃᓪ ᐃᔪᒡ ᓂᒋ ‍ ᑎᔅᑯᒧᑕᐊᓱᐛᐊᓇᓐ ᒠᕐᑕᓐ ᓯᐱᔾ ᒧᔭᒻ ᐊᓐᑕ ᐊᐸᔅᑕᑦ ᐊᔅᒋᔾ ᐸᒧᑕᔭᒋ᙮’
\v 23 ᒪᒂᒡ ᐊ ‍ ᑭᓄᐛᐱᔭᒡ, ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋ ‍ ᐸᐧᑯᐱᔨᑕᐤ ᓯᐱᔪᐤ ᐸᑐᔅ ᒥᓯᐛ ᑲᒋ ‍ ᐊᓱᐛᐊᒪᒡ᙮ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᐊᓐ ᐊᔭᒥᐊᔅᑐᐅᒋᒡ, ᒋ ‍ ᐃᑐᑎᒻ ᒐᒋ ᐸᐧᑯᐱᔨᒡ ᐊᓂᔭ ᒠᕐᑕᓐ ᓯᐱᔪᐤ ᒧᔭᒻ ᑲ ‍ ᐃᑐᑕᐧᒃ ᒥᒂᑭᒥ ‍ ᒋᒋᑭᒥᔪᐤ, ᐃᔅᐱ ᑲ ‍ ᑐᑕᐧᒃ ᒐᒋ ᐸᔅᑕᔨᒡ ᒪᒂᒡ ᑲ ‍ ᑭᓇᑭᑐᐛᐱᒡ ᒋᓂᒋᐃᑯᓄᐅᒡ, ᐸᑐᔅ ᒥᓯᐛ ᑲᒋ ‍ ᐊᓱᐛᐊᒡ᙮
\v 24 ᒋ ‍ ᐃᑐᑎᒻ ᐅᔭ ᒋᓴᒪᓂᑐᐤ ᒐᒋ ᒋᔅᒐᔨᒥᑯᑦ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ ᐅᑕ ᐊᔅᒋᒡ ᐊᔅᐱᔅ ᒋᒋᐛ ᓱᐧᑲᑎᓯᑦ ᑭᔭ ᒐᒋ ᓇᓂᑎᒻ ᓇᓂᒋᔅᑐᐛᒄ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ᙮’ ”
\c 5
\p
\v 1 ᒥᓯᐛ ᐊᒧᕋ ᐃᔪᐛ ᒋᓴᐅᒋᒪᐅᒡ ᐊᓐᑕ ᐛᒋᒡ ᐊᑎᒪᐱᓯᒧᒡ ᐃᑕᒐ ᒠᕐᑕᓐ ᓯᐱᒡ ᑭᔭ ᒥᓯᐛ ᑲᐃᓇᓐ ᐃᔪᐛ ᒋᓴᐅᒋᒪᐅᒡ ᐊᓐᑕ ᐛᒋᒡ ᔭᔭᐤ ᒥᑎᑐᕋᓂᔭᓐ ᐎᓂᐸᑯᔪᐤ, ᒋ ‍ ᐅᓂᑕᐅᒡ ᐅᓱᒋᑕᐅᓄᐛᐤ ᑭᔭ ᒋ ‍ ᓴᒋᓱᐅᒡ ᒐᒋ ᒪᓯᒐᒡ, ᐃᔅᐱ ᑲ ‍ ᐸᑕᒡ ᒋᓴᒪᓂᑐᐛ ᑲ ‍ ᐃᑐᑎᒥᔨᒋ ᒐᒋ ᐸᐧᑯᐱᔨᒡ ᒠᕐᑕᓐ ᓯᐱᔪᐤ ᒐᒋ ᐊᓱᐛᐊᒥᔨᒋ ᐃᔅᕋᐃᓪ ᐃᔪᐛ᙮
\p
\v 2 ᒪᒂᒡ ᑲᐎᒋᔨᒋ ᐊᓐᑕ ᑭᓪᑲᓪ, ᒋᓴᒪᓂᑐᐤ ᒋ ‍ ᐃᑕᐤ ᒐᓱᐛᔨᒋ, “ᐅᓯᑕ ᐊᒋᓇᒋ ᒧᐧᑯᒪᓇ, ᒐ ᐊᑎ ‍ ᒋᔅᒋᓄᐛᒋᐊᑥᐤ ᐊᓐᒡ ᐃᔅᕋᐃᓪ ᓇᐸᐅᒡ᙮
\v 3 ᐊᑯ ᒐᓱᐛ ᒋᔅᒋᓄᐛᒋᓱᐤ ‍ ᐱᔅᑯᑎᓇᐤ ᒋ ᐃᓯᓂᐧᑲᑎᒻ᙮’
\p
\v 4 ᐅᔭ ᑲ ᐅᒋ ‍ ᑐᑐᐛᑭᓄᐅᒡ ᐃᔅᐱ ᒥᓯᐛ ᓇᐸᐅᒡ ᑲ ᓂᑭᑕᒡ ᐃᒋᑉᑎᔪᐤ, ᐊᓐᒡ ᑲ ‍ ᐃᔅᐱᑎᓯᒡ ᒐᒋ ᓯᒪᑭᓂᓯᐅᒡ, ᒋ ‍ ᐳᓂᐱᒪᑎᓯᐅᒡ ᐊᓐᑕ ᐸᐧᑯᑎᔅᑭᒥᑲᒡ ᑲᒋ ᓂᑭᑕᒡ ᐃᒋᑉᑎᔪᐤ᙮
\v 5 ᐃᒋᑉᑎᒡ ᒋ ᒋᔅᒋᓄᐛᒋᓱᐛᑭᓄᐅᒡ, ᒥᒄ ᐊᓐᒡ ᑲᓇᐸᓯᐅᒡ ᐅᔅᒋᐛᓯᒡ ᑲ ‍ ᐃᔪᐅᒡ ᒪᒂᒡ ᑲ ‍ ᐎᒋᔨᒋ ᐅᓂᒋᔨᑯᐛᐛ ᐊᓐᑕ ᐸᐧᑯᑎᔅᑭᒥᑲᒡ ᑲᒋ ᓂᑭᑎᒥᔨᒋ ᐃᒋᑉᑎᔪᐤ ᓇᒪ ᐅᒋ ᒋᔅᒋᓄᐛᒋᓱᐛᑭᓄᐅᒡ᙮
\v 6 ᒋᑦ ‍ ᐃᔅᕋᐃᓪ ‍ ᐊᓂᔅᑯᑕᐸᓄᐅᒡ ᒋ ᐱᐸᒥᐱᒍᐅᒡ ᐊᓐᑕ ᐸᐧᑯᑎᔅᑭᒥᑲᒡ ᓇᐎᔪᐛ ᐱᐳᓇ ᐃᔅᐱᔅ, ᑭᔭ ᒥᓯᐛ ᑲ ‍ ᐃᔅᐱᑎᓯᒡ ᓇᐸᐅᒡ ᒐᒋ ᓯᒪᑭᓂᓯᐅᒡ ᒋᐳᓂᐱᒪᑎᓯᐅᒡ᙮ ᐃᔎᐅ ᐃᔭᐱᒡ ᒋᐳᓂᐱᒪᑎᓯᐅᒡ᙮ ᓇᒪ ᐅᒋ ᓂᓇᐃᑐᐛᐅᒡ ᑎᐸᔨᒋᒐᓱᐛ, ᐊᑯ ᑎᐸᔨᒋᒐᓱᐤ ᒂ ‍ ᐃᔅᒋᔄᑦ ᒐ ‍ ᐊᑲ ᑎᑯᓯᓂᔨᒋ ᐊᓐᑕ ᐊᔅᒋᒡ ᑲ ‍ ᐊᓱᑎᒧᐛᔨᒋ ᒋᑦ ᐊᓂᔅᑯᑕᐸᓄᐛ ᒐᒋ ᒥᔨᑕᐧᒄ, ᐊᔅᒋᔪᐤ ᐊᓂᔭ ᓇᔅᒡ ᑲ ‍ ᐛᔪᒋᓂᑕᐅᒋᓂᔨᒡ ᒐᒂᔪᐤ᙮
\v 7 ᐊᓂᔭ ᐅᑯᔅᒋᐛᐛ ᐊᓐᒡ ᐊ ᐊᑲ ᐅᒋ ᓂᓇᐃᑐᐛᒡ ᑎᐸᔨᒋᒐᓱᐛ ᐊᐅᑯᔪᐛ ᐊᓂᔭ ᑲ ‍ ᒋᔅᒋᓄᐛᒋᓱᐛᑦ ᒐᓱᐛ ᐊᓐᑕ ᑭᓪᑲᓪ, ᒋ ᒋᔅᒋᓄᐛᒋᓱᐛᑭᓄᐅᒡ ᐛᔅ ᓇᒪ ᐊᔅᒄ ᐅᒋ ‍ ᒋᔅᒋᓄᐛᒋᓱᐛᑭᓄᐅᒡ ᒪᒂᒡ ᑲ ᐱᒥᐱᒋᒡ ᐊᓐᑕ ᐸᔅᑯᑎᔅᑭᒥᑲᒡ᙮
\v 8 ᐊᑯ ᑲᒋ ‍ ᒥᓯᐛ ᒋᔅᒋᓄᐛᒋᓱᐛᑭᓄᐅᒡ ᓇᐸᐅᒡ, ᒥᓯᐛ ᒋᑕᐅᒡ ᐊᓐᑕ ᐛᒋᓇᓄᐎᒡ ᐸᑐᔅ ᑲᒋ ‍ ᒥᔽᔨᒋ ᐊᓂᔭ ᑲ ‍ ᒪᑎᓱᐛᑭᓄᐅᒡ᙮
\s2 Joshua 5.9-12 (Lent-4 Year C)
\p
\v 9 ᐊᑯ ᑎᐸᔨᒋᒐᓱᐤ ᐊᑕᑦ ᒐᓱᐛᔨᒋ, “ᓂᓇᐸᐅᓯᐛᔨᑕᑯᓂᔪᐤ ᑲ ‍ ᐛᐧᑲᓄᐅᒡ ᓂᑦ ᐃᔨᒥᒡ ᐊᓐᑕ ᐃᒋᑉᑎᒡ, ᐊᓄᒡ ᒐᓯᑲᒡ, ᓂᑦ ᐃᒐᓇᓐ ᐊᓐ ᓂᓇᐸᐅᓯᐅᓐ ᐊᓐᑕ ᒋᔨᐛᐤ ᐅᒡ᙮” ᐊᑯ ᒐᓱᐛ ᑭᓪᑲᓪ ᒂ ‍ ᐃᓯᓂᐧᑲᑕᐧᒃ ᐊᓂᔭ ᐃᑕᐅᓂᔪᐤ, ᐊᔅᒄ ᐊᓄᒡ ᐃᔭᐱᒡ ᒂ ‍ ᐃᓯᓂᐧᑲᑕᒡ᙮
\p
\v 10 ᐛᑕᑯᓯᔨᒡ ᓇᐅᓴᑉ ᐊ ‍ ᒋᔅᑕᐛᑭᓄᔨᒋ ᐊᓂᔭ ᐱᓯᒺ ᒪᒂᒡ ᐃᔅᕋᐃᓪ ᐃᔪᒡ ᑲ ‍ ᐎᒋᒡ ᐊᓐᑕ ᑭᓪᑲᓪ ᒥᒋᒪ ᒐᕆᑯᐤ ᐅᑕᓇᒡ ᐸᐧᑯᑎᔅᑭᒥᑲᒡ, ᒥᔭᔅᑲᒐᐤ ᒥᑯᓴᐅᓂᔪᐤ ᒋ ‍ ᒥᑯᓴᐅᒡ᙮
\v 11 ᒥᓐ ᐎᔭᐱᓂᔨᒡ, ᐊᔪᐅᒄ ᐊᓂᔭ ᐅᔅᑭᒡ ᑲ ‍ ᒥᒋᒡ ᒥᒋᒥᔪᐤ ᑲ ‍ ᓂᑕᐅᒋᑕᑭᓄᐎᒡ ᐊᓐᑕ ᑲᐃᓇᓐ ᐊᔅᒋᒡ, ᐸᒂᓯᑭᓂᒥᓇ ᑭᔭ ᐊᑲ ᐅᐱᓱᔨᒋ ᐸᒂᓯᑭᓇ᙮
\v 12 ᒥᓐ ᐎᔭᐱᓂᔨᒡ, ᒋ ‍ ᓂᑲᐱᔪᐤ ᐊ ‍ ᐸᒋᓯᓂᑦ ᒪᓇ ᐃᔅᐱᒥᒡ ᐅᒡ, ᐊᓂᔭ ᐸᐃᑯᑕᐤ ᒋᓯᑯᔪᐤ ᑲ ‍ ᒥᒋᒡ ᒥᒋᒥᔪᐤ ᑲ ‍ ᓂᑕᐅᒋᑕᑭᓄᐎᒡ ᐊᓐᑕ ᐊᔅᒋᒡ ᐅᒡ᙮ ᑭᔭ ᓴᔅ ᓇᒪ ᐅᒋ ᑕᔪᐛ ᒪᓇ ᒐᒋ ᒧᐛᒡ ᐃᔅᕋᐃᓪ ᐃᔪᒡ᙮ ᐊᓂᔭ ᐱᐳᓂᔪᐤ, ᑲ ‍ ᓂᑕᐅᒋᑕᑭᓄᐎᒡ ᒥᒋᒥᔪᐤ ᐊᓐᑕ ᐊᔅᒋᒡ ᐊᔪᐅᒄ ᑲ ‍ ᒥᒋᒡ᙮
\s1 ᑎᐸᔨᒋᒐᓱᐤ ᐅᓂᑐᐱᔪᐅ-ᐅᒋᒪᐛ ᒋᓂᑯᓯᔅᑕᑯᐤ ᒐᓱᐛ
\p
\v 13 ᐸᐃᒂᐤ ᒐᓯᑲᔨᒡ, ᒪᒂᒡ ᐊᓐᑕ ᒥᒋᒪ ᒐᕆᑲᐤ ᐊᑕᑦ, ᒐᓱᐛ ᒋ ‍ ᐅᐸᐳᐤ ᑭᔭ ᒋ ‍ ᐛᐱᒪᐤ ᓇᐸᐛ ᐅᑎᔅᑯᐤ ᐊ ‍ ᓂᐳᔅᑕᑯᑦ ᑭᔭ ᐊ ‍ ᑕᐧᑯᓂᒥᔨᒋ ᓂᑐᐱᔪᐅ-ᒧᐧᑯᒪᓂᔪᐤ᙮ ᒐᓱᐛ ᒂ ᐊᑎ ‍ ᓂᑐᐛᐸᒪᑦ ᑭᔭ ᑲ ᒂᒋᒪᑦ, “ᒋᑭ ‍ ᐎᒋᓇᓐ ᐊ ᑭᔭ ᒪᒃ ᐊᓐᒡ ᑲ ‍ ᐛᐧᑲᓯᔨᒥᒡ ?”
\p
\v 14 ᒋ ᐃᔅᒋᔄᐤ ᐊᓐ ᓇᐸᐤ᙮ “ᓇᒪ ᓂᐎᔭᔨᑕᓐ ᒐᒋ ᐎᒋᔨᑎᑯᒡ ᑭᔭ ᒪᒃ ᒐᒋ ᒪᓯᔨᑎᑯᒡ᙮ ᓂᔾ ᐅ ᓂᑐᐱᔪᐅ-ᐅᒋᒪᐤ ᑎᐸᔨᒋᒐᓱᐤ ᐅᓂᑐᐱᔪᐅ-ᐃᔨᒪ ᐊᓐᑕ ᒋᒋᒋᓯᑯᒡ, ᓂᒋ ‍ ᔭᓯᓐ ᐊᓐᑕ ᐅᒋ ᒐᒋ ᐎᑎᒪᑕᓐ ᑎᐸᔨᒋᒐᓱᐤ ᒐ ‍ ᐎᒋᔨᔅᒃ᙮” ᐊᑯ ᒐᓱᐛ ᒂ ‍ ᓄᐛᒋᔅᑐᐛᑦ ᐊᓐᑕ ᒧᔅᑎᔅᑭᒥᒡ ᒐᒋ ᐛᐸᑎᔭᑦ ᐊᒋᔅᑕᔨᒪᑦ ᐊᓂᔭ ᓇᐸᐛ, ᑭᔭ ᒂ ‍ ᐃᑕᑦ, “ᐎᑎᒧᐎ ᒐᒂᓐ ᓇᑐᐛᔨᒥᔨᓐ ᒐ ‍ ᑐᑎᒪᓐ ?”
\p
\v 15 ᒂ ᐃᑎᑯᑦ ᑎᐸᔨᒋᒐᓱᐛ ᐅᓂᑎᐱᔪᐅ-ᐅᒋᒪᒥᔨᐛ, “ᒥᓇ ᒋᒥᔅᒋᓇ᙮ ᓂᔾ ᐅ ᑎᐸᔨᒋᒐᓱᐤ, ᐱᔭᐧᑭᓐ ᐊᓐ ᐊᔅᒋᔾ ᐊᓐᑕ ᑭᒋᓂᐳᐅᓇᐛ ᐛᔅ ᓂᑦ ‍ ᐃᔨᑕᓐ ᐅᑕ᙮” ᐊᑯ ᒐᓱᐛ ᒪᓇᐧᒃ ᐅᒥᔅᒋᓇ᙮
\c 6
\p
\v 1 ᒋ ᒋᐸᐛᑭᓄᐅᒡ ᔅᑐᐧᑭᓐᒡ ᑭᔭ ᒋ ‍ ᓇᑭᑐᐛᔨᒪᑭᓄᐅᒡ ᒐ ᐊᑲ ‍ ᐱᒐᒡ ᐃᔅᕋᐃᓪ ᐃᔪᒡ᙮ ᓇᒪ ᐊᐛᓐ ᒋ ‍ ᐱᒐᐤ ᑭᔭ ᒋ ‍ ᐎᐎᔪᐤ᙮
\p
\v 2 ᐊᑯ ᒋᓴᒪᓂᑐᐤ ᐊᑕᑦ ᒐᓱᐛᔨᒋ, “ᓂᑐᑕ ᒐᒂᓐ ᒐ ‍ ᐃᔅᒋᔄᔭᓐ᙮ ᓂᑭ ‍ ᓇᐊᔨᒪᐅᒡ ᒋᓂᑐᐱᔪᐅ-ᐃᔨᒥᒡ ᒐᒋ ᓴᐧᑯᒋᐊᒡ ᒐᕆᑯᐤ ᒋᓴᐅᒋᒪᐛ ᑭᔭ ᐅᓂᑐᐱᔪᐅ-ᐃᔨᒥᔨᐛ᙮
\v 3 ᐊᑯ ᐸᐃᒂᐤ ᐸᐃᑯᒋᓯᑲᐛ ᐃᔅᐱᔅ ᐊᓱᑕᒡ ᑕᑐ ᒋᓯᑲᐛ ᒋᑭ ᐎ ‍ ᐛᔅᑲᑕᐅᒡ ᒐᕆᑯᐤ ᐅᑕᓇᔪᐤ᙮
\v 4 ᒐ ᐎᑎᒧᐅᑥᐤ ᓂᔄᐅᑕᒡ ᐊᔭᒥᐊᐅᒋᒪᐅᒡ ᒐᒋ ᐎᒋ ‍ ᐛᔅᑲᑕᒪᒡ, ᐸᐸᐃᒄ ᐊᔭᒥᐊᐅᒋᒪᐅᒡ ᒋᑭ ᐎ ‍ ᑕᐧᑯᓂᒧᒡ ᐳᑕᒋᑭᓇ᙮ ᓇᐤ ᑯᑎᑭᒡ ᐊᔭᒥᐊᐅᒋᒪᐅᒡ ᒋᑭ ᐎ ‍ ᑕᐧᑯᓂᒧᒡ ᐊᓂᔭ ᐸᔭᒋ-ᒥᐅᑎᔪᐤ ᒐ ᓇᓴᐛᒡ ᐊᓂᔭ ᐊᔭᒥᐊᐅᒋᒪᐛ ᐊᑕᐧᑯᓂᒥᒋ ᐳᑕᒋᑭᓇ᙮ ᐊᓂᔭ ᓂᔄᐅᑕᒡ ᒋᓯᑯᔪᐤ, ᓂᔄᐅᑕᒡ ᑕᑥᐤ ᒋᑭ ᐎ ‍ ᐛᔅᑲᑕᐅᒡ ᐊᓐᒡ ᓂᑐᐱᔪᐅ-ᐃᔪᒡ ᑭᔭ ᐊᔭᒥᐊᐅᒋᒪᐅᒡ ᒋᑭ ᐎ ‍ ᐳᑕᒐᐅᒡ ᐊᓂᔭ ᐳᑕᒋᑭᓇ ᒪᒂᒡ ᐊ ‍ ᐱᒧᑕᔨᒋ ᓂᑐᐱᔪᐅ-ᐃᔪᐛ᙮
\v 5 ᓂᔄᐅᑕᒡ ᑕᑥᐤ ᒋ ᐃᓯ ‍ ᐛᔅᑲᑕᑕᐛ ᐅᑕᓇᔪᐤ, ᐸᐃᒂᐤ ᓇᔅᒡ ᒋᑭ ᐎ ‍ ᒥᔅᑎ ᐳᑕᑎᒧᒡ ᐅᐳᑕᒋᑭᓄᐛᐛ ᐊᔭᒥᐊᐅᒋᒪᐅᒡ ᓇᔅᒡ ᐊᒋᔄᐛᒥᑭᓂᔨᒋ᙮ ᐃᔅᐱ ᐸᑕᒂᐛ ᐃᔅᕋᐃᓕᒡ ᓂᑐᐱᔪᐅ-ᐃᔪᒡ ᒋᑭ ᐎ ‍ ᒥᔅᑎ ‍ ᐊᓯᒂᐅᒡ᙮ ᐊᑯ ᒐ ᐊᑎ ‍ ᐸᒋᑎᓂᔨᒡ ᐊᓂᔭ ᑲ ‍ ᐛᔅᑲᑲᐳᐎᔨᒡ ᐊᓐᑕ ᐅᑕᓇᔪᐤ, ᑭᔭ ᒥᓯᐛ ᐃᔅᕋᐃᓪ ᓂᑐᐱᔪᐅ-ᐃᔪᒡ ᑯᐃᔅᒄ ᒐ ᐱᒐᒡ ᐅᑕᓇᔪᐤ᙮”
\p
\v 6 ᒐᓱᐛ, ᓇᓐ ᐅᑯᓴ, ᒂ ‍ ᓂᑐᒪᑦ ᐊᔭᒥᐊᐅᒋᒪᐛ ᐊ ‍ ᐃᑕᑦ, “ᐃᑕᐧᑯᒡ ᓇᐤ ᐊᔭᒥᐊᐅᒋᒪᐅᒡ ᒐᒋ ᑕᐧᑯᓇᒡ ᐸᔭᒋ-ᒥᐅᑎᔪᐤ ᐊᓐᑕ ᐸᒋᑎᓂᔨᒋ ᐸᐃᑯᔪᐤ ᐃᑎᓱᐛᐅᓇ ᑲ ‍ ᒥᔨᑕᐧᒄ ᑎᐸᔨᒋᒐᓱᐤ ᑭᔭ ᐃᑕᐧᑯᒡ ᑯᑎᑭᒡ ᓂᔄᐅᑕᒡ ᐊᔭᒥᐊᐅᒋᒪᐅᒡ ᒐᒋ ᑕᐧᑯᓇᒡ ᐳᑕᒋᑭᓇ ᑭᔭ ᓂᑲᓐ ᒐᒋ ᐱᒧᑕᒡ ᐊ ‍ ᑕᔨᒋ᙮”
\v 7 ᒐᓱᐛ ᒂ ‍ ᐃᑕᑦ ᐊᓂᔭ ᓂᑐᐱᔪᐅ-ᐃᔪᐛ, “ᐱᒧᑕᒄ! ᐛᔅᑲᑕᒄ ᒥᓯᐛ ᒐᕆᑯᐤ ᐅᑕᓇᐤ᙮ ᑕᑐᐤ ᓂᑐᐱᔪᐅ-ᐃᔪᒡ ᐊᓂᑲᓄᑕᒡ ᐊᑕᐧᑯᓇᒡ ᐅᓂᑐᐱᔪᐅ-ᐊᐱᒋᑕᐅᓄᐛᐛ᙮ ᒐ ‍ ᐅᒋ ‍ ᓇᓴᐅᑯᐅᒡ ᓂᔄᐅᑕᒡ ᐊᔭᒥᐊᐅᒋᒪᐅᒡ ᐊ ‍ ᑕᐧᑯᓇᒡ ᐳᑕᒋᑭᓇ, ᐊᑯ ᒥᓐ ᓇᐤ ᐊᔭᒥᐊᐅᒋᒪᐛ ᐊ ‍ ᑕᐧᑯᓂᒥᔨᒋ ᑎᐸᔨᒋᒐᓱᐛ ᐅᐸᔭᒋ-ᒥᐅᑎᔪᐤ ᒐ ‍ ᐅᒋ ‍ ᓇᓴᐅᑯᒡ᙮
\p
\v 8 ᑲᒋ ‍ ᐎᑎᒧᐛᑦ ᒐᓱᐛ ᓂᑐᐱᔪᐅ-ᐃᔪᐛ, ᑭᔭ ᓂᔄᐅᑕᒡ ᐊᔭᒥᐊᐅᒋᒪᐛ, ᒥᓯᐛ ᐸᐸᐃᒄ ᑲ ‍ ᑕᐧᑯᓇᒡ ᐳᑕᒋᑭᓂᔪᐤ, ᒂ ‍ ᐱᒧᑕᒡ, ᐊ ‍ ᐳᑕᑕᒡ ᐅᐳᑕᒋᑭᓂᐛᐛ᙮ ᒋ ‍ ᓇᓴᐅᑯᐅᒡ ᓇᐤ ᐊᔭᒥᐊᐅᒋᒪᐛ ᑲ ‍ ᑕᐧᑯᓂᒥᔨᒋ ᐊᓂᔭ ᐸᔭᒋ-ᒥᐅᑎᔪᐤ᙮
\v 9 ᓂᑐᐱᔪᐅ-ᐃᔪᒡ ᑲ ᑕᐧᑯᓇᒡ ᓂᑐᐱᔪᐅ-ᐊᐱᒋᑕᐅᓇ ᓂᑲᓐ ᒋ ‍ ᐱᒧᑕᐛᐅᒡ ᐊ ‍ ᑕᔨᒋ ᐊᔭᒥᐊᐅᒋᒪᐛ ᐊᓂᔭ ᑲᐳᑕᑎᒥᔨᒋ ᐳᑕᒋᑭᓇ, ᑭᔭ ᒥᓯᐛ ᑯᑎᑭᒡ ᓂᑐᐱᔪᐅ-ᐃᔪᒡ ᒋ ‍ ᓇᓴᐛᐅᒡ ᐊᓂᔭ ᐊᔭᒥᐊᐅᒋᒪᐛ ᑲ ‍ ᑕᐧᑯᓂᒥᔨᒋ ᐸᔭᒋ-ᒥᐅᑎᔪᐤ᙮ ᒪᒂᒡ ᒥᓯᐛ ᐊᑎ ‍ ‍ᐱᒧᑕᒡ, ᐊᓐᒡ ᓂᔄᐅᑕᒡ ᐊᔭᒥᐊᐅᒋᒪᐛᒡ ᒋ ‍ ᐳᑕᑎᒧᒡ ᐅᐳᑕᒋᑭᓄᐛᐛ᙮
\v 10 ᒥᒄ ᒥᓯᐛ ᑯᑎᑭᒡ ᐃᔪᒡ ᓇᒪ ‍ ᐅᒋ ‍ ᐸᑕᑯᓱᐅᒡ, ᐛᔅ ᒋ ᐃᑎᓱᐛᑎᑯᐅᒡ ᒐᓱᐛᔨᒋ, ᒐ ᐊᑲ ‍ ᐊᓯᒂᔭᒄ ᐸᑐᔅ ᐃᑎᑎᑯᒐ ᒐᒋ ᐊᓯᒂᔭᒄ᙮ ᐊᓐ ᒋᓯᒄ, ᒋᑭ ᐎ ‍ ᒥᔅᑎ ‍ ᐊᓯᒂᓇᐛᐤ᙮
\v 11 ᐊᑯ ᐊᓐᒡ ᓇᐸᐅᒡ ᑲ ‍ ᑕᐧᑯᓇᒡ ᑎᐸᔨᒋᒐᓱᐛ ᐅᐸᔭᒋ-ᒥᐅᑎᔪᐤ ᑭᔭ ᒥᓯᐛ ᑯᑎᑭᒡ ᒋ ‍ ᑐᑐᒺᐅᒡ ᑲ ‍ ᐃᑎᑯᒡ ᒐᓱᐛᔨᒋ᙮ ᐸᐃᑯᒂᐤ ᒋ ‍ ᐛᔅᑲᑕᐅᒡ ᐊᓐᑕ ᐅᑕᓇᔪᐤ᙮ ᐊᑯ ᒥᓯᐛ ᑲᐤ ᒂ ‍ ᐃᑐᑕᒡ ᐊᓐᑕ ᐛᒋᒡ ᑭᔭ ᐊᑯᑕ ᑲ ‍ ᑕᒡ ᑕᐱᔅᑲᔨᒡ᙮
\p
\v 12 ᒥᓐ ᐎᔭᐱᓂᔨᒡ, ᐎᐱᒡ ᒋ ‍ ᐅᓂᔪᒡ ᒐᓱᐛ ᑭᔭ ᐊᔭᒥᐊᐅᒋᒪᐅᒡ, ᑭᔭ ᒥᓐ ᒂ ‍ ᑕᐧᑯᓇᒡ ᑎᐸᔨᒋᒐᓱᐛ ᐅᐸᔭᒋ-ᒥᐅᑎᔪᐤ᙮
\v 13 ᓂᓴᐅᑕᒡ ᐊᔭᒥᐊᐅᒋᒪᐅᒡ ᑲ ‍ ᑕᐧᑯᓇᒡ ᐳᑕᒋᑭᓇ ᓂᑲᓐ ᐊᓐᑕ ᒋ ‍ ᐃᑐᑕᐅᒡ ᐊ ‍ ᑕᔨᒋ ᐊᓂᔭ ᐊᔭᒥᐊᐅᒋᒪᐛ ᑲ ‍ ᑕᐧᑯᓂᒥᔨᒋ ᐸᔭᒋ-ᒥᐅᑎᔪᐤ᙮ ᐊᓐᒡ ᓂᓴᐅᑕᒡ ᐊᔭᒥᐊᐅᒋᒪᐅᒡ ᒋ ‍ ᐳᑕᑎᒧᒡ ᐅᐳᑕᒋᑭᓄᐛᐛ ᒪᒂᒡ ᐊᑎ ‍ ᐱᒧᑕᒡ᙮ ᐊᑯ ᐊᓐᒡ ᓂᑐᐱᔪᐅ-ᐃᔪᒡ ᓂᑲᓐ ᒋ ‍ ᐱᒧᑕᐅᒡ ᒥᓯᐛ ᑯᑎᑲ ᐊ ‍ ᑕᔨᒋ ᐊ ‍ ᑕᐧᑯᓇᒡ ᓂᑐᐱᔪᐅ-ᐊᐱᒋᑕᐅᓇ, ᑭᔭ ᒥᓯᐛ ᑯᑎᑭᒡ ᒋ ‍ ᐳᑕᒐᐅᒡ ᒪᒂᒡ ᐊ ‍ ᐱᒧᑕᒡ ᐊᓐᒡ ᐊᔭᒥᐊᐅᒋᒪᐅᒡ ᐊ ‍ ᑕᐧᑯᓇᒡ ᐳᑕᒋᑭᓇ᙮ ᐊᑯ ᐊᓐᒡ ᑯᑎᑭᒡ ᒥᓯᐛ ᓂᑐᐱᔪᐅ-ᐃᔪᒡ ᐛᒋ ‍ ᓇᓴᐛᒡ ᒥᓯᐛ ᑯᑎᑲ᙮ ᓇᓂᑎᒻ ᒋ ‍ ᐳᑕᑎᒧᒡ ᐅᐳᑕᒋᑭᓂᐛᐛ ᐊᓐᒡ ᓂᓴᐅᑕᒡ ᐊᔭᒥᐊᐅᒋᒪᐅᒡ᙮
\v 14 ᐊᓂᔭ ‍ ᓂᓱ ᒋᓯᑯᔪᐤ ᒥᓐ ᐸᐃᒂᐤ ᒋ ‍ ᐛᔅᑲᑕᐅᒡ ᐅᑕᓇᔪᐤ ᑭᔭ ᑲᐤ ᒂ ‍ ᐃᑐᑕᒡ ᐊᓐᑕ ᑲ ‍ ᐛᒋᒡ᙮ ᐸᐃᑯᑕᐤ ᒋ ‍ ᐃᑐᐅᒡ ᐊᓱᑕᒡ ᑕᑐ ᒋᓯᑲᐛ ᐃᔅᐱᔅ᙮
\p
\v 15 ᐊᓂᔭ ‍ ᓂᔄᐅᑕᒡ ‍ ᒋᓯᑯᔪᐤ, ᐸᔭᑕᐱᓂᔨᒡ ᒋ ‍ ᐃᓂᔪᐅᒡ, ᑭᔭ ᒥᓯᐛ ᒋ ‍ ᐛᔅᑲᑕᐅᒡ ᐅᑕᓇᒡ ᐸᐃᑯᑕᐤ ᒧᔭᒻ ᑲᒋ ‍ ᐃᑎᒡ, ᒥᒄ ᐊᓄᒡ ᓂᔄᐅᑕᒡ ᑕᑥᐤ ᒋ ‍ ᐛᔅᑲᑕᐅᒡ᙮
\v 16 ᒪᒂᒡ ᐊᓂᔭ ᐊᑎ ‍ ᐛᔅᑲᑕᒡ ᓂᔄᐅᑕᒡ ᑕᑥᐤ, ᒧᔭᒻ ᐊᑎ ᐎ ‍ ᒥᔅᑎ ᒋᔄᐛ ᐳᑕᑕᒡ ᐊᔭᒥᐊᐅᒋᒪᐅᒡ ᐅᐳᑕᒋᑭᓂᐛᐛ, ᒐᓱᐛ ᒋ ‍ ᐃᑎᓱᒪᐤ ᐃᔪᐛ, “ᒥᔅᑎ ‍ ᐊᓯᒂᒄ, ᐛᔅ ᒋᑭ ‍ ᑐᑕᑯᐛᐤ ᑎᐸᔨᒋᒐᓱᐤ ᒐᒋ ᒪᑭᓂᒺᒄ ᐊᓂᔭ ᐅᑕᓇᔪᐤ!
\v 17 ᑎᐸᔨᒋᒐᓱᐤ ᒋ ‍ ᐎᑎᒻ ᒐ ᐎ ‍ ᓂᓱᐅᓇᒋᑕᐛᒄ ᐅᑕᓇᔪᐤ ᑭᔭ ᒥᓯᐛ ᐊᓐᑕ ᒐᒂᔪᐤ ᐊ ‍ ᑎᑯᓂᔨᒡ, ᒐᒋ ᐛᐸᑎᔨᐛᔭᒄ ᐎᔾ ᐊᓂᔭ ᑕᐸᔨᑕᐧᒄ᙮ ᕋᐊᑉ ᐊᓐ ᑲᑕᐛᒐᑦ ᐎᔪᐤ ᒐᒋ ᐊᐱᒋᑕᑭᓄᐎᔨᒡ ᑭᔭ ᐊᓂᔭ ᐊᐛᔪᐛ ᐊ ‍ ᑕᔨᒋ ᐎᒋᒡ ᓇᒪ ᒋᑭ ‍ ᐱᒪᔨᒪᐛᐤ ᐛᔅ ᒋᑲᔭᐤ ᐊᓂᔭ ᑲ ᒋᒧᓴᐱᔨᒋ ᓇᐸᐛ ᐊᓂᔭ ᑲ ‍ ᐃᑎᓴᐅᒥᒋᒋ᙮
\v 18 ᑭᔭ ᑲ ‍ ᐃᔅᒋᔄᑦ ᑎᐸᔨᒋᒐᓱᐤ ᒥᓯᐛ ᒐᒂᔪᐤ ᒐᒋ ᓂᓱᐅᓇᒋᑕᑭᓄᐎᔨᒡ, ᓇᒪ ᒐᒂᓐ ᒋᑭ ᐎ ‍ ᐅᑎᓇᓇᐤ ᐊᓐᑕ ᐅᑕᓇᒡ᙮ ᐅᑎᓂᒪᑲ ᒐᒂᓐ, ᒋᑭ ‍ ᑐᑐᐛᐛᐤ ᒋᓴᒪᓂᑐᐤ ᒐᒋ ᓂᓱᐅᓇᒋᑕᑦ ᐊᓐᑕ ᐛᒋᐛᐧᒄ ᑭᔭ ᐊᒂᑕᔨᑕᒂᒡ ᒐᒂᓐ ᒐᒋ ᐅᑎᑎᑯᔭᐧᒄ᙮
\v 19 ᒥᒄ ᒥᓯᐛ ᐛᐱᓯᐅᓱᓇᔭᐱᔎ, ᑭᔭ ᐎᔄᐅᓱᓇᔭᐱᔎ ᑭᔭ ᐃᓴᑯᒡ ᑭᔭ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᑯᒡ ᐊ ᐅᒋ ‍ ᐅᓯᑕᑭᓄᐅᒋ ᒐᒂᓇ ᒐ ‍ ᒥᔅᑭᒪᒄ, ᑎᐸᓐ ᐊᓂᔭ ᒋᑭ ᐎ ‍ ᐊᔅᑐᐛᐛᐤ ᑎᐸᔨᒋᒐᓱᐤ᙮ ᐊᓐᑕ ᑲ ᓄᐛᔨᑕᑭᓄᐎᔨᒡ ᑲ ᒥᔭᑭᓄᐅᑦ ᒋᑭ ᐎ ‍ ᐊᔅᑕᐛᓇᐛᐤ᙮”
\p
\v 20 ᐊᑯ ᒂ ‍ ᐃᑎᒡ ᑲ ‍ ᐃᑎᓱᒥᑭᒡ ᒍᓱᐛᔨᒋ᙮ ᐃᔅᐱ ᓇᐅᔅ ᑲ ‍ ᐳᑕᑕᒡ ᐊᔭᒥᐊᐅᒋᒪᐅᒡ ᐅᐳᑕᒋᑭᓄᐛᐛ, ᒋ ‍ ᒥᔅᑎ ‍ ᐊᓯᒂᐅᒡ ᐃᔪᒡ, ᑭᔭ ᒂ ᐊᑎ ‍ ᐸᒋᑎᓂᔨᒡ ᒥᓯᐛ ᑲ ‍ ᐛᔅᑲᑲᐳᐎᔨᒡ ᐅᑕᓇᒡ᙮ ᐊᑯ ᓂᑐᐱᔪᐅ-ᐃᔪᒡ ᒂ ‍ ᐱᑕᐸᔨᑐᒡ ᑭᔭ ᒥᐊᑯᓇᒡ ᐅᑕᓇᔪᐤ᙮
\v 21 ᒥᓯᐛ ᐊᐛᔪᐛ ᒋ ‍ ᓂᐸᐅᒡ ᐊᓐᑕ ᐅᑕᓇᒡ—ᓇᐸᐛ ᑭᔭ ᐃᔎᐛ, ᐊᐛᓯᐅᔨᒋ ᑭᔭ ᐊ ‍ ᒋᓴᐃᔨᒋ ᐃᔪᐛ, ᐃᔭᐱᒡ ᒥᔅᑐᓴ, ᑭᔭ ᒪᔭᑕᓂᓴ ᑭᔭ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮
\p
\v 22 ᐊᑯ ᒐᓱᐛ ᒂ ‍ ᐃᑕᑦ ᐊᓂᔭ ᓂᓱ ᓇᐸᐛ ᑲ ‍ ᒋᒧᓴᐸᑎᒥᔨᒋ ᐊᔅᒋᔪᐤ, ᐃᑐᑕᒄ ᐊᓐᑕ ᕋᐊᑉ ᐎᒋᒡ᙮ ᒐ ‍ ᐸᓱᐛᒄ, ᐊᓯᒡ ᒥᓯᐛ ᐊᐸᐃᑯᔅᑲᓇᓯᑦ, ᒧᔭᒻ ᑲ ᐃᓯ ‍ ᐊᓱᑎᒧᐛᒄ᙮”
\v 23 ᐊᑯ ᐊᓐᒡ ᐅᔅᑎᓂᒍᐅᒡ ᑲ ‍ ᒋᒧᓴᐱᒡ ᒂ ‍ ᓂᑐᐛᐱᒪᒡ ᑭᔭ ᒂ ‍ ᐎᐎᑕᐊᒡ ᕋᐊᐸ, ᑭᔭ ᐅᑕᐎᔪᐛ, ᑭᔭ ᐅᑲᐎᔪᐛ, ᑭᔭ ᑭᔭ ᐎᐧᑲᓂᓯᔨᐛ ᑭᔭ ᒥᓯᐛ ᑲ ‍ ᑎᐸᔨᒪᔨᒋ᙮ ᒥᓯᐛ ᐊᐸᐃᑯᔅᑲᓇᓯᔨᒋ ᒋ ‍ᐎᐎᑕᐅᒡ ᑭᔭ ᒂ ‍ ᐃᑐᑕᒡ ᐊᓐᑕ ᐃᑕᐅᓂᒡ ᐎᐎᑎᒥᒡ ᑲ ‍ ᐎᒋᔨᒋ ᐃᔅᕋᐃᓪ ᐃᔪᐛ᙮
\p
\v 24 ᒂ ᐃᔎᓴᒡ ᒥᓯᐛ ᐅᑕᓇᔪᐤ ᑭᔭ ᒥᓯᐛ ᒐᒂᓂᔪᐤ ᐊᓐᑕ ᐊ ᑎᑯᓂᔨᒡ, ᒥᒄ ᒋ ‍ ᐊᔅᑕᐅᒡ ᐛᐱᓯᐅᓱᓇᔭᔪᐤ, ᑭᔭ ᐎᔄᐅᓱᓇᔭᔪᐤ ᑭᔭ ᑲ ‍ ᐛᐸᐱᔅᒋᓯᐤ ᓱᓇᔭᐱᔅᑯᔨᒋ ᑭᔭ ᐃᓴᑯᒡ ᒐᒂᔪᐛ ᐊᓐᑕ ᐎᒋᒡ ᑎᐸᔨᒋᒐᓱᐤ ᑲ ᓄᐛᔨᑕᑭᓄᐎᔨᒡ ᑲ ᒥᔭᑭᓄᐅᑦ᙮
\v 25 ᒥᒄ ᒐᓱᐛ ᒋ ‍ ᐱᒪᒋᐊᐤ ᕋᐊᐸ ᐊᓂᔭ ᑲ ‍ ᑕᐛᒐᔨᒋ ᐎᔭᔪᐤ ᐊᓯᒡ ᐊᐸᐃᑭᔅᑲᓇᓯᔨᒋ ᑭᔭ ᒥᓯᐛ ᑲ ‍ ᑎᐸᔨᒪᔨᒋ ᐛᔅ ᒋ ‍ ᑲᔭᐤ ᐊᓂᔭ ᓇᐸᐛ ᒋᒧᑦ ᑲ ᓇᓂᑐᐤ ‍ ᒋᔅᒐᔨᑎᒥᔨᒋ ᒐᒂᓂᔪᐤ ᐊᓐᑕ ᒐᕆᑯᒡ᙮ (ᐊᔅᒃ ᐊᓄᒡ ᒐᓯᑲᔨᒡ ᐎᒋᒪᐤ ᐃᔅᕋᐃᓪ ᐃᔪᐛ)
\p
\v 26 ᒪᒂᒡ ᐊᓂᔭ ᑲ ‍ ᐃᔅᐱᔨᒡ, ᒐᓱᐛ ᒋ ‍ ᐃᔭᒂᒥᒪᐤ ᐃᔪᐛ, “ᒋᑭ ‍ ᐊᓏᔨᒪᐤ ᑎᐸᔨᒋᒐᓱᐤ ᐊᓂᔭ ᐊᐛᔪᐛ ᐊᑯᒋᑕᔨᒋ ᒐᒋ ᑲᐤ ᐎᑲᐳᑕᔨᒋ ᐅᔭ ᐅᑕᓇᔪᐤ, ᒐᕆᑯᐤ᙮ ᐃᔅᐱ ᐅᓯᑕᒐ ᐊᓐᑕ ᒐ ‍ ᑕᒋᑲᐳᐎᔨᒡ ᐅᑕᓇᔪᐤ, ᒋᑭ ‍ ᐳᓂᐱᒪᑎᓯᔨᐛ ᐊᒋᓴᐃᔪᐎᒋ ᐅᑯᓴ᙮ ᑭᔭ ᐃᔅᐱ ᒋᔅᑕᒐ ᐊᐎᑲᐳᐅᑕᑦ ᐊᐛᔅᑲᑲᐳᐎᔨᒡ ᐅᑕᓇᒡ ᑭᔭ ᒋᒥᑕᒐ ᐃᔎᑕᒪ, ᐊ ‍ ᐊᐛᓯᐅᐎᔨᒋ ᐅᑯᓴ ᒋᑭ ‍ ᓂᐳᓂᐱᒪᑎᓯᔨᐛ᙮”
\p
\v 27 ᑎᐸᔨᒋᒐᓱᐤ ᒐ ‍ ᐎᒋᐊᐤ ᒐᓱᐛᔨᒋ ᒥᓯᐛ ᒐᒂᔪᐤ ᑲ ‍ ᑐᑎᒥᔨᒋ, ᑭᔭ ᒥᓯᐛ ᐊᓐᑕ ᑲᐃᓇᓐ ᐊᔅᒋᒡ ᒋᒥᔪᐤ ‍ ᒋᔅᒐᔨᒪᑭᓄᐅᐤ ᒐᓱᐛ᙮
\c 7
\s1 ᐊᐃ ᐃᔪᒡ ᒋᓴᐧᑯᒋᐊᐅᒡ ᐃᔅᕋᐃᓪ ᐃᔪᐛ
\p
\v 1 ᑎᐸᔨᒋᒐᓱᐤ ᒋ ‍ ᐃᑎᓱᐛᐤ ᒐᒋ ᓂᓱᐅᓇᒋᑕᑭᓄᐎᔨᒡ ᒥᓯᐛ ᒐᒂᔪᐤ ᑲ ‍ ᒪᑭᓄᐎᔨᒡ ᐊᓐᑕ ᒋᕆᑯᐤ ᒐᒋ ᐛᐸᑕᑭᓄᐎᔨᒡ ᐎᔾ ᐊᓂᔭ ᑕᐱᔨᐛᐅᓯᑦ᙮ ᒥᒄ ᒋᑕᐤ ᐊᓐᑕ ᓇᐸᐤ ᒍᑕ ᐊ ‍ ᐃᑎᔅᑲᓇᓯᑦ, ᐊᒐᓐ ᐊᓯᓂᐧᑲᓱᑦ᙮ ᑲᕐᒥ ᐅᑯᓴ ᑭᔭ ᓴᑉᑎ ᐅᓯᒪ, ᑭᔭ ᓯᕋ ᐅᑦ ‍ ᐊᓂᔅᑯᑕᐸᓇ᙮ ᓇᒪ ᐅᒋ ᓂᓇᐃᑎᒻ ᑲ ‍ ᐃᑎᓱᐛᔨᒋ ᑎᐸᔨᒋᒐᓱᐛ, ᑭᔭ ᐱᔅᒐ ᒋ ‍ ᐅᑎᓂᒪᓱᐤ ᒐᒂᔪᐛ᙮ ᐊᑯ ᓇᔅᒡ ᒂ ‍ ᒋᔄᐃᑯᑦ ᑎᐸᔨᒋᒐᓱᐤ ᒥᓯᐛ ᐃᔅᕋᐃᓪ ᐃᔪᐛ᙮
\p
\v 2 ᒐᓱᐛ ᒂ ‍ ᐃᑎᓴᐛᑦ ᓇᐸᐛ ᐊᓐᑕ ᐊᐃ ᐅᑕᓇᒡ ᐛᐱᓄᑕᒡ ᐸᑕᓪ ᐅᑕᓇᒡ ᑭᔭ ᒥᒋᒪ ᐸᑦ-ᐊᐱᓐ ᐅᑕᓇᒡ ᐊ ‍ ᑎᑯᓂᔨᒡ᙮ ᒋ ‍ ᐃᑕᐤ, “ᐃᑐᑕᒄ ᐊᓐᑕ ᐊᐃ ᐅᑕᓇᒡ ᑭᔭ ᒋᒧᑦ ᒐ ᓇᓂᑐᐤ ‍ ᒋᔅᒐᔨᑎᒪᒄ ᐊᓐ ᐊᔅᒋᔾ᙮” ᒂ ‍ ᐃᑐᑕᒡ ᐊᓐᒡ ᓇᐸᐅᒡ ᐊᓐᑕ ᐊᐃ ᐅᑕᓇᒡ᙮
\p
\v 3 ᑕᑯᓯᓂᒡ ᓇᑐᐛᐱᒪᒡ ᒐᓱᐛᔨᒋ ᒋ ᐃᑕᐅᒡ, “ᓇᒪ ᓇᔅᒡ ᒥᒐᑐᐅᒡ ᐃᔪᒡ ᐊᓐᑕ ᐊᐃ ᐅᑕᓇᒡ᙮ ᐊᑯ ᓇᒪ ᓂᑐᐛᔨᑕᑯᓐ ᒐᒋ ᒥᓯᐛ ᐃᑎᓴᐛᐧᑯᒡ ᒋ ‍ ᓂᑐᐱᔪᐅ-ᐃᔨᒥᓄᐅᒡ ᒐᒋ ᓴᐧᑯᒋᐊᒡ ᐊᓂᔭ ᐃᔪᐛ᙮ ᒥᒄ ᓂᔄᐤ ᑭᔭ ᒪᒃ ᓂᔅᑥᐤ ᒐᓯᐱᔪᐤ ᒋᑭ ‍ ᐃᔅᐱᔪᐅᒡ ᒐᒋ ᑯᓯᒂᔨᒧᑐᐛᒡ᙮”
\v 4 ᐊᑯ ᒥᒄ ᓂᔅᑥᐤ ᒐᓯᐱᔪᐤ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒋᔅᑐᑕᐅᒡ ᑭᔭ ᒂᓯᒂᔨᒧᑕᒡ ᐊᐃ ᐅᑕᓇᔪᐤ᙮ ᒥᒄ ᒋᒋᐛ ᒋᔅᑎᒪᔨᑯᐅᒡ ᐊᐃ ᐃᔪᐛ᙮
\v 5 ᓂᔅᑐᔪᐤ ᐊᓱ ‍ ᐊᓱᑕᒡ ᐃᔅᕋᐃᓪ ᐃᔪᐛ ᒋ ‍ ᓂᐸᐅᒡ ᑭᔭ ᐅᑕᓇᒡ ᐃᔎᑎᒥᒡ ᐅᒋ ᒋ ᐅᒋ ‍ ᓇᓴᐛᐅᒡ ᒥᓯᐛ ᑯᑎᑲ ᐃᔅᕋᐃᓪ ᐃᔪᐛ ᐃᔅᐱᔅ ᐊᓐᑕ ᓂᑕᒥᑎᓇᐤ᙮ ᐃᔅᐱ ᑯᑎᑭᒡ ᐃᔅᕋᐃᓪ ᐃᔪ ᐎᔭᐸᑕᒡ ᐅᔭ ᐊ ‍ ᐃᔅᐱᔨᒡ, ᓇᔅᒡ ᒂ ᐱᒋᑕᔨᒧᒡ᙮
\p
\v 6 ᒐᓱᐛ ᑭᔭ ᑯᑎᑭᒡ ᐃᔅᕋᐃᓪ ᑲ ᓂᑲᓄᔅᑲᒐᒡ ᒋ ‍ ᐱᑯᐱᑎᒧᒡ ᐅᑦ ᐊᐱᒋᑕᐅᓄᐛᐛ, ᐛᔅ ᒋ ‍ ᑯᓯᑯᒪᒋᐅᐎᒡ ᐊᒋ ‍ ᓴᐧᑯᒋᐊᑭᓄᐅᒡ᙮ ᒂ ᐊᑎ ‍ ᐅᑎᑎᐱᔪᐅᒡ ᐊᓐᑕ ᐃᔅ ᐊᔅᒋᒡ ᐅᑎᔅᑯᐤ ᑎᐸᔨᒋᒐᓱᐛ ᐅᐸᔭᒋ-ᒥᐅᑎᒥᔪᐤ᙮ ᐊᑯᑕ ᑲ ‍ ᐃᑕᒡ ᐃᐱᔅ ᐊᓂᔭ ᐛᑕᑯᓯᔨᒡ᙮ ᐃᔭᐱᒡ ᒋ ‍ ᐊᔅᑕᐅᒡ ᐃᔭᑲᔪᐤ ᐅᔅᑎᒂᓄᐛᒡ ᒐᒋ ᐛᐸᑎᔨᐛᒡ ᐊ ᑯᓯᑯᒪᒋᐅᐎᒡ ᑕᓐ ᑲ ‍ ᐃᔅᐱᔨᒡ᙮
\v 7 ᐊᑯ ᒐᓱᐛ ᒂ ‍ ᐊᔭᒥᐊᑦ, “ᑎᐸᔨᒋᒐᓱᐤ ᒋᓴᒪᓂᑐᐤ, ᒋᒋ ‍ ᐸᓱᐅᓇᓐ ᓂᓇᓐ ᐃᔅᕋᐃᓪ ᐃᔪᒡ ᐊᓐᑕ ᒂᔅᑕᒐᑲᒻ ᒠᕐᑕᓐ ᓯᐱᒡ᙮ ᒐᒂᓐ ᐛᒋ ‍ ᓇᐊᐃᒥᑥᐤ ᐊᓄᒡ ᐊᒧᕆ ᐃᔪᒡ ᐊ ‍ ᐃᑎᔅᑲᓇᓯᒡ ᒐᒋ ᓴᐧᑯᒋᔨᒥᒡ ? ᐊᑐᒡ ᒋᐸ ‍ ᐃᓯᓇᑯᓄᐱᓐ ᐅ ᑕᔭᒐᒂ ᐊᓐᑕ ᒂᔅᑕᒐ ᒠᕐᑕᓐ ᓯᐱᒡ!
\v 8 ᑎᐸᔨᒋᒐᓱᐤ, ᓂᓇᓐ ᐃᔅᕋᐃᓪ ᐃᔪᒡ ᓂᒋ ‍ ᓴᐧᑯᒋᔨᑯᓇᓐᒡ ᑲ ‍ ᐛᐧᑲᓯᔨᒥᒡ, ᐊᑯ ᓇᒪ ᓂ ‍ ᒋᔅᒐᔨᑕᓐ ᒐᒂᓐ ᓂᐸ ‍ ᐃᔅᒋᔄᓐ᙮
\v 9 ᒋᑭ ‍ ᐸᑎᒧᒡ ᑲᐃᓇᓐ ᐃᔪᒡ ᐊ ‍ ᐃᑎᔅᑲᓇᓯᒡ ᑭᔭ ᒥᓯᐛ ᑯᑎᑭᒡ ᐃᔪᒡ ᐊᑕᒡ ᐅᑕ ᑲᐃᓇᓐ ᐊᔅᒋᒡ, ᒋᑭ ‍ ᐸᑎᒧᒡ ᐅᔭ ᑲ ‍ ᐃᔅᐱᔨᒡ᙮ ᐊᑯ ᒐ ᐛᔅᑲᑲᐳᐅᔅᑐᐛᔨᒥᒡ ᑭᔭ ᒥᓯᐛ ᒐ ‍ ᓂᐸᐃᒥᒡ᙮ ᐊᑯ ᒐᒂᓐ ᒐ ‍ ᑐᑎᒥᓐ ᒐᒋ ᐛᐸᑎᔨᐛᔨᓐ ᐊᓱᐧᑲᑎᓯᐤ ᒋᓴᒪᓂᑐᐎᔨᓐ ?”
\p
\v 10 ᒥᒄ ᑎᐸᔨᒋᒐᓱᐤ ᒂ ‍ ᐃᑕᑦ ᒐᓱᐛᔨᒋ, “ᐱᓯᑯ ! ᒐᒂᓐ ᐛᒋ ᐅᑎᑕᒧᓂᓯᓂᔨᓐ ᐊᓐᑕ ᒧᔅᑎᔅᑯᒥᑲᒡ ?
\v 11 ᒋᔨᐛᐤ ᐃᔅᕋᐃᓪ ᐃᔪᒡ ᒋᒋ ‍ ᒥᒋᑐᑕᓇᐛᐤ! ᒋᑦ ‍ ᐃᔨᒧᐛᐅᒡ ᓇᒪ ᐅᒋ ᓂᓇᐃᑕᑎᒧᒡ ᐃᑎᓱᐛᐅᓇ ᑲ ‍ ᐃᑎᑎᑯᒡ ᒐ ‍ ᓂᓇᐃᑎᒪᒄ᙮ ᐸᐃᒄ ᒋᑦ ‍ ᐃᔨᒧᐛᐤ ᒋ ‍ ᐅᑎᓂᒻ ᐱᔅᒐ ᒐ ‍ ᒂᔪᐛ ᑲ ‍ ᐃᑎᑎᑯᒡ ᒐᒋ ᓂᓱᐅᓇᒋᑕᔭᒄ᙮ ᒋ ‍ ᒋᒧᑐᐤ ᐊᓂᔭ ᑭᔭ ᒋ ‍ᐅᑎᓂᒪᓱᐤ ᑭᔭ ᒋ ‍ ᑭᑭᒋᔭᐤ,
\v 12 ᐊᐅᑯᓐ ᐛᒋ ‍ ᐊᑲ ᐅᒋ ‍ ᒋᓱᒋᔭᒄ ᒋᔨᐛᐤ ᐃᔅᕋᐃᓪ ᐃᔪᒡ ᐃᔅᐱ ᑲ ‍ ᑯᓯᒂᔨᒧᑐᐛᑯᒡ ᑲ ‍ ᐱᒂᑎᑕᑯᒡ᙮ ᐊᐅᑯᓐ ᑲ ᐅᒋ ‍ ᒋᑎᓯᒪᑯᒡ, ᑭᔭ ᐊᓄᒡ ᒋᑭ ᒋ ‍ ᓂᓱᐅᓇᒋᔨᑯᐅᓇᐛᐤ᙮ ᐊᑲ ᑐᑎᒪᒂ ᑲ ‍ ᐃᑎᓱᒥᑎᑯᒡ ᑭᔭ ᓂᓱᐅᓇᒋᑕᔭᒂ ᒥᓯᐛ ᒐᒂᔪᐛ ᑲ ‍ ᒪᑯᓂᒪᒄ ᐊᓐᑕ ᒋᕆᑯᐃᒡ ᓇᒪ ᓴᔅ ᒋᑭ ‍ ᐎᒋᔨᑎᓇᐛᐤ!”
\p
\v 13 ᐊᑯ ᒪᒋ ᑭᔭ ᐎᑎᒧᐅᒡ ᐅᔭ ᐃᔪᒡ: “ᐛᐸᒐ ᒋᑭ ᐎ ᐱᔭᒋᔨᓱᓇᐛᐤ ᒐᑐᑕᑎᓱᔭᒄ ᒐᒋ ᒥᓐ ᒥᔪ ‍ ᐃᑕᔨᒥᑕᒄ ᑎᐸᔨᒋᒐᓱᐤ᙮ ᑎᐸᔨᒋᒐᓱᐤ, ᐊᓂᔭ ᐊᔭᒥᐊᔅᑐᐛᒡ ᐃᔅᕋᐃᓪ ᐃᔪᒡ, ᐃᔅᒋᔄᐤ, ᐸᐃᒄ ᐊᑎᓯᔭᒄ ᒋ ‍ ᑭᓄᐛᔨᑎᒻ ᒐᒂᔪᐛ ᑲ ‍ ᐃᑎᑕᒄ ᒐᒋ ‍ ᓂᓱᐅᓇᒋᑕᐛᒄ ! ᓇᒪ ᓂᑕ ᒋᑭ ᒋ ‍ ᓴᐧᑯᒋᐊᐛᐅᒡ ᑲ ‍ ᐛᐧᑲᑎᑕᑯᒡ ᐸᑐᔅ ᒋᓂᓱᐅᓇᒋᑕᔭᒂ ᐊᓂᔭ ᒐᒂᔪᐛ ᙮
\p
\v 14 ᒋᔭᒋᓴᐸᔭᒐ ᒥᓯᐛ ᒋᑭ ᐎ ‍ ᓂᔅᑐᐎᓇᐛᐤ ᐅᑎᔅᑯᐤ ᑎᐸᔨᒋᒐᓱᐤ ᐊᑕᑦ, ᐊᑎ ‍ ᐃᑎᔅᑲᓇᓯᔭᒄ᙮ ᐊᑯ ᑎᐸᔨᒋᒐᓱᐤ ᒐ ‍ ᐎᑕᐧᒃ ᒐᒄ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐛᒋ ‍ ᑎᐸᔨᑕᑯᓯᑦ ᐊᓐ ᓇᐸᐤ ᑲ ‍ ᐅᑎᓇᐧᒃ ᒐᒂᔪᐛ, ᑭᔭ ᒐ ᐊᑎ ‍ ᐎᔭᑦ ᐊᐸᐃᑯᔅᑲᓇᓯᔨᒋ ᐛᒋ ‍ ᑎᐸᔨᑕᑯᓯᔨᒋ᙮ ᐊᑯ ᒐ ᐊᑎ ᐎᔭᑦ ᐊᓂᔭ ᐊᐛᔪᐛ ᐊᓐᑕ ᐊᐸᐃᑯᔅᑲᓇᓯᔨᒋ ᑲ ‍ ᐅᑎᓂᒥᔨᒋ ᒐᒂᔪᐛ᙮
\v 15 ᐊᑯ ᐊᓐ ᐊᐛᓐ ᑲ ‍ ᐅᑎᓇᐧᒃ ᐱᔅᒐ ᒐᒂᔪᐛ ᒐ ‍ ᓂᓱᐅᓇᒋᑕᑭᓄᐎᐱᓂ ᒋᑭ ‍ ᓂᓱᐅᓇᒋᐊᑭᓄᐤ ᐃᔅᑯᑕᒡ᙮ ᑭᔭ ᒥᓯᐛ ᒐᒂᔪᐤ ᑕᐱᐛᐅᓯᑦ ᒋᑭ ‍ ᐊᓯᒡ ᓂᓱᐅᓇᒋᑕᑭᓄᐎᔪᐛ ᐊᓯᒡ ᐎᔾ, ᐛᔅ ᓇᒪ ᐅᒋ ᓂᓇᐃᑎᒻ ᐎᓱᐛᐅᓂᔪᐤ ᑲᒥᔨᑎᑕᐧᑯ ᑎᐸᔨᒋᒐᓱᐛ ᑭᔭ ᒋᒋ ‍ ᑐᑕᑯᓄᐤ ᒋᔭᓄᐤ ᐊ ‍ ᐃᔅᕋᐃᓪ-ᐃᔪᐛᐧᒄ ᐊ ᐊᑲ ᒋᔅᑕᔨᑕᑯᓂᔨᒡ ᒐᒂᔪᐤ᙮’ ”
\p
\v 16 ᐎᐱᒡ ᒥᓐ ᒋᔭᒋᓴᐸᔭᔨ, ᒐᓱᐛ ᒋ ‍ ᐃᑕᐤ ᒥᓯᐛ ᐃᔪᐛ ᒐᒋ ᓂᐳᐎᔨᒋ ᐅᑎᔅᑯᐤ ᐸᔭᒋ ᐱᒍᐎᔭᓂᒋᐛᐱᒡ, ᐊᓂᔭ ᐊᑎ ‍ ᐃᑎᔅᑲᓇᓯᔨᒋ ᐃᔪᐛ᙮ ᐃᔅᐱ ᑲ ‍ ᑐᑕᒡ ᐊᓂᔭ, ᑎᐸᔨᒋᒐᓱᐤ ᒋ ‍ ᐎᑎᒻ ᐊᐅᑯᔪᐛ ᐊᓂᔭ ᓇᐸᐛ ᒍᑕ ᐊ ‍ ᐃᑎᔅᑲᓇᓯᔨᒋ ᐅᒋ ᑲ ‍ ᐅᑎᓂᒥᔨᒋ ᒐᒂᔪᐛ᙮
\v 17 ᐊᑯ ᒍᑕ ᐃᔪᒡ ᐊ ‍ ᐃᑎᔅᑲᓇᓯᒡ ᒂ ‍ ᓇᒋᑲᐳᐅᒡ, ᑭᔭ ᒂ ‍ ᐎᑕᐧᒃ ᑎᐸᔨᒋᒐᓱᐤ ᐸᐃᒄ ᐊᐛᔪᐛ ᓴᕋ ᐃᔪᐛ ᐊ ‍ ᐃᑎᔅᑲᓇᓯᔨᒋ ᐅᒋ ᐊᑕᒪᔨᑕᑯᓯᔨᒋ᙮ ᐊᑯ ᓯᕋ ᐃᔪᒡ ᐊ ‍ ᐃᑎᔅᑲᓇᓯᒡ ᒂ ‍ ᓇᒋᑲᐳᐅᒡ, ᑭᔭ ᒂ ‍ ᐎᑕᐧᒃ ᑎᐸᔨᒋᒐᓱᐤ ᐸᐃᒄ ᐊᐛᔪᐛ ᓴᑉᑎ ᐊ ‍ ᐸᐃᑯᐎᒋᓯᔨᒋ ᐅᒋ ᐊᑕᒪᔨᑕᑯᓯᔨᒋ᙮
\v 18 ᐊᑯ ᒐᓱᐛ ᒂ ‍ ᐃᑕᑦ ᓇᐸᐛ ᐊᓂᔭ ᐊᐸᐃᑯᐎᒋᓯᔨᒋ ᒐᒋ ᓇᒋᑲᐳᔨᒋ, ᒂ ‍ ᐎᑕᐧᒃ ᑎᐸᔨᒋᒐᓱᐤ ᐊᒐᓇ ᐊᑕᒪᔨᑕᑯᓯᔨᒋ᙮
\p
\v 19 ᒐᓱᐛ ᒂ ‍ ᐃᑕᑦ ᐊᒐᓇ, “ᓂᑯᓴ, ᐎᑕ ᑕᑈᐅᓐ᙮ ᐎᑎᒧᐤ ᑎᐸᔨᒋᒐᓱᐤ, ᐊᓐ ᒋᓴᒪᓂᑐᐤ ᒋᔭᓄᐤ ᐃᔅᕋᐃᓪ ᐃᔪᒡ ᐊᔭᒥᐊᔅᑐᐛᐧᒄ, ᑕᓐ ᑲ ‍ ᐃᑐᐅᑦ᙮ ᑭᔭ ᐎᑎᒧᐎ ᒐᒂᓐ ᑲ ‍ ᑐᑎᒥᓐ, ᑭᔭ ᒐ ᐊᑲ ᐎ ‍ ᑲᑕᔨᓐ ᒐᒂᓐ᙮”
\p
\v 20 ᐊᒐᓐ ᒂ ‍ ᐃᔅᒋᔄᑦ, “ᑕᑈᓄᐤ, ᓂᒋ ‍ ᒥᒋᑐᑐᐛᐤ ᑎᐸᔨᒋᒐᓱᐤ, ᐊᓐ ᒋᓴᒪᓂᑐᐤ ᒋᔭᓄᐤ ᐃᔅᕋᐃᓪ ᐃᔪᒡ ᐊᔭᒥᐊᔅᑐᐛᐧᒄ᙮
\v 21 ᐊᓂᔭ ᒐᒂᔪᐛ ᑲ ‍ ᑎᒂᒋ ᐊᓐᑕ ᒋᕆᑯᐤ ᓂᒋ ‍ ᐛᐸᑕᓐ ᓇᔅᒡ ᐊ ‍ ᒥᔽᔅᒡ ᐊᑯᑉ ᐸᐱᓗᓂᐊ ᐅᒋ᙮ ᐃᔭᐱᒡ ᓂᓱ ᒥᑕᓯᒥᑎᓄᐤ (200) ᐛᐱᓯᐅᓱᓇᔭᐱᔎ ᓂᒋ ‍ ᐛᐸᑕᓐ ᑭᔭ ᐱᔅᒐ ᐎᔄᐅᓱᓇᔭᐤ ᐱᑕᑕᒡ ᑕᑐᔪᐤ (50) ᐛᐱᓯᐅᓱᓇᔭᐱᔎ ᐊᑕᑎᐸᐸᑲᐃᑭᓇᔭᒡ᙮ ᒋᒋᐛ ᓂᒋ ᐎ ‍ ᐅᑎᓂᒪᓱᓐ ᐊᓂᔭ ᒐᒂᔪᐛ, ᐊᑯ ᒂ ‍ ᐅᑎᓂᒪ᙮ ᓂᒋ ‍ ᐃᔨᔅᑭᒥᒋᓇᓐ ᐊᓐᑕ ᓂᐱᒍᐛᔭᓂᒋᐛᐱᒡ᙮ ᐊᑯᑕ ᒐᒥᔅᑭᒪᒄ᙮ ᓴᒄ ᑯᑎᑲ ᒐᒂᓂᒡ ᑎᑯᓇ ᐛᐱᓯᐅᓱᓇᔭᐱᔎ᙮”
\p
\v 22 ᐊᑯ ᒐᓱᐛ ᒂ ‍ ᐃᑎᓴᐛᑦ ᐱᔅᒐ ᓇᐸᐛ ᒐᒋ ᓇᓂᑐᐛᐸᑎᒥᔨᒋ ᐊᓂᔭ ᒐᒂᔪᐛ᙮ ᒂ ‍ ᐃᔅᐸᑕᔨᒋ ᐊᓐᑕ ᐊᒐᓇ ᐅᐱᒍᐎᔭᓂᒋᐛᐱᒡ ᑭᔭ ᒥᓯᐛ ᐊᓐᑕ ᒋ ‍ ᒥᔅᑭᒺᐅᒡ ᑲ ‍ ᑲᑕᑭᓄᐎᒋ ᒐᒂᔪᐛ᙮
\v 23 ᒥᓯᐛ ᒂ ‍ ᐎᐎᑕᒡ ᐊᓐᑕ ᐱᒍᐎᔭᓂᒋᐛᐱᒡ ᐅᒋ ᑭᔭ ᒂ ‍ ᐃᑐᑐᐛᒡ ᒐᓱᐛᔨᒋ ᑭᔭ ᒥᓯᐛ ᐃᔅᕋᐃᓪ ᐃᔪᐛ᙮ ᒂ ‍ ᐊᔅᑕᒡ ᐊᓐᑕ ᒧᔅᑎᔅᑯᒥᒡ ᒐᒋ ᐛᐸᑎᒥᔨᒋ ᑎᐸᔨᒋᒐᓱᐛ᙮
\p
\v 24 ᒐᓱᐛ ᑭᔭ ᒥᓯᐛ ᑯᑎᑭᒡ ᐃᔅᕋᐃᓪ ᐃᔪᒡ ᒂ ‍ ᐃᑐᑕᐊᒡ ᐊᒐᓇ ᐊᓐᑕ ᐊ ‍ ᐱᓴᔨᒡ᙮ ᐃᔭᐱᒡ ᐛᐱᓯᐅᓱᓇᔭᐱᔎ, ᑭᔭ ᐊᑯᐱᔪᐤ, ᑭᔭ ᐎᔄᐅᓱᓇᔭᔪᐤ, ᑭᔭ ᐎᐎᔨᐛ, ᑭᔭ ᐅᑯᓯᔨᐛ, ᑭᔭ ᐅᑕᓂᓯᔨᐛ, ᑭᔭ ᐅᒥᒋᑎᐧᑯᒥᔪᐛ, ᑭᔭ ᑲᓂᐧᑲᑎᓯᔨᒋ ᐅᑲᐸᐃᑭᔎᒥᔨᐛ ᑭᔭ ᐅᒪᔭᑕᓂᓯᒥᔨᐛ, ᑭᔭ ᐅᐱᒍᐎᔭᓂᒋᐛᐱᒥᔪᐤ, ᑭᔭ ᒥᓯᐛ ᑲ ᐃᓯ ‍ ᑎᐱᔨᐛᐅᓯᔨᒋ ᒋ ‍ ᐃᑐᑕᐛᐅᒡ᙮
\v 25 ᒐᓱᐛ ᒂ ‍ ᐃᔅᒋᔄᑦ, “ᓇᒪ ᓂ ‍ ᒋᔅᒐᔨᑕᓐ ᒐᒂᓐ ᐛᒋ ᐸᑐᐅᔭᒡ ᒥᔅᑎ ᐊᔨᒥᔨᐛᐅᓐ, ᒥᒄ ᐊᓄᒡ ᒋᑭ ‍ ᑐᑕᒄ ᑎᐸᔨᒋᒐᓱᐤ ᒐᒋ ᐊᔨᒥᔪᔨᓐ᙮” ᐊᑯ ᒥᓯᐛ ᐊᐛᓐ ᒂ ‍ ᐸᐱᐳᒧᓯᓇᑕᐛᒡ ᐊᓯᓂᔭ ᐊᒐᓇ ᑭᔭ ᐊ ‍ ᐸᐃᑯᔅᑲᓇᓯᔨᒋ ᐸᑐᔅ ᓇᐱᔨᒋ᙮ ᐊᑯ ᒥᓯᐛ ᒂ ‍ ᐃᔎᓯᒺᒡ ᐎᔨᔪᐛ᙮
\p
\v 26 ᒂ ‍ ᐱᔅᑯᔅᑕᐛᒡ ᐊᓯᓂᔭ ᐊᓐᑕ ᐊᐱᐧᑯᑕᐎᔨᒋ ᐎᔨᔪᐛ ᑭᔭ ᐊᔅᒄ ᐊᓄᒡ ᐊᓐᑕ ᑎᑯᓂᔪᐛ᙮ ᐊᐅᑯᓐ ᐛᒋ ‍ ᐃᓯᓂᐧᑲᑕᒡ ᐅᔅᑕᐱᔨᐛᐅ ᐊ ‍ ᐱᓴᒡ᙮ ᐊᓂᔭ ᑲᒋ ‍ ᐃᔅᐱᔨᒡ, ᓇᒪ ᓴᔅ ᐅᒋ ‍ ᒋᔄᐱᔅᑐᐛᐤ ᑎᐸᔨᒋᒐᓱᐤ ᐃᔅᕋᐃᓪ ᐃᔪᐛ᙮
\c 8
\s1 ᒋᓂᓱᐅᒐᒋᑕᑭᓄᐤ ᐊᐃ ᐅᑕᓇᐤ
\p
\v 1 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒐᓱᐛᔨᒋ, “ᐊᑲ ᑯᔅᑕᒋ ᑭᔭ ᒪᒃ ᐱᒋᑕᔨᒧᐤ ᐛᔅ ᑕᓐ ᑲ ‍ ᐃᔅᐱᔨᒡ ᐊᓐᑕ ᐊᐃ᙮ ᒋᔅᒋᓄᑕᔨᒡ ᒥᓯᐛ ᒋᓂᑐᐱᔪᐅ-ᐃᔨᒥᒡ ᑭᔭ ᒐ ‍ ᐃᑐᑕᔭᒄ ᓇᑕ ᒥᓐ᙮ ᒋᑭ ‍ ᐎᒋᔨᑎᓐ ᒐᒋ ᓴᐧᑯᒋᔨᑦ ᐊᐃ ᒋᓴᐅᒋᒪᐤ ᑭᔭ ᐅᑦ ᐃᔨᒪ ᑭᔭ ᐅᑕᓇᒻ, ᑭᔭ ᒋᑭ ‍ ᑐᑕᑎᓐ ᒐᒋ ᐅᑎᓂᒧᑦ ᐅᑦ ᐊᔅᒋᔾ᙮
\v 2 ᐸᐃᑯᑕᐤ ᒋᑭ ‍ ᑐᑐᐛᐅᒡ ᒋᓂᑐᐱᔪᐅ-ᐃᔨᒥᒡ ᐊᐃ ᐃᔪᐛ ᑭᔭ ᐅᒋᓴᐅᒋᒥᔨᐛ ᒧᔭᒻ ᑲ ‍ᑐᑐᐛᑯᒡ ᒐᕆᑯᐤ ᐃᔪᒡ ᑭᔭ ᐅᒋᓴᐅᒋᒪᒧᐛᐛ, ᒥᒄ ᐊᓄᒡ ᒋᑭ ᓇᐊᐃᒥᑎᓇᐛᐤ ᒐᒋ ᐅᑎᓂᒺᒄ ᐊ ‍ ᑎᐱᔨᐛᐅᓯᐅᓄᐛᐛ ᑭᔭ ᑭᓄᐛᔨᑎᒪᓱᐛᒄ᙮ ᒥᒄ ᓂᔅᑎᒻ, ᐎᑎᒧᐅᒡ ᐱᔅᒐ ᒋᓂᑐᐱᔪᐅ-ᐃᔨᒥᒡ ᒐᒋ ᑲᓱᒡ ᐊᓐᑕ ᐅᑕᒡ ᐅᑕᓇᒡ ᑭᔭ ᒐᒋ ᐊᔭᔅᑯᐎᒡ ᒐᒋ ᓯᔅᒋᑯᒡ ᑯᓯᒂᔨᒧᑎᒪᒄ᙮”
\p
\v 3 ᐊᑯ ᒐᓱᐛ ᐊᐃ ᒂ ᐃᓯ ‍ ᒋᔅᒋᓄᑕᐊᑦ ᐅᓂᑐᐱᔪᐅ-ᐃᔨᒪ, ᓂᔅᑐᔪᐤ ᒐᓯᐱᔪᐤ (30᙮000) ᓇᔅᒡ ᐛᒋ ‍ ᐱᑯᑕᔨᒋ ᐅᓂᑐᐱᔪᐅ-ᐃᔨᒪ ᒋ ‍ ᐅᑎᓇᐤ ᑭᔭ ᒂ ‍ ᐊᔭᔅᑯᐎᑦ ᒐᒋ ᐃᑎᓴᐛᑦ ᒪᒂᒡ ᑕᐱᔅᑲᔨᒡ᙮
\v 4 ᒂ ‍ ᐃᑕᑦ, “ᒥᔪ ᓂᑐᑎᒥᒄ, ᐱᔅᒐ ᓇᑕ ᒂᔅᑕᒐ ᐅᑕᓇᒡ ᒋᑭ ‍ ᑲᓱᐅᒡ᙮ ᒐ ᐊᑲ ᐛᔪᐤ ᐃᑐᑕᔭᒄ, ᒥᒄ ᒐ ‍ ᐃᔭᔅᑯᐎᔭᒄ ᒐᒋ ᑯᓯᒂᔨᒧᑎᒪᒄ᙮
\v 5 ᓂᔾ ᑭᔭ ᐊᓐᒡ ᐛᒐᐅᒡ ᓂᑭ ‍ ᐱᒧᑕᓇᓐ ᐅᑕᓇᒡ ᐃᓯ ᒐᒋᓴᐸᔭᒐ᙮ ᒋᑭ ‍ ᐸᒋ ‍ ᐎᐎᐅᒡ ᐊᐃ ᓂᑐᐱᔪᐅ-ᐃᔪᒡ ᒐᒋ ᒪᓯᔨᒥᒡ, ᒧᔭᒻ ᐅᔅᑭᒡ ᑲ ‍ ᐃᑎᒡ᙮ ᐊᑯ ᓂᑭ ‍ ᒋᐛᐱᔪᐅᓇᓐ ᑭᔭ ᒐᒋᑎᓯᒥᒋᒡ᙮
\v 6 ᓂ ‍ ᒋᑎᓯᒥᑯᓇᓐᒡ ᒋᑭ ‍ ᐃᑕᔨᑎᒥᒡ ᒧᔭᒻ ᐅᔅᑭᒡ ᑲ ‍ ᑎᔭᐧᒄ᙮ ᐊᑯ ᒐ ‍ ᓇᓴᐅᑕᐧᑯᒡ ᐛᔪᐤ ᐅᑕᓇᒡ ᐃᓯ᙮ ᒪᒂᒡ ᒋᑎᓯᒧᔭᒂ᙮
\v 7 ᒋᔨᐛᐤ ᑲ ‍ ᑲᓱᔭᒄ ᒐ ᒧᔅᒋᔭᒄ ᑭᔭ ᒐ ‍ ᐱᑕᐸᔨᑐᔭᒄ ᐅᑕᓇ ᑭᔭ ᒐ ‍ ᒪᑯᓂᒪᒄ᙮ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋᑭ ‍ ᑐᑕᑯᐛᐤ ᒐᒋ ᓴᐧᑯᒋᑕᐛᒄ᙮
\v 8 ᒋ ‍ ᒪᑯᓂᒪᒂ ᐅᑕᓇᐤ, ᒐ ᐊᑎ ‍ ᐃᔎᓯᒪᒄ᙮ ᒐ ‍ ᑐᑎᒪᒄ ᑕᓐ ᑲ ‍ ᐃᑎᓱᒥᑕᐧᒄ ᑎᐸᔨᒋᒐᓱᐤ ᒐ ‍ ᐃᑐᐛᐧᒄ᙮ ᐊᐅᑯᔪᐛ ᐅᔭ ᐃᑎᓱᐛᐅᓇ ᒪᔨᑎᑯᒡ᙮”
\p
\v 9 ᐊᑯ ᒐᓱᐛ ᒂ ᐊᔭᔅᑯᐎᔨᑦ ᒐᒋ ᐃᑎᓴᐛᑦ ᐱᔅᒐ ᐅᓂᑐᐱᔪᐅ-ᐃᔨᒪ ᒐᒋ ᑲᓱᔨᒋ ᑭᔭ ᐊᓱᐛᐱᔨᒋ ᐊᓐᑕ ᑎᔅᑐᐎᒡ ᐊᐃ ᑭᔭ ᐱᑎᓪ ᐅᑕᓇᐛ, ᐊᓐᑕ ᐊᑎᒪᐱᓯᒧᒡ ᐊᐃᒡ᙮ ᒥᒄ ᒋ ‍ ᑕᐤ ᐊᓐᑕ ᐎᔾ ᒐᓱᐛ ᑕᐱᔅᑲᔨᒡ ᐊᓯᒡ ᑯᑎᑲ ᐅᓂᑐᐱᔪᐅ-ᐃᔨᒪ᙮
\p
\v 10 ᐎᐱᒡ ᒋᔭᒋᓴᐸᔭᔨᒡ ᒍᓱᐛ ᒋ ‍ ᒪᒧᐅᓇᐤ ᐅᓂᑐᐱᔪᐅ-ᐃᔨᒪ᙮ ᐊᑯ ᐎᔾ ᑭᔭ ᐊᓂᔭ ᑯᑎᑲ ᑲ ‍ ᓂᑲᓂᔅᑲᒐᔨᒋ ᐃᔅᕋᐃᓪ ᐃᔪᐛ ᒐᔅᒋᓄᑕᐊᒡ ᐊᐃ ᐃᓯ᙮
\v 11 ᒥᓯᐛ ᒋ ‍ ᐎᑲᐳᑕᐅᒡ ᐅᐱᒍᐎᔭᓂᒍᐛᐳᐛᐛ ᒥᒋᒪ ᐊᐃᒡ, ᒋᐛᑎᓄᒡ ᐅᑕᓇᔪᐤ, ᐊᓐᑕ ᒥᓯᐛ ᐃᔪᐛ ᐅᑕᓇᒡ ᐊ ‍ ᐛᐱᒥᑯᒡ᙮ ᒋ ‍ ᑎᑯᓂᔪᐤ ᐊᓐᑕ ᐊ ‍ ᐱᓴᔨᒡ ᑎᔅᑐᐎᒡ ᐊ ‍ ᐃᑕᒡ ᑭᔭ ᐅᑕᓇᔪᐤ᙮
\v 12 ᐊᑯ ᒐᓱᐛ ᒂ ‍ ᐅᑎᓇᑦ ᐱᑕᑕᒡ ᒐᓯᐱᔪᐤ (5000) ᓂᑐᐱᔪᐅ-ᐃᔪᐛ ᑭᔭ ᒂ ‍ ᐃᑕᑦ ᒐᒋ ᒋᔅᑐᑕᔨᒋ ᑭᔭ ᑲᓱᔨᒋ ᐊᓐᑕ ᐊᑎᒪᐱᓯᒧᒡ ᐃᑕᒐ ᐅᑕᓇᔪᐤ, ᑎᔅᑐᐎᒡ ᐊᐃ ᑭᔭ ᐸᑕᓪ᙮
\v 13 ᐊᐅᑯᓐ ᑲ ᐃᑎᒡ ᓂᑐᐱᔪᐅ-ᐃᔪᒡ᙮ ᒋᐛᑎᓄᒡ ᐅᑕᓇᒡ ᒥᓯᐛ ᑯᑎᑭᒡ ᓂᑐᐱᔪᐅ-ᐃᔪᒡ ᒋ ‍ ᑕᐅᒡ, ᐊᑯ ᐊᓐᒡ ᑯᑎᑭᒡ ᓂᑐᐱᔪᐅ-ᐃᔪᒡ ᐊᑎᒪᐱᓯᒧᒡ ᐃᑕᒐ ᐅᑕᓇᒡ ᒋ ‍ ᑲᓱᐅᒡ᙮ ᐊᓂᔭ ᑕᐱᔅᑲᔨᒡ ᒐᓱᐛ ᒋ ‍ ᐃᑐᑕᐤ ᐊᓐᑕ ᐊ ‍ ᐱᓴᔨᒡ᙮
\p
\v 14 ᐃᔅᐱ ᐊᐃ ᒋᓴᐅᒋᒪᐤ ᐎᔭᐱᐱᒪᑦ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᐎᔾ ᑭᔭ ᐅᓂᑐᐱᔪᐅ-ᐃᔨᒪ ᐎᐱᒡ ᒋᔭᒋᓴᐸᔭᔨᒡ ᒋ ‍ ᐅᓂᐅᒡ ᒋᔅᑎᑉ ᒂ ‍ ᐎᐎᒡ ᐅᑕᓇᔪᐤ ᒐᒋ ᓇᒋ ‍ ᒪᓯᐧᑯᐛᒡ᙮ ᐛᐱᓄᑕᒡ ᐃᑕᐅᓂᒡ ᐅᑕᓇᒡ ᒋ ‍ ᐃᑐᑕᐅᒡ, ᒥᒄ ᓇᒪ ᐅᒋ ‍ ᒋᔅᒐᔨᒪᐅᒡ ᐱᔅᒐ ᐊᒋ ‍ ᑲᓱᐎᔨᒋ ᐃᔅᕋᐃᓪ ᓂᑐᐱᔪ-ᐃᔪᐛ ᐊᓐᑕ ᐅᑕᒡ ᐅᑕᓇᒡ᙮
\v 15 ᒐᓱᐛ ᑭᔭ ᐊᓂᔭ ᑲ ‍ ᐎᒐᐅᑯᑦ ᐃᔅᕋᐃᓪ ᓂᑐᐱᔪ-ᐃᔪᐛ ᒋ ‍ ᓇᐊᐃᒪᐅᒡ ᐊᐃ ᓂᑐᐱᔪ-ᐃᔪᐛ ᒐᒋ ᓴᔅᑲᑯᒡ᙮ ᐸᐧᑯᑎᔅᑭᒥᑲᒡ ᒋ ‍ ᐃᔅᐸᔨᑐᐅᒡ᙮
\v 16 ᐊᐃ ᓇᐸᐅᒡ ᒋ ‍ ᐃᑎᓴᐛᑭᓄᐅᒡ ᒐᒋ ᓇᓴᐛᐅᒡ ᒐᓱᐛᔨᒋ ᑭᔭ ᐅᓂᑐᐱᔪᐅ-ᐃᔨᒥᔨᐛ᙮ ᐊᑯ ᒂ ‍ ᔅᑐᑕᒡ ᐅᑕᓇᒡ ᐅᒋ ᑭᔭ ᒂ ‍ ᓇᓴᐛᒡ ᐃᔅᕋᐃᓪ ᐃᔪᐛ᙮
\v 17 ᒥᓯᐛ ᐊᐃ ᓇᐸᐅᒡ ᑭᔭ ᐸᑕᓪ ᓇᐸᐅᒡ ᒋ ‍ ᓇᓴᐛᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮ ᓇᒪ ᐅᒋ ‍ ᓂᑭᑕᐅᒡ ᐸᐃᒄ ᐊᐛᔪᐛ ᒐᒋ ᒋᔅᐸᐛᑎᒥᔨᒋ ᐊᐃ ᐅᑕᓇᔪᐤ᙮ ᓇᔅᒡ ᒋ ‍ ᐎᑕᑯᑕᔪᐛ ᐅᑕᓇᒡ ᐃᔎᑕᒪ᙮
\p
\v 18 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒐᓱᐛᔨᒋ, “ᐅᐱᓇ ᒋᑦ ᐊᓯᒪᑭᓐ ᑭᔭ ᐊᐃ ᐅᑕᓇᒡ ᐃᑎᓇ, ᐛᔅ ᓂᑭ ‍ ᑐᑐᐛᐅᒡ ᒋᓂᑐᐱᔪᐅ-ᐃᔨᒥᒡ ᒐᒋ ᒪᑯᓇᒡ!” ᐊᑯ ᒐᓱᐛ ᒂ ‍ ᐃᑎᓇᐧᒃ ᐅᑦ ‍ᐊᓯᒪᑭᓐ ᐊᐃ ᐅᑕᓇᒡ ᐃᓯ᙮
\v 19 ᐃᔅᐱ ᐊᓐᒡ ᓇᐸᐅᒡ ᑲᑲᓱᒡ ᐎᔭᐸᑕᒡ ᐊᓂᔭ, ᒂ ‍ ᒧᔅᒋᐸᔨᑐᒡ ᐊᓐᑕ ᑲᑲᓱᒡ ᐅᒋ ᑭᔭ ᒂ ‍ ᐃᔅᐸᔨᑐᒡ ᐊᓐᑕ ᐅᑕᓇᒡ᙮ ᒋᔅᑎᑉ ᒋ ‍ ᒪᑯᓂᒧᒡ ᑭᔭ ᒂ ‍ ᐃᔎᓴᒡ᙮
\p
\v 20 ᐃᔅᐱ ᐊᐃ ᓇᐸᐅᒡ ᐅᑕᒡ ᐊ ‍ ᐃᑕᐱᒡ, ᒋ ‍ ᐛᐸᑎᒥᒡ ᐛᒋ ‍ ᒧᔅᑲᐸᑕᔨᒡ ᐅᑕᓇᒧᐛᒡ ᐅᒋ᙮ ᒥᒄ ᓇᒪ ᐅᒋ ‍ ᒋ ᒋᑎᓯᒧᐅᒡ, ᐛᔅ ᒋ ‍ ᓂᑲᐎᔪᐛ ᐊᒋᑎᓯᒧᔨᒋ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮
\v 21 ᒐᓱᐛ ᑭᔭ ᐅᓂᑐᐱᔪᐅ-ᐃᔨᒪ ᐎᔭᐱᒪᒡ ᐊᓂᔭ ᑲᑲᓱᔨᒋ ᓂᑐᐱᔪᐅ-ᐃᔪᐛ ᐊᒋ ‍ ᒪᑯᓂᒥᔨᒋ ᐊᐃ ᐅᑕᓇᔪᐤ ᑭᔭ ᐊ ‍ ᐃᔎᓯᒥᔨᒋ, ᑭᔭ ᒋ ‍ ᐛᐸᑎᒧᒡ ᐛᒋ ‍ ᒧᔅᑲᐸᑕᔨᒡ᙮ ᐊᑯ ᒂ ‍ ᒋᐛᐱᔪᐅᒡ ᑭᔭ ᒂ ‍ ᑯᓯᒂᔨᒧᑐᐛᒡ ᐊᐃ ᓂᑐᐱᔪᐅ-ᐃᔪᐛ᙮
\v 22 ᐊᓐᒡ ᓂᑐᐱᔪᐅ-ᐃᔪᒡ ᑲ ‍ ᒪᑯᓇᒡ ᐅᑕᓇᔪᐤ ᒋᐸ ᒋ ‍ ᐎᐎᔪᐅᒡ ᑭᔭ ᐅᑕᒡ ‍ᒂ ᐅᒋ ‍ ᑯᓯᒂᔨᒧᑐᐛᒡ᙮ ᐊᑯ ᐊᓐᒡ ᐊᐃ ᓇᐸᐅᒡ ᑎᔅᑐᐎᒡ ᒋ ‍ ᒋᒧᓯᓐᒡ ᐊᓂᓱᐎᒋᓯᔨᒋ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮ ᓇᒪ ᐛᒋ ᐸᐃᒄ ᐊᐃ ᓇᐸᐤ ᐅᒋ ‍ ᒋᑎᓯᒧᐤ᙮ ᒋ ‍ ᒪᓯᒐᐅᒡ ᐃᔅᕋᐃᓪ ᐃᔪᒡ ᐸᑐᔅ ᒥᓯᐛ ᑲᒋ ‍ ᓂᐸᐊᒡ᙮ ᐊᐃ ᒋᓴᐅᒋᒪᐤ ᒥᒄ ᐊᔅᒄ ᒋ ‍ ᐃᔪᐤ᙮
\v 23 ᐊᑯ ᒂ ‍ ᒪᑯᓇᒡ ᐊᐃ ᒋᓴᐅᒋᒪᐛ ᑭᔭ ᐊᑐᑕᐊᒡ ᒐᓱᐛᔨᒋ ᐊ ‍ ᑕᔨᒋ᙮
\p
\v 24 ᐸᐧᑯᑎᔅᑭᒥᑲᒡ ᒋ ‍ᐃᓯ ‍ ᓇᓴᐛᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᐊᐃ ᓇᐸᐛ ᑭᔭ ᒥᓯᐛ ᒋ ‍ ᓂᐸᐅᒡ᙮ ᐊᑯ ᑲᐤ ᒂ ‍ ᐃᑐᑕᒡ ᐊᓐᑕ ᐊᐃ ᑭᔭ ᒥᓯᐛ ᒂ ‍ ᓂᐸᐊᒡ ᐊᓐᑕ ᐊᐛᔪᐛ ᑲᑕᔨᒋ᙮
\v 25 ᓂᓱᓴᑈᐤ ᒐᓯᐱᔪᐤ (12,000) ᒋ ‍ ᓇᐸᐅᒡ ᓇᐸᐛ ᑭᔭ ᐃᔎᐛ᙮
\v 26 ᐊᔅᒄ ᒂ ‍ ᐃᑎᓇᒃ ᒐᓱᐛ ᐅᑦ ‍ ᐊᓯᒪᑭᓐ ᐊᐃ ᐅᑕᓇᒡ ᐃᓯ, ᐸᑐᔅ ᒥᓯᐛ ᐊᐛᔪᐛ ᐊᓐᑕ ᐊᐃ ᑲ ‍ ᓂᐸᐊᑭᓄᐎᔨᒋ᙮
\v 27 ᒋ ‍ ᐅᑎᓂᒪᓱᐅᒡ ᓂᑐᐱᔪᐅ-ᐃᔪᒡ ᐊᐛᓯᓴ ᑭᔭ ᑯᑎᑲ ᑲ ‍ ᑎᐱᔨᐛᐅᓯᔨᒋ ᒐᒂᔪᐛ ᐊᐃ ᐃᔪᐛ, ᒧᔭᒻ ᑎᐸᔨᒋᒐᓱᐤ ᑲ ‍ ᐃᑕᑦ ᒐᓱᐛᔨᒋ ᒐ ‍ ᐃᔨᑎᔨᒋ᙮
\p
\v 28 ᒐᓱᐛ ᑭᔭ ᐅᓂᑐᐱᔪᐅ-ᐃᔨᒪ ᒂ ‍ ᐃᔎᓴᒡ ᐊᐃ ᐅᑕᓇᔪᐤ ᑭᔭ ᓇᔅᒡ ᒋᓂᓱᐅᓇᒋᑕᐅᒡ ᐊᐱᔅᑯᔅᑕᒡ᙮
\v 29 ᒂ ‍ ᐊᑯᔭᑦ ᒐᓱᐛ ᐊᐃ ᒋᓴᐅᒋᒪᐛ ᐊᓐᑕ ᒥᔅᑎᑯᒡ ᑭᔭ ᒋ ‍ ᓂᑭᑎᒺᐤ ᐊᓐᑕ ᐎᔪᔪᐤ ᐃᔅᐱᔅ ᐛᑕᑯᓯᔨᒡ᙮ ᐊᑎ ‍ ᐸᒋᓯᒧᔨᒋ ᐱᓯᒺ, ᒐᓱᐛ ᒂ ‍ ᐃᑎᓱᒪᑦ ᐅᑦ ‍ᐃᔨᒪ ᒐᒋ ᓂᑎᓂᒥᔨᒋ ᒋᓴᐅᒋᒪᐛ ᐎᔭᔪ ᑭᔭ ᒐᒋ ᐛᐱᓂᒥᔨᒋ ᐊᓐᑕ ᐃᔎᑕᒥᒡ ᐅᑕᓇᔪᐤ᙮ ᑲᒋ ‍ ᐅᔭ ᑐᑕᒡ, ᒂ ‍ ᐱᔅᑯᔅᑕᐛᒡ ᒥᒐᑦ ᐊᓯᓂᔭ ᑕᐧᑯᒡ ᐎᔭᔨᒡ, ᑭᔭ ᐊᔅᒄ ᐊᓐᑕ ᐊᓄᒡ ᑎᑯᓂᔨᐛ ᐊᐱᔅᑯᔅᑕᔨᒋ ᐊᓯᓂᔭ᙮
\s1 ᒐᓱᐛ ᒥᓐ ᐎᑎᒧᐛᐤ ᐃᔅᕋᐃᓪ ᐃᔪᐛ ᑎᐸᔨᒋᒐᓱᐛ ᐊᓂᔅᑯᒧᑐᐅᓂᔪᐤ
\p
\v 30 ᒐᓱᐛ ᒋ ‍ ᐃᑕᐤ ᐅᑦ ᐃᔨᒪ ᒐᒋ ᐅᓯᑎᒧᐛᔨᒋ ᑎᐸᔨᒋᒐᓱᐛ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᐃᐸᐊᓪ ᐱᔅᑯᑎᓇᒡ, ᐊᓂᔭ ᒋᓴᒪᓂᑐᐛ ᐊᔭᒥᐊᔅᑐᐛᔨᒋ ᐃᔅᕋᐃᓪ ᐃᔪᐛ᙮
\v 31 ᒋ ‍ ᐅᓯᑕᐅᒡ ᒧᔭᒻ ᒧᓱᔅ, ᐊᓂᔭ ᓇᐸᐤ ᑲ ᒥᔪ ‍ ᐊᑐᔅᑯᐛᑦ ᒋᓴᒪᓂᑐᐛ, ᑲ ‍ᐃᓯ ‍ ᒥᓯᓇᐊᒧᒂ ᐊᓐᑕ ᐃᑎᓱᐛᐅᓂᒡ ᐊᓂᔭ ᒋᓴᒪᓂᑐᐛ ᑲ ‍ ᒥᔨᑯᑦ᙮ ᐊᓯᓂᔭ ᐅᒋ ᐊ ᐊᑲ ᐅᒋ ᒪᑎᓴᑭᓄᔨᐎᒋ ᐃᔨᓴᒄ ᐊᑐᔅᒐᐛᑭᓇ ᐊᐱᒋᑕᑭᓂᐎᔨᒋ᙮ ᐊᑯ ᐃᔅᕋᐃᓪ ᐃᔪᒡ ᒂ ᐱᔅᑎᓂᒧᐛᒡ ᑎᐸᔨᒋᒐᓱᐛ ᐊᒋ ‍ᒥᔪ ‍ ᐃᔎᓴᑭᓄᐎᔨᒋ ᒥᑐᔅᑕᐊᒪᒐᐅᓇ ᐊᓐᑕ ᐱᔅᑎᓂᒐᐅᓇᐱᔅᑯᒡ᙮
\v 32 ᒪᒂᒡ ᐊᒋᑕᐱᒥᑯᑦ ᐃᔅᕋᐃᓪ ᐃᔪᐛ, ᒐᓱᐛ ᒋ ‍ ᒥᓯᓇᐊᒻ ᐎᓱᐛᐅᓇ ᐊᓐᑕ ᐊᓯᓂᒡ ᐊᓂᔭ ᑎᐸᔨᒋᒐᓱᐤ ᑲ ‍ ᒥᔭᑦ ᒧᓱᓴ᙮
\v 33 ᒥᓯᐛ ᑲᓂᑲᓂᔅᑯᐛᒡ ᐃᔅᕋᐃᓪ ᐃᔪᐛ ᑭᔭ ᐅᒋᒪᐅᒡ ᑭᔭ ᑲ ‍ ᑎᐸᔅᑯᓂᒐᒡ, ᑭᔭ ᒥᓯᐛ ᑯᑎᑭᒡ ᐃᔅᕋᐃᓪ ᐃᔪᒡ ᒋᑕᐅᒡ᙮ ᒥᒐᑦ ᐊ ᐊᑲ ᐃᔅᕋᐃᓪ ᐃᔪᐅᒡ ᐃᔭᐱᒡ ᐊᓐᑕ ᒋᑕᐅᒡ᙮ ᑕᑕᐅᒡ ᐊᑎᓯᒡ ᐃᔪᒡ ᐃᐸᐊᓪ ᐱᔅᑯᑎᓇᒡ ᐃᑕᒐ ᒋ ‍ ᓂᐳᐅᒡ᙮ ᑭᔭ ᑯᑎᑭᒡ ᑕᑕᐅᒡ ᐃᔪᒡ ᐊᓐᑕ ᐊᓇᒡ ᐊᐱᐊᓴᔨᒡ ᑭᕆᓯᒻ ᐱᔅᑯᑎᓇᒡ ᐃᑕᒐ ᒋ ‍ ᓂᐳᐅᒡ᙮ ᐊ ‍ ᐱᓴᒡ ᐊᓐᑕ ᒋ ‍ᑎᑯᓐ ᐸᔭᒋ-ᒥᐅᑦ ᑎᔅᑐᐎᒡ ᐊᑕᒡ ᐃᔪᒡ᙮ ᐊᐅᑯᔪᐤ ᐅᔭ ᑲ ‍ ᐃᑎᓱᐛᑎᑯᒂᓐᒋ ᐃᔪᒡ ᒧᓱᓴ ᑕᓐ ᒐ ‍ᐃᑎᒡ ᐃᔅᐱ ᒐ ‍ ᓱᐛᔨᑕᑯᔨᑯᒡ ᑎᐸᔨᒋᒐᓱᐛ᙮
\p
\v 34 ᒐᓱᐛ ᒂ ‍ ᐃᒥᑐᐛᑦ ᓄᑎᒻ ᐃᔪᐛ ᒥᓯᐛ ᑲ ‍ ᒥᓯᓇᐊᒥᔨᒂᓂ ᒧᓱᓴ᙮ ᐊᓯᒡ ᐊᓂᔭ ᑲ ‍ ᒋᔅᑯᑎᒪᑯᒡ ᑎᐸᔨᒋᒐᓱᐛ ᑭᔭ ᐊᓂᔭ ᑲ ‍ ᐊᓱᑎᒧᐛᑦ ᒐ ᐃᓯ ‍ ᓱᐛᔨᑕᑯᐛᐊᑦ ᓂᓇᐊᔨᑎᒥᔨᒐᓂ ᐅᑦ ᐃᑎᓱᐛᐅᓇ, ᑭᔭ ᒪᒃ ᒐ ‍ ᐊᓏᔨᒪᑦ ᐊ ᐊᑲ ᓇᐊᔨᑎᒥᔨᒐᓂᐃ᙮
\v 35 ᒥᓯᐛ ᐃᔅᕋᐃᓪ ᐃᔪᒡ ᒐ ‍ ᒪᒧᐎᔪᐅᒡ ᒐᒋ ᓂᑐᑕᒡ, --- ᓇᐸᐅᒡ, ᐃᔎᐅᒡ, ᑭᔭ ᐊᐛᓯᒡ᙮ ᑭᔭ ᒪᓐᑕᐤ ᐃᔪᒡ ᐊᓂᔭ ᑲ ‍ ᐎᒋᒥᑯᒡ ᐃᔭᐱᒡ ᒋ ‍ ᓂᑐᑎᒥᔨᐛ, ᒪᒂᒡ ᒥᓯᐛ ᐃᑎᓱᐛᐅᓇ ᒐᓱᐛ ᑲ ‍ ᐃᔨᒥᑕᑦ ᑲ ‍ ᒥᓯᓇᐊᒥᔨᒂᓂ ᒧᓱᓴ᙮
\c 9
\s1 ᑭᐱᐊᓐ ᐃᔪᒡ ᑲᐎᔭᓯᒪᒡ ᐃᔅᕋᐃᓪ ᐃᔪᐛ
\p
\v 1 ᒋ ‍ ᑕᑎᓱᐅᒡ ᒋᓴᐅᒋᒪᐅᒡ ᑲ ‍ ᑎᐸᔨᒋᒐᒡ ᐊᓐᑕ ᐊᑎᒪᐱᓯᒧᒡ ᐃᑕᒐ ᒠᕐᑕᓐ ᓯᐱᒡ᙮ ᒋ ‍ ᑕᐅᒡ ᒋᓴᐅᒋᒪᐅᒡ ᐊᑦ ᐃᔪᐛ ᐊ ‍ ᐃᑎᔅᑲᓇᓯᔨᒋ, ᑭᔭ ᐊᒧᕆ ᐃᔪᐛ ᐊ ‍ ᐃᑎᔅᑲᓇᓯᔨᒋ, ᑭᔭ ᑲᐃᓇᓐ ᐃᔪᐛ ᐊ ‍ ᐃᑎᔅᑲᓇᓯᔨᒋ, ᑭᔭ ᐸᕋᔅ ᐃᔪᐛ ᐊ ‍ ᐃᑎᔅᑲᓇᓯᔨᒋ, ᑭᔭ ᐃᑉ ᐃᔪᐛ ᐊ ‍ ᐃᑎᔅᑲᓇᓯᔨᒋ, ᑭᔭ ᒐᐳᔅ ᐃᔪᐛ ᐊ ‍ ᐃᑎᔅᑲᓇᓯᔨᒋ᙮ ᐊᐱᔅᑯᑎᓇᓯᔨᒡ ᐊᓐᑕ ᒋ ‍ ᐎᒍᐅᒡ, ᐊᓐᑕ ᐛᔪᐎᔅ ᐊᑎᒪᐱᓯᒧᒡ ᐃᑕᒐ ᐱᔅᑯᑎᓇᒡ, ᑭᔭ ᐊᓐᑕ ᓂᑕᐅᒋᒋᑭᓐ ᐊᓯᒡ ᓯᓱᒡ ᒥᑎᑐᕋᓂᔭᓐ ᐎᓂᐸᑯᒡ᙮ ᒋ ‍ ᐸᑎᒧᒡ ᑕᓐ ᑲ ‍ ᐃᔅᐱᔨᒡ ᐊᓐᑕ ᐊᐃ ᐅᑕᓇᒡ᙮
\v 2 ᐊᑯ ᒥᓯᐛ ᒋ ‍ ᒪᒧᓇᐅᒡ ᐅᓂᑐᐱᔪᐅ-ᐃᔨᒧᐛᐛ ᒐᒋ ᒪᓯᐧᑯᐛᒡ ᒐᓱᐛᔨᒋ ᑭᔭ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮
\p
\v 3 ᐃᔅᐱ ᐊᓐᒡ ᐃᔪᒡ ᑲ ‍ ᐎᒋᒡ ᐊᓐᑕ ᑭᐱᐅᓐ ᑲ ‍ ᐸᑕᒡ ᑕᓐ ᑲ ‍ ᐃᑐᑎᒥᔨᒋ ᒐᓱᐛᔨᒋ ᐊᓂᔭ ᒐᕆᑯᐤ ᑭᔭ ᐊᐃ ᐅᑕᓇᐛ,
\v 4 ᒂ ‍ ᐃᑕᔨᑕᒡ ᒐᒋ ᐎᔭᓯᒪᒡ ᒐᓱᐛᔨᒋ᙮ ᐱᔅᒐ ᒋ ‍ ᒪᒧᓂᒧᒡ ᒋᓴ ‍ ᒥᐅᑕ ᑭᔭ ᐱᔅᒐ ᐊᐸᐱᑯᐱᔨᒋ ᒋᔭᔅ ᓱᒥᓇᐳᐤ ᐅᓯᑭᔾ ᒥᐅᑕ ᐊᒋ ‍ ᒥᓴᔨᑭᓄᔨᒋ ᑲᒋ ‍ ᐸᐧᑲᐱᔨᒋ, ᑭᔭ ᒂ ‍ ᐊᔅᑕᐛᒡ ᐊᓐᑕ ᐅᔅᐱᔅᑯᓂᔨᒡ ᑲᓂᐧᑲᑎᓯᔨᒋ ᐅᑲᐸᐃᑭᔎᒧᐛᐛ᙮
\v 5 ᒋ ‍ ᐳᔅᑭᒧᒡ ᑲ ‍ ᒥᓴᔨᑭᓄᔨᒋ ᒥᔅᒋᓇ ‍ ᑭᔭ ᐊᐸᐱᑯᐱᔨᒋ ᒋᓴ ‍ ᐊᐱᒋᑕᐅᓇ ᑭᔭ ᒋᔅᑐᑕᐅᒡ ᐊ ᐸᓱᔨᒋ ᑭᔭ ᐊ ᐊᑲ ᒥᔪᓯᔨᒋ ᐸᒂᓯᑭᓇ᙮
\v 6 ᒂ ‍ ᐃᑐᑕᒡ ᐊᓐᑕ ᑲᒪᓂᑲᓱᔨᒋ ᒐᓱᐛᔨᒋ ᑭᔭ ᑯᑎᑲ ᐃᔅᕋᐃᓪ ᐃᔪᐛ ᒥᒋᒪ ᑭᓪᑲᓪ ᐅᑕᓇᔪᐤ᙮ ᒂ ‍ ᐃᑕᒡ ᒐᓱᐛᔨᒋ ᑭᔭ ᑯᑎᑲ ᐃᔅᕋᐃᓪ ᐃᔪᐛ, “ᐛᔪᐤ ᐊᔅᒋᒡ ᓂᐅᑐᑕᓇᓐ᙮ ᒋ ᐎ ‍ ᓂᑐᐛᔨᑎᒪᑎᓇᓐ ᒐᒋ ᑐᑎᒪᒄ ᒋᔭᒪᔨᑎᒧᐤ ᓂᔅᑯᒧᐅᓐ ᐊᓯᒡ ᓂᓇᓐ᙮”
\p
\v 7 ᒥᒄ ᒂ ‍ ᐃᑕᒡ ᐃᔅᕋᐃᓪ ᐃᔪᒡ ᐊᓂᔭ ᓇᐸᐛ ᑭᓕᐊᑦ ᐅᒋ ᐃᑉ ᐃᔪᐛ ᐊ ‍ ᐃᑎᔅᑲᓇᓯᔨᒋ ᐅᒋ, “ᓇᒪ ᒋᔅᒐᔨᒥᑎᓇᓐ ᑕᑈ ᐛᔪᐤ ᐎᒋᐛᐛᒂ᙮ ᒥᒋᒪ ᐎᒋᒧᐛᐛᒐ, ᓇᒪ ᓂᒋ ‍ ᑐᑕᓇᓐ ᒋᔭᒪᔨᑎᒧᐤ ᓂᔅᑯᒧᐅᓐ ᐊᓯᒡ ᒋᔨᐛᐤ, ᐛᔅ ᓂᒋ ‍ ᐃᑎᓱᒧᑯᓇᓐ ᒋᓴᒪᓂᑐᐤ ᒐᒋ ᓂᓱᐅᓇᒋᔨᒥᒋᒋ ᐃᔪᐛ ᒥᒋᒪ ᐎᒋᒥᔨᒥᒋ᙮”
\p
\v 8 ᒂ ‍ ᐃᑕᒡ ᒐᓱᐛᔨᒋ, “ᑐᑎᒪᒂ ᒋᔭᒪᔨᑎᒧᐤ ᓂᔅᑯᒧᐅᓐ ᐊᓯᒡ ᓂᓇᓐ, ᒋᑭ ᐅᑦ ‍ ᐊᐱᒋᐊᑭᓂᑐᐅᓇᓐ᙮”
\p ᒐᓱᐛ ᒋ ‍ ᐃᑕᐤ, “ᒐᒄ ᐊ ‍ ᐃᑎᔅᑲᓇᓯᒡ ᐃᔪᒡ ᐅ ᒋᔨᐛᐤ ? ᑕᓐᑕ ᐛᒋᔭᒄ ?”
\p
\v 9 ᒂ ‍ ᐎᑎᑯᒡ ᓇᐸᐛ ᑭᑎᔭᓐ ᐅᒋ, “ᓂᑐᐛᔨᑕᓇ ᒐᒋ ᐅᑦ ᐊᐱᒋᐊᑭᓂᑐᐎᔭᒡ᙮ ᐛᔪᐤ ᐊᔅᒋᒡ ᓂ ᐅᑐᑕᓇᓐ, ᐛᔅ ᓂᒋ ‍ ᐸᑎᒺᓇᓐ ᒋᒋ ‍ ᒐᒂᔪᐛ ᑲ ‍ ᑐᑕᐧᒃ ᒋᒋᓴᒪᓂᑐᒧᐛᐤ᙮ ᓂᒋ ‍ ᐸᑎᒺᓇᓐ ᒥᓯᐛ ᒐᒂᔪᐛ ᑲ ‍ ᑐᑕᐧᒃ ᐊᓐᑕ ᐃᒋᑉᑎᒡ ᒐᒋ ᐎᒋᔨᑕᒄ᙮
\v 10 ᓂᒋ ‍ ᐸᑕᑎᒺᓇᓐ ᑲ ‍ ᑐᑕᑕᒄ ᒐᒋ ᓴᐧᑯᒋᔨᒪᑯᐤ ᓂᓱ ᐊᒧᕆ ᐃᔪᐛ ᐊ ‍ ᐃᑎᔅᑲᓇᓯᔨᒋ ᒋᓴᐅᒋᒪᐛ ᐅᓂᑐᐱᔪᐅ-ᐃᔨᒥᔨᐛ ᐊᓐᑕ ᐛᐱᓄᑕᒡ ᒠᕐᑕᓐ ᓯᐱᒡ—ᓯᐦᐅᓐ, ᒋᓴᐅᒋᒪᐤ ᑲᑎᐸᔨᒋᒐᑦ ᐊᓐᑕ ᐦᐊᔅᐳᓐ ᐅᑕᓇᒡ ᑭᔭ ᐅᒃ, ᒋᓴᐅᒋᒪᐤ ᑲᑎᐸᔨᒋᒐᑦ ᐊᓐᑕ ᐊᔅᑕᕋᑦ ᐊᓐᑕ ᐸᓴᓐ ᐃᑕᒐ᙮
\v 11 ᐊᑯ ᐊᓐᒡ ᑲ ‍ ᓂᑲᓂᔅᑯᔨᒥᒡ ᑭᔭ ᒥᓯᐛ ᓂᑦ ᐃᔨᒥᓇᓐᒡ ᓂᒋ ‍ ᐃᑎᑯᓇᓐᒡ, ‘ᐱᔅᒐ ᐅᑎᓂᒥᒄ ᒥᒋᒻ ᑭᔭ ᓂᑐᐛᐱᒪᐧᑯᒡ ᐃᔅᕋᐃᓪ ᐃᔪᒡ ᒐ ‍ ᐃᔨᒪᑯᒡ᙮ ᒐ ‍ ᐃᑕᑯᒡ, “ᓂᑐᐛᔨᑕᓇ ᒐᒋ ᐅᑦ ᐊᐱᒋᐊᑭᓂᑐᐎᔭᒡ᙮ ᐊᑯ ᑐᑎᒥᒄ ᒋᔭᒪᔨᑎᒧᐤ ᓂᔅᑯᒧᐅᓐ ᐊᓯᒡ ᓂᓇᓐ᙮” ’
\v 12 ᒋᑕᐱᒻ ᓂᐸᒂᓯᑭᓂᒥᓇ᙮ ᒋ ‍ ᐅᔅᒋᐤ ᑭᔭ ᒋ ‍ ᒋᓱᐤ ᑲ ‍ ᑎᑭᓱᐛᑭᓄᐅᑦ ᐊᓂᔭ ᒋᓯᑯᔪᐤ ᑲ ‍ ᒋᔅᑐᑕᔭᒡ ᓂᑦ ᐃᑕᐅᓇᒡ ᐅᒋ, ᒥᒄ ᐊᓄᒡ ᐸᓱᐤ ᑭᔭ ᓇᒪ ᒥᔪᓯᐤ᙮
\v 13 ᒋᑕᐸᑕ ᓂᒋᔭᔅ ᓱᒥᓇᐳᐤ ᐅᓯᑭᔾ ᒥᐅᑕ᙮ ᒋ ‍ ᐅᔅᑲᐛ ᐃᔅᐱ ᑲ ‍ ᓴᑭᔅᒋᓇᐱᑕᔭᒡ ᐅᔭ ᓱᒥᓇᐳᔾ ᐊᒺᔭ ᐅᒋ ᒋᔅᑐᑕᔭᒡ, ᒥᒄ ᐊᓄᒡ ᑭᔅᑭᒋᐱᔨᐛ ᑭᔭ ᒋᔭᓯᓇᑯᓇ᙮ ᐱᑯᐱᔨᐛ ᓂᑦ ᐊᐱᒋᑕᐅᓇᓇ ᑭᔭ ᐃᔭᔪᐅᓇ ᐊᐱᒧᑕᔭᒡ ᐅᒋ ᐊᓐᑕ ᐊᒋᓏᒡ ᒪᔅᑭᓄᐤ ᒐᒋ ᐸᑐᑕᔭᒡ ᐅᑕ᙮”
\v 14 ᒋᑯᒋᑈᐅᒡ ᐸᒂᓯᑭᓇ ᐃᔅᕋᐃᓪ ᐃᔪᒡ, ᒥᒄ ᓇᒪ ᐅᒋ ᓂᑐᐛᔨᑎᒧᐛᐅᒡ ᑎᐸᔨᒋᒐᓱᐛ ᑕᓐ ᒐ ‍ ᐃᑎᒡ᙮
\v 15 ᐊᑯ ᒐᓱᐛ ᒂ ‍ ᓂᔅᑯᒧᑦ ᒐᒋ ᑐᑕᐧᒃ ᒋᔭᒪᔨᑎᒧᐤ ᓂᔅᑯᒧᐅᓂᔪᐤ ᐊᓯᒡ ᓇᐸᐛ ᑭᐱᔭᓐ ᐅᒋ ᒐ ‍ᐊᑲ ᓂᐸᐊᒡ᙮ ᒥᓯᐛ ᐃᔅᕋᐃᓪ ᑲᓂᑲᓄᔅᑲᒐᒡ ᒋ ‍ ᐊᓱᑎᓇᒐᐅᒡ ᒐᒋ ᑐᑕᒡ ᒐᒂᔪᐤ ᑲ ᐃᔅᒋᔄᔨᒋ ᒐᓱᐛᔨᒋ ᐊᓐᑕ ᓂᔅᑯᒧᐅᓂᒡ᙮ ᐊᑯ ᓇᐸᐅᒡ ᑭᐱᔭᓐ ᐅᒋ ᒂ ‍ ᒋᐛᒡ᙮
\v 16 ᑲᒋ ‍ ᓂᔅᑐ ᒋᓯᑲᔨᒡ ᐃᔅᕋᐃᓪ ᐃᔪᒡ ᒋᔅᒐᔨᑎᒧᒡ ᐊᓂᔭ ᓇᐸᐛ ᑭᐱᔭᓐ ᐅᒋ ᒥᒋᒪ ᐊᒋ ‍ ᐎᒋᔨᒂᓂᐃ᙮
\v 17 ᐊᑯ ᒂ ‍ ᐃᑐᑕᒡ ᐊᓐᑕ ᑲ ‍ ᐎᒋᔨᒋ ᓇᐸᐛ ᑭᐱᔭᓐ ᐅᒋ᙮ ᑲᒋ ᒥᒄ ᓂᔅᑐ ᒋᓯᑲᐛ ᐱᒧᑕᒡ, ᒋ ‍ ᑎᑯᓯᓄᐛᐅᒡ ᐅᑕᓇᒧᒥᔨᐛᒡ, ᐊᓐᑕ ᑭᐱᔭᓐ, ᑭᔭ ᑲᐱᕋ, ᑭᔭ ᐱᐅᕈᑦ, ᑭᔭ ᑭᕆᐊᑦ-ᐃᐃᐊᕆᒻ᙮
\v 18 ᒥᒄ ᓇᒪ ᐅᒋ ᑯᓯᑯᐛᔨᒧᑐᐛᐅᒡ ᐃᔅᕋᐃᓪ ᐃᔪᒡ ᐊᓐᑕ ᐅᑕᓇᒡ ᐃᔪᐛ, ᐛᔅ ᒋ ‍ ᐊᓱᑎᒪᒐᐅᒡ ᒋᔭᒪᔨᑎᒧᐅᓂᒡ ᒐᒋ ᐎᒋᒪᒡ, ᑭᔭ ᒋ ‍ ᐸᑕᑯᐅᒡ ᑎᐸᔨᒋᒐᓱᐛ ᐊᓂᔭ ᑲ ‍ ᐊᓱᑎᒪᒐᒡ ᐊᓂᔭ ᒐᒋ ᑐᑕᒡ᙮
\p ᒥᓯᐛ ᐃᔅᕋᐃᓪ ᐃᔪᒡ ᒋ ‍ ᐊᓏᔨᒪᐅᒡ ᑲᓂᑲᓄᔅᑲᑯᒡ ᐊᓂᔭ ᑲ ‍ ᑐᑎᒥᔨᒋ᙮
\v 19 ᒥᒄ ᑲᓂᑲᓄᔅᑲᒐᒡ ᒋ ‍ ᐃᑕᐅᒡ, “ᓂᒋ ‍ ᐊᓱᑎᒪᒐᓇᓐ ᒋᔭᒪᔨᑎᒧᐅᓂᒡ ᒐᒋ ᐎᒋᒪᐧᑯᒡ, ᑭᔭ ᑎᐸᔨᒋᒐᓱᐤ, ᐊᓐ ᒋᓴᒪᓂᑐᐤ ᒋᔭᓄᐤ ᐃᔅᕋᐃᓪ ᐃᔪᒡ ᐊᔭᒥᐊᔅᑐᐛᐧᒄ ᓂᒋ ‍ ᐸᑕᑯᓇᓐ ᑲ ‍ ᐊᓱᑎᒪᒐᔭᒡ ᐊᓐ ᒐᒋ ᑐᑎᒪᒡ᙮ ᐊᑯ ᓇᒪ ᒋᒋ ᑯᓯᑯᐛᔨᒧᑐᐛᓄᐅᒡ ᐊᓐᒡ᙮
\v 20 ᒪᐤ ᒐ ‍ ᐃᑎᔭᐧᒄ, ᓇᒪ ᒋᑭ ‍ ᓂᐸᐊᓄᐅᒡ᙮ ᓂᐸᐊᒂᓐᒋ, ᒋᑭ ‍ ᒋᔄᐊᓄᐤ ᒋᓴᒪᓂᑐᐤ ᑭᔭ ᒋᑭ ᐊᓏᔨᒥᑭᓄᐤ ᐛᔅ ᐊ ᐊᑲ ᐅᒋ ᑐᑎᒺᐧᒄ ᒐᒂᔪᐤ ᑲ ᐊᓱᑎᒪᒐᐛᐧᒄ᙮
\v 21 ᐊᑯ ᒋᑭ ᐎ ‍ ᓇᐊᔨᒪᓄᐅᒡ ᒐᒋ ᐎᒋᒥᑕᐧᑯᒡ᙮ ᒥᒄ ᒋᑭ ‍ ᓇᑥᑲᔨᑕᑯᓄᐅᒡ, ᑭᔭ ᒋᑭ ᒂᐱᑲᑭᓄᐅᒡ᙮” ᐊᑯ ᐃᔅᕋᐃᓪ ᑲᓂᑲᓄᔅᑲᒐᒡ ᒋ ‍ ᑐᑎᒧᒡ ᒐᒂᔪᐤ ᑲ ‍ ᐊᓱᑎᒪᒐᒡ᙮
\p
\v 22 ᐊᑯ ᒐᓱᐛ ᒂ ‍ ᐎᓴᒪᑦ ᓇᐸᐛ ᑭᐱᔭᓐ ᐅᒋ ᑭᔭ ᒂ ‍ ᑯᒂᒋᒪᑦ, “ᒐᒂᓐ ᑲ ᐅᒋ ‍ ᐎᔭᓯᒥᔭᒡ ? ᒥᒋᒪ ᑎᑯᓐ ᒋᑦ ᐊᔅᒋᐛᐤ ᐊᓐᑕ ᑲ ‍ ᒪᓂᑲᓱᔭᒡ, ᒥᒄ ᒋᒋ ‍ ᐃᓯᓇᓐ ᐛᔪᐤ ᐊᔅᒋᒡ ᐊ ‍ ᐅᒋᔭᒄ!
\v 23 ᐊᑯ ᐊᓄᒡ ᒋᑭ ‍ ᐅᑦ ᐊᐱᒋᐊᑭᓂᑐᑕᑎᓇᓐ᙮ ᓇᓂᑎᒻ ᒋᑭ ‍ ᓯᒋᒥᑯᐅᓇᐛᐤ ᒐᒋ ᓇᑥᑲᔨᑐᐅᔭᒡ ᑭᔭ ᒂᐱᑯᐅᔭᒡ ᓂᓇᓐ ᐃᔅᕋᐃᓪ ᐃᔪᒡ ᑲ ‍ ᐊᔭᒥᐊᔭᒡ ᐅᑦ ‍ ᐊᔭᒥᐊᐅᒋᐛᐱᒡ ᓂᒋᓴᒪᓂᑐᒥᓇᓐ᙮”
\v 24 ᒂ ‍ ᐃᔅᒋᔄᒡ ᑭᐱᔭᓐ ᓇᐸᐅᒡ, “ᒋᒋ ‍ ᐎᔭᓯᒥᑎᓇᓐ ᐛᔅ ᒋᒋ ‍ ᑯᔅᑎᑎᓇᓐ ᒐᒋ ᓂᐸᐃᔭᒡ᙮ ᓂᒋ ‍ ᐸᑕᓇᓐ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ, ᐊᒋ ‍ ᐃᑕᑦ ᐅᑦ ᐊᑐᔅᒐᔭᑭᓇ ᒧᓱᓴ ᒐᒋ ᑐᑕᑕᒄ ᒐᒋ ᓴᐧᑯᒋᔨᒪᑯᐤ ᒥᓯᐛ ᐃᔪᐛ ᐅᑕ ᐊᔅᒋᒡ ᑭᔭ ᒐ ᓂᐸᐃᒪᑯᐤ ᒥᓯᐛ ᐊᐛᔪᐛ ᐊᓐᑕ ᐛᒋᔨᒋ᙮
\v 25 ᐊᑯ ᐊᓄᒡ ᐎᔭᔨᑎᒥᒄ ᑕᓐ ᒐ ‍ ᑐᑐᐅᔭᒡ᙮ ᑐᑎᒥᒄ ᒐᒂᓐ ᐊᑕᔨᑎᒪᒄ ᐊ ‍ ᒥᔽᒡ᙮”
\v 26 ᐊᑯ ᒐᓱᐛ ᒥᓯᐛ ᒂ ‍ ᐱᒪᒋᐊᑦ ᑭᐱᔭᓐ ᐃᔪᐛ ᐊ ᐊᑲ ᓇᐊᔨᒪᑦ ᐃᔅᕋᐃᓪ ᐃᔪᐛ ᒐᒋ ᓂᐸᐃᒋ᙮
\v 27 ᒥᔅᑯᒡ, ᒂ ‍ ᐊᔨᐧᑭᒪᐊᒡ ᒐᒋ ᐅᑦ ᐊᐱᒋᐊᑭᓂᑐᑕᑯᒡ ᐃᔅᕋᐃᓪ ᐃᔪᐛ᙮ ᒋ ᓇᑥᑲᔨᑐᐛᐅᒡ ᑭᔭ ᒋ ‍ ᒂᐱᑯᐛᐅᒡ ᐃᔅᕋᐃᓪ ᐃᔪᐛ᙮ ᐃᔭᐱᒡ ᒋ ᐸᑕᐅᒡ ᒥᑕ ᑭᔭ ᓂᐱᔪᐤ ᒐ ‍ ᐊᐱᑎᓂᔨᒡ ᐊᓐᑕ ᑎᐸᔨᒋᒐᓱᐛ ᐅᐸᔭᒋ ᐱᔅᑎᓂᒐᐅᓇᐱᔅᑯᔨᒡ, ᑕᓐᑕ ᒥᒄ ᐃᑕᐅᓂᒡ ᑲ ‍ ᐎᔭᔨᑕᐧᒃ ᑎᐸᔨᒋᒐᓱᐤ ᒐ ‍ ᐅᓯᑕᑭᓄᐎᔨᒡ᙮ ᑭᔭ ᐊᔅᒄ ᐊᓂᔭ ᐊᓄᒡ ᒂ ‍ ᐃᑎᒡ ᑭᐱᔭᓐ ᐃᔪᒡ᙮
\c 10
\s1 ᒐᓱᐛ ᐅᓂᑐᐱᔪᐅ-ᐃᔨᒪ ᒋ ‍ ᓴᐧᑯᒋᐊᐅᒡ ᐊᒧᕋ ᐅᑦ ᐊᓂᔅᑯᑕᐸᓂᔨᐛ ᐃᔅᐱ ᒋᓴᒪᓂᑐᐛ ᑲ ‍ ᑐᑐᐛᔨᒋ ᐱᓯᒺ ᒐᒋ ᐊ ᐊᑲ ᐱᒧᑕᔨᒋ
\p
\v 1 ᓇᓇᒐ, ᐊᑐᓂᓯᑕᒃ, ᒍᕈᓴᓕᒻ ᒋᓴᐅᒋᒪᐤ, ᑲ ‍ ᐸᑕᐧᒃ ᒐᓱᐛᔨᒋ ᐅᓂᑐᐱᔨᒥᔨᐛ ᐊᒋ ‍ ᒪᑯᓂᒥᔨᒋ ᐊᐃ ᐅᑕᓇᔪᐤ ᑭᔭ ᑲ ‍ ᓂᓱᐅᓇᒋᑕᔨᒋ ᒥᓯᐛ ᒐᒂᔪᐤ ᐊᓐᑕ ᐅᑕᓇᒡ᙮ ᒋ ‍ ᐸᑎᒻ ᐸᐃᑯᑕᐤ ᑲ ‍ ᑐᑐᐛᔨᒋ ᐊᐃ ᐃᔪᐛ ᑭᔭ ᐅᒋᓴᐅᒋᒪᒥᔨᐛ ᒧᔭᒻ ᑲ ‍ ᑐᑐᐛᔨᒋ ᒐᕆᑯᐤ ᐃᔪᐛ ᑭᔭ ᐅᒋᓴᐅᒋᒪᒥᔨᐛ᙮ ᐃᔭᐱᒡ ᒋ ‍ ᐸᑎᒻ ᑭᐱᔭᓐ ᐅᑕᓇᒡ ᐃᔪᐛ ᑲ ‍ ᑐᑎᒥᔨᒋ ᒋᔭᒪᔨᑎᒧᐤ ‍ ᓂᔅᑯᒥᑐᐅᓂᔪᐤ ᐊᓯᒡ ᐃᔅᕋᐃᓪ ᐃᔪᐛ, ᑭᔭ ᑭᐱᔭᓐ ᐃᔪᐛ ᐊᓄᒡ ᐛᒋᔨᒋ ᒥᒋᒪ ᐃᔅᕋᐃᓪ ᐃᔪᐛ ᐊ ‍ ᑕᔨᒋ ᑭᔭ ᑲᓄᐛᔨᒥᑯᔨᒋ᙮
\v 2 ᐛᔅ ᐊᓂᔭ ᐅᒋ, ᐎᔾ ᑭᔭ ᐅᒋᒪᐅᒡ ᐅᑦ ᐃᔨᒪ ᒋᒋᐛ ᒋᑯᔅᑕᒋᐅᒡ, ᐛᔅ ᒋᒋᐛ ᒋᒋᔅᑕᔨᑕᑯᓂᔪᐤ ᑭᐱᔭᓐ ᐅᑕᓇᔪᐤ, ᒧᔭᒻ ᑯᑎᑲ ᐅᑕᓇᔪᐤ ᑲᑕᔨᒋ ᒋᓴᐅᒋᒪᐛ᙮ ᑭᔭ ᐊᑎᓱᐧᒄ ᒧᓴᒡ ᑭᐱᔭᓐ ᐅᑕᓇᐤ ᐃᔅᐱᔅ ᐊᐃ ᑭᔭ ᒥᓯᐛ ᐊᓂᑕᐅ ‍ ᒪᓯᒐᔨᒋ ᐅᓂᑐᐱᔪᐅ-ᐃᔨᒥᔨᐛ, ᒋ ‍ ᐃᑕᔨᑎᒧᒡ ᒐ ‍ ᓴᐧᑯᒋᔨᑯᒡ ᒐᓱᐛᔨᒋ ᐅᓂᑐᐱᔪᐅ-ᐃᔨᒥᔨᐛ᙮
\v 3 ᐊᑯ ᒋᓴᐅᒋᒪᐤ ᐊᑐᓂᓯᑕᒃ ᐊᑎᓴᐊᒧᐛᑦ ᐃᔨᒧᐅᓂᔪᐤ ᐅᐊᒪ ᐃᑉᕈᓐ ᐅᑕᓇᒡ ᒋᓴᐅᒋᒪᐛ, ᑭᔭ ᐱᕋᒻ ᒐᕐᒧᑦ ᐅᑕᓇᒡ ᒋᓴᐅᒋᒪᐛ, ᑭᔭ ᒐᕐᒧᑕ ᓚᒋᔅ ᐅᑕᓇᒡ ᒋᓴᐅᒋᒪᐛ, ᑭᔭ ᑎᐱᕐ ᐃᒃᓗᓐ ᐅᑕᓇᒡ ᒋᓴᐅᒋᒪᐛ᙮
\v 4 ᒂ ᐃᔅᒋᔄᑦ ᐃᔨᒧᓂᒡ, “ᐸᑐᑕᒄ ᐊᓯᒡ ᒋ ‍ ᓂᑐᐱᔪᐅ-ᐃᔨᒧᐛᐅᒡ ᑭᔭ ᒐ ‍ ᐎᒋᔨᔭᒄ ᐛᑯᓯᒂᔨᒧᑐᐅᒂᐤ ᑭᐱᔭᓐ, ᐛᔅ ᑭᐱᔭᓐ ᐃᔪᒡ ᒋ ᑐᑎᒧᓯᐱᓐᒡ ᒋᔭᒪᔨᑎᒧᐤ ‍ ᓂᔅᑯᒥᑐᐅᓂᔪᐤ ᐊᓯᒡ ᒐᓱᐛᔨᒋ ᑭᔭ ᐃᔅᕋᐃᓪ ᐃᔪᐛ᙮”
\p
\v 5 ᐊᑯ ᐊᓐᒡ ᐱᑕᑕᒡ ᒋᓴᐅᒋᒪᐅᒡ, ᑲ ‍ ᐅᒋᒪᐅᒡ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐊᒧᕆ ᐅᑦ ᐊᓂᔅᑯᑕᐸᓇ--ᒋᕈᓯᓕᒻ, ᑭᔭ ᐃᑉᕈᓐ, ᑭᔭ ᒐᕐᒧᑦ, ᑭᔭ ᓚᒋᔅ, ᑭᔭ ᑎᐳᕐ ᒋᓴᐅᒋᒪᐅᒡ--ᒋ ‍ ᑎᑯᓯᓄᐅᒡ ᐊᓯᒡ ᐅᓂᑐᐱᔪᐅ-ᐃᔨᒥᐛᐛ ᑭᔭ ᒂ ‍ ᐛᔅᑲᔅᑲᒡ ᐅᑕᓇᔪᐤ᙮ ᐊᑯ ᒂ ‍ ᐊᔭᔅᑯᐎᔨᒡ ᒐᒋ ᑯᓯᒂᔨᒧᑕᒡ᙮
\p
\v 6 ᐊᑯ ᑭᐱᔭᓐ ᐃᔪᒡ ᐊᑎᓴᐊᒧᐛᒡ ᐃᔨᒧᐅᓂᔪᐤ ᒐᓱᐛᔨᒋ ᒪᒂᒡ ᑲ ‍ ᑕᔨᒋ ᐊᓐᑕ ᑭᓪᑲᓪ ᐛᒋᓇᓄᐎᔨᒡ᙮ ᒂ ‍ ᐃᑕᒡ, “ᓂᓇᓐ ᐅ ᒋᑦ ᐊᑐᔅᒐᔭᑭᓐᒡ᙮ ᐊᑯ ᐊ ᐊᑲ ᓂᑭᓯᓇᓐ᙮ ᒋᔅᑎᑉ ᓂᑐᐛᐱᒥᓇᓐ! ᐎᒋᔨᓇᓐ, ᐛᔅ ᒥᓯᐛ ᐊ ‍ ᐃᑎᔅᑲᓇᓯᒡ ᒋᓴᐅᒋᒪᐅᒡ ᐊᒧᕆ ᒋ ‍ᐅᒋ ‍ ᓂᑎᒍᐛᐅᒡ ᑭᔭ ᐅᓂᑐᐱᔪᐅ-ᐃᔨᒧᐛᐛ ᒋ ‍ ᒪᒧᐎᐅᒡ ᐅᓂᑐᐱᔪᐅ-ᐃᔨᒥᔨᐛ ᑭᔭ ᒋ ‍ ᑎᑯᓯᓄᐅᒡ ᐱᔅᑯᑎᓇᒡ ᐅᒋ ᒐᒋ ᑯᓯᒂᔨᒧᑐᐎᔨᒥᒡ!”
\v 7 ᐊᑯ ᒐᓱᐛ ᑭᔭ ᐅᓂᑐᐱᔪᐅ-ᐃᔨᒪ, ᐊᓯᒡ ᑲᑭᔅᒋᑕᔨᒋ ᐊᒪᓯᒐᔨᒋ ᐅᓂᑐᐱᔪᐅ-ᐃᔨᒪ, ᒂ ᔅᑐᑕᒡ ᑭᓪᑲᓪ ᐅᒋ᙮
\v 8 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒐᓱᐛᔨᒋ, “ᐊᑲ ᑯᓯᒡ ᐊᓐᒡ ᓂᑐᐱᔪᐅ-ᐃᔪᒡ! ᓂᑭ ‍ ᑐᑐᐛᐅᒡ ᒋᓂᑐᐱᔪᐅ-ᐃᔨᒥᒡ ᒐᒋ ᓴᐧᑯᒋᐊᒡ᙮ ᓇᒪ ᐛᒋ ‍ ᐸᐃᒄ ᒋᑭ ᒋ ‍ ᒪᓯᐧᑯᐛᐅᒡ ᑭᔭ ᓴᐧᑯᒋᐊᐅᒡ ᒋᓂᑐᐱᔪᐅ-ᐃᔨᒪ᙮”
\v 9 ᐃᔅᑭᓂᑎᐱᔅᑲᐛ ᒋ ‍ ᐱᒧᑕᔪᐛ ᒐᓱᐛ ᐅᓂᑐᐱᔪᐅ-ᐃᔨᒪ ᑭᔭ ᐎᐱᒡ ᒋᔭᒋᓴᐸᔭᔨᒡ ᒋ ᑎᑯᓯᓂᔨᐛ᙮
\v 10 ᒋ ‍ ᑯᓯᒂᔨᒧᑐᐛᐅᒡ ᑲ ‍ ᐱᒂᑎᑯᒡ ᐊᒺᔭ ᐅᒋ ‍ ᒋᔅᒐᔨᒥᑯᒡ ᐊᐛᔪᐛ ᑲ ‍ ᑎᑯᓯᒡ᙮ ᑎᐸᔨᒋᒐᓯᐤ ᒋ ‍ ᑐᑐᐛᔪᐛ ᑲ ‍ ᐱᒂᑎᑯᔨᒋ ᒥᓯᐛ ᒐ ᐃᓯ ᒋᒋᐸᔨᑐᐎᔨᒋ ᐃᔅᐱ ᑲ ‍ ᐛᐱᒪᒡ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮ ᐊᓂᔭ ᐅᒋ, ᒋ ‍ ᓴᐧᑯᒋᐊᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᐅᒡ ᓇᔅᒡ ᐊᒂᒋ ‍ ᑐᑐᐛᒡ ᐊᓐᑕ ᑭᐱᔭᓐ ᑭᔭ ᒥᒐᑦ ᒋ ‍ ᓂᐸᐅᒡ᙮ ᒥᓯᐛ ᑯᑎᑭᒡ ᒋᒋᑎᓯᒧᐅᒡ ᐊᓐᑕ ᒪᔅᑭᓇᒡ ᐸᑦ-ᐅᕈᓐ ᐊᑎᒧᐎᔨᒡ᙮ ᒥᒄ ᒋᓇᓴᐛᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᐅᒡ ᑭᔭ ᒥᓯᐛ ᒂ ‍ ᓂᐸᐊᒡ ᐊᓐᑕ ᒪᔅᑭᓇᒡ ᐊᓯᑲ ᑭᔭ ᒪᑭᑕ ᐅᑕᓇᐛ ᐊᑎᒧᔨᒋ᙮
\v 11 ᒪᒂᒡ ᐊᑎ ‍ ᒋᑎᓯᒧᒡ ᐊᓐᑕ ᓂᑲᓐ ᐊ ‍ ᑕᔨᒋ ᐃᔅᕋᐃᓪ ᓂᑐᐱᔪᐅ-ᐃᔪᐅᒡ, ᑎᐸᔨᒋᒐᓱᐤ ᑐᑎᒻ ᒐᒋ ᐸᒋᑎᓂᔨᒋ ᐊ ᒂᑯᑲᐛᑕᒡ ᐃᔅᐱᒥᒡ ᐅᒋ᙮ ᐊᓂᔭ ᐅᒋ, ᐊᑎᑐᐤ ᒋ ᐳᓂᐱᒪᑎᓯᐅᒡ ᐊ ‍ ᑲᔅᑕᐅᑯᒡ ᐊᐱᒋᑎᓂᔨᒋ ᐊ ᒂᑯᑲᐛᑕᔨᒋ ᐃᔅᐱᔅ ᐊᓂᔭ ᑲ ‍ ᓂᐸᔨᑯᒡ ᐃᔅᕋᐃᓪ ᓂᑐᐱᔪᐅ-ᐃᔪᐛ ᒥᔅᑎ ‍ ᒧᐧᑯᒪᓇ ᐅᒋ᙮
\p
\v 12 ᐊᓂᔭ ᒋᓯᑯᔪᐤ ᑎᐸᔨᒋᒐᓱᐤ ᑲ ‍ ᑐᑐᐛᑦ ᐃᔅᕋᐃᓪ ᓂᑐᐱᔪᐅ-ᐃᔪᐛ ᒐᒋ ᓴᐧᑯᒋᐊᔨᒋ ᐊ ‍ ᐃᑎᔅᑲᓇᓯᔨᒋ ᐊᒧᕆ ᑲ ᐅᑦ ᐊᓂᔅᑯᑕᐸᓂᔨᒋ, ᒂ ‍ ᐃᑕᑦ ᒐᓱᐛ ᑎᐸᔨᒋᒐᓱᐛ ᒪᒂᒡ ᑲᓂᑐᑎᒥᔨᒋ ᐃᔅᕋᐃᓪ ᐃᔪᐛ, “ᑎᐸᔨᒋᒐᓱᐤ, ᑐᑐᐤ ᐱᓯᒻ ᒐᒋ ᓂᑲᐱᔨᑦ ᐊᐱᒧᑕᑦ ᐊᓐᑕ ᑭᐱᔭᓐ, ᑭᔭ ᒐ ‍ ᑐᑐᐅᑦ ᑎᐱᔅᑲᐤ ᐱᓯᒻ ᒐ ‍ ᐊᑲ ᐊᒋᐱᔨᑦ ᐊᐃᒍᓗᓐ ᐊ ‍ ᐱᓴᔨᒡ ᑕᒐ᙮”
\v 13 ᑭᔭ ᐊᐅᑯᔪᐤ ᑲ ‍ ᐃᔅᐱᔨᒡ᙮ ᓇᒪ ‍ ᐅᒋ ‍ ᐊᒋᐱᔪᐛ ᐳᐃᓯᒺ, ᑭᔭ ᓇᒪ ‍ ᐅᒋ ‍ ᐊᒋᐱᔪᐛ ᑎᐱᔅᑲᐤ ᐱᓯᒺ, ᐸᑐᔅ ᑲᒋ ‍ ᓴᐧᑯᒋᐊᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᐊᓂᔭ ᑲ ‍ ᐱᒂᑎᑯᒡ᙮ ᐊᐅᑯᐤ ᑲ ‍ ᒥᓯᓇᑕᔨᑭᓄᐅᒡ ᒥᓯᓇᐃᑭᓂᒡ ᒐᓴᕐ ᑲ ‍ ᐎᔅᑕᑦ᙮ ᒋ ‍ ᓂᑲᐱᔪᐤ ᐱᓯᒻ ᒪᒂᒡ ᑕᑕᐅᒡ ᒋᓯᑯᒡ ᑲᑕᑦ, ᑭᔭ ᓇᒪ ᐅᒋ ᐸᒋᓯᒧᐤ ᐸᐃᑯᐤ ᒋᓯᑲᐛ᙮
\v 14 ᒋᑐᑎᒻ ᒥᒥᔅᑲᒡ ᒐᒂᔪᐤ ᑎᐸᔨᒋᒐᓱᐤ ᐊᓂᔭ ᒋᓯᑯᔪᐤ ᐊᓂᔭ ᑲ ‍ ᐃᑎᑯᑦ ᐊᐛᔪᐛ ᒐᒋ ᑐᑕᐧᒃ᙮ ᓇᒪ ᓂᑕ ᐅᒋ ᐃᓯᓇᑯᓐ ᒋᓯᒄ ᐊᓐᑕ ᐅᑕᒡ, ᑭᔭ ᓇᒪ ᓂᑕ ᐅᒋ ᐃᓯᓇᑯᓐ ᒋᓯᒄ ᑲ ‍ ᐃᓯᓇᒂᒡ᙮ ᒋ ‍ ᒪᓯᒐᔅᑎᒧᐛᐤ ᑎᐸᔨᒋᒐᓱᐤ ᐃᔅᕋᐃᓪ ᐃᔪᐛ!
\p
\v 15 ᑲᒋ ᓴᐧᑯᒋᐊᒡ ᒐᓱᐛ ᐅᓂᑐᐱᔪᐅ-ᐃᔨᒪ ᑲ ‍ ᐱᒂᑎᑯᒡ, ᑭᓪᑲᓪ ᒂ ‍ᐃᓯ ‍ ᒋᐛᒡ ᐊᓐᑕ ᑲ ‍ ᐎᒋᒡ᙮
\s1 ᒐᓱᐛ ᐅᓂᑐᐱᔪᐅ-ᐃᔨᒪ ᒋ ‍ ᓴᐧᑯᒋᐊᐅᒡ ᐅᓂᑐᐱᔪᐅ-ᐃᔨᒥᔨᐛ ᐱᑕᑕᒡ ᒋᓴᐅᒋᒪᐛ
\p
\v 16 ᒪᒂᒡ ᑲ ‍ ᐱᒂᑎᑯᒡ ᓂᑐᐱᔪᐅ-ᐃᔪᒡ ᑲ ‍ ᒋᑎᓯᒪᒡ ᒐᓱᐛᔨᒋ ᐅᓂᑐᐱᔪᐅ-ᐃᔨᒥᔨᐛ, ᐃᔭᐱᒡ ᐱᑕᑕᒡ ᐅᒋᓴᐅᒋᒪᒧᐛᐛ ᒋ ‍ ᒋᑎᓯᒧᔪᐛ ᑭᔭ ᒂ ‍ ᑲᓱᔨᒋ ᐊᓐᑕ ᐊ ‍ ᐛᑎᒂᐱᔅᑲᔨᒡ ᒪᑭᑕ ᐅᑕᓇᒡ᙮
\v 17 ᐊᑯ ᒂ ‍ ᐎᑎᒧᐛᑦ ᐊᐛᓐ ᒐᓱᐛᔨᒋ, “ᓂᒋ ‍ ᒥᔅᑯᐛᓇᓐᒡ ᐊᓐᒡ ᐱᑕᑕᒡ ᒋᓴᐅᒋᒪᐅᒡ, ᐊᑲᓱᒡ ᐊᓐᑕ ᐊ ‍ ᐛᑎᒂᐱᔅᑲᔨᒡ ᒪᑭᑕ ᐅᑕᓇᒡ!”
\v 18 ᐃᔅᐱ ᒐᓱᐛ ᐱᔭᑕᐧᒃ ᐅᔭ, ᒂ ‍ ᐃᔅᒋᔄᑦ, ᑎᑎᐱᓇᐧᑯᒡ ᐱᔅᒐ ᐊᒪᒥᒐᐱᓯᒡ ᐊᓯᓂᔨᒡ ᐊᓐᑕ ᐛᒋ ‍ ᐱᒐᓄᐅᒡ ᐊ ‍ ᐛᑎᒂᐱᔅᑲᒡ ᐊᑯ ᒐ ‍ ᐊᑲ ᒋ ‍ ᒋᑎᓯᒧᒡ ᐊᓐᒡ ᒋᓴᐅᒋᒪᐅᒡ, ᑭᔭ ᒐ ‍ ᓂᑭᑕᑯᒡ ᐱᔅᒐ ᓂᑐᐱᔪᐅ-ᐃᔪᒡ ᒐᒋ ᓇᑭᑐᐛᔨᑕᒡ᙮
\v 19 ᒥᒄ ᒐ ᐊᑲ ᑕᔭᒄ ᓇᑕ! ᒐ ‍ ᓇᓴᐛᐧᑯᒡ ᑲ ᐱᒂᑎᑕᐧᑯᒡ! ᐅᑕᒡ ᒐ ᐅᒋ ‍ ᒋᒋᓇᐧᑯᒡ! ᒐ ‍ ᐊᑲ ᓇᐊᔨᒪᑯᒡ ᒐᒋ ᒋᑎᓯᒧᒡ ᐅᑕᓇᒧᐛᐛ ᐃᓯ, ᐛᔅ ᑎᐸᔨᒋᒐᓱᐤ, ᒋᒋᓴᒪᓂᑐᒥᓄᐤ, ᒋᑭ ‍ ᑐᑕᑯᐛᐤ ᒐᒋ ᓂᐸᔨᒪᑯᐤ᙮”
\p
\v 20 ᐊᑯ ᒐᓱᐛ ᒂ ‍ ᑎᑐᒥᔨᒋ ᑲ ‍ ᐃᑕᑦ ᐅᓂᑐᐱᔪᐅ-ᐃᔨᒪ᙮ ᒐᑲᑦ ᒥᓯᐛ ᒋ ‍ ᓂᐸᐊᐅᒡ ᓂᑐᐱᔪᐅ-ᐃᔪᐛ ᑲ ‍ ᐱᒂᑎᑯᒡ, ᒥᒄ ᐱᔅᒐ ᒋ ‍ ᐅᑎᑎᒧᒡ ᐅᑕᓇᒧᐛᐛ ᑭᔭ ᐊᑯᑕ ᑲ ‍ ᓱᒐᔨᒧᒡ ᐊᓐᑕ ᐱᑎᓱᐤ ᐛᔅᑲᑲᐳᔨᒋ ᐊᓐᑕ ᐅᑕᓇᒧᐛᐛᒡ᙮
\v 21 ᐊᑯ ᒐᓱᐛ ᑲᐤ ᒂ ‍ ᓂᑐᐛᐱᒥᑯᑦ ᐅᓂᑐᐱᔪᐅ-ᐃᔨᒪ, ᐊᔅᒄ ᐊᓐᑕ ᒋᑕᐤ ᑲ ‍ ᐎᒋᒡ ᐊᓐᑕ ᒪᑭᑕ᙮ ᓇᒪ ᐊᐛᓐ ᐊᓐᑕ ᐊᔅᒋᒡ ᒋ ‍ ᑯᒋᑕᐤ ᒐᒋ ᐊᓏᔨᒪᑦ ᐃᔅᕋᐃᓪ ᐃᔪᐛ᙮
\p
\v 22 ᐊᑯ ᒐᓱᐛ ᒂ ‍ ᐃᔅᒋᔄᑦ, “ᓴᓂᒥᒄ ᐊᓐᑕ ᐛᒋ ‍ ᐱᒐᓄᐅᒡ ᐊ ‍ ᐛᑎᒂᐱᔅᑲᒡ, ᑭᔭ ᒐ ‍ ᐸᑎᒧᐅᔭᒄ ᐊᓐᒡ ᐱᑕᑕᒡ ᒋᓴᐅᒋᒪᐅᒡ!”
\v 23 ᐊᑯ ᓂᑐᐱᔪᐅ-ᐃᔪᒡ ᒂ ‍ ᐸᒋ ‍ ᐎᐎᑕᐊᒡ ᐱᑕᑕᒡ ᒋᓴᐅᒋᒪᐛ ᐊ ‍ ᐛᑎᒂᐱᔅᑲᔨᒡ ᐅᒋ---ᒋᕈᓴᓕᒻ, ᑭᔭ ᐃᑉᕈᓐ, ᑭᔭ ᒍᕐᒧᑦ, ᑭᔭ ᓚᒋᔅ, ᑭᔭ ᐃᒃᓗᓐ ᒋᓴᐅᒋᒪᐛ᙮
\v 24 ᐃᔅᐱ ᑲ ‍ ᐸᑐᐛᒡ ᒐᓱᐛᔨᒋ ᐊᓂᔭ ᐱᑕᑕᒡ ᒋᓴᐅᒋᒪᐛ ᑭᔭ ᒂ ‍ ᐃᔨᐧᑭᒪᐊᒡ ᒐᒋ ᐱᒥᓯᓂᔨᒋ ᐊᓐᑕ ᒧᔅᑎᔅᑭᒥᒡ, ᒂ ‍ ᐎᓴᒪᑦ ᒥᓯᐛ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᑭᔭ ᒂ ‍ ᐃᑕᑦ ᓂᑐᐱᔪ-ᐃᔪᐛ ᐅᒋᒪᐛ, “ᐸᑐᑕᒄ ᑭᔭ ᒐ ‍ ᐊᔅᑕᔭᒄ ᒋᓯᑐᐛᐛ ᐊᓐᑕ ᐅᑯᔭᐛᒡ ᐊᓐᒡ ᒋᓴᐅᒋᒪᐅᒡ!” ᐊᑯ ᒂ ‍ ᐃᑎᒡ ᐊᓐᒡ ᐅᒋᒪᐅᒡ᙮
\v 25 ᐊᑯ ᒐᓱᐛ ᒂ ‍ ᐃᑕᑦ, “ᐊᑲ ᐛᒋ ‍ ᐸᐃᒄ ᑯᔅᑕᐧᑯᒡ ᐊᓐᒡ ᑲ ‍ ᐱᒂᑎᑕᐧᑯᒡ! ᒐ ᐊᑲ ᓂᑕ ‍ ᐱᒋᑕᔨᒧᔭᒄ! ᒐ ᐎᓱᒋᓯᔭᒄ ᑭᔭ ᒐᓱᒋᑕᐊᔭᒄ᙮ ᐊᐅᑯᔪᐤ ᐅᔭ ᒐ ‍ ᐃᑐᑐᐛᑦ ᑎᐸᔨᒋᒐᓱᐤ ᒥᓯᐛ ᒐ ‍ ᒪᓯᔨᒪᑯᐤ ᑲ ‍ ᐱᒂᑎᔨᑕᑯᐤ!”
\v 26 ᐊᑯ ᒐᓱᐛ ᒂ ‍ ᓂᐸᐊᑦ ᒥᓯᐛ ᐸᐸᐃᒄ ᒋᓴᐅᒋᒪᐛ ᐅᓂᑐᐱᔪᐅ-ᒧᐧᑯᒪᓐ ᐊᐱᒋᑕᑦ, ᑭᔭ ᒂ ‍ ᐃᑕᑦ ᐅᓂᑐᐱᔪᐅ-ᐃᔨᒪ ᒐᒋ ᑯᑕᔨᒋ ᐎᔪᔪᐛ ᐊᓂᔭ ᐱᑕᑕᒡ ᒋᓴᐅᒋᒪᐛ ᐊᓐᑕ ᒥᔅᑎᑯᒡ᙮ ᐊᐅᑯᓐ ᒂ ‍ ᐃᑎᔨᒋ, ᑭᔭ ᐸᑐᔅ ᐱᔭᒋᓯᒧᔨᒋ ᐱᓯᒺ ᒋ ᐃᔅᐱᔅ ᐃᑎᑯᑕᐛᐅᒡ ᐊᓐᑕ ᒥᔅᑎᑯᒡ᙮
\v 27 ᐊᑎ ᐱᔭᒋᓯᒧᔨᒋ ᐱᓯᒺ, ᒋ ‍ ᐃᑎᓱᒪᐤ ᒐᓱᐛ ᐅᓂᑐᐱᔪᐅ-ᐃᔨᒪ ᒐᒋ ᓂᑎᒥᓂᔨᒋ ᒥᔭᐛ ᒥᔅᑎᑯᒡ ᐅᒋ ᑭᔭ ᐊᓐᑕ ᐊ ‍ ᐛᑎᒂᐱᔅᑲᔨᒡ ᒐᒋ ᐃᓯ ᐱᑕᐛᐱᓂᒺᒡ ᐊᓐᑕ ᑲ ‍ ᑲᓱᔨᒋ᙮ ᐊᐅᑯᔪᐤ ᑲ ᐃᑎᒡ ᓂᑐᐱᔪᐅ-ᐃᔪᒡ, ᐊᑯ ᑭᔭ ᒥᓐ ᒂ ‍ ᒋᐱᓯᒪᒡ ᐊᒪᒥᒐᐱᓯᔨᒋ ᐊᓯᓂᔭ ᐊᓐᑕ ᐛᒋ ‍ ᐱᒐᓄᐎᔨᒡ᙮ ᐊᔅᒄ ᐊᓐᑕ ᐊᓄᒡ ᒂᑎᔅᑕᒋ ᐊᓂᔭ ᐊᓯᓂᔭ᙮
\p
\v 28 ᐊᐅᑯᔪᐤ ᐅᔭ ᑲ ᐃᓯ ‍ ᑯᓯᒂᔨᒧᑕᒡ ᑭᔭ ᑲᒪᑯᓇᒡ ᒪᑭᑕ ᐅᑕᓇᔪᐤ᙮ ᒋ ᓂᐸᐅᒡ ᒋᓴᐅᒋᒪᐛ ᑭᔭ ᒥᓯᐛ ᐊᐛᔪᐛ ᐊᓐᑕ ᐅᑕᓇᒡ᙮ ᓇᒪ ᐅᒋ ᐃᔅᑯᓇᐅᒡ ᐊᐛᔪᐛ ᒐᒋ ᐱᒪᑎᓯᔨᒋ᙮ ᐸᐃᑯᑕᐤ ᒋ ‍ ᐃᑐᑐᐛᐅᒡ ᒪᑭᑕ ᒋᓴᐅᒋᒪᐛ ᒧᔭᒻ ᑲ ᐃᑐᑐᐛᒡ ᒋᕆᑯᐤ ᒋᓴᐅᒋᒪᐛ᙮
\s1 ᑲ ‍ ᓴᐧᑯᒋᑕᒡ ᓴᐅᓄᒡ ᐅᑕᓇᐛ
\p
\v 29 ᐸᐃᑯᑕᐤ ᐊᓂᔭ ᒋᓯᑯᔪᐤ, ᒐᓱᐛ ᑭᔭ ᐅᓂᑐᐱᔪᐅ-ᐃᔨᒪ ᓴᐅᓄᒡ ᒂ ᐃᑐᑕᒡ ᓕᑉᓇ ᐅᑕᓇᒡ ᐃᓯ ᒪᑭᑕ ᐅᒋ ᑭᔭ ᒂ ‍ ᑯᓯᒂᔨᒧᑕᒡ᙮
\v 30 ᒋ ‍ ᑐᑐᐛᐤ ᑎᐸᔨᒋᒐᓱᐤ ᐃᔅᕋᐃᓪ ᐃᔪᐛ ᒐᒋ ᓴᐧᑯᒋᑕᔨᒋ ᐊᓂᔭ ᐅᑕᓇᔪᐤ ᑭᔭ ᐅᒋᓴᐅᒋᒪᒥᔨᐛ᙮ ᒥᓯᐛ ᐊᐛᔪᐛ ᒋ ‍ ᓂᐸᐅᒡ ᐊᓐᑕ ᐅᑕᓇᒡ; ᓇᒪ ᐊᐛᔪᐛ ᐅᒋ ᐃᔅᑯᓇᐅᒡ᙮ ᒋ ‍ ᓂᐸᐅᒡ ᓕᑉᓇ ᒋᓴᐅᒋᒪᐛ ᒧᔭᒻ ᑲ ᐃᓯ ‍ ᓂᐸᐊᒡ ᒋᕆᑯᐤ ᒋᓴᐅᒋᒪᐛ᙮
\p
\v 31 ᐊᑯ ᒐᓱᐛ ᑭᔭ ᐅᓂᑐᐱᔪᐅ-ᐃᔨᒪ ᓴᐅᓄᒡ ᒂ ‍ ᐃᑐᑕᐅᒡ ᓕᑉᓇ ᐅᒋ ᓚᒋᔅ ᐅᑕᓇᒡ ᐃᓯ᙮ ᒂ ‍ ᐛᔅᑲᑲᐳᔅᑕᒡ ᐅᑕᓇᔪᐤ ᑭᔭ ᒂ ‍ ᑯᓯᒂᔨᒧᑕᒡ᙮
\v 32 ᐊᓂᔭ ᓂᓱ ᒋᓯᑯᔪᐤ ᑲ ‍ ᓂᑐᐱᔨᓇᓄᐅᒡ, ᑎᐸᔨᒋᒐᓱᐤ ᒋ ‍ ᑐᑐᐛᐤ ᐃᔅᕋᐃᓪ ᐃᔪᐛ ᒐᒋ ᓴᐧᑯᒋᑕᔨᒋ ᐅᑕᓇᔪᐤ᙮ ᑭᔭ ᒧᔭᒻ ᑲ ᐃᑎᒡ ᐊᓐᑕ ᓕᑉᓇ, ᒋ ‍ ᓂᐸᐅᒡ ᒥᓯᐛ ᐊᐛᔪᐛ ᐊᓐᑕ ᐅᑕᓇᒡ᙮
\v 33 ᒋᓴᐅᒋᒪᐤ ᐦᐅᕋᒻ ᑭᓱᕐ ᐅᑕᓇᒡ ᐅᒋ ᑭᔭ ᐅᓂᑐᐱᔪᐅ-ᐃᔨᒪ ᒋ ‍ ᑎᑯᓯᓄᐅᒡ ᒐᒋ ᐎᒋᐊᒡ ᓚᒋᔅ ᓂᑐᐱᔪᐅ-ᐃᔪᐛ, ᒥᒄ ᒐᓱᐛ ᐅᓂᑐᐱᔪᐅ-ᐃᔨᒪ ᒋᓴᐧᑯᒋᐊᐅᒡ ᐦᐅᕋᒻ ᑭᔭ ᐅᓂᑐᐱᔪᐅ-ᐃᔨᒥᔨᐛ, ᓇᒪ ᐛᒋ ‍ ᐸᐃᒄ ᐊᐛᔪᐛ ᐅᒋ ᓇᐊᔨᒪᐅᒡ ᒐᒋ ᐱᒪᑎᓯᔨᒋ᙮
\p
\v 34 ᐊᑯ ᒐᓱᐛ ᑭᔭ ᐅᓂᑐᐱᔪᐅ-ᐃᔨᒪ ᐊᑎᒪᐱᓯᒧᒡ ᒂ ‍ ᐃᑐᑕᐅᒡ ᓚᒋᔅ ᐅᒋ ᐃᒃᓗᓐ ᐅᑕᓇᒡ ᐃᓯ᙮ ᒂ ‍ ᐛᔅᑲᑲᐳᔅᑕᒡ ᐅᑕᓇᔪᐤ ᑭᔭ ᒂ ‍ ᑯᓯᒂᔨᒧᑕᒡ᙮
\v 35 ᐊᓂᔭ ᒋᓯᑯᔪᐤ, ᒋ ‍ ᒪᑯᓂᒧᒡ ᐊᓂᔭ ᐅᑕᓇᔪᐤ ᑭᔭ ᒥᓯᐛ ᐊᐛᔪᐛ ᒋ ‍ ᓂᐸᐅᒡ ᐊᓐᑕ ᑲ ‍ ᑕᔨᒋ, ᒧᔭᒻ ᑲ ‍ ᐃᑎᒡ ᐊᓐᑕ ᓚᒋᓯᒡ᙮ ‍ 
\p
\v 36 ᐊᑯ ᒐᓱᐛ ᑭᔭ ᐅᓂᑐᐱᔪᐅ-ᐃᔨᒪ ᐊᑎᒪᐱᓯᒧᒡ ᒂ ᐃᑐᑕᒡ ᐃᒃᓗᓐ ᐅᒋ ᐊ ‍ ᐛᐛᑭᑕᐅᐧᑲᔨᒡ ᐃᑉᕈᓐ ᐅᑕᓇᒡ ᐃᓯ᙮ ᒂ ‍ ᑯᓯᒂᔨᒧᑕᒡ ᐅᑕᓇᔪᐤ᙮
\v 37 ᑭᔭ ᒂ ‍ ᒪᑯᓇᒡ᙮ ᒋ ‍ ᓂᐸᐅᒡ ᒋᓴᐅᒋᒪᐛ ᑭᔭ ᒥᓯᐛ ᐊᐛᔪᐛ, ᒧᔭᒻ ᑲ ‍ ᐃᑎᒡ ᐊᓐᑕ ᐃᒃᓗᓐ᙮ ᓇᒪ ᐛᒋ ‍ ᐸᐃᒄ ᐊᐛᔪᐛ ᐅᒋ ᓇᐊᔨᒪᐅᒡ ᒐᒋ ᐱᒪᑎᓯᔨᒋ᙮
\p
\v 38 ᐊᑯ ᒐᓱᐛ ᑭᔭ ᐅᓂᑐᐱᔪᐅ-ᐃᔨᒪ ᐊᑎᒪᐱᓯᒧᒡ ᒂ ᐃᓯ ‍ ᒋᐛᐱᔪᐅᒡ ᑭᔭ ᒂ ‍ ᐃᑐᑕᒡ ᑎᐳᕐ ᐅᑕᓇᒡ ᐃᓯ ᒂ ‍ ᑯᓯᒂᔨᒧᑕᒡ ᐊᓂᔭ ᐅᑕᓇᔪᐤ᙮
\v 39 ᒋ ‍ ᒪᑯᓂᒧᒡ ᐊᓂᔭ ᐅᑕᓇᔪᐤ ᑭᔭ ᐅᒋᓴᐅᒋᒪᒥᔨᐛ, ᑭᔭ ᐃᔭᐱᒡ ᒋ ‍ ᒪᑯᓂᒧᒡ ᒥᒋᒪ ᑲ ‍ ᑐᑯᓂᔨᒋ ᐅᑕᓇᐛ᙮ ᐊᑯ ᒂ ‍ᓂᐸᐊᒡ ᒥᓯᐛ ᐊᐛᔪᐛ; ᐸᐃᑯᑕᐤ ᒋ ‍ ᑐᑐᐛᐅᒡ ᐊᐛᔪᐛ ᒧᔭᒻ ᑲ ‍ ᐃᑎᒡ ᐊᓐᑕ ᐃᑉᕈᓐ ᑭᔭ ᓕᑉᓇ ᐅᑕᓇᐛ᙮
\p
\v 40 ᐊᐅᑯᔪᐤ ᐅᔭ ᑲ ‍ᐃᓯ ‍ ᓴᐧᑯᒋᑕᒡ ᒐᓱᐛ ᑭᔭ ᐅᓂᑐᐱᔪᐅ-ᐃᔨᒪ ᒥᓯᐛ ᓴᐅᓄᒡ ᑲᐃᓇᓐ ᐊᔅᒋᔪᐤ᙮ ᒋ ‍ ᓴᐧᑯᒋᐊᐅᒡ ᒋᓴᐅᒋᒪᐛ ᑲ ‍ ᑎᐸᔨᒋᒐᔨᒋ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᒡ, ᑭᔭ ᐊᓐᑕ ᑲ ‍ ᐸᔅᑕᔨᒡ ᓴᐅᓄᑕᒡ ᐃᑕᒐ, ᑭᔭ ᐊᑎᒪᐱᓯᒧᒡ ᐊᐱᔅᑯᑎᓇᓯᔨᒡ, ᑭᔭ ᐊᓂᑎᒋᐛᔭᔨᒡ ᐊᔅᒋᔪᐤ ᐛᐱᓄᑕᒡ ᐃᑕᒐ᙮ ᒥᓯᐛ ᐊᐛᔪᐛ ᐊᓐᑕ ᑲ ‍ ᑕᔨᒋ ᒋ ‍ ᓂᐸᐅᒡ, ᓇᒪ ᐛᒋ ‍ ᐸᐃᒄ ᐊᐛᔪᐛ ᐅᒋ ᓇᐊᔨᒪᐅᒡ ᒐᒋ ᐱᒪᑎᓯᔨᒋ᙮
\v 41 ᒥᓯᐛ ᐅᑕᓇᐛ ᒋ ‍ ᒪᑯᓂᒥᔨᐛ ᒐᓱᐛ ᐅᓂᑐᐱᔪᐅ-ᐃᔨᒪ ᑲᑕᔅ-ᐳᓂᐊ ᐅᑕᓇᒡ ᐅᒋ ᐃᔅᐱᔅ ᓴᐅᓄᒡ ᐃᑕᒐ ᑲᓴ ᐃᓯ ᒥᒋᒪ ᐎᓂᐸᑯᒡ, ᐊᓯᒡ ᒥᓯᐛ ᑯᓯᓐ ᐊᔅᒋᔪᐤ, ᑭᔭ ᒋᐛᑎᓄᒡ ᑭᐱᔭᓐ ᐅᑕᓇᒡ᙮
\v 42 ᒪᒂᒡ ᐊᓂᔭ, ᒐᓱᐛ ᐅᓂᑐᐱᔪᐅ-ᐃᔨᒪ ᒋ ‍ ᓴᐧᑯᒋᐊᐅᒡ ᒥᓯᐛ ᒋᓴᐅᒋᒪᐛ ᑭᔭ ᒋ ᒪᑯᓂᒺᐅᒡ ᒥᓯᐛ ᐊᔅᒋᔪᐤ ᐊᓐᑕ ᑲ ‍ ᑎᐸᔨᒋᒐᔨᒋ᙮ ᐛᔅ ᑎᐸᔨᒋᒐᓱᐛ, ᐊᓂᔭ ᒋᓴᒪᓂᑐᐛ ᑲ ‍ ᐊᔭᒥᐊᔅᑐᐛᒡ ᐃᔅᕋᐃᓪ ᐃᔪᒡ, ᒋ ‍ ᒪᓯᔅᑎᒪᑯᒡ ᐊᓂᔭ ᐛᒋ ‍ ᒋᑐᑕᒡ᙮
\p
\v 43 ᐊᑯ ᒐᓱᐛ ᑭᔭ ᐅᓂᑐᐱᔪᐅ-ᐃᔨᒪ ᑲᐤ ᒂ ‍ ᒋᐛᒡ ᐊᓐᑕ ᑭᒡᑲᓪ ᑲ ‍ ᐎᒋᒡ᙮
\c 11
 ᒐᓱᐛ ᐅᓂᑐᐱᔪᐅ-ᐃᔨᒪ ᒋ ‍ ᒪᑯᓂᒥᔨᐛ ᒋᐛᑎᓄᒡ ᐅᑕᓇᐛ
\p
\v 1 ᐃᔅᐱ ᒐᐱᓐ ᐊᓱᕐ ᐅᑕᓇᒡ ᒋᓴᐅᒋᒪᐤ ᑲ ‍ ᐸᑕᐧᒃ ᒥᓯᐛ ᒐᒂᔪᐤ ᑲ ‍ ᐃᔅᐱᔨᒡ, ᒍᐸᐸ ᒋ ‍ ᐃᑎᓴᐊᒧᐛᐤ ᐃᔨᒧᐅᓂᔪᐤ, ᒪᑐᓐ ᐅᑕᓇᒡ ᒋᓴᐅᒋᒪᐛ, ᑭᔭ ᓯᒻᕈᓐ ᐅᑕᓇᒡ ᒋᓴᐅᒋᒪᐛ, ᑭᔭ ᐊᒃᓴᑉ ᐅᑕᓇᒡ ᒋᓴᐅᒋᒪᐛ, ᒋ ‍ ᓂᑐᐛᔨᑎᒧᐛᐤ ᒐᒋ ᐃᑎᓴᐛᔨᒋ ᐅᓂᑐᐱᔪᐅ-ᐃᔨᒥᔨᐛ ᒐᒋ ᑎᑯᓯᓂᔨᒋ ᑭᔭ ᐎᒋᔨᑯᑦ ᐊᒪᓯᐧᑯᐛᑦ ᐃᔅᕋᐃᓪ ᐃᔪᐛ᙮
\v 2 ᐃᔭᐱᒡ ᒋᐛᑎᓄᒡ ᐊᐛᐧᑭᑕᐅᐧᑲᔨᒡ ᒋᓴᐅᒋᒪᐛ ᒋ ‍ ᐃᑎᓴᐊᒧᐛᐤ ᐃᔨᒧᐅᓂᔪᐤ ᑭᔭ ᒠᕐᑕᓐ ᓯᐱᒡ ᐊ ‍ ᐱᓴᔨᒡ, ᑭᔭ ᓴᐅᓄᒡ ᑲᓕᓕᒡ, ᑭᔭ ᐊᓐᑕ ᐊᑎᒪᐱᓯᒧᒡ ᐊᐛᐧᑭᑕᐅᐧᑲᔨᒡ ᒋᓴᐅᒋᒪᐛ᙮ ᓇᐸᑦ-ᑐᕐ ᒋᓴᐅᒋᒪᐛ ᐊᓐᑕ ᒋ ‍ ᐃᑎᓴᐊᒧᐛᐤ ᐃᔨᒧᐅᓂᔪᐤ
\v 3 ᑭᔭ ᑲᐃᓇᓐ ᐃᔪᐛ ᐊ ‍ ᐃᑎᔅᑲᓇᓯᔨᒋ ᒋᓴᐅᒋᒪᐛ ᐊᓐᑕ ᒋᐛᑎᓄᒡ ᑭᔭ ᐊᑎᒪᐱᓯᒧᒡ ᐊᔅᒋᔭ᙮ ᐊᒧᕆ ᐃᔪᐛ ᐊ ‍ ᐃᑎᔅᑲᓇᓯᔨᒋ ᑭᔭ ᐊᑦ ᐃᔪᐛ ᐊ ‍ ᐃᑎᔅᑲᓇᓯᔨᒋ ᑭᔭ ᐸᕆᔅ ᐃᔪᐛ ᐊ ‍ ᐃᑎᔅᑲᓇᓯᔨᒋ ᑭᔭ ᒐᐳᔅ ᐃᔪᐛ ᐊ ‍ ᐃᑎᔅᑲᓇᓯᔨᒋ ᐊᓐᑕ ᐊᐛᐧᑭᑕᐅᐧᑲᔨᒡ ᑲ ‍ ᐎᒋᔨᒋ ᒋ ‍ ᐃᑎᓴᐊᒧᐛᐤ ᐃᔨᒧᐅᓂᔪᐤ᙮ ᐃᔭᐱᒡ ᐃᑉ ᐃᔪᐛ ᐊ ‍ ᐃᑎᔅᑲᓇᓯᔨᒋ ᒋ ‍ ᐃᑎᓴᐊᒧᐛᐤ ᐃᔨᒧᐅᓂᔪᐤ ᐊᓐᑕ ᑲ ‍ ᐎᒋᔨᒋ ᐊᓇᒡ ᐃᕐᒧᓐ ᐱᔅᑯᑎᓇᒡ ᐊᓐᑕ ᒥᔅᐸ ᐃᑕᒐ᙮
\v 4 ᐊᑯ ᓂᑐᐱᔪᐅ-ᐃᔪᒡ ᐊᓐᒡ ᒥᓯᐛ ᒋᓴᐅᒋᒪᐅᒡ ᒂ ‍ ᒪᒧᐎᒡ, ᑲ ‍ ᐸᓱᐛᒡ ᐅᑲᐸᐃᑭᔎᒧᐛᐛ ᑭᔭ ᐅᑎᑎᐱᑕᐸᓇᔅᑯᒧᐛᐛ᙮ ᒧᔭᒻ ᐊᑕᑎᒋ ᐃᔭᑲᐛ ᐊᓐᑕ ᓯᓱᒡ ᐎᓂᐸᑯᒡ ᒋ ‍ ᐃᔅᐱᒐᑐᐅᒡ ᓂᑐᐱᔪᐅ-ᐃᔪᒡ᙮
\v 5 ᒥᓯᐛ ᐊᓐᒡ ᒋᓴᐅᒋᒪᐅᒡ ᑭᔭ ᐅᓂᑐᐱᔪᐅ-ᐃᔨᒧᐛᐛ ᒥᕈᒻ ᐱᑯᑎᐱᒡ ᒋ ‍ ᒪᒧᐎᔪᐅᒡ ᑭᔭ ᐊᑯᑕ ᑲ ‍ ᒋᒥᑕᒡ ᐅᐱᒍᐎᔭᓂᒍᐛᐳᐛᐛ᙮ ᐊᑯ ᒂ ‍ ᐎᔭᔨᑕᒡ ᒐᒋ ᒪᓯᐧᑯᐛᒡ ᐃᔅᕋᐃᓪ ᐃᔪᐛ᙮
\p
\v 6 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᒐᓱᐛᔨᒋ, “ᒐ ᐊᑲ ᑯᔅᑎᑥᐤ, ᐛᔅ ᐛᐱᓂᔨᒐ ᐊᓄᒡ ᐊᔅᐱᔨᒡ ᓂᑭ ‍ ᑐᑐᐛᐅᒡ ᒋᑦ ‍ᐃᔨᒥᒡ ᒐᒋ ᓴᐧᑯᒋᐊᒡ᙮ ᐃᔭᐱᒡ ᒋᑭ ᐎ ‍ ᒪᔅᒋᑲᑕᐛᐅᒡ ᐅᑲᐸᐃᑭᔎᒥᔨᐛ ᑭᔭ ᐃᔎᓯᒺᐅᒡ ᐅᑎᑎᐱᑕᐸᓇᔅᑯᒥᔨᐛ᙮”
\p
\v 7 ᐊᑯ ᒐᓱᐛ ᑭᔭ ᐅᓂᑐᐱᔪᐅ-ᐃᔨᒪ ᒂ ᐃᑐᑕᒡ ᐊᓐᑕ ᒥᕈᒻ ᐱᑯᑎᐱᒡ ᑭᔭ ᒥᔅᑲᑕᔨᑎᒧᐅᓂᒡ ᒂ ‍ ᑯᓯᒂᔨᒧᑐᐛᒡ ᑲ ‍ ᐱᒂᑎᑯᒡ ᐊᒺᔭ ᐃᔭᔅᑯᐎᒋ ᒐᒋ ᒪᓯᒐᔨᒋ᙮
\v 8 ᒋ ‍ ᑐᑐᐛᐤ ᑎᐸᔨᒋᒐᓱᐤ ᒐᒋ ᓴᐧᑯᒋᐊᔨᒋ᙮ ᓴᐃᑐᓐ ᐅᑕᓇᒡ ᒋ ᐃᓯ ‍ ᓇᓴᐛᐅᒡ ᐊᓐᑕ ᐛᔪᐤ ᒋᐛᑎᓄᒡ, ᑭᔭ ᒪᔅᕆᐳᑦ-ᒪᐃᒻ ᐊᓐᑕ ᐸᔅᑕᒋᐛᑎᓄᒡ, ᑭᔭ ᒥᔅᐸ ᐊ ‍ ᐱᓴᔨᒡ ᐃᓯ ᐊᓐᑕ ᐸᔅᑕᐅᑎᓂᒡ᙮ ᒋᒪᓯᐧᑯᐛᐅᒡ ᐃᔅᕋᐃᓪ ᐃᔪᒡ ᐃᔅᐱᔅ ᒥᓯᐛ ᑲ ᐳᓂᐱᒪᑎᓯᔨᒋ᙮
\v 9 ᐊᑯ ᒐᓱᐛ ᑭᔭ ᐅᑦ ᐃᔨᒪ ᒂ ‍ ᐃᑎᒡ ᑲ ᐃᑎᑯᒡ ᑎᐸᔨᒋᒐᓱᐛ ᒐ ᐃᑎᒡ: ᒪᔅᒋᑲᑕᒺᐅᒡ ᑭᔭ ᐃᔎᓯᒺᐅᒡ ᐅᑎᑎᐱᑕᐸᓇᔅᑯᒥᔨᐛ᙮
\p
\v 10 ᐊᓱᕐ ᒋᓴᐅᒋᒪᐤ ᒋᑎᐸᔨᒪᐤ ᐃᔪᐛ ᒥᓯᐛ ᒋᓴᐅᒋᒪᐅᓇ ᐊᓂᔭ ᐅᓂᑐᐱᔪᐅ-ᐃᔨᒥᔨᐛ ᑲ ‍ ᒪᓴᔨᒋ ᐃᔅᕋᐃᓪ ᐃᔪᐛ᙮ ᐊᑯ ᒐᓱᐛ ᐅᓂᑐᐱᔪᐅ-ᐃᔨᒪ ᑲᐤ ᒂ ‍ ᐃᑐᑕᔨᒋ ᐊᓱᕐ ᑭᔭ ᒂ ‍ ᒪᑯᓂᒥᔨᒋ ᐊᓂᔭ ᐅᑕᓇᔪᐤ ᑭᔭ ᒂ ‍ ᓂᐸᔨᒪᒡ ᐅᒋᓴᐅᒋᒪᒥᔨᐛ᙮
\v 11 ᒥᓯᐛ ᐊᐛᔪᐛ ᐊᓐᑕ ᐊᓱᕐ ᒋ ‍ ᓂᐸᐅᒡ; ᓇᒪ ᐊᐛᔪᐛ ᐅᒋ ‍ ᐃᔅᑯᓇᐅᒡ᙮ ᐊᑯ ᒂ ‍ ᐃᔎᓴᒡ ᐊᓂᔭ ᐅᑕᓇᔪᐤ᙮
\p
\v 12 ᒐᓱᐛ ᐅᓂᑐᐱᔪᐅ-ᐃᔨᒪ ᒥᓯᐛ ᐊᓂᑕ ᐅᑕᓇᐛ ᒋ ‍ ᒪᑯᓂᒥᔨᐛ ᑭᔭ ᒋ ‍ ᓂᐸᔨᒪᐅᒡ ᒥᓯᐛ ᐅᒋᓴᐅᒋᒪᒥᔨᐛ᙮ ᒋ ‍ ᑐᑎᒧᒡ ᐊᓂᔭ ᒧᔭᒻ ᒧᓱᔅ, ᐊᓐ ᓇᐸᐤ ᑲ ᒥᔪ ‍ ᐊᑐᔅᑯᐛᑦ ᑎᐸᔨᒋᒐᓱᐛ, ᑲᒋ ‍ ᐃᑎᓱᒪᑦ ᒐ ‍ ᐃᑎᔨᒋ᙮
\v 13 ᒋ ‍ ᐃᔎᓯᒥᔨᐛ ᐊᓱᕐ ᐅᑕᓇᔪᐤ ᒐᓱᐛ ᐅᑦ ᐃᔨᒪ, ᒥᒄ ᓇᒪ ᐅᒋ ᐃᔎᓯᒧᒡ ᐊᓂᔭ ᑯᑎᑲ ᐅᑕᓇᐛ ᐊᓐᑕ ᐊᐛᐧᑭᑕᐅᑲᔨᒡ ᑲ ‍ ᒋᒥᑕᑭᓄᐎᔨᒋ᙮
\v 14 ᒋ ‍ ᐅᑎᓂᒪᓱᐅᒡ ᐊᐛᓯᓴ ᐃᔅᕋᐃᓪ ᐃᔪᒡ ᑲ ‍ ᒥᔅᑯᐛᒡ ᐊᓐᑕ ᐊᓂᔭ ᐅᑕᓇᐛ ᑭᔭ ᒥᓯᐛ ᒐᒂᔪᐛ ᐊᓱᓇᔭᐎᔨᒋ᙮ ᒥᒄ ᒥᓯᐛ ᐊᐛᔪᐛ ᒋ ‍ ᓂᐸᐅᒡ᙮
\v 15 ᒥᒐᑐᐱᐳᓇ ᐊᓐᑕ ᐅᑕᒡ, ᑎᐸᔨᒋᒐᓱᐤ ᒋ ‍ ᐃᑕᐤ ᐅᑦ ᐊᐱᒋᐊᑭᓇ ᒧᓱᓴ ᐊᓂᔭ ᒐᒋ ᑐᑎᒥᔨᒋ, ᐊᑯ ᑭᔭ ᒧᓱᔅ ᒂ ‍ ᐃᑕᑦ ᒐᓱᐛᔨᒋ ᐊᓂᔭ ᒐᒋ ᑐᑎᒥᔨᒋ᙮ ᐊᑯ ᒐᓱᐛ ᒥᓯᐛ ᒋ ‍ ᐃᑐᑎᒻ ᒐᒂᔪᐤ ᐊᓂᔭ ᑎᐸᔨᒋᒐᓱᐤ ᑲ ‍ ᐃᑎᓱᒪᑦ ᒧᓱᓴ ᒐᒋ ᑐᑎᒥᔨᒋ᙮
\p
\v 16 ᒐᓱᐛ ᐅᓂᑐᐱᔪᐅ-ᐃᔨᒪ ᒋ ‍ ᒪᑭᓂᒧᐛᐅᒡ ᓄᑎᒻ ᐅᔭ ᐊᔅᒋᔪᐤ: ᑭᔭ ᑲ ‍ ᐊᐛᐧᑭᑕᐅᐧᑲᔨᒡ ᐊᔅᒋᔪᐤ, ᑭᔭ ᒥᓯᐛ ᓂᒋᑉ ᐊᔅᒋᔪᐤ, ᑭᔭ ᓂᑎᒻ ᑲᓯᓐ ᐃᑕᐅᓂᔪᐤ, ᑭᔭ ᐊᑎᒪᐱᓯᒧᒡ ᐊᐱᔅᑯᑎᓇᓯᔨᒡ, ᑭᔭ ᐊᕋᐸ ᑭᔭ ᐃᔅᕋᐃᓪ ᐱᔅᑯᑎᓇᐛ ᐊᓯᒡ ᐛᔅᑲ ᐱᔅᑯᑎᓇᓴ,
\v 17 ᒋ ‍ ᒪᑯᓂᒧᒡ ᒥᓯᐛ ᐊᔅᒋᔪᐤ ᐊᓚᒃ ᐱᔅᑯᑎᓇᐤ ᐊᓐᑕ ᓴᐅᓄᒡ ᐅᒋ ᓯᐅᕐ ᐃᓯ ᐊᐛᐧᑯᑕᐅᐧᑲᔨᒡ ᐃᔅᐱᔅ ᐸᐊᓪ-ᑲᑦ ᒋᐛᑎᓄᒡ ᐃᑕᒐ ᐊᓐᑕ ᐊ ‍ ᐱᓴᔨᒡ ᓚᐸᓇᓐ, ᓂᑕᒥᑎᓄᐤ ᐊᕐᒧᓐ ᐱᔅᑯᑎᓇᔪᐤ᙮ ᒥᓯᐛ ᒋ ‍ ᑲᔅᑎᓇᐅᒡ ᒋᓴᐅᒋᒪᐛ ᐊᓐᑕ ᐊᓂᔭ ᐃᑕᐅᓇ ᑭᔭ ᒋ ‍ ᓂᐸᐅᒡ᙮
\v 18 ᒥᒐᑐᐱᐳᓇ ᒋᒪᓴᐅᒡ ᒐᓱᐛ ᐅᓂᑐᐱᔪᐅ-ᐃᔨᒪ ᐊᓂᔭ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\v 19 ᐸᐃᒄ ᒥᒄ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ᑐᑎᒧᒡ ᒋᔭᒪᔨᑎᒧᐅ ᓂᔅᑯᒧᐅᓂᔪᐤ ᐊᓯᒡ ᐃᔅᕋᐃᓪ ᐃᔪᐛ; ᐊᐅᑯᓐᒡ ᐊᓐᒡ ᐃᑉ ᐊ ‍ ᐃᑎᔅᑲᓇᓯᒡ ᐃᔪᒡ ᐊᓐᑕ ᑲ ‍ ᐎᒋᒡ ᑭᐱᔭᓐ᙮ ᒥᓯᐛ ᑯᑎᑲ ᐅᑕᓇᐛ ᒋ ‍ ᒪᑯᓂᒥᒡ ᐃᔅᕋᐃᓪ ᐃᔪᒡ ᓇᑐᐱᔨᑥᐎᔾ᙮
\v 20 ᑎᐸᔨᒋᒐᓱᐤ ᒋ ‍ ᑐᑐᐛᐤ ᐃᔪᐛ ᐊᓐᑕ ᑯᑎᑲ ᐊ ‍ ᐃᑎᔅᑲᓇᓯᔨᒋ ᒐᒋ ᒥᔅᑯᔅᑎᒂᓇᔨᒋ, ᐊᓂᔭ ᐅᒋ ᒋ ‍ ᓂᑐᐱᑐᐛᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᑭᔭ ᒥᓯᐛ ᐊᓂᔭ ᒋ ‍ ᓂᐸᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ᙮ ᓇᒪ ᐛᒋ ᐸᐃᒄ ᐅᒋ ᒋᔅᑎᒪᒐᔨᒪᐅᒡ᙮ ᐊᐅᑯᔪᐤ ᐅᔭ ᑲ ‍ ᐃᑎᓱᒪᑦ ᑎᐸᔨᒋᒐᓱᐤ ᒧᓱᓴ ᒐ ᑐᑎᒥᔨᒋ᙮
\p
\v 21 ᒐᓱᐛ ᐅᓂᑐᐱᔪᐅ-ᐃᔨᒪ ᐃᔭᐱᒡ ᒋ ‍ ᒪᓴᐅᒡ ᐊᓇᒃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᐎᒋᔨᒋ ᐊᓐᑕ ᑲ ‍ ᐊᐛᐧᑭᑕᐅᐧᑲᔨᒡ ᐊᔅᒋᒡ ᒥᒋᒪ ᐊᓐᑕ ᐃᑉᕋᓐ, ᑭᔭ ᑎᐱᕐ, ᑭᔭ ᐊᓇᒃ ᐅᑕᓇᐛ, ᐃᔭᐱᒡ ᒋ ‍ ᒪᓴᐅᒡ ᐃᔪᐛ ᑲ ‍ ᐎᒋᔨᒋ ᐊᓐᑕ ᐃᔅᕋᐃᓪ ᑭᔭ ᒍᑕ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᒡ, ᑭᔭ ᒥᓯᐛ ᒋ ‍ ᓂᐸᐅᒡ ᐊᓂᔭ ᐃᔪᐛ ᑭᔭ ᒋ ‍ ᓂᓱᐅᓇᒋᑕᐛᐅᒡ ᐅᑕᓇᒥᔨᐛ᙮
\v 22 ᐊᓂᔭ ᐅᒋ, ᓇᒪ ᐅᒋ ‍ ᐃᔅᑯᐱᔪᐛ ᐊ ‍ ᐃᔪᐎᔨᒋ ᐊᓇᒃ ᐅᑦ ᐊᓂᔅᑯᑕᐸᓇ ᐊᓐᑕ ᐃᔅᕋᐃᓪ᙮ ᒥᒄ ᐱᔅᒐ ᒋ ‍ᐃᔅᑯᐱᔪᐅᒡ ᐊ ‍ ᐃᔪᐅᒡ ᐊᓐᑕ ᑲᓴ, ᑭᔭ ᑲᑦ, ᑭᔭ ᐊᔅᑐᑦ ᐅᑕᓇᐛ᙮
\v 23 ᒐᓱᐛ ᐅᓂᑐᐱᔪᐅ-ᐃᔨᒪ ᒋ ‍ ᒪᑯᓂᒧᒡ ᒥᓯᐛ ᐊᔅᒋᔪᐤ ᒧᔭᒻ ᑎᐸᔨᒋᒐᓱᐤ ᐎᐱᒡ ᑲ ‍ ᐃᑕᑦ ᒧᓱᓴ ᒐ ‍ ᐃᑎᔨᒋ᙮ ᑎᐸᔨᒋᒐᓱᐤ ᒋ ‍ ᒥᔭᐤ ᐃᔅᕋᐃᓪ ᐃᔪᐛ ᐊᓂᔭ ᐊᔅᒋᔪᐤ, ᐛᔅ ᒋ ‍ ᐊᓱᑎᒧᐛᐤ ᒐᒋ ᒥᔭᑦ ᐊᓂᔭ ᐊᔅᒋᔪᐤ᙮ ᐊᑯ ᒐᓱᐛ ᒂ ‍ ᑕᑎᐸᓂᒧᐛᑦ ᐊᔅᒋᔪᐤ ᐊᓂᔭ ᐊᑎ ‍ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ᙮ ᓇᓇᒐ, ᒂ ‍ ᑎᒂᒡ ᒋᔭᒪᔨᑎᒧᐅᓐ ᐊᓐᑕ ᐊᔅᒋᒡ᙮
\c 12
\s1 ᒋᓴᐅᒋᒪᐅᒡ ᑲ ‍ ᓴᐧᑯᒋᔨᑯᒡ ᐃᔅᕋᐃᓪ ᐃᔪᐛ
\p
\v 1 ᒋ ‍ ᒪᑯᓂᒧᒡ ᐃᔅᕋᐃᓪ ᐃᔪᒡ ᐊᔅᒋᔪᐤ ᐊᓐᑕ ᒋᐛᑎᓄᒡ ᒠᕐᑕᓐ ᓯᐱᒡ, ᓴᐅᓄᒡ ᐊᕐᓇᓐ ᓯᐱᒡ ᐅᒋ ᐊᐎᐧᑲᓴᑲᒡ ᐅᕐᒧᓐ ᐱᔅᑯᑎᓇᒡ ᐃᓯ ᐊᓐᑕ ᒋᐛᑎᓄᒡ, ᐊᓯᒡ ᒥᓯᐛ ᐊᔅᒋᔪᐤ ᐊᓐᑕ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᒡ ᐊ ‍ ᐱᓴᒡ᙮ ᓂᓱ ᒋᓴᐅᒋᒪᐅᒡ ᐊᓂᔭ ᐃᔅᕋᐃᓪ ᓂᑐᐱᔪᐅ-ᐃᔪᒡ ᑲ ‍ ᓴᐧᑯᒋᐊᒡ ᐅᔅᑭᒡ ᒋ ‍ ᑎᐸᔨᑎᒧᒡ ᐊᓂᔭ ᐊᔅᒋᔪᐤ᙮
\v 2 ᓯᐦᐅᓐ ᐊᐅᒄ ᐸᐃᒄ, ᐊᒧᕆ ᐃᔪᐛ ᐊ ‍ ᐃᑎᔅᑲᓇᓯᔨᒋ ᒋᓴᐅᒋᒪᐤ᙮ ᐦᐊᔅᐳᓐ ᐅᑕᓇᒡ ᒋ ‍ ᐎᒍᐤ ᑭᔭ ᐊᕈᐊᕐ ᐅᑕᓇᒡ ᐃᑕᒐ ᒋ ‍ ᑎᐸᔨᒋᒐᐤ ᔭᔭᐤ ᐊᕐᓇᓐ ᓯᐱᒡ ᐊᐎᐧᑲᓴᑲᔨᒡ, ᐃᔅᐱ ᒐᐳᒃ ᓯᐱᒡ, ᐊᓐᑕ ᐊᐱᓯᓇᑕᔨᒡ ᑎᔅᑐᐎᒡ ᐅᑦ ᐊᔅᒋᔾ ᑭᔭ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᑦ ᐊᔅᒋᔪᐤ᙮ ᓯᐅᓐ ᐃᔭᐱᒡ ᒋ ‍ ᑎᐸᔨᒋᒐᐤ ᑕᑕᐅᒡ ᓴᐅᓄᒡ ᑭᓕᐊᑦ ᐊᔅᒋᔪᐤ,
\v 3 ᑭᔭ ᐊᓐᑕ ᐊᔅᒋᔪᐤ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᔪᐤ ᐊ ‍ ᐱᓴᔨᒡ, ᓴᐅᓄᒡ ᑲᓕᓕ ᓂᐱᔾ ᑲ ‍ ᓂᐱᒥᑲᒡ ᐎᓂᐸᒄ ᐃᓯ᙮ ᐃᔭᐱᒡ ᒋ ‍ ᑎᐸᔨᒋᒐᐤ ᐊᓐᑕ ᐛᐱᓄᑕᒡ ᑲ ‍ ᓂᐱᒥᑲᒡ ᐎᓂᐸᒄ ᐊᔅᒋᒡ ᐸᑦ-ᒐᓯᒧᑦ ᐅᒋ ᐅᐱᒪ ᐛᐱᓄᑕᒡ ᐱᔅᑲ ᐱᔅᑯᑎᓇᒡ ᐃᔅᐱᔅ᙮
\m
\v 4 ᐊᓐ ᑯᑎᒃ ᒋᓴᐅᒋᒪᐤ ᑲ ‍ ᓴᐧᑯᒋᐊᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᐊᐅᒄ ᐅᒃ, ᐸᓴᓐ ᐊᔅᒋᒡ ᒋᓴᐅᒋᒪᐤ᙮ ᐎᔾ ᐊᐅᒄ ᒪᔅᑕᔾ ᑲ ‍ ᒋᓄᑲᐳᐅᒡ ᕋᐸ ᐅᑦ ᐊᓂᔅᑯᑕᐸᓇ᙮ ᐎᔾ ᒋ ‍ ᑎᐸᔨᒋᒐᐤ ᐊᓐᑕ ᐊᔅᒋᔪᐤ, ᒪᒪᒥᔅᑯᒡ ᑲ ᐎᒋᑦ ᐊᓐᑕ ᐊᔅᑕᕋᑦ ᑭᔭ ᐃᑦᕋᔾ ᐅᑕᓇᐛ᙮
\v 5 ᐅᕐᒧᓐ ᐱᔅᑯᑎᓇᒡ ᓴᓕᑲ ᐊᓐᑕ ᒋᐛᑎᓄᒡ ᐅᒋ ᒋ ‍ ᑎᐸᔨᒋᒐᐤ, ᑭᔭ ᐊᓐᑕ ᒥᓯᐛ ᐛᐱᓄᑕᒡ ᐸᓴᓐ ᐃᑕᐅᓂᒡ, ᑭᔭ ᐃᔅᐱᔅ ᐊᐱᒥᓯᓇᑕᔨᒡ ᑯᕐᓱᕐ ᑭᔭ ᒪᐊᑲ ᒋᓴᐅᒋᒪᐅᓂᒡ ᐊᑎᒪᐱᓯᒧᒡ ᐃᓯ᙮ ᐅᒃ ᑕᑕᐅᒡ ᒋᐛᑎᓄᒡ ᑭᓕᐊᑦ ᐊᔅᒋᔪᐤ ᒋ ‍ ᑎᐸᔨᒋᒐᐤ, ᐃᔅᐱᔅ ᐊᓐᑕ ᐊᐱᒥᓯᓇᑕᔨᒡ ᐊᔅᒋᔪᐤ ᓯᐦᐅᓐ ᒋᓴᐅᒋᒪᐛ ᑲ ‍ ᑎᐸᔨᒋᒐᔨᒋ᙮
\p
\v 6 ᒧᓱᔅ, ᐊᓐ ᐃᔪᐤ ᑲ ᒥᔪ ‍ ᐊᑐᔅᑯᐛᑦ ᑎᐸᔨᒋᒐᓱᐛ, ᑭᔭ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒋ ‍ ᓴᐧᑯᒋᐊᐅᒡ ᐊᓂᔭ ᓂᑐᐱᔪᐅ-ᐃᔪᐛ ᑭᔭ ᐊᓂᔭ ᒋᓴᐅᒋᒪᐛ᙮ ᐊᑯ ᒧᓱᔅ ᒂ ᒥᔭᑦ ᐊᓂᔭ ᐊᔅᒋᔪᐤ ᕈᐱᓐ ᑭᔭ ᑲᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑭᔭ ᑕᑕᐅᒡ ᒪᓇᓴ ᐊ ‍ ᐃᑎᔅᑲᓇᓯᔨᒋ᙮
\v 7 ᒐᓱᐛ ᑭᔭ ᐃᔅᕋᐃᓪ ᓂᑐᐱᔪᐅ-ᐃᔪᒡ ᐃᔭᐱᒡ ᒋ ‍ ᓴᐧᑯᒋᐊᐅᒡ ᒋᓴᐅᒋᒪᐛ ᑲ ‍ ᑎᐸᔨᒋᒐᔨᒋ ᐊᓐᑕ ᐊᑎᒪᐱᓯᒧᒡ ᒠᕐᑕᓐ ᓯᐱᒡ ᐊᔅᒋᒡ᙮ ᒋ ᒥᔭᐤ ᐃᔅᕋᐃᓪ ᐃᔪᐛ ᐊᓂᔭ ᐊᔅᒋᔪᐤ, ᐊᑎᐸᓂᒧᐛᑦ ᑭᑎᑲ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᑕᑕᐅᒡ ᐸᓪ-ᑲᑦ ᐅᑕᓇᒡ ᐊᓐᑕ ᓚᐸᓇᓐ ᐊ ‍ ᐱᓴᒡ ᐛᔪᐤ ᒋᐛᑎᓄᒡ ᐃᔅᐱᔅ ᓴᐅᓄᒡ ᐊᓚᒃ ᐱᔅᑯᑎᓇᒡ ᐃᓯ ᒋ ᑎᑯᓐ ᐊᓐ ᐊᔅᒋᔾ, ᐊᓐᑕ ᒥᒋᒪ ᐃᑕᒻ ᐃᔪᒡ ᐊ ‍ ᐃᑎᔅᑲᓇᓯᒡ ᐅᑦ ᐊᔅᒋᐛᐤ᙮
\v 8 ᐱᔅᑯᑎᓇᐛ ᒋ ‍ ᐊᔅᒋᐱᔨᐛ, ᑭᔭ ᐊᑎᒪᐱᓯᒧᒡ ᐊᐛᐧᑭᑕᐅᐧᑲᒡ ᐃᑕᐅᓂᒡ, ᑭᔭ ᒠᕐᑕᓐ ᓯᐱ ᐊ ‍ ᐱᓴᒡ, ᑭᔭ ᐊᓐᑕ ᐊᑎᒪᐱᓯᒧᒡ ᐊᐛᐧᑭᑕᐅᐧᑲᔨᒡ, ᑭᔭ ᒍᑎᔭ ᐸᐧᑯᑎᔅᑭᒥᑲᒡ, ᑭᔭ ᓇᑲᑉ ᐸᐧᑯᑎᔅᑭᒥᑲᒡ ᐊᓐᑕ ᓴᐅᓄᒡ᙮ ᐊᑯᑕ ᑲ ‍ᐎᒋᔨᒋ ᐊᑦ, ᑭᔭ ᐊᒧᕆ, ᑭᔭ ᑲᐃᓇ, ᑭᔭ ᐸᕆᔅ, ᑭᔭ ᐃᑉ, ᑭᔭ ᒐᐳᔅ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᓐᑕ ᒥᓯᐛ ᐊᔅᐱᓴᔨᒡ ᐊᔅᒋᔪᐤ᙮ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒋ ‍ ᓴᐧᑯᒋᐊᐅᒡ ᒥᓯᐛ ᒋᓴᐅᒋᒪᐛ ᐊᓐᑕ ᐅᔭ ᐅᑕᓇᐛ:
\v 9 ᒋᕆᑯᐤ, ᑭᔭ ᐊᐃ (ᐊᓐᑕ ᒥᒋᒪ ᐸᑕᓪ ᑲᑎᒂᒡ)
\v 10 ᒍᕈᓴᓕᒻ, ᑭᔭ ᐃᑉᕈᓐ, ᑭᔭ
\v 11 ᒐᕐᒧᑦ, ᑭᔭ ᓚᒋᔅ,
\v 12 ᐃᒃᓗᓐ, ᑭᔭ ᒋᓱᕐ,
\v 13 ᑎᐳᕐ, ᑭᔭ ᒋᑐᕐ,
\v 14 ᐦᐅᕐᒪ, ᑭᔭ ᐊᕋᑦ,
\v 15 ᓕᑉᓇ, ᑭᔭ ᐊᑐᓚᒻ,
\v 16 ᒪᑭᑕ, ᑭᔭ ᐸᑕᓪ,
\v 17 ᑕᐳᐊ, ᑭᔭ ᐊᐳᕐ,
\v 18 ᐊᑉᐸᒃ, ᑭᔭ ᓚᓴᕈᓐ,
\v 19 ᒪᑐᓐ, ᑭᔭ ᐊᓱᕐ,
\v 20 ᓯᒻᕈᓐ-ᒥᕈᓐ, ᑭᔭ ᐊᒃᓴᑉ
\v 21 ᑕᓇᒃ, ᑭᔭ ᒥᑭᑐ,
\v 22 ᑲᑕᔅ, ᑭᔭ ᒍᓂᐊᒻ ᐊᓐᑕ ᑲᕐᒥᓪ ᐃᑕᒐ,
\v 23 ᑐᕐ ᐊᓐᑕ ᓇᐸᑦ-ᑐᕐ ᐃᑕᒐ, ᑭᔭ ᑯᔨᒻ ᐊᓐᑕ ᑭᓪᑲᓪ ᐃᑕᒐ,
\v 24 ᑭᔭ ᑎᕐᓴ᙮
\m ᒪᒧᐤ ᒋ ‍ ᓂᔅᑐᔪᐛᓯᔨᐛ ᐊᓱ ᐸᐃᒄ (31) ᒋᓴᐅᒋᒪᐛ ᑲ ‍ ᓴᐧᑯᒋᐊᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ᙮
\c 13
\s1 ᐊᔅᒋᔭ ᐊᓂᔭ ᐊᔅᒄ ᐊ ᐊᑲ ᐅᒋ ᒪᑯᓇᒡ ᐃᔅᕋᐃᓪ ᐃᔪᒡ
\p
\v 1 ᐃᔅᐱ ᑲ ‍ ᒋᓴᐃᔪᑦ ᒐᓱᐛ, ᑎᐸᔨᒋᒐᓱᐤ ᒋ ‍ ᐃᑕᐤ, “ᒐᓱᐛ, ᓴᔅ ᒋ ‍ ᒋᓴᐃᔪᐅᓐ, ᒥᒄ ᐊᔅᒄ ᒋᒋᐛ ᒥᓴᐤ ᐊᔅᒋᔾ ᒐᒋ ᒪᑯᓇᒡ ᒋᓂᑐᐱᔪᐅ-ᐃᔨᒥᒡ᙮
\v 2 ᒪᐤ ᐅᔭ ᐊᔅᒋᔭ ᒪᓯᓇᑕᒋ ᐊᔅᑯᐱᔨᒋ: ᑯᕐᓱᕐ ᐃᑕᐅᓂᒡ, ᑭᔭ ᒥᓯᐛ ᐊᓐᑕ ᐱᓕᔅᑎᐊ ᐊ ‍ ᐃᑎᔅᑲᓇᓯᒡ ᐃᔪᒡ ᐛᒋᒡ;
\v 3 ᑭᔭ ᐊᓐᑕ ᑲᐃᓇᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐛᒋᒡ, ᓯᐅᕐ ᓯᐱᒡ ᐊᓐᑕ ᓴᐅᓄᒡ ᐊᓐᑕ ᐛᐱᓄᐅᑕᒡ ᐸᒥᓯᓇᑕᒡ ᐃᒋᑉᑦ ᐊᔅᒋᔾ, ᐃᔅᐱᔅ ᐃᒃᕈᓐ ᐅᑕᓇᒡ ᐊᓐᑕ ᒋᐛᑎᓄᒡ; ᑲ ‍ ᑎᐸᔨᒋᒐᒡ ᐊᓐᑕ ᐱᑕᑕᒡ ᐅᑕᓇᐛ ᐊᓐᑕ ᑲᓴ, ᑭᔭ ᐊᔅᑐᑦ, ᑭᔭ ᐊᔅᑭᓗᓐ, ᑭᔭ ᑲᑦ, ᑭᔭ ᐃᒃᕈᓐ, ᐊᓐᑕ ᐃᑕᐅᓂᒡ ᐊᐸ ᐊ ‍ ᐃᑎᔅᑲᓇᓯᒡ ᐃᔪᒡ ᐛᒋᒡ᙮
\v 4 ᐊᓐᑕ ᓴᐅᓄᒡ ᐃᑕᒐ ᐊᓐᑕ ᐛᒋᒡ ᑲᐃᓇᓐ ᐊ ‍ ᐃᑎᔅᑲᓇᓯᒡ ᐃᔪᒡ;
\v 5 ᑭᔭ ᐊᓐᑕ ᑭᐸᓪ ᐊ ‍ ᐃᑎᔅᑲᓇᓯᒡ ᐃᔪᒡ ᐛᒋᒡ; ᑭᔭ ᒥᓯᐛ ᓚᐸᓇᓐ ᐃᑕᐅᓐ ᐛᐱᓄᑕᒡ ᐸᓪ-ᑲᑦ ᐅᑕᓇᒡ ᐊᓐᑕ ᓂᑕᒥᑎᓄᐤ ᐃᕐᒧᓐ ᐱᔅᑯᑎᓇᒡ, ᐃᔅᐱᔅ ᓕᐳ-ᐊᒪᑦ᙮
\p
\v 6 ᒥᓯᐛ ᓴᐃᑐᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ᐎᒍᐅᒡ ᐊᓐᑕ ᐊᐛᐧᑭᑕᐅᐧᑲᔨᒡ ᓚᐸᓇᓐ ᐅᒋ ᐃᔅᐱᔅ ᒥᕆᐳᑦ-ᒪᐃᒻ, ᒥᒄ ᓂᑭ ‍ ᐊ ᐃᐧᑭᒥᐊᐅᒡ ᒐᒋ ᓂᑭᑕᒡ ᐊᓂᔭ ᐃᑕᐅᓂᔪᐤ ᐊᒺᔭ ᒋᔨᐛᐤ ᐃᔅᕋᐃᓪ ᐃᔪᒡ ᑎᑯᓯᓂᔭᒄ ᐅᑕ᙮ ᔭᐃᑕᔾ ᒐ ᐎᒥᔭᑯᒡ ᐊᓂᔭ ᐃᑕᐅᓂᔪᐤ ᐃᔅᕋᐃᓪ ᐃᔪᒡ ᐃᔅᐱ ᑎᐸᓂᒧᐛᒂᐛ ᐊᔅᒋᔪᐤ, ᒧᔭᒻ ᑲ ᐃᑎᑎᑯᒡ ᒐ ᐃᑎᔭᒄ᙮
\v 7 ᐊᐸᐃᑯᔅᑕᐤ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ ᒐ ᐃᓯ ᑎᐸᓂᒧᐛᑯᒡ ᒥᓯᐛ ᐊᓂᔭ ᐊᔅᒋᔪᐤ ᑭᔭ ᑕᑕᐅᒡ ᒪᓇᓴ ᐊ ‍ ᐃᑎᔅᑲᓇᓯᒡ, ᐊᓐᒡ ᐊ ‍ ᐃᑎᔅᑲᓇᓯᒡ ᐊ ᐊᑲ ᐃᔭᒡ ᐊᔅᒋᔪᐤ ᐊᓐᑕ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᔪᐤ,”
\s1 ᐛᐱᓄᑕᒡ ᒠᕐᑕᓐ ᓯᐱᒡ ᐊᔅᒋᔾ
\m
\v 8 ᑕᑕᐅᒡ ᒪᓇᓴ ᐊ ‍ ᐃᑎᔅᑲᓇᓯᒡ ᑭᔭ ᕈᐱᓐ ᑭᔭ ᑲᑦ ᐊ ‍ ᐃᑎᔅᑲᓇᓯᒡ ᓴᔅ ᒋ ᐎᑎᒧᐛᑭᓄᐅᒡ ᒐᒄ ᐊᔅᒋᔪᐤ ᒐ ‍ ᑲᔅᑎᓇᒡ, ᐛᔅ ᒧᓱᔅ, ᐊᓐ ᐃᔪᐤ ᑲ ᒥᔪ ‍ ᐊᑐᔅᑯᐛᑦ ᑎᐸᔨᒋᒐᓱᐛ, ᓴᔅ ᒋ ᒥᔭᐤ ᐊᔅᒋᔪᐤ ᐊᓐᑕ ᐛᐱᓄᑕᒡ ᒠᕐᑕᓐ ᓯᐱᒡ᙮
\v 9 ᐊᕈᐊᕐ ᐅᑕᓇᒡ ᐅᒋ ᐊᓐᑕ ᐊᕐᓇᓐ ᓯᐱᒡ ᐊᐎᒂᓴᑲᒡ ᐃᔅᐱᔅ ᐊᓐᑕ ᐅᑕᓇᒡ ᑕᑕᐅᒡ ᐊᐎᒂᓴᑲᒡ᙮ ᐃᔭᐱᒡ ᒥᓯᐛ ᐊᑕᐱᔅᑯᒐᔨᒡ ᐊᔅᒋᔪᐤ ᓴᐅᓄᒡ ᒧᐱᑕ ᐅᑕᓇᒡ ᐅᒋ ᐃᔅᐱᔅ ᑎᐳᓐ ᐅᑕᓇᒡ᙮
\v 10 ᒥᓯᐛ ᐅᑕᓇᐛ ᐊᓐᑕ ᑲ ᑎᐸᔨᒋᒐᑦ ᒋᓴᐅᒋᒪᐤ ᓯᐦᐅᓐ ᐊᓐᑕ ᒋᑎᑯᓂᔨᐛ ᐊᓐᑕ ᐃᑕᐅᓂᒡ᙮ ᐊᓐᑕ ᐊᒧᓐ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ‍ ᐎᒋᒡ ᒋ ‍ ᐃᔅᐱᓴᐤ ᐊᓐ ᐊᔅᒋᔾ᙮
\v 11 ᐃᔭᐱᒡ ᑭᓕᐊᑦ ᐊᓐᑕ ᒋ ᑎᑯᓐ, ᑭᔭ ᐊᓐᑕ ᐃᑕᐅᓂᒡ ᑲ ‍ ᐎᒋᒡ ᒋᓱᕐ ᑭᔭ ᒪᑲ ᐊ ‍ ᐃᑎᔅᑲᓇᓯᒡ, ᑭᔭ ᒥᓯᐛ ᐅᕐᒧᓐ ᐱᔅᑯᑎᓇᒡ ᑭᔭ ᒥᓯᐛ ᓴᐅᓄᒡ ᐸᓴᓐ ᐊᔅᒋᔾ ᐃᔅᐱᔅ ᓴᓕᑲ᙮
\v 12 ᒥᓯᐛ ᐊᔅᒋᔪᐤ ᐊᓐᑕ ᑲ ᑎᐸᔨᒋᒐᑦ ᐅᒃ, ᐊᓐ ᒋᓴᐅᒋᒪᐤ ᑲ ‍ ᑎᐸᔨᒋᒐᑦ ᐊᓐᑕ ᐸᓴᓐ ᐊᔅᒋᒡ, ᐊᑯᑕ ᑲ ‍ᑎᒂᒡ ᐊᓐ ᐊᔅᒋᔾ᙮ ᐊᐅᑯᓐ ᐅᒃ ᒪᔅᑕᔾ ᕋᐸ ᐅᑦ ᐊᓂᔅᑯᑕᐸᓇ; ᐊᔅᑕᕋᑦ ᑭᔭ ᐃᑦᕋᔾ ᐅᑕᓇᐛ ᐅᑕᒡ ᒋ ‍ᑎᐸᔨᒋᒐᐤ, ᒥᒄ ᒧᓱᔅ ᐅᓂᑐᐱᔪᐅ-ᐃᔨᒪ ᒋ ‍ ᓴᐧᑯᒋᔨᒪᐅᒡ ᐅᓂᑎᐱᔪᐅ-ᐃᔨᒥᔨᐛ ᑭᔭ ᒋ ‍ ᐅᑎᓂᒺᐅᒡ ᐅᑦ ᐊᔅᒋᔪᐤ᙮
\v 13 ᒥᒄ ᐃᔅᕋᐃᓪ ᐃᔪᒡ ᓇᒪ ᐅᒋ ᐃᔨᐧᑭᒥᐊᐅᒡ ᑭᓱᕐ ᑭᔭ ᒪᑲ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒐᒋ ᓂᑭᑎᒥᔨᒋ ᐅᑦ ᐊᔅᒋᔪᐤ, ᐊᑯ ᐊᔅᒄ ᐊᓐᑕ ᐎᒋᒪᐅᒡ ᐃᔅᕋᐃᓪ ᐃᔪᐛ᙮
\v 14 ᒥᒄ ᓕᐸᐃ ᐊ ‍ ᐃᑎᔅᑲᓇᓯᒡ ᐃᔪᒡ ᓇᒪ ᐅᒋ ᒥᔭᑭᓄᐅᒡ ᐊᔅᒋᔪᐤ᙮ ᒥᔅᑯᒡ, ᒧᔭᒻ ᑲ ᐊᓱᑎᒪᒐᑦ ᑎᐸᔨᒋᒐᓱᐤ, ᒋ ‍ ᓇᓂᑎᒪᐱᔪᐤ ᐊ ‍ ᒥᔭᑭᓄᐅᒡ ᒥᒋᒥᔪᐤ ᑲ ‍ ᐱᔅᑎᓂᒧᐛᑭᓄᐎᔨᒋ ᑎᐸᔨᒋᒐᓱᐛ ᐅᒋ, ᐊᓂᔭ ᒋᓴᒪᓂᑐᐛ ᑲ ‍ ᐊᔭᒥᐊᔅᑐᐛᒡ ᐃᔅᕋᐃᓪ ᐃᔪᒡ, ᑲ ‍ ᐃᔎᓴᑭᓄᐎᔨᒋ ᐊᓐᑕ ᐸᔭᒋ ᐱᔅᑎᓂᒐᐅᓇᐱᔅᑯᒡ᙮
\v 15 ᒥᓯᐛ ᒋ ‍ᑎᐸᓂᒧᐛᐤ ᐊᔅᒋᔪᐤ ᒧᓱᔅ ᐸᐸᐃᒄ ᕈᐱᓐ ᐊᑎ ᐃᑎᔅᑲᓇᓯᔨᒋ ᐃᔪᐛ᙮
\v 16 ᐊᕈᐊᕐ ᐅᑕᓇᒡ ᐅᒋ ᒥᒋᒪ ᐊᕐᓇᓐ ᓯᐱᒡ ᐊᐎᒂᓴᑲᒡ ᐃᔅᐱᔅ ᒪᑎᐸ ᐅᑕᓇᒡ ᒋ ‍ ᐃᔅᐱᓴᐤ ᐊᔅᒋᔾ᙮ ᐃᔭᐱᒡ ᒥᓯᐛ ᐊᑕᐱᔅᑯᒐᔨᒡ ᐊᔅᒋᔪᐤ ᐊᓐᑕ ᒥᒋᒪ ᒪᑎᐸ ᑭᔭ ᐅᑕᓇᔪᐤ ᑕᑕᐅᒡ ᐊᐎᒂᓴᑲᒡ᙮
\v 17 ᐃᔭᐱᒡ ᒋ ‍ ᐊᔅᒋᐱᔪᐤ ᐦᐊᔅᐳᓐ ᐅᑕᓇᐤ ᑭᔭ ᒥᓯᐛ ᒥᒋᒪ ᑲ ‍ ᐃᑎᒂᒋ ᐅᑕᓇᐛ ᐊᓐᑕ ᐊᑕᐱᔅᑯᒐᒡ --- ᑎᐳᓐ, ᑭᔭ ᐸᒥᐅᑦ-ᐸᓪ, ᑭᔭ ᐸᑦ-ᐸᓪ-ᒥᐅᓐ᙮
\v 18 ᒐᐦᐊᔅ, ᑭᔭ ᑭᑎᒧᑦ, ᑭᔭ ᒪᑉᐸᑦ,
\v 19 ᑭᔭ ᑲᕆᐊᑕᐃᒻ, ᑭᔭ ᓯᑉᒪ, ᑭᔭ ᓴᕋᑦ-ᓴᐊᕐ ᐊᓐᑕ ᐱᔅᑯᑎᓇᒡ ᐊ ᐅᒋ ‍ ᓄᒂᒡ ᐊ ‍ ᐱᓴᒡ,
\v 20 ᑭᔭ ᐸᑦ-ᐱᐅᕐ, ᑭᔭ ᐱᔅᑯᑎᓇᐛ ᐊᓐᑕ ᐱᔅᑲ ᐃᑕᒐ, ᑭᔭ ᐸᑦ-ᒐᓯᒧᑦ᙮
\v 21 ᐊᓐ ᐊᔅᒋᔾ ᐊᔅᒋᐱᔨᐛ ᒥᓯᐛ ᐅᑕᓇᐛ ᐊᓐᑕ ᐊᑕᐱᔅᑯᒐᒡ ᐊᔅᒋᒡ ᑭᔭ ᐊᓐᑕ ᒥᓯᐛ ᐃᑕᒐ ᐅᑕᒡ ᑲ ‍ ᑎᐸᔨᒋᒐᑦ ᒋᓴᐅᒋᒪᐤ ᓯᐦᐅᓐ᙮ ᒥᒄ ᒧᓱᔅ ᐅᓂᑐᐱᔪᐅ-ᐃᔨᒪ ᒋ ‍ ᓴᐧᑯᒋᐊᐤ ᑭᔭ ᐊᓂᔭ ᑲ ‍ ᑎᐸᔨᒪᔨᒋ ᒥᑎᔭᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ; ᐃᐸᐃ, ᑭᔭ ᕋᑭᒻ, ᑭᔭ ᓱᕐ, ᑭᔭ ᐅᕐ, ᑭᔭ ᕆᐸ᙮ ᐅᓂᑐᐱᔪᐅ-ᐃᔨᒧᐛᐛ ᐅᒡ ᒥᓯᐛ ᑲ ‍ ᑎᐸᔨᒋᒐᒡ ᒋ ‍ ᓂᑐᐱᔨᔪᐛ ᐊᓯᒡ ᓯᐅᓐ ᐅᓂᑐᐱᔪᐅ-ᐃᔨᒥᔨᐛ ᒋ ‍ ᓂᑐᐱᔨᑐᐛᔪᐛ, ᑭᔭ ᐊᑯᑕ ᐊᓐᑕ ᐊᔅᒋᒡ ᑲ ‍ ᐎᒋᒡ᙮
\v 22 ᒥᒐᑦ ᐊᐛᔪᐛ ᒋ ‍ ᓂᐸᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒪᒂᒡ ᐊᓂᔭ ᑲ ᓂᑐᐱᔨᓇᓄᐎᔨᒡ, ᐊᔅᒋᒡ ᐸᓚᒪ, ᐱᐅᕐ ᐅᒋ ᒋᔅᒋᐛᐃᒐᓱᐛ, ᐊᓂᔭ ᑲ ‍ ᑯᒋᐱᑕᔨᒋ ᒐᒋ ᐊᐱᒋᑕᔨᒋ ᒥᓂᑐᓯᐅᓂᔪᐤ ᒐᒋ ᐎᑎᒥᔨᒋ ᑕᓐ ᒐ ‍ ᐃᔅᐱᔨᒡ ᐊᓐᑕ ᓂᑲᓄᒡ᙮
\v 23 ᒠᕐᑕᓐ ᓯᐱᔾ ᐊᓐᑕ ᐊᑎᒪᐱᓯᒧᒡ ᐊᐱᒥᓯᓇᑕᒡ ᐊᔅᒋᔾ ᕈᐱᓐ ᐊᑎ ‍ᐃᑎᔅᑲᓇᓯᒡ ᐃᔪᒡ ᒋ ‍ ᒥᔭᑭᓄᐅᒡ᙮
\p
\v 24 ᐸᐸᐃᒄ ᑲᑦ ᐊᑎ ᐃᑎᔅᑲᓇᓯᔨᒋ ᐃᔪᐛ ᐃᔭᐱᒡ ᒋ ‍ ᒥᔭᐤ ᒧᓱᔅ ᐱᔅᒐ ᐊᔅᒋᔪᐤ᙮
\v 25 ᐅᑦ ‍ ᐊᔅᒋᐛᐤ ᐃᔭᐱᒡ ᒋ ᐊᔅᒋᐱᔪᐤ ᒐᓱᕐ ᐊᔅᒋᒡ ᑭᔭ ᒥᓯᐛ ᐅᑕᓇᐛ ᑭᓕᐊᑦ ᐃᑕᒐ, ᑭᔭ ᑕᑕᐅᒡ ᐊᔅᒋᔪᐤ ᐊᓐᑕ ᐊᒧᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐛᒋᒡ, ᐃᔅᐱᔅ ᐊᕈᐅᕐ ᐅᑕᓇᒡ ᐊᓐᑕ ᒥᒋᒪ ᕋᐸ ᐅᑕᓇᒡ ᒋ ‍ ᐊᔅᒋᐱᔨᔪᐛ;
\v 26 ᐦᐊᔅᐳᓐ ᐅᑕᓇᒡ ᐃᑕᐅᓂᒡ ᐃᔅᐱᔅ ᕋᒪᑦ-ᒥᔅᐸ ᑭᔭ ᐱᑐᓂᒻ ᐅᑕᓇᐛ, ᒪᐊᓇᐃᒻ ᐅᑕᓇᐤ ᐃᑕᐅᓂᒡ ᐅᒋ ᐃᔅᐱᔅ ᑎᐳᕐ ᐊᔅᒋᒡ;
\v 27 ᑭᔭ ᐸᑦ-ᐊᕋᒻ, ᑭᔭ ᐸᑦ-ᓂᒻᕋ, ᑭᔭ ᓴᑯᑦ, ᑭᔭ ᓴᐳᓐ ᐅᑕᓇᐛ ᐊᓐᑕ ᐊ ‍ ᐱᓴᒡ; ᑭᔭ ᑯᑎᑲ ᐃᑕᐅᓇ ᑲ ‍ ᑎᐸᔨᒋᒐᑦ ᒋᓴᐅᒋᒪᐤ ᓯᐦᐅᓐ ᐊᓐᑕ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᒡ᙮ ᐊᓐ ᐃᑕᐅᓐ ᒋᐛᑎᓄᒡ ᐃᔅᐱᔅ ᓴᐅᓄᒡ ᐊ ‍ ᐃᔎᒡ ᑲᓕᓕ ᓂᐱᒡ ᒋ ‍ ᐃᔅᐱᓴᐤ ᐊᓐ ᐊᔅᒋᔾ᙮
\v 28 ᑲᑦ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ‍ ᒥᔭᑭᓄᐅᒡ ᒥᓯᐛ ᐅᔭ ᐊᔅᒋᔪᐤ ᐊᓯᒡ ᐅᑕᓇᐛ ᑭᔭ ᐃᑕᐅᓇ᙮
\v 29 ᒧᓱᔅ ᐱᔅᒐ ᐊᔅᒋᔪᐤ ᒋ ‍ ᒥᔭᐤ ᑕᑕᐅᒡ ᒪᓇᓴ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᓐᑕ ᐛᐱᓄᑕᒡ ᒠᕐᑕᓐ ᓯᐱᒡ ᑲ ‍ ᑎᑯᓂᔨᒡ ᐊᔅᒋᔪᐤ᙮
\v 30 ᒋᐛᑎᓄᒡ ᒪᐊᓇᐃᒻ ᐅᑕᓇᒡ ᒋ ᐃᔅᐱᓴᔪᐤ ᐅᑦ ᐊᔅᒋᐛᐤ᙮ ᒥᓯᐛ ᐸᓴᓐ ᐊᔅᒋᔪᐤ ᒋ ‍ ᐊᔅᒋᐱᔪᐤ, ᐊᓂᔭ ᒥᓯᐛ ᐊᔅᒋᔪᐤ ᐊᓐᑕ ᑲ ‍ ᑎᐸᔨᒋᒐᑦ ᐅᒃ, ᑭᔭ ᒥᓯᐛ ᒐᐃᕐ ᐊᔅᒋᒡ ᐅᑕᓇᐛ ᐊᓐᑕ ᐸᓴᓐ᙮ ᒪᒧᐤ ᐊᓱᑕᒡ ᑕᑐᔪᐤ (60) ᐅᑕᓇᐛ ᒋ ‍ ᐊᔅᒋᐱᔨᐛ᙮
\v 31 ᑕᑕᐅᒡ ᑭᓕᐊᑦ ᐊᔅᒋᔪᐤ ᐃᔭᐱᒡ ᒋ ‍ ᐊᔅᒋᐱᔪᐤ ᐅᑦ ᐃᑕᐅᓄᐛᐤ, ᑭᔭ ᐊᔅᑕᕋᑦ ᑭᔭ ᐃᑦᕋᔾ ᐅᑕᓇᐛ ᐊᓐᑕ ᑲ ‍ ᑎᐸᔨᒋᒐᑦ ᒋᓴᐅᒋᒪ ᐅᒃ᙮ ᒪᓇᓴ ᐅᑯᓴ ᒪᑭᕐ ᐅᑦ ᐊᓂᔅᑯᑕᐸᓇ ᐊ ‍ ᐃᑎᔅᑲᓇᓯᔨᒋ ᒋ ‍ ᒥᔭᑭᓄᐅᒡ ᐊᓂᔭ ᐊᔅᒋᔪᐤ᙮
\v 32 ᒧᓱᔅ ᒋ ‍ ᒥᔭᐤ ᐊᓂᔭ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᓂᔭ ᒧᐊᑉ ᐊᑕᐱᔅᑯᒐᔨᒡ ᐊᔅᒋᔪᐤ ᐛᐱᓄᑕᒡ ᒠᕐᑕᓐ ᓯᐱᒡ, ᑎᐱᔅᑯᒡ ᒋᕆᑯᐤ᙮
\v 33 ᒥᒄ ᒧᓱᔅ ᓇᒪ ᐅᒋ ᒥᔭᐤ ᐊᔅᒋᔪᐤ ᓚᐸᐃ ᐊ ‍ ᐃᑎᔅᑲᓇᓯᔨᒋ ᐛᔅ ᑎᐸᔨᒋᒐᓱᐤ, ᐊᓂᔭ ᑲ ‍ ᐊᔭᒥᐊᔅᑐᐛᒡ ᐃᔅᕋᐃᓪ ᐃᔪᒡ, ᒋ ‍ ᐊᓱᑎᒪᒐᐤ ᐎᔾ ᓇᓂᑎᒻ ᒐᒋ ᐅᑎᓂᒧᐛᑦ᙮
\c 14
\s1 ᐊᑎᒪᐱᓯᒧᒡ ᒠᕐᑕᓐ ᓯᐱᒡ ᐊᔅᒋᔾ
\p
\v 1 ᒋᒋ ‍ ᐊᔭᒥᐊᐅᒋᒪᐤ ᐃᓕᐊᓴᕐ, ᑭᔭ ᒐᓱᐛ, ᑭᔭ ᑲ ‍ ᓂᑲᓄᔅᑲᒐᒡ ᓂᓴᑉ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋ ‍ ᐎᑎᒧᒡ ᒐᒄ ᐊᔅᒋᔪᐤ ᒐ ‍ ᒥᔭᑭᓄᐎᒋ ᐸᐸᐃᒄ ᐊᑎ ‍ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ ᐊᓐᑕ ᑲᐃᓇᓐ᙮
\v 2-5 ᒥᒐᑐᐤ ᐱᐳᓇ ᐊᓐᑕ ᐅᑕᒡ ᑎᐸᔨᒋᒐᓱᐤ ᒋ ᐎᑎᒧᐛᐤ ᒧᓱᓴ ᒐ ‍ ᐎᔭᔨᑕᑭᓄᐎᔨᒡ ᑕᓐ ᒐ ᐃᓯ ᑎᐸᓇᑭᓄᐎᔨᒡ ᐊᔅᒋᔪᐤ᙮ ᒧᓱᔅ ᓴᔅ ᒋ ‍ ᐃᔅᒋᔄᐤ ᒐ ‍ ᒥᔭᑭᓄᐎᔨᒋ ᓂᓱ ᒪᒃ ᐳᔅᒄ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᔅᒋᔪᐤ ᐊᓐᑕ ᐛᐱᓄᑕᒡ ᒠᕐᑕᓐ ᓯᐱᒡ᙮ ᒋᓂᓯᔨᐛ ᒍᓯᑉ ᐅᑯᓴ, ᒪᓇᓴ ᑭᔭ ᐃᑉᕋᐃᒻ᙮ ᑕᑕᐅᒡ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒪᓇᓴ ᐅᑦ ᐊᓂᔅᑯᑕᐸᓇ ᒋ ‍ ᒥᔭᑭᓄᐅᒡ ᐛᐱᓄᑕᒡ ᒠᕐᑕᓐ ᓯᐱᒡ ᐊᔅᒋᔪᐤ, ᐊᓯᒡ ᐊᓂᔭ ᕈᐱᓐ ᑭᔭ ᑲᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᐊᓐᒡ ᐃᔪᒡ ᐛᒋ ‍ ᑎᐸᔨᑕᑯᓯᒡ ᐊᓐᑕ ᐸᐃᑯᔅᑕᐤ ᒪᒃ ᐳᔅᒄ ᑯᑎᑲ ᐊ ‍ᐃᑎᔅᑲᓇᓯᔨᒋ ᐃᔪᐛ ᐊᓐᑕ ᐊᑎᒪᐱᓯᒧᒡ ᒠᕐᑕᓐ ᓯᐱᒡ ᒋ ‍ ᐛᐱᓂᒧᒡ ᑲ ‍ ᒥᓯᓇᑕᔨᑭᓄᐎᒋ ᐊᓯᓂᔭ ᒐᒋ ᐅᒋ ᐎᔭᔨᑕᑭᓄᐎᔨᒡ ᒐᒄ ᐊᔅᒋᔪᐤ ᒐ ‍ ᑲᔅᑎᓇᒡ ᐸᐸᐃᒄ ᐊᑎ ᐃᑎᔅᑲᓇᓯᒡ᙮ ᓕᐸᐃ ᐊ ‍ ᐃᑎᔅᑲᓇᓯᒡ ᓇᒪ ᐅᒋ ᒥᔭᑭᓄᐅᒡ ᐊᔅᒋᔪᐤ᙮ ᒥᒄ ᓂᓱ ᐅᑕᓇᐛ ᓴᔅ ᑲ ‍ ᑎᑯᓂᔨᒋ, ᐊᓐᑕ ᒐ ‍ ᐎᒋᓇᓄᐎᒋ ᐅᑕᓇᐛ, ᑭᔭ ᓂᑕᐅᒋᒋᑭᓂᔪᐤ ᐊᓐᑕ ᐅᑦ ᐊᐛᓯᓯᒧᐛᐛ ᒐ ‍ ᒥᒋᔨᒋ ᒥᔅᑯᓱᐛ᙮
\s1 ᑲᓕᑉ ᐅᑦ ‍ ᐊᔅᒋᔾ
\p
\v 6 ᐸᐃᒂᐤ ᒐᓯᑲᔨᒡ ᓇᐸᐅᒡ ᒍᑕ ᐊ ‍ ᐃᑎᔅᑲᓇᓯᒡ ᐅᒋ ᒐᓱᐛᔨᒋ ᒋ ‍ ᓂᑐᐛᐱᒪᐅᒡ ᒪᒂᒡ ᐎᔾ ᑭᔭ ᐃᔅᕋᐃᓪ ᐃᔪᒡ ᑲᑕᒡ ᐊᓐᑕ ᑭᓪᑲᓪ᙮ ᑲᐃᓕᑉ ᒐᐳᓇ ᐅᑯᓴ ᐃᔭᐱᒡ ᒋ ‍ ᑕᔪᐛ᙮ ᒋ ‍ ᐃᑕᐤ ᒐᓱᐛᔨᒋ᙮ “ᓂ ‍ ᒐᒋᓇᐅᓐ ᐊᒋᔅᒋᑎᒧᑦ ᑲ ᐃᑕᑦ ᑎᐸᔨᒋᒐᓱᐤ ᐅᒋᔅᒋᐛᐃᒐᓱᐛ ᒧᓱᓴ ᒋᔭᓄ ᐅᒋ ᐃᔅᐱ ᑲ ᑕᔭᐧᒄ ᐊᓐᑕ ᑲᑕᔅ-ᐸᕐᓂᐊ᙮
\v 7 ᒪᒂᒡ ᐊᓐ ᓂᒋ ‍ ᓇᐎᔪᐛᐱᐳᓇᓯᓐ᙮ ᒋᒋ ‍ ᐃᑎᓴᐅᑯᓄᐤ, ᒋᔾ ᑭᔭ ᐱᔅᒐ ᑯᑎᑲ ᓇᐸᐛ ᒐᒋ ᓂᑐ ‍ ᒋᔅᒐᔨᑎᒺᐧᒄ ᐊᔅᒋᔪᐤ᙮ ᐃᔅᐱ ᑲᐤ ᑲ ‍ ᑎᑯᓯᓂᔭᐧᒄ, ᓂᒋ ‍ ᐎᑎᒧᐛᐤ ᒧᓱᔅ ᐊᑕᑈᒥᑭᓂᔨᒡ ᐃᔨᒧᐅᓂᔪᐤ ᒐᒂᔪᐤ ᑲᐛᐸᑎᒺᐧᒄ᙮
\v 8 ᐊᓐᒡ ᑯᑎᑭᒡ ᓇᐸᐅᒡ ᑲ ‍ ᐎᒐᐅᑕᐧᑯᒡ ᒋ ᐱᔅᑎᓂᒧᒡ ᐃᔨᒧᐅᓂᔪᐤ ᐊᓂᔭ ᑲ ‍ ᑐᑕᑯᔨᒋ ᐃᔪᐛ ᒐᒋ ᑯᔅᑕᒋᔨᒋ᙮ ᒥᒄ ᓇᔅᒡ ᓂᒋ ‍ ᑕᑈᐅᓇᔨᒪᐤ ᑎᐸᔨᒋᒐᓱᐤ ᒐᒋ ᑐᑕᑕᐧᒄ ᒐᒋ ᐅᑎᓂᒺᐧᒄ ᐊᔅᒋᔪᐤ ᐊᓂᔭ ᐃᔪᐛ ᐊᓐᑕ ᑲ ‍ ᐎᒋᔨᒋ ᐅᒋ᙮
\v 9 ᐊᑯ ᐊᓂᔭ ᒋᓯᑯᔪᐤ, ᒧᓱᔅ ᓂ ᒋᒋ ‍ ᐊᓱᐅᑎᒪᒄ, ‘ᐊᓐᑕ ᑲ ‍ ᐱᐸᒧᑕᔨᓐ ᐱᔅᒐ ᐊᔅᒋᒡ ᒋᔾ ᒋᑭ ‍ ᑎᐸᔨᑕᓐ᙮ ᒋᑦ ᐊᓂᔅᑯᑕᐸᓐᒡ ᓂᒋᔅᒃ ᒋᑭ ‍ ᑎᐸᔨᑎᒧᒡ᙮ ᒋ ‍ ᒥᔨᑎᓐ ᐛᔅ ᓇᔅᒡ ᒋᒋ ‍ ᑕᑈᐅᒐᔨᒪᐤ ᑎᐸᔨᒋᒐᓱᐤ, ᓂᒋᓴᒪᓂᑐᒻ,’
\v 10 ᐊᓄᒡ ᑎᐸᔨᒋᒐᓱᐤ ᓂᒋ ‍ ᑐᑎᒪᒄ ᒐᒂᔪᐤ ᑲ ‍ ᐊᓱᑎᒧᐅᑦ᙮ ᓴᔅ ᓇᐎᔪᐛᐱᐳᓇ ᐊᓱ ᐱᑕᑕᒡ ᒋ ‍ ᐎᒪᐱᔪᐤ ᐃᔅᐱᔅ ᒧᓱᔅ ᐊᓂᔭ ᑲ ‍ ᐃᓯᑦ ᒪᒂᒡ ᐊᓐ ᑲ ‍ ᐱᐸᒧᑕᔭᒡ ᐊᓐᑕ ᐸᐧᑯᑎᔅᑭᒥᑲᒡ᙮ ᑭᔭ ᒧᔭᒻ ᑲ ‍ᐃᓯ ‍ ᐊᓱᑎᒧᐅᑦ, ᓂᒋ ‍ ᑭᓄᐛᔨᒥᒄ ᒐᒋ ᐱᒪᑎᓯᐅᒡ ᒪᒂᒡ ᐊᓂᔭ ᑲ ᐃᔅᐱᔨᒡ᙮ ᐊᓄᒡ ᓂ ‍ ᔭᓇᐤ ᑕᑐᔪᐛᐱᓇᓯᓐ ᐊᓱ ᐱᑕᑕᒡ᙮
\v 11 ᒋᒋᐛ ᓂᓱᐧᑲᑎᓯᓐ ᐊᓄᒡ ᒧᔭᒻ ᐊᓂᔭ ᒋᓯᑯᔪᐤ ᒧᓱᔅ ᑲ ‍ ᐃᑎᓴᐅᑦ ᐊᓐᑕ ᐊᔅᒋᒡ᙮ ᓴᔅ ᓂᑦ ᐊᔭᔅᑯᐎᔨᓐ ᒐᒋ ᒪᓯᒐᔭᓐ ᒧᔭᒻ ᐅᑕᒡ ᑲ ᐃᑎᔭᓐ᙮
\v 12 ᐊᑯ ᐸᒋ ‍ ᒥᔨ ᐊᐛᐧᑭᑕᐅᐧᑲᒡ ᐃᑕᒐ ᐊᓂᔭ ᑎᐸᔨᒋᒐᓱᐤ ᑲ ᐊᓱᐅᑎᒧᐅᑦ ᒐᒋ ᒥᔨᑦ ᒧᔭᒻ ᐊᓐᑕ ᐎᐱᒡ᙮ ᐊᓂᔭ ᒪᒂᒡ, ᒋᒋ ‍ ᐸᑐᐅᓇᐛᐤ ᑲ ‍ ᐃᔅᒋᔄᔭᓐ ᐊᓐᒡ ᐊᒪᓕᒃ ᐊ ‍ ᐃᑎᔅᑲᓇᓯᒡ ᐃᔪᒡ ᐊᐎᒋᒡ ᐊᓐᑕ᙮ ᒋᒋ ‍ ᐸᑐᐅᓇᐛᐤ ᑲ ‍ ᐃᔅᒋᔄᔭᓐ ᐊᒪᒥᓴᔨᒋ ᐅᑕᓂᒧᐛᐛ, ᑭᔭ ᒋ ᑐᑎᒧᒡ ᑲ ‍ ᐛᐛᔅᑲᑲᐳᐎᔨᒋ ᐅᑕᓇᒧᐛᒡ, ᑭᔭ ᐊᓐ ᐅᒋ ᓂᑭ ‍ ᐃᔨᐧᑭᒥᐊᐅᒡ ᒐᒋ ᒋᔅᑐᑕᒡ, ᒧᔭᒻ ᑲ ‍ ᐃᔅᒋᔄᑦ ᑎᐸᔨᒋᒐᓱᐤ ᒐ ᐃᔅᐱᔨᒡ᙮”
\v 13 ᐊᑯ ᒐᓱᐛ ᒋᑭ ‍ ᑯᒂᒋᒪᐤ ᒋᓴᒪᓂᑐᐛ ᒐᒋ ᓱᐛᔨᑕᑯᐛᐊᑦ ᑲᐃᓕᐸ, ᑭᔭ ᒋ ᒥᔭᐤ ᐃᑉᕈᓐ ᐅᑕᓇᔪᐤ ᑲᐃᓕᐸ᙮
\v 14 ᑭᔭ ᐊᔅᒄ ᐊᓂᔭ ᑲᐃᓕᑉ ᐅᑦ ᐊᓂᔅᑯᑕᐸᓇ ᒋᑕᐱᔨᑎᒥᔨᐛ ᐃᑉᕈᓐ, ᐛᔅ ᒋ ᑕᑈᐅᒐᔨᒪᐤ ᑎᐸᔨᒋᒐᓱᐛ, ᐃᔅᕋᐃᓪ ᒋᓴᒪᓂᑐᐛ᙮
\v 15 ᐊᕐᐸ ᐅᑕᓇᒻ ᐅᔅᑭᒡ ᒋ ᐃᓯᓂᐧᑲᑕᐤ ᐃᑉᕈᓐ, ᐛ ᐊᐅᒄ ᐊᓐ ᐊᕐᐸ ᐸᐃᒄ ᓇᐸᐤ ᑲ ᒋᒋ ‍ ᐃᑕᔨᑕᑯᓯᑦ ᐊᓇᒃ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᒋ ᑎᑯᓐ ᒋᔭᒪᔨᑎᒧᐅᓐ ᐊᓐᑕ ᐊᔅᒋᒡ᙮
\c 15
\p
\v 1 ᒋ ‍ᑎᐸᓂᒧᐛᑭᓄᔪᐛ ᐅᑦ ᐃᔨᒧᐛᐛ ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ‍ ᒥᔭᑭᓄᐅᒡ ᐊᔅᒋᔪᐤ᙮ ᓴᐅᓄᒡ ᐊᐱᒥᓯᓇᑕᔨᒡ ᐃᑕᒻ ᐃᑕᒐ ᒋ ‍ᐃᔅᐱᓴᔪᐤ ᐊᓂᔭ ᐊᔅᒋᔪᐤ ᐃᔅᐱᔅ ᓯᓐ ᐸᐧᑯᑎᔅᑭᒥᑲᒡ᙮
\pi
\v 2 ᓴᐅᓄᒡ ᐊᐱᒥᓯᓇᑕᔨᒡ ᐊᔅᒋᔪᐤ ᒋ ‍ ᒥᔭᑭᓄᐅᒡ ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᐊᓐᑕ ᐊ ᐅᒋ ‍ ᒋᒋᐱᔨᒡ ᓴᐅᓄᒡ ᐊ ‍ ᐃᔎᔭᔨᒡ ᑲ ‍ ᓂᐱᒥᑲᒡ ᐎᓂᐸᑯᔪᐤ ᑭᔭ ᐊᑎᒪᐱᓯᒧᒡ ᐊᑎ ‍ ᐃᔅᐱᓴᔨᒡ᙮
\v 3 ᒥᓐᑐᓴ ᐊ ‍ ᐱᒋᔅᑲᐛᔨᒋ ᐊ ‍ ᐱᓴᔨᒡ ᒋ ‍ ᐃᔅᐱᓴᔪᐤ ᐃᔅᐱᔅ ᓯᓐ ᐸᐧᑯᑎᔅᑭᒥᑲᒡ, ᑭᔭ ᐊᓐᑕ ᐅᒋ ᐊᑎᒪᐱᓯᒧᒡ ᐃᔅᐱᔅ ᐊᓐᑕ ᐃᑕᐅᓂᒡ ᓴᐅᓄᒡ ᑲᑕᔅ-ᐸᕐᓂᐊ, ᐅᔅᑕᒐ ᐊᔅᕈᓐ ᐅᑕᓇᔪᐤ, ᐃᔅᐱᔅ ᐊᑕᕐ ᐅᑕᓇᔪᐤ, ᑭᔭ ᒂ ᐃᑎᔅᐱᔨᒡ ᐊᓐᑕ ᐸᔅᑕᒋᐛᑎᓄᒡ ᐃᔅᐱᔅ ᑲᕐᑲ ᐅᑕᓇᒡ᙮
\v 4 ᐊᓐᑕ ᐅᒋ ᒂ ᐊᑎ ‍ ᓇᓂᑎᒪᐱᔨᒡ ᐃᔅᐱᔅ ᐊᔅᒧᓐ, ᑭᔭ ᐊᓐᑕ ᐅᒋ ᐃᔅᐱᔅ ᑲ ᐸᔅᑕᔨᒡ ᓂᑕᒥᔅᑲᒡ ᐊᓐᑕ ᑲ ‍ ᐱᒥᓯᓇᑕᔨᒡ ᐃᒋᑎᔪᐤ, ᑭᔭ ᐊᓐᑕ ᐅᒋ ᐊᑎᒪᐱᓯᒧᒡ ᒥᑎᑐᕋᓂᔭᓐ ᐎᓂᐸᑯᔪᐤ᙮ ᐊᐅᑯᓐ ᓴᐅᓄᒡ ᑲ ᐱᒥᓯᓇᑕᒡ᙮
\pi
\v 5 ᑲ ‍ ᓂᐱᒥᑲᒡ ᐎᓂᐸᒄ ᐊᐅᒄ ᐛᐱᓄᑕᒡ ᑲ ᐱᒥᓯᓇᑕᔨᒡ ᐅᑦ ᐊᔅᒋᐛᐤ ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ, ᑭᔭ ᒋᐛᑎᓄᒡ ᒋ ‍ ᐃᔅᐱᓴᔪᐤ ᐃᔅᐱᔅ ᐊᓐᑕ ᐊ ‍ ᐃᔎᔭᒡ ᒠᕐᑕᓐ ᓯᐱᒡ ᐊᓐᑕ ᑲ ‍ ᓂᐱᒥᑭᓂᔨᒡ ᐎᓂᐸᑯᔪᐤ᙮
\pi
\v 6 ᐊᑯᑕ ᑲ ᐅᒋᒋᐱᔨᒡ ᒋᐛᑎᓄᒡ ᐊᐱᒥᓯᓇᑕᔨᒡ ᐊᓐᑕ ᐊ ‍ ᐃᔎᐱᔨᒡ ᒠᕐᑕᓐ ᓯᐱᔾ ᐊᓐᑕ ᑲ ‍ ᓂᐱᒥᑲᒡ ᐎᓂᐸᒄ᙮
\v 7 ᒋ ‍ ᓇᓂᑎᒪᐱᔪᐤ ᐊᐱᒥᓯᓇᑕᒡ ᐊᑎᒪᐱᓯᒧᒡ ᐊᓐᑕ ᐅᒋ ᐊᓴᐳᐱᔨᒡ ᐊᕐᒍᕐ ᐊ ‍ ᐱᓴᒡ ᐃᔅᐱᔅ ᑎᐱᕐ ᐅᑕᓇᒡ᙮ ᐊᑯ ᐊᓐᑕ ᐅᒋ ᒂ ᒋᐛᐱᔨᒡ ᒋᐛᑎᓄᒡ ᑭᓪᑲᓪ ᐅᑕᓇᒡ᙮ ᑭᓪᑲᓪ ᐊᑯᑕ ᐊᑎᒂᒡ ᒋᐛᑎᓄᒡ ᐊᓐ ᒪᔅᑭᓄᐤ ᐅᔅᑕᒐ ᐊᑐᓂᒻ ᐊ ᐎᐧᒂᓴᑲᒡ ᐊᑎᒧᒡ, ᐊᓐᑕ ᐱᓯᒧᑕᒡ ᐊ ‍ ᐱᓴᒡ᙮ ᐊᓐᑕ ᑭᓪᑲᓪ ᐅᒋ ᐊᓐ ᐊᐱᒥᓯᓇᑕᒡ ᐊᑎᒪᐱᓯᒧᒡ ᒋ ‍ ᐃᔅᐱᓴᐤ ᐃᔅᐱᔅ ᓂᐱᔭ ᐊᓐᑕ ᐊᓐ-ᓯᒥᔅ, ᑭᔭ ᐊᓐᑕ ᐅᒋ ᐃᔅᐱᔅ ᐊᓐ-ᕈᑭᓪ᙮ ᐊᓐᑕ ᐅᒋ ᐅᔅᑕᒐ ᐸᓐ-ᐃᓄᓐ ᐊ ‍ ᐱᓴᒡ ᒋ ‍ ᐃᔅᐱᓴᐤ, ᓴᐅᓄᒡ ᐅᑕᓇᒡ ᐊᓐᑕ ᑲ ‍ ᐎᒋᒡ ᒐᐳᔅ ᐊ ‍ ᐃᑎᔅᑲᓇᓯᒡ ᐃᔪᒡ᙮ (ᒋᕈᓴᓕᒻ ᐊᓄᒡ ᐃᓯᓂᐧᑲᑕᐤ ᐊᓐ ᐅᑕᓇᐤ᙮)
\v 8 ᐊᓐᑕ ᐅᒋ ᑕᑯᑕᐛᒡ ᐱᔅᑯᑎᓇᒡ ᒋ ‍ ᐃᔅᐱᓴᐤ ᐊᐱᒥᓯᓇᑕᒡ ᐊᓐᑕ ᐊᑎᒪᐱᓯᒧᒡ ᐃᓄᓐ ᐊ ‍ ᐱᓴᒡ, ᓇᑕ ᐊ ‍ ᐃᔎᔭᒡ ᒋᐛᑎᓄᒡ ᐊ ‍ ᐱᓴᒡ ᐊᓐᑕ ᕋᐸ ᑲ ‍ ᒋᓄᑲᐳᐅᒡ ᑲ ‍ ᐎᒋᒡ᙮
\v 9 ᐊᓐᑕ ᐅᒋ ᐸᔅᑕᒋᐛᑎᓄᒡ ᒋ ‍ ᐃᔅᐱᓴᐤ ᐊᐱᒥᓯᓇᑕᒡ ᐃᔅᐱᔅ ᓂᑉᑕᐅᐊ ᒧᔅᒋᒍᓇᐳᒡ, ᑭᔭ ᐊᓐᑕ ᐅᒋ ᐃᔅᐱᔅ ᒥᒋᒪ ᐃᑉᕈᓐ ᐱᔅᑯᑎᓇᒡ ᐅᑕᓇᐛ᙮ ᐊᓐᑕ ᐅᒋ ᐊᑎᒪᐱᓯᒧᒡ ᐸᓚ ᐃᓯ ᒋ ‍ ᐃᔅᐱᓴᐤ ᐊᐱᒥᓯᓇᑕᒡ, ᐊᓐ ᐊᓄᒡ ᑭᕆᐊᑦ-ᒋᐊᕆᒻ ᐊᓯᓂᐧᑲᑕᒡ᙮
\v 10 ᐊᑯ ᐊᓐ ᐊᐱᒥᓯᓇᑕᒡ ᐛᔪᐎᔅ ᐊᑎᒪᐱᓯᒧᒡ ᒋ ‍ ᐃᔅᐱᓴᐤ ᐃᔅᐱᔅ ᓯᐅᕐ ᐱᔅᑯᑎᓇᒡ᙮ ᐊᑯ ᒂ ‍ ᓴᐳᑐᐛᐱᔨᒡ ᐸᔅᑕᓴᐅᓄᒡ ᐊᓐᑕ ᒋᐛᑎᓄᒡ ᐃᑕᒐ ᒐᕆᐊᒻ ᐱᔅᑯᑎᓇᒡ, ᐊᓐ ᐃᔭᐱᒡ ᑲᓯᓗᓐ ᐊᓯᓂᐧᑲᑕᒡ, ᐃᔅᐱᔅ ᐸᑦ-ᓯᒥᔅ ᐅᑕᓇᒡ᙮ ᐊᓐᑕ ᐅᒋ ᐸᔅᑕᒋᐛᑎᓄᒡ ᒋ ‍ ᐃᔅᐱᓴᐤ ᐅᔅᑕᒐ ᑎᒻᓇ ᐅᑕᓇᒡ,
\v 11 ᐃᔅᐱᔅ ᒋᐛᑎᓄᒡ ᐃᒃᕈᓐ ᐅᑕᓇᒡ ᐱᔅᑯᑎᓇᒡ᙮ ᐊᓐᑕ ᐅᒋ ᐊᑎᒪᐱᓯᒧᒡ ᒋ ‍ ᐃᔅᐱᓴᐤ ᐃᔅᐱᔅ ᓯᒃᑭᕈᓐ ᐅᑕᓇᒡ ᐅᔅᑕᒐ ᐸᓚ ᐱᔅᑯᑎᓇᒡ ᐃᔅᐱᔅ ᒐᑉᓂᐅᓪ ᐅᑕᓇᒡ, ᐊᑯ ᒥᓐ ᐸᔅᑕᒋᐛᑎᓄᒡ ᐃᔅᐱᔅ ᒥᑎᑐᕋᓂᔭᓐ ᐎᓂᐸᑯᒡ᙮
\pi
\v 12 ᐊᑎᒪᐱᓯᒧᒡ ᐊᐱᒥᓯᓇᑕᒡ ᐊᓐ ᐊᔅᒋᔾ ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᒥᑎᑐᕋᓂᔭᓐ ᐎᓂᐸᑯᔪᐤ ᒋ ‍ ᒥᔭᑭᓄᐅᒡ᙮ ᒥᓯᐛ ᒍᑕ ᐃᔪᒡ ᐱᑎᑭᒥᒡ ᐊᐱᒥᓯᓇᑕᔨᒡ ᒋ ‍ ᐎᒍᐅᒡ
\p
\v 13 ᑎᐸᔨᒋᒐᓱᐤ ᒋ ‍ ᐃᑎᓱᒪᐤ ᒐᓱᐛᔨᒋ ᒐᒋ ᒥᔭᔨᒋ ᑲᐃᓕᐸ ᐱᔅᒐ ᐊᔅᒋᔪᐤ ᒍᑕ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᑦ ᐊᔅᒋᔪᐤ᙮ ᐊᑯ ᒂ ᒥᔭᑦ ᑲᐃᓕᐸ ᑭᕆᐊᑦ-ᐊᕐᐸ ᐅᑕᓇᔪᐤ, ᐊᓄᒡ ᐃᑉᕈᓐ ᐊᓯᓂᐧᑲᑕᒡ᙮ (ᐊᓇᒃ ᐊ ‍ ᐃᑎᔅᑲᓇᓯᒡ ᐃᔪᒡ ᐊᓂᔭ ᐅᑦ ᐊᓂᔅᑯᑕᐸᓄᐛᐛ ᐊᕐᐸᔨᒋ᙮)
\v 14 ᒋ ‍ ᐃᐧᑭᒥᐊᐤ ᑲᐃᓕᑉ ᐊ ᓂᔅᑎᔨᒋ ᐊᓇᒃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒐᒋ ᓂᑭᑎᒥᔨᒋ ᐃᑉᕈᓐ᙮ ᐊᐅᑯᔪᐛ ᐊᓂᔭ ᓯᓴᐃ ᐃᔪᐛ, ᑭᔭ ᐊᐊᒪᓐ ᐃᔪᐛ, ᑭᔭ ᑕᓪᒪᐃ ᐃᔪᐛ᙮
\v 15 ᐊᑯ ᑲᐃᓕᑉ ᒂ ᔅᑐᑕᑦ ᐊᓐᑕ ᐅᒋ ᑭᔭ ᒂ ᒪᓯᐧᑯᐛᑦ ᑲ ᐎᒋᔨᒋ ᐃᔪᐛ ᐊᓐᑕ ᑎᐳᕐ ᐅᑕᓇᒡ, ᐊᓐ ᑭᕆᐊᑦ-ᓴᐳᕐ ᑲ ‍ ᐃᓯᓂᐧᑲᑕᒡ᙮
\v 16 ᑲᐃᓕᑉ ᒂ ‍ ᐃᔅᒋᔄᑦ, “ᑯᓯᒂᔨᒧᑐᐛᒐ ᐊᐛᓐ ᐃᔪᐛ ᐊᓐᑕ ᑭᕆᐊᑦ-ᓯᐳᕐ ᑭᔭ ᒪᑯᓂᒺᒐ ᐅᑕᓇᒥᔪᐤ, ᓂᑭ ‍ ᒥᔭᐤ ᓂᑕᓂᓴ ᐊᒃᓴᔨᒋ ᒐᒋ ᐎᐅᑦ᙮”
\v 17 ᐅᑦᓂᐅᓪ, ᑲᐃᓕᑉ ᐅᑐᓯᒪ, ᒋ ᒪᑯᓂᒻ ᐅᑕᓇᔪᐤ, ᐊᑯ ᑲᐃᓕᑉ ᒂ ‍ ᒥᔭᑦ ᐅᑕᓂᓴ᙮
\p
\v 18 ᐃᔅᐱ ᑲᐃᓕᑉ ᐅᑕᓂᓴ ᑲ ‍ ᓂᐳᐅᑦ ᐅᑦᓂᐅᓚ, ᐊᑯ ᐊᒃᓴ ᒂ ‍ ᓂᑐᐛᐱᒪᑦ ᐅᑕᐎᔭ ᑲᐃᓕᐸ ᒐᒋ ᐃᔨᒪᐊᑦ᙮ ᐎᐱᒡ ᑲᒋ ᐊᒥᑦ ᑲ ᓂᐧᑲᑎᓯᔨᒋ ᐅᑲᐸᐃᑭᔎᒪ ᐅᒋ, ᑲᐃᓕᑉ ᒋᑭ ‍ ᒂᒋᒪᐤ, “ᒋ ‍ ᓂᑐᐛᔨᑕᓐ ᐊ ᒐᒂᓐ ?”
\p
\v 19 ᐊᒃᓴ ᒂ ‍ ᐃᑕᑦ, “ᓂᐃ, ᒋ ᓂᑐᐛᔨᑎᒪᑎᓐ ᒐᒋ ᐃᑐᑎᒧᐎᔨᓐ ᒐᒂᓐ᙮ ᒋᒋ ‍ ᒥᔨᓐ ᐱᔅᒐ ᐊᔅᒋᔾ ᐊᓐᑕ ᓴᐅᓄᒡ ᐃᑕᒐ ᑲᐃᓂᓐ, ᒥᒄ ᓇᒪ ᐃᑎᑯᓐ ᐊᓐᑕ ᓂᐱᔾ᙮ ᐊᑯ ᐸᒋ ᒥᔾ ᐱᔅᒐ ᐊᔅᒋᔾ ᐊᑎᒂᒋ ᐊᓐᑕ ᒧᔅᒍᓂᐸᒂ᙮” ᐊᑯ ᑲᓕᑉ ᒂ ‍ ᒥᔭᑦ ᑕᐧᑯᒡ ᑭᔭ ᐊᓇᒡ ᐊᑎᑯᓂᔨᒋ ᒧᔅᒍᓂᐸᒂ ᐊᓐᑕ ᒥᒋᒪ ᐃᑉᕈᓐ᙮
\p
\v 20 ᒪᐅᔭ ᐅᑕᓇᐛ ᐊᑎᒂᒋ ᐊᓐᑕ ᐊᔅᒋᒡ ᒋᓴᒪᓂᑐᐤ ᑲ ‍ ᐊᓱᑎᒧᐛᑦ ᒐᒋ ᒥᔭᑦ ᒍᑕ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᒥᓯᐛ ᐸᐸᐃᒄ ᐃᔪᒡ ᒋᒥᔭᑭᓄᐅᒡ ᐱᔅᒐ ᐊᔅᒋᔪᐤ
\m
\v 21 ᒥᓯᐛ ᐅᑕᓇᐛ ᒋᒥᔭᑭᓄᐅᒡ ᒍᑕ ᐊ ‍ ᐃᑎᔅᑲᓇᓯᔨᒋ ᐃᔪᒡ ᐊᓐᑕ ᓴᐅᓄᒡ ᐸᐧᑯᑎᔅᑭᒥᒐ ᐃᑕᒐ ᑲᐃᓇᓐ, ᒥᒋᒪ ᑲ ‍ ᐱᒥᓯᓇᑕᔨᒡ ᐃᑕᒻ ᐃᑕᐅᓂᒡ:
\pi ᑲᑉᓯᐅᓪ, ᑭᔭ ᐃᑐᕐ, ᑭᔭ ᒐᑯᕐ,
\v 22 ᑭᔭ ᑭᓇ, ᑭᔭ ᑎᒧᓇ, ᑭᔭ ᐊᑕᑕ,
\v 23 ᑭᔭ ᑲᑕᔅ, ᑭᔭ ᐊᓱᕐ, ᑭᔭ ᐃᑦᓇᓐ,
\v 24 ᑭᔭ ᓯᑉ, ᑭᔭ ᑎᓕᒻ, ᑭᔭ ᐱᐊᓗᑦ,
\v 25 ᑭᔭ ᐊᓱᕐ-ᐊᑕᑕ, ᑭᔭ ᑭᕆᐅᑦ-ᐃᔅᕈᓐ (ᐊᓱᕐ ᐃᔭᐱᒡ ᐊᓯᓂᐧᑲᑕᑭᓄᐅᒡ),
\v 26 ᐊᒪᒻ, ᑭᔭ ᓯᒪ, ᑭᔭ ᒧᓗᑕ,
\v 27 ᑭᔭ ᐊᓱᕐ-ᑲᑕ, ᑭᔭ ᐊᔅᒧᓐ, ᑭᔭ ᐸᑦ-ᐱᓕᑦ,
\v 28 ᑭᔭ ᐊᓱᕐ-ᓴᐅᓪ, ᑭᔭ ᐱᕐ-ᓯᐸ, ᑭᔭ ᐱᓯᐅᑎᐊ,
\v 29 ᑭᔭ ᐸᓚ, ᑭᔭ ᐃᐃᒻ, ᑭᔭ ᐊᓯᒻ,
\v 30 ᑭᔭ ᐃᓪᑐᓚᑦ, ᑭᔭ ᑯᐃᓯᓪ, ᑭᔭ ᐦᐅᕐᒪ,
\v 31 ᑭᔭ ᓯᒃᓚᒃ, ᑭᔭ ᒪᑦᒪᓇ, ᑭᔭ ᓴᓐᓴᓇ,
\v 32 ᑭᔭ ᓕᐸᐅᑦ, ᑭᔭ ᓯᓕᒻ, ᐊᐃᓐ, ᑭᔭ ᕆᒧᓐ᙮ ᒪᒧᐤ ᒋ ᓂᓱᔪᐛᒥᑭᓇ ᐊᓱ ᐸᐃᑯᔅᑕᐤ ᐅᑕᓇᐛ ᑭᔭ ᐊᓐᑕ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\v 33 ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ᒥᔭᑭᓄᐅᒡ ᐊᓂᔭ ᐅᑕᓇᐛ ᐊᓐᑕ ᒋᐛᑎᓄᒡ ᐃᑕᒐ ᐊᓐᑕ ᐊᑎᒪᐱᓯᒧᒡ ᐊᐱᔅᑯᑎᓇᓯᔨᒡ: ᐊᔅᑕᐅᓪ, ᑭᔭ ᓱᕋ, ᑭᔭ ᐊᔅᓇ,
\v 34 ᑭᔭ ᓴᓄᐊ, ᑭᔭ ᐃᓐ-ᑲᓂᒻ, ᑭᔭ ᑕᐳᐊ, ᑭᔭ ᐃᓇᒻ,
\v 35 ᒐᕐᒧᑦ, ᑭᔭ ᐊᑐᓚᒻ, ᑭᔭ ᓱᑯ, ᑭᔭ ᐊᓯᑲ,
\v 36 ᓴᕋᐃᒻ, ᑭᔭ ᐊᑎᑕᐃᒻ, ᑭᔭ ᒐᑎᕋ (ᒐᑎᕈᑕᐃᒻ ᐃᔭᐱᒡ ᐊᓯᓂᐧᑲᑕᑭᓄᐅᒡ)᙮ ᒪᒧᐤ ᒋ ᓇᐅᓴᐳᒥᑭᓂᔨᐛ ᐅᑕᓇᐛ ᑭᔭ ᐊᓐᑕ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\pi
\v 37 ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᐃᔭᐱᒡ ᒋ ᒥᔭᑭᓄᐅᒡ ᐊᓂᔭ ᐅᑕᓇᐛ ᐊᓐᑕ ᓴᐅᓄᒡ ᐃᑕᒐ ᐊᓐᑕ ᐊᑎᒪᐱᓯᒧᒡ ᐊᐱᔅᑯᑎᓇᓯᔨᒡ: ᓴᓇᓐ, ᑭᔭ ᐊᑕᓴ, ᑭᔭ ᒥᒃᑕᓪ-ᑲᑦ,
\v 38 ᑎᓕᐊᓐ, ᑭᔭ ᒥᔅᐸ, ᑭᔭ ᒍᒃᑎᐃᓪ,
\v 39 ᑭᔭ ᓚᒋᔅ, ᑭᔭ ᐳᔅᑲᑦ, ᑭᔭ ᐃᒃᓗᓐ,
\v 40 ᑭᔭ ᑲᑉᐳᓐ, ᑭᔭ ᓚᒪᔅ, ᑭᔭ ᑭᑦᓕᔅ,
\v 41 ᑭᔭ ᒋᑐᕈᑦ, ᑭᔭ ᐸᑦ-ᑕᑯᓐ, ᑭᔭ ᓇᐊᒪ, ᑭᔭ ᒪᑭᑕ᙮
\pi ᒪᒧᐤ ᒋ ᐊᓱᑕᑕᑎᓴᐳᒥᑭᓂᔨᐛ ᐅᑕᓇᐛ ᑭᔭ ᐊᓐᑕ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\pi
\v 42 ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᐃᔭᐱᒡ ᒋ ᒥᔭᑭᓄᐅᒡ ᐊᓂᔭ ᐅᑕᓇᐛ ᐊᓐᑕ ᑕᑕᐅᒡ ᐃᑕᒐ ᐊᓐᑕ ᐊᑎᒪᐱᓯᒧᒡ ᐊᐱᔅᑯᑎᓇᓯᔨᒡ: ᓕᑉᓇ, ᑭᔭ ᐃᑐᕐ, ᑭᔭ ᐊᓴᓐ,
\v 43 ᑭᔭ ᐃᑉᑕ, ᑭᔭ ᐊᔅᓇ, ᑭᔭ ᓇᓯᑉ,
\v 44 ᑭᔭ ᑲᐃᓚ, ᑭᔭ ᐊᒃᓯᑉ, ᑭᔭ ᒪᕆᓴ᙮ ᒪᒧᐤ ᒋ ᐸᐃᑯᔅᑕᐅᒥᑭᓂᔨᐛ ᐅᑕᓇᐛ, ᐊᓯᒡ ᐊᓂᔭ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\v 45-47 ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᐃᔭᐱᒡ ᒋ ᒥᔭᑭᓄᐅᒡ ᐊᓂᔭ ᐅᑕᓇᐛ ᒥᒋᒪ ᒥᑎᑐᕋᓂᔭᓐ ᐎᓂᐸᑯᒡ, ᐊᓯᒡ ᐊᓂᔭ ᐛᔅᑲ ᐃᑕᐅᓇ: ᐃᒃᕈᓐ ᑭᔭ ᐅᑕᓇᐛ ᑎᔅᑐᐎᒡ ᐃᒃᕈᓐ ᑭᔭ ᓯᓱᒡ, ᑭᔭ ᐊᔅᑐᑦ, ᑭᔭ ᑲᓴ᙮ ᐊᓐ ᐃᑕᐅᓐ ᓱᓄᒡ ᐊᔅᐱᓴᔨᒡ ᐃᔅᐱᔅ ᑲ ‍ ᐸᔅᑕᔨᒡ ᓂᔭᐅᑕᔅᑎᑯᒡ ᐊᓐᑕ ᐊᐱᒥᓯᓇᑕᔨᒡ ᐃᒋᑉᑎᔪᐤ᙮
\v 48 ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᐃᔭᐱᒡ ᒋ ᒥᔭᑭᓄᐅᒡ ᐊᓂᔭ ᐅᑕᓇᐛ ᐊᓐᑕ ᓴᐅᓄᒡ ᐃᑕᒐ ᐊᓐᑕ ᐊᔅᒋᔪᐤ: ᓴᒥᕐ, ᑭᔭ ᐃᐊᑎᕐ, ᑭᔭ ᓱᑯ,
\v 49 ᑭᔭ ᑕᓇ, ᑭᔭ ᑭᕆᐊᑦ-ᓴᓇ ‍ (ᐊᓐ ᐊᓄᒡ ᑎᐱᕐ ᐊᓯᓂᐧᑲᑕᒡ),
\v 50 ᑭᔭ ᐊᓇᑉ, ᑭᔭ ᐊᔅᑎᒧ, ᑭᔭ ᐊᓂᒻ,
\v 51 ᑭᔭ ᑯᓯᓐ, ᑭᔭ ᐅᓗᓐ, ᑭᔭ ᒋᓗ᙮ ᒋ ᐸᐃᑯᓴᐱᒥᑭᓂᔨᐛ ᐅᑕᓇᐛ, ᐊᓯᒡ ᐊᓂᔭ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\pi
\v 52 ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᐃᔭᐱᒡ ᒋ ᒥᔭᑭᓄᐅᒡ ᐅᔭ ᐅᑕᓇᐛ ᐊᓐᑕ ᓴᐅᓄᒡ-ᑕᑕᐅᒡ ᐱᔅᒐ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᔪᐤ: ᐊᕋᑉ, ᑭᔭ ᑐᒪ, ᑭᔭ ᐊᓴᓐ,
\v 53 ᑭᔭ ᒐᓂᒻ, ᑭᔭ ᐸᑦ-ᑕᐳᐊ, ᑭᔭ ᐊᐱᑲ,
\v 54 ᐅᒻᑕ, ᑭᔭ ᑲᕆᐊᑦ-ᐊᕐᐸ ‍ (ᐊᓐ ᐊᓄᒡ ᐃᑉᕈᓐ ᐊᓯᓂᐧᑲᑕᒡ), ᑭᔭ ᓯᐅᕐ᙮ ᒪᒧᐤ ᒋ ᐸᐃᑯᔅᑕᐅᒥᑭᓂᔨᐛ ᐅᑕᓇᐛ, ᐊᓯᒡ ᐊᓂᔭ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\pi
\v 55 ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᐃᔭᐱᒡ ᒋ ᒥᔭᑭᓄᐅᒡ ᐅᔭ ᐅᑕᓇᐛ ᐊᓐᑕ ᓴᐅᓄᒡ-ᐛᐱᓄᑕᒡ ᐱᔅᒐ ᐊᐛᑭᑕᐅᐧᑲᔨᒡ ᐊᔅᒋᔪᐤ: ᒪᐅᓐ, ᑭᔭ ᑲᕐᒥᓪ, ᑭᔭ ᓯᑉ, ᑭᔭ ᒍᑦᑕ,
\v 56 ᑭᔭ ᒐᔅᕆᐅᓪ, ᑭᔭ ᒍᒃᑎᐊᒻ, ᑭᔭ ᓴᓄᐊ,
\v 57 ᑭᔭ ᑲᐃᓐ, ᑭᔭ ᑭᐱᐊ, ᑭᔭ ᑎᓇ᙮ ᒪᒧᐤ ᒋ ᐸᐃᑯᔪᐛᒥᑭᓂᔨᐛ ᐅᑕᓇᐛ, ᐊᓯᒡ ᐊᓂᔭ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\pi
\v 58 ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᐃᔭᐱᒡ ᒋ ᒥᔭᑭᓄᐅᒡ ᐅᔭ ᐅᑕᓇᐛ ᐊᓐᑕ ᐱᔅᒐ ᑕᑕᐅᒡ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᔪᐤ: ᐊᓪᐅᓪ, ᑭᔭ ᐸᑦ-ᓱᕐ, ᑭᔭ ᑭᑐᕐ,
\v 59 ᑭᔭ ᒪᐊᕋᑦ, ᑭᔭ ᐸᑦ-ᐊᓄᑦ, ᑭᔭ ᐃᓪᑎᑯᓐ᙮ ᒪᒧᐤ ᒋ ᐊᓱᑕᑕᑐᒥᑭᓂᔨᐛ ᐅᑕᓇᐛ, ᐊᓯᒡ ᐊᓂᔭ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\pi
\v 60 ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᐃᔭᐱᒡ ᒋ ᒥᔭᑭᓄᐅᒡ ᓂᓱ ᐅᑕᓇᐛ ᐊᓐᑕ ᐱᔅᒐ ᒋᐛᑎᓄᒡ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᔪᐤ, ᕋᐸ ᑭᔭ ᑭᕆᐊᑦ-ᐸᓪ ‍ (ᐊᓐ ᐃᔭᐱᒡ ᑭᕆᐊᑦ-ᒋᐊᕆᒻ ᐊᓯᓂᐧᑲᑕᒡ),
\pi
\v 61 ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᐃᔭᐱᒡ ᒋ ᒥᔭᑭᓄᐅᒡ ᐅᔭ ᐅᑕᓇᐛ ᐊᓐᑕ ᐸᐧᑯᑎᔅᑭᒥᑲᒡ ᒥᒋᒪ ᑲᓂᐱᑲᒡ ᐎᓂᐸᑯᔪᐤ: ᐸᑦ-ᐊᕐᓇ, ᑭᔭ ᒥᑎᓐ, ᑭᔭ ᓯᑲᑲ,
\v 62 ᑭᔭ ᓂᑉᓴᓐ, ᑭᔭ ᓯᐅᑕᑭᓐ ᐅᑕᓇᐤ, ᑭᔭ ᐃᓐ-ᒋᑕᐃ᙮ ᒪᒧᐤ ᒋ ᐊᓱᑕᑕᑐᒥᑭᓂᔨᐛ ᐅᑕᓇᐛ, ᐊᓯᒡ ᐊᓂᔭ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\p
\v 63 ᒍᑕ ᐊ ‍ ᐃᑎᔅᑲᓇᓯᒡ ᓂᑐᐱᔪᐅ-ᐃᔪᒡ ᓇᒪ ᐅᒋ ᐃᐧᑭᒥᐊᐅᒡ ᒋᐳᔅ ᐊ ‍ ᐃᑎᔅᑲᓇᔨᒋ ᐃᔪᐛ ᒐᒋ ᓂᑭᑎᒥᔨᒋ ᒋᕈᓴᓕᒥᔪᐤ᙮ ᐊᑯ ᐊᓐᒡ ᐊ ‍ ᐃᑎᔅᑲᓇᓯᒡ ᐃᔪᒡ ᐊᔅᒄ ᐎᒋᒪᐅᒡ ᒍᑕ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\c 16
\s1 ᐃᑉᕋᐃᒻ ᑭᔭ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ
\p
\v 1 ᐊᓂᔭ ᐊᔅᒋᔪᐤ ᑲ ‍ ᒥᔭᑭᓄᐅᒡ ᓂᓱ ᐊ ‍ ᐃᑎᔅᑲᓇᓯᒡ ᐃᑉᕋᐃᒻ ᑭᔭ ᒪᓇᓴ ᒍᓯᑉ ᑲ ᐅᒋ ‍ ᐊᓂᔅᑯᑕᐸᓄᐅᒡ ᒠᕐᑕᓐ ᓯᐱᒡ ᑲ ᐅᒋ ‍ ᒋᒋᐱᔨᒡ ᐛᐱᓄᑕᒡ ᒋᕆᑯᐤ ᒧᔅᒍᓂᐸᑯᒡ᙮
\v 2 ᐊᑎᒪᐱᓯᒧᒡ ᒋᕆᑯᐤ ᐊ ‍ ᐛᐛᑭᑕᐅᐧᑲᔨᒡ ᐃᑕᒐ ᒥᒋᒪ ᐸᑕᓪ ᐃᔅᐱᓴᔪᐤ, ᐊᓐ ᐃᔭᐱᒡ ᓗᔅ ᐊᓯᓂᐧᑲᑕᒡ᙮ ᐃᔅᐱᔅ ᐊᑕᕈᑦ ᐃᔅᐱᓴᔪᐤ ᐊᓐᑕ ᐊᐱᒥᓯᓇᑕᔨᒡ ᐊᔅᒋᔪᐤ ᐊᓐᑕ ᑲ ᐎᒋᔨᒋ ᐊᕐᑭ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\v 3 ᐊᓐᑕ ᐅᒋ ᐊᑎᒪᐱᓯᒧᒡ ᐃᔅᐱᔅ ᐊᓐᑕ ᐊᐱᒥᓯᓇᑕᔨᒡ ᐊᔅᒋᔪᐤ ᐊᓐᑕ ᑲ ᐎᒋᔨᒋ ᒐᑉᓕᑎ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐃᔅᐱᓴᔪᐤ᙮
\v 4 ᐊᐅᑯᔪᐤ ᐅᔭ ᐊᔅᒋᔪᐤ ᐃᑉᕋᐃᒻ ᑭᔭ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ᙮
\v 5 ᐊᓐᑕ ᐊᐱᒥᓯᓇᑕᔨᒡ ᐊᔅᒋᔪᐤ ᐊᓂᔭ ᑲ ᒥᔭᑭᓄᐅᒡ ᐃᑉᕋᐃᒻ ᐊ ‍ ᐃᑎᔅᑲᓇᓯᒡ ᐅᑦ ᐃᔨᒥᐛᐛ ᐊᑕᕈᑦ-ᐊᑕᕐ ᐅᑕᓇᒡ ᒋ ᐅᒋ ‍ ᒋᒋᐱᔪᐤ ᐊᓐᑕ ᐛᐱᓄᑕᒡ᙮ ᑕᐧᑯᒡ ᐸᑦ-ᐅᕈᓐ ᒋ ᐃᔅᐱᓴᔪᐤ,
\v 6 ᑭᔭ ᐊᓐᑕ ᐅᒋ ᐃᔅᐱᔅ ᒥᑎᑐᕋᓂᔭᓐ ᐎᓂᐸᑯᒡ᙮
\v 7 ᒥᒡᒥᑕᑦ ᐅᒋ ᐊᓐᑕ ᒋᐛᑎᓄᒡ, ᐛᐱᓄᑕᒡ ᑕᓇᐊᑦ ᒋ ᐃᔅᐱᓴᔪᐤ ᑭᔭ ᐊᓐᑕ ᐅᒋ ᒐᓄᐊ ᐃᔅᐱᔅ᙮ ᐊᓐᑕ ᐅᒋ ᓴᐅᓄᒡ ᐊᑕᕋᑦ ᐅᑕᓇᒡ ᒋ ᐃᔅᐱᓴᔪᐤ ᑭᔭ ᐃᔅᐱᔅ ᓇᐊᕋ ᐅᑕᓇᒡ᙮ ᒋᕆᑯᐤ ᒂ ‍ ᐃᔅᐱᓴᒡ ᐊᓐᑕ ᐅᒡ ᑭᔭ ᒠᕐᑕᓐ ᓯᐱᒡ ᐊᓐᑕ ᐅᒋ᙮
\v 8 ᒋᐛᑎᓄᒡ ᐊᐱᒥᓯᓇᑕᒡ ᑕᐳᐊ ᐅᒋ ᒋ ᐃᔅᐱᓴᐤ ᐃᔅᐱᔅ ᐊᑎᒪᐱᓯᒧᒡ ᑲᓇ ᐊᐎᒂᓴᑲᒡ ᑭᔭ ᒂ ‍ ᐃᔎᔭᔨᒡ ᐊᓐᑕ ᒥᑎᑐᕋᓂᔭᓐ ᐎᓂᐸᑯᒡ᙮ ᐊᐅᑯᔪᐤ ᐊᓂᔭ ᐊᔅᒋᔪᐤ ᑲ ᒥᔭᑭᓄᐅᒡ ᐃᑉᕋᐃᒻ ᐊ ‍ ᐃᑎᔅᑲᓇᓯᒡ ᐃᔪᒡ᙮
\v 9 ᒥᒐᑦ ᐊᓂᔭ ᐅᑕᓇᐛ ᒋᑎᑯᓂᔨᐛ ᐊᓐᑕ ᐱᑎᓱᐤ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ᙮
\m
\v 10 ᐃᑉᕋᐃᒻ ᐊ ‍ ᐃᑎᔅᑲᓇᓯᒡ ᐃᔪᒡ ᓇᒪ ᐅᒋ ᒋ ‍ ᐃᐧᑭᒥᐊᐅᒡ ᑲᐃᓇᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒐᒋ ᓂᑭᑎᒥᔨᒋ ᑭᓱᕐ, ᐊᑯ ᑲᐃᓇᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐊᔅᒄ ᒋ ᐎᒋᒪᐅᒡ ᐃᑉᕋᐃᒻ ᐊ ‍ ᐃᑎᔅᑲᓇᓯᔨᒋᒡ ᐃᔪᐛ, ᒥᒄ ᐃᔅᕋᐃᓪ ᐃᔪᒡ ᒋ ‍ ᐃᐧᑭᒥᐊᐅᒡ ᑲᐃᓇᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒐᒋ ᐊᑐᔅᑲᑯᒡ᙮
\c 17
\p
\v 1 ᐊᐅᑯᔪᐤ ᐅᔭ ᐊᔅᒋᔪᐤ ᑲ ᒥᔭᑭᓄᐅᒡ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ᙮ ᒪᓇᓴ ᐊᒋᓴᔪᐃᒋ ᐅᑯᓴ ᒪᑭᕋ ᒋ ᐅᑯᓱᐤ ᑭᔭ ᑭᓕᐊᑕ ᒋ ᐅᓯᒧᐤ᙮ ᐊᒋᔅᑎᓯᔨᒋ ᑲᒪᓯᒐᓯᔨᒋ ᒋ ᐅᑦ ‍ ᐊᓂᔅᑯᑕᐸᓄᐤ ᒪᑭᕐ, ᐊᑯ ᐊᔅᒋᔭ ᐊᓐᑕ ᑭᓕᐊᑦ ᑭᔭ ᐸᓴ ᐊᔅᒋᒡ ᐅᑦ ᐃᔨᒧᐛᐛ ᒋ ᒥᔭᑭᓄᔪᐛ᙮
\v 2 ᐃᔭᐱᒡ ᑯᑎᑭᒡ ᒪᓇᓴ ᐊ ‍ ᐃᑎᔅᑲᓇᓯᒡ ᐅᑦ ᐃᔨᒧᐛᐛ ᒋ ᒥᔭᑭᓄᐅᒡ ᐊᔅᒋᔪᐤ: ᐊᐸᐃᓱᕐ, ᑭᔭ ᐊᓚᒃ, ᑭᔭ ᐊᔅᕆᓪ, ᑭᔭ ᓴᑭᒻ, ᑭᔭ ᐊᐳᕐ, ᑭᔭ ᓯᒥᑕ ᐃᔪᒡ᙮
\p
\v 3 ᓇᒪ ᐅᒋ ᐅᑯᓯᔪᐛ ᓯᓗᐱᐊᑦ ᐅᑯᓴ, ᒥᒄ ᐱᑕᑕᒡ ᒋ ᐃᑕᑎᓯᔨᐛ ᐅᑕᓂᓴ: ᒪᐊᓚ, ᑭᔭ ᓄᐛ, ᑭᔭ ᐅᒃᓚ, ᑭᔭ ᒥᓪᑲ, ᑭᔭ ᑎᕐᓴ᙮
\v 4 ᒋᒋ ‍ᐊᔭᒥᐊᐅᒋᒪᐛ ᐃᓕᐊᓱᕐ ᒋᓂᑐᐛᐱᒪᐅᒡ, ᑭᔭ ᒐᓱᐛᔨᒋ, ᑭᔭ ᑯᑎᑲ ᐃᔅᕋᐃᓕᒡ ᑲ ᓂᑲᓄᔅᑲᒐᔨᒋ᙮ ᒋᐃᑕᐅᒡ, “ᒋ ᓂᑐᐛᔨᒥᑎᓇᓐ ᒐᒋ ᒥᔨᔭᒡ ᐱᔅᒐ ᐊᔅᒋᔾ, ᐛᔅ ᑎᐸᔨᒋᒐᓱᐤ ᒋ ᐃᑕᐤ ᒧᓱᓴ ᒐᒋ ᒥᔨᒥᑦ ᐱᔅᒐ ᐊᔅᒋᔪᐤ, ᒧᔭᒻ ᑲ ᐃᓯ ‍ ᒥᔨᑥᐤ ᐊᓐᒡ ᓇᐸᐅᒡ᙮” ᐊᑯ ᒂ ᑐᑕᐧᒃ ᐃᓕᐊᓱᕐ ᑲ ᐃᑎᓱᐛᔨᒋ ᑎᐸᔨᒋᒐᓱᐛ, ᑭᔭ ᒂ ᒥᔭᑦ ᐱᔅᒐ ᐊᔅᒋᔪᐤ, ᒧᔭᒻ ᑲ ᐃᓯ ‍ ᒥᔭᑦ ᐅᐧᑯᒥᓯᔨᐛ᙮
\v 5 ᐊᑯ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᒐᒄ ᐸᐃᑯᔪᐤ ᒂ ᐃᑕᑐᑕᒡ ᐅᑦ ᐊᔅᒋᐛᐛ ᑭᔭ ᑎᒪᐱᓯᒧᒡ ᒠᕐᑕᓐ ᓯᐱᒡ ᑭᔭ ᓂᓱᐎᒡ ᐊᔅᒋᔪᐤ, ᑭᓕᐊᑦ ᑭᔭ ᐸᓴᓐ, ᐊᓐᑕ ᐛᐱᓄᑕᒡ ᒠᕐᑕᓐ ᓯᐱᒡ᙮
\v 6 ᐊᑯ ᐊᓐᒡ ᑲ ᐃᔎᐎᒋ ᒪᓇᓴ ᐅᑦ ᐊᓂᔅᑯᑕᐸᓇ ᐃᔭᐱᒡ ᒋ ᒥᔭᑭᓄᐅᒡ ᐊᔅᒋᔪᐤ ᐊᑎᒪᐱᓯᒧᒡ ᐃᑕᒐ ᒠᕐᑕᓐ ᓯᐱᔪᐤ ᒧᔭᒻ ᑲ ᐃᓯ ‍ ᒥᔭᑭᓄᐅᒡ ᓇᐸᐅᒡ᙮ ᐊᓂᔭ ᑯᑎᑲ ᐱᔅᒐ ᐊᔅᒋᔭ ᑭᓕᐊᑦ ᐃᑕᒐ ᐊᓇᐸᐅᔨᒋ ᒪᓇᓴ ᐅᑦ ᐊᓂᔅᑯᑕᐸᓇ ᒋ ᒥᔭᑭᓄᔪᐛ᙮
\pi
\v 7 ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᐊᔅᒋᔪᐤ ᑲ ᒥᔭᑭᓄᐅᒡ ᑎᔅᑐᐎᒡ ᒋ ᑎᑯᓂᔪᐤ ᐊᓐᑕ ᐊᔅᒋᒡ ᑲ ᐎᒋᔨᒋ ᐊᓱᕐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑭᔭ ᒥᒡᒥᑕᑦ ᐅᑕᓇᔪᐤ, ᒥᒋᒪ ᓴᑭᒻ ᐅᑕᓇᔪᐤ᙮ ᓴᐅᓄᒡ ᒋ ᐃᔅᐱᓴᐤ ᐊᐱᒥᓯᓇᑕᒡ ᐃᔅᐱᔅ ᑕᐳᐊ ᒧᔅᒐᓂᐸᑯᒡ᙮
\v 8 ᐊᔅᒋᔾ ᒥᒋᒪ ᐛᔅᑲ ᑕᐳᐊ ᐊ ᑎᒂᒡ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ᑎᐸᔨᑎᒧᒡ, ᒥᒄ ᐊᓐ ᐅᑕᓇᐤ ᑕᐳᐊ, ᐊᓐᑕ ᐊᑎᒂᒡ ᐊᐱᒥᓯᓇᑕᒡ ᐊᔅᒋᔾ ᑲ ᒥᔭᑭᓄᐅᒡ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ, ᐃᑉᕆᐊᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋ ᒥᔭᑭᓄᔪᐛ᙮
\v 9 ᐊᐱᒥᓯᓇᑕᒡ ᐊᔅᒋᔾ ᑲ ᒥᔭᑭᓄᐅᒡ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᑲᓇ ᓯᑐᐎᔅ ᐃᔅᐱᓴᐤ᙮ ᐊᓐᑕ ᐅᒋ ᐊᑎᒪᐱᓯᒧᒡ ᒋᐛᑎᓄᒡ ᐃᑕᒐ ᓯᑐᐎᔅ ᐃᔅᐱᓴᐤ ᑭᔭ ᒥᑎᑐᕋᓂᔭᓐ ᐎᓂᐸᑯᒡ ᒋ ᐃᔎᐤ᙮
\v 10 ᐃᑉᕋᐃᒻ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ᑎᐸᔨᑎᒧᒡ ᐊᓂᔭ ᐊᔅᒋᔪᐤ ᐊᓐᑕ ᓴᐅᓂᒡ ᐃᑕᒐ ᓯᑐᐎᔅ ᑲ ᑎᑯᓂᔨᒡ, ᑭᔭ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᒋᐛᑎᓄᒡ ᐃᑕᒐ ᑲ ᑎᑯᓂᔨᒡ ᐊᔅᒋᔪᐤ ᒋ ᑎᐸᔨᑎᒧᒡ᙮ ᐊᓂᔭ ᐊᑎᒪᐱᓯᒧᒡ ᑲ ᐱᒥᓯᓇᑕᔨᒡ ᐊᔅᒋᔪᐤ ᑲ ᒥᔭᑭᓄᐅᒡ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᐊᐅᒄ ᒥᑎᑐᕋᓂᔭᓐ ᐎᓂᐸᒄ᙮ ᐊᓐᑕ ᒋᐛᑎᓄᒡ ᐃᓯ, ᐊᐱᒥᓯᓇᑕᔨᒡ ᐅᑦ ᐊᔅᒋᐛᐤ ᐊᓐᑕ ᐸᔅᑕᒋᐛᑎᓄᒡ ᐊᓱᕐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ᒥᔭᑭᓄᐎᒋ ᐊᔅᒋᔪᐤ ᒋ ᐅᒋ ‍ ᐃᔅᐱᓴᔪᐤ᙮
\pi
\v 11 ᒥᒄ ᒋ ‍ᑎᑯᓂᔨᐛ ᐅᑕᓇᐛ ᐱᑎᓱᐤ ᐊᔅᒋᔪᐤ ᑲ ᒥᔭᑭᓄᐅᒡ ᐃᓴᒐᕐ ᑭᔭ ᐊᓱᕐ ᐊ ‍ ᐃᑎᔅᑲᓇᓯᒡ᙮ ᐊᓂᔭ ᐅᑕᓇᐛ, ᐊᓯᒡ ᐊᓂᔭ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ, ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ᒥᔭᑭᓄᐅᒡ᙮ ᐊᐅᑯᔪᐛ ᐅᔭ ᐅᑕᓇᐛ ᐸᑦ-ᓴᓐ, ᑭᔭ ᐃᑉᓕᒻ, ᑭᔭ ᑐᕐ ‍ (ᐃᔭᐱᒡ ᓇᑉᑐᑦ-ᑐᕐ ᐊᓯᓂᐧᑲᑕᒡ), ᑭᔭ ᐃᓐᑐᕐ, ᑭᔭ ᑕᐊᓇᒃ, ᑭᔭ ᒪᑭᑐᐤ᙮
\m
\v 12 ᓇᒪ ᐅᒋ ᐃᔨᐧᑭᒥᐊᐅᒡ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᐎᒋᔨᒋ ᐃᔪᐛ ᐊᓐᑕ ᐊᓂᔭ ᐅᑕᓇᐛ ᒐᒋ ᓂᑭᑎᒥᔨᒋ, ᐊᑯ ᑲᐃᓇᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐊᔅᒄ ᒋ ᐎᒍᐅᒡ ᐊᓐᑕ ᐊᓂᔭ ᐅᑕᓇᐛ᙮
\v 13 ᒥᒄ ᑕᑐ ᐱᐳᓇ ᓇᓇᒐ ᐃᔅᐱ ᐃᔅᕋᐃᓪ ᐃᔪᒡ ᑲ ᒥᔪ ‍ ᒪᓯᒐᓯᐅ-ᐃᔪᐅᒡ, ᒋ ᐃᐧᑭᒥᐊᐅᒡ ᑲᐃᓇᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒐᒋ ᐊᑐᔅᑲᑯᒡ ᒧᔭᒻ ᐊᐱᒋᐊᑭᓇ, ᐊᑎᓱᐧᒄ ᐊ ᐊᑲ ᐅᒋ ᒋ ‍ ᐃᐧᑭᒥᐊᒡ ᒐᒋ ᓂᑭᑎᒥᔨᒋ ᐊᔅᒋᔪᐤ᙮
\p
\v 14 ᐃᑉᕋᐃᒻ ᑭᔭ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ‍ ᐃᑕᐅᒡ ᒐᓱᐛᔨᒋ, “ᒋᒋ ‍ᒥᔨᓇᓐ ᒥᒄ ᐸᐃᒄ ᐃᑕᒐ ᐊᔅᒋᔾ, ᒥᒄ ᒋᒋᐛ ᓂᒥᒐᑎᓇᓐ᙮ ᒋᒋᐛ ᓂᒋ ‍ ᓱᐛᔨᑕᑯᐃᑯᓇᓐ ᑎᐸᔨᒋᒐᓱᐤ ᒂ ᐊᑎ ‍ ᒥᒐᑎᔭᒡ᙮ ᐊᑯ ᒐᒂᓐ ᒥᒄ ᐊᐱᓯᔅ ᐛᒋ ‍ᒥᔭᒡ ᐊᔅᒋᔾ ?”
\p
\v 15 ᒐᓱᐛ ᒂ ᐃᑕᑦ, “ᓂ ‍ ᑕᑈᑕᓐ ᐊ ᐊᑲ ᐃᔅᐱᔨᔭᒄ ᐊᔅᒋᔾ ᐊᓐᑕ ᐊᐛᐧᑭᑕᐅᐧᑲᒡ ᐃᑉᕋᐃᒻ ᐊ ‍ ᐃᑎᔅᑲᓇᓯᒡ ᐃᔪᒡ ᐃᑕᒐ᙮ ᐊᑯ ᐊ ᒥᒐᑎᒡ ᒋᑦ ᐃᔨᒧᐛᐅᒡ, ᐊᑎᑐᐤ ᒋᑭ ᒥᔨᑎᓇᐛᐤ ᐊᔅᒋᔾ, ᐊᓐᑕ ᐊ ‍ ᐛᐛᑭᑕᐅᐧᑲᒡ ᐃᑕᒐ᙮ ᒥᒄ ᒋᑭ ᐎ ‍ᑯᐛᐛᐅᒡ ᒥᔅᑎᑯᒡ ᐊᓐᑕ ᒥᓇᔎᒡ ᑭᔭ ᒐ ᑐᑎᒪᓱᔭᐧᒄ ᐃᑕᐅᓐ ᐊᓐᑕ ᐊᔅᒋᒡ ᐸᕆᔅ ᑭᔭ ᕋᐸ ᐊ ‍ ᐃᑎᔅᑲᓇᓯᒡ ᐃᔪᒡ ᐎᒋᒡ᙮”
\p
\v 16 ᐃᑉᕋᐃᒻ ᑭᔭ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ᐃᑕᐅᒡ ᒐᓱᐛᔨᒋ, “ᑕᑈ ᐊᓐ ᐊᔅᒋᔾ ᐊᓐᑕ ᐊ ‍ ᐛᐛᑭᑕᐅᐧᑲᒡ ᐃᑕᒐ ᓇᒪ ᐊᔅᐱᓴᐤ ᒐᒋ ᐃᔅᐱᔨᔭᐧᒄ ᒋᔭᓄᐤ ᐊᑎᓯᔭᐧᒄ, ᒥᒄ ᑲᐃᓇᓐ ᐊ ‍ ᐃᑎᔅᑲᓇᓯᒡ ᐃᔪᒡ, ᐊᓐᑕ ᐛᒋᒡ ᐊᓇᒡ ᐊᓐᑕ ᐸᑦ-ᓴᓐ ᐊᓯᒡ ᐊᓂᔭ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ ᐊᓐᑕ ᐃᑕᒐ, ᑭᔭ ᐊᓐᑕ ᒐᔅᕆᓪ ᐊ ‍ ᐱᓴᒡ, ᐊ ‍ ᐃᓴᑯᔨᒋ ᑎᑎᐱᑕᐸᓇᔎ ᑭᓄᐛᔨᒪᐅᒡ, ᐊᑯ ᓇᒪ ᒋᑭ ᒋ ᓴᐧᑯᒋᐊᓄᐅᒡ !”
\p
\v 17 ᒐᓱᐛ ᒂ ᐃᑕᑦ, “ᒥᒐᑐᐅᒡ ᐊ ‍ ᐃᑎᔅᑲᓇᓯᔭᒄ ᑭᔭ ᒋᒋᐛ ᓱᐧᑲᑎᓯᐅᒡ᙮ ᐊᑯ ᐊᑎᑐᐤ ᒋᑭ ‍ ᒥᔨᑎᓇᐛᐤ ᐊᔅᒋᔾ ᐊᓐᑕ ᐊ ‍ ᐛᐛᑭᑕᐅᐧᑲᒡ ᐃᑕᒐ᙮
\v 18 ᒥᒄ ᒋᑭ ᐎ ‍ᑯᐛᐛᐅᒡ ᒥᔅᑎᑯᒡ ᐊᓐᑕ ᒥᓇᔎᒡ ᑭᔭ ᒐᒋ ‍ ᐅᒋ ‍ ᑐᑎᒪᓱᔭᐧᒄ ᐃᑕᐅᓐ ᐊᓐᑕ ᒐ ᐎᒋᔭᒄ᙮ ᑕᑈᓄᐤ ᐊᑎᑐᐤ ᓱᐧᑲᑎᓯᒡ ᑲᐃᓇ ᐊ ‍ ᐃᑎᔅᑲᓇᓯᒡ ᐃᔪᒡ ᑭᔭ ᑲᓄᐛᔨᒪᒡ ᐊ ‍ ᐃᓴᑯᔨᒋ ᑎᑎᐱᑕᐸᓇᔎ, ᒥᒄ ᒋᑭ ᒋ ‍ ᐃᐧᑭᒥᔭᐛᐅᒡ ᒐᒋ ᓂᑭᑕᒡ ᐊᓐᑕ ᐊ ‍ ᐱᓴᔨᒡ᙮”
\c 18
\s1 ᒥᓯᐛ ᐊᔅᐱᓴᒡ ᐊᔅᒋᔾ ᒋ ᒥᔨᐛᓄᐤ
\p
\v 1-2 ᒋ ‍ ᒪᑯᓂᒧᒡ ᒥᓯᐛ ᐊᔅᒋᔪᐤ ᐃᔅᕋᐃᓪ ᐊ ‍ ᐃᑎᔅᑲᓇᓯᒡ ᐃᔪᒡ ᐊᓂᔭ ᑲᒋ ‍ ᑐᑕᒡ, ᒥᒄ ᐊᔅᒄ ᓂᔄᐅᑕᒡ ᒋ ‍ ᑕᑎᓯᔨᐛ ᐊ ‍ ᐃᑎᔅᑲᓇᓯᔨᒋ ᐊ ᐊᑲ ᐅᒋ ᒥᔭᑭᓄᐎᔨᒋ ᐊᔅᒋᔪᐤ᙮ ᓯᓗ ᐊᓐᑕ ᒋ ᒪᒧᐎᔪᐅᒡ ᒥᓯᐛ ᐃᔅᕋᐃᓪ ᐃᔪᒡ, ᑭᔭ ᐊᑯᑕ ᑲ ‍ ᐎᔭᑲᐊᒡ ᐸᔭᒋ ‍ ᐱᒍᐛᔭᓂᒋᐛᐱᔪᐤ᙮
\v 3 ᒐᓱᐛ ᒂ ᐃᑕᑦ, “ᒐᒂᓐ ᐛᒋ ᓇᐅᔅ ‍ ᐊᓱᐛᐸᑎᒪᒄ ᒐᒋ ᐅᑎᓂᒪᒄ ᒥᓯᐛ ᐊᔅᒋᔾ ᐊᓂᔭ ᑎᐸᔨᒋᒐᓱᐤ, ᒋᓴᒪᓂᑐᐛ ᑲ ᐊᔭᒥᐊᔅᑐᐛᒡ ᒋᑦ ᐊᓂᔅᑯᑕᐸᓄᐛᐅᒡ, ᑲ ᐊᓱᑎᒪᑕᒄ ᒐᒋ ᒥᔨᑕᒄ ?
\v 4 ᐅᑎᓇᐧᑯᒡ ᓂᔅᑐ ᓇᐸᐅᒡ ᐸᐸᐃᒄ ᐊᓐᑕ ᓂᔄᐅᑕᒡ ᐊᑎᓯᒡ ᐊ ‍ ᐃᑎᔅᑲᓇᓯᒡ ᐃᔪᒡ᙮ ᐊᑯ ᒐ ᐊᑎ ‍ ᐃᑎᓴᐅᒂᐤ ᒐᒋ ᓇᓂᑐᔅᒐᔨᑕᒡ ᐊᔅᒋᔪᐤ ᐊᓐᑕ ᐊ ᐊᑲ ᐅᒋ ‍ ᑕᔭᒄ᙮ ᐃᔅᐱ ᒋ ᐃᓯ ‍ ᓂᑐᔅᒐᔨᑕᑥᐛ, ᒋᑭ ᐎ ‍ ᒥᓯᓇᑕᐅᒧᒡ ᐃᔨᒧᐅᓂᔪᐤ, ᐊᓐᑕ ᒐ ᐅᓯᑕᒡ ᐊᔅᒋᐅᒥᓯᓇᐃᑭᓂᔪᐤ ᐊᓂᔭ ᐸᐸᐃᒄ ᐊ ‍ ᐃᑎᔅᑲᓇᓯᒡ ᐛ ᑲᔅᑎᓇᒡ᙮
\v 5 ᓂᔄᐅᑕᒡ ᑕᑐᐎᒡ ᒋᑭ ᐃᓯ ‍ ᑕᑎᐸᓂᒧᒡ ᐊᓂᔭ ᐊᔅᑯᐱᔨᒡ᙮ ᓴᐅᓄᒡ ᐃᑕᒐ ᒋᑭ ᑭᓄᐛᔨᑎᒧᒡ ᐅᑦ ᐊᔅᒋᐛᐤ ᒍᑕ ᐊ ‍ ᐃᑎᔅᑲᓇᓯᒡ, ᑭᔭ ᐃᑉᕋᐃᒻ ᑭᔭ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᒋᐛᑎᓄᒡ ᐃᑕᒐ ᒋᑭ ᑭᓄᐛᔨᑎᒧᒡ ᐅᑦ ᐊᔅᒋᐛᐤ᙮
\v 6 ᒥᒄ ᐊᓐᑕ ᐅᒥᓯᓇᐃᑭᓄᐛᒡ, ᐊᓐᒡ ᓇᐸᐅᒡ ᓂᔄᐅᑕᒡ ᐊ ‍ ᐃᑎᔅᑲᓇᓯᒡ ᐃᔪᒡ ᐅᒋ ᒋᑭ ᐎᑎᒧᒡ ᓂᔄᐅᑕᒡ ᑕᑐᐎᒡ ᑲ ᐃᔅᑯᐱᔨᒡ ᐊᔅᒋᔪᐤ ᐊᓂᔭ ᑲ ᓂᑐᐛᔨᑕᒡ ᒐᒋ ᑲᔅᑎᓇᒡ, ᑭᔭ ᒐᐸᑐᑐᐅᒡ ᐊᓂᔭ ᒥᓯᓇᐃᑭᓂᔪᐤ᙮ ᒪᒂᒡ ᐊᑭᓄᐛᐱᒥᑦ ᑎᐸᔨᒋᒐᓱᐤ, ᓂᑭ ᐛᐱᓇᓐ ᐊᒥᓯᓇᑕᒋ ᐊᓯᓂᔭ ᒐᒋ ᐎᔭᔨᑕᒂᒡ ᒐᒄ ᐊᔅᒋᔪᐤ ᒐ ᒥᔭᑭᓄᐅᒡ ᐸᐸᐃᒄ ᐊ ‍ ᐃᑎᔅᑲᓇᓯᒡ ᐃᔪᒡ᙮
\v 7 ᒥᒄ ᓕᐸᐃ ᐊ ‍ ᐃᑎᔅᑲᓇᓯᒡ ᐃᔪᒡ ᓇᒪ ᒋᑭ ᒋ ‍ ᒥᔭᑭᓄᐅᒡ ᐊᔅᒋᔪᐤ, ᐛᔅ ᒐ ‍ᐅᑦ ‍ ᐊᔭᒥᐊᐅᒋᒪᒥᑕᑯᒡ ᑎᐸᔨᒋᒐᓱᐛ ᐊᐅᑯᔪᐤ ᐊᓂᔭ ᐅᑲᓂᐅᓄᐛᐤ᙮ ᑲᑦ, ᑭᔭ ᕈᐱᓐ, ᑭᔭ ᑕᑕᐅᒡ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᓴᔅ ᒋ ᒥᔭᑭᓄᐅᒡ ᐎᔪᐛᐤ ᐅᑦ ᐊᔅᒋᐛᐤ ᐊᓐᑕ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᒡ, ᒧᔭ ᒧᓱᔅ, ᐊᓐ ᓇᐸᐤ, ᑲ ᒥᔪ ‍ ᐊᑐᔅᑯᐛᑦ ᒋᓴᒪᓂᑐᐛ, ᑲ ᐎᔭᔨᑕᐧᒃ, ᐊᑯ ᓇᒪ ᐊᑎᑐᐤ ᒋᑭ ‍ ᒥᔭᑭᓄᐅᒡ ᐊᔅᒋᔪᐤ᙮”
\v 8 ᐃᔅᐱ ᐊᓐ ᓇᐸᐅᒡ ᑲ ᐅᑎᓇᑭᓄᐅᒡ ᐊᔭᔅᑯᐎᔨᒡ ᒐᒋ ᐊᔅᑐᑕᒡ, ᒐᓱᐛ ᒂ ᐃᑕᑦ, “ᒪᒋᒄ ᑭᔭ ᓂᑐ ᒋᔅᒐᔨᑎᒥᒄ ᐊᔅᒋᔾ᙮ ᐊᑯ ᒐ ᐎᔅᑕᔭᒄ ᑕᓐ ᑲ ᐃᓯ ‍ ᐛᐸᑎᒪᒄ, ᑭᔭ ᒐ ᐸᑐᐎᔭᒄ᙮ ᐊᑯ ᒪᒂᒡ ᐊᑭᓄᐛᐱᒥᑦ ᑎᐸᔨᒋᒐᓱᐤ, ᓂᑭ ᐛᐱᓇᓐ ᐊᒥᓯᓇᑕᒋ ᐊᓯᓂᔭ ᐅᑕ ᓯᓗ ᒐᒋ ᒋᔅᒐᔨᑕᒂᒡ ᒐᒄ ᐊᔅᒋᔪᐤ ᒐ ᒥᔭᑭᓄᐅᒡ ᐸᐸᐃᒄ ᐊ ‍ ᐃᑎᔅᑲᓇᓯᒡ ᐃᔪᒡ᙮”
\v 9 ᐊᑯ ᒂ ᔅᑐᑕᒡ ᓇᐸᐅᒡ ᑭᔭ ᒂ ᓴᐳᑐᐛᔅᑲ ᐃᑕᐅᓂᔪᐤ᙮ ᐊᑯ ᑲ ᒥᓯᓇᑕᐊᒡ ᒥᓯᓇᐃᑭᓂᒡ ᑕᑐᐤ ᐅᑕᓇᐛ ᓂᔄᐅᑕᒡ ᑕᑐᐎᒡ ᑲ ᐃᑎᑯᓂᔨᒡ ᐊᓂᔭ ᑲ ᐃᓯ ‍ ᑎᐸᓇᒡ ᐊᔅᒋᔪᐤ᙮ ᐊᑯ ᑲᐤ ᒂ ᓂᑐᐛᐱᒪᒡ ᒐᓱᐛᔨᒋ, ᐊᔅᒄ ᐊᓐᑕ ᓯᓗ ᑲ ᑕᔨᒋ᙮
\v 10 ᑲᒋ ᐃᓯ ‍ ᐃᔨᒥᑕᐛᑦ ᒐᓱᐛ ᐅᒥᓯᓇᐃᑭᓂᔪᐤ, ᒪᒂᒡ ᐊᑭᓄᐛᐱᒥᑯᑦ ᑎᐸᔨᒋᒐᓱᐛ, ᒋ ᐛᐱᓂᒻ ᐊᒥᓯᑕᔨᒋ ᐊᓯᓂᔭ ᒐᒋ ᐎᔭᔨᑕᒂᒡ ᒐᒄ ᐊᔅᒋᔪᐤ ᒐ ᒥᔭᑭᓄᐅᒡ ᒥᓯᐛ ᐸᐸᐃᒄ ᐊ ‍ ᐃᑎᔅᑲᓇᓯᒡ ᐃᔪᒡ᙮
\s1 ᐸᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ᙮
\m
\v 11 ᐱᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐊᐅᑯᓐᒡ ᐊᓐᒡ ᓂᔅᑎᒻ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ᙮ ᒥᓯᐛ ᐸᐸᐃᒄ ᐃᔪᒡ ᐊᓐᑕ ᐊ ‍ ᐃᑎᔅᑲᓇᓯᒡ ᒋ ᒥᔭᑭᓄᐅᒡ ᐱᔅᒐ ᐊᔅᒋᔪᐤ ᑲ ᑎᑯᓂᔨᒡ ᑎᔅᑐᐎᒡ ᐊᓐᑕ ᐃᑕᐅᓂᔪᐤ ᑲᒥᔭᑭᓄᐎᔨᒋ ᒍᑕ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑭᔭ ᐊᓐᑕ ᐃᑕᐅᓂᔪᐤ ᑲᒥᔭᑭᓄᐎᔨᒋ ᐃᑉᕋᐃᒻ ᑭᔭ ᒪᓇᓴ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\pi
\v 12 ᒠᕐᑕᓐ ᓯᐱᒡ ᒋ ᐅᒋᒋᐱᔪᐤ ᒋᐛᑎᓄᒡ ᐊᐱᒥᓯᓇᑕᒡ ᑭᔭ ᐊᑎᒪᐱᓯᒧᒡ ᐃᑕᒐ ᒋᕆᑯᐤ, ᐊᓐᑕ ᐊ ‍ ᐛᐛᑭᑕᐅᐧᑲᒡ ᐃᓯ ᒋ ᐃᔅᐱᓴᐤ᙮ ᐊᑯ ᐊᓐᑕ ᐅᒋ ᐊᐱᒥᓯᓇᑕᒡ ᐊᑎᒪᐱᓯᒧᒡ ᐃᔅᐱᔅ ᐸᐧᑯᑎᔅᑭᒥᑲᒡ ᒥᒋᒪ ᐸᑦ-ᐊᐱᓐ ᐅᑕᓇᒡ ᒋ ‍ᐃᔅᐱᓴᐤ᙮
\v 13 ᐊᑯ ᐊᓐᑕ ᐅᒋ ᓴᐅᓄᒡ-ᐊᑎᒪᐱᓯᒧᒡ ᐃᔅᐱᔅ ᓗᔅ (ᐊᓄᒡ ᐸᑕᓪ ᐊᓯᓂᐧᑲᑕᒡ) ᒋ ᐃᔅᐱᓴᐤ᙮ ᐊᑯ ᐊᓐᑕ ᐅᒋ ᓴᐅᓄᒡ-ᐊᑎᒪᐱᓯᒧᒡ ᐃᔅᐱᔅ ᐊᑕᕈᑦ-ᐊᑕᕐ ᐅᑕᓇᒡ, ᐊᓐᑕ ᐱᔅᑯᑎᓇᒡ ᓴᐅᓄᒡ ᐊᓇᒡ ᐸᑦ-ᐅᕈᓐ ᐅᑕᓇᒡ ᒋ ᐃᔅᐱᓴᐤ᙮
\pi
\v 14 ᐊᑯ ᐊᓐᑕ ᐱᔅᑯᑎᓇᒡ ᓴᐅᓄᒡ ᐊᓇᒡ ᐸᑦ-ᐅᕈᓐ, ᒂ ᒋ ᐛᐱᔨᒡ ᐊᐱᒥᓯᓇᑕᒡ ᑭᔭ ᓱᓄᒡ ᑲᕆᐊᑦ-ᐸᓪ ᐅᑕᓇᒡ ᒋ ᐃᔅᐱᓴᐤ, ᐊᓐ ᐃᔭᐱᒡ ᑭᕆᑦ-ᒋᐊᕆᒻ ᐊᓯᓂᐧᑲᑕᒡ᙮ ᐊᐅᑯᐤ ᐅ ᐅᑕᓇᐤ ᐊᓐᑕ ᐛᒋᒡ ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ᙮ ᐊᐅᑯᓐ ᐊᑎᒪᐱᓯᒧᒡ ᐊᐱᒥᓯᓇᑕᒡ ᐊᔅᒋᔾ ᑲ ᒥᔭᑭᓄᐅᒡ ᐸᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ᙮
\pi
\v 15 ᒥᒋᒪ ᑭᕆᐊᑦ-ᒋᐊᕆᒻ ᒋ ᐅᒋᒋᐱᔪᐤ ᓴᐅᓄᒡ ᐊᐱᒥᓯᓇᑕᔨᒡ ᐅᑦ ᐊᔅᒋᐛᐤ ᑭᔭ ᐊᑎᒪᐱᓯᒧᒡ ᓇᑉᑐᐊ ᒧᔅᒍᓂᐸᑯᒡ ᒋ ‍ ᐃᔅᐱᓴᔭᐅᐤ᙮
\v 16 ᐊᓐᑕ ᐅᒋ ᓴᐅᓄᒡ ᐊᓇᒡ ᐱᔅᑯᑎᓇᒡ, ᒥᒋᒪ ᐱᓐ-ᐃᓄᒻ ᐊ ‍ ᐱᓴᔨᒡ, ᐊᓐᑕ ᒋᐛᑎᓄᒡ ᐃᑕᒐ ᕋᐸ ᐊ ‍ ᐱᓴᔨᒡ ᒋ ᐅᒋᒋᐱᔪᐤ᙮ ᓴᐅᓄᒡ ᐃᑕᒐ ᐃᓄᒻ ᐊ ‍ ᐱᓴᔨᒡ, ᓴᐅᓄᒡ ᐅᑕᓇᒡ ᐊᓐᑕ ᒐᐳᔅ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ᐎᒋᔨᒋ, ᒋ ᐃᔅᐱᓴᔪᐤ ᐊᐱᒥᓯᓇᑕᔨᒡ ᐃᔅᐱᔅ ᐃᓐ-ᕈᑭᓪ᙮
\v 17 ᐊᓐᑕ ᐅᒋ ᐊᑎᒪᐱᓯᒧᒡ ᐃᔅᐱᔅ ᐃᓐ-ᓯᒥᔅ ᒋ ᐃᔅᐱᓴᔪᐤ ᐊᐱᒥᓯᓇᑕᔨᒡ, ᑭᔭ ᓯᐊᐳᑐᐛᐱᔨᒡ ᐃᔅᐱᔅ ᒋᓕᓗᑦ ᒥᒋᒪ ᐊᑐᓂᒻ ᐊ ᐎᐧᒂᓴᑲᒡ᙮ ᐊᑯ ᕈᐱᓐ ᐅᑯᓴ ᐸᐅᓐ ᒋᒋ ‍ ᐅᑦ ‍ ᐊᓯᓂᒥᔨᐛ ᒋ ᐃᔅᐱᓴᔪᐤ᙮
\v 18 ᐊᓐᑕ ᐅᒋ ᐊ ‍ ᐃᔎᒡ ᒋᐛᑎᓄᒡ ᐸᑦ-ᐊᕋᐸ ᐅᑕᓇᒡ ᒋ ᐃᔅᐱᓴᐤ ᐊᐱᒥᓯᓇᑕᒡ ᑭᔭ ᐊᓇᒡ ᒠᕐᑕᓐ ᓯᐱᒡ ᐊ ‍ ᐱᓴᒡ ᐃᓯ᙮
\v 19 ᐊᓐᑕ ᐅᒋ ᐛᐱᓄᑕᒡ ᐃᔅᐱᔅ ᒋᐛᑎᓄᒡ ᐊ ‍ ᐃᔎᔭᒡ ᐸ-ᐅᒃᓚ ᐅᑕᓇᒡ ᒋ ᐃᔅᐱᓴᐤ ᑭᔭ ᒂ ᐳᓂᐱᔨᒡ ᐊᓐᑕ ᒋᐛᑎᓄᒡ ᐊ ‍ ᐃᔎᔭᒡ ᑲ ‍ ᓂᐱᒥᑲᒡ ᐎᓂᐸᒄ, ᐊᓐᑕ ᑲ ‍ ᓂᐱᒥᑲᒡ ᐎᓂᐸᑯᒡ ᐊᑎ ‍ ᐃᔅᐱᔨᒡ ᒠᕐᑕᓐ ᓯᐱᔾ᙮ ᐊᐅᑯᓐ ᓴᐅᓄᒡ ᐸᒥᓯᓇᑕᒡ ᐊᔅᒋᔾ ᑲ ᒥᔭᑭᓄᐅᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ᙮
\pi
\v 20 ᒠᕐᑕᓐ ᓯᐱᔾ ᐊᐅᑯᓐ ᐛᐱᓄᑕᒡ ᐸᒥᓯᓇᑕᒡ ᐊᔅᒋᔾ ᑲ ᒥᔭᑭᓄᐅᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ᙮ ᐊᐅᑯᔪᐛ ᐅᔭ ᑲ ᐱᒥᓯᓇᑕᔨᒋ ᐊᔅᒋᔭ ᑲ ᒥᔭᑭᓄᐅᒡ᙮
\v 21 ᐊᐅᑯᔪᐛ ᐅᔭ ᐅᑕᓇᐛ ᑲ ᑎᑯᓂᔨᒋ ᐊᓐᑕ ᐊᔅᒋᔪᐤ ᑲ ᒥᔭᑭᓄᐅᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ, ᒋᕆᑯᐤ, ᑭᔭ ᐸᑦ-ᐅᒃᓚ, ᑭᔭ ᐊᒥᒃ-ᑭᓯᔅ
\v 22 ᑭᔭ ᐸᑦ-ᐊᕋᐸ, ᑭᔭ ᓴᒪᕋᐃᒻ, ᑭᔭ ᐸᑕᓪ,
\v 23 ᐊᐱᒻ, ᑭᔭ ᐸᕋ, ᑭᔭ ᐅᑉᕋ,
\v 24 ᑭᐸᕐ-ᐊᒧᓂ, ᑭᔭ ᐅᑉᓂ, ᑭᔭ ᒋᐸ᙮ ᒪᒧ ᒋᓇᐅᓴᐱᓂᔨᐛ ᐅᑕᓇᐛ ᑭᔭ ᐊᓐᑕ ᐛᔅᑲ ᐃᑕᐅᓂᓴ᙮
\v 25 ᐃᔭᐱᒡ ᒋᒥᔭᑭᓄᐅᒡ ᐱᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᑭᐱᐅᓐ, ᑭᔭ ᕋᒪ, ᑭᔭ ᐱᕈᑦ ᐅᑕᓇᐛ,
\v 26 ᑭᔭ ᒥᔅᐸ, ᑭᔭ ᑭᑉᐃᕋ, ᑭᔭ ᒧᓴ,
\v 27 ᑭᔭ ᕋᑭᒻ, ᑭᔭ ᐃᕐᐱᓪ, ᑕᕋᓚ,
\v 28 ᓯᓚ, ᑭᔭ ᐊᐃᓕᐸ, ᐊᓐᑕ ᑲ ‍ ᐎᒋᒡ ᒐᐳᔅ ᐊ ‍ ᐃᑎᔅᑲᓇᓯᒡ ᐃᔪ (ᐊᓐ ᐊᓄᒡ ᒋᕈᓴᓕᒻ ᐊᓯᓂᐧᑲᑕᒡ), ᑭᐱᐊ, ᑭᔭ ᑭᕆᐊᑦ᙮ ᒪᒧ ᒋᓇᐅᓴᐱᓂᔨᐛ ᐅᑕᓇᐛ ᑭᔭ ᐊᓐᑕ ᐛᔅᑲ ᐃᑕᐅᓇ᙮ ᒥᓯᐛ ᐅᔭ ᐃᑕᐅᓂᔪᐤ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ᒥᔭᑭᓄᐅᒡ᙮
\c 19
\s1 ᓯᒥᐅᓐ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ
\p
\v 1 ᓯᒥᐅᓐ ᐊᐅᒄ ᐊᓐᒡ ᓂᓱ ᐛᒋ ‍ ᑕᒡ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ᙮ ᒥᓯᐛ ᐃᔪᒡ ᐊᓐᑕ ᐊ ‍ ᐃᑎᔅᑲᓇᓯᒡ ᒋ ᒥᔭᑭᓄᐅᒡ ᐱᔅᒐ ᐊᔅᒋᔪᐤ ᐱᑎᑭᒥᒡ ᑲ ᑎᑯᓂᔨᒡ ᐃᑕᒐ ᑲ ᒥᔭᑭᓄᐎᔨᒋ ᒍᑕ ᐊ ‍ ᐃᑎᔅᑲᓇᓯᒋ ᐃᔪᐛ᙮
\pi
\v 2 ᐅᑦ ᐊᔅᒋᐛᐤ ᒋ ᐊᔅᒋᐱᔨᐛ ᐱᕐ-ᓯᐸ (ᓯᐸ ᐃᔭᐱᒡ ᐊᓯᓂᐧᑲᑕᒡ), ᑭᔭ ᒧᓚᑕ ᐅᑕᓇᐛ,
\v 3 ᑭᔭ ᐊᓴᕐ-ᓱᐊᓪ, ᑭᔭ ᐸᓚ, ᑭᔭ ᐃᓯᒻ,
\v 4 ᑭᔭ ᐃᓪᑐᓚᑦ, ᑭᔭ ᐸᑐᓪ, ᑭᔭ ᐦᐅᕐᒪ,
\v 5 ᑭᔭ ᓯᒃᓚᒃ, ᑭᔭ ᐸᑦ-ᒪᕐᑲᐳᑦ, ᑭᔭ ᐊᓴᕐ-ᓱᓴ,
\v 6 ᑭᔭ ᐸᑦ-ᓕᐸᐅᑦ, ᑭᔭ ᓴᕈᐱᓐ᙮ ᒪᒧᐤ ᒋ ᓂᔅᑎᓴᐳᒥᑭᓇ (13) ᐅᑕᓇᐛ ᑭᔭ ᐊᓐᑕ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\pi
\v 7 ᐃᔭᐱᒡ ᓇᐤ ᐅᑕᓇᐛ ᐊᐃᓐ, ᑭᔭ ᕆᒧᓐ, ᑭᔭ ᐃᑐᕐ, ᑭᔭ ᐊᓴᓐ ᒋ ᐊᔅᒋᐱᔨᐛ ᑲ ᒥᔭᑭᓄᐅᒡ ᐊᔅᒋᔪᐤ ᑭᔭ ᐊᓐᑕ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\v 8 ᐱᔅᒐ ᐊᔭᐱᓴᓯᔨᒋ ᐃᑕᐅᓇ ᐊᓐᑕ ᐃᑕᒐ ᓴᐅᓄᒡ ᑲ ᐃᔅᐱᓴᔨᒡ ᐃᔅᐱᔅ ᐸᓚ-ᐱᐅᕐ (ᕋᒪ ᐃᔭᐱᒡ ᐊᓯᓂᐧᑲᑕᒡ, ᐊᓐᑕ ᓴᐅᓄᒡ ᐸᐧᑯᑎᔅᑭᒥᑲᒡ) ᐃᔭᐱᒡ ᒋ ᒥᔭᑭᓄᐅᒡ᙮ ᐊᐅᑭᐅᔪᐤ ᐅᔭ ᐊᔅᒋᔪᐤ ᑲ ᒥᔭᑭᓄᔨᒋ ᓯᒥᐅᓐ ᐊ ‍ ᐃᑎᔅᑲᓇᓯᒡ ᐅᑦ ᐃᔨᒧᐛᐛ᙮
\m
\v 9 ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᐊᑎᑐᐤ ᒋ ᒥᔭᑭᓄᐅᒡ ᐊᔅᒋᔪᐤ ᑲ ᐃᔅᐱᔅ ᓄᑕᐱᔨᒡ, ᐊᑯ ᐱᔅᒐ ᐅᑦ ᐊᔅᒋᐛᐤ ᓯᒥᐅᓐ ᐊ ‍ ᐃᑎᔅᑲᓇᓯᔨᒋ ᒋ ᒥᔭᑭᓄᔪᐛ᙮
\s1 ᓴᐳᓕᓐ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ
\m
\v 10 ᓴᐳᓕᓐ ᐊᐅᒄ ᐊᓐᒡ ᓂᔅᑐ ᐛᒋ ‍ ᑕᒡ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ᙮ ᒥᓯᐛ ᐃᔪᒡ ᐊᓐᑕ ᐊ ‍ ᐃᑎᔅᑲᓇᓯᒡ ᒋ ᒥᔭᑭᓄᐅᒡ ᐱᔅᒐ ᐊᔅᒋᔪᐤ᙮
\pi ᓴᕆᑦ ᐅᑕᓇᒡ ᒋ ᐅᒋ ‍ ᒋᒋᐱᔪᐤ ᓴᐅᓄᒡ ᐊᐱᒥᓯᓇᑕᒡ᙮
\v 11 ᒪᕋᓚ ᐅᑕᓇᒡ ᒋ ᐃᔅᐱᓴᐤ ᐊᐱᒥᓯᓇᑕᒡ ᑭᔭ ᑕᐱᓴᑦ ᐅᑕᓇᒡ ᒋ ᐊᑎ ‍ ᓴᐳᑐᐛᐱᔪᐤ, ᑭᔭ ᒥᓐ ᒋᐛᑎᓄᒡ ᒍᒃᓂᐊᒻ ᐅᑕᓇᒡ᙮
\v 12 ᐛᐱᓄᑕᒡ ᓴᕆᑦ ᐅᒋ ᒋ ‍ ᐃᔅᐱᓴᐤ ᐊᐱᒥᓯᓇᑕᒡ ᐃᔅᐱᔅ ᐊᓐᑕ ᐃᑕᐅᓂᒡ ᒥᒋᒪ ᑭᔅᓗᑦ-ᑕᐳᕐ ᐅᑕᓇᒡ ᑭᔭ ᐃᔅᐱᔅ ᑕᐳᕋᑦ ᐅᑕᓇᒡ ᑭᔭ ᒥᓐ ᐃᔅᐱᔅ ᒐᐱᐊ ᐅᑕᓇᒡ᙮
\v 13 ᐊᑯ ᐊᓐᑕ ᐅᒋ ᒂ ᐊᑎ ‍ ᐃᔅᐱᓴᒡ ᒋᐛᑎᓄᒡ ᑲᑦ-ᐊᐳᕐ ᐅᑕᓇᒡ ᑭᔭ ᐊᑦ-ᑲᓯᓐ ᐅᑕᓇᒡ, ᑭᔭ ᒋᐛᑎᓄᒡ ᕆᒧᓐ ᐅᑕᓇᒡ᙮ ᐊᓐᑕ ᐅᒋ ᒋᐛᑎᓄᒡ ᓂᐊ ᐅᑕᓇᒡ ᒋ ᐃᔅᐱᓴᐤ ᐊᐱᒥᓯᓇᑕᒡ᙮
\v 14 ᓂᐊ ᐅᒋ ᓴᐅᓄᒡ ᐊᓇᑐᓐ ᐅᑕᓇᒡ ᒋ ‍ ᐃᔅᐱᓴᐤ ᑭᔭ ᐊᓐᑕ ᐅᒋ ᐃᑉᑕ-ᐃᓪ ᐊ ‍ ᐱᓴᒡ ᐃᔅᐱᔅ᙮
\v 15 ᑲᑕᑦ, ᑭᔭ ᓇᐊᓚᓪ, ᑭᔭ ᓯᒻᕈᓐ, ᑭᔭ ᐃᑕᓚ, ᑭᔭ ᐸᑦᓕᐊᒻ ᐅᑕᓇᐛ ᒋ ᐊᔅᒋᐱᔪᐤ ᐅᑦ ᐃᑕᐅᓄᐛᐤ᙮ ᒪᒧᐤ ᒋ ‍ ᓂᓴᐳᒥᑭᓂᔨᐛ (12) ᐅᑕᓇᐛ ᑭᔭ ᐊᓐᑕ ᐛᔅᑲ ᑲ ‍ ᐃᑎᑯᓂᔨᒋ ᐃᑕᐅᓇ᙮
\m
\v 16 ᐊᐅᑯᔪᐤ ᐊᓂᔭ ᐊᔅᒋᔪᐤ ᑲ ‍ ᒥᔭᑭᓄᐎᒋ ᓴᐳᓕᓐ ᐊ ‍ ᐃᑎᔅᑲᓇᓯᒡ ᐅᑦ ᐃᔨᒧᐛᐛ᙮
\s1 ᐃᓴᒐᕐ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ‍ ᒥᔭᑭᓄᐅᒡ ᐊᔅᒋᔪᐤ
\m
\v 17 ᐃᓴᒐᕐ ᐊᐅᒄ ᐊᓐᒡ ᓇᐤ ᐛᒋ ‍ ᑕᒡ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ᙮ ᒥᓯᐛ ᐃᔪᒡ ᐊᓐᑕ ᐊ ‍ ᐃᑎᔅᑲᓇᓯᒡ ᒋ ᒥᔭᑭᓄᐅᒡ ᐱᔅᒐ ᐊᔅᒋᔪᐤ᙮
\v 18 ᒐᔅᕆᓪ, ᑭᔭ ᑲᓱᓗᑦ, ᑭᔭ ᓱᓇᒻ, ᐅᑕᓇᐛ ᒋ ᐊᔅᒋᐱᔪᐛ ᐅᑦ ᐊᔅᒋᐛᒡ,
\v 19 ᑭᔭ ᐊᐸᕋᐃᒻ, ᑭᔭ ᓯᐅᓐ, ᑭᔭ ᐊᓇᐊᕋᑦ,
\v 20 ᑭᔭ ᕋᐱᑦ, ᑭᔭ ᑭᓯᐅᓐ, ᑭᔭ ᐃᐱᔅ,
\v 21 ᕆᒥᑦ, ᑭᔭ ᐊᓐ-ᑲᓂᒻ, ᑭᔭ ᐊᓐ-ᐊᑕ, ᑭᔭ ᐸᑦ-ᐸᓴᔅ᙮
\v 22 ᐊᐱᒥᓯᓇᑕᔨᒡ ᐃᑕᐅᓂᔪᐤ ᑲ ᒥᔭᑭᓄᐅᒡ ᐃᓴᒐᕐ ᐊ ‍ ᐃᑎᔅᑲᓇᓯᒡ ᐃᔪᒡ ᒥᒋᒪ ᒋ ᑎᑯᓂᔪᐤ ᑕᐳᕐ, ᑭᔭ ᓴᐊᓱᒪ, ᑭᔭ ᐸᑦ-ᓯᒥᔅ ᐅᑕᓇᐛ, ᑭᔭ ᒂ ᐃᔎᔭᔨᒡ ᐛᐱᓄᑕᒡ ᐊᓐᑕ ᒠᕐᑕᓐ ᓯᐱᒡ᙮ ᒪᒧᐤ ᒋ ᐊᓱᑕᒡ ᑕᑐᓴᐳᒥᑭᓂᔨᐛ (16) ᐅᑕᓇᐛ ᑭᔭ ᐊᓐᑕ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\m
\v 23 ᒋ ᑎᑯᓂᔨᐛ ᐅᔭ ᐅᑕᓇᐛ ᑭᔭ ᐃᑕᐅᓇ ᐊᓐᑕ ᐊᔅᒋᔪᐤ ᑲ ᒥᔭᑭᓄᐅᒡ ᐃᓴᒐᕐ ᐊ ‍ ᐃᑎᔅᑲᓇᓯᒡ ᐅᑦ ᐃᔨᒧᐛᐛ᙮
\s1 ᐊᓱᕐ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ
\m
\v 24 ᐊᓱᕐ ᐊᐅᒄ ᐊᓐᒡ ᐱᑕᑕᒡ ᐛᒋ ‍ ᑕᒡ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ᙮ ᒥᓯᐛ ᐃᔪᒡ ᐊᓐᑕ ᐊ ‍ ᐃᑎᔅᑲᓇᓯᒡ ᒋ ᒥᔭᑭᓄᐅᒡ ᐱᔅᒐ ᐊᔅᒋᔪᐤ᙮
\pi
\v 25 ᐃᓪᑲᑦ, ᑭᔭ ᐊᓕ, ᑭᔭ ᐸᑕᓐ, ᑭᔭ ᐊᒃᓴᑉ ᐅᑕᓇᐛ ᒋ ᐃᔅᒋᐱᔨᐛ ᐅᑦ ᐊᔅᒋᐛᒡ,
\v 26 ᑭᔭ ᐊᓚᒥᓕᒃ, ᑭᔭ ᐊᒪᑦ, ᑭᔭ ᒥᓴᓪ᙮ ᐊᑎᒪᐱᓯᒧᒡ ᐊᐱᒥᓯᓇᑕᒡ ᑲᕐᒥᓪ ᐱᔅᑯᑎᓇᒡ ᑭᔭ ᓯᐅᕐ-ᓕᑉᓇᑦ ᒋ ᐅᒋᒋᐱᔪᐤ᙮
\v 27 ᐊᓐᑕ ᐅᒋ ᓴᐅᓄᒡ-ᐛᐱᓄᑕᒡ ᐃᔅᐱᔅ ᐸᑦ-ᑕᐃᑯᓐ ᐅᑕᓇᐤ ᒋ ᐅᒋᒋᐱᔪᐤ, ᐊᑯ ᒥᓐ ᐊᓐᑕ ᐃᑕᐅᓂᒡ ᑲ ᒥᔭᑭᓄᐅᒡ ᓴᐳᓕᓐ ᐊ ‍ ᐃᑎᔅᑲᓇᓯᒡ ᐃᔪᒡ ᑭᔭ ᐃᑉᑕ-ᐃᓪ ᐊ ‍ ᐱᓴᒡ᙮ ᐊᓐᑕ ᐅᒋ ᐊᐱᒥᓯᓇᑕᒡ ᐊᔅᒋᔾ ᐛᐱᓄᑕᒡ ᒋ ᐃᔅᐱᓴᐤ ᐊᑯ ᒥᓐ ᒋᐛᑎᓄᒡ ᐃᔅᐱᔅ ᐸᑦ-ᐃᒥᒃ ᐅᑕᓇᐤ ᑭᔭ ᓇᐃᐊᓪ ᑭᔭ ᑲᐳᓪ ᐅᑕᓇᐛ᙮
\v 28 ᐊᓐᑕ ᐅᒋ ᐊᑎᒪᐱᓯᒧᒡ ᐃᔅᐱᔅ ᐊᑉᑐᓐ, ᑭᔭ ᕆᐅᑉ, ᑭᔭ ᐊᒧᓐ, ᑭᔭ ᑲᓇ ᐅᑕᓇᐛ ᒋ ᐃᔅᐱᓴᐤ ᑭᔭ ᒂ ᓴᐳᑐᐛᐱᔨᒡ ᐃᔅᐱᔅ ᓴᐃᑐᓐ, ᐊᓐ ᓇᔅᒡ ᑲ ᒥᓴᒡ ᐅᑕᓇᐤ᙮
\v 29 ᐊᓐᑕ ᐅᒋ ᒂ ᐊᑎ ‍ ᐃᔅᐱᓴᒡ ᓴᐅᓄᒡ ᕋᒪ ᐃᓯ ᑭᔭ ᑕᐃᕐ ᑲ ᒥᓴᒡ ᐅᑕᓇᐤ ᐊᓐᑕ ᐊ ᓱᒋᓯᒥᑭᓂᔨᒋ ᐅᑕᓇᒡ ᑲ ᐛᔅᑲᑲᐳᐅᒡ᙮ ᐊᓐᑕ ᐅᒋ ᐊᐱᒥᓯᓇᑕᒡ ᐊᔅᒋᔾ ᐊᑎᒪᐱᓯᒧᒡ ᐅᓴ ᐅᑕᓇᒡ ᒋ ᐃᔅᐱᓴᐤ ᑭᔭ ᒥᑎᑐᕋᓂᔭᓐ ᐎᓂᐸᑯᒡ ᒂ ᓂᑲᐱᔨᒡ᙮ ᐊᒃᓯᑉ ᐅᑕᓇᐛ ᒋ ᑎᑯᓂᔨᐛ ᐱᑎᓱᐤ ᐅᑦ ᐃᑕᐅᓄᐛᒡ᙮
\v 30 ᑭᔭ ᐅᒪ, ᑭᔭ ᐊᐱᒃ, ᑭᔭ ᕆᐅᑉ ᐅᑕᓇᐛ᙮ ᒪᒧᐤ ᒋ ᓂᓱᔪᐛᒥᑭᓂᔨᐛ ᐊᓱ ᓂᓱ (22) ᐅᑕᓇᐛ ᑭᔭ ᐊᓐᑕ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\m
\v 31 ᒋ ᑎᑯᓂᔨᐛ ᐅᔭ ᐅᑕᓇᐛ ᑭᔭ ᐃᑕᐅᓇ ᐊᓐᑕ ᐊᔅᒋᔪᐤ ᑲ ᒥᔭᑭᓄᐅᒡ ᐊᓱᕐ ᐊ ‍ ᐃᑎᔅᑲᓇᓯᒡ ᐅᑦ ᐃᔨᒧᐛᐛ᙮
\s1 ᓇᑉᑕᓕ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ
\s1
\m
\v 32 ᓇᑉᑕᓕ ᐊᐅᒄ ᐊᓐᒡ ᐊᓱᑕᒡ ᐛᒋ ‍ ᑕᒡ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ᙮ ᒥᓯᐛ ᐃᔪᒡ ᐊᓐᑕ ᐊ ‍ ᐃᑎᔅᑲᓇᓯᒡ ᒋ ᒥᔭᑭᓄᐅᒡ ᐱᔅᒐ ᐊᔅᒋᔪᐤ᙮
\pi
\v 33 ᐊᑎᒪᐱᓯᒧᒡ ᒋ ᐅᒋᒋᐱᔪᐤ ᐊᐱᒥᓯᓇᑕᔨᒡ ᐅᑦ ᐊᔅᒋᐛᐤ ᐊᓐᑕ ᑲ ᒥᓯᑎᑦ ᒥᔅᑯᐛᑎᒄ ᐊᓐᑕ ᓴᓇᓂᒻ, ᒥᒋᒪ ᐃᓕᑉ ᐅᑕᓇᐤ᙮ ᐛᐱᓄᑕᒡ ᐅᔅᑕᒐ ᐊᑕᒥ-ᓇᑭᑉ ᐅᑕᓇᒡ ᑭᔭ ᒐᑉᓂᐅᓪ ᒋ ᐊᑎ ‍ ᐃᔅᐱᓴᔪᐤ, ᐊᑯ ᒥᓐ ᐃᔅᐱᔅ ᓚᑯᒻ, ᑭᔭ ᒠᕐᑕᓐ ᓯᐱᒡ ᒂ ᐃᔎᐱᔨᒡ᙮
\v 34 ᐅᔅᑕᒐ ᐊᔅᓇᑦ-ᑕᐳᕐ ᒋ ᐃᔅᐱᓴᐤ ᐊᑎᒪᐱᓯᒧᒡ ᑲ ‍ ᐱᒥᓯᓇᑕᒡ ᐊᔅᒋᔾ ᐃᔅᐱᔅ ᐊᐳᒃ ᐅᑕᓇᐤ᙮ ᓴᐳᓕᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐊᓐᑕ ᓴᐅᓄᒡ ᒋ ᐃᔅᐱᓴᔪᐤ ᐊ ᐱᒥᓯᓇᑕᔨᒡ ᐅᑦ ᐊᔅᒋᐛᐤ, ᑭᔭ ᐊᓱᕐ ᐊ ‍ ᐃᑎᔅᑲᓇᓯᒡ ᐃᔪᒡ ᐊᓐᑕ ᐊᑎᒪᐱᓯᒧᒡ ᒋ ᐃᔅᐱᓴᔪᐤ ᐊ ᐱᒥᓯᓇᑕᔨᒡ ᐅᑦ ᐊᔅᒋᐛᐤ, ᑭᔭ ᐛᐱᓄᑕᒡ ᒠᕐᑕᓐ ᓯᐱᒡ᙮
\v 35 ᑕᑐᐤ ᐅᑕᓇᐛ ᐊᓯᒡ ᐊᓱᒋᓯᒥᑭᓂᔨᒡ ᐊᐛᑲᑲᐳᐎᔨᒡ ᐅᑕᓇᒡ᙮ ᐊᐅᒄ ᓯᑎᒻ, ᑭᔭ ᓱᕐ, ᑭᔭ ᐊᒪᑦ, ᑭᔭ ᕋᑲᑦ, ᑭᔭ ᑭᓂᕋᑦ ᐅᑕᓇᐛ,
\v 36 ᑭᔭ ᐊᑕᒪ, ᑭᔭ ᕋᒪ, ᑭᔭ ᐊᓱᕐ,
\v 37 ᑭᔭ ᑲᑎᔅ, ᑭᔭ ᐃᑦᕆᐃ, ᑭᔭ ᐊᓐ-ᐊᓱᕐ,
\v 38 ᑭᔭ ᐃᕈᓐ, ᑭᔭ ᒥᒃᑕᓪ-ᐊᓪ, ᑭᔭ ᐅᕆᒻ ᑭᔭ ᐸᑦ-ᐊᓇᑦ, ᑭᔭ ᐸᑦ-ᓯᒥᔅ᙮ ᒪᒧᐤ ᒋ ᐸᐃᑯᔅᑕᐤ ᑕᑐᓴᐱᒥᑭᓂᔨᐛ (19) ᐅᑕᓇᐛ ᑭᔭ ᐊᓐᑕ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\m
\v 39 ᐅᑦ ᐊᔅᒋᐛᒡ ᒋ ᑎᑯᓂᔨᐛ ᐊᓂᔭ ᐅᑕᓇᐛ ᑭᔭ ᐊᓐᑕ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ ᑲ ᒥᔭᑭᓄᐅᒡ ᓇᑕᓕ ᐊ ‍ ᐃᑎᔅᑲᓇᓯᒡ ᐃᔪᒡ ᐊᔅᒋᔪᐤ᙮
\s1 ᑕᓐ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ
\m
\v 40 ᑕᓐ ᐊᐅᒄ ᐊᓐᒡ ᓂᓱᐊᓱᑕᒡ ᐛᒋ ‍ ᑕᒡ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐅᒡ ᐊᔅᒋᔪᐤ᙮ ᒥᓯᐛ ᐃᔪᒡ ᐊᓐᑕ ᐊ ‍ ᐃᑎᔅᑲᓇᓯᒡ ᒋ ᒥᔭᑭᓄᐅᒡ ᐱᔅᒐ ᐊᔅᒋᔪᐤ᙮
\v 41 ᓱᕋ, ᑭᔭ ᐊᔅᑕᐅᓪ, ᑭᔭ ᐃᕐ-ᓯᒥᔅ ᐅᑕᓇᐛ ᒋ ᐊᔅᒋᐱᔨᐛ ᐅᑦ ᐊᔅᒋᐛᒡ,
\v 42 ᑭᔭ ᓴᐊᓚᐱᓐ, ᑭᔭ ᐊᐃᒐᓗᓐ, ᑭᔭ ᐃᑦᓚ,
\v 43 ᐃᓗᓐ, ᑭᔭ ᑎᒻᓇ, ᑭᔭ ᐃᒃᕈᓐ,
\v 44 ᑭᔭ ᐃᓪᑎᑲ, ᑭᔭ ᒋᐱᑐᓐ, ᑭᔭ ᐸᐊᓚᑦ,
\v 45 ᑭᔭ ᒋᐅᑦ, ᑭᔭ ᐸᓂ-ᐸᕋᒃ, ᑭᔭ ᑲᑦ-ᕆᒧᓐ,
\v 46 ᒥ-ᒐᕐᑭᓐ, ᑭᔭ ᕋᑯᓐ, ᑭᔭ ᐃᑕᐅᓐ ᒥᒋᒪ ᒍᐸ᙮
\p
\v 47 ᒥᒄ ᑕᓐ ᐊ ‍ ᐃᑎᔅᑲᓇᓯᒡ ᐃᔪᒡ ᓇᒪ ᐅᒋ ᒪᑯᓂᒧᒡ ᑲ ᒥᔭᑭᓄᐅᒡ ᐊᔅᒋᔪᐤ᙮ ᐊᑯ ᐸᔅᑕᐛᐱᓄᑕᒡ ᒂ ᐃᑐᑕᒡ ᑭᔭ ᒂ ᒪᓴᐊᒡ ᐃᔪᐛ ᓚᓯᒻ ᐅᑕᓇᒡ᙮ ᒋ ‍ ᓴᐧᑯᒋᐊᐅᒡ ᑭᔭ ᒥᓯᐛ ᐊᐛᔪᐛ ᐊᓐᑕ ᑲ ᐎᒋᔨᒋ ᒋ ‍ ᓂᐸᐅᒡ᙮ ᐊᑯ ᒂ ᐎᒋᒡ ᐊᓐᑕ ᓚᓯᒻ, ᑭᔭ ᑕᓐ ᒂ ᐃᓯ ‍ ᐊᒋᓂᐧᑲᑕᒡ ᐅᑕᓇᔪᐤ, ᒧᔭᒻ ᐊᓐᑕ ᐊ ‍ ᐃᑎᔅᑲᓇᓯᒡ ᑲ ᐅᒋ ‍ ᐊᓂᔅᑯᑕᐸᓄᐎᔨᒋ ᓇᐸᐛ᙮
\m
\v 48 ᐱᑎᓱᐤ ᐊᓐᑕ ᑕᓐ ᐊ ‍ ᐃᑎᔅᑲᓇᓯᒡ ᐅᑦ ᐃᔨᒧᐛᐛ ᑲ ᒥᔭᑭᓄᐅᒡ ᐊᔅᒋᔪᐤ ᒋ ᑎᑯᓂᔨᐛ ᒥᓯᐛ ᐊᓂᔭ ᐅᑕᓇᐛ ᑭᔭ ᐊᓐᑕ ᐛᔅᑲ ᑲ ᐃᑎᑯᓂᔨᒋ ᐃᑕᐅᓇ᙮
\s1 ᒍᓱᐛ ᑲ ᒥᔭᑭᓄᐅᑦ ᐊᔅᒋᔪᐤ
\p
\v 49 ᑲᒋ ᑎᐸᓂᒧᐛᒡ ᐃᔅᕋᐃᓪ ᐅᒋᒪᐅᒡ ᐊᔅᒋᔪᐤ ᐊᑎ ‍ ᐃᑎᔅᑲᓇᓯᔨᒋ ᐃᔪᐛ, ᐱᔅᒐ ᒐᓱᐛᔨᒋ ᒋ ‍ ᒥᔭᐅᒡ ᐊᔅᒋᔪᐤ᙮
\v 50 ᑎᓇᑦ-ᓯᕋ ᒋ ᒥᔭᐅᒡ᙮ ᒋ ᐃᔅᒋᔄᐤ ᑎᐸᔨᒋᒐᓱᐤ ᒥᒄ ᒐᒄ ᐅᑕᓇᔪᐤ ᓇᑐᐛᔨᑎᒥᔨᒋ ᒐ ᒥᔭᑭᓄᐎᒋ, ᑭᔭ ᐊᐅᑯᔪᐤ ᐊᓂᔭ ᐅᑕᓇᔪᐤ ᑲ ‍ ᐎᔭᔨᑎᒥᔨᒋ᙮ ᒋ ‍ ᐛᐛᑭᑕᐅᐧᑲᔪᐤ ᐊᓂᔭ ᐃᑕᐅᓂᔪᐤ ᐊᓂᔭ ᐃᑉᕋᐃᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᒥᔭᑭᓄᐎᔨᒋ᙮ ᑲᐤ ᒋ ᒋᒥᑕᐤ ᐅᑕᓇᔪᐤ ᒐᓱᐛ ᑭᔭ ᐊᑯᑕ ᑲ ‍ ᐎᒋᑦ᙮
\p
\v 51 ᐊᐅᑯᔪᐛ ᐊᓂᔭ ᐃᑕᐅᓇ ᑲ ᒥᔭᑭᓄᐅᒡ ᑕᑐᐎᒡ ᐊ ‍ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮ ᒋ ᑎᐸᓂᒧᒡ ᐊᔅᒋᔪᐤ ᒋᒋ ᐊᔭᒥᐊᐅᒋᒪᐤ ᐃᓕᐊᓱᕐ ᑭᔭ ᒐᓱᐛ ᑭᔭ ᒥᓯᐛ ᐊᑎ ‍ ᐃᑎᔅᑲᓇᓯᔨᒋ ᐃᔪᐛ ᐅᒋᒪᐅᒡ ᒪᒂᒡ ᒥᓯᐛ ᑲ ‍ ᐃᑕᒡ ᐊᓐᑕ ᓯᓗ, ᐊᐛᐱᓇᒡ ᑲ ᒥᓯᓇᑕᔨᒋ ᐊᓯᓂᔭ ᒐᒋ ᐅᒋ ᐎᔭᔨᑕᒡ ᒐᒄ ᐃᑕᐅᓂᔪᐤ ᒐ ᒥᔭᑭᓄᐅᒡ ᐊᑎ ᐃᑎᔅᑲᓇᓯᒡ ᐃᔪᒡ᙮ ᒪᒂᒡ ᐊᑭᓄᐛᐱᒥᑯᒡ ᑎᐸᔨᒋᒐᓱᐛ, ᐊᓐᑕ ᐛᒋ ‍ ᐱᒐᓄᐎᔨᒡ ᐸᔭᒋ ᐱᒍᐛᔭᓂᒋᐛᐱᔪᐤ ᒋ ᑐᑎᒧᒡ ᐅᔭ᙮ ᐊᓂᔭ ᐅᒋ ᒋ ᒋᔅᑕᐅᒡ ᐊ ᑎᐸᓇᒡ ᐊᔅᒋᔪᐤ᙮
\c 20
\s1 ᑲ ‍ ᒥᔽᔨᒧᒥᑲᒋ ᐅᑕᓇᐛ
\p
\v 1 ᐊᑯ ᑎᐸᔨᒋᒐᓱᐤ ᐊᑕᑦ ᒐᓱᐛᔨᒋ,
\v 2 “ᒐ ᐎᑎᒧᐅᑥᐤ ᐃᔅᕋᐃᓪ ᐃᔪᒡ ᒐᒋ ᐎᔭᔨᑕᒡ ᐱᔅᒐ ᐅᑕᓇᐛ ᐊᓐᑕ ᒐᒋ ᐃᑎᓯᒧᒡ ᐊᐛᓐᒋ ᒐᒋ ᒋᔅᐸᐛᑕᑭᓄᐅᒡ, ᒧᔭᒻ ᑲ ᐃᑎᒃ ᒧᓱᔅ ᒐ ᐃᑎᑦ᙮
\v 3 ᐃᔅᐱ ᓂᐸᐊᒐ ᐊᐛᓐ ᐊᐛᔪᐛ ᐊᑲ ᐅᔅᑦ ᑐᑐᐛᑦ, ᐊᓐ ᐊᐛᓐ ᑲ ᓂᐸᐊᑦ ᐊᓂᔭ ᐊᐛᔪᐛ ᒋᑭ ᒋ ᐃᑎᓯᒧᐤ ᐊᓂᔭ ᐸᐃᒄ ᐅᑕᓇᔪᐤ ᑭᔭ ᒐ ᒋᔅᐸᐛᑕᑭᓄᐅᑦ ᐊᓂᔭ ᐊᐛᔪᐛ ᐅᒋ ᐛᑎᐸᐊᒧᐛᔨᒋ ᐊᓂᔭ ᑲ ᓂᐸᐊᑭᓄᐎᒋ ᐊᐛᔪᐛ᙮
\v 4 ᐃᔅᐱ ᑎᑯᓯᐸᑕᒐ ᐊᓐ ᑲ ‍ ᓂᐸᐊᑦ ᐊᐛᔪᐛ ᐊᓐᑕ ᐃᔎᑕᒥᒡ ᐊᓂᔭ ᐸᐃᒄ ᐅᑕᓇᔪᐤ, ᒋᑭ ᐎ ‍ ᓂᑲᐎᔪᐤ ᐊᓐᑕ ᑭᔭ ᒐ ᐎᑎᒧᐛᑦ ᑲ ᓂᑲᓄᔅᑲᒐᔨᒋ ᐊᓐᑕ ᐅᑕᓇᒡ ᒐᒂᔪᐤ ᑲ ᐃᔅᐱᔨᒡ᙮ ᑕᑈᑐᐛᑥᐛ ᒪᒄ, ᒋᑭ ᐎ ‍ ᓇᐊᔨᒪᐅᒡ ᒐᒋ ᐱᒐᔨᒋ ᐅᑕᓇᔪᐤ, ᑭᔭ ᒋᑭ ᐎ ‍ ᒥᔭᐅᒡ ᑕᓐᑕ ᒐ ᐎᒋᔨᒋ ᐊᐃᑕᒡ᙮
\v 5 ᐃᔅᐱ ᐎᐧᑲᓂᓴ ᐊᓐ ᑲ ᓂᐸᐊᑭᓄᐅᑦ ᑎᑯᓯᓂᔨᒐᓂ ᐊᓐᑕ ᐊᓂᔭ ᐊᐅᑕᓇᒡ ᒐᒋ ᑎᐸᐊᒧᐛᑦ, ᓇᒪ ᒋᑭ ‍ ᓇᐊᔨᒪᐅᒡ ᐎᐧᑲᓂᓯᒪᐛ ᐊᓐᒡ ᑲ ᓂᑲᓄᔅᑲᒐᒡ ᐊᓐᑕ ᐅᑕᓇᒡ ᒐᒋ ᐅᑎᓇᔨᒋ ᐊᓂᔭ ᑲ ᓂᐸᔪᐛᔨᒋ, ᐛᔅ ᓇᒪ ᐅᒋ ᐅᔅᑦ ᑐᑎᒻ ᑕᓐ ᑲ ᐃᔅᐱᔨᒡ᙮ ᓇᒪ ᐅᒋ ᐛᐧᑲᑕᐤ ᐊᓂᔭ ᐊᐛᔪᐛ ᑭᔭ ᐊᓂᔭ ᐅᒋ ᓴᒐᔾ ᒐᒋ ᓂᐸᐊᑦ᙮
\v 6 ᒥᒄ ᐊᓐ ᐊᐛᓐ ᑲ ᓂᐸᐊᑦ ᐊᓂᔭ ᐊᐛᔪᐛ ᒋᑭ ᐎ ‍ ᐃᑕᐤ ᐊᓐᑕ ᐅᑕᓇᒡ ᐸᑐᔅ ᑲ ᑎᐸᔅᑯᓂᒐᔨᒋ ᐃᑐᑕᔨᑯᒐ ᑲ ᒥᔅᑎ ‍ ᐛᐛᓯᔨᑐᓇᓄᐎᔨᒡ᙮ ᒥᒄ ᐎᔭᔨᑕᒐ ᑲ ᑎᐸᔅᑭᓄᒐᑦ ᐊᓂᔭ ᐊᐛᔪᐛ ᑲ ᐃᑎᓯᒧᔨᒋ ᐊᓐᑕ ᐅᑕᓇᒧᐛᒡ ᐊ ᐊᑲ ᐅᔅᑦ ᓂᐸᐊᔨᒋ ᑯᑎᑲ ᐊᐛᔪᐛ ᒋᑭ ᒋ ᓇᐊᔨᒪᐤ ᒐᒋ ᑕᔨᒋ ᐊᓐᑕ ᐅᑕᓇᒡ, ᑭᔭ ᒋᑭ ᐎ ᐃᑕᐤ ᐊᓐᑕ ᐸᑐᔅ ᐳᓂᐱᒪᑎᓯᔨᒐᓂ ᒋᒋ ᐊᔭᒥᐊᐅᒋᒪᐛ᙮ ᐊᑯ ᐸᑐᔅ ᒥᔽᔨᒧᐅᓂᒡ ᑲᐤ ᒐᒋᐛᑦ ᑎᐱᔨᐛ ᐅᑕᓇᒥᒡ, ᐛᔅ ᒧᔭᒻ ᐊ ᒋᓯᐧᑲᓱᓇᓄᐅᒡ ᐊᒋ ᓂᐸᐊᑭᓄᐅᑦ ᐊᐛᓐ ᒋᑭ ‍ ᐃᑕᔨᑕᑭᓄᐅᐤ ᐊᒋ ᐳᓂᐱᒪᑎᓯᑦ ᒋᒋ ᐊᔭᒥᐊᐅᒋᒪᐤ᙮”
\v 7 ᐊᑯ ᐃᔅᕋᐃᓪ ᐃᔪᒡ ᒂ ᐎᔭᔨᑕᒡ ᐅᔭ ᐅᑕᓇᐛ ᐊᓐᑕ ᒐ ᐃᑎᓯᒧᐎᔨᒋ ᐊᐛᔪᐛ ᒐᒋ ᒋᔅᐸᐛᑕᑭᓄᐅᒡ: ᑲᑕᔅ ᐊᓐᑕ ᑲᓕᓕ ᐊᔅᒋᒡ ᐊ ‍ ᐛᐛᑭᑕᐅᐧᑲᒡ ᐃᑕᒐ ᐊᓐᑕ ᓇᑉᑕᓕ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ‍ ᐎᒋᒡ; ᑭᔭ ᓴᑭᒻ ᐊ ‍ ᐛᐛᑭᑕᐅᐧᑲᒡ ᐃᑕᒐ ᐃᑉᕋᐃᒻ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ‍ ᐎᒋᒡ ᑭᔭ ᑭᕆᐊᑦ-ᐊᕐᐸ (ᐊᓐ ᐊᓄᒡ ᐃᑉᕈᓐ ᐊᓯᓂᐧᑲᑕᒡ) ᐊ ‍ ᐛᐛᑭᑕᐅᐧᑲᒡ ᐃᑕᒐ ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ‍ ᐎᒋᒡ;
\v 8 ᐱᓱᕐ, ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᒡ ᒥᒋᒪ ᒋᕆᑯᐤ, ᐊᓐᑕ ᐊᑕᐱᔅᑯᒐᒡ ᐊᔅᒋᔾ ᐸᐧᑯᑎᔅᑭᒥᑲᒡ ᐊᓐᑕ ᕈᐱᓐ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ‍ ᐎᒋᒡ; ᑭᔭ ᕋᒧᑦ ᐊᓐᑕ ᑭᓕᐊᑦ ᐃᑕᐅᓂᒡ ᐊᓐᑕ ᑲᑦ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ‍ ᐎᒋᒡ; ᑭᔭ ᑯᓚᓐ ᐊᓐᑕ ᐸᓴᓐ ᐃᑕᐅᓂᒡ ᐊᓐᑕ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ‍ ᐎᒋᒡ᙮
\v 9 ᒥᒄ ᐊᐛᓐ ᐃᔅᕋᐃᓪ ᐃᔪᐤ ᑭᔭ ᒪᒃ ᒪᓐᑕᐤ ᑲ ᐎᒋᒥᑕᐧᒄ, ᑭᔭ ᒥᒄ ᐊᐛᓐ ᐊ ᐊᑲ ᐅᔅᑦ ᓂᐸᐊᑦ ᐊᐛᔪᐛ, ᑲ ‍ᒥᔭᑭᓄᐅᑦ ᒐᒋ ᐃᑎᓯᒧᑦ ᐊᓐᑕ ᐊᓂᔭ ᐸᐃᒄ ᐅᑕᓇᔪᐤ, ᒐᒋ ᑭᓄᐛᔨᒪᑭᓄᐅᑦ ᐎᐧᑲᓂᓯᔨᐛ ᑲ ᓂᐸᐊᑭᓄᐅᐎᔨᒋ ᐅᒋ ᐊᒋ ᑎᑯᓯᓂᔨᒋ ᑭᔭ ᐊᐎ ᓂᐸᔨᑯᑦ ᒐᒋ ᑎᐸᒧᐛᔨᒋ᙮ ᒋᑭ ᒋ ᐃᑕᐤ ᐊᓐᑕ ᐅᑕᓇᒡ ᐸᑐᔅ ᒥᔅᑎ ‍ ᐛᐛᓯᐊᑭᓄᐅᒐ ᒐᒋ ᐎᔭᔨᑕᑭᓄᐎᔨᒡ ᐊ ᑕᑈᒂ ᑭᔭ ᒪᒃ ᐊᑲ ᑕᑈᒂ ᐃᔅᐱ ᑲ ᐃᔅᒋᔄᑦ ᐊ ᐊᑲ ᐅᒋ ᐎᔭᔨᑕᐧᒃ ᒐᒋ ᓂᐸᐊᑦ ᐊᓂᔭ ᐊᐛᔪᐛ᙮
\c 21
\s1 ᐅᑕᓇᐛ ᒐ ᒥᔭᑭᓄᐅᒡ ᓕᐸᐃ ᐃᔪᒡ
\p
\v 1-2 ᒪᒂᒡ ᒋᒋ ᐊᔭᒥᐊᐅᒋᒪᐤ ᐃᓕᐊᓱᕐ ᑭᔭ ᒐᓱᐛ ᑭᔭ ᒥᓯᐛ ᐊᑎ ᐃᑎᔅᑲᓇᓯᔨᒋ ᐃᔪᐛ ᐅᒋᒪᐅᒡ ᑲ ‍ ᐃᑕᒡ ᐊᓐᑕ ᓯᓗ, ᓕᐸᐃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋᒪᐅᒡ ᒂ ᓂᑐᐛᐱᒪᒡ ᑭᔭ ᒂ ᐃᑕᒡ, “ᒋ ᐃᑎᓱᒪᐤ ᑎᐸᔨᒋᒐᓱᐤ ᒧᓱᓴ ᒐᒋ ᒥᔨᔭᒡ ᐅᑕᓇᐛ ᐊᓐᑕ ᒐ ᑭᓄᐛᔨᑎᒪᒡ ᓂᑕᐅᒋᑕᑭᓐ ᐊᔅᒋᔭ ᒐ ᐊᐱᒋᑕᒡ ᓂᑦ ᐊᐛᓯᓯᒥᓇᓐᒡ, ᒥᒄ ᐊᔅᒄ ᓇᒪ ᒋ ᐅᒋ ‍ ᑐᑕᓇᐛᐤ ᐅᔭ ᒐᒂᔪᐛ᙮”
\v 3 ᐊᑯ ᒂ ᓂᓇᐃᑎᒺᒡ ᐃᔅᕋᐃᓪ ᐅᒋᒪᐅᒡ ᐅᔭ ᑲ ᐃᑎᓱᐛᔨᒋ ᑎᐸᔨᒋᒐᓱᐛ᙮ ᒋ ᓂᔅᑯᒧᐅᒡ ᒐᒋ ᒥᔭᒡ ᓕᐸᐃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᑕᓇᐛ ᑭᔭ ᓂᑕᐅᒋᑕᑭᓐ ᐊᔅᒋᔭ᙮
\p
\v 4 ᐅᔅᑭᒡ ᑲᐊᑦ ᐃᔪᐛ ᐱᔅᒐ ᐅᑕᓇᐛ ᒋ ᒥᔭᐅᒡ ᐊᓂᔭ ᓕᐸᐃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ᑎᐸᔨᑎᒥᔨᒋ, ᐊᑯ ᐊᓂᔭ ᓂᔅᑎᒻ ᒋᒋ ᐊᔭᒥᐊᐅᒋᒪᐛ ᐊᕋᓇ ᐅᑦ ᐊᓂᔅᑯᑕᐸᓂᔨᐛ, ᓂᑐᓴᑉ (13) ᐅᑕᓇᐛ ᑲ ᑎᑯᓂᔨᒋ ᐊᓐᑕ ᐃᑕᐅᓂᒡ ᒍᑕ, ᑭᔭ, ᓯᒥᐅᓐ, ᑭᔭ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ᒥᔭᑭᓄᐎᔨᒋ᙮
\v 5 ᐊᑯ ᑯᑎᑲ ᐎᒋᔪᐛᐛ ᑯᐊᑦ ᐃᔪᒡ ᐸᐃᑯᔪᐤ (10) ᐅᑕᓇᐛ ᒋ ᒥᔭᐅᒡ ᐊᓐᑕ ᐃᑕᐅᓂᒡ ᐃᑉᕋᐃᒻ, ᑭᔭ ᑕᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ᒥᔭᑭᓄᐎᔨᒋ, ᑭᔭ ᐱᔅᒐ ᒪᓇᓴ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᓐᑕ ᑲ ᐎᒋᔨᒋ ᐊᑎᒪᐱᓯᒧᒡ ᒠᕐᑕᓐ ᓯᐱᒡ ᐃᑕᒐ᙮
\v 6 ᑯᕐᓯᓐ ᐃᔪᒡ ᓂᑐᓴᑉ (13) ᐅᑕᓇᐛ ᒋ ᒥᔭᑭᓄᐅᒡ ᑲ ᑎᑯᓂᔨᒋ ᐊᓐᑕ ᐃᑕᐅᓂᒡ ᐃᓴᒐᕐ, ᑭᔭ ᐊᓱᕐ, ᑭᔭ ᓇᑉᑕᓕ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ᒥᔭᑭᓄᐎᔨᒋ, ᑭᔭ ᐱᔅᒐ ᒪᓇᓴ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᓐᑕ ᑲ ᐎᒋᔨᒋ ᓴᐅᓄᒡ ᒠᕐᑕᓐ ᓯᐱᒡ ᐃᑕᒐ᙮
\p
\v 7 ᒥᕋᕆ ᐃᔪᒡ ᓂᓴᑉ (12) ᐅᑕᓇᐛ ᒋ ‍ ᒥᔭᑭᓄᐅᒡ ᑲ ᑎᑯᓂᔨᒋ ᐊᓐᑕ ᐃᑕᐅᓂᒡ ᕈᐱᓐ, ᑭᔭ ᑲᑦ, ᑭᔭ ᓴᐳᓕᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ᒥᔭᑭᓄᐎᔨᒋ᙮
\p
\v 8 ᐊᑯ ᐃᔅᕋᐃᓪ ᐅᒋᒪᐅᒡ ᒂ ᒥᔭᒡ ᓕᐸᐃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᑕᓇᐛ ᑭᔭ ᓂᑕᐅᒋᑕᑭᓐ ᐊᔅᒋᔭ, ᒧᔭᒻ ᑲ ᐃᑎᓱᒪᑦ ᑎᐸᔨᒋᒐᓱᐤ ᒧᓱᓴ ᒐ ᐃᑎᔨᒋ᙮
\m
\v 9 ᐊᐅᑯᔪᐛ ᐅᔭ ᐊ ‍ ᐃᓯᓂᐧᑲᑕᔨᒋ ᐅᑕᓇᐛ ᑭᔭ ᐛᔅᑲ ᓂᑕᐅᒋᑕᑭᓐ ᐊᔅᒋᔭ ᑲ ᒥᔭᑭᓄᐅᒡ, ᑲ ᑎᑯᓂᔨᒋ ᐃᑕᐅᓂᒡ ᐊᓐᑕ ᑲ ᐎᒋᔨᒋ ᒍᑕ ᑭᔭ ᓯᒥᐅᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\pi
\v 10 ᐅᔅᑭᒡ ᑯᐊᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋ ᒥᔭᐅᒡ ᐅᑕᓇᐛ
\pi
\v 11 ᑭᕆᐊᑦ-ᐊᕐᐸ (ᐊᓐ ᐃᑉᕈᓐ ᐊᓄᒡ ᐊᓯᓂᐧᑲᑕᒡ) ᒋ ᒥᔭᑭᓄᐅᒡ, ᐊᓐᑕ ᒍᑕ ᐊ ‍ ᐛᐛᑭᑕᐅᐧᑲᔨᒡ ᐃᑕᒐ᙮ ᐊᕐᐸ ᒋ ᐃᓯ ‍ ᐎᔅᒍᑕᐤ ᐛᔅ ᐊᕐᐸ ᒋ ᐅᑕᓂᔅᑯᑕᐸᓄᐤ ᐊᓂᔭ ᐊᒐᓇ ᐊᓐᑕ ᐊᓇᒃ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\v 12 ᒥᒄ ᓴᔅ ᒋ ᒥᔭᑭᓄᐤ ᑲᐃᓕᑉ ᐊᓂᔭ ᓂᑕᐅᒋᒋᑭᓇ ᑭᔭ ᐃᑕᐅᓇ ᐛᔅᑲ ᑲ ᐃᑎᒂᓂᔨᒋ ᐊᕐᐸᒡ᙮
\pi
\v 13 ᐃᑉᕈᓐ ᐊᓂᔭ ᒋ ᒥᔭᑭᓄᐅᒡ, ᐊᓂᔭ ᐸᐃᒄ ᐅᑕᓇᔪᐤ ᐊᓐᑕ ᒐᒋ ᐃᑎᓯᒧᒡ ᐊᐛᓐᒋ ᒐᒋ ᒋᔅᐸᐛᑕᑭᓄᐅᒡ᙮ ᓕᑉᓇ ᐅᑕᓇᐛ ᐃᔭᐱᒡ ᒋ ᒥᔭᑭᓄᐅᒡ ᑯᐊᑦ ᐃᔪᒡ,
\v 14 ᑭᔭ ᐃᐊᑎᕐ, ᑭᔭ ᐃᔅᑕᒧᐊ,
\v 15 ᑭᔭ ᐅᓗᓐ, ᑭᔭ ᑎᐱᕐ,
\v 16 ᑭᔭ ᐊᐃᓐ ᑭᔭ ᒍᑦᑕ, ᑭᔭ ᐸᑦ-ᓯᒥᔅ᙮ ᒪᒧ ᒋ ᐸᐃᑯᔅᑕᒥᑭᓂᔨᐛ (9) ᐊᓂᔭ ᐅᑕᓇᐛ ᑲ ᒥᔭᑭᓄᐅᒡ ᐊᓐᑕ ᑲ ᑎᑯᓂᔨᒋ ᐃᑕᐅᓂᒡ ᓴᔅ ᑲ ᒥᔭᑭᓄᐎᒋ ᒍᑕ ᑭᔭ ᓯᒥᐅᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\pi
\v 17 ᑯᐊᑦ ᐃᔪᒡ ᓇᐤ ᐅᑕᓇᐛ ᒋ ᒥᔭᑭᓄᐅᒡ: ᑭᐱᐅᓐ, ᑭᔭ ᒋᐸ,
\v 18 ᑭᔭ ᐊᓇᑐᑦ, ᑭᔭ ᐊᓪᒧᓐ᙮ ᐊᓂᔭ ᐅᑕᓇᐛ ᑲ ᒥᔭᑭᓄᐅᒡ ᐊᑯᑕ ᑲ ᑎᑯᓂᔨᒋ ᐃᑕᐅᓂᒡ ᓴᔅ ᑲ ᒥᔭᑭᓄᐎᒋ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\v 19 ᒪᒧᐤ ᒋ ᓂᔅᑎᓴᐳᒥᑭᓂᔨᐛ (13) ᐊᓂᔭ ᐅᑕᓇᐛ ᑭᔭ ᓂᑕᐅᒋᒋᑭᓐ ᐊᔅᒋᔭ ᑲ ᒥᔭᑭᓄᐅᒡ ᐊᔭᒥᐊᐅᒋᒪᐅᒡ ᐊᕋᓇ ᑲ ᐅᑦ ‍ᐊᓂᔅᑯᑕᐸᓂᒡ᙮
\v 20 ᑯᑎᑲ ᐎᒋᔪᐛᐛ ᑯᐊᑦ ᐃᔪᒡ ᓇᐤ (4) ᐅᑕᓇᐛ ᒋ ᒥᔭᑭᓄᐅᒡ ᑭᔭ ᐛᔅᑲ ᓂᑕᐅᒋᒋᑭᓐ ᐊᔅᒋᔪᐤ ᐊᓐᑕ ᐃᑕᐅᓂᒡ ᐃᑉᕋᐃᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲᒋ ᒥᔭᑭᓄᐎᒋ
\pi
\v 21 ᐊᐅᑯᔪᐛ ᐅᔭ ᐅᑕᓇᐛ, ᓴᑭᒻ ‍ (ᐊᓐ ᐸᐃᒄ ᐅᑕᓇᐛ ᐊᓐᑕ ᒐᒋ ᐃᑎᓯᒧᒡ ᐊᐛᓐᒋ ᒐᒋ ᒋᔅᐸᐛᑕᑭᓄᐅᒡ) ᒋᓱᕐ
\v 22 ᑭᔭ ᑭᑉᓴᐃᒻ, ᑭᔭ ᐸᑦ-ᐅᕈᓐ᙮
\pi
\v 23 ᓇᐤ (4) ᐅᑕᓇᐛ ᒋ ‍ ᒥᔭᑭᓄᐅᒡ ᑭᔭ ᐛᔅᑲ ᓂᑕᐅᒋᒋᑭᓐ ᐊᔅᒋᔪᐤ ᐊᓐᑕ ᐃᑕᐅᓂᒡ ᑕᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲᒋ ᒥᔭᑭᓄᐎᒋ᙮ ᐊᐅᑯᔪᐛ ᐅᔭ ᐅᑕᓇᐛ, ᐃᓪᑎᑲ, ᑭᔭ ᒋᐱᑐᓐ,
\v 24 ᑭᔭ ᐊᐃᒐᓗᓐ, ᑭᔭ ᑲᑦ-ᕆᒧᓐ᙮
\pi
\v 25 ᓂᓱ (2) ᐃᔭᐱᒡ ᐅᑕᓇᐛ ᒋ ‍ ᒥᔭᑭᓄᐅᒡ ᑭᔭ ᐛᔅᑲ ᓂᑕᐅᒋᒋᑭᓐ ᐊᔅᒋᔪᐤ ᐱᔅᒐ ᒪᓇᓴ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲᒋ ᒥᔭᑭᓄᐎᒋ ᑲ ᐎᒋᔨᒋ ᐊᓐᑕ ᐊᑎᒪᐱᓯᒧᒡ ᐃᑕᒐ ᒠᕐᑕᓐ ᓯᐱᒡ᙮ ᐊᐅᑯᔪᐛ ᐅᔭ ᐅᑕᓇᐛ, ᑕᐊᓇᒃ ᑭᔭ ᑲᑦ-ᕆᒧᒻ᙮
\m
\v 26 ᐊᐅᑯᔪᐛ ᐊᓂᔭ ᑲ ᐸᐃᑯᔪᐛᒥᑭᓂᔨᒋ (10) ᐅᑕᓇᐛ ᑭᔭ ᐛᔅᑲ ᓂᑕᐅᒋᒋᑭᓐ ᐊᔅᒋᔪᐤ ᑲ ᒥᔭᑭᓂᐎᔨᒋ ᑯᑎᑲ ᐎᒋᔪᐛᐛ ᑯᐊᑦ ᐃᔪᒡ᙮
\v 27 ᐃᔭᐱᒡ ᒋ ᒥᔭᑭᓄᐅᒡ ᐅᑕᓇᐛ ᑭᔭ ᐛᔅᑲ ᓂᑕᐅᒋᒋᑭᓐ ᐊᔅᒋᔪᐤ ᑯᕐᓱᓐ ᐃᔪᒡ᙮ ᓕᐸᐃ ᐅᑦ ᐊᓂᔅᑯᑕᐸᓇ ᐅᔭ ᐃᔪᐛ᙮
\pi ᓂᓱ ᐅᑕᓇᐛ ᒋ ᒥᔭᑭᓄᐅᒡ ᐊᓐᑕ ᐃᑕᐅᓂᒡ ᐅᒋ ᑲᒋ ‍ ᒥᔭᑭᓂᐎᒋ ᒪᓇᓴ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᓐᑕ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᒡ᙮ ᐊᐅᑯᔪᐛ ᐅᔭ ᐅᑕᓇᐛ, ᑯᓗᓐ ᐊᓐᑕ ᐸᓴᓐ ᐊᔅᒋᒡ, ᐊᐅᑯᓐ ᐸᐃᒄ ᐅᑕᓇᐤ ᐊᓐᑕ ᒐᒋ ᐃᑎᓯᒧᒡ ᐊᐛᓐᒋ ᒐᒋ ᒋᔅᐸᐛᑕᑭᓄᐅᒡ, ᑭᔭ ᐱ-ᐃᔅᑕᕋᑦ᙮
\v 28 ᐊᓐᑕ ᐃᑕᐅᓂᒡ ᐅᒋ ᑲ ᒥᔭᑭᓄᐅᒡ ᐃᓴᒐᕐ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ᓇᐅᓂᔨᐛ (4) ᐅᑕᓇᐛ᙮ ᐊᐅᑯᔪᐛ ᐅᔭ, ᑭᓯᐅᓐ, ᑭᔭ ᑕᐳᕋᑦ,
\v 29 ᑭᔭ ᒐᕐᒧᑦ, ᑭᔭ ᐃᓐ-ᑲᓂᒻ᙮
\pi
\v 30 ᐊᓐᑕ ᐃᑕᐅᓂᒡ ᐅᒋ ᑲ ᒥᔭᑭᓄᐅᒡ ᐊᓱᕐ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ᓇᐅᓂᔨᐛ (4) ᐅᑕᓇᐛ᙮ ᐊᐅᑯᔪᐛ ᐅᔭ, ᒥᓴᓪ, ᑭᔭ ᐊᑉᑐᓐ,
\v 31 ᑭᔭ ᐃᓪᑲᑦ, ᑭᔭ ᕆᐅᑉ᙮
\v 32 ᐊᓐᑕ ᐃᑕᐅᓂᒡ ᐅᒋ ᑲ ᒥᔭᑭᓄᐅᒡ ᓇᑉᑕᓕ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ᓂᔅᑎᓂᔨᐛ (3) ᐅᑕᓇᐛ᙮ ᐊᐅᑯᔪᐛ ᐅᔭ, ᑲᑕᔅ ᐊᓐᑕ ᑲᓕᓕ ᐊᔅᒋᒡ (ᐊᓐ ᐸᐃᒄ ᐅᑕᓇᐤ ᐊᓐᑕ ᒐᒋ ᐃᑎᓯᒧᒡ ᐊᐛᓐᒋ ᒐᒋ ᒋᔅᐸᐛᑕᑭᓄᐅᒡ) ᐊᒧᑦ-ᑐᕐ, ᑭᔭ ᑲᕐᑕᓐ᙮
\v 33 ᐊᑯ ᒪᒧᐤ ᑯᕐᓱᓐ ᐃᔪᒡ ᒋ ᓂᔅᑎᓴᐳᒥᑭᓂᔨᐛ (13) ᐅᑕᓇᐛ ᑭᔭ ᐛᔅᑲ ᓂᑕᐅᒋᒋᑭᓐ ᐊᔅᒋᔪᐤ ᑲ ᒥᔭᑭᓄᐅᒡ᙮
\v 34 ᑯᑎᑲ ᓕᐸᐃ ᐅᑦ ᐊᓂᔅᑯᑕᐸᓇ, ᐊᓐᑕ ᒪᕋᕆ ᐃᔪᐛ ᑲ ᐅᒋ ‍ ᑎᐸᔨᑕᑯᓯᒡ, ᐅᑕᓇᐛ ᑭᔭ ᐛᔅᑲ ᓂᑕᐅᒋᒋᑭᓐ ᐊᔅᒋᔪᐤ ᑲ ᐃᑎᑯᓂᔨᒋ ᒋ ᒥᔭᑭᓄᐅᒡ᙮
\p ᐊᓐᑕ ᐅᒋ ᐃᑕᐅᓂᒡ ᑲ ᒥᔭᑭᓄᐎᔨᒋ ᓴᐳᓕᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᓇᐤ (4) ᐅᑕᓇᐛ ᒋ ᒥᔭᑭᓄᐅᒡ, ᐊᐅᑯᔪᐛ ᐅᔭ ᒍᒃᓂᐊᒻ, ᑭᔭ ᑲᕐᑕ,
\v 35 ᑭᔭ ᑎᒻᓇ, ᑭᔭ ᓇᐊᓚᓪ᙮
\v 36 ᐊᓐᑕ ᐅᒋ ᐃᑕᐅᓂᒡ ᑲ ᒥᔭᑭᓄᐎᔨᒋ ᕈᐱᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᓇᐤ ᐅᑕᓇᐛ ᒋ ᒥᔭᑭᓄᐅᒡ, ᐊᐅᑯᔪᐛ ᐅᔭ ᐱᓱᕐ, ᑭᔭ ᒐᐦᐊᔅ,
\v 37 ᑭᔭ ᑭᑎᒧᑦ, ᑭᔭ ᒥᐸᐊᐊᑦ᙮
\v 38 ᐊᓐᑕ ᐅᒋ ᐃᑕᐅᓂᒡ ᑲ ᒥᔭᑭᓄᐎᔨᒋ ᑲᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᓇᐤ ᐅᑕᓇᐛ ᒋ ᒥᔭᑭᓄᐅᒡ᙮ ᐊᐅᑯᔪᐛ ᐅᔭ ᕋᒧᑦ, ᐊᐅᑯᓐ ᐸᐃᒄ ᐅᑕᓇᐤ ᑭᓕᐊᑦ ᐊᔅᒋᒡ ᑲ ᑎᒂᒡ ᐊᓐᑕ ᒐᒋ ᐃᑎᓯᒧᒡ ᐊᐛᓐᒋ ᒐᒋ ᒋᔅᐸᐛᑕᑭᓄᐅᒡ, ᑭᔭ ᒪᐊᓇᐃᒻ,
\v 39 ᑭᔭ ᐦᐊᔅᐳᓐ, ᑭᔭ ᒐᐃᓱᕐ᙮
\v 40 ᒪᒧᐤ ᒋ ᓂᓴᐳᒥᑭᓂᔨᐛ (12) ᐅᑕᓇᐛ ᑲ ᒥᔭᑭᓄᐅᒡ ᒪᕋᕆ ᐃᔪᒡ᙮
\v 41 ᐊᑯ ᒪᒧᐤ ᒋ ᓇᐎᔪᐛᒥᑭᓂᔨᐛ ᐊᓱ ᔭᓇᐤ (48) ᐅᑕᓇᐛ ᑲ ᒥᔭᑭᓄᐅᒡ ᓕᐸᐃ ᐊ ‍ ᐃᑎᔅᑲᓇᓯᒡ,
\v 42 ᑭᔭ ᐊᓯᑯᒻ ᐅᑕᓇᐛ ᒋ ᑎᑯᓂᔨᐛ ᓂᑕᐅᒋᑕᑭᓐ ᐊᔅᒋᔭ᙮
\v 43 ᐊᓂᔭ ᐅᒋ ᑎᐸᔨᒋᒐᓱᐤ ᒋ ᒥᔭᐤ ᒥᓯᐛ ᐊᔅᒋᔪᐤ ᐃᔅᕋᐃᓪ ᐃᔪᐛ ᐊᓂᔭ ᑲ ᐊᓱᑎᒧᐛᑦ ᐅᑦ ᐊᓂᔅᑯᑕᐸᓂᔨᐛ ᒐᒋ ᒥᔭᑦ᙮ ᒋ ᒪᑯᓂᒧᒡ ᐊᓂᔭ ᒐᑲᑦ ᒥᓯᐛ ᐃᑕᐅᓇ ᐃᔅᕋᐃᓪ ᐃᔪᒡ ᑭᔭ ᒂ ᐎᒋᒡ ᐊᓐᑕ᙮
\v 44 ᒧᔭᒻ ᑲ ᐃᓯ ‍ ᐊᓱᑎᒧᐛᑦ ᒋᑦ ᐊᓂᔅᑯᑕᐸᓄᐛ, ᒋᒋ ‍ᓇᐊᔨᒥᑯᓄᐤ ᑎᐸᔨᒋᒐᓱᐤ ᒐᒋ ᑎᑯᓂᔨᒡ ᒋᔭᒪᔨᑎᒧᐅᓂᔪᐤ ᐊᓯᒡ ᑲ ᐱᒂᑎᔨᑕᐧᑯᐤ ᐊᓂᔭ ᑲ ᐛᔅᑲᔅᑲᑎᔨᑕᐧᑯᐤ᙮ ᒋ ᒥᔭᐤ ᑎᐸᔨᒋᒐᓱᐤ ᐃᔅᕋᐃᓪ ᐃᔪᐛ ᒐᒋ ᓴᐧᑯᒋᐊᔨᒋ ᑲ ᐱᒂᑎᔨᑕᐧᑯᐤ᙮
\v 45 ᒥᓯᐛ ᐅᔭ ᒋ ᑐᑎᒻ ᒐᒂᔪᐛ ᑎᐸᔨᒋᒐᓱᐤ ᑲ ᐃᓯ ‍ ᐊᓱᑎᒧᐛᑦ ᐃᔅᕋᐃᓪ ᐃᔪᐛ᙮ ᒥᓯᐛ ᒐᒂᔪᐤ ᒋ ᐃᔅᐱᔪᐤ ᑲ ᐃᔅᒋᔄᑦ ᒐ ᐃᔅᐱᔨᒡ᙮
\c 22
\s1
\p
\v 1 ᐊᑯ ᒐᓱᐛ ᒂ ‍ ᐎᓴᒪᑦ ᕈᐱᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋᒪᐛ, ᑭᔭ ᑲᑦ, ᑭᔭ ᑕᑕᐅᒡ ᒪᓇᓴ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\v 2 ᒂ ᐃᑕᑦ᙮ “ᒋᒋ ᑐᑎᒺᓇᐛᐤ ᒥᓯᐛ ᒐᒂᔪᐤ ᒧᓱᔅ, ᐊᓐ ᑲ ᒥᔪᐤ ‍ ᐊᑐᔅᑯᐛᑦ ᑎᐸᔨᒋᒐᓱᐛ, ᑲ ᐃᑎᑕᒄ ᒐ ‍ ᐃᑐᐛᒄ᙮ ᐃᔭᐱᒡ ᒋᒋ ᑐᑕᓇᐛᐤ ᒐᒂᓐ ᑲ ᐃᑎᑎᑯᒡ ᒐᒋ ᑐᑎᒪᒄ᙮
\v 3 ᓇᐅᔅ ᒋᒋ ‍ ᐎᒋᐊᐛᐅᒡ ᑯᑎᑭᒡ ᐊ ‍ ᐃᑎᔅᑲᓇᓯᒡ ᐃᔪᒡ ᒐᒋ ᓴᐧᑯᒋᐊᑯᒡ ᑲ ᐱᒂᑎᑯᒡ᙮ ᒋᒋ ‍ ᓂᓇᐃᑎᒺᓇᐛᐤ ᒥᓯᐛ ᒐᒂᔪᐤ ᑲ ᐃᑎᓱᒥᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᒐᒋ ᑐᑎᒺᒄ᙮
\v 4 ᒋ ᐊᓱᑎᒪᒐᐤ ᒐᒋ ᒥᔨᑕᐧᒄ ᒋᔭᓄᐤ ᐃᔅᕋᐃᓪ ᐃᔪᐛ ᒋᔭᒪᔨᑎᒧᐅᓂᔪᐤ, ᑭᔭ ᒋᑐᑎᒻ ᒐᒂᔪᐤ ᑲ ᐃᓯ ᐊᓱᑎᒪᒐᑦ᙮ ᐊᑯ ᐊᓄᒡ ᒋᑭ ᒋ ‍ ᒋᐛᓇᐛᐤ ᒋᒋᐛᐛᒡ, ᐊᓐᑕ ᐊᔅᒋᒡ ᒧᓱᔅ ᑲ ᒥᔨᑕᒄ, ᐊᓐᑕ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᒡ᙮
\v 5 ᒋᒋ ᐃᑎᓱᒥᑯᐛᐤ ᐃᔭᐱᒡ ᒧᓱᔅ ᒐᒋ ᓴᒋᔨᒪᑯᐤ ᑎᐸᔨᒋᒐᓱᐛ ᒋᒋᓴᒪᓂᑐᒧᐛᐛ ᑭᔭ ᒐᒋ ᓂᓇᐃᑎᒺᒄ ᐅᑦ ᐃᑎᓱᐛᐅᓂᔨᐛ, ᑭᔭ ᒐᒋ ᓴᐳᑐᐛᐱᔨᐛᒄ ᐊᔭᒥᐊᔅᑐᒪᑯᐤ ᑭᔭ ᐊᑐᔅᑯᒪᑯᐤ ᐊ ᐃᓯ ‍ ᒪᒧᑐᓇᔨᑎᒺᒄ ᒥᓯᐛ ᒐᒂᔪᐤ ᑭᔭ ᒥᓯᐛ ᒐᒂᔪᐤ ᐊ ᐃᑐᑎᒺᒄ᙮”
\p
\v 6 ᐊᑯ ᒂ ᓱᐛᔨᑕᑯᐛᐊᑦ ᒐᓱᐛ ᑭᔭ ᒂ ᐛᒋᔭᒪᑦ, ᑭᔭ ᒂ ᐊᔭᔅᑯᐎᔨᒋ ᒐᒋ ᔅᑐᑕᔨᒋ ᑭᔭ ᒋᐛᔨᒋ ᐛᒋᐛᔨᒡ ᐊᓐᑕ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᒡ᙮
\v 7 ᒧᓱᔅ ᒋ ᒥᔭᐤ ᑕᑕᐅᒡ ᒪᓇᓴ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐸᓴᓐ ᐊᔅᒋᔪᐤ, ᑭᔭ ᑯᑎᑲ ᑕᑕᐅᒡ ᐊ ‍ ᐃᑎᔅᑲᓇᓯᔨᒋ ᐊᑎᒪᐱᓯᒧᒡ ᐃᑕᒐ ᒠᕐᑕᓐ ᓯᐱᒡ ᐊᔅᒋᔪᐤ᙮ ᐊᒺᔭ ᔅᑐᑕᔨᒋ, ᒋ ᓂᑐᑎᒧᐛᐤ ᒋᓴᒪᓂᑐᐛ ᒐᒋ ᓱᐛᔨᑕᑯᐛᔨᒋ᙮
\v 8 ᒂ ᐃᑕᑦ, “ᒋᐛᒪᒄ ᒋᒋᐛᐛᒡ ᐊᓯᒡ ᒥᓯᐛ ᒐᒂᔪᐛ ᑲ ᐅᑎᓂᒺᒄ ᑲ ᐱᒂᑎᑕᑯᒡ ᐅᒋ --- ᒥᒐᑦ ᐊᐛᓯᓯᒡ ᑭᔭ ᐛᐱᓯᐤ ᑭᔭ ᐛᔄᐅᓱᓇᔭᐤ ᑭᔭ ᒐᒂᔪᐛ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᑯᒡ ᐊ ᐅᒋ ‍ ᐅᓯᑕᑭᓄᐅᒡ ᑭᔭ ᐃᓴᑯᒡ, ᑭᔭ ᒥᒐᑦ ᑲ ᒥᔽᓯᒋ ᐊᐱᒋᑕᐅᓇ᙮ ᒥᒄ ᒋᐸ ‍ ᒥᔭᐛᐅᒡ ᑯᑎᑭᒡ ᐃᔪᒡ ᐊᓐᑕ ᐊ ‍ ᐃᑎᔅᑲᓇᓯᔭᒄ ᐊᓂᔭ ᐱᔅᒐ ᒐᒂᔪᐛ᙮”
\p
\v 9 ᐊᑯ ᕈᐱᓐ, ᑭᔭ ᑲᑦ ᐊ ‍ ᐃᑎᔅᑲᓇᓯᒡ ᐃᔪᒡ, ᑭᔭ ᑕᑕᐅᒡ ᒪᓇᓴ ᐊ ‍ ᐃᑎᔅᑲᓇᓯᒡ ᐃᔪᒡ ᒂ ᓂᑭᑕᒡ ᑯᑎᑲ ᐃᔅᕋᐃᓪ ᐃᔪᐛ ᐊᓐᑕ ᓯᓗ ᐊᓐᑕ ᑲᐃᓇᓐ ᐊᔅᒋᒡ, ᒐᒋ ᒋᐛᒡ ᐎᒋᐛᐛᒡ ᐊᓐᑕ ᑭᓕᐊᑦ ᐊᔅᒋᒡ᙮ ᐊᐅᑯᔪᐤ ᐊᓂᔭ ᐃᑕᐅᓂᔪᐤ ᐎᔨᐛᐤ ᑲ ᑎᐱᔨᐛᐅᓯᒡ᙮ ᒧᓱᓴ ᐊᓂᔭ ᒋ ᒥᔨᑯᐅᒡ ᒧᔭᒻ ᑲ ᐃᑎᓱᐛᑦ ᑎᐸᔨᒋᒐᓱᐤ᙮
\p
\v 10 ᐊᓐ ᐃᔪᒡ ᐊᓐᑕ ᓂᔅᑐ ᐊ ‍ ᐃᑎᔅᑲᓇᓯᒡ ᐅᒋ ᒋ ᑎᑯᓯᓄᐅᒡ ᒥᒋᒪ ᐊᑎᒪᐱᓯᒧᒡ ᐃᑕᒐ ᒠᕐᑕᓐ ᓯᐱᒡ, ᐊᓐᑕ ᐅᑕᓇᒡ ᑭᓕᐊᑦ ᐊ ‍ ᐃᓯᓂᐧᑲᑕᔨᒡ᙮ ᐊᑯᑕ ᑲ ᐅᓯᑕᒡ ᐊ ᒥᓴᔨᒡ ᐱᔅᑎᓂᒐᐅᓇᐱᔅᑯᔪᐤ᙮ ᐊᑯ ᒂ ᐊᓱᐛᐊᒡ ᒠᕐᑕᓐ ᓯᐱᔪᐤ ᑭᓕᐊᑦ ᐊᔅᒋᒡ ᐃᓯ᙮
\v 11 ᒥᒄ ᑯᑎᑭᒡ ᐃᔅᕋᐃᓪ ᐃᔪᒡ ᐊᔅᒄ ᑲ ᐃᑕᒡ ᐊᓐᑕ ᓯᓗ ᒋ ᐸᑎᒧᒡ ᑲᒋ ‍ ᐅᓯᑕᔨᒋ ᐱᔅᑎᓂᒐᐅᓇᐱᔅᑯᔪᐤ ᐊᓂᔭ ᓇᐸᐛ᙮
\v 12 ᒋᒋᐛ ᒋ ‍ ᒋᓱᐛᔨᑯᐅᒡ ᐊᓂᔭ ᓇᐸᐛ ᐊᓐᑕ ᐊ ‍ ᐃᑎᔅᑲᓇᓯᔨᒋ ᐅᒋ, ᐊᑯ ᒂ ᐎᔭᔨᑕᒡ ᒐᒋ ᓂᑐᐱᔨᑐᐛᒡ᙮
\p
\v 13 ᐱᓂᐦᐊᓴ ᒋ ᐃᑎᓴᐛᐅᒡ ᐃᔅᕋᐃᓪ ᐃᔪᒡ, ᐊᓂᔭ ᐃᓕᐊᓴᕐ ᒋᒋ ᐊᔭᒥᐊᐅᒋᒪᐛ ᐅᑯᓯᔨᐛ, ᒐᒋ ᐃᔨᒪᔨᒋ ᐊᓂᔭ ᐃᔪᐛ ᐊᓐᑕ ᐊᓂᔅᑐᔅᑲᓇᓯᔨᒋ ᐃᔪᐛ᙮
\v 14 ᐃᔭᐱᒡ ᒋ ᐃᑎᓴᐛᐅᒡ ᐸᐸᐃᒄ ᓇᐸᐛ ᐊᓐᑕ ᐸᐃᑯᔪᐤ ᐊ ‍ ᐃᑎᔅᑲᓇᓯᔨᒋ ᐅᒋ ᐊᔅᒄ ᑲ ᐃᑕᔨᒋ ᐊᓐᑕ ᓯᓗ᙮ ᐸᐸᐃᒄ ᐊᓐ ᒋ ᓂᑲᓄᔅᑯᐛᐅᒡ ᐅᑦ ᐃᔨᒧᐛᐛ᙮
\p
\v 15 ᑭᓕᐊᑦ ᐊᔅᒋᒡ ᒋ ᐃᑐᑕᐅᒡ ᐊᓐᒡ ᑲᓂᑲᓄᔅᑲᒐᒡ ᒐᒋ ᐃᔨᒪᐊᒡ ᐃᔪᐛ ᐊᓐᑕ ᕈᐱᓐ, ᑭᔭ ᑲᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ, ᑭᔭ ᑕᑕᐅᒡ ᒪᓇᓴ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᒋ ᐃᑕᐅᒡ,
\v 16 “ᒥᓯᐛ ᑯᑎᑭᒡ ᐃᔅᕋᐃᓪ ᐃᔪᒡ ᑯᒂᒋᒐᒧᐅᒡ, ‘ᒐᒂᓐ ᐛᒋ ‍ ᐱᐛᔨᒪᒄ ᒋᓴᒪᓂᑐᐤ ᐊᓐ ᓂᔭᓐ ᐃᔅᕋᐃᓪ ᐃᔪᒡ ᐊᔭᒥᐊᔅᑐᐅᒋᒡ ᐊ ᐅᓯᑎᒪᓱᔭᒄ ᐱᔅᑎᓂᒐᐅᓇᐱᔅᒄ ?
\v 17 ᒋᒋ ᐅᓂᔅᒋᓇᐛᐤ ᐊ ᑲ ᐃᔅᐱᔨᒡ ᐊᓐᑕ ᐱᐅᕐ, ᐃᔅᐱ ᐱᔅᒐ ᐃᔅᕋᐃᓪ ᐃᔪᒡ ᑲ ᒥᒋᑥᒡ ᑲ ᐊᔭᒥᐊᔅᑐᐛᒡ ᒥᓂᑐᐛ ᒧᐊᑉ ᐊ ‍ ᐃᑎᔅᑲᓇᓯᒡ ᐃᔪᐛ ᑲ ᐊᔭᒥᔅᑐᐛᔨᒋ ? ᒥᒐᑦ ᐃᔅᕋᐃᓪ ᐃᔪᒡ ᒋ ᒥᔅᑎ ᐊᐧᑯᓱᐅᒡ ᑭᔭ ᒋ ᐳᓂᐱᒪᑎᓯᐅᒡ ᐛᔅ ᐊᒋ ᒥᒋᑐᑕᒡ, ᑭᔭ ᐊᔅᒄ ᓂ ᐎᓯᒐᔨᑎᒧᐛᓇᓐ ᐛᔅ ᐊᓂᔭ ᐊᒋ ᒥᒋᑐᑕᒡ᙮
\v 18 ᒋ ‍ ᓂᑭᑎᒺᓇᐛᐤ ᐊ ᐊ ‍ ᓂᓇᐃᑐᐛᒄ ᑎᐸᔨᒋᒐᓱᐤ ᑭᔭ ᐊ ‍ ᐊᓏᑎᒺᒄ ᒐᒋ ᑐᑎᒺᒄ ᒐᒂᔪᐤ ᐊ ᐃᓯ ‍ ᓇᑐᐛᔨᑕᐧᒃ ? ᐊᑲ ᐳᓂᔭᒂ ᐊ ᐱᐛᔨᒪᒄ ᑎᐸᔨᒋᒐᓱᐤ ᐊᓄᒡ, ᓂᑭ ‍ ᒋᔄᐱᔅᑕᑯᓇᓐ ᓂᔭᓐ ᐃᔅᕋᐃᓪ ᐃᔪᐛ ᐛᐱᓂᔨᒐ᙮’
\p
\v 19 ᐊᑕᔨᒪᐛᒂ ᑎᐸᔨᒋᒐᓱᐤ ᐊ ‍ ᐃᑕᔨᑕᐧᒃ ᐊ ᐊᑲ ᒥᔽᔨᒡ ᒋᑦ ᐊᔅᒋᐛᐛᔪᐤ ᐊᓐᑕ ᒐᒋ ᐊᔭᒥᐊᔅᑐᐛᑭᓄᐅᑦ, ᐸᒋ ‍ ᒋᐛᒄ ᐊᓐᑕ ᓂᑦ ᐊᔅᒋᓇᒡ ᐊᓐᑕ ᐊᑎᑯᓂᔨᒡ ᑎᐸᔨᒋᒐᓱᐤ ᐅᐸᔭᒋ ᐱᒋᐎᔭᓂᒋᐛᑉ᙮ ᒪᒧᐤ ᒋᑭ ᐊᐱᒋᑕᓇᓐ ᓂᑦ ᐊᔅᒋᓇᓐ ᐊᓯᒡ ᒋᔨᐛᐤ᙮ ᒥᒄ ᒐ ᐊᑲ ᐱᐛᔨᒪᒄ ᑎᐸᔨᒋᒐᓱᐤ ᑭᔭ ᓂᔭᓐ ᐊ ᐅᓯᑎᒧᐛᒄ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ ᑯᑎᒋᔪᐤ ᐱᔅᑎᓂᒐᐅᓇᐱᔅᑯᔪᐤ᙮
\v 20 ᒋ ᒋᔅᒋᓇᐛᐤ ᐊ ᒐᒂᓐ ᑲ ᐃᔅᐱᔨᒡ ᐃᔅᐱ ᐊᒐᓐ ᓯᕋ ᐅᑯᓴ ᑲ ᐊᓏᑕᐧᒃ ᒐᒋ ᓂᓇᐃᑎᒺᑦ ᑎᐸᔨᒋᒐᓱᐛ ᐅᑦ ᐃᑎᓱᐛᐅᓂᔨᐛ ᒐᒋ ᓄᓱᐅᓇᒋᑕᑦ ᒥᓯᐛ ᒐᒂᔪᐤ ᐊᓐᑕ ᒐᕆᑯᐤ ? ᐊ ᐸᐃᑯᓯᑦ ᐊᓐ ᓇᐸᐤ ᓇᒪ ᐅᒋ ᓂᓇᐃᑎᒺᐤ ᒋᓴᒪᓂᑐᐛ ᐅᑦ ᐃᑎᓯᐛᐅᓂᔨᐛ, ᒥᒐᑦ ᑯᑎᑭᒡ ᐃᔅᕋᐃᓪ ᐃᔪᒡ ᒋ ᐊᓏᔨᒪᑭᓄᐅᒡ᙮ ᒋ ᐳᓂᐱᒪᑎᓯᐤ ᐊᒐᓐ ᐛᔅ ᐊᓂᔭ ᐅᒥᒋᑐᑎᒧᐅᓐ, ᒥᒄ ᑯᑎᑭᒡ ᐃᔅᕋᐃᓪ ᐃᔪᒡ ᐃᔭᐱᒡ ᒋ ‍ ᐳᓂᐱᒪᑎᓯᐅᒡ᙮”
\p
\v 21 ᑲᓂᑲᓄᔅᑲᒐᒡ ᐊᓐᑕ ᕈᐱᓐ, ᑭᔭ ᑲᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ, ᑭᔭ ᑕᑕᐅᒡ ᒪᓇᓴ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᒋ ᐃᑕᐅᒡ,
\v 22 “ᑎᐸᔨᒋᒐᓱᐤ, ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᒋᔅᒐᔨᑎᒻ ᒐᒂᔪᐤ ᑲ ᐅᒋ ‍ ᐃᑐᑎᒧᐅᒋᒡ ᐊᓂᔭ, ᑭᔭ ᐃᔭᐱᒡ ᒋ ᓂᑐᐛᔨᒥᑎᓇᓐ ᑭᔭ ᒋᔨᐛᐤ ᒐᒋ ᒋᔅᒐᔨᑎᒪᒄ᙮ ᑲᒋ ᒥᒋ ‍ ᑐᑎᐛᐛᒐ ᑎᐸᔨᒋᒐᓱᐤ, ᒋᑭ ᒋ ‍ ᓂᐸᔨᓇᓐ᙮
\v 23 ᐊᑲ ᐅᒋ ᓂᓇᐃᑎᒧᐛᐛᒐ ᐸᐃᒄ ᑎᐸᔨᒋᒐᓱᐤ ᐅᑦ ᐃᑎᓱᐛᐅᓇ, ᓂᑐᐛᔨᑕᓇᓐ ᒐᒋ ᐊᓏᔨᒥᔨᒥᑦ᙮ ᓇᒪ ᓂ ᐅᒋ ‍ ᐅᓯᑕᓇᓐ ᐳᔅᑎᓂᒐᐅᓇᐱᔅᒄ ᒐᒋ ᒥᑐᔅᑕᒧᐅᒋᒡ ᑎᐸᔨᒋᒐᓱᐤ ᐊᐛᓯᓴ, ᑭᔭ ᒪᒃ ᐱᔅᑎᓂᒐᔭᒡ ᐊᓐᑕ ᐸᒂᓯᑭᓂᒥᓇ ᑭᔭ ᒪᒃ ᒥᑐᔅᑕᐊᒪᒐᔭᒡ ᒐᒋ ᒥᓇᒋᑕᔭᒡ ᐊ ᒥᔪ ᐎᒐᐅᒋᒡ ᒋᓴᒪᓂᑐᐤ,
\p
\v 24 ᐊᐅᒄ ᐛᒋ ᒋ ᐅᓯᑕᔭᒡ ᐊᓐ ᐱᔅᑎᓂᒐᐅᓇᐱᔅᒄ: ᓂ ᑯᔅᑕᓇᓐ ᐊᔅᒄ ᐸᐃᑯᒋᓯᑲᐛ ᒐᒋ ᐃᔅᒋᔄᒡ ᒋᑦ ᐊᓂᔅᑯᑕᐸᓄᐛᐅᒡ ᐊ ᐊᑲ ᒋᒋᐛ ᐃᔅᕋᐃᓪ ᐃᔪᐎᔨᒋ ᓂᑦ ᐊᓂᔅᑯᑕᐸᓇᓇ᙮ ᓂᔅᑯᑕᓇᓐ ᐊᓐ ᐊᑯ ᒐ ᐃᔅᒋᔄᒡ, ‘ᓇᒪ ᒋ ᑕᑈᑕᑯᐅᓇᐛᐤ ᒐᒋ ᐊᔭᒥᔅᑐᐛᒄ ᑎᐸᔨᒋᒐᓱᐤ, ᐊᓐ ᒋᓴᒪᓂᑐᐤ ᓂᔭᓐ ᐃᔅᕋᐃᓪ ᐃᔪᒡ ᐊᔭᒥᐊᔅᑐᐅᒋᒡ᙮
\v 25 ᒋ ᑐᑎᒻ ᑎᐸᔨᒋᒐᓱᐤ ᒠᕐᑕᓐ ᓯᐱᔪᐤ ᒐᒋ ᒥᓯᓇᑕᔨᒡ ᑎᔅᑐᐎᒡ ᓂᔭᓐ ᑭᔭ ᒋᔨᐛᐤ ᕈᐱᓐ ᑭᔭ ᑲᑦ ᐊ ‍ ᐃᑎᔅᑲᓇᓯᔭᒄ᙮ ᐊᑯ ᓇᒪ ᒋ ᓇᐊᔨᒥᑯᐅᓇᐛᐤ ᒐᒋ ᐊᔭᒥᐊᔅᑐᐛᒄ ᑎᐸᔨᒋᒐᓱᐤ᙮ ᓂᒋ ‍ ᐊᔨᒪᔨᑕᓇᓐ ᒋᑦ ᐊᓂᔅᑯᑕᐸᓄᐛᐅᒡ ᒐᒋ ᐃᔨᐧᑭᒥᐊᒡ ᓂᑦ ᐊᓂᔅᑯᑕᐸᓇᓇ ᒐᒋ ᐳᓂᔨᒋ ᐊᔭᒥᐊᔅᑐᐛᔨᒋ ᑎᐸᔨᒋᒐᓱᐛ᙮
\p
\v 26 ᐊᐅᒄ ᐛᒋ ᒋ ᐎᔭᔨᑎᒪᒡ ᒐᒋ ᐅᓯᑕᔭᒡ ᐊᓐ ᐅᔅᒋ ᐱᔅᑎᓂᒐᐅᓇᐱᔅᒄ᙮ ᒥᒄ ᓇᒥᔭᐤ ᐊᓐ ᐱᔅᑎᓂᒐᐅᓇᐱᔅᒄ ᐊᓐᑕ ᓇᔅᒡ ᒪᑐᔅᑕᐊᒪᒐᓄᐅᒡ ᐊᐛᓯᓯᒡ ᑭᔭ ᐊ ‍ ᐃᔎᓴᑭᓄᐅᒋ ᒥᑐᔅᑕᐊᒪᒐᐅᓇ᙮
\v 27 ᓂᒋ ‍ ᐅᓯᑕᓇᓐ ᐊᓐ ᐅᔅᒋ ᐱᔅᑎᓂᒐᐅᓇᐱᔅᒄ ᒐᒋ ᐅᒋ ᒋᔅᒐᔨᑎᒪᐧᒄ ᓂᔭᓐ ᑭᔭ ᒋᔨᐛᐤ ᑭᔭ ᒥᓯᐛ ᒋᑦ ᐊᓂᔅᑯᑕᐸᓄᐅᒡ ᐊᔭᒥᐊᔅᑐᐛᐧᒄ ᑎᐸᔨᒋᒐᓱᐤ ᒥᓯᐛ ᐊ ‍ ᐃᔎᓯᐛᐧᑯᒡ ᐊ ‍ ᒥᑐᔅᑕᐊᒪᒐᓄᐅᒡ ᐊᐛᓯᓯᒡ ᑭᔭ ᐊ ‍ ᐱᔅᑎᓂᒐᔭᐧᒄ ᐸᒂᓯᑭᓂᒥᓇ ᑭᔭ ᐱᔅᑎᓂᒐᐅᓇ ᒐᒋ ᒥᓇᒋᑕᔭᐧᒄ ᐊ ᒥᔪ ‍ ᐎᒐᐛᐧᒄ ᑎᐸᔨᒋᒐᓱᐤ, ᒥᒄ ᐊᓐᑕ ᐃᑕᐅᓂᒡ ᑲ ᐎᔭᔨᑕᐧᒃ ᑎᐸᔨᒋᒐᓱᐤ᙮ ᓇᒪ ᓂᑐᐛᔨᒪᓇᓐᒡ ᒋᑦ ᐊᓂᔅᑯᑕᐸᓄᐛᐅᒡ ᒐᒋ ᐃᑕᒡ ᓂᑦ ᐊᓂᔅᑯᑕᐸᓇᓇ, ‘ᓇᒪ ᒋᑎᐸᔨᒥᑯᐛᐤ ᑎᐸᔨᒋᒐᓱᐤ᙮’
\p
\v 28 ᐊᓐᑕ ᓂᑲᓄᒡ, ᐃᔅᒋᔄᑥᐛ ᐊᓂᔭ ᒋᑦ ᐊᓂᔅᑯᑕᐸᓄᐛᐅᒡ, ᒋᑭ ᒋ ‍ ᐃᔅᒋᔄᐅᒡ ᓂᑦ ᐊᓂᔅᑯᑕᐸᓇᓐᒡ, ‘ᐛᐸᑎᒺᐧᒄ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ ᑲ ᐅᓯᑕᒡ ᓂᑦ ᐊᓂᔅᑯᑕᐸᓇᓐᒡ ! ᒧᔭᒻ ᐊ ‍ ᐃᓯᓇᑯᓂᔨᒡ ᑎᐸᔨᒋᒐᓱᐤ ᐅᐱᔅᑎᓂᒐᐅᓇᐱᒄ ᐊᓂᔭ ᓂᑦ ᐊᓂᔅᑯᑕᐸᓇᓐᒡ ᑲ ᐅᓯᑕᒡ, ᓇᒪ ᓂᑦ ᐃᔎᓴᓇᓐ ᐊᓐᑕ ᒥᑐᔅᑕᒪᒐᐅᓇ᙮ ᒥᒄ ᓄᒂᓐ ᓂᔭᓐ ᐊ ‍ ᐃᔅᕋᐃᓪ-ᐃᔪᐅᔭᒡ!’
\v 29 ᒐᔅᑎᓇᔅ ᓇᒪ ᓂᑐᐛᔨᑕᓇᓐ ᒐᒋ ᐱᐛᔨᒥᒋᒡ ᑎᐸᔨᒋᒐᓱᐤ ᑭᔭ ᐳᓂᔭᒡ ᒐᒋ ᑐᑎᒧᒋᒡ ᒐᒂᔪᐤ ᐊ ᐃᓯ ‍ ᓇᑐᐛᔨᑕᐧᒃ, ᐊ ᐅᓯᑕᔭᒡ ᐱᔅᑎᓂᒐᐅᓇᐱᔅᒄ ᒐᒋ ᒥᓯᐛ ᐊ ‍ ᐃᔎᓯᐛᑭᓄᐅᒋ ᐱᔅᒐ ᒥᑐᔅᑕᐊᒪᒐᐅᓇ ᑭᔭ ᐊ ‍ ᐃᔎᓴᑭᓄᐅᒋ ᐸᒂᓯᑭᓂᒥᓐ ᐱᔅᑎᓂᒐᐅᓇ ᑭᔭ ᑐᑕᑭᓄᐅᒋ ᑯᑎᑲ ᒥᑐᔅᑕᒪᒐᐅᓇ᙮ ᓂ ᒋᔅᒐᔨᑕᓇᓐ ᒥᒄ ᐱᔭᐃᑯᓯᔨᒡ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐅᐱᔅᑎᓂᒐᐅᓇᐱᒄ, ᑭᔭ ᐊᓐᑕ ᓂᑲᓐ ᐸᔭᒋ ᐱᒍᐎᔭᓂᒋᐛᐱᒡ ᑎᑯᓂᔪᐤ ᐊᓐᑕ ᓯᓗ᙮”
\p
\v 30 ᐃᔅᐱ ᐊᔭᒥᐊᐅᒋᒪᐤ ᐱᓂᐸᔅ ᑭᔭ ᑯᑎᑭᒡ ᐸᐃᑯᔪᐤ ᑲᓂᑲᓄᔅᑲᒐᒡ ᐱᔭᑎᒺᒡ ᒐᒂᔪᐤ ᑲ ᐃᔅᒋᔄᔨᒋ, ᒋ ᒥᔽᔨᑎᒧᒡ᙮
\v 31 ᐊᑯ ᐱᓂᐸᔅ ᒂ ᐃᑕᑦ, “ᐊᓄᒡ ᒋ ‍ ᒋᔅᒐᔨᑕᓇᓄᐤ ᐊ ‍ ᐃᑕᑦ ᑎᐸᔨᒋᒐᓱᐤ ᐊ ‍ ᐃᑕᐛᐧᒄ ᒋᔭᓄᐤ ᐃᔅᕋᐃᓪ ᐃᔪᒡ, ᑭᔭ ᐊ ᐊᑲ ᐅᒋ ᐱᔽᔨᒪᒄ ᐃᔅᐱ ᑲ ᐅᓯᑕᔭᒄ ᐊᓐ ᐱᔅᑎᓂᒐᐅᓇᐱᔅᒄ᙮ ᑭᔭ ᓂ ᒋᔅᒐᔨᑕᓇᓐ ᒐ ᐊᑲ ᐊᓏᔨᒥᑕᐧᒄ ᒋᔭᓄᐤ ᐃᔅᕋᐃᓪ ᐃᔪᒡ ᐛ ᐊᓂᔭ ᑲ ᑐᑎᒺᒄ᙮”
\p
\v 32 ᐊᑯ ᐱᓂᐸᔅ ᑭᔭ ᐃᔅᕋᐃᓪ ᐃᔪᒡ ᑲ ᓂᑲᓄᔅᑲᒐᒡ ᒂ ᓂᑭᑕᒡ ᕈᐱᓐ ᑭᔭ ᑲᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᓐᑕ ᑭᓕᐊᑦ ᐊᔅᒋᒡ, ᑭᔭ ᑲᐤ ᒂ ᐃᑐᑕᒡ ᐊᓐᑕ ᑲᐃᓇᓐ᙮ ᐊᑯᑕ ᑲ ᐎᑎᒧᐛᒡ ᑯᑎᑲ ᐃᔅᕋᐃᓪ ᐃᔪᐛ ᒐᒂᔪᐤ ᑲ ᐃᔅᐱᔨᒡ᙮
\v 33 ᒋ ᒥᔽᔨᑎᒧᒡ ᐃᔅᕋᐃᓪ ᐃᔪᒡ, ᑭᔭ ᒂ ᓂᓇᔅᑯᒪᒡ ᒋᓴᒪᓂᑐᐛ᙮ ᑭᔭ ᓇᒪ ᐅᒋ ᐃᔭᔨᒧᑎᒧᒡ ᒐᒋ ᓂᑐᐱᔨᑐᐛᒡ ᕈᐱᓐ ᑭᔭ ᑲᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑭᔭ ᓂᓱᐅᓇᒋᑕᐛᒡ ᒥᓯᐛ ᒐᒂᔪᐤ ᐊᓐᑕ ᐅᑦ ᐊᔅᒋᔨᒡ᙮
\p
\v 34 ᕈᐱᓐ ᑭᔭ ᑲᑦ ᐊ ‍ ᐃᑎᔅᑲᓇᓯᔨᒋ ᐃᔪᒡ ᒋ ᐎᒋᓱᑎᒧᒡ ᑲ ᐅᔅᑲᔨᒡ ᐅᐱᔅᑎᓂᒐᐅᓇᐱᔅᑯᒧᐛᐤ᙮ ᐊᐅᑯᓐ ᒐᔅᒋᒥᑯᔭᐧᒄ ᒥᓯᐛ ᐊᑎᓯᔭᐧᒄ ᐊᒋᓴᒪᓂᑐᐅᑦ ᑎᐸᔨᒋᒐᓱᐤ᙮’
\c 23
\s1 ᒐᓱᐛ ᒪᔅᑕᔾ ᐅᑦ ᐃᔨᒧᐅᓐ
\p
\v 1 ᒋ ‍ ᑐᑐᐛᐤ ᑎᐸᔨᒋᒐᓱᐤ ᐃᔅᕋᐃᓪ ᐃᔪᐛ ᒥᒐᑎᐱᐳᓇ ᒋᔭᒪᔨᑎᒧᐅᓂᒡ ᐎᒋᒪᔨᒋ ᐛᔅᑲ ᑲ ᐃᑕᔨᒋ ᐊ ‍ ᐃᑕᒡ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\p
\v 2 ᓴᔅ ᒋ ‍ ᒋᓴᐊᔪᐤ ᒐᓱᐛ᙮ ᐸᐃᒂᐤ ᒐᓯᑲᔨᒡ ᒋ ‍ ᐎᓴᒪᐤ ᐃᔅᕋᐃᓪ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲᓂᑲᓄᔅᑯᐛᔨᒋ, ᑭᔭ ᑲ ‍ ᓂᑲᓂᔅᑯᐛᔨᒋ ᐃᔪᐛ, ᑭᔭ ᑲᑎᐸᔅᑯᓂᒐᔨᒋ, ᑭᔭ ᑯᑎᑲ ᐅᒋᒪᐛ ᒂ ‍ ᐃᑕᑦ, “ᓴᔅ ᒋᒋᐛ ᓂ ‍ ᒋᓴᐃᔪᐅᓐ᙮
\v 3 ᒋᒋ ᐛᐸᑎᒺᓇᐛᐤ ᑲ ‍ ᐃᑐᑕᐧᒄ ᒋᓴᒪᓂᑐᐤ ᒐᒋ ᐎᒋᔨᑕᒄ ᒐᒋ ᓴᐧᑯᒋᔨᒪᑯᐤ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ᐎᒋᔨᒋ ᐊᓐᑕ ᐊᔅᒋᒡ᙮ ᒋᒋ ᒪᓯᔅᑎᒪᑯᐛᐤ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ᙮
\v 4 ᒥᒄ ᐊᑲᐎᔾ ᐅᓂᒋᔅᒋᑎᒥᒄ ᐊᓂᔭ ᑲᒋ ‍ ᒥᔨᑕᒄ ᒥᓯᐛ ᐅᔭ ᐊᔅᒋᔪᐤ, ᒠᕐᑕᓐ ᓯᐱᒡ ᐅᒋ ᐊᓐᑕ ᐛᐱᓄᑕᒡ ᐃᔅᐱᔅ ᒥᑎᑐᕋᓂᔭᓐ ᐎᓂᐸᑯᒡ ᐊᓐᑕ ᐊᑎᒪᐱᓯᒧᒡ, ᒥᓯᐛ ᐅ ᐊᔅᒋᔾ ᑲ ᒥᔨᑎᑯᒡ᙮
\v 5 ᒋᑭ ‍ ᐃᔨᑭᒥᐊᐤ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐊᓂᔭ ᐃᔪᐛ ᐊᔅᒄ ᐛᒋᔨᒋ ᐊᓐᑕ ᒐᒋ ᒋᔅᑐᑕᔨᒋ᙮ ᒋᑭ ‍ ᐎᐎᑎᔅᑯᐛᐤ ᐊᓐᑕ ᐊᔅᒋᒡ ᐅᒋ ᒪᒂᒡ ᒐ ᐊᑎ ‍ ᐸᑐᑕᐛᒄ᙮ ᐊᑯ ᒐ ᑎᐸᔨᑎᒪᒄ ᐊᓐ ᐊᔅᒋᔾ, ᒧᔭᒻ ᑲ ᐃᓯ ‍ ᐊᓱᑎᒪᑕᐧᒄ ᑎᐸᔨᒋᒐᓱᐤ᙮
\p
\v 6 ᔭᐃᑕᔾ ᒐ ᐎ ‍ ᓂᓇᐊᔨᑎᒪᒄ ᒥᓯᐛ ᐃᑎᓯᐛᐅᓇ ᑲ ᒥᓯᑕᐊᐧᒄ ᒧᓱᔅ ᐊᓐᑕ ᒥᓯᓇᐃᑭᓂᒡ᙮ ᒐ ᐊᑲ ᐎ ‍ ᐃᑎᔭᒄ ᐊᑲ ᐛᒋ ‍ ᐸᐃᒄ ᓂᓇᐊᔨᑎᒪᒄ᙮
\v 7 ᒐ ᐊᑲ ‍ᐛ ᐎᒐᐛᑯᒡ ᐃᔪᒡ ᐛᒋᒥᑕᐧᑯᒡ ᐊ ᐊᑲ ᐃᔅᕋᐃᓪ ᐃᔪᐅᒡ ᑭᔭ ᐊᔭᒥᐊᔅᑐᐛᒡ ᑯᑎᑲ ᒥᓂᑐᐧᑲᓇ᙮ ᒐ ᐊᑲ ᐎᔨᒪᑯᐤ ᐊ ‍ ᐃᓯᓂᐧᑲᑕᑭᓄᐎᒋ ᐅᒥᓂᑐᒧᐛᐛ, ᑭᔭ ᒐ ᐊᑲ ᐊᐱᒋᑕᐛᒄ ᐅᑦ ᐃᓯᓂᐧᑲᓱᐅᓂᔨᐛ ᐅᒥᓂᑐᒧᐛᐛ ᐃᔅᐱ ᐃ ᐊᓱᑎᒪᒐᔭᑯᐤ ᒐᒋ ᑐᑎᒪᒄ ᒐᒂᓐ᙮ ᒐ ᐊᑲ ᐊᑐᔅᑯᒪᑯᐤ ᐅᒥᓂᑐᒧᐛᐛ ᑭᔭ ᒪᒃ ᐊᔭᒥᐊᔅᑐᐅᒪᑯᐤ᙮
\v 8 ᒋᑭ ᐎ ‍ ᐊᓂᔅᒐ ᑐᑎᒺᓇᐛᐤ ᒐᒂᔪᐤ ᓇᑐᐛᔨᒥᑕᐧᒄ ᒋᓴᒪᓂᑐᐤ ᒐᒋ ᑐᑎᒺᒄ, ᒧᔭᒻ ᑲ ᐃᓯ ‍ ᑐᑎᒪᒄ᙮
\p
\v 9 ᒋ ᐃᔨᑭᒥᐊᐤ ᑎᐸᔨᒋᒐᓱᐤ ᑲ ᓱᐧᑲᑎᓯᔨᒋ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒐᒋ ᒋᔅᑐᑕᔨᒋ ᒪᒂᒡ ᑲ ᐊᑎ ‍ ᐸᑐᑕᐛᒄ᙮ ᓇᒪ ᐛᒋ ‍ ᐸᐃᒄ ᐊ ‍ ᐃᑎᔅᑲᓇᓯᒡ ᐃᔪᒡ ᒋᒋ ᓴᐧᑯᒋᔨᑯᐛᐅᒡ᙮
\v 10 ᐸᐸᐃᒄ ᐊᑎᓯᔭᒄ ᒋᑭ ᒋ ‍ ᑐᑐᐛᐛᐅᒡ ᒐᒋ ᒋᑎᓯᒧᒡ ᐊᓐᒡ ᐃᔪᒡ, ᐛᔅ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᒋᑭ ᒪᓯᔅᑎᒪᑯᐛᐤ, ᒧᔭᒻ ᑲ ᐃᓯ ‍ ᐊᓱᑎᒪᒐᑦ ᒐ ᐃᑎᑦ᙮
\v 11 ᐊᑯ ᔭᐃᑕᔾ ᒐ ᐊᓂᔅᒐ ᓴᒋᐊᒄ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ᙮
\p
\v 12 ᓂᑭᑎᒺᒂ ᒐᒋ ᑐᑎᒺᒄ ᒐᒂᔪᐤ ᐸᑯᓴᔨᑕᐧᒃ ᒋᓴᒪᓂᑐᐤ ᑭᔭ ᐛᐎᒐᐛᒂᐛ ᐊ ᐊᑲ ᐃᔅᕋᐃᓪ ᐃᔪᐅᒡ, ᑭᔭ ᓂᐳᑐᐛᒂᐛ,
\v 13 ᐊᑯ ᒐ ᒋᔅᒐᔨᑎᒪᒄ ᔭᐃᑕᔾ ᒐ ᐊᑲ ᐎᒋᔨᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᒐᒋ ᐎᐎᑎᓴᐛᑦ ᐃᑎᔅᑲᓇᓯᔨᒋ ᐃᔪᐛ ᒋᑦ ᐊᔅᒋᐛᒡ ᐅᒋ᙮ ᒧᔭᒻ ᐊᔅᒋᐧᑯᒪᓐ ᒐ ᑲᔅᑎᓂᑯᔭᒄ ᒋᑭ ᐃᓯᓇᑯᓱᐅᒡ᙮ ᒧᔭᒻ ᐊᐱᓯᔅᑕᔨᑭᓐ ᒐ ᐱᓯᔅᑕᐅᑯᔭᒄ ᒋᐱᔅᑯᓄᐛᒡ ᒋᑭ ᐃᓯᓇᑯᓱᐅᒡ ᑭᔭ ᒧᔭᒻ ᑲᓯᒥᓇᑎᑯᒡ ᒐ ᑲᔅᒋᐱᑕᑯᒡ ᒋᔅᒋᓯᑯᐛᒡ ᒋᑭ ᐃᓯᓇᑯᓱᐅᒡ᙮ ᐊᑯ ᐊᓐ ᐅᒋ, ᓇᒪ ᐛᒋ ‍ ᐸᐃᒄ ᐊᑎᓯᔭᒄ ᒋᑭ ‍ ᐃᔅᑯᐱᔨᓇᐛᐤ ᐅᑕ ᒥᔪᐤ ᐊᔅᒋᒡ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᐛ ᒥᔨᑕᒄ᙮
\p
\v 14 ᓴᔅ ᐅᑎᒋᐱᔪᐤ ᒐᒋ ᐳᓂᐱᒪᑎᓯᔭᓐ, ᒧᔭᒻ ᐊ ‍ ᐃᓯᓇᑯᓯᒡ ᒥᓯᐛ ᐊᐛᓐᒋ᙮ ᒋ ᒋᔅᒐᔨᑕᓇᐛᐤ ᐊᓐᑕ ᒋᑕᐃᐛᐛᒡ ᑲᒋ ‍ ᐃᑐᑎᒪᑕᒄ ᒥᓯᐛ ᒐᒂᔪᐤ ᑲ ᐊᓱᑎᒪᒐᑦ ᒐᒋ ᑐᑕᐧᒃ᙮
\v 15 ᒥᔪᐤ ᒐᒂᓇ ᒋᒋ ‍ ᒥᔨᑯᐛᐤ ᐊᓂᔭ ᑲ ᐊᓱᑎᒪᒐᑦ᙮ ᐊᓂᔭ ᐸᐃᑯᑕᐤ, ᑯᑎᑲ ᒐᒂᔪᐛ ᑲ ‍ ᐊᓱᑎᒪᒐᑦ, ᐊ ᐊᑲ ‍ ᒥᔽᔨᒋ ᐃᔭᐱᒡ ᒐ ‍ ᐃᔅᐱᔨᔭᒄ᙮ ᒋ ‍ ᐃᔅᒋᔄᐤ ᑐᑎᒺᒂ ᒐᒂᔪᐤ ᐊ ‍ ᒪᔭᑎᓂᔨᒡ, ᒋᑭ ᓂᓱᐅᓇᒋᔨᑯᐛᐤ ᑭᔭ ᒋᑭ ‍ ᒋᑎᓴᐅᑯᐛᐤ ᐅᑕ ᒥᔪᐤ ᐊᔅᒋᒡ ᐅᒋ ᐊᓂᔭ ᑲᒋ ‍ ᒥᔨᑕᒄ᙮
\v 16 ᐊᐅᑯᓐ ᒐ ᐃᔅᐱᔨᒡ ᐊ ᐊᑲ ᓂᓇᐊᔨᑎᒺᒂ ᐃᑎᓱᐛᐅᓇ ᑲ ᐎᑎᒪᑕᒄ ᒐᒋ ᓂᓇᐊᔨᑎᒺᒄ᙮ ᐊᑐᔅᑯᐛᒂᓐᒋ ᑯᑎᑭᒡ ᒥᓂᑐᐧᑲᓐᒡ ᑭᔭ ᐊᔭᒥᐊᔅᑐᐛᒂᓐᒋ, ᒋᒋᐛ ᒋᑭ ᒋᓱᐛᐊᐛᐤ᙮ ᒋᔅᑎᑉ ᒋᑭ ‍ ᐎᐎᑎᓴᐅᑯᐛᐤ ᐅᑕ ᒥᔪᐤ ᐊᔅᒋᒡ ᐅᒋ ᑲᒋ ‍ ᒥᔨᑕᒄ, ᓇᒪ ᐛᒋ ‍ ᐸᐃᒄ ᐊ ‍ ᐃᑎᓯᔭᒄ ᒋᑭ ᐅᒋ ‍ ᐃᔅᑯᐱᔨᓇᐛᐤ ᐅᑕ᙮”
\c 24
\s1 ᑲ ᓯᒋᒪᑦ ᒐᓱᐛ ᐃᔅᕋᐃᓪ ᐃᔪᐛ ᑎᐸᔨᒋᒐᓱᐛ ᒥᒄ ᒐᒋ ᐊᔭᒥᐊᔅᑐᐛᔨᒋ
\s2 Joshua 24.1-3a, 14-25 (Proper-27 Year A)
\s2 Joshua 24.1-3a, 14-25 (Proper-16 Year B)
\p
\v 1 ᒐᓱᐛ ᒪᒃ ᒋ ‍ ᒪᒧᐅᓇᐤ ᒥᓯᐛ ᐊ ‍ ᑕᑐᑕᐅᓯᔨᒋ ᐃᔅᕋᐃᓪ ᐃᔪᐛ ᐊᓐᑕ ᓴᑭᒥᒡ, ᒋ ‍ ᐎᓴᒪᐤ ᒪᒃ ᒥᓯᐛ ᑲ ‍ ᓂᑲᓄᔅᑲᒐᔨᒋ ᐃᔅᕋᐃᓕᒡ, ᑭᔭ ᐅᒋᒪᒥᔪᐛ, ᑭᔭ ᐅᑎᐸᔅᑯᓂᒐᐎᔨᒥᔪᐛ, ᑭᔭ ᐅᒋᓴᐅᒋᒪᓯᒥᔪᐛ; ᒋ ‍ ᐅᑎᔅᑲᐎᑲᐳᐅᔅᑐᐛᔪᐛ ᒪᒃ ᒋᓴᒪᓂᑐᐛ᙮
\p
\v 2 ᒐᓱᐛ ᒪᒃ ᒋ ‍ ᐃᑕᐤ ᒥᓯᐛ ᐃᔪᐛ, “ᐊᐅᑯᐤ ᐊ ‍ ᐃᔅᒋᔄᑦ ᐅᑎᐸᔨᒋᒐᐤ ᐃᔅᕋᐃᓪ ᐅᒋᓴᒪᓂᑐᒪ: ‘ᐛᔅᑭᒡ ᒍᑕᐅᐱᓄᐛᐅᒡ ᒋ ‍ ᐎᒋᐅᒡ ᐊᑲᒥᒡ ᔪᑉᕆᑎᔅ ᓯᐱᒡ, ᑕᕋ ᐊᓯᒡ, ᐊᑉᕋᐊᒻ ᐅᑕᐎᔭ, ᑭᔭ ᓇᐅᕐ ᐅᑕᐎᔭ: ᒋ ‍ ᐊᑐᔅᒐᔅᑕᐛᐅᒡ ᒪᒃ ᑯᑎᑲ ᒥᓂᑐᐛ᙮
\v 3 ᓂᒋ ‍ ᐅᑎᓇᐤ ᒪᒃ ᒍᑕᐎᐛᐤ ᐊᑉᕋᐊᒻ ᐊᑲᒥᒡ ᒥᔅᑎ ᓯᐱᒡ ᐅᒡ, ᑭᔭ ᓂᒋ ‍ ᓴᐳᑐᐛᑕᐊᐤ ᒥᓯᐛ ᑲᐃᓇᓐ ᐊᔅᒋᒡ, ᓂᒋ ‍ ᒥᒐᑐᐎᔨᒪᐛ ᒪᒃ ᐅᑦ ᐊᐛᓯᒥᓴ, ᐊᐃᓯᑲ ᓂᒋ ‍ ᒥᔭᐤ᙮
\p
\v 4 ᐃᔅᐱ ᑲᒋ ᐃᓯ ‍ ᓂᑕᐅᒋᑦ ᐊᐃᓯᒃ, ᓂᒋ ᒥᔭᐤ ᒐᒋ ᑭᓄᐛᔨᒪᑦ ᑲ ᓂᓯᓯᔨᒋ, ᒐᑭᐸ ᑭᔭ ᐃᓴᐅᐛ᙮ ᓂᒋ ‍ ᑐᑐᐛᐤ ᐃᓴᐅ ᒐᒋ ᐎᒋᑦ ᐊᓐᑕ ᐊ ‍ ᐛᐛᑭᑕᐅᐧᑲᔨᒡ ᐃᑕᐅᓂᒡ ᐊᓐᑕ ᓯᐅᕐ ᐊᔅᒋᒡ, ᒥᒄ ᒥᒐᑐᐱᐳᓇ ᓇᓇᒐ ᒐᑭᑉ ᑭᔭ ᐅᑯᓴ ᑭᔭ ᐊᐸᐃᑯᔅᑲᓇᓯᒡ ᐃᒋᑉᑎᒡ ᒋ ᐃᑐᑕᐅᒡ ᐊᓐᑕ ᒐᒋ ᐎᒋᒡ᙮
\p
\v 5 ᒥᒐᑐᐱᐳᓇ ᓇᓇᒐ, ᓂᒋ ‍ ᐃᑎᓴᐛᐤ ᒧᓱᔅ ᑭᔭ ᐅᔅᑕᓴ ᐊᕈᓇ ᒐᒋ ᐎᒋᐊᒡ ᐃᔪᐛ, ᑭᔭ ᓂᒋ ‍ ᑐᑐᐛᐅᒡ ᐃᒋᑉᑦ ᐃᔪᒡ ᒋᒋᐛ ᒐᒋ ᐎᓯᒐᔨᑕᒡ ᐛᔅ ᒐᒂᔪᐤ ᐊᓐᑕ ᑲᑐᑎᒧᒡ᙮ ᐊᑯ ᒂ ᑐᑐᐅᒂᐤ ᒋᑦ ᐊᓂᔅᑯᑕᐸᓄᐛᐅᒡ ᒐᒋ ᓂᑭᑕᒡ ᐃᒋᑉᑎᔪᐤ᙮
\v 6 ᐃᔅᐱ ᑲ ‍ ᐎᐎᑕᔨᒂᐤ ᒋᑦ ᐊᓂᔅᑯᑕᐸᓄᐛᐅᒡ ᐃᒋᑉᑎᒡ ᐅᒋ, ᒥᒂᑭᒥ ᐎᓂᐸᑯᒡ ᒋ ᑎᑯᓯᓄᐅᒡ᙮ ᒋ ᓇᓴᐅᑯᐅᒡ ᐃᒋᑉᑦ ᓂᑐᐱᔪᐅ-ᐃᔪᐛ, ᐱᔅᒐ ᑎᑎᐱᑕᐸᓇᔎ ᒋ ᑕᑎᐱᔨᐛ ᑭᔭ ᑯᑎᑲ ᑲᐸᐃᑭᔎᐛ, ᑭᔭ ᒂ ᑎᑯᓯᐸᑕᔨᒋ ᐊᓐᑕ ᒥᒂᑭᒥ ᐎᓂᐸᑯᒡ᙮
\v 7 ᐊᑯ ᒋᑦ ᐊᓂᔅᑯᑕᐸᓄᐛᐅᒡ ᓂᒋ ‍ ᑕᐱᑕᑈᑎᑯᒡ ᒐᒋ ᐎᒋᔨᒂᐤ᙮ ᐊᑯ ᒂ ᑐᑐᐛᑦ ᓇᔅᒡ ᐊ ‍ ᐎᐱᓯᔨᒋ ᑭᔅᑯᐅᓇ ᒐᒋ ᐸᐱᔨᒋ ᑎᔅᑐᐎᒡ ᒋᑦ ᐊᓂᔅᑯᑕᐸᓄᐛᐛ ᑭᔭ ᐃᒋᑉᑦ ᓂᑐᐱᔪᐅ-ᐃᔪᐛ, ᐊᑯ ᐃᒋᑉᑦ ᓂᑐᐱᔪᐅ-ᐃᔪᒡ ᓇᒪ ᐅᒋ ᐛᐱᒪᐅᒡ ᒋᑦ ᐊᓂᔅᑯᑕᐸᓄᐛᐛ᙮ ᓂᒋ ‍ ᑎᐸᓇᓐ ᓂᐱᔾ ᐊᓐᑕ ᒥᒂᑭᒥ ᐎᓂᐸᑯᒡ ᐊᑯ ᒪᒃ ᒐᒋ ᐊᓱᐛᐊᒡ ᒋᑦ ᐊᓂᔅᑯᑕᐸᓄᐛᐅᒡ, ᒥᒄ ᐃᔅᐱ ᐃᒋᑉᑦ ᓂᑐᐱᔪᐅ-ᐃᔪᒡ ᑲ ᑯᒋᐱᔨᑕᒡ ᐸᐃᑯᑕᐤ ᒐ ᐃᓯ ᐊᓱᐛᐊᒡ ᒐᒋ ᓇᓴᐛᒡ, ᓂᒋ ‍ ᑐᑕᓐ ᓂᐱᔾ ᒐᒋ ᑲᐤ ᒋ ᐛᐱᔨᒡ ᑭᔭ ᒂ ᑭᓇᐅᑯᒡ, ᑭᔭ ᒥᓯᐛ ᒋ ᓂᔅᑕᐸᐛᐅᒡ ᐃᒋᑉᑦ ᓂᑐᐱᔪᐅ-ᐃᔪᒡ, ᒪᒂᒡ ᐊᑭᓄᐛᐱᒪᒡ ᒋᑦ ᐊᓂᔅᑯᑕᐸᓄᐛᐅᒡ ᑭᔭ ᑲ ᒥᔅᑲᑕᔨᑕᒡ᙮ ᒥᒄ ᐊᓐ ᑲᒋ ‍ ᐃᔅᐱᔨᒡ, ᒥᒐᑐᐱᐳᓇ ᒋᒋ ᐎᒋᓇᐛᐤ ᐊᓐᑕ ᐸᐧᑯᑎᔅᑭᒥᑲᒡ᙮
\p
\v 8 ᒥᒃ ᒂ ᐸᓱᐅᒂᐤ ᒋᑦ ᐊᓂᔅᑯᑕᐸᓄᐛᐅᒡ ᐊᓐᑕ ᐃᑕᐅᓂᒡ ᐊᒧᕆ ᐅᑦ ᐊᓂᔅᑯᑕᐸᓇ ᑲ ᐎᒋᔨᒋ, ᐊᓐᑕ ᐛᐱᓄᑕᒡ ᒠᕐᑕᓐ ᓯᐱᒡ᙮ ᒋᒋ ᒪᓯᔨᑯᐛᒡ, ᒥᒄ ᒋᒋ ᑐᑕᑎᓇᐛᐤ ᒐᒋ ᓴᐧᑯᒋᐊᑯᒡ᙮ ᒋᒋ ᑐᑕᑎᓇᐛᐤ ᒐᒋ ᓂᓱᐅᓇᒋᐊᑯᒡ ᐊᑯ ᒪᒃ ᒐᒋ ᐎᒋᐛᒄ ᐊᓐᑕ ᐅᑦ ᐊᔅᒋᐛᒡ᙮
\v 9 ᐊᑯ ᐸᓚᒃ ᓯᐳᕐ ᐅᑯᓴ, ᒧᐊᑉ ᐃᔪᐛ ᒋᓴᐅᒋᒪᐤ, ᒂ ᐎᔭᔨᑕᐧᒃ ᐅᓂᑐᐱᔪ-ᐃᔨᒪ ᒐᒋ ᒪᓴᔨᒋ ᐃᔅᕋᐃᓪ ᐃᔪᐛ᙮ ᒋ ᒪᒧᐅᓇᐤ ᐸᓚᒪ ᐱᐅᕐ ᐅᑯᓯᔨᐛ ᑭᔭ ᒋ ‍ ᑯᒂᒋᒪᐤ ᒐᒋ ᐊᓏᔨᒥᑎᔨᑕᑯᐤ᙮
\v 10 ᒥᒄ ᓇᒪ ᓂᐎ ᑐᑎᒺᓐ ᒐᒂᔪᐤ ᑲᑭᒂᒋᒐᒧᑦ ᐸᓚᒻ, ᐊᑯ ᒂ ᐃᔅᒋᔄᑦ ᓇᐛᐤ ᑕᑥᐤ ᒐᒋ ᑐᑎᒧᑎᑯᒡ ᒋᒋ ᒐᒂᔪᐛ, ᑭᔭ ᓇᒪ ᓂ ᐅᒋ ‍ ᒥᔭᐅᒡ ᒧᐊᑉ ᓂᑐᐱᔪᐅ-ᐃᔪᒡ ᒐᒋ ᓴᐧᑯᒋᔨᑕᑯᒡ᙮
\p
\v 11 ᐊᑯ ᒥᓯᐛ ᐊᑎᓯᔭᒄ ᒂ ᐊᓱᐛᐊᒪᒄ ᒍᕐᑎᓐ ᓯᐱᔾ ᑭᔭ ᒋᕆᑯᐤ ᒂ ᑎᑯᓯᓂᔭᒄ᙮ ᒋ ᐊᔭᔅᑯᔪᐅᒡ ᐃᔪᒡ ᒐᒋ ᒪᓯᐧᑲᑕᑯᒡ, ᑭᔭ ᐸᐃᑯᑕᐤ ᒂ ᐃᑎᒡ ᐊᒧᕆ ᐃᔪᒡ, ᑭᔭ ᐸᕆᔅ ᐃᔪᒡ, ᑭᔭ ᑲᐃᓇᓐ ᐃᔪᒡ, ᑭᔭ ᐊᑦ ᐃᔪᒡ, ᑭᔭ ᑭᕐᑲᔅ ᐃᔪᒡ, ᑭᔭ ᐃᑉ ᐃᔪᒡ, ᑭᔭ ᒐᐳᔅ ᐃᔪᒡ ᐅᑦ ᐊᓂᔅᑯᑕᐸᓄᐛᐛ, ᒥᒄ ᒋᒋ ᒥᔨᑎᓇᐛᐤ ᒐᒋ ᓴᐧᑯᒋᐊᑯᒡ᙮
\v 12 ᓂᔾ ᐅ ᓂᒋ ᑐᑐᐛᐅᒡ ᒐᒋ ᒋᔅᒂᔭᔨᑕᒡ ᒪᒂᒡ ᑲ ᐸᑕᔅᑎᒧᑕᐛᒄ ᑭᔭ ᑲ ᑐᑕᑎᑯᒡ ᒐᒋ ᓴᐧᑯᒋᐊᑯᒡ, ᒧᔭᒻ ᐎᐱᒡ ᑲ ᑐᑕᑎᑯᒡ ᒐᒋ ᑐᑐᐛᑯᒡ ᐊᓂᓱᔅᑲᓇᓯᒡ ᐃᔪᒡ ᐊᒧᕆ ᑲ ᐅᒋ ‍ ᐊᓂᔅᑯᑕᐸᓄᐅᒡ᙮ ᓇᒪ ᒋ ᐅᒋ ᓴᐧᑯᒋᐊᐛᐅᒡ ᑎᐱᔨᐛ ᒋᑭᔅᑭᓄᐛᐅᒡ ᑭᔭ ᒋᑦ ᐊᒐᐱᐛᐅᒡ ᑭᔭ ᒋᓂᑐᐱᔪᐅ-ᒧᔅᑭᒪᓄᐛᐛ ᐊ ᐊᐱᒋᑕᔭᒄ; ᓂᔾ ᐊᓐᒡ ᓂᒋ ‍ ᓴᐧᑯᒋᐊᐊᐅᒡ᙮
\v 13 ᐊᑯ ᒋᔨᐛᐤ ᒂ ᒥᑎᑯᒡ ᐊᓐ ᐊᔅᒋᔾ ᐊᓐᑕ ᐊ ᐊᑲ ᐅᒋ ᓂᑕᐅᒋᒐᔭᒄ, ᑭᔭ ᐅᑕᓇᐛ ᒋᒋ ‍ ᒥᔨᑎᓇᐛᐤ ᐊ ᐊᑲ ᒋᔨᐛᐤ ᐅᒋ ‍ ᒋᒥᑕᔭᒄ᙮ ᐊᓄᒡ ᐊᑯᑕ ᐛᒋᔭᒄ ᐊᓐᑕ ᐅᑕᓇᐛ ᑭᔭ ᒋ ᒥᒋᓇᐛᐤ ᓱᒥᓇ ᐊᓐᑕ ᓯᒧᓂᑕᐅᒋᒋᑭᓂᒡ ᐅᒋ ᐊ ᐊᑲ ᒋᔨᐛᐤ ᐅᒋ ᓂᑕᐅᒋᑕᔭᒄ, ᑭᔭ ᒋ ᒧᐛᐛᐅᒡ ᐊᓕᐱᒡ ᐊᓐᑕ ᒥᔅᑎᑯᒡ ᐅᒋ ᐊ ᐊᑲ ᒋᔨᐛᐤ ᐅᒋ ᓂᑕᐅᒋᐊᑯᒡ᙮’ ”
\s2 Joshua 24.1-3a, 14-25 (Proper-27 Year A)
\s2 Joshua 24.1-3a, 14-25 (Proper-16 Year B)
\p
\v 14 “ᓇᓂᒋᔅᑕᐧᒄ ᒪᒃ ᐅᑎᐸᔨᒋᒐᐤ, ᑭᔭ ᐊᑐᔅᒐᔅᑐᐛᐧᒄ ᐸᔭᒋᓯᐅᓂᒡ ᑭᔭ ᑕᑈᐅᓂᒡ; ᐃᑲᑕᓂᒪᐧᑯᐤ ᒪᒃ ᐊᓂᔭ ᒪᓂᑐᐛ ᒍᑕᐎᐛᐅᒡ ᑲᒋ ‍ ᐊᑐᔅᒐᔅᑐᐛᒡ ᐊᑲᒥᒡ ᒥᔅᑎ ᓯᐱᒡ, ᑭᔭ ᐃᒋᑉᑎᒡ; ᐊᑐᔅᒐᔅᑐᐛᐧᒄ ᒪᒃ ᐅᑎᐸᔨᒋᒐᐤ᙮
\v 15 ᒧᔭᒻ ᒪᒃ ᒪᒐᔨᑎᒧᐛᒂ ᒐᒋ ᐊᑐᔅᒐᔅᑐᐛᒄ ᐅᑎᐸᔨᒋᒐᐤ, ᐛᐛᔭᐸᑎᒪᓱᒃ ᐊᓄᒡ ᐊ ‍ ᒋᓯᑲᒡ ᐊᐛᓐ ᒐ ‍ ᐊᑐᔅᒐᔅᑐᐛᒄ; ᒧᔭᒻ ᐊᓐᒡ ᒥᓂᑐᐅᒡ ᑲᒋ ‍ ᐊᑐᔅᒐᔅᑐᐛᒡ ᒍᑕᐎᐛᐅᒡ ᑲᒋ ‍ ᑕᔨᒋ ᐊᑲᒥᒡ ᒥᔅᑎ ᓯᐱᒡ, ᑭᔭ ᒪᒃ ᐅᒥᓂᑐᐅᒧᐛᐛ ᐊᒧᕆ ᐃᔪᒡ, ᐊᓐᒡ ᐅᑦ ᐊᔅᒋᐛᒡ ᐛᒋᐛᒄ: ᒪᒃ ᓂᔾ ᑭᔭ ᑲ ‍ ᐸᐃᑯᑕᐅᓯᔭᓐ, ᐅᑎᐸᔨᒋᒐᐤ ᓂᑭ ‍ ᐊᑐᔅᒐᔅᑐᐛᓇᓐ᙮”
\p
\v 16 ᐃᔪᒡ ᒪᒃ ᐊ ‍ ᓂᔎᐅᓯᐃᐛᒡ, ᒋ ‍ ᐃᔅᒋᔄᐅᒡ, “ᐊᑯᔅ ᒋᓴᒪᓂᑐᐤ ᓂᑭ ᐎ ‍ ᒋᑕᐊᒪᑯᓇᓐ ᒐᒋ ᓇᑭᑎᒋᒡ ᐅᑎᐸᔨᒋᒐᐤ, ᒐᒋ ᐊᑐᔅᒐᔅᑐᐅᒋᒡ ᑯᑎᑭᒡ ᒥᓂᑐᐧᑲᓐᒡ !
\v 17 ᐛᔅ ᐅᑎᐸᔨᒋᒐᐤ ᓂᒋᓴᒪᓂᑐᒥᓇᓐ, ᐊᐅᑯᓐ ᑲᒋ ᐅᒋ ‍ ᐸᒋ ‍ ᐎᐎᑕᔨᒥᑦ, ᑭᔭ ᓄᑕᐎᓇᓇ ᐃᒋᑉᑦ ᐊᐛᐧᑲᑎᑯᐤ ᐊᔅᒋᒡ ᐅᒡ, ᑲᒋ ‍ ᐃᑐᑕᐧᒃ ᑭᔭ ᐊᓂᔭ ᒋᒋ ‍ ᒐᒂᓇ ᑲᒋ ‍ ᐛᐸᑎᒧᐅᒋᒡ, ᑭᔭ ᑲᒋ ᐸᒋ ‍ ᑭᓄᐛᔨᒥᔨᒥᑦ ᒥᓯᐛ ᑲᒋ ᐸᒋ ‍ ᐃᑐᑕᔭᒡ, ᑭᔭ ᐊᓐᑕ ᐊ ‍ ᑕᔨᒋ ᒥᓯᐛ ᐊᓂᔭ ᐃᔪᐛ ᑲᒋ ‍ ᓴᐳᑐᐛᔅᑯᒥᒋᒋ:
\v 18 ᐅᑎᐸᔨᒋᒐᐤ ᒪᒃ ᓂᒋ ‍ ᐎᐎᑎᓴᐊᒪᑯᓇᓐ ᒥᓯᐛ ᐊᓂᔭ ᐃᔪᐛ, ᐊᒧᕆ ᐃᔪᐛ ᐅᑕ ᑲᒋ ‍ ᐎᒋᔨᒋ ᐊᓐᑕ ᐊᔅᒋᒡ: ᐊᐅᒄ ᐛᒋ ‍ ᒋ ‍ ᐊᑐᔅᒐᔅᑐᐅᒋᒡ ᐅᑎᐸᔨᒋᒐᐤ; ᐛᔅ ᐎᔾ ᓂᒋᓴᒪᓂᑐᒥᓇᓐ᙮”
\p
\v 19 ᒐᓱᐛ ᒪᒃ ᒋ ‍ ᐃᑕᐤ ᐃᔪᐛ, “ᓇᒪᐎᔾ ᒋᑭ ᒋ ‍ ᐊᑐᔅᒐᔅᑐᐛᐛᐤ ᐅᑎᐸᔨᒋᒐᐤ: ᐛᔅ ᐸᔭᒋ ᒋᓴᒪᓂᑐᐅᐤ; ᐅᑕᔨᑎᒧᐎ ᒋᓴᒪᓂᑐᐅᐤ; ᓇᒪᐎᔾ ᒋᑭ ‍ ᐛᐸᔨᑎᒻ ᒋᐅᓂᑐᑎᒧᐅᓄᐛᐛ, ᑭᔭ ᒋᒥᒋᑥᐅᓄᐛᐛ᙮
\v 20 ᒧᔭᒻ ᐛᐱᓇᒂ ᐅᑎᐸᔨᒋᒐᐤ, ᑭᔭ ᐊᑐᔅᒐᔅᑐᐛᒂᐛ ᑯᑎᑭᒡ ᒥᓂᑐᐧᑲᓐᒡ, ᐊᑯ ᐊ ‍ ᒂᔅᒋᑦ ᒋᑭ ‍ ᐊᑯᐃᑯᐛᐤ, ᑭᔭ ᒋᑭ ‍ ᓂᓱᐅᓇᒋᐃᑯᐛᐤ, ᐊᑎ ᓴᔅ ᐊᒋ ‍ ᒥᔪᑐᑕᑕᒄ᙮”
\p
\v 21 ᐃᔪᒡ ᒪᒃ ᒋ ‍ ᐃᑕᐅᒡ ᒐᓱᐊᔨᒋ, “ᓇᒪ, ᓂᑭ ‍ ᐊᑐᔅᒐᔅᑐᐛᓇᓐ ᒪᒃ ᐅᑎᐸᔨᒋᒐᐤ !”
\p
\v 22 ᒐᓱᐛ ᒪᒃ ᒋ ‍ ᐃᑕᐤ ᐃᔪᐛ, “ᒋᑦ ᐃᑕᒋᒥᑎᓱᓇᐛᐤ ᐊᒋ ‍ ᐅᑎᓇᒄ ᐅᑎᐸᔨᒋᒐᐤ, ᒐᒋ ᐊᑐᔅᒐᔅᑐᐛᒄ᙮” ᒋ ‍ ᐃᔅᒋᔄᐅᒡ ᒪᒃ, “ᓂᑦ ᐃᑕᒋᒥᑎᓱᓇᓐ᙮”
\v 23 “ᐊᓄᒡ ᐃᓯ ᐛᐱᓇᐧᑯᒡ,” ᒋ ‍ ᐃᔅᒋᔄᐤ, “ᐊᓐᒡ ᑯᑎᑭᒡ ᒥᓂᑐᐧᑲᓐᒡ ᑲ ‍ ᐊᔭᐛᑯᒡ, ᒥᓯᐛ ᐃᓯᑕᐃᔅᑕᐧᒄ ᒪᒃ ᑕᐸᔨᒋᒐᑦ ᐃᔅᕋᐃᓪ ᐅᒋᓴᒪᓂᑐᒪ᙮”
\p
\v 24 ᐃᔪᒡ ᒪᒃ ᒋ ‍ ᐃᑕᐅᒡ ᒐᓱᐊᔨᒋ, “ᐅᑎᐸᔨᒋᒐᐤ ᓂᒋᓴᒪᓂᑐᒥᓇᓐ ᓂᑭ ‍ ᐊᑐᔅᒐᔅᑐᐛᓇᓐ ᑭᔭ ᐅᑦ ᐃᔨᒧᐅᓐ ᓂᑭ ‍ ᓂᓇᐃᑕᒺᓇᓐ᙮”
\p
\v 25 ᒐᓱᐛ ᒪᒃ ᒋ ‍ ᐎᒋᓂᔅᑯᒧᒪᐤ ᐃᔪᐛ ᐊᓂᔭᔪᐤ ᒐᓯᑲᔨᒡ, ᑭᔭ ᒋ ‍ ᐎᔅᑎᒧᐛᐤ ᐃᑎᓱᐛᐅᓂᔪᐤ ᑭᔭ ᒋᔅᒋᓄᑕᐃᐛᐅᓂᔪᐤ ᐊᓐᑕ ᓴᑭᒥᒡ᙮
\v 26 ᒋ ‍ ᐎᔅᑎᒧᐛᐤ ᒥᓯᐛ ᐅᔭ ᐃᑎᓱᐛᐅᓇ ᒥᓯᓇᐃᑭᓂᒡ᙮ ‘ᒋᓴᒪᓂᑐᐤ ᐅᑦ ᐃᑎᓱᐛᐅᓇ’ ᒋ ᐃᓯᓂᐧᑲᑎᒻ᙮ ᐊᑯ ᒂ ᐃᑕᑦ ᐱᔅᒐ ᓇᐸᐛ ᒐᒋ ᒋ ᒥᑕᔨᒋ ᐊᒥᓴᔨᒡ ᐊᓯᓂᔪᐤ ᐊᓐᑕ ᓴᑭᒥᒡ, ᓯᐸᔭᔅᑎᑯᒡ ᐊᒥᓯᑎᔨᒋ ᒥᔅᑯᐛᐅ ᒥᔅᑎᒂ ᐊᓐᑕ ᒥᒋᒪ ᑲ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮
\v 27 ᒂ ᐃᑕᑦ ᒥᓯᐛ ᐃᔪᐛ, “ᐛᐸᑎᒥᒄ ! ᒧᔭᒻ ᐊᒋ ‍ ᐸᑎᒧᒥᑲᒡ ᒥᓯᐛ ᒐᒂᓂᔪᐤ ᐅ ᐊᓯᓂᔾ ᑲ ᐃᑎᑕᒄ ᒋᓴᒪᓂᑐᐤ ᑭᔭ ᐊᓂᔭ ᑲ ᐊᓱᑎᒧᐛᒄ ᑎᐸᔨᒋᒐᓱᐤ᙮ ᒧᔭᒻ ᐊ ᐛᐱᒥᑕᒄ ᒋᑭ ᐃᓯᓇᑯᓐ ᐃᔅᐱ ᒪᔭᔨᒪᒂ ᒋᒋᓴᒪᓂᑐᒧᐛᐤ !”
\p
\v 28 ᐊᑯ ᒂ ᒋᑎᓴᐛᑦ ᐃᔪᐛ ᒐᓱᐛ, ᑭᔭ ᒥᓯᐛ ᑲᐤ ᒋᒋᐛᐅᒡ ᑎᐱᔨᐛ ᐎᒋᐛᐛᒡ᙮
\s1 ᒐᓱᐛ ᑲ ᐳᓂᐱᒪᑎᓯᑦ
\p
\v 29 ᓇᓇᒐ ᒪᒃ ᐊᓐᑕ, ᒐᓱᐛ ᓇᓐ ᐅᑯᓴ, ᑎᐸᔨᒋᒐᓱᐛ ᑲ ᑕᑈᐛᔨᒪᑦ ᐊᑐᔅᒐᔭᑭᓐ, ᒋ ᐳᓂᐱᒪᑎᓯᐤ᙮ ᒋ ᐸᐃᑯᒥᑕᓯᒥᑎᓄᐛᐱᐳᓇᓱᐤ ᐊᓱ ᐸᐃᑯᔪᐤ ᐃᔅᐱ ᑲ ᐳᓂᐱᒪᑎᓯᑦ᙮
\v 30 ᒋ ᓇᔨᑯᒺᐅᒡ ᐃᔅᕋᐃᓪ ᐃᔪᒡ ᐎᔭᔪᐤ ᐊᓐᑕ ᑎᐱᔨᐛ ᐅᑎᐸᔨᑎᒧᐅᓂᔨᒡ ᐊᓐᑕ ᑎᒻᓇ-ᓯᕋ ᐅᑕᓇᒡ᙮ ᐊᓐᑕ ᒋᐛᑎᓄᒡ ᑲᔅ ᐱᔅᑯᑎᓇᒡ ᐊᓐᑕ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᒡ ᐃᑉᕋᐃᒻ ᐃᔪᒡ ᐊ ‍ ᐃᑎᔅᑲᓇᓯᒡ ᐅᑦ ᐊᓂᔅᑯᑕᐸᓄᐛᐛ᙮
\v 31 ᑎᐸᔨᒋᒐᓱᐛ ᒋ ᐊᔭᒥᐊᔅᑐᐛᒡ ᐃᔅᕋᐃᓪ ᐃᔪᒡ ᑲ ᐃᔅᐱᔅ ᐱᒪᑎᓯᔨᒋ ᒐᓱᐛᔨᒋ᙮ ᑲᒋ ‍ ᐳᓂᐱᒪᑎᓯᑦ ᒐᓱᐛ, ᒋ ᓴᐳᑐᐛᐱᔪᐅᒡ ᐊᔭᒥᐊᔅᑐᐛᒡ ᑎᐸᔨᒋᒐᓱᐛ ᒪᒂᒡ ᐊᔅᒄ ᐸᒪᑎᓯᔨᒋ ᒋᓴᔪᐛ ᑲ ᐛᐸᑎᒥᔨᒋ ᒥᓯᐛ ᒐᒂᔪᐤ ᑎᐸᔨᒋᒐᓱᐤ ᑲ ᐃᑐᑎᒧᐛᔨᒋ ᐃᔅᕋᐃᓪ ᐃᔪᐛ᙮
\v 32 ᒍᓯᑉ ᐅᔅᑭᓇ, ᑲᔅᑐᑕᐛᒡ ᐃᔅᕋᐃᓪ ᐃᔪᒡ ᐃᒋᑉᑎᒡ ᐅᒋ, ᐃᔭᐱᒡ ᒋ ‍ ᓇᐃᐧᑯᐛᑭᓄᔪᐛ ᐊᓐᑕ ᓴᑭᒥᒡ᙮ ᐊᑯᑕ ᑲ ‍ ᓇᐃᐧᑯᒺᒡ ᐃᔪᒡ ᐊᓐᑕ ᒐᑭᑉ ᐎᐱᒡ ᑲ ᐃᔭᑦ ᐊᔅᒋᔪᐤ ᐸᐃᑯᒥᑕᓯᒥᑎᓄᐤ ᐛᐱᓯᐤ ᓱᓇᔭᐱᔎ ᐊᒧᕋ, ᓴᑭᒪ ᐅᑕᐎᔪᐛ ᐅᒋ᙮ ᐊᓐ ᐱᔅᒐ ᐊᔅᒋᔾ ᐊᓐᑕ ᐃᑕᒐ ᑎᑯᓐ ᑲ ᒥᔭᑭᓄᐅᔨᒋ ᐅᑦ ᐊᓂᔅᑯᑕᐸᓄᐛᐛ ᐃᑉᕋᐃᒻ ᑭᔭ ᒪᓇᓴ ᐃᔪᒡ, ᒍᓯᑉ ᐅᑯᓴ᙮
\v 33 ᐃᓕᐊᓯᕐ, ᒋᒋ ᐊᔭᒥᐊᐅᒋᒪᐤ, ᐊᕈᓐ ᐅᑯᓴ, ᐃᔭᐱᒡ ᒋ ᐳᓂᐱᒪᑎᓯᐤ ᑭᔭ ᑭᐱᐊ ᒋ ‍ ᓇᐃᐧᑯᐛᑭᓄᐤ, ᐊᓐᑕ ᐃᑕᒐ ᐃᓕᐊᓱᕐ ᐅᑯᓴ ᐱᓂᐸᓴ ᑲᒥᔭᑭᓄᐎᒋ, ᐊᓐᑕ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᔪᐤ ᐃᔅᑉᕋᐃᒻ ᐃᔪᐛ ᐅᑦ ᐊᓂᔅᑯᑕᐸᓂᔨᐛ ᑲ ᑎᐱᔨᐛᐅᓯᔨᒋ᙮
\id JDG Judges Naskapi NSK started 2 Feb 2006 [Silas Nabinicaboo]; First Draft finished 05 Sep 2019; Back Translation finished 28 Mar 2022; Consultant Checking started Jun 2022;
\h ᑲᑎᐸᔅᑯᓂᒐᒡ
\toc3 ᑲᑎᐸᔅᑯᓂᒐᒡ
\toc2 ᑲᑎᐸᔅᑯᓂᒐᒡ
\toc1 ᑲᑎᐸᔅᑯᓂᒐᒡ
\mt ᑲᑎᐸᔅᑯᓂᒐᒡ
\c 1
\s1 ᐃᔅᕋᐃᓪ ᐃᔪᒡ ᑲ ‍ ᒪᓴᐊᒡ ᑲ ‍ ᐃᔅᑯᐱᔨᒋ ᑲᐃᓇᓐ ᐃᔪᐛ
\p
\v 1 
ᑲᒋ ‍ ᐳᓂᐱᒪᑎᓯᑦ ᒐᓱᐛ, ᐃᔅᕋᐃᓪ ᐃᔪᒡ ᒋ ‍ ᑯᒂᒋᒪᐅᒡ ᑎᐸᔨᒋᒐᓱᐛ, “ᒐᒄ ᐊ ‍ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ ᓂᔅᑎᒻ ᒐ ‍ ᓂᑐᐱᔨᑐᐛᒡ ᑲᐃᓇᓐ ᐃᔪᐛ ?”
\p
\v 2 ᑎᐸᔨᒋᒐᓱᐤ ᒋ ‍ ᐃᑕᐤ, “ᒍᑕ ᐊ ‍ ᐃᑎᔅᑲᓇᓯᒡ ᓂᔅᑎᒻ ᒋᑭ ‍ ᐃᑐᑕᐅᒡ; ᐎᔨᐛᐤ ᐊᓂᔭ ᓂ ‍ ᒥᔭᐅᒡ ᐊᔅᒋᔪᐤ᙮”
\p
\v 3 ᐊᑯ ᒍᑕ ᐊ ‍ ᐃᑎᔅᑲᓇᓯᒡ ᓇᑐᐛᐱᒪᒡ ᐊᓂᔭ ᐎᐧᑲᓂᓱᐛᐛ ᓯᒥᐅᓐ ᐊ ‍ ᐃᑎᔅᑲᓇᓯᔨᒋ ᐊᑯ ᐊᑕᒡ, “ᐎᒍᐅᒡ ᑲᐃᓇᓐ ᐃᔪᒡ ᐊᓐᑕ ᐊᔅᒋᒡ ᒋᓴᒪᓂᑐᐛ ᑲ ‍ ᒥᔨᑎᑕᐧᑯᐤ᙮ ᐎᒐᐅᓇᓐ ᒐᒋ ᒪᓯᐧᑯᐅᒋᒡ ᑭᔭ ᓂᔭᓐ ᒋᑭ ‍ ᐎᒋᔨᑎᓇᓐ᙮” ᐊᑯ ᓯᒥᐅᓐ ᐊ ‍ ᐃᑎᔅᑲᓇᓯᒡ ᐛᒐᐊᒡ᙮
\p
\v 4 ᐃᔅᐱ ᒍᑕ ᑭᔭ ᓯᒥᐅᓐ ᐊ ‍ ᐃᑎᔅᑲᓇᓯᒡ ᒪᒧᐤ ᓂᔭᒋ ‍ ᓂᑐᐱᔨᒡ᙮ ᑎᐸᔨᒋᒐᓱᐤ ᒋ ‍ ᒥᔭᐤ ᒐᒋ ᓴᐧᑯᒋᐊᔨᒋ ᐸᐃᑯᔪᐤ ᑕᑥᐤ ᒐᓯᐱᔪᐤ ᑲᐃᓇᓐ ᑭᔭ ᐸᕆᔅ ᐊ ‍ ᐃᑎᔅᑲᓇᓯᔨᒋ ᐊᓐᑕ ᐸᓴᒃ ᐅᑕᓇᒡ᙮
\v 5 ᐊᑯᑕ ᑲ ‍ ᒥᔅᑯᐛᒡ ᒋᓴᐅᒋᒪᐛ ᐊᑐᓇᐃ-ᐸᓴᑲ ᑭᔭ ᒥᔭᓴᐊᒡ ᑭᔭ ᐅᑦ ᐊᓯᒪᑭᓂᓯᔨᒥᔨᐛ ᑭᔭ ᒋ ‍ ᓴᐧᑯᒋᐊᐅᒡ᙮
\v 6 ᒋ ᐎ ‍ ᒋᑎᓯᒧᐤ ᐊᑐᓇᐃ-ᐸᓴᒃ, ᒥᒄ ᒍᑕ ᐊᓯᒪᑭᓂᓯᒡ ᒋ ‍ ᒐᔅᑎᐱᑕᐅᒡ᙮ ᒋ ‍ ᒥᓂᓯᒺᐅᒡ ᐅᑐᐛᑭᓂᔨᐛ ᑭᔭ ᐅᓯᑯᑕᒥᔨᐛ᙮
\p
\v 7 ᐊᑯ ᐊᑐᓇᐃ-ᐸᓴᒃ ᐊᔅᒋᔄᑦ, “ᓂᔄᐅᑕᒡ ᑕᑐᔪᐤ ᒋᓴᐅᒋᒪᐅᒡ ᓂᒋ ‍ ᒋᒥᓯᒺᓐ ᐅᑐᐛᑭᓄᐛᐛ ᑭᔭ ᐅᓯᑯᑕᒧᐛᐛ ᑭᔭ ᓂᒋ ‍ ᐃᑐᑐᐛᐅᒡ ᒐᒋ ᒪᒧᓴᒋᓇᒡ ᐱᐅᑐᐛᓇ ᓯᐸ ᓂ ‍ ᒥᒋᓱᐛᑭᓇᑎᑯᒡ᙮ ᐊᓄᒡ ᓂᒋ ‍ ᐃᑐᑕᒄ ᒋᓴᒪᓂᑐᐤ ᑲ ᐃᓯ ‍ ᐃᑐᑐᐅᒥᒋ᙮” ᒍᑕ ᐊᓯᒪᑭᓂᓯᒡ ᒋᕈᓯᓕᒥᒡ ᒋ ‍ ᐃᑐᑕᐅᒡ ᐊᑐᓇᐃ-ᐸᓴᑲ ᑭᔭ ᐊᑯᑕ ᑲ ‍ ᐳᓂᐱᒪᑎᓯᔨᒋ᙮
\p
\v 8 ᒍᑕ ᐊ ‍ ᐃᑎᔅᑲᓇᓯᒡ ᒋ ‍ ᓂᑐᐱᔨᑎᒧᒡ ᒋᕈᓯᓕᒥᔪᐤ ᑭᔭ ᒋ ‍ ᒪᑯᓂᒧᒡ, ᒥᓯᐛ ᐊᓐᑕ ᐊᐛᔪᐛ ᑲ ‍ ᐎᒋᔨᒋ ᒋ ‍ ᓂᐸᐅᒡ, ᐊᑯ ᐊᔎᓴᒡ ᐊᓂᔭ ᐅᑕᓇᔪᐤ᙮
\p
\v 9 ᐸᑎᒪ ᒪᒃ, ᒍᑕ ᐊᓯᒪᑭᓂᓯᒡ ᒋ ‍ ᓂᑐᐱᔨᑐᐛᐅᒡ ᑲᐃᓇᓐ ᐃᔪᐛ ᐊᓐᑕ ᐊ ‍ ᐛᐛᑭᑕᐅᐧᑲᔨᒡ ᑲ ‍ ᐎᒋᔨᒋ ᑭᔭ ᐊᓐᑕ ᓇᒐᑉ ᐸᐧᑯᑎᔅᑭᒥᑲᒡ ᑭᔭ ᐊᓐᑕ ᐱᔅᑯᑎᓇᓴ ᐊᑎᒪᐱᓯᒧᒡ ᐃᑕᒐ᙮
\v 10 ᓇᓇᒐ, ᑲᐃᓇᓐ ᐃᔪᐛ ᐊᓐᑕ ᐃᑉᕈᓐ ᐅᑕᓇᒡ (ᑲᕆᐊᑦ-ᐊᕐᐸ ᐅᔅᑭᒡ ᒋ ‍ ᐃᓯᓂᐧᑲᑕᑭᓄᐅᒡ) ᑲ ‍ ᐎᒋᔨᒋ ᒋ ‍ ᓂᑐᐱᔨᑐᐛᐅᒡ ᑭᔭ ᒋ ‍ ᓴᐧᑯᒋᐊᐅᒡ ᑲ ‍ ᓂᔅᑐᐎᒋᓯᔨᒋ ᓯᓴᐃ, ᐊᐃᒪᓐ, ᑭᔭ ᑕᓪᒪᐃ ᑲ ‍ ᐃᓯᓂᐧᑲᓱᔨᒋ᙮
\p
\v 11 ᐃᑉᕈᓐ ᐅᒡ ᒋ ᐅᒋ ‍ ᔅᑐᑕᐅᒡ ᒍᑕ ᐊᓯᒪᑭᓂᓯᒡ ᒐᒋ ᓂᑐᐱᔨᑐᐛᒡ ᐃᔪᐛ ᐊᓐᑕ ᑎᐱᐅᕐ ᐅᑕᓇᒡ ᑲ ‍ ᐎᒋᔨᒋ ᑭᕆᐊᑦ ᓯᐳᕐ ᐅᔅᑭᒡ ᑲ ‍ ᐃᓯᓂᐧᑲᑕᔨᒡ᙮
\v 12 ᐸᐃᒄ ᐊᓐᒡ ᐃᔪᐤ ᑲᐃᓕᑉ ᑲ ‍ ᐃᓯᓂᐧᑲᓱᑦ ᒋ ‍ ᐃᑕᐤ ᐅᓂᑐᐱᔪᐅ-ᐃᔨᒪ, “ᐊᓐ ᐊᐛᓐ ᒐ ‍ ᑯᒂᑕᔨᑎᒥᒂ ᑭᔭ ᒐ ‍ ᒪᑯᓂᒥᒂ ᑭᕆᐊᑦ ᓯᐳᕐ ᐅᑕᓇᔪᐤ, ᓂᑭ ‍ ᒥᔭᐤ ᒐᒋ ᐎᒋᒪᑦ ᓂᑕᓂᓴ ᐊᒃᓴᔨᒋ᙮”
\v 13 ᑲᐃᓕᑉ ᒋ ‍ ᑕᔪᐛ ᐅᑐᓯᒪ ᐅᑦᓂᐅᓪ ᐊ ‍ ᐃᓯᓂᐧᑲᓱᔨᒋ, ᑲᓇᓴ ᐊᓂᔭ ᐅᑯᓴ, ᐎᔾ ᐅᑦᓂᐅᓪ ᒋ ‍ ᒪᑯᓂᒻ ᐊᓂᔭ ᐅᑕᓇᔪᐤ᙮ ᐊᑯ ᑲᐃᓕᑉ ᒂ ‍ ᒥᔭᑦ ᐅᑦᓂᐅᓚ ᒐᒋ ᐎᒋᒪᔨᒋ ᐅᑕᓂᓴ ᐊᒃᓴᔨᒋ᙮
\v 14 ᐸᐃᒂᐤ ᒐᓯᑲᔨᒡ, ᐊᒃᓴ ᒋ ‍ ᐃᑕᐤ ᐅᑦᓂᐅᓚ ᒐᒋ ᓂᑐᐛᔨᑎᒧᐛᔨᒋ ᐅᑕᐎᔪᐛ ᓂᑕᐅᒋᒋᑭᓐ ‍ ᐊᔅᒋᔪᐤ᙮ ᒥᒄ ᐎᔾ ᐊᒃᓴ ᒋ ‍ ᓂᑐᐛᐱᒪᐤ ᐅᑕᐎᔭ ᑭᔭ ᐃᔅᐱ ᐊᒃᓴ ᒪᒂᒡ ᐃᔭᒥᑦ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ, ᑲᐃᓕᑉ ᒋ ‍ ᐃᑕᐤ, “ᒐᒂᓐ ᓇᑐᐛᔨᑎᒥᓐ ᒐᒋ ᐃᑐᑎᒪᑕᓐ ?”
\p
\v 15 ᐊᒃᓴ ᒋ ‍ ᐃᑕᐤ, “ᓂᑐᐛᔨᑕᓐ ᒐᒋ ᐸᒋ ‍ ᐎᒋᐃᔨᓐ, ᐊᓐ ᐊᔅᒋᔾ ᑲ ‍ ᒥᔨᓐ ᓴᐅᓄᒡ ᐸᐧᑯᑎᔅᑭᒥᑲᒡ ᑎᑯᓐ, ᐃᔭᐱᒡ ᐊᒧᔅᒋᒍᐅᒋ ᓂᐱᔭ ᐸᒋ ‍ ᒥᔾ᙮” ᐊᑯ ᑲᐃᓕᑉ ᒂ ‍ ᒥᔭᑦ ᐊᔭᐱᓴᓯᔨᒋ ᒧᔅᒍᓂᐸᒂ ᑕᐧᑯᒡ ᑭᔭ ᐊᓇᒡ ᐊ ‍ ᑎᑯᓂᔨᒋ᙮
\p
\v 16 ᒧᓱᔅ ᐅᒋᓴᐃᔨᒪ ᐅᑦ ᐊᓂᔅᑯᑕᐸᓂᔪᐛ ᑭᓂ ᐊ ‍ ᐃᑎᔅᑲᓇᓯᔨᒋ ᒋ ‍ ᐎᒐᐛᐅᒡ ᒍᑕ ᐊ ‍ ᐃᑎᔅᑲᓇᓯᔨᒋ ᒐᕆᑯᐤ ᐅᒡ ᑭᔭ ᒂ ‍ ᐎᒋᒡ ᐊᓐᑕ ᒥᒋᒪ ᐊᕋᑦ ᐅᑕᓇᒡ ᓴᐅᓄᒡ ᐸᐧᑯᑎᔅᑭᒥᑲᒡ᙮
\p
\v 17 ᒍᑕ ᐅᑦ ᐊᓯᒪᑭᓂᓯᒪ ᒋ ‍ ᐎᒐᐛᐅᒡ ᓯᒥᐅᓇ ᐅᓯᒪᑭᓂᓯᒥᔪᐛ ᐊ ‍ ᓂᑐᐱᔨᑐᐛᒡ ᑲᐃᓇᓐ ᐃᔪᐛ ᐊᓐᑕ ᓴᐸᑦ ᐅᑕᓇᒡ ᑲ ‍ ᐎᒋᔨᒋ᙮ ᓇᔅᒡ ᒋ ‍ ᓂᓱᐅᓇᒋᑕᐅᒡ ᐊᓂᔭ ᐅᑕᓇᔪᐤ ᑭᔭ ᒂ ‍ ᐊᒋᓂᐧᑲᑕᒡ ᐦᐅᕐᒪ ᐊ ‍ ᐃᓯᓂᐧᑲᑕᒡ, ᓂᓱᐅᓇᑎᓐ ᐊ ‍ ᐃᑥᒥᑲᒡ᙮
\v 18 ᐃᔭᐱᒡ ᐊᓂᔭ ᑲᓴ ᑭᔭ ᐊᔅᑭᓗᓐ ᑭᔭ ᐃᒃᕈᓐ ᐅᑕᓇᐛ ᒋ ‍ ᒪᑯᓂᒧᒡ ᐊᓐᒡ ᒍᑕ ᐊ ‍ ᐃᑎᔅᑲᓇᓯᒡ ᑭᔭ ᐊᓐᑕ ᒥᓯᐛ ᐛᔅᑲ ᑲ ‍ ᑎᑯᓂᔨᒋ ᐊᔅᒋᔭ᙮
\p
\v 19 ᑎᐸᔨᒋᒐᓱᐤ ᒋ ‍ ᐎᒐᐊᐤ ᒍᑕ ᐊ ‍ ᐃᑎᔅᑲᓇᓯᔨᒋ᙮ ᐃᔭᐱᒡ ᒋ ‍ ᒪᑯᓂᒧᒡ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᔪᐤ᙮ ᒥᒄ ᐊᓐᒡ ᐃᔪᒡ ᐊᓐᑕ ᐊ ‍ ᐱᓴᔨᒡ ᑲ ‍ ᐎᒋᒡ ᒋ ‍ ᑭᓄᐛᔨᒪᐅᒡ ᐊ ‍ ᐃᓴᑯᔨᒋ ᑎᑎᐱᑕᐸᓇᔎ, ᐊᑯ ᒍᑕ ᐊ ‍ ᐃᑎᔅᑲᓇᓯᒡ ᓇᒪ ᐅᒋ ᒋ ‍ ᐃᑐᑐᐛᐅᒡ ᒐᒋ ᔅᑐᑕᔨᒋ ᑭᔭ ᒪᒃ ᒐᒋ ᒪᑯᓂᒺᒡ ᐅᑦ ᐊᔅᒋᔨᐛ᙮
\v 20 ᒍᑕ ᐊ ‍ ᐃᑎᔅᑲᓇᓯᒡ ᐃᑉᕈᓐ ᐅᑕᓇᔪᐤ ᒋ ‍ ᒥᔭᐅᒡ ᑲᐃᓕᐸ ᒧᔭᒻ ᑲ ᐃᓯ ‍ ᐊᓱᑎᒪᒐᑦ ᒧᓱᔅ, ᑲᐃᓕᑉ ᒋ ‍ ᓴᐧᑯᒋᐊᐤ ᐊ ‍ ᓂᔅᑐᐎᒋᓯᔨᒋ ᐊᓇᑭᒻ ᐃᔪᐛ ᑭᔭ ᒂ ‍ ᒪᑯᓇᐧᒃ ᐅᑕᓇᔪᐤ᙮
\s1 ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᓇᒪ ᒪᑯᓂᒧᒡ ᒋᕈᓯᓕᒥᔪᐤ
\p
\v 21 ᒋᕈᓯᓕᒥᒡ ᒋ ‍ ᐎᒋᐅᒡ ᒐᐳᔅ ᐃᔪᒡ᙮ ᓇᒪ ᐅᒋ ᓴᐧᑯᒋᐊᐅᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐊᓂᔭ ᒐᐳᔅ ᐃᔪᐛ ᑭᔭ ᒪᒃ ᓇᒪ ᐅᒋ ᒪᑯᓂᒧᒡ ᐅᑕᓇᔪᐤ᙮ ᐊᐅᑯᔪᐤ ᐊᓂᔭ ᐊᔅᒄ ᐛᒋ ‍ ᐎᒋᒡ ᒐᐳᔅ ᐃᔪᒡ ᐊᓐᑕ ᒋᕈᓯᓕᒥᒡ ᐊᓯᒡ ᐊᓐᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ᙮
\s1 ᐃᑉᕋᐃᒻ ᑭᔭ ᒪᓇᓴ ᐊ ‍ ᐃᑎᔅᑲᓇᓯᒡ ᐸᑕᓪ ᐅᑕᓇᔪᐤ ᒪᑯᓂᒧᒡ
\p
\v 22 ᐃᑉᕋᐃᒻ ᑭᔭ ᒪᓇᓴ ᐊ ‍ ᐃᑎᔅᑲᓇᓯᒡ ᒋ ‍ ᐊᔭᔅᑯᐎᔪᒡ ᒐᒋ ᓂᑐᐱᔨᑕᒡ ᐸᑕᓪ ᐅᑕᓇᔪᐤ, ᑎᐸᔨᒋᒐᓱᐛ ᒋ ‍ ᐎᒋᐃᑯᐅᒡ᙮ ᓗᔅ ᐅᔅᑭᒡ ᒋ ‍ ᐃᓯᓂᐧᑲᑕᐤ ᐊᓐ ᐅᑕᓇᐤ᙮
\v 23 ᐃᔅᐱ ᑲ ‍ ᐃᑎᓴᐛᒡ ᓇᐸᐛ ᒐᒋ ᓇᒋ ‍ ᒋᒧᓴᐸᑎᒥᔨᒋ ᐸᑕᓪ ᐅᑕᓇᔪᐤ,
\v 24 ᒋ ‍ ᐛᐱᒪᐅᒡ ᐊᓐᒡ ᑲ ‍ ᒋᒧᓴᐱᒡ ᐊ ᐸᒋ ‍ ᐎᐎᔨᒋ ᓇᐸᐛ ᐊᓐᑕ ᐅᑕᓇᒡ ᐅᒋ ᑭᔭ ᒋ ‍ ᐃᑕᐅᒡ, “ᐛᐸᑎᔨᑥᐛ ᓂᑦ ᐊᓯᒪᑭᓂᓯᒥᓇᓐᒡ ᑕᓐᑕ ᒐᒋ ᐅᒋ ‍ ᐱᒐᒡ ᐊᓂᔭ ᐅᑕᓇᔪᐤ, ᒋᑭ ‍ ᒥᔪᑐᑕᑎᓇᓐ ᒋᔾ ᑭᔭ ᐊ ‍ ᐸᐃᑯᔅᑲᓇᓯᔨᓐ ᑭᔭ ᓇᒪ ᒋᑭ ᐅᒋ ‍ ᓂᐸᐃᑯᐅᓇᐛᐤ ᒋᔨᐛᐤ᙮”
\v 25 ᐊᑯ ᒂ ‍ ᐛᐸᑎᔭᑦ ᐊᓐ ᓇᐸᐤ᙮ ᐃᑉᕋᐃᒻ ᑭᔭ ᒪᓇᓴ ᐊ ‍ ᐃᑎᔅᑲᓇᓯᒡ ᒥᓯᐛ ᒋ ‍ ᓂᐸᐅᒡ ᐊᐛᔪᐛ ᐊᓐᑕ ᑲ ‍ ᑕᔨᒋ, ᒥᒄ ᓇᒪ ᐅᒋ ᓂᐸᐅᒡ ᐊᓂᔭ ᓇᐸᐛ ᑭᔭ ᐊ ‍ ᐸᐃᑯᔅᑲᓇᓯᔨᒋ᙮
\v 26 ᐊᑯ ᐊᓐᑕ ᐊᑦ ᐃᔪᐛ ᐅᑦ ᐊᔅᒋᔨᒡ ᐊᑐᑕᒡ ᐊᓐ ᓇᐸᐤ ᑭᔭ ᐊ ‍ ᐸᐃᑯᔅᑲᓇᓯᑦ, ᐊᑯᑕ ᑲ ‍ ᒋᒥᑕᑦ ᐅᑕᓇᔪᐤ ᑭᔭ ᓗᔅ ᒋ ‍ ᐃᓯᓂᐧᑲᑎᒻ᙮ ᐊᔅᒄ ᒂ ᐃᓯ ‍ ᐃᓯᓂᐧᑲᑕᒡ ᐊᓄᒡ᙮
\s1 ᐃᔅᕋᐃᓪ ᐊ ‍ ᐃᑎᔅᑲᓇᓯᒡ ᓇᒪ ᐅᒋ ᓴᐧᑯᒋᐊᐅᒡ ᑲᐃᓇᓐ ᐃᔪᐛ
\p
\v 27 ᒥᒄ ᒪᓇᓴ ᐊ ‍ ᐃᑎᔅᑲᓇᓯᒡ ᓇᒪ ᐅᒋ ᒋ ‍ ᐃᑐᑐᐛᐅᒡ ᒐᒋ ᐎᐎᑎᓴᐛᒡ ᑲᐃᓇᓐ ᐃᔪᐛ ᐊᓐᑕ ᐸᑦ-ᓴᓐ ᑭᔭ ᑕᓇᒃ ᑭᔭ ᑐᕐ ᑭᔭ ᐃᑉᓕᐊᒻ ᑭᔭ ᒪᑭᑐᐤ ᐅᑕᓇᐛ ᑭᔭ ᐊᓐᑕ ᐛᔅᑲ ᑲ ‍ ᑎᑯᓂᔨᒋ ᐃᑕᐅᓇ ᑲ ‍ ᐎᒋᔨᒋ, ᐛᔅ ᓇᔅᒡ ᒋ ‍ ᐃᑕᔨᑎᒧᒡ ᑲᐃᓇᓐ ᐃᔪᒡ ᒐᒋ ᐎᒋᒡ ᐊᓐᑕ ᐊᔅᒋᒡ᙮
\v 28 ᐃᔅᐱ ᐊᑎᑐᐤ ᑲ ‍ ᓱᐧᑲᑎᓯᒡ ᐃᔅᕋᐃᓪ ᐃᔪᒡ, ᒋ ‍ ᐅᑦ ᐊᐱᒋᐊᑭᓂᑐᑐᐛᐅᒡ ᑲᐃᓇᓐ ᐃᔪᐛ, ᒥᒄ ᐊᔅᒄ ᐃᔭᐱᒡ ᓇᒪ ᒥᓯᐛ ᐅᒋ ᐎᐎᑎᓴᐛᐅᒡ ᐊᓐᑕ ᐅᑕᓇᒡ ᐅᒋ᙮
\p
\v 29 ᐃᑉᕋᐃᒻ ᐊ ‍ ᐃᑎᔅᑲᓇᓯᒡ ᓇᒪ ᐅᒋ ᐎᐎᑎᓴᐛᐅᒡ ᑲᐃᓇᓐ ᐃᔪᐛ ᑲ ‍ ᐎᒋᔨᒋ ᐊᓐᑕ ᑭᓱᕐ ᐅᑕᓇᒡ, ᐊᑯ ᑲᐃᓇᓐ ᐃᔪᒡ ᒂ ‍ ᐎᒋᒪᒡ ᐃᑉᕋᐃᒻ ᐊ ‍ ᐃᑎᔅᑲᓇᓯᔨᒋ᙮
\v 30 ᓴᐳᓕᓐ ᐊ ‍ ᐃᑎᔅᑲᓇᓯᒡ ᓇᒪ ᐅᒋ ᐎᐎᑎᓴᐛᐅᒡ ᑲᐃᓇᓐ ᐃᔪᐛ ᑲ ‍ ᐎᒋᔨᒋ ᐊᓐᑕ ᑭᑦᕈᓐ ᑭᔭ ᓇᐊᓚᓪ ᐅᑕᓇᐛ᙮ ᐊᑯ ᑲᐃᓇᓐ ᐃᔪᒡ ᒂ ‍ ᐎᒋᒪᒡ ᐊᓂᔭ ᐃᔪᐛ ᑭᔭ ᒂ ‍ ᐅᑦ ᐊᐱᒋᐊᑭᓂᑐᑕᑯᒡ᙮
\v 31 ᑭᔭ ᐊᓱᕐ ᐊ ‍ ᐃᑎᔅᑲᓇᓯᒡ ᓇᒪ ᐅᒋ ᐎᐎᑎᓴᐛᐅᒡ ᑲᐃᓇᓐ ᐃᔪᐛ ᑲ ‍ ᐎᒋᔨᒋ ᐊᓐᑕ ᐊᒃᑯᐤ, ᓴᐃᑐᓐ, ᐊᓚᑉ, ᐊᒃᓯᑉ, ᐃᓪᐸ, ᐊᐸᒃ ᑭᔭ ᕆᐅᑉ ᐅᑕᓇᐛ᙮
\v 32 ᐊᓱᕐ ᐊ ‍ ᐃᑎᔅᑲᓇᓯᒡ ᒋ ‍ ᐎᒋᒪᐅᒡ ᐊᓐᑕ ᑲ ‍ ᐎᒋᔨᒋ ᑲᐃᓇᓐ ᐃᔪᐛ ᐛᔅ ᓇᒪ ᐅᒋ ᐎᐎᑎᓴᐛᐅᒡ᙮
\v 33 ᓇᑉᑕᓕ ᐊ ‍ ᐃᑎᔅᑲᓇᓯᒡ ᓇᒪ ᐅᒋ ᐎᐎᑎᓴᐛᐅᒡ ᑲᐃᓇᓐ ᐃᔪᐛ ᑲ ‍ ᐎᒋᔨᒋ ᐊᓐᑕ ᐸᑦ-ᓴᒪᔅ ᑭᔭ ᐸᑦ-ᐊᓇᑦ ᐅᑕᓇᐛ᙮ ᓇᑉᑕᓕ ᐊ ‍ ᐃᑎᔅᑲᓇᓯᒡ ᒋ ‍ ᐎᒋᒪᐅᒡ ᐊᓐᑕ ᑲ ‍ ᐎᒋᔨᒋ ᑲᐃᓇᓐ ᐃᔪᐛ, ᒥᒄ ᒂ ‍ ᐃᑐᑕᑯᒡ ᒐᒋ ᐅᑦ ᐊᐱᒋᐊᑭᓂᑐᑕᑯᒡ᙮
\p
\v 34 ᐊᒧᕆ ᐃᔪᒡ ᒋ ‍ ᐃᑎᓴᐛᐅᒡ ᑕᐊᓐ ᐊ ‍ ᐃᑎᔅᑲᓇᓯᔨᒋ ᐊᓐᑕ ᐊ ‍ ᐛᐛᑭᑕᐅᐧᑲᔨᒡ ᑭᔭ ᓇᒪ ᐅᒋ ᓇᐊᔨᒪᐅᒡ ᒐᒋ ᐸᒋ ‍ ᓂᑎᒋᐛᔨᒋ ᒥᔅᑯᓯᐅ-ᓂᑕᐅᒋᒋᑭᓂᒡ ᐊᓐᑕ ᐊ ‍ ᑕᐱᔅᑯᒐᔨᒡ᙮
\v 35 ᐊᒧᕆ ᐃᔪᒡ ᓇᔅᒡ ᒋ ‍ ᐃᑕᔨᑎᒧᒡ ᒐᒋ ᒥᒋᒥᓇᒡ ᐊᕆᔅ ᐱᔅᑯᑎᓇᔪᐤ, ᑭᔭ ᐊᐃᒍᓗᓐ ᑭᔭ ᓴᓪᐱᒻ ᐅᑕᓇᐛ᙮ ᓇᓇᒐ, ᒧᔭᒻ ᐊᑎᑐᐤ ᐊᑎ ‍ ᓱᐧᑲᑎᓯᒡ ᐃᑉᕋᐃᒻ ᑭᔭ ᒪᓇᓴ ᐊ ‍ ᐃᑎᔅᑲᓇᓯᒡ, ᒋ ‍ ᐃᑐᑐᐛᐅᒡ ᒐᒋ ᐅᑦ ᐊᐱᒋᐊᑭᓂᑐᑐᐛᒡ ᐊᒧᕆ ᐃᔪᐛ᙮
\v 36 ᓯᓚ ᐃᔅᐱᔅ ᒥᓐᑐᓴ ᐊ ‍ ᐱᒋᔅᑲᐛᔨᒋ ᐊ ‍ ᐱᓴᒡ ᑭᔭ ᐊᓐᑕ ᐊ ‍ ᐛᐛᑭᑕᐅᐧᑲᒡ ᐊᔅᒋᒡ ᒋ ‍ ᑎᑯᓐ ᐊᒧᕆ ᑲ ‍ ᐱᒥᓯᓇᑕᒡ ᐊᔅᒋᔾ᙮
\c 2
\s1 ᑎᐸᔨᒋᒐᓱᐤ ᑲ ‍ ᐃᑕᑦ ᐃᔅᕋᐃᓪ ᐃᔪᐛ
\p
\v 1 ᑎᐸᔨᒋᒐᓱᐤ ᐅᑦ ᐊᓐᒋᓂᒪ ᑭᑲᓪ ᐅᑕᓇᒡ ᒋ ᐅᒋ ‍ ᔅᑐᑕᔪᐛ ᐳᑭᒻ ᐃᔅ ᑭᔭ ᒂ ‍ ᐎᑎᒧᐛᑦ ᐃᔪᐛ ᑲ ‍ ᐃᔅᒋᔄᔨᒋ ᑎᐸᔨᒋᒐᓱᐛ, “ᐃᒋᑉᑎᒡ ᔅᒋ ᐅᒋ ‍ ᐎᐎᑕᔨᑎᓇᐛᐤ ᑭᔭ ᑲ ‍ ᐊᓱᑎᒧᐅᒂᐤ ᒍᑕᐎᐛᐅᒡ ᐊᔅᒋᔪᐤ ᔅᒋ ᐃᓯ ‍ ᒋᔅᒋᓄᑕᔨᑎᓇᐛᐤ᙮ ᓂᒋ ‍ ᐃᔅᒋᔄᓐ, ‘ᓇᒪ ᓂᑕ ᓂᑭ ‍ ᐱᑯᓇᓐ ᓂ ‍ ᓂᔅᑯᒥᑐᐅᓐ ᑲ ‍ ᐃᑐᑎᒪᑎᑯᒡ᙮
\v 2 ᑭᔭ ᓇᒪ ᒋᑭ ‍ ᐃᑐᑎᒺᐛᐅᒡ ᓂᔅᑯᒥᑐᐅᓂᔪᐤ ᐊᓯᒡ ᐊᓐᒡ ᐃᔪᒡ ᐅᑕ ᐊᔅᒋᒡ, ᒥᒄ ᒋᑭ ‍ ᐱᑯᓂᒺᓇᐛᐤ ᐅᐱᔅᑎᓂᒐᐅᓇᐱᔅᑯᒧᐛᐛ ᐊᓐᑕ ᐸᔅᑎᓂᒧᐛᒡ ᐅᒥᓂᑐᒧᐛᐛ᙮’ ᒥᒄ ᐃᔭᐱᒡ ᓇᒪ ᒋ ᐅᒋ ‍ ᓂᓇᐃᑐᐅᓇᐛᐤ, ᒐᒂᓐ ᐅ ᑲ ᐅᒋ ‍ ᐃᑐᑎᒪᒄ ?
\v 3 ᒪᒃ ᐊᓄᒡ, ᒋ ‍ ᐎᑎᒪᑎᓇᐛᐤ, ᓇᒪ ᓂᑭ ‍ ᐎᐎᑎᓴᐛᐅᒡ ᐃᔪᒡ ᐊ ‍ ᐃᑕᔭᒄ ᐅᒋ, ᒋᑭ ‍ ᐛᐧᑲᔨᑯᐛᐅᒡ ᑭᔭ ᒋᑭ ‍ ᐎᔭᓯᒥᑯᐛᐅᒡ ᒐᒋ ᐊᔭᒥᐊᔅᑐᒪᑯᐤ ᐅᒥᓂᑐᐧᑲᓂᒧᐛᐛ᙮”
\p
\v 4 ᐃᔅᐱ ᑎᐸᔨᒋᒐᓱᐤ ᐅᑦ ᐊᓐᒋᓂᒪ ᑲᒋ ‍ ᐃᑕᑦ ᒥᓯᐛ ᐃᔅᕋᐃᓪ ᐃᔪᐛ ᐅᔭ ᒐᒂᔪᐛ, ᒋ ‍ ᒪᐅᒡ ᐃᔪᒡ ᐊ ‍ ᐸᑕᑯᓯᒡ᙮
\v 5 ᑭᔭ ᐳᑭᒻ, (ᐊ ‍ ᒪᓄᐅᒡ ᐃᔅᒋᔄᒥᑭᓐ) ᒋ ‍ ᐃᓯᓂᐧᑲᑎᒧᒡ ᐊᓂᔭ ᐃᑕᐅᓂᔪᐤ, ᐊᑯᑕ ᑲ ‍ ᐱᔅᑎᓂᒧᐛᒡ ᑎᐸᔨᒋᒐᓱᐛ ᐱᔅᑎᓂᒐᐅᓇ᙮
\s1 ᒐᓱᐛ ᑲ ‍ ᐳᓂᐱᒪᑎᓯᑦ
\p
\v 6 ᑲᒋ ‍ ᐱᔅᑎᓇᑦ ᒐᓱᐛ ᐃᔅᕋᐃᓪ ᐃᔪᐛ, ᐃᔪᒡ ᒂ ‍ ᐅᑎᓇᒡ ᐊᔅᒋᔪᐤ ᒥᓯᐛ ᐸᐸᐃᒄ ᐊ ‍ ᐃᑎᔅᑲᓇᓯᒡ ᒐ ᐃᓯ ‍ ᑎᐱᔨᐛᐅᓯᒡ᙮
\v 7 ᑎᐸᔨᒋᒐᓱᐛ ᒋ ‍ ᐊᑐᔅᑯᐛᐅᒡ ᐃᔪᒡ ᑲ ᐃᔅᐱᔅ ‍ ᐱᒪᑎᓯᔨᒋ ᒐᓱᐛᔨᒋ ᑭᔭ ᐊᓂᔭ ᒋᓴᐃᔪᐛ ᐊᑎᑐᐤ ᓇᐅᔅ ᑲ ‍ ᐱᒪᑎᓯᔨᒋ ᐃᔅᐱᔅ ᒐᓱᐛᔨᒋ ᑭᔭ ᒥᓯᐛ ᑲ ‍ ᐛᐸᑎᒥᔨᒋ ᒋᒋ ‍ ᒐᒂᔪᐛ ᑎᐸᔨᒋᒐᓱᐤ ᑲ ‍ ᐃᑐᑎᒧᐛᑦ ᐃᔅᕋᐃᓪ ᐃᔪᐛ᙮
\p
\v 8 ᒐᓱᐛ, ᓇᓐ ᐅᑯᓴ, ᑎᐸᔨᒋᒐᓱᐤ ᐅᑦ ᐊᐱᒋᐊᑭᓇ, ᑲ ‍ ᐸᐃᑯ ᒥᑕᓯᒥᑎᓄᐛᐳᓇᓯᑦ ᐊᓱ ᐸᐃᑯᔪᐤ ᒋ ‍ ᐳᓂᐱᒪᑎᓯᐤ,
\v 9 ᑭᔭ ᐊᓐᑕ ᐊᔅᒋᔪᐤ ᑲ ‍ ᑎᐱᔨᐛᐅᓯᑦ ᒋ ‍ ᓇᐃᐧᑯᐛᑭᓄᐤ, ᐊᓐᑕ ᑎᒻᓇᑦ ᐊᕆᔅ ᐅᑕᓇᒡ, ᐃᑉᕋᐃᒻ ᐱᔅᑯᑎᓇᐤ ᐊᔅᒋᒡ, ᒋᐛᑎᓄᒡ ᑲᐊᔅ ᐱᔅᑯᑎᓇᒡ᙮
\s1 ᒋ ‍ ᐊᓏᔨᒪᑭᓄᐅᒡ ᐃᔅᕋᐃᓪ ᐃᔪᒡ ᐊᒋ ‍ ᒥᒋ ‍ ᑐᑕᒡ
\p
\v 10 ᑲᒋ ‍ ᐳᓂᐱᒪᑎᓯᒡ ᐊᓐᒡ ᑲ ᐊᓂᔅᒐ ‍ ᐱᒪᑎᓯᒡ, ᒂ ‍ ᓂᑕᐅᒋᒡ ᐊᓐᒡ ᒥᓐ ᒐ ᐊᓂᔅᒐ ‍ ᐱᒪᑎᓯᒡ, ᐊᓐᒡ ᐊ ᐊᑲ ᐅᒋ ‍ ᒋᔅᒐᔨᒪᒡ ᑎᐸᔨᒋᒐᓱᐛ ᑭᔭ ᒪᒃ ᑕᓐ ᑲ ‍ ᐃᑐᑐᒧᐛᔨᒋ ᐃᔅᕋᐃᓪ ᐃᔪᐛ᙮
\v 11 ᐊᑯ ᐊᓐᒡ ᐃᔅᕋᐃᓪ ᐃᔪᒡ ᒋ ‍ ᒥᒋᑐᑎᒧᒡ ᐊ ‍ ᐃᑐᑕᒡ ᒐᒂᔪᐛ ᐊᓂᔭ ᑎᐸᔨᒋᒐᓱᐤ ᐊ ‍ ᐃᑕᔨᑕᐧᒃ ᐊ ‍ ᒥᒋᓂᔨᒡ ᑭᔭ ᐸᐊᓚ ᒥᓂᑐᐧᑲᓇ ᒋ ‍ ᐊᔭᒥᐊᔅᑐᐛᐅᒡ᙮
\v 12 ᒋ ‍ ᓂᑭᑕᐅᒡ ᑎᐸᔨᒋᒐᓱᐛ, ᐅᑕᐎᐛᐛ ᐅᒋᓴᒪᓂᑐᒥᔪᐛ ᐊᓂᔭ ᐃᒋᑉᑎᒡ ᑲ ᐅᒋ ‍ ᐎᐎᑕᔨᑯᔨᒋ, ᒥᒐᑐᐎᒡ ᐅᒥᓂᑐᐧᑲᓂᒥᔪᐛ ᐊᓂᔭ ᐃᔪᐛ ᐛᔅᑲ ᐊ ‍ ᑕᔨᒋ ᒋ ‍ ᓇᓴᐅᒺᐅᒡ ᑭᔭ ᒋ ‍ ᐊᔭᒥᐊᔅᑐᐛᐅᒡ᙮ ᒋ ‍ ᒋᔄᐅᒡ ᑎᐸᔨᒋᒐᓱᐛ,
\v 13 ᐛᔅ ᑲ ‍ ᓂᑭᑎᑯᑦ ᑎᐸᔨᒋᒐᓱᐤ ᐃᔅᕋᐃᓪ ᐃᔪᐛ ᑭᔭ ᐸᐊᓚ ᑭᔭ ᐊᔅᑐᕋᑕ ᒥᓂᑐᐧᑲᓇ ᑲ ‍ ᐊᔭᒥᐊᔅᑐᐛᔨᒋ᙮
\v 14 ᐊ ‍ ᒋᔄᐃᑯᑦ ᑎᐸᔨᒋᒐᓱᐤ ᐃᔅᕋᐃᓪ ᐃᔪᐛ ᑲ ‍ ᐅᐧᑲᑎᑯᔨᒋ ᒋ ᐃᓯ ‍ ᐱᔅᑎᓇᐤ ᑭᔭ ᒂ ‍ᒋᒧᑎᒪᑯᔨᒋ ᐅᓂᑕᐅᒋᑕᑭᓄᐛᐛ ᑭᔭ ᐅᑦ ᐊᐛᓯᓯᒧᐛᐛ᙮ ᑭᔭ ᑎᐸᔨᒋᒐᓱᐤ ᒋ ‍ ᓇᐊᔨᒪᐤ ᒥᓯᐛ ᐛᔅᑲ ᑲ ᐃᑕᔨᒋ ᑲ ‍ ᐅᐧᑲᑎᑯᔨᒋ ᒐᒋ ‍ ᓴᐧᑯᒋᔨᑯᔨᒋ᙮
\v 15 ᐃᔅᐱ ᐃᔅᕋᐃᓪ ᐃᔪᒡ ᓂᔭᒋ-ᓂᑐᐱᔨᑐᐛᐎ, ᑎᐸᔨᒋᒐᓱᐛ ᒋ ‍ ᐊᑐᐛᔨᒥᑯᐅᒡ ᑭᔭ ᒋ ‍ ᑐᑕᑯᐅᒡ ᒐᒋ ᓴᒂᑭᓄᐅᒡ, ᒧᔭᒻ ᑲ ᐃᓯ ‍ ᐃᔭᒂᒪᑦ ᑎᐸᔨᒋᒐᓱᐤ᙮ ᒋᒋᐛ ᒋ ‍ ᓂᓇᐧᑲᒋᐅᐎᒡ᙮
\p
\v 16 ᐊᑯ ᑎᐸᔨᒋᒐᓱᐤ ᒂ ᒪᔭᑦ ᑎᐸᔅᑯᓂᒐᓱᐛ ᒐᒋ ᒋᔅᒋᓄᑕᔨᑯᒡ, ᐊᓂᔭ ᐸᒪᒋᐃᑯᒡ ᐊᓐᒡ ᐃᔅᕋᐃᓪ ᐃᔪᒡ ᑲ ‍ ᐅᐧᑲᑎᑯᒡ ᐅᒋ᙮
\v 17 ᐃᔭᐱᒡ ᓇᒪ ᐅᒋ ‍ ᐎ ‍ ᓂᑐᑐᐛᐅᒡ ᐅᑎᐸᔅᑯᓂᒐᓯᒧᐛᐛ, ᒥᒄ ᑯᑎᑲ ᒥᓂᑐᐧᑲᓇ ᒋ ᐃᓯ ‍ ᐱᔅᑎᓂᓱᐅᒡ ᑭᔭ ᒋ ‍ ᐊᔭᒥᐊᔅᑐᐛᐅᒡ, ᐊᓂᔭ ᐊ ᐊᑲ ᐅᒋ ‍ ᐃᑎᔨᒋ ᐊᓂᔭᐧᑲ ᐅᑕᐎᐛᐛ᙮ ᐎᔨᐛᐤ ᐎᐱᒡ ᒋ ‍ᓂᑭᑎᒧᒡ ᑕᓐ ᑲ ᐃᓯ ‍ ᐱᒪᑎᓯᔨᒋ ᐅᑕᐎᐛᐛ, ᑲ ‍ ᓇᐃᑐᐛᔨᒋ ᑎᐸᔨᒋᒐᓱᐛ ᑕᓐ ᐊ ‍ ᐃᑎᓱᐛᔨᒋ᙮
\v 18 ᐃᔅᐱ ᑎᐸᔨᒋᒐᓱᐤ ᒪᔭᒋ ᐃᔅᕋᐃᓪ ᐃᔪᐛ ᑎᐸᔅᑯᓂᒐᓱᐛ, ᒋ ‍ ᐃᑕᐛᐤ ᐊᓐᑕ ᐊ ‍ ᐃᑕᔨᒋ ᑎᐸᔅᑯᓂᒐᓱᐛ ᑭᔭ ᒋ ‍ ᐱᒪᒋᐊᐤ ᐃᔅᕋᐃᓪ ᐃᔪᐛ ᑲ ‍ ᐅᐧᑲᑎᑯᔨᒋ ᐅᒋ᙮ ᒋ ᐎᒋᐊᐤ ᑲ ᐃᔅᐱᔅ ‍ ᐱᒪᑎᓯᔨᒋ ᑎᐸᔅᑯᓂᒐᓱᐛ᙮ ᐛᔅ ᒋᔅᑎᒪᒐᔨᒥᑯᐅᒡ ᐃᔅᕋᐃᓪ ᐃᔪᒡ ᑎᐸᔨᒋᒐᓱᐛ ᒪᒂᒡ ᑲ ‍ ᒥᒪᑥᒡ ᑲ ᐃᓯ ‍ ᐱᐛᔨᒪᑭᓄᐅᒡ ᑭᔭ ᑲ ‍ ᐊᐧᑯᐛᑭᓄᐅᒡ᙮
\v 19 ᐃᔅᐱ ᑲ ‍ ᐳᓂᐱᒪᑎᓯᑦ ᑎᐸᔅᑯᓂᒐᓱᐤ, ᐊᓐᒡ ᐃᔪᒡ ᑲᐤ ᐊᓐᑕ ᒂ ᐃᓯ ‍ ᐱᒪᑎᓯᒡ ᐊᑎᑐᐤ ᐊᒂᑎᓯᓇᓄᐎᒡ ᐃᔅᐱᔅ ᐊᓂᔭᐧᑲ ᐅᑕᐎᐛᐛ, ᐊ ‍ ᓇᓴᐛᒡ ᑯᑎᑲ ᒥᓂᑐᐧᑲᓇ ᑭᔭ ᐊᑐᔅᑯᐛᒡ ᑭᔭ ᐊᔭᒥᐊᔅᑐᐛᒡ᙮ ᓇᒪ ᐅᒋ ᐎ ‍ ᓂᑭᑎᒧᒡ ᐊ ᐃᓯ ‍ ᒥᒋ ‍ᐃᑎᒡ ᑭᔭ ᐊ ‍ ᒥᔅᑯᔅᑎᒂᓇᒡ᙮
\p
\v 20 ᐊᑯ ᒪᒃ ᒋᒋᐛ ᒋ ‍ ᒋᔄᐃᑯᐤ ᑎᐸᔨᒋᒐᓱᐤ ᐊᓂᔭ ᐃᔅᕋᐃᓪ ᐃᔪᐛ ᑭᔭ ᒂ ‍ ᐃᔅᒋᔄᑦ, “ᐅᓴᒻ ᐅᒡ ᐃᔪᒡ ᐊ ᐊᑲ ‍ ᐅᒋ ‍ ᓂᓇᐃᑕᒡ ᓂᓂᔅᑯᒥᑐᐅᓂᔪᐤ ᑲ ‍ ᑐᑎᒧᒥᒋ ᐅᑕᐎᐛᐛ ᑭᔭ ᐊ ᐊᑲ ᐅᒋ ‍ ᓂᑐᑐᐅᒡ,
\v 21 ᓇᒪ ᓴᔅ ᓂᑭ ‍ ᐃᑲᑎᓴᐅᒪᐛ ᐊᓂᔭ ᐊ ‍ ᑕᑐᔅᑲᓇᓯᔨᒋ ᐃᔪᐛ ᒐᓱᐛ ᑲ ᓂᑭᑕᑦ ᐃᔅᐱ ᑲ ‍ ᐳᓂᐱᒪᑎᓯᑦ᙮
\v 22 ᐊᐅᑯᓐᒡ ᐊᓐᒡ ᒐ ‍ ᐊᐱᒋᔨᒂᐤ ᒐᒋ ᑯᒂᒋᐃᒂᐤ ᐃᔅᕋᐃᓪ ᐃᔪᒡ ᑭᔭ ᒐᔅᒐᔨᒥᒂᐤ ᒐ ‍ ᑭᓄᐛᔨᑎᒥᒂᓐᒋ ᑭᔭ ᒐ ‍ ᐱᒧᑕᐛᒂ ᑎᐸᔨᒋᒐᓱᐛ ᐊ ‍ ᑎᓱᐛᔨᒋ ᒧᔭᒻ ᐅᑕᐎᐛᐛ ᑲ ‍ᐃᑎᔨᒋ᙮”
\v 23 ᒋ ‍ᓇᐊᔨᒪᐤ ᑎᐸᔨᒋᒐᓱᐤ ᒐᒋ ᑕᔨᒋ ᐊᓐᑕ ᐊᓂᔭ ᐊ ‍ ᑕᑐᔅᑲᓇᓯᔨᒋ ᐃᔪᐛ, ᓇᒪ ᐅᒋ ᒥᔭᐤ ᒐᓱᐛᔨᒋ ᒐᒋ ᓴᐧᑯᒋᐊᔨᒋ ᐊᓂᔭ ᐃᔪᐛ, ᑭᔭ ᒪᒃ ᓇᒪ ᐅᒋ ᐃᑲᑎᓴᐛᐤ ᐊᓂᔭ ᐃᔪᐛ ᑲᒋ ‍ ᐳᓂᐱᒪᑎᓯᔨᒋ ᒐᓱᐛᔨᒋ᙮
\c 3
\p
\v 1 ᐊᐅᑯᔪᐛ ᐅᔭ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᓂᑭᑕᑦ ᑎᐸᔨᒋᒐᓱᐤ ᒐᒋ ᑯᒂᒋᐊᔨᒋ ᒥᓯᐛ ᐃᔅᕋᐃᓪ ᐃᔪᐛ ᐊ ᐊᑲ ᓂᑕ ᐅᒋ ᐛᐸᑎᒥᔨᒋ ᐊ ‍ ᓂᑐᐱᔨᓇᓄᐎᔨᒡ ᐊᓐᑕ ᑲᐃᓇᓐ ᐊᔅᒋᒡ᙮
\v 2 (ᒋ ‍ ᐃᑐᑎᒻ ᐅᔭ ᒥᒄ ᒐᒋ ᒋᔅᑯᑎᒧᐛᑦ ᓂᑐᐱᔪᐅᓂᔪᐤ ᐃᔅᕋᐃᓪ ᐃᔪᐛ ᐅᑦ ᐊᓂᔅᑯᑕᐸᓂᔨᐛ ᐊ ᐊᑲ ᓂᑕ ‍ ᓂᑐᐱᔨᒋ᙮)
\v 3 ᐊᐅᑯᐤ ᐃᔪᒡ ᑲ ‍ ᐃᔅᑯᐱᔨᒡ ᐊᓐᑕ ᐊᔅᒋᒡ, ᐱᑕᑕᒡ ᑲ ‍ ᓂᑲᓂᔅᑯᐛᒡ ᐱᓕᔅᑕᐃᓐ ᐃᔪᐛ, ᒥᓯᐛ ᑲᐃᓇᓐ ᐃᔪᒡ, ᓯᑐᓐ ᐃᔪᒡ, ᑭᔭ ᐃᑉ ᐃᔪᒡ ᐊᓐᑕ ᓚᐸᓇᓐ ᐱᔅᑯᑎᓇᒡ ᑲ ‍ ᐎᒋᒡ, ᐸᓪ-ᐅᕐᒥᓐ ᐱᔅᑯᑎᓇᒡ ᐅᒋ ᓕᐳ-ᐊᒪᕐ ᐃᓯ᙮
\v 4 ᒋ ‍ ᓂᑭᑕᑭᓄᐅᒡ ᒐᒋ ᑯᒂᒋᐊᒡ ᐃᔅᕋᐃᓪ ᐃᔪᐛ ᒐᒋ ᑕᑈᑎᒥᔨᒂᓂ ᑎᐸᔨᒋᒐᓱᐛ ᐅᑦ ᐃᑎᓱᐛᐅᓂᔪᐛ ᐅᑕᐎᐛᐛ ᑲ ‍ ᒥᔭᑭᓄᔨᒋ ᒧᓱᓴ ᐅᒋ᙮
\p
\v 5 ᐃᔅᕋᐃᓪ ᐃᔪᒡ ᒋ ‍ ᐎᒋᒪᐅᒡ ᑲᐃᓇᓐ ᐃᔪᐛ ᑭᔭ ᐃᑦ ᐃᔪᐛ, ᑭᔭ ᐊᒧᕆ ᐃᔪᐛ, ᑭᔭ ᐸᕆᔅ ᐃᔪᐛ, ᑭᔭ ᐃᑉ ᐃᔪᐛ ᑭᔭ ᒐᐱᐅᔅ ᐃᔪᐛ᙮
\v 6 ᒋ ‍ ᐅᑎᓂᒺᐅᒡ ᐃᔅᕋᐃᓪ ᐃᔪᒡ ᐅᑕᓂᓯᔨᐛ ᒐᒋ ᐎᒋᒥᒪᒡ ᑭᔭ ᒋ ‍ ᒥᔨᐛᐅᒡ ᐅᑕᓂᓯᐛᐛ ᐅᑯᓯᔪᐛ ᒐᒋ ᐎᒋᒪᔨᒋ, ᑭᔭ ᐅᒥᓂᑐᐧᑲᓂᒥᔪᐛ ᒋ ‍ ᐊᔭᒥᐊᔅᑐᒪᐅᒡ᙮
\s1 ᐅᑦᓂᐅᓪ
\p
\v 7 ᐊᑯ ᐊᓐᒡ ᐃᔅᕋᐃᓪ ᐃᔪᒡ ᒋ ‍ ᒥᒋᑐᑎᒧᒡ ᐊ ‍ ᐃᑐᑕᒡ ᒐᒂᔪᐛ ᐊᓂᔭ ᑎᐸᔨᒋᒐᓱᐤ ᐊ ‍ ᐃᑕᔨᑕᐧᒃ ᐊ ‍ ᒥᒋᓂᔨᒡ, ᒋ ‍ ᐅᓂᒋᔅᒋᑐᐛᐅᒡ ᑎᐸᔨᒋᒐᓱᐛ ᐅᒋᓴᒪᓂᑐᒧᐛᐛ ᑭᔭ ᒋ ‍ ᐊᔭᒥᐊᔅᑐᐛᒡ ᐸᐊᓚ ᑭᔭ ᐊᓱᕋᓴ ᒥᓂᑐᐧᑲᓇ᙮
\v 8 ᒋᒋᐛ ᒋ ‍ ᒋᔄᐃᑯᐤ ᑎᐸᔨᒋᒐᓱᐤ ᐃᔅᕋᐃᓪ ᐃᔪᐛ, ᐊᑯ ᑎᐸᔨᒋᒐᓱᐤ ᒋ ‍ ᐱᔅᑎᓇᐤ ᐃᔅᕋᐃᓪ ᐃᔪᐛ ᒐᒋ ᓴᐧᑯᒋᔨᑯᔨᒋ ᑯᓴᓐ-ᕆᓴᑕᔨᒻ, ᐊᓂᔭ ᑲ ‍ ᒋᓴᐅᒋᒪᐎᔨᒋ ᐊᕋᒻ ᓚᐊᕋᐃᒻ ᐃᑕᐅᓂᔪᐤ᙮ ᐃᔅᕋᐃᓪ ᐃᔪᒡ ᒂ ‍ ᐅᑦ ᐊᑐᔅᒐᔭᑭᓂᒥᑕᑯᒡ ᔭᓇᐤ ᑕᑐᐤ ᐱᐳᓇ ᐃᔅᐱᔅ᙮
\v 9 ᒥᒄ ᐃᔅᐱ ᑲ ‍ ᑕᐱᑕᑈᑕᒡ ᑎᐸᔨᒋᒐᓱᐛ, ᒋ ‍ ᒥᔨᑯᐅᒡ ᐊᐛᔪᐛ ᒐ ‍ ᐱᒪᒋᐃᑯᒡ, ᑲᐃᓕᑉ ᐅᑐᓯᒪ ᐅᑦᓂᐅᓚ, ᑲᓇᓴ ᐊᓂᔭ ᐅᑯᓴ, ᐊᐅᑯᔪᐛ ᑲ ‍ ᐱᒪᒋᔨᑯᒡ᙮
\v 10 ᒂ ‍ ᐱᔅᑲᑯᑦ ᐅᑦᓂᐅᓪ ᑎᐸᔨᒋᒐᓱᐛ ᐅᑦ ᐊᒐᐧᑯᔪᐛ, ᐊᑯ ᒂ ‍ ᑎᐸᔅᑯᓂᒐᓯᐅᑦ ᐃᔅᕋᐃᓪ ᐃᔪᐛ ᑭᔭ ᒂ ‍ ᓂᑐᐱᔨᑦ᙮ ᑎᐸᔨᒋᒐᓱᐤ ᒋ ‍ ᐱᔅᑎᓇᐤ ᐅᑦᓂᐊᓚ ᒐᒋ ᓴᐧᑯᒋᐊᔨᒋ ᑯᓯᓐ-ᕆᓴᑕᐃᒪ, ᐊᕋᒻ ᒋᓴᐅᒋᒪᐛ᙮
\v 11 ᐊᑯ ᓇᐎᔪᐛᐳᓇ ᒋ ‍ ᑎᑯᓐ ᒋᔭᒪᔨᑎᒧᐅᓐ ᐊᓐᑕ ᐊᔅᒋᒡ ᐸᑎᒪ ᑲᒋ ‍ ᐳᓂᐱᒪᑎᓯᑦ ᐅᑦᓂᐅᓪ, ᑲᓇᔅ ᐅᑯᓴ᙮
\s1 ᐃᐅᑦ
\p
\v 12 ᐸᐃᒂᐤ ᒥᓐ ᒋ ‍ ᒥᒋᑐᑎᒧᒡ ᐃᔅᕋᐃᓪ ᐃᔪᒡ ᐊ ‍ ᐃᑐᑕᒡ ᒐᒂᔪᐛ ᐊᓂᔭ ᑎᐸᔨᒋᒐᓱᐤ ᐊ ‍ ᐃᑕᔨᑕᐧᒃ ᐊ ‍ ᒥᒋᓂᔨᒡ, ᑭᔭ ᑎᐸᔨᒋᒐᓱᐤ ᒋ ‍ ᒥᔭᐤ ᐃᒃᓗᓇ, ᒧᐊᑉ ᒋᓴᐅᒋᒪᐛ ᓱᐧᑲᑎᓯᐅᓂᔪᐤ ᒐᒋ ᓴᐧᑯᒋᐊᔨᒋ ᐃᔅᕋᐃᓪ ᐃᔪᐛ ᐛᔅ ᐅᔭ ᑲ ᐃᓯ ‍ ᒥᒋᑐᑎᒥᔨᒋ᙮
\v 13 ᑲᒋ ‍ ᒪᒧᐅᓇᑦ ᐃᒃᓗᓐ ᐊᒧᓐ ᐃᔪᐛ ᑭᔭ ᐊᒪᓕᑲ ᐃᔪᐛ ᒐᒋ ᐎᒋᐃᑯᑦ, ᐃᒃᓗᓐ ᒋ ‍ ᓂᑐᐱᔨᑐᐛᐤ ᐃᔅᕋᐃᓪ ᐃᔪᐛ ᑭᔭ ᒋ ‍ ᒪᑯᓂᒧᒡ ᒐᕆᑯᐤ ᐅᑕᓇᔪᐤ, ᐸᓪᒻ ᐅᑕᓇᐤ ᐃᓯᓂᐧᑲᑕᐤ᙮
\v 14 ᒧᐊᑉ ᒋᓴᐅᒋᒪᐛ ᐃᒃᓗᓇ ᐅᑦ ᐊᑐᔅᒐᔭᑭᓂᒥᑕᑯᒡ ᐃᔅᕋᐃᓪ ᐃᔪᒡ ᔭᓇᐤ ᑕᑐᓴᑉ ᐱᐳᓇ ᐃᔅᐱᔅ᙮
\p
\v 15 ᐃᔅᕋᐃᓪ ᐃᔪᒡ ᒥᓐ ᒋ ‍ ᑕᑈᑕᐅᒡ ᑎᐸᔨᒋᒐᓱᐛ ᑭᔭ ᒋ ‍ ᒥᔨᑯᐅᒡ ᐊᐛᔪᐛ ᒐ ‍ ᐎᐧᑯᒋᐃᑯᒡ, ᐃᐅᑕ, ᐊᓂᔅᐸᒋᔨᒋ ᓇᐸᐛ, ᒋᕋ, ᐱᓐᒋᒥᓐ ᐃᔪᐤ, ᐅᑯᓴ᙮ ᐃᔅᕋᐃᓪ ᐃᔪᒡ ᒋ ‍ ᐃᑎᓴᒧᐛᐅᒡ ᐃᒃᓗᓇ, ᒧᐊᑉ ᒋᓴᐅᒋᒪᐛ, ᐃᐅᑕ ᐊᓯᒡ ᒥᔨᐛᐅᓇ᙮
\v 16 ᐊ ‍ ᓂᔄᔅᑯᒧᐃᒡ ᓂᑐᐱᔪᐅ-ᒧᐧᑯᒪᓂᔪᐤ ᒋ ‍ ᐅᓯᑕᐤ ᐃᐅᑦ, ᐸᐃᒄ ᒥᓯᑦ ᒪᒃ ᐳᔅᒃ ᐊᔅᐱᓴᔨᒡ, ᐊᓐᑕ ᐅᒥᐅᓂᒡ ᐅᑈᒪᐅᑯᒡ ᐃᑕᒐ ᑕᒥᒡ ᐅᑦ ᐊᐱᒋᑕᐅᓂᒡ ᒋ ‍ ᒋᑭᒧᑕᐤ᙮
\v 17 ᒋ ‍ ᒥᔭᐤ ᒥᔨᐛᐅᓇ ᐃᒃᓗᓇ, ᒧᐊᑉ ᒋᓴᐅᒋᒪᐛ, ᐊᓂᔭ ᓇᔅᒡ ᑲ ‍ ᐎᒥᓯᔨᒋ ᓇᐸᐛ᙮
\v 18 ᑲᒋ ‍ ᒥᔭᑦ ᒥᔨᐛᐅᓇ ᐃᐅᑦ, ᒋ ‍ ᒋᐛᑎᓴᐛᐤ ᐊᓂᔭ ᓇᐸᐛ ᑲ ‍ ᑕᐧᑯᓂᒥᔨᒋ᙮
\v 19 ᐃᔅᐱ ᑲᑎᑯᓯᒡ ᐊᓐᑕ ᒥᓂᑐᐧᑲᓇ ᐊ ‍ ᑕᔨᒋ ᒥᒋᒪ ᑭᓪᑲᓪ, ᑭᔭ ᒂ ‍ ᐃᑕᑦ ᑯᑎᑲ ᓇᐸᐛ ᒐᒋ ᓱᐳᑐᐛᑕᔨᒋ᙮ ᐎᔾ ᑲᐤ ᒋᒋᐛᐱᔪᐤ ᑭᔭ ᓇᑐᐛᐱᒪᑦ ᒋᓴᐅᒋᒪᐛ ᒧᐊᐸ, ᒂ ‍ ᐃᑕᑦ, “ᓂ ‍ ᑭᓄᐛᔨᑕᓐ ᒋᒧᑦ ᐃᔨᒧᐅᓐ ᒐ ‍ ᐎᑎᒪᑕᓐ ᐅ ᒋᓴᐅᒋᒪᐤ᙮”
\p ᒂ ‍ ᐃᑕᑦ ᒋᓴᐅᒋᒪᐤ ᐅᑦ ᐊᐱᒋᐊᑭᓇ, “ᐊᑲ ᔅᑐᒄ !” ᒥᓯᐛ ᐅᑦ ᐊᐱᒋᐊᑭᓇ ᒂ ‍ ᓂᑭᑎᑯᑦ᙮
\p
\v 20 ᐃᐅᑦ ᒂ ‍ ᓇᑕᑦ ᒪᒂᒡ ᑲ ‍ ᐸᐃᑯᐱᓯᔨᒋ ᒋᓴᐅᒋᒪᐛ ᐃᔅᐱᒥᒡ ᑲᐱᔅᒋᒐᔭᔨᒡ ᐊᓐᑕ ᐅᓂᐱᓐ ᒋᓴᐅᒋᒪᐅᒋᐛᐱᔨᒡ ᑭᔭ ᒂ ‍ ᐃᑕᑦ, “ᒋ ‍ ᐸᑥᑎᓐ ᐃᔨᒧᐅᓐ ᒋᓴᒪᓂᑐᐤ ᐅᒋ᙮” ᒪᒂᒡ ᐸᓯᑯᔨᒋ ᒋᓴᐅᒋᒪᐛ ᐅᑕᑎᐳᐛᑭᓂᔨᒡ ᐅᒋ,
\v 21 ᐃᐅᑦ ᒋ ‍ ᐅᒋᐱᑎᒻ ᓂᑐᐱᔪᐅ-ᒧᐧᑯᒪᓂᔪᐤ ᐅᓂᔅᐸᒋᐅᓐ ᐊ ‍ ᐊᐱᒋᑕᑦ ᐅᒥᐅᓂᒡ ᐅᑈᒪᐅᑯᒡ ᐅᒋ, ᑭᔭ ᐅᔅᑭᑕᔨᒡ ᒂ ‍ ᑕᐧᑭᒪᑦ ᐊᓂᔭ ᒋᓴᐅᒋᒪᐛ᙮
\v 22 ᐃᔭᐱᒡ ᐊᓂᔭ ᐛᒋ ‍ ᑕᐧᑯᓂᑭᓄᐎᔨᒡ ᓂᑐᐱᔪᐅ-ᒧᐧᑯᒪᓂᔪᐤ ᒋ ‍ ᐱᑕᐱᔪᐤ ᑲᒋ ‍ ᐱᑕᐱᔨᒡ ᓂᑐᐱᔪᐅ-ᒧᐧᑯᒪᓂᔪᐤ, ᐅᔅᐱᔅᑯᓂᔨᒡ ᐊ ᐅᒋ ‍ ᓴᑲᔅᑯᒧᐃᒡ, ᐃᐅᑦ ᓇᒪ ᐅᒋ ᐅᒋᐱᑎᒺᐤ ᓂᑐᐱᔪᐅ-ᒧᐧᑯᒪᓂᔪᐤ ᑭᔭ ᐊᓂᔭ ᐊᐎᒥᓯᔨᒋ ᒂ ‍ ᒋᐱᔨᒡ ᐊᓐᑕ ᒧᐧᑯᒪᓂᒡ᙮
\v 23 ᐊᑯ ᐃᐅᑦ ᒂ ‍ ᐎᐎᑦ ᑲᐱᔅᒋᒐᔭᐃᒡ ᐅᒋ᙮ ᒂ ᐃᑐᑕᑦ ᐊᓐᑕ ᐛᒋ ‍ ᐱᒐᓄᐎᔨᒡ ᑲᐱᔅᒋᒐᔭᔨᒡ, ᒂ ‍ ᒋᐸᐛᑦ ᔅᑐᐧᑭᓇ ᐊᓂᔭ ᐃᔅᐱᒥᒡ ᑲᐱᔅᒋᒐᔭᐃᒡ ᑭᔭ ᒂ ᐊᑎ ‍ ᐊᑎᓴᑲᐛᑦ᙮
\p
\v 24 ᑲᒋ ‍ ᔅᑐᑕᑦ ᐃᐅᑦ, ᒂ ‍ ᑎᑯᓯᒡ ᐊᐱᒋᐊᑭᓐᒡ ᑭᔭ ᒂ ‍ ᒋᔅᒐᔨᒪᒡ ᐃᔭᑎᓴᑲᐛᑭᓄᔨᒋ ᔅᑐᐧᑭᓇ ᐃᔅᐱᒥᒡ ᑲᐱᔅᒋᒐᔭᔨᒡ᙮ ᒂ ‍ ᐃᔅᒋᔄᒡ, “ᒥᔽᔨᒧᐎᓱᔨᒐ ᐊᓐᑕ ᑲᐱᔅᒋᒐᔭᐃᒡ ᐱᑎᑭᒥᒡ ᒥᒋᐛᐱᒡ᙮”
\v 25 ᒂ ‍ ᐊᓱᐛᐱᒪᒡ ᐃᔅᐱᔅ ᐛᑎᒋᐱᔨᒡ ᓯᔭᒂᔨᒧᒡ, ᒥᒄ ᐃᔅᐱ ᐊ ᐊᑲ ‍ ᓴᓇᔨᒋ ᔅᑐᐧᑭᓇ ᑲᐱᔅᒋᒐᔭᐃᒡ, ᒋ ‍ ᐊᓴᓇᐅᒡ ᔅᑐᐧᑭᓇ ᐊᐸᐃᑭᓂᔪᐤ ᐊ ‍ ᐊᐱᒋᑕᒡ᙮ ᐊᑯᑕ ᐎᔭᐱᒪᒡ ᐅᒋᒪᒧᐛᐛ ᐊ ‍ ᐱᒥᓯᓂᔨᒋ ᒧᔅᑎᑎᒡ, ᐊ ‍ ᐳᓂᐱᒪᑎᓯᔨᒋ᙮
\p
\v 26 ᒪᒂᒡ ᐊ ‍ ᐊᓱᐛᐱᒡ ᐊᐱᒋᐊᑭᓐᒡ, ᒋ ‍ ᒋᑎᓯᒧᐤ ᐃᐅᑦ᙮ ᒥᓂᑐᐧᑲᓇ ᒋ ‍ ᐎᒪᔅᑯᐛᐤ ᑭᔭ ᓯᐃᕋ ᐅᑕᓇᔪᐤ ᒋ ‍ ᐃᑎᓯᒧᐤ᙮
\v 27 ᐃᔅᐱ ᐊᓐᑕ ᑕᑯᓯᐧᒃ, ᒋ ‍ ᐳᑕᑎᒻ ᐳᑕᒋᑭᓂᔪᐤ ᐊᓐᑕ ᐃᑉᕋᐃᒻ ᐱᔅᑯᑎᓇᐤ ᐊᔅᒋᒡ ᒐᒋ ᒪᒧᐅᓇᑦ ᐃᔪᐛ, ᑭᔭ ᐃᔅᕋᐃᓪ ᐃᔪᒡ ᒋ ‍ ᐎᒐᐛᐅᒡ ᓇᑎᒋᐛᔨᒋ ᐱᔅᑯᑎᓇᒡ, ᐊ ‍ ᒋᔅᒋᓄᑕᐃᑯᒡ᙮
\p
\v 28 ᒋ ‍ ᐃᑕᐤ, “ᐸᒋ ‍ ᓇᓴᐅᒄ, ᐛᔅ ᑎᐸᔨᒋᒐᓱᐤ ᒋ ‍ ᐱᔅᑎᓇᐤ ᒧᐊᑉ ᐃᔪᐛ ᐊᓂᔭ ᑲ ‍ ᐱᒂᑎᑕᑯᐤ ᒐᒋ ᓴᐧᑯᒋᐊᑯᒡ᙮” ᐊᑯ ᒂ ‍ ᓇᓴᐛᒡ ᓇᑎᒋᐛᔨᒋ ᐊ ‍ ᒪᑯᓇᒡ ᐊᓂᔭ ᐛᒋ ‍ ᐊᓱᐛᐊᐃᑭᓄᐎᔨᒡ ᒠᕐᑕᓐ ᓯᐱᔪᐤ ᒧᐊᑉ ᐃᔅ ᐊᓯᑭᒪᔨᒡ᙮ ᓇᒪ ᐅᒋ ᒥᔭᐅᒡ ᐊᐛᔪᐛ ᒐᒋ ᐊᓱᐛᐊᒥᔨᒋ᙮
\v 29 ᒪᒂᒡ ᐊᓂᔭ, ᐸᐃᑯᔪᐤ ᑕᑥᐤ ᒐᓯᐱᔪᐤ ᒧᐊᑉ ᓇᐸᐛ ᒋ ‍ ᓂᐸᐅᒡ, ᒥᓯᐛ ᐊᒂᑎᓯᔨᒋ ᑭᔭ ᐊ ‍ ᓱᒋᓯᔨᒋ, ᓇᒪ ᐛᐛ ᐸᐃᒄ ᓇᐸᐤ ᐅᒋ ᒋᑎᓯᒧᐤ᙮
\v 30 ᐊᓂᔭ ᒐᓯᑲᔨᒡ, ᒧᐊᑉ ᐃᔪᒡ ᓇᔅᒡ ᒋ ‍ ᓴᐧᑯᒋᔨᑯᐅᒡ ᐃᔅᕋᐃᓪ ᐃᔪᐛ ᑭᔭ ᔭᔭᓇᐤ ᑕᑐᔪᐛ ᐱᐳᓇ ᒋ ‍ ᑎᑯᓐ ᒋᔭᒪᔨᑎᒧᐅᓐ ᐊᓐᑕ ᐊᔅᒋᒡ᙮
\s1 ᓴᒻᑲᕐ
\p
\v 31 ᑲᒋ ‍ ᓂᑲᓂᔅᑲᒐᑦ ᐃᐅᑦ, ᓴᒻᑲᕐ ᐊᓇᑦ ᐅᑯᓴ ᒋ ‍ ᓂᑲᓂᔅᑲᒐᐤ, ᐊᓐ ᑲ ‍ ᓂᐸᐊᑦ ᐊᓱᑕᑕᑐᐤ ᒥᑕᓯᒥᑎᓄᐤ ᐱᓕᔅᑕᐃᓐ ᐃᔪᐛ ᐊ ‍ ᒋᓇᔅᑯᓂᔨᒡ ᒥᔅᑎᑯᔪᐤ ᐊ ‍ ᐊᐱᒋᑕᑦ᙮ ᐎᔾ ᑭᔭ ᒋ ‍ ᐱᒪᒋᐊᐤ ᐃᔅᕋᐃᓪ ᐃᔪᐛ᙮
\c 4
\s1 ᑕᐳᕋ
\s2 Judges 4.1-7 (Proper-28 Year A)
\p
\v 1 ᐃᔅᐱ ᑲ ‍ ᑎᐸᔅᑯᓂᒐᑦ ᐃᐅᑦ ᑲᒋ ‍ᐳᓂᐱᒪᑎᓯᑦ, ᐊᑯ ᒥᓐ ᐊᓐᒡ ᐃᔅᕋᐃᓪ ᐃᔪᒡ ᒋ ‍ ᒥᒋᑐᑎᒧᒡ ᐊ ‍ ᐃᑐᑕᒡ ᒐᒂᔪᐛ ᐊᓂᔭ ᑎᐸᔨᒋᒐᓱᐤ ᐊ ‍ ᐃᑕᔨᑕᐧᒃ ᐊ ‍ ᒥᒋᓂᔨᒡ᙮
\v 2 ᑎᐸᔨᒋᒐᓱᐤ ᒋ ‍ ᓇᐊᔨᒪᐤ ᒐᐃᐱᓇ ᑲᐃᓇᓐ ᒋᓴᐅᒋᒪᐛ ᒐᒋ ‍ ᓴᐧᑯᒋᔨᑯᔨᒋ ᐃᔅᕋᐃᓪ ᐃᔪᐛ; ᑲ ‍ ᒋᓴᐅᒋᒪᐎᒋ ᐊᓐᑕ ᐊᓴᕆᒡ ᐅᑕᓇᒡ; ᓯᓱᕋ ᑎᐸᔨᒪᐤ ᑲᐃᓇᓐ ᐃᔪᐛ, ᑲ ‍ ᐎᒋᑦ ᐊᕈᓴᑎᒡ ᐅᑕᓇᒡ ᐊᑲ ᐃᔅᕋᐃᓪ ᐃᑎᔅᑲᓇᓯᔨᒋ ᐅᑦ ᐊᔅᒋᔨᒡ᙮
\v 3 ᐊᓐᒡ ᐃᔅᕋᐃᓪ ᐃᔪᒡ ᒋ ‍ ᑕᑈᑕᐅᒡ ᑎᐸᔨᒋᒐᓱᐛ: ᐛᔅ ᓯᓱᕋ ᒋ ‍ ᐊᔭᐛᐤ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᐃᓴᑯᐤ ᑎᑎᐱᑕᐸᓇᔅᒂ᙮ ᓂᓱᔪᐛᐳᓇ ᐃᔅᐱᔅ ᒪᒃ ᓇᔅᒡ ᑕᑈ ᒋ ‍ ᒪᔭᔨᒪᐤ ᐃᔅᕋᐃᓪ ᐃᔪᐛ᙮
\p
\v 4 ᒋ ‍ᑕᐤ ᐃᔎᐤ ᑕᐳᕋ ᐊ ‍ ᐃᓯᓂᐧᑲᓱᑦ, ᐊ ‍ ᒋᔅᒋᐛᐃᒐᐎᔎᐅᑦ, ᓚᐱᑕᑦ ᐎᐛ, ᒋ ‍ ᓂᑲᓄᔅᑯᐛᐤ ᐃᔅᕋᐃᓪ ᐃᔪᐛ᙮
\v 5 ᒋ ᐊᐳᐤ ᒪᒃ ᓯᐸ ᑕᐳᕋ ᐅᐸᒪᑎᑯᒡ, ᑕᔅᑐᐎᒡ ᕋᒪ ᑭᔭ ᐸᑕᓪ ᐅᑕᓇᐛ ᐊᓐᑕ ᐃᑉᕋᐃᒻ ᐱᔅᑯᑎᓇᒡ; ᒋ ᐸᒋ ‍ ᓇᑎᑯᐤ ᒪᒃ ᐊᓂᔭ ᐃᔅᕋᐃᓪ ᐃᔪᐛ ᒐᒋ ᑎᐸᔅᑯᓇᑦ᙮
\v 6 ᒋ ‍ ᐃᑎᓱᐛᐤ ᒪᒃ ᒐᒋ ᐎᓴᒪᑭᓄᐎᒋ ᐸᕋᑲ, ᐊᐱᓄᐊᒪ ᐅᑯᓯᔪᐛ, ᑲᑕᔅ ᐅᑕᓇᒡ ᐊᓐᑕ ᓇᑉᑕᓕᐃᒡ ᐅᒋ, ᒋ ‍ ᐃᑕᐤ ᒪᒃ, “ᒋ ᐸᑥᑎᓐ ᐃᔨᒧᐅᓐ ᑎᐸᔨᒋᒐᓱᐤ ᐃᔅᕋᐃᓪ ᐃᔪᒡ ᐅᒋᓴᒪᓂᑐᒧᐛᐛ ᐅᒋ, ᐊ ‍ ᐃᔅᒋᔄᑦ, ‘ᒪᒋ ᐃᑐᑕᒄ ᑕᐳᕐ ᐱᔅᑯᑎᓇᒡ ᐃᔅ, ᐅᑎᓂᒡ ᒪᒃ ᐸᐃᑯᔪᐤ ᑕᑥᐤ ᒐᓯᐱᔪᐤ ᐃᔪᒡ ᓇᑉᑕᓂ ᑭᔭ ᓴᐳᓕᓐ ᐊ ‍ ᐃᑎᔅᑲᓇᓯᒡ᙮
\v 7 ᓂᑭ ‍ ᐃᑐᑐᐛᐤ ᓯᓱᕋ ᒐᒋ ‍ ᓇᑎᔅᒄ ᐊᓐᑕ ᑭᓴᓐ ᓯᐱᒡ, ᑲ ‍ ᑎᐸᔨᒪᑦ ᒐᐱᓐ ᐅᓂᑐᐱᔪᐅ-ᐃᔨᒥᔨᐛ, ᐊᓯᒡ ᐅᑎᑎᐱᑕᐸᓇᔅᒂ ᑭᔭ ᐅᑦ ᐃᔨᒪ ᑲ ‍ ᒥᒐᑎᔨᒋ; ᒋᑭ ‍ ᒥᔨᑎᓐ ᒪᒃ ᒐᒋ ᓴᐧᑯᒋᔨᑦ᙮’ ”
\p
\v 8 ᐸᕋᒃ ᒪᒃ ᒋ ‍ ᐃᑕᐤ, “ᒧᔭᒻ ᐎᒐᐎᓇ, ᐊᑯ ᒐ ‍ ᐃᑐᑕᔭᓐ: ᒪᒃ ᒧᔭᒻ ᐊᑲ ᐎᒐᐎᓇ, ᐊᑯ ᒐ ᐊᑲ ‍ ᐃᑐᑕᔭᓐ᙮”
\p
\v 9 ᑕᐳᕋ ᐃᑕᐤ, “ᐊᐅᑯᓐ ᒧᔭᒻ, ᒋᑭ ‍ ᐎᒐᐅᑎᓐ ᒥᒄ ᐛᔅ ᐅ ᐛ ᐃᓯ ‍ ᐃᑐᑎᒥᓐ, ᓇᒪᔭᐤ ᒋᔾ ᒐ ‍ ᐃᔭᔨᓐ ᒋᔅᑕᔨᑎᒧᐅᓐ, ᐛᔅ ᑎᐸᔨᒋᒐᓱᐤ ᐃᔎᐛ ᐃᔅ ᒋᑭ ᐃᓯ ‍ ᐱᔅᑎᓇᐤ ᓯᓱᕋᔨᒋ᙮” ᐊᑯ ᑕᐳᕋ ᐛᒐᐛᑦ ᐸᕋᑲ ᐊᓐᑕ ᑲᑕᔅ ᐃᔅ᙮
\p
\v 10 ᐊᓐᑕ ᐸᕋᒃ ᒥᐊᒧᐅᓇᑦ ᓴᐳᓕᓐ ᑭᔭ ᓇᑉᑕᓂ ᐊ ‍ ᐃᑎᔅᑲᓇᓯᔨᒋ ᐅᓂᑐᐱᔪ-ᐃᔨᒥᔨᐛ᙮ ᐸᐃᑯᔪᐤ ᒐᓯᐱᔪᐤ ᓇᐸᐛ ᒋ ‍ ᐎᒐᐅᑯᐤ ᑭᔭ ᐃᔭᐱᒡ ᑕᐳᕋ ᒋ ‍ ᐎᒐᐛᐤ᙮
\p
\v 11 ᒪᒂᒡ ᐃᐳᕐ ᑲᓐ ‍ ᐃᔪᐤ ᒋ ‍ ᓂᑭᑕᐤ ᑯᑎᑲ ᑲᓐ ‍ ᐃᔪᐛ, ᐅᐸᐸ ᐅᑦ ᐊᓂᔅᑯᑕᐸᓂᔨᐛ, ᒧᓱᓴ ᐅᓯᔪᐛ ᑭᔭ ᒂ ‍ ᒪᓂᑲᓱᑦ ᐅᐱᒍᐎᔭᓂᒋᐛᑉ ᐊᓐᑕ ᐅᐱᒪ ᒋᒋ ‍ ᒥᔅᑎᒂ ᐊᓐᑕ ᓴᐊᓇᓂᒻ ᒥᒋᒪ ᑲᑕᔅ ᐅᑕᓇᒡ᙮
\p
\v 12 ᐃᔅᐱ ᐛᑎᒧᐛᒡ ᓯᓱᕋᔨᒋ ᐊᓂᔭ ᐸᕋᑲ, ᐊᐱᓄᐅᒪ ᐅᑯᓯᔪᐛ, ᑲ ‍ ᓂᑲᓄᑕᔨᒋ ᓂᑐᐱᔪᐅ-ᐃᔪᐛ ᑕᐳᕐ ᐱᔅᑯᑎᓇᒡ ᐃᓯ,
\v 13 ᓯᓱᕋ ᒋ ‍ ᒪᒧᐅᓇᐤ ᐸᐃᑯᔅᑕᐤ ᑕᑐᐤ ᒥᑕᓯᒥᑎᓄᐤ ᑲ ‍ ᐃᓴᑯᔨᒋ ᐅᑎᑎᑕᐸᓇᔎ ᑭᔭ ᒥᓯᐛ ᓇᐸᐛ ᑲ ‍ ᐎᒐᐅᑯᑦ, ᐊᕋᓴᑦ ᐅᑕᓇᐤ ᐊᓐᑕ ᐊᑲ ᐃᑉᕈᐛ ᐃᑎᔅᑲᓇᓯᔨᒋ ᐃᔪᐛ ᐅᑦ ᐊᔅᒋᔨᒡ ᐅᒋ ᑭᓱᓐ ᓯᐱᒡ ᐃᓯ᙮
\p
\v 14 ᐊᑯ ᑕᐳᕋ ᐊᑕᑦ ᐸᕋᑲᔨᒋ, “ᒪᒋ ! ᐊᐅᑯᔪᐤ ᐅᔭ ᒋᓯᑯᔪᐤ ᑎᐸᔨᒋᒐᓱᐤ ᒐ ᒥᔨᔅᒃ ᒐᒋ ᓴᑯᐃᔨᒥᑎ ᓯᓱᕋᔨᒋ, ᑕᑈ ᐎᔾ ᑎᐸᔨᒋᒐᓱᐤ ᓂᑲᓄᑕᐤ !” ᐊᑯ ᐸᕋᒃ ᓇᑎᒋᐛᑦ ᑕᐳᕐ ᐱᔅᑯᑎᓇᔪᐤ, ᐊ ‍ ᓇᓴᐅᑯᑦ ᐸᐃᑯᔪᐤ ᒐᓯᐱᔪᐤ ᓂᑐᐱᔪᐅ-ᐃᔪᐛ᙮
\v 15 ᒪᒂᒡ ᓂᔭᒋ ‍ ᓂᑐᐱᔨᑦ ᐸᕋᒃ ᐊᓯᒡ ᐅᓂᑐᐱᔪᐅ-ᐃᔨᒪ, ᑎᐸᔨᒋᒐᓱᐤ ᒋᒋᔎᐛᔭᔨᑕᑯᐛᐤ ᓯᓱᕋᔨᒋ ᑭᔭ ᒥᓯᐛ ᑲ ‍ ᐊᐱᒋᐊᔨᒋ ᐅᑎᑎᐱᑕᐸᓇᔅᑯᒥᔪᐛ ᑭᔭ ᐅᓂᐱᔪᐅ-ᐃᔨᒥᔪᐛ᙮ ᐊᑯ ᓯᓱᕋ ᒂ ‍ ᐱᑲᐸᑕᑦ ᐅᑎᑎᐱᑕᐸᓇᔎ ᐅᒋ ᑭᔭ ᒂ ‍ ᒋᑎᓯᒧᑦ ᐊ ‍ ᐱᒥᐸᑕᑦ᙮
\v 16 ᒥᒄ ᐸᕋᒃ ᑭᔭ ᐅᓂᑐᐱᔪᐅ-ᐃᔨᒪ ᒋ ‍ ᓇᓴᐛᐅᒡ ᑎᑎᐱᑕᐸᓇᔎ ᑭᔭ ᓂᑐᐱᔪᐅ-ᐃᔪᐛ ᐊᕈᓴᑦ ᐅᑕᓇᒡ ᐊᑲ ᐃᑉᕈᐛ ᐃᑎᔅᑲᓇᓯᔨᒋ ᐃᔪᐛ ᐅᑦ ᐊᔅᒋᔨᒡ ᐃᔅᐱᔅ᙮ ᒥᓯᐛ ᓯᓱᕋ ᒋᓂᐸᐊᑭᓄᐅᔪᐛ ᐅᓂᑐᐱᔪᐅ-ᐃᔨᒪ᙮ ᓇᒪ ᐛᐛᒡ ᐸᐃᒄ ᓇᐸᐤ ᐅᒋ ᐃᔅᑯᐱᔪᐤ᙮
\p
\v 17 ᒥᒄ ᓯᓱᕋ ᒐᐃᓚᔨᒋ, ᐊᓂᔭ ᐃᐳᕋ ᑲᓐ ᐃᔪᐛ ᐎᐎᐛ, ᐅᐱᒍᐎᔭᓂᒋᐛᐱᔨᒡ ᒋ ‍ ᐃᑎᓯᒧᐤ ᐛᔅ ᒋ ᒥᔪ ‍ ᐎᒐᑐᐅᒡ ᐊᓐᒡ ᒐᐱᓐ ᐊᓱᕐ ᒋᓴᐅᒋᒪᐤ ᑭᔭ ᐃᐳᕐ ᑲᓐ ᐃᔪᐤ᙮
\v 18 ᒐᐃᓪ ᒂ ‍ ᓇᒋᓂᒋᔅᑯᐛᑦ ᓯᓱᕋᔨᒋ ᑭᔭ ᒋ ‍ ᐃᑕᐤ, “ᐸᑐᑕ ᓂᐅᒋᒪᒻ, ᐸᒋ ‍ ᐱᒐ, ᐊᑲ ᑯᔅᑕᒋ᙮” ᐊᑯ ᓯᓱᕋ ᐸᒐᐛᑦ ᐅᐱᒍᐎᔭᓂᒋᐛᐱᔨᒡ ᑭᔭ ᒂ ‍ ᐊᑯᓇᐅᑯᑦ ᓂᐸᑭᓂᔪᐤ᙮
\p
\v 19 ᒂ ‍ ᐃᑕᑦ, “ᓂᐸᐧᑯᑕᑕᓐ, ᐸᒋ ‍ ᒥᓇᔨ ᒪ ᓂᐱᔾ ?” ᒂ ‍ ᐊᓴᓂᒥᔨᒋ ᒐᐃᓚ ᐸᓴᑭᓂᐳᑕᔪᐤ ᒋᒋᓇᐳᔭ ᐊ ‍ ᓱᓱᐎᔨᒋ, ᒪᓇᐃᑯᑦ ᑭᔭ ᒥᓐ ᒂ ‍ ᐊᑯᓇᐅᑯᑦ᙮
\p
\v 20 ᓯᓱᕋ ᒂ ‍ ᐃᑕᑦ, “ᒋᐱᔎᒡ ᐱᒍᐎᔭᓂᒋᐛᐱᒡ ᓇᑕ ᓂᐳᐎ, ᐃᔅᐱ ᐸᑐᑕᒐ ᐊᐛᓐ ᑭᔭ ᑯᒂᒋᒥᔅᒐ, ‘ᑕᐤ ᐊ ᐅᑕ ᐊᐛᓐ ?’ ᐃᑎᔅᒐ, ‘ᓇᒪ,’ ᒐ ‍ ᐃᔅᒋᔄᔨᓐ᙮”
\p
\v 21 ᒥᒄ ᒐᐃᓪ, ᐃᐳᕐ ᐎᐛ, ᒂ ‍ ᐅᑎᓇᐧᒃ ᒋᔅᑕᔎᓂᔪᐤ ᑭᔭ ᐅᑕᒪᔨᑭᓂᔪᐤ ᑭᔭ ᒋᒧᑦ ᓂᔭᑕᑦ ᓯᓱᕋᔨᒋ ᒪᒂᒡ ᐅᑎ ‍ ᒥᔪᒂᒧᐃ, ᓇᔅᒡ ᐊᔭᔅᑯᓯᔨᒋ᙮ ᒂ ‍ ᐃᔭᐧᑲᐅᒺᑦ ᒋᔅᑕᔎᓂᔪᐤ ᐅᔅᑎᒂᓂᔨᒡ ᐊᔅᒋᒡ ᐃᔅ ᑭᔭ ᒂ ‍ ᓂᐱᔨᒋ᙮
\p
\v 22 ᐸᕋᒃ ᒂ ‍ ᑎᑯᓯᐧᒃ ᐊᒋ ‍ ᓇᓴᐛᑦ ᓯᓱᕋᔨᒋ, ᒐᐃᓪ ᒂ ‍ ᐎᐎᑦ ᒐᒋ ᓂᒋᔅᑯᐛᑦ, ᑭᔭ ᒋ ᐃᑕᐤ “ᐸᑐᑕ, ᒋᑭ ‍ ᐛᐸᑎᔨᑎᓐ ᐊᓐ ᓇᐸᐤ ᓂᔭᓂᑐᐛᐱᒥᑦ᙮” ᐊᑯ ᐸᕋᒃ ᐛᒐᐛᑦ ᐸᒐᔨᒋ ᑭᔭ ᐊᑯᑕ ᐎᔭᐱᒪᑦ ᐸᒥᓯᓂᔨᒋ ᓯᓱᕋᔨᒋ ᒋᔅᑕᔎᓂᔪᐤ ᐊᒋᑭᒧᐃᒡ ᐅᔅᑎᒂᓂᔨᒡ ᐊ ‍ ᐳᓂᐱᒪᑎᓯᔨᒋ᙮
\p
\v 23 ᐊᑯ ᐊᓂᔭ ᒐᓯᑲᔨᒡ, ᒋᓴᒪᓂᑐᐤ ᒋ ᐱᔅᑎᓇᐤ ᒐᐱᓇ, ᑲᐃᓇᓐ ᐃᔪᐛ ᒋᓴᐅᒋᒪᐛ, ᐊᓐᑕ ᐃᔅᕋᐃᓪ ᐃᔪᐛ ᐅᓱᐧᑲᑎᓯᐅᓂᔨᒡ᙮
\v 24 ᑭᔭ ᐊᑎᑐᐤ ᒂ ‍ ᓱᒋᓯᒡ ᐃᔅᕋᐃᓪ ᐃᔪᒡ, ᒐᐱᓇ, ᑲᐃᓇᓐ ᐃᔪᐛ ᒋᓴᐅᒋᒪᐛ ᐊ ‍ ᒪᓴᐊᒡ ᐸᑎᒪ ᑲᒋ ‍ ᓂᓱᐅᓇᒋᐊᒡ᙮
\c 5
\s1 ᑕᐳᕋ ᐅᓂᑭᒧᐅᓐ
\p
\v 1 ᐊᓂᔭ ᒐᓯᑲᔨᒡ ᑕᐳᕋ ᑭᔭ ᐸᕋᒃ, ᐊᐱᓄᐊᒻ ᐅᑯᓴ, ᒋ ‍ ᓂᑭᒧᐅᒡ ᐅᔭ ᓂᑯᒧᐅᓂᔪᐤ:
\q1
\v 2 “ᐃᔅᐱ ᒋᓴᐅᒋᒪᓯᒡ ᐊᓐᑕ ᐃᔅᕋᐃᓕᒡ ᓇᑲᓄᔅᑲᒐᑥᐎ,
\q2 ᑭᔭ ᐃᔪᒡ ᐎᔭᔨᑕᑥᐎ ᒐᒋ ᐛᐎᒋᐊᓯᒡ—
\q2 ᒋᑭ ‍ ᒪᒥᒋᒪᑭᓄᐤ ᑎᐸᔨᒋᒐᓱᐤ !
\b
\q1
\v 3 ᓂᑐᑎᒥᒄ ᐅ, ᒋᔨᐛᐤ ᒋᓴᐅᒋᒪᑎᒄ !
\q2 ᑭᔭ ᒋᔨᐛᐤ ᑲᑎᐸᔨᒋᒐᔭᒄ !
\q2 ᓂᑭ ‍ ᓂᑭᒧᑐᐛᐤ ᑎᐸᔨᒋᒐᓱᐤ ᓂᑭᒧᐅᓂᔪᐤ;
\q2 ᓂᑭ ‍ ᒥᔽᐛᐱᑎᒧᐛᐤ ᑎᐸᔨᒋᒐᓱᐤ, ᐃᔅᕋᐃᓪ ᐅᒋᓴᒪᓂᑐᒪ᙮
\b
\q1
\v 4 ᐅ ᑎᐸᔨᒋᒐᓱᐤ ᐃᔅᐱ ᓯᐅᕐ ᐱᔅᑯᑎᓇᒡ ᑲ ᐅᒋ ‍ ᔅᑐᑕᔨᓐ,
\q2 ᐊᓐᑕ ᐃᑕᒻ ᐊᔅᒋᒡ ᑲ ᐅᒋ ‍ ᔅᑐᑕᔨᓐ,
\q1 ᒋ ‍ ᐊᔭᒋᐱᔪᐤ ᐊᔅᒋᔾ, ᒋᓯᒂ ᒋ ‍ ᐳᐅᓂᒥᑭᓇ,
\q2 ᑭᔅᑯᐅᓂᒡ ᐅᒋ ᓂᐱᔾ ᒋ ‍ ᐳᐅᓂᒥᑭᓐ᙮
\q1
\v 5 ᐃᔭᐱᒡ ᒋ ‍ ᓂᓂᒥᔅᑲᐛ ᐱᔅᑯᑎᓇᐛ ᐅᑎᔅᑯᐤ ᑎᐸᔨᒋᒐᓱᐤ, ᐊᓐ ᓴᐃᓇᐃ ᑲ ᐅᒋ ‍ ᐃᔨᒥᑦ,
\q2 ᐅᑎᔅᑯᐤ ᑎᐸᔨᒋᒐᓱᐤ, ᐃᔅᕋᐃᓪ ᐅᒋᓴᒪᓂᑐᒪ᙮
\b
\q1
\v 6 ᓴᒻᑲᕐ, ᐊᓇᑦ ᐅᑯᓴ ᑲ ‍ᐃᑕᑦ,
\q2 ᒐᐃᓪ ᑲ ‍ ᐃᑕᑦ, ᓇᒪ ᐅᒋ ᐊᐱᒋᑕᑭᓄᐛ ᒪᔅᑭᓇᐛ᙮
\q2 ᑲ ‍ ᐛᐛᑭᒧᒋ ᐱᒧᑕᔅᑭᓇᐛ ᒋ ‍ ᐊᐱᒋᑕᐅᒡ ᑲ ‍ ᐱᒥᐱᒋᒡ᙮
\q1
\v 7 ᒋ ‍ ᐳᓂᐱᔨᐛ ᐊ ‍ ᐃᑎᓇᓄᐅᒡ ᐃᑕᐅᓂᒡ ᐊᓐᑕ ᐃᔅᕋᐃᓕᒡ, ᒋ ‍ ᐳᓂᐱᔪᐤ,
\q2 ᐸᑎᒪ ᓂᔾ, ᑕᐳᕋ ᑲ ‍ ᓂᑲᓂᔅᑲᒐᔭᓐ,
\q2 ᐊ ‍ ᐅᑲᐎᒪᐎᔭᓐ ᐃᔅᕋᐃᓪ ᐃᔪᒡ᙮
\q1
\v 8 ᐃᔅᐱ ᐃᔅᕋᐃᓪ ᐃᔪᒡ ᑲ ‍ ᐎᔭᐱᒪᒡ ᐅᔅᒋ ᒥᓂᑐᐧᑲᓇ,
\q2 ᓂᑐᐱᔪᐅᓐ ᒋᐸᐱᔪᐤ ᐊᓐᑕ ᐅᑕᓇᒡ ᐃᔎᑕᒥᒡ,
\q1 ᑭᔭ ᓇᒪ ᐅᒋ ᑕᐧᑯᓂᒧᒡ ᐊᑯᓇᓱᐛᑭᓂᔪᐤ ᑭᔭ ᒪᒃ ᐊᓯᒪᑭᓂᔪᐤ
\q2 ᐊᓐᒡ ᓇᐎᔪᐛ ᒐᓯᐱᔪᐤ ᑲ ‍ ᐃᑕᑎᓯᒡ ᓂᑐᐱᔪᐅ-ᐃᔪᒡ ᐊᓐᑕ ᐃᔅᕋᐃᓕᒡ᙮
\q1
\v 9 ᓂᑕᐃᔪᐤ ᑎᑯᓂᔪᐤ ᐊ ‍ ᐃᑕᒡ ᐊᓐᒡ ᐃᔅᕋᐃᓪ ᒋᓴᐅᒋᒪᓯᒡ,
\q2 ᐊᓯᒡ ᐊᓐᒡ ᑲ ‍ ᐎᔭᔨᑕᒡ ᒐ ‍ ᐛᐎᒋᐊᐅᓯᒡ ᐃᔪᒡ,
\q2 ᒋᑭ ‍ ᒪᒥᒋᒪᑭᓄᐤ ᑎᐸᔨᒋᒐᓱᐤ᙮
\q1
\v 10 ᒋᔨᐛᐤ ᑲ ‍ ᐛᔪᑎᓯᔭᒄ ᐃᔪᒡ ᑲ ‍ ᐳᓯᔭᒄ ᑲ ‍ ᐛᐱᓯᒡ ᑲᓂᐧᑲᑎᓯᒡ ᑲᐸᐃᑭᔎᐅᒡ,
\q2 ᑲ ‍ ᑕᑎᐱᔭᒄ ᒋᓂᐸᑭᓄᐛᐛ ᐊᓐᑕ ᑲᓂᐧᑲᑎᓯᒡ ᑲᐸᐃᑭᔎᐅᒡ
\q2 ᑭᔭ ᒋᔨᐛᐤ ᑲ ‍ ᐱᒧᑕᔭᒄ ᒪᔅᑭᓇᒡ,
\q1 ᓂᑐᑎᒺᐧᒄ ᑭᔭ ᒪᒥᑐᓇᔨᑎᒺᐧᒄ,
\v 11 ᐅᐸᑕᑯᓱᐅᓄᐛᐛ ᐊᓐᒡ ᑲ ‍ ᓂᑭᒧᓯᒡ ᐊᓐᑕ ᓂᐱᔪᐤ ᐛᒋ ‍ ᐅᑎᓇᑭᓄᐎᒡ,
\q2 ᓂᑭᒧᔅᑎᒺᐅᒡ ᑎᐸᔨᒋᒐᓱᐛ ᐅᑯᐃᔅᑯᑕᑎᓯᐅ-ᐃᑐᐅᓂᔨᐛ,
\q2 ᑭᔭ ᐃᔅᕋᐃᓚ ᐅᓂᑐᐱᔪᐅ-ᐃᔨᒥᔪᐛ ᐅᑯᐃᔅᑯᑕᑎᓯᐅ-ᐃᑐᐅᓂᔨᐛ᙮
\b
\q1 ᐊᑯ ᑎᐸᔨᒋᒐᓱᐤ ᐅᑦ ᐃᔨᒪ
\q2 ᐊᑐᑕᔨᒋ ᐊᓐᑕ ᐅᑕᓇᒡ ᐃᔎᑕᒥᒡ᙮
\q1
\v 12 ‘ᐅᓂ, ᐅᓂ, ᑕᐳᕋ !
\q2 ᐅᓂ, ᐅᓂ, ᒐ ‍ ᓂᑭᒧᐎᓐ !
\q1 ᐱᓯᑯᐤ ᐱᓯᑯᐤ ᐅ ᐸᕋᒃ , ᐊᐱᓄᐊᒻ ᐅᑯᓴ!
\q2 ᒪᑯᓂᒡ ᐊᓐᒡ ᑲ ‍ ᐅᐧᑲᑎᔅᒡ᙮’
\b
\q1
\v 13 ᐊᑯ ᐊᓐᒡ ᓇᐸᐅᒡ ᑲ ‍ ᐃᔅᑯᐱᔨᒡ ᑲ ‍ ᓂᑐᐱᔨᓇᓄᐎᔨᒡ
\q2 ᒋ ᐸᒋ ‍ ᓂᑐᐛᐱᒪᐅᒡ ᐊᓂᔭ ᑲᓂᑲᓂᔅᑲᑯᒡ;
\q1 ᓂᒋ ᐸᒋ ‍ ᓇᑎᑯᔪᐛ
\q1 ᑎᐸᔨᒋᒐᓱᐤ ᐅᑦ ᐃᔨᒪ
\q2 ᐊ ‍ ᐎᒐᐛᔨᒋ ᑲ ‍ᓱᒋᔨᒋ ᐃᔪᐛ᙮
\q1
\v 14 ᐃᑉᕋᐃᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐱᔅᒐ ᒋ ‍ ᐅᑐᑕᐅᒡ, ᐊᒪᓚᑲ ᑲ ᐅᒋ ᐊᓂᔅᒐ ‍ ᐱᒪᑎᓯᒡ ᐊᔅᒋᒡ ᑲ ‍ ᐎᒋᒡ;
\q2 ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ‍ ᐎᒐᐛᐅᒡ ᐊᓂᔭ ᐃᔪᐛ ᑲ ‍ ᓇᓴᐅᔅᒋᔅᒋ᙮
\q1 ᒪᑭᕐ ᐅᑦ ᐊᓂᔅᑯᑕᐱᓂᔨᐛ ᒋ ‍ ᐅᑐᑕᐅᒡ ᒋᓴᐅᒋᒪᓯᒡ ᐊᓐᒡ ᑲ ᐎᒋᔨᐛᒡ ᐊᓂᑐᐱᔨᓇᓄᐎᔨᒡ,
\q2 ᑭᔭ ᓴᐳᓕᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ ᐊᓐᒡ ᑲ ‍ ᑕᐧᑯᓂᒺᒡ ᐅᒋᒪᐛ ᐅᓯᔅᑲᐅᓂᔪᐤ᙮
\q1
\v 15 ᒋᓴᐅᒋᒪᓯᒡ ᐃᓴᑲᕐ ᐅᒋ ᒋ ‍ ᐎᒐᐛᐅᒡ ᑕᐳᕋᔨᒋ,
\q2 ᑭᔭ ᐃᔪᒡ ᐃᓴᑲᕐ ᐅᒋ ᐊ ‍ ᐱᓴᔨᒡ ᐃᓯ ᓇᓴᐛᐅᒡ ᐸᕋᑲ᙮
\q1 ᒥᒄ ᕈᐱᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒋᑕᑎᐸᓂᐱᔪᒡ,
\q2 ᓇᒪ ᐅᒋ ᐎᔭᔨᑎᒧᒡ ᒐᒋ ᑎᑯᓯᒡ᙮
\q1
\v 16 ᕈᐱᓐ ᐊ ‍ ᐃᑎᔅᑲᓇᓯᔭᒄ ᐃᔪᒡ, ᒐᒂᓐ ᐊᓐᑕ
\q2 ᐛᒋ ‍ ᑕᔭᒄ ᒐ ‍ ᒪᔭᑕᓂᓯᒥᐛᐅᒡ ᐊ ‍ ᐃᑕᒡ ?
\q1 ᒐᒋ ᓂᑐᑎᒺᒄ ᐊ ᒪᔭᑕᓂᓱᐅ-ᐃᔪᒡ
\q2 ᐊ ‍ ᑯᐃᔅᑯᓯᑐᐛᒡ ᐅᑦ ᐊᐛᓯᓯᒧᐛᐛ ?
\q1 ᕈᐱᓐ ᐊ ‍ ᐃᑎᔅᑲᓇᓯᒡ ᐃᔪᒡ ᓇᒪ ᐅᒋ ᐎᔭᔨᑎᒧᒡ ᒐᒋ ᑎᑯᓯᒡ᙮
\q1
\v 17 ᐃᔪᒡ ᑲ ‍ ᐎᒋᒡ ᐊᓐᑕ ᑭᓕᐊᑦ ᐃᑕᐅᓂᒡ ᐛᐱᓄᑕᒡ ᒠᕐᑕᓐ ᐊᑎᑯᓂᔨᒡ ᓇᒪ ᐅᒋ ᒋᑐᑕᐅᒡ ᒐᒋ ᓂᑐᐱᔨᒡ, ᐎᒋᐛᐛᒡ ᒋ ᐃᑕᐅᒡ,
\q2 ᑭᔭ ᑕᐊᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐅᐱᒪ ᑲ ‍ ᐱᒪᔅᑎᓂᔨᒋ ᐅᐤᑕ ᒋ ‍ ᐃᑕᐅᒡ᙮
\q1 ᐊᓱᕐ ᐊ ‍ ᐃᑎᔅᑲᓇᓯᒡ ᐃᔪᒡ ᔭᔭᐤ ᐎᓂᐸᑯᒡ ᒋ ‍ ᐃᑕᐅᒡ,
\q2 ᒥᒋᒪ ᐳᓱᓇᓂᒡ᙮
\q1
\v 18 ᒥᒄ ᓴᐳᓕᓐ ᑭᔭ ᓇᑉᑕᓕ ᐊ ‍ ᐃᑎᔅᑲᓇᓯᒡ ᐃᔪᒡ ᑯᔅᐱᓇᑎᑯᓯᐅᓂᒡ ᒋ ‍ ᐃᔭᔨᓱᐅᒡ,
\q2 ᐊᒋ ‍ ᑯᓯᒂᔨᒧᑐᐛᐅᒡ ᑲ ‍ ᐛᐧᑲᑎᑯᒡ᙮
\b
\q1
\v 19 ᑲᐃᓇᓐ ᒋᓴᐅᒋᒪᐅᒡ ᓂᒋ ‍ ᓂᑐᐱᔨᑕᑯᓇᓐᒡ ᐊᓐᑕ ᑕᓇᐧᒃ ᐅᑕᓇᒡ,
\q2 ᒥᒋᒪ ᒥᑭᑐᐤ ᐅᑕᓇᒡ᙮
\q1 ᒥᒄ ᓇᒪ ᓂ ᐅᒋ ᓴᐧᑯᒋᔨᑯᓇᓐᒡ
\q2 ᑭᔭ ᓇᒪ ᐅᒋ ‍ ᒋᒧᑐᐅᒡ ᓂᐛᐱᓯᐅᓱᓇᔭᐱᔅᑯᒥᓇᓇ᙮
\q1
\v 20 ᒧᔭᒻ ᐅᒐᑭᑕᐧᑯᒡ ᒋᓯᑯᒡ ᐅᒡ ᐊᒋ ᐅᒋ ‍ ᓂᑐᐱᔨᒡ,
\q2 ᐊᓐᑕ ᑲᐊᑯᒋᒡ ᒋ ᐅᒋ ᓂᑐᐱᔨᑐᐛᐅᒡ ᓯᓱᕋᔨᒋ᙮
\q1
\v 21 ᐅᑦ ᐊᓯᒪᑭᓂᓯᒧᐛᐛ ᒋ ‍ ᐛᐸᐅᑯᔪᐛ ᐊᓯᒍᐅᓂᔨᒡ ᑭᓴᓐ ᓯᐱᔪᐤ᙮
\q2 ᓂᑭ ‍ ᐱᒧᑕᓐ
\q2 ᑭᔭ ᓂᑭ ‍ᐎ ‍ ᓱᒋᓯᔨᓐ !
\q1
\v 22 ᓯᓴᕋ ᐅᑲᐸᐃᑭᔎᒪ ᒋ ‍ ᒋᒋᐸᔨᑐᔪᐛ,
\q2 ᐊ ‍ ᐸᑕᑯᓯᔨᒋ ᐊ ‍ ᐱᒥᐸᔨᑐᐎᔨᒋ᙮
\q1
\v 23 ᑎᐸᔨᒋᒐᓱᐤ ᐅᑦ ᐊᓐᒋᓂᒪ ᒋ ‍ ᐃᔅᒋᔄᔪᐛ,
\q2 ‘ᐊᓏᔨᑎᒥᒄ ᒥᕈᔅ ᐅᑕᓇᐤ !
\q1 ᑎᐸᔨᒋᒐᓱᐤ ᒋᑭ ‍ ᐊᓏᔨᒪᐤ ᐃᔪᐛ ᐊᓐᑕ ᐅᑕᓇᒡ ᐊ ᐊᑲ ᐅᒋ ᐎᒋᔨᑯᑦ
\q2 ᐊ ‍ ᓂᑐᐱᔨᑐᐛᑦ ᑲ ‍ᓱᒋᔨᒋ ᐃᔪᐛ᙮’
\b
\q1
\v 24 ᒥᒄ ᒋᔅᑕᔨᒪᑭᓄᐤ ᒐᐃᓪ,
\q2 ᐃᐳᕐ ᑭᓐ ᐃᔪᐤ ᐎᐛ᙮
\q1 ᐊᑎᑐᐤ ᒋᔅᑕᔨᒪᑭᓄᐤ
\q2 ᐃᔅᐱᔅ ᑯᑎᑲ ᐃᔎᐛ ᐊᓂᔭ ᑲ ‍ ᐎᒋᔨᒋ ᐱᒍᐛᔭᓂᒋᐛᐱᒡ᙮
\q1 ᓂᐦᐃ, ᐊᑎᑐᐤ ᒋᔅᑕᔨᒪᑭᓄᐤ
\q2 ᐃᔅᐱᔅ ᑯᑎᑲ ᐃᔎᐛ᙮
\q1
\v 25 ᓯᓴᕋ ᒋ ‍ ᓂᑐᐛᔨᑎᒧᐛᐤ ᓂᐱᔪᐤ,
\q2 ᒥᒄ ᒋᒋᓇᐳᔭ ᒋ ‍ ᒥᔭᐤ ᒐᐃᓪ,
\q1 ᐊ ‍ ᒥᔽᓯᔨᒡ ᐎᔭᑭᓂᒡ ᒋ ‍ ᐸᑐᐛᐤ ᐊᐱᔭᒂᑭᒥᓯᔨᒋ ᒋᒋᓇᐳᔭ᙮
\q1
\v 26 ᒐᐃᓪ ᒋ ‍ ᐅᑎᓂᒻ ᒋᔅᑕᔎᓂᔪᐤ ᐅᓂᔅᐸᒋᐅᓂᒡ,
\q2 ᐊᑯ ᐅᑕᒪᔨᑭᓂᔪᐤ ᐅᒥᔪᐅᓂᒡ;
\q1 ᒋ ‍ ᐅᑕᒥᔅᑎᒂᓇᐛᐤ ᓯᓱᕋᔨᒋ ᑭᔭ ᒂ ‍ ᐱᒂᐅᒺᑦ ᐅᔅᑎᒂᓂᑭᓂᔪᐤ,
\q2 ᒂ ‍ ᓴᐳᐛᐊᒺᑦ ᒋᔅᑕᔎᓂᔪᐤ ᐅᔅᑎᒂᓂᑭᓂᔨᒡ᙮
\q1
\v 27 ᓇᒪ ᐅᒋ ᐊᒋᔪᐤ ᓯᓴᕋ
\q2 ᑭᔭ ᐊᑯᑕ ᐅᓯᑎᔨᒡ ᑲ ‍ ᓂᐱᑦ᙮
\b
\q1
\v 28 ᓯᓱᕋ ᐅᑲᐎᔭ ᐅᓯᐳᐛᔅᑕᐃᑕᑭᓂᒡ ᒋ ᐅᒋ ‍ ᓴᒋᐛᐳᐤ,
\q2 ᑭᔭ ᒂ ‍ ᐃᔅᒋᔄᔨᒋ,
\q1 ‘ᒐᒂᓂᔪᐤ ᓱᐧᒄ ᓇᐅᔅ ᐛᒋ ‍ ᐃᑕᑦ ?
\q2 ᒐᒂᓂᔪᐤ ᐛᒋ ᐊᑲ ‍ ᐸᑐᒪᐧᑯᐤ ᐅᒋᒋᑕᐸᓇᔎ ᐊ ‍ ᐸᐸᔨᑐᔨᒋ ?’
\q1
\v 29 ᐸᐃᑯᑕᐤ ᒋ ᐃᓯ ‍ ᓂᔎᐛᓯᔨᑯᐤ
\q2 ᐊᓂᔭ ᒪᐅᒡ ᑲᑭᒐᑕᐛᔨᑕᑯᓯᔨᒋ ᐅᑯᐸᓇᔎᒪ,
\q1
\v 30 ‘ᓯᓱᕋ ᑭᔭ ᐅᓂᑐᐱᔪᐅ-ᐃᔨᒪ
\q2 ᒥᔅᑭᒧᒡ ᐛᔪᑎᓯᐅᓇ ᒐᒋ ᐸᑐᑕᒡ—
\q1 ᐊ ‍ ᐸᐃᑯᓯᑦ ᓇᐸᐤ ᒋᑭ ‍ ᐸᓱᐛᐤ ᐸᐃᒄ ᐃᔎᐛ ᑭᔭ ᒪᒃ ᓂᓱᐤ ᐃᔎᐛ,
\q2 ᑭᔭ ᐊ ‍ ᒥᔽᓯᔨᒋ ᐊᐱᒋᑕᐅᓇ ᐊᓐᒡ ᒥᓯᐛ ᒐ ‍ ᐳᔅᑲᒡ᙮’
\b
\q1
\v 31 ᑎᐸᔨᒋᒐᓯᒥᓇᓐ,
\q2 ᓂ ‍ ᓂᑐᑎᒪᓇᓐ ᒐ ‍ ᐳᓂᐱᒪᑎᓯᒡ ᐊᓐᒡ ᑲ ‍ ᐅᐧᑲᑎᔅᒡ ᒧᔭᒻ ᓯᓱᕋ,
\q1 ᒥᒄ ᑭᒪ ᐛᓯᓱᑦ ᐊᓐ ᒥᓯᐛ ᐊᐛᓐ
\q2 ᑲ ‍ ᓴᒋᐃᔅᒃ ᒧᔭᒻ ᐛᐱᓐ ᐱᓯᒺ᙮”
\p ᐊᑯ ᓇᐎᔪᐛᐳᓇ ᒋ ‍ ᑎᑯᓐ ᒋᔭᒪᔨᑎᒧᐅᓐ ᐊᓐᑕ ᐊᔅᒋᒡ᙮
\c 6
\s1 ᑭᑎᐊᓐ
\p
\v 1 ᐊᑯ ᐊᓐᒡ ᐃᔅᕋᐃᓪ ᐃᔪᒡ ᒋ ‍ ᒥᒋᑐᑎᒧᒡ ᐊ ‍ ᐃᑐᑕᒡ ᒐᒂᔪᐛ ᐊᓂᔭ ᑎᐸᔨᒋᒐᓱᐤ ᐊ ‍ ᐃᑕᔨᑕᐧᒃ ᐊ ‍ ᒥᒋᓂᔨᒡ, ᑎᐸᔨᒋᒐᓱᐤ ᒋ ‍ ᒥᔭᐤ ᒥᑎᔭᓐ ᐃᔪᐛ ᒐᒋ ᓴᐧᑯᒋᐊᔨᒋ ᐃᔅᕋᐃᓪ ᐃᔪᐛ ᓂᔄᐅᑕᒡ ᑕᑐᐤ ᐱᐳᓇ ᐃᔅᐱᔅ᙮
\v 2 ᒋᒋᐛ ᒋ ‍ ᐊᒂᑎᓯᐅᒡ ᒥᑎᐊᓐ ᐃᔪᒡ ᐊᑯ ᒥᒐᑦ ᐃᔅᕋᐃᓪ ᐃᔪᒡ ᐱᔅᑯᑎᓇᒡ ᒂ ‍ ᐃᑎᓯᒧᒡ ᑭᔭ ᒂ ‍ ᑲᓱᒡ ᐊᓐᑕ ᐊ ‍ ᐱᑯᓇᔭᐱᔅᑲᔨᒡ ᑭᔭ ᐊᓐᑕ ᐊᐛᓯᓴ ᐅᐛᑎᑯᔨᒡ᙮
\v 3 ᐃᔅᐱ ᓇᑕᐅᒋᑕᑥᐎ ᐅᓂᑕᐅᒋᒋᑭᓄᐛᐛ ᐃᔅᕋᐃᓪ ᐃᔪᒡ, ᐊᑯ ᒥᑎᐊᓐ ᐃᔪᒡ ᑭᔭ ᐊᓐᒡ ᐊᒪᓕᑲ ᐃᔪᒡ ᑭᔭ ᑯᑎᑭᒡ ᐛᐱᓄᑕᒡ ᐊ ‍ ᐃᑎᔅᑲᓇᓯᒡ ᐃᔪᒡ ᒂ ᓇᑐᐱᑐᐛᒡ᙮
\v 4 ᒋ ‍ ᒪᓂᑲᓱᐅᒡ ᐊᓐᒡ ᐊᓐᑕ ᐊᔅᒋᒡ ᑭᔭ ᒋ ‍ ᓂᓱᐅᓇᒋᑕᐛᐅᒡ ᓂᑕᐅᒋᑕᑭᓇ ᐃᔅᐱᔅ ᑲᓴ ᐅᑕᓇᒡ, ᑭᔭ ᓇᒪ ᒐᒂᔪᐤ ᐊ ‍ ᐱᒪᑎᓯᒥᑭᓂᔨᒡ ᐅᒋ ᐃᔅᑯᓂᒧᐛᐅᒡ ᐃᔅᕋᐃᓪ ᐃᔪᐛ, ᐊᓯᒡ ᑭᔭ ᐊᓂᔭ ᒪᔭᑕᓂᓴ ᑭᔭ ᒪᒃ ᒥᒋᑎᒂ ᑭᔭ ᒪᒃ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮
\v 5 ᒧᔭᒻ ᒂᔅᑯᑎᓯᓴ ᒋ ᐃᓯ ‍ ᑎᑯᓯᓄᐅᒡ ᐊᓯᒡ ᐅᑦ ᐊᐛᓯᓯᒧᐛᐛ᙮ ᓇᒪ ᐅᒋ ᒋᒋᒪᑭᓄᐅᒡ ᐊᔅᐱᒐᑎᒡ ᓇᐸᐅᒡ ᑭᔭ ᐅᑲᐱᔎᐅᑭᓂᒧᐛᐛ; ᒋ ᒪᑯᓂᒧᒡ ᐅᑕᓇᔪᐤ ᑭᔭ ᒋ ‍ ᓂᓱᐅᓇᒋᑕᐅᒡ᙮
\v 6 ᒋᒋᐛ ᒋᔅᑎᒪᔨᑯᐅᒡ ᐃᔅᕋᐃᓪ ᐃᔪᒡ ᒥᑎᐊᓐ ᐃᔪᐛ, ᒂ ‍ ᑕᑈᑕᒡ ᑎᐸᔨᒋᒐᓱᐛ ᒐᒋ ᐎᒋᐃᑯᒡ᙮
\p
\v 7 ᐃᔅᐱ ᐃᔅᕋᐃᓪ ᐃᔪᒡ ᑲ ‍ ᑕᑈᑕᒡ ᑎᐸᔨᒋᒐᓱᐛ ᐅᓴᒻ ᒥᑎᐊᓐ ᐃᔪᐛ ᐅᒋ,
\v 8 ᒋ ᐃᑎᓴᐊᒪᑯᐅᒡ ᐅᒋᔅᒋᐛᐃᒐᓱᐛ ᐊᓂᔭ ᑲ ‍ ᐃᑎᑯᒡ, “ᐊᐅᑯᔪᐤ ᐅᔭ ᑎᐸᔨᒋᒐᓱᐤ, ᐃᔅᕋᐃᓪ ᐃᔪᒡ ᐅᒋᓴᒪᓂᑐᒧᐛᐛ, ᐊᔅᒋᔄᑦ: ‘ᐃᒋᑉᑎᒡ ᐅᒋ ᔅᒋ ᐅᒋ ‍ ᐎᐎᑕᔨᑎᓇᐛᐤ, ᐊᓐᑕ ᐊᔅᒋᒡ ᐅᒋ ᑲ ᐅᐧᑲᓄᐅᔭᒄ᙮
\v 9 ᐃᒋᑉᑦ ᐃᔪᒡ ᔅᒋ ᐅᒋ ‍ ᐱᐧᑯᐃᑎᓇᐛᐤ ᑭᔭ ᐊᓐᒡ ᐃᔪᒡ ᐅᒋ ᑲ ‍ ᒪᓯᐧᑲᑕᑯᒡ ᐅᑕ ᐊᔅᒋᒡ᙮ ᓂᒋ ‍ ᐃᑲᑎᓴᐛᐅᒡ ᐅᑎᔅᑯᐤ ᐊ ‍ ᑕᐛᒄ ᑭᔭ ᔅᒋ ‍ ᒥᔨᑐᐛᓇᐛᐤ ᐅᑦ ᐊᔅᒋᐛᐤ᙮
\v 10 ᓂᔾ ᐅ ᒋᒋᓴᒪᓂᑐᒧᐛᐤ ᑭᔭ ᔅᒋ ‍ ᐃᑎᑎᓇᐛᐤ ᒐ ᐊᑲ ‍ ᐊᔭᒥᐊᔅᑐᒪᐧᑯ ᐊᒧᕆ ᐃᔪᒡ ᐅᒋᓴᒪᓂᑐᒧᐛᐛ, ᐊᓐᑕ ᐊᓄᒡ ᐛᒍᐛᒄ ᐅᑦ ᐊᔅᒋᐛᒡ, ᒥᒄ ᓇᒪ ᒋ ᐅᒋ ‍ ᓂᑐᑐᐅᓇᐛᐤ᙮’ ”
\p
\v 11 ᐊᑯ ᑎᐸᔨᒋᒐᓱᐤ ᐅᑦ ᐊᓐᒋᓂᒪ ᒂ ‍ ᑎᑯᓯᓂᔨᒋ ᐊᓐᑕ ᐅᑉᕋ ᐃᑕᐅᓂᒡ ᑭᔭ ᒂ ‍ ᓇᐱᔨᒋ ᐊᓐᑕ ᓯᐸᔭᔅᑎᑯᒡ ᒥᔅᑯᐛᐤ ᒥᔅᑎᑯᒡ ᒍᐊᓴ, ᐊᐱᐊᓱᕐ ᐃᔪᐛ ᐊ ‍ ᐃᑎᔅᑲᓇᓯᑦ ᑕᐱᐛᐅᓯᔨᒋ᙮ ᐅᑯᓴ ᑭᑎᐊᓇ ᒋᒧᑦ ᒋᑕᑎᐸᓂᒥᔨᐛ ᐸᒂᓯᑭᓂᒥᓇ ᐊᓐᑕ ᐊᐱᑯᓇᔭᔨᒡ ᒧᔅᑎᔅᑭᒥᒡ ᐊᓐᑕ ᒥᓂᓴ ᑲ ‍ ᑎᒂᐃᑭᓄᔨᒋ ᒐᒋ ᐅᒋ ᐅᓯᑕᑭᓄᐎᔨᒡ ᓱᒥᓇᐳᔪᐤ, ᐊᑯ ᒪᒃ ᒐ ᐊᑲ ‍ ᐛᐱᒥᑯᑦ ᒥᑎᐊᓐ ᐃᔪᐛ᙮
\v 12 ᐃᔅᐱ ᓄᑯᓯᔅᑕᑯᑦ ᑭᑎᐊᓐ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᐊᑯ ᒂ ‍ ᐃᑎᑯᑦ, “ᑎᐸᔨᒋᒐᓱᐤ ᒋ ‍ ᐎᒐᐅᒄ, ᑲ ‍ ᓂᑕᐤ ‍ ᓂᑐᐱᔪᐅ-ᐃᔪᐃᔨᓐ !”
\p
\v 13 ᐊᑯ ᑭᑎᐊᓐ ᒂ ‍ ᐃᑕᑦ, “ᐅᒋᒪᐤ, ᑎᐸᔨᒋᒐᓱᐤ ᐛᒐᐅᔨᒥᑕᒂ, ᐊᑐᒡ ᒋ ᐃᔅᐱᔨᐱᓂ ᐅᔭ ᒐᒂᔪᐛ᙮ ᓂᒋ ‍ ᐸᑎᒺᓇᓐ ᒥᓯᐛ ᒪᒥᔅᑲᒡ-ᐃᑐᐅᓇ ᑲᒋ ‍ ᐃᑐᑎᒧᐛᑦ ᓂᑦ ᐊᓂᔅᑯᑕᐸᓇᓇ᙮ ᓂᒋ ‍ ᐸᑎᐛᓇᓐᒡ ᐃᔪᒡ ᐊ ‍ ᐛᐎᑕᒡ ᑕᓐ ᑲ ᐃᓯ ‍ ᐱᐧᑯᐛᐊᑦ ᐊ ᐅᐧᑲᓄᐎᔨᒋ ᐊᓐᑕ ᐃᒋᑉᑎᒡ᙮ ᒥᒄ ᐊᓄᒡ, ᔅᒋ ‍ ᓂᑭᑎᑯᓄᐤ, ᒥᑎᐊᓐ ᐃᔪᐛ ᔅᒋ ᐃᓯ ‍ ᐱᔅᑎᓂᑯᓄᐤ᙮” 
\p
\v 14 ᐊᑯ ᑎᐸᔨᒋᒐᓱᐤ ᒂ ‍ ᒋᐛᑲᔅᐳᔅᑐᐛᑦ ᑭᔭ ᒂ ‍ ᐃᑕᑦ, “ᑭᑎᐊᓐ, ᒋᑭ ‍ ᓱᒋᓯᓐ ᐅᓴᒻ ᒋ ‍ ᒥᔨᑎᓐ ᓱᐧᑲᑎᓯᐅᓐ ᒐᒋ ᐱᒪᒋᐃᑥᐤ ᐃᔅᕋᐃᓪ ᐃᔪᒡ ᒥᑎᐊᓐ ᐃᔪᐛ ᐅᒋ᙮ ᒋᑦ ‍ ᐃᑎᓴᐅᑎᓐ ᐅ ᒐᒋ ᑐᑎᒥᓐ !”
\p
\v 15 ᑭᑎᐊᓐ ᒋᑭ ‍ ᑯᒂᒋᒪᐤ ᐊ ‍ ᐃᑕᑦ, “ᐅ ᓂᑎᐸᔨᒋᒐᓯᒻ, ᑕᓐᑕ ᒐᒋ ᐅᒋ ᐱᒪᒋᐃᒂᐤ ᐃᔅᕋᐃᓪ ᐃᔪᒡ ? ᒋ ‍ ᐛᐱᒪᐅᒡ ᐊ, ᐊᐅᑯᓐᒡ ᐊᓐᒡ ᓂᑦ ᐊᓂᔅᑯᑕᐸᓐᒡ ᓇᔅᒡ ᑲ ᐅᒋ ‍ ᐃᔨᒥᓯᒡ ᐊᓐᑕ ᒪᓇᓴ ᐊ ‍ ᐃᑎᔅᑲᓇᓯᓇᓄᐎᒡ ᑭᔭ ᓂᔾ ᒪᐅᒡ ᓇᒪ ᓂᑦ ᐃᔅᐱᑕᔨᑕᑯᓯᓐ ᐊᓐᑕ ᐊ ‍ ᐸᐃᑯᑕᐅᓯᔭᒡ᙮”
\p
\v 16 ᑎᐸᔨᒋᒐᓱᐤ ᒋ ‍ ᐃᑕᐤ, “ᒋᑭ ᒋ ‍ ᑐᑕᓐ ᐛᔅ ᒋᑭ ‍ ᐎᒐᐅᑎᓐ᙮ ᒥᓯᐛ ᒪᒧᐤ ᒋᑭ ‍ ᓂᑕᐛᐅᒡ ᒥᑎᐊᓐ ᐃᔪᒡ᙮”
\p
\v 17 ᑭᑎᐊᓐ ᒋ ‍ ᐃᑕᐤ, “ᒋᑭ ᒋ ‍ ᑐᑎᒧᐅᓐ ᐊ ᐸᐃᒄ ᒐᒂᓐ ? ᐛᐸᑎᔨ ᒋᔅᒋᓄᐛᒡ ᐛᐸᑎᔨᐛᐅᓐ ᓇᔅᒡ ᐃᔭᐅᓇ ᒋᔾ ᑎᐸᔨᒋᒐᓱᐤ᙮ 
\v 18 ᐊᑲᐎᔾ ᐸᑎᒪ ᔅᑐᑕ ᐸᑐᔅ ᑎᑯᓯᓂᔭᓇ ᑭᔭ ᒋᐸᑕᔭᓇ ᒥᒋᒻ ‍ ᒥᔨᐛᐅᓇ ᑭᔭ ᒐ ‍ ᐱᔅᑎᓂᒪᓐ ᐅᑎᔅᑯᐤ ᐊᑕᔨᓐ᙮”
\p ᐊᑯ ᑎᐸᔨᒋᒐᓱᐤ ᐊᑕᑦ, “ᒋᑭ ‍ ᐊᓯᓄᐛᔨᑎᓐ ᐸᑎᒪ ᑎᑯᓯᓂᔨᓇ᙮”
\p
\v 19 ᐊᑯ ᑭᑎᐊᓐ ᒂ ‍ ᒋᐛᑦ ᑭᔭ ᒂ ‍ ᓂᐸᐊᑦ ᒥᔅᑐᓯᓴ ᐊᑯ ᒂ ‍ ᐅᓴᐧᒃ ᐎᔭᓯᔪᐤ ᐊᑯ ᒥᓐ ᒂ ‍ ᐸᒂᓯᑭᓂᒐᑦ ᐸᐃᑯᒥᔪᐅᑦ ᐊ ᐊᑲ ‍ ᐅᐱᔨᒋ ᔪᔎᐛᓇ ᐊ ‍ ᐱᒋᐊᑦ᙮ ᑲᒋ ‍ ᑎᑭᔅᑕᔨᒡ ᐎᔭᓯᔪᐤ, ᐅᑎᐱᐅᑎᒡ ᒋᐱᑕᐅᒻ ᑭᔭ ᐊᓯᓂᔪᐤ ᐊᔅᒋᑯᒡ ᒋ ‍ ᐳᐅᓂᒻ ᒧᔅᑭᒥᔪᐤ᙮ ᒂ ᐸᒋ ‍ ᐎᐎᑕᑦ ᑭᔭ ᒂ ‍ ᒥᔭᑦ ᑎᐸᔨᒋᒐᓱᐛ ᐊᓐᑕ ᓯᐸ ᒥᔅᑯᐛᐤ ᒥᔅᑎᑯᒡ᙮
\p
\v 20 ᒋᓴᒪᓂᑐᐛ ᐅᑦ ᐊᓐᒋᓂᒥᔪᐛ ᒋ ‍ ᐃᑎᑯᐤ, “ᑭᑎᐊᓐ, ᐅᑕ ᐊᓯᓂᒡ ᐊᔅᑕ ᐎᔭᔅ ᑭᔭ ᐊᓐ ᐊᐊᑲ ᐅᐱᓱᑦ ᐸᒂᓯᑭᓐ, ᑭᔭ ᒐ ‍ ᐳᐅᓂᒥᓐ ᐊᓐᑕ ᒧᔅᑭᒥᔾ᙮” ᒋ ‍ ᐃᑐᑎᒻ ᑲ ‍ ᐃᑕᑭᓄᐅᑦ ᑭᑎᐊᓐ᙮
\v 21 ᐊᑯ ᑎᐸᔨᒋᒐᓱᐤ ᐅᑦ ᐊᓐᒋᓂᒪ ᒋ ‍ ᑕᐧᑯᓂᒻ ᓯᔅᑲᐅᓇᑎᑯᔪᐤ ᑭᔭ ᑎᔭᐧᑲᔎᐊᒃ ᐅᓂᔎᒡ ᐅᒡ ᐊᓂᔭ ᐎᔭᓯᔪᐤ ᑭᔭ ᐸᒂᓯᑭᓇ᙮ ᐃᔅᑯᑕᔪᐤ ᒂ ᐅᒋ ‍ ᐎᐎᐱᔨᒡ ᐊᓯᓂᒡ ᑭᔭ ᒂ ‍ ᐃᔎᑕᔨᒡ ᐊᓂᔭ ᐎᔭᓯᔪᐤ ᑭᔭ ᐊᓂᔭ ᐸᒂᓯᑭᓇ᙮ ᓯᔅᒋᑯᒡ ᒂ ᐊᑎ ᐊᑲ ‍ ᓄᑯᓯᔨᒋ ᑎᐸᔨᒋᒐᓱᐤ ᐅᑦ ᐊᓐᒋᓂᒪ᙮
\v 22 ᐃᔅᐱ ᒐᔅᒐᔨᑕᐧᒃ ᑭᑎᐊᓐ ᐃᔭᐅᔨᒋ ᐊᓂᔭ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ, ᒂ ‍ᑕᑈᑦ, “ᐅ ᑎᐸᔨᒋᒐᓱᐤ ᒋᓴᒪᓂᑐᐤ, ᓇᔅᒡ ᑕᑈ ᐅᑎᔅᑯᐤ ᓂᒋ ‍ ᐛᐱᒪᐤ ᒋᑦ ᐊᓐᒋᓂᒻ᙮”
\p
\v 23 ᒥᒄ ᒋ ‍ ᐃᑎᑯᐤ ᑎᐸᔨᒋᒐᓱᐛ, “ᒋᔭᒪᔨᑕ, ᐊᑲ ᑯᔅᑕᒋ, ᓇᒪ ᒋᑭ ‍ ᐳᓂᐱᒪᑎᓯᓐ᙮”
\p
\v 24 ᐊᑯ ᑭᑎᐊᓐ ᐛᓯᑎᒧᐛᑦ ᐊᓐᑕ ᐱᔅᑎᓂᒐᐅᓇᐱᔅᑯᔪᐤ ᑎᐸᔨᒋᒐᓱᐛ ᑭᔭ ‘ᑎᐸᔨᒋᒐᓱᐤ ᐊᐅᒄ ᒋᔭᒪᔨᑎᒧᐅᓐ’ ᒂ ‍ ᐃᓯᓂᐧᑲᑕᐧᒃ᙮ ᐊᔅᒄ ᐊᓄᒡ ᒂ ‍ ᐃᓯᑲᐳᐅᒡ ᐊᓐᑕ ᐅᑉᕋ ᐊᐱᐊᓱᕐ ᐃᔪᒡ ᐅᑦ ᐃᑕᐅᓄᐛᒡ᙮
\p
\v 25 ᐊᓂᔭ ᐸᐃᑯᑕᐤ ᑕᐱᔅᑲᔨᒡ ᑎᐸᔨᒋᒐᓱᐤ ᒋ ‍ ᐃᑕᐤ ᑭᑎᐊᓇ, “ᒐ ‍ ᐅᑎᓂᒥᑎ ᓂᓱ ᐊ ‍ ᑕᔨᒋ ᒍᑕᐎᔾ ᐅᓇᐸ ‍ ᒥᔅᑐᓯᒪ, ‍ ᓂᔄᐅᑕᒡ ᐊᑕᑐᐤ ᐱᐳᓇᓯᔨᒋ᙮ ᒐᓂᑎᓂᒧᑦ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᐊᔨᒥᑐᐛᑦ ᐸᐊᓚ ᑭᔭ ᒐᒂᐅᒥᑎ ᐊᓱᕋ ᒥᔅᑎᑯᐧᑲᓇ ᐅᐱᒪ ᐱᔅᑎᓂᒐᐅᓇᐱᔅᑯᒡ ᒐᒥᓱᔨᒋ᙮
\v 26 ᐊᑯ ᒐ ‍ ᐅᓯᑎᒧᐅᑦ ᑎᐸᔨᒋᒐᓱᐤ ᒋᒋᓴᒪᓂᑐᒻ ᐊ ‍ ᒥᔽᔨᒡ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᑕᐧᑯᒡ ᐊᓯᓂᒡ᙮ ᐊᓱᕋ ᒥᔅᑎᑯᐧᑲᓐ ᑲ ‍ ᒂᐅᑦ ᐊ ‍ ᐱᒋᐃᑦ, ᐊᑯᑕ ᒐ ‍ ᐱᔅᑎᓂᒐᔨᓐ ᐊᓐ ᓂᓱ ᐊ ‍ ᑕᑦ ᓇᐸ ᒥᔅᑐᔅ ᒧᔭᒻ ᒥᑐᔅᑕᐊᒪᒐᐅᓐ᙮”
\v 27 ᐊᑯ ᑭᑎᐊᓐ ᐛᑎᓇᑦ ᐸᐃᑯᔪᐤ ᐅᑦ ᐊᐱᒋᐊᑭᓇ ᑭᔭ ᒂ ‍ ᐃᑐᑕᐧᒃ ᑲ ‍ ᐃᑎᑯᑦ ᑎᐸᔨᒋᒐᓱᐛ᙮ ᒋᒋᐛ ᒋ ‍ ᑯᔅᑕᐤ ᐊᓂᔭ ᐊ ‍ ᐸᐃᑯᔅᑲᓇᓯᑦ ᑭᔭ ᐊᓂᔭ ᐃᔪᐛ ᐊᓐᑕ ᐅᑕᓇᒡ, ᐊᑯ ᑎᐱᔅᑲᔨᒡ ᐅᔭ ᒋ ‍ ᐃᑐᑎᒻ ᐃᔅᐱᔅ ᐎ ᐊ ‍ ᒋᓯᑲᔨᒡ᙮
\p
\v 28 ᐃᔅᐱ ᐃᔪᒡ ᐊᓐᑕ ᐅᑕᓇᒡ ᐛᓂᒡ ᒥᓐ ᒋᔭᒋᓴᐸᔭᔨᒡ, ᒋ ‍ ᒥᔅᑲᑕᔨᑎᒧᒡ ᐸᐊᓚ ᐅᐱᔅᑎᓂᒐᐅᓇᐱᔅᑯᔪᐤ ᐊᒋ ‍ ᐱᑯᓇᑭᓄᐎᒂ, ᐊᓯᒡ ᐊᓂᔭ ᐊᓱᕋ ᒥᔅᑎᑯᐧᑲᓇ ᐊᒋ ‍ ᒂᐛᑭᓄᐎᒂᓂ᙮ ᒂ ‍ ᐛᐸᑕᒡ ᐊᒋ ‍ ᒥᑐᔅᑕᐊᒪᒐᓄᐎᒂᓂ ᓂᓱ ᐊ ‍ ᑕᔨᒋ ᓇᐸ ᒥᔅᑐᓴ ᐊᓐᑕ ᐅᔅᒋ ‍ ᐱᔅᑎᓂᒐᐅᓇᐱᔅᑯᒡ ᐊᓄᒋᒐ ᑲ ‍ ᐅᓯᑕᑭᓄᐎᔨᒂ᙮
\p
\v 29 ᒂ ‍ ᑯᒂᒋᒥᑐᒡ, “ᐊᐛᓐ ᐅᔭ ᑲ ᐃᑎᑦ ?”
\p ᐃᔅᐱ ᑲ ‍ ᒥᔪ ᓇᓂᑐ ‍ ᒋᔅᒐᔨᑕᒡ, ᒋ ‍ ᐃᑕᑭᓄᐎᒡ, “ᑭᑎᐊᓐ, ᒍᐊᔅ ᐅᑯᓴ ᐅᔭ ᑲ ‍ ᐃᑎᑦ᙮”
\p
\v 30 ᐊᑯ ᐃᔪᒡ ᐊᓐᑕ ᐅᑕᓇᒡ ᓇᑐᐛᐱᒪᒡ ᒍᐊᓴᔨᒋ ᑭᔭ ᐊᑕᒡ, “ᐸᒋ ‍ ᐎᐎᑕᔨ ᒋᑯᔅ ᐊᑯ ᒪᒃ ᒐᒋ ᓂᐸᐃᒋᒡ᙮ ᒋ ‍ ᓂᑎᓂᒺᓯᐱᓐ ᐸᐊᓚ ᐅᐱᔅᑎᓂᒐᐱᔅᑯᒥᔪᐤ ᑭᔭ ᒋ ‍ ᓇᑥᒂᐛᓯᐱᓐ ᐊᓱᕋ ᒥᔅᑎᑯᐧᑲᓇ ᐅᐱᒪ ᐱᒋᔅᑎᓂᒐᐅᓇᐱᔅᑯᒡ ᑲ ‍ ᒋᒥᓱᔨᒋ᙮”
\p
\v 31 ᒥᒄ ᒍᐊᔅ ᒋ ‍ ᐃᑕᐤ ᐊᓂᔭ ᑲ ‍ ᐛᔅᑲᑲᐳᔅᑕᑯᑦ ᑲ ‍ ᐊᒂᑕᔨᑕᑯᓯᔨᒋ ᐃᔪᐛ ᑲᒋᔄᐊᑦ, “ᑕᑈ ᐊ ᒋᑭ ᒋᔅᐸᐛᑕᐛᐤ ᐸᐊᓪ! ᑕᑈ ᐊ ᒋᑭ ᒋ ‍ ᐱᒪᒋᐊᐛᐤ! ᐊᓐ ᐊᐛᓐ ᒐ ‍ ᒪᓯᒐᔅᑎᒧᐛᒂ, ᒋᑭ ᓂᐸᐊᑭᓄᐤ ᐊᒺᔭ ᒐᒋᓴᐸᔭᔨᒡ ! ᒐᓴᒪᓂᑐᐅᒂ ᐸᐊᓪ, ᐎᔾ ᒋᑭ ᒋᔅᐸᐛᑎᓱᐤ ᐃᔅᐱ ᓂᑎᓂᒥᔨᒐ ᐊᐛᔪᐛ ᐅᐱᔅᑎᓂᒐᐱᔅᒄ᙮”
\v 32 ᐸᐃᑯᑕᐤ ᐊᓂᔭ ᒋᓯᑯᔪᐤ, ᒋ ‍ ᒥᔅᑯᑎᓂᒺᐅᒡ ᑭᑎᐊᓇ ᐅᑦ ᐃᓯᓂᐧᑲᓱᓂᔪᐤ, ᒐᕈᑉ-ᐸᐊᓪ ᒋ ‍ ᐃᓯᓂᐧᑲᑕᐅᒡ ᐊ ‍ ᐃᔅᒋᔄᒡ, “ᒋ ‍ ᓂᑎᓂᒺᐤ ᐸᐊᓚ ᐅᐱᔅᑎᒐᐅᓇᐱᔅᑯᔪᐤ, ᐊᑯ ᐎᔾ ᐸᐊᓪ ᒋᑭ ᒋᔅᐸᐛᑎᓱᐤ᙮”
\p
\v 33 ᐊᑯ ᒥᓯᐛ ᒥᑎᐊᓐ ᐃᔪᒡ, ᐊᒪᓕᒃ ᐃᔪᒡ ᑭᔭ ᑯᑎᑭᒡ ᐛᐱᓄᑕᒡ ᐃᔪᒡ ᒋ ‍ ᒪᒧᐅᓇᐅᒡ ᐅᓂᑐᐱᔪᐅ-ᐃᔨᒧᐛᐛ ᑭᔭ ᒂ ‍ ᐊᓱᐛᐊᒡ ᒠᕐᑕᓐ ᓯᐱᔪᐤ ᑭᔭ ᒂ ‍ ᒪᓂᑲᓱᒡ ᐊᓐᑕ ᒐᔅᕆᐃᓪ ᐊ ‍ ᐱᓴᔨᒡ᙮
\v 34 ᒂ ‍ ᐱᒋᔅᑲᑯᑦ ᑭᑎᐊᓐ ᑎᐸᔨᒋᒐᓱᐛ ᐅᑦ ᐊᒐᐧᑯᔪᐛ ᑭᔭ ᒂ ‍ ᐳᑕᑕᐧᒃ ᐳᑕᒋᑭᓂᔪᐤ ᒐᒋ ᐎᓴᒪᑦ ᐊᐱᐊᓱᕐ ᐃᔪᐛ ᒐᒋ ᓇᓴᐅᑯᑦ᙮
\v 35 ᒥᓯᐛ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒪᓇᓴᔨᒡ ᒋ ‍ ᐃᑎᓴᐛᐤ ᐃᔨᒧᐅᓂᔪᐤ ᑲ ‍ ᐱᒧᑕᔨᒋ ᐊᐎᓴᒪᑦ ᒥᓯᐛ ᒐᒋ ᓂᑐᐱᔨᒋ ᑭᔭ ᒐᒋ ᐃᑐᑕᔨᒋ ᐃᔭᐱᒡ ᐊᓐᑕ ᐊᓱᕐ, ᓴᐳᓕᓐ ᑭᔭ ᓇᑉᑕᓕ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᐊᑯ ᑭᔭ ᐎᔪᐛᐤ ᐊᑐᑕᒡ ᒐᒋ ᓂᒋᔅᑯᐛᒡ᙮
\p
\v 36 ᑭᑎᐊᓐ ᒋ ‍ ᐃᑕᐤ ᒋᓴᒪᓂᑐᐛ, “ᐱᒪᒋᐃᑥᐛ ᐃᔅᕋᐃᓪ ᐃᔪᒡ ᓂᔾ ᐅᒡ ᒧᔭᒻ ᑲ ᐃᓯ ‍ ᐊᓱᑎᒪᒐᔨᓐ,
\v 37 ᒪᐤ ᐃᓯ ‍ ᐛᐸᑎᔨ, ᓂᑭ ‍ ᐱᔅᑎᓇᐤ ᐊᓯᑭᓇᔭᐱᔾ ᒧᔅᑎᔅᑭᒥᒡ ᐊᓐᑕ ᐊ ‍ ᐱᓴᔨᑭᓄᐅᒋ ᐸᒂᓯᑭᓂᒥᓇ᙮ ᒥᒄ ᓂᔅᑭᔅᑭᒥᓯᒐ ᐊᓯᑭᓇᔭᐱᔾ ᑭᔭ ᐸᒂᔅᑭᒥᑲᒐ, ᐊᑯ ᒐᔅᒐᔨᑎᒪᓐ ᒐ ‍ ᐱᒪᒋᐃᑥᐤ ᐃᔅᕋᐃᓪ ᐃᔪᒡ ᓂᔾ ᐅᒡ ᒧᔭᒻ ᑲ ᐃᓯ ‍ ᐊᓱᑎᒪᒐᔨᓐ᙮”
\v 38 ᐊᐅᑯᓐ ᒧᔭᒻ ᑲ ‍ ᐃᔅᐱᔨᒡ, ᐎᐱᒡ ᒐᒋᓴᐸ ᒋ ᐅᓂᐤ ᑭᑎᐊᓐ ᒥᓐ ᐎᔭᐱᓂᔨᒡ, ᒋ ‍ ᒪᑯᓇᐤ ᐊᓯᑭᓇᔭᐱᔭ ᑭᔭ ᒂ ‍ ᓯᓂᐸᑎᓇᑦ ᒐᒋ ᐃᔅᐱᔅ ᓴᑭᔅᒋᓇᐸᔨᒡ ᓂᐱᔪᐤ ᓱᐸᐳᐎᔭᑭᓂᒡ᙮
\p
\v 39 ᐊᑯ ᑭᑎᐊᓐ ᐊᑕᑦ ᒋᓴᒪᓂᑐᐛ, “ᐊᑲ ᒋᔄᐱᔅᑐᐎ, ᐸᐃᒄ ᒪᔅᑕᔾ ᒐᒂᓐ ᓂᑭ ‍ ᓂᑐᐛᔨᑕᓐ, ᓇᐃᒥ ᒥᓐ ᐸᐃᒂᐤ ᒐᒋ ᑯᒋᔨᒃ ᐊᓯᑭᓇᔭᐱᔾ᙮ ᐊᓄᒡ ᒐ ‍ ᑐᑐᐅᑦ ᒐᒋ ᐸᓱᑦ ᐊᓯᑭᓇᔭᐱᔾ ᑭᔭ ᒐᒋ ᓂᔅᑭᔅᑭᒥᑲᒡ᙮”
\v 40 ᐊᓂᔭ ᑕᐱᔅᑲᔨᒡ, ᒋᓴᒪᓂᑐᐤ ᒋ ‍ ᐃᑐᑎᒻ ᒥᓯᐛ ᒐᒋ ᓂᔅᑭᔅᑭᒥᑲᔨᒡ, ᒥᒄ ᒋ ‍ ᐃᑐᑐᐛᐤ ᐊᓯᑭᓇᔭᐱᔭ ᒐᒋ ᐸᓱᔨᒋ᙮
\c 7
\s1 ᑭᑎᐊᓐ ᓴᒂᐊᐤ ᒥᑎᐊᓐ ᐃᔪᐛ
\p
\v 1 ᐎᐱᒡ ᒋᔭᒋᓴᐸᔭᔨᒡ, ᑭᑎᐊᓐ ᑭᔭ ᐅᓂᑐᐱᔪᐅ-ᐃᔨᒪ ᐊᕈᑦ ᒧᔅᒋᓂᐸᑯᒡ ᒋ ᐃᓯ ‍ ᐊᑐᒐᐅᒡ᙮ ᒋᐛᑎᓄᒡ ᐊᑕᒡ ᒋ ‍ ᐎᒋᔨᐛ ᒥᑎᐊᓐ ᓂᑐᐱᔪᐅ-ᐃᔪᐛ ᐊᓐᑕ ᐊ ‍ ᐱᓴᔨᒡ ᒥᒋᒪ ᒧᕆ ᐱᔅᑯᑎᓇᓯᒡ᙮
\v 2 ᑎᐸᔨᒋᒐᓱᐤ ᒋ ‍ ᐃᑕᐤ ᑭᑎᐊᓇ, “ᒋᒋᐛ ᒥᒐᑐᐅᒡ ᑲᓄᐛᔨᒥᑥᐤ ᓂᑐᐱᔪᐅ-ᐃᔪᒡ ᒐᒋ ᒥᔨᒂᐤ ᒐᒋ ᐱᔅᒋᔭᒐᐊᒡ ᒥᑎᐊᓐ ᐃᔪᐛ᙮ ᒋᐸ ᒋ ‍ ᐃᑕᔨᑎᒧᒡ ᐃᔅᕋᐃᓪ ᐃᔪᒡ ᐎᔪᐛᐤ ᐛᒋᒡ ᐊᒋ ‍ ᑲᓂᔪᐅᒡ ᐊ ‍ ᓂᑐᐱᔨᒡ ᐊ ᐊᑲ ‍ ᒐᒂᓂᔪᐤ ᐅᒋ ᐃᑐᑎᒧᒡ᙮
\v 3 ᐊᑯ ᒪᒧᓂᒡ ᒋᓂᑐᐱᔪᐅ-ᐃᔨᒥᒡ ᑭᔭ ᒐ ‍ ᐎᑎᒧᐅᑥᐤ ᒥᒄ ᐊᐛᓐ ᒋᒋᐛ ᒂᔅᑕᒋᒂ ᒋᑭ ‍ ᔅᑐᑕᐤ ᑭᓕᐊᑦ ᐱᔅᑯᑎᓇᔪᐤ ᐅᒡ ᑭᔭ ᒋᑭ ‍ ᒋᐛᐤ᙮” ᐊᑯ ᓂᓱᔪᐤ ᐊᓱ ᓂᓱ ᒐᓯᐱᔪᐤ ᓂᑐᐱᔪᐅ-ᐃᔪᒡ ᒋ ‍ ᔅᑐᑕᐅᒡ, ᒥᒄ ᐸᐃᑯᔪᐤ ᒐᓯᐱᔪᐤ ᒋ ‍ ᑕᐅᒡ᙮
\p
\v 4 ᐊᑯ ᑎᐸᔨᒋᒐᓱᐤ ᐊᑕᑦ ᑭᑎᐊᓇ, “ᐊᔅᒄ ᒥᒐᑐᐅᒡ ᒋᓂᑐᐱᔪᐅ-ᐃᔨᒥᒡ, ᒧᔅᒋᓂᐸᑯᒡ ᐃᑐᑕᐃᒡ ᑭᔭ ᓂᑭ ‍ ᑯᒂᒐᐅᒡ᙮ ᒋᑭ ‍ ᐎᑎᒪᑎᓐ ᐊᐛᓐᒡ ᐊᓐᒡ ᒐ ‍ ᐎᒐᐅᔅᒡ ᑭᔭ ᐊᐛᓐᒡ ᐊᓐᒡ ᓇᔅᒡ ᒐ ‍ ᒋᐛᒡ᙮”
\p
\v 5 ᐃᔅᐱ ᑭᑎᐊᓐ ᐊᑐᑕᐊᑦ ᐅᓂᑐᐱᔪᐅ-ᐃᔨᒪ ᐊᓐᑕ ᒧᔅᒋᓂᐸᑯᒡ, ᑎᐸᔨᒋᒐᓱᐛ ᒋ ‍ ᐃᑎᑯᐤ, “ᑭᓄᐛᐱᒻ ᐸᐸᐃᒄ ᓇᐸᐤ ᑕᓐ ᐊ ᐃᓯ ‍ ᒥᓂᑦ ᓂᐱᔪᐤ᙮ ᐊᑯ ᓂᓱᐎᒡ ᒐ ‍ ᑎᔨᑥᐤ, ᐊᓐᒡ ᓄᐧᑲᑕᒡ ᓂᐱᔪᐤ ᒧᔭᒻ ᐊᑎᒺ ᑭᔭ ᐊᓐᒡ ᓇᐱᔅᑯᐱᒡ ᒐᒋ ᒥᓂᒡ᙮”
\v 6 ᓂᔅᑐ ᒥᑕᓯᒥᑎᓄᐤ ᓇᐸᐅᒡ ᐅᑎᒋᐛᒡ ᒋ ‍ ᒂᐸᐊᒧᒡ ᓂᐱᔪᐤ ᐊᓄᐧᑲᑕᒡ ᒐᒋ ᒥᓂᒡ, ᒥᓯᐛ ᑯᑎᑭᒡ ᒋ ‍ ᓂᐱᔅᑯᐳᐅᒡ ᒐᒋ ᒥᓂᒡ᙮
\p
\v 7 ᑎᐸᔨᒋᒐᓱᐤ ᒋ ‍ ᐃᑕᐤ ᑭᑎᐊᓇ, “ᒋᑭ ‍ ᐱᐧᑯᔨᑎᓐ ᑭᔭ ᒋᑭ ‍ ᒥᔨᑕᓐ ᒐᒋ ᐱᔅᒋᔭᒐᐊᑥᐤ ᒥᑎᐊᓐ ᐃᔪᒡ ᐊᓐᒡ ᐅᒡ ᓂᔅᑐ ᒥᑕᓯᒥᑎᓄᐤ ᓇᐸᐅᒡ ᓂᐱᔪᐤ ᐊᓄᐧᑲᑕᒡ ᒐᒋ ᒥᓂᒡ᙮ ᐎᑎᒧᐅᒡ ᒥᓯᐛ ᑯᑎᑭᒡ ᒐᒋ ᒋᐛᒡ᙮”
\v 8 ᐊᑯ ᑭᑎᐊᓐ ᒐ ‍ ᐛᑎᓴᐛᑦ ᒥᓯᐛ ᑯᑎᑲ ᐃᔅᕋᐃᓪ ᐃᔪᐛ, ᒥᒄ ᐊᓂᔭ ᓂᔅᑐ ᒥᑕᓯᒥᑎᓄᐤ ᒋ ‍ ᑭᓄᐛᔨᒪᐤ, ᒂ ‍ ᒥᔨᑯᒡ ᑯᑎᑲ ᐅᒥᒋᒥᔪᐤ ᑭᔭ ᐅᐳᑕᒋᑭᓂᔨᐛ᙮
\p ᓂᑎᒍᐤ ᐊ ‍ ᐱᓴᔨᒡ ᐊᓐᑕ ᐊᑕᒡ ᒋ ‍ ᐎᒋᔨᐛ ᒥᑎᐊᓐ ᓂᑐᐱᔪᐅ-ᐃᔪᐛ᙮
\v 9 ᒪᒂᒡ ᑕᐱᔅᑲᔨᒡ, ᑎᐸᔨᒋᒐᓱᐤ ᒋ ‍ ᐃᑕᐤ ᑭᑎᐊᓇ, “ᐅᓂ, ᒐ ‍ ᓂᑐᐱᔨᑐᐅᑥᐤ ᒥᑎᐊᓐ ᐃᔪᒡ᙮ ᒋᑭ ‍ ᒥᔨᑎᓐ ᒐᒋ ᐱᔅᒋᔭᒐᐊᑥᐤ,
\v 10 ᑯᔅᑕᒋᔨᓇ ᒐᒋ ᓂᑐᐱᔨᑐᐅᑥᐤ, ᒋᔾ ᑭᔭ ᒋᑦ ᐊᐱᒋᐊᑭᓐ ᐳᕋ ᒋᒧᑦ ᒐ ‍ ᐃᑐᑕᐛᒄ ᐊᓐᑕ ᓂᑐᐱᔪᐅ-ᐃᔪᒡ ᐛᒋᒡ᙮
\v 11 ᒋᑭ ‍ ᐸᑐᐛᐛᐅᒡ ᒐᒂᔪᐤ ᐊ ‍ ᐃᔅᒋᔄᒡ ᐊᑯ ᒐ ‍ ᓱᒋᑕᐃᔨᓐ ᒐᒋ ᓂᑐᐱᔨᑐᐅᑥᐤ᙮” ᐊᑯ ᑭᑎᐊᓐ ᑭᔭ ᐅᑦ ᐊᐱᒋᐊᑭᓇ ᐳᕋᐛ ᐊᑐᑕᐛᒡ ᐊᓐᑕ ᒋᒡ ᐛᒋᔨᒋ ᐊᓂᔭ ᑲ ‍ ᐱᒂᑎᑯᒡ᙮
\v 12 ᒋᒋᐛ ᒋ ‍ ᒥᓴᔪᐤ ᐊᓐᑕ ᐛᒋᓇᓄᐎᒡ᙮ ᒥᑎᐊᓐ ᐃᔪᒡ, ᐊᒪᓕᒃ ᐃᔪᒡ, ᑭᔭ ᒥᓯᐛ ᑯᑎᑭᒡ ᐛᐱᓄᑕᒡ ᐃᔪᒡ ᒋᓴᑭᔅᒋᓇᐅᒡ ᐊᓐᑕ ᐊ ‍ ᐱᓴᔨᒡ ᒧᔭᒻ ᒥᓐᑐᓯᓯᒡ ᑭᔭ ᓇᒪ ᐅᒋ ᒋᒋᒪᑭᓄᔪᐛ ᑲ ‍ ᐱᔎᐅᑭᓇᔨᒋ ᐅᑦ ᐊᐛᓯᓯᒧᐛᐛ ᑲ ᐃᔅᐱᔅ ᐛᓴ ᒥᒐᑎᔨᒋ ᐃᔅᐱᔅ ᐊᓂᔭ ᐃᔭᑲᔪᐤ ᐊᓐᑕ ᓯᓱᒡ ᐎᓂᐸᑯᒡ᙮
\p
\v 13 ᐃᔅᐱ ᑲ ‍ ᑎᑯᓯᐧᒃ ᐊᓐᑕ ᑭᑎᐊᓐ, ᒋᐸᑐᐛᐤ ᓇᐸᐛ ᐊ ‍ ᑕᑈᒧᔅᑐᐛᔨᒋ ᐎᒐᐛᑭᓂᔨᐛ ᐊ ‍ ᐃᑕᔨᒋ, “ᓂᒋ ‍ ᐳᐛᒧᓐ, ᒋ ᐸᒋ ‍ ᑎᑎᐱᔪᐤ ᐱᔅᑯᑎᓇᒡ ᐅᒋ ᐸᐃᒄ ᐛᐱᔪᒥᓐ ᐸᒂᓯᑭᓐ ᐊᓐᑕ ᒥᑎᔭᓐ ᐃᔪᒡ ᐛᒋᒡ ᐃᔅ᙮ ᒋᒋᐛ ᒋ ‍ ᓱᒋᐱᔪᐤ ᑭᔭᔅᑕᐊᐧᒃ ᐱᒍᐎᔭᓂᒋᐛᐱᔪᐤ, ᒂ ‍ ᒂᑎᐱᔨᒡ ᑭᔭ ᐱᔭᒋᑎᓂᔨᒡ᙮”
\p
\v 14 ᒂ ‍ ᐃᑎᑯᑦ ᐎᒐᐛᑭᓇ, “ᒪᐤ ᐊᑥᒥᑲᒡ ᒋᐳᐛᒧᐅᓐ᙮ ᐊᐅᑯᔪᐤ ᐊᓂᔭ ᑭᑎᐊᓐ, ᐃᔅᕋᐃᓪ ᐃᔪᐤ, ᒍᐊᔅ ᐅᑯᓴ ᐅᓂᑐᐱᔪᐅ-ᒧᐧᑯᒪᓐ᙮ ᒋᓴᒪᓂᑐᐤ ᒋᑭ ‍ ᒥᔭᐤ ᑭᑎᐊᓇ ᒐᒋ ᐱᔅᒋᔭᒐᐊᔨᒋ ᒥᑎᐊᓐ ᐃᔪᐛ ᑭᔭ ᒥᓯᐛ ᐊᑎᓯᔨᒋ ᓂᑐᐱᔪᐅ-ᐃᔪᐛ᙮”
\p
\v 15 ᐃᔅᐱ ᐱᔭᑕᐧᒃ ᑭᑎᐊᓐ ᐳᐛᒧᐅᓂᔪᐤ ᑭᔭ ᐊᓂᔭ ᐊᑥᒥᑭᓂᔨᒡ, ᒂ ‍ ᐅᒋᒋᐧᑯᓂᐱᔪᐅᑦ ᑭᔭ ᐊᔭᒥᐊᔅᑐᐛᑦ ᒋᓴᒪᓂᑐᐛ᙮ ᐊᑯ ᑲᐤ ᐊᑐᑕᑦ ᐊᓐᑕ ᐛᒋᔨᒋ ᐃᔅᕋᐃᓪ ᐃᔪᐛ ᑭᔭ ᑎᔭᑈᑦ, “ᐅᓂᒄ, ᒋᑭ ‍ ᒥᔨᑯᓄᐤ ᑎᐸᔨᒋᒐᓱᐤ ᒐᒋ ᐱᔅᒋᔭᒐᐊᑯᒡ ᒥᑎᐊᓐ ᓂᑐᐱᔪᐅ-ᐃᔪᒡ᙮”
\v 16 ᓂᔅᑐᐎᒡ ᒋ ᐃᓯ ‍ ᑕᑎᐸᓇᐤ ᐊᓂᔭ ᓂᔅᑐ ‍ ᒥᑕᓱᒥᑎᓄᐤ ᓂᑐᐱᔪᐅ-ᐃᔪᐛ᙮ ᒥᓯᐛ ᒋ ‍ ᒥᔭᐤ ᓇᐸᐛ ᐳᑕᒋᑭᓇ ᑭᔭ ᐊ ‍ ᐱᔅᒋᒂᔨᒋ ᐊᓯᔅᒍᐤ ᒂᐱᑲᑭᓇ ᐃᔅᑯᑕᐤ ᐛᔅᑕᓂᐱᒪᑭᓇ ᐊ ‍ ᐱᒋᑎᓂᔨᒋ᙮
\p
\v 17 ᑭᑎᐊᓐ ᒋ ‍ ᐃᑕᐤ, “ᒐ ‍ ᓇᑭᑐᐛᐱᒥᔭᒄ, ᐃᔅᐱ ᐅᑎᑎᒪᓇ ᐊᓐᑕ ᒋᒡ ᐛᒋᓇᓄᐅᒡ, ᒐ ‍ ᒋᔅᒋᓄᐛᐱᒥᔭᒄ ᒥᒄ ᑕᓐ ᐊ ‍ ᐃᑎᔭᓐ᙮
\v 18 ᐃᔅᐱ ᓂᔾ ᑭᔭ ᒥᓯᐛ ᐊᓐᒡ ᐛᒐᐅᒡ ᐳᑕᑎᒪᒐ ᓂᐳᑕᒋᑭᓇᓇ, ᐊᑯ ᒋᔨᐛᐤ ᐊᓐᑕ ᐛᔅᑲ ᐛᒋᓇᓄᐅᒡ ᐊᑕᔭᒄ ᒐ ‍ ᐳᑕᑎᒪᒄ ᒋᐳᑕᒋᑭᓄᐛᐛ ᑭᔭ ᒐ ‍ ᑕᑈᔭᒄ, ‘ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᑭᔭ ᑭᑎᐊᓐ ᐅᒡ᙮’ ”
\p
\v 19 ᑭᑎᐊᓐ ᑭᔭ ᐊᓂᔭ ᐸᐃᑯᐤ ᒥᑕᓯᒥᑎᓄᐤ ᓇᐸᐛ ᑲ ‍ ᐎᒐᐅᑯᑦ ᒋ ‍ ᐅᑎᑎᒧᒡ ᐊᓐᑕ ᒋᒡ ᐛᒋᓇᓄᐎᒡ ᒐᑲᑦ ᐃᔭᐱᑕᑎᐱᔅᑲᔨᒡ, ᒧᔭᒻ ᑲᒋ ‍ ᒥᔅᑯᑎᐱᔅᑕᑐᐎᒋ ᐊᓂᔭ ᑲ ‍ ᑭᓄᐛᐸᑎᒥᔨᒋ᙮ ᒂ ‍ ᐳᑕᑕᒡ ᐅᐳᑕᒋᑭᓄᐛᐛ ᑭᔭ ᒂ ‍ ᐱᒂᐊᒡ ᐊᓂᔭ ᐊᓯᔅᒍᐤ ᒂᐱᑲᑭᓇ ᑲ ‍ ᑕᐧᑯᓇᒡ
\v 20 ᑭᔭ ᐊᓐᒡ ᑯᑎᑭᒡ ᓂᓱᐎᒡ ᑲ ‍ ᑕᒡ ᐸᐃᑯᑕᐤ ᒂ ‍ ᐃᑎᒡ᙮ ᒥᓯᐛ ᒋ ‍ ᑕᐧᑯᓂᒧᒡ ᐃᔅᑯᑕᐤ ᐛᔅᑕᓂᐱᒪᑭᓇ ᐅᓂᔅᐸᒋᐅᓄᐛᒡ, ᐊᑯ ᐅᐳᑕᒋᑭᓄᐛᐛ ᐅᒥᔪᓄᐛᒡ ᒋ ‍ ᑕᐧᑯᓂᒧᒡ, ᑭᔭ ᒂ ‍ ᑕᑈᒡ, “ᒪᓯᒐᔅᑎᒧᐛᑕᐤ ᑎᐸᔨᒋᒐᓱᐤ ᑭᔭ ᑭᑎᐊᓐ᙮”
\v 21 ᒪᒂᒡ ᐸᐸᐃᒄ ᓇᐸᐤ ᐊ ᐊᑲ ‍ ᐊᒋᑲᐳᐅᑦ ᐊᓐᑕ ᑲ ‍ ᓂᐳᐅᑦ ᑲ ‍ ᐛᔅᑲᑲᐳᔅᑕᒡ ᐊᓐᑕ ᑲ ‍ ᐎᒋᓇᓄᐎᒡ, ᒥᓯᐛ ᒥᑎᐊᓐ ᐃᔪᒡ ᒋ ‍ ᒋᑎᓯᒧᐅᒡ ᐊᔭᓯᒂᐸᔨᑐᒡ᙮
\p
\v 22 ᐃᔅᐱ ᓂᔅᑐᒥᑕᓯᒥᑎᓄᐤ ᐳᑕᒋᑭᓇ ᐱᔭᑕᑯᓂᔨᒋ, ᑎᐸᔨᒋᒐᓱᐤ ᒂ ‍ ᐃᑐᑐᐛᑦ ᐊᓂᔭ ᑲ ‍ ᐱᒂᓱᐛᔨᒋ ᓂᑐᐱᔪᐅ-ᐃᔪᐛ ᒐᒋ ᒪᓯᐧᑲᑐᐎᒋ ᐅᓂᑐᐱᔪᐅ-ᒧᐧᑯᒪᓂᔪᐛ ᐊ ‍ ᐱᒋᑕᔨᒋ᙮ ᐸᑦ-ᓯᑕ ᐅᑕᓇᔪᐤ ᒋ ‍ ᐃᑎᓯᒧᐅᒡ ᓴᕆᕆ ᐅᑕᓇᒡ ᐃᔅᐱᔅ ᑭᔭ ᐊᓐᑕ ᐃᔅᐱᔅ ᐊᐱᓐ ᒪᐅᓚ ᐅᑕᓇᔪᐤ ᒥᒋᒪ ᑕᐸᑦ᙮
\v 23 ᐃᔅᕋᐃᓪ ᐃᔪᒡ ᐊᓐᑕ ᓇᑉᑕᓕ ᑭᔭ ᐊᓱᕐ ᑭᔭ ᒥᓯᐛ ᒪᓇᓴ ᐃᑕᐅᓂᒡ ᐅᒡ ᒋ ‍ ᓯᒋᒪᑭᓄᐎᒡ ᒐᒋ ᒪᓯᒐᒡ ᑭᔭ ᒂ ‍ ᓇᓴᐛᒡ ᒥᑎᐊᓐ ᐃᔪᐛ᙮
\v 24 ᒋ ‍ ᐃᑎᓴᐛᐤ ᐱᐸᒥᑎᓴᐛᑭᓇ ᑭᑎᐊᓐ ᐊᓐᑕ ᒥᓯᐛ ᐃᑉᕋᐃᒻ ᐊ ‍ ᐛᐛᑭᑕᐅᐧᑲᔨᒡ ᒐᒋ ᐃᑕᔨᒋ ᐃᔪᐛ, “ᐸᒋ ‍ ᒪᓴᐊᐧᑯᒡ ᒥᑎᐊᓐ ᐃᔪᒡ ᑭᔭ ᒐ ‍ ᒪᑯᓂᒪᒄ ᒠᕐᑕᓐ ᓯᐱᔾ ᑭᔭ ᓯᐱᓴ ᐃᔅᐱᔅ ᐸᑦᐸᕋ ᐅᑕᓇᒡ ᒐ ᐊᑲ ᒋ ᑎᔅᑭᒥᑲᓯᒡ ᒥᑎᐊᓐ ᐃᔪᒡ᙮”
\p ᐃᑉᕋᐃᒻ ᓂᑐᐱᔪᐅᒡ ᒋ ‍ ᐃᑐᑎᒧᒡ ᑕᓐ ᑲ ‍ ᐃᑎᓱᐛᔨᒋ ᑭᑎᐊᓇ᙮
\v 25 ᐃᔭᐱᒡ ᓂᓱ ᓇᑲᓂᔅᑯᐛᔨᒋ ᒥᑎᐊᓐ ᐃᔪᐛ ᒋ ‍ ᒪᑯᓇᐅᒡ, ᐅᕆᐸ ᑭᔭ ᓯᐃᐸ᙮ ᐅᕆᑉ ᐅᑦ ᐊᓯᓂᒻ ᑲ ‍ ᐃᓯᓂᐧᑲᑕᔨᒡ ᐊᑯᑕ ᑲ ‍ ᓂᐸᐊᒡ ᐅᕆᐸ ᑭᔭ ᓯᐃᑉ ᐅᑦ ᓱᒥᓐ ᓯᒂᐃᑭᓂᒡ ᑲ ‍ ᐃᓯᓂᐧᑲᑕᔨᒡ ᐊᑯᑕ ᑲ ‍ ᓂᐸᐊᒡ ᓯᐃᐸ᙮ ᒋ ‍ ᓇᓴᐛᐅᒡ ᒥᑎᐊᓐ ᐃᔪᐛ ᑭᔭ ᒋ ‍ ᐸᑐᐛᐅᒡ ᑭᑎᐊᓇ, ᐊᓐᑕ ᐛᐱᓄᑕᒡ ᐃᑕᒐ ᒍᕐᑎᓐ ᓯᐱᒡ ᑲ ᑕᔨᒋ, ᐅᕆᐸ ᑭᔭ ᓯᐃᐸ ᐅᔅᑎᒂᓂᔨᐛ᙮
\c 8
\s1 ᓯᐸ ᑭᔭ ᓴᓪᒧᓇ
\p
\v 1 ᐊᑯ ᐃᑉᕋᐃᒻ ᐊ ‍ ᐃᑎᔅᑲᓇᓯᒡ ᒋ ‍ ᑯᒂᒋᒪᐅᒡ ᑭᑎᐊᓇ, “ᒐᒂᓐ ᐅ ᑲ ‍ ᐅᒋ ᐃᑐᑐᐅᔭᒡ ? ᒋᐸ ‍ ᐎᓴᒥᓇᓇᐱᓐ ᐃᔅᐱ ᑲ ‍ ᓂᑐᐱᔨᑐᐅᑦ ᒥᑎᐊᓐ᙮” ᑭᔭ ᓇᔅᒡ ᒋ ‍ ᐊᓏᔨᒪᐅᒡ᙮
\p
\v 2 ᒥᒄ ᑭᑎᐊᓐ ᒋ ‍ ᓂᔎᐅᓯᐊᐤ, “ᓇᒪ ᒐᒂᓐ ᐃᑕᔨᑕᑯᓐ ᐊᓐ ᑲ ‍ ᐃᑐᑎᒪᓐ ᒐᒂᓐ ᐃᔅᐱᔅ ᒋᔨᐛᐤ ᑲ ‍ ᐃᑐᑎᒪᒄ᙮ ᐊᑎᓱᐧᒄ ᐊᐱᓯᔅ ᑲ ‍ ᐃᑐᑎᒪᒄ ᒋᔨᐛᐤ ᐃᑉᕋᐃᒻ ᐊ ‍ ᐃᑎᔅᑲᓇᓯᔭᒄ ᐅᔅᑕ ᒋᔅᑕᔨᑕᑯᓐ ᐃᔅᐱᔅ ᑲ ‍ ᑐᑕᒡ ᒐᒂᔪᐤ ᒥᓯᐛ ᓂᑦ ᐃᔨᒥᒡ᙮
\v 3 ᒋᓴᒪᓂᑐᐤ ᐅᓱᐧᑲᑎᓯᐅᓂᒡ ᐅᒡ, ᔅᒋ ‍ ᓂᐸᐛᐅᒡ ᓂᓱ ᑲ ‍ ᓂᑲᓂᔅᑯᐛᒡ ᒥᑎᐊᓐ ᐃᔪᐛ, ᐅᕆᑉ ᑭᔭ ᓯᐃᑉ᙮ ᐊᑎᑐᐤ ᐃᔅᐸᑕᔨᑕᑯᓐ ᒋᔨᐛᐤ ᑲ ‍ ᐃᑐᑎᒪᒄ ᐃᔅᐱᔅ ᓂᔭᓐ᙮” ᐃᔅᐱ ᐅᔭ ᑲ ‍ ᐃᔅᒋᔄᑦ, ᓇᒪ ᓴᔅ ᐅᒋ ᒋᔄᐱᔨᐛ᙮
\p
\v 4 ᑭᑎᐊᓐ ᑭᔭ ᑲ ᓂᔅᑐ ᒥᑕᓯᒥᑐᓄᐛᓯᔨᒋ ᐅᓂᑐᐱᔪᐅ-ᐃᔨᒪ ᓇᔅᒡ ᐊᔭᔅᑯᓯᒡ, ᐃᔭᐱᒡ ᒋᓇᓴᐛᐅᒡ ᒥᑎᐊᓐ ᓂᑐᐱᔪᐤ-ᐃᔪᐛ, ᒂ ‍ ᐅᑎᑕᒡ ᑭᑎᐊᓐ ᑭᔭ ᐅᓂᑐᐱᔪᐅ-ᐃᔨᒪ ᒠᕐᑕᓐ ᓯᐱᔪᐤ ᑭᔭ ᒂ ‍ ᐊᓱᐛᐊᒡ᙮
\v 5 ᒂ ‍ ᐃᑕᑦ ᓱᑯᑦ ᐅᑕᓇᒡ ᐃᔪᐛ, “ᐊᓯᒪᐧᑯᒡ ᓂᓂᑐᐱᔪᐅ-ᐃᔨᒥᒡ ᐱᔅᒐ ᒥᒋᒥᔪᐤ; ᒋᒋᐛ ᐊᔭᔅᑯᓯᐅᒡ᙮ ᐊᔅᒄ ᓂᓇᓴᐛᓇᓐᒡ ᓯᐸ ᑭᔭ ᓴᓪᒧᓇ, ᒥᑎᐊᓐ ᒋᓴᐅᒋᒪᐅᒡ᙮”
\p
\v 6 ᒥᒄ ᓱᑯᑦ ᐅᒋᒪᐅᒡ ᒋ ‍ ᐃᑕᐅᒡ, “ᓇᒪ ᓂᑭ ‍ ᓯᒪᓇᓐᒡ ᒥᒋᒥᔪᐤ ᒋᓂᑐᐱᔪᐅ-ᐃᔨᒥᒡ, ᓇᒪ ᒋᔅᒐᔨᒥᑎᓇᓐ ᒐ ‍ ᓴᐧᑯᒋᐊᐛᒂ ᓯᐸ ᑭᔭ ᓴᓪᒧᓇ᙮”
\p
\v 7 ᐊᑯ ᑭᑎᐊᓐ ᐊᑕᑦ, “ᐊᐅᑯᓐ ᒧᔭᒻ, ᐃᔅᐱ ᑎᐸᔨᒋᒐᓱᐤ ᒋ ‍ ᒥᔨᒥᒐ ᒐᒋ ᓴᐧᑯᒋᐃᒥᒋᒋ ᓯᐸᔨᒋ ᑭᔭ ᓴᓪᒧᓇᔨᒋ, ᑲᐤ ᒥᓐ ᓂᑭ ᐸᒋ ‍ ᑎᑯᓯᓇᓐ᙮ ᓂᑭ ‍ ᐅᓯᑕᓇᓐ ᐱᓯᔅᑕᔨᑭᓐ ᑲ ‍ ᑲᓱᑕᐛᒋ ᓂᐱᓯᔭᑎᒂ ᐅᒋ ᐊᑯ ᒐ ‍ ᒥᓂᐱᑎᒪᒪᒡ ᒋᐎᔭᓱᐛᐤ ᒋᔅᑭᓂᐛᐛᒡ ᐅᒋ᙮”
\p
\v 8 ᑲᒋ ‍ ᔅᑐᑕᑦ ᓱᑯᑦ ᐅᒡ, ᐱᓂᐊᓪ ᐅᑕᓇᒡ ᒋ ‍ ᐃᑐᑕᐤ ᑭᑎᐊᓐ ᑭᔭ ᐸᐃᑯᑕᐤ ᒋ ᐃᓯ ‍ ᓂᑐᐛᔨᑎᒧᐛᐤ ᐃᔪᐛ ᐊᓐᑕ ᐊ ‍ ᑕᔨᒋ, ᒥᒄ ᐸᐃᑯᑕᐤ ᒋ ᐃᓯ ‍ ᓂᔎᐛᓯᔨᑯᐤ ᒧᔭᒻ ᓱᑯᑦ ᐃᔪᐛ ᑲ ᐃᓯ ‍ ᓂᔎᐛᓯᔨᑯᑦ᙮
\v 9 ᐊᑯ ᒂ ‍ ᐃᑕᑦ ᐱᓂᐊᓪ ᐅᑕᓇᒡ ᐃᔪᐛ, “ᐃᔅᐱ ᐸᒋ ‍ ᒋᐛᔭᒐ ᓴᐧᑯᒋᐃᐛᐅᓂᒡ, ᓂᑭ ‍ ᓂᑕᐊᓇᓐ ᐅ ᐊᓱᐛᐳᐅᒋᐛᑉ᙮”
\p
\v 10 ᓴᔅ ᐊᓐᑕ ᑲᕐᑯᕐ ᐅᑕᓇᒡ ᒋ ‍ ᑕᐅᒡ ᓯᐸ ᑭᔭ ᓴᒧᓇ ᐊᓯᒡ ᐱᑕᑕᒡ ᑕᑐᓴᑈᐤ ᒐᓯᐱᔪᐤ (15,000) ᐅᓂᑐᐱᔪᐅ-ᐃᔨᒧᐛᐛ, ᐊᐅᑯᓐ ᑲ ‍ ᐃᔅᐱᔅ ᐃᔅᑯᐱᔨᒋ ᐛᐱᓄᑕᒡ ᐃᔪᒡ ᐅᓂᑐᐱᔪᐅ-ᐃᔨᒧᐛᐛ; ᐸᐃᑯ ᒥᑕᓯᒥᑐᓄᐤ ᐊᓯ ᓂᓱᔪᐤ ᑕᑥᐤ ᒐᓯᐱᔪᐤ (120,000) ᓂᑐᐱᔪᐅ-ᒧᐧᑯᒪᓇ ᑲ ‍ ᑕᐧᑯᓂᒥᔨᒋ ᒋ ‍ ᓂᐱᔨᐛ᙮
\v 11 ᑲ ‍ ᐱᐸᒧᑕᒡ ᐃᔪᒡ ᒪᔅᑭᓇᔪᐤ, ᐛᐱᓄᑕᒡ ᓄᐸ ᑭᔭ ᒍᒃᐱᐊ ᐅᑕᓇᐛ, ᒋ ‍ ᐊᐱᒋᑕᐤ ᑭᑎᐊᓐ ᑭᔭ ᐅᓂᑐᐱᔪᐅ-ᐃᔨᒪ ᑭᔭ ᒂ ‍ ᐅᑎᑕᒡ ᒥᑎᐊᓐ ᓂᑐᐱᔪᐅ-ᐃᔪᐛ ᐊ ᐊᑲ ‍ ᐸᓱᐛᔨᒥᑯᒡ ᑭᔭ ᒂ ‍ ᓂᑐᐱᑐᐛᒡ᙮
\v 12 ᓯᐸ ᑭᔭ ᓴᒧᓇ, ᐊᓐᒡ ᓂᓱ ᒥᑎᐊᓐ ᒋᓴᐅᒋᒪᐅᒡ, ᒋ ‍ ᒋᑎᓯᒧᐅᒡ ᒥᒄ ᑭᑎᐊᓐ ᑭᔭ ᐅᓂᑐᐱᔪᐅ-ᐃᔨᒪ ᒋᓇᓴᐛᐅᒡ ᑭᔭ ᒋ ‍ ᑲᔅᑎᓇᐅᒡ ᑭᔭ ᒥᓯᐛ ᐅᓂᑐᐱᔪᐅ-ᐃᔨᒥᔪᐛ᙮
\p
\v 13 ᐊᑯ ᑲᒋ ‍ ᓂᑐᐱᔨᒡ ᑭᑎᐊᓐ ᑭᔭ ᐅᓂᑐᐱᔪᐤ-ᐃᔨᒪ ᒂ ‍ ᐅᑎᓇᒡ ᓯᐸᐃᒋ ᑭᔭ ᓴᒧᓇᐃᒋ ᑭᔭ ᒂ ‍ ᒋᐛᒡ ᐊᕆᔅ ᒪᔅᑭᓇᔪᐤ ᐊ ‍ ᐊᐱᒋᑕᒡ᙮
\v 14 ᐅᔅᑎᓂᒍᐛ ᓱᑲᑦ ᐅᒋ ᒋᒪᑯᓇᐤ ᑭᔭ ᑭᑎᐊᓐ ᒂ ‍ ᑯᒂᒋᒪᑦ ᐊᐛᔪᐛ ᐛᒋᒪᐎᒋ ᓱᑲᑦ ᐅᑕᓇᒡ᙮ ᐅᔅᑎᓂᒍᐛ ᒂ ‍ ᒥᓯᓇᑕᐊᒪᑯᑦ ᐊᓯᓂᐧᑲᓱᐎᒋ ᓂᔄᐅᑕᒡ ᑕᑐᔪᐤ ᐊᓱ ᓂᔄᐅᑕᒡ ᓱᑲᑦ ᐅᒋᒪᐛ᙮
\v 15 ᐊᑯ ᑭᑎᐊᓐ ᓇᑐᐛᐱᒪᑦ ᓱᑲᑦ ᐅᒋᒪᐛ ᑭᔭ ᐊᑕᑦ, “ᒪᐅᒡ ᓯᐸ ᑭᔭ ᓴᓪᒧᓇ᙮ ᒋ ‍ ᒋᔅᒋᓇᐛᒐ ᑲ ‍ᐛᐅᓯᓄᐎᔭᒄ ᑲ ‍ ᐃᓯᔭᒄ, ‘ᓇᒪ ᓂᑭ ‍ ᓯᒪᓇᓐᒡ ᒥᒋᒥᔪᐤ ᑲ ‍ ᐊᔭᔅᑯᓯᒡ ᒋᓂᑐᐱᔪᐅ-ᐃᔨᒥᒡ, ᓇᒪ ᒋᔅᒐᔨᒥᑎᓇᓐ ᒐ ‍ ᓴᐧᑯᒋᐊᐛᒂ ᓯᐸ ᑭᔭ ᓴᓪᒧᓇ᙮’ ”
\v 16 ᐊᑯ ᑭᑎᐊᓐ ᐎᔭᓯᑕᑦ ᐱᓯᔅᑕᔨᑭᓂᔪᐤ ᑲ ‍ ᑲᓱᑕᐛᔨᒋ ᓂᐱᓯᔭᑎᒂ ᐅᒋ ᐊᑯ ᐱᔭᐱᓯᔅᑕᐛᑦ ᓱᑲᑦ ᐅᒋᒪᐛ᙮
\v 17 ᒥᓐ ᐊᓐᑕ ᐱᓂᐊᓪ ᒂ ‍ ᐃᑐᑕᑦ ᑭᔭ ᒂ ‍ ᓂᑕᐊᐧᒃ ᐊᓱᐛᐳᐅᒋᐛᐱᔪᐤ ᑭᔭ ᒂ ‍ ᓂᐸᐊᑦ ᒥᓯᐛ ᓇᐸᐛ ᐊᓐᑕ ᐅᑕᓇᒡ᙮
\p
\v 18 ᐊᑯ ᑭᑎᐊᓐ ᒂ ‍ ᑯᒂᒋᒪᑦ ᓯᐸᔨᒋ ᑭᔭ ᓴᓪᒧᓇᔨᒋ, “ᒐᒄ ᓇᐸᐅᒡ ᑲ ‍ ᓂᐸᐊᑯᒡ ᐊᓐᑕ ᑕᐳᕐ ᐱᔅᑯᑎᓇᒡ ?”
\p ᒂ ‍ ᓂᔎᐛᓯᔨᑯᑦ, “ᓇᐸᐅᒡ ᒋᔾ ᐊ ‍ ᐃᑕᔨᑕᑯᓯᔨᓐ, ᒥᓯᐛ ᐸᐸᐃᒄ ᐊᑎᓯᒡ ᒧᔭᒻ ᒋᓴᐅᒋᒪᐤ ᐅᑯᓴ ᒋ ‍ ᐃᓯᓇᑯᓱᐅᒡ᙮”
\p
\v 19 ᑭᑎᐊᓐ ᒋ ‍ ᐃᑕᐤ, “ᓂᐧᑲᓂᓯᒡ ᐊᓂᔭᐧᑲ ᑎᐱᔨᐛ ᓂᑲᐎᔾ ᐅᑯᓴ᙮ ᓇᔅᒡ ᐊᑕᑈᒥᒄ ᑎᐸᔨᒋᒐᓱᐤ, ᐊ ᐊᑲ ‍ ᓂᐸᐊᑲᒂᓐᒋ, ᐊᑐᒡ ᒋᐸ ᐅᒋ ‍ ᓂᐸᐃᑎᓇᐛᐤ,”
\v 20 ᐊᑯ ᐊᑕᑦ ᒐᑐᕋᔨᒋ, ᒐᓴᔪᐎᔨᒋ ᐅᑯᓴ, “ᓂᐸᐃᒡ ᐅᒡ !” ᒥᒄ ᒐᑐᕐ ᓇᒪ ᐅᒋ ᔭᔨᔅᒋᐱᑎᒻ ᐅᓂᑐᐱᔪᐅ-ᒧᐧᑯᒪᓐ ᐛᔅ ᒋ ‍ ᐊᐛᓯᐅᐤ ᑭᔭ ᒋ ‍ ᑯᔅᑕᒍᐤ᙮
\p
\v 21 ᐊᑯ ᓯᐸ ᑭᔭ ᓴᓪᒧᓇ ᐊᑕᒡ ᑭᑎᐊᓇ, “ᐊᑲ ᑯᒂᒋᒻ ᓇᐸᔅ ᒐᒋ ᐃᑐᑎᒧᐛᑦ ᓇᐸᐛ ᐅᑦ ᐊᑐᔅᒐᐅᓂᔪᐤ, ᒋᔾ ᓂᐸᐃᓇᓐ᙮” ᐊᑯ ᑭᑎᐊᓐ ᓂᔭᑕᑦ ᑭᔭ ᒂ ‍ ᓂᐸᐊᑦ, ᑭᔭ ᒂ ‍ ᐅᑎᓂᒺᑦ ᑲ ‍ ᐎᔄᐅᓇᔭᐱᔅᑯᐎᔨᒋ ᐃᓴᒂᔭᐱᔭ ᑲ ‍ ᒋᔅᑭᒥᔨᒋ ᑲ ‍ ᐱᔎᐅᑭᓇᔨᒋ ᐅᑦ ᐊᐛᓯᓯᒥᔪᐛ ᐊᓐᑕ ᐅᑯᔭᔨᒡ ᐅᒋ᙮
\s1 ᐃᔅᕋᐃᓪ ᐃᔪᒡ ᑲ ‍ ᑯᒂᒋᒪᒡ ᑭᑎᐊᓇ ᒐᒋ ᐅᒋᓴᐅᒋᒪᒥᒡ
\p
\v 22 ᑲᒋ ‍ ᓂᑐᐱᔨᑐᐛᒡ ᒥᑎᐊᓐ ᐃᔪᐛ, ᐃᔅᕋᐃᓪ ᐃᔪᒡ ᒋ ‍ ᐃᑕᐅᒡ ᑭᑎᐊᓇ, “ᒋᔾ ᒋᑭ ‍ ᐅᒋᓴᐅᒋᒪᒥᑕᑎᓇᓐ, ᒋᑯᔅ ᑭᔭ ᒍᓯᒻ, ᐛᔅ ᔅᒋ ‍ ᐱᒪᒋᐃᓇᓐ ᒥᑎᐊᓐ ᓂᑐᐱᔪᐅ-ᐃᔪᒡ ᐅᒋ᙮”
\p
\v 23 ᒥᒄ ᑭᑎᐊᓐ ᒋ ‍ ᐃᑕᐤ, “ᓇᒪ ᒋᑭ ‍ ᑎᐸᔨᒥᑐᓇᐛᐤ, ᑭᔭ ᓂᑯᔅ ᓇᒪ ᒋᑭ ‍ ᑎᐸᔨᒥᑯᐛᐤ, ᐎᔾ ᒥᒄ ᑎᐸᔨᒋᒐᓱᐤ ᒋ ‍ ᑎᐸᔨᒥᑯᐛᐤ᙮”
\v 24 ᐊᑯ ᒥᓐ ᒂ ‍ ᐃᑕᑦ, “ᐸᐃᒄ ᒥᒄ ᒐᒂᓐ ᒋᑭ ‍ ᓂᑐᐛᔨᑎᒪᑎᓇᐛᐤ, ᒥᓯᐛ ᐸᐸᐃᒄ ᐊᑎᓯᔭᒄ ᒐ ‍ ᒥᔨᔭᒄ ᒥᑐᑲᒡ ᑭᒋᑭᒧᑕᑭᓄᐛᓂ ᐊᓂᔭ ᑲ ‍ ᐅᑎᓂᒪᒄ ᑲ ‍ᓂᑐᐱᔨᔭᒄ᙮” (ᐊᐅᑯᔪᐛ ᐃᔅᒪᐃᓪ ᐃᔪᐛ ᐊᓂᔭ ᑲ ‍ ᐱᒂᑎᑯᒡ ᓂᑐᐱᔪᐅ-ᐃᔪᐛ ᑭᔭ ᑲ ‍ ᐎᔄᐛᐅᓇᐱᔅᑯᐎᒋ ᒥᑐᑲᒡ ᑭᒋᑭᒧᑕᑭᓄᐛᓂ ᒋ ᒋᔅᑭᒥᔨᐛ᙮)
\p
\v 25 ᐃᔅᕋᐃᓪ ᐃᔪᒡ ᒂ ‍ ᓂᔎᐛᓯᐊᒡ, “ᓂᑭ ‍ ᒥᔽᔨᑕᓇᓐ ᒐᒋ ᒥᔨᑕᒡ,” ᐊᑯ ᒂ ‍ ᓴᑥᑭᔅᑕᒡ ᐱᒍᐎᔭᓂᔪᐤ ᑭᔭ ᐸᐸᐃᒄ ᓇᐸᐤ ᒂ ‍ ᐱᔅᑎᓇᐧᒃ ᒥᑐᑲᒡ ᑭᒋᑭᒧᑕᑭᓄᐛᓂ ᑕᓐ ᑲ ᐃᓯ ‍ ᐅᑎᒪᓱᑦ᙮ 
\v 26 ᓇᐎᔪᐤ ᐊᓱ ᓂᔅᑐ ‍ (43) ᒋ ‍ ᐃᔅᐱᔅ ᑕᑐᐤ ᑎᐸᐸᑲᐃᑭᓇᔭᔪᐛ ᐊᓂᔭ ᑲ ‍ ᒥᔭᑭᓄᐅᑦ ᑭᑎᐊᓐ ᑲ ‍ ᐎᔄᐅᓇᐱᔅᑯᐎᔨᒋ ᒥᑐᑲᒡ ᑭᒋᑭᒧᑕᑭᓄᐛᓂ ᐊ ᐊᑲ ‍ ᐊᔅᑎᒋᑕᑭᓄᐎᔨᒋ ᐛᐛᓯᐅᓇ, ᑕᑎᐸᓐ ᐊ ᐃᓯ ‍ ᓇᑯᓂᔨᒋ ᐛᐛᓯᐅᓇ, ᑭᔭ ᑲ ‍ ᐸᔅᒍᓴᐅᓇᑯᓂᔨᒋ ᐊᐱᒋᑕᐅᓇ ᑲ ‍ ᒋᔅᑭᒥᔨᒋ ᒥᑎᐊᓐ ᒋᓴᐅᒋᒪᐛ ᑭᔭ ᑲ ‍ ᐎᔄᐅᓇᔭᐱᔅᑯᐎᔨᒋ ᐃᓴᒂᔭᐱᔭ ᐅᑯᔭᔨᒡ ᑲ ‍ ᒋᔅᑭᒥᔨᒋ ᑲ ‍ ᐱᔎᐅᑭᓇᔨᒋ ᐅᑦ ᐊᐛᓯᓯᒥᔪᐛ᙮
\v 27 ᑲᐤ ᒋᒋᐛᐤ ᑭᑎᐊᓐ ᐊᓐᑕ ᐅᑉᕋ ᐅᑕᓇᒡ ᑭᔭ ᒂ ‍ ᐅᓯᐊᑦ ᒥᓂᑐᐧᑲᓇ ᐎᔄᐅᓱᓇᔭᐱᔅᑯᒡ ᐅᒋ ᑭᔭ ᒂ ‍ ᒋᒥᔭᑦ ᐊᓐᑕ ᐅᑕᓇᒧᐛᒡ᙮ ᒥᓯᐛ ᐃᔅᕋᐃᓪ ᐃᔪᒡ ᒋ ‍ ᓂᑭᑕᐅᒡ ᒋᓴᒪᓂᑐᐛ ᑭᔭ ᒂ ‍ ᐃᑐᑕᒡ ᐊᓐᑕ ᐅᑉᕋ ᐅᑕᓇᒡ ᑭᔭ ᐊᔭᒥᐊᔅᑐᐛᒡ ᐊᓂᔭ ᒥᓂᑐᐧᑲᓇ᙮ ᐎᔪᐛᐤ ᑭᔭ ᑭᑎᐊᓐ ᑭᔭ ᐊ ‍ ᐸᐃᑯᔅᑲᓇᓯᑦ ᒋ ‍ ᐎᔭᓯᒪᑭᓄᐎᒡ ᒐᒋ ᐊᔭᒥᐊᔅᑐᐛᒡ ᐊᓂᔭ ᒥᓂᑐᐧᑲᓇ᙮
\p
\v 28 ᐊᑯ ᐃᔅᕋᐃᓪ ᐃᔪᒡ ᒋ ‍ ᓴᒂᐅᒡ ᒥᑎᐊᓐ ᐃᔪᐛ ᑭᔭ ᓴᔅ ᓇᒪ ᐅᒋ ᐃᔅᐱᔅ ᓱᒋᐅᒡ ᒥᑎᐊᓐ ᐃᔪᒡ ᒐᒋ ᓂᑐᐱᔨᑐᐛᒡ ᐃᔅᕋᐃᓪ ᐃᔪᐛ᙮ ᓇᐎᔪᐛ ᐱᐳᓇ ᒋ ‍ ᑎᑯᓐ ᒋᔭᒪᔨᑎᒧᐅᓐ ᐊᓐᑕ ᐊᔅᒋᒡ ᐸᑎᒪ ᑲ ‍ ᐳᓂᐱᒪᑎᓯᑦ ᑭᑎᐊᓐ᙮
\s1 ᑲ ‍ ᐳᓂᐱᒪᑎᓯᑦ ᑭᑎᐊᓐ
\p
\v 29 ᑭᑎᐊᓐ ᑲᐤ ᒋ ‍ ᒋᐛᐤ ᑎᐱᔨᐛ ᐅᑦ ᐃᑕᐅᓂᒡ ᑭᔭ ᐊᑯᑕ ᑲ ‍ ᐎᒋᑦ᙮
\v 30 ᓂᔄᐅᑕᒡ ᑕᑐᔪᐤ ‍ (70) ᒋ ‍ ᐃᑕᑎᓯᔨᐛ ᐅᑯᓴ ᑭᑎᐊᓐ ᐛᔅ ᒋᒋᐛ ᒋ ‍ ᒥᒐᑎᔪᐛ ᐎᐛ᙮
\v 31 ᒋ ‍ ᑕᔪᐛ ᐸᐃᒄ ᑯᑎᑲ ᐎᑎᐱᒪᑭᓇ ᓴᑭᒻ ᐅᑕᓇᒡ ᑲ ‍ ᐎᒋᔨᒋ, ᒋ ‍ ᐅᑯᓱᐅᒡ ᑭᔭ ᐊᐱᒪᓕᒃ ᒋ ‍ ᐃᓯᓂᐧᑲᑕᐤ ᑭᑎᐊᓐ᙮
\v 32 ᒋ ‍ ᐳᓂᐱᒪᑎᓯᐤ ᑭᑎᐊᓐ ᓇᔅᒡ ᐊ ‍ ᒋᓴᐃᔨᐅᑦ ᑭᔭ ᒂ ‍ ᓇᐃᐧᑯᐛᑭᓄᐅᑦ ᐊᓐᑕ ᐅᑕᐎᔭ ᒍᐊᓴ ᑲ ‍ ᐊᐱᑯᓇᓴᑲᔨᒡ ᐅᒋᐱᒋᐛᐱᔨᒡ ᐊᓐᑕ ᐅᑉᕋ, ᐊᐱᐊᓱᕐ ᐃᔪᐛ ᐅᑦ ᐃᑕᐅᓂᔨᒡ᙮
\p
\v 33 ᓇᒪ ᓇᐅᔅ ᑲᒋ ‍ ᐳᓂᐱᒪᑎᓯᑦ ᑭᑎᐊᓐ, ᐃᔅᕋᐃᓪ ᐃᔪᒡ ᒥᓐ ᒋ ‍ ᓂᑭᑕᐅᒡ ᒋᓴᒪᓂᑐᐛ ᑭᔭ ᒂ ‍ ᐊᔭᒥᐊᔅᑐᐛᒡ ᐸᐊᓚ ᒥᓂᑐᐧᑲᓇ᙮ ᐸᐊᓪ-ᐸᕆᑕ ᒋ ‍ ᐅᓴᐊᐅᒡ ᒐ ‍ ᐅᒋᓴᒪᓂᑐᒥᒡ᙮
\v 34 ᑭᔭ ᓇᒪ ᓴᔅ ᐅᒋ ᐊᑐᔅᑯᐛᐅᒡ ᑎᐸᔨᒋᒐᓱᐛ ᐅᒋᓴᒪᓂᑐᒧᐛᐛ, ᐊᓂᔭ ᑲ ‍ ᐱᒪᒋᐃᑯᒡ ᒥᓯᐛ ᑲ ‍ ᐛᔅᑲᔅᑲᑯᒡ ᑲ ‍ ᐛᐧᑲᑎᑯᒡ ᐅᒋ᙮
\v 35 ᐃᔭᐱᒡ ᓇᒪ ᐅᒋ ᒥᔪᑐᑐᐛᐅᒡ ᑭᑎᐊᓇ ᐊ ‍ ᐸᐃᔅᑯᔅᑲᓇᓯᔨᒋ ᐊᑎᓱᐧᒄ ᒥᓯᐛ ᑲ ᐃᓯ ‍ ᒥᔪᑐᑐᐛᑦ ᑭᑎᐊᓐ ᐃᔅᕋᐃᓪ ᐃᔪᐛ᙮
\c 9
\s1 ᐊᐱᒪᓕᒃ
\p
\v 1 ᐊᐱᒪᓕᒃ, ᑭᑎᐊᓐ ᐅᑯᓴ, ᓴᑭᒻ ᐅᑕᓇᒡ ᒋ ‍ ᐃᑐᑕᐤ, ᐊᓐᑕ ᐅᑲᐎᔭ ᐎᐧᑲᓂᓯᔨᐛ ᑲ ‍ ᐎᒋᔨᒋ ᑭᔭ ᒋ ‍ ᐃᑕᐤ
\v 2 ᒐᒋ ᑯᒂᒋᒪᔨᒋ ᒥᓯᐛ ᓴᑭᒥᒡ ᑲ ‍ ᓂᑲᓂᔅᑯᐛᔨᒋ ᐃᔪᐛ, “ ‘ᒐᒂᓐ ᒋᐸ ‍ ᒥᔽᔨᑕᓇᐛᐤ ? ᒥᓯᐛ ᐊ ᓂᔄᐅᑕᒡ ᑕᑐᔪᐤ ᑭᑎᐊᓐ ᐅᑯᓴ ᒐᒋ ᑎᐸᔨᒥᑎᔨᑕᑯᐤ ᑭᔭ ᒪᒃ ᒥᒄ ᐸᐃᒄ ᓇᐸᐤ ᒋᐸ ‍ ᒥᔽᐤ ᒐᒋ ᑎᐸᔨᒥᑕᒄ ?’ ᑭᔭ ᒐ ᐊᑲ ‍ ᐅᓂᒋᔅᒋᔭᒄ ᑎᐱᔨᐛ ᐊ ‍ ᐎᐧᑲᓂᓯᑕᑎᑯᒡ᙮”
\p
\v 3 ᐃᔅᐱ ᐎᐧᑲᓂᓯᒪᐅᒡ ᐊ ᐃᓯ ‍ ᐎᑎᒧᐛᒡ ᐅᔭ ᒥᓯᐛ ᑲ ‍ ᓂᑲᓄᔅᑯᐛᔨᒋ ᐃᔪᐛ ᐛᒋᔨᒋ ᐊᓐᑕ ᓴᑭᒥᒡ, ᒋ ‍ ᐃᑕᔨᑎᒧᒡ ᒐᒋ ᓇᓴᐛᒡ ᐊᐱᒪᓕᑲ ᐛᔅ ᒋ ‍ ᐃᔅᒋᔄᐅᒡ, “ᒋᐧᑲᓂᓯᓄᐤ ᐊᓐ ᐊᐱᒪᓕᒃ᙮”
\v 4 ᓂᔄᐅᑕᒡ ᑕᑐᔪᐤ ᐛᐱᓯᐅᓱᓇᔭᐱᔎ ᒋ ‍ ᒥᔭᐅᒡ ᐊᐱᒪᓕᑲ ᐸᓪ-ᐸᕆᑦ ᐅᒥᓂᑐᒧᐛᐛ ᐅᑦ ᐊᔭᒥᐊᐅᒋᐛᐱᐃᒡ ᐅᒋ᙮ ᐊᐱᒪᓕᒃ ᒋ ‍ ᐊᐱᒋᑕᐤ ᐊᓂᔭ ᓱᓇᔭᔪᐤ ᒐᒋ ᒋᓯᐧᑯᐛᑦ ᐊ ᐊᑲ ‍ ᒋᐧᑲᐛᑕᔨᑕᑯᓯᔨᒋ ᐊᐛᔪᐛ ᑲ ‍ ᓂᔅᑯᒧᐎᒋ ᒐᒋ ᐛᐎᒋᐃᑯᑦ᙮
\v 5 ᐊᐱᒪᓕᒃ ᑭᔭ ᐅᑦ ᐃᔨᒪ ᐅᑕᐎᔭ ᐎᒋᔨᒡ ᒋ ‍ ᐃᑐᑕᐅᒡ ᐊᓐᑕ ᐅᑉᕋ ᑭᔭ ᐊᓐᑕ ᐸᐃᒄ ᐊ ‍ ᒥᓴᔨᒡ ᑕᐧᑯᒡ ᐊᓯᓂᒡ ᒋ‍ ᓂᐸᐊᐅᒡ ᑲ ‍ ᓂᔄᐅᑕᒡ ᑕᑐᔪᐛᓯᔨᒋ ᐎᐧᑲᓂᓴ, ᑭᑎᐊᓇ ᐅᑯᓯᔨᐛ᙮ ᒥᒄ ᒍᑕᒻ ᐊᓂᔭ ᑲ ‍ ᐊᐛᓯᐅᔨᒋ ᑭᑎᐊᓐ ᐅᑯᓴ, ᒋ ‍ ᒋᑎᓯᒧᐤ ᑭᔭ ᒋ ‍ ᑲᓱᐤ᙮
\v 6 ᐊᑯ ᒥᓯᐛ ᑲ ‍ ᓂᑲᓄᔅᑯᐛᒡ ᐃᔪᐛ ᐊᓐᑕ ᓴᑭᒥᒡ ᑭᔭ ᐸᑦᒥᓗᐤ ᐅᑕᓇᒡ ᑲ ‍ ᐎᒋᒡ ᒋ ‍ ᒪᒧᐎᔪᐅᒡ ᐊᓐᑕ ᐅᐱᒪ ᒋᒋ ‍ ᒥᔅᑎᒂ ᐊ ‍ ᑕᔨᒋ ᐊᓐᑕ ᐊᔭᒥᐊᔅᑐᐛᒡ ᒥᓂᑐᐧᑲᓇ ᐊᓐᑕ ᓴᑭᒥᒡ, ᐊᑯᑕ ᑲ ‍ ᒋᓴᐅᒋᒪᐧᑲᑕᒡ ᐊᐱᒪᓕᑲ᙮
\p
\v 7 ᐃᔅᐱ ᑲ ‍ ᐎᑎᒧᐛᑭᓄᐅᑦ ᐅᔭ ᒍᑕᒻ, ᒋ ‍ ᓴᑭᒋᐛᐤ ᒐᕆᓯᒻ ᐱᔅᑯᑎᓇᔪᐤ ᑭᔭ ᑎᔭᑈᑕᑦ, “ᒋᔨᐛᐤ ᑲ ‍ ᓂᑲᓂᔅᑯᐛᑯᒡ ᓴᑭᒻ ᐃᔪᒡ ᓂᑐᑐᐅᒃ, ᐊᑯ ᑭᔭ ᒐ ‍ ᓂᑐᑕᑕᒄ ᒋᓴᒪᓂᑐᐤ᙮
\v 8 ᐸᐃᒂᐤ ᒐᓯᑲᔨᒡ ᒋ ‍ ᔅᑐᑕᐅᒡ ᒥᔅᑎᑯᒡ ᒐᒋ ᓇᓂᑐᐛᐱᒪᒡ ᒐ ‍ ᐅᒋᓴᐅᒋᒪᒥᒡ, ᐊᑯ ᒂ ‍ ᐃᑕᒡ ᐊᓕᑉ ᒥᔅᑎᒂ, ‘ᒋᔾ ᒋᑭ ᐅᒋᓴᐅᒋᒪᒥᑕᑎᓇᓐ᙮’
\p
\v 9 ᒥᒄ ᐊᓕᑉ ᒥᔅᑎᒄ ᒋ ‍ ᐃᑕᐤ, ‘ᓂᐸ ᐳᓂᓐ ᐊ ᐊᐅᓯᔨᒄ ᓂᐱᒥᒻ, ᐊᓐᑕ ᐛᒋ ‍ ᒋᔅᑕᔨᒪᑭᓄᐅᑦ ᑕᐱᔅᑯᓐ ᒋᓴᒪᓂᑐᐤ ᑭᔭ ᐃᔪᒡ, ᒥᒄ ᒐᒋ ᐛᐛᐱᐳᔪᐅᒡ ᓂᓯᑕᐧᑯᓂᒥᒡ ᑕᐧᑯᒡ ᑯᑎᑭᒡ ᒥᔅᑎᑯᒡ ?’
\p
\v 10 ᐊᑯ ᒥᔅᑎᑯᒡ ᒥᓐ ᐊᑕᒡ ᒥᓯᓱᒥᓇᑎᒂ, ‘ᐊᔅᑎᒻ ᒋᔾ ᒋᑭ ᐅᒋᓴᐅᒋᒪᒥᑕᑎᓇᓐ᙮’ 
\p
\v 11 ᒥᒄ ᒋ ‍ ᐃᑎᑯᐅᒡ ᒥᓯᓱᒥᓇᑎᒂ, ‘ᓂᐸ ‍ ᐳᓂᓐ ᐊ ᐊᓂᑕᐅᒋᑕᔭᓐ ᑲ ‍ ᐎᐧᑲᒋ ᒥᓂᓴ ᒥᒄ ᒐᒋ ᐛᐛᐱᐳᔪᐅᒡ ᓂᓯᑕᐧᑯᓂᒥᒡ ᑕᐧᑯᒡ ᑯᑎᑭᒡ ᒥᔅᑎᑯᒡ ?’
\p
\v 12 ᐊᑯ ᒥᓐ ᐊᑕᒡ ᓱᒥᓇᑎᒂ, ‘ᐊᔅᑎᒻ ᒋᔾ ᒋᑭ ‍ ᐅᒋᓴᐅᒋᒪᒥᑕᑎᓇᓐ᙮’
\p
\v 13 ᒥᒄ ᒋ ‍ ᐃᑎᑯᐅᒡ ᓱᒥᓇᑎᒂ, ‘ᓂᐸ ‍ ᐳᓂᓐ ᐊ ᐊᐅᓯᑕᔭᓐ ᓱᒥᓇᐳᔾ ᐊᓂᔭ ᒪᔽᔨᑎᒥᔨᑯᒡ ᑕᐱᔅᑯᓐ ᒋᓴᒪᓂᑐᐤ ᑭᔭ ᐃᔪᒡ ᒥᒄ ᒐᒋ ᐛᐛᐱᐳᔪᐅᒡ ᓂᓯᑕᐧᑯᓂᒥᒡ ᑕᐧᑯᒡ ᑯᑎᑭᒡ ᒥᔅᑎᑯᒡ ?’
\p
\v 14 ᒐᒄ ᒥᓯᐛ ᒥᔅᑎᑯᒡ ᐊᑕᒡ ᐊᓂᔭ ᑲᑲᓱᑕᐛᔅᑯᓯᔨᒋ ᓂᐱᓯᔭᑎᒂ, ‘ᐊᔅᑎᒻ ᒋᔾ ᒋᑭ ‍ ᐅᒋᓴᐅᒋᒪᒥᑕᑎᓇᓐ᙮’ 
\p
\v 15 ᒥᒄ ᒋ ‍ ᐃᑎᑯᐅᒡ ᑲᑲᓱᑕᐛᔅᑯᓯᔨᒋ ᓂᐱᓯᔭᑎᒂ, ‘ᓇᔅᒡ ᐛᐅᑎᓄᐛᐛᒂ ᒐᒋ ᐅᒋᓴᐅᒋᒪᒥᑐᐅᔭᒄ, ᐊᑯ ᐸᑐᑕᒄ ᑭᔭ ᒐ ‍ ᐊᒋᑲᔅᑕᓯᒧᔭᒄ ᐊᑕᔭᓐ ᑭᔭ ᒐᑭᓄᐛᔨᒥᑎᑯᒡ᙮ ᒥᒄ ᐎᔭᓯᒥᔭᒂ, ᑲᑲᓱᑕᐛᔅᑯᒋ ᓂᐱᓯᔭᑎᑯᒡ ᒋᑭ ᐅᒋ ᐎᐎᐱᔪᐤ ᐃᔅᑯᑕᐤ ᑭᔭ ᒐ ‍ ᐃᔎᓱᒡ ᓚᐸᓇᓐ ᒥᔅᒋᔎᑎᑯᒡ᙮’
\p
\v 16 ᐊᑯ ᒪᒃ, ᒋᒋ ‍ ᑯᐃᔅᑯᐃᑎᓇᐛᐤ ᐊ, ᑭᔭ ᒋᒋ ‍ ᒥᔪᐤ ᑕᑈᐅᒐᔨᑕᑯᓯᓇᐛᐤ ᐊ, ᑲ ‍ ᐅᑎᓇᒄ ᐊᐱᒪᓕᒃ ᒐᒋ ᐅᒋᓴᐅᒋᒪᒥᑐᐛᒄ ᑭᔭ ᑲᒋ ‍ ᒋᔅᑕᔨᒪᐛᒂ ᑭᑎᐊᓐ ᑭᔭ ᐊ ‍ ᐸᐃᑯᔅᑲᓇᓯᑦ᙮ ᒋᒋ ‍ ᒥᔪ ‍ ᑐᑐᐛᐛᐤ ᐊ ᓄᑕᐎᔾ ᐊᒋ ‍ ᒋᔅᑕᔨᒪᒄ ᐊᓂᔭ ᒋᐸ ᐃᓯ ‍ ᒋᔅᑕᔨᒪᐛᐤ ?
\v 17 ᒐ ‍ ᒋᔅᒋᔭᒄ ᑲ ‍ ᒪᓯᒐᔅᑎᒪᑕᒄ ᓄᑕᐎᔾ ᑭᔭ ᑲ ᐎ ‍ ᐱᔅᑎᓂᑎᓱᑦ ᒐᒋ ᓂᐱᑦ ᐊ ‍ ᐎᐧᑯᒋᔨᑕᒄ ᒥᑎᐊᓐ ᐃᔪᐛ ᐅᒋ᙮
\v 18 ᒥᒄ ᐊᓄᒡ, ᒋᒋ ‍ ᐊᑐᐛᔨᒪᐛᐤ ᓄᑕᐎᔾ ᑭᔭ ᐊ ‍ ᐸᐃᑯᔅᑲᓇᓯᑦ ᑲ ‍ ᓂᐸᐃᒪᑯᐤ ᓂᔄᐅᑕᒡ ᑕᑐᔪᐤ ᐅᑯᓴ ᐊᓐᑕ ᐸᐃᒄ ᐊ ‍ ᒥᓴᔨᒡ ᑕᐧᑯᒡ ᐊᓯᓂᒡ᙮ ᑭᔭ ᒋᒋ ‍ ᐅᑎᓇᐛᐤ ᐊᐱᒪᓕᒃ, ᐊᓂᔭ ᓄᑕᐎᔾ ᐅᑯᐸᓇᔎᒪ ᐅᑯᓯᔨᐛ, ᒐᒋ ᒋᓴᐅᒋᒪᐅᑦ ᓴᑭᒻ ᐃᔪᐛ ᒥᒄ ᐊᓐ ᐊ ‍ ᐎᐧᑲᓂᓯᑐᐛᒄ᙮ 
\v 19 ᐊᑯ ᒪᒃ, ᑲᒋ ‍ ᑯᐃᔅᑯᐃᑐᐛᐛᒂ ᑭᔭ ᒪᔪᐤ ᑕᑈᐅᒐᔨᑕᑯᓱᐛᐛᒂ ᑕᓐ ᐊᓂᔭ ᑲ ‍ ᐃᑐᑐᐛᑯᒡ ᐊᓄᒋᒐ ᑭᑎᐊᓐ ᑭᔭ ᐊ ‍ ᐸᐃᑯᔅᑲᓇᓯᑦ, ᐊᑯ ᐎᒋ ‍ ᒥᔽᔨᑎᒧᒪᐧᒄ ᐊᐱᒪᓕᒃ ᑭᔭ ᐎᔾ ᒐ ᐎᒋ ‍ ᒥᔽᔨᑎᒧᒥᑕᒄ᙮
\v 20 ᒥᒄ ᐊ ᐊᑲ ᐅᒋ ‍ ᒥᔽᒂ ᑕᓐ ᑲ ‍ ᐃᑐᑐᐛᑯᒡ ᑭᑎᐊᓐ ᑭᔭ ᐊ ‍ ᐸᐃᑯᔅᑲᓇᓯᑦ, ᐊᑯ ᓂᑦ ᐊᔅᐸᔨᒧᓐ ᐊᐱᒪᓕᒃ ᒐ ‍ ᓂᓱᐅᓇᒋᐃᑕᒄ ᐃᔅᑯᑕᔪᐤ ᐊ ‍ ᐊᐱᒋᑕᑦ ᑭᔭ ᓂᑦ ᐊᔅᐸᔨᒧᓐ ᐸᐃᑯᑕᐤ ᒐ ‍ ᐃᑐᑐᐛᒄ᙮”
\p
\v 21 ᐊᑯ ᐅᓴᒻ ᐊᓂᔭ ᐊᒋ ‍ ᑯᔅᑕᑦ ᐅᔅᑕᓴ ᐊᐱᒪᓕᑲ, ᒋ ‍ ᒋᑎᓯᒧᐤ ᒍᑕᒻ ᑭᔭ ᒂ ‍ ᐎᒋᑦ ᐊᓐᑕ ᐱᕐ ᐅᑕᓇᒡ᙮
\p
\v 22 ᓂᔅᑐ ‍ ᐱᐳᓇ ᑲᒋ ᐃᔅᐱᔅ ‍ ᐅᒋᒪᐅᑦ ᐊᐱᒪᓕᒃ ᐊᓐᑕ ᐃᔅᕋᐃᓕᒡ᙮
\v 23 ᐊᑯ ᒋᓴᒪᓂᑐᐤ ᒂ ‍ ᐃᑎᓴᐛᑦ ᒥᒋ ‍ ᐊᒐᒂ ᒐᒋ ‍ ᐃᑐᑐᐛᑦ ᐊᐱᒪᓕᑲ ᑭᔭ ᓴᑭᒻ ᑲᓂᑲᓄᔅᑲᒐᔨᒋ ᒐᒋ ᒥᒋᐱᔨᑐᐛᔨᒋ, ᐊᓂᔭ ᐅᒋ ᓴᑭᒻ ᑲᓂᑲᓄᔅᑲᒐᒡ ᒋ ‍ ᐊᑐᐛᔨᒪᐅᒡ ᐊᐱᒪᓕᑲ᙮
\v 24 ᒋ ‍ ᐃᑐᑎᒻ ᐅᔭ ᒋᓴᒪᓂᑐᐤ ᒐᒋ ᐊᓏᔨᒪᑦ ᑲ ᐃᓯ ‍ ᐅᓂᑐᑎᒥᔨᒋ ᐊᐱᒪᓕᑲ ᑭᔭ ᓴᑭᒻ ᑲᓂᑲᓄᔅᑲᒐᔨᒋ, ᐊᓂᔭ ᑲ ‍ ᓯᒋᒥᑯᑦ ᒐᒋ ᓂᐸᐃᒪᑦ ᓂᔄᐅᑕᒡ ᑕᑐᔪᐤ ᑭᑎᐊᓇ ᐅᑯᓯᔨᐛ᙮
\v 25 ᓴᑭᒻ ᑲᓂᑲᓄᔅᑲᒐᒡ ᒋ ‍ ᐃᑎᓴᐛᐅᒡ ᐱᔅᒐ ᓇᐸᐛ ᒐᒋ ᓇᒋ ‍ ᑲᓱᐎᒋ ᐊᓐᑕ ᐱᔅᑯᑎᓇᒡ᙮ ᒋ ‍ ᑭᓄᐛᐱᒪᐅᒡ ᐊᐱᒪᓕᑲ ᑭᔭ ᐅᓂᑐᐱᔪᐅ-ᐃᔨᒥᔪᐛ ᒐᒋ ᐅᒋ ᑯᓯᒂᔨᒧᑐᐛᒡ ᑭᔭ ᒐᒋ ᒋᒧᑎᒧᐛᒡ ᒥᓯᐛ ᐊᐛᔪᐛ ᑲ ‍ ᐱᒧᑕᔨᒋ ᐊᓐᑕ ᐊᑕᒡ᙮ ᒋ ‍ ᐸᑎᒻ ᐊᐱᒪᓕᒃ ᑕᓐ ᑲ ‍ ᐃᑎᔨᒋ᙮
\p
\v 26 ᐸᐃᒂᐤ ᒐᓯᑲᔨᒡ, ᓇᐸᐤ ᑲᐊᓪ ᐊ ‍ ᐃᓯᓂᐧᑲᓱᑦ, ᐃᐸᑦ ᐅᑯᓴ, ᓴᑭᒥᒡ ᒋ ᐃᓯ ‍ ᐊᑐᒐᐤ ᐊᓯᒡ ᐎᐧᑲᓂᓴ, ᑭᔭ ᒋ ‍ ᓱᒐᔨᒥᑯᐤ ᓴᑭᒻ ᑲᓂᑲᓄᔅᑲᒐᔨᒋ᙮
\v 27 ᒋ ‍ ᐅᑎᒋᐱᔪᐤ ᒐ ‍ ᒪᒧᓴᒋᓂᑭᓄᐅᒋ ᒥᓂᓴ, ᑭᔭ ᓴᑭᒻ ᐃᔪᒡ ᒂ ‍ ᐃᑐᑕᒡ ᐅᓱᒥᓐ ᓂᑕᐅᒋᒋᑭᓄᐛᒡ ᑭᔭ ᒂ ‍ ᒪᒧᓴᒋᓇᒡ ᒥᓂᓴ ᑭᔭ ᒂ ‍ ᐅᓯᑕᒡ ᓱᒥᓇᐳᔪᐤ᙮ ᒂ ‍ ᒥᑯᓴᒡ ᐊᓐᑕ ᐅᒥᓂᑐᐧᑲᓂᒧᐛᐛ ᐅᒥᔅᑎ ‍ ᐊᔭᒥᐊᐅᒋᐛᐱᔨᒡ ᐊᓐᑕ ᑲ ‍ ᒥᒋᓱᒡ ᑭᔭ ᑲ ᒥᓂᒡ ᒂ ‍ ᒥᒋ ‍ ᐊᔨᒧᒪᒡ ᐊᐱᒪᓕᑲ᙮
\v 28 ᐊᑯ ᑲᐊᓪ, ᐃᐸᑦ ᐅᑯᓴ, ᒂ ‍ ᐃᔅᒋᔄᑦ, “ᐦᐊᒧᕐ ᒋ ‍ ᒋᒥᑕᐤ ᓴᑭᒥᔪᐤ ᑭᔭ ᐸᐃᒄ ᐅᑦ ᐊᓂᔅᑯᑕᐸᓇ ᒋᐸ ‍ ᓂᑲᓂᔅᑲᑯᐎᓄᐛ᙮ ᐊᐛᓐ ᐊᓐ ᐎᔾ ᐊᐱᒪᓕᒃ ᒐᒋ ᐊᑐᔅᑯᐛᐧᒄ ? ᐊᐱᒪᓕᒃ ᑭᑎᐊᓇ ᒋ ‍ ᐅᑕᐎᔪᐤ, ᐊᑯ ᓇᒪᔭᐤ ᐊᓐ ᒋᒋᐛ ᒋᒋ ᐃᔨᓄᐤ ᐊᐱᒪᓕᒃ᙮ ᓇᒪᔭᐤ ᐎᔾ ᒋᐸ ‍ ᐅᒋᓴᐅᒋᒪᒥᑐᐛᓄᐤ ᑭᔭ ᓇᒪ ᒋᐸ ᐅᒋ ‍ ᓂᓇᐃᑐᐛᓄᐤ ᓴᐳᓪ, ᐊᓂᔭ ᐊᐱᒪᓕᒃ ᑲ ‍ ᒥᔭᑦ ᒐᒋ ᐊᔭᑎᓂᒥᔨᒋ ᓴᑭᒥᔪᐤ᙮
\v 29 ᑭᒪ ᓂᔾ ᓂᑲᓂᔅᑯᐅᒂᐤ ᓴᑭᒻ ᐃᔪᒡ, ᓂᐸ ‍ ᐃᑲᑎᓴᐛᐤ ᐊᐱᒪᓕᒃ, ᓂᐸ ᐃᑕᐤ, ‘ᒪᒧᓂᒡ ᒋᓂᑐᐱᔪᐅ-ᐃᔨᒥᒡ ᑭᔭ ᒐᐸ ᒋ ‍ ᒪᓯᐧᑯᐎᔭᒡ᙮’ ”
\p
\v 30 ᒋᒋᐛ ᒋ ‍ ᒋᔄᐳᐤ ᓴᐳᓪ ᐃᔅᐱ ᑲ ‍ ᐸᑕᐧᒄ ᑕᓐ ᒂ ‍ ᐃᔅᒋᔄᔨᒋ ᑲᐊᓚ᙮
\v 31 ᒋᒧᑦ ᒋ ‍ ᐃᑎᓴᒧᐛᐤ ᐊᐱᒪᓕᑲ ᐊᐱᒋᐊᑭᓇ ᒐᒋ ᐃᑕᒡ, “ᑲᐊᓪ ᑭᔭ ᐎᐧᑲᓂᓴ ᒋ ‍ ᑎᑯᓯᓄᐅᒡ ᓴᑭᒥᒡ ᑭᔭ ᒋ ‍ ᓯᒋᒪᐅᒡ ᓴᑭᒻ ᐃᔪᐛ ᒐᒋ ᒪᔭᔨᒥᔅᒋᔨᔅᒋ᙮ 
\v 32 ᒋᔾ ᑭᔭ ᒋᓂᑐᐱᔪᐅ-ᐃᔨᒥᒡ ᒋᐸ ‍ ᓇᒋ ‍ ᑲᓱᓇᐛᐤ ᐊᓐᑕ ᓂᑕᐅᒋᒋᑭᓂᓯᒡ ᒪᒂᒡ ᒐ ‍ ᑎᐱᔅᑲᒡ᙮
\v 33 ᒐᒋᓴᐸᔭᒐ ᐎᐱᒡ ᓴᑲᔅᑐᐛᒐ ᐱᓯᒻ ᒐ ‍ ᑯᓯᒂᔨᒧᑎᒪᒄ ᐊᓐ ᐅᑕᓇᐤ᙮ ᐃᔅᐱ ᑲᐊᓪ ᑭᔭ ᐅᑦ ᐃᔨᒪ ᐸᒋ ‍ ᐎᐎᑥᐛ ᒐᒋ ᒪᓯᐧᑲᑕᑯᒡ, ᒥᓯᐛ ᒐᒂᔪᐤ ᒐ ‍ ᑐᑐᐛᑯᒡ ᒐᒋ ᓴᐧᑯᒋᐊᑯᒡ᙮”
\p
\v 34 ᐊᑯ ᐊᐱᒪᓕᒃ ᑭᔭ ᒥᓯᐛ ᐅᓂᑐᐱᔪᐅ-ᐃᔨᒪ ᒂᔅᑐᑕᒡ ᑕᐱᔅᑲᔨᒡ ᑭᔭ ᓇᐎᒡ ᒂ ᐃᓯ ‍ ᑎᐸᓇᐊᑦ ᐅᓂᑐᐱᔪᐅ-ᐃᔨᒪ ᑭᔭ ᒥᓯᐛ ᑭᔭᓱᒡ ᒥᒋᒪ ᐅᑕᓇᒡ᙮
\v 35 ᐎᐱᒡ ᐎᔭᐱᓂᔨᒡ ᐃᔅᐱ ᐊᐱᒪᓕᒃ ᑭᔭ ᐅᓂᑐᐱᔪᐅ-ᐃᔨᒪ ᐎᔭᐱᒪᒡ ᑲᐊᓚ ᐱᔭᒋ ‍ ᐎᐎᔨᒋ ᑭᔭ ᓇᐳᐎᒋ ᐊᓐᑕ ᐃᔎᑕᒥᒡ, ᒂ ‍ ᒧᔅᒋᒡ ᐊᓐᑕ ᑲ ‍ ᑲᓱᒡ ᐅᒋ᙮
\p
\v 36 ᒋ ‍ ᐛᐱᒪᐤ ᑲᐊᓪ ᑭᔭ ᒂ ‍ ᐃᑕᑦ ᓴᐳᓚ, “ᐛᐱᒥᒡ ᒪ, ᐸᒋ ‍ ᓂᑎᒋᐛᐅᒡ ᐃᔪᒡ ᐱᔅᑯᑎᓇᒡ ᐅᒡ !”
\p ᓴᐳᓪ ᒂ ‍ ᐃᑕᑦ, “ᓇᒪᔭᐅᒡ ᐊᓐᒡ ᐃᔪᒡ, ᒥᒄ ᐊᓐᒡ ᐊ ‍ ᑎᑲᔅᑕᓯᒡ ᒥᔅᑎᑯᒡ ᒧᔭᒻ ᐃᔪᒡ ᐃᓯᓇᑯᓯᐅᒡ᙮”
\p
\v 37 ᒥᒄ ᑲᐊᓪ ᒥᓄᐛᒡ ᐊᑕᑦ, “ᐛᐱᒥᒡ, ᐃᔪᒡ ᐊᓐᒡ ᐸᒋ ‍ ᓂᑎᒋᐛᐅᒡ ᐱᔅᑯᑎᓇᒡ ᐅᒋ ᑭᔭ ᑯᑎᑭᒡ ᒪᔅᑭᓇᒡ ᐸᒋ ‍ ᓂᑎᒋᐛᐅᒡ ᐊᓐᑕ ᓂᑲᓐ ᒐᒂᔪᐤ ᑲ ‍ ᐎᑎᒪᒐᔨᒋ ᐅᒥᔅᑯᐛᐅᒥᔅᑎᑯᒥᔨᐛ ᐅᒋ᙮”
\p
\v 38 ᐊᑯ ᓴᐳᓪ ᐊᑕᑦ, “ᐊᑯ ᑕᓐ ᐊᓐ ᑲᒋ ‍ ᓂᓇᐸᐛᒋᒧᐎᔨᓐ? ᒋᔾ ᐅ ᑲ ‍ ᐃᔅᒋᔄᔨᓐ, ‘ᐊᐛᓐ ᐊᓐ ᐎᔾ ᐊᐱᒪᓕᒃ ᒐᒋ ᐊᑐᔅᑯᐛᐧᒄ ?’ ᐊᐅᑯᓐᒡ ᐅᒡ ᐃᔪᒡ ᑲ ‍ ᐛᐅᓯᓄᐅᑥᐤ, ᒪᒋ ᓂᑐᐛᐱᒥᒡ ᑭᔭ ᒐ ‍ ᒪᓯᐧᑯᑥᐤ᙮”
\p
\v 39 ᐊᑯ ᑲᐊᓪ ᒂ ‍ ᔅᑐᑕᐊᑦ ᑭᔭ ᓇᑲᓄᑕᐊᑦ ᓴᑭᒻ ᐃᔪᐛ, ᒂ ‍ ᓂᑐᐱᑐᐛᒡ ᐊᐱᒪᓕᑲ ᑭᔭ ᐅᓂᑐᐱᔪᐅ-ᐃᔨᒥᔪᐛ᙮
\v 40 ᐊᐱᒪᓕᒃ ᑭᔭ ᐅᓂᑐᐱᔪᐅ-ᐃᔨᒪ ᒂ ‍ ᓇᓴᐛᒡ ᑭᔭ ᒥᒐᑦ ᒂ ‍ ᓂᐸᐊᒡ ᑲᐊᓚ ᐅᑦ ᐃᔨᒥᔪᐛ ᐊᒺᔭ ᐱᑕᐸᔨᑐᐎᒋ ᐊᓐᑕ ᐅᑕᓇᒡ ᐃᔎᑕᒥᔪᐤ᙮
\v 41 ᐊᕈᒪ ᐅᑕᓇᒡ ᒋ ‍ ᑕᐤ ᐊᐱᒪᓕᒃ, ᑭᔭ ᓴᐳᓪ ᐅᑦ ᐃᔨᒪ ᒋ ‍ ᐃᑲᑎᓴᐛᐅᒡ ᑲᐊᓚ ᑭᔭ ᐎᐧᑲᓂᓯᔨᐛ ᓴᑭᒥᒡ ᐅᒡ᙮
\p
\v 42 ᒥᓐ ᐎᔭᐱᓂᔨᒡ ᒋ ‍ ᐎᑎᒧᐛᑭᓄᐤ ᐊᐱᒪᓕᒃ ᓴᑭᒻ ᐃᔪᐛ ᐊᑐᑕᔨᒋ ᐊᓐᑕ ᓂᑕᐅᒋᒋᑭᓐ ᐊᔅᒋᒡ,
\v 43 ᐊᑯ ᓂᔅᑐᐎᒡ ᒋ ᐃᓯ ‍ ᑎᐸᓇᐊᐤ ᐅᓂᑐᐱᔪᐅ-ᐃᔨᒪ ᑭᔭ ᒋ ‍ ᐃᑕᐤ ᒐᒋ ᑲᓱᐎᒋ ᐊᓐᑕ ᓂᑕᐅᒋᒋᑭᓐ ‍ ᐊᔅᒋᒡ, ᐊᓱᐛᐱᒪᒡ᙮ ᐃᔅᐱ ᐎᔭᐱᒪᒡ ᐱᔭᒋ ‍ ᐎᐎᔨᒋ ᐃᔪᐛ ᐅᑕᓇᒡ ᐅᒡ, ᒂ ‍ ᒧᔅᒋᐱᔪᐅᒡ ᑭᔭ ᒂ ‍ ᒋᒋᓇᒡ᙮
\v 44 ᐊᐱᒪᓕᒃ ᑭᔭ ᐊᓂᔭ ᑲ ‍ ᐎᒐᐅᑯᑦ ᒂ ‍ ᐃᔅᐸᔨᑐᒡ ᐊᓐᑕ ᐅᑕᓇᒡ ᐃᔎᑕᒥᒡ ᒐᒋ ᑯᔅᑎᔭᒡ ᓴᑭᒻ ᐃᔪᐛ ᑲᐤ ᒐᒋ ᐱᑕᐸᑕᔨᒋ, ᐊᑯ ᐊᓐᒡ ᓂᓱᐎᒡ ᐊ ‍ ᑕᔨᒋ ᐊᐱᒪᓕᒃ ᐅᓂᑐᐱᔪᐅ-ᐃᔨᒪ, ᒂ ‍ ᒋᒋᓇᔨᒋ ᐃᔪᐛ ᓂᑕᐅᒋᒋᑭᓐ ‍ ᐊᔅᒋᒡ ᑲ ‍ ᑕᔨᒋ ᑭᔭ ᒥᓯᐛ ᒂ ‍ ᓂᐸᐃᔨᒋ᙮
\v 45 ᐃᔅᑭᓐ ᒋᓯᑲᐛ ᒋ ‍ ᓂᑐᐱᔨᓇᓄᐤ᙮ ᒐ ‍ ᒪᑯᓂᒧᒡ ᐅᑕᓇᔪᐤ ᐊᐱᒪᓕᒃ ᑭᔭ ᐅᓂᑐᐱᔪᐅ-ᐃᔨᒪ, ᒥᓯᐛ ᐃᔪᐛ ᐊᓐᑕ ᐅᑕᓇᒡ ᒋ ‍ ᓂᐸᐅᒡ᙮ ᒋ ‍ ᓂᓱᐅᓇᒋᑕᐅᒡ ᐊᓂᔭ ᐅᑕᓇᔪᐤ ᑭᔭ ᒥᓯᐛ ᒧᔅᑎᔅᑭᒥᒡ ᒂ ‍ ᐱᐱᔪᐱᔨᑕᒡ ᓯᐅᑕᑭᓂᔪᐤ᙮
\p
\v 46 ᐃᔅᐱ ᐱᔭᑕᒡ ᑲᓂᑲᓄᔅᑲᒐᒡ ᑲ ᑭᓇᑭᑐᐛᐸᑕᒡ ᒋᒧᓱᐳᐅᒋᐛᐱᔪᐤ ᐊᓐᑕ ᐎᐎᑎᒥᒡ ᓴᑭᒻ ᐅᑕᓇᒡ, ᐊᑯ ᐊᓐᑕ ᐊᓪ-ᐸᕆᑦ ᐅᒪᓂᑐᒧᐛᐛ ᐅᑦ ᐊᔭᒥᐊᐅᒋᐛᐱᔨᒡ ᒂ ‍ ᐱᒐᒡ ᐊᓐᑕ ᓂᑐᐱᔪᐅ-ᑲᐱᔅᒋᒐᔭᔨᒡ ᑭᔭ ᐊᑯᑕ ᑲ ‍ ᑲᓱᒡ᙮
\v 47 ᒥᒄ ᐊᐱᒪᓕᒃ ᒋ ‍ ᐎᑎᒧᐛᑭᓄᐤ ᐊᓐᑕ ᐊ ‍ ᑕᔨᒋ,
\v 48 ᐊᑯ ᐎᔾ ᑭᔭ ᒥᓯᐛ ᐅᓂᑐᐱᔪᐅ-ᐃᔨᒪ ᒂ ‍ ᓴᑭᒋᐛᒡ ᓴᓪᒧᓐ ᐱᔅᑯᑎᓇᔪᐤ᙮ ᒂ ‍ ᐅᑎᓇᐧᒃ ᐊᑭᑕᔅᑯᔪᐤ ᑭᔭ ᒂ ‍ ᐅᑕᒥᒂᐛᑦ ᐱᔅᒐ ᓯᑕᐧᑯᓇ᙮ ᐅᑎᑎᒥᓂᒡ ᒂ ‍ ᐊᔭᑦ ᑭᔭ ᒂ ‍ ᐃᑕᑦ ᐅᑦ ᐃᔨᒪ, “ᒋᐱᒄ, ᐃᑐᑎᒥᒄ ᑕᓐ ᑲ ᐃᓯ ‍ ᐛᐱᒥᔭᒄ ᑲ ‍ ᐃᑐᑎᒪᓐ᙮”
\v 49 ᐃᔅᐱ ᒥᓯᐛ ᑲ ‍ ᑕᐧᑯᓇᒡ ᓯᑕᐧᑯᓇ, ᒂ ‍ ᓇᓴᐛᒡ ᐊᐱᒪᓕᑲ ᑲᐤ ᐊᑐᑕᔨᒋ ᓴᑭᒥᒡ᙮ ᒂ ‍ ᓂᔅᑐᐛᐊᔭᒡ ᓯᑕᐧᑯᓇ ᔭᔨᑎᒡ ᐊᓐᑕ ᑲᐱᔅᒋᒐᔭᔨᒡ ᑲ ᑲᓱᔨᒋ᙮ ᒂ ‍ ᓯᔅᑲᐛᒡ, ᐊᔅᒄ ᐊ ‍ ᑕᔨᒋ ᐃᔪᐛ ᐊᓐᑕ ᐱᑎᑭᒥᒡ᙮ ᐊᑯ ᒥᓯᐛ ᐃᔪᒡ ᑲ ᑭᓇᑭᑐᐛᐸᑕᒡ ᒋᒧᓱᐳᐅᒋᐛᐱᔪᐤ ᒋ ‍ ᓂᐳᐅᒡ, ᓴᓯᑲᓐ ᐸᐃᒂᐤ ᒐᓯᐱᔪᐤ ᒋ ‍ ᐃᑕᑎᓯᒐᓂᒋ ᓇᐸᐅᒡ ᑭᔭ ᐃᔎᐅᒡ᙮
\p
\v 50 ᑕᐸᔅ ᐅᑕᓇᒡ ᒥᓐ ᒂ ‍ ᐃᑐᑕᒡ ᐊᐱᒪᓚᒃ ᑭᔭ ᐅᑦ ᐃᔨᒪ, ᒂ ‍ ᐛᔅᑲᔅᑲᒡ ᐅᑕᓇᔪᐤ ᑭᔭ ᒂ ‍ ᒪᑯᓇᒡ᙮
\v 51 ᒋ ‍ ᑎᑯᓐ ᐊᓐᑕ ᐊᓱᐧᑲᑎᒡ ᒋᒧᓴᐳᐅᒋᐛᑉ ᐊᓐᑕ ᐱᑎᑭᒥᒡ ᐅᑕᓇᒡ᙮ ᐊᑯᑕ ᒥᓯᐛ ᓇᐸᐅᒡ ᑭᔭ ᐃᔎᐅᒡ ᑭᔭ ᑲ ‍ ᓂᑲᓂᔅᑲᒐᒡ ᐅᑕᓇᒡ ᑲ ‍ ᐃᔅᐸᔨᑐᒡ᙮ ᒋ ‍ ᐊᑎᓴᑲᐅᑎᓱᐅᒡ ᑭᔭ ᑕᐧᑯᒡ ᒋᒧᓴᐳᐅᒋᐛᐱᒡ ᒂ ‍ ᐃᑐᑕᒡ᙮
\v 52 ᐊᐱᒪᓕᒃ ᑭᔭ ᐅᑦ ᐃᔨᒪ ᒋ ‍ ᑎᑯᓯᓄᐅᒡ ᒋᒧᓱᐳᐅᒋᐛᐱᒡ ᑭᔭ ᒂ‍ ᑯᓯᒂᔨᒧᑕᒡ᙮ ᐊᑯ ᐊᐱᒪᓕᒃ ᒂ ‍ ᓯᔅᑲᐊᐧᒃ ᐃᔅᑯᑕᔪᐤ ᒐᒋ ᐃᔎᔄᑦ ᔅᑐᐧᑭᓇ᙮
\v 53 ᐊᑯ ᐃᔎᐛ ᐊᓐᑕ ᐃᔅᐱᒥᒡ ᑲ ‍ ᑕᔨᒋ ᒋ ‍ ᐱᔅᑎᓂᒪᑯᐤ ᐊᓯᓂᔭ ᐅᔅᑎᒂᓂᒡ ᑭᔭ ᒂ ‍ ᐱᒂᒥᔨᒋ ᐅᔅᑎᒂᓐ᙮
\p
\v 54 ᐊᑯ ᒋᔅᑎᑉ ᒂ ‍ ᑕᑈᑕᑦ ᐅᔅᒋᓂᒋᓱᐛ ᑲ ‍ ᑕᐧᑯᓂᒥᔨᒋ ᐊ ‍ ᓂᑐᐱᔪᐅ-ᐊᐱᒋᑕᐅᓇ ᑭᔭ ᒂ ‍ ᐃᑕᑦ, “ᐃᔭᔨᔅᒋᐱᑕ ᒋᓂᑐᐱᔪᐅ-ᒧᐧᑯᒪᓐ ᑭᔭ ᒐ ‍ ᓂᐸᐃᔨᓐ, ᓇᒪ ᓂᑐᐛᔨᒪᐅᒡ ᒐᒋ ᐃᔅᒋᔄᒡ ᐃᔪᒡ, ‘ᐃᔎᐛ ᒋ ‍ ᓂᐸᐃᑯᐤ ᐊᐱᒪᓕᒃ᙮’ ” ᐊᑯ ᐅᔅᒋᓂᒋᓱᐤ ᒂ ‍ ᑕᐧᑭᒪᑦ ᐊᐱᒪᓕᑲ ᑭᔭ ᒂ ‍ ᐳᓂᐱᒪᑎᓯᑦ ᐊᐱᒪᓕᒃ᙮
\v 55 ᐃᔅᐱ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒐᔅᒐᔨᒪᒡ ᑈᓂᐱᒪᑎᓯᔨᒋ ᐊᐱᒪᓕᑲ, ᒥᓯᐛ ᐊᑎᓯᒡ ᒋ ‍ ᒋᐛᐅᒡ᙮
\p
\v 56 ᐊᑯ ᒪᒃ ᐊᔪᐅᒄ ᑲ ᐃᓯ ‍ ᐊᓏᔨᒥᑯᑦ ᒋᓴᒪᓂᑐᐛ ᐊᐱᒪᓕᒃ ᒥᓯᐛ ᑕᓐ ᑲ ᐃᓯ ‍ ᒥᒋᑐᑐᐛᑦ ᐅᑕᐎᔭ ᐃᔅᐱ ᑲ ‍ ᓂᐸᐊᑦ ᒥᓯᐛ ᓂᔄᐅᑕᒡ ᑕᑐᔪᐤ ᐎᐧᑲᓂᓴ᙮
\v 57 ᒋᓴᒪᓂᑐᐤ ᐃᔭᐱᒡ ᒋ ‍ ᐊᓏᔨᒪᐤ ᓴᑭᒻ ᐃᔪᐛ ᑲ ᐃᓯ ‍ ᒥᒋᑐᑎᒥᔨᒋ, ᒧᔭᒻ ᑲ ‍ ᐃᔅᒋᔄᑦ ᒐ ‍ ᐃᔅᐱᔨᒡ ᒍᑕᒻ, ᑭᑎᐊᓐ ᐅᑯᓴ, ᐃᔅᐱ ᑲ ‍ ᓂᓱᐅᓇᒋᒪᑦ ᐊᐱᒪᓕᑲ ᑭᔭ ᓴᑭᒻ ᑲ ‍ ᓂᑲᓂᔅᑲᒐᔨᒋ᙮
\c 10
\s1 ᑐᓚ ᑲ ‍ ᓂᑲᓂᔅᑯᐛᑦ ᐃᔅᕋᐃᓪ ᐃᔪᐛ
\p
\v 1 ᑲᒋ ‍ ᐳᓂᐱᒪᑎᓯᑦ ᐊᐱᒪᓕᒃ, ᓇᐸᐤ ᑐᓚ ᐊ ‍ ᐃᓯᓂᐧᑲᓱᑦ, ᐳᐊ ᐅᑯᓴ ᑭᔭ ᑐᑐ ᐅᓯᒪ, ᒋ ‍ᐱᐧᑯᐊᐤ ᐃᔅᕋᐃᓪ ᐃᔪᐛ᙮ ᐃᓴᑲᕐ ᐃᑎᔅᑲᓇᓱᐤ ᑭᔭ ᐊᓐᑕ ᓴᒥᕐ ᐅᑕᓇᒡ ᒋ ‍ ᐎᒍᐤ ᐊᓐᑕ ᐃᑉᕋᐃᒻ ᐱᔅᑯᑎᓇᒡ᙮
\v 2 ᓂᓱᔪᐛᐱᐳᓇ ᐊᓱ ᓂᔅᑐ ᒋ ‍ ᐃᔅᐱᔅ ᓂᑲᓂᔅᑯᐛᐤ ᐃᔅᕋᐃᓪ ᐃᔪᐛ᙮ ᒂ ‍ ᐳᓂᐱᒪᑎᓯᑦ ᑭᔭ ᐊᓐᑕ ᓴᒥᕐ ᒂ ‍ ᓇᐃᐧᑯᐛᑭᓄᐅᑦ᙮
\s1 ᒐᐃᕐ ᑲ ‍ ᓂᑲᓂᔅᑯᐛᑦ ᐃᔅᕋᐃᓪ ᐃᔪᐛ
\p
\v 3 ᑲᒋ ‍ ᑕᑦ ᑐᓚ, ᒐᐃᕐ ᑭᓕᐊᑦ ᐊᔅᒋᒡ ᑲ ᐅᒋᑦ ᒥᓐ ᒂ ‍ ᑕᑦ, ᓂᓱᔪᐛᐱᐳᓇ ᐊᓱ ᓂᓱᐤ ᒋ ‍ ᐃᔅᐱᔅ ᓂᑲᓂᔅᑯᐛᐤ ᐃᔅᕋᐃᓪ ᐃᔪᐛ᙮
\v 4 ᒋ ‍ ᓂᔅᑐᔪᐛᐸᐎᔪᐛ ᐅᑯᓴ ᑭᔭ ᐸᐸᐃᒄ ᐊᓂᔭ ᐅᑯᓴ ᑎᐸᓐ ᒋ ‍ ᑭᓄᐛᔨᒪᔪᐛ ᑲᓂᐧᑲᑎᓯᔨᒋ ᑲᐸᐃᑭᔎᐛ ᒐ ‍ ᐳᓯᔨᒋ᙮ ᐸᐸᐃᒄ ᒋ ‍ ᑎᐸᔨᑎᒧᒡ ᑕᑎᐸᓐ ᐅᑕᓇᐛ ᐊᓐᑕ ᑭᓕᐊᑦ ᐊᔅᒋᒡ᙮ ᒐᐃᕐ ᐅᑕᓇᐛ ᐊᔅᒄ ᐊᓄᒡ ᐃᓯᓂᐧᑲᑕᐤ ᐊᓐ ᐊᔅᒋᔾ᙮
\v 5 ᒋ ‍ ᐳᓂᐱᒪᑎᓯᐤ ᒐᐃᕐ ᑭᔭ ᒂ ‍ ᓇᐃᐧᑯᐛᑭᓄᐅᑦ ᐊᓐᑕ ᑲᒧᓐ ᐅᑕᓇᒡ᙮
\s1 ᑲ ‍ ᒥᑯᔅᑲᑕᔨᑎᒪᑭᓄᐅᒡ ᐃᔅᕋᐃᓪ ᐃᔪᒡ
\p
\v 6 ᐊᑯ ᒥᓐ ᒂ ‍ ᒥᒋᑐᑕᒡ ᐃᔅᕋᐃᓪ ᐃᔪᒡ ᐊ ‍ ᐃᑐᑕᒡ ᒐᒂᔪᐛ ᐊᓂᔭ ᑎᐸᔨᒋᒐᓱᐤ ᐊ ‍ ᐃᑕᔨᑕᐧᒃ ᐊ ‍ ᒥᒋᓂᔨᒋ, ᐊᔭᒥᐊᔅᑐᐛᒡ ᐸᐊᓪ ᑭᔭ ᐊᔅᑐᕋᑦ ᒥᓂᑐᐧᑲᓇ᙮ ᐃᔭᐱᒡ ᒋ ‍ ᐊᔭᒥᐊᔅᑐᐛᐅᒡ ᐊᕋᒻ, ᑭᔭ ᓴᐃᑐᓐ, ᑭᔭ ᒧᐊᑉ, ᑭᔭ ᐊᒧᓐ, ᑭᔭ ᐱᓕᔅᑎᐊ ᐃᔪᐛ, ᐅᒥᓂᑐᐧᑲᓂᒥᔪᐛ᙮ ᒋ ‍ ᓂᑭᑕᐅᒡ ᑭᔭ ᒋ ‍ ᐳᓂᐅᒡ ᐊᔭᒥᐊᔅᑐᐛᒡ ᑎᐸᔨᒋᒐᓱᐛ᙮
\v 7 ᐊᑯ ᑎᐸᔨᒋᒐᓱᐤ ᒂ ‍ ᒋᔄᐃᑯᑦ ᐃᔅᕋᐃᓪ ᐃᔪᐛ ᑭᔭ ᒂ ‍ ᒥᔭᑦ ᐱᓕᔅᑎᐊ ᐃᔪᐛ ᑭᔭ ᐊᒧᓐ ᐃᔪᐛ ᒐᒋ ᓴᒂᔨᒋ ᐃᔅᕋᐃᓪ ᐃᔪᐛ᙮
\v 8 ᔭᓇᐤ ᑕᑐᓴᐱᐳᓇ ᒋ ‍ ᐃᔅᐱᔅ ᐊᔨᒥᐊᐅᒡ ᑭᔭ ᒋᔅᑎᒪᐅᒡ ᐃᔅᕋᐃᓪ ᐃᔪᐛ ᐊᓐᑕ ᑲ ‍ ᐎᒋᔨᒋ ᑭᓕᐊᑦ ᐊᔅᒋᒡ ᐛᐱᓄᑕᒡ ᒠᕐᑕᓐ ᓯᐱᒡ᙮ ᐊᑯᑕ ᐃᔭᐱᒡ ᑲ ‍ ᐎᒋᒡ ᐊᒧᕆ ᐃᔪᒡ᙮
\v 9 ᐊᑯ ᐊᒧᓐ ᐃᔪᒡ ᒂ ‍ ᐊᓱᐛᐊᒡ ᒠᕐᑕᓐ ᓯᐱᔪᐤ ᒐᒋ ᒪᓯᐧᑯᐛᒡ ᒍᑕ, ᑭᔭ ᐱᓐᒐᒥᓐ ᑭᔭ ᐃᑉᕋᐃᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᒋᒋᐛ ᒋ ‍ ᒥᑯᔅᑲᑕᔨᑎᒪᑭᓄᐅᒡ ᐃᔅᕋᐃᓪ ᐃᔪᒡ᙮
\v 10 ᐊᑯ ᐃᔅᕋᐃᓪ ᐃᔪᒡ ᒂ ‍ ᑕᑈᑕᒡ ᑎᐸᔨᒋᒐᓱᐛ ᑭᔭ ᐊᑕᒡ, “ᒋᒋ ‍ ᒥᒋᑐᑕᑎᓇᓐ, ᐛᔅ ᒋᒋ ‍ ᓂᑭᑎᑎᓇᓐ ᓂᒋᓴᒪᓂᑐᒥᓇᓐ, ᑭᔭ ᓂᒋ ‍ ᐊᔭᒥᐊᔅᑐᐛᓇᓐᒡ ᐸᐊᓪ ᒥᓂᑐᐧᑲᓐᒡ᙮”
\p
\v 11 ᒂ ‍ ᐃᑕᑦ ᑎᐸᔨᒋᒐᓱᐤ, “ᐃᔅᐱ ᐃᒋᑉᑦ ᐃᔪᒡ, ᑭᔭ ᐊᒧᕆ ᐃᔪᒡ ᑭᔭ ᐊᒧᓐ ᐃᔪᒡ ᑭᔭ ᐱᓕᔅᑎᐊ ᐃᔪᒡ,
\v 12 ᓴᐃᑐᓐ ᐃᔪᒡ, ᑭᔭ ᐊᒪᓕᒃ ᐃᔪᒡ ᑭᔭ ᒪᐊᓐ ᐃᔪᒡ ᑲ ‍ ᐊᔨᒥᑕᑯᒡ ᐊᓐᑕ ᐎᐱᒡ, ᒋᒋ ‍ ᑕᑈᓯᓇᐛᐤ᙮ ᓇᒪ ᐊ ᒋ ᐅᒋ ‍ ᐱᒪᒋᐃᑎᓇᐛᐤ ᐎᔪᐛᐤ ᐅᒋ ?
\v 13 ᒥᒄ ᐊᔅᒄ ᐃᔭᐱᒡ ᒋᒋ ‍ ᓂᑭᓯᓇᐛᐤ ᑭᔭ ᒋᒋ ‍ ᐊᔭᒥᐊᔅᑐᐛᐛᐅᒡ ᑯᑎᑭᒡ ᒥᓂᑐᐧᑲᓐᒡ, ᐊᑯ ᓇᒪ ᒥᓐ ᒋᑭ ᐅᒋ ᐱᒪᒋᐃᑎᓇᐛᐤ᙮
\v 14 ᒪᒋᒄ ᑭᔭ ᑕᑈᑕᐧᑯᒡ ᐊᓐᒡ ᒥᓂᑐᐧᑲᓐᒡ ᑲ ‍ ᐎᔭᔨᒪᑯᒡ᙮ ᐎᔪᐛᐤ ᒋᑭ ‍ ᐱᒪᒋᐃᑯᐛᐅᒡ ᐃᔅᐱ ᐅᔅᑕᐱᔨᔭᒂ᙮”
\p
\v 15 ᒥᒄ ᐃᔅᕋᐃᓪ ᐃᔪᒡ ᒋ ‍ ᐃᑕᐅᒡ ᑎᐸᔨᒋᒐᓱᐛ, “ᓂᒋ ‍ ᒥᒋᑐᑕᓇᓐ᙮ ᐊᓏᔨᒥᓇᓐ ᑕᓐ ᐊᓐ ᐛ ᐃᓯ ‍ ᐊᓏᔨᒥᔭᒡ, ᒥᒄ ᒋ ‍ ᐱᑯᓴᔨᒥᑎᓇᓐ ᐱᒪᒋᐃᓇᓐ ᐊᓄᒡ᙮”
\v 16 ᐊᑯ ᐃᔅᕋᐃᓪ ᐃᔪᒡ ᒥᓯᐛ ᒂ ‍ ᐛᐱᓇᒡ ᐅᒥᓂᑐᐧᑲᓂᒧᐛᐛ ᑭᔭ ᒥᓐ ᒂ ‍ ᐊᔭᒥᐊᔅᑐᐛᒡ ᑎᐸᔨᒋᒐᓱᐛ᙮ ᒋᒋᐛ ᒋᔅᑎᒪᒐᔨᒪᐤ ᑎᐸᔨᒋᒐᓱᐤ ᐃᔅᕋᐃᓪ ᐃᔪᐛ, ᒋ ‍ ᐛᐸᑎᒺᐤ ᑲ ᐃᔅᐱᔅ ‍ ᐎᓯᒐᔨᑎᒥᔨᒋ᙮
\p
\v 17 ᐊᑯ ᐊᒧᓐ ᓂᑐᐱᔪᐅ-ᐃᔪᒡ ᒂ ‍ ᐊᔭᔅᑯᐎᒡ ᒐᒋ ᓂᑐᐱᔨᒡ ᑭᔭ ᒂ ‍ ᒪᓂᑲᓱᒡ ᐊᓐᑕ ᑭᓕᐊᑎᒡ᙮ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒋ ‍ ᒪᒧᐎᔪᐅᒡ ᑭᔭ ᒂ ‍ ᒪᓂᑲᓱᒡ ᐊᓐᑕ ᒥᔅᐸ ᐅᑕᓇᒡ ᐊᓐᑕ ᑭᓕᐊᑎᒡ᙮
\v 18 ᐊᑯᑕ ᐃᔪᒡ ᑭᔭ ᑲ ‍ ᓂᑲᓂᔅᑯᐛᒡ ᐊ ‍ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ ᐊᓐᑕ ᑲ ‍ ᐎᒋᒡ ᑭᓕᐊᑎᒡ ᑲ ‍ ᑭᒂᒋᒥᑐᒡ, “ᐊᐛᓐ ᒐ ‍ ᓂᑲᓂᔅᑲᑕᐧᒄ ᒐ ‍ ᓂᑐᐱᔨᑐᒪᐧᑯᐤ ᐊᒧᓐ ᐃᔪᐛ ? ᐊᓐ ᒐ ‍ ᓂᑲᓂᔅᑲᑕᐧᒄ, ᐊᐅᑯᓐ ᒐ ‍ ᓂᑲᓂᔅᑯᐛᑦ ᒥᓯᐛ ᐊᐛᔪᐛ ᐊᓐᑕ ᑭᓕᐊᑎᒡ᙮”
\c 11
\s1 ᒐᑉᑕ ᒋ ‍ ᐅᑎᓇᑭᓄᐤ ᒐᒋ ᓂᑲᓂᔅᑯᐛᑦ ᑭᓕᐊᑦ ᐃᔪᐛ
\p
\v 1 ᒋ ‍ ᑕᐤ ᐊᓐᑕ ᓇᐸᐤ ᑭᓕᐊᑦ ᐊᔅᒋᒡ ᑲ ‍ ᐅᒋᑦ ᒐᑉᑕ ᐊ ‍ ᐃᓯᓂᐧᑲᓱᑦ᙮ ᒋᒋᐛ ᒋ ‍ ᓂᑕᐤ ᓂᑐᐱᔪᐅ-ᐃᔪᐅ᙮ ᑭᓕᐊᑦ ᐃᔭᐱᒡ ᒋ ‍ ᐃᓯᓂᐧᑲᓱᔪᐛ ᐅᑕᐎᔭ, ᒥᒄ ᐱᓯᒂᑎᓯᔎᐛ ᒋ ‍ ᐅᑲᐎᔪᐤ᙮
\v 2 ᑭᓕᐊᑦ ᑕᔪᐛ ᐎᐛ ᒥᒐᑦ ᐅᑯᓯᒪᐛ ᑲ ‍ ᓂᑕᐅᒋᐊᔨᒋ, ᐃᔅᐱ ᑲᒋ ᐃᓯ ‍ ᓂᑕᐅᒋᒡ ᐅᑯᓯᒪᐅᒡ, ᒋ ‍ ᐃᑲᑎᓴᐛᐅᒡ ᐎᐧᑲᓂᓯᐛᐛ ᒐᑉᑕᔨᒋ ᑭᔭ ᒋ ‍ ᐃᑕᐅᒡ, “ᒋᔾ ᐅ ᐱᓯᒂᑎᓯᔎᐤ ᐅᑯᓴ, ᓇᒪᔭᐤ ᓂᑲᐎᓇᓐ ᐅᑯᓴ᙮ ᐊᑯ ᐃᔅᐱ ᐳᓂᐱᒪᑎᓯᒐ ᒍᑕᐎᓄᐤ, ᓇᒪ ᒋᑭ ‍ ᐊᓂᔅᒐ ᑎᐸᔨᑎᒺᓐ ᒐᒂᔪᐤ ᑕᐱᔨᐛᐅᓯᑦ᙮”
\v 3 ᐊᑯ ᒐᑉᑕ ᒂ ‍ ᒋᑎᓯᒪᑦ ᐎᐧᑲᓂᓴ ᑭᔭ ᐊᓐᑕ ᑐᑉ ᐊᔅᒋᒡ ᒂ ‍ ᐎᒋᑦ᙮ ᐊᑯᑕ ᒂ ‍ ᒥᒐᑐᐛᐊᑦ ᐊ ᐊᑲ ‍ ᒐᒂᔪᐤ ᐃᑕᔨᑕᑯᓯᔨᒋ ᓇᐸᐛ ᑭᔭ ᒂ ‍ ᐛᐎᒐᐅᑯᑦ᙮
\p
\v 4 ᓇᓇᒐ ᒪᒃ, ᐊᒧᓐ ᐃᔪᒡ ᒂ ‍ ᓂᑐᐱᔨᑐᐛᒡ ᐃᔅᕋᐃᓪ ᐃᔪᐛ᙮
\v 5 ᐃᔅᐱ ᐅᔭ ᑲ ‍ ᐃᔅᐱᔨᒡ, ᑭᓕᐊᑦ ᐃᔪᐛ ᒋᓴᐃᔪᒡ ᒂ ‍ ᓂᑐᐛᐱᒪᒡ ᒐᑉᑕᔨᒋ ᒐᒋ ᒋᐛᑕᐊᒡ ᑐᑉ ᐊᔅᒋᒡ ᐅᒋ᙮
\v 6 ᒂ ‍ ᐃᑕᒡ, “ᐊᔅᑎᒻ ᐎᒐᐅᓇᓐ ᑭᔭ ᒐ ‍ ᓂᑲᓂᔅᑯᐅᔭᒡ, ᐊᑯ ᒪᒃ ᒐᒋ ᓂᑐᐱᔨᑐᐅᒋᒡ ᐊᒧᓐ ᐃᔪᒡ᙮”
\p
\v 7 ᒥᒄ ᒐᑉᑕ ᒋ ‍ ᐃᑕᐤ, “ᒋᒋᐛ ᒋᒋ ‍ ᐛᐧᑲᓯᓇᐛᐤ ᑭᔭ ᑲ ‍ ᐃᑲᑎᓴᐅᔭᒄ ᓄᑕᐎᔾ ᐎᒋᒡ ᐅᒋ, ᒐᒂᓐ ᐛᒋ ‍ ᐸᒋ ‍ ᓂᑐᐛᐱᒥᔭᒄ ᐊᓄᒡ, ᐊ ‍ ᑯᒂᒋᒥᔭᒄ ᒐᒋ ᐎᒋᐃᑎᑯᒡ ᐃᔅᐱ ᐛᔅᑕᐱᔨᔭᒄ ?”
\p
\v 8 ᒂ ‍ ᐃᑕᒡ ᒐᑉᑕᔨᒋ, “ᒋ ‍ ᓂᑐᐛᐱᒥᑎᓇᓐ ᐊᓄᒡ ᐅᓴᒻ ᒋ ‍ ᓂᑐᐛᔨᒥᑎᓇᓐ ᒐᒋ ᐎᒐᐎᔭᒡ ᑭᔭ ᓂᑐᐱᔨᑐᐛᐧᑯᒡ ᐊᒧᓐ ᐃᔪᒡ ᑭᔭ ᒐ ‍ ᓂᑲᓂᔅᑯᐅᑥᐤ ᑭᓕᐊᑦ ᐃᔪᒡ᙮”
\p
\v 9 ᒐᑉᑕ ᒂ ‍ ᐃᑕᑦ, “ᑲᐤ ᐎᒐᐅᑎᑯᒐ ᑭᓕᐊᑦ ᐊᔅᒋᒡ ᐃᓯ ᒐᒋ ᓂᑐᐱᔨᑐᐛᐧᑯᒡ ᐊᒧᓐ ᐃᔪᒡ ᑭᔭ ᐎᒋᐃᑕᒂ ᑎᐸᔨᒋᒐᓱᐤ ᒐᒋ ᓴᐧᑯᒋᐊᐧᑯᒡ, ᓂᔾ ᒋᑭ ‍ ᓂᑲᓂᔅᑲᑎᓇᐛᐤ᙮”
\p
\v 10 ᒂ ‍ ᐃᑕᒡ ᑭᓕᐊᑦ ᒋᓴᐃᔪᒡ, “ᒋ ‍ ᓂᑐᑕᑭᓄᐤ ᑎᐸᔨᒋᒐᓱᐤ ᒥᓯᐛ ᒐᒂᔪᐤ ᐊᔅᒋᔄᔭᐧᒄ᙮ ᑭᒪ ᑎᐸᔨᒋᒐᓱᐤ ‍ ᐊᓏᔨᒥᔨᒥᑦ ᐊ ᐊᑲ ‍ ᐃᑐᑎᒪᒐ ᒐᒂᓐ ᐊ ‍ ᐊᑎᓱᒥᔭᒡ ᒐ ‍ ᐃᑐᑎᒪᒡ᙮”
\v 11 ᐊᑯ ᒐᑉᑕ ᑲᐤ ᐛᒐᐛᑦ ᑭᓕᐊᑦ ᐊᔅᒋᒡ ᐃᓯ, ᑭᔭ ᒂ ‍ ᐅᑎᓂᑯᑦ ᐃᔪᐛ ᒐᒋ ᓂᑲᓂᔅᑯᐛᑦ ᑭᔭ ᑎᐸᔨᒪᑦ ᐅᓂᑐᐱᔪᐅ-ᐃᔨᒥᔪᐛ᙮ ᑭᔭ ᒂ ᒋᒋ ‍ ᐊᓱᑎᒧᐛᑦ ᒐᑉᑕ ᑎᐸᔨᒋᒐᓱᐛ ᐊᓐᑕ ᒥᔅᐸ ᐅᑕᓇᒡ ᒐᒋ ᒥᔪ ᐊᑐᔅᑯᐛᑦ᙮
\s1 ᒐᑉᑕ ᑲ ‍ ᐃᑎᓴᐊᒧᐛᑦ ᐃᔨᒧᐅᓂᔪᐤ ᑲ ‍ ᐱᒧᑕᔨᒋ ᐊᒧᓐ ᒋᓴᐅᒋᒪᐛ
\p
\v 12 ᐊᑯ ᒐᑉᑕ ᐊᑎᓴᒧᐛᑦ ᐃᔨᒧᐅᓂᔪᐤ ᑲ ‍ ᐱᒧᑕᔨᒋ ᐊᒧᓐ ᒋᓴᐅᒋᒪᐛ ᒐᒋ ᐃᑕᔨᒋ, “ᒐᒂᓐ ᐊᑐᑕᑕᒡ ᒐᒋ ᒋᔄᐃᑕᒡ ᒐᒋ ᐸᒋ ‍ ᒪᓯᔨᑥᐤ ᐃᔪᒡ ᐅᑕ ᓂᑦ ᐊᔅᒋᓇᒡ ?”
\p
\v 13 ᐊᒧᓐ ᒋᓴᐅᒋᒪᐤ ᒂ ‍ ᐃᑕᑦ ᐊᓂᔭ ᐃᔨᒧᐅᓂᔪᐤ ᑲ ‍ ᐱᒧᑕᔨᒋ, “ᐃᔅᐱ ᐃᔅᕋᐃᓪ ᐃᔪᒡ ᐃᒋᑉᑎᒡ ᑲ ‍ ᐅᑐᑕᒡ, ᒋ ‍ ᐅᑎᓂᒧᒡ ᓂᑦ ᐊᔅᒋᔪᐤ ᐊᕐᓇᓐ ᓯᐱᒡ ᐅᒋ ᐃᔅᐱᔅ ᒐᐳᒃ ᓯᐱᒡ ᑭᔭ ᒠᕐᑕᓐ ᓯᐱᔪᐤ᙮ ᐊᓄᒡ ᒋᔭᒪᔨᑎᒧᐅᓂᒡ ᑲᐤ ᒋᑭ ᐎ ‍ ᒥᔨᓇᓐ ᓂᑦ ‍ᐊᔅᒋᓇᓐ᙮”
\p
\v 14 ᐃᔨᒧᐅᓂᔪᐤ ᑲ ‍ ᐱᒧᑕᒡ ᑲᐤ ᒋ ‍ ᒋᐛᐅᒡ ᑭᔭ ᐛᑎᒧᐛᒡ ᒐᑉᑕᔨᒋ ᒐᒂᔪᐤ ᑲ ‍ ᐃᔅᒋᔄᔨᒋ ᐊᒧᓐ ᒋᓴᐅᒋᒪᐛ᙮ ᒐᑉᑕ ᒥᓐ ᑲᐤ ᐊᑎᓴᒧᐛᑦ ᐃᔨᒧᐅᓂᔪᐤ ᑲ ‍ ᐱᒧᑕᔨᒋ ᐊᒧᓐ ᒋᓴᐅᒋᒪᐛ
\v 15 ᐊ ‍ ᐃᑕᑦ,
\pmo “ᐊᒂᔅᒋᔄᑦ ᒐᑉᑕ: ᓇᒪ ᑕᑈᓄᐤ ᐃᔅᕋᐃᓪ ᐃᔪᒡ ᐊᐅᑎᓇᒡ ᒧᐊᑉ ᐊᔅᒋᔪᐤ ᑭᔭ ᒪᒃ ᐊᒧᓐ ᐊᔅᒋᔪᐤ᙮
\v 16 ᐃᔅᐱ ᐃᔅᕋᐃᓪ ᐃᔪᒡ ᑲ ‍ ᓂᑭᑕᒡ ᐃᒋᑉᑎᔪᐤ, ᒋ ‍ ᓴᐳᑐᐛᔅᑭᒧᒡ ᐸᐧᑯᑎᔅᑭᒥᑯᔪᐤ ᒥᒂᑭᒥ ᐎᓂᐸᑯᔪᐤ ᐃᓯ ᑭᔭ ᑲᑕᔅ ᐅᑕᓇᔪᐤ ᒂ ‍ ᐃᑐᑕᒡ᙮
\v 17 ᐃᔅᕋᐃᓪ ᐃᔪᒡ ᒋ ‍ ᐃᑎᓴᒧᐛᐅᒡ ᐃᔨᒧᐅᓂᔪᐤ ᑲ ‍ ᐱᒧᑕᔨᒋ ᐃᑕᒻ ᒋᓴᐅᒋᒪᐛ ᐊ ‍ ᑯᒂᒋᒪᒡ ᒐᒋ ᓇᐊᐃᒥᑯᒡ ᒐᒋ ᓴᐳᑐᐛᑕᐛᒡ ᐅᑦ ᐊᔅᒋᔪᐤ᙮ ᒥᒄ ᓇᒪ ᐅᒋ ᓇᐊᐃᒥᑯᐅᒡ᙮ ᐃᔭᐱᒡ ᒧᐊᑉ ᒋᓴᐅᒋᒪᐛ ᒋ ‍ ᑯᒂᒋᒪᐅᒡ, ᒥᒄ ᐃᔭᐱᒡ ᓇᒪ ᐅᒋ ᓇᐊᐃᒥᑯᐅᒡ ᒐᒋ ᓴᐳᑐᐛᑕᐛᒡ ᐅᑦ ᐊᔅᒋᔪᐤ᙮ ᐊᑯ ᒂ ‍ ᑕᒡ ᐃᔅᕋᐃᓪ ᐃᔪᒡ ᐊᓐᑕ ᑲᑕᔅ᙮
\pm
\v 18 ᐊᑯ ᐸᐧᑯᑎᔅᑭᒥᑲᒡ ᒂ ‍ ᐃᑐᑕᒡ ᐃᔅᕋᐃᓪ ᐃᔪᒡ ᑭᔭ ᐛᔅᑲ ᐊᓐᑕ ᐃᑕᒻ ᑭᔭ ᒧᐊᑉ ᐊᔅᒋᔪᐤ ᒂ ‍ ᐱᒧᑕᒡ ᐃᔅᐱᔅ ᑲ ‍ ᑎᑯᓯᒡ ᐊᓐᑕ ᐛᐱᓄᑕᒡ ᐃᑕᒐ ᒧᐊᑉ, ᒂᔅᑕᒐᑲᒻ ᐊᕐᓇᓐ ᓯᐱᔪᐤ᙮ ᐊᑯᑕ ᑲ ‍ ᒪᓂᑲᓱᒡ, ᒥᒄ ᓇᒪ ᐅᒋ ᐊᓱᐛᐊᒧᒡ ᐅᓴᒻ ᓯᐱᔪᐤ ᐊᑯᑕ ᐊ ‍ ᑎᑯᓂᔨᒡ ᒧᐊᑉ ᐊᔅᒋᔪᐤ᙮
\pm
\v 19 ᐊᑯ ᐃᔅᕋᐃᓪ ᐃᔪᒡ ᑲ ‍ ᐃᑎᓴᒧᐛᒡ ᐃᔨᒧᐅᓂᔪᐤ ᓯᐦᐅᓇ, ᐊᒧᕆ ᐃᔪᐛ ᒋᓴᐅᒋᒪᐛ ᐊᓐᑕ ᐦᐊᔅᐳᓐ ᐅᑕᓇᔪᐤ ᑲ ‍ ᐎᒋᔨᒋ ᑭᔭ ᑲ ‍ ᑯᒂᒋᒪᒡ ᒐᒋ ᓇᐊᐃᒥᑯᒡ ᒐᒋ ᓴᐳᑐᐛᑕᐛᒡ ᐅᑦ ᐊᔅᒋᔪᐤ ᒐᒋ ᐅᑎᑕᒡ ᑎᐱᔨᐛ ᐅᑦ ᐊᔅᒋᐛᐤ᙮
\v 20 ᒥᒄ ᓯᐦᐅᓐ ᓇᒪ ᐅᒋ ᑕᑈᐅᒐᔨᒪᐤ ᐃᔅᕋᐃᓪ ᐃᔪᐛ᙮ ᒂ ‍ ᒪᒧᐅᓇᑦ ᐅᓂᑐᐱᔪᐅ-ᐃᔨᒪ ᑭᔭ ᒂ ‍ ᒪᓂᑲᓱᒡ ᐊᓐᑕ ᒐᐦᐊᔅ ᐃᑕᐅᓂᔪᐤ ᑭᔭ ᒂ ‍ ᓂᑐᐱᔨᑐᐛᒡ ᐃᔅᕋᐃᓪ ᐃᔪᐛ᙮
\pm
\v 21 ᒥᒄ ᑎᐸᔨᒋᒐᓱᐤ ᒋᓴᒪᓂᑐᐤ ᒋ ‍ ᒥᔭᐤ ᐃᔅᕋᐃᓪ ᐃᔪᐛ ᒐᒋ ᓴᐧᑯᒋᐊᔨᒋ ᓯᐦᐅᓇ ᑭᔭ ᐅᓂᑐᐱᔪᐅ-ᐃᔨᒥᔪᐛ᙮ ᐊᑯ ᐃᔅᕋᐃᓪ ᐃᔪᒡ ᒂ ‍ ᐅᑎᓇᒡ ᒥᓯᐛ ᐊᔅᒋᔪᐤ ᐊᓐᑕ ᐊᒧᕆ ᐃᔪᐛ ᑲ ‍ ᐎᒋᔨᒋ᙮
\v 22 ᒥᓯᐛ ᒋ ‍ ᒪᑯᓂᒧᒡ ᐊᔅᒋᔪᐤ, ᐊᕐᓇᓐ ᓯᐱᔪᐤ ᐊᓐᑕ ᓴᐅᓄᑕᒡ ᐃᔅᐱᔅ ᒐᐳᒃ ᓯᐱᔪᐤ ᐊᓐᑕ ᒋᐛᑎᓄᒡ ᑭᔭ ᐸᐧᑯᑎᔅᑭᒥᑲᒡ ᐅᒋ ᐃᔅᐱᔅ ᒠᕐᑕᓐ ᓯᐱᔪᐤ ᐊᓐᑕ ᐊᑎᒪᐱᓯᒧᒡ᙮
\pm
\v 23 ᐊᑯ ᐊᐅᑯᓐ ᑎᐸᔨᒋᒐᓱᐤ ᐃᔅᕋᐃᓪ ᐅᒋᓴᒪᓂᑐᒧᐛᐛ ᑲ ‍ ᐎᐎᑎᓴᒧᐛᑦ ᐅᑦ ᐃᔨᒪ ᐊᒧᕆ ᐃᔪᐛ᙮ ᐊᑯ ᐊᓄᒡ ᒋ ‍ ᐎᐎᑎᓴᐅᓇᓐ᙮
\v 24 ᒐ ‍ ᐎᒍᐅᑦ ᐊᓐᑕ ᐊᔅᒋᔪᐤ ᑲ ‍ ᒥᔨᔅᒃ ᒋᒋᓴᒪᓂᑐᒻ ᒋᒧᔅ ᑭᔭ ᓂᑭ ‍ ᐎᒋᐛᓇᓐ ᐊᓐᑕ ᐊᔅᒋᔪᐤ ᑲ ‍ ᒥᔨᒥᑦ ᑎᐸᔨᒋᒐᓯᐤ ᓂᒋᓴᒪᓂᑐᒥᓇᓐ !
\v 25 ᒋᑦ ᐃᑕᔨᑕᓐ ᐊ ᐊᑎᑐᐤ ᐊᐃᔅᐱᑕᔨᑕᑯᓯᓐ ᐃᔅᐱᔅ ᐸᓚᒃ ᓯᐳᕐ ᐅᑯᓴ, ᐊᓐ ᐎᐱᒡ ᑲ ‍ ᒋᓴᐅᒋᒪᐅᑦ ᒧᐊᑉ ᐃᔪᐛ ? ᓇᒪ ᓂᑕ ᐅᒋ ‍ ᒋᐧᑲᓇᒂᐤ ᐸᓚᒃ ᐃᔅᕋᐃᓪ ᐃᔪᐛ, ᑭᔭ ᓇᒪ ᓂᑕ ᓂ ᐅᒋ ᓂᑐᐱᔨᑐᐛᐤ᙮
\v 26 ᓂᔅᑐ ᒥᑕᑎᒥᑎᓄᐛᐱᐳᓇ ᒋ ‍ ᐃᔅᐱᔅ ᐎᒍᐅᒡ ᐃᔅᕋᐃᓪ ᐃᔪᒡ ᐊᓐᑕ ᐦᐊᔅᐳᓐ ᐅᑕᓇᒡ, ᑭᔭ ᐊᕈᐅᕐ ᐅᑕᓇᒡ, ᑭᔭ ᐊᓐᑕ ᐛᔅᑲ ᐅᑕᓇᐛ ᑲ ‍ ᐃᑎᑯᓂᔨᒋ, ᑭᔭ ᐊᓐᑕ ᐅᑕᓇᐛ ᓯᓱᒡ ᐊᕐᓇᓐ ᓯᐱᒡ ᑲ ‍ ᐃᑎᑯᓂᔨᒋ᙮ ᒐᒂᓐ ᒪᒃ ᐛᒋ ‍ ᐊ ᐊᑲ ᑲᐤ ᐅᑎᓂᒪᒄ ᐊᓂᔭ ᐅᑕᓇᐛ ᑲ ᐸᒋ ‍ ᑕᑐ ᐱᑈᒡ?
\v 27 ᓇᒪ ᒋ ᐅᒋ ᒥᒋᑐᑕᑎᓇᓐ, ᒥᒄ ᒋᔾ ᐅ ᒋ ‍ ᒥᒋᑐᑐᐅᓐ ᐊ ‍ ᓂᑐᐱᔨᑐᐎᔭᒡ ᓂᔾ ᑭᔭ ᓂᓂᑐᐱᔪᐅ-ᐃᔨᒥᒡ᙮ ᑎᐸᔨᒋᒐᓱᐤ ᐊᐅᒄ ᐊᓐ ᑎᐸᔅᑯᓂᒐᓱᐤ᙮ ᐎᔾ ᐊᓄᒡ ᒋᑭ ‍ ᐎᔭᔨᑎᒻ ᓂᔭᓐ ᐃᔅᕋᐃᓪ ᐃᔪᒡ ᑯᐃᔅᒄ ᐊ ‍ ᐃᑐᐛᐛᒐ ᑭᔭ ᒪᒃ ᒋᔨᐛᐤ ᐊᒧᓐ ᐃᔪᒡ ᑯᐃᔅᒄ ᐊ ‍ ᐃᑐᐛᐛᒂ᙮”
\m
\v 28 ᒥᒄ ᐊᒧᓐ ᐃᔪᐛ ᒋᓴᐅᒋᒪᐤ ᓇᒪ ᐅᒋ ᐎ ‍ ᓂᑐᑎᒺᐤ ᒐᑉᑕᔨᒋ ᐅᑦ ᐃᔨᒧᐅᓂᔪᐤ ᑲ ‍ ᐃᑎᓴᒪᑯᑦ᙮
\s ᑲ ᒋᒋ ᐊᓱᑎᒧᐛᑦ ᒐᑉᑕ ᑎᐸᔨᒋᒐᓱᐛ
\p
\v 29 ᐊᑯ ᑎᐸᔨᒋᒐᓱᐛ ᐅᑦ ᐊᒐᐧᑯᔪᐛ ᒂ ‍ ᐱᔅᑲᑯᑦ ᒐᑉᑕ, ᑭᔭ ᒂ ‍ ᓴᐳᑐᐛᔅᑲᐧᒃ ᑭᓕᐊᑦ ᐃᑕᐅᓂᔪᐤ ᑭᔭ ᐊᓐᑕ ᑲ ‍ ᐎᒋᔨᒋ ᒪᓇᓴ ᐃᔪᐛ ᒐᒋ ᒪᒧᐅᓇᑦ ᓂᑐᐱᔪᐅ-ᐃᔪᐛ᙮ ᒐᒄ ᒂᒋ ‍ ᒪᒧᐅᓇᑦ ᐊᓐᑕ ᒥᔅᐸ ᐅᑕᓇᒡ ᐊᓐᑕ ᑭᓕᐊᑦ ᐃᑕᐅᓂᒡ ᒐᒋ ᓂᑐᐱᔨᑐᐛᒡ ᐊᒧᓐ ᐃᔪᐛ᙮
\v 30 ᐊᑯᑕ ᐊᓐᑕ ᑲ ᒋᒋ ‍ ᐊᓱᑎᒧᐛᑦ ᑎᐸᔨᒋᒐᓱᐛ ᐊ ‍ ᐃᑕᑦ, “ᐎᒋᐃᓇ ᒐᒋ ᓴᐧᑯᒋᐊᒂᐤ ᐊᒧᓐ ᐃᔪᒡ,
\v 31 ᐃᔅᐱ ᒋ ‍ ᒋᐛᔭᓇ ᐊᒋ ‍ ᓂᑐᐱᔨᓇᓄᐅᒡ, ᒋᑭ ‍ ᒥᑐᔅᑕᐊᒪᑎᓐ ᐊᓐ ᐅᔅᑭᒡ ᐱᔭᒋ ‍ ᐎᐎᑦ ᓂᒋᒡ ᒐᒋ ᐸᒋ ‍ ᓂᒋᔅᑯᐅᑦ᙮”
\p
\v 32 ᐊᑯ ᒐᑉᑕ ᑭᔭ ᐅᓂᑐᐱᔪᐅ-ᐃᔨᒪ ᒥᔅᐸ ᒂ ᐅᒋ ‍ ᔅᑐᑕᒡ ᒐᒋ ᓂᑐᐱᔨᑐᐛᒡ ᐊᒧᓐ ᐃᔪᐛ, ᑭᔭ ᑎᐸᔨᒋᒐᓱᐤ ᒋ ‍ ᒥᔭᐤ ᒐᒋ ᓴᐧᑯᒋᐛᔨᒋ᙮
\v 33 ᒐᑉᑕ ᑭᔭ ᐅᓂᑐᐱᔪᐅ-ᐃᔨᒪ ᒪᒧᐤ ᓂᓱᔪᐤ ᐅᑕᓇᐛ ᒋ ‍ ᓂᓱᐅᓇᒋᑕᐅᒡ ᑎᔅᑐᐎᒡ ᐊᕈᐅᕐ ᑭᔭ ᒥᓂᑦ ᐃᔅᐱᔅ ᐊᐱᓪ-ᑲᕆᐊᒻ ᐅᑕᓇᔪᐤ, ᐊᑯ ᐃᔅᕋᐃᓪ ᐃᔪᒡ ᒥᓯᐛ ᒋ ‍ ᓴᐧᑯᒋᐊᐅᒡ ᐊᒧᓐ ᐃᔪᐛ᙮
\p
\v 34 ᐃᔅᐱ ᒐᑉᑕ ᑲᐤ ᑲ ‍ ᒋᐛᑦ ᐊᓐᑕ ᒥᔅᐸ, ᐅᑕᓂᓴ ᐅᔅᑭᒡ ᒋ ᐸᒋ ‍ ᐎᐎᔨᐛ ᐎᒋᒡ ᒐᒋ ᓂᒋᔅᑲᑯᑦ ᐊ ‍ ᐸᑕᑯᐛᔨᒋ ᑕᐛᐃᑭᓂᓴ ᐊᒧᒋᒐᔨᑎᒥᔨᒋ ᐊᓂᒥᔨᒋ᙮ ᒋ ‍ ᐸᐃᑯᓯᔨᐛ ᒥᒄ ᐅᑐᐛᓯᒪ, ᓇᒪ ᐅᒋ ᐅᑯᓱᐤ ᑭᔭ ᓇᒪ ᐅᒋ ᑕᔪᐛ ᑭᑎᑲ ᐅᑕᓂᓴ᙮
\v 35 ᐃᔅᐱ ᒐᑉᑕ ᐎᔭᐱᒪᑦ ᐅᑕᓂᓴ, ᒋ ‍ ᐱᑯᐱᑎᒻ ᐅᑦ ᐊᐱᒋᑕᐅᓇ ᒐᒋ ᐛᐸᑎᔨᐛᑦ ᓇᔅᒡ ᐊ ‍ ᑯᐸᑕᔨᒧᑦ ᒐᒂᔪᐤ ᒐ ᐎ ‍ ᐃᑐᑕᐧᒃ, ᒂ ‍ ᐃᑕᑦ ᐅᑕᓂᓴ, “ᓂᑕᓂᔅ, ᒋ ‍ ᑐᑐᐅᓐ ᓇᔅᒡ ᒐᒋ ᑯᐸᑕᔨᒧᔭᓐ ᐛᔅ ᓂᒋ ᒋᒋ ‍ ᐊᓱᑎᒧᐛᐤ ᑎᐸᔨᒋᒐᓱᐤ ᒐᒋ ᒥᑐᔅᑕᐊᒧᐅᒃ ᐊᓂᔭ ᐅᔅᑭᒡ ᑲ ᐸᒋ ‍ ᐎᐎᒋ ᓂᒋᒡ, ᑭᔭ ᓂᑭ ᐎ ‍ ᑐᑕᓐ ᐊᓐ ᒐᒂᓐ ᑲ ‍ ᐊᓱᑎᒪᒐᔭᓐ᙮”
\p
\v 36 ᐅᑕᓂᓴ ᒂ ‍ ᐃᑎᑯᑦ, “ᓄᑕ, ᒋᒋ ‍ ᐎᒋᐃᒄ ᑎᐸᔨᒋᒐᓱᐤ ᒐᒋ ᓴᐧᑯᒋᐃᑥᐤ ᐊᓐᒡ ᑲ ‍ ᐛᐧᑲᑎᑕᐧᑯᒡ ᐊᒧᓐ ᐃᔪᒡ᙮ ᒋᒋ ‍ ᐊᓱᑎᒧᐛᐤ ᑎᐸᔨᒋᒐᓱᐤ, ᑐᑕ ᐊᓐ ᒐᒂᓐ ᒂ ‍ ᐃᔅᒋᔄᔨᓐ ᒐ ‍ ᐃᑐᑎᒥᓐ᙮”
\v 37 ᐊᑯ ᒥᓐ ᒂ ‍ ᐃᑕᑦ ᐅᑕᐎᔭ, “ᒥᒄ ᓇᐊᐃᒥ ᒐᒋ ᐃᑐᑎᒪᓐ ᐸᐃᒄ ᒐᒂᓐ᙮ ᐊᒺᔭ ᐃᑐᑎᒥᓐ ᒐᒂᓐ ᑲ ‍ ᐊᓱᑎᓇᒐᔨᓐ, ᐊᑲ ᐱᑦ ᐱᒪᔨᒥ ᓂᓱ ᐱᓯᒺ ᐃᔅᐱᔅ, ᐊᑯ ᒪᒃ ᓂᔾ ᑭᔭ ᓂᐎᒐᐛᑭᓐᒡ ᒐᒋ ᐱᐸᒧᑕᔭᒡ ᐊᓐᑕ ᐱᔅᑯᑎᓇᒡ ᑭᔭ ᒐᒋ ᒥᓯᒪᔨᑎᒪᓐ ᒐ ‍ ᐳᓂᐱᒪᑎᓯᔭᓐ ᐊ ‍ ᐅᔅᒋᓂᒋᔎᐎᔭᓐ᙮”
\p
\v 38 ᒐᑉᑕ ᒂ ‍ ᐃᑕᑦ, “ᐊᑯᓐ ᒧᔭᒻ, ᒋ ‍ ᑐᑕᒪ᙮” ᐊᑯ ᒂ ‍ ᔅᑐᑕᑦ ᓂᓱ ᐱᓯᒺ ᐃᔅᐱᔅ᙮ ᐎᔾ ᑭᔭ ᐎᒐᐛᑭᓇ ᒋ ‍ ᑕᐅᒡ ᐊᓐᑕ ᐱᔅᑯᑎᓇᒡ ᐊ ‍ ᒥᓯᒪᔨᑕᒡ ᐛᔅ ᒐ ‍ ᐳᓂᐱᒪᑎᓯᑦ ᐊ ᐊᑲ ‍ ᓂᐳᐅᑦ ᑭᔭ ᐊ ᐊᑲ ‍ ᐅᑐᐛᓯᒥᑦ᙮
\v 39 ᑲᒋ ᓂᓱ ‍ ᐱᓯᒺᔭᔨᒡ ᑲᐤ ᒋ ‍ ᓂᑐᐛᐱᒪᐤ ᐅᑕᐎᔭ ᐃᔎᔅ, ᒐᑉᑕ ᒂ ‍ ᑐᑐᐛᑦ ᐅᑕᓂᓴ ᐊᓂᔭ ᑕᓐ ᑲ ᐃᓯ ᒋᒋ ‍ ᐊᓱᑎᒧᐛᑦ ᑎᐸᔨᒋᒐᓱᐛ᙮
\p ᐊᑯ ᒋ ‍ ᐳᓂᐱᒪᑎᓯᔨᐛ ᐅᑕᓂᓴ ᐊ ᐊᑲ ᓂᑕ ᐅᒋ ᓂᐳᔨᒋ, ᐛᔅ ᐊᓂᔭ ᐅᒋ, ᐊᓄᒡ ᒂ ᐃᓯ ‍ ᐱᒧᑕᒡ ᐃᔅᕋᐃᓪ ᐃᔪᒡ,
\v 40 ᐊᓯᑯᒻ ᐱᐳᓇ ᐃᔅᕋᐃᓪ ᐃᔎᐅᒡ ᐱᔅᑯᑎᓇᒡ ᒋ ‍ ᐃᑐᑕᐅᒡ ᓇᐤ ᒋᓯᑲᐛ ᐃᔅᐱᔅ ᒐᒋ ᒋᔅᒋᑐᐛᒡ ᑭᔭ ᒪᑐᐛᒡ ᒐᑉᑕᔨᒋ ᐅᑕᓂᓯᔨᐛ᙮
\c 12
\s1 ᒐᑉᑕ ᑭᔭ ᐃᑉᕋᐃᒻ ᐃᔪᒡ
\p
\v 1 ᐃᑉᕋᐃᒻ ᐃᔪᒡ ᒋ ‍ ᐊᔭᔅᑯᔪᐅᒡ ᒐᒋ ᓂᑐᐱᔨᒡ; ᒋ ‍ ᐊᓱᐛᐅᒧᒡ ᒠᕐᑕᓐ ᓯᐱᔪᐤ ᓴᐳᓐ ᐃᓯ ᒐᒋ ᐃᔨᒪᐊᒡ ᒐᑉᑕᔨᒋ ᑭᔭ ᒂ ‍ ᐃᑕᒡ, “ᒐᒂᓐ ᐛᒋ ‍ ᓂᑐᐱᔨᑐᐛᑯᒡ ᐊᒧᓐ ᐃᔪᒡ ᐊ ᐊᑲ ‍ ᐎᓴᒥᔭᒡ ᒐᒋ ᐎᒐᐅᑕᒡ ? ᐊᑯ ᓂᑭ ‍ ᐃᔎᓴᓇᓐ ᒋᒡ ᒪᒂᒡ ᐊᓐᑕ ᐊᑕᔨᓐ᙮”
\p
\v 2 ᒥᒄ ᒐᑉᑕ ᒋ ‍ ᐃᑕᐤ, “ᒋᒋᐛ ᓂᒋ ‍ ᓂᓇᐧᑲᒋᐃᑯᓇᓐᒡ ᐊᒧᓐ ᐃᔪᒡ᙮ ᐃᔅᐱ ᑲ ‍ ᐊᔭᔅᑯᐎᔭᒡ ᒐᒋ ᓂᑐᐱᔨᑐᐅᒋᒡ, ᒋᒋ ‍ ᑯᒂᒋᒥᑎᓇᓐ ᒐᒋ ᑎᑯᓯᓂᔭᒄ ᒐᒋ ᐎᒋᐃᔭᒡ, ᒥᒄ ᓇᒪ ᒋ ᐅᒋ ᐎ ‍ ᐎᒋᐃᓇᓐ᙮
\v 3 ᐃᔅᐱ ᑲ ‍ ᒋᔅᒐᔨᑎᒪᓐ ᐊ ᐊᑲ ᐎ ‍ ᐎᒋᐃᔭᒡ, ᓂᒋ ‍ ᐎᔭᔨᑕᓐ ᒐᒋ ᐱᔅᑎᓂᓱᔭᓐ ᒐᒋ ᓂᐸᐃᑯᐅᔭᓐ ᐊ ‍ ᒪᓯᔨᒋᒡ ᐊᒧᓐ ᐃᔪᒡ, ᒥᒄ ᑎᐸᔨᒋᒐᓯᐤ ᓂᒋ ‍ ᐎᒋᐃᑯᓇᓐ ᒐᒋ ᓴᐧᑯᒋᐃᒋᒡ᙮ ᐊᓄᒡ ᒋ ᐸᒋ ‍ ᑎᑯᓯᓐ ᒐᒋ ᒪᓯᔨᓐ᙮”
\p
\v 4 ᐊᑯ ᒐᑉᑕ ᒂ ‍ ᒪᒧᐅᓇᑦ ᒥᓯᐛ ᑭᓕᐊᑦ ᓇᐸᐛ ᒐᒋ ᒪᓴᐊᔨᒋ ᐃᑉᕋᐃᒻ ᐃᔪᐛ᙮ ᐃᑉᕋᐃᒻ ᐃᔪᒡ ᒂ ‍ ᐃᔅᒋᔄᒡ, “ᒋᔨᐛᐤ ᑭᓕᐊᑦ ᐃᔪᒡ ᑲ ‍ ᓂᑭᓯᔭᒡ᙮ ᐎᐱᒡ ᒋᒋ ‍ ᓂᑭᓯᓇᓐ ᑭᔭ ᑎᔅᑐᐎᒡ ᒂ ᐃᓯ ‍ ᐊᑐᒐᔭᒄ ᓂᑦ ᐃᔨᒥᓇᓐᒡ ᑭᔭ ᒪᓇᓴ ᐃᔪᒡ ᐊᑕᒡ᙮” ᐛᔅ ᐅᔭ ᑲ ‍ ᐃᔅᒋᔄᔨᒋ, ᑭᓕᐊᑦ ᐃᔪᒡ ᒂ ‍ ᓂᑐᐱᔨᑐᐛᒡ ᑭᔭ ᒂ ‍ ᓴᐧᑯᒋᐊᒡ ᐃᑉᕋᐃᒻ ᐃᔪᐛ᙮
\v 5 ᑭᓕᐊᑦ ᐃᔪᒡ ᒂ ‍ ᒪᑯᓇᒡ ᐊᓐᑕ ᐛᒋ ‍ ᐊᓱᐛᔨᑭᓄᐎᒡ ᒠᕐᑕᓐ ᓯᐱᔪᐤ ᒐᒋ ᐅᒋ ᐃᑐᑕᓄᐎᒡ ᐊᓐᑕ ᑲ ‍ ᐎᒋᔨᒋ ᐃᑉᕋᐃᒻ ᐃᔪᐛ᙮ ᑕᑥᐤ ᐛᑎᑕᒋ ᓂᑐᐱᔪᐅ-ᐃᔪᐤ ᐊᓐᑕ ᐛᒋ ‍ ᐊᓱᐛᔨᑭᓄᐎᒡ ᓯᐱᔪᐤ ᒐᒋ ᒋᑎᓯᒧᑦ, ᒂ ‍ ᐃᔅᒋᔄᑦ, “ᓇᐊᐃᒥᒄ ᒐᒋ ᐊᓱᐛᐊᒪᓐ ᓯᐱᔾ᙮” ᐊᑯ ᑭᓕᐊᑦ ᐃᔪᒡ ᒂ ‍ ᑯᒂᒋᒪᒡ, “ᐃᑉᕋᐃᒻ ᐃᔪᐤ ᐊ ᒋᔾ ?” ᐊᑯ ᓂᑐᐱᔪᐅ-ᐃᔪᐤ ᐊᔅᒋᔄᒋ, “ᓇᒪ,”
\v 6 ᐊᑯ ᒂ ‍ ᐃᑕᒡ, “ᐃᔅᒋᔄ ‘ᓯᐸᓚᑦ᙮’ ” ᐃᑉᕋᐃᒻ ᐃᔪᒡ ᓇᒪ ᐅᒋ ᒥᔪᐤ ᐎᑎᒧᒡ ᐊᓂᔭ ᐃᔨᒧᐅᓂᔪᐤ᙮ ᐊᑯ ᐃᔅᐱ ᐃᑉᕋᐃᒻ ᐃᔪᐤ ᐊᔅᒋᔄᒋ, “ᓯᐸᓚᑦ,” ᒋᔅᒐᔨᒪᐅᒡ ᐊᒋ ᑭᑭᒋᔭᔨᒋ ᐛᔅ ᓇᒪ ᐅᒋ ᒥᔪᐤ ᐎᑎᒥᔪᐛ ᐊᓂᔭ ᐃᔨᒧᐅᓂᔪᐤ, ᐊᑯᑕ ᑲ ‍ ᓂᐸᐊᒡ ᐊᓐᑕ ᐛᒋ ‍ ᐊᓱᐛᔨᑭᓄᐎᒡ ᓯᐱᔪᐤ᙮ ᒪᒂᒡ ᐅ ᑲ ‍ ᐃᔅᐱᔨᒡ, ᓇᐎᔪᐤ ᐊᓱ ᓂᔄᐤ ᒐᓯᐱᔪᐤ ᐃᑉᕋᐃᒻ ᐃᔪᒡ ᒋ ‍ ᓂᐸᐊᑭᓄᐅᒡ᙮
\p
\v 7 ᐊᓱᑕᒡ ᑕᑐᐤ ᐱᐳᓇ ᒋ ‍ ᓂᑲᓂᔅᑯᐛᐤ ᐃᔅᕋᐃᓪ ᐃᔪᐛ ᒐᑉᑕ᙮ ᐊᑯ ᒂ ‍ ᐳᓂᐱᒪᑎᓯᑦ ᑭᔭ ᐅᑦ ᐃᑕᐅᓂᒡ ᐊᓐᑕ ᑭᓕᐊᑦ ᐊᔅᒋᒡ ᒋ ‍ ᓇᐛᑭᓄᐤ᙮
\s1 ᐃᑉᓴᓐ ᑲ ‍ ᓂᑲᓂᔅᑯᐛᑦ ᐃᔅᕋᐃᓪ ᐃᔪᐛ
\p
\v 8 ᑲᒋ ‍ ᐳᓂᐱᒪᑎᓯᑦ ᒐᑉᑕ, ᐃᑉᓴᓐ ᐊ ‍ ᐃᓯᓂᐧᑲᓱᑦ ᓇᐸᐤ, ᐸᑦᓕᔭᒥᒡ ᐅᒋ, ᒂ ‍ ᓂᑲᓂᔅᑯᐛᑦ ᐃᔅᕋᐃᓪ ᐃᔪᐛ᙮
\v 9 ᒋ ‍ ᓂᔅᑐᔪᐛᓯᔨᐛ ᐅᑯᓴ ᑭᔭ ᒋ ‍ ᓂᔅᑐᔪᐛᓯᔨᐛ ᐅᑕᓂᓴ᙮ ᒋ ‍ ᓯᒋᒪᐤ ᐅᑕᓂᓴ ᑭᔭ ᐅᑯᓴ ᒐᒋ ᐎᒋᒪᔨᒋ ᑯᑎᑲ ᐊᐛᔪᐛ ᐊ ᐊᑲ ‍ ᐅᒋᔨᒋ ᐊᓐᑕ ᐅᑦ ᐃᔨᒪ ᐊ ‍ ᑕᔨᒋ᙮ ᓂᓱᐊᓱᑕᒡ ᑕᑐ ᐱᐳᓇ ᒋ ᐃᔅᐱᔅ ‍ ᓂᑲᓂᔅᑯᐛᐤ ᐃᔅᕋᐃᓪ ᐃᔪᐛ᙮
\v 10 ᐊᑯ ᒂ ‍ ᐳᓂᐱᒪᑎᓯᑦ ᑭᔭ ᐸᑦᓕᔭᒥᒡ ᒋ ‍ ᓇᐛᑭᓄᐤ᙮ 
\s1 ᐃᓗᓐ ᑲ ‍ ᓂᑲᓂᔅᑯᐛᑦ ᐃᔅᕋᐃᓪ ᐃᔪᐛ
\p
\v 11 ᑲᒋ ‍ ᐳᓂᐱᒪᑎᓯᑦ ᐃᑉᓴᓐ, ᐃᓗᓐ ᐊ ‍ ᐃᓯᓂᐧᑲᓱᑦ ᓇᐸᐤ, ᓴᐳᓕᓐ ᐃᔪᐛ ᐅᒋ, ᒋ ‍ ᓂᑲᓂᔅᑯᐛᐤ ᐃᔅᕋᐃᓪ ᐃᔪᐛ ᐸᐃᑯᔪᐛᐱᐳᓇ ᐃᔅᐱᔅ᙮
\v 12 ᐊᑯ ᒂ ‍ ᐳᓂᐱᒪᑎᓯᑦ ᑭᔭ ᐊᐃᒍᓚᓐ ᐅᑕᓇᒡ ᐊᓐᑕ ᓴᐳᓕᓐ ᐊᔅᒋᒡ ᒋ ‍ ᓇᐛᑭᓄᐤ᙮
\s1 ᐊᑉᑐᓐ ᑲ ‍ ᓂᑲᓂᔅᑯᐛᑦ ᐃᔅᕋᐃᓪ ᐃᔪᐛ
\p
\v 13 ᑲᒋ ‍ ᐳᓂᐱᒪᑎᓯᑦ ᐃᓗᓐ, ᐊᑉᑐᓐ ᐊ ‍ ᐃᓯᓂᐧᑲᓱᑦ ᓇᐸᐤ, ᐃᓕᓪ ᐅᑯᓴ, ᐸᕆᑐᓐ ᐅᑕᓇᒡ ᐅᒋ, ᒋ ‍ ᓂᑲᓂᔅᑯᐛᐤ ᐃᔅᕋᐃᓪ ᐃᔪᐛ᙮
\v 14 ᓂᔅᑐᔪᐤ ᒋ ‍ ᐃᑕᑎᓯᔨᐛ ᐅᑯᓯᔨᐛ ᐊᓂᔭ ᑲ ᓇᐎᔪᐛᓯᔨᒋ ᐅᑯᓴ, ᐸᐸᐃᒄ ᐊᓂᔭ ᑎᐸᓐ ᒋ ‍ ᑭᓄᐛᔨᒪᔪᐛ ᑲᓂᐧᑲᑎᓯᔨᒋ ᑲᐸᐃᑭᔎᐛ ᒐ ‍ ᐳᓯᔨᒋ᙮
\v 15 ᑲᒋ ‍ ᐳᓂᐱᒪᑎᓯᑦ ᐊᑉᑐᓐ, ᐸᕆᑐᓐ ᐅᑕᓇᒡ ᒋ ‍ ᓇᐛᑭᓄᐤ ᐊᓐᑕ ᐱᔅᑯᑎᓇᒡ ᐃᑉᕋᐃᒻ ᐊᔅᒋᒡ, ᐊᓐᑕ ᑲᒋ ‍ ᐎᒋᔨᒋ ᐊᒪᓕᒃ ᐃᔪᐛ᙮
\c 13
\s1 ᓴᒥᓯᓐ ᒐ ‍ ᐱᒪᑎᓯᑦ
\p
\v 1 ᐃᔅᕋᐃᓪ ᐃᔪᒡ ᒥᓐ ᒂ ᐃᑐᑕᒡ ᒐᒂᔪᐛ ᐊᓂᔭ ᑎᐸᔨᒋᒐᓱᐤ ᐊ ‍ ᐃᑕᔨᑕᐧᒃ ᐊ ‍ ᒥᒋᓂᔨᒋ, ᐊᑯ ᑎᐸᔨᒋᒐᓱᐤ ᒋ ‍ ᒥᔭᐤ ᐱᓕᔅᑎᐊ ᐃᔪᐛ ᒐᒋ ᓴᐧᑯᒋᐊᔨᒋ ᐃᔅᕋᐃᓪ ᐃᔪᐛ, ᓇᐎᔪᐛᐱᐳᓇ ᒋ ‍ ᓴᐧᑯᒋᐊᐅᒡ᙮
\p
\v 2 ᒋ ‍ ᑕᐤ ᓇᐸᐤ ᒪᓄᐛ ᐊ ‍ ᐃᓯᓂᐧᑲᓱᑦ ᑕᐊᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ ᐊᓐᑕ ᑲ ‍ ᐎᒋᑦ ᓱᕋ ᐅᑕᓇᒡ᙮ ᓇᒪ ᐅᒋ ᓱᐛᐱᒪᐅᓱᔪᐛ ᐎᐛ, ᐊᑯ ᓇᒪ ᐅᒋ ᐅᑦ ᐊᐛᓯᒧᐅᒡ᙮
\v 3 ᐸᐃᒂᐤ ᒐᓯᑲᔨᒡ, ᑎᐸᔨᒋᒐᓱᐛ ᐅᑦ ᐊᓐᒋᓂᒥᔨᐛ ᒋ ‍ ᓄᑯᓯᔅᑕᑯᐤ ᒪᓄᐛ ᐎᐛ ᑭᔭ ᒂ ‍ ᐃᑎᑯᑦ, “ᐊᑎᓱᐧᒄ ᐊᑲ ᐅᒋ ᓱᐛᐱᒪᐅᓯᐎᔨᓐ, ᐊᓄᒡ ᒋᑭ ‍ ᓱᐛᐱᒪᐅᓱᓐ ᑭᔭ ᒋᑭ ‍ ᓂᑕᐅᒋᐊᐤ ᐊᐛᔅ᙮
\v 4 ᒐ ‍ ᓇᑭᑐᐛᔨᑎᒥᓐ ᒐ ᐊᑲ ‍ ᒥᓂᔨᓐ ᓱᒥᓇᐳᔾ, ᑭᔭ ᒪᒃ ᐊᓱᒋᓯᒥᑲᒡ ᒐᒂᓐ, ᑭᔭ ᒪᒃ ᒐᒋ ᒥᒋᔨᓐ ᐊ ᐊᑲ ‍ ‍ ᐱᔭᐧᑲᒡ ᒥᒋᒻ;
\v 5 ᒋ ᐃᓯ ‍ ᓂᑕᐅᒋᔨᑕ ᒋᑯᔅ, ᒐ ᐊᑲ ᓂᑕ ᒋᒥᓯᒧᑦ ᐅᐱᔎᐅᓐ᙮ ᒋᓴᒪᓂᑐᐛ ᒋᑭ ᐎ ᐃᓯ ‍ ᑎᐸᓇᑭᓄᐤ ᒧᔭᒻ ᓇᓱᕐ ᐃᔪᐤ ᐊᓂᔭ ᒋᓯᑯᔪᐤ ᒐ ‍ ᐱᒪᑎᓯᑦ ᐅᒋ᙮ ᐎᔾ ᒋᑭ ‍ ᐱᐧᑯᐛᐤ ᒥᒐᑦ ᐃᔅᕋᐃᓪ ᐃᔪᐛ ᐱᓕᔅᑎᐊ ᐃᔪᐛ ᐅᒋ᙮”
\p
\v 6 ᐊᑯ ᐃᔎᐤ ᒂ ‍ ᓇᑕᑦ ᐎᒋᒪᑭᓇ ᑭᔭ ᐊᑕᑦ, “ᓂᒋ ᐸᒋ ‍ ᓇᑎᒄ ᓇᐸᐤ ᒋᓴᒪᓂᑐᐛ ᐅᒋ᙮ ᒧᔭᒻ ᐊ ‍ ᒥᔅᑲᑕᔨᑕᑯᓯᔨᒋ ᒋᓴᒪᓂᑐᐤ ᐅᑦ ᐊᓐᒋᓂᒪ ᒋ ‍ ᐃᓯᓇᑯᓱᐤ᙮ ᓇᒪ ᓂ ᐅᒋ ‍ ᑯᒂᒋᒪᐤ ᑕᓐᑕ ᐛᑐᑕᑦ ᑭᔭ ᓇᒪ ᓂ ᐅᒋ ᐎᑎᒪᒄ ᐅᑦ ᐃᓯᓂᐧᑲᓱᐅᓐ᙮
\v 7 ᒥᒄ ᓂᒋ ‍ ᐃᑎᒄ, ‘ᒋᑭ ‍ ᐊᓱᐛᐱᒪᐅᓱᓐ ᑭᔭ ᓇᐸᔅ ᒋᑭ ᓂᑕᐅᒋᐊᐤ᙮ ᐊᑯ ᒐ ᐊᑲ ‍ ᒥᓂᔨᓐ ᓱᒥᓇᐳᔾ ᑭᔭ ᒪᒃ ᐊᓱᒋᓯᒥᑲᒡ ᒐᒂᓐ, ᑭᔭ ᒐ ᐊᑲ ‍ ᒥᒋᔨᓐ ᐊ ᐊᑲ ‍ ᐱᔭᐧᑲᒡ ᒥᒋᒻ, ᒋᓴᒪᓂᑐᐛ ᒋᑭ ᐎ ᐃᓯ ‍ ᑎᐸᓇᑭᓄᐤ ᒧᔭᒻ ᓇᓱᕐ ᐃᔪᐤ ᐊᓂᔭ ᒋᓯᑯᐅᔪᐤ ᒐ ‍ ᐱᒪᑎᓯᑦ ᐅᒋ ᐃᔅᐱᔅ ᐳᓂᐱᒪᑎᓯᒐ᙮’ ”
\p
\v 8 ᐊᑯ ᒪᓄᐛ ᒂ ‍ ᓂᑐᑎᒧᐛᑦ ᑎᐸᔨᒋᒐᓱᐛ, ᐊ ‍ ᐃᑕᑦ, “ᐅ ᑎᐸᔨᒋᒐᓱᐤ, ᒋ ‍ ᐱᑯᓴᔨᒥᑎᓐ ᒐᒋ ᓇᐃᒥᑦ ᒋᑦ ᐊᓐᒋᓂᒻ ᑲ ᐸᒋ ‍ ᐃᑎᓴᐊᒧᐅᔭᒡ ᒐᒋ ᒥᓐ ᑲᐤ ᑎᑯᓯᐧᒃ, ᑭᔭ ᒐᒋ ᒋᔅᑯᑐᒧᐎᔨᒥᑦ ᑕᓐ ᒐ ᐃᓯ ‍ ᓂᑕᐅᒋᓂᒋᒡ ᐊᓐ ᓇᐸᔅ ᐃᔅᐱ ᐱᒪᑎᓯᒐ᙮”
\p
\v 9 ᒋᓴᒪᓂᑐᐤ ᒋ ‍ ᐃᑐᑎᒺᐤ ᑕᓐ ᑲ ᐃᓯ ‍ ᓂᑐᑎᒪᔨᒋ ᒪᓄᐛᔨᒋ, ᑭᔭ ᑲᐤ ᒋᓄᑯᓯᔅᑕᑯᐤ ᐃᔎᐤ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᒪᒂᒡ ᐊᓐᑕ ᑲ ᐊᐱᑦ ᓂᑕᐅᒋᒋᑭᓂᓯᒡ᙮ ᓇᒪ ᐅᒋ ᑕᔪᐛ ᐎᒋᒪᑭᓇ ᒪᓄᐛᔨᒋ ᐊᓐ ᐃᔎᐤ᙮
\v 10 ᐊᑯ ᒂ ‍ ᒋᒋᓇᑦ ᐎᒋᒪᑭᓇ ᑭᔭ ᒂ ‍ ᐃᑕᑦ, “ᐊᓐ ᐊᓐᒋᓐ ᑲ ‍ ᓄᑯᓯᔅᑐᐅᑦ ᑕᑐᐤ ᒋᓯᑲᐛ ᐅᑕᒡ ᓴᔅ ᒥᓐ ᑎᑯᓯᓐ !”
\p
\v 11 ᒪᓄᐛ ᒂ ‍ ᒋᒋᐸᑕᑦ ᐊᓇᓴᐛᑦ ᐎᐛ, ᑭᔭ ᒂ ‍ ᑯᒂᒋᒪᑦ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ, “ᐊᐅᒄ ᐊ ᒋᔾ ᑲ ‍ ᐃᔨᒥᔨᑦ ᓂᐅ ᑕᑐᐤ ᒋᓯᑲᐛ ᐅᑕᒡ ?”
\p “ᓂᐦᐃ, ᓂᔾ ᐅ,” ᒂ ‍ ᐃᑎᑯᑦ᙮
\p
\v 12 ᐊᑯ ᒪᓄᐛ ᒂ ‍ ᑯᒂᒋᒪᑦ, “ᐃᔅᐱ ᐊᓐ ᑲ ‍ ᐊᓱᑎᒪᒐᔨᓐ ᐃᔅᐱᔨᒐ ᑭᔭ ᓂᐅ ᓂᑕᐅᒋᔭᐊᒐ ᐅᑯᓯᓯᒪᐛ, ᑕᓐ ᒐ ᐎ ‍ ᐃᑕᑎᓯᑦ, ᑭᔭ ᒐᒄ ᐊᑐᔅᒐᐅᓂᔪᐤ ᒐ ‍ ᐃᑐᑕᐧᒃ ᐅᑯᓯᓯᒪᐤ ᒋ ᐃᓯ ‍ ᓂᑕᐅᒋᒐ ?”
\p
\v 13 ᒂ ‍ ᐃᑎᑯᑦ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ, “ᒋᑭ ᐎ ‍ ᐃᑐᑎᒻ ᒋᐅ ᒥᓯᐛ ᒐᒂᔪᐤ ᑲ ‍ ᐃᑎᓱᒥᒄ᙮
\v 14 ᐊᒺᔭ ᐱᒪᑎᓯᑦ ᐊᓐ ᐊᐛᔅ, ᓇᒪ ᒋᑭ ᐎ ‍ ᒥᒍᐤ ᒐᒂᔪᐤ ᓱᒥᓇᑎᑯᒡ ᐅᒋ, ᑭᔭ ᒪᒃ ᒐ ᐊᑲ ‍ ᒥᓂᑦ ᓱᒥᓇᐳᔪᐤ ᑭᔭ ᒪᒃ ᐊᓱᒋᓯᒥᑭᓂᔨᒡ ᒐᒂᔪᐤ ᑭᔭ ᒪᒃ ᒐ ᐊᑲ ‍ ᒥᒋᑦ ᐊᑲ ᐸᔭᐧᑭᓂᔨᒡ ᒥᒋᒥᔪᐤ᙮ ᒋᑭ ᐎ ‍ ᐃᑐᑎᒻ ᒥᓯᐛ ᒐᒂᔪᐤ ᑲ ‍ ᐃᑎᓱᒥᒄ᙮”
\p
\v 15 ᐊᑯ ᒪᓄᐛ ᒂ ‍ ᐃᑕᑦ, “ᒋ ‍ ᐱᑯᓴᔨᒥᑎᓇᓐ ᒐᒋ ᑕᔨᓐ ᐅᑕ ᐸᑎᒪ ᒋ ‍ ᓂᐸᐃᒋᒐ ᑭᔭ ᒋ ‍ ᐱᒥᓄᐅᑎᑕᒐ ᑲ ‍ ᐅᑦ ᐊᔅᑭᓂᓯᒡ ᑲ ‍ ᐊᐱᓯᓯᒡ ᐊᐛᓯᔅ᙮”
\p
\v 16 ᒥᒄ ᐊᓐ ᐊᓐᒋᓐ ᒋ ‍ ᐃᑕᐤ, “ᐊ ‍ ᑕᔭᓇ ᐅᑕ, ᓇᒪ ᓂᑭ ‍ ᒥᒋᓐ ᒋᒥᒋᒧᐛᐤ᙮ ᒋᑭ ᒋ ‍ ᓂᐸᐊᐛᐤ ᐊᐛᓯᔅ ᑭᔭ ᒐ ‍ ᒥᔭᒄ ᑎᐸᔨᒋᒐᓱᐤ ᒧᔭᒻ ᒥᑐᔅᑕᐊᒪᒐᐅᓂᔪᐤ᙮” (ᒪᓄᐛ ᓇᒪ ᐅᒋ ᒋᔅᒐᔨᒪᐤ ᓇᐸᐤ ᑲ ‍ ᐃᑕᔨᒪᑦ ᐃᔭᐅᔨᒋ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔨᐛ᙮)
\p
\v 17 ᒪᓄᐛ ᒂ ‍ ᐃᑕᑦ, “ᑕᓐ ᐊᓯᓂᐧᑲᓱᐎᓐ ? ᒋ ᐎ ‍ ᒋᔅᑕᔨᒥᑎᓇᓐ, ᐃᔅᐱ ᐊᓐ ᑲ ‍ ᐊᓱᑎᒪᒐᔨᓐ ᐃᔅᐱᔨᒐ᙮”
\p
\v 18 ᒂ ‍ ᐃᑎᑯᑦ ᐊᓐᒋᓇ, “ᒐᒂᓐ ᐛᒋ ᐎ ‍ ᒋᔅᒐᔨᑎᒪᒄ ᓂᑦ ᐃᓯᓇᐧᑲᓱᐅᓐ ? ᐊᑐᒡ ᔅᒋ ‍ ᑯᒂᒋᒥᓇᐛᐤ ᓂᑦ ᐃᓯᓂᐧᑲᓱᐅᓐ, ᒋᒋᐛ ᐊᓐ ᒥᔅᑲᑕᔨᑕᑯᓐ᙮”
\v 19 ᐊᑯ ᒪᓄᐛ ᓇᐸᐊᑦ ᑲ ᐅᑦ ᐊᔅᑭᓂᓯᔨᒋ ᑲ ‍ ᐊᐱᓯᓯᔨᒋ ᐊᐛᓯᓴ ᑭᔭ ᒂ ‍ ᐃᔎᔄᑦ ᐊᓐᑕ ᐊᓯᓂᒡ ᐊᓯᒡ ᐸᒂᓯᑭᓂᒥᓇ ᐱᔅᑎᓂᒐᐅᓂᔪᐤ, ᒧᔭᒻ ᐊ ‍ ᒥᑐᔅᑕᐊᒧᐛᑦ ᑎᐸᔨᒋᒐᓱᐛ, ᑭᔭ ᒋ ‍ ᐃᑐᑎᒻ ᑎᐸᔨᒋᒐᓱᐤ ᐊ ‍ ᒥᔅᑲᑕᔨᑕᑯᓂᔨᒡ ᒐᒂᔪᐤ ᒪᒂᒡ ᐊ ‍ ᑭᓄᐛᐱᒥᑯᑦ ᒪᓄᐛᔨᒋ ᑭᔭ ᐎᐎᐛ᙮
\v 20 ᒪᒂᒡ ᐊᐛᔭᑕᔨᒡ ᐃᔅᐱᒥᒡ ᐃᔅ ᐊ ‍ ᐃᔅᐱᔨᒡ ᐱᔅᑎᓂᒐᐅᓇᐱᔅᑯᒡ ᐅᒡ, ᑎᐸᔨᒋᒐᓱᐤ ᐅᑦ ᐊᓐᒋᓂᒪ ᒋᒋᒋᓯᑯᒡ ᐃᔅ ᒋ ‍ ᐃᔅᐱᔪᐤ ᐊᓐᑕ ᐊᐛᔭᑕᔨᒡ᙮ ᐃᔅᐱ ᒪᓄᐛ ᑭᔭ ᐎᐛ ᐎᔭᐸᑕᒡ ᐅᔭ ᐊ ‍ ᐃᔅᐱᔨᒡ, ᒋ ‍ ᐅᒋᒋᐧᑯᓂᐱᔪᐎᒡ ᐊᓐᑕ ᒧᔅᑎᔅᑭᒥᒡ᙮
\v 21 ᐊᑎᓱᐧᒄ ᐊᑲ ᒥᓐ ᐅᒋ ᓄᑯᓯᔅᑐᐛᑦ ᑎᐸᔨᒋᒐᓱᐤ ᐊᓐᒋᓇ ᐊ ‍ ᐃᓯᓇᑯᓯᑦ ᒪᓄᐛᔨᒋ ᑭᔭ ᐎᐎᐛ᙮ ᒪᓄᐛ ᒂ ‍ ᒋᔅᒐᔨᑕᐧᒃ ᐊᓂᔭ ᓇᐸᐛ ᑲ ‍ ᐃᑕᔨᒪᑦ ᒋᒋᐛ ᐃᔭᐎᔨᒋ ᑎᐸᔨᒋᒐᓱᐛ ᐅᑦ ᐊᓐᒋᓂᒥᔨᐛ᙮
\p
\v 22 ᐊᑯ ᒂ ‍ ᐃᔅᒋᔄᑦ, “ᑕᑈ ᒋᑭ ‍ ᐳᓂᐱᒪᑎᓯᓇᓄᐤ ᐛᔅ ᒋ ‍ ᒋᐛᐱᒪᓄᐤ ᒋᓴᒪᓂᑐᐤ !”
\p
\v 23 ᒥᒄ ᒋ ‍ ᐃᑎᑯᐤ ᐎᐛ, “ᐎ ‍ ᓂᐸᐃᑕᒂᒂ ᑎᐸᔨᒋᒐᓱᐤ, ᓇᒪ ᒋᐸ ᐅᒋ ‍ ᐅᑎᓂᒧᐳᓐ ᒥᑐᔅᑕᐊᒪᒐᐅᓂᔪᐤ ᑭᔭ ᐸᒂᓯᑭᓂᒥᓇ ᐱᔅᑎᓂᒐᐅᓂᔪᐤ, ᑭᔭ ᓇᒪ ᒋᐸ ᐅᒋ ‍ ᓄᑯᓯᔅᑕᑯᓇᓇᐱᓐ ᑭᔭ ᐎᑎᒪᑯᓇᓇᐱᓐ ᒥᔪᐤ ᒐᒂᔪᐤ ᒐ ‍ ᐃᔅᐱᔨᐛᐧᒄ ᑭᔭ ᓇᒪ ᒋᐸ ᐅᒋ ‍ ᐃᑐᑎᒧᐱᓐ ᒪᒥᔅᑲᒡ ᒐᒂᔪᐤ᙮”
\p
\v 24 ᐃᔅᐱ ᑲ ‍ ᐃᔪᐎᒋ ᐅᑯᓱᐛᐛ ᓴᒥᓯᓐ ᒋ ‍ ᐃᓯᓂᐧᑲᑕᐅᒡ᙮ ᒋ ‍ ᓱᐛᔨᑕᑯᐛᐤ ᑎᐸᔨᒋᒐᓱᐤ ᒪᒂᒡ ᐊᑎ ‍ ᐅᐱᒋᔨᒋ᙮
\v 25 ᑭᔭ ᒪᒂᒡ ᐊᓐᑕ ᑲ ‍ ᑕᑦ ᒪᐊᓂ-ᑕᐊᓐ, ᑎᔅᑐᐎᒡ ᐊᓐᑕ ᓱᕋ ᑭᔭ ᐃᔅᑕᐅᓪ ᐅᑕᓇᐛ ᐊ ‍ ᑎᑯᓂᔨᒋ᙮ ᑎᐸᔨᒋᒐᓱᐛ ᐅᑦ ᐊᒐᐧᑯᔪᐛ ᒋ ‍ ᓱᒋᐱᔭᔨᑯᐤ᙮
\c 14
\s1 ᓴᒥᓯᓐ ᑲ ‍ ᓂᐳᐅᑦ
\p
\v 1 ᐸᐃᒂᐤ ᒐᓯᑲᔨᒡ ᓴᒥᓯᓐ ᑎᒻᓇ ᐅᑕᓇᒡ ᒋ ‍ ᐃᑐᑕᐤ, ᒋ ‍ ᐛᐱᒪᐤ ᐊᓐᑕ ᐱᓕᔅᑎᐊ ᐅᔅᒋᓂᒋᔎᐛ᙮
\v 2 ᐃᔅᐱ ᑲ ‍ ᒋᐛᑦ, ᒋ ‍ ᐃᑕᐤ ᐅᑕᐎᔭ ᑭᔭ ᐅᑲᐎᔭ, “ᓂᒋ ‍ ᐛᐱᒪᐤ ᐱᓕᔅᑎᐊ ᐅᔅᒋᓂᒋᔎᔅ ᐊᓐᑕ ᑎᒻᓇ ᑭᔭ ᒋ ‍ ᓂᑐᐛᔨᒥᑎᓇᐛᐤ ᒐᒋ ᑲᔅᑎᓂᒧᐎᔭᒄ ᐊᑯ ᒪᒃ ᒐᒋ ᐎᒋᒥᒃ᙮”
\p
\v 3 ᐅᑕᐎᔭ ᑭᔭ ᐅᑲᐎᔭ ᓇᒪ ᐅᒋ ᓂᓇᐃᑕᑯᐤ, ᒂ ‍ ᑯᒂᒋᒥᑯᑦ, “ᓇᒪ ᑕᐅᒡ ᐊ ᐅᑕ ᐃᔎᐅᒡ ᐊ ‍ ᐅᑎᔅᑲᓇᓯᔭᐧᒄ ᐅᒡ, ᑭᔭ ᒪᒃ ᑯᑎᑭᒡ ᐊ ‍ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ, ᐊᓐ ᒋᐸ ‍ ᐎᒋᒪᐤ ? ᒐᒂᓐ ᒋᐸ ᐅᒋ ‍ ᓂᑐᐛᐱᒪᐅᒡ ᐊᓐᒡ ᐊ ᐊᑲ ‍ ᒋᔅᒋᓄᐛᒋᔄᑭᓄᐅᒡ ᐱᓕᔅᑎᐊ ᐃᔪᒡ ᐊᓐᑕ ᒐᒋ ᐅᑎᓂᑦ ᒐ ‍ ᐎᐎᔨᓐ ?”
\p ᒥᒄ ᓴᒥᓯᓐ ᒋ ‍ ᐃᑕᐤ ᐅᑕᐎᔭ, “ᐊᐅᑯᓐ ᓇᑐᐛᔨᒥᒄ ᒐᒋ ᑲᔅᑎᓂᒧᐎᔭᒄ᙮ ᓂ ‍ ᒥᔽᑕᐤ ᐊᓐ᙮”
\v 4 ᓇᒪ ᐅᒋ ‍ ᒋᔅᒐᔨᑎᒥᔪᐛ ᐅᓂᒋᐃᒂ ᐊᓂᔭ ᑎᐸᔨᒋᒐᓱᐛ ᐅᔭ ᑲ ‍ ᐃᑎᑐᒥᔨᒋ᙮ ᒋ ‍ ᐊᔭᔅᑯᐎᔅᑕᐛᐤ ᒐᒂᔪᐤ ᓴᒥᓯᓇ ᒐᒋ ᒪᓯᐧᑯᐛᔨᒋ ᐱᓕᔅᑎᐊ ᐃᔪᐛ, ᐊᓂᔭ ᒪᒂᒡ ᑲ ‍ ᑎᐸᔨᒪᔨᒋ ᐃᔅᕋᐃᓪ ᐃᔪᐛ᙮
\p
\v 5 ᐊᑯ ᒪᒂᒡ ᐊᑐᑕᑦ ᓴᒥᓯᓐ ᐊᓐᑕ ᑎᒻᓇ ᐊᓯᒡ ᐅᑕᐎᔭ ᑭᔭ ᐅᑲᐎᔭ, ᓯᔅᒋᑯᒡ ᒋ ‍ ᒋᒋᓂᑯᐤ ᓴᒥᓯᓐ ᒥᓯᐱᓯᓴ ᐊᓐᑕ ᑲ ‍ ᑎᑯᓂᔨᒡ ᓱᒥᓇᑎᑯᔪᐤ, ᒥᒋᒪ ᑎᒻᓇᒡ᙮
\v 6 ᐊᑯ ᒂ ‍ ᐱᔅᑲᑯᑦ ᓴᒥᓯᓐ ᑎᐸᔨᒋᒐᓱᐛ ᐅᑦ ᐊᒐᐧᑯᔪᐛ ᒂ ‍ ᐃᑐᑕᑯᑦ ᒐᒋ ᓱᒋᓯᑦ, ᒋ ‍ ᐸᐱᑯᐱᑕᐤ ᒥᓯᐱᓯᓴ ᐅᑎᒋᔭ ᐅᒡ᙮ ᒧᔭᒻ ᑲ ‍ ᐅᑦ ᐊᔅᑭᓂᓯᔨᒋ ᑲ ‍ ᐊᐱᓯᓯᔨᒋ ᐊᐛᓯᓴ ᐊ ‍ ᐃᑕᔨᑕᑯᓯᔨᒋ᙮ ᒥᒄ ᓇᒪ ᐅᒋ ᐎᑎᒧᐛᐤ ᐅᓂᒋᐃᒂ ᒐᒂᔪᐤ ᑲ ‍ ᐃᑐᑕᐧᒃ᙮
\v 7 ᐃᔅᐱ ᑲ ‍ ᑎᑯᓯᒡ ᐊᓐᑕ ᑎᒻᓇ, ᒋ ‍ ᐃᔨᒪᐤ ᓴᒥᓯᓐ ᐊᓂᔭ ᐅᔅᒋᓂᒋᔎᓴ, ᑭᔭ ᒋᒋᐛ ᒋ ‍ ᒥᔽᑕᐤ᙮
\p
\v 8 ᓇᓇᒐ ᒪᒃ ᓴᒥᓯᓐ ᑲᐤ ᒋ ‍ ᐃᑐᑕᐤ ᐊᓐᑕ ᑎᒻᓇ ᒐᒋ ᓂᐳᐅᑦ᙮ ᒪᒂᒡ ᐊᑎ ‍ ᐱᒧᑕᑦ, ᒋ ᓇᒋ ‍ ᒋᑕᐱᒪᐤ ᐊᓂᔭ ᑲ ‍ ᓂᐸᐊᑦ ᒥᓯᐱᓯᓴ, ᒋ ‍ ᒥᔅᑲᑕᔨᑎᒻ ᐎᔭᐱᒪᑦ ᐊ ‍ ᒥᒐᑎᔨᒋ ᐊᒧᐛ ᑭᔭ ᐱᔅᒐ ᐊᒧᐤ ᑲᓯᐛᓯᔨᒡ ᐊᓐᑕ ᐱᑎᓱ ᒥᓯᐱᓯᓴ ᐎᔭᐃᔨᒡ᙮
\v 9 ᒂ ‍ ᐅᑎᓇᐧᒃ ᐱᔅᒐ ᐊᒧᓱᑲᔪᐤ ᐅᑎᒋᒡ ᑭᔭ ᐱᔅᒐ ᒂ ‍ ᒥᒋᑦ ᐅᑎ ‍ ᐱᒧᑕ᙮ ᐃᔭᐱᒡ ᐱᔅᒐ ᒋ ‍ ᒥᔭᐤ ᐅᑲᐎᔭ ᑭᔭ ᐅᑕᐎᔭ, ᒥᒄ ᓇᒪ ᐅᒋ ᐎᑎᒧᐛᐤ ᐊᓐᑕ ᐊᓂᐱᔨᒋ ᒥᓯᐱᓯᓴ ᐅᔭᔨᒡ ᑲ ᐅᒋ ‍ ᐅᑎᓂᓇᐧᒃ ᐊᒧᐤ ᑲᓯᐛᓯᔨᒡ᙮
\p
\v 10 ᐅᑕᐎᔭ ᒂ ‍ ᐃᑐᑕᔨᒋ ᐊᓐᑕ ᐃᔎᓴ ᐎᒋᐛᔨᒡ ᑭᔭ ᐊᑯᑕ ᓴᒥᓯᓐ ᒡ ᐊᓯᒡ ᐅᔅᒋᓂᒋᓱᐛ ᐊᓐᑕ ᐃᑕᐅᓂᒡ᙮ ᐊᐅᑯᓐ ᑲᒋ ᐃᑎᒡ ᓇᐸᐅᒡ ᐃᔅᐱ ᒐ ‍ ᓂᐳᐅᑥᐎ᙮
\v 11 ᐃᔅᐱ ᐱᓕᔅᑎᐊ ᐃᔪᒡ ᐎᔭᐱᒪᒡ ᓴᒥᓯᓇ, ᒂ ‍ ᐃᑕᒡ ‍ ᓂᔅᑐᔪᐤ ᐅᔅᒋᓂᒋᓱᐛ ᒐᒋ ᑕᐛᒡ ᐊ ‍ ᑕᔨᒋ ᐊᓐᑕ ᑲ ‍ ᒥᒋᓱᓇᓂᒐᓄᐎᔨᒡ᙮
\p
\v 12 ᒂ ‍ ᐃᑕᑦ ᓴᒥᓯᓐ, “ᓇᐃᒥᒄ ᒐᒋ ᑯᒂᒋᒥᑎᑯᒡ ᒐᒂᓐ᙮ ᑯᐃᔅᒄ ᐎᑎᒧᐅᔭᒂ ᑕᓐ ᐊᑥᒥᑲᒡ ᑲ ‍ ᑯᒂᒋᒥᑎᑯᒡ ᒐᒂᓐ, ᒪᒂᒡ ᓂᔄᐅᑕᒡ ᑕᑐᐤ ᒋᓯᑲᐛ ᐅ ᐊᒧᒋᒐᔨᑕᑭᓄᐅᒡ, ᒥᓯᐛ ᐸᐸᐃᒄ ᐊᑎᓯᔭᒄ ᒋᑭ ‍ ᒥᔨᑎᓇᐛ ᐊ ‍ ᒋᓏᑭᓂᔨᒋ ᐊᑯᐸ ᑭᔭ ᐸᐃᒂᐤ ᐊ ‍ ᑕᔅᐱᓱᓇᓄᐅᒡ ᐊᐱᒋᑕᐅᓇ᙮
\v 13 ᐊ ᐊᑲ ᒪᒃ ᒋ ‍ ᐎᑎᒧᐎᔭᒂ ᑕᓐ ᐊᑥᒥᑲᒡ, ᐸᐸᐃᒄ ᐊᑎᓯᔭᒄ ᒋᑭ ᐎ ‍ ᒥᔨᓇᐛᐤ ᐊ ‍ ᒋᓏᑲᒡ ᐊᑯᑉ ᑭᔭ ᐸᐃᒂᐤ ᐊ ‍ ᑕᔅᐱᓱᓇᓄᐅᒡ ᐊᐱᒋᑕᐅᓇ᙮”
\p ᐊᑯ ᒂ ‍ ᐃᑎᑯᑦ, “ᐊᑯ ᐎᑎᒧᐅᓇᓐ ᑯᒂᒋᒐᒧᐅᓐ᙮”
\p
\v 14 ᐊᑯ ᒂ ‍ ᐃᑕᑦ,
\q1 “ᑲᒥᒋᓱᑦ ᒋ ᐅᒋᐱᔪᐤ ᒥᒋᒻ,
\q2 ᑲᒥᔅᑯᐅᓯᑦ ᒋ ‍ ᐅᒋᐱᔪᐤ ᐊ ‍ ᓯᐛᒡ᙮”
\m ᒥᒄ ᓂᔅᑐ ᒋᓯᑲᐛ ᐃᔅᐱᔅ ᓇᒪ ᐅᒋ ‍ ᐎᑎᒧᐛᐅᒡ ᑕᓐ ᐊᑥᒥᑭᓂᔨᒡ ᑯᒂᒋᒐᒧᐅᓂᔪᐤ᙮
\p
\v 15 ᐊᓂᔭ ᓇᐤ ᐊ ‍ ᒋᓯᑲᔨᒡ, ᒋ ‍ ᐃᑕᐅᒡ ᓴᒥᓯᓇ ᐎᒋᒪᑭᓂᔪᐛ, “ᑯᒂᒋᒻ ᒋᐎᒋᒪᑭᓐ ᒐᒋ ᐎᑎᒪᔅᒃ ᑕᓐ ᐊᑥᒥᑭᓂᔨᒡ ᐊᓂᔭ ᑯᒂᒋᒐᒧᐅᓂᔪᐤ᙮ ᐊ ᐊᑲ ‍ ᐃᑐᑎᒪᓇ ᐅ, ᓂᑭ ‍ ᐃᔎᓯᒺᓇᓐ ᒍᑕᐎ ᐎᒡ ᐱᑎᑭᒥᒡ ᐊᑕᔨᓐ ! ᒋᔅᒋ ᐎᓴᒥᓇᓐ ᐊ ᐅᑕ ᒥᒄ ᒐᒋ ᑐᑐᐅᔭᒡ ᒐᒋ ᒋᔅᑎᒪᑎᓯᔭᒡ ?”
\p
\v 16 ᐊᑯ ᒂ ‍ ᓂᑐᐛᐱᒥᑯᑦ ᓴᒥᓯᓐ ᐎᒋᒪᑭᓇ, ᐊᒪᔨᒋ, ᑭᔭ ᒂ ‍ ᐃᑎᑯᑦ, “ᓇᒪ ᓇᔅᒡ ᒋ ‍ ᓴᒋᐃᓐ᙮ ᒋᐛᐧᑲᓯᓐ᙮ ᔅᒋ ‍ ᐎᑎᒧᐛᐅᒡ ᑯᒂᒋᒐᒧᐅᓂᔪᐤ ᓂᐎᒐᐛᑭᓐᒡ ᒥᒄ ᓇᒪ ᒋ ᐅᒋ ‍ ᐎᑎᒧᐅᓐ ᑕᓐ ᐊᑥᒥᑲᒡ ᐊᓐ ᒋ ‍ ᑯᒂᒋᒐᒧᐅᓐ᙮”
\p ᓴᒥᓯᓐ ᒂ ‍ ᐃᑕᑦ, “ᓇᒪ ᐃᔭᐱᒡ ᓂ ᐅᒋ ‍ ᐎᑎᒧᐛᐅᒡ ᓂᑲᐎᔾ ᑭᔭ ᓄᑕᐎᔾ, ᐊᑯ ᒐᒂᓐ ᒋᐸ ‍ ᐅᒋ ‍ ᐎᑎᒪᑎᓐ ?”
\p
\v 17 ᒋᒪᔪᐛ ᐎᒋᒪᑭᓇ ᐊ ‍ ᐎᐎᑎᒪᑯᓯᔨᒋ ᑕᓐ ᐊᑥᒥᑭᓂᔨᒡ ᐃᔅᐱᔅ ᐊᓂᔭ ᓂᔄᐅᑕᒡ ᑕᑐᐤ ᒋᓯᑲᐛ ᐊ ‍ ᒥᔽᑕᑭᓄᐎᔨᒡ᙮ ᒥᒄ ᐊᓂᔭ ᐊ ‍ ᓂᔄᐅᑕᒡ ᑕᑐᐤ ᒋᓯᑲᔨᒡ ᓴᒥᓯᓐ ᒋ ‍ ᐎᑎᒧᐛᐤ ᑕᓐ ᐊᑥᒥᑭᓂᔨᒡ ᑯᒂᒋᒐᒧᐅᓂᔪᐤ, ᐛᔅ ᓇᓂᑎᒻ ᐊᒋ ‍ ᑯᒂᒋᒥᑯᑦ᙮ ᐊᑯ ᐃᔎᐤ ᒂ ‍ ᐎᑎᒧᐛᑦ ᐎᒡ ‍ ᐃᔪᐛ ᐊᑥᒥᑭᓂᔨᒡ ᑯᒂᒋᒐᒧᐅᓂᔪᐤ᙮
\p
\v 18 ᐊᑯ ᐊᒺᔭ ᐸᒋᓯᒧᐎᒋ ᐱᓯᒺ ᐊᓂᔭ ᐊ ‍ ᓂᔄᐅᑕᒡ ᑕᑐᐤ ᒋᓯᑲᔨᒡ, ᓴᒥᓯᓐ ᒋ ‍ ᓂᑐᐛᐱᒥᑯᐤ ᓇᐸᐛ ᐅᑕᓇᒡ ᐅᒋ ᑭᔭ ᒂ ‍ ᐃᑎᑯᑦ,
\q1 “ᒐᒂᓐ ᐊᑎᑐᐤ ᐊᓯᐛᒡ ᐃᔅᐱᔅ ᐊᒧᐤ ᑲᓯᐛᔅᒡ,
\q2 ᒐᒂᓐ ᐊᓱᒋᓯᒥᑲᒡ ᐃᔅᐱᔅ ᒥᓯᐱᓱᐤ ?”
\p ᓴᒥᓯᓐ ᒂ ‍ ᐃᑕᑦ,
\q1 “ᐊ ᐊᑲ ᐅᒋ ‍ ᐱᑯᔅᑭᒥᑲᒐᔭᒄ ᓂᒥᒋᑎᐧᑯᒻ ᐊ ‍ ᐊᐱᒋᐊᒄ,
\q2 ᐊᑐᒡ ᒋᔅᒐᔨᑕᓇᐛᐤ ᓂᔎᐅᓯᔨᐛᐅᓐ᙮”
\p
\v 19 ᓯᔅᒋᑯᒡ ᑎᐸᔨᒋᒐᓱᐛ ᐅᑦ ᐊᒐᐧᑯᔪᐛ ᒋ ‍ ᑐᑕᑯᐤ ᒐᒋ ᓱᒋᓯᑦ ᑭᔭ ᐊᔅᑭᓗᓐ ᐅᑕᓇᒡ ᒂ ‍ ᐃᑐᑕᑦ, ᐊᑯᑕ ᒂ ‍ ᓂᐸᐊᑦ ᓂᔅᑐᔪᐤ ᐱᓕᔅᑎᐊ ᓇᐸᐛ, ᒂ ‍ ᐅᑎᓂᒺᑦ ᐅᑦ ᐊᐱᒋᑕᐅᓂᔨᐛ, ᑲᐤ ᒂ ‍ ᐃᑐᑕᑦ ᐊᓐᑕ ᑎᒻᓇ ᑭᔭ ᒂ ‍ ᒥᔭᑦ ᐊᐱᒋᑕᐅᓇ ᐊᓂᔭ ᓇᐸᐛ ᑲ ‍ ᒋᔅᒐᔨᑎᒥᔨᒋ ᑯᒂᒋᒐᒧᐅᓂᔪᐤ᙮ ᒥᒄ ᒋᒋᐛ ᒋ ‍ ᒋᔄᐳᐤ ᒐᒂᔪᐤ ᑲ ‍ ᐃᔅᐱᔨᒡ, ᐊᑯ ᑲᐤ ᒂ ‍ ᒋᐛᑦ ᐅᑦ ᐊᔅᒋᐛᒡ ᒐᒋ ᐎᒋᒪᑦ ᐅᑲᐎᔭ ᑭᔭ ᐅᑕᐎᔭ᙮
\v 20 ᐊᑯ ᓴᒥᓯᓐ ᐎᒋᒪᑭᓇ ᒂ ‍ ᐱᔅᑎᓇᑭᓄᐎᒋ ᒪᔭᑭᓄᐎᒋ ᐎᒐᐛᑭᓇ ᐊᓂᔭ ᑲ ‍ ᐎᒋᐃᑯᑦ ᑲ ‍ ᓂᐳᐅᑦ᙮
\c 15
\s1 ᐱᓕᔅᑎᐊ ᐃᔪᒡ
\p
\v 1 ᓇᓇᒐ ᓴᒥᓯᓐ ᒂ ᓇᒋ ‍ ᒧᔅᐱᔅᑐᐛᑦ ᐎᒋᒪᑭᓇ ᒪᒂᒡ ᓂᑕᐅᒋᑕᑭᓇ ᐊ ‍ ᒪᒧᓴᒋᓂᑭᓄᐅᒋ ᑭᔭ ᒋ ‍ ᔅᑐᑕᐤ ᑲ ‍ ᐅᑦ ᐊᔅᑭᓂᓯᔨᒋ ᑲ ‍ ᐊᐱᓯᓯᔨᒋ ᐊᐛᓯᓴ᙮ ᒋ ‍ ᐃᑕᐤ ᐊᓂᔭ ᐅᑕᐎᔪᐛ, “ᓂᐎ ‍ ᐃᑐᑕᐛᓐ ᓂᐎᒋᒪᑭᓐ ᐅᑲᐱᔅᒋᒐᔭᒥᒡ᙮” ᒥᒄ ᓇᒪ ᐅᒋ ᓇᐊᐃᒥᑯᐤ ᒐᒋ ᐱᒐᐛᑦ᙮
\p
\v 2 ᒂ ‍ ᐃᑕᑦ ᓴᒥᓯᓇ, “ᒋᒋᐛ ᐛᐧᑲᑕᐤ ᔅᒋ ‍ ᐃᑕᔨᒥᑎᓐ, ᐊᑯ ᑲ ‍ ᒥᔨᒃ ᒋ ‍ ᐎᒐᐛᑭᓐ ᒋ ‍ ᐎᒋᒪᑭᓇ, ᐊᓐ ᓇᐸᐤ ᑲ ‍ ᐎᒋᐃᔅᒃ ᑲ ‍ ᓂᐳᐎᔨᓐ ᑭᔭ ᒋ ‍ ᐎᒋᒪᐤ ᐊᓂᔭ ᓇᐸᐛ᙮ ᒥᒄ ᐊᑎᑐᐤ ᒥᔪᔎᐎᔪᐛ ᐅᓯᒪ᙮ ᐊᐅᑯᓐ ᒋᐸ ‍ ᐎᒋᒪᐤ!”
\p
\v 3 ᓴᒥᓯᓐ ᒂ ‍ ᐃᑕᑦ ᐊᐸᐃᑯᔅᑲᓇᓯᔨᒋ, “ᐊᓄᒡ ᓇᒪ ᓂᑭ ᒋ ‍ ᐊᑕᒪᔨᒥᑯᐅᓐ ᐊᐧᑯᐎᒂᐛ ᐱᓕᔅᑎᐊ ᐃᔪᒡ!”
\v 4 ᐊᑯ ᒂ ‍ ᒋᑐᑕᑦ ᑭᔭ ᓂᔅᑐ ᒥᑕᓯᒥᑎᓄᐤ (300) ᒪᒐᓱᐛ ᒋ ‍ ᑲᔅᑎᓇᐤ᙮ ᒋ ‍ ᓂᓯᓱᐛᐱᐧᑲᑎᒺᐤ ᐅᓱᔪᐛ ᑭᔭ ᒂ ‍ ᒪᑯᐱᑕᐧᒄ ᐃᔅᑯᑕᐤ ᐛᔅᑕᓂᐱᒪᑭᓇ ᐊᓐᑕ ᐊᓂᔄᐱᐧᑲᑕᔨᒋ ᐅᓱᔭ᙮
\v 5 ᒂ ‍ ᓯᔅᑲᐊᐧᒃ ᐃᔅᑯᑕᐤ ᐛᔅᑕᓂᐱᒪᑭᓇ ᑭᔭ ᒂ ‍ ᐱᔅᑎᓇᑦ ᒪᒐᓱᐛ ᐊᓐᑕ ᐱᓕᔅᑎᐊ ᐃᔪᐛ ᐅᓂᑕᐅᒋᒋᑭᓐ ᐊᔅᒋᔨᒡ᙮ ᒥᓯᐛ ᒋ ‍ ᐃᔎᑕᔪᐛ ᐸᒂᓯᑭᓂᒥᓇᑎᒂ ᓴᔅ ᒐᒋ ᒋᒥᓴᑭᓄᐎᒋ ᑭᔭ ᐊᓂᔭ ᑲ ‍ ᒪᒧᔅᑕᑭᓄᐎᒋ᙮ ᐃᔭᐱᒡ ᒋ ‍ ᐃᔎᓱᔪᐛ ᐅᒥᓂᓴᑎᑭᒧᐛᐛ ᑭᔭ ᐅᑦ ᐅᓕᑉ ᒥᔅᑎᑭᒧᐛᐛ᙮
\p
\v 6 ᐱᓕᔅᑎᐊ ᐃᔪᒡ ᒋ ‍ ᑯᒂᒋᒐᒧᐅᒡ, “ᐊᐛᓐ ᐅᔭ ᑲ ‍ ᐃᑐᑕᐧᒃ ?” ᒋ ‍ ᐃᑎᑯᐅᒡ ᐊᐛᔪᐛ, “ᓴᒥᓯᓐ ᐅᔭ ᐃᑐᑎᒻ, ᑎᒻᓇ ᐃᔎᐛ ᒋ ‍ ᓂᐳᐤ, ᒥᒄ ᐅᒋᓴᐃᔨᒪ ᒂ ‍ ᒥᔭᔨᒋ ᐎᒋᒪᑭᓇ ᓇᐸᐛ ᑲ ‍ ᐎᒋᐃᑯᑦ ᑲ ‍ ᓂᐳᐅᑦ, ᑭᔭ ᒂ ‍ ᐎᒋᒪᔨᒋ᙮”
\p ᐊᑯ ᐱᓕᔅᑎᐊ ᐃᔪᒡ ᒂ ‍ ᓂᑐᐛᐱᒪᒡ ᐃᔎᐛ ᑭᔭ ᒂ ‍ ᓂᐸᐃᑭᓱᐛᒡ ᑭᔭ ᐅᑕᐎᔪᐛ᙮
\v 7 ᓴᒥᓯᓐ ᒂ ‍ ᐃᑕᑦ, “ᐛᔅ ᐅ ᑲ ‍ ᐃᑕᔨᑕᑯᓯᔭᒄ, ᓇᒪ ᓂᑭ ᒋ ‍ ᐳᓂᓐ ᐊᑐᑕᑎᑯᒡ ᐸᑐᔅ ᒋ ‍ ᑎᐸᐊᒪᓱᔭᓇ ᑲ ‍ ᑐᑐᐅᔭᒄ᙮”
\v 8 ᐊᑯ ᐊᒂᑎᓯᐅᓂᒡ ᒂ ‍ ᒋᒋᓇᑦ ᐱᓕᔅᑎᐊ ᐃᔪᐛ ᑭᔭ ᒥᒐᑦ ᒂ ‍ ᓂᐸᐊᑦ᙮ ᐊᑯ ᒂ ‍ ᐃᑐᑕᑦ ᐊᓐᑕ ᐊ ‍ ᐛᑎᒂᐱᔅᑲᐃᑭᓄᐎᒡ ᐱᔅᑯᑎᓇᒡ ᒐᒋ ᑲᓱᑦ, ᐃᑕᒻ ᐊᓯᓂᐧᑲᑕᔨᒡ᙮
\p
\v 9 ᐱᓕᔅᑎᐊ ᐃᔪᐛ ᒂ ‍ ᐃᑐᑕᔨᒋ ᐊᓐᑕ ᒍᑕ ᐊᔅᒋᒡ, ᒂ ‍ ᒪᓂᑲᓱᐎᒋ ᐊᓐᑕ ᒥᒋᒪ ᓕᐦᐊᐃ ᐅᑕᓇᒡ ᑭᔭ ᒂ ‍ ᑯᓯᒂᔨᒧᑎᒥᔨᒋ ᐊᓂᔭ ᐅᑕᓇᔪᐤ᙮
\v 10 ᐊᑯ ᒍᑕ ᐃᔪᒡ ᒂ ‍ ᑯᒂᒋᒪᒡ, “ᒐᒂᓐ ᐅ ᐛᒋ ‍ ᑯᓯᒂᔨᒧᑐᐅᔭᒡ ?”
\p ᒂ ‍ ᐃᑕᒡ ᐱᓕᔅᑎᐊ ᐃᔪᒡ, “ᓂᒋ ‍ ᑎᑯᓯᓇᓐ ᒐᒋ ᒪᑯᓂᒋᒡ ᓴᒥᓯᓐ ᑭᔭ ᒐ ‍ ᑐᑐᐅᒋᒡ ᑲ ‍ ᑐᑐᐎᔨᒥᑦ᙮”
\p
\v 11 ᐊᑯ ᓂᔍᐤ ᒐᓯᐱᔪᐤ (3000) ᓇᐸᐅᒡ ᐊᓐᑕ ᒍᑕ ᐅᒋ ᒂ ‍ ᓂᑐᐛᐱᒪᒡ ᓴᒥᓯᓇ ᐊᓐᑕ ᐊ ‍ ᐛᑎᒂᐱᔅᑲᐃᑭᓄᐎᒡ ᐱᔅᑯᑎᓇᒡ ᑲ ‍ ᑲᓱᐎᔨᒋ, ᒂ ‍ ᐃᑕᒡ ᓴᒥᓯᓇ, “ᓇᒪ ᒋᔅᒐᔨᒪᐅᒡ ᐊ ᐱᓕᔅᑎᐊ ᐃᔪᒡ ᑕᐸᔨᒥᔨᒥᒡ? ᒋᔾ ᐅ ᐛᒋ ‍ ᐃᓯᓇᑯᓯᔭᒡ᙮”
\p ᓴᒥᓯᓐ ᒂ ‍ ᐃᑕᑦ, “ᐸᐃᑯᑕᐤ ᓂᒋ ‍ ᐃᑐᑐᐛᐅᒡ ᑕᓐ ᑲ ‍ ᐃᑐᑐᐅᒡ᙮”
\p
\v 12 ᒥᒄ ᒍᑕ ᐃᔪᐛ ᒋ ‍ ᐃᑎᑯᐤ, “ᓂᒋ ‍ ᑎᑯᓯᓇᓐ ᒐᒋ ᒪᑯᐱᑎᑕᒡ ᑭᔭ ᐱᓕᔅᑎᐊ ᐃᔪᒡ ᒐ ᐃᓯ ‍ ᐱᔅᑎᓂᑕᒡ᙮”
\p ᓴᒥᓯᓐ ᒂ ‍ ᐃᑕᑦ, “ᐊᑯ, ᒥᒄ ᐊᓱᑎᒧᐅᒄ ᒐ ᐊᑲ ᒋᔨᐛᐤ ᓂᐸᐃᔭᒄ !”
\p
\v 13 ᒂ ‍ ᐃᑎᑯᑦ, “ᒥᒄ ᒋᑭ ‍ ᒪᑯᐱᑎᑎᓇᓐ ᑭᔭ ᐱᓕᔅᑎᐊ ᐃᔪᒡ ᒋᑭ ‍ ᐃᑐᑕᔨᑎᓇᓐ᙮ ᓇᒪ ᒋᑭ ᒋ ‍ ᓂᐸᐃᑎᓇᓐ᙮” ᐊᑯ ᒂ ‍ ᒪᑯᐱᑕᒡ ᓂᓱᐤ (2) ᐅᔅᒋ ᐊᐱᓴ ᑭᔭ ᒂ ‍ ᔅᑐᑕᐊᒡ ᐊ ‍ ᐛᑎᒂᐱᔅᑲᐃᑭᓄᐎᒡ ᐱᔅᑯᑎᓇᒡ ᐅᒋ᙮
\v 14 ᐃᔅᐱ ᑲ ‍ ᑎᑯᓯᒡ ᐊᓐᑕ ᓕᐦᐊᐃ᙮ ᐱᓕᔅᑎᐊ ᐃᔪᒡ ᒐᐸ ᒋ ‍ ᒋᒋᓇᐅᒡ ᓇᔅᒡ ᐊᑕᑈᑕᒡ᙮ ᒥᒄ ᒂ ‍ ᐱᔅᑲᑯᑦ ᓴᒥᓯᓐ ᑎᐸᔨᒋᒐᓱᐛ ᐅᑦ ᐊᒐᐧᑯᔪᐛ ᒂ ‍ ᑐᑕᑯᑦ ᒐᒋ ᓱᒋᓯᑦ, ᒂ ‍ ᐱᔅᒋᐱᑕᐧᒃ ᐊᐱᓴ ᑲ ‍ ᒪᑯᐱᑕᑭᓄᐅᑦ ᐅᔅᐱᑐᓂᒡ ᑭᔭ ᐅᑎᒋᒡ ᐅᒋ ᒧᔭᒻ ᐊᒋᔨᔎᓱᐎᒋ ᓴᔅᑎᒂᔭᐱᔭ᙮
\v 15 ᒂ ‍ ᐛᐸᑎᒺᑦ ᑲᓂᐧᑲᑎᓯᔨᒋ ᑲᐸᐃᑭᔎᐛ ᐅᑕᐱᔅᒋᑭᓂᔪᐤ ᐊᔅᑕᔨᒡ ᐊᓐᑕ ᒧᔅᑎᔅᑭᒥᒡ᙮ ᐊ ‍ ᐅᔅᒋᓇᑯᓂᔨᒡ ᐊᓄᒋᒐ ᐊᒋ ‍ ᓂᐱᐃᒂᓂ᙮ ᒂ ‍ ᐅᑎᓇᐧᒃ ᑭᔭ ᐊᓂᔭ ᐃᔭᐱᒋᑕᑦ, ᒂ ‍ ᓂᐸᐊᑦ ᐸᐃᒂᐤ ᒐᓯᐱᔪᐤ ‍ (1000) ᐱᓕᔅᑎᐊ ᓇᐸᐛ᙮
\p
\v 16 ᐊᑯ ᓴᒥᓯᓐ ᒂ ‍ ᐅᓯᑕᑦ ᐅᔭ ᓂᑭᒧᐅᓂᔪᐤ,
\q1 “ᑲᓂᐧᑲᑎᓯᑦ ᒂᐸᐃᑭᔎᐤ ᐅᑕᐱᔅᒋᑭᓐ ᐊ ‍ ᐊᐱᒋᑕᐅᒡ,
\q2 ᐸᐃᒂᐤ ᒐᓯᐱᔪᐤ ᓇᐸᐅᒡ ᓂᒋ ‍ ᓂᐸᐅᒡ᙮
\q1 ᑲᓂᐧᑲᑎᓯᑦ ᒂᐸᐃᑭᔎᐤ ᐅᑕᐱᔅᒋᑭᓐ ᐊ ‍ ᐊᐱᒋᑕᐅᒡ,
\q2 ᓂᒋ ‍ᐃᔅᐸᓇᔭᐅᒡ ᑲᓂᐱᒡ ᒧᔭᒻ ᑲᓂᐧᑲᑎᓯᒡ ᒂᐸᐃᑭᔎᐅᒡ᙮”
\m
\v 17 ᐃᔅᐱ ᐊᓂᔭ ᑲᒋ ᐃᓯ ‍ ᓂᑯᒧᑦ, ᒂ ‍ ᐛᐱᓇᐧᒃ ᒥᑕᐱᔅᒋᑭᓂᔪᐤ, ᐊᑯ ᓇᓇᒐ ᕋᒪᑦ-ᓕᐦᐊᐃ ᒂ ‍ ᐃᓯᓂᐧᑲᑕᑭᓄᐅᒡ, ᒥᑕᐱᔅᒋᑭᓐ ᐱᔅᑯᑎᓇᔅ ᐊ ᐃᓯ ‍ ᐃᔅᒋᔄᒥᑲᒡ᙮
\p
\v 18 ᐊᑯ ᓴᒥᓯᓐ ᒂ ‍ ᓂᐸᒂᑦ, ᐊᑯ ᒂ ‍ ᑕᑈᑕᑦ ᑎᐸᔨᒋᒐᓱᐛ, “ᔅᒋ ‍ ᒥᔨᓐ ᓱᒋᓯᐅᓐ ᒐᒋ ᑲᓂᔪᔭᓐ ᒋᒋ ‍ ᓴᐧᑯᒋᐃᐛᐅᓐ᙮ ᐊᑯ ᐊᓄᒡ, ᓂᑭ ‍ ᐳᓂᐱᒪᑎᓯᓐ ᐊ ᐊᓄᑕᐸᒂᔭᓐ? ᐊᑯ ᒐ ‍ ᒪᑯᓇᒡ ᓂᔪᔪᐤ ᐊᓐᒡ ᐊ ᐊᑲ ‍ ᒋᔅᒋᓄᐛᒋᔄᑭᓄᐅᒡ ᐱᓕᔅᑎᐊ ᐃᔪᒡ᙮”
\v 19 ᐊᑯ ᒋᓴᒪᓂᑐᐤ ᒂ ‍ ᐃᑐᑕᐧᒃ ᒐᒋ ᐎᐎᐱᔨᒡ ᓂᐱᔪᐤ ᐊᓐᑕ ᐊᐱᑯᓇᔭᔨᒡ ᒧᔅᑎᔅᑭᒥᒡ ᐊᓐᑕ ᓕᐦᐊᐃ, ᒂ ‍ ᒥᓂᑦ ᓴᒥᓯᓐ ᑭᔭ ᒂ ‍ ᒥᔪᒪᒋᔪᐅᑦ᙮ ᐊᑯ ᐊᓐ-ᐊᑯᕐ ᒂ ‍ ᐃᓯᓂᐧᑲᑕᑭᓄᐅᒡ ᐊᓐ ᒧᔅᒍᓂᐸᒄ, ᐊᑕᑈᑦ ᐊᐛᓐ ᒧᔅᒍᓂᐸᒄ ᐃᓯᓂᐧᑲᑕᑭᓄᐤ, ᐊᔅᒄ ᐊᓐᑕ ᑎᑯᓐ ᓕᐦᐊᐃ᙮
\p
\v 20 ᓂᓱᔪᐛᐱᐳᓇ ᒋ ᐃᔅᐱᔅ ‍ ᓂᑲᓂᔅᑯᐛᐤ ᓴᒥᓯᓐ ᐃᔅᕋᐃᓪ ᐃᔪᐛ ᒪᒂᒡ ᐱᓕᔅᑎᐊ ᐃᔪᐛ ᑲ ‍ ᑎᐸᐃᑎᒥᔨᒋ ᐊᔅᒋᔪᐤ᙮
\c 16
\s1 ᓴᒥᓯᓐ ᑭᔭ ᑎᓚᐃᓚ
\p
\v 1 ᐸᐃᒂᐤ ᒐᓯᑲᔨᒡ ᐱᓕᔅᑎᐊ ᐅᑕᓇᒡ ᐊᓐᑕ ᑲᓴ ᒋ ‍ ᐃᑐᑕᐤ ᓴᒥᓯᓐ, ᐊᑯᑕ ᑲ ‍ ᓂᒋᔅᑯᐛᑦ ᐱᓯᒂᑎᓯᔎᐛ ᑭᔭ ᒂ ‍ ᐎᐸᒪᑦ᙮
\v 2 ᒂ ‍ ᒋᔅᒐᔨᑕᒡ ᑲᓴ ᐃᔪᒡ ᐊ ‍ ᑕᔨᒋ ᐊᓐᑕ ᓴᒥᓯᓇ, ᐊᑯ ᒂ ‍ ᐛᔅᑲᔅᑲᒡ ᐊᓂᔭ ᐃᑕᐅᓂᔪᐤ ᑭᔭ ᒂ ‍ ᐊᓱᐛᐱᒪᒡ ᐃᔅᑭᓂᑎᐱᔅᑲᐛ ᐊᓐᑕ ᐅᑕᓇᐤ ᐃᔎᑕᒥᒡ᙮ ᓇᔅᒡ ᓇᒪ ᐅᒋ ᐸᑕᑯᓱᐅᒡ, ᒂ ‍ ᐃᑎᑐᒡ, “ᐛᐸᒐ ᐸᑕᐱᓂᔨᒐ, ᒋᑭ ‍ ᓂᐸᐊᓄᐤ ᐃᔅᐱ ᐎᓂᑭᑕᒐ ᐅᑕᓇᔪᐤ᙮”
\p
\v 3 ᒥᒄ ᓴᒥᓯᓐ ᓇᒪ ᐅᒋ ᑕᐤ ᐊᓐᑕ ᐃᔅᑭᓂᑎᐱᔅᑲᐛ᙮ ᒋ ‍ ᐅᓂᐅ ᐃᔭᐱᑕᑎᐱᔅᑲᔨᒡ᙮ ᒂ ‍ ᐃᑐᑕᑦ ᐊᓐᑕ ᐅᑕᓇᐤ ᐃᔎᑕᒥᒡ, ᒂ ‍ ᒪᑯᓇᑦ ᓂᓱᐤ ᓯᑥᔎᐃᑭᓇ ᑭᔭ ᐊᔅᑐᐧᑭᓇ ᑭᔭ ᒂ ‍ ᐅᐱᑕᑦ ᒧᔅᑎᔅᑭᒥᒡ ᐅᒋ ᐊᔅᒄ ᐊᒋᑭᒧᐎᒋ ᓯᐸᔅᑯᓂᑭᓇ᙮ ᐅᑎᑎᒥᓂᒡ ᒂ ‍ ᑕᑕᔭᑦ ᑭᔭ ᒂ ‍ ᓴᑭᒋᐛᑕᐊᑦ ᐱᔅᑯᑎᓇᓯᒡ ᐊᓐᑕ ᐊ ᐅᒋ ‍ ᓄᑯᓂᔨᒡ ᐃᑉᕈᓐ᙮
\p
\v 4 ᓇᓇᒐ ᓴᒥᓯᓐ ᒂ ‍ ᒥᔅᑯᐛᑦ ᐃᔎᐛ ᐊᓴᒋᐊᑦ ᑎᓚᐃᓚ ᐊ ‍ ᐃᓯᓂᐧᑲᓱᐎᒋ ᐊᓐᑕ ᑲ ‍ ᐎᒋᔨᒋ ᓱᕆᒃ ᐊ ‍ ᐱᓴᔨᒡ᙮
\v 5 ᐱᑕᑕᒡ ᐊᑕᑎᓯᒡ ᑲ ‍ ᓂᑲᓂᔅᑯᐛᒡ ᐱᓕᔅᑎᐊ ᐃᔪᐛ ᒂ ‍ ᓂᑐᐛᐱᒪᒡ ᐃᔎᐛ ᑭᔭ ᒂ ‍ ᐃᑕᒡ, “ᒐ ‍ ᐎᔭᓯᒥᑦ ᓴᒥᓯᓐ ᒐᒋ ᐎᑎᒪᔅᒃ ᒐᒂᔪᐤ ᐛᒋ ᓇᔅᒡ ᓱᒋᓯᑦ ᑭᔭ ᑕᓐᑕ ᒐᒋ ᐅᒋ ᓴᑯᐎᔨᒋᒡ ᒐᒋ ᒥᔪ ‍ ᒪᑯᐱᑎᒋᒡ᙮ ᒥᓯᐛ ᐸᐸᐃᒄ ᐊᑎᓯᔭᒡ ᐸᐃᒂᐤ ᒐᓯᐱᔪᐤ ᒪᒃ ᐸᐃᒄ ᒥᑕᓯᒥᑎᓄᐤ ᑕᑐᐤ ᓱᓇᔭᐱᔎ ᒋᑭ ‍ ᒥᔨᑎᓇᓐ᙮”
\p
\v 6 ᐊᑯ ᑎᓚᐃᓚ ᐊᑕᑦ ᓴᒥᓯᓇ, “ᐎᑎᒧᐎ ᒪ ᒐᒂᓐ ᐊᑐᑕᑯᐎᔨᒡ ᓇᔅᒡ ᒐᒋ ᓱᒋᓯᔨᓐ᙮ ᑭᔭ ᐎᑎᒧᐎ ᑕᓐᑕ ᒐᒋ ᐅᒋ ᓴᑯᐎᔨᔅᒃ ᐊᐛᓐ ᑭᔭ ᒪᑯᐱᔅᑎᔅᒃ ᙮”
\p
\v 7 ᓴᒥᓯᓐ ᒂ ‍ ᐃᑕᑦ, “ᒪᑯᐱᓯᔨᓇ ᓂᔄᐅᑕᒡ ᐊᑥᑕᐸᒋᓯᒡ ᐊᐅᔅᑲᐸᒋᓯᑦ ᐅᒐᔅᑦ (ᐊᔅᑎᔅ) ᐊᔅᒄ ᐊ ᐊᑲ ‍ ᐸᓱᑦ, ᓂᑭ ‍ ᐃᔨᒥᓯᓐ ᒧᔭᒻ ᑯᑎᒃ ᐊᐛᓐ᙮”
\p
\v 8 ᐊᑯ ᑎᓚᐃᓚ ᒂ ‍ ᐎᑎᒧᐛᑦ ᐊᓂᔭ ᑲ ‍ ᓂᑲᓂᔅᑯᐛᔨᒋ ᐱᓕᔅᑎᐊ ᐃᔪᐛ, ᐊᑯ ᒂ ‍ ᐸᑥᑯᑦ ᓂᔄᐅᑕᒡ ᐊᑥᑕᐸᒋᓯᔨᒋ ᐊᐅᔅᑲᐸᒋᓯᔨᒋ ᐅᒐᔅᑕ (ᐊᔅᑎᓴ) ‍ ᐊᔅᒄ ᐊ ᐊᑲ ‍ ᐸᓱᔨᒋ ᒐᒋ ᒪᑯᐱᑕᑦ ᓴᒥᓯᓇ᙮
\v 9 ᒂ ‍ ᑲᔭᑦ ᐱᔅᒐ ᓇᐸᐛ ᐊᓐᑕ ᐸᐃᒄ ᑲᐱᔅᒋᒐᔭᔨᒡ ᐎᒋᒡ᙮ ᐊᑯ ᒪᒂᒡ ᐅᑎ ‍ ᓂᐸᐃᒋ ᓴᒥᓯᓇ, ᒂ ‍ ᒪᑯᐱᑕᑦ ᐊᓂᔭ ᐅᒐᔅᑕ (ᐊᔅᑎᓴ)᙮ ᐊᑯ ᒂ ‍ ᑕᑈᑕᑦ, “ᓴᒥᓯᓐ, ᑎᑯᓯᓄᐅᒡ ᐅᑕ ᐱᓕᔅᑎᐊ ᐃᔪᒡ ᒐᒋ ᒪᑯᓂᔅᒡ !” ᒥᒄ ᓴᒥᓯᓐ ᐛᓂᔅᒐ ᒋ ‍ ᐱᔅᒋᐱᑕᐤ ᐊᓂᔭ ᐅᒐᔅᑕ (ᐊᔅᑎᓴ) ᒧᔭᒻ ᐊ ᐃᓯ ‍ ᐱᓯᐱᔨᑦ ᓴᔅᑎᒂᔭᐱᔾ ᑲᒋ ‍ ᐃᔎᓱᒋ ᐊ ‍ ᐃᑕᔨᑕᑭᓂᔨᒡ᙮ ᐊᑯ ᐱᓕᔅᑎᐊ ᐃᔪᒡ ᓇᒪ ᐅᒋ ᒋᔅᒐᔨᑎᒺᐅᒡ ᒐᒂᔪᐤ ᑲ ‍ ᑐᑕᑯᐎᒋ ᓴᒥᓯᓇ ᒐᒋ ᓱᒋᓯᔨᒋ᙮
\p
\v 10 ᐊᑯ ᑎᓚᐃᓚ ᒂ ‍ ᐃᑕᑦ ᓴᒥᓯᓇ, “ᒋᒋ ‍ ᐎᔭᓯᒥᓐ ᑭᔭ ᓇᒪ ᒋ ᐅᒋ ‍ ᐎᑎᒧᐅᓐ ᑕᑈᐅᓐ᙮ ᐊᑯ ᐎᑎᒧᐎ ᐊᓄᒡ ᑕᑈᐅᓐ, ᑕᓐᑕ ᒐᒋ ᐅᒋ ᒥᔪ ‍ ᒪᑯᐱᑎᔅᒄ ᐊᐛᓐ ?”
\p
\v 11 ᒂ ‍ ᐃᑕᑦ ᓴᒥᓯᓐ, “ᒪᑯᐱᓯᑥᐛ ᐊᐅᔅᑲᐸᑭᓂᔨᒋ ᐊᐱᓴ ᐊ ᐊᑲ ᓂᑕ ᐊᐱᒋᑕᑭᓄᐎᔨᒋ, ᓂᑭ ‍ ᐃᔨᒥᓯᓐ ᒧᔭᒻ ᑯᑎᒃ ᐊᐛᓐ᙮”
\p
\v 12 ᐊᑯ ᒥᓐ ᑎᓚᐃᓚ ᒂ ‍ ᐎᑎᒧᐛᑦ ᑲ ‍ ᓂᑲᓂᔅᑯᐛᔨᒋ ᐱᓕᔅᑎᐊ ᐃᔪᐛ ᑭᔭ ᒂ ‍ ᑎᔅᑯᓯᓂᔨᒋ ᑭᔭ ᒂ ‍ ᑲᓱᐎᔨᒋ ᐊᓐᑕ ᑲᐱᔅᒋᒐᔭᔨᒡ ᐎᒋᒡ ᒧᔭᒻ ᐅᔅᑭᒡ ᑲ ‍ ᑎᔨᒋ᙮ ᑭᔭ ᒥᓐ ᒪᒂᒡ ᐅᑎ ‍ ᓂᐸᐃᒋ ᓴᒥᓯᓇ, ᒂ ‍ ᒪᑯᐱᑕᑦ ᐊᐅᔅᑲᐸᑭᓂᔨᒋ ᐊᐱᓴ᙮ ᐊᑯ ᒂ ‍ ᑕᑈᑕᑦ, “ᓴᒥᓯᓐ, ᑎᑯᓯᓄᐅᒡ ᐅᑕ ᐱᓕᔅᑎᐊ ᐃᔪᒡ ᒐᒋ ᒪᑯᓂᔅᒡ !” ᒥᒄ ᓴᒥᓯᓐ ᐛᓂᔅᒐ ᒋ ‍ ᐱᔅᒋᐱᑎᒻ ᐊᓂᔭ ᐊᐱᓴ ᐅᔅᐱᑐᓂᒡ ᐅᒋ ᒧᔭᒻ ᓴᔅᑎᒂᔭᐱᔭ ᐊ ‍ ᐃᑕᔨᑕᑭᓂᔨᒋ᙮
\p
\v 13 ᐊᑯ ᑎᓚᐃᓚ ᒂ ‍ ᐃᑕᑦ ᓴᒥᓯᓇ, “ᒥᓐ ᒋᒋ ‍ ᐎᔭᓯᒥᓐ ᑭᔭ ᓇᒪ ᒋ ᐅᒋ ‍ ᐎᑎᒧᐅᓐ ᑕᑈᐅᓐ᙮ ᐊᑯ ᐎᑎᒧᐎ, ᑕᓐᑕ ᒐᒋ ᐅᒋ ᒥᔪ ‍ ᒪᑯᐱᑎᔅᒄ ᐊᐛᓐ ?”
\p ᒂ ‍ ᐃᑕᑦ ᓴᒥᓯᓐ, “ᓴᓯᐸᐱᒐᐱᑎᒥᓇ ᓂᔄᐅᑕᒡ ᐊ ‍ ᑕᑥᐸᑲᒡ ᐊᐱᐧᑲᑎᒪᔭᓐ ᓂᐱᔎᐅᓐ ᐊᓐᑕ ᐱᒍᐎᔭᓂᒡ ᑭᔭ ᐊ ‍ ᓯᒋᐱᑎᒥᓐ ᒥᔅᑎᒄ ᐅᒋ, ᓂᑭ ‍ ᐃᔨᒥᓯᓐ ᒧᔭᒻ ᑯᑎᒃ ᐊᐛᓐ᙮”
\p
\v 14 ᐊᑯ ᒥᓐ ᒪᒂᒡ ᓴᒥᓯᓐ ᓇᐸᑦ, ᑎᓚᐃᓚ ᒂ ‍ ᓴᓯᐸᐱᒐᐱᑎᒺᑦ ᓂᔄᐅᑕᒡ ᐊ ‍ ᑕᑥᐸᑭᓂᔨᒋ ᑲ ‍ ᐱᐧᑲᑎᒪᔨᒋ᙮ ᒂ ‍ ᓯᒋᐱᑎᒺᑦ ᒥᔅᑎᑯᔪᐤ ᐅᒋ᙮ ᐊᑯ ᒂ ‍ ᑕᑈᑕᑦ, “ᓴᒥᓯᓐ, ᑎᑯᓯᓄᐅᒡ ᐅᑕ ᐱᓕᔅᑎᐊ ᐃᔪᒡ ᒐᒋ ᒪᑯᓂᔅᒡ !” ᒥᒄ ᓴᒥᓯᓐ ᒂ ‍ ᐸᑯᐱᔨᑦ, ᑭᔭ ᒂ ‍ ᐊᐃᔅᒋᐱᑕᐧᒃ ᒥᔅᑎᑯᔪᐤ, ᑭᔭ ᒂ ‍ ᐅᒋᐱᑕᐧᒃ ᐅᐱᔎᐅᓐ ᐱᒍᐎᔭᓂᒡ ᐅᒋ᙮
\p
\v 15 ᐊᑯ ᑎᓚᐃᓚ ᒂ ‍ ᐃᑕᑦ ᓴᒥᓯᓇ, “ᑕᓐᑕ ᐛᒋ ‍ ᐃᓯᔨᓐ, ‘ᒋ ‍ ᓴᒋᐃᑎᓐ’, ᐃᔅᐱ ᐊ ᐊᑲ ‍ ᑕᑈᐅᒐᔨᒥᔨᓇ? ᓂᔍᐤ ᓴᔅ ᒋᒋ ‍ ᐎᔭᓯᒥᓐ ᑭᔭ ᐊᔅᒄ ᓇᒪ ᒋ ᐅᒋ ‍ ᐎᑎᒧᐅᓐ ᒐᒂᓐ ᒋᒋᐛ ᐊᑐᑕᑯᐎᔨᓐ ᒐᒋ ᓱᒋᓯᔨᓐ!”
\v 16 ᐊᓯᑯᒻ ᒋᓯᑲᐛ ᒋ ‍ ᑯᒂᒋᒪᐤ ᓴᒥᓯᓇ᙮ ᐊᑯ ᒋᒋᐛ ᒋᐱᔅᑲᒋᒪᐤ ᐊᔅᐱᔅ ᐊᑲ ᐎᐳᓇᐊᑦ ᐊ ‍ ᑯᒂᒋᒪᑦ᙮
\p
\v 17 ᒐᒄ ᒂ ‍ ᐎᑎᒧᐛᑦ ᓴᒥᓯᓐ ᒥᓯᐛ ᒐᒂᓂᔪᐤ, “ᒋᓴᒪᓂᑐᐤ ᐊᑕᑦ ᓂᒋ ‍ ᐃᓯ ‍ ᑎᐸᓂᔨᑯᐅᓐ ᒧᔭᒻ ᓇᓱᕐ ᐃᔪᐤ ᐃᔅᐱ ᑲ ‍ ᐱᒪᑎᓯᔭᓐ, ᑭᔭ ᐊᐅᑯᐤ ᐅᒡ ᐛᒋ ‍ ᐊᑲ ᓂᑕ ᒋᒥᓴᑭᓄᐅᒡ ᓂᐱᔎᐅᓐ᙮ ᒋᒥᓴᑭᓄᐅᒡ ᓂᐱᔎᐅᓐ, ᓂᐸ ‍ ᓂᑭᑎᑯᓐ ᓂᓱᒋᓯᐅᓐ ᑭᔭ ᓂᐸ ‍ ᐃᔨᒥᓯᓐ ᒧᔭᒻ ᑯᑎᒃ ᐊᐛᓐ᙮”
\p
\v 18 ᒂ ‍ ᒋᔅᒐᔨᑕᐧᒃ ᑎᓚᐃᓚ ᐛᑎᒪᑯᑦ ᑕᑈᐅᓂᔪᐤ᙮ ᐊᑯ ᒥᓐ ᒂ ‍ ᐎᓴᒪᑦ ᑲ ‍ ᓂᑲᓂᔅᑯᐛᔨᒋ ᐱᓕᔅᑎᐊ ᐃᔪᐛ ᑭᔭ ᒂ ‍ ᐃᑕᑦ, “ᐸᐃᒂᐤ ᒥᓐ ᒐ ‍ ᑎᑯᓯᓂᔭᒄ, ᐛᔅ ᓂᒋ ‍ ᐎᑎᒪᒄ ᓴᒥᓯᓐ ᒥᓯᐛ ᒐᒂᓂᔪᐤ ᓇᔅᒡ ᐛᒋ ‍ ᓱᒋᓯᑦ᙮” ᐊᑯ ᒥᓐ ᒂ ‍ ᑎᑯᓯᓂᔨᒋ ᑲ ‍ ᓂᑲᓂᔅᑯᐛᔨᒋ ᐱᓕᔅᑎᐊ ᐃᔪᐛ ᑭᔭ ᒋᐸᑥᑯᐤ ᓱᓇᔭᔪᐤ ᑲ ‍ ᐊᓱᑎᒪᑯᑦ ᒐᒋ ᒥᔨᑯᑦ᙮
\v 19 ᐊᑯ ᒂ ‍ ᑐᑐᐛᑦ ᑎᓚᐃᓚ ᐅᑈᒥᒡ ᒐᒋ ᓂᐸᐃᒋ ᓴᒥᓯᓇ ᑭᔭ ᒂ ‍ ᐎᓴᒪᑦ ᐸᐃᒄ ᓇᐸᐛ ᒐᒋ ᒥᓂᓯᒥᔨᒋ ᓴᒥᓯᓇ ᓂᔄᐅᑕᒡ ᐊ ‍ ᑕᑥᐸᑭᓂᔨᒡ ᐊᐱᐧᑲᑎᒪᔨᒋ ᐅᐱᔎᐅᓂᔪᐤ᙮ ᒂ ᐊᑎ ‍ ᐃᔨᒥᓯᑦ ᓴᒥᓯᓐ ᑭᔭ ᒂ ‍ ᓂᑭᑎᑯᑦ ᐅᓱᒋᓯᐅᓐ᙮
\p
\v 20 ᒂ ‍ ᑕᑈᑦ ᑎᓚᐃᓚ, “ᓴᒥᓯᓐ, ᑎᑯᓯᓄᐅᒡ ᐅᑕ ᐱᓕᔅᑎᐊ ᐃᔪᒡ ᒐᒋ ᒪᑯᓂᔅᒡ !” ᒂ ‍ ᐅᓂᑦ ᑭᔭ ᒂ ‍ ᐃᑕᔨᑕᐧᒃ, “ᓂᑭ ‍ ᐃᑐᑕᓐ ᒐᒂᓐ ᑲᒋ ‍ ᐃᑐᑎᒪᓐ, ᓂᑭ ‍ ᐱᔅᒋᐱᑕᓐ ᐅᔭ ᐊᐱᓴ ᑭᔭ ᓂᑭ ‍ ᐱᐧᑯᐅᓐ !” ᒥᒄ ᓇᒪ ᐅᒋ ᒋᔅᒐᔨᑎᒻ ᑲᒋ ‍ ᓂᑭᑎᑯᑦ ᑎᐸᔨᒋᒐᓱᐛ᙮
\p
\v 21 ᐱᓕᔅᑎᐊ ᐃᔪᐛ ᒋ ‍ ᒪᑯᓂᑯᐤ ᑭᔭ ᒋ ‍ ᒥᓂᐱᑎᒥᔨᐛ ᐅᔅᒋᓯᒂ᙮ ᑲᓴ ᐅᑕᓇᒡ ᒋ ‍ ᐃᑐᑕᔨᑯᐤ, ᑲᒪᑯᓄᐛᓯᐅᒋᐛᐱᒡ ᒋ ‍ ᒋᐸᐅᑯᐤ ᑭᔭ ᑲ ‍ ᐎᔄᐛᐸᑭᓂᔨᒋ ᐃᓴᒂᔭᐱᔭ ᒋ ‍ ᒪᑯᐱᑎᑯᐤ, ᐊᓯᑯᒻ ᒋᓯᑲᐛ ᒋ ‍ ᐸᐱᓴᐊᒻ ᐸᒂᓯᑭᓂᒥᓇ ᐊ ‍ ᒥᒐᐱᔅᒋᓯᔨᒋ ᐊᓯᓂᔭ ᐊᐱᒋᐊᑦ᙮
\v 22 ᒥᒄ ᒂ ᒋᒋ ‍ ᓂᑕᐅᒋᓂᔨᒡ ᐅᐱᔎᐅᓐ᙮
\s1 ᑲ ‍ ᐳᓂᐱᒪᑎᓯᑦ ᓴᒥᓯᓐ
\p
\v 23 ᑲᒋ ‍ ᑕᑐᐤ ᐱᓯᒺᔭᔨᒡ, ᒂ ‍ ᒪᒧᐎᒡ ᑲ ‍ ᓂᑲᓂᔅᑯᐛᒡ ᐱᓕᔅᑎᐊ ᐃᔪᐛ ᒐᒋ ᒥᑯᓴᒡ ᑭᔭ ᒐᒋ ᒥᔭᒡ ᑕᑯᓇ ᐅᒪᓂᑐᒧᐛᐛ ᒋᒋ ‍ ᒥᑐᔅᑕᐊᒪᒐᐅᓂᔪᐤ᙮ ᒋ ‍ ᒪᒥᒋᒪᐅᒡ ᐊ ‍ ᐃᔅᒋᔄᒡ, “ᓂᒋᓴᒥᓂᑐᒥᓇᓐ ᓂᒋ ‍ ᑐᑕᑯᓇᓐ ᒐᒋ ᓴᑯᐎᒥᒋᒋ ᑲ ‍ ᐱᒂᓯᐃᒥᔨᒋ ᓴᒥᓯᓇ !”
\p
\v 24 ᐃᔅᐱ ᑯᑎᑭᒡ ᐃᔪᒡ ᐎᔭᐱᒪᒡ ᓴᒥᓯᓇ, ᑭᔭ ᐎᔪᐛᐤ ᒋ ‍ ᒪᒥᒋᒪᐅᒡ ᐅᒪᓂᑐᒧᐛᐛ ᑕᑯᓇ, ᐊ ‍ ᐃᔅᒋᔄᒡ, “ᓴᒥᓯᓇ ᒋ ‍ ᐱᑯᓂᒻ ᓂ ‍ ᓂᑕᐅᒋᒋᑭᓇᓇ ᑭᔭ ᒥᒐᑦ ᒋ ‍ ᓂᐸᐊᐤ ᓂᑦ ᐃᔨᒥᓇᓇ, ᒥᒄ ᓂᒋᓴᒪᓂᑐᒥᓇᓐ ᓂᑎᒋᓇᒡ ᒋ ᐃᓯ ‍ ᐱᒋᑎᓇᐤ ᑲ ᒋᒋ ‍ ᐱᒂᓯᐃᒥᔨᒋ᙮ ᓂᒋ ‍ ᐎᒋᐃᑯᓇᓐ ᓂᒋᓴᒪᓂᑐᒥᓇᓐ ᒐᒋ ᒪᑯᓂᒥᒋᒋ ᓴᒥᓯᓇ!”
\p
\v 25 ᐃᔅᐱ ᐃᔪᒡ ᑲᒋ ‍ ᒋᒋᔎᐸᒡ᙮ ᒋ ‍ ᑕᑈᐅᒡ, “ᐸᒋ ‍ ᐎᐎᑕᔨᐧᒄ ᓴᒥᓯᓐ ᑲᒪᑯᓄᐛᓯᐅᒋᐛᐱᒡ ᐅᒋ! ᐸᓱᐎᐧᒄ ᐅᑕ ᒐᒋ ᐃᑐᑕᐧᒃ ᒐᒂᔪᐤ ᒐᒋ ᐅᓯᓄᐛᐧᒃ!” ᐊᑯ ᒂ ‍ ᐸᓱᐛᒡ ᓴᒥᓯᓇ ᑲᒪᑯᓄᐛᓯᐅᒋᐛᐱᒡ ᐅᒡ ᑭᔭ ᒂ ‍ ᐛᐅᓯᓄᐛᒡ᙮
\p ᐊᑯ ᒂ ‍ ᑐᑐᐛᒡ ᒐᒋ ᓂᐳᐎᔨᒋ ᑎᔅᑐᐎᒡ ᓯᑥᔅᑲᐃᑭᓇ ᐊᑕᔨᒋ᙮
\v 26 ᓴᒥᓯᓐ ᒂ ‍ ᐃᑕᑦ ᐊᓂᔭ ᓇᐸᓴ ᐅᑎᒋᒡ ᑲ ᐅᒋ ‍ ᓯᒋᓂᔅᒐᑕᔨᑯᑦ ᐛᔅ ᐊ ᐊᑲ ᐛᐸᑕᐧᒃ, “ᒐ ‍ ᐊᔅᑕᔨᓐ ᓂᑎᒋᔭ ᐊᓐᑕ ᐊ ‍ ᓂᓯᒡ ᓯᑥᔅᑲᐃᑭᓐᒡ ᐊᓐᑕ ᑕᔭᔅᑯᑎᔅᑕᒡ ᐊᔭᒥᐊᐅᒋᐛᑉ ᐊᑯ ᒪᒃ ᒐᒋ ᐊᔅᐱᒋᒧᔭᓐ᙮”
\v 27 ᓇᐸᐅᒡ ᑭᔭ ᐃᔎᐅᒡ ᒋᓴᑭᔅᒋᓇᐅᒡ ᐊᔭᒥᐊᐅᒋᐛᐱᔪᐤ᙮ ᒥᓯᐛ ᐱᓕᔅᑎᐊ ᑲᓂᑲᓄᔅᑲᒐᒡ ᐃᔭᐱᒡ ᒋ ‍ ᑕᐅᒡ᙮ ᓂᔍᐤ ᒐᓯᐱᔪᐤ ᒋ ‍ ᐃᑕᑎᓱᐅᒡ ᓇᐸᐅᒡ ᑭᔭ ᐃᔎᐅᒡ ᐊᓐᑕ ᑕᐧᑯᒡ ᐛᒋ ‍ ᑭᓄᐛᐱᒪᒡ ᓴᒥᓯᓇ ᑭᔭ ᐊᐛᐅᓯᓄᐛᒡ᙮
\v 28 ᐊᑯ ᓴᒥᓯᓐ ᒂ ‍ ᐊᔭᒥᐊᑦ ᐊᐃᔅᒋᔄᑦ, “ᑎᐸᔨᒋᒐᓱᐤ ᓂᒋᓴᒪᓂᑐᒻ, ᒥᓐ ᒪᒥᑐᓇᔨᒥ᙮ ᐸᐃᒂᐤ ᒥᓐ ᐸᒋ ᒥᔨ ᓱᒋᓯᐅᓐ ᐊᑯ ᒪᒃ ᒐᒋ ᑎᐸᐊᒪᓱᔭᓐ ᑲ ‍ ᑐᑐᐅᒡ ᐱᓕᔅᑎᐊ ᐃᔪᒡ ᑲ ‍ ᒥᓂᐱᑕᒡ ᓂᔅᒋᓯᒂ !”
\v 29 ᐊᑯ ᓴᒥᓯᓐ ᒂ ‍ ᐊᔅᑕᑦ ᐅᑎᒋᔭ ᐊᓐᑕ ᓂᓱᐤ ᑕᑕᐅᒡ ᑲ ‍ ᒋᒥᓱᔨᒋ ᓯᑥᔎᐃᑭᓇ ᐊᔭᒥᐊᐅᒋᐛᐱᒡ᙮ ᐅᒥᔪᐅᓐ ᒋ ‍ ᐊᔅᑕᐤ ᐊᓐᑕ ᐸᐃᒄ ᓯᑥᔎᐃᑭᓇ ᑭᔭ ᐅᓂᔅᐸᒋᐅᓐ ᐊᓐᑕ ᑯᑎᑲ ᓯᑥᔅᑲᐃᑭᓇ, ᑭᔭ ᒂ ‍ ᐊᔅᐱᒋᑲᐳᐅᑦ ᐊᓐᑕ ᓯᑥᔅᑲᔨᑭᓂᒡ᙮
\v 30 ᑭᔭ ᑎᔭᑈᑕᑦ ᒋᓴᒪᓂᑐᐛ, “ᓇᐃᒥ ᒐᒋ ᐎᒋ ‍ ᐳᓂᐱᒪᑎᓯᒥᒂᐤ ᐱᓕᔅᑎᐊ ᐃᔪᒡ !” ᑭᔭ ᒂ ‍ ᐃᔭᒋᓇᑦ ᓯᑥᔎᐃᑭᓇ ᒥᓯᐛ ᐅᓴᒋᓯᐅᓂᒡ ᐅᒡ᙮ ᒂ ‍ ᐸᒋᓯᓂᔨᒋ ᓯᑥᔎᐃᑭᓇ ᑭᔭ ᐱᔭᒋᑎᓂᔨᒡ ᐊᔭᒥᐊᐅᒋᐛᐱᔪᐤ ᐊ ‍ ᐱᑎᔅᑕᐅᑯᔨᒋ ᐱᓕᔅᑎᐊ ᑲᓂᑲᓄᔅᑲᒐᔨᒋ ᑭᔭ ᒥᓯᐛ ᐊᐛᔪᐛ, ᒥᓯᐛ ᒋ ‍ ᐳᓂᐱᒪᑎᓯᔨᐛ᙮ ᒋᒋᐛ ᒥᒐᑦ ᐃᔪᐛ ᒋ ‍ ᓂᐸᐤ ᓴᒥᓯᓐ ᐃᔅᐱ ᐊᑎ ‍ ᐳᓂᐱᒪᑎᓯᑦ ᐃᔅᐱᔅ ᐊᓂᔭ ᑲ ‍ ᓂᐸᐊᑦ ᒪᒂᒡ ᑲ ᐃᔅᐱᔅ ‍ ᐱᒪᑎᓯᑦ᙮
\p
\v 31 ᓇᓇᒐ ᐎᐧᑲᓂᓴ ᑭᔭ ᒥᓯᐛ ᐅᑕᐎᔭ ᐊ ‍ ᐸᐃᑯᔅᑲᓇᓯᔨᒋ ᑲᓴ ᒋ ‍ ᐃᑐᑕᔪᐛ ᒐᒋ ᓂᑐᐛᐸᑎᒥᔨᒋ ᐎᔪᐤ᙮ ᒋ ‍ ᒋᐛᑕᔪᐛ ᐎᔪᐤ ᑭᔭ ᒂ ‍ ᓇᐃᐧᑭᒥᔨᒋ ᐊᓐᑕ ᑎᔅᑐᐎᒡ ᓱᕋ ᑭᔭ ᐃᔅᑕᐅᓪ ᐊᓐᑕ ᐅᑕᐎᔭ ᒪᓄᐊᔨᒋ ᐅᓂᒂᔅᑲᓂᔨᒡ᙮ ᓂᓱᔪᐛᐱᐳᓇ ᒋ ᐃᔅᐱᔅ ‍ ᓂᑲᓂᔅᑯᐛᐤ ᐃᔅᕋᐃᓪ ᐃᔪᐛ ᓴᒥᓯᓐ᙮
\c 17
\s1 ᒪᐃᑲ ᐅᒥᓂᑐᐧᑲᓇ
\p
\v 1 ᒋ ‍ ᑕᐤ ᓇᐸᐤ ᒪᐃᑲ ᐊ ‍ ᐃᓯᓂᐧᑲᓱᑦ ᐱᔅᑯᑎᓇᒡ ᑲ ‍ ᐎᒋᑦ ᐊᓐᑕ ᐃᑉᕋᐃᒻ ᐊᔅᒋᒡ᙮
\v 2 ᐸᐃᒂᐤ ᒐᓯᑲᔨᒡ ᒋ ‍ ᐃᑕᐤ ᐅᑲᐎᔭ, “ᓂᒋ ‍ ᐸᑕᓐ ᐊᒋ ‍ ᒥᒋ ‍ ᓂᑐᓂᐧᑲᑎᑦ ᐊᐛᓐ ᐃᔅᐱ ᑲ ‍ ᒋᒧᑎᒪᔅᒃ ᐸᐃᒂᐤ ᒐᓯᐱᔪᐤ ᐊᓱ ᐸᐃᒄ ᒥᑕᓯᒥᑎᓄᐤ (1100) ᓱᓇᔭᐱᔎ᙮ ᓂᔾ ᐊᓐ ᓂᒋ ‍ ᐅᑎᓇᓐ ᓱᓇᔭᐱᔎ, ᑭᔭ ᐊᔅᒄ ᐊᓂᔭ ᓂ ‍ ᑭᓄᐛᔨᑕᓐ᙮”
\p ᒂ ‍ ᐃᑎᑯᑦ ᐅᑲᐎᔭ, “ᓂᑯᓴ, ᓂ ‍ ᓂᑐᑎᒪᓐ ᒐ ‍ ᓱᐛᔨᑕᑯᐃᔅᒄ ᑎᐸᔨᒋᒐᓱᐤ ᑲ ‍ ᐎᑎᒥᓐ ᒋᔾ ᐊᒋ ‍ ᐅᑎᓂᒥᓐ᙮”
\p
\v 3 ᑲᐤ ᒋ ‍ ᒥᔭᐤ ᒪᐃᑲ ᐅᑲᐎᔭᐤ ᓱᓇᔭᐱᔎ᙮ ᐊᑯ ᒂ ‍ ᐃᔅᒋᔄᔨᒋ, “ᓂᔾ ᓇᔅᒡ ᑕᑈ ᓂᑭ ‍ ᐱᔅᑎᓂᒧᐛᐤ ᓱᓇᔭᐱᔎ ᑎᐸᔨᒋᒐᓱᐤ, ᐊᐅᑯᔪᐛ ᒐ ‍ ᐊᐱᑎᒋ ᓱᓇᔭᐱᔎ ᐊ ‍ ᐎᔎᔭᒋᓇᑭᓄᐅᑦ ᐅᓯᐊᑭᓄᐅᒐ ᒥᓂᑐᐧᑲᓐ᙮ ᐊᑯ ᐊᓄᒡ ᑲᐤ ᒋᑭ ‍ ᒥᔨᑎᓐ ᓱᓇᔭᐱᔎ᙮”
\p
\v 4 ᐊᑯ ᑲᐤ ᒥᓯᐛ ᒂ ᒥᔭᑦ ᐅᑲᐎᔭ ᓱᓇᔭᐱᔎ, ᓂᓱ ᒥᑕᓯᒥᑎᓄᐤ ᓱᓇᔭᐱᔎ ᒋ ‍ ᐅᑎᓇᔪᐛ ᐅᑲᐎᔭ ᑭᔭ ᒂ ‍ ᐃᑐᑐᐛᔨᒋ ᑲ ‍ ᐅᓯᑕᔨᒋ ᒐᒂᔪᐛ ᒐ ‍ ᐊᐱᒋᑕᔨᒋ ᐊ ᐅᓯᐊᔨᒋ ᒥᓂᑐᐧᑲᓇ᙮ ᒪᐃᑲ ᐎᒋᒡ ᒋᑭ ‍ ᑎᔭᑭᓄᔪᐛ᙮
\p
\v 5 ᒋ ‍ ᑎᑯᓂᔪᐤ ᑲᐱᔅᒋᒐᔭᔨᒡ ᐊᓐᑕ ᐎᒋᒡ ᐅ ᓇᐸᐤ ᒪᐃᑲ ᐊᓐᑕ ᒐ ‍ ᐊᔭᒥᐊᑦ ᐊᓐᑕ ᐊᑕᔨᒋ ᒥᓂᑐᐧᑲᓇ ᐊᓂᔭ ᐊ ᐊᑲ ᑕᑈᑕᑭᓄᐎᔨᒡ ᒐᒋ ᐃᔨᑎᑦ᙮ ᒋ ‍ ᐅᓯᐊᐤ ᐱᔅᒐ ᒥᓂᑐᐧᑲᓇ ᑭᔭ ᐊᔭᒥᐊᐅᒋᒪᐤ ᐅᑦ ᐊᐱᒋᑕᐅᓇ ᑭᔭ ᒋ ‍ ᐅᓯᐊᐤ ᐸᐃᒄ ᐅᑯᓴ ᒐᒋ ᐅᑦ ᐊᔭᒥᐊᐅᒋᒪᒥᑦ᙮
\v 6 ᒪᒂᒡ ᓇᒪ ᐅᒋ ᑭᓄᐛᔨᒪᐅᒡ ᒋᓴᐅᒋᒪᐛ ᐃᔅᕋᐃᓪ ᐃᔪᒡ, ᒥᓯᐛ ᐃᔪᒡ ᒥᒄ ᐛᔨᑎᒡ ᒋ ‍ ᐃᑐᐅᒡ᙮
\p
\v 7 ᒋ ‍ ᑕᐤ ᐊᓐᑕ ᓕᐸᐃ ᐃᔪᐤ ᐅᔅᒋᓂᒋᓱᐤ ᐊᓐᑕ ᑲ ‍ ᐎᒋᑦ ᐸᑦᓕᔭᒻ ᐅᑕᓇᒡ ᐊᓐᑕ ᒍᑕ ᐃᔪᐛ ᑲ ‍ ᐎᒋᔨᒋ᙮
\v 8 ᐊᑯ ᒂ ‍ ᓂᑭᑕᐧᒃ ᐸᑦᓕᔭᒻ ᐅᑕᓇᔪᐤ ᐊ ‍ ᓇᓂᑐᐛᐸᑕᐧᒃ ᑕᓐᑕ ᒥᒄ ᒐ ‍ ᒥᔅᑭᒥᒂ ᒐᒋ ᐎᒋᑦ ᑭᔭ ᐊᑐᔅᒐᑦ᙮ ᒪᐃᑲᔨᒋ ᐎᒋᔪᐤ ᒋ ‍ ᐅᑎᑎᒺᐤ ᐊᓐᑕ ᐱᔅᑯᑎᓇᒡ ᐊᓐᑕ ᑲ ‍ ᐎᒋᔨᒋ ᐃᑉᕋᐃᒻ ᐃᔪᐛ᙮
\p
\v 9 ᒪᐃᑲ ᒂ ‍ ᑯᒂᒋᒪᑦ, “ᑕᓐᑕ ᐛᒋᔨᓐ ?”
\p ᒂ ‍ ᐃᑎᑯᑦ, “ᓂᔾ ᐅ ᓕᐸᐃ ᐃᔪᐤ ᐸᑦᓕᔭᒻ ᐊᓐᑕ ᒍᑕ ᐊᔅᒋᒡ ᓂ ‍ ᐅᒋᓐ᙮ ᓂ ‍ ᓇᓂᑐᐛᐸᑕᓐ ᑕᓐᑕ ᒐ ‍ ᐎᒋᔭᓐ ᑭᔭ ᒐᒋ ᐊᑐᔅᒐᔭᓐ ᒧᔭᒻ ᐊᔭᒥᐊᐅᒋᒪᐤ᙮”
\p
\v 10 ᒪᐃᑲ ᒂ ‍ ᐃᑕᑦ, “ᒐ ‍ ᐎᒋᒥᔨᓐ, ᒋᑭ ‍ ᐅᑕᐎᑕᑎᓐ ᑭᔭ ᐅᑦ ᐊᔭᒥᐊᐅᒋᒪᒥᑕᑎᓐ, ᑭᔭ ᐸᐃᑯᔪᐤ ᓱᓇᔭᐱᔎ ᒋᑭ ‍ ᒥᔨᑎᓐ ᐸᐃᒄ ᐱᐳᓇ ᑭᔭ ᐊᐅᔅᑲᒋ ᐊᐱᒋᑕᐅᓇ ᑭᔭ ᒋᑭ ‍ ᐊᓯᒥᑎᓐ᙮”
\v 11 ᐊᑯ ᐅᔅᒋᓂᒋᓱᐤ ᒂ ‍ ᓂᔅᑯᒪᑦ ᒐᒋ ᐎᒋᒪᑦ ᒥᐃᑲᔨᒋ ᑭᔭ ᒧᔭᒻ ᐅᑯᓴ ᒂ ᐃᓯ ‍ ᐅᑎᓂᑯᑦ᙮
\v 12 ᒪᐃᑲ ᒂ ‍ ᐅᓯᐊᑦ ᒐᒋ ᐅᑦ ᐊᔭᒥᐊᐅᒋᒪᒥᑦ ᑭᔭ ᐅᔅᒋᓂᒋᓱᐤ ᒂ ‍ ᐎᒋᑦ ᐊᓐᑕ ᒪᐃᑲᔨᒋ ᐎᒋᔨᒡ᙮
\v 13 ᐊᑯ ᒪᐃᑲ ᒂ ‍ ᐃᑎᑎᓱᑦ, “ᐊᓄᒡ ᑲᓄᐛᔨᒥᒃ ᓕᐸᐃ ᐃᔪᐤ ᒐ ᐅᑦ ᐊᔭᒥᐊᐅᒋᒪᒥᔭᓐ, ᓂᔅᒐᔨᒪᐤ ᒐ ‍ ᑐᑐᐅᑦ ᑎᐸᔨᒋᒐᓱᐤ ᒥᓯᐛ ᒐ ᐃᓯ ‍ ᒥᔪᐱᔪᐅᒡ᙮”
\c 18
\s1 ᒪᐃᑲ ᑭᔭ ᑕᐊᓐ ᐊ ‍ ᐃᑎᔅᑲᓇᓯᒡ ᐃᔪᒡ
\p
\v 1 ᒪᒂᒡ ᐊᓂᔭ ᒋᓯᒂ, ᓇᒪ ᐅᒋ ᑭᓄᐛᔨᒪᐅᒡ ᒋᓴᐅᒋᒪᐛ ᐃᔅᕋᐃᓪ ᐃᔪᒡ᙮
\p ᑭᔭ ᐃᔭᐱᒡ ᑕᐊᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐊᔅᒄ ᒋ ‍ ᓇᓂᑐᐛᐸᑎᒧᒡ ᐊᔅᒋᔪᐤ ᒐᒋ ᐅᑎᓇᒡ ᑭᔭ ᐎᒋᒡ ᐛᔅ ᐊᔅᒄ ᓇᒪ ᐅᒋ ᑲᔅᑎᓂᒧᒡ ᐊᔅᒋᔪᐤ ᐎᔨᐛᐤ ᒐ ‍ ᑎᐱᔨᐛᐅᓯᒡ ᐊᓐᑕ ᐊ ‍ ᑕᔨᒋ ᑯᑎᑲ ᐃᔅᕋᐃᓪ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\v 2 ᐊᑯ ᑕᐊᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒂ ‍ ᐅᑎᓇᒡ ᐱᑕᑕᒡ ᓂᑐᐱᔪᐅ-ᐃᔪᐛ ᐅᑦ ᐊᓂᔅᑯᑕᐸᓄᐛᐛ ᐅᒡ, ᓇᐸᐛ ᑲ ‍ ᐎᒋᔨᒋ ᐊᓐᑕ ᓱᕋ ᑭᔭ ᐃᔅᑕᐅᓪ ᐅᑕᓇᐛ, ᒐᒋ ᓂᑐ ‍ ᒋᔅᒐᔨᑎᒥᔨᒋ ᐊᔅᒋᔪᐤ ᑭᔭ ᒐ ᐎ ‍ ᒥᔅᑭᒥᔨᒋ ᐊᔅᒋᔪᐤ ᐊᓐᑕ ᒐ ‍ ᐎᒋᔨᒋ ᐅᑦ ᐃᔨᒧᐛᐛ᙮
\p ᒋ ‍ ᑎᑯᓯᓄᐅᒡ ᒪᐃᑲᔨᒋ ᐎᒋᔨᒡ ᐊᓐᑕ ᐃᑉᕋᐃᒻ ᐱᔅᑯᑎᓇᒡ ᑭᔭ ᐊᑯᑕ ᑲ ‍ ᐃᑕᒡ ᑕᐱᔅᑲᔨᒡ᙮
\v 3 ᒪᒂᒡ ᐊᓐᑕ ᑲ ‍ ᑕᒡ ᐎᒋᔨᒡ, ᒋ ‍ ᐸᑐᐛᐅᒡ ᐅᔅᒋᓂᒋᓱᐛ ᐊᓂᔭ ᑲ ᐅᑦ ᐊᔭᒥᐊᐅᒋᒪᒥᔨᒋ ᒪᐃᑲᔨᒋ, ᒋ ‍ ᓂᔅᑐᑐᐛᐅᒡ ᐊᓂᔭ ᐊ ‍ ᐃᑎᑕᑯᓯᔨᒋ ᓴᐅᓄᒡ ᐃᔅᕋᐃᓕᒡ ᐊ ‍ ᐅᒋᔨᒋ᙮ ᐊᑯ ᒂ ‍ ᓂᑐᐛᐱᒪᒡ ᑭᔭ ᒂ ‍ ᑯᒂᒋᒪᒡ, “ᐊᐛᓐ ᐅᑕ ᑲ ‍ ᐸᓱᐅᔅᒄ ? ᒐᒂᓐ ᐅᑕ ᐊᑐᑎᒥᓐ ? ᒐᒂᓐ ᐅᑕ ᑲ ᐅᒋ ‍ ᑎᑯᓯᓂᔨᓐ ?”
\p
\v 4 ᒋ ‍ ᐎᑎᒧᐛᐤ ᑕᓐ ᑲ ‍ ᐃᑐᑎᒪᑯᑦ ᒪᐃᑲᔨᒋ᙮ ᑭᔭ ᒂ ‍ ᐃᔅᒋᔄᑦ, “ᒪᐃᑲ ᓂᒋ ‍ ᐅᑎᓂᒄ ᒐᒋ ᐊᑐᔅᑯᐅᒄ, ᑭᔭ ᓂᑦ ᐅᑦ ᐊᔭᒥᐊᐅᒋᒪᒥᑕᒄ᙮”
\p
\v 5 ᐊᑯ ᒂ ‍ ᐃᑕᒡ, “ᓂᑐᑎᒧᐤ ᒋᓴᒪᓂᑐᐤ ᒐᒋ ᑭᔅᒋᑕᔭᒡ ᐊᓐ ᒐᒂᓐ ᐛᑐᑎᒪᒡ ᐅᑕ ᐛᒋ ‍ ᑎᑯᓯᓂᔭᒡ᙮”
\p
\v 6 ᒂ ‍ ᐃᑕᑦ ᐅᔅᒋᓂᒋᓱᐤ, “ᒋᑭ ‍ ᒥᔪᐱᔨᑯᓇᐛᐤ ᒐᒂᓐ ᐛ ᐃᑐᑎᒪᒄ᙮ ᒋᑭ ‍ ᐎᒐᐅᑯᐛᐤ ᑎᐸᔨᒋᒐᓱᐤ ᑕᓐᑕ ᐊ ᐃᑐᑕᔭᒄ᙮”
\p
\v 7 ᒥᓐ ᒐᓯᑲᔨᒡ, ᒋ ‍ ᔅᑐᑕᐅᒡ ᐊᓐᒡ ᐱᑕᑕᒡ ᓇᐸᐅᒡ᙮ ᐃᔅᐱ ᐛᑎᑕᒡ ᓚᐃᔅᒡ ᐅᑕᓇᔪᐤ, ᒋ ‍ ᐛᐱᒪᐅᒡ ᐃᔪᐛ ᐊ ‍ ᒋᔭᒪᐅ-ᐱᒪᑎᓯᔨᒋ, ᒧᔭᒻ ᑲ ‍ ᐃᑎᔨᒋ ᐃᔪᐛ ᐊᓐᑕ ᓯᑐᓐ ᐅᑕᓇᒡ᙮ “ᓂ ᒥᔪ ‍ ᑭᓄᐛᔨᒥᑯᐅᓇᓐ,” ᐃᑕᔨᑎᒧᒡ ᐃᔪᒡ ᒐ ᐊᑲ ᑯᓯᒂᔨᒧᑐᐛᑭᓄᐅᒡ, ᑭᔭ ᒋ ‍ ᑭᓄᐛᔨᑎᒧᒡ ᐊᔅᒋᔪᐤ ᐊᓐᑕ ᐊ ᒥᔪ ‍ ᓂᑕᐅᒋᓂᔨᒡ ᒐᒂᔪᐤ᙮ ᐛᔪᐤ ᓯᑐᓐ ᐃᔪᐛ ᐅᒋ ᒋ ‍ ᐎᒍᐅᒡ, ᐊᑯ ᓇᒪ ᐅᒋ ᑭᓄᐛᔨᒥᑯᐅᒡ ᓯᑐᓐ ᐃᔪᐛ᙮ ᓇᒪ ᐅᒋ ᑕᔪᐛ ᑯᑎᑲ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒐᒋ ᐎᒋᐃᑯᒡ ᓇᑐᐱᔨᑥᐎ᙮
\p
\v 8 ᐃᔅᐱ ᑲᐤ ᑲ ‍ ᒋᐛᒡ ᐊᓐᒡ ᐱᑕᑕᒡ ᓇᐸᐅᒡ ᑭᔭ ᑲ ‍ ᑎᑯᓯᒡ ᐊᓐᑕ ᓱᕋ ᑭᔭ ᐊᔅᑕᐅᓪ ᐅᑕᓇᐛ, ᒋ ‍ ᑯᒂᒋᒥᑯᐅᒡ ᐎᐧᑲᓂᓯᐛᐛ, “ᒐᒂᓐ ᑲ ᐃᓯ ‍ ᒥᔅᑭᒪᒄ ?”
\p
\v 9 ᒂ ‍ ᐃᑕᒡ, “ᓂᒋ ‍ ᒥᔅᑲᓇᓐ ᐱᔅᒐ ᐊᔅᒋᔾ, ᑭᔭ ᒋᒋᐛ ᒥᔽᐤ᙮ ᒋᐸ ‍ ᔅᑐᑕᓇᓄᐤ ᑭᔭ ᓂᑐᐱᔨᑐᐛᓄᐅᒡ ᐃᔪᒡ ᐊᓐᑕ ᐛᒋᒡ᙮ ᒐᒂᓐ ᐅᑕ ᐛᒋ ‍ ᑕᔭᒄ ᐊ ᐊᑲ ‍ ᐃᑐᑎᒪᒄ ᒐᒂᓐ? ᐊᑲ ᓇᐅᔅ ᓯᓄᐛᓯᒄ ! ᑎᐛᒡ ᐅ ᒋᐸ ᔅᑐᑕᓇᓄᐤ ᑭᔭ ᒋᐸ ‍ ᐅᑎᓇᓇᓄᐤ ᐊᓐ ᐊᔅᒋᔾ !
\v 10 ᐃᔅᐱ ᐃᑐᑕᔭᒂ ᓇᑕ, ᒋᑭ ‍ ᐛᐸᑕᓇᓄᐤ ᐊ ‍ ᒥᓴᒡ ᐊᔅᒋᔾ, ᑭᔭ ᒥᓯᐛ ᒐᒂᓐ ᐊᓐᑕ ᑎᑯᓐ ᒐ ‍ ᐃᑕᐱᒋᑕᔭᐧᒄ᙮ ᓇᒪ ᐸᓱᐛᔨᒪᐅᒡ ᐃᔪᒡ ᐊᓐᑕ ᐊᑕᒡ ᐊᐛᔪᐛ ᒐᒋ ᓂᑐᐱᔨᑕᑯᒡ᙮ ᑕᑈ ᒋᑭ ‍ ᒥᔨᑯᓄᐤ ᒋᓴᒪᓂᑐᐤ ᐊᓂᔭ ᐊᔅᒋᔪᐤ᙮”
\p
\v 11 ᐊᑯ ᐊᓱᑕᒡ ᑕᑐᐤ ᒥᑕᓯᒥᑎᓄᐤ ‍(600) ᑕᐊᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒂ ‍ ᔅᑐᑕᒡ ᓱᕋ ᑭᔭ ᐊᔅᑕᐅᓪ ᐅᒋ, ᐊ ‍ ᑕᐧᑯᓇᒡ ᐅᓂᑐᐱᔪᐅ-ᐊᐱᒋᑕᐅᓄᐛᐛ᙮
\v 12 ᑭᔭ ᒂ ‍ ᒪᓂᑲᓱᒡ ᐊᓐᑕ ᑭᕆᐊᑦ-ᒋᐊᕆᒻ ᐅᑕᓇᒡ ᐊᓐᑕ ᒍᑕ ᐊᔅᒋᒡ᙮ ᐊᐅᑯᔪᐤ ᑕᐊᓐ ᑲ ‍ ᒪᓂᑲᓱᒡ ᑲ ᐅᒋ ‍ ᐃᓯᓂᐧᑲᑕᒡ ᐊᓐᑕ ᐊᑎᒪᐱᓯᒧᒡ ᐃᑕᒐ ᑭᕆᐊᑦ-ᒋᐊᕆᒻ ᑭᔭ ᐊᔅᒄ ᐊᓄᒡ ᒐᓯᑲᒡ ᒂ ‍ ᐃᓯᓂᐧᑲᑕᒡ᙮
\v 13 ᒂ ‍ ᔅᑐᑕᒡ ᐊᓐᑕ ᐅᒋ ᑭᔭ ᒂ ‍ ᐃᑐᑕᒡ ᐊᓐᑕ ᐃᑉᕋᐃᒻ ᐱᔅᑯᑎᓇᒡ ᑭᔭ ᒂ ‍ ᑎᑯᓯᒡ ᐊᓐᑕ ᒪᐃᑲᔨᒋ ᐎᒋᔨᒡ᙮
\p
\v 14 ᐊᑯ ᐊᓐᒡ ᐱᑕᑕᒡ ᓇᐸᐅᒡ ᑲ ᓇᓂᑐ ‍ ᒋᔅᒐᔨᑕᒡ ᐊᔅᒋᔪᐤ ᒥᒋᒪ ᓚᐃᔅ ᒂ ᐃᑕᒡ ‍ ᑕᐊᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐎᒋᔨᒡ, “ᒋ ᒋᔅᒐᔨᑕᓇᐛᐤ ᐊ ᐊᓐᑕ ᐸᐃᒄ ᐅᔭ ᒥᒋᐛᐸ ᐊ ‍ ᑎᒂᒋ ᐊᓐᑕ ᐊᔭᒥᐊᐅᒋᒪᐤ ᐊᐱᒋᑕᐅᓇ, ᑭᔭ ᒥᒐᑦ ᐊᓐᑕ ᒥᓂᑐᐧᑲᓐᒡ ᐊᑕᒡ᙮ ᐊᑯ ᒪᒥᑐᓇᐃᑎᒥᒄ ᑕᓐ ᒐ ‍ ᐃᑎᔭᒄ ?”
\v 15 ᐊᑯ ᒂ ‍ ᐃᑐᑕᒡ ᐊᓐᑕ ᒪᐃᑲᔨᒋ ᐎᒋᔨᒡ, ᐊᓐᑕ ᓕᐸᐃ ᐅᔅᒋᓂᒋᓱᐛ ᑲ ‍ ᐎᒋᔨᒋ ᑭᔭ ᑲ ‍ ᑯᒂᒋᒪᒡ ᑕᓐ ᐊ ‍ ᐃᔅᐱᔨᒋ᙮
\v 16 ᐊᓱᑕᒡ ᑕᑐᐤ ᒥᑕᓯᒥᑎᓄᐤ ‍(600) ᓇᐸᐅᒡ ᑕᐊᓐ ᐊ ‍ ᐃᑎᔅᑲᓇᓯᒡ ᐎᐎᑎᒥᒡ ᐃᔎᑕᒥᒡ ᒥᒋᐛᐱᒡ ᒋ ‍ ᓂᐳᐅᒡ ᐊ ‍ ᑕᐧᑯᓇᒡ ᐅᓂᑐᐱᔪᐅ-ᐊᐱᒋᑕᐅᓄᐛᐛ᙮
\v 17 ᐊᓐᒡ ᐱᑕᑕᒡ ᓇᐸᐅᒡ ᓴᔅ ᑲ ᓇᓂᑐ ‍ ᒋᔅᒐᔨᑕᒡ ᐊᔅᒋᔪᐤ ᒪᐃᑲᔨᒋ ᐎᒋᔨᒡ ᒋ ‍ ᐃᑐᑕᐅᒡ, ᑭᔭ ᒥᓯᐛ ᒥᓂᑐᐧᑲᓇ ᒂ ‍ ᐅᑎᓇᒡ ᑭᔭ ᐊᔭᒥᐊᐅᒋᒪᐤ ᐊᐱᒋᑕᐅᓇ ᒪᒂᒡ ᐊᓱᑕᒡ ᑕᑐᐤ ᒥᑕᓯᒥᑎᓄᐤ ‍(600) ᓇᐸᐛ ᑕᐊᓐ ᐊ ‍ ᐃᑎᔅᑲᓇᓯᔨᒋ ᐎᐎᑎᒥᒡ ᐃᔎᑕᒥᒡ ᒥᒋᐛᐱᒡ ᑲ ᓂᐳᔨᒋ ᐊᐃᔨᒪᔨᒋ ᓕᐸᐃ ᐅᔅᒋᓂᒋᓱᐛ ᑲ ‍ ᐊᔭᒥᐊᐅᒋᒪᐎᒋ᙮
\p
\v 18 ᐃᔅᐱ ᐊᓐ ᐊᔭᒥᐊᐅᒋᒪᐤ ᐎᔭᐱᒪᑦ ᐱᔭᒋ ‍ ᐎᐎᑕᔨᒋ ᒥᓂᑐᐧᑲᓇ ᑭᔭ ᐊᓂᔭ ᐊᔭᒥᐊᐅᒋᒪᐤ ᐊᐱᒋᑕᐅᓇ ᑭᔭ ᒂ ‍ ᑯᒂᒋᒪᑦ, “ᒐᒂᓐ ᐅ ᐊᑐᑎᒪᒄ?”
\p
\v 19 ᐊᑯ ᒂ ‍ ᐃᑎᑯᑦ, “ᐊᑲ ᐃᔨᒥ, ᐊᑲ ᒐᒂᓐ ᐊᔅᒋᔄ, ᐸᒋ ‍ ᐎᒐᐅᓇᓐ ᑭᔭ ᒋᑭ ‍ ᐅᑕᐎᑕᑎᓇᓐ ᑭᔭ ᐅᑦ ᐊᔭᒥᐊᐅᒋᒪᒥᑕᑎᓇᓐ᙮ ᐊᑎᑐᐤ ᐊ ‍ ᒥᔽᐤ ᒐᒋ ᐃᑕᔨᓐ ᐅᑕ ᒐᒋ ᐅᑦ ᐊᔭᒥᐊᐅᒋᒪᒥᑕᔅᒃ ᐊ ‍ ᐸᐃᑯᓯᑦ ᓇᐸᐤ ᐎᒋᒡ, ᑭᔭ ᒪᒃ ᒐᒋ ᐅᑦ ᐊᔭᒥᐊᐅᒋᒪᒥᑕᔅᒡ ᐊ ᐸᐃᑯᔅᑲᓇᓯᒡ ᐃᔅᕋᐃᓪ ᐃᔪᒡ?”
\v 20 ᒋᒋᐛ ᒋ ‍ ᒥᔽᔨᑎᒺᐤ ᐊᔭᒥᐊᐅᒋᒪᐤ ᑕᓐ ᑲ ‍ ᐃᑎᓱᒥᑯᑦ, ᐊᑯ ᒂ ‍ ᐅᑎᓇᐧᒃ ᐅᑦ ‍ ᐊᔭᒥᐊᐅᒋᒪᐤ ᐊᐱᒋᑕᐅᓇ ᑭᔭ ᐊᓂᔭ ᒥᓂᑐᐧᑲᓇ ᑭᔭ ᒂ ‍ ᐊᔭᔅᑯᐎᑦ ᒐᒋ ᐎᒐᐛᑦ ᓇᐸᐛ ᑕᐊᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ᙮
\v 21 ᒥᓯᐛ ᒂ ‍ ᔅᑐᑕᒡ ᑭᔭ ᓂᑲᓐ ᒂ ᑎᔭᒡ ᐅᑦ ᐊᐛᓯᒧᐛᐛ ᑭᔭ ᐅᑦ ᐊᐛᓯᓯᒧᐛᐛ ᑭᔭ ᒥᓯᐛ ᒐᒂᔪᐤ ᑲ ‍ ᑎᐱᔨᐛᐅᓯᒡ᙮
\p
\v 22 ᐛᔪᐎᔅ ᑲᒋ ‍ ᑕᒡ ᒪᐃᑲᔨᒋ ᐎᒋᔨᒡ ᐅᒋ, ᒪᐃᑲ ᒂ ‍ ᒪᒧᐅᓇᑦ ᓇᐸᐛ ᒥᒋᒪ ᑲ ‍ ᐎᒋᔨᒋ ᐊᑕᑦ, ᒂ ‍ ᒋᒋᓇᒡ ᑭᔭ ᒂ ‍ ᒐᔅᑎᐱᑕᒡ ᑕᐊᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\v 23 ᒂ ‍ ᑕᑈᑕᒡ᙮ ᑕᐊᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒂ ‍ ᒋᐛᑲᐳᐅᒡ ᑭᔭ ᐊᑕᒡ ᒪᐃᑲᔨᒋ, “ᒐᒂᓐ ᐅ ᐊᑎᔨᓐ ᐊᒋ ‍ ᒪᒧᐅᓂᑥᐤ ᒋᑦ ᐃᔨᒥᒡ ᒐᒋ ᒪᓯᐧᑯᐅᔭᒡ ?”
\p
\v 24 ᒪᐃᑲ ᒂ ‍ ᐃᑕᑦ, “ᒋᒋ ‍ ᐅᑎᓇᐛᐅᒡ ᑲ ‍ ᓱᓇᔭᐱᔅᑯᐅᒡ ᒥᓂᑐᐧᑲᓐᒡ ᑲ ‍ ᐅᓯᑎᒪᑯᐎᔭᓐ ! ᐃᔭᐱᒡ ᒋᒋ ‍ ᐅᑎᓇᐛᐤ ᓂᑦ ᐊᔭᒥᐊᐅᒋᒪᒻ ! ᓇᒪ ᒐᒂᓐ ᓂᑦ ᐃᔅᑯᐱᔨᓐ ! ᐊᑯ ᒐᒂᓐ ᐛᒋ ‍ ᑯᒂᒋᒥᔭᒄ, ‘ᒐᒂᓐ ᐅ ᐊᑎᔨᓐ ?’ ”
\p
\v 25 ᑕᐊᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒂ ᐃᑕᒡ, “ᐊᑲ ᒋᐧᑲᓇᑯᐎᓇᓐ, ᑭᔭ ᒪᒃ ᐊᓐᒡ ᐱᔅᒐ ᐊ ‍ ᒋᔄᐱᒡ ᓂᑦ ᐃᔨᒥᓇᓐᒡ ᒋᑭ ‍ ᒋᒋᓂᑯᒡ ᑭᔭ ᒋᑭ ‍ ᓂᐸᐃᑯᒡ ᑭᔭ ᐊ ‍ ᑕᑐᑕᐅᓯᔨᓐ!”
\v 26 ᐊᑯ ᑕᐊᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒂ ‍ ᔅᑐᑕᒡ, ᒪᐃᑲ ᒂ ‍ ᒋᔅᒐᔨᑕᐧᒃ ᓇᔅᒡ ᐊ ‍ ᒥᒐᑎᔨᒋ ᒐᒋ ᓴᐧᑯᒋᐊᑦ᙮ ᐊᑯ ᒂ ‍ ᒋᐛᑲᐳᐅᑦ ᑭᔭ ᒐᐛᑦ᙮
\p
\v 27 ᑕᐊᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ‍ ᔅᑐᑕᐅᒡ ᐊᓂᔭ ᑲ ‍ ᐅᓯᑎᒧᐛᑭᓄᐎᒋ ᒐᒂᔪᐛ ᒪᐃᑲᔨᒋ ᑭᔭ ᐅᑦ ᐊᔭᒥᐊᐅᒋᒪᒥᔨᐛ ᒋ ‍ ᐅᑎᓂᒺᐅᒡ ᑭᔭ ᓚᐃᔅ ᐅᑕᓇᒡ ᒂ ‍ ᐃᑐᑕᒡ᙮ ᒂ ‍ ᓇᑐᐱᔨᑐᐛᒡ ᑲ ‍ ᒋᔭᒪᐛᔨᑕᑯᓯᔨᒋ ᐃᔪᐛ ᐊᓐᑕ ᑲ ‍ ᐎᒋᔨᒋ, ᑭᔭ ᒂ ‍ ᓂᐸᐊᒡ ᐅᒥᔅᑎᒧᑯᒪᓄᐛᐛ ᐅᒋ ᑭᔭ ᒂ ‍ ᐃᔎᓴᒡ ᐅᑕᓇᔪᐤ᙮
\v 28 ᐛᔪᐤ ᒋ ‍ ᑎᑯᓐ ᓚᐃᔅ ᐅᑕᓇᐤ ᐊᓐᑕ ᓯᑐᓐ ᐅᑕᓇᒡ ᐅᒋ, ᐊᑯ ᓯᑐᓐ ᐃᔪᒡ ᓇᒪ ᐅᒋ ᐱᒂᐅᒡ ᓚᐃᔅ ᐃᔪᐛ᙮ ᓇᒪ ᑯᑎᑲ ᐃᔪᐛ ᐅᒋ ᑕᔪᐛ ᒐᒋ ᐎᒋᐃᑯᒡ ᓚᐃᔅ ᐃᔪᒡ᙮ ᒥᒋᒪ ᐊ ‍ ᐱᓴᒡ ᐊᓐᑕ ᐸᑦ-ᕆᐅᑉ ᐅᑕᓇᐤ ᒋ ‍ ᑎᑯᓐ ᓚᐃᔅ᙮
\p ᑕᐊᓐ ᐊ ‍ ᐃᑎᔅᑲᓇᓯᒡ ᐃᔪᒡ ᑲᐤ ᒋ ‍ ᒋᒥᑕᐅᒡ ᐅᑕᓇᔪᐤ ᑭᔭ ᐊᑯᑕ ᑲ ‍ ᐎᒋᒡ᙮
\v 29 ᑕᐊᓐ ᒂ ᐃᓯ ‍ ᐅᔅᒋᓂᐧᑲᑕᒡ ᐊᓂᔭ ᓚᐃᔅ ᐅᑕᓇᔪᐤ, ᐊ ‍ ᒋᔅᑕᔨᒪᒡ ᐊᓂᔭ ᐅᑦ ᐊᓂᔅᑯᑕᐸᓄᐛᐛ ᑕᐊᓐ ᑲ ‍ ᐃᓯᓂᐧᑲᓱᐎᒋ, ᐊᓂᔭ ᐸᐃᒄ ᐃᔅᕋᐃᓪ ᐅᑯᓴ᙮
\v 30 ᐊᑯᑕ ᐊᓐᑕ ᐅᑕᓇᒡ ᑲ ‍ ᒋᒥᑥᓱᒡ ᑕᐊᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐊᓂᔭ ᒥᓂᑐᐧᑲᓇ ᒪᐃᑲᔨᒋ ᑲ ‍ ᐅᓯᑎᒧᐛᑭᓄᐎᔨᒋ᙮ ᒠᓐᑕ ᑭᕐᓱᒻ ᐅᑯᓴ ᑭᔭ ᒧᓱᔅ ᐅᓯᒪ, ᒋ ‍ ᐅᑎᓇᑭᓄᐤ ᒐ ᐅᑦ ᐊᔭᒥᐊᐅᒋᒪᒥᑕᑯᑦ ᐃᔪᐛ᙮ ᐅᑦ ᐊᓂᔅᑯᑕᐸᓇ ᐃᔭᐱᒡ ᒋ ‍ ᐊᔭᒥᐊᐅᒋᒪᐎᔪᐛ ᐸᑎᒪ ᑲ ‍ ᒪᑯᓇᑭᓄᐅᒡ ᐃᔅᕋᐃᓪ ᐃᔪᒡ ᑭᔭ ᐊᓯᕆᔭ ᑲ ‍ ᐃᑐᑕᑭᓄᐅᒡ᙮
\v 31 ᑲᒋ ‍ ᒋᒥᔭᒡ ᑕᐊᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒥᓂᑐᐧᑲᓇ ᒪᐃᑲᔨᒋ ᑲ ‍ ᐅᓯᑎᒧᐛᑭᓄᐎᔨᒋ, ᐊᐅᑯᔪᐛ ᑲ ‍ ᐊᔭᒥᐊᔅᑐᐛᒡ, ᐊᑎᓱᐧᒄ ᑲ ‍ ᑎᑯᓂᔨᒡ ᐊᓐᑕ ᓯᓗ ᑲ ‍ ᐸᔭᐧᑭᓂᔨᒡ ᐊᔭᒥᐊᐤ ᒥᒋᐛᐱᔪᐤ ᐊᓐᑕ ᑲ ‍ ᐊᔭᒥᐊᔅᑐᐛᑭᓄᐎᒋ ᒋᓴᒪᓂᑐᐛ᙮
\c 19
\s1 ᓕᐸᐃ ᐃᔪᐤ ᑭᔭ ᐎᑎᐱᒪᑭᓇ
\p
\v 1 ᒪᒂᒡ ᐊᓂᔭ ᒋᓯᒂ, ᓇᒪ ᐅᒋ ᑭᓄᐛᔨᒪᐅᒡ ᒋᓴᐅᒋᒪᐛ ᐃᔅᕋᐃᓪ ᐃᔪᒡ᙮
\p ᒋ ‍ ᑕᐤ ᓇᐸᐤ ᓕᐸᐃ ᐃᔪᐛ ᐅᒋ ᑲ ‍ ᐎᒋᑦ ᐊᓐᑕ ᐊᔭᐅᓇᑯᓂᔨᒡ ᐃᑉᕋᐃᒻ ᐱᔅᑯᑎᓇᒡ, ᐸᑦᓕᔭᒥᒡ ᐊᓐᑕ ᒍᑕᐃᒡ ᒋ ‍ ᐅᑎᓇᐤ ᐃᔎᐛ ᒐ ‍ ᐎᑎᐱᒥᑯᑦ᙮
\v 2 ᒥᒄ ᒂ ‍ ᒋᒋᐱᔨᒋ ᐃᔭᐱᒡ ᑯᑎᑲ ᓇᐸᐛ ᐊ ‍ ᐎᐸᒪᔨᒋ᙮ ᐊᑯ ᓇᑭᑎᑯᑦ ᑭᔭ ᑲᐤ ᒐᐛᔨᒋ ᐅᑕᐎᔪᐛ ᐎᒋᔨᒡ᙮ ᓇᐤ ᐱᓯᒺ ᒋ ᐃᔅᐱᔅ ‍ ᑕᔪᐛ ᐊᓐᑕ᙮
\v 3 ᐊᑯ ᓇᐸᐤ ᐛᑎᓇᑦ ᐅᑦ ᐊᐱᒋᐊᑭᓇ ᑭᔭ ᓂᓱ ᑲᓂᐧᑲᑎᓯᔨᒋ ᑲᐸᐃᑭᔎᐛ ᑭᔭ ᐸᑦᓕᔭᒥᒡ ᐊ ᑐᑕᑦ᙮ ᒋ ‍ ᓂᑐᐛᐱᒪᐤ ᐊᓐ ᓇᐸᐤ ᒐᒋ ᓯᒋᒪᑦ ᐃᔎᐛ ᑲᐤ ᒥᓐ ᒐᒋ ᐎᑎᐱᒥᑯᑦ᙮ ᐃᔅᐱ ᑕᑯᓯᐧᒃ ᐊᓐᑕ ᐅᑕᐎᔪᐛ ᐎᒋᔨᒡ, ᒋ ‍ ᐎᓴᒥᑯᐤ ᐎᑎᐱᒪᑭᓇ ᒐᒋ ᐱᒐᑦ᙮ ᒋᒋᐛ ᒋ ‍ ᒥᔽᔨᑎᒥᔪᐛ ᐎᔭᐱᒥᑯᑦ ᐅᒋᓴᐃᔨᒪ᙮
\v 4 ᒋ ‍ ᐃᑎᑯᐤ ᐅᒋᓴᐃᔨᒪ ᒐᒋ ᑕᑦ ᐊᓐᑕ᙮ ᐊᑯ ᓂᔅᑐ ᒋᓯᑲᐛ ᐃᔅᐱᔅ ᒋ ‍ ᑕᐤ ᐊᓐᑕ ᑲ ᐎᒋ ‍ ᒥᒋᓱᒪᑦ ᐅᒋᓴᐃᔨᒪ ᑭᔭ ᐊᑯᑕ ᑲᓂᐸᑦ᙮
\p
\v 5 ᐊᓂᔭ ᐊᒐᒋᓴᐸᔭᔨᒡ ᓇᐤ ᒋᓯᑯᔪᐤ, ᐎᐱᒡ ᒋ ‍ ᐅᓂᔪᐅᒡ ᑭᔭ ᐊᔭᔅᑯᐎᒡ ᒐᒋ ᔅᑐᑕᒡ᙮ ᒥᒄ ᐊᓐ ᐃᔎᐤ ᐅᑕᐎᔭ ᒋ ‍ ᐃᑕᐤ ᐅᓇᐊᒋᒪ, “ᒥᒋᓱᐤ ᐱᑦ ᐊᒺᔭ ᐊᔅᑐᑕᔨᓐ᙮”
\v 6 ᐊᑯ ᐊ ‍ ᓂᓯᒡ ᒂ ‍ ᓇᐊᐃᐱᒡ ᑭᔭ ᐛᒋ ‍ ᒥᒋᓱᒥᑐᒡ᙮ ᐊᑯ ᐊᓐ ᐃᔎᐤ ᐅᑕᐎᔭ ᒋ ‍ ᐃᑕᐤ ᐅᓇᐊᒋᒪ, “ᐸᐃᑯᑎᐱᔅᑲᐛ ᒥᓐ ᒐ ‍ ᑕᔨᓐ᙮ ᒐ ‍ ᐊᔅᑕᔭᔅᑯᓯᔨᓐ ᑭᔭ ᒐ ‍ ᒥᔽᑎᒥᓐ᙮”
\v 7 ᒂ ᐎ ‍ ᔅᑐᑕᑦ ᐊᓐ ᓕᐸᐃ ᐃᔪᐤ, ᒥᒄ ᒋᓯᒋᒥᑯᐤ ᐊᓂᔭ ᐅᒋᓴᐃᔨᒪ ᒐᒋ ᑕᑦ, ᐊᑯ ᒥᓐ ᐸᐃᑯᑎᐱᔅᑲᐛ ᐊᓐᑕ ᒂ ‍ ᓂᐸᑦ᙮
\v 8 ᒋᔭᒋᓴᐸᔭᔨᒡ ᐊᓂᔭ ᐱᑕᑕᒡ ᒋᓯᑯᔪᐤ ᐎᐱᒡ ᒋ ᐅᓂᐤ ᑭᔭ ᐊᔭᔅᑯᐎᔨᑦ ᒐᒋ ᔅᑐᑕᑦ, ᒥᒄ ᐊᓐ ᐃᔎᐤ ᐅᑕᐎᔭ ᒥᓐ ᒋ ‍ ᐃᑕᐤ ᐅᓇᐊᒋᒪ, “ᒥᒋᓱᐤ ᐱᑦ ᐊᒺᔭ ᐊ ‍ ᔅᑐᑕᔨᓐ, ᐊᓯᓄᐛᐸᑕ ᒋ ᐃᔎ ‍ ᐊᐱᑕᒋᓯᑲᒐ !” ᐊᑯ ᐊ ‍ ᓂᓯᒡ ᐊᓐᒡ ᓇᐸᐅᒡ ᒂ ᐎᒋ ‍ ᒥᒋᓱᒥᑐᒡ᙮
\p
\v 9 ᑲᒋ ᐃᔎ ‍ ᐊᐱᑕᒋᓯᑲᔨᒡ, ᓕᐸᐃ ᐃᔪᐤ ᑭᔭ ᐎᑎᐱᒪᑭᓇ ᑭᔭ ᐅᑦ ᐊᐱᒋᐊᑭᓇ ᑲ ‍ ᐎᔅᑐᑕᒡ, ᐊᓐ ᐃᔎᐤ ᐅᑕᐎᔭ ᒋ ‍ ᐃᑕᐤ, “ᓴᔅ ᐎᐱᒡ ᒋᑭ ‍ ᑎᐱᔅᑲᐤ, ᓴᔅ ᒐᑲᑦ ᐎᒪᐱᔪᐤ ᒋᓯᒄ, ᐃᑕ ᐅᑕ ᑭᔭ ᒐ ‍ ᒧᒋᒐᔨᑎᒥᓐ᙮ ᒐᒋᓴᐸᔭᒐ ᐎᐱᒡ ᒐ ‍ ᐅᓂᔨᓐ ᑭᔭ ᒐ ‍ ᒋᐛᔨᓐ᙮”
\v 10 ᒥᒄ ᓕᐸᐃ ᐃᔪᐤ ᓇᒪ ᐅᒋ ᐎ ‍ ᑕᐤ ᒥᓐ ᐸᐃᑯᑎᐱᔅᑲᐛ᙮ ᐊᑯ ᒂᔅᑐᑕᑦ ᐊᓯᒡ ᐎᑎᐱᒪᑭᓇ ᑭᔭ ᐅᑦ ᐊᐱᒋᐊᑭᓇ, ᑭᔭ ᓂᓱ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ, ᒐᐳᔅ ᐅᑕᓇᒡ ᐃᓯ ᐊᑐᑕᒡ, ᐊᓄᒡ ᒋᕈᓯᓕᒻ ᐊᓯᓂᐧᑲᑕᒡ᙮
\p
\v 11 ᐃᔅᐱ ᒐᑲᑦ ᐛᑕᑯᓯᔨᒡ, ᒥᒋᒪ ᒐᐳᔅ ᐊᑕᒡ᙮ ᐊᑯ ᐊᓐ ᐊᐱᒋᐊᑭᓐ ᒂ ‍ ᐃᑕᑦ ᐅᒋᒪᒪ, “ᒐᒂᓐ ᐛᒋ ᐊᑲ ᐎ ‍ ᓂᑲᐎᔭᐧᒄ ᑭᔭ ᒋᐸ ‍ ᓂᐸᓇᓄᐤ ᐅᑕ ᒐ ‍ ᑎᐱᔅᑲᒡ᙮”
\p
\v 12 ᒥᒄ ᒋ ‍ ᐃᑎᑯᐤ ᐅᒋᒪᒪ, “ᓇᒪ ᒋᑭ ‍ ᓂᑲᐎᓇᓄᐤ ᐅᑕ ᐅᑕᓇᒡ ᐊᓐᑕ ᐊᑲ ᐃᑕᒡ ᐃᔅᕋᐃᓪ ᐃᔪᒡ᙮ ᑭᐱᐊ ᐅᑕᓇᒡ ᒋᑭ ‍ ᐃᑐᑕᓇᓄᐤ᙮”
\v 13 ᒂ ‍ ᐃᑕᑦ ᐅᑦ ᐊᐱᒋᐊᑭᓇ, “ᒪᒋᑕᐤ, ᓇᒪ ᓱᐧᒃ ᐛᔪᐤ ᑎᑯᓐ ᑭᐱᐊ᙮ ᐊᑯᑕ ᒐ ‍ ᐃᑐᑕᔭᐧᒄ ᑭᔭ ᒪᒃ ᐊᑎᑐᐤ ᐛᔪᐎᔅ ᒋᐸ ᐃᑐᑕᓇᓄᐤ ᐊᓐᑕ ᕋᒪ᙮ ᐊᑯᑕ ᒐᐸ ‍ ᑕᓇᓄᐤ ᒐ ‍ ᑎᐱᔅᑲᒡ ᐊᓐᑕ ᐸᐃᒄ ᐊᓂᔭ ᐊ ‍ ᓂᓯᒋ ᐅᑕᓇᐛ᙮”
\v 14 ᐊᑯ ᒂ ‍ ᓴᐳᑐᐛᑕᒡ ᐊ ‍ ᐱᒧᑕᒡ᙮ ᒧᔭᒻ ᒋ ‍ ᐸᒋᓯᒧᔪᐛ ᐱᓯᒺ ᐃᔅᐱ ᒥᒋᒪ ᐛᑎᑕᒡ ᑭᐱᐊ, ᐊᓐᑕ ᐛᒋᔨᒋ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\v 15 ᐊᑯᑕ ᑲ ‍ ᐃᑕᒡ ᑕᐱᔅᑲᔨᒡ᙮ ᐎᐎᑎᒥᒡ ᐊᑐᐛᔨᒡ ᐊᓐᑕ ᐅᑕᓇᒡ ᒋ ‍ ᐃᑐᑕᐅᒡ ᑭᔭ ᐊᑯᑕ ᒂ ‍ ᓇᐊᐃᐱᒡ᙮ ᓇᒪ ᐊᐛᔪᐛ ᑲ ‍ ᐎᒪᔅᑲᑯᒡ ᐅᒋ ‍ ᐎᓴᒥᑯᐅᒡ ᒐᒋ ᑕᐛᒡ ᐎᒋᐛᔨᒡ ᑕᐱᔅᑲᔨᒡ᙮
\p
\v 16 ᒐᒄ ᐛᑕᑯᓯᔨᒡ, ᒋᓴᐃᔪᐛ ᒋ ᐸᒋ ‍ ᐅᑎᑎᑯᐅᒡ, ᑲᒋ ᐃᓯ ‍ ᐊᑐᔅᒐᔨᒋ ᐊᓐᑕ ᓂᑕᐅᒋᒋᑭᓂᒡ᙮ ᐃᑉᕋᐃᒻ ᐱᔅᑯᑎᓇᒡ ᐊ ‍ ᐅᒋᔨᒋ, ᒥᒄ ᑭᐱᐊ ᒋ ‍ ᐎᒋᔨᐛ ᐊᓐᑕ ᑲ ‍ ᐎᒋᔨᒋ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\v 17 ᒋ ‍ ᐛᐱᒪᐤ ᐊᓐ ᒋᓴᐃᔪᐤ ᐊᓂᔭ ᐃᔪᐛ ᑲ ‍ ᒪᓐᑕᐎᔨᒋ ᐊᓐᑕ ᐎᐎᑎᒥᒡ ᐊᑐᐛᔨᒡ ᑲ ‍ ᐃᑕᔨᒋ ᑭᔭ ᑲ ‍ ᑯᒂᒋᒪᑦ, “ᑕᓐᑕ ᐛᒋᔭᒄ ? ᑭᔭ ᑕᓐᑕ ᐛ ‍ ᐃᑐᑕᔭᒄ ?”
\p
\v 18 ᓕᐸᐃ ᐃᔪᐤ ᒂ ‍ ᐃᑕᑦ, “ᐸᑦᓕᔭᒥᒡ ᓂ ‍ ᐅᑐᑕᓇᓐ ᓂ ‍ ᒋᐛᓇᓐ ᐊᓐᑕ ᐃᑉᕋᐃᒻ ᐱᔅᑯᑎᓇᒡ᙮ ᐸᑦᓕᔭᒥᒡ ᓂᒋ ‍ ᐃᑐᑕᓐ ᐊᓐᑕ ᐅᒋ, ᒥᒄ ᐊᓄᒡ ᓯᓗ ᓂᑦ ᐃᑐᑕᓇᓐ ᐊᓐᑕ ᐊ ‍ ᑎᑯᓂᔨᒡ ᑎᐸᔨᒋᒐᓱᐤ ᐅᐸᔭᒋ-ᐱᒍᐎᔭᓂᒋᐛᑉ᙮ ᓇᒪ ᐊᐛᓐ ᐅᑕ ᓂ ᐅᒋ ‍ ᐎᓴᒥᑯᓇᓐ ᒐᒋ ᑕᐅᒋᒡ ᐎᒋᒡ ᐊᓄᒡ ᒐ ‍ ᑎᐱᔅᑲᔨᒡ᙮
\v 19 ᓂ ‍ ᑭᓄᐛᔨᑕᓇᓐ ᒥᔅᑯᓱᐛ ᑭᔭ ᒥᒋᒥᔪᐤ ᒐ ‍ ᒥᒋᒡ ᑲᓂᐧᑲᑎᓯᒡ ᓂᑲᐸᐃᑭᔎᒥᓇᓐᒡ, ᐊᑯ ᓂᔾ ᑭᔭ ᓂᐎᑎᐱᒪᑭᓐ ᑭᔭ ᓂᑦ ᐊᐱᒋᐊᑭᓐᒡ ᐸᒂᓯᑭᓐ ᑭᔭ ᓱᒥᓇᐳᔾ ᓂ ‍ ᑭᓄᐛᔨᑕᓇᓐ᙮ ᓇᒪ ᒐᒂᓐ ᐊᓐᑕ ᒥᓐ ᓂᑐᐛᔨᑕᓇᓐ᙮”
\p
\v 20 ᐊᑯ ᒋᓴᐃᔪᐤ ᒂ ‍ ᐃᑕᑦ, “ᑭᒪ ᒥᓯᐛ ᒐᒂᓐ ᐃᓯ ‍ ᒥᔪᐱᔨᔭᒄ, ᒥᒄ ᒋ ᐎ ‍ ᒥᔨᑎᓇᐛᐤ ᒐᒂᓐ ᓄᑕᐱᐃᔭᒄ, ᐊᑲ ᐃᑕᒄ ᐅᑕ ᐎᐎᑎᒥᒡ ᐊᑐᐛᒡ ᒐ ‍ ᑎᐱᔅᑲᒡ᙮”
\v 21 ᐊᑯ ᒋᓴᐃᔪᐤ ᐎᒋᒡ ᒂ ‍ ᐃᑐᑕᐊᑦ ᑭᔭ ᒂ ‍ ᐊᓯᒪᑦ ᑲᓂᐧᑲᑎᓯᔨᒋ ᐅᑲᐸᐃᑭᔎᒥᔨᐛ᙮ ᒂ ‍ ᒥᔭᑦ ᓂᐱᔪᐤ ᒐᒋ ᒋᔅᑕᐳᓯᑕᔨᒋ ᑭᔭ ᒋ ‍ ᐊᓯᒪᐤ᙮
\p
\v 22 ᒪᒂᒡ ᐅᑎ ‍ ᒧᒐᔨᑕᑥᐤ, ᐱᔅᒐ ᑲ ‍ ᒥᒐᑎᓯᔨᒋ ᓇᐸᐛ ᐅᑕᓇᒡ ᐅᒋ ᒋ ‍ ᐛᔅᑲᑲᐳᔅᑎᒥᔨᐛ ᒥᒋᐛᐱᔪᐤ ᑭᔭ ᒂ ‍ ᒥᔅᑎ ‍ ᑎᑕᐛᔨᒐᔨᒋ᙮ ᒋ ‍ ᑕᑈᑕᐅᒡ ᒋᓴᐃᔪᐛ, “ᐸᒋ ‍ ᐎᐎᑎᓯᓂᒧᐅᓇᓐ ᐊᓐ ᓇᐸᐤ ᑲ ‍ ᑎᑯᓯᒃ ᒋᒋᒡ᙮ ᓂᐎ ‍ ᐎᐸᒪᓇᓐ᙮”
\p
\v 23 ᒋᓴᐃᔪᐤ ᒂ ‍ ᐎᐎᑦ ᑭᔭ ᒂ ‍ ᐃᑕᑦ, “ᓂᐎᒐᐛᑭᓂᑐᒄ, ᐊᑲ ᐃᑐᑎᒥᒄ ᐅ ᒥᒋ ‍ ᒐᒂᓐ᙮ ᒋ ‍ ᓇᒋ ‍ ᒪᓐᑕᐅᐤ ᐅ ᓇᐸᐤ ᓂᒋᒡ, ᓇᒪ ᒋᐸ ‍ ᐅᒋ ᐃᑐᑕᓇᐛᐤ ᐅ ᐊ ‍ ᓴᒂᔨᒧᒐᔨᑕᒂᒡ ᒐᒂᓐ!
\v 24 ᐛᐸᑎᒥᒄ, ᑕᐤ ᐅᑕ ᓂᑕᓂᔅ, ᐊ ‍ ᐅᔅᒋᓂᒋᔎᐅᑦ ᑭᔭ ᑕᔪᐛ ᐅᑕ ᐎᑎᐱᒪᑭᓇ ᐅ ᓇᐸᐤ᙮ ᓂᑭ ᐸᒋ ‍ ᐎᐎᑕᐅᒡ᙮ ᒐ ‍ ᐱᔽᔨᒪᑯᒡ ᐅᒡ ᑭᔭ ᒐ ‍ ᐃᑐᑐᐛᑯᒡ ᒥᒄ ᐛᑐᑐᐛᑯᒡ, ᒥᒄ ᐊᑲ ᐃᑐᑐᐛᐧᒄ ᐅ ᓇᐸᐤ ᐊ ‍ ᓴᒂᔨᒧᒐᔨᑕᑯᓂᔨᒡ ᒐᒂᔪᐤ!”
\p
\v 25 ᒥᒄ ᓇᒪ ᐅᒋ ᐎ ‍ ᓂᑐᑐᐛᐅᒡ ᐊᓐᒡ ᑲ ‍ ᒥᒐᑎᓯᒡ ᓇᐸᐅᒡ ᒐᒂᔪᐤ ᐊᔅᒋᔄᔨᒋ ᒋᓴᐃᔪᐛ᙮ ᐊᑯ ᐊᓐ ᓕᐸᐃ ᐃᔪᐤ ᐛᑎᓇᑦ ᐎᑎᐱᒪᑭᓇ ᑭᔭ ᐛᔪᐎᑎᓯᓂᒧᐛᑦ᙮ ᐃᔅᑭᓐ ᑎᐱᔅᑲᐛ ᒋ ‍ ᒪᔭᔨᒪᐅᒡ ᑭᔭ ᒋ ‍ ᒥᒋᑐᑐᐛᐅᒡ ᑭᔭ ᓇᒪ ᐅᒋ ᐳᓇᐅᒡ ᐸᑐᔅ ᐊᑎ ‍ ᐸᑕᐱᓂᔨᒡ᙮
\v 26 ᐱᔭᑕᐱᓂᔨᒡ ᒋ ‍ ᐃᑐᑕᐤ ᐊᓐ ᐃᔎᐤ ᐊᓐᑕ ᒋᓴᐃᔪᐛ ᐎᒋᔨᒡ, ᐊᓐᑕ ᑲ ‍ ᐃᑕᔨᒋ ᐎᑎᐱᒪᑭᓇ, ᒥᒄ ᒋ ‍ ᐸᒋᓯᓐ ᐊᓐᑕ ᒋᐱᔎᒡ ᑭᔭ ᐊᑯᑕ ᑲ ‍ ᐱᒥᓯᐧᒃ ᐃᔅᐱᔅ ᒐᓯᑲᔨᒡ᙮
\p
\v 27 ᒋᔭᒋᓴᐸᔭᔨᒡ, ᐃᔅᐱ ᐊᓐ ᓕᐸᐃ ᐃᔪᐤ ᑲ ᐅᓂᑦ, ᒋ ᐎᐎᐤ ᒐᒋ ᔅᑐᑕᑦ᙮ ᒋ ‍ ᐛᐱᒪᐤ ᐎᑎᐱᒪᑭᓇ ᐸᒥᓯᓂᔨᒋ ᐊᓐᑕ ᒋᐱᔎᒡ ᒥᒋᐛᐱᒡ ᐊ ‍ ᐎ ‍ ᐅᑎᒋᓇᔨᒂᓂ ᔅᑐᐧᑭᓇ᙮
\v 28 ᐊᑯ ᒂ ‍ ᐃᑕᑦ, “ᐅᓂ, ᔅᑐᑕᑕᐤ !” ᒥᒄ ᓇᒪ ᐅᒋ ‍ ᓂᔎᐅᓯᔨᑯᐤ ᐛᔅ ᓴᔅ ᒋ ‍ ᐳᓂᐱᒪᑎᓯᔨᓯᐱᓂ᙮ ᒂ ‍ ᐊᔅᑕᐛᑦ ᐎᔭᔪᐤ ᐊᓐᑕ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᑭᔭ ᒂ ‍ ᒋᐛᑦ᙮
\p
\v 29 ᐃᔅᐱ ᑕᑯᓯᐧᒃ ᐎᒋᒡ, ᐛᑎᓇᐧᒃ ᒧᐧᑯᒪᓂᔪᐤ ᑭᔭ ᓂᓴᑈᐤ ᒂ ᐃᓯ ‍ ᒪᒪᑎᓱᒺᑦ ᐎᑎᐱᒪᑭᓇ ᐎᔭᔪᐤ᙮ ᐊᑯ ᐸᐸᐃᒄ ᒂ ‍ ᐃᑎᓴᐊᒧᐛᑦ ᐊᓂᓴᐳᔅᑲᓇᓯᔨᒋ ᐃᔅᕋᐃᓪ ᐃᔪᐛ ᐊᓯᒡ ᐃᔨᒧᐅᓂᔪᐤ ᐊ ‍ ᐎᑎᒧᐛᑦ ᑕᓐ ᑲ ‍ ᐃᔅᐱᔨᒡ᙮
\v 30 ᒥᓯᐛ ᐊᐛᓐ ᑲ ‍ ᐛᐸᑕᐧᒃ ᐸᐃᒄ ᐊᓂᔭ ᓂᓴᑈᐤ ᑲ ᐃᓯ ‍ ᒪᒪᑎᓯᒥᔨᒋ ᒥᔭᔪᐤ ᑭᔭ ᐊᓂᔭ ᐃᔨᒧᐅᓂᔪᐤ ᒋ ‍ ᐃᔅᒋᔄᐤ, “ᓇᒪ ᓂᑕ ᐅᒋ ‍ ᐛᐸᑕᑭᓄᐤ ᑭᔭ ᒪᒃ ᐅᒋ ᐃᔅᐱᔪᐤ ᒐᒂᓐ ᐅ ᐊ ‍ ᐃᓯᓇᒂᒡ ᑲ ᐃᔅᐱᔅ ᓂᑭᑕᒡ ᐃᒋᑉᑎᔪᐤ ᒋᑦ ᐊᓂᔅᑯᑕᐸᓄᐅᒡ ! ᒋᑭ ᐎ ‍ ᒥᔪ ᒪᒥᑐᓇᔨᑕᓇᓄᐤ᙮ ᒋᐸ ᑕᐤ ᐊ ᐊᐛᓐ ᒐᒋ ᐎᔭᔨᑕᐧᒃ ᑕᓐ ᒐ ‍ ᐃᑎᔭᐧᒄ?”
\c 20
\s1 ᐃᔅᕋᐃᓪ ᐃᔪᒡ ᑲ ‍ ᐊᔭᔅᑯᐎᒡ ᒐᒋ ᓂᑐᐱᔨᒡ
\p
\v 1 ᒥᓯᐛ ᐃᔅᕋᐃᓪ ᐃᔪᒡ, ᑕᐊᓐ ᐅᑕᓇᒡ ᐅᒋ ᐊᓐᑕ ᒋᐛᑎᓄᒡ ᐃᔅᐱᔅ ᐱᕐ-ᓯᐸ ᐅᑕᓇᒡ ᐊᓐᑕ ᓴᐅᓄᑕᒡ, ᐊᓯᒡ ᑭᓕᐊᑦ ᐊᔅᒋᒡ ᐊᓐᑕ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᒡ, ᒋ ‍ ᐸᑎᒧᒡ ᑕᓐ ᑲ ‍ ᐃᔅᐱᔨᒡ᙮ ᐊᑯ ᒂ ‍ ᒪᒧᐎᒡ ᐊᓐᑕ ᒥᔅᐸ ᐊᓐᑕ ᑲ ‍ ᐊᔭᒥᐊᔅᑐᐛᑭᓄᐎᒋ ᑎᐸᔨᒋᒐᓱᐛ᙮
\v 2 ᑲ ‍ ᓂᑲᓂᔅᑯᐛᒡ ᑲ ‍ ᐸᐃᑯᓴᐳᔨᒋ ᐃᔅᕋᐃᓪ ᐊ ᐃᑎᔅᑲᓇᓯᔨᒋ ᐃᔪᐛ ᐅᑎᔅᑯᐤ ᒋ ‍ ᓂᐳᔅᑐᐛᐅᒡ ᑲ ‍ ᒪᒧᐎᔨᒋ ᐃᔪᐛ, ᓇᐛᐤ ᒥᑕᓯᒥᑎᓄᐤ ᑕᑥᐤ ᒐᓯᐱᔪᐤ ‍ (400,000) ᒋ ‍ ᐃᑕᑎᓱᐅᒡ ᓂᑐᐱᔪᐅ-ᐃᔪᒡ ᐊ ‍ ᐊᐱᒋᑕᔨᒋ ᓂᑐᐱᔪᐅ-ᒧᐧᑯᒪᓇ᙮
\v 3 ᐱᓐᒐᒥᓐ ᐊ ᐃᑎᔅᑲᓇᓯᒡ ᐃᔪᒡ ᒋ ‍ ᐸᑎᒧᒡ ᒥᔅᐸ ᐅᑕᓇᒡ ᐊᑐᑕᔨᒋ ᑯᑎᑲ ᐃᔅᕋᐃᓪ ᐃᔪᐛ᙮ ᐊᓐᒡ ᐃᔅᕋᐃᓪ ᐃᔪᒡ ᑲ ‍ ᐃᑐᑕᒡ ᐊᓐᑕ ᒥᔅᐸ ᒋ ‍ ᑯᒂᒋᒐᒧᐅᒡ ᐛ ‍ ᒋᔅᒐᔨᑕᒡ ᐊᓂᔭ ᒥᒋ ‍ ᒐᒂᓂᔪᐤ ᑲ ‍ ᐃᔅᐱᔨᒡ᙮
\p
\v 4 ᐊᑯ ᐊᓐ ᓕᐸᐃ ᐃᔪᐤ ᑲ ‍ ᓂᐸᐊᑭᓄᐎᒋ ᐎᑎᐱᒪᑭᓇ ᒂ ‍ ᐃᑕᑦ, “ᓂᐎᑎᐱᒪᑭᓐ ᑭᔭ ᓂᔾ ᑭᐱᐊ ᐅᑕᓇᒡ ᐊᓐᑕ ᐱᓐᒋᒥᓐ ᐊᔅᒋᒡ ᓂᒋ ᐸᒋ ‍ ᐃᑐᑕᓇᓐ, ᐊᑯᑕ ᐊᓐᑕ ᑲ ‍ ᐃᑕᔭᒡ ᐊᓐ ᑕᐱᔅᑲᒡ᙮
\v 5 ᐛᑕᑯᓯᔨᒡ, ᑭᐱᐊ ᓇᐸᐅᒡ ᓂᒋ ᐸᒋ ‍ ᓇᑎᑯᒡ ᐊᓐᑕ ᑲ ‍ ᑕᐅᒡ᙮ ᒋ ‍ ᐛᔅᑲᑲᐳᔅᑎᒧᒡ ᐊᓂᔭ ᒥᒋᐛᐱᔪᐤ, ᓂᒋ ᐎ ‍ ᓂᐸᐃᑯᒡ ᑭᔭ ᒋ ᒥᒋ ‍ ᑐᑐᐛᐅᒡ ᓂᐎᑎᐱᒪᑭᓇ ᐃᔅᑭᓐ ᑎᐱᔅᑲᐛ, ᒂ ‍ ᐳᓂᐱᒪᑎᓯᔨᒋ᙮
\v 6 ᓂᒋ ‍ ᒋᐛᑕᐛᓐ ᐎᔪᐤ ᑭᔭ ᓂᓴᑈᐤ ᒂ ᐃᓯ ‍ ᒪᒪᑎᓱᒧᒡ ᓂᐎᑎᐱᒪᑭᓐ ᐎᔪᐤ᙮ ᐊᑯ ᐸᐸᐃᒄ ᒂ ‍ ᐃᑎᓴᐊᒧᐅᒂᐤ ᐊ ‍ ᓂᓴᐳᔅᑲᓇᓯᒡ ᐃᔅᕋᐃᓪ ᐃᔪᒡ᙮ ᐛᔅ ᒋ ‍ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᑲᒋ ‍ ᑐᑕᑭᓄᐅᒡ ᒥᒋ ‍ ᒐᒂᓐ ᑭᔭ ᐊ ‍ ᓴᒂᒧᒐᔨᑕᒂᒡ ᒐᒂᓐ ᐅᑕ ᐃᔅᕋᐃᓕᒡ᙮
\v 7 ᐊᑯ, ᒥᓯᐛ ᒋᔨᐛᐤ ᐃᔅᕋᐃᓪ ᐃᔪᒡ ᐃᔨᒥᒄ ᑭᔭ ᐎᑎᒧᐅᒃ ᒐᒂᓐ ᒋᐸ ‍ ᑐᑕᑭᓄᐤ !”
\p
\v 8 ᒪᒧᐤ ᒂ ‍ ᐱᓯᑯᒡ ᒥᓯᐛ ᐃᔪᒡ ᑭᔭ ᒂ ‍ ᐃᔅᒋᔄᒡ, “ᓇᒪ ᐛᐛᒡ ᐸᐃᒄ ᐊᑎᓯᔭᐧᒄ ᒋᑭ ‍ ᒋᐛᐤ, ᒪᐛᒡ, ᓇᒪ ᐛᐛᒡ ᐸᐃᒄ ᐊᑎᓯᔭᐧᒄ ᒋᑭ ᐅᒋ ‍ ᐃᑐᑕᐤ ᐎᒋᒡ !
\v 9 ᒪᐅᔭ ᒐ ᐎ ‍ ᑐᑐᐛᐧᑯᒡ ᑭᐱᐊ ᐃᔪᒡ, ᓂᔅᑎᒻ ᐛᐱᓂᒐᑕᐤ ᐊᓯᓂᔭ ᒐᒋ ᒋᔅᒐᔨᑎᒪᐧᒄ ᐊᐛᓐᒋ ᒐ ‍ ᓂᑐᐱᔨᑐᐛᒡ᙮
\v 10 ᐸᐃᒄ ᓇᐸᐤ ᒋᑭ ‍ ᐅᑎᓇᑭᓄᐤ ᐊᓐᑕ ᒥᓯᐛ ᐊ ‍ ᐸᐸᐃᑯᔪᐛᓯᔨᒋ ᐃᔪᐛ ᐅᒋ ᐊᓐᑕ ᒥᓯᐛ ᐃᔅᕋᐃᓪ ᐃᔪᒡ᙮ ᐊᐅᑯᓐᒡ ᐅᒡ ᓇᐸᐅᒡ ᒐᔅᑐᑕᒡ ᑭᔭ ᒐ ‍ ᓇᓂᑐᐛᐳᑎᒧᐛᒡ ᒥᒋᒥᔪᐤ ᐊᓂᔭ ᒐ ‍ ᓂᑐᐱᔨᑐᐛᔨᒋ ᑭᐱᐊ ᐃᔪᐛ᙮ ᐊᑯ ᐊᓐᒡ ᑯᑎᑭᒡ ᓇᐸᐅᒡ ᒋᑭ ‍ ᐃᑐᑕᐅᒡ ᑭᐱᐊ ᐅᑕᓇᒡ ᐊᓐᑕ ᐱᓐᒋᒥᓐ ᐊᔅᒋᒡ ᒐᒋ ᐊᓏᔨᒪᒡ ᐊᓂᔭ ᒥᒋ ‍ ᒐᒂᔪᐤ ᑲ ‍ ᐃᑐᑎᒥᔨᒋ ᐅᑕ ᐃᔅᕋᐃᓕᒡ᙮”
\v 11 ᑭᔭ ᒥᓯᐛ ᐃᔅᕋᐃᓪ ᐃᔪᒡ ᒋ ‍ ᓂᔅᑯᒧᐅᒡ ᒐᒋ ᑯᓯᒂᔨᒧᑕᑭᓄᐎᒡ ᑭᐱᐊ ᐅᑕᓇᔪᐤ᙮
\p
\v 12 ᐊᑯ ᐃᔅᕋᐃᓪ ᓇᐸᐅᒡ ᒂ ‍ ᐃᑎᓴᐛᒡ ᓇᐸᐛ ᐊᓐᑕ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐱᓐᒋᒥᓐ ᐃᔪᐛ ᐊ ‍ ᐃᑕᔨᒋ, “ᓇᒪ ᒋᔅᒐᔨᑕᓇᐛᐤ ᐊ ᐱᔅᒐ ᒋᑦ ᐃᔨᒧᐛᐅᒡ ᑲ ‍ ᑐᑕᒡ ᒋᒋᐛ ᒥᒋ ‍ ᒐᒂᔪᐤ ?
\v 13 ᐸᓱᐛᐧᑯᒡ ᐊᓐᒡ ᒥᒋ ‍ ᐃᔪᒡ ᑭᐱᐊ ᐅᒋ ᐅᑕ ᐊᑕᔭᒡ, ᐊᑯ ᒪᒃ ᒐᒋ ᓂᐸᐃᒋᒡ ᒐ ‍ ᐃᔨᒐᓂᒪᒡ ᐅ ᑲᒪᔭᑎᒡ ᒐᒂᓐ ᐃᔅᕋᐃᓕᒡ ᐅᒋ᙮”
\p ᒥᒄ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᓇᒪ ᐅᒋ ᓂᑐᑐᐛᐅᒡ ᐎᒋ ‍ ᐃᔅᕋᐃᓪ ᐃᔪᐛᐛ᙮ 
\v 14 ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ‍ ᓂᑭᑎᒧᒡ ᐅᑕᓇᒧᐛᐛ ᑭᔭ ᒂ ‍ ᒪᒧᐎᒡ ᐊᓐᑕ ᑭᐱᐊ ᒐᒋ ᒪᓯᐧᑯᐛᒡ ᑯᑎᑲ ᐃᔅᕋᐃᓪ ᐃᔪᐛ᙮
\v 15 ᐊᓂᔭ ᒐᓯᑲᔨᒡ, ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒋ ‍ᒪᒧᓇᐅᒡ ᓂᓱᔪᐤ ᐊᓱ ᐊᓱᑕᒡ ᑕᑥᐤ ᒐᓯᐱᔪᐤ (26,000) ᓂᑐᐱᔪᐅ-ᐃᔪᐛ ᐊᓂᔭ ᑲ ᓂᑕᐤ ‍ ᒪᓯᒐᔨᒋ ᐊᐱᒋᑕᔨᒋ ᓂᑐᐱᔪᐅ-ᒧᐧᑯᒪᓇ᙮ ᓂᔄᐅᑕᒡ ᑕᑐᐤ ᒥᑕᓯᒥᑎᓄᐤ (700) ᑭᐱᐊ ᑲ ᓂᑕᐅᓂᑐᐱᔨᒋ ᓇᐸᐛ ᐃᔭᐱᒡ ᒋ ‍ ᒪᒧᓇᐅᒡ᙮
\v 16 ᐊᑎᓯᒡ ᐊᓐᒡ ᓂᑐᐱᔪᐅ-ᐃᔪᒡ, ᓂᔄᐅᑕᒡ ᑕᑐᐤ ᒥᑕᓯᒥᑎᓄᐤ (700) ᒋ ‍ ᓂᔅᐸᒋᔪᐅᒡ ᑭᔭ ᒥᓯᐛ ᐸᐸᐃᒄ ᐊᓐᒡ ᒋᐸ ᒋ ‍ ᐱᒧᑎᒧᒡ ᐱᔎᐅᓂᔪᐤ ᐛᐸᐃᓯᓇᓐ ᐊ ‍ ᐊᐱᒋᑕᒡ ᐊ ᐊᑲ ‍ ᐱᑕᐊᒡ ᑭᔭ ᓇᓂᑎᒻ ᒋ ‍ ᑲᔅᑕᐊᒧᒡ ᒐᒂᔪᐤ ᐊ ‍ ᐱᒧᑕᒡ᙮
\p
\v 17 ᓇᐤ ᒥᑕᓯᒥᑎᓄᐤ ᑕᑥᐤ ᒐᓯᐱᔪᐤ (400,000) ᒋ ‍ ᐃᑕᑎᓱᐅᒡ ᓂᑐᐱᔪᐅ-ᐃᔪᒡ ᐊᓐᑕ ᐸᐃᑯᓴᑉ ‍ (11) ᑯᑎᑲ ᐃᔅᕋᐃᓪ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ ᑲ ‍ ᐊᐱᒋᑕᒡ ᓂᑐᐱᔪᐅ-ᒧᐧᑯᒪᓇ᙮
\p
\v 18 ᐊᓐᒡ ᑯᑎᑭᒡ ᐃᔅᕋᐃᓪ ᐊ ‍ ᐃᑎᔅᑲᓇᓯᒡ ᐃᔪᒡ ᐸᑕᓪ ᐅᑕᓇᒡ ᒋ ‍ ᐃᑐᑕᐅᒡ ᑭᔭ ᑲ ‍ ᑯᒂᒋᒪᒡ ᒋᓴᒪᓂᑐᐛ, “ᑕᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐅᔅᑭᒡ ᒋᐸ ‍ ᓂᑐᐱᔨᑐᐛᐅᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ?”
\p ᑎᐸᔨᒋᒐᓱᐤ ᒂ ‍ ᐃᑕᑦ, “ᒍᑕ ᐊ ‍ ᐃᑎᔅᑲᓇᓯᒡ ᐃᔪᒡ ᐅᔅᑭᒡ ᒋᐸ ‍ ᓂᑐᐱᔨᑐᐛᐅᒡ᙮”
\p
\v 19 ᒥᓐ ᒋᔭᒋᓴᐸᔭᔨᒡ, ᐃᔅᕋᐃᓪ ᓂᑐᐱᔪᐅ-ᐃᔪᒡ ᒂ ‍ ᔅᑐᑕᒡ ᑭᔭ ᒂ ‍ ᒪᓂᑲᓱᒡ ᒥᒋᒪ ᑭᐱᐊ᙮
\v 20 ᐊᑯ ᒂ ‍ ᐊᔭᔅᑯᑲᐳᐛᐊᒡ ᓂᑐᐱᔪᐅ-ᐃᔪᐛ ᐅᑎᔅᑯᐤ ᑭᐱᐊ ᐅᑕᓇᒡ ᑭᔭ ᒂ ‍ ᓂᑐᐱᔨᑐᐛᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\v 21 ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒂ ᐸᒋ ‍ ᐎᐎᒡ ᑭᐱᐊ ᐅᑕᓇᔪᐤ ᑭᔭ ᒂ ‍ ᒪᓴᐊᒡ ᑭᔭ ᓂᓱᔪᐤ ᐊᓱ ᓂᓱ ᑕᑥᐤ ᒐᓯᐱᔪᐤ (22,000) ᒋ ‍ ᓂᐸᐅᒡ ᑯᑎᑲ ᐃᔅᕋᐃᓪ ᐃᔪᐛ ᐊᓂᔭ ᒐᓯᑲᔨᒡ᙮
\v 22  ᐃᔅᕋᐃᓪ ᐃᔪᒡ ᐃᔭᐱᒡ ᒋ ‍ ᓯᒋᒥᑐᐅᒡ ᑭᔭ ᒥᓐ ᒂ ‍ ᐛᓯᑲᐳᐅᒡ ᐊᓐᑕ ᑲ ‍ ᓂᐳᐅᒡ ᐊᓂᔭ ᓂᔅᑎᒻ ᒋᓯᑯᔪᐤ᙮
\v 23 ᒂ ‍ ᐃᑐᑕᒡ ᐊᓐᑕ ᑲᒋ ‍ ᐊᔭᒥᐊᒡ ᑭᔭ ᒂ ‍ ᒪᒡ ᐃᔅᐱᔅ ᐱᔭᒋᓯᒧᔨᒋ ᐱᓯᒺ᙮ ᐊᑯ ᒂ ‍ ᑯᒂᒋᒪᒡ ᑎᐸᔨᒋᒐᓱᐛ, “ᒥᓐ ᐊ ᓂᑭ ‍ ᓂᑐᐱᔨᑐᐛᓇᓐᒡ ᓂᐧᑲᓂᓯᓇᓐᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ?”
\p ᒂ ‍ ᐃᑎᑯᒡ ᑎᐸᔨᒋᒐᓱᐛ, “ᓂᐦᐃ, ᒥᓐ ᓂᑐᐱᔨᑐᐛᐧᑯᒡ᙮”
\p
\v 24 ᒥᓐ ᐎᔭᐱᓂᔨᒡ, ᐃᔅᕋᐃᓪ ᐃᔪᒡ ᒥᓐ ᒂ ‍ ᐊᔭᔅᑯᑲᐳᐅᒡ ᒐᒋ ᒪᓯᒐᒡ, ᒧᔭᒻ ᑲ ‍ ᐃᑎᒡ ᐊᓐᑕ ᐅᑕᑯᓯᒡ᙮
\v 25 ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᑭᐱᐊ ᒂ ᐅᒋ ‍ ᐎᐎᒡ ᑭᔭ ᓇᑐᐱᑐᐛᒡ ᐃᔅᕋᐃᓪ ᐃᔪᐛ, ᑭᔭ ᐊᑎᑐᐤ ᔭᓇᐤ ᑕᑐᓴᑉ ᒐᓯᐱᔪᐤ (18,000) ᒋ ‍ ᓂᐸᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮
\p
\v 26 ᐃᔭᐱᑕᒋᓯᑲᔨᒡ, ᐊᑯ ᐊᓐᒡ ᐊ ᐊᑲ ᐅᒋ ‍ ᓂᐸᐊᑭᓄᐅᒡ ᐃᔅᕋᐃᓪ ᐃᔪᒡ ᒥᓐ ᒂ ‍ ᐃᑐᑕᒡ ᐊᓐᑕ ᐸᑕᓪ, ᐊᑯᑕ ᒂ ‍ ᓇᐊᐃᐱᒡ ᑭᔭ ᒥᔭᒡ ᐅᑎᔅᑯᐤ ᑎᐸᔨᒋᒐᓱᐛ ᑭᔭ ᓇᒪ ᐅᒋ ᒥᒋᓱᐅᒡ ᐸᑐᔅ ᐛᑕᑯᓯᔨᒡ᙮ ᒋ ‍ ᒥᔭᐅᒡ ᐎᒐᐅᑐᐤ ᐱᔅᑎᓂᒐᐅᓇ ᑭᔭ ᒥᑐᔅᑕᐊᒪᒐᐅᓇ ᑎᐸᔨᒋᒐᓱᐛ᙮
\v 27-28 ᐊᓂᔭ ᒪᒂᒡ, ᒋ ‍ ᑎᑯᓐ ᐊᓐᑕ ᐸᑕᓪ ᐸᔭᒋ-ᒥᐅᑦ ᐊᐱᒋᑎᒋ ᐊᓐᑕ ᐊᓯᓂᔭ ᑲ ‍ ᒥᓯᓇᑕᒋ ᐊᓐᑕ ᐸᐃᑯᔪᐤ ᐃᑎᓱᐛᐅᓇ᙮ ᐊᔭᒥᐊᐅᒋᒪᐤ ᐱᓇᐊᔅ ᐊ ‍ ᐃᓯᓂᐧᑲᓱᑦ, ᐃᓕᐊᓱᕐ ᐅᑯᓴ ᑭᔭ ᐊᕈᓐ ᐅᓯᒪ, ᐎᔾ ᐊᕋᓐ ᒋ ‍ ᓇᑭᑐᐛᔨᑎᒻ ᐊᓂᔭ ᐸᔭᒋ-ᒥᐅᑎᔪᐤ᙮ ᐃᔅᕋᐃᓪ ᐃᔪᒡ ᒋ ‍ ᑯᒂᒋᒪᐅᒡ ᑎᐸᔨᒋᒐᓱᐛ, “ᒥᓐ ᐊ ᓂᑭ ‍ ᓂᑐᐱᔨᑐᐛᓇᓐᒡ ᓂᐧᑲᓂᓯᓇᓐᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᑭᔭ ᒪᒃ ᓂᑭ ‍ ᐳᓂᓇᓐ ᐊ ᐊ ‍ ᒪᓯᔨᒋᒡ ?”
\p ᒂ ‍ ᐃᑎᑯᒡ ᑎᐸᔨᒋᒐᓱᐛ, “ᒥᒋᒄ, ᐛᔅ ᐛᐸᒐ ᒋᑭ ‍ ᒥᔨᑎᓇᐛᐤ ᒐᒋ ᓴᐧᑯᒋᐊᑯᒡ᙮”
\p
\v 29 ᐊᑯ ᒥᓐ ᐎᔭᐱᓂᔨᒡ, ᐸᐃᑯᔪᐛᐤ ᒐᓯᐱᔪᐤ ᐃᔅᕋᐃᓪ ᐃᔪᒡ ᒋᑲᓱᐅᒡ ᐊᓐᑕ ᓂᑕᐅᒋᒋᑭᓂᒡ ᐛᔅᑲ ᑭᐱᐊ᙮
\v 30 ᑯᑎᑭᒡ ᐃᔅᕋᐃᓪ ᐃᔪᒡ ᒥᓐ ᒂ ‍ ᐊᔭᔅᑯᑲᐳᐅᒡ ᒐᒋ ᒪᓯᒐᒡ ᒧᔭᒻ ᑲᒋ ᐃᑎᒡ ᐊᓐᑕ ᐅᑕᒡ ᒋᓯᒂ᙮
\v 31 ᐃᔅᐱ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ᐸᒋ ‍ ᐎᐎᒡ ᑭᐱᐊ ᐅᑕᓇᔪᐤ ᒐᒋ ᒪᓯᐧᑯᐛᒡ, ᒂ ‍ ᒋᑎᓯᒧᒡ ᐃᔅᕋᐃᓪ ᐃᔪᒡ ᐅᑕᓇᒡ ᐅᒋ ᑭᔭ ᒂ ‍ ᓇᓴᐛᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ, ᒥᒐᑦ ᒋ ‍ ᓂᐸᐅᒡ ᐃᔅᕋᐃᓪ ᐃᔪᐛ, ᒧᔭᒻ ᐅᔅᑭᒡ ᑲ ‍ ᑐᑐᐛᒡ᙮ ᓂᔅᑐᔪᐤ ᐃᔅᕋᐃᓪ ᐃᔪᐛ ᒋ ‍ ᓂᐸᐅᒡ᙮ ᐱᔅᒐ ᐊᓐᑕ ᓂᑕᐅᒋᒋᑭᓐ ᐊᔅᒋᒡ ᒋ ‍ ᓂᐸᐅᒡ ᑭᔭ ᐱᔅᒐ ᐊᓐᑕ ᒪᔅᑭᓇᒡ ᑭᐱᐊ ᐊᑎᒧᐎᔨᒡ᙮
\p
\v 32 ᐊᑯ ᒂ ‍ ᐃᔅᒋᔄᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ, “ᒋ ‍ ᓴᒂᓄᐅᒡ ᒧᔭᒻ ᐅᑕᒡ ᑲ ‍ ᑐᑐᐛᐧᑯᒡ !” ᒥᒄ ᐃᔅᕋᐃᓪ ᐃᔪᒡ ᒋ ‍ ᐎᔭᔨᑎᒧᒡ ᒐᒋ ᒋᑎᓯᒧᒡ ᒐᒋ ᑐᑐᐛᒡ ᒐᒋ ᓇᓴᐅᑯᒡ ᐅᑕᓇᒡ ᐅᒋ ᒪᔅᑭᓇᒡ ᐃᓯ᙮
\p
\v 33 ᐊᑯ ᐊᓐᒡ ᑲ ‍ ᑲᓱᒡ ᒂ ‍ ᐱᓯᑯᒡ ᐊᓐᑕ ᑲ ‍ ᑕᒡ ᑭᔭ ᒥᓐ ᒂ ‍ ᐛᓯᑲᐳᐅᒡ ᐊᓐᑕ ᐸᓪ-ᑕᐃᒪᕐ ᐊ ‍ ᐃᓯᓂᐧᑲᑕᔨᒡ ᐃᑕᐅᓂᔪᐤ᙮
\v 34 ᐊᑯ ᒪᒂᒡ ᑲ ‍ ᒋᒋᐸᔨᑐᐎᒋ ᑭᐱᐊ ᐃᔪᐛ ᐅᑕᓇᒡ ᐅᒋ ᐊᓐᑕ ᐊ ‍ ᑕᒡ ᐃᓯ, ᐸᐃᑯᔪᐤ ᒐᓯᐱᔪᐤ ᐃᔅᕋᐃᓪ ᐃᔪᒡ ᒂ ‍ ᒧᓯᒡ ᐊᓐᑕ ᑲ ‍ ᑲᓱᒡ, ᐊᓐᑕ ᐊᑎᒪᐱᓯᒧᒡ ᐃᑕᒐ ᑭᐱᐊ᙮ ᐊᐅᑯᓐᒡ ᐅᒡ ᓇᐸᐅᒡ ᒥᓯᐛ ᐊᓐᑕ ᐃᔅᕋᐃᓕᒡ ᑲ ‍ ᐅᒋᒡ᙮ ᒋᒋᐛ ᒋ ᒥᔅᑎ ‍ ᓂᑐᐱᔨᓇᓄᐤ᙮ ᐱᓐᒋᒥᓐ ᐃᔪᒡ ᓇᒪ ᐅᒋ ᒋᔅᒐᔨᑎᒧᒡ ᒐ ‍ ᓂᓱᐅᓇᒋᐊᑭᓄᐅᒡ᙮
\v 35 ᑎᐸᔨᒋᒐᓱᐤ ᒋ ‍ ᒥᔭᐤ ᐃᔅᕋᐃᓪ ᐃᔪᐛ ᒐᒋ ᓴᑯᐛᔨᒋ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᓂᓱᔪᐤ ᐊᓱ ᐱᑕᑕᒡ ᒐᓯᐱᔪᐤ ᒋ ‍ ᓂᐸᐅᒡ ᐊᑎᓱᐧᒄ ᓂᑐᐱᔪᐅ-ᒧᐧᑯᒪᓇ ᐊᒋ ‍ ᐊᐱᒋᑕᔨᒋ᙮
\v 36 ᑭᔭ ᒋᔅᒐᔨᑎᒧᒡ ᐱᓐᒋᒥᓐ ᐃᔪᒡ ᐊᓱᑯᒋᐊᑭᓄᐅᒡ᙮
\p ᐃᔅᕋᐃᓪ ᐃᔪᒡ ᒋ ‍ ᒋᑎᓯᒪᐅᒡ ᐱᓐᒋᒥᓐ ᐃᔪᐛ ᐛᔅ ᒋ ‍ ᓱᒐᔨᒪᐅᒡ ᐊᓂᔭ ᑲ ‍ ᑲᓱᐎᒋ ᓇᐸᐛ ᐊᓐᑕ ᐛᔅᑲ ᑭᐱᐊ᙮
\v 37 ᐊᓐᒡ ᐃᔅᕋᐃᓪ ᓇᐸᐅᒡ ᒋᔅᑎᑉ ᒋ ‍ ᐃᔅᐸᔨᑐᐅᒡ ᑭᐱᐊ, ᒋ ‍ ᑕᑎᐸᓂᐸᔨᑐᐅᒡ ᐊᓐᑕ ᐅᑕᓇᒡ ᑭᔭ ᒥᓯᐛ ᐊᐛᔪᐛ ᒋ ‍ ᓂᐸᐅᒡ᙮
\v 38 ᐊᑯ ᐊᓐᒡ ᓇᐸᐅᒡ ᑎᔅᑐᐎᒡ ᑲ ‍ ᑕᒡ ᐃᔅᕋᐃᓪ ᓇᐸᐛ ᑭᔭ ᑲ ‍ ᑲᓱᒡ ᐊᓐᑕ ᐛᔅᑲ ᑭᐱᐊ ᒋ ‍ ᐃᑕᑭᓄᐅᒡ ᐛᐱᒪᑕᒂᐛ ᐊᐱᒋᑕᔨᒡ ᐅᑕᓇᒡ ᐅᒋ ᐊᑯ ᐃᔭᒄ ᒋᐸ ‍ ᓂᑐᐱᔪᐅᒡ᙮
\v 39 ᐃᔅᕋᐃᓪ ᐃᔪᒡ ᒋᐸ ‍ ᒋᐛᐱᔪᐎᒡ ᐊᓐᑕ ᑲ ‍ ᓂᑐᐱᔨᓇᓄᐎᒡ᙮
\p ᐱᓐᒋᒥᓐ ᐃᔪᒡ ᓴᔅ ᒋ ‍ ᓂᐸᐅᒡ ᓂᔅᑐᔪᐤ ᐃᔅᕋᐃᓪ ᐃᔪᐛ᙮ ᐊᑯ ᒂ ‍ ᐃᔅᒋᔄᒡ, “ᒋᑲᓂᔪᓇᓐ ᐊ ‍ ᓂᑐᐱᔨᓇᓄᐅᒡ, ᒧᔭᒻ ᐅᔅᑭᒡ ᑲ ‍ ᐃᑎᔭᐧᒄ᙮”
\v 40 ᐊᑯ ᒂ ᐅᒋ ‍ ᐱᒋᑕᒡ ᐊᓐᑕ ᐅᑕᓇᒡ ᐅᒡ ᐊᓂᔭ ᐊ ‍ ᐃᔎᑕᒋ ᒥᒋᐛᐸ᙮ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᒂ ‍ ᒋᐛᐱᔪᐅᒡ ᑭᔭ ᐎᔭᐸᑕᒡ ᒥᓯᐛ ᐅᑕᓇᔪᐤ ᐊᐃᔎᑕᔨᒡ᙮
\v 41 ᐃᔅᕋᐃᓪ ᐃᔪᒡ ᒂ ‍ ᒋᐛᐱᔪᐅᒡ ᑭᔭ ᒂ ‍ ᑯᔅᑕᒋᒡ ᐱᓐᒋᒥᓐ ᐃᔪᒡ, ᐛᔅ ᒋᔅᒐᔨᑎᒧᒡ ᒐ ‍ ᓂᓱᐅᓇᒋᐊᑭᓄᐅᒡ᙮
\v 42 ᐊᑯ ᐱᓐᒋᒥᓐ ᐃᔪᒡ ᒋ ᐎ ‍ ᒋᑎᓯᒧᐅᒡ ᐸᐧᑯᑎᔅᑭᒥᑲᒡ ᐃᓯ ᒥᒄ ᓇᒪ ᐅᒋ ᒋᑎᓯᒧᐅᒡ, ᐅᓴᒻ ᐃᔅᕋᐃᓪ ᐃᔪᐛ ᐊᓂᔭ ᑲ ‍ ᐃᔎᓯᒥᔨᒋ ᐅᑕᓇᐛ ᒋ ᐸᒋ ‍ ᐎᐎᐸᔨᑐᔪᐛ ᐅᑕᓇᐛ ᐅᒋ ᑭᔭ ᒥᒐᑦ ᒋ ‍ ᓂᐸᐊᑭᓄᐅᒡ᙮
\v 43 ᐃᔅᕋᐃᓪ ᐃᔪᒡ ᒋ ‍ ᐛᔅᑲᔅᑯᐛᐅᒡ ᐱᔅᒐ ᐱᓐᒋᒥᓐ ᐃᔪᐛ ᑭᔭ ᒋ ‍ ᓇᓴᐛᐅᒡ ᑯᑎᑲ ᐃᔅᐱᔅ ᐛᐱᓄᑕᒡ ᑭᓕᐊᑦ᙮
\v 44 ᔭᓇᐤ ᑕᑐᓴᑈᐤ ᒐᓯᐱᔪᐤ ᐊ ‍ ᓱᐧᑲᑎᓯᔨᒋ ᐱᓐᒋᒥᓐ ᐃᔪᐛ ᒋ ‍ ᓂᐸᐅᒡ᙮
\v 45 ᐊᑯ ᐊᓐᒡ ᐊᔅᑯᐱᔨᒡ ᐱᓐᒋᒥᓐ ᐃᔪᒡ ᒂ ‍ ᒋᔅᒐᔨᑕᒡ ᐊ ‍ ᓴᐧᑯᒋᐊᑭᓄᐅᒡ᙮ ᕆᒥᓐ ᐊᓯᓂᒡ ᐊ ‍ ᐃᓯᐧᑲᑕᔨᒡ ᐸᐧᑯᑎᔅᑭᒥᑲᔪᐤ ᒂ ᐃᓯ ‍ ᒋᒋᐸᔨᑐᒡ, ᐃᔅᕋᐃᓪ ᐃᔪᒡ ᐸᑕᑕᒡ ᑕᑥᐤ ᒐᓯᐱᔪᐤ ᒋ ‍ ᓂᐸᐅᒡ ᐱᓐᒋᒥᓐ ᐃᔪᐛ ᐊᓐᑕ ᐊᑎ ‍ ᐃᑎᒧᐎᒡ ᒪᔅᑭᓇᔪᐤ᙮ ᑭᑐᒻ ᐃᔅᐱᔅ ᒋ ᐃᓯ ‍ ᓇᓴᐛᐅᒡ ᐊᔅᑯᐱᔨᒋ ᑭᔭ ᓂᔄᐤ ᒐᓯᐱᔪᐤ ᐊᓐᑕ ᒋ ‍ ᓂᐸᐅᒡ ᐱᓐᒋᒥᓐ ᐃᔪᐛ᙮
\p
\v 46 ᒪᒧᐤ ᓂᓱᔪᐤ ᐊᓱ ᐱᑕᑕᒡ ᑕᑥᐤ ᒐᓯᐱᔪᐤ ᐱᓐᒋᒥᓐ ᐃᔪᒡ ᒋ ‍ ᓂᐸᐊᑭᓄᐅᒡ, ᒥᓯᐛ ᐅᒡ ᒋ ‍ ᓱᐧᑲᑎᓯᐅᒡ ᐊ ‍ ᓂᑐᐱᔪᐅ-ᐃᔪᐅᒡ᙮
\v 47 ᒥᒄ ᐊᓱᑕᒡ ᑕᑐᐤ ᒥᑕᓯᒥᑎᓄᐤ ᐱᓐᒋᒥᓐ ᐃᔪᒡ ᕆᒥᓐ ᐊᓯᓂᒡ ᐊ ‍ ᐃᓯᓂᐧᑲᑕᔨᒡ ᐸᐧᑯᑎᔅᑭᒥᑲᔪᐤ ᒋ ‍ ᐃᑎᓯᒧᐅᒡ᙮ ᓇᐤ ᐱᓯᒺ ᐊᓐᑕ ᒋ ᐃᔅᐱᔅ ‍ ᐃᑕᐅᒡ᙮
\v 48 ᐊᑯ ᐃᔅᕋᐃᓪ ᐃᔪᒡ ᑲᐤ ᒂ ‍ ᐃᑐᑕᒡ ᐊᓐᑕ ᐱᓐᒋᒥᓐ ᐃᔪᐛ ᐅᑦ ᐊᔅᒋᔨᒡ ᑭᔭ ᒂ ‍ ᓂᐸᐊᒡ ᒥᓯᐛ ᐃᔪᐛ ᐊᓐᑕ ᒥᓯᐛ ᐅᑕᓇᐛ ᑲ ‍ ᑕᔨᒋ᙮ ᐃᔭᐱᒡ ᒥᓯᐛ ᐊᐛᓯᓴ ᒋ ‍ ᓂᐸᐅᒡ ᑭᔭ ᒥᓯᐛ ᐊᔅᐱᔅ ᒥᔅᑲᒡ ᒐᒂᔪᐤ ᐊᓐᑕ ᐅᑕᓇᐛ ᒋ ‍ ᓂᓱᐅᓇᒋᑕᐅᒡ᙮ ᒋ ‍ ᐃᔎᓯᒧᒡ ᒥᓯᐛ ᐅᑕᓇᐛ ᑲ ‍ ᐅᑎᑕᒡ᙮
\c 21
\s1 ᑲ ‍ ᒥᔅᑯᒧᐛᑭᓄᐅᒡ ᒐ ‍ ᐎᐅᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᓇᐸᐅᒡ
\p
\v 1 ᐃᔅᐱ ᑲ ‍ ᒪᒧᐎᒡ ᐃᔅᕋᐃᓪ ᐃᔪᒡ ᐊᓐᑕ ᒥᔅᐸ ᐊᒺᔭ ᐅᒋ ᓂᑐᐱᔨᓇᓄᐎᒡ, ᒋᒋ ‍ ᐊᓱᑎᒧᐛᐅᒡ ᑎᐸᔨᒋᒐᓱᐛ, “ᓇᒪ ᐛᐛᒡ ᐸᐃᒄ ᐊᑎᓯᔭᒡ ᒋᑭ ᐅᒋ ‍ ᓇᐊᔨᒪᐤ ᐅᑕᓂᓴ ᒐᒋ ᐎᒋᒪᔨᒋ ᓇᐸᐛ ᐱᓐᒋᒥᓐ ᐃᔪᐛ ᐅᒋ᙮”
\p
\v 2 ᐊᑯ ᐃᔅᕋᐃᓪ ᐃᔪᒡ ᐸᑕᓪ ᒂ ‍ ᐃᑐᑕᒡ ᑭᔭ ᐃᔅᑭᓐ ᒋᓯᑲᐛ ᒋ ‍ ᒪᑐᐛᐅᒡ ᑎᐸᔨᒋᒐᓱᐛ ᐊᒋᐧᑲᐛᒡ ᐃᔅᐱᔅ ᑲ ‍ ᐸᒋᓯᒧᐎᒋ ᐱᓯᒺ᙮
\v 3 ᒂ ‍ ᐃᔅᒋᔄᒡ, “ᑎᐸᔨᒋᒐᓱᐤ, ᐃᔅᕋᐃᓪ ᐃᔪᒡ ᐅᒋᓴᒪᓂᑐᒧᐛᐛ, ᒧᔭᒻ ᒂ ‍ ᐃᓯᓇᒂᒡ ᐸᐃᒄ ᐊ ‍ ᐃᑎᔅᑲᓇᓯᔭᒡ ᐃᔅᕋᐃᓪ ᐃᔪᒡ ᓴᔅ ᐊ ᐊᑲ ‍ ᐃᑕᒡ ! ᒐᒂᓐ ᐅ ᐛᒋ ‍ ᐃᔅᐱᔨᔭᒡ ?”
\p
\v 4 ᐎᐱᒡ ᒥᓐ ᒋᔭᒋᓴᐸᔭᔨᒡ, ᒋ ‍ ᐅᓯᑕᐅᒡ ᐃᔪᒡ ᐱᔅᑎᓂᒐᐅᓇᐱᔅᑯᔪᐤ᙮ ᐊᑯ ᒂ ‍ ᐱᔅᑎᓇᒡ ᒥᑐᔅᑕᐊᒪᒐᐅᓇ ᑭᔭ ᒋᔭᒪᔨᑎᒧᐤ ᒥᔨᐛᐅᓇ ᐊᓐᑕ ᐱᔅᑎᓂᒐᐅᓇᐱᔅᑯᒡ᙮
\p
\v 5 ᒂ ‍ ᐃᔅᒋᔄᒡ, “ᐊᐛᓐ ᐊᓐᑕ ᐊᑎᓯᔭᐧᒄ ᐊ ‍ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ ᐊ ᐊᑲ ᐅᒋ ‍ ᑎᑯᓯᐧᒃ ?” ᐛᔅ ᒋᒋ ‍ ᐊᓱᑎᒪᒐᐅᒡ ᒐᒋ ᓂᐸᐊᑭᓄᐎᒋ ᐊᓂᔭ ᐊᐛᔪᐛ ᐊ ᐊᑲ ᐅᒋ ‍ ᐃᑐᑕᔨᒋ ᐊᓐᑕ ᒥᔅᐸᐃᒡ᙮
\p
\v 6 ᐃᔅᕋᐃᓪ ᐃᔪᒡ ᒋᔅᑎᒪᒐᔨᒪᐅᒡ ᐎᒋ ‍ ᐃᔅᕋᐃᓪ ᐃᔪᐛᐛ ᐊᓐᑕ ᐱᓐᒋᒥᓐ ᐃᔪᐛ ᐊ ‍ ᐃᑎᔅᑲᓇᓯᔨᒋ ᐅᒋ, ᒂ ‍ ᐃᔅᒋᔄᒡ, “ᐊᓄᒡ ᐸᐃᒄ ᐊ ‍ ᐃᑎᔅᑲᓇᓯᔭᐧᒄ ᐃᔅᕋᐃᓪ ᐃᔪᒡ ᓴᔅ ᓇᒪ ᐃᑕᐅᒡ᙮
\v 7 ᔅᒋ ‍ ᐸᑕᑯᓄᐤ ᑎᐸᔨᒋᒐᓱᐤ ᑲ ᒋᒋ ‍ ᐊᓱᑎᒪᒐᔭᐧᒄ ᒐ ᐊᑲ ‍ ᓇᐊᔨᒪᐧᑯᒡ ᒋᑕᓂᓯᓄᐅᒡ ᒐᒋ ᐎᒋᒪᒡ ᓇᐸᐛ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ᙮ ᑕᓐᑕ ᒐᒋ ᐅᒋ ᐃᑐᑎᒪᐧᒄ ᐊᓐᒡ ᓇᐸᐅᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ ᐊ ᐊᑲ ᐅᒋ ‍ ᓂᐸᐊᑭᓄᐅᒡ ᒐᒋ ᐎᐎᐅᒡ ?”
\v 8 ᐊᑯ ᐸᐃᒄ ᐃᔪᐤ ᒂ ‍ ᑯᒂᒋᒐᒧᑦ, “ᒐᒄ ᐸᐃᒄ ᐊᓐᒡ ᐊ ‍ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ ᓇᒪ ᐅᒋ ᐃᑎᓴᐛᐅᒡ ᓇᐸᐛ ᐅᑕ ᒥᔅᐸᐃᒡ ?”
\v 9 ᐊᑯ ᒂ ‍ ᒋᔅᒐᔨᑕᒡ ᐃᔅᐱ ᑲ ‍ ᐊᒋᒪᑭᓄᐎᒋ ᐃᔪᐛ, ᓇᒪ ᐅᒋ ᑎᑯᓯᓂᔨᐛ ᐊᐛᔪᐛ ᐊᓐᑕ ᒐᐸᔅ-ᑭᓕᐊᑦ ᐅᑕᓇᒡ ᐅᒋ᙮
\p
\v 10 ᐊᑯ ᒥᓯᐛ ᐃᔅᕋᐃᓪ ᐃᔪᒡ ᒂ ‍ ᐎᔭᔨᑕᒡ ᒐᒋ ᐃᑎᓴᐛᒡ ᓂᓴᑈᐤ ᒐᓯᐱᔪᐤ ᐊ ‍ ᓱᐧᑲᑎᓯᔨᒋ ᓂᑐᐱᔪᐅ-ᐃᔪᐛ ᐊᓐᑕ ᒐᐸᔅ-ᑭᓕᐊᑦ ᐅᑕᓇᒡ ᒐᒋ ᓂᐸᐊᔨᒋ ᐃᔪᐛ ᓂᑐᐱᔪᐅ-ᒧᐧᑯᒪᓇ ᐊ ‍ ᐊᐱᒋᑕᔨᒋ, ᐊᓯᒡ ᐃᔎᐛ ᑭᔭ ᐊᐛᓴ᙮
\v 11 ᒋ ‍ ᐃᑕᐅᒡ ᐊᓂᔭ ᓇᐸᐛ: “ᒪᐅ ᒐ ‍ ᐃᑎᔭᒄ: ᒥᓯᐛ ᓇᐸᐤ ᐊᓐᑕ ᒐᐸᔅ-ᑭᓕᐊᑦ ᐅᑕᓇᒡ ᒋᑭ ‍ ᓂᐸᐊᐛᐤ, ᐃᔭᐱᒡ ᒥᓯᐛ ᑲᓂᐳᐅᒡ ᐃᔎᐅᒡ, ᒥᒄ ᒐ ᐊᑲ ‍ ᓂᐸᐊᑯᒡ ᐅᔅᑎᓂᒋᔎᓯᒡ᙮”
\v 12 ᐊᑯ ᓂᑐᐱᔪᐅ-ᐃᔪᒡ ᒂ ‍ ᐃᑐᑕᒡ ᒐᐸᔅ-ᑭᓕᐊᑦ ᐅᑕᓇᒡ ᑭᔭ ᒂ ‍ ᓂᐸᐊᒡ ᒥᓯᐛ ᓇᐸᐛ ᑭᔭ ᑲᓂᐳᐎᒋ ᐃᔎᐛ ᑭᔭ ᐊᐛᓴ᙮ ᒥᒄ ᓇᐤ ᒥᑕᓯᒥᑎᓄᐤ ᐅᔅᑎᓂᒋᔎᓴ ᒋ ‍ ᒥᔅᑯᐛᐅᒡ᙮ ᐊᑯ ᒂ ‍ ᐸᓱᐛᒡ ᐊᓐᑕ ᑲ ‍ ᐎᒋᒡ ᐊᓐᑕ ᓯᓗ, ᑲᐃᓇᓐ ᐊᔅᒋᒡ᙮
\p
\v 13 ᐊᑯ ᒥᓯᐛ ᑲ ‍ ᒪᒧᐎᒡ ᐃᔅᕋᐃᓪ ᐃᔪᒡ ᒂ ‍ ᐃᑎᓴᐊᒧᐛᒡ ᐃᔨᒧᐅᓂᔪᐤ ᐊᓱᑕᒡ ᑕᑐᐤ ᒥᑕᓯᒥᑎᓄᐤ ᐱᓐᒋᒥᓐ ᐃᔪᐛ ᐊᓐᑕ ᑲ ‍ ᑕᔨᒋ ᕆᒥᓐ ᐊᓯᓂᒡ ᐊ ‍ ᐃᓯᐧᑲᑕᔨᒡ ᐸᐧᑯᑎᔅᑭᒥᑲᔪᐤ, ᒋ ‍ ᐃᑕᐅᒡ ᒐᒋ ᐳᓂᒡ ᐊ ‍ ᓂᑐᐱᔨᑕᑐᒡ᙮
\v 14 ᐊᑯ ᑲᐤ ᒂ ‍ ᑎᑯᓯᒡ ᓇᐸᐅᒡ ᕆᒥᓐ ᐊᓯᓂᒡ ᐅᒋ᙮ ᐃᔅᕋᐃᓪ ᐃᔪᒡ ᒋ ‍ ᒥᔭᐅᒡ ᐃᔎᐛ ᒐᐸᔅ-ᑭᓕᐊᑦ ᐅᑕᓇᒡ ᐅᒋ ᐊᓂᔭ ᐊ ᐊᑲ ᐅᒋ ‍ ᓂᐸᐊᒡ᙮ ᒥᒄ ᓇᐤ ᒥᑕᓯᒥᑎᓄᐤ ᒋ ‍ ᐃᑕᑎᓯᔨᐛ ᐃᔎᐛ, ᓇᒪ ᐅᒋ ᐃᑕᑎᓱᐅᒡ ᐃᔎᐅᒡ ᐛᔅ ᐊᓱᑕᒡ ᑕᑐᐤ ᒥᑕᓯᒥᑎᓄᐤ ᒋ ‍ ᐃᑕᑎᓱᐅᒡ ᓇᐸᐅᒡ᙮
\p
\v 15 ᐃᔭᐱᒡ ᐊᔅᒄ ᒋ ‍ ᒋᔅᑎᒪᒐᔨᒪᐅᒡ ᐃᔅᕋᐃᓪ ᐃᔪᒡ ᐊᓂᔭᔪᐛ ᐱᓐᒋᒥᓐ ᓇᐸᐛ ᐛᔅ ᒐᑲᑦ ᒋ ‍ ᐃᔭᔪᐛᐤ ᑎᐸᔨᒋᒐᓱᐤ ᐊᓂᔭᔪᐛ ᒥᓯᐛ ᐸᐃᒄ ᐊ ‍ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ᙮
\v 16 ᑲᓂᑲᓂᔅᑲᒐᒡ ᐃᔅᕋᐃᓪ ᐃᔪᒡ ᒋ ‍ ᐃᔅᒋᔄᐅᒡ, “ᒥᓯᐛ ᔅᒋ ‍ ᓂᐸᐊᓄᐅᒡ ᑲ ‍ ᓂᐳᐅᒡ ᐃᔎᐅᒡ ᐱᓐᒋᒥᓐ ᐃᔪᐛ ᐅᒋ᙮ ᑕᓐᑕ ᒋᐸ ‍ ᐅᑎᓇᓄᐅᒡ ᐃᔎᐅᒡ ᒐᒋ ᐎᐎᐅᒡ ᐊᓐᒡ ᐊᔅᑯᐱᔨᒡ ᓇᐸᐅᒡ ᐊᔅᒄ ᐸᒪᑎᓯᒡ ?
\v 17 ᒋᐸ ᐎ ‍ ᑕᔪᐛ ᒐ ‍ ᐎᐅᒡ ᒐᒋ ᑕᔨᒋ ᐅᑦ ᐊᐛᓯᒧᐛᐛ, ᐊᑯ ᒪᒃ ᒐᒋ ᐊᓂᔅᒐ ‍ ᐱᒪᑎᓯᒡ᙮ ᐊ ᐊᑲ ᒪᒃ ᒋ ‍ ᐃᓯᓇᒂᒐ, ᒥᓯᐛ ᐊᓐᒡ ᐸᐃᒄ ᐊ ‍ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ ᒋᑭ ‍ ᐳᓂᐱᒪᑎᓯᐅᒡ
\v 18 ᒥᒄ ᓇᒪ ᒋᑭ ᒋ ‍ ᓇᐊᔨᒪᓄᐅᒡ ᒋᑕᓂᓯᓄᐅᒡ ᒐᒋ ᐎᒋᒪᒡ ᐅᔭ ᓇᐸᐛ, ᐛᔅ ᔅᒋ ‍ ᐊᓱᑎᒪᒐᓇᓄᐤ ᑎᐸᔨᒋᒐᓱᐤ ᒐ ‍ ᓂᓱᐅᓇᒋᒪᑦ ᐊᓂᔭ ᐊᐛᔪᐛ ᒐ ‍ ᐱᔅᑎᓇᔨᒂᓂᐃ ᐸᐃᒄ ᐅᑕᓂᓯᔨᐛ ᒐᒋ ᐎᒋᒪᔨᒋ ᐱᓐᒋᒥᓐ ᐃᔪᐛ᙮”
\v 19 ᐊᑯ ᐸᐃᒄ ᐊᓐ ᐃᔪᐤ ᒂ ‍ ᐃᑕᔨᑕᐧᒃ ᑕᓐ ᒋᐸ ‍ ᐃᑐᐅᒡ, ᒂ ‍ ᐃᔅᒋᔄᑦ, “ᐊᓯᑯᒻ ᐱᐳᓇ ᑎᑯᓐ ᐊ ‍ ᒥᑯᓴᓄᐅᒡ ᒐᒋ ᒋᔅᑕᔨᒪᑭᓄᐅᑦ ᑎᐸᔨᒋᒐᓯᐤ ᐊᓐᑕ ᓯᓗ, ᐊᓐᑕ ᒋᐛᑎᓄᒡ ᐃᑕᒐ ᐊ ‍ ᑎᒂᒡ ᐸᑕᓪ ᑭᔭ ᐛᐱᓄᐅᑕᒡ ᐃᑕᒐ ᒪᔅᑭᓄᐤ ᐊᑎᒧᒡ ᐸᑕᓪ ᐅᒋ ᓴᑭᒻ ᐃᓯ ᑭᔭ ᓴᐅᓄᒡ ᐃᑕᒐ ᓚᐸᓇᓐ ᐅᑕᓇᒡ᙮”
\p
\v 20 ᐊᑯ ᑲᓂᑲᓂᔅᑲᒐᒡ ᐃᔅᕋᐃᓪ ᐃᔪᒡ ᐊᑕᒡ ᐸᓐᒋᒥᓐ ᐃᔪᐛ, “ᐃᔅᐱ ᐅᑎᒋᐱᔨᒐ ᒐ ‍ ᒥᑯᓴᓄᐅᒡ, ᓯᓗ ᒐ ‍ ᐃᑐᑕᔭᒄ ᑭᔭ ᒐ ‍ ᑲᓱᔭᒄ ᐊᓐᑕ ᓱᒥᓇᑎᐧᑯ ᓂᑕᐅᒋᑕᑭᓂᒡ᙮
\v 21 ᒐ ‍ ᓇᑭᑐᐛᐱᒪᑯᒡ ᐅᔅᒋᓂᒋᔎᐅᒡ ᒐᒋ ᐸᒋ ‍ ᐎᐎᒡ ᐅᑕᓇᒡ ᒐᒋ ᓇᒋ ‍ ᓂᒥᒡ᙮ ᐃᔅᐱ ᐸᒋ ‍ ᐎᐎᑥᐛ, ᒥᓯᐛ ᐊᑎᓯᔭᒄ ᒐ ‍ ᒧᔅᒋᐸᔨᑐᔭᒄ ᓱᒥᓇᑎᐧᑯ ᓂᑕᐅᒋᑕᑭᓂᒡ ᐅᒋ᙮ ᒥᓯᐛ ᐸᐸᐃᒄ ᐊᑎᓯᔭᒄ ᒋᑭ ‍ ᒪᑯᓇᐤ ᐸᐃᒄ ᐅᔅᒋᓂᒋᔎᐛ᙮ ᐊᑯ ᒥᓯᐛ ᒐ ‍ ᒋᐛᔭᒄ ᒋᒋᐛᐛᒡ ᐊᓯᒡ ᐊᓐᒡ ᐃᔎᐅᒡ᙮
\v 22 ᐊᑯ ᐃᔅᐱ ᓂᑐᐛᐱᒥᔨᒥᒐᓂᐃ ᐅᑕᐎᐛᐛ ᑭᔭ ᒪᒃ ᐎᐧᑲᓂᓯᐛᐛ ᑭᔭ ᐊᔭᔨᒺᐛᐃᑯᑥᐛ ᒐᒂᔪᐤ ᑲ ‍ ᐃᑐᑎᒺᒄ, ᓂᑭ ‍ ᐃᑕᓇᓐᒡ᙮ ‘ᒥᔪᑐᑐᐛᐧᑯᒡ ᐊᓐᒡ ᐱᓐᒋᒥᓐ ᐃᔪᒡ᙮ ᐃᔅᐱ ᑲ ‍ ᒪᓯᔨᒋᒡ, ᓇᒪ ᓂ ᐅᒋ ‍ ᐃᔅᑯᓂᒪᓇᓂ ᐊ ‍ ᐱᒪᑎᓯᔨᒋ ᐃᔎᐛ ᒐ ‍ ᐎᐅᒡ ᑭᔭ ᓇᒪ ᒋ ᐅᒋ ‍ ᒥᔭᐛᐅᒡ ᐅᔅᒋᓂᒋᔎᐛ ᐊᓐᒡ ᓇᐸᐅᒡ ᐱᓐᒋᒥᓐ ᐃᔪᒡ ᐅᒋ᙮ ᒋ ‍ ᐅᑎᓇᐅᒡ ᐊᓂᔭ᙮ ᐊᑯ ᓇᒪ ᒋᑭ ᐅᒋ ‍ ᐊᑕᒪᔨᑕᑯᓯᓇᐛᐤ, ᐊᑎᓱᐧᒄ ᒋ ‍ ᐃᔅᒋᔄᔭᒄ ᒐ ᐊᑲ ‍ ᓇᐊᔨᒪᑯᒡ ᒋᑕᓂᓱᐛᐅᒡ ᒐᒋ ᐎᒋᒪᒡ ᐊᓂᔭ ᐸᐃᒄ ᐃᔪᐛ᙮’ ”
\p
\v 23 ᐊᑯ ᐊᐅᑯᔪᐤ ᐊᓂᔭ ᑲ ‍ ᑐᑕᒡ ᐱᓐᒋᒥᓐ ᐃᔪᒡ᙮ ᒋ ‍ ᐃᑐᑕᐅᒡ ᐊᓐᑕ ᓯᓗ ᒧᔭᒻ ᑲ ‍ ᒥᑯᓴᓄᐎᒡ᙮ ᑭᔭ ᐃᔅᐱ ᑲ ‍ ᓂᒥᔨᒋ ᐅᔅᒋᓂᒋᔎᓴ, ᒥᓯᐛ ᐸᐸᐃᒄ ᓇᐸᐤ ᒋ ‍ ᑲᔅᑎᓇᐤ ᐅᔅᒋᓂᒋᔎᓴ ᑭᔭ ᒐ ‍ ᑐᑕᐊᑦ ᑭᔭ ᐛᒋᒪᑦ᙮ ᐊᑯ ᒂ ‍ ᐃᑐᑕᐊᒡ ᐎᐅᐛᐛ ᐊᓐᑕ ᐊᔅᒋᒡ ᑲ ‍ ᒥᔨᑯᒡ ᒋᓴᒪᓂᑐᐛ᙮ ᑲᐤ ᒋ ‍ ᒋᒥᑕᐅᒡ ᐅᑕᓇᒧᐛᐛ ᐊᓂᔭ ᑲ ‍ ᐃᔎᓴᑭᓄᐎᒋ ᑭᔭ ᐊᑯᑕ ᑲ ‍ ᐎᒋᒡ᙮
\p
\v 24 ᒥᓯᐛ ᑯᑎᑭᒡ ᐃᔅᕋᐃᓪ ᐃᔪᒡ ᑲᐤ ᒋ ‍ ᒋᐛᐅᒡ ᐊᓐᑕ ᑲ ‍ ᐎᒋᔨᒋ ᐊ ‍ ᐃᑎᔅᑲᓇᓯᔨᒋ ᐅᑦ ᐃᔨᒧᐛᐛ, ᐊᓐᑕ ᐊᓂᔭ ᐊᔅᒋᔪᐤ ᑲ ‍ ᑎᐸᔨᑎᒥᔨᑯᒡ ᒋᓴᒪᓂᑐᐛ᙮
\p
\v 25 ᐊᓂᔭ ᒐᓯᑲᔨᒋ, ᓇᒪ ᐅᒋ ᒋᓴᐅᒋᒪᒧᐅᒡ ᐃᔅᕋᐃᓪ ᐃᔪᒡ, ᑭᔭ ᒥᓯᐛ ᐊᐛᓐ ᒋ ‍ ᐃᑐᑎᒻ ᐊᓂᔭ ᒐᒂᔪᐤ ᒥᔽᐤ ᐊ ‍ ᐃᑕᔨᑕᐧᒃ᙮


\id RUT
\h ᕈᑦ
\toc3 ᕈᑦ
\toc2 ᕈᑦ
\toc1 ᕈᑦ
\mt ᕈᑦ
\c 1
\s1 ᕈᑦ ᑲ ‍ ᐃᔅᐱᑕᔨᒪᑦ ᓏᒥᔨᒋ
\p
\v 1 ᐎᐱᒡ ᒋ ‍ ᓂᑲᓂᔅᑭᒧᒡ ᐊᓐᒡ ᑲᑎᐸᔅᑯᓂᒐᒡ ᐊᔅᒄ ᐊᑲ ᐅᒋ ᑕᒡ ᒋᓴᐅᒋᒪᐅᒡ, ᒋ ‍ ᑕᐤ ᓇᐸᐤ ᐸᑦᓕᔭᒻ ᐅᑕᓇᔪᐤ ᐊ ‍ ᐃᓯᓂᐧᑲᑕᔨᒡ ᐊ ‍ ᐅᒋᑦ ᐊᓐᑕ ᒍᑕ ᐊᔅᒋᒡ᙮ ᒋ ‍ ᑕᔪᐛ ᐎᐛ ᑭᔭ ᓂᓱ ᐅᑯᓴ᙮
\v 2 ᐊᓕᒥᓇᒃ ᒋ ‍ ᐃᓯᓂᐧᑲᓱᐤ ᓇᐸᐤ, ᓏᒥ ᒋ ‍ ᐃᓯᓂᐧᑲᓱᔪᐛ ᐎᐛ, ᒪᓚᓐ ᑭᔭ ᑭᓕᔭᓐ ᒋ ‍ ᐃᓯᓂᐧᑲᓱᔪᐛ ᐅᑯᓴ᙮ ᑲ ‍ ᓯᐛᔨᓇᓄᐎᒡ ᐊᓐᑕ ᐅᑦ ᐊᔅᒋᐛᒡ, ᒂᔅᑕᒐ ᐊᓐᑕ ᐊᔅᒋᒡ ᒂ ‍ ᐃᑐᑕᒡ ᒧᐊᑉ ᐊ ‍ ᐃᓯᓂᐧᑲᑕᔨᒡ ᑭᔭ ᐊᑯᑕ ᒂ ‍ ᐎᒋᒡ᙮
\p
\v 3 ᐊᓕᒥᓇᒃ, ᓏᒥ ᐅᓇᐸᒪ ᒂ ‍ ᓂᐱᔨᒋ, ᓂᓱ ᐅᑯᓴ ᒥᒄ ᐊ ‍ ᑕᔨᒋ᙮
\v 4 ᑲᒋ ‍ ᐸᐃᑯᔪᐛ ᐱᐳᓂᔨᒡ, ᓂᓱ ᐅᑯᓴ ᒋ ‍ ᓂᐳᐎᐛ, ᒋ ‍ ᓂᓯᔪᐛ ᐅᓇᐊᑲᓂᔎᒪ ᐸᐃᒄ ᕈᑦ ᐊ ‍ ᐃᓯᓂᐧᑲᓱᔨᒋ, ᐊᑯ ᑯᑎᑲ ᐅᕐᐸ ᐊ ‍ ᐃᓯᓂᐧᑲᓱᔨᒋ᙮
\v 5 ᒂ ‍ ᓂᐱᔨᒋ ᓂᓱ ᐅᑯᓴ᙮ ᓏᒥ ᒂ ‍ ᐸᐃᑯᓯᑦ ᐊᑲ ᑕᔨᒋ ᐅᓇᐸᒪ ᑭᔭ ᐅᑯᓴ᙮
\p
\v 6 ᐃᔅᐱ ᐱᔭᑕᐧᒃ ᑎᐸᒋᒧᐅᓂᔪᐤ ᑎᐸᔨᒋᒐᓱᐛ ᐊ ‍ ᐃᑐᑎᒥᔨᒋ ᑲᐤ ᒐᒋ ᒥᔪᓂᑕᐅᒋᓂᔨᒡ ᒥᒋᒥᔪᐤ ᐊᓐᑕ ᐸᑦᓕᔭᒥᒡ, ᐎᔾ ᑭᔭ ᐅᓇᐊᑭᓂᔎᒪ ᒋ ‍ ᐊᔭᔅᑯᐎᐅᒡ ᒐᒋ ᐃᑐᑕᒡ ᐊᓐᑕ ᐅᑦ ᐊᔅᒋᒡ ᒍᑕ᙮
\v 7 ᒂ ‍ ᓇᓴᐅᑯᑦ ᓂᓱ ᐅᓇᑲᓂᔎᒪ ᑲᐤ ᐊᑐᑕᑦ ᒍᑕ ᐊᔅᒋᒡ᙮
\p
\v 8 ᒪᒂᒡ ᐊ ‍ ᐱᒧᑕᒡ ᒂ ‍ ᐃᑕᑦ, “ᒐᒂᓐ ᐛᒋ ‍ ᐎᐎᒐᐎᔭᒄ ? ᐊᑎᑐᐤ ᒥᔽᐤ ᒐᒋ ᓂᑐᐛᐱᒪᑯᒡ ᒋᓂᒋᐃᑯᐛᐅᒡ᙮ ᒋᑭ ‍ ᑎᒥᔅᑲᑯᐛᐤ ᑎᐸᔨᒋᒐᓱᐤ ᑲ ᐃᔅᐱᔅ ‍ ᒥᔪᑐᑐᐛᑯᒡ ᓂᓇᐸᒻ ᓂᑯᓯᒡ ᑭᔭ ᓂᔾ᙮
\v 9 ᑭᒪ ᒥᔨᑕᒄ ᑯᑎᑲ ᒐᒋ ᐅᓇᐸᒥᔭᒄ ᑭᔭ ᒐᒋ ‍ ᐎᒋᔭᒄ,”
\p ᓏᒥ ᒂ ‍ ᓱᐛᔨᒪᑦ ᐊ ‍ ᓂᓯᔨᒋ᙮ ᒂ ‍ ᒪᔨᒋ,
\v 10 ᑭᔭ ᒂ ‍ ᐃᑎᑯᑦ “ᒋ ᐎ ‍ ᐎᒐᐅᑎᓇᓐ ᑭᔭ ᓂ ᐎ ‍ ᑕᓇᓐ ᐊᓐᑕ ᐊ ‍ ᑕᒡ ᒋᑦ ᐃᔨᒥᒡ᙮”
\p
\v 11 ᒥᒄ ᓏᒥ ᒋ ‍ ᐃᑕᐤ, “ᓇᑭᓂᔎᒥᑐᒄ, ᐊᑎᑐᐤ ᒥᔽᐤ ᒐᒋ ᓂᑐᐛᐱᒪᑯᒡ ᒋᑦ ᐃᔨᒧᐛᐅᒡ᙮ ᒐᒂᓐ ᐛᒋ ᐎ ‍ ᐎᒐᐅᔭᒄ ? ᒋ ‍ ᐃᑕᔨᑕᓇᐛᐤ ᐊ ᒥᓐ ᒐᒋ ‍ ᐅᑯᓯᔭᓐ ᒐᒋ ᓂᐳᐅᔭᒄ ?
\v 12 ᒋᐛᒪᒄ ᒋᑦ ᐊᔅᒋᐛᒡ, ᓴᔅ ᓂ ‍ ᒋᓴᐃᔪᐅᓐ ᒐᒋ ᒥᓐ ᓂᐳᐅᔭᓐ᙮ ᐊᑎ ‍ ᐃᓯᓇᒂᒡ ᒐᒋ ᐊᓱᐛᐱᒪᐅᓯᔭᓐ ᑭᔭ ᒐᒋ ᐅᑯᓯᔭᓐ,
\v 13 ᒋᐸ ᓱᐛᐱᒪᐛᐅᒡ ᐊ ᒐᒋ ᐃᔅᐱᑎᓯᔨᒡ ᒐᒋ ᓂᐳᐅᒡ ? ᓇᒪ, ᓇᑭᓂᔎᒥᑐᒄ, ᐊᑎᑐᐤ ᓂᑦ ᐊᔨᒥᒐᔨᑕᓐ ᐊᔅᒄ ᐊ ᐊᑲ ‍ ᒋᔨᐛᐤ, ᐛᔅ ᑎᐸᔨᒋᒐᓱᐤ ᓂᒋ ᒋ ‍ ᒋᐛᑲᐳᔅᑕᒄ᙮”
\p
\v 14 ᒥᓐ ᐊᒪᔨᒋ, ᐊᑯ ᐅᕐᐸ ᒂ ‍ ᓴᐛᔨᒪᑦ ᐅᓱᑯᓴ ᐊ ‍ ᐛᒋᔭᒪᑦ, ᒥᒄ ᕈᑦ ᐎᔾ ᓇᒪ ᐅᒋ ᐎ ‍ ᓂᑭᑕᐤ᙮
\p
\v 15 ᐊᑯ ᓏᒥ ᒂ ‍ ᐃᑕᑦ, “ᒋᑕᐱᒻ ᒋᐎᒐᐛᑭᓐ, ᓂᑐᐛᐱᒪᐤ ᑲᐤ ᐅᑦ ᐃᔨᒪ ᑭᔭ ᐅᒥᓂᑐᐧᑲᓂᒪ, ᒐᒂᓐ ᐛᒋ ‍ ᐊᑲ ᐎ ‍ ᐎᒐᐅᑦ ?”
\p
\v 16 ᕈᑦ ᒂ ‍ ᐃᑕᑦ, “ᑲ ‍ ᐎᑎᒧᐎᔾ ᒐᒋ ᓂᑭᑎᑕᓐ ᑭᔭ ᒐᒋ ᒋᐛᔭᓐ ! ᒥᒄ ᐊᓐᑕ ᒐ ‍ ᐃᑐᑕᐅᓇ ᓂᑭ ‍ ᐃᑐᑕᓐ, ᐊᓐᑕ ᒐ ‍ ᐎᒋᔨᓐ ᐊᑯᑕ ᒐ ‍ ᐎᒋᔭᓐ, ᐊᓐᒡ ᒋᑦ ᐃᔨᒥᒡ ᐊᐅᑯᓐᒡ ᑭᔭ ᓂᔾ ᒐ ‍ ᐅᑦ ᐃᔨᒥᔭᓐ, ᐊᓐ ᒋᒋᓴᒪᓂᑐᒻ ᐊᐅᑯᓐ ᑭᔭ ᓂᔾ ᒐ ‍ ᐅᒋᓴᒪᓂᑐᒥᔭᓐ᙮
\v 17 ᐊᑯᑕ ᑭᔭ ᓂᔾ ᒐ ‍ ᓂᐱᔭᓐ ᐊᓐᑕ ᒐ ‍ ᓂᐳᐅᓇ, ᑭᔭ ᒐ ‍ ᓇᐃᐧᑯᐃᑯᔭᓐ ᐅᐱᒪ ᐊᐱᒥᓯᓂᓐ᙮ ᓇᒪ ᓂᑕ ᒋᑭ ‍ ᓂᑭᑎᑎᓐ, ᐃᓯᓇᒂᒐ ᒐᒋ ᑎᐸᓂᐱᔭᐊᐧᒃ, ᑭᒪ ᒋᓴᒪᓂᑐᐤ ᐊᓏᔨᒥᑦ ᑎᐸᓂᐱᔭᐧᑯᐛ ᐊᑎᓱᐧᒄ ᓂᐳᐅᓂᒡ ᐅᒋ᙮”
\v 18 ᐃᔅᐱ ᓏᒥ ᒐᔅᒐᔨᑕᐧᒃ ᐊᒋ ‍ ᐎᔭᔨᑎᒥᔨᒋ ᕈᑕ ᒐ ‍ ᐎᒐᐅᑯᑦ, ᓇᒪ ᒥᓐ ᐅᒋ ᓯᒋᒪᐤ ᐃᔅᒋᔄᐤ᙮
\p
\v 19 ᒂ ‍ ᐅᑎᑕᒡ ᐸᑦᓕᔭᒻ, ᒥᓯᐛ ᐊᐛᔪᐛ ᒋ ‍ ᒧᒋᒐᔨᑎᒥᔪᐛ ᐎᔭᐱᒥᑯᒡ᙮ ᐊᔅᒋᔄᒡ ᐃᔎᐅᒡ ᐊᓐᑕ ᐎᒋᒡ, “ᐊᐅᑯᓐ ᐊ ᑕᑈ ᓏᒥ ?”
\p
\v 20 ᐊᑯ ᓏᒥ ᒂ ‍ ᐃᑎᒺᑦ, “ᐊᑲ ᐃᓯᓂᐧᑲᓱᒄ ᓏᒥ, ᒪᕋ ᒐ ‍ ᐃᓯᓂᐧᑲᓯᔭᒄ, ᐛᔅ ᒋ ‍ ᐎᓯᑭᓂᑕᐤ ᓂᐱᒪᑎᓯᐅᓂᔪᐤ ᒥᓯᐛ ᐊ ᐃᓯ ‍ ᓱᐧᑲᑎᓯᑦ ᒋᓴᒪᓂᑐᐤ᙮” (“ᒥᔽᔨᑕᑯᓐ” ᐃᔅᒋᔄᒥᑭᓐ ᓏᒥ ᐊ ‍ ᐃᓇᓄᐅᒡ ᑭᔭ “ᐎᓯᑭᓐ” ᐃᔅᒋᔄᒥᑭᓐ ᒪᕋ ᐊ ‍ ᐃᓇᓄᐅᒡ)
\v 21 “ᒥᓯᐛ ᒐᒂᓐ ᓂᒋ ‍ ᑭᓄᐛᔨᑕᓐ, ᐃᔅᐱ ᑲ ‍ ᓂᑭᑎᒪᓐ ᐅᑕ, ᒥᒄ ᑲᐤ ᓂᒋ ‍ ᐸᓱᐅᒄ ᐅᑕ ᑎᐸᔨᒋᒐᓱᐤ ᐊᑲ ᒐᒂᓐ ᑭᓄᐛᔨᑎᒪᓐ᙮ ᑕᓐᑕ ᒐ ᐅᒋ ‍ ᐃᓯᓂᐧᑲᓯᔭᒄ ᓏᒥ, ᑲ ᐃᔅᐱᔅ ‍ ᒋᐛᑲᐳᔅᑐᑦ ᒋᓴᒪᓂᑐᐤ ᑭᔭ ᐊᔨᒥᓇᑯᑕᑦ ᓂᐱᒪᑎᓯᐅᓂᔪᐤ ?”
\p
\v 22 ᒧᔭᒻ ᒋ ‍ ᒋᒋᐱᔨᔪᐤ ᐊ ‍ ᒪᒧᓴᒋᓂᑭᓄᔨᒋ ᐸᕐᓕᔾ ᐸᒂᓯᑭᓂᒥᓇ ᑲ ‍ ᐅᑎᑕᒡ ᐸᑦᓕᔭᒻ, ᓏᒥ ᑭᔭ ᐊᓂᔭ ᒧᐊᑉ ᐃᔎᐛ ᐊ ‍ ᐅᓇᑭᓂᔎᒥᑦ ᕈᑕ᙮
\c 2
\s1 ᕈᑦ ᑲ ‍ ᑐᔅᒐᐛᑦ ᐊᓐᑕ ᐳᐊᓴ ᐅᓂᑕᐅᒋᑕᑭᓂᒡ
\p
\v 1 ᒋ ‍ ᑕᔪᐛ ᓇᐸᐛ ᒋᒋᐛ ᐊ ‍ ᐛᔪᑎᓯᔪᐛ ᐊᓐᑕ ᐸᑦᓕᔭᒻ, ᐳᐊᔅ ᒋ ‍ ᐃᓯᓂᐧᑲᓱᔨᐛ᙮ ᓏᒥ ᐅᓇᐸᒪ ᐃᓕᒪᓂᒃ ᑲ ‍ ᐎᐧᑲᓂᓯᔨᒋ᙮
\p
\v 2 ᐸᐃᒂᐤ ᐊ ‍ ᒋᓯᑲᔨᒡ ᕈᑦ ᒋ ‍ ᐃᑕᐤ ᓏᒥᒋ, “ᑕᑈᑐᐎ ᒐᒋ ‍ ᐃᑐᑕᔭᓐ ᐊᓐᑕ ᓂᑕᐅᒋᑕᑭᓇ ᒐᒋ ᐅᒋ ‍ ᓇᓴᐅᒂᐤ ᑲᑐᔅᒐᓯᒡ ᑕᑈᑕᑯᔭᓇ ᐊᓂᔭ ᐊᔅᑯᐱᔨᒋ ᒐᒋ ᒪᒧᓴᒋᓂᒪᓐ᙮”
\p ᐊᑯ ᓏᒥ ᒂ ‍ ᐃᑕᑦ ᐅᓇᐊᑭᓂᔎᒪ “ᓂᐦᐃ, ᓂᑕᓂᔅ, ᒪᒋ᙮”
\v 3 ᐊᑯ ᕈᑦ ᒂ ‍ ᐃᑐᑕᑦ ᒐᒋ ᒪᒧᓴᒋᓇᐧᒃ ᐸᒂᓯᑭᓂᒥᓇ ᐅᑕᒡ ᑲ ‍ ᐊᑐᔅᒐᓯᔨᒋ᙮ ᐊᓐᑕ ᐅᒋᓴᐃᔨᒪ ᐎᐧᑲᓂᓯᔪᐛ ᐳᐊᓴ ᒋ ‍ ᐃᑐᑕᐤ ᐊᑲ ᒋᔅᒐᔨᑕᐧᒄ ᐊᓂᔭ ᑕᐸᔨᑎᒥᔨᒋ ᒥᒋᒥᔪᐤ ᐊᓂᑕᐅᒋᑕᑲᓂᒡ, ᐃᓕᒥᓚᑲ᙮
\p
\v 4 ᒪᒂᒡ ᐊᓐᑕ ᐊᑕᑦ, ᒂ ᐅᒋ ‍ ᑎᑯᓯᐧᒃ ᐳᐊᔅ ᐸᑦᓕᔭᒥᒡ ᐅᒋ ᑭᔭ ᒂ ‍ ᐊᑎᒥᔅᑯᐛᑦ ᐅᑦ ᐊᐱᒋᐊᑭᓇ᙮ “ᑎᐸᔨᒋᒐᓱᐤ ᓱᐛᔨᑕᑯᐎᑯᐛᐤ !” ᐃᑕᐤ,
\p “ᒋᑭ ‍ ᓱᐛᔨᑕᑯᐎᒄ ᑎᐸᔨᒋᒐᓱᐤ” ᐃᑎᑯᐤ᙮
\p
\v 5 ᐊᑯ ᐳᐊᔅ, ᐅᒋᒪᐤ ᐊᐱᒋᐊᑭᓇ ᐊᓂᔭ ᑲ ‍ ᐊᑐᔅᑲᑯᑦ ᒂ ‍ ᑯᒂᒋᒪᑦ “ᐊᐛᓐ ᐊᓐ ᐎᔾ ᐃᔎᔅ ᑲ ‍ ᑕᑦ ?”
\p
\v 6 “ᐊᐅᑯᔪᐛ ᓏᒥ ᑲ ᐸᒋ ‍ ᐎᒐᐛᑦ ᒧᐊᐱᒡ ᐅᒡ,” ᒂ ‍ ᐃᑎᑯᑦ᙮
\v 7 “ᒋᔭᒋᓴᐸᔭᐱᓂᔨᒡ ᓂᒋ ‍ ᑯᒂᒋᒥᒄ ᒐᒋ ᓇᓴᐛᑦ ᑲ ‍ ᐊᑐᔅᒐᓯᔨᒋ, ᐊᔅᑯᐱᔨᒡ ᒐᒋ ᒪᒧᓴᒋᓇᐧᒃ ᑭᔭ ᔅᒋ ‍ ᐊᑐᔅᒐᐤ ᒥᒄ ᐱᓯᔅ ᐊ ‍ ᓂᑲᐱᔨᑦ ᐊᓐᑕ ᒥᒋᐛᐱᒡ᙮”
\p
\v 8 ᐊᑯ ᐳᐊᔅ ᒂ ‍ ᓂᑐᐛᐱᒪᑦ ᐊᓂᔭ ᕈᑕ ᒂ ‍ ᐃᑕᑦ, “ᓂᑐᑐᐎ ᓂᑕᓂᔅ, ᐅᑕ ᑕ ᐊ ‍ ᑕᔭᒡ ᐎ ‍ ᒪᒧᓴᒋᓂᒥᓇ ᐸᒂᓯᑭᓂᒥᓇ; ᐊᑲ ‍ ᐃᑐᑕ ᑯᑎᑲ ᐅᓂᑕᐅᒋᑕᑭᓇ᙮ ᐅᑕᒡ ᐊᓐᑕ ᒐ ‍ ᑕᔨᓐ ᐊ ‍ ᑕᒡ ᐊᓐᒡ ᐃᔎᐅᒡ ᑭ ‍ ᐊᑐᔅᒐᐅᒋ ᐊᓐᑕ ᓂᓂᑕᐅᒋᑕᑭᓂᒡ᙮
\v 9 ᒐ ‍ ᐛᐛᐸᑎᒥᓐ ᑕᓐᑕ ᐊ ‍ ᒪᒧᓴᒋᓇᓱᒡ, ᑭᔭ ᒐ ‍ ᓇᓴᐅᑕᐤ ᐅᑕᒡ᙮ ᓂᒋ ‍ ᐎᑎᒧᐛᐅᒡ ᐊᓐᒡ ᓇᐸᐅᒡ ᒐ ᐊᑲ ‍ ᓄᒋᐧᑲᔅᑯᒡ, ᑭᔭ ᐛᓂᐸᒂᐃᓇ, ᒐ ‍ ᓇᑎᒥᓐ ᓂᐱᔾ ᒐ ‍ ᒥᓂᔨᓐ ᐊᓐᑕ ᑲ ‍ ᐅᒋ ‍ ᐅᑎᓇᒡ ᐅᑕᔨᐸᓂᒡ ᐅᒡ᙮”
\p
\v 10 ᒂ ‍ ᐸᒋᐧᒄ ᕈᑦ ᑭᔭ ᓂᓇᔅᑯᒪᑦ᙮ “ᒐᒂᓐ ᐛᒋ ‍ ᒥᔪᑐᑐᐎᓐ ?” ᐊ ‍ ᑯᒂᒋᒪᑦ᙮ “ᒥᒄ ᐅ ᓂᔾ ᒪᓐᑕᐤ᙮”
\p
\v 11 “ᓂᐦᐃ, ᓂ ‍ ᒋᔅᒐᔨᑕᓐ,” ᐳᐊᔅ ᒂ ‍ ᐃᑕᑦ, “ᒥᒄ ᓂ ‍ ᒋᔅᒐᔨᑕᓐ ᑲ ‍ ᐃᔅᐱᔅ ᐛᐸᑎᔨᑦ ᓴᒋᑐᓂᔪᐤ ᑭᔭ ᒥᔽᑕᑯᓯᔪᐅᓂᔪᐤ ᒋᓱᑯᔅ ᑲ ᐃᔅᐱᔅ ᓂᐱᑦ ᒋᓇᐸᒻ᙮ ᓂᒋ ‍ ᐸᑕᓐ ᑲ ‍ ᓂᑭᑎᑥᐤ ᒋᑲᐎᔾ ᑭᔭ ᒍᑕᐎᔾ ᑭᔭ ᒋᑦ ᐊᔅᒋᔾ ᒐᒋ ᐎᒋᒥᑥᐤ ᒪᓐᑕᐅᒡ᙮
\v 12 ᑭᒪ ᑎᐸᔨᒋᒐᓱᐤ ᒋᐛ ‍ ᑎᐸᐊᒪᔅᒃ ᐊᓐ ᑲ ᐃᓯ ‍ ᐃᑐᑎᒥᓐ, ᑭᒪ ᑎᐸᔨᒋᒐᓱᐤ ᒥᔅᑎ ‍ ᑎᐸᐊᒪᔅᒃ, ᐃᔅᕋᐃᓪ ᐅᒋᓴᒪᓂᑐᒪ, ᐊᓐ ᑲ ‍ ᓂᑐᐛᐱᒥᑦ ᒐ ‍ ᑭᓄᐛᔨᒥᔅᒃ᙮”
\p
\v 13 ᕈᑦ ᒋ ‍ ᐃᑕᐤ, “ᒋᒋᐛ ᒋ ‍ ᒥᔪᑐᑐᐅᓐ᙮ ᒋ ‍ ᑐᑐᐅᓐ ᒐᒋ ᒥᔽᔨᒧᔭᓐ ᐸᐧᑲᒡ ᐊ ‍ ᐃᔨᒥᔨᓐ, ᐊᑎᓱᐧᒄ ᐊ ᐊᑲ ᒋᑦ ᐊᑐᔅᒐᔭᑭᓂᒥᑐᐎᔨᓐ᙮”
\p
\v 14 ᒪᒋᓱᓇᓄᔨᒡ ᒪᒃ ᐳᐊᔅ ᒂ ‍ ᐃᑕᑦ ᕈᑕ, “ᐸᑐᑕ, ᐎᒋᒥᒋᓱᒥᓇᓐ᙮ ᐅᑎᓐ ᐸᒂᓯᑭᓐ ᑭᔭ ᒐ ‍ ᑯᑕᐛᐳᔨᓐ ᐊᓐᑕ ᑲ ‍ ᑯᑕᐛᐳᓇᓄᐅᒡ᙮” ᒂ ‍ ᓇᒋᐱᔅᑐᐛᑦ ᑲ ‍ ᐊᑐᔅᒐᓯᔨᒋ ᑭᔭ ᑲ ‍ ᒥᔭᑯᑦ ᐳᐊᓴ ᐊᑎᑭᔅᑕᔨᒋ ᐸᒂᓯᑭᓂᒥᓇ ᒐᒋ ᒥᒋᑦ, ᒋ ‍ ᒥᒋᓱᐤ ᐸᑎᒪ ᑲ ‍ ᑕᐱᔅᑯᔨᑦ ᑭᔭ ᒋ ‍ ᐃᔅᑯᐱᔪᐤ ᒥᒋᒥᔪᐤ᙮
\p
\v 15 ᐊᑯ ᕈᑦ ᒂ ‍ ᓇᒋ ‍ ᒪᒧᓴᒋᓇᐧᒃ ᐸᒂᓯᑭᓂᒥᓇ, ᐳᐊᔅ ᒂ ‍ ᐃᑕᑦ ᐊᓂᔭ ᓇᐸᐛ ᑲ ‍ ᐊᑐᔅᑲᑯᑦ, “ᒐ ᐊᑲ ‍ ᓂᑲᐛᒄ, ᐊᑎᓱᐧᒄ ᐅᒋ ᐅᑎᓇᒐ ᐊᓐᑕ ᐊ ‍ ᑕᑎᔅᑕᔨᒋ᙮
\v 16 “ᒐ ‍ ᓂᑭᑎᒧᐛᒃ ᐅᔅᑦ ᒧᔅᑎᔅᑭᒥᒡ ᐱᔅᒐ ᐸᒂᓯᑭᓂᒥᓇᑎᒂ ᒐᒋ ᒪᒧᓴᒋᓇᐧᒃ ᑭᔭ ᒐ ᐊᑲ ‍ ᐱᒪᔨᒪᒄ,” ᑲ ‍ ᐃᑕᑦ᙮”
\p
\v 17 ᐊᑐᔅᒐᑦ ᐃᔅᐱᔅ ᐊ ‍ ᐅᑕᑯᓯᔨᒡ ᐊ ‍ ᒪᒧᓴᒋᓇᐧᒃ ᐊᓂᔭ ᐸᒂᓯᑭᓂᒥᓇ᙮ ᐊᑯ ᒂ ‍ ᑕᑎᐸᓇᐧᒃ ᐸᒂᓯᑭᓂᒥᓇ ᐸᒂᓯᑭᓂᒥᓇᑎᒂ ᐅᒡ, ᐊᓴᑭᔅᒋᓇᔨᒡ ᐅᑎᐱᐅᑎᒻ ᐸᒂᓯᑭᓂᒥᓇ᙮
\v 18 ᒥᓐ ᒂ ‍ ᐃᑐᑕᐊᑦ ᐸᒂᓯᑭᓂᒥᓇ ᐊᓐᑕ ᐅᑕᓇᒡ ᑭᔭ ᒂ ‍ ᐛᐸᑎᔭᑦ ᓏᒥᔨᒋ ᐃᔅᐱᔅ ᒪᒧᓴᒋᓇᐧᒃ᙮ ᕈᑦ ᒂ ‍ ᒥᔭᑦ ᐊᓂᔭ ᑲ ‍ ᐃᔅᑯᔅᑕᐧᒃ ᑲ ‍ ᒥᒋᓱᑦ ᑲ ‍ ᐊᐱᑕᒋᓯᑲᔨᒡ᙮
\p
\v 19 ᒂ ‍ ᐃᑕᑦ ᓏᒥ, “ᑕᓐᑕ ᑲ ‍ ᐊᑐᔅᒐᔨᓐ ᐊᓄᒡ ? ᐊᐛᓐ ᐅᓂᑕᐅᒋᑕᑭᓂᒡ ? ᒋᑭ ‍ ᓱᐛᔨᑕᒂᐤ ᑎᐸᔨᒋᒐᓱᐤ ᐊᓂᔭ ᓇᐸᐛ ᑲ ‍ ᒥᔪᑐᑕᔅᒄ !
\p ᕈᑦ ᒂ ‍ ᐛᐎᑎᒧᐛᑦ ᐊᓐᑕ ᑲ ‍ ᐊᑐᔅᒐᑦ ᓇᐸᐛ ᐅᓂᑕᐅᒋᑕᑭᓂᒡ ᐳᐊᔅ ᑲ ‍ ᐃᓯᓂᐧᑲᓱᔨᒋ᙮
\p
\v 20 “ᒋ ‍ ᒪᒥᒋᒪᑭᓄᐤ ᑎᐸᔨᒋᒐᓱᐤ ᐊᓂᔭ ᓇᐸᐛ ᐅᒡ !” ᓏᒥ ᒂ ‍ ᐃᑕᑦ᙮ ᐛᐸᑎᔭᐤ ᐊᔅᐱᑕᔨᒪᑦ ᐊᔅᒄ ᐊᓂᔭ ᐸᒪᑎᓯᔨᒋ ᑭᔭ ᓴᔅ ᑲ ‍ ᓂᐱᔨᒋ᙮ ᑎᐱᔨᐛ ᓂᐧᑲᓂᓯᓇᓐ ᐳᐊᔅ, ᐊᓐ ᐸᐃᒄ ᓂᐸ ‍ ᓇᑭᑐᐛᔨᒥᑯᓇᓐ᙮”
\p
\v 21 ᕈᑦ ᒂ ‍ ᐎᑎᒧᐛᑦ ᐊᓂᔭ ᐳᐊᓴ ᑲ ‍ ᐃᑎᑯᑦ ᒐᒋ ᐊᓐᑕ ᑕᑦ ᐃᔅᐱᔅ ᓄᑎᒻ ᒋ ᐃᓯ ‍ ᒪᒧᓴᒋᓂᒐᓇᓄᐎᔨᒐ᙮
\p
\v 22 ᓏᒥ ᑲ ‍ ᒥᔽᔨᑕᐧᒃ ᑭᔭ ᒂ ‍ ᐃᑕᑦ ᕈᑕ ᒐᒋ ᐃᑐᑕᔨᒋ ᐊᓐᑕ ᐊ ‍ ᑕᑈᑕᑯᔨᒋ ᓇᐸᐛ ᒐᒋ ᒪᒧᓴᒋᓇᐧᒃ ᒐᒂᔪᐤ ᑲ ‍ ᓂᑕᐅᒋᑕᑭᓄᔨᒡ
\p
\v 23 ᐊᑯ ᕈᑦ ᒂ ᐎᒋ ‍ ᐊᑐᔅᒐᒪᑦ ᐊᓂᔭ ᐊᐱᒋᐊᑭᓂᔎᓴ ᑭᔭ ᒥᔭᒧᓴᒋᓇᐧᒃ ᐸᒂᓯᑭᓂᒥᓇ ᐸᑎᒪ ᑲᒋ ᐃᓯ ‍ ᒪᒧᓴᒋᓂᑭᓄᐎᔨᒋ ᐸᒂᓯᑭᓂᒥᓇ ᑭᔭ ᒂ ‍ ᐎᒋᒪᑦ ᐅᓯᑯᓴ᙮
\c 3
\s1 Ruth and Boaz at the Threshing Floor
\p
\v 1 ᐸᐃᒂᐤ ᒐᓯᑲᔨᒡ ᓏᒥ ᒂ ‍ ᐃᑕᑦ ᕈᑕ, “ᓴᔅ ᐊᑯ ᐃᓯᓇᑯᓐ ᒐᒋ ᒥᔅᑭᒪᑕᓐ ᓇᐸᐤ ᒐ ‍ ᐎᒋᒥᑦ ᑭᔭ ᒐᒋ ᒥᔪ ᑭᓄᐛᔨᒥᔅᒄ᙮
\v 2 ᐊᓐ ᓇᐸᐤ ᐳᐊᔅ ᐅᑦ ᐃᔎᐤ ᐊᐱᒋᐊᑭᓇ ᑲ ᐎᒋ ‍ ᐊᑐᔅᒐᒥᑎ᙮ ᒋᔅᒐᔨᒪᐤ ᐊ ᐊ ‍ ᐎᐧᑲᓂᓯᑐᐅᒋᒡ᙮ ᐊᓄᒡ ᒐ ‍ ᐅᑕᑯᓯᔨᒡ, ᒋᑭ ‍ ᑕᑎᐸᓇᐤ ᐸᒂᓯᑭᓂᒥᓇ ᐸᒂᓯᑭᓂᒥᓇᑎᒂ ᐅᒡ᙮
\v 3 ᒐᔅᑕᐳᐎᓱᐎᔨᓐ ᑭᔭ ᒐ ‍ ᐎᒋᒪᑯᐎᓱᐎᔨᓐ ᑭᔭ ᒐ ‍ ᐳᔅᑭᒥᓐ ᐛᒋᒥᔽᒋ ᒋᑦ ᐊᐱᒋᑕᐅᓇ᙮ ᒐ ‍ ᐃᑐᑕᔨᓐ ᐊᓐᑕ ᐊᑐᔅᒐᑦ ᑭᔭ ᒐ ᐊᑲ ‍ ᒥᔨᑦ ᒐᒋ ᐛᐱᒥᔅᒃ, ᐸᑐᔅ ᒋ ‍ ᐅᑕᑯᓯᐅᒥᒋᓱᒐ ᑭᔭ ᒥᓂᒐ
\v 4 ᒐ ‍ ᓇᑭᑐᐛᐱᒥᑦ ᑕᓐᑕ ᒐ ‍ ᐱᒥᓯᓂᒂ᙮ ᓂᐸᒐ ᒐ ‍ ᓇᑎᑦ ᑭᔭ ᐅᓯᑎᒡ ᒐ ᐅᒋ ‍ ᓇᑎᑯᓂᔅᑐᐅᑦ᙮ ᐃᔅᐱ ᐅᓂᒐ ᐳᐊᔅ ᒋᑭ ‍ ᐎᑎᒪᒄ ᑕᓐ ᒐ ‍ ᐃᑐᐅᑦ᙮”
\p
\v 5 ᕈᑦ ᒂ ‍ ᐃᑕᑦ ᓏᒥᔨᒋ: “ᓂᑭ ‍ ᑐᑕᓐ ᐊᓐ ᒐᒂᓐ ᐊᐃᑎᓱᒥᔨᓐ᙮”
\v 6 ᕈᑦ ᒋ ‍ ᐃᑐᑕᐤ ᐊᓐᑕ ᐳᐊᓴ ᑲ ‍ ᐊᑐᔅᒐᔨᒋ ᑭᔭ ᒋ ‍ ᑐᑕᒺᐤ ᒥᓯᐛ ᑲ ᐃᑎᑯᑦ ᐅᓯᑯᓴ᙮
\p
\v 7 ᐃᔅᐱ ᐳᐊᔅ ᑲᒋ ‍ ᐅᑕᑯᓯᐅ-ᒥᒋᓱᑦ ᑭᔭ ᑲ ‍ ᒥᔪᐱᒪᑎᓯᐅᑦ, ᒂ ‍ ᓇᒋᐱᒥᓯᐧᒃ ᒐᒋ ᓂᐸᑦ᙮ ᕈᑦ ᐸᐧᑲᒡ ᒋ ᓇᑕᐤ ᑭᔭ ᒂ ‍ ᓇᑎᑯᓂᔅᑐᐛᑦ ᑭᔭ ᐱᒥᓯᐧᒃ ᐊᓐᑕ ᐅᓯᑎᔨᒡ ᐃᑕᒐ᙮
\v 8 ᐊᑎ ‍ ᐊᐱᑕᑎᐱᔅᑲᔨᒡ ᐳᐊᔅ ᒋ ‍ ᐸᑯᐱᔪᐤ᙮ ᒋ ‍ ᐛᐱᒪᐤ ᐃᔎᓴ ᐸᒥᓯᓂᔨᒋ ᒥᒋᒪ ᐅᓯᑎᒡ ᐃᑕᒐ᙮
\p
\v 9 “ᐊᐛᓐ ᐅ ᒋᔾ ?” ᐊ ‍ ᑯᒂᒋᒪᑦ᙮
\p “ᓂᔾ ᐅ ᕈᑦ,” ᐃᑎᑯᐤ᙮ “ᐛᔅ ᒥᒋᒪ ᐛᐧᑲᓂᓯᑐᐎᔨᓐ, ᒋᔾ ᐃᓯᓇᑯᓐ ᒐᒋ ᑭᓄᐛᔨᒥᔨᓐ, ᐊᑯ ᒋᓂᐸᑭᓐ ᐸᒋ ‍ ᐛᑎᑯᓇᐅᐎ᙮”
\p
\v 10 ᐳᐊᔅ ᒂ ‍ ᐃᑕᑦ, “ᑎᐸᔨᒋᒐᓱᐤ ᒋ ‍ ᓱᐛᔨᒥᒄ ! ᐊᓄᒡ ᒥᓴᐤ ᒋᒋᓴᐛᑎᓯᐅᓐ ᐃᔅᐱᔅ ᐅᔅᑭᒡ: ᓇᒪ ᒋ ‍ ᓇᓂᑐᐛᐱᒪᐤ ᐊ ‍ ᐅᔅᒋᓂᒋᓱᐅᑦ ᓇᐸᐤ, ᐊᐛᔪᑎᓯᑦ ᑭᔭ ᒪᒃ ᐊ ‍ ᒋᔅᑎᒪᑎᓯᑦ᙮
\v 11 ᐊᑲ ᐊᔨᒪᔨᑕ, ᓂᑭ ‍ ᑐᑕᓐ ᒥᓯᐛ ᒐᒂᓐ ᐊᓯ ‍ ᓂᑐᐛᔨᑎᒥᓐ, ᐛᔅ ᒥᓯᐛ ᐊᐛᓐ ᐅᑕ ᐅᑕᓇᒡ ᒋ ‍ ᐃᔅᐱᑕᔨᒧᒄ᙮” ᒥᓐ ᐳᐊᔅ ᒂ ‍ ᐃᑕᑦ,
\v 12 “ᑕᑈᓄᐤ ᑲ ‍ ᐎᐧᑲᓂᓯᔭᓐ ᒋᓇᐸᒻ, ᒥᒄ ᑕᐤ ᑯᑎᒃ ᐊᐛᓐ ᓇᔅᒡ ᑎᐱᔨᐛ ᐛᐧᑲᓂᓯᑐᐛᑦ ᒋᓇᐸᒪ ᐃᔅᐱᔅ ᓂᔾ᙮
\v 13 ᒐ ‍ ᑕᔨᓐ ᐅᑕ ᐃᔅᐱᔅ ᒐᒋᓴᐸᔭᐸᒐ, ᐊᑯ ᓂᑭ ᓇᓂᑐ ‍ ᒋᔅᒐᔨᑕᓐ ᒐ ᐊᑲ ‍ ᓇᑭᑐᐛᒥᔅᑲᒂ᙮ ᐊᑲ ᑕᑈᑕᒐ ᒪᒃ, ᐊ ‍ ᑕᑈᒥᒃ ᑎᐸᔨᒋᒐᓱᐤ ᓂᔾ ᒋᑭ ‍ ᐎᒋᒥᑎᓐ᙮ ᓂᐸ ᐊᓐᑕ ᐃᔅᐱᔅ ᒐᒋᓴᐸᔭᒐ᙮”
\p
\v 14 ᕈᑦ ᒥᓐ ᒂ ‍ ᐱᒥᓯᓂᑦ, ᒥᒄ ᒂ ᐅᓂᑦ ᐊ ᐸᑕᐱᓂᔨᒡ, ᐳᐊᔅ ᓇᒪ ᐅᒋ ᐎᔅᒐᔨᑕᑯᑕᐤ ᑲᒋ ‍ ᓂᐸᔨᒋ ᐊᓐᑕ᙮
\p
\v 15 ᒋ ‍ ᐃᑕᐤ ᐅᑦ ᐊᑯᐱᔪᐤ ᒐᒋ ᓴᑥᑭᔅᑕᔨᒋ᙮ ᑭᔭ ᐅᑎᑎᒥᓂᒡ ᒂ ‍ ᑕᑎᔅᑕᐛᑦ ᒐᒋ ᐎᐅᓱᔨᒋ᙮ ᑲᒋ ‍ ᑎᑯᓯᐧᒃ ᕈᑦ ᐅᑕᓇᒡ,
\p
\v 16 ᓏᒥᔨᒋ ‍ ᒋ ‍ ᑯᒂᒋᒥᑯᐤ ᒐᒂᔪᐤ ᑲ ‍ ᐃᔅᐱᔨᒡ, ᕈᑦ ᒂ ‍ ᐎᑎᒧᐛᑦ ᒥᓯᐛ ᒐᒂᔪᐤ᙮
\p
\v 17 ᑭᔭ ᐃᔭᐱᒡ ᒋ ‍ ᐃᑕᐤ, “ᐳᐊᔅ ᓂᒋ ‍ ᐃᔨᒥᔨᒄ ᐅᔭ ᐸᒂᓯᑭᓂᒥᓇ, ᒐ ᐊᑲ ‍ ᒋᐛᐅᒡ ᐊᑲ ᒐᒂᓐ ᒋᐛᑕᔭᓐ ᒐᒋ ᒥᔨᑕᓐ᙮”
\p
\v 18 ᐊᑯ ᓏᒥ ᒂ ‍ ᐃᑕᑦ, “ᐊᓯᐛᐸᑕ ᐅᑕ ᑭᔭ ᐊᑲ ‍ ᐊᔭᒪᐃᑕ ᑕᓐ ᒐ ‍ ᐃᔅᐱᔨᒂ, ᐛᔅ ᐳᐊᔅ ᓇᒪ ᒋᑭ ‍ ᐊᔅᑕᔭᔅᑯᓯᐤ ᐸᑐᔅ ᒥᓯᐛ ᒐᒂᔪᐤ ᒥᔪᔅᑕᔨᒐ ᐊᓄᒡ ᒐᓯᑲᔨᒡ᙮”
\c 4
\s1 ᕈᑦ ᑭᔭ ᐳᐊᔅ ᓂᐳᐅᒡ
\p
\v 1 ᒪᒂᒡ ᐅᔭ ᐳᐊᔅ ᒋ ‍ ᐃᑐᑕᐤ ᐊᓐᑕ ᐛᒋ ‍ ᐱᔨᒐᓄᔨᒡ ᐅᑕᓇᔪᐤ ᑭᔭ ᐊᑯᑕ ᑲ ᐊᐱᑦ ᑎᐱᔨᐛ ᑲ ‍ ᐎᐧᑲᓂᓯᔨᒋ ᒂ ‍ ᑎᑯᓯᓂᔨᒋ, ᐊᑯ ᐳᐊᔅ ᒂ ‍ ᐎᓴᒪᑦ ᒐᒋ ᐎᑎᐱᒥᑯᑦ ᑭᔭ ᒂ ‍ ᐃᑎᒋ᙮
\p
\v 2 ᐊᑯ ᒥᓄᐛᒡ ᐳᐊᔅ ᒂ ‍ ᐎᓴᒪᑦ ᐸᐃᑯᔪᐤ ᐅᒋᒪᐛ ᐅᑕᓇᔪᐤ ᓇᑲᓂᔅᑭᒥᔨᒋ ᑭᔭ ᑲ ‍ ᑯᒂᒋᒪᑦ ᒐᒋ ᐎᑎᐱᒥᑯᒡ᙮ ᑲᒋ ‍ ᐱᔨᒋ,
\v 3 ᐊᑯ ᐊᑕᑦ ᓇᐸᐛ᙮ “ᓏᒥ, ᑲᐤ ᑲ ‍ ᑎᑯᓯᐧᒃ ᒧᐊᐱᒡ ᐅᒡ, ᐎ ‍ ᑕᐛᒐᐛᐤ ᐊᔅᒋᔪᐤ ᐅᓇᐸᒪ ᐃᓕᒥᓕᑲ ᑲᑎᐸᐃᑎᒥᔨᒋ᙮
\v 4 ᒋ ‍ ᐛᐎᑎᒪᑎᓐ, ᐛᔅ ᒋᔾ ᐅ ᑎᐱᔨᐛ ᐎᐧᑲᓂᓯᒪᐤ ᑭᔭ ᒋᔾ ᓂᔅᑎᒻ ᒋᐸ ᒋ ‍ ᐃᔭᓐ ᐎ ‍ ᐅᑎᓂᒥᓇ, ᒋᓴᒡ ᐎᑎᒧᐎ, ᐛᔅ ᓂᔾ ᓂᑭ ᐃᔭᓐ ᐊᑲ ᐎᔭᔨᓇ᙮ ᐊᑯ ᓂᔾ ᐛᔅᑕᔅᑲᑕᓐ᙮”
\p ᐎᐧᑲᓂᓯᒪᐤ ᒂ ‍ ᐃᔅᒋᔄᑦ, “ᓂᑭ ‍ ᐅᑎᓇᓐ ᐅ ᐊᔅᒋᔾ᙮”
\p
\v 5 ᐳᐊᔅ ᒋ ‍ ᐃᑕᐤ᙮ “ᐃᔭᐃᓇ ᐅ ᐊᔅᒋᔾ, ᒋᑭ ᐎ ‍ ᐎᒋᒪᐤ ᕈᑦ, ᒧᐊᐸᐃᑦ ᒋᔅᑎᒪᒋᔎᐤ, ᒐᒋ ᑭᓄᐛᔨᒪᑦ ᐊᐛᓴ, ᒐᒋ ᑭᓄᐛᔨᑎᒥᔨᒋ ᐅᑦ ᐃᓯᓂᐧᑲᓱᐅᓂᔪᐤ ᐅᓇᐸᒪ ᑲᓂᑭᑎᑯᑦ ᑭᔭ ᒐᒋ ᑎᐸᔨᑎᒥᔨᒋ ᐅᑦ ᐊᔅᒋᔪᐤ᙮”
\p
\v 6 ᐅᑐᑕᒪᐤ ᒋᓂᔅᒂᓯᐛᐤ, “ᐊᑯᔅ ᓇᒪ ᓂᑭ ᒋ ‍ ᐃᔭᓐ ᐅ ᐊᔅᒋᔾ, ᐛᔅ ᐅᑯᓴ ᒋᐸ ‍ ᑎᐸᔨᑎᒥᔨᐛ ᓂᑎᐸᔨᑎᒧᐅᓂᔪᐤ, ᒋᔾ ᒐ ‍ ᐃᔭᔨᓐ᙮”
\p
\v 7 (ᐊᐅᑯᓐ ᑲᒋ ‍ ᐃᑎᓇᓄᐅᒂ ᐊᓐᑕ ᐎᐱᒡ, ᐊᑕᐛᒐᒋ ᑭᔭ ᒪᒃ ᒪᔅᑯᑎᓂᒪᒐᒋ ᐊᐛᓐ ᐅᑦ ᐊᔅᒋᔾ᙮ ᒋ ‍ ᒥᓂᒧᓯᐱᓐ ᐊᓂᔭ ᐸᐃᒄ ᐅᒥᓯᓐ ᑭᔭ ᒋ ‍ ᒥᔭᓯᐱᓐ ᐊᓂᔭ ᐊᐛᔪᐛ ᓇᒪ ᐛ ᐊᑎ ᒋ ‍ ᐅᑦ ᐊᔅᒋᔾ᙮ ᑲ ‍ ᐃᓯᑐᑎᒥᒂᓂᒋ ᐃᔅᕋᐃᓪ ᐃᔪᒡ ᒐᒋ ᒋᔅᒐᔨᑕᒂᒡ ᓴᔅ ᐊ ‍ ᑎᐱᔨᐛᐅᓯᑦ ᐊᓂᔭ ᐊᔅᒋᔪᐤ᙮)
\p
\v 8 ᐊᑯ ᐊᓐ ᓇᐸᐤ ᐊᑕᑦ ᐳᐊᓴ, “ᒋᔾ ᐃᔭ,” ᒂ ‍ ᒥᓇᐧᒃ ᐅᒥᔅᒋᓐ᙮
\p
\v 9 ᐊᑯ ᐳᐊᔅ ᐊᑕᑦ ᐊᓂᔭ ᐅᒋᒪᐛ ᑭᔭ ᐊᓂᔭ ᒥᓯᐛ ᐊᐛᔪᐛ ᑲ ‍ ᑕᐃᒋ, “ᒋᔨᐛᐤ ᒋ ‍ ᐛᐱᒥᓇᐤ ᐊᓄᒡ ᒐᓯᑲᒡ ᓂᔾ ᐊᔭᐅᒡ ᒥᓯᐛ ᐅᑎᐸᐃᑎᒧᓐ ᐃᓕᒥᓕᒃ, ᑭᓕᐅᓐ ᑭᔭ ᒪᐊᓗᓐ ᓏᒥ ᑲ ‍ ᐎᑕᐛᒐᑦ᙮
\v 10 ᒋᒡ ᓄᑎᓇᐤ ᕈᑦ ᒧᐊᐸᐃᑦ ᐃᔪᐤ, ᒪᐊᓗᓐ ᑲ ‍ ᐎᔪᑦ, ᒐ ‍ ᐎᒋᒥᒃ, ᒐᒋ ᑭᓄᐛᔨᒪᑦ ᐊᐛᓴ ᒐᒋ ᑎᑯᓂᐃᒡ ᐅᓇᐸᒥᐱᓇ ᐅᑦ ᐃᓯᓂᐧᑲᓱᓂᔪᐤ᙮”
\p
\v 11 ᒥᓯᐛ ᐃᔪᒡ ᐊᓐᑕ ᑲ ‍ ᑕᒡ ᑭᔭ ᐅᒋᒪᐅᒡ ᒋ ‍ ᐃᔅᒋᔄᐅᒡ᙮ “ᓂᓇᓐ ᓂᒋᐛᐸᑕᓇᓐ, ᒪᒋ ᑐᑕᐛᑦ ᑎᐸᐃᒋᒐᓱᐤ ᐎᔭ ᐃᔎᐛ, ᓴᔅ ᒐ ‍ ᑕᐃᒋ ᒋᒋᒡ, ᒧᔭᒻ ᕋᐃᒐᐤ ᑭᔭ ᓕᐊ, ᑲ ‍ ᒥᒐᑎᔨᒋ ᐅᑦ ᐊᐛᓯᒧᐛᐛ, ᑲ ᐅᒋ ‍ ᒥᒐᑎᔨᒋ ᐃᔅᕋᐃᓪ ᐃᔪᐛ᙮ ᒪᒋ ᓱᑲᑎᓯᓐ ᐊᓐᑕ ᐊᑉᕋᑕ ᑭᔭ ᒥᔅᑕᐃᑕᐃᑕᑯᓯᓐ ᐊᓐᑕ ᐸᑦᓕᔭᒻ᙮
\v 12 ᑭᔭ ᒋᓂᑕᐅᒋᐊᑭᓂᒡ ᑎᐸᐃᒋᒐᓱᐤ ᒐᒥᔅᒃ ᐎᔭ ᐃᔅᑲᐛ ᐅᒡ, ᒪᒋ ᒥᒐᑎᒡ ᑭᔭ ᒋᔅᑕᐃᒪᑭᓄᒡ ᒧᔭᒻ ᐊᓐᒡ ᑲ ᐅᒋ ‍ ᐎᐱᒡ ᒋᐧᑲᓂᓯᓄᐛ ᐸᕋᔅ, ᑎᒪᕐ ᑭᔭ ᒍᑕ ᐅᑯᓯᐛᐛ᙮”
\s1 The Genealogy of David
\p
\v 13 ᐊᑯ ᐳᐊᔅ ᒂ ‍ ᐎᒋᒪᑦ ᕈᑦ, ᒋ ‍ ᐎᐸᒪᐤ ᑭᔭ ᑎᐸᐃᒋᒐᓱᐛ ᒋ ‍ ᒥᑯᐤ ᕈᑦ ᒐᒋ ᐊᓱᐛᐱᒪᐅᓱᑦ, ᑭᔭ ᑲ ‍ ᐃᔪᐎᔨᒋ ᐅᑯᓴ᙮
\v 14 ᐅᑕᓇᒡ ᐃᔎᐅᒡ ᒂ ‍ ᐃᑕᒡ ᓏᒥᒋ, “ᒋᔅᑕᒋᒪᑕᐤ ᑎᐸᐃᒋᒐᓱᐤ ! ᐊᓄᒡ ᑲ ‍ ᒥᔨᔅᒃ ᒐᒋ ᐅᓯᒧᑦ ᒐ ᒥᔪ ‍ ᑭᓄᐛᔨᒥᒥᔅᒃ᙮ ᒪᒋ ᒥᔅᑕᐃᑕᐃᑕᑯᓯᑦ ᐊᓐᑕ ᒥᓯᐛ ᐃᔅᕋᐃᓪ !
\v 15 ᒋᓴᒋᐃᒃ ᒋᓇᐊᑭᓂᔅᒂᒻ ᑭᔭ ᒋ ‍ ᒥᔪᑐᑕᒃ ᐃᔅᐱᔅ ᓂᔄᐅᑕᒡ ᐊᑎᓯᒡ ᒋᑯᓯᒡ᙮ ᑭᔭ ᐊᓄᒡ ᐅᑯᓱ ᕈᑦ, ᐊᓐ ᐊᐛᔅ ᒐᐸᑥᔅᒃ ᐅᔅᐃᔪᓂᔪᐤ, ᑭᔭ ᒐ ‍ ᑭᓄᐛᔨᒥᔅᒃ ᒋᓴᐃᔪᐎᓇ᙮”
\p
\v 16 ᓏᒥ ᒋᐅᑎᓇᐤ ᓂᔭ ᐊᐛᓴ ᑭᔭ ᒋᑕᑯᓇᐤ ᑭᔭ ᒋ ᒥᔪ ‍ ᑭᓄᐛᔨᒪᐤ᙮
\v 17 ᐃᔎᐅᒡ ᐊᓐᑕ ᒥᒋᒪ ᑲ ‍ ᐎᒋᒡ ᐎᒍᐛᐃᒡ ᒋ ‍ ᐎᒋᒪᐅᒡ ᐊᓂᔭ ᐊᐛᓴ, ᐅᐸᑦ ᒋ ‍ ᐃᓯᓂᐧᑲᑕᐅᒡ, ᑭᔭ ᒂ ‍ ᐃᔅᒋᔄᒡ, “ᓏᒥ ᐅᑯᓱᐤ᙮” ᐅᐸᑦ ᒋ ‍ ᑕᔪᐛ ᐅᑯᓴ ᒐᓯᔾ ᒋ ‍ ᐃᓯᓂᐧᑲᓱᔪᐛ ᑭᔭ ᒐᓯᔾ ᒋ ‍ ᑕᔪᐛ ᐅᑯᓴ ᑎᐱᑦ ᑲ ‍ ᒋᓴᐅᒋᒪᐎᔨᒋ᙮
\p
\v 18 ᐸᕋᔅ ᐊᓯ ‍ ᐎᔭᑭᓄᐎᔨᒋ ᐎᐧᑲᓂᓴ,
\li1 ᐸᕋᔅ ᐊ ᐅᒋ ‍ ᒋᐱᓇᓄᒡ᙮
\li1 ᐊᔅᕋᓐ ᒋ ‍ ᐅᑕᐎᔪᐤ ᐸᕋᓴ,
\li1
\v 19 ᕋᒻ ᒋ ‍ ᐅᑕᐎᔪᐤ ᐊᔅᕋᓇ,
\li1 ᐊᒥᓇᑕᑉ ᒋ ‍ ᐅᑕᐎᔪᐤ ᕋᒪ,
\li1
\v 20 ᓇᓴᓐ ᒋ ‍ ᐅᑕᐎᔪᐤ ᐊᒥᓇᑕᐸ,
\li1 ᓴᓪᒪᓐ ᒋ ‍ ᐅᑕᐎᔪᐤ ᓇᓴᓇ,
\li1
\v 21 ᐳᐊᔅ ᒋ ‍ ᐅᑕᐎᔪᐤ ᓴᓪᒪᓇ,
\li1 ᐅᐱᑦ ᒋ ‍ ᐅᑕᐎᔪᐤ ᐳᐊᓴ,
\li1
\v 22 ᒐᓯᔾ ᒋ ‍ ᐅᑕᐎᔪᐤ ᐅᐸᑕ,
\li1 ᑭᔭ ᑎᐱᑦ ᒋ ‍ ᐅᑕᐎᔪᐤ ᒐᓯᔨᒋ᙮
\id 1SA First Samuel Started 16 Apr 2013 [Kissandra]; Revision/First Draft March-Aug 2023 [Silas Nabinicaboo];
\h 1 ᓴᒻᔪᐃᓪ
\toc3 1 ᓴᒻᔪᐃᓪ
\toc2 1 ᓴᒻᔪᐃᓪ
\toc1 ᓂᔅᑎᒻ ᓴᒻᔪᐃᓪ
\mt 1 ᓴᒻᔪᐃᓪ
\c 1
\s1 ᑲ ‍ ᐃᔪᐅᑦ ᓴᒻᔪᐃᓪ
\p
\v 1 ᒋ ‍ ᑕᐤ ᐸᐃᒄ ᓇᐸᐤ ᐊᓪᑲᓇ ᐊ ‍ ᐃᓯᓂᐧᑲᓱᑦ, ᕋᒪ ᐅᑕᓇᔪᐤ ᐊ ‍ ᐅᒋᑦ ᐊᓐᑕ ᐊ ‍ ᐛᐛᑭᑕᐅᐧᑲᔨᒡ ᐃᑕᒐ ᐃᑉᕋᐃᒻ ᐃᔪᐛ ᑲ ‍ ᐃᑎᔅᑲᓇᓯᔨᒋ ᑲ ‍ ᐎᒋᔨᒋ᙮ ᒋᕈᐃᒻ ᒋ ‍ ᐅᑕᐎᔪᐤ, ᑭᔭ ᐃᓕᐧᑯᐤ ᒋ ‍ ᐅᒧᓱᒧᐤ, ᑭᔭ ᑐᐦᐅᐤ ᒋ ‍ ᐅᑦ ᐊᓂᔅᑯᑕᐸᓄᐤ᙮ ᓱᑉ ᐃᔪᐛ ᒋ ‍ ᐅᑎᔅᑲᓇᓱᐤ᙮
\v 2 ᒋ ‍ ᓂᓯᔨᐛ ᐎᐛ: ᐦᐊᓇ ᑭᔭ ᐱᓂᓇ᙮ ᐱᓂᓇ ᒋ ‍ ᒥᒐᑎᔨᐛ ᐅᑦ ᐊᐛᓯᒪ ᐊᑯ ᐦᐊᓇ ᓇᒪ ᐅᒋ ‍ ᑕᔪᐛ ᐅᑦ ᐊᐛᓯᒪ᙮
\p
\v 3 ᐊᓯᑯᒻ ᐱᐳᓇ ᐊᓪᑲᓇ ᐊᓯᒡ ᐊᐸᐃᑯᔅᑲᓇᓯᑦ ᒋ ‍ ᔅᑐᑕᐅᒡ ᕋᒪ ᐅᒡ ᓚᐅ ᐅᑕᓇᔪᐤ ᐃᓯ᙮ ᒋ ‍ ᐃᑐᑕᐤ ᐊᓐᑕ ᐅᑕᓇᔪᐤ ᒐᒋ ᐊᔭᒥᐊᐅᔅᑐᐛᑦ ᑎᐸᔨᒋᒐᓱᐛ, ᑲ ‍ ᓂᑲᓂᔅᑯᐛᔨᒋ ᓂᑐᐱᔪᐅ-ᐊᓐᒋᓇ, ᑭᔭ ᒐᒋ ᒥᑐᔅᑕᐊᒧᐛᑦ᙮ ᒋ ‍ ᓂᓯᔨᐛ ᐅᑯᓴ ᐃᓚᐃ, ᐦᐅᐱᓂᔾ ᑭᔭ ᐱᓂᐦᐊᔅ ᒋ ‍ ᐃᓯᓂᐧᑲᓱᔪᐛ᙮ ᒋ ‍ ᐛᐎᒐᐅᒡ ᐅᑕᐎᐛᐛ ᐊᔭᒥᐊᐅᒋᒪᐅᓇᓂᐎᒡ ᑎᐸᔨᒋᒐᓱᐛ ᐊᑐᔅᑯᐛᒡ᙮
\v 4 ᐃᔅᐱ ᐊᓪᑲᓇ ᒪᑐᔅᑕᐊᒪᒐᔨᒋ, ᒋ ‍ ᒥᔭᐤ ᐱᔅᒐ ᐎᔭᓯᔪᐤ ᐱᓂᓇᔨᒋ ᑭᔭ ᐱᔅᒐ ᑕᑐᐤ ᐸᐸᐃᒄ ᐅᑯᓯᔨᐛ ᑭᔭ ᐅᑕᓂᓯᔨᐛ᙮
\v 5 ᒥᒄ ᐊᑎᑐᐤ ᒋ ᒥᔭᐤ ᐦᐊᓇᔨᒋ ᐛᔅ ᒋᒋᐛ ᒋ ‍ ᓴᒋᐅᐤ, ᐊᑎᓱᒄ ᑎᐸᔨᒋᒐᓱᐤ ᐊ ᐊᑲ ᐅᒋ ᒥᔭᑦ ᐦᐊᓇᔨᒋ ᒐᒋ ᐅᑦ ᐊᐛᓯᒥᔨᒋ᙮
\v 6 ᐊᑯ ᑯᑎᑲ ᐎᐛ, ᐱᓂᓇ, ᒋ ‍ ᒪᔭᔨᒪᐤ ᐦᐊᓇᔨᒋ ᒐᒋ ᑐᑐᐛᑦ ᒐᒋ ᓂᓇᐧᑲᑕᔨᑎᒥᔨᒋ, ᐛᔅ ᑎᐸᔨᒋᒐᓱᐤ ᓇᒪ ᒋ ᐅᒋ ‍ ᓇᐊᔨᒪᐤ ᒐᒋ ᓱᐛᐱᒪᐅᓱᐎᔨᒋ᙮
\v 7 ᐊᓯᑯᒻ ᐱᐳᓇ ᐅᔭ ᒋ ‍ ᐃᔅᐱᔪᐤ᙮ ᐃᔅᐱ ᐊ ‍ ᐃᑐᑕᑥᐎ ᐊᓐᑕ ᑎᐸᔨᒋᒐᓱᐛ ᐅᑦ ᐊᔭᒥᐊᐅᒋᐛᐱᔪᐤ ᐊᓐᑕ ᓯᓗ, ᐱᓂᓇ ᒋᒋᐛ ᒋ ‍ ᒪᔭᔨᒪᐤ ᐦᐊᓇᔨᒋ, ᐊᔅᐱᔅ ᐊᓂᔭ ᑐᑐᐛᑦ ᒂ ‍ ᒪᑦ ᐦᐊᓇ ᑭᔭ ᓇᒪ ᐅᒋ ᐎ ‍ ᒥᒋᓱᐤ᙮
\v 8 ᐊᓪᑲᓇ ᒂ ‍ ᐃᑕᑦ, “ᐦᐊᓇ, ᒐᒂᓐ ᐛᒋᒪᔨᓐ ? ᒐᒂᓐ ᐛᒋ ᐊᑲ ‍ ᒥᒋᓱᐎᓐ ? ᒐᒂᓐ ᐛᒋ ‍ ᓂᓇᐧᑲᑕᔨᑎᒥᓐ ? ᓇᒪ ᓇ ᐊᑎᑐᐤ ᐊᓐ ᒋᑦ ᐃᑕᔨᒥᓐ ᐃᔅᐱᔅ ᐸᐃᑯᔪᐤ ᐊᑯᓯᒪᐅᒡ ?”
\p
\v 9 ᑲᒋ ‍ ᐸᐃᑯ ᐱᐳᓂᔨᒡ, ᑲᒋ ᒋᓯ ‍ ᒥᒋᓱᐅᒡ ᑭᔭ ᑲᒋ ‍ ᒥᓂᒡ ᐊᓐᑕ ᓯᓗᔨᒡ ᐊᑯ ᐦᐊᓂᔅ ᒂ ‍ ᐱᓯᑯᑦ ᒐᒋ ᐊᔭᒥᐊᑦ᙮ ᐃᓚᔾ ᐊᔭᒥᐊᐅᒋᒪᐤ ᒥᒋᒪ ᒋ ᐊᐳᐤ ᔅᑐᐧᑭᓂᒡ ᐃᑕᒐ ᑎᐸᔨᒋᒐᓱᐛᐤ ᐅᐸᔭᒋ ᐊᔭᒥᐊᐅᐱᒍᐎᔭᓂᒋᐛᐱᔨᒡ᙮
\v 10 ᒋᒋᐛ ᒋ ‍ ᒥᑯᔅᑲᑕᔨᑎᒻ, ᑭᔭ ᒋᒋᐛ ᒋ ‍ ᓇᐧᑲᑕᔨᑎᒻ ᒪᒂᒡ ᐊᔭᒥᐊᔅᑐᐛᑦ ᑎᐸᔨᒋᒐᓱᐛ᙮
\v 11 ᐦᐊᓇ ᒋ ‍ ᐊᓱᑎᒪᒐᐤ ᒋᒋ ‍ ᐊᓱᑎᒪᒐᐅᓂᔪᐤ ᐊ ‍ ᐃᔅᒋᔄᑦ, “ᐅᓐᑲ ‍ ᓱᐧᑲᑎᓯᑦ ᑲ ‍ ᓂᑲᓂᔅᑯᐛᑦ ᓂᑐᐱᔪᐅ-ᐊᓐᒋᓇ, ᒋᑕᐱᒥᔨᓇ ᑭᔭ ᐛᐸᑎᒥᓇ ᐊᔅᐱᔅ ᓂᓇᐧᑲᑕᔨᒧᔭᓐ, ᑭᔭ ᒐ ‍ ᒋᔅᒋᔨᑐᐎᓐ ᑭᔭ ᒐ ‍ ᓇᐃᒥᔨᓐ ᒐᒋ ᐛᐱᒪᐅᓱᔭᓐ ᑭᔭ ᐅᑯᓯᔭᓐ, ᐊᑯ ᒋ ‍ ᐱᔅᑎᓂᒪᑕᓐ ᒐᒋ ᐊᑐᔅᑲᔅᒄ ᒐ ‍ ᐃᔅᐱᔅ ᐱᒪᑎᓯᑦ᙮ ᑭᔭ ᒐᒋ ᓄᒂᒡ ᐊᓐ ᒋᔾ ᑕᐸᔨᒥᑦ ᓇᒪ ᓂᑕ ᒋᑭ ‍ ᓇᐊᔨᒪᑭᓄᐤ ᐊᐛᓐ ᒋᑭ ‍ᒪᑎᓯᒺᐤ ᐅᐱᔅᑲᐅᓂᔪᐤ᙮”
\p
\v 12 ᒪᒂᒡ ᐅᔭ ᐊᔭᒥᐊᔅᑐᐛᑦ ᑎᐸᔨᒋᒐᓱᐛ, ᐊᔭᒥᐊᐅᒋᒪᐤ ᐃᓚᔾ ᒋ ‍ ᐛᐸᑎᒺᐤ ᐅᑐᓂᔪᐤ ᐊ ‍ ᔭᔭᒋᐱᔨᒡ ᒪᒂᒡ ᐅᔭ ᐊᔭᒥᐊᔨᒋ᙮
\v 13 ᒥᒄ ᐦᐊᓇ, ᒋᔭᒻ ᒋ ᐊᔭᒥᐊᐅ; ᓇᒪ ᐅᒋ ᐸᑕᑯᓱᐤ᙮ ᐊᑯ ᐃᓚᔾ ᒋ ‍ ᔎᐸᐤ ᒋ ‍ ᐃᑕᔨᒪᐤ᙮
\v 14 ᒋ ‍ ᐃᑕᐤ, “ᑕᓐ ᒐ ᐃᔅᐱᔅ ᓇᓂᑎᒪᐧᑯᓴᐛᔨᓐ ? ᐛᐱᓇ ᐊᓐ ᒋᓱᒥᓇᐛᐳᒻ !”
\p
\v 15 ᐦᐊᓇ ᒂ ‍ ᓂᐊᔎᐅᓯᑦ, “ᓇᒪ ᓂ ‍ ᒋᔎᐸᓐ ! ᓇᒪ ᓂ ᐅᒋ ‍ ᒥᓐ ᓱᒥᓇᐛᐳᐎᔾ ᑭᔭ ᑯᑎᒃ ᐃᔅᑯᑕᐛᐳᔾ᙮ ᒋᒋᐛ ᐅ ᓂ ‍ᓇᐧᑲᑕᔨᑕᓐ ᑭᔭ ᓂᒋ ‍ ᐎᑎᒧᐛᐤ ᑎᐸᔨᒋᒐᓱᐤ ᑕᓐ ᐊᑎ ‍ ᐱᒪᑎᓯᐅᔭᓐ᙮
\v 16 ᐊᑲ ‍ ᐃᑕᔨᒥ ᐊ ‍ ᒥᒋ ᐃᔎᐅᔭᓐ᙮ ᐊᐅᑯᐤ ᑲ ᐃᓯ ‍ ᐊᔭᒥᐊᔭᓐ ᐛᔅ ᒋᒋᐛ ‍ ᓂᓇᐧᑲᑕᔨᑕᓐ᙮”
\p
\v 17 ᐃᓚᔾ ᒂ ‍ ᓂᐊᔎᐅᓯᑦ, “ᓂ ‍ ᐱᑯᓴᔨᑕᓐ ᒥᓯᐛ ᒐᒂᓐ ᒐᒋ ᐃᓯ ‍ ‍ ᒥᔪᐱᔨᓐ᙮ ᓂ ‍ ᐱᑯᓴᔨᒪᐤ ᒋᓴᒪᓂᑐᐤ, ᐊᓐ ᓂᔭᓐ ‍ ᐃᔅᕋᐃᓪ ᐃᔪᒡ ᐊᔭᒥᐊᔅᑐᐅᒋᒡ, ᒐᒋ ᒥᔨᔅᒄ ᒐᒂᔪᐤ ᓇᑐᐛᔨᑎᒧᐅᑦ᙮”
\p ᑲᐤ
\v 18 ᒂ ‍ ᐃᔅᒋᔄᑦ ᐦᐊᓇ, “ᓂᑐᐛᔨᑕᓐ ᒐᒋ ᒥᔪ ‍ ᐃᑕᔨᒥᔨᓐ᙮” ᐊᑯ ᑲᐤ ᒂ ‍ ᓂᑐᐛᐱᒪᑦ ᐎᐧᑲᓂᓴ ᑭᔭ ᑲᒋ ‍ ᒥᒋᑦ ᒐᒂᔪᐤ ᒂ ᐊᑎ ᐊᑲ ‍ ᓂᑯᓂᔨᒡ ᐊ ‍ ᓇᐧᑲᑕᔨᑎᒧᐅᓇᑯᓯᑦ᙮
\p
\v 19 ᐎᐱᒡ ᒐᒋᓴᐸᔭᔨᒡ, ᐊᓪᑲᓇ ᑭᔭ ᐊ ‍ ᐸᐃᑯᔅᑲᓇᓯᑦ ᒋ ‍ ᐅᓂᔪᐅᒡ ᑭᔭ ᒥᓐ ᒂ ‍ ᐊᔭᒥᐊᔅᑐᐛᒡ ᑎᐸᔨᒋᒐᓱᐛ, ᑭᔭ ᒂ ‍ ᒋᐛᒡ ᑲᐤ ᐅᑦ ᐃᑕᐅᓂᐛᒡ ᐊᓐᑕ ᕋᒪᔨᒡ᙮ ᐊᓪᑲᓇ ᒋ ‍ ᐎᐸᒪᐤ ᐦᐊᓇᔨᒋ᙮ ᐊᑯ ᑎᐸᔨᒋᒐᓱᐤ ᒂ ‍ ᒥᔭᑦ ᑕᓐ ᑲ ᐃᓯ ‍ ᓂᑐᑎᒪᔨᒋ᙮,
\v 20 ᑭᔭ ᒂ ‍ ᐊᓱᐛᐱᒪᐅᓱᑦ ᑭᔭ ᒂ ‍ ᐛᐱᒪᐅᓱᑦ ᐊ ‍ ᐅᐧᑯᓯᑦ᙮ ᓴᒥᔪᐊᓪ ᒋ ‍ ᐃᓯᓂᐧᑲᑕᐤ, “ᑲ ᐸᑕᑯᑦ ᒋᓴᒪᓂᑐᐛ” ᐊ ‍ ᐃᔅᒋᔄᒥᑭᓂᒡ ᐃᑉᕈᐤ ᐃᔨᒧᐅᓂᒡ ᐛᔅ ᒋ ‍ ᐃᔅᒋᔄᐤ “ᑎᐸᔨᒋᒐᓱᐤ ᓂᒋ ‍ ᐸᑕᒄ ᑲ ‍ ᓂᑐᐛᔨᑎᒧᐅᒄ ᐅᑯᓯᒪᐛ᙮”
\s1 ᐦᐊᓇ ᑲ ‍ ᒥᔭᑦ ᑎᐸᔨᒋᒐᓱᐛ ᓴᒥᔪᐊᓇ
\p
\v 21 ᑲᑎᒃ ᐱᐳᓂᔪᐤ, ᐊᓪᑲᓇ ᒋ ‍ ᐃᑐᑕᐤ ᓯᓗᔨᒡ ᐊᓯᒡ ᐊᐸᐃᑯᔅᑲᓇᓯᑦ ᒐᒋ ᐃᑐᑕᐧᒃ ᒥᑐᔅᑕᐊᒪᒐᐅᓂᔪᐤ ᑲ ‍ ᐃᑐᑕᐧᒃ ᐊᓯᑯᒻ ᐱᐳᓇ, ᑭᔭ ᒐᒋ ᒋᔅᑕᔨᑕᑯᓯᐤ ᐱᔅᑎᓂᒧᐛᑦ ᑎᐸᔨᒋᒐᓱᐛ ᑲ ‍ ᐊᓱᑎᒧᐛᑦ ᒐᒋ ᒥᔭᑦ᙮
\v 22 ᒥᒄ ᐦᐊᓇ ᓇᒪ ᐅᒋ ‍ ᐎᒐᐛᐤ᙮ ᒋ ‍ ᐃᑕᐤ ᒪᒃ ᐅᓇᐸᒪ, “ᒋ ‍ᐳᓂ ‍ ᓄᓴᓇᔨᒂ ᐊᓐ ᐊᐛᔅ, ᒐ ᐊᑎ ‍ ᐃᑐᑕᔨᒄ ᓯᓗᔨᒡ ᑭᔭ ᒐ ᐊᑎ ‍ ᐛᐸᑎᔨᒃ ᑎᐸᔨᒋᒐᓱᐤ, ᑭᔭ ᒋᑭ ‍ ᑕᐤ ᐊᓐᑕ ᒐ ᐃᔅᐱᔅ ᐱᒪᑎᓯᑦ᙮”
\p
\v 23 ᐊᓪᑲᓇ ᒋ ‍ ᐃᑕᐤ, “ᑐᑕ ᒥᒄ ᐊᓯ ‍ ᒥᔪᐱᔨᑯᐎᓐ ᒐ ‍ ᐃᑐᑎᒥᓐ᙮ ᐃᑕ ᐅᑕ ᐃᔅᐱᔅ ᒋ ᐃᓯ ‍ ᓄᓴᓇᔨᑕ᙮ ᓂ ‍ ᐱᑯᓴᔨᑕᓐ ᑎᐸᔨᒋᒐᓱᐤ ᒐᒋ ᑐᑕᔅᒃ ᒐᒋ ᐃᑐᑎᒥᓐ ᒐᒂᓐ ᑲ ‍ ᐊᓱᑎᒪᒐᔨᓐ᙮” ᐊᑯ ᐦᐊᓇ ᒂ ᐃᑕᑦ ᐊᓐᑕ ᐎᒋᒡ ᐸᑐᔅ ᑲ ᐳᓂ ‍ ᓄᓴᓇᐊᑦ ᐅᑯᓴ᙮
\p
\v 24 ᑲᒋ ᐳᓂ ᓄᓴᓇᐊᑦ, ᐊᑎᓱᐧᒄ ᒐ ‍ ᐊᐛᓯᐅᑦ ᓴᒥᔪᐊᓪ, ᒋ ‍ ᐃᑐᑕᐤ ᐊᓐᑕ ᑎᐸᔨᒋᒐᓱᐛ ᐅᑦ ᐊᔭᒥᐊᐅᒋᐛᐱᔨᒡ ᐊᓐᑕ ᓯᓗᔨᒡ᙮ ᒐᒋ ‍ ᒥᑐᔅᑕᐊᒪᒐᑦ, ᒋ ‍ ᒋᑐᑕᐤ ᐊ ‍ ᓂᔅᑐᐛᐳᓇᓱᐎᔨᒋ ᒥᔅᑐᓴ, ᒥᐅᑎᔪᐤᐸᓱᓱᐎᔨᒋ ᔪᔅᑲᐛᓇ ᐊᓂᓱᔪᐛ ᑎᐸᐸᐃᑭᓇᓯᔨᒋ, ᑭᔭ ᐸᐃᒄ ᐳᑎᔾ ᓱᒥᓇᐛᐳᔪᐤ᙮
\v 25 ᑲᒋ ‍ ᓂᐸᐊᑦ ᐊᔭᒥᐊᐅᒋᒪᐤ ᐊᓂᔭ ᒥᔅᑐᓴ ᑭᔭ ᑲᒋ ‍ ᒥᑐᔅᑕᒧᐛᑦ ᑎᐸᔨᒋᒐᓱᐛ ᐊᓐᑕ ᐱᔅᑎᓂᒐᐅᓇᐱᔅᑯᒡ, ᐦᐊᓇ ᑭᔭ ᐊᓚᑲᓇ ᒋ ‍ ᐸᑐᐛᐅᒡ ᐃᓚᔨᒋ ᐊᓂᔭ ᓇᐸᓴ᙮
\v 26 ᐊᑯ ᐦᐊᓇ ᒂ ‍ ᐃᑕᑦ, “ᐅᒋᒪᐤ, ᒋ ‍ ᒋᔅᒋᑐᐅᓐ ᐊ ? ᓂᔾ ᐅ ᐃᔎᐤ ᑲ ‍ ᐊᔭᒥᐊᑦ ᒪᒂᒡ ᐅᑕ ᑲ ‍ ᐎᒋ ‍ ᑲᐳᔅᑕᑕᓐ ᐅᑕᒡ ᑕᑐᐤ ᐱᐳᓇ᙮
\v 27 ᓂᒋ ‍ ᓂᑐᑎᒧᐛᐤ ᑎᐸᔨᒋᒐᓱᐤ ᒐᒋ ᐃᑐᑕᐅᑦ ᒐᒋ ᐅᑯᓱᐅᒡ ᑭᔭ ᐊᐅᑯᔪᐛ ᐅᔭ ᐊᐛᓴ ᑲ ‍ ᓂᑐᐛᔨᑎᒧᐅᒄ ᑎᐸᔨᒋᒐᓱᐤ ᒐᒋ ᒥᔨᑦ᙮
\v 28 ᐊᑯ ᐊᓄᒡ ᓂ ‍ᒥᔭᐤ ᐅᔭ ᑎᐸᔨᒋᒐᓱᐤ᙮ ᒋᑭ ‍ ᑎᐸᔨᒥᑯᐤ ᑎᐸᔨᒋᒐᓱᐛ ᒐ ᐃᔅᐱᔅ ᐱᒪᑎᓯᑦ᙮” ᐊᑯ ᐊᓪᑲᓇ ᑭᔭ ᐊᐸᐃᑯᔅᑲᓇᓯᑦ ᒂ ‍ ᐊᔭᒥᐊᔅᑐᐛᑦ ᐊᓐᑕ ᑎᐸᔨᒋᒐᓱᐛ᙮
\c 2
\s1 ᐦᐊᓇ ᐅᑦ ᐊᔭᒥᐊᐅᓐ
\p
\v 1 ᐊᑯ ᐦᐊᓇ ᒂ ‍ ᐊᔭᒥᐊᑦ, ᐊ ‍ ᐃᔅᒋᔄᑦ,
\q1 “ᓂ ‍ ᒧᒋᒐᔨᑕᓐ ᓂᑦ ᐊᒐᐧᑯᒡ ᒋᔾ, ᑎᐸᔨᒋᒐᓱᐤ, ᑲ ‍ ᐃᑐᑎᒥᓐ᙮
\q2 ᓂ ‍ ᓱᐧᑲᑎᓯᓐ ᐛᔅ ᒋᔾ ᒋ ‍ ᑎᐸᔨᒥᓐ᙮
\q1 ᓂ ‍ ᐅᓯᓂᐛᐅᒡ ᐊᓐᒡ ᑲ ‍ᐱᒂᓯᒡ,
\q2 ᐛᔅ ᒋᔾ, ᑎᐸᔨᒋᒐᓱᐤ ᒋ ‍ᒋᐱᐧᑯᐎᔨᓐ ᐊ ‍ ᐱᐛᔨᒥᒡ ᐅᒋ᙮
\v 2 ᓇᒪ ᐃᑕᐤ ᑯᑎᒃ ᐊᐛᓐ ᐊ ‍ ᐸᔭᒋᓯᑦ ᒧᔭᒻ ᒋᔾ, ᑎᐸᔨᒋᒐᓱᐤ᙮
\q2 ᓇᒪ ᐃᑕᐤ ᑯᑎᒃ ᒥᓂᑐᐤ ᒧᔭᒻ ᒋᔾ᙮
\q2 ᓇᒪ ᐃᑕᐤ ᑯᑎᒃ ᐊᐛᓐ ᒧᔭᒻ ᒋᔾ, ᓂᒋᓴᒪᓂᑐᒥᓇᓐ, ᐊᓐ ᒐᒋ ᓂᓇᑭᑥᔨᒥᔨᒥᑦ ᒧᔭᒻ ᓴᒄ ᐊ ‍ ᒥᓴᒡ ᐊᓯᓂᒡ ᐊ ‍ᑎᔨᔭᒡ ᐊᓐᑕ ᒐ ᑲᓱᔅᑎᒪᒡ ᑲᑯᔅᑎᒂᒡ ᙮
\b
\q1
\v 3 ᒋᔨᐛᐤ ᑲ ‍ ᐊᑐᐛᔨᒪᒄ ᒋᓴᒪᓂᑐᐤ, ᐳᓂᒄ ᐊᒪᒥᒋᒧᔭᒄ !
\q2 ᑎᐸᔨᒋᒐᓱᐤ ᐊᐅᒄ ᐊᓐ ᒋᓴᒪᓂᑐᐤ ᒥᓯᐛ ᒐᒂᔪᐤ ᑲ ‍ ᒋᔅᒐᔨᑕᐧᒃ,
\q1 ᑭᔭ ᒋᑭ ‍ ᑎᐸᔅᑯᓇᐤ ᒥᓯᐛ ᐊᐛᔪᐛ ᐊ ‍ ᐃᑎᔨᒋ᙮
\q2 ᐊᑯ ᒐ ᐊᑲ ‍ ᐎ ‍ ᓂᓇᐛᐸᒋᒧᔭᒄ !
\b
\q1
\v 4 ᑎᐸᔨᒋᒐᓱᐤ, ᒋ ‍ ᐱᑯᓂᒪᐛ ᐅᑦ ᐊᒐᐱᔨᐛᐛ ᑲ ‍ ᓱᐧᑲᑎᓯᒡ ᓯᒪᑭᓂᓯᒡ,
\q2 ᑭᔭ ᒋ ‍ ᒥᔭᐅᒡ ᒥᔅᑯᓯᐅᓂᔪᐤ ᐊᓐᒡ ᑲ ‍ ᐸᒋᓯᒡ ᐛᔅ ᐊ ‍ ᐃᔨᔨᒥᓯᒡ᙮
\q1
\v 5 ᒥᒐᑦ ᐃᔪᒡ ᐊᓐ ᑲ ‍ᐛᔪᐅᒡ ᑲ ‍ ᓄᐛᔨᑕᒡ ᒐ ᒥᒋᒡ , ᐊᓄᒡ ᓴᔅ ᒋᑭ ᐎ ‍ ᐊᑐᔅᑯᐛᐅᒡ ᑯᑎᑲ ᐃᔪᐛ ᒐᒋ ᑐᑕᒡ ᓱᓇᔪᐤ ᒐᒋ ᐃᔭᒡ ᒥᒋᒥᔪᐤ,
\q2 ᒥᒄ ᒥᒐᑦ ᐊᓐᒡ ᐊᐛᓐᒋ ᓇᓂᑎᒻ ᑲ ‍ ᓯᐛᔨᒡ ᓇᒪ ᓴᔅ ᓯᐛᔪᐅᒡ᙮ \q1ᐊᓐ ᐃᔎᐤ ᐊᑲ ‍ ᐅᒋ ‍ ᐅᑦ ᐊᐛᓯᒥᑦ ᓴᔅ ᒋ ‍ ᐛᐱᒪᐅᓱᐤ ᒥᒐᑦ ᐊᐛᓯᓴ,
\q2 ᑭᔭ ᐊᓐ ᐃᔎᐤ ᑲ ‍ ᒥᒐᑐᓴᑦ, ᐊᓄᒡ ᒋᒋᐛ ᒺᔅᑕᑎᒻ ᐛᔅ ᒥᓯᐛ ᐊᓂᔭ ᐳᓂᐱᒪᑎᓯᔨᐛ᙮
\q1
\v 6 ᑎᐸᔨᒋᒐᓱᐤ, ᒋ ‍ ᑐᑐᐛᐅᒡ ᐱᔅᒐ ᐊᐛᓐᒋ ᒐᒋ ᐳᓂᐱᒪᑎᓯᒡ,
\q2 ᑭᔭ ᒋ ‍ ᒥᔪᐱᔭᐅᒡ ᐱᔅᒐ ᐃᔪᒡ ᒐᑲᑦ ᐊᐳᓂᐱᒪᑎᓯᒡ᙮
\q1 ᐛᔅ ᐱᔅᒐ ᐃᔪᒡ, ᒧᔭᒻ ᓴᔅ ᐎᐱᒡ ᒐ ᐊᑎ ‍ ᐃᑐᑕᒡ ᐊᓐᑕ ᑲ ‍ ᓂᐱᔨᒋ ᐊᐛᔪᐛ ᐊ ‍ ᑕᔨᒋ, ᒥᒄ ᒋᑭ ‍ ᑐᑐᐛᐅᒡ ᑲᐤ ᒥᓐ ᒐᒋ ᒥᔪᐱᒪᑎᓯᒡ᙮
\v 7 ᑎᐸᔨᒋᒐᓱᐤ, ᒋ ‍ ᑐᑐᐛᐅᒡ ᐱᔅᒐ ᐊᐛᓐᒋ ᒐᒋ ᒋᔅᑎᒪᑎᓯᒡ ᑭᔭ ᒋ ‍ ᑐᑐᐛᐅᒡ ᐱᔅᒐ ᐊᐛᓐᒋ ᒐᒋ ᐛᔪᑎᓯᒡ᙮
\v 8 ᓇᓂᑯᑎᓂ ᒋ ‍ ᐅᐱᓇᐅᒡ ᑲ ‍ ᒋᔅᑎᒪᑎᓯᒡ ᐊᐛᓐᒋ ᒐ ᐊᑲ ‍ ᓇᐅᔅ ᐊᐱᒡ ᐊᓐᑕ ᐃᔭᑲᒡ,
\q2 ᑭᔭ ᒪᒃ ᐊᐱᒡ ᐊᓐᑕ ᐊᐱᔅᑯᔅᑕᔨᒋ ᐱᐧᑯᑕᐛ;
\q1 ᒋ ‍ ᑐᑐᐛᐅᒡ ᒐᒋ ᐎᑎᐱᒪᒡ ᒋᓴᐅᒋᒪᔅᒐ;
\q2 ᒋ ‍ ᑐᑕᓐ ᒐᒋ ᑕᑎᐱᒡ ᒋᓴᐅᒋᒪᐤ ᑕᑎᐳᐛᑭᓇ ᐊᓐᑕ ᑲ ᐊᐱᔨᒋ ᑲ ‍ ᒋᔅᑕᔨᑕᑯᓯᔨᒋ ᐊᐛᔪᐛ᙮
\q1 ᑎᐸᔨᒋᒐᓱᐤ, ᒋᔾ ᐊᐅᒄ ᑲ ‍ ᐃᑎᔅᑕᔨᓐ ᐊᓱᐧᑲᔅᑕᒡ ᐊᔅᒋᔾ,
\q2 ᑭᔭ ᑭᔭ ᒋ ‍ ᒋᑕᑎᔅᑕᓐ ᒥᓯᐛ ᐊᔅᐱᑎᔅᑭᒥᑲᒡ ᐊᔅᒋᔾ ᐊᓐᑕ ᐊᓱᐧᑲᔅᑕᒡ᙮
\v 9 ᒋᑭ ‍ ᑭᓄᐛᔨᒪᐅᒡ ᐊᓐᒡ ᑲ ‍ ᑕᑈᐅᒐᔨᒥᔅᒡ ᒋᑦ ᐃᔨᒥᒡ,
\q1 ᒥᒄ ᒋᑭ ‍ ᐃᑐᑐᐛᐅᒡ ᒥᒋ ‍ ᐃᔪᐅᒡ ᒐᒋ ᐳᓂᐱᒪᑎᓯᒡ ᑭᔭ ᒐᒋ ᐃᔅᐱᔨᒡ ᐊᓐᑕ ᐃ ᐊᒋᑲᔨᒡ ᐊᓐᑕ ᐊ ‍ᐃᑕᔨᒋ ᑲ ‍ ᐳᓂᐱᒪᑎᔨᒋ ᐊᐛᔪᐛ᙮
\q2 ᓇᒪ ᓂᒋ ‍ ᓴᐧᑯᒋᐊᓇᓐᒡ ᐊᓐᒡ ᑲ ‍ ᐱᒂᓯᔨᒥᒡ ᑎᐱᔨᐛ ᓂᓱᐧᑲᑎᓯᐅᓇᒡ ᐅᒋ;
\v 10 ᑎᐸᔨᒋᒐᓱᐤ, ᒋᑭ ‍ ᐸᐱᑯᐱᑕᐅᒡ ᐊᓐᒡ ᑲ ‍ ᐊᑐᐛᔨᒥᔅᒡ᙮
\q2 ᒋᑭ ‍ ᑐᑕᓐ ᒐᒋ ᐸᑕᑯᓯᒡ ᓂᒥᔅᒍᐅᒡ ᒋᓯᑯᒡ ᒐᒋ ᐛᐸᑎᔨᐛᔨᓐ ᐊ ‍ ᐊᑥᔨᒥᑥᐤ᙮
\q1 ᑎᐸᔨᒋᒐᓱᐤ, ᒋᑭ ‍ ᑎᐸᔅᑯᓇᐅᒡ ᐃᔪᒡ ᒥᓯᑐᐤ, ᐃᔭᐱᒡ ᐊᓐᒡ ᑲ ‍ ᐎᒋᒡ ᐊᓐᑕ ᐛᔪᐤ ᐅᑕᓇᐛ ᐊᓐᑕ ᐊᔅᒋᒡ᙮
\q1 ᒋᑭ ‍ ᒥᔭᐤ ᓱᐧᑲᑎᓯᐅᓂᔪᐤ ᐊᓐ ᒋᓴᐅᒋᒪᐤ ᑲ ‍ ᐅᑎᓂᑦ, ᑭᔭ ᒋᑭ ‍ ᒥᔭᐤ ᓴᐧᑯᒋᐊᑦ ᐊᓂᔭ ᑲ ‍ ᐱᒂᑎᑯᑦ᙮”
\p
\v 11 ᐊᑯ ᐊᓪᑲᓇ ᑭᔭ ᐊᐸᐃᑯᔅᑲᓇᓯᑦ ᑲᐤ ᒂ ‍ ᒋᐛᒡ ᐊᓐᑕ ᕋᒪᒡ, ᒥᒄ ᓴᒥᔪᐊᓪ, ᐊᓐ ᓇᐸᔅ, ᒋ ᐃᑕᐤ ᐊᓐᑕ ᒐᒋ ᐛᐎᒐᑦ ᐊᔭᒥᐊᐅᒋᒪᐛ ᐃᓚᔨᒋ ᐊ ‍ ᐊᑐᔅᑯᐛᔨᒋ ᑎᐸᔨᒋᒐᓱᐛ᙮
\s1 ᑲ ‍ ᒥᒐᑎᓯᔨᒋ ᐃᓚᔾ ᐅᑯᓴ
\p
\v 12 ᐃᓚᔾ ᓂᓱ ᐅᑯᓴ, ᐃᔭᐱᒡ ᑲ ‍ ᐊᔭᒥᐊᐅᒋᒪᐎᔨᒋ, ᒋᒋᐛ ᒋ ‍ ᒥᒐᑎᓯᔨᐛ᙮ ᓇᒪ ᒋ ᐅᒋ ‍ ᓂᓇᔨᑐᐛᐅᒡ ᑎᐸᔨᒋᒐᓱᐛ᙮
\v 13 ᒪᒂᒡ ᐊ ‍ ᐅᓯᒥᔨᒋ ᐃᔪᐛ ᐎᔭᓯᔪᐤ ᑲ ‍ ᒥᑐᔅᑕᐊᒪᒐᔨᒋ ᐅᒋ ᐊᓐᑕ ᐊᒂᓯᓇᑯᓂᔨᒡ ᐊᔅᒋᐧᑯᔪᐤ ᐊᓐᑕ ᐊᔭᒥᐊᐅᒋᐛᐱᒡ, ᐸᐃᒄ ᐃᓚᔾ ᐅᑯᓴ, ᒋ ‍ ᐃᑎᓴᐛᐤ ᐅᑯᐸᓇᒪ, ᐊ ‍ ᑕᐧᑯᓇᔨᒋ ᐊ ‍ ᒥᓯᑎᔨᒋ ᒋᔅᑕᒥᒋᓱᐛᑭᓇ᙮
\v 14 ᒋᐸ ‍ ᒋᔅᑕᐊᒻ ᐎᔭᓯᔪᐤ ᐊᓐᑕ ᐊᔅᒋᐧᑯᒡ, ᑭᔭ ᒥᒄ ᐊᓯᓇᑯᓂᔨᒡ ᐎᔭᓯᔪᐤ ᒐᑭᒧᐎᔨᒡ ᒋᔅᑕᒥᒋᓱᐛᑭᓂᒡ, ᒋᐸ ᐅᑎᓂᒻ ᑭᔭ ᒋᐸ ᒥᔭᐤ ᐊᓂᔭ ᐊᔭᒥᐊᐅᒋᒪᐛ ᑲ ‍ ᐃᑎᓴᐅᑯᑦ᙮ ᐃᓚᔾ ᐅᑯᓴ ᒋ ‍ ᑐᑐᐛᔪᐛ ᐅᔭ ᒥᓯᐛ ᐃᔅᕋᐃᓪ ᐃᔪᐛ ᑲ ‍ ᑎᑯᓯᓂᔨᒋ ᐊᓐᑕ ᓯᓗᔨᒡ ᒐᒋ ᒥᔅᑐᑕᐊᒪᒐᔨᒋ᙮
\v 15 ᐊᑯ, ᐊᔅᒄ ᐊᑲ ᒋᒥᓴᑭᓄᐎᔨᒡ ᐊ ‍ ᐱᒥᐎᔨᒡ ᐎᔭᓯᒡ ᑭᔭ ᐃᔎᓴᑭᓄᐎᔨᒡ ᒧᔭᒻ ᐊ ‍ ᒥᑐᔅᑕᐊᒧᐛᑭᓄᐅᑦ ᑎᐸᔨᒋᒐᓱᐤ, ᐊᔭᒥᐊᐅᒋᒪᐤ ᐅᑯᐸᓇᒪ ᓂᔭᓂᑯᑎᓂ ᒋᐸ ‍ ᓂᑐᐛᐱᒪᐤ ᐊᓂᔭ ᓇᐸᐛ ᒪᑐᔅᑕᐊᒪᒐᔨᒋ ᑭᔭ ᒋᐸ ‍ ᐃᑕᐤ, “ᐸᒋ ‍ ᒥᔾ ᐱᔅᒐ ᐎᔭᔅ ᐊᓄᒡ ᒐᒋ ᐃᑐᑐᐅᒄ ᐊᔭᒥᐊᐅᒋᒪᐤ ᒐᒋ ᓯᑭᑈᑦ ! ᐊᔅᑲᔨᒡ ᐎᔭᓯᔪᐤ ᓂᑐᐛᔨᑎᒻ, ᓇᒪᔭᔪᐤ ᐊ ‍ ᐅᓯᑭᓄᐎᔨᒡ ᐎᔭᓯᔪᐤ᙮”
\p
\v 16 ᓇᐸᐤ ᐃᑕᒐ ᐅᑯᐸᓇ, “ᓇᐊᔨᒥᒡ ᐊᔭᒥᐊᐅᒋᒪᐅᒡ ᒐᒋ ᒪᑎᓴᒡ ᑭᔭ ᓂᔅᑎᒻ ᐃᔎᓴᒡ ᐊ ‍ ᐱᒥᐎᔨᒡ; ᐊᑯ ᐸᑐᔅ ᒐ ‍ ᐅᑎᓂᓐ ᐊᓐ ᐛ ‍ ᐅᑎᓂᒥᓐ,” ᑯᐸᓇᐤ ᒋᐸ ‍ ᓂᔎᐛᓯᐊᐤ, “ᓇᒪ, ᒋᓴᒡ ᐸᒋ ‍ ᒥᔾ; ᒋᑭ ‍ ᒥᔅᑭᒥᑎᓐ ᐊ ᐊᑲ ᒥᔨᓇ,
\p
\v 17 ᓇᒪ ᐅᒋ ᐃᔅᐱᑕᔨᑎᐛᐅᒡ ᐃᓚᐃ ᐅᑯᓴ ᐊ ‍ ᒥᑐᔅᑕᐊᒪᒐᔨᒋ ᐃᔪᐛ᙮ ᒋᒋᐛ ᒋᒥᒋᓂᔪᐤ ᐅᔭ ᒥᒋᑐᑎᒧᐅᓂᔪᐤ ᑭᔭ ᒋᒋᐛ ᒋ ‍ ᒋᓱᐛᔨᑯᐤ ᑎᐸᔨᒋᒐᓱᐤ᙮
\p
\s2 1 Samuel 2.18-20, 26 (Christmas-1 Year C)
\p
\v 18 ᐊᑯ ᓴᒻᔪᐃᓪ, ᐊᔅᒄ ᐊᐛᓯᐅᑦ, ᒋ ‍ ᓇᓂᑎᒪᐱᔪᐤ ᐊᑐᔅᑯᐛᑦ ᑎᐸᔨᒋᒐᓱᐛ, ᐊᒋᓏᑭᓂᔨᒡ ᐊ ‍ ᐱᒍᐛᔭᓄᐎᔨᒡ ᐊᑯᐱᔪᐤ ᒋᐳᔅᑭᒻ ᒧᔭᒻ ᐊᓂᔭ ᐊᓯᓇᑯᓂᔨᒡ ᒋᒋ ‍ ᐊᔭᒥᐊᐅᒋᒪᐛ ᑲ ‍ ᐳᔅᑭᒥᔨᒋ᙮
\v 19 ᐊᓯᑯᒻ ᐱᐳᓇ ᒋ ‍ ᐅᓯᑕᒪᑯᐤ ᐅᑲᐎᔭ ᐊᐱᓴᓯᔨᒡ ᐊᑯᐱᔪᐤ, ᑭᔭ ᒋ ‍ᐃᑐᑥᑯᐤ ᐃᔅᐱ ᐊᑐᑕᑥᐎ ᓯᓗᔨᒡ ᐊᓯᒡ ᐅᑕᐎᔭ ᒐᒋ ᒥᑐᔅᑕᐊᒪᒐᔨᒋ᙮
\p
\v 20 ᐊᑯ ᐃᓚᐃ ᒪᒃ ᒋ ‍ ᒥᔽᒋᒪᐤ ᐊᓪᑲᓇᔨᒋ ᑭᔭ ᐎᐎᐛ, ᒋ ‍ ᐃᑕᐤ ᒪᒃ ᐊᓪᑲᓇᔨᒋ, “ᐅᑎᐸᔨᒋᒐᐤ ᒋᑭ ‍ ᒥᔨᒄ ᒐᒋ ᐅᑦ ᐊᐛᓯᒥᔨᓐ ᐅ ᐃᔎᐤ ᐅᒡ, ᒐ ‍ ᐅᑎᓂᒥᔨᒋ ᐅᑦ ᐊᐳᓂᔪᐤ ᐊᓂᔭ ᐊᐛᓴ ᑎᐸᔨᒋᒐᓱᐛ ᑲ ᒥᔭᑦ ᑲ ᓂᑐᑎᒪᑦ ᒐᒋ ᐊᔭᐛᑦ᙮”
\p
\v 21 ᑭᔭ ᑎᐸᔨᒋᒐᓱᐤ ᒋ ‍ ᒥᔪ ‍ ᑐᑐᐛᐤ ᐦᐊᓇᔨᒋ, ᑭᔭ ᒋ ‍ ᑐᑐᐛᐤ ᒐᒋ ᐊᐛᐱᒪᐅᓱᐎᔨᒋ ᓂᔅᑐ ᑯᑎᑲ ᐅᑯᓯᒪᐛ ᑭᔭ ᓂᓱ ᐅᑕᓂᓯᒪᐛ᙮ ᐅᑯᓱᐛᐛ ᓴᒥᔪᐊᓚ ᒋ ‍ ᓂᑕᐅᒋᔪᐛ ᒪᒂᒡ ᐊ ‍ ᐃᑐᔅᑯᐛᔨᒋ ᑎᐸᔨᒋᒐᓱᐛ ᐊᓐᑕ ᐸᔭᒋ ‍ ᐱᒍᐎᔭᓂᒋᐛᐱᒡ᙮
\s1 ᐃᓚᐃ ᑲ ‍ ᐃᔭᒂᒪᑦ ᐅᑯᓴ
\p
\v 22 ᒋ ‍ ᒋᓴᐃᔪᐤ ᐃᓚᐃ᙮ ᓇᓂᑎᒻ ᒋ ᐸᑎᒻ ᐅᑯᓴ ᐊ ‍ ᒥᒋᑐᑐᐛᔨᒋ ᐊᓂᔭ ᐃᔅᕋᐃᓪ ᐃᔪᐛ᙮ ᒋ ᐸᑎᒻ ᓇᓂᑯᑎᓂᔾ ᐊ ‍ ᐎᐸᒪᔨᒋ ᑲ ‍ ᐊᑐᔅᒐᓯᔨᒋ ᐃᔎᐛ ᐊᓐᑕ ᐛᒋ ‍ ᐱᒐᓄᐎᔨᒡ ᐊᔭᒥᐊᐅᐱᒍᐎᔭᓂᒋᐛᐱᒡ ᐊᓐᑕ ᑲ ‍ ᐃᔨᒪᐊᑦ ᐅᑦ ᐃᔨᒪ ᒋᓴᒪᓂᑐᐤ᙮
\v 23 ᒂ ‍ ᐃᑕᑦ, “ᒐᒂᓐ ᐛᒋ ‍ ᐃᑐᑎᒪᒄ ᐅᔭ ᒐᒂᔪᐛ ? ᒥᒐᑦ ᐃᔪᒡ ᓂ ‍ᐎᑎᒪᑯᒡ ᐊᓂᔭ ᒥᒋ ᒐᒂᔪᐛ ᐊ ‍ ᐃᑐᑎᒪᒄ᙮
\v 24 ᓂᑯᓯᑎᒄ, ᐳᓂᒄ ! ᐊᓐ ᐊ ‍ ᐃᑕᒋᒥᑯᐅᔭᒄ ᐊᓐ ᐃᔪᒡ ᑕᐸᔨᒥᑯᒡ ᑎᐸᔨᒋᒐᓱᐛ ᐛᑎᒧᐛᒡ ᑯᑎᑲ ᐊᐛᔪᐛ ᒋᒋᐛ ᒥᒋᓂᔪᐤ!
\v 25 ᒥᒋ ‍ ᑐᑐᐛᒐ ᐸᐃᒄ ᐊᐛᓐ ᑯᑎᑲ ᐊᐛᔪᐛ, ᒋᑭ ‍ ᒥᔪᐱᔭᐤ ᒋᓴᒪᓂᑐᐤ ᐊᓂᔭ ᐊᓂᓯᔨᒋ᙮ ᒥᒄ ᒥᒋᑐᑐᐛᒐ ᐊᐛᓐ ᑎᐸᔨᒋᒐᓱᐛ, ᓇᒪ ᐊᐛᔪᐛ ᒋᑭ ᒋ ‍ ᐎᒋᔨᑯᐤ !” ᒥᒄ ᐃᓚᔾ ᐅᑯᓴ ᓇᒪ ᐅᒋ ᐎ ‍ ᓂᑐᑎᒧᒡ ᒐᒂᔪᐤ ᐅᑕᐎᐛᐛ ᑲ ‍ ᐃᔅᒋᔄᔨᒋ᙮ ᐛᔅ ᒋ ‍ ᐃᑕᔨᑎᒻ ᑎᐸᔨᒋᒐᓱᐤ ᐊᐛᔪᐛ ᒐᒋ ᓂᐸᔨᒋ᙮
\s1 ᐅᒋᔅᒋᐛᐃᒐᓱᐤ ᒋ ‍ ᐃᔭᒂᒪᐤ ᑕᓐ ᒐ ‍ ᐃᔅᐱᔨᒋ ᐃᓚᔨᒋ ᑭᔭ ᐊᐸᐃᑯᔅᑲᓇᓯᔨᒋ
\s2 1 Samuel 2.18-20, 26 (Christmas-1 Year C)
\p
\v 26 ᐊᓐ ᐊᐛᔅ ᓴᒻᔪᐃᓪ ᒪᒃ ᐃᔭᐱᒡ ᒋ ᐊᑎ ‍ ᐅᐱᒍᐤ, ᐊ ‍ ᒥᔪᐃᑕᔨᒥᑯᑦ ᐅᑎᐸᔨᒋᒐᐛ ᑭᔭ ᐃᔪᐛ᙮
\p
\v 27 ᐸᐃᒄ ᒋᓯᑯᔪᐤ, ᒋᔅᒋᓂᒧᐛᑭᓇ ᒋ ‍ ᓂᑐᐛᐱᒪᐤ ᐃᓚᐃᔨᒋ ᑭᔭ ᒂ ‍ ᐃᑕᑦ, “ᐊᐅᑯᔪᐤ ᐅᔭ ᑲ ‍ ᐎᑎᒧᐅᑦ ᑎᐸᔨᒋᒐᓱᐤ: ‘ᐃᔅᐱ ᒋᑦ ᐊᓂᔅᑯᑕᐸᓂᐛᐅᒡ ᑲ ‍ ᐅᑦ ‍ ᐊᐱᒋᐊᑯᓂᑕᑯᒡ ᐃᒋᑉᑎᒡ ᒋᓴᐅᒋᒪᐛ, ᓂᒋ ‍ ᓂᑯᓯᔅᑐᐛᐤ ᐊᕋᓐ᙮
\v 28 ᒥᓯᐛ ᐃᔅᕋᐃᓪ ᐃᔪᒡ ᑲ ‍ ᐃᑎᔅᑲᓇᓯᒡ ᐅᒋ, ᐎᔾ ᓂᒋ ‍ ᐅᑎᓇᐤ ᑭᔭ ᒥᓯᐛ ᐊ ‍ ᓇᐸᐛᒋ ᐅᑦ ᐊᓂᔅᑯᑕᐸᓇ ᒐᒋ ᐅᑦ ‍ ᐊᔭᒥᐊᐅᒋᒪᒥᔭᓐ᙮ ᓂᒋ ‍ ᐅᑎᓇᐅᒡ ᒐᒋ ᓇᑕᒡ ᓂ ‍ ᐱᔅᑎᓂᒐᐅᐱᔅᑯᒥᔪᐤ, ᒐᒋ ᓯᔅᑲᐊᒡ ᑲ ‍ ᐎᒋᒪᑯᓂᔨᒋ, ᒐᒋ ᐳᔅᑲᒡ ᐊᔅᐱᒋᑯᓇᐅᓂᔪᐤ ᒪᒂᒡ ᐊᑐᔅᑯᐅᒡ᙮ ᑭᔭ ᓂᒋ ‍ ᐃᔅᒋᔄᓐ ᒐᒋ ᐅᑎᓇᒡ ᑭᔭ ᒐᒋ ᒥᒋᒡ ᐱᔅᒐ ᐎᔭᓯᔪᐤ ᐃᔅᕋᐃᓪ ᐃᔪᐛ ᑲ ‍ ᐃᔎᓯᒥᔨᒋ ᐊᓐᑕ ᐱᔅᑎᓂᒐᐅᓇᐱᔅᑯᒡ᙮
\v 29 ᐊᑯ ᒐᒂᓐ ᐛᒋ ᒪᔭᔨᑎᒥᓐ ᐊᓂᔭ ᒥᑐᔅᑕᐊᒪᒐᐅᓇ ᑭᔭ ᐱᔅᑎᓂᒐᐅᓇ ᐊᓂᔭ ᑲ ‍ ᐃᑎᓱᒥᒂᐤ ᐃᔪᒡ ᒐᒋ ᐸᑐᐅᒡ ? ᐊᑎᑐᐤ ᒋ ‍ ᒋᔅᑕᔨᒪᐅᒡ ᒋᑯᓯᒡ ᐃᔅᐱᔅ ᓂᔾ ᒐᒋ ᒋᔅᑕᔨᒥᔨᓐ, ᐊ ‍ᓇᐊᔨᒥᑥᐤ ᒐᒋ ᐅᑎᓇᒡ ᐱᒥᔪᐤ ᐊᓐᑕ ᐛᒋ ‍ ᒥᒋᒡ ᓇᔅᒡ ᐛᒋ ᒥᔽᔨᒡ ᐎᔭᓯᔪᐤ ᒥᓯᐛ ᑲ ‍ ᒥᑐᔅᑕᐊᒪᒐᓄᐎᔨᒡ ᐊᓂᔭ ᑲ ᐸᑐᐅᒡ ᐃᔅᕋᐃᓪ ᐃᔪᒡ !’
\p
\v 30 ᐊᑯ, ᐊᐅᑯᔪᐤ ᐅᔭ ᑎᐸᔨᒋᒐᓱᐤ, ᐊᓐ ᒋᓴᒪᓂᑐᐤ ᓂᔭᓐ ᐃᔅᕋᐃᓪ ᐃᔪᒡ ᐊᔭᒥᐊᔅᑐᐅᒋᒡ, ᐊ ‍ ᐃᔅᒋᔄᑦ: ‘ᓇᔅᒡ ᑕᑈ ᓂᒋ ᐊᓱᑎᒪᒐ ᐊᕋᓐ ᑭᔭ ᐅᑦ ᐊᓂᔅᑯᑕᐸᓇ ᒧᔅ ᑲᒋᒡ ᒐᒋ ᐊ ᑐᔅᑯᐅᒡ᙮’ ᒥᒄ ᐊᓄᒡ ᓂᑦ ‍ ᐃᔅᒋᔄᓐ, ᓇᒪ ᒋᑭ ‍ ᓇᓂᑎᒪᐱᔪᐤ ᐊᓐ! ᓂᑭ ‍ ᒋᔅᑕᔨᒪᐅᒡ ᐊᓐᒡ ᑲ ‍ ᒋᔅᑕᔨᒥᒡ, ᒥᒄ ᓂᑭ ‍ ᒥᒐᔨᒪᐅᒡ ᐊᓐᒡ ᑲ ‍ ᒥᒐᔨᒥᒡ᙮
\v 31 ᒥᔪᐤ ᓂᑐᑐᐅᒄ ! ᓴᔅ ᒋᑭ ‍ ᐅᑎᒋᐱᔪᐤ ᐃᔅᐱ ᒐ ‍ ᐃᑐᑐᐅᒂᐤ ᑲ ‍ ᓱᐧᑲᑎᓯᒡ ᐅᔅᒋᓂᒋᓱᐅᒡ ᒐᒋ ᐳᓂᐱᒪᑎᓯᒡ ᐊᐅᑯᓐ ᐅᒋ ᒐ ᐊᑲ ᐃᔨᑕᑦ ᓇᐸᐤ ᐊᓐᑕ ᐊᐸᐃᑯᔅᑲᓇᓯᔨᓐ ᒐᒋ ᓇᐅᔅ ᐱᒪᑎᓯᒡ ᒐᒋ ᐊᑎ ᒋᓴᐃᔪᐅᑦ᙮
\v 32 ᒋᑭ ‍ ᐊᔨᒥᔪᓐ ᑭᔭ ᒋᑭ ‍ ᐅᑕᔨᑕᓐ ᐛᐱᒥᑥᐛ ᐊ ‍ ᓱᐛᔨᑕᑯᐎᑯᐛᐤ ᑯᑎᑭᒡ ᐃᔅᕋᐃᓪ ᐃᔪᒡ᙮ ᑭᔭ ᒥᓐ ᓂ ‍ ᐎᑕᓐ ᒐ ᐊᑲ ᐃᔨᑕᑦ ᓇᐸᐤ ᐊᓐᑕ ᐊᐸᐃᑯᔅᑲᓇᓯᔨᓐ ᒐᒋ ᓇᐅᔅ ᐱᒪᑎᓯᒡ ᒐᒋ ᐊᑎ ᒋᓴᐃᔪᐅᑦ᙮
\v 33 ᑕᐤ ᐸᐃᒄ ᐊᓐᒡ ᒋᑦ ᐊᓂᔅᑯᑕᐸᓐᒡ ᒐ ‍ ᐃᔅᑯᓂᒃ, ᑭᔭ ᓇᒪ ᓂᑭ ‍ ᓂᑲᓇᐤ ᒐᒋ ᐊᑐᔅᑯᐅᑦ ᐊᔭᒥᐊᐅᒋᒪᐅᑦ᙮ ᒥᒄ ᓇᒪ ᒋᑭ ‍ ᐛᐸᑎᒻ, ᑭᔭ ᓇᓂᑎᒻ ᒋᑭ ‍ ᓂᓇᐧᑲᑕᔨᑎᒻ ᑭᔭ ᒋᑭ ‍ ᒥᓯᒪᔨᑎᒻ᙮ ᒥᒄ ᒥᓯᐛ ᑯᑎᑭᒡ ᒋᑦ ᐊᓂᔅᑯᑕᐸᓐᒡ ᒋᑭ ‍ ᐊᐧᑲᐛᑕᔨᑕᑯᓂᔪᐤ ᒐ ‍ ᐃᓯ ‍ ᐳᓂᐱᒪᑎᓯᒡ᙮”
\p
\v 34 ᑭᔭ ᐊᓐᒡ ᐊ ‍ ᓂᓯᒡ ᒋᑯᓯᒡ, ᐦᐅᐱᓂᔾ ᑭᔭ ᐱᓂᐦᐊᔅ, ᐸᐃᑯᑕᐤ ᒋᓯᑯᔪᐤ ᒋᑭ ‍ ᐳᓂᐱᒪᑎᓯᐅᒡ᙮ ᑭᔭ ᐊᐅᑯᓐ ᒐ ᐅᒋ ‍ ᒋᔅᒐᔨᑎᒥᓐ ᒥᓯᐛ ᒐᒂᓐ ᒂ ‍ ᐃᔅᒋᔄᔭᓐ ᒋᑭ ‍ ᐃᔅᐱᔪᐤ᙮
\v 35 ᓂᒋ ‍ ᐅᑎᓇᐤ ᑯᑎᒃ ᓇᐸᐤ ᒐᒋ ᐅᑦ ᐊᔭᒥᐊᐅᒋᒪᒥᔭᓐ᙮ ᐊᐅᑯᓐ ᐊᓐ ᑕᑈᐅᓂᒡ ᒐ ‍ ᐊᑐᔅᑯᐅᑦ: ᒥᓯᐛ ᒐᒂᔪᐤ ᐊ ‍ ᐃᑎᓱᒥᒃ ᒋᑭ ‍ ᐃᑐᑎᒻ᙮ ᑭᔭ ᓂᑭ ‍ ᐃᑐᑎᒺᓐ ᒐᒋ ᒥᒐᑎᔨᒋ ᐅᑦ ᐊᓂᔅᑯᑕᐸᓇ ᒐ ‍ ᐊᔭᒥᐊᐅᒋᒪᐅᐎᔨᒋ ᑭᔭ ᓇᓂᑎᒻ ᒐ ‍ ᐊᑐᔅᑯᐎᔨᒋ ᐊ ‍ ᐎᒋᐊᒡ ᐊᓂᔭ ᒋᓴᐅᒋᒪᐛ ᒐ ‍ ᐅᑎᓂᒥᒋ᙮
\v 36 ᒥᓯᐛ ᐊᓐᒡ ᒋᑦ ᐊᓂᔅᑯᑕᐸᓐᒡ ᐊᔅᒄ ᒐ ‍ ᐱᒪᑎᓯᒡ ᒋᑭ ᐎ ‍ ᓂᑐᐛᐱᒪᐅᒡ ᐊᔭᒥᐊᐅᒋᒪᐛ ᑭᔭ ᒐ ᑭᒂᒋᒪᒡ ᒐᒋ ᒥᔨᑯᒡ ᓱᓇᔭᔪᐤ ᑭᔭ ᒥᒋᒥᔪᐤ, ᑭᔭ ᒥᓯᐛ ᐸᐸᐃᒄ ᒐ ᐎ ‍ ᐃᔅᒋᔄᒡ, ‘ᓇᐊᔨᒥ ᒐᒋ ᐎᒋᐃᒂᐤ ᑯᑎᑭᒡ ᐊᔭᒥᐊᐅᒋᒪᐅᒡ, ᒐᒋ ᐅᒋ ᑲᓂᔪᔭᓐ ᓱᓇᔭᐤ ᒐᒋ ᐃᔭᔭᓐ ᒥᒋᒻ᙮” ’ ”
\c 3
\s1 The Lord Calls Samuel
\s2 1 Samuel 3.1-10 (Epiphany-2 Year B)
\p
\v 1 ᐊᓐ ᐊᐛᔅ ᓴᒻᔪᐃᓪ ᒋ ‍ ᐊᑐᔅᒐᔅᑐᐛᐤ ᑎᐸᔨᒋᒐᓱᐛ ᐊ ‍ ᐎᒋᐊᑦ ᐃᓚᐃᔨᒋ᙮ ᐊᓂᔭ ᒋᓯᒂ, ᓇᒪ ᐅᒋ ᓱᒃ ᐅᒋ ᐸᑐᐛᐅᒡ ᐃᔪᒡ ᑎᐸᔨᒋᒐᓱᐛ; ᓇᒪ ᐅᒋ ᑎᑯᓐ ᒧᓴ ᐃᓯᓂᒧᐅᓐ᙮
\p
\v 2 ᐊᓂᔭ ᒪᒂᒡ, ᐃᔅᐱ ᐃᓚᐃ ᑲ ‍ ᐱᒥᓯᐧᒃ ᐅᓂᐸᐅᓂᒡ, ᒐᑲᑦ ᓇᒪ ᐅᒋ ᐛᐸᑎᒻ᙮
\v 3 ᐊᓂᔭ ᑕᐱᔅᑲᔨᒡ ᐊᒺᔭ ᒪᒃ ᐊᔅᑐᐛᐱᔨᒡ ᒋᓴᒪᓂᑐᐤ ᐅᐛᔅᑕᓂᐱᒪᑭᓐ ᐅᐸᔭᒋ-ᐎᒋᒡ ᑎᐸᔨᒋᒐᓱᐤ, ᐊᓐᑕ ᑲ ‍ ᑎᒂᓂᔨᒡ ᐅᓂᔅᑯᒥᑐᐅ-ᒥᐅᑦ ᒋᓴᒪᓂᑐᐤ, ᓴᒻᔪᐃᓪ ᒋ ᓂᐸᐤ;
\v 4 ᑎᐸᔨᒋᒐᓱᐤ ᒋ ‍ ᑕᑈᑕᐤ ᓴᒻᔪᐃᓚ᙮
\p ᒋ ‍ ᐃᑎᑯᐤ ᒪᒃ, “ᐅᑕ ᓂᑦ ᐃᑕᓐ᙮”
\v 5 ᒋ ‍ ᓇᑕᐤ ᒪᒃ ᐃᓚᐃᔨᒋ, ᐊ ‍ ᐃᔅᒋᔄᑦ, “ᐅᑕ ᓂᑦ ᐃᑕᓐ; ᐛᔅ ᔅᒋ ‍ ᑕᑈᓯᓐ᙮”
\p ᒋ ‍ ᐃᑎᑯᐤ ᒪᒃ ᐃᓚᐃᔨᒋ, “ᓇᒪ ᓂ ᐅᒋ ‍ ᑕᑈᓐ; ᒪᒋ ᒥᓐ ᐱᒥᓯᓂ᙮” ᒥᓐ ᒪᒃ ᒋ ‍ ᐱᒥᓯᓐ᙮
\p
\v 6 ᒥᓐ ᒪᒃ ᑎᐸᔨᒋᒐᓱᐤ ᒋ ‍ ᑕᑈᐤ, “ᓴᒻᔪᐃᓪ !” ᓴᒻᔪᐃᓪ ᒪᒃ ᒂ ‍ ᐅᓂᑦ, ᒋ ‍ ᓇᑕᐤ ᐃᓚᐃᔨᒋ, ᐊ ‍ ᐃᔅᒋᔄᑦ, “ᐅᑕ ᓂᑦ ᐃᑕᓐ; ᐛᔅ ᔅᒋ ‍ ᑕᑈᓯᓐ᙮”
\p ᒋ ‍ ᐃᑎᑯᐤ ᒪᒃ, “ᓇᒪ ᓂ ᐅᒋ ‍ ᑕᑈᓐ, ᓂᑯᓴ; ᒪᒋ ᒥᓐ ᐱᒥᓯᓂ᙮”
\p
\v 7 ᓴᒻᔪᐃᓪ ᒪᒃ ᓇᒪ ᐊᔅᒄ ᐅᒋ ᐸᑐᐛᐤ ᑎᐸᔨᒋᒐᓱᐛ, ᓇᒪ ᐊᔅᒄ ᑭᔭ ᒋᔅᒐᔨᑎᒺᐤ ᑎᐸᔨᒋᒐᓱᐛ ᐅᑦ ᐃᔨᒧᐅᓂᔪᐤ᙮
\p
\v 8 ᒥᓐ ᒪᒃ ᑎᐸᔨᒋᒐᓱᐤ ᒋ ‍ ᑕᑈᑕᐤ ᓴᒻᔪᐃᓚ ᐊᐅᑯᐤ ᓂᔍᐤ᙮ ᐊ ‍ ᐅᓂᑦ ᒪᒃ, ᒋ ‍ ᓇᑕᐤ ᐃᓚᐃᔨᒋ, ᐊ ‍ ᐃᔅᒋᔄᑦ, “ᐅᑕ ᓂᑦ ᐃᑕᓐ; ᐛᔅ ᔅᒋ ‍ ᑕᑈᓯᓐ᙮”
\p ᐃᓚᐃ ᒪᒃ ᒋᔅᒐᔨᑎᒻ ᑎᐸᔨᒋᒐᓱᐤ ᐊᒋ ‍ ᑕᑈᑕᑦ ᐊᐛᓴ᙮
\v 9 ᐊᐅᒄ ᐅᒋ ᐃᓚᐃ ᒋ ‍ ᐃᑕᐤ ᓴᒻᔪᐃᓚ, “ᒪᒋ ᐱᒥᓯᓂ; ᒋᑭ ‍ ᐃᔨᓐ ᒪᒃ, ᒧᔭᒻ ᑕᑈᑎᔅᑲ, ᐊᑯ ᒐ ‍ ᐃᔅᒋᔄᔨᓐ, ‘ᐃᔨᒥᐃ, ᑎᐸᔨᒋᒐᓱᐤ, ᐛᔅ ᒋᑦ ᐊᑐᔅᒐᔭᑭᓐ ᒋᓂᑐᑕᒄ᙮’ ” ᐊᑯ ᓴᒻᔪᐃᓪ ᐸᒥᓯᐧᒃ ᐅᓂᐸᐅᓂᒡ᙮
\p
\v 10 ᑎᐸᔨᒋᒐᓱᐤ ᒪᒃ ᒋ ᐸᒋ ‍ ᐃᑐᑕᐤ, ᑭᔭ ᐊ ‍ ᓂᐳᐅᑦ, ᒋ ‍ ᑕᑈᐤ ᒧᔭᒻ ᓴᔅ ᑲᒋ ‍ ᐃᑐᑕᐧᒃ, “ᓴᒻᔪᐃᓪ, ᓴᒻᔪᐃᓪ !”
\p ᐊᑯᐤ ᐊᑕᑦ ᓴᒻᔪᐃᓪ, “ᐃᔨᒥ, ᐛᔅ ᒋᑦ ᐊᑐᔅᒐᔭᑭᓐ ᒋᓂᑐᑕᒄ᙮”
\p
\v 11 ᐊᑯ ᑎᐸᔨᒋᒐᓱᐤ ᒂ ‍ ᐃᑕᑦ ᓴᒻᔪᐃᓚ, “ᒥᔪᐤ ᓂᑐᑕ, ᐊᐅᑯᐤ ᒐ ‍ ᐃᑐᑎᒪᓐ ᒐᒂᓐ ᐅᑕ ᐃᔅᕋᐃᓕᒡ ᒐᔅᒋᔅᒋᑯᒋᔨᑯᑦ ᒥᓯᐛ ᐊᐛᓐ ᐸᑕᒐ ᐅᔭ᙮
\v 12 ᐃᔅᐱ ᐃᔅᐱᔨᒐ ᐅ, ᓂᑭ ‍ ᐊᓏᔨᒪᐅᒡ ᐃᓚᐃ ᑭᔭ ᐊᐸᐃᑯᔅᑲᓇᓯᑦ᙮ ᓂᑭ ‍ ᑐᑐᐛᐅᒡ ᒥᓯᐛ ᒐᒂᔪᐤ ᑲ ‍ ᐃᔅᒋᔄᐅᒡ ᒐ ‍ ᐃᑐᑐᐅᒂᐤ᙮
\v 13 ᓂᒋ ‍ ᐛᐸᑎᔨᑯᔪᐛ ᐅᑯᓴ ᐊᑲ ‍ ᒋᔅᑕᔨᒥᔨᒋ ᐊ ‍ ᐃᑐᑎᒥᔨᒋ ᐊᑲ ‍ ᒥᔽᔨᒡ ᒐᒂᔪᐤ, ᑭᔭ ᐃᓚᐃ ᓇᒪ ᐅᒋ ᐎ ‍ ᓇᓂᑲᓇᐤ᙮ ᐊᑯ ᒂ ‍ ᐎᑎᒧᐅᒄ ᒐ ‍ ᐊᓏᔨᒥᒋ ᐊᐸᐃᑯᔅᑲᓇᓯᑦ ᒧᔅ ᑲᒋᒡ᙮
\v 14 ᓂ ᒋᒋ ᐊᓱᑎᒧᐅᒪᐛ ᐃᓚᐃ ᐊᐸᐃᑯᔅᑲᓇᓯᑦ, ‘ᓇᒪ ᓂᑕ ᒋᑭ ᒋ ᒋᑎᓯᒧᑕᓇᐛᐤ ᑕᓐ ᒐ ‍ᐃᓯ ‍ ᐊᓏᔨᒥᑯᐅᔭᒄ ᑲ ᐃᓯ ‍ ᒥᒋᑐᑎᒪᒄ, ᐊᑎᒃ ᒥᔨᔭᒂ ᒥᑐᔅᑕᐊᒪᒐᐅᓇ ᑭᔭ ᐱᔅᑎᓂᒐᐅᓇ᙮’ ”
\p
\v 15 ᓴᒻᔪᐃᓪ ᒥᓐ ᒂ ‍ ᐱᒥᓯᐧᒄ ᐃᔅᐱ ᐎᔭᐱᓂᔨᒡ᙮ ᐊᑯ ᒂ ‍ ᐅᓂᑦ ᑭᔭ ᒂ ‍ ᐊᓴᓇᑦ ᐊᔭᒥᐊᐅᐱᒍᐎᔭᓂᒋᐛᐱᔪᐤ ᔅᑐᐧᑭᓇ ᒧᔭᒻ ᑲᒋ ‍ ᐃᓯ ‍ ᐃᑐᑕᐧᒃ᙮ ᒋᓴᒋᓱᐤ ᒐᒋ ᐎᑎᒧᐛᑦ ᐃᓚᐃᒋ ᐊᓂᔭ ᐛᐸᑎᔨᐛᐅᓂᔪᐤ ᑲ ‍ ᒥᔨᑯᑦ ᑎᐸᔨᒋᒐᓱᐛ᙮
\v 16 ᒥᒄ ᐃᓚᐃ ᒂ ‍ ᑕᑈᑕᑦ ᑭᔭ ᒂ ‍ ᐃᑕᑦ, “ᓴᒻᔪᐃᓪ, ᓂᑯᔅ !”
\p ᓴᒻᔪᐃᓪ ᒂ ‍ ᓂᔎᐛᓯᐊᑦ, “ᓂᑦ ‍ ᐃᑕᓐ ᐅᑕ !”
\p
\v 17 ᐃᓚᐃ ᒂ ‍ ᑯᒂᒋᒪᑦ, “ᒐᒂᔪᐤ ᑲ ‍ ᐃᑎᔅᒄ ᑎᐸᔨᒋᒐᓱᐤ ? ᐊᑲ ‍ ᑲᑕ ! ᓂᑐᐛᔨᒪᐤ ᒋᓴᒪᓂᑐᐤ ᒐᒋ ᒥᔅᑎ ‍ ᐊᓏᔨᒥᔅᒄ ᐊᑲ ‍ ᒥᓯᐛ ᐎᑎᒧᐎᓇ ᑲ ‍ ᐃᑎᔅᒄ ᒐᒂᓂᔪᐤ᙮”
\v 18 ᐊᑯ ᓴᒻᔪᐃᓪ ᒂ ‍ ᐎᑎᒧᐛᑦ ᒥᓯᐛ ᒐᒂᓂᔪᐤ᙮ ᓇᒪ ᐅᒋ ‍ ᓇᓂᑲᐎᔪᐤ ᒐᒋ ᐎᑎᒧᐛᑦ ᒐᒂᓂᔪᐤ᙮ ᐊᑯ ᒂ ‍ ᐃᔅᒋᔄᑦ ᐃᓚᐃ, “ᑎᐸᔨᒋᒐᓱᐤ ᐊᓐ᙮ ᓂᐱᑯᓴᔨᒪᐤ ᒐᒋ ᐃᑐᑕᐧᒃ ᒐᒂᓂᔪᐤ ᐊ ‍ ᐃᑕᔨᑕᐧᒃ ᒪᔽᔨᒡ᙮”
\p
\v 19 ᐊᑎ ‍ ᐅᐱᒋᑦ ᓴᒻᔪᐃᓪ, ᒋ ‍ ᐎᒋᐃᑯᐤ ᑎᐸᔨᒋᒐᓱᐛ, ᑭᔭ ᒋ ‍ ᐃᑐᑎᒻ ᒥᓯᐛ ᒐᒂᔪᐤ ᒐᒋ ᐃᔅᐱᔨᒡ ᓴᒻᔪᐃᓚ ᑲ ‍ ᐃᔅᒋᔄᔨᒋ ᒐ ‍ ᐃᔅᐱᔨᒡ᙮
\v 20 ᐊᑯ ᒥᓯᐛ ᐃᔅᕋᐃᓪ ᐃᔪᒡ, ᒋᐛᑎᓄᒡ ᐃᑕᒐ ᐊᔅᒋᒡ ᐅᒋ ᐃᔅᐱᔅ ᐊᓐᑕ ᓴᐅᓄᒡ, ᒂ ‍ ᒋᔅᒐᔨᑕᒡ ᑎᐸᔨᒋᒐᓱᐛ ᐅᒋᔅᒋᐛᐃᒐᓯᒥᔨᒋ ᐊᓂᔭ ᓴᒻᔪᐃᓚ᙮
\v 21 ᑎᐸᔨᒋᒐᓱᐤ ᐊᔅᒄ ᒋ ‍ ᓂᑯᓯᔅᑐᐛᐤ ᓴᒥᔪᐊᓪ ᐊᓐᑕ ᓯᓗᔨᒡ ᑭᔭ ᒋ ‍ ᒥᔭᐤ ᐃᔨᒧᐅᓂᔪᐤ᙮
\c 4
\p
\v 1 ᑭᔭ ᓴᒥᔪᐊᓪ ᒋᐎᑎᒧᐛᐤ ᒥᓯᐛ ᐃᔅᕋᐃᓪ ᐃᔪᐛ ᐊᓂᔭ ᐃᔨᒧᐅᓂᔪᐤ ᒋᓴᒪᓂᑐᐛ ᑲ ‍ ᒥᔨᑯᑦ᙮
\s1 ᐱᓕᔅᑎᐊ ᐃᔪᒡ ᑲ ᒪᑯᓇᒡ ᐸᔭᒋ-ᒥᐅᑎᔪᐤ
\p ᐊᑯ ᐃᔅᕋᐃᓪ ᐃᔪᒡ ᓇᑐᐛᐱᒪᒡ ᒐᒋ ᒪᓴᐊᒡ ᐱᓕᔅᑕᐃᓐ ᓂᑐᐱᔪᐅ-ᐃᔪᐛ᙮ ᐃᐸᓇᓯᕐ ᒋ ‍ ᒪᓂᑲᓱᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ, ᐊᑯ ᐱᓕᔅᑕᐃᓐ ᓂᑐᐱᔪᐅ-ᐃᔪᒡ ᐊᐸᒃ ᒋ ‍ ᒪᓂᑲᓱᐅᒡ᙮
\v 2 ᐱᓕᔅᑕᐃᓐ ᓂᑐᐱᔪᐅ-ᐃᔪᒡ ᒋ ‍ ᑯᓯᒂᔨᒧᑐᐛᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᑭᔭ ᒪᒂᒡ ᐊᓇᓂᑎᒪᐱᔨᒡ ᐊ ‍ ᓂᑐᐱᔨᓇᓄᐅᒡ, ᐱᓕᔅᑕᐃᓐ ᐃᔪᒡ ᒋ ‍ ᓴᐧᑯᒋᐊᐅᒡ ᐃᔅᕋᐃᓪ ᐃᔪᐛ ᑭᔭ ᓇᐤ ᒐᓯᐱᔪᐤ (4,000) ᐅᓂᑐᐱᔪᐅ-ᐃᔨᒥᐛ ᒋ ‍ ᓂᐸᔨᒪᐅᒡ᙮
\v 3 ᐃᔅᐱ ᑲ ‍ ᐃᔅᑯᐱᔨᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒂ ‍ ᒋᐛᒡ ᐊᓐᑕ ᑲ ᒪᓂᑲᓱᒡ, ᐃᔅᕋᐃᓪ ᐅᒋᒪᐅᒡ ᒂ ‍ ᐃᔅᒋᔄᒡ, “ᒐᒂᔪᐤ ᐛᒋ ‍ ᓇᐊᔨᒪᑦ ᑎᐸᔨᒋᒐᓱᐤ ᒐᒋ ᓴᐧᑯᒋᔨᑎᑕᐧᑯᐤ ᐊᓄᒡ ᐱᓕᔅᑕᐃᓐ ᓂᑐᐱᔪᐅ-ᐃᔪᒡ ? ᒋᐸ ‍ ᐸᑕᓇᓐ ᐅᑕ ᐸᔭᒋ-ᒥᐅᑦ ᐊᓐᑕ ᑲ ‍ ᐱᒋᑎᓂᔨᒋ ᐸᐃᑯᔪᐤ ᐎᓱᐛᐅᓇ ᓯᓗ ᐅᒋ, ᒐᒋ ᐅᒋ ᐎᒐᐅᑕᐧᒄ ᑎᐸᔨᒋᒐᓱᐤ ᐃᔅᐱ ᒥᓐ ᓇᒋ ‍ ᓂᑐᐱᔨᔭᒂ, ᑭᔭ ᒐ ᐊᑲ ᐅᒋ ᒥᓐ ᓴᐧᑯᒋᐃᑕᐧᑯᒡ ᑲ ‍ ᐱᒂᑎᑕᐧᑯᒡ !”
\p
\v 4 ᐊᑯ ᐊᐅᑯᓐ ᒂ ‍ ᐊᑎᒡ ᓂᑐᐱᔪᐅ-ᐃᔪᒡ᙮ ᒋ ‍ ᐃᑎᓴᐛᐅᒡ ᐱᔅᒐ ᓇᐸᐛᒡ ᐊᓐᑕ ᓯᓗ, ᑭᔭ ᐊᓐᒡ ᓇᐸᐅᒡ ᒋ ‍ ᐸᑕᐅᒡ ᐸᔭᒋ-ᒥᐅᑎᔪᐤ ᑲ ‍ ᐱᒋᑎᓂᔨᒋ ᐸᐃᑯᔪᐤ ᐎᓱᐛᐅᓇ᙮ ᒋ ‍ ᐃᑕᔨᑎᒧᒡ ᐃᔅᐱ ᑐᑕᒄᐛ ᐅᔭ, ᑎᐸᔨᒋᒐᓱᐛ ᒋᐸ ‍ ᐎᒋᐃᑯᐅᒡ᙮ ᒋ ‍ ᑕᑈᑎᒧᒡ ᑎᐸᔨᒋᒐᓱᐛ ᐊ ‍ ᐱᔨᒋ ᐊᓐᑕ ᒋᓴᐅᒋᒪᐅᑕᑎᐳᐛᑭᓂᒡ ᑎᔅᑐᐎᒡ ᐊ ‍ ᑕᔨᒋ ᑲ ‍ ᐅᑎᑎᑯᓂᔨᒋ ᐊᐛᓯᓴ ᐊᓐᑕ ᑕᐧᑯᒡ ᐸᔭᒋ-ᒥᐅᑎᒡ ᑲ ‍ ᒥᔨᑯᒡ ᑎᐸᔨᒋᒐᓱᐛ᙮ ᓂᓱ ᐃᓚᐃ ᐅᑯᓴ, ᐦᐅᐱᓂᔾ ᑭᔭ ᐱᓂᐦᐊᔅ, ᒋ ‍ ᐎᒐᐛᐅᒡ᙮
\p
\v 5 ᐃᔅᐱ ᐃᔅᕋᐃᓪ ᐃᔪᒡ ᐎᔭᐱᒪᒡ ᓇᐸᐛ ᐱᔭᑕᔨᒋ ᐸᔭᒋ-ᒥᐅᑎᔪᐤ ᐊᓐᑕ ᑲ ᒪᓂᑲᓱᒡ, ᒋᒋᐛ ᒋ ‍ ᒥᔽᔨᑎᒧᒡ ᒂ ᐊᑎ ‍ ᒥᔅᑎ ᑕᑈᒡ᙮ ᐊᔅᐱ ᐊᓂᔭ ᐊ ᒥᔅᑎ ᑎᑈᒡ ᓇᔅᒡ ᒋ ‍ ᓂᓇᒥᔅᑲᔪᐤ᙮!
\v 6 ᐱᓕᔅᑕᐃᓐ ᐃᔪᒡ ᒂ ‍ ᑯᒂᒋᒧᒡ, “ᒐᒂᓂᔪᐤ ᐛᒋ ᑕᑈᒡ ᐃᑉᕈᐤ ᐃᔪᒡ ?”
\p ᐊᑯ ᒂ ‍ ᐎᑎᒪᑯᒡ ᐊᐛᔪᐛ ᐊᓂᔭ ᐛᒋ ᑕᑈᒡ ᐛᔅ ᒋ ‍ ᐸᑕᑯᓄᐎᔪᐤ ᒥᐅᑎᔪᐤ ᐊᓐᑕ ᑲ ‍ ᐱᒋᑎᓂᔨᒋ ᐸᐃᑯᔪᐤ ᐎᓱᐛᐅᓇ ᑎᐸᔨᒋᒐᓱᐛ ᑲ ‍ ᐸᑥᑯᒡ᙮
\v 7 ᐊᑯ ᐱᓕᔅᑕᐃᓐ ᐃᔪᒡ ᒋᒋᐛ ᒋᓴᒋᓱᐅᒡ᙮ ᒂ ‍ ᐃᔅᒋᔄᒡ, “ᐸᐃᒄ ᐊᓂᔭ ᐅᒥᓂᑐᒧᐛᐛ ᒋ ‍ ᑎᑯᓯᓂᔪᐛ ᐊᓐᑕ ᑲ ‍ ᒪᓂᑲᓱᒡ ᒐᒋ ᐎᒋᐃᑯᒡ᙮ ᓴᔅ ᒋᒋᐛ ᒋ ‍ ᐅᔅᑕᐱᔨᓇᓄᐤ! ᓇᒪ ᓂᑕ ᐅ ᐅᒋ ‍ ᐃᓯᓇᑯᓐ ᒐᒋ ᐃᔅᐱᔨᐧᒄ!
\v 8 ᐊᐛᓐ ᒋᐸ ᒋ ‍ ᐱᒪᒋᐃᑯᓄᐤ ᑲ ‍ ᓱᐧᑲᑎᓯᔨᒋ ᐅᒥᓂᑐᒧᐛᐛ ᐅᒋ ? ᐊᐅᑯᓐᒡ ᐊᓐᒡ ᒥᓂᑐᐧᑲᓐᒡ ᑲ ‍ ᐃᑎᓴᐊᒧᐛᒡ ᒥᒐᑦ ᐊᐧᑯᐃᑕᔅᐱᓇᐅᓇ ᐊᒺᔭ ᐅᒋ ‍ ᓂᑭᑕᒡ ᐃᒋᑉᑎᔪᐤ ᐃᔅᕋᐃᓪ ᐃᔪᒡ ᑭᔭ ᑲ ‍ ᓴᐳᑐᐛᔅᑲᒡ ᐸᐧᑯᑎᔅᑭᒥᑯᔪᐤ᙮
\v 9 ᒋᔨᐛᐤ ᐱᓕᔅᑕᐃᓐ ᓇᐸᐅᒡ, ᐎ ‍ ᓱᒐᔨᒧᒃ ! ᓇᔅᒡ ᒐ ‍ ᓱᒋᒪᓯᒐᔭᒄ ! ᐊᑲ ‍ ᐃᑐᑎᒪᒂ ᐅ, ᒋᑭ ‍ ᓴᐧᑯᒋᐃᑯᓄᐅᒡ, ᐊᑯ ᑭᔭ ᒐ ᐊᑎ ᐅᑦ ᐊᐱᒋᐊᑭᓂᑕᑕᑯᒡ, ᒧᔭᒻ ᐎᐛᐤ ᐅᔅᑭᒡ ᑲ ᐃᓯ ᐅᑦ ᐊᐱᒋᐊᑭᓄᐛᐧᑯᒡ !”
\p
\v 10 ᐊᑯ ᐱᓕᔅᑕᐃᓐ ᐃᔪᒡ ᒋ ‍ ᐅᔅᑯᐃᐅᒡ ᐊᒪᓯᒐᒡ ᑭᔭ ᒂ ‍ ᓴᐧᑯᒋᐊᒡ ᐃᔅᕋᐃᓪ ᐃᔪᐛ᙮ ᓂᔅᑐᐎᔪᐤ ᒐᓯᐱᔪᐤ ‍ (30,000) ᐃᔅᕋᐃᓪ ᓂᑐᐱᔪᐅ-ᐃᔪᐛ ᒋ ‍ ᓂᐸᐅᒡ, ᑭᔭ ᑯᑎᑭᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒋ ‍ ᒋᑎᓯᒧᒡ ᑭᔭ ᒂ ‍ ᐃᑎᓯᒧᒡ ᐊᓐᑕ ᐅᐱᒍᐎᔭᓂᒋᐛᐱᒧᐛᐛᒡ᙮
\v 11 ᒋ ‍ ᒪᑯᓂᒧᒡ ᐸᔭᒋ-ᒥᐅᑎᔪᐤ ᐱᓕᔅᑕᐃᓐ ᐃᔪᒡ, ᑭᔭ ᒋ ‍ ᓂᐸᐅᒡ ᓂᓱ ᐃᓚᐃᒋ ᐅᑯᓯᔪᐛ, ᐦᐅᑉᓂᐊᔨᒋ ᑭᔭ ᐱᓂᐦᐊᓴ᙮
\s1 ᐃᓚᐃ ᒋ ‍ ᐳᓂᐱᒪᑎᓯᐤ
\p
\v 12 ᐊᓂᔭ ᐸᐃᑯᑕᐤ ᒋᓯᑯᔪᐤ, ᐸᐃᒄ ᓇᐸᐤ ᐱᓐᒋᐱᓐ ᐊ ‍ ᐃᑎᔅᑲᓇᓯᑦ ᒋ ‍ ᐱᑯᐱᑎᒻ ᐅᑦ ᐊᐱᒋᑕᐅᓇ ᑭᔭ ᒋ ‍ ᐛᐱᓂᒻ ᐃᔭᑲᔪᐤ ᐊᓐᑕ ᐅᔅᑎᒂᓂᒡ ᒐᒋ ᐛᐸᑎᔨᐛᑦ ᐊ ‍ ᓂᓇᐧᑲᑕᔨᑕᐧᒃ᙮ ᒋ ‍ ᒋᑎᓯᒧᐤ ᐊᓐᑕ ᓂᑐᐱᔨᓇᓄᔨᒡ ᐅᒋ, ᑭᔭ ᒂ ‍ ᑎᑯᓯᐸᑕᑦ ᐊᓐᑕ ᓯᓗᔨᒡ ᐊᓂᔭ ᑲ ᐊᐱᑕᒋᓯᑲᔨᒡ᙮
\v 13 ᐅᐱᒪᔅᑭᓄᐤ ᒋ ‍ ᐊᓱᐛᐳᐤ ᐃᓚᐃ᙮ ᒋ ᐎ ‍ ᓇᓂᑐᐸᑎᒻ ᐊ ‍ ᓂᑐᐱᔨᓇᓄᔨᒡ, ᑭᔭ ᓇᔅᒡ ᒋ ᐎ ᓇᓂᑐ ‍ ᒋᔅᒐᔨᑎᒻ ᒐ ᐊᑲ ‍ ᐃᔅᐱᔨᒂ ᒐᒂᔪᐤ ᐊᓂᔭ ᒋᓴᒪᓂᑐᐛ ᐅᐸᔭᒋ-ᒥᐅᑎᔪᐤ᙮ ᑲᒋ ‍ ᑎᑯᓯᐧᒃ ᐊᓐ ᐃᔨᒧᓂᔪᐤ ᑲ ‍ ᐱᒧᑕᑦ ᑭᔭ ᒂ ‍ ᐎᑎᒧᐛᑦ ᐃᔪᐛ ᒐᒂᔪᐤ ᑲ ‍ ᐃᔅᐱᔨᒡ, ᒥᓯᐛ ᐊᐛᓐ ᐊᓐᑕ ᐅᑕᓇᒡ ᒋ ‍ ᒪᐅ ᐊᒋᔄᐛᑦ᙮
\p
\v 14 ᐃᓚᐃ ᑲ ‍ ᑯᒂᒋᒪᑦ, “ᒐᒂᔪᐤ ᐊᓂᔭ ᐛᒋ ‍ ᐃᑎᑕᑯᓯᒡ ᐃᔪᒡ ?” ᐃᔨᒧᓂᔪᐤ ᑲ ‍ ᐱᒧᑕᑦ ᒂ ‍ ᓂᑐᐛᐱᒪᑦ ᐃᓚᐃᒋ ᑭᔭ ᒂ ‍ ᐎᑎᒧᐛᑦ ᐃᔨᒧᐅᓂᔪᐤ᙮
\p
\v 15ᐊᓂᔭ ᒪᒂᒡ, ᐃᓚᐃ ᒋ ‍ ᐸᐃᑯᔅᑕᑐᐃᔪᐛᐱᐳᓇᓱᐤ ᐊᓱ ᔭᓇᐤ ‍ (98) ᑭᔭ ᓇᒪ ᐅᒋ ‍ ᐛᐸᑎᒻ᙮
\v 16 ᐃᔨᒧᓂᔪᐤ ᑲ ‍ ᐱᒧᑕᑦ ᒋ ‍ ᐃᑕᐤ ᐃᓚᐃᒋ, “ᓇᔅᒡ ᐊᓄᒡ ᓂ ‍ ᐅᑐᑕᓐ ᐊᓐᑕ ᑲ ‍ ᓂᑐᐱᔨᓇᓄᒡ᙮ ᐎᐱᒡ ᓂᒋ ‍ ᔅᑐᑕᓐ ᐊᓐᑕ ᐅᒋ᙮” ᐃᓚᐃ ᒂ ‍ ᑭᒂᒋᒪᑦ, “ᒐᒂᓐ ᑲ ‍ ᐃᔅᐱᔨᒡ ?”
\p
\v 17 ᒂ ‍ ᐃᑎᑯᑦ, “ᐱᓕᔅᑕᐃᓐ ᐃᔪᒡ ᒋ ‍ ᓴᐧᑯᒋᐊᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮ ᒥᒐᑦ ᒐᓯᐱᔪᐤ ᐃᔅᐱᔅ ᓂᐸᐅᒡ ᒋᓂᑐᐱᔪᐅ-ᐃᔨᒥᓄᐛ, ᑭᔭ ᑯᑎᑭᒡ ᒋ ‍ ᒋᑎᓯᒧᐅᒡ᙮ ᐱᓕᔅᑕᐃᓐ ᐃᔪᒡ ᓂᓱ ᒋ ‍ ᐅᑯᓴ ᒋ ‍ ᓂᐸᐅᒡ, ᐦᐅᑉᓂᔨᒋ ᑭᔭ ᐱᓂᐦᐊᓴ᙮ ᐃᔭᐱᒡ ᐊᓂᔭ ᒋᓴᒪᓂᑐᐛ ᐅᐸᔭᒋ-ᒥᐅᑎᔪᐤ ᒋ ᒪᑯᓂᒧ᙮”
\p
\v 18 ᒋᒋᐛ ᒋ ᒋᓴᔪᐤ ᐃᓚᐃ, ᑭᔭ ᒋᒋᐛ ᒋ ‍ ᐎᒥᓯᐤ; ᑭᔭ ᐃᔅᐱ ᐱᔭᑕᐧᒃ ᑕᓐ ᑲ ‍ ᐃᔅᐱᔨᒡ ᐊᓂᔭ ᐸᔭᒋ ᒥᐅᑎᔪᐤ, ᒋ ᓴᓯᑭᒋᐱᔪᐤ ᐅᑕᑎᐳᐛᑭᓂᒡ ᐅᒋ ᐊᓐᑕ ᐅᐱᒪ ᐅᑕᓇᒡ ᐃᔎᑕᒥᒡ᙮ ᒋ ‍ ᓇᑥᑯᔨᐛᓯᓐ ᑭᔭ ᒂ ‍ ᐳᓂᐱᒪᑎᓯᑦ᙮ ᓇᐎᔪᐛᐱᐳᓇ ‍ (40) ᒋ ᐃᔅᐱᔅ ᓂᑲᓂᔅᑯᐛᐤ ᐃᔅᕋᐃᓪ ᐃᔪᐛ ᐊᒺᔭ ᐅᒋ ᐳᓂᐱᒪᑎᓯᑦ᙮
\p
\v 19 ᐱᓂᐦᐊᔅ ᐎᐛ ᒋ ‍ ᐊᓱᐛᐅᐱᒪᐅᓱᐛ, ᑭᔭ ᓴᔅ ᒐᑲᑦ ᒋ ‍ ᐅᑎᒋᐱᔪᐤ ᒐᒋ ᐛᐱᒪᐅᓱᐅᑦ᙮ ᑲᒋ ‍ ᐸᑕᐧᒃ ᐊ ‍ ᑲᒪᑯᓇᑭᓂᔨᒡ ᒋᓴᒪᓂᑐᐛ ᐅᐸᔭᒋ-ᒥᐅᑎᔪᐤ ᑭᔭ ᐅᓇᐸᒪ ᑭᔭ ᐅᒋᓴᐃᔨᒪ ᐊᒋ ᐳᓂᐱᒪᑎᓯᔨᒋ, ᐊᑯ ᒂ ‍ ᒋᒋᐱᔨᒡ ᓯᔅᒋᑯᒡ ᐊᐧᑯᓯᑦ ᒐᒋ ᐛᐱᒪᐅᓱᑦ᙮ ᒋᔅᑎᑉ ᒋ ‍ ᓄᒂᐤ ᓇᐸᓴ᙮
\v 20 ᐃᔎᐛ ᑲ ᐛᐎᒋᐃᑯᑦ ᒋ ᐎ ‍ ᑐᑕᑯᐤ ᒐᒋ ᒥᔽᑕᐧᒄ ᐊ ‍ ᐃᑎᑯᑦ, “ᓇᐸᔅ ᒋ ‍ ᑲᔅᑎᓇᐤ !” ᒥᒄ ᓇᒪ ᐅᒋ ‍ ᐊᔭᐱᓯᑐᐛᐤ ᒐᒂᔪᐤ ᐊ ‍ ᐃᑎᑯᑦ ᐃᔎᐛ᙮
\p
\v 21 ᐃᑲᐸᑦ ᒋ ‍ ᐃᓯᓂᐧᑲᑕᐤ ᐊᓂᔭ ᓇᐸᓴ, “ᐊ ᐊᑲ ‍ ᒋᔅᑕᔨᑕᒂᒡ”, ᐊ ‍ ᐃᑥᒥᑭᓂᔨᒡ ᐛᔅ ᒋ ‍ ᐃᔅᒋᔄᐤ, “ᓂᑭᑎᑯᐅᒡ ᐃᔅᕋᐃᓪ ᐃᔪᒡ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔪᐤ᙮” ᐊᐅᑯᔪᐤ‍ ᑲ ᐃᔅᒋᔄᑦ ᐛᔅ ᐊᓂᔭ ᑎᐸᔨᒋᒐᓱᐛ ᐅᐸᔭᒋ-ᒥᐅᑎᔪᐤ ᒋᒪᑯᓇᑭᓄᐅᔪᐤ ᑭᔭ ᐛᔅ ᐅᓇᐸᒪ ᑭᔭ ᐅᒋᓴᐃᔨᒪ ᒋ ‍ ᐳᓂᐱᒪᑎᓯᔨᐛ᙮
\v 22 ᒋ ‍ ᐃᔅᒋᔄᐤ, “ᓂᑭᑎᑯᐅᒡ ᐃᔅᕋᐃᓪ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔪᐤ, ᐛᔅ ᒋᓴᒪᓂᑐᐤ ᐅᐸᔭᒋ-ᒥᐅᑎᒻ ᒋ ‍ ᒪᑯᓇᑭᓄᐅᔪᐤ !” ᑭᔭ ᒂ ‍ ᐊᑎ ‍ ᐳᓂᐱᒪᑎᓯᑦ᙮
\c 5
\s1 ᒋᓴᒪᓂᑐᐤ ᐅᔅᑕᐱᔭᐅ ᐱᓕᔅᑎᐊ ᐃᔪᐛ
\p
\v 1 ᐱᓕᔅᑕᐃᓐ ᐃᔪᒡ ᐅᓂᑐᐱᔪᐅ-ᐃᔨᒧᐛᐛ ᑲᒋ ‍ ᒪᑯᓂᒥᔨᒋ ᒋᓴᒪᓂᑐᐛ ᐅᐸᔭᒋ-ᒥᐅᑎᔪᐤ ᐊᓐᑕ ᐃᐸᓇᓯᕐ ᐅᑕᓇᒡ, ᒂ ‍ ᐃᑐᑕᒡ ᐊᓐᑕ ᐊᔅᑐᑦ ᐅᑕᓇᒡ ᐊᓂᔭ ᐸᐃᒄ ᐛᒋ ᒥᓴᔨᒡ ᐅᑕᓇᒧᐛᐤ᙮
\v 2 ᑕᑲᓇ ᐅᒥᓂᑐᒧᐛᐛ ᐅᑦ ᐊᔭᒥᐊᐅᒋᐛᐱᔨᒡ ᒋ ‍ ᐃᑐᑕᐅᒡ, ᐅᐱᒪ ᐃᔨᒐᐛᓇ ᑕᑲᓇ ᐊ ‍ ᑕᔨᒋ ᒋ ‍ ᐊᔅᑕᐛᐅᒡ᙮
\v 3 ᒥᒄ ᐎᐱᒡ ᐎᔭᐱᓂᔨᒡ, ᐃᔅᐱ ᐊᔅᑐᑦ ᐃᔪᒡ ᓂᔭᒋ ᐛᐸᑕᒡ, ᒋ ‍ ᐛᐸᒪᐅᒡ ᐃᔨᒐᐛᓇ ᐊᒋ ‍ ᐅᑕᒥᒧᓂᐸᒋᓯᓂᔨᒂᓂᐃ ᐅᑎᔅᑯᐤ ᑎᐸᔨᒋᒐᓱᐛ ᐅᐸᔭᒋ-ᒥᐅᑎᔪᐤ! ᐊᑯ ᑲᐤ ᒂ ‍ ᒋᒥᔭᒡ ᐃᔨᒐᐛᓇ ᐊᓐᑕ ᑲ ‍ ᒋᒥᓱᔨᒋ᙮
\v 4 ᒥᒄ ᒥᓐ ᐎᔭᐱᓂᔨᒡ, ᒋ ‍ ᐛᐱᒪᐅᒡ ᒥᓐ ᐊᒋ ‍ ᐅᑕᒥᒧᓂᐸᒋᓯᓂᔨᒂᓂᐃ ᐅᑎᔅᑯᐤ ᑎᐸᔨᒋᒐᓱᐛ ᐅᐸᔭᒋ-ᒥᐅᑎᔪᐤ᙮ ᒥᒄ ᐊᓄᒡ, ᐃᔨᒐᐛᓇ ᐅᔅᑎᒂᓂᔪᐤ ᑭᔭ ᐅᑎᒋᔨᐛ ᒋ ‍ ᒥᓂᐱᔨᓯᐱᓂᐃ, ᑭᔭ ᔅᑐᐧᑭᓂᒡ ᐃᑕᒐ ᒋ ‍ᐊᔅᑕᔪᐛ ᒥᒄ ᐊᓂᔭ ᐎᔭᔪᐤ ᓇᒪ ᐅᒋ ᐱᑯᐱᔪᐤ᙮
\v 5 ᐊᓂᔭ ᐅᒋ ᑲᒋ ‍ ᐃᔅᐱᔨᒡ, ᑕᑯᓐ ᐊᔭᒥᐊᐅᒋᒪᐅᒡ ᑭᔭ ᒥᓯᐛ ᐊᐛᓐᒋ ᐸᒐᑥᐎ ᑕᑯᓐ ᐊᔭᒥᐊᐅᒋᐛᐱᔪᐤ ᐊᓐᑕ ᐊᔅᑐᑦ ᓇᒪ ᑕᐧᑯᔅᒐᐅᒡ ᐊᓐᑕ ᐊᔅᑐᐧᑯᓇᑎᑯᒡ ᐊᓐᑕ ᑲ ‍ ᐸᒋᑎᓂᔨᒋ ᑕᑯᓇ ᐅᑎᒋᔨᐛ ᑭᔭ ᐅᔅᑎᒂᓂᔪᐤ᙮
\p
\v 6 ᐊᑯ ᑎᐸᔨᒋᒐᓱᐤ ᐅᓱᐧᑲᑎᓯᐅᓂᒡ ᒂ ‍ ᑐᑐᐛᑦ ᐊᔅᑐᑦ ᐃᔪᐛ ᑭᔭ ᐊᓂᔭ ᐃᔪᐛ ᑲ ‍ ᐎᒋᔨᒋ ᐊᓐᑕ ᒥᒋᒪ ᐃᑕᐅᓂᓴ ᒐᒋ ᐃᔭᔨᒋ ᒋᒋ ‍ ᐊᐧᑯᐃᑕᔅᐱᓇᐅᓇ᙮
\v 7 ᐊᔅᑐᑦ ᐃᔪᒡ ᒋ ‍ ᒋᔅᒐᔨᑎᒧᒡ ᒐᒂᔪᐤ ᐅᔭ ᐛᒋ ‍ ᐃᔅᐱᔨᒡ, ᑭᔭ ᒂ ‍ ᑕᑈᒡ, “ᒋᑦ ᐊᓏᔨᒥᑯᓄᐤ ᐃᔅᕋᐃᓪ ᐃᔪᒡ ᐅᒋᓴᒪᓄᑐᒧᐛᐛ ᑭᔭ ᐃᔭᐱᒡ ᐊᓏᔨᒪᐤ ᐊᓂᔭ ᒋ ‍ ᒥᓂᑐᒥᓄᐛ ᑕᑲᓇ᙮ ᐊᑯ ᓇᒪ ᒋᑭ ‍ ᓇᐊᔨᑕᓇᓄᐤ ᒐᒋ ᑎᒂᓂᔨᒡ ᐅᑕ ᐅᐸᔨᒋ-ᒥᐅᑎᔪᐤ ᐃᔅᕋᐃᓪ ᐃᔪᒡ ᐅᒋᓴᒪᓂᑐᒧᐛᐛ᙮
\v 8 ᒂ ‍ ᐎᓴᒪᒡ ᐊᓂᔭ ᐱᑕᑕᒡ ᒋᓴᐅᒋᒪᐛ ᐱᓕᔅᑎᐊ ᐃᔪᐛ ᑲ ‍ ᐃᔅᑎᑲᓇᓯᔨᒋ, ᑭᔭ ᒂ ‍ ᑯᒂᒋᒪᒡ, “ᑕᓐ ᒋᐸ ‍ ᐃᑐᑕᓇᓄᐤ ᐅᐸᔭᒋ-ᒥᐅᑦ ᐃᔅᕋᐃᓪ ᐃᔪᒡ ᐅᒋᓴᒪᓂᑐᒥᐛᐛ ?”
\p ᒋᓴᐅᒋᒪᐅᒡ ᒂ ‍ ᐃᑕᒡ, “ᑲᑦ ᐅᑕᓇᒡ ᐃᑐᑕᒄ ᐸᔭᒋ-ᒥᐅᑦ᙮” ᐊᑯ ᑲᑦ ᐅᑕᓇᒡ ᒂ ‍ ᐃᑐᑕᒡ᙮
\p
\v 9 ᒥᒄ ᑲᒋ ‍ ᐃᑐᑕᒡ ᐊᓐᑕ ᑲᑦ ᐅᑕᓇᒡ, ᑎᐸᔨᒋᒐᓱᐤ ᐃᔭᐱᒡ ᓱᐧᑲᑎᓯᐅᓂᒡ ᒂ ‍ ᐊᓏᔨᒪᑦ ᐃᔪᐛ ᐊᓐᑕ ᐅᑕᓇᒡ, ᐊᓂᔭ ᐅᒋ ᒥᒐᑦ ᓇᐸᐛ ᐊᓯᒡ ᐅᔅᒋᓂᒋᓱᐛ ᑭᔭ ᒋᓴᐅᔪᐛ, ᒋ ‍ ᐅᒥᒋᔨᐛ ᐅᓯᑲᔨᒡ᙮ ᐊᑯ ᒋᒋᐛ ᒋᓴᒋᓱᐅᒡ ᐃᔪᒡ᙮
\v 10 ᐊᑯ ᐊᓐᑕ ᐊᒃᕋᓐ ᐅᑕᓇᒡ ᒂ ‍ ᐃᑐᑕᒡ ᐸᔭᒋ ‍-ᒥᐅᑎᔪᐤ᙮
\p ᒥᒄ ᐃᔅᐱ ᓇᐸᐅᒡ ᐊᑐᑕᒡ ᐊᓂᔭ ᐸᔭᒋ-ᒥᐅᑐᔪᐤ ᐊᓐᑕ ᐊᒃᕋᓐ ᐅᑕᓇᒡ, ᐃᔪᒡ ᑕᑈᐅᒡ, “ᒐᒂᓐ ᐛᒋ ᐸᑕᔭᒄ ᐃᔅᕋᐃᓪ ᐃᔪᒡ ᐅᒋᓴᒪᓂᑐᒧᐛᐛ ᐅᐸᔭᒋ-ᒥᐅᑎᔪᐤ ᐅᑕ ᓂᐅᑕᓇᒥᓇᒡ ? ᐅ ᐊ ‍ ᐃᑐᑎᒪᒄ ᒋᑭ ‍ ᑐᑐᐅᓇᓐ ᓂᔭᓐ ᑭᔭ ᒥᓯᐛ ᑯᑎᑭᒡ ᓂᒋ ‍ ᐃᔨᒥᓇᓐᒡ ᒐᒋ ᐳᓂᐱᒪᑎᓯᔭᒡ !”
\v 11 ᒋᒋᐛ ᒋᓴᒋᐅᒡ ᐃᔪᒡ ᐛᔅ ᒋ ‍ ᒋᔅᒐᔨᑎᒧᒡ ᒋᓴᒪᓂᑐᐛ ᐊᒋ ᒋᒋᐱᔨᒋ ᒐᒋ ᒥᔅᑎ ‍ ᐊᓏᔨᒥᑯᒡ᙮ ᐊᑯ ᒂ ‍ ᐎᓴᒪᒡ ᒥᓐ ᐊᓂᔭ ᐱᑕᑕᒡ ᐱᓕᔅᑎᐊ ᐃᔪᐛ ᐊ ‍ ᐃᑎᔅᑲᓇᓯᔨᒋ ᒋᓴᐅᒋᒪᐛ, ᑭᔭ ᒂ ‍ ᐃᑕᒡ, ᐃᑐᑕᒄ ᐊᓐ ᐃᔅᕋᐃᓪ ᐃᔪᒡ ᐅᒋᓴᒪᓂᑐᒧᐛᐛ ᐅᐸᔭᒋ-ᒥᐅᑎᔪᐤ ᐊᓐᑕ ᐛᒋ ‍ ᑎᐸᔨᑕᑯᓂᔨᒡ ! ᐊᑲ ‍ ᑎᐛᒡ ᐊᓐ ᐃᑐᑎᒪᒂ, ᒥᓯᐛ ᓂᑭ ‍ ᐳᓂᐱᒪᑎᓯᓇᓐ !”
\v 12 ᐱᔅᒐ ᓴᔅ ᐃᔪᒡ ᐊᓐᑕ ᐊᒃᕋᓐ ᒋ ‍ ᐳᓂᐱᒪᑎᓯᐅᒡ, ᐊᑯ ᑯᑎᑭᒡ ᐃᔪᒡ ᒋ ‍ ᐎᓴᒐᔨᑎᒧᒡ ᐛᔅ ᐊᓂᔭ ᒋ ‍ ᐅᒥᒋᒡ ᐅᓯᑲᐛᒡ᙮ ᐊᑯ ᒥᓯᐛ ᐊᓐᒡ ᒂ ‍ ᑕᑈᑕᒡ ᐅᒥᓂᑐᒧᐛᐛ ᒐᒋ ᐎᒋᐃᑯᒡ᙮
\c 6
\s1 ᑲᐤ ᐃᔅᕋᐃᓕᒡ ᑲ ᒋᐛᑎᓴᔨᑭᓄᐅᒡ ᐸᔭᒋ-ᒥᐅᑦ
\p
\v 1 ᓂᔄᐅᑕᒡ ᐱᓯᒺ ᒋ ‍ ᐃᔅᐱᔅ ‍ ᑭᓄᐛᔨᑎᒧᒡ ᐱᓕᔅᑎᐊ ᐃᔪᒡ ᐊᓂᔭ ᒋᓴᒪᓂᑐᐛ ᐅᐸᔭᒋ-ᒥᐅᑎᔪᐤ ᐅᑦ ᐃᑕᐅᓂᐛᒡ᙮
\v 2 ᒂ ‍ ᐎᓴᒪᒡ ᐊᓂᔭ ᐅᑦ ᐊᔭᒥᐊᐅᒋᒪᒧᐛᐛ ᑭᔭ ᐊᓂᔭ ᑲ ‍ ᒥᑕᐅᐎᔨᒋ ᓇᐸᐛ᙮ ᒂ ‍ ᑯᒂᒋᒪᒡ, “ᑕᓐ ᒐ ‍ ᐃ ᑐᑎᒪᒡ ᐅᑎᐸᔨᒋᒐᓱᐤ ᐅᐸᔭᒋ-ᒥᐅᑦ ? ᐎᑎᒧᐅᓇᓐ ᑕᓐ ᓂᐸ ‍ ᐃᓯ ‍ ᒋᐛᑎᓴᐊᓇᓐ ᓇᑕ ᐛᒋ ‍ ᑎᐸᔨᑕᒂᒡ᙮”
\p
\v 3 ᒂ ‍ ᐃᔅᒋᔄᒡ ᐊᓐᒡ ᓇᐸᐅᒡ, “ᒐ ‍ ᐃᑎᓴᐊᒪᒄ ᐊᓯᒡ ᐱᔅᑎᓂᒐᐅᓐ ᒐᒋ ᐛᐸᑎᔭᒄ ᑎᐸᔨᒋᒐᓱᐤ ᐊᒋ ‍ ᒋᔅᒐᔨᑎᒪᒄ ᐊᑕᒪᔨᑕᑯᓯᔭᒄ ᑲᒋ ‍ ᒪᑯᓂᒪᒄ ᐊᓐ ᒥᐅᑦ, ᒐᒋ ‍ ᐅᒋ ‍ ᓂᑲᐱᔨᒡ ᐊᐧᑯᐃᑕᔅᐱᓇᐅᓐ᙮ ᐃᑐᑎᒪᒂ ᐅ, ᐊᑯ ᑭᔭ ᒥᓏᒋᔨᑯᔭᒂ, ᒋᑭ ‍ ᒋᔅᒐᔨᑕᓇᐛᐤ ᐎᔾ ᑲ ‍ ᐃᑐᑕᒄ ᑎᐸᔨᒋᒐᓱᐤ ᒐᒋ ᐅᑎᑎᑯᐛᒄ ᐊᐧᑯᐃᑕᔅᐱᓇᐅᓂᔪᐤ᙮”
\p
\v 4 ᐱᓕᔅᑕᐃᓐ ᐃᔪᒡ ᒋ ‍ ᑭᒂᒋᒧᐅᒡ, “ᒐᒄ ᐱᔅᑎᓂᒐᐅᓂᔪᐤ ᒐ ‍ ᐃᑎᓴᒧᐅᒋᒡ ?”
\p ᒂ ‍ ᐃᑎᑯᒡ ᐊᓂᔭ ᓇᐸᐛ, “ᒐ ‍ ᐅᓯᐊᑯᒡ ᐱᑕᑕᒡ ᒥᓂᑐᔅ ᐎᔄᐅᓱᓇᔭᐤ ᐅᒋ ᐊᓐᒡ ᐊ ‍ ᐃᓯᓇᑯᓯᒡ ᐊᓐᑕ ᒐᑭᒧᒡ ᒋᓯᑭᐛᐛᒡ ᑭᔭ ᐱᑕᑕᒡ ᒧᔭᒻ ᐊ ‍ ᐃᓯᓇᑯᓯᒡ ᒥᔅᑎᐊᐱᑯᓯᓯᒡ᙮ ᐱᑕᑕᒡ ᑕᑐᐤ ᒐ ‍ ᐅᓯᐊᑯᒡ ᐛᔅ ᐊᐅᑯᓐ ᐊᑕᑎᓯᒡ ᒋᒋᓴᐅᒋᒪᒧᐛᐅᒡ, ᑭᔭ ᐛᔅ ᒋᒋ ‍ ᐅᑎᑎᑯᓇᐛᐤ ᐊᐧᑯᐃᑕᔅᐱᓇᐅᓐ ᑕᐱᔅᑯᓐ ᐃᔪᒡ ᑭᔭ ᒋᒋᓴᐅᒋᒪᒧᐛᐅᒡ᙮
\v 5 ᒐ ‍ ᐅᓯᐊᑯᒡ ᒧᔭᒻ ᐸᐃᑯᑕᐤ ᐊ ‍ ᐃᓯᓇᑯᓯᒡ ᒥᔅᑎᐊᐱᑯᓯᓯᒡ ᑭᔭ ᒥᓂᑐᓯᒡ ᐊᓐᒡ ᐃᔭᔪᐎᑕᒡ ᒋᑦ ᐊᔅᒋᐛᐛᔪᐤ᙮ ᒐ ‍ ᐅᓯᐊᑯᒡ ᒐᒋ ᐅᒋ ᒋᔅᑕᔨᑕᑯᐛᐊᒄ ᐃᔅᕋᐃᓪ ᐃᔪᒡ ᐅᒋᓴᒪᓂᑐᒧᐛᐛ, ᐃᑐᑎᒪᒂ ᐅ, ᒋᑭ ᒋ ‍ ᐃᓯᓇᑯᓐ ᒐ ᐳᓂ ‍ ᐊᓏᔨᒥᑕᒄ ᑭᔭ ᒋᒥᓂᑐᒧᐛᐛ ᑭᔭ ᒋᑦ ᐊᔅᒋᐛᐛᔪᐤ᙮
\v 6 ᒐ ᐊᑲ ‍ ᒥᔅᑯᔅᑎᒂᓇᔭᒄ ᒧᔭᒻ ᑲ ‍ ᐃᑎᒡ ᐃᒋᑉᑦ ᐃᔪᒡ ᑭᔭ ᐅᒋᓴᐅᒋᒪᒧᐛᐛ᙮ ᓇᒪ ᐃᑐᑎᒧᒡ ᒐᒂᔪᐤ ᐊ ‍ ᐃᑎᓱᒥᑯᒡ ᐃᔅᕋᐃᓪ ᐃᔪᐛ ᐅᒋᓴᒪᓂᑐᒥᔨᐛ, ᐊᑯ ᒂ ‍ ᐊᓏᔨᒥᑯᒡ᙮ ᑲᒋ ‍ ᒥᔅᑎ ‍ ᐊᓏᔨᒥᑯᒡ ᐃᔅᕋᐃᓪ ᐃᔪᐛ ᐅᒋᓴᒪᓂᑐᒥᔨᐛ, ᒋ ‍ ᒥᔽᑎᒧᒡ ᒐᒋ ᓇᐊᔨᒪᒡ ᐃᔅᕋᐃᓪ ᐃᔪᐛ ᒐᒋ ᓂᑭᑎᒥᔨᒋ ᐅᑦ ᐊᔅᒋᔨᐛᐤ᙮
\p
\v 7 ᐊᑯ ᒋᑭ ᐎ ‍ ᐅᓯᑕᓇᐛᐤ ᐊᐅᔅᑲᒡ ᐅᑕᐸᓂᔅ ᐊ ᐱᒥᐸᑕᓄᐅᒡ ᒐᒂᓐ᙮ ᐊᑯ ᓂᓱ ᒥᒋᑎᐧᑯᒡ ᒐ ‍ ᐅᑎᓇᑯᒡ ᐊᓐᒡ ᐊᓄᒋᔨᒐ ᑲᒋ ‍ ᐛᐱᒪᐅᓱᒡ᙮ ᐊᓐᒡ ᐊᑲ ‍ ᓂᑕ ‍ ᐅᒋ ‍ ᒪᑯᐱᑕᑭᓄᐅᒡ ᐊᓐᑕ ᐅᑕᐸᓂᓯᒡ᙮ ᒐ ‍ ᒪᑯᐱᑕᑯᒡ ᐊᓐᑕ ᐊᐅᔅᑲᔨᒡ ᐅᑕᐸᓂᓯᒡ ᑭᔭ ᒐ ‍ ᐅᑎᓇᑯᒡ ᐊᓐᒡ ᒥᒋᑎᐧᑯᓯᒡ ᐅᑲᐅᐛᐛ ᐅᒋ᙮
\v 8 ᒐ ᐊᔅᑕᔭᒄ ᐃᔅᕋᐃᓪ ᐃᔪᒡ ᐅᒋᓴᒪᓂᑐᒧᐛᐛ ᐅᐸᔭᒋ-ᒥᐅᑎᔪᐤ ᐊᓐᑕ ᐅᑕᐸᓂᓯᒡ᙮ ᐃᔭᐱᒡ ᐊᓐᑕ ᒐ ‍ ᐊᔅᑕᔭᒄ ᐅᑕᐸᓂᓯᒡ ᐊᓐᒡ ᑲ ‍ ᐅᓯᐊᑭᒡ ᐱᑕᑕᒡ ᒥᓂᑐᔅ ᐎᔄᐅᓱᓇᔭᐤ ᐅᒋ ᐊᓐᒡ ᐊ ‍ ᐃᓯᓇᑯᓯᒡ ᐊᓐᑕ ᒐᑭᒧᒡ ᒋᓯᑭᐛᐛᒡ ᑭᔭ ᐱᑕᑕᒡ ᒧᔭᒻ ᐊ ‍ ᐃᓯᓇᑯᓯᒡ ᒥᔅᑎᐊᐱᑯᓯᓯᒡ᙮ ᒐ ‍ ᐱᑕᐛᑯᒡ ᐊᓐᑕ ᒥᐅᑎᓯᒡ ᐅᐱᒪ ᐊᓐᑕ ᐸᔭᒋ-ᒥᐅᑎᒡ ᐊᔅᑕᔭᒄ᙮ ᐊᐅᑯ ᐱᔅᑎᓂᒐᐅᓐ ᒐᒋ ᐛᐸᑎᔨᐛᔭᒄ ᐊᓂᑐᐛᔨᑕᑯᓯᔭᒄ ᒐᒋ ᐊᓏᔨᒥᑯᐅᔭᒄ ᑲᒋ ‍ ᒪᑯᓂᒪᒄ ᐊᓐ ᐸᔭᒋ-ᒥᐅᑦ, ᐊᑯ ᒐᒋᑎᓴᐛᑯᒡ ᐊᓐᒡ ᒥᒋᑎᐧᑯᒡ, ᐊᐅᑕᐸᒡ ᐊᓂᔭ ᐅᑕᐸᓂᓯᔪᐤ᙮
\v 9 ᒐ ‍ ᑭᓄᐛᐱᒪᑯᒡ ᐊᓐ ᒥᒋᑎᐧᑯᒡ ᒪᒂᒡ ᐊ ‍ ᐅᑕᐸᒡ ᐊᓂᔭ ᐅᑕᐸᓂᓯᔪᐤ᙮ ᐸᑦ-ᓴᒪᔅ ᐅᑕᓇᔪᐤ ᐊᓐᑕ ᐃᔅᕋᐃᓕᒡ ᐃᔅᑕᐸᑥᐛ, ᐊᑯ ᒐ ‍ ᒋᔅᒐᔨᑎᒪᐧᒃ ᐎᔨᐛᐤ ᐊᓂᔭ ᐃᔅᕋᐃᓪ ᐃᔪᒡ ᐅᒋᓴᒪᓂᑐᒧᐛᐛ ᑲ ‍ ᑐᑕᑎᔨᑕᐧᑯᐤ ᒐᒋ ᐅᑎᑎᑯᐛᐧᒄ ᐅᔭ ᐊᐧᑯᐃᑕᔅᐱᓇᐅᓂᔪᐤ᙮ ᒥᒄ ᐊᑲ ‍ ᐃᑐᑕᑥᐛ ᐊᓐᑕ, ᒋᑭ ‍ ᒋᔅᒐᔨᑕᓄᐤ ᓇᒪᔭᔪᐛ ᐊᓂᔭ ᐃᔅᕋᐃᓪ ᐃᔪᒡ ᐅᒋᓴᒪᓄᑐᒧᐛᐛ ᑲ ‍ ᐊᓏᔨᒥᑎᔨᑕᐧᑯᐤ᙮ ᒋᑭ ‍ ᒋᔅᒐᔨᑕᓄᐤ ᒥᒄ ᒋᔭᒻ ᐊᓐ ᑲ ᐃᔅᐱᔨᒡ᙮”
\p
\v 10 ᐊᑯ ᒋ ‍ ᐃᑐᑎᒧᒡ ᐃᔪᒡ ᒐᒂᔪᐤ ᑲ ‍ ᐃᑎᑯᒡ ᒐᒋ ᑐᑕᒡ ᐊᔭᒥᐊᐅᒋᒪᐛ ᑭᔭ ᐊᓂᔭ ᓇᐸᐛ ᑲ ‍ ᒥᑕᐅᐎᒋ᙮ ᒋ ‍ ᐅᓯᑕᐅᒡ ᐅᑕᐸᓂᓯᔪᐤ ᑭᔭ ᒂ ‍ ᒪᑯᐱᑕᒡ ᐊᓐᑕ ᓂᓱ ᒥᒋᑎᒂ᙮ ᒋ ‍ ᐅᑎᓇᐅᒡ ᐊᓂᔭ ᒥᒋᑎᐧᑯᓴ ᐅᑲᐎᔪᐛ ᐅᒋ᙮
\v 11 ᒋ ‍ ᐊᔅᑕᐅᒡ ᑎᐸᔨᒋᒐᓱᐛ ᐅᐸᔭᒋ-ᒥᐅᑎᔪᐤ ᐊᓐᑕ ᐅᑕᐸᓂᓯᒡ ᑭᔭ ᒥᐅᑎᔪᐤ ᐊᓯᒡ ᐊᓂᔭ ᑲ ‍ ᐅᓯᐊᒡ ᒥᓂᑐᓴ ᑭᔭ ᒥᔅᑎᐊᐱᑯᓯᓴ ᑲ ‍ ᐎᓱᐛᓱᓇᔭᐎᔨᒋ᙮
\v 12 ᐊᑯ ᒂ ‍ᐊᑎ ‍ ᐱᒧᑕᒡ ᒥᒋᑎᐧᑯᒡ, ᑭᔭ ᑯᐃᔅᒄ ᐸᑦ-ᓴᒪᔅ ᐅᑕᓇᒡ ᒂ ‍ ᐃᑐᑕᒡ᙮ ᒪᔅᑭᓇᒡ ᐊᓐᑕ ᒋ ᐊᑎ ‍ ᐱᒧᐊᒡ, ᑭᔭ ᓇᓂᑎᒻ ᒋ ‍ ᐸᑕᑯᓱᐅᒡ᙮ ᓇᒪ ᐅᒋ ‍ ᐃᑐᑕᐅᒡ ᐊᓐᑕ ᒥᔪᓂᒡ ᑭᔭ ᒪᒃ ᓂᔅᐸᒋᔪᓂᒡ᙮ ᐊᓐᒡ ᐱᓕᔅᑎᐊ ᐊᔅᒋᒡ ᐱᑕᑕᒡ ᒋᓴᐅᒋᒪᐅᒡ ᒋ ‍ ᓇᓴᐛᐅᒡ ᒥᒋᑎᒂ ᐸᑐᔅ ᑲ ‍ ᐅᑎᑎᒥᔨᒋ ᐊᓐᑕ ᒋᒡ ᐸᑦ-ᓴᒪᔅ ᐅᑕᓇᒡ᙮
\p
\v 13 ᒪᒂᒡ ᐊᓂᔭ, ᐸᑦ-ᓴᒪᔅ ᐃᔪᒡ ᒋ ‍ ᒪᒧᓴᒋᓂᒧᒡ ᐸᒂᓯᓂᒥᓇ ᐊᓐᑕ ᐊ ‍ ᐱᓴᔨᒡ ᐎᐎᑎᒥᒡ ᐅᑕᓇᒡ᙮ ᐃᔅᐱ ᒥᒋᑎᑯᒡ ᑲ ᐸᒋ ‍ ᐱᒧᑕᒡ ᒪᔅᑭᓇᒡ, ᒋ ᐅᐱᓴᐳᐅᒡ ᑭᔭ ᒂ ‍ ᐛᐸᑕᒡ ᐸᔭᒋ-ᒥᐅᑎᔪᐤ᙮ ᒋᒋᐛ ᒋᒧᒋᒐᔨᑎᒧᒡ ᐎᔭᐸᑕᒡ᙮
\v 14-15 ᒐᓱᐛ ᐊᓯᓂᐧᑲᓱᔨᒋ ᓇᐸᐛ ᐅᓂᑕᐅᒋᑕᑭᔨᒡ ᒋ ᐃᓯ ‍ ᐱᑕᑕᐸᐅᒡ ᐊᓂᔭ ᐅᑕᐸᓂᓯᔪᐤ ᐊᓐᒡ ᒥᒋᑎᑯᒡ, ᑭᔭ ᐅᐱᒪ ᐊᒥᓴᔨᒡ ᐊᓯᓂᔪᐤ ᒋ ᓂᑲᐱᔪᐅᒡ᙮ ᐱᔅᒐ ᓇᐸᐅᒡ ᓕᐸᔾ ᐃᔪᐛ ᐊ ‍ ᐃᑎᔅᑲᓇᓯᒡ ᒋ ‍ ᐅᑎᓂᒧᒡ ᐊᓂᔭ ᐸᔭᒋ-ᒥᐅᑎᔪᐤ ᑭᔭ ᐊᓂᔭ ᒥᐅᑎᔪᐤ ᐸᒋᓯᓂᔨᒋ ᑲ ‍ ᐅᓯᐊᒡ ᐱᑕᑕᒡ ᑲ ‍ ᐎᓱᐛᐅᓱᓇᔭᔨ ᒥᓂᑐᓴ ᑭᔭ ᐱᑕᑕᒡ ᒥᔅᑎᐊᐱᑯᓯᓴ, ᑭᔭ ᒂ ‍ ᑕᐧᑯᓴᔭᒡ ᐊᓐᑕ ᐊ ‍ ᒥᓴᔨᒡ ᐊᓯᓂᒡ᙮ ᐊᑯ ᐃᔪᒡ ᒂ ‍ ᐱᒂᐊᒡ ᐅᑕᐸᓂᓯᔪᐤ ᑭᔭ ᒂ ‍ ᑯᑐᐛᒐᒡ ᒥᔅᑎᒂ ᐅᑕᐸᓂᓯᔪᐤ ᑲ ᐅᒋ ‍ ᐛᓯᑕᑭᓄᐎᔨᒡ᙮ ᒂ ‍ ᓂᐸᐊᒡ ᒥᒋᑎᒂ ᑭᔭ ᒂ ‍ ᐃᔎᓯᒺᒡ ᐎᔭᔪᐤ ᐃᔅᑯᑕᒡ ᒥᑐᔅᑕᐊᒧᐛᒡ ᑎᐸᔨᒋᒐᓱᐛ ᒥᓯᐛ ᒐᒋ ᒪᔅᑎᐧᑲᑕᔨᒋ᙮ ᐊᓂᔭ ᒋᓯᑯᔪᐤ ᐸᑦ-ᓴᒪᔅ ᐃᔪᒡ ᒥᒐᑦ ᒋ ‍ᐱᔅᑎᓂᒐᐅᓇ ᐊ ᒥᑐᔅᑕᐊᒧᐛᒡ ᑎᐸᔨᒋᒐᓱᐛ ᒪᔅᑎᐧᑲᑕᔨᒋ ᑭᔭ ᑯᑎᒂ ᐱᔅᑎᓂᒐᐅᓇ᙮
\v 16 ᐱᑕᑕᒡ ᐱᓕᔅᑎᐊ ᒋᓴᐅᒋᒪᐅᒡ ᒋ ‍ ᑭᓄᐛᐸᑎᒧᒡ ᒥᓯᐛ ᐅᔭ, ᑭᔭ ᑲᐤ ᐊᒃᕋᓐ ᒂ ‍ ᒋᐛᒡ, ᐊᓂᔭ ᐸᐃᑯᑕᐤ ᒋᓯᑯᔪᐤ᙮
\p
\v 17 ᐱᑕᑕᒡ ᐎᔄᐅᓱᓇᒡ ᐊ ‍ ᐃᓯᓇᑯᓯᔨᒋ ᒥᓂᑐᓴ ᑲ ‍ ᐃᑎᓴᐛᒡ ᒐᒋ ᐱᔅᑎᓂᒧᐛᑭᓂᔨᒋ ᑎᐸᔨᒋᒐᓱᐛ ᒐᒋ ᐛᐸᑎᔨᐛᒡ ᐊᒋ ‍ ᒋᔅᒐᔨᑕᒡ ᐊ ‍ᓂᑐᐛᔨᑕᑯᓂᔨᒡ ᒐᒋ ᐊᓏᔨᒪᑭᓄᐅᒡ, ᐊᑎᒥᔅᑲᒐᒡ ᐱᑕᑕᒡ ᒋᓴᐅᒋᒪᐅᒡ, ᐊᓐᒡ ᑲ ‍ ᑎᐸᔨᒋᒐᒡ ᐊᓐᑕ ᐊᔅᑐᑦ, ᑭᔭ ᑲᓴ, ᑭᔭ ᐊᔅᑭᓗᓐ, ᑭᔭ ᑲᑦ, ᑭᔭ ᐊᒃᕋᓐ ᐅᑕᓇᐛ᙮
\v 18 ᐃᔪᒡ ᐊᓐᑕ ᐱᑕᑕᒡ ᐅᑕᓇᐛ ᑭᔭ ᐛᔅᑲ ᑲ ᐃᑎᑯᓂᔨᒋ ᐅᑕᓇᐛ ᒋ ‍ ᒥᔨᐛᐅᒡ ᐊᓂᔭ ᐱᑕᑕᒡ ᐎᔄᐅᓱᓇᔭᐤ ᐊ ‍ ᐃᓯᓇᑯᓯᔨᒋ ᒥᑎᐊᐱᑯᓯᓴ᙮ ᑲ ᒥᓴᒡ ᐊᓯᓂ ᐊᓐᑕ ᐸᑦ-ᓴᒪᔅ, ᐊᓐᑕ ᑲ ‍ ᑕᐧᑯᑎᔅᑕᒡ ᐸᔭᒋ-ᒥᐅᑎᔪᐤ ᓕᐸᐃ ᐊ ‍ ᐃᑎᔅᑲᓇᓯᒡ ᐃᔪᒡ, ᐊᔅᒄ ᐊᓐᑕ ᑎᑯᓐ ᐊᓐᑕ ᒐᓱᐛ ᐅᓂᑕᐅᒋᑕᑭᓂᒡ᙮ ᐃᔅᐱ ᐎᔭᐸᑕᑥᐎ ᐃᔪᒡ, ᒂ ‍ ᒋᔅᒋᒡ ᒐᒂᔪᐤ ᑲ ‍ ᐃᔅᐱᔨᒡ ᐊᓐᑕ᙮
\p
\v 19 ᒥᒄ ᓂᔄᐅᑕᒡ ᑕᑐᔪᐤ ᓇᐸᐅᒡ ᒋ ‍ ᒋᑕᐸᑎᒧᒡ ᐊᓐᑕ ᐱᑎᑭᒥᒡ ᑎᐸᔨᒋᒐᓱᐛ ᑲ ‍ ᐸᔭᒋ-ᒥᐅᑎᔨᒡ, ᑭᔭ ᐛᔅ ᐊᓂᔭ ᑲ ‍ ᑐᑕᒡ, ᑎᐸᔨᒋᒐᓱᐛ ᒋ ‍ ᑐᑕᑯᐅᒡ ᒐᒋ ᐳᓂᐱᒪᑎᓯᒡ᙮ ᐊᑯ ᐊᓐᒡ ᐃᔪᒡ ᒋᒋᐛ ᒋ ‍ ᓇᐧᑲᑕᔨᑎᒧᒡ ᐛᔅ ᐊᓂᔭ ᐊ ᐃᓯ ‍ ᐊᓏᔨᒪᑦ ᑎᐸᔨᒋᒐᓱᐤ᙮
\v 20 ᒋ ‍ ᐃᔅᒋᔄᐅᒡ ᒪᒃ, “ᓇᒪ ᐊᐛᓐ ᒋᑭ ᒋ ‍ ᓂᐳᐛᐤ ᓂᑲᓐ ᐊ ‍ ᐃᑕᔨᒋ ᑎᐸᔨᒋᒐᓱᐛ, ᑲ ‍ ᐸᔭᒋᓯᔨᒋ ᒋᒋᓴᒪᓂᑐᒥᓄᐛ ᑭᔭ ᐊᔅᒄ ᒐᒋ ᐱᒪᑎᓯᑦ, ᑕᓐᑕ ᒋᐸ ᐃᑎᓴᐊᓇᓐ ᐸᔭᒋ-ᒥᐅᑦ ?”
\p
\v 21 ᒋ ‍ ᐃᑎᓴᐛᑭᓄᐅᒡ ᑲ ‍ ᐱᒧᑕᒡ ᐃᔨᒧᓂᔪᐤ ᐊᓐᑕ ᐃᔪᐛ ᐊ ‍ ᑕᔨᒋ ᑭᕆᐊᑦ-ᒋᐊᕆᒻ ᐅᑕᓇᒡ ᒐᒋ ᐎᑎᒧᐛᒡ, ᑲᐤ ᓂᒋ ‍ ᐸᑎᓴᐊᒪᑯᓇᓐᒡ ᐱᓕᔅᑕᐃᓐ ᐃᔪᒡ ᑎᐸᔨᒋᒐᓱᐛ ᐅᐸᔭᒋ-ᒥᐅᑎᔪᐤ ! ᐸᑐᑕᒄ ᑭᔭ ᒐ ‍ ᔅᑐᑕᔭᒄ !
\c 7
 \
\p
\v 1 ᑲᒋ ‍ ᐸᑕᒡ ᑭᕆᐊᑦ-ᒋᐊᕆᒻ ᐃᔪᒡ ᐃᔨᒧᓂᔪᐤ, ᐸᑦ-ᓴᒪᔅ ᒋ ‍ ᑎᑯᓯᓄᐅᒡ ᑭᔭ ᒂ ‍ ᐅᑎᓇᒡ ᐊᓂᔭ ᑎᐸᔨᒋᒐᓱᐛ ᐅᐸᔭᒋ-ᒥᐅᑎᔪᐤ᙮ ᐊᐱᓇᑕᐸ ᐎᒋᔨᒡ ᒋ ‍ ᐃᑐᑕᐛᐅᒡ, ᐊᓐᑕ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᒡ ᐃᑕᒐ᙮ ᐊᐱᓇᑕᐸ ᐅᑯᓯᔨᐛ ᐃᓕᐊᓴᕋ ᒋ ‍ ᐅᑎᓇᒡ ᒐᒋ ᓇᑭᑐᐛᔨᑎᒥᔨᒋ ᒥᐅᑎᔪᐤ᙮
\p
\v 2 ᓇᐅᔅ ᒋ ‍ ᑎᑯᓐ ᐊᓐ ᒥᐅᑦ ᐊᓐᑕ ᑭᕆᐊᑦ-ᒋᐊᕆᒻ᙮ ᒪᒧᐤ ᓂᓱᔪᐛᐱᐳᓇ ᐃᔅᐱᔅ᙮ ᒪᒂᒡ ᐊᓂᔭ ᒥᓯᐛ ᐃᔪᒡ ᒋ ‍ ᓂᓇᐧᑲᑕᔨᑎᒧᒡ ᐛᔅ ᒧᔭᒻ ᐊᒋ ‍ ᓂᑭᑎᑯᒡ ᑎᐸᔨᒋᒐᓱᐛ ᒋ ‍ ᐃᑕᔨᑕᑯᓂᔪᐤ ᑭᔭ ᒂ ‍ ᑭᒂᒋᒪᒡ ᑎᐸᔨᒋᒐᓱᐛ ᒐᒋ ᐎᒋᔨᑯᒡ᙮
\s1 ᑎᐸᔨᒋᒐᓱᐤ ᒋ ‍ ᐱᐧᑯᐛᐤ ᐃᔅᕋᐃᓪ ᐃᔪᐛ
\p
\v 3 ᐊᑯ ᓴᒻᔪᐃᓚ ᒂ ‍ ᐃᑕᑦ ᒥᓯᐛ ᐃᔅᕋᐃᓪ ᐃᔪᐛ, “ᑕᑈ ᓇᔅᒡ ᐊ ᐎ ‍ ᐃᑕᔨᑕᑯᓯᐛᒂ ᒧᔭᒻ ᑎᐸᔨᒋᒐᓱᐤ ᐅᑦ ᐃᔨᒪ ᒋᐸ ‍ ᐃᑕᔨᑕᑯᓯᔨᐛ, ᒋᑭ ᐎ ‍ ᐛᐱᓇᐛᐅᒡ ᐊᓐᒡ ᒋᑦ ‍ ᐃᔨᒐᐛᓂᒧᐛᐅᒡ ᐊᔅᑕᕐᑦ ᑭᔭ ᑯᑎᑭᒡ ᒪᓐᑕᐤ ᐃᔨᒐᐛᓐᒡ᙮ ᒋᑭ ᐎ ‍ ᐎᔭᔨᑕᓇᐛᐤ ᒥᒄ ᑎᐸᔨᒋᒐᓱᐤ ᒐᒋ ᐊᔭᒥᐊᐅᔅᑐᐛᒄ᙮ ᑐᑎᒪᒂ ᐅ, ᒋᑭ ‍ ᐎᐧᑯᒋᔨᑯᐛᐤ ᐱᓕᔅᑕᐃᓐ ᐃᔪᐛ ᐅᓱᐧᑲᑎᓯᐅᓂᔪᐤ ᐅᒋ᙮”
\v 4 ᐊᑯ ᐃᔅᕋᐃᓪ ᐃᔪᒡ ᒂ ‍ ᐛᐱᓇᒡ ᒥᓯᐛ ᐊᓂᔭ ᐃᔨᒐᐛᓇ ᐸᐊᓪ ᑭᔭ ᐊᔅᑕᕐᑦ, ᑭᔭ ᒥᒄ ᑎᐸᔨᒋᒐᓱᐛ ᒋ ‍ ᐊᔭᒥᐊᔅᑐᐛᒡ᙮
\p
\v 5 ᐊᑯ ᓴᒻᔪᐃᓪ ᒂ ‍ ᐎᑎᒧᐛᑦ, “ᒥᓯᐛ ᒋᔨᐛᐤ ᐃᔅᕋᐃᓪ ᐃᔪᒡ ᒋᑭ ᐎ ‍ ᒪᒧᐎᓇᐛᐤ ᐊᓯᒡ ᓂᔾ ᐊᓐᑕ ᒥᔅᐸ᙮ ᐊᑯ ᒐ ‍ ᓂᑐᑎᒧᐅᒄ ᑎᐸᔨᒋᒐᓱᐤ ᒋᔨᐛᐤ ᐅᒋ᙮”
\v 6 ᐊᑯ ᒂ ‍ ᒪᒧᐎᒡ ᐊᓐᑕ ᒥᔅᐸ, ᐊᑯᑕ ᐊᓐᑕ ᐊᓂᔭ ᐅᑕᓇᔪᐤ ᓴᒻᔪᐃᓪ ᑲ ‍ ᓂᑲᓂᔅᑯᐛᑦ ᐃᔅᕋᐃᓪ ᐃᔪᐛ᙮ ᒋ ‍ ᒥᔅᑎ ᒥᑯᓴᓄᐤ ᐊᓐᑕ᙮ ᒋ ‍ ᒂᐸᐊᒧᒡ ᓂᐱᔪᐤ ᐅᑕᔨᐸᓂᒡ ᐅᒋ, ᑭᔭ ᒂ ‍ ᑯᑎᐱᓇᒡ ᓂᐱᔪᐤ ᐊᓐᑕ ᒧᔅᑎᔅᑭᒥᒡ ᒪᒂᒡ ᐊᑭᓄᐛᐱᒥᑯᒡ ᑎᐸᔨᒋᒐᓱᐛ᙮ ᒐᒋ ᐛᐸᑎᔨᐛᒡ ᐊ ‍ ᒥᑕᒋᔨᐛᓯᒡ ᑲᒋ ‍ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᓇᒪ ᐅᒋ ‍ ᒥᒋᐅᒡ ᒥᒋᒥᔪᐤ ᐊᓂᔭ ᒋᓯᑯᔪᐤ, ᑭᔭ ᒋ ‍ ᐎᑎᒧᒡ ᑲᒋ ‍ ᒥᒋᑐᑎᐛᒡ ᑎᐸᔨᒋᒐᓱᐛ᙮
\p
\v 7 ᐃᔅᐱ ‍ ᐱᔭᑕᒡ ᐱᓕᔅᑕᐃᓐ ᒋᓴᐅᒋᒪᐅᒡ ᐊᓂᔭ ᑲᒋ ‍ ᒪᒧᐎᔨᒋ ᐃᔅᕋᐃᓪ ᐃᔪᐛ ᐊᓐᑕ ᒥᔅᐸ, ᒋ ‍ ᐃᑐᑕᐅᒡ ᐅᓂᑐᐱᔪᐅ-ᐃᔨᒧᐛᐛ ᐊᓐᑕ ᒐᒋ ᑯᓯᑯᐛᔨᒧᑐᐛᒡ ᐃᔅᕋᐃᓪ ᐃᔪᐛ᙮ ᐃᔅᐱ ᒐᔅᒐᔨᑕᒡ ᐃᔅᕋᐃᓪ ᐃᔪ ᐱᔭᑐᑕᔨᒋ ᐱᓕᔅᑕᐃᓐ ᓂᑐᐱᔪᐅ-ᐃᔪᐛ, ᒂ ‍ ᓴᒋᓯᒡ᙮
\v 8 ᒂ ᐃᑕᒡ ᓴᒻᔪᐃᓚ, “ᓂᑐᑎᒪᔅᑐᐤ ᑎᐸᔨᒋᒐᓱᐤ ᒐᒋ ᐎᐧᑯᒋᔨᑕᐧᒄ ᐱᓕᔅᑕᐃᓐ ᓂᑐᐱᔪᐅ-ᐃᔪᐛ ᐅᒋ, ᑭᔭ ᒐ ᐊᑲ ‍ ᓂᑲᐎᔨᓐ ᐊ ‍ ᐱᑯᓴᔨᒥᑦ !”
\v 9 ᐊᑯ ᓴᒻᔪᐃᓪ ᒂ ‍ ᐅᑎᓇᑦ ᐊᐛᓯᐅᐎᔨᒋ ᒪᔭᑕᓂᓴ ᑭᔭ ᒂ ‍ ᓂᐸᐊᑦ ᑭᔭ ᒂ ‍ ᐱᔅᑎᓂᒧᐛᑦ ᑎᐸᔨᒋᒐᓱᐛ ᒐᒋ ᒥᑐᔅᑕᐊᒪᒐᓄᔨᒡ ᐊ ‍ ᒪᔅᑎᐧᑭᓱᔨᒋ ᐊᓐᑕ ᐱᔅᑎᓂᒐᐅᓇᐱᔅᑯᒡ᙮ ᒂ ‍ ᓂᑐᑎᒪᑦ ᑭᔭ ᐸᑯᓴᔨᒪᑦ ᑎᐸᔨᒋᒐᓱᐛ ᒐᒋ ᐎᒋᐊᔨᒋ ᐃᔅᕋᐃᓪ ᐃᔪᐛ, ᑭᔭ ᑎᐸᔨᒋᒐᓱᐤ ᒋ ‍ ᐎᒋᐊᐤ᙮
\p
\v 10 ᒪᒂᒡ ᓴᒻᔪᐃᓪ ᐊᔎᓴᐧᒃ ᐱᔅᑎᓂᒐᐅᓂᔪᐤ, ᒂ ‍ ᐸᓱᓇᑯᓯᔨᒋ ᐱᓕᔅᑕᐃᓐ ᓂᑐᐱᔪᐅ-ᐃᔪᐛ ᒐᒋ ᑯᓯᑯᐛᔨᒧᑐᐛᒡ ᐃᔅᕋᐃᓪ ᐃᔪᐛ᙮ ᒥᒄ ᑎᐸᔨᒋᒐᓱᐤ ᒂ ‍ ᐃᑐᑕᐧᒃ ᒐᒋ ᐸᑕᑯᓯᔨᒋ ᓂᒥᔅᒍᐛ ᓇᔅᒡ ᐊ ‍ ᒋᓴᐛᔨᒋ᙮ ᒋᒋᐛ ᒋ ‍ ᓴᒋᓱᐅᒡ ᐱᓕᔅᑕᐃᓐ ᓂᑐᐱᔪᐅ-ᐃᔪᒡ ᑭᔭ ᒂ ‍ ᐊᑲ ‍ ᒋᔅᒐᔨᑕᒡ ᒐᒂᔪᐤ ᒋᐸ ᐃᑐᑎᒧᒡ᙮ ᐊᑯ ᐃᔅᕋᐃᓪ ᐃᔪᒡ ᒂᒋ ‍ ᓴᐧᑯᒋᐅᒡ᙮
\v 11 ᐃᔅᕋᐃᓪ ᐃᔪᒡ ᒋ ‍ ᐎᐎᐸᔨᑐᐅᒡ ᒥᔅᐸᔨᒡ ᑭᔭ ᒂ ‍ ᓇᓴᐛᒡ ᐱᓕᔅᑕᐃᓐ ᓂᑐᐱᔪᐅ-ᐃᔪᐛ ᐃᔅᐱᔅ ᒐᑲᑦ ᐸᑦ-ᑲᕐ ᐅᑕᓇᒡ, ᑭᔭ ᒥᒐᑦ ᒂ ‍ ᓂᐸᐊᒡ ᐱᓕᔅᑕᐃᓐ ᓂᑐᐱᔪᐅ-ᐃᔪᐛ ᒪᒂᒡ ᐅᑎ ᐎ ‍ ‍ ᒋᑎᓯᒧᐎ᙮
\p
\v 12 ᑲᒋ ‍ ᐃᔅᐱᔨᒡ ᐊᓐ, ᓴᒻᔪᐃᓪ ᒋ ‍ ᐅᑎᓂᒻ ᐊ ‍ ᒥᓴᔨᒡ ᐊᓯᓂᔪᐤ ᑭᔭ ᐊᔅᑕᑦ ᐊᓐᑕ ᑎᔅᑐᐎᒡ ᒥᔅᐸ ᑭᔭ ᒐᓴᓇ ᐅᑕᓇᐛ᙮ ‘ᐊᐱᓂᓴᕐ’ ᒂ ‍ ᐃᓯᓂᐧᑲᑕᐧᒃ ᐊᓂᔭ ᐊᓯᓂᔪᐤ ‘ᐎᒋᔨᐛᐅᓐ ᐊᓯᓂᔾ’ ᐊ ‍ ᐃᑥᒥᑲᒡ, ᐛᔅ ᒋ ‍ ᐃᔅᒋᔄᐤ “ᑎᐸᔨᒋᒐᓱᐤ ᒋᒋ ‍ ᐎᒋᐃᑯᓄᐤ ᐃᔅᐱᔅ ᐊᓄᒡ ᒐᓯᑲᒡ᙮”
\v 13 ᐊᑯ ᐱᓕᔅᑎᐊ ᐃᔪᒡ ᒋ ‍ ᓴᐧᑯᒋᐊᑭᓄᐅᒡ, ᑭᔭ ᓇᐅᔅ ᓇᒪ ᐅᒋ ᐱᑕᑕᑯᔅᒐᐅᒡ ᐃᔅᕋᐃᓪ ᐃᔪᐛ ᐅᑦ ‍ ᐊᔅᒋᔨᐤ ᒥᓐ ᒐᒋ ᑯᓯᑯᐛᔨᒧᑐᐛᒡ᙮ ᒪᒂᒡ ᐊᓂᔭ ᑲ ‍ ᐱᒪᑎᓯᑦ ᓴᒻᔪᐃᓪ, ᑎᐸᔨᒋᒐᓱᐤ ᓱᐧᑲᑎᓯᐅᓂᒡ ᒋ ‍ ᑭᓄᐛᔨᒪᐤ ᐃᔅᕋᐃᓪ ᐃᔪᐛ ᒐ ᐊᑲ ‍ ᑯᓯᑯᐛᔨᒧᑕᑯᐎᔨᒋ ᐱᓕᔅᑕᐃᓐ ᓂᑐᐱᔪᐅ-ᐃᔪᐛ᙮
\p
\v 14 ᐃᔅᕋᐃᓪ ᓂᑐᐱᔪᐅ-ᐃᔪᒡ ᒥᓐ ᒋ ‍ ᒪᑯᓂᒧᒡ ᐃᔅᕋᐃᓪ ᐅᑕᓇᐛ ᑎᔅᑐᐎᒡ ᐃᒃᕋᓐ ᑭᔭ ᑲᑦ ᐊᓂᔭ ᑲ ‍ ᒪᑯᓂᒥᔨᒋ ᐱᓕᔅᑕᐃᓐ ᓂᑐᐱᔪᐅ-ᐃᔪᐛ᙮ ᐃᔅᕋᐃᓪ ᐃᔪᒡ ᒥᓐ ᒋ ‍ ᒪᑯᓂᒥᒡ ᐊᓂᔭ ᐛᔅᑲ ᐅᑕᓇᐛ ᐱᓕᔅᑕᐃᓐ ᓂᑐᐱᔪᐅ-ᐃᔪᐛ ᑲ ‍ ᐅᑎᓂᒥᔨᒋ ᐃᔅᕋᐃᓪ ᐃᔪᐛ ᐅᒋ᙮ ᑭᔭ ᒋᔭᒪᔨᑎᒧᐅᓐ ᒋ ‍ ᑎᑯᓐ ᐃᔅᕋᐃᓪ ᐃᔪᒡ ᐊᓯᒡ ᐊᒧᕆ ᐃᔪᒡ᙮
\p
\v 15 ᓴᒻᔪᐃᓪ ᒋ ‍ ᓇᓂᑎᒪᐱᔪᐤ ᐊ ‍ ᓂᑲᓂᔅᑯᐛᑦ ᐃᔅᕋᐃᓪ ᐃᔪᐛ ᐸᑐᔅ ᑲ ‍ ᐳᓂᐱᒪᑎᓯᑦ᙮
\v 16 ᒪᒂᒡ ᑲ ᐃᔅᐱᔅ ‍ ᐱᒪᑎᓯᑦ, ᐊᓯᑯᒻ ᐱᐳᓇ ᒋᑭᒋᐛᐱᒋᐤ ᐊᓐᑕ ᐸᑕᓪ ᑭᔭ ᑭᓪᑲᓪ ᑭᔭ ᒥᔅᐸ ᐅᑕᓇᐛ᙮ ᐊᓐᑕ ᑲ ‍ ᐊᑐᔅᑯᐛ ᐃᔪᐛ ᑲ ‍ ᑎᐸᔅᑯᓂᒐᓯᐅᑦ᙮
\v 17 ᐊᑯ ᑲᐤ ᒂ ᒋᐛᑦ ᐎᒋᒡ ᐊᓐᑕ ᕋᒪ ᐅᑕᓇᔪᐤ, ᑭᔭ ᐸᐃᑯᑕᐤ ᐊᓐᑕ ᒋ ‍ ᐃᑐᑎᒻ ᒐᒂᔪᐤ᙮ ᐃᔭᐱᒡ ᒋ ‍ ᐅᓯᑎᒧᐛᐤ ᐱᔅᑎᓂᒐᐅᐱᔅᑯᔪᐤ ᑎᐸᔨᒋᒐᓱᐛ ᐊᓐᑕ ᕋᒪ ᐅᑕᓇᒡ᙮
\c 8
\s1 ᐃᔅᕋᐃᓪ ᐃᔪᒡ ᒋ ‍ ᓂᑐᐛᔨᒪᐅᒡ ᒋᓴᐅᒋᒪᐛ᙮
\p
\v 1 ᐃᔅᐱ ᑲ ᒋᓴᐃᔪᐅᑦ ᓴᒻᔪᐃᓪ ᒋ ‍ ᐅᑎᓇᐤ ᓂᓱ ᐅᑯᓴ, ᒍᐊᓚ ᑭᔭ ᐊᐱᒐᔨᒋ, ᒐᒋ ᓂᑲᓂᔅᑯᐛᔨᒋ ᐃᔅᕋᐃᓪ ᐃᔪᐛ᙮
\v 2 ᒋ ‍ ᑎᐸᔅᑯᓂᒐᐅᒡ ᐊᓐᑕ ᐱᕐ-ᓯᐸ ᐅᑕᓇᔪᐤ᙮
\v 3 ᒥᒄ ᓇᒪ ᐅᒋ ‍ ᐃᑕᔨᑕᑯᓱᐅᒡ ᒧᔭᒻ ᐅᑕᐎᐛᐛ᙮ ᒥᒄ ᒋ ᐎ ‍ ᒥᔅᑎ ᑲᔅᑎᓂᒧᒡ ᓱᓇᔭᔪᐤ᙮ ᒋ ‍ ᐅᑎᓂᒧᒡ ᐛᔭᓯᐃᐛᐎ ᒥᔨᑯᓯᐅᓇ, ᑭᔭ ᓇᒪ ᐅᒋ ‍ ᒥᔪᐤ ᑎᐸᔅᑯᓂᒐᐅᒡ᙮
\p
\v 4 ᒐᒄ, ᒂ ‍ ᓂᒋᔅᑲᑐᒡ ᐃᔅᕋᐃᓪ ᐅᒋᒪᐅᒡ ᐊᓐᑕ ᕋᒪ ᐅᑕᓇᒡ ᒐᒋ ᓂᒋᔅᑯᐛᒡ ᓴᒻᔪᐃᓚ᙮
\v 5 ᒋ ‍ ᐃᑕᐅᒡ ᒪᒃ, ᓂᑐᑕ ! ᓴᔅ ᒋ ‍ ᒋᓴᐃᔪᐅᓐ, ᑭᔭ ᓇᒪ ᐃᑕᔨᑕᑯᓱᒡ ᒋᑯᓯᒡ ᐊᑕᔨᑕᑯᓯᔨᓐ᙮ ᐅᑎᓐ ᒋᓴᐅᒋᒪᐤ ᒐᒋ ᑎᐸᔨᒥᔨᒥᑦ, ᒧᔭᒻ ᐊ ᐃᓯ ‍ ᐃᑕᒡ ᒋᓴᐅᒋᒪᐅᒡ ᐊᓐᑕ ᑯᑎᑲ ᐊᔅᒋᔭ!”
\p
\v 6 ᓴᒻᔪᐃᓪ ᓇᒪ ᐅᒋ ‍ ᒥᔽᔨᑎᒻ ᐅᔭ ᐊ ᐃᓯ ‍ ᓂᑐᐛᔨᑎᒥᔨᒋ᙮ ᐊᑯ ᒂ ‍ ᓂᑐᑎᒧᐛᑦ ᑎᐸᔨᒋᒐᓱᐛ ᐅᔭ ᐅᒋ᙮
\v 7 ᑎᐸᔨᒋᒐᓱᐤ ᒂ ‍ ᐃᑕᑦ, “ᐃᑐᑎᒻ ᒐᒂᔪᐤ ᑲ ᐃᓯ ‍ ᓂᑐᐛᔨᑕᒡ ᒐᒋ ᐃᑐᑎᒧᑦ᙮ ᒥᒄ ᒐ ᐊᑲ ‍ ᐃᑕᔨᑎᒧᓐ ᒋᔾ ᐊᓂᔭ ᑕᑈ ᐃᔭᑐᐛᔨᒥᔅᒡ᙮ ᓂᔾ ᓂᒋ ᐅᒋᓴᐅᒋᒪᒥᑕᑯᒡ, ᑭᔭ ᓂᔾ ᐅ ᑕᑈ ᐃᔭᑐᐛᔨᒥᒡ᙮
\v 8 ᑲ ‍ ᐃᔅᐱᔅ ᐎᐎᑕᔨᑯᐛᐤ ᐃᒋᑉᑎᒡ ᐅᒋ, ᓂᒋ ‍ ᐊᑐᐛᔨᒥᑯᒡ ᑭᔭ ᑯᑎᑲ ᒥᓂᑐᐛ ᒋ ‍ ᐊᔭᒥᐊᔅᑐᐛᐅᒡ᙮ ᑭᔭ ᐊᓄᒡ ᐸᐃᑯᑕᐤ ᒋᑦ ᐃᓯ ‍ ᐊᑐᐛᔨᒥᑯᒡ᙮
\v 9 ᐃᑐᑎᒻ ᒐᒂᔪᐤ ᑲ ᐃᓯ ‍ ᓂᑐᐛᔨᑕᒡ ᒐᒋ ᐃᑐᑎᒧᑦ᙮ ᒥᒄ ᐃᔭᒂᒥᒡ ᑕᓐ ᒐ ᐃᑐᑕᑯᒡ ᐅᒋᓴᐅᒋᒥᐛ !”
\p
\v 10 ᐊᑯ ᓴᒻᔪᐃᓪ ᒂ ‍ᐎᑎᒧᐛᑦ ᐊᓂᔭ ᐃᔪᐛ ᒐᒂᔪᐤ ᑲ ‍ ᐃᔅᒋᔄᒋ ᑎᐸᔨᒋᒐᓱᐛ᙮
\v 11 ᒋ ‍ ᐃᑕᐤ, “ᑎᐸᔨᒥᑕᒂ ᒋᓴᐅᒋᒪᐤ, ᐊᐅᑯᔪᐤ ᐅᔭ ᒐᒂᔪᐤ ᒐ ‍ ᐃᑐᑕᒄ: ᒋᑭ ‍ ᐊᔨᐧᑭᒥᐊᐤ ᒥᒐᑦ ᒋᑯᓯᐛᐛ ᒐᒋ ᓂᑐᐱᔪᐅ-ᐃᔪᐎᔨᒋ᙮ ᒋᑭ ‍ ᑐᑐᐛᐤ ᐱᔅᒐ ᒐᒋ ᓂᑲᓐ ᐱᒥᐸᑕᔨᒋ ᐊᓐᑕ ᐅᑎᑎᑕᐸᓇᔅᑯᒡ᙮
\v 12 ᐱᔅᒐ ᒋᑭ ‍ ᐅᒋᒪᐎᔪᐛ ᐅᓂᑐᐱᔪᐅ-ᐃᔨᒪ, ᒥᒄ ᑯᑎᑲ ᒋᑭ ‍ ᐊᑐᔅᑲᑯᐤ ᒧᔭᒻ ᐊᐱᒋᐊᑭᓇ᙮ ᒋᑭ ‍ ᐊᔨᐧᑭᒥᐊᐤ ᐱᔅᒐ ᒐᒋ ᓂᑕᐅᒋᒐᔨᒋ ᑭᔭ ᓇᓇᒐ ᒐ ᐊᑎ ‍ ᒪᒧᓴᒋᓂᒥᔨᒋ ᒥᒋᒥᔪᐤ᙮ ᒋᑭ ‍ ᐊᔨᐧᑭᒥᐊᐤ ᑯᑎᑲ ᒐᒋ ᐅᓯᑕᔨᒋ ᐅᓂᑐᐱᔪᐅ-ᐊᐱᒋᑕᐅᓇ ᑭᔭ ᐊ ‍ ᐃᑕᐱᑎᓂᔨᒋ ᐅᑎᑎᐸᓇᔅᑯᒡ᙮
\v 13 ᒋᑭ ‍ ᐅᑎᓇᐤ ᒋᓴᐅᒋᒪᐤ ᐱᔅᒐ ᒋᑕᓂᓯᐛᐛ ᑭᔭ ᒋᑭ ‍ ᐊᔨᐧᑭᒥᐊᐤ ᒐᒋ ᐅᓯᑎᒪᑯᑦ ᑲ ‍ ᐎᒋᒪᑯᓂᔨᒋ ᑭᔭ ᒐᒋ ᐱᓄᑎᑯᑦ ᑭᔭ ᒐᒋ ᐸᒂᓯᑭᓂᐧᑲᑎᑯᑦ᙮
\v 14 ᒋᑭ ‍ ᐅᑎᓂᓂᒻ ᓇᔅᒡ ᐛᒋ ‍ ᒥᔽᔨᒋ ᒋᓂᑕᐅᒋᑕᑭᓐ ‍ ᐊᔅᒋᐛᐛ ᑭᔭ ᒋᓱᒥᓇᑎᒄ ᓂᑕᐅᒋᑕᑭᓄᐛᐛ ᑭᔭ ᐊᓕᑉ ᒥᔅᑎᑯ ᐊᔅᒋᐛᐛ ᑭᔭ ᒐ ᐊᑎ ‍ ᒥᔭᑦ ᐊᓂᔭ ᐅᒋᓴᐅᒋᒪᐤ ᐊᐱᒋᐊᑭᓇ᙮
\v 15 ᒋᑭ ‍ ᐅᑎᓂᒻ ᐸᐃᒄ ᐊᓂᔭ ᐸᐃᑯᔪᐤ ᐊᔅᐱᔅ ᓂᑕᐅᒋᑕᐅᑦ ᑭᔭ ᒐ ‍ ᑕᑕᐅᓂᒧᐛᑦ ᐊᓂᔭ ᐅᓂᑐᐱᔪᐅ-ᐃᔨᒪ ᑭᔭ ᐅᑦ ᐊᐱᒋᐊᑭᓇ ᐊᑐᔅᒐᔨᒋ ᐊᓐᑕ ᐅᒋᓴᐅᒋᒪᐅᒋᐛᐱᒡ᙮
\v 16 ᒋᑭ ‍ ᐅᑎᓇᐤ ᒋ ‍ ᓇᐸᐅ ᑭᔭ ᐃᔎᐅ ᐊᐱᒋᐊᑭᓇ, ᑭᔭ ᐛᒋ ‍ ᒥᔪᓯᔨᒋ ᒋᒥᒋᑎᐧᑯᒪ ᑭᔭ ᑲᓂᐧᑲᑎᓯᔨᒋ ᑲᐸᐃᑭᔎᒪ, ᑭᔭ ᒋᑭ ‍ ᐊᔨᐧᑭᒥᐊᐤ ᒐᒋ ᐊ ᑐᔅᑲᑯᑦ᙮
\v 17 ᒋᑭ ‍ ᐅᑎᓇᐤ ᐸᐃᒄ ᐊᓂᔭ ᐸᐃᑯᔪᐤ ᒋ ‍ ᒪᔭᑕᓂᓯᒪ ᑭᔭ ᑲ ‍ ᐅᑦ ᐊᔅᑭᓂᓯᔨᒋ ᑲ ᐊᐱᓯᓯᔨᒋ ᒋᑦ ᐊᐛᓯᓯᒪ᙮ ᑭᔭ ᒋᑭ ‍ ᐅᑦ ᐊᐱᒋᐊᑭᓂᑕᑯᐛᐤ !
\v 18 ᑭᔭ ᒐᒄ ᒋᑭ ‍ ᑕᑈᑕᐛ ᑎᐸᔨᒋᒐᓱᐤ ᒐᒋ ᐱᒪᒋᔨᑕᒄ ᐊᓂᔭ ᒋᓴᐅᒋᒪᐛ ᐅᒋ ᑲ ‍ ᐎᔭᔨᒪᑯᐤ, ᒥᒄ ᑎᐸᔨᒋᒐᓱᐤ ᓇᒪ ᒋᑭ ‍ ᐎᒋᐃᑯᐛᐤ᙮”
\p
\v 19 ᒥᒄ ᒋᑭ ‍ ᐊᓏᑎᒧᒡ ᐃᔪᒡ ᒐᒋ ᓂᑐᑐᐛᒡ ᓴᒻᔪᐃᓚ ᑲ‍ ‍ ᐃᔅᒋᔄᔨᒋ᙮ ᒂ ‍ ᐃᔅᒋᔄᒡ, “ᓇᒪ ᓂᑦ ᐊᐱᑕᔨᑕᓇᓐ ᒐᒂᓐ ᐊᔅᒋᔄᔨᓐ, ᓂᑐᐛᔨᒪᓇᓐ ᒋᓴᐅᒋᒪᐤ !
\v 20 ᒧᔭᒻ ᑯᑎᑭᒡ ᐊ ‍ ᐃᑎᔅᑲᓇᓯᒡ ᓂ ᐎ ‍ ᐃᑕᔨᑕᑯᓯᓇᓐ᙮ ᓂᑐᐛᔨᒪᓇᓐ ᒋᓴᐅᒋᒪᐤ ᒐᒋ ᑎᐸᔨᒥᔨᑦ ᑭᔭ ᒐᒋ ᓂᑲᓄᔅᑯᐛᑦ ᓂᓂᑐᐱᔪᐅ-ᐃᔨᒥᓇᓇ ᐃᔅᐱ ᓇᒋ ‍ ‍ ᒪᓯᒐᔨᑥᐎ᙮”
\p
\v 21 ᐃᔅᐱ ᓴᒻᔪᐃᓪ ᐛᑎᒧᐛᑦ ᑎᐸᔨᒋᒐᓱᐛ ᒐᒂᔪᐤ ᒂ ‍ ᐃᔅᒋᔄᐅᔨᒋ ᐃᔪᐛ,
\v 22 ᑎᐸᔨᒋᒐᓱᐤ ᒂ ‍ ᐃᑕᑦ, “ᐃᑐᑎᒻ ᒐᒂᔪᐤ ᐊ ‍ ᐃᑎᔅᒡ ᒐᒋ ᐃᑐᑎᒧᑦ᙮ ᒥᔨᒡ ᒋᓴᐅᒋᒪᐛ !”
\p ᐊᑯ ᓴᒥᔪᐊᓪ ᒂ ‍ ᓂᔅᑯᒧᑦ ᑭᔭ ᒂ ᐊᑎ ‍ ᒋᐛᑎᓴᐛᑦ ᐃᔪᐛ᙮
\c 9
\s1 ᓴᓪ ᑲ ‍ ᓂᒋᔅᑯᐛᑦ ᓴᒻᔪᐃᓚ
\p
\v 1 ᒋ ‍ ᑕᐤ ᓇᐸᐤ ᐊ ‍ ᐛᔪᑎᓯᑦ ᑭᔭ ᐊᓱᐧᑲᑎᓯᑦ ᑭᔅ ᐊ ‍ ᐃᓯᓂᐧᑲᓱᑦ᙮ ᐱᓐᒋᐱᓐ ᐅᑦ ᐊᓂᔅᑯᑕᐸᓇ ᐊ ‍ ᐃᑎᔅᑲᓇᓯᔨᒋ ᒋ ᐅᒋ ‍ ᑎᐸᔨᑕᑯᓱᐤ᙮ ᐊᐱᐊᓪ ᒋ ‍ ᐅᑕᐎᔪᐤ ᑭᔅ ᑭᔭ ᓯᕋᐅᕐ ᒋ ‍ ᐅᒧᓱᒧᐤ᙮ ᐱᑯᕋᑦ ᐊᐸᐃᑯᔅᑲᓇᓯᔨᒋ ᒋ ᐅᒋᐤ ᑭᔭ ᐊᐱᔭ ᐃᔪᐛ ᐅᒋ᙮
\v 2 ᒋ ᐅᑯᓱᐤ ᑭᔅ ᓴᓪ ᐊ ‍ ᐃᓯᓂᐧᑲᓱᔨᒋ᙮ ᐊᑎᑐᐤ ᒋ ‍ ᒥᔽᐸᐤ ᐃᔅᐱᔅ ᑯᑎᑲ ᐃᔅᕋᐃᓪ ᓇᐸᐛ, ᑭᔭ ᐸᐃᒄ ᒥᓯᑦ ᒋ ‍ ᐃᔅᐱᔅ ᒋᓂᑲᐳᐅ ᑯᑎᑲ ᐃᔅᕋᐃᓪ ᓇᐸᐛ᙮
\p
\v 3 ᐸᐃᒂᐤ ᒋᓯᑲᔨᒡ, ᐱᔅᒐ ᑭᔅ ᑲᓂᐧᑲᑎᓯᔨᒋ ᓄᓴ ᐅᑲᐸᐃᑭᔎᒪ ᒋ ‍ ᒋᒋᐸᔨᑐᔪᐛ᙮ ᐊᑯ ᑭᔅ ᒂ ‍ ᐃᑕᑦ ᓴᓚ, “ᒐ ‍ ᐎᒐᐅᑦ ᐸᐃᒄ ᓂᑦ ᐊᐱᒋᐊᑭᓐ ᑭᔭ ᒐ ‍ ᔅᑐᑕᔨᓐ ᑭᔭ ᒐ ‍ ᓂᓇᑐᐛᐱᒥᑕᐤ ᐊᓐᒡ ᑲᓂᐧᑲᑎᓯᒡ ᑲᐸᐃᑭᔎᐅᒡ!”
\v 4 ᐊᐅᑯᓐ ᑲ ‍ ᐃᑎᑦ ᓴᓪ᙮ ᒋ ‍ ᐅᑎᓇᐤ ᐸᐃᒄ ᐊᐱᒋᐊᑭᓇ, ᑭᔭ ᒂ ‍ ᐃᑐᑕᒡ ᐊᓴᐳᑐᐛᔅᑲᒡ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᔪᐤ ᐊᓐᑕ ᐃᑉᕆᒻ ᐅᑦ ᐊᓂᔅᑯᑕᐸᓇ ᐛᒋᔨᒋ, ᑭᔭ ᒂ ᐊᑎ ‍ ᓴᐳᑐᐛᔅᑲᒡ ᐊᓐᑕ ᐃᑕᐅᓇ ᓴᓕᓴ ᑭᔭ ᓴᓕᒻ ᐊ ‍ ᐃᓯᓂᐧᑲᑕᔨᒋ, ᐊᑯ ᑭᔭ ᒂ ᐊᑎ ‍ ᓴᐳᑐᐛᔅᑲᒡ ᒥᓯᐛ ᐊᔅᒋᔪᐤ ᐊᓐᑕ ᐱᓐᒋᐱᓐ ᐊ ‍ ᐃᑎᔅᑲᓇᓯᔨᒋ ᑲ ‍ ᐎᒋᔨᒋ, ᒥᒄ ᓇᒪ ᐅᒋ ᒥᔅᑯᐛᐅᒡ ᐊᓂᔭ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮
\p
\v 5 ᒐᒄ, ᒂ ‍ ᐅᑎᑕᒡ ᓱᑉ ᐊᔅᒋᔪᐤ᙮ ᐊᑯ ᓴᓪ ᒂ ‍ ᐃᑕᑦ ᐊᓂᔭ ᐊᐱᒋᐊᑭᓇ, “ᑲᐤ ᒋᐛᑕᐤ᙮ ᐊᑲ ‍ ᐃᑐᔭᒂ ᐊᓐ, ᒋᑭ ‍ ᐳᓂᐅ ‍ ᐊᔭᒪᔨᑎᒥᑯᑦ ᓄᑕᐎᔾ ᑲᓂᐧᑲᑎᓯᔨᒋ ᑲᐸᐃᑭᔎᐛ ᑭᔭ ᒋᔭᓄᐤ ᒐ ‍ᐊᔨᒪᔨᒥᑕᐧᒄ᙮”
\p
\v 6 ᒥᒄ ᐊᓐ ᐊᐱᒋᐊᑭᓐ ᒂ ‍ ᐃᔅᒋᔄᑦ, “ᓂ ‍ ᒋᔅᒐᔨᑕᓐ ᑕᓐ ᒋᐸ ‍ ᐃᑎᓇᓄᐤ᙮ ᑕᔪᐛ ᐅᑕ ᐸᐃᒄ ᒋᓴᒪᓂᑐᐤ ᐅᒋᔅᒋᐛᐃᒐᓯᒪ ᐛᒋᔨᒋ ᐅᑕ ᐅᑕᓇᒡ᙮ ᒋᒋᐛ ᒋᔅᑕᔨᒥᑯᐤ ᐃᔪᐛ, ᐛᔅ ᒥᓯᐛ ᒐᒂᔪᐤ ᐊᔅᒋᔄᒋ ᐃᔅᐱᔪᐤ᙮ ᓂᑐᐛᐱᒪᑕᐤ ᑭᔭ ᒐ ‍ ᐃᔨᒪᐊᐧᒄ᙮ ᒂᔄᓐ ᒋᐸ ᒋ ‍ ᐎᑎᒪᑯᓄᐤ ᑕᓐᑕ ᒐ ‍ ᐃᑐᑕᐛᐧᒄ ᒐᒋ ᒥᔅᑯᐅᒪᐧᑯᐤ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮”
\p
\v 7 ᓴᓪ ᒂ ‍ ᐃᑕᑦ ᐊᐱᒋᐊᑭᓇ, “ᓂᑐᐛᐱᒪᒂ ᒐᒋ ᐃᔨᒪᐊᐧᒄ, ᒋᐸ ‍ ᒥᔭᓄᐤ ᒥᔨᐛᐅᓂᔪᐤ, ᒥᒄ ᒐᒂᔪᐤ ᒋᐸ ‍ ᒥᔭᓄᐤ ? ᓇᒪ ᒋᑭ ‍ ᑭᓄᐛᔨᑕᓄᐤ ᓴᔅ ᒥᒋᒻ ᐊᓐᑕ ᒋᐅᑎᓇᒡ᙮ ᒋᑭᓄᐛᔨᑎᒺᓇᓄᐤ ᐊ ᒐᒂᔪᐤ ᒐᒋ ᒥᔭᐧᒄ ?”
\p
\v 8 ᐊᐱᒋᐊᑭᓐ ᒂ ‍ ᐃᔅᒋᔄᑦ, “ᒋ ‍ ᑕᐸᑕ ᒪᐤ, ᓂ ‍ ᑭᑯᐛᔨᑕᓐ ᐊᐱᓴᐱᔅᑲᒡ ᐛᐱᓯᐅᓱᓇᔭᐱᔅᒄ᙮ ᐊᐅᑯᔪᐤ ᐅᔭ ᓂᐸ ‍ ᒥᔭᐤ, ᐊᑯ ᑭᔭ ᒐ ‍ ᐎᑎᒪᑕᐧᒄ ᑕᓐᑕ ᒐ ‍ ᐃᑐᑕᐛᐧᒄ ᒐᒋ ᒥᔅᑯᐅᒪᐧᑯᐤ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮᙮”
\p
\v 9-11 ᓴᓪ ᒂ ‍ ᐃᑕᑦ, “ᐊᔅᑎᒻ ᓂᑐᐛᐱᒪᑕᐤ ᒐᒋ ᐃᔨᒥᐊᐧᒄ᙮” ᐊᑯ ᒂ ‍ ᐃᑐᑕᒡ ᐊᓐᑕ ᐅᑕᓇᔪᐤ ᑲ ‍ ᐎᒋᔨᒋ ᐊᓂᔭ ᐅᒋᔅᒋᐛᐃᒐᓱᐛ᙮ ᒪᒂᒡ ᐅᔭ ᐊᑎ ‍ ᓴᑭᒋᐛᐧᒡ ᐱᔅᑯᑎᓇᔅᔪᐤ ᒐᒋ ᐃᑐᑕᒡ ᐅᑕᓇᒡ, ᒋ ‍ ᓂᒋᔅᑯᐛᐅᒡ ᐅᔅᒋᓂᔎᔅᒐ ᐅᑕᓇᒡ ᐅᒋ ᐊ ᓇᒋ ᒂ ‍ ᐱᒐᔨᒋ ᐅᑕᐃᐸᓂᒡ ᐅᒋ᙮ ᐸᐃᒄ ᐊᓐ ᒋ ‍ ᑯᒂᒋᒪᐤ ᐃᔎᐛ , “ᐃᑕᐤ ᐊ ᐅᒋᔅᒋᐛᐃᒐᓱᐤ ᐊᓐᑕ ᐅᑕᓇᒡ ᐊᓄᒡ?” (ᐛᔅ ᐅᔭ ᐛᒋ ‍ ᐃᔅᒋᔄᑦ, ᐃᔅᐱ ᐃᔅᕋᐃᓪ ᐃᔪᒡ ᓇᑐᐛᔨᑥᐎ ᐃᔨᒧᐅᓂᔪᐤ ᑎᐸᔨᒋᒐᓱᐛ ᐅᒋ, ᒪᐅᔭ ᑲ ᐃᔅᒋᔄᒡ “ᓂᑐᐛᐱᒪᑕᐤ ᐅᒋᔅᒋᐛᐃᒐᓱᐤ,” ᑭᔭ ᐊᓐᒡ ᐃᔪᒡ ᐊᓄᒡ ᐊ ‍ ᐃᓯᓂᐧᑲᑕᑭᓄᐅᒡ ᐅᒋᔅᒋᐛᐃᒐᓱᐅᒡ ‘ᐊᓐᒡ ᑲ ‍ ᐛᐸᑕᑎᔨᑯᒡ ᐛᐸᑎᐛᐅᓇ ᑎᐸᔨᒋᒐᓱᐛ’ ᐎᐱᒡ ᒋ ‍ ᐃᓯᓂᐧᑲᑕᑭᓄᐅᒡ᙮)
\p
\v 12 ᐃᔎᐅᒡ ᒂ ‍ ᐃᑕᒡ, “ᓂᐦᐃ, ᐃᑕᐤ ᐊᓐᑕ ᐅᑕᓇᒡ, ᐊᑎ ‍ ᐱᒧᑕᐤ ᐊᓐᑕ ᒪᔅᑭᓇᒡ ᓂᑲᓐ ᐊ ‍ ᑕᐛᒄ᙮ ᐊᓄᒡ ᒋ ‍ ᑎᑯᓯᓄᐤ ᐅᑕᓇᒡ ᐛᔅ ᒋᑭ ‍ ᒥᑐᔅᑕᐊᒪᒐᐅᒡ ᐃᔪᒡ ᐊᓐᑕ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒥᔭᒧᐎᔨᒋ ᐃᔪᐛ ᒐᒋ ᐊᔭᒥᐊᔅᑐᐛᒡ ᒋᓴᒥᓂᑐᐛ᙮
\v 13 ᒋᔅᑎᑉ ᒋᑐᑕᔭᒂ, ᒋᑭ ‍ ᐃᑐᑕᐛᐤ ᒐᒋ ᐃᔨᒪᐊᒄ ᐊᒺᔭ ᐊᓐᑕ ᐃᑐᑕᑦ᙮ ᐊᓐᒡ ᑲ ‍ ᐎᓴᒪᑭᓄᐅᒡ ᓇᒪ ᒋᑭ ‍ ᒋᒋᐱᔪᒡ ᐊ ‍ ᒥᒋᓱᒡ ᐸᑐᔅ ᒋ ‍ ᑎᑯᓯᓂᔨᒐᓂ ᑭᔭ ᒋ ‍ ᑯᒂᒋᒪᒐ ᒋᓴᒪᓂᑐᐛ ᒐᒋ ᓱᐛᔨᑕᑯᑕᔨᒋ ᐊᓂᔭ ᒥᔅᑐᑕᒪᒐᐅᓂᔪᐤ᙮”
\p
\v 14 ᐊᑯ ᓴᓪ ᑭᔭ ᐊᐱᒋᐊᑭᓐ ᒂ ‍ ᐱᒐᒡ ᐅᑕᓇᔪᐤ, ᒪᒂᒡ ᐊᑎ ᓴᐳᑐᐛᔅᑲᒡ ᐃᔎᑕᒥᔪᐤ, ᒋ ‍ ᐛᐱᒪᐅᒡ ᓴᒻᔪᐃᓚ ᒪᒂᒡ ᐊ ᐸᒋᓇᑎᑯᒡ, ᐊ ᐎ--ᐃᑐᑕᔨᒋ ᐊᓐᑕ ᐃᔪᐛ ᒐ ‍ ᐱᔅᑎᓂᒥᔨᒋ ᒥᑐᔅᑕᐊᒪᒐᐅᓇ᙮
\p
\v 15 ᐅᑕᑯᓯᒡ ᐊᓐᑕ, ᑎᐸᔨᒋᒐᓱᐤ ᒋ ‍ ᐃᑕᐤ ᓴᒻᔪᐃᓚ,
\v 16 “ᐛᐸᒐ ᒧᔭᒻ ᐅ ᐃᔅᐱᔨᒐ, ᒋᑭ ‍ ᐃᑎᓴᐊᒪᑎᓐ ᓇᐸᐤ ᐊᓐᑕ ᐱᓐᒋᐱᓐ ᐊ ‍ ᐃᑎᔅᑲᓇᓯᒡ ᐅᒋ ᐛᒋᒡ᙮ ᒐ ‍ ᑯᑎᐱᓂᒧᐅᑦ ᐊᓕᑉ ᐱᒥᔭ ᐅᔅᑎᒂᓂᒡ ᒐᒋ ᒋᔅᒐᔨᑥᒡ ᐎᔾ ᒐ ‍ ᓂᑲᓂᔅᑯᐛᑦ ᐃᔅᕋᐃᓪ ᐃᔪᐛ᙮ ᓂᒋ ‍ ᐛᐸᑎᒺᓐ ᐊ ‍ ᓇᐧᑲᒋᐅᒡ ᓂᑦ ᐃᔨᒥᒡ ᐛᔅ ᐊᓂᔭ ᐊ ‍ ᓂᓇᐧᑲᒋᐃᑯᒡ ᐱᓕᔅᑕᐃᓐ ᐃᔪᐛ, ᑭᔭ ᓂᒋ ‍ ᐸᑎᐛᐅᒡ ᓂᑦ ᐃᔨᒥᒡ ᐊ ‍ ᑎᑕᑈᓯᒡ ᒐᒋ ᐎᒋᔨᒂᐤ᙮ ᐊᓐ ᓇᐸᐤ ᒐ ‍ ᑐᒥᓂᑦ ᒋᑭ ‍ ᐱᐧᑯᐛᐤ ᓂᑦ ᐃᔨᒪ ᐱᓕᔅᑕᐃᓐ ᐃᔪᐛ ᐅᒋ᙮”
\p
\v 17 ᐃᔅᐱ ᓴᒻᔪᐃᓪ ᐎᔭᐱᒪᑦ ᓴᓚ, ᑎᐸᔨᒋᒐᓱᐤ ᒂ ‍ ᐃᑕᑦ, “ᐊᐅᒄ ᐅ ᓇᐸᐤ ᑲ ‍ ᐛᐎᑎᒪᑕᓐ ᐅᑕᑯᓯᒡ ! ᐎᔾ ᐊᓐ ᒋᑭ ‍ ᑎᐸᔨᒪᐤ ᓂᑦ ᐃᔨᒪ !”
\p
\v 18 ᓴᓪ ᒋ ‍ ᐛᐱᒪᐤ ᓴᒻᔪᐃᓚ ᒪᒂᒡ ᐊ ‍ᐱᔨᒋ ᐅᑕᓇᒡ ᐃᔎᑕᒥᒡ ᒥᒄ ᓇᒪ ᐅᒋ ᒋᔅᒐᔨᒪᐤ ᐃᔭᐎᔨᒋ ᓴᒻᔪᐃᓪ᙮ ᒂ ‍ ᓂᑐᐛᐱᒪᑦ ᑭᔭ ᒂ ‍ ᑯᒂᒋᒪᑦ, “ᐎᑎᒧᐎ ᒪ, ᑕᓐ ᐊᓂᔭ ᐎᒡ ᐊᓐ ᓇᐸᐤ ᐎᔭᐸᑎᔨᑯᑦ ᒋᓴᒪᓂᑐᐛ ᐛᐸᑎᔨᐛᐅᓇ ?”
\p
\v 19 ᓴᒻᔪᐃᓪ ᒂ ‍ ᐃᑕᑦ, “ᓂᔾ ᐊᓐ ᓇᐸᐤ᙮ ᓂᑲᓄᑕᒄ ᐊᓯᒡ ᒋᑦ ᐊᐱᒋᐊᑭᓐ ᐊᓐᑕ ᐃᑕᐅᓂᒡ ᐃᔪᒡ ᒪᑐᔅᑕᐊᒪᒐᒡ᙮ ᐊ ‍ ᓂᓯᔭᒄ ᒋᑭ ᐎᒋ ‍ ᒥᒋᓱᒥᓇᐛᐤ ᐊᓄᒡ᙮ ᐛᐱᒐ ᒋᓴᔭᒋᓴᔭᐸᒐ ᒋᑭ ‍ ᐎᑎᒪᑎᓇᐛᐤ ᒐᒂᓐ ᐛ ‍ ᒋᔅᒐᔨᑎᒪᒄ, ᐊᑯ ᑭᔭ ᒐ ᐊᑎ ‍ ᒋᐛᑎᓴᐅᑎᑯᒡ᙮
\v 20 ᐃᔭᐱᒡ, ᒐ ᐊᑲ ‍ ᐊᔭᒪᔨᒪᑯᒡ ᐊᓐᒡ ᑲᓂᐧᑲᑎᓯᒡ ᑲᐸᐃᑭᔎᐅᒡ ᑲ ‍ ᒋᒋᐸᔨᑐᒡ ᓂᔅᑐ ᒋᓯᑲᐛ ᐅᑕᒡ᙮ ᓴᔅ ᒋ ‍ ᒥᔅᑯᐛᑭᓄᐅᒡ᙮ ᒥᒄ ᐊᓐ ᒐᒂᓐ ᒐ ‍ ᐎ ‍ ᒋᔅᒐᔨᑎᒪᒄ ᒋᔾ ᑭᔭ ᐊᐸᐃᑯᔅᑲᓇᓯᔨᓐ ᐊᐅᑯᔪᐛ ᒥᓯᐛ ᐃᔅᕋᐃᓪ ᐃᔪᒡ ᓇᑐᐛᔨᒪᒡ !”
\p
\v 21 ᓴᓪ ᒂ ‍ ᐃᑕᑦ, “ᐱᓐᒋᐱᓐ ᐊ ‍ ᐃᑎᔅᑲᓇᓯᒡ ᓂ ‍ ᐅᒋᓐ᙮ ᐊᐅᑯᓐ ᐛᒋ ‍ ᐊᑲ ‍ ᒥᒐᑎᒡ ᐊ ‍ ᐃᑎᔅᑲᓇᓯᒡ ᐃᔪᒡ ᐊᓐᑕ ᐃᔅᕋᐃᓕᒡ ! ᑭᔭ ᐊᐸᐃᑯᔅᑲᓇᓯᔭᓐ ᐊᐅᑯᓐᒡ ᐊᓐᒡ ᓇᔅᒡ ᐛᒋ ‍ ᐊᑲ ‍ ᐃᔅᐱᑕᔨᑕᑯᓯᒡ ᐊᓐᑕ ᐊ ‍ ᐃᑎᔅᑲᓇᓯᔭᒡ ! ᐊᑯ ᒐᒂᓐ ᐛᒋ ᒧᔭᒻ ᐃᓯ ‍ ᐃᔨᒥᔨᓐ ᐅ, ᐊᓐᒡ ᐃᔅᕋᐃᓪ ᐃᔪᒡ ᐊ ‍ ᓂᑐᐛᔨᒥᔨᒥᒡ ᓂᔾ ᑭᔭ ᐊᐸᐃᑯᔅᑲᓇᓯᔭᓐ ?”
\p
\v 22 ᐊᑯ ᓴᒻᔪᐃᓪ ᒂ ‍ ᐸᓱᐛᑦ ᓴᓚ ᑭᔭ ᐅᑦ ᐊᐱᒋᐊᑭᓂᐛ ᐊᓐᑕ ᐊᔅᐱᒋᒐᔭᐃᒡ ᐊ ‍ ᒥᒋᓱᒐᓄᐎᒡ, ᑭᔭ ᒂ ‍ ᐃᑕᑦ ᒐᒋ ᐊᐱᔨᒋ ᐊᓐᑕ ᓂᑲᓄᒡ ᒥᒋᓱᐛᑭᓇᑎᑯᒡ, ᒐᒋ ᐛᐸᑎᔨᐛᑦ ᐊᑎᑐᐤ ᐊ ‍ ᒋᔅᑕᔨᒪᑦ ᐃᔅᐱᔅ ᐊᓂᔭ ᓂᔅᑐᐎᔪᐤ ᐃᔪᐛ ᑲ ‍ ᐎᓴᒪᑯᓄᔨᒋ᙮
\v 23 ᐊᑯ ᓴᒻᔪᐃᓪ ᒂ ‍ ᐃᑕᑦ ᐊᓂᔭ ᑲ ‍ ᐱᒥᓄᐛᓯᔨᒋ, “ᐸᑐᑐᐎ ᐊᓐ ᐎᔭᔅ ᑲ ᐃᑎᑕᓐ ᒐᒋ ᑎᐸᓂᔅᑕᔨᓐ᙮”
\p
\v 24 ᐊᑯ ᑲ ‍ ᐱᒥᓄᐛᔅᑦ ᒂ ‍ ᐸᑕᑦ ᐅᐸᒪᐅᑯᔪᐤ ᑭᔭ ᐊᓐᑕ ᑲᒋᑭᒧᐎᔨᒡ ᐎᔭᓯᔪᐤ, ᑭᔭ ᒂ ‍ ᐊᔅᑐᐛᑦ ᐅᑎᔅᑯᐤ ᓴᓚ, ᐊᑎᓱᐧᒄ ᐊᓂᔭ ᒥᒄ ᐊᒋ ‍ ᑎᐸᓂᔅᑎᒧᐛᑭᓂᔨᒋ ᐊᔭᒥᐊᐅᒋᒪᐛ ᐎᔭᓯᔪᐤ ‍ ᒐᒋ ᒥᒋᔨᒋ᙮ ᓴᒻᔪᐃᓪ ᒂ ‍ ᐃᑕᑦ ᓴᓚ, “ᒋᒋ ‍ ᒥᒋ ᐊᓐ᙮ ᓂᒋ ‍ ᐎᑎᒧᐛᐅᒡ ᐊᓐᒡ ᑲ ‍ ᐱᒥᓄᐛᓯᒡ ᒐᒋ ᐅᔭ ᐃᔅᑯᓂᒪᔅᒡ, ᒐᒋ ᒥᒋᔭᒄ ᐊᓄᒡ ᐅ ᐊᔅᐱᔨᒡ ᒐᒋ ᒥᒋᔭᒄ, ᐃᔅᐱ ᒥᓯᐛ ᑲ ᑎᑯᓯᒡ ᑲ ‍ ᐎᓴᒥᒂᐤ ᐅᑕ᙮” ᐊᑯ ᓴᓪ ᑭᔭ ᓴᒻᔪᐃᓪ ᒋᐎ ‍ ᒥᒋᓱᒥᑐᐅᒡ᙮
\p
\v 25 ᑲᒋ ‍ ᒋᓯᒥᒋᓱᐅᒡ, ᑲᐤ ᒂ ‍ ᐃᑐᑕᒡ ᐊᓐᑕ ᐅᑕᓇᒡ᙮ ᐊᑯ ᓴᒻᔪᐃᓪ ᒂ ‍ ᐃᑐᑕᐊᑦ ᓴᓚ ᐊᓐᑕ ᑕᐧᑯᒡ ᐊ ‍ ᑕᐱᔅᑯᒐᔨᒡ ᐃᔅᐱᒥᒡ ᒋᒡ, ᑭᔭ ᒂ ‍ ᐛᑎᔅᑎᒧᐛᑦ ᓂᐸᐅᓂᔪᐤ᙮
\v 26 ᒪᒂᒡ ᐊᑎ ‍ ᓴᑲᔅᑐᐛᔨᒋ ᐱᓯᒧᐛ ᒥᓐ ᒋᔭᒋᓴᐸᔭᔨᒡ, ᓴᒻᔪᐃᓪ ᒂ ‍ ᑕᑈᑕᑦ ᓴᓚ, “ᐅᓂ ! ᓴᔅ ᐅᑎᒋᐱᔪᐤ ᒐᒋ ᒋᐛᑎᓴᐅᑎᑯᒡ᙮” ᐊᑯ ᒂ ‍ ᐅᓂᑦ ᓴᓪ ᑭᔭ ᓇᓇᒐ ᓴᒻᔪᐃᓪ ᑭᔭ ᓴᓪ ᒪᒧ ᒋ ‍ ᔅᑐᑕᐅᒡ ᒥᒋᐛᐱᒡ ᐅᒋ᙮
\v 27 ᐃᔅᐱ ᑲ ‍ ᐅᑎᑕᒡ ᐊᓐᑕ ᒋᒡ ᐅᑕᓇᒡ, ᓴᒻᔪᐃᓪ ᒂ ‍ ᐃᑕᑦ ᓴᓚ ᒐᒋ ᓂᑲᓐ ᐃᑎᓴᐛᔨᒋ ᐅᑦ ᐊᐱᒋᐊᑭᓂᔨᐛ᙮ ᒂ ‍ ᔅᑐᑕᔨᒋ ᐊᐱᒋᐊᑭᓇ, ᓴᒻᔪᐃᓪ ᒂ ‍ ᐃᑕᑦ ᓴᓚ, “ᑕ ᐅᑕ ᐛᐱᓯᔅ, ᒐᒋ ᒥᔨᑕᓐ ᐃᔨᒧᐅᓐ ᑲ ‍ ᒥᔨᑦ ᒋᓴᒪᓂᑐᐤ᙮”
\c 10
\s1 ᓴᒻᔪᐃᓪ ᑲ ‍ ᐅᑎᓇᑦ ᓴᓚ ᒐᒋ ᒋᓴᐅᒋᒪᐅᔨᒋ
\p
\v 1 ᐊᑯ ᓴᒻᔪᐃᓪ ᒂ ‍ ᐅᑎᓇᐧᒄ ᐊ ‍ ᐱᓴᓯᔨᒡ ᐛᐱᑎᓂᔅᒋᐳᑕᔪᐤ ᐊᓕᑉ ᐱᒥᔪᐤ ᐊᓱᓱᐎᔨᒋ ᑭᔭ ᒂ ‍ ᑯᑎᐱᓂᒧᐛᑦ ᐱᔅᒐ ᓴᓚ ᐅᔅᑎᒂᓂᔨᒡ᙮ ᒂ ‍ ᓱᐛᔨᒪᑦ ᐊᓐᑕ ᐅᑕᒥᐧᑭᓂᔨᒡ, ᑭᔭ ᒂ ‍ ᐃᑕᑦ, “ᓂᑦ ᐃᑐᑕᓐ ᐅ ᐛᔅ ᔅᒋ ‍ ᐅᑎᓂᒄ ᑎᐸᔨᒋᒐᓱᐤ ᒐᒋ ᓂᑲᓂᔅᑯᐅᒥᑎ ᐅᑦ ᐃᔨᒪ ᐃᔅᕋᐃᓚ᙮
\v 2 ᑭᔭ ᐃᔅᐱ ᓂᑭᓯᔨᓇ ᐊᓄᒡ, ᐃᔅᐱ ᑎᑯᓯᓂᔨᓇ ᒥᒋᒪ ᕋᐃᒐᐤ ᐅᓂᒂᔅᑲᓂᒡ ᐊᓐᑕ ᓴᓪᓴ, ᐊᓐᑕ ᐃᑕᒐ ᐱᓐᒋᐱᓐ ᐊ ‍ ᐃᑎᔅᑲᓇᓯᒡ ᐛᒋᒡ, ᒋ ‍ ᓂᒋᔅᑯᐛᐅᒡ ᓂᓱ ᓇᐸᐅᒡ᙮ ᒋᑭ ‍ ᐃᑎᑯᒡ, ‘ᓴᔅ ᒋ ‍ ᒥᔅᑯᐛᑭᓄᐅᒡ ᐊᓐᒡ ᑲᓂᐧᑲᑎᓯᒡ ᑲᐸᐃᑭᔎᐅᒡ, ᒥᒄ ᐊᓄᒡ ᒋᑦ ‍ ᐃᔭᔨᒪᔨᒥᒄ ᒋᑕᐎᔾ, ᑭᔭ ᑯᒂᒋᒪᐤ ᐃᔪᐛ, ‘ᒋᒋ ‍ ᐛᐱᒪᐛᐤ ᐊ ᓂᑯᔅ ?’ ”
\p
\v 3 ᐃᔅᐱ ᒋ ‍ ᐅᑎᑕᒂ ᐊ ‍ ᒥᓯᑎᑦ ᒥᔅᑯᐛᐅᒥᔅᑎᒄ ᐊᓐᑕ ᑕᐱᕐ ᐅᑕᓇᒡ, ᒋᑭ ‍ ᐛᐱᒪᐛᐅᒡ ᓂᔅᑐ ᓇᐸᐅᒡ ᐊ ᐸᑕᔅᑎᒧᑕᒡ᙮ ᐊ ᓇᒋ ‍ ᐊᔭᒥᐊᔅᑐᐛᒡ ᒋᓴᒥᓂᑐᐛ ᐊᓐᑕ ᐱᑕᓪ ᐅᑕᓇᔪᐤ᙮ ᐸᐃᒄ ᐊᓐ ᒋᑭ ‍ ᓂᑲᓄᑕᐊᐤ ᓂᔅᑐ ᑲ ‍ ᐅᑦ ᐊᔅᑭᓂᓯᔨᒋ ᐊᐛᓯᓴ, ᐸᐃᒄ ᐊᓐ ᐊᓂᔅᑎᒡ ᒋᑭ ‍ ᑕᐧᑯᓇᐤ ᓂᔅᑐ ᐸᒂᓯᑭᓇ, ᑭᔭ ᐸᐃᒄ ᐊᓐ ᒋᑭ ‍ ᑕᐧᑯᓂᒻ ᐛᐱᑎᓂᔅᒋᐳᑕᒡ ᓱᒥᓇᐛᐳᔪᐤ᙮
\v 4 ᒋᑭ ‍ ᐛᒋᔭᒥᑯᐛᐅᒡ, ᑭᔭ ᒋᑭ ‍ ᒥᔨᑯᐛᐅᒡ ᓂᓱ ᐸᒂᓯᑭᓇ᙮ ᒐ ‍ ᐅᑎᓇᑯᐤ᙮
\p
\v 5 ᐃᔅᐱ ᐅᑎᑕᒪᒂ ᐱᔅᑯᑎᓇᐤ ᐊᓐᑕ ᐊᔭᒥᐊᔅᑐᐛᒡ ᐃᔪᒡ ᒋᓴᒪᓂᑐᐛ ᒥᒋᒪ ᑭᐱᐊ ᐅᑕᓇᒡ, ᐊᓐᑕ ᐊ ‍ ᒪᓂᑲᓱᓇᓄᐅᒡ ᐊᓐᑕ ᐛᒋᒡ ᐱᓕᔅᑕᐃᓐ ᓂᑐᐱᔪᐅ-ᐃᔪᒡ, ᒋ ‍ ᓂᒋᔅᑯᐛᐅᒡ ᐱᔅᒐ ᐅᒋᔅᒋᐛᐃᒐᓱᐅᒡ ᐊ ‍ ᐸᒋ ‍ ᓂᑐᒍᐛᒡ ᐱᔅᑎᓂᒐᐅᓇᐱᔅᑯᒡ ᐅᒋ ᐊᓐᑕ ᑕᐧᑯᒡ ᐱᔅᑯᑎᓇᒡ᙮ ᒋᑭ ‍ ᑕᔪᐛ ᐃᔪᐛ ᐊᓐᑕ ᓂᑲᓐ ᐊ ‍ ᐃᑕᒡ ᐃᔪᐛ ᐊ ‍ ᒋᔅᑕᐛᐸᑲᐃᒐᔨᒋ ᓂᓇᐧᑯᐤ ᐊ ‍ ᐃᓯᓇᑯᓂᔨᒋ ᒋᔅᑥᐛᐸᑲᐃᑭᓇ᙮ ᑭᔭ ᒥᓯᐛ ᐊᓐᒡ ᒋᑭ ‍ ᐃᔨᒧᐅᒡ ᐃᔨᒧᐅᓇ ᐛᒋᐱᔨᒋ ᒋᓴᒪᓂᑐᐛ ᐅᒋ᙮
\v 6 ᒪᒂᒡ ᐅ ᒋᓴᒪᓂᑐᐤ ᐅᑦ ᐊᒐᒂ ᒋᑭ ‍ ᐅᑎᑎᑯᔪᐛ, ᑭᔭ ᐃᔭᐱᒡ ᒋᔾ ᒋᑭ ‍ ᐃᔨᒥᓐ ᐃᔨᒧᐅᓇ ᐛᒋᐱᔨᒋ ᒋᓴᒪᓂᑐᐤ ᐅᒋ᙮ ᒋᑭ ‍ ᒥᔅᑯᑎᓂᑯᔪᐛ ᒋᓴᒪᓂᑐᐤ ᐅᑦ ᐊᒐᒂ, ᐊᑯ ᒪᒃ ᐃᔭᒡ ᐊᐛᓐ ᒋᑭ ᐃᑕᔨᑕᑯᓯᓐ᙮
\v 7 ᒋ ‍ ᐃᔅᐱᔨᒐᓂ ᐅᔭ ᒐᒂᔪᐛ, ᒐ ‍ ᐃᑐᑎᒥᓐ ᒥᒄ ᒐᒂᓐ ᐊ ‍ ᐃᑕᔨᑎᒥᓐ ᑯᐃᔅᒄ ᐊᓯᓇᒂᒡ ᒐᒋ ᐃᑐᑕᒥᓐ ᑭᔭ ᒋᓴᒪᓂᑐᐤ ᒋᑭ ‍ ᐎᒋᐃᒄ᙮
\p
\v 8 ᐊᑯ ᒐ ‍ ᓂᑲᓄᑕᔨᓐ, ᑭᓪᑲᓪ ᐅᑕᓇᒡ ᐃᓯ, ᑭᔭ ᐊᑯᑕ ᒐ ‍ ᐊᓯᓄᐛᐸᒥᔨᓐ, ᓂᔄᐅᑕᒡ ᑕᑐ ᒋᓯᑲᐛ ᐃᔅᐱᔅ, ᐊᑯ ᐸᑐᔅ ᒐ ‍ ᓂᑐᐛᐱᒥᑕᓐ, ᒐᒋ ᐃᔎᓯᒪᓐ ᒥᔅᑐᑕᐊᒪᒐᐅᓇ ᑭᔭ ᐱᔅᑎᓂᒪᓐ ᑯᑎᑲ ᒥᔅᑐᑕᐊᒪᒐᐅᓇ ᒐᒋ ᐊᔅᒄ ᒥᔪᐤ ᐎᒐᐅᑦ ᒋᓴᒪᓂᑐᐤ᙮ ᐃᔅᐱ ᑎᑯᓯᓂᔭᓇ ᐊᓐᑕ, ᒋᑭ ‍ ᐎᑎᒪᑕᓐ ᒐᒂᔪᐛ ᒐᐎ ‍ ᑐᑎᒥᓐ᙮”
\s1 ᒐᒂᔪᐤ ᑲ ‍ᓂᑲᓐ ‍ ᐎᑕᐧᒃ ᓴᒻᔪᐃᓪ ᒋ ‍ ᑕᑈᒥᑭᓂᔪᐤ
\p
\v 9 ᒪᒂᒡ ᓴᓪ ᐊᑎ ‍ ᒋᐛᑲᐳᐅᑦ ᒐᒋ ᓂᑭᑕᑦ ᓴᒻᔪᐃᓚ, ᒋᓴᒪᓂᑐᐤ ᒋ ‍ ᐃᑐᑎᒻ ᒐᒋ ᐃᔭᒡ ᐃᑕᔨᒧᔨᒋ ᓴᓚ ᒧᔭᒻ ᑯᑎᑲ ᐊᐛᔪᐛ᙮ ᒥᓯᐛ ᒐᒂᔪᐤ ᑲ ᓂᑲᓐ ‍ ᐎᑕᐧᒃ ᓴᒻᔪᐃᓚ ᒐ ᐃᔅᐱᔨᒡ ᒋ ‍ ᐃᔅᐱᔪᐤ ᐊᓂᔭ ᐸᐃᑯᑕᐤ ᒋᓯᑯᔪᐤ᙮
\v 10 ᐃᔅᐱ ᓴᓪ ᑭᔭ ᐅᑦ ᐊᐱᒋᐊᑭᓇ ᑲ ‍ ᑎᑯᓯᒡ ᐊᓐᑕ ᑭᐱᔭ, ᒋ ‍ ᐛᐱᒪᐅᒡ ᐱᔅᒐ ᐅᒋᔅᒋᐛᐃᒐᓱᐛ ᐃᔨᒥᔨᒋ ᐃᔨᒧᐅᓇ ᐛᒋᐱᔨᒋ ᒋᓴᒪᓂᑐᐤ ᐅᒋ᙮ ᒪᒂᒡ ᐱᔭᒋ ‍ ᐅᑎᑎᑯᒡ ᓴᓪ ᑭᔭ ᐅᑦ ᐊᐱᒋᐊᑭᓇ, ᓱᐧᑲᑎᓯᐅᓂᒡ ᒂ ‍ᐅᑎᑎᑯᑦ ᒋᓴᒪᓂᑐᐛ ᐅᑦ ᐊᒐᐧᑯᔪᐛ, ᒂ ᒋᒋ ‍ ᐃᔨᒥᑦ ᐃᔨᒧᐅᓇ ᐛᒋᐱᔨᒋ ᒋᓴᒪᓂᑐᐤ ᐅᒋ᙮
\v 11 ᐃᔅᐱ ᐱᔅᒐ ᐊᐛᓐᒋ ᑲ ‍ ᐸᒋ ᓂᔅᑐᐛᐱᒪᒡ ᓴᓚ ᒋ ‍ ᐸᑐᐛᐅᒡ ᐊ ‍ ᐃᔨᒥᔨᒋ ᐃᔨᒧᐅᓇ ᐛᒋᐱᔨᒋ ᒋᓴᒪᓂᑐᐤ ᐅᒋ ᒧᔭᒻ ᑲ ‍ ᐃᑎᔨᒋ ᐅᒋᔅᒋᐛᐃᒐᓱᐛ, ᒂ ‍ ᐃᑎᑐᒡ, “ᒐᒂᓐ ᐅ ᑲ ‍ ᐃᔅᐱᔨᒡ ? ᑕᓐᑕ ᐛᒋ ‍ ᐅᒋᔅᒋᐛᐃᒐᓯᐅᑦ ᓴᓪ ?”
\p
\v 12 ᐸᐃᒄ ᐊᓐᒡ ᓇᐸᐤ ᑲ ‍ ᐎᒋᑦ ᐊᓐᑕ ᒋ ‍ ᐃᔅᒋᔄᐤ᙮ “ᓇᒪ ᒋᑭ ᒋ ‍ ᐅᒋᔅᒋᐛᐃᒐᓯᐤ ᓴᓪ, ᐛᔅ ᒥᓯᐛ ᐅᒋᔅᒋᐛᐃᒐᓱᐅᒡ ᒋᓴᒪᓂᑐᐛ ᒥᔨᑯᐅᒡ ᓱᐧᑲᐃᓯᐅᓂᔪᐤ ᒐᒋ ᐃᔨᒥᑦ ᐃᔨᒧᐅᓇ, ᓇᒪᔭᔪᐛ ᐅᓂᒋᔨᑯᐛᐛ᙮” ᐊᐅᑯᔪᐤ ᐊᓂᔭ ᐅᒋ, ᐃᔅᐱ ᐱᔭᑕᒂᐎ ᐃᔪᒡ ᐃᔨᒧᐅᓂᔪᐤ ᐊ ᓂᑲᓐ ‍ ᐎᑎᒥᔨᒋ ᐊᐛᔪᐛ ᒐ ᐃᔅᐱᔨᒡ, ᒂ ᒪᒥᑐᓇᔨᑎᒥᔨᑯᒡ ᑕᓐ ᑲ ‍ ᐃᔅᐱᔨᒋ ᓴᓚ ᑭᔭ ᒂ ᐃᔅᒋᔄᒡ “ᑕᓐᑕ ᒋᐸ ‍ ᐅᒋ ᐅᒋᔅᒋᐛᐃᒐᓯᐤ ᓴᓪ ?”
\v 13 ᑲᒋ ‍ ᐃᓯ ‍ ᐃᔨᒥᑦ ᓴᓪ ᐃᔨᒧᐅᓇ ᑲ ‍ ᒥᔨᑯᑦ ᒋᓴᒪᓂᑐᐛ, ᒋ ‍ ᐃᑐᑕᐤ ᐊᓐᑕ ᑲ ᒥᑐᔅᑕᐊᒪᒐᔨᒋ ᐃᔪᐛ᙮
\v 14 ᓇᓇᒐ, ᓴᓚ ᐅᐧᑯᒥᓴ ᒋ ‍ ᐛᐱᒥᑯᐤ ᐊᓐᑕ ᑭᔭ ᒂ ‍ ᑯᒂᒋᒥᑯᒡ, “ᑕᓐᑕ ᑲ ‍ ᐃᑐᑕᔭᒄ ?”
\p ᓴᓪ ᒂ ᐃᑕᑦ, “ᓂᒋ ‍ ᓂᓇᑐᐛᐱᒪᓇᓐᒡ ᑲᓂᑲᑎᓯᒡ ᑲᐸᐃᑭᔎᐅᒡ᙮ ᐃᔅᐱ ᐊ ᐊᑲ ᐅᒋ ‍ ᒥᔅᑯᐅᒋᒡ, ᓂᒋ ‍ ᑎᑯᓯᓂᓇᓐ ᐅᑕ ᒐᒋ ᑭᒂᒋᒥᒋᒡ ᓴᒻᔪᐃᓪ ᒐᒋ ᐎᑎᒧᐎᔨᒥᑦ ᑕᓐᑕ ᐊ ‍ ᑕᔨᒋ᙮”
\p
\v 15 ᓴᓚ ᐅᐧᑯᒥᓴ ᒂ ᐃᑎᑯᑦ᙮ “ᒐᒂᔪᐤ ᑲ ‍ ᐃᑎᑕᒄ ᓴᒻᔪᐃᓪ ?”
\p
\v 16 ᓴᓪ ᒂ ‍ ᐃᑕᑦ, “ᓂᒋ ‍ ᐃᑎᑯᓇᓐ ᓴᔅ ᐊᒋ ‍ ᒥᔅᑯᐛᑭᓄᔨᒋ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮” ᒥᒄ ᓇᒪ ᐅᒋ ᐎᑎᒧᐛᐤ ᐅᐧᑯᒥᓴ ᑕᓐ ᑲ ᐃᑎᑯᑦ ᒐᒋ ᒋᓴᐅᒋᒪᐅᑦ ᐃᔅᕋᐃᓕᒡ᙮
\p
\v 17 ᓇᓇᒐ ᓴᒻᔪᐃᓪ ᒋ ‍ᐎᓴᒪᐤ ᒐᒋ ᒪᒧᐎᔨᒋ ᐃᔅᕋᐃᓪ ᐃᔪᐛ ᐊᓐᑕ ᒥᔅᐸ ᑭᔭ ᒐᒋ ᐸᑎᒥᔨᒋ ᐃᔨᒧᐅᓂᔪᐤ ᑎᐸᔨᒋᒐᓱᐛ ᐅᒋ᙮
\v 18 ᑲᒋ ᒥᓯᐛ ᐊᐛᔪᐛ ᑎᑯᓯᓂᔨᒋ, ᓴᒻᔪᐃᓪ ᒂ ‍ ᐃᑕᑦ, “ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᒋᓴᒪᓂᑐᐤ ᒋᔭᓄᐤ ᐃᔅᕋᐃᓪ ᐃᔪᒡ ᐊᔭᒥᐊᔅᑐᐛᐧᒄ ᐊᔅᒋᔄᑦ, ᒋᒋ ‍ ᐎᐎᑕᔨᑎᓇᐛᐤ ᒋᔨᐛᐤ ᐃᔅᕋᐃᓪ ᐃᔪᒡ ᐃᒋᑉᑎᒡ ᐅᒋ᙮ ᓂᒋ ‍ ᐎᐧᑯᒋᐊᐅᒡ ᒋᑦ ᐊᓂᔅᑯᑕᐸᓄᐛᐅᒡ ᐅᓱᐧᑲᑎᓯᐅᓂᔨᒡ ᐅᒋ ᑲ ᑎᐸᔨᒋᒐᔨᒋ ᐃᒋᑉᑎᒡ ᑭᔭ ᑯᑎᑲ ᒋᓴᐅᒋᒪᐛ ᐅᒋ ᑲ ‍ᐱᐛᔨᒥᑯᒡ᙮
\v 19 ᓂᔾ ᐅ ᑲᐱᒪᒋᔨᑎᑯᒡ ᐊᔨᒥᔪᔭᒄ ᑭᔭ ᐊᔨᒥᒐᔨᑎᒪᑯᐎ᙮ ᒥᒄ ᐊᓄᒡ ᒋᒋ ‍ ᐊᑎᐛᔨᒥᓇᐛᐤ, ᓂᔾ ᒋᒋᓴᒪᓂᑐᒧᐛᐤ ᑭᔭ ᒋᒋ ᐃᔅᒋᔄᓇᐛᐤ, ᓇᒪ ᒋᑦ ᐃᔭᐱᑕᔨᒥᑎᓇᓐ, ᐸᒋ ‍ ᒥᔨᓇᓐ ᒋᓴᐅᒋᒪᐤ᙮ ᐊᑯ ᓂᑭ ‍ ᐃᑐᑕᓐ ᒐᒂᓐ ᓇᑐᐛᔨᑎᒪᒄ᙮ ᐊᓄᒡ ᑐᑐᐛᑯᒡ ᑲ ᑎᐸᔨᒥᑕᑯᒡ ᐊᓐᑕ ᐊ ‍ ᐃᑎᔅᑲᓇᓯᔭᒄ ᑭᔭ ᒋᑦ-ᐃᔨᒧᐛᐅᒡ ᒐᒋ ᓂᐳᐅᒡ ᐅᑎᔅᑯᐤ ᑎᐸᔨᒋᒐᓱᐛ᙮
\p
\v 20 ᐃᔅᐱ ᑲ ᑎᐸᔨᒪᒡ ᐃᔪᐛ ᒥᒋᒪ ᓂᔭᑕᒡ ᓴᒻᔪᐃᓚ, ᒋᓴᒪᓂᑐᐤ ᒋ ᐎᑎᒻ ᑲ ‍ ᐎᔭᔨᒪᑦ ᐊᐛᔪᐛ ᐱᓐᒐᒥᓐ ᐊᑎᔅᑲᓇᓯᔨᒋ ᐅᒋ᙮
\v 21 ᐊᑯ ᓴᒻᔪᐃᓪ ᒂ ᐃᑕᑦ ᑲ ᑎᐸᔨᒪᔨᒋ ᐃᔪᐛ ᐊᓐᑕ ᐱᓐᒋᒥᓇ ᐊ ‍ ᐃᑎᔅᑲᓇᓯᔨᒋ ᐅᒋ ᒐᒋ ᓂᑲᓐ ᐸᑐᑕᔨᒋ, ᑭᔭ ᒋᓴᒪᓂᑐᐤ ᒋ ᐎᑎᒻ ᐊᓐᑕ ᐊᑎᔅᑲᓇᓯᔨᒋ ᐅᒋ ᐊᒋ ‍ ᐅᑎᓇᑦ ᐊᐛᔪᐛ ᒪᑦᕆ ᐊᐸᔨᑯᑕᐅᓯᔨᒋ ᐅᒋ᙮ ᓴᓚ ᒋ ᐎᔭᔨᒪᐤ, ᑭᔅ ᐅᑯᓯᔨᐛ᙮ ᒥᒄ ᐃᔅᐱ ᑲ ‍ ᓇᓂᑐᐛᐱᒪ ᓴᓚ, ᓇᒪ ᐅᒋ ᒥᔅᑯᐛᐅᒡ᙮
\v 22 ᐊᑯ ᐃᔪᒡ ᒂ ‍ ᑭᒂᒋᒪᒡ ᑎᐸᔨᒋᒐᓱᐛ, “ᑕᓐᑕ ᐊᑕᑦ ᓴᓪ ?” ᑎᐸᔨᒋᒐᓱᐤ ᒂ ‍ ᐃᑕᑦ, ᓂᑐᐱᔪᐅ-ᐊᐱᒋᑕᐅᓇ ᐊᑎᑯᓂᔨᒋ ᑲᓱᐤ᙮”
\p
\v 23 ᒋᔅᑎᑉ ᒋ ᐃᑐᑕᐅᒡ ᐊᓐᑕ ᑭᔭ ᒂ ‍ ᒥᔅᑯᐛᒡ ᑭᔭ ᒂ ‍ ᐸᓱᐛᒡ ᐊᓐᑕ ᐅᑎᔅᑯᐤ ᐊ ‍ ᑕᔨᒋ ᐃᔪᐛ᙮ ᒋ ᐛᐱᒪᐅᒡ ᐃᔪᒡ ᐊᑎᑐᐎᔅᐤ ᒋ ‍ᐊ ᒋᓏᔅᑯᓯᔨᒋ ᐃᔅᐱ ᑯᑎᑲ ᐊᐛᔪᐛ᙮
\v 24 ᐊᑯ ᓴᒻᔪᐃᓪ ᒂ ᐃᑕᑦ ᒥᓯᐛ ᐃᔪᐛ ᐊᓐᑕ ᑲ ‍ ᑕᔨᒋ, ᐊᐅᑯᐤ ᓇᐸᐤ ᑎᐸᔨᒋᒐᓱᐤ ᑲ ‍ ᐎᔭᔨᒪᑦ ᒐᒋ ᐅᒋᓴᐅᒋᒪᒥᔭᒄ᙮ ᒥᓯᐛ ᐊᑎᓯᔭᒄ ᒋᔭᓄᐤ ᐃᔅᕋᐃᓪ ᐃᔪᒡ, “ᓇᒪ ᐃᑕᐤ ᑯᑎᒃ ᐊᐛᓐ ᒧᔭᒻ ᐎᔾ !” ᒂ ‍ ᑕᑈᒡ ᐃᔪᒡ, “ᑭᒪ ᓇᐅᔅ ᐱᒪᑎᓯᑦ ᐅ ᒋᓴᐅᒋᒪᐤ !”
\p
\v 25 ᐊᑯ ᓴᒻᔪᐃᓪ ᒂ ‍ ᐎᑎᒧᐛᑦ ᐃᔪᐛ ᒐᒂᔪᐛ ᒐ ‍ ᐃᔨᑭᒥᔨᑯᒡ ᒋᓴᐅᒋᒪᐛ ᒐᒋ ᐃᑐᑕᒡ, ᑭᔭ ᒥᓯᐛ ᒐᒂᔪᐛ ᓇᑐᐛᔨᑕᑯᓯᑦ ᒐᒋ ᐃᑐᑕᐧᒃ ᒋᓴᐅᒋᒪᐤ᙮ ᒋ ‍ ᒥᓯᓇᐊᒻ ᒥᓯᐛ ᐊᓂᔭ ᒐᒂᔪᐛ ᐊᓐᑕ ᒥᓯᓇᐃᑭᓂᒡ, ᐊᑯ ᒂ ‍ ᐊᔅᑕᑦ ᐊᓐᑕ ᐸᔭᒋ ᐃᑕᐅᓂᒡ ᐊᓐᑕ ᐊᔭᒥᐊᐅᒋᐛᐱᒡ᙮ ᐊᑯ ᓴᒻᔪᐃᓪ ᒂ ‍ ᒋᐛᑎᓴᐛᑦ ᒥᓯᐛ ᐊᐛᔪᐛ᙮
\p
\v 26 ᐃᔅᐱ ᑲᒋ ‍ ᒋᐛᑦ ᓴᓪ ᐊᓐᑕ ᑭᐱᔭ ᐅᑕᓇᒡ, ᐱᔅᒐ ᓇᐸᐅᒡ ᒋ ‍ ᐎᔭᔨᑎᒧᒡ ᒐᒋ ᐎᒐᐛᒡ ᓴᓚ, ᒋ ‍ ᐃᑐᑎᒧᒡ ᐊᓂᔭ ᐛᔅ ᐊᔭᐅᒄ ᑲ ‍ ᐃᑎᓯᒥᑯᒡ ᒋᓴᒪᓂᑐᐛ ᒐᒋ ᐃᑐᑕᒡ᙮
\v 27 ᒥᒄ ᐱᔅᒐ ᐊᑲ ᒐᒂᓂᔪᐤ ᐃᑕᔨᑕᑯᓯᒡ ᓇᐸᐅᒡ ᒋ ‍ ᐃᔅᒋᔄᐅᒡ, “ᑕᓐᑕ ᒐᒋ ᐅᒋ ᐱᒪᒋᔨᑕᐧᒄ ᐅ ᓇᐸᐤ ᑲ ‍ ᐱᒂᑎᔨᑕᐧᑯ ᐅᒋ?” ᒋ ‍ ᒪᔭᔨᒪᐅᒡ ᑭᔭ ᒋ ᐊᑐᐛᔨᒪᐅᒡ ᒐᒋ ᒥᔭᒡ ᒥᔨᐛᐅᓇ ᒐᒋ ᐛᐸᑎᔨᐛᒡ ᒐᒋ ᐎ ‍ ᑕᑈᐅᒐᔨᒪᒡ᙮ ᒥᒄ ᓇᒪ ᒐᒂᔪᐤ ᐅᒋ ᐃᔅᒋᔄᐤ ᓴᓪ ᒐᒋ  ᐊᓏᔨᒪᑦ᙮
\c 11
\s1 ᓴᓪ ᐅᓂᑐᐱᔪᐅ-ᐃᔨᒪ ᑲ ᐱᒪᒋᐊᒡ ᒐᐸᔅ ᐃᔪᐛ
\p
\v 1 ᑲᒋ ᐸᐃᑯᐱᓯᒺᔭᔨᒡ, ᓇᐧᑲᔅ ᐊᒧᓐ ᒋᓴᐅᒋᒪᐤ ᒋ ‍ ᒋᔅᒋᓄᑕᐅ ᐅᓂᑐᐱᔪᐅ-ᐃᔨᒪ ᑎᔅᑭᒻ ᒍᕐᑎᓐ ᓯᐱᔪᐤ ᑭᔭ ᒂ ‍ ᐛᔅᑲᑲᐳᔅᑕᒡ ᒐᐸᔅ ᐅᑕᓇᔪᐤ ᐊᓐᑕ ᑭᓕᐊᑦ ᐃᑕᐅᓂᒡ᙮ ᒥᒄ ᒥᓯᐛ ᓇᐸᐅᒡ ᐊᓐᑕ ᒐᐸᔅ ᒂ ‍ ᓂᑐᐛᐱᒪᒡ ᓇᐧᑲᓴ ᑭᔭ ᒋ ‍ ᐃᑕᐅᒡ, “ᑐᑕ ᓂᔅᑯᒧᐅᓐ ᐊᓯᒡ ᓂᔭ ᒐ ᐊᑲ ᓂᐸᔨᔭᒡ, ᐊᑯ ᑭᔭ ᒐ ‍ ᓇᐊᔨᒥᑕᒡ ᒐᒋ ᑎᐸᔨᒥᔭᒡ᙮”
\p
\v 2 ᓇᐧᑲᔅ ᒋ ‍ ᐃᑕᐤ, “ᓂᑭ ‍ ᐃᑐᑕᓐ ᐊᓐ ᑐᑎᒪᒂ ᐸᐃᒄ ᒐᒂᓐ᙮ ᓇᐊᔨᒥᓇᓐ ᒐᒋ ᒥᓯᐛ ᐎᐎᐱᑎᒧᐅᒋᒡ ᒋᑦ ᐃᔨᒧᐛᐅᒡ ᐅᒥᔪᓄᐛᒡ ᐅᔅᒋᓯᑯᐛᐛ᙮ ᐊᓐ ᑐᑎᒪᒐ ᓂᑭ ‍ ᑐᑐᐛᓇᓂᒡ ᐃᔪᒡ ᑯᑎᑲ ᐊᔅᒋᔭ ᐅᒋ ᒐᒋ ᒪᔭᔨᒥᑕᑯᒡ ᒋᔨᐛᐤ ᐃᔅᕋᐃᓪ ᐃᔪᒡ᙮ ‍”
\p
\v 3 ᒐᐸᔅ ᐅᒋᒪᐅᒡ ᒋ ‍ ᐃᔅᒋᔄᐅᒡ, “ᒐ ᐊᑲ ᑯᓯᒂᔨᒧᑐᐅᔭᒡ ᓂᔄᐅᑕᒡ ᒋᓯᑲᐛ ᐃᔅᐱᔅ᙮ ᒪᒂᒡ ᐊᓂᔭ ᒋᓯᒂ, ᓂᑭ ᐃᑎᓴᐛᓇᓐᒡ ᑲ ᐱᒧᑕᒡ ᐃᔨᒧᐅᓂᔪᐤ ᒥᓯᐛ ᐊᔅᐱᑎᔅᑭᒥᑲᔨᒡ ᐃᔅᕋᐃᓪ ᐊᔅᒋᔪᐤ ᒐᒋ ᐎᑎᒧᐅᒋᒡ ᐊᓯ ‍ ᓂᑐᐛᔨᑎᒧᑦ᙮ ᐊᑲ ᒪᒃ ᐎᒋᔨᒥᒐ ᐊᐛᓐ, ᐊᑯ ᒐ ‍ ᓇᐊᔨᒥᑕᒡ ᒐᒋ ᑐᑐᐅᔭᒡ ᒥᒄ ᐛᑐᑐᐅᔭᒡ᙮”
\p
\v 4 ᐊᓱᒐᔨᒪᑦ ᐊ ‍ ᒋᔅᑕᔨᑕᑯᓯᔨᒋ ᐅᓂᑐᐱᔪᐅ-ᐃᔨᒪ, ᒋᓂᔅᑯᒧᐤ ᓇᐧᑲᔅ᙮ ᐊᑯ ᒐᐸᔅ ᐅᒋᒪᐅᒡ ᒋ ‍ ᐃᑎᓴᐛᐅᒡ ᑲ ᐱᒧᑕᔨᒋ ᐃᔨᒧᐅᓂᔪᐤ ᒥᓯᐛ ᐊᔅᐱᑎᔅᑭᒥᑲᔨᒡ ᐃᔅᕋᐃᓪ ᐊᔅᒋᔪᐤ᙮ ᐃᔅᐱ ᑲ ‍ ᑎᑯᓯᒡ ᑲ ᐱᒧᑕᒡ ᐃᔨᒧᐅᓂᔪᐤ ᐊᓐᑕ ᑭᐱᐊ, ᐊᓐᑕ ᐅᑕᓇᔪᐤ ᑲ ᐎᒋᑦ ᓴᓪ, ᑭᔭ ᑲ ᐎᑎᒧᐛᒡ ᐃᔪᐛ ᐊᓐᑕ ᑕᓐ ᐊ ᐃᔅᐱᔨᒡ, ᒥᓯᐛ ᐊᐛᓐ ᒂ ᒪᑦ᙮
\v 5 ᒪᒂᒡ ᐊᓐ, ᓴᓪ ᑕᑕᐅᒋᐱᒐᐤ ᐅ ᓂᑕᐅᒋᑕᑭᓂᒡ ᐊᔅᒋᒡ, ᐃᔅᐱ ᑲ ᒋᐛᑦ, ᒋ ‍ ᑭᒂᒋᒐᒧᐤ “ᒐᒂᔪᐤ ᒥᓯᐛ ᐊᐛᓐᒋ ᐛᒋ ᒪᒡ?” ᐊᑯ ᒂ ‍ ᐎᑎᒧᐛᑭᓄᐅᑦ ᒐᒂᔪᐤ ᑲ ‍ ᐃᔅᒋᔄᔨᒋ ᑲ ᐱᒧᑕᔨᒋ ᐃᔨᒧᐅᓂᔪᐤ᙮
\p
\v 6 ᐊᑯ ᒋᓴᒪᓂᑐᐤ ᐅᑦ ᐊᒐᐧᑯᐛ ᓴᐧᑯᒋᔨᐛᐅᓂᒡ ᒂ ‍ ᐱᔅᑲᑯᑦ ᓴᓪ, ᑭᔭ ᒂ ‍ᒥᔅᑎ ‍ ᒋᔄᐱᑦ ᐛᔅ ᐊᓂᔭ ᒐᒂᔪᐤ ᐛ ‍ ᐃᑎᔨᒋ ᓇᐧᑲᓴ᙮
\v 7 ᓂᓱ ᒋ ᓂᐸᐤ ᐅᒥᔅᑐᓯᒪ, ᑭᔭ ᒋ ‍ ᐸᐱᑯᔄᐤ᙮ ᐊᑯ ᒂ ᒥᔭᑦ ᐊᓂᔭ ᑲ ᐱᒧᑕᔨᒋ ᐃᔨᒧᐅᓂᔪᐤ ᒥᓯᐛ ᐊᔅᐱᑎᔅᑭᒥᑲᔨᒡ ᐃᔅᕋᐃᓪ ᐊᔅᒋᔪᐤ ᐃᑐᑕᔨᒋ ᒐᒋ ᐎᑎᒧᐛᔨᒋ ᐃᔪᐛ ᐅᔭ ᐃᔨᒧᐅᓂᔪᐤ᙮ “ᒂᔅᒋᔄᑦ ᓴᓪ ᒋ ‍ ᐸᐱᑯᔄᐤ ᐅᔭ ᒥᔅᑐᓴ, ᑭᔭ ᐸᐃᑯᑕᐤ ᒋᑭ ‍ ᑐᑐᐅᒺᐤ ᐅᒥᔅᑐᓯᒥᔨᐛ ᐊᓂᔭ ᐊᐛᔪᐛ ᐊᔭᓄᐛᑎᒥᔨᒋ ᒐᒋ ᐎᒐᐅᑯᑦ ᑭᔭ ᓴᒻᔪᐃᓚ ᒐᒋ ᒪᓴᔨᒋ ᐊᒧᓐ ᓂᑐᐱᔪᐅ-ᐃᔪᐛ!” ᐊᑯ ᑎᐸᔨᒋᒐᓱᐤ ᒋ ‍ ᑐᑐᐛᐤ ᒥᓯᐛ ᐃᔅᕋᐃᓪ ᐃᔪᐛ ᒐᒋ ᑯᔅᑕᒋᔨᒋ ᑎᐸᔨᒋᒐᓱᐛ ᐊ ᐊᑲ ᐃᑐᑕᑥᐛ ᒐᒋ ᐎᒋᐊᒡ ᓴᓚ᙮ ᐊᑯ ᒥᓯᐛ ᓇᐸᐅᒡ ᒂ ‍ ᒪᒧᐎᒡ᙮
\v 8 ᐃᔅᐱ ᓴᓪ ᒥᓯᐛ ᑲ ‍ ᒥᔭᑦ ᓂᑐᐱᔪᐅ-ᐊᐱᒋᑕᐅᓇ ᐊᓐᑕ ᐸᓴᒄ᙮ ᓴᓪ ᐛᐱᒪᐤ ᐊᓐᑕ ᓂᔅᑐ ᒥᑕᓯᒥᑎᓄᐤ ᒐᓯᐱᔪᐤ ‍ (300,000) ᐃᔅᕋᐃᓪ ᓇᐸᐛ ᐊᓯᒡ ᓂᔅᑐᔪᐤ ᒐᓯᐱᔪᐤ ‍ (30,000) ᓇᐸᐅᒡ ᒍᑕ ᐊ ‍ ᐃᑎᔅᑲᓇᓯᒡ ᐅᒋ᙮
\p
\v 9 ᐊᑯ ᓴᓪ ᑲᐤ ᒂ ‍ ᐃᑎᓴᐊᒧᐛᑦ ᑲ ᐱᒧᑕᔨᒋ ᐃᔨᒧᐅᓂᔪᐤ ᐊᓐᑕ ᒐᐸᔅ ᒐᒋ ᐎᑎᒧᐛᔨᒋ ᐃᔪᐛ, “ᒋᑭ ‍ ᐎᐧᑯᒋᔨᑯᓇᐛᐤ ᐛᐸᒐ ᒋ ‍ ᐊᐱᑕᒋᓯᑲᒐ᙮” ᐃᔅᐱ ᐃᔪᒡ ᐊᓐᑕ ᒐᐸᔅ ᑲ ‍ ᐸᑕᒡ ᐊᓂᔭ ᐃᔨᒧᐅᓂᔪᐤ, ᒋᒋᐛ ᒋ ‍ ᒧᒋᒐᔨᑎᒧᒡ᙮
\v 10 ᐊᑯ ᒐᐸᔅ ᓇᐸᐅᒡ ᒂ ‍ ᐃᑕᒡ ᓇᐧᑲᓴ, “ᐛᐸᒐ ᒋᑭ ‍ ᐱᔅᑎᓂᓱᔅᑕᑎᓇᓐ, ᐊᑯ ᑭᔭ ᒐ ‍ ᐃᑐᑐᐅᔭ ᒥᒄ ᒐᒂᓐ ᐛ ‍ ᐃᑐᑐᐅᔭᒡ᙮”
\p
\v 11 ᒥᒄ ᐊ ᒺᔭ ᓴᑲᔅᑐᐛᔨᒋ ᐱᓯᒺ ᒥᓐ ᒋᔭᒋᓴᐸᔭᔨᒡ, ᒂ ‍ ᑎᑯᓯᒡ ᓴᓪ ᑭᔭ ᐅᓂᑐᐱᔪᐅ-ᐃᔨᒪ᙮ ᒂ ᓂᔅᑐᐎᒡ ᐃᓯ ᑎᐸᓇᐊᑦ᙮ ᒂ ᐃᔅᐸᔨᑐᒡ ᐊᓐᑕ ᐛᒋᔨᒋ ᓂᑐᐱᔪᐅ-ᐃᔪᐛ ᐊᒧᓐ ᐅᒋ ᑭᔭ ᒂ ‍ ᑯᓯᒂᔨᒧᑐᐛᒡ᙮ ᐃᔭᐱᑕᒋᓯᑲᔨᒡ ᒥᒐᑦ ᒋ ‍ ᓂᐸᐅᒡ ᑭᔭ ᐊᓐᒡ ᐊ ᐊᑲ ᐅᒋ ᓂᐸᐊᑭᓄᐅᒡ ᒋ ᒋᑎᓯᒧᐅᒡ᙮ ᒥᓯᐛ ᐊᓐᒡ ᑲ ᒋᑎᓯᒧᒡ ᒋ ᐸᐃᑯᐸᑕᓱᐅᒡ᙮
\p
\v 12 ᐊᑯ ᒐᐸᔅ ᐃᔪᒡ ᒂ ᐃᑕᒡ ᓴᒻᔪᐃᓚ, “ᑕᓐᑕ ᐊᓂᔭ ᓇᐸᐅᒡ ᑲ ‍ ᐃᔅᒋᔄᒡ ᐊ ᐊᑲ ᓂᑐᐛᔨᒪᒡ ᓴᓚ ᒐᒋ ᒋᓴᐅᒋᒪᐎᒋ ? ᐸᓱᐛᑯᒡ ᐅᑕ, ᑭᔭ ᒋᑭ ‍ ᓂᐸᐊᓄᐅᒡ !”
\p
\v 13 ᒥᒄ ᓴᓪ ᒋ ᐃᑕᐤ᙮ “ᓇᒪ, ᓇᒪ ᐊᐛᓐ ᒋᑭ ‍ ᓂᐸᐊᓄᐤ ᐊᓄᒡ, ᐛᔅ ᐊᐅᑯᔪ ᐅᔭ ᒋᓯᑯᔪᐤ ᑲ ‍ ᐱᒪᒋᔨᑕᐧᒄ ᒋᔭᓄ ᐃᔅᕋᐃᓪ ᐃᔪᐛ ᒋᓴᒪᓂᑐᐤ, ᐊᐅᑯᐤ ᒋᓯᒄ ᒐ ᒥᔭᑎᒪᐧᒄ, ᓇᒥᔭᐤ ᒐᒋ ᓂᐸᐊᒄ ᐊᐛᓐ᙮”
\p
\v 14 “ᐊᑯ ᓴᒻᔪᐃᓪ ᒂ ᐃᑕᑦ ᐃᔪᐛ᙮ “ᑭᓪᑲᓪ ᒥᓯᐛ ᐃᑐᑕᑕᐤ, ᑭᔭ ᐊᑯᑕ ᒥᓐ ᒐ ‍ ᐎᑎᒪᐧᒄ ᐊᐅᒋᓴᐅᒋᒪᒥᔭᐧᒄ ᓴᓪ᙮”
\v 15 ᐊᑯ ᒂ ᐃᑐᑕᒡ ᐊᓐᑕ ᑭᓪᑲᓪ᙮ ᐊᑯᑕ, ᐊᒋᔅᒐᔨᑕᒡ ᐊᑭᓄᐛᐱᒥᑯᒡ ᑎᐸᔨᒋᒐᓱᐛ, ᒋ ‍ ᐎᑎᒧᒡ ᐊᐅᒋᓴᐅᒋᒪᒥᒡ ᓴᓚ᙮ ᐊᑯ ᒂ ‍ ᒥᑐᔅᑕᐊᒪᒐᒡ ᒐᒋ ᑐᑕᑯᒡ ᐊᔅᒄ ᒐᒋ ᒥᔪᐤ ‍ ᐎᒐᐛᒡ ᑎᐸᔨᒋᒐᓱᐛ᙮ ᑭᔭ ᓴᓪ ᑭᔭ ᒥᓯᐛ ᑯᑎᑭᒡ ᐃᔅᕋᐃᓪ ᐃᔪᒡ ᒋᒋᐛ ᒋ ᒥᔽᔨᑎᒧᒡ᙮
\c 12
\s1 ᓴᒻᔪᐃᓪ ᐅᐛᒋᔭ ᐃᔨᒧᐅᓐ
\p
\v 1 ᓴᒻᔪᐃᓪ ᒋ ‍ ᐃᑕᐤ ᒥᓯᐛ ᐃᔅᕋᐃᓪ ᐃᔪᐛ: ᓂᒋ ‍ ᐃᑐᑕᓐ ᒥᓯᐛ ᒐᒂᓐ ᑲ ‍ ᐃᓯᔭᒄ ᒐᒋ ᐃᑐᑎᒪᓐ, ᒋᒋ ‍ ᒥᔨᑎᓇᐛᐤ ᒋᓴᐅᒋᒪᐤ ᒐ ‍ ᑎᐸᔨᒥᑕᒄ᙮
\v 2 ᓴᔅ ᒋ ᐃᓯ ‍ ᓂᑕᐅᒋᐅᒡ ᑎᐱᔨᐛ ᓂᑯᓯᒡ ᑭᔭ ᐊ ‍ ᐃᑕᐛᒄ ᐃᑕᐅᒡ, ᒥᒄ ᓂᒋ ‍ ᐅᑎᓇᐤ ᓴᓪ ᒥᔅᑯᒡ ᐊᓐᒡ ᐸᐃᒄ, ᑭᔭ ᐊᓄᒡ ᒋ ‍ ᓂᑲᓂᔅᑲᑯᐛᐤ᙮ ᓴᔅ ᓂ ᒋᓴᔨᐅᓐ, ᑭᔭ ᐛᐸᐤ ᓂᐱᔎᐅᓐ᙮ ᑲ ‍ ᐅᔅᒋᓂᒋᐅᔭᓐ ᐅᒋ ᒋᒋ ‍ ᓂᑲᓂᔅᑲᑎᓇᐛᐤ᙮
\v 3 ᐊᓄᒡ ᐎᑎᒧᐅᒄ, ᒪᒂᒡ ᐊᓂᑐᑕᑕᐧᒄ ᑎᐸᔨᒋᒐᓱᐤ, ᑭᔭ ᒪᒂᒡ ᐊᓂᑐᑎᒥᔨᒋ ᐊᓂᔭᔪᐛ ᒋᓴᐅᒋᒪᐛ ᑲ ‍ ᐅᑎᓇᑦ, ᐊᐛᓐ ᐊᓂᔭ ᐅᒥᔅᑐᓯᒪ ᑭᔭ ᒪᒃ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᑲ ‍ ᒋᒧᑎᒧᐛᐛᒐ ᒪᒂᒡ ᐅᔭ ᑕᑐᐱᐳᓇ? ᐊᐛᓐ ᑲᒋ ‍ ᐎᔭᓯᒥᒄ ? ‍ ᐊᐛᓐ ᑲᒋ ‍ ᒪᔭᔨᒪᐛᒐ ? ᐊᐛᓐ ᐅᒋ ᑲ ‍ ᐅᑎᓂᒧᒡ ᐛᔭᓯᐃᐛᐎ ᒥᔨᑯᓯᐅᓂᔪᐤ, ᐊᓂᔭ ᐅᒋ ᒐ ᐊᑲ ᐃᔭᐱᑕᔨᑎᒧᒡ ᒥᒋ ‍ ᒐᒂᔪᐤ ᑲᒋ ‍ ᐃᑐᑕᐧᒃ᙮ ᑲᒋ ‍ ᐃᑐᑎᒧᐛᓇ ᐊᓂᔭ ᒐᒂᔪᐛ, ᐎᑎᒧᐅᒄ, ᑭᔭ ᓂᑭ ‍ᒋᐛ ‍ ᒋᓯᐧᑲᓱᓐ ᒐᒂᓐ ᒪᓯᓇᔨᒐᔭᓐ᙮”
\p
\v 4 ᒂ ‍ ᐃᔅᒋᔄᒡ, “ᓇᒪ, ᓇᒪ ᓂᑕ ᒋ ᐅᒋ ‍ ᐎᔭᓯᒪᐤ ᐊᐛᓐ ᑭᔭ ᒪᒃ ᒪᔭᔨᒪᐤ ᐊᐛᓐ ᑭᔭ ᒪᒃ ᒐᒋ ᐅᑎᓂᒧᑦ ᐛᔭᓯᐃᐛᐎ ᒥᔨᑯᓯᐅᓂᔪᐤ ᐊᐛᓐ ᐅᒋ”
\p
\v 5 ᐊᑯ ᓴᒻᔪᐃᓪ ᒂ ‍ ᐃᔅᒋᔄᑦ, “ᐊᓄᒡ ᑎᐸᔨᒋᒐᓱᐤ ᒋᑭ ᒋ ‍ ᐎᑎᒻ ᑭᔭ ᒋᓴᐅᒋᒪᐤ ᑲ ᐅᑎᓇᒄ ᒋᑭ ᒋ ‍ ᐎᑎᒻ ᐊᑲ ᐅᑎᓂᒧᒡ ᐛᔭᓯᐃᐛᐎ ᒥᔨᑯᓯᐅᓂᔪᐤ ᐊᐛᓐ ᐅᒋ᙮” ᑲ ‍ ᐃᔅᒋᔄᒡ, “ᓂᐦᐃ, ᑎᐸᔨᒋᒐᓱᐤ ᒋᑭ ᒋ ‍ ᐃᔅᒋᔄᐤ ᐊᒋᔅᒐᔨᑕᐧᒄ ᐊᓂᔭ ᐊᑕᑈᒥᑭᓂᔨᒡ᙮”
\p
\v 6 ᐊᑯ ᓴᒻᔪᐃᓪ ᒂ ‍ᐃᔅᒋᔄᑦ: ᑎᐸᔨᒋᒐᓱᐤ ᐊᐅᒄ ᑲ ᐅᑎᓇᑦ ᒧᓱᓴ ᑭᔭ ᐊᕋᓇ ᒐᒋ ᐅᒋᒪᐅᔨᒋ ᒋᑦ ᐊᓂᔅᑯᑕᐸᓂᐛᐛ᙮ ᐊᐅᒄ ᐎᔾ ᑲ ‍ ᐎᐎᑕᐊᑦ ᐃᒋᑉᑎᒡ ᐅᒋ ᑭᔭ ᐎᔾ ᒋᑭ ‍ ᐎᑎᒻ ᐊᑕᑈᒥᑭᓂᔨᒡ ᒐᒂᔪᐤ ᐊ ‍ ᐃᔅᒋᔄᐅᒡ᙮
\v 7ᐊᑯ ᒪᒂᒡ ᐊᓂᑐᑕᐧᒃ ᑎᐸᔨᒋᒐᓱᐤ, ᒋᔭᒥᑲᐳᐅᒄ ᐅᑕ ᒪᒂᒡ ᐊᑕᒪᔨᒥᑎᑯᒡ ᑭᔭ ᐎᑎᒪᑎᑯᒡ ᑲᓂᑐᐛᔨᒪᒄ ᒋᓴᐅᒋᒪᐤ ᒥᔅᑯᒡ ᐊᑕᑈᐛᒐᔨᒪᒄ ᑎᐸᔨᒋᒐᓱᐤ ᒐᒋ ᒋᔅᒋᓄᑕᔨᑕᒄ ᐊ ᐊᑲ ᐅᒋ ᒥᔽᔨᒡ᙮ ᓂᑭ ‍ ᐃᑐᑕᓐ ᐊᓐ ᐊ ᒋᔅᒋᒥᑎᑯᒡ ᒥᓯᐛ ᒥᒥᔅᑲᒡ ᒐᒂᔪᐛ ᑲ ‍ ᐃᑐᑎᒪᑕᒄ ᑭᔭ ᒋᑦ ᐊᓂᔅᑯᑕᐸᓄᐛᐛ᙮
\p
\v 8 ᒥᒐᑐᐤ ᐱᐳᓇ ᑲᒋ ‍ ᐃᑐᑕᑦ ᒐᑭᑉ ᐊᓐᑕ ᐃᒋᑉᑎᒡ, ᒋᑦ ᐊᓂᔅᑯᑕᐸᓂᐛᐅᒡ ᒋ ‍ ᑕᑈᑕᐅᒡ ᑎᐸᔨᒋᒐᓱᐛ ᒐᒋ ᐎᒋᐃᑯᒡ᙮ ᐊᑯ ᑎᐸᔨᒋᒐᓱᐤ ᒂ ‍ ᐃᑎᓴᐊᒧᐛᑦ ᒧᓱᓴ ᑭᔭ ᐊᕋᓇ ᒋ ‍ ᐸᓱᐛᐅᒡ ᒋᑦ ᐊᓂᔅᑯᑕᐸᓂᐛᐛ ᐃᒋᑉᑎᒡ ᐅᒋ, ᑭᔭ ᒐᒄ ᒂ ‍ ᐎᒋᒡ ᐅᑕ ᐊᔅᒋᒡ᙮
\p
\v 9 ᒥᒄ ᒋᑦ ᐊᓂᔅᑯᑕᐸᓄᐅᒡ ᐎᐱᒡ ᒂ ‍ ᐅᓂᒋᔅᒋᑐᐛᐅᒡ ᑎᐸᔨᒋᒐᓱᐛ, ᐅᒋᓴᒪᓂᑐᒧᐛᐛ᙮ ᐊᑯ ᒂ ‍ᓇᐊᔨᒪᑦ ᓯᔅᓯᕋ, ᐧᑲᓱᕐ ᓂᑐᐱᔪᐅ-ᐃᔪᐛ ᐅᒋᒪᐛ, ᒐᒋ ᓴᑯᒋᔨᑯᔨᒋ᙮ ᐃᔭᐱᒡ ᒋ ᓇᐊᔨᒪᐤ ᐱᓕᔅᑕᐃᓐ ᐃᔪᐛ ᑭᔭ ᒧᐊᑉ ᒋᓴᐅᒋᒪᐛ ᐅᓂᑐᐱᔪᐅ-ᐃᔨᒥᔨᐛ ᒐᒋ ᒪᓴᐊᔨᒋ ᒋᑦ ᐊᓂᔅᑯᑕᐸᓄᐛ ᑭᔭ ᓴᐧᑯᒋᐊᔨᒋ᙮
\v 10 ᒥᓄᐛᒡ ᒋᑦ ᐊᓂᔅᑯᑕᐸᓂᐛᐅᒡ ᒋ ‍ ᑕᑈᑕᐅᒡ ᑎᐸᔨᒋᒐᓱᐛ ᒐᒋ ᐎᒋᐃᑯᒡ᙮ ᒋ ‍ ᐃᔅᒋᔄᐅᒡ, ‘ᑎᐸᔨᒋᒐᓱᐤ, ᓂᒋ ‍ ᒥᒋᑐᑕᓇᓐ, ᑭᔭ ᓂᒋ ‍ ᐳᓂᓇᓐ ᐊᔭᒥᐊᔅᑕᑕᒡ, ᓂᒋ ‍ ᐊᔭᒥᐊᔅᑐᐛᓇᓐᒡ ᐸᐊᓪ ᑭᔭ ᐊᔅᑕᕐᑦ ᐛᒋᑎᐸᔨᑕᑯᓯᒡ ᒥᓂᑐᐅᒡ᙮ ᒥᒄ ᐱᐧᑯᒋᔨᔭᒐ ᑲ ‍ ᐱᒂᓯᔨᒥᒡ ᐅᒋ, ᒋᔾ ᒥᒄ ᒋᑭ ‍ ᐊᔭᒥᐊᔅᑕᑎᓇᓐ᙮’
\v 11 ᐊᑯ ᑎᐸᔨᒋᒐᓱᐤ ᒂ ‍ ᐃᑎᓴᐊᒧᐛᑦ ᑭᑎᐊᓇ, ᑭᔭ ᐸᕋᑲ, ᑭᔭ ᒐᑉᑕᔨᒋ, ᑭᔭ ᓂᔾ ᒐᒋ ᐱᒪᒋᔨᑕᒡ᙮ ᐊᓂᔭ ᐅᒋ, ᑭᔭ ᓇᒪ ᒋ ᐅᒋ ᓂᑐᐛᔨᑕᑯᓯᓇᐛᐤ ᒐᒋ ᐊᔨᒪᔨᑎᒥᒄ ᑲ ‍ ᐱᒂᑎᑕᑯᒡ ᒐᒋ ᑯᓯᒂᔨᒧᑕᑕᑯᒡ᙮
\p
\v 12 ᒥᒄ ᐊᓄᒡ, ᐃᔅᐱ ᐊᒧᓐ ᒋᓴᐅᒋᒪᐤ ᓇᐧᑲᔅ ᑲ ‍ ᑎᑯᓯᐧᒃ ᐊᓯᒡ ᐅᓂᑐᐱᔪᐅ-ᐃᔨᒪ ᒐᒋ ᑯᓯᒂᔨᒧᑕᑕᑯᒡ, ᒋᒋ ‍ ᑯᔅᑕᒋᓇᐛᐤ᙮ ᐊᑯ ᒂ ‍ ᓂᑐᐛᐱᒥᔭᒄ, ᑭᔭ ᒂ ᐃᓯᔭᒄ, ‘ᓂᑐᐛᔨᒪᓇᓐ ᒋᓴᐅᒋᒪᐤ ᒐᒋ ᑎᐸᔨᒥᔨᒥᑦ,’ ᐊᑎᓱᒄ ᑎᐸᔨᒋᒐᓱᐤ ᓴᔅ ᑲ ‍ ᐅᒋᓴᐅᒋᒪᒥᔭᒄ !
\v 13 ᐊᑯ ᒪᒃ, ᒪᐅ ᒋᓴᐅᒋᒪᐤ ᑲ ᐎᔭᔨᒪᒄ᙮ ᒋᒋ ‍ ᓂᑐᐛᔨᒪᐛᐤ ᒋᓴᐅᒋᒪᐤ, ᑎᐸᔨᒋᒐᓱᐤ ᐊᓄᒡ ᒋᒋ ‍ ᐅᑎᓂᒪᑯᐛᐤ ᒋᓴᐅᒋᒪᐛ᙮
\v 14 ᒋᔅᑕᔨᒪᒂ ᑎᐸᔨᒋᒐᓱᐤ ᑭᔭ ᐊᑐᔅᑯᐛᒂ, ᑭᔭ ᐱᓯᒋᑎᒺᒂ ᒐᒂᔪᐤ ᐊᔅᒋᔄᑦ ᑭᔭ ᓂᓇᐊᔨᑎᒪᒂ ᐊ ‍ ᐃᑎᓱᐛᑦ, ᑭᔭ ᒋᔨᐛᐤ ᑭᔭ ᐊᓐ ᒋᓴᐅᒋᒪᐤ ᑕᐸᔨᒥᑕᒄ ᑐᑎᒺᒂ ᒐᒂᔪᐤ ᓇᑎᐅᐛᔨᒥᑕᒄ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ ᒐᒋ ᐃᑐᑎᒺᒄ, ᒋᑭ ‍ ᓱᐛᔨᑕᑯᔨᑯᐛᐤ ᑎᐸᔨᒋᒐᓱᐤ᙮
\v 15 ᒥᒄ ᐊ ᐊᑲ ᓂᑐᑎᐛᒂ ᒐᒂᔪᐤ ᐊᔅᒋᔄᑦ, ᑭᔭ ᐊ ᐊᑲ ᓇᐊᔨᑎᒺᒂ ᒐᒂᔪ ᐊ ‍ ᐃᑎᓱᐛᑦ, ᐊᑯ ᒥᓯᐛ ᒐ ‍ ᐊᓏᔨᒥᑕᒃ, ᒧᔭᒻ ᑲ ᐃᓯ ‍ ᐊᓏᔨᒪᑦ ᒋᑦ ᐊᓂᔅᑯᑕᐸᓄᐛ
\p
\v 16 ᐊᑯ ᒋᔭᒥᑲᐳᐅᒄ ᐅᑕ ᑭᔭ ᒐ ‍ ᐛᐸᑎᒺᒄ ᒋᒋ ‍ ᒐᒂᔪᐤ ᐛᑐᑕᐧᒃ ᑎᐸᔨᒋᒐᓱᐤ᙮
\v 17 ᒋ ᒋᔅᒐᔨᑕᓇᐛᐤ ᐊ ᐊᑲ ᒋᒺᒡ ᐊᑕᔨᑕᒂᒡ ᐅ ᐱᐳᓐ, ᒪᒂᒡ ᐊᓐ ᐃᔅᐱ ᐊᒪᒧᓴᒋᓂᒪᒄ ᐸᒂᓯᑭᓂᒥᓇ᙮ ᒥᒄ ᓂᑭ ‍ ᑯᒂᒋᒪᐤ ᑎᐸᔨᒋᒐᓱᐤ ᒐᒋ ᐃᑎᓴᐊᐧᒃ ᐊᓂᒥᔅᒋᐅᔎᔨᒡ ᑭᔭ ᐊᒋᒧᓂᔨᒡ ᐊᓄᒡ᙮ ᐃᔅᐱ ᑐᑕᒐ ᐊᓂᔭ, ᒋᑭ ‍ ᒋᔅᒐᔨᑕᓇᐛᐤ ᐊᑕᔨᑕᐧᒃ ᑎᐸᔨᒋᒐᓱᐤ ᐊᒋ ‍ ᑐᑎᒪᒄ ᒥᒋ ᒐᒂᓐ ᐊ ‍ ᑭᒂᒋᒧᔭᒄ ᒋᓴᐅᒋᒪᐤ᙮”
\p
\v 18 ᐊᑯ ᓴᒻᔪᐃᓪ ᒂ ‍ ᓂᑐᑎᒧᐛᑦ ᑎᐸᔨᒋᒐᓱᐛ, ᑭᔭ ᑎᐸᔨᒋᒐᓱᐤ ᒂ ‍ ᑐᑕᐧᒃ ᒐᒋ ᓂᒥᔅᒋᐅᔎᔨᒡ ᑭᔭ ᒋᒧᓂᔨᒡ᙮ ᐊᑯ ᒥᓯᐛ ᐊᐛᓐ ᒂ ‍ ᑯᔅᑕᑦ ᑎᐸᔨᒋᒐᓱᐛ ᑭᔭ ᓴᒻᔪᐃᓚ᙮
\p
\v 19 ᒋ ‍ ᑕᑈᑕᐅᒡ ᓴᒻᔪᐃᓚ, “ᐃᔨᒥᑐᐅᓇᓐ ! ᓂᒋ ‍ ᐊᓱᔅᑕᓇᓐ ᐎᐱᒡ ᓂᒥᒋᑐᑎᒧᐅᓇᓇ ᐊᓂᑐᐛᔨᒥᒋᒡ ᒋᓴᐅᒋᒪᐤ ! ᓂᑐᑎᒧᐤ ᑎᐸᔨᒋᒐᓱᐤ ᒋᒋᓴᒪᓂᑐᒻ ᒐ ᐊᑲ ᐅᒋ ᓂᐱᔭᒡ ᐛᔅ ᐊᓐ ᑲ ᐃᓯ ‍ ᐃᑐᑎᒪᒡ !”
\p
\v 20 ᓴᒻᔪᐃᓪ ᒂ ‍ ᐃᑕᑦ: “ᐊᑲ ᑯᔅᑕᒋᒄ ! ᒋᒋ ᐃᑐᑕᓇᐛᐤ ᐅ ᒥᒋ ᒐᒂᓐ, ᒥᒄ ᐊ ᐊᑲ ᓂᑭᑎᒥᒄ ᐊ ‍ ᐃᑐᑎᒺᒄ ᒐᒂᔪᐤ ᓇᑐᐛᔨᒥᑕᒄ ᑎᐸᔨᒋᒐᓱᐤ ᒐᒋ ᐃᑐᑎᒺᒄ᙮ ᒥᔅᑯᒡ, ᑕᑈᐅᒐᔨᑕᑯᓯᐅᓂᒡ ᐊᑐᔅᑯᐛᐧᒄ
\v 21 ᒐ ᐊᑲ ‍ ᓂᑭᑕᐧᒄ ᑎᐸᔨᒋᒐᓱᐤ ᑭᔭ ᐊᔭᒥᐊᔅᑐᐛᑯᒡ ᐊ ᐊᑲ ‍ ᐃᔭᐱᑕᔨᑕᑯᓱᐅᒡ ᒥᓂᑐᐧᑲᓐᒡ᙮ ᓇᒪ ᒋᑭ ᒋ ‍ ᒋ ‍ ᐎᒋᔨᑯᐛᐅᒡ ᑭᔭ ᒪᒃ ᒐᒋ ᐱᒪᒋᔨᑯᐛᐅᒡ ᑲᐱᒂᑎᔨᑕᑯᐤ ᐅᒋ, ᐛᔅ ᑕᑈ ᓇᒪ ᐃᔭᐱᑕᔨᑕᑯᓱᐅᒡ᙮
\v 22 ᑎᐸᔨᒋᒐᓱᐤ ᒋ ‍ ᐎᔭᔨᑎᒻ ᒐᒋ ᐅᑦ ᐃᔨᒥᑕᑕᐧᒄ᙮ ᐊᑯ ᓇᒪ ᒋᑭ ‍ ᓂᑭᑎᑯᓇᐤ ᒋᔭᓄᐤ ᐃᔪᐛ ᑲ ‍ ᐎᔭᔨᒪᑦ, ᐛᔅ ᒋᐸ ‍ ᐱᑯᓂᒻ ᑎᐱᔨᐛ ᐅᑦ ᐃᓯᓂᐧᑲᓱᐅᓐ ᐊᑕᑈᐅᒐᔨᑕᑯᓯᑦ ᑐᑕᐧᒃ ᐊᓂᔭ᙮
\v 23 ᒥᒄ ᓂᔾ, ᓂᒋ ᒋᒋ ‍ ᐊᓱᑎᒪᒐᓐ ᒐ ᐊᑲ ᐅᓂᑐᑐᐅᒄ ᑎᐸᔨᒋᒐᓱᐤ ᐊᐳᓂᔭᓐ ᐊᔭᒥᐊᔅᑎᒪᑎᑯᒡ᙮ ᑭᔭ ᓂᑭ ᓇᓂᑎᒪᐱᔨᓐ ᒋᑭ ‍ ᒋᔅᑯᑎᒪᑎᑯᒡ ᒐᒂᔪᐤ ᐊᓂᔭ ᒪᔽᒋ ᑭᔭ ᐊᑯᐃᔅᑯᓇᒂᒋ ᒐᒋ ᐃᑐᑎᒪᒄ᙮
\v 24 ᒥᒄ ᒋᑭ ᐎ ‍ ᒋᔅᑕᔨᒪᐛᐤ ᑭᔭ ‍ ᑕᑈᐅᒐᔨᑕᑯᓯᐅᓂᒡ ᐊᑐᔅᑯᐛᐛᐤ᙮ ᒐ ᐊᑲ ᓂᑕ ᐅᓂᒋᔅᒋᑎᒺᒄ ᒋᒋ ‍ ᒐᒂᔪᐛ ᑲ ‍ ᐃᑐᑎᒪᑕᐧᒃ᙮
\v 25 ᒥᒄ ᐊᔅᒄ ᑐᑎᒪᒂ ᒥᒋ ‍ ᒐᒂᓇ, ᒋᑭ ‍ ᓂᓱᐅᓇᒋᔨᑯᐛᐤ ᒋᔪᐛᐤ ᑭᔭ ᒋᓴᐅᒋᒪᒧᐛᐛ᙮
\c 13
\s1 ᓴᓪ ᓇᒪ ᐅᒋ ᓂᓇᐊᔨᑐᐛᐤ ᒋᓴᒪᓂᑐᐛ
\p
\v 1 ᒋ ‍ ᐅᔅᒋᓂᒋᓯᔪᐤ ᓴᓪ ᑲ ‍ ᒋᓴᐅᒋᒪᐅᑦ᙮ ᓇᐎᔪᐛᐱᐳᓇ ᐊᓱᐤ ᓂᓱ ‍ (42) ᒋ ‍ ᑎᐸᔨᒋᒐᐤ ᐃᔅᕋᐃᓕᒡ᙮
\p
\v 2 ᑕᑐ ᐱᐳᓇ ᑲᒋ ‍ ᒋᓴᐅᒋᒪᐅᑦ, ᒂ ‍ ᐅᑎᓇᑦ ᓂᔍᐤ ᒐᓯᐱᔪᐤ ‍ (3,000) ᓇᐸᐛ ᐃᔅᕋᐃᓪ ᓂᑐᐱᔪᐅ-ᐃᔪᐛ ᐅᒋ ᒐᒋ ᐎᒐᐅᑯᑦ ᒐᒋ ᒪᓴᐊᑦ ᐱᓕᔅᑕᐃᓐ ᐃᔪᐛ᙮ ᐊᑯ ᒂ ‍ ᒋᐛᑎᓴᐛᐤ ᒥᓯᐛ ᑯᑎᑲ ᓂᑐᐱᔪᐅ-ᐃᔪᐛ᙮ ᐊᓂᔭ ᓇᐸᐛ ᑲ ‍ ᐅᑎᓇᑦ, ᓂᔄᐤ ᒐᓯᐱᔪᐤ ‍ (2,000) ᓴᓚ ᐊ ‍ ᐃᑕᔨᒋ ᒋ ‍ ᐃᑕᐅᒡ ᐊᓐᑕ ᒥᒃᒪᔅ ᑭᔭ ᐊᓐᑕ ᐊ ‍ ᐛᐛᑭᑕᐅᐧᑲᔨᒡ ᒥᒋᒪ ᐸᑕᓪ᙮ ᑯᑎᑭᒡ ᐸᐃᒂᐤ ᒐᓯᐱᔪᐤ ‍ (1,000) ᓴᓚ ᐊᑯᓯᔨᐛ ᒠᓂᑎᓇ ᐊ ‍ ᐃᑕᔨᒋ ᒋ ‍ ᐃᑕᐅᒡ ᐊᓐᑕ ᑭᐱᔭ, ᐊᓐᑕ ᐃᑕᐅᓂᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᑲ ‍ ᐎᒋᔨᒋ᙮
\p
\v 3 ᒠᓂᑎᓐ ᑭᔭ ᐊᓂᔭ ᓇᐸᐛ ᑲ ‍ ᐎᒐᐅᑯᑦ ᒋ ‍ ᑯᓯᒂᔨᒧᑐᐛᐅᒡ ᐱᓕᔅᑕᐃᓐ ᓂᑐᐱᔪᐅ-ᐃᔪᐛ ᑲ ‍ ᑕᔨᒋ ᐊᓐᑕ ᑭᐸ᙮ ᑯᑎᑭᒡ ᐱᓕᔅᑕᐃᓐ ᐃᔪᒡ ᒋ ‍ ᐸᑎᒧᒡ ᒐᒂᔪᐤ ᑲ ‍ ᐃᔅᐱᔨᒡ᙮ ᐊᑯ ᓴᓪ ᒂ ‍ ᒋᔅᒐᔨᑕᐧᒃ ᐱᓕᔅᑎᐊ ᓂᑐᐱᔪᐅ-ᐃᔪᐛ ᒂᔄᓐ ᒥᓐ ᒐᒋ ᓇᒋ ‍ ᒪᓴᔨᒋ ᐃᔅᕋᐃᓪ ᐃᔪᐛ᙮ ᐊᑯ ᓴᓪ ᒂ ‍ ᐃᑎᓴᐛᑦ ᑲᐱᒧᑕᔨᒋ ᐃᔨᒧᐅᓂᔪᐤ ᒐᒋ ᐳᑕᑎᒥᔨᒋ ᐳᑕᒋᑭᓇ ᒥᓯᐛ ᐊᔅᐱᑎᔅᑭᒥᑲᔨᒡ ᐃᕋᐃᓕᒡ ᒐᒋ ᒪᒧᓇᐊᔨᒋ ᐃᔪᐛ ᑭᔭ ᐎᑎᒧᐛᔨᒋ, “ᒥᓯᐛ ᒋᔨᐛᐤ ᐃᑉᕈᐤ ᐃᔪᒡ ᓂᑐᐛᔨᑕᑯᓐ ᒐᒋ ᐸᑎᒪᒄ ᐊᓐ ᐊᓄᒡ ᐱᓕᔅᑕᐃᓐ ᐃᔪᒡ ᒐ ‍ ᒋᒋᐱᔨᒡ ᐊᓂᑐᐱᑕᑕᐧᑯᒡ !”
\v 4 ᑲᐱᒧᑕᒡ ᐃᔨᒧᐅᓂᔪᐤ ᒂ ᐃᑕᒡ ᒥᓯᐛ ᑯᑎᑲ ᐊᑎᓯᔨᒋ ᓂᑐᐱᔪᐅ-ᐃᔪᐛ ᒐᒋ ᒪᒧᐎᔨᒋ ᐊᓯᒡ ᓴᓚ ᐊᓐᑕ ᑭᓪᑲᓪ᙮ ᑭᔭ ᒥᓯᐛ ᐃᔪᒡ ᐊᓐᑕ ᐃᔅᕋᐃᓕᒡ ᒋ ‍ ᐸᑎᒧᒡ ᐃᔨᒧᐅᓂᔪᐤ᙮ ᒋ ‍ ᐃᔅᒋᔄᐅᒡ ᐃᔪᒡ, “ᓴᓪ ᐅᓂᑐᐱᔪᐅ-ᐃᔨᒪ ᓴᔅ ᒋ ‍ ᑯᓯᒂᔨᒧᑎᒧᒡ ᐱᓕᔅᑎᐊ ᐃᔪᐛ ᑲ ‍ ᐎᒋᔨᒋ, ᐊᓂᔭ ᐅᒋ ᐊᓄᒡ ᐱᓕᔅᑕᐃᓐ ᐃᔪᒡ ᒋᒋᐛ ᒋ ‍ ᐛᐧᑲᑎᑯᓄᐅᒡ ᒋᔭᓄᐤ ᐃᔅᕋᐃᓪ ᐃᔪᐛ᙮”
\p
\v 5 ᒋ ‍ ᒪᒧᐎᔪᐅᒡ ᐱᓕᔅᑕᐃᓐ ᐃᔪᒡ ᑭᔭ ᒂ ‍ ᒥᔭᑭᓄᐅᒡ ᓂᑐᐱᔪᐅ-ᐊᐱᒋᑕᐅᓇ ᒐᒋ ᒪᓯᐊᒡ ᐃᔅᕋᐃᓪ ᐃᔪᐛ᙮ ᓂᔍᐤ ᒐᓯᐱᔪᐤ ‍ (3,000) ᑎᑎᐱᑕᐸᓇᔎ ᒋ ‍ ᑭᓄᐛᔨᒪᐅᒡ ᐱᓕᔅᑕᐃᓐ ᐃᔪᒡ, ᑭᔭ ᐊᓱᑕᒡ ᑕᑥᐤ ᒐᓯᐱᔪᐤ ‍ (6,000) ᑲᐸᐃᑭᔎᐛ ᐊᐱᒋᐊᒡ᙮ ᒧᔭᒻ ᐊᑕᑎᓂᔨᒋ ᐃᔭᑲᔪᐤ ᐊᓐᑕ ᐊᓱᒡ ᐊᐅᑯᓐ ᒧᔭ ᒋᐸ ‍ ᐃᔅᐱᒐᑎᔨᐛ ᐅᓂᑐᐱᔪᐅ-ᐃᔨᒧᐛᐛ᙮ ᒥᒃᒪᔅ ᒋ ‍ ᐃᑐᑕᐅᒡ ᑭᔭ ᐊᑯᑕ ᑲ ‍ ᒪᓂᑲᓱᒡ, ᐛᐱᓄᑕᒡ ᐃᑕᒐ ᐸᑕ-ᐊᐱᓐ ( ‘ᒥᒋᑐᒧᐅ ᒥᒋᐛᑉ’ ᐊᑥᒥᑲᒡ ᑭᔭ ᐸᑕᓪ ᐅᑕᓇᒡ ᐛᑕᒂᒡ᙮)
\v 6 ᐱᓕᔅᑕᐃᓐ ᐃᔪᒡ ᓱᐧᑲᑎᓯᐅᓂᒡ ᒋ ‍ ᑯᓯᒂᔨᒧᑐᐛᐅᒡ ᐃᔅᕋᐃᓪ ᐃᔪᐛ ᑭᔭ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒂ ‍ ᒋᔅᒐᔨᑕᒡ ᐊ ᐊᑲ ‍ ᒥᔪᐱᔨᒡ᙮ ᒥᒐᑦ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒋ ‍ ᑲᓱᐅᒡ ᐊᓐᑕ ᐊ ‍ ᐎᐱᓴᑲᔨᒡ ᑭᔭ ᐊ ‍ ᐱᑯᓇᔭᔨᒡ ᐊᓐᑕ ᒧᔅᑎᔅᑭᒥᒡ, ᑭᔭ ᒪᒃ ᐊᓐᑕ ᐊᒥᒐᐱᔅᑲᔨᒋ ᐊᓯᓂᔭ ᑭᔭ ᒪᒃ ᐊᓐᑕ ᐊ ‍ ᐱᓴᔨᒡ, ᑭᔭ ᒪᒃ ᐊᓐᑕ ᒧᔅᒋᒍᓇᐳᒡ᙮
\v 7 ᐱᔅᒐ ᒋ ‍ ᐊᓱᑲᓱᐅᒡ ᐊᓐᑕ ᓇᔅᒡ ᐊ ‍ ᐃᔽᓯᔨᒡ ᒠᕐᑕᓐ ᓯᐱᔪᐤ᙮ ᐊᑯ ᒂ ‍ ᐃᑐᑕᒡ ᐊᓐᑕ ᐊᔅᒋᒡ ᐊᓐᑕ ᑲᑦ ᐅᑦ ᐊᓂᔅᑯᑕᐸᓂᔨᐛ ᑲ ‍ ᐎᒋᔨᒋ ᑭᔭ ᐊᓐᑕ ᑭᓕᐊᑦ ᐊᔅᒋᒡ᙮
\p ᒥᒄ ᓴᓪ ᒋ ‍ ᐃᑕᐤ ᐊᓐᑕ ᑭᓪᑲᓪ᙮ ᒥᓯᐛ ᓂᑐᐱᔪᐅ-ᐃᔪᐛ ᑲ ᐎᒐᐅᑯᑦ ᒋ ‍ ᓇᓇᐱᔨᐛ ᐛᔅ ᒋᒋᐛ ᒋᓴᒋᔨᐛ᙮
\v 8 ᓂᔄᐅᑕᒡ ᑕᑐᐤ ᒋᓯᑲᐛ ᒋ ‍ ᐊᓯᓄᐛᐸᑎᒻ ᓴᓪ, ᒧᔭᒻ ᐊᓂᔭ ᐃᔅᐱᔅ ᒋᓯᒂ ᑲ ‍ ᐃᑎᓱᒥᑯᑦ ᓴᒻᔪᐃᓚ ᒐᒋ ᐊᓯᓄᐛᐱᒪᑦ᙮ ᒥᒄ ᓴᒻᔪᐃᓪ ᓇᒪ ᐅᒋ ᑎᑯᓯᓄᐤ ᐊᓐᑕ ᑭᓪᑲᓪ ᒪᒂᒡ ᐊᓂᔭ ᐊᔅᐱᔨᒡ, ᒥᒐᑦ ᓇᐸᐛ ᐊᓐᑕ ᓴᓪ ᐅᓂᑐᐱᔪᐅ-ᐃᔨᒪ ᒋ ‍ ᓂᑭᑎᑯᐤ ᑭᔭ ᒂ ‍ ᒋᑎᓯᒧᔨᒋ᙮
\v 9 ᐊᑯ ᓴᓪ ᒂ ‍ ᐃᑕᑦ ᓂᑐᐱᔪᐅ-ᐃᔪᐛ, “ᐸᑎᒧᐅᒄ ᐊᐛᓯᔅ ᓇᔅᒡ ᒐᒋ ᐃᔎᓱᐛᑭᓄᐅᑦ ᐊᓐᑕ ᐱᔅᑎᓂᒐᐅᓇᐱᔅᑯᒡ ᑭᔭ ᐸᐃᒄ ᒐᒋ ᐱᔅᑎᓂᒐᔭᐧᒄ ᒐᒋ ᓇᑭᑐᐛᔨᑎᒪᐧᒄ ᐊ ‍ ᐎᒐᐛᐧᒄ ᒋᓴᒪᓂᑐᐤ᙮ ᐊᑯᐤ ᐊᐅᑯᓐ ᒂ ᐃᑎᒡ ᓇᐸᐅᒡ᙮
\v 10 ᑭᔭ ᒧᔭᒻ ᐊᑎ ‍ ᒋ ᐃᓯ ‍ ᐃᔎᓴᐧᒃ ᐊᓂᔭ ᐱᔅᑎᓂᒐᐅᓇ, ᓴᒻᔪᐃᓪ ᒂ ‍ ᑎᑯᓯᐧᒃ᙮ ᓴᓪ ᒂ ‍ ᓂᑐᐛᐱᒪᑦ ᒐᒋ ᐛᒋᔭᒪᑦ᙮
\p
\v 11ᒋ ‍ ᐛᐸᑎᒺᐤ ᓴᒻᔪᐃᓚ ᑕᓐ ᑲ ‍ ᐃᑎᔨᒋ ᓴᓚ ᑭᔭ ᒂ ᐃᑕᑦ ᓴᓚ “ᒐᒂᓐ ᐅ ᑲ ᐅᒋ ‍ ᐃᑐᑎᒥᓐ ?” ᓴᓪ ᒂ ‍ ᓂᔎᐛᓯᐊᑦ, “ ᓂᒋ ‍ ᐛᐱᒪᐅᒡ ᓂᑎᔨᒥᒡ ᐊ ‍ ᓂᑭᓯᒡ ᑭᔭ ᐊ ‍ ᒋᑎᓯᒧᒡ, ᑭᔭ ᓇᒪ ᒋ ᐅᒋ ‍ ᑎᑯᓯᓐ ᐅᑕ ᒪᒂᒡ ᐊᓐ ᑲ ᐃᔅᒋᔄᔨᓐ ᒐᒋ ᑎᑯᓯᓂᔨᓐ, ᑭᔭ ᐊᓐᒡ ᐱᓕᔅᑕᐃᓐ ᓂᑐᐱᔪᐅ-ᐃᔪᒡ ᒋ ‍ ᒪᒧᐎᐅᒡ ᐊᓐᑕ ᒥᒃᒪᔅ,
\p
\v 12 ᐊᑯ ᒂ ‍ ᐃᑕᔨᑎᒪᓐ, ‘ᓂᑭ ‍ ᑯᓯᒂᔨᒧᑕᑯᓇᓐᒡ ᐱᓕᔅᑕᐃᓐ ᓂᑐᐱᔪᐅ-ᐃᔪᒡ ᐅᑕ ᑭᓪᑲᓪ, ᑭᔭ ᐊᔅᒄ ᓇᒪ ᓂ ᐅᒋ ‍ ᑭᒂᒋᒪᐤ ᑎᐸᔨᒋᒐᓱᐤ ᒐᒋ ᐎᒋᔨᒥᑦ’, ᐊᑯ ᒂ ‍ ᐃᑕᔨᑎᒪᓐ ᐊᓂᑐᐛᔨᑕᒂᒡ ᒐᒋ ᐱᔅᑎᓂᒪᓐ ᒥᑐᔅᑕᐊᒪᒐᐅᓇ ᒐᒋ ᓇᓂᑐᐛᐸᑎᒧᒡ ᒋᓴᒪᓂᑐᐤ ᐅᓱᐛᔨᒋᒐᐅᓇ᙮”
\p
\v 13 ᓴᒻᔪᐃᓪ ᒂ ‍ ᓂᔎᐛᓯᐊᑦ, “ᒋᔎᔭᐸᑎᒧᐅᓐ ᐊᓐ ᒐᒂᓐ ᑲ ᐃᑐᑎᒥᓐ ! ᓇᒪ ᒋ ᐅᒋ ᓂᓇᐊᔨᑐᐛᐤ ᑎᐸᔨᒋᒐᓱᐤ, ᒋᒋᓴᒪᓂᑐᒻ, ᑲ ‍ ᐃᑎᓱᐛᑦ ᐊᓂᔭ ᒥᑐᔅᑕᐊᒪᒐᐅᓇ᙮ ᓂᓇᐊᔨᑐᐅᑕᒂ, ᒋᐸ ‍ ‍ᓇᐊᔨᒥᑯᐛᐛᐱᓐ ᒋᓴᒪᓂᑐᐤ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᓇᐅᔅ ᒐᒋ ᑎᐸᔨᒋᒐᐛᒄ ᐊᓐᑕ᙮ ᐃᔅᕋᐃᓕᒡ᙮
\v 14 ᒥᒄ ᐊᓄᒡ, ᐛᔅ ᐊᓐ ᑲ ‍ᐃᓯ ‍ ᐃᑐᑎᒥᓐ, ᒋᑭ ‍ ᐳᓂᐱᒪᑎᓯᓐ, ᑭᔭ ᒋ ‍ ᐳᓂᐱᒪᑎᓯᔨᓇ, ᓇᒪ ᐊᐛᓐ ᐊᓐᑕ ᒋᑦ ᐊᓂᔅᑯᑕᐸᓐᒡ ᒋᑭ ‍ ᑎᐸᔨᒋᒐᐤ᙮ ᓇᓂᑐᐛᐱᒪᐤ ᑎᐸᔨᒋ8ᒐᓱᐤ ᐊᐛᔪᐛ ᒐ ‍ ᒋᓴᐅᒋᒪᐎᒋ ᐊᓂᔭ ᐊᐛᔪᐛ ᐊ ᐃᓯ ‍ ᓂᑐᐛᔨᒪᑦ ᒐ ᐃᓯᓇᑯᓯᔨᒋ, ᐊᑯ ᒪᒃ ᒐᒋ ᐅᑎᓇᑦ ᒐᒋ ᓂᑲᓄᔅᑯᐛᔨᒋ ᐅᑦ ᐃᔨᒪ᙮ ᒋᑭ ‍ ᐃᑐᑎᒻ ᐅᔭ ᑎᐸᔨᒋᒐᓱᐤ ᐛᔅ ᓇᒪ ᒋ ᐅᒋ ‍ ᓂᓇᔨᑐᐛᐤ ᒐᒂᔪᐤ ᑲ ‍ ᐃᑎᓱᐛᑦ᙮”
\p
\v 15 ᐊᑯ ᓴᒻᔪᐃᓪ ᒂ ᓂᑭᑕᐧᒃ ᑭᓪᑲᓪ ᑭᔭ ᑭᐱᐊ ᒂ ‍ ᐃᑐᑕᑦ᙮ ᓴᓪ ᐎᔾ ᐊᓐᑕ ᑭᓪᑲᓪ ᒋ ᐃᑕᐤ ᐊᓯᒡ ᐅᓂᑐᐱᔪᐅ-ᐃᔨᒪ᙮ ᒥᒄ ᐊᓱᑕᒡ ᑕᑐᐤ ᒥᑕᓯᒥᑎᓄᐤ ‍ (600) ᒋ ‍ ᐃᔅᑯᐱᔪᐛ ᐊ ᐊᑲ ᐅᒋ ᒋᑎᓯᒧᐎᒋ᙮
\s1 ᒋ ‍ ᐊᔨᒥᔪᔪᐛ ᓴᓪ ᐅᓂᑐᐱᔪ-ᐃᔨᒪ
\p
\v 16 ᓴᓪ ᑭᔭ ᐅᑯᓴ ᒠᓂᑎᓇ ᑭᔭ ᓂᑐᐱᔪᐅ-ᐃᔪᐛ ᑲ ‍ ᐎᒐᐅᑯᒡ ᑭᐸ ᐅᑕᓇᒡ ᒋ ‍ ᐃᑐᑕᐅᒡ ᐊᓐᑕ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐅᑦ ᐊᔅᒋᔨᒡ ᑭᔭ ᒂ ‍ ᒪᓂᑲᓱᒡ ᐊᓐᑕ᙮ ᒥᒃᒪᔅ ᒋ ‍ ᒪᓂᑲᓱᐅᒡ ᐱᓕᔅᑕᐃᓐ ᓂᑐᐱᔪᐅ-ᐃᔪᒡ᙮
\v 17 ᐊᓂᔅᑐᐎᒋᓯᒡ ᐱᓕᔅᑎᐊ ᐃᔪᒡ ᐎᐱᒡ ᒋ ‍ ᓂᑭᑎᒧᒡ ᐊᓐᑕ ᑲ ‍ ᑕᔨᒋ ᐅᓂᑐᐱᔪᐅ-ᐃᔨᒧᐛᐛ, ᒂ ᐃᑐᑕᒡ ᑭᔭ ᒂ ‍ ᑯᓯᒂᔨᒧᑐᐛᒡ ᐃᔅᕋᐃᓪ ᐃᔪᐛ ᑭᔭ ᒂ ‍ ᐅᑎᓂᒺᒡ ᐅᑎᐸᔨᑎᒧᐅᓂᔨᐛ᙮ ᒋᐛᑎᓄᒡ ᐅᑕᓇᒡ ᐊᓐᑕ ᓱᐊᓪ ᐊᔅᒋᒡ ᐃᓯ ᒋ ‍ ᐃᑐᑕᐅᒡ ᐊᓐᒡ ᐊᐸᔨᑯᐎᒋᓯᒡ᙮
\v 18 ᐊᐸᔨᑯᐎᒋᓯᒡ ᐊᑎᒪᐱᓯᒧᒡ ᐃᓯ ᐸᑦ-ᐧᐅᕋᓐ ᐅᑕᓇᒡ ᒋ ‍ ᐃᑐᑕᐅᒡ᙮ ᐊᓐᒡ ᓂᔅᑐ ᐊᑕᒡ ᐊᐸᐃᑯᐎᒋᓯᒡ ᐊᐱᒥᓯᓇᑕᔨᒡ ᐃᔅᕋᐃᓪ ᐃᓯ ᒋ ‍ ᐃᑐᑕᐅᒡ ᑕᐧᑯᒡ ᓯᐳᐃᒻ ᐊ ‍ ᐱᓴᔨᒡ, ᒥᒋᒪ ᐸᔅᑯᑎᔅᑭᒥᑲᒡ᙮
\p
\v 19 ᐊᓂᔭ ᒪᒂᒡ, ᓇᒪ ᐅᒋ ᐃᑕᐅᒡ ᐃᔪᒡ ᒐᒋ ᐅᓯᑕᒡ ᒐᒂᔪᐛ ᐃᔨᓴᑯᒡ ᐅᒋ᙮ ᐱᓕᔅᑎᐊ ᐃᔪᒡ ᓇᒪ ᐅᒋ ‍ ᑕᑈᑐᐛᐅᒡ ᐃᔅᕋᐃᓪ ᐃᔪᐛ ᐅᔭ ᒐᒋ ᑐᑎᒥᔨᒋ, ᐛᔅ ᒋ ‍ ᑯᔅᑕᒋᐅᒡ ᒐᒋ ᐅᓯᑎᒧᐛᔨᒋ ᐃᑉᕈᐤ ᐃᔪᐛ ᒧᐧᑯᒪᓇ ᑭᔭ ᐊᓯᒪᑭᓇ ᒐᒋ ᒪᓯᒐᐛᒐᔨᒋ᙮”
\v 20 ᐊᑯ ᐃᔅᐱ ᐱᓕᔅᑕᐃᓐ ᐃᔪᒡ ᓇᑐᐛᔨᑕᑥᐎ ᒐᒋ ᒋᓂᑕᒡ ᐅᒥᔅᑯᓯᐅ-ᒧᐧᑯᒪᓄᐛᐛ, ᑭᔭ ᒪᒃ picks, ᑭᔭ ᒪᒃ ᐅᑦ ᐊᑭᑕᔅᑯᐛᐛ, ᑭᔭ ᒪᒃ sickles, ᒋ ‍ᐊ ᐃᔨᐧᑭᒪᑭᓄᐅᒡ ᐊᓂᔭ ᒐᒋ ᐃᑐᑐᐛᒡ ᐱᓕᔅᑎᐊ ᓇᐸᐛ ᒐᒋ ᒋᓂᑕᔨᒋ ᐊᓂᔭ ᒐᒂᔪᐛ᙮
\v 21 8 grams ᐛᐱᓯᐅᓱᓇᔭᔪᐤ ᒋᐸ ᐎ ‍ ᒋᓯᐧᑲᓱᐅᒡ ᐊᒋᓂᑕᑭᓄᐎᔨᒡ ᐅᒥᔅᑯᓯᐅ-ᒧᐧᑯᒪᓄᐛᐛ, ᑭᔭ 4 grams ᐛᐱᓯᐅᓱᓇᔭᔪᐤ ᐊᒋᓂᑕᑭᓄᐎᔨᒡ ᐅᑦ ᐊᑭᑕᔅᑯᐛᐛ, ᑭᔭ ᒪᒃ sickles, ᑭᔭ ᒪᒃ ᐊᒋᓂᑎᑲᔨᒡ ᒥᔅᑎᑯᔪᐤ ᒐᒋ ᒋᔅᑕᐛᑦ ᒥᒋᑎᒂ ᒐᒋ ᑐᑐᐛᑦ ᒐᒋ ᐱᒧᑕᔨᒋ᙮
\p
\v 22 ᐊᑯ, ᐛᔅ ᐊ ᐊᑲ ᒋ ‍ ᐅᓯᑕᒡ ᐃᔅᕋᐃᓪ ᐃᔪᒡ ᓂᑐᐱᔪᐅ-ᐊᐱᒋᑕᐅᓇ ᐃᓴᑯᒡ ᐅᒋ, ᐊᓂᔭ ᒐᓯᑯᔪᐤ ᐃᔅᕋᐃᓪ ᓂᑐᐱᔪᐅ-ᐃᔪᒡ ᓇᑐᐱᔨᑥᑥᐎ ᐱᓕᔅᑎᐊ ᐃᔪᐛ, ᐊᓐᒡ ᐃᔅᕋᐃᓪ ᐃᔪᒡ ᒥᒄ ᐊᐅᑯᓐᒡ ᓴᓪ ᑭᔭ ᒠᓂᑎᓐ ᑲ ᑭᓄᐛᔨᑕᒡ ᒥᔅᑎ ‍ ᒧᐧᑯᒪᓇ; ᓇᒪ ᐛᒋ ‍ ᐸᐃᒄ ᐊᓐᒡ ᑯᑎᑭᒡ ᐅᒋ ‍ ᑭᓄᐛᔨᑎᒧᒡ ᒥᔅᑎᒧᐧᑭᒪᓇ, ᒥᒄ ᐊᒐᐱᔭ ᑭᔭ ᐊᑭᔎ ᒋᑭ ‍ ᓄᐛᔨᒪᐅᒡ᙮
\p
\v 23 ᐊᒺᔭ ᓂᑐᐱᔨᓇᓄᐎᔨᒡ, ᐱᔅᒐ ᐱᓕᔅᑎᐊ ᓇᐸᐅᒡ ᒋ ‍ ᐃᑐᑕᐅᒡ ᐊᓐᑕ ᒥᒃᒪᔅ ᒪᔅᑭᓇᒡ ᒐᒋ ᑭᓄᐛᔨᑕᒡ᙮
\c 14
\s1 ᒠᓂᑎᓐ ᑭᔭ ᑲ ‍ ᑕᐧᑯᓂᒥᔨᒋ ᐅᓂᑐᐱᔪᐅ-ᐊᐱᒋᑕᐅᓇ ᒥᒐᑦ ᒋ ‍ ᓂᐸᐅᒡ ᐱᓕᔅᑕᐃᓐ ᐃᔪᐛ
\p
\v 1 ᐸᐃᒂᐤ ᒋᓯᑲᔨᒡ, ᒠᓂᑎᓐ ᒋ ‍ ᐃᑕᐤ ᑲ ‍ ᑕᐧᑯᓂᒥᔨᒋ ᐅᓂᑐᐱᔪᐅ-ᐊᐱᒋᑕᐅᓇ, “ᐸᒋ ‍ ᐎᒐᐎ; ᓇᑕ ᒋᑭ ‍ ᐃᑐᑕᓇᓄᐤ ᐱᓕᔅᑎᐊ ᓂᑐᐱᔪᐅ-ᐃᔪᒡ ᑲ ‍ ᒪᓂᑲᓱᒡ᙮” ᐊᑯ ᒂ ‍ ᐃᑐᑕᒡ, ᒥᒄ ᒠᓂᑎᓐ ᓇᒪ ᐅᒋ ‍ ᐎᑎᒧᐛᐤ ᐅᑕᐎᔭ ᒐᒂᔪᐤ ᒐ ‍ ᑐᑕᒡ᙮
\v 2 ᐊᓂᔭ ᒋᓯᑯᔪᐤ, ᓴᓪ ᑭᔭ ᐊᓱᑕᒡ ᑕᑐ ᒥᑕᓯᒥᑎᓄᐤ ‍ (600) ᓂᑐᐱᔪ-ᐃᔪᐛ ᑲ ‍ ᐎᒐᐅᑯᑦ ᒋ ‍ ᐛᔅᑲᑲᐳᐅᒡ pomegranate ᒥᔅᑎᒂ ᐊᓐᑕ ᐃᑕᐅᓂᒡ ᑲ ‍ ᑎᒂᐊᒡ ᐸᒂᓯᑭᓂᒥᓇ ᐃᔪᒡ, ᒥᒋᒪ ᑭᐱᐊᔨᒡ
\v 3 ᐊᔭᒥᐊᐅᒋᒪᐤ ᐊᐃᒐ ᐃᔭᐱᒡ ᒋ ‍ ᐃᑕᐤ ᐊᓐᑕ᙮ ᐸᔭᒋ ᐅᔅᑲᔅᒋᑭᓂᑯᐱᔪᐤ ᒋ ‍ ᒋᔅᑭᒻ᙮ ᐊᐃᑐᑉ ᐊᓂᔭ ᒋ ‍ ᐅᑯᓱᐤ ᐊᐃᒐᐸ, ᐃᒐᐳᑦ ᒋ ‍ ᐅᔅᑕᓱᐤ, ᐱᐊᔅ ᐊᓂᔭ ᒋ ‍ ᐅᑯᓱᐤ ᐃᒐᐳᑕ ᑭᔭ ᐊᐃᑐᐸ, ᐃᓚᐃ ᐊᓂᔭ ᐅᑯᓴ, ᐊᓂᔭ ᑎᐸᔨᒋᒐᓱᐤ ᑲ ᐅᑦ ‍ ᐊᔭᒥᐊᐅᒋᒪᒥᑦ ᐊᓐᑕ ᓯᓗ᙮
\v 4 ᒠᓂᑎᓐ ᒂ ‍ ᐃᑕᔨᑕᐧᒃ ᒋ ‍ ᐎᔭᔨᑎᒻ ᐎᔾ ᑭᔭ ᐅᔅᒋᓂᒍᐛ ᒐᒋ ᓴᐳᑐᐛᔅᑲᒡ ᐊ ‍ ᐱᓴᔨᒡ ᒐᒋ ᐃᑐᑕᒡ ᐊᓐᑕ ᑲ ‍ ᐃᑕᔨᒋ ᐱᓕᔅᑎᐊ ᓂᑐᐱᔪᐅ-ᐃᔪᐛ᙮ ᐳᓯᔅ ᒋ ᐃᓯᓂᐧᑲᑕᔪᐤ ᐊᓂᔭ ᐸᐃᒄ ᐅᐱᒪ ᐊᑎᑯᓂᔨᒡ ᐊ ‍ ᐱᓴᔨᒡ, ᑭᔭ ᐊᓂᔭ ᑯᑎᒋᔪᐤ ᓯᓇ ᒋ ‍ ᐃᓯᓂᐧᑲᑕᔪᐤ᙮
\v 5 ᐸᐃᒄ ᐊᓂᔭ ᐊᐱᓴᑲᔨᒋ ᒋᐛᑎᓄᒡ ᒥᒃᒪᔅ ᐃᓯ ᒋ ‍ ᐃᓯᑲᐳᐅᔪᐤ, ᑭᔭ ᐊᓂᔭ ᑯᑎᒋᔪᐤ ᒂᔅᑕᒐ ᑲ ‍ ᑎᑯᓂᔨᒡ ᓴᐅᓄᒡ ᒋ ‍ ᐃᓯᑲᐳᐅᔪᐤ ᑭᐸ ᐅᑕᓇᒡ ᐃᓯ᙮
\p
\v 6 ᒠᓐᑕ ᒋ ‍ ᐃᑕᐤ ᐊᓂᔭ ᐅᔅᒋᓂᒍᐛ ᑲ ‍ ᑕᐧᑯᓂᒥᔨᒋ ᐅᓂᑐᐱᔪᐅ- ᐊᐱᒋᑕᐅᓇ, “ᐸᒋ ‍ ᐎᒐᐎ; ᓇᑕ ᒋᑭ ‍ ᐃᑐᑕᓇᓄᐤ ᐊᓐᑕ ᐃᔪᒡ ᐊ ᐊᑲ ᑕᑈᔭᔨᒪᒡ ᑎᐸᔨᒋᒐᓱᐛ ᑲ ‍ ᒪᓂᑲᓱᒡ᙮ ᒂᔄᓐ ᒋᑭ ‍ ᐎᒋᔨᑯᓄᐤ ᑎᐸᔨᒋᒐᓱᐤ᙮ ᓇᒪ ᒐᒂᓐ ᐊᓐ ᒥᒄ ᐊᓂᓯᔭᐧᒄ ᑭᔭ ᒪᒃ ᒥᒐᑦ ᐃᔪᒡ᙮ ᓇᒪ ᒐᒂᔪᐤ ᒋᑭ ᒋ ‍ ᓂᑲᓂᑯᐤ ᑎᐸᔨᒋᒐᓱᐤ ᒐᒋ ᐃᑐᑕᑕᐧᒄ ᒐᒋ ᓴᐧᑯᒋᔨᒪᑯᐤ᙮”
\p
\v 7 ᐅᔅᒋᓂᒍᐤ ᐊᓐ ᑲ ‍ ᑕᐧᑯᓂᒺᑦ ᒠᓂᑎᓇ ᐅᓂᑐᐱᔪᐅ- ᐊᐱᒋᑕᐅᓂᔨᐛ ᒂ ᐃᔅᒋᔄᑦ, “ᑐᑕ ᒥᒄ ᐊᑕᔨᑎᒥᓐ ᒪᔽᒡ ᒐᒋ ᐃᑐᑎᒪᒄ᙮ ᒋᑭ ‍ ᐎᒋᔨᑎᓐ᙮”
\p
\v 8 ᒠᓂᑎᓐ ᒂ ‍ ᐃᔅᒋᔄᑦ᙮ “ᐊᑯ, ᐸᒋ ‍ ᐎᒐᐎ, ᒋᑭ ‍ ᐊᓱᐛᐊᓇᓄᐤ ᐊ ‍ ᐱᓴᒡ ᐊᓐᑕ ᐊ ‍ ᐃᑕᒡ ᐱᓕᔅᑎᐊ ᓂᑐᐱᔪᐅ-ᐃᔪᒡ, ᑭᔭ ᒋᑭ ᓇᐊᔨᒪᓄᐅᒡ ᒐᒋ ᐛᐱᒥᑕᐧᑯᒡ᙮
\v 9 ᐊᑯ ᐃᑎᑕᒂᐛ, ‘ᐃᑕᒄ ᐊᓐᑕ ᐊᓂᓯᔭᒄ ᐸᑐᔅ ᓂᑎᒋᐛᔭᒐ ᒐᒋ ᓂᑐᐛᐱᒥᑕᒡ,’ ᒋᑭ ‍ ᐃᑕᓇᓄᐤ ᐊᓐᑕ ᑭᔭ ᓇᒪ ᒋᑭ ᓴᑭᒋᐛᓇᓄᐤ ᒐᒋ ᓂᑐᐛᐱᒪᐧᑯᒡ᙮
\v 10 ᒥᒄ ᐃᑎᑕᒂᐛ ‘ᐸᑐᑕᒄ ᐅᑕ ᑭᔭ ᒐᒪᓯᔨᔭᒡ,’ ᐊᐅᑯᓐ ᒐ ‍ ᐃᔅᒋᔄᒥᑲᒡ ᑎᐸᔨᒋᒐᓱᐤ ᒐ ‍ ᐃᑐᑕᑕᐧᒄ ᒐᒋ ᓴᐧᑯᒋᔨᒪᐧᑯᐤ᙮ ᐊᑯ ᒐ ‍ ᓴᑭᒋᐛᔭᐧᒄ ᑭᔭ ᒐ ‍ ᒪᓴᐊᐧᑯᒡ᙮”
\p
\v 11 ᐃᔅᐱ ᐃ ‍ ᐊᓱᐛᐊᒡ ᐊ ‍ ᐱᓴᔨᒡ, ᒋ ‍ ᐛᐱᒥᑯᐅᒡ ᐱᓕᔅᑎᐊ ᓂᑐᐱᔪᐅ-ᐃᔪᐛ ᐊ ‍ ᐸᑕᔅᑎᒧᑕᒡ᙮ ᒂ ‍ ᐃᔅᒋᔄᔨᒋᒡ, “ᐃᑕᐱᒄ ! ᐃᔅᕋᐃᓪ ᐃᔪᒡ ᐎᐎᒧᑕᒋᒧᒡ ᐊᓐᑕ ᐊᐱᑯᓇᔨᒋ ᐅᒋ ᐊᓐᑕ ᑲ ‍ ᑲᓱᒡ !”
\v 12 ᐊᓐᒡ ᐱᓕᔅᑎᐊ ᓂᑐᐱᔪᐅ-ᐃᔪᒡ ᑲ ‍ ᐸᓱᐛᐱᒪᒡ ᒠᓂᑎᓇ ᑭᔭ ᐅᔅᒋᓂᒍᐛ ᑲ ᑕᐧᑯᓂᒥᔨᒋ ᐅᓂᑐᐱᔪᐅ-ᐊᐱᒋᑕᐅᓇ ᒂ ‍ ᐃᑕᒡ, “ᐸᒋ ‍ ᓴᑭᒍᐛᒄ ᐅᑕ, ᑭᔭ ᒋᑭ ‍ ᒋᔅᑯᑎᒪᑎᓇᓐ ᒐᒂᓐ ᑕᓐ ᐊ ᐃᓯ ‍ ᒪᓯᒐᓄᐅᒡ !”
\p ᒂ ‍ ᒠᓂᑎᓐ ᒂ ᐃᑕᑦ ᐊᓂᔭ ᐅᔅᒋᓂᒍᐛ ᑲ ‍ ᐎᒐᐅᑯᑦ, “ᐅᑕᒡ ᐸᒋ ‍ ᓇᓴᐎ ᑭᔭ ᒐ ‍ ᓴᑭᒍᐛᔨᓐ, ᐛᔅ ᑎᐸᔨᒋᒐᓱᐤ ᒋᑭ ‍ ᐎᒋᔨᑯᓄᐤ ᒐᒋ ᓴᐧᑯᒋᐊᐧᑯᒡ !”
\p
\v 13 ᐊᑯ ᒠᓂᑎᓐ ᒂ ‍ ᓴᑭᒋᐛᑦ, ᐅᑎᒋᔭ ᑭᔭ ᐅᔅᑲᑕ ᐊ ᐊᐱᒋᑕᑦ ᐛᔅ ᒋᒋᐛ ᒋ ‍ ᒋᔅᒐᑲᔪᐤ᙮ ᒋ ‍ ᓇᓴᐅᑯᐤ ᐅᔅᒋᓂᒍᐛ᙮ ᒪᒂᒡ ᐊᑎ ‍ ᓴᑭᒍᐛᑦ ᒠᓂᑎᓐ, ᒋ ‍ ᑕᐧᑭᒪᐤ ᑭᔭ ᒥᒐᑦ ᒋ ‍ ᓂᐸᐊᐤ ᐱᓕᔅᑎᐊ ᓂᑐᐱᔪᐅ-ᐃᔪᐛ, ᑭᔭ ᐅᔅᒋᓂᒍᐛ ᑲ ‍ ᐎᒐᐅᑯᑦ ᐊᑎᑐᐤ ᒥᒐᑦ ᒋ ‍ ᓂᐸᐊᔪᐛ ᐱᓕᔅᑎᐊ ᓂᑐᐱᔪᐅ-ᐃᔪᐛ ᒪᒂᒡ ᐅᑕᒡ ᐊᑎ ‍ ᓇᓴᐛᑦ ᒠᓂᑎᓇ᙮
\v 14 ᐊᓂᔭ ᐅᔅᑭᒡ ᑲ ‍ ᒪᓯᒐᒡ, ᐊ ‍ ᓂᓯᒡ ᓂᓱᔪᐤ ᒋ ‍ ᓂᐸᐅᒡ ᐱᓕᔅᑎᐊ ᐃᔪᐛ ᓴᓯᑲᓐ ᐸᐃᑯᔅᑕᑐᔪᐛ ᒥᓯᑦ ᐊᓐᑕ ᑲ ‍ ᐃᑕᒡ᙮
\p
\v 15 ᐊᑯ ᒥᓯᐛ ᑯᑎᑭᒡ ᐱᓕᔅᑎᐊ ᓂᑐᐱᔪᐅ-ᐃᔪᒡ, ᐊᓐᒡ ᑲ ‍ ᐃᑕᒡ ᐊᓐᑕ ᐛᒋᓇᓄᔨᒡ, ᑭᔭ ᐊᓐᒡ ᑲ ‍ ᑯᓯᒂᔨᒧᑕᒡ ᐃᔅᕋᐃᓪ ᐅᑕᓇᐛ, ᑭᔭ ᐊᓐᒡ ᐊᓐᑕ ᐊᑎᑐᐤ ᒥᒋᒪ ᑲ ‍ ᐃᑕᒡ ᓂᑕᐅᒋᑭᓐ ᐊᔅᒋᒡ, ᒋᒋᐛ ᒋᓴᒋᓱᐅᒡ᙮ ᐊᑯ ᒋᓴᒪᓂᑐᐤ ᒂ ‍ ᐃᑐᑕᐧᒃ ᒐᒋ ᓂᓂᒥᔅᑲᔨᒡ, ᑭᔭ ᒥᓯᐛ ᒋᒋᐛ ᒂ ‍ ᓴᒋᓯᒡ᙮
\s1 ᐃᔅᕋᐃᓪ ᐃᔪᒡ ᑲ ‍ ᓴᐧᑯᒋᐊᒡ ᐱᓕᔅᑕᐃᓐ ᓂᑐᐱᔪᐅ-ᐃᔪᐛ
\p
\v 16 ᓴᓪ ᑲ ‍ ᓇᑭᑐᐛᐸᒐᔨᒋ ᐅᑯᐸᓇᒪ ᑭᐱᐊ ᐅᑕᓇᒡ ᒋ ‍ ᑕᔪᐛ ᐊᓐᑕ ᐱᒋᒥᓐ ᐊ ‍ ᐃᑎᔅᑲᓇᓯᔨᒋ ᐅᑦ ᐊᔅᒋᔨᒡ᙮ ᒋ ‍ ᐛᐱᒪᐅᒡ ᐱᓕᔅᑎᐊ ᓂᑐᐱᔪᐅ-ᐃᔪᐛ ᒥᓯᐛ ᒋ ᐊᑎ ‍ ᐃᔅᐸᔨᑐᔪᐛ᙮
\v 17 ᒂ ‍ ᒋᔅᒐᔨᑕᐧᒃ ᓴᓪ ᐱᔅᒐ ᐅᓂᑐᐱᔪᐅ-ᐃᔨᒪ ᐊᒋ ‍ ‍ ᑯᓯᒂᔨᒧᑐᐛᔨᒋ ᐱᓕᔅᑎᐊ ᓂᑐᐱᔪᐅ-ᐃᔪᐛ᙮ ᐊᑯ ᒂ ‍ ᐃᑕᑦ ᐅᓂᑐᐱᔪᐅ-ᐃᔨᒪ ᑲ ‍ ᐎᒐᐅᑯᑦ, “ᓂᑐ ‍ ᒋᔅᒐᔨᒥᒡ ᐊ ᐊᑲ ᐃᑕᒂᓐᒋ ᐱᔅᒐ ᒋᑦ ᐃᔨᒥᓄᐅᒡ᙮” ᐊᑯ ᒂ ‍ ᓂᑐ ‍ ᒋᔅᒐᔨᒪᒡ, ᑭᔭ ᒂ ‍ ᒋᔅᒐᔨᒪᒡ ᒠᓂᑎᓇ ᑭᔭ ᐊᓂᔭ ᓇᐸᐛ ᑲ ‍ ᑕᐧᑯᓂᒥᔨᒋ ᐅᓂᑐᐱᔪᐅ-ᐊᐱᒋᑕᐅᓂᔪᐛ ᐊᑲ ᐃᑕᔨᒋ᙮
\p
\v 18 ᐊᑯ ᓴᓪ ᒂ ‍ ᐃᑕᑦ ᐊᐦᐊᐃᒐᔨᒋ ᒋᒋ ᐊᔭᒥᐊᐅᒋᒪᐛ, ᐸᑕ ᐅᑕ ᐸᔭᒋ ᐅᔅᑲᔅᒋᓂᑭᓂᑯᑉ ᑭᔭ ᒐ ‍ᓇᓂᑐ ‍ ᒋᔅᒐᔨᑎᒪᐧᒄ ᑕᓐ ᒐ ‍ ᐃᑎᔭᐧᒄ᙮” ᐊᓂᔭ ᒋᓯᑯᔪᐤ ᐊᐦᐊᐃᒐ ᒋ ᒋᔅᑭᒻ ᐸᔭᒋ ᐅᔅᑲᔅᒋᓂᑭᓂᑯᐱᔪᐤ, ᓂᑲᓐ ᐊ ‍ ᐃᑐᑕᑦ ᐃᔅᕋᐃᓪ ᐃᔪᐛ ᐊ ‍ ᐃᑕᔨᒋ᙮
\v 19 ᒪᒂᒡ ᓴᓪ ᐊ ‍ ᐃᔨᒪᐊᑦ ᐊᔭᒥᐊᐅᒋᒪᐛ, ᒋ ‍ ᐛᐱᒪᐤ ᐱᓕᔅᑎᐊ ᓂᑐᐱᔪᐅ-ᐃᔪᐛ ᐊᑎ ‍ ᒋᔎᐛᔨᑕᑯᓯᔨᒋ᙮ ᐊᑯ ᓴᓪ ᒂ ‍ ᐃᑕᑦ ᐊᐦᐊᐃᒐᔨᒋ, “ᓂᑎᓇ ᒋᑎᒋ ᐊᓐᑕ ᐸᔭᒋ ᐅᔅᑲᔅᒋᓂᑭᓂᑯᐱᒡ ᐅᒋ, ᐊᑯᓐ ᐃᔅᐱᔅ ᐊᐱᒋᑕ ᐊᓯᓂᔭ ᐊᓐᑕ ᐅᔅᑲᔅᒋᓂᑭᓂᑯᐱᒡ ᒐᒋ ᓂᑐ ‍ ᒋᔅᒐᔨᑎᒪᐧᒄ ᒐᒂᔪᐤ ᓇᑐᐛᔨᒥᑕᐧᒄ ᑎᐸᔨᒋᒐᓱᐤ ᒐ ‍ ᐃᑐᐛᐧᒄ᙮”
\p
\v 20 ᐊᑯ ᓴᓪ ᒂ ‍ ᒪᒧᐅᓇᑦ ᐅᑦ ‍ ᐃᔨᒪ ᑭᔭ ᒂ ᐃᑐᑕᒡ ᐊᓐᑕ ᒥᐊᓯᔪᐃᑐᓇᓄᐎᔨᒡ ᐃᓯ, ᐊᑯ ᒂ ‍ ᐛᐱᒪᑦ ᐱᓕᔅᑎᐊ ᓂᑐᐱᔪᐅ-ᐃᔪᐛ ᒋᒋᐛ ᐊᒋᔎᔨᓱᔨᒋ ᐊ ‍ ᑎᑕᐧᑭᒥᑐᔨᒋ ᐅᓂᑐᐱᔪᐅ-ᒧᐧᑭᒪᓂᔨᐛ᙮
\v 21 ᐊᒺᔭ ᐊᓂᔭ, ᐱᔅᒐ ᐃᑉᕈᐤ ᐃᔪᒡ ᒋ ᓂᑭᑕᐅᒡ ᐅ ‍ ᓂᑐᐱᔪᐅ-ᐃᔨᒧᐛᐛ ᑭᔭ ᒂ ‍ ᐎᒋᐊᑦ ᐱᓕᔅᑎᐊ ᓂᑐᐱᔪᐅ-ᐃᔪᐛ᙮ ᒥᒄ ᐊᓄᒡ ᐊᓐᒡ ᓇᐸᐅᒡ ᒋ ᒥᔅᑯᒋᐅᒡ ᑭᔭ ᒂ ‍ ᐎᒋᐊᒡ ᓴᓚ ᑭᔭ ᒠᓂᑎᓇ ᑭᔭ ᑯᑎᑲ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮
\v 22 ᐱᔅᒐ ᓴᔅ ᒋ ‍ ᒋᑎᓯᒧᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᑭᔭ ᒋ ‍ ᑲᓱᐅᒡ ᐊᓐᑕ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᔪᐤ ᐊᓐᑕ ᑲ ‍ ᐎᒋᔨᒋ ᐃᑉᕋᐃᒻ ᐊ ‍ ᐃᑎᔅᑲᓇᓯᔨᒋ᙮ ᒥᒄ ᐃᔅᐱ ᑲᒋ ‍ ᐸᑕᒡ ᐱᓕᔅᑎᐊ ᓂᑐᐱᔪᐅ-ᐃᔪᐛ ᐊᒋ ‍ ᒋᑎᓯᒧᔨᒋ, ᒂ ‍ ᓂᑎᒍᐛᒡ ᑭᔭ ᒂ ‍ ᐎᒋᐊᒡ ᑯᑎᑲ ᐃᔅᕋᐃᓪ ᓂᑐᐱᔪᐅ-ᐃᔪᐛ ᑭᔭ ᒂ ‍ ᓇᓴᐛᒡ ᐱᓕᔅᑕᐃᓐ ᓂᑐᐱᔪᐅ-ᐃᔪᐛ᙮
\v 23 ᐊᑯ ᑎᐸᔨᒋᒐᓱᐤ ᒂ ‍ ᐱᐧᑯᐊᑦ ᐃᔅᕋᐃᓪ ᐃᔪᐛ ᐊᓂᔭ ᒐᓯᑲᔨᒡ᙮ ᐊᔅᒄ ᒋ ‍ ᓇᓴᐛᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᐊᓂᔭ ᑲ ‍ ᐱᒂᑎᑯᒡ ᐸᔅᒡ ᐸᑦ-ᐊᐱᓐ ᐅᑕᓇᔪᐤ ᐃᓯ᙮
\s1 ᑲ ᒋᐧᑲᓇᑯᔨᑐᓇᓄᐅᒡ ᒠᓂᑎᓐ ᑲ ‍ ᒥᒋᑦ ᑲᓯᐛᓯᐛᐳᔪᐤ
\p
\v 24 ᐊᒺᔭ ᓴᓪ ᐅᓂᑐᐱᔪᐅ-ᐃᔨᒪ ᓇᒋ ‍ ᓂᑐᐱᔨᒋ, ᓴᓪ ᒋ ᒋᒋ ‍ ᐃᑕᐤ, “ᓇᒪ ᐛᒋ ‍ ᐸᐃᒄ ᒋ ‍ ᓂᑐᐛᔨᒥᑎᓇᐛᐤ ᒐᒋ ᒥᒋᔭᒄ ᒥᒄ ᐊᓯᓇᒂᒡ ᒥᒋᒻ ᐊᒺᔭ ᐊᓄᒡ ᒐ ‍ ᐅᑕᑯᓯᒡ, ᐊᒺᔭ ᒐ ‍ ᓴᐧᑯᒋᐊᐧᑯᒡ ᒥᓯᐛ ᑲ ‍ ᐱᒂᑎᑕᐧᑯᒡ᙮ ᒥᒋᒐ ᐊᐛᓐ ᒐᒂᔪᐤ, ᒋᑭ ‍ ᐊᓏᔨᒥᑯᐤ ᑎᐸᔨᒋᒐᓱᐛ᙮” ᐊᑯ ᓇᒪ ᐛᒋ ‍ ᐸᐃᒄ ᐃᔅᕋᐃᓪ ᓂᑐᐱᔪᐅ-ᐃᔪᒡ ᐅᒋ ‍ ᒥᒋᐅᒡ ᒥᒋᒥᔪᐤ, ᑭᔭ ᒂ ᐊᑎ ‍ ᔨᔨᒥᓯᒡ ᐛᔅ ᐊᓂᔭ ᒋᒋᐛ ᐊᓯᐛᔨᒡ᙮
\v 25 ᒥᓇᔎᒡ ᒋ ‍ ᐃᑐᑕᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ, ᑭᔭ ᒂ ᒥᔅᑲᒡ honeycombs ᐊᓐᑕ ᒧᔅᑎᔅᑭᒥᒡ, ᒥᒄ ᓇᒪ ᐅᒋ ᒥᒋᐅᒡ ᑲᓯᐛᓯᐛᐳᔪᐤ
\v 26 ᒋ ‍ ᑯᔅᑕᒋᐅᒡ ᐊᓂᔭ ᒐᒋ ᒥᒋᒡ, ᐛᔅ ᒋ ‍ᒋᒋ ‍ ᐊᓱᑎᒪᒐᐅᒡ ᒐ ᐊᑲ ᒥᒋᒡ ᒥᒄ ᐊᓯᓇᑯᓂᔨᒡ ᒥᒋᒥᔪᐤ᙮
\v 27 ᒥᒄ ᒠᓂᑎᓐ ᓇᒪ ᐅᒋ ᐸᑎᒻ ᑲ ‍ ᐃᑎᓱᐛᔨᒋ ᐅᑕᐎᔭ ᐛᔅ ᐎᐱᒡ ᒐᒋᓴᐸ ᒋᔅᑐᑕᐤ ᐊᓐᑕ ᐛᒋᓇᓄᐎᔨᒡ ᐅᒋ᙮ ᐊᑯ ᐃᔅᐱ ᐎᔭᐱᒪᑦ honeycomb᙮ ᒂ ‍ ᑯᑕᐅᓇᐧᒃ ᐅᓯᔅᑲᐅᓐ ᐊᓐᑕ ᑲᓯᐛᓯᐛᐳᔪᐤ ᑭᔭ ᒂ ‍ ᒥᒋᑦ ᐅᑎᒋᔨᓴ ᐊᐱᒋᔨᑕᐧᒃ᙮ ᒂ ‍ ᓱᒋᓱᒪᒋᔪᐅᑦ ᑭᔭ ᒂ ‍ ᐊᑎᑐᐤ ᒂ ‍ ᐃᑕᔨᑕᐧᒃ᙮
\v 28 ᐊᑯ ᐸᐃᒄ ᐃᔅᕋᐃᓪ ᓂᑐᐱᔪᐅ-ᐃᔪᐛ ᒋ ‍ ᐛᐱᒥᑯᐤ ᑭᔭ ᒋ ‍ ᐃᑎᑯᐤ, “ᒍᑕᐎᔾ ᓂ ᒋᒋ ‍ ᐎᑎᒪᑯᓇᓐ ᑎᐸᔨᒋᒐᓱᐤ ᒐ ‍ ᐊᓏᔨᒪᑦ ᐊᐛᔪᐛ ᒥᒋᔨᒐᓂᐃ ᒥᒋᒥᔪᐤ ᐊᓄᒡ᙮ ᐊᑯ ᒋᒋᐛ ᒋᑦ ᐊᔭᔅᑯᓯᓇᓄᐤ ᐊᓄᒡ ᑭᔭ ᒋ ‍ ᔨᔨᒥᓯᓇᓄ ᐊᓯᐛᐃᔭᐧᒄ ᐛᔅ ᓂᒋ ‍ ᓂᓇᔨᑐᐛᓇᓐ᙮”
\p
\v 29 ᒠᓂᑎᓐ ᒋ ‍ ᐃᔅᒋᔄᐤ, “ᒋᒋ ‍ ᑐᑕᑯᓄᐤ ᒥᓯᐛ ᒐᒋ ᐊᔨᒥᐅᐛᐧᒄ ! ᐛᐸᑎᒥᒄ ᑕᓐ ᐊᔅᐱᔅ ᓱᒋᓯᔭᓐ ᐊᐱᓯᔅ ᑲᒋ ‍ ᒥᒋᔭᓐ ᑲᓯᐛᓯᐛᐳᔾ᙮
\v 30 ᓇᐊᔨᒥᑕᐧᑲᒂ ᒐᒋ ᒥᓯᐛ ᒥᒋᐛᐧᒄ ᒥᒋᔪᐤ ᐅᒋ ᑲ ‍ ᐅᑎᓂᒺᐧᒄ ᑲ ‍ ᐱᒂᑎᑕᐧᑯ ᐅᒋ ᒪᒂᒡ ᑲ ‍ ᓇᓴᐛᐧᑯᒡ, ᐊᑎᑐᐤ ᒋᐸ ᒋ ‍ ᓂᐸᐊᓇᐱᓐᒡ !”
\p
\v 31 ᐃᔅᑭᓂᒋᓯᑲᐛ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒋᓇᓴᐛᐅᒡ ᑭᔭ ᒋ ‍ ᓂᐸᐅᒡ ᐱᓕᔅᑎᐊ ᓂᑐᐱᔪᐅ-ᐃᔪᐛ ᐊᓂᔭ ᒋᓯᑯᔪᐤ, ᒥᒃᒪᔅ ᐅᑕᓇᒡ ᐅᒋ ᐃᔅᐱᔅ ᐊᐃᒐᓗᓐ᙮ ᒥᒄ ᐊᔭᔅᒄ ᒋᑦ ‍ ᔨᔨᒥᓯᐅᒡ ᐊᓯᐛᔨᒡ᙮
\v 32 ᒥᒐᑦ ᒪᔭᑕᓂᓴ ᑭᔭ ᒥᒋᑎᒂ ᒋ ‍ ᐅᑎᓇᐅᒡ ᐱᓕᔅᑎᐊ ᓂᑐᐱᔪᐅ-ᐃᔪᐛ ᑲᓂᑭᑕᔨᒋ᙮ ᐊᑯ, ᐛᔅ ᒋᒋᐛ ᐊᓯᐛᔨᒡ, ᒋ ‍ ᓂᐸᐅᒡ ᐱᔅᒐ ᐊᐛᓯᔅ ᑭᔭ ‍ ᒂ ‍ ᒥᒋᒡ ᐎᔭᓯᔪᐤ ᐊᑲ ‍ ᐎᐎᑯᐅᑕᒡ ᒥᐧᑯᔪᐤ ᐊᐛᓯᓴ ᐅᒋ᙮
\v 33 ᐸᐃᒄ ᐊᓐ ᓂᑐᐱᔪᐅ-ᐃᔪᐤ ᒋ ‍ᐃᑕᐤ ᓴᓚ, “ᐃᑕᐱᔾ ! ᐅᓂᑐᑐᐛᐅᒡ ᐊᓐᒡ ᐃᔪᒡ ᑎᐸᔨᒋᒐᓱᐛ ᐊ ‍ ᒥᒋᒡ ᐎᔭᓯᔪᐤ ᐊᔅᒄ ᐊᑎᑯᓂᔨᒡ ᐊᓐᑕ ᒥᐧᑯᔪᐤ᙮”
\p ᓴᓪ ᒂ ‍ ᐃᑕᑦ ᐃᔪᐛ ᒥᒋᒪ ᑲ ‍ ᓂᐳᐅᔅᑕᑯᑦ᙮ “ᓇᒪ ‍ ᐅᒋ ‍ ‍ ᓂᓇᐊᔨᑐᐛᐅᒡ ᑎᐸᔨᒋᒐᓱᐛ ! ᑎᑎᐱᑎᐧᒄ ᐊᒥᓯᑎᑦ ᐊᓯᓂᔾ ᐅᑕ ᐃᑕᒐ !”
\v 34 ᑲᒋ ‍ ᑐᑕᒡ ᐊᓂᔭ, ᒋ ‍ ᐃᑕᐤ ᐊᓂᔭ ᐃᔪᐛ, ‍ ᒪᒋ ᑭᐅᔭ ᒐ ᐎᑎᒧᐅᑥᐤ ᒥᓯᐛ ᓂᑐᐱᔪᐅ-ᐃᔪᒡ ᒥᓯᐛ ᐸᐸᐃᒄ ᐊᑎᓯᒡ ᒐᐎ ‍ ᐸᑐᐅᒡ ᓇᐸ ‍ ᒥᔅᑐᓴ ᑭᔭ ᒪᔭᑕᓂᓴ, ᒐ ‍ ᓂᐸᐅᒡ ᐅᑕ ᐊᓯᓂᒡ, ᑭᔭ ᒐ ‍ ᐎᐎᑯᐅᑕᒡ ᒥᐧᑯᔪᐤ ᐊᒺᔭ ᒥᒋᒡ ᐎᔭᓯᔪᐤ᙮ ᐊᑐᒡ ᒋᐎ ‍ ᐅᓂᑐᑐᐛᐅᒡ ᑎᐸᔨᒋᒐᓱᐛ ᐊ ᒥᒋᒡ ᐊᓂᔭ ᐎᔭᓯᔪᐤ ᐊᔅᒄ ᐊ ᐊᑲ ᒐ ‍ ᐎᐎᑯᐅᑕᒡ ᒥᐧᑯᔪᐤ᙮” ᐊᑯ ᐊᓂᔭ ᑕᐱᔅᑲᔨᒡ ᒥᓯᐛ ᓂᑐᐱᔪᐅ-ᐃᔪᒡ ᒋ ‍ ᐸᓱᐛᐅᒡ ᐊᐛᓯᓴ ᑭᔭ ᒂ ‍ ᓂᐸᐊᒡ ᐊᓐᑕ᙮ ᐊᑯ ᓴᓪ ᒂ ‍ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ ᒐᒋ ᐊᔭᒥᐊᔅᑐᐛᑭᓄᐎᒋ ᑎᐸᔨᒋᒐᓱᐛ᙮
\p ᐊ ‍ ᑎᐱᔅᑲᔨᒡ ᒂ ‍ ᐸᓱᐛᒡ ᐅᒥᔅᑐᓯᒧᐛᐛ ᓇᑕ ᐊᓯᓂᒡ ᑭᔭ ᒂ ᓂᐸᐊᒡ ᐊᓐᑕ᙮
\v 35 ᐊᐅᑯᔪᐤ ᐊᓂᔭ ᐅᔅᑭᒡ ᓴᓪ ᑲ ‍ ᑐᑎᒧᐛᑦ ᑎᐸᔨᒋᒐᓱᐛ ᐱᔅᑎᓂᒐᐅᓇᐱᔅᑯᔪᐤ᙮
\s1 ᓂᑐᐱᔪᐅ-ᐃᔪᒡ ᑲ ‍ ᐎᐧᑯᒋᐊᒡ ᒠᓂᑎᓇ ᓴᓚ ᐅᒋ
\p
\v 36 ᐊᑯ ᓴᓪ ᒂ ᐃᑕᑦ ᐃᔅᕋᐃᓪ ᓂᑐᐱᔪᐅ-ᐃᔪᐛ, “ᒐ ‍ ᓇᓴᐛᐧᑯᒡ ᐱᓕᔅᑎᐊ ᓂᑐᐱᔪᐅ-ᐃᔪᒡ ᐊᓄᒡ ᒐ ‍ ᑎᐱᔅᑲᒡ᙮ ᐃᔅᑭᓐ ᑎᐱᔅᑲᐛ ᒋᑭ ᒋ ‍ ᑯᓯᑯᐛᔨᒧᑐᐛᓄᐅᒡ᙮ ᓇᒪ ‍ ᐛᒋ ᐸᐃᒄ ᒋᑭ ‍ ᓇᐊᔨᒪᓄᐤ ᒐᒋ ᒋᑎᓯᒧᑦ ᐊᐱᒪᑎᓯᑦ᙮”
\p ᐃᔅᕋᐃᓪ ᓂᑐᐱᔪᐅ-ᐃᔪᒡ ᒂ ‍ ᐃᔅᒋᔄᒡ, “ᓂᑭ ‍ ᑐᑕᓇᓐ ᒥᒄ ᒐᒂᓐ ᐊᑕᔨᑎᒥᓐ ᒪᔽᒡ ᒐᒂᓐ ᒐᒋ ᑐᑎᒪᒡ᙮”
\p ᒥᒄ ᐊᔭᒥᐊᐅᒋᒪᐤ ᒂ ‍ ᐃᔅᒋᔄᑦ᙮ “ᒋᐸ ‍ ᑭᒂᒋᒪᓄᐤ ᑎᐸᔨᒋᒐᓱᐤ ᒐᒂᔪᐤ ᐊᑕᔨᑕᐧᒃ ᒐ ‍ ᐃᑐᑎᒺᐧᒄ᙮”
\p
\v 37 ᐊᑯ ᓴᓪ ᒂ ‍ ᑯᒂᒋᒪᑦ ᒋᓴᒪᓂᑐᐛ, “ᓂᐸ ‍ ᓇᓴᐛᓇᓐᒡ ᐊ ᐱᓕᔅᑎᐊ ᓂᑐᐱᔪᐅ-ᐃᔪᒡ ? ᒋᑭ ‍ ᒥᔨᓇᓐ ᐊ ᒐᒋ ᓴᐧᑯᒋᐃᒋᒡ ?” ᒥᒄ ᒋᓴᒪᓂᑐᐤ ᓇᒪ ᐅᒋ ᓂᔎᐛᓯᐅᐤ ᓴᓚ ᐊᓂᔭ ᒋᓯᑯᔪᐤ᙮
\p
\v 38 ᓴᓪ ᒂ ‍ ᐎᓴᒪᑦ ᒥᓯᐛ ᑲᓂᑲᓄᔅᑯᐛᔨᒋ ᐅᓂᑐᐱᔪᐅ-ᐃᔨᒪ᙮ ᒂ ‍ ᐃᑕᑦ, “ᓂᒐᒋᓇᐅᓐ ᐛᒋ ᐊᑲ ᓂᔭᔅᑯᐛᐅᓯᑦ ᒋᓴᒪᓂᑐᐤ ᐛᔅ ᐊᒋ ‍ ᒥᒋᑐᑕᐧᒃ ᐊᐛᓐ᙮᙮
\v 39 ᒋᒋ ‍ ᐎᐧᑯᒋᔨᑯᓄᐤ ᑎᐸᔨᒋᒐᓱᐤ ᐱᓕᔅᑎᐊ ᓂᑐᐱᔪᐅ-ᐃᔪᐛ ᐅᒋ᙮ ᒧᔭᒻ ᐊᒐᔅᑎᓇᑕᔨᑎᒪᓐ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᒥᒄ ᐊᓐ ᐊᐛᓐ ᑲ ‍ ᒥᒋᑐᑕᐧᒄ ᒋᑭ ᐎ ‍ ᓂᐸᐊᑭᓄᐅᐤ, ᐊᑎᓱᐧᒄ ᐊᓐ ᓂᑯᔅ ᒠᓂᑎᓐ ᑲ ‍ ᒥᒋ ‍ ᑐᑎᒥᒂ, ᒋᑭ ᐎ ‍ ᓂᐸᐊᑭᓄᐅᐤ᙮”
\p ᒋ ᒋᔅᒐᔨᒪᔪᐛ ᐅᑦ ᐃᔨᒪ ᐊᐛᔪᐛ ᐊᓂᔭ ᑲ ‍ ᑕᒪᔨᑕᑯᓯᔨᒋ, ᒥᒄ ᓇᒪ ᐊᐛᓐ ᐅᒋ ᐃᔨᑕᐤ ᓴᓚ ᒐᒂᔪᐤ᙮
\v 40 ᐊᑯ ᓴᓪ ᒂ ᐃᑕᑦ ᒥᓯᐛ ᐃᔅᕋᐃᓪ ᓂᑐᐱᔪᐅ-ᐃᔪᐛ, “ᐊᓐᑕ ᐃᑕᒐ ᓂᐳᐅᒄ᙮ ᓂᑯᔅ ᒠᓂᑎᓐ ᑭᔭ ᓂᔾ ᒂᑕᒐ ᓂᑭ ‍ ᓂᐳᐅᓇᓐ᙮”
\p ᒂ ᐃᑎᑯᑦ ᐅᑦ ᐃᔨᒪ, “ᑐᑕ ᒐᒂᓐ ᒪᔽᒡ ᐊᑕᔨᑎᒥᓐ᙮”
\p
\v 41 ᐊᑯ ᓴᓪ ᒂ ‍ ᓂᑐᑎᒧᐛᑦ ᑎᐸᔨᒋᒐᓱᐛ, ᐃᔅᕋᐃᓪ ᐃᔪᐛ ᐅᒋᓴᒪᓂᑐᒥᔨᐛ “ᐎᑎᒧᐎ ᐊᐛᓐ ᑎᔭᒪᔨᑕᑯᓯᑦ ᑭᔭ ᐊᐛᓐ ᐊ ᐊᑲ ᑕᒪᔨᑕᑯᓯᑦ᙮” ᐊᑯ ᐊᔭᒥᐊᐅᒋᒪᐤ ᐎᔭᐱᓇᐧᒃ ᐊᓯᓂᔭ ᑲ ‍ ᒥᓯᓇᑕᔨᒋ, ᑭᔭ ᒂ ‍ ᐎᑕᒂᒡ ᐊ ᐊᑲ ᐊᑕᒪᔨᑕᑯᓯᑦ ᒠᓂᑎᓐ ᑭᔭ ᒪᒃ ᓴᓪ, ᑭᔭ ᓇᒪ ᐅᒋ ᐊᑕᒪᔨᑕᑯᓯᐅᒡ ᑯᑎᑭᒡ ᓇᐸᐅᒡ᙮
\v 42 ᐊᑯ ᓴᓪ ᒂ ‍ ᐃᑕᑦ ᐊᔭᒥᐊᐅᒋᒪᐛ, “ᒥᓐ ᐛᐱᓇ ᐊᓯᓂᔭ ᒐᒋ ᐎᑕᒂᒋ ᐊᐛᓐ ᐊᓂᓯᔭᒡ ᑎᔭᒪᔨᑕᑯᓯᑦ᙮” ᐊᐅᑯᓐ ᒂ ᐃᑎᑦ, ᑭᔭ ᒂ ‍ ᐎᑕᒂᒋ ᒠᓂᑎᓐ ᐊᑕᒪᔨᑕᑯᓯᑦ᙮
\p
\v 43 ᐊᑯ ᓴᓪ ᒂ ‍ ᐃᑕᑦ ᒠᓂᑎᓇ, “ᐎᑎᒧᐎ ᒐᒂᓐ ᑲ ‍ ᐃᑐᑎᒥᓐ ᐊ ᐊᑲ ᒥᔽᒡ᙮”
\p ᒠᓂᑎᓐ ᒂ ‍ ᓂᔎᐛᓯᐊᑦ “ᓂᒋ ‍ ᒥᒋᓐ ᐊᐱᓯᔅ ᑲᓯᐛᓯᐛᐳᔾ᙮ ᐊᐱᔅᓯᔅ ᒥᒄ ᐊᓐᑕ ᑲ ‍ ᒋᑭᒧᒡ ᐅᓂᔅᑯᒡ ᓂᓯᔅᑲᐅᓇᑎᑯᒡ᙮ ᓂᑐᐛᔨᑕᑯᓐ ᐊ ᒐᒋ ᓂᐸᔨᑯᐅᔭᓐ ᐛᔅ ᐊᓐ ᑲ ‍ ᑐᑎᒪᓐ ?”
\p
\v 44 ᓴᓪ ᒂ ‍ ᓂᔎᐛᓯᐊᑦ “ᓂᐦᐃ, ᒋᑭ ᐎ ‍ ᓂᐸᔨᑯᐅᓐ! ᑭᒪ ᐅᑕᒪᐅᑦ ᒋᓴᒪᓂᑐᐤ ᑭᔭ ᓂᐸᔨᑦ ᐊ ᐊᑲ ᓂᐸᔨᑯᐎᔭᓇ ᐊᓐ ᑲ ᑐᑎᒥᓐ !”
\p
\v 45 ᒥᒄ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒂ ‍ ᐃᑕ ᓴᒡ᙮ “ᒠᓂᑎᓐ ᒋ ‍ ᒋᒋ ‍ ᐱᔅᒋᔭᒐᐅ ᓂᔭᓐ ᐅᒋ ᐃᔅᕋᐃᓪ ᐃᔪᐛ᙮ ᒋᑭ ‍ ᓂᐸᐊᑭᓄᐤ ᐊ ᐱᔅᒐ ᑲ ‍ ᒥᒋᑦ ᑲᓯᐛᓯᐛᐳᔪᐤ ? ᓇᒪ ᑭᑈ ! ᒧᔭᒻ ᐊᒐᔅᑎᓇᑕᔨᑕᒂᒡ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᓇᒪ ᒋᑭ ‍ ᓇᐊᔨᒥᑎᓇᓐ ᒐᒋ ᓂᓇᐧᑯᐤ ᐃᓯ ‍ ‍ᐅᓯᑯᔨᐃᑦ ᐛᔅ ᐊᓄᒡ ᒋᓴᒪᓂᑐᐤ ᒋ ‍ ᐎᒋᐊᐤ ᒠᓂᑎᓇ ᒐᒋ ᓂᐸᐊᔨᒋ ᒥᒐᑦ ᐱᓕᔅᑎᐊ ᓂᑐᐱᔪᐅ-ᐃᔪᐛ !”
\p ᐊᑯ ᐊ ‍ ᐃᔅᒋᔄᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᐊᒋ ‍ ᐎᐧᑯᒋᐊᒡᒡ ᒠᓂᑎᓇ, ᑭᔭ ᓇᒪ ᐅᒋ ‍ ᓂᐸᐊᑭᓄᐤ᙮
\v 46 ᐊᑯ ᓴᓪ ᒂ ‍ ᐃᑎᓱᐛᑕᑦ ᐅᓂᑐᐱᔪᐅ-ᐃᔨᒪ ᒐᒋ ᐳᓂᔨᒋ ᐊᓇᓴᐛᔨᒋ ᐱᓕᔅᑎᐊ ᓂᑐᐱᔪᐅ-ᐃᔪᐛ, ᐊᑯ ᒂ ‍ ᒋᐛᒡ ᐱᓕᔅᑎᐊ ᓂᑐᐱᔪᐅ-ᐃᔪ
\s1 ᓴᓪ ᒋ ‍ ᓴᐧᑯᒋᐊᐤ ᒥᒐᑦ ᑲ ‍ ᐱᒂᑎᑯᒡ᙮
\p
\v 47 ᑲᒋ ‍ ᒋᓴᐅᒋᒪᐅᑦ ᓴᓪ ᐃᔅᕋᐃᓪ ᐃᔪᐛ, ᒋ ‍ ‍ ᒪᓴᐊᔪᐛ ᒂ ‍ ᐱᒂᑎᑯᒡ ᐊᓐᑕ ᒥᒐᑦ ᐊᔅᒋᔭ᙮ ᒋ ‍ ᒪᓴᐅᒡ ᒧᐊᑉ ᐊ ‍ ᐃᑎᔅᑲᓇᓯᔨᒋ ᐃᔪᐛ, ᑭᔭ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ, ᑭᔭ ᐃᑕᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ, ᓱᐸ ᐅᑕᓇᒡ ᐃᑕᒐ ᒋᓴᐅᒋᒪᐛ, ᑭᔭ ᐱᓕᔅᑎᐊ ᐊ ‍ ᐃᑎᔅᑲᓇᓯᔨᒋ ᐃᔪᐛ, ᑕᓐᑕ ᒥᒄ ᑲ ‍ ᒪᓯᒐᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ, ᒋ ‍ ᓴᐧᑯᒋᐊᐅᒡ ᐊᓂᔭ ᑲ ‍ ᐱᒂᑎᑯᒡ᙮᙮
\v 48 ᓴᓪ ᐅᓂᑐᐱᔪᐅ-ᐃᔨᒪ ᐊᓱᒋᑕᐊᒡ ᒋ ‍ ᒪᓯᒐᐅᒡ ᑭᔭ ᒋ ‍ ᓴᐧᑯᒋᐊᐅᒡ ᐊᓂᔭ ᒋᒋᐛ ᑲ ‍ ᒋᓂᑲᐳᐎᔨᒋ ᐊᒪᓕᒃ ᐅᑦ ‍ ᐊᓂᔅᑯᑕᐸᓂᔨᐛ᙮ ᒋ ‍ ᐱᐧᑯᐊᔪᐛ ᐅᓂᑐᐱᔪᐅ-ᐃᔨᒪ ᐃᔅᕋᐃᓪ ᐃᔪᐛ ᐊᓂᔭ ᑲ ‍ ᒋᒧᑎᒧᑯᔨᒋ ᒐᒂᔪᐛ ᐅᒋ᙮
\v 49 ᓴᓪ ᒠᓂᑎᓐ, ᑭᔭ ᐃᔅᐳᓴᑕ, ᑭᔭ ᒪᓪᒋᔅᓱᐛᔨᒋ ᒋ ‍ ᐅᑯᓱᐤ᙮ ᒋ ‍ ᓂᓯᔨᐛ ᐃᔭᐱᒡ ᐅᑕᓂᓴ, ᒥᕋᐸ, ᑭᔭ ᐅᓯᒥᔨᐛ ᒪᐃᑲᓚ᙮
\v 50 ᐊᐃᓇᐅᒻ ᒋᐎᔪ ᓴᓪ, ᐊᐃᒪᓴ ᐅᑕᓂᓯᔨᐛ, ᐊᑉᓄᕐ ᒋ ‍ ᐃᓯᓂᐧᑲᓱᔪᐛ ᑲ ‍ ᐅᒋᒪᐎᒋ ᓴᓪ ᐅᓂᑐᐱᔪᐅ-ᐃᔨᒪ᙮ ᓴᓪ ᐅᐧᑯᒥᓴ ᓂᕐ ᐅᑯᓴ᙮
\v 51 ᓴᓪ ᐅᑕᐎᔭ ᑭᔅ ᑭᔭ ᐊᑉᓄᕐ ᐅᑕᐎᔭ ᓂᕐ ᐊᐱᐃᓪ ᐊᓂᔭ ᐊᓂᓯᔨᒋ ᐅᑯᓴ᙮
\p
\v 52 ᐊᓂᔭ ᑲ ‍ ᐃᔅᐱᔅ ᐱᒪᑎᓯᑦ ᓴᓪ᙮ ᐱᓕᔅᑎᐊ ᓂᑐᐱᔪᐅ-ᐃᔪᐛ ᒋ ‍ ᒪᓴᔪᐛ ᐅᓂᑐᐱᔪᐅ-ᐃᔨᒪ᙮ ᑭᔭ ᐃᔅᐱ ᓴᓪ ᐛᔭᐱᒪᒋ ᐅᔅᒋᓂᒍᐛ ᐊ ‍ᓱᒋᑕᐊᔨᒋ ᑭᔭ ᐊ ‍ ᓱᒋᔨᒋ, ᒋ ‍ ᐃᔨᐧᑭᒥᐊᐤ ᒐᒋ ᐎᒋᐊᔨᒋ ᐅᓂᑐᐱᔪᐅ-ᐃᔨᒪ᙮
\c 15
\s1 ᓴᓪ ᐅᓂᑐᐱᔪᐅ-ᐃᔨᒪ ᒋ ‍ ᓴᐧᑯᒋᐊᔪᐛ ᐊᒪᓕᑲᑦ ᐃᔪᐛ
\p
\v 1 ᐸᐃᒂᐤ ᒐᓯᑲᔨᒡ, ᓴᒥᔪᐊᓪ ᒋ ‍ᐃᑕᐤ ᓴᓚ: ᑎᐸᔨᒋᒐᓱᐤ ᓂᒋ ‍ ᐃᑎᓴᐅᒄ ᒐᒋ ᐅᑎᓂᑕᓐ ᒐᒋ ᒋᓴᐅᒋᒪᐎᓐ ᐃᔅᕋᐃᓪ ᐃᔪᐛ᙮ ᐊᑯ ᓂᑐᑎᒻ ᐅᔭ ᑎᐸᔨᒋᒐᓱᐤ ᐅᑦ ᐃᔨᒧᐅᓐ:
\v 2 ᑎᐸᔨᒋᒐᓱᐤ, ᐅᒋᒪᐤ ᒥᓯᐛ ᐊᓐᒋᓐ ᓂᑐᐱᔪᐅ-ᐃᔪᐛ ᓴᔅ ᒋ ‍ ᐎᑎᒻ ᐅᔭ ‘ ᓂᑭ ‍ ᐊᓏᔨᒪᐅᒡ ᐊᒪᓕᒃ ᐅᑦ ᐊᓂᔅᑯᑕᐸᓇ ᐛᔅ ᐊᒋ‍ ‍ ᑯᓯᒂᔨᒧᑐᐛᒡ ᐃᔅᕋᐃᓪ ᐃᔪᐛ ᑲᒋ ᓂᑭᑎᒥᔨᒋ ᐃᔅᕋᐃᓪ ᐃᔪᐛ ᐃᒋᑉᑎᔪᐤ᙮
\v 3 ᐊᑯ ᐊᔅᑐᑕᒄ ᐊᓯᒡ ᒋᓂᑐᐱᔪᐅ-ᐃᔨᒥᒡ ᑭᔭ ᒐ ‍ ᑯᓯᒂᔨᒧᑐᐛᑯᒡ ᐊᒪᓕᒃ ᐊ ‍ ᐃᑎᔅᑲᓇᓯᒡ ‍ ᐃᔪᒡ᙮ ᒥᓯᐛ ᒐ ‍ ᓂᓱᐅᓇᒋᐊᑯᒡ᙮ ᓂᓯᐅᓇᒋᐊᑯᒡ ᐊᓯᒡ ᒥᓯᐛ ᐊ ᐃᓯ ‍ ᑎᐱᔨᐛᐅᓯᒡ᙮ ᓇᐸᐅᒡ, ᑭᔭ ᐃᔎᐅᒡ, ᑭᔭ ᐅᑦ ᐊᐛᓯᒧᐛᐛ, ᑭᔭ ᑲ ᐃᔭᐱᓯᓯᒡ ᐊᐛᓯᓯᒡ, ᑭᔭ ᐅᒥᒋᑎᐅᐧᑯᒧᐛᐛ ᑭᔭ ᐅᒪᔭᑕᓂᓯᒧᐛᐛ, ᑭᔭ ᑲ ‍ ᐱᔎᐅᑯᓇᔨᒋ ᐊᐛᓯᓴ, ᑭᔭ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮ ᒐ ᐊᑲ ᐛᒋ ᐸᐃᒄ ᐃᔅᑯᓇᒄ᙮”
\p
\v 4 ᐊᑯ ᓴᓪ ᐛᓴᒪᑦ ᓂᑐᐱᔪᐅ-ᐃᔪᐛ, ᑭᔭ ᒂ ‍ ᒪᒧᐎᒡ ᐊᓐᑕ ᑎᓚᐃᒻ ᐅᑕᓇᒡ᙮ ᓂᓱᒥᑕᓯᒥᑎᓄᐤ ᑕᑥᐤ ᒐᓯᐱᔪᐤ ‍ (200,000) ᓂᑐᐱᔪᐅ-ᐃᔪᐛ ᒋ ‍ ᐃᑕᑎᓯᔨᐛ, ᐸᐃᑯᔪᐤ ᑕᑥᐤ ᒐᓯᐱᔪᐤ ‍ (10,000) ᒍᑕ ᒋ ‍ ᐅᒋᔨᐛ, ᑭᔭ ᑯᑎᑲ ᐃᔅᕋᐃᓪ ᐊ ‍ ᐃᑎᔅᑲᓇᓯᔨᒋ ᒋ ‍ ᐅᒋᔨᐛ ᑯᑎᑲ᙮
\v 5 ᐊᑯ ᓴᓪ ᐊᓯᒡ ᐅᓂᑐᐱᔪᐅ-ᐃᔨᒪ ᒂ ‍ ᐃᑐᑕᒡ ᐊᓐᑕ ᐅᑕᓇᒡ ᐊᓐᑕ ᐊᒪᓕᒃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᐎᒋᔨᒋ᙮ ᒋ ‍ ᐊᔭᔅᑯᐅᔪᐛ ᐅᓂᑐᐱᔪᐅ-ᐃᔨᒪ ᒐᒋ ᓯᔅᒋᑯᒡ ᑯᓯᒂᔨᒧᑐᔨᒋ ᐊᑲᓱᐎᔨᒋ ᐊᓐᑕ ᐊ ‍ ᐱᓴᔨᒡ᙮
\v 6 ᐊᑯ ᓴᓪ ᒂ ‍ ᐃᑎᓴᐊᒧᐛᑦ ᑭᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ‍ᑲ ‍ ᐎᒋᔨᒋ ᐊᓐᑕ ᐃᑕᒐ ᐅᔭ ᐃᔨᒧᐅᓂᔪᐤ: “ ᒋᒋ ‍ ᒥᔪᑐᑐᐛᐛᐅᒡ ᒥᓯᐛ ᓂᑦ ᐃᔅᕋᐃᓪ ᐊᓂᔅᑯᑕᐸᓇᓐᒡ ᐃᔅᐱ ᑲ ‍ ᓂᑭᑕᒡ ᐃᒋᑉᑎᔪᐤ, ᒥᒄ ᒥᓯᐛ ᓂᑭ ‍ ᓂᐸᐊᓇᓐᒡ ᐊᒪᓕᒃ ᐊ ‍ ᐃᑎᔅᑲᓇᓯᒡ ᐃᔪᒡ, ᐛᔅ ᒋ ‍ ᑯᓯᒂᔨᒧᑐᐛᐅᒡ ᓂᑦ ‍ ᐊᓂᔅᑯᑕᐸᓇᓇ᙮ ᐊᑯ ᐊᑐᒐᒄ ᐊᓐᑕ ᐛᒋᒡ ᐊᒪᓕᒃ ᐊ ‍ ᐃᑎᔅᑲᓇᓯᒡ ᐃᔪᒡ ᐅᒋ᙮ ᐊ ᐊᑲ ᐊᑐᒐᔭᒂ, ᒋᑭ ᓂᐸᐃᑯᓇᐛᐤ ᐃᔅᐱ ᓂᐸᐊᑭᓄᑥᐛ᙮ ” ᐊᑯ ᐃᔅᐱ ᑭᓐ ᐃᔪᒡ ᐊᓂᔭ ᐱᔭᑕᒡ, ᑎᐛᒡ ᒋ ‍ ᓂᑭᑎᒧᒡ ᐊᓐᑕ ᐃᑕᒐ ᐅᒋ᙮
\p
\v 7 ᐊᑯ ᓴᓪ ᐅᓂᑐᐱᔪᐅ-ᐃᔨᒪ ᒂ ‍ ᓂᐸᐊᒡ ᐊᒪᓕᒃ ᐃᔪᐛ ᐊ ‍ ᐃᑎᔅᑲᓇᓯᔨᒋ, ᐊᐱᓚ ᐅᑦᓇᒡ ᐊᓐᑕ ᐛᐱᓄᐅᑕᒡ ᐅᒡ ᐃᔅᐱᔅ ᓱᕐ ᐅᑕᓇᒡ ᐊᓐᑕ ᐊᑎᒪᐱᓯᒧᒡ ᐃᓯ, ᐊᐅᑯᓐ ᓱᕐ ᐊᐱᒥᓯᓇᑕᒡ ᐊᔅᒋᔾ ᑎᔅᑐᐎᒡ ᐃᔅᕋᐃᓪ ᑭᔭ ᐃᒋᑉᑎᒡ᙮
\v 8 ᓴᓪ ᐅᓂᑐᐱᔪᐅ-ᐃᔨᒪ ᒋ ‍ ᒪᑯᓇᐅᒡ ᐊᑲᑲ, ᐊᒪᓕᒃ ᐃᔪᐛ ᐊ ‍ ᐃᑎᔅᑲᓇᓯᔨᒋ ᒋᓴᐅᒋᒪᐛ, ᒥᒄ ᒥᓯᐛ ᐊᐛᔪᐛ ᒋ ‍ ᓂᐸᐅᒡ᙮
\v 9 ᓇᒪ ᒥᒄ ᐅᒋ ᐃᔅᑯᓇᐅᒡ ᐊᑲᑲ, ᐃᔭᐱᒡ ᑭᔭ ᒋ ‍ ᐅᑎᓂᒧᒡ ᐊᓂᔭ ᐛᒋ ᒥᔪᓯᓯᔨᒋ ᒪᔭᑕᓂᓴ ᑭᔭ ᒥᔅᑐᓴ ᑭᔭ ᒥᒋᑎᒂ᙮ ᒥᓯᐛ ᒪᔽᓯᔨᒋ ᒐᒂᔪᐛ ᒋ ‍ ᐅᑎᓂᒧᒡ᙮ ᒥᒄ ᐊᓂᔭ ᐊᐛᓯᓴ ᐊᑲ ‍ ᒐᒂᔪᐤ ᐃᔅᐱᑕᔨᑕᑯᓯᔨᒋ ᒋ ‍ ᓂᐸᐅᒡ᙮
\s1 ᑎᐸᔨᒋᒐᓱᐤ ᒋ ‍ ‍ ᐊᑐᐛᔨᒪᐤ ᓴᓚ ᒐᒋ ᒋᓴᐅᒋᒪᐎᒋ
\p
\v 10 ᐊᑯ ᑎᐸᔨᒋᒐᓱᐤ ᐊᑕᑦ ᓴᒻᔪᐃᓚ,
\v 11 “ ᓂ ‍ ᒥᒋᔨᐛᓯᓐ ᑲᒋ ‍ ᐅᑎᓂᒃ ᓴᓪ ᒐᒋ ᐅᒋᓴᐅᒋᒪᒥᔭᒄ, ᐛᔅ ᓂᒋ ‍ ᓂᑭᑎᒄ ᑭᔭ ᓇᒪ ᐅᒋ ᓂᓇᔨᑎᒻ ᒐᒂᔪᐤ ᑲ ‍ ᐃᑎᓱᒥᒄ ᒐᒋ ᐃᔨᑎᑦ᙮ ” ᒋ ‍ ᒥᑯᔅᑲᑕᔨᑎᒻ ᓴᒻᔪᐃᒡ ᐊᓂᔭ ᑲ ‍ ᐸᑕᐧᒃ, ᑭᔭ ᐃᔅᑭᓐ ᑎᐱᔅᑲᐛ ᒋ ᑕᑈᑕᐤ ᑎᐸᔨᒋᒐᓱᐛ᙮
\p
\v 12 ᐎᐱᒡ ᒋᔭᒋᓴᐸᔭᒡ, ᒋ ‍ ᐅᓂᐤ ᓴᒻᔪᐃᓪ ᓇᑐᐛᐱᒪᑦ ᓴᓚ ᒐᒋ ᐃᔨᒪᐊᑦ᙮ ᒥᒄ ᒋ ‍ ᐃᑎᑯᐤ ᐊᐛᔪᐛ ᓴᒻᔪᐃᓪ, “ ᑲᕐᒥᓪ ᐅᑕᓇᒡ ᒋ ‍ ᐃᑐᑕᐤ ᓴᓪ, ᐊᓐᑕ ᑲ ‍ ᒋᒥᑕᑦ ᐊᓯᓂᔪᐤ ᒐᒋ ᒋᔅᒋᔨᒥᓱᑦ᙮ ᒋᔅᑐᑕᐤ ᐊᓐᑕ ᐅᒋ ᑭᔭ ᑭᓪᑲᓪ ᒋ ‍ ᐃᑐᑕᐤ᙮”
\p
\v 13 ᐃᔅᐱ ᓴᒻᔪᐃᓪ ᑲ ‍ ᑎᑯᓯᐧᒃ ᐊᓐᑕ ᑭᓪᑲᓪ, ᒂ ‍ ᓇᑕᑦ ᓴᓚ, ᑭᔭ ᓴᓪ ᒂ ‍ ᐃᑕᑦ, “ᑭᒪ ᑎᐸᔨᒋᒐᓱᐤ ᓱᐛᔨᒥᔅᒄ ! ᓂᒋ ‍ ᓂᓇᔨᑎᒺᓐ ᒐᒂᔪᐤ ᑲ ‍ ᐃᓯᑦ ᑎᐸᔨᒋᒐᓱᐤ ᒐᒋ ᑐᑎᒧᒡ᙮”
\p
\v 14 ᒥᒄ ᓴᒻᔪᐃᓪ ᒂ ᐃᑕᑦ “ᑦᑎᔭᑈᐅᓇ, ᒐᒂᓐ, ᐛᒋ ‍ ᐸᑐᐅᒂᐤ ᒥᔅᑐᓯᒡ ᑭᔭ ᒪᔭᑕᓂᓯᒡ ?”
\p
\v 15 ᓴᓪ ᒂ ‍ ᐃᑕᑦ, “ᓂᑐᐱᔪᐅ-ᐃᔪᒡ ᐊᓂᔭ ᒋ ‍ ᐅᑎᓇᐅᒡ ᐊᒪᓕᒃ ᐃᔪᐛ ᐊ ‍ ᐃᑎᔅᑲᓇᓯᔨᒋ ᐅᒋ᙮ ᒋ ‍ ᑭᓄᐛᔨᑎᒪᓱᒡ ᐛᒋ ‍ ᒥᔪᓯᔨᒋ ᒪᔭᑕᓂᓴ ᑭᔭ ᒥᔅᑐᓴ, ᒐᒋ ᒥᑐᔅᑕᐊᒧᐛᒡ ᑎᐸᔨᒋᒐᓱᐛ ᒋᒋᓴᒪᓂᑐᒪ᙮ ᒥᒄ ᒥᓯᐛ ᑯᔾᑎᑭᒡ ᓂᒋ ‍ ᓂᓱᐅᓇᒋᐊᓇᓐᒡ᙮”
\p
\v 16 ᓴᒻᔪᐃᓪ ᒂ ᐃᑕᑦ ᓴᓚ “ᐊᑲ ᐃᔨᒥ! ᓇᐊᔨᒥ ᒐᒋ ᐎᑎᒪᑕᓐ ᒐᒂᔪᐤ ᑲ ‍ ᐃᓯᑦ ᑎᐸᔨᒋᒐᓱᐤ ᐅᑕᑯᓯᒡ ᑕᐱᔅᑲᔨᒡ᙮”
\p ᓴᓪ ᒂ ‍ ᓂᐊᔎᐅᓯᑦ, “ ᐎᑎᒧᐎᔾ ᒐᒂᔪᐤ ᑲ ‍ ᐃᔅᒋᔄᑦ᙮ ”
\p
\v 17 ᓴᒻᔪᐃᓪ ᒂ ᐃᔅᒋᔄᑦ, “ᐊᓄᒋᒐ ᓇᒪ ᒋ ‍ ᐅᒋ ‍ ᐃᑕᔨᑕᓐ ᐊᑲ ᐃᔅᐱᑕᔨᑕᑯᓯᔨᓐ, ᒥᒄ ᒋᒋ ‍ ᓂᑲᓂᔅᑯᐛᐅᒡ ᐊ ‍ ᐃᑎᔅᑲᓇᓯᒡ ᐃᔅᕋᐃᓪ᙮ ᑎᐸᔨᒋᒐᓱᐤ ᒋᒋ ‍ ᐅᑎᓂᒄ ᒐᒋ ᐅᒋᓴᐅᒋᒪᒥᑕᔅᒡ᙮
\v 18 ᑭᔭ ᒋᒋ ‍ ᐃᑎᓴᐅᒄ ᒐᒋ ᐃᑐᑎᒧᐅᑦ ᒐᒂᔪᐤ᙮ ᒋᒋ ‍ ᐃᔨᑎᒄ, ‘ ᒪᒋ ᑭᔭ ᒐ ‍ ᓂᓱᐅᓇᒋᐊᑥᐤ ᐊᓐᒡ ᒥᓯᐛ ᒂ ‍ ᒥᒋᑥᒡ ᐃᔪᒡ, ᐊᒪᓕᒃ ᐊ ‍ ᐃᑎᔅᑲᓇᓯᒡ ᐃᔪᒡ᙮ ᒐ ‍ ᑯᓯᒂᔨᒧᑐᐅᑥᐤ ᑭᔭ ᒥᓯᐛ ᒐ ‍ ᓂᐸᔨᑥᐤ᙮ ’
\v 19 ᐊᑯ ᒐᒂᔪᐤ ᒪᒃ ᐛᒋ ᐊ ᐊᑲ ‍ ᐅᒋ ‍ ᓂᓇᔨᑐᐅᑦ ᑎᐸᔨᒋᒐᓱᐤ ? ᒐᒂᔪᐤ ᐛᒋ ‍ ᐅᑎᓇᒡ ᒋᑦ ‍ ᐃᔨᒥᒡ ᐛᒋ ‍ ᒥᔪᓯᔨᒋ ᐊᐛᓯᓴ ? ᒐᒂᓐ ᐛᒋ ‍ ᐃᑐᑎᒺᒄ ᒠᒂᔪᐤ ᐊ ‍ᐃᑕᔨᑕᐧᒃ ᑎᐸᔨᒋᒐᓱᐤ ᐊ ‍ ᒪᔭᑎᓂᔨᒡ ?”
\p
\v 20 ᓴᓪ ᒂ ᐃᑕᑦ ᓴᒻᔪᐃᓚ,“ ᓂᒋ ‍ ᑐᑎᒺᓐ ᒐᒂᔪᐤ ᑎᐸᔨᒋᒐᓱᐤ ᑲ ‍ ᐃᑎᓴᐅᑦ ᒐᒋ ᐃᑐᑎᒧᒡ !” ᑲᐤ ᓂᒋ ‍ ᐸᓱᐛᐤ ᒋᓴᐅᒋᒪᐤ ᐊᑲᒄ, ᒥᒄ ᒥᓯᐛ ᑯᑎᑭᒡ ᐊᐛᓐᒋ ᓂᒋ ‍ ᓂᐸᐊᓇᓐᒡ᙮
\v 21 ᒋ ‍ ᐸᓱᐛᐅᒡ ᓂᑦ ‍ ᐃᔨᒥᒡ ᒥᒄ ᐊᓂᔭ ᐛᒋ ‍ ᒥᔪᓯᔨᒋ ᒪᔭᑕᓂᓴ ᑭᔭ ᒥᔅᑐᓴ ᑭᔭ ᑯᑎᑲ ᒐᒂᔪᐛ, ᒐᒋ ᐅᒋ ᒥᑐᔅᑕᐊᒧᐛᑭᓄᐎᔨᒋ ᑎᐸᔨᒋᒐᓱᐛ ᒋᒋᓴᒪᓂᑐᒪ ᐅᑕ ᑭᓪᑲᓪ᙮”
\p
\v 22 ᒥᒄ ᓴᒻᔪᐃᓪ ᒂ ‍ ᐃᑕᑦ,
\q1 “ᒐᒂᓐ ᐊᑕᔨᑎᒥᓐ ᐊᑎᑐᐤ ᓂᔭᔨᑎᒥᔨᑯᑦ ᑎᐸᔨᒋᒐᓱᐤ, ᐊᐛᓯᓴ ᒋᒋᐛ ᐊᔨᔎᓯᐛᑭᓄᐎᔨᒋ ᐱᔅᑎᓂᒐᐅᓇᐱᔅᑯᒡ ᑭᔭ ᑯᑎᑲ ᒥᑐᔅᑕᐊᒪᒐᐅᓇ,
\q1 ᑭᔭ ᒪᒃ ᐊᓂᓇᐊᔨᑕᑯᑦ ᐊᐛᔪᐛ ?
\q1 ᐊᑎᑐᐤ ᒥᔽᐤ ᒐᒋ ᓂᓇᐊᔨᑐᐛᒄ ᑎᐸᔨᒋᒐᓱᐤ ᐃᔅᐱᔅ ᒪᒃ ᒐᒋ ᒥᑐᔅᑕᐊᒧᐛᒄ ᒥᔨᐛᐅᓇ᙮
\q1 ᐊᑎᑐᐤ ᒥᔽᐤ ᒐᒋ ᓂᑐᑐᐛᒄ ᒐᒂᔪᐤ ᐊ ‍ ᐃᔅᒋᔄᑦ ᐃᔅᐱᔅ ᒪᒃ ᒐᒋ ᐃᔎᔄᒄ ᐊ ‍ ᐎᔪᐅᑦ ᓇᐸ ᒥᔅᑐᔅ, ᐊᑎᓱᐧᒄ ᒋ ‍ ᐃᔅᒋᔄᑦ ᒋᓴᒪᓂᑐᐤ ᒐᒋ ᒥᑐᔅᑕᐊᒧᐛᑭᓄᐅᑦ᙮
\v 23 ᐊ ‍ ᒪᔭᔨᒪᑭᓄᐅᑦ ᒋᓴᒪᓂᑐᐤ ᐸᐃᑯᑕᐤ ᐃᓯ ᒥᒋᑐᑎᒧᒥᑭᓐ ᐊ ‍ ᒥᑕᐅᓇᓄᐅᒡ,
\q1 ᑭᔭ ᐊ ‍ ᒥᔅᑯᐎᔅᑎᒂᓇᓄᐅᒡ ᐸᐃᑯᑕᐤ ᐃᓯ ᒥᒋᑐᑎᒧᒥᑭᓐ ᐊᔭᒥᐊᔅᑐᐛᑭᓄᐅᒡ ᒥᓂᑐᐧᑲᓐᒡ,
\q2 ᐊᑯ, ᐛᔅ ᐊ ᐊᑲ ᐅᒋ ᓂᓇᔨᑐᐅᑦ ᒐᒂᔪᐤ ᑎᐸᔨᒋᒐᓱᐤ ᑲ ᐃᑎᔅᒄ ᒐᒋ ᐃᑐᑎᒧᑦ,
\q1 ᑭᔭ ᒋ ‍ ᐎᑎᒻ ᒐ ᐊᑲ ‍ ᓴᔅ ᒋᓴᐅᒋᒪᐎᔨᓐ᙮”
\s1 ᑲ ᓂᑐᐛᔨᑕᐧᒃ ᓴᓪ ᒐᒋ ᐛᐸᔨᑎᒧᐛᑭᓄᐅᑦ
\p
\v 24 ᓴᓪ ᒂ ‍ ᐃᑕᑦ ᓴᒻᔪᐃᓚ, “ᓂᐃ, ᓂᒋ ‍ ᒥᒋᑐᑕᓐ,” ᙮ ᓇᒪ ᓂ ‍ ᐅᒋ ‍ ᓂᓇᐊᔨᑕᓐ ᒐᒂᓐ ᑲ ‍ ᐃᓯᔨᓐ ᒐᒋ ᐃᑐᑎᒪᓐ, ᐊᓂᔭ ᒐᒂᔪᐤ ᑎᐸᔨᒋᒐᓱᐤ ᑲ ‍ ᐃᑎᓱᐛᑦ᙮ ᐊᐅᑯᓐ ᑲ ‍ ᐃᑎᔭᓐ ᐛᔅ ᓂᒋ ‍ ᑯᔅᑕᓐ ᒐᒂᔪᐤ ᒐ ‍ ᐃᔅᒋᔄᒡ ᓂᓂᑐᐱᔪᐅ-ᐃᔨᒥᒡ ᐊ ᐊᑲ ᐃᑐᑎᒧᒐ ᒐᒂᔪᐤ ᑲ ᐃᓯ ‍ ᓂᑐᐛᔨᑕᒡ᙮, ᐊᑯ ᒂ ᑐᑎᒧᒡ ᒐᒂᔪᐤ ᑲ ‍ ᓂᑐᐛᔨᑕᒡ᙮
\v 25 ᒥᒄ ᐊᓄᒡ, ᐛᐸᔨᑎᒧᐎ ᐊᒋ ‍ ᒥᒋᑐᑎᒪᓐ᙮ ᑭᔭ ᒐ ‍ᐎᒐᐎᔨᓐ ᑲᐤ ᒐ ᐃᑐᑕᔭᓐ ᐊᓐᑕ ᐊᑕᒡ ᐃᔪᒡ ᒐᒋ ᐊᔭᒥᐊᔅᑐᐅᒄ ᑎᐸᔨᒋᒐᓱᐤ᙮”
\p
\v 26 ᒥᒄ ᓴᒻᔪᐃᓪ ᒂ ‍ ᓂᐊᔎᐅᓯᐊᑦ “ᓇᒪ, ᓇᒪ ᒋᑭ ‍ ᐎᒐᐅᑎᓐ ᑲᐤ ᒐ ᐃᑐᑕᔭᓐ᙮ ᓇᒪ ᒋ ᐅᒋ ᓂᓇᔨᑐᐛᐤ ᒐᒂᔪᐤ ᑲ ‍ ᐃᑎᓱᒥᔅᒄ ᑎᐸᔨᒋᒐᓱᐤ᙮ ᐊᑯ ᒋᒋ ‍ ᐊᑐᐛᔨᒥᒄ, ᑭᔭ ᒋ ‍ ᐃᔅᒋᔄᐤ ᒐ ‍ᐊᑲ ᓴᔅ ᒋᓴᐅᒋᒪᐎᔨᓐ ᐃᔅᕋᐃᓕᒡ᙮”
\p
\v 27 ᒪᒂᒡ ᐊᑎ ‍ ᒋᐛᑲᐳᐅᑦ ᓴᒻᔪᐃᓪ ᒐᒋ ᐊᔅᑐᑕᑦ, ᒋ ‍ᐎ ‍ ᓂᑲᓇᐤ ᓴᓪ ‍ᐊ ᐅᒋᐱᑎᒺᑦ ᐊᓐᑕ ᐊᐅᓂᔎᔨᒡ ᐅᑦ ᐊᑯᐱᔪᐤ᙮ ᑭᔭ ᒂ ‍ ᐱᑯᐱᔨᒡ᙮
\v 28 ᓴᒻᔪᐃᓪ ᒂ ‍ ᐃᑕᑦ, “ ᒋᒋ ‍ ᐱᑯᐱᑕᓐ ᓂᑎᑯᑉ! ᐊᓄᒡ ᑎᐸᔨᒋᒐᓱᐤ ᒋ ‍ ᐱᑯᓂᒻ ᐃᔅᕋᐃᓪ ᒋᓴᐅᒋᒪᐅᓂᔪᐤ ᐊᓐᑕ ᒋᔾ ᐅᒡ! ᑯᑎᑲ ᒋᑭ ‍ ᒥᔭᐤ ᐊᐛᔪᐛ ᒐᒋ ᒋᓴᐅᒋᒪᐎᔨᒋ, ᐊᑎᑐᐤ ᐊᒥᔪᑥᑦ ᐊᐛᓐ ᐃᔅᐱᔅ ᒋᔾ᙮
\v 29 ᑭᔭ ᐃᔅᐱ ᐊᓐ ᒐᔅᑕᔨᑕᑯᓯᑦ ᐃᔅᕋᐃᓪ ᐃᔪᒡ ᐅᒋᓴᒪᓂᑐᒧᐛᐛ ᓇᒪ ᑭᑭᒋᔭᐤ᙮ ᓇᒪ ᑭᑭᒋᔭᐤ, ᓇᒪ ᒥᔅᑯᑎᓂᒻ ᐊᑕᔨᑕᐧᒃ᙮ ᐃᔪᒡ ᓂᔭᓂᑯᑎᓂ ᒥᔅᑯᑎᓂᒧᒡ ᐊᑕᔨᑕᒡ, ᒥᒄ ᓇᒪ ᑐᑎᒻ ᐊᓂᔭ ᒋᓴᒪᓂᑐᐤ, ᐛᔅ ᓇᒪᔭᐤ ᐊᓐ ᐃᔪᐤ”
\p
\v 30 ᓴᓪ ᒂ ‍ ᐃᔅᒋᔄᑦ, “ᓂᒋᔅᒐᔨᑕᓐ ᐊᒋ ‍ ᒥᒋᑐᑎᒪᓐ, ᒥᒄ ᒋᔅᑕᔨᒥ ᐅᑎᔅᑯᐤ ᐊᑕᒡ ᐃᔅᕋᐃᓪ ᐃᔪᐛ ᐅᒋᒪᐅᒡ ᑭᔭ ᐅᑎᔅᑯᐤ ᒥᓯᐛ ᑯᑎᑭᒡ ᐃᔅᕋᐃᓪ ᐃᔪᒡ ᐊᐎᒐᐎᔨᓐ ᐊᓂᑐᐛᐱᒥᒂᐤ, ᒐᒋ ᐅᒋ ᐊᔭᒥᐊᔅᑐᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᐅᒻ᙮”
\v 31 ᓴᒻᔪᐃᓪ ᒐᒄ ᒂ ‍ ᓂᔅᑯᒧᑦ ᒐᒋ ᐊᓂᔭ ᑐᑕᐧᒃ, ᑭᔭ ᒪᒧᐤ ᑲᐤ ᒂ ᐃᑐᑕᒡ ᐊᓐᑕ ᑲ ‍ ᑕᔨᒋ ᐃᔪᐛ, ᑭᔭ ᐊᑯᑕ ᐊᓐᑕ ᓴᓪ ᑲ ‍ ᐊᔭᒥᐊᔅᑐᐛᑦ ᑎᐸᔨᒋᒐᓱᐛ᙮
\s1 ᓴᒻᔪᐃᓪ ᑲᓂᐸᐊᑦ ᒋᓴᐅᒋᒪᐛ ᐊᑲᑲ
\p
\v 32 ᐊᑯ ᓴᒻᔪᐃᓪ ᒂ ‍ ᐃᔅᒋᔄᑦ, “ᐸᑐᐅᒄ ᒋᓴᐅᒋᒪᐤ ᐊᑲᒄ ” ᐊᑯ ᒂ ‍ ᐸᑐᐛᒡ ᐊᑲᑲ᙮ ᐊᑲᒄ ᓱᒐᔨᒧᐅᓂᒡ ᒋ ‍ ᐸᓱᐛᔨᑎᒻ ᒐ ‍ ᐊᑲ ᓂᐸᐊᑭᓄᐅᑦ᙮ ᒋ ‍ ᐃᑕᔨᑎᒻ, “ᒐᔅᑎᓇᔅ ᓇᒪ ᓂᑭ ‍ ᒧᓯᑕᓐ ᐊᒂᑕᔨᑕᒂᒡ ᓂᐳᐅᓐ!”
\p
\v 33 ᒥᒄ ᓴᒻᔪᐃᓪ ᒋ ‍ ᐃᑕᐤ,
\q1 “ᒥᒐᑦ ᒋᒋ ‍ ᓂᐸᔨᒪᐛ ᐅᑲᐎᒪᐅᒡ ᐅᑯᓯᐛᐛ ᑭᔭ ᒋᓂᑐᐱᔪᐅ-ᒧᐧᑯᒪᓐ ᐅᒋ,
\q2 ᐊᑯ ᐊᓄᒡ ᒋᑲᐎᔾ ᓇᒪ ᓴᔅ ᒋᑭ ‍ ᐅᑯᓯᐤ᙮”
\m ᐊᑯ ᓴᒻᔪᐃᓪ ᒂ ‍ ᐱᐱᑯᔄᑦ ᐊᑲᑲ ᐅᓂᑐᐱᔪᐅ-ᒧᐧᑯᒪᓐ ᐅᒋ, ᐊᓐᑕ ᑭᓪᑲᓪ ᐅᑎᔅᑯᐤ ᑎᐸᔨᒋᒐᓱᐛ᙮
\p
\v 34 ᐊᑯ ᓴᒻᔪᐃᓪ ᐊᑐᑕᑦ ᕋᒪᐃᒡ, ᒥᒄ ᓴᓪ ᐎᔾ ᒋᒋᐛᐤ ᐊᓐᑕ ᑭᐱᐊᐃᒡ᙮
\v 35 ᑲ ᐃᔅᐱᔅ ᐱᒪᑎᓯᑦ ᓴᒻᔪᐃᓪ, ᓇᒪ ᓂᑕ ᒥᓐ ᐅᒋ ‍ ᓇᒋ ᐛᐱᒪᐤ ᓴᓚ; ᒥᒄ ᒋ ‍ ᓂᓇᐧᑲᑕᔨᑎᒻ ᐊᒋ ‍ ᓂᐱᔨᒋ᙮ ᒋ ‍ ᒥᒋᔨᐛᓱᐤ ᑎᐸᔨᒋᒐᓱᐤ ᑲᒋ ‍ ᐃᑐᑐᐛᑦ ᔄᓚ ᒐᒋ ᒋᓴᐅᒋᒪᐎᒋ ᐊᓐᑕ ᐃᔅᕋᐃᓕᒡ᙮
\c 16
\s1 ᓴᒻᔪᐃᓪ ᑲ ‍ ᑐᒥᓇᑦ ᑎᐱᑕ
\s2 1 Samuel 16.1-13 (Lent-4 Year A; Proper-6 Year B)
\p
\v 1 ᑎᐸᔨᒋᒐᓱᐤ ᒪᒃ ᒋ ‍ ᐃᑕᐤ ᓴᒻᔪᐃᓚ, “ᑕᓐ ᒐ ᐃᔅᐱᔅ ‍ ᒧᔅᑯᐛᑎᑦ ᓴᓪ, ᐊ ‍ ᐛᐸᑎᒥᓐ ᐊᒋ ‍ ᐛᐱᓂᒃ ᒐ ᐊᑲ ᒋ ᑎᐸᔨᒪᑦ ᐃᔅᕋᐃᓪ ᐃᔪᐛ ? ᓴᑭᔅᒋᓇᐃ ᐱᒥᔾ ᐱᑕᓱᓇᓂᒡ, ᒪᒋ ᒪᒃ, ᒋᑭ ‍ ᐃᑎᓴᐅᑎᓐ ᒐᒋ ᓇᑎᑦ ᒐᓯᔾ ᐊᓐᑕ ᐸᑦᓕᔭᒥᒡ: ᐛᔅ ᓂᒋ ‍ ᐅᑎᓇᐤ ᒋᓴᐅᒋᒪᐤ ᐊᓐᑕ ᐅᑯᓯᓴ ᐅᒡ᙮”
\p
\v 2 ᓴᒻᔪᐃᓪ ᒪᒃ ᒋ ‍ ᐃᔅᒋᔄᐤ, “ᑕᓐ ᒐ ᐃᓯ ‍ ᐃᑐᑕᔭᓐ ? ᒧᔭᒻ ᓴᓪ ᐸᑕᒐ, ᓂᑭ ‍ ᓂᐸᐃᒄ᙮”
\p ᑎᐸᔨᒋᒐᓱᐤ ᒪᒃ ᒋ ‍ ᐃᑕᐤ, “ᒐ ‍ ᑕᐧᑯᓐᑦ ᓄᓴ ᒥᔅᑐᓯᔅ, ᒐ ‍ ᐃᔅᒋᔄᔨᓐ ᒪᒃ, ᓂ ᐸᒋ ‍ ᐃᑐᑕᓐ ᒐᒋ ᒥᑐᔅᑕᐊᒧᐅᒄ ᑎᐸᔨᒋᒐᓱᐤ;
\v 3 ᓂᑐᒻ ᒪᒃ ᒐᓯᔾ ᐊᓐᑕ ᐊ ‍ ᒥᑐᔅᑕᐊᒪᒐᓄᐎᒡ, ᐊᑯ ᒐ ‍ ᐛᐸᑎᔨᑕᓐ ᒪᒃ ᒐ ‍ ᐃᑐᑎᒥᓐ: ᒋᑭ ‍ ᑐᒥᔅᑯᓇᐤ ᒪᒃ ᐊᓐ ᒐ ‍ ᐎᑎᒪᑕᓐ᙮”
\p
\v 4 ᓴᒻᔪᐃᓪ ᒪᒃ ᒋ ‍ ᐃᑐᑎᒻ ᐊᓂᔭᔪᐤ ᑎᐸᔨᒋᒐᓱᐛ ᑲ ‍ ᐃᔅᒋᔄᔨᒋ: ᐊᓐᒡ ᒪᒃ ᑲ ‍ ᓂᑲᓇᔨᑕᑯᓯᒡ ᐃᑕᐅᓂᒡ ᒋ ‍ ᓴᒋᓱᐅᒡ ᐊ ‍ ᑎᑯᓯᓂᔨᒋ᙮ ᒋ ‍ ᑯᒂᒋᒪᐅᒡ ᒪᒃ, “ᒋᔭᒪᔨᑎᒧᐅᓂᒡ ᐊ ᒋ ‍ ᑎᑯᓯᓐ ?”
\p
\v 5 ᒋ ‍ ᐃᔅᒋᔄᐤ ᒪᒃ, “ᒋᔭᒪᔨᑎᒧᐅᓂᒡ ᓂ ‍ ᑎᑯᓯᓐ ᒐᒋ ᒥᑐᔅᑕᐊᒧᐅᒄ ᑎᐸᔨᒋᒐᓱᐤ; ᐸᔭᒋᐃᑎᓱᒄ, ᐸᒋ ‍ ᐎᒐᐅᒄ ᒪᒃ ᐊᓐᑕ ᐊ ‍ ᒥᑐᔅᑕᐊᒪᒐᓄᐅᒡ᙮” ᒋ ‍ ᐸᔭᒋᐊᐤ ᒪᒃ ᒐᓯᔨᒋ ᑭᔭ ᐅᑯᓯᔪᐛ, ᒋ ‍ ᓂᑐᒪᐤ ᒪᒃ ᐊᓐᑕ ᐊ ‍ ᒥᑐᔅᑕᐊᒪᒐᓄᐎᔨᒡ᙮
\p
\v 6 ᒧᔭᒻ ᒪᒃ ᐃᔅᐱ ᑲ ‍ ᑎᑯᓯᓂᔨᒋ, ᒋ ‍ ᑭᓄᐛᐱᒪᐤ ᐃᓚᔭᐸ, ᒋ ‍ ᐃᔅᒋᔄᐤ ᒪᒃ, ᒐᔅᑎᓇᔅ ᑎᐸᔨᒋᒐᓱᐤ ᑲ ᐅᑎᓇᑦ ᐅᑎᔅᑯᐎᑲᐸᐅᔅᑕᑯᐤ᙮
\p
\v 7 ᒪᒃ ᑎᐸᔨᒋᒐᓱᐤ ᒋ ‍ ᐃᑕᐤ ᓴᒻᔪᐃᓚ, “ᐊᑲᐎᔾ ᑭᓄᐛᐸᑎᒻ ᐅᑦ ᐃᓯᓇᑯᓱᐅᓐ, ᐊᑲ ᑭᔭ ᐊᔅᑯᑲᐳᐅᑦ; ᐛᔅ ᓂᒋ ‍ ᐊᑐᐛᔨᒪᐤ: ᐛᔅ ᑎᐸᔨᒋᒐᓱᐤ ᓇᒪ ᑕᐱᔅᑯᓐ ᐃᔪᐛ ᐃᓯ ᐛᐸᒐᐤ: ᐛᔅ ᐃᔪᐤ ᐛᒋᒡ ᐃᓯᓇᑯᓯᐅᓂᔪᐤ ᑭᓄᐛᐸᑎᒻ, ᒪᒃ ᑎᐸᔨᒋᒐᓱᐤ ᑭᓄᐛᐸᑎᒻ ᐊ ‍ ᐃᑕᑎᓯᓄᐎᒡ᙮”
\p
\v 8 ᐊᑯ ᒐᓯᔾ ᓇᑐᒪᑦ ᐊᐱᓇᑕᐸ, ᒋ ‍ ᐎᒪᔅᑯᐛᐤ ᒪᒃ ᓴᒻᔪᐃᓚ᙮ ᒋ ‍ ᐃᔅᒋᔄᐤ ᒪᒃ ᓴᒻᔪᐃᓪ, “ᓇᒪ ᑭᔭ ᐅᔭ ᑎᐸᔨᒋᒐᓱᐤ ᒋ ‍ ᐛᐛᔭᐱᒪᐤ᙮”
\v 9 ᐊᑯ ᒐᓯᔾ ᓴᒪᐊ ᐊ ‍ ᐃᑐᑐᐛᑦ ᒐᒋ ᐎᒪᔅᑲᑯᑦ: ᒋ ‍ ᐃᔅᒋᔄᐤ ᒪᒃ, “ᓇᒪᔭᔪᐛ ᐅᔭ ᑎᐸᔨᒋᒐᓱᐤ ᑲ ‍ ᐅᑎᓇᑦ᙮”
\v 10 ᒥᓐ, ᒐᓯᔾ ᓂᔄᐅᑕᒡ ᐅᑯᓴ ᒋ ‍ ᐃᑐᑐᐛᐤ ᒐᒋ ᐎᒪᔅᑯᐛᔨᒋ ᓴᒻᔪᐃᓚ᙮ ᓴᒻᔪᐃᓪ ᒪᒃ ᒋ ‍ ᐃᑕᐤ ᒐᓯᔨᒋ, “ᑎᐸᔨᒋᒐᓱᐤ ᓇᒪ ᐅᔭ ᐅᒋ ‍ ᐅᑎᓇᐤ᙮”
\v 11 ᓴᒻᔪᐃᓪ ᒪᒃ ᒋ ‍ ᐃᑕᐤ ᒐᓯᔨᒋ, “ᒥᓯᐛ ᐊ ᐅᑕ ᐃᑕᐅᒡ ᒋᑦ ᐊᐛᓯᒥᒡ ?”
\p ᒋ ‍ ᐃᔅᒋᔄᐤ ᒪᒃ ᒐᓯᔾ, “ᐃᔭᐱᒡ ᑕᐤ ᐊᓐ ᓇᔅᒡ ᑲ ‍ ᐊᐛᓯᐅᑦ, ᒥᒄ ᑭᓄᐛᔨᒪᐤ ᒪᔭᑕᓂᓴ᙮”
\p ᓴᒻᔪᐃᓪ ᒪᒃ ᒋ ‍ ᐃᑕᐤ ᒐᓯᔨᒋ, “ᐎᓴᒻ ᒐᒋ ᑎᑯᓯᐧᒃ ᐛᔅ ᓇᒪ ᒋᑭ ‍ ᓇᐃᐱᓇᓄᐤ ᐸᑎᒪ ᐃᔅᐱ ᒋ ‍ ᑎᑯᓯᒐ᙮”
\p
\v 12 ᒋ ‍ ᐃᑎᓴᐛᐤ ᒪᒃ ᒐᓯᔾ ᐊᐛᔪᐛ ᒐᒋ ᐸᓱᐛᑭᓄᔨᒋ ᑲ ‍ ᐊᐛᓯᐅᐎᒋ ᐅᑯᓴ᙮ ᒋ ‍ ᒥᑯᒂᐤ ᒪᒃ ᑭᔭ ᒋ ‍ ᒥᔪᓇᑯᓱᐤ, ᑭᔭ ᒋ ‍ ᓇᐃᓇᑯᓱᐤ ᒐᒋ ᐛᐱᒪᑭᓄᐅᑦ᙮
\p ᑎᐸᔨᒋᒐᓱᐤ ᒪᒃ ᒋ ‍ ᐃᔅᒋᔄᐤ, “ᐱᓯᑯᐤ, ᑐᒥᔅᑯᓐ: ᐛᔅ ᐊᐅᑯᓐ ᐅ᙮”
\p
\v 13 ᐊᑯ ᓴᒻᔪᐃᓪ ᐛᑎᓇᐧᒃ ᐊᓂᔭᔪᐤ ᐊᔅᑭᓐ ᐱᒥᔪᐤ, ᒋ ‍ ᑐᒥᔅᑯᓇᐤ ᒪᒃ ᐊᓐᑕ ᒪᒂᒡ ᐎᐧᑲᓂᓯᔪᐛ ᐊ ‍ ᑕᔨᒋ: ᑎᐸᔨᒋᒐᓱᐤ ᐅᑦ ᐊᒐᒂ ᒪᒃ ᒋ ‍ ᐅᑎᑎᑯᔪᐛ ᑎᐱᑕ ᐊᓂᔭᔪᐤ ᐊ ‍ ᒋᓯᑲᔨᒡ ᐅᒡ᙮ ᓴᒻᔪᐃᓪ ᒪᒃ ᒋ ‍ ᐃᑐᑕᐤ ᕋᒪᐃᒡ᙮
\p
\v 14 ᑎᐸᔨᒋᒐᓱᐤ ᐅᑦ ᐊᒐᒂ ᒋ ‍ ᓂᑭᑕᐤ ᓴᓚ, ᑭᔭ ᒥᒋ ‍ ᐊᒐᐧᑯᐛ ᑎᐸᔨᒋᒐᓱᐛ ᐅᒡ ᒋ ‍ ᓂᓇᐧᑲᒋᔨᑯᐤ᙮
\v 15 ᓴᓪ ᒋ ‍ ᐎᑎᒪᑯᐤ ᐸᐃᒄ ᐅᑦ ‍ ᐊᐱᒋᐊᑭᓇ, “ᒥᒋ ‍ ᐊᒐᐧᒄ ᒋᓴᒪᓂᑐᐤ ᑲ ‍ ᐃᑎᓴᐊᒪᔅᒃ ᒋ ‍ᓂᓇᐧᑲᒋᔨᑯᐛ,”
\v 16 “ᐊᑯ ᓇᔨᒥᓇᓐ, ᓂᔭᓐ ᒋᑦ ᐊᑐᔅᒐᔭᑭᓐᒡ, ᒐᒋ ᓂᓇᑐᐛᐱᒥᒋᒡ ᐊᐛᓐ ᐊ ‍ ᑭᔅᒋᐅᑦ ᐊ ‍ ᒪᑐᐛᒐᑦ ᐊᓯᑭᓇᔭᐱᔾ ᒋᔍᐛᐱᒋᑭᓂᔪᐤ᙮ ᒋᑭ ᒋ ‍ ᒥᔽᐛᐱᑎᒻ ᐊᓯᑯᒻ ᒥᒋ ‍ ᐊᒐᐧᒄ ᒋᓴᒪᓂᑐᐤ ᐅᒋ ᐅᑎᑎᔅᒐ, ᑭᔭ ᒐ ᐊᑎ ‍ ᒥᔪᒪᒋᔪᐎᔨᓐ᙮”
\p
\v 17 ᓴᓪ ᒂ ‍ ᓂᐊᔎᐅᓯᑦ “ᐊᐅᑯᒻ ᒧᔭᒻ, ᒥᔅᑭᒧᐅᒃ ᐊᐛᓐ ᐊ ‍ ᑭᔅᒋᐅᑦ ᐊ ‍ ᒪᑐᐛᒐᑦ ᐊᓯᑭᓇᔭᐱᔾ ᒋᔍᐛᐱᒋᑭᓂᔪᐤ ᑭᔭ ᒐ ‍ ᐸᓱᐛᒄ ᐅᑕ᙮”
\p
\v 18 ᐸᐃᒄ ᐅᑦ ᐊᐱᒋᐊᑭᓇ ᒋ ᐃᑎᑯᐤ, “ᓇᐸᐤ ᒐᓯᔾ ᐊ ‍ ᐃᓯᓂᐧᑲᓱᑦ, ᐊᓐᑕ ᐸᑦᓕᔭᒥᒡ ᐅᑕᓇᒡ, ᑕᔪᐛ ᐅᑯᓴ ᐊ ᓂᑕᐤ ‍ ᒪᑐᐛᒐᔨᒋ ᐊᓯᑭᓇᔭᐱᔾ ᒋᔍᐛᐱᒋᑭᓂᔪᐤ, ᓱᒋᔅᑕᐊᐤ ᐊᓐ ᐃᔪᐤ, ᑭᔭ ᐊᑭᔅᒋᑕᑦ ᐊ ‍ ᓂᑐᐱᔨᑦ, ᒥᔽᐸᐤ ᑭᔭ ᓇᓂᑎᒻ ᐊ ᑭᒐᑕᐛᑦ ᐊ ‍ ᐃᔨᒥᒋ᙮ ᑭᔭ ᓇᓂᑎᓐ ᐊᓂᔭ ᑭ ᓄᐛᔨᒪᐤ ᑎᐸᔨᒋᒐᓱᐤ᙮” \p,
\v 19 ᐊᑯ ᓴᓪ ᒋ ‍ ᐃᑎᓴᒧᐛᐤ ᐃᔨᒧᓂᔪᐤ ᒐᓯᔨᒋ: “ᒐ ‍ ᐸᑎᓴᐊᒧᐎᔨᓐ ᒋᑯᔅ ᑎᐱᑦ, ᐊᓐ ᓂᔭᑭᑐᐛᔨᒪᑦ ᒪᔭᑕᓂᓴ᙮”
\v 20 ᐊᑯ ᑲᒋ ‍ ᓂᑐᐛᐱᒪᒡ ᒐᓯᔨᒋ ᑭᔭ ᐊᓂᔭ ᑲ ‍ ᐎᑎᒧᐛᒡ, ᒋ ‍ ᓂᔅᑯᒧᔪᐛ᙮ ᒋ ‍ ᐅᑎᓇᐤ ᐅᔅᑎᓂᒍᐤ ᐅᐧᑲᓇ, ᑭᔭ ᐅᓯᑭᔪᐤ ᐳᑕᔪᐤ ᐊ ‍ ᓴᑭᔅᒋᓇᐸᔨᒡ ᓱᒥᓇᐛᐳᔪᐤ, ᑭᔭ ᑲᓂᐧᑲᑎᓯᔨᒋ ᑲᐸᐃᑭᔎᐛ ᐊᓐᑕ ᑲ ‍ ᑕᑕᔭᑦ ᐱᔅᒐ ᐸᒂᓯᑭᓇ, ᑭᔭ ᒂ ‍ ᒥᔭᑦ ᑎᐱᑕ ᒐᒋ ᐃᑐᑐᐛᔨᒋ ᓴᓚ ᒧᔭᒻ ᑎᒥᔅᑲᒐᐅᓂᔪᐤ᙮
\p
\v 21 ᐊᑯ ᑎᐱᑦ ᒂ ‍ ᓂᑐᐛᐱᒪᑦ ᓴᓪ ᑭᔭ ᒂ ‍ ᒋᒋᐱᑦ ᐊᑐᔅᑯᐛᑦ᙮ ᓴᓪ ᒋᒋᐛ ᒋ ‍ ᒥᔽᒪᐤ ᑎᐱᑕ, ᑭᔭ ᐎᔾ ᒋ ‍ ᑕᐧᑯᓂᒺ ᐅᓂᑐᐱᔪᐅ-ᐊᐱᒋᑕᐅᓂᔨᐛ ᐃᔅᐱ ᓇᔭᒋ ‍ ᓂᑐᐱᔨᒋ ᓴᓚ᙮
\v 22 ᐊᑯ ᓴᓪ ᒂ ‍ ᐃᑎᓴᒧᐛᑦ ᐃᔨᒧᓂᔪᐤ ᑲ ‍ ᐱᒧᑕᔨᒋ ᒐᓯᔨᒋ ᒐᒋ ᐎᑎᒧᐛᔨᒋ, “ᒋᒋᐛ ᓂ ‍ ᒥᔽᔨᑎᒥᔨᒄ ᑎᐱᑦ᙮ ᒥᔾ ᒐᒋ ᐃᑕᑦ ᐅᑕ ᑭᔭ ᒐᒋ ᐊᑐᔅᑯᐅᑦ᙮”
\p
\v 23 ᒋ ‍ ᓂᔅᑯᒧᐤ ᒐᓯᔾ, ᑭᔭ ᓇᓇᒐ ᐊᓐᑕ, ᐃᔅᐱᓯ ᓂᔭᓇᐧᑲᒋᔨᑯᒋ ᒥᒋ ‍ ᐊᒐᐧᑯᐛ ᓴᓪ ᒋᓴᒪᓂᑐᐛ ᑲ ‍ ᐃᑎᓴᐊᒪᑯᑦ, ᑎᐱᑦ ᒂ ‍ ᒪᑐᐛᒐᑦ ᐅᑦ ᐊᓯᑭᓇᔭᐱᔾ ᒋᔍᐛᐱᒋᑭᓂᔪᐤ᙮ ᐊᑯ ᓴᓪ ᒂ ‍ ᒋᔭᒪᐛᔨᑕᑯᓯᑦ ᑭᔭ ᒂ ‍ ᓂᑭᑎᑯᑦ ᒥᒋ ‍ ᐊᒐᒂ᙮
\c 17
\s1 David and Goliath
\s2 1 Samuel 17.1-11, 32-49 (Proper-7 Year B)
\p
\v 1 ᐱᓕᔅᑕᐃᓐ ᐃᔪᒡ ᒪᒃ ᒋ ‍ ᒪᒧᐤ ᒪᐛᒋᐊᐅᒡ ᐅᑦ ᐊᓯᒪᑭᓂᓯᒧᐛᐛ ᒐᒋ ᓂᑐᐱᔨᒋ, ᓱᑯᐃᒡ ᒪᒃ ᒋ ᒪᒧᐎ ‍ ᒪᐅᒋᐃᑐᐅᒡ, ᒍᑕ ᑲ ‍ ᑎᐱᔨᐛᐅᓯᑦ, ᐊ ‍ ᐎᒋᒡ ᑎᔅᑐᐎᒡ ᓱᑯᐃᒡ ᑭᔭ ᐊᓯᑲᐃᒡ, ᐊᓐᑕ ᐃᐸᔅᑕᒥᒥᒡ᙮
\v 2 ᔄᓪ ᒪᒃ ᑭᔭ ᐃᔅᕋᐃᓪ ᐃᔪᒡ ᒋ ‍ ᒪᒧᐤ ᒪᐛᒋᐃᑐᐅᒡ, ᐊ ‍ ᐎᒋᒡ ᐃᓚ ᐊ ‍ ᐱᓴᔨᒡ, ᒋ ‍ ᓂᐳᐅᔅᑐᐛᐅᒡ ᐱᓕᔅᑕᐃᓐ ᐃᔪᐛ᙮
\v 3 ᐱᓕᔅᑕᐃᓐ ᐃᔪᒡ ᒪᒃ ᒋ ‍ ᓂᐳᐅᒡ ᓂᐱᑕ ᐱᔅᑯᑎᓇᓯᒡ, ᐃᔅᕋᐃᓪ ᐃᔪᒡ ᒪᒃ ᒋ ‍ ᓂᐳᐅᒡ ᒂᔅᑕᒐ ᐃᑕᒐ ᐱᔅᑯᑎᓇᓯᒡ᙮ ᑎᔅᑐᐎᒡ ᒪᒃ ᐊᓐᑕ ᑲ ‍ ᐃᑕᒡ ᒋ ‍ ᐱᓴᔪᐤ᙮
\p
\v 4 ᒋ ᐸᒋ ‍ ᐎᐎᔪᐤ ᒪᒃ ᒥᔅᑕᐸᐤ ᐊᓐᑕ ᐊ ‍ ᐎᒋᔨᒋ ᐱᓕᔅᑕᐃᓐ ᐃᔪᐛ ᐅᒡ, ᑯᓚᔭᑦ ᐊ ‍ ᐃᓯᓂᐧᑲᓱᑦ ᑲᑎᒡ ᑲ ‍ ᐅᒋᑦ, ᐅᔅᑕ ᐸᐃᑯᔅᑕᐤ ᑕᑐᐤ ᒥᓯᑦ ᐊ ‍ ᐃᔅᑯᑲᐳᐅᑦ᙮
\v 5 ᒋ ‍ ᒋᑭᔅᑐᑎᓇᐤ ᒪᒃ ᐎᔄᐛᐱᔅᑯ ᓂᑐᐱᔪᐅ-ᐊᑯᓂᔎᐅᓂᔪᐤ, ᒋ ‍ ᓂᑐᐱᔪᐅ-ᐃᔪᐅᐤ ᒪᒃ, ᑭᔭ ᐊᓂᒪ ᐎᔄᐛᐱᔅᒄ ᐱᓯᔅᑲᑭᓐ ᓴᓯᑲᓐ ᐸᐃᑯ ‍ ᒥᑕᓯᒥᑎᓄᐤ ᐊᓱ ᓂᓱᔪᐤ ᐊᓱ ᐱᑕᑕᒡ ᒋ ‍ ᑎᐸᐸᐃᑭᓇᔭᔪᐤ᙮
\v 6 ᒋ ‍ ᒋᑭᒧᑕᐤ ᒪᒃ ᐎᔄᐛᐱᔅᑯᔪᐤ ᐅᔅᑲᑎᒡ, ᑭᔭ ᐎᔄᐛᐱᔅᑯᔪᐤ ᒋ ‍ ᐅᑎᑎᒪᓇᐱᔅᑯᐤ ᑎᔅᑐᐎᒡ ᐅᑎᑎᒥᓂᒡ᙮
\v 7 ᐅᓯᒪᑭᓇᑎᒄ ᒪᒃ ᒋᒋᐛ ᒋᒥᓴᔪᐤ, ᑭᔭ ᐊ ‍ ᐃᓴᑯᐃᒡ ᐅᑕᑲᒋᑭᓐ ᐅᔅᑎᒂᓂᔪᐤ ᓴᓯᑲᓐ ᐸᑕᑕᒡ ᑕᑐᓴᑉ ᒋ ‍ ᑎᐸᐸᐃᑭᓇᔭᔪᐤ: ᐸᐃᒄ ᒪᒃ ᐊ ‍ ᐱᒧᐅᑕᔨᒋ ᐊᒂᓇᐅᓱᐛᑭᓂᔪᐤ ᒋ ‍ ᓂᑲᓄᑕᑯᐤ᙮
\p
\v 8 ᐊ ‍ ᓂᐳᐅᑦ ᒪᒃ, ᒋ ‍ ᑕᑈᑕᐤ ᐃᔅᕋᐃᓪ ᐊᓯᒪᑭᓂᓴ, ᐊ ‍ ᐃᑕᑦ ᒪᒃ, “ᑕᓇᒡ ᐛᒋ ‍ ᐸᒋ ‍ ᓂᐳᐛᐊᑯᒡ ᒋᑦ ᐊᓯᒪᑭᓂᓯᒧᐛᐅᒡ ? ᓇᒪ ᐊ ᓂᔾ ᐸᐃᒄ ᐱᓕᔅᑕᐃᓐ ᐃᔪᐤ, ᒋᔨᐛᐤ ᐊ ᒪᒃ ᓴᓪ ᐅᑦ ᐊᑐᔅᒐᔭᑭᓇ ? ᐛᐛᔭᐸᑎᒪᓱᒃ ᓇᐸᐤ, ᐊᑯᔅ ᒪᒃ ᓂᑭ ᐸᒋ ‍ ᓇᑎᒄ᙮
\v 9 ᒧᔭᒻ ᒐ ‍ ᑭᔅᒋᑕᒂ ᒐᒋ ᓂᑐᐱᔨᑦ ᑭᔭ ᒐᒋ ᓂᐸᐃᒂ, ᐊᑯ ᒐ ‍ ᐅᑦ ᐊᑐᔅᒐᔭᑭᓂᒥᑐᐅᔭᒡ: ᒧᔭᒻ ᒪᒃ ᓴᐧᑯᒋᐊᑲ, ᑭᔭ ᓂᐸᐃᒂ, ᐊᑯ ᒐ ‍ ᐅᑦ ᐊᔅᒐᔭᑭᓂᒥᑕᑕᒡ, ᑭᔭ ᒐ ‍ ᐊᑐᔅᑯᐎᔭᒡ᙮”
\v 10 ᐱᓕᔅᑕᐃᓐ ᐃᔪᐤ ᒪᒃ ᒋ ‍ ᐃᑕᐤ, “ᓂ ‍ ᑯᒂᒐᐅᒡ ᐃᔅᕋᐃᓪ ᒪᒧᐤ ᐊᓯᒪᑭᓂᓯᒡ ᐊᓄᒡ ᐊ ‍ ᒋᓯᑲᔨᒡ; ᒥᔭᐧᒄ ᓇᐸᐤ ᒐᒋ ᒪᓯᒐᔭᒡ᙮”
\v 11 ᐃᔅᐱ ᒪᒃ ᔄᓪ ᑭᔭ ᒥᓯᐛ ᐃᔅᕋᐃᓪ ᐃᔪᒡ ᐱᔭᑕᒡ ᑲ ‍ ᐃᔅᒋᔄᔨᒋ ᐱᓕᔅᑕᐃᓐ ᐃᔪᐛ, ᒋ ‍ ᓴᒂᔨᒧᐅᒡ, ᑭᔭ ᓇᔅᒡ ᒋ ‍ ᑯᔅᑕᒋᐅᒡ᙮
\s1 ᑎᐱᑦ ᑲ ‍ ᐃᑕᔨᑕᐧᒄ ᒐᒋ ᑯᒂᒐᐊᑦ ᑲᓚᔭᑕ
\p
\v 12 ᑎᐱᑦ ᐊᓂᔭ ᒋ ‍ ᐅᑯᓱᐤ ᒐᓯᔨᒋ, ᐃᑉᕋᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋ ‍ ᐅᒋᐤ᙮ ᐸᑎᓕᐊᒥᒡ ᒋ ‍ ᐎᒍᐤ, ᐊᓐᑕ ᒍᑕ ᐅᑦ ᐊᓂᔅᑯᑕᐸᓇ ᑲ ‍ ᐎᒋᔨᒋ᙮ ᔭᓇᐤ ᒋ ‍ ᐃᑕᑎᓯᔨᔪᐛ ᒐᓯᔾ ᐅᑯᓴ, ᓴᔅ ᒋᒋᐛ ᒋ ‍ᒋᓴᐃᔪᐤ ᒐᓯᔾ᙮
\v 13 ᒐᓯᔾ ᐊᓂᔅᑎᔨᒋ ᐊ ‍ ᒋᓴᐃᔪᔨᒋ ᐅᑯᓴ, ᐃᓕᐊᑉ, ᑭᔭ ᐊᐱᓇᑕᑉ, ᑭᔭ ᓴᒻᒪ, ᒋ ‍ᐎᒐᐛᐅᒡ ᓴᓚ ᐊ ‍ ᒪᓴᔨᒋ ᐱᓕᔅᑎᐊ ᐃᔪᐛ᙮
\v 14 ᑎᐱᑦ ᐊᐅᒄ ᐛᒋ ᐊᐛᓯᐅᑦ ᒐᓯᔾ ᐅᑯᓴ᙮ ᒪᒂᒡ ᐊ ‍ ᓂᔅᑎᔨᒋ ᐅᔅᑕᓴ ᑲ ‍ ᐎᒐᐛᔨᒋ ᓴᓚ,
\v 15 ᒋ ᑲᒋᐛᑕᐤ ᑎᐱᑦ: ᓂᔭᓂᑯᑎᓂᔾ ᓴᓚ ‍ ᑲ ‍ ᒪᓂᑲᓱᐎᔨᒋ ᒋ ‍ ᐃᑐᑕᐤ, ᓂᔭᓂᑯᑎᓂᔾ ᐸᑎᓕᐊᒥᒡ ᒋ ‍ ᐃᑕᐤ ‍ ᒐᒋ ᓇᑭᑐᐛᔨᒪᑦ ᐅᑕᐎᔭ ᐅᒪᔭᑕᓂᓯᒥᔪᐛ᙮
\p
\v 16 ᓇᐅᐎᔪᐤ ᒋᓯᑲᐛ ᐃᔅᐱᔅ ᐱᓕᔅᑕᐃᓐ ᐃᔪᐛ ᐛᒋᔨᒋ ᒋ ‍ ᐅᑐᑕᐤ ᑲᓚᔭᑦ ᑭᔭ ᒂ ᓇᓂᐳᐅᑦ‍ ᐊᓐᑕ ᐊ ᑯᒂᒋᐊᑦ ᐊ ‍ ᐃᑕᑦ ᐃᔅᕋᐃᓪ ᐃᔪᐛ ᒐᒋ ᐎᔭᔨᒪᔨᒋ ᐸᐃᒄ ᓇᐸᐛ ᒐᒋ ᒪᓯᔨᑯᑦ᙮ ᓂᔄᐤ ᐊᓯᑯᒻ ᒋᓯᑲᐛ ᒋ ‍ ᐃᑐᑎᒻ ᐅᔭ, ᐸᐃᒂᐤ ᒐᔭᒋᓴᐸᔭᒋ ᑭᔭ ᐸᐃᒂᐤ ᐛᑕᑭᓯᔪᒋ᙮
\p
\v 17 ᐸᐃᒂᐤ ᒋᓯᑲᔨᒡ, ᒐᓯᔾ ᒋ ‍ ᐃᑕᐤ ᑎᐱᑕ, “ ᒪᐤ ᒥᐅᑦ ᐊᓯᐅᓱᒡ ᑲ ‍ ᑎᑯᓱᐛᑭᓄᒡ ᐸᒂᓯᑭᓂᒥᓐᒡ ᑭᔭ ᐸᐃᑯᔪᐤ ᐸᒂᓯᑭᓐᒡ᙮ ᒋᔅᑎᑉ ᐃᑐᑐᐅᒡ ᐅᔭ ᒋᔅᑕᓯᒡ᙮
\v 18 ᑭᔭ ᒪᐤ ᐅᔭ ᐸᐃᑯᔪᐤ ᐊᒪᒥᓴᔨᒋ ᑲᒥᔅᑯᐛᒋ᙮ ᒐ ‍ ᐃᑐᑐᒥᑎ ᐅᒋᒪᒧᐛᐛ᙮ ᑭᔭ ᒐ ‍ ᓂᓇᑐᒋᔅᒐᔨᑎᒥᓐ ᑕᓐ ᐊᔨᔅᐱᔨᒡ ᒋᔅᑕᓯᒡ᙮ ᐊᑯ ᒥᔪᐱᔨᑥᐤ, ᒐ ‍ ᐸᑕᔨᓐ ᒐᒂᓐ ᒐᒋ ᒋᔅᒐᔨᑎᒪᓐ ᐊ ‍ ᒥᔪᐱᔨᒂ᙮ ”
\v 19 ᓴᓚ ᒋ ‍ ᐎᒐᐛᔪᐛ ᐅᔅᑕᓴ ᑭᔭ ᑯᑎᑲ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᐊᓐᑕ ᐃᓚᐧᒃ ᐊ ‍ ᐱᓴᔨᒡ ᒋ ‍ ᐎᒍᐅᒡ, ᐊᔭᔅᑯᐎᔨᒡ ᒐᒋ ᓂᑐᐱᔨᑐᐛᐅᒡ ᐱᓕᔅᑕᐃᓐ ᐃᔪᐛ᙮”
\p
\v 20 ᐊᑯ ᑎᐱᑦ ᒋ ‍ ᓇᓂᑐᐛᐱᒪᐤ ᑯᑎᑲ ᒪᔭᑕᓂᓯᔪᐤ-ᐃᔪᐛ ᒐᒋ ᑭᓄᐛᔨᒪᔨᒋ ᒪᔭᑕᓂᓴ᙮ ᐎᐱᒡ ᒋᓴᒋᓴᐸᔭᐱᓂᔨᒡ ᒥᒋᒥᔪᐤ ᒋ ‍ ᐅᑎᓂᒻ ᑭᔭ ᒂ ‍ ᐃᑐᑕᑦ ᐊᓐᑕ ᐛᒋᔨᒋ ᐃᔅᕋᐃᓪ ᐃᔪᐛ, ᒧᔭᒻ ᑲ ‍ ᐃᑎᑯᑦ ᒐᓯᔨᒋ ᒐ ‍ ᐃᑎᑦ᙮ ᒋ ‍ ᑎᑯᓯᓐ ᐊᓐᑕ ᒧᔭᒻ ᓂᑐᐱᔪᐅ-ᐃᔪᐛ ᐊᔭᔅᑯᐱᔨᒋ ᑭᔭ ᐊᑐᑕᔨᒋ ᐊᓐᑕ ᓂᑐᐱᔪᐅ-ᐊᔅᒋᒡ᙮ ᒪᒂᒡ ᐊᑎ ‍ ᐃᑐᑕᔨᒋ, ᒋ ‍ ᑕᐱᑕᑈᔪᐛ ᓂᑐᐱᔪᐅ-ᐸᑕᑯᓱᐅᓂᔪᐤ᙮
\v 21 ᐃᔅᕋᐃᓪ ᓂᑐᐱᔪᐅ-ᐃᔪᒡ ᑭᔭ ᐱᓕᔅᑕᐃᓐ ᓂᑐᐱᔪᐅ-ᐃᔪᒡ ᐊᐱᔅᑯᑎᓇᓯᔨᒡ ᒋ ‍ ᓂᐳᐅᒡ, ᐊ ‍ ᐅᑎᔅᑯᑲᐳᔅᑕᑐᒡ, ᐊᔭᔅᑯᐎᔨᒡ ᒐᒋ ᓂᑐᐱᑕᑐᒡ᙮
\v 22 ᑎᐱᑦ ᒋ ‍ ᒥᔭᐤ ᒥᒋᒥᔪᐤ ᐊᓂᔭ ᓇᐸᐛ ᐊ ‍ ᓂᓇᑭᑐᐛᐸᑎᒥᔨᒋ ᓂᑐᐱᔪᐅ-ᐊᐱᒋᔨᑕᐅᓇ᙮ ᒋ ‍ ᐃᑕᐤ ᒐᒋ ᑭᓄᐛᔨᑎᒥᔨᒋ ᒥᒋᒥᔪᐤ ᑲᐸᑕᑦ, ᑭᔭ ᒂ ‍ ᐃᑐᑕᑦ ᑭᔭ ᐎᔭᒋᔭᒪᑦ ᐅᔅᑕᓴ᙮
\v 23 ᒪᒂᒡ ᑎᐱᑦ ᐊ ‍ ᐃᔨᒪᐊᑦ, ᒋ ‍ ᐛᐱᒪᐤ ᑲᓚᔨᑕ ᐊᐸᑐᑕᔨᒋ ᐊᓐᑕ ᐱᓕᔅᑕᐃᓐ ᓂᑐᐱᔪᐅ-ᐃᔪᐛ ᐅᒋ, ᐊᑕᑈᑕᑦ ᐃᔅᕋᐃᓪ ᐃᔪᐛ ᐊᑭᒂᒋᐊᑦ ᒐᒋ ᐃᑎᓴᐛᔨᒋ ᓇᐸᐛ ᒐᒋ ᒪᓯᐧᑲᑯᑦ᙮ ᑎᐱᑦ ᒋ ‍ ᐸᐸᑐᐛᐤ ᒐᒂᔪᐤ ᐊ ‍ ᐃᔅᒋᔄᔨᒋ ᑲᓚᔨᑕ᙮
\v 24 ᐃᔅᐱ ᒥᓯᐛ ᐃᔅᕋᐃᓪ ᓂᑐᐱᔪᐅ-ᐃᔪᒡ ᐎᔭᐱᒪᒡ ᑲᓚᔨᑦ, ᒋᒋᐛ ᒋᓴᒋᓱᐅᒡ ᑭᔭ ᒂ ᐎ ‍ ᒋᑎᓯᒧᒡ᙮
\p
\v 25 ᒂ ‍ ᐃᑎᑐᒡ, “ᒋᑕᐱᒪᐧᒄ ᒪ ᐊᐸᑐᑕᑦ ᐊᑕᐛᐧᒄ ᐃᓯ! ᑭᔭ ᓂᑐᑐᐛᐧᒄ ᐊᒪᔭᒥᑕᐧᒄ ᒋᔭᓄᐤ ᐃᔅᕋᐃᓪ ᐃᔪᐛ᙮ ᒋᓴᐅᒋᒪᐤ ᐃᔅᒋᔄᐤ ᒐ ᒥᔅᑎ ‍ ᒋᓯᐧᑯᐛᑦ ᒥᒄ ᐊᐛᔪᐛ ᓂᐸᐊᒐᓂ ᐅᔭ ᓇᐸᐛ᙮ ᐃᔭᐱᒡ ᒋ ‍ ᐃᔅᒋᔄᐤ ᒐ ‍ ᒥᔭᑦ ᐅᑕᓂᓴ ᐊᓂᔭ ᓇᐸᐛ ᒐᒋ ᐎᒋᒪᔨᒋ, ᑭᔭ ᓇᒪ ᒥᓐ ᒋᑭ ‍ ᓂᑐᐛᔨᑕᑯᓂᔪᐤ ᐊᐸᔨᑭᔅᑲᓇᓯᔨᒋ ᒐᒋ ᒋᓯᐧᑲᓱᐎᔨᒋ ᑕᑭᓯᔪᐤ᙮”
\p
\v 26 ᑎᐱᑦ ᒋ ‍ ᑯᒂᒋᒪᐤ ᐱᔅᒐ ᓂᑐᐱᔪᐅ-ᐃᔪᐛ ᑲ ‍ ᓇᓂᐳᔨᒋ ᒥᒋᒪ᙮ “ᒐᒂᔪᐤ ᒐ ‍ ᑲᔅᑎᓇᐧᒃ ᓇᐸᐤ ᓂᐸᐊᒐ ᐅᔭ ᐱᓕᔅᑕᐃᓐ ᐃᔪᐛ ᑭᔭ ᓂᑲᐛᒐ ᐊᒪᔨᒪᔨᒋ ᒋᑦ ᐃᔨᒥᓄᐛ ? ᐊᐛᓐ ᐊᑕᔨᒥᓱᑦ ᐊᓐ ᐱᓕᔅᑕᐃᓐ ᐃᔪᐤ? ᐎᐛᐅᔅᑎᑐᑐᐛᐤ ᐊᓂᔭ ᑲ ‍ ᐱᒪᑎᓯᔨᒋ ᒋᓴᒪᓂᑐᐛ ᐅᓂᑐᐱᔪᐅ-ᐃᔨᒥᔨᐛ !”
\p
\v 27 ᓂᑐᐱᔪᐅ-ᐃᔪᒡ ᒋ ‍ ᐎᑎᒧᐛᐅᒡ ᑎᐱᑕ ᒐᒂᔪᐤ ᒋᐸ ‍ ᒥᔭᐤ ᒋᓴᐅᒋᒪᐤ ᐊᓂᔭ ᓇᐸᐛ ᓂᐸᐊᔨᒋ ᑲᓚᔨᑕ᙮
\p
\v 28 ᒥᒄ ᐃᔅᐱ ᑎᐱᑦ ᐅᔅᑕᓴ ᐃᓕᐊᐸ ᒋ ‍ ᐸᑕᑯᐤ ᐊ ‍ ᐃᔨᒪᐊᑦ ᓂᑐᐱᔪᐅ-ᐃᔪᐛ᙮ ᐃᓕᐊᑉ ᒋᒋᐛ ᒋ ᒋᔄᐳᐤ᙮ ᒂ ‍ ᐃᑕᑦ ᑎᐱᑕ, “ᒐᒂᓐ ᐅᑕ ᐛᒋ ‍ ᑎᑯᓯᓂᔨᓐ ? ᐃᑕᐤ ᐊ ᐊᐛᓐ ᓂᔭᑭᑐᐛᔨᒪᑦ ᐊᓂᔭ ᑕᑐ ᒪᔭᑕᓂᓴ ᐊᓂᔭ ᑲ ᓂᑭᑎᒥᑎ ᐊᓐᑕ ᐸᐧᑯᑎᔅᑭᒥᑲᒡ ? ᓂ ‍ ᒋᔅᒐᔨᑕᓐ ᐊᔅᐱᔅ ᐃᓯᓇᔨᓐ ᑭᔭ ᑕᓐ ᐊᔅᐱᔅ ᒥᒋ ‍ ᑕᔨᓐ ! ᒥᒄ ᒋᐎ ‍ ᒋᑕᐸᑕᓐ ᐊ ‍ ᓂᑐᐱᔨᓇᓄᐅᒡ!”
\p
\v 29 ᑎᐱᑦ ᒂ ‍ ᐃᑕᑦ “ᓂᒋ ‍ ‍ᒥᒋᑐᑕᓐ ᐊ ?” ᒥᒄ ᐊᓐ ᓂᒋ ‍ ᑭᒂᒋᒐᒧᓐ ᑭᒂᒋᒐᒧᐅᓐ!”
\v 30 ᐊᑯ ᒂ ‍ ᓇᑕᑦ ᑯᑎᑲ ᓂᑐᐱᔪᐅ-ᐃᔪᐛ ᑭᔭ ᒂ ‍ ᑯᒂᒋᒪᑦ ᐸᐃᑯᑕᐤ ᒐᒂᔪᐤ, ᒥᒄ ᐸᐃᑯᑕᐤ ᓂᔎᐛᓯᐅᓂᔪᐤ ᒋ ‍ ᒥᔨᑯᐤ᙮ ᑕᑥᐤ ᑲᒂᒋᒪᒋ ᐊᐛᔪᐤ, ᐸᐃᑯᑕᐤ ᒋ ‍ ᐃᑕᑭᓄᐤ᙮
\v 31 ᒐᒄ, ᒂ ‍ ᐎᑎᒧᐛᑦ ᐊᐛᓐ ᓴᓚ ᒐᒂᔪᐤ ᑲ ‍ ᑯᒂᒋᒐᒧᔨᒋ ᑎᐱᑕ, ᓴᓪ ᒂ ‍ ᐃᑎᓴᐛᑦ ᐊᐛᔪᐛ ᒐᒋ ᐸᓱᐛᔨᒋ ᑎᐱᑕ᙮
\s2 1 Samuel 17.1-11, 32-49 (Proper-7 Year B)
\p
\v 32 ᑎᐱᑦ ᒪᒃ ᒋ ‍ ᐃᑕᐤ ᓴᓚ, “ᐊᑯᔅ ᐊᑲᐎᔾ ᐊᐛᓐ ᒋᑭ ‍ ᓴᑯᑕᐊᔅᑐᐛᐤ: ᒋᑦ ᐊᑐᔅᒐᔭᑭᓐ ᒋᑭ ‍ ᐅᑎᓇᐤ ᐅᔭ ᐱᓕᔅᑕᐃᓐ ᐃᔪᐛ᙮”
\p
\v 33 ᓴᓪ ᒪᒃ ᒋ ‍ ᐃᑕᐤ ᑎᐱᑕ, “ᒋᔾ ᓇᒪ ᒋ ‍ ᑭᔅᒋᑕᓐ ᒐᒋ ᐅᑎᓂᑦ ᐅ ᐱᓕᔅᑕᐃᓐ ᐃᔪᐤ: ᐛᔅ ᒋᑦ ᐅᔅᒋᓂᒋᓱᐅᓐ ᒥᒄ, ᐎᔾ ᒪᒃ ᓂᑐᐱᔪᐅ-ᐃᔪᐤ ᑲ ᐃᔅᐱᔅ ᐊ ᐸᒋ ‍ ᐅᔅᒋᓂᒋᓱᐅᑦ᙮”
\p
\v 34 ᑎᐱᑦ ᒪᒃ ᒋ ‍ ᐃᑕᐤ ᓴᓚ, “ᒋᑦ ᐊᑐᔅᒐᔭᑭᓐ ᒋ ‍ ᑭᓄᐛᔨᒥᒪᐤ ᐅᑕᐎᔭ ᐅᒪᔭᑕᓂᓯᒥᔪᐛ, ᒋ ᐸᒋ ‍ ᐃᑐᑕᐤ ᒪᒃ ᒥᓯᐱᓱᐤ ᑭᔭ ᒪᒃ ᒋᓴᔭᒄ, ᒋ ‍ ᐅᑎᓇᐤ ᒪᒃ ᒪᔭᑕᓂᓯᓴ ᒪᔭᑕᓂᓯᒡ ᐅᒡ;
\v 35 ᓂᒋ ‍ ᓇᓴᐛᐤ ᒪᒃ, ᓂᒋ ‍ ᐅᑕᒪᐛᐤ ᒪᒃ, ᐊᒋ ‍ ᒐᒋᑯᓇᐛᐱᑎᒃ ᒐᒋ ᐅᑎᓂᒥᒋ ᒪᔭᑕᓂᓴ: ᐃᔅᐱ ᒪᒃ ᐸᓯᑯᔅᑐᐅᑦ, ᓂᒋ ‍ ᐅᒋᐱᑕᐤ ᐅᒥᔅᑐᐛᓂᒡ, ᑭᔭ ᐊ ‍ ᐅᑕᒧᐅᒃ, ᓂᒋ ‍ ᓂᐸᐊᐤ᙮
\v 36 ᒋᑦ ᐊᑐᔅᒐᔭᑭᓐ ᒋ ‍ ᓂᐸᐊᐤ ᒥᓯᐱᓱᐛ ᑭᔭ ᒋᓴᔭᒂ: ᐅ ᐊᑲ ᒋᔅᒋᓄᐛᒋᔄᑭᓄᐅᑦ ᐱᓕᔅᑕᐃᓐ ᐃᔪᐤ ᒪᒃ ᒋᑭ ‍ ᓇᔅᐱᑐᐛᐤ ᒂᔄᓐ ᐸᐃᒄ ᐅᔭ, ᐊ ‍ ᓄᒂᒡ ᐊᒋ ‍ ᒧᐅᓇᐃᒪᑦ ᐅᒪᒧᐅ-ᐊᓯᒪᑭᓂᓯᒪ ᐸᒪᑎᓯᑦ ᒋᓴᒪᓂᑐᐤ᙮”
\v 37 ᑎᐱᑦ ᐃᔭᐱᒡ ᐊᐛᓯᑕ ᒋ ‍ ᐃᔅᒋᔄᐤ, “ᐅᑎᐸᔨᒋᒐᐤ ᑲᒋ ‍ ᐱᒪᒋᐃᑦ ᐅᑎᒋᔨᒡ ᒥᓯᐱᓱᐛ ᐅᒡ, ᑭᔭ ᒋᓴᔭᒂ ᐅᑎᒋᔨᒡ ᐅᒡ, ᓂᑭ ‍ ᐱᒪᒋᐃᒄ ᐅᑎᒋᔨᒡ ᐅᒋ ᐅᔭ ᐱᓕᔅᑕᐃᓐ ᐃᔪᐛ᙮”
\p ᓴᓪ ᒪᒃ ᒋ ‍ ᐃᑕᐤ ᑎᐱᑕ, “ᔅᑐᑕ, ᓇᑎᒪ ᒪᒃ ᐅᑎᐸᔨᒋᒐᐤ ᐊ ‍ ᐎᒐᐅᔅᒃ᙮”
\p
\v 38 ᓴᓪ ᒪᒃ ᒋ ‍ ᒋᔅᑭᒧᑎᔭᐤ ᑎᐱᑕ ᐅᓂᑐᐱᔪᐅ-ᐊᐱᒋᑕᐅᓇ, ᐎᔄᐛᐱᔅᒄ ᓂᑐᐱᔪᐅ-ᐊᑯᓂᔎᐅᓂᔪᐤ ᒪᒃ ᒋ ‍ ᐳᔅᑐᑎᓇᐊᐤ; ᒋ ‍ ᐳᔅᑎᔅᑭᒧᑎᔭᐤ ᑭᔭ ᐃᓴᑯᐤ ᐊᑯᐱᔪᐤ᙮
\v 39 ᑎᐱᑦ ᒪᒃ ᒋ ‍ ᐱᒂᑕᐅᑐᑎᒻ ᐅᒥᔅᑎᒧᐧᑭᒪᓐ ᐅᓂᑐᐱᔪᐅ-ᐊᑯᐱᒡ, ᒋ ‍ ᐃᑕᔨᑎᒻ ᒪᒃ ᒐᒋ ᐃᑐᑕᑦ; ᐛᔅ ᓇᒪ ᒪᒃ ᐅᒋ ᑯᒋᑕᐤ᙮ ᑎᐱᑦ ᒪᒃ ᒋ ‍ ᒥᓂᒻ᙮
\p
\v 40 ᐅᓯᔅᑲᐅᓐ ᒪᒃ ᒋ ‍ ᑕᐧᑯᓂᒻ, ᑭᔭ ᒋ ‍ ᐅᑎᓇᐤ ᐱᑕᑕᒡ ᓱᔎᓯᓂᔭ ᓯᐱᓯᒡ ᐅᒡ, ᐊ ‍ ᐱᑕᐛᑦ ᒪᔭᑕᓂᓯᐅ-ᐃᔪᐤ ᒥᐅᑎᔪᐤ ᑲ ‍ ᐊᔭᑦ, ᒥᐅᑎᓯᒡ ᐅᑦ, ᑭᔭ ᐊ ‍ ᑎᑯᓇᐧᒃ ᐅᐛᐸᐃᓯᓇᔭᐱᔾ ᐅᑎᒋᒡ: ᒋ ᓇᑕᐤ ᐊᓂᔭ ᐱᓕᔅᑕᐃᓐ ᐃᔪᐛ ᒐᒋ ᓂᒋᔅᑯᐛᑦ᙮
\p
\v 41 ᐊᓐ ᐱᓕᔅᑕᐃᓐ ᐃᔪᐤ ᒪᒃ ᒋ ᐊᑎ ᐸᒋ ‍ ᓇᒋᔅᑲᐛᐤ ᑎᐱᑕ; ᐊᓐ ᐃᔪᐤ ᒪᒃ ᑲ ‍ ᐱᒧᐎᑕᐛᑦ ᐅᑦ ᐊᒂᓇᐅᓱᐛᑭᓂᔪᐤ ᒋ ‍ ᓂᑲᓄᑕᐛᐤ᙮
\v 42 ᐃᔅᐱ ᒪᒃ ᐊᓐ ᐱᓕᔅᑕᐃᓐ ᐃᔪᐤ ᑲ ‍ ᐃᑕᐱᑦ ᑭᔭ ᐎᔭᐱᒪᑦ ᑎᐱᑕ, ᒋ ‍ ᐊᑐᐛᔨᒪᐤ; ᐛᔅ ᒋ ‍ ᐅᔅᒋᓂᒋᔪᐛ, ᐊ ‍ ᒥᑯᒂᔨᒋ, ᑭᔭ ᐊ ‍ ᒥᔪᓇᑯᓯᔨᒋ᙮
\v 43 ᐊᓐ ᐱᓕᔅᑕᐃᓐ ᐃᔪᐤ ᒪᒃ ᒋ ‍ ᐃᑕᐤ ᑎᐱᑕ, “ᓂᑦ ᐊᑎᒧᐅᓐ ᐊ, ᐊ ᐸᒋ ‍ ᓇᓯᔨᓐ ᐊ ‍ ᐅᒥᔅᑎᑯᒥᔨᓐ ?” ᐊᓐ ᐱᓕᔅᑕᐃᓐ ᐃᔪᐤ ᒪᒃ ᒋ ‍ ᒥᒐᒋᒪᐤ ᑎᐱᑕ ᐅᒥᓂᑐᒪ ᐅᒡ᙮
\v 44 ᐊᓐ ᐱᓕᔅᑕᐃᓐ ᐃᔪᐤ ᒪᒃ ᒋ ‍ ᐃᑕᐤ ᑎᐱᑕ, “ᐸᒋ ‍ ᓇᓯ, ᐊᑯ ᒋᔭᓯᔪᐤ ᒐ ‍ ᒥᒋᒡ ᐱᔭᓱᐅᒡ ᑲ ‍ ᐱᐸᒥᔭᒡ, ᑭᔭ ᐊᐛᓯᓯᒡ ᒪᔅᒐᑯᒡ !”
\p
\v 45 ᐊᑯ ᑎᐱᑦ ᐊᑕᑦ ᐊᓂᔭ ᐱᓕᔅᑕᐃᓐ ᐃᔪᐛ, “ᒋ ᐸᒋ ‍ ᓇᓯᓐ ᐊ ‍ ᐊᐱᒋᑕᔨᓐ ᓯᒪᑭᓐ, ᑭᔭ ᑕᑲᒋᑭᓐ, ᑭᔭ ᐊᒂᓇᐅᓱᐛᑭᓐ; ᒪᒃ ᓂᔾ ᒋ ᐸᒋ ‍ ᓇᑎᑎᓐ ᐅᑦ ᐃᓯᓂᐧᑲᓱᐅᓂᒡ ᐅᑎᐸᔨᒋᒐᐤ ᒥᓯᐛ ᓱᐧᑲᑎᓯᑦ, ᐅᒋᓴᒪᓂᑐᒧᐛᐛ ᐃᔅᕋᐃᓪ ᐅᒪᒧ ‍ ᐅᑦ ᐊᓯᒪᑭᓂᓯᒪ, ᐊᓐ ᑲᒋ ‍ ᑯᒂᒋᐃᑦ᙮
\v 46 ᐊᓄᒡ ᐊ ‍ ᒋᓯᑲᔨᒡ ᐅᑎᐸᔨᒋᒐᐤ ᒋᑭ ‍ ᐱᔅᑎᓂᒄ ᓂᑎᒋᒡ, ᐊᑯ ᒐ ‍ ᐅᑕᒪᐅᑕᓐ, ᑭᔭ ᒐ ‍ ᒋᒥᒂᐅᑕᓐ; ᓂᑭ ‍ ᒥᔭᐅᒡ ᒪᒃ ᐊᓄᒡ ᐊ ‍ ᒋᓯᑲᒡ ᐎᔪᐛᐛ ᐱᓕᔅᑕᐃᓐ ᓂᑐᐱᔪᐅ-ᐃᔪᒡ ᐱᔭᓱᐅᒡ ᑲ ‍ ᐱᐸᒥᔭᒡ, ᑭᔭ ᑲ ‍ ᐊᒂᑎᓯᒡ ᐊᐛᓯᓯᒡ ᐊᔅᒋᒡ ᑲ ‍ ᑕᒡ; ᒥᓯᐛᔅᑭᒥᑲᒡ ᑲ ‍ ᑕᒡ ᒐᒋ ᒋᔅᒐᔨᑕᒡ ᐊ ‍ ᑕᔨᒋ ᒋᓴᒪᓂᑐᐛ ᐃᔅᕋᐃᓕᒡ᙮
\v 47 ᑭᔭ ᒥᓯᐛ ᐊᑯ ᐅᑕ ᑲ ‍ ᒪᐛᒋᐃᑐᒡ ᒋᑭ ‍ ᒋᔅᒐᔨᑎᒧᒡ ᐅᑎᐸᔨᒋᒐᐛ ᐊᑲ ᐅᒋ ᐱᒪᒋᐃᐛᑦ ᒥᔅᑎᒧᐧᑭᒪᓂᔪᐤ ᑭᔭ ᑕᑲᒋᑭᓂᔪᐤ ᐅᒡ: ᐛᔅ ᓂᑐᐱᔪᐅᓂᔪᐤ ᐅᑎᐸᔨᒋᒐᐤ ᐅᑦ ᐊᔭᓂᐤ, ᒋᑭ ‍ ᐱᔅᑎᓂᑯᐛᐤ ᒪᒃ ᓂᑎᒋᓇᒡ᙮”
\p
\v 48 ᒋ ‍ ᐃᔅᐱᔪᐤ ᒪᒃ ᐃᔅᐱ ᐸᓯᑯᑦ ᐊᓐ ᐱᓕᔅᑕᐃᓐ ᐃᔪᐤ, ᑭᔭ ᐊᑎᑐᐤ ᒥᒋᒪ ᑲ ᐊᑎ ‍ ᓇᑕᑦ ᑎᐱᑕ, ᑎᐱᑦ ᐊ ‍ ᒋᓯᐱᑦ ᒋ ‍ ᓇᑕᐤ ᐅᒪᒧᐅ-ᐊᓯᒪᑭᓂᓯᒥᔪᐛ ᒐᒋ ᓇᒋᔅᑯᐛᑦ ᐊᓂᔭ ᐱᓕᔅᑕᐃᓐ ᐃᔪᐛ᙮
\v 49 ᑎᐱᑦ ᒪᒃ ᒋ ‍ ᐊᔅᑕᐤ ᐅᑎᒋᔾ ᐅᐎᐅᑎᒡ, ᐊᑯᑕ ᒪᒃ ᑲ ᐅᒋ ‍ ᐅᑎᓇᑦ ᐊᓯᓂᔭ, ᑭᔭ ᒋ ‍ ᐛᐸᐃᓯᓇᐸᐤ, ᐊ ‍ ᑕᐎᔅᑲᑎᒂᐛᑦ ᐊᓂᔭ ᐱᓕᔅᑕᐃᓐ ᐃᔪᐛ, ᐊᓯᓂᔭ ᒪᒃ ᐊ ‍ ᒥᒋᒧᑎᓂᔨᒡ ᐅᔅᑲᑎᑯᔨᒡ; ᐊᑯ ᐛᑕᒥᒂᓯᓂᔨᒋ ᒧᔅᑎᔅᑭᒥᒡ᙮
\p
\v 50 ᑎᐱᑦ ᒋ ‍ ᓴᐧᑯᒋᐊᐤ ᐊᓂᔭ ᑲᓚᔨᑦ ᐊ ‍ ᐱᒺᑦ ᐊᓯᓂᔪᐤ ᐛᐸᐃᓯᓇᓂᔪᐤ ᐊᐱᒋᔨᑕᑦ᙮ ᒋ ‍ ᓂᐸᐊᐤ ᐊ ᐊᑲ ᐊᐱᒋᑕᑦ ᒥᔅᑎᒧᐧᑭᒪᓂᔪᐤ᙮
\p
\v 51 ᑎᐱᑦ ᒋ ‍ ᒋᒋᓇᐤ ᑭᔭ ᒂ ‍ ᐅᒋᐱᑎᒺᑦ ᑲᓚᔨᑕ ᐅᒥᔅᑎᒧᐧᑭᒪᓂᔪᐤ᙮ ᒂ ‍ ᐊᐱᒋᔨᑕᐛᑦ ᒐᒋ ᒥᓂᓯᒺᑦ ᐅᔅᑎᒂᓂᔪᐤ ᑲᓚᔨᑕ᙮
\p ᑲᒋ ‍ ᐛᐱᒪᒡ ᐱᓕᔅᑕᐃᓐ ᐃᔪᒡ ᒐᒂᔪᐤ ᐊ ‍ ᑎᔨᒋ ᐅᓂᑐᐱᔪᐅ-ᐃᔨᒧᐛᐛ, ᒂ ‍ ᒋᑎᓯᒧᒡ᙮
\v 52 ᒥᒄ ᐃᔅᕋᐃᓪ ᑭᔭ ᒍᑕ ᓂᑐᐱᔪᐅ-ᐃᔪᒡ ᒋ ‍ ᒥᔅᑎᑕᑈᐅᒡ ᑭᔭ ᒂ ‍ ᒋᒋᓇᒡ ᐃᔅᐱᔅ ᐊᓐᑕ ᑲᐊᑦ ᑭᔭ ᐊᒃᕋᓐ᙮
\v 53 ᐃᔅᕋᐃᓪ ᓂᑐᐱᔪᐅ-ᐃᔪᒡ ᑲᐤ ᒋᒋᐛᐅᒡ ᐊᒋ ‍ ᓇᓴᐛᒡ ᐱᓕᔅᑕᐃᓐ ᐃᔪᐛ, ᒋ ‍ ᐅᑎᓂᒪᓱᐅᒡ ᒥᒄ ᒐᒂᔪᐤ ᐊᓯ ‍ ᓂᑐᐛᔨᑕᒡ ᐊᓐᑕ ᑲ ‍ ᐱᒂᑎᑯᒡ ᑲ ‍ ᐎᒋᔨᒋ ᐅᒋ᙮
\v 54 ᑎᐱᑦ ᒋᕈᓯᓕᒥᒡ ᒋ ‍ ᐃᑐᑕᐛᐤ ᑲᓚᔨᑕ ᐅᔅᑎᒂᓂᔪᐤ, ᒥᒄ ᐎᔾ ᒋ ‍ ᑭᓄᐛᔨᑎᒺᐤ ᑲᓚᔨᑕ ᐅᓂᑐᐱᔪᐅ-ᐊᐱᒋᔨᑕᓂᔪᐛ ᐊᓐᑕ ᐅᐱᒍᐎᔭᓂᒋᐛᐱᒡ᙮
\p
\v 55 ᒪᒂᒡ ᒋᓴᐅᒋᒪᐤ ᓴᓪ ᑲᑭᓄᐛᐱᒪᑦ ᑎᐱᑕ ᐊ ᓇᒋ ‍ ᒪᓴᐊᔨᒋ ᑲᓚᔨᑕ, ᓴᓪ ᒂ ‍ ᓇᑕᑦ ᐅᑦ ᐅᒋᒪᐤ ᓂᑐᐱᔪᐅ-ᐃᔨᒪ ᑭᔭ ᒂ ‍ ᐃᑕᑦ, “ᐊᑉᓂᕐ, ᐊᐛᓐ ᐊᓐ ᐅᔅᓂᒍ ?”
\p ᐊᐱᓂᕐ ᓇᔎᐛᓯᐊᑦ, “ᓂᑦ ᐊᓱᑎᒪᒐᓐ ᒋᐱᒪᑎᓯᐅᓂᒡ ᐊᑲ ‍ ᒋᔅᒐᔨᒥᒄ᙮”
\p
\v 56 ᐊᑯ ᒋᓴᐅᒋᒪᐤ ᒂ ‍ ᐃᑕᑦ, “ᒐ ‍ ᓂᓇᑐᒋᔅᒐᔨᒥᑦ ᐊᐛᓐ ᐊᓂᔭ ᐅᑯᓴ !” ᙮
\p
\v 57 ᑲᒋ ‍ ᑎᑯᓯᐧᒃ ᑎᐱᑦ ᐊ ‍ ᒪᓴᐊᑦ ᑲᓚᔨᑕ, ᐊᔅᒄ ᒋ ‍ ᑕᐧᑯᓂᒺᐤ ᑲᓚᔨᑕ ᐅᔅᑎᒂᓂᔪᐤ᙮
\p ᐊᐱᓂᕐ ᒂ ‍ ᐃᑐᑕᐊᑦ ᑎᐱᑕ ᐊᓐᑕ ᓴᓚ,
\v 58 ᑭᔭ ᓴᓪ ᒋ ‍ ᑯᒂᒋᒧᐤ, “ᐊᐛᓐ ᐅ ᒋᔾ ?”
\p “ᓂᔾ ᐅ ᑎᐱᑦ, ᒐᓯᔾ ᐅᑯᓴ, ᑲ ‍ ᑕᑈᐅᒐᔨᑕᑯᓯᑦ ᐃᔅᕋᐃᓪ ᐃᔪᐤ ᐸᑦᓕᔭᒥᒡ ᐅᒋ᙮”
\c 18
\s1 ᓴᓪ ᐅᑕᔨᒪᐤ ᑎᐱᑕ
\p
\v 1 ᑎᐱᑦ ᑲᒋ ᐃᓯ ‍ ᐃᔨᒪᐊᑦ ᓴᓚ, ᒂ ‍ ᓂᒋᔅᑯᐅᒪᑦ ᓴᓚ ᐅᑯᓯᔨᐛ, ᒠᓂᑎᓇ᙮ ᑎᐛᒡ ᒋ ‍ ᒥᔽᔨᒪᐤ ᑎᐱᑕ ᒠᓂᑎᓐ: ᒋᒋᐛ ᒂ ‍ ᒋᒋᐱᔨᑦ ᐊᓴᒋᐊᑦ ᑎᐱᑕ ᒧᔭᒻ ᐎᔾ ᐊᔅᐱᔅ ᓴᒋᔨᓱᑦ᙮
\v 2 ᐊᓂᔭ ᒋᓯᑯᔪᐤ ᐅᒋ, ᓴᓪ ᒋ ‍ ᑭᓄᐛᔨᒪᐤ ᑎᐱᑕ ᑭᔭ ᓇᒪ ᐅᒋ ᓇᐊᔨᒪᐤ ᑲᐤ ᒐᒋ ᒋᐛᔨᒋ᙮
\v 3 ᐛᔅ ᒠᓐᑕ ᒋᒋᐛ ᐊᒋ ‍ ᓴᒋᐊᑦ ᑎᐱᑕ, ᒋᒋ ‍ ᓂᔅᑯᒪᐤ ᑎᐱᑕ᙮ ᒋ ᐊᓱᑎᒪᑐᐅᒡ ᒐᒋ ᓇᓂᑎᒻ ᒥᔪᐤ ᐎᒐᐛᑭᓂᑕᑐᒡ᙮
\v 4 ᒠᓂᑎᓐ ᒂ ‍ ᒥᓇᐧᒄ ᐅᔅᒡ ᐅᑦ ᐊᑯᑉ ᑭᔭ ᒂ ‍ ᒥᔭᑦ ᑎᐱᑕ᙮ ᐃᔭᐱᒡ ᒋ ‍ ᒥᔭᐤ ᐊᓂᔭ ᐅᓂᑐᐱᔪᐅ-ᐊᐱᒋᑕᐅᓇ, ᐅᒥᔅᑎᒧᐧᑭᒪᓐ, ᐅᑦ ᐊᒐᐱᔭ ᑭᔭ ᒥᐱᓴ ᑭᔭ ᐅᐱᑯᑕᐅᓐ᙮
\p
\v 5 ᑎᐱᑦ ᒋ ‍ ᐃᑐᑕᐤ ᑕᓐᑕ ᒥᒄ ᑲ ‍ ᐃᑎᓴᐅᑯᑦ ᓴᓚ᙮ ᑭᔭ ᒥᒄ ᒐᒂᔪᐤ ᓴᓪ ᑲ ‍ ᐃᑕᑦ ᒐᒋ ᐃᑐᑎᒥᔨᒋ, ᑎᐱᑦ ᒋᒋᐛ ᑭᔅᒋᐅᐤ ᐊ ‍ ᐃᑐᑕᒋ᙮ ᐊᓂᔭ ᐅᒋ, ᑭᔭ ᓴᓪ ᒋ ‍ ᐃᑎᓱᐛᑕᐤ ᒐᒋ ᐅᒋᒪᐎᒋ ᐅᓂᑐᐱᔪᐅ-ᐃᔨᒪ᙮ ᒥᓯᐛ ᐅᒋᒪᐅᒡ ᑭᔭ ᑯᑎᑭᒡ ᐃᔪᒡ ᒋ ‍ ᒥᔽᑎᒥᔨᑯᐤ᙮
\p
\v 6 ᒥᒄ, ᐃᔅᐱ ᑲ ᐸᒋ ‍ ᒋᐛᒡ ᓂᑐᐱᔪᐅ-ᐃᔪᒡ ᑎᐱᑦ ᑲᒋ ‍ ᓂᐸᐊᑦ ᑲᓚᔨᑕ, ᐃᔎᐅᒡ ᒋ ᐸᒋ ‍ ᐎᐎᐸᔨᑐᐅᒡ ᑕᑐᐤ ᐅᑕᓇᐛ ᐊᓐᑕ ᐃᔅᕋᐃᓕᒡ ᐅᒋ ᒐᒋ ᐛᒋᔭᒪᒡ ᒋᓴᐅᒋᒪᐛ ᓴᓚ᙮ ᒋ ‍ ᓂᑭᒧᐅᒡ ᑭᔭ ᒧᒋᒐᔨᑎᒧᐅᓂᒡ ᒋ ‍ ᓂᒧᐅᒡ ᐊ ‍ ᒪᑐᐛᒡ ᑕᐛᔨᑭᓂᓴ ᑭᔭ ᐊᓯᑭᓇᔭᐱᔾ ᒋᔍᐛᐱᒋᑭᓇ᙮
\v 7 ᒪᒂᒡ ᑲ ‍ ᓂᒥᒡ, ᒋ ‍ ᓂᑭᒧᑕᑐᐅᒡ ᐅᔭ ᓂᑭᒧᐅᓂᔪᐤ: “ ᓴᓪ ᒐᓯᐱᔪᐤ ᒋ ‍ ᓂᐸᐊᐤ ᑲ ‍ ᐱᒂᑎᔨᑕᑯᐤ ᓂᑐᐱᔪᐅ-ᐃᔪᐛ, ᒥᒄ ᑎᐱᑦ ᐸᐃᑯᔪᐤ ᑕᑥᐤ ᒐᓯᐱᔪᐤ ᐎᔾ ᒋ ‍ ᓂᐸᐊᐤ ᙮”
\p
\v 8 ᐃᔅᐱ ᓴᓪ ᑲᐸᑕᐧᒃ ᐅᔭ ᐊᓂᑭᒧᔨᒋ, ᓇᒪ ᐅᒋ ᒥᔽᔅᔨᑎᒻ᙮ ᒋᒋᐛ ᒋ ‍ ᒋᔄᐳᐤ᙮ ᑭᔭ ᒂ--ᐃᑎᑎᓱᑦ, “ᐃᔅᒋᔄᐅᒡ ᑎᐱᑦ ᐸᐃᑯᔪᐤ ᑕᑥᐤ ᒐᓯᐱᔪᐤ ᐎᔾ ᒋ ‍ ᓂᐸᐊᐤ ᓇᐸᐛ, ᐊᑯ ᓂᔾ ᒥᒄ ᐸᐃᒂᐤ ᒐᓯᐱᔪᐤ ᓂᒋ ‍ ᓂᐸᐅᒡ᙮ ᐎᐱᒡ, ᐊᑯ ᒐ ‍ᐊᑎ ᐎ ‍ ᐅᒋᓴᐅᒋᒪᒥᑐᐛᒡ!”
\v 9 ᐊᑯ ᐊᓂᔭ ᒋᓯᑯᔪᐤ ᐅᒋ, ᓴᓪ ᓇᔅᒡ ᒋ ᒥᔪᐤ ‍ ᓇᑭᑐᐛᐱᒪᐤ ᑎᐱᑕ ᐛᔅ ᒋ ‍ ᒧᓇᔨᒪᐤ ᑎᐱᑕ ᒐᒋ ᑯᒋᑕᔨᒋ ᒐᒋ ᒋᓴᐅᒋᒪᐎᔨᒋ᙮
\p
\v 10 ᒥᓐ ᐎᔭᐱᓂᔨᒡ, ᒥᒋ ‍ ᐊᒐᒂ ᒋᓴᒪᓂᑐᐛ ᑲ ‍ ᐃᑎᓴᐛᔨᒋ ᓯᔅᒋᑯᒡ ᒋ ‍ ᐱᔅᑲᑯᐤ ᓴᓪ, ᒂᒋ ‍ ᒋᐱᔨᑦ ᒧᔭᒻ ᑲ ‍ ᒋᔎᔭᐸᑕᐧᒄ ᐃᔪᐤ ᐊ ‍ ᐃᑕᔨᑕᑯᔅᑦ, ᐱᑎᑭᒥᒡ ᐎᒋᒡ᙮ ᑎᐱᑦ ᒋ ‍ ᒪᑐᐛᐛᐤ ᐊᓯᑭᓇᔭᐱᔾ ᒋᔍᐛᐱᒋᑭᓇ, ᒧᔭᒻ ᑲᒋ ‍ ᐃᔨᑎᑦ ᐊᓯᑯᒻ ᒋᓯᑲᐛ, ᓴᓪ ᒋ ‍ ᑕᐧᑯᓂᒻ ᐊᓯᒪᑭᓂᔪᐤ ᐅᑎᒋᒡ᙮
\v 11 ᑭᔭ ᒋ ‍ ᐱᒺᐤ ᐊᓂᔭ ᑎᐱᑕ, ᐊ ‍ ᐃᑕᔨᑕᐧᒃ, “ᓂᑭ ‍ ᒥᒋᒪᐛᐤ ᐅᔭ ᐊᓯᒪᑭᓇ ᑎᐱᑦ ᐊᓐᑕ ᐊᔅᑎᒥᑎᒡ!” ᓂᓱᐛᐤ ᐅᔭ ᒋ ‍ ᐱᒺᐤ, ᒥᒄ ᓂᔄᐤ ᒋ ‍ ᐃᒐᐱᔪᐅ ᑎᐱᑦ᙮
\p
\v 12 ᐛᔅ ᒋᔅᒐᔨᑕᑯᓂᔪᐤ ᐊᒋ ‍ ᓂᑭᑕᑦ ᓴᓚ ᑎᐸᔨᒋᒐᓱᐤ ᒥᒄ ᑎᐱᑕ ᒋ ‍ ᐎᒋᐊᐤ, ᒋ ‍ ᑯᔅᑕᐤ ᓴᓪ ᑎᐱᑕ᙮
\v 13 ᓴᓪ ᒋ ‍ ᐅᑎᓇᐤ ᑎᐱᑕ ᒐᒋ ᑎᐸᔨᒪᔨᒋ ᐸᐃᒂᐤ ᒐᓯᐱᔪᐤ ᐊᓯᒪᑭᓂᓴ ᑭᔭ ᒂ ‍ ᐃᑲᑎᓴᐛᑦ ᑎᐱᑕ ᐊ ‍ ᐃᑕᑦ ᐅᒋ ᐊᔅᐸᔨᒧᑦ ᒐᒋ ᓂᐸᐊ‍ᑭᓄᐎᔨᒋ ᐊᓂᑐᐱᔨᓇᓄᐎᔨᒡ᙮ ᒥᒄ ᐃᔅᐱ ᓇᑲᓄᑕᐊᒋ ᑎᐱᑦ ᐅᓂᑐᐱᔪᐅ-ᐃᔨᒪ ᐊ ᓇᒋ ‍ ᒪᓯᒐᔨᒋ,
\v 14 ᓇᓂᑎᒻ ᒋ ‍ ᒥᔪᐱᔪᐤ, ᐛᔅ ᑎᐸᔨᒋᒐᓱᐛ ᒋ ‍ ᐎᒋᔨᑯᐤ᙮
\v 15 ᐃᔅᐱ ᓴᓪ ᐱᔭᑕᐧᒃ ᒋᒋᐛ ᒪᔪᐱᔨᒋ ᑎᐱᑕ ᑭᔭ ᐅᓂᑐᐱᔪᐅ-ᐃᔨᒥᔨᐛ, ᐊᑎᑐᐤ ᒋᑯᔅᑕᐤ ᑎᐱᑕ᙮
\v 16 ᒥᒄ ᒥᓯᐛ ᐊᐛᓐ ᐊᓐᑕ ᒍᑕ ᑭᔭ ᐃᔅᕋᐃᓪ ᒋᓴᒋᐊᐅᒡ ᑎᐱᑕ, ᐛᔅ ᒋ ‍ ‍ ᒥᔪᐱᔪᐤ ᐊᑎᐸᔨᒪᑦ ᓂᑐᐱᔪᐅ-ᐃᔪᐛ᙮
\p
\v 17 ᐸᐃᒂᐤ ᒐᓯᑲᔨᒡ, ᓴᓪ ᒋ ‍ ᐃᑕᐤ ᑎᐱᑕ, “ ᓂᑦ ‍ ᐊᔭᔅᑯᐎᔨᓐ ᒐᒋ ᒥᔨᑕᓐ ᐊᒋ ‍ ᒋᓴᐅᔪᑦ ᓂᑕᓂᔅ ᒥᕋᑉ, ᒐ ᐎᔪᐎᔨᓐ᙮ ᓂᑭ ‍ ᑐᑕᓐ ᐅ ᓱᒋᔅᑕᐊᓂᒡ ᐊᑐᔅᑯᐎᔨᓇ ᐊᒪᓯᒐᔅᑎᒧᐅᑦ ᑎᐸᔨᒋᒐᓱᐤ ᓂᑐᐱᔪᐅᓇ ᐊᒪᓯᐊᑥᐤ ᐱᓕᔅᑕᐃᓐ ᐃᔪᒡ᙮” ᒋ ‍ ᐃᔅᒋᔄᐤ ᐅᔭ ᐛᔅ ᒋ ‍ ᐃᑕᔨᑎᒻ, “ᓇᒪᔭᐤ ᓂᔾ ᒐ ‍ ᓂᐸᔨᒃ ᑎᐱᑦ᙮ ᓂᑭ ‍ ᓇᐊᔨᒪᐅᒡ ᐎᔪᐛᐤ ᐅᔭ ᒐᒋ ᑐᑕᒡ ᐱᓕᔅᑕᐃᓐ ᐃᔪᒡ᙮”
\p
\v 18 ᒥᒄ ᑎᐱᑦ ᒋ ‍ ᐃᑕᐤ ᓴᓚ, “ ᓇᒪᔭᐤ ᐅ ᓂᔾ ᓇᔅᒡ ᐊ ‍ ᐃᔅᐱᑕᔨᑕᑯᓯᑦ ᐊᐛᓐ, ᑭᔭ ᓇᒪ ᓇᔅᒡ ᐃᔅᐱᑕᔨᑕᑯᓯᐅᒡ ᓂᐧᑲᓂᓯᒡ, ᑭᔭ ᓂᒡ ᐃᔪᒡ ᓇᒪᔭᐅᒡ ᓇᔅᒡ ᐃᔅᐱᑕᔨᑕᑯᓯᐅᒡ ᐃᔅᕋᐃᓪ ᐃᔪᒡ᙮ ᐊᑯ ᓇᒪ ᓂ ‍ ᒪᔭᒐᔨᑕᑯᓯᓐ ᒐᒋ ᐅᓇᐊᒋᒥᑐᐎᔨᓐ᙮”
\v 19 ᐊᑯ, ᐃᔅᐱ ᐛᑎᒋᐱᔨᒡ ᒐᒋ ᐱᔅᑎᓇᑭᓄᐅᑦ ᒥᕋᑉ ᑎᐱᑕ ᐃᓯ ᒐ ᐎᒋᒥᑯᑦ, ᒥᔅᑯᒡ, ᑯᑎᑲ ᓇᐸᐛ, ᒥᐧᑯᓚ ᐅᑕᒡ ᐅᒋ, ᐊᑦᕆᐊᓪ ᐊ ‍ ᐃᓯᓂᐧᑲᓱᐎᔨᒋ ᒋᒥᔭᐤ ᓴᓪ ᐅᑕᓂᓴ᙮
\p
\v 20 ᒥᒄ ᓴᓪ ᑯᑎᑲ ᐅᑕᓂᓴ᙮ ᒪᐃᑲᓪ, ᒋ ‍ ᓴᒋᐊᐤ ᑎᐱᑕ᙮ ᐃᔅᐱ ᑲ ‍ ᐎᑎᒧᐛᑭᓄᐅᑦ ᐅᔭ ᓴᓪ, ᒋ ‍ ᒥᔽᔨᑎᒻ᙮
\v 21 ᒋ ‍ ᐃᑕᔨᑎᒻ, “ᓂᑭ ᓇᐊᔨᒪᐤ ᒥᑲᓪ ᒐᒋ ᐎᒋᒪᑦ ᑎᐱᑕ, ᒐᒋ ᐅᒋ ᐎᔭᓯᒪᑦ, ᑭᔭ ᒋᑭ ᒋ ‍ ᓂᐸᐅᒡ ᐱᓕᔅᑕᐃᓐ ᐃᔪᒡ᙮” ᐊᑯ ᒂ ‍ ᐃᑕᑦ ᑎᐱᑕ, “ᒋᑭ ‍ᒋ ‍ ᐎᒋᒪᐤ ᒥᑲᓪ,” ᐊᓂᔭ ᐅᒋᐊ ‍ ᐃᔅᒋᔄᑦ, ᓂᔄᐤ ᓴᔅ ᐎᑎᒻ ᐊᐎ ‍ᐅᒋ ‍ ᓇᐊᒋᒥᑐᐛᑦ ᑎᐱᑕ᙮
\p
\v 22 ᓴᓪ ᒋ ‍ ᐃᑕᐤ ᐅᑦ ᐊᐱᒋᐊᑭᓇ, ᒋᒧᑦ ᒐ ‍ ᐃᔨᒥᔨᑦ ᑎᐱᑦ, ᑭᔭ ᒐ ‍ ᐃᑎᑦ, “ᓂᑐᑕ, ᒋ ‍ ᒥᔽᔨᒥᒄ ᒋᓴᐅᒋᒪᐤ, ᑭᔭ ᒥᓯᐛ ᓂᔭᓐ ᐅᑦ ᐊᐱᒋᐊᑭᓇ ᒋ ‍ ᓴᒋᔨᑎᓇᓐ᙮ ᐊᑯ ᓂᑦ ‍ᐃᑕᔨᑕᓇᓐ ᒐᒋ ᐎᒋᒥᑦ ᒥᑲᓪ ᑭᔭ ᒐ ‍ ᐅᓇᐊᒋᒥᑕᔅᑦ ᒋᓴᐅᒋᒪᐤ’ ”᙮
\p
\v 23 ᐊᑯ ᐊᐅᑯᔪᐤ ᐊᓂᔭ ᑲ ‍ ᐃᑕᒡ ᑎᐱᑕ, ᒥᒄ ᑎᐱᑦ ᒋ ‍ ᐃᑕᐤ, “ᒋᐸ ‍ ‍ ᒋᔅᑕᔨᑕᑯᓐ ᒐᒋ ᐅᓇᐊᒋᒥᑐᐅᑦ ᒋᓴᐅᒋᒪᐤ᙮ ᒥᒄ ᓇᒪ ᓂᑦ ‍ᐃᑕᔨᑕᓐ ᒐᒋ ᑐᑎᒪᓐ ᐊᓐ, ᐛᔅ ᓂᒋᔅᑎᒪᑎᓯᓐ ᑭᔭ ᐊ ᐊᑲ ᐃᔅᐱᑕᔨᑕᑯᓯᔭᓐ᙮”
\p
\v 24 ᐃᔅᐱ ᐊᑐᔅᒐᔭᑭᓐᒡ ᑲ ‍ ᐎᑎᒧᐛᒡ ᓴᓚ ᒐᒂᔪᐤ ᑲ ‍ ᐃᔅᒋᔄᔨᒋ ᑎᐱᑕ᙮
\v 25 ᓴᓪ ᒂ ‍ ᐃᔅᒋᔄᑦ, “ ᒪᒋᒄ ᑭᔭ ᒐ ‍ ᐃᑕᒄ ᑎᐱᑦ, ᒐᒋ ᐅᒋ ᓇᐊᔨᒥᔅᒄ ᒋᓴᐅᒋᒪᐤ ᒐᒋ ᐎᒋᒥᑦ ᒥᑲᓪ, ᒋ ᓂᑐᐛᔨᒥᒄ ᒐᒋ ᓂᐸᔨᒥᑎ ᐸᐃᑯᒥᑕᓯᒥᑎᓄᐤ ᐱᓕᔅᑕᐃᓐ ᐃᔪᐛ ᑭᔭ ᒋᒥᓱᒥᑦ ᓇᐸᐤ ᐊ ‍ ᐃᓯᓇᑯᓯᑦ ᑭᔭ ᐸᑐᑐᐅᑦ ᒋᓴᐅᒋᒪᐤ ᒐᒋ ᐅᒋ ᐛᐸᑎᔨᐛᔨᓐ ᐊᒋ ‍ ᓂᐸᔨᑥᐤ ᐊᓐᒡ᙮ ᐊᓂᔭ ᐅᒋ ᒋᑭ ᑎᐸᒪᓱᐤ ᑲᑐᑕᑯᑦ ᑲᐱᒂᑎᑯᑦ, ’ ‍ ” ᒥᒄ ᓴᓪ ᒋ ‍ ᓂᑐᐛᔨᒪᐤ ᐱᓕᔅᑕᐃᓐ ᐃᔪᐛ ᒐᒋ ᓂᐸᐊᔨᒋ ᑎᐱᑕ ᒪᒂᒡ ᐊᑯᒋᑕᑦ ᑎᐱᑦ ᐎᔾ ᒐᒋ ᓂᐸᐊᑦ᙮
\p
\v 26 ᐃᔅᐱ ᐊᑐᔅᒐᔭᑭᓐᒡ ᑲ ‍ ᐎᑎᒧᐛᒡ ᐊᓂᔭ ᑎᐱᑕ, ᒋᒥᔽᔨᑎᒻ ᑎᐱᑦ ᒐᒋ ᐅᓇᐊᒋᒥᑕᑯᑦ ᒋᓴᐅᒋᒪᐛ ᐊᓂᔭ ᐃᑐᑕᐧᒃ᙮ ᒋ ‍ ᐃᔅᒋᔄᐤ ᒋᓴᐅᒋᒪᐤ ᑕᓐ ᑕᑐᐤ ᒋᓯᑲᐛ ᒐᒋ ᓇᐊᔨᒪᑦ ᑎᐱᑕ ᐊᓂᔭ ᒐᒋ ᐃᑐᑎᒥᔨᒋ, ᐊᒺᔭ ᐊᓂᔭ ᐃᔎᐱᔨᒡ᙮
\v 27 ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒋ ‍ ᐊᔅᑐᑕᐅᒡ ᑭᔭ ᒋ ‍ ᓂᐸᐅᒡ ᓂᓱ ᒥᑕᓯᒥᑎᓄᐤ ᐱᓕᔅᑕᐃᓐ ᐃᔪᐛ᙮ ᑎᐱᑦ ᒋ ‍ ᐸᑕᐤ ᒐᒂᔪᐤ ᓴᓚ ᑲ ‍ ᓂᑐᐛᔨᑎᒥᔨᒋ ᑭᔭ ᒂ ‍ ᐛᐸᑎᔭᑦ, ᐊᑯ ᒪᒃ ᒐᒋ ᐎᒋᒪᑦ ᒪᐃᑲᓚ᙮ ᓴᓪ ᒋ ‍ ᓇᐊᔨᒪᐤ ᑎᐱᑕ ᒐᒋ ᐎᒋᒪᔨᒋ ᒪᐃᑲᓚ᙮
\p
\v 28 ᐃᔅᐱ ᓴᓪ ᒐᔅᒐᔨᒪᑦ ᑎᐸᔨᒋᒐᓱᐛ ᐛᒋᐊᔨᒋ ᑎᐱᑕ, ᑭᔭ ᐅᑕᓂᓴ ᓯᐊᒋᐊᔨᒋ ᑎᐱᑕ,
\v 29 ᐊᑎᑐᐤ ᒋ ‍ ᑯᔅᑕᐤ ᑎᐱᑕ, ᐊᑯ ᒋ ‍ ᐱᒂᑕᐤ ᑎᐱᑕ ᐊ ᐃᔅᐱᔅ ᐱᒪᑎᓯᔨᒋ᙮
\p
\v 30 ᒋ ‍ ᓇᓂᑎᒪᐱᐅᔪᐅᒡ ᐱᓕᔅᑕᐃᓐ ᓂᑐᐱᔪᐅ-ᐃᔪᒡ ᐊ ᒪᓴᐊᒡ ᐃᔅᕋᐃᓪ ᐃᔪᐛ, ᒥᒄ ᑕᑥᐤ ᒥᔭᓯᒐᑥᐎ, ᐊᑎᑐᐤ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒋ ‍ ᒥᔪᐱᔨᐛ ᐃᔅᐱᔅ ᑯᑎᑲ ᓴᓪ ᐅᓂᑐᐱᔪᐅ-ᐅᒋᒪᐛ᙮ ᐊᓂᔭ ᐅᒋ, ᒋᒋᐛ ᒋ ᒥᔅᑎ ‍ ᐃᑕᔨᑕᑯᓱᐤ᙮
\c 19
\s1 ᓴᓪ ᑲ ‍ ᑯᒋᔨᑕᑦ ᒐᒋ ᓂᐸᐊᑭᓂᔨᒋ ᑎᐱᑕ
\p
\v 1 ᐊᑯ ᓴᓪ ᒂ ‍ ᓯᒋᒪᑦ ᒥᓯᐛ ᐅᑦ ‍ ᐊᐱᒋᐊᑭᓇ ᑭᔭ ᐅᑯᓴ ᒠᓂᑎᓇ ᒐᒋ ᓂᐸᐊᒋ ᑎᐱᑕ᙮ ᒥᒄ ᒠᓂᑎᓐ ᒋᒋᐛ ᒋ ‍ ᒥᔽᔨᒪᐤ ᑎᐱᑕ᙮
\v 2 ᐊᑯ ᒂ ‍ ᐃᔭᒂᒪᑦ ᑎᐱᑕ, “ᓄᑕᐎᔾ ᓴᓪ ᑯᒋᐱᔨᑕᐤ ᒐᒋ ᓂᐸᔨᔅᒃ, ᐊᑯ ᒐ ‍ ᐃᔭᒂᒥᔨᓐ᙮ ᐛᐸᒐ ᒋᓴᒋᓴᐸᔭᐸᒐ ᒐᔅᑐᑕᔨᓐ ᑭᔭ ᒐ ‍ ᑲᓱᐅᔨᓐ ᐊᓐᑕ ᓂᑕᐅᒋᑕᑭᓂᔅᒋᒡ᙮
\v 3 ᓂᑭ ‍ ᑭᒂᒋᒪᐤ ᓄᑕᐎᔾ ᒐᒋ ᐎᒐᐅᑦ ᐊᓐᑕ᙮ ᐊᑯ ᒐ ᐊᑎ ‍ ᐃᔨᒥᒄ ᐊ ‍ ᐛᐎᑕᓐ, ᑭᔭ ᒋᔅᒐᔨᑎᒪᓇ ᒐᒂᓐ, ᒋᑭ ‍ ᐎᑎᒪᑎᓐ᙮”
\p
\v 4 ᒋᓴᒋᐸᔭᔨᒡ, ᒠᓂᑎᓐ ᒋ ‍ ᐃᔨᒪᐤ ᐅᑕᐎᔭ, ‍ ᒥᒐᑦ ᒐᒂᔪᐤ ᐊ ᐃᓯ ‍ ᒥᔽᒋᒪᑦ ᑎᐱᑕ᙮ ᒋ ‍ ᐃᑕᐤ, ᐊᑐᒡ ᓂᑕ ᒋ ‍ ᑐᑕᓐ ᒐᒂᓐ ᒐᒋ ᐊᐧᑯᔨᑦ ᒋᑦ ᐊᑐᔅᒐᔭᑭᓐ ᑎᐱᑦ! ᓇᒪ ᓂᑕ ᒋ ‍ ᐅᒋ ᑐᑕᒄ ᒐᒂᔪᐤ ᒐᒋ ᐊᐧᑯᔨᔅᒃ! ᒋᒋᐛ ᒋᒋ ‍ ᐎᒋᔨᑯᐛᓐ ᒥᓯᐛ ᒐᒂᔪᐤ ᑲ ‍ ᐃᑐᑕᐧᒃ᙮
\v 5 ᒋᑯᔅᑎᑯᓂᔪᐤ ᒐᒋ ᓂᐸᐊᑭᓄᐅᑦ ᐃᔅᐱ ᑲ ‍ ᒪᓯᐊᑦ ᑯᓚᔭᑕ, ᑲᑭᔅᒋᐅᔨᒋ ᐱᓕᔅᑎᐊ ᐅᓂᑐᐱᔪᐅ-ᐃᔨᒪ᙮ ᐊ ᐎ ‍ ᑐᑎᒥᓐ ᒐᒋ ᓂᐸᐊᑦ ᑎᐱᑦ, ᑎᐸᔨᒋᒐᓱᐤ ᒋ ‍ ᑲᓂᔪᐊᐤ ᒥᓯᐛ ᐃᔅᕋᐃᓪ ᐃᔪᐛ᙮ ᒋᒋ ‍ ᒥᔽᔨᑕᓐ ᐃᔅᐱ ᐊᓐ ᑲ ‍ ᐛᐸᑎᒥᓐ᙮ ᒐᒂᓐ ᒋᐸ ᐅᒋ ‍ ᐃᑐᑕᓐ ᒐᒂᓐ ᐊᓄᒡ ᒐᒋ ᐊᐧᑯᔨᑦ ᑎᐱᑦ ? ᓇᒪ ᐃᑎᑯᓐ ᒐᒂᓐ ᒐᒋ ᐅᒋ ᓂᐸᔨᑦ ᑎᐱᑦ, ᐛᔅ ᓇᒪ ᒐᒂᔪᐤ ᐅᒋ ᒥᒋ ‍ᑐᑎᒻ !”
\p
\v 6 ᓴᓪ ᒋ ‍ᓂᑐᑐᐛᐤ ᒐᒂᔪᐤ ᑲᐃ ᔅᒋᔄᔨᒋ ᒠᓂᑎᓇ᙮ ᐊᑯ ᓴᓪ ᒂ ‍ ᐃᔅᒋᔄᑦ, “ᓂ ᒋᒋ ᐊᓱᑎᒧᐛᐤ ᑲ ‍ ᐱᒪᑎᓯᑦ ᑎᐸᔨᒋᒐᓱᐤ, ᓇᒪ ᓂᑭ ‍ ᓂᐸᐊᐤ ᒠᓂᑎᓐ ”
\p
\v 7 ᓇᓇᒐ, ᒠᓂᑎᓐ ᒋ ‍ ᓂᑐᒪᐤ ᑎᐱᑕ ᑭᔭ ᒋ ‍ ᐎᑎᒧᐛᐤ ᒐᒂᔪᐤ ᓴᓚ ᒂ ‍ ᐃᔅᒋᔄᔨᒋ᙮ ᐊᑯ ᒠᓂᑎᓐ ᒂ ‍ ᐃᑐᑕᐊᑦ ᑎᐱᑕ ᐊᓐᑕ ᓴᓚ ᐊ ‍ ᑕᔨᒋ, ᑎᐱᑦ ᒋ ‍ ᐊᑐᔅᑯᐛᐤ ᓴᓚ ᒧᔭᒻ ᐛᔅᑭᒡ ᑲ ‍ ᐃᑎᑦ᙮
\p
\v 8 ᐸᐃᒂᐤ ᒐᓯᑲᔨᒡ ᒥᓐ ᒋ ‍ ᓂᑐᐱᔨᓇᓄᐤ ᑭᔭ ᑎᐱᑦ ᒋ ‍ ᓂᑲᓄᑕᐅ ᐅᓂᑐᐱᔪᐅ-ᐃᔨᒪ ᒐᒋ ᒪᓴᔨᒋ ᐱᓕᔅᑎᐊ ᓂᑐᐱᔪᐅ-ᐃᔪᐛ, ᑎᐱᑦ ᐅᓂᑐᐱᔪᐅ-ᐃᔨᒪ ᒋ ‍ᐊᐧᑯᐊ ‍ ᑯᓯᒂᔨᒧᑐᐛᐅᒡ, ᐊᓂᔭ ᐅᒋ ᒋ ‍ ᒋᑎᓯᒧᔪᐛ ᐱᓕᔅᑎᐊ ᓂᑐᐱᔪᐅ-ᐃᔪᐛ᙮
\p
\v 9 ᒥᒄ ᐸᐃᒂᐤ ᒐᓯᑲᔨᒡ ᐊ ‍ ᐃᑕᑦ ᐊᓐᑕ ᐎᒋᒡ, ᐊ ‍ ᒋᔅᑕᐛᐸᑲᔨᒐᑦ᙮ ᒥᒋ ‍ ᐊᒐᐧᑯᐛ ᑎᐸᔨᒋᒐᓱᐛ ᑲ ‍ ᐃᑎᓴᐛᔨᒋ ᓯᔅᒋᑯᒡ ᒋ ‍ ᐱᔅᑲᑯᐤ ᓴᓪ᙮ ᒪᒂᒡ ᑎᐱᑦ ᒋᒪᑐᐛᒐᐛᐤ ᐊᓯᑭᓇᔭᐱᔾ ᒋᔍᐛᐱᒋᑭᓂᔪᐤ
\v 10 ᒋᐱᒺᐤ ᓴᓪ ᐅᓯᒪᑭᓐ ᑎᐱᑕ ᒐᒋ ᐊᔅᑕᔎᐛᑦ ᐊᓐᑕ ᐊᔅᑎᒥᑎᒡ᙮ ᑎᐱᑦ ᒂ ‍ ᐃᒐᐱᔪᐅᑦ ᑭᔭ ᓇᒪ ᐅᒋ ᑲᔅᑕᐅᑯᐤ ᓯᒪᑭᓇ᙮ ᐊᔅᑎᒥᑎᒡ ᐊᓐᑕ ᒋ ‍ ᒋᑭᒧᔪᐛ, ᒥᒄ ᐊᓂᔭ ᑕᐱᔅᑲᔨᒡ ᑎᐱᑦ ᒂ ‍ ᒋᑎᓯᒧᑦ᙮
\s1 ᒥᑲᓪ ᒋ ‍ ᐎᒋᐊᐤ ᑎᐱᑕ ᒐᒋ ᒋᑎᓯᒧᔨᒋ
\p
\v 11 ᐊᑯ ᓴᓪ ᒂ ‍ ᐃᑎᓴᐛᑦ ᑲ ‍ ᐱᒧᑕᔨᒋ ᐃᔨᒧᐅᓂᔪᐤ ᐊᓐᑕ ᑎᐱᑕ ᐎᒋᔨᒡ᙮ ᒋ ‍ ᐃᑕᐤ ᒐᒋ ᓇᓇᑭᒋᑕᔨᒋ ᑎᐱᑕ ᐎᒋᔪᐤ ᑭᔭ ᒐᒋ ᓂᐸᐃᔨᒋ ᒪᒂᒡ ᓂᑭᑎᒥᔨᒐᓂ ᐎᒋᔪᐤ ᒋᓴᒋᓴᐸᔨᒐ᙮ ᒥᒄ ᑎᐱᑦ ᐎᐛ, ᒪᐃᑲᓪ, ᒋ ‍ ᐛᐱᒪᐤ ᑭᔭ ᑲ ‍ ᐊᔨᐧᑭᒪᐊᑦ ᑎᐱᑕ᙮ “ᒐᒋ ᐱᒪᑎᓯᐅᐎᔨᓐ, ᒋᑭ ‍ᐎ ᒋᑎᓯᒧᓐ ᒐ ᑎᐱᔅᑲᒡ, ᐛᔅ ᐊ ᐊᑲ ᐃᔨᑎᔨᓇ ᐊᓐ, ᒋᑭ ‍ ᓂᐸᐃᑯᐅᓐ ᐛᐸᒐ !”
\v 12 ᐊᑯ ᒪᐃᑲᓪ ᒋ ‍ ᓇᐊᔨᒪᐤ ᑎᐱᑕ ᓯᐳᐛᔅᑕᔨᑕᑭᓂᒡ ᒐᒋ ᐅᒋ ᐎᐎᔨᒋ, ᒂ ᒋᒋᐸᑕᑦ ᑭᔭ ᒂ ᐊᑎ ‍ ᒋᑎᓯᒧᑦ᙮
\v 13 ᒪᐃᑲᓪ ᒂ ᐊᑎ ‍ ᐅᑎᓇᑦ ᑭᔭ ᒂ ‍ ᐊᔭᑦ ᐃᔨᒐᐛᓇ ᐊᓐᑕ ᐅᓂᐸᐅᓂᔨᒡ᙮ ᒂ ‍ ᐊᑯᓇᐛᑦ ᐱᔅᒐ ᑎᐱᑕ ᐅᑦ ᐊᐱᒋᑕᐅᓂᔪᐛ ᑭᔭ ᒂ ‍ᒋᑭᒧᑕᐛᑦ ᐅᔅᑎᒂᓂᔨᒡ ᑲ ‍ ᐅᑕᑭᓂᓯᔨᒋ ᐊᐛᓯᓴ ᐅᐱᔅᑲᐅᓂᔪᐤ᙮
\p
\v 14 ᐃᔅᐱ ᑲ ‍ ᑎᑯᓯᓂᔨᒋ ᑲ ‍ ᐱᒧᑕᔨᒋ ᐃᔨᒧᐅᓂᔪᐤ ᐊᓐᑕ ᒥᒋᐛᐱᒡ ᒥᓐ ᒋᓴᒋᓴᐸᔭᔨᒡ, ᒥᑲᓪ ᒋ ‍ ᐃᑕᐤ, ᐃᐊᐧᑯᓯᔨᒋ ᑎᐱᑦ ᑭᔭ ᓇᒪ ᒋ ‍ ᑐᑐᐛᐤ ᒐᒋ ᐅᓂᔨᒋ᙮
\p
\v 15 ᐃᔅᐱ ᑲ ‍ ᐎᑎᒧᐛᒡ ᐊᓂᔭ ᓴᓚ, ᒋ ‍ ᐃᑕᐤ ᑲᐤ ᒐᒋ ᐃᑐᑕᔨᒋ ᐊᓐᑕ ᑎᐱᑕ ᐎᒋᔨᒡ᙮ ᒋ ‍ ᐃᑕᐤ, “ ᐸᓱᐛᐧᒄ ᐅᑕ ᐊᑕᔭᓐ ᐊᐱᒥᓯᐧᒃ ᐅᓂᐸᐅᓂᒡ, ᒐᒋ ᐅᒋ ᓂᐸᐃᒃ᙮”
\v 16 ᒥᒄ ᐃᔅᐱ ᐸᒐᔨᒋ ᓇᐸᐛ ᑎᐱᑦ ᐎᒋᒡ, ᒥᒄ ᐃᔨᒐᐛᓇ ᒋ ‍ ᒥᔅᑯᐛᐅᒡ ᐊᓐᑕ ᓂᐸᐅᓂᒡ, ᐊᓯᒡ ᑲ ᐅᑦ ᐊᔅᑭᓂᓯᔨᒋ ᐅᐱᔎᐅᓂᔨᐛ ᐅᔅᑎᒂᓂᔨᒡ᙮
\p
\v 17 ᐃᔅᐱ ᑲ ‍ ᐎᑎᒧᐛᒡ ᐊᓂᔭ ᓴᓚ, ᒋ ‍ ᐎᓴᒪᐤ ᓴᓪ ᒪᐃᑲᓚ ᑭᔭ ᒂ ‍ ᐃᑕᑦ, “ᒐᒂᓐ ᐊᓐ ᐛᒋ ᐃᓯ ‍ ᐎᔭᓯᒥᔨᓐ ?” “ᒋᒋ ‍ ᓇᐊᔨᒪᐤ ᑲᐱᒂᓯᑦ ᒐᒋ ᒋᑎᓯᒧᑦ !”
\p ᒥᑲᓪ ᒂ ‍ ᐃᑕᑦ ᓴᓚ, “ᓂᒋ ‍ ᐃᑎᒄ ᑎᐱᑦ ᒐᒋ ᓂᐸᐃᔨᑦ ᐊᑲ ‍ ᐎᒋᐃᑲ ᒐᒋ ᒋᑎᓯᒧᑦ !”
\p
\v 18 ᑲᒋ ᒋ ᑎᓯᒪᑦ ᓴᓚ ᑎᐱᑦ, ᒋ ‍ ᓂᑐᐛᐱᒪᐤ ᓴᒻᔪᐃᓚ, ᐊᓐᑕ ᐎᒋᔨᒡ ᑲ ‍ ᑕᔨᒋ ᐊᓐᑕ ᕋᒪᔨᒡ᙮ ᒂ ‍ ᐎᑎᒧᐛᑦ ᒥᓯᐛ ᒐᒂᔪᐤ ᑲ ‍ ᐃᑎᔨᒋ ᓴᓚ ᐊ ᐎ ‍ ᓂᐸᔨᑯᑦ᙮ ᐊᑯ ᓴᒻᔪᐃᓪ ᑭᔭ ᑎᐱᑦ ᐊᑐᑕᒡ ᐊᓐᑕ ᓇᐃᐅᑦ ᐊᓂᔭ ᐱᔅᒐ ᕋᒪ ᐅᑕᓇᒡ ᐃᑕᐅᓂᔪᐤ ᑭᔭ ᐊᑯᑕ ᑲ ‍ ᑕᒡ᙮
\v 19 ᒋ ‍ ᐎᑎᒪᑯᐤ ᓴᓪ ᐊᐛᔪᐛ ᓇᐃᐅᑦ ᐊ ‍ ᑕᔨᒋ ᑎᐱᑕ᙮
\v 20 ᐊᑯ ᓴᓪ ᐊᑎᓴᐛᑦ ᑲ ‍ ᐱᒧᑕᔨᒋ ᐃᔨᒧᐅᓂᔪᐤ ᒐᒋ ᒪᑯᓇᔨᒋ ᑎᐱᑕ᙮ ᐃᔅᐱ ᑲ ‍ ᑎᑯᓯᒡ ᐊᓐᒡ ᑲ ‍ ᐱᒧᑕᒡ ᐃᔨᒧᐅᓂᔪᐤ ᐊᓐᑕ ᕋᒪᔨᒡ, ᒋ ‍ ᓂᒋᔅᑯᐛᐅᒡ ᐱᔅᒐ ᓇᐸᐛ ᐊ ‍ ᒋᔅᒋᐛᐃᒐᔨᒋ ᑭᔭ ᓴᒻᔪᐃᓪ ᐊᓐᑕ ᒋ ‍ ᑕᐤ, ᐊᓂᑲᓂᔅᑯᐛᑦ᙮ ᐃᔅᐱ ᓴᓪ ᑲ ‍ ᐱᒧᑕᔨᒋ ᐃᔨᒧᐅᓂᔪᐤ ᐅᑦ ᐃᔨᒪ ᓇᒋᔅᑯᐛᒡ, ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᒂ ‍ ᐱᒋᔅᑲᑯᒡ ᓴᓪ ᐅᑦ ᐃᔨᒪ, ᑭᔭ ᒂ ‍ ᒋᔅᒋᐛᐃᒐᒡ᙮
\v 21 ᐃᔅᐱ ᓴᓪ ᑲ ‍ ᐸᑕᐧᒃ ᒐᒂᔪᐤ ᑲ ‍ ᐃᔅᐱᔨᒡ, ᒂ ‍ ᐃᑎᓴᐛᑦ ᑲ ‍ ᐱᒧᑕᔨᒋ ᐃᔨᒧᐅᓂᔪᐤ ᐊᐅᑯ ᓂᔍᐤ, ᒥᒄ ᑭᔭ ᐎᔨᐛᐤ ᒂ ‍ ᒋᔅᒋᐛᐃᒐᒡ᙮
\v 22 ᒐᒄ, ᒥᒄ ᐎᔾ ᓴᓪ ᒂ ‍ ᐃᑐᑕᑦ ᐊᓐᑕ ᕋᒪᔨᒡ᙮ ᐃᔅᐱ ᐛᑎᑕᐧᒃ ᒧᓇᔨᐸᓂᔪᐤ ᐊᓐᑕ ᓯᑯ ᐅᑕᓇᒡ, ᒋ ‍ ᑯᒂᒋᒧᐤ ᐊᓐᑕ ᐃᔪᐛ, “ᑕᓐᑕ ᐊᓂᔭ ᓴᒻᔪᐃᓪ ᑭᔭ ᑎᐱᑦ ?”
\p “ᓇᐃᐅᑦ ᐊᓐᑕ ᕋᒪᔨᒡ ᐃᑕᐅᒡ,” ᒋ ‍ ᐃᑎᑯᐤ ᐃᔪᐛ᙮
\p
\v 23 ᐃᔅᐱ ᓴᓪ ᐊᑐᑕᑦ ᓇᐃᐅᑦ ᐃᓯ, ᒋᓴᒪᓂᑐᐛ ᐅᑦ ᐊᒐᐧᑯᐛ ᐃᔭᐱᔅ ᒂ ‍ ᐱᒋᔅᑲᑯᑦ᙮ ᒪᒂᒡ ᐊᑎ ‍ ᐱᒧᑕᑦ, ᒋ ‍ ᒋᔅᒋᐛᐃᒐᐤ ᐸᑐᔅ ᐛᑎᑕᐧᒃ ᓇᐃᐅᑦ ᐅᑕᓇᔪᐤ,
\v 24 ᐊᑯᑕ ᒂ ‍ ᒥᓇᔅᐱᓱᑦ ᑭᔭ ᒂ ‍ ᒋᔅᒋᐛᐃᒐᑦ ᐅᑎᔅᑯ ᓴᒻᔪᐃᓚ᙮ ᒋ ‍ ᐱᒥᓯᓐ ᐊᓐᑕ ᒧᔅᑎᔅᑭᒥᒡ ᐊ ‍ ᒋᔅᒋᐛᐃᒐᑦ ᐊᔅᑭᓐ ᒋᓯᑲᐛ ᑭᔭ ᐊᔅᑭᓐ ᑎᐱᔅᑲᐛ᙮ ᐊᐅᑯᓐ ᑲ ᐅᒋ ᒋᒋᐱᔨᒡ ᐃᔅᐱ ᐃᔪᒡ ᐎᔭᐱᒪᑥᐎ ᐊ ‍ ᐃᑎᔪᒋ ᐊᓂᔭ ᐊᐛᔪᐛ ᐊ ᐊᑲ ᐸᓱᐛᔨᑕᑭᓄᐎᔨᒡ, ᒋ ‍ ᒪᒥᑐᓇᔨᑎᒧᒡ ᑕᓐ ᑲ ‍ ᐃᔅᐱᔨᒋ ᓴᓚ, ᑭᔭ ᒂ ‍ ᐃᔅᒋᔄᒡ, ᓂ ‍ ᒥᔅᑲᑕᔨᑕᓇᓐ, ᒧᔭᒻ ᑲ ‍ᐃᓯ ‍ ᒥᔅᑲᑕᔨᑕᒡ ᐃᔪᒡ ᑲ ‍ ᐛᐱᒪᒡ ᓴᓚ ᒧᔭᒻ ᐅᒋᔅᒋᐛᐃᒐᓱᐛ ᐊ ‍ ᐃᔨᑎᔨᒋ ?”
\c 20
\s1 ᒠᓂᑎᓐ ᒋ ‍ ᐎᒋᐊᐤ ᑎᐱᑕ ᒐᒋ ᒋᑎᓯᒪᔨᒋ ᓴᓚ
\p
\v 1 ᑎᐱᑦ ᒋ ‍ ᒋᑎᓯᒧᐤ ᓇᐃᐅᑦ ᐃᑕᐅᓂᔪᐤ ᐊᓐᑕ ᕋᒪᒡ ᐅᑕᓇᒡ ᐅᒋ᙮ ᒠᓂᑎᓇ ᒋ ‍ ᓂᑐᐛᐱᒪᐤ ᑭᔭ ᒂ ‍ ᑯᒂᒋᒪᑦ, “ᒐᒂᓐ ᑲ ‍ ᑐᑎᒪᓐ ᒐ ‍ ᐊᑲ ᒥᔽᔨᑎᒥᔨᒃ ᒍᑕᐎᔾ ? ᒐᒂᓐ ᐊᓐ ᑲ ᒥᒋᑐᑎᒪᓐ? ᒐᒂᔪᐤ ᐛᒋ ᐎ ‍ ᓂᐸᐃᑦ ?”
\p
\v 2 ᒠᓂᑎᓐ ᒂ ‍ ᐃᑕᑦ “ᑕᑈ ᓇᒪ ᒋ ᐎ ‍ ᓂᐸᐃᒄ ᓄᑕᐎᔾ! ᓇᓂᑎᒻ ᓂ ‍ ᐎᑎᒪᒄ ᐊᒺᔭ ᐃᑐᑕᐧᒃ ᒐᒂᔪᐤ ᑲ ‍ ᐎᔭᔨᑕᐧᒃ᙮ ᓂ ‍ ᐎᑎᒪᒄ ᐊ ‍ ᒋᔅᑕᔨᑕᑯᓂᔨᒋ ᒐᒂᔪᐛ ᐊᐎᔭᔨᑕᐧᒃ ᒐᒋ ᑐᑕᐧᒄ᙮ ᓂ ‍ ᒐᒋᓇᐅᓐ ᒐ ‍ ᐊᑲ ᐊᓄᐛᑕᐧᒃ ᒐᒋ ᐎᑎᒧᐅᑦ ᑲ ‍ ᐎᔭᔨᑎᒥᒂ ᒐᒋ ᓂᐸᔨᔅᒄ ? ᐊᑯ ᓇᒪ ᑕᑈᒥᑭᓐ ᐊᓐ ᒐᒂᓐ ᐊᔅᒋᔄᔨᓐ᙮”
\p
\v 3 ᐊᑯ ᑎᐱᑦ ᒂ ‍ ᒋᒋ ‍ ᐃᑕᑦ ᐅᔭ ᒠᓂᑎᓇ: “ᒥᔪᐤ ‍ ᒋᔅᒐᔨᑎᒻ ᒋᑐᐎᔾ ᐊ ‍ ᒥᔪᐤ ‍ ᐎᒐᐛᑭᓂᑕᑐᐛᐧᒄ, ᐊᑯ ᒂ ‍ ᐃᑎᑎᓱᑦ, ᓇᒪ ᓂᑭ ‍ ᐎᑎᒧᐛᐤ ᒠᓂᑎᓐ ᒐᒂᔪᐤ ᒐ ᑐᑎᒧᒡ, ᐎᑎᒧᐅᒂ, ᓇᒪ ᒋᑭ ‍ ᒥᔽᔨᑎᒻ, ᐊᑯ ᑭᔭ ᒐ ‍ ᐎᑎᒧᐛᑦ ᑎᐱᑕ᙮’ ᒥᒄ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ ᑭᔭ ᒋᔾ ᐊ ‍ ᐱᒪᑎᓯᔨᓐ, ᓴᔅ ᐸᓱᓇᑯᓐ ᒐᒋ ᓂᐸᔨᑯᐅᔭᓐ᙮”
\p
\v 4 ᒠᓂᑎᓐ ᒂ ‍ ᐃᑕᑦ ᑎᐱᑕ,, “ᓂᑭ ‍ ᑐᑕᓐ ᒥᒄ ᒐᒂᓐ ᐊ ‍ ᐃᓯᔨᓐ ᒐᒋ ᑐᑎᒪᓐ᙮”
\p
\v 5 ᑎᐱᑦ ᒂ ‍ ᐃᑕᑦ: ᐛᐸᒐ ᒋᑭ ‍ ᒥᑯᓴᓇᓐ ᑲ ‍ ᐅᔅᒋᑦ ᐱᓯᒻ, ᓇᓂᑎᒻ ᓂ ᐅᒋ ‍ ‍ ᒥᒋᓱᒪᐤ ᒋᓴᐅᒋᒪᐤ ᐊᓂᔭ ᒥᑯᓴᓂᔪᐤ᙮ ᒥᒄ ᐛᐸᒐ, ᓂᑭ ᑲᓱᓐ ᐊᓐᑕ ᓂᑕᐅᐃᒋᑕᑭᓂᒡ, ᑭᔭ ᐊᑯᑕ ᒐ ‍ ᐃᑕᔭᓐ ᐸᐃᒄ ᑎᐱᔅᑲᐛ᙮ ᓂᑭ ‍ ᐃᑕᓐ ᐊᓐᑕ ᐃᔅᐱᔅ ᐅᑕᑯᓯᔨᒐ ᐅᓱᐛᐸᒐ᙮
\v 6 ᐃᔅᐱ ᑭᒂᒋᒐᒧᒐ ᐊ ᐊᑲ ᐃ ᑕᐅᒡ, ᒐ ‍ᐃᑎᑦ, ‘ᑎᐱᑦ ᓂᒋ ‍ ᑯᒂᒋᒥᒄ ᒐᒋ ᑕᑈᑐᐅᒄ ᒐᒋ ᐃᑐᑕᑦ ᐎᒋᒡ ᐊᓐᑕ ᐸᑎᓕᐊᒥᒡ, ᐊᓐᑕ ᒐ ‍ ᒥᑐᔅᑕᐊᒪᒐᒡ ᐊᐸᐃᑯᔅᑲᓇᓯᑦ ᐊᓯᑯᒻ ᐱᐳᓇ ᒪᑐᔅᑕᐊᒪᒐᐅᓂᔪᐤ ᒪᒂᒡ ᐅᔭ ᒪᑯᓴᐅᓂᔪᐤ᙮’
\v 7 ᑭᒪᐃᔅᐱ ᒍᑕᐎᔾ ᐃᔅᒋᔄᒐ, ‘ᐊᐅᑯᓐ ᒧᔭᒻ’ ᐊᑭ ᒐ ‍ ᒋᔅᒐᔨᑎᒪᓐ ᒐ ‍ ᒥᔪᐱᔨᔭ᙮ ᒥᒄ ᐃᔅᐱ ᒋᒋᐛ ᒋᔄᐱ,, ᒋᑭ ‍ ᒋᔅᒐᔨᑕᓐ ᑕᑈ ᑲ ‍ ᐎᔭᔨᑕᐧᒃ ᒐᒋ ᐊᐧᑯᐎᔨᑦ᙮
\v 8 ᒥᔽᔨᑕᑯᓯᔅᑐᐎ, ᒋᒋ ‍ ᐸᑕᒄ ᑎᐸᔨᒋᒐᓱᐤ ᐃᔅᐱ ᑲ ᒋᒋ ‍ ᓂᔅᑯᒧᐎᔨᓐ ᒋᔾ ᑭᔭ ᓂᔾ ᒐ ‍ᒥᔪᐤ ‍ ᐎᒐᐛᑭᓂᑐᔭᐧᒄ᙮ ᐊᓯᓇᑯᓂᒂ ᒐᒋ ᐊᓄᐛᔨᒥᑯᐅᔭᓐ, ᒋᔾ ᓂᐸᔨ᙮ ᓇᒪ ᒋ ᓂᑐᐛᔨᑎᓐ ᒐᒋ ᓇᐊᔨᒥᑦ ᒍᑕᐎᔾ ᒐᒋ ᐊᓄᐛᔨᒥᑦ᙮”
\p
\v 9 ᒠᓂᑎᓐ ᒂ ᐃᑕᑦ “ᓇᒪ ᓂᑕ ᓂᑭ ‍ ᑐᑕᓐ ᐊᓐ! ᒥᒄ ᒋᔅᒐᔨᑎᒪᓇ ᓄᑕᐎᔾ ᑕᑈ ᐊ ᐎ ‍ ᓂᐸᐃᔅᒄ, ᓇᔅᒡ ᑕᑈ ᒋᑭ ‍ ᐎᑎᒪᑎᓐ᙮”
\p
\v 10 “ᒂ ‍ ᑭᒂᒋᒪᑦ ᑎᐱᑦ, ᑕᓐᑕ ᒐ ᐅᒋ ‍ ᒋᔅᒐᔨᑎᒪᓐ ᓂᔎᐛᓯᔨᔅᑲ ᒍᑕᐎᔾ ᐊᐊᑯᔨᐛᓯᑦ ?”
\p
\v 11 ᒠᓂᑎᓐ ᒂ ‍ ᐃᑕᑦ “ᐸᒋ ᐎᒐᐎ᙮ ᓂᑕᐅᒋᑭᓂᔅᒋᒡ ᒋᑭ ᐃᑐᑕᓇᓄᐤ, ᑭᔭ ᒋᑭ ‍ ᐎᑎᒪᑎᓐ,” ᐊᑯ ᒪᒧᐤ ᒂ ‍ ᐃᑐᑕᒡ ᐊᓐᑕ ᓂᑕᐅᒋᒋᑭᓂᔅᒋᒡ᙮
\p
\v 12 ᐊᑯ ᒠᓂᑎᓐ ᒂ ‍ ᐃᑕᑦ ᑎᐱᑕ: “ᓂᑦ ᐊᓱᑎᒪᒐᓐ ᐅ ᒪᒂᒡ ᑎᐸᔨᒋᒐᓱᐤ, ᐊᓂᔭ ᒋᓴᒪᓂᑐᐛ ᐊᔭᒥᐊᔅᑐᐛᒡ ᐃᔅᕋᐃᓪ ᐃᔪᒡ, ᐊᓂᑐᑕᐧᒃ: ᐅ ᑎᐸᔨᑭᓐ ᐱᓯᒧᐧᑲᓂᒡ ᐅᓱ ᐛᐸᒐ ᓂᑭ ᐎ ‍ ᒋᔅᒐᔨᑕᓐ ᑕᓐ ᐊ ‍ ᐃᑕᔨᒥᔅᒃ ᓄᑕᐎᔾ᙮ ᒪᔪᐛᒋᒥᔎ, ᒐᔅᑎᓇᔅ ᒋᑭ ‍ ᐃᑎᓴᐊᒪᑎᓐ ᐃᔨᒧᐅᓐ ᒐᒋ ᐎᑎᒪᑕᓐ ᐊᓐ᙮
\v 13 ᒥᒄ ᐎᔭᔨᑕᒐ ᒐᒋ ᓂᐸᔨᔅᒃ, ᒋᑭ ‍ ᑐᑕᑎᓐ ᒐᒋ ᒋᔅᒐᔨᑎᒥᓐ ᐊᓐ, ᑭᔭ ᒋᑭ ᐎᒋᔨᑎᓐ ᓱᒐᔨᒧᐅᓂᒡ ᒐᒋ ᒋᑎᓯᒧᔨᓐ᙮ ᓂᑐᐛᔨᒪᐤ ᑎᐸᔨᒋᒐᓱᐤ ᒐᒋ ᐊᒂᒡ ‍ ᐊᓏᔨᒥᑦ ᐊᑲ ᐊᓐ ᑐᑎᒪᑕᓇ᙮ ᓂᑦ ᐊᔅᐸᔨᒧᓐ ᒐᒋ ᐎᒐᐅᔅᒃ ᑎᐸᔨᒋᒐᓱᐤ ᑭᔭ ᐎᒋᔨᔅᒃ ᒧᔭᒻ ᑲ ᐃᓯ ‍ ᐎᒋᐊᑦ ᓄᑕᐎᔭ᙮
\v 14 ᒥᒄ ᒪᒂᒡ ᐊᔅᒄ ᐊ ‍ ᐱᒪᑎᓯᔭᓐ, ᒐ ᐸᒋ ‍ᒥᔪᐤ ᑐᑐᐎᔨᓐ ᒧᔭᒻ ᑲ ᐃᓯ ‍ ᒥᔪ ‍ ᑐᑐᐅᑦ ᑎᐸᔨᒋᒐᓱᐤ, ᑭᔭ ᒐ ᐊᑲ ᓂᐸᐃᔨᓐ ᐃᔅᐱ ᒋᓴᐅᒋᒪᐎᔨᓇ,
\v 15 ᒥᒄ ᐳᓂᐱᒪᑎᓯᔭᓇ, ᒐ ᐊᑲ ‍ ᓂᑕ ᓂᑲᐎᓐ ᐊ ‍ ᒥᔪᑐᑐᐅᑥᐤ ᐊᐸᔨᑭᔅᑲᓇᓯᔭᓐ, ᐊᑎᓱᒃ ᒋ ‍ ᓂᓱᐅᓇᒋᐊᑦ ᑎᐸᔨᒋᒐᓱᐤ ᒥᓯᐛ ᐊᑎᓯᔨᒋ ᑲ ‍ ᐱᒂᑎᔨᑕᑯᐤ ᐊᓐᑕ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᔪᐤ᙮”
\p
\v 16 ᑎᐱᑦ ᒋ ‍ ᓂᔅᑯᒧᐤ᙮ ᐊᑯ ᒠᓂᑎᓐ ᒂ ᒋᒋ ‍ ᐊᓱᑎᒧᐛᑦ ᑎᐱᑕ᙮ ᑭᔭ ᒂ ‍ ᐃᔅᒋᔄᑦ, “ᑭᒪ ᑎᐸᔨᒋᒐᓱᐤ ᓂᓱᐅᓇᒋᐊᑦ ᒥᓯᐛ ᑲ ‍ ᐱᒂᑎᔨᑕᑯᐤ᙮”
\v 17 ᑭᔭ ᒠᓂᑎᓐ ᒂ ‍ ᓂᑐᐛᔨᒪᑦ ᒐᒋ ᐎᑎᒥᔨᒋ ᒥᓐ ᑲ ᒋᒋ ‍ ᐊᓱᑎᒪᑯᑦ ᒐᒋ ᒥᔪᐤ ᐎᒐᐛᑭᓂᑕᑯᑦ, ᐛᔅ ᒠᓂᑎᓐ ᒋᓴᒋᐊᐤ ᑎᐱᑕ ᒧᔭᒻ ᐊᔅᐱᔅ ‍ ᓴᒋᐃᓱᑦ᙮
\p
\v 18 ᐊᑯ ᒠᓂᑎᓐ ᐊᔅᒋᔄᑦ “ᐛᐸᒐ ᐊ ᐅᔅᒋᑦ ᑎᐱᔅᑲᐤ ᐱᓯᒻ ᒥᑯᓴᐅᓐ ᒋᑭ ‍ ᒥᑯᓴᓇᓄᐤ᙮ ᐃᔅᐱ ᐊᑲ ‍ ᐃᑕᔨᓇ ᐊᓐᑕ ᒋᐸ ᐱᓇᐱᓐ ᐃᔅᐱ ᒥᒋᓱᔭᒐ, ᓄᑕᐎᔾ ᒋᑭ ‍ ᐛᐸᑎᒻ ᐊᑲ ᐃᑕᔨᓐ᙮
\v 19 ᐅᓱᐛᐸᒐ, ᐅᑕᑯᓯᔨᒐ ᒐ ‍ ᐃᑐᑕᔨᓐ ᐊᓐᑕ ᓂᔅᑎᒻ ᑲ ‍ ᑲᓱᐎᔨᓐ᙮ ᒐ ‍ ᐊᓯᓄᐛᓯᔨᓐ ᐊᓐᑕ ᐊᐱᔅᑯ ᔅᑕᒋ ᐊᓯᓂᔭ᙮
\v 20 ᓂᑭ ‍ ᐸᒋ ‍ ᐎᐎᓐ ᑭᔭ ᒐ ᐊᑎ ᐸᒧᑎᒂᔭᓐ ᓂᔅᑐ ᐊᑭᔅᑭᒡ ᒧᔭᒻ ᐊ ᐎ ‍ ᐱᒧᑎᒂᑎᒪᓐ ᒐᒂᓐ᙮ ᒧᔅᑎᔅᑭᒥᒡ ᒋᑭ ‍ ᐸᒋᓯᓄᐅᒡ ᐊᑭᔅᑭᒡ ᒥᒋᒪ ᐊᓐᑕ ᐊᐱᔅᑯ ᔅᑕᒋ ᐊᓯᓂᔭ᙮
\v 21 ᐊᑯ ᒐ ‍ ᐃᑎᓴᐅᒃ ᐊᓐᑕ ᓇᐸᔅ ᒐᒋ ᑲᐤ ᐸᑐᐅᑦ ᐊᓂᔭ ᐊᑭᔎ᙮ ᐃᔅᐱ ᐸᑐᐎᓇ ᐊᔨᑎᒄ, ‘ᒥᒋᒪ ᐊ ‍ ᐃᑕᔭᓐ ᑕᐅᒡ,’ ᐊᑯ ᒐᔅᑎᓇᔅ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᒋᑭ ‍ ᒋᔅᒐᔨᑕᓐ ᒥᓯᐛ ᒐᒂᓐ ᒥᔪᐱᔨᒡ, ᑭᔭ ᒐ ᐊᑲ ᓂᐸᔨᔅᒃ ᓴᓪ᙮
\v 22 ᒥᒄ ᐃᔨᑎᑲ, ‘ᐊᑎᑐᐤ ᐛᔪᐤ ᐃᑕᐅᒡ,’ ᒋᑭ ‍ ᒋᔅᒐᔨᑕᓐ ᑎᐛᒡ ᒐ ᐎ ‍ ᒋᔅᑐᑕᔨᓐ, ᐛᔅ ᑎᐸᔨᒋᒐᓱᐤ ᒋ ᐎ ‍ ᑐᑕᒃ ᒐᒋ ᔅᑐᑕᔨᓐ᙮
\v 23 ᑭᒪ ᑭᓄᐛᔨᒥᑕᐧᒄ ᑎᐸᔨᒋᒐᓱᐤ ᑭᔭ ᑐᑕᑕᐧᒄ ᒐ ᐊᑲ ᓂᑕ ᐅᓂᒋᔅᒋᑎᒪᐧᒃ ᒐᒂᓐ ᑲ ‍ ᐊᓱᑎᒪᑐᔭᐧᒄ᙮”
\p
\v 24 ᐊᑯ ᑎᐱᑦ ᒂ ‍ ᐃᑐᑕᑦ ᑭᔭ ᒂ ‍ ᑲᓱᑦ ᐊᓐᑕ ᓂᑕᐅᒋᑕᑭᓂᒡ᙮ ᐃᔅᐱ ᒐᒋᐱᔨᒡ ᐊ ‍ ᒥᑯᓴᓄᐎᔨᒡ ᐅᔅᒋ ᑎᐱᔅᑲᐤ ᐱᓯᒻ, ᒂ ‍ ᓇᐊᔨᐱᑦ ᒋᓴᐅᒋᒪᐤ ᒐᒋ ᒥᒋᓱᑦ᙮
\v 25 ᐊᓐᑕ ᓇᓂᑎᒻ ᑲᒋ ᐊᐱᑦ ᒋ ‍ ᐊᐳᐤ, ᒥᒋᒪ ᐊᔅᑎᒥᑎᒡ ᐊᐸᑕᔅᑎᒥᐱᔅᑐᐛᑦ ᒠᓂᑎᓇ᙮ ᒂ ‍ ᐱᔨᒋ ᐊᓐᑕ ᑲᒥᒡ ᐊᑕᑦ, ᑭᔭ ᐊᑉᓂᕐ ᓂᑐᐱᔪᐅᐃᔪᐛ ᐅᒋᒪᐤ ᓴᓚ ᒋ ‍ ᐎᑎᐱᒪᐤ᙮ ᒥᒄ ᓇᒪ ᐊᐛᓐ ᐅᒋ ᐊᐳᐤ ᐊᓐᑕ ᑎᐱᑕ ᑲᒋ ‍ ᐊᐱᔨᒋ᙮
\v 26 ᐊᓂᔭ ᒋᓯᑯᔪᐤ, ᓴᓪ ᓇᒪ ᐅᒋ ᐃᔭᔨᒧᒪᐤ ᑎᐱᑕ, ᐛᔅ ᒋ ‍ ᐃᑕᔨᑎᒻ, “ᒋ ‍ ᐃᔅᐱᔨᒐ ᒐᒂᓐ ᐊ ‍ ᐃᑐᑕᑯᑦ ᑎᐱᑦ ᐊ ᐊᑲ ᓇᔨᐱᔨᒡ ᒐᒋ ᐊᔭᒥᐊᔅᑐᐛᑦ ᒋᓴᒪᓂᑐᐛ᙮”
\v 27 ᒥᒄ ᒥᓐ ᐎᔭᐱᓂᔨᒡ, ᐃᔅᐱ ᑎᐱᑦ ᐊᑲ ᐊᐱᑦ ᐊᓐᑕ ᐅᑦ ‍ ᐊᐳᐅᓂᒡ, ᓴᓪ ᒋ ‍ ᑯᒂᒋᒪᐤ ᒠᓂᑎᓇ, “ᒐᒂᔪᐤ ᒪᒃ ᐛᒋ ᐊᑲ ᐃᑕᑦ ᐅᑕ ᒐᓯᔾ ᐅᑯᓴ ᒐᒋ ᐎᒋ ‍ ᒥᒋᓱᒥᑕᐧᒄ ᐅᑕᑯᓯᒡ ᑭᔭ ᐊᓄᒡ ?”
\p
\v 28 ᒠᓂᑎᓐ ᒂ ‍ ᐃᑕᑦ, “ᑎᐱᑦ ᓂᒋ ‍ ᓂᑐᐛᔨᑎᒪᒄ ᒐᒋ ᑕᑈᑐᐅᒄ ᒐᒋ ᐃᑐᑕᑦ ᐊᓐᑕ ᐸᓕᐊᒥᒡ᙮
\v 29 ᓂᒋ ‍ ᐃᑎᒄ, ‘ᓇᐊᔨᒥ ᒐᒋ ᔅᑐᑕᔭᓐ, ᐛᔅ ᒋᐧᑲᓂᓯᓄᐅᒡ ᒋᑭ ‍ ᒥᑐᔅᑕᐊᒪᒐᐅᒡ᙮ ᓇᔅᒡ ᓂᒋ ᓂᑐᐛᔨᒥᒄ ᓂᔅᑕᔅ ᒐᒋ ᑕᐅᒡ ᐊᓐᑕ᙮ ᐊᑯ ᓇᐊᔨᒥ ᒐᒋ ᓂᑐᐛᐱᒥᒂᐤ ᒐᒋ ᑕᐅᒡ ᐊᓐᑕ ᐊᑕᒡ ᓂᔅᑕᓯᒡ᙮’ ᓂᒋ ‍ ᑕᑈᑐᐛᐤ ᑎᐱᑦ ᒐᒋ ᒋᑐᑕᑦ, ᑭᔭ ᐊᐅᑯᔪᐤ ᐛᒋ ᐊᑲ ᐃᑕᑦ ᐅᑕ ᒐᒋ ᐎᒋ ‍ ᒥᒋᓱᒥᑕᐧᒃ᙮”
\p
\v 30 ᓴᐊᓪ ᒋᒋᐛ ᒋᔄᐱᔅᑐᐛᐤ ᒠᓂᑎᓇ᙮ ᒋ ‍ ᐊᔭᓯᒂᑕᐤ, “ᑲ ‍ ᒋᔎᐸᑕᐧᒃ ᐱᑎᑯᓴᓐ ! ᓂ ‍ ᒋᔅᒐᔨᑕᓐ ᐊ ‍ ᑕᑈᐅᒐᔨᒥᑎ ᒐᓯᔾ ᐅᑯᓴ᙮ ᐅ ᐊ ‍ ᐃᑐᑎᒥᓐ, ᒋᑭ ‍ ᑐᑕᓐ ᒐᒋ ᓂᓇᐸᐅᓯᔭᒄ ᒋᔾ ᑭᔭ ᒋᑲᐎᔾ᙮
\v 31 ᒐ ‍ ᐃᔅᐱᔅ ᐱᒪᑎᓯᔨᒋ ᒐᓯᔾ ᐅᑯᓴ, ᓇᒪ ᓂᑕ ᒋᑭ ‍ ᒋᓴᐅᒋᒪᐅᓐ ᑭᔭ ᓇᒪ ᓂᑕ ᒋᑭ ‍ ᑎᐸᔨᐛᐅᓯᓐ ᒋᓴᐅᒋᒪᐅᓐ ! ᐊᑯ ᐊᓄᒡ, ᐎᓴᒻ ᑎᐱᑦ, ᑭᔭ ᒐ ‍ ᐸᓱᐅᑦ ᐅᑕ ᐊᑕᐅᒡ᙮ ᒋᑭ ᐎ ‍ ᓂᐸᐊᑭᓄᐤ !”
\p
\v 32 ᒠᓂᑎᓐ ᒋ ‍ ᑯᒂᒋᒪᐤ ᐅᑕᐎᔭ, “ᒐᒂᓐ ᒪᒃ ᒋᐸ ‍ ᐅᒋ ᓂᐸᐊᑭᓄᐤ ᑎᐱᑦ ? ᒐᒂᔪᐤ ᑲ ᐃᓯ ‍ ᒥᒋᑐᑕᐧᒃ ?”
\v 33 ᐊᑯ ᓴᓪ ᑲ ‍ ᐱᒺᑦ ᒠᓂᑎᓇ ᐅᑦ ᐊᓯᒪᑭᓐ ᒐᒋ ᓂᐸᐊᑦ, ᒥᒄ ᓇᒪ ᐅᒋ ᑲᔅᑕᐅᑯᐤ ᐊᓂᔭ ᓯᒪᑭᓂᔪᐤ᙮ ᐊᑯ ᒠᓂᑎᓐ ᒂ ‍ ᒋᔅᒐᔨᒪᑦ ᐅᑕᐎᔭ ᓇᔅᒡ ᐊ ‍ ᐎ ‍ ᓂᐸᐃᒋ ᑎᐱᑕ᙮
\p
\v 34 ᒋᒋᐛ ᒋ ‍ ᒥᔅᑎᒋᔄᐳᐤ ᒠᓂᑎᓐ, ᑭᔭ ᒂ ‍ ᒋᑐᑕᑦ ᑲᐱᔅᒋᒐᔭᔨᒡ ᐅᒋ᙮ ᑲᒋ ᓂᓱ ‍ ᒋᓯᑲᔨᒡ ᐊ ᒥᑯᓴᓄᐎᒡ, ᓇᒪ ᐅᒋ ᐎ ‍ ᒥᒋᐤ ᒐᒂᔪᐤ᙮ ᒋ ‍ ᓂᓇᐧᑲᑕᔨᑎᒥᔨᑯᐤ ᒐᒂᔪᐤ ᑲ ‍ ᐃᑐᑎᒥᔨᒋ ᐅᑕᐎᔭ, ᑭᔭ ᒋ ‍ ᐊᔨᒪᔨᒪᐤ ᑎᐱᑕ᙮
\p
\v 35 ᒥᓐ ᒋᓴᐸᔭᐱᓂᔨᒡ ᒠᓂᑎᓐ ᒋ ‍ ᐃᑐᑕᐤ ᐊᓐᑕ ᓂᑕᐅᒋᑕᑭᓂᒡ ᒐᒋ ᒥᔭᑦ ᐃᔨᒧᐅᓂᔪᐤ ᑎᐱᑕ, ᒧᔭᒻ ᑲ ‍ ᓂᔅᑯᒧᑦ ᒐᒋ ᑐᑕᐧᒄ᙮ ᓇᐸᔅᒐ ᒋ ᔅᑐᑕᐊᐤ᙮
\v 36 ᒠᓂᑎᓐ ᒋ ‍ ᐃᑕᐤ ᐊᓂᔭ ᓇᐸᓴ, “ᐎᔨᐳᐎᔾ ᑭᔭ ᒐ ‍ ᓇᓂᑐᐛᐱᒥᑥᐤ ᐊᑭᔅᑭᒡ ᒐ ‍ ᐱᒧᑎᒂᔭᓐ᙮” ᒂ ‍ ᒋᒋᐸᑕᑦ ᓇᐸᔅᒡ, ᑭᔭ ᒠᓂᑎᓐ ᒂ ‍ ᐱᒧᑎᒂᑦ ᓂᑲᓐ ᐊ ‍ ᑕᔨᒋ ᐃᓯ᙮
\v 37 ᐃᔅᐱ ᓇᐸᔅᒡ ᐊᔅᐸᑕᑦ ᐊᓐᑕ ᑲ ‍ ᐸᒋᓯᓂᔨᒋ ᐊᑭᔅᑲ, ᒠᓂᑎᓐ ᒂ ‍ ᑕᑈᑦ, “ᐛᔪᐎᔅ ᐊᓐᑕ ᑕᐤ ᐊᔅᑭᒃ !”
\v 38 ᐊᑯ ᑎᔭᑈᑕᑦ ᓇᐸᔅᒐ, “ᑎᐛᒡ ᒋᑐᑕ; ᐊᑲ ᓯᓄᐛᓯ ! ᒐ ᐊᑲ ‍ ᓂᑲᐎᔨᓐ !” ᒂ ᐅᑎᓇᑦ ᓇᐸᔅ ᐊᑭᔎ ᑭᔭ ᑲᐤ ᐊᑐᑐᐛᑦ ᒠᓂᑎᓇ᙮
\v 39 ᒥᒄ ᓇᒪ ᐅᒋ ᓂᔅᑐᑎᒻ ᓇᐸᔅ ᒐᒂᔪᐤ ᑲ ‍ ᐃᔅᒋᔄᔨᒋ ᒠᓂᑎᓇ; ᒥᒄ ᒠᓂᑎᓐ ᑭᔭ ᑎᐱᑦ ᒋ ‍ ᒋᔅᒐᔨᑎᒧᒡ᙮
\v 40 ᐊᑯ ᒠᓂᑎᓐ ᒂ ‍ ᒥᔭᑦ ᐅᑦ ᐊᒐᐱᔭ ᑭᔭ ᐊᑭᔎ ᐊᓂᔭ ᓇᐸᓴ ᑭᔭ ᒂ ‍ ᐃᑕᑦ, “ᒪᒋᔾ ᑲᐤ ᐃᑐᑕᒪ ᐊᓐᑕ ᐅᑕᓇᒡ᙮”
\p
\v 41 ᐃᔅᐱ ᑲᒋ ‍ ᒋᑐᑕᑦ ᓇᐸᔅ, ᒂ ‍ ᒧᔅᒋᑦ ᑎᐱᑦ ᓴᐅᓄᒡ ᐃᑕᒐ ᑲ ‍ᐱᔅᑯ ᔅᑕᔨᒋ ᐊᓯᓂᔭ ᐅᒋ ᐊᓐᑕ ᑲ ᑲᓱᑦ᙮ ᒂ ‍ ᓇᑕᑦ ᒠᓂᑎᓇ ᑭᔭ ᓂᔍᐤ ᒂ ‍ ᐅᒋᒋᐧᑯᓂᐱᔪᐅᑦ ᐅᑎᔅᑯᐤ ᒠᓂᑎᓇ, ᐊᑕᒋᑎᓂᔨᒡ ᐅᑕᔅᑎᒥᐧᒄ ᒧᔅᑎᔅᑭᒥᒡ᙮ ᒂ ‍ ᓱᐛᔨᒥᑐᒡ ᑎᐱᑦ ᑭᔭ ᒠᓂᑎᓐ ᐊᓐᑕ ᐅᑕᒥᐧᑭᓄᐛᒡ, ᑭᔭ ᒪᒧᐤ ᒂ ᒪᒡ᙮ ᒥᒄ ᐊᑎᑐᐤ ᒋ ᒥᔅᑎ ‍ ᒪᐤ ᑎᐱᑦ ᐃᔅᐱᔅ ᒠᓂᑎᓇ᙮
\p
\v 42 ᒠᓂᑎᓐ ᒂ ‍ ᐃᑕᑦ ᑎᐱᑕ, “ᑭᒪ ᒥᓯᐛ ᐃᓯ ᒥᔪᐱᔨᓐ ᒐ ᐊᑎ ‍ ᒋᑐᑕᔨᓐ᙮ ᑎᐸᔨᒋᒐᓱᐤ ᒋ ᐸᑎᒻ ᒐᒂᔪᐤ ᑲ ᒋᒋ ‍ ᐊᓱᑎᒪᑐᔭᐧᒄ ᓇᓂᑎᒻ ᒐ ᐃᑐᑎᒪᑐᔭᐧᒄ, ᑭᔭ ᒐᒂᓐ ᑲ ‍ ᐃᔅᒋᔄᔭᐧᒄ ᒐ ᐃᓯ ‍ ᐎ ‍ ᐃᑐᑕᑐᒡ ᒋᑦ ᐊᓂᔅᑯᑕᐸᓄᐅᒡ᙮” ᐊᑯ ᑎᐱᑦ ᒂ ᒋᑐᑕᑦ, ᑭᔭ ᒠᓂᑎᓐ ᐅᑕᓇᒡ ᑲᐤ ᒂ ᐃᑐᑕᑦ᙮
\c 21
\s1 ᑎᐱᑦ ᑭᔭ ᐅᑦ ᐃᔨᒪ ᐊ ‍ ᐛᑎᒂᐱᔅᑲᒡ ᑲ ‍ ᑲᓱᒡ
\p
\v 1 ᑎᐱᑦ ᒋ ᒋᑎᓯᒧᐤ ᐊᓐᑕ ᐅᒋ ᑭᔭ ᓄᑉ ᐅᑕᓇᒡ ᒂ ‍ ᐃᑐᑕᑦ ᒐᒋ ᓇᒋ ‍ ᐛᐸᒪᑦ ᐊᔭᒥᐊᐅᒋᒪᐛ ᐊᐃᒪᓚᑲ ᙮ ᒋ ‍ ᓴᒋᓱᐤ ᐊᐃᒪᓚᒃ ᐃᔅᐱ ᑲ ‍ ᐛᐱᒪᑦ ᑎᐱᑕ ᐛᔅ ᒋ ‍ ᓴᒋᓱᐤ ᐊᒋ ᐃᔅᐱᔨᒂ ᐊᑲ ᒥᔽᔨᒡ ᒐᒂᔪᐤ᙮ ᒂ ‍ ᐃᑕᑦ ᑎᐱᑕ, “ᒐᒂᓐ ᐛᒋ ᐸᐃᑯᓯᔨᓐ ? ᒐᒂᓐ ᒪᒃ ᐛᒋ ‍ ᐊᑲ ‍ ᐎᒐᐅᔅᒡ ᓇᐸᐅᒡ ?”
\p
\v 2 ᑎᐱᑕ ᒋ ‍ ᐎᔭᓯᒪᐤ ᐊᐧᑭᒥᓕᑲ ᐊ ‍ ᐃᑕᑦ, “ᒋᓴᐅᒋᒪᐤ ᓂᒋ ‍ ᐃᑎᓴᐅᒄ᙮ ᒥᒄ ᓇᒪ ᐎ ‍ ᒋᔅᒐᔨᑎᒥᔭᐤ ᐊᐛᔪᐛ ᒐᒂᔪᐤ ᐛᒋ ‍ᐸᒋ ‍ ᐃᑎᓴᐅᑦ᙮ ᓂᒋ ‍ ᐎᑎᒧᐛᐅᒡ ᓂᑦ ᐃᔨᒥᒡ ᑕᓐᑕ ᒐ ‍ ᓂᒋᔅᑯᐅᒡ᙮
\v 3 ᐊᑯ ᓂ ᐎ ‍ ᒋᔅᒐᔨᑕᓐ, ᒋ ‍ ᑭᓄᐛᔨᑕᓐ ᐊ ᒥᒋᒻ ᒐᒋ ᒥᒋᔭᓐ, ᒋ ᐸᒋ ᒥᔨᓐ ᐊ ᐱᑕᑕᒡ ᐸᒂᓯᑭᓐᒡ, ᑭᔭ ᒪᒃ ᒥᒄ ᑯᑎᒃ ᒐᒂᓐ ᐊ ‍ ᐃᓯᓇᒂᒡ ᒥᒋᒻ ᒐ ᒥᔅᑭᒥᓐ ?”
\p
\v 4 ᐊᔭᒥᐊᐅᒋᒪᐤ ᒂ ‍ ᐃᑕᑦ ᑎᐱᑕ, “ᓇᒪ ᑕᐤ ᒋᔭᒻ ᐸᒂᓯᑭᓐ ᐅᑕ, ᒥᒄ ᑲ ᐸᔭᒋᓯᑦ ᐸᒂᓯᑭᓐ ᓂ ᑭᓄᐛᔨᒪᐤ ᐅᑎᔅᑯᐤ ᑲ ᐊᔅᑐᐛᑭᓄᐅᑦ ᑎᐸᔨᒋᒐᓱᐤ᙮ ᒋᑭ ᒋ ‍ ᒧᐛᐅᒡ ᒋᑦ ᐃᔨᒥᒡ ᐅᔭ ᐃᔅᐱ ᐊ ᐊᑲ ‍ ᐊᓄᒋᒐ ᐅᒋ ᐎᐸᒪᒂᐛ ᐃᔎᐛ᙮”
\p
\v 5 ᑎᐱᑦ ᒋ ᐃᑕᐤ, “ᓴᔅ ᒥᒐᑦ ᒋᓯᒂ ᓇᒪ ᐅᒋ ᐸᓱᐛᐱᒪᐅᒡ ᐃᔎᐛ᙮ ᓇᒪ ᒥᔭᐅᒡ ᓂᑦ ᐃᔨᒥᒡ ᒐᒋ ᒥᒋᓇᑯᐎᔨᓱᒡ ᐊ ᐎᐸᒪᒡ ᐃᔎᐛ ᒪᒂᒡ ᐊᔭᔅᑯᐎᔨᒡ ᒐᒋ ᒪᓯᒐᒡ ᐊ ‍ ᓂᑐᐱᔨᓇᓄᐎᒡ᙮ ᒋᑭ ᒥᔪᐤ ‍ ᑭᓄᐛᔨᒥᓱᐅᒡ ᒐᒋ ᓇᐊᔨᑎᒪᐊᒡ ᐊᒋᑕᐱᒥᑯᒡ ᑎᐸᔨᒋᒐᓱᐛ ᐃᔅᐱ ᒐ ‍ ᑐᑕᑥᐎ, ᑭᔭ ᐊᓄᒡ ᒐᓯᑲᔨᒡ ᒋ ᒥᔪ ‍ ᑭᓄᐛᔨᒥᓱᐅᒡ ᒐᒋ ᓇᐊᔨᑎᒪᐊᒡ ᐊᒋᑕᐱᒥᑯᒡ ᑎᐸᔨᒋᒐᓱᐛ, ᐛᔅ ᐊᓄᒡ ᐃᔅᐱᔨᑕᑕᑯᓐ ᒐᒂᓐ ᐊ ‍ ᐃᑐᑎᒪᒡ᙮”
\v 6 ᐊᐅᑯᔪᐛ ᐊᓂᔭ ᒥᒄ ᑲ ᐸᔭᒋᓯᔨᒋ ᐸᒂᓯᑭᓇ ᑲ ‍ ᑭᓄᐛᔨᒪᑦ ᐊᔭᒥᐊᐅᒋᒪᐤ ᑲ ‍ ᐊᔭᑭᓂᔨᒋ ᐅᑎᔅᑯᐤ ᐊ ‍ ᑕᔨᒋ ᑎᐸᔨᒋᒐᓱᐛ ᐊᓐᑕ ᑲ ᐸᔭᐧᑭᓂᔨᒡ ᐊᔭᒥᐊᐅᐱᒍᔭᓂᒋᐛᐱᒡ᙮ ᐊᑯ ᐱᔅᒐ ᒂ ‍ ᒥᔭᑦ ᐊᔭᒥᐊᐅᒋᒪᐤ ᑎᐱᑕ ᐊᓂᔭ ᐸᒂᓯᑭᓇ᙮ ᐊᓂᔭ ᒋᓯᑯᔪᐤ ᒋ ‍ ᐅᑎᓇᐤ ᐊᔭᒥᐊᐅᒋᒪᐤ ᐊᓂᔭ ᐸᒂᓯᑭᓇ ᐊᓐᑕ ᒥᒋᔄᐅᑭᓇᑎᑯᒡ ᐅᒋ ᑭᔭ ᒂ ‍ ᒥᔅᑯᑕᔭᑦ ᐊᓐᑕ ᐊᓄᒋᒐ ᑲ ‍ ᐱᒥᓄᐛᓂᐎᔨᒋ ᐸᒂᓯᑭᓇ᙮
\p
\v 7 ᒋ ‍ ᐃᔅᐱᔪᐤ ᒧᔭᒻ ᑐᐃᒄ, ᐃᑕᒻ ᐃᔪᐛ ᐅᒋ ᑲ ‍ ᐃᑎᔅᑲᓇᓯᑦ, ᐊ ‍ ᐃᑕᑦ ᐊᓂᔭ ᒋᓯᑯᔪᐤ ᒐᒋ ᒥᔪᓇᑯᐃᓱᑦ ᒐᒋ ᓇᐊᔨᑎᒪᐊᑦ ᐊᒋᑕᐱᒥᑯᑦ ᑎᐸᔨᒋᒐᓱᐛ, ᑭᔭ ᒋ ‍ ᐛᐸᒪᐤ ᑕᓐ ᑲ ‍ ᐃᑎᔨᒋ ᐊᐧᑭᒥᓕᑲ᙮ ᐎᔾ ᐊᐅᒄ ᐸᐃᒄ ᓴᓪ ᐅᑦ ᐊᐱᒋᐊᑭᓇ ᑭᔭ ᑲ ᓂᑲᓂᔅᑯᐛᔨᒋ ᓴᓚ ᐅ ᒪᔭᑕᓂᓯᒥᔨᐛ᙮
\p
\v 8 ᑎᐱᑦ ᒋ ‍ ᑯᒂᒋᒪᐤ ᐊᐧᑭᒥᓕᑲ, “ᒋ ‍ ᑭᓄᐛᔨᑕᓐ ᐊ ᓯᒪᑭᓐ ᑭᔭ ᒪᒃ ᓂᑐᐱᔪᐅ-ᒧᐧᑭᒪᓐ ᒐᒋ ᐊᐱᒋᔨᑕᔭᓐ ? ᓂᒋ ‍ ᐅᑎᓂᑯᓇᓐ ᒋᓴᐅᒋᒪᐤ ᒐᒋ ᐃᑐᑎᒪᒡ ᐅ ᐊᑐᔅᒐᐅᓐ ᑭᔭ ᓂᒋ ‍ ᐃᑎᑯᓇᓐ ᒋᔅᑎᑉ ᒐᒋ ᐊ ‍ ᔅᑐᑕᐅᒋᒡ, ᐊᑯ ᓇᒪ ᓂ ᐅᒋ ‍ ᐃᔅᐱᓯᓐ ᒐᒋ ᒋᔅᑐᔭᓐ ᓂᑐᐱᔪᐅ-ᐊᐱᒋᑕᐅᓇ᙮”
\p
\v 9 ᐊᐧᑭᒥᓚᒃ ᒂ ‍ ᐃᑕᑦ, “ᐊᐅᑯᐤ ᒥᒄ ᑲ ‍ ᓄᐛᔨᑎᒪᓐ ᑲᓚᐃᔨᑦ ᑲ ‍ ᑎᐸᔨᑕᐧᒃ ᒧᐧᑯᒪᓂᔪᐤ ᒥᔅᑎ ᐃᔪᐤ ᐱᓕᔅᑎᐊ ᐃᔪᐛ ᑲ ‍ ᐃᑎᔅᑲᓇᓯᑦ ᐅᒋ ᐊᓐ ᑲ ‍ ᓂᐸᔨᑦ ᐊᓐᑕ ᐃᓚ ᑲ ‍ ᐱᓴᔨᒡ᙮ ᐱᒍᐎᔭᓂᒡ ᐎᔅᑯᔭᒋᓂᑭᓂᔪᐤ, ᑭᔭ ᐅᑕᒡ ᐊᓐᑕ ᑲ ‍ ᐱᔭᐧᑲᒡ ᐊᔅᐱᒋᑯᓇᐅᓂᒡ ᑎᑯᓐ ᐊᓐᑕ ᑲ ᐸᔭᐧᑲᒡ ᐊᔭᒥᐊᐅᐱᒍᔭᓂᒋᐛᐱᒡ᙮ ᐎ ‍ ᐊᐱᒋᑕᔨᓇ, ᒐ ‍ ᐅᑎᓂᒥᓐ, ᐛᔅ ᓇᒪ ᓂᑭᓄᐛᔨᑕᓐ ᐅᑕ ᑯᑎᒃ ᓂᑐᐱᔪᐅ-ᐊᐱᒋᑕᐅᓐ᙮”
\p ᑎᐱᑦ ᒂ ‍ ᐃᑕᑦ, “ᑕᑈ ᐊ, ᓇᒪ ᐃᑎᑯᓐ ᐊ ᑯᑎᒃ ᒥᔅᑎ ‍ ᒧᐧᑯᒪᓐ ᐊᔅᐱᔅ ᒥᔽᒡ ᒧᔭᒻ ᐊᓐ! ᐸᒋ ‍ ᒥᔨ ᐊᓐ᙮”
\v 10 ᐊᑯ ᐊᐧᑭᒥᓚᒃ ᒂ ‍ ᒥᔭᑦ ᒥᔅᑎ ‍ ᒧᐧᑯᒪᓂᔪᐤ, ᑭᔭ ᑎᐱᑦ ᒂ ᒋᑐᑕᑦ ᐊᓐᑕ ᐅᒋ᙮ ᐎᔾ ᑭᔭ ᐅᑦ ᐃᔨᒪ ᑲᑦ ᐅᑕᓇᒡ ᐊᓐᑕ ᐱᓕᔅᑎᐊ ᐊᔅᒋᒡ ᒂ ᐃᑐᑕᒡ, ᒐᒋ ᐃᑕᐛᒡ ᐊᓐᑕ ᒋᓴᐅᒋᒪᐛ ᐊᑭᓴ ᐊ ‍ ᑕᔨᒋ᙮
\v 11 ᒥᒄ ᐊᑭᔅ ᐅᑯᐸᓇᒪ ᓇᒪ ᐅᒋ ᑕᑈᑎᒥᔨᐛ ᐊ ‍ ᑕᔨᒋ ᐊᓐᑕ ᑎᐱᑕ᙮ ᒂ ᐃᑕᒡ ᒋᓴᐅᒋᒪᐛ ᐊᑭᓴ, “ᑎᐱᑦ ᐅ ᓇᐸᐤ, ᐃᔅᕋᐃᓪ ᒋᓴᐅᒋᒪᐤ! ᐊᐅᑯᓐ ᐅ ᑲᒋ ‍ ᒋᔅᑕᔨᒥᑯᑦ ᑲ ‍ ᐱᒂᑎᔨᑕᐧᑯᐤ ᐊ ᓂᑯᒧᑕᑯᑦ ᑭᔭ ᐊ ᓂᑭᒧᑕᑯᑦ, ‘ᓴᓪ ᒋ ‍ ᓂᐸᐊᔨᒪᐤ ᐸᐃᒂᐤ ᒐᓯᐱᔪᐤ ᑲ ‍ ᐱᒂᑎᑯᔨᒋ, ᒥᒄ ᑎᐱᑦ ᐸᐃᑯᔪᐤ ᑕᑥᐤ ᒐᓯᐱᔪᐤ ᒋ ‍ ᓂᐸᐊᐤ!’ ”
\p
\v 12 ᒋ ‍ ᐸᑐᐛᐤ ᑎᐱᑦ ᒐᒂᔪᐤ ᑲ ᐃᔅᒋᔄᔨᒋ ᐊᓂᔭ ᓇᐸᐛ, ᐊᑯ ᒂ ‍ ᑯᔅᑕᑦ ᑕᓐ ᒋᐸ ‍ ᐃᑐᑕᑯᐤ ᐊᓂᔭ ᒋᓴᐅᒋᒪᐛ ᐊᑭᓴ᙮
\v 13 ᐊᑯ ᒂ ‍ ᐎ ‍ ᒋᔎᐸᑎᒥᐧᑲᓱᑦ᙮ ᒂ ‍ ᑲᔅᑲᓯᐱᑕᐧᒃ ᐅᑕᓇᒡ ᐃᔎᑕᒥᔪᐤ ᑭᔭ ᒂ ‍ ᓇᐊᔨᑕᐧᒃ ᒐᒋ ᐃᔭᓯᑯᐎᔨᒡ ᐅᓯᐧᒄ ᐊᓐᑕ ᐎᔅᑐᐎᒡ᙮
\p
\v 14 ᐊᑯ ᐊᑭᔅ ᒂ ‍ ᐃᑕᑦ ᐅᑯᐸᓇᒪ, “ᑭᓄᐛᐱᒥᐧᒄ ᒪ ᐅ ᓇᐸᐤ ! ᒧᔭᒻ ᐊ ᒋᔎᔭᐸᑕᐧᒃ ᐃᑕᔨᑕᐧᑯᓯᐧᑲᓱᐤ! ᒐᒂᓐ ᐛᒋ ᐸᓱᐛᒄ ᐅᑕ ᐊᑕᔭᓐ ?
\v 15 ᒋᒋ ‍ ᐸᓱᐛᐛᐤ ᐊ ᐛᔅ ᐊ ᐊᑲ ᓴᔅ ᐃᔅᐱᒐᑎᒡ ᒋᔎᐃᔪᒡ ᐊᑭᓄᐛᔨᒥᒂᐤ? ᓇᒪ ᓂᑐᐛᔨᒪᐤ ᒐᒋ ᐱᒐᑦ ᓂᒋᒡ !”
\c 22
\s1 ᑎᐱᑦ ᑭᔭ ᐅᑦ ᐃᔨᒪ ᐊ ‍ ᐛᑎᒂᐱᔅᑲᒡ ᐊᓐᑕ ᐊᑐᓚᒻ ᑲ ‍ ᑲᓱᒡ
\p
\v 1 ᑎᐱᑦ ᑭᔭ ᐅᑦ ᐃᔨᒪ ᒂ ‍ ᓂᑭᑕᒡ ᑲᐊᑦ ᐅᑕᓇᔪᐤ ᑭᔭ ᐛᐱᓄᑕᒡ ᒂ ᐃᑐᑕᒡ ᒐᒋ ᑲᓱᒡ ᐊᓐᑕ ᐱᔅᑯᑎᓇᒡ ᐊ ‍ ᐛᑎᒂᐱᔅᑲᒡ ᐊᓐᑕ ᐊᑐᓚᒻ ᐅᑕᓇᒡ᙮ ᐎᐱᒡ ᒂ ‍ ᑎᑯᓯᓂᔨᒋ ᐅᔅᑕᓴ ᑭᔭ ᒥᓯᐛ ᑯᑎᑲ ᐎᐧᑲᓂᓴ, ᒂ ‍ ᐃᑐᑕᔨᒋ ᐊᓐᑕ ᐊᑕᑦ᙮
\v 2 ᐊᑯ ᑯᑎᑭᒡ ᓇᐸᐅᒡ ᒂ ᑎᑯᓯᒡ ᐊᓐᑕ᙮ ᐱᔅᒐ ᓇᐸᐅᒡ ᑲ ‍ ᒥᒋᐱᔨᐛᒡ, ᐱᔅᒐ ᐊᓐᒡ ᓇᐸᐅᒡ ᑲ ‍ ᒥᓯᓇᔨᒐᒡ ᓱᓇᔭᔪᐤ ᑭᔭ ᐱᔅᒐ ᐊᓐᒡ ᓇᐸᐅᒡ ᐊᑲ ᒥᔽᔨᒪᒡ ᒋᓴᐅᒋᒪᐛ᙮ ᑭᔭ ᐎᔾ᙮ ᒋ ‍ ᓇᓂᑎᒪᐱᔨᐛ ᐊᑎᑯᓯᓂᔨᒋ ᐸᑐᔅ ᓇᐤ ᒥᑕᓯᒥᑎᓄᐤ ᓇᐸᐛ ᑲᑕᔨᒋ ᐊᓐᑕ, ᑭᔭ ᒂ ‍ ᓂᑲᓂᔅᑲᑯᒡ ᑎᐱᑕ᙮
\p
\v 3 ᓇᓇᒐ ᒂ ‍ ᒋᑐᑕᒡ ᐊᓐᑕ ᐅᒋ ᑭᔭ ᐛᐱᓄᑕᒡ ᒂ ᐃᑐᑕᒡ ᒥᔅᐸ ᐅᑕᓇᒡ ᐊᓐᑕ ᒧᐊᑉ ᐊᔅᒋᒡ᙮ ᐊᑯᑕ ᒂ ‍ ᓂᑐᐛᔨᑎᒧᐛᑦ ᑎᐱᑦ ᒧᐊᐱᒡ ᒋᓴᐅᒋᒪᐛ, “ᓇᐊᔨᒥᒡ ᓄᑕᐎᔾ ᑭᔭ ᓂᑲᐎᔾ ᒐᒋ ᐎᒋᒥᔅᒡ ᐅᑕ ᐸᑐᔅ ᐃᔅᐱ ᒋ ‍ ᒋᔅᒐᔨᑎᒪᓇ ᒐᒂᔪᐤ ᒐ ‍ ᐃᑐᑎᒧᐅᑦ ᑎᐸᔨᒋᒐᓱᐤ᙮”
\v 4 ᒋ ‍ ᑕᑈᑐᐛᐤ ᒋᓴᐅᒋᒪᐤ, ᐊᑯ ᑎᐱᑦ ᐅᓂᒋᔨᒂ ‍ ᓇᓂᑎᒻ ᒋ ᑕᐛᐅᒡ ᒪᐊᑉ ᒋᓴᐅᒋᒪᐛ ᐊ ‍ ᑕᔨᒋ ᐃᔅᐱᔅ ᐊᓂᔭ ᑎᐱᑕ ᑭᔭ ᐅᑦ ᐃᔨᒥᔨᐛ ᑲ ᑲᓱᐎᔨᒋ ᐊᓐᑕ ᐊᔅᒋᒡ᙮
\p
\v 5 ᐸᐃᒂᐤ ᒋᓯᑲᔨᒡ ᐅᒋᔅᒋᐛᐃᒐᓱᐤ ᑲᑦ ᒂ ‍ ᐃᑕᑦ ᑎᐱᑕ, “ᓂᑭᑕ ᐅ ᒋ ᓂᑐᐱᔪᒋᐛᑉ᙮ ᑭᔭ ᒍᑕ ᑲᐤ ᒐ ‍ ᐃᑐᑕᔨᓐ᙮” ᐊᑯ ᑎᐱᑦ ᑭᔭ ᐅᑦ ᐃᔨᒪ ᐊᕋᑦ ᒥᓇᔎᒡ ᐊᓐᑕ ᒍᑕ ᒂ ‍ ᐃᑐᑕᒡ᙮
\s1 ᓴᓪ ᒋ ‍ ᓂᐸᐊᐤ ᐊᐱᒪᓕᑲ ᑭᔭ ᒥᒐᑦ ᑯᑎᑲ ᐊᔭᒥᐊᐅᒋᒪᐛ
\p ᐊᒋ ‍ ᑎᑯᓯᓂᔨᒋ
\v 6 ᐸᐃᒂᐤ ᒐᓯᑲᔨᒡ, ᓴᓪ ᒋ ᐎᑎᒪᑯᐤ ᐊᐛᔪᐛ ᐊᒋ ‍ ᑎᑯᓯᓂᔨᒋ ᑎᐱᑕ ᑭᔭ ᐅᑦ ᐃᔨᒥᔨᐛ ᐊᓐᑕ ᒍᑕ᙮ ᐊᓂᔭ ᒪᒃ ᒋᓯᑯᔪᐤ, ᓴᓪ ᒋ ‍ ᐊᐳᐤ ᐊᓐᑕ ᑕᒪᕆᔅᒄ ᓯᐸᔅᑎᑯᒡ ᑕᐧᑯᒡ ᐊ ‍ ᐛᑭᑕᐅᐧᑲᔨᒡ ᐊᓐᑕ ᑭᐱᐊ ᐅᑕᓇᒡ, ᐅᑦ ᐊᓯᒪᑭᓇ ᒋ ‍ ᑕᐧᑯᓇᐤ, ᑭᔭ ᒥᓯᐛ ᐅᑦ ᐊᑐᔅᒐᔭᑭᓇ ᒋ ‍ ᐛᔅᑲᑲᐳᐅᔅᑕᑯᐤ᙮
\v 7 ᒂ ‍ ᑕᑈᑕᑦ, “ᒋᔨᐛᐤ ᓇᐸᐅᒡ ᐱᓐᒋᒥᓐ ᑲ ‍ ᐃᑎᔅᑲᓇᓯᔭᒄ, ᓂᑐᑐᐅᒄ! ᒋᑦ ‍ ᐃᔨᑕᔨᑕᓇᐛᐤ ᐊ ᒥᓯᐛ ᒋᔨᐛᐤ ᒐᒋ ᒥᔨᑕᒄ ᒐᓯᔾ ᐅᑯᓴ ᓂᑕᒋᑕᑭᓂᓇ ᑭᔭ ᓱᓂᒪᐳᐤ ᓂᑕᐅᒋᒋᑭᓇ ᐎᔾ ᐅᒋᓴᐅᒋᒪᒥᔭᒂ ? ᒋᑭ ᐅᑎᓂᑯᐛᐤ ᐊ ᒥᓯᐛ ᐊᑎᓯᔭᒄ ᒐᒋ ᓂᑲᓂᔅᑯᒧᐅᒪᑯᐤ ᑭᔭ ᓂᑐᐱᔪᐅ ᐅᒋᒪᐅᐛᒄ ᐅᓂᑐᐱᔪᐅ-ᐃᔨᒪ?
\v 8 ᐊᐅᑯᓐ ᐊᓐ ᑲ ᐅᒋ ᐎ ᒋᒧᑦ ᐃᔨᑐᑐᐅᔭᒄ ᒥᓯᐛ ᐊᑎᓯᔭᒄ ? ᓇᒪ ᐊᐛᒡ ᐸᐃᒄ ᐊᑎᓯᔭᒄ ᓂ ᐅᒋ ‍ ᐎᑎᒪᒃ ᐃᔅᐱ ᑲ ᒋᒋ ‍ ᐊᓱᑎᒪᑐᒡ ᓂᑯᔅ ᒠᓂᑎᓐ ᑭᔭ ᒐᓯᒡ ᐅᑯᓴ᙮ ᓇᒪ ᐛᒋ ‍ ᐸᐃᒄ ᐊᑎᓯᔭᒄ ᓂᔅᑎᒪᒐᔨᒥᒄ᙮ ᓂᒋ ‍ ᐅᑦ ᐊᐱᒋᐊᑭᓐ ᐊᓐ ᒐᓯᒡ ᐅᑯᓴ, ᒥᒄ ᐊᓄᒡ ᓯᒋᒪᐤ ᓂᑯ ᒐᒋ ᑲᓱᔨᒋ ᓯᔅᒋᑯᒡ ᒐᒋ ᑯᓯᒂᔨᒧᑐᐎᔨᒋ, ᒧᔭᒻ ᐊᓄᒡ ᐊ ‍ ᐃᑎᔨᒋ!”
\p
\v 9 ᒥᒄ ᑐᐊᒃ ᐃᑕᒻ ᐃᔪᐤ, ᒋ ᐎᒋᑲᐳᔅᑐᐛᐤ ᓴᓚ ᐅᑯᐸᓇᒥᔨᐛ᙮ ᒋ ‍ ᐃᑕᐤ ᓴᓚ, “ᐃᔅᐱ ᑲᑕᔭᓐ ᐊᓐᑕ ᓏᑉ, ᓂᒋ ‍ ᐛᐱᒪᐛ ᒐᓯᔾ ᐅᑯᓴ ᐊ ‍ ᐃᔨᒪᐊᑦ ᐊᐧᑭᒥᓚᑲ, ᐊᓂᔭ ᐊᔭᒥᐊᐅᒋᒪᐛ᙮
\v 10 ᐊᐧᑭᒥᓚᒃ ᒋᑭ ‍ ᑭᒂᒋᒪᐤ ᑎᐸᔨᒋᒐᓱᐛ ᑕᓐ ᒋᐸ ‍ ᐃᔨᑎᔨᐛ ᑎᐱᑕ᙮ ᐊᑯ ᐊᐧᑭᒥᓚᒃ ᒂ ‍ ᒥᔭᑦ ᑎᐱᑕ ᐊᓂᔭ ᐱᔅᒐ ᒥᒋᒥᔪᐤ ᑭᔭ ᑲᓚᐃᑕ, ᐱᓕᔅᑎᐊ ᐃᔪᐛ, ᐅᒧᐧᑭᒪᓂᔪᐤ᙮”
\p
\v 11 ᐊᑯ ᓴᓪ ᒂ ‍ ᐃᑎᓱᐛᑦ ᒐᒋ ᐸᓱᐛᑭᓄᔨᒋ ᐊᐧᑭᒥᓚᑲ ᑭᔭ ᒥᓯᐛ ᐊᐧᑭᒥᓚᑲ ᐎᐧᑲᓂᓯᔨᐛ, ᑲ ‍ ᐊᔭᒥᐊᐅᒋᒪᐎᔨᒋ ᐊᓐᑕ ᓏᑉ᙮ ᐊᑯ ᒥᓯᐛ ᒋ ‍ ᓂᑐᐛᐱᒪᐅᒡ ᒋᐊᓴᐅᒋᒪᐛ᙮
\v 12 ᐊᑯ ᓴᓪ ᒂ ᐃᑕᑦ ᐊᐧᑭᒥᓚᑲ, “ᒋᔾ ᐊᐧᑭᑐᑉ ᐅᑯᓴ, ᓂᑐᑐᐎᔾ!”
\p ᐊᐧᑭᒥᓚᒃ ᒋ ᓂᔎᐛᓯᐊᐤ “ᓂᐦᐃ, ᐅᒋᒪᐤ!” ᒋ 
\p
\v 13 ᓴᓪ ᒂ ᐃᔅᒋᔄᑦ, “ᒐᒂᓐ ᐅ ᒋᔾ ᑭᔭ ᒐᓯᔾ ᐅᑯᓴ ᐛᒋ ᒋᒧᑦ ᐃᔨᑐᑐᐅᔭᒄ ᒐᒋ ᓂᓱᐅᓇᒋᔨᔭᒄ, ᒋᒋ ‍ ᒥᔭᐤ ᐸᒂᓯᑭᓇ ᑭᔭ ᓂᑐᐱᔪᐅ-ᒧᐧᑯᒪᓂᔪ᙮ ᒋᒋ ᓂᑐᑎᒧᐛᐤ ᒋᓴᒪᓂᑐᐤ ᒐᒋ ᐎᑎᒧᐛᑦ ᑎᐱᑕ ᒐᒂᔪᐤ ᒐ ‍ ᐃᑎᔨᒋ᙮ ᓂᒋ ‍ ᒪᔭᔨᒥᒄ ᑎᐱᑦ, ᑭᔭ ᐃᔭᒡ ᑲᓱᐤ ᐊᓄᒡ ᐊᓯᓂᐛᓯᑦ ᒐᒋ ᑯᓯᒂᔨᒧᑐᐅᑦ᙮”
\p
\v 14 ᐊᐧᑭᒥᓕᒄ ᒂ ‍ ᐃᑕᑦ, “ᓇᒪ ᓂᔅᑐᑕᓐ ᒐᒂᓐ ᐛᒋ ‍ ᐃᔅᒋᔄᔨᓐ ᐊᓐ, ᐛᔅ ᑎᐱᑦ, ᒋ ᓇᐊᒋᒻ, ‍ ᐅᒋᒪᐤ ᐊᓐᑕ ᐊᓐᒡ ᓇᑭᑐᐛᔨᒥᔅᒡ ᓂᑐᐱᔪᐅ-ᐃᔪᒡ, ᒋᒋᐛ ᒋ ‍ ᑕᑈᐅᒋᔨᒥᒄ᙮ ᓇᒪ ᐊᐛᓐ ᐃᑕᐤ ᐊᑎᑐᐤ ᐊ ‍ ᑕᑈᐅᒋᐊᔨᒥᔅᒄ ᐃᔅᐱᔅ ᑎᐱᑦ! ᒥᓯᐛ ᐊᐛᓐ ᐊᓐᑕ ᒋᒋᒡ ᒋᒋᐛ ᒋᔅᑕᔨᒪᐤ᙮
\v 15 ᐊᑯ ᒐᔅᑎᓇ ᓇᒥᔭᔪᐤ ᐅᔭ ᐅᔅᑭᒡ ᑲ ‍ ᓂᑐᑎᒧᐅᒄ ᒋᓴᒪᓂᑐᐤ ᒐᒋ ᐃᔅᒋᔄᑦ ᒐᒂᔪᐤ ᒐ ‍ ᐃᑐᑎᒥᔨᒋ ᑎᐱᑕ᙮ ᑭᔭ ᓇᒪ ᐃᓯᓇᑯᓐ ᒐᒋ ᑕᐸᔨᒥᔨᓐ ᑭᔭ ᒪᒃ ᐸᐃᒄ ᐊᓐᒡ ᓂᐧᑲᓂᓯᒡ ᐊ ᐎ ‍ ᓂᓱᐅᓇᒋᔨᑕᒡ, ᐛᔅ ᓇᒪ ᒐᒂᓐ ᓂᒋᔅᒐᔨᑕᓐ ᐊᐛᓐ ᐊᓂᔭ ᐊ ᐎ ‍ ᐃᑐᑕᐧᒃ᙮”
\p
\v 16 ᐊᑯ ᒋᓴᐅᒋᒪᐤ ᒂ ᑕᑈᑦ, “ᐊᐧᑭᒥᓚᒃ, ᒋᔾ ᑭᔭ ᒥᓯᐛ ᒋᐧᑲᓂᓯᒡ ᒋᑭ ‍ ᓂᐸᐊᔨᑯᓇᐛᐤ ᐊᓄᒡ!”
\p
\v 17 ᐊᑯ ᒋᓴᐅᒋᒪᐤ ᒂ ‍ ᐃᑎᓱᐛᑕᑦ ᑲ ‍ ᓇᑭᑐᐛᔨᒥᑯᑦ ᓂᑐᐱᔪᐅ-ᐃᔪᐛ᙮ “ ‍ ᓂᐸᐊᔨᒪᐧᑯᐤ ᒥᓯᐛ ᑎᐸᔨᒋᒐᓱᐤ ᐅᑦ ᐊᔭᒥᐊᐅᒋᒪᒪ, ᐛᔅ ‍ ᐎᒋᐊᐅᒡ ᐱᑎᑕ, ᑭᔭ ᒋᒧᑦ ᓂ ᐎ ‍ ᐃᔨᑐᑕᑯᒡ ᐊᓯᒡ ᑎᐱᑕ! ᒋ ‍ ᒋᔅᒐᔨᒪᐅᒡ ᐊᒋ ᐎ ‍ ᒋᑎᓱᒥᔨᒋ, ᒥᒄ ᓇᒪ ᓂ ᐅᒋ ‍ ᐎᑎᒪᑯᒡ!”
\p ᒥᒄ ᓴᓪ ᑲ ‍ ᓇᑭᑐᐛᔨᒥᑯᑦ ᓂᑐᐱᔪᐅ-ᐃᔪᐛ ᓇᒪ ᐅᒋ ᐎ ‍ ᑕᑈᑎᒥᔨᐛ ᒐᒋ ᓂᐸᐊᔨᒋ ᑎᐸᔨᒋᒐᓱᐛ ᐅᑦ ᐊᔭᒥᐊᐅᒋᒪᒥᔪᐛ᙮
\p
\v 18 ᐊᑯ ᒋᓴᐅᒋᒪᐤ ᒂ ‍ ᐃᑕᑦ ᑐᐊᑲ, “ᒋᔾ ᓂᐸᐊᔨᒡ!” ᐊᑯ ᑐᐊᒃ, ᐊᓐ ᓇᐸᐤ ᐃᑕᒻ ᐃᔪᐛ ᐊ ‍ ᐃᑎᔅᑲᓇᓯᑦ, ᐊᑯ ᒐᒍᑕᑦ ᑭᔭ ᐛᑕᒪᐛᑦ ᐅᓂᑐᐱᔪᐅ-ᒧᐧᑯᒪᓐ᙮ ᐊᓂᔭ ᒋᓯᑯᔪᐤ ᔭᓇᐤ ᑕᑐᔪᐤ ᐊᓱ ‍ ᐱᑕᑕᒡ ᒋ ᓇᐸᐊᐤ ᐊᓂᔭ ᑲ ᐳᒋᔅᑭᒥᔨᒋ ᐊᔅᐱᒋᑯᓇᐅᓂᔪᐤ ᐛᔅ ᒋᓴᒪᓂᑐᐛ ᐊᓂᔭ ᐅᑦ ᐊᔭᒥᐊᐅᒋᒪᒥᔨᐛ᙮
\v 19 ᐃᔭᐱᒡ ᒋ ‍ ᐃᑐᑕᐤ ᐊᓐᑕ ᓏᑉ ᑭᔭ ᒥᒐᑦ ᐊᓐᑕ ᒋ ‍ ᓂᐸᐊᐤ ᐃᔪᐛ, ᐊᓐᑕ ᐅᑕᓇᔪᐤ ᑲ ‍ ᐎᒋᔨᒋ ᐊᔭᒥᐊᐅᒋᒪᐛ᙮ ᐊᓯᒡ ᓇᐸᐛ ᑭᔭ ᐃᔎᐛ, ᑭᔭ ᐊᐛᓴ ᑭᔭ ᐅᔅᒋᐛᓴ, ᑭᔭ ᒥᒋ ᑎᒂ ᑭᔭ ᑲᓂᐧᑲᑎᓯᔨᒋ ᑲᐸᐃᑭᔎᐛ ᑭᔭ ᒪᔭᑕᓂᓴ᙮
\p
\v 20 ᒥᒄ ᐊᐱᐊᑕᕐ, ᐊᐧᑭᒥᓚᒃ ᐅᑯᓴ, ᒋ ᒋᑎᓯᒧᐤ, ᒋ ‍ ᒋᑎᓯᒧᐤ ᑭᔭ ‍ᒂ ᐛᑎᑕᑦ ᑎᐱᑕ ᑭᔭ ᐅᑦ ᐃᔨᒥᔨᐛ ᑲ ᐎᒐᐅᑯᐎᒋ᙮
\v 21 ᒋ ‍ ᐎᑎᒧᐛᐤ ᑎᐱᑕ ᓴᓚ ᐊᒋ ‍ ᐃᑎᓱᒪᔨᒋ ᑐᐊᑲ ᒐᒋ ‍ ᓂᐸᐊᔨᒋ ᑎᐸᔨᒋᒐᓱᐛ ᐅᑦ ᐊᔭᒥᐊᐅᒋᒪᒥᔨᐛ᙮
\v 22 ᐊᑯ ᑎᐱᑦ ᐊᑕᑦ᙮ “ᐊᓐ ᓇᐸᐤ, ᐃᑕᒻ ᐊ ‍ ᐃᑎᔅᑲᓇᓯᑦ ᐃᔪᐤ, ᑐᐅᒃ, ᒋᑕᐤ ᐊᓐᑕ ᓏᑉ ᐊᓂᔭ ᒋᓯᑯᔪᐤ ᐊᓐᑕ ᑲᑕᐅᒡ᙮ ᓇᔅᒡ ᓂᒋ ‍ ᒋᔅᒐᔨᒪᐤ ᒐ ‍ ᐎᑎᒧᐛᑦ ᓴᓚ ᑕᓐ ᑲ ‍ ᐃᔅᐱᔨᒡ᙮ ᐊᑯ ᓂᔾ ᐅ ᓂᑕᒪᔨᑕᑯᓯᓐ ᐊᒋ ‍ᓂᐸᐊᑭᓄᐅᒡ ᒍᑕᐎᔾ ᑭᔭ ᒥᓯᐛ ᐊᐸᐃᑯᔅᑲᓇᓯᑦ᙮
\v 23 ᐃᑕ ᐅᑕ ᐊ ‍ ᑕᔭᓐ: ᑭᔭ ᐊᑲ ᑯᔅᑕᒋ᙮ ᐊᓐ ᓇᐸᐤ ᐛ ‍ ᓂᐸᔨᔅᒃ ᑭᔭ ᓂᔾ ᓂ ‍ᐎ ‍ ᓂᐸᔨᒄ, ᒥᒄ ᒋᑭ ‍ᓴᒐᔨᒧᓐ ᑕᔨᓇ ᐊᑕᔭᓐ᙮”
\c 23
\s1 ᑎᐱᑦ ᑲ ‍ᐱᐧᑯᐊᑦ ᑲᐃᓚ ᐃᔪᐛ
\p
\v 1 ᐸᐃᒂᐤ ᒐᓯᑲᔨᒡ ᒋ ᐎᑎᒧᐛᐤ ᐊᐛᓐ ᑎᐱᑕ, “ᒋᑭ ᐎ ‍ ᒋᔅᒐᔨᑕᓐ ᐱᓕᔅᑎᐊ ᐃᔪᒡ ᐊᑯᓯᒂᔨᒧᑕᒡ ᑲᐃᓚ ᐅᑕᓇᔪᐤ ᑭᔭ ᒋᒧᑐᐅᒡ ᐸᒂᓯᑭᓂᒥᓇ ᐊᓐᑕ ᓇᐸᐛ ᑲᑎᐸᓂᒥᔨᒋᒋ ᐅᒋ᙮”
\v 2 ᑎᐱᑦ ᒂ ᓂᑐᑎᒧᐛᑦ ᑎᐸᔨᒋᒐᓱᐛ᙮ “ᓂᑭ ‍ ᐃᑐᑕᓇᓐ ᐊ ᓂᔾ ᑭᔭ ᓂᑦ ᐃᔨᒥᒡ ᒐᒋ ᒪᓯᐧᑯᐅᒋᒡ ᐱᓕᔅᑎᐊ ᐊ ‍ ᐃᑎᔅᑲᓇᓯᒡ ᐃᔪᒡ ?”
\p ᑎᐸᔨᒋᒐᓱᐛ ᒋ ᐃᑎᑯᐤ, “ᓂᐃ, ᒪᒋᒄ᙮ ᑯᓯᒂᔨᒧᑐᐛᐧᑯᒡ, ᑭᔭ ᒐ ‍ ᐱᐧᑯᐊᑯᒡ ᑲᐃᓚ ᐃᔪᒡ᙮”
\v 3 ᒥᒄ ᑎᐱᑦ ᐅᓂᑐᐱᔪᐅ-ᐃᔨᒪ ᒋ ‍ ᐃᑎᑯᐤ, “ᓂᑯᔅᑕᒋᓇᓐ ᓴᓪ ᒐ ᑯᓯᒂᔨᒧᑕᑕᐧᒄ ᐅᑕ ᒍᑕᐃᒡ᙮ ᐊᑎᑐᐤ ᓂᑭ ‍ ᑯᔅᑕᒋᓇᓐ ᐃᑐᑕᔭᒐ ᐊᓐᑕ ᑲᐃᓚ ᐅᑕᓇᒡ ᐊᓐᑕ ᐊᑕᒡ ᐱᓕᔅᑎᐊ ᓂᑐᐱᔪᐅ-ᐃᔪᒡ!”
\p
\v 4 ᐊᑯ ᑎᐱᑦ ᒥᓐ ᒂ ‍ᑭ ᒂᒋᒪᑦ ᑎᐸᔨᒋᒐᓱᐛ ᒐ ᐃᑐᑕᐛᒂ ᐊᓐᑕ ᑲᐃᓚ ᐅᑕᓇᒡ᙮, ᑎᐸᔨᒋᒐᓱᐤ ᒂ ‍ ᐃᑕᑦ, “ᓂᐃ, ᒪᒋᒄ ᐃᑐᑕᒄ ᐊᓐᑕ ᑲᐃᓚ ᐅᑕᓇᒡ; ᒋᑭ ‍ ᐎᒋᔨᑎᓇᐛᐤ ᒐᒋ ᓴᐧᑯᒋᔨᐊᑯᒡ ᐊᓐᒡ ᓇᐸᐅᒡ ᐱᓕᔅᑎᐊ ᐊ ‍ ᐃᑎᔅᑲᓇᓯᒡ ᐃᔪᒡ”
\v 5 ᐊᑯ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒂ ᐃᑐᑕᒡ ᐊᓐᑕ ᑲᐃᓚ ᐅᑕᓇᒡ, ᒂ ‍ ᒪᓴᐅᒡ ᐱᓕᔅᑎᐊ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑭᔭ ᒥᒐᑦ ᒋᒪᑯᓂᒺᐅᒡ ᐅᒥᒋᑎᐧᑯᒥᔨᐛ᙮ ᒥᒐᑦ ᒋ ‍ ᓂᐸᐊᐅᒡ ᐱᓕᔅᑎᐊ ᓇᐸᐛ ᑎᐱᑦ ᑭᔭ ᐅᑦ ᐃᔨᒪ ᑭᔭ ᒋ ‍ ᐎᐧᑯᒋᐊᐅᒡ ᑲᐃᓚᔨᒡ ᐃᔪᐛ᙮
\v 6 ᐊᑯ ᐊᐱᐊᑕᕐ, ᐊᐧᑭᒥᓕᒃ ᐅᑯᓴ, ᒂ ‍ ᐃᑎᓯᒧᑦ ᒐᒋ ᐃᑕᐛᑦ ᐊᓐᑕ ᑎᐱᑕ ᐊ ‍ ᑕᔨᒋ ᐊᓐᑕ ᑲᐃᓚᔨᒡ, ᑭᔭ ᒋ ‍ ᑕᐧᑯᓂᒻ ᐊᔅᐱᒋᑯᓇᐅᓂᔪᐤ ᒐᒋ ᐊᐱᒋᑕᑦ ᒐᒋ ᒋᔅᒐᔨᑕᐧᒃ ᒐᒂᔪᐤ ᓇᑐᐛᔨᑎᒥᔨᒋ ᒋᓴᒪᓂᑐᐛ ᒐᒋ ᐃᑐᑕᑭᓄᐎᔨᒡ᙮
\s1 ᓴᓪ ᒋ ‍ ᓇᓴᐛᐤ ᑎᐱᑕ
\p
\v 7 ᓇᓇᒐ, ᓴᓪ ᒂ ‍ ᒋᔅᒐᔨᑕᐧᒃ ᑎᐱᑕ ᐊ ‍ ᑕᔨᒋ ᐊᓐᑕ ᑲᐃᓚᔨᒡ, ᐊᑯ ᒂ ‍ ᐃᔅᒋᔄᑦ, “ᒥᔽᐤ ᐅ! ᒋᓴᒪᓂᑐᐤ ᓂ ‍ ᒥᔨᒄ ᒐᒋ ᑲᔅᑎᓂᒥᒋ ᑎᐱᑕ! ‍ ᒪᑯᓂᑎᓱᐤ ᐊᓐᑕ ᐊᓂᔭ ᐅᑕᓇᔪᐤ, ᐛᔅ ᐃᔅᐸᓇᔪᐛ ᐊᐛᔅᑲᑲᐳᐎᔨᒋ ᐊᓐᑕ ᐅᑕᓇᒡ ᐊᓯᒡ ᐊ ‍ ᐃᓴᑯᐅᒋ ᐃᔎᑕᒪ᙮”
\v 8 ᐊᑯ ᓴᓪ ᒂ ‍ ᐎᓴᒪᑦ ᐅᓂᑐᐱᔪᐅ-ᐃᔨᒪ, ᑭᔭ ᒂ ‍ ᐊᔭᔅᑯᐎᔨᒋ ᒐᒋ ᐃᑐᑕᔨᒋ ᐊᓐᑕ ᑲᐃᓚ ᐅᑕᓇᒡ ᒐᒋ ᑯᓯᒂᔨᒧᑐᐛᔨᒋ ᑎᐱᑕ ᑭᔭ ᐅᓂᑐᐱᔪᐅ-ᐃᔨᒥᐛ᙮
\p
\v 9 ᒥᒄ ᑎᐱᑦ ᒋ ‍ ᒋᔅᒐᔨᒪᐤ ᓴᓚ ᐊᐎᔭᔨᒪᔨᒋ ᐅᓂᑐᐱᔪᐅ-ᐃᔨᒥᐛ ᒐᒋ ᑯᓯᒂᔨᒧᑕᑯᑦ᙮ ᐊᑯ ᒂ ‍ ᐃᑕᑦ ᐊᓂᔭ ᐊᔭᒥᐊᐅᒋᒪᐛ ᐊᐱᐊᑕᕋ, “ᐸᑕ ᐅᑕ ᐊᔅᐱᒋᑯᓇᐅᓐ᙮”
\v 10 ᐃᔅᐱ ᐊᐱᐊᑕᕐ ᑲᒋ ‍ ᐸᑕᑦ, ᑎᐱᑦ ᒂ ‍ ᐊᔭᒥᐊᑦ, “ᑎᐸᔨᒋᒐᓱᐤ, ᓂᔭᓐ ᐃᔅᕋᐃᓪ ᐃᔪᒡ ᐅᒋᓴᒪᓂᑐᒥᐛᐛ, ᓂᒋ ‍ ᐸᑕᓐ ᐊ ‍ ᐎᔭᔨᑕᐧᒃ ᓴᓪ ᒐᒋ ᐸᑐᑕᑦ ᐅᑕ ᐊᓯᒡ ᐅᓂᑐᐱᔪᐅ-ᐃᔨᒪ ᑭᔭ ᒐᒋ ᓂᓱᐅᓇᒋᑕᑦ ᑲᐃᓚ ᐅᑕᓇᔪᐤ ᐛᔅ ᐅᑕ ᐊ ‍ ᐃᑕᐅᒡ᙮
\v 11 ᒋᑭ ‍ ᑎᑯᓯᓐ ᐊ ᓴᓪ ᐅᑕ ᑲᐃᓚ ᐅᑕᓇᒡ ᒧᔭᒻ ᑲ ᐃᓯ ‍ ᐎᑎᒧᐅᒡ ᐃᔪᒡ?, ᒋᑭ ‍ ᒥᔭᐅᒡ ᐊ ᑲᐃᓚ ᐅᑕᓇᒡ ᑲᓂᑲᓄᔅᑲᒐᒡ ᒐᒋ ᑲᔅᑎᓂᔨᒋ ᓴᓚ? ᑎᐸᔨᒋᒐᓱᐤ, ᓂᔭᓐ ᐃᔅᕋᐃᓪ ᐃᔪᒡ ᐅᒋᓴᒪᓂᑐᒥᐛᐛ, ᐸᒋ ‍ ᐎᑎᒧᐎ!”
\p ᑎᐸᔨᒋᒐᓱᐤ ᒂ ᐃᑕᑦ, “ᓂᐃ, ᓴᓪ ᒋᑭ ‍ ᑎᑯᓯᓐ᙮”
\p
\v 12 ᐊᑯ ᑎᐱᑦ ᒂ ‍ ᑭᒂᒋᒪᑦ, “ᒋᑭ ‍ ᒥᔭᐅᒡ ᐊ ᑲᐃᓚ ᐅᑕᓇᒡ ᑲᓂᑲᓄᔅᑲᒐᒡ ᓴᓚ ᐅᓂᑐᐱᔪᐅ-ᐃᔨᒥᐛ ᒐᒋ ᑲᔅᑎᓂᔨᒋ ᑭᔭ ᓂᓂᑐᐱᔪᐅ-ᐃᔨᒪ ᐃᑕᔭᒐ ᐅᑕ ?”
\p ᐊᓂᔭ ᐅᒋ ᐊᓯᓂᔭ ᐊᓐᑕ ᐊᔅᐱᒋᑯᓇᐅᓂᒡ, ᑎᐸᔨᒋᒐᓱᐤ ᒂ ‍ ᐃᑕᑦ, “ᓂᐃ, ᒋᑭ ‍ ᒥᔭᐅᒡ᙮”
\p
\v 13 ᐊᑯ ᑎᐱᑦ ᑭᔭ ᐊᓱᑕᒡ ᑕᑐ ᒥᓯᑕᒥᑎᓄᐤ ᐅᓂᑐᐱᔪᐅ-ᐃᔨᒪ, ᒂ ‍ ᓂᑭᑕᒡ ᑲᐃᓚ ᐅᑕᓇᔪᐤ, ᒥᒄ ᒋ ᐊᒋ ᐊᑐᒐᐅᒡ ᐸᐃᒄ ᐃᑕᐅᓂᒡ ᐅᒋ ᑭᑎᒋᔪᐤ ᐃᑕᐅᓂᔪᐤ ᐃᓯ, ᑕᓐᑕ ᒥᒄ ᑲ ‍ ᐃᑕᔨᑕᒡ ᒐ ᐊᑲ ᒥᔅᑲᑯᒡ ᓴᓚ᙮ ᐃᔅᐱ ᓴᓪ ᑲ ‍ ᒋᔅᒐᔨᑕᐧᒃ ᑲᒋ ‍ ᒋᑎᓯᒧᔨᒋ ᑎᐱᑕ ᑲᐃᓚᒡ ᐅᒋ, ᓇᒪ ᐅᒋ ‍ ᐃᑐᑕᐤ ᐊᓐᑕ᙮
\s1 ᒠᓂᑎᓐ ᑲ ‍ ᐃᔅᒋᔄᑦ ᒐ ᒋᓴᐅᒋᒪᐎᒋ ᑎᐱᑕ
\p
\v 14 ᒋ ᐃᑕᐅᒡ ᑎᐱᑦ ᑭᔭ ᐅᑦ ᐃᔨᒪ ᐊᓐᑕ ᐊ ᑲᓱᓇᓄᔨᒋ ᐃᑕᐅᓇ ᐊᓐᑕ ᐸᐧᑯᑎᔅᑭᒥᑲᒡ ᑭᔭ ᐊᓐᑕ ᐊᐛᐧᑭᑕᐅᑲᔨᒡ ᓯᑉ ᐸᐧᑯᑎᔅᑭᒥᑲᒡ᙮ ᐊᓯᑯᒻ ᒋᓯᑲᐛ ᓴᓪ ᒋ ᐃᑎᓴᐛᐤ ᓇᐸᐛ ᒐᒋ ᓇᓂᑐᐛᐱᒪᔨᒋ ᑎᐱᑕ, ᒥᒄ ᑎᐸᔨᒋᒐᓱᐤ ᓇᒪ ᐅᒋ ᓇᐊᔨᒪᐤ ᒐᒋ ᑲᔅᑎᓇᔨᒋ ᑎᐱᑕ᙮
\p
\v 15 ᒪᒂᒡ ᑎᐱᑦ ᑭᔭ ᐅᑦ ᐃᔨᒪ ᑲ ᐃᑕᒡ ᐊᓐᑕ ᐦᐅᕋᔅ ᐊ ‍ ᐃᓯᓂᐧᑲᑕᔨᒡ ᐃᑕᐅᓂᔪᐤ ᐊᓐᑕ ᓯᑉ ᐸᐧᑯᑎᔅᑭᒥᑲᒡ, ᒋᔅᒐᔨᑎᒻ ᓴᓚ ᐊ ᑎᑯᓯᓂᔨᒋ ᐊᓐᑕ ᒐᒋ ᓂᐸᐃᑯᑦ᙮
\v 16 ᒥᒄ ᓴᓪ ᐅᑯᓴ ᒠᓂᑎᓐ ᒋ ‍ ᓂᑐᐛᐱᒪᐤ ᑎᐱᑕ ᐊᓐᑕ ᐦᐅᕋᔅ ᐅᑕᓇᒡ, ᑭᔭ ᒂ ‍ ᓯᒋᒪᑦ ᒐᒋ ᓇᓂᑎᒪᐱᔨᒋ ᐊᑕᑈᐅᒐᔨᒪᔨᒋ ᑎᐸᔨᒋᒐᓱᐛ᙮
\v 17 ᒠᓂᑎᓐ ᒋ ‍ ᐃᑕᐤ, “ᐊᑲ ᑯᔅᑕᒋᒄ, ᐛᔅ ᓇᒪ ᒋᑭ ‍ᒋ ᐊᐧᑯᔨᒄ ᓄᑕᐎᔾ᙮ ᐊᔅᒄ ᐸᐃᒄ ᒋᓯᑲᐛ ᒋᑭ ‍ ᒋᓴᐅᒋᒪᐅᓐ ᐃᔅᕋᐃᓕᒡ, ᑭᔭ ᓂᔾ ᒥᓐ ᓂᑭ ᐅᒋ ᐃᑕᓐ ᐊ ‍ ᒋᔅᑕᔨᑕᑯᓯᔭᓐ ᐃᔅᕋᐃᓕᒡ᙮ ᒋᔅᒐᔨᑎᒻ ᐅᔭ ᐃᔭᐱᒡ ᓄᑕᐎᔾ᙮”
\v 18 ᐊᑯ ᐊ ‍ ᓂᓯᒡ ᒥᓐ ᒂ ‍ᐎᑕᒡ ᑲ ‍ ᐸᑕᑯᒡ ᑎᐸᔨᒋᒐᓱᐛ ᑲ ᒋᒋ ‍ ᐊᓱᑎᒪᑐᒡ, ᓇᓂᑎᒻ ᒐᒋ ᐃᔅᐱᑕᔨᒥᑐᒡ᙮ ᒠᓂᑎᓐ ᒂ ‍ ᒋᐛᑦ, ᒥᒄ ᑎᐱᑦ ᒋ ‍ ᑕᐤ ᐊᓐᑕ ᐦᐅᕋᔅ᙮
\p
\v 19 ᐱᔅᒐ ᓯᑉ ᐃᔪᒡ ᒋ ‍ ᓂᑐᐛᐱᒪᐅᒡ ᓴᓚ ᐊᓐᑕ ᑭᐱᐊ ᐅᑕᓇᒡ ᑲ ‍ ᑕᔨᒋ ᑭᔭ ᒂ ‍ ᐃᑕᒡ, “ᑲᓱᐅᒡ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᐊᓐᑕ ᒋᑦ ‍ ᐊᔅᒋᓇᒡ! ᐃᑕᐅᓂᒡ ᐊᓐᑕ ᑲᓱᐅᒡ ᐊᓐᑕ ᐧᑯᕋᔅ ᐊᑭᒐ ᐊ ‍ ᐛᑭᑕᐅᐧᑲᔨᒡ, ᓴᐅᓄᒡ ᒐᓯᒪᓐ ᐊ ‍ ᐃᓯᓂᐧᑲᑕᔨᒡ ᐃᑕᐅᓂᔪᐤ᙮
\v 20 ᐊᑯ, ᐅ ᒋᓴᐅᒋᒪᐤ, ᐃᑕᔨᑎᒥᓇ, ᒐ ‍ ᑎᑯᓯᓂᔨᓐ ᐊᓐᑕ ᒥᒄ ᐛ ‍ ᐃᔅᐱᔅ ᑎᑯᓯᓂᔨᓐ᙮ ᓂᔭᓐ ᓂᑦ ‍ ᐊᑐᔅᒐᐅᓇᓐ ᒐᒋ ᑲᔅᑎᓂᒋᒡ ᑭᔭ ᒐᒋ ᐱᔅᑎᓂᒪᑕᒡ᙮”
\p
\v 21 ᓴᓪ ᒂ ‍ ᐃᑕᑦ, “ᑭᒪ ᓱᐛᔨᑕᑯᔨᔅᒄ ᑎᐸᔨᒋᒐᓱᐤ ᐊᓐ ᐛᑎᒧᐎᔨᓐ᙮
\v 22 ᒪᒋᒄ ᑲᐤ ᐃᑐᑕᒄ ᑭᔭ ᐊᑎᑐᐤ ᓇᓂᑐᐤ ‍ ᒋᔅᒐᔨᒥᐧᒄ᙮ ᒐ ᐎ ‍ ᒋᔅᒐᔨᒪᒄ ᑕᓐᑕ ᓇᐊᐤ ᐊ ‍ ᐃᑕᑦ, ᑭᔭ ᒐ ᐎ ‍ ᒋᔅᒐᔨᒪᑯᐤ ᐊᐛᔪᐛ ᐊᓐᑕ ᑲ ‍ ᐛᐱᒥᑯᑦ᙮ ᓂᒋ ‍ ᐎᑎᒪᑯᒡ ᐃᔪᒡ ᓇᔅᒡ ᐊ ᑭᒐᐛᑕᔨᑕᑯᓯᑦ, ᐊᑯ ᑭᔭ ᒋᔭᓄᐤ ᐃᔭᐱᒡ ᒋᑭ ᐎ ‍ ᑭᒐᑕᐛᔨᑕᑯᓯᓇᓄᐤ ᒐᒋ ᐅᒋ ᑲᔅᑎᓇᐧᒄ᙮
\v 23 ᐎ ᒋᔅᒐᔨᑎᒺᐧᒄ ᒥᓯᐛ ᐃᑕᐅᓇ ᐊᓐᑕ ᒋᐸ ᒋ ‍ ᑲᓱᐅᒡ ᐎᔾ ᑭᔭ ᐅᓂᑐᐱᔪᐅ- ᐃᔨᒪ᙮ ᐊᑯ ᒐ ᐸᒋ ‍ ᐎᑎᒧᐅᔭᒄ ᒐᒂᓐ ᒐᔅᒐᔨᑎᒪᒄ᙮ ᐊᑯ ᒐ ᐊᑎ ‍ ᐎᒐᐅᑕᒡ ᓂᓂᑐᐱᔪᐅ-ᐃᔨᒥᒡ ᐃᑐᑕᔭᒂ ᐊᓐᑕ᙮ ᐃᔅᐱ ᐊᑕᒂ ᑎᐱᑦ ᒥᒄ ᐊᓐᑕ ᒐᑕᔨᒡ ᐊᐛᑎᒂᐱᔅᑲᔨᒡ ᐊᓐᑕ ᐊᔅᒋᒡ, ᓂᑭ ‍ ᓂᓇᑐᐛᐱᒪᓇᓐ ᑭᔭ ᓂᑭ ᒥᔅᑯᐛᓇᓐ᙮”
\p
\v 24 ᐊᑯ ᑲᐤ ᒂ ‍ ᐃᑐᑕᒡ ᐊᓐᒡ ᐃᔪᒡ ᐊᓐᑕ ᓯᑉ ᐊᒺᔭ ᐃᑐᑕᔨᒋ ᐊᓐᑕ ᓴᓚ᙮ ᐊᓂᔭ ᒪᒂᒡ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒪᐅᓐ ᐸᐧᑯᑎᔅᑭᒥᑲᒡ ᒋ ‍ ᑕᐅᒡ, ᓴᐅᓄᒡ ᒐᓯᒪᓐ ᐃᑕᒐ᙮
\v 25 ᓴᓪ ᑭᔭ ᐅᓂᑐᐱᔪᐅ-ᐃᔨᒪ ᒋ ‍ ᓇᓂᑐᐛᐱᒪᐅᒡ ᑎᐱᑕ᙮ ᒥᒄ ᒋ ‍ ᐸᑎᒻ ᐅᔭ ᑎᐱᑦ᙮ ᐊᑯ ᐎᔾ ᑭᔭ ᐅᓂᑐᐱᔪᐅ-ᐃᔨᒪ ᐊᑎᑐᐤ ᐛᔪᐤ ᓴᐅᓄᒡ ᒋ ‍ ᐃᑐᑕᐅᒡ ᐊᓐᑕ ᐊᓯᓂᔪᐃᒡ ᐊᐛᐧᑭᑕᐅᑲᔨᒡ ᐊᓐᑕ ᒪᐅᓐ ᐸᐧᑯᑎᔅᑭᒥᑲᒡ ᐃᑕᒐ᙮
\p
\v 26 ᓴᓪ ᑭᔭ ᐅᓂᑐᐱᔪᐅ-ᐃᔨᒪ ᐅᐱᒪ ᐊᓐᑕ ᐊᐛᐧᑭᑕᐅᐧᑲᔨᒡ ᒋ ‍ ᐱᒧᑕᐅᒡ ᑭᔭ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᐊᓐᑕ ᒂᔅᑕᒐ ᒋ ‍ ᐱᒧᑕᐅᒡ᙮ ᒋ ‍ ᑭᒐᔨᐱᔪᐅᒡ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒐᒋ ᒋᑎᓯᒪᒡ ᓴᓚᐛ ᐅᓂᑐᐱᔪᐅ-ᐃᔨᒥᔨᐛ, ᐛᔅ ᓴᓪ ᑭᔭ ᐅᓂᑐᐱᔪᐅ-ᐃᔨᒪ ᒋᒋᐛ ᒋ ‍ ᐸᓱᐛᐱᒪᐅᒡ ᑎᐱᑕ ᑭᔭ ᐅᓂᑐᐱᔪᐅ-ᐃᔨᒥᔨᐛ᙮
\v 27 ᐊᑯ ᐃᔨᒧᐅᓂᔪᐤ ᑲ ‍ ᐱᒧᑕᔨᒋ ᒋ ‍ ᓂᑐᐛᐱᒥᑯᐤ ᓴᓪ, ᑭᔭ ᒂ ‍ ᐃᑎᑯᑦ, “ᒋᐱ ᑎᑯᓯᓂ; ᐱᓕᔅᑎᐊ ᐃᔪᒡ ᑯᓯᒂᔨᒧᑎᒧᒡ ᒋᑦ ᐊᔅᒋᓇᓂᔪᐤ᙮”
\v 28 ᐊᑯ ᓴᓪ ᒋ ‍ ᓂᑲᐎᔪᐤ ᐊ ‍ ᓇᓂᓱᓄᐛᑦ ᑎᐱᑕ, ᑭᔭ ᐎᔾ ᑭᔭ ᐅᓂᑐᐱᔪᐅ-ᐃᔨᒪ ᒂ ‍ ᐊᑎ ᒪᓴᐊᒡ ᐱᓕᔅᑎᐊ ᐃᔪᐛ᙮ ᐊᐅᑯᔪᐤ ᐊᓂᔭ ᐛᒋ ᐃᓯᓂᐧᑲᑕᒡ ᐃᔪᒡ ᐊᓂᔭ ᐃᑕᐅᓂᔪᐤ ᐟᒋᑎᓯᒧᐤ ᐊᓯᓂᔾᐟ᙮
\v 29 ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᐃᔭᐱᒡ ᒋ ‍ ᓂᑭᑎᒧᒡ ᒧᐊᓐ ᐸᐧᑯᑎᔅᑭᒥᑲᒡ ᑭᔭ ᒂ ‍ ᐃᑐᑕᒡ ᐊᓐᑕ ᐃᑕᐅᓇ ᒐᒋ ᑲᓱᒡ ᑭᔭ ᒂ ‍ ᐎᒋᑦ ᐊᓐᑕ ᓂᑐᐱᔪᐅᒋᐛᐱᔪᐤ ᐊᓐᑕ ᐃᓐᑭᑎ᙮
\c 24
\s1 ᓇᒪ ᐅᒋ ᓂᓱᐅᓇᒋᑕᐛᐤ ᑎᐱᑦ ᓴᓚ ᐅᐱᒪᑎᓯᐅᓂᔪᐤ
\p
\v 1 ᑲᒋ ‍ ᑲᐤ ᒋᐛᒡ ᓴᓪ ᑭᔭ ᐅᓂᑐᐱᔪᐅ-ᐃᔨᒪ ᑲ ‍ ᒪᓴᐊᒡ ᐱᓕᔅᑎᐊ ᓂᑐᐱᔪᐅ-ᐃᔪᐛ, ᒋ ‍ ᐎᑎᒧᐛᑭᓄᐤ ᓴᓪ ᑎᐱᑕ ᑭᔭ ᐅᓂᑐᐱᔪᐅ-ᐃᔨᒥᔨᐛ ᐊᒋ ‍ ᐃᑐᑕᔨᒋ ᐊᓐᑕ ᐸᐧᑯᑎᔅᑭᒥᑲᒡ ᒥᒋᒪ ᐃᓐ-ᑭᑎ᙮”
\v 2 ᐃᔅᐱ ᐊᓂᔭ ᐱᔭᑕᐧᒃ ᓴᓪ, ᐊᑯ ᒂ ‍ ᐅᑎᓇᑦ ᓂᔅᑥᐤ ᒐᓯᐱᔪᐤ ᓇᐸᐛ ᐊᓐᑕ ᒥᒪᓐ ᐃᔅᕋᐃᓕᒡ ᐅᒋ, ᑭᔭ ᒂ ‍ ᓇᓂᑐᐛᐱᒪᑦ ᑎᐱᑕ ᑭᔭ ᐅᓂᑐᐱᔪᐅ-ᐃᔨᒥᐛ ᐊᓐᑕ ᐃᑕᐅᓂᒡ ᐊᓯᓂᔭ ᑲ ‍ ᑕᒡ ᒥᓇᔎᐤ ᑲ ‍ ᐅᑕᑭᓂᓯᒡ ᐊᐛᓯᓯᒡ ᑲ ‍ ᐃᓯᓂᐧᑲᑕᔨᒡ᙮
\p
\v 3 ᐊᓐᑕ ᒥᒋᒪ ᒪᔅᑭᓇᒡ ᑲᑎᑯᓂᔨᒋ ᐱᔅᒐ ᒪᔭᑕᓂᓴ ᑲ ‍ ᑎᔭᑯᓂᔨᒋ, ᒂ ‍ ᐱᔅᒐᑕᑦ ᓴᓪ ᒪᔅᑭᓇᔪᐤ ᑭᔭ ᐸᒐᑦ ᐊᓐᑕ ᐊ ‍ ᐱᑯᓇᓴᑲᔨᒡ ᒐᒋ ‍ ᒥᓯᑦ᙮ ᓇᒪ ᐅᒋ ᒋᔅᒐᔨᒪᐤ ᑎᐱᑕ ᑭᔭ ᐅᓂᑐᐱᔪᐅ-ᐃᔨᒥᔨᐛ ᐊᒋ ‍ ᑲᓱᔨᒋ ᐊᑎᑐᐤ ᐛᔪᐎᔅ ᐊᓐᑕ ᐸᐃᑯᑕᐤ ᐊᐱᑯᓇᓴᑲᔨᒡ!
\v 4 ᑎᐱᑦ ᐅᑦ ᐃᔨᒪ ᒋ ‍ ᐛᐱᒪᐅᒡ ᓴᓚ ᑭᔭ ᒋᒧᑦ ᒂ ‍ ᐊᔭᒥᐊᒡ ᑎᐱᑕ, “ᐊᐅᑯᔪᐤ ᐅᔭ ᐊᓄᒡ ᒋᓯᑯᔪᐤ ᑎᐸᔨᒋᒐᓱᐤ ᑲ ‍ ᐃᑎᔅᒄ, ‘ᒋᑭ ‍ ᒥᔨᑎᓐ ᒐᒋ ᓴᐧᑯᒋᔨᑦ ᑲ ‍ ᐱᒂᑎᔅᒃ,’ ᒋᑭ ᒋ ‍ ᐃᑐᑐᐛᐤ ᒥᒄ ᒐᒂᔪᐤ ᐛ ᐃᑐᑐᐅᑦ!” ᐊᑯ ᑎᐱᑦ ᒂ ‍ ᐃᔅᑕᒋᒧᑦ ᐊᓐᑕ ᐛᒋ ‍ ᐱᒐᓄᐎᔨᒡ ᐊᐱᑯᓇᓴᑲᔨᒡ ᐃᓯ ᑭᔭ ᐱᓯᔅ ᒂ ‍ ᒪᑎᓯᒺᑦ ᓴᓚ ᐅᑦ ᐊᑯᐱᔪᐤ ᐅᒧᐧᑯᒪᓐ ᐊ ᐊᐱᒋᑕᑦ᙮
\v 5 ᑭᔭ ᑲᐤ ᒂ ‍ ᓂᑐᐛᐱᒪᑦ ᐅᓂᑐᐱᔪᐅ-ᐃᔨᒪ᙮
\p ᐊᑯ ᓇᒪ ᐅᒋ ᒥᔽᔨᒧᐤ ᑎᐱᑦ ᐱᓯᔅ ᐊᒋ ‍ ᒪᑎᓱᒪᑦ ᓴᓚ ᐅᑦ ᐊᑯᐱᔪᐤ᙮
\v 6 ᒋ ‍ ᐃᑕᐤ ᐅᓂᑐᐱᔪᐅ-ᐃᔨᒪ, “ᐊᑐᒡ ᓂᒋ ‍ ᐃᑐᑐᐛᐱᓐ ᐊᓂᔭ ᒋᓴᐅᒋᒪᐤ! ᑭᒪ ᒐ ᐊᑲ ᓂᑕ ᓇᐊᔨᒥᑦ ᑎᐸᔨᒋᒐᓱᐤ ᒐᒋ ᑯᓯᒂᔨᑯᑐᒥᒋᐸᓂᔭ ᐊᐛᔪᐛ ᑲ ‍ ᐅᑎᓇᑦ ᒋᓴᒪᓂᑐᐤ, ᐛᔅ ᐎᔾ ᐊᐅᒄ ᑎᐸᔨᒋᒐᓱᐤ ᑲ ‍ ᐎᔭᔨᒪᑦ ᐊᓂᔭ ᒐᒋ ᒋᓴᐅᒋᒪᐎᔨᒋ᙮”
\v 7 ᐊᓂᔭ ᑲ ‍ ᐃᔅᒋᔄᑦ, ᒋ ‍ ᐊᓏᔨᒪᐤ ᑎᐱᑦ ᐅᑦ ᐃᔨᒪ ᑭᔭ ᓇᒪ ᐅᒋ ᓇᐊᔨᒪ ᐅᓂᑐᐱᔪᐅ-ᐃᔨᒪ ᒐᒋ ᓂᐸᐊᔨᒋ ᓴᓚ᙮
\p
\v 8 ᑲᒋ ᒋᑐᑕᑦ ᓴᓪ ᐊᐱᑯᓇᓴᑲᔨᒡ ᐅᒋ ᑭᔭ ᒥᓐ ᐊᑎ ‍ ᐱᒧᑕᑦ ᒪᔅᑭᓇᒡ᙮ ᑎᐱᑦ ᒂ ‍ ᐎᐎᑦ ᐊᐱᑯᓇᓴᑲᔨᒡ ᑭᔭ ᑎᔭᑈᑕᑦ ᓴᓚ, “ᓴᓪ ᒋᓴᐅᒋᒪᐤ !” ᒂ ‍ ᒋᐛᑲᐳᐅᑦ ᓴᓪ ᑭᔭ ᐊ ‍ ᐃᔨᑕᐱᑦ, ᑭᔭ ᑎᐱᑦ ᒂ ‍ ᐅᒋᒋᐧᑯᓂᐱᔪᐅᑦ ᐊᑕᒋᑎᓂᔨᒡ ᐅᑕᔅᑎᒥᒃ ᐊᓐᑕ ᒧᔅᑎᔅᑭᒥᒡ᙮
\v 9 ᑎᐱᑦ ᒂ ‍ ᐃᑕᑦ ᓴᓚ, “ᒐᒂᔪᐤ ᐛᒋ ᓂᑐᑐᐅᑥᐤ ᐃᔅᐱᓂᔪᒡ ᐊ ‍ ᐃᔅᒋᔄᑥᐎ ‘ᑎᐱᑦ ᒋ ᐎ ‍ ᐎᔭᔅᑐᑕᒃ ?’
\v 10 ᐊᓄᒡ ᐅ ᒋᓯᒄ ᒧᓴ ᒋᔅᒋᓯᑯᒡ ᒋᒋ ‍ ᐛᐸᑕᓐ ᐊ ᐊᑲ ᑕᑈᒥᑭᓂᔨᒡ ᒐᒂᔪᐤ ᐊ ‍ ᐃᔅᒋᔄᒡ᙮ ᒋᒋ ‍ ᑎᔨᒄ ᑎᐸᔨᒋᒐᓱᐤ ᐊᓐᑕ ᐃᑕᐅᓂᒡ ᐊᓐᑕ ᒋᐸ ‍ ᓂᐸᔨᑎᓇᓇᐱᓐ ᓂᔾ ᑭᔭ ᓂᑦ ᐃᔨᒥᒡ ᐃᔅᐱ ᑲ ‍ ᑕᔨᓐ ᐊᓐᑕ ᐊᐱᑯᓇᓴᑲᒡ᙮ ᐱᔅᒐ ᓂᑦ ᐃᔨᒥᒡ ᓂᒋ ‍ ᐃᑎᑯᒡ ᒐᒋ ᓂᐸᐃᑕᓐ, ᒥᒄ ᓇᒪ ᓂ ᐅᒋ ‍ ᑐᑕᓐ ᐊᓐ᙮ ᓂᒋ ‍ ᐃᑕᐅᒡ, ‘ᓇᒪ ᓂᑭ ‍ ᐊᐧᑯᐛᐊᐤ ᓂᐅᒋᒪᒻ, ᐛᔅ ᐎᔾ ᐊᓐ ᒋᓴᐅᒋᒪᐤ ᑲ ‍ ᐅᑎᓂᑯᑦ ᑎᐸᔨᒋᒐᓱᐛ᙮’
\v 11 ᓂᐅᒋᒪᒻ, ᒋᑕᐸᑕ ᒪ ᐅ ᐱᓯᔅ ᒋᑦ ᐊᑯᑉ ᑎᔭᐧᑯᓂᒪ ᓂᑎᒋᒡ! ᒋᑦ ᐊᑯᐱᒡ ᓂᒋ ‍ ᐅᒋ ‍ ᒪᑎᓴᓐ, ᒥᒄ ᓇᒪ ᒋ ᐅᒋ ᓂᐸᐃᑎᓐ᙮ ᐊᑯ ᒋᐸ ᒋ ‍ ᓂᔅᑐᑕᓐ ᐊᓄᒡ ᐊ ᐊᑲ ᐎᔭᔨᑎᒪᓐ ᒐᒋ ᒥᒋ ‍ ᐃᑐᑕᑕᓐ᙮ ᓇᒪ ᒐᒂᓐ ᒋ ᐅᒋ ᒥᒋᑐᑕᑎᓐ, ᒥᒄ ᒋ ‍ ᓇᓂᑐᐛᐱᒥᓐ ᒐᒋ ᓂᐸᐃᔨᓐ᙮
\v 12 ᑭᒪ ᑎᐸᔨᒋᒐᓱᐤ ᑎᐸᔅᑯᓂᒐᑦ ᑭᔭ ᐎᔭᔨᑕᐧᒃ ᐊᐛᓐ ᐊᓂᓯᔭᐧᒄ ᒪᔪᐤ ᑐᑎᒥᒂ᙮ ᑭᔭ ᑭᒪ ᐊᓏᔨᒥᔅᒃ ᑕᓐ ᑲ ᐃᓯ ‍ ᒥᒋ ‍ ᑐᑐᐎᔨᓐ᙮ ᒥᒄ ᓇᒪ ᒋᑭ ‍ ᐅᒋ ‍ ᐊᐧᑯᐎᔨᑎᓐ᙮
\v 13 ᑎᑯᓐ ᐎᐱᒡ ᐃᔨᒧᐅᓐ ᐊ ‍ ᐃᔅᒋᔄᒥᑲᒡ ‘ ᑲ ‍ ᒥᒐᑎᓯᒡ ᐊᐅᑯᓐ ᐊᑐᑕᒡ ᒥᒐᑎᓯᔪᐅᓂᔪᐤ’; ᒥᒄ ᓇᒪ ᓂᒥᒐᑎᓯᓐ, ᐊᑯ ᓇᒪ ᒋᑭ ᐅᒋ ‍ ᑐᑕᑎᓐ ᒐᒂᓐ ᐊᒥᒋᒡ᙮
\v 14 ᒋᔾ ᐅ ᐃᔅᕋᐃᓪ ᒋᓴᐅᒋᒪᐤ᙮ ᐊᑯ ᒐᒂᓐ ᐛᒋ ‍ ᐱᐸᐱᓇᓴᐎᔨᓐ? ᓇᒪ ᓂᑦ ᐊᒂᑎᓯᓐ ᒧᔭᒻ ᐊᓂᐱᑦ ᐊᑎᒻ ᑭᔭ ᒪᒃ ᒥᑎᓂᑐᓯᔅ᙮
\v 15 ᑭᒪ ᑎᐸᔨᒋᒐᓱᐤ ᑎᐸᔅᑯᓂᒐᑦ ᐊᐛᓐ ᐊᓂᓯᔭᐧᒄ ᐊ ‍ ᐃᑐᑕᐧᒃ ᐊᒥᔽᔨᒡ ᒐᒂᔪᐤ᙮ ᓂᑕᑈᐅᒐᔨᒪᐤ ᒧᔭᒻ ᑲᐃᔨᒥᑦ ᒐᒋ ᐃᔨᑎᑦ, ᑭᔭ ᑎᐸᔅᑯᓇᒃ ᒐᒂᔪᐤ ᑲ ‍ ᐃᑐᑎᒧᒡ, ᑭᔭ ᒐᒋ ᐱᐧᑯᐎᐃᑦ ᒋᓱᐧᑲᑎᓯᐅᓂᔪᐤ ᐅᒋ᙮”
\v 16 ᑲᒋ ‍ ᒋ ᐃᓯ ‍ ᐃᔨᒥᑦ ᑎᐱᑦ, ᓴᓪ ᒂ ‍ ᑕᑈᑕᑦ ᑭᔭ ᑲ ᒂᒋᒪᑦ, “ᓂᑯᔅ ᑎᐱᑦ, ᐊᐅᑯᓐ ᐊ ᒋᐸᑕᑯᓯᐅᓐ ᑭᓂᐸᑕᓇᐛ?” ᐊᑯ ᒥᔭᑦ ᐊᒋᐧᑲᐛᑦ ᓴᓪ᙮
\v 17 ᒂ ‍ ᐃᑕᑦ ᑎᐱᑕ, “ᒋᔾ ᐊᑎᑐᐤ ᒋ ‍ ᑯᐃᔅᑯᑕᑎᓯᓐ ᐃᔅᐱᔅ ᓂᔾ; ᒋᒋ ᒥᔪ ‍ ᑐᑐᐅᓐ ᐃᔅᐱ ᓂᔾ ᑲ ᐎ ‍ ᒥᒋ ‍ ᑐᑕᑕᓐ᙮
\v 18 ᐃᔅᐱ ᑎᐸᔨᒋᒐᓱᐤ ᑲᑎᔨᑦ ᐊᓐᑕ ᐊᐛᐧᑭᑕᐅᑲᔨᒡ ᐊᓐᑕ ᐛᓂᔅᒐ ᒋᐸ ᒋ ‍ ᓂᐸᔨᓇᐱᓐ, ᓇᒪ ᒋ ᐅᒋ ‍ ᑐᑕᓐ ᐊᓐ᙮
\v 19 ᓇᒪ ᐊᐛᓐ ᒥᔅᑯᐛᐤ ᑲ ‍ ᐛᐧᑲᑎᑯᑦ ᑭᔭ ᒐ ᓇᐊᐃᒪᑦ ᒐᒋ ᒋᑎᓯᒧᔨᒋ ᐃᔅᐱ ᒋᐸ ᒋ ‍ ᓂᐸᐊᐱᓐ᙮ ᑭᒪ ᑎᐸᐊᒪᔅᒄ ᑎᐸᔨᒋᒐᓱᐤ ᐊᒋ ᒥᔪ ‍ ᑐᑐᐎᔨᓐ ᐊᓄᒡ ᒐᓯᑲᒡ᙮
\v 20 ᓂᒋᔅᒐᑕᓐ ᐸᐃᒂᐤ ᐊᒋᓯᑲᒡ ᓇᔅᒡ ᒐ ‍ ᒋᓴᐅᒋᒪᐃᔨᓐ, ᑭᔭ ᒐ ‍ ᒥᔪᐱᔨᒡ ᒋᓴᐅᒋᒪᐅᓐ ᒪᒂᒡ ᐊᓂᑲᓂᔅᑯᐅᑥᐤ ᐃᔅᕋᐃᓪ ᐃᔪᒡ᙮
\v 21 ᐊᑯ ᒪᒂᒡ ᐊᓂᑐᑕᑕᐧᒄ ᑎᐸᔨᒋᒐᓱᐤ, ᒋᒋ ‍ ᐊᓱᑎᒧᐎᔾ ᒐ ‍ ᐊᑲ ᓂᐸᔨᑥᐤ ᐊᐸᐃᑯᔅᑲᓇᓯᔭᓐ ᑭᔭ ᓂᓱᐅᓇᒋᔨᑥᐤ ᓂᑦ ᐊᓂᔅᑯᑕᐸᓐᒡ᙮”
\v 22 ᐊᑯ ᑎᐱᑦ ᒂ ‍ᒋᒋ ‍ ᐊᓱᑎᒧᐛᑦ ᓴᓚ ᒐ ‍ ᐊᑲ ᐊᐧᑯᔨᒪᑦ ᓴᓚ ᐊᐸᐃᑯᔅᑲᓇᓯᔨᒋ᙮ ᐊᑯ ᓴᓪ ᑲᐤ ᒂ ‍ ᒋᐛᑦ ᑭᔭ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᑲᐤ ᒋ ‍ ᐃᑐᑕᐅᒡ ᐊᓐᑕ ᐃᑕᐅᓂᒡ ᑲᑲᓱᒡ᙮
\c 25
\s1 ᐳᓂᐱᒪᑎᓯᐤ ᓴᒻᔪᐃᓪ
\p
\v 1 ᐊᑯ ᒂ ‍ ᐳᓇᐱᒪᑎᓯᑦ ᓴᒻᔪᐃᓪ; ᑭᔭ ᒥᓯᐛ ᐃᔅᕋᐃᓪ ᐃᔪᒡ ᒋ ‍ ᒪᒧᐎᐅᒡ ᑭᔭ ᑲ ‍ ᓂᓇᐧᑲᒋᒧᒡ ᓴᒻᔪᐃᓚ ᐅᒋ᙮ ᐎᐎᑎᒥᒡ ᐎᒋᔨᒡ ᐊᓐᑕ ᕋᒪᒡ ᒋ ‍ ᓇᔨᐧᑯᐛᐅᒡ᙮
\s1 ᓇᐸᓪ ᒋ ‍ ᒪᔭᔨᒪᐤ ᑎᐱᑕ
\p
\v 2 ᒋ ‍ ᑕᐤ ᓇᐸᐤ ᐊᓐᑕ ᒪᐅᓐ ᐅᑕᓇᒡ, ᒋ ‍ ᑎᐸᔨᑎᒻ ᐊᔅᒋᔪᐤ ᐊᓐᑕ ᑲᕐᒥᓪ, ᒥᒋᒪ ᐃᑕᐅᓂᓯᒡ᙮ ᒋᒋᐛ ᒋ ‍ ᐎᔭᑎᓯᐤ ᐅ ᓇᐸᐤ᙮ ᓂᔍᐤ ᒐᓯᐱᔪᐤ ᒪᔭᑕᓂᓴ ᒋ ‍ ᑭᓄᐛᔨᒪᐤ ᑭᔭ ᐸᐃᒂᐤ ᒐᓯᐱᔪᐤ ᑲ ‍ ᐅᑕᔅᑭᓂᓯᔨᒋ ᐊᐛᓯᓴ᙮
\v 3 ᓇᐸᓪ ᒋ ‍ ᐃᓯᓂᐧᑲᑕᑭᓄᐤ ᐊᓐ ᓇᐸᐤ, ᑲᐃᓕᑉ ᐅᑦ ‍ᐊᓂᔅᑯᑕᐸᓇ᙮ ᒋ ‍ ᑲᒐᑕᐛᔨᑕᑯᓯᔨᐛ ᑭᔭ ᒋᒋᐛ ᒋ ᒥᔪᔎᐎᔪᐛ ᐎᐛ ᐊᐱᑲᐃᓚ, ᒥᒄ ᓇᐸᓪ ᒋᒋᐛ ᒋ ‍ ᒥᒋᑕᐅ ᑭᔭ ᓇᒪ ᐅᒋ ᒋᔅᑎᒪᒐᔨᒪᐤ ᐊᐛᔪᐛ᙮
\p
\v 4 ᐸᐃᒂᐤ ᒐᓯᑲᔨᒡ ᒪᒂᒡ ᑎᐱᑦ ᑭᔭ ᐅᑦ ᐃᔨᒪ ᒋ ‍ ᐃᑕᐅᒡ ᐊᓐᑕ ᐸᐧᑯᑎᔅᑭᒥᑲᒡ, ᒋ ‍ ᐎᑎᒪᑯᔅ ᐊᐛᔪᐛ ᓇᐸᓚ ᐊᒋ ‍ ᐱᔅᑯᓱᐛᔨᒋ ᐅᒪᔭᑕᓂᓯᒥᔨᐛ᙮
\v 5 ᐊᑯ ᑎᐱᑦ ᒂ ‍ ᐃᑕᑦ ᐸᐃᑯᔪᐤ ᐅᑦ ᐃᔨᒪ, “ᒪᒋᒃ ᓇᑐᐛᐱᒥᐧᒄ ᓇᐸᓪ ᐊᓐᑕ ᑲᕐᒥᓪ, ᑭᔭ ᒐ ‍ ᐛᒋᔭᒪᒄ ᓂᔾ ᐅᒋ᙮
\v 6 ᐊᑯ ᒐ ᐎᑎᒧᐛᒄ ᐅᔭ ᐃᔨᒧᐅᓂᔪᐤ ᓂᔾ ᐅᒋ, ‘ᑭᒪ ᒥᓯᐛ ᐃᓯ ‍ ᒥᔪ ᐱᔨᔭᒄ ᒋᔾ ᑭᔭ ᐊᐸᐃᑯᔅᑲᓇᓯᔨᓐ ᑭᔭ ᐊᓐ ᒥᓯᐛ ᒐᒂᓐ ᑲᓄᐛᔨᑎᒥᓐ᙮
\p
\v 7 ᓂᒋ ‍ ᐸᑐᐛᐅᒡ ᐊᐛᓐᒋ ᐊᐱᔅᑯᓱᑥᐤ ᒋᒪᔭᑕᓂᓯᒥᒡ᙮ ᐊᓄᒋᒐ, ᐃᔅᐱ ᒋᒪᔭᑕᓂᓯᐅ-ᐃᔨᒥᒡ ᑲ ‍ ᐃᑕᒡ ᐅᑕ ᐊᑕᐅᒋᒡ, ᓇᒪ ᓂ ᐅᒋ ‍ ᐊᐧᑯᐛᐊᓇᓐᒡ᙮ ᓇᓂᑎᒻ ᑲ ‍ ᐃᑕᒡ ᒋᒪᔭᑕᓂᓯᐅ-ᐃᔨᒥᒡ ᐊᓐᑕ ᐊᑐᒋᒡ ᐊᓐᑕ ᑲᕐᒥᓕᒡ, ᓇᒪ ᐛᒋ ᐸᐃᒄ ᒪᔭᑕᓂᓴ ᓂ ᐅᒋ ‍ ᒋᒧᑎᒧᐛᓇᓐᒡ᙮
\v 8 ᒋᑭ ᒋ ᑯᒂᒋᒥᐅᒡ ᒋᑦ ᐊᐱᒋᐊᑭᓐᒡ ᑎᔭᑈᒥᑭᓂᔨᒂ ᐅᔭ, ᑭᔭ ᒋᑭ ᐎᑎᒪᑯᒡ ᑎᔭᑈᒥᑭᓂᔨᒡ᙮ ᓂᒋ ‍ ᑎᑯᓯᓇᓐ ᐅᑕ ᒧᔭᒻ ᐃᔅᐱ ᑲ ‍ ᒥᑯᓴᔭᒄ, ᐊᑯ ᒋᑭᒂᒋᒥᑎᓐ, ᒥᔪ ‍ ᑐᑐᐅᓇᓐ ᑭᔭ ᒥᔨᒡ ᐅᒡ ᓇᐸᐅᒡ ᒥᒄ ᒐᒂᔪᐤ ᐊᔅᑯᐱᔨᔭᒄ ᒥᒋᒻ, ᓂᔾ, ᑎᐱᑦ, ᑭᔭ ᓂᑦ ᐃᔨᒥᒡ ᒐᒋ ᒥᒋᔭᒡ᙮’ ”
\p
\v 9 ᐃᔅᐱ ᑲᒋ ᑎᑯᓯᓂᔨᒋ ᐅᑦ ᐃᔨᒪ ᑎᐱᑦ ᐊᓐᑕ ᓇᐸᓚ ᐊ ‍ ᑕᔨᒋ, ᒋ ‍ ᒥᔭᐅᒡ ᑎᐱᑕ ᐅᑦ ᐃᔨᒧᐅᓂᔪᐤ, ᑭᔭ ᒂ ‍ ᐊᓱᐛᐱᒪᒡ ᒐᒋ ᒋᐛ ‍ ᒥᔨᑯᒡ ᐃᔨᒧᐅᓂᔪᐤ᙮ ᒥᒄ ᓇᐸᓪ ᒋ ᑭᒋᓱᐛᓯᐅ ‍ ᐃᔨᒪᐤ ᐊᓂᔭ ᓇᐸᐛ᙮
\v 10 ᒂ ‍ ᐃᑕᑦ “ᐊᐛᓐ ᐅ ᓇᐸᐤ, ᒐᓯᔾ ᐅᑯᓴ, ᐊ ‍ ᐃᑕᔨᒥᓱᑦ ? ᒥᒐᑐᐅᒡ ᐊᐱᒋᐊᑭᓐᒡ ᐊ ᒋᑎᓯᒪᒡ ᐅᒋᒪᒥᐛᐛ ᒪᒂᒡ ᐊᓄᒡ ᑭᔭ ᐎᔾ ᐊᓐ ᐸᐃᒄ ᓂᑦ ᐃᑕᔨᒪᐤ᙮
\v 11 ᓂᒥᔭᐅᒡ ᐸᒂᓯᑭᓇ ᐊᓐᒡ ᓇᐸᐅᒡ ᐸᔅᑭᓱᐛᒡ ᓂᒪᔭᑕᓂᓯᒪ ᑭᔭ ᓂᒥᔭᐅᒡ ᐎᔭᓯᔪᐤ ᐊᐛᓯᓴ ᑲ ‍ ᓂᐸᔨᓂᒋ ᐅᒋ᙮ ᒐᒂᓐ ᓂᐸ ‍ ᐅᒋ ‍ ᐅᑎᓇᓐ ᐱᔅᒐ ᐅᔭ ᒐᒂᔪᐛ ᑭᔭ ᒥᔨᒂᐤ ᑲ ‍ ᒥᒋᑐᑕᒡ ᓇᐸᐅᒡ ? ᓇᒪ ᓂ ‍ ᒋᔅᒐᔨᒪᐅᒡ ᑕᓐᑕ ᐛᑐᑕᒡ ᐅᒋ᙮”
\p
\v 12 ᐊᑯ ᑎᐱᑦ ᐅᑦ ᐃᔨᒪ ᑲᐤ ᒐᐛᔨᒋ ᑭᔭ ᐛᑎᒪᑯᑦ ᒐᒂᔪᐤ ᑲ ‍ᐃᔅᒋᔄᔨᒋ ᓇᐸᓚ᙮
\v 13 ᐃᔅᐱ ᑎᐱᑦ ᐱᔭᑕᐧᒃ ᐊᓂᔭ, ᒂ ‍ ᐎᑕᑦ ᐅᑦ ᐃᔨᒪ, “ᒋᑭ ‍ ᓂᐸᐊᓄᐤ ᓇᐸᓪ, ᐳᔅᑎᔅᑭᒥᒄ ᒋ ᓂᑐᐱᔪᐅ-ᒧᐧᑯᒪᓄᐛᐛ!” ᐊᑯ ᒂ ‍ ᐳᔅᑎᔅᑲᐧᒃ ᐅᓂᑐᐱᔪᐅ-ᒧᐧᑯᒪᓐ ᑭᔭ ᓴᓯᑲᓐ ᓇᐤ ᒥᑕᓯᒥᑎᓄᐤ ᓇᐸᐅᒡ ᒂ ‍ ᐳᔅᑎᔅᑲᒡ ᐅᓂᑐᐱᔪᐅ-ᒧᐧᑯᒪᓄᐛᐛ ᑭᔭ ᐛᒐᐛᒡ ᑎᐱᑕ᙮ ᒋᓂᓱ ᒥᑕᓯᒥᑎᓄᐛᓯᔨᐛ ᐅᓄᑐᐱᔪᐅ-ᐃᔨᒪ ᑲᑕᔨᒋ ᐊᓐᑕ ᐊᑎᑯᓂᔨᒋ ᐅᑦ ᐊᐱᒋᑕᐅᓄᐛᐛ᙮
\p
\v 14 ᐸᐃᒄ ᓇᐸᓐ ᐅᑦ ᐊᐱᒋᐊᑭᓇ ᒋᔅᒐᔨᑎᒥᔨᐛ ᒐᒂᔪᐤ ᑲ ᐎᔭᔨᑎᒥᔨᒋ ᒐ ‍ ᐃᑎᔨᒋ ᑎᐱᑕ ᑭᔭ ᐅᑦ ᐃᔨᒥᔨᐛ, ᐊᑯ ᒂ ‍ ᓂᑐᐛᐱᒪᑦ ᓇᐸᓚ ᐎᐎᔨᐛ ᐊᐱᑲᔭᓚ ᑭᔭ ᐊᑕᑦ, ᑎᐱᑦ ᒋ ᐃᑎᓴᐛᐤ ᐱᔅᒐ ᐃᔨᒧᐅᓂᔪᐤ ᑲᐱᒧᑕᔨᒋ ᐸᐧᑯᑎᔅᑭᒥᑲᒡ ᐅᒋ ᒐᒋ ᐛᒋᔭᒪᒡ ᒋᐅᒋᒪᒥᓄᐛ ᓇᐸᓚ, ᒥᒄ ᒋᔭᒻ ᒋ ᐃᔭᓯᒂᑕᐤ ᓇᐸᓪ ᓇᐸᐛ᙮
\v 15 ᓇᓂᑎᒻ ᐊᓐᑕ ᒥᒋᒪ ᒋ ‍ ᐃᑕᐅᒡ, ᒋᒋ ‍ ᒋᓴᐛᑐᑕᑯᐎᓇᓇ ᑎᐱᑦ ᐅᑦ ᐃᔨᒪ᙮ ᓇᒪ ᒋᐅᒋ ᐊᐧᑯᔨᑯᐎᓇᓇ᙮ ᓇᒪ ᒐᒂᔪᐤ ᒋ ᐅᒋ ‍ ᒋᒧᑎᒪᑯᐎᔨᑯᓄᐛ᙮
\v 16 ᒋᒋ ‍ ᓇᑭᑐᐛᔨᒥᑯᓄᐅᒡ ᒪᒂᒡ ᒐᓯᑲᔨᒋ ᑭᔭ ᒪᒂᒡ ᑕᐱᔅᑲᔨᒋ᙮ ᒧᔭᒻ ᐛᔅᑲ ᐊᔅᑎᒥᑎᒡ ᐊᑕᔭᐧᒄ ᐃᑕᔨᑕᑯᓱᐅᒡ ᐊᑭᓄᐛᔨᒥᑕᐧᑯᒡ ᓇᒂᒡ ᐊᓇᑭᑐᐛᔨᒪᐧᑯᐤ ᒋᒪᔭᑕᓂᓯᒥᓄᐛ᙮
\v 17 ᐊᑯ ᒋᐱ ᐎ ‍ ᒪᒥᑐᓇᔨᑎᒥᔨᑯᓐ ᐅ ᐊᓄᒡ ᑭᔭ ᒋᐸ ‍ ᐎᔭᔨᑕᓐ ᒐᒂᓐ ᒋᐸ ᒋ ‍ ᑐᑕᓐ᙮ ᐊᑲ ᑐᑎᒥᓇ ᒐᒂᓐ, ᐊᒂᑕᔨᑕᑯᓂᔨᒋ ᒐᒂᔪᐛ ᒋᑭ ᐃᔅᐱᔪᐤ ᒋᐅᒋᒪᒥᓄᐤ ᑭᔭ ᐊᐸᐃᑯᔅᑲᓇᓯᑦ᙮ ᒋᒋᐛ ᒥᒋ ‍ ᐃᔪᐤ ᓇᐸᓪ, ᐊᓂᔭ ᐅᒋ ᓇᒪ ᒋᑭ ᓂᑐᑐᐛᐤ ᐊᐛᔪᐛ ᐃᔅᐱ ᐎᐎᑎᒪᑯᒐ ᐊᐛᔪᐛ ᒐᒂᔪᐤ ᒋᐸ ‍ ᐃᑐᐤ᙮”
\p
\v 18 ᐃᔅᐱ ᐱᔭᑕᐧᒃ ᐊᓂᔭ ᐊᐱᑲᔭᓪ, ᒋᔅᑎᑉ ᒋ ‍ ᒪᒧᐅᓇᐤ ᓂᓱ ᒥᑕᓯᒥᑎᓄᐤ ‍ (200) ᐸᒂᓯᑭᓇ ᑭᔭ ᐃᔭᐱᒡ ᓂᓱ ‍ (2) ᐸᓴᑭᓄᐅᑕ ᐊᓴᑭᔅᒋᓇᐸᔨᒋ ᓱᒥᓇᐳᔪᐤ, ᑭᔭ ᐎᔭᓯᔪᐤ ᐱᑕᑕᒡ ‍ (5) ᒪᔭᑕᓂᓴ ᐅᒋ, ᐸᐃᑯ ‍(1) ᒥᐅᑦ ᐊᒋ ‍ ᓯᑭᑈᓄᔨᒋ ᐸᒂᓯᑭᓂᒥᓇ, ᑭᔭ ᐸᐃᑯ ‍ ᒥᑕᓯᒥᑎᓄᔅᑭᑕᔭᒋ ‍ (100) ᓱᒥᓇ, ᑭᔭ ᓂᓱ ᒥᑕᓯᒥᑎᓄᔅᑭᑕᔭᒋ (200) ᐊᐸᔅᑕᔨᒋ ᒥᓯᓱᒥᓇ᙮ ᒂ ‍ ᐎᔪᓯᐊᑦ ᑲᓂᐧᑲᑎᓯᔨᒋ ᑲᐸᐃᑭᔎᐛ ᒥᓯᐛ ᐅᔭ ᒐᒂᔪᐛ᙮
\v 19 ᐊᑯ ᒂ ‍ ᐃᑕᑦ ᐅᑦ ᐊᐱᒋᐊᑭᓇ, “ᒪᒋᒄ ᓂᑲᓄᑕᒪᒄ᙮ ᒋᑭ ‍ ᓇᓴᐅᑎᓇᐛᐤ᙮” ᒥᒄ ᓇᒪ ᐅᒋ ᐎᑎᒧᐛᐤ ᐅᓇᐸᒪ ᒐᒂᔪᐤ ᒐ ‍ ᐃᑎᑦ᙮
\p
\v 20 ᑎᐱᑦ ᑭᔭ ᐅᑦ ᐃᔨᒪ ᒋ ‍ ᓂᑭᑎᒧᒡ ᐊᓐᑕ ᐃᑕᐅᓂᔪᐤ ᑲ ‍ ᐃᑕᒡ ᑭᔭ ᒪᔅᑭᓇᒡ ᒋ ᐊᑎ ‍ ᐱᒧᑕᐅᒡ ᓇᐸᓚ ᐅᑦ ᐃᑕᐅᓂᔨᒡ ᐊᑎᒧᔨᒡ᙮ ᐱᔅᑯᑎᓇᔪᐤ ᒋ ‍ ᓂᑎᒋᐛᐅᒡ ᐃᔅᐱ ᑲ ‍ ᓂᒋᔅᑯᐛᒡ ᐊᐱᑲᔭᓚ᙮
\v 21 ᑎᐱᑦ ᒋ ᐃᑕᐤ ᓂ ᐅᑦ ᐃᔨᒪ, “ᓇᒪ ᒐᒂᓐ ᐃᑕᔨᑕᑯᓐ ᒐᒋ ᑭᓄᐛᔨᒪᐧᒄ ᐊᓐ ᓇᐸᐤ ᑭᔭ ᒥᓯᐛ ᐅᑎᐸᔨᑎᒧᐅᓇ ᐅᑕ ᐸᐧᑯᑎᔅᑭᒥᑲᒡ᙮ ᓇᒪ ᒋ ᐅᒋ ‍ ᒋᒧᑎᒧᐛᓄᐤ ᒐᒂᔪᐤ ᑕᐱᔨᐛᐅᓯᑦ, ᒥᒄ ᓂᒋ ‍ ᒋᐛᑎᐸᐊᒪᒄ ᒐᒂᔪᐤ ᐊᒥᒋᓂᔨᒡ ᑲ ᐃᓯ ‍ ᒥᔪᑐᑐᐛᐧᒄ᙮
\v 22 ᓂᑦ ᐊᔅᐸᔨᒧᓐ ᒐ ‍ ᐅᑕᒪᐅᑦ ᑭᔭ ᓂᐸᔨᑦ ᒋᓴᒪᓂᑐᐤ ᐃᔅᐱ ᓇᐸᓪ ᑭᔭ ᒪᒃ ᐸᐃᒄ ᐅᑦ ᐃᔨᒪ ᐊᔅᒄ ᐱᒪᑎᓯᔨᒐᓂ ᐛᐸᒐ ᒐᒋᓴᐸᔭᔨᒐ!”
\p
\v 23 ᐃᔅᐱ ᐊᐱᑲᔭᓪ ᐎᔭᐱᒪᑦ ᑎᐱᑕ, ᒋᔅᑎᑉ ᒋ ‍ ᐊᒥᐅ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᑭᔭ ᓇᐛᒋᔅᑐᐛᑦ, ᒧᔅᑎᔅᑭᒥᒡ ᐊᑕᒋᑎᓂᔨᒡ ᐅᑕᔅᑎᒥᐧᒄ᙮
\v 24 ᒂ ‍ ᐸᒋᒥᑎᓱᑦ ᑎᐱᑕ ᐅᓯᑎᔨᒡ ᑭᔭ ᒂ ‍ ᐃᑕᑦ, “ᐅᒋᒪᐤ, ᐃᓯᓇᑯᓐ ᒐᒋ ᐊᓏᔨᒥᑯᐅᔭᓐ ᒐᒂᔪᐤ ᑲ ‍ ᐃᑎᑦ ᓂᓇᐸᒻ ᐅᒋ᙮ ᓂᑐᑐᐛ ᒐᒂᓐ ᒐ ‍ ᐃᑎᑕᓐ᙮
\v 25 ᐊᑲ ᓂᑐᑐᐤ ᒐᒂᔪᐤ ᐊ ‍ ᐃᔅᒋᔄᑦ ᐅ ᐊ ᐊᑲ ᑎᐸᒐᔨᑕᑯᓯᑦ ᓇᐸᐤ ᓇᐸᓪ᙮ ‘ᒋᔎᐧᑲᓐ’ ᐃᑥᒥᑭᓂᔪᐤ ᐅᑦ ᐃᓯᓂᐧᑲᓱᓐ, ᑭᔭ ᓇᔅᒡ ᐊᓐ ᐛᒧᒡ ᑲᒋᔎᔭᐸᑦᐧᒃ ᓇᐸᐤ᙮ ᒥᒄ ᓂᔾ, ᓂᐱᔅᑎᓂᓱᓐ ᒐᒋ ᐅᑦ ᐊᐱᒋᐊᑭᓂᑐᐎᔨᓐ, ᓇᒪ ᓂ ᐅᒋ ‍ ᐛᐱᒪᐛ ᑲᐱᒧᑕᔨᒋ ᐃᔨᒧᐅᓂᔪᐤ ᑲ ‍ ᐃᑎᓴᐊᒧᐅᑦ᙮
\v 26 ᒋ ᒋᔅᑯᑎᔨᒄ ᑎᐸᔨᒋᒐᓱᐤ ᒐᒋ ᑎᐸᐊᒪᓱᐎᔨᓐ ᒐᒋ ᓂᐸᔨᑦ ᐊᐛᓐ᙮ ᓂᑦ ᐊᔅᐸᔨᒧᓐ ᐊᐱᒪᑎᓯᑦ ᑎᐸᔨᒋᒐᓱᐤ ᑭᔭ ᒋᔾ ᐊᐱᒪᑎᓯᔨᓐ, ᒐ ‍ ᐊᓏᔨᒪᑭᓄᐅᒡ ᑲ ‍ ᐱᒂᑎᔅᒡ ᒧᔭᒻ ᒐ ‍ ᐃᑐᑐᐛᑭᓄᐅᑦ ᓇᐸᓪ᙮
\v 27 ᒋᒋ ‍ ᐸᑥᑎᓐ ᒥᔨᐛᐅᓇ ᑭᔭ ᐊᓐᒡ ᓇᐸᐅᒡ ᐛᒐᐅᔅᒡ᙮
\v 28 ᐛᐸᔨᑎᒧᐎᔾᓐᑲᒋ ‍ ᐅᓂᑐᑕᑐᐛᐛᓇ᙮ ᑕᑈ ᒋᑭ ‍ ᑎᐸᐊᒪᒄ ᑎᐸᔨᒋᒐᓱᐤ ᓇᐊᔨᒥᑥᐛ ᒥᒐᑦ ᒋᑦ ᐊᓂᔅᑯᑕᐸᓐᒡ ᒐᒋ ᒋᓴᐅᒋᒪᐅᒡ ᐃᔅᕋᐃᓕᒡ, ᐛᔅ ᒋ ᒪᓯᐧᑲᓐ ᓂᑐᐱᔪᐅᓇ ᑎᐸᔨᒋᒐᓱᐤ ᓇᑐᐛᔨᒥᔅᒃ ᒐᒋ ᒪᓯᐧᑭᒥᓐ᙮ ᓂᒋᔅᒐᔨᑕᓐ ᐊ ᐊᑲ ᓂᑕ ᐅᒋ ᒥᒋᑐᑎᒥᓐ ᑲ ᐸᒋ ‍ ᐱᒪᑎᓯᔨᓐ᙮
\v 29 ᐊᑎ ‍ ᓱᐧᒄ ᐱᐸᒥᓇᓴᐅᔅᒡ ᐊᓐᒡ ᐛᓂᐸᔨᔅᒡ, ᒋᓱᒐᔨᒥᓱᓐ, ᐛᔅ ᒋ ᒥᔪᐤ ‍ ᑭᓄᐛᔨᒥᒄ ᒋᓴᒪᓂᑐᐤ᙮
\v 30 ᒋᒋ ‍ ᐊᓱᑎᒪᒄ ᑎᐸᔨᒋᒐᓱᐤ ᒐᒋ ᒥᔪ ‍ ᑐᑎᒪᔅᒄ, ᑭᔭ ᒋᑭ ‍ ᑐᑎᒻ ᒐᒂᔪᐤ ᑲ ‍ ᐊᓱᑎᒪᒐᑦ᙮ ᑭᔭ ᒋᑭ ‍ ᑐᑕᒄ ᒐᒋ ᓂᑲᓄᔅᑯᒥᑎ ᐃᔅᕋᐃᓪ ᐃᔪᐛ᙮
\v 31 ᐃᔅᐱ ᐃᔅᐱᔨᒐ ᐊᓐ, ᒋᑭ ‍ ᒥᔽᔨᑕᓐ ᐊ ᐊᑲ ᐛᒋ ᐸᐃᒄ ᐊᐛᔪᐛ ᐅᒋ ‍ ᓂᔭᔨᒥᑎ ᐊᓐᑕ ᓇᐸᓪ ᐎᒋᒡ᙮ ᓇᒪ ᒋᑭ ᒋ ‍ ᐃᑕᔨᑕᓐ ᐊᓂᑐᐛᔨᑕᑯᓯᔨᓐ ᒐᒋ ᐊᓏᔨᒥᑯᐎᔨᓐ ᐊᒋ ‍ ᑎᐸᐊᒪᓱᐎᔨᓐ ᑭᔭ ᓂᐸᔨᑥᐤ ᑲ ‍ ᑯᐃᔅᑭᑎᒡ ᐃᔪᒡ᙮ ᑭᔭ ᐃᔅᐱ ᑎᐸᔨᒋᒐᓱᐤ ᑐᑕᔅᒐ ᒐᒋ ᒥᔪᐱᔪᐅᑦ ᒐᒋ ᒋᓴᐅᒋᒪᐅᑦ, ᒐ ᐊᑲ ᐅᓂᒋᔅᒋᑎᒥᓐ ᒐᒋ ᒥᔪ ‍ ᑐᑐᐎᔨᓐ᙮"
\p
\v 32 ᐊᑯ ᑎᐱᑦ ᐊᑕᑦ ᐊᐱᑲᔭᓚ, “ᓂ ‍ ᒪᒥᒋᒪᐤ ᑎᐸᔨᒋᒐᓱᐤ, ᐊᓐ ᒋᓴᒪᓂᑐᐤ ᓂᔭᓐ ᐃᔅᕋᐃᓪ ᐃᔪᒡ ᐊᔭᒥᐊᔅᑐᐛᒡ, ᐛᔅ ᒋᒋ ‍ ᐃᑎᓴᐅᒄ ᒐᒋ ᐃᔨᒥᔨᓐ᙮
\v 33 ᑭᒪ ᓱᐛᔨᒥᔅᒃ ᑎᐸᔨᒋᒐᓱᐤ ᐊᒋ ᒥᔅᑎ ‍ ᑭᒐᑕᐛᔨᑎᒥᓐ᙮ ᒋᒋ ‍ ᑯᔅᑎᔨᓐ ᒡᐊᒋ ᑎᐸᐊᒪᓱᔭᓐ ᑭᔭ ᓂᐸᔨᒂᐤ ᒥᒐᑦ ᐃᔪᒡ ᐊᓄᒡ᙮
\v 34 ᒧᔭᒻ ᐊᐱᒪᑎᓯᑦ ᑎᐸᔨᒋᒐᓱᐤ ᒋᓴᒪᓂᑐᐤ ᓂᔭᓐ ᐃᔅᕋᐃᓪ ᐃᔪᒡ ᐊᔭᒥᐊᔅᑐᐅᒋᒡ, ᓂᒋ ‍ ᑯᔅᑎᔨᒄ ᒐᒋ ᐊᐧᑯᔨᑕᓐ᙮ ᐃᔅᐱ ᐊᑲ ᒋᑎᑉ ᑎᑯᓯᓂᔨᓇᒂ ᒐᒋ ᐃᔨᒥᔨᓐ, ᐊᑐᒡ ᒋ ᐱᒪᑎᓯᐱᓐᒡ ᐊᒐᒋᓴᐸᔭᔨᒡ ᐛᐱᓂᔨᒡ ᓇᐸᓪ ᑭᔭ ᐅᑦ ᐃᔨᒪ᙮”
\p
\v 35 ᐊᑯ ᑎᐱᑦ ᒂ ‍ ᐅᑎᓂᒺᑦ ᒥᔨᐛᐅᓇ ᑲᐸᑥᑯᑦ᙮ ᒂ ‍ ᐃᑕᑦ, “ᑭᒪ ᒥᓯᐛ ᐃᓯ ᒥᔪ ‍ ᐱᔨᓐ᙮ ᓂᒋ ‍ ᐸᑕᓐ ᒐᒂᓐ ᑲ ᐃᔅᒋᔄᔨᓐ, ᑭᔭ ᓂᑭ ‍ ᑐᑕᓐ ᒐᒂᓐ ᑲ ᐃᓯ ‍ ᓂᑐᐛᔨᑎᒥᓐ᙮”
\s1 ᑲᐱᓂᐱᒪᑎᓯᑦ ᓇᐸᓪ
\p
\v 36 ᐃᔅᐱ ᑲᐤ ᑲ ‍ ᓂᑐᐛᐱᒪᑦ ᐊᐱᓚᔭᓪ ᓇᐸᓚ, ᐎᒋᔨᒡ ᐊᓐᑕ ᒋ ᑕᔪᐛ, ᐊ ᒥᔅᑎ ‍ ᒥᑯᓴᔨᒋ ᒧᔭᒻ ᐊ ‍ ᐃᑎᒡ ᒋᓴᐅᒋᒪᐅᒡ᙮ ᒋᒋᐛ ᒋ ‍ ᒋᔎᐸᔪᐛ ᑭᔭ ᒋ ‍ ᒥᔽᔨᑎᒥᔨᐛ᙮ ᐊᑯ ᐊᐱᑲᔭᓪ ᓇᒪ ᒐᒂᔪᐤ ᐅᒋ ᐃᑕᐤ ᐊᓂᔭ ᑕᐱᔅᑲᔨᒡ ᐊᓂᔭ ᑲ ‍ ᓂᒋᔅᑯᐛᑦ ᑎᐱᑕ᙮
\v 37 ᒥᓐ ᒋᔭᒋᓴᐸᔭᔨᒡ, ᐃᔅᐱ ᐊ ᐊᑲ ᐅᒋ ᒋᔎᐸᔨᒋ, ᒥᓯᐛ ᒐᒂᔪᐤ ᒋ ᐎᑎᒧᐛᐤ ᑲ ᐃᔅᐱᔨᒡ ᐃᔅᐱ ᑲ ‍ ᐃᔨᒪᐊ ᑎᐱᑕ᙮ ᑎᐛᒡ ᒋ ‍ ᐸᐧᑲᐱᐃᔪᐤ ᒥᒂᔭᐱᔪᐤ ᐅᑎᐱᒡ ᑭᔭ ᒂ ‍ ᒪᔅᒋᑦ᙮
\v 38 ᓴᓯᑲᓐ ᑲᒋ ‍ ᐸᐃᑯᔪᐛᐱᐳᓂᔨᒡ, ᒥᓐ ᒋ ‍ ᐅᑕᒪᐅᑯᐤ ᑎᐸᔨᒋᒐᓱᐛ ᑭᔭ ᒂ ‍ ᐳᓂᐱᒪᑎᓯᑦ᙮
\p
\v 39 ᑲᒋ ‍ ᐸᑕᐧᒃ ᑎᐱᑦ ᐊᒋ ‍ ᐳᓂᐱᒪᑎᓯᔨᒋ ᓇᐸᓚ, ᒂ ‍ ᐃᔅᒋᔄᑦ “ᓂ ‍ ᒪᒥᒋᒪᐤ ᑎᐸᔨᒋᒐᓱᐤ! ᓂᒋ ‍ ᒪᔭᔨᒥᒄ ᓇᐸᓪ, ᒥᒄ ᑎᐸᔨᒋᒐᓱᐤ ᓂᒋ ‍ ᑎᐸᐊᒪᒄ᙮ ᓂᒋ ‍ ᑯᔅᑎᔨᒄ ᒐᒋ ᑐᑎᒧᒡ ᐊ ‍ ᒥᒋᓂᔨᒡ ᒐᒂᔪᐤ᙮ ᑭᔭ ᒋ ‍ ᐊᓏᔨᒪᐤ ᓇᐸᓚ ᑲ ‍ᐃᓯ ‍ ᒥᒋ ᑐᑎᒥᔨᒋ᙮"
\s1 ᑎᐱᑦ ᒋ ‍ ᐎᒋᒪᐤ ᐊᐱᑲᔭᓚ
\p ᐊᑯ ᑎᐱᑦ ᐊᑎᓴᐊᒧᐊᑦ ᐃᔨᒧᐅᓂᔪᐤ ᑲ ‍ ᐱᒧᑕᔨᒋ ᐊᐱᑲᔭᓚ, ᐊ ‍ ᑭᒂᒋᒪᑦ ᒐᒋ ᐎᒋᒥᑯᑦ᙮
\v 40 ᒋ ‍ ᑎᑯᓯᓂᔨᐛ ᐅᑦ ᐊᐱᒋᐊᑭᓇ ᐊᓐᑕ ᑲᕐᒥᓕᒡ ᑭᔭ ᒂ ‍ ᐃᑕᒡ ᐊᐱᑲᔭᓚ, “ᑎᐱᑦ ᓂᒋ ‍ ᐃᑎᓴᐅᑯᓇᓐ ᒐᒋ ᐅᑎᓂᑕᒡ ᒐᒋ ᐎᒋᒥᔅᒃ᙮”
\v 41 ᐊᐱᑲᔭᓪ ᒋ ᓇᐛᒋᔅᑐᐛᐤ ᒧᔅᑎᔅᑭᒥᒡ ᐊᑕᒋᑎᓂᔨᒡ ᐅᑕᔅᑎᒥᐧᒄ᙮ ᐊᑯ ᒂ ‍ ᐃᑕᑦ ᐃᔨᒧᐅᓂᔪᐤ ᑲ ‍ ᐱᒧᑕᔨᒋ ᒐᒋ ᐃᑕᔨᒋ ᑎᐱᑕ, “ᓂ ‍ ᒥᔽᔨᑕᓐ ᒐᒋ ᐎᒋᒥᑕᓐ᙮ ᒋᑭ ‍ ᐅᑦ ᐊᐱᒋᐊᑭᓂᑐᐅᓐ᙮ ᑭᔭ ᓂ ‍ ᓇᐊᔨᑕᓐ ᒐᒋ ᒋᔅᑕᐳᓯᑕᓂᒂᐤ ᒋᑦ ᐊᐱᒋᐊᑭᓐᒡ᙮”
\v 42 ᒋᔅᑎᑉ ᒋ ‍ ᐳᓱᐤ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᑭᔭ ᐛᒐᐅᒪᑦ ᑎᐱᑕ ᐅᑦ ‍ᐊᐱᒋᐊᑭᓂᔨᐛ᙮ ᐱᑕᑕᒡ ᐅᑯᐸᓇᔎᒪ ᒋ ‍ ᐎᒐᐅᑯᐤ᙮ ᐃᔅᐱ ᑲ ‍ ᑎᑯᓯᐧᒃ ᐊᓐᑕ ᑎᐱᑕ ᐊ ‍ ᑕᔨᒋ, ᒂ ‍ ᐎᒋᒥᑯᑦ᙮
\v 43 ᐎᐱᒡ ᐊᓐᑕ ᒋ ‍ ᐎᒋᒪᐤ ᐊᐃᓄᐊᒪ ᑎᐱᑦ, ᒐᔅᕆᐅᓪ ᐅᑕᓇᒡ ᑲ ‍ ᐅᒋᔨᒋ ᐃᔎᐛ, ᒥᒋᒪ ᑲᕐᒥᓕᒡ᙮ ᐊᐅᒄ ᐊᓂᔭ ᑎᐱᑦ ᑲ ‍ ᐎᐅᑦ ᐊᐱᑲᔭᓚ ᑭᔭ ᐊᐃᓄᐊᒪ᙮
\v 44 ᒪᐃᑲᓪ ᒋᓴᐅᒋᒪᐤ ᓴᓪ ᐅᑕᓂᓴ ᐃᔭᐱᒡ ᐊᓂᔭ ᑎᐱᑦ ᒋ ᐎᐅ, ᒥᒄ ᓴᓪ ᐸᓪᑎᐊᓚ ᓚᐃᓴ ᐅᑯᓯᔨᐛ ᒋ ‍ ᒥᔭᐤ, ᑲᓕᒻ ᐅᑕᓇᒡ ᑲ ‍ ᐅᒋᔨᒋ᙮
\c 26
\s1 ᑎᐱᑦ ᒥᓐ ᑲ ‍ ᐱᒪᒋᑕᐛᑦ ᓴᓚ ᐅᐱᒪᑎᓯᐅᓂᔪᐤ
\p
\v 1 ᐸᐃᒂᐤ ᒐᓯᑲᔨᒡ ᐱᔅᒐ ᓯᑉ ᐅᑕᓇᒡ ᐃᔪᒡ ᒋ ‍ ᓂᑐᐛᐱᒪᐅᒡ ᓴᓚ ᒪᒂᒡ ᑲ ‍ ᑕᔨᒋ ᐊᓐᑕ ᑭᐱᐊᐃᒡ, ᑭᔭ ᒂ ‍ ᐃᑕᒡ, “ᑲᓱᐤ ᑎᐱᑦ ᐊᓐᑕ ᐊᑭᓚ ᐱᔅᑯᑎᓇᒡ ᐊᐛᐧᑭᑕᐅᑲᔨᒡ, ᐊᓱ ‍ ‍ᒐᓯᒧᓐ ᐅᑕᓇᒡ᙮”
\p
\v 2 ᐊᑯ ᓴᓪ ᒂ ‍ ᐎᔭᔨᒪᑦ ᓂᔍᐤ ᒐᓯᐱᔪᐤ ‍ (3000) ᐊᒋ ‍ ᑭᔅᒋᑕᔨᒋ ᓂᑐᐱᔪᐅ-ᐃᔪᐛ ᑭᔭ ᐛᒐᐛᑦ ᓯᑉ ᐸᐧᑯᑎᔅᑭᒥᑲᒡ ᐃᓯ ᒐᒋ ᓇᓂᑐᐛᐱᒪᒡ ᑎᐱᑕ᙮
\v 3 ᓴᓪ ᑭᔭ ᐅᑦ ᐃᔨᒪ ᒋ ‍ ᒋᒥᑕᐅᒡ ᐅᐱᒋᐛᔭᒋᐛᐳᐛᐛ ᒥᒋᒪ ᐊᑭᓚ ᐱᔅᑯᑎᓇᒡ ᒪᔅᑭᓇᒡ, ᐛᐱᓄᑕᒡ ᒐᓯᒧᓐ ᐅᑕᓇᒡ, ᒥᒄ ᑎᐱᑦ ᑭᔭ ᐅᑦ ᐃᔨᒪ ᐸᔅᑯᑎᔅᑭᒥᑲᒡ ᒋ ‍ᑕᐅᒡ᙮ ᐃᔅᐱ ᑎᐱᑦ ᐱᔭᑕᐧᒃ ᓂᔭᓂᑐᐛᐱᒥᑯᑦ ᓴᓚ,
\v 4 ᒋ ‍ ᐃᑎᓴᐛᐤ ᐱᔅᒐ ᑲᑭᒋᒧᑎᓯᔨᒋ ᒐᒋ ᓇᓂᑐᔅᒐᔨᒪᔨᒋ ᑕᑈ ᑲᒋ ‍ ᑎᑯᓯᓂᔨᒂᓂ ᓴᓚ ᐊᓐᑕ ᐊᑭᓚᔨᒡ᙮
\p
\v 5 ᐊᑯ ᐊᓂᔭ ᐛᑕᑯᓯᔨᒡ ᑎᐱᑦ ᒋ ‍ ᐃᑐᑕᐤ ᐊᓐᑕ ᓴᓚ ᑲ ‍ ᒪᓂᑲᓱᔨᒋ᙮ ᐛᔪᐎᔅ ᐅᒋ, ᒋ ‍ ᐛᐱᒪᐤ ᑕᓐᑕ ᓴᓚ ᑭᔭ ᐛᒋᒪᐎᒋ ᐅᓂᑐᐱᔪ-ᐅᔨᒪ, ᐊᐱᓂᕋ, ᓇᕐ ᐅᑯᓯᔨᐛ, ᑲ ‍ ᓂᐸᔨᒋ᙮ ᒋ ‍ ᓂᐸᔪᐛ ᓴᓚ ᐊᓯᒡ ᒥᓯᐛ ᐅᓂᑐᐱᔪ-ᐃᔨᒥᔨᐛ ᑲ ‍ ᐛᔅᑲᓯᓂᔨᒋ ᐊᑕᑦ᙮
\p
\v 6 ᑲᐤ ᒂ ‍ ᐃᑐᑕᑦ ᑎᐱᑦ ᐊᓐᑕ ᐊ ‍ ᑕᔨᒋ ᐅᑦ ᐃᔨᒪ ᑭᔭ ᒂ ‍ ᐃᔨᒪᐊᑦ ᐊᐃᒪᓕᑲ, ᐊᑦ ᐃᔪᐛ ᑲ ‍ ᐃᑎᔅᑲᓇᓯᑦ, ᑭᔭ ᒍᐊᐸ ᐅᔅᑕᓯᔨᐛ ᐊᐱᓴᐃᔭᔨᒋ, ᐊᓂᔭ ᓯᕋᐃᐊᔨᒋ ᑲ ᐅᑲᐎᑦ, ᑎᐱᑕ ᐅᒥᓯᔨᐛ᙮ ᒂ ‍ ᑭᒂᒋᒪᑦ, “ᐊᐛᓐ ᒐ ‍ ᐎᒐᐅᑦ ᐊᓐᑕ ᐛᒋᔨᒋ ᓴᓚ?”
\p ᐊᐱᓴᐃ ᒋ ‍ ᐃᑕᐤ, “ᓂᔾ ᒋᑭ ‍ ᐎᒐᐅᑎᓐ᙮”
\v 7 ᐊᑯ ᐊᓂᔭ ᑕᐱᔅᑲᔨᒡ ᑎᐱᑦ ᑭᔭ ᐊᐱᓴᐃ ᒂ ‍ ᐃᔅᑕᒋᒧᒡ ᐊᓐᑕ ᑲ ‍ ᒪᓂᑲᓱᐎᔨᒋ ᓴᓚ᙮ ᒂ ‍ ᐛᐱᒪᒡ ᐊᓂᐸᔨᒋ ᓴᓚ᙮ ᒧᔅᑎᔅᑭᒥᒡ ᒋ ᒋᒥᓱᔪᐛ ᐅᑦ ᐊᓯᒪᑭᓂᔪᐤ ᒥᒋᒪ ᐅᔅᑎᒂᓂᔨᒡ᙮ ᑕᑕᐅᒡ ᐛᒋᓇᓄᐎᔨᒡ ᒋ ‍ ᓂᐸᐤ ᓴᓪ᙮ ᐊᐱᓂᕐ, ᓂᑐᐱᔪᐅ-ᐅᒋᒪᐤ, ᑭᔭ ᑯᑎᑭᒡ ᓂᑐᐱᔪᐅ-ᐃᔪᒡ ᐛᔅᑲ ᒋ ‍ ᓂᐸᐅᒡ ᓴᓚ ᐊ ‍ ᑕᔨᒋ᙮
\p
\v 8 ᐊᐱᓴᐃ ᒋᒧᑦ ᒋ ‍ ᐃᔨᒪᐤ ᑎᐱᑕ, “ᐊᓄᒡ ᒋ ‍ ᒥᔨᑯᓄᐤ ᑎᐸᔨᒋᒐᓱᐤ ᒐᒋ ᓂᐸᔨᒪᐧᑯᐤ ᑲ ‍ ᐱᒂᑎᔨᔅᒋᔅᒋ! ᓇᐊᔨᒥ ᒐᒋ ᐊᔅᑕᔎᐅᒄ ᓴᓪ ᒧᔅᑎᔅᑭᒥᒡ ᐊᑕᐧᑭᒥᒄ ᐅᑦ ᐊᓯᒪᑭᓐ᙮ ᒥᒄ ᐸᐃᒂᐤ ᓂᑭ ᒋ ‍ ᑕᐧᑭᒪᐤ, ᓇᒪ ᒋᑭ ᒋ ‍ ᓂᑐᐛᔨᑕᑯᓐ ᓂᔄᐤ ᒐᒋ ᑕᐧᑭᒥᒄ᙮”
\p
\v 9 ᒥᒄ ᑎᐱᑦ ᒋᒧᑦ ᒋ ‍ ᐃᔨᒪᐊᐤ ᐊᐱᓴᐃᔨᒋ, “ᓇᒪ, ᐊᑲ ᓂᐸᐃ ᓴᓪ᙮ ᒋ ‍ ᐅᑎᓇᐤ ᐅᔭ ᑎᐸᔨᒋᒐᓱᐤ ᒐᒋ ᒋᓴᐅᒋᒪᐎᒋ, ᐊᑯ ᒐᔅᑎᓇᔅ ᑎᐸᔨᒋᒐᓱᐤ ᒋᑭ ‍ ᐊᓏᔨᒪᐤ ᐊᐛᔪᐛ ᓂᐸᔨᒐᓂᐃ ᓴᓚ᙮
\v 10 ᓇᔅᒡ ᐊᐱᒪᑎᓯᑦ ᑎᐸᔨᒋᒐᓱᐤ, ᐎᔾ ᒋᑭ ‍ ᐊᓏᔨᒪᐤ ᓴᓚ᙮ ᒂᔄᓐ ᒋᑭ ‍ ᐅᑕᒪᐛᐤ ᐃᔅᐱ ᐅᑎᒋᐱᔨᒐ ᒐᒋ ᐳᓂᐱᒪᑎᓯᑦ ᓴᓪ, ᑭᔭ ᒪᒃ ᒂᔄᓐ ᒋᑭ ‍ ᓂᐸᐊᑭᓄᐤ ᓴᓪ ᐊᓂᑐᐱᔨᓇᓄᐎᔨᒡ᙮
\v 11 ᒥᒄ ᓂ ‍ ᐱᑯᓴᔨᒪᐤ ᑎᐸᔨᒋᒐᓱᐤ ᒐᒋ ᑯᔅᑎᔨᑦ ᒐᒋ ᐊᐧᑯᔨᒥᒋ ᒋᓴᐅᒋᒪᐛ ᑲ ‍ ᐅᑎᓇᑦ᙮ ᐅᑎᓂᒺᑕᐤ ᓴᓪ ᐅᑦ ᐊᓯᒪᑭᓇ ᑭᔭ ᐅᐳᑕᒻ ᒥᒋᒪ ᐅᔅᑎᒂᓂᒡ ᐊᔅᑕᔨᒡ᙮ ᐊᑯ ᒐ ᐊᑎ ‍ ᒋᑐᑕᔭᐧᒄ!”
\s1 ᑎᐱᑦ ᑲ ‍ ᒪᔭᔨᒪᑦ ᐊᑉᓄᕋ ᑭᔭ ᓴᓚ
\p
\v 12 ᐊᑯ ᑎᐱᑦ ᐛᑎᓇᑦ ᓯᒪᑭᓇ ᑭᔭ ᐳᑕᔪᐤ, ᑭᔭ ᐎᔾ ᑭᔭ ᐊᐱᓴᐃ ᒂ ‍ ᒋᑐᑕᒡ᙮ ᓇᒪ ᐊᐛᓐ ᐅᒋ ᐛᐱᒪᐤ ᑭᔭ ᒪᒃ ᓇᒪ ᐅᒋ ᒋᔅᒐᔨᒪᐅᒡ ᒐᒂᔪᐤ ᑲ ‍ ᑐᑎᒥᔨᒋ, ᑭᔭ ᓇᒪ ᐊᐛᓐ ᐅᒋ ᐅᓂᐅ, ᐛᔅ ᑎᐸᔨᒋᒐᓱᐤ ᒋ ‍ ᑐᑐᐛᐤ ᓇᔅᒡ ᒐᒋ ᒥᔅᑎ ‍ ᓂᐸᔨᒋ᙮
\p
\v 13 ᑎᐱᑦ ᑭᔭ ᐊᐱᓴᐃ ᒋ ‍ ᐊᓱᐛᐊᒧᒡ ᐊ ‍ ᐱᓴᔨᒡ ᑭᔭ ᓯᐊᑭᒋᐛᒡ ᑕᐧᑯᒡ ᐊᐱᔅᑯᑎᓇᔨᒡ, ᐛᔪᐤ ᓴᓪ ᑲ ‍ ᐎᒋᑦ ᐅᒋ᙮
\p
\v 14 ᐊᑯ ᑎᐱᑦ ᒂ ‍ ᑕᑈᑦ ᐊᐱᓂᕋ, “ᐊᐱᓂᕐ, ᒋᐸᑐᐅᓐ ᐊ?”
\p ᒂ ‍ ᐸᑯᐱᔨᑦ ᐊᐱᓂᕐ ᑭᔭ ᒂ ‍ ᐃᑕᑦ, “ᐊᐛᓐ ᐅ ᒋᔾ, ᐱᔭᑯᓂᑦ ᒋᓴᐅᒋᒪᐤ ᐊᑕᑈᑎᑦ?”
\v 15 ᑎᐱᑦ ᒂ ‍ ᐃᑕᑦ, “ᓂ ‍ ᒐᒋᓇᐅᓐ ᐊ ᒋᒋ ‍ ᐃᑕᔨᑕᑯᓯᔨᓐ ᓇᐸᐤ ᐊᓐᑕ ᐃᔅᕋᐃᓕᒡ! ᐊᑯ ᒐᒂᓐ ᐛᒋ ᐊᑲ ᒥᔪ ‍ ᓇᑭᑐᐛᔨᒥᑦ ᒋ ‍ ᐅᒋᒪᒻ, ᒋᓴᐅᒋᒪᐤ? ᒋ ‍ ᑎᑯᓯᓄᐤ ᐊᐛᓐ ᐊᓐᑕ ᐛᒋᔭᒄ ᒐᒋ ᓂᐸᐊᑦ ᒋ ‍ ᐅᒋᒪᒪ, ᒋᓴᐅᒋᒪᐛ᙮
\v 16 ᓇᒪ ᒋ ᐅᒋ ‍ᒥᔪ ‍ ᐊᑐᔅᒐᓐ ᐊᓇᑭᑐᐛᔨᒥᑦ ᓴᓪ᙮ ᒐᒋᓇᒡ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᒋᐸ ‍ ᓂᐸᔨᑯᐅᓇᐛᐤ ᒋᔾ ᑭᔭ ᒋ ‍ ᓂᑐᐱᔪᐅ-ᐃᔨᒥᒡ! ᓇᒪ ᒋ ᐅᒋ ᒥᔪ ‍ ᓇᑭᑐᐛᔨᒪᐤ ᒋ ‍ ᐅᒋᒪᒻ ᐊᓂᔭ ᑎᐸᔨᒋᒐᓱᐤ ᑲ ‍ ᐅᑎᓇᑦ ᒐᒋ ᒋᓴᐅᒋᒪᐎᒋ᙮ ᑕᓐᑕ ᐊᓂᔭ ᒋᓴᐅᒋᒪᐤ ᐅᑦ ᐊᓯᒪᑭᓇ ᑭᔭ ᐅᐳᑕᒻ ᒥᒋᒪ ᐅᔅᑎᒂᓂᒡ ᑲ ‍ ᑎᑯᓂᔨᒋ?”
\p ᒋ ‍ ᐸᑯᒥᑯᐤ ᓴᓪ ᐊᑕᐱᑕᑈᓄᐎᔨᒡ ᑭᔭ ᒂ ‍ ᓂᔅᑐᑎᒺᑦ ᑎᐱᑕ ᐅᐸᑕᑯᓯᐅᓂᔪᐤ᙮ ᒂ ‍ ᑕᑈᑦ, ᐊ ‍ ᐃᔅᒋᔄᑦ, “ᓂᑯᓴ ᑎᐱᑦ, ᒋᔾ ᐊ ᐊᓐ ᒋᐸᑕᑯᓯᐅᓐ?”
\p ᑎᐱᑦ ᒂ ‍ ᐃᑕᑦ, “ᓂᐃ, ᓂ ‍ ᐅᒋᒪᒻ ᓂᔾ ᐊᓐ ᓂᐸᑕᑯᓯᐅᓐ᙮”
\p
\v 17 
\v 18 ᐊᑯ ᑎᐱᑦ ᐊᔅᒋᔄᑦ, “ᐅᒋᒪᐤ, ᒐᒂᓐ ᐛᒋ ‍ ᐱᐸᒥᓇᓴᐎᔨᓐ? ᒐᒂᓐ ᑲ ‍ᒥᒋ ‍ ᑐᑎᒪᓐ”
\v 19 ᐅᒋᒪᐤ, ᓂᑐᑐᐎᔾ! ᑲ ‍ ᑐᑕᔅᒐ ᑎᐸᔨᒋᒐᓱᐤ ᒐᒋ ᒋᔄᐱᔅᑐᐎᔨᓐ, ᓂᐸ ‍ ᒥᑐᔅᑕᐊᒧᐛᐤ ᒐᒋ ᒥᔽᔨᑎᒥᔨᒃ᙮ ᒥᒄ ᐃᔅᐱ ᐃᔪᒡ ᐊᑐᑕᑯᔎᐛ ᒐᒋ ᒋᔄᐱᔅᑐᐎᔨᓐ, ᓂ ‍ ᐱᑯᓴᔨᒪᐤ ᑎᐸᔨᒋᒐᓱᐤ ᒐᒋ ᐊᓏᔨᒪᑦ᙮ ᓇᒋ ‍ ᐊ ‍ ᐃᔨᒥᔨᑯᒡ ᒐᒋ ᓂᑭᑎᒧᒡ ᐊᔅᒋᔪᐤ ᑎᐸᔨᒋᒐᓱᐛ ᑲ ‍ ᒥᔨᒋ᙮ ᓂᒋ ‍ ᐃᔨᑎᑯᒡ, ‘ᒥᒋ ᓇᑕ ᐃᔭᒡ ᐃᑐᑕ ᑭᔭ ᑯᑎᑭᒡ ᒥᓂᑐᐧᑲᓐᒡ ᒐ ‍ ᐊᔭᒥᐊᔅᑐᐅᑥᐤ!’
\v 20 ᐊᑯ ᑲ ‍ ᐃᔨᐧᑭᒥ ᒐᒋ ᐳᓂᐱᒪᑎᓯᔭᓐ ᐛᔪᐤ ᐅᒋ ᐊᓐᑕ ᐊᔭᒥᐊᔅᑐᐅᒋᒡ ᑎᐸᔨᒋᒐᓱᐤ᙮ ᒋᔾ, ᐃᔅᕋᐃᓪ ᒋᓴᐅᒋᒪᐤ, ᒋᒋ ‍ ᑎᑯᓯᓐ ᐅᑕ ᐊᓇᓂᑐᐛᐱᒥᔨᓐ᙮ ᒥᒄ ᓇᒪ ᒋ ᐎ ‍ ᐊᐧᑯᔨᑎᓐ! ᓇᒪ ᓂ ‍ ᑯᔅᑎᑯᓯᓐ ᒧᔭᒻ ᓯᒋᒪᔅ᙮ ᒋ ‍ ᓇᓂᑐᐛᐱᒥᓐ ᒧᔭᒻ ᐃᔪᒡ ᐊ ‍ ᓂᑐᐅᒡ ᐱᔭᓱᐛ ᐊᓐᑕ ᐱᔅᑯᑎᓇᒡ”
\p
\v 21 ᐊᑯ ᓴᓪ ᐊᑕᑦ, “ᑎᐱᑦ, ᓂᑯᓴ᙮ ᓂᒋ ‍ᒥᒋ ‍ ᑐᑕᓐ ᐊ ‍ ᑯᒋᑕᔭᓐ ᒐᒋ ᓂᐸᔨᑕᓐ᙮ ᐊᑯ ᐸᒋ ‍ ᒋᐛ᙮ ᐊᓄᒡ ᒋᒋ ‍ ᐃᑕᔨᑕᓐ ᐊ ‍ ᒋᔅᑕᔨᑕᒂᒡ ᓂ ‍ ᐱᒪᑎᓯᐅᓐ ᐊᑯ ᑭᔭ ᓇᒪ ᒋ ᐅᒋ ᓂᐸᔨᓐ᙮ ᐊᑯ ᓂᑭ ‍ ᑯᒋᑕᓐ ᒐ ᐊᑲ ᐊᐧᑯᔨᑕᓐ᙮ ᓂᒋ ᒥᔅᑎ ‍ ᐱᑕᐊᓐ ᑭᔭ ᓂᒋ ‍ ᐅᓂᐱᔨᓐ᙮”
\p
\v 22 ᑎᐱᑦ ᒂ ‍ ᐃᑕᑦ, “ᓂᑭ ‍ ᓂᑭᑕ ᐅᑕ ᒋᑦ ᐊᓯᒪᑭᓐ᙮ ᐸᑎᓴᐤ ᐅᑕ ᐸᐃᒄ ᒋᑦ ᐃᔨᒻ ᒐᒋ ᓇᑕᑦ᙮
\v 23 ᒋ ‍ ᑎᐸᐊᒪᑯᓄᐤ ᑎᐸᔨᒋᒐᓱᐤ ᐊ ‍ ᐃᑐᑎᒺᐧᒄ ᒐᒂᔪᐤ ᐊ ‍ ᒥᔽᔨᒡ ᑭᔭ ᐊ ‍ ᑕᑈᐅᒐᔨᒪᐧᒄ᙮ ᐊᑎ ᓱᐧᒄ ᐱᔅᑎᓂᑦ ᑎᐸᔨᒋᒐᓱᐤ ᐊᓐᑕ ᐛᓂᔅᒐ ᒐᒋ ᓂᐸᔨᑎᓇᐱᓐ, ᓇᒪ ᓂ ᐅᒋ ᑕᑈᑕᓐ ᐊᓐ ᒐᒋ ᐃᑐᑎᒪᓐ, ᐛᔅ ᒋᔾ ᐅ ᐊᓂᔭ ᑎᐸᔨᒋᒐᓱᐤ ᑲ ‍ ᐅᑎᓇᑦ ᒐᒋ ᒋᓴᐅᒋᒪᐎᒋ᙮
\v 24 ᒧᔭᒻ ᑲ ‍ ᐃᑕᔨᑎᒪᓐ ᐊ ‍ ᒋᔅᑕᔨᑕᒂᒡ ᒋ ‍ ᐱᒪᑎᓯᐅᓐ ᑭᔭ ᐊ ᐊᑲ ᐅᒋ ᐅᑎᓂᒪᓐ ᐊᓄᒡ, ᓂ ‍ ᐱᑯᓴᔨᒪᐤ ᑎᐸᔨᒋᒐᓱᐤ ᒐᒋ ᐃᑕᔨᑕᐧᒃ ᐊᒋ ‍ ᒋᔅᑕᔨᑕᑯᓂᔨᒡ ᓂ ‍ ᐱᒪᑎᓯᐅᓂᔪᐤ ᑭᔭ ᒐ ‍ ᐱᒪᒋᔨᑦ ᓂ ‍ ᐅᔅᑕᐱᔪᐅᓇ ᐅᒋ᙮”
\p
\v 25 ᐊᑯ ᓴᓪ ᐊᑕᑦ ᑎᐱᑕ, ᓂᑯᓴ ᑎᐱᑦ, ᓂ ‍ ᓂᑐᑎᒪᓐ ᒐ ‍ ᓱᐛᔨᑕᑯᔨᔅᒃ ᑎᐸᔨᒋᒐᓱᐤ᙮ ᒋᑭ ᒥᔪᐱᔨᓐ ᐊ ‍ ᐃᑐᑎᒥᓐ ᒋᒋ ‍ ᒐᒂᓇ᙮”
\p ᐊᑯ ᑎᐱᑦ ᑲᐤ ᒂ ‍ ᓂᑐᐛᐱᒪᑦ ᐅᓂᑐᐱᔪᐅ-ᐃᔨᒪ, ᑭᔭ ᓴᓪ ᑲᐤ ᒂ ‍ ᒋᐛᑦ᙮
\c 27
\s1 ᑎᐱᑦ ᒋ ‍ ᐃᑕᐤ ᐊᓐᑕ ᐱᓕᔅᑎᐊ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊ ‍ ᑕᔨᒋ
\p
\v 1 ᒥᒄ ᑎᐱᑦ ᒋ ‍ ᐃᑕᔨᑎᒻ, “ ᐸᐃᒂᐤ ᐊᒋᓯᑲᔨᒡ ᓂᑭ ‍ ᑲᔅᑎᓂᒄ ᓴᓪ ᐃᑕᔭᓐ ᐅᑕ᙮ ᐊᑯ ᒐᒋ ᒋᑎᓯᒧᔭᓐ ᐊᐅᒄ ᐊᓐ ᒐᒂᓐ ᒥᔽᒡ ᒐᒋ ᐃᑎᔭᓐ ᑭᔭ ᐱᓕᔅᑎᐊ ᐃᑕᐅᓂᒡ ᒐᒋ ᐃᑐᑕᔭᓐ᙮ ᐃᑎᔭᓇ ᐅ, ᒋᑭ ᐱᓂᐤ ᐊ ‍ ᓇᓂᑐᐛᐱᒥᑦ ᓴᓪ ᐅᑕ ᐃᔅᕋᐃᓕᒡ, ᑭᔭ ᓂᑭ ‍ ᓴᒐᔨᒧᓐ᙮”
\p
\v 2 ᐊᑯ ᑎᐱᑦ ᑭᔭ ᐊᓱᑕᒡ ᑕᑐ ᒥᑕᓯᒥᑎᓄᐤ ‍ (600) ᐅᓂᑐᐱᔪᐅ-ᐃᔨᒪ ᒂ ‍ ᓂᑭᑕᒡ ᐃᔅᕋᐃᓕᔪᐤ ᑭᔭ ᓇᑐᐛᐱᒪᒡ ᒪᐅᑲ ᐅᑯᓯᔨᐛ ᐊᑭᓴ, ᑲᑦ ᐅᑕᓇᒡ ᐊᓐᑕ ᐱᓕᔅᑎᐊ ᐃᑕᐅᓂᒡ ᑲ ‍ ᒋᓴᐅᒋᒪᐎᔨᒋ᙮
\v 3 ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᑭᔭ ᐊᐸᐃᑯᑕᐅᓯᔨᒋ ᒂ ‍ᒋᒋ ‍ ᐎᒋᒡ ᐊᓐᑕ ᑲᑦ, ᐊᓐᑕ ᐅᑕᓇᔪᐤ ᐊᑭᓴ ᑲ ‍ ᐎᒋᔨᒋ᙮ ᑎᐱᑦ ᐊᓂᓯᔨᒋ ᐎᐛ ᒋ ᐎᒐᐅᑯᐤ - ᐊᐃᓇᐅᒪ ᒐᔅᕆᐅᓕᒡ ᐅᒋ, ᑭᔭ ᓇᐸᓚ ᐎᐎᔨᐛ ᐊᐱᑲᔭᓚ, ᑲᕐᒥᓕᒡ ᐅᒋ᙮
\v 4 ᐃᔅᐱ ᑲᐎᑎᒧᐛᑦ ᐊᐛᓐ ᓴᓚ ᐊᒋ ‍ ᒋᑎᓯᒧᔨᒋ ᑎᐱᑕ ᑭᔭ ᐛᒋᔨᒋ ᐊᓐᑕ ᑲᑦ ᐅᑕᓇᒡ, ᒋ ‍ ᐳᓂᐤ ᐊ ‍ ᓇᓂᑐᐛᐱᒪᑦ ᑎᐱᑕ
\p
\v 5 ᐸᐃᒂ ᒐᓯᑲᔨᒡ ᑎᐱᑦ ᒋ ‍ ᐃᑕᐤ ᐊᑭᓴ, “ᒪᔽᔨᒧᐛᐛᒐ, ᐸᒋ ‍ ᒥᔨᓇᓐ ᐸᐃᒄ ᐊᐱᓴᔅ ᐅᑕᓇᔅ ᐊᓐᑕ ᒐ ‍ ᐃᑕᔭᒡ᙮ ᓇᒪ ᓂᑐᐛᔨᑕᑯᓐ ᒐᒋ ᐃᑕᔭᒡ ᐅᑕ ᐅᑕᓇᒡ ᐊᓐᑕ ᒐᓴᐅᒋᒪᐎᔨᓐ᙮"
\p
\v 6 ᒋ ‍ ᒥᔽᔨᑎᒻ ᐊᑭᔅ ᑲ ᐃᔅᒋᔄᔨᒋ ᑎᐱᑕ᙮ ᐊᑯ ᐊᓂᔭ ᒋᓯᑯᔪᐤ ᐊᑭᔅ ᓯᒃᓚᒃ ᐅᑕᓇᔪᐤ ᒋ ‍ ᒥᔭ ᑎᐱᑕ᙮ ᐊᓂᔭ ᐅᒋ, ᒍᑕ ᒋᓴᐅᒋᒪᐅᒡ ᒋ ‍ ᑎᐸᔨᑎᒧᒡ ᐊᓂᔭ ᓯᒃᓚᒃ ᐅᑕᓇᔪᐤ᙮
\p
\v 7 ᐊᓱᑕᒡ ᑕᑐᓴᐱᓯᒺ ᐃᔅᐱᔅ ᒋ ‍ ᐎᒍᐅᒡ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᐊᓐᑕ ᐱᓕᔅᑎᐊ ᐃᑕᐅᓂᒡ᙮
\v 8 ᒪᒂᒡ ᐊᓂᔭ ᑲ ᐃᔅᐱᔨᒡ, ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒋ ‍ ᑯᓯᒂᔨᒧᑐᐛᐅᒡ ᐃᔪᐛ ᐊᓐᑕ ᐃᑕᐅᓇ ᐊᓐᑕ ᑲ ‍ ᐎᒋᔨᒋ ᑯᓱᕐ, ᑭᔭ ᑭᔅᕆ, ᑭᔭ ᐊᒪᓕᒃ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᓇᐅᔅ ᐊᓐᑕ ᒋ ‍ ᐎᒍᐅᒡ ᐊᓐᒡ ᐃᔪᒡ᙮ ᓴᐅᓄᒡ ᒋ ‍ ᐃᔅᐱᓴᐤ ᐊᓐ ᐃᑕᐅᓐ ᑎᓚᒻ ᐅᒋ ᐃᔅᐱᔅ ᓱᕐ ᐸᐧᑯᑎᔅᑭᒥᑲᒡ ᑭᔭ ᐃᒋᑉᑎᒡ ᐊᐱᒥᓯᓇᑕᒡ ᐊᔅᒋᔾ᙮ ᐃᔅᐱᔅ᙮
\v 9 ᑕᑥᐤ ᑯᓯᒂᔨᒧᑐᐛᑯᑥᐎ ᑎᐱᑦ ᐅᓂᑐᐱᔪᐅ-ᐃᔨᒪ, ᒥᓯᐛ ᒋ ‍ ᓂᐸᐅᒡ ᓇᐸᐛ ᑭᔭ ᐃᔎᐛ, ᑭᔭ ᒥᓯᐛ ᐃᔪᐛ ᐅᒪᔭᑕᓂᓯᒥᔨᐛ ᑭᔭ ᐅᒥᒋᑎᐧᑯᒥᔨᐛ ᑭᔭ ᑲᓂᐧᑲᑎᓯᔨᒋ ᐅᑲᐸᐃᑭᔎᒥᔨᐛ ᑭᔭ ᑲᒥᔅᑎᐱᔎᐅᑭᓇᔨᒋ ᐅᑦ ᐊᐛᓯᓯᒥᔨᐛ, ᑭᔭ ᐃᔭᐱᒡ ᐅᑦ ᐊᐱᒋᑕᐅᓂᔨᐛ᙮ ᐊᑯ ᒂ ‍ ᒋᐛᑕᒡ ᐊᓂᔭ ᒐᒂᓂᔨᐛ, ᑭᔭ ᑎᐱᑦ ᒂ ᓂᑐᐛᐱᒪᑦ ᐊᑭᓴ ᒐᒋ ᐃᔨᒪᐊᑦ᙮
\p
\v 10 ᐊᓯᑯᒻ ᐊᑭᔅ ᒂ ᑭᒂᒋᒪᑦ ᑎᐱᑕ, “ᑕᓐᑕ ᑲ ᑯᓯᒂᔨᒧᑐᑕᒐᔨᓐ ᐊᓄᒡ” ᒋ ‍ ᐎᔭᓯᒪᐤ ᓂ ᑎᐱᑦ᙮ ᓂᔭᓂᑯᑎᓂ ᒋ ‍ ᐃᑕᐤ ᓴᐅᓄᒡ ᒐᑕᔨᒡ ᐊᒋ ‍ ᐃᑐᑕᒡ, ᑭᔭ ᓇᔭᓂᑯᑎᓂ ᒋ ‍ ᐃᔅᒋᔄᐤ ᒋᕋᒥᐊᓪ, ᑭᔭ ᒪᒃ ᐊᓐᑕ ᐃᑕᐅᓂᒡ ᑭᓂ ᐃᔪᒡ ᐊ ‍ ᐃᑎᔅᑲᓇᓯᒡ ᐎᒋᒡ᙮
\v 11 ᓇᒪ ᓂᑕ ᐅᒋ ‍ ᐸᓱᐛᐅᒡ ᑎᐱᑦ ᐅᓂᑐᐱᔪᐅ-ᐃᔨᒪ ᓇᐸᐛ ᑭᔭ ᐃᔎᐛ ᐊᓐᑕ ᑲᑦ ᐊᔅᒄ ᐊᐱᒪᑎᓯᔨᒋ᙮ ᒋ ‍ ᐃᑕᔨᑎᒻ ᑎᐱᑦ, “ᐊ ᐊᑲ ᓂᐸᔨᒋᒐ ᐊᐛᓐ, ᐱᔅᒐ ᐊᓐᒡ ᐊᔅᒄ ᐸᒪᑎᓯᒡ ᒋᑭ ‍ ᓂᑐᐛᐱᒪᐅ ᑭᔭ ᒐ ‍ ᐎᑎᒧᐛᒡ ᐊᑭᓴ ᑕᑈᐅᓂᔪᐤ ᒐᒂᔪᐤ ᑕᑈ ᑲ ‍ ᐃᑐᐅᒋᒡ᙮” ᐊᐅᑯᔪᐤ ᐊᓂᔭ ᓇᓂᑎᒻ ᑲ ‍ ᐃᑎᑦ ᑎᐱᑦ ᐎᔾ ᑭᔭ ᐅᓂᑐᐱᔪᐅ-ᐃᔨᒪ ᑲ ‍ ᐃᔅᐱᔅ ᐎᒋᒡ ᐱᓕᔅᑎᐊ ᐃᑕᐅᓂᒡ᙮
\v 12 ᐊᑯ ᒋ ‍ ᑕᑈᑐᐛᐤ ᐊᑭᔅ ᒐᒂᔪᐤ ᑲ ᐃᑎᑯᑦ ᑎᐱᑕ, ᑭᔭ ᒂ ‍ ᐃᑎᑎᓱᑦ, ᐛᔅ ᐊᓂᔭ ᑲ ‍ ᑐᑕᐧᒃ ᑎᐱᑦ, ᑎᐱᔨᐛ ᐅᑦ ᐃᔨᒪ, ᐃᔅᕋᐃᓪ ᐃᔪᐛ, ᐊᓄᒡ ᒋᒋᐛ ᐛᐧᑲᑎᑯᒐ᙮ ᐊᑯ ᒋᑭ ᐎ ‍ ᐃᑕᐤ ᐅᑕ ᑭᔭ ᒧᔅ ᑲᒋᒡ ᓂᑭ ‍ ᐊᔅᑐᔅᑲᒄ᙮
\c 28
\s1 ᑲ ‍ ᒥᑕᐎᔨᒋ ᑲ ‍ ᐊᔭᒥᐊᑦ ᓴᓪ
\p
\v 1 ᓇᓇᒐ, ᐱᓕᔅᑎᐊ ᐃᔪᒡ ᒂ ‍ ᒪᒧᐅᓇᒡ ᐅᓂᑐᐱᔪᐅ-ᐃᔨᒧᐛᐛ ᒥᓐ ᒐᒋ ᑯᓯᒂᔨᒧᑐᐛᒡ ᐃᔅᕋᐃᓪ ᐃᔪᐛ᙮ ᒋᓴᐅᒋᒪᐤ ᐊᑭᔅ ᒋ ‍ ᐃᑕᐤ ᑎᐱᑕ, “ᒋ ‍ ᐸᓱᐛᔨᒥᑎᓇᐛᐤ ᒋᔾ ᑭᔭ ᒋ ‍ ᓂᑐᐱᔪᐅ-ᐃᔨᒥᒡ ᒐᒋ ᐎᒋᐊᑯᒡ ᓂ ‍ ᓂᑐᐱᔪᐅ-ᐃᔨᒥᒡ ᒐᒋ ᑯᓯᒂᔨᒧᑐᐛᒡ ᐃᔅᕋᐃᓪ ᐃᔪᐛ᙮”
\p
\v 2 ᑎᐱᑦ ᒂ ‍ ᐃᑕᑦ, “ᒋᑭ ᐎᒐᐅᑎᓇᓐ, ᐊᑯ ᑭᔭ ᒐ ‍ ᐛᐸᑎᒥᓐ ᒐᒂᓐ ᒐᒋ ᑐᑎᒪᒡ!”
\p ᐊᑭᔅ ᒂ ‍ ᐃᔅᒋᔄᑦ, “ᐊᑯᑕ, ᒋᔾ ᒋᑭ ‍ ᐅᑎᓂᑎᓐ ᑲᒋᒡ ᒐᒋ ᓇᑭᑐᐛᔨᒥᔨᓐ᙮”
\p
\v 3 ᒪᒂᒡ ᐊᔅᒄ ᑲ ‍ ᐱᒪᑎᓯᑦ ᓴᒻᔪᐃᓪ, ᒥᒐᑦ ᒐᒂᔪᐛ ᒋ ‍ ᐃᑐᑎᒻ ᓴᓪ ᑲ ‍ ᓇᐊᔨᑎᒥᑯᔨᒋ ᑎᐸᔨᒋᒐᓱᐛ᙮ ᑲ ‍ ᐎᐎᑎᓴᐛᑦ ᒥᓯᐛ ᐊᐛᔪᐛ ᑲ ‍ ᓂᑲᓐ ᐎᑎᒪᒐᔨᒋ ᒐᒂᔪᐤ ᐊᓐᑕ ᐃᔅᕋᐃᓕᒡ ᐅᒋ ᐊᐅᒄ ᐸᐃᒄ ᐊᒥᔽᔨᒡ ᒐᒂᔪᐤ ᓴᓪ ᑲ ‍ ᑐᑕᐧᒃ ᑭᔭ ᒪᒃ ᐊᓂᔭ ᑲ ‍ ᐃᔨᒪᐊᔨᒋ ᑲ ‍ ᐳᓂᐱᒪᑎᓯᔨᒋ ᐊᐛᔪᐛ ᐅᑦ ‍ ᐊᒐᐧᑯᔪᐛ᙮ ᒥᒄ ᓴᔅ ᒋ ‍ ᐳᓂᐱᒪᑎᓯᐤ ᓴᒻᔪᐃᓪ, ᑭᔭ ᒋ ‍ ᒧᔎᑎᑯᐤ ᒥᓯᐛ ᐃᔅᕋᐃᓪ ᐃᔪᐛ᙮ ᐊᑯ ᐊᓐᑕ ᕋᒪᔨᒡ ᒂ ‍ ᓇᔨᐧᑲᑯᑦ, ᐊᓐᑕ ᑲ ‍ ᐅᒋᑦ ᐅᑕᓇᒡ᙮ ᓇᓇᒐ, ᓇᒪ ᓴᔅ ᐅᒋ ‍ᐎ ‍ ᓇᐊᔨᑕᒪᐤ ᓴᓪ ᑎᐸᔨᒋᒐᓱᐛ᙮
\p
\v 4 ᒋ ‍ ᒪᒧᐎᔪᐅᒡ ᐱᓕᔅᑎᐊ ᓂᑐᐱᔪᐅ-ᐃᔪᒡ ᑭᔭ ᒂ ‍ ᒪᓂᑲᓱᒡ ᐊᓐᑕ ᓱᓇᒻ ᐅᑕᓇᒡ, ᒋᐛᑎᓄᒡ ᐃᔅᕋᐃᓕᒡ᙮ ᒋ ‍ ᒪᒧᐅᓇᐤ ᓴᓪ ᐃᔅᕋᐃᓪ ᓂᑐᐱᔪᐅ-ᐃᔪᐛ ᑭᔭ ᒂ ‍ ᒪᓂᑲᓱᒡ ᐊᓐᑕ ᑭᓪᐳᐊ ᐛᐱᓄᐅᑕᒡ ᐊᓂᔭ ᐸᐃᑯᑕᐤ ᐊ ‍ ᐱᓴᔨᒡ᙮
\v 5 ᐃᔅᐱ ᓴᓪ ᑲ ‍ ᐛᐱᒪᑦ ᐱᓕᔅᑎᐊ ᓂᑐᐱᔪᐅ-ᐃᔪᐛ, ᒋᒋᐛ ᒂ ‍ ᑯᔅᑕᒋᑦ ᒂ ‍ ᒋᓯᐱᔨᒡ ᐅᑕᐃ᙮
\v 6 ᒂ ‍ ᓂᑐᑎᒧᐛᑦ ᑎᐸᔨᒋᒐᓱᐛ, ᒥᒄ ᓇᒪ ᐅᒋ ᓂᔎᐛᓯᔨᑯᐤ ᑎᐸᔨᒋᒐᓱᐛ᙮ ᓇᒪ ᐅᒋ ᐎᑎᒧᐛᐤ ᓴᓚ ᑎᐸᔨᒋᒐᓱᐤ ᑕᓐ ᒋᐸ ‍ ᐃᑎᔨᐛ ᐊᒥᔭᑦ ᐳᐛᒧᐅᓂᔪᐤ, ᑭᔭ ᒪᒃ ᐊ ‍ ᐃᑐᑐᐛᑦ ᐊᔭᒥᐊᐅᒋᒪᐛ ᒐᒋ ᐛᐱᓂᐱᔨᒋ ᑲ ‍ ᒥᓯᓇᑕᔨᒋ ᐊᓯᓂᔭ ᐊᓐᑕ ᐸᔭᒋ ᐅᔅᑲᔅᒋᓂᑭᓂᑯᐱᒡ, ᑭᔭ ᒪᒃ ᐊᒥᔭᑦ ᐃᔨᒧᐅᓂᔪᐤ ᐅᒋᔅᒋᐛᐃᒐᓱᐛ ᓴᓚ ᐊᔭᐃᒧᒪᑦ᙮
\v 7 ᐊᑯ ᓴᓪ ᒂ ‍ ᐃᑕᑦ ᐅᑦ ᐊᐱᒋᐊᑭᓇ, “ᒥᔅᑭᒧᐅᒄ ᐃᔎᐤ ᐊᔨᒪᐊᑦ ᑲ ‍ ᐳᓂᐱᒪᑎᓯᔨᒋ ᐊᐛᔪᐛ ᐅᑦ ᐊᒐᐧᑯᔪᐛ, ᒐᒋ ᐅᒋ ᑭᒂᒋᒥᒄ ᑕᓐ ᒐ ‍ ᐃᔅᐱᔨᒂ᙮” ᒂ ᐃᑎᑯᑦ ᐅᑦ ᐊᐱᒋᐊᑭᓇ, “ᑕᐤ ᐃᔎᐤ ᐊᓐᑕ ᐊᓐᑐᕐ ᐅᑕᓇᒡ ᐊᓂᔭ ᐊᑐᑕᐧᒃ᙮”
\p
\v 8 ᐊᑯ ᓴᓪ ᒂ ‍ ᒥᓇᐧᒃ ᐅᑦ ᐊᐱᒋᑕᐅᓇ ᐊᓂᔭ ᑲ ᐅᒋ ‍ ᒋᔅᒐᔨᑕᑯᓯᑦ ᐊ ‍ ᒋᓴᐅᒋᒪᐅᑦ, ᒂ ‍ ᐳᔅᑲᐧᒃ ᑯᑎᑲ ᐊᐱᒋᑕᐅᓇ ᒐᒋ ᑲ ‍ ᐃᑎᓱᑦ ᒐ ᐊᑲ ᓂᔅᑐᐅᓇᑯᑦ ᐊᐛᔪᐛ ᐊᐛᓐ ᐃᔭᐅᑦ᙮ ᐊᑯ ᐎᔾ ᑭᔭ ᓂᓱ ᐅᑦ ᐃᔨᒪ ᒂ ᓂᑐᐛᐱᒪᒡ ᐊᓂᔭ ᐃᔎᐛ ᒪᒂᒡ ᑕᐱᔅᑲᔨᒡ ᒐᒋ ᐃᔨᒪᐊᒡ, ᓴᓪ ᒂ ‍ ᐃᑕᑦ, “ᓂᐎ ‍ ᐃᔨᒪᐊᐤ ᑲᒋ ‍ ᐱᓂᐱᒪᑎᓯᑦ ᐊᐛᓐ ᐅᑦ ᐊᒐᒂ᙮ ᐃᑐᑐᐤ ᐊᓐ ᐊᐛᓐ ᐅᑦ ᐃᓯᓂᐧᑲᓱᐅᓐ ᒐ ᒥᔨᑐᐅᑦ ᒐᒋ ᓄᑯᓯᑦ᙮”
\p
\v 9 ᒥᒄ ᐊᓐ ᐃᔎᐤ ᒂ ‍ ᐃᑕᑦ, ᒋᔅᑎᓇᔅ ᒋᔅᒐᔨᑕᓇᒐ ᒐᒂᔪᐤ ᑲ ‍ ᑐᑕᐧᒃ ᓴᓪ᙮ ᒋ ᐎᐎᑎᓴᐛᐤ ᐅᑕ ᐊᔅᒋ ᐅᒋ ᒥᓯᐛ ᐊᐛᔪᐛ ᑲ ‍ ᐃᔨᒪᔨᒋ ᑲᒋ ‍ ᐱᓂᐱᒪᑎᓯᑦ ᐊᐛᓐ ᐅᑦ ᐊᒐᐧᑯᔪᐛ ᑭᔭ ᒥᓯᐛ ᑲ ᓂᑲᓐ ᐎᑎᒪᒐᔨᒋ ᒐᒂᔪᐤ᙮ ᑭᒋ ᐎ ‍ ᐎᔭᓯᒥᓇᐛ ᒂ ‍ ᐃᑕᔨᒥᑕᓐ, ᒐᒋ ᐅᒋ ᓂᐸᔨᑯᐅᔭᓐ ᐊ ‍ ᐃᑐᑎᒪᓐ ᒐᒂᓐ ᐊ ᐊᑲ ᑕᑈᑕᑭᓄᐅᒡ᙮”
\p
\v 10 ᓴᓪ ᒂ ‍ ᐃᑕᑦ, ᐊ ᒋᒋ ‍ ᑭᒂᒋᒪᑦ ᑎᐸᔨᒋᒐᓱᐛ ᒐᒋ ᓂᑐᑎᒥᔨᒋ ᒐᒂᔪᐤ ᐊ ‍ ᐃᔅᒋᔄᑦ, “ᒐᒋᓇᒡ ᐊᐱᒪᑎᓯᑦ ᑎᐸᔨᒋᒐᓱᐤ, ᓇᒪ ᒋᑭ ‍ ᐊᓏᔨᒥᑯᐅᓐ ᑐᑎᒥᓇ ᐅ᙮”
\p
\v 11 ᐊᑯ ᐃᔎᐤ ᒂ ‍ ᐃᑕᑦ, “ᐊᐛᓐ ᓇᑐᐛᔨᒥᔨᓐ ᒐᒋ ᐃᑐᑐᐅᒄ ᒐᒋ ᓄᑯᓯᑦ?”
\p ᓴᓪ ᒂ ‍ ᐃᑕᑦ, ‘ᓴᒻᔪᐃᓪ ᐃᑐᑐᐤ ᒐᒋ ᓄᑯᓯᑦ᙮”
\p
\v 12 ᐊᑯ ᒂ ‍ ᐃᑎᑦ ᐊᓂᔭ ᐃᔎᐤ᙮ ᒥᒄ ᐃᔅᐱ ᐎᔭᐱᒪᑦ ᓴᒻᔪᐃᓚ, ᒋ ‍ ᐊᓯᒂᐤ᙮ ᒂ ‍ ᐃᔅᒋᔄᑦ, “ᒋᒋ ‍ ᐎᔭᓯᒥᓐ! ᒋᔾ ᐅ ᓴᓪ! ᒋᑭ ‍ ᓂᐸᔨᓐ ᐅ ᑲ ‍ ᐃᑐᑎᒪᓐ!”
\p
\v 13 ᓴᓪ ᒂ ᐃᑕᑦ ᐃᔎᐛ, “ᐊᑲ ᑯᔅᑕᒋ᙮ ᒐᒂᓐ ᐎᔭᐸᑎᒥᓐ?”
\p ᒂ ‍ ᐃᔅᒋᔄᑦ ᐃᔎᐤ, ᓂ ‍ ᐛᐱᒪᐤ ᐊᒐᐧᒄ ᒧᔅᑎᔅᑭᒥᒡ ᐊ ᐅᒋ ᒧᔅᒋᑦ᙮"
\v 14 ᓴᓪ ᒂ ᐃᔅᒋᔄᑦ, “ᑕᓐ ᐊᓯᓇᑯᓯᑦ?”
\p ᐃᔎᐤ ᒂ ‍ ᐃᑕᑦ, “ᒋᓴᐃᔪᐤ ᐊᐳᔅᑲᐧᒃ ᐊᒋᓏᑭᓂᔨᒡ ᐊᑯᐱᔪᐤ ᐸᒋ ‍ ᓄᑯᓱᐤ᙮”
\p ᐊᑯ ᓴᓪ ᒂ ‍ ᒋᔅᒐᔨᒪᑦ ᓴᒻᔪᐃᓚ ᐊᓂᔭ ᐃᔭᐅᔨᒋ᙮ ᐊᑯ ᒂ ᓄᐛᑲᐳᐅᑦ ᐊᑕᒋᑕᑦ ᐅᑕᔅᑎᒥᒄ ᐊᓐᑕ ᒧᔅᑎᔅᑭᒥᒡ᙮
\v 15 ᓴᒻᔪᐃᓪ ᒂ ‍ ᐃᑕᑦ ᓴᓚ, “ᒐᒂᓐ ᐛᒋ ‍ ᒥᑯᔅᑲᒋᔨᓐ ᐊᑐᑐᐎᔨᓐ ᒐᒋ ᓄᑯᓯᔭᓐ?”
\p ᓴᓪ ᒂ ‍ ᐃᔅᒋᔄᑦ, “ᒋᒋᐛ ᓂᑦ ᐃᔭᔨᒪᔨᑕᓐ᙮ ᐱᓕᔅᑎᐊ ᓂᑐᐱᔪᐅ-ᐃᔪᐅᒡ ᐊᔭᔅᑯᐎᔪᐅᒡ ᒐᒋ ᑯᓯᒂᔨᒧᑐᐛᒡ ᓂ ‍ ᓂᑐᐱᔪᐅ-ᐃᔨᒪ, ᑭᔭ ᓂᒋ ‍ ᓂᑭᑎᒄ ᒋᓴᒪᓂᑐᐤ᙮ ᓇᒪ ᓴᔅ ᓂᔎᐛᐅᓯᔨᒄ ᑲᒂᒋᒥᑭ ᒐᒂᔪᐤ᙮ ᓇᒪ ᓂ ‍ ᒥᔨᒄ ᐳᐛᒧᐅᓇ ᒐᒋ ᐎᑎᒧᐅᑦ ᒐᒂᔪᐤ ᒐ ‍ ᐃᑐᐅᒡ ᑭᔭ ᒪᒃ ᒥᔭᑦ ᐃᔨᒧᐅᓂᔪᐤ ᐅᒋᔅᒍᐛᔨᒐᓱᐛ ᒐᒋ ᐎᑎᒧᐎᔨᒋ ᑕᓐ ᒐ ‍ ᐃᑐᐅᒡ᙮ ᐊᐅᑯᓐ ᐅ ᐛᒋ ‍ ᓇᒋ ‍ ᐛᐱᒥᑕᓐ᙮ ᐊᑯ ᐎᑎᒧᐎ ᑕᓐ ᓂᐸ ‍ ᐃᑎᓐ!”
\v 16 ᓴᒻᔪᐃᓪ ᒂ ‍ ᐃᑕᑦ, “ᒋᒋ ‍ ᓂᑭᑎᒄ ᒋᓴᒪᓂᑐᐤ ᑭᔭ ᒋ ᐱᒂᑎᒄ᙮ ᐊᑯ ᒐᒂᓐ ᐛᒋ ‍ ᑭᒂᒋᒥᔨᓐ ᑕᓐ ᒐ ‍ ᐃᑎᔨᓐ?
\v 17 ᒋ ‍ ᐃᑐᑎᒻ ᒐᒂᔪᐤ ᑲ ᐃᓯ ‍ ᐎᑎᒧᐅᑦ ᑕᓐ ᒐ ‍ ᐃᑐᑕᔅᒃ᙮ ᒋ ‍ ᒥᓂᒻ ᒋᓴᐅᒋᒪᐅᓂᔪᐤ ᐊ ‍ ᐃᑕᐅᑦ ᐅᒋ, ᑭᔭ ᒥᔭᐤ ᑯᑎᑲ ᐊᓂᔭ ᐃᔅᕋᐃᓪ ᐃᔪᐛ - ᑎᐱᑕ᙮
\v 18 ᓇᒪ ᒋ ᐅᒋ ᓂᓇᐊᔨᑐᐛᐤ ᑎᐸᔨᒋᒐᓱᐤ᙮ ᒋᒋᐛ ᒋ ‍ ᒋᓱᐛᔨᑯᐤ ᑎᐸᔨᒋᒐᓱᐤ ᐊᒪᓕᒃ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᓇᒪ ᒥᓯᐛ ᒋ ᐅᒋ ᓂᐸᔨᒪᐛ ᐅᑦ ‍ᐊᐛᓯᓯᒧᐛᐛ, ᐊᓐ ᐅᒋ ᓇᒪ ᒋ ᐅᒋ ᐛᐸᑎᔨᐛᓐ ᐊᒋ ‍ ᒋᓱᐛᔨᑯᑦ᙮ ᐊᐅᑯᔪᐤ ᐊᓂᔭ ᐛᒋ ᐃᑐᑕᔅᒃ ᐅᔭ ᐊᓄᒡ᙮
\v 19 ᒋᑭ ‍ ᐃᑐᑐᐛᐤ ᐱᓕᔅᑎᐊ ᓂᑐᐱᔪᐅ-ᐃᔪᐛ ᒐᒋ ᓴᐧᑯᒋᔨᔅᒋᔅᒋ ᑭᔭ ᒥᓯᐛ ᑯᑎᑲ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮ ᑭᔭ ᐛᐸᒐ ᒋᔾ ᑭᔭ ᒋᑯᓯᒡ ᒋᑭ ‍ ᐃᑕᓇᐛᐤ ᐅᑕ ᐊ ‍ ᐃᑕᔭᓐ ᐊᓐᑕ ᐊ ‍ ᐃᑕᔨᒋ ᐅᑦ ᐊᒐᐧᑯᐛᐛ ᑲ ‍ ᐳᓂᐱᒪᑎᓯᒡ᙮ ᒋᑭ ‍ ᐃᑐᑐᐛᐤ ᑎᐸᔨᒋᒐᓱᐤ ᐱᓕᔅᑎᐊ ᓂᑐᐱᔪᐅ-ᐃᔪᐛ ᒐᒋ ᓴᐧᑯᒋᐊᔨᒋ ᒥᓯᐛ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮” ᑲᒋ ‍ ᐃᔅᒋᔄᑦ ᐊᓂᔭ ᓴᒻᔪᐃᓪ, ᒂ ‍ᐊᑲ ᓄᑯᓯᑦ᙮
\p
\v 20 ᑎᐛᒡ ᒋ ‍ ᐸᒋᓯᓐ ᓴᓪ ᐊᓐᑕ ᒧᔅᑎᔅᑭᒥᒡ᙮ ᒋᒋᐛ ᑯᔅᑕᒍᐤ ᐛᔅ ᐊᓂᔭ ᑲ ‍ ᐃᑎᑯᑦ ᓴᒻᔪᐃᓚ ᒂ ‍ ᐊᑲ ᐊᒋᐱᔨᑦ᙮ ᒋᒋᐛ ᒋ ‍ ᐃᔨᔨᒥᓯᐤ ᐛᔅ ᐃᔅᑭᓐ ᒋᓯᑲᐛ ᑭᔭ ᐃᔅᑭᓐ ᑎᐱᔅᑲᐛ ᓇᒪ ᐅᒋ ᒥᒋᓱᐤ᙮
\v 21 ᒋ ‍ ᐛᐱᒪᐤ ᐃᔎᐤ ᐊᔅᐱᔅ ᓴᒋᓯᔨᒋ᙮ ᒂ ‍ ᐃᑕᑦ, “ᓂᑐᑐᐎ! ᓂᒋ ‍ ᐃᑐᑕᓐ ᒠᓐ ᑲ ᐃᓯ ‍ ᓂᑐᐛᔨᑎᒧᐎᔨᓐ ᒐᒋ ᐃᑐᑎᒪᓐ᙮ ᓂᐸ ᒋ ‍ ᓂᐸᔨᑯᐅᓐ ᐊᓐ ᑲ ‍ ᐃᑐᑎᒪᓐ᙮
\v 22 ᐊᑯ ᓂᑐᑕ ᒐᒂᓐ ᐊ ‍ ᐃᔅᒋᔄᔭᓐ᙮ ᓇᐊᔨᒥ ᒐᒋ ᒥᔨᑕᓐ ᒥᒋᒻ, ᒐᒋ ᐅᒋ ᒥᒋᓱᔨᓐ ᑭᔭ ᒐᒋ ᓴᐱᓯᔨᓐ ᒐᒋ ᑲᐤ ᓂᑐᐛᐱᒥᑥᐤ ᒋ ‍ ᓂᑐᐱᔪᐅ-ᐃᔨᒥᒡ᙮”
\p
\v 23 ᒥᒄ ᓇᒪ ᐅᒋ ᑕᑈᑎᒻ ᓴᓪ᙮ ᒂ ‍ ᐃᔅᒋᔄᑦ, “ᓇᒪ, ᓇᒪ ᓂᑭ ‍ ᒥᒋᓐ ᒐᒂᓐ,” ᐊᑯ ᒂ ‍ ᓯᒋᒥᑯᑦ ᓴᓪ ᐅᑦ ᐊᐱᒋᐊᑭᓇ ᒐᒋ ᒥᒋᑕᒐᒂᔪᐤ, ᑭᔭ ᒐᒃ ᒂ ‍ ᑕᑈᑐᐛᑦ ᒐᒂᔪᐤ ᑲ ‍ ᐃᑎᑯᑦ᙮ ᒂ ‍ ᐱᓯᑯᑦ ᒧᔅᑎᔅᑭᒥᒡ ᐅᒋ ᑭᔭ ᒂ ‍ ᓇᔨᐱᑦ ᐊᓐᑕ ᓂᐸᐅᓂᒡ᙮
\p
\v 24 ᒥᒋᒪ ᐊᓐᑕ ᐎᒋᒡ ᒋ ᑎᔭᐤ ᑲ ‍ ᑕᒋᐳᔨᒋ ᒥᒋ ‍ ᐊᑎᐧᑯᓴ ᐊᓐ ᐃᔎᐤ᙮ ᐊᑯ ᒋᔅᑎᑉ ᒂ ‍ ᓂᐸᐊᑦ ᑭᔭ ᐸᒥᓄᐛᑦ᙮ ᒂ ‍ ᐅᑎᓇᑦ ᐱᔅᒐ ᔪᔎᐛᓇ ᑭᔭ ᒂ ‍ ᒪᒧᐅᔅᑕᑦ ᐊᓐᑕ ᐱᒥᔪᐤ, ᑭᔭ ᒂ ‍ ᐱᒥᓄᐛᑦ ᐊ ᐊᑲ ᐃᔭᑦ ᓯᐅᔅᑎᒪᑭᓇ᙮
\v 25 ᐅᑎᔅᑯᐤ ᒂ ‍ ᐊᔅᑐᐛᑦ ᐃᔎᐤ ᒥᒋᒥᔪᐤ ᓴᓚ ᑭᔭ ᐅᑦ ᐊᐱᒋᐊᑭᓂᔨᐛ, ᑭᔭ ᐱᔅᒐ ᒂ ‍ ᒥᒋᔨᒋ᙮ ᒂ ᐊᔅᑐᑕᔨᒋ ᐊᓂᔭ ᑕᐱᔅᑲᔨᒡ᙮
\c 29
\s1 ᐱᓕᔅᑎᐊ ᒋᓴᐅᒋᒪᐤ ᒋ ‍ ᐛᑎᓴᐛᐤ ᑎᐱᑕ
\p
\v 1 ᒋ ‍ ᒪᒧᔪᐅᒡ ᐱᓕᔅᑎᐊ ᓂᑐᐱᔪᐅ-ᐃᔪᒡ ᐊᓐᑕ ᐊᐸᒃ, ᒥᒋᒪ ᓱᓇᒻ ᑲ ‍ ᑎᑯᓂᔨᒡ᙮ ᒐᔅᕆᐅᓪ ᐅᑕᓇᒡ ᒋ ‍ ᒪᓂᑲᓱᐅᒡ, ᐊᓐᑕ ᐸᐃᑯᑕᐤ ᐊ ‍ ᐱᓴᔨᒡ ᑲ ‍ ᑎᑯᓂᔨᒡ᙮
\v 2 ᒥᒐᑐᐎᔨᒡ ᒋ ᐃᓯ ‍ ᑎᐸᓇᐊᐅᒡ ᐅᓂᑐᐱᔪᐅ-ᐃᔨᒧᐛᐛ ᐱᓕᔅᑎᐊ ᒋᓴᐅᒋᒪᐅᒡ; ᐱᔅᒐ ᒋ ‍ ᐸᐃᑯ ‍ ᒥᑕᓯᒥᑎᓄᐛᓱᐅᒡ ‍ (100) ᑭᔭ ᐱᔅᒐ ᒋ ‍ ᐸᐃᑯ ‍ ᒐᓯᐱᔪᐛᓱᐅᒡ ‍ (1000)᙮ ᐅᑕᒡ ᒋ ᐅᒋ ‍ ᐱᒧᑕᐅᒡ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᐊᓯᒡ ᒋᓴᐅᒋᒪᐤ ᐊᑭᔅ᙮
\v 3 ᒥᒄ ᐱᓕᔅᑎᐊ ᓂᑐᐱᔪᐅ-ᐅᒋᒪᐅᒡ ᒂ ‍ ᐃᔅᒋᔄᒡ, “ᒐᒂᔪᐤ ᐊᑐᑕᒡ ᐅᑕ ᐃᑉᕈᐤ ᐃᔪᒡ, ᐛᒋ ‍ ᐱᒧᑕᒥᑕᐧᑯᒡ ᐊ ᓇᒋ ‍ ᓂᑐᐱᔪᐛᐧᒄ?”
\p ᐊᑭᔅ ᒂ ‍ ᐃᔅᒋᔄᑦ, ᑎᐱᑕ ᓂᑲᓄᔅᑲᑯᐅᒡ᙮ ᐃᔅᕋᐃᓪ ᒋᓴᐅᒋᒪᐛ ᓴᓚ ᐎᐱᒡ ᒋ ‍ ᐊᑐᔅᑯᐛᐤ, ᒥᒄ ᐊᓄᒡ ᓴᔅ ᐅᔅᑕ ᐸᐃᑯᐱᐳᓇ ᒥᒋᒪ ᓂᒋ ‍ ᐎᒋᒥᒄ᙮ ᒪᒂᒡ ᐊᓂᔭ ᑲ ᐃᔅᐱᔅ ‍ ᓂᑭᑕᑦ ᓴᓚ᙮ ᓇᒪ ᓂ ᐅᒋ ‍ ᒥᔅᑭᒺᓐ ᒐᒋ ᐱᑕᐊᐧᒃ᙮”
\v 4 ᒥᒄ ᒋ ‍ ᒋᓱᐛᐱᔅᑐᐛᐅᒡ ᐱᓕᔅᑎᐊ ᓂᑐᐱᔪᐅ-ᐅᒋᒪᐅᒡ ᐊᑭᓴ ᐊᒋ ᓇᐊᔨᒪᔨᒋ ᑎᐱᑕ ᐅᓂᑐᐱᔪᐅ-ᐃᔨᒥᔨᐛ ᒐᒋ ᐎᒐᐅᑯᒡ᙮ ᒂ ‍ ᐃᑕᒡ, ᒋᐛᑎᓴᐅᒡ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᐊᓐᑕ ᐅᑕᓇᔪᐤ ᐃᓯ ᑲ ‍ ᒥᔨᑦ! ᓇᒪ ᓂᑐᐛᔨᒪᓇᓐ ᒐᒋ ᐎᒐᐅᑕᐧᒃ ᐊ ᓇᒋ ‍ ᓂᑐᐱᔪᐛᐧᒄ᙮ ᐛᒐᐅᑕᒂ, ᒋᑭ ‍ ᐃᑕᐤ ᐊᐛᓐ ᐊᐱᒂᑎᑕᐧᒄ ᐊᓐᑕ ᐊᑕᐛᐧᒄ! ᒋᑭ ‍ ᓇᐊᔨᑎᒪᐅ ᒋᓴᐅᒋᒪᐛ ᓴᓚ ᐊ ᓂᐸᐊᑦ ᒋᓂᑐᐱᔪᐅ-ᐃᔨᒥᓄᐛ!
\v 5 ᒋᒋ ‍ ᐅᓂᒋᔅᒋᑕᓐ ᐊ ᐊᐅᒄ ᐊᓂᔭ ᐃᔅᕋᐃᓪ ᐃᔪᒡ ᓇᒥᔅᑎᒧᐛᒡ ᑭᔭ ᓇᑭᒧᑐᐛᒡ ᑎᐱᑕ, ᐊ ‍ ᐃᔅᒋᔄᒡ,
\q1 ᓴᓪ ᐸᐃᒂᐤ ‍ ᒐᓯᐱᔪᐤ ‍ (1000) ᒋ ‍ ᓂᐸᐤ ᑲ ‍ ᐱᒂᑎᔨᑕᐧᑯᐤ
\q2 ᒥᒄ ᑎᐱᑦ ᐸᐃᑯᔪᐤ ᑕᑥᐤ ᒐᓯᐱᔪᐤ (10,000) ᒋ ‍ ᓂᐸᐅ!’?”
\p
\v 6 ᐊᑯ ᐊᑭᔅ ᐛᓴᒪᑦ ᑎᐱᑕ, ᑭᔭ ᐊᑕᑦ᙮ “ᒐᒋᓇᒡ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᒋᒋ ‍ ᑕᑈᐅᒐᔨᑕᑯᓯᓐ᙮ ᓇᔅᒡ ᑕᑈ ᒋ ‍ ᓂᑐᐛᔨᒥᑎᓐ ᒐᒋ ᐎᒋ ‍ ᒪᓯᒐᒥᑥᐤ ᓂᓂᑐᐱᔪᐅ-ᐃᔨᒥᒡ᙮ ᐃᔅᐱ ᐊᓐ ᒋᓯᒄ ᑲ ‍ ᓇᓯᔨᓐ, ᓇᒪ ᓂ ᐅᒋ ‍ ᒥᔅᑲᓐ ᒐᒋ ᐱᑕᐊᒥᓐ᙮ ᒥᒄ ᐊᓐᒡ ᑯᑎᑭᒡ ᐱᓕᔅᑎᐊ ᑲ ‍ ᓂᑲᓄᔅᑲᒐᒡ ᓇᒪ ᒋ ‍ ᑕᑈᐅᒐᔨᒥᑯᒡ᙮
\v 7 ᐊᑯ ᒥᓯᐛ ᐊᑎᓯᔭᒄ ᒋᐛᒪᒄ, ᑭᔭ ᑭᒪ ᒥᓯᐛ ᐃᓯ ‍ ᒥᔪᐱᔨᓐ᙮ ᓇᒪ ᒋ ‍ ᓂᑐᐛᔨᒥᑎᓐ ᒐᒋ ᐃᑐᑎᒥᓐ ᒐᒂᓐ ᒐ ‍ ᐊᑲ ᒥᔽᔨᑎᒥᔨᑯᒡ ᑯᑎᑭᒡ ᐱᓕᔅᑎᐊ ᑲ ‍ ᓂᑲᓄᔅᑲᒐᒡ ᙮”
\p
\v 8 ᑎᐱᑦ ᒂ ‍ ᐃᑕᑦ, ‘ᒐᒂᓐ ᑲ ᒥᒋ ‍ ᑐᑎᒪᓐ? ᐃᔅᐱ ᐊᓐ ᒋᓯᒄ ᐅᔅᑭᒡ ᑲ ‍ ᓂᑐᐛᐱᒥᑕᓐ ᐃᔅᐱᔅ ᐊᓄᒡ, ᓂᒋ ‍ ᐃᑐᑕᓐ ᐊᓐ ᒐᒂᓐ ᐊ ᒥᒋᒡ? ᐅᒋᒪᐤ, ᒐᒂᓐ ᐛᒋ ᐊᑲ ‍ ᓇᐊᔨᒥᔨᓐ ᒐᒋ ᐃᑐᑕᔭᓐ ᑭᔭ ᒪᓴᐊᒂᐤ ᑲ ‍ ᐱᒂᑎᔅᒡ?”
\p
\v 9 ᐊᑭᔅ ᒂ ‍ ᐃᑕᑦ, “ᓂ ᒋᔅᒐᔨᑕᓐ ᐊ ᒥᔪᑥᔨᓐ ᒧᔭᒻ ᐊᓐᒋᓐ ᒋᓴᒪᓂᑐᐛ ᐅᒋ᙮ ᒥᒄ ᐊᓐᒡ ᓂᑐᐱᔪᐅ-ᐅᒋᒪᐅᒡ ᒋ ‍ ᐃᔅᒋᔄᐅᒡ, ‘ᓇᒪ ᓂᑭ ‍ ᓇᐊᔨᒪᓇᓐ ᑎᐱᑦ ᑭᔭ ᐅᓂᑐᔪᐅ-ᐃᔨᒪ ᒐᒋ ᐎᒐᐅᑕᐧᑯᒡ ᐊ ᓂᑐᐱᔪᐅᐛᐧᒄ᙮’
\v 10 ᐊᑯ ᐎᐱᒡ ᒐᒋᓴᐸᔭᒐ ᒋᔾ ᑭᔭ ᒋᓂᑐᐱᔪᐅ-ᐃᔨᒥᒡ ᒋᑭ ᐎ ‍ ᒋᑐᑕᓇᐛᐤ᙮ ᐎᐱᒡ ᒋᓯᑲᒐ ᒐ ᐅᓂᔭᒄ ᑭᔭ ᒐᒋᑐᑕᔭᒄ᙮”
\p
\v 11 ᐊᑯ ᑎᐱᑦ ᑭᔭ ᐅᓂᑐᔪᐅ-ᐃᔨᒪ ᐎᐱᒡ ᒋᓴᒋᓴᐸᔭᔨᒡ ᒂ ᐅᓂᒡ ᑭᔭ ᑲᐤ ᒂ ‍ ᒋᐛᒡ ᐊᓐᑕ ᑲ ‍ ᐎᒋᔨᒋ ᐱᓕᔅᑎᐊ ᐃᔪᐛ ᑭᔭ ᒐᔅᕆᐊᓕᒡ ᒂ ‍ ᐃᑐᑕᒡ ᐱᓕᔅᑎᐊ ᓂᑐᐱᔪᐅ-ᐃᔪᒡ᙮
\c 30
\s1 ᑎᐱᑦ ᐅᓂᑐᐱᔪᐅ-ᐃᔨᒪ ᒋ ‍ ᓴᐧᑯᒋᐊᐅᒡ ᐊᒪᓕᒃ ᐃᔪᐛ
\p
\v 1 ᑲᒋ ‍ ᓂᔅᑐᐤ ‍ ᒋᓯᑲᔨᒡ, ᐃᔅᐱ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᑲᑎᑯᓯᒡ ᐊᓐᑕ ᓯᒃᓚᒃ ᐅᑕᓇᒡ, ᒋ ᒋᔅᒐᔨᑎᒧᒡ ᐊᒪᓕᒃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᒋ ‍ ᑯᓯᒂᔨᒧᑎᒥᔨᒂᓂ ᓯᒃᓚᒃ ᐅᑕᓇᔪᐤ ᑭᔭ ᐅᑕᓇᐛ ᐊᓐᑕ ᓴᐅᓄᒡ ᐃᑕᒐ ᒍᑕᐃᒡ᙮ ᒋ ‍ ᓂᓱᐅᓇᒋᑕᐅᒡ ᓯᒃᓚᒃ ᐅᑕᓇᔪᐤ ᑭᔭ ᒥᓯᐛ ᒋ ‍ᐃᔎᓯᒧᒡ ᒥᒋᐛᐸ᙮
\v 2 ᒋ ‍ ᒪᑯᓇᐅᒡ ᐃᔎᐛ ᑭᔭ ᐊᐛᓴ ᑭᔭ ᒥᓯᐛ ᐊᐛᔪᐛ, ᑭᔭ ᒋ ‍ ᔅᑐᑕᐅᒡ᙮ ᒥᒄ ᓇᒪ ᐅᒋ ᓂᐸᐅᒡ ᐊᐛᔪᐛ᙮
\p
\v 3 ᐃᔅᐱ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᑕᑯᓯᒡ ᐊᓐᑕ ᓯᒃᓚᑲᒡ, ᒋ ‍ ᐛᐸᑎᒧᒡ ᐊᒋ ‍ ᐃᔎᓯᑭᓄᐎᔨᒂ ᐅᑕᓇᔪᐤ, ᑭᔭ ᒋ ‍ ᒪᑯᓇᑭᓄᐎᓯᐱᓂᐃ ᑭᔭ ᒋ ᒋᑐᑕᐊᑭᓂᐎᓯᐱᓂᐃ ᐎᐛᐛ ᑭᔭ ᐅᑯᓱᐛᐛ ᑭᔭ ᐅᑕᓂᓯᐛᐛ᙮
\v 4 ᒋ ‍ ᒪᐅᒡ ᐊᐸᑕᑯᓯᒡ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ, ᐃᔅᐱᔅ ᑲ ‍ ᐃᔨᔨᒥᓯᒡ ᐊ ᐊᑲ ᐊᑎᑐᐤ ᒋᒪᒡ᙮
\v 5 ᑎᐱᑦ ᐊ ‍ ᓂᓯᔨᒋ ᐎᐛ, ᐊᐃᓇᐅᒪ ᑭᔭ ᐊᐱᑲᔭᓇ, ᒋ ᒋᑐᑕᐊᑭᓂᐎᓯᐱᓂᐃ ‍᙮
\v 6 ᒋ ᐎ ‍ ᓂᐸᔨᑯᐤ ᑎᐱᑦ ᐅᓂᑐᐱᔪᐅ-ᐃᔨᒪ ᐊ ‍ ᐸᐱᐳᒧᓯᓇᑕᐅᑯᑦ ᐊᓯᓂᔭ, ᐛᔅ ᒋᒋᐛ ᒋ ᒋᓱᐛᐱᔨᐛ ᐛᔅ ᐊᒋ ‍ ᒋᔅᑐᑕᐊᑭᓄᐎᔨᒋ ᐅᑯᓯᔨᐛ ᑭᔭ ᐅᑕᓂᓯᔨᐛ᙮ ᒋᒋᐛ ᒋ ‍ ᓇᓇᐧᑲᑎᓯᐤ ᑎᐱᑦ, ᒥᒄ ᒋ ‍ ᒥᔨᑯᐤ ᑎᐸᔨᒋᒐᓱᐛ ᓱᒋᓯᐅᓂᔪᐤ᙮
\p
\v 7 ᓇᒪ ᐅᒋ ᒋᔅᒐᔨᑎᒻ ᑕᓐ ᒐ ‍ ᐃᑎᑦ ᑎᐱᑦ, ᐊᑯ ᒂ ‍ ᐃᑕᑦ ᐊᔭᒥᐊᐅᒋᒪᐛ ᐊᐱᔭᑕᕋ, “ᐸᑐᑐᐎ ᑲ ‍ ᐱᔭᐧᑲᒡ ᐊᔅᐱᒋᑯᓇᐅᓐ᙮” ᐊᑯ ᐊᐱᔭᑕᕐ ᒂ ‍ ᐸᑕᐛᑦ,
\v 8 ᑭᔭ ᒂ ‍ ᑭᒂᒋᒪᑦ ᑎᐱᑦ ᑎᐸᔨᒋᒐᓱᐛ, “ᓂᐸ ‍ ‍ ᓇᓴᐛᓇᓂᒡ ᐊ ᓂᔾ ᑭᔭ ᓂ ‍ ᓂᑐᐱᔪᐅ-ᐃᔨᒥᒡ ᐊᓐᒡ ᓇᐸᐅᒡ ᑲ ‍ ᒥᓄᑕᐊᒡ ᓂᑦ ᐃᔨᒥᓇᓇ? ᓂᑭ ᒋ ᐅᑎᑕᓇᓂᒡ ᐊ?”
\p ᑎᐸᔨᒋᒐᓱᐤ ᒂ ‍ ᓂᔎᐛᓯᐊᑦ ᐊᓂᔭ ᐅᒋ ᐊᓯᓂᔭ ᑲ ‍ ᑎᑯᓂᔨᒋ ᐊᓐᑕ ᐸᔭᒋ ᐱᑕᓱᐅᓂᒡ, “ᓂᐃ, ᓇᓴᐛᐧᑯᒡ, ᒋᑭ ‍ ᐅᑎᑕᐛᐅᒡ, ᑭᔭ ᒋᑭ ᒋ ‍ ᐱᒂᐛᐅᒡ ᒋᑦ ᐃᔨᒧᐛᐅᒡ᙮”
\v 9 ᐊᑯ ᑎᐱᑦ ᑭᔭ ᐊᓱᑕᒡ ᑕᑐ ᒥᑕᓯᒥᑎᓄᐤ ‍ (600) ᓂᑐᐱᔪᐅ-ᐃᔪᐛ ᑲ ‍ ᐎᒐᐅᑯᑦ ᒂ ‍ ᒋᑐᑕᒡ, ᑭᔭ ᒂ ‍ ᑎᑯᓯᒡ ᐊᓐᑕ ᐱᓱᕐ ᐊ ‍ ᐱᓴᔨᒡ᙮ ᐱᔅᒐ ᐅᓂᑐᐱᔪᐅ-ᐃᔨᒪ ᐊᓐᑕ ᐊᓯᒡ ᐅᑎᐸᔨᑎᒧᓄᐛᐛ᙮
\v 10 ᑎᐱᑦ ᑭᔭ ᓇᐤ ᒥᑕᓯᒥᑎᓄᐤ ‍ (400) ᐅᓂᑐᐱᔪᐅ-ᐃᔨᒪ ᒂ ‍ ᓇᓴᐛᒡ ᐊᓂᔭ ᓇᐸᐛ ᑲ ‍ ᒪᑯᓇᔨᒋ ᐅᑦ ‍ ᐃᔨᒧᐛᐛ᙮ ᐊᓐᒡ ᑯᑎᑭᒡ ᓂᓱ ᒥᑕᓯᒥᑎᓄᐤ ‍ (200) ᓂᑐᐱᔪᐅ-ᐃᔪᒡ ᐊ ‍ ᐱᓴᔨᒡ ᐊᓐᑕ ᒋ ‍ ᐃᑕᐅᒡ, ᐛᔅ ᓇᔅᒡ ᒋ ‍ ᐊᔭᔅᑯᓯᐅᒡ ᓇᒪ ᐅᒋ ᐊᓱᐛᐊᒧᒡ ᐊ ‍ ᐱᓴᔨᒡ᙮
\p
\v 11 ᒪᒂᒡ ᓇᐤ ᒥᑕᓯᒥᑎᓄᐤ ‍ (400) ᓂᑐᐱᔪᐅ-ᐃᔪᒡ ᑲ ‍ ᒋᑐᑕᒡ, ᒋ ‍ ᐛᐱᒪᐅᒡ ᓇᐸᐛ ᐃᒋᑉᑎᒡ ᐅᒋ ᐊᓐᑕ ᓂᑕᐅᒋᒋᑭᓂᒡ; ᐊᑯ ᑎᐱᑕ ᐊ ‍ ᑕᔨᒋ ᒂ ‍ ᐃᑐᑕᐊᒡ᙮ ᒋ ‍ ᒥᓇᐅᒡ ᐱᔅᒐ ᓂᐱᔪᐤ ᒐᒋ ᒥᓂᔨᒋ ᑭᔭ ᐱᔅᒐ ᒥᒋᒥᔪᐤ ᒐᒋ ᒥᒋᔨᒋ᙮
\v 12 ᐱᓯᔅ ᒥᓯᓱ ᐃᔭᑲᐅᑐᐛ ᐃᔭᐱᒡ ᒋ ‍ ᒥᔭᐅᒡ ᑭᔭ ᓂᓱ ‍ ᒥᐅᑦ ᓱᒥᓇ᙮ ᓂᔅᑐ ᒋᓯᑲᐛ ᑭᔭ ᓂᔅᑐ ᑎᐱᔅᑲᐛ ᓇᒪ ᐅᒋ ᐃᑎᑯᓂᔪᐤ ᒐᒂᔪᐤ ᒐᒋ ᒥᒋᑦ ᑭᔭ ᒪᒃ ᒐᒋ ᒥᓂᑦ, ᒥᒄ ᒋ ᒥᔪᒪᒋᔪᐅ ᑲᒋ ‍ ᒥᒋᓱᑦ ᑭᔭ ᑲᒋ ‍ ᒥᓂᑦ᙮
\p
\v 13 ᑎᐱᑦ ᒂ ‍ ᑭᒂᒋᒪᑦ, “ᐊᐛᓐ ᒋ ‍ ᐅᒋᒪᒻ? ᑭᔭ ᑕᓐᑕ ᐛᑐᑕᔨᓐ?”
\p ᒂ ‍ ᐃᑎᑯᑦ, “ᐃᒋᑉᑎᒡ ᓂ ‍ ᐅᒋᓐ᙮ ᓂᔾ ᐅ ᐃᔪᐤ ᐊᒪᓕᒃ ᐊ ‍ ᐃᑎᔅᑲᓇᓯᒡ ᐃᔪᒡ ᐅᑦ ‍ᐊᐱᒋᐊᑭᓄᐛᐛ᙮ ᓂᔅᑐ ᒋᓯᑲᐛ ᐅᑕᒡ ᓂᒋ ‍ ᓂᑭᑎᒄ ᐅᑕ ᓂ ‍ ᐅᒋᒪᒻ, ᐛᔅ ᐊᒋ ‍ ᐊᐧᑯᓱᐅᒡ ᑭᔭ ᓇᒪ ᐅᒋ ᐎᒐᐛᐅᒡ᙮
\v 14 ᓂᒋ ‍ ᑯᓯᒂᔨᒧᑕᓇᓐ ᓴᐅᓄᒡ ᐊᔅᒋᒡ ᒍᑕᐃᒡ ᐊᓐᑕ ᐛᒋᒡ ᑲᕆᑦ ᐊ ‍ ᐃᑎᔅᑲᓇᓯᒡ ᐃᔪᒡ, ᑭᔭ ᐱᔅᒐ ᑯᑎᑲ ᐅᑕᓇᐛ ᐊᓐᑕ ᒍᑕᐃᒡ, ᑭᔭ ᓴᐅᓄᒡ ᐃᑉᕈᓐ ᐅᑕᓇᒡ ᐊᓐᑕ ᐛᒋᔨᒋ ᑲᐃᓕᑉ ᐅᑦ ‍ ᐊᓂᔅᑯᑕᐸᓇ᙮ ᐃᔭᐱᒡ ᓂᒋ ‍ ᐃᔎᓴᓇᓐ ᓯᒃᓚᒃ ᐅᑕᓇᐤ᙮”
\p
\v 15 ᑎᐱᑦ ᒂ ‍ ᑭᒂᒋᒪᑦ, “ᒋᑭ ᒋ ‍ ᒋᔅᒋᓄᑕᔨᓇᓐ ᐊ ᐊᓐᑕ ᐃᓯ ᑲ ‍ ᑯᓯᒂᔨᒧᑕᒡ ᐅᑕᓇᔪᐤ?”
\p ᒂ ‍ ᐃᑎᑯᑦ, “ᓂᐃ, ᓂᑭ ‍ ᐃᑐᑕᓐ ᐊᓐ ᐃᔅᐱ ᑭᒂᒋᒪᒂ ᒋᓴᒪᓂᑐᐤ ᒐᒋᓂᑐᑕᐧᒃ ᒪᒂᒡ ᐊ ᐊᓱᑎᒪᒐᔭᒄ ᒐ ᐊᑲ ᓂᐸᐃᔭᒄ ᑭᔭ ᒪᒃ ᑲᐤ ᒐᒋ ᐱᔅᑎᓂᔭᒄ ᐊᓐᑕ ᓂ ‍ ᐅᒋᒪ ᐃᓯ᙮”
\v 16 ᒂ ‍ ᓂᔅᑯᒪᑦ ᐊᓂᔭ ᒐᒋ ᐃᑐᑕᐧᒃ, ᐊᑯ ᐊᓐ ᓇᐸᐤ ᐃᒋᑉᑎᒡ ᐅᒋ ᒂ ‍ ᒋᔅᒋᓄᑕᐊᑦ ᑎᐱᑕ ᑭᔭ ᐅᓂᑐᐱᔪᐅ-ᐃᔨᒥᔨᐛ ᐊᓐᑕ ᐃᓯ ᐊ ‍ ᑕᔨᒋ ᐊᓂᔭ ᓇᐸᐛ ᐊᒪᓕᒃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ᙮ ᒋ ᐱᐸᒥᓯᓄᐅᒡ ᐊᓐᒡ ᓇᐸᐅᒡ ᐊᓐᑕ ᒧᔅᑎᔅᑭᒥᒡ, ᐊ ‍ ᒥᒋᓱᒡ ᑭᔭ ᐊ ‍ ᒥᓂᒡ ᑭᔭ ᐊ ‍ ᒥᔽᑕᒡ ᑲᒋ ‍ ᒪᑯᓇᒡ ᒥᒐᑦ ᒐᒂᔪᐛ ᐊᓐᑕ ᐱᓕᔅᑎᐊ ᑭᔭ ᒍᑕ ᐃᑕᐅᓂᒡ ᐅᒋ᙮
\v 17 ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒋ ‍ ᒪᓯᒐᐅᒡ ᐊᑎ ‍ ᐱᒋᓯᒧᔨᒋ ᐱᓯᒺ ᐅᒋ ᐃᔅᐱᔅ ᐛᑕᑯᓯᔨᒡ ᒥᓐ ᐎᔭᐱᓂᔨᒡ᙮ ᓇᐤ ᒥᑕᓯᒥᑎᓄᐤ ‍ (400) ᐊᒪᓕᒃ ᐃᔪᒡ ᒋ ‍ ᒋᑎᓯᒧᐅᒡ ᑭᔭ ᑲ ‍ ᐱᔎᐅᑭᓇᔨᒋ ᐊᐛᓯᓴ ᒋ ‍ ᒋᐸᔨᑐᐅᒡ, ᒥᒄ ᑯᑎᑭᒡ ᓇᒪ ᐅᒋ ‍ ᒋᑎᓯᒧᐅᒡ᙮
\v 18 ᒋ ‍ ᐱᐧᑯᐛᐤ ᑎᐱᑦ ᐊᓂᓯᔨᒋ ᐎᐛ, ᑭᔭ ᐎ ᑭᔭ ᐅᓂᑐᐱᔪᐅ-ᐃᔨᒪ ᑲᐤ ᒥᓯᐛ ᒋ ‍ ᑲᔅᑎᓂᒧᒡ ᒐᒂᔪᐛ ᑲ ‍ ᒪᑯᓂᒥᔨᒋ ᓇᐸᐛ ᐊᒪᓕᒃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ᙮
\v 19 ᒥᓯᐛ ᒐᒂᔪᐤ ᒋ ‍ ᑎᑯᓂᔪᐤ᙮ ᒥᓯᐛ ᐅᑦ ᐃᔨᒧᐛᐛ ᓯᒃᓚᑭᒡ ᑲᐤ ᒋ ‍ ᐃᑐᑕᐅᒡ, ᐊ ‍ ᐅᔅᑎᓂᒋᐅᔨᒋ ᑭᔭ ᐊ ‍ ᒋᓴᔪᐃᒋ ᐃᔪᐛ, ᑭᔭ ᐎᐛᐛ, ᑭᔭ ᐅᑯᓱᐛᐛ ᑭᔭ ᐅᑕᓂᓱᐛᐛ᙮ ᐃᔭᐱᒡ ᒋ ‍ ᒥᔅᑭᒧᒡ ᒥᓯᐛ ᑯᑎᑲ ᒐᒂᔪᐛ ᓯᒃᓚᑭᒡ ᑲ ‍ᐅᒋ ‍ ᐅᑎᓂᒥᔨᒋ ᐊᓂᔭ ᓇᐸᐛ ᐊᒪᓕᒃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ᙮
\v 20 ᒋ ‍ ᒋᑐᑕᐅᒡ ᐊᓂᔭ ᑲ ‍ ᐅᑎᓇᑭᓄᐎᔨᒋ ᒪᔭᑕᓂᓴ ᑭᔭ ᒥᒋᑎᒂ, ᑭᔭ ᐅᓂᑐᐱᔪᐅ-ᐃᔨᒪ ᑎᐱᑦ ᒋ ‍ ᑐᑐᐛᔪᐛ ᐊᐛᓯᓴ ᓂᑲᓐ ᐊᑕᒡ ᒐᒋ ᐱᒧᑕᔨᒋ, ᐊ ‍ ᐃᔅᒋᔄᒡ, ᐊᐅᑯᓐᒡ ᐅᒡ ᐊᐛᓯᓯᒡ ᑲ ‍ ᐅᑎᓇᑭᓄᐅᒡ ᑲ ‍ ᓂᑐᐱᔨᓇᓄᐅᒡ; ᑎᐱᑦ ᐊᓂᔭ ᑎᐸᔨᒪᐤ”
\p
\v 21 ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᑲᐤ ᒋ ‍ ᐃᑐᑕᐅᒡ ᐊᓐᑕ ᓂᓱ ᒥᑕᓯᒥᑎᓄᐤ ‍ (200) ᑯᑎᑲ ᓇᐸᐛ ᑲ ‍ ᐊᓯᓄᐛᔨᑯᒡ, ᓇᒪ ᐅᒋ ᐎᒐᐛᐅᒡ ᑎᐱᑕ ᐅᒡ ᓇᐸᐅᒡ ᐛᔅ ᒋᒋᐛ ᒋ ‍ ᐊᔭᔅᑯᓯᐅᒡ᙮ ᐱᓱᕐ ᐊ ‍ ᐱᓴᔨᒡ ᐊᓐᑕ ᒋ ‍ ᐃᑕᐅᒡ᙮ ᐃᔅᐱ ᐎᔭᐱᒪᒡ ᑎᐱᑕ ᑭᔭ ᐅᓂᑐᐱᔪᐅ-ᐃᔨᒥᔨᐛ ᐱᔭᑐᑕᔨᒋ, ᒋ ᓇᒋ ‍ ᐛᒋᔭᒪᐅᒡ᙮ ᑭᔭ ᒂ ‍ ᐛᒋᔭᒪᑦ ᑎᐱᑦ ᑭᔭ ᒂ ‍ ᐃᑕᑦ, “ᓂᑦ ‍ᐊᔅᐸᔨᒧᓐ ᒥᓯᐛ ᐊ ᐃᓯ ‍ ᒥᔪᐱᔨᔭᒄ!”
\p
\v 22 ᒥᒄ ᐊᓐᒡ ᐱᔅᒐ ᓇᐸᐅᒡ ᑲ ‍ ᐎᒐᐛᒡ ᑎᐱᑕ, ᐊᓐᒡ ᑲ ‍ ᒥᒋᑐᑕᒡ ᑭᔭ ᑲ ‍ ᐅᔅᑕᐱᔨᐛᒡ, ᒂ ‍ ᐃᔅᒋᔄᒡ, “ᐅᒡ ᓂᓱ ᒥᑕᓯᒥᑎᓄᐤ ‍ (200) ᓇᐸᐅᒡ ᓇᒪ ᒋ ᐅᒋ ᐎᒐᐅᑯᓄᐅᒡ᙮ ᐊᑯ ᐊᑐᒡ ᒋ ‍ ᒥᔭᓄᐅᒡ ᒐᒂᔪᐤ ᑲᐤ ᑲ ‍ ᑲᔅᑎᓂᒺᐧᒄ᙮ ᐊᓐᒡ ᐸᐸᐃᒄ ᒥᒄ ᐎᐛᐛ ᑭᔭ ᐅᑦ ᐊᐛᓯᒧᐛᐛ ᒋᐸ ‍ ᐅᑎᓇᐅᒡ ᑭᔭ ᑲᐤ ᒋᐸ ‍ ᒋᐛᐅᒡ᙮”
\p
\v 23 ᑎᐱᑦ ᒂ ‍ ᐃᑕᑦ, ᓇᒪ, ᓂᒋ ‍ ᐃᔅᕋᐃᓪ ᐃᔨᑎᒄ, ᓇᒪ ᒋᐸ ‍ ᐅᒋ ‍ ᒥᔽᐤ ᒐᒋ ᑕᑎᐸᓂᒪᐧᒄ ᒐᒂᔪᐛ ᐊᓂᔭ ᑲ ‍ ᓇᐊᒥᔨᑕᐧᒃ ᒐᒋ ᒪᑯᓂᒺᐧᒄ᙮ ᑎᐸᔨᒋᒐᓱᐤ ᒋᒋ ‍ ᑭᓄᐛᔨᒥᑯᓄᐤ ᑭᔭ ᒋᒋ ‍ ᑐᑕᑯᓄᐤ ᒐᒋ ᓴᐧᑯᒋᔨᒪᑯᐤ ᐊᓂᔭ ᑲ ‍ ᐱᒂᑎᔨᑕᐧᑯᐤ ᑲ ‍ ᑯᓯᒂᔨᒧᑎᒥᔨᒋ ᒋ ‍ ᐅᑕᓇᒥᓇᓂᔪᐤ᙮
\v 24 ᓇᒪ ᐊᐛᓐ ᒋᑭ ‍ ᓂᑐᐊᑯᐛᐤ ᐃᔅᒋᔄᔭᒂ ᐊᓂᔭ ᒐᒂᔪᐛ᙮ ᐊᓐᒡ ᓇᐸᐅᒡ ᑲ ‍ ᐃᑕᒡ ᐅᑕ ᐊᓯᒡ ᒋ ‍ ᑎᐸᔨᑎᒧᐅᓄᐛ ᐸᐃᑯᑕᐤ ᒋᑭ ‍ ᐃᓯ ‍ ᑲᔅᑎᓂᒧᒡ ᐊᓂᔭ ᒐ ᐃᓯ ‍ ᑲᔅᑎᓂᒥᔨᒋ ᓇᐸᐛ ᑲ ᓇᒋ ‍ ᓂᑐᐱᔨᒋ᙮ ᒥᓯᐛ ᐊᐛᓐ ᐸᐃᑯᑕᐤ ᒋᑭ ᐃᓯ ‍ ᑲᔅᑎᓂᒻ᙮”
\v 25 ᒋ ‍ ᑐᑎᒧᐛᐤ ᐃᔅᕋᐃᓪ ᐃᔪᐛ ᐊᓂᔭ ᐃᑎᓱᐛᐅᓂᔪᐤ, ᑭᔭ ᐊᐅᑯᓐ ᐊᔅᒄ ᐃᑎᓱᐛᐅᓐ ᐊᓐᑕ ᐃᔅᕋᐃᓕᒡ᙮
\p
\v 26 ᐃᔅᐱ ᑎᐱᑦ ᑭᔭ ᒥᓯᐛ ᑯᑎᑭᒡ ᑕᑯᓯᒡ ᐊᓐᑕ ᓯᒃᓚᑲᒡ᙮ ᒋ ‍ ᐃᑎᓴᒧᐛᐤ ᑎᐱᑦ ᑲ ‍ ᓂᑲᓄᔅᑲᒐᔨᒋ ᐎᒐᐛᑭᓇ ᐊᓐᑕ ᒍᑕᐃᒡ ᐱᔅᒐ ᒐᒂᔪᐛ ᑲ ‍ ᒪᑯᓇᒡ ᐊᒪᓕᒃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ᙮ ᒋ ‍ ᐃᑕᐤ, “ᒪᐤ ᐊᑎᒥᔅᑲᑯᐅᔭᒄ᙮ ᐊᐅᑯᔪᐛ ᐅᔭ ᒐᒂᔪᐛ ᑲ ‍ ᐅᑎᓂᒪᒡ ᑕᐸᔨᒋᒐᓱᐤ ᑲ ‍ ᐱᒂᑎᑯᑦ ᐅᒋ᙮”
\p
\v 27 ᐊᐅᑯᔪᐛ ᐅᔭ ᑭ ‍ ᒥᓯᓇᑕᐛᓂ ᒥᔅᑎ ‍ ᐅᑕᓇᐛ ᑭᔭ ᐅᑕᓇᐛ ᒥᔨᐛᐅᓇ ᑲ ‍ ᐃᑎᓴᒧᐛᑦ ᐊᓐᑕ ᑲ ‍ ᓂᑲᓄᔅᑲᒐᔨᒋ: ᐸᑕᓪ ᑭᔭ ᕋᒧᑦ ᐊᓐᑕ ᓴᐅᓄᒡ ᒍᑕᐃᒡ, ᑭᔭ ᐃᐊᑎᕐ᙮
\v 28 ᐊᕈᐊᕐ, ᑭᔭ ᓯᑉᒧᑦ, ᑭᔭ ᐊᔅᑕᒧᐊ,
\v 29 ᕋᑲᓪ, ᐅᑕᓇᐛ ᐊᓐᑕ ᒐᕋᒥᐃᓪ ᐅᑦ ᐊᓂᔅᑯᑕᐸᓇ ᑲ ‍ ᐎᒋᔨᒋ ᑭᔭ ᐊᓐᑕ ᒥᔅᑎ ‍ ᐅᑕᓇᐛ ᑲ ‍ ᐎᒋᒡ ᑭᓐ ᐊ ‍ ᐃᑎᔅᑲᓇᓯᒡ ᐃᔪᒡ,
\v 30 ᐦᐅᕐᒪ, ᑭᔭ ᐳᕐ-ᐊᓴᓐ, ᑭᔭ ᐊᑕᒃ,
\v 31 ᐃᑉᕈᓐ, ᑭᔭ ᒥᓯᐛ ᑯᑎᑲ ᐃᑕᐅᓇ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᑲᒋ ‍ ᐃᑐᑕᒡ ᐃᔅᐱ ᑲ ‍ ᑲᓱᔅᑐᐛᒡ ᓴᓚ᙮
\c 31
\s1 ᒋ ‍ ᓂᐸᐊᑭᓄᐅᒡ ᓴᓪ ᑭᔭ ᐅᑯᓴ ᐊ ‍ ᓂᑐᐱᔨᓇᓄᐎᔨᒡ
\p
\v 1 ᓇᓇᒐ, ᐱᓕᔅᑎᐊ ᐃᔪᒡ ᒥᓐ ᒋ ‍ ᒪᓴᐊᐅᒡ ᐃᔅᕋᐃᓪ ᐃᔪᐤ᙮ ᒋ ‍ ᒋᑎᓯᒪᐅᒡ ᐃᔅᕋᐃᓪ ᐃᔪᒡ, ᑭᔭ ᒥᒐᑦ ᐃᔅᕋᐃᓪ ᐃᔪᒡ ᒋᓂᐸᐊᑭᓄᐅᒡ ᐊᓐᑕ ᑭᓪᐳᐊ ᐱᔅᑯᑎᓇᒡ᙮
\v 2 ᐱᓕᔅᑎᐊ ᐃᔪᒡ ᒋ ‍ ᑲᔅᑎᓇᐅᒡ ᓴᓚ ᑭᔭ ᐊᓂᔅᑎᔨᒋ ᐅᑯᓯᔨᐛ, ᑭᔭ ᒥᓯᐛ ᐊᓂᔅᑎᔨᒋ ᐅᑯᓯᔨᐛ ᒋ ‍ ᓂᐸᔨᒪᐅᒡ, ᒠᓂᑎᓇ ᑭᔭ ᐊᐱᓇᑕᐸ ᑭᔭ ᒪᓪᒋᓱᐊᔨᒋ᙮
\v 3 ᒋᒋᐛ ᒋ ‍ ᐊᒂᑕᔨᑕᑯᓐ ᐊ ‍ ᒪᓯᒐᓄᐅᒡ ᐊᓐᑕ ᐛᔅᑲ ᐊ ‍ ᐃᑕᑦ ᓴᓪ᙮ ᐃᔅᐱ ᐱᓕᔅᑎᐊ ᐊᒐᐱᔭ ᑭᔭ ᐊᑭᔎ ᑲ ‍ ᐊᐱᒋᐊᒡ ᓇᐸᐅᒡ ᑲ ᐅᑎᒋᐱᑕᒡ ᓴᓚ, ᒋ ᒥᔅᑎ ‍ ᐅᓯᑯᐊᐅᒡ ᐅᑦ ᐊᒐᐱᐛᐛ ᐅᒋ᙮
\p
\v 4 ᒂ ‍ ᐃᑕᑦ ᓴᓪ ᐊᓂᔭ ᓇᐸᐛ ᑲ ‍ ᑕᐧᑯᓂᒥᔨᒋ ᐅᓂᑐᐱᔪᐅ-ᐊᐱᒋᑕᐅᓇ, “ᐃᐊᔨᔅᒋᐱᑕ ᒋ ‍ᒥᔅᑎ ‍ ᒧᐧᑯᒪᓐ ᑭᔭ ᒐ ‍ ᓂᐸᐃᔨᓐ ᐊᓐ ᐅᒋ, ᒐ ᐊᑲ ᒋ ‍ᐃᔭᒋᓇᒡ ᐊᓐᑕ ᓂᔭᒡ ᐅᒥᔅᑎ ‍ ᒧᐧᑯᒪᓄᐛᐛ ᑭᔭ ᒐᒋ ᐛᐅᓯᓄᐅᒡ ᒪᒂᒡ ᒐ ᐳᓂᐱᒪᑎᓯᐅᒡ᙮”
\p ᒥᒄ ᒋᒋᐛ ᒋᑯᔅᑕᒍᐤ ᐊᓐ ᓇᐸᐤ ᑲ ‍ ᑕᐧᑯᓂᒺᑦ ᓴᓚ ᐅᓂᑐᐱᔪᐅ-ᐊᐱᒋᑕᐅᓂᔨᐛ, ᑭᔭ ᓇᒪ ᐅᒋ ᑕᑈᑎᒻ ᐊᓂᔭ ᒐᒋ ᐃᑐᑕᐧᒃ᙮ ᐊᑯ ᓴᓪ ᒂ ‍ ᐅᑎᓇᐧᒃ ᑎᐱᔨᐛ ᐅᒥᔅᑎ ‍ ᒧᐧᑯᒪᓐ ᑭᔭ ᐅᔅᑭᑕᒡ ᒂ ‍ ᑕᐧᑭᒥᑎᓱᑦ ᑭᔭ ᒂ ᐸᒋᓯᒥᑎᓱᑦ ᐊᓐᑕ ᐃᓯ᙮ ᒋ ‍ ᓴᐳᐱᔨᔪᐤ ᐊᓐᑕ ᐎᔭᒡ ᑭᔭ ᒂ ‍ ᓂᐱᑦ᙮
\v 5 ᐃᔅᐱ ᐊᓐ ᓇᐸᐤ ᑲ ‍ ᑕᐧᑯᓂᒺᑦ ᓴᓚ ᐅᓂᑐᐱᔪᐅ-ᐊᐱᒋᑕᐅᓂᔨᐛ ᐎᔭᐱᒪᑦ ᓴᓚ ᐊ ‍ ᐳᓂᐱᒪᑎᓯᔨᒋ, ᐅᒥᔅᑎ ‍ ᒧᐧᑯᒪᓂᒡ ᒂ ᐃᓯ ‍ ᐸᒋᓯᒥᑎᓱᑦ ᑭᔭ ᒂ ‍ ᐳᓂᐱᒪᑎᓯᑦ᙮
\v 6 ᓴᓪ, ᑭᔭ ᐊᓂᔅᑎᔨᒋ ᐅᑯᓴ, ᑭᔭ ᐊᓐ ᓇᐸᐤ ᑲ ‍ ᑕᐧᑯᓂᒺᑦ ᓴᓚ ᐅᓂᑐᐱᔪᐅ-ᐊᐱᒋᑕᐅᓂᔨᐛ, ᒥᓯᐛ ᐸᐃᑯᑕᐤ ᒋᓯᑯᔪᐤ ᒋ ‍ ᐳᓂᐱᒪᑎᓯᐅᒡ᙮
\p
\v 7 ᐃᔅᐱ ᐃᓴᕆᓪ ᐃᔪᒡ ᐊᓐᑕ ᒋᐛᑎᓄᒡ ᒐᔅᕆᐃᓪ ᐊ ‍ ᐱᓴᔨᒡ ᑲ ᐃᑕᒡ ᑭᔭ ᐊᓐᑕ ᐛᐱᓄᐅᑕᒡ ᒍᕐᑎᓐ ᓯᐱᒡ ᐱᔭᑕᒡ ᐊᒋ ‍ ᒋᑎᓯᒧᔨᒋ ᐃᔅᕋᐃᓪ ᓂᑐᐱᔪᐅ-ᐃᔪᐛ ᑭᔭ ᐊᒋ ‍ ᐳᓂᐱᒪᑎᓯᔨᒋ ᓴᓚ ᑭᔭ ᐊᓂᔅᑎᔨᒋ ᐅᑯᓯᔨᐛ, ᒋ ‍ ᓂᑭᑎᒧᒡ ᐅᑕᓇᒧᐛᐛ ᑭᔭ ᒂ ‍ ᒋᑎᓯᒧᒡ᙮ ᐊᑯ ᐸᓕᔅᑎᐊ ᐃᔪᒡ ᒂ ‍ ᑎᑯᓯᒡ ᑭᔭ ᒂ ‍ ᐃᑕᐛᒡ ᐊᓐᑕ ᐅᑕᓇᒥᔨᒡ᙮
\p
\v 8 ᒥᓐ ᐎᔭᐱᓂᔨᒡ, ᐃᔅᐱ ᐸᓕᔅᑎᐊ ᐃᔪᒡ ᑲ ᓇᒋ ‍ ᐅᑎᓂᒺᒡ ᐅᓂᑐᐱᔪᐅ-ᐊᐱᒋᑕᐅᓂᔨᐛ ᐊᓂᔭ ᑲ ‍ ᐳᓂᐱᒪᑎᓯᔨᒋ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᒋ ‍ ᒥᔅᑭᒺᐅᒡ ᐛᔭᔪᐤ ᓴᓚ ᑭᔭ ᐊᓂᔅᑎᔨᒋ ᐅᑯᓯᔨᐛ ᐊᓐᑕ ᑭᓪᐳᐊ ᐱᔅᑯᑎᓇᒡ᙮
\v 9 ᒋ ᒋᒥᔅᑎᒂᓇᓱᐛᐅᒡ ᓴᓚ ᑭᔭ ᒋ ‍ ᐅᑎᓂᒺᐅᒡ ᐅᓂᑐᐱᔪᐅ-ᐊᐱᒋᑕᐅᓂᔨᐛ᙮ ᐊᑯ ᒂ ‍ ᐃᑎᓴᐛᒡ ᑲ ‍ ᐱᒧᑕᐊᔨᒋ ᐃᔨᒧᐅᓂᔪᐤ ᒥᓯᐛ ᐅᑦ ᐊᔅᒋᐛᒡ, ᒐᒋ ᐎᑎᒧᐛᔨᒋ ᐃᔨᒧᐅᓂᔪᐤ, ᐊᓐᑕ ᑲ ‍ ᑭᓄᐛᔨᒪᒡ ᐅᒥᓂᑐᒧᐛᐛ ᐊᓐᑕ ᐊᔭᒥᐊᐅᒋᐛᐱᒡ, ᑭᔭ ᑯᑎᑲ ᐃᔪᐛ, ᐅᓂᑐᐱᔪᐅ-ᐃᔨᒧᐛᐛ ᑲ ‍ ᓂᐸᔨᒋ ᓴᓚ᙮
\v 10 ᐊᔅᑕᕐᑎ ᐅᒥᓂᑐᔎᒧᐛᐛ ᐊᔭᒥᐊᐅᒋᐛᐱᒡ ᒋ ‍ ᐊᔅᑕᐛᐅᒡ ᓴᓚ ᐅᓂᑐᐱᔪᐅ-ᐊᐱᒋᑕᐅᓂᔨᐛ᙮ ᐃᔭᐱᒡ ᒋ ‍ ᐊᔅᑕᔎᐅᒺᐅᒡ ᓴᓚ ᑭᔭ ᐅᑯᓯᔨᐛ ᐎᔭᔪ ᐊᓐᑕ ᐊᔅᑎᒥᑎᒡ ᐊᓐᑕ ᑲ ‍ ᐛᔅᑲᑲᐳᐃᔨᒡ ᐸᑦ-ᓴᓐ ᐅᑕᓇᔪᐤ᙮
\p
\v 11 ᐃᔅᐱ ᐃᔪᒡ ᑲ ‍ ᐎᒋᒡ ᐊᓐᑕ ᒐᐸᔅ ᐊᓐᑕ ᑭᓕᐊᑦ ᐃᑕᐅᓂᒡ ᐱᔭᑕᒡ ᐅᔭ ᑲ ‍ ᐃᑐᑎᒥᔨᒋ ᓴᓚ ᐎᔪᔪᐤ,
\v 12 ᐃᔅᑭᓐ ᑎᐱᔅᑲᐛ ᒋ ‍ ᐳᒧᑕᔪᐛ ᒥᓯᐛ ᐅᓂᑐᐱᔪᐅ-ᐃᔨᒧᐛᐛ ᐸᑦ-ᓴᓐ ᐃᓯ᙮ ᒋ ‍ ᓂᑎᓂᒺᐅᒡ ᓴᓚ ᐎᔪᔪᐤ ᑭᔭ ᐅᑯᓯᔨᐛ ᐅᑕᓇᒡ ᐊᔅᑎᒥᑎᒡ ᐅᒋ, ᑭᔭ ᒐᐸᔅ ᑲᐤ ᒂ ‍ ᐃᑐᑕᐛᒡ ᑭᔭ ᐊᑯᑕ ᑲ ‍ ᐃᔎᓯᒺᒡ᙮
\v 13 ᒂ ‍ ᐅᑎᓂᒺᒡ ᐅᔅᑭᓂᔨᐛ ᑭᔭ ᒂ ‍ ᐃᔨᔅᑭᒥᒋᓂᒺᒡ ᐊᓐᑕ ᐊᐱᓯᓯᔨᒋ ᒥᔅᑎᑯᒡ᙮ ᐊᑯ ᓂᔄᐅᑕᒡ ᑕᑐ ᒋᓯᑲᐛ ᐃᔅᐱᔅ ᓇᒪ ᐅᒋ ᒥᒋᓱᐅᒡ᙮
\id 2SA Second Samuel Started 30 Jan 2014 [Medora Losier]; Revision/First Draft Aug-Oct 2023 [Silas Nabinicaboo];
\h 2 ᓴᒻᔪᐃᓪ
\toc3 2 ᓴᒻᔪᐃᓪ
\toc2 2 ᓴᒻᔪᐃᓪ
\toc1 ᓂᓱ ᓴᒻᔪᐃᓪ
\mt ᓂᓱ ᓴᒻᔪᐃᓪ
\c 1
\s1 ᑎᐱᑦ ᒋ ‍ ᐸᑎᒻ ᐊᒋ ‍ ᐳᓂᐱᒪᑎᓯᔨᒋ ᓴᓚ
\p
\v 1 ᒋ ‍ ᐃᔅᐱᔪᐤ ᒪᒃ ᑲᒋ ‍ ᐳᓂᐱᒪᑎᓯᑦ ᓴᓪ, ᐃᔅᐱ ᑎᐱᑦ ᐊᒋ ᐸᒋ ‍ ᒋᐛᑦ ᐊᒋ ‍ ᓴᐧᑯᒋᐊᒡ ᐊᒪᓕᒃ ᐃᔪᐛ, ᑎᐱᑦ ᓂᓱ ᒋᓯᑲᐛ ᒋ ‍ ᑕᐤ ᐊᓐᑕ ᓯᒃᓚᒃ ᐅᑕᓇᒡ᙮
\v 2 ᑲᒋ ‍ ᒪᒃ ᓂᔅᑐ ‍ ᒋᓯᑲᔨᒡ, ᒋ ‍ ᑎᑯᓯᓂᔪᐛ ᓇᐸᐛ ᐊ ᐊᑲ ᐸᓱᐛᔨᒪᑭᓄᔨᒋ ᐊᓐᑕ ᓴᓪ ᐅᓂᑐᐱᔪᐅ-ᐃᔨᒪ ᑲᒪᓂᑲᓱᐎᒋ ᐅᒋ᙮ ᒋ ‍ ᐸᐱᑯᐱᑎᒥᐛ ᐅᑦ ᐊᐱᒋᑕᐅᓂᔨᐛ ᑭᔭ ᐃᔭᑲᔪᐤ ᒋᔅᑕᔪᐛ ᐊᓐᑕ ᐅᔅᑎᒂᓂᔨᒡ ᒐᒋ ᐛᐸᑎᐛᔨᒋ ᐊ ‍ ᓂᓇᐧᑲᑕᔨᒧᔨᒋ᙮ ᒋ ‍ ᓂᑐᐛᐱᒪᐤ ᑎᐱᑕ, ᑭᔭ ᒋ ‍ ᓄᐛᒋᔅᑐᐛᐤ ᒐᒋ ᐛᐸᑎᔭᑦ ᐊ ‍ ᒋᔅᑕᔨᒪᑦ᙮
\p
\v 3 ᑎᐱᑦ ᒋ ‍ ᑯᒂᒋᒪᐤ ᐊᓂᔭᔪᐛ ᓇᐸᐛ “ᑕᓐᑕ ᐛᑐᑕᔨᓐ ?”
\p ᓇᐸᐛ ᒂ ‍ ᐃᑎᑯᑦ, “ᓂᒋ ‍ ᒋᑎᓯᒧᓐ ᐊᓐᑕ ᐃᔅᕋᐃᓪ ᓂᑐᐱᔪᐅ-ᐃᔪᒡ ᑲᒪᓂᑲᓱᐅᒡ ᐅᒋ᙮”
\p
\v 4 ᑎᐱᑦ ᒂ ‍ ᑯᒂᒋᒪᑦ “ᑕᓐ ᑲ ‍ ᐃᔅᐱᔨᒡ ? ᐎᑎᒧᐎ ᑲ ‍ ᓂᑐᐱᔨᓇᓄᐅᒡ!” ᒂ ‍ ᐃᔅᒋᔄᑦ ᐊᓐ ᓇᐸᐤ, “ᒋ ‍ ᒋᑎᓯᒧᐅᒡ ᓂᓂᑐᐱᔪᐅ-ᐃᔨᒥᓇᓐᒡ ᑲ ‍ ᓂᑐᐱᔨᓇᓄᐎᒡ ᐅᒋ᙮ ᒥᒐᑦ ᒋ ‍ ᓂᐸᐊᑭᓄᐎᒡ᙮ ᓴᓪ ᑭᔭ ᐅᑯᓴ ᒠᓐᑕᔨᒋ ᐃᔭᐱᒡ ᒋ ‍ ᓂᐸᐊᑭᓄᐎᒡ᙮”
\p
\v 5 ᑎᐱᑦ ᒂ ‍ ᐃᑕᑦ ᐊᓂᔭ ᐅᔅᒋᓂᒍᐛ, “ᑕᓐᑕ ᐛᒋ ‍ ᒋᔅᒐᔨᑎᒥᑥᐤ ᐊ ‍ ᐳᓂᐱᒪᑎᓯᒡ ᓴᓪ ᑭᔭ ᐅᑯᓴ ᒠᓐᑕᔨᒋ ?”
\p
\v 6 ᒂ ‍ ᐃᔅᒋᔄᑦ ᐅᔅᒋᓂᒍᐤ, “ᑭᓪᐳᐛ ᐱᔅᑯᑎᓇᒡ ᓂᒋ ‍ ᐃᑕᓐ ᑲ ‍ ᓂᑐᐱᔨᓇᓄᐅᒡ, ᑭᔭ ᓂᒋ ‍ ᐛᐱᒪᐤ ᓴᓪ, ᐊᓱᓯᒧᑦ ᐅᑦ ᐊᓯᒪᑭᓇ᙮ ᑲ ‍ ᐱᒂᓯᐛᒡ ᐅᑎᑎᐱᑕᐸᓇᔅᑯᐛᐛ ᑭᔭ ᐅᑲᐅᑕᐸᓯᒧᐛᐛ ᒋᒋᐛ ᒋ ‍ ᐸᓱᐛᐱᒪᐅᒡ ᓴᓚ᙮
\v 7 ᓴᓪ ᒂ ‍ ᒋᐛᑲᐳᐅᑦ ᑭᔭ ᒂ ‍ ᐛᐱᒥᑦ, ᑭᔭ ᒂ ‍ ᑕᑈᓯᑦ᙮ ᒂ ‍ᓂᔎᐛᓯᔨᒃ ᐊ ‍ ᐃᑎᒃ, ‘ᒐᒂᓐ ᓇᑐᐛᔨᒥᔨᓐ ᒐ ‍ ᐃᑐᑎᒪᓐ ?’
\p
\v 8 ᓂᒋ ‍ ᐃᑎᒄ,, ‘ᐊᐛᓐ ᐅ ᒋᔾ ?’ ᒂ ‍ ᐃᑎᒃ, ‘ᓂᔾ ᐅ ᐊᒪᓕᒃ ᐃᔪᐤ ᐅᑦ ‍ᐊᓂᔅᑯᑕᐸᓇ᙮’
\p
\v 9 ᐊᑯ ᒂ ‍ ᐃᓯᑦ, ‘ᐊᔅᑎᒻ ᐅᑕ ᑭᔭ ᒐ ‍ ᓂᐸᐃᔨᓐ᙮ ᐊᔅᒄ ᐅ ᓂ ‍ ᐱᒪᑎᓯᓐ, ᒥᒄ ᒋᒋᐛ ᓂ ‍ ᐎᓴᒐᔨᑕᓐ᙮’
\p
\v 10 ᐊᑯ ᒂ ‍ ᓇᑎᒃ ᑭᔭ ᒂ ‍ ᓂᐸᐃᒃ, ᐛᔅ ᓂ ‍ ᒋᔅᒐᔨᒪᐤ ᐊᒋ ‍ ᒥᔅᑎ ‍ ᒥᔄᑭᓂᐧᑲᑕᑭᓄᐅᑦ ᑭᔭ ᓴᔅ ᒐᑲᑦ ᒐ ‍ ᐳᓂᐱᒪᑎᓯᑦ᙮ ᓂᒋ ‍ ᐅᑎᓂᒺᓐ ᑲ ‍ ᐳᔅᑲᐧᒃ ᒋᓴᐅᒋᒪᐅᑯᓂᔎᐅᓂᔪᐤ ᑭᔭ ᐊᓂᔭ ᒥᔅᐱᑐᓇᐱᔎ ᐅᔅᐱᑐᓂᒡ ᐅᒋ, ᑭᔭ ᒋᒋ ‍ ᐸᑥᑎᓐ᙮”
\p
\v 11 ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒋ ‍ ᐸᐱᑯᐱᑎᒧᒡ ᐅᑦ ᐊᐱᒋᑕᐅᓄᐛᐛ ᒐᒋ ᐛᐸᑎᔨᐛᒡ ᐊ ‍ ᓂᓇᐧᑲᑕᔨᑕᒡ᙮
\v 12 ᒋ ‍ ᒥᑯᔅᑲᑕᔨᑎᒧᒡ ᓴᓚ ᑭᔭ ᐅᑯᓯᔨᐛ ᒠᓐᑕᔨᒋ ᐅᒋ, ᑭᔭ ᒋ ‍ ᒪᐅᒡ ᑭᔭ ᓇᒪ ᐅᒋ ᒥᒋᓱᐅᒡ ᐸᑐᔅ ᒪᒃ ᑲᒋ ‍ ᐅᑕᑯᓯᔨᒡ᙮ ᒋ ‍ ᒥᑯᔅᑲᑕᔨᑎᒧᒡ ᑎᐸᔨᒋᒐᓱᐛ ᐅᓂᑐᐱᔪᐅ-ᐃᔨᐛ ᐅᒋ, ᑭᔭ ᒥᓯᐛ ᐃᔅᕋᐃᓪ ᐃᔪᐛ, ᐛᔅ ᒥᒐᑦ ᐅᓂᑐᐱᔪᐅ-ᐃᔨᐛ ᒋ ‍ ᓂᐸᐊᑭᓂᔪᐛ ᑲ ‍ ᓂᑐᐱᔨᓇᓄᐎᒡ᙮
\p
\v 13 ᐊᑯ ᑎᐱᑦ ᒂ ‍ ᑯᒂᒋᒪᑦ ᐊᓂᔭ ᐅᔅᒋᓂᒋᓱᐛ ᑲ ‍ ᐛᐎᑎᒪᑯᑦ ᐊᓂᔭ ᑲ ‍ ᓂᑐᐱᔨᓇᓄᐃᒡ, “ᑕᓐᑕ ᐛᒋᔨᓐ?”
\p ᒂ ‍ ᐃᑎᑯᑦ, “ᐊᒪᓕᒃ ᐃᔪᐛ ᐃᑎᔅᑲᓇᓯᐤ ᓄᑕᐎᔾ, ᒥᒄ ᐃᔅᕋᐃᓕᒡ ᓂ ‍ ᐎᒋᓇᓐ᙮”
\p
\v 14 ᑎᐱᑦ ᑲ ‍ ᑯᒂᒋᒪᑦ, “ᒐᒂᓐ ᐛᒋ ᐊᑲ ‍ ᓴᒋᓯᔨᓐ ᒐᒋ ᐊᓏᔨᒥᑯᐎᓐ ᑲ ‍ ᓂᐸᐅᑕ ᓴᓪ, ᐊᓂᔭ ᑎᐸᔨᒋᒐᓱᐤ ᑲ ‍ ᐅᑎᓇᑦ ᒐᒋ ᒋᓴᐅᒋᒪᐎᔨᒋ?”
\p
\v 15 ᑎᐱᑦ ᒂ ‍ ᐃᑕᑦ ᐸᐃᒄ ᐅᓂᑐᐱᔪᐅ-ᐃᔨᒪ, “ᒪᒋ ‍ ᓂᐸᐃ !” ᒂ ᐊᑎ ‍ ᑕᐧᑭᒪᑦ ᐊᓐ ᓂᑐᐱᔪᐅ-ᐃᔪᐤ, ᒂ ‍ ᐳᓂᐱᒪᑎᓯᑦ ᐊᒪᓕᒃ ᐃᔪᐤ᙮
\v 16 ᐛᔅ ᓴᔅ ᒋ ‍ ᐃᑕᐤ, “ᒋᒋ ‍ ᐎᑕᓐ ᑲ ‍ ᓂᐸᐃᑦ ᐊᓐ ᓇᐸᐤ ᑎᐸᔨᒋᒐᓱᐛ ᑲ ‍ ᐅᑎᓇᑭᓄᑦ ᒐᒋ ᒋᓴᐅᒋᒪᐅᑦ, ᑭᔭ ᒋᔾ ᐅ ᒋᑦ ᐊᓏᔨᒥᑎᓱᓐ ᑭᔭ ᒋᔾ ᒋ ‍ ᑐᑕᓐ ᒐᒋ ᓂᐸᐃᑯᐎᓐ᙮”
\s1 ᑲ ‍ ᓂᑭᒧᑐᐛᑦ ᑎᐱᑦ ᓴᓚ ᑭᑕ ᒠᓐᑕᔨᒋ
\p
\v 17 ᒪᒂᒡ ᑎᐱᑦ ᒪᒃ ᑲ ‍ ᒥᑯᔅᑲᑕᔨᑕᐧᒃ ᓴᓚ ᑭᔭ ᐅᑯᓯᔪᐛ ᒠᓐᑕᔨᒋ ᐅᒋ, ᒋ ‍ ᐅᓯᑕᐤ ᑭᔭ ᒋ ‍ ᓂᑭᒧᐤ ᐅᔭ ᓂᑭᒧᐅᓂᔪᐤ᙮
\v 18 ᑭᔭ ᒋ ‍ ᓯᒋᒪᐤ ᒐᒋ ᒋᔅᑯᑎᒧᐛᑭᓄᐎᔨᒋ ᒍᑕ ᐃᔪᐛ ᓂᑭᒧᐅᓂᔪᐤ, “ᐊᒐᐱᔾ ᓂᑭᒧᐅᓐ” ᐊ ‍ ᐃᓯᓂᐧᑲᑕᔨᒡ᙮ ᒥᓯᓇᐃᑭᓄᐤ ᐊᓐᑕ ᒐᓴᕐ ᐅᒥᓯᓇᐃᑭᓂᒡ᙮
\q
\v 19 ᐅᒥᔪᓇᑯᓯᐅᓄᐛᐤ ᐃᔅᕋᐃᓪ ᒋ ‍ ᓂᐸᑕᑭᓄᐅᔪᐛ ᑕᐧᑯᒡ ᐱᔅᑯᑎᓇᒡ; ᒋ ‍ ᓂᐸᐊᑭᓄᐅᒡ ᑲ ‍ ᓱᐧᑲᑎᓯᒡ !
\q
\v 20 ᐊᑲᐎᔾ ᐎᑎᒥᒄ ᑲᑎᒡ, ᐊᑲᐎᔾ ᑭᔭ ᐊᔨᒧᑎᒧᒄ ᐊᔅᑭᓚᓐ ᐱᒧᑕᔅᑲᓇᒡ;
\q ᒐ ᐊᑲ ᒋ ᒥᔽᑎᒥᔨᒋ ᐱᓕᔅᑕᐃᓐ ᐃᔪᒡ ᐅᑕᓂᓱᐛᐛ, ᑭᔭ ᒐ ᐊᑲ ᒋ ᒧᒋᒐᔨᑎᒥᔨᒋ ᐊᑲ ᒋᔅᒋᓄᐛᒋᔄᑭᓄᐅᒡ ᐅᑕᓂᓱᐛᐛ᙮
\q
\v 21 ᒋᔨᐛᐤ ᑭᓪᐳᐊ ᐱᔅᑯᑎᓇᐛ, ᐊ ‍ ᑕᑯᑕᒥᑎᔭᒄ ᐊᑲᐎᔾ ᒋᑭ ‍ ᐊᑯᓯᐸᔪᐤ, ᐊᑲ ᑭᔭ ᒋᑭ ‍ ᒋᒧᓐ, ᐊᑲ ᑭᔭ ᒋᑭ ‍ ᑎᑯᓇ ᐱᔅᑎᓂᒐᐅ-ᓂᑕᐅᒋᒋᑭᓇ:
\q ᐛᔅ ᐊᑯᑕ ᐅᑦ ᐊᒂᓇᐅᓱᐛᑭᓐ ᑲ ‍ ᓱᐧᑲᑎᓯᑦ ᓂᑎᒥᒄ ᐃᓯ ᓂᑎᒋᐛᐱᓇᑭᓄᐎᔪᐤ, ᐅᑦ ᐊᒂᓇᐅᓱᐛᑭᓐ ᓴᓪ ᓇᒪ ᓴᔅ ᒥᓐ ᒋᑭ ‍ ᑐᒥᓇᑭᓄᐎᔪᐤ ᐱᒥᔪᐤ᙮
\q
\v 22 ᐅᒥᐧᑯᐛᒡ ᐅᒋ ᑲ ‍ ᓂᐸᐊᑭᓄᐅᒡ, ᐅ ‍ ᐎᔪᐅᒡ ᐅᒋ ᑲ ‍ ᓱᐧᑲᑎᓯᒡ,
\q ᐅᑦ ᐊᒐᐱᔭ ᒠᓐᑕ ᓇᒪ ᐅᒋ ᒋᐛᐱᔪᐛ, ᑭᔭ ᐅᒥᔅᑎᒧᐧᑭᒪᓐ ᓴᓪ ᓇᒪᐎᔾ ᐱᓯᓯᒄ ᒋ ‍ ᒋᐛᐱᔨᔪᐤ, ᒋ ‍ ᓂᐸᐊᐅᒡ ᐊᓂᔭ ᑲ ‍ ᐛᐧᑲᑎᑯᒡ᙮
\q
\v 23 ᓴᓪ ᑭᔭ ᒠᓐᑕ ᒋ ‍ ᓴᒋᐊᑭᓄᐅᒡ ᑭᔭ ᒋ ‍ ᒥᔽᔨᑕᑯᓱᐅᒡ ᐅᐱᒪᑎᓯᐅᓄᐛᒡ, ᑭᔭ ᐅᓂᐳᐅᓄᐛᒡ ᓇᒪᐎᔾ ᐅᒋ ‍ ᑎᐸᓇᑭᓄᐅᒡ:
\q ᐊᑎᑐᐤ ᒋ ‍ ᒋᓯᐱᔪᐅᒡ ᐃᔅᐱᔅ ᒥᒋᓱᐛ, ᐊᑎᑐᐤ ᒋ ‍ ᓱᒋᐅᒡ ᐃᔅᐱᔅ ᒥᓯᐱᓱᐛ᙮
\q
\v 24 ᒋᔨᐛᐤ ᐃᔅᕋᐃᓪ ᐅᑕᓂᓯᒪᑐᒄ, ᒧᔅᑯᐛᑎᐧᒄ ᓴᓪ,
\q ᑲᒋ ‍ ᐛᑕᔅᐱᑕᒄ ᒥᒂᒋᓂᔪᐤ ᑭᔭ ᑯᑎᑲ ᑲ ‍ ᒥᔽᓯᔨᒋ ᐊᐱᒋᑕᐅᓇ, ᐊᓐ ᑲᒋ ‍ ᒋᑯᒧᑕᑦ ᐎᔄᐅᓱᓇᔭᐱᔅᒄ ᐛᐛᓯᐅᓇ ᒋᑦ ᐊᐱᒋᑕᐅᓄᐛᒡ᙮
\q
\v 25 ᓂᑐᐱᔪᐅᓂᒡ ᒋ ‍ ᐸᒋᓯᓄᐅᒡ ᑲ ‍ ᓱᐧᑲᑎᓯᒡ ᒪᒂᔭᔅ ᓂᑐᐱᔪᐅᓂᒡ ! ᒋᔾ ᒠᓐᑕ, ᐱᔅᑯᑎᓇᒡ ᒋᒋ ‍ ᓂᐸᐃᑯᐅᓐ᙮
\q
\v 26 ᒋ ‍ ᒥᑕᑎᑎᓐ, ᓂᐧᑲᓂᔅ ᒠᓐᑕ; ᓇᔅᒡ ᒋᒋ ‍ ᒥᔽᔨᒥᑎᓐ;
\q ᒋᒋ ‍ ᒪᒥᔅᑲᒡ ‍ ᓴᒋᐃᓐ, ᐊᑎᑐᐤ ᐃᔅᐱᔅ ᐃᔎᐅᒡ ᐅᓴᒋᐃᐛᐅᓄᐛᐤ᙮
\q
\v 27 ᒋ ‍ ᐸᒋᓯᓄᐅᒡ ᑲ ‍ ᓱᐧᑲᑎᓯᒡ, ᑭᔭ ᓂᑐᐱᔪᐅ-ᐊᐱᒋᑕᐅᓇ ᒋ ‍ ᓂᓱᐅᓇᑎᓇ !
\c 2
\s1 ᑎᐱᑦ ᑲ ‍ ᐅᑎᓇᑭᓄᑦ ᒐᒋ ‍ ᒋᓴᐅᒋᒪᐅᑦ ᐊᓐᑕ ᒍᑕᐃᒡ
\p
\v 1 ᓇᓇᒐ ᒪᒃ ᐊᓐᑕ, ᑎᐱᑦ ᑲ ‍ ᑯᒂᒋᒪᑦ ᑎᐸᔨᒋᒐᓱᐛ, “ᓂᐸ ‍ ᐃᑐᑕᓐ ᐊ ᑲᐤ ᒐᒋ ᐎᒋᔭᓐ ᐊᓐᑕ ᐸᐃᒄ ᐅᑕᓇᐤ ᐊᓐᑕ ᒍᑕ ᐊᔅᒋᒡ ?” ᒂ ‍ ᐃᑎᑯᑦ ᑎᐸᔨᒋᒐᓱᐛ, “ᓂᐦᐃ, ᐃᑐᑕ ᓇᑕ᙮” ᐊᑯ ᑎᐱᑦ ᒂ ‍ ᑭᒂᒋᒪᑦ ᑎᐸᔨᒋᒐᓱᐛ, “ᒐᒃ ᐅᑕᓇᐤ ᓂᐸ ‍ ᐃᑐᑕᓐ ?” ᒂ ‍ ᐃᑎᑯᑦ ᑎᐸᔨᒋᒐᓱᐛ, “ᐊᑉᕈᓐ ᐅᑕᓇᐤ”᙮
\p
\v 2 ᐊᑯ ᑎᐱᑦ ᒂ ‍ ᐃᑐᑕᐧᒃ ᐊᓐᑕ ᐊᑉᕈᓐ ᐅᑕᓇᔪᐤ, ᐊ ‍ ᓂᓯᒋ ᐎᐛ ᒋ ‍ ᐎᒐᐛᐤ, ᒐᔅᕆᐅᓪ ᐅᑕᓇᒡ ᒋ ‍ ᐅᒋᐤ ᐊᐃᓄᐊᒻ, ᑭᔭ ᐊᐱᑲᐃᓪ, ᓇᐸᓪ ᐅᒋᔅᑎᒪᒋᔎᒪ ᑲᕐᒥᓕᒡ ᐅᒋ᙮
\v 3 ᐃᔭᐱᒡ ᓄᑎᒻ ᐅᑦ ᐃᔨᒪ ᐊᓂᔭ ᑲ ‍ ᐎᒐᐅᑯᑦ, ᑭᔭ ᐊ ᐃᓯ ‍ ᐸᐃᑯᑕᐅᓯᒡ᙮ ᒂ ‍ᒋᒋ ‍ ᐎᒋᒡ ᐊᓐᑕ ᐃᑕᐅᓇ ᒥᒋᒪ ᐃᑉᕈᓐ ᐊᔅᒋᒡ᙮
\v 4 ᐊᑯ ᒍᑕ ᐃᔪᒡ ᒂ ‍ ᑎᑯᓯᒡ ᐊᓐᑕ ᐃᑉᕈᓐ, ᑭᔭ ᐸᐃᒄ ᐊᓐ ᐃᔪᐤ ᒂ ‍ ᑯᑎᐱᓂᒺᑦ ᐱᒥᔭ ᑎᐱᑕ ᐅᔅᑎᒂᓂᔨᒡ ᒐᒋ ᐛᐸᑎᔨᐛᒡ ᐊ ‍ ᐅᑎᓇᑭᓄᐎᔨᒋ ᒐᒋ ᒋᓴᐅᒋᒪᐎᒋᐅ ᐊ ‍ ᐃᑎᔅᑲᓇᓯᔨᒋ ᒐᑕ ᐃᔪᐛ᙮
\p ᐃᔅᐱ ᑎᐱᑦ ᑲᒋ ‍ ᒋᔅᒐᔨᑕᐧᒃ ᒐᐱᔅ ᐅᑕᓇᒡ ᐃᔪᐛ ᐊᓐᑕ ᑭᓕᐊᑦ ᐃᑕᐅᓂᒡ ᑲᓇᐊᐛᔭᔨᒋ ᓴᓚ᙮
\v 5 ᑎᐱᑦ ᒂ ‍ ᐃᑎᓴᐊᒧᐛᑦ ᐃᔨᒧᐅᓂᔪᐤ ᑲ ‍ ᐱᒧᑕᔨᒋ ᒐᐸᔅ ᐃᔪᐛ ᒐᒋ ᐎᑎᒧᐛᔨᒋ ᐅᔭ: “ᓂ ‍ ᐱᑯᓴᔨᑕᓐ ᒐᒋ ᓱᐛᔨᒥᑕᒄ ᑎᐸᔨᒋᒐᓱᐤ ᐊᒋ ‍ ᐛᐸᑎᔨᐛᔭᒄ ᐊ ‍ ᑕᑈᐅᒐᔨᒪᒄ, ᐊᒋ ‍ ᓇᐊᐛᔭᒄ ᓴᓪ ᒋᒋᓴᐅᒋᒪᒧᐛᐤ᙮
\v 6 ᓂ ‍ ᐱᑯᓴᔨᑕᓐ ᒐᒋ ᓱᐛᔨᒥᔅᒄ ᑕᑈᐅᓂᒡ ᑎᐸᔨᒋᒐᓱᐤ ᑭᔭ ᒐᒋ ‍ ᑕᑈᔭᔨᒥᔅᒄ᙮ ᑭᔭ ᒋᑭ ‍ ᒥᔪᑐᑕᑎᓐ ᐛᔅ ᑲ ‍ᒥᔪ ‍ ᑐᑐᐅᑦ ᓴᓪ᙮
\v 7 ᐊᑯ, ᐊᑎᓱᐧᒃ ᐊᑲ ᐃᔨᑕᑦ ᒋᒋᓴᐅᒋᒪᒧᐛᐤ ᓴᓪ, ᐎ ‍ ᓱᒋᓯᒄ ᑭᔭ ‍ ᓱᒋᑕᐊᒄ, ᒧᔭᒻ ᒍᑕ ᐃᔪᒡ, ᐊᓐᒡ ᑲ ‍ ᐅᑎᓂᒡ ᒐᒋ ᐅᒋᓴᐅᒋᒪᒥᑐᐅᒡ᙮”
\s1 ᐃᔅᐳᓯᑦ ᒋ ‍ ᐅᑎᓇᑭᓄᐤ ᒐᒋ ‍ ᒋᓴᐅᒋᒪᐅᑦ ᐃᔅᕋᐃᓕᒡ
\p
\v 8 ᐊᐱᓂᕐ, ᓂᕐ ᐅᑯᓴ, ᒋ ‍ ᓂᑐᐱᔪᐅ-ᐅᒋᒪᐅᐤ ᓴᓪ ᐅᓂᑐᐱᔪᐅ-ᐃᔨᒥᔨᐛ, ᒋ ‍ ᐅᑎᓂᒺᐤ ᓴᓚ ᐅᑯᓯᔨᐛ ᐃᔅᐳᓯᑕ ᑭᔭ ᑲ ‍ ᐊᓱᐛᑕᐊᑦ ᒍᕐᑎᓐ ᓯᐱᔪᐤ ᒪᐊᓇᐃᒻ ᐅᑕᓇᐅᒡ ᐃᓯ᙮
\v 9 ᐊᑯᑕ ᐊᐱᓂᕐ ᑲ ‍ ᐎᑕᐧᒃ ᓴᔅ ᐊ ‍ ᒋᓴᐅᒋᒪᐎᒋ ᐃᔅᐳᓯᑕ ᐊᓐᑕ ᑭᓕᐊᑦ ᐊᔅᒋᒡ ᑭᔭ ᐊᓯᒡ ᐊ ‍ ᐃᑎᔅᑲᓇᓯᔨᒋ ᐊᓱᕋ ᑭᔭ ᒐᔅᕆᓕᒡ ᑭᔭ ᐊ ᐃᑉᕋᐃᒻ ᑭᔭ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᐊᐅᑯᓐ ᐊ ‍ ᐃᔅᒋᔄᒥᑭᓂᔨᒡ ᐊᒋᓴᐅᒋᒪᐎᒋ ᒥᓯᐛ ᐃᔅᕋᐃᓕᒡ ᐃᔪᐛ᙮
\p
\v 10 ᒋᓇᐎᔪᐛᐱᐳᓇᓱᐤ ᐃᔅᐳᓯᑦ ᑲ ‍ ᒋᒋ ‍ ᑎᐸᔨᒪᑦ ᐃᔅᕋᐃᓪ ᐃᔪᐛ᙮ ᓂᓱ ᐱᐳᓇ ᐃᔅᐱᔅ ᒋ ‍ ᑎᐸᔨᒪᐤ᙮ ᒥᒄ ᒍᑕ ᐃᔪᒡ ᑎᐱᑕ ᒋ ‍ ᓂᑐᐛᔨᒪᐅᒡ ᒐᒋ ᒋᓴᐅᒋᒪᐎᒋ᙮
\v 11 ᑭᔭ ᓂᔄᐅᑕᒡ ᒪᒃ ᐳᔅᒃ ᑕᑐᐤ ᐱᐳᓇ ᐃᔅᐱᔅ ᒋ ‍ ᑎᐸᔨᒪᐤ ᒪᒂᒡ ᐊᓐᑕ ᑲ ‍ ᐎᒋᑦ ᐃᑉᕈᓐ ᐊᔅᒋᒡ᙮ ᑲ ‍ ᓂᑐᐱᔨᑕᑐᒡ ᒍᑕ ᑭᔭ ᐃᔅᕋᐃᓪ ᓂᑐᐱᔪᐅ-ᐃᔪᒡ᙮
\p
\v 12 ᐸᐃᒂᐤ ᒐᓯᑲᔨᒡ ᐊᐱᓂᕐ ᑭᔭ ᐃᔅᐳᓯᑦ ᐅᑦ ᐊᐱᒋᐊᑭᓇ ᒪᐊᓇᐃᒻ ᑭᔅᑭᒻ ᒍᕐᑎᓐ ᓯᐱᒡ ᒋ ᐅᒋ ‍ ᒋᑐᑕᐅᒡ ᑭᐱᐅᓐ ᐅᑕᓇᒡ ᐃᓯ᙮
\v 13 ᒍᐊᑉ, ᓯᕋᐃᐊᔨᒋ ᑲ ᐅᑲᐎᑦ, ᑭᔭ ᐱᔅᒐ ᑎᐱᑦ ᐅᑦ ᐊᐱᒋᐊᑭᓇ ᐃᑉᕈᓐ ᒋ ᐅᒋ ‍ ᒋᑐᑕᐅᒡ ᑭᐱᐅᓐ ᐃᓯ, ᑭᔭ ᐊᑯᑕ ᑲ ‍ ᓂᒋᔅᑲᑐᒡ ᐊᓐᑕ ᑲᐱᑲᓯᒧᓇᓂᐎᔨᒡ᙮ ᒂ ᐊᑎ ‍ ᒥᓯᐛ ᓇᐊᐱᒡ, ᐸᐃᒄ ᑲ ‍ ᑕᐱᑐᐎᒡ ᐅᐱᒪ ᑲ ‍ ᐱᑲᓯᒧᓇᓄᐎᔨᒡ ᒋ ‍ ᐃᑕᐅᒡ ᑭᔭ ᑯᑎᑭᒡ ᑲ ‍ ᑕᐱᑐᐎᒡ ᐊᓐᑕ ᒂᔅᑕᒐ᙮
\p
\v 14 ᐊᐱᓂᕐ ᒂ ‍ ᐃᑕᑦ ᐊᓂᔭ ᒍᐊᐸ, “ᐃᑕᑕᐅᒋ ‍ ᐱᔅᒐ ᐅᔅᒋᓂᒍᐅᒡ ᒐᒋ ᒪᓯᐧᑲᑐᒡ!” ᒍᐊᑉ ᒂ ‍ ᐃᑕᑦ, “ᐊᑯ!”
\p
\v 15 ᐊᑯ ᓂᓴᑉ ᓇᐸᐅᒡ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔅᐳᓯᑕ ᒋ ‍ ᒪᓯᒐᔅᑎᒧᐛᐅᒡ, ᓂᓴᑉ ᑎᐱᑕ ᐅᓂᑐᐱᔪᐅ ᐃᔨᒥᔨᐛ ᐊ ‍ ᒪᓴᐊᒡ᙮
\v 16 ᑕᑐᐤ ᐊᑎᓯᒡ ᐅᔅᑎᒂᓂᔨᐛ ᒋ ᐅᒋᐱᑎᒺᐤ ᐊᓂᔭᔪᐛ ᑲ ‍ ᒪᓴᐊᑦ, ᑭᔭ ᐅᐱᒪᔪᐤ ᐊᓂᔭ ᓇᐸᐛ ᐃᔭᒋᓂᒺᑦ ᐅ ‍ᒥᔅᑎ ‍ ᒧᐧᑯᒪᓐ, ᐊᓂᔭ ᐅᒋ ᒥᓯᐛ ᑲ ‍ ᓂᓱᔪᐛᓯᒡ ᐊᓱ ᓇᐤ ‍ (24) ᒋ ‍ ᓂᐳᐅᒡ᙮ ᐊᑯ ᐊᓐ ᐃᑕᐅᓐ ᐊᓐᑕ ᑭᐱᐊᓐ ‘ᒥᔅᑎ ‍ ᒧᐧᑯᒪᓐ ᓂᑕᐅᒋᒋᑭᓐ’ ᐊᓄᒡ ᐃᓯᓂᐧᑲᑕᐤ᙮
\p
\v 17 ᐊᑯ ᑯᑎᑭᒡ ᒂ ‍ᒋᒋ ‍ ᒪᓯᐧᑲᑐᒡ᙮ ᒋᒋᐛ ᒋ ‍ ᐊᒂᑕᔨᑕᑯᓐ ᑲ ‍ ᒪᓯᒐᓄᐅᒡ᙮ ᐊᐱᓂᕐ ᑭᔭ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒋ ‍ ᓴᐧᑯᒋᔨᑯᐅᒡ ᑎᐱᑕ ᐅᓂᑐᐱᔪᐅ-ᐃᔨᒥᔨᐛ᙮
\s1 ᒋ ‍ ᓂᐸᐊᑭᓄᐤ ᐊᓱᐊᓪ ᒍᐊᑉ ᐎᐧᑲᓂᓴ
\p
\v 18 ᓯᕈᐃᐊ ᒋ ‍ ᑕᔪᐛ ᓄᑎᒻ ᐊᓂᔅᑎᔨᒋ ᐅᑯᓴ ᐊᓂᔭ ᒐᓯᑲᔨᒡ, ᒍᐊᐸ, ᑭᔭ ᐊᐱᓴᐃᔨᒋ, ᑭᔭ ᐊᓱᐊᓚ᙮ ᐊᓱᐊᓪ ᒋ ‍ ᒋᐱᔪᐤ ᐊ ‍ ᐎᔾᐳᐎᑦ ᒧᔭᒻ ᓇᔅᒡ ᑲ ‍ ᒋᓯᐱᔨᒋ ᐊᐛᓯᓴ᙮
\v 19 ᐊᓱᐊᓪ ᒋ ‍ ᐱᒥᑎᓴᐛᐤ ᐊᐱᓂᕐ᙮ ᒋ ‍ ᒋᒋᓇᐤ ᑯᐎᔅᒃ ᐊᐱᓂᕋ, ᐊᑲ ᓂᑲᐱᔨᑦ᙮
\v 20 ᐊᐱᓂᕐ ᒋ ‍ ᐃᑕᐳᐤ ᐊᓐᑕ ᐅᔅᐱᔅᑯᓂᒡ ᐊ ‍ ᐃᔅᒋᔄᑦ “ᒋᔾ ᐊ ᐊᓱᐊᓪ?”
\p ᐊᓱᐊᓪ ᒂ ‍ ᐃᑕᑦ “ᓂᔾ ᐅ !”
\p
\v 21 ᐊᐱᓂᕐ ᒋ ‍ ᑕᑈᑕᐤ “ᒋᐛᐱᔪᐎᔾ ᐊᓐᑕ ᐃᑕᒐ ᒋᒥᔪᓂᐃᒡ, ᒥᓐ ᒂᔅᑕᒐ ᒐ ‍ ᒋᐛᐱᔪᐎᓐ᙮” ᒧᒄ ᐃᔭᐱᒡ ᐊᓱᐊᓪ ᒧᒡ ᐳᓇᐤ ᐊᐱᒥᑎᓴᐛᑦ ᐊᓂᔭ ᐊᐱᓂᕋ᙮
\p
\v 22 ᐊᑯ ᐊᐱᓂᕐ ᒥᓐ ᑎᔭᑈᑕᑦᑦ “ᐊᑯᓐ ᐃᔅᐱᔅ ᐱᐸᒥᓇᓴᐎ! ᐊᑯ ᒐᒂᓐ ᒋᐸ ᐅᒋ ‍ ᓂᐸᐃᑎᓐ ? ᐊᑯ ᒪ ᓂᐸᐃᑕ, ᑕᓐᑕ ᓂᐸ ᐅᒋ ‍ ᒋᑕᐱᒪᐤ ᒋᔅᑕᔅ ᒍᐊᑉ᙮”
\p
\v 23 ᒥᒄ ᐊᓱᐊᓪ ᓇᒪ ᐅᒋ ᑕᑈᑎᒻ ᐊᐱᐸᒥᓇᓴᐛᑦ ᐊᐱᓂᕋ᙮ ᐊᑯ ᐊᐱᓂᕐ ᓯᔅᒋᑯᒡ ᒐᐛᐱᔪᐅᑦ ᑭᔭ ᐃᔭᒋᓂᒺᑦ ᐊᐅᓂᔎᔅᑭᓂᔨᒡ ᐅᑦ ᐊᓯᒪᑭᓐ ᐊᓐᑕ ᐊᓱᐊᓚ ᐅᔅᑭᑕᔨᒡ᙮ ᐛᔅ ᐊᓂᔭ ᐊᔅᐱᔅ ᒥᔅᑎ ‍ ᐃᔭᒋᓂᒺᑦ, ᒋ ‍ ᓴᐳᑐᐛᐱᔨᔪᐤ ᐊᐅᓂᔎᔅᑭᓂᔨᒡ ᐊᓱᐊᓚ ᐎᔭᐃᒡ ᑭᔭ ᐅᔅᐱᔅᑯᓂᒡ ᒂ ‍ᐅᒋ ‍ ᓴᑈᔅᑯᒧᔨᒡ, ᒂ ᐊᑎ ‍ ᐸᒋᓯᓂᔨᒋ ᐊᓐᑕ ᒧᔅᑎᔅᑭᒥᒡ, ᐊᐳᓂᐱᒪᑎᓯᔨᒋ᙮ ᒥᓯᐛ ᑯᑎᑭᒡ ᓂᑐᐱᔪᐅ-ᐃᔪᒡ ᒂ ‍ ᐃᑐᑕᒡ ᐊᓐᑕ ᐊᔅᑕᔨᒡ ᒥᔪᔪᐤ ᒂ ‍ ᓂᑲᐎᒡ ᑭᔭ ᓂᔭᓂᐳᐅᒡ ᐊᓐᑕ, ᐊᓯᔅᒋᑯᑕᔨᑕᒡ᙮
\p
\v 24 ᒥᒄ ᒍᐊᑉ ᑭᔭ ᐊᐱᓴᐃ ᒐ ‍ ᓇᓂᑎᒪᐱᔪᐅᒡ ᐊᐱᐸᒥᓇᓴᐛᒡ ᐊᐱᓂᕋ᙮ ᐊᑎ ‍ ᐸᒋᓯᒧᔨᒋ ᐱᓯᒺ ᒪᒃ ᒋ ‍ ᐅᑎᑎᒧᒡ ᐊᒪ ᐱᔅᑯᑎᓇᔪᐤ ᐊᓐᑕ ᐛᐱᓄᑕᒡ ᑭᔭᒡ ᐊᓐᑕ ᒪᔅᑭᓇᒡ ᐊᑎᒧᔨᒡ ᐸᐧᑯᑎᔅᑭᒥᑲᒡ ᐃᓯ ᒥᒋᒪ ᑭᐱᐃᓐ᙮
\v 25 ᐊᓐ ᒪᒃ ᓇᐸᐤ ᑲ ‍ ᐃᑎᔅᑲᓇᓯᑦ ᐱᓐᒋᒥᓇ ᒋ ‍ ᐛᔅᑲᐳᔅᑐᐛᐅᒡ ᐊᓂᔭ ᐊᐱᓂᕐ᙮
\p
\v 26 ᐊᑯ ᐊᐱᓂᕐ ᑎᐊᑈᑕᑦ ᒍᐊᐸ, ᐊ ‍ ᐃᑕᑦ “ᒧᔅ ᑲᒋᒡ ᐊ ᒋᑭ ‍ ᒪᓯᐧᑲᑐᓇᓄᐤ ? ᒋᔅᒐᔨᑕᓐ ᐊ ᐃᔅᐱ ᓇᓂᑎᒪᐱᔨᔭᒂ ᐊ ‍ ᒪᓯᐧᑲᑐᔭᒡ, ᒋᒋᐛ ᒋᑭ ‍ ᒥᒋᐱᔪᐤ ᐊᓐ ᐅᒋ? ᒋᔭᓄᐤ ᐅ ᒥᓯᐛ ᒐᑭᑉ ᐅᑦ ᐊᓂᔅᑯᑕᐸᓇ᙮ ᐊᑯ ᒋᐸ ‍ ᐱᓂᓇᓐ ᐊ ‍ ᒪᓯᐧᑲᑐᔭᐧᒃ, ᐎᑎᒧᐅᒡ ᒋᓂᑐᐱᔪᐅ-ᐃᔨᒥᒡ ᒐᒋ ᐳᓂᒡ ᐊᐱᐸᒥᓇᓴᐅᔨᒥᒡ᙮”
\p
\v 27 ᒍᐊᑉ ᒋ ‍ ᐃᑕᐤ, “ᒐᒋᓇᒡ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᐊ ᐊᑲ ‍ ᐃᔅᒋᔄᔨᓇᒂ ᐊᓐ, ᐊᔅᒃ ᒋᐸ ‍ ᐱᐸᒥᓇᓴᐛᐱᓐᒡ ᓂ ‍ ᓂᑐᐱᔪᐅ-ᐃᔨᒥᒡ ᒋ ‍ ᓂᑐᐱᔪᐅ-ᐃᔨᒪ ᐃᔅᐱᔅ ᐛᐱᓂᔨᒃ!”
\p
\v 28 ᐊᑯ ᒍᐊᑉ ᑈ ‍ ᑕᑕᐧᒃ ᐳᑕᒋᑭᓂᔪᐤ ᒐᒋ ᐳᓂᓇᓄᐎᒡ ᐊ ‍ ᒪᓯᒐᓄᐎᔨᒡ᙮ ᐊᑯ ᒥᓯᐛ ᓂᑐᐱᔪᐅ-ᐃᔪᒡ ᐊᐅᑯ ᒂ ‍ ᐃᑎᒡ᙮ ᓇᒪ ᓴᔅ ᐅᒋ ᐸᐱᒥᓇᓴᐛᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᑭᔭ ᒂ ‍ ᐳᓂᒡ ᐊ ‍ ᒪᓯᒐᒡ᙮
\p
\v 29 ᐊᓂᔭ ᑕᐱᔅᑲᔨᒡ ᐊᐱᓂᕐ ᑭᔭ ᐅᓂᑐᐱᔪᐅ-ᐃᔨᒪ ᒋ ‍ ᓴᐳᑐᐛᑕᐅᒡ ᒠᕐᑕᓐ ᐊ ‍ ᐱᓴᔨᒡ᙮ ᒋ ‍ ᐊᓱᐛᐊᒧᒡ ᒠᕐᑕᓐ ᓯᐱᔪᐤ ᑭᔭ ᐊᔅᑭᓐ ᒐᒋᓴᐸᔭᐛ ᒋ ‍ ᐱᒧᑕᐅᒡ, ᒐᒄ ᒂ ‍ ᑎᑯᓯᒡ ᒪᐊᓇᐃᔨᒥᒡ᙮
\p
\v 30 ᒍᐊᑉ ᑭᔭ ᐅᓂᑐᐱᔪᐅ-ᐃᔨᒪ ᒋ ‍ ᐳᓇᐅᒡ ᐊᐱᐸᒥᓇᓴᐛᒡ ᐊᐱᓂᕋ, ᑭᔭ ᐃᔅᐱ ᑲ ‍ ᒪᒧᐅᓇᑦ ᒥᓯᐛ ᐅᓂᑐᐱᔪᐅ-ᐃᔨᒪ, ᒋ ‍ ᒋᔅᒐᔨᑎᒧᒡ ᒪᒃ ᒥᒄ ᐸᐃᑯᔅᑕᐤ ᑕᑐᓴᑉ ‍ (19) ᒋ ‍ ᓂᐸᑭᓂᔪᐛ ᐅᓂᑐᐱᔪᐅ-ᐃᔨᒪ ᐊᓯᒡ ᐊᓱᐊᓚ ᑲ ‍ ᒪᓯᒐᓄᐎᔨᒡ᙮
\v 31 ᒥᒄ ᑎᐱᑦ ᐅᓂᑐᐱᔪᐅ-ᐃᔨᒪ ᓂᔅᑐ ᒥᑕᓯᒥᑐᓄᐤ ᐊᓱ ᐊᓱᑕᒡ ᑕᑐᐎᔪᐤ ‍ (360) ᒋ ᓂᐸᐊᔨᔪᐛ ᐊᐱᓂᕋ ᐅᓂᑐᐱᔪᐅ-ᐃᔨᒥᔨᐛ, ᒥᓯᐛ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐅᒋ᙮
\v 32 ᐱᔅᒐ ᒍᐊᑉ ᐅᓂᑐᐱᔪᐅ-ᐃᔨᒪ ᒋ ‍ ᐅᑎᓂᒺᐅᒡ ᐊᓱᐊᓚ ᐎᔪᔪᐤ ᑭᔭ ᒂ ‍ ᓇᐅᔅᑕᐛᒡ ᐊᓐᑕ ᐅᑕᐎᔪᐛ ᑲ ‍ ᐱᒥᓯᓂᔨᒋ, ᐊᓐᑕ ᐸᑦᓕᔭᒥᒡ᙮ ᐊᑯ ᐃᔅᑭᓐ ᑎᐱᔅᑲᐛ ᐊᓂᔭ ᑕᐱᔅᑲᔨᒡ ᒂ ‍ ᐱᒧᑕᒡ, ᑭᔭ ᐱᔭᑕᐱᓂᔨᒡ ᒋ ‍ ᑎᑯᓯᓄᐅᒡ ᐊᓐᑕ ᐃᑉᕈᓐ ᐊᓐᑕ ᑲ ‍ ᐎᒋᒡ᙮
\c 3
\p
\v 1 ᒋᒋᐛ ᓇᐅᔅ ᒋ ‍ ᓂᑐᐱᔨᑕᑐᐅᒡ ᐊᓐᒡ ᑲ ‍ ᓂᑐᐛᔨᒪᒡ ᓴᓚ ᐅᑯᓯᔨᐛ ᒐᒋ ᐅᒋᓴᐅᒋᒪᒥᒡ ᑭᔭ ᐊᓐᒡ ᑲ ‍ ᓂᑐᐛᔨᒪᒡ ᑎᐱᑕ ᒐᒋ ᐅᒋᓴᐅᒋᒪᒥᒡ᙮ ᒥᒄ ᐊᑎᑐᐤ ᐃᔪᒡ ᒂ ‍ ᓂᑐᐛᔨᒪ ᑎᐱᑕ ᒐᒋ ᒋᓴᐅᒋᒪᐎᔨᒋ, ᒪᒂᒡ ᒋ ‍ ᔭᓯᐱᔪᐅᒡ ᑲ ‍ ᐃᑎᓯᒡ ᐃᔪᒡ ᑲ ‍ ᓂᑐᐛᔨᒪᒡ ᓴᓚ ᐅᑯᓯᔨᐛ ᒐᒋ ᒋᓴᐅᒋᒪᐎᔨᒋᒡ᙮
\s1 ᑎᐱᑦ ᐅᑯᓴ ᐃᑉᕈᓂᒡ ᒋ ‍ ᐱᒪᑎᓯᔨᐛ᙮
\v 2 ᑎᐱᑦ ᐊᓂᓯᔨᒋ ᐎᐛ ᒋ ‍ ᓄᒂᔪᐛ ᐊᓱᑕᒡ ᐊ ‍ ᐃᑕᑎᓯᒋ ᐅᑯᓴ ᐊᓐᑕ ᐃᑉᕈᓂᒡ᙮ ᐊᓐ ᐊ ‍ ᒋᓴᐃᔪᑦ ᐊᒻᓇᓐ, ᐊᐃᓄᐊᒪ ᑲ ‍ ᐅᑲᐎᑦ, ᒐᔅᕆᐅᓕᒡ ᐅᒋ᙮
\li2
\v 3 ᒥᓐ ᑭᓕᐊᑉ ᒂ ᐅᒋ ‍ ᑕᑦ, ᐊᐱᑲᐃᓚ ᑲ ‍ ᐅᑲᐎᑦ, ᓇᐸᓪ ᐅᒋᔅᑎᒪᒋᔎᒪ, ᑲᕐᒥᓕᒡ ᐅᒋ;
\li2 ᒥᓐ ᐊᑉᓴᓗᒻ ᒂ ᐅᒋ ‍ ᑕᑦ, ᒪᑲᐃᔨᒋ ᑲ ᐅᑲᐎᑦ, ᑕᓪᒪᐃ ᐅᑕᓂᓴ, ᑭᓱᕐ ᐃᑕᐅᓂᒡ ᒋᓴᐅᒋᒪᐤ,
\li2
\v 4 ᒥᓐ ᐊᑐᓂᒐ ᒂ ᐅᒋ ‍ ᑕᑦ, ᐊᒃᑭᑕᔨᒋ ᑲ ᐅᑲᐎᑦ;
\li2 ᒥᓐ ᓯᐸᑎᐊ ᒂ ᐅᒋ ‍ ᑕᑦ, ᐊᐱᑕᓚ ᑲ ᐅᑲᐎᑦ;
\li2
\v 5 ᐃᑦᕆᐊᒻ ᐊᐅᒄ ᑲ ‍ᐅᒋ ‍ ᐊᐛᓯᐅᑦ, ᐃᒃᓚᔨᒋ ᑲ ᐅᑲᐎᑦ, ᐊᐅᒄ ᐅᔭ ᐸᐃᒄ ᑯᑎᑲ ᑎᐱᑦ ᐎᐛ᙮
\li2 ᒥᓯᐛ ᐊᓂᔭ ᑎᐱᑦ ᐅᑯᓴ ᐃᑉᕈᓂᒡ ᒋ ‍ ᐃᔪᐅᔪᐛ᙮
\s1 ᐊᑉᓂᕐ ᑲ ‍ ᐎᔭᔨᑕᐧᒃ ᑎᐱᑕ ᒥᓯᐛ ᐊᓂᔭᔪᐛ ᒐ ᐅᒋᓴᐅᒋᒪᐅᑕᑯᑦ
\p
\v 6 ᒪᒂᒡ ᐊᓐ ᑲ ‍ ᓂᑐᐛᔨᒪᒡ ᓴᓚ ᐅᑯᓯᐛ ᒐᒋ ᑎᐸᔨᒥᑯᒡ ᑭᔭ ᐊᓐᒡ ᑲ ‍ ᓂᑐᐛᔨᒪᒡ ᑎᐱᑕ ᒐᒋ ᑎᐸᔨᒥᑯᒡ ᒋ ‍ ᓇᓂᑎᒪᐱᔪᐅᒡ ᐊᒪᓯᑲᑐᐅᒡ, ᐊᑉᓂᕐ ᐊᑎᑐᐤ ᒋ ‍ ᓴᐱᔪᐤ ᐊᓂᔭ ᑲᓂᑐᐛᐃᒪᔨᒋ ᓴᓚ ᐅᑯᓯᔨᐛ ᒐᒋ ᒋᓴᐅᒋᒪᐎᒋ᙮
\v 7 ᐃᔅᐱ ᓴᓪ ᐊᔅᒄ ᑲ ‍ ᐱᒪᑎᓯᑦ, ᒋ ᑭᓄᐛᔨᒪᐤ ᐸᐃᒄ ᑯᐸᓇᔎᐛ ᒧᔭᒻ ᐎᐛ ᕆᔅᐸ ᐊ ‍ ᐃᓯᓂᐧᑲᓱᔨᒋ, ᐊᐃᐊᔨᒋ ᐅᑕᓂᓯᔨᐛ᙮ ᐸᐃᒂᐤ ᒐᓯᑲᔨᒡ ᐊᑉᓂᕐ ᒋ ‍ ᐎᐸᒪᐤ ᐊᑯ ᐃᔅᐳᓯᑦ ᒂ ‍ ᐃᑕᑦ ᐊᑉᓂᕋ, “ᐊᑯ ᒐᒂᓐ ᐛᒋ ‍ ᐎᐸᒥᑎ ᓄᑕᐎ ᐅᐎᑎᐱᒪᑭᓇ ?”
\p
\v 8 ᒋᒋᐛ ᒋ ‍ ᒋᔄᐳᐤ ᐊᑉᓂᕐ ᒐᒂᔪᐤ ᑲ ᐃᑎᑯᑦ ᐃᔅᐳᓴᑕ᙮ ᒋ ‍ ᐃᑕᐤ ᐃᔅᐳᓴᑕ “ᒧᔭᒻ ᐊᑲ ᑎᐸᒐᔨᑕᑯᓯᑦ ᐊᑎᒻ ᒍᑕᐃᒡ ᐅᒋ, ᒋᑦ ‍ ᐃᑕᔨᒥᓐ᙮ ᐅᔅᑭᒡ ᐅᒋ, ᓂᒋ ‍ ᒋᔅᑕᔨᒪᐅᒡ ᒍᑕᐎ ᓴᓪ, ᑭᔭ ᐎᐧᑲᓂᓴ, ᑭᔭ ᐎᒐᐛᑭᓇ᙮ ᑭᔭ ᓂᒋ ‍ ᓂᑲᐊᓐ ᒐᒋ ᓴᐧᑯᒋᔨᔅᒡ ᑎᐱᑦ ᐅᓂᑐᐱᔪᐅ-ᐃᔨᒪ᙮ ᐊᑯ ᐊᓄᒡ, ᐊᑐᒡ ᒋ ‍ ᐊᓏᔨᒥᔨᓐ ᑕᓐ ᑲ ‍ ᐃᑐᑐᐅᒂᐤ ᐱᔅᒐ ᐃᔎᐅᒡ᙮
\v 9-10 ᐅᑎᐸᔨᒋᒐᐤ ᒋ ‍ᒋᒋ ‍ ᐊᓱᑎᒪᒐᐤ ᒐ ᐊᑲ ‍ ᓇᐊᔨᒪᑦ ᓴᓚ ᑭᔭ ᐅᑦ ᐊᓂᔅᑯᑕᐸᓂᔨᐛ ᒐᒋ ᓴᐳᑐᐛᐱᔨᒋ ᑎᐸᐃᒋᒐᔨᒋ᙮ ᒋ ‍ ᐊᓱᑎᒪᒐᐤ ᒐᒋ ᐃᑐᑐᐛᑦ ᑎᐱᑕ ᒐᒋ ᑎᐸᐃᒪᔨᒋ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᓐᑕ ᐃᔅᕋᐃᓕᒡ ᑭᔭ ᒍᑕᐃᒡ, ᑕᐊᓐ ᐅᑕᓇᒡ ᐅᒋ ᐊᓐᑕ ᒋᐛᑎᓄᒡ ᐃᔅᐱᔅ ᐱᕐ-ᓯᐸ ᐅᑕᓇᒡ ᐊᓐᑕ ᓴᐅᓄᑕᒡ᙮ ᐊᑯ ᓂᐳᑯᓴᔨᑕᓐ ᒐᒋ ᒥᔅᑎ ᐊᓏᔨᒥᑦ ᒋᓴᒪᓂᑐᐤ ᐊ ᑲᒋ ‍ ᐃᑐᑎᒪᓇ ᒐᒋ ᐃᔅᐱᔨᒡ ᐅ᙮”
\p
\v 11 ᐃᔅᐳᓯᑦ ᒋᒋᐛ ᒋ ‍ ᑯᔅᑕᐤ ᐊᑉᓂᕋ ᐊᑯ ᐊᑯ ᓇᒪ ᐅᒋ ᐃᑕᐤ ᒐᒂᔪᐤ ᐊᑉᓂᕋ᙮
\p
\v 12 ᐊᑯ ᐊᑉᓂᕐ ᒂ ‍ ᐃᑎᓴᐊᒧᐛᑦ ᐃᔨᒧᐅᓂᔪᐤ ᑲᐱᒪᑕᔨᐅᒋ ᑕᐱᑕ ᐊᓐᑕ ᐃᑉᕈᓐ ᑲ ‍ ᑕᐃᔨᒋ ᒐᒋ ᐃᑕᑦ, “ᒋᔾ ᑭᔭ ᒪᒃ ᓂᔾ ᒋᐸ ‍ ‍ᑎᐸᔨᒋᒐᐤ ᒥᓯᐛ ᐊᑎᓯᔨᒋ ᐊ ‍ ᐃᑎᔅᑲᓇᓯᔨᒋ, ᒥᒄ ᓂᒥᔭᐤ ᐃᔅᐳᓯ᙮ ᐃᔭᐱᒡ, ᐃᔅᐱ ᑐᑎᒧᐎᔨᓇ ᓂᔅᑭᒧᐅᓐ, ᒋᑭ ‍ ᐎᒋᐃᑎᓐ ᐊᓯᒋᒥᒂᐤ ᒥᓯᐛ ᐃᔅᕋᐃᓪ ᐃᔪᒡ ᒐᒋ ᓂᑐᐛᔨᒥᔅᒡ ᒐ ‍ ᐅᒋᓴᐅᒋᒪᒥᒡ᙮”
\p
\v 13 ᑎᐱᑦ ᒂ ‍ ᐃᑎᓴᐊᒧᐛᑦ ᐅᔭ ᐃᔨᒧᐅᓂᔪᐤ: “ᒥᔽᐤ! ᓂᐱᑯᓴᔨᑕᓐ ᒐᒋ ᑐᑎᒪᑕᓐ ᓂᔅᑭᒧᐅᓐ᙮ ᒥᒄ ᐊᒺᔭ ᐃᔅᐱᔨᒡ ᐊᓐ, ᑎᑯᓐ ᐸᐃᒄ ᒐᒂᓐ ᒐᐎ ‍ ᑐᑎᒥᓐ᙮ ᐃᔅᐱ ᓂᑐᐛᐱᒥᔨᓇ, ᒋᑭ ᐎ ‍ ᐸᓱᐛᐤ ᓂᐅ ᒪᐃᑲᓪ ᓴᓪ ᐅᑕᓂᓴ᙮”
\v 14 ᐊᑯ ᑎᐱᑦ ᒂ ‍ ᐃᑎᓴᐊᒧᐛᑦ ᐃᔨᒧᐅᓂᔪᐤ ᑲᐱᒪᑕᔨᐅᒋ ᐃᔅᐳᓯᑕ, ᒐᒋ ᐃᑕᑦ, “ ᐸᐃᒄ ᒥᑕᓯᒥᑎᓄᐤ ᓇᐸᐅᒡ ᐱᓕᔅᑎᐊ ᐅᒋ ᓂᒋ ‍ ᓂᐸᐅᒡ ᑭᔭ ᒂ ‍ ᒥᓂᓯᒧᒡ ᐊᓐᑕ ᓇᐸᐤ ᐊ ‍ ᐃᓯᓇᑯᓯᑦ ᒐᒋ ᐎᒋᒥᒃ ᒪᐃᑲᓪ᙮ ᐊᑯ ᑲᐤ ᐸᒋ ‍ ᒥᔾ ᓂᐅ!”
\p
\v 15 ᐊᑯ ᐃᔅᐳᓯᑦ ᒂ ‍ ᐃᑎᓴᐛᑦ ᐱᔅᒐ ᓇᐸᐛ ᒐᒋ ᐅᑎᓇᔨᒋ ᒪᐃᑲᓚ ᐅᓇᐸᒥᔨᐛ ᐸᓪᑎᐊᓚ ᐅᒋ᙮ ᒥᒄ ᐃᔅᐱ ᑲ ‍ ᐅᑎᓇᒡ ᒪᐃᑲᓚ, ᐅᓇᐸᒪ ᒋ ‍ ᓇᓴᐛᔪᐛ ᐊᓂᔭ ᓇᐸᐛ ᐃᔅᐱᔅ ᐸᐅᕆᒻ ᐅᑕᓇᒡ, ᐊᒪᔨᒋ ᒪᒂᒡ ᐊᑎ ‍ ᐱᒧᑕᔨᒋ᙮
\v 16 ᐊᑯ ᐊᑉᓂᕐ ᒐᐛᐱᔪᐅᑦ ᑭᔭ ᒂ ‍ ᐃᑕᑦ, “ᒋᐛᒪ !” ᐊᑯ ᒂ ‍ ᒋᐛᔨᒋ᙮
\p
\v 17 ᐊᑉᓂᕐ ᒋ ‍ ᓂᑐᐛᐱᒪᐤ ᐃᔅᕋᐃᓪ ᐅᒋᒪᐛ ᑭᔭ ᒂ ‍ ᐃᔨᒪᐊᑦ᙮ ᒂ ‍ ᐃᑕᑦ, “ᒋᒋᐛ ᓇᐊᐅᔅ ᔅᒋ ᓂᑐᐛᔨᒪᐛᐤ ᑎᐱᑦ ᒐᒋ ᐅᒋᓴᐅᒋᒪᒥᔭᒄ᙮
\v 18 ᐊᑯ ᓴᔅ ᒥᔪᐱᔪᐤ ᒐᒋ ᐃᑐᑎᒪᒄ ᐊᓐ᙮ ᒪᒥᑐᓇᔨᑎᒥᒄ ᑲ ‍ ᐊᓱᑎᒪᒐᑦ ᐅᔭ ᑎᐱᔨᒋᒐᓱᐤ: ᐊᐎᒋᔨᑦ ᑎᐱᑦ, ᐊᓐ ᐊᒥᔪᐤ ‍ ᐊᑐᔅᑯᐅᑦ, ᓂᑭ ‍ ᐱᐧᑯᐛᐅᒡ ᓂᑦ ᐃᔨᒥᒡ ᐱᓕᔅᑎᐊ ᐃᔪᐛ ᐅᒋ, ᑭᔭ ᐅᓱᐧᑲᑎᓯᐅᓂᔨᒡ ᐅᒋ ᒥᓯᐛ ᑯᑎᑲ ᑲᐱᒂᓯᐛᔨᒋ’᙮ ”
\p
\v 19 ᐊᑉᓂᕐ ᐃᔭᐱᒡ ᒋ ‍ ᐃᔨᒪᐅᐤ ᐱᓐᒐᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮ ᐊᑯ ᒂ ‍ ᐃᑐᑕᑦ ᐃᑉᕈᓂᒡ ᒐᒋ ᐎᑎᒧᐛᑦ ᑎᐱᑕ ᒥᓯᐛ ᑲ ᐃᓯ ‍ ᓂᔅᑯᒧᔨᒋ ᐱᓐᒐᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑭᔭ ᐃᔅᕋᐃᓪ ᐃᔪᐛ ᒐᒋ ᐃᑎᔨᒋ᙮
\p
\v 20 ᐃᔅᐱ ᐊᑉᓂᕐ ᑲ ‍ ᓂᑐᐛᐱᒪᑦ ᑎᐱᑕ ᐊᓐᑕ ᐃᑉᕈᓐ ᐊᓯᒡ ᓂᓱᔪᐤ ᓇᑐᐱᔪᐅ-ᐃᔪᐛ, ᑎᐱᑦ ᒋ ‍ ᒥᒋᓱᓂᐧᑯᐛᐤ ᐊᓂᔭ ᒥᓯᐛ ᓇᐸᐛ᙮
\v 21 ᓇᓇᒐ, ᐊᑉᓂᕐ ᒂ ‍ ᐃᑕᑦ ᑎᐱᑕ, “ᐅᒋᒪᐤ, ᓴᔅ ᓂᑭ ‍ ᒋᑐᑕᓐ ᑭᔭ ᓂᑭ ‍ ᓯᒋᒪᐅᒡ ᒥᓯᐛ ᐃᔅᕋᐃᓪ ᐃᔪᒡ ᒐᒋ ᐅᑎᓂᔅᒡ ᒐᒋ ᐅᒋᓴᐅᒋᒪᒥᒡ ᑲᔅᑕᐃᑕᑯᐎᔅᑦ, ᒧᔭᒻ ᑲ ᐃᓯ ‍ ᐱᑯᓴᔨᑎᒥᓐ᙮” ᐊᑯ ᐊᑉᓂᕐ ᒂ ‍ ᒋᑐᑕᑦ ᒋᔭᒪᔨᑎᒧᐅᓂᒡ᙮
\s1 ᒍᐊᑉ ᑲ ‍ ᓂᐸᐊᑦ ᐊᑉᓂᕋ
\p
\v 22 ᓇᓇᒐ ᒪᒃ ᐊᓐᑕ, ᒍᐊᑉ ᑭᔭ ᐱᔅᒐ ᑎᐱᑦ ᐅᓂᑐᐱᔪᐅ-ᐃᔨᒪ ᑲᐤ ᒋ ‍ ᑎᑯᓯᓄᐅᒡ ᐃᑉᕈᓂᒡ ᑲᒋ ‍ ᑯᓯᒂᔨᒧᑕᒡ ᐸᐃᒄ ᐊᓂᔭ ᑲ ‍ ᐱᒂᑎᑯᒡ ᐅᑕᓇᒥᔪᐤ, ᐊᐸᑕᒡ ᒥᒐᑦ ᒐᒂᓂᔪᐤ ᑲᒪᑯᓇᒡ᙮ ᒥᒄ ᐊᑉᓂᕐ ᓇᒪ ᐅᒋ ᐃᑕᐤ ᐊᓐᑕ ᐃᑉᕈᓂᒡ, ᐛᔅ ᑎᐱᑦ ᒋᒋᑎᓴᐛᐤ ᒋᔭᒪᔨᑎᒧᐅᓂᒡ᙮
\v 23 ᒍᐊᑉ ᑭᔭ ᐊᓂᔭ ᓂᑐᐱᔪᐅ-ᐃᔪᐛ ‍ ᑲ ‍ ᐎᒐᐅᑯᑦ ᑲ ᑎᑯᓯᒡ, ᒋ ‍ ᐎᑎᒪᑯᐤ ᐊ ‍ ᑎᑯᓯᓂᔨᒋ ᐊᑉᓂᕋ ᒐᒋ ᐃᔨᒪᔨᒋ ᒋᓴᐅᒋᒪᐛ, ᑭᔭ ᑲᒋᑎᓴᐛᑦ ᒋᓴᐅᒋᒪᐤ ᒐᒋ ᒋ ‍ ᐛᔨᒋ ᒋᔭᒪᔨᑎᒧᐅᓂᒡ᙮ \pᓪ
\v 24 ᐊᑯ ᒍᐊᑉ ᒂ ‍ ᓂᑐᐛᐱᒪᑦ ᒋᓴᐅᒋᒪᐛ ᑭᔭ ᒂ ‍ ᐃᑕᑦ, “ᒐᒂᓐ ᐊᓐ ᐛᒋ ‍ ᐃᑐᑎᒥᓐ ? ᓂᑐᑐᐎ! ᒋ ᐱᒂᑎᒄ ᐊᓐ ᐊᑉᓂᕐ, ᒥᒄ ᐃᔅᐱ ᑲ ‍ ᓂᑐᐛᐱᒥᔅᒃ, ᒋᒋ ‍ ᓇᐊᔨᒪᐤ ᒐᒋ ᒋᑐᑕᑦ!
\v 25 ᓇᒪ ᒋ ‍ ᒋᔅᒐᔨᑕᓐ ᐊ ᐊᒋ ‍ ᓂᑐᐛᐱᒥᔅᒃ ᒐᒋ ᐎᔭᓯᒥᔅᒃ ᑭᔭ ᒐᒋ ᓇᓂᑐᒋᔅᒐᔨᑕᐧᒃ ᒥᓯᐛ ᒐᒂᔪᐤ ᐃᑐᑎᒧᑦ ᑭᔭ ᒥᓯᐛ ᐊᓐᑕ ᐊ ‍ ᐃᑐᑕᐅᑦ?”
\p
\v 26 ᐃᔅᐱ ᒍᐊᑉ ᑲᒋ ‍ ᓂᑭᑕᑦ ᑎᐱᑕ, ᒂ ‍ ᐃᑎᓴᐛᑦ ᐃᔨᒧᐅᓂᔪᐤ ᑲᐱᒪᑕᔨᐅᒋ ᒐᒋ ᓂᑐᐛᐱᒪᔨᒋ ᐊᑉᓂᕋ᙮ ᓯᕋ ᒧᓇᔨᐸᓂᒡ ᒋ ‍ ᒥᔅᑯᐛᐅᒡ ᑭᔭ ᑲᐤ ᐃᑉᕈᓂᒡ ᒂ ‍ ᐸᓱᐛᒡ, ᒥᒄ ᑎᐱᑦ ᓇᒪ ᐅᒋ ᒋ ᒋᔅᒐᔨᑎᒻ ᐅᔭ ᑲ ‍ ᐃᑎᔨᒋ᙮
\v 27 ᐊᑯ ᐃᔅᐱ ᐊᑉᓂᕐ ᑲᐤ ᑲ ᐃᑐᑕᑦ ᐊᓐᑕ ᐃᑉᕈᓐ, ᐃᔎᑕᒥᒡ ᐊᓐᑕ ᒋ ‍ ᓂᒋᔅᑯᐛᐤ ᒍᐊᑉ, ᑭᔭ ᐅᐱᒪ ᒂ ‍ ᐃᑐᑕᐊᑦ ᒧᔭᒻ ᐛ ‍ ᐎᔨᒪᐊᒋ ᐊᓐᑕ ᐊ ᐊᑲ ᐃᑕᓄᐎᔨᒡ᙮ ᐊᑯ ᒂ ‍ ᑕᐧᑭᒪᑦ ᐅᓂᑐᐱᔪᐅ-ᒧᐧᑯᒪᓐ ᐊᓐᑕ ᐅᔅᑭᑕᔨᒡ᙮ ᐊᓂᔭ ᐅᒋ ᒋ ‍ ᓂᐸᐊᐤ ᐊᑉᓂᕋ ᐛᔅ ᐊᑉᓂᕐ ᒋ ‍ᐸᔨᒪᐤ ᒍᐊᐸ ᐎᐧᑲᓂᓯᔨᐛ ᐊᓱᐊᓚ᙮
\p
\v 28 ᓇᓇᒐ, ᑲᒋ ‍ ᐸᑕᐧᒃ ᑎᐱᑦ ᑲ ‍ ᐃᔅᐱᔨᒡ ᒐᒂᔪᐤ, ᒂ ‍ ᐃᔅᒋᔄᑦ, “ᑎᐸᔨᒋᒐᓱᐤ ᒋᔅᒐᔨᑐᒻ ᓂᔾ ᑭᔭ ᐃᔪᒡ ᐊᓐᑕ ᓂ ‍ ᐅᒋᒪᐅᓂᒡ ᓇᔅᒡ ᐊᑲ ᐊᑕᒪᔨᑕᑯᓯᔭᒡ ᑲ ‍ ᓂᐸᐊᑭᓄᐅᑦ ᐊᑉᓂᕐ᙮
\v 29 ᑭᒪ ᐊᓏᔨᒪᑯᓄᐅᒡ ᒍᐊᑉ ᑭᔭ ᐊᐸᐃᑯᔅᑲᓇᓯᑦ ᐛᔅ ᐊᓂᔭ ᑲ ‍ ᐃᑐᑕᐧᒃ! ᑭᒪ ᑕᔨᒋ ᐊᐛᔪᐛ ᐊᓐᑕ ᐊᐸᐃᑯᔅᑲᓇᓯᑦ ᐊᑭᓄᐛᔨᑎᒥᔨᒋ ᐅᒥᒋᐅᓂᔪᐤ, ᑭᔭ ᒪᒃ ᐅᒥᒋᐛᔅᐱᓇᐅᓂᔪᐤ ᑭᔭ ᒪᒃ ᓇᐸᐛ ᐊ ‍ ᐃᐧᑲᒥᐊᑭᓄᐎᔨᒋ ᐃᔎᐤ ᐊᑐᔅᒐᐅᓂᔪᐤ ᒐᒋ ᐃᑐᑎᒥᔨᒋ ᑭᔭ ᒪᒃ ᐊ ‍ ᓂᐸᐊᑭᓄᔨᒋ ᐊᐛᔪᐛ ᐊᓂᑐᐱᔨᓇᓄᐎᔨᒡ ᑭᔭ ᒪᒃ ᐊᐛᔪᐛ ᐊᑲ ᐃᔅᐱᔨᒋ ‍ ᒥᒋᒥᔪᐤ!”
\p
\v 30 ᐊᐅᑯᓐ ᐅᔭ ᒍᐊᑉ ᑭᔭ ᐎᐧᑲᓂᓴ ᐊᓂᓴᐃᔨᒋ ᑲ ᐃᓯ ‍ ᓂᐸᐊᒡ ᐊᑉᓂᕋ, ᐛᔅ ᒋ ‍ ᓂᐸᐃᔨᐛ ᐎᐧᑲᓂᓯᐛᐛ ᐊᓱᐊᓚ ᐊᓐᑕ ᑭᐱᐅᓂᒡ ᑲᓂᑐᐱᔨᓇᓄᐎᔨᒡ᙮
\p
\v 31 ᐊᑯ ᑎᐱᑦ ᐊᑕᑦ ᒍᐊᐸ ᑭᔭ ᐅᓂᑐᐱᔪᐅ-ᐃᔨᒥᔨᐛ, “ᐱᑯᐱᑎᒥᒄ ᒋᑦ ᐊᐱᒋᑕᐅᓄᐛᐛ ᑭᔭ ᒐ ‍ ᐳᔅᑭᒪᒄ ᐱᒍᐅᔭᓇᒋᓂᔅᒋᔅ ᒐᒋ ᐛᐸᑎᔨᐛᔭᒄ ᐊ ᐊᑲ ᒥᔽᔨᑎᒪᒄ, ᑭᔭ ᒐ ‍ ᓂᓇᐧᑲᒋᒧᔭᒄ ᐊᑉᓂᕐ ᐅᒋ!” ᑭᔭ ᐊᓐᑕ ᑲ ‍ ᓂᔨᐧᑲᑭᓄᐎᔨᒡ ᒥᔭᔪᐤ, ᒋᓴᐅᒋᒪᐤ ᑎᐱᑦ ᐅᑕᒡ ᒋ ᐅᒋ ‍ ᐱᒧᑕᐤ ᐊᓂᔭ ᑲ ‍ ᑕᐧᑯᓂᒥᔨᒋ ᓂᒂᔅᑲᓂᔪᐤ᙮
\v 32 ᐃᑉᕈᓂᒡ ᐊᓐᑕ ᒋ ‍ ᓇᐛᐊᑭᓄᐤ ᐊᑉᓂᕐ, ᑭᔭ ᒋᒪᐤ ᒋᓴᐅᒋᒪᐤ ᐊᒋᔄᐛᑦ ᐊᓐᑕ ᓂᒂᔅᑲᓂᒡ, ᑭᔭ ᒥᓯᐛ ᑯᑎᑭᒡ ᐃᔪᒡ ᐃᔭᐱᒡ ᒋ ‍ ᒪᐅᒡ᙮
\p
\v 33 ᑎᐱᑦ ᒋ ‍ ᓂᑭᒧᐤ ᐅᔭ ᒺᔅᑕᒋ ‍ ᓂᑭᒧᐅᓂᔪᐤ ᒐᒋ ᓂᓇᐧᑲᒋᒧᑦ ᐊᑉᓂᕋ ᐅᒋ:
\q1 “ᓇᒪ ᐃᓯᓇᑯᓂᔪᐤ ᒐᒋ ᐃᓯ ᐳᓂᐱᒪᑎᓯᑦ ᐊᑉᓂᕐ ᒧᔭᒻ ᑲ ‍ᒥᒋ ‍ ᑐᑎᒥᔨᒋ ᐊ ᐃᓯ ‍ ᐳᓂᐱᒪᑎᓯᔨᒋ!
\q2
\v 34 ᓇᒪ ᐊᐛᓐ ᐅᒋ ᒪᑯᐱᑎᒻ ᒋᑎᒋᔭ ᑭᔭ ᒪᒃ ᒐᒋᑭᒧᑕᑦ ᐃᓴᒂᔭᐱᔭ ᒋᔅᑲᑎᒡ, ᒧᔭᒻ ᐊ ‍ ᐃᑐᑐᐛᑭᓄᐎᒋ ᑲ ‍ᒥᒋ ‍ ᑐᑎᒥᔨᒋ᙮
\q1 ᓇᒪ, ᒥᒋ ‍ ᐃᔪᐛ ᒋᓂᐱᔨᑯᐤ!
\p
\v 35ᐊᑯ ᒥᒐᑦ ᐃᔪᒡ ᒋ ‍ ᓂᑐᐛᐱᒪᐅᒡ ᑎᐱᑕ ᒐᒋ ᐃᑕᒡ ᒐᒋ ᒥᒋᔨᒋ ᐱᔅᒐ ᒥᒋᒥᔪᐤ ᐊᒺᔭ ᐸᒋᓯᒧᔨᒋ ᐱᓯᒺ, ᒥᒄ ᒋ ‍ ᐊᓏᔨᑎᒻ ᑎᐱᑦ᙮ ᒋ ‍ ᐃᔅᒋᔄᐤ “ᑭᒪ ᒥᔅᑎ ‍ ᐊᓏᔨᒥᑦ ᒋᓴᒪᓂᑐᐤ ᒥᒋᔭᓇ ᒥᒋᒻ ᐊᒺᔭ ᐸᒋᓯᒧᑦ ᐱᓯᒻ !”
\p
\v 36 ᒥᓯᐛ ᐃᔪᒡ ᒋ ‍ ᐛᐸᑎᒧᒡ ᒐᒂᔪᐤ ᑲ ‍ ᑐᑎᒥᔨᒋ ᑎᐱᑕ ᑭᔭ ᒋ ‍ ᒥᔽᔨᑎᒧᒡ᙮ ᑕᑈ, ᒥᓯᐛ ᒐᒂᔪᐤ ᑲ ‍ ᐃᑐᑕᐧᒃ ᒋᓴᐅᒋᒪᐤ ᒋ ‍ ᒥᔽᔨᑎᒥᔨᑯᐅᒡ ᐃᔪᒡ᙮
\v 37 ᐊᑯ ᒥᓯᐛ ᐃᔪᒡ ᒂ ‍ ᒋᔅᒐᔨᑕᒡ ᐊ ᐊᑲ ᐅᒋ ᓂᑐᐛᔨᑎᒥᔨᒋ ᒋᓴᐅᒋᒪᐛ ᒐᒋ ᓂᐸᐊᑭᓄᐎᒋ ᐊᑉᓂᕋ᙮
\p
\v 38 ᒋᓴᐅᒋᒪᐤ ᒋ ‍ ᐃᑕᐤ ᐅᑦ ᐊᐱᒋᐊᑭᓇ, “ᒋᐸ ‍ ‍ ᒋᔅᒐᔨᑕᓇᐛᐤ ᐊᓄᒡ ᒐᓯᑲᒡ ᑲᓂᑲᓂᔅᑲᒐᑦ ᑭᔭ ᒥᔪᐤ ‍ ᓇᐸᐤ ᐊᒋ ‍ ᐳᓂᐱᒪᑎᓯᑦ ᐊᓐᑕ ᐃᔅᕋᐃᓕᒡ᙮
\v 39 ᐊᑎ ᓱᐧᒄ ᐊᒋ ‍ ᐅᑎᓂᑦ ᒋᓴᒪᓂᑐᐤ ᒐᒋ ᒋᓴᐅᒋᒪᐅᒡ, ᐊᓄᒡ ᓂᑦ ‍ᐃᔨᔨᒥᓯᐅᐱᒪᑎᓯᐅᓐ᙮ ᐊᓂᔭ ᓂᓱ ᓯᕋᐃᐊ ᐅᑯᓴ ᒍᐊᑉ ᑭᔭ ᐊᐱᓴᐃ, ᒋᒋᐛ ᐊᒂᑎᓯᔨᐛ; ᓇᒪ ᓂᒋ ‍ ᐊᔭᑎᓂᒪᐛ᙮ ᐊᑯ ᑭᒪ ᒋᓴᒪᓂᑐᐤ ᒥᔅᑎ ‍ ᐊᓏᔨᒪᑦ ᒐᒋ ᒋᓯᐧᑲᓱᒡ ᐅᔭ ᒥᒋ ‍ ᒐᒂᔪᐤ ᑲ ‍ᑐᑎᒥᔨᒋ !”
\c 4
\s1 ᑲ ‍ ᓂᐸᐊᑭᓄᐅᑦ ᐃᔅᐳᓯᑦ
\p
\v 1 ᐃᔅᐱ ᓴᓪ ᐅᑯᓴ ᐃᔅᐳᓯᑦ ᑲᒋ ‍ ᐸᑕᐧᒃ ᐊᑉᓂᕋ ᐊᒋ ‍ ᓂᐸᐊᑭᓄᔨᒋ ᐊᓐᑕ ᐃᑉᕈᓂᒡ, ᒋ ‍ ᒋᔅᒐᔨᑎᒻ ᒂᔄᓐ ᐃᔭᐱᒡ ᑭᔭ ᐎᔾ ᒐ ‍ ᓂᐸᐊᑭᓄᐅᑦ᙮ ᒂ ‍ ᐱᒋᑕᔨᒧᑦ, ᑭᔭ ᒥᓯᐛ ᐃᔅᕋᐃᓪ ᐃᔪᒡ ᒂ ‍ ᑯᔅᑕᒋᒡ᙮
\v 2 ᐃᔅᐳᓯᑦ ᒋ ‍ ᓂᓯᔨᐛ ᐅᑯᐸᓇᒪ ᐊ ᐅᒋᒪᐎᒋ ᐊᓂᓱᐎᒋᓯᔨᒋ ᓂᑐᐱᔪᐅ-ᐃᔪᐛ ᑲ ‍ ᑯᓯᒂᔨᒧᑎᒥᔨᒋ ᑯᑎᑲ ᐃᑕᐅᓇ᙮ ᒋ ‍ ᐎᐧᑲᓂᓯᑕᔪᐛ; ᐸᓇ ᑭᔭ ᕆᒐᑉ ᐊ ‍ ᐃᓯᓂᐧᑲᓱᐎᔨᒋ, ᕆᒻᒧᓐ ᐅᑯᓴ, ᐱᐊᕈᑦ ᐅᑕᓇᒡ ᐅᒋ, ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐅᒋ᙮ ᐊᓐᑕ ᐃᑕᒐ ᑲ ᒥᔭᑭᓄᐅᒡ ᐱᓐᒐᒥᓐ ᐊ ‍ ᐃᑎᔅᑲᓇᓯᒡ ᐃᔪᒡᑉᑎᑯᓐ ᐊᓐ ᐱᐊᕈᑦ᙮
\v 3 ᐊᑯ ᐊᓐᒡ ᐃᔪᒡ ᐊᓐᑕ ᐱᐊᕈᑦ ᐅᑕᓇᒡ ᑭᑦᑕᐃᒻ ᐅᑕᓇᔪᐤ ᒋ ‍ ᐃᑎᓯᒧᐅᒡ, ᑭᔭ ᐊᔅᒃ ᐊᓐᑕ ᐊᓄᒡ ᐎᒍᐅᒡ᙮
\p
\v 4 ᓴᓪ ᐅᑯᓴ ᒠᓐᑕᔨᒋ ᒋ ‍ ᐅᑯᓯᔨᐛ ᒥᐱᐳᓴᑦ ᒋ ‍ ᐃᓯᓂᐧᑲᓱᔪᐛ, ᐃᔅᐱ ᒥᐱᐳᓴᑦ ᐱᑕᑕᒡ ᑲ ‍ ᐃᑕᑐᐱᐳᓇᓯᑦ, ᒋ ‍ ᓂᐸᐊᑭᓄᐅᒡ ᓴᓪ ᑭᔭ ᒠᓐᑕ ᐊᓂᑐᐱᔨᓇᓄᐎᔨᒡ᙮ ᐃᔅᐱ ᐃᔪᒡ ᑲᐸᑕᒡ ᑎᐸᒋᒧᐅᓂᔪᐤ ᒐᔅᕆᓪ ᐅᒋ, ᐅᓂᑐᑯᐎᔎᓯᒪ ᒋ ‍ ᐅᑎᓂᑯᐤ ᒥᐱᐳᓴᑦ ᑭᔭ ᑲ ‍ ᒋᑎᓯᒧᔨᒋ᙮ ᒋᒋᐛ ᒋ ᒋᓯᐸᑕᔪᐛ ᒂ ‍ ᑲᐸᒋᓯᒥᑯᑦ ᑭᔭ ᒂ ‍ ᒪᓯᑲᑕᑦ᙮
\p
\v 5 ᐸᐃᒂᐤ ᒐᓯᑲᔨᒡ, ᕆᒐᑉ ᑭᔭ ᐸᓇ ᒋ ‍ ᓂᑭᑎᒧᒡ ᐎᒋᐛᐤ ᒐᒋ ᐃᑐᑕᒡ ᐃᔅᐳᓯᑕ ᐎᒋᔨᒡ᙮ ᐊᔭᐱᑕᑎᓯᑲᔨᒡ ᐊᓐᑕ ᒋ ‍ ᑐᑯᓯᓄᐅᒡ, ᐃᔅᐱ ᐃᔅᐳᓯᑕ ᒪᒂᒡ ᑲ ‍ ᐊᔅᑕᔭᔅᑯᓯᔨᒋ᙮
\v 6 ᐊᓐ ᐃᔎᐤ ᐊᓐᑕ ᑲ ‍ ᓇᑭᑐᐛᔨᒪᑦ ᒋᔅᑐᑭᓇ ᒋᓄᑕᑯᓱᐤ ᒪᒂᒡ ᐊ ‍ ᓴᐳᐱᔨᑕᑦ ᐸᒂᓯᑭᒥᓇ᙮ ᒪᒂᒡ ᐊᓂᔭ ᐊ ‍ ᐃᑐᑕᐧᒃ, ᒂ ‍ ᒋᓯᐧᑯᓱᐤ, ᑭᔭ ᒂ ‍ ᓂᐸᑦ᙮ ‍ ᐊᑯ ᕆᒐᑉ ᑭᔭ ᐸᓇ ᐸᐧᑲᒡ ᒂ ‍ ᐱᒐᒡ᙮
\p
\v 7 ᒋ ‍ ᐱᒐᐛᐅᒡ ᐃᔅᐳᓯᑕ ᐅᑲᐱᔅᒋᒐᔭᒥᔪᐤ, ᐊᓐᑕ ᑲ ‍ ᓂᐸᔨᒋ᙮ ᒂ ‍ ᓂᐸᐊᒡ ᐅᓂᑐᐱᔪᐅ-ᒧᐧᑯᒪᓄᐛᐛ ᐊ ᐊᐱᒋᑕᒡ ᑭᔭ ᒂ ‍ ᒋᒥᔅᑎᒂᓇᓱᐛ᙮ ᒂ ‍ ᒋᑐᑕᐛᒡ ᑭᔭ ᐃᔅᑭᓂ ᑎᐱᔅᑲᐛ ᒂ ‍ ᐱᒧᑕᒡ ᐊᓴᐳᔅᑲᒡ ᒠᕐᑕᓐ ᐊ ‍ ᐱᓴᔨᒡ᙮
\v 8 ᑎᐱᑕ ᐊᓐᑕ ᐃᑉᕈᓂᒡ ᒋ ‍ ᐃᑐᑕᐛᐅᒡ ᐃᔅᐳᓯᑕ ᐅᔅᑎᒂᓂᔪᐤ᙮ ᑲ ‍ ᐃᑕᒡ, “ᒪᐤ ᐅᔭ ᐅᔅᑐᒂᓐ ᐃᔅᐳᓯᑦ, ᓴᓪ ᑲᐱᒂᑎᔅᒃ ᐅᑯᓴ, ᐊᓐ ᑲ ‍ ᑯᒋᐱᔨᑕᑦ ᒐᒋ ᓂᐸᐃᔅᒄ᙮ ᐅᒋᒪᐤ, ᐊᓄᒡ ᑎᐸᔨᒋᒐᓱᐤ ᒋᒋ ‍ ᓇᐊᔨᒥᒄ ᒐᒋ ᑎᐸᒪᓱᐎᔨᓐ ᑲ ‍ ᐃᑐᑕᔅᒡ ᓴᓪ ᑭᔭ ᐅᑦ ᐊᓂᔅᑯᑕᐸᓇ᙮”
\p
\v 9 ᒥᒄ ᑎᐱᑦ ᒋ ‍ ᐃᑕᐤ, “ᐊᐅᑯᓐ ᑎᐸᔨᒋᒐᓱᐤ ᑲ ‍ ᐱᐧᑯᐃᔨᑦ ᒥᓯᐛ ᓂ ‍ ᐅᔅᑕᐱᔪᐅᓇ ᐅᒋ᙮ ᑭᔭ ᒐᒋᓇᒡ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᐃᔭᐱᒡ ᑕᑈᒥᑭᓐ ᐊᓐ ᐊᓄᒡ ᒐᒂᓐ ᐊᔅᒋᔄᔭᓐ᙮
\v 10 ᐃᔅᐱ ᑲ ‍ ᐱᒧᑕᑦ ᐃᔨᒧᐅᓂᔪᐤ ᑲ ‍ ᓂᑐᐛᐱᒥᑦ ᓯᒃᓚᑲ ᑭᔭ ᑲ ‍ ᐎᑎᒧᐅᑦ, ‘ᓴᓪ ᐳᓂᐱᒪᑎᓯᐤ!’ ᑭᔭ ᒥᔽᒋᒧᐅᓐ ᒋ ‍ ᐃᑕᐃᑕᒻ ᐊᓂᔭ ᑎᐸᒋᒧᐅᓂᔪᐤ ᑲ ‍ ᐸᑐᐅᑦ, ᓂᒋ ‍ ᒪᑯᓇᐤ ᑭᔭ ᒂ ‍ ᐃᑎᓱᒥᒄ ᐸᐃᒄ ᐊᓐ ᓂᓂᑐᐱᔪᐅ-ᐃᔨᒻ ᒐᒋ ᓂᐸᐊᑦ᙮ ᐊᐅᑯᔪᐤ ᑲᓂᐅᓂᔪᐤ ᑲ ‍ ᒥᔨᒃ ᑲ ‍ ᐸᑕᑦ ᐅᑎᐸᒋᒧᐅᓐ!
\v 11 ᐊᑯ ᐛᔅ ᒋᔨᐛᐤ ᐊᓂᓯᔭᒄ ᑲ ‍ ᒥᒐᑎᓯᒡ ᓇᐸᐅᒡ ᑲ ‍ ᓂᐸᐊᒄ ᓇᐸᐤ ᐊ ᐊᑲ ᑕᒪᔨᑕᑯᓯᑦ ᐃᔅᐱ ᑲ ‍ ᓂᐸᑦ ᐅᓂᐸᐅᓂᒡ ᐊᓐᑕ ᑎᐱᔨᐛ ᐎᒋᒡ, ᐊᑎᑐᐤ ᐊᒂᑕᔨᑕᒂᒡ ᒐᒂᓐ ᒋᑭ ‍ ᑐᑕᑎᓇᐛᐤ᙮ ᒐᔅᑎᓇᔅ ᒋᑭ ‍ ᐊᓏᔨᒥᑎᓇᐛᐤ ᒋᔨᐛᐤ ᐊᓂᓯᑕᒄ ᑲ ‍ ᓂᐸᐊᒄ ᐊᓐ ᓇᐸᐤ, ᒋᑭ ‍ ᑐᑕᑎᓇᐛᐤ ᒐᒋ ᐸᓯᑯᓇᑯᓯᔭᒄ ᐊᔅᒋᒡ ᐅᒋ!”
\p
\v 12 ᐊᑯ, ᐊᐱᓯᒋᑎᒺᒡ ᑲ ‍ ᐃᑎᓱᐛᔨᒋ ᑎᐱᑕ, ᐅᑦ ᐊᓯᒪᑭᓂᓯᒪ ᒋ ᓂᐸᐊᔨᐛ ᐊᓂᓯᔨᒋ ᓇᐸᐛ, ᑭᔭ ᒋ ‍ ᒋᒥᓯᒺᐅᒡ ᐅᑎᒋᔨᐛ ᑭᔭ ᐅᓯᑎᔨᐛ, ᑭᔭ ᒂ ‍ ᑯᑕᐛᒡ ᐎᔪᔪᐛ ᐊᓐᑕ ᒥᔅᑎᑯᒡ ᒥᒋᒪ ᑲᐳᑲᓯᒧᓇᓄᐎᒡ ᐊᓐᑕ ᐃᑉᕈᓂᒡ᙮ ᒥᒄ ᒋ ‍ ᐅᑎᓂᒺᐅᒡ ᐃᔅᐳᓯᑕ ᐅᔅᑎᒂᓂᔪᐤ ᑭᔭ ᑲᓇᐊᔨᐧᑯᒺᒡ ᐊᓐᑕ ᐊᑉᓂᕋ ᐊᐱᒥᓯᓂᔨᒋ ᐊᓐᑕ ᐃᑉᕈᓂᒡ᙮
\c 5
\s1 ᒋᓴᐅᒋᒪᐤ ᑎᐱᑦ ᐊᓐᑕ ᐃᔅᕋᐃᓕᒡ
\p
\v 1 ᐊᑯ ᐅᒋᒪᐅᒡ ᐊᓐᑕ ᒥᓯᐛ ᐊ ‍ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ ᒋ ‍ ᓂᑐᐛᐱᒪᐅᒡ ᑎᐱᑕ ᐊᓐᑕ ᐃᑉᕈᓂᒡ, ᑭᔭ ᒂ ‍ ᐃᑕᒡ, “ᓂᑐᑕ, ᐸᐃᑯᑕᐤ ᐊᓂᔅᑯᑕᐸᓐᒡ ᓂᑭᓄᐛᔨᒪᓇᓐᒡ ᒧᔭᒻ ᒋᔨᐛᐤ᙮
\v 2 ᐎᐱᒡ ᐊᓐᑕ, ᐃᔅᐱ ᓴᓪ ᑲ ‍ ᐅᒋᓴᐅᒋᒪᒥᔭᐧᒄ, ᒋᔨᐛᐤ ᒋᒋ ‍ ᒋᔅᒋᓄᑕᐛᐅᒡ ᓂᑦ ‍ᐃᔅᕋᐃᓪ ᓂᑐᐱᔪᐅ-ᐃᔨᒥᓇᓐᒡ ᐊᓐᑕ ᐊᒪᓯᑲᑐᓇᓄᐎᔨᒡ᙮ ᒋᔾ ᐅ ᑲ ‍ ᐊᓱᑎᒪᑯᑦ ᑎᐸᔨᒋᒐᓱᐛ, ‘ᒋᔾ ᒋᑭ ‍ ᓂᑲᓂᔅᑯᐛᐅᒡ ᓂᑦ ᐃᔨᒥᒡ; ᒋᑭ ‍ ᐅᒋᓴᐅᒋᒪᒥᑕᑯᒡ᙮’~”
\p
\v 3 ᐊᑯ ᒪᒂᒡ ᐊᓂᑐᑎᐛᑦ ᑎᐸᔨᒋᒐᓱᐤ, ᒥᓯᐛ ᐊᓐᒡ ᑲᓂᑲᓄᔅᑯᐛᒡ ᐃᔅᕋᐃᓪ ᐃᔪᐛ ᒋ ‍ ᐎᑎᒧᒡ ᐊᓐᑕ ᐃᑉᕈᓂᒡ ᑎᐱᑕ ᒐ ‍ ᐅᒋᓴᐅᒋᒪᒥᒡ᙮ ᑎᐱᑦ ᒋ ‍ ᐃᑐᑎᒻ ᓂᔅᑯᒧᐅᓂᔪᐤ ᐊᓯᒡ ᐎᔨᐛᐤ᙮ ᒋ ‍ ᑐᒥᓇᐅᒡ ᐊᓕᑉ ᐱᒥᔭ ᒐᒋ ᑎᐸᓇᐊᒡ ᒐᒋ ᒋᓴᐅᒋᒪᐎᒋᑦ ᐃᔅᕋᐃᓪ ᐃᔪᐛ᙮
\p
\v 4 ᒋ ‍ ᓂᔅᑐᔪᐛᐱᐳᓇᓱᐤ ᑎᐱᑦ ᐃᔅᐱ ᑲ ‍ ᐅᒋᓴᐅᒋᒪᒥᑕᑯᑦ᙮ ᓇᐅᔪᐛᐱᐳᓇ ᒋ ‍ ᑎᐸᔨᒪᐤ᙮
\v 5 ᓂᔄᐅᑕᒡ ᑕᑐᐤ ᐱᐳᓇ ᒪᒃ ᐳᔅᒃ ‍ (7 ½) ᒋ ‍ ᑎᐸᔨᒪᐤ ᒍᑕ ᐊ ‍ ᐃᑎᔅᑲᓇᓯᔨᒋ ᐊᓐᑕ ᐃᑉᕈᓂᒡ, ᑭᔭ ᒋ ‍ ᑎᐸᔨᒪᐤ ᒥᓯᐛ ᐃᔪᐛ ᐊᓐᑕ ᒍᑕᐃᒡ ᑭᔭ ᐃᔅᕋᐃᓕᒡ ᓂᔅᑐᔪᐤ ᐊᓱ ᓂᔅᑐᐱᐳᓇ (33) ᐊᓐᑕ ᒋᕈᓴᓕᒥᒡ᙮
\s1 ᑎᐱᑦ ᓴᐧᑯᒋᑕᐤ ᒋᕈᓴᓕᒥᔪᐤ
\p
\v 6 ᐸᐃᒂᐤ ᒐᓯᑲᔨᒡ ᒋᓴᐅᒋᒪᐤ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒋᕈᓴᓕᒥᒡ ᒋ ‍ ᐃᑐᑕᐅᒡ ᒐᒋ ᒪᓯᐧᑯᐛᒡ ᒋᐳᔅ ᐃᔪᐛ ᐊᓐᑕ ᑲ ‍ ᐎᒋᔨᒋ, ᒋ ‍ ᐃᑕᔨᒪᐅᒡ ᐊᓐᒡ ᐃᔪᒡ ᐊᓐᑕ ᑲ ‍ ᐃᑕᒡ ᒐ ᐊᑲ ᒋ ᒪᑯᓂᒥᔨᒋ ᑎᐱᑕ ᐅᓂᑐᐱᔪᐅ-ᐃᔨᒥᔨᐛ ᐊᓂᔭ ᐅᑕᓇᔪᐤ, ᐊᑯ ᐊᑎᓴᐊᒧᐛᒡ ᐃᔨᒧᐅᓂᔪᐤ ᑎᐱᑕ, ᐊ ‍ ᐃᑕᒡ, “ᓇᒪ ᓂᑕ ᒋᑭ ᒋ ‍ ᐱᔅᒐᐅᒡ ᒋᓂᑐᐱᔪᐅ-ᐃᔨᒥᒡ ᓂ ‍ ᐅᑕᓇᒥᓇᒡ! ᐃᔭᐱᒡ ᐊᓐᒡ ᐊᑲ ᐛᐸᑕᒡ ᑭᔭ ᐊ ‍ ᒪᔅᒋᒡ ᐃᔪᒡ ᒋᑭ ‍ ᒋᑎᓯᒪᐛᐅᒡ!”
\v 7 ᒥᒄ ᑎᐱᑦ ᐅᓂᑐᐱᔪᐅ-ᐃᔨᒪ ᒋᒪᑯᓂᒧᒡ ᐊᓱᐛᐳᒋᐛᐱᔪᐤ ᐊᓐᑕ ᓴᐃᔭᓐ ᐱᔅᑯᑎᓇᒡ, ᑭᔭ ᓇᓇᒐ ᑎᐱᑦ ᐅᑕᓇᒻ ᒋ ᐃᓯ ‍ ᓂᔅᑐᐛᐸᑕᑭᓄᐅᐤ᙮
\p
\v 8 ᐊᓂᔭ ᒋᓱᑯᔪᐤ, ᑎᐱᑦ ᒋ ‍ ᐃᑕᐤ ᐅᓂᑐᐱᔪᐅ-ᐃᔨᒪ, “ᐊᓐᒡ ᐛᓂᐸᐊᒡ ᒋᐳᔅ ᐊ ‍ ᐃᑎᔅᑲᓇᓯᔨᒋ ᒋᐸ ᐎ ‍ ᓯᐸᔅᒋᐸᑕᐅ ᒐᒋ ᐱᒐᒡ ᐅᑕᓇᔪᐤ᙮ ᐊᑯ ᒐ ‍ ᑯᓯᒂᔨᒧᑐᐛᒡ ᐊᓂᔭ ᐃᔪᐛ ᑲ ‍ ᐛᐧᑲᑎᒥᒋ ᑭᔭ ᒐᒋᔅᒐᔨᒪᑯᒡ ᒐᒋ ᑯᔅᑎᔨᑯᒂᒋ ᐊ ᐊᑲ ᐛᐸᑎᒥᔨᒋ ᑭᔭ ᐊ ‍ ᒪᔅᒋᔨᒋ! ᐊᐅᑯᓐ ᐛᒋ ‍ ᐃᔅᒋᔄᒡ ᐃᔪ, ᐊ ᐊᑲ ᐛᐸᑕᒡ ᑭᔭ ᑲᒪᔅᒋᒡ ᐃᔪᒡ ᓇᒪ ᒋᑭ ᒋ ᐱᒐᐅᒡ ᐊᓐᑕ ᑎᐸᔨᒋᒐᓱᐛ ᐅᑦ ‍ ᐃᔨᒪᐅᒋᐛᐱᔨᒡ᙮”
\p
\v 9 ᑲᒋ ‍ ᒪᑯᓇᒡ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᐊᓂᔭ ᐅᑕᓇᔪᐤ ᑲ ‍ ᐛᔅᑲᑲᐳᐎᔨᒋ ᐊᓱᐧᑲᑎᓂᔨᒋ ᒪᓂᔅᑲᑎᒂ, ᐊᑯᑕ ᑲ ‍ ᐎᒋᑦ ᑭᔭ ‘ᑎᐱᑦ ᐅᑕᓇᒻ᙮’ ᒂ ‍ ᐃᓯᓂᐧᑲᑕᒡ᙮ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒋ ‍ ᐅᓯᑕᐅᒡ ᐅᑕᓇᔪᐤ ᐛᔅᑲ ᐊᓱᐛᐳᐅᒋᐛᐱᒡ, ᐊᓐᑕ ᒥᒐᐳᔪᐤ ᑲ ‍ ᑎᑯᓂᔨᒡ ᐅᒋ ᐊᓐᑕ ᐛᐱᓄᑕᒡ ᐱᔅᑯᑎᓇᒡ᙮
\v 10 ᐊᑎᑐᐤ ᒋ ‍ ᓱᐱᐅ ᑎᐱᑦ, ᐛᔅ ᑲ ‍ ᓯᓱᐧᑲᑎᓯᔨᒋ ᐅᒋᒪᒧᐛᐛ ᐊᓐᒋᓐᒡ ᐅᓂᑐᐱᔪᐅ-ᐃᔨᒧᐛᐛ ᒋ ‍ ᑕᔪᐛ ᐊ ‍ ᑕᑦ᙮
\b \pᑦ
\v 11 ᐸᐃᒂᐤ ᒐᓯᑲᔨᒡ ᐦᐊᐃᕋᒻ, ᑕᐃᕐ ᐅᑕᓇᒡ ᒋᓴᐅᒋᒪᐤ ᒋ ‍ ᐃᑎᓴᒧᐛᐤ ᑎᐱᑕ ᑲ ‍ ᐱᒧᑕᔨᒋ ᐃᔨᒧᐅᓂᔪᐤ ᒐᒋ ᐊᔨᒧᑕᒡ ᒐᒋ ᑐᑕᒡ ᓂᔅᑯᒧᐅᓂᔪᐤ ᐅᑦ ᐊᔅᒋᐛᐛᒡ᙮ ᐦᐊᐃᕋᒻ ᒋ ‍ ᓂᔅᑯᒧᐤ ᒐᒋ ‍ ᒥᔭᑦ ᒥᔅᒋᔅᑲᑎᒂ, ᑭᔭ ᐃᔭᐱᒡ ᒐᐸ ‍ ᐃᑎᓴᐛᐤ ᑲᒪᓂᒐᔨᒋ ᑭᔭ ᑲᐊᓯᓂᒐᔨᒋ, ᒐᒋ ᐅᓯᑕᔨᒋ ᑎᐱᑕ ᐅᒋᓴᐅᒋᒪᐅᒋᐛᐱᔪᐤ᙮
\v 12 ᐊᓂᔭ ᑲ ‍ ᐃᑎᑦ ᒋ ‍ ᑐᑕᑯᐤ ᑎᐱᑦ ᒐᒋ ᒋᔅᒐᔨᑕᐧᒃ ᑕᑈ ᐊᒋ ‍ ᐅᑎᓂᑯᑦ ᑎᐸᔨᒋᒐᓱᐛ ᒐᒋ ᒋᓴᐅᒋᒪᐅᑦ ᐃᔅᕋᐃᓕᒡ, ᑭᔭ ᒐ ‍ ᑐᑎᒥᔨᒋ ᑎᐸᔨᒋᒐᓱᐛ ᐅᒋᓴᐅᒋᒪᐅᓐ ᒐᒋ ᒥᔪᐱᔨᒡ, ᐛᔅ ᑎᐸᔨᒋᒐᓱᐤ ᒋ ‍ ᓴᒋᐊᐤ ᐃᔅᕋᐃᓪ ᐃᔪᐛ, ᐊᓂᔭ ᑲ ‍ ᐎᔭᔨᒪᑦ ᒐᒋ ᑎᐸᔨᒪᑦ᙮
\p
\v 13 ᑲᒋ ‍ ᐊᑎᐱᑦ ᑎᐱᑦ ᐃᑉᕈᓂᒡ ᐅᒋ ᒋᕈᓴᓕᒥᒡ ᐃᓯ, ᐊᑎᑐᐤ ᒋ ‍ ᐅᑎᓇᐤ ᐊᐱᒋᐊᑭᓂᔎᐛ ᒐᒋ ᐎᐅᑦ ᑭᔭ ᐃᔭᐱᒡ ᐊᑎᑐᐤ ᒋ ‍ ᐎᒋᒪᐤ ᑯᑎᑲ ᐃᔎᐛ᙮ ᒥᓯᐛ ᐊᓐᒡ ᐃᔎᐅᒡ ᒋ ‍ ᓄᒂᐅᒡ ᐊᑎᑐᐤ ᐅᑯᓯᒪᐛ ᑭᔭ ᐅᑕᓂᓯᒪᐛ᙮
\v 14 ᒪᐤ ᑲ ‍ ᐃᓯᓂᐧᑲᓱᐎᒋ ᐅᑯᓯᒪᐛ ᑲ ‍ ᐃᔪᐎᒋ ᐊᓐᑕ ᒋᕈᓴᓕᒥᒡ: ᓴᒻᒧᐊ, ᑭᔭ ᓱᐸᑉ, ᑭᔭ ᓇᐃᑎᓐ, ᑭᔭ ᓴᓚᒥᓐ,
\v 15 ᒥᐸᕐ, ᑭᔭ ᐊᓕᓱᐊ, ᑭᔭ ᓇᐸᒃ, ᑭᔭ ᒐᐱᐃᐊ,
\v 16 ᑭᔭ ᐊᓕᓴᒪ, ᑭᔭ ᐃᓕᐊᑕ ᑭᔭ ᐊᓕᐸᓚᑦ᙮
\s1 ᑎᐱᑦ ᐅᓂᑐᐱᔪᐅ-ᐃᔨᒪ ᒋ ‍ ᓴᐧᑯᒋᐊᐅᒡ ᐱᓕᔅᑕᐃᓐ ᐃᔪᐛ
\p
\v 17 ᐃᔅᐱ ᐱᓕᔅᑎᐊ ᐃᔪᒡ ᑲ ‍ ᐸᑕᒡ ᐊᒋ ‍ ᐅᑎᓇᑭᓄᐎᔨᒋ ᑎᐱᑕ ᒐᒋ ᒋᓴᐅᒋᒪᐎᒋ ᐃᔅᕋᐃᓕᒡ, ᒋ ‍ ᐃᑐᑕᔪᐛ ᐅᓂᑐᐱᔪᐅ-ᐃᔨᒧᐛᐛ ᒋᕈᓯᓕᒥᒡ ᐃᓯ ᒐᒋ ᑯᒋᑕᔨᒋ ᒐᒋ ᑲᔅᑎᓇᔨᒋ ᑎᐱᑕ᙮ ᒥᒄ ᒋ ᐸᑎᒻ ᑎᐱᑦ ᐱᔭᑐᑕᔨᒋ, ᐊᑯ ᒂ ‍ ᐃᑐᑕᑦ ᐊᓐᑕ ᑯᑎᒋᔪᐤ ᐊᓱᐧᑲᑎᓂᔨᒡ ᐃᑕᐅᓂᔪᐤ᙮
\v 18 ᐱᓕᔅᑎᐊ ᓂᑐᐱᔪᐅ-ᐃᔪᒡ ᒋ ‍ ᑎᑯᓯᓄᐅᒡ ᐊᓐᑕ ᕋᐸ ᐊ ‍ ᐱᓴᔨᒡ ᐸᔅᑕᓴᐅᓄᒡ ᒋᕈᓯᓕᒥᒡ ᑭᔭ ᒥᓯᐛ ᐊ ‍ ᐱᓴᔨᒡ ᒋᒥᓯᑕᐱᔪᐅᒡ᙮
\v 19 ᑎᐱᑦ ᒋ ‍ ᑯᒂᒋᒪᐤ ᑎᐸᔨᒋᒐᓱᐛ, “ᒋᐸ ᑯᓯᒂᔨᒧᑐᐛᐅᒡ ᐊ ᓂᓂᑐᐱᔪᐅ-ᐃᔨᒥᒡ ᐊᓂᔭ ᐱᓕᔅᑎᐊ ᓂᑐᐱᔪᐅ-ᐃᔪᐛ ? ᒋᑭ ‍ ᓇᐊᔨᒥᓇᓐ ᐊ ᒐᒋ ᓴᐧᑯᒋᔨᒋᒡ ?”
\p ᑎᐸᔨᒋᒐᓱᐤ ᒂ ‍ ᐃᑕᑦ, “ᓂᐃ, ᑯᓯᒂᔨᒧᑐᐛᐧᑯᒡ, ᐛᔅ ᒐᒋᓇᔅ ᓂᑭ ‍ ᓇᐊᔨᒪᐅᒡ ᒋᓂᑐᐱᔪᐅ-ᐃᔨᒥᒡ ᒐᒋ ᓴᐧᑯᒋᐊᒡ᙮”
\p
\v 20 ᐊᑯ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒂ ‍ ᐃᑐᑕᒡ ᐊᓐᑕ ᐱᓕᔅᑎᐊ ᓂᑐᐱᔪᐅ-ᐃᔪᐛ ᑲ ‍ ᐃᑕᔨᒋ, ᑭᔭ ᐊᑯᑕ ᑲ ‍ ᓴᐧᑯᒋᐊᒡ᙮ ᐊᑯ ᑎᐱᑦ ᒂ ‍ ᐃᔅᒋᔄᑦ, “ᒋ ‍ ᓴᐳᔅᑯᐛᐤ ᑎᐸᔨᒋᒐᓱᐤ ᑲ ‍ ᐱᒂᓯᔨᒋ ᒧᔭᒻ ᐊ ‍ ᐃᔅᒋᐳᑕᔨᒡ᙮” ᐊᑯ ‘ᐸᓪ ᐱᕋᓯᒻ‘ ᐃᓯᓂᐧᑲᑕᐤ ᐊᓐ ᐃᑕᐅᓐ᙮
\v 21 ᐊᑯᑕ ᐊᓐᑕ ᑲ ‍ ᓂᑭᑕᒡ ᐅᒥᓂᑐᐧᑲᓂᒧᐛᐛ ᐱᓕᔅᑎᐊ ᐃᔪᒡ; ᐊᑯ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒂ ‍ ᒋᑐᑕᐊᒡ᙮
\p
\v 22 ᐊᑯ ᐱᓕᔅᑎᐊ ᑐᐱᔪᐅ-ᐃᔪᒡ ᑲᐤ ᒂ ‍ ᐃᑐᑕᒡ ᐊᓐᑕ ᕋᐸ ᐊ ‍ ᐱᓴᔨᒡ ᑭᔭ ᒥᓯᐛ ᐊ ‍ ᐱᓴᔨᒡ ᒋ ‍ ᒥᓯᑕᐱᔪᐅᒡ᙮
\v 23 ᐊᑯ ᑎᐱᑦ ᒥᓐ ᒂ ‍ ᑭᒂᒋᒪᑦ ᑎᐸᔨᒋᒐᓱᐛ ᐃᔅᐱ ᐅᓂᑐᐱᔪᐅ-ᐃᔨᒪ ᒐᒋ ᑯᓯᒂᔨᒧᑐᐛᔨᒂᓂᐃ, ᒥᒄ ᒂ ‍ ᐃᑎᑯᑦ, “ᐊᑲ ᑯᓯᒂᔨᒧᑐᐛᑯᒡ ᐅᑕ ᐅᒡ, ᐎᑎᒧᐅᒡ ᒋᑦ ᐃᔨᒥᒡ ᐅᔅᑕᒐ ᒐᒋ ᐃᑐᑕᒡ ᑭᔭ ᑯᓯᒂᔨᒧᑐᐛᒡ ᐊᓐᑕ ᒂᔅᑕᒐ ᐅᒋ, ᒥᒋᒪ ᐸᓪᓴᒻ ᒥᔅᑎᒂ᙮
\v 24 ᐊᑯ ᐸᑎᒥᓇ ᒐᒂᓐ ᐊᓐᑕ ᑕᐧᑯᒡ ᐸᓪᓴᒻ ᒥᔅᑎᑯᒡ ᒧᔭᒻ ᐊᐱᒧᑕᒡ ᓂᑐᐱᔪᐅ-ᐃᔪᒡ ᐊᑎᑕᒂᒡ, ᒐ ‍ ᑯᓯᒂᔨᒧᑐᐛᑯᒡ, ᐛᔅ ᓴᔅ ᓂᑲᓐ ᓂᑦ ‍ᐃᔨᑕᓐ ᐊᑕᔭᒄ ᒐᒋ ᓇᐊᔨᒥᒂᐤ ᒋᓂᑐᐱᔪᐅ-ᐃᔨᒥᒡ ᒐᒋ ᓴᐧᑯᒋᔨᒪᒡ ᐅᓂᑐᐱᔪᐅ-ᐃᔨᒥᔨᐛ᙮”
\v 25 ᐊᑯ ᑎᐱᑦ ᒋ ‍ ᐃᑐᑎᒻ ᒐᒂᔪᐤ ᑲ ᐃᑎᑯᑦ ᑎᐸᔨᒋᒐᓱᐛ, ᑭᔭ ᐅᓂᑐᐱᔪᐅ-ᐃᔨᒪ ᒂ ‍ ᓴᐧᑯᒋᐊᔨᒋ ᐱᓕᔅᑎᐊ ᓂᑐᐱᔪᐅ-ᐃᔪᐛ ᑭᐸ ᐅᑕᓇᒡ ᐊᑎᒪᐱᓯᒧᒡ ᑭᓴᕐ ᐅᑕᓇᒡ ᐃᓯ᙮
\c 6
\s1 ᒋᕈᓴᓕᒥᒡ ᑲ ‍ ᐸᑕᑭᓄᐅᒡ ᐸᔭᒋ ‍ ᒥᐅᑦ
\p
\v 1 ᐊᑯ ᑎᐱᑦ ᒂ ‍ ᐎᔭᔨᒪᑦ ᓂᔍᐤ ᒐᓯᐱᔪᐤ (30,000) ᓇᐸᐛ ᑭᔭ ᒂ ‍ ᒪᒧᐅᓇᑦ᙮
\v 2 ᒂ ‍ ᒋᔅᓄᑕᐊᑦ ᐃᑕᐅᓂᒡ ᐃᓯ ᐊᓐᑕ ᒍᑕᐃᒡ ᐸᐊᓚ ᐎᐱᒡ ᑲ ᐃᓯᓂᐧᑲᑕᒡ, ᑭᕆᐊᑦ-ᐃᐃᐊᕆᒻ ᐊᓄᒡ ᐃᓯᓂᐧᑲᑕᐤ᙮ ᒋ ‍ ᐃᑐᑕᐅᒡ ᐊᓐᑕ ᒐᒋ ᐸᑕᒡ ᐊᓐᑕ ᐅᒋ ᒋᕈᓴᓕᒥᒡ ᐃᓯ ᐸᔭᒋ ‍ ᒥᐅᑎᔪᐤ, ᐊᓐᑕ ᑲ ‍ ᒥᓯᓇᑕᔨᒡ ᑎᐸᔨᒋᒐᓱᐛ ᐅᑦ ᐃᓯᓂᐧᑲᓱᐅᓂᔪᐤ, ᑭᔭ ᐊᓐᒋᓇ ᓂᑐᐱᔪᐅ-ᐃᔪᐤ ᐅᒋᒪᐛ ᐊᓐᑕ ᒋᒋᒋᓯᑯᒡ, ᑭᔭ ᑲ ‍ ᒥᓯᓇᑕᔨᒋ ᑲ ‍ ᐅᒥᑯᓂᔨᒋ ᐊᐛᓯᓴ ᐅᑦ ᐃᑎᓱᐛᐅᓂᔨᐛ ᐊᓐᑦ ᑕᐧᑯᒡ᙮ ᐊᑯᑕ ᐊᓐᑕ ᑎᔅᑐᐎᒡ ᐃᑎᓯᐛᐅᓇ ᑲ ‍ ᐃᔨᒥᑦ ᑎᐸᔨᒋᒐᓱᐤ ᐃᔨᒧᐅᓇ ᐊ ‍ ᐃᔨᒧᑕᐧᒃ ᐊ ᑎᐸᔨᒪᑭᓄᐎᒋ ᐅᑦ ᐃᔨᒪ᙮
\v 3 ᐊᐱᓇᑕᐸ ᐎᒋᔨᒡ ᒋ ‍ ᑎᑯᓂᔪᐤ ᐊᓂᔭ ᐸᔭᒋ ‍ ᒥᐅᑎᔪᐤ, ᐊᓐᑕ ᑕᐧᑯᑕᐛᒡ᙮ ᐊᑯᑕ ᑲ ‍ ᐃᑐᑕᒡ ᑭᔭ ᑲ ᐊᔅᑕᒡ ᐊᓂᔭ ᒥᐅᑎᔪᐤ ᐊᓐᑕ ᐅᔅᒋ ᑎᑎᐱᑕᐸᓇᔅᑯᒡ᙮ ᐅᓴ ᑭᔭ ᐊᐃᐅ, ᐊᐱᓇᑕᑉ ᓂᓱ ᐅᑯᓴ, ᒋ ‍ ᒋᔅᒋᓄᑕᔪᐛ ᒥᒋᑎᒂ ᑲ ᐅᑕᐸᔨᒋ ᑎᑎᐱᑕᐸᓇᔎ᙮
\v 4 ᐅᓴ ᐅᐱᒪ ᒋ ᐅᒋ ‍ ᐱᒧᑕᐤ ᑎᑎᐱᑕᐸᓇᔅᑯᒡ, ᑭᔭ ᐊᐃᐅ ᓂᑲᓄᒡ ᐊᓐᑕ ᒋ ‍ ᐱᒧᑕᐤ᙮
\v 5 ᑎᐱᑦ ᑭᔭ ᒥᓯᐛ ᐃᔅᕋᐃᓪ ᓇᐸᐅᒡ ᒋ ‍ ᒥᔽᑎᒧᒡ ᐅᑎᔅᑯᐤ ᒋᓴᒪᓂᑐᐛ᙮ ᐊᓂᑭᒧᒡ ᒥᓯᐛ ᐅᓱᒋᓯᐅᓄᐛᒡ ᑭᔭ ᐊᒪᑐᐛᒡ ᐊᓯᑭᓇᔭᐱᔾ ᒋᔍᐛᐱᒋᑭᓇ ᑭᔭ ᐊᔭᒥᐊᐤ ᒋᔍᐛᐱᒋᑭᓇ, ᑭᔭ ᐊ ‍ ᐅᑎᑕᒧᐛᒡ ᑕᐛᔨᑭᓂᓴ, ᑭᔭ ᐳᑕᒋᑭᓇ ᑭᔭ ᒋᑐ ᐛᔭᐱᔅᑲᐃᑭᓂᒡ᙮
\p
\v 6 ᒥᒄ ᐃᔅᐱ ᑲ ‍ ᑎᑯᓯᓂᒡ ᐊᓐᑕ ᓇᑯᓐ ᑲ ‍ ᑎᒂᔨᑭᓄᐅᒋ ᐸᒂᓯᑭᒥᓇ, ᒋ ‍ ᐸᒋᓯᓄᒡ ᒥᒋᑎᐧᑯᒡ᙮ ᐊᑯ ᐅᓴ ᑲ ‍ ᐊᔅᑕᑦ ᐅᑎᒋ ᐊᓐᑕ ᐸᔭᒋ ᒥᐅᑎᒡ ᒐᒋ ᐊᑲ ᐸᒋᑎᓂᔨᒡ ᑎᑎᐱᑕᐸᓇᔅᑯᒡ ᐅᒋ᙮
\v 7 ᐅᑎᐸᔨᒋᒐᐤ ᑎᐛᒡ ᒋ ᒥᔅᑎ ‍ ᒋᔄᐱᔅᑐᐛᐤ ᐅᓴᔨᒋ, ᑭᔭ ᐊᑯᑕ ᐅᐱᒪ ᐸᔭᒋ-ᒥᐅᑎᒡ ᒂ ᓂᐸᐊᑦ, ᐛᔅ ᒋ ‍ ᑕᒋᓂᒥᔨᐛ ᐊᓂᔭ ᐸᔭᒋ-ᒥᐅᑎᔪᐤ, ᑭᔭ ᑎᐸᔨᒋᒐᓱᐤ ᒋ ‍ ᐃᑎᓯᐛᓯᐱᓐ ᒥᒄ ᓕᐸᐃ ᐅᑦ ᐊᓂᔅᑯᑕᐸᓇ ᐊᓂᔭ ᑲ ‍ ᐛᐎᒋᐊᔨᒋ ᐊᔭᒥᐊᐅᒋᒪᐛ ᒥᒄ ᒋᐸ ‍ ᑕᒋᓂᒥᔨᐛ ᐸᔭᒋ-ᒥᐅᑎᔪᐤ᙮
\p
\v 8 ᒋᒋᐛ ᒋ ‍ ᒋᔄᐳᐤ ᑎᐱᑦ ᐅᑎᐸᔨᒋᒐᐛ ᐅᒋ ‍ ᐊᓏᔨᒪᔨᒋ ᐅᓴᔨᒋ᙮ ᐊᑯ ᐊᓐ ᐅᒋ, ᐊᐅᑯᓐ ᐛᒋ ‍ ᐃᓯᓂᐧᑲᑕᒡ ᐊᓂᑕᐅᓐ ‘ᑲ ‍ ᐊᓏᔨᒪᑭᓄᐅᑦ ᐅᓴ’᙮
\p
\v 9 ᑎᐱᑦ ᐃᔭᐱᒡ ᒋ ‍ ᑯᔅᑕᐤ ᑎᐸᔨᒋᒐᓱᐛ ᑯᑎᒋᔪᐤ ᒐᒂᔪᐤ ᒐᐸ ‍ ᑐᑎᒥᔨᐛ ᒐᒋ ᐊᓏᔨᒥᑯᒡ, ᐊᑯ ᒂ ‍ ᐃᔅᒋᔄᑦ, “ᑕᓐᑕ ᓂᐸ ‍ ᐅᒋ ᐃᑐᑕᓐ ᐸᔭᒋ-ᒥᐅᑦ ᐊᓐᑕ ᒋᕈᓯᓕᒥᒡ ?”
\v 10 ᐊᑯ ᓇᒪ ᐅᒋ ᐎ ‍ ᐃᑐᑕᐤ ᐸᔭᒋ-ᒥᐅᑎᔪᐤ ᐊᓐᑕ ᒋᕈᓯᓕᒥᒡ, ᒥᔅᑯᒡ ᐃᔭᒡ ᐊᓐᑕ ᒂ ‍ ᐃᑐᑕᒡ; ᐅᐸᑦ-ᐃᑕᒻ ᐎᒋᔨᒡ ᒋ ‍ ᐃᑐᑕᐅᒡ, ᑲᑦ ᐅᑕᓇᒡ ᐅᒋ᙮
\v 11 ᒋᓂᑭᑎᒧᒡ ᐊᓂᔭ ᐸᔭᒋ-ᒥᐅᑎᔪᐤ ᐊᓐᑕ ᐅᐸᑦ-ᐃᑕᒻ ᐎᒋᔨᒡ ᓂᔅᑐ ᐱᓱᒺ ᐃᔅᐱᔅ, ᑭᔭ ᒪᒂᒡ ᐊᓂᔭ ᑲ ‍ ᓂᑭᑕᒡ ᐅᑎᐸᔨᒋᒐᐤ ᒋ ‍ ᓱᐛᔨᑕᑯᐛᐤ ᐅᐸᑦ-ᐃᑕᒪ ᑭᔭ ᐊᐸᐃᑯᔅᑲᓇᓯᔨᒋ᙮
\p
\v 12 ᓇᓇᒐ, ᐃᔪᒡ ᒋ ‍ ᐎᑎᒧᐛᐅᒡ ᑎᐱᑕ, “ᐅᑎᐸᔨᒋᒐᐤ ᒋ ‍ ᓱᐛᔨᑕᑯᐛᐤ ᐅᐸᑦ-ᐃᑕᒪ ᑭᔭ ᐊᐸᐃᑯᔅᑲᓇᓯᔨᒋ ᐛᔅ ᒥᔪ ‍ ᓇᑭᑐᐛᔨᑎᒥᒡ ᐊᓂᔭ ᐸᔭᒋ-ᒥᐅᑎᔪᐤ !” ᐃᔅᐱ ᐱᔭᐧᒃ ᐊᓂᔭ ᑎᐱᑦ, ᐎᔾ ᑭᔭ ᐱᔅᒐ ᑯᑎᑲ ᓇᐸᐛ ᒋ ‍ ᐃᑐᑕᐅᒡ ᐅᐱᑦ-ᐃᑕᒪ ᐎᒋᔨᒡ, ᑭᔭ ᒧᒋᒐᔨᑎᒧᐅᓂᒡ ᒂ ‍ ᐃᑐᑕᒡ ᐊᓂᔭ ᐸᔭᒋ-ᒥᐅᑎᔪᐤ ᐊᓐᑕ ᐅᒋ ᒋᕈᓯᓕᒥᒡ ᐃᓯ᙮
\v 13 ᐊᑯ ᐊᓄᒡ, ᓕᐸᐃ ᐅᑦ ᐊᓂᔅᑯᑕᐸᓇ ᒋ ‍ ᑕᐧᑯᓂᒧᒡ ᐊᓂᔭ ᐸᔭᒋ-ᒥᐅᑎᔪᐤ, ᐃᔅᐱ ᒥᒄ ᐊᓱᑕᒡ ᑕᑥᐤ ᑲ ‍ ᑕᐧᑯᔅᒐᒡ, ᒋ ‍ ᓂᑲᐎᔪᐅᒡ, ᑭᔭ ᐊᑯᑕ ᑎᐱᑦ ᒂ ‍ ᓂᐸᐊᑦ ᓇᐸ ᒥᔅᑐᓴ ᑭᔭ ᐊ ‍ ᑕᒋᐳᔨᒋ ᒥᒋᑎᑯᔅᒐ, ᑭᔭ ᑲ ᐱᔅᑎᓂᒧᐛᑦ ᑎᐸᔨᒋᒐᓱᐛ ᒐᒋ ᒥᑐᔅᑕᐊᒧᐛᑭᓄᐅᑦ᙮
\v 14 ᐱᒍᐎᔭᓂᔪᐤ ᒥᒄ ᒋ ‍ ᐳᔅᑲᒻ ᑎᐱᑦ ᐊᓐᑕ ᐛᔅᑲ ᐊᒋᑲᒋᔨᐛᑦ, ᑭᔭ ᒋ ‍ ᓂᒧᐤ ᒐᒋ ᒋᔅᑕᔨᒪᑦ ᑎᐸᔨᒋᒐᓱᐛ᙮
\v 15 ᑎᐱᑦ ᑭᔭ ᐃᔅᕋᐃᓪ ᓇᐸᐅᒡ ᒋᕈᓯᓕᒥ ᒋ ‍ ᐃᑐᑕᐅᒡ ᐸᔭᒋ-ᒥᐅᑎᔪᐤ, ᐊ ‍ ᑕᐱᑕᑈᒡ ᑭᔭ ᐊ ‍ ᐳᑕᑕᒡ ᐳᑕᒋᑭᓇ᙮
\p
\v 16 ᒪᒂᒡ ᑲ ‍ ᐱᑎᑭᑕᒡ ᐸᔭᒋ-ᒥᐅᑎᔪᐤ ᐊᓐᑕ ᐅᑕᓇᒡ, ᑎᐱᑦ ᐎᐛ ᒥᒐᓪ, ᓴᐅᓪ ᐅᑕᓂᓴ, ᒋ ‍ ᐃᑕᐳᐤ ᐊᓐᑕ ᓯᑈᔅᑕᔨᑕᑭᓂᒡ ᐅᒋ ᐎᒋᐛᒡ᙮ ᒋ ‍ ᐛᐱᒪᐤ ᒋᓴᐅᒋᒪᐛ ᑎᐱᑕ ᐊᒂᔅᑲᐱᔪᔨᒋ ᑭᔭ ᐊ ‍ ᓂᒥᔨᒋ ᒐᒋ ᒋᔅᑕᔨᒪᔨᒋ ᑎᐸᔨᒋᒐᓱᐛ᙮ ᐊᑯ ᒂ ‍ ᐎᓇᔨᒪᑦ᙮
\p
\v 17 ᒋ ‍ ᐱᑎᑭᑕᐅᒡ ᐊᓂᔭ ᐸᔭᒋ-ᒥᐅᑎᔪᐤ ᐊᓐᑕ ᑎᐱᑦ ᑲ ‍ ᐎᑲᐳᐅᑕᑦ ᐱᒍᐎᔭᓂᒋᐛᐱᒡ ᐊᓂᔭ ᐅᒋ᙮ ᐊᑯ ᑎᐱᑦ ᒂ ‍ ᒥᔭᑦ ᑎᐸᔨᒋᒐᓱᐛ ᐱᔅᑎᓂᒐᐅᓇ ᓄᑎᒻ ᒐᒋ ᐃᔎᓯᑭᓂᔨᒋ ᐊᓐᑕ ᐱᔅᑎᓂᒐᐅᓇᐱᔅᑯᒡ, ᑭᔭ ᑯᑎᑲ ᐱᔅᑎᓂᒐᐅᓇ ᒐᒋ ᑭᓄᐛᔨᑕᒡ ᐊ ‍ ᐎᒐᐛᒡ ᑎᐸᔨᒋᒐᓱᐛ᙮
\v 18 ᐃᔅᐱᔅ ᒪᒃ ᑎᐱᑦ ᑲᒋ ‍ ᒋᓯᑕᑦ ᐱᔅᑎᓂᑦ ᐊᓂᔭ ᒥᑐᔅᑕᐊᒪᒐᐅᓇ, ᒋ ‍ ᑯᒂᒋᒪᐤ ᑎᐸᔨᒋᒐᓱᐛ, ᐊᓂᔭ ᑲ ‍ ᐅᒋᒪᐎᔨᒋ ᐊᓐᒋᓇ ᓂᑐᐱᔪᐅ-ᐃᔪᐛ, ᒐᒋ ᓱᐛᔨᑕᑯᐛᔨᒋ ᐃᔪᐛ᙮
\v 19 ᐃᔭᐱᒡ ᒋ ‍ ᒥᔭᐤ ᒥᒋᒥᔪᐤ ᒥᓯᐛ ᐃᔪᐛ᙮ ᐊᓯᑯᒻ ᐃᔅᕋᐃᓪ ᓇᐸᐛ ᑭᔭ ᐃᔎᐛ ᒋ ‍ ᒥᔭᐤ ᐊ ‍ ᓄᑎᒥᓯᔨᒋ ᐸᒂᓯᑭᓇ, ᐱᔅᒐ ᐎᔭᓯᔪᐤ ᑭᔭ ᓱᒥᓐ ᐃᔭᑲᐅᑐᐛ᙮ ᐊᑯ ᒥᓯᐛ ᐃᔪᒡ ᑲ ᒋᐛᒡ ᐊᓐᑕ ᐎᒋᐛᐛᒡ᙮
\p
\v 20 ᐃᔅᐱ ᒪᒃ ᑎᐱᑦ ᑲ ‍ ᒋᐛᑦ ᐎᒋᐛᒡ ᒐᒋ ᑯᒂᒋᒪᑦ ᑎᐸᔨᒋᒐᓱᐛ ᒐᒋ ᓱᐛᔨᑕᑯᐛᔨᒋ ᐊᐸᐃᑯᐎᒋᓯᑦ, ᐎᐛ ᒪᐃᑲᓚ ᒋᐎᐎᐛ ᒐᒋ ᓂᒋᔅᑲᑯᑦ᙮ ᒂ ‍ ᐃᑎᑯᑦ, “ᒂᔄᓐ ᒋᔾ, ᐃᔅᕋᐃᓕᒡ ᒋᓴᐅᒋᒪᐤ, ᒋᑦ ᐃᑕᐃᑕᓇᒐ ᐊᒋ ‍ ᒋᔅᑕᔨᒥᓱᐎᔨᓐ ᐊᓄᒡ ᒐᓯᑲᒡ, ᒥᒄ ᑕᑈ, ᒋ ‍ ᒋᔎᓐ, ᐊᒥᓂᒥᓐ ᒋᐱᒍᐎᔭᓐ ᒪᒂᒡ ᒋ ᑯᐸᓇᒥᒡ ᐅᑦ ᐃᔎᐤ ᐊᐱᒐᑭᓄᐛᐛ ᐊᑭᓄᐛᐱᒥᔅᒋᔅᒋ!”
\p
\v 21 ᑎᐱᑦ ᒋ ‍ ᐃᑕᐤ ᒪᐃᑲᓚ, “ᓂᒋ ‍ ᐃᑐᑕᓐ ᐊᓐ ᒐᒋ ᒋᔅᑕᔨᑕᔨᒥᒃ ᑎᐸᔨᒋᒐᓱᐤ, ᐊᓐ ᑲ ‍ ᐅᑎᑦ ᒥᔅᑯᒡ ᒍᑕᐎᔭ ᑭᔭ ᑯᑎᑲ ᒋᐧᑲᓂᓴ, ᒐᒋ ᒋᓴᐅᒋᒪᐅᔭᓐ ᐃᔅᕋᐃᓪ ᐃᔪᐛ, ᐊᓐ ᐃᔪᒡ ᑲᑎᐸᔨᒥᑯᒡ ᑎᐸᔨᒋᒐᓱᐛ᙮ ᑭᔭ ᓂᑭ ‍ ᓴᐳᑐᐛᐱᔨᓐ ᐊ ‍ ᓂᒥᔭᓐ ᒐᒋ ᒋᔅᑕᔨᒥᒃ ᑎᐸᔨᒋᒐᓱᐛ !
\v 22 ᐊᑎ ᓱᐧᒄ ᐊ ‍ ᐃᑕᔨᑎᒥᓐ ᐊᓐ ᒐᒂᓐ ᑲ ‍ ᐃᑐᑎᒪᓐ ᐊᑲ ‍ ᒥᔽᒡ, ᓂᑭ ‍ ᓴᐳᑐᐛᐱᓐ ᐊᑎᑐᐤ ᒐ ᐃᑐᑎᒪᓐ᙮ ᒋᑭ ᒋ ᐎ ‍ ᓇᐃᒥᓐ ᐊᓐ ᑲ ‍ ᐃᑐᑎᒪᓐ, ᒥᒄ ᒪᒃ ᐊᓐᒡ ᐃᔎᐅᒡ ᑲ ‍ ᐊᔨᒧᒥᑥᐤ ᓂᑭ ‍ ᒋᔅᑕᔨᒥᑯᒡ!”
\p
\v 23 ᐊᑯ ᐊᓂᔭ ᐅᒋ, ᓴᓪ ᐅᑕᓂᓴ ᒪᐃᑲᓚ ᓇᒪ ᓂᑕ ᐅᒋ ᐅᑐᐛᓯᒧᐤ᙮
\c 7
\s1 ᒋᓴᒪᓂᑐᐤ ᑲ ‍ᐊᓱᑎᒧᐛᑦ ᑎᐱᑕ
\s2 2 Samuel 7.1-11, 16 (Advent-4 Year B)
\p
\v 1 ᒋᓴᐅᒋᒪᐤ ᑎᐱᑦ ᐅᔅᒋ ᐅᒋᓴᐅᒋᒪᐅᒋᐛᐱᒡ ᒋ ᐃᓯ ‍ ᐊᑐᒐᐤ, ᑭᔭ ᐅᑎᐸᔨᒋᒐᐛ ᒋ ᒥᔪ ‍ ᑭᓄᐛᔨᒥᑯᐤ ᑲ ‍ ᐛᐧᑲᑎᑯᑦ ᐅᒡ᙮
\v 2 ᐸᐃᒂᐤ ᒐᓯᑲᔨᒡ, ᒪᒂᒡ ᑎᐱᑦ ᐊ ‍ ᐃᔨᒪᐊᑦ ᐅᒋᔅᒋᐛᐃᒐᓱᐛ ᓇᐃᑎᓇ, ᑎᐱᑦ ᒋ ‍ ᐃᑕᐤ, “ᐛᔅᑲ ᐃᑕᐱ, ᒋᓴᐅᒋᒪᐅᒋᐛᐱᒡ, ᓂ ‍ ᐎᒋᓐ ᒪᓯᑭᔅᑲᑎᒄ ᐊ ᐅᒋ ‍ ᐅᓯᑕᑭᓄᐅᒡ, ᒥᒄ ᐱᒍᐎᔭᓂᒋᐛᐱᒡ ᒋᑭ ᐎ ‍ ᑎᑯᓂᔪᐤ ᒋᓴᒪᓂᑐᐤ ᐅᓂᔅᑯᒥᑐᐅ-ᒥᐅᑦ᙮”
\p
\v 3 ᐊᑯ ᓇᐃᑎᓐ ᐊᑕᑦ, “ᐅᑎᐸᔨᒋᒐᐤ ᒋ ‍ ᐎᒐᐅᒄ, ᑐᑕ ᒥᒄ ᐛᑐᑎᒥᓐ᙮”
\p
\v 4 ᐊᓂᔭ ᒪᒃ ᑕᐱᔅᑲᔨᒡ, ᐅᑎᐸᔨᒋᒐᐤ ᒋ ‍ ᐃᑕᐤ ᓇᐃᑎᓇ,
\p
\v 5 ᒐᒋ ᓂᑐᐛᐱᒪᔨᒋ ᑎᐱᑕ ᑭᔭ ᒋ ‍ ᒥᔭᑦ ᐅᔭ ᐃᔨᒧᐅᓂᔪᐤ: “ᑎᐱᑦ, ᒋᔾ ᐅ ᓂᑦ ᐊᑐᔅᒐᔭᑭᓐ, ᐊᑯ ᓂᑐᑕ ᒐᒂᓐ ᒐ ‍ ᐃᔅᒋᔄᔭᓐ: ‘ᒐᒂᓐ ᒋᐸ ᐅᒋ ‍ ᐅᓯᑎᒧᐅᓐ ᒥᒋᐛᑉ ᐊᓐᑕ ᒐ ‍ ᐎᒋᔭᓐ ?
\v 6 ᓇᒪ ᓂ ᐅᒋ ‍ ᐎᒋᓐ ᒥᒋᐛᐱᒡ ᐃᔅᐱ ᑲ ᐸᒋ ‍ ᐎᐎᑕᐃᒂᐤ ᓂᑦ ᐃᔨᒥᒡ ᐃᒋᑉᑎᒡ ᐅᒡ, ᑭᔭ ᐊᓄᒡ ᓇᒪ ᓂ ‍ ᐎᒋᔨᓐ ᐊᓐᑕ ᒥᒋᐛᐱᒡ᙮ ᐱᒍᐎᔭᓂᒋᐛᐱᒡ ᓂᒋ ‍ ᑕᓐ ᒥᒄ ᐊᓐᑕ ᐊᑎ ‍ ᐎᒐᐅᒂᐤ᙮
\v 7 ᓂᒋ ‍ ᐅᑎᓇᐅᒡ ᒐ ‍ ᓂᑲᓂᔅᑲᒐᒡ, ᓂᒋ ‍ ᐃᑕᐅᒡ ᑭᔭ ᒧᔭᒻ ᒪᔭᑕᓂᓯᐅ-ᐃᔪᒡ ᒐᒋ ᐃᑕᔨᑕᑯᓯᒡ᙮ ᒥᒄ ᓇᒪ ᓂᑕ ᐛᐛᒡ ᐅᒋ ᐃᑕᐤ ᐸᐃᒄ ᐊᓐᒡ ᑲ ‍ ᐅᑎᓂᒂᐤ ᒐ ‍ ᓂᑲᓂᔅᑲᒐᒡ, “ᒐᒂᓐ ᐛᒋ ᐊᑲ ᐅᓯᑎᒧᐅᔭᒄ ᒥᒋᐛᑉ ᐊ ‍ ᒪᓯᑭᔅᑲᑎᑯᐅᒡ ?” ’ ”
\p
\v 8 “ ‘ᑎᐱᑦ, ᐊᐅᑯᐤ ᓂᔾ ᐅᑎᐸᔨᒋᒐᐤ ᒥᓯᐛ ᐊᓯ ‍ ᓱᐧᑲᑎᓯᑦ ᐊᑎᑕᓐ, ᓂᑕᐅᒋᒋᑭᓂᒡ ᐅᒡ ᔅᒋ ᐅᒋ ‍ ᐱᑎᑲᔨᑎᓐ ᐊᓐᑕ ᑲ ‍ ᑭᓄᐛᔨᒥᑥᐤ ᒪᔭᑕᓂᓯᒡ, ᑭᔭ ᔅᒋ ‍ ᒥᔨᑎᓐ ᒐᒋ ᓂᑲᓂᔅᑯᐅᑥᐤ ᓂᑦ ᐃᔨᒥᒡ᙮
\v 9 ᒥᒂᑕ ᑲ ‍ ᐃᑐᑕᔨᓐ, ᔅᒋ ‍ ᐎᒋᐃᑎᓐ ᑭᔭ ᓂᒋ ‍ ᓂᓱᐅᓇᒋᐊᐅᒡ ᑲ ‍ ᐛᐧᑲᑎᔅᒡ ᐅᑎᔅᑯᐤ ᐊ ‍ ᑕᔨᓐ᙮ ᓂᑭ ‍ ᒋᔅᑕᔨᑕᑯᑕᓐ ᒋᑦ ᐃᓯᓂᐧᑲᓱᐅᓐ, ᒧᔭᒻ ᐅᑦ ᐃᓯᓂᐧᑲᓱᐅᓄᐛᐛ ᐊᓐᒡ ᐊᔅᒋᒡ ᑲ ‍ ᒋᔅᑕᔨᑕᑯᓯᒡ᙮
\v 10 ᓂᑭ ‍ ᒥᔭᐅᒡ ᐃᔅᕋᐃᓪ ᓂᑦ ᐃᔨᒥᒡ ᐊᔅᒋᔪᐤ ᐎᔨᐛᐤ ᒐ ‍ ᑎᐱᔨᐛᐅᓯᒡ ᐊᓐᑕ ᒐ ‍ ᐎᒋᒡ ᒋᔭᒪᔨᑎᒧᐅᓂᒡ ᑭᔭ ᓇᒪ ᒥᓐ ᒋᑭ ‍ ᓇᓇᒥᐱᔪᒡ ᐊ ‍ ᑯᔅᑕᒋᒡ᙮ ᓇᒪ ᒋᑭ ᒋ ᒥᓐ ‍ ᒥᑯᔅᑲᒋᐃᔨᑯᐅᒡ ᑲ ‍ ᒥᒐᑎᓯᔨᒋ ᐊ ‍ ᐃᑎᔅᑲᓇᓯᔨᒋ ᒧᔭᒻ ᐛᔅᑭᒡ ᑲ ‍ ᐃᑐᑕᑯᒡ᙮
\p
\v 11 ᐃᔅᐱ ᑲ ‍ ᒥᔨᒂᐤ ᑲ ‍ ᑎᐸᔅᑯᓂᒐᒡ ᒐᒋ ᓂᑲᓂᔅᑯᐛᒡ ᓂᑦ ᐃᔨᒪ᙮ ᒋᑭ ‍ ᒥᔨᑎᓇᐛᐤ ᐊᔽᓯᐅᓐ ᒥᓯᐛ ᑲ ‍ ᐛᐧᑲᑎᔅᒡ ᐅᒡ᙮ ᐊᓄᒡ ᓂᑦ ᐊᓱᑎᒪᒐᓐ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᒐ ‍ ᒋᓴᐅᒋᒪᐎᔭᒄ᙮’ ”
\p
\v 12 ᐃᔅᐱ ᒪᒃ ᐳᓂᐱᒪᑎᓯᓇ ᑭᔭ ᓂᑐᐛᐱᒥᑥᐛ ᒋᑦ ᐊᓂᔅᑯᑕᐸᒡ, ᓂᑭ ‍ ᐅᑎᓇᐤ ᐸᐃᒄ ᒋᑯᔅ ᒐᒋ ᒋᓴᐅᒋᒪᐅᑦ, ᑭᔭ ᓂᑭ ‍ ᐃᑐᑎᒺᓐ ᐅᒋᓴᐅᒋᒪᐅᓐ ᒐᒋ ᓱᐧᑲᑎᓂᔨᒡ᙮
\v 13 ᐎᔾ ᐊᓐ ᒋᑭ ‍ ᐎᔭᔨᑎᒻ ᒐᒋ ᐅᓯᑎᒪᑯᐅᒡ ᐊᔭᒥᐊᐅᒋᐛᐱᔪᐤ, ᑭᔭ ᓂᑭ ‍ ᑐᑐᐅᒪᐛ ᐅᑦ ᐊᓂᔅᑯᑕᐸᓄᐛᐛ ᒐᒋ ᒋᓴᐅᒋᒪᐅᔨᒋ ᐃᔅᕋᐃᓕᒡ ᒧᔅ ᑲᒋᒡ᙮
\v 14 ᓂᑭ ᐅᑕᐎᑕᒄ, ᑭᔭ ᓂᑭ ‍ ᐅᑯᓯᑎᐛᐤ᙮ ᑐᑕᒡ ᒪᒃ ᒐᒂᓂᔪᐤ ᐊᑲ ᒥᔽᔨᒡ, ᓂᑭ ‍ ᐊᓏᔨᒪᐤ ᒧᔭᒻ ᐅᑕᐎᒪᐅᒡ ᐊ ᐃᓯ ‍ ᐊᓏᔨᒪᒡ ᐅᑯᓱᐛᐛ᙮
\v 15 ᒥᒄ ᓇᒪ ᓂᑕ ᓂᑭ ‍ ᐳᓂᓐ ᐊᓱᐛᔨᒥᒃ ᒧᔭᒻ ᑲ ‍ ᐳᓂᔭᓐ ᐊᓱᐛᔨᒥᒃ ᓴᓪ, ᐊᓐ ᑲ ‍ ᐎᒐᑎᓯᓂᒃ ᐊᒋᓴᐅᒋᒪᐅᑦ ᐊᔅᒄ ᐊᑲ ᐅᒋ ‍ ᒋᓴᐅᒋᒪᐅᔨᓐ᙮
\s2 2 Samuel 7.1-11, 16 (Advent-4 Year B)
\p
\v 16 “ ‘ᓂᑭ ‍ ᐃᑐᑐᐛᐤ ᐸᐃᒄ ᒋᑦ ᐊᓂᔅᑯᑕᐸᓐ ᒐ ‍ ᒋᓴᐅᒋᒪᐅᑦ ᒧᔅ ᑲᒋᒡ᙮ ᓇᒪ ᓂᑕ ᒋᑭ ‍ ᐳᓂᐱᔪᐤ ᐊᑎᐸᔨᒋᒐᑦ᙮’~”
\p
\v 17 ᐊᑯ ᓇᐃᑎᓐ ᒋ ‍ ᐎᑎᒧᐛᐤ ᑎᐱᑕ ᒥᓯᐛ ᒐᒂᔪᐤ ᐅᑎᐸᔨᒋᒐᐛ ᑲ ‍ ᐃᑎᑯᑦ᙮
\s1 ᑎᐱᑦ ᓂᓇᔅᑯᒪᐤ ᒋᓴᒪᓂᑐᐛ
\p
\v 18 ᐊᑯ ᑎᐱᑦ ᒂ ‍ ᐱᔅᒐᑦ ᐊᓂᔭ ᑲ ‍ ᐸᔭᔨᐧᑭᓂᒡ ᐱᒍᐎᔭᓂᒋᐛᐱᔪᐤ ᑭᔭ ᒂ ᐊᐱᑦ ᐅᑎᔅᑯᐤ ᐅᑎᐸᔨᒋᒐᐛ, ᑭᔭ ᒂ ‍ ᓂᑐᑎᒪᑦᑦ ᐅᔭ;
\p “ᐅᑎᐸᔨᒋᒐᐤ, ᓂᒋᓴᒪᓂᑐᒻ, ᓇᒪ ᓂᑦ ᐃᔅᐱᑕᔨᑕᑯᓯᓐ ᒐᒋ ᐃᑐᑎᒧᐎᔨᓐ ᐅᔭ ᒥᓯᐛ ᒐᒂᔪᐛ ᑭᔭ ᓇᒪ ᐃᔅᐱᑕᔨᑕᑯᓱᐅᒡ ᐊᐸᐃᑯᐎᒋᓯᔭᓐ, ᐃᔭᐱᒡ᙮
\v 19 ᑭᔭ ᐊᓄᒡ, ᐅ ᐅᑎᐸᔨᒋᒐᐤ ᓂᒋᓴᒪᓂᑐᒻ, ᐊᓯᒡ ᐊᓂᔭ ᒥᓯᐛ ᒐᒂᔪᐛ, ᒋᒋ ᐊᔨᒧᑕᓐ ᑕᓐ ᒐ ‍ ᐃᔅᐱᔨᒡ ᓂᑦ ᐊᓂᔅᑯᑕᐸᓐᒡ ᐊᓐᑕ ᓂᑲᓄᒡ ᒥᒐᑦ ᐊᓂᔅᒐ ᒐᐱᒪᑎᓯᒡ᙮
\p
\v 20 ᐅ ᐅᑎᐸᔨᒋᒐᐤ ᒋᓴᒥᓂᑐᐤ, ᒐᒂᓐ ᐊᑎᑐᐤ ᓂᔾ, ᑎᐱᑦ, ᒋᐸ ‍ ᐃᑎᑎᓐ ᐅᒋᔅᑕᔨᒥᔨᓐ? ᐊᑎ ᓱᒄ ᒥᔪᐤ ᒋᔅᒐᔨᑕᓐ ᑕᓐ ᐊᑕᔨᑕᑯᓯᔭᓐ, ᐅᑎᐸᔨᒋᒐᐤ ᓂᒋᓴᒪᓂᑐᒻ, ᒋᒋ ᑐᑎᒧᐅᓐ ᒐᒂᓇ ᒧᔭᒻ ᓇᔅᒡ ᐊ ᒥᔅᑎ ‍ ᐃᔅᐱᑕᔨᑕᑯᓯᑦ ᓇᐸᐤ ᐊᔅᒋᒡ!
\v 21 ᓂᔾ ᐅᒡ ᑭᔭ ᐛᔅ ᐊᓐ ᒐᒂᓐ ᑲ ‍ ᐎᑐᑎᒥᓐ, ᒋᒋ ‍ ᑐᑎᒧᐅᓐ ᒥᓯᐛ ᐅᔭ ᒋᒋ ‍ ᒐᒂᓇ᙮
\p
\v 22 ᐅ ᐅᑎᐸᔨᒋᒐᐤ ᓂᒋᓴᒪᓂᑐᒻ, ᒋ ᒋᔅᑎᓯᓐ᙮ ᓇᒪ ᐃᑕᐤ ᑯᑎᒃ ᐊᐛᓐ ᐊᑕᔨᑕᑯᓯᔨᓐ᙮ ᒋᔾ ᐅ ᒥᒄ ᒋᓴᒪᓂᑐᐤ, ᒧᔭᒻ ᓇᓂᑎᒻ ᑲ ᐃᓯ ‍ ᐸᑎᒪᒡ᙮
\v 23 ᑭᔭ ᓇᒪ ᐃᑎᑯᓐ ᑯᑎᒃ ᐊᔅᒋᔾ ᐅᑕ ᐊᔅᒋᒡ ᒧᔭᒻ ᐃᔅᕋᐃᓪ᙮ ᐊᐅᒄ ᒥᒄ ᐃᔅᕋᐃᓪ ᐊᔅᒋᔾ ᐅᑕ ᐊᔅᒋᒡ ᑲ ‍ ᐊᓐᒡ ᐃᔪᒡ ᑲ ‍ ᐱᐧᑯᐎᔨᑥᐤ᙮ ᐊᓐ ᒋᒋ ‍ ᑭᔭ ᑲ ‍ ᒋᔅᑕᔨᑕᒂᒋ ᒐᒂᔪᐛ, ᒋ ᒥᔪ ‍ ᒋᔅᒐᔨᒥᑯᐅᓐ ᐅᑕ ᒥᓯᐛ ᐊᔅᒋᒡ᙮ ᒪᒂᒡ ᐊᑎ ‍ ᐱᒐᒡ ᒋᑦ ᐃᔨᒥᒡ ᐅᑕ ᐊᔅᒋᒡ, ᔅᒋ ‍ ᐃᑲᑎᓴᐛᐅᒡ ᑯᑎᑭᒡ ᐊ ‍ ᐃᑎᔅᑲᓇᓯᒡ ᐃᔪᒡ ᑲ ‍ ᐃᑕᒡ ᐅᑕ ᑲᓇᓐ, ᐊᓐᒡ ᑲ ‍ ᐊᔭᒥᐊᔅᑐᐛᒡ ᑯᑎᑲ ᒪᓂᑐᐛ᙮
\v 24 ᑭᔭ ᔅᒋ ‍ ᑐᑐᐅᓇᓐ ᓂᔭᓐ ᐃᔅᕋᐃᓪ ᐃᔪᒡ ᒐᒋ ᐅᑦ ᐃᔨᒥᑐᐅᔭᒡ ᒧᔅ ᑲᒋᒡ, ᑭᔭ ᒋᔾ ᐅᑎᐸᔨᒋᒐᐤ, ᒋᒋ ‍ ᐅᒋᓴᒪᓂᑐᒥᑕᑎᓇᓐ !
\p
\v 25 ᑭᔭ ᐊᓄᒡ, ᐅᑎᐸᔨᒋᒐᐤ ᓂᒋᓴᒪᓂᑐᒻ, ᓂᓂᑐᑎᒪᓐ ᒐᒋ ᐃᑐᑕᒥᓐ ᐊᓂᔭ ᒐᒂᔪᐛ ᑲ ‍ ᐊᓱᑎᒧᐃᔨᓐ ᓂᑦ ᐊᓂᔅᑯᑕᐸᓐᒡ ᐅᒋ ᒐᒋ ᐃᔅᐱᔨᒡ ᒧᔅ ᑲᒋᒡ, ᑭᔭ ᒐᒋ ᐃᑐᑎᒥᓐ ᐊᓂᔭ ᒐᒂᔪᐛ ᑲ ‍ ᐃᔅᒋᔄᔨᓐ ᒐ ‍ ᐃᑐᑎᒥᓐ᙮
\v 26 ᐃᔅᐱ ᒪᒃ ᐊᓐ ᐃᔅᐱᒐ, ᒋᑭ ᒥᔅᑎ ‍ ᐃᔅᐱᑕᔨᑕᑯᓯᓐ ᒧᔅ ᑲᒋᒡ, ᑭᔭ ᐃᔪᒡ ᒋᑭ ‍ ᐃᔅᒋᔄᐅᒡ, ‘ᐊᓐ ᒪᐅᒡ ᓱᐧᑲᑎᓯᑦ ᑲ ‍ ᐅᒋᒪᐅᑦ ᐊᓐᒋᓇ ᐊᓯᒪᑭᓂᓴ ᐊᐅᒄ ᒋᓴᒪᓂᑐᐤ ᐊᓐ ᑲ ‍ ᑎᐸᔨᒪᑦ ᐃᔅᕋᐃᓚ᙮’ ᑭᔭ ᒋᑭ ‍ ᐃᑐᑕᓐ ᒧᔅ ᑲᒋᒡ ᒐ ‍ ᐃᑕᒡ ᓂᑦ ᐊᓂᔅᑯᑕᐸᒡ ᒐ ᑎᐸᔨᒋᒐᒡ᙮
\p
\v 27 “ᒪᐅᒡ ᑲ ‍ ᓱᐧᑲᑎᓯᔨᓐ ᐅᑎᐸᔨᒋᒐᐤ, ᐊᓐ ᒋᓴᒪᓂᑐᐤ ᓂᔭᓐ ᐃᔅᕋᐃᓪ ᐃᔪᒡ ᐊᔭᒥᐊᔅᑐᐅᒋᒡ, ᔅᒋ ‍ ᐛᐸᑎᔨᓐ ᒐ ‍ ᑐᑐᐅᑥᐤ ᐱᔅᒐ ᒐ ‍ ᒋᓴᐅᒋᒪᐅᒡ ᓂᑦ ᐊᓂᔅᑯᑕᐸᓐᒡ᙮ ᐊᓐ ᐅᒋ, ᓂᒋ ‍ ᓱᒋᑕᐊᓐ ᐅ ᒐᒋ ᐃᓯ ᓂᑐᑎᒪᑕᓐ᙮
\v 28 ᐊᑯ ᐊᓄᒡ, ᐅ ᐅᑎᐸᔨᒋᒐᐤ ᒪᐅᒡ ᑲ ‍ ᓱᐧᑲᑎᓯᔨᓐ, ᐛᔅ ᐊᒋ ᒋᓴᒪᓂᑐᐎᔨᓐᐤ, ᒋᑭ ᒋ ‍ ᑕᑈᐅᒐᔨᒥᑎᓇᓐ ᒐᒋ ᐃᑐᑎᒥᓐ ᑲ ‍ ᐊᓱᑎᒪᒐᔨᓐ ᒐᒂᔪᐛ᙮ ᔅᒋ ‍ ᐊᓱᑎᒧᐅᓐ ᐅᔭ ᒥᔪᐤ ‍ ‍ ᒐᒂᔪᐛ᙮
\v 29 ᐊᑯ ᐊᓄᒡ ᒋ ‍ ᑭᒂᒋᒥᑎᓐ ᓂᔭᐃᑎᒥᑯᐅᓇ, ᒋᑭ ‍ ᓱᐛᔨᑕᑯᐛᐅᒡ ᓂᑦ ᐊᓂᔅᑯᑕᐸᓐᒡ ᒐᒋ ᐅᒋ ᓴᐳᑐᐛᐱᔨᒡ ᐊ ‍ ᑎᐸᔨᒋᒐᒡ ᒧᔅ ᑲᒋᒡ᙮ ᐅᑎᐸᔨᒋᒐᐤ ᒋᓴᒪᓂᑐᐤ, ᔅᒋ ‍ ᐊᓱᑎᒪᒐᓐ ᐅᔭ ᒐᒂᔪᐛ, ᑭᔭ ᐊᑯ ᓂᔅᒐᔨᑕᓐ ᒐ ‍ ᓱᐳᑐᐛᐱᔨᓐ ᐊ ‍ ᓱᐛᔨᑕᑯᐊᑥᐤ ᓂᑦ ᐊᓂᔅᑯᑕᐸᓐᒡ ᒧᔅ ᑲᒋᒡ᙮”
\c 8
\s1 ᑎᐱᑦ ᐅᑲᓂᐅᓇ
\p
\v 1 ᓇᓇᒐ ᒪᒃ, ᑎᐱᑦ ᐅᓂᑐᐱᔪᐅ-ᐃᔨᒪ ᒋ ‍ ᑯᓯᒂᔨᒧᑐᐛᔪᐛ ᐱᓕᔅᑎᐊ ᓂᑐᐱᔪᐅ-ᐃᔪᐛ ᑭᔭ ᒋ ᓴᐧᑯᒋᐊᐅᒡ᙮ ᒥᓯᐛ ᐱᓕᔅᑎᐊ ᐃᑕᐅᓂᔪᐤ ᒋ ‍ ᑎᐸᔨᑎᒧᒡ᙮
\p
\v 2 ᑎᐱᑦ ᐅᓂᑐᐱᔪᐅ-ᐃᔨᒪ ᐃᔭᐱᒡ ᒋ ‍ ᓴᑯᐛᐅᒡ ᒧᐊᑉ ᐊ ‍ ᐃᑎᔅᑲᓇᓯᔨᒋ ᐃᔪᐛ ᓂᑐᐱᔪᐅ-ᐃᔪᐛ᙮ ᑎᐱᑦ ᒋ ‍ ᐃᔨᐧᑭᒪᐅᒡ ᐅᓂᑐᐱᔪᐅ-ᐃᔨᒥᔨᐛ ᒐᒋ ᒥᒋᒪ ᐱᒥᓯᒥᑕᑐᔨᒋ ᐊᓐᑕ ᒧᔅᑎᔅᑭᒥᒡ᙮ ᐅᑦ ᐃᔨᒪ ᒪᒃ ᒋᓂᐸᔪᐛ ᐊᓂᔭ ᓂᓱ ᐊᓯᑯᒻ ᐊᓂᔅᑎᔨᒋ᙮ ᒋ ‍ ᐃᔨᐧᑭᓄᐅᒡ ᑯᑎᑲ ᒧᐊᑉ ᐃᔪᐛ ᒐᒋ ᐅᑎᓇᔨᒋ ᑎᐱᑕ ᒐᒋ ᐅᒋᒪᒥᔨᒋ, ᑭᔭ ᒋ ‍ ᐃᔨᐧᑭᓄᐅᒡ ᐊᓯᑯᒻ ᐱᐳᓇ ᒐᒋ ᒋᓯᐧᑯᐛᔨᒋ ᑕᑭᓯᔪᐤ ᓱᓇᔭᔪᐤ ᐊᓂᔭ ᓇᑐᐛᔨᑎᒥᔨᒋ᙮
\p
\v 3 ᑎᐱᑦ ᐅᓂᑐᐱᔪᐅ-ᐃᔨᒪ ᐃᔭᐱᒡ ᒋ ‍ ᓴᐧᑯᒐᔪᐛ ᐊᑕᑕᓴᔨᒋ ᐅᓂᑐᐱᔪᐅ-ᐃᔨᒥᔨᐛ, ᕆᐅᐸ ᐅᑯᓯᔨᐛ, ᐊᓐᑕ ᑲ ‍ ᐅᒋᒪᐅᔨᒋ ᓱᐸ ᐊᔅᒋᒡ ᐊᓐᑕ ᓴᕆᔭᐃᒡ᙮ ᐊᐅᑯᓐ ᑲ ‍ ᐃᔅᐱᒡ ᐃᔅᐱ ᑎᐱᑦ ᒥᓐ ᑲ ‍ ᑎᐸᔨᒋᒐᑦ ᐃᑕᐅᓂᒡ ᐊᓐᑕ ᔪᑉᕆᑎᔅ ᓯᐱᔾ᙮
\v 4 ᑎᐱᑦ ᐅᓂᑐᐱᔪᐅ-ᐃᔨᒪ ᐸᐃᒂᐤ ᒐᓯᐱᔪᐤ ᐊᓱ ᓂᔄᐅᑕᒡ ᑕᑐ ᒥᑕᓯᒥᑎᓄᐤ ‍ (1,700) ᐊᑕᑕᓴᔨᒋ ᐅᓂᑐᐱᔪᐅ-ᐃᔨᒥᔨᐛ ᒋ ‍ ᒪᑯᓇᐅᒡ ᐊᓂᔭ ᑲᐸᐃᑭᔎᐛ ᑲ ‍ ᐳᓯᔨᒋ, ᑭᔭ ᓂᓱᔪᐤ ᑕᑥᐤ ᒐᓯᐱᔪᐤ ‍ (20,000) ᐊᓂᔭ ᑯᑎᑲ ᐅᓂᑐᐱᔪᐅ-ᐃᔨᒥᔨᐛ᙮ ᐃᔭᐱᒡ ᒋ ‍ ᒪᔅᒋᑲᑕᐅᒡ ᐊᓂᔭ ᑲᐸᐃᑭᔎᐛ ᑲᐅᑕᐸᔨᒋ ᑎᑎᐱᑕᐸᓇᔎ, ᒥᒄ ᒋ ‍ᐃᔅᑯᓇᐅᒡ ᑯᑎᑲ ᑲᐸᐃᑭᔎᐛ ᒐᒋ ᐅᑕᐸᔨᒋ ᐸᐃᑯᒥᑕᓯᒥᑎᓄᐤ ‍ (100) ᑎᑎᐱᑕᐸᓇᔎ᙮
\p
\v 5 ᐃᔅᐱ ᓴᕆᔭ ᓂᑐᐱᔪᐅ-ᐃᔪᒡ ᑲᑎᑯᓯᒡ ᑕᒪᔅᑲᔅ ᐅᑕᓇᒡ ᐅᒋ ᒐᒋ ᐎᒐᐊᒡ ᒋᓴᐅᒋᒪᐛ ᐊᑕᑕᓴᕋᔨᒋ ᐅᓂᑐᐱᔪᐅ-ᐃᔨᒥᔨᐛ, ᑎᐱᑦ ᐅᓂᑐᐱᔪᐅ-ᐃᔨᒪ ᓂᓱᔪᐤ ᐊᓱ ᓂᔄᐤ ᒐᓯᐱᔪᐤ ‍ (22,000) ᒋᓂᐸᐅᒡ᙮
\v 6 ᐊᑯ ᓂᑐᐱᔪᐅᒋᐛᐱᒡ ᒂ ᑎᔭᑦ ᑎᐱᑦ ᐅᓂᑐᐱᔪᐅ-ᐃᔨᒪ ᐊᓐᑕ ᐊ ‍ ᐃᑕᒡ, ᑭᔭ ᓴᕆᔭ ᐃᔪᒡ ᒋ ‍ ᐃᐧᑭᒪᑭᓄᐅᒡ ᒐᒋ ᐅᑎᓇᒡ ᑎᐱᑕ ᒐᒋ ᑎᐸᔨᒥᑯᒡ, ᑭᔭ ᒐᒋ ᒥᔭᒡ ᑎᐱᑕ ᐊᒋᓴᐅᒋᒪᐅᔨᒋ ᐊᓯᑯᒻ ᐱᐳᓇ ᒐᒋ ᒋᓯᐧᑯᐛᔨᒋ ᑕᑭᓯᔪᐤ ᓱᓇᔭᔪᐤ ᐊᓂᔭ ᓇᑐᐛᔨᑎᒥᔨᒋ᙮ ᑭᔭ ᐅᑎᐸᔨᒋᒐᐤ ᒋ ‍ ᓇᐊᔨᒪᐤ ᑎᐱᑕ ᐅᓂᑐᐱᔪᐅ-ᐃᔨᒥᔨᐛ ᒐᒋ ᑲᓂᔪᐎᔨᒋ ᑕᓐᑕ ᒥᒄ ᐊᑎ ‍ ᐃᑐᑕᔨᒋ᙮
\p
\v 7 ᑎᐱᑦ ᐅᓂᑐᐱᔪᐅ-ᐃᔨᒪ ᒋ ‍ ᐅᑎᓂᒥᔨᐛ ᑲ ‍ ᐎᔄᐅᓱᓇᔭᐅᐎᒡ ᐊᒂᓇᐅᓱᐛᑭᓂᔪᐤ ᐊᑕᑕᓴᕋᔨᒋ ᐅᑯᐸᓇᒥᔨᐛ ᑲ ‍ ᑕᑯᓂᒥᔨᒋ, ᑭᔭ ᒋᕈᓴᓕᒥᒡ ᒂ ‍ ᐃᑕᐛᒡ᙮
\v 8 ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔎ ᐃᔭᐱᒡ ᒋ ‍ ᒥᔅᑎ ᐸᑕᐅᒡ ᐊᓐᑕ ᒋᕈᓴᓕᒥᒡ ᑲ ‍ ᒥᔅᑲᒡ ᐊᓐᑕ ᐸᑕᐃᒡ ᑭᔭ ᐸᕈᑕᐃᒡ, ᓂᓱ ᐅᑕᓇᐛ ᐊᓐᑕ ᒋᓴᐅᒋᒪᐤ ᐊᑕᑕᓴᕐ ᐎᐱᒡ ᑲ ‍ ᑎᐸᔨᒋᒐᑦ᙮
\p
\v 9 ᐃᔅᐱ ᑐᐃ, ᐊᒪᑦ ᐅᑕᓇᒡ ᒋᓴᐅᒋᒪᐤ ᐊᓐᑕ ᓴᕆᐊᐃᒡ, ᐱᐊᑕᐧᒃ ᑎᐱᑕ ᐅᓂᑐᐱᔪᐅ-ᐃᔨᒥᔨᐛ ᑲᒋ ‍ ᓴᐧᑯᒋᐊᔨᒋ ᒥᓯᐛ ᐅᓂᑐᐱᔪᐅ-ᐃᔨᒥᔨᐛ ᒋᓴᐅᒋᒪᐛ ᐊᑕᑕᓴᕋᔨᒋ,
\v 10 ᒋ ‍ ᐃᑎᓴᐛᐤ ᐅᑯᓴ ᔪᕋᒪ ᒐᒋ ᐛᒋᔭᒪᔨᒋ ᒋᓴᐅᒋᒪᐛ ᑎᐱᑕ ᑭᔭ ᒐᒋ ᐎᑎᒧᐛᔨᒋ ᐅᓂᑐᐱᔪᐅ-ᐃᔨᒪ ᐊᒋ ‍ ᓴᐧᑯᒋᐊᔨᒋ ᐊᑕᑕᓴᕋᔨᒋ ᐅᓂᑐᐱᔪᐅ-ᐃᔨᒥᔨᐛ, ᐊᓂᔭ ᑐᐃ ᐅᓂᑐᐱᔪᐅ-ᐃᔨᒪ ᒥᒐᑥᐤ ᑲᒪᓴᔨᒋ, ᒥᒐᑦ ᒥᔨᐛᐅᓇ ᔪᕋᒻ ᒋ ‍ ᐸᑐᑐᐛᐤ ᑎᐱᑕ ᐎᔄᐅᓱᓇᔭᐱᔅᑯᒡ, ᑭᔭ ᓱᓇᔭᐱᔅᑯᒡ ᑭᔭ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᑯᒡ ᐊ ᐅᒋ ᐅᓯᑕᑯᓂᔨᒋ᙮
\p
\v 11 ᒋᓴᐅᒋᒪᐤ ᑎᐱᑦ ᒋᐱᔅᑎᓂᒧᐛᐤ ᐅᑎᐸᔨᒋᒐᐛ ᐊᓂᔭ ᒐᒂᔪᐛ᙮ ᐃᔭᐱᒡ ᓱᓇᔭᐱᔅᑯᔪᐤ ᑭᔭ ᐎᔄᐅᓱᓇᔭᐤ ᐃᔭᐱᒡ ᒋᐱᔅᑎᓂᒧᐛᐤ ᐊᓂᔭ ᐅᓂᑐᐱᔪᐅ-ᐃᔨᒪ ᑲ ‍ᒪᑯᓂᒥᔨᒋ ᒥᓯᐛ ᑲ ‍ ᐃᑎᔅᑲᓇᓯᔨᒋ ᐅᒋ᙮
\v 12 ᒋ ‍ ᐅᑎᓂᒧᒡ ᒐᒂᔪᐛ ᐃᑕᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ ᑭᔭ ᒧᐊᑉ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ, ᑭᔭ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ, ᑭᔭ ᐱᓕᔅᑎᐊ ᐃᔪᐛ ᐅᒋ, ᑭᔭ ᐊᒪᓕᒃ ᐅᑦ ᐊᓂᔅᑯᑕᐸᓂᔨᐛ ᐅᒋ, ᐊᓯᒡ ᐊᓂᔭ ᐊᑕᑕᓴᕋ ᐎᐱᒡ ᑲ ‍ ᑎᐸᔨᒪᔨᒋ᙮
\p
\v 13 ᐃᔅᐱ ᑎᐱᑦ ᑲ ‍ ᑎᑯᓯᐧᒃ ᑲᒋ ‍ ᓴᐧᑯᒋᐊᑦ ᓯᕆᐊ ᓂᑐᐱᔪᐅ-ᐃᔪᐛ, ᐊᑎᑐᐤ ᒋ ᒥᔅᑎ ‍ ᐃᑕᔨᑕᑯᓱᐤ ᐛᔅ ᔭᓇᐤ ᑕᑐᓴᑉ ᑕᑥᐤ ᒐᓯᐱᔪᐤ ‍ (18,000) ᐃᑕᒻ ᐊ ‍ ᐃᑎᔅᑲᓇᓯᔨᒋ ᒋ ‍ ᓂᐸᐊᔪᐛ ᐅᓂᑐᐱᔪᐅ-ᐃᔨᒪ ᐊᓐᑕ ᓯᐎᑕᑭᓐ ᐊ ‍ ᐱᓴᔨᒡ ᒥᒋᒪ ᑲ ‍ ᓂᐱᒥᑭᑲᒡ ᐎᓂᐸᒄ᙮
\v 14 ᑕᐱᑐᐤ ᒋ ‍ ᐃᑎᔭᐤ ᐅᓂᑐᐱᔪᐅ-ᐃᔨᒪ ᑎᐱᑦ ᐊᓐᑕ ᒥᓯᐛ ᐃᓯ ᐃᑕᒻ ᐊᔅᒋᒡ, ᑭᔭ ᒋ ‍ ᐃᐧᑭᒪᐅ ᐃᔪᐛ ᒐᒋ ᐅᑎᓂᑯᑦ ᒧᔭᒻ ᐊᐅᒋᓴᐅᒋᒥᑕᑯᑦ᙮ ᐅᑎᐸᔨᒋᒐᐤ ᒋ ‍ ᓇᐊᔨᒪᐤ ᑎᐱᑕ ᐅᓂᑐᐱᔪᐅ-ᐃᔨᒥᔨᐛ ᒐᒋ ᑲᓂᔪᐎᔨᒋ ᐊᓂᑐᐱᓇᓄᐎᔨᒋ ᑕᓐᑕ ᒥᒄ ᐊᑎ ‍ ᐃᑐᑕᔨᒋ᙮
\v 15 ᒥᓯᐛ ᐃᔅᕋᐃᓪ ᐃᔪᐛ ᒋ ‍ ᑎᐸᔨᒪᐤ ᑎᐱᑦ, ᑭᔭ ᑯᐃᔅᑯᑐᑎᒧᐅᓂᒡ ᑭᔭ ᑎᐸᔅᑯᓂᒐᐅᓂᒡ ᒋ ‍ ᐃᑐᑐᐛᐤ᙮
\v 16 ᒋ ‍ ᐅᒋᒪᐤ ᒍᐊᑉ ᓂᑐᐱᔪᐅ-ᐃᔪᐛ; ᐃᐃᐅᓴᐸᑦ, ᐊᐦᐃᓗᑦ ᐅᑯᓴ, ᐊᐅᑯᓐ ᑲ ‍ ᐎᑎᒧᐛᑦ ᐃᔪᐛ ᒥᓯᐛ ᒐᒂᔪᐤ ᑎᐱᑕ ᑲ ‍ ᐎᔭᔨᑎᒥᔨᒋ ᑕᓐ ᒋᐸ ‍ ᐃᔨᑐᐅᒡ;
\v 17 ᐊᐃᑐᑉ, ᓴᑐᒃ ᐅᑯᓴ, ᑭᔭ ᐊᐃᒪᓚᒃ, ᐊᐱᐊᑕᕐ ᐅᑯᓴ, ᒋ ‍ ᐊᔭᒥᐊᐅᒋᒪᐅᒡ, ᓯᕋᐃᐊ ᐊᐅᒄ ᑲ ᐅᒋᒪᐤ ‍ ᑲᒥᓯᓇᔨᒐᓯᐅᑦ᙮
\v 18 ᐱᓇᐃᐊ, ᐃᐧᑯᐃᐊᑕ ᐅᑯᓴ, ᐊᐅᒄ ᑲ ‍ ᐅᒋᒪᐅᑦ ᐊᓂᔭ ᓇᐸᐛ ᑲ ‍ ᓇᑭᑐᐛᔨᒪᔨᒋ ᒋᓴᐅᒋᒪᐛ ᑭᔭ ᒋ ‍ ᐊᔭᒥᐊᐅᒋᒪᐎᔪᐛ ᑎᐱᑦ ᐅᑯᓴ᙮
\c 9
 ᒋ ᒋᓴᐛᑐᑐᐛᐤ ᑎᐱᑦ ᒥᐱᐳᓴᑕ
\p
\v 1 ᐸᐃᒂᐤ ᒐᓯᑲᔨᒡ ᑎᐱᑦ ᒋ ‍ ᑭᒂᒋᒐᒧᐤ, “ᑕᔪᐛ ᐊ ᓴᓪ ᐅᑦ ᐊᓂᔅᑯᑕᐸᓇ ᒐᒋ ᒋᓴᐛᑐᑐᐅᒥᒋ?” ᒋ ‍ ᑭᒂᒋᒐᒧᐤ ᐅᔭ ᐛᔅ ᒋᐎ ‍ ᒋᔅᑕᔨᒪᐤ ᒠᓐᑕᔨᒋ᙮
\p
\v 2 ᒋ ‍ ᐃᑕᐅᒡ ᐊ ‍ ᑕᔨᒋ ᓇᐸᐛ ᐊᓐᑕ ᒋᕈᓴᓕᒥᒡ ᓯᐸ ᐊ ‍ ᐃᓯᓂᐧᑲᓱᔨᒋ ᐊᓂᔭ ᑲ ‍ ᐅᑯᐸᓇᒥᔨᒋ ᓴᓚ ᐊᐸᐃᑯᔅᑲᓇᓯᔨᒋ᙮ ᐊᑯ ᑎᐱᑦ ᒂ ‍ ᐃᑎᓴᐛᑦ ᑲ ‍ ᐱᒧᑕᐊᔨᒋ ᐃᔨᒧᐅᓂᔪᐤ ᒐᒋ ᓂᑐᒪᑦ ᓯᐸᔨᒋ᙮ ᐃᔅᐱ ᑲ ‍ ᑎᑯᓯᓂᔨᒋ ᒋᓴᐅᒋᒪᐤ ᒋ ‍ ᑭᒂᒋᒪᐤ, “ᒋᔾ ᐊ ᓯᐸ?” ᒂ ‍ ᐃᑎᑯᑦ, “ᓂᐃ, ᓂ ‍ ᐅᒋᒪᒻ, ᓂᔾ ᐅ”
\p
\v 3 ᒋᓴᐅᒋᒪᐛ ᒂ ‍ ᑭᒂᒋᒥᑯᑦ, ᓇᒪ ‍ ᐃᑕᐤ ᐊ ᐊᐛᓐ ᐊᓐᑕ ᓴᓪ ᐊᐸᐃᑯᔅᑲᓇᓯᑦ ᐊᓐ ᓂᐸ ‍ ᒋᓴᐛᑐᑐᐛᐤ, ᒧᔭᒻ ᑲ ᐃᓯ ‍ ᐊᓱᑎᒧᐅᒄ ᒠᓐᑕ ᒐ ‍ ᐃᑐᐅᒡ?” ᓯᐸ ᒂ ‍ ᐃᑕᑦ, “ᓂᐃ, ᑕᔪᐛ ᐸᐃᒄ ᒠᓐᑕ ᐅᑯᓴ ᐊᔅᒄ ᐸᒪᑎᓯᔨᒋ᙮ ᒪᔅᑲᔪᐛ ᐅᓯᑕ᙮”
\p
\v 4 ᓴᐅᒋᒪᐛ ᒂ ‍ ᑭᒂᒋᒥᑯᑦ, “ᑕᓐᑕ ᐊ ‍ ᐃᑕᑦ?” ᓯᐸ ᒂ ‍ ᐃᑕᑦ, “ᒪᑯᕋ ᐎᒋᔨᒡ ᐎᒍᐤ, ᐊᒥᐊᓚ ᐅᑯᓯᔨᐛ, ᐊᓐᑕ ᓗ-ᑎᐸᕐ ᐅᑕᓇᒡ ᐛᐱᓄᑕᒡ ᒍᕐᑎᓐ ᓯᐱᒡ᙮”
\p
\v 5 ᐊᑯ ᒋᓴᐅᒋᒪᐤ ᑎᐱᑦ ᒂ ‍ ᐃᑎᓴᐛᑦ ᑲ ‍ ᐱᒧᑕᐊᔨᒋ ᐃᔨᒧᐅᓂᔪᐤ ᒐᒋ ᐸᓱᐛᔨᒋ ᒥᐱᐳᓴᑕ ᒋᕈᓯᓕᒥᒡ᙮
\p
\v 6 ᐃᔅᐱ ᒥᐱᐳᓴᑦ ᑲ ᐅᑎᑕᑦ ᑎᐱᑕ, ᒂ ‍ ᓂᐱᔅᑯᐱᔨᔅᑐᐛᑦ ᐅᑕᔅᑎᒥᒄ ᐊᑕᒋᑎᓂᔨᒡ ᒧᔅᑎᔅᑭᒥᒡ, ᒐᒋ ᐛᐸᑎᔭᑦ ᐊ ‍ ᒋᔅᑕᔨᒪᑦ᙮ ᐊᑯ ᑎᐱᑦ ᒂ ‍ ᐃᑕᑦ, “ᒥᐱᐳᓴᑦ” ᒂ ‍ ᐃᑎᑯᑦ, “ᒐᒂᓐ ᓂ ‍ ᐅᒋᒪᒻ, ᑕᓐ ᒐ ᐃᓯ ‍ ᐊᑐᔅᑲᑕᓐ?”
\p
\v 7 ᑎᐱᑦ ᒂ ‍ ᐃᑕᑦ, “ᐊᑲ ᑯᔅᑕᒋ, ᒋᑭ ‍ ᒋᓴᐛᑐᑕᑎᓐ ᐛᔅ ᒍᑕᐎ ᒠᓐᑕ ᓂᒋ ᒥᔪᐤ ‍ ᐎᒐᐛᑭᓂᑐᐛᐤ᙮ ᑲᐤ ᒋᑭ ‍ ᒥᔨᑎᓐ ᐊᔅᒋᔾ ᐊᓂᔭ ᒋᒧᓱᒻ ᓴᓪ ᑲ ‍ ᑎᐸᔨᑕᐧᒃ᙮ ᑭᔭ ᒋ ‍ ᓂᑐᐛᔨᒥᑎᓐ ᓇᓂᑎᒻ ᐎᒋ ‍ ᒥᒋᓱᒥᔨᓐ ᓂᒋᒡ᙮”
\p
\v 8 ᒥᓐ ᒂ ‍ ᓂᐱᔅᑯᐱᔨᔅᑐᐛᑦ ᒥᐱᐳᓴᑦ ᑎᐱᑕ ᑭᔭ ᐊᑕᑦ, “ᐅᒋᒪᐤ, ᓇᒪ ᓂ ‍ ᑎᐸᒐᔨᑕᑯᓯᓐ ᒧᔭᒻ ᐊᓂᐱᑦ ᐊᑎᒻ; ᓇᒪ ᓂᑐᐛᔨᑕᑯᓯᓐ ᒐᒋ ᒋᓴᐛᑐᑐᐎᔨᓐ!”
\p
\v 9 ᐊᑯ ᒋᓴᐅᒋᒪᐤ ᒂ ‍ ᐎᓴᒪᑦ ᓴᓪ ᐅᑦ ‍ᐊᐱᒋᐊᑭᓂᔨᐛ ᓯᐸᔨᒋ ᑭᔭ ᒂ ‍ ᐃᑕᑦ, “ᒋᒋ ᐅᒋᒪᒥᓐ ᓴᓪ, ᐊᓄᒡ ᒥᓯᐛ ᒐᒂᔪᐤ ᓂᒥᔭᐤ ᒥᐱᐳᓴᑦ ᑲ ‍ ᑎᐸᔨᑎᒥᔨᒋ ᓴᓚ ᑭᔭ ᐊᐸᐃᑯᔅᑲᓇᓯᔨᒋ᙮
\v 10 ᒋᔾ ᑭᔭ ᑲ ‍ ᐱᑕᑕᒡ ᑕᑐᓴᐳᒡ ᒋᑯᓯᒡ ᑭᔭ ᑲ ᓂᓱᔪᐛᓯᒡ ᒋᑦ ᐊᐱᒋᐊᑭᓐᒡ ᒋᑭ ᐎ ‍ ᐱᑯᔅᑭᒥᑲᒐᒧᐛᐅᒡ ᐊᔅᒋᔪᐤ ᒥᐱᐳᓴᑦ ᐅᐸᐃᑯᔅᑲᓇᓯᑦ, ᑭᔭ ᒐ ‍ ᓂᑕᐅᒋᑕᐛᒡ ᒥᒋᒥᔪᐤ ᑭᔭ ᒐ ‍ ᒪᒧᓴᒋᓂᒺᒡ, ᒐᒋ ᐅᒋ ᑭᓄᐛᔨᑎᒥᔨᒋ ᒥᒋᒥᔪᐤ ᒐ ‍ ᒥᒋᔨᒋ᙮ ᒥᒄ ᒥᐱᐳᓴᑦ ᓂᑭᐊ-ᐎᒋ ‍ ᒥᒋᓱᒥᒄ ᐊᓐᑕ ᓂᒋᒡ᙮”
\p
\v 11 ᓯᐸ ᒂ ‍ ᐃᑕᑦ ᒋᓴᐅᒋᒪᐛ, “ᐅᒋᒪᐤ, ᓂᑭ ‍ ᑐᑕᓐ ᒥᓯᐤ ᒐᒂᓐ ᑲ ‍ ᐃᑎᓱᒥᔨᒡ ᒐᒋ ᑐᑎᒪᓐ᙮” ᐊᑯ ᒥᐱᐳᓴᑦ ᓇᓂᑎᒻ ᒂ ‍ ᒥᒋᓱᑦ ᐊᓐᑕ ᒋᓴᐅᒋᒪᐛ ᐅᒥᒋᓱᐛᑭᓇᑎᑯᔨᒡ, ᒧᔭᒻ ᐱᒄ ᒋᓴᐅᒋᒪᐤ ᐅᑯᓴ ᐊ ‍ ᐃᑕᔨᑕᑯᓯᑦ᙮
\p
\v 12 ᒋ ‍ ᑕᔪᐛ ᐊᐛᓯᐅᔨᒋ ᐅᑯᓴ ᒥᐱᐳᓴᑦ ᒥᑲ ᐊ ‍ ᐃᓯᓂᐧᑲᓱᔨᒋ᙮ ᒥᓯᐛ ᐊᐸᐃᑯᔅᑲᓇᓯᑦ ᓯᐸ ᒋ ᐅᑦ ᐊᐱᒋᐊᑭᓂᑐᑕᑯᐅᒡ ᒥᐱᐳᓴᑕ,
\v 13 ᑭᔭ ᒥᐱᐳᓴᑦ, ᐊᓐ ᐊᔅᒄ ᑲ ‍ ᒪᔅᑲᔨᒋ ᐊᓂᓯᓂᔨᒋ ᐅᓯᑕ, ᒂ ‍ ᒋᒋ ‍ ᐎᒋᑦ ᐊᓐᑕ ᒋᕈᓯᓕᒥᒡ, ᓇᓂᑎᒻ ᒂ ᐎᒋ ‍ ᒥᒋᓱᒪᑦ ᒋᓴᐅᒋᒪᐛ ᐊᓐᑕ ᐅᒥᒋᓱᐛᑭᓇᑎᑯᔨᒡ᙮
\c 10
 ᑎᐱᑦ ᐅᓂᑐᐱᔪᐅ-ᐃᔨᒪ ᒋ ‍ᓴᐧᑯᒋᐊᔪᐛ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ
\p
\v 1 ᓇᓇᒐ, ᓇᐊᔅ, ᐊᒧᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐅᒋᓴᐅᒋᒪᒧᐛᐛ ᒋᐳᓂᐱᒪᑎᓯᐤ, ᑭᔭ ᐅᑯᓴ ᐊᓄᓇ ᒂ ‍ ᒋᓴᐅᒋᒪᐅᑦ᙮
\v 2 ᑎᐱᑦ ᒂ ‍ ᐃᑕᔨᑕᐧᒃ, “ᓂᒋ ‍ ᒋᓴᐛᑐᑕᒄ ᓇᐊᔅ, ᐊᑯ ᓂᑭ ᒋᓴᐛᑐᑐᐅᒪᐛ ᐅᑯᓴ,” ᐊᑯ ᒂ ‍ ᐃᑎᓴᐛᑦ ᑎᐱᑦ ᐅᑦ ᐊᐱᒋᐊᑭᓇ ᓇᑕ, ᒐᒋ ᐎᑎᒧᐛᒡ ᐊᓄᓇ ᐊᒥᒋᐛᔭᔨᑎᒥᔨᒋ ᑎᐱᑕ ᐊᒋ ‍ ᐳᓂᐱᒪᑎᓯᔨᒋ ᐊᓄᓇ ᐅᑕᐎᔪᐛ᙮
\p ᐃᔅᐱ ᐊᓐᒡ ᐊᐱᒋᐊᑭᓐᒡ ᑲ ‍ ᑎᑯᓯᒡ ᐊᓐᑕ ᐊᔅᒋᒡ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᐎᒋᔨᒋ,
\v 3 ᐊᓐᒡ ᑲ ‍ ᓂᑲᓄᔅᑯᐛᒡ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋ ‍ ᐃᑕᐅᒡ ᐊᓄᓇ, “ᒋᑦ ᐃᑕᔨᑕᓐ ᐊ ᐊᐎ ‍ ᒋᔅᑕᔨᒪᑭᓄᐅᔾ ᒍᑕᐎ ᐊᓂᔭ ᐛᒋ ‍ ᐃᑎᓴᐛᑦ ᑎᐱᑦ ᐊᓂᔭ ᐊᓂᔅᑎᔨᒋ ᓇᐸᐛ ᒐᒋ ᐃᔅᒋᔄᑦ ᐊᒥᒋᐛᔭᔨᑕᐧᒃ ᐊᒋ ‍ ᐳᓂᐱᒪᑎᓯᔨᒋ ᒍᑕᐎᔭ? ᒐᒋ ᒋᒧᓴᐸᑎᒥᔨᒋ ᐅᑕᓇᔪᐤ ᓂᑦ ᐃᑕᔨᒪᓇᓐ ᒐᒋ ᐅᒋᔅᒐᔨᑕᐧᒃ ᑕᓐ ᒐ ᐃᓯ ‍ ᓴᐧᑯᒋᔨᑎᔨᑕᐧᑯ ᐅᓂᑐᐱᔪᐅ-ᐃᔨᒪ!”
\v 4 ᒋ ‍ ᑕᑈᑐᐛᐤ ᐊᓄᓐ ᒐᒂᔪᐤ ᑲ ‍ ᐃᔅᒋᔄᔨᒋ, ᐊᑯ ᒂ ‍ ᐃᑎᓱᒪᑦ ᐱᔅᒐ ᓂᑐᐱᔪᐅ-ᐃᔪᐛ ᒐᒋ ᒪᑯᓇᔨᒋ ᑎᐱᑕ ᐅᑦ ᐊᐱᒋᐊᑭᓂᔨᐛ ᑭᔭ ᒪᔭᔨᒪᔨᒋ ᒐ ‍ ᒥᓂᓯᒺᔨᒋ ᐅᐱᒪ ᐅᒥᔅᑐᐛᓂᔨᐛ ᑕᑐ ᓇᐸᐛ, ᑭᔭ ᐊᐱᑯᓯᒥᔨᒋ ᔭᓯᒄ ᐅᑦ ‍ ᐊᑯᐱᔨᐛ, ᐊᓂᔭ ᐅᒋ ᒐᒋ ᓄᐅᑯᓯᔨᒋ ᐅᒥᔅᑲᐸᒥᔨᐛ, ᐊᑯ ᒂ ‍ ᒋᑎᓴᐛᒡ᙮
\p
\v 5 ᒋᒋᐛ ᒋᓴᒂᔨᒧᐅᒡ ᐊᓐᒡ ᓇᐸᐅᒡ, ᐊᑯ ᑲᐤ ᓇᒪ ᐅᒋ ᐎ ‍ ᒋᐛᐅᒡ᙮ ᐃᔅᐱ ᑎᐱᑦ ᑲ ᒋᔅᒐᔨᑕᐧᒃ ᑕᓐ ᑲ ‍ ᐃᔅᐱᔨᒋ ᐅᑯᐸᓇᒪ, ᒂ ‍ ᐃᑎᓴᐛᑦ ᐊᐛᔪᐛ ᒐᒋ ᐎᑎᒧᐛᔨᒋ, “ᒐ ‍ ᐃᑕᔭᒄ ᐊᓐᑕ ᒐᕆᑯᐃᒡ ᐸᑐᔅ ᒥᓐ ᒋ ᓂᑕᐅᒋᒂᐛ ᒋ ‍ ᒥᔅᑐᐛᓄᐛᐛ, ᐊᑯ ᑭᔭ ᒐᒋᐛᔭᒄ᙮”
\p
\v 6 ᐊᑯ ᑲ ‍ ᓂᑲᓄᔅᑯᐛᒡ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋ ‍ ᒋᔅᒐᔨᑎᒧᒡ ᓇᔅᒡ ᐊ ‍ ᒪᔭᔨᒪᔨᒋ ᑎᐱᑕ᙮ ᐊᒃ ᒂ ‍ ᐃᑎᓴᐊᒧᐛᒡ ᐱᔅᒐ ᓇᐸᐛ ᒐᒋ ᐅᑎᓇᔨᒋ ᓂᑐᐱᔪᐅ-ᐃᔪᐛ ᐊᓐᑕ ᑯᑎᑲ ᐃᑕᐅᓇ ᐅᒋ ᒐᒋ ᒋᔅᐸᐛᑎᑯᒡ᙮ ᓂᓱᔪᐤ ᑕᑥᐤ ᒐᓯᐱᔪᐤ ‍ (20,000) ᓂᑐᐱᔪᐅ-ᐃᔪᐛ ᒋ ‍ ᐅᑎᓇᐅᒡ ᐊᓐᑕ ᐸᑦ-ᕆᐅᑉ ᑭᔭ ᓱᐸ ᐊᔅᒋᒡ ᐅᒋ ᐸᔅᑕᒋᐛᑎᓄᒡ ᐃᔅᕋᐃᓕᒡ, ᑭᔭ ᓂᓴᑈᐤ ᑕᑥᐤ ᒐᓯᐱᔪᐤ ‍ (12,000) ᓂᑐᐱᔪᐅ-ᐃᔪᐛ ᒋ ‍ ᐅᑎᓇᐅᒡ ᐊᓐᑕ ᑐᑉ ᐊᔅᒋᒡ ᑭᔭ ᐸᐃᒂᐤ ᑕᑥᐤ ᒐᓯᐱᔪᐤ ‍ (1,000) ᐊᓐᑕ ᒪᑲ ᐊᔅᒋᒡ ᒋᓴᐅᒋᒪᐛ ᐅᓂᑐᐱᔪᐅ-ᐃᔨᒥᔨᐛ᙮
\p
\v 7 ᐃᔅᐱ ᐱᔭᑕᐧᒃ ᐅᔭ ᑎᐱᑦ, ᒋ ‍ ᐃᑎᓴᐛᐤ ᒍᐊᐸ ᐊᓯᒡ ᓂᑐᐱᔪᐅ-ᐃᔪᐛ ᒍᐊᐸ ᑲ ᐅᒋᒪᐎᒋ, ᒐᒋ ᒪᓴᐊᔨᒋ᙮
\v 8 ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᓂᑐᐱᔪᐅ-ᐃᔪᒡ ᒂ ‍ ᒋᑐᑕᒡ ᑭᔭ ᐊᔭᔅᑯᐎᔨᓱᒡ ᒐᒋ ᓂᑐᐱᔨᒡ ᐊᓐᑕ ᐃᔎᑕᒥᒡ ᕋᐸᑉ ᐅᑕᓇᒧᐛᒡ᙮
\p
\v 9 ᒂ ‍ ᐛᐱᒪᑦ ᒍᐊᑉ ᑲ ‍ ᐱᒂᓱᐛᔨᒋ ᓂᑐᐱᔪᐅ-ᐃᔪᐛ ᐊᓐᑕ ᓂᑲᓄᒡ ᑭᔭ ᐅᑕᒡ ᐊ ‍ ᑕᔨᒋ ᐅᓂᑐᐱᔪᐅ-ᐃᔨᒪ᙮ ᐊᑯ ᒂ ‍ ᐅᑎᓇᑦ ᐱᔅᒐ ᑲ ‍ ᐱᑯᑕᔨᒋ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᒂ ‍ ᑎᔭᑦ ᐊᔭᔅᑯᐛᔭᑦ ᒐᒋ ᒪᓴᐊᔨᒋ ᓯᕆᔭᓪ ᓂᑐᐱᔪᐅ-ᐃᔪᐛ᙮
\v 10 ᒂ ‍ ᐎᔭᔨᒪᑦ ᐅᔅᑕᓴ ᐊᐱᓴᐃᔨᒋ ᒐᒋ ᐅᒋᒪᐎᒋ ᒥᓯᐛ ᑯᑎᑲ ᓂᑐᐱᔪᐅ-ᐃᔪᐛ, ᑭᔭ ᒂ ‍ ᐃᑕᑦ ᒐᒋ ᐊᔭᔅᑯᐎᒋ ᐊᓐᑕ ᓂᑲᓄᒡ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᓂᑐᐱᔪᐅ-ᐃᔪᐛ᙮
\v 11 ᐊᑯ ᒍᐊᑉ ᒂ ‍ ᐃᔅᒋᔄᑦ, “ᐃᔅᐱ ᓯᕆᔭᓪ ᓂᑐᐱᔪᐅ-ᐃᔪᒡ ᐊᑎᑐᐤ ᓱᒋᓯᑥᐛ ᒐᒋ ᓴᐧᑯᒋᔨᒋᒡ, ᒋᑭ ‍ᐎ ‍ ᑎᑯᓯᓄᐅᒡ ᒋᑦ ‍ᐃᔨᒧᐛᐅᒡ ᑭᔭ ᐎᒋᔨᒥᒡ᙮ ᒥᒄ ᐃᔅᐱ ᓂᑐᐱᔪᐅ-ᐃᔪᒡ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ ᐊᑎᑐᐤ ᓱᒋᓯᑥᐛ ᒐᒋ ᓴᐧᑯᒋᐊᑯᒡ, ᒋᑭ ‍ ᓂᑐᐛᐱᒥᑎᓇᓐ ᑭᔭ ᒐ ‍ ᐎᒋᔨᒋᒡ ᒋᑦ ᐃᔨᒥᒡ᙮
\v 12 ᒋᑭ ᐎ ‍ ᓱᒋᓯᓇᓐ, ᑭᔭ ᒐ ‍ᒥᔅᑎ ‍ ᒪᓯᒐᔭᐧᒄ ᒐᒋ ᒋᔅᐸᐛᑕᐧᑯᒡ ᒋᒋ ‍ ᐃᔨᓄᐅᒡ ᑭᔭ ᐅᑕᓇᐛ ᐊᓂᔭ ᑕᐸᔨᑕᐧᒃ ᒋᒋᓴᒪᓂᑐᒥᓐᐤ ᐊᓐ ᐊᔭᒥᐊᔅᑐᐛᐧᒄ᙮ ᓂᑭ ‍ ᓂᑐᑎᒧᐛᐤ ᑎᐸᔨᒋᒐᓱᐤ ᒐᒋ ᐃᑐᑕᐧᒃ ᒐᒂᔪᐤ ᐊᑕᔨᑕᐧᒃ ᒪᔽᔨᒡ᙮”
\p
\v 13 ᐊᑯ ᒍᐊᑉ ᑭᔭ ᐅᓂᑐᐱᔪᐅ-ᐃᔨᒪ ᓂᑲᓐ ᐊᑐᑕᒡ ᒐᒋ ᑯᓯᒂᔨᒧᑐᐛᒡ ᓯᕆᔭᓪ ᓂᑐᐱᔪᐅ-ᐃᔪᐛ, ᑭᔭ ᒂ ‍ ᒋᑎᓯᒥᑯᒡ ᓯᕆᔭᓪ ᓂᑐᐱᔪᐅ-ᐃᔪᐛ᙮
\v 14 ᑭᔭ ᐃᔅᐱ ᐃᔅᐱ ᓂᑐᐱᔪᐅ-ᐃᔪᒡ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ ᐎᔭᐱᒪᒡ ᒐᑎᓯᒧᔨᒋ ᓯᕆᔭᓪ ᓂᑐᐱᔪᐅ-ᐃᔪᐛ, ᒂ ‍ᒋᑎᓯᒪᒡ ᐊᐱᓴᐃᔨᒋ ᑭᔭ ᐅᓂᑐᐱᔪᐅ-ᐃᔨᒥᔨᐛ, ᑭᔭ ᑲᐤ ᒂ ‍ ᐱᑕᐸᔨᑐᒡ ᐅᑕᓇᒡ᙮ ᐊᑯ ᒍᐊᑉ ᐅᓂᑐᐱᔪᐅ-ᐃᔨᒪ ᒂ ‍ ᐳᓂᒡ ᐊᒪᓴᐊᒡ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᓂᑐᐱᔪᐅ-ᐃᔪᐛ, ᑭᔭ ᒍᐊᑉ ᑭᔭ ᐅᓂᑐᐱᔪᐅ-ᐃᔨᒪ ᑲᐤ ᒋᕈᓯᓕᒥᒡ ᒂ ‍ ᐃᑐᑕᒡ᙮
\p
\v 15 ᑲᒋ ᒋᔅᒐᔨᒪᒡ ᓯᕆᔭᓪ ᓂᑐᐱᔪᐅ-ᐃᔪᐛ ᐅᒋᒪᐅᒡ ᐊᒋ ‍ ᓴᐧᑯᒋᔨᑯᒡ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᒋ ‍ ᒪᒧᐅᓇᐅᒡ ᐅᓂᑐᐱᔪᐅ-ᐃᔨᒧᐛᐛ᙮
\v 16 ᐅᒋᓴᐅᒋᒪᒧᐛᐛ, ᐊᑕᑕᓴᕋᔨᒋ, ᒂ ‍ ᐎᓴᒪᔨᒋ ᓯᕆᔭᓪ ᓂᑐᐱᔪᐅ-ᐃᔪᐛ ᑲ ‍ ᐎᒋᔨᒋ ᐊᓐᑕ ᐛᐱᓄᑕᒡ ᔪᐱᕋᑎᔅ ᓯᐱᒡ᙮ ᐊᓚᒻ ᐅᑕᓇᒡ ᒋ ‍ ᒪᒧᐎᔪᐅᒡ᙮ ᓱᐸᑲᔨᒋ ᒋ ‍ ᐅᒋᒪᒧᐅᒡ᙮
\p
\v 17 ᐃᔅᐱ ᐊᓂᔭ ᑎᐱᑦ ᐱᔭᑕᐧᒃ, ᒂ ‍ ᒪᒧᐅᓇᑦ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᑭᔭ ᒂ ‍ ᐊᓱᐛᐊᒡ ᒍᕐᑎᓐ ᓯᐱᔪᐤ, ᑭᔭ ᐊᓚᒥᒡ ᒂ ‍ ᐃᑐᑕᒡ᙮ ᐊᑯᑕ, ᒂ ‍ ᐊᔭᔅᑯᐎᒡ ᓯᕆᔭᓪ ᓂᑐᐱᔪᐅ-ᐃᔪᒡ ᒐᒋ ᓂᑐᐱᔨᒡ, ᑭᔭ ᒂ ‍ ᓂᑐᐱᔨᓇᓄᐅᒡ᙮
\v 18 ᒥᒄ ᓯᕆᔭᓪ ᓂᑐᐱᔪᐅ-ᐃᔪ ᒋ ‍ ᒋᑎᓯᒪᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᓂᔄᐅᑕᒡ ᑕᑐ ᒥᑕᓯᒥᑎᓄᐤ ‍ (700) ᑲ ‍ ᐱᒥᐸᑕᔨᒋ ᐅᑎᑎᐱᑕᐸᓇᔅᑯᐛᐛ ᒋ ‍ ᓂᐸᐊᐅᒡ ᑭᔭ ᓇᐎᔪᐤ ᑕᑥᐤ ᒐᓯᐱᔪᐤ ‍ (40,000) ᑯᑎᑲ ᓂᑐᐱᔪᐅ-ᐃᔪᐛ᙮ ᒋ ‍ ᐅᓯᒂᐅᒡ ᐃᔭᐱᒡ ᓱᐸᑲᔨᒋ, ᐅᒋᒪᒥᔨᐛ, ᑭᔭ ᐊᑯᑕ ᑲ ‍ ᐳᓂᐱᒪᑎᓯᔨᒋ᙮
\v 19 ᐃᔅᐱ ᒥᓯᐛ ᒋᓴᐅᒋᒪᐅᒡ ᐊᑕᑕᓴᕋᔨᒋ ᑲ ‍ ᑎᐸᔨᒥᑯᒡ ᒐᔅᒐᔨᑕᒡ ᐊᒋ ‍ ᓴᐧᑯᒋᔨᑯᒡ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᒂ ‍ ᑐᑕᒡ ᒋᔭᒪᔨᑎᒧᐅᓂᔪᐤ ᐊᓯᒡ ᐃᔅᕋᐃᓪ ᐃᔪᐛ ᑭᔭ ᒂ ‍ ᓂᔅᑯᒧᒡ ᒐᒋ ᐅᑎᓇᒡ ᑎᐱᑕ ᒐ ‍ ᐅᒋᓴᐅᒋᒪᒥᒡ᙮ ᐊᑯ ᒋ ‍ ᑯᔅᑕᒋᐅᒡ ᓯᕆᔭᓪ ᓂᑐᐱᔪᐅ-ᐃᔪᒡ ᒐᒋ ᒥᓐ ᐎᒋᐊᒡ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᓂᑐᐱᔪᐅ-ᐃᔪᐛ᙮
\c 11
\s1 ᑎᐱᑦ ᑲᐎ ᐅᒋ ‍ ᒥᒋᑐᑐᒪᑦ ᐸᑦ-ᓴᐸᔨᒋ
\p
\v 1 ᐊᓐᑕ ᐊᔅᒋᒡ, ᒋᓴᐅᒋᒪᐅᒡ ᒋ ‍ ᐎᒐᐛᐅᒡ ᓂ ᐅᓂᑐᐱᔪᐅ-ᐃᔨᒧᐛᐛ ᓴᑯᓂᔨᒋ ᒐᒋ ᒪᓴᐊᒡ ᐊᓂᔭ ᑲ ‍ ᐱᒂᑎᑯᒡ᙮ ᒥᒄ ᑯᑎᒋᔪᐤ ᐱᐳᓂᔪᐤ, ᓴᑯᓂᔨᒋ, ᓇᒪ ᐅᒋ ᐃᑐᑎᒻ ᐊᓂᔭ ᑎᐱᑦ᙮ ᒥᔅᑯ ᒋᕈᓯᓕᒥᒡ ᒋ ‍ ᐃᑕᐤ, ᑭᔭ ᒋ ‍ ᐃᑎᓴᐛᐤ ᐅᓂᑐᐱᔪᐅ-ᐅᒋᒪᐛ ᒍᐊᐸ ᒐᒋ ᓂᑲᓂᔅᑯᐛᔨᒋ ᓂᑐᐱᔪᐅ-ᐃᔪᐛ᙮ ᐊᑯ ᒍᐊᑉ ᒂ ᐎᒐᐛᑦ ᑯᑎᑲ ᐅᒋᒪᐛ ᑭᔭ ᒥᓯᐛ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮ ᒋ ‍ ᐊᓱᐛᐊᒧᒡ ᒍᕐᑎᓐ ᓯᐱᔪᐤ ᑭᔭ ᒋ ‍ ᓴᐧᑯᒋᐊᐅᒡ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᓂᑐᐱᔪᐅ-ᐃᔪᐛ᙮ ᐊᑯ ᒂ ‍ ᐛᔅᑲᔅᑭᒺᒡ ᐅᑕᓇᒥᔪᐤ ᕋᐸ᙮
\p
\v 2 ᐛᑕᑯᓯᔨᒡ, ᑲᒋ ‍ ᐅᓂᑦ ᑎᐱᑦ ᑲ ‍ ᓂᐸᓯᑦ, ᐃᔅᐱᒥᒡ ᑲ ‍ ᑕᐱᔅᑯᒐᔨᒡ ᐅᒋᓴᐅᒋᒪᐅᒋᐛᐱᒡ ᒋ ‍ ᐱᐸᒧᑕᐤ᙮ ᒂ ᐛᐱᒪᑦ ᐃᔎᐛ ᐊ ‍ ᒋᔅᑕᐳᐎᓱᔨᒋ ᐊᓐᑕ ᐎᐎᑎᒥᒡ ᒋᐱᔎᒡ ᐎᒋᔨᒡ᙮ ᒋᒋᐛ ᒋ ‍ ᒥᔪᔎᐎᔪᐛ ᐃᔎᐛ᙮
\v 3 ᑎᐱᑦ ᒂ ‍ ᐃᑎᓴᐛᑦ ᐅᑯᐸᓇᒪ ᒐᒋ ᓂᑐ ‍ ᒋᔅᒐᔨᒪᔨᒋ ᐊᐛᔪᐛ ᐊᓂᔭ ᐃᔭᐅᔨᒋ᙮ ᑲᐤ ᒋ ‍ ᑎᑯᓯᓂᔨᐛ ᐊᐱᒋᐊᑭᓇ ᑭᔭ ᒂ ‍ ᐃᔅᒋᔄᔨᒋ, “ᐸᑦ-ᓴᐸ ᐊᓐ᙮ ᐊᓕᐊᒻ ᐅᑕᓂᓴ, ᑭᔭ ᔪᕆᐃᐊ ᐃᓯᓂᐧᑲᓱᔪᐛ ᐎᒋᒪᑭᓇ, ᐊᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ᙮
\p
\v 4 ᐊᑯ ᑎᐱᑦ ᐊᑎᑐᐤ ᑯᐸᓇᓴ ᐊᑎᓴᐛᒧᑦ ᐃᔎᐛ᙮ ᒂ ‍ ᐸᑐᐛᒡ ᑎᐱᑕ, ᑭᔭ ᒂ ‍ ᐎᐸᒪᑦ ᑎᐱᑦ᙮ (ᐊᓄᒋᒐ ᒋ ‍ ᓂᑭᑎᑯᐤ ᒥᐧᑯᔪᐤ) ᐊᑯ ᑲᐤ ᒂ ‍ ᒋᐛᑦ ᐸᑦ-ᓴᐸ᙮
\v 5 ᒥᒄ ᓇᓇᒐ, ᒂ ‍ ᒋᔅᒐᔨᑕᐧᒃ ᐊᑭᓄᐛᔨᒪᐅᓱᑦ᙮ ᐊᑯ ᒂ ‍ ᐃᑎᓴᐊᒧᑦ ᑯᐸᓇᐛ ᑎᐱᑕ ᒐᒋ ᐎᑎᒧᐛᔨᒋ ᐊᑭᓄᐛᔨᒪᐅᓱᑦ᙮
\p
\v 6 ᐊᑯ ᑎᐱᑦ ᐊᑎᓴᐊᒧᐛᑦ ᒍᐊᐸ ᐃᔨᒧᐅᓂᔪᐤ᙮ ᒋ ‍ ᐃᑕᐤ, “ᐸᑎᓴᐤ ᔪᕆᐃᐊ ᐊᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ᙮” ᐊᐅᑯᓐ ᑲ ‍ ᐃᑎᑦ ᒍᐊᑉ᙮ ᒂ ‍ ᐃᑎᓴᐛᑦ ᑎᐱᑕ ᐊ ‍ ᑕᔨᒋ ᔪᕆᐃᐊᔨᒋ᙮
\v 7 ᐃᔅᐱ ᑲ ‍ ᑎᑯᓯᐧᒃ, ᑎᐱᑦ ᒋ ‍ ᑭᒂᒋᒪᐤ ᒪᔪᐱᔨᒂᓂᐃ ᒍᐊᐸ, ᑭᔭ ᑯᑎᑲ ᓂᑐᐱᔪᐅ-ᐃᔪᐛ ᒪᔪᐱᔨᒂᓂᐃ, ᑭᔭ ᑕᓐ ᐊ ‍ ᐃᔅᐱᔨᒡ ᐊ ‍ ᓂᑐᐱᔨᓇᓄᐎᔨᒡ᙮
\v 8 ᐊᑯ ᑎᐱᑦ, ᐊᔅᐸᔨᒧᑦ ᒐᒋ ᒋᐛᔨᒋ ᔪᕆᐃᐊᔨᒋ ᑭᔭ ᐎᐸᒪᔨᒋ ᐎᐎᔪᐛ, ᒂ ‍ ᐃᑕᑦ ᔪᕆᐃᐊᔨᒋ᙮ “ᒋᐛᒪ ᑭᔭ ᒐ ‍ ᐊᔅᑕᔭᔅᑯᓯᔨᓐ ᐛᔨᐱᓯᔅ” ᐊᑯ ᔪᕆᐃᐊ ᒂ ‍ ᒋᑐᑕᑦ, ᑭᔭ ᑎᐱᑦ ᒂ ‍ ᒥᔭ ᐊᐛᔪᐛ ᐱᔅᒐ ᒥᒋᒻ ᒥᔨᐛᐅᓂᔪᐤ ᒐᒋ ᐃᑐᑕᔨᒋ ᐊᓐᑕ ᔪᕆᐃᐊᔨᒋ ᐎᒋᔨᒡ᙮
\v 9 ᒥᒄ ᓇᒪ ᐅᒋ ᒋᐛᐤ ᔪᕆᐃᐊ᙮ ᒥᔅᑯᒡ ᐛᒋ ‍ ᐱᒐᓄᐎᔨᒡ ᒋᓴᐅᒋᒪᐅᒋᐛᐱᔪᐤ ᐊᑯᑕ ᑲᓂᐸᑦ ᐊᓐᑕ ᑲᓂᐸᔨᒋ ᑲ ‍ ᓂᓇᑭᑐᐛᔨᑎᒥᔨᒋ ᒋᓴᐅᒋᒪᐛ ᑎᐱᑕ ᐅᒋᓴᐅᒋᒪᐅᒋᐛᐱᔪᐤ᙮
\p
\v 10 ᐃᔅᐱ ᐛᑎᒧᐛᑦ ᐊᐛᓐ ᑎᐱᑕ ᐊ ᐊᑲ ᐅᒋ ᒋᐛᔨᒋ ᔪᕆᐃᐊᔨᒋ ᐊ ᓂᔭ ᑕᐱᔅᑲᔨᒡ, ᑎᐱᑦ ᒥᓐ ᒋ ‍ ᐎᓴᒪᐤ ᑭᔭ ᐊᑕᑦ, “ᒐᒂᓐ ᐛᒋ ᐊ ᐊᑲ ᐅᒋ ᒋᐛᔨᓐ ᒐᒋ ᑕᔨᓐ ᐊᑕᑦ ᒋᐅ ᑕᐱᔅᑲᒡ, ᓇᐅᔅ ᐊ ᐊᑲ ᐅᒋ ᑕᔨᓐ ᑲᔅᑐᑕᔨᓐ?”
\p
\v 11 ᔪᕆᐃᐊ ᒂ ‍ ᐃᑕᑦ, “ᐎᒍᐅᒡ ᒍᑕ ᑭᔭ ᐃᔅᕋᐃᓪ ᓂᑐᐱᔪᐅ-ᐃᔪᒡ ᐊᓐᑕ ᒧᓴ ᓂᑕᐅᒋᒋᑭᓂᒡ, ᑭᔭ ᐃᔭᐱᒡ ᐊᓐ ᑲ ‍ ᓂᑲᓂᔅᑯᐛᑦ ᓂᑐᐱᔪᐅ-ᐃᔪᐛᒡ ᒍᐊᑉ ᐱᒋᐎᔭᓂᒋᐛᐱᒡ ᓂᐸᐤ, ᑭᔭ ᐊᑕᒡ ᐊᓐᑕ ᑎᑯᓂᔪᐤ ᐸᔭᒋ ᒥᐅᑎᔪᐤ᙮ ᓇᒪ ᐃᓯᓇᑯᓐ ᒐᒋ ᒋᐛᔭᓐ, ᒐᒋ ᒥᒋᓱᔭᓐ, ᑭᔭ ᒐᒋ ᒥᓂᔭᓐ, ᑭᔭ ᒐᒋ ᐎᐸᒥᒄ ᓂᐅ᙮ ᓂ ᒋᒋ ‍ ᐊᓱᑎᒪᒐᓐ ᒐ ᐊᑲ ᓂᑕ ᑐᑎᒪᓐ ᐊᓐ ᒐᒂᓐ!”
\p
\v 12 ᐊᑯ ᑎᐱᑦ ᐊᑕᑦ ᔪᕆᐃᐊᔨᒋ, “ᐃᑕ ᐅᑕ ᐊᓄᒡ, ᒋᑭ ᓇᐊᔨᒥᑎᓐ ᒐᒋ ᑲᐤ ᐃᑐᑕᔨᓐ ᓇᑕ ᓇᑐᐱᔨᓇᓄᐅᒡ ᐛᐸᒐ᙮” ᐊᑯ ᔪᕆᐃᐊ ᒋᕈᓯᓕᒥᒡ ᒋ ‍ ᐃᑕᐤ ᐊᓂᔭ ᒐᓯᑲᔨᒡ ᑭᔭ ᑕᐱᔅᑲᔨᒡ᙮
\v 13 ᒥᓐ ᐎᔭᐱᓂᔨᒡ, ᑎᐱᑦ ᒋ ‍ ᓂᑐᒪᐤ ᒐᒋ ᓂᒋ ‍ ᒥᒋᓱᔨᒋ᙮ ᐊᑯ ᔪᕆᐃᐊ ᒂ ‍ ᐎᒋ ‍ ᒥᒋᓱᒪᑦ ᑎᐱᑕ, ᑭᔭ ᑎᐱᑦ ᒋ ‍ ᑐᑐᐛᐤ ᒐᒋ ᒥᔅᑎ ‍ ᒥᓂᔨᒋ ᑲᒥᒂᑭᒥᔨᒡ ᐊᑯ ᒪᒃ ᒐᒋ ᒋᔎᐸᔨᒋ, ᑭᔭ ᐊᔅᐸᔨᒧᑦ ᐃᔅᐱ ᒋᔎᐸᔨᒐ, ᒋᐸ ‍ ᐎᐸᒪᔪᐛ ᐎᐎᔪᐛ᙮ ᒥᒄ ᐊᓂᔭ ᑕᐱᔅᑲᔨᒡ, ᔪᕆᐃᐊ ᒥᓐ ᓇᒪ ᐅᒋ ᒋᐛᐤ᙮ ᒥᔅᑯᒡ ᐊᔅᐱᓱᒥᓂᒡ ᒋᓂᐸᐤ ᐊᐃᔅᒡ ᒋᓴᐅᒋᒪᐛ ᐅᑯᐸᓇᒥᔨᐛ᙮
\p
\v 14 ᒋ ‍ ᐎᑎᒧᐛᐤ ᐊᓂᔭ ᐊᐛᓐ ᑎᐱᑕ, ᐊᑯ ᒥᓐ ᒋᔭᒋᓴᐸᔭᔨᒡ ᒋ ‍ ᒥᓯᓇᐊᒧᐛᐤ ᒍᐊᐸ, ᑭᔭ ᒂ ‍ ᒥᔭᑦ ᔪᕆᐃᐊᔨᒋ ᒐᒋ ᐃᑐᑐᐛᔨᒋ ᒍᐊᐸ᙮
\v 15 ᐊᓐᑕ ᒥᓯᓇᐃᑭᓂᒡ, ᒋ ‍ ᐃᑎᔅᑕᐤ, “ᓂᑲᓄᒡ ᒐ ‍ ᑎᔨᑦ ᔪᕆᐃᐊ, ᐊᓐᑕ ᐃᔭᒂᑕᔨᑕᑯᓂᔨᒡ ᐊ ‍ ᓂᑐᐱᔨᓇᓄᐎᔨᒡ᙮ ᐊᑯ ᒐ ‍ ᐃᑎᓱᒥᑥᐤ ᓂᑐᐱᔪᐅ-ᐃᔪᒡ ᒐᒋ ᓴᐎᒡ ᐊ ‍ ᑕᔨᒋ ᐅᒋ, ᐊᑯ ᒪᒃ ᒐᒋ ᓂᐸᐊᔨᑯᑦ ᑲ ‍ ᐱᒂᑎᔨᑕᐧᑯ᙮”
\p
\v 16 ᑲᒋ ᑲᔅᑎᓇᐧᒃ ᒍᐊᑉ ᒥᓯᓇᐃᑭᓂᔪᐤ, ᒪᒂᒡ ᐅᓂᑐᐱᔪᐅ-ᐃᔨᒪ ᑲᐛᔅᑲᔅᑭᒥᔨᒋ ᐅᑕᓇᔪᐤ, ᒋ ‍ ᐃᑎᓴᐛᐤ ᔪᕆᐃᐊᔨᒋ ᐊᓐᑕ ᑲ ‍ ᒋᔅᒐᔨᑕᐧᒃ ᐊᓂᔭ ᑲ ᐱᒂᑎᑯᒡ ᑲ ‍ᐅᒋ ‍ ᓱᒋᔨᒋ ᑭᔭ ᓇᔅᒡ ᑲᐱᑯᑕᔨᒋ ᓂᑐᐱᔪᐅ-ᐃᔪᐛ ᒐ ‍ ᒪᓯᒐᔨᒋ᙮
\v 17 ᐊᓐᒡ ᐅᑕᓇᒡ ᓇᐸᐤ ᒋ ᐸᒋ ‍ ᐎᐎᔪᒡ ᑭᔭ ᒥᔭᓴᐊᒡ ᒍᐊᐸ ᐅᓂᑐᐱᔪᐅ-ᐃᔨᒥᔨᐛ᙮ ᒋ ‍ ᓂᐸᐅᒡ ᐱᔅᒐ ᑎᐱᑕ ᓂᑐᐱᔪᐅ-ᐃᔨᒥᔨᐛ, ᐊᓯᒡ ᔪᕆᐃᐊᔨᒋ᙮
\p
\v 18 ᐊᑯ ᒍᐊᑉ ᐊᑎᓴᐊᒧᐛᑦ ᑎᐱᑕ ᐊᐱᒋᐊᑭᓇ ᒐᒋ ᐛᐎᑎᒧᐛᑦ ᐊᓂᔭ ᑲ ‍ ᒪᓯᒐᓄᐎᔨᒡ᙮
\v 19 ᒋ ‍ ᐃᑕᐤ ᐊᓂᔭ ᐊᐱᒋᐊᑭᓇ, “ᒐ ‍ ᐎᑎᒧᐅᑦ ᑎᐱᑦ ᐃᔨᒧᐅᓂᔪᐤ ᐊᓂᑐᐱᔨᓇᓄᐎᔨᒡ᙮ ᒋ ᐃᓯ ‍ ᐎᑎᒧᐅᑕ ᐊᓂᔭ,
\v 20 ᒋᔄᐱᒐ ᑎᐱᑦ ᐛᔅ ᒥᒐᑦ ᑲ ‍ ᓂᐸᐊᑭᓄᐎᒋ ᐅᒋᒪᐛ, ᒋᐸ ᒋ ‍ ᑭᒂᒋᒥᒄ, ‘ᒐᒂᔪᐤ ᐛᒋ ‍ ᐃᑐᑕᒡ ᒋᓂᑐᐱᔪᐅ-ᐃᔨᒥᒡ ᓇᔅᒡ ᒥᒋᒪ ᐅᑕᓇᒡ ᒐᒋ ᒪᓯᒐᒡ? ᒋ ᒋᔅᒐᔨᑕᓇᐛᐤ ᐊ ᒐ ᐱᒧᑎᒂᑕᑯᒡ ᒪᒂᒡ ᐊᓂᐳᐅᐛᐧᒄ ᐊᓐᑕ ᑕᐧᑯᒡ ᑲ ‍ ᐛᔅᑲᑲᐳᔨᒡ ᐅᑕᓇᒡ?
\v 21 ᓇᒪ ᓇ ᒋ ‍ ᒋᔅᒋᑐᐛᐛᐤ ᑕᓐ ᐊᐱᒪᓚᒃ, ᑭᑎᐊᓐ ᐅᑯᓴ, ᑲ ᐃᓯ ‍ ᓂᐸᐊᑭᓄᐅᑦ? ᐃᔎᐤ ᐊᓐᑕ ᑲ ᐎᒋᑦ ᑕᐸᓯᒡ ᐊᒥᒐᐱᓯᔨᒋ ᒋ ‍ ᐱᒺᐤ ᐊᓯᓂᔪᐤ ᐊᓐᑕ ᑲᑎᒂᔨᑭᓄᐎᒋ ᐸᒂᓯᑭᓂᒥᓇ ᐊᓐᑕ ᑕᐧᑯᒡ ᐊᓱᐛᐳᐅᒋᐛᐱᒡ ᐅᒋ, ᑭᔭ ᒂ ‍ ᐳᓂᐱᒪᑎᓯᑦ᙮ ᐊᑯ ᒐᒂᓐ ᐛᒋ ‍ ᐃᑐᑕᒡ ᒋᓂᑐᐱᔪᐅ-ᐃᔨᒥᒡ ᒥᒋᒪ ᐊᓐᑕ ᑲ ‍ ᐛᔅᑲᑲᐳᔨᒡ ᐅᑕᓇᔪᐤ? ᑭᒂᒋᒥᔅᒐ ᐅᔭ ᒋᓴᐅᒋᒪᐤ, ᐊᑯ ᒐ ‍ ᐎᑎᒧᐅᑦ, ᒋᑯᐸᓇᒻ ᔪᕆᐃᐊ ᐃᔭᐱᒡ ᒋ ‍ ᓂᐸᐊᑭᓄᐅ᙮’~”
\p
\v 22 ᐊᑯᒂ ‍ ᒋᑐᑕᑦ ᐊᐱᒋᐊᑭᓐ ᑭᔭ ᐛᑎᒧᐛᑦ ᒥᓯᐛ ᒐᒂᔪ ᑲ ‍ ᐃᑎᑯᑦ ᒍᐊᐸ ᒐ ‍ ᐃᔅᒋᔄᑦ᙮
\v 23 ᐊᐱᒋᐊᑭᓐ ᒋ ‍ ᐃᑕᐤ ᑎᐱᑕ, “ᑲᐱᒂᑎᑕᐧᑯᒡ ᒋᒋᐛ ᓱᒋᑕᐅᒡ, ᑭᔭ ᒂ ᐸᒋ ‍ ᐎᐎᒡ ᐅᑕᓇᒡ ᒐᒋ ᒪᓯᔨᒥᒡ ᐊᓐᑕ ᓂᑕᐅᒋᒋᑭᓂᒡ᙮ ᓂᒋ ‍ ᓴᐧᑯᒋᔨᑯᓇᓐᒡ ᒥᒄ ᑲᐤ ᐅᑕᓇᒡ ᐃᔎᑕᒥᒡ ᓂᒋ ‍ ᐃᑎᔅᑯᐛᓇᓐᒡ᙮ ‍ 
\v 24 ᐊᑯ ᐊᒐᐱᔭ ᑲ ‍ ᐊᐱᒋᐊᐅᒋ ᒂ ‍ ᐱᒧᑎᒂᓯᔨᒥᒡ ᐊᓐᑕ ᑕᐧᑯᒡ ᑲ ‍ ᐛᔅᑲᑲᐳᔨᒡ ᐅᑕᓇᔪᐤ ᐅᒋ᙮ ᐱᔅᒐ ᒋᑯᐸᓇᒪ ᒋ ‍ ᓂᐸᐊᐅᒡ᙮ ᐃᔭᐱᒡ ᒋᑯᐸᓇᒪ ᔪᕆᐃᐊᔨᒋ ᒋ ‍ ᓂᐸᐊᐅᒡ᙮”
\p
\v 25 ᑎᐱᑦ ᒂ ‍ ᐃᑕᑦ ᐊᐱᒋᐊᑭᓇ, “ᑲᐤ ᓂᑐᐛᐱᒪ ᒍᐊᑉ ᑭᔭ ᒐ ‍ ᐃᑎᑦ, ᐊ ᐊᑲ ᓂᓇᐧᑲᑕᔨᑕ ᑕᓐ ᑲ ‍ ᐃᔅᐱᔨᒡ, ᐛᔅ ᓇᒪ ᐊᐛᓐ ᒋᔅᒐᔨᑎᒻ ᐊᐛᔪᐛ ᒐ ‍ ᓂᐸᐊᑭᓄᐎᒋ ᐊᓂᑐᐱᓇᓄᐎᔨᒡ᙮’ ᒐ ‍ ᐎᑎᒧᐅᑦ ᐃᔅᐱ ᒥᓐ ᒋᐸ ᑯᓯᒂᔨᒧᑎᒥᔨᐛ ᐊᓂᑐᐱᔪᐅ-ᐃᔨᒪ ᐅᑕᓇᔪᐤ ᐊᑎᑐᐤ ᓯᒋᓯᐅᓂᒡ, ᑭᔭ ᒋᐸ ‍ ᒪᑯᓂᒥᔨᐛ᙮”
\p
\v 26 ᐃᔅᐱ ᔪᕆᐃᐊ ᐎᔪᐛ ᐸᑦ-ᓴᐸ ᐱᔭᑕᐧᒃ ᑲ ‍ ᐳᓂᐱᒪᑎᓯᔨᒋ ᐎᒋᒪᑭᓇ, ᒋ ‍ ᓇᓇᐧᑲᒋᒧᐤ ᐎᒋᒪᑭᓇ ᐅᒋ᙮
\v 27 ᐃᔅᐱ ᐸᑦ-ᓴᐸ ᑲ ‍ ᐳᓂᐱᔨᒡ ᐊ ‍ ᓇᓇᐧᑲᒋᒧᑦ, ᑎᐱᑦ ᒋ ‍ ᐃᑎᓴᐛᐤ ᐊᐱᒋᐊᑭᓇ ᒐᒋ ᐸᓱᐛᑭᓄᐎᒋ ᐊᓐᑕ ᐅᒋᓴᐅᒋᒪᐅᒋᐛᐱᒡ᙮ ᑎᐱᑦ ᒂ ‍ ᐎᐅᑦ ᐸᑦ-ᓴᐸᔨᒋ᙮ ᓇᓇᒐ ᒂ ‍ ᐛᐱᒪᐅᓱᑦ ᓇᐸᓴ᙮ ᒥᒄ ᑎᐸᔨᒋᒐᓱᐤ ᒋᒋᐛ ᓇᒪ ᐅᒋ ᒥᔽᔨᑎᒻ ᒐᒂᔪᐤ ᑲ ‍ ᑐᑎᒥᔨᒋᒻ ᑎᐱᑕ᙮
\c 12
\s1 ᓇᐃᑎᓐ ᒋ ‍ ᒋᑐᑕᐤ ᑎᐱᑕ
\p
\v 1 ᑎᐸᔨᒋᒐᓱᐤ ᒋ ‍ ᐎᑎᒧᐛᐤ ᐅᒋᔅᒋᐛᐃᒐᓱᐛ ᓇᐃᑎᓇ ᒐᒂᔪ ᑲ ‍ ᑐᑎᒥᔨᒋ ᑎᐱᑕ, ᑭᔭ ᒂ ‍ ᐃᑎᓴᐛᑦ ᓇᐃᑎᓇ ᒐᒋ ᐎᑎᒧᐛᔨᒋ ᐅᔭ ᑎᐸᒋᒧᐅᓂᔪᐤ ᑎᐱᑕ: “ᓂᒋ ‍ ᐸᑕᓐ ᓂᓱ ᓇᐸᐅᒡ ᑲ ‍ ᐎᒋᒡ ᐊᓐᑕ ᐸᐃᒄ ᐅᑕᓇᔪᐤ᙮ ᐸᐃᒄ ᐊᓐ ᓇᐸᐤ ᒋ ‍ ᐛᔪᑎᓯᐤ ᑭᔭ ᑯᑎᒃ ᐊᓐ ᒋ ‍ ᒋᑎᒪᑎᓯᐤ᙮
\v 2 ᒋ ‍ ᒥᒐᑎᔨᐛ ᐅᒥᒋᑎᐧᑯᒪ ᑭᔭ ᐅᒪᔭᑕᓂᓯᒪ ᐊᓐ ᑲ ‍ ᐛᔪᑎᓯᑦ ᓇᐸᐤ᙮
\v 3 ᒥᒄ ᐊᓐ ᑲ ‍ ᒋᑎᒪᑎᓯᑦ ᓇᐸᐤ ᒋ ᐸᐃᑯᓯᔨᐛ ᓄᓴ ᒪᓂᔅᒐᓂᓴ ᑲᑭᓄᐛᔨᒪᑦ, ᐊᓂᔭ ᑲ ‍ ᐃᔭᐛᑦ᙮ ᒋ ‍ ᐱᒥᓇᐤ ᐊᓂᔭ ᒪᓂᔅᒐᓂᓴ, ᑭᔭ ᒂ ‍ ᐅᐱᒋᔨᒋ ᐊᓯᒡ ᐅᑦᐊᐛᓯᒪ᙮ ᐱᔅᒐ ᐅᒥᒋᒻ ᒋ ‍ ᐊᓯᒪᐤ ᒪᓂᔅᒐᓂᓴ, ᑭᔭ ᒋ ‍ ᒥᔭᐤ ᒐᒋ ᒥᓂᔨᒋ ᐅᒥᓂᒂᑭᓂᒡ ᐅᒋ᙮ ᒋ ‍ ᒥᔭᐤ ᒪᓂᔅᒐᓂᓴ ᒐᒋ ᓂᐸᔨᒋ ᐅᔅᐱᑐᓂᒡ᙮ ᒧᔭᒻ ᐅᑕᓂᓴ ᒋ ‍ ᐃᑕᔨᒪᐤ ᐊᓂᔭ ᒪᓂᔅᒐᓂᓴ᙮
\p
\v 4 ᐸᐃᒂᐤ ᒐᓯᑲᔨᒡ, ᑲᒧᐱᔅᑦ ᒋ ᓇᒋ ‍ ᒧᔅᐱᑐᐛᐤ ᑲ ‍ ᐛᔪᑎᓯᔨᒋ ᓇᐸᐛ᙮ ᐊᓐ ᑲ ‍ ᐛᔪᑎᓯᑦ ᓇᐸᐤ ᓇᒪ ᐅᒋ ᐎᐅᑎᓇᐤ ᐸᐃᒄ ᑎᐱᔨᐤ ᐅᑦ ᐊᐛᓯᓯᒪ ᒐᒋ ᓂᐸᐊᑦ ᒐᒋ ᐊᓯᒪᑦ ᑲᒧᐱᓯᔨᒋ᙮ ᐊᑯ ᒥᔅᑯᒡ, ᒂ ‍ ᒋᒧᑎᒧᐛᑦ ᑲᒋᔅᑎᒪᑎᓯᔨᒋ ᐅᒪᓂᔅᒐᓂᓯᒥᔨᐛ ᑭᔭ ᒂ ‍ ᓂᐸᔨᒪᑦ, ᐊᔭᔅᑯᑐᐛᑦ ᒐᒥᒋᓱᔨᒋ ᑲᒧᐱᓯᔨᒋ᙮”
\p
\v 5 ᐃᔅᐱ ᑎᐱᑦ ᐱᔭᑦᐧᒃ ᐅᔭ, ᒋᒋᐛ ᒋ ‍ ᒋᓱᐛᐳᐤ ᑕᓐ ᑲ ‍ ᐃᑎᔨᒋ ᑲᐛᔪᑎᓯᔨᒋ ᓇᐸᐛ᙮ ᒂ ‍ ᐃᑕ ᓇᐃᑎᓇ, “ᓂ ᒋᒋ ‍ ᐊᓱᑎᒪᒐᓐ ᒋᐸ ᓂᐸᐊᑭᓄᐅ ᐊᓐ ᓇᐸᐤ ᐅᔭ ᑲ ‍ ᐃᑐᑕᐧᒃ !
\v 6 ᒥᒄ ᐊᒺᔭ ᓂᐸᐊᑭᓄᐅᑦ, ᑲᐤ ᒋᐸ ‍ ᒋᓯᐧᑯᐛᐤ ᓇᐤ ᒪᓂᔅᒐᓂᓴ ᑲᒋᔅᑎᒪᑎᓯᔨᒋ ᓇᐸᐛ ᐅᔭ ᑲ ‍ ᐃᑐᑕᐧᒃ, ᑭᔭ ᐛᔅ ᐊ ᐊᑲ ᒋᑎᒪᒐᔨᒪᑦ ᐊᓂᔭ ᑲᒋᔅᑎᒪᑎᓯᔨᒋ ᓇᐸᐛ᙮”
\p
\v 7 ᓇᐃᑎᓐ ᒂ ‍ ᐃᑕᑦ ᑎᐱᑕ, ᒋᔾ ᐅ ᓇᐸᐤ ᑲ ‍ ᐃᔭᔨᒧᒥᑕ! ᑭᔭ ᐊᐅᑯᔪᐤ ᒐᒂᔪᐤ ᑎᐸᔨᒋᒐᓱᐤ, ᓂᓇᓐ ᐃᔅᑕᐃᓪ ᐃᔪᒡ ᐊᔭᒥᐊᔅᑐᐅᒋᒡ, ᐊ ‍ ᐃᑎᔅᒃ: ‘ᒋᒋ ‍ ᐅᑎᓂᑎᓐ ᒐᒋ ᒋᓴᐅᒋᒪᐎᔨᓐ ᐃᔅᕋᐃᓕᒡ, ᑲᒋ ‍ ᐱᐧᑯᐎᔨᑕᓐ ᓴᓪ ᐅᒋ᙮
\v 8 ᒋᒋ ‍ ᒥᔨᑐᐛᓐ ᐅᒋᓴᐅᒋᒪᐅᒋᐛᑉ ᑭᔭ ᐎᔪᐛ᙮ ᒋᒋ ᑐᑕᑎᓐ ᒋᓴᐅᒋᒪᐎᓐ ᒐᒋ ᑎᐸᔨᑎᒥᓐ ᐃᔅᕋᐃᓪ ᑭᔭ ᒍᑕ᙮ ᐃᔅᐱ ᒋ ‍ ᐎᑎᒧᐎᓇᒂᐤ ᐊ ᐊᑲ ᐅᒋ ᒥᔽᔨᑎᒥᓐ ᑕᓐ ᑲ ‍ᐃᓯ ‍ ᒥᔨᑕᓐ, ᓂᔄᐤ ᒋᐸ ᐃᔅᐱᔅ ᒥᔨᑎᓇᐱᓐ!
\v 9 ᐊᑯ ᒐᒂᓐ ᐛᒋ ‍ ᐱᔽᔨᑎᒥᓐ ᓂᑦ ᐃᑎᓱᐛᐅᓇ ᐊᓐ ᐊᐱᒂᑎᓯᓇᓄᐅᒡ? ᒋᒋ ‍ ᐃᑐᑕᓐ ᐊᓐ ᐊᑕᔨᑎᒪᓐ ᓇᔅᒡ ᐊ ‍ ᒪᔭᑎᒡ! ᒋᒋ ‍ ᐃᑎᓱᐛ ᒐᒋ ᓂᐸᔨᑯᑦ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᓂᑐᐱᔪᐅ-ᐃᔨᒥᔨᐛ ᔪᕆᐃᐊ ᐊᓂᑐᐱᔨᓇᓄᐎᒡ, ᑭᔭ ᒋᒋ ‍ ᐅᑎᓂᒪᐛ ᐎᐛ ᒐᒋ ᐎᐎᔨᓐ!
\v 10 ᒋᒋ ‍ ᐱᔽᔨᒥᓐ, ᑭᔭ ᒋᒋ ‍ ᐅᑎᓂᒪᐛ ᔪᕆᐃᐊ ᐎᐛ ᒐᒋ ᐎᐎᔨᓐ᙮ ᐊᑯ ᒥᒐᑦ ᒐ ᐊᓂᔅᒐ ᐱᒪᑎᓯᓇᓄᐅᒡ ᐱᔅᒐ ᒋᑦ ᐊᓂᔅᑯᑕᐸᓐᒡ ᐊᒂᑎᓯᐅᓂᒡ ᒋᑭ ‍ ᐱᓂᐱᒪᑎᓯᐅᒡ᙮
\v 11 ᓇᔅᒡ ᑕᑈ ᒋ ‍ ᐎᑎᒪᑎᓐ ᓂᑭ ‍ ᑐᑐᐛᐤ ᐊᐛᓐ ᐊᓐᑕ ᐊᐸᐃᑯᔅᑲᓇᓯᔨᓐ ᒐ ‍ ᐅᔅᑕᐱᔨᔅᒃ᙮ ᓂᑭ ‍ ᐅᑎᓇᐅᒡ ᒋᐅᒡ ᑭᔭ ᐎᔾ ᓂᑭ ‍ ᒥᔭᐤ, ᑭᔭ ᒋᑭ ‍ ᐎᐸᒪᐤ ᒐᓯᑲᔨᒋ, ᐊᓐᑕ ᒥᓯᐛ ᐊᐛᓐ ᒐ ‍ ᐛᐱᒪᑦ, ᑭᔭ ᒥᓯᐛ ᒋᑭ ‍ ᒋᔅᒐᔨᑕᓐ᙮
\v 12 ᐊᓐ ᒐᒂᓐ ᑲ ‍ ᐃᑐᑎᒥᓐ, ᒋᒧᑦ ᒋᒋ ‍ ᐃᑐᑕᓐ, ᒥᒄ ᓂᑭ ‍ ᐃᑐᑦᔅᓐ ᒐᒋ ᐃᔅᐱᔨᒡ, ᒥᓯᐛ ᐊᐛᓐ ᐃᔅᕋᐃᓕᒡ ᒋᑭ ᒋ ‍ ᐛᐸᑎᒻ ᑭᔭ ᒪᒃ ᒋᔅᒐᔨᑎᒻ᙮”
\p
\v 13 ᑎᐱᑦ ᒂ ‍ ᐃᑕᑦ, “ᓂᒋ ‍ ᒥᒋ ‍ ᑐᑐᐛᐤ ᑎᐸᔨᒋᒐᓱᐤ᙮” ᓇᐃᑎᓐ ᒂ ‍ ᐃᑕᑦ ᑎᐱᑕ, “ᒋᒋ ‍ ᐛᐸᔨᑎᒪᒄ ᑎᐸᔨᒋᒐᓱᐤ ᒋ ‍ ᒥᒋᑥᐅᓂᔪᐤ: ᓇᒪ ᒋᑭ ‍ ᐳᓂᐱᒪᑎᓯᓐ ᐛᔅ ᐊᓐ ᒋ ‍ ᒥᒋ ‍ ᑐᑎᒧᐅᓐ᙮
\v 14 ᒥᒄ, ᒋᒋ ‍ ᐛᐸᑎᔭᐤ ᒪᔭᔨᒐᐅᓂᔪᐤ ᐅ ᑲ ‍ ᐃᑐᑎᒥᓐ᙮ ᐊᑯ, ᒋᑭ ‍ ᐳᓂᐱᒪᑎᓯᐤ ᒋᑯᔅ᙮”
\p
\v 15 ᐊᑯ ᓇᐃᑎᓐ ᒂ ‍ ᒋᐛᑦ
\s1 ᑲ ‍ ᐳᓂᐱᒪᑎᓯᔨᒋ ᑎᐱᑦ ᐅᑯᓴ
\v 16 ᐊᑯ ᑎᐱᑦ ᒂ ‍ ᓂᑐᑎᒧᐛᑦ ᒋᓴᒪᓂᑐᐛ ᒐ ᐊᑲ ᐳᓂᐱᒪᑎᓯᔨᒋ ᐊᐛᓴ᙮ ᓇᒪ ᐅᒋ ᐅᑎᓂᒻ ᒥᒋᒥᔪᐤ, ᑭᔭ ᒂ ‍ ᐃᑐᑕᒃ ᑲᐱᔅᒋᒐᔭᔨᒡ ᐊᓐᑕ ᑲ ‍ ᓂᐸᑦ ᑭᔭ ᐃᔅᑭᓐ ᑎᐱᔅᑲᐛ ᒋ ‍ ᐱᒥᓯᓐ ᒧᔅᑎᑎᒡ᙮
\v 17 ᒥᓐ ᒋᔭᒋᓴᐸᔭᔨᒡ ᒋ ‍ ᐛᔅᑲᔅᑲᑯ ᐅᑯᐸᓇᒪ ᑭᔭ ᒋ ‍ ᓯᒋᒥᑯᐤ ᒐᒋ ᐱᓯᑯᑦ᙮ ᒥᒄ ᓇᒪ ᐅᒋ ᐎ ‍ ᐱᓯᑯᐤ, ᑭᔭ ᓇᒪ ᐅᒋ ᐎ ᐎᒋ ‍ ᒥᒋᓱᒪᐤ᙮
\p
\v 18 ᑲᒋ ᐸᐃᑯ ᒥᓇᔅᑕᑭᓇᔭᔨᒡ ᒂ ‍ ᐳᓂᐱᒪᑎᓯᔨᒋ ᐊᐛᓴ᙮ ᒋ ‍ ᑯᔅᑕᒋᔨᐛ ᑎᐱᑦ ᐅᑯᐸᓇᒪ ᒐᒋ ᐎᑎᒧᐛᔨᒋ ᑎᐱᑕ᙮ ᒂ ‍ ᐃᑎᑐᒡ, “ᒪᒂᒡ ᐊᔅᒄ ᑲ ‍ ᐱᒪᑎᓯᑦ ᐊᓐ ᐊᐛᔅ, ᒋᒋ ‍ ᐃᔨᒪᓄᐤ ᑎᐱᑦ, ᒥᒄ ᓇᒪ ᒋ ᐅᒋ ᐎ ‍ ᓂᔎᐛᓯᔨᑯᓄᐤ᙮ ᐊᓄᒡ, ᐎᑎᒧᐛᒂ ᐊᓂᔭ ᑲ ‍ ᐳᓂᐱᒪᑎᓯᔨᒋ ᐊᐛᓴ, ᒋᐸ ‍ ᐎᑐᑎᒻ ᒐᒂᔪᐤ ᒐᒋ ᐊᐧᑯᐎᔨᓱᑦ!”
\p
\v 19 ᒥᒄ ᐃᔅᐱ ᑎᐱᑦ ᐎᔭᐱᒪᑦ ᒋᒧᑦ ᐊ ‍ ᐃᔨᒥᑐᔨᒋ ᐅᑯᐸᓇᒪ, ᒂ ‍ ᒋᔅᒐᔨᑕᐧᒃ ᐊᒋ ‍ ᐳᓂᐱᒪᑎᓯᔨᒋ ᐊᐛᓴ᙮ ᐊᑯ ᒂ ‍ ᑭᒂᒋᒪᑦ, “ᐳᓂᐱᒪᑎᓯᐤ ᐊ ᐊᐛᔅ? ᒂ ‍ ᐃᑎᑯᑦ, “ᓂᐃ, ᐳᓂᐱᒪᑎᓯᐤ᙮”
\p
\v 20 ᐊᑯ ᑎᐱᑦ ᐸᓯᑯᑦ ᒧᔅᑎᑎᒡ ᐅᒋ᙮ ᒂ ‍ ᒋᔅᑕᐳᐎᔨᑎᓱᑦ, ᒂ ‍ ᑐᒥᓇᐧᒃ ᐅᔪ, ᑭᔭ ᒂ ‍ ᐛᑕᔅᐱᓱᑦ᙮ ᐊᑯ ᒂ ‍ ᐃᑐᑕᑦ ᐊᓐᑕ ᑎᐸᔨᒋᒐᓱᐛ ᐅᐸᔭᒋ ᐱᒋᐎᔭᓂᒍᐛᐱᔪᐤ ᑭᔭ ᓇᑐᑎᒧᐛᑦ ᑎᐸᔨᒋᒐᓱᐛ᙮ ᒂ ‍ ᒋᐛᑦ᙮ ᒂ ‍ ᓂᑐᐛᔨᑎᒧᐛᑦ ᐅᑦ ᐊᐱᒋᐊᑭᓇ ᒥᒋᒥᔪᐤ᙮ ᒂ ‍ ᒥᔨᑯᑦ ᑭᔭ ᒂ ‍ ᒥᒋᓱᑦ᙮
\p
\v 21 ᐊᑯ ᒂ ‍ ᐃᑎᑯᑦ ᐅᑦ ᐊᐱᒋᐊᑭᓇ, “ᓇᒪ ᓂᔅᑐᑕᓇᓐ ᒐᒂᓐ ᐅ ᐛᒋ ‍ ᐃᑐᑎᒥᓐ! ᒪᒂᒡ ᐊᔅᒄ ᑲ ‍ ᐱᒪᑎᓯᑦ ᐊᐛᔅ, ᒋᒋ ᒧᔎᑕᐤ ᑭᔭ ᓇᒪ ᒋ ᐅᒋ ᐎ ‍ ᒥᒋᓐ ᒐᒂᓐ᙮ ᒥᒄ ᐊᓄᒡ ᑲ ‍ ᐳᓂᐱᒪᑎᓯᑦ ᐊᐛᔅ, ᓇᒪ ᓴᔅ ᒋᒪᓐ! ᒋᒋ ‍ ᐱᓯᑯᓐ ᑭᔭ ᒋᒋ ‍ ᒥᒋᓱᓐ!”
\p
\v 22 ᑎᐱᑦ ᒂ ‍ ᐃᑕᑦ, “ᐊᔅᒄ ᑲᐱᒪᑎᓯᑦ ᐊᐛᔅ᙮ ᓇᒪ ᓂ ‍ ᐅᒋ ᐅᑎᓇᓐ ᒥᒋᒻ ᑭᔭ ᓂᒋ ᒪᓐ᙮ ᓂᒋ ‍ ᐃᑕᔨᑕᓐ, ‘ᐊᐛᓐ ᒋᐸ ‍ ᒋᔅᒐᔨᑎᒻ? ᒂᔄᓐ ᓂᐸ ᒋ ‍ ᒋᔅᑎᒪᒐᔨᒥᒄ ᑎᐸᔨᒋᒐᓱᐤ ᑭᔭ ᒐ ‍ ᓇᐊᔨᒪᑦ ᐊᐛᓴ ᒐᒋ ᐱᒪᑎᓯᔨᒋ᙮’
\v 23 ᒥᒄ ᐊᓄᒡ ᐳᓂᐱᒪᑎᓯᐤ ᐊᐛᔅ᙮ ᐊᑯ ᒐᒂᓐ ᓂᐸ ᐅᒋ ᐊᑲ ᓴᔅ ᐅᑎᓇᓐ ᒥᒋᒻ? ᓂᐸ ᐊ ᒋ ‍ ᑐᑐᐛ ᑲᐤ ᒐᒋ ᐱᒪᑎᓯᑦ ᐊᐛᔅ! ᐊᔅᒄ ᐸᐃᒄ ᒋᓯᑲᐛ, ᓂᑭ ‍ ᐃᑐᑕᐛᓐ ᐊᓐᑕ ᐊ ‍ ᐃᑕᑦ, ᒥᒄ ᓇᒪ ᓂᑕ ᓂᑭ ᒋ ‍ ᑲᐤ ᓂᑐᐛᐱᒥᒄ᙮
\p
\v 24 ᐊᑯ ᑎᐱᑦ ᒂ ‍ ᒥᔽᔨᒧᐊᑦ ᐎᐛ, ᐸᑦ-ᓴᐸᔨᒋ᙮ ᐊᑯ ᒂ ‍ ᐎᐸᒪᑦ, ᑭᔭ ᒥᓐ ᒂ ‍ ᐊᑭᓄᐛᔨᒪᐅᓱᔨᒋ ᑭᔭ ᒥᓐ ᒂ ‍ ᐅᑯᓯᔨᒋ᙮ ᓴᓚᒪᓐ ᒋ ‍ ᐃᓯᓂᐧᑲᑕᐤ ᑎᐱᑦ᙮ ᒋ ‍ ᓴᒋᐊᐤ ᐊᓂᔭ ᓇᐸᓴ ᑎᐸᔨᒋᒐᓱᐤ᙮
\v 25 ᒋ ‍ ᐎᑎᒧᐛ ᐅᒋᔅᒋᐛᐃᒐᓱᐛ ᓇᐃᑎᓇ ᒐᒋ ᐎᑎᒧᐛᔨᒋ ᑎᐱᑕ ᒐᑎᑕᐃᐊ ᒐᒋ ᐃᓯᓂᐧᑲᑕᔨᒋ ᐊᓂᔭ ᐊᐛᓴ ‘ᑎᐸᔨᒋᒐᓱᐛ ᑲ ‍ ᓴᒋᔨᑯᑦ’ ᐊ ‍ ᐃᑥᒥᑭᓂᔨᒡ, ᐛᔅ ᒋ ‍ ᓴᒋᐤ ᐊᓂᔭ ᑎᐸᔨᒋᒐᓱᐤ᙮
\s1 ᑎᐱᑦ ᐅᓂᑐᐱᔪᐅ-ᐃᔨᒪ ᒋᒡ ‍ ᒧᑯᓂᒥᔨᐛ ᕋᐸ ᐅᑕᓇᔪᐤ
\p
\v 26 ᒪᒂᒡ ᐅ ᑲ ‍ ᐃᔅᐱᔨᒡ, ᒍᐊᑉ ᐅᓂᑐᐱᔪᐅ-ᐃᔨᒪ ᒋ ‍ ᑯᓯᒂᔨᒧᑎᒧᒡ ᕋᐸ ᐅᑕᓇᔪᐤ, ᐊᒧᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐅᒥᔅᑎ ‍ ᐅᑕᓇᒧᐛᐤ, ᑭᔭ ᒋ ‍ ᒪᑯᓂᒺᐅᒡ ᒋᓴᐅᒋᒪᐛ ᐅᑦ ᐊᓱᐛᐳᐅᒋᐛᐱᔪᐤ
\v 27 ᐊᑯ ᒍᐊᑉ ᒂ ‍ ᐃᑎᓴᐊᒧᐛᑦ ᐊᐱᒋᐊᑭᓇ ᑎᐱᑕ, ᒐᒋ ᐎᑎᒧᐛᔨᒋ ᐅᔭ: ᑯᓯᒂᔨᒧᑎᒧᒡ ᕋᐸ ᐅᑕᓇᔪᐤ ᓂᓂᑐᐱᔪᐅ-ᐃᔨᒥᒡ, ᑭᔭ ᓂᒋ ‍ ᒪᑯᓇᓇᓐ ᐅᑕᓇᒡ ᐅᑕᔨᐸᓐ᙮
\v 28 ᐊᑯ ᒪᒧᐅᓂᒡ ᒋ ‍ ᓂᑐᐱᔪᐅ-ᐃᔨᒥᒡ ᑭᔭ ᒐ ‍ ᐸᑐᑕᔭᒄ ᑭᔭ ᒐ ‍ ᐛᔅᑲᔅᑭᒪᒄ ᐅᑕᓇᐤ ᑭᔭ ᒐ ‍ ᒪᑯᓂᒪᒄ᙮ ᐊ ᐊᑲ ᐃᑐᑎᒪᒂ ᐅ, ᓂ ‍ ᓂᑐᐱᔪᐅ-ᐃᔨᒥᒡ ᒋᑭ ‍ ᒪᑯᓂᒧᒡ ᐅᑕᓇᔪᐤ ᐊᑯ ‘ᒍᐊᑉ ᐅᑕᓇᒻ’ ᒐ ‍ ᐃᓯᓂᐧᑲᑕᑭᓄᐅᒡ’ ”
\p
\v 29 ᐊᑯ ᑎᐱᑦ ᒂ ‍ ᒪᒧᐅᓇᑦ ᐅᓂᑐᐱᔪᐅ-ᐃᔨᒪ᙮ ᒂ ‍ ᐎᒐᐛᒡ ᑎᐱᑕ ᕋᐸ ᐅᑕᓇᒡ ᐃᓯ ᑭᔭ ᒂ ‍ ᑯᓯᒂᔨᒧᑕᒡ ᑭᔭ ᒥᔭᑯᓇᒡ᙮
\v 30 ᐊᑯ ᑎᐱᑦ ᐛᑎᓇᐧᒃ ᒋᓴᐅᒋᒪᐤ ᑯᓂᔎᐅᓂᔪᐤ ᒋᓴᐅᒋᒪᐛ ᕋᐸᔨᒋ ᐅᔅᑎᒂᓂᔨᒡ ᐅᒋ, ᑭᔭ ᐅᔅᑎᒂᓂᒡ ᒐ ‍ ᑭᒧᑕᑦ᙮ ᒋᒋᐛ ᒋ ‍ ᑯᓯᑯᓂᔪᐤ; ᓂᔄᐅᑕᒡ ᑕᑐᔪᐤ ᐊᓱ ᐱᑕᑕᒡ ‍ (75) ᒋ ‍ ᑕᑎᐸᐸᔨᑭᓇᔭᔪᐤ᙮ ᑭᔭ ᒋᒋᐛ ᒋ ‍ ᒥᒐᓂᔨᐛ ᐊᓱᓇᔭᐅᔨᒋ ᐊᓯᓂᓴ ᐊᓐᑕ ᑲ ‍ ᒋᑭᒧᔨᒋ᙮ ᐅᓂᑐᐱᔪᐅ-ᐃᔨᒪ ᐃᔭᐱᒡ ᒥᒐᑦ ᐊᓱᓇᔭᐅᔨᒋ ᒐᒂᔪᐛ ᒋ ‍ ᐅᑎᓂᒥᔨᐛ ᐊᓐᑕ ᐅᑕᓇᒡ ᐅᒋ᙮
\v 31 ᐊᑯ ᒂ ‍ ᐎᐎᑕᐊᒡ ᕋᐸ ᐃᔪᐛ ᐊᓐᑕ ᐅᑕᓇᒡ ᐅᒋ ᑭᔭ ᒂ ‍ ᐃᐧᑭᒥᐊᒡ ᒐᒋ ᐊᑐᔅᑲᑯᒡ ᓂᒋᒥᐳᑕᑭᓇ ᑭᔭ ᐃᓴᑯᐤ ??? ᑭᔭ ᐊᑭᑕᔎ ᐊᐱᒋᑕᔨᒋ᙮ ᑎᐱᑦ ᐅᓂᑐᐱᔪᐅ-ᐃᔨᒪ ᐃᔭᐱᒡ ᒋ ‍ ᐃᐧᑭᒥᐊᐅᒡ ᒐᒋ ᐅᓯᐊᔨᒋ ᑲᑭᔅᒋᑕᐱᓯᔨᒋ ᐊᓯᓂᔭ᙮ ᒋ ‍ ᐃᑐᑎᒥᔨᐛ ᐅᔭ ᑎᐱᑦ ᐅᓂᑐᐱᔪᐅ-ᐃᔨᒪ ᐊᓐᑕ ᒥᓯᐛ ᐊᒧᓐ ᐃᔪᐛ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᑕᓇᒥᔨᐛ᙮ ᐊᑯ ᑎᐱᑦ ᑭᔭ ᒥᓯᐛ ᐅᓂᑐᐱᔪᐅ-ᐃᔨᒪ ᑲᐤ ᐊᑐᑕᒡ ᒋᕈᓯᓕᒥᒡ᙮
\c 13
\s1 ᐊᒻᓄᓐ ᑲ ‍ ᒥᒋᑐᑐᐛᑦ ᐊᑉᓴᓚᒪ ᐅᓯᒥᔨᐛ
\p
\v 1 ᑎᐱᑦ ᐅᑯᓴ ᐊᑉᓴᓚᒪ ᒋ ‍ ᑕᔪᐛ ᐊᒥᔪᔎᐎᒋ ᐅᓯᒪ ᑕᐃᒪᕐ ᐊ ‍ ᐃᓯᓂᐧᑲᓱᔨᒋ᙮ ᑎᐱᑦ ᑯᑎᑲ ᐅᑯᓴ, ᐊᒻᓄᓐ, ᒋ ‍ ᒧᔅᑕᓄᐛᐤ ᑕᐃᒪᕆᒋ᙮
\v 2 ᒋᒋᐛ ᒋ ᐎ ‍ ᐎᐸᒪᐤ ᐎᐧᑲᓂᓴ, ᐊᓂᔭ ᐅᒋ ᒋ ‍ ᑐᑕᓱᐤ ᒐᒋ ᐊᐧᑯᓯᑦ, ᒧᓯᓇᐤ ᐊ ‍ ᒪᒥᑐᓇᔨᒪᑦ᙮ ᒥᒄ ᓇᒪ ᐅᒋ ‍ ‍ ᐃᓯᓇᑯᓂᔪᐤ ᐊᒻᓄᓐ ᒐᒋ ᑲᔅᑎᓇᑦ, ᐛᔅ ᒋ ‍ ᐅᔅᒋᓂᒋᔎᐅᔪᐛ, ᐊᑯ ᒋ ‍ ᑯᔅᑎᔭᐅᒡ ᓇᐸᐛ ᒐᒋ ᐸᓱᐛᐱᒪᔨᒋ᙮
\p
\v 3 ᒥᒄ ᒋ ‍ ᑕᔪᐛ ᐎᒐᐛᑭᓇ ᐊᒻᓄᓐ ᒠᓇᑕᑉ, ᑎᐱᑦ ᐎᐧᑲᓂᓴ ᑲ ‍ ᐅᑯᓯᔨᒋ, ᒋᒋᐛ ᒋ ‍ ᐃᑈᐧᑲᐤ ᒠᓇᑕᑉ᙮
\p
\v 4 ᐸᐃᒂᐤ ᒐᓯᑲᔨᒡ, ᒠᓇᑕᑉ ᒋ ‍ ᐃᑕᐤ ᐊᒻᓄᓇᔨᒋ, “ᒋᔾ ᐅ ᒋᓴᐅᒋᒪᐤ ᐅᑯᓴ, ᒥᒄ ᐊᓯᑯᒻ ᒋᓯᑲᐛ ᒋ ‍ ᐛᐱᒥᑎᓐ ᐊ ‍ ᑯᓯᑯᒪᒋᔪᐎᓐ᙮ ᒐᒂᓐ ᐊᔅᐱᔨᓐ?” ᐊᒻᓄᓐ ᒂ ‍ ᐃᑕᑦ, “ᓂ ᐎ ‍ ᐎᐸᒪᐤ ᑕᐃᒪᕐ, ᓂᐧᑲᓂᔅ ᐊᑉᓴᓚᒻ ᐅᓯᒪ᙮”
\p
\v 5 ᒠᓇᑕᑉ ᒂ ‍ ᐃᑕᑦ, “ᐱᒥᓯᓂ ᐊᓐᑕ ᒋ ‍ ᓂᐸᐅᓂᒡ, ᑭᔭ ᒐ ᐎ ‍ ᐊᐧᑯᓯᑲᓱᐎᔨᓐ᙮ ᐃᔅᐱ ᓇᒋ ‍ ᐛᐱᒥᔅᒐ ᒍᑕᐎ, ᒐ ‍ ᐃᑎᑦ, ‘ᓇᐊᔨᒻ ᓂᐧᑲᓂᔅ ᑕᐃᒪᕐ ᒐᒋ ᐸᑐᑕᑦ ᑭᔭ ᒐ ‍ ᒥᔨᑦ ᐱᔅᒐ ᒥᒋᒥᔪᐤ ᒐ ‍ ᒥᒍᐅᒡ᙮ ᒋᑭ ‍ ᐊᔭᔅᑯᐅᔅᑕᐤ ᒥᒋᒥᔪᐤ ᒪᒂᒡ ᐊ ‍ ᑭᓄᐛᐱᒥᒄ᙮ ᐊᑯ ᐎᔾ ᐛᒋᒡ ᒐ ‍ ᐎᔅᑐᐅᑦ᙮’ ”
\p
\v 6 ᐊᑯ ᐊᒻᓄᓐ ᒂ ‍ ᐱᒥᓯᐧᒃ, ᑭᔭ ᒂ ᐎ ‍ ᐊᐧᑯᓯᑲᓱᑦ᙮ ᐃᔅᐱ ᒋᓴᐅᒋᒪ ᓂᔭᒋ ᐛᐱᒪᑦ, ᐊᒻᓄᓐ ᒂ ‍ ᐃᑕᑦ, ᓂᑦ ᐊᐧᑯᓯᓐ, ᓇᐊᔨᒻ ᓂᐧᑲᓂᔅ ᑕᐃᒪᕐ ᒐᒋ ᐸᑐᑕᑦ ᑭᔭ ᒐ ‍ ᑎᑎᒧᐅᑦ ᓂᓱ ᐸᑲᑭᓇ ᒪᒂᒡ ᐊ ‍ ᑭᓄᐛᐱᒥᒄ, ᐊᑯ ᒐ ᐸᒋ ‍ ᐎᔅᑐᐅᑦ᙮”
\p
\v 7 ᐊᑯ ᑎᐱᑦ ᒂ ‍ ᐃᑎᓴᐊᒧᐛᑦ ᐃᔨᒧᐅᓂᔪᐤ ᑕᐃᒪᕆᒋ ᐊᓐᑕ ᒋᓴᐅᒋᒪᐅᒋᐛᐱᒡ, ᐊ ‍ ᐃᑕᑦ, ᐊᒻᓄᓐ ᐊᐧᑯᓱᐤ ᑭᔭ ᒋ ‍ ᓂᑐᐛᔨᒥᒄ ᒐᒋ ᐃᑐᑕᐅᑦ ᐎᒋᒡ ᑭᔭ ᒐ ‍ ᐃᑐᑎᒧᐅᑦ ᒥᒋᒥᔪᐤ ᒐ ‍ ᒥᒋᑦ᙮”
\v 8 ᐊᑯ ᑕᐃᒪᕐ ᒂ ‍ ᐃᑐᑕᐛᑦ ᐊᒻᓄᓇᔨᒋ ᐎᒋᔨᒡ, ᐊᓐᑕ ᑲ ‍ ᐱᒥᓯᓂᔨᒋ ᓂᐸᐅᓂᒡ᙮ ᒋ ‍ ᐅᑎᓇᐤ ᐱᔅᒐ ᐸᒂᓯᑭᓂᐧᑲᓇ ᑭᔭ ᒥᔭᒪᑯᓇᔨᒋ, ᐱᑲᑭᓇ ᒂ ‍ ᐃᓯᓇᒂᐊᑦ ᒪᒂᒡ ᐊᑭᓄᐛᐱᒥᑯᑦ᙮ ᐊᑯ ᒂ ‍ ᐱᒥᓄᐛᑦ᙮
\v 9 ᒂ ‍ ᐊᒂᓇᑦ ᐸᓂᔅᒋᐧᑯᒡ ᐅᒋ ᑭᔭ ᑐᔌᑭᓂᒡ ᒂ ‍ ᐊᔭᑦ ᐅᑎᔅᑯᐤ ᐊ ‍ ᑕᔨᒋ, ᒥᒄ ᓇᒪ ᐅᒋ ‍ᐎ ‍ ᒧᐛᔪᐛ᙮ ᐊᑯ ᐊᒻᓄᓐ ᒂ ‍ ᐃᑕᑦ ᒥᓯᐛ ᐊᐛᔪᐛ ᑲ ‍ ᐃᑕᔨᒋ ᐊᓐᑕ ᑲᐱᔅᒋᒐᔭᔨᒡ, “ᒥᓯᐛ ᒋᔨᐛᐤ, ᓂᑭᓯᒄ!” ᐊᑯ ᒥᓯᐛ ᑯᑎᑲ ᒂ ᐎᐎᒋ ᑲᐱᔅᒋᒐᔭᔨᒡ᙮
\p
\v 10 ᐊᑯ ᐊᒻᓄᓐ ᒂ ‍ ᐃᑕᑦ ᑕᐃᒪᕆᒋ, “ ᐸᑕ ᐊᓐ ᒥᒋᒻ ᓂᑲᐱᔅᒋᒐᔭᒥᒡ ᑭᔭ ᒐ ‍ ᐎᔅᑐᐎᔨᓐ᙮” ᐊᑯ ᑕᐃᒪᕐ ᒂ ‍ ᐃᑐᑕᔨᒪᑦ ᐱᑲᑭᓇ ᑲ ‍ ᐱᒥᓄᐛᑦ ᐅᑲᐱᔅᒋᒐᔭᒥᔨᒡ᙮
\v 11 ᒥᒄ ᐃᔅᐱ ᒥᒋᒪ ᐊᑕᑦ ᑲ ‍ ᐸᓱᐛᔨᒋ ᒐ ‍ ᒧᐛᑦ, ᒂ ‍ ᐅᒋᐱᑕᑦ ᑭᔭ ᐊᑕᑦ, “ᐸᒋ ‍ ᐎᐸᒥ!”
\p
\v 12 ᐊᑯ ᒂ ‍ ᐃᑕᑦ, “ᓇᒪ, ᐊ ᐊᑲ ᐃᔨᐧᑭᒥᐃ ᒐᒋ ᐃᑐᑎᒪᓐ ᐊ ᒥᒋᒡ ᒐᒂᓐ! ᓇᒪ ᓂᑕ ᐃᑐᑕᓇᓐ ᐊᓂᔭ ᒐᒂᔪᐛ ᐊᓐᑕ ᐃᔅᕋᐃᓕᒡ᙮ ᒋᒋᐛ ᒋᐸ ‍ ᒥᒋᓐ!
\v 13 ᐊᑯ ᓂᔾ ᐅᒋ, ᐃᑐᑎᒪᓐ ᐊᓐ, ᐊᑐᒡ ᓂᑕ ᓂᐸ ‍ ᒋ ᒥᔪ ‍ ᐅᑎᓇᓐ ᐃᑐᑎᒪᓐ ᐊᓐ ᒐᒂᓐ, ᐊᑯ ᒋᔾ ᐅᒋ, ᒥᓯᐛ ᐊᐛᓐ ᐊᓐᑕ ᐃᔅᕋᐃᓕᒡ ᒋᐸ ‍ ᐊᓏᔨᒥᒄ ᐃᑐᑎᒧᑦ ᐊ ‍ ᒥᒋᓂᔨᒡ ᒐᒂᔪᐤ᙮ ᐊᑯ ᒋ ‍ ᐱᑯᓴᔨᒥᑎᓐ, ᐃᔨᒥ ᒋᓴᐅᒋᒪᐤ, ᓂ ‍ ᒐᒋᓇᐅᓐ ᒐᒋ ᓇᐊᔨᒥᑦ ᒐᒋ ᐎᒋᒥᑕᓐ”
\v 14 ᒥᒄ ᓇᒪ ᐅᒋ ᐎ ‍ ᓂᑐᑐᐛᐤ᙮ ᐎᔾ ᐊᑎᑐᐤ ᒋ ‍ ᓴᐱᐅ ᐃᔅᐱᔅ ᑕᐃᒪᕐᔨᒋ, ᒂ ‍ ᐃᐧᑭᒥᐊᑦ ᒐᒋ ᐎᐸᒥᑯᑦ᙮
\p
\v 15 ᐊᑯ ᒋᒋᐛ ᒂ ‍ ᐛᐧᑲᑕᑦ ᐊᒻᓄᓐ᙮ ᐊᑎᑐᐤ ᒋ ‍ ᐛᐧᑲᑕᐤ ᐃᔅᐱᔅ ᐊᓂᔭ ᑲ ‍ ᒧᔅᑕᓄᐛᑦ᙮ ᒂ ‍ ᐃᑕᑦ, “ᐅᓂ ᑭᔭ ᒐ ᐎᐎᔨᓐ ᐅᑕ!”
\p
\v 16 ᐊᑯ ᒂ ‍ ᐃᑎᑯᑦ ᑕᐃᒪᕐᔨᒋ, “ᓇᒪ, ᒋᒋᐛ ᒋᐸ ‍ ᒥᒋᓐ ᒋᑎᓴᐎᔨᓐ᙮ ᐊᑎᑐᐤ ᒋᐸ ‍ ᒥᒋᓐ ᐃᔅᐱᔅ ᐊᓐ ᑲ ‍ ᑐᑐᐎᔨᓐ!” ᒥᒄ ᐊᒻᓄᓐ ᓇᒪ ᐅᒋ ᐎ ‍ ᓂᑐᑐᐛᐤ᙮
\p
\v 17 ᒂ ‍ ᐎᓴᒪᑦ ᐅᑦ ᐊᐱᒋᐊᑭᓇ ᑭᔭ ᒂ ‍ ᐃᑕᑦ, “ᐎᐎᑕᔨ ᐅ ᐃᔎᐤ, ᐊᑕᐅᒡ ᐅᒋ, ᑭᔭ ᒐ ‍ ᐊᑎᓴᑲᐅᑦ ᐊᔅᑐᐧᑭᓐ ᐊᑯ ᓇᒪ ᒋᑭ ᒋ ‍ ᐱᒐᐤ ᒥᓐ ᐊᓐ ᐃᔎᐤ!”
\v 18 ᐊᑯ ᐊᐱᒋᐊᑭᓐ ᒂ ‍ ᐎᐎᑕᐊᑦ ᑭᔭ ᒂ ‍ ᐊᑎᓴᑲᐛᑦ ᐊᔅᑐᐧᑭᓇ᙮
\p ᐊᒋᓏᑭᓂᔨᒡ ᐊᐧᑯᐱᔪᐤ ᐊᒋᓏᒋᓯᔨᒋ ᐅᓂᑯᐃᔭ ᒋ ‍ ᐳᔅᑭᒻ ᑕᐃᒪᕐ , ᐊᓂᔭ ᑈᔅᑲᒡ ᐊ ᐊᑲ ᓂᐳᔨᒋ ᒋᓴᐅᒋᒪᐤ ᐅᑕᓂᓴ᙮
\v 19 ᒥᒄ ᑕᐃᒪᕐ ᒋ ‍ ᐱᑯᐱᑎᒻ ᐊᓂᔭ ᑲ ‍ ᒋᓏᑭᓂᔨᒡ ᐊᑯᐱᔪᐤ ᑲ ‍ ᒋᔅᑲᐧᒃ, ᑭᔭ ᒂ ‍ ᐊᔅᑕᑦ ᐱᐧᑯᑕᔪᐤ ᐅᔅᑕᒂᓂᒡ ᒐᒋ ᐛᐸᑎᔨᐛᑦ ᐊᓂᓇᐧᑲᑕᔨᑕᐧᒃ᙮ ᐊᑯ ᒂ ‍ ᐊᔅᑕᑦ ᐅᑎᒋᔭ ᐅᔅᑎᒂᓂᒡ ᒐᒋ ᐛᐸᑎᔨᐛᑦ ᐊᑯᐸᑕᔨᑕᐧᒃ, ᑭᔭ ᒂ ‍ ᒋᑐᑕᑦ, ᐊᒪᑦ᙮
\p
\v 20 ᒋ ‍ ᐛᐱᒥᑯᐤ ᐅᔅᑕᓴ ᐊᑉᓴᓗᒪ ᑭᔭ ᒂ ‍ ᐃᑎᑯᑦ, ᒋᒋ ‍ ᐃᔨᐧᑭᒥᔨᒄ ᐊ ᒋᐧᑲᓂᔅ ᒐᒋ ᐎᐸᒥᑦ? ᓇᓯ᙮ ᐊᑲ ᐎ ‍ ᐎᑎᒧᐤ ᐊᐛᓐ, ᑭᔭ ᐊ ᐊᑲ ᓂᓇᐧᑲᑕᔨᑕ᙮ ᐊᑯ ᑕᐃᒪᕐ ᒂ ‍ ᐎᒋᑦ ᐊᓐᑕ ᐊᑉᓴᓗᒪ ᐎᒋᔨᒡ, ᑭᔭ ᒋᒋᐛ ᒋ ‍ ᓂᓇᐧᑲᑕᔨᑎᒻ ᑭᔭ ᒋ ‍ ᒺᔅᑕᑎᒻ᙮
\p
\v 21 ᐃᔅᐱ ᒋᓴᐅᒋᒪᐤ ᐱᔭᑕᐧᒃ ᒥᓯᐛ ᐊᓂᔭᔪᐤ, ᒋᒋᐛ ᒋ ‍ ᒋᔄᐳᐤ᙮
\v 22 ᑭᔭ ᐊᑉᓴᓗᒻ ᒋ ‍ ᐛᐧᑲᑕᐤ ᐊᒻᓄᓇᔨᒋ, ᐛᔅ ᒋ ‍ ᒥᒋᑐᑐᐛᔪᐛ ᐅᓯᒪ, ᓇᒪ ᒐᒂᔪᐤ ᐅᒋ ᐎᔨᒪᐊᐤ᙮
\p
\v 23 ᑲᒋ ‍ ᓂᓱᐱᐳᓂᔨᒡ, ᐊᑉᓴᓗᒻ ᐅᑦ ᐊᐱᒋᐊᑭᓇ ᒋ ‍ ᐱᔅᑯᓱᐛᔪᐛ ᒪᔭᑕᓂᓴ ᐊᓐᑕ ᐸᓪ-ᐊᓱᕐ ᐃᑕᐅᓂᒡ ᐊᓐᑕ ᒥᒋᒪ ᐃᑉᕋᐃᒻ ᐊ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑎᑯᓂᔨᒡ᙮ ᑲᒋ ‍ ᒋᔅᑕᒡ ᐊᐱᔅᑯᓱᐛᒡ ᒪᔭᑕᓂᓴ, ᒋ ‍ ᒥᔽᑎᒧᒡ, ᑭᔭ ᐊᑉᓴᓗᒻ ᒋ ‍ ᐎᓴᒪᐤ ᒥᓯᐛ ᒋᓴᐅᒋᒪᐛ ᐅᑯᓯᔨᐛ ᒐᒋ ᑎᑯᓯᓂᔨᒋ ᑭᔭ ᒥᔽᑎᒥᔨᒋ᙮
\v 24 ᒋ ‍ ᓂᑐᐛᐱᒪᐤ ᐊᑉᓴᓗᒻ ᒋᓴᐅᒋᒪᐛ ᑭᔭ ᒂ ‍ ᐃᑕᑦ, “ᐅᒋᒪᐤ, ᓂᑦ ᐊᐱᒋᐊᑭᓂᒡ ᒋ ‍ ᐱᔅᑯᓱᐛᐅᒡ ᓂᒪᔭᑕᓂᓯᒪ᙮ ᐸᑐᑕ ᐊᓯᒡ ᒋᑦ ᐊᐱᒋᐊᑭᓂᒡ ᒐ ‍ ᐎᒋ ‍ ᒥᔽᑎᒧᐅᔭᒡ!”
\p
\v 25 ᒥᒄ ᒋᓴᐅᒋᒪᐤ ᒋ ‍ ᐃᑕᐤ, “ᓇᒪ, ᓂᑯᓴ, ᐊᑐᒡ ᒋᐸ ‍ ᒥᔽᐤ ᒥᓯᐛ ᐃᑐᑕᔭᒡ, ᐛᔅ ᒋᐸ ‍ ᑐᑕᑯᓐ ᒐᒋ ᒥᔅᑎ ‍ ᐊᑐᔅᒐᔨᓐ ᑭᔭ ᒥᔅᑎ ‍ ᒪᒋᐱᔨᓐ ᓱᓇᔭᐤ ᒥᒋᒻ ᐅᒋ᙮” ᐊᑉᓴᓗᒻ ᐊᔅᒄ ᒋ ᐎ ‍ ᓯᒋᒪᐤ, ᒥᒄ ᓇᒪ ᐅᒋ ᐎ ‍ ᐃᑐᑕᔪᐛ ᒋᓴᐅᒋᒪᐛ᙮ ᒥᔅᑯᒡ, ᒋ ᐃᔅᒋᔄᐤ ᐊᐱᑯᓴᔨᑕᐧᒃ ᒐ ‍ ᓱᐛᔨᑕᑯᔨᑯᔨᒋ ᒋᓴᒪᓂᑐᐛ ᒪᒂᒡ ᐊ ᒥᔽᑎᒥᔨᒋ᙮
\p
\v 26 ᐊᑯ ᐊᑉᓴᓗᒻ ᒂ ‍ ᐃᑕᑦ, “ᐊ ᐊᑲ ᐎ ‍ ᐸᑐᑕᔨᓇ, ᓇᐊᔨᒻ ᓂᐧᑲᓂᔅ ᐊᒻᓄᓐ ᒐᒋ ᐎᒐᐎᔨᒥᑦ᙮” ᒥᒄ ᒋᓴᐅᒋᒪᐤ ᒋ ‍ ᐃᑕᐤ, “ᒐᒂᔪᐤ ᐛᒋ ‍ ᓂᑐᐛᔨᒥᑦ ᒐᒋ ᐎᒐᐅᑕᒄ?”
\p
\v 27 ᒥᒄ ᐊᑉᓴᓗᒻ ᐊᔅᒄ ᒋ ‍ ᓯᒋᒪᐤ, ᐊᑯ ᒐᒄ ᒂ ‍ ᓇᐊᔨᒪᑦ ᒋᓴᐅᒋᒪᐤ ᐊᒻᓄᓇ ᑭᔭ ᒥᓯᐛ ᑯᑎᑲ ᑎᐱᑕ ᐅᑯᓯᔨᐛ ᒐᒋ ᐎᒐᐛᔨᒋ ᐊᑉᓴᓗᒪ᙮
\p
\v 28 ᐊᑯ ᒥᓯᐛ ᒂ ‍ ᐃᑐᑕᒡ ᐊᓐᑕ ᑲ ‍ ᒥᔽᑕᑭᓄᐎᔨᒡ, ᐊᑉᓴᓗᒻ ᒂ ‍ ᐃᑎᓱᐛᑕᑦ ᐅᑦ ᐊᐱᒋᐊᑭᓇ, ᒋ ‍ ᑭᓄᐛᐱᒪᒄ ᐃᔅᐱ ᐊᒻᓄᓐ ᒋᔎᐸᒐ ᓱᒥᓇᐳᔪᐤ ᐅᒋ᙮ ᐊᑯ ᐃᔅᐱ ᐛᔅᑕᐊᒪᑎᑯᒐ, ᒐ ‍ ᓂᐸᐊᒄ᙮ ᒐ ‍ ᐊᑲ ᑯᔅᑕᒋᔭᒄ; ᒋᑭ ‍ ᐃᑐᑕᓇᐛᐤ ᐅ ᐛᔅ ᐊᒋ ‍ ᐃᑎᑎᑯᒡ ᒐᒋ ᐃᑐᑎᒪᒄ᙮ ᐊᑯ ᐎ ‍ ᓱᒋᑕᐊᒄ ᑭᔭ ᒐ ᐃᑐᑎᒪᒄ!”
\v 29 ᐊᑯ ᐊᑉᓴᓗᒻ ᐅᑦ ᐊᐱᒋᐊᑭᓇ ᒋ ‍ ᐃᑐᑎᒺᐅᒡ ᒐᒂᔪᐤ ᑲ ‍ ᐃᑎᑯᒡ ᐊᑉᓴᓗᒪ ᒐᒋ ᐃᑐᑕᒡ᙮ ᒋ ‍ ᓂᐸᐅᒡ ᐊᒻᓄᓇᔨᒋ᙮ ᒥᓯᐛ ᑎᐱᑦ ᑯᑎᑲ ᐅᑯᓴ ᒋ ‍ ᐛᐸᑎᒧᒡ ᑕᓐ ᑲ ‍ ᐃᔅᐱᔨᒡ ᑭᔭ ᒂ ‍ ᒋᒋᐸᔨᑐᒡ, ᐊᐳᓯᒡ ᑲᓂᐧᑲᑎᓯᔨᒋ ᐅᑲᐸᐃᑭᔎᒧᐛᐛ᙮
\p
\v 30 ᒪᒂᒡ ᐊᑎ ‍ ‍ ᒋᐛᐸᔨᑐᒡ, ᒋ ᒋᓯᐱᔪᐤ ᐊᐛᓐ ᑭᔭ ᒂ ‍ ᐎᑎᒧᐛᑦ ᑎᐱᑕ, “ᒋ ‍ ᓂᐸᐊᐤ ᐊᑉᓴᓗᒻ ᒥᓯᐛ ᑯᑎᑲ ᒋᑯᓴ; ᓇᒪ ᐛᒋ ‍ ᐸᐃᒄ ᐊᔅᒄ ᐱᒪᑎᓯᐤ!”
\v 31 ᒂ ‍ ᐱᓯᑯᓯᐸᑕᑦ ᒋᓴᐅᒋᒪᐤ, ᐸᑯᐱᑕᐧᒃ ᐅᑦ ᐊᐱᒋᑕᐅᓇ ᐛᔅ ᒋᒋᐛ ᒋ ‍ ᓇᐧᑲᑕᔨᑎᒻ, ᐊᑯ ᑭᔭ ᒂ ‍ ᐛᐱᓂᑎᓱᑦ ᒧᔅᑎᔅᑭᒥᒡ᙮ ᒥᓯᐛ ᐅᑦ ᐊᐱᒋᐊᑭᓇ ᐊᓂᑕ ᑲ ‍ ᐃᑕᔨᒋ ᐃᔭᐱᒡ ᒋ ‍ ᐱᑯᐱᑎᒥᔨᐛ ᐅᑦ ᐊᐱᒋᑕᐅᓂᔨᐛ᙮
\p
\v 32 ᒥᒄ ᒠᓇᑕᑉ, ᑎᐱᑦ ᐎᐧᑲᓂᓴ ᐅᑯᓯᔨᐛ, ᒂ ‍ ᐃᔅᒋᔄᑦ, “ᐅᒋᒪᐤ, ᓂ ‍ ᒐᒋᓇᐅᓐ ᐊ ᐊᑲ ᒥᓯᐛ ᐅᒋ ᓂᐸᐊᒡ ᒋᑯᓴ᙮ ᓂ ‍ ᒐᒋᓇᐅᓐ ᒥᒄ ᐊᒻᓄᓐ ᑈᓂᐱᒪᑎᓯᑦ, ᐛᔅ ᐊᑉᓴᓗᒻ ᒋ ‍ ᐃᑕᔨᑎᒻ ᐅᔭ ᒐᒋ ᐃᑐᑕᐧᒃ ᐃᔅᐱᔅ ᐊᓂᔭ ᒋᓯᑯᔪᐤ ᑲ ‍ ᒥᒋᑐᑐᐛᑦ ᐎᐧᑲᓂᓴ ᑕᐃᒪᔨᒋ᙮
\v 33 ᐊᑯᐤ, ᐅᒋᒪᐤ, ᐊ ᐊᑲ ᑕᑈᑕ ᐃᔨᒧᐅᓐ ᒥᓯᐛ ᑈᓂᐱᒪᑎᓯᒡ ᒋᑯᓯᒡ᙮ ᓂ ‍ ᒐᒋᓇᐅᓐ ᒥᒄ ᐊᒻᓄᓐ ᑈᓂᐱᒪᑎᓯᑦ᙮”
\p
\v 34 ᒪᒂᒡ ᐊᓂᔭ, ᒋ ‍ ᒋᑎᓯᒧᐤ ᐊᑉᓴᓗᒻ᙮
\p ᐊᑯ ᒐᒄ, ᓂᑐᐱᔪᐅ-ᐃᔪᐤ ᑲ ‍ ᓇᓂᐳᐅᑦ ᐊᓐᑕ ᑕᐧᑯᒡ ᑲᐛᔅᑲᑲᐳᔨᒡ ᐅᑕᓇᒡ ᐎᔭᐱᒪᑦ ᒥᒐᑦ ᐃᔪᐛ ᐊ ᐸᒋ ‍ ᓂᑎᒍᐛᐸᑕᔨᒋ ᐱᔅᑯᑎᓇᒡ ᒪᔅᑭᓇᒡ ᐅᕈᓇᐃᔨᒻ ᐅᑕᓇᒡ ᐅᒋ᙮ ᒂ ‍ ᒋᒋᐸᑕᑦ ᑭᔭ ᐛᑎᒧᐛᑦ ᒋᓴᐅᒋᒪᐛ ᒐᒂᔪᐤ ᑲ ‍ ᐛᐸᑕᐧᒃ᙮
\v 35 ᒠᓇᑕᑉ ᒂ ‍ ᐃᑕᑦ ᒋᓴᐅᒋᒪᐛ, “ᐛᐸᑕ, ᑕᑈᒥᑭᓐ ᒐᒂᓐ ᑲ ‍ ᐎᑎᒪᑕᓐ᙮ ᑯᑎᑭᒡ ᒋᑯᓯᒡ ᐱᒪᑎᓯᐅᒡ ᑭᔭ ᓴᔅ ᐸᑐᑕᐅᒡ!”
\p
\v 36 ᐎᐱᒡ ᐊᓂᔭ ᑲᒋ ‍ ᐃᔅᒋᔄᑦ, ᒂ ᐅᒋ ‍ ᐱᒐᔨᒋ ᑎᐱᑦ ᐅᑯᓴ᙮ ᒥᓯᐛ ᒂ ‍ ᒪᒡ, ᑭᔭ ᑎᐱᑦ ᑭᔭ ᐅᑦ ᐊᐱᒋᐊᑭᓇ ᐃᔭᐱᒡ ᒂ ᒪᒡ ᐊᒋᔄᐛᒡ᙮
\p
\v 37-38 ᒥᒄ ᐊᑉᓴᓗᒻ ᒋ ‍ ᒋᑎᓯᒧ᙮ ᑭᓱᕐ ᐊᔅᒋᒡ ᒋᓴᐅᒋᒪᐛ ᐊ ‍ ᐃᑕᔨᒋ ᒋ ‍ ᐎᒋᒪᐤ, ᐊᓂᔭ ᑕᓪᒪᐃᒋ ᐊᒻᒥᐅᑕ ᐅᑯᓯᔨᐛ᙮ ᓂᔅᑐᐱᐳᓇ ᐊᓐᑕ ᒋ ᐃᔅᐱᔅ ᐃᑕᑦ ᐊᑉᓴᓗᒻ᙮
\p ᒋᒋᐛ ᓇᐅᔅ ᒋ ‍ ᒧᔎᑕᐤ ᑎᐱᑦ ᐅᑯᓴ ᐊᒻᓄᓇᔨᒋ,
\v 39 ᒥᒄ ᓇᓇᒡ ᐊᓂᑕ, ᒋ ‍ ᐱᑯᓴᔨᑎᒻ ᒐᒋ ᐛᐱᒪᑦ ᐊᑉᓴᓗᒪᔨᒋ, ᐛᔅ ᓇᒪ ᓴ ᐅᒋ ᒥᓯᒪᔨᑎᒻ ᐊᒋ ‍ ᐱᓂᐱᒪᑎᓯᔨᒋ ᐊᒻᓄᓇᔨᒋ᙮
\c 14
\s1 ᑭᒐᑕᐅᐛᔨᑕᑯᓯᐅᓂᒡ ᒋ ‍ ᐃᔭᔅᑯᔅᑕᐤ ᒍᐊᑉ ᒐᒋ ᑲᐤ ᑎᑯᓯᓂᔨᒋ ᐊᑉᓴᓚᒪ
\p
\v 1 ᒍᐊᑉ ᒋ ‍ ᒋᔅᒐᔨᒪᐤ ᒋᓴᐅᒋᒪᐛ ᓇᔅᒡ ᐊᐎ ‍ ᐛᐱᒪᔨᒋ ᐊᑉᓴᓗᒪ᙮
\v 2 ᐊᑯ ᒍᐊᑉ ᒂ ‍ ᐃᑎᓴᐛᑦ ᐊᐛᔪᐛ ᐊᓐᑕ ᑎᑯᐊ ᐅᑕᓇᒡ ᒐᒋ ᐸᓱᐛᔨᒋ ᐃᔎ ᓇᔅᒡ ᐊᑭᒐᑕᐛᔨᑕᑯᓯᔨᒋ᙮ ᐃᔅᐱ ᑲ ‍ ᑎᑯᓯᓂᔨᒋ ᐃᔎᐛ, ᒍᐊᑉ ᒋ ‍ ᐃᑕᐤ, “ᒐ ᒥᓯᒪᔨᑎᒥᐧᑲᓱᐎᔨᓐ ᐛᔅ ᐊᒋ ‍ ᐳᓂᐱᒪᑎᓯᑦ ᐊᐛᓐ᙮ ᒐ ᐳᔅᑭᒥᓐ ᐊᐱᒋᑕᐅᓇ ᐊᐛᐸᑎᔨᐛᔨᓐ ᐊᓂᓇᐧᑲᑕᔨᑎᒥᓐ᙮ ᒐ ᐊᑲ ᐊᔅᑕᔨᓐ ᓱᑈᒋᐅᓐ ᒋᔭᒡ, ᒧᔭᒻ ᓇᐅᔅ ᐊᒋ ‍ ᓂᓇᐧᑲᑕᔨᑕᐧᒃ ᐃᔎᐤ ᒐ ‍ ᐃᔨᑎᔨᓐ᙮
\v 3 ᑭᔭ ᒐ ‍ ᓂᑐᐛᐱᒥᑦ ᒋᓴᐅᒋᒪᐤ, ᑭᔭ ᒐ ‍ ᐎᑎᒧᐅᑦ ᒐᒂᓐ ᒐ ‍ ᐎᑎᒪᑕᓐ ᒐ ‍ ᐃᔅᒋᔄᔨᓐ᙮” ᐊᑯ ᒍᐊᑉ ᐛᑎᒧᐛᑦ ᑕᓐ ᒐ ‍ ᐃᑕᔨᒋ ᒋᓴᐅᒋᒪᐛ᙮
\v 4 ᐊᑯᐤ ᐊᓐ ᐃᔎᐤ ᑎᑯᐊ ᐅᑕᓇᒡ ᐅᒋ ᓇᑐᐛᐱᒪᑦ ᒋᓴᐅᒋᒪᐛ᙮ ᒂ ‍ ᓂᐱᔅᑯᐱᔪᐅᑦ ᐅᑎᔅᑯᐤ ᐊ ‍ ᐃᑕᔨᒋ ᑭᔭ ᒂ ‍ ᐃᑕᑦ, “ᓂᐅᒋᒪᒻ, ᐎᒋᔨ
\v 5 ᒂ ‍ ᐃᑕᑦ ᒋᓴᐅᒋᒪᐤ, ‘ᒐᒂᓐ ᐛᔅᑕᐱᔨᑯᔨᓐ?” ᒂ ᐃᑕᑦ ᐊᓐ ᐃᔎᐤ, ᓂᐅᒋᒪᒻ, ᓂᔾ ᐅ ᒋᑎᒪᒋᔎᐤ᙮ ᓇᐅᔅ ᐊᓂᔭ ᒋᐳᓂᐱᒪᑎᓯᐤ ᓂᐎᒋᒪᑭᓐ᙮
\v 6 ᒋ ‍ ᓂᓱᐅᒡ ᓂᑯᓯᒡ᙮ ᒥᒄ ᐸᐃᒂᐤ ᒐᓯᑲᔨᒡ ᒋ ‍ ᒋᐧᑲᓇᑯᔨᑐᐅᒡ ᐊᓐᑕ ᓂᑕᐅᒋᒋᑭᓂᓯᒡ᙮ ᓇᒪ ᐅᒋ ᐃᑕᐤ ᐊᐛᓐ ᒐᒋ ᑕᐸᓇᐊᑦ, ᑭᔭ ᐸᐃᒄ ᐊᓐ ᐛᑕᒪᐛᑦ ᑯᑎᑲ ᑭᔭ ᒂ ‍ ᓂᐸᐊᑦ᙮
\v 7 ᐊᓄᒡ, ᓂ ‍ ᐛᐧᑲᑎᑯᒡ ᐊᐸᐃᑯᔅᑲᓇᓯᔭᓐ᙮ ᓂᑦ ‍ ᐃᑎᑯᒡ ᐊᒋ ‍ ᓇᐊᔨᒥᒂᐤ ᒐᒋ ᓂᐸᐊᒡ ᓂᑯᓴ ᐊᔅᒄ ᐸᒪᑎᓯᔨᒋ, ᐊᓂᔭ ᐅᒋ ᒐᒋ ‍ ᑎᐸᐊᒧᐛᒡ ᐊᒋ ‍ ᓂᐸᐊᔨᒋ ᐎᐧᑲᓂᓯᔨᐛ᙮ ᒥᒄ ᐃᑐᑎᒪᓇ ᐊᓐ, ᓇᒪ ᓂᑭ ‍ ᐅᑯᓯᓐ ᒐᒋ ᐊᓱ ‍ ᐅᑎᓂᒺᑦ ᓂᐎᒋᒪᑭᓇ ᐅᑦ ‍ᑎᐸᔨᑎᒧᐅᓂᔨᐛ᙮ ᒧᔭᒻ ᐊᔅᑐᐛᔨᑭᓄᐅᒋ ᐊᓂᔭ ᐊᔅᑯᐱᔨᒋ ᐃᔎᔅᒐᐛ ᐊᓐᑕ ᐃᔅᑯᑕᒡ, ᑭᔭ ᐊᑐᒡ ᒋ ‍ ᑕᔪᐛ ᐅᑯᓴ ᓂᐎᒋᒪᑭᓐ ᒐᒋ ᑭᓄᐛᔨᑎᒥᔨᒋ ᐊᐸᐃᑯᔅᑲᓇᓯᔭᒡ ᓂᑦ ᐃᓯᓂᐧᑲᓱᐅᓇᓂᔪᐤ᙮
\p
\v 8 ᐊᑯ ᒋᓴᐅᒋᒪᐤ ᐊᑕᑦ ᐊᓂᔭ ᐃᔎᐛ, “ᑲᐤ ᒋᐛᒪ ᒋᒋᐛᒡ; ᓂᔾ ᓂᑭ ‍ ᑎᓯᐧᑲᓐ ᐅ ᐊ ‍ ᐃᔅᐱᔨᓐ᙮”
\p
\v 9 ᐊᓐ ᐃᔎᐤ ᑎᑯᐊ ᐅᑕᓇᒡ ᐅᒋ ᒂ ‍ ᐃᑕᑦ ᒋᓴᐅᒋᒪᐛ, “ᓂᐅᒋᒪᒻ, ᐊᓏᔨᒥᑯᐎᔨᓇ ᐊ ‍ ᐎᒋᔨᓐ,ᐊᐸᐃᑯᔅᑲᓇᓯᔭᓐ ᑭᔭ ᓂᔾ ᓂᑭ ‍ ᑕᒪᔨᒥᑯᐅᓇ᙮ ᒋᔾ ᑭᔭ ᒋᓴᐅᒋᒪᐤ ᐊᐸᐃᑯᔅᑲᓇᓯᔭᒄ ᓇᒪ ᒐᒂᓐ ᒋ ᐅᒋ ‍ ᑐᑕᓇᐛᐤ ᐊ ᐅᓂᑐᑎᒪᒄ,”
\p
\v 10 ᒋᓴᐅᒋᒪᐤ ᒂ ‍ ᐃᑕᑦ, ᐃᔅᒋᔄᒐ ᐊᐛᓐ ᐊ ‍ᐎ ‍ ᐅᔅᑕᐱᔨᔅᒄ, ᒐ ‍ ᐸᑐᐎᔨᓐ ᐊᓐ ᐊᐛᓐ, ᑭᔭ ᓂ ‍ ᒐᒋᓇᐅᓐ ᒐ ᐊᑲ ᓂᑕ ᒥᓐ ᐅᔅᑕᐱᔨᔅᒄ᙮”
\p
\v 11 ᐊᑯ ᒂ ‍ ᐃᔅᒋᔄᑦ ᐊᓐ ᐃᔎᐤ, ᓂᐅᒋᒪᒻ, ᒐ ‍ ᓂᑐᑎᒧᐅᑦ ᑎᐸᔨᒋᒐᓱᐤ ᒋᒋᓴᒪᓂᑐᒻ ᒐ ‍ ᐊᑲ ᓇᐊᔨᒪᑦ ᓂᐧᑲᓂᓴ, ᐊᓂᔭ ᐛᑎᐸᐊᒧᐛᒡ ᐊᒋ ‍ ᓂᐸᐊᔨᒋ ᐎᐧᑲᓂᓯᔨᐛ, ᐊᓂᔭ ᒐᒋ ᐃᑐᑎᒥᔨᒋ᙮”
\p ᑎᐱᑦ ᒂ ‍ ᐃᑕᑦ, “ᒐᒋᓇᒡ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᓇᔅᒡ ᓇᒪ ᒋᑭ ᒋ ᐊᐧᑯᐊᑭᓄᐅᐤ ᒋᑯᔅ᙮”
\v 12 ᐊᑯ ᐃᔎᐤ ᒂ ‍ ᐃᔅᒋᔄᑦ, “ᓂᐅᒋᒪᒻ, ᓇᐊᔨᒥ ᒪᔅᑕᔾ ᐸᐃᒄ ᒐᒂᓐ ᒐᒋ ᐃᑎᑕᓐ᙮” ᒂ ‍ ᐃᑕᑦ ᒋᓴᐅᒋᒪᐤ, “ᐃᔨᒥ!”
\p
\v 13 ᐊᑯ ᐃᔎᐤ ᒂ ‍ ᐃᔅᒋᔄᑦ, “ᒐᒂᓐ ᐅ ᐛᒋ ‍ ᐃᑐᑐᐅᔽᐤ ᒋᓴᒪᓂᑐᐤ ᐅᑦ ᐃᔨᒪ ᐊᒥᒋᓂᔨᒡ ᒐᒂᔪᐤ? ᓇᒪ ᒋ ᐅᒋ ᓇᐊᔨᒪᐤ ᒋᑯᔅ ᐊᑉᓴᓚᒻ ᑲᐤ ᒐᒋᓐ ᒋᐎᑦ᙮ ᐊᓐ ᐊ ‍ ᐃᔅᒋᔄᔨᓐ ᐊᓄᒋᒐ ᑲ ‍ ᐃᔅᒋᔄᔨᓐ, ᑕᑈ ᒋᒋ ‍ ᐎᑕᓐ ᐊ ᐅᓂᑐᑎᒥᓐ ᐊᓐ ᑲ ‍ ᐃᑐᑎᒥᓐ ᒐᒂᓐ᙮
\v 14 ᒥᓯᐛ ᒋ ‍ ᐳᓂᐱᒪᑎᓯᓇᓄᐤ; ᒧᔭᒻ ᓂᐱᔾ ᒋᑦ ‍ ᐃᓯᓇᑯᓯᓇᓄᐤ ᐊ ᐊᑲ ᑲᐤ ᒋ ‍ ᐅᑎᓇᑭᓄᐅᒡ ᑲᒋ ᑯᑎᐱᔨᑕᑭᓄᐅᒋ ᒧᔅᑎᔅᑭᒥᒡ᙮ ᒥᒄ ᓇᒪ ᒥᒄ ᒋ ‍ ᑐᑕᑯᓄᐤ ᒋᓴᒪᓂᑐᐤ ᒐᒋ ᐳᓂᐱᒪᑎᓯᐛᐧᒄ; ᐃᑐᑎᒻ ᒐᒂᔪᐛ ᒐᒋ ᑲᐤ ᐸᓯᔨᑕᐧᒄ ᑲᒋ ᓂᑭᑕᐧᑯᐤ᙮
\p
\v 15 ᐊᓄᒡ, ᓂᐅᒋᒪᒻ, ᒋᒋ ‍ ᓂᑐᐛᐱᒥᑎᓐ ᐛᔅ ᑯᑎᑭᒡ ᒋ ‍ ᐃᔅᒋᔄᐅᒡ ᒐᒋ ᐊᐧᑯᐎᔨᒡ᙮ ᐊᑯ ᑲ ‍ ᐃᑎᑎᓱᔭᓐ, ‘ᓂᑭ ‍ ᒋᑐᑕᓐ ᑭᔭ ᓂᑭ ‍ ᐃᔨᒪᐅ ᒋᓴᐅᒋᒪᐤ, ᑭᔭ ᒂᔄᓐ ᒋᑭ ‍ ᐃᑐᑎᒻ ᒐᒂᔪᐤ ᑲ ‍ ᓂᑐᐛᔨᑎᒧᐅᒃ ᒐᒋ ᐃᑐᑕᐧᒃ᙮
\v 16 ᒂᔄᓐ ᓂᑭ ‍ ᓂᑐᑕᒄ, ᑭᔭ ᒐ ‍ ᐱᒪᒋᔨᑦ ᓇᐸᐛ ᐅᒋ ᐊᓂᔭᐛ ‍ ᓂᐸᔨᒋ ᓂᑯᓴ᙮ ᓂᐸᐊᑭᓄᐅᒐ ᓂᑯᔅ, ᐊᐅᑯᓐ ᐅᒋ ᒐ ‍ ᐊᑲ ᓄᑯᓯᔭᒡ ᐊᓐᑕ ᐊᔅᒋᒡ ᒋᓴᒪᓂᑐᐤ ᑲ ‍ ᒥᔨᒥᑦ᙮’
\p
\v 17 ᑭᔭ ᒂ ‍ ᐃᑕᔨᑎᒪᓐ, ‘ᓂᑭ ‍ ᒥᔽᔨᒧᐃᑯᐛᓐ ᐊᓂᔭ ᒐᒂᔪᐤ ᒐ ᐃᔅᒋᔄᑦ ᒋᓴᐅᒋᒪᐤ, ᐛᔅ ᒧᔭᒻ ᒋᓴᒪᓂᑐᐤ ᐅᑦ ᐊᓐᒋᓂᒪ ᐃᑕᔨᑕᑯᓯᐤ ᒋᓴᐅᒋᒪᐤ᙮ ᒋᔅᒐᔨᑎᒻ ᒐᒂᔪᐤ ᒪᔽᔨᒡ ᑭᔭ ᐊᒪᔭᑎᓂᔨᒡ᙮’ ᓂ ᓂᑐᑎᒪᓐ ᒐ ‍ ᐎᒐᐅᔅᒄ ᒋᒋᓴᒪᓂᑐᒥᓄᐤ”
\p
\v 18 ᐅᑯ ᒋᓴᐅᒋᒪᐤ ᐊᑕᑦ ᐊᓂᔭ ᐃᔎᐛ, “ᐊᓄᒡ ᒋᑭ ‍ ᑭᒂᒋᒥᑎᓐ ᑭᒂᒋᒐᒧᐅᓐ, ᒐ ‍ ᓂᔎᐛᓯᔨᐛᔨᓐ, ᑭᔭ ᒐ ᐎᑎᒧᐎᔨᓐ ᑕᑈᐅᓐ᙮” ᐃᔎᐤ ᒂ ‍ ᐃᑕᑦ, “ᓂᐅᒋᒪᒻ, ᑭᒂᒋᒐᒧᐤ ᒋᑭᒂᒋᒐᒧᐅᓐ᙮”
\p
\v 19 ᒋᓴᐅᒋᒪᐤ ᒂ ‍ ᐃᔅᒋᔄᑦ, “ᒍᐊᑉ ᐊ ᑲ ‍ ᐃᑎᓱᒥᔅᒄ ᐅ ᒐᒋ ᐃᑎᔨᓐ? ᒂ ‍ ᐃᔅᒋᔄᑦ ᐃᔎᐤ, “ᐊᓂ, ᓂᐅᒋᒪᒻ, ᒐᒋᓇᒡ ᐊ ᐱᒪᑎᓯᔨᓐ, ᓇᒪ ᓂᒋ ‍ ᐃᑐᑕᓐ ᒐ ᐊᑲ ᒋ ᐎᑎᒪᑕᓐ ᒐᒂᓐ ᐊ ᑕᑈᒥᑲᒡ᙮ ᓂᐃ, ᑭᑈ, ᐎᔾ ᐊᓐ ᒍᐊᑉ ᑲ ᐃᓯᑦ ᒐᒋ ᐃᑐᑕᐅᒡ ᐅᑕ, ᑭᔭ ᐊᓐ ᑲ ‍ ᐎᑎᒧᐅᑦ ᒐᒂᔪᐤ ᒐ ‍ ᐃᔅᒋᔄᐅᒡ᙮
\v 20 ᒋ ‍ ᐃᑐᑎᒻ ᐅᔭ ᐊᓂᔭ ᐅᒋ ᒐᒋ ᐃᑐᑕᔅᒃ ᒐᒋ ᐃᔭᒡ ᐃᑕᔨᑎᒧᑦ ᐅᔭ ᐊ ‍ ᐃᔅᐱᔨᒡ᙮ ᓂᐅᒋᒪᒻ, ᒋ ᑭᒐᑕᐛᔨᑕᑯᓯᓐ ᒧᔭᒻ ᒋᓴᒪᓂᑐᐤ ᐅᑦ ᐊᓐᒋᓂᒪ, ᑭᔭ ᐃᔅᑭ ᐊᒋᔅᒐᔨᑎᒥᓐ ᒥᓯᐛ ᒐᒂᓐ ᐊ ‍ ᐃᔅᐱᔨᒡ ᐅᑕ ᐊᔅᒋᒡ, ᐊᑯ ᒋᔅᒐᔨᑕᓐ ᒐᒂᔪᐤ ᐛᒋ ‍ ᐃᑎᓴᐅᑦ ᒍᐊᑉ ᐅᑕ᙮
\p
\v 21 ᐊᑯ ᒋᓴᐅᒋᒪᐤ ᐛᓴᒪᑦ ᒍᐊᐸ ᑭᔭ ᒂ ‍ ᐃᑕᑦ, “ᓂᑐᑐᐎᔾ, ᓂᒋ ‍ ‍ᐎᔭᔨᑕᓐ ᒐᒋ ᐃᑐᑎᒪᓐ ᒐᒂᓐ ᑲ ‍ᐃᓯ ‍ ᓂᑐᐛᔨᑎᒥᓐ᙮ ᐊᑯ ᒪᒋ ᑭᔭ ᓂᑐᐛᐱᒻ ᐊᓐ ᐅᔅᒋᓂᒍᐤ ᐊᑉᓴᓚᒻ ᑭᔭ ᑲᐤ ᒋᕈᓴᓕᒥᒡ ᒐ ‍ ᐸᓱᐅᑦ᙮”
\p
\v 22 ᒋ ‍ ᐸᒋᒥᓱᐤ ᒍᐊᑉ ᐊᓐᑕ ᒧᔅᑎᔅᑭᒥᒡ, ᑭᔭ ᒂ ‍ ᓄᐛᑲᐳᔅᑐᐛᑦ ᒋᓴᐅᒋᒪᐛ, ᑭᔭ ᓇᑐᑎᒧᐛᑦ ᒋᓴᒪᓂᑐᐛ ᒐᒋ ᓱᐛᔨᑕᑯᐛᔨᒋ᙮ ᐊᑯ ᒍᐊᑉ ᒂ ‍ ᐃᔅᒋᔄᑦ, “ᓂᐅᒋᒪᒻ, ᐊᓄᒡ ᓂ ᒋᔅᒐᔨᑕᓐ ᐊ ᒥᔪ ‍ ᐃᑕᔨᒥᔨᓐ, ᐛᔅ ᒋᒋ ‍ ᓂᔅᑯᒧᓐ ᒐᒋ ᐃᑐᑎᒥᓐ ᒐᒂᓐ ᑲ ‍ ᓂᑐᐛᔨᑎᒪᓐ᙮”
\p
\v 23 ᐊᑯ ᒍᐊᑉ ᒂ ‍ ᐱᓯᑯᑦ ᑭᔭ ᑭᓱᕐ ᐊᔅᒋᒡ ᐊᑐᑕᑦ, ᑭᔭ ᓇᑐᐛᐱᒪᑦ ᐊᑉᓴᓚᒪ ᑭᔭ ᑲᐤ ᒋᕈᓯᓕᒥᒡ ᐱᔭᓱᐛᑦ᙮
\v 24 ᒥᒄ ᒋᓴᐅᒋᒪᐤ ᒋ ‍ ᐃᑎᓱᐛᐤ ᒐ ᐊᑲ ᑕᑈᑐᐛᑭᓄᔨᒋ ᐊᑉᓴᓚᒪ ᒐᒋ ᐎᒋᔨᒋ ᐊᓐᑕ ᒋᓴᐅᒋᒪᐅᒋᐛᐱᒡ᙮ ᒂ ‍ ᐃᔅᒋᔄᑦ, ᓇᒪ ᓂᑐᐛᔨᒪᐤ ᒐᒋ ᓇᒋ ‍ ᐛᐱᒥᑦ᙮” ᐊᑯ ᐊᑉᓴᓚᒻ ᒂ ‍ ᐎᒋᑦ ᐊᓐᑕ ᑎᐱᔨᐛ ᐎᒋᒡ, ᑭᔭ ᓇᒪ ᐅᒋ ᓂᑐᐛᐱᒪᐤ ᒋᓴᐅᒋᒪᐛ ᒐᒋ ᐃᔨᒪᐊᑦ᙮
\p
\v 25 ᒋᒋᐛ ᒋ ᐅᔅᒋᓂᒋᐅᓇᑯᓱᐤ ᐊᑉᓴᓚᒻ᙮ ᒋ ᒥᔪᓇᑯᓱᐤ, ᐊᓇᒡ ᐅᓯᑎᒡ ᐅᒋ ᐃᔅᐱᔅ ᑕᐧᑯᒡ ᐅᔅᑎᒂᓂᒡ᙮ ᐊᓐᑕ ᒥᓯᐛ ᐃᔅᕋᐃᓕᒡ ᓇᒪ ᑕᔪᐛ ᐊᐛᔪᐛ ᐃᔪᒡ ᓂᐃᓂᐛᒡ ᐃᔅᐱᔅ ᐊᑉᓴᓚᒪ
\v 26 ᒋ ‍ ᐱᒂᔭᔪᐤ ᐅᐱᔎᐅᓐ, ᑭᔭ ᒥᒄ ᐸᐃᒂᐤ ᐸᐃᑯᐱᐳᓇ ᒋ ‍ ᒪᑎᓯᒻ, ᐃᔅᐱ ᒂᓯᑯᓂᔨᒋ᙮ ᐊᓄᒡ ᑎᐸᐸᑲᔨᑭᓇ ᐊ ᐊᐱᒋᑕᑭᓄᐅᒋ, ᒋ ‍ ᑎᐸᐸᑲᐅᒻ ᐅᐱᔎᐅᓐ ᑲ ‍ ᒪᑎᓴᐧᒃ, ᑭᔭ ᐱᑕᑕᒡ ᑕᑐᓴᑉ ‍ (15) ᓇᓂᑎᒻ ᒋ ‍ ᑕᑎᐸᐸᑲᔨᑭᓇᔭᔪᐤ᙮
\v 27 ᐊᑉᓴᓚᒻ ᒋ ‍ ᓂᔅᑎᔨᐛ ᐅᑯᓴ ᑭᔭ ᐸᐃᒄ ᐅᑕᓂᓴ ᑕᐃᒪᕐ ᐊ ‍ ᐃᓯᓂᐧᑲᓱᔨᒋ᙮ ᒋᒋᐛ ᒋ ‍ ᒥᔪᔎᐅ᙮
\p
\v 28 ᑲᐤ ᑲᒋ ‍ ᐃᑐᑕᑦ ᒋᕈᓯᓕᒥᒡ ᐊᑉᓴᓚᒻ, ᓂᓱ ᐱᐳᓇ ᐊᓐᑕ ᒋ ‍ ᐎᒍᐤ, ᑭᔭ ᐊᓂᔭ ᒪᒂᒡ ᓇᒪ ᓂᑕ ᐅᒋ ᓇᐊᔨᒪᑭᓄᐅᐤ ᒐᒋ ᐛᐱᒪᑦ ᒋᓴᐅᒋᒪᐛ᙮
\v 29 ᐊᑯ ᒂ ‍ ᐃᑎᓴᐛᑦ ᐊᐱᒋᐊᑭᓇ ᒍᐊᐸ ᐊ ‍ ᑕᔨᒋ ᒐᒋ ᑭᒂᒋᒪᔨᒋ ᒐᒋ ᑎᑯᓯᓂᔨᒋ ᑭᔭ ᒐᒋᓂᔨᒥᔨᑯᑦ, ᒥᒄ ᒍᐊᑉ ᓇᒪ ᐅᒋ ᑕᑈᑎᒻ ᒐᒋ ᑎᑯᓯᐧᒃ᙮ ᐊᑯ ᐊᑉᓴᓚᒻ ᓂᔄᐤ ᒂ ‍ ᐃᑎᓴᐊᒧᐛᑦ ᐃᔨᒧᐅᓂᔪᐤ, ᒥᒄ ᐃᔭᐱᒡ ᓇᒪ ᐅᒋ ᐎ ‍ ᑎᑯᓯᓂᔨᐛ᙮
\p
\v 30 ᐊᑯ ᐊᑉᓴᓚᒻ ᒂ ‍ ᐃᑕᑦ ᐅᑦ ᐊᐱᒋᐊᑭᓇ, “ᒋ ᒋᔅᒐᔨᑎᒺᓇᐛᐤ ᐅᐱᒪ ᐛᒋ ‍ ᐃᑎᑯᓂᔨᒡ ᒍᐊᑉ ᐅᓂᑕᐅᒋᒋᑭᓐ ᐊᔅᒋᔾ ᐊᓐᑕ ᓂ ᓂᑕᐅᒋᒋᑭᓐ ᐊᔅᒋᒡ, ᑭᔭ ᐛᐱᔪᒥᓇ ᓇᑕᐅᒋᓂᔨᒋ ᐊᓐᑕ᙮ ᒪᒋᒄ ᑭᔭ ᒐ ‍ ᓯᔅᑲᐊᒺᒄ ᑭᔭ ᒐ ‍ ᐃᔎᓯᒺᒄ ᐅᐛᐱᔪᒥᓇ᙮ ᐊᑯ ᐊᑉᓴᓚᒻ ᐅᑦ ᐊᐱᒋᐊᑭᓇ ᒂ ‍ ᐃᑐᑕᒡ ᐊᓐᑕ ᑭᔭ ᓴᔎᐊᒺᒡ ᑭᔭ ᒥᓯᐛ ᐅᐛᐱᔪᒥᓂᒥᔨᐛ ᒋ ‍ ᐃᔎᑕᔪᐛ᙮
\p
\v 31 ᒋ ᒋᔅᒐᔨᒪᐤ ᒍᐊᑉ ᐊᐛᔪᐛ ᐊᓂᔭ ᑲ ‍ ᐃᑐᑎᒥᔨᒋ, ᐊᑯ ᒂ ‍ ᐃᑐᑕᐛᑦ ᐊᓐᑕ ᐊᑉᓴᓚᒪ ᐎᒋᔨᒡ ᑭᔭ ᒂ ‍ ᐃᑕᑦ, ᒐᒂᔪᐤ ᐛᒋ ‍ ᐃᔎᓴᒡ ᒋᑦ ᐊᐱᒋᐊᑭᓐᒡ ᐛᐱᔪᒥᓇ ᓂᓂᑕᐅᒋᒋᑭᓐ ᐊᔅᒋᒡ?”
\v 32 ᐊᑉᓴᓚᒻ ᒂ ‍ ᐃᑕᑦ, “ᐛᔅ ᓇᒪ ᒋ ᐅᒋ ‍ ᑎᑯᓯᓐ ᐃᔅᐱ ᑲ ‍ ᐃᑎᓴᐊᒪᑕᓐ ᐃᔨᒧᐅᓇ ᓇᑐᐛᔨᒥᑕᓐ ᒐᒋ ᑎᑯᓯᓂᔨᓐ᙮ ᒋᒋ ‍ᐎ ‍ ᓂᑐᐛᔨᑎᒪᑎᓐ ᒐᒋ ᓂᑐᐛᐱᒥᑦ ᒋᓴᐅᒋᒪᐤ ᒐᒋ ᐃᔨᑎᑦ, ᐊᑉᓴᓚᒻ ᐃᔅᒋᔄᐤ ᐊ ᐊᑲ ᐊᐱᑎᓂᔨᒡ ᐎᔾ ᒐᒋ ᓂᑭᑕᐧᒃ ᑭᓱᕐ ᑭᔭ ᐸᑐᑕᑦ ᐅᑕ᙮ ᒋᐸ ‍ ᒥᔽᔨᐱᓐ ᑕᑕᒂ ᓇᑕ ᐃᑕᔨᑎᒻ᙮ ᒋ ‍ ᓂᑐᐛᔨᑎᒪᒄ ᒐᒋ ᓇᐊᔨᒥᑦ ᒐᒋ ᐃᔨᒥᐃᔅᒃ᙮ ᑭᔭ ᐊᑕᔨᑎᒧᐅᓇ ᐊᒋ ‍ ᐃᑐᑕᐧᒃ ᒐᒂᔪᐤ ᐊᒪᔭᑎᓂᔨᒡ, ᒋᑭ ᒋ ‍ ᐃᑎᓱᐛᓐ ᒐᒋ ᓂᐸᐊᑭᓄᐅᑦ᙮’ ”
\v 33 ᐊᑯ ᒍᐊᑉ ᓇᑐᐛᐱᒪᑦ ᒋᓴᐅᒋᒪᐛ, ᑭᔭ ᐛᑎᒧᐛᑦ ᒐᒂᔪᐤ ᑲ ‍ ᐃᔅᒋᔄᔨᒋ ᐊᑉᓴᓚᒪ᙮ ᐊᑯ ᒋᓴᐅᒋᒪᐤ ᐛᓴᒪᑦ ᐊᑉᓴᓚᒪ, ᑭᔭ ᓇᑐᐛᐱᒪᑦ ᒋᓴᐅᒋᒪᐛ ᑭᔭ ᒂ ‍ ᓂᐱᔅᑯᐱᔪᐅᑦ ᐅᑎᔅᑯᐤ ᐊ ‍ ᐃᑕᔨᒋ ᐊᑕᒋᑎᓂᔨᒡ ᐅᑕᔅᑎᒥᐧᒄ ᒧᔅᑎᔅᑭᒥᒡ᙮ ᐊᑯ ᒋᓴᐅᒋᒪᐤ ᒂ ‍ ᓱᐛᔨᒪᑦ ᐊᑉᓴᓚᒪ ᒐᒋ ᐛᐸᑎᔭᑦ ᐊᔅᐱᔅ ᒥᔽᔨᑕᐧᒃ ᐎᔭᐱᒪᑦ᙮
\c 15
\s1 ᐊᑉᓴᓚᒻ ᒋ ‍ ᒪᔭᔨᒪᐤ ᑎᐱᑕ
\p
\v 1 ᓇᓇᒐ ᒪᒃ, ᐊᑉᓴᓚᒻ ᒋ ‍ ᑲᔅᑎᓇᐤ ᑎᑎᐱᑕᐸᓇᔎ ᑭᔭ ᑲᐸᐃᑭᔎᐛ ᒐᒋ ᐅᑕᐱᔨᒋ᙮ ᒂ ‍ ᐅᑎᓇᑦ ᐱᑕᑕᒡ ᑕᑐᔪᐤ ‍ (50) ᓇᐸᐛ ᒐᒋ ᐎᔨᐳᔨᒋ ᐊᓐᑕ ᓂᑲᓐ ᐊᑕᑦ ᒐᒋ ᒋᔅᑕᔨᒥᑯᑦ ᒪᒂᒡ ᐊᐱᐸᒥᐸᑕᑦ ᑎᑎᐱᑕᐸᓇᔎ ᒍᕆᓯᓕᒥᒡ᙮
\v 2 ᓇᓂᑎᒻ ᐎᐱᒡ ᒋ ᐅᓂᐅ ᐊᓯᑯᒻ ᒋᔭᒋᓴᐸᔭᔨᒋ ᑭᔭ ᐃᔎᑕᒥᒡ ᐅᑕᓇᒡ ᒋ ‍ ᓇᓂᐳᐅ᙮ ᐃᔅᐱ ᐸᔭᑐᑕᔨᒋ ᐊᓐᑕ ᐊᐛᔪᐛ ᐃᔭᔅᑕᒥᑐᔨᒋ ᓇᑐᐛᔨᒪᔨᒋ ᒋᓴᐅᒋᒪᐛ ᒐᒋ ᐎᔭᔨᑎᒥᔨᒋ, ᐊᑉᓴᓚᒻ ᒋ ‍ ᑕᑈᑕᐤ, ᐊᑭᒂᒋᒪᑦ, “ᒐᒄ ᐅᑕᓇᐤ ᐛᒋᔨᓐ?” ᐃᔅᐱ ᐛᑎᒧᐛᒋ ᐊᓐ ᐊᐛᓐ ᒐᒄ ᐅᑕᓇᔪᐤ ᐛᒋᑦ,
\v 3 ᐊᑉᓴᓚᒻ ᒂ ‍ ᐃᑕᑦ, “ᓂᑐᑐᐎᔾ, ᓂ ‍ ᒐᒋᓇᐅᓐ ᑎᔭᑈᒥᑲᒡ ᐊᓐ ᒐᒂᓐ ᐊᔅᒋᔄᔨᓐ᙮ ᒥᒄ ᓇᒪ ᑕᔪᐛ ᐊᐛᔪᐛ ᒋᓴᐅᒋᒪᐤ ᐊᒋ ‍ ᐅᑎᓇᑦ ᒐᒋ ᓂᑐᑐᐛᔨᒋ ᐃᔪᐛ ᒧᔭᒻ ᒋᔾ᙮”
\v 4 ᐊᑉᓴᓚᒻ ᐃᔭᐱᒡ ᒂ ‍ ᐃᑕᑦ, “ᑭᒪ ᓂᔾ ᑎᐸᔅᑯᓂᒐᓯᐅᔭᓐ ᐅᑕ ᐊᔅᒋᒡ᙮ ᑎᐸᔅᑯᓂᒐᓯᐅᔭᓐ, ᓂᐸ ‍ᒋ ᓂᑐᐛᐱᒥᑯᐱᓐ ᐊᐛᓐ ᐃᔭᔅᑕᒥᑐᔨᒋ, ᑭᔭ ᓂᔾ ᓂᐸ ‍ ᐎᔭᔨᑎᒺᓐ ᑯᐃᔅᑯᑐᐅᓂᒡ᙮”
\p
\v 5 ᑭᔭ ᐃᔅᐱ ᐱᔭᓱᐛᐱᒪᒋ ᐊᐛᓐ ᐊᑉᓴᓚᒪ ᒐᒋ ᓄᐛᒋᔅᑐᐛᑦ ᒋᔅᑕᔨᒧᐅᓂᒡ ᐅᑎᔅᑯᐤ ᐊ ‍ ᑕᔨᒋ, ᐊᑉᓴᓚᒻ ᒋ ‍ ᓱᓂᔅᒐᐎᔅᑐᐛᐤ ᑭᔭ ᐎᔭᐛᒋᓇᑦ ᑭᔭ ᓴᐛᔨᒪᑦ᙮
\v 6 ᐊᐅᑯᔪᐤ ᐊᑉᓴᓚᒻ ᑲ ‍ ᐃᑐᑐᐛᑦ ᒥᓯᐛ ᐊᐛᔪᐛ ᐊᓐᑕ ᐃᔅᕋᐃᓕᒡ ᑲ ‍ ᓂᑐᐛᐱᒪᔨᒋ ᒋᓴᐅᒋᒪᐛ ᐛᔅ ᐊᐅᔅᑕᐱᔨᑐᒡ ᐊᐛᔪᐛ᙮ ᐊᓂᔭ ᐅᒋ, ᒋᓯᒋᒪᐤ ᐊᑉᓴᓚᒻ ᒥᓯᐛ ᐃᔅᕋᐃᓪ ᐃᔪᐛ ᒐᒋ ᐊᑎᑐᐤ ᓇᐊᔨᑎᒪᐊᑦ ᐃᔅᐱᔅ ᑲ ‍ ᓇᐊᔨᑎᒥᔨᑯᒡ ᑎᐱᑕ᙮
\p
\v 7 ᑲᒋ ᓇᐅᐱᐳᓂᔨᒡ, ᐊᑉᓴᓚᒻ ᒋᓂᑐᐛᐱᒪᐤ ᒋᓴᐅᒋᒪᐛ ᑭᔭ ᒂ ‍ ᐃᑕᑦ, “ᓇᐊᔨᒥ ᒪ ᒐᒋ ᐃᑐᑕᔭᓐ ᐃᑉᕈᓐ ᐅᑕᓇᒡ, ᐊᓂᔭ ᐅᒋ ᒐᒋ ᐃᑐᑎᒧᒡ ᒐᒂᔪᐤ ᑲ ‍ ᐊᓱᑎᒧᐅᒃ ᑎᐸᔨᒋᒐᓱᐤ ᒐ ‍ ᐃᑐᑎᒧᒡ᙮
\v 8 ᐃᔅᐱ ᑲ ‍ ᐎᒋᔭᓐ ᐊᓐᑕ ᑭᓱᕐ ᐊᔅᒋᒡ, ᐊᓐᑕ ᓯᕆᐊ , ᓂᒋ ᐊᓱᑎᒧᐛᐤ ᑎᐸᔨᒋᒐᓱᐤ ᐃᔅᐱ ᑲᐤ ᐸᓱᐅᒐ ᒋᕈᓯᓕᒥᒡ, ᓂᐸ ᐊᔭᒥᐊᔅᑐᐛᐤ ᐊᓐᑕ ᐃᑉᕈᓐ ᐅᑕᓇᒡ᙮”
\p
\v 9 ᒂ ‍ ᐃᑎᑯᑦ ᒋᓴᐅᒋᒪᐛ, “ᒋᑭ ᒋ ‍ ᐃᑐᑕᓐ᙮” ᐊᑯ ᐊᑉᓴᓚᒻ ᐊᑐᑕᑦ ᐃᑉᕈᓐ ᐅᑕᓇᒡ᙮
\p
\v 10 ᐊᑯ ᒪᒂᒡ ᐊᓐᑕ ᑲ ‍ ᐃᑕᑦ, ᒋᒧᑦ ᒋ ‍ ᐃᑎᓴᐛᐤ ᐊᐱᒋᐊᑭᓇ ᐊᓐᑕ ᒥᓯᐛ ᐊᐸᐃᑯᑕᐅᓯᔨᒋ ᐊᓐᑕ ᐃᔅᕋᐃᓕᒡ, ᒐᒋ ᐎᑎᒧᐛᔨᒋ, ᐃᔅᐱ ᐸᑎᒪᒂ ᐊᐳᑕᑕᑭᓄᐅᒋ ᐳᑕᒋᑭᓇ, ᒐᑕᑈᔭᒄ ‘ᐊᑉᓴᓚᒻ ᓴᔅ ᒋᓴᐅᒋᒪᐤ ᐊᓐᑕ ᐃᑉᕈᓐ ᐅᑕᓇᒡ!’~”
\v 11 ᓂᓱ ᒥᑕᓯᒥᑎᓄᐤ ᑕᑥᐤ (200) ᓇᐸᐛ ᒋᕈᓯᓕᒻ ᐅᒋ ᒋ ‍ ᐅᑎᓇᐤ ᐊᑉᓴᓚᒻ ᒐ ‍ ᐎᒐᐅᑯᑦ , ᒥᒄ ᓇᒪ ᐅᒋ ᒋᔅᒐᔨᒥᑯᐤ ᒐᒂᔪᐤ ᑲᐎᔭᔨᑕᐧᒃ ᐊᑉᓴᓚᒻ ᒐ ‍ ᐃᑐᑕᐧᒃ᙮
\v 12 ᒪᒂᒡ ᑲᒥᑐᔅᑕᐊᒪᒐᑦ ᐊᑉᓴᓚᒻ ᐊᓐᑕ ᐃᑉᕈᓐ ᐅᑕᓇᒡ, ᐃᔨᒧᐅᓂᔪᐤ ᒋ ‍ ᐃᑎᓴᐊᒧᐛᐤ ᐊᐃᑐᐸᓚ, ᑭᓗᐤ ᐅᑕᓇᒡ ᐅᒋ, ᐊᓂᑐᐛᔨᒪᑦ ᒐᒋ ᑎᑯᓯᓂᔨᒋ᙮ ᐊᐅᑯᔪᐛ ᐊᓂᔭ ᐊᐃᑐᐸᓚ ᐸᐃᒄ ᒋᓴᐅᒋᒪᐤ ᐅᑦ ‍ᐊᐱᒋᐊᑭᓇ᙮ ᐊᑯ ᐊᑎᑐᐤ ᒋ ‍ ᒥᒐᑐᐅᒡ ᐊᑎᓯᒡ ᐃᔪᒡ ᐊᓐᒡ ᑲ ‍ ᐎᒐᐊᒡ ᐊᑉᓴᓚᒪ ᑭᔭ ᑲ ‍ ᐊᔭᔅᑯᐎᔨᒡ ᒐᒋ ᒪᔭᔨᒪᒡ ᑎᐱᑕ᙮
\s1 ᑎᐱᑦ ᑲ ᒋᑎᓯᒧᑦ ᒋᕈᓯᓕᒥᒡ ᐅᒋ
\p
\v 13 ᒋ ‍ ᓇᑎᑯᐤ ᐊᐱᒋᐊᑭᓇ ᑎᐱᑦ ᑭᔭ ᒂ ‍ ᐃᑎᑯᑦ, “ᒥᓯᐛ ᐃᔅᕋᐃᓪ ᐃᔪᒡ ᐎᒐᐅᒡ ᐊᑉᓴᓚᒪ ᒐᒋ ᒪᔭᔨᒥᔅᒡ!”
\p
\v 14 ᐊᑯ ᑎᐱᑦ ᒂ ‍ ᐃᑕ ᒥᓯᐛ ᐅᑯᐸᓇᒪ, “ᑎᐛᒡ ᒋᑭ ᐎ ‍ ᒋᑐᑕᓇᓄᐤ ᐎ ᒋᑎᓯᒪᒂ ᐊᑉᓴᓚᒻ! ᒋᔅᑎᑉ ᒋᑭ ᐎ ‍ ᒋᑐᑕᓇᓄᐤ, ᐊᒺᔭ ᑭᔭ ᐅᑦ ᐃᔨᒪ ᑎᑯᓯᓂᑥᐛ᙮ ᐊ ᐊᑲ ᐃᑎᔭᒂ ᐊᓐ, ᒋᑭ ‍ ᓂᐸᔨᑯᓄᐅᒡ ᑭᔭ ᒥᓯᐛ ᐊᐛᔪᐛ ᐊᓐᑕ ᐅᑕᓇᒡ!”
\p
\v 15 ᒋᓴᐅᒋᒪᐤ ᐅᑯᐸᓇᒪ ᒂ ‍ ᐃᑎᑯᑦ, “ᐊᑯ, ᓂᐅᒋᒪᒥᓇᓐ, ᓂᑦ ‍ᐊᔭᔅᑯᐎᓇᓐ ᒐᒋ ᐃᑐᑎᒪᒡ ᒐᒂᓐ ᐎᔭᔨᑎᒥᓐ᙮”
\p
\v 16 ᐊᑯ ᒋᓴᐅᒋᒪᐤ ᒂ ᓂᑭᑕᑦ ᐊᓐᑕ ᐸᐃᑯᔪᐤ (10) ᐅᑯᐸᓇᐅ ᐎᐛ ᒐᒋ ᑭᓄᐛᔨᑎᒥᔨᒋ ᒋᓴᐅᒋᒪᐅᒋᐛᐱᔪᐤ, ᒥᒄ ᒥᓯᐛ ᑯᑎᑲ ᐊᐛᔪᐛ ᐊᓐᑕ ᐅᒋᓴᐅᒋᒪᐅᒋᐛᐱᒡ ᒋ ‍ ᐎᒐᐅᑯᐤ᙮
\v 17 ᐃᔅᐱ ᒥᓯᐛ ᒃ ‍ ᓂᑭᑕᒡ ᐅᑕᓇᔪᐤ, ᒋ ‍ ᓂᑲᐎᔪᐅᒡ ᐊᓐᑕ ᒪᔅᑕᔾ ᒥᒋᐛᐱᔪᐤ᙮
\v 18 ᒂ ᓯᑲᐳᐅᒡ ᐊᓐᑕ ᒋᓴᐅᒋᒪᐤ ᑭᔭ ᐅᑯᐸᓇᒪ ᒪᒂᒡ ᑲ ‍ ᓇᑭᑐᐛᔨᒥᑯᑦ ᓇᐸᐛ ᑲ ‍ ᐱᒧᑕᔨᒋ ᐅᑎᔅᑯᐤ ᐊ ‍ ᐃᑕᑦ᙮ ᐊᓱᑕᒡ ᑕᑐ ᒥᑕᓯᒥᑎᓄᐤ ‍ (600) ᓂᑐᐱᔪᐅ-ᐃᔪᐛ ᑲᑦ ᐅᑕᓇᒡ ᐅᒋ ᐃᔭᐱᒡ ᒋ ‍ ᐱᒧᑕᔪᐛ ᐅᑎᔅᑯᐤ ᐊ ‍ ᐃᑕᑦ᙮
\p
\v 19 ᐊᑯ ᑎᐱᑦ ᐊᑕᑦ ᐃᑕᐃᒋ, ᓇᑲᓄᔅᑯᐛᔨᒋ ᓂᑐᐱᔪᐅ-ᐃᔪᐛ ᑲᑦ ᐅᑕᓇᒡ ᐅᒋ, “ᒐᒂᓐ ᐛᒋ ‍ ᐎᒐᐎᔭᒡ? ᒥᒋ ᒋᐛᒪ ᑭᔭ ᒐᑕᐅᑦ ᐊᑕᑦ ᐊᑉᓴᓚᒻ ᐅᔅᒋ ᒋᓴᐅᒋᒪᐤ᙮ ᓇᒪᔭᐤ ᐅ ᒋᔾ ᐃᔅᕋᐃᓪ ᐃᔪᐤ; ᐃᔨᑲ ᒋᑦ ᐊᔅᒋᒡ ᒋ ‍ᐎᒋᓐ᙮
\v 20 ᒥᒄ ᐛᔨᐱᓯᔅ ᒋᒋ ‍ ᐎᒋᓐ ᐅᑕ ᐃᔅᕋᐃᓕᒡ᙮ ᑭᔭ ᓇᒪ ᓂ ᒋᔅᒐᔨᑕᓇᓐ ᑕᓐᑕ ᒐ ‍ ᐃᑐᑕᔭᒡ᙮ ᐊᑯ ᓇᒪ ᒥᔽᐤ ᒐᒋ ᐃᔨᐧᑭᒥᑕᓐ ᒐᒋ ᐛᐎᒐᐅᔭᒡ᙮ ᑭᔭ ᒐ ‍ ᒋᑐᑕᔨᑥᐤ ᒋᓂᑐᐱᔪᐅ-ᐃᔨᒥᒡ᙮ ᑭᔭ ᑭᒪ ᑕᑈᐅᒐᔨᑕᑯᓯᐅᓂᒡ ᓴᐛᔨᒥᔅᒃ ᑎᐸᔨᒋᒐᓱᐤ ᑭᔭ ᒥᔪᑐᑕᔅᒃ᙮”
\p
\v 21 ᒥᒄ ᐃᑕᐃ ᒋ ‍ ᐃᑕᐤ, “ᓂᐅᒋᒪ, ᒐᒋᓇᒡ ᐊ ‍ ᐱᒪᑎᓯᔨᓐ, ᑕᓐᑕ ᒥᒄ ᒐ ‍ ᐃᑐᑕᐅᓇ, ᓂᑭ ‍ ᐃᑐᑕᓐ; ᓂᑭ ᐃᑕᓐ ᐊᑕᔨᓐ, ᐊᑎᓱᐧᒄ ᓂᐸᔨᑥᐛ ᑭᔭ ᒪᒃ ᓇᐊᔨᑥᐛ ᒐᒋ ᐱᒪᑎᓯᐅᒡ᙮”
\p
\v 22 ᑎᐱᑦ ᒂ ‍ ᐃᑕᑦ ᐃᑕᐃᒋ, “ᐊᑯ, ᐛᒐᐅᓇᓐ!” ᐊᑯ ᐃᑕᐃ ᑭᔭ ᐅᓂᑐᐱᔪᐅ-ᐃᔨᒪ ᑭᔭ ᐊᐸᐃᑯᔅᑲᓇᓯᒡ ᐛᒐᐛᒡ ᑎᐱᑕ᙮
\p
\v 23 ᒥᓯᐛ ᐊᐛᓐᒋ ᐊᓐᑕ ᐅᐱᒪ ᒪᔅᑭᓇᒡ ᑲ ‍ ᓂᐳᐅᒡ ᒋ ‍ ᒪᐅᒡ ᐃᔅᐱ ᑲ ‍ ᐛᐱᒪᒡ ᑲ ‍ ᐱᒧᑕᔨᒋ᙮ ᒋᓴᐅᒋᒪ ᑭᔭ ᑯᑎᑭᒡ ᒋ ‍ ᐊᓱᐛᒧᒡ ᑲᑦᕈᓐ ᐊ ‍ ᐱᓴᒡ ᑭᔭ ᒥᓯᐛ ᒂ ‍ ᓴᑭᒋᐛᒡ ᐱᔅᑯᑎᓇᔪᐤ ᐸᐧᑯᑎᔅᑭᒥᑲᒡ ᐃᓯ᙮
\p
\v 24 ᐊᔭᒥᐊᐅᒋᒪᐅᒡ, ᐊᐱᐊᑕᕐ ᑭᔭ ᓴᑐᒃ, ᒋ ‍ ᐎᒐᐛᐅᒡ᙮ ᓕᐸᐃ ᐅᑦ ᐊᓂᔅᑯᑕᐸᓇ ᐊᓐᒡ ᑲ ‍ ᐛᐎᒋᐊᒡ ᐊᔭᒥᐊᐅᒋᒪᐛ ᐃᔭᐱᒡ ᒋ ‍ ᐎᒐᐛᐅᒡ, ᐊᑕᐧᑯᓇᒡ ᐸᔭᒋ ‍ ᒥᐅᑎᔪᐤ ᐊᓐᑕ ᑲ ‍ ᐱᒋᑎᓂᔨᒋ ᐸᐃᑯᔪᐤ ᐃᑎᓱᐛᐅᓇ᙮ ᒥᒄ ᒧᔅᑎᔅᑭᒥᒡ ᐊᓐᑕ ᒋ ‍ ᐊᔅᑕᐅᒡ ᐸᑐᔅ ᒥᓯᐛ ᑯᑎᑲ ᑲᒋ ‍ ᓂᑭᑎᒥᔨᒋ ᐅᑕᓇᔪᐤ᙮
\p
\v 25 ᐊᑯ ᒋᓴᐅᒋᒪᐤ ᒂ ‍ ᐃᑕᑦ ᓴᑐᑲ, “ᒋᔾ ᑭᔭ ᐊᐱᐊᑕᕐ ᑲᐤ ᐱᑎᑭᑕᒄ ᐸᔭᒋ ‍ ᒥᐅᑦ ᐊᓐᑕ ᐅᑕᓇᒡ᙮ ᐃᔅᐱ ᓇᐊᔨᑎᒥᐊᐅᒐ ᑎᐸᔨᒋᒐᓱᐤ, ᓂᑭ ‍ ᒥᔨᒄ ᐊᔅᒄ ᐸᐃᑯᒋᓯᑲᐛ ᑲᐤ ᒐᒋ ᑎᑯᓯᓄᐅᒡ ᒐᒋ ᐛᐸᑎᒧᒡ ᑭᔭ ᐊᓐᑕ ᐃᑕᐅᓂᒡ ᑲ ‍ ᓄᐛᔨᑕᑭᓄᐎᔨᒡ᙮
\v 26 ᒥᒄ ᐃᔅᒋᔄᒐ ᐊ ᐊᑲ ᓇᐊᔨᑎᒥᔨᒃ, ᐊᑯ ᓂᐱᔅᑎᓂᑎᓱᓐ ᒥᒄ ᐊᑕᔨᑕᐧᒃ ᒪᔽᔨᒡ ᒐᒋ ᐃᑐᑐᐅᑦ ᒐᒂᔪᐤ ᐛ ‍ ᐃᑐᑐᐅᑦ᙮”
\p
\v 27 ᒂ ‍ ᐃᑕᑦ ᓴᑐᑲᔨᒋ, “ᓂᑐᑕ ᒐᒂᓐ ᒐ ‍ ᐃᑎᑕᓐ᙮ ᒋᔾ ᑭᔭ ᐊᐱᐊᑕᕐ ᒋᔭᒪᔨᑎᒧᐅᓂᒡ ᑲᐤ ᐃᑐᑕᒄ ᐅᑕᓇᒡ, ᑭᔭ ᒐ ‍ ᐎᒐᐛᒄ ᒋᑯᔅ ᐊᐃᒪᔅ ᑭᔭ ᒠᓐᑕ ᐊᐱᐊᑕᕐ ᐅᑯᓴ᙮
\v 28 ᐸᐧᑯᑎᔅᑭᒥᑲᒡ ᒋᑭ ‍ ᓯᓄᐛᔨᑎᓇᐤ ᐊᓐᑕ ᐃᑕᐅᓂᒡ ᐊᓐᑕ ᐃᔪᒡ ᒐᒋ ᐊᓱᐛᐊᒡ ᓯᐱᔪᐤ, ᐸᑐᔅ ᒋ ‍ ᐃᑎᓴᐊᒧᐎᓇ ᐃᔨᒧᐅᓐ᙮”
\v 29 ᐊᑯ ᓴᑐᒃ ᑭᔭ ᐊᐱᐊᑕᕐ ᑲᐤ ᒋᕈᓯᓕᒥᒡ ᒂ ‍ ᐃᑐᑕᒡ ᐸᔭᒋ ᒥᐅᑎᔪᐤ, ᑭᔭ ᐊᑯᑕ ᑲ ‍ ᐃᑕᒡ᙮
\p
\v 30 ᑎᐱᑦ ᑭᔭ ᐊᓂᔭ ᒥᓯᐛ ᑲ ‍ ᐎᒐᐅᑯᑦ ᒂ ᓴᑭᒋᐛᒡ ᐊᓕᑉ ᒥᔅᑎᒄ ᐱᔅᑯᑎᓇᔪᐤ᙮ ᒋ ᒪᐤ ᑎᐱᑦ ᒪᒂᒡ ᐅᑎ ‍ ᐱᒧᑕ᙮ ᒋ ‍ ᓴᓴᒋᑐᐤ ᐊᐱᒧᑕᑦ ᑭᔭ ᒋ ‍ ᐎᔎᔭᒋᓂᒻ ᐅᔅᑎᒂᓐ ᒐᒋ ᐛᐸᑎᔨᐛᑦ ᐊ ᒥᓯᒪᔨᑕᐧᒃ᙮ ᒥᓯᐛ ᐊᐛᔪᐛ ᑲ ‍ ᐎᒐᐅᑯᑦ ᐃᔭᐱᒡ ᒋ ‍ ᐎᔎᔭᒋᓂᒧᒡ ᐅᔅᑎᒂᓄᐛᐛ ᑭᔭ ᒋ ‍ ᒪᐅᒡ ᒪᒂᒡ ᐅᑎ ‍ ᐱᒧᑕᑕᐤ᙮
\v 31 ᒋ ‍ ᐎᑎᒧᐛᐤ ᐊᐛᓐ ᑎᐱᑕ ᐊᐃᑐᐸᓚ ᐊᒋ ‍ ᐎᒋᐊᔨᒋ ᐊᓂᔭ ᑲ ‍ ᒪᔭᔨᒪᔨᒋ ᑎᐱᑕ, ᐊᑯ ᑎᐱᑦ ᓇᑐᑎᒪᑦ, “ᑎᐸᔨᒋᒐᓱᐤ, ᑐᑎᒻ ᒥᒄ ᒐᒂᔪᐤ ᐊᐃᑐᐸᓪ ᐊ ‍ ᐃᑎᓱᒪᑦ ᐊᑉᓴᓚᒪ ᒋᐸ ‍ ᐃᑎᔨᐛ ᐊᓂᔭ ᒋᔎᐅᓐ ᐊᑕᔨᑕᑯᓂᔨᒡ!”
\p
\v 32 ᐃᔅᐱ ᑕᐧᑯᑕᒧᑎᓐ ᐊᑕᒡ, ᐊᓐᑕ ᑲ ᐃᑎᑯᓂᔨᒡ ᐃᑕᐅᓂᔪᐤ ᐊᓐᑕ ᐃᔪᐛ ᐊᔭᒥᐊᔅᑐᐛᔨᒋ ᒋᓴᒪᓂᑐᐛ, ᓯᔅᒋᑯᒡ ᐅᓴᐃ, ᐊᕐᑭ ᐃᔪᐛ ᐊ ‍ ᐃᑎᔅᑲᓇᓯᑦ ᐅᒋ, ᓇᒋᔅᑯᐛᑦ ᑎᐱᑕ᙮ ᒋ ‍ ᑕᑐᐱᑎᒧᓯᐱᓐ ᐅᑦ ᐊᐱᒋᑕᐅᓇ ᑭᔭ ᐃᔭᑲᔪᐤ ᒋ ᐊᔅᑕᓯᐱᓐ ᐅᔅᑎᒂᓂᒡ ᒐᒋ ᐛᐸᑎᔨᐛᑦ ᐊᓂᓇᐧᑲᑕᔨᑕᐧᒃ᙮
\v 33 ᑎᐱᑦ ᒋ ‍ ᐃᑕᐤ, “ᐎᒐᐎᓇ, ᓇᒪ ᒋᑭ ᒋ ‍ ᐎᒋᔨᓐ᙮
\v 34 ᒥᒄ ᑲᐤ ᐃᑐᑕᔨᓇ ᐅᑕᓇᒡ, ᒋᑭ ᒋ ‍ ᐎᒋᔨᓐ ᐊ ‍ ᐃᑎᑦ ᐊᑉᓴᓚᒻ, ‘ᓂᐅᒋᒪᒻ, ᑕᑈᐅᒐᔨᑎᒧᐅᓂᒡ ᒋᑭ ‍ ᐊᑐᔅᑲᑎᓐ ᒧᔭᒻ ᑲ ᐃᓯ ‍ ᐊᑐᔅᑯᐅᒄ ᒍᑕᐎᔾ,’ ᐃᑐᑎᒥᓇ ᐊᓐ ᑭᔭ ᒥᒋᒪ ᐃᑕᐅᑕ ᐊ ‍ ᐃᑕᑦ ᐊᑉᓴᓚᒻ, ᒋᑭ ᒋ ‍ ᐊᑐᐛᔨᑎᒺᓐ ᒥᒄ ᐊᓯᓇᑯᓂᔨᒡ ᐃᔨᒧᐅᓂᔪᐤ ᐊᐃᑐᐸᓪ ᒪᔭᑦ ᐊᑉᓴᓚᒪ᙮
\v 35 ᐊᔭᒥᐊᐅᒋᒪᐅᒡ ᓴᑐᒃ ᑭᔭ ᐊᐱᐊᑕᕐ ᓴᔅ ᐊᓐᑕ ᐎᔪᐛᐤ ᐃᑕᐅᒡ᙮ ᒥᒄ ᒐᒂᔪᐤ ᐱᔭᑐᐅᑥᐤ ᐊ ‍ ᐃᔅᒋᔄᒡ ᐃᔪᒡ ᐊᓐᑕ ᒋᓴᐅᒋᒪᐛ ᐅᒋᓴᐅᒋᒪᐅᒋᐛᐱᔨᒡ, ᓴᑐᒃ ᑭᔭ ᐊᐱᐊᑕᕐ ᒋ ‍ ᐎᑎᒧᐅᑥᐤ᙮
\v 36 ᒐ ‍ ᓇᑭᑐᐛᔨᑎᒥᓐ ᐊᐃᒪᔅ ᓴᑐᒃ ᐅᑯᓴ ᑭᔭ ᒠᓐᑕ ᐊᐱᐊᑕᕐ ᐅᑯᓴ ᐃᔭᐱᒡ ᐊᓐᑕ ᐃᑕᐅᒡ᙮ ᒋᑭ ᒋ ‍ ᐎᑎᒧᐛᐅᒡ ᒥᒄ ᒐᒂᔪᐤ ᐱᔭᑎᒧᑦ, ᑭᔭ ᒐ ‍ ᐃᑎᓴᐅᑥᐤ ᒐᒋ ᐎᑎᒧᐅᒡ᙮”
\p
\v 37 ᐅᓴᐃ ᑎᐱᑦ ᐎᒐᐛᑭᓇ ᑲᐤ ᐊᑐᑕᑦ ᐅᑕᓇᒡ, ᒧᔭᒻ ᐊᓂᔭ ᐊᑎ ‍ ᐱᒐᔨᒋ ᒋᕈᓯᓕᒥᔪᐤ ᐊᑉᓴᓚᒪ᙮
\c 16
\s1 ᓯᐸ ᑲ ‍ ᒥᔭᑦ ᒥᒋᒥᔪᐤ ᑎᐱᑕ ᑭᔭ ᑯᑎᑲ ᐊᐛᔪᐛ
\p
\v 1 ᐃᔅᐱ ᑎᐱᑦ ᑭᔭ ᑯᑎᑭᒡ ᑲᒋ ‍ ᐊᐱᓯᔅ ᐎᒪᔅᑲᒡ ᑕᑯᑕᒧᑎᓐ, ᓯᐸᔨᒋ, ᒥᐱᐳᓴᑕ ᐅᑦ ᐊᐱᒋᐊᑭᓂᔨᐛ, ᒋ ‍ ᓂᔅᑲᑯᐤ᙮ ᒋᓂᓯᔨᐛ ᑲᓂᐧᑲᑎᓯᔨᒋ ᐅᑲᐸᐃᑭᔎᒥᔨᐛ ᐊ ‍ ᐎᔪᓱᐎᔨᒋ ᓂᓱ ‍ ᒥᑕᓯᒥᑎᓄᐤ ‍ (200) ᐸᒂᓯᑭᓇ, ᑭᔭ ᐸᐃᑯ ‍ ᒥᑕᓯᒥᑎᓄᐛᒥᔪᑦ ‍ (100) ‍ ᓱᒥᓇ, ᑭᔭ ᐸᐃᑯ ‍ ᒥᑕᓯᒥᑎᓄᐛᒥᔪᑦ ‍ (100) ᐅᔅᒋ ᓂᑕᐅᒋᑕᑭᓇ (ᒥᓂᓴ), ᑭᔭ ᐊᓴᑭᔅᒋᓇᐸᔨᒡ ᓱᒥᓇᐳᔪᐤ ᐱᓴᑭᓄᐅᑎᒡ᙮
\p
\v 2 ᒋᓴᐅᒋᒪᐤ ᒋ ‍ ᐃᑕᐤ ᓯᐸᔨᒋ, “ᒐᒂᔪᐛ ᐅᔭ? ᓯᐸ ᒋ ‍ ᑕᐤ, “ᒐᒋ ᐳᓯᒡ ᐊᐸᐃᑯᔅᑲᓇᓯᔨᓐ ᐊᓐᑕ ᑲᓂᐧᑲᑎᓯᔨᒋ ᐅᑲᐸᐃᑭᔎᐛ, ᑭᔭ ᐸᒂᓯᑭᓇ ᑭᔭ ᓂᑕᐅᒋᑕᑭᓇ (ᒥᓂᓴ) ᒐᒋ ᒥᒋᒡ ᒋ ‍ ᓂᑐᐱᔪᐅ-ᐃᔨᒥᒡ, ᑭᔭ ᓱᒥᓇᐳᔪᐤ ᒐᒋ ᒥᓂᒡ ᐃᔅᐱ ᐊᔭᔅᑯᓯᑥᐛ ᐊᓐᑕ ᐸᐧᑯᑎᔅᑭᒥᑲᒡ᙮”
\p
\v 3 ᒋᓴᐅᒋᒪᐤ ᒂ ‍ ᐃᔅᒋᔄᑦ, ᑕᓐᑕ ᐊᑕᑦ ᒥᐱᐳᓴᑦ, ᐎᐱᒡ ᒋᐅᒋᒪᒻ ᓴᓪ ᐅᓯᒪ?” ᓯᐸ ᒋ ‍ ᐎᔭᓯᒪᐤ ᑎᐱᑕ ᐊ ‍ ᐃᔅᒋᔄᑦ, “ᒋᕈᓯᓕᒥᒡ ᒋ ‍ ᐃᑕᐤ ᑎᐱᑦ, ᐛᔅ ᐃᑕᔨᑎᒻ ᐃᔅᕋᐃᓪ ᐃᔪᐛ ᐊᓄᒡ ᒋᑭ ‍ ᓇᐊᔨᒥᑯᐤ ᒐᒋ ᑎᐸᔨᑕᐧᒃ ᒋᓴᐅᒋᒪᐅᓂᔪᐤ ᐅᒧᓱᒪ ᑲ ‍ ᑎᐸᔨᑎᒥᔨᒋ᙮”
\p
\v 4 ᒋᓴᐅᒋᒪᐤ ᒋ ‍ ᐃᑕᐤ ᓯᐸᔨᒋ, “ᐊᑯ, ᒥᓯᐛ ᒐᒂᔪᐤ ᑲ ‍ ᑎᐸᔨᑕᐧᒃ ᒥᐱᐳᓴᑦ ᐊᓄᒡ ᒋ ‍ ᑎᐸᔨᑕᓐ,” ᓯᐸ ᒂ ‍ ᐃᑕᑦ, “ᓂᐅᒋᒪᒻ, ᑎᐸᑕᔨᑕᑯᓱᐅᓂᒡ ᒋᑭ ‍ ᐊᑐᔅᑲᑎᓐ; ᑭᔭ ᑭᒪ ᓇᓂᑎᒻ ᒥᔽᔨᑎᒥᔨᑕᓐ᙮”
\s1 ᓯᒥ ᑲ ‍ ᐊᓏᔨᒪᑦ ᑎᐱᑕ
\p
\v 5 ᐃᔅᐱ ᑎᐱᑦ ᑭᔭ ᐊᓂᔭ ᑲ ‍ ᐎᒐᐅᑯᑦ ᑲ ‍ ᑎᑯᓯᒡ ᐊᓐᑕ ᐸᐅᕆᒻ ᐅᑕᓇᒡ, ᒋ ‍ ᓂᒋᔅᑲᑯᐤ ᓇᐸᐛ ᓯᒥ ᐊ ‍ ᐃᓯᓂᐧᑲᓱᔨᒋ, ᑲᕋᔨᒋ ᒋ ᐅᑕᐎᔪᐤ, ᐊᓂᔭ ᐸᐃᒄ ᓴᓪ ᐎᐧᑲᓂᓴ᙮ ᓯᒥ ᒋ ‍ ᐊᓏᔨᒪᐤ ᑎᐱᑕ ᐅᑎ ᐸᑕᔅᑎᒧᑕᐃ᙮
\v 6 ᐊᑯ ᒂ ‍ ᐱᐱᐳᒧᓯᓇᑕᐛᑦ ᐊᓯᓂᔭ ᑎᐱᑕ ᑭᔭ ᐅᑯᐸᓇᒥᔨᐛ, ᐊᑎ ᓱᐧᒄ ᑯᐸᓇᐅᒡ ᑭᔭ ᓇᐸᐅᒡ ᑲ ‍ ᓇᑭᑐᐛᔨᒪᒡ ᑎᐱᑕ ᑲᐛᔅᑲᑲᐳᔅᑐᐛᔨᒋ ᑎᐱᑕ᙮
\v 7 ᓯᒥ ᒋ ‍ ᐊᓏᔨᒪᐤ ᑎᐱᑕ ᑭᔭ ᒋ ‍ ᐃᑕᐤ, “ᒪᒋ ᒋᑐᑕ, ᒋᔾ ᑲ ‍ ᓂᐸᔪᐛᔨᓐ, ᒋᔾ ᐊ ᐊᑲ ᐃᔭᐱᑎᓯᔨᓐ!
\v 8 ᒥᓯᐛ ᒋᑦ ‍ ᐊᓏᔨᒥᑯᐛᐤ ᑎᐸᔨᒋᒐᓱᐤ ᑲᒋ ‍ ᓂᐸᔨᒪᑯᐤ ᒥᒐᑦ ᐃᔪᐛ ᐊᓐᑕ ᓴᓪ ᐊᐸᐃᑯᔅᑲᓇᓯᑦ᙮ ᑭᔭ ᐊᓄᒡ ᑎᐸᔨᒋᒐᓱᐤ ᒥᔭᐤ ᐊᑉᓴᓚᒪ ᓴᓚ ᐅᒋᓴᐅᒋᒪᐅᓂᔪ᙮ ᒋᔾ ᑲ ‍ ᓂᐸᔪᐛᔨᓐ, ᒋ ᒋᐛ ‍ ᑎᐸᐊᒪᑯᐅᓐ ᑲᒋ ‍ ᓂᐸᔨᑥᐤ ᒥᒐᑦ ᐃᔪᒡ ᐅᒋ!”
\p
\v 9 ᐊᑯ ᐊᐱᓴᐃ ᒂ ‍ ᐃᑕᑦ ᒋᓴᐅᒋᒪᐛ, “ᓂᐅᒋᒪᒻ, ᓇᒪ ᒐᒂᓂᔪᐤ ᐃᑕᔨᑕᑯᓯᐤ ᐅ ᓇᐸᐤ ᒧᔭᒻ ᐊ ᓂᐱᔨᒋ ᐊᑎᒺ! ᐊᑐᒡ ᒋ ‍ ‍ᒥᔭᑭᓄᐤ ᒐᒋ ᐊᓏᔨᒥᔅᒃ᙮ ᓇᐊᔨᒥ ᒐᒋ ᐃᑐᑕᔭᓐ ᓇᑕ ᒐᒋ ᒋᒥᔅᑎᒂᓇᐅᒄ!”
\p
\v 10 ᒥᒄ ᒋᓴᐅᒋᒪᐤ ᒋ ‍ ᐃᔅᒋᔄᐤ, ᒋᔨᐛᐤ ᐊᓂᓯᔭᒄ ᓯᕋᐃᐊ ᐅᑯᓴ, ᐊᑲ ᐎᑎᒧᐅᒄ ᒐᒂᓐ ᒐ ‍ ᐃᑎᔭᓐ᙮ ᐊᓏᔨᒥᒐ ᐛᔅ ᑎᐸᔨᒋᒐᓱᐛ ᒋ ‍ ᐃᑎᑯ ᐊᓂᔭ ᒐᒋ ᐃᔨᑎᑦ, ᒐᔅᑎᓇᔅ ᐊᑐᒡ ᒋᐸ ‍ᐅᒋ ‍ ᐃᔅᒋᔄᐤ ᐊᐛᓐ ‘ᒐᒂᓐ ᐊᓐ ᐛᒋ ‍ ᐃᔨᑎᓐ?’ ”
\p
\v 11 ᐊᑯ ᑎᐱᑦ ᒂ ‍ ᐃᑕᑦ ᐊᐱᓴᐃᒋ ᑭᔭ ᒥᓯᐛ ᐅᑯᐸᓇᒪ, ᒋ ‍ ᒋᔅᒐᔨᒪᐛᐤ ᐛᓂᐸᔨᑦ ᑎᐱᔨᐛ ᓂᑯᔅ᙮ ᐊᑯ ᐅ ᓇᐸᐤ ᐱᓐᒋᒥᓐ ᐊ ‍ ᐃᑎᔅᑲᓇᓯᑦ ᐅᒋ ᐃᔭᐱᒡ ᓂ ᐎ ‍ ᓂᐸᔨᒄ᙮ ᐊᑯ ᐊᑲ ᐃᔭᐱᑕᔨᒪᐧᒄ, ᑭᔭ ᓇᐊᔨᒪᐧᒄ ᒐᒋ ᐊᓏᔨᒥᑦ, ᐛᔅ ᒂᔄᓐ ᐃᑕᔨᑎᒧᒐ ᑎᐸᔨᒋᒐᓱᐛ ᐊ ‍ ᐃᑎᓯᒥᑯᑦ ᐊᓂᔭ ᒐᒋ ᐃᔨᑎᑦ᙮
\v 12 ᒂᔄᓐ ᒋᑭ ‍ ᐛᐸᑎᒻ ᑎᐸᔨᒋᒐᓱᐤ ᒥᓯᐛ ᐅᔭ ᐊ ᐃᓯ ‍ ᐊᔨᒧᐅᒡ, ᑭᔭ ᐊᔅᒄ ᐸᐃᑯ ᒋᓯᑲᐛ ᓂᑭ ‍ ᒋᐛ ‍ ᑎᐸᐊᒪᒄ ᐊᓱᐛᔨᑕᑯᐎᔨᑦ ᐊᓂᔭ ᐅᒋ ᐊᓄᒡ ᐃᔭᓏᔨᒥᔨᒋ ᐅᔭ ᓇᐸᐛ᙮”
\v 13 ᐊᑯ ᑎᐳᑦ ᑭᔭ ᐊᓂᔭ ᑲ ‍ ᐎᒐᐅᑯᑦ ᒂ ᐊᑎ ‍ ᐱᒧᑕᒡ ᒪᔅᑭᓇᒡ, ᑭᔭ ᓯᒥ ᐊᐱᑐᐛᒥᑎᓐ ᒥᒋᒪ ᐊ ‍ ᑕᔨᒋ ᒋ ᐅᒋ ‍ ᐱᒧᑕᐤ᙮ ᒪᒂᒡ ᐅᑎ ‍ ᐱᒧᑕ, ᒋ ‍ ᐊᓏᔨᒪᐤ ᑎᐱᑕ ᑭᔭ ᐊᓯᓂᔭ ᑭᔭ ᐃᔭᑲᔪᐤ ᒋ ‍ ᐱᐱᐳᒧᓯᓇᑕᐛᐤ᙮
\v 14 ᐃᔅᐱ ᑎᐳᑦ ᑭᔭ ᐊᓂᔭ ᑲ ‍ ᐎᒐᐅᑯᑦ ᐛᑎᑕᒡ ᒍᕐᑎᓐ ᓯᐱᔪᐤ, ᒋᒋᐛ ᒋ ‍ ᐊᔭᔅᑯᓯᐅᒡ᙮ ᐊᑯ ᐊᑯᑕ ᑲ ‍ ᐊᔅᑕᔭᔅᑯᓯᒡ᙮
\s1 ᐊᐃᑐᐸᓪ ᒋ ‍ ᑭᒐᔅᒋᒪᐤ ᐊᑉᓴᓚᒪ
\p
\v 15 ᒪᒂᒡ ᐊᓂᔭ ᑲ ‍ ᐃᔅᐱᔨᒡ᙮ ᐊᑉᓴᓚᒻ ᑭᔭ ᒥᓯᐛ ᐃᔅᕋᐃᓪ ᐃᔪᐛ ᑲ ‍ ᐎᒐᐅᑯᑦ ᒋ ‍ ᑎᑯᓯᓄᐅᒡ ᒋᕈᓯᓕᒥᒡ᙮ ᐊᐃᑐᐸᓪ ᐃᔭᐱᒡ ᐊᓐᑕ ᒋ ‍ ᑎᑯᓯᓄᐤ᙮
\v 16 ᐃᔅᐱ ᑎᐱᑦ ᐎᒐᐛᑭᓇ ᐊᓴᐃᒋ ᐊᑉᓴᓚᒪ ᑲ ‍ ᓂᑐᐛᐱᒪᔨᒋ , ᒋ ‍ ᐃᑕᐤ ᐊᑉᓴᓚᒪ, “ᑭᒪ ᓇᐅᔅ ᐱᒪᑎᓯᑦ ᒋᓴᐅᒋᒪᐤ! ᑭᒪ ᒥᒐᑐ ᐱᐳᓇ ᐱᒪᑎᓯᔨᓐ!”
\p
\v 17 ᐊᑉᓴᓚᒻ ᒂ ‍ ᐃᑕᑦ ᐅᓴᐃᒋ, “ᓇᐅᔅ ᒋᒋ ᒥᔪ ᐎᒐᐛᐤ ᒋ ‍ ᐎᒐᐛᑭᓐ ᑎᐱᑦ᙮ ᐊᑯ ᒐᒂᓐ ᐛᒋ ‍ ᐊᑲ ᐎᒐᐅᑦ ᓂᔾ ᒥᔅᑯᒡ ᐊ ᐸᒋ ‍ ᓂᑐᐛᐱᒥᔨᓐ?”
\p
\v 18 ᐅᓴᐃ ᒂ ‍ ᐃᑕᑦ, “ᓂᑭ ‍ ᐊᑐᔅᑯᒪᐛ ᐊᓂᔭ ᑎᐸᔨᒋᒐᓱᐤ ᑭᔭ ᐃᔪᒡ ᑭᔭ ᒥᓯᐛ ᑯᑎᑭᒡ ᐃᔅᕋᐃᓪ ᐃᔪᒡ ᑲ ‍ ᐎᔭᔨᒪᒡ ᒐᒋ ᐅᒋᓴᐅᒋᒪᒥᒡ᙮ ᐊᑯ ᓂᑭ ᐃᔨᑕᓐ ‍ ᐊ ‍ ᐃᑕᔨᓐ᙮
\v 19 ᒋᔾ ᐅ ᓂᐅᒋᒪᒻ ᒋᓴᐅᒋᒪᐤ ᑎᐱᑦ ᐅᑯᓴ, ᐊ ᐊᑲ ᐊᑐᔅᑲᑕᓇ, ᒐᒄ ᑯᑎᒃ ᓇᐸᐤ ᓂᐸ ‍ ᐊᑐᔅᑯᐛᐤ? ᒋᑭ ‍ ᐊᑐᔅᑲᑎᓐ ᒧᔭᒻ ᑲ ᐃᓯ ‍ ᐊᑐᔅᑯᐅᒄ ᒍᑕᐎ᙮”
\p
\v 20 ᐊᑯ ᐊᑉᓴᓚᒻ ᒂ ‍ ᐃᑕᑦ ᐊᐃᑐᐸᓚ, “ᑕᓐ ᒋᐸ ᐃᓯ ‍ ᑭᒐᔅᒋᒧᓐ ᒐ ‍ ᐃᑎᔭᐧᒄ?”
\p
\v 21 ᐊᐃᑐᐸᓪ ᒂ ‍ ᐃᑕᑦ, “ᒋ ‍ ᓂᑭᑕᐤ ᒍᑕᐎᔾ ᐱᔅᒐ ᐅᑯᐸᓇᐅ ᐎᐛ ᐊᓐᑕ ᒋᓴᐅᒋᒪᐅᒋᐛᐱᒡ ᒐᒋ ᓂᓇᑭᑐᐛᔨᑎᒥᔨᒋ᙮ ᒋᐸ ‍ ᐎᐸᒪᐅᒡ ᐊᓐᒡ᙮ ᐃᔅᐱ ᒥᓯᐛ ᐊᐛᓐ ᐊᓐᑕ ᐃᔅᕋᐃᓕᒡ ᐸᑕᒐ ᐊᓐ ᒋᐸ ‍ ᐃᔨᑎᓐ, ᒋᐸ ‍ ᒋᔅᒐᔨᑎᒧᒡ ᒋᒋᐛ ᑲ ᒪᔭᔨᒥᑎ ᒍᑕᐎᔭ ᐊᓂᔭ ᑲ ‍ ᐃᑐᐅᑦ᙮ ᐊᑯ ᒥᓯᐛ ᐊᓐᒡ ᑲ ‍ ᐎᒐᐅᔅᒡ ᒋᒋᐛ ᒋᑭ ‍ ᓱᒋᑕᐅᒡ᙮”
\v 22 ᐊᑯ ᒂ ‍ ᐎᒋᐧᑯᐅᒡ ᐊᑉᓴᓚᒪ ᐊᓐᑕ ᐃᔅᐱᒥᒡ ᒋᓴᐅᒋᒪᐅᒋᐛᐱᒡ᙮ ᑭᔭ ᒂ ‍ ᐱᒐᑦ ᐊᑉᓴᓚᒻ ᐱᒋᐛᔭᓂᒋᐛᐱᒡ ᑭᔭ ᐸᐸᐃᒂᐤ ᐛᐸᒻᒪᑦ ᐅᑕᐎᔭ ᐅᑯᐸᓇᐅ ᐎᔨᐛ, ᑭᔭ ᒥᓯᐛ ᐊᐛᔪᐛ ᒋ ‍ ᐛᐱᒥᑯᐤ ᑲ ‍ ᐱᒐᑦ ᐱᒋᐛᔭᓂᒋᐛᐱᔪᐤ᙮
\p
\v 23 ᐊᓐᑕ ᐊᓂᔭ ᒋᓯᒂ, ᒋ ‍ ᐅᑎᓂᒧᒡ ᐃᔪᒡ ᒐᒂᔪᐤ ᑲ ‍ ᐃᔅᒋᔄᔨᒋ ᐊᐃᑐᐸᓚ ᒧᔭᒻ ᐊ ‍ ᐎᑎᒥᔨᒋ ᒋᓴᒪᓂᑐᐛ ᐅᑦ ‍ᐃᔨᒧᐅᓂᔨᐛ᙮ ᐊᑯ ᒧᔭᒻ ᓇᓂᑎᒻ ᑲ ᐃᓯ ‍ ᐅᑎᓇᐧᒃ ᑎᐱᑦ ᒐᒂᔪᐤ ᑲ ‍ ᐃᔅᒋᔄᔨᒋ ᐊᐃᑐᐸᓚ, ᐊᓄᒡ ᐃᔭᐱᒡ ᒂ ‍ ᐃᑎᑦ ᐊᑉᓴᓚᒻ᙮
\c 17
\p
\v 1 ᐊᑯ ᐊᐃᑐᐸᓪ ᒂ ‍ ᐃᑕᑦ ᐊᑉᓴᓚᒪ, “ᓇᐊᔨᒥ ᒐᒋ ᐅᐃᓂᒂ ᓂᓴᑉ ᑕᑥ ᒐᓯᐱᔪᐤ ‍ (12,000) ᓇᐸᐅᒡ, ᑭᔭ ᓂᑭ ‍ ᒋᑐᑕᓇᓐ ᒐ ‍ ᑎᐱᔅᑲᒡ ᒐᒋ ᓇᓴᐅᒋᒡ ᑎᐱᑦ᙮
\v 2 ᓂᑭ ‍ ᑭᓯᒂᔨᒧᑐᐛᓇᓐ ᒪᒂᒡ ᐊᔭᔅᑯᓯᒐ ᑭᔭ ᐱᒋᑕᔨᒧᒐ, ᑭᔭ ᒐ ‍ ᑐᑐᐅᒋᒡ ᒐᒋ ᒋᒋᐛ ᓴᒋᓯᑦ᙮ ᒥᓯᐛ ᓂᑐᐱᔪᐅ-ᐃᔪᐛ ᑲ ‍ ᐎᒐᐅᑯᑦ ᒋᑭ ‍ ᒋᑎᓯᒧᔪᐛ᙮ ᒥᒄ ᒋᓴᐅᒋᒪᐤ ᓂᑭ ‍ ᓂᐸᐊᓇᓐ᙮
\v 3 ᐊᑯ ᑲᐤ ᒐ ‍ ᐸᑥᑕᒡ ᒥᓯᐛ ᐅᓂᑐᐱᔪᐅ-ᐃᔨᒪ, ᒧᔭᒻ ᐃᔎᐤ ᐊᓇᑕᑦ ᐅᓇᐸᒪ ᐃᔅᐱ ᓇᐳᒋ᙮ ᒥᒄ ᐸᐃᒄ ᓇᐸᐤ ᒋ ᐎ ‍ ᓂᐸᐅ; ᐊᑯ ᑯᑎᑭᒡ ᐊᐛᓐᒋ ᓇᒪ ᒋ ‍ ᐊᒂᑭᓄᐅᒡ᙮”
\v 4 ᐊᑉᓴᓚᒻ ᑭᔭ ᒥᓯᐛ ᐃᔅᕋᐃᓪ ᑲᓂᑲᓄᔅᑲᒐᒡ ᑲ ‍ ᐎᒐᐛᒡ ᒥᔽᐤ ᒋ ‍ ᐃᑕᔨᑎᒧᒡ ᒐᒋ ᐃᑐᑕᑭᓄᐎᔨᒡ ᒐᒂᔪᐤ ᑲ ‍ ᐃᔅᒋᔄᔨᒋ ᐊᐃᑐᐸᓚ᙮
\p
\v 5 ᒥᒄ ᐊᑉᓴᓚᒻ ᒋ ‍ ᐃᔅᒋᔄᐤ, “ᐎᓴᒪᐧᒄ ᐃᔭᐱᒡ ᐅᓴᐃ, ᑭᔭ ᒐ ‍ ᐸᑎᒺᐧᒄ ᒐᒂᔪᐤ ᒐ ‍ ᐃᔅᒋᔄᑦ᙮”
\v 6 ᐊᑯ ᐃᔅᐱ ᐅᓴᐃ ᑕᑯᓯᐧᒃ, ᐊᑉᓴᓚᒻ ᒋ ‍ ᐎᑎᒧᐛᐤ ᑕᓐ ᐊᑕᔨᑎᒥᔨᒋ ᐊᐃᑐᐸᓚ᙮ ᐊᑯ ᒂ ‍ ᑭᒂᒋᒪᑦ ᐅᓴᐃᒋ, ᑕᓐ ᐊᑕᔨᑎᒥᓐ ᒋᐸ ‍ ᐃᑎᓇᓄᐤ? ᐊ ᐊᑲ ᐃᑕᔨᑎᒧᐅᓇ ᒐᒋ ᐃᑐᐛᐧᒄ ᑕᓐ ᑲ ‍ ᐃᑕᔨᑕᐧᒃ ᐊᐃᑐᐸᓪ, ᐎᑎᒧᐅᓇᓐ ᑕᓐ ᐊᑕᔨᑎᒥᓐ ᒋᐸ ‍ ᐃᑎᓇᓄᐤ᙮”
\p
\v 7 ᐅᓴᐃ ᒂ ‍ ᐃᔅᒋᔄᑦ, ᐊᓄᒡ ᒐᒂᔪᐤ ᑲ ‍ ᐃᑕᔨᑕᐧᒃ ᐊᐃᑐᐸᓪ ᓇᒪ ᒥᔽᔪᐤ ᐃᔨᒧᐅᓂᔪᐤ᙮
\v 8 ᒋ ᒋᔅᒐᔨᑕᓐ ᐊᓱᐧᑲᑎᓯᒡ ᓂᑐᐱᔪᐅ-ᐃᔪᒡ ᐊᓐᒡ ᒍᑕᐎᔾ ᑭᔭ ᐊᓂᔭ ᓇᐸᐛ ᐛᒐᐅᑯᑦ, ᑭᔭ ᐊᓄᒡ ᒋᒋᐛ ᒋᔄᐳᐅᒡ, ᒧᔭᒻ ᓄᓴ ᒋᓴᔭᒄ ᐊᒋ ‍ ᒋᒧᑎᒧᐛᑭᓄᐅᑦ ᐅᑐᐛᓯᒪ᙮ ᐃᔭᐱᒡ ᒋᔅᒐᔨᑎᒻ ᒍᑕᐎᔾ ᑕᓐ ᒐ ᐃᓯ ‍ ᒪᓯᒐᑦ ᐛᔅ ᒋᒪᓯᒐᐤ ᒥᒐᑥᐤ ᐊᓂᑐᐱᔨᓇᓄᐎᔨᒡ᙮ ᓇᒪ ᒋᑭ ‍ ᐃᑕᐤ ᐊᓐᑕ ᐊ ‍ ᑕᔨᒋ ᐅᓂᑐᐱᔪᐅ-ᐃᔨᒪ ᒐ ‍ ᑎᐱᔅᑲᔨᒡ᙮
\v 9 ᐊᓄᒡ ᓴᔅ ᑲᓱᐎᒐ ᐊᓐᑕ ᐸᐃᒄ ᐊ ‍ ᐛᑎᒂᐱᔅᑲᔨᒡ, ᑭᔭ ᒪᒃ ᐊᓐᑕ ᑯᑎᒋᔪᐤ ᐃᑕᐅᓂᒡ᙮ ᐃᔅᐱ ᐅᓂᑐᐱᔪᐅ-ᐃᔨᒪ ᑯᓯᒂᔨᒧᑐᐛᔨᒐᓂᐃ ᒋᓂᑐᐱᔪᐅ-ᐃᔨᒧᐛᐛ, ᑭᔭ ᐱᔅᒐ ᓂᐸᔨᒐᓂᐃ, ᒥᒄ ᐊᓐ ᐊᐛᓐ ᐱᔭᑕᐧᒃ ᐅᔭ ᒋᑭ ‍ ᐃᔅᒋᔄᐤ ‘ᒥᒐᑦ ᓂᑐᐱᔪᐅ-ᐃᔪᐛ ᑲ ‍ ᐎᒐᐅᑯᑦ ᐊᑉᓴᓚᒻ ᒋ ‍ ᓂᐸᐊᑭᓄᔪᐛ!’
\v 10 ᐊᑯ ᑯᑎᑭᒡ ᒋᓂᑐᐱᔪᐅ-ᐃᔨᒧᐛᐅᒡ, ᐊᑎᓱᐧᒃ ᐊ ᐊᑲ ᑯᔅᑕᒋᒡ ᒧᔭᒻ ᒥᓯᐱᓱᒡ, ᒋᑭ ‍ ᑯᔅᑕᒋᐅᒡ᙮ ᒐ ᐊᑲ ᐅᓂᒋᔅᒋᑎᒥᓐ ᒥᓯᐛ ᐊᐛᓐ ᐊᓐᑕ ᐃᔅᕋᐃᓕᒡ ᒐᔅᒐᔨᑕᐧᒃ ᐊᓱᐧᑲᑎᓯᔨᒋ ᒍᑕᐎᔭ ᐊᓂᑐᐱᔪᐅ-ᐃᔪᐎᒋ, ᑭᔭ ᐊᓂᔭ ᓂᑐᐱᔪᐅ-ᐃᔪᐛ ᐛᒐᐅᑯᑦ ᐊᓯᒋᑕᔨᒋ᙮
\p
\v 11 ᐊᑯ ᒐᒂᓐ ᐊᑕᔨᑎᒪᓐ ᒋᐸ ‍ ᐎᓴᒪᐅᒡ ᒥᓯᐛ ᐃᔅᕋᐃᓪ ᐃᔪᒡ, ᑕᐊᓐ ᐅᑕᓇᒡ ᐅᒋ ᐊᓐᑕ ᐛᔪᐤ ᒋᐛᑎᓄᒡ ᐃᔅᐱᔅ ᐱᕐ-ᓯᐸ ᐅᑕᓇᒡ ᐊᓐᑕ ᐛᔪᐤ ᓴᐅᓄᑕᒡ᙮ ᒋᑭ ‍ ᒥᒐᑐᐅᒡ ᒧᔭᒻ ᐊᑕᑎᒡ ᔭᑲᐤ ᐊᓐᑕ ᓯᓱᒡ᙮ ᐊᑯ ᒋᔾ ᒐ ‍ ᓂᑲᓂᔅᑯᐅᔭᒡ ᒐᒋ ᓂᑐᐱᔨᔭᒡ᙮
\v 12 ᒋᑭ ‍ ᒥᔅᑯᐛᓄᐤ ᒍᑕᐃᔾ, ᑕᓐᑕ ᒥᒄ ᒐ ‍ ᐃᑕᒂ, ᑭᔭ ᒋᑭ ᑯᓯᒂᔨᒧᑐᐛᓄᐤ ᒥᓯᐛ ᐊᓐᑕ ᐊ ‍ ᐃᑐᐤ, ᒧᔭᒻ ᐊᑯᓇᐃᑲᑕᒡ ᐊᓂᐱᔪᔅᑭᒥᑲᒡ ᐊᓐᑕ ᒥᓯᐛ ᒧᔅᑎᔅᑭᒥᒡ᙮ ᑭᔭ ᐎᔾ ᑭᔭ ᒥᒄ ᐊᓂᔭ ᐛᒐᐅᑯᑦ ᓇᒪ ᒋᑭ ‍ ᐱᒪᑎᓯᐅᐎᒡ᙮
\v 13 ᒋᑎᓯᒧᒐ ᐃᓯ ‍ ᑕᓐᑕ ᒥᒄ ᐅᑕᓇᒡ, ᒥᓯᐛ ᒋᓂᑐᐱᔪᐅ-ᐃᔨᒥᓄᐅᒡ ᒋᑭ ‍ ᑕᐧᑯᓂᒧᒡ ᐊᐱᓴ ᑭᔭ ᒐ ‍ ᓂᓯᐱᑕᒡ ᐊᓂᔭ ᐅᑕᓇᔪᐤ ᐊ ‍ ᐱᓴᔨᒡ ᐃᓯ᙮ ᐊᓂᔭ ᐅᒋ, ᓇᒪ ᐛᒋ ‍ ᐸᐃᒄ ᐊᓯᓂᔾ ᐃᔅᑯᓇᑭᓄᐅᐤ ᐊᓐᑕ ᑕᐧᑯᑕᒧᑎᓐ ᑲ ‍ ᐃᔨᑎᒂᒡ ᐅᑕᓇᐤ!”
\p
\v 14 ᐊᑉᓴᓚᒻ ᑭᔭ ᒥᓯᐛ ᑲ ‍ ᐎᒐᐅᑯᑦ ᐃᔅᕋᐃᓪ ᓂᑐᐱᔪᐅ-ᐃᔪᐛ ᒋ ‍ ᐃᔅᒋᔄᐅᒡ, “ᐊᑎᑐᐤ ᒥᔽᔪᐤ ᑕᓐ ᑲ ‍ ᐃᑕᔨᑕᐧᒃ ᐅᓴᐃ ᐃᔅᐱᔅ ᑕᓐ ᑲ ‍ ᐃᑕᔨᑕᐧᒃ ᐊᐃᑐᐸᓪ᙮” ᐊᓐ ᑲ ᐅᒋᐃᔅᐱᔨᒡ ᒋ ‍ ᐎᔭᔨᑎᒻ ᑎᐸᔨᒋᒐᓱᐤ ᐊᓂᔭ ᒐ ‍ ᐅᑎᓂᒥᔨᒂᓂᐃ ᒥᔪᐤ ‍ ᐃᔨᒧᐅᓂᔪᐤ ᑲ ‍ ᒥᔨᑯᔨᒋ ᐊᐃᑐᐸᓚ᙮ ᒋᐸ ᒋ ‍ ᓂᐸᐊᐱᓐᒡ ᑎᐱᑕ᙮ ᒥᒄ ᐊᓂᔭ ᐅᒋ ᑲ ‍ ᐃᑐᑕᒡ ᒐᒂᔪᐤ ᑲ ‍ ᐃᑕᔨᑎᒥᔨᒋ ᐅᓴᐃᒋ, ᑎᐸᔨᒋᒐᓱᐤ ᒋᐸ ‍ ᑐᑐᐛᐤ ᒐᒋ ᒥᒋᐱᔨᒋ ᐊᑉᓴᓚᒪ᙮
\s1 ᐅᓴᐃ ᒋ ‍ ᑎᓯᐧᑭᒻ ᐃᔨᒧᐅᓂᔪᐤ ᒐ ‍ ᐃᑎᓴᐊᒧᐛᑭᓄᐎᒋ ᑎᐱᑕ 
\p
\v 15 ᐊᑯ ᐅᓴᐃ ᒂ ‍ ᐃᑕᑦ ᓂᓱ ᐊᔭᒥᐊᐅᒋᒪᐛ᙮ ᓱᑕᑲ ᑭᔭ ᐊᐱᐊᑕᕋ, ᒐᒂᔪᐤ ᑕᐱᔅᑯᓐ ᐎᔾ ᑭᔭ ᐊᐃᑐᐸᓚ ᑲ ‍ ᒥᔭᒡ ᐃᔨᒧᐅᓂᔪᐤ ᐊᑉᓴᓚᒪ ᑭᔭ ᐃᔅᕋᐃᓪ ᑲ ‍ ᓂᑲᓄᔅᑲᒐᔨᒋ᙮
\v 16 ᐊᑯ ᒂ ‍ ᐃᑕᑦ, “ᒋᔅᑕᑉ ᐃᑎᓴᐊᒧᐛᒄ ᑎᐱᑦ ᐃᔨᒧᐅᓂᔪᐤ᙮ ᒐ ‍ ᐎᑎᒧᐛᒄ ᒐ ᐊᑲ ᐃᔨᑕᑦ ᐊᓐᑕ ᑲ ‍ ᐊᓱᐛᐊᒡ ᐃᔪᒡ ᓯᐱᔪᐤ, ᒥᒋᒪ ᐸᐧᑯᑎᔅᑭᒥᑲᒡ᙮ ᒥᔅᑯᒡ, ᑎᐛᒡ ᒋᐸ ᐎ ‍ ᐊᓱᐛᐊᒧᒡ ᒍᕐᑎᓐ ᓯᐱᔪᐤ, ᒐᒋ ᐊ ᐊᑲ ᐅᒋ ᓂᐸᐊᑭᓄᐅᒡ᙮”
\v 17 ᐊᓂᓯᔨᒋ ᐊᔭᒥᐊᐅᒋᒪᐤ ᐅᑯᓴ, ᒠᓐᑕ ᑭᔭ ᐊᐃᒪᔅ, ᐊᓐ-ᕈᑭᓪ ᒧᔅᒐᓂᐸᑯᒡ, ᐎᐎᑎᒥᒡ ᒋᕈᓯᓕᒥᒡ ᒋ ‍ ᐊᓱᐛᐳᐅᒡ᙮ ᓇᒪ ᐅᒋ ᐎ ‍ ᐱᒐᐅᒡ ᐅᑕᓇᔪᐤ, ᐛᔅ ᐛᐱᒥᑯᒡ ᐊᐛᔪᐛ, ᐊᑉᓴᓚᒪ ᒋᐸ ‍ ᐎᑎᒧᐛᔪᐛ᙮ ᒪᒂᒡ ᐊᓐᑕ ᐊᓐ-ᕈᑭᓪ ᑲ ‍ ᐃᑕᒡ᙮ ᐊ ‍ ᓂᓯᒡ ᐊᔭᒥᐊᐅᒋᒪᐅᒡ ᐅᑦ ᐃᔎᐤ ᐊᐱᒋᐊᑭᓂᐛᐛ ᓂᔭᓂᑯᑎᓂ ᒋ ‍ ᓇᑎᑯᐅᒡ ᑭᔭ ᒋ ‍ ᐎᑎᒪᑯᐅᒡ ᑕᓐ ᑲ ‍ ᐃᔅᐱᔨᒡ, ᐊᑯ ᑭᔭ ᓇᑐᐛᐱᒪᒡ ᑭᔭ ᐛᑎᒧᐛᒡ ᒋᓴᐅᒋᒪᐛ ᑎᐱᑕ᙮
\v 18 ᒥᒄ ᐅᔅᒋᓂᒍᐛ ᒋ ‍ ᐛᐱᒥᑯᐅᒡ, ᑭᔭ ᓇᑐᐛᐱᒪᔨᒋ ᑭᔭ ᐎᑎᒧᐛᔨᒋ ᐊᑉᓴᓚᒪ᙮ ᒋ ᒋᔅᒐᔨᑎᒧᒡ ᑕᓐ ᑲ ‍ ᐃᑎᔨᒋ ᐅᔅᒋᓂᒍᐛ, ᐊᑯ ᑕᐱᔅᑯᓐ ᐊ ‍ ᓂᓯᒡ ᒋᔅᑎᑉ ᒂ ‍ ᒋᑐᑕᒡ ᑭᔭ ᒂ ‍ ᐃᑕᐛᒡ ᓇᐸᐛ ᐎᒋᔨᒡ ᐊᓐᑕ ᐸᐅᕆᒻ ᐅᑕᓇᒡ᙮ ᒋ ‍ ᑭᓄᐛᔨᑎᒻ ᐅᑕᔨᐸᓂᔪᐤ ᐊᓐ ᓇᐸᐤ ᐊᓐᑕ ᐎᐎᑎᒥᒡ ᐎᒋᒡ; ᐊᑯ ᐊ ‍ ᓂᓯᒡ ᓇᐸᐅᒡ ᒂ ‍ ᐱᒐᒡ ᐊᓐᑕ ᐅᑕᔨᐸᓂᒡ ᒐᒋ ᑲᓱᒡ,
\v 19 ᐊᓐ ᓇᐸᐤ ᐎᐛ ᒋ ‍ ᐅᑎᓂᒻ ᐱᒍᐛᔭᓂᔪᐤ ᑭᔭ ᒂ ᐊᑯᓇᐊᐧᒃ ᐅᑕᐃᐸᓂᔪᐤ, ᑭᔭ ᒂ ‍ ᐱᐅᐱᔨᑕᑦ ᐸᒂᓯᑭᓂᒥᓇ ᐊᓐᑕ ᑕᐧᑯᒡ ᒐ ᐊᑲ ᒋᔅᒐᔨᑎᒥᔨᒋ ᐊᐛᔪᐛ ᑭᔭᓱᐎᒋ ᓂᓱ ᓇᐸᐛ ᐊᓐᑕ ᐱᑎᓱᐤ ᐅᑕᔨᐸᓂᒡ᙮
\v 20 ᐱᔅᒐ ᐊᑉᓴᓚᒻ ᐅᓂᑐᐱᔪᐅ-ᐃᔨᒪ ᒋᔅᒐᔨᑎᒧᒡ ᑕᓐᑕ ᑲ ‍ ᐃᑐᑕᔨᒋ ᐊᓂᔭ ᐊᓂᓯᔨᒋ ᓇᐸᐛ᙮ ᐊᑯ ᒂ ‍ ᐃᑐᑕᒡ ᐊᓐᑕ ᒥᒋᐛᐱᒡ, ᑭᔭ ᑲᒂᒋᒪᒡ ᐃᔎᐛ, “ᑕᓐᑕ ᐊᑕᒡ ᐊᐃᒪᔅ ᑭᔭ ᒠᓐᑕ?”
\p ᒂ ᐃᑕᑦ ᐊᓐ ᐃᔎᐤ, “ᒋ ‍ ᐊᓱᐛᐊᒧᒡ ᓯᐱᔪᐤ᙮”
\p ᐊᑯ ᒂ ‍ ᐊᓱᐛᐊᒡ ᓂᑐᐱᔪᐅ-ᐃᔪᒡ ᓯᐱᔪᐤ ᑭᔭ ᓂᑕᓂᑐᐛᐱᒪᒡ ᐊᓂᔭ ᓇᐸᐛ᙮ ᒥᒄ ᓇᒪ ᐅᒋ ᒥᔅᑯᐛᐅᒡ, ᐊᑯ ᑲᐤ ᒋᕈᓯᓕᒥᒡ ᒂ ᒋᐛᒡ᙮
\v 21 ᑲᒋ ᒋᑐᑕᔨᒋ, ᐊ ‍ ᓂᓯᒡ ᓇᐸᐅ ᒂ ‍ ᐎᐎᒡ ᐅᑕᔨᐸᓂᔪᐤ ᑭᔭ ᓇᑐᐛᐱᒪᒡ ᑭᔭ ᐛᑎᒧᐛᒡ ᒋᓴᐅᒋᒪᐛ ᑎᐱᑕ ᑕᓐ ᑲ ‍ ᐃᔅᐱᔨᒡ ᑕᓐ ᑲ ᐃᓯ ‍ ᐎᔭᔨᑎᒥᔨᒋ ᐊᐃᑐᐸᓚ᙮ ᐊᑯ ᒂ ‍ ᐃᑕᒡ, “ᒋᔅᑎᑉ ᐊᓱᐛᐊ ᓯᐱᔾ!”
\v 22 ᐊᑯ ᑎᐱᑦ ᑭᔭ ᒥᓯᐛ ᐅᓂᑐᐱᔪᐅ-ᐃᔨᒪ ᒋᔅᑎᑉ ᒂ ᒋᒋ ‍ ᐊᓱᐛᐊᒡ ᒍᕐᑎᓐ ᓯᐱᔪᐤ, ᑭᔭ ᐊᒺᔭ ᐸᑕᐱᓂᔨᒡ ᒥᓯᐛ ᒂᔅᑕᒐ ᒋ ᐃᓯ ‍ ᐊᓱᐛᐊᒧᒡ᙮
\p
\v 23 ᐃᔅᐱ ᐊᐃᑐᐸᓪ ᒐᔅᒐᔨᑕᐧᒃ ᒐ ᐊᑲ ᐃᑐᑎᒥᔨᒋ ᑕᓐ ᑲ ᐃᓯ ‍ ᐎᔭᔨᑎᒥᔨᒋ ᐊᑉᓴᓚᒪ, ᒂ ᐃᔭᔅᑯᐛᐊᑦ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᑭᔭ ᑲᐤ ᒂᒋᐛᑦ ᑎᐱᔨᐛ ᐅᑕᓇᒥᒡ᙮ ᒋ ᐎᑎᒧᐛᐤ ᐊᐸᐃᑯᔅᑲᓇᓯᑦ ᑕᓐ ᒐ ‍ ᐃᑐᑎᒥᔨᒋ ᐅᑎᐱᔨᐛᐅᓯᐅᓇ, ᐊᑯ ᑭᔭ ᒂ ‍ ᓂᒂᑎᓱᑦ ᐛᔅ ᒋᔅᒐᔨᑎᒻ ᒐ ‍ ᓴᐧᑯᒋᐊᑭᓄᐎᒋ ᐊᑉᓴᓚᒪ ᑭᔭ ᑲ ‍ ᐎᔭᓯᒧᐛᑦ ᒐ ᐃᓯ ‍ ᐃᑎᒋᒪᑭᓄᐅᑦ ᑭᔭ ᓂᐸᐊᑭᓄᐅᑦ᙮ ᒋ ‍ ᓇᔨᐧᑲᑭᓄᐎᔪᐤ ᐎᔪᐤ ᐊᓐᑕ ᐊᐛᐧᑭᑕᐅᑲᔨᒡ ᐊᓐᑕ ᑲ ‍ ᓇᔨᐧᑯᐛᑭᓄᐎᒋ ᐅᑦ ᐊᓂᔅᑯᑕᐸᓇ᙮
\p
\v 24 ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒪᐊᓇᐃᒻ ᒋ ‍ ᑎᑯᓯᓄᐅᒡ᙮ ᑭᔭ ᐊᑉᓴᓚᒻ ᑭᔭ ᒥᓯᐛ ᐃᔅᕋᐃᓪ ᐅᓂᑐᐱᔪᐅ-ᐃᔨᒪ ᒋ ‍ ᐊᓱᐛᐊᒧᒡ ᒍᕐᑎᓐ ᓯᐱᔪᐤ᙮
\v 25 ᐊᑉᓴᓚᒻ ᒋ ‍ ᐅᑎᓇᐤ ᐎᐧᑲᓂᓴ ᐊᒪᓴᔨᒋ ᒐᒋ ᐅᒋᒪᐛᐎᒋ ᐅᓂᑐᐱᔪᐅ-ᐃᔨᒪ, ᒥᔅᑯ ᐊᓂᔭ ᒍᐊᐸ᙮ ᐃᐊᑕᕐ ᒋ ᐃᓯᓂᐧᑲᓱᔪᐛ ᐊᒪᓴ ᐅᑕᐎᔭ, ᐃᔅᒪᐃᓪ ᐅᑦ ᐊᓂᔅᑯᑕᐸᓇ᙮ ᐊᐱᑲᐃᓚ ᒋ ᐅᑲᐎᔪᐤ ᐊᒪᓴ, ᓇᐊᓴᔨᒋ ᐅᑕᓂᓯᔨᐛ ᑭᔭ ᒍᐊᐸ ᐅᑲᐎᔪᐛ ᓯᕋᐃᐊᔨᒋ ᒋ ‍ ᐎᑲᓂᓱᐤ᙮
\v 26 ᐊᑉᓴᓚᒻ ᑭᔭ ᒥᓯᐛ ᐃᔅᕋᐃᓪ ᐅᓂᑐᐱᔪᐅ-ᐃᔨᒪ ᑭᓕᐊᑦ ᐊᔅᒋᒡ ᒋ ‍ ᒪᓂᑲᓱᐅᒡ᙮
\p
\v 27 ᐃᔅᐱ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒪᐊᓇᐃᒻ ᑕᑯᓯᒡ, ᓱᐱ ᓇᐊᔅ ᐅᑯᓴ ᕋᐸ ᐅᑕᓇᒡ ᐅᒋ, ᐊᓐᑕ ᐊᒧᓐ ᐃᑕᐅᓂᒡ, ᒪᑭᕐ ᐊᒥᐊᓪ ᐅᑯᓴ ᓗ-ᑎᐸᕐ ᐅᑕᓇᒡ ᐅᒋ, ᑭᔭ ᐸᕐᓯᓚᐃ ᕈᒃᓕᒻ ᐅᑕᓇᒡ ᐅᒋ ᐊᓐᑕ ᑭᓕᐊᑦ ᐊᔅᒋᒡ
\v 28 ᒋ ‍ ᐃᑐᑐᐛᐅᒡ ᐊᓇᐧᑭᓱᓇ, ᓱᐸᐳᔭᑭᓇ, ᑭᔭ ᐊᓯᔅᒍᐤ ᐊᔅᒋᒂ, ᑭᔭ ᐛᐱᔪᒥᓇ, ᑭᔭ ᐸᒂᓯᑭᓂᒥᓐ ᔪᔎᐛᓇ, ᑭᔭ ᑲᐸᔅᑕᔨᒋ ᐸᒂᓯᑭᓂᒥᓇ, ᑭᔭ ᑭᔅᑭᒋᓴᐛᓇ, ᑭᔭ ᐃᒋᒥᓇ ‍ (ᐊᑎᒋᒥᓇ)
\v 29 ᒋ ‍ ᐃᑐᑐᐛᐅᒡ ᑎᐱᑕ ᑭᔭ ᐅᓂᑐᐱᔪᐅ-ᐃᔨᒥᔨᐛ ᑲᓯᐛᓯᐛᐳᔪᐤ ᑭᔭ ᐊᐱᔭᒂᑭᒥᓯᔨᒋ ᒋᒋᓇᐳᔭ, ᑭᔭ ᒪᔭᑕᓂᓴ, ᑭᔭ ᐱᔅᒐ ᑲᒥᔅᑯᐛᔨᒡ ᒐᒋ ᒥᒋᔨᒋ᙮ ᒋᔅᒐᔨᒪᐅᒡ ᑎᐱᑕ ᑭᔭ ᐅᓂᑐᐱᔪᐅ-ᐃᔨᒥᔨᐛ ᒐᓯᐛᔨᒋ ᑭᔭ ᐊᔭᔅᑯᓯᔨᒋ ᑭᔭ ᓂᐸᒂᔨᒋ ᐊ ‍ ᐃᑕᔨᒋ ᐅᒋ ᐊᓐᑕ ᐸᐧᑯᑎᔅᑭᒥᑲᒡ᙮
\c 18
\s1 ᑲ ‍ ᐊᔭᔅᑯᔨᒋ ᑎᐱᑦ ᐅᑦ ‍ᐃᔨᒪ ᒐᒋ ᓂᑐᐱᔨᒋ
\p
\v 1 ᒋ ‍ ᐎᔭᔨᑎᒻ ᑎᐱᑦ ᒐᒋ ᓂᑐᐱᔨᒋ ᐅᓂᑐᐱᔪᐅ-ᐃᔨᒪ᙮ ᑕᑐᐎᒡ ᒋ ᐃᓯ ‍ ᑕᑎᐸᓇᐅᐤ, ᑭᔭ ᒋ ‍ ᐅᑎᓇᐤ ᓂᑐᐱᔪᐅ-ᐅᒋᒪᐛ ᒐ ‍ ᑭᓄᐛᔨᒪᔨᒋ ᐸᐃᒄ ‍ ᒥᑕᓯᒥᑐᓄᐤ ‍ (100) ᓂᑐᐱᔪᐅ-ᐃᔪᐛ ᑭᔭ ᓂᑐᐱᔪᐅ-ᐅᒋᒪᐛ ᒐ ‍ ᑭᓄᐛᔨᒪᔨᒋ ᐸᐃᒂᐤ ᒐᓯᐱᔪᐤ ‍ (1000) ᓂᑐᐱᔪᐅ-ᐃᔪᐛ᙮
\v 2 ᓂᔅᑐᐎᒡ ᒋ ᐃᓯ ‍ ᒋᑎᓴᐛᐤ᙮ ᒍᐊᑉ ᒋ ‍ ᐅᒋᒪᐅᐤ ᐸᐃᒄ ᐊ ‍ ᑕᐱᑐᐎᔨᒋ, ᒍᐊᑉ ᐅᔅᑕᓴ ᐊᐱᓴᐃᒋ ᒋ ‍ ᐅᒋᒪᐤ ᓂᓱ ᐊ ‍ ᑕᐱᑐᐎᔨᒋ ᑭᔭ ᐃᑕᐃ ᑲᑦ ᐅᒋ ᒋ ‍ ᐅᒋᒪᐅᐤ ᓂᔅᑐ ᐊ ‍ ᑕᐱᑐᐎᔨᒋ᙮ ᑎᐱᑦ ᒋ ‍ ᐃᑕᐤ ᐊᓂᔭ, “ᓂᔾ ᒋᑭ ‍ ᐎᒐᐅᑎᓇᐛᐤ ᒐ ‍ ᓂᑐᐱᔨᓇᓄᐅᒡ᙮”
\p
\v 3 ᒥᒄ ᒋ ‍ ᐃᑎᑯᐤ ᐅᓂᑐᐱᔪᐅ-ᐃᔨᒪ, “ᓇᒪ, ᓇᒪ ᒋᑭ ‍ ᓇᐊᔨᒥᑎᓇᓐ ᒐᒋ ᐎᒐᐎᔭᒡ᙮ ᐃᔨᐧᑭᒥᔨᒥᑥᐛ ᒐᒋ ᒋᑎᓯᒧᐛᐧᒄ, ᓇᒪ ᒋᑭ ᒋ ‍ ᐃᔭᐃᒪᔨᑎᒥᔨᑯᐅᒡ ᐊᓂᔭ ᒐ ‍ ᐃᔅᐱᔨᒡ᙮ ᑭᔭ ᒪᒃ ᑕᑕᐅᒡ ᓂᐸᔨᑕᒂᓐᒋ, ᓇᒥᔭᔪᐤ ᐊᓂᔭᔪᐤ ᒐᒂᔪᐤ ᒐ ‍ ᓂᑐᐛᔨᑕᒡ᙮ ᐊᑎᑐᐤ ᐃᑕᔨᑎᒥᔨᑯᐅᒡ ᒐᒋ ᓂᐸᔨᔅᒡ ᐃᔅᐱᔅ ᐸᐃᑯᔪᐤ ᑕᑥᐤ ᒐᓯᐱᔪᐤ ‍ (1000) ᐊᑎᓱᐛᒄ ᒐᒋ ᓂᐸᔨᑕᐧᑯᒡ᙮ ᐊᑯ ᒋᑭ ‍ ᒥᔽᐤ ᒐᒋ ᐃᑕᔨᓐ ᐅᑕ ᐅᑕᓇᒡ ᑭᔭ ᒐᒋ ᐃᑎᓴᐊᒧᔭᒡ ᐊᐛᓐᒋ ᐎᐎᒋᔨᑯᓯᔭᒐ᙮”
\p
\v 4 ᒋᓴᐅᒋᒪᐤ ᒂ ‍ ᐃᑕᑦ, “ᐊᑯ, ᓂᑭ ‍ ᐃᑐᑕᓐ ᒐᒂᓐ ᐊᓐ ᒪᔽᔨᑎᒥᑯᐎᔨᓐ᙮” ᐊᑯ ᒂ ‍ ᓇᓂᐳᐅᑦ ᐊᓐᑕ ᐃᔎᑕᒥᒡ ᑭᔭ ᓂᔭᑭᑐᐛᐱᒪᑦ ᒪᒂᒡ ᐊᑎ ‍ ᒋᑐᑕᔨᒋ ᐅᓂᑐᐱᔪᐅ-ᐃᔨᒪ, ᐸᐸᐃᒂᐤ ᐊ ‍ ᑕᐱᑐᐎᒋ᙮
\p
\v 5 ᒪᒂᒡ ᐊᑎ ‍ ᒋᑐᑕᔨᒋ, ᒋ ‍ ᐃᑎᓱᒪᐤ ᒋᓴᐅᒋᒪᐤ ᒍᐊᐸ, ᑭᔭ ᐊᐱᓴᐃᒋ, ᑭᔭ ᐃᑕᐃᒋ, “ᓂᔾ ᐅᒋ, ᒐ ᐊᑲ ᐊᐧᑯᐊᒄ ᓂᑯᔅ ᐊᑉᓴᓚᒻ!” ᑭᔭ ᒥᓯᐛ ᐅᓂᑐᐱᔪᐅ-ᐃᔪᒡ ᒋ ‍ ᐸᑐᐛᐅᒡ ᐃᔅᐱ ᑎᐱᑦ ᑲ ᒥᔭᑦ ᐃᑎᓱᐛᐅᓂᔪᐤ ᐊᓂᔭ ᐊᓂᔅᑎᔨᒋ ᓂᑐᐱᔪᐅ-ᐅᒋᒪᐛ ᐊᑉᓴᓚᒪ ᑲ ‍ ᐊᔨᒧᒪᑦ᙮
\s1 ᒍᐊᑉ ᑲ ‍ ᓂᐸᐊᑦ ᐊᑉᓴᓚᒪ
\p
\v 6 ᐊᑯ ᒂ ᓇᒋ ‍ ᒪᓴᐊᒡ ᓂᑐᐱᔪᐅ-ᐃᔪᒡ ᐊᓂᔭ ᐃᔅᕋᐃᓪ ᓂᑐᐱᔪᐅ-ᐃᔪᐛ ᑲ ‍ ᐎᒐᐛᒡ ᐊᑉᓴᓚᒪ᙮ ᒥᓇᔎᒡ ᐊᓐᑕ ᒋ ‍ ᒪᓯᒐᐅᒡ ᐊᓐᑕ ᐃᑉᕋᐃᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᐎᒋᔨᒋ᙮
\v 7 ᒋᓴᐧᑯᒋᐊᐅᒡ ᑎᐱᑦ ᐅᓂᑐᐱᔪᐅ-ᐃᔨᒪ ᐊᑉᓴᓚᒪ ᐅᓂᑐᐱᔪᐅ-ᐃᔨᒥᔨᐛ᙮ ᓂᓱᔪᐤ ᑕᑥᐤ ᒐᓯᐱᔪᐤ ‍ (20,000) ᒋ ‍ ᓂᐸᐅᒡ᙮
\v 8 ᒥᓯᐛ ᐊᓐᑕ ᒥᓇᔎᒡ ᒋ ‍ ᒪᓯᔨᑐᐅᒡ, ᑭᔭ ᐊᑎᑐᐤ ᒋ ‍ ᒥᒐᑐᐅᒡ ᓇᐸᐅᒡ ᑲ ‍ ᐳᓂᐱᒪᑎᓯᒡ ᐛᔅ ᐊᓂᔭ ᑲ ‍ ᑯᔅᑎᑯᓂᔨᒋ ᒐᒂᔪᐛ ᐅᒋ ᐊᓐᑕ ᒥᓇᔎᒡ ᐃᔅᐱᔅ ᐊᑎᓯᒡ ᑲ ‍ ᓂᐸᐊᑭᓄᐅᒡ ᐊᓂᑐᐱᔨᓇᓄᐎᒡ᙮
\p
\v 9 ᒪᒂᒡ ᑲ ‍ ᓂᑐᐱᔨᓇᓄᐅᒡ᙮ ᓯᔅᒋᑯᒡ ᒥᒋᒪ ᒋ ‍ ᓇᑕᐤ ᐊᑉᓴᓚᒻ ᑎᐱᑕ ᐅᓂᑐᐱᔪᐅ-ᐃᔨᒥᔨᐛ᙮ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᒋ ‍ ᑕᑎᐳᐤ, ᑭᔭ ᐃᔅᐱ ᐊᓐᑕ ᓯᐸ ᐊᐱᒂᓯᔨᒋ ᓯᑕᐧᑯᓇ ᐊᓂᔭ ᒥᔅᑯᐛᑎᑯᒡ ᑲ ‍ ᐃᑕᔨᒋ ᑲᓂᐧᑲᑎᓯᔨᒋ ᑲᐸᐃᑭᔎᐛ, ᒋ ‍ ᐊᓴᒋᑎᓂᔪᐤ ᐅᐱᔎᐅᓐ ᐊᑉᓴᓚᒻ ᐊᓐᑕ ᓯᑕᐧᑯᓂᒡ᙮ ᒋ ‍ ᓴᐳᑐᐛᑕᔪᐛ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ, ᒥᒄ ᒋ ‍ ᐊᑯᒋᓐ ᐊᓐᑕ ᐊᑉᓴᓚᒻ᙮
\p
\v 10 ᐸᐃᒄ ᐊᓂᔭ ᑎᐱᑦ ᐅᓂᑐᐱᔪᐅ-ᐃᔨᒪ ᒋ ‍ ᐛᐸᑎᒥᔨᐛ ᑕᓐ ᑲ ‍ ᐃᔅᐱᔅᔨᒡ, ᑭᔭ ᒂ ‍ ᓂᑐᐛᐱᒪᑦ ᑭᔭ ᐛᑎᒧᐛᑦ ᒍᐊᐸ, “ᓂ ‍ ᐛᐱᒪᐤ ᐊᑉᓴᓚᒻ ᐊᑯᒋᐧᒃ ᐊᓐᑕ ᒥᔅᑯᐛᑎᑯᒡ!”
\p
\v 11 ᒍᐊᑉ ᒋ ‍ ᐃᑕᐤ ᐊᓂᔭ ᓇᐸᐛ, “ᒐᒂᓐ ᒋᑦ ‍ ᐃᑕᐤ? ᒋᑦ ‍ ᐃᔅᒋᔄᓐ ᐊ ᐊᒋ ‍ ᐛᐱᒥᑦ ᐊᑉᓴᓚᒻ ᐊᑯᒋᐧᒃ ᐊᓐᑕ, ᐊᑯ ᒐᒂᓐ ᐛᒋ ᐊᑲ ᑎᐛᒡ ᓂᐸᔨᑦ᙮ ᒋᐸ ‍ ᒥᔨᑎᓇᐱᓐ ᐸᐃᑯᔪᐤ ‍ (10) ᐛᐱᓯᐤ ᓱᓇᔭᐱᔎ ᑭᔭ ᐱᒂᐊᐅᓐ ᒋ ‍ ᓂᐸᔨᑕᒂ᙮!”
\p
\v 12 ᓇᐸᐤ ᒂ ‍ ᐃᑕᑦ ᒍᐊᐸ, “ᐊᑎ ᓱᒄ ᒋ ‍ ᒥᔨᓇᒂ ᐸᐃᒂᐤ ᒐᓯᐱᔪᐤ ‍ (1000) ᐛᐱᓯᐤ ᓱᓇᔭᐱᔎ, ᐊᑐᒡ ᒐᒂᔪᐤ ᓂᐸ ᐅᒋ ‍ ᑐᑐᒪᐱᓂᐃ ᒋᓴᐅᒋᒪᐤ ᐅᑯᓴ᙮ ᒥᓯᐛ ᓂᒋ ‍ ᐸᑐᐛᓇᓐ ᒋᔾ ᑭᔭ ᐊᐱᓴᐃ ᑭᔭ ᐃᑕᐃ ᑲ ‍ ᐃᑎᓱᒥᑕᒄ ᒋᓴᐅᒋᒪᐤ, ‘ᓂᔾ ᐅᒋ, ᒐ ᐊᑲ ᐊᐧᑯᐊᒄ ᓂᑯᔅ ᐊᑉᓴᓚᒻ!’
\v 13 ᐊ ᐊᑲ ᐅᒋ ᓂᓇᔨᑐᐅᑲᒂ ᒋᓴᐅᒋᒪᐤ ᑭᔭ ᓂᐸᔨᑲᒂ ᐊᑉᓴᓚᒻ, ᒋᐸ ‍ ᐸᑎᒧᐱᓐ ᒋᓴᐅᒋᒪᐤ, ᐛᔅ ᒥᓯᐛ ᒐᒂᔪᐤ ᐸᑎᒻ ᒋᓴᐅᒋᒪᐤ, ᑭᔭ ᐃᔭᐱᒡ ᐊᑐᒡ ᒋ ᒋᔅᐸᐛᓯᓇᐱᓐ!”
\p
\v 14 ᒍᐊᑉ ᒋ ‍ ᐃᔅᒋᔄᐤ, “ᓇᒪ ᓂᑭ ᒋ ‍ ᐊᔅᑕᓐ ᑎᐱ ‍ ᐱᓯᒧᐧᑲᓐ ᐊ ‍ ᐃᔨᒥᔨᑕᓐ !” ᐊᑯ ᐛᑎᓇᑦ ᓂᔅᑐ ‍ (3) ᐊᓯᒪᑭᓇ ᑭᔭ ᐊᑐᑕᑦ ᐊᓐᑕ ᑲ ‍ ᐃᑕᔨᒋ ᐊᑉᓴᓚᒪ, ᑭᔭ ᒂ ‍ ᐃᔭᒋᓂᒺᑦ ᐊᓐᑕ ᐊᑉᓴᓚᒪ ᐅᔅᑲᔅᒋᑭᓂᔨᒡ ᒪᒂᒡ ᐊᔅᒄ ᑲ ‍ ᐱᒪᑎᓯᔨᒋ, ᐊᑯᒋᓂᔨᒋ ᐊᓐᑕ ᒥᔅᑯᐛᑎᑯᒡ᙮
\v 15 ᐊᑯ ᐸᐃᑯᔪᐤ ‍ (10) ᐅᔅᒋᓂᒍᐅᒡ ᑲ ‍ ᑕᑯᓂᒺᒡ ᒍᐊᐸ ᐅᓂᑐᐱᔪᐅ-ᐊᐱᒋᑕᐅᓂᔨᐛ ᒂ ‍ ᒋᔅᑕᒡ ᐊᓂᐸᐊᒡ᙮
\p
\v 16 ᐊᑯ ᒂ ‍ ᐳᑕᑕᐧᒃ ᐅᐳᑕᒋᑭᓐ ᒍᐊᑉ ᒐᒋ ᐊᓴᐎᑎᒧᐛᑦ ᒐ ᐊᑲ ᐊᑎᑐᐤ ᒪᓯᒐᔨᒋ, ᑭᔭ ᒂ ‍ ᒋᐛᔨᒋ ᐅᓂᑐᐱᔪᐅ-ᐃᔨᒪ ᐊᓇᓴᐛᔨᒋ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮
\v 17 ᒋ ‍ ᐅᑎᓂᒺᐅᒡ ᐊᑉᓴᓚᒪ ᐅᔭᔪᐤ ᑭᔭ ᒂ ᐱᒋ ‍ ᐛᐱᓂᒺᒡ ᐊᓐᑕ ᐊᒥᓴᔨᒡ ᐛᑎᑯᔪᐤ ᐊᓐᑕ ᒥᓇᔎᒡ, ᑭᔭ ᒂ ᐊᑯᓇᐊᒺᒡ ᐊᐱᔅᑯᔅᑕᒡ ᐊᓯᓂᔭ᙮ ᐊᑯ ᒥᓯᐛ ᑲ ‍ ᐃᔅᑯᐱᔨᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᑲ ‍ ᐎᒐᐛᒡ ᐊᑉᓴᓚᒪ ᑎᐱᔨᐛ ᐅᑕᓇᒧᐛᒡ ᒂ ‍ ᐃᑎᓯᒧᒡ᙮
\p
\v 18 ᓇᒪ ᐅᒋ ‍ ᑕᔪᐛ ᐊᑉᓴᓚᒻ ᐅᑯᓴ ᒐᒋ ᐊᓱ ‍ ᑭᓄᐛᔨᑎᒥᔨᒋ ᐊᐸᐃᑯᔅᑲᓇᓯᑦ ᐅᑦ ᐃᓯᓂᑲᓱᐅᓐ᙮ ᐊᑯ, ᒪᒂᒡ ᑲᐱᒪᑎᓯᑦ ᐊᑉᓴᓚᒻ, ᒋ ‍ ᐅᓯᑎᒪᓱᐤ ᐊᓯᓂᔭ ᐊᓐᑕ ᒋᓴᐅᒋᒪᐤ ᐅᐱᓯᔎᓐ ᒥᒋᒪ ᒋᕈᓯᓕᒥᒡ, ᒐᒋ ᐅᒋ ᒋᔅᒋᑕᑯᑦ ᐃᔪᐛ᙮ ᒋ ᒋᑭᒧᑕᐤ ᐊᓐᑕ ᐅᑦ ᐃᓯᓂᐧᑲᓱᐅᓐ, ᑭᔭ ᐊᔅᒄ ᐊᓄᒡ ᒂ ‍ ᐃᓯᓂᐧᑲᑕᒡ ᐃᔪᒡ ᐊᑉᓴᓚᒻ ᐅᑦ ᐊᓯᓂᒪ᙮
\s1 ᑲ ‍ ᐎᑎᒧᐛᑭᓄᐅᑦ ᑎᐱᑦ ᐊᒋ ‍ ᐳᓂᐱᒪᑎᓯᔨᒋ ᐊᑉᓴᓚᒪ
\p
\v 19 ᑲᒋ ‍ ᓂᐸᐊᑭᓄᐅᑦ ᐊᑉᓴᓚᒻ, ᐊᐃᒪᔅ ᓴᑐᒃ ᐅᑯᓴ ᒋ ᐃᑕᐤ ᒍᐊᐸ, “ᓇᐊᔨᒥ ᒐᒋ ᓂᑐᐛᐱᒥᒄ ᒋᓴᐅᒋᒪᐤ ᒐᒋ ᐎᑎᒧᐅᒄ ᒥᔽᒋᒧᐅᓂᔪᐤ ᐊᒋ ‍ ᐱᐧᑯᔨᑯᑦ ᑎᐸᔨᒋᒐᓱᐛ ᐅᓱᐧᑲᑎᓯᐅᓂᔨᒡ ᑲᐱᒂᑎᑯᑦ ᐅᒋ!”
\p
\v 20 ᒥᒄ ᒍᐊᑉ ᒋ ‍ ᐃᑕᐤ, “ᓇᒪ, ᓇᒪ ᒋᑭ ‍ ᓇᐊᔨᒥᑎᓐ ᒐᒋ ᐎᑎᒧᐅᑦ ᐃᔨᒧᐅᓂᔪᐤ ᒋᓴᐅᒋᒪᐤ ᐊᓄᒡ᙮ ᐊᔅᒄ ᐸᐃᒂᐤ ᐊᒋᓯᑲᒡ ᒋᑭ ‍ ᓇᐊᔨᒥᑎᓐ ᒐᒋ ᐎᑎᒧᐅᑦ ᐃᔨᒧᐅᓂᔪᐤ, ᒥᒄ ᓇᒥᔭᐤ ᐊᓄᒡ᙮ ᐊᓄᒡ ᐎᑎᒧᐅᑦ ᐃᔨᒧᐅᓂᔪᐤ, ᓇᒥᔭᔪᐤ ᐊᓂᔭ ᒥᔪᐤ ‍ ᐃᔨᒧᐅᓂᔪᐤ ᒐᐸ ᐎ ‍ ᐸᑎᒻ ᒋᓴᐅᒋᒪᐤ, ᐛᔅ ᒋᐳᓂᐱᒪᑎᓯᔨᐛ ᐅᑯᓴ᙮”
\p
\v 21 ᐊᑯ ᒍᐊᑉ ᒂ ‍ ᐃᑕᑦ ᑎᐱᑕ ᐅᑦ ᐊᐱᒋᐊᑭᓂᔨᐛ ᐃᑎᔪᐱᔭ ᐅᒋ, ”ᒪᒋ ᒋᔾ ᐎᑎᒧᐅᓇ ᒋᓴᐅᒋᒪᐤ ᒐᒂᓐ ᑲ ‍ ᐛᐸᑎᒥᓐ᙮” ᐊᑯ ᐊᓐ ᓇᐸᐤ ᐃᑎᔪᐱᔭ ᐅᒋ ᒂ ‍ ᓄᐛᑲᐳᐅᑦ ᐅᑎᔅᑯᐤ ᒍᐊᐸ, ᑭᔭ ᒂ ‍ ᒋᒋᐸᑕᑦ᙮
\p
\v 22 ᐊᑯ ᐊᐃᒪᔅ ᒥᓐ ᐊᑕᑦ ᒍᐊᐸ, “ᐊᑎ ᓱᒄ ᐊᓐ ᓇᐸᐤ ᐃᑎᔪᐱᔭ ᐅᒋ ᒋᒋᐸᑕᑦ, ᓇᐊᔨᒥ ᒐᒋ ᓇᓴᐅᒄ,” ᒍᐊᑉ ᒂ ‍ ᐃᑕᑦ, “ᓂᑯᓴ, ᒐᒂᓐ ᐊᓐ ᐛᒋ ‍ ᐎᑐᑎᒥᓐ? ᓇᒪ ᒋᑭ ᒋ ‍ ᑲᔅᑎᓇᓐ ᑲᓂᔪᐎᓐ ᒋᑦ ‍ ᐃᔨᒧᐅᓐ ᐅᒋ!”
\p
\v 23 ᒥᒄ ᐊᐃᒪᔅ ᒂ ᐃᑕᑦ, “ᓇᒪ ᐃᔭᐱᑕᔨᑕᑯᓐ ᐊᓐ, ᓂᐎ ‍ ᐃᑐᑕᓐ᙮ ᐊᑯ ᒍᐊᑉ ᐊᑕᑦ, “ᐊᑯ, ᒪᒋ᙮” ᐊᑯ ᐊᐃᒪᔅ ᒐᒋᐸᑕᑦ ᒂᔅᑕᒐ ᒪᔅᑭᓇᔪᐤ ᒍᕐᑎᓐ ᐊ ‍ ᐱᓴᔨᒡ ᐃᓯ ᑭᔭ ᑕᑯᓯᐸᑕᑦ ᐊᓐᑕ ᑎᐱᑕ ᐊ ‍ ᑕᔨᒋ ᐃᔅᐱᔅ ᐊᓂᔭ ᓇᐸᐛ ᐃᑎᔪᐱᔭ ᐅᒋ ᑎᑯᓯᐸᑕᔨᒋ᙮
\p
\v 24 ᑎᔅᑐᐎᒡ ᐎᐎᑎᒥᒡ ᐅᑕᓇᒡ ᐃᔎᑕᒥᔪᐤ ᑭᔭ ᐱᑎᑭᒥᒡ ᐅᑕᓇᒡ ᐃᔎᑕᒥᔪᐤ ᒋ ‍ ᐊᐳᐤ ᑎᐱᑦ᙮ ᒋ ‍ ᓴᑭᒋᐛᔪᐛ ᑲ ᑭᓄᐛᐸᒐᔨᒋ ᐅᑕᓇᒡ ᑲ ᐛᔅᑲᑲᐳᔨᒡ ᑭᔭ ᐊᑯᑕ ᑲ ᓇᓂᐳᔨᒋ ᐊᓐᑕ ᑕᐧᑯᒡ ᐃᔎᑕᒥᒡ ᐊᓱᐛᐳᒋᐛᐱᔪᐤ᙮ ᒋ ᐃᑕᐱᔨᐛ ᑭᔭ ᒂ ‍ ᐛᐱᒪᔨᒋ ᐊᐸᐃᑯᐸᑕᓯᔨᒋ ᓇᐸᐛ᙮
\v 25 ᒋ ‍ ᑕᑈᐤ ᑲ ᑭᓄᐛᐸᒐᑦ ᑭᔭ ᐛᑎᒧᐛᑦ ᒋᓴᐅᒋᒪᐛ᙮ ᒋᓴᐅᒋᒪ ᒋ ‍ ᐃᔅᒋᔄᐤ, “ᐸᔭᐃᑯᓯᒂ, ᐊᐅᑯᓐ ᐊᑥᒥᑲᒡ ᐱᑕᐤ ᒥᔽᒋᒧᐅᓂᔪᐤ᙮” ᒐᒄ ᒥᒋᒪ ᒂ ‍ ᐃᑕᑦ ᐊᓐ ᓇᐸᐤ ᑲ ᐎᔨᐳᐎᑦ᙮
\p
\v 26 ᐊᑯ ᐊᓐ ᑲ ᑭᓄᐛᐸᒐᑦ ᒥᓐ ᑯᑎᑲ ᐎᔭᐱᒪᑦ ᓇᐸᐛ ᐊ ᐎᔨᐳᐎᔨᒋ᙮ ᐊᑯ ᒂ ‍ ᑕᑈᑕᑦ ᑲᑭᓄᐛᔨᑎᒥᔨᒋ ᐃᔎᑕᒥᔪᐤ, “ᐃᑕᐱ! ᑯᑎᒃ ᓇᐸᐤ ᐎᔨᐳᐎᐤ! ᑭᔭ ᒋᓴᐅᒋᒪᐤ ᒂ ‍ ᐃᑕᑦ, ᐃᔭᐱᒡ ᐎᔾ ᐸᑕᐤ ᒥᔽᒋᒧᐅᓂᔪᐤ᙮”
\p
\v 27 ᑲ ᑭᓄᐛᐸᒐᑦ ᒂ ‍ ᐃᔅᒋᔄᑦ, “ᐊᐃᒪᔅ ᓂᑦ ᐃᑕᔨᒪᐤ ᐊᓐ ᓂᔅᑎᒻ ᓇᐸᐤ, ᐛᔅ ᒂ ᐃᓯ ‍ ᐎᔨᐳᐎᑦ ᐊᐃᒪᓴ ᐊ ᐃᓯ ‍ ᐎᔨᐳᐎᔨᒋ᙮” ᒋᓴᐅᒋᒪᐤ ᒂ ‍ ᐃᔅᒋᔄᑦ, “ᒥᔪ ‍ ᓇᐸᐅᐤ ᐊᓐ, ᑭᔭ ᓂ ‍ ᒐᒋᓇᐅᓐ ᐱᔭᑕᑦ ᒥᔽᒋᒧᐅᓂᔪᐤ᙮”
\p
\v 28 ᐃᔅᐱ ᐛᑎᒋᐱᑕᑦ ᐊᐃᒪᔅ ᒋᓴᐅᒋᒪᐛ, ᒂ ‍ ᑕᑈᑦ “ᓂᑦ ᐊᔅᐸᔨᒧᓐ ᒪᔪᐱᔨᑯᔨᓐ ᒐᒂᔪᐛ!” ᐊᑯ ᒂ ‍ ᐸᒋᒥᓱᑦ ᒧᔅᑎᔅᑭᒥᒡ ᐅᑎᔅᑯ ᒋᓴᐅᒋᒪᐛ ᐊ ‍ ᑕᔨᒋ ᑭᔭ ᒂ ‍ ᐃᑕᑦ, “ᐅᒋᒪᐤ, ᒪᒥᒋᒻ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᐊᓐ ᑲ ‍ ᐱᑯᔨᔅᒃ ᐊᓂᔭ ᓇᐸᐛ ᐅᒋ ᑲ ‍ ᒪᔭᒥᔅᒋᔅᒋ!”
\p
\v 29 ᒋᓴᐅᒋᒪᐤ ᒂ ᐃᔅᒋᔄᑦ, ᒥᔪᐱᔪᐤ ᐊ ᐅᔅᒋᓂᒍᐤ ᐊᑉᓴᓚᒻ?” ᐊᐃᒪᔅ ᓇᒪ ᐅᒋ ᐎ ‍ ᓂᔎᐛᓯᔨᐛᐤ ᐊᓂᔭ ᑭᒂᒋᒐᒧᐅᓂᔪᐤ ᐅᒋ, ᐊᑯ ᒂ ‍ ᐃᑕᑦ, “ᐃᔅᐱ ᑲ ‍ ᐃᑎᓴᐅᑦ ᒍᐊᑉ, ᓂᒋ ‍ ᐛᐸᑕᓐ ᐊ ᒥᔅᑎ ᐃᔨᒪᔨᑕᑭᓄᐅᒡ, ᒥᒄ ᓇᒪ ᐅᒋ ‍ ᒋᔅᒐᔨᑕᓐ ᒐᒂᓐ ᐊᓐ ᐊᑥᒥᑲᒡ᙮”
\p
\v 30 ᐊᑯ ᒂ ‍ ᐃᔅᒋᔄᑦ ᒋᓴᐅᒋᒪᐤ, “ᐅᐱᒪ ᓇᓂᐳᐎ᙮” ᐊᑯ ᐊᐃᒪᔅ ᒂ ‍ ᐊᒋᑲᐳᐅᑦ ᑭᔭ ᐊᑯᑕ ᓂᔭᓂᐳᐅᑦ᙮
\p
\v 31 ᓯᔅᒋᑯᒡ ᐊᓐ ᓇᐸᐤ ᐃᑎᔪᐱᔭ ᐅᒋ ᑕᑯᓯᐸᑕᑦ, ᑭᔭ ᒂ ‍ ᐃᔅᒋᔄᑦ, “ᐅᒋᒪᐤ, ᒋᐸᑥᑎᓐ ᒥᔽᒋᒧᐅᓐ! ᒋ ‍ ᑐᑐᐛᐤ ᑎᐸᔨᒋᒐᓱᐤ ᒋᓂᑐᐱᔪᐅ-ᐃᔨᒪ ᒐᒋ ᓴᐧᑯᒋᐊᔨᒋ ᒥᓯᐛ ᐊᓂᔭ ᑲ ‍ ᒪᔭᒥᔅᒋᔅᒋ!”
\p
\v 32 ᒂ ‍ ᐃᑕᑦ ᒋᓴᐅᒋᒪᐤ, “ᒥᔪᐱᔪᐤ ᐊ ᐅᔅᒋᓂᒍᐤ ᐊᑉᓴᓚᒻ?” ᐊᑯ ᐊᓐ ᓇᐸᐤ ᐃᑎᔪᐱᔭ ᐅᒋ ᒂ ‍ ᐃᑕᑦ, “ᐅᒋᒪᐤ, ᑭᒪ ᒥᓯᐛ ᑲᐱᒂᑎᔅᒡ ᑭᔭ ᐊᓐᒡ ᑲ ‍ ᒪᔭᔨᒥᔅᒡ ᐃᔅᐱᔨᒡ ᑕᓐ ᐊᓂᔭ ᑲ ‍ ᐃᔅᐱᔨᒋ ᐊᑉᓴᓚᒪ!”
\p
\v 33 ᒂ ‍ ᒋᔅᒐᔨᑕᐧᒃ ᒋᓴᐅᒋᒪᐤ ᐊ ‍ ᐃᔅᒋᔄᔨᒋ ᐊᐳᓂᐱᒪᑎᓯᔨᒋ ᐊᑉᓴᓚᒪ, ᐊᑯ ᒋᒋᐛ ᒂ ‍ ᓂᓇᐧᑲᑕᔨᑕᐧᒃ, ᑭᔭ ᒂ ‍ᐃᑐᑕᑦ ᐊᓐᑕ ᑕᐧᑯᒡ ᑲᐱᔅᒋᒐᔭᔨᒡ ᑭᔭ ᒂ ᒪᑦ᙮ ᒪᒂᒡ ᐊᑎ ‍ ᓴᑭᒍᐛᑦ, ᒋ ᑕᐱᑕᑈᐤ, “ᐅ ᓂᑯᔅ ᐊᑉᓴᓚᒻ! ᓂᑯᓴ!, ᐅ ᓂᑯᔅ ᐊᑉᓴᓚᒻ, ᑭᒪ ᓂᔾ ᐱᓂᐱᒪᑎᓯᔭᓇᒂ ᒥᔅᑯᒡ ᒋᔾ!”
\c 19
\s1 ᒍᐊᑉ ᑲ ‍ ᐊᓏᔨᒪᑦ ᒋᓴᐅᒋᒪᐛ
\p
\v 1 ᒋ ‍ ᐎᑎᒧᐛᐤ ᐊᐛᓐ ᒍᐊᐸ ᐊᒪᔨᒋ ᒋᓴᐅᒋᒪᐛ ᑭᔭ ᐊᓂᓇᐧᑲᑥᑎᒥᔨᒋ ᐛᔅ ᑲ ‍ ᐳᓂᐱᒪᑎᓯᔨᒋ ᐊᑉᓴᓚᒪ᙮
\v 2 ᒥᓯᐛ ᑎᐱᑦ ᐅᓂᑐᐱᔪᐅ-ᐃᔨᒪ ᓇᒪ ᐅᒋ ᒥᔽᔨᑎᒥᔨᐛ, ᒥᔅᑯᒡ ᐊᒥᒋᒐᔨᑕᒡ ᐊᒋ ᓴᐧᑯᒋᐊᒡ ᓂᑐᐱᔪᐅ-ᐃᔪᐛ ᑲ ᒪᓯᔨᒋ ᐊᑉᓴᓚᒪ, ᓇᒪ ᐅᒋ ᒥᔽᔨᑎᒧᒡ ᐛᔅ ᒋᐸᑎᒧᒡ ᐊᓂᓇᐧᑲᑥᑎᒥᔨᒋ ᒋᓴᐅᒋᒪᐛ ᐛᔅ ᑲ ‍ ᐳᓂᐱᒪᑎᓯᔨᒋ ᐊᑉᓴᓚᒪ᙮
\v 3 ᐸᐧᑲᒡ ᑲᐤ ᒋᒋᐛᐅᒡ ᓂᑐᐱᔪᐅ-ᐃᔪᒡ ᐅᑕᓇᒡ, ᒧᔭᒻ ᐊ ‍ ᐃᑎᒡ ᓂᑐᐱᔪᐅ-ᐃᔪᒡ ᐃᔅᐱ ᓯᔭᒂᔨᒧᑥᐎ ᐛᔅ ᐊᒋ ‍ ᒋᑎᓯᒧᒡ ᐊᓂᑐᐱᔨᓇᓄᐎᒡ᙮
\v 4 ᐅᑎᒋᔭ ᒋ ‍ ᐊᒂᐊᒻ ᐅᑕᔅᑎᒥᒄ ᒋᓴᐅᒋᒪᐤ ᑭᔭ ᒋ ‍ ᓇᓂᑎᒪᐱᔪᐤ ᐊᒋᐧᑲᐛᑦ ᐊᒪᑦ, “ᐅ ᓂᑯᔅ ᐊᑉᓴᓚᒻ! ᐅ ᐊᑉᓴᓚᒻ ᓂᑯᓴ! ᓂᑯᓴ!”
\p
\v 5 ᐊᑯ ᒂ ‍ ᐱᒐᑦ ᒍᐊᑉ ᑲᐱᔅᒋᒐᔭᔨᒡ ᐊᓐᑕ ᑲ ‍ ᐃᑕᔨᒋ ᒋᓴᐅᒋᒪᐛ, ᑭᔭ ᒂ ‍ ᐃᑕᑦ ᒋᓴᐅᒋᒪᐛ, “ᐊᓄᒡ ᒋ ‍ ᑐᑐᐛᐅᒡ ᒐᒋ ᓴᒂᔨᒧᒡ ᒋᓂᑐᐱᔪᐅ-ᐃᔨᒥᒡ! ᒋᒋ ‍ ᓴᒂᔨᒧᐊᐅᒡ ᐊᓐ ᓇᐸᐅᒡ ᑲ ‍ ᐅᓯᒧᑐᐛᒡ ᒋ ‍ ᐱᒪᑎᓯᐅᓂᔪᐤ ᑭᔭ ᒋᑯᓴ ᑭᔭ ᒋᑕᓂᓴ ᑭᔭ ᒋᔪᐛ ᑭᔭ ᒋᑯᐸᓇᐅ ᐎᐛ ᐅᐱᒪᑎᓯᐅᓂᔨᐛ!
\v 6 ᒋᓴᒋᐊᐅᒡ ᐊᓐᒡ ᑲ ‍ ᐛᐧᑲᑎᔅᒡ ᑭᔭ ᒋ ‍ ᐛᐧᑲᑕᐅᒡ ᐊᓐᒡ ᑲ ‍ ᓴᒋᔨᔅᒡ᙮ ᒋᒋ ‍ᒥᔪ ᐛᐸᑎᔨᐛᓐ ᐊᓄᒡ ᐊ ᐊᑲ ᓇᔅᒡ ᐃᔅᐱᑕᔨᒥᑥᐤ ᒋ ᐅᒋᒪᐤ ‍ ᓂᑐᐱᔪᐅ-ᐃᔨᒥᒡ ᑭᔭ ᒋᑯᐸᓇᒥᒡ᙮ ᓂᑦ ᐃᑕᔨᑕᓐ ᐊᔅᒄ ᐱᒪᑎᓯᑕᒂ ᐊᑉᓴᓚᒻ ᑭᔭ ᒥᓯᐛ ᓂᓇᓐ ᐳᓂᐱᒪᑎᓯᔭᒐᒂ, ᒋᐸ ‍ ᒥᔽᔨᑕᓇᐱᓐ᙮
\v 7 ᐊᑯ, ᐊᓄᒡ ᒥᒋ ᑭᔭ ᒋ ᓂᔅᑯᒥᑥᐤ ᒋᓂᑐᐱᔪᐅ-ᐃᔨᒥᒡ ᐛᔅ ᐊᓂᔭ ᒐᒂᔪᐤ ᑲ ‍ ᐃᑎᒡ, ᐛᔅ ᓂ ᒋᒋ ‍ ᐎᑕᓐ ᐊ ᐊᑲ ᐃᑐᑎᒥᓇ ᐊᓐ, ᓇᒪ ‍ᐛᒋ ‍ ᐸᐃᒄ ᐊᔅᒄ ᒋᑭ ‍ ᐃᑕᐅᒡ ᐊ ‍ ᐃᑕᐅᑦ ᒐᒋᓴᐸᔭᔨᒐ ᑭᔭ ᐊᑎᑐᐤ ᒋᑭ ‍ ᐊᔨᒥᔨᑯᓐ ᐃᔅᐱᔅ ᒥᓯᐛ ᐊᔨᒥᐅᓇ ᑲ ‍ ᓂᒋᔅᑭᒥᓐ ᑲ ᐃᔅᐱᔅ ᐊᐛᓯᐎᔨᓐ᙮”
\p
\v 8 ᐊᑯ ᒋᓴᐅᒋᒪᐤ ᒂ ‍ ᐱᓯᑯᑦ ᑭᔭ ᐊᑐᑕᑦ ᑭᔭ ᓂᔭᔨᐱᑦ ᒥᒋᒪ ᐅᑕᓇᒡ ᐃᔎᑕᒥᔪᐤ᙮ ᑭᔭ ᒥᓯᐛ ᐃᔪᒡ ᒋ ‍ ᐃᑕᑭᓄᐅᒡ, “ᐃᔎᑕᒥᒡ ᓇᑕ ᐊᐳᐤ ᒋᓴᐅᒋᒪᐤ!” ᐊᑯ ᒥᓯᐛ ᒂ ‍ ᑎᑯᓯᒡ ᑭᔭ ᐎᔭᔅᑲᑲᐳᐅᔅᑐᐛᒡ᙮
\s1 ᐃᔅᕋᐃᓪ ᑭᔭ ᒍᑕ ᐃᔪᒡ ᒥᓐ ᒋ ‍ ᓂᑐᐛᔨᒪᐅᒡ ᑎᐱᑕ ᒐᒋ ᐅᒋᓴᐅᒋᒪᒥᒡ
\p ᑲᒋ ᒋᐛᒡ ᒥᓯᐛ ᐃᔅᕋᐃᓪ ᓂᑐᐱᔪᐅ-ᐃᔪᒡ᙮
\p
\v 9 ᐊᑯ ᒥᓯᐛ ᐃᔪᒡ ᐊᓐᑕ ᐃᔅᕋᐃᓪ ᐊ ‍ ᐃᑎᔅᑲᓇᓯᒡ ᒋ ‍ ᒋᐧᑲᓇᑯᐎᑐᐅᒡ᙮ ᒋ ‍ ᐃᑎᑐᐅᒡ, “ᒋ ‍ ᐎᐧᑯᒋᔨᑯᓄᐤ ᒋᓴᐅᒋᒪᐤ ᑎᐱᑦ ᐱᓕᔅᑎᐊ ᐃᔪᐛ ᐅᒋ ᑭᔭ ᑲᐱᒂᑎᔨᑕᐧᑯᐤ ᐅᒋ᙮ ᒥᒄ ᐊᓄᒡ ᒋ ‍ ᒋᑎᓯᒪᐤ ᐊᑉᓴᓚᒪ ᑭᔭ ᒋ ᓂᑭᑎᒻ ᐃᔅᕋᐃᓕᔪᐤ!
\v 10 ᐊᑉᓴᓚᒻ ᓂᒋ ‍ ᐅᑎᓇᓇᓐ ᒐᒋ ᐅᒋᓴᐅᒋᒪᒥᔭᒡ, ᒥᒄ ᒋ ‍ ᐳᓂᐱᒪᑎᓯᐤ ᐊᓐᑕ ᑲᓂᑐᐱᔨᓇᓄᐎᔨᒡ᙮ ᐊᑯ ᒐᒋᓇᒡ ᑲᐤ ᒋᐸ ᐎ ‍ ᐸᓱᐛᐤ ᐊᐛᓐ ᒋᓴᐅᒋᒪᐛ ᑎᐱᑕ᙮”
\p
\v 11 ᐃᔅᐱ ᑎᐱᑦ ᑲ ‍ ᐸᑕᐧᒃ ᒐᒂᔪᐤ ᐊ ‍ ᐃᔅᒋᔄᔨᒋ ᐃᔪᐛ, ᒋ ‍ ᐃᑎᓴᐊᒧᐛᐤ ᐃᔨᒧᐅᓂᔪᐤ ᐊᔭᒥᐊᐅᒋᒪᐛ ᓴᑐᑲ ᑭᔭ ᐊᐱᐊᑕᕋ ᒐᒋ ᐃᑕᔨᒋ ᒍᑕ ᐃᔪᐛ ᑲ ‍ ᓂᑲᓂᔅᑯᐛᔨᒋ, “ᒐᒂᓐ ᐅ ᒋᔨᐛᐤ ᒪᔅᑕᔾ ᐊ ‍ ᐃᑎᔅᑲᓇᓯᔭᒃ ᒐᒋ ᐃᑕᔨᑎᒪᒄ ᑲᐤ ᒐᒋ ᐸᓱᐛᒄᐎᒋᒡ ᒋᓴᐅᒋᒪᐤ ᑎᐱᑦ?
\v 12 ᒋᔨᐛᐤ ᐅ ᓂᐧᑲᓂᓯᒡ; ᒋ ‍ ᐸᐃᑯᐛᐊᓄᐤ ᐊᓂᔅᑯᑕᐸᓐ᙮ ᐊᑯ ᓂᒥᔭᐤ ᐅ ᒋᔨᐛᐤ ᒪᔅᑕᔾ ᐊ ‍ ᐃᑎᔅᑲᓇᓯᔭᒃ ᒐᔅᑎᓇᔅ ᒐᒋ ᒋᐛᑕᔨᑕᒄ᙮’ ”
\v 13 ᑭᔭ ᒐ ‍ ᐃᑕᒄ ᐊᒪᓴ, ᒋᔾ ᐅ ᐸᐃᒄ ᓐᑐᓯᒻ᙮ ᓂᑦ ‍ᐊᔅᐸᔨᒧᓐ ᒐ ‍ ᓂᐸᔨᑦ ᐊᐅᑕᒪᐅᑦ ᒋᓴᒪᓂᔅᑐᐤ ᐊ ᐊᑲ ᐅᑎᓂᑕᓇ ᒐᒋ ᐅᒋᒪᐛᔨᓐ ᓂᓂᑐᐱᔪᐅ-ᐃᔨᒥᒡ ᒥᔅᑯᒡ ᒍᐊᑉ᙮”
\p
\v 14 ᒋ ‍ ᓯᒋᒪᐤ ᑎᐱᑦ ᒥᓯᐛ ᒍᑕ ᐃᔪᐛ ᒐᒋ ᒥᔪ ᐎᒐᐅᑯᑦ᙮ ᐊᑯ ᒂ ‍ ᐃᑎᓴᐊᒧᐛᒡ ᐃᔨᒧᐅᓂᔪᐤ ᒋᓴᐅᒋᒪᐛ, ᐊ ‍ ᐃᑕᒡ, “ᒋ ‍ ᓂᑐᐛᔨᒥᑎᓇᓐ ᑭᔭ ᒥᓯᐛ ᒋᑯᐸᓇᒥᒡ ᑲᐤ ᒐᒋ ᑎᑯᓯᓂᔭᒄ ᐅᑕ᙮”
\v 15 ᐊᑯ ᒋᓴᐅᒋᒪᐤ ᑲᐤ ᒂ ‍ ᒋᐛᑦ ᒋᕈᓯᓕᒥᒡ ᐃᓯ ᑭᔭ ᒍᕐᑎᓐ ᓯᐱᒡ ᐃᔅᐱᔅ ᑲ ‍ ᐃᑕᒡ ᑲ ‍ ᓂᔅᑯᐛᒡ ᒍᑕ ᐃᔪᐛ᙮ ᑭᓪᑲᓪ ᒋ ‍ ᒪᒧᔪᐛ ᑭᔭ ᒋ ‍ ᓂᑐᐛᐱᒥᑯᐤ ᒐᒋ ᐎᒋᔨᑯ ᐊᓱᐛᐊᐧᒃ ᒍᕐᑎᓐ ᓯᐱᔪᐤ᙮
\p
\v 16 ᓯᒥ, ᐊᓐ ᓇᐸᐤ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ, ᐃᔭᐱᒡ ᒋᔅᑎᑉ ᒋ ‍ ᑎᑯᓯᓐ ᑲᐎᒐᐛᑦ ᒍᑕ ᐃᔪᐛ ᒐᒋ ᓂᒋᔅᑯᐛᑦ ᒋᓴᐅᒋᒪᐛ ᑎᐱᑕ᙮
\v 17 ᒋ ‍ ᐸᐃᒂᐤ ᒐᓯᐱᔨᐛᓯᔨᐛ ‍ (1000) ᐃᔪᐛ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐅᒋ ᑲ ‍ ᐎᒐᐅᑯᑦ᙮ ᑭᔭ ᓯᐸ, ᓴᓚ ᑲ ᐅᑦ ‍ ᐊᐱᒋᐊᑭᓂᑐᑕᑯᑦ, ᐃᔭᐱᒡ ᒍᕐᑎᓐ ᓯᐱᒡ ᒋ ‍ ᐃᑐᑕᐤ, ᓂᓱᔪᐤ ᐅᑦ ᐊᐱᒋᐊᑭᓇ ᐊᐎᒐᐅᑯᑦ᙮ ᒥᓯᐛ ᒋ ‍ ᓂᑐᐛᐱᒪᐅᒡ ᒋᓴᐅᒋᒪᐛ,
\v 18 ᐊᑯ ᒂ ‍ ᐊᓱᐛᑕᐊᒡ ᓯᐱᔪᐤ ᑎᐱᑕ ᐊᐸᐃᑯᔅᑲᓇᓯᔨᒋ ᑭᔭ ᐅᑦ ᐊᐱᒋᐊᑭᓂᔨᐛ, ᐊᓐᑕ ᐃᑕᐅᓂᒡ ᒐᒋ ᐊᐅᐛᐊᒥᔨᒋ᙮ ᒋ ᐎ ‍ ᐃᑐᑎᒺᐅᒡ ᒥᒄ ᒐᒂᔪᐤ ᑲ ‍ ᐃᑎᓯᒥᑯᒡ ᒋᓴᐅᒋᒪᐛ ᒐᒋ ᐃᑐᑕᒡ᙮ ᒧᔭᒻ ᒋᓴᐅᒋᒪᐤ ᑲ ᐎ ‍ ᐊᓱᐛᐊᐧᒃ ᓯᐱᔪᐤ, ᓯᒥᔨᒋ ᒋ ᐸᒋ ‍ ᓇᑎᑯᐤ, ᑭᔭ ᒂ ‍ ᐸᒋᒥᓱᔨᒋ ᐅᑎᔅᑯᐤ ᐊᑕᑦ ᒋᓴᐅᒋᒪᐤ᙮
\p
\v 19 ᒂ ‍ ᐃᑕᑦ ᒋᓴᐅᒋᒪᐛ, “ᓂᐅᒋᒪᒻ, ᐛᐸᔨᑎᒧᐎᔾ, ᐊ ᐊᑲ ᒪᒥᑐᓇᔨᑎᒥᔨᑯᐤ ᐊᓐ ᐊᒥᒋᒡ ᒐᒂᓐ ᑲ ‍ ᑐᑎᒪᓐ ᐊᓐ ᒋᓯᒄ ᑲ ‍ ᓂᑭᑎᒥᓐ ᒋᕈᓯᓕᒻ᙮ ᐊᑲ ᓴᔅ ᒪᒥᑐᓇᔨᑎᒥᔨᑯᐤ᙮
\v 20 ᐛᔅ ᓂ ‍ ᒋᔅᒐᔨᑕᓐ ᐊᒋ ‍ᒥᒋ ‍ ᑐᑎᒪᓐ᙮ ᐛᐸᑕ, ᓂᒋ ‍ ᑎᑯᓯᓐ ᐊᓄᒡ, ᓂᔅᑎᒻ ᐊᐛᓐ ᐊᓐᑕ ᒋᐛᑎᓄᒡ ᐊ ‍ ᐃᑎᔅᑲᓇᓯᒡ ᐅᒋ ᑕᑯᓯᐧᒃ ᒐᒋ ᓂᒋᔅᑲᔅᒃ ᐊᓄᒡ, ᓂᐅᒋᒪᒻ᙮”
\p
\v 21 ᒥᒄ ᐊᐱᓴᐃ, ᓯᕋᐃᐊ ᐅᑯᓴ, ᒋ ‍ ᐃᔅᒋᔄᐤ, “ᒋ ‍ ᐊᓏᔨᒪᐤ ᐊᓂᔭ ᑎᐸᔨᒋᒐᓱᐛ ᑲ ‍ ᐅᑎᓇᔨᒋ ᒐ ‍ ᒋᓴᐅᒋᒪᐎᒋ! ᐊᑯ ᒐᔅᑎᓇᔅ ᒋᐸ ᐎ ‍ ᓂᐸᐊᑭᓄᐤ ᐊᓂᔭ ᑲ ‍ ᐃᑎᑦ᙮”
\p
\v 22 ᒥᒄ ᑎᐱᑦ ᒋ ‍ ᐃᔅᒋᔄᐤ, ᒋᔨᐛᐤ ᓯᕋᐃᐊ ᐅᑯᓴ, ᓂᒥᔭᐤ ᒋᔨᐛᐤ ᒐ ‍ ᐎᔭᔨᑎᒪᒄ ᑕᓐ ᒐ ‍ ᐃᑐᑐᐛᑭᓄᐅᑦ᙮ ᓂ ‍ ᒋᔅᒐᔨᑕᓐ ᓂᔾ ᐊᐅᒄ ᒐᓴᐅᒋᒪᐅᑦ ᐃᔅᕋᐃᓕᒡ᙮ ᒐᒋᓇᒡ ᓇᒪ ᐊᐛᓐ ᐊᓐᑕ ᐃᔅᕋᐃᓕᒡ ᒋᑭ ‍ ᓂᐸᐊᑭᓄᐅᐤ ᐊᓄᒡ᙮
\v 23 ᐊᑯ ᒋᓴᐅᒋᒪᐤ ᐊᑕᑦ ᓯᒥᔨᒋ, “ᓂ ᒋᒋ ‍ ᐊᓱᑎᒪᒐᓐ ᒐ ᐊᑲ ᓂᐸᔨᑕᓐ”
\p
\v 24 ᐊᑯ ᒥᐱᐳᓴᑦ, ᓴᓪ ᐅᓯᒪ, ᒂ ‍ ᑎᑯᓯᐧᒃ ᒐᒋ ᐛᒋᔭᒪᑦ ᒋᓴᐅᒋᒪᐛ᙮ ᓇᒪ ᐅᒋ ᒋᔅᑕᐸᐅᒋᑭᔅᑕᐤ ᑭᔭ ᒪᒃ ᒐᒋ ᒋᒥᓴᒃ ᐎᔅᑐᐎᔭ ᑭᔭ ᐛᐸᑲᐊᐧᒃ ᐅᑦ ᐊᐱᒋᑕᐅᓇ, ᐊᓂᔭ ᐅᒋ ᑲ ‍ ᓂᑭᑎᒥᔨᒋ ᒋᓴᐅᒋᒪᐛ ᒋᕈᓯᓕᒥᔪᐤ ᐃᔅᐱᔅ ᐊᓂᔭ ᑲᐤ ᑲᑎᑯᓯᓂᔨᒋ᙮
\v 25 ᐃᔅᐱ ᑲ ‍ ᑎᑯᓯᐧᒃ ᒋᕈᓯᓕᒥᒡ ᐅᒋ ᒐᒋ ᐛᒋᔭᒪᑦ ᒋᓴᐅᒋᒪᐛ, ᒋ ᐃᑎᑯᐤ ᒋᓴᐅᒋᒪᐛ, “ᒥᐱᐳᓴᑦ, ᒐᒂᓐ ᐛᒋ ‍ᐊᑲ ᐎᒐᐎᔨᓐ?”
\p
\v 26 ᒂ ᐃᑎᑯᑦ, “ᓂᐅᒋᒪᒻ, ᒋ ᒋᔅᒐᔨᑕᓐ ᐊ ᐊᑲ ‍ ᒋ ᐱᒧᑕᔭᓐ᙮ ᓂᒋ ‍ ᐃᑕᐤ ᓂᑦ ᐊᐱᒋᐊᑭᓐ ‘ᒐ ᐛᑕᔨᑦ ᑲᓂᐧᑲᑎᓯᑦ ᑲᐸᐃᑭᔎᐤ ᒐᒋ ᑕᑎᐱᔭᓐ ᑭᔭ ᒐᒋ ᓂᑐᐛᐱᒥᒄ ᒋᓴᐅᒋᒪᐤ,’ ᒥᒄ ᒋ ᒋᑐᑕᐤ ᐊᑲ ᐎᒐᐅᑦ᙮
\v 27 ᑭᔭ ᒋᒋ ᐎᔭᓯᒥᒄ ᐊ ‍ ᐃᑕᒋᒥᑦ᙮ ᒥᒄ, ᓂᐅᒋᒪᒻ, ᒋ ᑭᒐᑕᐛᔨᑕᓐ ᒧᔭᒻ ᒋᓴᒪᓂᑐᐤ ᐅᑦ ᐊᓐᒋᓂᒪ᙮ ᐊᑯ ᑐᑕ ᒐᒂᓐ ᒥᔽᐤ ᐊ ᑕᔨᑎᒥᓐ᙮
\v 28 ᒥᓯᐛ ᓂᒧᓱᒻ ᐊ ᐸᐃᑯᔅᑲᓇᓯᑦ ᒋ ‍ ᐸᓱᐛᔨᑎᒧᒡ ᒐᒋ ᓂᐸᐊᑭᓄᐅᒋᒡ᙮ ᒥᒄ ᓂᒪ ᒋ ᐅᒋ ‍ ᓂᐸᔨᓐ; ᒋᒋ ‍ ᓇᐊᔨᒥᓐ ᒐᒋ ᒥᒋᔭᓐ ᒥᒋᒻ ᒐᒋ ᐎᒋ ‍ ᒥᒋᓱᒥᑕᓐ ᒋ ‍ ᒥᒋᓱᐛᑭᓇᑎᑯᒡ! ᐊᑯ ᒐᔅᑎᓇᔅ ᓇᒪ ᓂᑦ ᐃᓯᓇᑯᓯᓐ ᒐᒋ ᐊᑎᑐᐤ ᓂᑐᐛᔨᑎᒪᑕᓐ ᒐᒂᓐ”
\p
\v 29 ᒋᓴᐅᒋᒪᐤ ᒂ ‍ ᐃᑕᑦ, “ᐊᑲ ᒐᒂᓐ ᒥᓐ ᐃᔅᒋᔄ᙮ ᓂᒋ ‍ ᐎᔭᔨᑕᓐ ᒋᔾ ᑭᔭ ᓯᐸ ᑕᑕᐅᒡ ᒐ ᑎᐸᓂᒪᑐᔭᒄ ᐊᔅᒋᔾ ᐊᓂᔭ ᑲ ‍ ᑎᐱᔨᐛᐅᓯᑦ ᒋᒧᓱᒻ ᓴᓪ᙮”
\p
\v 30 ᐊᑯ ᒥᐱᐳᓴᑦ ᒂ ‍ ᐃᑕᑦ ᒋᓴᐅᒋᒪᐛ, “ᓂᐅᒋᒪᒻ, ᓂᒥᔽᔨᑕᓐ ᑲᐤ ᑲ ᒥᔪ ‍ ᑎᑯᓯᓂᔨᓐ᙮ ᐊᑯ ᓇᐊᔨᒻ ᐎᔾ ᒥᓯᐛ ᒐᒋ ᐅᑎᓇᐧᒃ ᐊᔅᒋᔪᐤ᙮”
\p
\v 31 ᐸᕐᓯᓚᐃ, ᑭᓕᐊᑦ ᐊᔅᒋᒡ ᐅᒋ, ᒍᕐᑎᓐ ᓯᐱᒡ ᒋ ‍ ᐃᑐᑕᐅᒡ ᐅᑕᓇᒥᒡ ᕈᒃᓕᒻ ᐅᒋ, ᒐᒋ ᐎᒐᐛᑦ ᒋᓴᐅᒋᒪᐛ ᐊ ᐊᓱᐛᒥᔨᒋ ᓯᐱᔪᐤ᙮
\v 32 ᒋᒋᐛ ᒋ ᒋᓴᔪᐤ ᐸᕐᓯᓚᐃ, ᔭᓇᐤ ᑕᑐᔪᐤ (80) ᒋ ‍ ᐃᑕᑎᐱᐳᓇᓯᐤ᙮ ᒋᒋᐛ ᒋ ‍ ᐛᔪᑎᓯᐤ, ᑭᔭ ᒋ ‍ ᐊᓯᒪᐤ ᒥᒋᒥᔪᐤ ᒋᓴᐅᒋᒪᐛ ᑭᔭ ᐅᓂᑐᐱᔪᐅ-ᐃᔨᒥᔨᐛ ᒪᒂᒡ ᒪᐊᓇᐃᒻ ᑲ ‍ ᐃᑕᔨᒋ᙮
\v 33 ᒋᓴᐅᒋᒪᐤ ᒂ ‍ ᐃᑕᑦ ᐸᕐᓯᓚᐃᒋ, “ᒋᕈᓯᓕᒥᒡ ᐸᒋ ‍ ᐎᒐᐎ, ᑭᔭ ᒋᑭ ‍ ᓇᑭᑐᐛᔨᒥᑎᓐ᙮”
\p
\v 34 ᒥᒄ ᐸᕐᓯᓚᐃ ᒋ ‍ ᐃᑕᐤ, ᒐᔅᑎᓇᔅ ᓇᒪ ᓇᐅᔅ ᓂᑭ ‍ ᐱᒪᑎᓯᓐ᙮ ᐊᑯ ᒐᒂᓐ ᒋᐸ ᐅᒋ ‍ ᐎᒐᐅᑎᓐ ᒋᕈᓴᓕᒥᒡ?
\v 35 ᓴᔅ ᔭᓇᐤ ᑕᑐᔪᐤ (80) ᓂᑦ ᐃᑕᑎᐱᐳᓇᓯᓐ, ᓇᒪ ᓂ ‍ ᒋᔅᒐᔨᑕᓐ ᒐᒂᓐ ᒪᔽᔨᑎᒥᔨᐛᒡ ᑭᔭ ᐊ ᐊᑲ ᒥᔽᔨᑎᒥᔨᐛᒡ᙮ ᓇᒪ ᓂᒋ ‍ ᒥᔽᔨᑕᓐ ᒐᒂᓐ ᒪᒋᔭᓐ ᑭᔭ ᒐᒂᓐ ᒪᓂᔭᓐ᙮ ᓇᒪ ᓂᒋ ‍ ᐸᑎᒺᓐ ᐅᐸᑕᑯᓯᐅᓄᐛᐤ ᓇᐸᐅᒡ ᑭᔭ ᐃᔎᐅᒡ ᒪᒂᒡ ᓇᑭᒧᑥᐎ᙮ ᐊᑯ ᒐᒂᓐ ᒋᐸ ᐅᒋ ‍ ᐅᑎᒥᔨᑎᓐ?
\v 36 ᒋᑭ ᐎ ᒐᐅᑎᓐ ᐊᓱᐛᐊᒥᓇ ᒍᕐᑎᓐ ᓯᐱᔾ ᑭᔭ ᐛᔪᐎᔅ ᓂᑭ ‍ ᐃᑐᑕᓐ, ᑭᔭ ᐊᐅᑯᓐ ᒥᒄ ᑲᓂᔪᐅᓐ ᓇᑐᐛᔨᑎᒪᓐ ᐊᐛᐎᒋᔨᑕᓐ᙮
\v 37 ᐊᑯ ᒐ ‍ ᓇᐊᔨᒥᔨᓐ ᑲᐤ ᒐᒋ ᒋᐛᔭᓐ, ᐛᔅ ᐊᑯᑕ ᐊᓐᑕ ᐛ ᐳᓂᐱᒪᑎᓯᔭᓐ, ᒥᒋᒪ ᓂᒋᔨᑯᒡ ᐸᒥᓯᒡ᙮ ᒥᒄ ᒪᐤ ᓂᑯᔅ ᑭᒻᐊᓐ᙮ ᓂᐅᒋᒪᒻ, ᓇᐊᔨᒻ ᒐᒋ ᐎᒐᐅᔅᒄ ᒐᒋ ᐊᑐᔅᑲᔅᒃ, ᑭᔭ ᒐ ‍ ᐃᑐᑐᐅᑦ ᒥᒄ ᐊᓂᔭ ᐊᑕᔨᑎᒧᑦ ᒐᒂᔪᐤ ᒪᔽᔨᒡ!”
\p
\v 38 ᒋᔄᐅᒋᒪᐤ ᒂ ‍ ᐃᑕᑦ, “ ᐊᑯ, ᓂᑭ ‍ ᐎᒐᐅᒄ ᐊᓱᐛᐊᒧᒡ ᓯᐱᔪᐤ, ᑭᔭ ᓂᑭ ‍ ᐃᑐᑐᒧᐛᐤ ᒥᒄ ᒐᒂᔪᐤ ᒪᔽᔨᑎᒥᔨᑯᐅᑦ᙮ ᑭᔭ ᒋᑭ ‍ ᐃᑐᑎᒪᑎᓐ ᒥᒄ ᒐᒂᓐ ᓇᑐᐛᔨᑎᒥᓐ ᒐ ‍ ᐃᑐᑎᒪᑕᓐ᙮”
\p
\v 39 ᐊᑯ ᒋᓴᐅᒋᒪᐤ ᑎᐱᑦ ᑭᔭ ᒥᓯᐛ ᑯᑎᑭᒡ ᐊᐛᓐᒋ ᒂ ‍ ᐊᓱᐛᐊᒡ ᒍᕐᑎᓐ ᓯᐱᔪᐤ᙮ ᒂ ‍ ᓱᐛᔨᒪᑦ ᐸᕐᓯᓚᐃᒋ ᑭᔭ ᓇᑐᑎᒧᐛᑦ ᒋᓴᒪᓂᑐᐛ ᒐᒋ ᓱᐛᔨᑕᑯᐛᔨᒋ᙮ ᐊᑯ ᑲᐤ ᒂ ‍ ᒋᐛᑦ ᐸᕐᓯᓚᐃ᙮
\p
\v 40 ᒋ ‍ ᐎᒐᐛᐤ ᑭᒻᐊᓐ ᒋᓴᐅᒋᒪᐛ, ᑭᔭ ᒥᓯᐛ ᒍᑕ ᓂᑐᐱᔪᐅ-ᐃᔪᒡ ᑭᔭ ᑕᑕᐅᒡ ᑯᑎᑭᒡ ᐃᔅᕋᐃᓪ ᐊ ‍ ᐃᑎᔅᑲᓇᓯᒡ ᓂᑐᐱᔪᐅ-ᐃᔪᒡ ᒋᐎᒐᐛᐅᒡ ᒋᓴᐅᒋᒪᐛ ᑭᓪᑲᓪ ᐃᓯ᙮
\s1 ᒋ ᒋᐧᑲᒥᑐᐅᒡ ᒍᑕ ᑭᔭ ᐃᔅᕋᐃᓪ ᓂᑐᐱᔪᐅ-ᐃᔪᒡ
\p
\v 41 ᐊᑯ ᒥᓯᐛ ᑯᑎᑭᒡ ᐃᔅᕋᐃᓪ ᐊ ‍ ᐃᑎᔅᑲᓇᓯᒡ ᓂᑐᐱᔪᐅ-ᐃᔪᒡ ᓇᑐᐛᐱᒪᒡ ᒋᓴᐅᒋᒪᐛ ᑭᔭ ᐊᑕᒡ, “ᒐᒂᔪᐤ ᓂᐧᑲᓂᓯᓇᓐᒡ ᒍᑕ ᐅᒋ ᐛᒋ ‍ ᒋᒧᑦ ᐊᓱᑕᔨᔅᒡ ᑭᔭ ᐊᐸᐃᑯᔅᑲᓇᓯᔨᓐ ᑭᔭ ᒋᓂᑐᐱᔪᐅ-ᐃᔨᒪ ᒍᕐᑎᓐ ᓯᐱᔪᐤ᙮
\p
\v 42 ᒍᑕ ᓂᑐᐱᔪᐅ-ᐃᔪᒡ ᒂ ‍ ᐃᑕᑦ, “ᓂᒋ ‍ ᐃᑐᑕᓇᓐ ᐊᓐ ᐛᔅ ᒍᑕ ᐅᒋᔪᐤ ᒋᓴᐅᒋᒪᐤ᙮ ᐊᑯ ᒐᒂᓐ ᐛᒋ ‍ ᒋᔄᐱᔭᒄ ᐊᓐ ᐅᒋ? ᓂᒪ ᓂᑕ ᐅᒋ ᒥᔨᑯᓇᓐ ᒥᒋᒥᔪᐤ, ᑭᔭ ᓇᒪ ᓂ ᐅᒋ ‍ ᐅᑎᓇᓇᓐ ᒐᒂᓐ ᒐᒋ ᐅᑎᓂᒪᓱᔭᒡ᙮”
\p
\v 43 ᐊᑯ ᑯᑎᑭᒡ ᐃᔅᕋᐃᓪ ᐊ ‍ ᐃᑎᔅᑲᓇᓯᒡ ᐃᔪᒡ ᒂ ‍ ᐃᑕᑦ, “ᐸᐃᑯᔪᐤ ᑕᑎᓱᐅᒡ ᐊ ‍ ᐃᑎᔅᑲᓇᓯᒡ ᐃᔪᒡ ᐊᓐᑕ ᐃᔅᕋᐃᓕᒡ, ᑭᔭ ᒥᒄ ᐸᐃᒄ ᐊᓐᑕ ᒍᑕᐃᒡ᙮ ᐊᑯ ᐊᑎᑐᐤ ᐸᐃᑯᔪᐛᐤ ᑕᑥᐤ ᐃᓯᓇᑯᓐ ᓂᔭᓐ ᒐᒋ ᐃᔅᒋᔄᔭᒡ ᑎᐱᑦ ᐊᐅᒋᓴᐅᒋᒪᒥᔭᒡ ᐃᔅᐱᔅ ᒋᔨᐛᐤ ᒐᒋ ᐃᔅᒋᔄᔭᒄ ᐊᓐ᙮ ᐊᑯ ᒐᒂᓐ ᐛᒋ ‍ ᒪᔭᔨᒥᔭᒡ? ᒐᔅᑎᓇᔅ ᓂᔭᓐ ᐅᔅᑭᒡ ᓂᒋ ‍ ᐊᔨᒧᑕᓇᓇᒐ ᒐᒋ ᑲᐤ ᐸᓱᐅᒋᒡ ᒋᕈᓯᓕᒥᒡ ᑎᐱᑦ ᒥᓐ ᒐᒋ ᐅᒋᓴᐅᒋᒪᒥᔭᒡ᙮ ᒍᑕ ᐃᔪᒡ ᐊᑎᑐᐤ ᒋ ‍ ᐊᐧᒂᒋᑕᑯᓯᐅᒡ ᐃᔅᐱᔅ ᐃᔅᕋᐃᓪ ᐃᔪᐛ᙮
\c 20
\s1 ᓯᐸ ᒋ ‍ ᒪᔭᔨᒪᐤ ᑎᐱᑕ
\p
\v 1 ᒋ ‍ ᐃᑕᐤ ᓇᐸᐤ ᐊᓐᑕ ᑭᓪᑲᓪ ᓯᐸ ᐊ ‍ ᐃᓯᓂᐧᑲᓱᑦ᙮ ᐊᐅᑯᓐ ᓇᐸᐤ ᓇᓐᑎᒻ ᑲ ‍ ᒥᒋᐱᔨᐛᑦ᙮ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋ ‍ ᐅᒋᐤ ᑭᔭ ᐱᒃᕆ ᒋ ‍ ᐃᓯᓂᐧᑲᓱᔪᐛ ᐅᑕᐎᔭ᙮ ᒋ ‍ ᐳᑕᑎᒻ ᐳᑕᒋᑭᓂᔪᐤ ᑭᔭ ᒋ ‍ ᑕᑈᐤ, “ᓇᒪ ᒐᒂᔪᐤ ᒋ ‍ ᑎᐸᔨᒪᓄᐤ ᑎᐱᑦ, ᒐᓯᔾ ᐅᑯᓴ! ᐊᑯ, ᐃᔅᕋᐃᓪ ᐃᔨᑎᒄ, ᒋ ‍ ᐛᑕᐤ ᑎᐱᔨᐛ ᒋ ᒋᓇᓇᒡ!”
\p
\v 2 ᐊᑯ ᒥᓯᐛ ᑯᑎᑭᒡ ᐃᔪᒡ ᐃᔅᕋᐃᓪ ᑲ ‍ ᐃᑎᔅᑲᓇᓯᒡ ᐅᒋ ᒋ ‍ ᓂᑭᑕᐅᒡ ᑎᐱᑕ ᑭᔭ ᒂ ‍ ᐎᒐᐛᒡ ᓯᐸᔨᒋ, ᒥᒄ ᒍᑕ ᐃᔪᒡ ᒋ ‍ ᐃᑕᐛᐅᒡ ᑎᐱᑕ ᐊ ‍ ᐃᑕᔨᒋ᙮ ᒋ ‍ ᓂᑐᐛᔨᒪᐅᒡ ᒐᒋ ᐅᒋᓴᐅᒋᒪᒥᒡ, ᑭᔭ ᒂ ‍ ᐎᒐᐛᒡ ᒍᕐᑎᓐ ᓯᐱᒡ ᐅᒋ ᒋᕈᓯᓕᒥᒡ ᐃᓯ᙮
\p
\v 3 ᐃᔅᐱ ᑎᐱᑦ ᑲ ‍ ᑎᑯᓯᐧᒃ ᐊᓐᑕ ᒋᓴᐅᒋᒪᐅᒋᐛᐱᒡ ᐊᓐᑕ ᒋᕈᓯᓕᒥᒡ, ᒋ ‍ ᐅᑎᓇᐤ ᑲ ‍ ᐸᐃᑯᔪᐛᓯᔨᒋ ‍ (10) ᐅᑯᐸᓇᐤ ᐎᐛ ᑲ ‍ ᓂᑭᑕᑦ ᐊᓐᑕ ᒐ ‍ ᓇᑭᑐᐛᔨᑎᒥᔨᒋ ᒋᓴᐅᒋᒪᐅᒋᐛᐱᔪᐤ ᑭᔭ ᒂ ᑎᔭᑦ ᐊᓐᑕ ᑯᑎᒋᔪᐤ ᒥᒋᐛᐱᔪᐤ᙮ ᒋ ᑎᔭᐤ ᐊᓐᑕ ᓂᑐᐱᔪᐅ-ᐃᔪᐛ ᒐ ᓇᑭᑐᐛᔨᒥᑯᔨᒋ, ᑭᔭ ᒋ ‍ ᒥᔭᐤ ᒐᒂᔪᐤ ᓇᑐᐛᔨᑎᒥᔨᒋ, ᒥᒄ ᓇᒪ ᓂᑕ ᒥᓐ ᐅᒋ ᐎᐸᒪᐤ᙮ ᐊᑯ ᒋ ‍ ᒋᐸᐛᑭᓄᐅᒡ ᐊᓐᑕ ᐎᒋᐛᐛᒡ ᐸᑐᔅ ᑲ ‍ ᐳᓂᐱᒪᑎᓯᒡ᙮ ᒧᔭᒻ ᒋᑎᒪᒋᔎᐅᒡ ᒋ ‍ ᐃᑕᔨᑕᑯᓯᐅᒡ᙮
\p
\v 4 ᐸᐃᒂᐤ ᒐᓯᑲᔨᒡ ᒋᓴᐅᒋᒪᐤ ᒋ ‍ ᐃᑕᐤ ᐊᒪᓴᔨᒋ, “ᒋ ‍ ᐎᓴᒥᑥᐤ ᒍᑕ ᓂᑐᐱᔪᐅ-ᐃᔪᒡ ᒐᒋ ᑎᑯᓯᒡ ᐅᑕ ᒋ ‍ ᓂᑐᒋᓯᑲᔨᒐ (3), ᑭᔭ ᐃᔭᐱᒡ ᒋᔾ ᒐ ‍ ᐃᑕᔨᓐ ᐅᑕ᙮”
\v 5 ᐊᑯ ᐊᒪᓴ ᒐ ‍ ᑐᑕᒃ ᒐᒋ ᐎᓴᒪᑦ, ᒥᒄ ᓇᒪ ᐅᒋ ᑎᑯᓯᓐ ᐊᓂᔭ ᑲ ‍ ᐃᔅᐱ ᐃᔨᑎᑯᑦ ᑎᐱᑕ᙮
\p
\v 6 ᐊᑯ ᑎᐱᑦ ᐊᑕᑦ ᐊ ‍ ᐱᓴᔨᒋ, ᐊᑎᑐᐤ ᒋᑭ ‍ ᐊᐧᑯᔨᑯᓄᐤ ᓯᐸ ᐃᔅᐱᔅ ᐊᑉᓴᓚᒻ ᑲ ‍ ᐃᑎᑦ᙮ ᐊᑯ ᐅᑎᓂᒡ ᓂᓂᑐᐱᔪᐅ-ᐃᔨᒥᒡ ᑭᔭ ᒐ ‍ ᓇᓴᐅᑦ᙮ ᐊ ᐊᑲ ᐃᑐᑎᒥᓇ ᐊᓐ, ᐎᔾ ᑭᔭ ᐅᓂᑐᐱᔪᐅ-ᐃᔨᒪ ᒋᑭ ‍ ᒪᑯᓂᒧᒡ ᐱᔅᒐ ᐅᑕᓇᐛ ᑲ ‍ ᒪᓂᔅᑲᑎᑯᔨᒋ, ᑭᔭ ᒐ ‍ ᒋᑎᓯᒥᑕᐧᒄ᙮
\v 7 ᐊᑯ ᐊᐱᓴᐃ ᑭᔭ ᑯᐊᑉ ᑭᔭ ᒋᓴᐅᒋᒪᐤ ᑲ ‍ ᓇᑭᑐᐛᔨᒥᑯᑦ ᓇᐸᐛ ᑭᔭ ᑯᑎᑲ ᓂᑐᐱᔪᐅ-ᐃᔪᐛ ᓇᑭᑕᒡ ᒋᕈᓯᓕᒥᔪᐤ, ᒐᒋ ᓇᓴᐛᒡ ᓯᐸᔨᒋ᙮
\p
\v 8 ᐃᔅᐱ ᑲ ‍ ᑎᑯᓯᒡ ᐊᓐᑕ ᐊᒂᐱᔅᑲᔨᒡ ᐊᓯᓂᔪᐤ ᐊᓐᑕ ᑭᐱᐊ ᐊᔅᒋᒡ, ᐊᒪᓴ ᒋ ‍ ᓂᒋᔅᑯᐛᐤ᙮ ᓂᑐᐱᔪᐅ-ᐊᐱᒋᑕᐅᓇ ᒋ ‍ ᐳᔅᑭᒻ ᒍᐊᑉ᙮ ᐅᐱᒂᑕᐅᓂᒡ ᒋ ‍ ᒋᑯᒧᔪᐤ ᑲᒋᓏᐱᔅᑲᔨᒡ ᐅᒧᐧᑯᒪᓐ᙮ ᐃᔅᐱ ᒥᒋᒪ ᐛᑎᑕᑦ ᐊᒪᓴᔨᒋ, ᒋ ‍ ᐸᒋᑎᓂᔪᐤ ᐅᒧᐧᑯᒪᓐ ᒧᔅᑎᔅᑭᒥᒡ᙮
\p
\v 9 ᒍᐊᑉ ᒋ ‍ ᐃᑕᐤ ᐊᒪᓴᔨᒋ, “ᒥᓯᐛ ᐊ ᒐᒂᓐ ᒋ ‍ ᒥᔨᐱᔨᑯᓐ, ᓂᐎᒐᐛᑭᓐ?” ᐊᑯ ᒍᐊᑉ ᐛᒋᐱᑎᒺᑦ ᐊᒪᓴᔨᒋ ᐎᔅᑐᐎᔪᐛ ᐊᓐᑕ ᐅᒥᔪᓂᒡ, ᒐᒋ ᓱᐛᔨᒪᑦ᙮
\v 10 ᒥᒄ ᐊᒪᓴ ᓇᒪ ᐅᒋ ᐛᐱᒪᐤ ᒍᐊᐸ ᑯᑎᒋᔪᐤ ᑲᑕᐧᑯᓂᒥᔨᒋ ᒧᐧᑯᒪᓂᔪᐤ ᐊᓐᑕ ᑯᑎᒋᔪᐤ ᐅᑎᒋᔨᒡ᙮ ᑭᔭ ᒍᐊᑉ ᒂ ‍ ᑕᐧᑭᒪᑦ ᐊᒪᓴᔨᒋ ᐅᔅᑭᑕᔨᒡ, ᑭᔭ ᒂ ‍ ᐱᑯᒐᐱᔨᒋ᙮ ᑎᐛᒡ ᒋ ‍ ᐳᓂᐱᒪᑎᓯᐤ ᐊᒪᓴ; ᓇᒪ ᐅᒋ ‍ᐎ ᑕᐧᑭᒪᐤ ᒥᓐ ᒍᐊᑉ᙮ ᐊᑯ ᒍᐊᑉ ᑭᔭ ᐎᐧᑲᓂᓴ ᐊᐱᓴᐃᒋ ᐊᔅᒄ ᒋᓇᓴᐛᐅᒡ ᓯᐸᔨᒋ᙮
\p
\v 11 ᐸᐃᒄ ᐊᓂᔭ ᒍᐊᑉ ᐅᓂᑐᐱᔪᐅ-ᐃᔨᒪ ᐅᐱᒪ ᒋ ᓇᓂᐳᐅ ᐊᒪᓴᔨᒋ ᐅᔪᔪᐤ ᑭᔭ ᑎᔭᑈᑦ, “ᒥᓯᐛ ᐊᐛᓐ ᓇᑐᐛᔨᒪᑦ ᒍᐊᐸ ᒐᒋ ᐅᒋᒪᐎᒋ ᓂᑐᐱᔪᐅ-ᐃᔪᐛ ᑭᔭ ᓇᑐᐛᔨᒪᑦ ᑎᐱᑕ ᒐᒋ ᐅᒋᓴᐅᒋᒪᒧᐛᐧᒄ, ᒍᐊᑉ ᐎᒐᐛᐧᒄ!”
\v 12 ᒪᔅᑭᓇᒡ ᒋ ‍ ᐊᔅᑕᔪᐤ ᐊᒪᓴ ᐅᔪᐤ᙮ ᒋ ‍ ᓱᐎᒂᔪᐤ᙮ ᒍᐊᑉ ᐅᓂᑐᐱᔪᐅ-ᐃᔨᒪ ᐊᓂᔭ ᑲ ‍ ᑕᑈᔨᒋ ᒋ ‍ ᐛᐱᒪᐤ ᑯᑎᑲ ᒍᐊᐸ ᐅᓂᑐᐱᔪᐅ-ᐃᔨᒥᔨᐛ ᒋ ‍ ᓂᑲᐎᔪᐅᒡ ᒐᒋ ᐛᐸᑎᒺᒡ, ᐊᑯ ᒂ ‍ ᐊᒂᔅᑕᐸᐛᑦ ᐊᒪᓴᔨᒋ ᐅᔪᔪᐤ ᒪᔅᑭᓇᒡ ᐅᒋ ᓂᑕᐅᒋᒋᑭᓂᒡ ᐃᓯ᙮
\v 13 ᑲᒋ ᐅᑎᓇᑭᓄᐎᔨᒡ ᒥᔪᔪᐤ ᒪᔅᑭᓇᒡ ᐅᒋ, ᒥᓯᐛ ᓂᑐᐱᔪᐅ-ᐃᔪᒡ ᒋ ‍ ᐎᒐᐛᐅᒡ ᒍᐊᐸ ᒐᒋ ᓇᓴᐛᒡ ᓯᐸᔨᒋ᙮
\p
\v 14 ᒋ ‍ ᓴᐳᑐᐛᔅᑯᐛᐤ ᓯᐸ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ, ᑭᔭ ᒂ ‍ ᑎᑯᓯᐧᒃ ᐊᓐᑕ ᐊᐸᓪ-ᐸᑦ-ᒪᑲ ᐅᑕᓇᒡ ᐊᓐᑕ ᐃᔅᕋᐃᓪ ᒋᐛᑎᓄᒡ᙮ ᐊᑯᑕ, ᒥᓯᐛ ᐅᑕᐎᔭ ᐊᐸᐃᑯᔅᑲᓇᓯᔨᒋ ᒋ ‍ ᒪᒧᔪᐛ, ᑭᔭ ᐛᒐᐛᒡ ᓯᐸᔨᒋ ᐊᑐᑕᔨᒋ ᐅᑕᓇᒡ᙮
\v 15 ᓂᑐᐱᔪᐅ-ᐃᔪᒡ ᒂ ‍ ᐎᒐᐛᒡ ᒍᐊᐸ ᒋ ᒋᔅᒐᔨᑎᒧᒡ ᑲ ‍ ᐃᑐᑕᔨᒋ ᓯᐸᔨᒋ ᐊᓐᑕ ᐅᑕᓇᒡ, ᐊᑯ ᒂ ‍ ᐃᑐᑕᒡ ᐊᓐᑕ ᑭᔭ ᐎᔭᔅᑲᔅᑲᒡ ᐅᑕᓇᔪᐤ᙮ ᒋ ᐊᔅᑕᐅᒡ ᐊᓴᑭᒋᐛᒧᔨᒡ ᔭᑲᔪᐤ ᐛᔅᑲ ᑲ ‍ ᒪᓂᔅᑲᑎᑯᔨᒡ᙮ ᐃᔭᐱᒡ ᐊᑯᓯᑯᑎᔨᒋ ᒥᔅᑎᒂ ᒋ ᐅᑎᑕᒪᐅᒧᒡ ᒪᓂᔅᑲᑎᑯᔪᐤ, ᒐᒋ ᐸᒋᑎᓂᔨᒡ᙮
\v 16 ᐊᑯ ᐊᑭᒐᑕᐛᔨᑕᑯᓯᑦ ᐃᔎᐤ ᑲ ‍ ᐃᑕᑦ ᐊᓐᑕ ᐅᑕᓇᒡ ᑕᐧᑯᒡ ᒪᓂᔅᑲᑎᑯᒡ ᒋ ‍ ᓇᓂᐳᐅ ᑭᔭ ᑎᔭᑈᑕᑦ, “ᓂᑐᑐᐅᒃ! ᐎᑎᒧᐛᐧᒄ ᒍᐊᑉ ᒐᒋ ᐸᑐᑕᑦ ᐅᑕ, ᐛᔅ ᓂᐎ ‍ ᐃᔨᒪᐅ!”
\v 17 ᐊᑯ ᑲᒋ ‍ ᐎᑎᒧᐛᒡ ᒍᐊᐸ, ᒋ ᑎᑯᓯᓐ ᐊᓐᑕ, ᑭᔭ ᒂ ‍ ᐃᔅᒋᔄᑦ ᐃᔎᐤ, “ᒋᔾ ᐊ ᒍᐊᑉ?” ᒂ ‍ ᐃᑕᑦ, “ᓂᐃ, ᓂᔾ ᐅ᙮” ᒂ ‍ ᐃᑕᑦ ᐃᔎᐤ, “ᓂᑐᑕ ᒐᒂᓐ ᒐ ‍ ᐃᔅᒋᔄᔭᓐ᙮” ᒂ ᐃᑕ ᒍᐊᑉ, “ᒋ ‍ ᓂᑐᑕᑎᓐ᙮”
\v 18 ᒂ ‍ ᐃᔅᒋᔄᑦ ᐃᔎᐤ, “ᐎᐱᒡ ᐊᓐᑕ, ᒋ ‍ ᐃᔅᒋᔄᐅᒡ ᓂ ᐃᔪᒡ, ‘ᐊᐸᓪ ᐅᑕᓇᒡ ᐃᑐᑕᐧᒄ ᒐᒋ ᒐᒋ ᐸᑎᒪᒄ ᒥᔪ ‍ ᐃᔨᒧᐅᓐ ᑲ ‍ ᐅᔅᑕᐱᔨᔭᒄ ᐅᒋ᙮’ ᑭᔭ ᐊᔪᐅᒄ ᑲ ‍ ᐃᑎᒡ ᐃᔪᒡ᙮
\v 19 ᓂᒋᔭᒥᓯᓇᓐ ᑭᔭ ᓂᑕᑈᐅᒐᔨᑕᑯᓯᓇᓐ ᐃᔅᕋᐃᓪ ᐃᔪᒡ᙮ ᐃᔅᐱᑕᔨᑕᑯᓯᐅᒡ ᐃᔪᒡ ᐅᑕ ᑭᔭ ᐃᔅᐱᑕᔨᒪᑭᓄᐅᒡ᙮ ᐊᑯ ᒐᒂᓐ ᐛᒋ ᐎ ‍ ᓂᓱᓇᒋᑕᔭᒄ ᐅᑕᓇᐤ ᐊᓂᔭ ᑎᐸᔨᒋᒐᓱᐤ ᑕᐸᔨᑕᐧᒃ?”
\p
\v 20 ᒍᐊᑉ ᒂ ‍ ᐃᑕᑦ, “ᒐᔅᑎᓇᔅ ᓇᒪ ᓂᑕ ᓂ ᐎ ‍ ᔭᔪᐎᑕᓐ ᑭᔭ ᒪᒃ ᒐᒋ ᓂᓱᐅᓇᒋᒐᑕᔭᓐ ᒋ ‍ ᐅᑕᓇᒧᐛᐤ!
\v 21 ᓇᒥᔭᐤ ᐊᓐ ᐛᑐᑎᒪᒡ᙮ ᒥᒄ ᓯᐸ ᐱᒃᕆ ᐅᑯᓴ, ᐊᐛᑎᑕᐅᐧᑲᔨᒡ ᐅᒋ ᓇᐸᐤ ᐊᓐᑕ ᐃᑉᕋᐃᒻ ᐊ ‍ ᐃᑎᔅᑲᓇᓯᒡ ᐃᔪᒡ ᐅᒋ, ᒪᔭᔨᒪᐤ ᒋᓴᐅᒋᒪᐛ ᑎᐱᑕ᙮ ᐸᒋ ‍ ᒥᔨᓇᓐ ᐅ ᓇᐸᐤ, ᐊᑯ ᑭᔭ ᒐ ‍ ᓂᑭᑎᒪᒡ ᐅ ᐅᑕᓇᐤ᙮”
\p ᐃᔎᐤ ᒂ ‍ ᐃᑕᑦ ᒍᐊᐸ, “ᐊᑯ, ᒪᐅ ᒐ ‍ ᐃᑎᔭᒡ, ᓂᑭ ‍ ᒋᒥᔅᑎᒂᐛᓇᓐ ᑭᔭ ᒐ ‍ ᐛᐱᓂᒪᑕᒡ᙮”
\p
\v 22 ᐊᑯ ᐅ ᑲᑭᒐᑕᐛᔨᑕᐧᒃ ᐃᔎᐤ ᓇᑐᐛᐱᒪᑦ ᒋᓴᔪᐛ ᐊᓐᑕ ᐅᑕᓇᒡ ᐅᒋ ᑭᔭ ᐛᑎᒧᐛᑦ ᒐᒂᔪᐤ ᑲ ‍ ᐃᑕᑦ ᒍᐊᐸ᙮ ᐊᑯ ᒂ ‍ ᒋᒥᔅᑎᒂᓇᐛᒡ ᓯᐸᔨᒋ ᑭᔭ ᐛᔭᐱᓂᒧᐛᒡ ᒍᐊᐸ᙮ ᐊᑯ ᒍᐊᑉ ᒂ ‍ ᐳᑕᑕᐧᒃ ᐅᐳᑕᒋᑭᓐ ᒐᒋ ᐎᑕᐧᒃ ᐊ ‍ ᐃᔎᐱᔨᒡ ᐊᓂᑐᐱᔨᓇᓄᐎᔨᒡ, ᑭᔭ ᒥᓯᐛ ᓂᑐᐱᔪᐅ-ᐃᔪᒡ ᓇᑭᑕᒡ ᐅᑕᓇᔪᐤ ᑭᔭ ᒂ ‍ ᒋᐛᒡ ᐎᒋᐛᐛᒡ᙮ ᑭᔭ ᒍᐊᑉ ᒋᕈᓯᓕᒥᒡ ᑲᐤ ᒂ ‍ ᐃᑐᑕᑦ ᑭᔭ ᐛᑎᒧᐛ ᒋᓴᐅᒋᒪᐛ ᑕᓐ ᑲ ‍ ᐃᔅᐱᔨᒡ᙮
\p
\v 23 ᒍᐊᑉ ᒥᓯᐛ ᐃᔅᕋᐃᓪ ᓂᑐᐱᔪᐅ-ᐃᔪᐛ ᒋ ᐅᒋᒪᐅᐤ᙮ ᐃᐧᑯᐃᐊᑕ ᐅᑯᓴ ᐱᓇᐃᐊ ᑎᐱᑕ ᑲ ‍ ᓇᑭᑐᐛᔨᒥᑯᔨᒋ ᓇᐸᐛ ᒋ ‍ ᐅᒋᒪᐤ;
\v 24 ᐊᑐᕋᒻ ᒋ ‍ ᐊᔭᑎᓇᐤ ᓇᐸᐛ ᑲ ‍ ᐃᔨᐧᑭᒥᐊᑭᓄᐎᒋ ᒐᒋ ᐊᑐᔅᑯᐛᔨᒋ ᒋᓴᐅᒋᒪᐛ, ᐃᐃᐅᓴᐸᑦ ᐊᐦᐃᓗᑦ ᐅᑯᓴ ᐊᐅᑯᓐ ᓇᐸᐤ ᑲ ‍ ᐎᑎᒧᐛᑦ ᐃᔪᐛ ᒥᓯᐛ ᒐᒂᔪᐤ ᑲ ‍ ᐎᔭᔨᑎᒥᔨᒋ ᑎᐱᑕ᙮
\v 25 ᓯᐸ ᐊᐅᒄ ᑲ ᑲᒥᓯᓇᔨᒐᓯᐅᑦ, ᓱᑕᒃ ᑭᔭ ᐊᐱᐊᑕᕐ ᒋ ‍ ᐊᔭᒥᐊᐅᒋᒪᐅᒡ;
\v 26 ᑭᔭ ᐃᕋ ᒐᐃᕐ ᐅᑕᓇᒡ ᐅᒋ ᐊᐅᒄ ᐸᐃᒄ ᑎᐱᑦ ᐅᑦ ‍ ᐊᔭᒥᐊᐅᒋᒪᒪ᙮
\c 21
\s1 ᒋ ‍ ᑎᐸᐊᒪᓱᐅᒡ ᑭᐱᐊᓐ ᐃᔪᒡ ᑕᓐ ᑲ ‍ ᐃᑎᔨᒋ ᓴᓚ
\p
\v 1 ᒪᒂᒡ ᑲ ‍ ᒋᓴᐅᒋᒪᐅᑦ ᑎᐱᑦ, ᒋ ᑎᑯᓐ ᑯᐛᐧᑭᑕᐅᓐ ᐊᓐᑕ ᐃᔅᕋᐃᓕᒡ ᓂᔅᑐ ᐱᐳᓇ ᐃᔅᐱᔅ᙮ ᑎᐱᑦ ᒋ ‍ ᓂᑐᑎᒧᐛᐤ ᑎᐸᔨᒋᒐᓱᐛ ᐊᓂᔭ ᐅᒋ᙮ ᑭᔭ ᑎᐸᔨᒋᒐᓱᐤ ᒂ ‍ ᐃᑕᑦ, “ᒐᒋ ᓂᑲᐱᔨᒡ ᐊᓐ ᑯᐛᐧᑭᑕᐅᓐ, ᒋᑭ ᐎ ‍ ᐊᓏᔨᒪᑭᓄᐅᒡ ᓴᓪ ᐊᐸᐃᑯᔅᑲᓇᓯᑦ ᐛᔅ ᒥᒐᑦ ᒋ ‍ ᓂᐸᐊᐤ ᐃᔪᐛ ᓴᓪ ᑭᐱᐊᓐ ᐅᑕᓇᒡ ᐅᒋ”
\p
\v 2 ᓇᒥᔭᐅᒡ ᐊᓐᒡ ᐃᔅᕋᐃᓪ ᐃᔪᒡ ᐊᓐᒡ ᑭᐱᐊᓐ ᐃᔪᒡ; ᒋ ‍ ᑐᐧᑲᓱᐅᒡ ᐊᓐᒡ ᐊᒧᕆ ᐊ ‍ ᐃᑎᔅᑲᓇᓯᒡ ᐃᔪᒡ ᐊᓂᔭ ᑲ ᒋᒋ ‍ ᐊᓱᑎᒧᐛᒡ ᐃᔅᕋᐃᓪ ᐃᔪᒡ ᒐᒋ ᓇᑭᑐᐛᔨᒪᒡ᙮ ᒥᒄ ᒋ ‍ ᑯᒋᐱᔨᑕᐤ ᓴᓪ ᒐᒋ ᒥᓯᐛ ᓂᐸᐊᑦ ᐊᓂᔭ ᐃᔪᐛ ᐛᔅ ᒋᒋᐛ ᒋ ‍ ᓂᑐᐛᔨᑎᒻ ᒐᒋ ᑐᑐᐛᑦ ᐊᓂᔭ ᒍᑕ ᑭᔭ ᐃᔅᕋᐃᓪ ᐃᔪᐛ ᒥᒄ ᒐᒋ ᐎᒋᔨᒋ ᐊᓐᑕ ᐊᔅᒋᒡ᙮ ᐊᑯ ᒋᓴᐅᒋᒪᐤ ᒂ ‍ ᐎᓴᒪᑦ ᑭᐱᐊᓐ ᑲᓂᑲᓄᔅᑲᒐᔨᒋ
\v 3 ᑭᔭ ᒂ ‍ ᐃᑕᑦ, “ᒐᒂᓐ ᒐ ‍ ᐃᑐᑎᒪᑎᑯᒡ? ᑕᓐ ᐊᓐ ᒐ ‍ ᐃᑎᔭᓐ ᒐᒂᓐ ᑲ ‍ ᐃᑐᑐᐛᑭᓄᐅᒡ ᒋᑦ ᐃᔨᒧᐛᐅᒡ, ᒐᒋ ᐅᒋ ᑭᒂᒋᒻᑦ ᑎᐸᔨᒋᒐᓱᐤ ᒥᓐ ᒐᒋ ᒥᔪ ‍ ᑐᑐᐛᑦ ᐅᑦ ᐃᔨᒪ?”
\p
\v 4 ᒂ ‍ ᐃᔅᒋᔄᒡ, ᓇᒪ ᒋᑭ ᒋ ‍ ᐃᔅᐱᔪᐤ ᐛᐱᓯᐤ ᓱᓇᔭᐤ ᑭᔭ ᑲᐎᔄᐱᔅᑲᒡ ᓴᓪ ᑭᔭ ᐊᐸᐃᑯᔅᑲᓇᓯᑦ ᐅᒋ᙮ ᑭᔭ ᓇᒪ ᐃᓯᓇᑯᓐ ᒐᒋ ᓂᐸᔨᒋᒡ ᐃᔅᕋᐃᓪ ᐃᔪᒡ᙮”
\p ᐊᑯ ᑎᐱᑦ ᒂ ‍ ᑭᒂᒋᒪᑦ, “ᐊᑯ ᒐᒂᓐ ᐊᔅᒋᔄᔭᒄ ᒐ ‍ ᐃᑐᑎᒪᑎᑯᒡ?”
\v 5 ᒂ ‍ ᐃᔅᒋᔄᒡ, ᓂᒋ ‍ ᓂᓱᐅᓇᒋᔨᑯᓇᓐ ᓴᓪ᙮ ᒥᓯᐛ ᓂᒋ ᐎ ‍ ᓂᐸᔨᑯᓇᓐ, ᒐᒋ ᐊᑲ ᐎᒍᐅᒋᒡ ᓂᑎᒥᒄ ᐊᓐᑕ ᐃᔅᕋᐃᓕᒡ᙮
\v 6 ᒥᔨᓇᓐ ᓂᔄᐅᑕᒡ ‍ (7) ᓴᓪ ᐅᑦ ᐊᓂᔅᑯᑕᐸᓇ᙮ ᓂᑭ ‍ ᐊᑯᑕᓇᓐᒡ ᐊᓐᑕ ᐊᔭᒥᐊᔅᑐᐛᑭᓄᐅᑦ ᑎᐸᔨᒋᒐᓱᐤ ᐊᓐᑕ ᑭᐱᐊᓐ ᐅᑕᓇᒡ, ᓂ ‍ᐅᑕᓇᒥᓇᒡ, ᐊᓐᑕ ᐅᑕᓇᒡ ᓴᓪ, ᐊᓂᔭ ᑎᐸᔨᒋᒐᓱᐤ ᑲ ‍ ᐅᑎᓇᑦ ᒐᒋ ᒋᓴᐅᒋᒪᐎᒋ, ᑲ ‍ ᐎᒋᑦ᙮” ᒋᓴᐅᒋᒪᐤ ᒂ ‍ ᐃᑕᑦ, “ᐊᑯ, ᒋᑭ ‍ ᒥᔨᑎᓇᐛᐤ᙮”
\v 7 ᓇᒪ ᐅᒋ ᒥᔭᐤ ᒋᓴᐅᒋᒪ ᓴᓚ ᐅᓯᒥᔨᐛ ᒥᐱᐳᓴᑕ, ᐛᔅ ᐅᒋ ᐎᔾ ᑭᔭ ᒥᐱᐳᓴᑕ ᐅᑕᐎᔪᐛ ᒠᓐᑕᔨᒋ ᑲᒋ ᒋᒋ ‍ ᐊᓱᑎᒪᑐᒡ᙮
\v 8 ᒥᔅᑯᒡ ᒋ ‍ ᐅᑎᓇᐤ ᐊᕐᒧᓂᔨᒋ ᑭᔭ ᑯᑎᑲ ᓇᐸᐛ ᒥᐱᐳᓴᑦ ᐊ ‍ ᐃᓯᓂᐧᑲᓱᔨᒋ, ᑭᔭ ᐊᓂᓯᔨᒋ ᓴᓚ ᐅᑯᓯᔨᐛ ᐅᑯᐸᓇᐅ ᐎᔨᐛ ᑲ ᐛᐱᒪᐅᓱᔨᒋ, ᐊᐃᐃᐊᔨᒋ ᐅᑕᓂᓯᔨᐛ, ᑭᔭ ᐱᑕᑕᒡ ᓴᓚ ᐅᑕᓂᓯᔨᐛ ᐅᑯᓯᔨᐛ ᒪᕋᐸ ᑲ ᐛᐱᒪᐅᓱᔨᒋ᙮ ᐊᑦᕆᐊᓪ ᒋ ‍ ᐃᔅᒋᓂᐧᑲᓱᔪᐛ ᐅᓇᐸᒪ ᒪᕋᑉ, ᓇᐸᐤ ᐸᕐᓯᓚᐃ ᐊ ‍ ᐃᓯᓂᐧᑲᓱᑦ ᐅᑯᓴ ᒪᐅᓚ ᐅᑕᓇᒡ ᐅᒋ᙮
\v 9 ᑎᐱᑦ ᒋ ‍ ᐱᔅᑎᓂᒥᐛᐤ ᐅᔭ ᓇᐸᐛ ᑭᐱᐊᓐ ᐅᒋ ᓇᐸᐛ ᙮ ᐊᑯ ᒂ ᐊᑯᑕᒡ ᐊᓂᔭ ᓂᔄᐅᑕᒡ ‍ (7) ᓇᐸᐛ ᐊᓐᑕ ᐱᔅᑯᑎᓇᒡ ᐊᔭᒥᐊᔅᑐᐛᑭᓄᐅᑦ ᑎᐸᔨᒋᒐᓱᐤ ᒥᓯᐛ ᐅᒡ ᒋ ‍ ᓂᐸᐊᑭᓄᐅᒡ ᒪᒂᒡ ᐊᓂᔭ ᑲᒋᒋᐱᔨᒡ ᒐ ᒪᒧᓴᒋᓇᒡ ᐃᔪᒡ ᐛᐱᔪᒥᓐ᙮
\p
\v 10 ᐊᑯ ᕆᔅᐸ ᒂ ‍ ᐅᑎᓇᐧᒃ ᐱᒍᐅᔭᓇᒋᓂᔅᒋᓯᔪᐤ ᑭᔭ ᒂ ‍ ᓴᑕᑭᔅᑕᑦ ᐊᓐᑕ ᐊᓯᓂᒡ ᐊᓐᑕ ᑲ ‍ ᐊᔅᑕᔨᒋ ᒥᔪᐛ᙮ ᐊᑯᑕ ᑲ ‍ ᐃᔨᑕᑦ ᐊᓂᔭ ᐅᒋ ᑲᒋᒋᐱᔨᒋ ᑲ ᒪᒧᓴᒋᓂᒥᔨᒋ ᐃᔪᐛ ᐛᐱᔪᒥᓇ ᐃᔅᐱᔅ ᑲ ‍ ᒋᒋᐱᔨᒡ ᐊᒋᒧᓂᔨᒡ᙮ ᓇᒪ ᐅᒋ ᓇᐊᔨᒪᐤ ᐱᔭᓯᓴ ᒥᒋᒪ ᒐᒋ ᓇᑕᐊᒥᔨᒋ ᒥᔪᐛ ᒐᓯᑲᔨᒡ, ᑭᔭ ᓇᒪ ᐅᒋ ᓇᐊᔨᒪᐤ ᐊᐛᓯᓴ ᒐᒋ ᒥᒋᒪ ᓇᑎᒥᔨᒋ ᑕᐱᔅᑲᔨᒡ᙮
\v 11 ᐃᔅᐱ ᑲ ‍ ᐎᑎᒧᐛᑦ ᐊᐛᓐ ᑎᐱᑕ ᑕᓐ ᑭ ‍ ᐃᑎᔨᒋ ᕆᔅᐸᔨᒋ,
\v 12 ᐃᐊᐸᔅ ᐅᑕᓇᒡ ᐊᓐᑕ ᑭᓕᐊᑦ ᐊᔅᒋᒡ ᒋ ‍ ᐃᑐᑕᐤ ᐊᓯᒡ ᐱᔅᒐ ᐅᑦ ᐊᐱᒋᐊᑭᓇ ᑭᔭ ᒋ ‍ ᐅᑎᓂᒺᐤ ᓴᓚ ᑭᔭ ᐊᑯᓯᔨᐛ ᒠᓐᑕᔨᒋ ᐅᔅᑭᓂᔨᐛ᙮ ᐃᐊᐸᔅ ᐅᑕᓇᒡ ᐃᔪᒡ ᒋ ‍ ᒋᒧᑐᐛᐅᒡ ᐊᓐᑕ ᐎᐎᑎᒥᒡ ᐊᑐᐛᔨᒡ ᐅᒋ ᐸᑦ ᓴᓐ ᐅᑕᓇᒡ, ᐊᓐᑕ ᐎᐱᒡ ᑲᒋ ‍ ᐊᑯᑕᒡ ᐱᓕᔅᑎᐊ ᐃᔪᒡ, ᐊᓂᔭ ᒋᓯᑯᔪᐤ ᑲ ‍ ᓂᐸᐊᒡ ᓴᓚ ᑭᔭ ᒠᓐᑕᔨᒋ ᐊᓐᑕ ᑭᓪᐳᐊ ᐱᔅᑯᑎᓇᒡ᙮
\v 13 ᑎᐱᑦ ᑭᔭ ᐅᑦ ᐃᔨᒪ ᒋ ‍ ᐅᑎᓂᒺᐅᒡ ᓴᓚ ᑭᔭ ᒠᓐᑕᔨᒋ ᐅᔅᑭᓂᔨᐛ, ᑭᔭ ᐃᔭᐱᒡ ᒋ ‍ ᐅ ᑎᓂᒺᐅᒡ ᓂᔄᐅᑕᒡ ‍ (7) ᓇᐸᐛ ᑭᐱᐅᓐ ᐅᑕᓇᒡ ᐅᒋ ᐊᓐᒡ ᓇᐸᐅᒡ ᐱᓕᔅᑎᐊ ᐅᒋ ᑲ ‍ ᐊᑯᑕᐛᒡ᙮
\p
\v 14 ᒋ ‍ ᓇᐃᐧᑭᒺᐅᒡ ᓴᓚ ᑭᔭ ᒠᓐᑕᔨᒋ ᐅᔅᑭᓂᔨᐛ ᐊᓐᑕ ᓴᓚ ᐅᑕᓇᒡ ᐱᒋᓐᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᑦ ᐊᔅᒋᔨᒡ᙮ ᐊ ‍ ᐃᑐᑎᒺᒡ ᒥᓯᐛ ᑲ ‍ ᐃᑎᓱᐛᔨᒋ ᒋᓴᐅᒋᒪᐛ, ᒋ ‍ ᓇᐃᐧᑭᒺᐅᒡ ᐅᔅᑭᓂᔨᐛ ᐊᓐᑕ ᒋᐱᐃᒋᐛᐱᒡ ᑭᓴ ᓴᓚ ᐅᑕᐎᔪᐛ ᑲ ‍ ᓇᐃᐧᑭᐛᑭᓄᐎᒋ᙮ ᓇᓇᒐ, ᐛᔅ ᑲ ‍ ᐛᐸᑕᐧᒃ ᒋᓴᒪᓂᑐᐤ ᑲ ‍ ᐊᓏᔨᒪᑭᓄᐎᒋ ᐊᐸᐃᑯᔅᑲᓇᓯᔨᒋ ᓴᓚ ᐊᓂᔭ ᐅᒋ ᓴᓪ ᒥᒐᑦ ᑲ ‍ ᓂᐸᐊᑦ ᐃᔪᐛ ᑭᐱᐊᓐ ᐅᑕᓇᒡ ᐅᒋ, ᒋ ‍ᓂᔎᐛᓯᐊᐤ ᒋᓴᒪᓂᑐᐤ ᑲ ‍ᐃᓯ ‍ ᓂᑐᑎᒪᔨᒋ ᐃᔅᕋᐃᓪ ᐃᔪᐛ ᐅᑦ ᐊᔅᒋᔪᐤ ᐅᒋ, ᑭᔭ ᑲ ‍ ᑐᑕᐧᒃ ᒐᒋ ᐱᓂᐱᔨᒡ ᑯᐊᐧᑭᑕᐅᓂᔪᐤ᙮
\s1 ᑲᓂᑐᐱᔨᑐᐛᑭᓄᐅᒡ ᐱᓕᔅᑎᐊ ᒥᔅᑕᐸᐅᒡ
\p
\v 15 ᐱᓕᔅᑎᐊ ᓂᑐᐱᔪᐅ-ᐃᔪᒡ ᒥᓐ ᒋ ‍ ᒋᒋᐱᔪᐅᒡ ᐊᒪᓴᐊᒡ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮ ᑭᔭ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᒋ ‍ᓇᒋ ‍ ᒪᓴᐅᒡ ᐱᓕᔅᑕᐃᓐ ᐃᔪᐛ᙮ ᒪᒂᒡ ᑲ ‍ ᓂᑐᐱᔨᓇᓄᐎᔨᒡ, ᒋᒋᐛ ᒋ ‍ ᐊᔭᔅᑯᓯᐤ ᑎᐱᑦ᙮
\v 16 ᐸᐃᒄ ᐊᓐ ᐱᓕᔅᑎᐊ ᓂᑐᐱᔪᐅ-ᐃᔪᐤ ᒋ ‍ ᐃᑕᔨᑎᒻ ᒐᒋ ᓂᐸᐊᑦ ᑎᐱᑕ᙮ ᐃᐃᔅᐱ ᐱᓄᑉ ᒋ ‍ ᐃᓯᓂᐧᑲᓱᐤ᙮ ᒥᔅᑕᐸᐛ ᒋ ‍ ᐅᔅᑎᔅᑲᓇᓯᐤ᙮ ᑲ ‍ ᐛᐸᐱᔅᒋᓯᔨᒋ ᐊᓯᒪᑭᓇ ᒋ ‍ ᑕᐧᑯᓇᐤ ᓂᔄᐅᑕᒡ ᒪᒃ ᐳᔅᒄ ‍ (7-1/20) ᐊᑕᑎᐸᐸᑲᔨᑭᓇᓯᔨᒋ, ᑭᔭ ᒋ ‍ ᐅᔅᑲᔪᐤ ᐅᓂᑐᐱᔪᐅ-ᒧᐧᑯᒪᓐ᙮
\v 17 ᒥᒄ ᐊᐱᓴᐃ ᒋ ‍ ᑎᑯᓯᓐ ᒐᒋ ᐎᒋᐊᑦ ᑎᐱᑕ, ᑭᔭ ᒂ ᑯᓯᑯᐛᔨᒧᑐᐛᑦ ᒥᔅᑕᐸᐛ ᑭᔭ ᓇᐸᐊᑦ᙮ ᒥᒄ ᒋ ‍ ᐃᐧᑭᒥᔨᑯᑦ ᑎᐱᑦ ᐅᓂᑐᐱᔪᐅ-ᐃᔨᒪ ᒐᒋ ᐊᓱᑎᒧᐛᑦ ᒐ ᐊᑲ ᒥᓐ ᐎᒐᐛᑦ ᐊ ᓂᑐᐱᔨᒋ᙮ ᒋ ‍ ᐃᑕᐅᒡ, “ᐳᓂᐱᒪᑎᓯᔨᓇ, ᐊᑲ ᐛᒋ ‍ ᐸᐃᒄ ᒋᑦ ᐊᓂᔅᑯᑕᐸᓐᒡ ᒋᓴᐅᒋᒪᐅᑥᐛ, ᒧᔭᒻ ᐊᔅᑐᐛᐛᑭᓄᐅᑦ ᒪᔅᑕᔾ ᐛᔅᑕᓂᐱᒪᑭᓐ ᐊᓐᑕ ᐃᔅᕋᐃᓕᒡ ᒋᑭ ‍ ᐃᓯᓇᑯᓐ᙮”
\p
\v 18 ᓇᓇᒡ ᒪᒃ ᐊᓐᑕ, ᒋ ‍ ᓂᑐᐱᔨᑐᐛᑭᓄᐅᒡ ᐱᓕᔅᑎᐊ ᓂᑐᐱᔪᐅ-ᐃᔪᒡ ᒥᒋᒪ ᐊᓐᑕ ᑯᑉ ᐃᑕᐅᓂᒡ᙮ ᒪᒂᒡ ᑲ ‍ ᓂᑐᐱᔨᓇᓄᐅᒡ, ᓯᑉᐱᑲᐃ, ᐅᓴᑎ ᐃᔪᐛ ᐅᒋ, ᒋ ‍ ᓂᐸᐊᐅᐤ ᓴᐸᔨᒋ, ᐸᐃᒄ ᐊᓂᔭ ᐅᑦ ᐊᓂᔅᑯᑕᐸᓂᔨᐛ ᕋᐸ ᒥᔅᑕᐸᐛ᙮
\p
\v 19 ᓇᓇᒡ ᒥᓐ ᒋ ‍ ᓂᑐᐱᔨᑐᐛᑭᓄᐅᒡ ᐱᓕᔅᑎᐊ ᓂᑐᐱᔪᐅ-ᐃᔪᒡ ᒥᒋᒪ ᐊᓐᑕ ᑯᑉ ᐃᑕᐅᓂ᙮ ᒪᒂᒡ ᑲ ‍ ᓂᑐᐱᔨᓇᓄᐅᒡ, ᐊᓪᐊᓇᓐ, ᐃᐊᕋᐃ ᐅᕐᑭᒻ ᐅᑯᓴ ᐸᑦᓕᔭᒻ ᐅᒋ, ᒋ ‍ ᓂᐸᔨᒪᐤ ᑲᓚᐃᑕ ᑲᑦ ᐅᑕᓇ ᐅᒋ ᐎᐧᑲᓂᓯᔨᐛ; ᐅᔅᑕ ᓂᓱ ‍ (2) ᒥᒋᒋᓐ ᒋ ᐃᔅᐱᔅ ᒋᔅᐱᑲᔪᐤ ᑲᓚᐃᑦ ᐛᒋ ‍ ᑕᐧᑯᓂᑭᓄᐎᔨᒡ ᐅᓯᒪᑭᓐ᙮
\p
\v 20 ᓇᓇᒡ ᒥᓐ ᒋ ‍ ᓂᑐᐱᔨᓇᓄᐤ ᒥᒋᒪ ᑲᑦ ᐅᑕᓇᒡ᙮ ᒋ ‍ ᐃᑕᐤ ᐊᓐᑕ ᒥᔅᑕᐸᐤ ᑲ ‍ ᒥᔽᔨᑕᐧᒃ ᒐᒋ ᒪᓯᒐᑦ ᐊᓂᑐᐱᔨᓇᓄᐎᔨᒋ, ᐊᓱᑕᒡ ‍ (6) ᒋ ‍ ᐃᑕᑎᓂᔨᐛ ᐅᑐᐛᑭᓇ ᐊᓐᑕ ᐸᐃᒄ ᐅᑎᒋᒡ ᑭᔭ ᐊᓱᑕᒡ ‍ (6) ᒋ ‍ ᐃᑕᑎᓂᔨᐛ ᐅᓯᑯᑕᒪ ᐊᓐᑕ ᐸᐃᒄ ᐅᓯᑎᒡ᙮ ᕋᐸ ᒥᔅᑕᐸᐛ ᒋ ‍ ᐅᑎᔅᑲᓇᓱᐤ᙮
\v 21 ᒥᒄ ᐃᔅᐱ ᑲ ‍ ᐛᐅᓯᓄᐛᑦ ᓇᐸᐛ ᐊᓐᑕ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᒠᓐᑕᔨᒋ, ᑎᐱᑦ ᐅᔅᑕᓴ ᓯᒥᐊᔨᒋ ᐅᑯᓯᔨᐛ, ᒋ ‍ ᓂᐸᔨᑯᐤ
\p
\v 22 ᐊᐅᑯᓐᒡ ᐊᓐᒡ ᓇᐤ ᓇᐸᐅᒡ ᐱᔅᒐ ᐅᑦ ᐊᓂᔅᑯᑕᐸᓂᐛᐛ ᕋᐸ ᒥᔅᑕᐸᐅᒡ ᑲ ‍ ᐎᒋᒡ ᐊᓐᑕ ᑲᑦ ᐅᑕᓇᒡ, ᑲ ‍ ᓂᐸᔨᑯᒡ ᑎᐱᑕ ᑭᔭ ᐅᓂᑐᐱᔪᐅ-ᐃᔨᒥᔨᐛ᙮
\c 22
\s1 ᑎᐱᑦ ᐅᓂᑭᒧᐅᓐ ᒐᒋ ᒪᒥᒋᒪᑦ ᑎᐸᔨᒋᒐᓱᐛ
\p
\v 1 ᑲᒋ ‍ ᐱᐧᑯᐛᐊᑦ ᑎᐸᔨᒋᒐᓱᐤ ᑎᐱᑕ ᓴᓚ ᑭᔭ ᑯᑎᑲ ᑲᐱᒂᑎᑯᔨᒋ ᐅᒋ, ᑎᐱᑦ ᒋ ‍ ᓂᑭᒧᑐᐛᐤ ᑎᐸᔨᒋᒐᓱᐛ᙮
\v 2 ᐊᐅᑯᔪᐤ ᐅᔭ ᑲ ‍ ᓂᑭᒧᑦ:
\q1 ᑎᐸᔨᒋᒐᓱᐤ ᓂᒋᔅᑕᐱᔅᑯᒻ, ᑭᔭ ᓂᓂᑐᐱᔪᐅᒋᐛᐱᒻ, ᑭᔭ ᓂᐱᒪᒋᐃᐛᒻ;
\q2 
\v 3 ᓂᒋᓴᒪᓂᑐᒻ, ᓂ ‍ ᒥᔅᑯᐅᓯᐅᓐ ᐊᓐ ᑲ ‍ ᒪᒥᓯᑐᑐᐅᒃ;
\q2 ᓂᑦ ᐊᒂᓇᐅᓱᐛᑭᓐ, ᑭᔭ ᓂᐱᒪᒋᐃᑯᓯᐤ ᐊᔅᑭᓐ, ᑭᔭ ᓂ ᒋᒋ ‍ ᐊᓱᐛᐳᐅᓐ᙮
\q1 ᒧᔭᒻ ᐅ ᒋᔾ ᐃᑕᐅᓐ ᐊᓐᑕ ᒐ ‍ ᒥᔅᑭᒪᓐ ᒐ ‍ ᐊᔨᒋᑲᐳᐅᔭᓐ᙮
\q2 ᐊᑯ ᒪᒃ ᒐ ‍ ᐱᒪᒋᐃᑯᐅᔭᓐ ᐊᓐᒡ ᑲ ‍ ᐛᐧᑲᓯᒡ ᐅᒋ᙮
\q1
\v 4 ᓂᑭ ‍ ᑕᑈᑕᐤ ᑎᐸᔨᒋᒐᓱᐤ ᑲ ‍ ᑕᑈᐅᒐᔨᑕᑯᓯᑦ ᒐᒋ ᒪᒥᒋᒪᑭᓄᐅᑦ:;
\q2 ᐊᑯ ᒪᒃ ᒐ ‍ ᐱᒪᒋᐃᑯᐅᔭᓐ ᐊᓐᒡ ᑲ ‍ ᐛᐧᑲᓯᒡ ᐅᒡ᙮
\b
\q1
\v 5 ᓂᐳᐅᓐ ᐅᑯᐸᑕᔨᑎᒧᐛᐅᓐ ᓂᒋ ‍ ᐛᔅᑲᔅᑲᑯᐛᓐ:
\q1 ᑭᔭ ᑲ ‍ ᒥᒐᑎᒡ ᐊᑲ ᒥᔽᔨᑕᑯᓯᒡ ᐃᔪᒡ ᓂᒋ ‍ ᓴᒋᐃᑯᒡ᙮
\q1
\v 6 ᐊ ᐃᓯ ‍ ᑯᒂᑕᒐᔨᑕᒂᒋ ᒋᐱ ‍ ᐊᔅᒋᒡ ᓂᒋ ‍ ᐛᔅᑲᔅᑲᑯᓐ::
\q2 ᓂᐳᐅᓂ ᓇᒂᓇ ᓂᒋ ‍ ᐅᑎᑎᑯᓐ᙮
\q1
\v 7 ᓂᑦ ᐊᔨᒥᓯᐅᓂᒡ ᓂᒋ ‍ ᑕᑈᑕᐤ ᑎᐸᔨᒋᒐᓱᐤ;
\q2 ᑭᔭ ᓂᒋ ‍ ᒧᔎᑕᐤ ᓂᒋᓴᒪᓂᑐᒻ:
\q1 ᓂᒋ ‍ ᐸᑕᒄ ᒪᒃ ᐅᐸᔭᒋ-ᐊᔭᒥᐊᐅᒋᐛᐱᒡ ᐅᒋ,
\q2 ᑭᔭ ᒋ ‍ ᐅᑎᑎᑯᐤ ᓂᒪᐅᓂᔪᐤ, ᐎᑐᑲᒡ ᐅᑦ᙮
\b
\q1
\v 8 ᐊᑯ ᐊᔅᒋᔾ ᒂᔅᑯᐱᔨᒡ ᑭᔭ ᓂᔭᓇᒥᐱᔨᒡ;
\q2 ᑲ ᐅᒋ ‍ ᒥᔅᑯᐛᒋ ᒋᓯᒂ ᒋ ‍ ᐊᔭᒋᐱᔪᐛ ᑭᔭ ᒋ ‍ ᑯᔅᑯᐱᔪᐛ,
\q2 ᐊᒋ ‍ ᐊᐧᑯᔪᐛᓯᑦ᙮
\q1
\v 9 ᐅᑕᔨᑯᒥᒡ ᒋ ‍ ᐅᑕᐸᑕᔪᐤ,
\q2 ᑭᔭ ᐃᔅᑯᑕᔪᐤ ᐅᑐᓂᒡ ᐅᒋ ᒋ ‍ ᓂᓱᐅᓇᒋᐃᐛᒪᑭᓂᔪᐤ:
\q2 ᑲᒋᑕᐛ ᒋ ‍ ᐃᔎᓯᑲᑕᐛ ᐊᓂᔭᔪᐤ ᐅᒡ᙮  
\q1
\v 10 ᒋ ‍ ᑕᐸᑎᓂᒻ ᒋᓯᒂ ᒪᒃ, ᑭᔭ ᒋ ᐸᒋ ‍ ᔭᓯᐤ:
\q2 ᒋ ‍ ᐅᓂᑎᐱᔅᑲᐃᔪᐤ ᒪᒃ ᓯᐸ ᐅᓯᑎᒡ᙮
\q1
\v 11  ᒋ ‍ ᑕᑎᐳᐤ ᒪᒃ ᒐᕋᐱᒡ, ᑭᔭ ᒋ ‍ ᐱᒥᔭᐤ:  ᓂᐦᐃ, 
\q2 ᒋ ‍ ᐱᒥᔭᐤ ᐊᐅᑎᑎᒂᓂᔨᒡ ᔪᑎᓂᔪᐤ᙮
\q2
\q1
\v 12 ᒋ ‍ ᐅᑎᑕᐅᓂᑎᒻ ᐊᓐᑕ ᐊ ‍ ᐅᓂᑎᐱᔅᑲᔨᒡ
\q2 ᐅᓂᑎᐱᔅᑲᐎ ᓂᐱᔭ, ᑭᔭ ᐊᔅᐱᑭᔅᑯᓂᔨᒡ ᒋᓯᑯᒡ᙮
\q1
\v 13 ᐊ ‍ ᐛᓴᔭᔨᒡ ᑲ ‍ ᓂᑲᓂᐸᔨᔅᑕᑯᑦ
\q2 ᒋ ‍ ᓯᔅᑕᐱᔪᐛ ᐃᔅᑯᑕᐤ ᑲᔅᑕᐛ,
\q1
\v 14 ᑎᐸᔨᒋᒐᓱᐤ ᑭᔭ ᒋ ‍ ᐅᓂᒥᔅᒋᒐᐤ ᒋᓯᑯᒡ,
\q2 ᒪᐅᒡ ᒋᔅᑎᓯᑦ ᒋ ‍ ᐸᑕᑯᓱᐤ᙮
\q1
\v 15 ᒋ ‍ ᐃᑎᓴᐛᐤ ᐅᑦ ᐊᑭᔎ, ᑭᔭ ᒋ ‍ ᐛᓴᔄᑎᓴᐛᐤ
\q2 ᐊ ‍ ᐛᔅᑕᐱᔨᔨᒡ, ᑭᔭ ᒋ ‍ ᓴᐧᑯᒋᐊᐤ᙮
\q1
\v 16 ᐊᑯ ᐃᑕᒥᐸᑯᒡ ᒂ ‍ ᓄᒂᒡ,
\q2 ᑭᔭ ᐊᓐᑕ ᐊᓱᐧᑲᔅᑕᒡ ᐊᔅᒋᔾ ᒂ ‍ ᓄᒂᒡ 
\q1 ᐊ ‍ ᒋᑐᑎᒥᓐ, ᐅ ᑎᐸᔨᒋᒐᓱᐤ,
\q2 ᐊ ‍ ᒋᔅᑎᒡ ᒋᔭᔭᐅᓐ ᒋᑕᔨᑯᒥᒡ᙮
\b
\q1
\v 17 ᐃᔅᐱᒥᒡ ᒋ ᐅᒋ ‍ ᐸᒋᑎᓴᐅᐛᐤ, ᓂᔾ ᓂᒋ ‍ ᐅᑎᓂᒄ ᒪᒃ,
\q2 ᒥᒐᑦ ᓂᐱᔭ ᓂᒋ ᐅᒋ ‍ ᐎᐎᐱᑎᒄ᙮
\q1
\v 18 ᓂᒋ ‍ ᐱᒪᒋᐃᒄ ᑲ ‍ ᐛᐧᑲᓯᑦ ᐅᒋ ᑲ ‍ ᒥᔅᑯᐅᓯᑦ,
\q2 ᐊᓐᒡ ᑭᔭ ᑲ ‍ ᐛᐧᑲᓯᒡ ᐅᒡ:
\q1  ᐛᔅ ᐅᓴᒻ ᒋ ‍ ᒥᔅᑯᐅᓯᐅᒡ ᓂᔾ ᒐᒋ ᒋ ‍ ᓴᐧᑯᒋᐊᒂᐤ᙮
\q1
\v 19 ᓂᒋ ‍ ᐅᑎᒥᐃᑯᒡ ᓂ ‍ ᑯᒂᑕᒋᓱᐎ ᒋᓯᑲᒥᒡ, 
\q2 ᒪᒃ ᑎᐸᔨᒋᒐᓱᐤ ᓂᒋ ‍ ᓯᑐᓂᒄ᙮ 
\q1
\v 20 ᓂᑭ ᐸᒋ ‍ ᐃᑐᑕᐃᒃ ᑭᔭ ᐊᓐᑕ ᐊ ‍ ᒥᓴᔨᒡ: 
\q2 ᓂᒋ ‍ ᐱᒪᒋᐃᒄ, ᐊᒋ ‍ ᒥᔽᔨᒥᑦ᙮ 
\b
\q1
\v 21 ᑎᐸᔨᒋᒐᓱᐤ ᓂᒋ ‍ ᑎᐸᐊᒪᒃ ᐊ ᐃᓯ ‍ ᑯᐃᔅᑯᑕᑎᓯᔭᓐ;
\q2 ᐊ ᐃᓯ ‍ ᐸᔭᒋᒋᒐᔭᓐ ᓂᒋ ᑕᐱ ‍ ᒥᔨᒃ᙮
\q1
\v 22 ᐛᔅ ᓂᒋ ‍ ᑭᓄᐛᔨᑎᒺᓐ ᐅᑦ ᐃᓯᑥᐅᓇ ᑎᐸᔨᒋᒐᓱᐤ,
\q2 ᓇᒪ ᑭᔭ ᓂ ᐅᒋ ᐸᒋ ‍ ᓂᑭᑕᐤ ᓂᒋᓴᒪᓂᑐᒻ᙮
\q1
\v 23  ᐛᔅ ᒥᓯᐛ ᐅᑎᐸᔅᑯᓂᒐᐅᓇ ᓂᒋ ‍ ᐅᑎᔅᑲᐎᔅᑲᑯᐛᓐ,
\q2 ᓇᒪ ᑭᔭ ᓂᒋ ‍ ᐃᑲᑕᔅᑎᒪᓱᐛᓐ ᐅᑦ ᐃᑎᓱᐛᐅᓇ᙮
\q1
\v 24 ᓂᒋ ‍ ᑯᐃᔅᑯᑕᑎᓯᔅᑐᐛᐤ ᑭᔭ,
\q2 ᐊᓯᒡ ᑭᔭ ᓂᒋ ‍ ᓇᑲᓂᑎᓱᓐ ᓂᒥᒐᑎᓯᐅᓂᒡ ᐅᒡ᙮
\q1
\v 25 ᐊᐅᒄ ᐅᒋ ᑎᐸᔨᒋᒐᓱᐤ ᓂᒋ ‍ ᑎᐸᐊᒪᒃ ᐊ ᐃᓯ ‍ ᑯᐃᔅᑯᑕᑎᓯᔭᓐ,
\q2 ᐊ ᐃᓯ ‍ ᐛᐸᑕᐧᒃ ᐊ ‍ ᐸᔭᒋᔅᑕᒐᔭᓐ᙮
\b
\q1
\v 26 ᑲ ‍ ᓱᐛᔨᒋᒐᒡ ᒋᑭ ‍ ᓱᐛᔨᒪᐅᒡ;
\q2 ᑲ ‍ ᑯᐃᔅᑭᑎᑦ ᐃᔪᐤ ᒋᑭ ‍ ᑯᐃᔅᑯᑕᑎᓯᔅᑐᐛᐤ᙮
\q1
\v 27 ᑲ ‍ ᐸᔭᒋᓯᒡ ᒋᑭ ‍ ᐸᔭᒋᓯᔅᑐᐛᐅᒡ;
\q2 ᑭᔭ ᑲ ‍ ᐊᒂᑎᓯᒡ ᒋᑭ ‍ ᐊᒂᑎᓯᔅᑐᐛᐅᒡ᙮
\q1
\v 28 ᐛᔅ ᒋᑭ ‍ ᐱᒪᒋᐊᐅᒡ ᑲ ‍ ᐊᔨᒥᑯᒡ ᒐᒂᔪᐤ ᐃᔪᒡ;
\q2 ᒪᒃ ᒋᑭ ‍ ᓂᒋᐛᐱᓇᓐ ᐃᔅᐱᑕᐃᒥᑎᓱᐅᓐ᙮
\q1
\v 29 ᐛᔅ ᒋᑭ ‍ ᓯᔅᑲᐊᓐ ᓂᐛᔅᑕᓂᐱᒪᑭᓐ:
\q2 ᑎᐸᔨᒋᒐᓱᐤ ᓂᒋᓴᒪᓂᑐᒻ ᒋᑭ ‍ ᐛᔅᑕᓂᒻ ᓂ ‍ ᐅᓂᑎᐱᔅᒋᓯᐅᓂᔪᐤ᙮
\v 30 ᐛᔅ ᒋᔾ ᐅᒋ ᓂᒋ ‍ ᓴᐳᔅᑯᐛᐅᒡ ᓂᑐᐱᔪᐅ-ᐃᔪᒡ;
\q2 ᓂᒋᓴᒪᓂᑐᒻ ᐅᒋ ᒪᒃ ᓂᒋ ‍ ᐸᔅᒋᒂᔅᑯᑎᓐ ᒪᓂᑭᓂᒡ᙮
\b
\q1
\v 31 ᒋᓴᒪᓂᑐᐤ ᒪᒃ, ᐸᔭᐧᑭᓂᔪᐤ ᐅᑦ ᐃᓯᑥᐅᓐ;
\q2 ᑎᐸᔨᒋᒐᓱᐤ ᐅᑦ ᐃᔨᒧᐅᓐ ᑯᒂᒋᑕᑭᓄᐎᔪᐤ:
\q2 ᐎᔾ ᐊᐅᒄ ᐅᑦ ᐊᒂᓇᐅᓱᐛᑭᓄᐛᐤ ᒥᓯᐛ ᐊᓂᔭ ᑲ ‍ ᒪᒥᓯᑐᑕᑯᑦ᙮
\q1
\v 32 ᐛᔅ ᐊᐛᓐ ᒋᓴᒪᓂᑐᐤ ᒥᒄ ᐎᔾ ᑎᐸᔨᒋᒐᓱᐤ ?
\q2 ᐊᐛᓐ ᒪᒃ ᒐᔅᑕᐱᔅᑯᐎᑦ ᒥᒄ ᒋ ‍ ᒋᓴᒪᓂᑐᒥᓄᐤ ?
\q1
\v 33 ᒋᓴᒪᓂᑐᐤ ᐊᐅᑯᓐ ᑲ ‍ ᐱᒂᑕᐅᑦ ᒥᔅᑯᐅᓯᐅᓂᔪᐤ,
\q2 ᑭᔭ ᑲ ‍ ᐸᔭᒋᑕᑦ ᓂ ‍ ᒪᔅᑭᓇᔪᐤ᙮
\q1
\v 34 ᐃᓯᓇᑯᑕᐤ ᓂᓯᑕ ᒧᔭᒻ ᐊᑎᒂ ᐅᓯᑎᔨᐛ,
\q2 ᑭᔭ ᓂ ‍ ᑕᑕᔨᒄ ᐊᓐᑕ ᐊ ‍ ᐃᔅᐸᓇᔨᒡ᙮
\q1
\v 35 ᒋᔅᒋᓄᐊᒪᑎᒻ ᓂᑎᒋᔭ ᒐ ᐃᓯ ‍ ᓂᑐᐱᔨᒥᑭᓂᔨᒋ,
\q2 ᐃᓴᑯᐅ-ᐊᒐᐱᔾ ᒪᒃ ᓂ ‍ ᓇᑥᐱᑕᐤ᙮
\v 36 ᔅᒋ ‍ ᒥᔨᓐ ᑭᔭ ᐱᒪᒋᐃᐛᐤ ᐊᒂᓇᐅᓱᐛᑭᓐ:
\q2 ᒋᒥᔪᐅᓐ ᓂᒋ ‍ ᓯᑐᓂᑯᓐ,
\q2 ᑭᔭ ᒋ ‍ ᒋᔭᒪᐎᓯᐅᓐ ᓂᒋ ‍ ᒋᔅᑎᓯᐃᑯᓐ᙮
\v 37 ᔅᒋ ‍ ᒧᓴᔅᑕᓐ ᓂᑕᑕᑯᔅᒐᐅᓇ,
\q2 ᒐ ᐊᑲ ‍ ᒋᐃᓯᓂᔭᓐ᙮
\b
\q1
\v 38 ᓂᒋ ‍ ᓄᓱᔅᑯᐛᐅᒡ ᑲ ‍ ᐛᐧᑲᓯᒡ, ᓂᒋ ‍ ᐊᑎᒥᐱᔅᑐᐛᐅᒡ ᒪᒃ
\q2  ᓇᒪ ᑭᔭ ᓂ ᐅᒋ ‍ ᒋᐛᑲᐳᐅᓐ ᐸᑎᒪ ᐃᔅᐱ ᒥᓯᐛ ᑲᒋ ‍ ᓂᓱᐅᓇᒋᐊᒂᐤ᙮
\q1
\v 39 ᓂᒋ ‍ ᒥᔄᑭᓂᑲᑕᐅᒡ ᐛᒋ ᐊᑲ ᑭᔅᒋᑕᒡ ᒐᒋ ᐱᓯᑯᒡ:
\q2 ᓯᐸ ᓂᓯᑎᒡ ᒋ ‍ ᐸᒋᓯᓄᐅᒡ᙮
\v 40 ᐛᔅ ᔅᒋ ‍ ᐱᒂᑕᐎᓐ ᒥᔅᑯᐅᓯᐅᓐ ᐅᒋ ᒐᒋ ᓂᑐᐱᔨᔭᓐ:
\q2 ᔅᒋ ‍ ᓴᐧᑯᒋᑎᒧᐅᓐ ᐊᓐᒡ ᑲ ‍ ᐱᓯᑯᔅᑐᐅᒡ᙮
\q1
\v 41 ᐊᓯᒡ ᑭᔭ ᔅᒋ ‍ ᒥᔨᓐ ᐅᑯᔪᐛᐛ ᑲ ‍ ᐛᐧᑲᓯᒡ;
\q2 ᒐᒋ ᓂᓱᐅᓇᒋᐊᒂᐤ ᐊᓐᒡ ᑲ ‍ ᐛᐧᑲᓯᒡ᙮
\q1
\v 42 ᒋ ‍ ᑕᑈᐅᒡ, ᒪᒃ ᓇᒪᐎᔾ ᒋ ‍ ᑕᔪᐛ ᒐ ‍ ᐱᒪᒋᐃᑯᒡ,
\q2 ᐊᑎ ᑭᔭ ᑎᐸᔨᒋᒐᓱᐛ, ᒪᒃ ᓇᒪ ᒋ ᐅᒋ ‍ ᓂᔅᑯᒥᑯᐅᒡ᙮
\q1
\v 43 ᐊᑯ ᑲ ‍ ᐱᐱᓯᐅᒂᐤ ᒧᔭᒻ ᒥᒋᒥᔅᑯᓱᐤ ᐊ ‍ ᐛᐸᔅᑎᒡ:
\q2 ᓂᒋ ‍ ᐎᔪᐎᐛᐱᓇᐅᒡ ᒧᔭᒻ ᒥᒋ ‍ ᒐᒂᓐ ᐱᒧᑕᔅᑭᓇᒡ᙮
\b
\q1
\v 44 ᔅᒋ ‍ ᐱᒪᒋᐃᓐ ᐊᒋ ‍ ᐃᔨᐛᒧᑐᑐᐅᒡ ᐃᔪᒡ;
\q2 ᑭᔭ ᔅᒋ ‍ ᑎᐸᔨᑎᒥᐃᓐ ᐊᑲ ᐊᔭᒥᐊᒡ:
\q2 ᐃᔪᒡ ᐊᑲ ᑲ ‍ ᒋᔅᒐᔨᒥᒡ ᓂᑭ ‍ ᐊᑐᔅᑲᑯᒡ᙮
\q1
\v 45 ᐃᔅᐱ ᐸᑐᑥᐛ, ᓂᑭ ‍ ᓂᓇᐃᑕᑯᒡ,
\q2 ᒪᓐᑕᐅᒡ ᓂᑭ ‍ ᑕᑈᑕᑯᒡ᙮
\v 46 ᒪᓐᑕᐅᒡ ᒋᑭ ‍ ᐛᐱᐱᔪᐅᒡ,
\q2 ᑭᔭ ᒋᑭ ‍ ᓴᒋᓯᐅᒡ ᐅᒋᒧᑦ ‍ ᐃᑕᐅᓄᐛᒡ ᐅᒡ᙮
\b
\q1
\v 47 ᑎᐸᔨᒋᒐᓱᐤ ᐱᒪᑎᓯᐤ;
\q2 ᒋᑭ ᐎ ‍ ᒪᒥᒋᒪᑭᓄᐤ ᓂᒋᔅᑕᐱᔅᑯᒻ;
\q2 ᐊᑯᔅ ᒪᒃ ᒋᑭ ‍ ᐃᔅᐸᔨᑕᑯᐊᑭᓄᐤ ᒋᓴᒪᓂᑐᐤ ᓂᐱᒪᒋᐃᐛᒻ᙮
\q1
\v 48 ᐎᔾ ᒋᓴᒪᓂᑐᐤ ᓂᒋ ‍ ᒋᐛᑎᐸᐊᒪᒄ,
\q2 ᑭᔭ ᐊᓐ ᑲ ‍ ᓴᐧᑯᒋᑎᒧᐅᑦ ᐃᔪᐛ᙮
\q1
\v 49 ᓂ ‍ ᐱᒪᒋᐃᒄ ᑲ ‍ ᐛᐧᑲᓯᔨᒋ ᐅᒡ:
\q2 ᒋᑦ ᐃᔅᐸᐃᑕᑯᐎᓐ ᒐᒋ ᐊᔪᐛᒋᔅᑯᐛᒂᐤ ᐊᓐᒡ ᑲ ‍ ᐱᓯᑯᔅᑐᐅᒡ;
\q2 ᔅᒋ ‍ ᐱᒪᒋᐃᓐ ᑲ ‍ ᐊᒂᑎᓯᑦ ᐃᔪᐤ ᐅᒡ᙮
\v 50 ᐊᐅᒄ ᐅᒋ ᒋᑭ ‍ ᓂᓇᔅᑯᒥᑎᓐ, ᐅ ᑎᐸᔨᒋᒐᓱᐤ, ᐊᓐᑕ ᐊ ‍ ᐃᑕᒡ ᐊᑲ ᐊᔭᒥᐊᒡ,
\q2 ᑭᔭ ᐊ ‍ ᓂᑭᒧᔭᓐ ᓂᑭ ‍ ᒪᒥᒋᑕᓐ ᒋᑦ ᐃᓯᓂᐧᑲᓱᐅᓐ᙮
\q1
\v 51 ᒋᒋ ᐎᒂᒋᐃᐛᐅᓂᔪᐤ ᒥᔭᐤ ᐅᒋᓴᐅᒋᒪᒪ,
\q2 ᑭᔭ ᓱᐛᔨᒋᒐᐅᓂᔪᐤ ᐛᐸᑎᔭᐤ ᐅᑦ ᐊᐱᒋᐊᑭᓂᔪᐛ,
\q2 ᑎᐱᑕ, ᑭᔭ ᐅᑦ ᐊᐛᓯᒥᓯᔪᐛ ᑲᒋᒡ᙮
\c 23
\s1 ᑎᐱᑦ ᒪᔅᑕᔾ ᐅᒥᓯᓇᐃᑭᓐ
\p
\v 1 ᑎᐱᑦ, ᒐᓯᔾ ᐅᑯᓴ, ᒋᓴᒪᓂᑐᐛ ᒋ ‍ ᑐᑕᑯᐤ ᐅ ᓇᐸᐤ ᒐᒋ ᒋᔅᑕᔨᑕᑯᓯᑦ᙮
\q1 ᒋᓴᒪᓂᑐᐛ, ᐊᓂᔭ ᑲ ‍ ᐊᔭᒥᐊᔅᑐᐛᔨᒋ ᑎᐱᑕ, ᒋ ‍ ᐅᑎᓂᑯᐤ ᒐᒋ ᒋᓴᐅᒋᒪᐅᑦ᙮
\q1 ᒋ ‍ ᐅᓯᑎᒧᐛᐤ ᐃᔅᕋᐃᓪ ᐃᔪᐛ ᐊᒥᔪᑕᑯᓂᔨᒋ ᓂᑭᒧᐅᓇ᙮
\q1 ᐊᐅᑯᔪᐤ ᐅᔭ ᒪᔅᑕᔾ ᓂᑭᒧᐅᓂᔪᐤ ᑲ ‍ ᐎᔅᑕᑦ:
\b
\q1
\v 2 ᓂᒋ ‍ ᐎᑎᒪᒄ ᑎᐸᔨᒋᒐᓱᐤ ᑕᓐ ᒐ ‍ ᐃᔅᒋᔄᐅᒡ;
\q1 ᐎᔾ ᐅᒋ ᐅᒋᐱᔪᐤ ᐊᓐ ᐃᔨᒧᐅᓐ ᒐ ‍ ᐃᔨᒥᔭᓐ᙮
\q1
\v 3 ᒋᓴᒪᓂᑐᐤ, ᐊᓐ ᓂᔭᓐ ᐊᔭᒥᐊᔅᑐᐅᒋ, ᒋ ‍ ᐃᔨᒧᐤ;
\q2 ᐊᓐ ᑲᓄᐛᔨᒥᔨᒥᑦ ᓂᔭᓐ ᐃᔅᕋᐃᓪ ᐃᔪᒡ ᓂᒋ ‍ ᐃᑎᒄ,
\q1 “ᒋᑭ ‍ᐎ ‍ ᑯᓯᑯᑐᐅᒡ ᒋᓴᐅᒋᒪᐅᒡ ᑲ ‍ ᑎᐸᔨᒪᒡ ᐃᔪᐛ
\q1 ᐊᑎᐸᔨᒋᒐᒡ ᐊᓇᓂᒋᔅᑐᐛ ᒋᓴᒪᓂᑐᐛ᙮
\q1
\v 4 ᒧᔭᒻ ᐱᓯᒺ ᐊ ‍ ᒋᐧᑲᔭᔅᑐᐛᔨᒋ ᐎᔭᐱᓂᔨᒋ
\q2 ᑭᔭ ᐊᑎᑕᐧᒃ ᒥᔅᑯᓱᐛ ᒐᒋ ᓂᑕᐅᒋᓂᔨᒋ ᑲᒋ ᒋᒧᓂᔨᒋ᙮”
\q1
\q1
\v 5 ᑭᔭ ᑕᑈ, ᐊᐅᑯᔪᐤ ᒐ ᐃᓯ ‍ ᓱᐛᔨᒪᑦ ᒋᓴᒪᓂᑐᐤ ᐊᐸᐃᑯᒋᓯᔭᓐ
\q2 ᐛᔅ ᓂᒋ ‍ ᑐᑎᒪᒃ ᐎᓱᐛᐅᓂᔪᐤ ᒧᔅ ᑲᒋᒡ ᒐ ‍ ᑎᑯᓂᔨᒡ,
\q2 ᐎᓱᐛᐅᓂᔪᐤ ᐊᓂᔭ ᑲ ‍ᐊᓱᑎᒧᐅᑦ ᒐ ᐊᑲ ᐛᐛᒡ ᐱᔅᒐ ᒥᔅᑯᒋᐱᔨᒡ᙮
\q1 ᐛᔅ ᒐᒋᓇᒡ ᓂᑭ ‍ ᑐᑕᒄ ᒐᒋ ᒥᔽᐱᒪᐅᓯᐅᒡ,
\q2 ᑭᔭ ᓇᓂᑎᒻ ᓂᑭ ‍ ᐎᒋᔨᒄ,
\q1 ᑭᔭ ᐊᐅᑯᓐ ᒥᒄ ᐊ ᐃᓯ ‍ ᐱᑯᓴᔨᒧᔭᓐ᙮
\q1
\v 6 ᒥᒄ ᒋᑭ ‍ ᓂᓱᐅᓇᒋᐊᐤ ᑲ ᒥᒐᑎᓯᔨᒋ ᐃᔪᐛ ᒧᔭᒻ ᐃᔪᒡ ᐊ ᐃᓯ ‍ ᐛᐱᓇᒡ ᑲᑲᓱᑕᐛᔅᑯᓂᔨᒋ
\q2 ᐃᐊᐧᑯᔨᒋ ᐊᐛᔪᐛ ᐃᔅᐱ ᐛᑎᓂᒥᔨᑥᐎ ᐅᑎᒋᐛᒡ᙮
\q1
\v 7 ᐊᓐ ᐊᐛᓐ ᑲ ᐎ ‍ ᐛᐱᓇᐧᒃ ᓯᑲᐎᒥᓇᑯᓯᔭ ᓇᒪ ᐅᒋᐱᑎᒻ ᐊᓂᔭ,
\q2 ᐊ ‍ ᐃᓴᑯᐎᔨᒡ ᒥᑲᔨᐸᑭᓂᔪᐤ ᐊᐱᒋᑕᐤ ᑭᔭ ᒪᒃ ᓯᒪᑭᓂᔪᐤ ᒐᒋ ᒧᓇᐊᐧᒃ
\q2 ᐊᑯ ᑭᔭ ᒥᓯᐛ ᐊᔎᓴᐧᒃ᙮ \q1ᑎᐱᑦ ᐊᓂᔅᑎᔨᒋ ᐊᓱᐧᑲᑎᓯᔨᒋ ᐅᓂᑐᐱᔪᐅ-ᐃᔨᒪ
\p
\v 8 ᐊᐅᑯᔪᐤ ᐊ ‍ ᐃᓯᓂᐧᑲᑕᑭᓂᐎᔨᒋ ᑎᐱᑦ ᐊᓂᔅᑎᔨᒋ ᐊᓱᐧᑲᑎᓯᔨᒋ ᐅᑦ ᐃᔨᒪ᙮
\p ᐊᔅ-ᐸᓪ ᐊᐅᒄ ᓂᔅᑎᒻ, ᒐᓱᐱᒻ ᐃᔭᐱᒡ ᑲ ‍ ᐃᓯᓂᐧᑲᑕᑭᓄᐅᑦ, ᐊᒃᒧᓐ ᐅᑯᓴ᙮ ᐎᔾ ᒋ ‍ ᓂᑲᓂᔅᑯᐛᐤ ᐊᓂᔅᑎᔨᒋ ᓇᐸᐛ᙮ ᐸᐃᒂᐤ ᔭᓇᐤ ᑕᑐᒥᑕᓯᒥᑎᓄᐤ ‍ (800) ᒋ ‍ ᓂᐸᐊᐤ ᒋᒪᓴᐊᐤ ᑲᐱᒂᑎᑯᑦ ᑭᔭ ᒥᓯᐛ ᒋ ‍ ᓂᐸᐊᐤ ᐅᓯᒪᑭᓐ ᐊ ᐊᐱᒋᑕᑦ᙮
\p
\v 9 ᓂᓱ ᐊᑕᑦ ᐊᓂᔅᑎᒡ ᑲᓱᐧᑲᑎᓯᒡ ᓂᑐᐱᔪᐅ-ᐃᔪᒡ ᐊᐅᒄ ᐃᓕᐊᓴᕐ, ᑐᐤᑐᐤ ᐊᐧᑯᐤ ᐃᔪᐛ ᐅᒋ ᐅᑯᓴ᙮ ᐸᐃᒂᐤ ᒐᓯᑲᔨᒡ ᑎᐱᑕ ᒋ ‍ ᐎᒐᐛᐤ ᐃᔅᐱ ᑲ ‍ ᑭᒂᒋᐊᒡ ᐱᓕᔅᑎᐊ ᓂᑐᐱᔪᐅ-ᐃᔪᐛ ᑲ ‍ ᒪᒧᐎᒋ ᒐᒋ ᓂᑐᐱᔨᒋ᙮ ᑯᑎᑭᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒋ ‍ ᒋᑐᑕᐅᒡ,
\v 10 ᒥᒄ ᐎᔾ ᐃᓕᐊᓴᕐ ᒋ ᒪᓴᐊᐤ ᐱᓕᔅᑎᐊ ᐃᔪᐛ ᐸᑐᔅ ᓇᔅᒡ ᑲ ‍ ᐊᔭᔅᑯᓯᑦ ᐅᔅᐱᑐᓐ, ᐊᓂᔭ ᐅᒋ ᒂ ‍ ᒪᑯᐱᔨᒡ ᐅᑎᒋ ᑭᔭ ᓇᒪ ᐅᒋ ᓂᑲᐎᐅ ᐊᒪᑯᓇᐧᒃ ᐅᒧᐧᑯᒪᓐ᙮ ᑎᐸᔨᒋᒐᓱᐤ ᒋ ‍ ᑲᓂᔪᐤ ᒋᒋ ‍ ᐱᔅᒋᔭᒐᐅᓂᔪᐤ ᐊᓂᔭ ᒐᓯᑲᔨᒡ᙮ ᑭᔭ ᓇᓇᒐ ᑯᑎᑭᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᑲᐤ ᒋ ‍ ᐃᑐᑕᐅᒡ ᐊᓐᑕ ᐃᓕᐊᓴᕋ ᑲ ‍ᑕᔨᒋ, ᑭᔭ ᒂ ‍ ᒥᓂᒺᒡ ᓂᑐᐱᔪᐅ-ᐊᐱᒋᑕᐅᓇ ᓇᐸᐛ ᐅᒋ ᐊᓂᔭ ᑲ ‍ ᓂᐸᔨᒋ ᐃᓕᐊᓴᕋ᙮
\p
\v 11 ᓂᔅᑐ ᐊᑕᑦ ᑲᓱᐧᑲᑎᓯᒡ ᓂᑐᐱᔪᐅ-ᐃᔪᐤ ᐊᐅᒄ ᓴᒪ, ᐊᑲᐊ ᐊᕋᕆ ᐃᔪᐤ ᐅᒋ ᐅᑯᓴ᙮ ᐸᐃᒂᐤ ᒐᓯᑲᔨᒡ ᐱᓕᔅᑎᐊ ᓂᑐᐱᔪᐅ-ᐃᔪᒡ ᒋ ‍ ᒪᒧᐎᔪᐅᒡ ᐊᓐᑕ ᓚᐃ ᐅᑕᓇᒡ, ᐛᒋᒧᑎᒡ ᐊᓐᑕ ᓂᑕᐅᒋᒋᑭᓂᒡ ᑲ ‍ ᓴᑭᔅᒋᓇᔨᒋ ᐃᒋᒥᓇ (ᐊᑎᒋᒥᓇ)᙮ ᑯᑎᑭᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒋ ‍ ᒋᑎᓯᒪᐅᒡ ᐱᓕᔅᑎᐊ ᓂᑐᐱᔪᐅ-ᐃᔪᐛ,
\v 12 ᒥᒄ ᓴᒪ ᒋ ‍ ᓇᓂᐳᐅᐤ ᐊᓐᑕ ᓂᑕᐅᒋᒋᑭᓂᒡ ᑭᔭ ᓇᒪ ᐅᒋ ᓇᐊᔨᒪᐤ ᐱᓕᔅᑎᐊ ᓂᑐᐱᔪᐅ-ᐃᔪᐛ ᒐᒋ ᒋᒧᑎᔨᒋ ᓂᑕᐅᒋᑕᑭᓇ, ᑭᔭ ᒂ ‍ ᓂᐸᐊᑦ᙮ ᑎᐸᔨᒋᒐᓱᐤ ᒋ ‍ ᑲᓂᔪᐤ ᒋᒋ ‍ ᐱᔅᒋᔭᒐᐅᓂᔪᐤ ᐊᓂᔭ ᒐᓯᑲᔨᒡ᙮
\s ᑲᓂᔅᑐᔪᐛᓯᒡ ᑲ ᓱᐧᑲᑎᓯᒡ ᓂᑐᐱᔪᐅ-ᐃᔪᒡ
\p
\v 13 ᒪᒧ ᒋ ‍ ᓂᔅᑐᔪᐛᓯᔨᐛ ‍ (30) ᐊ ‍ ᒋᔅᑕᔨᑕᑯᓯᔨᒋ ᓂᑐᐱᔪᐅ-ᐃᔪᐛ ᐊᓐᑕ ᐊ ‍ ᑕᔨᒋ ᑎᐱᑦ ᐅᓂᑐᐱᔪᐅ-ᐃᔨᒪ᙮ ᐸᐃᒂᐤ, ᐃᔅᐱ ᑲ ‍ ᐅᑎᒋᐱᔨᒡ ᒐᒋ ᒪᒧᓴᒋᓂᑭᓄᐅᒋ ᓂᑕᐅᒋᑕᑭᓇ, ᐊᓂᔅᑎᒡ ‍ (3) ᐊᓐᑕ ᑲ ᓂᔅᑐᔪᐛᓯᒡ ‍ (30) ᓇᐸᐅᒡ ᐊᑐᓚᒻ ᐊ ‍ ᐛᑎᒂᐱᔅᑲᔨᒡ ᒋ ‍ ᐃᑐᑕᐅᒡ, ᐊᓐᑕ ᑲ ‍ ᐃᑕᔨᒋ ᑎᐱᑕ᙮ ᐱᓕᔅᑎᐊ ᓂᑐᐱᔪᐅ-ᐃᔪᒡ ᒋ ᒋᒥᑕᐅᒡ ᐎᒋᐛᐛ ᐊᓐᑕ ᕋᐸ ᐊ ‍ ᐱᓴᔨᒡ ᒥᒋᒪ ᒋᕈᓯᓕᒥᒡ᙮
\v 14 ᐊ ‍ ᐛᑎᒂᐱᔅᑲᔨᒡ ᐊᓐᑕ ᒋ ‍ ᐃᑕᐅᒡ ᑎᐱᑦ ᑭᔭ ᐅᓂᑐᐱᔪᐅ-ᐃᔨᒪ ᐊᓐᑕ ᒐ ‍ ᐊᔨᒋᑲᐳᐅᒡ, ᑭᔭ ᑯᑎᑭᒡ ‍ ᐱᓕᔅᑎᐊ ᓂᑐᐱᔪᐅ-ᐃᔪᒡ ᒋ ‍ ᒪᑯᓂᒧᒡ ᐸᑦᓕᔭᒥᔪᐤ᙮
\v 15 ᐸᐃᒂᐤ ᒐᓯᑲᔨᒡ ᓇᔅ ᒋ ‍ ᐎᒥᓄᐤ ᓂᐱᔪᐤ ᑎᐱᑦ, ᑭᔭ ᒂ ‍ ᐃᔅᒋᔄᑦ “ᑭᒪ ᐸᑐᐅᑦ ᐊᐛᓐ ᐱᔅᒐ ᓂᐱᔪᐤ ᐊᓐᑕ ᐅᑕᔨᐸᓂᒡ ᐊᓐᑕ ᒥᒋᒪ ᐸᑦᓕᔭᒥᒡ ᐃᔎᑕᒥᒡ ᐅᒋ!”
\v 16 ᐊᑯ ᐊᓂᔅᑎᔨᒋ ᑲ ‍ ᓱᐧᑲᑎᓯᔨᒋ ᐅᓂᑐᐱᔪᐅ-ᐃᔨᒪ ᒂ ‍ ᓴᐳᑐᐛᔅᑲᒡ ᐊᓐᑕ ᑲ ‍ ᐎᒋᔨᒋ ᐱᓕᔅᑎᐊ ᓂᑐᐱᔪᐅ-ᐃᔪᐛ ᑭᔭ ᒂ ‍ ᒂᐸᐊᒡ ᐱᔅᒐ ᓂᐱᔪᐤ ᐅᑕᔨᐸᓂᒡ ᐅᒋ, ᑭᔭ ᐊᑐᑐᐛᒡ ᑎᐱᑕ᙮ ᒥᒄ ᓇᒪ ᐅᒋ ᒥᓄᐤ᙮ ᒥᔅᑯᒡ, ᒧᔅᑎᔅᑭᒥᒡ ᒋ ‍ ᑯᑎᐱᓂᒻ ᒧᔭᒻ ᐊᒥᔭᑦ ᐱᔅᑎᓂᒐᐅᓂᔪᐤ ᑎᐸᔨᒋᒐᓱᐛ᙮
\v 17 ᒋ ‍ ᐃᔅᒋᔄᐤ, “ᑕᐸᔨᒋᒐᔨᓐ, ᒐᔅᑎᓇᔅ ᐊᑐᒡ ᒋ ‍ ᐃᓯᓇᑯᓐ ᓂᔾ ᒐᒋ ᒥᓂᔭᓐ ᐅ ᓂᐱᔾ! ᒧᔭᒻ ᐊᒥᓄᐅᒡ ᐅᒥᐧᑯᐛᐤ ᐅᒡ ᓇᐸᐅᒡ ᐊᔭᔅᑯᐎᒡ ᒐᒋ ᐱᓂᐱᒪᑎᓯᒡ ᓂᔾ ᐅᒋ!” ᐊᑯ ᓇᒪ ᐅᒋ ᐎ ‍ ᒥᓄᐤ᙮
\p ᐊᐅᑯᔪᐤ ᐅᔭ ᐸᐃᒄ ᒐᒂᔪᐤ ᑲ ‍ ᐃᑐᑕᒡ ᐊᓐᒡ ᐊᓂᔅᑎᒡ ᑲ ‍ ᓴᒐᔨᑕᑯᓯᒡ ᓂᑐᐱᔪᐅ-ᐃᔪᒡ᙮
\s1 ᐊ ᐃᓯ ‍ ᐎᔭᑭᓄᐅᒡ ᑲ ‍ ᓴᒐᔨᑕᑯᓯᒡ ᓂᑐᐱᔪᐅ-ᐃᔪᒡ᙮
\p
\v 18 ᐊᐱᓴᐃ, ᒍᐊᑉ ᐅᓯᒪ, ᒋ ‍ ᓂᑲᓂᔅᑯᐛᐤ ᑲ ᓂᔅᑐᔪᐛᓯᔨᒋ ‍ (30) ᑲ ‍ ᓴᒐᔨᑕᑯᓯᔨᒋ ᓂᑐᐱᔪᐅ-ᐃᔪᐛ᙮ ᐸᐃᒂᐤ ᒐᓯᑲᔨᒡ, ᓂᔅᑐ ᒥᑕᓯᒥᑎᓄᐤ ‍ (300) ᓇᐸᐛ ᑭᔭ ᒥᓯᐛ ᒋ ‍ ᓂᐸᐊᐤ ᐊᓯᒪᑭᓐ ᐊ ᐊᐱᒋᐊᑦ᙮ ᐊᓂᔭ ᐅᒋ, ᒋᒋᐛ ᒋ ᒥᔅᑎ ‍ ᐃᑕᔨᑕᑯᓱᐤ᙮
\v 19 ᐎᔾ ᐊᑎᑐᐤ ᒋ ᒥᔅᑎ ‍ ᐃᑕᔨᑕᑯᓱᐤ ᐊᓂᔭ ᐊ ᓂᔅᑐᔪᐛᓯᔨᒋ ‍ (30) ᑲ ‍ ᓴᒐᔨᑕᑯᓯᔨᒋ ᓂᑐᐱᔪᐅ-ᐃᔪᐛ, ᑭᔭ ᒂ ‍ ᓂᑲᓂᔅᑯᐛᑦ, ᒥᒄ ᓇᒥᔭᐤ ᐎᔾ ᐸᐃᒄ ᐊᓐᒡ ᐊᓂᔅᑎᔨᒋ ‍ (3) ᑲ ‍ ᓴᒐᔨᑕᑯᓯᔨᒋ ᓂᑐᐱᔪᐅ-ᐃᔪᐛ᙮
\p
\v 20 ᐃᐧᑯᐃᐊᑕ ᐅᑯᓴ ᐱᓇᐃᐊ, ᑲᑉᓯᐊᓪ ᐅᑕᓇᒡ ᐅᒋ, ᐃᔭᐱᒡ ᒋ ‍ ᐃᑐᑎᒻ ᒋᒋ ‍ ᒐᒂᔪᐛ᙮ ᒋ ‍ ᓂᐸᐊᐤ ᓂᓱᐤ ‍ (2) ᐛᒋ ‍ ᐱᑯᑕᔨᒋ ᓂᑐᐱᔪᐅ-ᐃᔪᐛ ᒧᐊᑉ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ᙮ ᐃᔭᐱᒡ, ᐊ ‍ ᐱᓴᔨᒡ ᒋ ‍ ᐃᑐᑕᐤ ᐊᓂᔭ ᒋᓯᑯᔪᐤ ᐃᔅᐱ ᑲ ‍ ᐸᒋᓯᓂᔨᒋ ᑯᓇ, ᑭᔭ ᑲ ‍ ᓂᐸᐊᑦ ᐊᓐᑕ ᒥᓯᐱᓱᐛ᙮
\v 21 ᐃᔭᐱᒡ ᒋ ‍ ᓂᐸᐊᐤ ᐊᒂᓯᓇᑯᓯᔨᒋ ᓂᑐᐱᔪᐅ-ᐃᔪᐛ ᐃᒋᑉᑎᒡ ᐅᒋ ᐊᓂᔭ ᑲ ‍ᑕᑯᓇᔨᒋ ᐊᓯᒪᑭᓇ᙮ ᐅᒥᔅᑎᑯᒻ ᒥᒄ ᒋ ‍ ᑕᐧᑯᓂᒻ ᐱᓇᐃᐊ, ᒥᒄ ᒋ ᑯᓯᒂᔨᒧᑐᐛᐤ ᒥᔅᑕᐸᐛ ᐊᓂᔭ ᐊ ᐊᐱᒋᑕᑦ᙮ ᐊᑯ ᒂ ‍ ᐅᒋᐱᑎᒺᑦ ᐊᓯᒪᑭᓂᔪᐤ ᓇᐸᐛ ᐅᑎᒋᔨᒡ ᐅᒋ ᑭᔭ ᒂ ‍ ᓂᐸᐊᑦ ᑎᐱᔨᐛ ᐅᑦ ᐊᓯᒪᑭᓐ ᐊ ᐊᐱᒋᐊᑦ᙮
\v 22 ᐊᐅᑯᔪᐛ ᐊᓂᔭ ᐱᔅᒐ ᒐᒂᔪᐛ ᑲ ‍ ᐃᑐᑕᐧᒃ ᐱᓇᐃᐊ᙮ ᐊᓂᔭ ᐅᒋ, ᒋ ᒥᔅᑎ ‍ ᐃᑕᔨᑕᑯᓱᐤ, ᒧᔭᒻ ᐊᓂᔭ ᑲ ‍ ᓂᔅᑎᔨᒋ ‍ (3) ‍  ᑲ ‍ ᓴᒐᔨᑕᑯᓯᔨᒋ ᓂᑐᐱᔪᐅ-ᐃᔪᐛ᙮
\v 23 ᐊᑎᑐᐤ ᐎᔾ ᒋᔅᑕᔨᒪᑭᓄᐅᐤ ᐃᔅᐱᔅ ᐊᓂᔭ ᑯᑎᑲ ᐊᑎᓯᔨᒋ ᐊ ᓂᔅᑐᔪᐛᓯᔨᒋ ‍ (30) ᑲ ‍ ᓴᒐᔨᑕᑯᓯᔨᒋ ᓂᑐᐱᔪᐅ-ᐃᔪᐛ, ᒥᒄ ᐊ ᐊᑲ ᒥᔅᑎ ‍ ᐃᑕᔨᑕᑯᓯᑦ ᒧᔭᒻ ᐊᓂᔭ ᑲ ‍ ᓂᔅᑎᔨᒋ ‍ (3) ‍  ᑲ ‍ ᓴᒐᔨᑕᑯᓯᔨᒋ ᓂᑐᐱᔪᐅ-ᐃᔪᐛ᙮ ᒋ ‍ ᐅᑎᓇᐤ ᑎᐱᑦ ᒐᒋ ᐅᒋᒪᐎᒋ ᓇᐸᐛ ᑲ ‍ ᓇᑭᑐᐛᔨᒥᑯᑦ ᑎᐱᑦ᙮
\b
\li2
\v 24 ᐊᐅᒄ ᐅᔭ ᐊᓯᓂᐧᑲᑕᑭᓄᐅᒡ   ᑲ ‍ ᓴᒐᔨᑕᑯᓯᒡ ᓂᑐᐱᔪᐅ-ᐃᔪᒡ:
\li3 ᐊᓱᐊᓪ, ᒍᐊᑉ ᐎᐧᑲᓂᓴ;
\li3 ᐊᓪᐊᓇᓐ, ᑐᐤᑐᐤ ᐸᑦᓕᔭᒥᒡ ᐅᒋ, ᐅᑯᓴ;
\li3
\v 25 ᓴᒪ ᑭᔭ ᐊᓕᑲ, ᐊᕈᑦ ᐃᔪᐛ ᐅᒋ;
\li3
\v 26 ᐊᓚᔅ, ᐱᓚᑦ ᐅᑕᓇᒡ ᐅᒋ
\li3 ᐃᕋ, ᐃᑲᔅ ᑎᑯᐊ ᐅᑕᓇᒡ ᐅᒋ ᐅᑯᓴ;
\li3
\v 27 ᐊᐱᐊᓴᕐ, ᐊᓇᑐᑦ ᐅᑕᓇᒡ ᐅᒋ;
\li3 ᒥᐳᓇᐃ, ᓯᑉᐱᑲᐃ ᒂᔅᑕᒐ ᑲ ‍ ᐃᓯᓂᐧᑲᑕᑭᓄᐅᑦ, ᐅᓴ ᐃᔪᐛ ᐅᒋ;
\li3
\v 28 ᓴᓪᒧᓐ ᐃᓚᐃ ᒂᔅᑕᒐ ᑲ ‍ ᐃᓯᓂᐧᑲᑕᑭᓄᐅᑦ, ᐊᐧᑯᐤ ᐃᔪᐛ ᐅᒋ;
\li3 ᒪᕋᐃ, ᓇᑐᐸ ᐅᑕᓇᒡ ᐅᒋ;
\li3, 
\v 29 ᐊᓚᑉ, ᐸᐊᓇ ᐅᑯᓴ, ᐃᔭᐱᒡ ᓇᑐᐸ ᐅᑕᓇᒡ ᐅᒋ;  
\li3 ᐃᑕᐃ, ᕆᐸᐃ ᐅᑯᓴ, ᑭᐱᐊ ᐅᑕᓇᒡ ᐅᒋ ᐊᓐᑕ ᐊᔅᒋᒡ  ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᑎᐸᔨᑎᒥᔨᒋ;
\li3
\v 30 ᐱᓇᐃᐊ, ᐱᕋᑐᓐ ᐅᑕᓇᒡ ᐅᒋ;
\li3 ᐃᑕᐃ, ᒥᒋᒪ ᑲᐊᔅ ᐱᔅᑯᑎᓇᒡ ᐊ ‍ ᐱᓴᔨᒋ ᐅᒋ;
\li3
\v 31 ᐊᐱ-ᐊᓪᐳᓐ, ᐊᕋᐸ ᐃᔪᐛ ᐅᒋ;
\li3 ᐊᔅᒪᐛᑦ, ᐸᐅᕆᒻ ᐅᑕᓇᒡ ᐅᒋ;
\li3
\v 32 ᐊᓕᐊᐸ, ᓴᐊᓪᐳᓂ ᐅᑕᓇᒡ ᐅᒋ;
\li3  ᐃᐊᓴᓐ ᐅᑯᓴ;
\li3 ᒠᓐᑕ
\li3 
\v 33 ᓴᐊᒪ,  ᐊᕋᕐ ᐃᔪᐛ ᐅᒋ;
\li3 ᐊᐃᐊᒻ ᓴᕋᕐ ᐅᑯᓴ, ᐊᕋᕐ ᐃᔪᐛ ᐅᒋ;
\li3
\v 34 ᐊᓕᐸᓚᑦ,  ᐊᐊᔅᐸᐃ ᒪᐊᑲ ᐅᑕᓇᒡ ᐅᒋ ᐅᑯᓴ;
\li3 ᐊᓕᐊᒻ, ᐊᐃᑐᐸᓪ, ᑭᓗᐤ ᐅᑕᓇᒡ ᐅᒋ ᐅᑯᓴ;
\li3
\v 35 ᐊᔅᕋᐃ, ᑲᕐᒥᓪ ᐅᑕᓇᒡ ᐅᒋ;
\li3 ᐸᐊᕋᐃ, ᐊᕐᐸ ᐅᑕᓇᒡ ᐅᒋ
\li3;
\v 36 ᐃᐃᑲᓪ, ᓇᐃᑎᓐ ᐅᑯᓴ, ᓱᐸ ᐅᑕᓇᒡ ᐅᒋ;
\li3 ᐸᓂ, ᑲᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ;
\li3
\v 37 ᓴᓚᒃ, ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ;
\li3 ᓇᐊᕋᐃ, ᐊᓐ ᓇᐸᐤ ᑲ ‍ ᑕᐧᑯᓂᒪᑦ ᒍᐊᐸ ᐅᓂᑐᐱᔪᐅ-ᐊᐱᒋᑕᐅᓂᔨᐛ, ᐱᐊᕈᑦ ᐅᑕᓇᒡ ᐅᒋ;
\li3
\v 38 ᐃᕋ ᑭᔭ ᑲᕋᑉ, ᒐᑦᑎᕐ ᐅᑕᓇᒡ ᐅᒋ;
\li3 
\v 39 ᔪᕆᐃᐊ, ᐸᑦ-ᓴᐸ ᐅᓇᐸᒪ, ᐊᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ᙮
\li2 ᒪᒧᐤ, ᒋ ᓂᔅᑐᔪᐛᓯᔨᒋ ᐊᓱ ᓂᔄᐅᑕᒡ ‍ (37) ᐊ ᒥᔅᑎ ‍ ᐃᑕᔨᑕᑯᓯᔨᒋ ᓂᑐᐱᔪᐅ-ᐃᔪᐛ, ᒥᒄ ᐱᔅᒐ ᒋ ‍ ᐳᓂᐱᒪᑎᓯᐅᒡ ᑭᔭ ᓇᒪ ᐅᒋ ᐊᔅᑎᒋᑕᑭᓄᔪᐛ ᐅᑦ ᐃᓯᓂᐧᑲᓱᐅᓄᐛᐛ᙮
\c 24
\s1 ᑎᐱᑦ ᑲ ‍ ᐃᑎᓱᐛᑦ ᒐᒋ ᐊᒋᒪᑭᓄᐎᒋ ᐃᔪᐛ
\p
\v 1  ᑎᐸᔨᒋᒐᓱᐤ ᒋ ᒋᔄᔨᑯᐤ ᒥᓐ ᐃᔅᕋᐃᓪ ᐃᔪᐛ, ᐊᑯ ᒂ ‍ ᓯᒋᒪᑦ ᑎᐱᑕ ᒐᒋ ᒥᒋᐱᔭᔨᒋ᙮ ᒋ ‍ ᐃᑕᐤ ᑎᐱᑕ, “ᐃᑎᓴᐅᒡ ᐅᐃᔅᒐ ᓇᐸᐅᒡ ᒐᒋ ᐊᒋᒪᒡ ᐃᔅᕋᐃᓪ ᑭᔭ ᒍᑕ ᐃᔪᐛ᙮”
\p
\v 2 ᐊᑯ ᒋᓴᐅᒋᒪᐤ ᒂ ‍ ᐃᑕᑦ ᒍᐊᐸ, ᑲ ‍ ᐅᒋᒪᐎᒋ ᐅᓂᑐᐱᔪᐅ-ᐃᔨᒪ, “ᒪᒋ ᐎᒐᐅᒡ ᒋ ‍ᓂᑐᐱᔪᐅ-ᐃᔨᒥᒡ ᒥᓯᐛ ᐃᔅᕋᐃᓪ ᐃᑎᔅᑲᓇᓯᒡ, ᑕᐊᓐ ᐅᑕᓇᒡ ᐅᒡᒋ ᐊᓐᑕ ᒋᐛᑎᓄᒡ ᐃᔅᐱᔅ ᐱᕐ-ᓯᐸ ᐅᑕᓇᒡ ᐊᓐᑕ ᓴᐅᓄᑕᒡ, ᒐ ‍ ᐊᒋᒪᑯᒡ ᐃᔪᒡ, ᒐᒋ ᒋᔅᒐᔨᒥᒂᐤ ᑕᓐ ᒐ ‍ ᐃᑎᓯᒡ ᐊᓐᑕ ᐃᔪᒡ  ᒐᒋ ᓂᑐᐱᔪᐅ-ᐃᔪᐅᒡ ᐊᓐᑕ ᓂᓂᑐᐱᔪᐅ-ᐃᔨᒪ”
\p
\v 3 ᒥᒄ ᒍᐊᑉ ᒋ ‍ ᐃᑕᐤ ᒋᓴᐅᒋᒪᐛ, “ᓂᐅᒋᒪᒻ, ᑭᒪ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᑐᑐᐛᑦ ᐊᑎᑐᐤ ᐅᔅᑕ ᐸᐃᑯᒥᑕᓯᒥᑎᓄᐛᓯᔨᒋ ᐃᔪᐛ ᐊᓐᑕ ᐃᔅᕋᐃᓕᒡ ᐊᔅᐱᒐᑎᔨᒋ ᐊᓄᒡ, ᑭᔭ ᑭᒪ ᐛᐸᑎᒥᓐ ᒐ ‍ ᐃᔅᐱᔨᒡ ᐊᓐ ᐊᒺᔭ ᐳᓂᐱᒪᑎᓯᔨᓐ᙮ ᒥᒄ ᒐᒂᓐ ᐛᒋ ‍ ᓂᑐᐛᔨᒥᔭᒡ ᐊᓐ ᒐᒋ ᐃᑐᑎᒪᒡ?”
\p
\v 4 ᒥᒄ ᒋᓴᐅᒋᒪᐤ ᒋ ‍ ᐃᑎᓱᒪᐤ ᒍᐊᐸ ᑭᔭ ᐅᓂᑐᐱᔪᐅ-ᐃᔨᒥᔨᐛ ᒐᒋ ᐊᓂᔭ ᐃᑐᑎᒥᒋ᙮ ᐊᑯ ᓇᑭᑕᒡ ᒋᓴᐅᒋᒪᐛ ᑭᔭ ᐊᒋᒪᒡ ᐃᔅᕋᐃᓪ ᐃᔪᐛ᙮
\p
\v 5 ᒋ ‍ ᐊᓱᐛᐅᒧᒡ ᒍᕐᑎᓐ ᓯᐱᔪᐤ ᑭᔭ ᓴᐅᓄᒡ ᐊᕈᐊᕐ ᐅᑕᓇᒡ ᒐ ‍ ᒥᑕᒡ ᐎᒋᐛᐛ, ᑕᑕᐅ ᐊ ‍ ᐱᓴᔨᒡ, ᑲᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᒥᔭᑭᓄᐎᒋ ᐊᔅᒋᔪᐤ᙮ ᐊᓐᑕ ᐅᒋ ᒋᐛᑎᓄᒡ ᐃᐊᓴᕐ ᐅᑕᓇᒡ ᒋ ‍ ᐃᑐᑕᐅᒡ᙮
\v 6 ᐊᑯ ᒋᐛᑎᓄᒡ ᑭᓕᐊᑦ ᐊᔅᒋᒡ ᐊᑐᑕᒡ ᑭᔭ ᑲᑕᔅ ᐅᑕᓇᒡ ᐃᓯ, ᐊᓐᑕ ᐊᑦ ᐃᔪᐛ ᐊ ‍ ᐃᑎᔅᑲᓇᓯᔨᒋ ᑲ ‍ ᐎᒋᔨᒋ᙮ ᐊᑯ ᑕᓐ ᐅᑕᓇᒡ ᐊᑐᑕᒡ ᐃᔅᐱᔅ ᐛᔪᐤ ᒋᐛᑎᓄᒡ ᐃᔅᕋᐃᓕᒡ, ᐊᑯ ᒥᓐ ᐛᔪᐤ ᐊᑎᒪᐱᓯᒧᒡ, ᓴᐃᑐᓐ ᐅᑕᓇᒡ ᐃᓯ ᒥᒋᒪ ᒥᑎᑐᕋᓂᔭᓐ ᐎᓂᐸᑯᒡ᙮
\v 7 ᐊᑯ ᓴᐅᓄᒡ ᐊᑐᑕᒡ ᑕᐃᕋᒡ ᐃᓯ, ᐅᑕᓇᐤ ᓇᔅᒡ ᐊᒋᓏᔅᑭᓂᔨᒋ ᐛᔅᑲ ᒪᓂᔅᑲᑎᒂ, ᑭᔭ ᐊᓐᑕ ᒥᓯᐛ ᐅᑕᓇᐛ ᐊᓐᑕ ᐃᑉ ᑭᔭ ᑲᐃᓇᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐛᒋᔨᒋ᙮ ᐊᑯ ᐛᐱᓄᑕᒡ ᐱᕐ-ᓯᐸ ᐅᑕᓇᒡ ᐃᓯ ᐊᑐᑕᒡ, ᐊᓐᑕ ᓴᐅᓄᒡ ᐃᑕᒐ ᒍᑕ ᐊᔅᒋᒡ᙮
\p
\v 8 ᑲᒋ ᐸᐃᑯᔅᑕᐤ ᑕᑐ ᐱᓯᒺᔭᔨᒡ ᑭᔭ ᑲ ‍ ᓂᓱᔪᐛᒋᓯᑲᔨᒡ, ᐃᔅᐱ ᑲᒋᔅᑕᒡ ᐊ ‍ ᐃᑐᑕᒡ ᒥᓯᐛ ᐊᔅᒋᒡ ᑭᔭ ᑲ ‍ ᐊᒋᒪᒡ ᐃᔪᐛ, ᑲᐤ ᒋᕈᓯᓕᒥᒡ ᒂ ‍ ᐃᑐᑕᒡ᙮
\p
\v 9 ᒋ ‍ ᐎᑎᒧᐛᐅᒡ ᒋᓴᐅᒋᒪᐛ ᑕᓐ ᑕᑐᐤ ᐃᔪᐛ ᑲ ‍ ᐊᒋᒪᒡ᙮ ᔭᓇᐤ ᑕᑐ ᒥᑕᓯᒥᑐᓄᐤ ᒐᓯᐱᔪᐤ ‍ (800,000) ᒋ ‍ ᑕᑐᓯᔨᐛ ᓇᐸᐛ ᐊᓐᑕ ᐃᔅᕋᐃᓕᒡ ᑭᔭ ᐱᑕᑕᒡ ᑕᑐ ᒥᑕᓯᒥᑐᓄᐤ ᒐᓯᐱᔪᐤ ‍ (500,000) ᓇᐸᐛ ᐊᓐᑕ ᒍᑕᐃᒡ ᑲ ‍ ᐃᑕᔨᑕᑯᓯᔨᒋ ᒐᒋ ᓂᑐᐱᔪᐅ-ᐃᔪᐎᒋ᙮
\p
\v 10 ᒥᒄ ᑲᒋ ‍ ᐊᒋᒪᔨᒋ ᐃᔪᐛ ᑎᐱᑦ ᐅᑦ ᐃᔨᒪ, ᒋ ‍ ᒥᑕᒋᔨᐛᓱᐤ ᑲ ‍ ᐃᑕᑦ ᐊᓂᔭ ᒐᒋ ᐃᑐᑎᒥᔨᒋ᙮ ᐸᐃᒂᐤ ᑕᐱᔅᑲᔨᒡ ᒋ ‍ ᐃᑕᐤ ᑎᐸᔨᒋᒐᓱᐛ, “ᓂᒋ ‍ ᐃᑐᑕᓐ ᐊᒥᓴᒡ ᒥᒋ ᑐᑎᒧᐅᓐ᙮ ᐛᐸᔨᑎᒧᐛ, ᐛᔅ ᒋᔎᐅᓐ ᐊᓐ ᒐᒂᓐ ᑲ ‍ ᐃᑐᑎᒪᓐ᙮”
\p
\v 11 ᐃᔅᐱ ᑎᐱᑦ  ᐛᓂᑦ ᒥᓐ ᒋᔭᒋᓴᐸᔭᔨᒡ᙮ ᑎᐸᔨᒋᒐᓱᐤ ᒋ ‍ ᒥᔭᐤ ᐃᔪᒧᐅᓂᔪᐤ ᐅᒋᔅᒋᐛᐃᒐᓱᐛ ᑲᑦ᙮ ᒋ ‍ ᐃᑕᐤ᙮
\v 12 “ᒪᒋ ᑭᔭ ᒐ ‍ ᐎᑎᒧᐅᑦ ᐅᔭ ᑎᐱᑦ: ‘ᒋ ‍ ᓇᐊᔨᒥᑎᓐ ᒐᒋ ᐅᑎᓂᒥᓐ ᐸᐃᒄ ᐊᓂᔅᑎᒋ ᒐᒂᔪᐛ ᒐᒋ ᐊᓏᔨᒥᑕᓐ᙮ ᓂᑭ ‍ ᐃᑐᑕᓐ ᒐᒂᓐ ᒐ ‍ ᐎᔭᔨᑎᒥᓐ,’~”
\p
\v 13 ᐊᑯ ᑲᑦ ᓇᑐᐛᐱᒪᑦ ᑎᐱᑕ ᑭᔭ ᐛᑎᒧᐛᑦ ᒐᒂᔪᐤ ᑲ ‍ ᐃᔅᒋᔄᔨᒋ ᑎᐸᔨᒋᒐᓱᐛ᙮ ᒋ ‍ ᐃᑕᐤ ᑎᐱᑕ, “ᒋᑭ ᒋ ‍ ᐎᔭᔨᑕᓐ ᓂᔅᑐᐱᐳᓇ ᒐᒋ ᑎᒂᒡ ᑯᐛᐧᑭᑕᐅᓐ ᐊᓐᑕ ᒋᑦ ᐊᔅᒋᒡ, ᑭᔭ ᒪᒃ ᓂᔅᑐᐱᓯᒺ ᒋᓂᑐᐱᔪᐅ-ᐃᔨᒥᒡ ᒐᒋ ᒋᑎᓯᒪᒡ ᑲ ‍ ᐱᒂᑎᔨᑕᑯ, ᑭᔭ ᒪᒃ ᓂᔅᑐᒋᓯᑲᐛ ᒐᒋ ᐃᑎᒂᒡ ᐊᐧᑯᐃᑕᔅᐱᓇᐅᓐ ᒋᑦ ᐊᔅᒋᒡ᙮ ᒪᒥᑐᓇᔨᑎᒥᔨᑯᐤ ᑭᔭ ᒐ ‍ ᐎᔭᔨᑎᒥᓐ ᑕᓐ ᐊᓐ ᒐ ‍ ᐅᑎᓂᒥᓐ, ᑭᔭ ᒐ ‍ ᐎᑎᒧᐎᔨᓐ, ᑭᔭ ᑲᐤ ᓂᑭ ‍ ᓂᑐᐛᐱᒪᐤ ᑎᐸᔨᒋᒐᓱᐤ ᑭᔭ ᒐ ‍ ᐎᑎᒧᐅᒄ ᒋ ‍ ᓂᔎᓯᐛᐅᓂᔪᐤ᙮”
\p
\v 14 ᑎᐱᑦ ᒋ ‍ ᐃᑕ ᑲᑕ, “ᒥᓯᐛ ᐊᓂᔭ ᒋᒋᐛ ᒥᒋᓇ ᒐᒂᔪᐛ ᓂᔾ ᒐᒋ ᐎᔭᔨᑎᒪᓐ ᑕᓐ ᐊᓐ! ᒥᒄ ᓇᐊᔨᒻ ᑎᐸᔨᒋᒐᓱᐤ ᒐᒋ ᐊᓏᔨᒥᑦ, ᐛᔅ ᒋᒋᐛ ᒋᑎᒪᒐᔨᒧᐛᐤ᙮ ᐊ ᐊᑲ ᓇᐊᔨᒥᒡ ᐃᔪᒡ ᒐᒋ ᐊᓏᔨᒥᒡ, ᐛᔅ ᓇᒪ ᒋᑭ ᒋ ‍ ᒋᑎᒪᒐᔨᒧᐛᐅᒡ᙮”
\p
\v 15 ᐊᑯ ᑎᐸᔨᒋᒐᓱᐤ ᐊᑎᓴᐊᒧᐛᑦ ᐊᐧᑯᐃᑕᔅᐱᓇᐅᓂᔪᐤ ᐃᔅᕋᐃᓪ ᐃᔪᐛ᙮ ᐊᓂᔭ ᒐᒋᓴᐸᔭᔨᒡ ᒋ ᒋᒋᐱᔪᐤ ᑭᔭ ᓇᒪ ᐅᒋ ᓂᑲᐱᔪᐤ ᐸᑐᔅ ᑲᒋ ‍ ᐎᔭᔨᑕᐧᒃ᙮ ᒥᓯᐛ ᐊᓐᑕ ᐊᔅᒋᒡ, ᑕᓐ ᐅᒋ ᐃᔅᐱᔅ ᐱᕐ-ᓯᐸ ᐅᑕᓇᒡ, ᓂᔄᐅᑕᒡ ᑕᑐᔪᐤ ᒐᓯᐱᔪᐤ ‍ (70,000) ᐃᔅᕋᐃᓪ ᐃᔪᒡ ᒋᐳᓂᐱᒪᑎᓯᐅᒡ ᐊᐧᑯᐃᑕᔅᐱᓇᐅᓂᔪᐤ ᐅᒋ᙮    
\v 16 ᐃᔅᐱ  ᑎᐸᔨᒋᒐᓱᐤ ᐅᑦ ᐊᓐᒋᓂᒪ ᑲ ‍ ᓱᐎᓂᔅᒐᔨᒋ ᒋᕈᓯᓕᒥᒡ ᐃᓯ ᒐᒋ ᓂᓱᓇᒋᐊᔨᒋ ᐃᔪᐛ ᐊᐧᑯᐃᑕᔅᐱᓇᐅᓂᔪᐤ ᐅᒋ, ᒋ ᒂᔅᒐᔨᑎᒻ ᑎᐸᔨᒋᒐᓱᐤ ᑲ ᐎ ‍ ᐊᓏᔨᒪᑦ ᐃᔪᐛ᙮ ᒋ ‍ ᐃᑕᐤ ᐊᓐᒋᓇ ᐊᓂᔭ ᑲ ‍ ᓂᐸᐊᔨᒋ ᐊᐧᑯᐃᑕᔅᐱᓇᐅᓂᔪᐤ ᐅᒋ, “ᐳᓂ ᐊᓐ ᐊ ‍ ᐃᑐᑎᒥᓐ ᒐᒂᓐ! ᓴᔅ ᐃᔅᐱᔪᐤ!” ᐃᔅᐱ ᐊᓂᔭ ᑲ ‍ ᐃᔅᒋᔄᑦ,  ᒋ ‍ ᓂᐳᔪᐛ ᐊᓐᒋᓇ ᒧᔅᑎᔅᑭᒥᒡ ᐊᓐᑕ ᐊᕋᐅᓇᔨᒋ, ᒐᐳᔅ ᐊ ‍ ᐃᑎᔅᑲᓇᓯᔨᒋ ᐃᔪᐛ, ᑲ ‍ ᑎᒂᒥᔨᒋ ᐸᒂᓯᑭᒥᓇ᙮
\p
\v 17 ᐃᔅᐱ ᑎᐱᑦ ᐎᔭᐱᒪᑦ ᐊᓐᒋᓇ ᑲ ‍ ᑐᑐᐛᔨᒋ ᐃᔪᐛ ᒐᒋ ᐊᐧᑯᓯᔨᒋ ᑭᔭ ᐳᓂᐱᒪᑎᓯᔨᒋ, ᒋ ‍ ᐃᑕᐤ ᑎᐸᔨᒋᒐᓱᐛ, “ᑕᑈ, ᓂᔾ ᐅ ᓂᒋ ‍ᒥᒋ ‍ ᑐᑕᓐ᙮ ᓇᔅᒡ ᒥᒋ ‍ ᒐᒂᓐ ᓂᒋ ‍ ᐃᑐᑕᓐ, ᒥᒄ ᒥᔽᑎᓯᐅᒡ ᐅᒡ ᐃᔪᒡ ᒧᔭᒻ ᒪᔭᑕᓂᓴ᙮ ᒋᒋᓇᔅ ᓇᒪ ᐅᒋ ᐃᑐᑎᒧᒡ ᐊᒥᒋᓂᔨᒡ ᒐᒂᔪᐤ᙮ ᐊᑯ ᓂᔾ ᑭᔭ ᐊᐸᐃᑯᑕᐅᓯᔭᓐ ᒋᐸ ‍ ᐊᓏᔨᒥᓇᓐ, ᓂᒥᔭᐅᒡ ᐊᓐ ᐃᔪᒡ!”
\p
\v 18 ᐊᓂᔭ ᒋᓯᑯᔪᐤ ᑲᑦ ᒋ ‍ ᓂᑐᐛᐱᒪᐤ ᑎᐱᑕ ᑭᔭ ᒋ ‍ ᐃᑕᐤ, “ᒪᒋ ᐃᑐᑕᒪ ᐃᑕᐅᓂᒡ ᐊᓐᑕ ᐊᕋᐅᓇ ᑲ ‍ ᑎᒂᐊᐧᒃ ᐸᒂᓯᑭᒥᓇ, ᑭᔭ ᐊᑯᑕ ᒐ ‍ ᐅᓯᑕᔨᓐ ᐱᔅᑎᓂᒐᐅᓇᐱᔅᒄ ᒐᒋ ᐊᔭᒥᐊᔅᑐᐛᑭᓄᐅᑦ ᐊᓐᑕ ᑎᐸᔨᒋᒐᓱᐤ᙮”᙮
\v 19 ᐊᑯ ᑎᐱᑦ ᒋ ‍ ᐃᑐᑎᒻ ᑲ ‍ ᐃᑎᓱᒥᑯᑦ ᑲᑕ, ᐊᓂᔭ ᑲᒋ ‍ ᐃᑎᓱᐛᑦ ᑎᐸᔨᒋᒐᓱᐤ, ᑭᔭ ᒂ ‍ ᐃᑐᑕᑦ ᐊᓐᑕ᙮
\v 20 ᐃᔅᐱ ᐊᕋᐅᓇ ᓂᑎᒍᐤ ᐊ ‍ ᐃᑕᐱᑦ ᑭᔭ ᐎᔭᐱᒪᑦ ᒋᓴᐅᒋᒪᐛ ᑭᔭ ᐅᑦ ᐊᐱᒋᐊᑭᓂᔨᐛ ᐸᔭᒋ ‍ ᓇᑎᑯᑦ, ᒧᔅᑎᔅᑭᒥᒡ ᒋ ‍ᐃᓯ ‍ ᐸᒋᑎᒥᑎᓱᐤ ᐅᑎᔅᑯᐤ ᒋᓴᐅᒋᒪᐛ, ᐊᑕᒋᑎᓂᔨᒡ ᐅᑕᔅᑎᒥᐧᒄ ᒧᔅᑎᔅᑭᒥᒡ᙮
\p
\v 21 ᐊᕋᐅᓇ ᒋ ᐃᑕᐤ, “ᐅᒋᒪᐤ, ᒐᒂᓐ ᐛᒋ ‍ ᓂᑐᐛᐱᒥᔨᓐ?” ᑎᐱᑦ ᒋ ‍ ᐃᑕᐤ, “ᓂ ᐸᒋ ‍ ᑎᑯᓯᓐ ᒐᒋ ᐃᔭᔭᓐ ᐅ ᒧᔅᑎᔅᑭᒥᒡ ᐊᓐᑕ ᑕᒂᐊᒥᓐ ᐸᒂᓯᑭᒥᓇ ᐊᓐ ᐅᒋ ᒐᒋ ᐅᓯᑎᒧᐅᒄ ᑎᐸᔨᒋᒐᓱᐤ ᑭᔭ ᒥᑐᔅᑕᐊᒧᐅᒄ, ᒐᒋ ᐅᒋ ᓂᑲᐊᐧᒃ ᐊᐧᑯᐃᑕᔅᐱᓇᐅᓂᔪᐤ᙮
\v 22 ᐊᕋᐅᓇ ᒋ ᐃᑕᐤ ᑎᐱᑕ, “ᓂ ‍ ᐅᒋᒪᒻ, ᒥᑐᔅᑕᐊᒧᐤ ᑎᐸᔨᒋᒐᓱᐤ ᒥᒄ ᒐᒂᔪᐤ ᓇᑐᐛᔨᑎᒧᑦ᙮ ᒪᐤ, ᐅᑎᓐ ᓂᒥᔅᑐᓯᒻ ᒐᒋ ᐊᐱᒋᔨᑦ ᐊᒥᑐᔅᑕᐊᒪᒐᔨᓐ ᐊᓐ ᓄᑎᒻ ᒐᒋ ᐃᔎᓱᑦ ᐊᓐᑕ ᐱᔅᑎᓂᒐᐅᓇᐱᔅᑯᒡ, ᑭᔭ ᒪᐤ, ᐅᑎᓂᒻ ᐊ ‍ ᐃᑕᐱᒋᑕᒡ ᑭᔭ ᐊᓐᒡ ᐱᐱᒋᑎᑯᒡ  ᐃᔭᐱᒋᔨᒂᐤ ᐊᓐᑕ  ᐊᑎᒂᔨᒐᔭᓐ, ᑭᔭ ᒐ ‍ ᐊᐱᒋᔨᑥᐤ ᒧᔭᒻ ᒥᔅᑎᑯᒡ ᒐ ‍ ᑭᑥᒐᔨᓐ᙮
\v 23 ᓂᔾ, ᐊᕋᐅᓇ, ᒥᓯᐛ ᐅᔭ ᒋ ‍ ᒥᔨᑎᓐ, ᒋᓴᐅᒋᒪᐤ,” ᐊᑯ ᐊᔅᒋᔄᑦ, “ᑭᒪ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐅᑎᓇᐧᒃ ᒋ ‍ ᐱᔅᑎᓂᒐᐅᓂᔪᐤ᙮”
\p
\v 24 ᒥᒄ ᒋᓴᐅᒋᒪᐤ ᒋ ᐃᑕᐤ ᐊᕋᐅᓇᔨᒋ, “ᓇᒪ, ᓇᒪ ᓂᑭ ‍ ᐅᑎᓇᓐ ᐊᓂᔭ ᒐᒂᔪᐛ ᒧᔭᒻ ᒥᔨᐛᐅᓇ᙮ ᓂᑭ ‍ ᒋᓯᐧᑲᓱᓐ ᐊᓂᔭ ᒐᒂᔪᐛ᙮ ᓇᒪ ᓂᑭ ᐅᑎᓇᓐ ᐱᔅᑎᓂᒐᐅᓇ ᐊ ᐊᑲ ᐅᒋ ᒋᓯᐧᑲᓱᔭᓐ ᒐᒂᓐ, ᑭᔭ ᐱᔅᑎᓂᒧᐅᒄ ᑎᐸᔨᒋᒐᓱᐤ ᒐᒋ ᓄᑎᒥᔎᓯᑭᓄᐅᒋ ᐊᓐᑕ ᐱᔅᑎᓂᒐᐅᓇᐱᔅᑯᒡ᙮” ᐊᑯ ᒂ ‍ ᒋᓯᐧᑯᐛᑦ ᐊᕋᐅᓇᔨᒋ ᐸᑕᑕᒡ ᑕᑐᔪᐤ ‍ (50) ᐛᐱᓯᐅᓱᓇᔭᐸᐱᔅᒂ ᐊ ‍ ᐃᔭᐛᑦ ᒥᔅᑐᓴ ᑭᔭ ᒧᔅᑎᔅᑭᒥᑯᔪᐤ᙮
\p
\v 25 ᐊᑯ ᑎᐱᑦ ᐛᓯᑎᒧᐛᑦ ᑎᐸᔨᒋᒐᓱᐛ ᐱᔅᑎᓂᒐᐅᓇᐱᔅᑯᔪᐤ, ᑭᔭ ᒂ ‍ ᐱᔅᑎᓇᑦ ᒥᔅᑐᓴ ᒐᒋ ᓄᑎᒻ ᐃᔎᓱᐛᑭᓄᐎᒋ ᐊᓐᑕ ᐱᔅᑎᓂᒐᐅᓇᐱᔅᑯᒡ, ᑭᔭ ᒋ ‍ ᒥᑐᔅᑕᒪᒐᐤ ᒐᒋ ᑭᓄᐛᔨᑕᑯᓂᔨᒡ ᐊ ‍ ᐎᒐᐛᑭᓄᔨᒋ ᑎᐸᔨᒋᒐᓱᐛ᙮ ᐊᑯ, ᒂ ᑐᑎᒺᑦ ᑲ ‍ᐃᓯ ‍ ᓂᑐᑎᒪᔨᒋ ᑎᐱᑕ, ᑭᔭ ᒂ ‍ ᑐᑕᒃ ᒐᒋ ᐳᓂᐱᔨᒡ ᐊᐧᑯᐃᑕᔅᐱᓇᐅᓂᔪᐤ ᐊᓐᑕ ᐃᔅᕋᐃᓕᒡ᙮
\id 1KI First Kings Started 16 Apr 2013 [Kabimbetas Mokoush]; Revision/First Draft Oct 2023-Mar 2024 [Silas Nabinicaboo];
\toc3 1 ᒋᓴᐅᒋᒪᐅᒡ
\toc2 1 ᒋᓴᐅᒋᒪᐅᒡ
\toc1 ᓂᔅᑎᒻ ᒋᓴᐅᒋᒪᐅᒡ
\c 1
\s1 ᐃᔅᐱ ᒋᓴᐅᒋᒪᐤ ᑎᐱᑦ ᑲ ᒋᓴᐃᔪᐅᑦ
\p
\v 1 ᐃᔅᐱ ᒋᓴᐅᒋᒪᐤ ᑎᐱᑦ ᒋᒋᐛ ᑲ ‍ ᒋᓴᐃᔪᐅᑦ, ᐊᑎᓱᒄ ᑲ ‍ ᐊᑯᓇᐅᑯᑦ ᐅᑦ ᐊᐱᒐᑭᓇ ᒥᒐᑦ ᓂᐸᑭᓇ, ᐃᔭᐱᒡ ᐊᔅᒃ ᒋ ‍ ᓯᑭᒋᑕᔨᑎᒻ᙮
\v 2 ᐊᑯ ᒂ ‍ ᐃᑕᒡ, “ᐅᒋᒪᐤ, ᓇᐊᔨᒥᓇᓐ ᓇᓂᑐᐛᐱᒥᒋᒡ ᐅᔅᒋᓂᒋᔎᐤ ᒐᒋ ᐃᑕᑦ ᐊᓐᑕ ᐊ ‍ ᐃᑕᔨᓐ ᑭᔭ ᒐᒋ ᒥᔪ ‍ ᑭᓄᐛᐃᒥᔅᒄ᙮ ᒋᑭ ‍ ᐎᐸᒥᒄ ᑭᔭ ᒋᑭ ᒋᓱᔅᑲᒄ᙮”
\p
\v 3 ᒋ ‍ ᓇᐊᔨᒥᑯᐅᒡ ᒋᓴᐅᒋᒪᐛ, ᐊᑯ ᒥᓯᐛ ᐊᓐᑕ ᐃᔅᕋᐃᓕᒡ ᒋ ‍ ᓂᓇᑐᐛᐱᒪᐅᒡ ᐊᒥᔪᔎᐎᒋ ᐅᔅᒋᓂᒋᔎᐛ᙮ ᒋ ‍ ᒥᑯᐛᐅᒡ ᐃᔎᐛ ᐊᐱᓴᒃ ᐊ ‍ ᐃᓯᓂᐧᑲᓱᐎᒋ, ᓱᓇᒻ ᐅᑕᓇᒡ ᐅᒋ, ᑭᔭ ᒋ ‍ ᐸᑐᐛᐅᒡ ᒋᓴᐅᒋᒪᐛ᙮
\v 4 ᒋᒋᐛ ᒋ ‍ ᒥᔪᔎᐅ ᐊᓐ ᐃᔎᐤ᙮ ᒋ ‍ ᒥᔪ ‍ ᑭᓄᐛᔨᒪᐤ ᒋᓴᐅᒋᒪᐛ, ᒥᒄ ᓇᒪ ᐅᒋ ‍ ᐎᐸᒪᐤ ᒋᓴᐅᒋᒪᐤ᙮
\s1 ᐊᑐᓂᐃᒐ ᑲ ᐎ ‍ ᒋᓴᐅᒋᒪᐎᓱᐅᑦ᙮
\p
\v 5-6 ᑲ ᐊᒋ ‍ ᐳᓂᐱᒪᑎᓯᑦ ᐊᑉᓴᓚᒻ, ᑎᐱᑦ ᐅᑯᓴ ᐊᑐᓂᐃᒐ ᒋ ‍ ᐅᔅᑕᓯᒪᐅᐤ᙮ ᐊᑭᑦ ᒋ ‍ ᐃᓯᓂᐧᑲᓯᔪᐛ ᐅᑲᐎᔭ᙮ ᒋᒋᐛ ᒋ ‍ ᐅᔅᒋᓂᒋᐅᓇᑯᓱᐤ ᐊᑐᓂᐃᒐ᙮ ᒥᒄ ᓇᒪ ᓂᑕ ᐅᒋ ᐊᓏᔨᒪᐤ ᑎᐱᑦ ᑕᓐ ᒥᒄ ᐊ ‍ ᐃᑐᔨᒋ᙮ ᑲᒋ ‍ ᐳᓂᐱᒪᑎᓯᑦ ᐊᑉᓴᓚᒻ, ᐊᑐᓂᐃᒐ ᒋ ‍ ᐃᑕᔨᑎᒻ ᐎᔾ ᒐ ᒋᓴᐅᒋᒪᐅᑦ᙮ ᐊᑯ ᒂ ‍ ᓂᓇᐸᐛᒋᒧᑦ, ᐊ ‍ ᐃᔅᒋᔄᑦ, “ᓂᔾ ᓂᑭ ‍ ᒋᓴᐅᒋᒪᐅᓐ ᐊᓄᒡ᙮” ᐊᑯ ᒂ ᐅᑎᓂᒪᓱᑦ ᑎᑎᐸᓇᔎ, ᑭᔭ ᐊᐛᔪᐛ ᒐᒋ ᑲᐅᑕᐸᓯᐎᔨᒋ, ᑭᔭ ᑲᐸᐃᑭᔎᐛ ᒐᒋ ‍ ᐅᑕᐸᔨᒋ ᑎᑎᐸᓇᔎ, ᑭᔭ ᐱᑕᑕᒡ ᑕᑐᔪᐤ ᒐ ‍ ᓂᓇᑭᑐᐛᔨᒥᑯᑦ ᓇᐸᐛ ᓂᑲᓐ ᒐ ‍ ᑕᔨᒋ ᑎᑎᐱᑕᐸᓇᔅᑯᒡ ᑕᓐᑕ ᒥᒄ ᒐ ‍ ᐃᑐᑕᑦ᙮
\p
\v 7 ᐸᐃᒂᐤ ᒋᓯᑲᔨᒡ, ᒋ ‍ ᓂᒋᔅᑯᐛᐤ ᒍᐊᐸ, ᑎᐱᑕ ᑲ ᐅᒋᒪᐎᒋ ᐅᓂᑐᐱᔪᐅ-ᐃᔨᒥᔨᐛ, ᑭᔭ ᐊᔭᒥᐊᐅᒋᒪᐛ ᐊᐱᐊᑕᕋ, ᒋ ‍ ᐊᓱᑎᒪᒐᔪᐛ ᒐᒋ ᐎᒋᐊᔨᒋ ᐊᑐᓂᐃᒐᔨᒋ᙮
\v 8 ᒥᒄ ᓴᑐᒃ, ᐊᓐ ᐃᔭᐱᒡ ᐊᔭᒥᐊᐅᒋᒪᐤ, ᐱᓇᐃᐊ ᐃᐧᑯᐃᐊᑕ ᐅᑯᓴ, ᓇᐃᑎᓐ ᐅᒋᔅᒋᐛᐃᒐᓱᐤ, ᑭᔭ ᓯᒥ ᑭᔭ ᕋᐃ, ᑭᔭ ᑎᐱᑦ ᓇᔅᒡ ᑲ ‍ ᐱᑯᑕᔨᒋ ᐅᓂᑐᐱᔪᐅ-ᐃᔨᒪ ᓇᒪ ᐅᒋ ᑕᑈᑎᒧᒡ ᒐᒋ ‍ ᐎᒋᐊᒡ ᐊᑐᓂᐃᒐᔨᒋ᙮
\p
\v 9 ᐸᐃᒂᐤ ᒐᓯᑲᔨᒡ ᐊᑐᓂᐃᒐ ᒋ ‍ ᐃᑐᑕᐤ ᐊᓐᑕ ᒋᓇᐱᒄ ᐊᓯᓂᔾ, ᒥᒋᒪ ᐊᓐ ᕈᑲᓪ ᒧᔅᒍᓂᐸᑯᒡ, ᒥᒋᒪ ᑲ ᑎᑯᓂᔨᒡ ᒋᕈᓯᓕᒥᒡ, ᒐᒋ ᒥᑐᔅᑕᐊᒪᒐᑦ ᐱᔅᒐ ᒪᔭᑕᓂᓴ, ᑭᔭ ᒥᔅᑐᓴ ᑭᔭ ᑲ ‍ ᑕᒋᐳᐛᑭᓄᔨᒋ ᒥᒋᑎᒂ᙮ ᒋ ‍ ᓂᑐᒪᐤ ᐱᔅᒐ ᐎᐧᑲᓂᓴ, ᑭᔭ ᒋᓴᐅᒋᒪᐛ ᑯᑎᑲ ᐅᑯᓯᔨᐛ, ᒐᒋ ᑎᑯᓯᓂᔨᒋ᙮ ᐃᔭᐱᒡ ᒋ ‍ ᓂᑐᒪᐤ ᒥᓯᐛ ᒋᓴᐅᒋᒪᐛ ᐅᑦ ᐊᐱᒋᐊᑭᓂᔨᐛ ᒍᑕ ᐅᒋ ᒐᒋ ᑎᑯᓯᓂᔨᒋ ᐊ ᒥᑯᓴᓄᐎᔨᒡ᙮
\v 10 ᒥᒄ ᓇᒪ ᐅᒋ ‍ ᓂᑐᒪᐤ ᓇᐃᑎᓇ, ᑭᔭ ᒪᒃ ᐱᓇᐃᐊᔨᒋ, ᑭᔭ ᒪᒃ ᓇᔅᒡ ᑲ ‍ ᐱᑯᑕᔨᒋ ᒋᓴᐅᒋᒪᐛ ᐅᓂᑐᐱᔪᐅ-ᐃᔨᒥᔨᐛ ᑭᔭ ᒪᒃ ᑎᐱᔨᐛ ᐎᐧᑲᓂᓴ ᓴᓚᒪᓇ᙮
\p
\v 11 ᓇᐃᑎᓐ ᒂ ‍ ᒋᔅᒐᔨᒪᑦ ᑕᓐ ᑲ ‍ ᐃᑎᔨᒋ, ᐊᑯ ᒂ ‍ ᓂᑐᐛᐱᒪᑦ ᓴᓚᒪᓇ ᐅᑲᐎᔪᐛ ᐸᑦ-ᓴᐸᔨᒋ ᑭᔭ ᒂ ‍ ᑯᒂᒋᒪᑦ, ᐊ ‍ ᐃᑕᑦ, “ᒋ ‍ ᒋᔅᒐᔨᒪᐤ ᐊ ᐊᒃᑭᑕ ᐅᑯᓴ ᐊᑐᓂᐃᒐ ᒋᓴᐅᒋᒪᐤ ᑲ ᐃᑕᔨᑎᓱᑦ? ᑭᔭ ᒋᓴᐅᒋᒪᐤ ᑎᐱᑦ ᓇᒪ ᒋᔅᒐᔨᑎᒻ ᐊᓂᔭ᙮
\v 12 ᐊᑯ ᐎ ‍ ᐱᒪᒋᐃᓱᔪᒂ ᒋᔾ ᑭᔭ ᒋᑯᔅ ᓴᓚᒪᓐ ᒐ ‍ ᓂᐸᔨᑯᐅᔭᒄ ᐅᒋ, ᓇᐊᔨᒥ ᒐᒋ ᐎᑎᒪᑕᓐ ᑕᓐ ᒋᐸ ‍ ᐃᔨᑎᓐ᙮
\v 13 ᑎᐛᒡ ᓂᑐᐛᐱᒻ ᒋᓴᐅᒋᒪᐤ ᑎᐱᑦ, ᒐ ‍ ᐃᑎᑦ, ‘ᓂ ‍ ᐅᒋᒪᒻ, ᒋᒋ ‍ ᐊᓱᑎᒧᐅᓐ ᓂᑯᔅ ᓴᓚᒪᓐ ᒐ ᒋᓴᐅᒋᒪᐅᑦ ᒋ ‍ ᐳᓂᐱᒪᑎᓯᐅᑕ, ᑭᔭ ᐎᔾ ᒐ ‍ ᐊᐱᑦ ᐊᓐᑕ ᒋ ‍ ᒋᓴᐅᒋᒪᐤ ᑕᑎᐳᐛᑭᓂᒡ ᑭᔭ ᒐ ‍ ᑎᐸᔨᒋᒐᑦ᙮ ᐊᑯ ᒐᒂᔪᐤ ᒪᒃ ᐛᒋ ‍ ᐃᔅᒋᔄᑦ ᐊᑐᓂᒐ ᐎᔾ ᓴᔅ ᐊ ‍ ᒋᓴᐅᒋᒪᐅᑦ?’
\v 14 ᐊᑯ ᒪᒂᒡ ᐊᔅᒄ ᐊ ‍ ᐃᔨᒥᔨᑦ ᒋᓴᐅᒋᒪᐤ, ᓂᑭ ‍ ᐱᒐᓐ, ᑭᔭ ᓂᑭ ‍ ᐎᑎᒧᐛᐤ ᑎᐊᑈᐅᑦ ᐊᓂᔭ ᐊ ‍ ᐃᑎᑦ ᐊ ‍ ᐃᑕᒋᒥᑎ ᐊᑐᓂᒐᐃᒋ᙮”
\v 15 ᐊᑯ ᐸᑦ-ᓴᐸ ᒂ ‍ ᓂᑐᐛᐱᒪᑦ ᒋᓴᐅᒋᒪᐛ ᐊᓐᑕ ᐅᑲᐱᔅᒋᒐᔭᔨᒥᔨᒡ᙮ ᒋᒋᐛ ᒋ ‍ ᒋᓴᐃᔪᐤ ᑎᐱᑦ ᑭᔭ ᐊᐱᓴᑲ ᒋᓂᓇᑭᑐᐛᔨᒥᑯᐤ᙮
\v 16 ᐸᑦ-ᓴᐸ ᓇᔅᒡ ᒋ ‍ ᓂᐱᔅᑯᐱᔪᐤ ᐅᑎᔅᑯᐤ ᒋᓴᐅᒋᒪᐛ ᐊ ᑕᔨᒋ, ᑭᔭ ᒋᓴᐅᒋᒪᐤ ᒂ ‍ ᐃᑕᑦ, “ᒐᒂᓐ ᓇᑐᐛᔨᑎᒥᓐ ?”
\p
\v 17 ᒂ ‍ ᐃᑎᑯᑦ ᐸᑦ-ᓴᐸᔨᒋ, “ᓂ ‍ ᐅᒋᒪᒻ, ᒋᒋ ‍ ᐊᓱᑎᒧᐅᓐ ᐊ ‍ ᒋᔅᒐᔨᑎᒥᓐ ᑲ ‍ ᓂᑐᑕᔅᒄ ᑎᐸᔨᒋᒐᓱᐤ ᒋᓴᒪᓂᑐᐤ, ᓂᑯᔅ ᓴᓚᒪᓐ ᒐ ᒋᓴᐅᒋᒪᐅᑦ ᒋ ‍ ᐳᓂᐱᒪᑎᓯᐅᑕ, ᒐ ‍ ᐊᐱᑦ ᐊᓐᑕ ᒋ ‍ ᒋᓴᐅᒋᒪᐤ ᑕᑎᐳᐛᑭᓂᒡ ᑭᔭ ᒐ ‍ ᑎᐸᔨᒋᒐᑦ᙮
\v 18 ᒥᒄ ᐊᓄᒡ, ᐊᑐᓂᐃᒐ ᒋᓴᐅᒋᒪᐤ ᑭᔭ ᓇᒪ ᒐᒂᓐ ᒋ ᒋᔅᒐᔨᑕᓐ ᑕᓐ ᑲ ᐃᑎᑦ᙮
\v 19 ᒥᒐᑦ ᒋ ‍ ᒥᑐᔅᑕᐊᒪᒐᐤ ᒥᔅᑐᓴ ᑭᔭ ᑲ ᑕᒋᐳᐊᑯᓄᔨᒋ ᒥᒋᑎᒂ ᑭᔭ ᒪᔭᑕᓂᓴ, ᑭᔭ ᒋ ‍ ᓂᑐᒪᐤ ᒥᓯᐛ ᑯᑎᑲ ᒋᑯᓴ ᐊ ‍ ᒥᑯᓴᓄᐎᒡ᙮ ᒋ ‍ ᐎᓴᒪᐤ ᐃᔭᐱᒡ ᐊᐱᑕᕋ ᐊᔭᒥᐊᐅᒋᒪᐛ ᑭᔭ ᒍᐊᐸ ᐅᒋᒪᐛ ᒋ ‍ ᓂᑐᐱᔪᐅ-ᐃᔨᒪ,, ᒥᒄ ᓇᒪ ᐅᒋ ‍ ᓂᑐᒪᐤ ᒋᑯᓴ ᓴᓚᒪᓇ᙮
\v 20 ᓂ ‍ ᐅᒋᒪᒻ, ᒥᓯᐛ ᐃᔅᕋᐃᓪ ᐃᔪᐤ ᒋ ‍ ᐸᓱᐛᔨᒥᑯᒡ ᒐᒋ ᐎᑎᒧᐅᑥᐤ ᐊᐛᔪᐊ ᐊᓂᔭ ᒐ ‍ ᒋᓴᐅᒋᒪᐅᔨᒋ ᐊ ᐊᑲ ᓴᔅ ᒋᓴᐅᒋᒪᐅᔨᓇ᙮
\v 21 ᐊᑲ ᐃᑐᑎᒥᓇ ᐊᓐ, ᒋᑭ ‍ ᐃᓯᓇᑯᓐ ᒋ ‍ ᐳᓂᐱᒪᑎᓯᔨᓇ ᒋᑭ ‍ ᐃᔅᒋᔄᐅᒡ ᐃᔪᒡ ᐊᓂᔭ ᓂᑯᓴ ᓴᓚᒪᓇ ᑭᔭ ᓂᔾ ᐊ ‍ ᒪᔭᔨᒐᐅᒋᒡ, ᑭᔭ ᓂᑭ ‍ ᓂᐸᔨᑯᓇᓐᒡ ᐛᔅ ᐊ ᐊᑲ ᐅᒋ ᐎᒋᐊᒋᒡ ᐊᑐᓂᐃᒐ ᒐᒋ ᒋᓴᐅᒋᒪᐅᑦ᙮”
\p
\v 22 ᒪᒂᒡ ᐸᑦ-ᓴᐸ ᐊ ‍ ᐃᔨᒪᐊᑦ ᒋᓴᐅᒋᒪᐛ, ᓇᐃᑎᓐ ᒋᑎᑯᓯᓄᐤ ᐊᓐᑕ ᒋᓴᐅᒋᒪᐅᒋᐛᐱᒡ᙮
\v 23 ᒋᓴᐅᒋᒪᐤ ᐅᑦ ᐊᐱᒋᐊᑭᓇ ᒋ ‍ ᐃᑕᐅᒡ ᑎᐱᑕ, “ᓇᐃᑎᓐ ᐅᒋᔅᒋᐛᐃᒐᓱᐤ ᑎᑯᓯᓄᐤ᙮”
\p ᐊᑯ ᒂ ‍ ᒋᑐᑕᑦ ᐸᑦ-ᓴᐸ, ᑭᔭ ᓇᐃᑎᓐ ᒂ ‍ ᐱᒐᑦ ᐊᓐᑕ ᐊ ‍ ᐃᑕᔨᒋ ᒋᓴᐅᒋᒪᐛ ᑭᔭ ᒂ ‍ ᓂᐱᔅᑯᐱᔅᑐᐛᑦ, ᐊᑕᒋᑕᑦ ᐅᑕᔅᑎᒧᐧᒄ ᐊᓐᑕ ᒧᔅᑎᔅᑭᒥᒡ᙮
\p
\v 24 ᐊᑯ ᓇᐃᑎᓐ ᐊᑕᑦ, “ᓂ ᐅᒋᒪᒻ, ᒋᒋ ‍ ᐃᔅᒋᔄᓐ ᐊ ᐊᑐᓂᐃᒐ ᒐᒋ ᒋᓴᐅᒋᒪᐅᑦ ᐊ ᐊᑲ ᓴᔅ ᒋᓴᐅᒋᒪᐎᔨᓇ?
\v 25 ᓂᑦ ‍ ᐃᔅᒋᔄᓐ ᐅ ᐛᔅ ᐊᓄᒡ ᒋ ‍ ᐃᑐᑕᐤ ᐊᓐᑕ ᐊᓐ ᕈᑲᓪ ᒧᔅᒍᓂᐸᑯᒡ, ᑭᔭ ᒋ ‍ ᒥᑐᔅᑕᐊᒪᒐᐤ ᒥᒐᑦ ᒥᔅᑐᓴ ᑭᔭ ᑲᑕᒋᐳᐛᑭᓄᐎᒋ ᒥᒋᑎᒂ, ᑭᔭ ᒪᔭᑕᓂᓴ᙮ ᑭᔭ ᒋ ‍ ᓂᑐᒪᐤ ᒥᓯᐛ ᑯᑎᑲ ᒋᑯᓴ, ᒍᐊᐸ ᓂᑐᐱᔪᐅ-ᐅᒋᒪᐛ, ᑭᔭ ᐊᐱᐃᑕᕋ ᐊᔭᒥᐊᐅᒋᒪᐛ᙮ ᒥᓯᐛ ᐎᒋ ‍ ᒥᒋᓱᒪᐅᒡ ᑭᔭ ᐎᒋ ‍ ᒥᓂᒪᐅᒡ ᑭᔭ ᐃᔅᒋᔄᐅᒡ ‘ᓂ ‍ ᐱᑯᓴᔨᒧᓇᓐ ᓇᐅᔅ ᒐᒋ ᐱᒪᑎᓯᑦ ᒋᓴᐅᒋᒪᐤ ᐊᑐᓂᐃᒐ!’
\v 26 ᒥᒄ ᓇᒪ ᓂ ᐅᒋ ‍ ᓂᑐᒥᒄ ᑭᔭ ᒪᒃ ᓴᑕᑲ ᐊᔭᒥᐊᐅᒋᒪᐛ, ᑭᔭ ᒪᒃ ᐱᓇᐃᔨᒋ, ᑭᔭ ᒪᒃ ᓴᓚᒪᓇ᙮
\v 27 ᒋᒋ ‍ ᐃᔅᒋᔄᓐ ᐊ, ᒋᔾ ᐊ ‍ ᒋᓴᐅᒋᒪᐎᓐ, ᒐᒋ ᑐᑕᒡ ᐅᔭ ᐊᑲ ᐎᑎᒧᐅᑥᐤ ᑯᑎᑭᒡ ᒋᑦ ᐊᐱᒋᐊᑭᓐᒡ ᐊᐛᔪᐛ ᒐ ‍ ᒋᓴᐅᒋᒪᐎᔨᒋ ᐊ ᐊᑲ ᓴᔅ ᒋ ᒋᓴᐅᒋᒪᐎᔨᓇ?”
\s1 ᑎᐱᑦ ᑲ ‍ᐎᔭᔨᑕᐧᒃ ᓴᓚᒪᓇ ᒐᒋ ᒋᓴᐅᒋᒪᐎᔨᒋ᙮
\p
\v 28 ᐊᑯ ᐃᔅᐱ ᓇᐃᑎᓐ ᑲᒋ ‍ ᐎᐎᑦ ᑲᐱᔅᒋᒐᔭᔨᒡ, ᒋᓴᐅᒋᒪᐤ ᑎᐱᑦ ᒂ ‍ ᐃᑕᑦ ᐸᐃᒄ ᐅᑦ ‍ ᐊᐱᒋᐊᑭᓇ, “ᐎᑎᒧᐤ ᐸᑦ-ᓴᐸ ᒥᓐ ᒐᒋ ᑎᑯᓯᐧᒄ ᐅᑕ” ᐊᑯ ᒂ ‍ ᓂᑐᐛᐱᒪᑦ ᑭᔭ ᐛᐎᑎᒧᐛᑦ, ᑭᔭ ᒂ ᑎᑯᓯᐧᒄ, ᑭᔭ ᓇᐳᔅᑐᐛᑦ ᐅᑎᔅᑯᐤ ᒋᓴᐅᒋᒪᐛ᙮
\p
\v 29-30 ᐊᑯ ᒋᓴᐅᒋᒪᐤ ᒂ ‍ ᐃᔅᒋᔄᑦ, “ᑎᐸᔨᒋᒐᓱᐤ ᓂᒋ ‍ ᐎᐧᑯᒋᔨᒄ ᒥᓯᐛ ᓂ ‍ ᐅᔅᑕᐱᔪᐅᓇ ᐅᒋ᙮ ᒋᑦ ‍ ᐊᓱᑎᒪᑎᓐ, ᐊ ‍ ᓂᑐᑕᑕᐧᒄ ᑎᐸᔨᒋᒐᓱᐤ ᐊᓐ ᓂᔭᓐ ᐃᔅᕋᐃᓪ ᐃᔪᒡ ᐊᒥᔭᒥᔅᑐᐅᒋᒡ, ᐎᔾ ᒋᑯᔅ ᓴᓚᒪᓐ ᒐ ‍ ᒋᓴᐅᒋᒪᐅᑦ ᐊ ᐊᑲ ᓴᔅ ᒋ ‍ ᒋᓴᐅᒋᒪᐅᔭᓇ᙮ ᐊᓄᒡ, ᒐᒋᓇᒡ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᓂ ᒋᒋ ‍ ᐎᑕᓐ ᒐ ‍ᑐᑎᒪᓐ ᐊᓐ ᒐᒂᓐ ᑲ ᐊᓱᑎᒪᒐᔭᓐ᙮”
\p
\v 31 ᐸᑦ-ᓴᐸ ᒋ ‍ ᓂᐱᔅᑯᐳᐤ ᐊᑕᒋᑎᓂᔨᒡ ᐅᑕᔅᑎᒥᐧᒄ ᒧᔅᑎᔅᑭᒥᒡ ᑭᔭ ᒂ ‍ ᐃᔅᒋᔄᑦ, “ᓂ ᐅᒋᒪᒻ, ᑭᒪ ᐊᑎᑐᐤ ᒥᒐᑐᐱᐳᓇ ᐱᒪᑎᓯᔨᓐ!”
\p
\v 32 ᐊᑯ ᒋᓴᐅᒋᒪᐤ ᑎᐱᑦ ᐊ ‍ ᐃᔅᒋᔄᑦ, “ᓂᑐᐧᑯᒡ ᓴᑐᒃ ᐊᔭᒥᐊᐅᒋᒪᐤ, ᑭᔭ ᓇᐃᑎᓐ ᐅᒋᔅᒋᐛᐃᒐᓱᐤ ᑭᔭ ᐱᓇᐃᔭ᙮” ᒂ ᐊᑎ ‍ ᓂᑐᐛᐱᒥᑯᒡ ᐊᐛᔪᐛ ᑭᔭ ᓇᑐᒥᑯᒡ᙮ ᐃᔅᐱ ᑲ ‍ ᐱᒐᒡ,
\v 33 ᒂ ‍ ᐃᑎᑯᒡᒡ, “ᒐ ‍ ᑕᑕᔭᒄ ᑲᓂᐧᑲᑎᓯᔨᒋ ᓂᑲᐸᐃᑭᔎᒪ ᓂᑯᔅ ᓴᓚᒪᓐ᙮ ᒐ ‍ ᐃᑐᑕᐊᐧᒃ ᐊᓯᒡ ᓂᑦ ᐊᐱᒋᐊᑭᓐᒡ ᐊᓐᑕ ᑭᐊᓐ ᒧᔅᒍᓂᐸᑯᒡ᙮
\v 34 ᐊᑯᑕ, ᐊᓂᓯᔭᒄ, ᓴᑐᒃ ᑭᔭ ᓇᐃᑎᓐ, ᒋᐸ ‍ ᑐᒥᓇᐛᐤ ᐊᓕᑉ ᐱᒥᔪᐤ ᐊᐅᑎᓇᒄ ᐊ ‍ ᒋᓴᐅᒋᒪᐅᑦ ᐃᔅᕋᐃᓕᒡ᙮ ᐊᑯ ᒐ ‍ᐳᑕᑎᒪᒄ ᐳᑕᒋᑭᓇ, ᑭᔭ ᒥᓯᐛ ᐃᔪᒡ ᐊᓐᑕ ᐊ ‍ ᐃᑕᒡ ᒋᑭ ‍ᐎ ‍ ᑕᑈᐅᒡ, “ᑭᒪ ᒥᒐᑐᐤ ᐱᐳᓇ ᐱᒪᑎᓯᑦ ᒋᓴᐅᒋᓯᒪᐤ ᓴᓚᒪᓐ !’
\v 35 ᐊᑯ ᒐ ᐸᒋ ‍ ᓇᓴᐛᒄ ᐅᑕ, ᑭᔭ ᒐ ‍ ᐸᑐᑕᑦ ᑭᔭ ᒋᑭ ‍ ᓇᔨᐳᐤ ᐊᓐᑕ ᓂᒋᓴᐅᒋᒪᑕᑎᐳᐛᑭᓂᒡ᙮ ᐎᔾ ᒋᑭ ‍ ᒋᓴᐅᒋᒪᐤ ᒥᔅᑯᒡ ᓂᔾ᙮ ᓂᒋ ‍ ᐅᑎᓇᐤ ᐎᔾ ᒥᓯᐛ ᒐ ‍ ᑎᐸᔨᒪᑦ ᐃᔅᕋᐃᓪ ᑭᔭ ᒍᑕ ᐃᔪᐛ᙮”
\p
\v 36 ᐱᓇᐃᔭ ᐃᑕᐤ, “ᓂᑭ ‍ ᑐᑕᓇᓐ ‍ ᐊᓐ! ᑭᒪ ᑎᐸᔨᒋᒐᓱᐤ, ᐊᓐ ᒋᒋᓴᒪᓂᑐᒻ, ᑭᔭ ᓂᒋᓴᒪᓂᑐᒥᓇᓐ, ᐃᑐᑕᐧᒃ ᐊᓂᔭ ᒐᒋ ᐃᔅᐱᔨᒡ!
\v 37 ᒋᓴᐅᒋᒪᐤ ᑎᐱᑦ, ᑎᐸᔨᒋᒐᓱᐤ ᒋᒋ ‍ ᐎᒋᐃᒃ, ᑭᒪ ᐃᔭᐱᒡ ᐎᒋᐊᑦ ᓴᓚᒪᓇ ᑭᔭ ᐃᑐᑐᐛᑦ ᒐᒋ ᒋᒋ ‍ ᒋᓴᐅᒋᒪᐎᒋ ᐃᔅᐱᔅ ᒋᔾ ᑲ ‍ ᐃᑎᔨᓐ᙮”
\p
\v 38 ᐊᑯ ᓴᑐᒃ, ᑭᔭ ᓇᐃᑎᓐ, ᑭᔭ ᐱᓇᐃᔭ ᑭᔭ ᑲ ‍ ᓂᓱᐎᔅᒋᔨᒋ ᒋᓴᐅᒋᒪᐤ ᐅᑦ ᐃᔨᒪ ᐊᓐᒡ ᑲ ‍ ᓇᑭᑐᐛᔨᒪᒡ ᒋᓴᐅᒋᒪᐛ ᒂ ‍ ᑕᑕᔭᒡ ᓴᓚᒥᓇ ᐊᓐᑕ ᑲᓂᐧᑲᑎᓯᔨᒋ ᑲᐸᐃᑭᔎᐛ ᑭᔭ ᐛᒐᐛᒡ ᐊᓐᑕ ᑭᐊᓐ ᒧᔅᒍᓂᐸᑯᒡ ᐃᓯ᙮
\v 39 ᐊᑯᑕ ᓴᑐᒃ ᒂ ‍ ᐅᑎᓇᒃ ᑲ ᓱᑕᔨᒡ ᐊᓕᑉ ᐱᒥᔪᐤ ᐸᔭᒋ ᐱᒋᐎᔭᓂᒋᐛᐱᒡ ᐅᒋ ᑭᔭ ‍ ᒂ ‍ ᑯᑎᐱᓂᒧᐛᑦ ᐱᔅᒐ ᐱᒥᔭ ᓴᓚᒪᓇ᙮ ᐊᑯ ᒂ ᐊᑎ ‍ ᐳᑕᑕᑭᓄᐎᔨᒋ ᐳᑕᒋᑭᓇ, ᑭᔭ ᒥᓯᐛ ᐃᔪᒡ ᑎᔭᑈᒡ, “ᑭᒪ ᒥᒐᑐᐤ ᐱᐳᓇ ᐱᒪᑎᓯᑦ ᒋᓴᐅᒋᒪᐤ ᓴᓚᒪᓐ!”
\v 40 ᐊᑯ ᒥᓯᐛ ᐃᔪᒡ ᒋ ‍ ᓇᓴᐛᐅᒡ ᑲᐤ ᐊᓐᑕ ᐅᑕᓇᒡ ᐃᓯ, ᐊ ᒧᒋᒐᔨᑎᒧᐤ ᑕᑈᒡ ᑭᔭ ᐳᑕᒋᑭᓇ ᐊ ‍ ᒪᑐᐛᒡ᙮ ᓇᔅᒡ ᒋ ‍ ᒋᔄᐛᑕᑈᐅᒡ᙮ ᐊᓂᔭ ᐅᒋᒡ ᒋ ‍ ᓂᓂᐱᐃᔪᐤ ᐊᔅᒋᔪᐤ᙮ \s1ᐊᑐᓂᐃᒐ ᑲ ‍ ᐃᑎᑦ
\p
\v 41 ᐃᔅᐱ ᐊᑐᓂᐃᒐ ᑭᔭ ᒥᓯᐛ ᐊᐛᔪᐛ ᑲ ‍ ᓂᑐᒪᑦ ᑲᒋ ‍ ᒋ ᐃᓯ ‍ ᒥᒋᓱᒡ ᑲ ‍ ᒥᑯᓴᒡ, ᒋ ‍ ᐸᑎᒧᒡ ᐊᑎᑕᑯᓯᓇᓄᐎᔨᒡ᙮ ᐃᔅᐱ ‍ ᒍᐊᑉ ᐱᔭᑕᐧᒃ ᐊᑎᑕᑯᓂᔨᒋ ᐳᑕᒋᑭᓇ, ᒂ ‍ ᐃᔅᒋᔄᑦ, “ᒐᒂᓐ ᐊᓐ ᑭᐸᑕᑭᓄᐛ ᐊᓐᑕ ᐅᑕᓇᒡ ?”
\p
\v 42 ᒪᒂᒡ ᐊᔅᒄ ᐊ ᐃᔨᒥᑦ, ᒋ ‍ ᑎᑯᓯᓂᔨᐛ ᒠᓐᑕᔨᒋ, ᐊᐱᑕᕋ ᐊᔭᒥᐊᐅᒋᒪᐛ ᐅᑯᓯᔨᐛ᙮ ᐊᑐᓂᐃᒐ ᒋ ‍ ᐃᑕᐤ, “ᐱᑐᒐ, ᒋᔾ ᐅ ᓇᐸᐤ ᒐ ‍ ᑕᑈᐅᒐᔨᒥᑕᒡ, ᒋ ‍ ᐸᑐᐅᓇᓇᒐ ᒥᔪᐤ ‍ ᑎᐸᒋᒧᐅᓐ!”
\p
\v 43 ᒠᓐᑕ ᒂ ‍ ᐃᑕᑦ, “ᓇᒪ, ᓇᒪ ᓂᐸᑕᓐ ᒥᔪᐤ ‍ ᑎᐸᒋᒧᐅᓐ! ᒋᓴᐅᒋᒪᐤ ᑎᐱᑦ ᒋ ‍ ᐃᑐᑐᐛ ᓴᓚᒪᓇ ᒐᒋ ᒋᓴᐅᒋᒪᐎᒋ!
\v 44 ᒋ ‍ ᐃᑎᓴᐛᐤ ᓴᑐᑲᔨᒋ, ᑭᔭ ᓇᐃᑎᓇ, ᑭᔭ ᐱᓇᐃᔭᔨᒋ, ᑭᔭ ᑲ ᓇᑭᑐᐛᔨᒥᑯᑦ ᐅᑦ ᐃᔨᒪ ᒐᒋ ᐎᒐᐛᒡ ᓴᓚᒪᓇ᙮ ᒋ ‍ ᑕᑕᔭᐅᒡ ᐊᓐᑕ ᒋᓴᐅᒋᒪᐛ ᑎᐱᑕ ᑲᓂᐧᑲᑎᓯᔨᒋ ᐅᑲᐸᐃᑭᔎᒥᔨᐛ᙮
\v 45 ᑭᐊᓐ ᒧᔅᒍᓂᐸᑯᒡ ᒋ ‍ ᐃᑐᑕᐅᒡ, ᑭᔭ ᐊᑯᑕ ᓴᑐᒃ ᑭᔭ ᓇᐃᑎᓐ ᑲ ‍ ᑐᒥᓇᒡ ᒐᒋ ᒋᓴᐅᒋᒪᐎᒋ ᓴᓚᒥᓇ᙮ ᐊᑯ ᑲᐤ ᑲ ‍ ᐃᑐᑕᒡ ᐅᑕᓇᒡ ᐊᓐᑕ ᐅᒋ, ᒥᔅᑎ ᐊᒥᒋᒐᔨᑎᒧᐤ ‍ ᒋᔄᐛᑕᑈᒡ᙮ ᐊᐅᑯᓐ ᑲᒋ ‍ ᐸᑕᓇᐅᐛ ᐊᔭᓯᒂᓄᐅᒡ᙮
\v 46 ᐊᑯ ᐊᓄᒡ ᓴᓚᒪᓐ ‍ ᒋ ‍ ᐅᒋᓴᐅᒋᒪᒥᓄᐤ᙮
\v 47 ᓇᓇᒐ, ᐊᐱᒋᐊᑭᓐᒡ ᒋ ‍ ᓂᑐᐛᐱᒪᐅᒡ, ᒋᓴᐅᒋᒪᐛ ᑎᐱᑕ, ᒐᒋ ᐎᑎᒧᐛᒡ ᐊᓇᐊᔨᑕᒡ ᑕᓐ ᑲ ‍ ᐃᑎᔨᒋ᙮ ᒋ ‍ ᐃᔅᒋᔄᐅᒡ, ‘ᑭᒪ ᓂᒋᓴᒪᓂᑐᒥᓇᓐ ᑐᑐᐛᑦ ᓴᓚᒪᓇ ᒐᒋ ᒥᔅᑎ ‍ ᐃᑕᔨᑕᑯᓯᔨᒋ ᐃᔅᐱᔅ ᒋᔾ ᑲ ‍ ᐃᑎᔨᓐ ᑭᔭ ᒐᒋ ᒥᔪᐤ ᒋᓴᐅᒋᒪᐅᑦ ᐃᔅᐱᔅ ᒋᔾ ᑲ ‍ ᐃᑎᔨᓐ᙮’ ᐃᔅᐱ ᐊᓂᔭ ᑲᒋ ‍ ᐃᔅᒋᔄᒡ, ‘ᒋᓴᐅᒋᒪᐤ, ᑲ ‍ ᐱᒥᓯᐧᒃ ᐅᓂᐸᐅᓂᒡ, ᒋ ‍ᐅᒋᒋᐧᑯᓂᐱᔪᐅᐤ ᒐᒋ ᐊᔭᒥᐊᔅᑐᐛᑦ ᑎᐸᔨᒋᒐᓱᐛ᙮’
\v 48 ᐊᑯ ᐊᔅᒋᔄᑦ, ‘ᓂᒪᒥᒋᒪᐤ ᑎᐸᔨᒋᒐᓱᐤ ᐊᓐ ᒋᓴᒪᓂᑐᐤ ᓂᔭᓐ ᐃᔅᕋᐃᓪ ᐃᔪᒡ ᐊᔭᒥᐊᔅᑐᐅᒋᒡ, ᐛᔅ ᐊᓄᒡ ᒋ ‍ ᓇᐊᔨᑎᒻ ᐸᐃᒄ ᓂᑯᓴ ᒐᒋ ᒋᓴᐅᒋᒪᐎᔨᒋ, ᑭᔭ ᓂᒋ ‍ ᑕᑈᑕᒄ ᒐᒋ ᐛᐸᑎᒧᒡ ᐊ ‍ ᐃᔅᐱᔨᒡ᙮’ ”
\p
\v 49 ᐊᑯ ᒥᓯᐛ ᑲ ‍ ᓂᑐᒪᑦ ᐊᐛᔪᐛ ᐊᑐᓂᐃᒐ ᒋ ‍ ᑯᔅᑕᒋᔨᐛ, ᐊᑯ ᑎᐛᒡ ᒥᓯᐛ ᒂ ‍ ᒋᑐᑕᒡ ᑭᔭ ᑎᔭᑎᐸᓂᐱᔨᒡ᙮
\v 50 ᐊᑐᓂᐃᒐ ᒋ ‍ ᑯᔅᑕᒍᐤ ᑕᓐ ᒐ ‍ ᐃᑐᑕᑯᑦ ᓴᓚᒪᓇ᙮ ᐊᑯ ᒂ ‍ ᐃᑐᑕᑦ ᐊᓐᑕ ᐸᔭᒋ ᐱᒍᐎᔭᓂᒋᐛᐱᒡ ᑭᔭ ᐛᒋᐱᑕᑦ ᐊᓐᑕ ᑲ ‍ ᒋᑭᒧᐎᒋ ᐊᔅᑭᓇ ᐊᓐᑕ ᐊᒋᒐᔭᔨᒡ ᐱᔅᑎᓂᒐᐅᓇᑎᑯᒡ, ᐛᔅ ᒋᔅᒐᔨᑎᒻ ᒐ ᐊᑲ ‍ ᓂᐸᐃᑯᑦ ᐊᓐᑕ ᐊᐛᔪᐛ᙮
\v 51 ᒥᒄ ᒋ ᐎᑎᒧᐛᐤ ᐊᐛᓐ ᓴᓚᒪᓇ, “ᓂᑐᑐᐎᔾ, ᒋ ‍ ᑯᔅᑎᒄ ᐊᑐᓂᐃᒐ, ᐊᑯ ᒋ ‍ ᐃᑐᑕᐤ ᐊᓐᑕ ᐸᔭᒋ ᐱᒍᐎᔭᓂᒋᐛᐱᒡ ᑭᔭ ᒪᒪᒋᑯᓂᒻ ᐊᒋᒐᔭᔨᒋ ᐱᔅᑎᓂᒐᐅᓇᑎᑯᒡ᙮ ᐃᔅᒋᔄᐤ, ‘ᐊᒺᔭ ᔅᑐᑕᔭᓐ, ᓂᑐᐛᔨᒪᐤ ᒋᓴᐅᒋᒪᐤ ᓴᓚᒪᓐ ᒐᒋ ᒋᒋ ‍ ᐊᓱᑎᒪᒐᑦ ᒐ ᐊᑲ ᐃᑎᓱᐛᑦ ᒐᒋ ᓂᐸᐃᑯᐅᒡ᙮’ ”
\p
\v 52 ᓴᓚᒪᓐ ᒂ ‍ ᐃᑕᑦ, “ᐛᐸᑎᔨᐛᒐ ᐊᑕᑈᐅᒐᐃᒥᑦ, ᓇᒪ ᓂᑭ ‍ ᐊᐧᑯᐊᐤ᙮ ᒥᒄ ᒥᒋ ‍ ᑐᑕᒐ, ᒋᑭ ‍ ᓂᐸᐊᑭᓄᐤ᙮”
\v 53 ᐊᑯ ᓴᓚᒪᓐ ᒂ ‍ ᐃᑎᓴᐊᒧᐛᑦ ᐱᔅᒐ ᓇᐸᐛ ᐊᑐᓂᐃᒐᔨᒋ, ᑭᔭ ᒂ ‍ ᐸᓱᐛᒡ ᐱᔅᑎᓂᒐᐅᓇᐱᔅᑯᒡ ᐅᒋ᙮ ᓴᓚᒪᓇ ᒋ ‍ ᓂᑐᐛᐱᒪᐤ ᑭᔭ ᒂ ‍ ᓂᐱᔅᑯᐱᔪᐅᑦ ᐅᑎᔅᑯᐤ ᐊ ‍ ᑕᔨᒋ᙮ ᐊᑯ ᓴᓚᒪᓐ ᒂ ‍ ᐃᑕᑦ, “ᒪᒋ ᒋᐛᒪ᙮”
\c 2
\s1 ᑎᐱᑦ ᒪᔅᑕᔾ ᐅᑦ ᐃᑎᓱᐛᐅᓐ ᐊᒺᔭ ᐳᓂᐱᒪᑎᓯᑦ
\p
\v 1 ᐃᔅᐱ ᒐᔅᒐᔨᑕᐧᒃ ᑎᐱᑦ ᓴᔅ ᒐ ‍ ᐳᓂᐱᒪᑎᓯᑦ, ᒪᔅᑕᔾ ᒋ ‍ ᐎᑎᐛᑕᐤ ᑕᓐ ᒐ ‍ ᐃᑎᔨᒋ ᐅᑯᓴ ᓴᓚᒪᓇ᙮
\p
\v 2 “ᓴᔅ ᓂᑭ ‍ ᐳᓂᐱᒪᑎᓯᓐ, ᒧᔭᒻ ᐊᑎᑦ ᒥᓯᐛ ᐊᐛᓐ ᐅᑕ ᐊᔅᒋᒡ᙮ ᒐ ‍ ᓱᒋᑕᔨᓐ ᑭᔭ ᒐ ᐃᑕᑎᓯᔨᓐ ᒧᔭᒻ ᒋᓴᓇᐸᐤ ᐊ ‍ ᐃᑕᑎᓯᑦ᙮
\v 3 ᒐ ‍ ᐃᑐᑎᒧᑦ ᒐᒂᔪᐤ ᒐ ‍ ᐃᑐᐅᑦ ᐊ ᐃᑎᔅᒃ ᒋᒋᓴᒪᓂᑐᒥᓄᐤ᙮ ᒐ ᐃᑕᑎᒧᑦ ᒥᒄ ᐊ ᐃᓯ ‍ ᓂᑐᐛᔨᒥᔅᒄ ᒐ ‍ ᐃᑐᐅᑦ᙮ ᒐ ‍ ᓇᐊᔨᑎᒥᓐ ᒥᓯᐛ ᒋᓴᒪᓂᑐᐤ ᐅ ᐎᓱᐛᐅᓇ ᑭᔭ ᐅᑦ ᐃᑎᓱᐛᐅᓇ ᒪᓯᓇᐃᑭᓄᐎᒋ ᐊᓐᑕ ᐎᓱᐛᐅᓂᒡ ᒧᓱᔅ ᑲ ‍ ᒥᔨᑕᐧᒄ᙮ ᒐ ᐃᑐᑎᒥᓐ ᐅ ᒐᒋ ᐅᒋ ‍ ᒥᔪᐱᔨᓐ ᒥᓯᐛ ᒐ ‍ ᐃᑎᔨᓐ ᑭᔭ ᑕᓐᑕ ᒐ ‍ ᐃᑐᑕᔨᓐ᙮
\v 4 ᓇᓂᑎᒪᐱᔨᓇ ᐊᓐ ᒐ ‍ ᐃᑐᑎᒥᓐ, ᒋᑭ ‍ ᐃᑐᑎᒻ ᒐᒂᔪᐤ ᑲ ‍ ᐊᓱᑎᒧᐅᑦ ᑎᐸᔨᒋᒐᓱᐤ: ᒋ ‍ ᐃᔅᒋᔄᐤ, ‘ᑐᑕᒂᐛ ᒋᑦ ᐊᓂᔅᑯᑕᐸᓐᒡ ᒐᒂᔪᐤ ᑲ ‍ ᐃᑎᒂᐤ ᒐ ‍ ᐃᑐᑕᒡ, ᑭᔭ ᑕᑈᐅᒐᔨᑎᒧᐅᓂᒡ ᓂᓇᐊᔨᑕᒂᐛ ᓂᑦ ᐃᑎᓱᐛᐅᓇ ᒥᓯᐛ ᐅᑕᐃᐛᐛᒡ ᑭᔭ ᐅᑦ ᐊᒐᒂᐛᐛᒡ ᐅᒋ, ᐎᔪᐛᐤ ᓇᓂᑎᒻ ᒋᑭ ‍ ᑎᐸᔨᒋᒐᐅᒡ ᐃᔅᕋᐃᓕᒡ᙮’
\p
\v 5 ᑎᑯᓐ ᑯᑎᒃ ᒐᒂᓐ ᓇᑐᐛᔨᒥᑕᓐ ᒐ ‍ ᐃᑐᑎᒥᓐ᙮ ᒋᔅᒐᔨᒪᐤ ᑕᓐ ᑲ ‍ ᐃᑐᑕᐅᑦ ᒍᐊᑉ᙮ ᒋ ‍ ᓂᐸᐊᐤ ᓂᓱ ᓂᓂᑐᐱᔪᐅ-ᐃᔨᒪᐤ ᐅᒋᒪᐛ, ᐊᐱᓂᕋ ᑭᔭ ᐊᒪᓴᔨᒋ᙮ ᒋ ‍ ᐊᐧᑯᐛᒡ ‍ ᓂᐸᐊᐤ ᒪᒂᒡ ᑲ ‍ ᑎᑯᓂᔨᒡ ᒋᔭᒪᔨᑎᒧᐅᓂᔪᐤ ᐊᓐᑕ ᐊᔅᒋᒡ, ᒥᔭᒻ ᐊ ‍ ᓂᑐᐱᔨᓇᓄᐎᒋ ᒋ ‍ ᐃᑐᑎᒻ᙮ ᒋ ‍ ᒥᔽᑎᓯᔨᐛ ᐊᓂᔭ ᓂᓱ ᓇᐸᐛ᙮ ᒥᒄ ᒋ ᓂᐸᐊᐤ ᒍᐊᑉ ᑭᔭ ᒋ ‍ ᐃᑐᑎᒻ ᒐᒋ ᓯᐎᒂᔨᒋ ᐅᐱᒂᑕᐅᓐ ᑭᔭ ᐅᒋᓯᑕᐅᔅᒋᓇ ᐅᒥᐧᑯᔪᐤ ᐅᒋ᙮
\v 6 ᐛᔅ ᒋ ‍ ᑭᒐᑕᐛᔨᑕᑯᓯᓐ, ᒐ ‍ ᑐᑐᐅᑦ, ᒥᒄ ᑕᓐ ᐊ ‍ ᐃᑕᔨᑎᓐ ᒪᔽᔨᒡ ᒐ ‍ ᐃᑐᑐᐅᑦ, ᒥᒄ ᒐ ‍ᐊᑲ ᓇᐊᔨᒥᑦ ᒐᒋ ᒐᒋ ᒋᓴᐃᔪᐅᑦ ᑭᔭ ᒋᔭᒪᔨᑎᒧᐅᓂᒡ ᒐ ‍ ᐳᓂᐱᒪᑎᓯᑦ᙮
\p
\v 7 ᒥᒄ ᒐ ‍ ᒥᔪᑐᑐᐅᒥᑎ ᐸᕐᓯᓚᐃ ᐅᑯᓴ, ᐊᓐ ᓇᐸᐤ ᑭᓕᐊᑦ ᐊᔅᒋᒡ ᐅᒋ, ᑭᔭ ᒐ ᓂᑐ ‍ ᒋᔅᒐᔨᑎᒥᑎ ᓇᔅᒡ ᐛᒧᒡ ᓂᓇᑎᒻ ᒐᒋ ᐃᔅᐱᔨᒡ ᒥᒋᒥᔪᐤ ᒐ ‍ ᒥᒋᒡ᙮ ᒐ ‍ ᐃᑐᑎᒥᓐ ᐅ ᐛᔅ ᓂᒋ ‍ ᐛᐎᒋᐃᒃ ᐸᕐᓯᓚᐃ ᐃᔅᐱ ᑲ ᒋᑎᓯᒥᒋ ᒋᔅᑕᓴ ᐊᑉᓴᓚᒪ᙮
\p
\v 8 ᐃᔭᐱᒡ, ᒋᔅᒐᔨᒪᐛ ᑲᕋ ᐅᑯᓴ ᓯᒥᔾ ᐸᐅᕆᒻ ᐅᑕᓇᒡ ᐅᒋ ᐊᓐᑕ ᐃᑕᐅᓂᒡ ᐱᓐᒋᐱᓐ ᐅᑦ ᐊᓂᔅᑯᑕᐸᓇ ᐛᒋᔨᒋ᙮ ᒋᔅᒐᔨᒪᐤ ᑕᓐ ᑲ ‍ ᐃᑐᑐᐅᑦ᙮ ᓂᒋ ‍ ᒥᒋ ‍ ᐊᓏᔨᒥᒄ ᐊᓂᔭ ᒋᓯᑯᔪᐤ ᑲ ‍ ᓂᑭᑎᒧᒡ ᒋᕈᓯᓕᒥᔪᐤ ᑭᔭ ᑲ ‍ ᐃᑐᑕᐅᒡ ᐊᓐᑕ ᒪᐊᓇᐃᒻ ᐅᑕᓇᒡ᙮ ᒥᒄ ᐃᔅᐱ ᓇᓇᒐ ᑲ ᐸᒋ ‍ ᓂᑐᐛᐱᒥᑦ ᐊᓐᑕ ᒠᕐᑕᓐ ᓯᐱᒡ, ᓂ ‍ᒋᒋ ‍ ᐊᓱᑎᒪᒐᓐ, ᒪᒂᒡ ᐊ ‍ ᓂᑐᑐᐅᑦ ᑎᐸᔨᒋᒐᓱᐤ, ᒐ ᐊᑲ ᑐᑐᐅᒄ ᒐᒋ ᓂᐸᐊᑭᓄᐅᑦ᙮
\v 9 ᒥᒄ ᐊᓄᒡ ᒋᔾ ᐛᒧᒡ ᒋᑭ ‍ ᐊᓏᔨᒪᐤ, ᐊᑯ ᒋᑭ ‍ ᒋᔅᒐᔨᑕᓐ ᑕᓐ ᒐ ‍ ᐃᑐᑐᐅᑦ᙮ ᒋᓴᐃᔪᐤ ᐊᓐ, ᒥᒄ ᓇᔅᒡ ᐛᒧᒡ ᒋᑭ ᐎ ᒥᔅᑎ ‍ ᐅᒋᑯᐎᔪᐤ ᐅᒥᐧᒄ ᐃᔅᐱ ᓂᐸᔨᑕ᙮”
\p
\v 10 ᐊᑯ ᒂ ‍ ᐳᓂᐱᒪᑎᓯᑦ ᑎᐱᑦ ᑭᔭ ᒋ ‍ ᓇᐃᐧᑯᐛᑭᓄᐤ ᐊᓐᑕ ᒋᕈᓯᓕᒥᒡ ᐅᑕᓇᒡ ᐃᑕᐅᓂᒡ ‘ᑎᐱᑦ ᐅᑕᓇᒻ’ ᑲ ‍ ᐃᓯᓂᐧᑲᑕᔨᒡ᙮
\v 11 ᓇᐎᔪᐛ ᐱᐳᓇ ‍ (40) ᒋ ‍ᒋᓴᐅᒋᒪᐅᐤ ᑎᐱᑦ ᐊᓐᑕ ᐃᔅᕋᐃᓕᒡ᙮ ᒋ ‍ ᐅᒋᒪᐅᐤ ᓂᔄᐅᑕᒡ ᐱᐳᓇ ‍ (7) ᒋ ‍ ᐅᒋᒪᐅᐤ ᐊᓐᑕ ᐃᐳᕋᓐ ᐊᔅᒋᒡ ᑭᔭ ᓂᔅᑐᐎᔪᐛ ᐱᐳᓇ ᐊᓱ ᓂᔅᑐ ‍ (33) ᐊᓐᑕ ᒋᕈᓯᓕᒥᒡ᙮
\v 12 ᓴᓚᒪᓐ ᒂ ‍ ᒋᓴᐅᒋᒪᐅᑦ ᒐᒋ ᐅᑎᓂᒺᑦ ᐅᑕᐎᔭ ᑎᐱᑕ ᐅᑦ ᐊᐳᐅᓂᔪᐤ ᑭᔭ ᒂ ‍ ᐅᑎᓇᐧᒃ ᒥᓯᐛ ᑎᐸᔨᑎᐅᓂᔪᐤ᙮
\s1 ᓴᓚᒪᓐ ᑲ ᑐᑐᐛᑦ ᐊᑐᓂᒐᔨᒋ ᒐᒋ ᓂᐸᐊᑭᓄᐎᒋ
\p
\v 13 ᐸᐃᒂᐤ ᒋᓯᑲᔨᒡ, ᐊᑐᓂᐃᒐ ᒋ ‍ ᓂᑐᐛᐱᒪᐤ ᓴᓚᒪᓇ ᐅᑲᐎᔪᐛ ᐸᑦ-ᓴᐸᔨᒋ᙮ ᒂ ᐃᑕᑦ ᐸᑦ-ᓴᐸ, “ᒋᒋ ᑎᑯᓯᓐ ᐊ ᒐᒋ ᒥᔪᐱᑕᔨᓐ ᒐᒂᔪᐛ?”
\p ᒂ ᐃᑎᑯᑦ, “ᓂᐦᐃ᙮”
\v 14 ᒥᒄ ᒂ ‍ ᐃᑕᑦ, “ᒋ ᐎ ‍ ᑯᒂᒋᒥᑎᓐ ᒐᒂᓐ ᒐᒋ ᐃᑐᑎᒥᓐ᙮”
\p ᐊᓂᑐᐛᔨᑎᒪᓐ, “ᐎᑎᒧᐎᔾ ᒐᒂᓐ ᐊᓐ ᓇᑐᐛᔨᒥᔨᓐ ᒐᒋ ᐃᑐᑎᒪᓐ᙮”
\p
\v 15 ᒂ ᐃᑕᑦ, “ᒋ ᒋᔅᒐᔨᑕᓐ ᒥᓯᐛ ᐃᔅᕋᐃᓪ ᐃᔪᒡ ᑲ ‍ ᐸᓱᐛᔨᒥᒡ ᒐᒋ ᐅᒋᓴᐅᒋᒪᒥᑐᐅᒡ, ᐛᔅ ᓂᔾ ᓂᒋ ‍ ᒋᓴᐃᔪᐛᓐ ᐸᒪᑎᓯᔨᒋ ᑎᐱᑦ ᐅᑯᓴ, ᒥᒄ ᓇᒪ ᐅᒋ ᐃᔅᐱᔪᐤ ᐊᓐ᙮ ᒥᔅᑯᒡ ᓂᓯᒻ ᒂ ᐊᑎ ‍ ᒋᓴᐅᒋᒪᐅᑦ, ᐛᔅ ᐊᐅᑯᔪᐤ ᑲ ᐃᓯ ‍ ᓂᑐᐛᔨᑕᐧᒃ ᑎᐸᔨᒋᒐᓱᐤ᙮
\v 16 ᐊᓄᒡ ᐸᐃᒄ ᒥᒄ ᒐᒂᓐ ᑲ ‍ ᒂᒋᒥᑕᓐ ᒐᒋ ᐃᑐᑎᒥᓐ᙮ ᐊᑲᐎ ᐊᓏᑕ ᒐᒋ ᐃᑐᑎᒥᓐ᙮”
\p ᒂ ᐃᑕᑦ ᐸᑦ-ᓴᐸ,, “ ᐎᑎᒧᐎ ᒐᒂᓐ ᓇᑐᐛᔨᑎᒥᓐ ᒐᒋ ᐃᑐᑎᒪᓐ᙮”
\p
\v 17 ᒂ ‍ ᐃᑕᑦ, “ᒐ ‍ ᐎᑎᒧᐅᑦ ᒋᓴᐅᒋᒪᐤ ᓴᓚᒪᓐ ᒐᒋ ᒥᔨᐃᑦ ᐊᐱᓴᑲ, ᐊᓐ ᐃᔎᐤ ᓱᓂᒻ ᐅᑕᓇᒡ ᐅᒋ, ᒐᒋ ᐎᒋᒥᒋ᙮ ᓂ ‍ ᒐᒋᓇᐅᓐ ᒐ ‍ ᐊᑲ ᐊᓏᑕᐧᒃ᙮
\p
\v 18 ᐸᑦ-ᓴᐸ ᒋ ‍ ᐃᑕᐤ, “ᓂᐦᐃ, ᓂᑭ ‍ ᑯᒂᒋᒪᐤ ᒋᓴᐅᒋᒪᐤ᙮”
\p
\v 19 ᐊᑯ ᐸᑦ-ᓴᐸ ᒂ ‍ ᓂᑐᐛᐱᒪᑦ ᒋᓴᐅᒋᒪᐛ, ᒐᒋ ᐎᑎᒧᐛᑦ ᒐᒂᔪᐤ ᑲ ‍ ᓂᑐᐛᔨᑎᒥᔨᒋ ᐊᑐᓂᐃᒐᔨᒋ᙮ ᒋ ‍ ᐱᓯᑯᐤ ᒋᓴᐅᒋᒪᐤ ᐅᒋᓴᐅᒋᒪᐅᑕᑎᐳᐛᑭᓂᒡ ᐅᒋ ᑭᔭ ‍ ᓇᑐᐛᐱᒪᑦ ᒐᒋ ᐛᒋᔭᒪᑦ ᑭᔭ ᓂᐱᔅᑯᐱᔅᑐᐛᑦ ᐸᑦ-ᓴᐸᔨᒋ᙮ ᒂ ᐊᑎ ‍ ᓇᐃᐱᑦ ᒥᓐ ᐅᒋᓴᐅᒋᒪᐅᑕᑎᐳᐛᑭᓂᒡ ᑭᔭ ᒂ ‍ ᐃᑕᑦ ᐊᐛᔪᐛ ᒐᒋ ᐸᑐᐛᔨᒋ ᑕᑎᐳᐛᑭᓂᔪᐤ᙮ ᐊᑯ ᐅᒥᔪᐅᓂᔨᒡ ᐃᑕᒐ ᒋ ‍ ᐊᐳᐛᐤ ᒋᓴᐅᒋᒪᐛ ᐊ ‍ ᑕᔨᒋ᙮
\p
\v 20 ᐊᑯ ᒂ ᐊᑎ ‍ ᐃᑕᑦ, “ᐸᐃᒄ ᒐᒂᓐ ᒋ ᓂᑐᐛᔨᒥᑎᓐ ᒐᒋ ᐃᑐᑎᒥᓐ; ᑭᔭ ᒐ ᐊᑲ ‍ ᐃᔅᒋᔄᔨᓐ ᒐ ᐊᑲ ᐃᑐᑎᒥᓐ᙮” ᒋᓴᐅᒋᒪᐤ ᒂ ‍ ᐃᑕᑦ, “ᓂᑲᐎᔾ, ᒐᒂᓐ ᓇᑐᐛᔨᑎᒥᓐ ? ᓇᒪ ᒋᑭ ‍ ᐊᓏᑕᑎᓐ”
\p
\v 21 ᒂ ‍ ᐃᑕᑦ, “ᓇᐊᔨᒻ ᒐᒋ ᒥᔭᑭᓄᐅᑦ ᐊᐱᓴᑲ ᒋᔅᑕᔅ ᐊᑐᓂᐃ ᒐᒋ ᐎᐅᑦ᙮”
\p
\v 22 ᒋᓴᐅᒋᒪᐤ ᒂ ‍ ᐃᑕᑦ ᐊᒋ ‍ ᒋᔄᐛ ‍ ᐃᔨᒥᑦ, “ᒐᒂᓐ? ᒋ ‍ ᑯᒂᒋᒥᓐ ᐊ ᒐᒋ ᒥᔨᒄ ᐊᑐᓂᐃᒐ ᐊᐱᓴᑲ? ᐃᔭᐱᒡ ᐊ ᓂᑐᐛᔨᒥᒄ ᒐᒋ ᒥᔨᒄ ᒐᒋ ᐊᔭᑎᓇᐧᒃ ᐅᒋᒪᐅᓂᔪᐤ? ᐅᓴᒻ ᐊᐅᔅᑕᓯᑐᐅᒄ, ᐃᑕᔨᑎᒻ ᐊ ᐎᔾ ᒋᐸ ᒋᓴᐅᒋᒪᐤ ? ᐃᑕᔨᑎᒻ ᐊ ᒐᒋ ᐊᔭᒥᐊᐅᒋᒪᐅᐎᔨᒋ ᐊᐱᑕᕋ ᒥᔅᑯᒡ ᓴᑐᐊᑲ, ᑭᔭ ᒍᐊᐸ ᒋᐸ ‍ ᓂᑐᐱᔪᐅ-ᐅᒋᒪᐎᔪᐛ ᒥᔅᑯᒡ ᐱᓇᐃᔭᔨᒋ, ᐛᔅ ᒋ ‍ᐎᒋᔨᑯᐤ ᐊᓂᔭ ᐃᔅᐱ ᑲ ‍ ᑯᒋᐱᔨᑕᑦ ᒐᒋ ‍ ᒋᓴᐅᒋᒪᐅᑦ?”
\p
\v 23 ᐊᑯ ᓴᓚᒪᓐ ᒂ ᒋᒋ ‍ ᐊᓱᑎᒪᒐᑦ, ᐊ ‍ ᓂᑐᐛᔨᒪᑦ ᑎᐸᔨᒋᒐᓱᐛ ᒐᒋ ᓂᑐᑕᑯᑦ, “ᑭᒪ ᒋᓴᒪᓂᑐᐤ ᐅᑕᒪᐅᑦ ᑭᔭ ᓂᐸᐊᔨᑦ ᐊᑲ ᐃᑐᑎᒧᒐ ᐊᑐᓂᐃᒐᔨᒋ ᒐᒋ ᓂᐸᐊᑭᓄᐎᒋ ᐅᔭ ᐊ ‍ᐃᓯ ‍ ᓂᑐᐛᔨᑎᒥᔨᒋ!
\v 24 ᑎᐸᔨᒋᒐᓱᐤ ᓂᒋ ‍ ᐅᑎᓂᒄ ᒐᒋ ᒋᓴᐅᒋᒪᐅᒡ ᑭᔭ ᓂᒋ ‍ ᐃᔭᔨᒄ ᐅᑦ ᒐᒋ ᑎᐸᔨᒋᒐᐅᒡ ᒧᔭᒻ ᓄᑕᐎᔾ ᑎᐱᑦ ᑲ ‍ ᐃᑎᑦ᙮ ᒋ ‍ ᐊᓱᑎᒪᒐᐤ ᒐᒋ ᒋᓴᐅᒋᒪᐅᔨᒋ ᓂᑦ ᐊᓂᔅᑯᑕᐸᓇ ᐃᔅᕋᐃᓕᒡ᙮ ᐊᑯ ᒐᒋᓇᒡ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᓂ ᒋᒋ ‍ ᐊᓱᑎᒪᒐᓐ ᒐ ‍ ᓂᐸᐊᑭᓄᐅᑦ ᐊᑐᓂᐃᒐ ᐊᓄᒡ᙮
\v 25 ᐊᑯ ᒋᓴᐅᒋᒪᐤ ᓴᓚᒪᓐ ᒂ ‍ ᐃᑎᓱᒪᑦ ᐱᓇᐃᔭᔨᒋ ᒐᒋ ᓂᑐᐛᐱᒪᔨᒋ ᑭᔭ ᓂᐸᐊᔨᒋ ᐊᑐᓂᐃᒐᔨᒋ, ᑭᔭ ᒋ ‍ ᐃᑐᑎᒻ ᐊᓂᔭ ᐱᓇᐃᔭ᙮
\p
\v 26 ᐊᑯ ᓴᓚᒪᓐ ᐊᑕᑦ ᐊᐱᐊᑕᕋ ᐊᐱᑕᕋ, “ᐃᑐᑕᒪ ᐊᓇᑕᑦ ᐅᑕᓇᒡ, ᒋᑦ ᐊᔅᒋᒡ᙮ ᐃᓯᓇᑯᓐ ᒐᒋ ᓂᐸᔨᑯᐃᓐ᙮ ᒥᒄ ᓇᒪ ᒋᑭ ‍ ᓂᐸᔨᑎᓐ ᐊᓄ, ᐛᔅ ᒋᔾ ᐊᓐ ᑲ ‍ ᓇᑭᑐᐛᔨᒥᑥᐤ ᐊᓐᒡ ᓇᐸᐅᒡ ᑲ ‍ ᑕᐧᑭᒧᐛᒡ ᓄᑕᐎᔾ ᑎᐱᑕ ᑎᐸᔨᒋᒐᓱᐛ ᐅᐸᔭᒋ-ᒥᐅᑎᔪᐤ, ᑭᔭ ᔅᒋ ‍ ᐅᑎᑎᑯᓐ ᐊᔨᒧᐅᓇ ᑕᓐ ᑲ ᐃᓯ ‍ ᐊᔭᒥᐅᑦ ᓂᑕᐎᔾ᙮”
\v 27 ᐊᑯ ᓴᓚᒪᓐ ᒋ ‍ ᓴᓇᐅᐤ ᐊᔭᒥᐊᐅᒋᒪᐅᑐᔅᑯᐛᔨᒋ ᑎᐸᔨᒋᒐᓱᐛ ᐊᐱᐊᑕᕋ᙮ ᐊᓂᔭ ᑲ ‍ ᐃᑐᑕᐧᒃ, ᒋ ‍ ᐃᑐᑎᒻ ᒐᒋ ᐃᔅᐱᔨᒡ ᑕᓐ ᑲ ‍ ᐃᔅᒋᔄᔨᒋ ᑎᐸᔨᒋᒐᓯᐛ ᒥᒐᑐᐤ ᐱᐳᓇ ᐅᑕᒡ ᐊᓐᑕ ᓯᓗ ᐅᑕᓇᒡ, ᐊᔅᒄ ᐸᐃᑯ ᒋᓯᑲᐛ ᒐ ᓂᓱᐅᓇᒋᐊᔨᒋ ᐃᓚᔾ ᐅᑦ ᐊᓂᔅᑯᑕᐸᓂᔨᐛ᙮
\p
\v 28 ᓇᒪ ᐅᒋ ᐎᒋᐊᐤ ᒍᐊᑉ ᑲ ᐎ ‍ ᒋᓴᐅᒋᒪᐎᒋ ᐊᑉᓴᓚᒪ, ᒥᒄ ᐊᑐᓂᐃᒐᔨᒋ ᒋ ‍ ᐎᒋᐊᐤ᙮ ᐊᑯ ᐃᔅᐱ ᒍᐊᑉ ᑲ ‍ ᐸᑕᐧᒃ ᑕᓐ ᑲ ‍ ᐃᔅᐱᔨᒡ, ᒂ ‍ ᐃᔅᐸᑕᑦ ᐊᓐᑕ ᐸᔭᒋ ᐱᒍᐎᔭᓂᒋᐛᐱᒡ ᑭᔭ ᒪᒪᒋᑯᓂᒻ ᐊᒋᒐᔭᔨᒋ ᐱᔅᑎᓂᒐᐅᓇᑎᑯᒡ ᐛᔅ ᒋᔅᒐᔨᑎᒻ ᒐ ᐊᑲ ᒋ ᓂᐸᐊᔨᑯᑦ ᐊᓐᑕ ᐊᐛᔪᐛ᙮
\v 29 ᐃᔅᐱ ᑲ ‍ ᐎᑎᒧᐛᑦ ᐊᐛᓐ ᓴᓚᒪᓇ ᐊ ‍ ᐃᑎᔨᒋᒋ ‍ ᒍᐊᐸ ᐊᓐᑕ ᐸᔭᒋ ᐱᒍᐎᔭᓂᒋᐛᐱᒡ ᑭᔭ ᐅᐱᒪ ᐱᔅᑎᓂᒐᐅᓇᑎᑯᒡ ᓂᔭᓂᐳᔨᒋ, ᓴᓚᒪᓐ ᒋ ‍ ᐃᑕᐤ ᐱᓇᐃᔭᔨᒋ, “ᒪᒋ ᑭᔭ ᒐ ‍ᓂᐸᐊᔨᑦ ᒍᐊᑉ᙮”
\p
\v 30 ᐊᑯ ᐸᓇᐃᔭ ᒂ ‍ ᐃᑐᑕᑦ ᐊᓐᑕ ᐸᔭᒋ ᐱᒍᐎᔭᓂᒋᐛᐱᒡ ᑭᔭ ᐊᑕᑦ ᒍᐊᐸ, “ᒋᓴᐅᒋᒪᐤ ᒋᑦ ᐃᑎᓱᒥᒄ ᒐᒋ ᐎᐎ!” ᒥᒄ ᒍᐊᑉ ᒋ ‍ ᐃᑕᐤ, “ᓇᒪ, ᐊᑯᑕ ‍ ᐅᑕ ᒐ ‍ ᐳᓂᐱᒪᑎᓯᔭᓐ᙮” ᐊᑯ ᐱᓇᐃᔭ ᒥᓐ ᒋ ‍ ᓂᑐᐛᐱᒪᐤ ᒋᓴᐅᒋᒪᐛ, ᑭᔭ ᐛᑎᒧᐛᑦ ᑕᓐ ᑲ ‍ ᐃᑕᔨᒋ ᒍᐊᐸ ᑭᔭ ᑕᓐ ᑲ ‍ ᐃᔅᒋᔄᔨᒋ ᒍᐊᐸ᙮
\p
\v 31 ᐱᓇᐃᔭ ᒋ ‍ ᐃᑎᑯᐤ ᒋᓴᐅᒋᒪᐛ, “ᐃᑐᑎᒻ ᑕᓐ ᐊ ᐃᓯ ‍ ᓂᑐᐛᔨᑕᐧᒃ, ᓂᐸᐊᔨᒪ ᑭᔭ ᒐ ‍ ᓇᐊᔨᐧᑯᒺᒄ ᐅᔪᐤ᙮ ᒋ ‍ ᐃᑐᑎᒥᓇ ᐅ, ᓇᒪ ᓴᔅ ᓂᑭ ‍ ᐊᓏᔨᒥᑯᐅᓇᓐ ᓂᔾ ᑭᔭ ᓂᑦ ᐊᓂᔅᑯᑕᓐᒡ ᑕᓐ ᑲ ᐃᑎᑦ ᒍᐊᑉ ᐃᔅᐱ ᑲ ‍ ᓂᐸᐊᑦ ᓂᓱ ᓇᐸᐛ ᑲ ‍ ᒥᔽᑎᓯᔨᒋ᙮
\v 32 ᒥᒄ ᑎᐸᔨᒋᒐᓱᐛ ᒋᑭ ‍ ᐊᓏᔨᒥᑯᐤ ᑲ ‍ ᑯᓯᒂᔨᒧᑐᐛᑦ ᑭᔭ ᑲ ‍ ᓂᐸᐊᑦ ᐊᐱᕋ, ᑲ ‍ ᐅᒋᒪᐎᒋ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᑭᔭ ᐊᒪᓴᔨᒋ, ᑭᔭ ᒍᑕ ᓂᑐᐱᔪᐅ-ᐅᒋᒪᐛ ᑭᔭ ᓂᓱ ᓇᐸᐛ ᐊᑎᑐᐤ ᑲ ‍ ᑯᐃᔅᑯᑕᑎᓯᔨᒋ ᑭᔭ ᑲ ‍ ᒥᔽᑎᓯᔨᒋ ᐃᔅᐱᔅ ᐎᔾ᙮ ᓄᑕᐎᔾ ᑎᐱᑦ ᓇᒪ ᐃᔭᐱᒡ ᐅᒋ ‍ ᒋᔅᒐᔨᑎᒻ ᒍᐊᐸ ᑲ ᐎ ‍ ᓂᐸᐊᔨᑯᒡ᙮
\v 33 ᒍᐊᑉ ᑭᔭ ᐅᑦ ᐊᓂᔅᑯᑕᐸᓇ ᒧᔅ ᑲᒋᒡ ᒋᑭ ‍ ᐊᓏᔨᒪᑭᓄᐅᒡ ᑲ ‍ ᓂᐸᐊᑦ ᐊᐱᓂᕋ ᑭᔭ ᐊᒪᓴᔨᒋ᙮ ᒥᒄ ᒥᓯᐛ ᒋᑭ ᐃᓯ ‍ ᒥᔪᐱᔪᐛ ᑎᐱᑦ ᐅᑦ ᐊᓂᔅᑯᑕᐸᓇ ᑕᐸᔨᒋᒐᔨᒋ ᒧᔭᒻ ᑲ ‍ ᐃᑎᑦ ᒋᓴᐅᒋᒪᐤ ᑎᐱᑦ᙮”
\p
\v 34 ᐱᓇᐃᔭ ᒋ ‍ ᐱᒐᐤ ᐊᓐᑕ ᐸᔭᒋ ᐱᒍᐎᔭᓂᒋᐛᐱᒡ ᒂ ᓂᐸᐊᑦ ᒍᐊᐸ᙮ ᐅᑦ ᐊᔅᒋᒡ ᐊᓐᑕ ᒍᑕ ᐸᐧᑯᑎᔅᑭᒥᑲᒡ ᒋ ‍ ᓇᐃᐧᑯᐛᑭᓄᐤ ᒍᐊᑉ᙮
\v 35 ᐊᑯ ᒋᓴᐅᒋᒪᐤ ᐛᑎᓇᑦ ᐱᓇᐃᔭᔨᒋ ᒐᒋ ᐅᒋᒪᐎᒋ ᐅᓂᑐᐱᔪᐅ-ᐃᔨᒪ ᒥᔅᑯᒡ ᒍᐊᐸ ᑭᔭ ᓱᑕᑲ ᒋ ‍ ᐅᑎᓇᐤ ᒐᒋ ᐊᔭᒥᐊᐅᒋᒪᐎᒋ ᒥᔅᑯᒡ ᐊᐱᐊᑕᕋ᙮
\p
\v 36 ᐊᑯ ᒋᓴᐅᒋᒪᐤ ᐊᑎᓴᐊᒧᐛᑦ ᑲ ‍ ᐱᒧᑕᔨᒋ ᐃᔨᒧᐅᓂᔪᐤ ᓯᒥᔨᒋ, ᑭᔭ ᒋ ‍ ᐃᑕᐤ, “ᒐ ‍ ᐅᓯᑎᒪᓱᐎᓐ ᒥᒋᐛᑉ ᐅᑕ ᒋᕈᓯᓕᒥᒡ᙮ ᐊᐅᒄ ᒐ ‍ ᐃᑕᔨᓐ ᑭᔭ ᒐ ᐊᑲ ᓂᑭᑎᒥᓐ ᐅᑕᓇᐤ ᐃᔭᒡ ᒐᒋ ᐃᑐᑕᔨᓐ᙮
\v 37 ᒐᒋᓇᒡ ᐊᓐ ᒋᓯᒄ ᒐ ᓂᑭᑎᒧᐅᓇ ᒋᕈᓯᓕᒻ ᑭᔭ ᐊᓱᐛᐊᒥᓇ ᑭᑦᕈᓐ ᓯᐱᔅ, ᒋᑭ ‍ ᓂᐸᐃᑯᐅᓐ, ᑭᔭ ᒋᔾ ᐅ ᒋ ‍ ᑐᑎᒧᐅᓐ᙮”
\p
\v 38 ᓯᒥᔾ ᒂ ‍ ᐃᑕᑦ, “ᐅᒋᒪᐤ, ᒥᔽᐤ ᐊᓐ ᐊ ‍ ᐃᔅᒋᔄᔨᓐ᙮ ᓂᑭ ‍ ᐃᑐᑕᓐ ᐊ ‍ ᐃᑎᓱᒥᔨᓐ᙮” ᐊᑯ ᓯᒥᔾ ᒋ ‍ ᐃᑕᐤ ᐊᓐᑕ ᒋᕈᓯᓕᒥᒡ ᒥᒐᑐᐤ ᐱᐳᓇ᙮
\p
\v 39 ᑲᒋ ᓂᔅᑐ ᐱᐳᓂᔨᒡ, ᒋ ‍ ᒋᑎᓯᒧᔪᐛ ᓂᓱ ᐅᑦ ᐊᐱᒋᐊᑭᓇ ᓯᒥᔾ᙮ ᒪᐊᑲᔨᒋ ᐅᑯᓯᔨᐛ ᐊᑭᓴᔨᒋ, ᑲᑦ ᐅᑕᓇᔪᐤ ᒋᓴᐅᒋᒪᐛ, ᒋ ‍ ᐎᒋᒪᔪᐛ᙮ ᐃᔅᐱ ᑲ ‍ ᐎᑎᒧᐛᑦ ᐊᐛᓐ ᓯᒥᔨᒋ ᐊᓐᑕ ᑲᑦ ᐅᑕᓇᒡ ᐊ ‍ ᐃᑕᔨᒋ,
\v 40 ᒋ ‍ ᐛᑕᔭᐤ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᑭᔭ ᒂ ‍ ᑕᑎᐱᑦ ᑭᔭ ᑲᑦ ᐅᑕᓇᒡ ᒋ ‍ ᐃᑐᑕᐤ᙮ ᒋ ‍ ᒥᔅᑯᐛᐤ ᐅᑦ ᐊᐱᒋᐊᑭᓇ ᑲ ‍ ᐎᒋᒪᔨᒋ ᒋᓴᐅᒋᒪᐛ ᐊᑭᓴᔨᒋ ᑭᔭ ᑲᐤ ᒋᕈᓯᓕᒥᒡ ᒋ ‍ ᒋᐛᑕᐊᐤ᙮
\p
\v 41 ᒥᒄ ᒋ ‍ ᐎᑎᒪᑯᐤ ᐊᐛᔪᐛ ᒋᓴᐅᒋᒪᐤ ᓴᓚᒪᓐ ᓯᒥᔨᒋ ᐊᒋ ‍ ᓂᑭᑎᒥᔨᒋ ᒋᕈᓯᓕᒥᔪᐤ ᑲᑦ ᐅᑕᓇᒡ ᑲ ‍ ᐃᑐᑕᔨᒋ ᑭᔭ ᑲᐤ ᑲ ‍ ᑎᑯᓯᓂᔨᒋ᙮
\v 42 ᐊᑯ ᒋᓴᐅᒋᒪᐤ ᒂ ‍ ᐃᑎᓴᐛᑦ ᓂᑐᐱᔪᐅ-ᐃᔪᐛ ᒐᒋ ᓂᑐᒪᑦ ᓯᒥᔨᒋ ᑭᔭ ᒋ ‍ ᐃᑕᐤ, “ᒋ ‍ ᒋᐎᑎᒪᑎᓐ ᒐᒋ ᒋᒋ ‍ ᐊᓱᑎᒪᒐᔨᓐ, ᐊ ‍ ᒋᔅᒐᔨᒥᓐ ᑎᐸᔨᒋᒐᓱᐤ ᐊᓂᑐᑕᔅᒃ, ᒐ ᐊᑲ ‍ ᓂᑭᑎᒥᓐ ᒋᕈᓯᓕᒡ᙮ ᒋ ‍ ᒋᐎᑎᒪᑎᓐ, ‘ᒐᒋᓇᒡ ᐊᓐ ᒋᓯᒄ ᒐ ᓂᑭᑎᒧᐅᓇ ᒋᕈᓯᓕᒻ, ᒋᑭ ‍ ᓂᐸᐃᑯᐅᓐ,’ ᑭᔭ ᑲ ‍ ᐃᓯᔨᓐ, ‘ᒥᔽᐤ ᐊᓐ ᐊ ‍ ᐃᔅᒋᔄᔨᓐ᙮ ᓂᑭ ‍ ᐃᑐᑕᓐ ᐊ ‍ ᐃᑎᓱᒥᔨᓐ᙮’
\v 43 ᐊᑯ ᒐᒂᓐ ᐛᒋ ᐊᑲ ‍ ᐃᑐᑎᒥᓐ ᐊᓐ ᑲ ‍ᒋᒋ ‍ ᐊᓱᑎᒧᐅᑦ ᑎᐸᔨᒋᒐᓱᐤ?” ᒐᒂᓐ ᐛᒋ ‍ ᐊᑲ ᓂᓇᔨᑎᒥᓐ ᒐᒂᓐ ᑲ ‍ ᐃᑎᓱᒥᑕᓐ?”
\p
\v 44 ᒋᓴᐅᒋᒪᐤ ᒂ ‍ ᐃᑕᑦ ᓯᒥᔨᒋ, “ᒋ ᒋᔅᒐᔨᑕᓐ ᒥᓯᐛ ᑲ ᐃᓯ ᒥᒋ ‍ ᑐᑐᐅᑦ ᓄᑕᐎ ᑎᐱᑦ᙮ ᐊᑯ ᐊᓄᒡ ᑎᐸᔨᒋᒐᓱᐤ ᒋᑭ ‍ ᐊᓏᔨᒥᒄ ᑲ ᐃᓯ ‍ ᒥᒋ ‍ ᑐᑎᒥᓐ᙮
\v 45 ᒥᒄ ᓂᑭ ‍ ᓱᐛᔨᒥᒄ ᑎᐸᔨᒋᒐᓱᐤ, ᑭᔭ ᒋᑭ ‍ ᐃᑐᑐᐛ ᑎᐱᑕ ᐅᑦ ᐊᓂᔅᑯᑕᐸᓂᔨᐛ ᒧᔅ ᑲᒋᒡ ᒐᒋ ᒋᑕᔨᒋᒐᔨᒋ᙮”
\p
\v 46 ᐊᑯ ᒋᓴᐅᒋᒪᐤ ᒂ ᒥᔭᑦ ᐃᑎᓱᐅᓂᔪᐤ ᐱᓇᐃᔭᔨᒋ, ᑭᔭ ᒂ ‍ ᓂᑐᐛᐱᒪᑦ ᑭᔭ ᒂ ‍ ᓂᐸᐊᑦ ᓯᒥᔨᒋ᙮
\p ᐊᑯ ᓴᓚᒪᓐ ᒥᓯᐛ ᒂ ‍ ᐊᔭᑎᓇᐧᒃ ᐅᒋᓴᐅᒋᒪᐅᓐ᙮
\c 3
\s1 ᓴᓚᒪᓐ ᑲ ‍ ᓂᑐᐛᔨᑕᐧᒃ ᑭᒐᑕᐛᔨᑎᒧᐅᓂᔪᐤ
\p
\v 1 ᓴᓚᒪᓐ ᒋ ‍ ᓂᑐᐛᐱᒪᐤ ᐃᒋᑉᑎᒡ ᒋᓴᐅᒋᒪᐛ᙮ ᒋ ‍ ᑐᑎᒧᐛᐤ ᓴᓚᒪᓐ ᓂᔅᑯᒧᐅᓂᔪᐤ ᒐᒋ ᐎᒋᒻᒪᑦ ᐅᑕᓂᓯᔨᐛ᙮ ᐃᔭᐱᒡ ᒋ ‍ ᓂᔅᑯᒥᑐᐅᒡ ᒐ ᐊᑲ ‍ ᓂᑐᐱᔪᐅᑕᑐᐎᒋ ᐅᓂᑐᐱᔪᐅ-ᐃᔨᒧᐛᐛ᙮ ᐊᑯ ᓴᓚᒪᓐ ᒂ ‍ ᐎᒐᐛᑦ ᒋᓴᐅᒋᒪᐛ ᐅᑕᓂᓯᔨᐛ ᐊᓐᑕ ᐃᑕᒐ ᒋᕈᓯᓕᒥᒡ ‘ᑎᐱᑦ ᐅᑕᓇᒻ’ ᑲ ‍ ᐃᓯᓂᐧᑲᑕᔨᒡ᙮ ᐊᑯᑕ ᑲ ‍ ᐎᒋᑦ ᐃᔎᐤ ᐸᑐᔅ ᑲᒋ ᒋᔅᑕᔨᒋ ᐊᐅᓯᑕᔨᒋ ᓴᓚᒪᓐ ᐅᑦ ᐊᑐᔅᒐᔭᑭᓇ ᐊᐎᒡ ᑭᔭ ᐊᓂᔭ ᑎᐸᔨᒋᒐᓱᐛ ᐅᑦ ᐊᔭᒥᐊᐅᒋᐛᐱᔪᐤ ᑭᔭ ᒪᓂᔅᑲᑎᒂ ᐛᔅᑲ ᒋᕈᓯᓕᒥᒡ᙮
\v 2 ᐊᓂᔭ ᒪᒂᒡ ᐊᔅᒄ ᓇᒪ ᐅᒋ ᐅᓯᑕᑭᓄᐎᔪᐤ ᑎᐸᔨᒋᒐᓱᐤ ᐅᑦ ᐊᔭᒥᐊᐅᒋᐛᑉ, ᐊᑯ ᐃᔅᕋᐃᓪ ᐃᔪᒡ ᒋ ‍ ᒥᑐᔅᑕᐊᒪᒐᐅᒡ ᑯᑎᑲ ᐃᑕᐅᓇ ᐊᓐᑕ ᐊᔭᒥᐊᐅᓄᐎᒡ᙮
\v 3 ᒋᒋᐛ ᒋ ‍ ᓴᒋᐊᐤ ᓴᓚᒪᓐ ᑎᐸᔨᒋᒐᓱᐛ, ᑭᔭ ᒋ ‍ ᓇᐊᔨᑎᒺᐤ ᒥᓯᐛ ᑲ ‍ ᐃᑎᓯᒥᑯᑦ ᐅᑕᐎᔭ ᑎᐱᑕ᙮ ᑭᔭ ᐃᔭᐱᒡ ᒋ ‍ ᒥᑐᔅᑕᐊᒪᒐᐤ ᑭᔭ ᒋ ‍ ᓯᔅᑲᐊᒻ ᑲᐎᒋᒪᑯᓯᔨᒋ ᐊᓐᑕ ᓇᓇᐧᑯᐤ ᐱᔅᑎᓂᒐᐅᓇᐱᔅᑯᒡ᙮
\p
\v 4 ᐸᐃᒂᐤ ᒐᓯᑲᔨᒡ ᒋᓴᐅᒋᒪᐤ ᒋ ‍ ᐃᑐᑕᐤ ᐊᓐᑕ ᑭᐱᐊᓐ ᐅᑕᓇᒡ ᒐᒋ ᒥᑐᔅᑕᐊᒪᒐᑦ ᐊᓐᑕ, ᐛᔅ ᐊᑯᑕ ᐊᓐᑕ ᑲ ‍ ᑎᑯᓂᔨᒡ ᑲ ‍ ᒋᔅᑕᔨᑕᑯᓂᔨᒡ ᐱᔅᑎᓇᐅᓇᐱᔅᑯᔪᐤ᙮ ᑕᑐᐤ ᐱᐳᓇ ᐅᑕᒡ ᐅᔅᑕ ᐸᐃᑯᐤ ᒥᑕᓯᒥᑎᓄᐤ ᑕᑥᐤ ᒋ ‍ ᒥᑐᔅᑕᐊᒪᒐᐤ ᐊᓐᑕ ᐱᔅᑎᓂᒐᐅᓇᐱᔅᑯᒡ᙮
\v 5 ᐊᓂᔭ ᑕᐱᔅᑲᔨᒡ, ᒋ ‍ ᓄᑯᓯᔅᑕᑯᐤ ᑎᐸᔨᒋᒐᓱᐛ ᐅᐳᐛᒧᐅᓂᒡ᙮ ᒋ ‍ ᑯᒂᒋᒪᐤ ᓴᓚᒪᓇ, “ᒐᒂᓐ ᓇᑐᐛᔨᑎᒥᓐ ᒐᒋ ᒥᔨᑕᓐ?”
\p
\v 6 ᓴᓚᒪᓐ ᒂ ‍ ᐃᑎᑯᑦ, “ᓇᓂᑎᒻ ᑕᑈ ᑕᑈᐅᒐᔨᑎᒧᐅᓂᒡ ᒋᒋ ‍ ᓴᒋᐊᐤ ᓄᑕᐎᔾ ᑎᐱᑦ ᐊᓐ ᑲ ᒥᔪ ‍ ᑐᑕᔅᒄ᙮ ᒋᒋ ‍ ᑐᑕᓐ ᐊᓐ ᐛᔅ ᑕᑈᐅᒐᔨᑎᒧᐅᓂᒡ ᒋᒋ ‍ ᓇᐊᔨᑕᒄ ᑭᔭ ᑯᐃᔅᑯᑐᐅᓂᒡ ᑭᔭ ᑕᑈᐅᓂᒡ ᒋᒋ ‍ ᐃᑐᑕᒄ᙮ ᑭᔭ ᒋᒋ ‍ ᐛᐸᑎᔭᐤ ᑕᓐ ᑲ ᐃᔅᐱᔅ ᑕᑈ ᑕᑈᐅᒐᔨᑎᒧᐅᓂᒡ ᒋ ‍ ᓴᒋᔨᑦ ᑲ ᒥᔨᑦ ᓂᔾ, ᐅᑯᓴ, ᑭᔭ ᐊᓄᒡ ᓂᑎᐸᔨᒋᒐᓐ ᒧᔭᒻ ᑲ ‍ ᐃᑎᑦ ᐊᒺᔭ ᐳᓂᐱᒪᑎᓯᑦ᙮
\p
\v 7 ᐊᓄᒡ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᒋᒋ ‍ ᐅᑎᓐ ᒐᒋ ᒋᓴᐅᒋᒪᐎᔭᓐ ᒧᔭᒻ ᓄᑕᐎᔾ ᑲ ‍ ᒋᓴᐅᒋᒪᐅᑦ᙮ ᒥᒄ ᒋᒋᐛ ᓂᑦ ‍ ᐊᐛᓯᐅᓐ ᒧᔭᒻ ᐊᐛᔅ᙮ ᓇᒪ ᓇᔅᒡ ᓂ ‍ ᒋᔅᒐᔨᑕᓐ ᑕᓐ ᒐ ᐃᓯ ‍ ᓂᑲᓂᔅᑯᐅᒂᐤ ᓂᑦ ᐃᔨᒥᒡ᙮
\v 8 ᓂᑦ ᐃᔨᑕᓐ ᐊᓐᑕ ᐊ ‍ ᐃᑕᒡ ᑲ ‍ ᐎᔭᔨᒥᑥᐤ ᐃᔪᒡ᙮ ᒋᒋᐛ ᒥᒐᑐᐎᒋᓱᐅᒡ ᐃᔪᒡ, ᓇᔅᒡ ᑕᑈ ᒥᒐᑐᐅᒡ; ᐊᓂᔭ ᐅᒋ ᓇᒪ ᐊᐛᓐ ᒋ ᐊᒋᒪᐤ᙮
\v 9 ᐊᑯ ᓇᐊᔨᒥ ᒐᒋ ᒥᔪ ‍ ᒪᒥᑐᓇᔨᑎᒪᓐ, ᒐᒋ ᐅᒋ ᒥᔪ ᓂᑲᓂᔅᑯᐅᒂᐤ ᐃᔪᒡ᙮ ᓇᐊᔨᒥ ᒐᒋ ᒋᔅᒐᔨᑎᒪᓐ ᒐᒂᓐ ᒪᔽᒡ ᑭᔭ ᐊᒪᔭᑎᒡ᙮ ᐊ ᐊᑲ ᐃᑐᑎᒥᓇ ᐊᓐ, ᓇᒪ ᓂᑭ ‍ ᒋᒋ ‍ ᓂᑲᓂᔅᑯᐛᐅᒡ ᐅᒡ ᒋᒋ ᐃᔪᒡ ᑕᐸᔨᒥᑥᐤ᙮”
\p
\v 10 ᒋᒋᐛ ᒋ ‍ ᒥᔽᔨᑎᔨᑯᐤ ᑎᐸᔨᒋᒐᓱᐤ ᐊᓂᔭ ᑲ ᐃᓯ ‍ ᓂᑐᐛᔨᑎᒪᑯᑦ ᓴᓚᒪᓇ᙮
\v 11 ᒋᓴᒪᓂᑐᐤ ᒋ ‍ ᐃᑕᐤ ᓴᓚᒪᓇ, “ᓇᒪ ᒋ ᐅᒋ ‍ ᓂᑐᐛᔨᑕᓐ ᒐᒋ ᒥᒐᑐᐤ ᐱᐳᓇ ᐱᒪᑎᓯᔨᓐ, ᑭᔭ ᒪᒃ ᒐᒋ ᓇᔅᒡ ᐛᔪᑎᓯᔨᓐ, ᑭᔭ ᒪᒃ ᒐᒋ ᓂᐸᐊᑥᐤ ᒥᓯᐛ ᑲ ‍ ᐱᒂᑎᔅᒡ᙮ ᒥᔅᑯᒡ ᒋᒋ ‍ ᓂᑐᐛᔨᑕᓐ ᒐᒋ ᑐᑕᑕᓐ ᒐᒋ ᑭᒋᑕᐛᔨᑎᒥᓐ ᒐᒋ ᐅᒋ ᒋᔅᒐᔨᑎᒥᓐ ᑭᔭ ᑐᑎᒥᓐ ᐊ ‍ ᒥᔽᒡ ᒪᒂᒡ ᐊ ‍ ᓂᑲᓂᔅᑯᐅᑥᐤ ᐅᒡ ᐃᔪᒡ᙮
\v 12 ᐊᑯ ᓇᔅᒡ ᑕᑈ ᓂᑭ ᐃᑐᑕᓐ ᑲ ᐃᓯ ‍ ᓂᑐᐛᔨᑎᒥᓐ᙮ ᒋᑭ ‍ ᑐᑕᑎᓐ ᒐᒋ ᑭᒋᑕᐛᔨᑕᑯᓯᔨᓐ᙮ ᐊᓐ ᐅᒋ ᓇᒪ ᐊᐛᓐ ᑲ ‍ ᐱᒪᑎᓯᑦ ᐊᒺᔭ ᒋᔾ ᑭᔭ ᒪᒃ ᐊᓐ ᐊᐛᓐ ᒐ ‍ ᐱᒪᑎᓯᑦ ᑲᒋ ‍ ᐱᒪᑎᓯᔨᓐ ᒋᑭ ᐃᔅᐱᔅ ᑭᒋᑕᐛᔨᑕᑯᓱᐤ ᒧᔭᒻ ᐊ ᐃᓯ ‍ ᑭᒋᑕᐛᔨᑕᑯᓯᔨᓐ᙮
\v 13 ᐃᔭᐱᒡ ᒋᑭ ‍ ᒥᔨᑎᓐ ᒐᒂᔪᐛ ᐊᑲ ᐅᒋ ᓂᑐᐛᔨᑎᒥᓐ: ᒋᑭ ᑐᑕᑎᓐ ᒐᒋ ᒥᔅᑎ ‍ ᐛᔪᑎᓯᔨᓐ ᑭᔭ ᒋᔅᑕᔨᑕᑯᓯᔨᓐ, ᒐ ᐃᔅᐱᔅ ‍ ᐱᒪᑎᓯᔨᓐ᙮ ᐊᑎᑐᐤ ᒋᑭ ᐛᔪᑎᓯᓐ ᑭᔭ ᒋᔅᑕᔨᑕᑯᓯᓐ ᐃᔅᐱᔅ ᑯᑎᑭᒡ ᒋᓴᐅᒋᒪᐅᒡ᙮
\v 14 ᒥᓯᐛ ᐃᑐᑎᒥᓇ ᐊ ‍ ᐃᓯ ‍ ᓂᑐᐛᔨᒥᑕᓐ, ᑭᔭ ᒥᓯᐛ ᓂᓇᐃᑎᒥᓇ ᓂᐎᓱᐛᐅᓇ ᑭᔭ ᓂᑦ ᐃᑎᓱᐛᐅᓇ, ᒧᔭᒻ ᑲ ‍ ᐃᑎᑦ ᒍᑕᐎ ᑎᐱᑦ, ᒋᑭ ‍ ᓇᐊᔨᒥᑎᓐ ᒥᒐᑐᐤ ᐱᐳᓇ ᒐᒋ ‍ ᐱᒪᑎᓯᔨᓐ᙮”
\v 15 ᐊᑯ ᓴᓚᒪᓐ ᐱᐊᑯᐱᔨᑦ, ᑭᔭ ᒂ ‍ ᒋᔅᒐᔨᑕᐧᒃ ᑲ ‍ ᐃᒥᔨᑯᑦ ᑎᐸᔨᒋᒐᓱᐛ ᐅᐳᐛᒧᐅᓂᒡ᙮
\p ᐊᑯ ᒋᕈᓯᓕᒥᒡ ᒋ ‍ ᐃᑐᑕᐤ ᑭᔭ ᒂ ‍ ᓇᓂᐳᐅᑦ ᐊᓐᑕ ᓂᑲᓐ ᐸᔭᒋ-ᐱᒍᐎᓂᔭᒋᐛᐱᒡ ᐊᓐᑕ ᑲ ‍ ᑎᑯᓂᔨᒡ ᐸᔭᒋ-ᒥᐅᑎᔪᐤ, ᑭᔭ ᒥᒐᑦ ᒥᑐᔅᑕᐊᒪᒐᐅᓇ ᒋ ‍ ᐱᔅᑎᓂᒻ ᓄᑎᒻ ᑲ ‍ ᐃᔎᑕᔨᒋ ᐊᓐᑕ ᐱᔅᑎᓂᒐᐅᓇᐱᔅᑯᒡ ᑭᔭ ᒥᔨᐛᐅᓇ ᒐᒋ ᐊᔅᒄ ᐎᒐᐛᑦ ᑎᐸᔨᒋᒐᓱᐛ᙮ ᐊᑯ ᒂ ‍ ᑎᑐᒧᐛᑦ ᒐᒋ ᒥᒋᓱᓇᓂᒐᔨᒋ ᐅᑯᐸᓇᒪ᙮
\s1 ᓴᓚᒪ ᓇᔅᒡ ᑲ ᑭᒐᑕᐛᔨᑎᒧᐅᓂᒡ ᑲ ᐃᓯ ‍ ᐎᔭᔨᑕᐧᒃ
\p
\v 16 ᐸᐃᒂᐤ ᒐᓯᑲᔨᒡ ᓂᓱ ᐱᓯᒂᑎᓯᔎᐛ ᒋ ‍ᑐᑯᓯᓂᔨᐛ ᑭᔭ ᐅᑎᔅᑯᐤ ᓇᑲᐳᔅᑕᑯᑦ ᒋᓴᐅᒋᒪᐤ ᓴᓚᒪᓐ᙮
\v 17 ᐸᐃᒄ ᒂ ‍ ᐃᔅᒋᔄᑦ, “ᓂ ‍ ᐅᒋᒪᒻ, ᐅ ᐃᔎᐤ ᑭᔭ ᓂᔾ, ᒪᒧᐤ ᓂ ‍ ᐎᒋᓇᓐ ᐊᓐᑕ ᐸᐃᑯᑕᐤ ᒥᒋᐛᐱᒡ᙮ ᓂᒋ ‍ ᓄᒂᐊᐤ ᐊᐛᔅ ᒪᒂᒡ ᑲ ‍ ᐃᑕᑦ ᐊᓐᑕ ᒥᒋᐛᐱᒡ᙮
\v 18 ᓂᔅᑐ ‍ ᒋᓯᑲᐛ ᑲᒋ ᐃᔪᐅᑦ ᓂᑦ ᐊᐛᓯᒻ ᑭᔭ ᐎᔾ ᐃᔎᐤ ᒋ ‍ ᐃᔪᔪᐛ ᐅᑦ ᐊᐛᓯᒪ᙮ ᒥᒄ ᓂᒋ ‍ ᓂᓯᓇᓐ ᐊᓐᑕ ᒥᒋᐛᐱᒡ, ᓇᒪ ᐅᒋ ‍ ᐃᑕᐤ ᐊᓐᑕ ᑯᑎᒃ ᐊᐛᓐ᙮
\p
\v 19 ᐸᐃᒂᐤ ᑕᐱᔅᑲᔨᒡ ᒋ ‍ ᐳᓂᐱᒪᑎᓯᔨᐛ ᐅ ᐃᔎᐤ ᐅᑦ ᐊᐛᓯᒪ ᐛᔅ ᒋ ᐱᔅᑎᑯᔅᑯᐤ ᒪᒂᒡ ᐊ ‍ ᓂᐸᐃᔨᒋ ᑭᔭ ᒂ ‍ᒋᐳᑕᒥᔅᓂᔅᑯᐛᑦ ᐊ ᐊᑲ ᐎᔪᔅᑦ ᐃᑐᑕᐧᒃ᙮
\v 20 ᐊᑯ ᐅᓂᒐ ᐃᔭᐱᑕᑎᐱᔅᑲᔨᒡ ᑭᔭ ᒂ ᐊᑎ ‍ ᐅᑎᓇᒂ ᓂᑯᓴ ᑲ ᐎᐸᒥᔨᒋ ᒪᒂᒡ ᑲ ‍ ᓂᐸᐅᒡ᙮ ᐅᓂᐸᐅᓂᒡ ᒋ ‍ ᐃᑐᑕᐅᐤ ᓂᑯᓴ ᑭᔭ ᒂ ‍ ᐸᓱᐛᒂ ᑲ ‍ ᐳᓂᐱᒪᑎᓯᔨᒋ ᐅᑦ ᐊᐛᓯᒪ ᑭᔭ ᐸᔅᑎᓇᒂ ᐊᓐᑕ ᓂ ‍ ᓂᐸᐅᓂᒡ᙮
\v 21 ᐃᔅᐱ ᐱᔭᑯᐱᔨᔭᓐ ᒋᔭᒋᓴᐸᔭᒡ ᑭᔭ ᐊᔭᔅᑯᐎᔭᓐ ᒐᒋ ᐊᓯᒥᒃᓂᑦ ᐊᐛᓯᒻ, ᓂᒋ ‍ ᐛᐱᒪᐤ ᐊᒋ ‍ ᐳᓂᐱᒪᑎᓯᒂ᙮ ᒥᒄ ᐃᔅᐱ ᑲ ᒥᔪ ‍ ᒋᑕᐱᒥᒄ ᐊᐛᔅᑕᔨᒡ ᒋᔭᒋᓴᐸᔭᔨᒡ, ᓂᒋ ‍ ᐛᐱᒪᐤ ᐊ ᐊᑲ ᓂᔾ ᐊᓐ ᐅᑦ ᐊᐛᓯᒥᔭᓐ᙮”
\p
\v 22 ᒥᒄ ᐊᓐ ᑯᑎᒃ ᐃᔎᐤ ᒂ ‍ ᐃᔅᒋᔄᑦ, “ᓇᒪ ᑕᑈᐤ ᐊᓂᔭ ᐊ ‍ ᐃᔅᒋᔄᑦ᙮ ᓂᔾ ᐊᓐ ᓂᑯᔅ ᑭ ᐱᒪᑎᓯᔪᐛ, ᑭᔭ ᒋᔾ ᐊᓐ ᒋᑦ ᐊᐛᓯᒻ ᑭ ‍ ᐳᓂᐱᒪᑎᓯᑦ᙮”
\p ᐊᑯ ᐊᓐ ᐅᔅᑭᒡ ᐃᔎᐤ ᒂ ‍ ᐃᑕᑦ, “ᓇᒪ, ᒋᔾ ᐊᓐ ᒋᑦ ᐊᐛᓯᒻ ᑭ ‍ ᐳᓂᐱᒪᑎᓯᑦ, ᑭᔭ ᓂᔾ ᐊᓐ ᓂᑯᔅ ᑭ ᐱᒪᑎᓯᐛ!” ᒋ ‍ ᐃᔭᔅᑕᒥᑐᐅᒡ ᐅᑎᔅᑯᐤ ᒋᓴᐅᒋᒪᐛ᙮
\p
\v 23 ᐊᑯ ᒋᓴᐅᒋᒪᐤ ᒂ ‍ ᐃᔅᒋᔄᑦ, “ᑕᐱᔅᑯᓐ ᐊᓂᓯᔭᒄ ᒋᑦ ‍ ᐃᔅᒋᔄᓇᐛᐤ, ‘ᓂᔾ ᐊᓐ ᓂᑯᔅ ᑭ ‍ ᐱᒪᑎᓯᐛ ᑭᔭ ᒋᔾ ᒋᑦ ᐊᐛᓯᒻ ᑲ ‍ ᐳᓂᐱᒪᑎᓯᑦ᙮’~”
\p
\v 24 ᐊᑯ ᒋᓴᐅᒋᒪᐤ ᒋ ‍ ᐃᑕᐤ ᐸᐃᒄ ᐅᑦ ᐊᐱᒋᐊᑭᓇ, “ᐸᑕ ᓂᑐᐱᔪᐅ-ᒧᐧᑯᒪᓐ᙮” ᐊᑯ ᐊᐱᒋᐊᑭᓐ ᒋ ‍ ᐸᑐᐛᐤ ᒋᓴᐅᒋᒪᐛ ᓂᑐᐱᔪᐅ-ᒧᐧᑯᒪᓂᔪᐤ᙮
\v 25 ᐊᑯ ᒋᓴᐅᒋᒪᐤ ᒂ ‍ ᐃᑕᑦ ᐅᑦ ᐊᐱᒋᐊᑭᓇ, “ᑕᑕᐅᓱᐤ ᐊᓐ ᐊᐛᔅ ᐸᒪᑎᓯᔨ᙮ ᒐ ‍ ᑕᑕᐅᓂᒧᐅᑥᐤ ᐊᓂᔭ ᐊᐛᓴ ᐊᓐᒡ ᐃᔎᐅᒡ᙮”
\p
\v 26 ᒥᒄ ᐊᓐ ᐃᔎᐤ ᐸᒪᑎᓯᔨᒋ ᐅᑦ ᐊᐛᓯᒪ ᒋᒋᐛ ᒋ ‍ ᓴᒋᐊᐤ ᐅᑦ ᐊᐛᓯᒪ, ᐊᑯ ᒂ ‍ ᐃᑕᑦ ᐊᓂᔭ ᒋᓴᐅᒋᒪᐛ, “ᓇᒪ, ᓂ ᐅᒋᒪᒻ ! ᐊᑲ ‍ ᓇᐊᔨᒻ ᒐᒋ ᓂᐸᐊᑦ ᐊᓂᔭ ᐊᐛᓴ᙮ ᒥᔾ ᐊᓂᔭ ᐊᐛᓴ ᐸᒪᑎᓯᔨᒋ!”
\p ᒥᒄ ᐊᓐ ᑯᑎᒃ ᐃᔎᐤ ᒋ ‍ ᐃᑕᐤ ᒋᓴᐅᒋᒪᐛ, “ᓇᒪ, ᑕᑕᐅᓱᐤ᙮ ᐊᑯ ᓂᒥᔭᐤ ᐎᔾ ᒐ ‍ᐅᑦ ᐊᐛᓯᒥᑦ ᐊᓂᔭ ᐊᐛᓴ ᑭᔭ ᒪᒃ ᓂᔾ᙮”
\p
\v 27 ᐊᑯ ᒋᓴᐅᒋᒪᐤ ᒂ ‍ ᐃᑕᑦ ᐊᐱᒋᐊᑭᓇ, “ᐊᑲ ‍ ᓂᐸᔨ ᐊᓐ ᐊᐛᔅ᙮ ᒥᔾ ᐊᓐ ᐃᔎᐤ ᑲ ‍ ᐃᔅᒋᔄᑦ ‘ᐊᑲ ᑕᑕᐅᓱᐤ ᐊᓐ ᐊᐛᔅ,’ ᐛᔅ ᐎᔾ ᐊᓐ ᑕᑈ ᐅᑲᐎᒪᐤ ᐊᓂᔭ ᐊᐛᓴ᙮”
\p
\v 28 ᒥᓯᐛ ᐃᔅᕋᐃᓪ ᐃᔪᒡ ᒋᐸᑎᒧᒡ ᑕᓐ ᑲ ᐃᓯ ‍ ᐎᔭᔨᑎᔨᒋ ᒋᓴᐅᒋᒪᐛ, ᑭᔭ ᒋ ᒋᔅᑕᔨᒪᐅᒡ ᐊᓂᔭ ᒋᓴᒪᓂᑐᐛ᙮ ᒋ ᒋᔅᒐᔨᑎᒧᒡ ᑕᑈ ᑲ ᑐᑕᑯᔨᒋ ᒋᓴᒪᓂᑐᐛ ᒐᒋ ᒋᒋᐛ ᑭᒐᑕᐛᔨᑕᑯᓯᑦ, ᒐᒋ ᑯᓯᒄ ᐃᓯ ᑎᐸᔅᑯᓂᒐᑦ᙮
\c 4
\s1 ᓴᓚᒪᓐ ᐅᑦ ᐊᐱᒋᐊᑭᓇ
\p
\v 1 ᒋ ‍ ᒋᓴᐅᒋᒪᐤ ᓴᓚᒪᓐ ᒥᓯᐛ ᐃᔅᕋᐃᓕᒡ ᑲ ᑎᐸᔨᒋᒐᑦ᙮
\v 2 ᑭᔭ ᐊᐅᔪᐛ ᐅᔭ ᑲ ‍ ᐃᔅᐱᑕᔨᑕᑯᓯᔨᒋ ᐅᑦ ᐊᐱᒋᐊᑭᓇ: ᓴᑐᒃ ᐅᑯᓴ ᐊᓴᕆᐊᔨᒋ ᒋ ᐊᔭᒥᐊᐅᒋᒪᐎᔪᐛ᙮
\v 3 ᓯᓴ ᓂᓱ ᐅᑯᓴ ᐊᓕᐅᕋᑉ ᑭᔭ ᐊᐦᐊᐃᒐ ᒋ ᐅᒋᒪᐤ ‍ ‍ ᑲᒥᓯᓇᔨᒐᓯᐅᐎᒡ᙮ ᐊᐦᐃᓗᑦ ᐅᑯᓴ ᒐᐅᓴᐸᑦ ᐊᐅᒄ ᑲ ‍ ᐎᑎᒧᐛᑦ ᐃᔪᐛ ᒋᓴᐅᒋᒪᐛ ᑲ ᐃᓯ ‍ ᐎᔭᔨᑎᒥᔨᒋ᙮
\v 4 ᐱᓇᐃᐊ ᒋ ‍ ᓂᑐᐱᔪᐅ-ᐅᒋᒪᐅᐤ᙮ ᓴᑐᒃ ᑭᔭ ᐊᐱᐊᑕᕐ ᐃᔭᐱᒡ ᒋ ‍ ᐊᔭᒥᐊᐅᒋᒪᐅᒡ
\v 5 ᓇᐃᑎᓐ ᐅᑯᓴ ᐊᓴᕋᔭ ᒋ ‍ ᐅᒋᒪᐅᐤ ᐊᓂᔭ ᒋᓴᐅᒋᒪᐛ᙮ ᑯᑎᑲ ᐅᑯᓴ, ᓴᐳᑦ, ᒋ ‍ ᐊᔭᒥᐊᐅᒋᒪᐅᐤ ᑭᔭ ᑲ ‍ ᐅᒋᒪᐅᑦ ᒋᓴᐅᒋᒪᐛ ᐅᑲᐛᐎᒐᐅᓯᒥᔨᐛ᙮
\v 6 ᐊᐦᐃᓴᕐ ᒋᐅᒋᒪᐅᐤ ᐊᐱᒋᐊᑭᓇ ᑲ ‍ ᐊᑐᔅᒐᔨᒋ ᐊᓐᑕ ᒋᓴᐅᒋᒪᐅᒋᐛᐱᒡ᙮ ᐊᑉᑕ ᐅᑯᓴ ᐊᑐᓇᐃᕋᒻ ᒋᐅᒋᒪᐅᐤ ᐊᓂᔭ ᓇᐸᐛ ᑲ ‍ ᐃᔨᐧᑭᒪᑭᓄᐎᒋ ᒐᒋ ᐊᑐᔅᑯᐛᔨᒋ ᒋᓴᐅᒋᒪᐛ᙮
\b
\p
\v 7 ᓴᓚᒪᓐ ᒋ ‍ ᐅᑎᓇᐤ ᓂᓱᓴᑉ ᓇᐸᐛ, ᐸᐃᒄ ᒐᒋ ᑎᐸᔨᑎᒥᔨᒋ ᑕᑐᐤ ᐊᔅᒋᔭ ᐊᓐᑕ ᐃᔅᕋᐃᓕᒡᐤ᙮ ᐃᔭᐱᒡ ᒋ ‍ ᓂᑐᐛᔨᑕᑯᓱᐅᒡ ᒐᒋ ᐅᑎᓂᒧᐛᒡ ᒥᒋᒥᔪᐤ ᒋᓴᐅᒋᒪᐛ ᑭᔭ ᒥᓯᐛ ᑯᑎᑲ ᑲ ‍ ᐎᒋᔨᒋ ᑭᔭ ᑲ ‍ ᐊᑐᔅᒐᔨᒋ ᐊᓐᑕ ᒋᓴᐅᒋᒪᐅᒋᐛᐱᒡ᙮ ᑭᔭ ᒥᓯᐛ ᑕᑐᐤ ᓇᐸᐤ ᒋ ‍ ᓂᑐᐛᔨᑕᑯᓱᐤ ᑎᐱᔨᐛ ᐅᑦ ᐊᔅᒋᒡ ᒐᒋ ᐅᑎᓇᐧᒃ ᒥᒋᒥᔪᐤ ᐸᐃᒄ ᐱᓯᒺ ᐊᓯᑯᒻ ᐱᐳᓇ᙮
\v 8 ᐊᐅᑯᐤ ᑲ ‍ ᐃᓯᓂᐧᑲᑕᑭᓄᐅᒡ: ᐱᓐ ᐦᐅᕐ ᐊᓐᑕ ᐊᐱᔅᑯᑕᐅᐧᑲᔨᒡ ᐅᑦ ᐊᔅᒋᔪᐤ ᐃᑉᕋᐃᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\v 9 ᐸᓐ-ᑕᑲᕐ, ᒪᑲᔅ, ᓴᒪᔅ, ᑭᔭ ᓴᐊᓪᐱᒻ, ᑭᔭ ᐸᑦ-ᓴᒪᔅ, ᑭᔭ ᐃᓗᓐ-ᐸᑦᐊᓇᓐ ᐅᑕᓇᐛ᙮
\v 10 ᐸᓐ-ᐊᓴᑦ ᐊᕈᑉᐳᑦ, ᑭᔭ ᓱᑯ ᐅᑕᓇᐛ ᑭᔭ ᐊᓂᔭ ᐊᔅᒋᔪᐤ ᒥᒋᒪ ᐦᐊᐸᕐ ᐅᑕᓇᒡ᙮
\v 11 ᐸᓐ-ᐊᐱᓇᑕᑉ, ᑲ ‍ ᐎᒋᒪᑦ ᓴᓚᒪᓇ ᐅᑕᓂᓯᔨᐛ ᑕᐸᑕᔨᒋ, ᒋ ‍ ᑎᐸᔨᑎᒻ ᒥᓯᐛ ᑐᕐ ᐊᔅᒋᔪᐤ᙮
\v 12 ᐊᐦᐃᓗᑦ ᐅᑯᓴ ᐸᓇ, ᑕᓇᒃ ᑭᔭ ᒪᑭᑐᐤ ᐅᑕᓇᐛ ᒋ ‍ ᑎᐸᔨᑎᒻ ᑭᔭ ᒥᓯᐛ ᐊᔅᒋᔪᐤ ᒥᒋᒪ ᓴᕋᑕᓐ ᐅᑕᓇᒡ ᑭᔭ ᐸᑦ-ᓴᓐ ᐅᑕᓇᒡ ᐅᒋ ᓴᐅᓄᒡ ᒐᔅᕆᐅᓪ ᐃᔅᐱᔅ ᐊᐸᓪ-ᒥᐅᓚ ᐅᑕᓇᒡ ᑭᔭ ᐃᐅᒃᒥᐊᒻ ᐅᑕᓇᒡ᙮
\li1
\v 13 ᐸᓐ-ᑲᐸᕐ, ᕋᒧᑦ ᐅᑕᓇᔪᐤ ᒋ ‍ ᑎᐸᔨᑎᒻ ᐊᓐᑕ ᑭᓕᐊᑦ ᐊᔅᒋᒡ, ᑭᔭ ᐊᓂᔭ ᐅᑕᓇᐛ ᐊᓐᑕ ᑭᓕᐊᑦ ᐊᔅᒋᒡ ᑲᑎᐸᐃᑎᒥᔨᒋ ᒐᐃᕋ, ᒪᓇᓴ ᐅᑦ ᐊᓂᔅᑯᑕᐸᓇ, ᑭᔭ ᐊᕐᑯᑉ ᐃᑕᒐ ᐊᓐᑕ ᐸᓴᓐ ᐊᔅᒋᒡ᙮ ᐊᓱᐅᑕᒡ-ᑕᑐᔪᐤ ‍ (60) ᐅᑕᓇᐛ ᒪᒧᐤ ᒋᑕᑎᓂᔨᐛ ᐊᓐᑕ ᐃᑕᐅᓂᒡ, ᒥᓯᐛ ᐸᐃᒄ ᐅᑕᓇᐤ ᐛᔅᑲ ᒋ ‍ ᒪᓂᔅᑲᑎᑯᐅ ᑭᔭ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᒄ ᒋ ‍ ᐃᓯᓇᑯᓂᔨᐛᐤ ᐃᓴᒂ ᑲ ᐊᓱᑯᒧᔨᒋ ᐃᔎᑕᒥᒡ᙮
\li1
\v 14 ᐊᐃᓇᑕᑉ, ᐃᑐ ᐅᑯᓴ, ᒪᓇᐊᐃᒻ ᐅᑕᓇᔪᐤ ᒋ ‍ ᑎᐸᔨᑎᒻ ᐊᓐᑕ ᐛᐱᓄᑕᒡ ᒠᕐᑕᓐ ᓯᐱᒡ;
\li1
\v 15 ᐊᐦᐃᒪᔅ, ᐊᓐ ᑲ ‍ ᐎᒋᒪᑦ ᓴᓚᒪᓇ ᐅᑕᓂᓯᔨᐛ ᐸᓴᒪᑕ ᓇᑉᑕᓕ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᑦ ᐊᔅᒋᔪᐤ ‍ ᑎᐸᔨᑎᒻ;
\li1
\v 16 ᐸᓇ, ᐦᐅᓴᐃ ᐅᑯᓴ, ᐊᓱᕐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᑦ ᐊᔅᒋᔪᐤ ᑭᔭ ᐊᓗᑦ ᐅᑕᓇᔪᐤ ᒋ ‍ ᑎᐸᔨᑎᒻ;
\li1
\v 17 ᒐᐅᓴᐸᑦ, ᐸᕈᐊ ᐅᑯᓴ, ᐃᓴᑲᕐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᑦ ᐊᔅᒋᔪᐤ ᒋ ‍ ᑎᐸᔨᑎᒻ᙮
\li1
\v 18 ᓯᒥᐊᐃ, ᐃᓚ ᐅᑯᓴ, ᐱᓐᒐᐱᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᑦ ᐊᔅᒋᔪᐤ ᒋ ‍ ᑎᐸᔨᑎᒻ᙮
\li1
\v 19 ᑲᐸᕐ, ᐅᕆ ᐅᑯᓴ, ᑭᓕᐊᑦ ᐊᔅᒋᔪᐤ ᒋ ‍ ᑎᐸᔨᑎᒻ, ᐊᓂᔭ ᐊᔅᒋᔪᐤ ᓯᐦᐅᓇ, ᐊᒧᕆ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋᓴᐅᒋᒪᐤ ᐎᐱᒡ ᑲ ‍ ᑎᐸᔨᑕᐧᒃ, ᑭᔭ ᐛᔅᑲ ᐸᓴᓐ ᐊᓂᔭ ᒋᓴᐅᒋᒪᐤ ᐅᒃ ᐎᐱᒡ ᑲ ‍ ᑎᐸᔨᑕᐧᒃ᙮ ᐊᓯᒡ ᐊᓂᔭ ᒥᓯᐛ ᐛᑕᒋ, ᒋ ‍ ᐅᑎᓇᐤ ᓴᓚᒪᓐ ᐸᐃᒄ ᒋᓴᐅᒋᒪᓴ ᒍᑕ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᑦ ᐊᔅᒋᔪᐤ ᒐ ‍ ᑎᐸᔨᑎᒥᔨᒋ᙮
\s1 ᓴᓚᒪᓐ ᐅᒋᓴᐅᒋᒪᐅᓐ
\p
\v 20 ᒋᒋᐛ ᒋ ‍ ᒥᒐᑐᐅᒡ ᐃᔪᒡ ᐊᓐᑕ ᒍᑕᐃᒡ ᑭᔭ ᐊᓐᑕ ᐃᔅᕋᐃᓕᒡ, ᒧᔭᒻ ᐊᑕᑎᒡ ᔭᑲᐤ ᐊᓐᑕ ᓇᓯᐸᑎᒥᒡ᙮ ᒥᓯᐛ ᐊᐛᓐᒋ ᒋ ‍ ᐃᔅᐱᔪᒡ ᒐ ‍ ᒥᒋᒡ ᑭᔭ ᒐ ‍ ᒥᓂᒡ ᑭᔭ ᒥᓯᐛ ᒋ ‍ ᒥᔽᔨᑎᒧᒡ᙮
\v 21 ᐸᔅᑕᒋᐛᑎᓄᒡ ᔪᑉᕆᑎᔅ ᓯᐱᒡ ᒋ ᐅᒋ ‍ ᒋ ᒋᐱᔪᐤ ᓴᓚᒪᓐ ᐅ ‍ ᒋᓴᐅᒋᒪᐅᓐ ᐊᑎᒪᐱᓯᒧᒡ ᐛᔅᑲ ᐱᓕᔅᑎᐊ ᐊᔅᒋᒡ ᐃᓯ, ᑭᔭ ᐊᐱᒥᓯᓇᑕᒡ ᐃᒋᑉᑎᒡ ᐊᓐᑕ ᓴᐅᓄᒡ ᐃᓯ᙮ ᒥᓯᐛ ᑲᑎᐸᐃᒪᑭᓄᐅᒡ ᐃᔪᒡ ᐊᓐᑕ ᐛᔅᑲ ᒋ ‍ ᒋᓯᐧᑲᓱᐅᒡ ᒋᓴᐅᒋᒪᐤ-ᓱᓇᔭᔪᐤ ᑭᔭ ᒋ ‍ᑎᐸᔨᒥᑯᐅᒡ ᓴᓚᒪᓇ ᑲ ‍ ᐃᔅᐱᔅ ᐱᒪᑎᓯᒡ᙮
\p
\v 22 ᒐᒋ ᐊᓯᒪᑦ ᓴᓚᒪᓐ ᒥᓯᐛ ᐃᔪᐛ ᐅᒋᓴᐅᒋᒪᐅᒋᐛᐱᒡ ᑭᔭ ᐅᒪᓐᑕᒪ ᒋ ‍ ᓂᑐᐛᔨᒪᐤ ᐃᔪᐛ ᒐᒋ ᐸᑥᑯᑦ ᐸᐃᑯ ᒥᑕᓯᒥᑐᓄᐤ ᐊᓱ ᐱᑕᑕᑐᔪᐤ ‍ (150) ᑕᑎᐸᐸᑲᔨᑭᓇ ᐊᒥᔪᓯᔨᒋ ᔪᔎᓇ ᑭᔭ ᓂᔅᑐ ᒥᑕᓯᒥᑐᓄᐤ ‍ (300) ᐊ ‍ ᒪᒧᐛᐱᐧᑲᑕᒋ ᐸᒂᓯᑭᓂᒥᓇ᙮
\v 23 ᐸᐃᑯᔪᐤ ‍ (10) ᒥᒋᑎᒂ ᐊᓐᑕ ᐊᐛᓯᓯᐅᒋᐛᐱᒡ ᑲ ᑎᔭᑭᓄᔨᒋ, ᑭᔭ ᓂᓱᔪᐤ ‍ (20) ᐎᐎᑎᒥᒡ ᑲ ᑎᔭᑭᓄᔨᒋ, ᑭᔭ ᐸᐃᑯ ᒥᑕᓯᒥᑐᓄᐤ (100) ᒪᔭᑕᓂᓴ ᑭᔭ ᐊᑎᐧᑲ ᑭᔭ ᐊᑐᐧᑯᓴ ᑭᔭ ᐱᔭᐛ᙮
\v 24 ᒥᓯᐛ ᐊᓐᑕ ᐊᑎᒪᐱᓯᒧᒡ ᔪᑉᕆᑎᔅ ᓯᐱᒡ ᒋ ‍ ᐅᒋᒪᐅᐤ ᓴᓚᒪᓐ᙮ ᑎᑉᓴ ᐅᑕᓇᒡ ᐅᒋ ᐊᓐᑕ ᐸᔅᑕᒋᐛᑎᓄᒡ ᑲᓴ ᐅᑕᓇᒡ ᐊᓐᑕ ᐸᔅᑕᓴᐅᓄᒡ᙮ ᒋ ‍ ᑎᐸᔨᒪᐤ ᒥᓯᐛ ᒋᓴᐅᒋᒪᐛ ᐊᓐᑕ ᐛᔅᑲ᙮ ᑭᔭ ᒋ ‍ ᒋᔭᒥᔽᔨᑎᒧᒡ ᐊ ᒋᓴᐅᒋᒪᐅᑦ ᐊᓯᒡ ᑭᔭ ᐛᔅᑲ ᐊᔅᒋᔭ ᒋᓴᐅᒋᒪᐛ᙮
\v 25 ᒥᓯᐛ ᐱᐳᓇ ᑲ ‍ ᒋᓴᐅᒋᒪᐅᑦ ᓴᓚᒪᓐ᙮ ᒥᓯᐛ ᒍᑕ ᑭᔭ ᐃᔅᕋᐃᓪ ᐃᔪᒡ, ᑕᐊᓐ ᐅᑕᓇᒡ ᐅᒡ ᐊᓐᑕ ᒋᐛᑎᓄᒡ ᐃᔅᐱᔅ ᐱᕐ-ᓯᐸ ᐅᑕᓇᒡ ᐊᓐᑕ ᓴᐅᓄᑕᒡ, ᒋ ‍ ᒥᔽᔨᑎᒧᐅᒡ᙮
\p
\v 26 ᓇᐛᐤ ᒐᓯᐱᔪᐤ ᒐ ᑕᔨᒋ ᑲᐸᐃᑭᔎᐛ ᒋ ‍ ᑭᓄᐛᔨᑎᒻ ᓴᓚᒪᓐ ᐊᓂᔭ ᑲᐅᑕᐸᔨᒋ ᐅᑎᑎᐱᑕᐸᓇᔎ ᑭᔭ ᓂᓴᑈᐤ ᒐᓯᐱᔪᐤ ‍ (12,000) ᓇᐸᐛ ᑲ ‍ ᐳᓯᔨᒋ ᑲᐸᐃᑭᔎᐛ᙮
\p
\v 27 ᑲ ‍ ᓂᓴᐳᔨᒋ ‍ (12) ᐅᒋᓴᐅᒋᒪᓯᒪ ᑲ ᐱᔅᑎᓂᒥᔨᒋ ᒥᒋᒥᔪᐤ ᑲ ‍ ᓂᑐᐛᔨᑕᐧᒃ ᓴᓚᒪᓐ ᒐᒋ ᒥᒋᑦ ᑭᔭ ᐊᓂᔭ ᒥᓯᐛ ᑲ ‍ ᒥᒋᓱᔨᒋ ᐊᓐᑕ ᐅᑦ ᒋᓴᐅᒋᒪᒋᐛᐱᒡ᙮ ᒥᓯᐛ ᒋᓴᐅᒋᒪᓯᒡ ᒋ ‍ ᐱᔅᑎᓂᒧᒡ ᒥᒋᒥᔪᐤ ᐸᐃᒄ ᐱᓯᒺ ᐊᓯᑯᒻ ᐱᐳᓇ᙮ ᒥᓯᐛ ᒋ ‍ ᐱᔅᑎᓂᒧᒡ ᑲ ‍ᐃᓯ ‍ ᓂᑐᐛᔨᑎᒥᔨᒋ ᓴᓚᒪᓇ᙮
\v 28 ᑭᔭ ᒋ ‍ ᐸᑐᐛᐅᒡ ᐛᐱᔪᒥᓇ ᑭᔭ ᐸᒂᓯᑭᓂᒥᓇ ᑲᒋᓯᐱᔨᒋ ᑲᐸᐃᑭᔎᐛ ᑲᐅᑕᔨᒋ ᐊᓂᔭ ᑎᑎᐱᑕᐸᓇᔎ ᑭᔭ ᑯᑎᑲ ᑲ ‍ ᐊᑐᔅᑲᐊᑭᓄᐎᒋ ᑲᐸᐃᑭᔎᐛ᙮ ᐊᓐᑕ ᑲ ‍ ᑭᓄᐛᔨᒪᑭᓄᐎᒋ ᑲᐸᐃᑭᔎᐛ ᒋ ‍ ᐃᑐᑕᐅᒡ᙮
\s1 ᓴᓚᒪᓐ ᐅᑭᒐᑕᐛᔨᑎᒧᐅᓐ
\p
\v 29 ᒋᓴᒪᓂᑐᐤ ᒋ ‍ ᐃᑐᑐᐛᐤ ᓴᓚᒪᓇ ᓇᔅᒡ ᒐᒋ ᑭᒐᑕᐛᔨᑕᑯᓯᔨᒋ ᑭᔭ ᒐᒋ ᑭᓄᐛᔨᑎᒥᔨᒋ ᒋᒋ ‍ ᓂᔅᑐᑎᒧᐅᓂᔪᐤ᙮ ᐅᔅᑕ ᒋ ᓂᔅᑐᑎᒻ ᐊᑎᑐᐤ ᒐᒂᔪᐛ ᐃᔅᐱᔅ ᐊᑕᑎᓂᔨᒋ ᔭᑲᐛ ᓇᓯᐸᑎᒥᒡ᙮
\v 30 ᐊᑎᑐᐤ ᒋ ‍ ᑭᑕᐛᔨᑕᑯᓱᐤ ᐃᔅᐱᔅ ᒥᓯᐛ ᑲ ‍ ᑭᒐᑕᐛᔨᑕᑯᓯᔨᒋ ᓇᐸᐛ ᐊᓐᑕ ᐊᕋᐱᔭᐃᒡ ᑭᔭ ᒥᓯᐳᑕᒥᐊᔨᒡ ᑭᔭ ᒥᓯᐛ ᐃᒋᑉᑎᒡ᙮
\v 31 ᐃᑕᓐ ᐊᔅᕋ ᐅᒋ, ᑭᔭ ᐦᐃᒪᓐ, ᑭᔭ ᑲᓪᑯᓪ, ᑭᔭ ᑕᕐᑕ, ᑭᔭ ᒪᐅᓪ ᐅᑯᓴ ᒋᒋᐛ ᑭᒐᑕᐛᔨᑕᑯᓯᐅᒡ ᒋ ‍ ᐃᑕᔨᒪᑭᓄᐅᒡ, ᒥᒄ ᐅᔅᑕ ᒋ ᑭᒐᑕᐛᔨᑕᑯᓱᐤ ᓴᓚᒪᓐ ᐃᔅᐱᔅ ᐊᓂᔭ ᒥᓯᐛ ᐊᑎᓯᔨᒋ᙮ ᒋ ‍ ᐸᑎᒧᒡ ᐃᔪᒡ ᐊᓐᑕ ᒥᓯᐛ ᐊᔅᑲ ᐊᔅᒋᔭ ᐊ ‍ ᐃᑕᒋᒪᑭᓂᔨᒋ ᓴᓚᒪᓇ᙮
\v 32 ᓂᔍᐤ ᒐᓯᐱᔪᐤ ‍ ‍(3000) ᐃᔅᒋᔄᐅᓇ ᒋ ᒥᓯᓇᑕᐊᒻ ᑭᔭ ᐸᐃᒂᐤ ᒐᓯᐱᔪᐤ ‍ (1000) ᓂᑭᒧᐅᓇ᙮
\v 33 ᒥᒐᑦ ᑕᑎᐸᓐ ᐊ ‍ ᐃᓯᓇᑯᓂᔨᒋ ᓂᑕᐅᒋᑕᑭᓇ ᒋ ‍ ᑎᐸᑎᒻ᙮ ᐊᒂᓯᓇᑯᓯᔨᒋ ᒥᔅᒋᔅᑲᑎᒂ ᐅᒋ ᐊᓐᑕ ᓚᐸᓇᓐ ᐃᔅᐱᔅ ᐊᔭᐱᓯᓯᔨᒋᒡ ᓂᐱᓯᔭᑎᒂ ᓇᑕᐅᒋᔨᒋ ᐊᓐᑕ ᐊ ‍ ᐸᔅᑕᐱᔅᒋᐱᔨᒡ ᐊᓯᓂᒡ ᑭᔭ ᒥᒐᑦ ᒋ ‍ ᑎᐸᒋᒪᐤ ᐊᒂᑎᓯᔨᒋ ᐊᐛᓯᓴ, ᐱᔭᓱᐛ ᑭᔭ ᓂᒪᓴ᙮
\v 34 ᒥᓯᐛ ᐊᐛᓐᒋ ᐊ ‍ ᐃᔅᐱᑎᔅᑭᒥᑲᔨᒡ ᐊᔅᒋᒡ ᐅᒋ ᒋ ‍ ᓂᑐᐛᐱᒪᐅᒡ ᓴᓚᒪᓇ ᒐᒋ ᓂᑐᑐᐛᒡ ᐊ ᐃᔅᒋᔄᔨᒋ ᐊ ‍ ᑭᒐᑕᐛᔨᑕᑯᓂᔨᒋ ᒐᒂᔪᐛ᙮ ᒥᒐᑦ ᒋᓴᐅᒋᒪᐅᒡ ᒋ ‍ ᐃᑎᓴᐛᐅᒡ ᓇᐸᐛ ᒐᒋ ‍ ᓂᑐᑐᐛᔨᒋ ᑭᔭ ᑲᐤ ᒋᐛᔨᒋ ᒐᒋ ᐎᑎᒪᑯᒡ ᒐᒂᔪᐤ ᑲ ‍ ᐃᔅᒋᔄᔨᒋ ᓴᓚᒪᓇ᙮
\c 5
\s1 ᐊᔭᔅᑯᐎᓇᓄᐅᒡ ᒐᒋ ᒋᒥᑕᑭᓄᐅᒡ ᐊᔭᒥᐊᐅᒋᐛᑉ
\p
\v 1 ᐦᐃᕋᒻ, ᑎᕐ ᐅᑕᓇᔪᐤ ᒋᓴᐅᒋᒪᐤ, ᒋᒋᐛ ᒋ ᒥᔪ ‍ ᐎᒐᐛᑭᓂᑐᐛᐤ ᒋᓴᐅᒋᒪᐛ ᑎᐱᑕ᙮ ᐃᔅᐱ ᐱᔭᑕᐧᒄ ᓴᓚᒪᓇ ᑲ ‍ ᐎᔭᔨᒪᑭᓄᐎᒋ ᒐᒋ ᒋᓴᐅᒋᒪᐅᔨᒋ ᐊ ᐊᑲ ᓴᔅ ᐅᒋ ᒋᓴᐅᒋᒪᐎᒋ ᐅᑕᐎᔪᐛ, ᒋ ‍ ᐃᑎᓴᐊᒧᐛᐤ ᓴᓚᒪᓇ ᐱᔅᒐ ᑲᐱᒧᑕᔨᒋ ᐃᔨᒧᐅᓂᔪᐤ ᒐᒋ ᑎᒥᔅᑯᐛᑦ᙮
\v 2 ᓴᓚᒪᓇ ᒋ ‍ ᒥᔭᐤ ᑲᐱᒧᑕᔨᒋ ᐃᔨᒧᐅᓂᔪᐤ ᒐᒋ ᒋᐛᑐᐛᔨᒋ ᐅᔭ ᐃᔨᒧᐅᓂᔪᐤ ᐦᐃᕋᒪ:
\p
\v 3 “ᒋ ᒋᔅᒐᔨᒪᐤ ᓄᑕᐎᔾ ᑎᐱᑦ ᑲ ‍ ᒋᔅᒋᓄᑕᐊᑦ ᐅᓂᑐᐱᔪᐅ-ᐃᔨᒪ ᒐᒋ ᒥᓯᒐᑦ ᒥᒐᑦ ᓂᑐᐱᔪᐅᓇ ᑲ ‍ ᓂᑐᐱᔨᑐᐛᑦ ᑲ ‍ ᐱᒂᑎᑯᑦ ᐊᓐᑕ ᒥᒋᒪ ᐊᔅᒋᔭ᙮ ᐊᑯ ᓇᒪ ᐅᒋ ‍ ᐎᔭᔨᑎᒻ ᒐᒋ ᒋᒥᑕᑦ ᐊᔭᒥᐊᐅᒋᐛᐱᔪᐤ, ᐊᓐᑕ ᒐᒋ ᐊᔭᒥᐊᐅᔅᑐᐅᒋᒡ ᑎᐸᔨᒋᒐᓱ ᓂᒋᓴᒪᓂᑐᒥᓇᓐ, ᐸᑐᔅ ᑎᐸᔨᒋᒐᓱᐤ ᒋ ‍ ᐃᑐᑐᐛᒐ ᐊᓂᔭ ᐃᔅᕋᐃᓪ ᓂᑐᐱᔪᐅ-ᐃᔪᐛ ᒐᒋ ᓴᐧᑯᒋᐊᔨᒋ ᒥᓯᐛ ᑲ ‍ ᐱᒂᑎᑯᔨᒋ᙮
\v 4 ᒥᒄ ᐊᓄᒡ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒋ ‍ ᐃᑐᑎᒻ ᒐᒋ ᒋᔭᒧᐛᔨᑕᑭᓄᐎᒡ ᐊᓯᒡ ᒥᓯᐛ ᐛᔅᑲ ᐊᔅᒋᔭ᙮ ᓇᒪ ᓂᑐᐛᔨᑕᑯᓐ ᒐᒋ ᐃᔭᔨᒪᔨᑎᒪᒡ ᒐᒋ ᑯᓯᒂᔨᒧᑕᑯᐅᔭᒡ᙮
\v 5 ᒋ ‍ ᐊᓱᑎᒧᐛᐤ ᑎᐸᔨᒋᒐᓱᐤ ᓄᑕᐎᔭ ᑎᐱᑕ, ‘ᒋᑯᔅ, ᐊᓐ ᒐ ‍ ᓇᐊᔨᒥᒄ ᒐᒋ ᒋᓴᐅᒋᒪᐅᑦ ᐊ ᐊᑲ ᓴᔅ ᒋᓴᐅᒋᒪᐎᓇ, ᓂᑭ ‍ ᒋᒥᑥᒄ ᐊᔭᒥᐊᐅᒋᐛᐱᔪᐤ᙮’ ᐊᓐ ᐅᒋ, ᓂᒋ ‍ ᐎᔭᔨᑕᓐ ᒐᒋ ᒋᒥᑕᔭᓐ ᐊᔭᒥᐊᐅᒋᐛᑦ ᐊᓐᑕ ᒐᒋ ᐊᔭᒥᐊᐅᔅᑐᐛᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ᙮’
\p
\v 6 ᐊᑯ ᒋ ‍ ᓂᑐᐛᔨᑎᒪᑎᓐ ᒐᒋ ᐃᑎᓱᒥᑥᐤ ᐊᓐ ᒋᑦ ᐃᔨᒥᒡ ᒐᒋ ᐱᔅᒋᑲᐛᐊᒧᐅᒡ ᒥᔅᒋᔅᑲᑎᒂ᙮ ᒋᑭ ᐎᒋ ‍ ᐊᑐᔅᒐᒥᑯᐅᒡ ᓂᑦ ᐃᔨᒪ, ᑭᔭ ᓂᑭ ‍ ᒋᓯᐧᑯᐛᐅᒡ ᒋᑦ ᐃᔨᒥᒡ ᒥᒄ ᒐᒂᓐ ᐎᔭᔨᑎᒥᓐ᙮ ᒥᒄ ᓇᒪ ᒋᑭ ᒋ ‍ ᐸᐃᑯᐧᑭᒧᒡ ᐊᑐᔅᒐᐅᓂᔪᐤ ᓂᑦ ᐃᔨᒥᒡ, ᐛᔅ ᓇᒪ ᓂᑕᐅᐤ ᒋᒥᑲᐛᐅᒡ ᒥᔅᑎᒂ ᒧᔭᒻ ᐊ ᐃᓯ ‍ ᑭᔅᒋᐅᒡ ᒋᑦ ᐃᔨᒥᒡ ᓴᐃᑐᓐ ᐅᑕᓇᒡ ᐅᒋ᙮”
\p
\v 7 ᐃᔅᐱ ᐦᐃᕋᒻ ᐱᔭᑕᐧᒄ ᓴᓚᒪᓇ ᐅᑦ ᐃᔨᒧᐅᓂᔪᐤ, ᒋᒋᐛ ᒋ ‍ ᒥᔽᔨᑎᒻ, ᑭᔭ ᒂ ‍ ᐃᔅᒋᔄᑦ, “ᓂ ‍ ᒪᒥᒋᒪᐤ ᑎᐸᔨᒋᒐᓱᐤ ᐊᓄᒡ ᐊᒋ ‍ ᒥᔭᑦ ᑎᐱᑕ ᐊᑭᒐᑕᐛᔨᑕᑯᓯᔨᒋ ᐅᑯᓯᒪᐛ ᒐᒋ ᑎᐸᔨᑎᒥᔨᒋ ᒋᒋ ‍ ᐊᔅᒋᔪᐤ!” ‍ 
\p
\v 8 ᒋ ᐃᑎᓴᐊᒧᐛᐤ ᓴᓚᒪᓇ ᐅᔭ ᐃᔨᒧᐅᓂᔪᐤ “ᓂᒋ ‍ ᐸᑕᓐ ᐃᔨᒧᐅᓐ ᑲ ‍ ᐃᑎᓴᐊᒧᐎᔨᓐ, ᑭᔭ ᓂᑦ ᐊᔭᔅᑯᐎᔨᓐ ᒐᒋ ᑐᑎᒪᓐ ᒐᒂᓐ ᓇᑐᐛᔨᑎᒥᓐ᙮ ᒋᑭ ‍ ᒥᔨᑎᓐ ᒥᔅᒋᔅᑲᑎᑯᒡ ᑭᔭ ᐃᔭᓯᑎᑯᒡ᙮”
\p
\v 9 ᓚᐸᓂᓐ ᐱᔅᑯᑎᓇᒡ ᐅᒋ ᒋᑭ ‍ ᐅᑐᑕᐅᒡ ᓂᑲᐊᑐᔅᒐᓯᒥᒡ ᒥᔅᑎᒂ ᒥᑎᑐᕋᓂᔭᓐ ᐎᓂᐸᑯᒡ ᐃᓯ᙮ ᐊᑯ ᒐ ᑕᐱᑐᐛᐱᐧᑲᑕᒡ ᒐᒋ ᐅᓯᑕᑦ ᒥᑦ ᐅᐤᑎᔪᐤ ᓯᓱᒡ ᒐᒋ ᐱᒪᐳᔨᒋ ᐃᑕᐅᓂᒡ ᐃᓯ ᑲ ‍ ᐎᑎᒥᓐ᙮ ᐊᑯ ᓂᑲᐊᑐᔅᒐᓯᒥᒡ ᒐ ‍ ᐊᐱᐧᑯᓇᒡ ᒥᔅᑎᒂ, ᑭᔭ ᒋᑲᐊᑐᔅᒐᓯᒥᒡ ᐊᓐᑕ ᐅᒋ ᒐ ‍ ᐅᑎᓇᒡ᙮ ᒐᒋ ᒥᔨᑥᐤ ᒥᒋᒥᔪᐤ ᐊᓐᒡ ᐃᔪᒡ ᐊᑐᔅᒐᒡ ᐊᓐᑕ ᓂᒋᓴᔭᒥᐊᐅᒋᐛᐱᒡ ᐊᐅᒄ ᒐᒂᓐ ᓇᑎᐛᔨᑎᒪᑕᓐ ᒐ ᑐᑎᒥᓐ᙮”
\p
\v 10 ᐊᑯ ᐦᐃᕋᒻ ᐊᔭᔅᑯᐛᐊᑦ ᐅ ‍ ᑲᑐᔅᒐᓯᒪ ᒐᒋ ᒥᔭᔨᔨᒋ ᒥᓯᐛ ᒥᔅᒋᔅᑲᑎᒂ ᑭᔭ ᐃᔭᓯᑎᒂ ᑲ ‍ ᓂᑐᐛᔨᒪᔨᒋ ᓴᓚᒪᓇ᙮
\v 11 ᐊᓯᑯᒻ ᐱᐳᓇ ᓴᓚᒪᓐ ᒋ ‍ ᒥᔭᐤ ᐦᐃᕋᒪ ᐸᐃᒄ ᒥᑕᓯᒥᑎᓄᐤ ᑕᑥᐤ ᒐᓯᐱᔪᐤ ‍ (100,000) ᑕᑎᐸᐸᑲᔨᑭᓇ ᐸᒂᓯᑭᓂᒥᓇ ᑭᔭ ᐸᐃᒄ ᒥᑕᓯᒥᑎᓄᐤ ᑕᑥᐤ ᒐᓯᐱᔪᐤ ‍ ᐊᓱ ᐸᐃᑯᔪᐤ (110,000) ᑕᑐᐎᔭᑭᓐ ᐊᒥᔪᓯᔨᒋ ᐊᓕᑉ ᐱᒥᔭ ᒐᒋ ᒥᒋᓱᔨᒋ ᐃᔪᐛ ᑲᑐᔅᒐᔨᒋ ᐊᓐᑕ ᒋᓴᔭᒥᐊᐅᒋᐛᐱᒡ᙮
\v 12 ᑎᐸᔨᒋᒐᓱᐤ ᒋ ‍ ᐃᑐᑐᐛᐤ ᓴᓚᒪᓇ ᒐᒋ ᑭᒐᑕᐛᔨᑕᑯᓯᔨᒋ, ᒧᔭᒻ ᒂ ‍ ᐃᓯ ‍ ᐊᓱᑎᒪᒐᑦ᙮ ᓴᓚᒪᓐ ᑭᔭ ᐦᐃᕋᒻ ᒋ ‍ ᐃᑐᑎᒧᒡ ᓂᔅᑯᒥᑐᐅᓂᔪᐤ ᒐᒋ ᐃᑐᑯᓂᔨᒡ ᒋᔭᒪᔨᑎᒧᐅᓂᔪᐤ ᐊᓐᑕ ᐊᓂᓯᓂᔨᒋ ᐅᑦ ᐊᔅᒋᐛᒡ᙮
\p
\v 13 ᒋᓴᐅᒋᒪᐤ ᓴᓚᒪᓐ ᒋ ‍ ᐃᔨᐧᑭᒪᐊᐤ ᓂᔅᑐᐎᔪᐤ ᑕᑥᐤ ᒐᓯᐱᔪᐛ ‍ (30,000) ᓇᐸᐛ ᒥᓯᐛ ᐃᔅᕋᐃᓪ ᐊᔅᒋᒡ ᐅᒋ ᒐᒋ ᐊᑐᔅᑲᑕᔅᑯᑦ᙮
\v 14 ᐊᑐᓂᕋᒪ ᒋ ‍ ᐅᒋᒪᒧᐅᒡ᙮ ᓂᔅᑐᐎᒡ ᒋ ᐃᓯ ‍ ᑎᐸᓇᐊᐤ ᓴᓚᒪᓐ᙮ ᐊᓯᑯᒻ ᐱᓯᒺ ᐸᐃᑯᔪᐤ ᑕᑥᐤ ᒐᓯᐱᔪᐤ (10,000) ᓇᐸᐅᒡ ᓚᐸᓇᓐ ᒋ ‍ ᐃᑐᑕᐅᒡ ᑭᔭ ᐸᐃᒄ ᐱᓯᒺ ᐊᓐᑕ ᒋ ᐊᑐᔅᒐᐅᒡ, ᑭᔭ ᓂᓱ ᐱᓯᒺ ᑲᐤ ᒋ ‍ ᒋᐛᐅᒡ᙮
\v 15 ᓴᓚᒪᓐ ᐃᔭᐱᒡ ᒋ ‍ ᐃᔨᐧᑭᒪᐊᐤ ᔭᓇᐤ ᑕᑐᔪᐤ ᒐᓯᐱᔪᐤ ‍ (80,000) ᓇᐸᐛ ᒐᒋ ᒋᒥᓯᒥᔨᒋ ᐊᓯᓂᔪᐤ ᐊᓐᑕ ᐊᐱᔅᑯᑎᓇᓯᔨᒡ ᑭᔭ ᓂᔄᐅᑕᒡ ᑕᑐᔪᐤ ᒐᓯᐱᔪᐤ ‍(70,000) ᓇᐸᐛ ᒐᒋ ᐅᔅᑕᐸᔨᒋ ᐊᓂᔭ ᐊᓯᓂᔭ ᐊᓐᑕ ᒋᕈᓯᓕᒥᒡ ᐃᓯ᙮
\v 16 ᑭᔭ ᐃᔭᐱᒡ ᒋ ‍ ᒥᔭᐤ ᓂᔍᐤ ᒐᓯᐱᔪᐤ ᒪᒃ ᐊᓱᑕᒡ ᑕᑐ ᒥᑕᓯᒥᑎᓄᐤ ‍ (3,600) ᓇᐸᐛ ᒐᒋ ᒋᑕᐸᑎᒥᔨᒋ ᐅᑦ ᐊᑐᔅᒐᐅᓂᔪᐤ᙮
\v 17 ᒋᓴᐅᒋᒪᐤ ᐃᔭᐱᒡ ᒋ ‍ ᐃᑎᓱᐛᑦᐤ ᐅᑲᑐᔅᒐᓯᒪ ᒐᒋ ᒪᑎᓱᐛᔨᒋ ᐊᒪᒥᒐᐱᔅᒋᔨᒋ ᐊᓯᓂᔭ ᐊᓐᑕ ᐊ ‍ ᐱᓴᔨᒡ ᐅᒋ ᑭᔭ ᒐᒋ ᐊᐃᑐᐤ ᒐᒋ ᓱᓱᐛᑲᐛᔨᒋ᙮ ᐊᐅᒄ ᐊᓂᔭ ᒐ ‍ ᐊᐱᒋᐊᒡ ᐊᒪᒥᒐᐱᔅᒋᔨᒋ ᐊᓯᓂᔭ ᒐ ᑕᐅᒋᑲᐳᐎᔨᒡ ᐊᔭᒥᐅᒋᐛᐱᔪᐤ᙮
\v 18 ᓴᓚᒪᓐ ᐅᑲᑐᔅᒐᓯᒪ ᑭᔭ ᐦᐃᕋᒻ ᐅᑲᑐᔅᒐᓯᒪ ᑭᔭ ᓇᐸᐅᒡ ᑭᐸᓪ ᐅᑕᓇᒡ ᐅᒋ ᒋ ‍ ᐃᔨᑕᔅᑯᐛᔭᐅᒡ ᐊᓯᓂᔭ ᑭᔭ ᒋ ‍ ᐊᔭᔅᑯᐛᔭᐅᒡ ᒥᔅᑎᒂ ᒐᒋ ᐅᓯᑕᑭᓄᐎᔨᒡ ᐊᔭᒥᐊᐅᒋᐛᐱᔪᐤ᙮
\c 6
\s1 ᓴᓚᒪᓐ ᐅᑦ ᐃᔨᒪ ᒋᒥᑕᔪᐛ ᐊᔭᒥᐊᐅᒋᐛᐱᔪᐤ
\p
\v 1 ᓇᐤ ᒥᑕᓯᒥᑎᓄᐤ ᐊᓱ ᔭᓇᐤ ᑕᑐᔪᐛᐱᐳᓇ ‍ (480) ᑲᒋ ‍ ᓂᑭᑕᒡ ᐃᒋᑉᑎᔪᐤ ᐃᔅᕋᐃᓪ ᐃᔪᒡ᙮ ᐊᓂᔭ ᓇᐤ ‍ (4) ᐱᐳᓂᔪᐤ ᑲ ᐅᒋᒪᐅᑦ ᐃᔅᕋᐃᓕᒡ ᓴᓚᒪᓐ, ᐎᐱᒡ ᐊᓐᑕ ᐊᓯᒺᒄ ᐱᓯᒺ, ᒋᒋᐱᔪᐛ ᓴᓚᒪᓐ ᐅᑲᑐᔅᒐᓯᒪ ᐊᒋᒥᑕᔨᒋ ᐊᔭᒥᐊᐅᒋᐛᐱᔪᐤ ᙮
\p
\v 2 ᐸᐃᑯᔅᑕᐤ ᑕᑐᔪᐛᒥᓯᑦ ‍ (90) ᒋ ᐃᔅᐱᔅ ᒋᓏᔪᐤ ᐊᓐᑕ ᐱᑎᑭᒥᒡ, ᐛᒋ ‍ ᐱᒐᓄᐎᒡ ᐊᔭᒥᐊᐅᒋᐛᐱᔪᐤ, ᓇᔅᑐᔪᐛᒥᓯᑦ ‍ (30) ᒋ ᐃᔅᐱᔅ ᐃᑭᔅᑲᔪᐤ, ᑭᔭ ᓇᐎᔪᐤ ᐊᓱ ᐱᑕᑕᒡ (45) ᑕᑐᐤ ᒥᓯᑦ ᒋ ᐃᔅᐱᔅ ᐃᔅᐸᔪᐤ᙮
\v 3 ᐱᑕᑕᒡ ᑕᑐᓴᑉ ‍ (15) ᒥᓯᑦ ᒋ ᐃᔅᐱᔅ ᒋᓏᔪᐤ ᐊᓐᑕ ᐛᒋ ‍ ᐱᒐᓄᐎᔨᒡ ᑭᔭ ᓇᔅᑐᔪᐛᒥᓯᑦ ‍ (30) ᒋ ᐃᔅᐱᔅ ᐃᑭᔅᑲᔪᐤ, ᒧᔭᒻ ᐊᔅᐱᔅ ᐃᑭᔅᑲᔨᒡ ᐊᓐᑕ ᒋᒋᐛ ᐛᒋ ‍ ᐱᒐᓄᐎᔨᒡ ᐊᔭᒥᐊᐅᒋᐛᐱᔪᐤ᙮
\v 4 ᐊᔅᑎᒥᑎᒡ ᒋ ‍ ᑎᑯᓂᔨᐛ ᐛᒋ ‍ ᓴᒋᐛᐱᓇᓄᐎᔨᒡ᙮ ᐊᑎᑐᐤ ᒋ ‍ ᓴᑯᐛᔪᐛ ᐛᒋ ‍ ᓴᒋᐛᐱᓇᓄᐎᒋ ᐊᓐᑕ ᐎᐎᑎᒥᒡ ᐃᔅᐱᔅ ᐱᑎᑭᒥᒡ᙮
\v 5 ᐊᓐᑕ ᐊ ‍ ᐃᑐᐤ ᑭᔭ ᐊᓐᑕ ᑕᐛᔅᑲᒡ ᐊᔅᑎᒥᑎᒡ ᐊᔭᒥᐊᐅᒋᐛᐱᔪᐤ, ᒋ ‍ ᐅᓯᑎᒧᐅᒡ ᒥᒋᐛᐱᔪᐤ ᐊ ‍ ᑎᑯᓂᔨᒋ ᑲᐱᔅᒋᒐᔭᔨᒋ ᐱᑎᑭᒥᒡ᙮ ᓂᔍᐤ ᒋ ‍ ᐃᔅᐱᒥᑎᑯᐅᐤ ᐅ ᒥᒋᐛᑉ ᑭᔭ ᓂᔄᐅᑕᒡ ᑕᑐᐤ ᒥᓯᑦ ᒪᒃ ᐳᔅᒄ ‍ (7 ½) ᒋ ᐃᔅᐱᔅ ᐃᔅᐸᔪᐛ ᐊᓯᑯᒻ ᐊ ‍ ᐃᔅᐱᒥᑎᑯᐅᒡ᙮
\v 6 ᐊᓯᑯᒻ ᑲᐱᔅᒋᒐᔭᔨᒋ ᐊᓐᑕ ᐊᓇᒡ ᑲ ‍ ᑎᑯᓂᔨᒋ ᓂᔄᐅᑕᒡ ᑕᑐᐤ ᒥᓯᑦ ᒪᒃ ᐳᔅᒄ ‍ (7 ½) ᒋ ᐃᔅᐱᔅ ᐃᔨᑭᔅᑲᐛ᙮ ᐊᓯᑯᒻ ᑲᐱᔅᒋᒐᔭᔨᒋ ᐊᓐᑕ ᑕᑕᐅᒡ ᑲ ‍ ᐃᔅᐱᒥᑎᑯᐅᒡ ᐸᐃᑯᔅᑕᐤ ‍ (9) ᑕᑐᐤ ᒥᓯᑦ ᒋ ‍ ᐃᔅᐱᔅ ᐃᔨᑭᔅᑲᐛ᙮ ᑲᐱᔅᒋᒐᔭᔨᒋ ᐊᓐᑕ ᑕᐧᑯᒡ ᐸᐃᑯᔪᒥᓯᑦ ᒪᒃ ᐳᔅᒄ ‍ (10 ½) ᒋ ‍ ᐃᔅᐱᔅ ᐃᔨᑭᔅᑲᐛ᙮ ᒋ ‍ ᐱᐱᑲᐤ ᐊᔅᑎᒥᑎᒡ ᐊᓐᑕ ᑕᐧᑯᒡ ᐊ ᐃᔅᐱᒥᑎᑯᐅᒡ ᐊᔭᒥᐊᐅᒋᐛᑉ ᐃᔅᐱᔅ ᐊᓐᑕ ᑕᑕᐅᒡ ᐊ ‍ ᐃᔅᐱᒥᑎᑯᐅᒡ, ᑭᔭ ᒋ ‍ ᐱᐱᑲᐤ ᐊᔅᑎᒥᑎᒡ ᐊᓐᑕ ᑕᑕᐅᒡ ᐊ ‍ ᐃᔅᐱᒥᑎᑯᐅᒡ ᐃᔅᐱᔅ ᐊᓐᑕ ᐊᓇᒡ᙮ ᐊᓐ ᐅᒋ ᑲᐱᔅᒋᒐᔭᔨᒋ ᐊᓇᒡ ᐊᔅᑎᒥᑎᒡ ᒋᑕᐅᒋᑲᐳᐅᐛ, ᑭᔭ ᓇᒪ ᐅᒋ ᓂᑐᐛᔨᑕᑯᓯᐅᒡ ᐊᒥᔅᑎᑯᐅᒡ ᑕᑕᔨᑭᓐᒡ ᒐᒋ ᑕᐅᒋᑲᐳᐅᒡ᙮
\p
\v 7 ᒋ ‍ ᒋᒥᓯᐛᑭᓄᐅᒡ ᐊ ‍ ᒪᒥᒐᐱᔅᒋᒡ ᐊᓯᓂᔨᒡ ᐊᓐᑕ ᒐᑕᒋᑲᐳᐅᒡ ᐊᔭᒥᐊᐅᒋᐛᑉ ᑭᔭ ᐊ ‍ ᐱᓴᔨᒡ ᐊᓐᑕ ᒋ ‍ ᓱᓱᐛᑲᐛᑭᓄᐅᒡ᙮ ᐊᓂᔭ ᐅᒋ ᒐ ᐊᑲ ᐃᑥᐛᑕᒡ ᑲ ‍ ᐊᑐᔅᒐᓯᒡ ᒪᒂᒡ ᐊᒋᒥᑕᒡ ᐊᔭᒥᐊᐅᒋᐛᐱᔪᐤ, ᐛᔅ ᓇᒪ ᐅᒋ ᐊᐱᒋᑕᐅᒡ ᐊᓐᑕ ᐅᑕᒪᔨᑭᓇ ᑭᔭ ᒪᒃ ᐊ ‍ ᐃᓴᑯᔨᒋ ᐊᑐᔅᑲᐛᑭᓇ᙮
\p
\v 8 ᐊᓐᑕ ᐛᒋ ‍ ᐱᒐᓄᐅᒡ ᐊᓐᑕ ᐊᓇᒡ ᑲ ᐅᒋ ‍ ᑕᐱᑎᒡ ᒥᒋᐛᑉ ᓴᐅᓄᒡ ᐊᔭᒥᐊᐅᒋᐛᐱᒡ ᒋ ‍ ᑎᑯᓐ᙮ ᑕᑕᐧᑯᔅᑲᓇᓇ ᒋ ‍ ᑎᑯᓂᔪᐛ ᐊᓇᒡ ᐅᒋ ᑕᑕᐅᒡ ᑭᔭ ᑕᐧᑯᒡ ᐊ ᐃᔅᐱᒥᑎᑯᐅᒡ ᐃᓯ᙮
\v 9 ᐊᑯ ᓴᓚᒪᓐ ᐅᑲᑐᔅᒐᓯᒪ ᒋ ‍ ᒋᔅᑕᔪᐛ ᐊ ᐎᑲᐳᐎᑕᔨᒋ ᐎᐎᑎᒥᒡ ᐊᔅᑎᒥᑎᒡ ᐊᓂᔭ ᐊᔭᒥᐊᐅᒋᐛᐱᔪᐤ᙮ ᒥᔅᒋᔅᑲᑎᒂ ᒋ ‍ ᐊᐱᒋᐊᐅᒡ ᐊ ‍ ᐅᓯᑕᒡ ᐊᓐᑕ ᐃᔅᐱᒥᒡ
\v 10 ᓂᔍᐤ (3) ᒐᒋ ᐃᔅᐱᒥᑎᑯᔨᒡ ᒋ ᐃᓯᓇᑯᑕᐅᒡ ᐊᓂᔭ ᒥᒋᐛᐱᔪᐤ, ᑲᑕᔅᑲᑐᒥᑭᓂᔨᒡ ᐊᔅᑎᒥᑎᒡ ᐊᔭᒥᐊᐅᒋᐛᐱᔪᐤ᙮ ᒋ ᐅᒋ ‍ ᑕᐱᑎᓂᔪᐤ ᐊᓂᔭ ᒥᒋᐛᐱᔪᐤ ᐊᓐᑕ ᐊᔭᒥᐊᐅᒋᐛᐱᔪᐤ᙮ ᓂᔄᐅᑕᒡ ᑕᑐᐤ ᒥᓯᑦ ᒪᒃ ᐳᔅᒄ ‍ (7 ½) ᒋ ᐃᔅᐱᔅ ᐃᔅᐸᔪᐛ ᐊᓯᑯᒻ ᐊ ‍ ᐃᔅᐱᒥᑎᑯᐅᒡ, ᑭᔭ ᐊᔭᒥᐊᐅᒋᐛᐱᒡ ᒋ ‍ᐅᒋ ‍ ᐊᓱᐅᒧᐤ ᒥᔅᒋᔅᑲᑎᑯᒡ ᐊᐱᒋᐊᑭᓄᐅᒡ᙮
\p
\v 11 ᐊᑯ ᑎᐸᔨᒋᒐᓱᐤ ᐊᑕᑦ ᓴᓚᒪᓇ:
\v 12 “ᒋ ᐎ ᐊ ‍ ᐃᒧᑎᒪᑎᓐ ᐊᓐ ᒐᒥᑕᔨᓐ ᐊᔭᒥᐊᐅᒋᐛᑉ᙮ ᓂᓇᔨᑎᒥᓇ ᒥᓯᐛ ᓂᐎᓱᐛᐅᓇ ᑭᔭ ᓂᑦ ᐃᑎᓱᐛᐅᓇ, ᒋᑭ ‍ ᐃᑐᑎᒪᑎᓐ ᒐᒂᔪᐤ ᑲ ‍ ᐊᓱᑎᒧᐅᒄ ᒍᑕᐎ ᑎᐱᑦ᙮
\v 13 ᓂᑭ ‍ ᐎᒋᒪᐅᒡ ᐃᔅᕋᐃᓪ ᐃᔪᒡ ᐅᑕ ᐊᔭᒥᐊᐅᒋᐛᐱᒡ ᑭᔭ ᓇᒪ ᓂᑕ ᓂᑭ ‍ ᓂᑭᑕᐅᒡ᙮”
\p
\v 14 ᒋ ‍ ᒋᔅᑕᔪᐛ ᓴᓚᒪᓐ ᐅᑲᑐᔅᒐᓯᒪ ᐊᒋᒥᑕᔨᒋ ᐊᔭᒥᐊᐅᒋᐛᐱᔪᐤ᙮
\v 15 ᐊᑯ ᐊᓐᑕ ᐱᑎᑭᒥᒡ, ᒥᔅᒋᔅᑲᑎᒄ ᐱᐱᒋᑎᒂ ᒋ ‍ ᒋᑭᒺᐅᒡ ᐊᓐᑕ ᐊᔅᑎᒥᑎᒡ᙮ ᒧᔅᑎᑎᒡ ᐅᒋ ᐃᔅᐱᔅ ᐃᔅᐱᒥᒡ ᐊ ‍ ᐱᓯᑯᓯᔨᒋ ᒥᔅᑎᒂ ᒋ ‍ᐅᒋ ‍ ᐅᓯᑕᐅᒡ ᒧᔅᑎᑎᒋᔪᐤ᙮
\v 16 ᑲᐱᔅᒋᒐᔭᔨᒡ ᒋ ‍ ᐅᓯᑕᐅᒡ ᐊᓐᑕ ᑕᐛᔅᑲᒡ ᐱᑎᑭᒥᒡ ᐊᔭᒥᐊᐅᒋᐛᐱᒡ, ᓇᔅ ᑲ ᐸᔭᐧᑲᒡ-ᐃᑕᐅᓐ ᐊ ‍ ᐃᓯᓂᐧᑲᑕᒡ᙮ ᓂᔅᑐᐎᔪᐛᒥᓯᑦ ‍ (30) ᒋ ‍ ᐃᔅᐱᓴᐅ᙮ ᒥᓯᐛ ᐊᔅᑎᒥᑎᒡ ᒥᔅᒋᔅᑲᑎᒄ ᐱᐱᒋᑎᑯᒡ ᒋ ‍ ᒋᑭᒺᑭᓄᐅᒡ᙮
\v 17 ᒋ ‍ ᑎᑯᓐ ᑲᐱᔅᒋᒐᔭᒡ ᐊᓱᑕᒡ ᑕᑐᔪᐛᒥᓯᑦ ‍ (60) ᐊ ‍ ᐃᔅᐱᔅ ᒋᓏᒡ ᐊᓐᑕ ᓂᑲᓐ ᓇᔅ ᑲ ᐸᔭᐧᑲᒡ-ᐃᑕᐅᓂᒡ᙮
\v 18 ᐛᐱᑭᓇ ᑭᔭ ᓂᑕᐅᒋᑕᑭᓇ ᒋ ᐃᓯ ‍ ᒥᒪᑕᐅᐧᑯᑕᑭᓄᐅ ᒥᔅᒋᔅᑲᑎᒄ ᐱᐱᒋᑎᑯᒡ ᐊᓐᑕ ᐊᔅᑎᒥᑎᒡ ᐱᑎᑭᒥᒡ ᐊᔭᒥᐊᐅᒋᐛᐱᒡ᙮ ᒥᔅᒋᔅᑲᑎᒄ ᐱᐱᒋᑎᑯᒡ ᒋ ‍ ᒋᑭᒧᐅᒡ ᐊᓐᑦ ᒥᓯᐛ ᐊᔅᑎᒥᑎᒡ, ᐊᓐ ᐅᒋ ᓇᒪ ᐅᒋ ‍ ᓂᑯᓇ ᐊᓯᓂᔭ ᐊᓐᑕ ᐊᔅᑎᒥᑎᒡ᙮
\p
\v 19 ᐊᓐᑕ ᐅᑕᒡ ᐊᔭᒥᐊᐅᒋᐛᐱᒡ ᒋ ‍ ᐅᓯᑕᐅᒡ ᓇᔅ ᑲ ᐸᔭᐧᑭᓂᔨᒡ-ᐃᑕᐅᓂᔪᐤ ᐊᓐᑕ ᒐᑎᑕᑭᓄᐅᒡ ᐸᔭᒋ-ᒥᐅᑦ᙮
\v 20 ᓂᔅᑐᐎᔪᐛᒥᓯᑦ ‍ (30) ᒋ ‍ ᐃᔅᐱᔅ ᒋᓏᐤ, ᑭᔭ ᓂᔅᑐᐎᔪᐛᒥᓯᑦ ‍ (30) ᒋ ‍ ᐃᔅᐱᔅ ‍ ᐃᑭᔅᑲᐤ, ᑭᔭ ᓂᔅᑐᐎᔪᐛᒥᓯᑦ ‍ (30) ᒋ ‍ ᐃᔅᐱᔅ ᐃᔅᐸᓇᐤ᙮ ᐊᐱᐱᑲᐱᔅᑲᒡ ᐎᔄᐅᓱᓇᔭᐤ ᒋ ‍ ᒋᑭᒧᐤ ᐊᓐᑕ ᐊᔅᑎᒥᑎᒡ᙮ ᐃᔭᐱᒡ ᒋ ‍ ᐅᓯᑕᐅᒡ ᐱᔅᑎᓂᒐᐅᓇᐱᔅᑯᔪᐤ ᒥᔅᒋᔅᑲᑎᒄ ᐱᐱᒋᑎᑯᒡ ᐅᒋ ᐊᓐᑕ ᒐ ᓯᔅᑲᔨᑭᓂᔨᒋ ᐎᒋᒪᓯᑭᓇ᙮
\v 21 ᓴᓚᒪᓐ ᒋ ‍ ᐃᑎᐤ ᑲᑐᔅᒐᔅᒋᔨᒋ ᒐᒋᑭᒧᑕᔨᒋ ᓇᔅᒡ ᐊᐱᐱᑲᓯᔨᒡ ᐎᔄᐅᓱᓇᔭᔪᐤ ᐊᓐᑕ ᒂᔅᑕᒐ ᐊᔅᑎᒥᑎᒡ ᐊᓐᑕ ᐱᑎᑭᒥᒡ ᐊᔭᒥᐊᐅᒋᐛᐱᒡ, ᑭᔭ ᒐᒋ ᒋᑭᒧᑕᔨᒋ ᐎᔄᐅᓱᓇᔭᐤ ᐃᓴᒂᔭᐱᔭ ᐊᓐᑕ ᐛᒋ ‍ ᐱᒐᓄᐎᔨᒡ ᓇᔅ ᑲ ᐸᔭᐧᑭᓂᔨᒡ-ᐃᑕᐅᓂᔪᐤ᙮
\v 22 ᒋ ᒋᑭᒧᑕᔪᐛ ᓇᔅᒡ ᐊᐱᐱᑲᓯᔨᒡ ᐎᔄᐅᓱᓇᔭᔪᐤ ᐊᓐᑕ ᒥᓯᐛ ᐊᔅᑎᒥᑎᒡ ᐊᔭᒥᐊᐅᒋᐛᐱᒡ ᑭᔭ ᐊᓐᑕ ᐎᐎᑎᒥᒡ ᓇᔅ ᑲ ᐸᔭᐧᑭᓂᔨᒡ-ᐃᑕᐅᓂᒡ ᑲ ‍ ᑎᑯᓂᔨᒡ ᐱᔅᑎᓂᒐᐅᓇᐱᔅᑯᔪᐤ᙮
\p
\v 23 ᐱᑎᑭᒥᒡ ᐊᓐᑕ ᓇᔅ ᑲ ᐸᔭᐧᑭᓂᔨᒡ-ᐃᑕᐅᓂᒡ ᒋ ‍ ᐅᓴᐅᒡ ᓇᔅᒡ ᐊᒥᓯᑎᔨᒋ ᓂᓱ ᐃᔨᒐᐛᓇ ᐊ ‍ ᐅᒥᑯᓂᔨᒋ ᐅᓕᑉ ᒥᔅᑎᒂ ᐅᒋ᙮ ᑕᐱᔅᑯᓐ ᐱᑕᑕᒡ ᑕᑐᓴᑉ (15) ᒥᓯᑦ ᒋ ᐃᔅᑯᑲᐳᔪᐛ᙮
\v 24-26 ᑕᐱᔅᑯᓐ ᐊ ‍ ᓂᓯᔨᒡ ᒋ ᐃᔅᑯᑲᐳᐅᒡ ᑭᔭ ᑕᐱᔅᑯᓐ ᒋ ‍ ᐃᓯᓇᑯᓱᐅᒡ᙮ ᑕᐱᔅᑯᓐ ᒋ ᓇᓂᓯᔨᐛ ᐅᒥᑯᓄᐛᐛ ᐊᒥᓯᑕᐱᔨᒋ᙮ ᓂᔄᐅᑕᒡ ᒥᓯᑦ ᒪᒃ ᐳᔅᒄ (7-1/2) ᒋ ‍ ᐃᔅᐱᑎᔨᐛ ᐸᐃᒄ ᐅᒥᑯᓄᐛᐛ, ᐊᓂᔭ ᐅᒋ, ᐱᑕᑕᒡ ᑕᑐᓴᑉ (15) ᒥᓯᑦ ᒋ ‍ ᐃᔅᐱᑎᔨᐛ ᐊᔨᑐᐤ ᐅᒥᑯᓄᐛᐛ᙮
\v 27 ᒋ ‍ ᒪᒧᑲᐳᐛᐅᒡ ᐊᓂᔭ ᓂᓱ ᐃᔨᒐᐛᓇ ᐊᓐᑕ ᓇᔅ ᑲ ᐸᔭᐧᑭᓂᔨᒡ-ᐃᑕᐅᓂᒡ ᒐᒋ ᑕᔅᑲᑐᐎᒋ ᐅᒥᑯᓂᔨᐛ ᐊᓐᑕ ᑕᑕᐅᒡ ᑲᐱᔅᒋᒐᔭᔨᒡ, ᑭᔭ ᐅᓂᔅᑯᒡ ᐅᒥᑯᓂᓄᐛᐛ ᐊᔅᑎᒥᑎᒡ ᒋ ᑕᔅᑭᒥᔨᐛ᙮
\v 28 ᓇᔅᒡ ᐊᐱᐱᑲᓯᔨᒡ ᐎᔄᐅᓱᓇᔭᔪᐤ ᒋ ‍ ᐊᐱᒋᑕᐅᒡ ᐊᒋᑭᒧᑕᒡ ᐊᓐᑕ ᐃᒐᐛᓂᒡ᙮
\p
\v 29 ᓴᓚᒪᓐ ᒋ ‍ ᐃᑕᐤ ᒐᒋ ᒥᒪᑕᐅᓇᑯᑕᔨᒋ ᐊᓐᑕ ᐅᔅᑭᒡ ᑲᐱᔅᒋᒐᔭᔨᒡ ᑭᔭ ᐊᓐᑕ ᓇᔅ ᑲ ᐸᔭᐧᑭᓂᔨᒡ-ᐃᑕᐅᓂᒡ ᐊᒧᐧᑯᑕᒡ ᐊ ‍ ᐅᒥᑯᓂᔨᒋ ᐊᐛᓯᓴ ᑭᔭ ᓯᑕᐸᐧᑯᓐ ᒥᔅᑎᒂ ᑭᔭ ᐛᐱᑭᓇ᙮
\v 30 ᐃᔭᐱᒡ ᓇᔅᒡ ᐊᐱᐱᑲᓯᔨᒋ ᐎᔄᐅᓱᓇᔭᔪᐤ ᒋ ‍ ᒋᑭᒧᑕᐅᒡ ᐊᓐᑕ ᒧᔅᑎᒋᒡ ᑕᐱᔅᑯᓐ ᑲᐱᔅᒋᒐᔭᔨᒋ᙮
\p
\v 31 ᒋ ‍ ᐅᓯᐊᐅᒡ ᓂᓱ ᔅᑐᐧᑭᓇ ᐊᓕᑉ ᒥᔅᑎᒂ ᐅᒋ ᑭᔭ ᒋ ᒋᑯᒺᐅᒡ ᐊᓐᑕ ᐛᒋ ‍ ᐱᒐᓄᐛᒡ ᓇᔅ ᑲ ᐸᔭᐧᑭᓂᔨᒡ-ᐃᑕᐅᓂᒡ᙮
\v 32 ᒋ ‍ ᒧᐧᑯᑕᑭᓄᐅᒡ ᐊ ‍ ᐅᒥᑯᓂᔨᒋ ᐊᐛᓯᓴ ᑭᔭ ᓯᑕᐸᐧᑯᓐ ᒥᔅᑎᒂ ᑭᔭ ᐛᐱᑭᓇ ᐊᓐᑕ ᔅᑐᐧᑭᓂᒡ᙮ ᒥᓯᐛ ᐅᔭ ᒐᒂᔪᐛ ᓇᔅᒡ ᐊᐱᐱᑲᓯᔨᒡ ᐎᔄᐅᓱᓇᔭᔪᐤ ᒋ ᒋᑭᒧᑕᑭᓄᐤ᙮
\v 33 ᐊᓕᑉ ᒥᔅᑎᑯᒡ ᐊ ‍ ᓂᔅᑐᒋᒐᔭᒡ ᒋ ᐅᒋ ‍ ᐅᓴᐅᒡ ᐊᔅᑐᐧᑭᓐᒡ, ᑭᔭ ᑎᔅᑐᐎᒡ ᐊᓐᑕ ᐅᔅᑭᒡ ᑲᐱᔅᒋᒐᔭᔨᒡ ᑭᔭ ᐊᓐᑕ ᓇᔅ ᑲ ᐸᔭᐧᑭᓂᔨᒡ-ᐃᑕᐅᓂᒡ᙮
\v 34 ᒋ ‍ ᐅᓯᐊᐅᒡ ᓂᓱ ᐊᐱᒋᓇᑭᓄᐅᒡ ᐊᔅᑐᐧᑭᓇ ᐊ ‍ ᐱᓯᑯᓯᔨᒋ ᒥᔅᑎᒂ ᐅᒋ ᑭᔭ ᐊᔅᑐᐧᑭᓇᑎᑯᒡ ᒋ ‍ ᒋᑭᒺᐅᒡ᙮
\v 35 ᐃᔭᐱᒡ ᒋ ‍ ᒧᐧᑯᑕᑭᓄᐅᒡ ᐊ ‍ ᐅᒥᑯᓂᒡ ᐊᐛᓯᓯᒡ ᑭᔭ ᓯᑕᐸᐧᑯᓐ ᒥᔅᑎᑯᒡ ᑭᔭ ᐛᐱᑭᓇ ᐊᓐᑕ ᔅᑐᐧᑭᓂᒡ, ᑭᔭ ᐃᔭᐱᒡ ᒋ ‍ᒋᑭᒧᑕᑭᓄᐤ ᐊᓐᑕ ᓇᔅᒡ ᐊᐱᐱᑲᓯᔨᒡ ᐎᔄᐅᓱᓇᔭᔪᐤ᙮
\p
\v 36 ᒋ ‍ ᑎᑯᓂᔪᐤ ᐊᓐᑕ ᐊ ᐅᒋ ‍ ᐱᒐᓄᐎᒡ ᐅᑎᔅᑯᐤ ᐊᔭᒥᐊᐅᒋᐛᐱᒡ᙮ ᒥᓯᐛ ᐊᓐᑕ ᐛᔅᑲ ᐊᔅᑎᒥᑎᒡ ᒥᔅᒋᔅᑲᑎᒂ ᑭᔭ ᐊᓯᓂᔾ ᒋ ᐅᒋ ‍ ᐅᓯᑕᑭᓄᔪᐤ; ᒐᒋ ᐅᓯᑕᑭᓄᐎᒡ ᐊᔅᑎᒥᑎᒡ, ᑎᔅᑐᐎᒡ ᑕᑐᐤ ᒥᔅᒋᔅᑲᑎᒂ ᓂᔄᐤ ᐊᐱᒥᐱᔨᒋ ᐊᓯᓂᔭ ᒋ ‍ ᐊᔭᐅᒡ᙮
\p
\v 37 ᐎᐱᒡ ᐊᓯᒺᒄ ᐱᓯᒺ ᒋ ‍ᐎᔭᔅᑯᑕᐅᒡ ᒐ ‍ ᑕᒋᑲᐳᐎᔨᒡ ᐊᔭᒥᐊᐅᒋᐛᐱᔪᐤ, ᐊᓂᔭ ᓇᐛᐤ ᑲ ‍ ᐱᐳᓂᔨᒡ ᑲᒋ ‍ ᒋᓴᐅᒋᒪᐅᑦ ᓴᓚᒪᓐ᙮
\v 38 ᐊᓂᔭ ᐸᐃᑯᓴᑉ ᐱᐳᓂᔪᐤ ᑲᒋ ‍ ᒋᓴᐅᒋᒪᐅᑦ ᓴᓚᒪᓐ, ᑕᑕᐅᒡ ᐎᓴᑯᐤ ᐱᓯᒺ, ᒋ ‍ ᒋᓯᑕᐅᒡ ᐊᐅᓯᑕᒡ ᐊᔭᒥᐊᐅᒋᐛᐱᔪᐤ ᑭᔭ ᒥᓯᐛ ᑲ ᐅᒋ ‍ ᑕᐱᑎᓂᔨᒡ, ᐊ ‍ ᐃᑐᑕᒡ ᒧᔭᒻ ᓴᓚᒪᓇ ᑲ ᐃᓯ ‍ ᓂᑐᐛᔨᑎᒥᔨᒋ᙮ ᓂᔄᐅᑕᒡ ᑕᑐᐤ ᐱᐳᓇ ‍ (7) ᒋ ‍ ᑎᓯᐧᑭᒧᒡ ᐊ ᐅᓯᑕᐅᒡ ᐊᓂᔭ ᐊᔭᒥᐊᐅᒋᐛᐱᔪᐤ᙮
\c 7
\s1 ᒋ ‍ ᒋᒥᑕᐛᐅᒡ ᓴᓚᒪᓇ ᐅᒋᓴᐅᒋᒪᐅᒋᐛᐱᔪᐤ
\p
\v 1 ᐃᔭᐱᒡ ᒋ ‍ ᒋᒥᑕᐛᐅᒡ ᓴᓚᒪᓇ ᐅᒋᓴᐅᒋᒪᐅᒋᐛᐱᔪᐤ, ᒥᒄ ᓂᔅᑐᓴᑉ ᐱᐳᓇ ‍ (13) ᒋ ‍ ᐃᑕᓄᐅᔪᐤ ᐊ ᐅᓯᑕᑭᓄᐎᒡ᙮
\v 2 ᐸᐃᒄ ᐊᓂᔭ ᑲ ‍ ᐅᓯᑕᒡ ᒥᒋᐛᐱᔪᐤ ᐊᐅᒄ ᐊᓂᔭ ᐊᒥᓴᔨᒡ ᐊᓐᑕ ᒐᒋ ᒥᑯᓴᓄᐎᒡ, ᓚᐸᓇᓐ ᒥᓇᔎᒡ ᒋ ‍ ᐃᓯᓂᐧᑲᑎᒧᒡ ᐊᓂᔭ ᒥᒋᐛᐱᔪᐤ᙮ ᐸᐃᒄ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐤ ‍ (150) ᒋ ‍ᐃᔅᐱᔅ ‍ ‍ ᒋᓏᔪᐤ, ᑭᔭ ᓂᔄᐅᑕᒡ ᑕᑐᔪᐛᒥᓯᑦ ᐊᓱ ᐱᑕᑕᒡ ‍ (75) ᒋ ‍ᐃᔅᐱᔅ ‍ ‍ ᐃᔨᑭᔅᑲᔪᐤ, ᑭᔭ ᓇᐎᔪᐛᒥᓯᑦ ᐊᓱ ᐱᑕᑕᒡ ‍ (45) ᒋ ᐃᔅᐱᔅ ᐃᔅᐸᓇᔪᐤ᙮ ᓇᐛᐤ ᐊᐱᒥᑲᐳᔨᒋ ᓯᑥᔎᐃᑭᓇ ᒥᔅᒋᔅᑲᑎᒂ ᐅᒋ ᒋ ‍ ᑕᒋᑲᐳᐅᔪᐤ᙮ ᐱᑕᑕᒡ ᑕᑐᓴᑉ ‍ (15) ᒋ ‍ ᐃᑕᑎᓯᔪᐛ ᐸᐃᒂᐤ ᐊᐱᒥᑲᐳᔨᒋ᙮ ᒥᔅᒋᔅᑲᑎᑯᒡ ᒋ ‍ ᑕᑕᔨᑭᓄᐅᒡ ᐊᓐᑕ ᑕᑥᐤ ᐊᐱᒥᑲᐳᐅᒡ᙮
\v 3 ᒥᔅᒋᔅᑲᑎᑯᒡ ᒋ ‍ ᐊᐱᒋᐊᑭᓄᐅᒡ ᐊᓐᑕ ᒐ ‍ ᑐᐧᑯᒋᔅᑕᒡ ᐃᔅᐱᒥᒡ ᐊᓐᑕ ᑲ ‍ᐅᒋ ‍ ᐊᓂᔅᑯᓯᒡ ᑲ ‍ ᐱᒥᑲᐳᐅᒡ ᓯᑥᔅᑲᔨᑭᓐᒡ᙮
\v 4 ᐊᓐᑕ ᐊᔨᑐᐤ ᐊᔅᑎᒥᑎᒡ ᓂᔅᑥᐤ (3) ᒋ ‍ ᐱᒥᑲᐳᐅᐛ ᐊ ᐅᒋ ‍ ᓴᒋᐛᐱᓇᓄᐅᒋ᙮
\v 5 ᒋ ᓂᔅᑐᒋᒐᔭᐛ ᒥᓯᐛ ᑲ ‍ ᓴᒋᐛᐱᓇᓄᐅᒋ ᑭᔭ ᐊᔅᑐᐧᑭᓇᔎ᙮ ᐛᒋ ‍ ᓴᒋᐛᐱᓇᓄᐅᒋ ᐊᓐᑕ ᐊᔅᑎᒥᑎᒡ ᐊᓐᑕ ᐸᐃᒄ ᐃᑕᒐ ᐸᐃᑯᑕᐤ ᒋ ‍ ᐃᑎᒧᐛ ᐊᓐᑕ ᒂᔅᑕᒐ᙮
\p
\v 6 ᑯᑎᒋᔪᐤ ᐃᔭᐱᒡ ᒥᒋᐛᐱᔪᐤ ᒋ ‍ ᒋᒥᑕᐅᒡ ᓯᑥᔅᑲᐃᑭᓐ ᒥᒋᐛᑉ ᐊ ‍ ᐃᓯᓂᐧᑲᑕᔨᒡ᙮ ᓂᔄᐅᑕᒡ ᑕᑐᔪᐛᒥᓯᑦ ᐊᓱ ᐱᑕᑕᒡ ‍ (75) ᒋ ‍ᐃᔅᐱᔅ ‍ ‍ ᒋᓏᔪᐤ, ᑭᔭ ᓇᐎᔪᐛᒥᓯᑦ ᐊᓱ ᐱᑕᑕᒡ ‍ (45) ᒋ ᐃᔅᐱᔅ ᐃᔨᑭᔅᑲᔪᐤ᙮ ᒋ ‍ ᒋᐸᔨᑭᓄᐅᔪᐤ ᒋᐱᔎᔪᐤ ᐃᔅᐱᒥᒡ ᓯᑥᔎᐃᑭᓂᒡ ᑲ ‍ ᑕᐧᑯᑎᔅᑕᔨᒡ᙮
\p
\v 7 ᐊᑯ ᒂ ‍ ᐅᓯᑕᒡ ᒥᒋᐛᐱᔪᐤ ᒋᓴᐅᒋᒪᐤ ᑕᑎᐳᐛᑭᓐ ᐊ ‍ ᐃᓯᓂᐧᑲᑕᔨᒡ ᒥᒋᐛᑉ᙮ ᐃᔭᐱᒡ ᑎᐸᔅᑯᓂᒐᐤ ᒥᒋᐛᑉ ᐊ ‍ ᐃᓯᓂᐧᑲᑕᔨᒡ᙮ ᐊᑯᑕ ᐊᓐᑕ ᓴᓚᒪᓐ ᑲ ‍ ᐎᔭᔨᑕᐧᒃ ᒐᒂᔪᐤ ᐊ ᐅᔅᑕᐱᔨᑐᔨᒋ ᐊᐛᔪᐛ᙮ ᒥᓯᐛ ᒥᔅᒋᔅᑲᑎᒂ ᒋ ‍ ‍ᒋᑭᒧᔪᐛ ᐊᓐᑕ ᐊᔅᑎᒥᑎᒡ, ᒧᔅᑎᑎᒡ ᐅᒋ ᐃᔅᐱᔅ ᐊᓐᑕ ᐃᔅᐱᒥᒡ᙮
\v 8 ᐎᐎᑎᒥᒡ ᐊᓐᑕ ᑕᐛᔅᒂᒡ ᑎᐸᔅᑯᓂᒐᐤ ᒥᒋᐛᐱᒡ ᒋ ‍ ᒋᒥᑕᐛᐅᒡ ᓴᓚᒪᓇ ᐎᒋᔪᐤ ᐊᓐᑕ ᒐ ‍ ᐎᒋᔨᒋ ᒧᔭᒻ ᑯᑎᑲ ᒥᒋᐛᐸ ᐊ ‍ ᐃᓯᓇᑯᓂᔨᒋ᙮ ᐃᔭᐱᒡ ᐸᐃᑯᑕᐤ ᐊ ‍ ᐃᓯᓇᑯᓂᔨᒡ ᒥᒋᐛᐱᔪᐤ ᒋ ‍ ᒋᒥᑕᐛᐅᒡ ᐎᔨᐛ ᐎᒋᔪᐤ, ᐊᓂᔭ ᐃᒋᑉᑎᒡ ᒋᓴᐅᒋᒪᐛ ᐅᑕᓂᓯᔨᐛ᙮
\p
\v 9 ᒥᓯᐛ ᐊᓂᔭ ᒥᒋᐛᐸ ᑭᔭ ᐊᔅᑎᒥᑎᒡ ᐊᓐᑕ ᐎᐎᑎᒥᒡ ᐛᔅᑲ ᒋᓴᐅᒋᒪᐅᒋᐛᐱᔪᐤ ᐊᓱᓇᔭᐅᔨᒋ ᐊᑭᔅᑭᑎᓯᔨᒋ ᐊᓯᓇᔭ ᒋ ᐅᒋ ‍ ᐅᓯᑕᑭᓄᔪᐛ᙮ ᐊᓐᑕ ᐊ ‍ ᑕᒋᑲᐳᐎᒡ ᐅᒋ ᐃᔅᐱᔅ ᐊᓐᑕ ᑕᐧᑯᒡ᙮ ᒋ ‍ ᒋᒥᓯᐛᑭᓄᐅᒡ ᐊ ‍ ᒪᒥᒐᐱᔅᒋᒡ ᐊᓯᓂᔨᒡ ᐊᓐᑕ ᐊ ‍ ᐱᓴᔨᒡ ᐊ ‍ ᐃᔅᐱᑕᐊᑭᓄᐅᒡ ᑕᓐ ᐊ ᐃᓯ ‍ ᓂᑐᐛᔨᑕᑯᓯᒡ ᒐ ‍ ᐊᐱᒋᐊᑭᓄᐅᒡ, ᑭᔭ ᐊᔨᑐᐤ ᐊᓯᓂᔨᒡ ᐊ ‍ ᓱᓱᐛᐊᑭᓄᐅᒡ ᒋᒥᐳᑕᑭᓂᔪᐤ ᐊ ᐊᐱᒋᑕᑭᓄᔨᒡ
\v 10 ᐊᑭᔅᑭᑎᓯᒡ ᐊᒪᒥᒐᐱᓯᒡ ᐊᓯᓂᔨᒡ ᐃᔭᐱᒡ ᒋ ᐅᒋ ‍ ᐅᓯᐊᑭᓄᐅᒡ ᒐ ‍ ᑕᒋᑲᐳᐅᒡ ᒥᒋᐛᑉ ᐊᓐᑕ ᐊ ‍ ᐱᓴᔨᒡ ᐊᔭᔅᑯᐛᑭᓄᐅᒡ᙮ ᐱᔅᒐ ᓂᓴᐳᒥᓯᑦ ‍ (12) ᒋ ‍ ᐃᔎᔅᑭᓱᐅᒡ ᑭᔭ ᐱᔅᒐ ᐱᑕᑕᒡ ᑕᑐᓴᑈᐤ ᒥᓯᑦ ᒋ ‍ ᐃᔎᔅᑭᓱᐅᒡ᙮
\v 11 ᐊᓐᑕ ᑕᐧᑯ ᐊᑕᒋᑲᐳᐅᒡ ᐊᓯᓂᔨᒡ ᒋ ‍ ᑕᔪᐛ ᑯᑎᑲ ᐊᑭᔅᑭᑎᓯᔨᒋ ᐊᓯᓂᔭ ᑲ ‍ ᒋᒥᔄᑭᓄᐎᒋ ᐊ ‍ ᐃᔅᐱᑕᐊᒡ ᑕᓐ ᐊᓂᔭ ᒐ ‍ᐃᓯ ‍ ᐊᐱᒋᐊᒡ, ᑭᔭ ᒥᔅᒋᔅᑲᑎᑯ ᑕᑕᐃᑭᓇ᙮
\v 12 ᐎᐎᑎᒥᒡ ᒋᓴᐅᒋᒪᐅᒋᐛᐱᒡ ᑭᔭ ᐱᑎᑭᒥᒡ ᐊᑐᐛᒡ ᐅᑎᔅᑯᐤ ᐊᔭᒥᐊᐅᒋᐛᐱᒡ, ᑭᔭ ᐊᓐᑕ ᐛᒋ ‍ ᐱᒐᓄᐅᒡ ᑲᐱᔅᒋᒐᔭᒡ ᐊᔭᒥᐊᐅᒋᐛᐱᒡ ᐊᔅᑎᒥᑎᒡ ᒋ ‍ ᐅᓯᑕᑭᓄᐛ ᓂᔍᐤ ᐊᐱᑐᐛᐱᔅᒋᓯᒡ ᐊᒋᒥᔄᑭᓄᐅᒡ ᐊᓯᓂᔨᒡ ᐊᔭᑭᓄᐅᒡ ᑎᔅᑐᐎᒡ ᑕᑐᐤ ᒥᔅᒋᔅᑲᑎᑯᐤ ᑕᑕᐃᑭᓂᒡ᙮
\s1 ᐊ ᐃᑕᐱᑎᒡ ᐊᔭᒥᐊᐅᒋᐛᐱᒡ
\p
\v 13-14 ᒋ ‍ ᑕᐤ ᐊᓐᑕ ᓇᐸᐤ ᑲ ‍ ᐎᒋᑦ ᐊᓐᑕ ᑎᕐ ᐅᑕᓇᒡ ᐦᐅᕋᒻ ᐊ ‍ ᐃᓯᓂᐧᑲᓱᑦ᙮ ᒋ ᓂᑕᐤ ‍ ᐅᓯᑕᐤ ᐊᒥᔽᓯᔨᒋ ᒐᒂᔪᐛ ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔅᑯᒡ ᐅᒋ᙮ ᐦᐅᕋᒻ ᐅᑕᐎᔭ ᐃᔭᐱᒡ ᐊᓐᑕ ᑎᕐ ᐅᑕᓇᔪᐤ ᒋ ᐎᒋᔨᐛ ᑭᔭ ᒋᒋᐛ ᐃᔭᐱᒡ ᒋ ‍ ᑭᔅᒋᐅᐤ ᐃᔪᐛ ᐊ ‍ ᐅᓯᑕᔨᒋ ᒐᒂᔪᐤ ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔅᑯᒡ ᐅᒋ᙮ ᒥᒄ ᓇᒪ ᐅᒋ ‍ ᐱᒪᑎᓯᔨᐛ ᐦᐅᕋᒻ ᐅᑕᐎᔭ᙮ ᓇᐸᑕᓕ ᐊᔅᒋᒡ ᐅᒋ ᒋ ‍ ᐅᒋᔨᐛ ᐅᑲᐎᔭ᙮ ᒋ ‍ ᑭᒋᑕᐛᔨᑕᑭᓱᐤ ᐦᐅᕋᒻ ᑭᔭ ᒋ ‍ ᐃᑈᒂᐤ ᑭᔭ ᒋ ᓂᑕᐤ ‍ ᐅᓯᑕᐤ ᒐᒂᔪᐛ ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔅᑯᒡ ᐅᒋ᙮ ᓴᓚᒪᓐ ᒋ ‍ ᓂᑐᒪᐤ ᒐᒋ ᑎᑯᓯᓂᔨᒋ ᐊᓐᑕ ᒋᕈᓯᓕᒥᒡ ᑭᔭ ᒐᒋ ᐅᒋᒪᐎᔨᒋ ᐊ ‍ ᐅᓱᑎᑭᓄᐎᒋ ᒐᒂᔪᐛ ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔅᑯᒡ ᐅᒋ, ᑭᔭ ᒋ ‍ ᓂᔅᑯᒪᐤ ᐦᐅᕋᒻ᙮
\p
\v 15 ᒋ ‍ ᐅᓯᑕᓴᐊᐤ ᓂᓱ ᓯᑐᐛᔎᔨᑭᓇ ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔅᑯᒡ ᐅᒋ᙮ ᐸᐸᐃᒄ ᓂᓱᐎᔪᐛᒥᓯᑦ ᐊᓱ ᓂᔄᐅᑕᒡ ‍ (27) ᐊ ᐃᔎᐳᔨᒋ ᑭᔭ ᔭᓇᐤ ᑕᑐᓴᑉ ᒥᓯᑦ ‍ (18) ᐊ ᐃᓯ ‍ ᐛᐎᔭᓯᔨᒋ, ᑭᔭ ᓂᔅᑐᐤ ‍ ᒥᒋᒋᓐ ‍ (3") ᒋ ‍ ᐃᔅᐱᔅ ᐃᔨᑭᔅᒋᔨᐛ ᐊᑎᔅᒥᑎᒡ ᓯᑥᔅᑲᔨᑭᓇ᙮
\v 16 ᓂᓱᐤ ᒋᐸᔨᑭᓇ ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔅᑯᒡ ᐅᒋ ᐃᔭᐱᒡ ᒋ ‍ ᐅᓯᑕᐤ ᒐ ‍ ᒋᑭᒧᑕᑭᓂᔨᒋ ᐊᓐᑕ ᑕᐧᑯᒡ ᓯᑥᔅᑲᔨᑭᓂᒡ᙮ ᓂᔄᐅᑕᒡ ᒥᓯᑦ ᒪᒃ ᐳᔅᒄ (7-1/2) ᒋ ‍ ᐃᔅᑲᐳᔪᐛ᙮
\v 17 ᓂᔄᐅᑕᒡ ᑕᑥᐤ ᐊᐱᒥᑲᐳᔨᒋ ᐃᓴᒂᔭᐱᔭ ᒐ ‍ᐃᓯ ‍ ᒥᒪᑕᐅᓇᑯᑕᑭᓄᐛ ᐊᓐᑕ ᑕᐧᑯᒡ ᐃᑕᒐ ᑕᑐᐤ ᓯᑥᔅᑲᔨᑭᓂᒡ᙮
\v 18 ᐃᔭᐱᒡ ᒋ ‍ ᐅᓴᐊᐅ ᐃᔨᒐᐛᓇ ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔅᑯᒡ ᐅᒋ ᒥᔅᑎᒥᓇ ᐊ ᐃᓯᓇᑯᓯᔨᒋ᙮ ᓂᔄᐤ ᐊᐱᒥᑲᐳᔨᒋ ᒥᔅᑎᒥᓇ ᒋ ‍ ᐃᑎᑎᒻ ᐊᓐᑕ ᑕᐧᑯᒡ ᑕᑐᐤ ᓯᑥᔅᑲᔨᑭᓂᒡ᙮
\v 19 ᒧᔭᒻ ᐛᐱᑯᓂᒡ ᒋ ‍ᐃᓯᓇᑯᓂᔪᐤ ᐊᓐᑕ ᑕᐧᑯᒡ ᓯᑥᔅᑲᔨᑭᓂᒡ᙮ ᐊᓱᑕᒡ ᑕᑐᐤ ᒥᓯᑦ ‍ (6) ᒋ ‍ ᐃᔎᔅᑭᓂᔨᐛ ᑕᑐᐤ ᐛᐱᑯᓇ᙮
\v 20 ᐊᓂᔭ ᑲ ᒥᒪᑕᐅᓇᑯᑕᑭᓄᐅᒋ ᐃᓴᒂᔭᐱᔭ ᐊᓐᑕ ᐊᓂᓯᒋ ᒋ ‍ ᐸᔨᑭᓇ ᐃᔅᐱᒥᒡ ᒋ ‍ ᑎᑯᓇ ᐊᓐᑕ ᑲ ‍ ᐛᐎᔭᓯᒡ ᐊ ‍ ᓂᓯᒡ ᓯᑥᔅᑲᔨᑭᓂᒡ, ᑭᔭ ᒋ ᓂᓱ ‍ ᒥᑕᓯᒥᑎᓄᐛᒥᑭᓇ ᒥᔅᑎᒥᓇ ᐊᐱᒥᑲᐳᔨᒋ ᐛᔅᑲ ᑕᑐᐤ ᒋᐸᔨᑭᓂᒡ᙮
\v 21 ᑲ ‍ ᐛᐎᒋᔨᑯᑦ ᐦᐅᕋᒻ ᒋ ‍ ᒋᒥᔭᔪᐛ ᓯᑥᔎᔨᑭᓇ ᐅᑎᔅᑯᐤ ᐛᒋ ‍ ᐱᒐᓄᐎᔨᒡ ᐊᔭᒥᐊᐅᒋᐛᐱᔪᐤ᙮ ᐊᓐ ᓯᑥᔎᔨᑭᓐ ᓴᐅᓄᒡ ᐃᑕᒐ ᑲᒋᒥᓱᑦ ᒐᑭᓐ ᒋ ‍ ᐃᓯᓂᐧᑲᑕᑭᓄᐤ, ᑭᔭ ᐊᓐ ᓯᑥᔎᔨᑭᓐ ᒋᐛᑎᓄᒡ ᐃᑕᒐ ᑲᒋᒥᓱᑦ ᐳᐊᔅ ᒋ ‍ ᐃᓯᓂᐧᑲᑕᑭᓄᐤ᙮
\v 22 ᐊᓐᑕ ᐊᑕᐧᑯᒡ ᑲ ‍ ᐛᐸᐱᔅᒋᑦ ᓱᓇᔭᐱᔅᑯᒡ ᐅᒋ ᒧᔭᒻ ᐛᐱᑯᓂᒡ ᑲ ‍ ᐃᓯᓇᒂᒋ ᑕᐧᑯᒡ ᓯᑥᔎᔨᑭᓂᒡ ᒋ ‍ ᐊᔅᑕᑭᓄᐅᐛ᙮
\p ᐊᑯ ᐦᐅᕋᒻ ᑭᔭ ᐊᓂᔭ ᑲ ‍ ᐛᐎᒋᔨᑯᑦ ᒋ ‍ ᒋᓴᐊᔪᐛᐅᓯᔭᔨᒋ ᓯᑥᔎᔨᑭᓇ ᑲ ‍ ᐛᐸᐱᔅᒋᔨᒋ ᓱᓇᔭᐱᔅᑯᒡ ᐅᒋ᙮
\p
\v 23 ᐦᐅᕋᒻ ᐃᔭᐱᒡ ᒋ ‍ ᒋᒥᑕᐤ ᐊᒥᓴᔨᒡ ᑐᒋᐸᓂᔪᐤ ᐎᓂᐸᒄ ᐊ ‍ ᐃᓯᓂᐧᑲᑕᔨᒡ᙮ ᓂᔄᐅᑕᒡ ᑕᑐ ᒥᓯᑦ ᒪᒃ ᐳᔅᒄ (7-1/2) ᒋ ᐃᔅᐱᔅ ‍ ᒧᑕᔭᔪᐤ, ᑭᔭ ᓂᔅᑐᔪᐛ ᒥᓯᑦ ᒪᒃ ᐳᔅᒄ ‍ (30-1/2) ᒋ ‍ᐃᔅᐱᔅ ‍ ᐃᔨᑭᔅᑲᔪᐤ, ᑭᔭ ᓇᐎᔪᐛ ᒥᓯᑦ ᐊᓱ ᐱᑕᑕᒡ ᒋ ᐃᔅᐱᔅ ‍ ᐛᐎᔭᔭᔪᐤ᙮
\v 24 ᓂᔄᐤ ᒋ ‍ ᐱᒥᑲᐳᔪᐛ ??? ᐊᓐᑕ ᐛᔅᑲ ᒋᒡ ᑐᒋᐸᓂᒡ ᑲ ‍ ᐛᐸᐱᔅᒋᔨᒋ ᓱᓇᔭᐱᔅᑯᒡ ᐊ ‍ ᐅᒋ ‍ ‍ ᐅᓯᐊᑭᓄᐎᒋ, ᔭᓇᐤ ᑕᑐᓴᑉ ᒥᒋᒋᓐ ‍ (18") ᒋ ᐃᔅᐱᑐᐅᒡ ᐊᓐ ᐸᐃᑯᔪᐤ ???᙮
\v 25 ᐦᐅᕋᒻ ᐃᔭᐱᒡ ᒋ ‍ᐅᓯᐊᐤ ᓂᓴᑉ ᑲ ‍ ᐛᐸᐱᔅᒋᔨᒋ ᓱᓇᔭᐱᔅᑯᒡ ᓇᐸ ‍ ᒥᔅᑐᔅ ᐃᔨᒐᐛᓇ᙮ ᐎᐎᑎᒥᒡ ᐃᓯ ᒋ ‍ ᐃᓯᑲᐳᐛᐅ᙮ ᓂᔅᑐ ᒋᐛᑎᓄᒡ ᒋ ‍ ᐃᑕᔭᐤ, ᑭᔭ ᓂᔅᑐ ᐊᑎᒪᐱᓯᒧᒡ ᒋ ‍ ᐃᑕᔭᐤ, ᑭᔭ ᓂᔅᑐ ᓴᐅᓄᒡ ᒋ ‍ ᐃᑕᔭᐤ, ᑭᔭ ᓂᔅᑐ ᐛᐱᓄᑕᒡ ᒋ ‍ ᐃᑕᔭᐤ, ᑲ ‍ ᐛᐎᒋᔨᑯᑦ ᒋ ‍ ᐊᔅᑕᔪᐛ ᑐᒋᐸᓂᔪᐤ ᐊᓐᑕ ᓇᐸ ‍ ᒥᔅᑐᔅ ᐃᔨᒐᐛᓇ ᐅᔅᐱᔅᑯᓂᔨᒡ᙮
\v 26 ᓂᔅᑐ ‍ (3) ᒥᒋᒋᓐ ᒋ ‍ ᐃᔅᐱᔅ ᐃᔨᑭᔅᑲᔪᐤ ᐅᐱᒪ ᑐᒋᐸᓂᒡ᙮ ᑭᔭ ᐊᒋᒐᔭᔨᒡ ᒧᔭᒻ ᒥᓂᒂᑭᓂᔪᐤ ᐎᐎᑎᒥᒡ ᐊ ᐃᓯ ‍ ᐛᑲᔨᒡ ᒋ ‍ ᐃᓯᓇᑯᓂᔪᐤ ᒧᔭᒻ ᐅᔅᒡ ᐛᐱᑯᓐᒡ᙮ ᐸᐃᑯᔪᐤ ᑕᑥᐤ ᒐᓯᐱᔪᐤ ‍ (10,000) ᑕᑐᔭᑭᓐ ᓂᐱᔾ ᒋ ᐃᔅᐱᔅ ᐱᑕᐸᐅᑕᑭᓄᐅ, ᐊᓴᑭᔅᒋᓇᐸᒡ᙮
\p
\v 27 ᐦᐅᕋᒻ ᐃᔭᐱᒡ ᒋ ‍ ᐅᓯᑕᐤ ᐸᐃᑯᔪᐤ ᑲ ‍ ᐛᐸᐱᔅᒋᔨᒋ ᓱᓇᔭᐱᔅᑯᒡ ᑲ ‍ ᐱᐸᒥᑕᐸᓄᐎᔨᒋ ᑕᑕᔎᔨᑭᓇ᙮ ᐊᓯᑯᒻ ᐸᐃᒄ ᐊᓂᔭ ᐊᓱᑕᒡ ‍ (6) ᒥᓯᑦ ᐊ ‍ ᐃᔅᐱᔅ ᒋᓏᔨᒡ, ᑭᔭ ᐊᓱᑕᒡ ‍ (6) ᑕᑐᐤ ᒥᓯᑦ ᐊ ‍ ᐃᔅᐱᔅ ᐃᔨᑭᔅᑲᔨᒡ ᑭᔭ ᓇᐤ ᒥᓯᑦ ᒪᒃ ᐳᔅᒄ ‍ (4-1/2) ᐊ ᐃᔅᑲᐳᔨᒡ᙮
\v 28 ᐅᐱᒪ ᐊᓐᑕ ᑲ ‍ ᐱᐸᒥᑕᐸᓄᐎᔨᒋ ᑕᑕᔎᔨᑭᓂᒡ, ᒋ ‍ ᑕᔪᐛ ᐊᓐᑕ ᒥᔅᑎᒂ ᑲ ‍ ᒋᑭᒺᑭᓄᐎᒋ ????
\v 29 ᐊᓐᑕ ???? ᒋᑕᔪᐛ ᐃᔨᒐᐛᓇ ᒥᓯᐱᓱᐛ, ᑭᔭ ᓇᐸ ᒥᔅᑐᓴ, ᑭᔭ ᐊ ‍ ᐅᒥᑯᓂᔨᒋ ᐱᔭᓱᐛ᙮ ᒋ ‍ ᒥᒪᑕᐅᓇᑯᐊᑭᓄᐅᒡ ??? ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔅᑯᒡ ᐅᒋ ᐊᓐᑕ ᔭᓯᒄ ᑭᔭ ᐊᓇᒡ ᐊᓐᑕ ᒥᓯᐱᓱᐛ, ᑭᔭ ᓇᐸ ᒥᔅᑐᓴ᙮
\v 30 ᑲ ‍ ᐛᐸᐱᔅᒋᓯᑦ ᓱᓇᔭᐱᔅᑯᒡ ᐅᒋ ᒋ ‍ ᐃᓯᓇᑯᓯᐅᒡ ᑲᐅᒍᐅᒡ ᐊᓐᑕ ᐊᓯᑯᒻ ᑲ ‍ ᐱᐸᒥᑕᐸᓄᐅᒡ ᑕᑕᔎᔨᑭᓂᒡ ᑭᔭ ᓂᓱ ᐊ ᐅᒋ ‍ ᐛᔅᑲᐱᔨᒡ ᑲᐅᒍᐅᒡ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᑯᒡ ᐅᒋ ᐊ ᐅᒋ ‍ ᐅᓯᑕᑭᓄᐅᒡ᙮
\v 31 ᒋ ‍ ᐅᒋᑐᐛᐤ ᐊᓐᑕ ᐱᑎᓱᐤ ᑲ ‍ ᐱᐸᒥᑕᐸᓄᐎᔨᒋ ᑕᑕᔎᔨᑭᓂᒡ, ᐊᓐᑕ ᑲᑎᒂᒡ ??? ᐊᐛᐎᔭᔭᒡ ᐸᐃᑯ ‍ ᒥᓯᑦ ᒪᒃ ᐳᔅᒄ ‍ (1-1/2) ᐊ ᐃᔅᐱᔅ ‍ ᒧᑕᔭᒡ᙮ ᒋ ‍ ᐛᐎᔭᔭᐤ ᐊᓐᑕ ᐛᒋ ‍ ᑐᐛᒡ, ᑭᔭ ᔭᓇᐤ ᑕᑐᓴᑉ ‍ (18") ᒥᒋᒋᓐ ᒋ ᐃᔅᐱᓴᐅ ᐊᓇᒡ ᐊᓐᑕ ᑕᑯᒡ ᑲ ‍ ᐱᐸᒥᑕᐸᓄᐅᒡ ᑕᑕᔎᔨᑭᓂᒡ ᐅᒋ᙮ ᐃᔭᐱᒡ ᒋ ‍ ᒥᒪᑕᐅᓇᑯᑕᑭᓄᐅᐛ ??? ᐊᓐᑕ ??? ᐊᒧᐧᐧᑯᑕᑭᓄᐅᒡ ᐱᑎᓱᐤ ᑲᑭᔅᑭᑎᓯᒡ ???
\v 32 ᓂᓱᔪᐤ ᐊᓱ ᓂᔄᐅᑕᒡ ‍ (27") ᒥᒋᒋᓐ ᒋ ‍ ᐃᔅᐱᑐᐅᒡ, ᐊᓇᒡ ??? ᒋ ᒋᑭᒧᐅᒡ᙮ ᒋᒋᑭᒧᐅᒡ ᐊᓐᑕ ᑲ ‍ ᐅᒍᐅᒡ ᐛᒋ ‍ ᒋᑭᒧᒡ ᐸᐃᑯᑕᐤ ᐊᔅᒋᒡ ᑲ ‍ ᐅᒋ ‍ ᐅᓴᐊᑭᓄᐅᒡ ᒧᔭᒻ ᒥᓯᐛ ᑲ ‍ ᐱᐸᒥᑕᐸᓄᐅᒡ ᑕᑕᔎᔨᑭᓂᒡ᙮
\v 33 ᒧᔭ ᑎᑎᐱᑕᐸᓇᔅᑯᒡ ᐊ ‍ ᐃᓯᓇᑯᓯᒡ ᑲ ‍ ᐅᒍᐅᒡ ᐊᐅᑯᓐ ᑲ ‍ ᐃᓯᓇᑯᓯᒡ ᑲ ‍ ᐱᐸᒥᑕᐸᓄᐅᒡ ᑕᑕᔎᔨᑭᓂᒡ ᑲᐅᒍᐅᒡ᙮ ᑲ ‍ ᐅᒍᐅᒡ ᐊᐅᒡ ᒋᑭᒧᒡ, ᑭᔭ ᒥᓯᐛ ᐊᐃᑕᐱᑎᒡ ᑲᐅᒍᐅᒡ ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔅᑯᒡ ᒋ ‍ᐅᒋ ‍ ᐅᓯᑕᑭᓄᐅᐛ
\v 34 ᑕᑯᒡ ᐊᒋᒐᔭᒡ ᒋ ‍ ᒋᑭᒧᐛ ᐛᒋ ‍ ᑕᐧᑯᓂᑭᓄᐅᒡ ᐊᓯᑯᒻ ᑲ ‍ ᐱᐸᒥᑕᐸᓄᐅᒡ ᑕᑕᔎᔨᑭᓂᒡ᙮ ᐸᐃᑯᑕᐤ ᒋ ᐅᒋ ‍ ᐅᓯᑕᑭᓄᐅᐛ ᐛᒋ ‍ ᑕᐧᑯᓂᑭᓄᐅᒋ ᒧᔭᒻ ᒥᓯᐛ ᑲ ‍ ᐱᐸᒥᑕᐸᓄᐅᒡ ᑕᑕᔎᔨᑭᓂᒡ᙮
\v 35 ᐸᐃᑯᔅᑕᐤ ‍ (9") ᒥᒋᒋᓐ ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔅᑯᒡ ᐅᒋ ᐛᔅᑲ ᒋ ‍ ᒋᑭᒧᐤ ᐃᔨᓴᒄ ᐊᓐᑕ ᑕᐧᑯᒡ ᑲ ‍ ᐱᐸᒥᑕᐸᓄᐅᒡ ᑕᑕᔎᔨᑭᓂᒡ᙮ ᐊᒋᒐᔭᒡ ᐊᓯᑯᒻ ᑲ ‍ ᐱᐸᒥᑕᐸᓄᐅᒡ ᑕᑕᔎᔨᑭᓂᒡ ᒋ ‍ ᒋᑭᒧᐛ ᐊᑕᐧᑯᑎᔅᑕᒡ᙮ ᐸᐃᑯᑕᐤ ᐊᔅᒋᒡ ᒋ ᐅᒋ ‍ ᐅᓯᑕᑭᓄᐅᐛ ᐃᓴᒂ ᑭᔭ ᐛᒋ ‍ ᑕᐧᑯᓂᑭᓄᐅᒋ ᒧᔭᒻ ᒥᓯᐛ ᑲ ‍ ᐱᐸᒥᑕᐸᓄᐅᒡ ᑕᑕᔎᔨᑭᓂᒡ᙮
\v 36 ᐊᓐᑕ ᐊᑕᐧᑯᑎᔅᑕᒡ ᑭᔭ ??? ᐅᐱᒪ ᑲ ‍ ᐱᐸᒥᑕᐸᓄᐅᒡ ᑕᑕᔎᔨᑭᓂᒡ ᐃᔭᐱᒡ ᐊ ‍ ᐅᒥᑯᓂᒡ ᐊᐛᓯᓯᒡ, ᑭᔭ ᒥᓯᐱᓱᐅᒡ, ᑭᔭ ᓂᐱᓯᔭᑎᑯᒡ, ᒋ ᐃᓯ ‍ ᒥᒪᑕᐅᓇᑯᑕᑭᓄᐅᐛ ᒥᒄ ᐊᓐᑕ ᐊᑐᐛᒡ, ᑭᔭ ᒥᓯᐛ ᐛᔅᑲ ᐊᓐᑕ ᒋ ‍ ᒋᑭᒧᐅᒡ ᑲ ‍ ᐛᐸᐱᔅᒋᑦ ᓱᓇᔭᐱᔅᑯᒡ ???᙮
\v 37 ᐊᐅᑯᓐ ᐊᓂᔭ ᑲ ᐃᓯ ‍ ᐅᓯᑕᑦ ᐦᐅᕋᒻ ᐊᓂᔭ ᐸᐃᑯᔪᐤ ᑲ ‍ ᐱᐸᒥᑕᐸᓄᐎᒋ ᑕᑕᔎᔨᑭᓇ᙮ ᐸᐃᑯᑕᐤ ᐊᔅᒋᒡ ᒋ ᐅᒋ ‍ ᐅᓯᑕᑭᓄᐛ, ᐊᑯ ᐸᐃᑯᑕᐤ ᒋ ‍ ᐃᓯᓇᑯᓇ: ᐸᐃᑯᑕᐤ ᒋ ‍ ᐃᔅᐱᓴᐛ ᑭᔭ ᒋ ‍ ᐃᓯᓇᑯᓇ᙮
\v 38 ᐦᐅᕋᒻ ᐃᔭᐱᒡ ᒋ ‍ ᐅᓯᑕᐤ ᐸᐃᑯᔪᐤ ᓱᐸᐳᐎᔭᑭᓇ ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔅᒂ ᐅᒋ, ᐸᐸᐃᒄ ᐊᓂᔭ ᐊᓯᑯᒻ ᑲ ‍ ᐱᐸᒥᑕᐸᓄᐅᒋ ᑕᑕᔎᔨᑭᓇ᙮ ᐊᓯᑯᒻ ᑐᒋᐸᓐ ᐊᓱᑕᒡ ‍ (6) ᑕᑐᐤ ᒥᓯᑦ ᐊ ‍ ᐃᔅᐱᔅ ᐃᔨᑭᔅᑲᐤ ᑭᔭ ᓂᓱ ᒥᑕᓯᒥᑎᓄᐤ ‍ (200) ᑕᑐ ᐎᔭᑭᓐ ᓂᐱᔾ ᒐᒋ ᐊᓱᑕᐤ᙮
\v 39 ᐱᑕᑕᒡ ᒋ ‍ ᐊᔅᑕᐤ ᐦᐅᕋᒻ ᐊᓐᑕ ᓴᐅᓄᒡ ᐃᑕᒐ ᐊᔭᒥᐊᐅᒋᐛᐱᒡ ᑭᔭ ᐱᑕᑕᒡ ᐊᓐᑕ ᒋᐛᑎᓄᒡ ᐃᑕᒐ᙮ ᒋ ‍ ᐊᔅᑕᐤ ᐊᒥᓴᔨᒡ ᑐᑎᐸᓂᔪᐤ ᐊᓐᑕ ᐊᒋᒐᔭᔨᒡ ᓴᐅᓂᒧᓴᐛᒡ ᐃᑕᒐ᙮
\v 40 ᐃᔭᐱᒡ ᐊᓯᒂ ᒋ ‍ ᐅᓯᑕᐤ ᐦᐅᕋᒻ, ᑭᔭ ᒪᑲᐃᐸᑭᓇ ᒐ ‍ ᑕᐧᑯᑭᓄᐎᒋ ᑭᔅᑕᐛ, ᑭᔭ ᓱᐸᐳᔭᑭᓇ ᒐ ᐊᓱᑕᔨᒡ ᐊᐛᓯᓴ ᐅᒥᐧᑯᔪᐤ ᐊᓂᔭ ᒋᐸ ‍ ᒥᑐᔅᑕᐊᒪᒐᓄᐎᔪᐤ᙮ ᒥᓯᐛ ᒋ ‍ ᒋᔅᑕᐤ ᐊᑐᔅᒐᐅᓂᔪᐤ ᑲ ‍ ᐃᑎᓯᒥᑯᑦ ᒋᓴᐅᒋᒪᐛ ᓴᓚᒪᓇ ᒐᒋ ᐅᓯᑕᔨᒋ ᒐ ‍ ᐊᐱᑎᓂᔨᒡ ᐊᔭᒥᐊᐅᒋᐛᐱᒡ᙮ ᐊᐅᑯᔪᐛ ᐅᔭ ᒪᓯᓇᑕᒋ ᑲ ‍ ᐛᐸᐱᔅᒋᑦ ᓱᓇᔭᐱᔅᑯᒡ ᐅᒋ ᒐᒂᔪᐛ ᑲ ‍ ᐅᓯᑕᑦ:
\li1
\v 41 ᐊᓂᓯᔨᒋ ᓯᑥᔎᔨᑭᓇ; ᑭᔭ ᓂᓱ ᒋᐸᔨᑭᓇ ᑕᑯᒡ ᓯᑥᔎᔨᑭᓂᒡ ᒐᒋᑭᒧᑕᑭᓄᐅᒋ;
\li1
\li1
\li1
\v 42 ᓇᐤ ᒥᑕᓯᒥᑎᓄᐤ ‍ (400) ᒥᔅᑎᒥᓇ, ᓂᔄᐤ ᐊᐱᒥᑲᐳᔨᒋ, ᐸᐃᑯᐤ ᒥᑕᓯᒥᑎᓄᐤ ᐊᓯᑯᒻ ᐊᐱᒥᑲᐳᐅᒡ, ᐊᓐᑕ ᑲ ‍ ᐊᔅᑕᑭᓄᐅᒋ ᐊᓐᑕ ᐅᔅᑕ ᑕᐧᑯᒡ ᐃᑕᒐ ᓯᑥᔎᔨᑭᓂᒡ;
\li1
\v 43 ᐸᐃᑯᔪᐤ ᑲ ‍ ᐱᐸᒥᑕᐸᓄᐎᔨᒋ ᑕᑕᔎᔨᑭᓇ; ᐸᐃᑯᔪᐤ ᓱᐸᐳᔭᑭᓇ;
\li1
\li1
\v 44 ᐊᒥᓴᔨᒡ ᑐᒋᐸᓂᔪᐤ; ᓂᓴᑉ ᓇᐸ ᒥᔅᑐᔅ ᐃᔨᒐᐛᓇ ᐊᓐᑕ ᐅᔅᐱᔅᑯᓄᐛᒡ ᑲ ‍ ᐊᔅᑕᑭᓄᐎᒡ ᑐᒋᐸᓂᔪᐤ;
\li1
\li1
\v 45 ᐊᓯᒂ, ᑭᔭ ᒪᑲᐃᐸᑭᓇ ᒐ ‍ ᑕᐧᑯᑭᓄᐎᒋ ᑭᔅᑕᐛ, ᑭᔭ ᓱᐸᐳᔭᑭᓇ᙮
\b
\p ᐦᐅᕋᒻ ᑭᔭ ᑲᐛᐎᒋᔨᑯᑦ ᒥᓯᐛ ᐅᔭ ᒋ ‍ ᐅᓯᑎᒧᐛᐅᒡ ᒋᓴᐅᒋᒪᐛ ᓴᓚᒪᓇ ᐅᔭ ᒐᒂᔪᐛ ᑭᔭ ᐎᐎᑎᒥᒡ ᐊᔭᒥᐊᐅᒋᐛᐱᒡ ᐊᓂᔭ ᒋ ‍ ᐊᔅᑕᐅᒡ᙮ ᒥᓯᐛ ᐅᔭ ᐊᐛᐧᑭᒪᐱᔅᑲᒡ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᑯᒡ ᒋ ‍ᐅᒋ ‍ ᐅᓯᑕᑭᓄᐅᐛ᙮
\p
\v 46 ᐊ ‍ ᐊᐸᑕᔨᒡ ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔅᒂ ᒋ ‍ᐅᒋ ‍ ᐅᓯᑕᑕᐅᒡ ᐊᐱᑕᐸᐅᑕᒡ ᐊᓐᑕ ᐊᔅᒋᓱᒡ ᐊᐃᑎᓇᑭᓄᐎᔨᒡ ᒐᒂᔪᐛ ᐦᐅᕋᒻ ᑲ ‍ ᐊᔭᔅᑯᔅᑕᑦ ᐊᓐᑕ ᒥᒋᒪ ᒍᕐᑎᓐ ᓯᐱᒡ ᐊ ‍ ᐱᓴᔨᒡ, ᑎᔅᑐᐎᒡ ᓱᑯᑦ ᑭᔭ ᓴᕆᑕᓐ ᐅᑕᓇᐛ᙮
\p
\v 47 ᓇᒪ ᐅᒋ ᐎᑎᒧᐛᐤ ᓴᓚᒪᓐ ᑲ ‍ ᐛᐎᒋᔨᑯᑦ ᒐᒋ ᑎᐸᐸᑲᒥᔨᒋ ᐊᓂᔭ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᑯᒡ ᐅᒋ ᒐᒂᔪᐛ, ᐛᔅ ᒋᒋᐛ ᒋᒥᒐᓂᔨᐛ, ᐊᑯ ᓇᒪ ᓂᑕ ᐅᒋ ᒋᔅᒐᔨᑎᒻ ᐊᐛᓐ ᑕᓐ ᑲ ᐃᔅᐱᔅ ‍ ᑕᑎᐸᐸᔨᑭᓇᔨᒋ᙮
\b
\p
\v 48 ᓴᓚᒪ ᑲᐛᐎᒋᔨᑯᑦ ᐃᔭᐱᒡ ᒋ ‍ ᐅᓯᑕᔪᐛ ᒥᓯᐛ ᑲ ‍ ᐎᔄᐅᓇᔭᐱᔅᑯᐎᔨᒋ ᒐᒂᔪᐛ ᒐ ‍ ᐊᐱᑎᓂᔨᒋ ᐊᓐᑕ ᐊᔭᒥᐊᐅᒋᐛᐱᒡ:
\li1 ᐱᔅᑎᓂᒐᐅᓇᐱᔅᑯᔪᐤ
\li1 ᒥᒋᓱᐛᑭᓇᑎᑯᔪᐤ ᐊᓐᑕ ᒐ ‍ ᐊᔭᒡ ᐊᔭᒥᐊᐅᒋᒪᐅᒡ ᐸᔭᒋ ᐸᒂᓯᑭᓇ ᐅᑎᔅᑯ ᒋᓴᒪᓂᑐᐛᐤ;
\li1
\v 49 ᐸᐃᑯᔪᐤ ‍ (10) ᐛᔅᑕᐱᒪᑭᓇᑎᒂ ᑲ ‍ ᐊᔅᑕᑭᓄᐎᒋ ᐅᑎᔅᑯᐤ ᓇᔅᒡ ᑲ ᐸᔭᐧᑲᒡ ᐃᑕᐅᓂᒡ, ᐱᑕᑕᒡ ᐊᓐᑕ ᓴᐅᓄᒡ ᐃᑕᒐ ᑭᔭ ᐱᑕᑕᒡ ᐊᓐᑕ ᒋᐛᑎᓄᒡ ᐃᑕᒐ;
\li1 ᐊᒥᒪᑕᐅᓇᑭᓇᓄᐅᒡ ᒧᔭᒻ ᐛᐱᑯᓇ ᐊ ‍ ᐃᓯᓇᑯᓂᔨᒋ;
\li1 ᐛᔅᑕᓂᐱᒪᑭᓇ;
\li1 ᐃᔨᓴᒄ ᒐᒪᑯᓂᑭᓄᐅᒋ ᐃᔎᓴᐛ;
\li1
\v 50 ᒥᓂᒂᑭᓇ, ᑲ ‍ ᐎᔄᐅᓇᔭᐱᔅᑯᐎᔨᒋ ᑲ ᐅᒋ ‍ ᐊᔅᑕᓇᑭᓄᐎᒋ ᐛᔅᑕᐱᒪᑭᓇᔎ, ᐊᔭᐱᓴᓯᔨᒋ ᐛᔅᑕᐱᒪᑭᓇ ᓱᐸᐳᔭᑭᓇ, ᐎᔭᑭᓇ ᐊᓐᑕ ᒐ ‍ ᐊᔅᑕᑭᓄᐎᒋ ᐎᒋᒪᓯᑭᓇ, ᐸᓂᓯᐧᑯᔪᐤ ᐊᓐᑕ ᒐ ‍ ᐊᔅᑕᑭᓄᐎᒋ ᐊᒋᓴᐱᔅᑕᔨᒋ ᐃᔎᓴᐛ, ᑭᔭ ᑲᐱᓯᑯᓴᐱᔨᒋ ᒐ ‍ ᐊᐱᑎᒋ ᐊᓐᑕ ᐊᔅᑐᐧᑭᓂᒡ ᐊᓐᑕ ᐛᒋ ‍ ᐱᒐᓄᐎᒡ ᓇᔅᒡ ᑲ ᐸᔭᐧᑭᓂᔨᒡ ᐃᑕᐅᓂᔪᐤ ᑭᔭ ᐊᔅᑐᐧᑭᓇᓐᑕ ᐛᒋ ‍ ᐱᒐᓄᐎᔨᒡ ᐅᔅᑭᒡ ᑲᐱᔅᒋᒐᔭᔨᒡ ᐊᔭᒥᐊᐅᒋᐛᐱᒡ᙮
\li1 ᐎᔄᐅᓱᓇᔭᐱᔅᑯᒡ ᒋ ᐅᒋ ‍ ᐅᓯᑕᑭᓄᐅᐛ ᐅᔭ ᒥᓯᐛ ᒐᒂᔪᐛ᙮
\b
\p
\v 51 ᐊᑯ ᑲ ‍ ᐛᐎᒋᔨᑯᑦ ᓴᓚᒪᓐ ᒋ ‍ ᒋᔅᑕᔪᐛ ᒥᓯᐛ ᐊᑐᔅᒐᐅᓂᔪᐤ ᑲ ‍ ᐃᑕᐱᑎᓂᔨᒡ ᐊᔭᒥᐊᐅᒋᐛᐱᒡ᙮ ᐊᑯ ᒂ ᐊᔅᑕᒡ ᒥᓯᐛ ᒐᒂᔪᐛ ᐊᓐᑕ ᐊᔭᒥᐊᐅᒋᐛᐱ ᐊᔅᑕᐅᒋᐛᐱᒡ ᑲ ‍ ᐱᔅᑎᓂᒧᐛᔨᒋ ᐅᑕᐎᔭ ᑎᐱᑕ ᒋᓴᒪᓂᑐᐛ-ᒥᓯᐛ ᑲ ‍ ᐛᐱᓯᐅᓱᓇᔭᐱᔅᑯᐎᒡ ᑭᔭ ᑲ ‍ ᐎᔄᐅᓱᓇᔭᐱᔅᑯᐎᒡ, ᑭᔭ ᑯᑎᑲ ᑲ ‍ ᓱᓇᔭᐅᐎᒋ ᒐᒂᔪᐛ᙮
\c 8
\s1 ᐸᔭᒋ-ᒥᐅᑦ ᐊᔭᒥᐊᐅᒋᐛᐱᒡ ᑲ ‍ ᐃᑐᑕᑭᓄᐅᒡ
\p
\v 1 ᐊᑯ ᓴᓚᒪᓐ ᓇᑐᒪᑦ ᒥᓯᐛ ᐃᔅᕋᐃᓪ ᒋᓴᐃᔪᐛ, ᒥᓯᐛ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᓂᑲᓄᔅᑲᒐᔨᒋ, ᑭᔭ ᒥᓯᐛ ᐊᑎ ᐸᐸᐃᑯᑕᐅᓯᔨᒋ ᑲ ‍ ᓂᑲᓄᔅᑲᒐᔨᒋ ᒐᒋ ᑎᑯᓯᓂᔨᒋ ᐊᓐᑕ ᒋᕈᓯᓕᒥᒡ᙮ ᒋ ‍ ᓂᑐᐛᔨᒪᐤ ᒐᒋ ᐎᒋᔨᐛᔨᒋ ᒐᒋ ᐊᐱᑎᑭᑕᑭᓄᐎᔨᒡ ᑎᐸᔨᒋᒐᓱᐛ ᐅᐸᔭᒋ-ᒥᐅᑎᔪᐤ ᐊᓐᑕ ᐊᔭᒥᐊᐅᒋᐛᐱᒡ ᓴᐃᔭᓐ ᐱᔅᑯᑎᓇᒡ ᐅᒋ ᐊᓐᑕ ᐊᑎᑯᓂᔨᒡ ᐊᓐᑕ ᐅᑕᓇᒡ “ᑎᐱᑦ ᐅᑕᓇᒻ” ᐊ ᐃᓯᓂᐧᑲᑕᔨᒡ᙮
\v 2 ᐊᑯ ᒥᓯᐛ ᐃᔅᕋᐃᓪ ᑲᓂᑲᓄᔅᑲᒐᔨᒋ ᓇᑐᐛᐱᒪᒡ ᒋᓴᐅᒋᒪᐛ ᓴᓚᒪᓇ ᒪᒂᒡ ‘ᐛᔨᐱᓯᔅ ᐊ ᐎᒋᓇᓄᐅᒡ’ ᐊᒥᑯᓴᓄᐎᒡ, ᐎᓴᒄ ᐱᓯᒺ᙮
\p
\v 3 ᐃᔅᐱ ᒥᓯᐛ ᑲᒋ ‍ ᑎᑯᓯᓂᒡ, ᐊᔭᒥᐊᐅᒋᒪᐅᒡ ᒋ ‍ ᐅᐱᓂᒧᒡ ᐸᔭᒋ-ᒥᐅᑎᔪᐤ᙮
\v 4 ᑭᔭ ᐊᑐᑕᒡ ᐊᔭᒥᐊᐅᒋᐛᐱᒡ᙮ ᓕᐸᐃ ᐅᑦ ᐊᓂᔅᑯᑕᐸᓇ ᑲ ᐛᐎᒐᐊᒡ ᐊᔭᒥᐊᐅᒋᒪᐛ, ᒋ ‍ ᐎᒋᐊᐅᒡ ᐊᑕᐧᑯᓂᒥᒋ ᐊᑐᑕᔨᒋ ᐊᔭᒥᐊᐅᐱᒍᐎᔭᓂᒋᐛᐱᔪᐤ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒥᓯᐛ ᐸᔭᒋ ᒐᒂᔪᐛ ᑲ ‍ ᑎᑯᓂᔨᒋ ᐊᓐᑕ ᐱᒍᐎᔭᓂᒋᐛᐱᒡ᙮
\v 5 ᐊᑯ ᒋᓴᐅᒋᒪᐤ ᓴᓚᒪᓐ ᑭᔭ ᒥᒐᑦ ᐃᔅᕋᐃᓪ ᐃᔪᒡ ᑲ ‍ ᒪᒧᐎᒡ ᐅᑎᔅᑯᐤ ᑎᐸᔨᒋᒐᓱᐛ ᐅᐸᔭᒋ-ᒥᐅᑎᔪᐤ ᒋᒋᐛ ᒋ ‍ ᒥᔅᑎ ᒥᑐᔅᑕᐊᒪᒐᐅᒡ ᒪᔭᑕᓂᓴ, ᑭᔭ ᓇᐸ ᒥᔅᑐᓴ᙮ ᓇᒪ ᐊᐛᓐ ᒋ ᐊᒋᒪᐤ ᑕᓐ ᐊᑕᑎᓯᔨᒋ ᑲ ‍ ᒥᑐᔅᑕᐊᒪᒐᓄᐎᒋ, ᐛᔅ ᒋᒋᐛ ᒋᒥᒐᑎᔨᐛ᙮
\p
\v 6 ᐊᑯ ᐊᔭᒥᐊᐅᒋᒪᐅᒡ ᒂ ᐱᑎᑭᑕᒡ ᐸᔭᒋ-ᒥᐅᑎᔪᐤ ᐊᓐᑕ ᓇᔅᒡ ᑲᐸᔭᐧᑭᓂᔨᒡ-ᐃᑕᐅᓂᔪᐤ ᐊᓐᑕ ᐱᑎᑭᒥᒡ ᐊᔭᒥᐊᐅᒋᐛᐱᔪᐤ, ᑭᔭ ᒂ ᐱᔅᑎᓇᒡ ᐊᓐᑕ ᓯᐸ ᐅᒥᑯᓂᔨᒡ ᐊᓂᔭ ᐊᐛᓯᓴ ᑲ ‍ ᐅᒥᑯᓂᔨᒋ ᐃᔨᒐᐛᓇ᙮
\v 7 ᐸᔭᒋ-ᒥᐅᑎᒡ ᒋ ᐃᓯ ‍ ᒥᓯᑕᐱᔨᐛ ᐅᒥᑯᓄᐛᐛ ᐊᓐᒡ ᐃᔨᒐᐛᓐᒡ ᑭᔭ ᐊᓐᑕ ᒥᔅᑎᒂ ᑲ ᐅᒋ ‍ ᑕᐧᑯᓇᑭᓄᐎᔨᒡ᙮
\v 8 ᒋᒋᐛ ᒋ ‍ ᒋᓏᔅᑯᓯᔨᐛ ᒥᔅᑎᒂ ᐊᓂᔭ ᐅᒋ ᒋ ‍ ᐛᐱᒪᔪᐛ ᐊᐅᓂᔎᔅᑯᓯᔨᒋ ᐊᓂᔭ ᐃᔪᐛ ᑲ ᓂᐳᔨᒋ ᐊᓐᑕ ᐛᒋ ‍ ᐱᒐᓄᐎᔨᒡ ᓇᔅᒡ ᑲᐸᔭᐧᑭᓂᔨᒡ-ᐃᑕᐅᓂᔪᐤ, ᒥᒄ ᓇᒪ ᐅᒋ ᐛᐱᒪᔪᐛ ᐊᓂᔭ ᐃᔪᐛ ᑲ ‍ ᓂᐳᔨᒋ ᐊᓐᑕ ᐎᐎᑎᒥᒡ ᐊᔭᒥᐊᐅᒋᐛᐱᒡ᙮
\v 9 ᓂᓱ ᑲ ‍ ᐱᐱᒋᓯᒡ ᐊᓯᓂᔨᒡ ᒥᒄ ᒋ ‍ ᐱᒋᓯᓄᐅᒡ ᐊᓐᑕ ᐸᔭᒋ-ᒥᐅᑎᒡ ᒧᓱᔅ ᑲ ‍ ᐱᑕᐛᑦ ᐊᓐᑕ ᓴᐃᓇᐃ ᐱᔅᑯᑎᓇᒡ ᑲ ‍ ᐃᑕ, ᐊᓐᑕ ᑎᐸᔨᒋᒐᓱᐤ ᑲ ‍ᑐᑎᒧᐛᑦ ᓂᔅᑯᒥᑐᐅᓂᔪᐤ ᐃᔪᐛ ᑲᒋ ‍ ᓂᑭᑎᒥᔨᒋ ᐃᒋᑉᑎᔪᐤ᙮
\p
\v 10 ᐊᑯ ᑲ ‍ ᐎᐎᒡ ᐊᔭᒥᐊᐅᒋᒪᐅᒡ ᐊᔭᒥᐊᐅᒋᐛᐱᒡ ᐅᒋ, ᓯᔅᒋᑯᒡ ᒂ ‍ ᓴᑭᔅᒋᓇᔨᒋ ᑭᔅᑯᐅᓇ ᐱᑎᑭᒥᒡ᙮
\v 11 ᐊᑯᐅᔪᐤ ᐊᓂᔭ ᐅᒋᔅᑕᔨᑕᑯᓱᐅᓐ ᑎᐸᔨᒋᒐᓱᐤ ᑲ ‍ ᓴᑭᔅᒋᓇᔨᒡ ᐊᓐᑕ ᐊᔭᒥᐊᐅᒋᐛᐱᒡ, ᐊᓂᔭ ᐅᒋ ᓇᒪ ᐅᒋ ᓴᐳᑐᐛᐱᔪᐅᒡ ᒐᒋ ᐃᑐᑕᒡ ᐅᑦ ᐊᑐᔅᒐᐅᓄᐛᐤ ᐊᔭᒥᐊᐅᒋᒪᐅᒡ᙮
\p
\v 12 ᐊᑯ ᓴᓚᒪᓐ ᒂ ᐊᔭᒥᐊᑦ ᐅᔭ:
\q “ᑎᐸᔨᒋᒐᓱᐤ, ᒋᔾ ᑲ ‍ ᐱᔅᑎᓂᑦ ᐱᓯᒻ ᐊᓐᑕ ᒋᓯᑯᒡ,
\q ᒥᒄ ᒋᒋ ‍ ᐎᔭᔨᑕᓐ ᒐᒋ ᐎᒋᔨᓐ ᐊᓐᑕ ᑲ ‍ ᐅᑲᔅᑕᔭᒡ ᑭᔅᑯᐅᓂᒡ᙮
\q1
\v 13 ᒋᒋ ‍ ᒋᒥᑥᑎᓐ ᓇᔅᒡ ᐊ ‍ ᒋᔅᑕᔨᑕᒂᒡ ᐊᔭᒥᐊᐅᒋᐛᑉ,
\q2 ᐊᓐ ᐃᑕᐅᓐ ᒧᔅ ᑲᒋᒡ ᒐ ‍ ᐎᒋᔨᓐ᙮”
\p
\v 14 ᐊᑯ, ᒪᒂᒡ ᓂᓇᓂᐳᔨᒋ ᐊᓐᑕ ᒥᓯᐛ ᐃᔪᐛ, ᒋᒋᐛᐱᔪᐤ ᒋᓴᐅᒋᒪᐤ ᑭᔭ ᐊ ‍ᐅᑎᔅᑯᑲᐳᔅᑐᐛᑦ ᐃᔪᐛ, ᒂ ‍ ᑭᒂᒋᒪᑦ ᒋᓴᒪᓂᑐᐛ ᒐᒋ ᓱᐛᔨᑕᑯᐛᔨᒋ᙮
\v 15 ᒋ ‍ ᐃᑕᐤ, “ᒪᒥᒋᒪᒃ ᑎᐸᔨᒋᒐᓱᐤ, ᒋᔭᓄᐤ ᒥᓯᐛ ᐃᔅᕋᐃᓪ-ᐃᔪᒡ ᑕᐸᔨᒥᑕᐧᒄ᙮ ᐎᔾ ᐅᓱᐧᑲᑎᓯᐅᓂᒡ ᐅᒋ ᒋ ‍ ᐃᑐᑎᒻ ᒐᒂᔪᐤ ᑲ ‍ ᐊᓱᑎᒧᐛᑦ ᓄᑕᐎᔭ ᑎᐱᑕ᙮ ᐊᐅᒄ ᐅᔭ ᑲ ‍ ᐊᓱᑎᒧᐛᑦ:
\pi1
\v 16 ‘ᐊᓂᔭ ᒋᓯᑯᔪᐤ ᑲ ‍ ᐎᐎᑕᔨᒂᐤ ᓂᑦ ᐃᔨᒥᒡ ᐃᒋᑉᑎᒡ ᐅᒋ, ᓇᒪ ᓂᑕ ᓂ ᐅᒋ ‍ ᐎᔭᔨᑕᓐ ᐅᑕᓇ ᐊᓐᑕ ᐃᔅᕋᐃᓕᒡ ᐊᓐᑕ ᒐ ‍ ᒋᐅᓯᑎᒧᐛᑭᓄᐅᒡ ᐊᔭᒥᐊᐅᒋᐛᐱᔪᐤ ᓂᑦ ᐃᔨᒥᒡ ᐊᓐᑕ ᒐ ‍ ᐊᔭᒥᐊᐅᔅᑐᐅᒡ᙮ ᒥᒄ ᒋᔾ ᒋᒋ ‍ ᐎᔭᔨᒥᑎᓐ, ᑎᐱᑦ, ᒐᒋ ᓂᑲᓂᔅᑯᐅᑥᐤ ᓂᑦ ᐃᔨᒥᒡ᙮’ ”
\p
\v 17 ᐊᑯ ᓴᓚᒪᓐ ᐊᔅᒋᔄᑦ, “ᓄᑕᐎᔾ ᑎᐱᑦ ᒋ ‍ ᐎᒋᒥᑕᐤ ᐊᔭᒥᐊᐅᒋᐛᐱᔪᐤ ᐊᓐᑕ ᒋᔭᓄᐤ ᐃᔅᕋᐃᓪ ᐃᔪᒡ ᒐᒋ ᐊᔭᒥᐊᔅᑐᐛᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ᙮
\v 18 ᒥᒄ ᑎᐸᔨᒋᒐᓱᐤ ᒋ ‍ ᐃᑕᐤ, ‘ᒋᒋ ‍ ᓇᓂᑐᐛᔨᑕᓐ ᒐᒋ ᐅᓯᑎᒧᐎᔨᓐ ᐊᔭᒥᐊᐅᒋᐛᑉ, ᑭᔭ ᒥᔽᐤ ᐊᓐ ᒐᒂᓐ ᑲ ᐎ ‍ ᑐᑎᒥᓐ᙮
\v 19 ᒥᒄ ᓇᒪ ᒋ ‍ ᓂᑐᐛᔨᑎᒪᑎᓐ ᒋᔾ ᒐᒋ ᒋᒥᑕᔨᓐ ᐊᔭᒥᐊᐅᒋᐛᑉ᙮ ᐸᐃᒄ ᐊᓐᒡ ᒋᑯᓯᒡ, ᐊᐅᒄ ᓇᑐᐛᔨᒥᒄ ᒐᒋ ᐅᓯᑎᒧᐅᑦ ᐊᔭᒥᐊᐅᒋᐛᐱᔪᐤ᙮’
\p
\v 20 ᑭᔭ ᐊᓄᒡ ᒋ ‍ ᐃᑐᑎᒻ ᒐᒂᔪᐤ ᑲ ‍ ᐊᓱᑎᒪᒐᑦ ᑎᐸᔨᒋᒐᓱᐤ ᒐᒋ ᐃᑐᑕᐧᒃ᙮ ᓂᒋᓴᐅᒋᒪᐅᓐ ᐃᔅᕋᐃᓕᒡ ᒧᔭᒻ ᓄᑕᐎᔾ, ᑭᔭ ᓂ ‍ ᓂᑲᓄᔅᑯᐛᐅᒡ ᓂᑦ ‍ ᐃᔨᒥᒡ, ᒧᔭᒻ ᑲ ᐃᓯ ‍ ᐊᓱᑎᒪᒐᑦ ᑎᐸᔨᒋᒐᓱᐤ᙮ ᓂᒋ ‍ ᐃᑕᔨᑕᓐ ᒐᒋ ᐅᓯᑎᒪᑯᐅᔭᐧᒄ ᐊᔭᒥᐊᐅᒋᐛᑉ ᒋᔭᓄᐤ ᐃᔅᕋᐃᓪ ᐃᔪᒡ ᐊᓐᑕ ᒐ ‍ ᐊᔭᒥᐊᐅᔅᑐᐛᐧᒄ ᑎᐸᔨᒋᒐᓱᐤ, ᐊᓐ ᒋᓴᒪᓂᑐᐤ, ᒋᔭᓄᐤ ᑕᐸᔨᒥᑕᐧᒄ᙮
\v 21 ᐃᔭᐱᒡ ᓂᒋ ‍ ᐅᓯᑕᐊᓐ ᐃᑕᐅᓐ ᐊᓐᑕ ᐱᑎᑭᒥᒡ ᐊᔭᒥᐊᐅᒋᐛᐱᒡ ᒐᒋ ᐊᔅᑕᒡ ᐊᓐ ᐸᔭᒋ-ᒥᐅᑦ ᐊᓐᑕ ᐊᑕᒡ ᓂᓱ ᐊᐱᐱᒋᓯᒡ ᐊᓯᓂᔨᒡ ᒥᓯᓇᑕᒋ ᐸᐃᑯᔪᐤ ᐃᑎᓱᐛᐅᓇ ᑲ ᑐᑎᒧᐛᑦ ᓂᔅᑯᒥᑐᐅᓂᔪᐤ ᑎᐸᔨᒋᒐᓱᐤ ᒋᑦ ᐊᓂᔅᑯᑕᐸᓄᐛ ᐃᔅᐱ ᑲ ᐎᐎᑕᐊᑦ ᐃᒋᑉᑎᒡ ᐅᒋ᙮”
\s1
\s2 2 Kings 8.8.22-23, 41-43 (Epiphany-8 Year C)
\p
\v 22 ᐊᑯ ᒥᓯᐛ ᐊ ‍ ᑕᔨᒋ ᐊᐛᔪᐛ, ᒋ ‍ ᐅᑎᔅᑯᑲᐳᔅᑐᒻ ᐱᒋᒋᑲᓇᐱᔅᑯᔪᐤ ᓴᓚᒧᓐ ᑭᔭ ᐃᔅᐱᒥᒡ ᒂ ᐃᓯ ‍ ᐅᐱᓂᔅᒐᔨᑦ
\v 23 ᑭᔭ ᒂ ‍ ᓂᑐᑎᒪᑦ,
\pi1 “ᑎᐸᔨᒋᒐᓱᐤ ᐃᔅᕋᐃᓪ ᐅᒋᓴᒪᓂᑐᒪ, ᓇᒪ ᐃᑕᐤ ᑯᑎᒃ ᒪᓂᑐᐤ ᐊᓐᑕ ᒋᒋᒋᓯᑯᒡ ᐃᔅᐱᒥᒡ ᑭᔭ ᒪᒃ ᐅᑕ ᐊᔅᒋᒡ ᒐᒋ ᐃᑕᔨᑕᑯᓯᑦ ᒋᔾ ᐊᑕᔨᑕᑯᓯᔨᓐ ! ᓇᒪ ᓂᑕ ᒋ ‍ ᐅᓂᒋᔅᒋᑎᒺᓐ ᓂᔅᑯᒥᑐᐅᓂᔪᐤ ᑲ ‍ ᐃᑐᑎᒧᐅᑥᐤ ᒋᑦ ᐃᔨᒥᒡ ᑭᔭ ᒋ ‍ ᐛᐸᑎᔭᐤ ᒋ ‍ ᓴᒋᐃᐛᐅᓂᔪᐤ ᐊᓐ ᐊᐛᓐ ᑕᑈᔭᔨᑎᒧᐅᓂᒡ ᑲ ‍ ᓂᓇᐃᑕᐧᒃ ᒋ ‍ ᒋᔅᑯᑎᒪᒐᐅᓇ᙮
\pi1
\v 24 ᒥᓯᐛ ᑲ ‍ ᐃᔅᒋᔄᔨᓐ ᒋ ‍ ᐃᑐᑎᒺᓐ ᑲ ‍ ᐃᑎᑦ ᓄᑕᐎᔾ ᑎᐱᑦ, ᑲ ᒥᔪᐤ ‍ ᐊᑐᔅᒐᑕᔅᒃ᙮ ᒥᓯᐛ ᑲ ‍ ᐃᔅᒋᔄᔨᓐ ᐊᓄᒡ ᓄᐛᐸᑕᓇᓐ ᒐᓯᑲᒡ᙮
\pi1
\v 25 ᐊᑯ ᐊᓄᒡ, ᑎᐸᔨᒋᒐᓱᐤ ᒋᓴᒪᓂᑐᐤ ᓂᔭᓐ ᐃᔅᕋᐃᓪ ᐃᔪᒡ ᐊᔭᒥᐊᔅᑐᐅᒋᒡ, ᐃᑐᑕ ᐊᓂᔭ ᒐᒂᔪᐛ ᑲ ‍ ᐊᓱᑎᒧᐅᑦ ᓄᑕᐎᔾ ᒐ ‍ ᐃᑐᑎᒧᑦ᙮ ᒋ ‍ ᒋᐃᑕᐤ ᓂᓇᑎᒻ ᒐ ‍ ᐃᑕᔨᒋ ᐱᔅᒐ ᐅᑦ ᐊᓂᔅᑯᑕᐸᓇ ᒐ ‍ ᓂᑲᓂᔅᑯᒥᔨᒋ ᐃᔅᕋᐃᓕᔪᐤ, ᒥᔪ ᐱᒪᑎᓯᔨᑕᐛ ᒧᔭᒻ ᐎᔾ ᑲ ‍ ᐃᑎᑦ᙮
\v 26 ᐊᑯ ᐊᓄᒡ, ᓂᔭᓐ ᐃᔅᕋᐃᓪ-ᐃᔪᒡ ᐅᒋᓴᒪᓂᑐᒧᐛᐛ, ᐃᑐᑕ ᒐᒋ ᐃᔅᐱᔨᒡ ᐊᓂᔭᔪᐤ ᑲ ‍ ᐊᓱᑎᒧᐅᑦ ᒐ ‍ ᐃᑐᑎᒧᐅᑦ ᓄᑕᐎᔾ ᑎᐱᑦ, ᐊᓐ ᑲ ᒥᔪᐤ ‍ ᐊᑐᔅᑲᔅᒃ᙮
\pi1
\v 27 ᒥᒄ ᒋᓴᒪᓂᑐᐤ, ᓇᒪ ᒋᑭ ‍ ᒋᒋᐛ ᐎᒋᓐ ᐅᑕ ᐊᔅᒋᒡ᙮ ᓇᒪ ᐃᑎᑯᓐ ᐊᑐᐛᒡ ᒐᒋ ᐃᑕᔨᓐ ᐊᓐᑕ ᒧᓴ ᒋᓯᑯᒡ, ᐊᑯ ᓇᒪ ᓇᔅᒡ ᐃᑎᑯᓐ ᐊᐳᐅᓐ ᒐᒋ ᐃᑕᔨᓐ ᐅᑕ ᐊᔭᒥᐊᐅᒋᐛᐱᒡ ᑲ ‍ ᒋᒥᑕᒡ ᓂᑲᐊᑐᔅᒐᓯᒥᒡ᙮
\v 28 ᒥᒄ ᑎᐸᔨᒋᒐᐤ, ᓂᒋᓴᒪᓂᑐᒻ, ᓂᑐᑐᐎᔾ ᒪᒂᒡ ᐊᓂᑐᑎᒪᑕᓐ ᐊᓄᒡ ᒐᓯᑲᒡ᙮
\v 29 ᒋ ‍ ᓂᑐᐛᔨᑎᒪᑎᓐ ᒐᒋ ᓂᓇᑭᑐᐛᔨᑎᒥᓐ ᐅ ᐊᔭᒥᐊᐅᒋᐛᑉ ᑕᐱᔅᑲᒋ ᑭᔭ ᒐᓯᑲᒋ᙮ ᐊᐅᒄ ᐅ ᐃᑕᐅᓐ ᐊᓐ ᑲ ‍ ᐃᔅᒋᔄᔨᓐ, ‘ᓂᓇᑎᒻ ᐅᑕ ᓂᑭ ‍ ᐃᑕᓐ᙮’ ᒋ ‍ ᓂᑐᐛᔨᑎᒪᑕᓐ ᒐᒋ ᓂᑐᑐᐎᓐ ᐃᔅᐱ ᐊᔅᐱᔪᐅᔭᓂ ᐅᑎᔅᑯᐤ ᐅ ᐊᔭᒥᐊᐅᒋᐛᑉ ᑭᔭ ᓂᑐᑎᒪᔭᓐ᙮
\v 30 ᒋ ‍ ᓂᑐᐛᔨᑎᒪᑎᓐ ᐃᔅᐱ ᓇᑐᑎᒪᑕᓂ ᑭᔭ ᓇᑐᑎᒪᔎᐎ ᐃᔪᒡ ᒪᒂᒡ ᐊ ‍ ᐃᔅᐱᔪᐅᒡ ᐅᑕ ᐃᑕᐅᓂᒡ ᐃᓯ, ᒐᒋ ᐸᑐᐅᔭᒡ ᑭᔭ ᐊᓐᑕ ᒋᒋᒡ ᐅᒋ ᐊᓐᑕ ᒋᒋᒋᓯᑯᒡ ᑭᔭ ᐛᐸᔨᑎᒧᐅᔭᒡ ᓂᒥᒋᑥᐅᓇᓇ᙮
\pi1
\v 31 ᐊᑕᒪᔨᒪᑭᓄᐅᒐ ᐊᐛᓐ ᐊ ᒥᒋ ᑐᑐᐛᑦ ᑯᑎᑲ ᐊᐛᔪᐛ,ᑭᔭ ᐸᓱᐛᑥᐛ ᒋ ‍ ᐱᔅᑎᓂᒐᐅᓇᐱᔅᑯᒡ ᐎᐎᑎᒥᒡ ᐅᔭ ᐸᔭᒋ ᐊᔭᒥᐊᐅᒋᐛᐱᔪᐤ ᑭᔭ ᐃᔅᒋᔄᒐ ᐊᓐ ᐊᐛᓐ, ‘ᓇᒪ ᓂ ᐅᒋ ᐃᑐᑕᓐ ᐊᓐ, ᑭᒪ ‍ ᐊᓏᔨᒥᑦ ᒋᓴᒪᓂᑐᐤ ᐊ ᐊᑲ ᑕᑈᔭᓇ ᐊᓐ ᐊ ‍ ᐃᔅᒋᔄᔭᓐ᙮’
\v 32 ᐊᑯ ᒐ ‍ ᓂᑐᑐᐅᑦ ᐊᓐᑕ ᒋᒋᒋᓯᑯᒡ ᐅᒋ, ᑭᔭ ᒐ ‍ ᐎᔭᔨᑎᒥᓐ ᐊᐛᓐ ᐊᓐ ᑎᔭᑈᑦ ᐊ ‍ ᐃᔅᒋᔄᑦ᙮ ᐊᑯ ᒐ ‍ ᐊᓏᔨᒥᑦ ᐊᓐ ᐊᐛᓐ ᑲ ‍ ᐊᑕᒪᔨᑕᑯᓯᑦ ᑭᔭ ᒐ ‍ ᐎᑎᒥᓐ ᑎᔭᑈᐅᒐᔨᑕᑯᓯᑦ ᐊᓐ ᑯᑎᒃ ᐊᐛᓐ᙮
\pi1
\v 33 ᑭᔭ ᐃᔅᐱ ᓴᐧᑯᒋᔨᑯᑥᐤ ᒋᑦ ᐃᔅᕋᐃᓪ ᐃᔨᒥᒡ ᐊᓂᔭ ᑲ ‍ ᐱᒂᑎᑯᒡ, ᐛᔅ ᐊᒋ ‍ ᒥᒋᑐᑕᔅᒡ, ᑭᔭ ᐃᔨᔨᐧᑭᒥᐊᑭᓄᐅᑥᐛ ᒐᒋ ᐃᑐᑕᒡ ᐊᓐᑕ ᐛᔪᐤ ᐊᔅᒋᒡ, ᑭᔭ ᓂᑭᑕᒂᐛ ᐊ ᒥᒋ ‍ ᐃᔨᑕᑎᓯᒡ ᑭᔭ ᐃᔅᐱᔪᐅᑥᐛ ᐅᑕ ᐃᓯ ᐊᔭᒥᐊᐅᒋᐛᐱᒡ ᑭᔭ ᐎᑕᒂᐛ ᑯᐃᔅᒄ ᐊᒋ ᐃᓯ ‍ ᐊᓏᔨᒥᑥᐤ, ᑭᔭ ᓂᑐᑎᒪᔎᐛ ᒐᒋ ᐛᐸᔨᑎᒧᐅᑥᐤ,
\v 34 ᒐ ‍ ᓂᑐᑐᐅᑥᐤ ᒋᒋᒋᓯᑯᒡ ᐅᒋ, ᑭᔭ ᒐ ‍ ᐛᐸᔨᑎᒧᐅᑥᐤ ᒋᑦ ᐃᔅᕋᐃᓪ ᐃᔨᒥᒡ ᑲ ᐃᓯ ‍ ᒥᒋᑐᑕᒡ, ᑭᔭ ᑲᐤ ᒐ ‍ ᐸᓱᐅᑥᐤ ᐅᑕ ᐊᔅᒋᒡ ᑲ ‍ ᒥᔨᑥᐤ ᓂᑦ ᐊᓂᔅᑯᑕᐸᓇᓐᒡ᙮
\pi1
\v 35 ᑭᔭ ᐃᔅᐱ ᐊ ᐊᑲ ᓇᐊᔨᑎᒥᓇ ᒐᒋ ᒋᒺᒡ ᐊᓐᑕ ᐊᔅᒋᒡ ᐛᔅ ᐊᒋ ‍ ᒥᒋᑐᑕᔅᒡ ᐃᔪᒡ,ᑭᔭ ᐃᔅᐱᔪᐅᑥᐛ ᐅᑕ ᐃᓯ ᐊᔭᒥᐊᐅᒋᐛᐱᒡ ᑭᔭ ᐎᑕᒂᐛ ᑯᐃᔅᒄ ᐊᒋ ᐃᓯ ‍ ᐊᓏᔨᒥᑥᐤ, ᓂᑭᑕᒂᐛ ᐊ ᒥᒋ ‍ ᐃᔨᑕᑎᓯᒡ ᑭᔭ ᓂᑐᑎᒪᔎᐛ ᑎᐱᑕᔨᑎᒧᐅᓂᒡ,
\v 36 ᒐ ‍ ᓂᑐᑐᐅᑥᐤ ᒋᒋᒋᓯᑯᒡ ᐅᒋ, ᒐ ‍ ᐛᐸᔨᑎᒧᐅᑥᐤ ᒋᑦ ᐃᔅᕋᐃᓪ ᐃᔨᒥᒡ ᑲ ᐃᓯ ‍ ᒥᒋᑐᑕᒡ᙮ ᒐ ‍ ᐛᐸᑎᔨᑥᐤ ᑯᐃᔅᒄ ᒐᒋ ᐃᑕᑎᓯᒡ᙮ ᐊᑯ ᒐ ‍ ᐃᑎᓴᐊᒥᓐ ᒐᒋ ᒋᒺᒡ ᐅᑕ ᐊᔅᒋᒡ ᐊᓂᔭ ᑲ ‍ ᒥᔨᑥᐤ ᒋᑦ ᐃᔨᒥᒡ ᒐᒋ ᓂᒋᔅᒃ ᑎᐸᔨᑕᒡ᙮
\pi1
\v 37 ᑭᔭ ᐃᔅᐱ ᐛᐸᑕᒂᐛ ᑯᐅᐧᐃᑕᐅᓂᔪᐤ ᐃᔪᒡ ᐅᑕ ᐊᔅᒋᒡ, ᙮ᑭᔭ ᒪᒃ ᐊᐧᑯᓱᐅᓐ ᐱᒥᐱᔨᒐ ᒐᒋ ᑐᑕᑯᒡ ᒥᒐᑦ ᐃᔪᒡ ᒐᒋ ᐊᐧᑯᓯᒡ, ᑭᔭ ᒪᒃ ᔭᔪᓂᔨᑥᐛ ᐅᓂᑕᐅᒋᒋᑕᑭᓄᐛᐛ ᐊ ‍ ᒋᓯᑕᐤ ᔪᑎᓂᔨᒡ ᐅᒋ ᑭᔭ ᒪᒃ ᐊᐎᒐᑭᓂᔨᒋ ᑭᔭ ᒪᒃ ᒥᓂᑐᓯᓴ ᑭᔭ ᒪᒃ ᒂᔅᑯᑎᓯᓴ᙮ ᑭᔭ ᒪᒃ ᐃᔅᐱ ᐛᔅᑲᔅᑭᒥᔨᒐᓂ ᑲᐱᒂᑎᑯᒡ ᒥᒄ ᐊᓂᔭ ᐅᑕᓇᒧᐛᐛ ᒐᒋ ᐅᒋ ᑯᓯᒂᔨᒧᑕᑯᒡ, ᐃᔅᐱ ᐃᔅᐱᔨᑥᐛ ᐊᓂᔭ ᐸᐃᒄ ᒥᒋ ‍ ᒐᒂᔪᐤ,
\v 38 ᐃᔅᐱ ᓇᔅᒡ ᓂᑐᑎᒪᒂᐛ ᒋᑦ ᐃᔅᕋᐃᓪ ᐃᔨᒥᒡ ᐊ ‍ ᒋᔅᒐᔨᑕᒡ ᐊᐎᓴᒐᔨᑕᒡ ᐛᔅ ᐊᒋ ‍ᒥᒋ ‍ ᑐᑕᒡ, ᑭᔭ ᓱᓂᔅᒐᔨᑥᐛ ᐅᑕ ᐃᓯ ᐊᔭᒥᐊᐅᒋᐛᐱᔪᐤ ᑭᔭ ᐊᔭᒥᐊᑥᐛ,
\v 39 ᒐ ‍ ᓂᑐᑐᐛᐤ ᐊᓐᑕ ᒋᒋᒡ ᐅᒋ ᐊᓐᑕ ᒋᒋᒋᓯᑯᒡ, ᑭᔭ ᒐ ‍ ᐛᐸᔨᑎᒧᐅᑥᐤ, ᑭᔭ ᒐ ‍ ᐎᒋᐊᑥᐤ᙮ ᒋᔾ ᒥᒄ ᒋᔅᒐᔨᑎᒺᓐ ᑕᓐ ᐊᑕᔨᑕᒡ ᐃᔪᒡ, ᐊᑯ ᒐ ‍ ᐃᑐᑐᐅᑦ ᐊᓐ ᐊᐛᓐ ᑕᓐ ᐊᓂᔭ ᒋᐸ ‍ ᐃᑐᑐᐛᑭᓄᐅ᙮
\v 40 ᐊᑯ ᒪᒃ ᒐᒋ ᐅᒋ ᒐᒋ ᒋᒋ ‍ ᐃᔅᐱᑕᔨᒥᔅᒡ ᐃᔪᒡ, ᒥᓯᐛ ᐊᓂᑕ ᑕᑐᐤ ᐱᐳᓇ ᑲ ‍ ᐎᒋᒡ ᐅᑕ ᐊᔅᒋᒡ ᑲ ‍ ᒥᔨᑥᐤ ᓂᑦ ᐊᓂᔅᑯᑕᐸᓇᓐᒡ,
\s2 2 Kings 8.8.22-23, 41-43 (Epiphany-8 Year C)
\pi1
\v 41 ᒋᑭ ‍ ᐃᑕᐅᒡ ᐱᔅᒐ ᒪᓐᑕᐅᒡ ᐊ ᐊᑲ ᐅᒋ ‍ ᑎᐸᔨᑕᑯᓯᑦ ᐊᓐᑕ ᒋᑦ ᐃᔅᕋᐃᓪ ᐃᔨᒪ ᐅᒋ ᐊᓐᑕ ᐛᔪᐤ ᐊᔅᒋᒡ ᐅᒋ ᑲ ‍ ᐅᑐᑕᒡ,
\v 42 ᐛᔅ ᒋᑭ ‍ ᐸᑎᒧᒡ ᐊᔭᔨᒧᑕᔨᒡ ᐃᔪᒡ ᒋ ‍ ᒋᔅᑕᔨᑕᑯᓱᐅᓂᔪᐤ ᑭᔭ ᒋ ᒋᓱᐧᑲᑎᓯᐅᓂᔪᐤ ᑭᔭ ᐸᒋ ‍ ᑎᑯᓯᒂᐛ ᒐᒋ ᓇᒋ ‍ ᐊᔭᒥᐊᔅᑕᔅᒡ ᑭᔭ ᓂᑐᑎᒪᒡ ᐅᑕ ᒥᔅᑎ ᐊᔭᒥᐊᐅᒋᐛᐱᒡ,
\v 43 ᒐ ‍ ᐱᓯᒋᑎᒧᑦ ᐅᓂᑐᑎᒪᒐᐅᓄᐛᐛ ᐊᓐᑕ ᒋᒋᒋᓯᑯᒡ ᐊᓐᑕ ᐛᒋᔨᓐ, ᓂᑐᑐᐅᒡ ᑭᔭ ᒐ ‍ ᒥᔨᑥᐤ ᐊ ᐃᓯ ‍ ᓂᑐᑎᒪᔅᒡ᙮ ᐊᑯ ᒪᒃ ᒥᓯᐛ ᐊᐛᓐ ᐅᑕ ᐊᔅᒋᒡ ᒐ ‍ ᐊᔭᒥᐊᔅᑕᔅᒃ, ᒧᔭ ᐊ ᐃᑎᒡ ᒋᑦ ᐃᔨᒥᒡ ᐃᔅᕋᐃᓪ, ᐊᑯ ᒐᔅᒐᔨᑕᒡ ᐊᑯᑕ ᐊᓐᑕ ᒐ ‍ ᐊᔭᒥᐊᔅᑕᑯᐎᑦ ᐊᓐᑕ ᐊᓐ ᒥᔅᑎ ᐊᔭᒥᐊᐅᒋᐛᑉ ᑲᒋᒥᑕᔭᓐ᙮
\p
\v 44 ᑭᔭ ᐃᑎᔄᐅᑕᐛ ᒋᑦ ᐃᔨᒥᒡ ᒐᒋ ᒪᓴᐊᒡ ᐊᓂᔭᔪᐛ ᑲ ‍ ᐱᒂᑎᑯᒡ, ᓂᑐᑎᒪᔅᑲᐛ, ᑕᓐᑕ ᒥᒄ ᒐ ᐃᑕᒡ, ᐃᔅᐱᔪᐅᑥᐛ ᐅᑕ ᐅᑕᓇᔪᐤ ᑲ ‍ ᐎᔭᔨᑎᒧᑦ ᑭᔭ ᐅᑎᔅᑯᐤ ᐅᔭ ᐊᔭᒥᐊᐅᒋᐛᐱᔪᐤ ᑲ ‍ ᐃᑎᓱᐛᔭᓐ ᒐᒋ ᒋ ᒥᑥᑯᐎᔨᓐ,
\v 45 ᒐ ‍ ᐱᓯᒋᑎᒧᑦ ᐅᓂᑐᑎᒪᒐᐅᓄᐛᐛ ᐊᓐᑕ ᒋᒋᒋᓯᑯᒡ, ᒐ ‍ ᐱᓯᒋᑎᒧᑦ ᒐᒂᔪᐤ ᓇᑐᑎᒪᔅᒡ ᒐᒋ ᐃᑐᑎᒧᑦ, ᑭᔭ ᒐ ‍ ᐎᒋᐊᑥᐤ᙮
\pi1
\v 46 ᑕᑈᒥᑭᓐ, ᒥᓯᐛ ᐊᐛᓐ ᒥᒋ ‍ ᑐᑎᒻ᙮ ᐊᑯ, ᐅᓂᑐᑕᔎᐛ ᒋᑦ ᐃᔨᒥᒡ ᑭᔭ ᒋᔄᐱᔅᑐᐅᑥᐛ,, ᒋᑭ ᒋ ‍ ‍ ᓇᐊᔨᒪᐛ ᒐᒋ ᓴᐧᑯᒋᔨᑯᒡ ᐊᓂᔭ ᑲ ‍ ᐱᒂᑎᑯᒡ ᑭᔭ ᒪᑯᓂᑯᒡ ᑭᔭ ᒐ ‍ ᐃᑐᑕᔨᑯᒡ ᐅᑦ ‍ ᐊᔅᒋᔨᒡ ᐊᓂᔭ ᑲ ‍ ᐱᒂᑎᑯᒡ, ᐊᑎᓱᐧᒄ ᐊᓐᑕ ᓇᔅᒡ ᐊᐛᔪᐤ ᐊᔅᒋᒡ᙮
\v 47 ᐃᔅᐱᔨᒐ ᒪᒃ ᐊᓐ, ᒪᒂᒡ ᐃᔨᑕᑥᐛ ᐊᓐᑕ ᐊᔅᒋᔭ ᐊᓐᑕ ᑲ ‍ ᐃᔨᐧᑭᒥᐊᑭᓄᐅᒡ ᒐᒋ ᐃᔪᑕᒡ, ᑭᔭ ᑕᑈ ᒂᔅᑲᑎᓯᑥᐛ ᑭᔭ ᓂᑐᑎᒪᔎᐛ ᐊ ‍ ᐃᔅᒋᔄᒡ, ‘ᓂᒋ ‍ ᒥᒋᑐᑕᓇᓐ ᑭᔭ ᓂᒋ ‍ ᐃᑐᑕᓇᓐ ᒥᒋ ‍ ᒐᒂᓇ,’
\v 48 ᑕᑈ ᓇᔅᒡ ᒂᔅᑲᑎᓯᑥᐛ, ᑭᔭ ᐃᔅᐱᔪᑥᐛ ᐃᓯ ᐅᑕ ᐊᔅᒋᔪᐤ ᑲ ‍ ᒥᔨᒥᑎ ᓂᑦ ᐊᓂᔅᑯᑕᐸᓇᓇ, ᑭᔭ ᐊᓂᔭ ᐅᔭ ᐅᑕᓇᔪᐤ ᐃᓯ ᑲ ‍ ᐎᔭᔨᑎᒧᑦ ᐊᓐᑕ ᐃᑕᐅᓂᔪᐤ ᒐᐸ ‍ ᐊᔭᒥᐊᔅᑕᑎᓇᓐ, ᑭᔭ ᒪᒂᒡ ᐊᔭᒥᐊᒡ ᐃᑕᐱᒐᐛ ᐊᓐᑕ ᐃᑕᒐ ᐊᒋᒥᑕᔨᒡ ᒋᑦ ᐊᔭᒥᐊᐅᒋᐛᐱᔪᐤ ᑲ ‍ ᐅᓯᑎᑭᓄᐎᒡ, ᑲ ‍ ᐅᑎᓂᒥᓐ ᐊᓐᑕ ᒐ ‍ ᐊᔭᒥᐊᐅᔅᑕᑯᐎᓐ, ᑭᔭ ᐅᑎᔅᑯᐤ ᐅᔭ ᐊᔭᒥᐊᐅᒋᐛᐱᔪᐤ ᑲ ‍ ᐃᑎᓱᐛᔭᓐ ᒐᒋ ᒋ ᒥᑥᑯᐎᔨᓐ, ᑭᔭ ᓂᑐᑎᒪᑥᐛ᙮
\v 49 ᒋ ‍ ᓂᑐᑐᑥᐤ ᐊᔭᒥᐊᒡ ᑭᔭ ᒐ ‍ ᐎᒋᑐᐛᐤ᙮
\v 50 ᒐ ‍ ᐛᐸᔨᑎᒧᑐᐛᐤ ᐅᒥᒋᑥᐅᓇᐛᐛ ᑭᔭ ᒋ ‍ ᐃᑐᑐᑥᐤ ᐊᓂᔭ ᑲ ‍ ᑭᓄᐛᔨᒥᑯᐅᒡ ᒐᒋ ᐛᐸᑎᑯᒡ ᒥᔽᑎᓱᐅᓂᔪᐤ᙮
\v 51 ᒐ ᐊᑲ ᐅᓂᔅᒋᔨᓐ ᐊ ᐅᑦ ᐃᔨᒥᔨᓐ ᐊᓐᒡ ᐃᔅᕋᐃᓪ-ᐃᔪᒡ: ᐊᐅᑯᓐᒡ ᐊᓐᒡ ᑲ ‍ ᒋᔅᑕᔨᑕᑯᓯᒡ ᑲ ‍ ᑎᐱᔨᐛᐅᓯᔨᓐ; ᒋᔾ ᒋ ᒋᐎᐎᑕᐅᒡ ᓂᑦ ᐊᓂᔅᑯᑕᐸᓇᓐᒡ ᐃᒋᑉᑎᒡ ᐅᒋ, ᐊᓐᑕ ᒋᒋᐛ ᒋ ‍ ᓂᓇᐧᑲᒋᐅᒡ ᒧᔭᒻ ᐊᔨᔎᓱᐅᒡ ᒋ ‍ ᐃᓯᓇᑯᓱᐅᒡ ᐊᓐᑕ ᑲ ‍ ᐛᔪᓯᐎᒋ ᒋᓴᐱᔅᒐᐛᓇ᙮
\pi1
\v 52 ᒋ ᓂᑐᐛᔨᑎᒪᑎᓐ ᒐᒋ ᓂᑐᑐᐅᑥᐤ ᒋᑦ ᐃᔅᕋᐃᓪ ᐃᔨᒥᒡ ᑭᔭ ᓂᔾ, ᐅᒋᓴᐅᒋᒪᐅᒧᐛᐛ, ᑭᔭ ᒐ ‍ ᐱᓯᒋᑎᒧᑦ ᐅᑦ ᐊᔭᒥᐊᓄᐛᐛ ᐃᔅᐱ ᑎᔭᑈᔎᐎ ᒐᒋ ᐎᒋᐊᑥᐤ᙮
\v 53 ᒋ ‍ ᒋᐎᔭᔨᒪᐅᒡ ᑯᑎᑲ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ ᐊᓐᑕ ᐊᔅᐱᑎᔅᑭᒥᑲᒡ ᐊᔅᒋᒡ ᒐᒋ ᑎᐱᔨᐛᐅᓯᔨᓐ, ᐊᐅᒄ ᐅᔭ ᑲ ᐃᑎᑦ ᒧᓱᔅ ᒐᒋ ᐎᑎᒧᐛᑦ ᐃᔪᐛ ᐃᔅᐱ ᑲ ‍ ᐎᐎᑕᔨᑥᐤ ᓂᑦ ᐊᓂᔅᑯᑕᐸᓇᓐᒡ ᐃᒋᑉᑎᒡ ᐅᒋ᙮”
\b
\p
\v 54 ᑲᒋ ‍ ᐊᔭᒥᐊᑦ ᑭᔭ ᓂᑐᑎᒧᐛᑦ ᑎᐸᔨᒋᒐᓱᐛ ᒐᒋ ᐛ ‍ ᐎᒋᐃᑯᑦ, ᒂ ‍ ᓇᓂᐳᐅᑦ ᐅᑎᔅᑯ ᐱᔅᑎᓂᒐᐅᓇᐱᔅᑯᒡ ᐊᓐᑕ ᑲ ‍ ᓂᐱᔅᑯᐱᑦ᙮ ᒂ ‍ ᐅᐱᓂᔅᒐᔨᑦ᙮
\v 55 ᒂ ‍ ᑯᒂᒋᒪᑦ ᒋᓴᒪᓂᑐᐛ ᒐᒋ ᓱᐛᔨᑕᑯᐛᔨᒋ ᒥᓯᐛ ᐃᔅᕋᐃᓪ ᐃᔪᐛ᙮ ᒋ ‍ ᒋᔄᐛᐤ ᐊᔭᒥᐊᑦ, ᐊ ‍ ᐃᔅᒋᔄᑦ,
\pi1
\v 56 “ᒪᒥᒋᒪᐧᒄ ᑎᐸᔨᒋᒐᓱᐤ, ᑲ ‍ ᒥᔨᑕᐧᒄ ᒋᔭᓄᐤ ᐅᑦ ᐃᔨᒪ ᒋᔭᒪᔨᑎᒧᐅᓂᔪᐤ, ᒧᔭᒻ ᑲ ‍ᐊᓱᑎᒪᒐᑦ ᒐ ‍ ᑐᑕᐧᒃ᙮ ᒥᓯᐛ ᒋ ‍ ᐃᑐᑎᒻ ᐊᒥᔽᔨᒋ ᒐᒂᔪᐛ ᑲ ᐊᓱᑎᒧᐛᑦ ᒧᓱᓴ, ᐊᓂᔭ ᓇᐸᐛ ᑲ ᒥᔪ ‍ ᐊᑐᔅᑲᑯᑦ᙮
\v 57 ᐊᓄᒡ ᓂᑦ ᐊᔭᒥᐊᐅᔅᑐᐛᐤ ᒋ ‍ ᒋᓴᒪᓂᑐᒥᓄᐤ ᒐᒋ ᓂᓇᑯᑥᔨᒥᑯᔭᐤ ᒧᔭᒻ ᒧᓱᓴ ᑲ ᐃᓯ ‍ ᓂᓇᑭᑐᐛᔨᒪᑦ ᑭᔭ, ᒐ ᐊᑲ ‍ ᓂᑭᑎᑯᔭᐤ᙮
\v 58 ᓂᑐᑎᒪᓐ ᒐᒋ ᑐᑕᑕᐧᒄ ᑕᑈᐅᒐᔨᑎᒧᐅᓂᒡ ᒐᒋ ᐊᑐᔅᑯᐛᐧᒄ, ᒐᒋ ᐃᓯ ᐱᒪᑎᓯᐛᐧᒄ ᐊ ᐃᓯ ‍ ᓂᑐᐛᔨᒥᑕᐧᒄ ᒐᑐᐛᐧᒄ ᑭᔭ ᒐᒋ ᓇᐊᔨᑎᒪᐧᒄ ᒥᓯᐛ ᐅᑦ ᐃᑎᓱᐛᐅᓇ ᑭᔭ ᐎᓱᐛᐅᓇ ᑲ ‍ ᒥᔭᑦ ᒋᑦ ᐊᓂᔅᑯᑕᐸᓄᐛ᙮
\v 59 ᓂᑐᑎᒪᓐ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᒐ ᐊᑲ ‍ ᐅᓂᒋᔅᒋᑕᐧᒃ ᐅᔭ ᐃᔨᒧᐅᓇ ᑲ ‍ ᓂᑐᑎᒪᔭᓐ, ᐊᓂᑐᑎᒧᐅᒄ ᒐᒋ ᐎᒋᔨᑕᐧᒄ᙮ ᓂᑐᑎᒪᓐ ᒐᒋ ᒪᒥᓂᑐᓇᔨᑕᐧᒃ ᑲ ᐃᓯ ‍ ᓂᑐᑎᒪᐅᒡ ᒐᓯᑲᔨᒋ ᑭᔭ ᑕᐱᔅᑲᔨᒋ᙮ ᓂᑐᑎᒪᓐ ᓇᓂᑎᒻ ᒐᒋ ᐛ ‍ ᐎᒋᔨᑕᐧᒄ ᒋᔭᓄᐤ ᐃᔅᕋᐃᓪ ᐃᔪᐛ, ᐊᒥᔨᑕᐧᒄ ᒐᒂᔪᐤ ᓄᑕᐱᔨᐛᐧᒄ ᐊᓯᑯᒻ ᒋᓯᑲᐛ᙮
\v 60 ᑐᑕᒐ ᐊᓂᔭ, ᒥᓯᐛ ᐊ ‍ ᐃᑎᔅᑲᓇᓯᒡ ᐅᑕ ᐊᔅᒋᒡ ᒋᑭ ‍ ᒋᔅᒐᔨᑎᒧᒡ ᐎᔾ ᐃᔭᐅᔨᒋ ᐱᔭᔨᑯᓯᔨᒋ ᒋᓴᒪᓂᑐᔨᒋ, ᑭᔭ ᐊ ᐊᑲ ᐃᑕᔨᒋ ᑯᑎᑲ ᒐᓴᒥᓂᑐᔨᒋ᙮
\v 61 ᓂᑐᑎᒪᓐ, ᒋᔨᐛᐤ ᐅᑦ ᐃᔨᒪ, ᒐᒋ ᓇᓂᑎᒻ ᐱᔅᑎᓂᓱᔭᒄ ᑎᐸᔨᒋᒐᓱᐤ ᐃᓯ, ᑭᔭ ᒐᒋ ᓂᓇᔨᑎᒺᒄ ᒥᓯᐛ ᐅ ‍ ᐎᓱᐛᐅᓇ ᑭᔭ ᐅᑦ ᐃᑎᓱᐅᓇ, ᒧᔭᒻ ᐊᓄᒡ ᐊ ᐃᑎᔭᒄ᙮”
\s1 ᓴᓚᒪᓐ ᑲ ‍ ᐊᔭᒥᐊᔅᑕᐧᒃ ᐊᔭᒥᐊᐅᒋᐛᐱᔪᐤ
\p
\v 62 ᐊᑯ ᒋᓴᐅᒋᐊᒪᐤ ᑭᔭ ᒥᓯᐛ ᐃᔅᕋᐃᓪ ᐃᔪᒡ ᐊᓐᑕ ᑲ ᐃᑕᒡ ᒋ ‍ ᒥᑐᔅᑕᐊᒧᐛᐅᒡ ᑎᐸᔨᒋᒐᓱᐛ᙮
\v 63 ᓂᓱᔪ ᐊᓱ ᓂᓱ ᒐᓯᐱᔪᐛ ‍ (22,00) ᒥᒋᑎᒂ ᑭᔭ ᐸᐃᒄ ᒥᑕᓯᒥᑎᓄᐤ ᐊᓱ ᓂᓱᔪᐤ ᒐᓯᐱᔪᐤ ‍ (120,00) ᒪᔭᑕᓂᓴ ᒋ ‍ ᒥᑐᔅᑕᐊᒐᐅᒡ ᒐᒋ ᑭᓄᐛᔨᑕᒡ ᐊ ‍ ᐎᒐᐛᒡ ᑎᐸᔨᒋᒐᐛ᙮ ᐊᑯ ᒋᓴᐅᒋᒪᐤ ᑭᔭ ᒥᓯᐛ ᐃᔅᕋᐃᓪ ᐃᔪᒡ ᒋ ‍ ᐊᔭᒥᐊᔅᑎᒧᒡ ᐊᔭᒥᐊᐅᒋᐛᐱᔪᐤ᙮
\p
\v 64 ᐊᓂᔭ ᒋᓯᑯᔪᐤ, ᒋᓴᐅᒋᒪᐤ ᐃᔭᐱᒡ ᒋ ‍ ᐃᔨᒥᑥᑎᒻ ᐊᓂᔭ ᑕᑕᐅᒡ ᐊᓐᑕ ᐊᑐᐛᔨᒡ ᐅᑎᔅᑯᐤ ᐊᔭᒥᐊᐅᒋᐛᐱᒡ᙮ ᐊᑯ ᒂ ‍ ᒥᑐᔅᑕᐊᒪᒐᑦ ᐊᓐᑕ ᐊᑐᐛᔨᒡ, ᐸᒂᓯᑭᓂᒥᓇ ᐱᔅᑎᓂᒐᐅᓂᔪᐤ ᑭᔭ ᐊᐎᔪᐎᒋ ᐊᐛᓯᓴ ᑲ ‍ ᒥᑐᔅᑕᐊᒪᒐᓄᐎᒋ ᒐᒋ ᑭᓄᐛᔨᑕᑯᓂᔨᒡ ᐊᐎᒐᐛᒡ ᑎᐸᔨᒋᒐᓱᐛ᙮ ᐊᑯᑕ ᑲ ‍ ᒥᑐᔅᑕᐊᒪᒐᒡ ᐛᔅ ᓇᒪ ᐅᒋ ᐃᔅᐱᓴᔪᐤ ᑲ ‍ ᐛᐸᐱᔅᒋᓯᑦ ᑲ ‍ ᓱᓇᔭᐱᔅᑯᐎᔨᒡ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒐᒋ ᐃᔎᓴᑭᓄᐎᔨᒋ ᒥᓯᐛ ᒐ ‍ ᒥᑐᔅᑕᐊᒪᒐᓄᐃᒋ ᐊᓂᔭ ᒋᓯᑯᔪᐤ᙮
\p
\v 65 ᐊᑯ ᓴᓚᒪᓐ ᑭᔭ ᒥᓯᐛ ᐃᔅᕋᐃᓪ ᐃᔪᒡ ᒋ ‍ ᒥᑯᓴᐅᒡ ᐛᔨᐱᓯᔅ ᐊ ᐎᒋᓇᓄᐅᒡ ᐊᓐᑕ ᒥᒋᐛᐱᒡ ᓂᔄᐅᑕᒡ ᒋᓯᑲᐛ ᐃᔅᐱᔅ᙮ ᒋᒋᐛ ᒋ ‍ ᒥᒐᑐᐅᒡ ᐃᔪᒡ ᐊᓐᑕ, ᐱᔅᒐ ᐛᔪᐤ ᐊᔅᒋᒡ ᒋ ‍ ᐅᑐᑕᐅᒡ ᒧᔭᒻ ᐦᐊᒪᑦ ᐊᔅᒋᒡ ᐊᓐᑕ ᐛᔪᐤ ᒋᐛᑎᓄᒡ ᑭᔭ ᐊᓐᑕ ᐊᐱᒥᓯᓇᑕᒡ ᐃᒋᑉᑎᒡ ᐛᔪᐤ ᓴᐅᓄᒡ᙮
\v 66 ᐊᓂᔭ ᔭᓇᓇᐤ ᒋᓯᑯᔪᐤ, ᓴᓚᒪᓐ ᒋ ‍ ᒋᐛᑎᓴᐛᐤ ᐃᔪᐛ᙮ ᒥᓯᐛ ᐃᔪᒡ ᒋ ‍ ᒪᒥᒋᒪᐅᒡ ᑭᔭ ᒋ ‍ ᒥᔽᔨᑎᒧᒡ ᑲᒋᐛᒡ ᐛᔅ ᒥᓯᐛ ᒐᒂᔪᐛ ᑲ ‍ ᐃᑐᑎᒥᔨᒋ ᑎᐸᔨᒋᒐᓱᐛ ᒐᒋ ᓱᐛᔨᑕᑯᐛᔨᒋ ᒋᓴᐅᒋᒪᐛ ᑎᐱᑕ ᑭᔭ ᐅᑦ ᐃᔅᕋᐃᓪ ᐃᔨᒥᔨᐛ᙮
\c 9
\s1 ᑎᐸᔨᒋᒐᓱᐤ ᓄᑯᓯᔅᑐᐛᐤ ᓴᓚᒪᓇ
\p
\v 1 ᑲᒋ ‍ ᒋᔅᑕᔨᒋ ᓴᓚᒪᓐ ᐅᑲᐊᑐᔅᒐᓯᒪ ᐊ ‍ ᒋᒥᑕᔨᒋ ᐊᔭᒥᐊᐅᒋᐛᐱᔪᐤ ᑭᔭ ᓴᓚᒪᓐ ᐅᒋᓴᐅᒋᒪᒋᐛᑉ ᑭᔭ ᒥᓯᐛ ᒐᒂᔪᐤ ᓴᓚᒪᓐ ᑲ ‍ ᓂᑐᐛᔨᒪᑦ ᒐᒋ ᐅᓯᑕᔨᒋ᙮
\v 2 ᐅᑎᐸᔨᒋᒐᐤ ᒋ ‍ ᓂᑯᓯᔅᑐᐛᐤ ᓴᓚᒪᓇ ᐅᐳᐛᒧᐅᓂᔨᒡ ᐊᐅᒄ ᓂᔄᐤ, ᒧᔭᒻ ᑲ ᓂᑯᓯᔅᑐᐛᑦ ᐊᓐᑕ ᑭᐱᐊᓐ ᐅᑕᓇᒡ᙮
\v 3 ᐅᑎᐸᔨᒋᒐᐤ ᒋ ᐃᑕᐤ ᓴᓚᒪᓇ, \pi1“ᓂᒋ ‍ ᐸᑕᓐ ᒐᒂᓐ ᑲ ‍ ᓂᑐᑎᒪᔨᓐ ᑭᔭ ᑲ ᓂᑐᑎᒪᔨᒡ ᒐᒂᓐ ᒐ ‍ ᐃᑐᑎᒪᓐ᙮ ᓂᒋ ‍ ‍ ᐃᔨᒥᑥᑕᓐ ᐅ ᐊᔭᒥᐊᐅᒋᐛᑉ ᒋᑲᐊᑐᔅᒐᔅᒋᒥᒡ ᑲ ‍ ᒋᒥᑕᒡ ᐊᓐᑕ ᐃᑕᐅᓐ ᒐ ‍ ᐊᔭᒥᐊᔅᑐᐅᒡ ᐃᔪᒡ ᒧᔅ ᑲᒋᒡ᙮ ᓇᓂᑎᒻ ᓂᑭ ‍ ᑭᓄᐛᐸᑕᓐ ᑭᔭ ᓂᑭ ‍ ᑭᓄᐛᔨᑕᓐ᙮
\v 4 “ᐊᑯ ᑭᔭ ᒋᔾ ᐃᓯ ‍ ᐱᒪᑎᓯᔨᓇ ᑕᓐ ᐊ ᐃᓯ ‍ ᓂᑐᐛᔨᒥᑕᓐ, ᒧᔭᒻ ᒍᑕᐎ ᑎᐱᑦ ᑲ ‍ ᐃᑎᑦ, ᑭᔭ ᑕᑈᐅᒐᔨᑎᒧᐅᓂᒡ ᒥᓯᐛ ᓇᓴᐊᒥᓇ ᐃᑎᓱᐛᐅᓇ ᑭᔭ ᐎᓱᐛᐅᓇ ᑲ ‍ ᐃᑎᓱᒥᑕᓐ ᒐᒋ ᓂᓇᔨᑎᒥᓐ,
\v 5 ᓂᑭ ‍ ᐃᑐᑎᒺᓐ ᒐᒂᔪᐤ ᑲ ‍ ᐊᓱᑎᒧᐅᒄ ᒍᑕᐎ ᒐ ‍ ᐃᑐᑎᒧᒡ; ᓂᒋ ᐊᓱᑎᒧᐛᐤ ᓂᓇᑎᒻ ᒐ ‍ ᒋᓴᐅᒋᒪᐅᔨᒋ ᐅᑦ ᐊᓂᔅᑯᑕᐸᓇᒡ ᐊᓐᑕ ᐃᔅᕋᐃᓕᒡ᙮
\pi1
\v 6 ᒥᒄ ᒋᔾ ᑭᔭ ᒪᒃ ᒋᑦ ᐊᓂᔅᑯᑕᐸᓐᒡ ᓂᑭᓯᔭᒂ ᑭᔭ ᐊ ᐊᑲ ᓂᓇᐊᔨᑎᒪᒂ ᐃᑎᔄᐅᓇ ᑭᔭ ᐎᓱᐛᐅᓇ ᑲ ‍ ᒥᔨᑎᑯᒡ,, ᑭᔭ ᐊᔭᒥᐊᐅᔅᑐᐛᒂᐛ ᑯᑎᑭᒡ ᒪᓂᑐᐅᒡ,
\v 7 ᓂᑭ ‍ ᐃᒐᑕᐅᒡ ᓂᑦ ᐃᔅᕋᐃᓪ ᐃᔨᒥᒡ ᐊᓐᑕ ᐊᔅᒋᔪᐤ ᑲ ‍ ᒥᔨᒂᐤ ᐅᒋ᙮ ᐃᔭᐱᒡ ᓂᑭ ‍ ᓂᑭᑕᓐ ᐅ ᐊᔭᒥᐊᐅᒋᐛᑉ ᑲ ‍ ᐃᔨᒥᑥᑎᒪᓐ ᐊᓐᑕ ᐃᑕᐅᓂᒡ ᓂᐸ ᐊᔭᒥᐊᔅᑕᑯᒡ ᐃᔪᒡ᙮ ᐊᑯ ᐃᔪᒡ ᐊᓐᑕ ᒥᓯᐛ ᐊᔅᒋᒡ ᒋᑭ ‍ ᐛᐧᑲᑕᒡ ᐃᔅᕋᐃᓪ ᐃᔪᐛ, ᑭᔭ ᒋᑭ ᐛ ᐅᓯᓂᐛᐅᒡ᙮
\v 8 ᒋᑭ ‍ ᐱᔅᑯᔅᑕᐤ ᐊᔭᔪᐛᒡ ᐅ ᐊᔭᒥᐊᐅᒋᐛᑉ᙮ ᒥᓯᐛ ᐊᐛᓐ ᐱᒧᑕᒐ ᑭᔭ ᐛᐸᑕᒐ ᐊᔭᒥᐊᐅᒋᐛᐱᔪᐤ ᒋᑭ ‍ ᒥᔅᑲᑕᔨᑎᒻ ᑭᔭ ᒋᑭ ‍ ᐃᔅᒋᔄᐤ, ‘ᒐᒂᔪᐤ ᐛᒋ ‍ ᐃᑐᑕᐧᒃ ᑎᐸᔨᒋᒐᓱᐤ ᐅᔭ ᐊᔅᒋᔪᐤ ᑭᔭ ᐅᔭ ᐊᔭᒥᐊᐅᒋᐛᐱᔪᐤ ?’
\v 9 ᐊᑯ ᑯᑎᑭᒡ ᐃᔪᒡ ᒋᑭ ‍ ᐃᔅᒋᔄᐅᒡ, ‘ᒋ ‍ ᐃᔅᐱᔪᐤ ᐅ ᐛᔅ ᐃᔅᕋᐃᓪ ᐃᔪᒡ ᒋᓂᑭᑕᐅᒡ ᑎᐸᔨᒋᒐᓱᐛ ᐅᒋᓴᒪᓂᑐᒧᐛᐛ, ᐊᓂᔭ ᑲ ‍ ᐎᐎᑕᔨᒋ ᐅᑦ ᐊᓂᔅᑯᑕᐸᓄᐛᐛ ᐊᓐᑕ ᐃᒋᑉᑎᒡ ᐅᒋ᙮ ᑯᑎᑲ ᒪᓂᑐᐛ ᒂ ‍ ᐅᑎᓇᒡ ᑭᔭ ᒋ ‍ ᐊᔭᒥᐊᐅᔅᑐᐛᐅᒡ᙮ ᐛᔅ ᐊᐅᑯ ᐅᔭ ᑲ ‍ ᐃᑐᑕᑯᒡ ᑎᐸᔨᒋᒐᓱᐛ ᒐᒋ ᐛᐸᑕᒡ ᒥᓯᐛ ᐅᔭ ᐅᔅᑕᐱᔪᐅᓇ᙮’ ”
\s1 ᑯᑎᑲ ᒐᒂᔪᐛ ᑲ ‍ ᐃᑎᑦ ᓴᓚᒪᓐ
\p
\v 10 ᓴᓚᒪᓐ ᐅᑲ ᐊᑐᔅᒐᓯᔨᒪ ᓂᓱᔪᐛᐱᐳᓇ ‍ (20) ᒋ ‍ ᑎᓯᐧᑭᒥᔨᐛ ᐊᒋᒥᑕᔨᒋ ᐊᔭᒥᐊᐅᒋᐛᐱᔪᐤ ᑭᔭ ᐅᒋᓴᐅᒋᒪᐅᒋᐛᑉ᙮
\v 11 ᐦᐃᕋᒻ, ᑎᕐ ᐅᑕᓇᔪᐤ ᒋᓴᐅᒋᒪᐤ ᒋ ‍ ᐃᑎᓱᐛᑕᐤ ᐅᑲᐊᑐᔅᒐᓯᒪ ᒐᒋ ᒥᔭᔨᒋ ᓴᓚᒪᓇ ᒥᓯᐛ ᒥᔅᒋᔅᑲᑎᒂ ᑭᔭ ᐅᔅᒋᔅᑲᑎᒂ ᑭᔭ ᒥᓯᐛ ᐊᔅᐱᔅ ᓂᑐᐛᔨᑎᒥᔨᒋ ᐎᔄᐅᓱᓇᔪᐤ ᒐᒋ ᐊᐱᒋᑕᔨᒋ ᐅᑦ ᐊᑐᔅᒐᐅᓂᔨᒡ᙮ ᒥᓯᐛ ᑲᒋ ‍ ᒋᔅᑎᑭᓄᐎᒡ, ᒋᓴᐅᒋᒪᐤ ᓴᓚᒪᓐ ᒋ ‍ ᒥᔭᐤ ᐦᐃᕋᒪ ᓂᓱᔪᐤ ‍ (20) ᐅᑕᓇᐛ ᐊᓐᑕ ᑲᓕᓕ ᐊᔅᒋᒡ᙮
\v 12 ᒥᒄ ᐃᔅᐱ ᐦᐃᕋᒻ ᑲ ‍ ᐃᑐᑕᑦ ᑲᓕᓕᒡ ᑕᐃᕐ ᐅᒋ ᒐᒋ ᓇᒋ ‍ ᐛᐸᑕᑦ ᐅᑕᓇᐛ ᑲ ‍ ᒥᔨᑯᑦ ᓴᓚᒪᓇ, ᓇᒪ ᐅᒋ ‍ ᒥᔽᔨᑎᒥᔨᑯᑦ ᐊᓂᔭ ᐅᑕᓇᐛ᙮
\v 13 ᒋ ‍ ᐃᑕᐤ ᓴᓚᒪᓇ, “ᓂᐎᒐᐛᑭᓐ, ᓇᒪ ᐃᔅᐱᑕᔨᑕᑯᓇ ᐊᓂᔭ ᐅᑕᓇᐛ ᑲ ‍ ᒥᔨᓐ!” ᐊᑯ, ᐊᔅᒄ ᐊᓄᒡ ᒂ ‍ ᐃᓯᓂᐧᑲᑕᒋ ‘ᓇᒪ ᐃᔅᐱᑕᔨᑕᑯᓇ’
\v 14 ᒥᒄ ᐸᐃᑯᓴᑉ ᑕᑥᐤ ᒐᓯᐱᔪᐤ ᐊᓱ ᓂᓱᔪᐤ ᐊᓱ ᓂᔅᑐᐤ ‍ (11,023 ‍ Lbs) ᑕᑎᐸᐸᑲᐃᑭᓇ ᐎᔄᐅᓱᓇᔭᔪᐤ ᒋᒥᔭᐤ ᐦᐃᕋᒻ ᓴᓚᒪᓇ ᐊᓂᔭ ᐅᑕᓇᐛ ᐅᒋ᙮
\p
\v 15 ᐊᐅᒄ ᐅᔭ ᑲ ᒥᓯᓇᐃᑭᓄᐎᒡ ᐊᑐᔅᒐᐅᓂᔪᐤ ᒋᓴᐅᒋᒪᐤ ᓴᓚᒪ ᑲ ᐊᔨᐧᑲᒥᐊᑦ ᓇᐸᐛ ᒐ ‍ ᐃᑐᑎᒥᔨᒋ᙮ ᒋ ‍ ᐊᔨᐧᑲᒥᐊᐤ ᒐᒋ ᒋᒥᑕᔨᒋ ᐊᔭᒥᐊᐅᒋᐛᐱᔪᐤ, ᑭᔭ ᐅᒋᓴᐅᒋᒪᐅᒋᐛᑉ ᑭᔭ ᒥᒐᐳᔪᐤ ᐛᐱᓄᐅᑕᒡ ᐦᐊᓱᕐ ᑭᔭ ᒥᑭᑐᐤ ᐅᑕᓇᐛ ᐃᑕᒐ, ᑭᔭ ᐊᓂᔭ ᐊᔅᑎᒥᒡ ᑲᐛᔅᑲᑲᐳᔨᒡ ᒋᕈᓴᓕᒥᒡ, ᑭᔭ ᑲᐤ ᒋ ‍ ᒋᒥᑕᐅᒡ ᐊᓂᔭ ᒪᑭᑐᐤ ᑭᔭ ᐦᐊᓴᕐ ᑭᔭ ᑭᓴᕐ ᐅᑕᓇᐛ᙮
\v 16 ᐊᓂᔭ ᐅᒋ ᑲᐤ ᒐᒋ ᒋᒥᑕᑭᓄᐎᒡ ᑭᓴᕐ ᐅᑕᓇᔪᐤ ᐛᔅ ᒋ ᑯᓯᒂᔨᒧᑎᒧᒡ ᐃᒋᑉᑦ-ᒋᓴᐅᒋᒪᐤ ᐅᓂᑐᐱᔪᐤ-ᐃᔨᒪ ᑭᓴᕐ ᐅᑕᓇᔪᐤ ᑭᔭ ᒋ ‍ ᒪᑯᓂᒥᔨᐛ᙮ ᐊᑯ ᒂ ‍ ᐃᔎᓴᒡ ᒥᒋᐛᐸ ᐊᓐᑕ ᐅᑕᓇᒡ ᑭᔭ ᒋ ‍ ᓂᐸᐅᒡ ᒥᓯᐛ ᑲᐃᓇᓐ ᑲ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᐎᒋᔨᒋ ᐊᓐᑕ᙮ ᒋᒥᔭᐤ ᐅᑕᓂᓴ ᐃᒋᑉᑦ-ᒋᓴᐅᒋᒪᐤ ᐊᓂᔭ ᐅᑕᓇᔪᐤ ᒧᔭᒻ ᑎᒥᔅᑲᒐᐅᓂᔪᐤ ᐃᔅᐱ ᑲ ‍ ᓂᐳᔨᒋ ᓴᓚᒪᓇ᙮
\v 17 ᐊᑯ ᓴᓚᒪᓐ ᐅᑲᐊᑐᔅᒐᓯᔨᒪ ᑲᐤ ᒂ ‍ ᒋᒥᑕᔨᒋ ᑭᓴᕐ, ᑭᔭ ᐃᔭᐱᒡ ᑲᐤ ᒋ ‍ ᒋᒥᑕᔪᐛ ᐱᑦ-ᐦᐃᕋᐊᓐ ᐅᑕᓇᔪᐤ᙮
\v 18 ᐃᔭᐱᒡ ᑲᐤ ᒋ ‍ ᒋᒥᑕᔪᐛ ᐸᓚᑦ ᑭᔭ ᑕᐃᒪᕐ ᐅᑕᓇᐛ ᐊᓐᑕ ᐸᐧᑯᑎᔅᑭᒥᑲᒡ ᐊᓐᑕ ᓴᐅᓄᒡ ᐃᑕᒐ ᒍᑕ ᐊᔅᒋᒡ᙮
\v 19 ᐃᔭᐱ ᒋ ‍ ᒋᒥᑕᐅᒡ ᐅᑕᓇᐛ ᐊᓐᑕ ᑲ ‍ ᑭᓄᐛᔨᑎᒧᐛᒡ ᒐ ‍ ᐃᑕᐱᒋᑕᔨᒋ ᓴᓚᒪᓇ, ᐃᑕᐅᓇ ᐊᓐᑕ ᑲ ‍ ᑭᓄᐛᔨᒪᑭᓄᐎᔨᒋ ᐅᑲᐸᐃᑭᔎᒪ, ᑭᔭ ᑎᑎᐸᑕᐸᓇᔎ᙮ ᐃᔭᐱᒡ ᒋ ‍ ᒋᒥᑕᐅᒡ ᒥᓯᐛ ᑯᑎᑲ ᒐᒂᔪᐛ ᑲ ‍ ᓂᑐᐛᔨᒥᑯᒡ ᓴᓚᒪᓇ ᒐᒋ ᒋᒥᑕᒡ, ᐊᓐᑕ ᒋᕈᓴᓚᒥᒡ ᑭᔭ ᐊᓐᑕ ᓚᐸᓇᓐ, ᑭᔭ ᐊᓐᑕ ᑯᑎᑲ ᐃᑕᐅᓂᒡ ᐊᓐᑕ ᑲ ‍ ᑎᐸᔨᑕᐧᒃ ᓴᓚᒪᓐ᙮
\p
\v 20 ᒋᒋᐛ ᒋ ‍ ᒥᒐᑐᐅᒡ ᐃᔪᐛ ᐊᒧᕆ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ᐅᒋ ‍ ᑎᐸᔨᑕᑯᓯᔨᒋ, ᑭᔭ ᐊᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑭᔭ, ᐸᕆᔅ ᐊ ‍ ᐃᑎᔅᑲᓇᓯᔨᒋ ᐃᔪᐛ, ᑭᔭ ᐦᐃᑉ ᐊ ‍ ᐃᑎᔅᑲᓇᓯᔨᒋ ᐃᔪᐛ, ᑭᔭ ᒐᐱᐅᔅ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᓂᔭ ᐊ ᐊᑲ ᐅᒋ ᓂᐸᐊᑭᓄᐃᒋ ᐃᔅᐱ ᑲ ‍ ᒪᑯᓇᒡ ᐃᔅᕋᐃᓪ ᐃᔪᒡ ᐊᒋᔭ ᐅᑦ ᐊᔅᒋᐛᐤ᙮
\v 21 ᐊᔅᒄ ᒋ ‍ ᐎᒋᔨᐛ ᐅᑦ ᐊᓂᔅᑯᑕᐸᓂᐛᐛ ᐊᓐᑕ ᐃᔅᕋᐃᓕᒡ᙮ ᐊᐅᒄ ᐊᓂᔭ ᐃᔪᐛ ᑲ ‍ ᐊᔨᑭᒥᐊᑦ ᓴᓚᒪᓐ ᒐᒋ ᐅᑦ ᐊᐱᒋᐊᑭᓂᑐᐛᑦ ᒐᒋ ᒋᒥᑕᔨᒋ ᐊᓂᔭ ᐃᑕᐅᓇ ᑭᔭ ᐊᔅᒄ ᐊᐱᒋᐊᑭᓂᑐᐛᑭᓄᐅᒡ᙮
\v 22 ᒥᒄ ᓴᓚᒪᓐ ᓇᒪ ‍ ᐅᒋ ‍ ᐊ ‍ ᐃᐧᑭᒥᐊᐤ ᐃᔅᕋᐃᓪ ᐃᔪᐛ ᒐᒋ ᐊᐱᒋᐊᑭᓄᔨᒋ᙮ ᐱᔅᒐ ᒋ ‍ ᓂᑐᐱᔪᐅ ᐃᔪᔨᐛ ᑭᔭ ᒋ ‍ ᓂᑐᐱᔪᐅ-ᐅᒋᒪᐎᔪᐛ, ᑭᔭ ᒋ ‍ ᐱᒥᐱᔭᔪᐛ ᐅᑎᑎᐸᓇᔎ, ᑭᔭ ᓂᑐᐱᔪᐅ ᐃᔪᐛ ᑲ ‍ ᐳᓯᔨᒋ ᐅᑲᐸᐃᑭᔎᒪ᙮
\v 23 ᐱᑕᑕᒡ ᑕᑐᐤ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐤ ‍ (550) ᒋ ‍ ᐃᑕᑎᓯᔨᐛ ᐅᒋᒪᐛ ᑲ ᓂᓇᑭᑐᐛᔨᒪᔨᒋ ᐊᓂᔭ ᐊᐱᒋᐊᑭᓇ ᑲ ‍ ᐊᑐᔅᒐᔨᒋ᙮
\p
\v 24 ᐃᔅᐱ ᓴᓚᒪᓐ ᐎᐛ, ᐃᒋᑉᑦ-ᒋᓴᐅᒋᒪᐤ ᐅᑕᓂᓴ, ᑲ ‍ ᐊᑐᒐᔨᒋ ᐊᓐᑕ ᐃᑕᐅᓂᒡ ᐅᒋ ᐎᐎᑎᒥᒡ ᐊᓐᑕ ᒋᕈᓴᓕᒥᒡ ‘ᑎᐱᑦ-ᐅᑕᓇᒻ’ ᑲ ‍ ᐃᓯᓂᐧᑲᑕᔨᒡ ᐊᓐᑕ ᒋᓴᐅᒋᒪᐅᒋᐛᐱᒡ ᐃᓯ ᐊᓂᔭ ᓴᓚᒪᓐ ᐅᑲᐊᑐᔅᒐᓯᒪ ᑲ ‍ ᒋᒥᑥᑯᑦ, ᓴᓚᒪᓐ ᒋ ‍ ᐃᑕᐤ ᐅᑲᐊᑐᔅᒐᓯᒪ ᒐᒋ ᓴᑭᔅᒋᓂᑕᔨᒋ ᒥᒐᐳᔪᐤ ᐊᓐᑕ ᐛᐱᓄᑕᒡ ᐃᑕᒐ ᐅᑕᓇᒡ᙮
\p
\v 25 ᓂᔍᐤ ᐸᐃᒄ ᐱᐳᓇ ᓴᓚᒪᓐ ᒋ ‍ ᐃᑐᑕᐤ ᐱᔅᑎᓂᒐᐅᓇ ᐊᓐᑕ ᐊᔭᒥᐊᐅᒋᐛᐱᒡ ᓇᔅᒡ ᑲ ‍ ᐃᔎᓴᑭᓄᐎᒋ ᐊᓐᑕ ᐱᔅᑎᓂᒐᐅᓇᐱᔅᑯᒡ ᑭᔭ ᐱᔅᑎᓂᒐᐅᓇ ᒐᒋ ᑲᐤ ᒥᔪᐤ ‍ ᐎᒐᐛᒡ ᑎᐸᔨᒋᒐᓱᐛ᙮ ᐃᔭᐱᒡ ᒋ ‍ ᐃᑐᑕᐤ ᐊᓂᔭ ᑲᐎᒋᒪᑭᓯᔨᒋ ᒐᒋ ᐃᔎᓴᑭᓄᐎᒋ ᐅᑎᔅᑯᐤ ᑎᐸᔨᒋᒐᓱᐛ᙮
\p ᐊᑯ ᒂ ‍ ᒋᔅᑕᔨᒋ ᐅᑦ ‍ ᐃᔨᒪ ᐊᒋᒥᑕᔨᒋ ᐊᔭᒥᐊᐅᒋᐛᐱᔪᐤ᙮
\p
\v 26 ᒋᓴᐅᒋᒪᐤ ᓴᓚᒪᓐ ᐅᑲᐊᑐᔅᒐᓯᒪ ᐃᔭᐱᒡ ᒋ ‍ ᐅᓯᑕᔪᐛ ᐃᔅᑯᑕᐤ ᐅᐤᑕ ᐊᓐᑕ ᐃᓯᐅᓐ-ᑭᐳᕐ ᐅᑕᓇᒡ ᐊᓐᑕ ᒥᒋᒪ ᐃᓚᑦ ᐅᑕᓇᒡ ᑲ ‍ ᑎᑯᓂᔨᒡ, ᐊᓐᑕ ᓯᓱᒡ ᐊ ‍ ᐛᓴᔨᒡ ᐊᑲᐸ ᒥᒋᒪ ᒥᒂᑭᒥ ᐎᓂᐸᑯᒡ, ᐊᓐᑕ ᐊᔅᒋᒡ ᐃᑕᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᑎᐸᔨᑎᒥᔨᒋ᙮
\v 27 ᒋᓴᐅᒋᒪᐤ ᐦᐃᕋᒻ ᒋ ‍ ᐃᑎᓴᐛᐤ ᓇᔅᒡ ᐊ ‍ ᑭᔅᒋᐅᐎᔨᒋ ᑲ ‍ ᐱᐸᒪᓯᔨᒋ ᐃᔪᐛ ᒐᒋ ᐎᒋ ‍ ᐊᑐᔅᒐᒪᔨᒋ ᐊ ‍ ᐅᓯᑕᔨᒋ ᐃᔅᑯᑕᐤ ᐅᐤᑕ ᓴᓚᒪᓇ ᐅᑲᑐᔅᒐᓯᒥᔨᐛ᙮
\v 28 ᐅᐱᕐ ᐊᔅᒋᒡ ᒋ ‍ ᐃᔅᒋᒪᔪᐛ ᑭᔭ ᓂᔅᑐᔪᐤ ᐊᓱ ᐱᑕᑕᒡ ᑕᑥᐤ ᒐᓯᐱᔪᐛ ᑕᑐᐸᐸᑲᔨᑭᓇ ᐊᓱ ᓂᓱ ᒥᑕᓯᒥᑎᓄᐤ ᐊᓱ ᓂᔄᐅᑕᒡ ᑕᑐᔪᐤ ᐊᓱ ᓂᔅᑐ ‍ (35,527 Lbs) ᐎᔄᐅᓱᓇᔭᔪᐤ ᒋ ‍ ᐸᑐᐛᐅᒡ ᓴᓚᒪᓇ᙮
\c 10
\s1 ᓯᐸ ᒋᓴᐅᒋᒪᔎᐤ ᑲ ‍ ᒧᐱᔅᑐᐛᑦ ᓴᓚᒪᓇ
\p
\v 1 ᒋᓴᐅᒋᒪᔎᐤ ᑲ ‍ ᐅᒋᒪᐅᑦ ᓯᐸ ᐊᔅᒋᔪᐤ ᒋ ‍ ᐸᑎᒻ ᑎᐸᔨᒋᒐᓱᐛ ᐊᒋ ‍ ᑐᑐᐛᔨᒋ ᓴᓚᒪᓇ ᒐᒋ ᒥᔅᑎ ᐃᑕᔨᑕᑯᓯᔨᒋ, ᐊᑯ ᒂ ‍ ᐃᔅᒋᒪᑦ ᒋᕈᓯᓕᒥᒡ ᒐᒋ ᑭᒂᒋᒪᑦ ᐊ ᐃᔨᒥᓂᔨᒋ ᑭᒂᒋᒐᒧᐅᓇ ᒐᒋ ᒋᐛᓂᒪᑯᑦ ᐃᔨᒧᐅᓂᔪᐤ᙮
\v 2 ᒥᒐᑦ ᑲ ‍ ᐎᔪᑎᓯᔨᒋ ᐊᐛᔪᐛ ᒋ ‍ ᐎᒐᐅᑯᐤ, ᑭᔭ ᒥᒐᑦ ᒋ ‍ ᐸᓱᐛ ᑲ ‍ ᐱᔎᐅᑭᓂᔨᒋ ᐊᐛᓯᓴ ᐊᐛᔪᓯᐎᒋ ᑲ ‍ ᐎᒋᒪᑯᓂᔨᒋ ᑭᔭ ᑲ ‍ ᓱᓇᔭᐎᔨᒋ ᐊᓯᓂᔭ, ᑭᔭ ᒥᔅᑎ ᐎᔄᐅᓱᓇᔭᔪᐤ᙮ ᐃᔅᐱ ᑲ ‍ ᓂᒋᔅᑯᐛᑦ ᓴᓚᒪᓇ, ᒥᓯᐛ ᒐᒂᔪᐤ ᐊ ‍ ᐎᒋᔅᒐᔨᑕᐧᒃ ᒋ ‍ ᑯᒂᒋᒪᐤ᙮
\v 3 ᓴᓚᒪᓐ ᒥᓯᐛ ᒋ ‍ ᐎᑎᒧᐛᐤ ᒐᒂᔪᐤ ᑲ ‍ ᑯᒂᒋᒥᑯᑦ, ᒋ ᒥᔪ ‍ ᐎᑎᒧᐛᐤ ᐊᓂᔭ ᑲ ᐃᓯ ‍ ᑭᒂᒋᒥᑯᑦ, ᐊᑎᓱᐧᒄ ᑲ ‍ ᐊ ᐃᔨᒥᓂᔨᒋ ᒐᒂᔪᐛ᙮
\v 4 ᒋᓴᐅᒋᒪᔎᐤ ᒂ ‍ ᒋᔅᒐᔨᒪᑦ ᐊ ‍ ᑭᒋᑕᐛᔨᑕᑯᓯᔨᒋ ᓴᓚᒪᓇ᙮ ᒋ ‍ ᐛᐸᑎᒺᐤ ᐅᒋᓴᐅᒋᒪᒋᐛᐱᔪᐤ;
\v 5 ᒋ ‍ ᐛᐸᑎᒺᐤ ᐛᐎᔅᑕᑭᓄᐎᒡ ᒥᒋᒥᔪᐤ ᒥᒋᓱᐛᑭᓇᑎᑯᒡ ᐊᓯᑯ ᒋᓯᑲᐛ, ᑭᔭ ᑕᓐᑕ ᑲ ‍ ᐎᒋᔨᒋ ᑯᐸᓇᐛ, ᑭᔭ ᐅᑦ ᐊᐱᒋᑕᐅᓂᔨᐛ ᐊ ‍ ᐃᑕᔅᐱᓱᐎᔨᒋ, ᑭᔭ ᐊᐱᒋᐊᑭᓇ ᑲ ‍ᐎᔅᑕᔨᒋ ᒥᒋᒥᔪᐤ ᑭᔭ ᓱᒥᓇᐳᐎᔪᐤ᙮ ᑭᔭ ᐊᓂᔭ ᐱᔅᑎᓂᒐᐅᓇ ᐊ ‍ᐃᑐᑕᔨᒋ ᐊᔭᒥᐊᐅᒋᐛᐱᒡ ᒐᒋ ᐱᔅᑎᓂᒐᔨᒋ᙮ ᒋᒋᐛ ᒋ ‍ ᒥᔅᑲᑕᔨᑎᒥᑯᐤ᙮
\p
\v 6 ᒋ ‍ ᐃᑕᐤ ᒋᓴᒋᒪᐛ ᓴᓚᒪᓇ, “ᒥᓯᐛ ᑲ ‍ ᐸᑎᒪᓐ ᒐᒂᓐ ᐊᓐᑕ ᑎᐱᔨᐛ ᓂᑦ ᐊᔅᒋᒡ ᐊ ‍ ᐃᑕᒋᒥᑯᐎᓐ ᑭᔭ ᑕᓐ ᐊᔅᐱᔅ ᑭᒐᑕᐛᔨᑎᒥᓐ ᑕᑈᒥᑭᓐ”
\v 7 ᒥᒄ ᓇᒪ ᓂ ᐅᒋ ‍ ᑕᑈᑕᓐ ᑎᔭᑈᓄᐅᒂ ᐸᑐᔅ ᑲ ‍ ᑎᑯᓯᓂᔭᓐ ᐅᑕ ᑭᔭ ᓂᔾ ᐛᒋᒡ ᑲ ‍ ᐛᐸᑎᒪᓐ᙮ ᒥᒄ ᑕᑈ, ᐊᓂᔭ ᑲ ᐎᑎᒧᐅᒡ ᒥᒄ ᑕᑕᐅᒡ ᓂ ‍ ᐎᑎᒪᑯᓇᓯᐱᓐᒡ ᐊ ‍ᐃᑕᒋᒥᑯᐎᓐ᙮ ᒋᒋᐛ ᒋ ‍ ᑭᒋᑕᐛᔨᑕᑯᓯᓐ ᑭᔭ ᐛᔪᑎᓯᓐ, ᐊᑎᑐᐤ ᐃᔅᐱᔅ ᑲ ᐃᓯ ‍ ᐎᑎᒧᐅᒡ ᐃᔪᒡ᙮
\v 8 ᒋᒋᐛ ᒥᔪᐱᔪᐅᒡ ᒋᔪᒡ!, ᑭᔭ ᒋᑦ ᐊᐱᒋᐊᑭᓐᒡ ᓂᓇᑎᒻ ᐅᑎᔅᑯᐤ ᐊᓂᐳᐅᔅᑕᔅᒡ ᑭᔭ ᐃᔭᐱᒡ ᒥᔪᐱᔪᐅᒡ ᐊ ‍ ᓂᑐᑕᔅᒡ ᐊ ‍ ᑭᒐᑕᐛᔨᑕᑯᓂᔨᒋ ᒐᒂᔪᐛ ᐊ ‍ ᐃᔅᒋᔄᐅᑦ᙮
\v 9 ᒪᒥᒋᒪᑕᐤ ᑎᐸᔨᒋᒐᓱᐤ ᒋᒋᓴᒪᓂᑐᒻ, ᐊᐛᐸᑎᔨᐛᑦ ᐊ ‍ ᒥᔪᔨᑕᔨᒥᔅᒄ ᐊᒋ ‍ ᐃᑐᑕᔅᒃ ᒐᒋ ᒋᓴᐅᒋᒪᐎᓐ ᐃᔅᕋᐃᓕᒡ᙮ ᓇᓂᑎᒻ ᒋ ᓴᒋᐊᐤ ᒋᓴᒪᓂᑐᐤ ᐃᔅᕋᐃᓪ ᐃᔪᐛ, ᑭᔭ ᒋᒋ ‍ ᐅᑎᓂᒄ ᒐᒋ ᐅᒋᓴᐅᒋᒪᒥᑕᔅᒡ, ᐊᓂᔭ ᐅᒋ ᑕᑈᐅᓂᒡ ᑭᔭ ᑯᐃᔅᑯᑕᑎᓯᐅᓂᒡ ᒐ ‍ ᑎᐸᔨᒥᑥᐤ᙮”
\p
\v 10 ᐊᑯ ᒋᓴᐅᒋᒪᔎᐤ ᒂ ‍ ᒥᔭᑦ ᒋᓴᐅᒋᒪᐛ ᒐᒂᔪᐛ ᑲ ‍ ᐸᑕᑦ᙮ ᒐᑲᑦ ᓂᔅᑐᔪᐤ ᐊᓱ ᐱᑕᑕᒡ ᑕᑥᐤ ᒐᓯᐱᔪᐛ ᑕᑐᐸᐸᑲᔨᑭᓇ ᐊᓱ ᓂᓱ ᒥᑕᓯᒥᑎᓄᐤ ᐊᓱ ᓂᔄᐅᑕᒡ ᑕᑐᔪᐤ ᐊᓱ ᓂᔅᑐ ‍ (35,527 Lbs) ᐎᔄᐅᓱᓇᔭᔪᐤ ᑭᔭ ᒥᔅᑎ ᑲᐎᒋᒪᑯᓂᔨᒋ ᑭᔭ ᑲ ‍ ᓱᓇᔭᐎᔨᒋ ᐊᓯᓂᓴ᙮ ᓇᒪ ᒥᓐ ᐅᒋ ᒥᔭᑭᓄᐤ ᒋᓴᐅᒋᒪᐤ ᓴᓚᒪᓐ ᑲᐎᒋᒪᑯᓂᔨᒋ ᐃᔅᐱᔅ ᐊᓂᔭ ᑲ ‍ ᒥᔨᑯᑦ ᒋᓴᐅᒋᒪᔎᐤ᙮
\p
\v 11 ᐃᔅᑯᑕᐤ ᐅᐤᑕ ᑲ ‍ ᑎᐸᔨᑕᐧᒃ ᒋᓴᐅᒋᒪᐤ ᐦᐅᕋᒻ, ᐊᓐᑕ ᓴᔅ ᑲᒋ ‍ ᐃᑕᐅᑕᑭᓄᐎᔨᒡ ᐎᔄᐅᓱᓇᔭᔪᐤ ᐅᐱᕐ ᐅᒋ, ᐃᔭᐱᒡ ᒥᒐᑦ ᐅᔎᑐᔾ ᒥᔅᑎᒂ ᑭᔭ ᑲᓱᓇᔭᐎᒋ ᐊᓯᓂᓴ᙮
\v 12 ᒋᓴᐅᒋᒪᐤ ᓴᓚᒪᓐ ᒋ ‍ ᐃᑎᓱᐛᑕᐤ ᐅᑲᐊᑐᔅᒐᓯᔨᒪ ᒐᒋ ᐊᐱᒋᐊᔨᒋ ᐊᓂᔭ ᒥᔅᑎᒂ ᒐᒋ ᐅᓯᑕᔨᒋ ᐊᑕᒐᔨᑭᓇ ᐊᓐᑕ ᑎᐸᔨᒋᒐᓱᐛ ᐅᑦ ᐊᔭᒥᐊᐅᒋᐛᐱᔨᒡ ᑭᔭ ᐊᓐᑕ ᐅᒋᓴᐅᒋᒪᐅᒋᐛᐱᔨᒡ ᒋᓴᐅᒋᒪᐛ ᑭᔭ ᐃᔭᐱᒡ ᒐᒋ ᐅᓯᑎᒧᐛᔨᒋ ᑲ ‍ ᒥᔽᐛᐱᑎᒥᔨᒋ ᐊᓯᑭᓇᔭᐱᔾ ᒋᔍᐛᐱᒋᑭᓇ ᑭᔭ ᓂᑭᒧᒋᑭᓇ᙮ ᐛᔅ ᐊᐅᒄ ᒋᒋᐛ ᑲ ‍ ᒥᒐᑎᔨᒋ ᐊᓂᔭ ᒥᔅᑎᒂ ᑲ ‍ ᐛᐱᒪᑭᓄᐎᒋ ᐊᓐᑕ ᐃᔅᕋᐃᓕᒡ᙮ ᑭᔭ ᓇᒪ ᓂᑕ ᒥᓐ ᒋ ‍ ᐃᔅᐱ ᐛᐱᒪᐤ ᐊᐛᓐ ᐊ ‍ ᐃᔅᐱᒐᑎᔨᒋ ᐊᓂᔭ ᐊᓯᓇᑯᓯᔨᒋ ᒥᔅᑎᒂ᙮
\p
\v 13 ᒋᓴᐅᒋᒪᐤ ᓴᓚᒪᓐ ᒋ ‍ ᒥᔭᐤ ᒥᓯᐛ ᒐᒂᔪᐛ ᑲ ‍ ᓂᑐᐛᔨᑎᒥᔨᒋ ᒋᓴᐅᒋᒪᔎᐛ ᓯᐸ ᑲ ‍ ᐅᒋᔨᒋ᙮ ᒋᒥᔭᐤ ᐅᔭ ᑎᒥᔅᑲᑐᐅᓇ ᐊᓯᒡ ᐊᓂᔭ ᑎᒥᔅᑲᑐᐅᓇ ᓇᓂᑎᒻ ᑲ ‍ ᒥᔭᑦ ᑯᑎᑲ ᑲ ‍ ᓂᑲᓄᔅᑲᒐᔨᒋ ᓂᔭᒋ ᒧᐳᔅᑐᑯᒋ᙮ ᐊᑯ ᒋᓴᐅᒋᒪᔎᐤ ᑭᔭ ᐊᓂᔭ ᑲ ‍ ᐎᒐᐅᑯᑦ ᑲᐤ ᒋ ‍ ᒋᐛᐅᒡ ᑎᐱᔨᐛ ᐅᑦ ᐊᔅᒋᒡ᙮
\p
\v 14 ᐊᓯᑯᒻ ᐱᐳᓇ ᐱᑕᑕᒡ ᑕᑐᔪᐤ ᐊᓱ ᐱᑕᑕᒡ ᑕᑥᐤ ᒐᓯᐱᔪᐤ ᐊᓱ ᐸᐃᑯᒥᑕᓯᒥᑎᓄᐤ ᐊᓱ ᐱᑕᑕ ᑕᑐᓴᑉ ᑎᐸᐸᑲᔨᑭᓇ ‍ (55.115) ᐎᔄᐅᓱᓇᔭᔪᐤ ᒋ ‍ ᐸᑐᐛᑭᓄᐅᐤ ᓴᓚᒪᓐ᙮
\v 15 ᐊᐅᒄ ᐅᔭ ᐊᓯᒡ ᑕᑭᓯᔪᐤ ᑲ ‍ ᒋᓯᐧᑲᑭᑦ ᐊᑕᐛᐤ ᐃᔨᓴ, ᑭᔭ ᐸᐃᒄ ᐱᐳᓇ ᑕᑭᓯᔪᐤ ᑲ ‍ ᒋᓯᐧᑲᓱᔨᒋ ᐊᕋᐃᐱᔭ ᐊᔅᒋᒡ ᒋᓴᐅᒋᒪᐛ ᑭᔭ ᑕᐸᔨᒋᒐᔨᒋ ᐊᓐᑕ ᐃᔅᕋᐃᓪ ᐊᔅᒋᒡ᙮
\p
\v 16 ᒋᓴᐅᒋᒪᐤ ᓴᓚᒪᓐ ᐅᑲᐊᑐᔅᒐᓯᔨᒪ ᒋ ‍ ᐅᑎᓂᒥᔪᐛ ᐅᔭ ᐎᔄᐅᓱᓇᔭᔪᐤ ᑭᔭ ᒂ ‍ ᐱᐱᑲᒥᔨᒋ ᑭᔭ ᒂ ‍ ᐎᔎᔭᒋᓂᒥᔨᒋ ᓂᓱ ᒥᑕᓯᒥᑎᓄᐤ ‍ (200) ᐊᒪᒥᓴᔨᒋ ᐊᑯᓇᐊᓱᐛᑭᓇ ᐊᓂᔭ ᑲ ‍ ᐱᐱᑲᐊᒡ ᐎᔄᐅᓱᓇᔭᔪᐤ; ᒐᑭᑦ ᐱᑕᑕᒡ ᑕᑐᓴᑉ ᑕᑎᐸᐸᑲᔨᑭᓇ ᒋ ‍ ᐃᔅᐱ ᐊᐱᒋᑕᐅᒡ ᐎᔄᐅᓱᓇᔭᔪᐤ ᐊᓂᔭ ᐸᐃᒄ ᐊᑯᓇᐊᓱᐛᑭᓂᔪᐤ᙮
\v 17 ᓂᔅᑐ ᒥᑕᓯᒥᑎᓄᐤ ‍ (300) ᐊᔭᐱᓴᓯᔨᒋ ᐊᑯᓇᐊᓱᐛᑭᓇ ᒋ ‍ ᐅᓯᑕᔪᐛ ᐅᑲᐊᑐᔅᒐᓯᔨᒪ᙮ ᒐᑲᑦ ᓇᐤ ‍ (4) ᑕᑎᐸᐸᑲᔨᑭᓇ ᒋ ‍ ᐃᔅᐱ ᐊᐱᒋᑕᐅᒡ ᐎᔄᐅᓱᓇᔭᔪᐤ ᐊ ᐎᔎᔭᒋᓂᒥᔨᒋ ᐊᓂᔭ ᐸᐃᒄ ᐊᑯᓇᐊᓱᐛᑭᓂᔪᐤ᙮ The king put them in the Palace of the Forest of Lebanon ᓚᐸᓇᓐ.
\p
\v 18 ᐃᔭᐱᒡ ᒋ ‍ ᐅᓯᑎᒪᑯᐤ ᐅᑲᐊᑐᔅᒐᓯᔨᒪ ᐊᒥᓴᔨᒡ ᒋᓴᐅᒋᒪᐅᑕᑎᐳᐛᑭᓂᔪᐤ᙮ ᐱᔅᒐ ᐛᐱᑯᓂᒡ ᐊ ᐃᓯᓇᑯᓂᔨᒡ ᒐᒂᔪᐤ ᒋ ‍ ᐊᐱᒋᑎᒥᔨᐛ ᐊ ᐎᔎᔭᒋᓂᒥᔨᒋ ᑭᔭ ᐱᔅᒐ ᓇᔅᒡ ᐊᒥᔽᔨᒡ ᐎᔄᐅᓱᓇᔭᔪᐤ ᒋ ᐎᔎᔭᒋᓂᒥᔨᐛ᙮
\v 19-20 ᐊᓱᑕᒡ ᒋ ‍ ᐃᑕᑎᓂᔪᐛ ᑕᑕᐧᑯᔅᑲᓇᓇ ᐅᑎᔅᑯᐤ ᒋᓴᐅᒋᒪᐅᑕᑎᐳᐛᑭᓂᒡ᙮ ᒥᓯᐱᓱᐛ ᐃᔨᒐᐛᓇ ᒋ ‍ ᑕᔪᐛ ᐊᔨᑐᐤ ᐊᓐᑕ ᐸᐃᒄ ᑕᑕᐧᑯᔅᑲᓇᓂᒡ᙮ ᒪᒧᐤ ᓂᓯᓴᑉ ᒋ ‍ ᐃᑕᑎᓯᔪᐛ ᒥᓯᐱᓯᐛ᙮ ᒋ ‍ ᐛᔅᑲᔭᐤ ᐊᓐᑕ ᑕᐧᑯᒡ ᐅᑕᒡ ᒋᓴᐅᒋᒪᐅᑕᑎᐳᐛᑭᓂᒡ᙮ ᒋ ‍ ᑎᑯᓇ ᐊᓐᑕ ᐊᔅᑕᑭᓄᐅᒋ ᒥᔅᐱᑐᓇ ᐊᔨᑐᐤ ᐊᓐᑕ ᒋᓴᐅᒋᒪᐅᑕᑎᐳᐛᑭᓂᒡ, ᑭᔭ ᑕᑐᐤ ᐊ ‍ ᐃᔅᐱᓴᒋ ᐊᔅᑕᑭᓄᐅᒋ ᒥᔅᐱᑐᓇ ᒋ ᒋᑭᒧᐅᒡ ᐊᔭᐱᓯᓯᒡ ᒥᓯᐱᓱᐤ ᐃᔨᒐᐛᓐᒡ᙮ ᓇᒪ ᓂᑕ ᐅᒋ ᐃᑎᑯᓐ ᑯᑎᒃ ᐊ ‍ ᐃᓯᓇᒂᒡ ᒋᓴᐅᒋᒪᐅᑕᑎᐳᐛᑭᓐ ᐊᓐᑕ ᑯᑎᒃ ᒋᒋᐅᒋᒪᐅᓂᒡ᙮
\v 21 ᐎᔄᐅᓱᓇᔭᒡ ᒋ ᐅᒋ ‍ ᐅᓯᑕᑭᓄᔪᐛ ᒥᓯᐛ ᐅᒥᓂᒂᑭᓇ ᓴᓚᒪᓐ, ᑭᔭ ᒥᓯᐛ ᑕᑎᐸᓐ ᐊᑐᔅᐳᐛᑭᓇ ᐎᔄᐅᓱᓇᔭᒡ ᒋ ᐅᒋ ‍ ᐅᓯᑕᑭᓄᔪᐛ in the Palace of the Forest of Lebanon᙮ ᓇᒪ ᐅᒋ ᐅᓯᑕᐅᒡ ᒐᒂᔪᐛ ᐛᐱᓯᐅᓱᓇᔭᐱᔅᑯᒡ ᐅᒋ, ᐛᔅ ᐊᓂᔭ ᒪᒂᒡ ᐱᐳᓇ ᑲ ᒋᓴᐅᒋᒪᐅᑦ ᓴᓚᒪᓐ, ᓇᒪ ᐅᒋ ‍ ᐃᑕᔨᑕᑭᓄᐅᐤ ᐊᓱᔭᔭᐅᒡ ᐛᐱᓯᐅᓱᓇᔭᐱᔅᒄ᙮
\v 22 ᒋ ‍ ᒥᒐᓂᔨᐛ ᐅᑦ ᐃᔅᑯᑕᐤ ᐅᐤᑕ ᒋᓴᐅᒋᒪᐤ ᑲ ᐎᒋ ᐱᐸᔅᑎᒪᔨᒋ ᐃᔅᑯᑕᐤ ᐅᐤᑕ ᒋᓴᐅᒋᒪᐤ ᐦᐃᕋᒪ ᑲᑎᐸᔨᑎᒥᔨᒋ᙮ ᐊᓯᑯᒻ ᑲ ‍ ᓂᔅᑐ ᐱᐳᓂᔨᒡ ᑲᐤ ᒋ ‍ ᒋᐛᐱᔪᐛ ᐃᔅᑯᑕᐤ ᐅᐤᑕ ᐊᓐᑕ ᑲ ‍ ᐃᔅᑕᑎᓂᔨᒋ ᐅᒋ, ᐊᐸᑕᐅᑕᑭᓄᐎᒡ ᐎᔄᐅᓱᓇᔭᔪᐤ, ᑭᔭ ᐛᐱᓯᐅᓱᓇᔭᐱᔅᑯᔪᐤ, ᐛᐱᑯᓂᒡ ᐊ ᐃᓯᓇᑯᓂᔨᒋ ᒐᒂᔪᐛ, ᑭᔭ ᐊᑎᒧ ‍ ᐃᔨᓴ, ᑭᔭ ????? ᐊᒥᒪᑕᐅᓇᑯᓯᔨᒋ ᐱᔭᓱᐛ᙮
\p
\v 23 ᒋᒋᐛ ᒋ ‍ ᐛᔪᑎᓯᐤ ᑭᔭ ᒋ ‍ ᑭᒋᑕᐛᔨᑕᑭᓯᐤ ᒋᓴᐅᒋᒪᐤ ᓴᓚᒪᓐ ᐃᔅᐱᔅ ᑯᑎᑲ ᒋᓴᐅᒋᒪᐛ᙮
\v 24 ᒥᓯᐛ ᐊᐛᔪᐛ ᐊᓐᑕ ᐊ ‍ ᐃᔅᐱᔅᑎᔅᑭᒥᑲᔨᒡ ᐊᔅᒋᒡ ᒋ ‍ ᐎᑎᑯᓯᓂᔨᐛ ᑭᔭ ᒋ ‍ ᐎᓂᑐᑕᑯᐤ ᓴᓚᒪᓐ ᐊᑭᒐᑕᐛᔨᑕᑯᓂᔨᒋ ᒐᒂᔪᐛ ᐊ ‍ ᐃᔅᒋᔄᑦ, ᐊᓂᔭ ᒐᒂᔪᐛ ᒋᓴᒪᓂᑐᐤ ᑲ ‍ ᒥᔨᑯᑦ᙮
\v 25 ᒥᓯᐛ ᐊᐛᔪᐛ ᑲ ‍ ᓂᑐᐛᐱᒥᑯᑦ ᓴᓚᒪᓐ ᒋ ‍ ᐸᑥᑯᐤ ᑎᒥᔅᑲᑐᐅᓇ: ᐛᐱᓯᐅᓱᓇᔭᐱᔅᑯᒡ, ᑭᔭ ᒪᒃ ᐎᔄᐅᓱᓇᔭᐱᔅᑯᒡ ᐊ ‍ᐅᒋ ‍ ᐅᓯᑕᑭᓄᐎᒋ, ᑭᔭ ᒪᒃ ᐊᑯᐸ, ᑭᔭ ᒪᒃ ᓂᑐᐱᔪᐅ-ᐊᐱᒋᑕᐅᓇ, ᑭᔭ ᒪᒃ ᑲ ‍ ᐎᒋᒪᑯᓯᔨᒋ, ᑭᔭ ᒪᒃ ᑲᐸᐃᑭᔎᐛ, ᑭᔭ ᒪᒃ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮ ᐊᓯᑯᒻ ᐱᐳᓇ ᒋ ‍ ᐃᑐᐅᒡ ᐅᔭ ᐃᔪᒡ᙮
\p
\v 26 ᓴᓚᒪᓐ ᒋ ‍ ᑲᔅᑎᓇᐤ ᐸᐃᒂᐤ ᒐᓯᐱᔪᐤ ᐊᓱ ᓇᐛᐤ ᒥᑕᓯᒥᑎᓄᐤ ‍ (1400) ᑎᑎᐸᑕᐸᓇᔎ ᑭᔭ ᓂᓯᓴᑉ ᒐᓯᐱᔪᐤ ‍ (12,000) ᓇᐸᐛ ᒐᒋ ᐳᓯᔨᒋ ᑲᐸᐃᑭᔎᐛ᙮ ᐱᔅᒐ ᐊᓐᑕ ᒋᕈᓯᓕᒥᒡ ᒋ ‍ ᐃᑎᔭᐤ ᑭᔭ ᐱᔅᒐ ᐊᓐᑕ ᑯᑎᑲ ᐅᑕᓇᐛ ᐊᓐᑕ ᑲᑎᔭᑦ ᐅᑎᑎᐸᑕᐸᓇᔎ᙮
\v 27 ᒪᒂᒡ ᐊᓂᔭ ᐱᐳᓇ ᑲ ᒋᓴᐅᒋᒪᐅᑦ ᓴᓚᒪᓐ, ᒋ ᐊᐱᒋᑕᑭᓄᐤ ᐛᐱᓯᐅᓱᓇᔭᐱᔅ ᒧᔭᒻ ᑲ ᐃᓯ ‍ ᐊᐱᒋᑕᑭᓄᐅᒋ ᐊᓯᓂᔭ; ᑭᔭ ᒋ ‍ ᐛᔪᑎᓯᐅᒡ ᒥᔅᒋᔅᑲᑎᑯᒡ ᐊᓐᑕ ᒍᑕ ᐱᔅᑯᑎᓇᒡ ᒧᔭᒻ ᐊ ᐃᓯ ‍ ᐛᔪᑎᓯᑦ ᒥᓯᓱᒥᓇᑎᒄ᙮
\v 28 ᓴᓚᒪᓐ ᐅᑯᐸᓇᒪ ᒋ ‍ ᐃᔭᐛᔪᐛ ᑲᐸᐃᑭᔎᐛ ᑭᔭ ᒋ ‍ ᓇᑭᑐᐛᔨᒪᔪᐛ ᓇᐸᐛ ᑲ ‍ ᐃᑐᑕᔨᒋ ᐊᓐᑕ ᐃᔅᕋᐃᓕᒡ, ᒧᔅᕆ ᑭᔭ ᓯᓕᓯᐊ ᐊᔅᒋᒡ ᐅᒋ ᐊᓐᑕ ᑲ ‍ ᒋᐧᑲᔭᔨᑕᒂᒡ ᐊ ‍ ᓂᑕᐅᒋᐊᑭᓄᐅᒡ ᑲᐸᐃᑭᔎᐅᒡ᙮
\v 29 ᒋ ‍ ᐃᔭᐛᐅᒡ ᑎᑎᐸᓇᔎ ᑭᔭ ᑲᐸᐃᑭᔎᐛ ᐊᓐᑕ ᒧᔅᕆ ᐅᒋ, ᐊᓯᑕᒡ ᑕᑐᐤ ᒥᑕᓯᒥᑎᓄᐤ ‍ (600) ᐛᐱᓯᐅᓱᓇᔭᐱᔎ ᒋ ‍ᒋᓯᐧᑲᓱᐅᒡ ᐸᐃᒄ ᑎᑎᐸᓇᔎ ᑭᔭ ᐸᐃᒄ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐤ ‍ (150) ᐛᐱᓯᐅᓱᓇᔭᐱᔎ ᒋ ‍ᒋᓯᐧᑲᓱᐅᒡ ᐸᐃᒄ ᑲᐸᐃᑭᔎᐛ᙮ ᐃᔅᕋᐃᓕᒡ ᒋ ‍ ᐃᑐᑕᐅᒡ, ᐊᑯ ᒥᒐᑦ ᒂ ‍ ᐊᑕᒪᒡ ᐊᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋᓴᐅᒋᒪᐛ ᑭᔭ ᓯᕆᔭ ᐃᔪᐛ ᒋᓴᐅᒋᒪᐛ᙮
\c 11
\s1 ᓴᓚᒪᓐ ᐎᐛ
\p
\v 1 ᒥᒐᑦ ᐃᔎᐛ ᒋ ‍ ᐎᒋᒪᐤ ᒋᓴᐅᒋᒪᐤ ᓴᓚᒪᓐ᙮ ᓂᔅᑎᒻ ᐃᒋᑉᑎᒡ ᒋᓴᐅᒋᒪᐛ ᐅᑕᓂᓯᔪᐛ ᒋ ‍ ᐎᒋᒪᐤ ᓴᓚᒪᓐ᙮ ᐃᔭᐱᒡ ᒋ ‍ ᐎᒋᒪᐤ ᐃᔎ ᐦᐃᑦ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ ᑭᔭ ᒧᐊᑉ ᐅᒋ, ᑭᔭ ᐊᒧᓐ ᑭᔭ ᐃᑎᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ, ᑭᔭ ᓴᐃᑐᓐ ᐅᑕᓇᒡ ᐅᒋ᙮
\v 2 ᒋ ᐎᒋᒪᐤ ᐊᓂᔭ ᐃᔭᐱᒡ ᐊᑎᓱᐧᒄ ᑎᐸᔨᒋᒐᓱᐛ ᑲ ‍ ᐃᑎᓱᐛᑕᔨᒋ ᐃᔅᕋᐃᓪ ᐃᔪᐛ, “ᒐ ᐊᑲ ‍ ᐎᒋᒪᑯᒡ ᐃᔪᒡ ᐊᓐᑕ ᐊᔅᒋᒡ ᐅᒋ, ᐛᔅ ᐃᑐᑎᒪᒂ ᐊᓐ, ᒋᑭ ‍ ᓯᒋᒥᑯᐛᐅᒡ ᒐᒋ ᐊᔭᒥᐊᐅᔅᑐᒪᑯᐤ ᐅᒪᓂᑐᒧᐛᐛ ᐊᓂᔭ ᐊᔭᒥᐊᔅᑐᐛᒡ᙮”
\v 3 ᓂᔄᐅᑕᒡ ᑕᑐᐤ ᒥᑕᓯᒥᑎᓄᐤ ‍ (700) ᐃᔎᐛ ᒋ ‍ ᐎᒋᒪᐤ ᓴᓚᒪᓐ ᐊᓂᔭ ᐃᔭᒡ ᒋᓴᐅᒋᒪᐛ ᐅᑕᓂᓯᔨᐛ᙮ ᐃᔭᐱᒡ ᓂᔅᑐ ᒥᑕᓯᒥᑎᓄᐤ ‍ (300) ᒋ ‍ ᑕᔪᐛ ᐎᐛ ᐊᓂᔭ ᑲᐅᑦ ᐊᐱᒋᐊᑭᓐᑦ᙮ ᑭᔭ ᒋ ‍ ᑐᑕᑯᐤ ᐎᐛ ᒐᒋ ᓂᑭᑕᑦ ᐊᔭᒥᐊᐅᔅᑐᐛᑦ ᒋᓴᒪᓂᑐᐛ᙮
\v 4 ᐃᔅᐱ ᑲᒋ ‍ ᒋᓴᐃᔪᐅᑦ ᓴᓚᒪᓐ, ᒋ ‍ ᓯᒋᒪᓯᐱᓐᒡ ᓴᓚᒪᓇ ᒐᒋ ᐊᔭᒥᐊᐅᔅᑐᐛᔨᒋ ᒪᓂᑐᐛ ᐅᑦ ᐊᔅᒋᐛᐛᒡ ᐅᒋ᙮ ᓇᒪ ᓇᔅᒡ ᐅᒋ ᐃᓯ ᐱᔅᑎᓂᓱᐤ ᑎᐸᔨᒋᒐᓱᐛ ᐅᒋᓴᒪᓂᑐᒪ ᐃᓯ ᒧᔭᓐ ᐅᑕᐎᔭ ᑎᐱᑕ ᑲ ᐃᑎᔨᒋ᙮
\v 5 ᐊᔅᑕᕐᑕ ᒋ ‍ ᐊᔭᒥᐊᐅᔅᑐᐛᐤ ᓴᓚᒪᓐ, ᓴᐃᑐᓐ ᐃᔪᒡ ᒪᓂᑐᔅᑲᓂᔎᐛ ᑲ ‍ ᐊᔭᒥᐊᔅᑐᐛᒡ, ᑭᔭ ᒧᓚᑲ ᒋ ‍ ᐊᔭᒥᐊᐅᔅᑐᐛᐤ, ᑲ ‍ ᐃᐸᑕᔨᑕᑯᓯᔨᒋ ᒪᓂᑐᐛ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᐊᔭᒥᐊᐅᔅᑐᐛᔨᒋ᙮
\v 6 ᐊᐅᑯᔪᐤ ᐅᐊ ᒐᒂᔪᐛ ᑲ ‍ ᐃᑐᑎᐧᒃ ᓴᓚᒪᓐ ᑎᐸᔨᒋᒐᓱᐛ ᑲ ‍ ᐃᔅᒋᔄᔨᒋ ᐊ ‍ ᒥᔭᑎᓂᔨᒋ᙮ ᓇᒪ ᐅᒋ ᐃᑕᑎᓯᐤ ᑕᓐ ᑲ ‍ ᐃᑕᑎᓯᔨᒋ ᐅᑕᐎᔭ ᑎᐱᑕ, ᓇᒪ ᐅᒋ ‍ ᐃᑕᑎᓯᐤ ᑕᓐ ᑲ ‍ ᐃᓯ ‍ ᓂᑐᐛᔨᒥᑯᑦ ᑎᐸᔨᒋᒐᓱᐛ᙮
\p
\v 7 ᒋ ‍ ᐅᓯᑕᐤ ᐃᑕᐅᓂᔪᐤ ᐊᓐᑕ ᐱᔅᑯᑎᓇᒡ ᐛᐱᓄᑕᒡ ᒋᕈᓯᓕᒥᒡ ᒐᒋ ᐊᔭᒥᐊᐅᔅᑐᐛᑭᓄᐎᒋ ᒋᒧᓴ, ᑲ ‍ ᐃᐸᑕᔨᑕᑯᓯᔨᒋ ᒪᓂᑐᐛ ᒧᐊᑉ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᐊᔭᒥᐊᐅᔅᑐᐛᔨᒋ, ᑭᔭ ᐃᑕᐅᓂᔪᐤ ᐊᓐᑕ ᒐᒋ ᐊᔭᒥᐊᐅᔅᑐᐛᑭᓄᐎᒋ ᒧᓚᑲ, ᑲ ‍ ᐃᐸᑕᔨᑕᑯᓯᔨᒋ ᒪᓂᑐᐛ ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᐊᔭᒥᐊᐅᔅᑐᐛᔨᒋ᙮
\v 8 ᐃᔭᐱᒡ ᒋ ‍ ᐅᓯᑕᐤ ᐃᑕᐅᓇ ᐊᓐᑕ ᒥᓯᐛ ᑲ ‍ ᒪᓐᑕᐅᐎᔨᒋ ᐎᐛ ᒐᒋ ᐃᔎᓴᒡ ᑲ ‍ ᐎᒋᒪᑯᓯᔨᒋ ᑭᔭ ᐱᔅᑎᓂᒧᐛᒡ ᒥᑐᔅᑕᐊᒪᒐᐅᓇ ᒪᓂᑐᐛ ᐊᓐᑕ ᑎᐱᔨᐛ ᐅᑦ ᐊᔅᒋᐛᒡ ᐅᒋ᙮
\p
\v 9-10 ᐊᑎᓱᐧᒄ ᑎᐸᔨᒋᒐᓱᐤ, ᒋᓴᒪᓂᑐᐤ ᐊᓂᔭ ᐃᔅᕋᐃᓪ ᐃᔪᒡ ᑲ ‍ ᐊᔭᒥᐊᔅᑐᐛᒡ, ᓂᔄᐤ ᑲ ‍ ᓄᑯᓯᔅᑐᐛᑦ ᓴᓚᒪᓇ, ᑭᔭ ᑲ ‍ ᐎᑎᓱᒪᑦ ᒐ ᐊᑲ ‍ ᐊᔭᒥᐊᐅᔅᑐᐛᔨᒋ ᒪᓐᑕᐤ ᒪᓂᑐᐛ, ᓴᓚᒪᓐ ᓇᒪ ᐅᒋ ᓂᓇᔨᑐᐛᐤ ᑎᐸᔨᒋᒐᓱᐛ᙮ ᐊᑯ ᑎᐸᔨᒋᒐᓱᐤ ᑲ ‍ ᒋᔄᔨᑯᑦ ᓴᓚᒪᓇ᙮
\v 11 ᑭᔭ ᒂ ‍ ᐃᑕᑦ, “ᒋᒋ ‍ ᐎᔭᔨᑕᓐ ᒐᒋ ᐱᑯᓂᒥᓐ ᑲ ‍ ᑐᑎᒪᑕᓐ ᐃᑎᓯᐛᐅᓐ, ᑭᔭ ᒐ ᐊᑲ ᓂᓇᐊᔨᑎᒥᓐ ᑲ ‍ ᐃᑎᓱᐛᑎᑕᓐ᙮ ᐊᑯ ᓇᒪ ᒋᑲ ᓇᐊᔨᒥᑎᓐ ᒐ ᐊᑲ ᒥᓯᐛ ‍ ᐅᒋᒪᐅᐎᓐ ᒥᓯᐛ ᒋᒋᓴᐅᒋᒪᐅᓐ᙮ ᓂᑭ ‍ ᓇᐊᔨᒪᐤ ᐸᐃᒄ ᒋᑦ ᐊᐱᒋᐊᑭᓐ ᐊᓂᔭ ᒐᒋ ᐅᒋᒪᐅᑦ᙮
\v 12 ᒥᒄ, ᐛᔅ ᑲ ᐃᓯ ‍ ᐊᓱᑎᒧᐅᒄ ᒐᒂᔪᐤ ᒍᑕᐎᔾ ᑎᐱᑦ, ᒋᑭ ‍ ᓇᐊᔨᒥᑎᓐ ᒐᒋ ᐅᒋᒪᐎᓐ ᒥᓯᐛ ᒋᒋᓴᐅᒋᒪᐅᓐ ᐊᔅᒄ ᐊᐱᒪᑎᓯᔨᓐ᙮ ᒋ ‍ ᐳᓂᐱᒪᑎᓯᔨᓇ, ᓇᒪ ᓂᑭ ᓇᐊᔨᒪᐤ ᒋᑯᒡ ᒐᒋ ᐅᒋᒪᐅᑦ ᒥᓯᐛ ᒋᒋᓴᐅᒋᒪᐅᓂᔪᐤ᙮
\v 13 ᒥᒄ ᓇᒪ ᒥᓯᐛ ᓂᑭ ‍ ᐅᑎᓂᒺᓐ ᒋᓴᐅᒋᒪᐅᓂᔪᐤ᙮ ᒥᔅᑯᒡ, ᓂᑭ ‍ ᓇᐊᔨᒪᐤ ᒐᒋ ᑎᐸᔨᒪᑦ ᐸᐃᒄ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᑲ ᐊᓂᔭ ᒥᒄ ᒍᑕ ᐊ ‍ ᐃᑎᔅᑲᓇᓯᔨᒋ ᐃᔪᐛ, ᐛᔅ ᐊᓂᔭ ᒐᒂᔪᐤ ᑲ ‍ ᐊᓱᑎᒧᐅᒄ ᑎᐱᑦ, ᐊᓐ ᑲ ‍ ᒥᔪᐤ ᐊᑐᔅᑯᐅᑦ, ᐛᔅ ᓂᑐᐛᔨᒪᐛ ᑎᐱᑦ ᐅᑦ ᐊᓂᔅᑯᑕᐸᓇ ᒐᒋ ᑎᐸᔨᒋᒐᔨᒋ ᐊᓐᑕ ᒋᕈᓯᓕᒥᒡ, ᐊᓐᑕ ᒐᒥᑕᒡ ᓂᑦ ᐊᔭᒥᐊᐅᒋᐛᑉ᙮”
\s1 ᑲᐱᒂᑎᑯᑦ ᓴᓚᒪᓐ
\p
\v 14 ᐅᑎᐸᔨᒋᒐᐤ ᒋ ‍ ᐃᑐᑐᐛᐤ, ᐦᐊᑕᑕ ᐊᐸᐃᑯᑕᐅᓯᔨᒋ ᒋᓴᐅᒋᒪᐛ ᐅᒋ ᐊᓐᑕ ᐃᑕᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ, ᒐᒋ ᒪᔭᔨᒪᔨᒋ ᓴᓚᒪᓇ᙮
\v 15-16 ᐊᓐ ᑲ ᐃᔅᐱᔨᒡ ᐊᓐᑕ ᐅᔅᑭᒡ, ᐃᔅᐱ ᑎᐱᑦ ᐅᓂᑐᐱᔪᐅ-ᐃᔨᒪ ᑲ ‍ ᓴᐧᑯᒋᐊᔨᒋ ᐃᑕᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ, ᐅᓂᑐᐱᔪᐅ-ᐅᒋᒪᒪ ᒍᐊᐸ ᒋ ‍ ᐃᑐᑕᔪᐤ ᐊᓐᑕ ᒐᒋ ᐛ ‍ ᐎᒋᐛᔨᒋ ᐊᓇᔨᐧᑯᐛᑭᓄᐎᒋ ᐃᔅᕋᐃᓪ ᓂᑐᐱᔪᐅ-ᐃᔪᐛ ᑲ ‍ ᓂᐸᐊᑭᓄᐎᒋ ᑲ ‍ ᓂᑐᐱᔨᓇᓄᐎᒡ᙮ ᒍᐊᑉ ᑭᔭ ᐅᑦ ᐊᓯᒪᑭᓂᓯᒪ ᐊᓱᑕᒡ ‍(6) ᑕᑐᐤ ᐱᓯᒺ ᒋ ‍ ᐃᑕᔪᐛ ᐊᓐᑕ ᐃᑕᒻ ᐃᑕᐅᓂᒡ, ᑭᔭ ᒪᒂᒡ ᐊᓂᔭ ᑲ ‍ ᐃᔅᐱᔨᒡ ᒥᓯᐛ ᑲ ‍ ᓇᐸᐅᔨᒋ ᒋ ‍ᓂᐸᐅᒡ ᐊᓐᑕ ᐃᑕᐅᓂᒡ᙮
\v 17 ᒋᒋᐛ ᐊᔅᒃ ᒋ ‍ ᐊᐛᓯᐅᐤ ᐦᐊᑕᑦ ᐊᓂᔭ ᒪᒂᒡ, ᑭᔭ ᐃᒋᑉᑎᒡ ᒋ ‍ ᐃᑎᓯᒧᐤ, ᐊᓯᒡ ᐊᓂᔭ ᐱᔅᒐ ᐅᑕᐎᔭ ᐅᑦ ᐊᐱᒋᐊᑭᓂᔨᐛ ᐊᓐᑕ ᐃᑕᒻ ᐃᑕᐅᓂᒡ ᐅᒋ᙮
\v 18 ᒥᑎᐊᓐ ᐊᔅᒋᒡ ᒋ ‍ ᐃᑐᑕᐅᒡ ᐊᑯ ᑭᔭ ᐊᓐᑕ ᐸᐧᑯᑎᔅᑭᒥᑲᒡ ᐸᕋᒻ᙮ ᐱᔅᒐ ᓇᐸᐛ ᒋ ‍ ᓂᑐᐛᐱᒥᑯᐅᒡ ᐊᓐᑕ᙮ ᐊᑯ ᒥᓯᐛ ᐃᒋᑉᑎᒡ ᒋ ‍ ᐃᑐᑕᐅᒡ ᑭᔭ ᒋ ‍ ᓂᑐᐛᐱᒪᐅᒡ ᒋᓴᐅᒋᒪᐛ᙮ ᒂ ‍ ᒥᔭᑦ ᒋᓴᐅᒋᒪᐤ ᐦᐊᑕᑕ ᐱᔅᒐ ᐊᔅᒋᔪᐤ ᑭᔭ ᒋ ‍ ᐃᑎᓱᒪᐤ ᐅᑦ ᐊᐱᒋᐊᑭᓇ ᒐᒋ ᒥᔨᑯᑦ ᓂ ᒥᒋᒥᔪᐤ᙮
\p
\v 19 ᒋ ‍ ᒥᔽᔨᒪᐤ ᒋᓴᐅᒋᒪᐤ ᐦᐊᑕᑕ᙮ ᐊᓂᔭ ᐅᒋ, ᒋ ‍ ᒥᔭᐤ ᑎᐱᔨᐛ ᐎᐛ ᐃᓯᒥᔨᐛ ᒐᒋ ᐎᒋᒪᐃᒋ, ᑕᐱᓂᔅ ᒋᓴᐅᒋᒪᔎᐛ, ᐦᐊᑕᑕ ᒐᒋ ᐎᐅᔨᒋ᙮
\v 20 ᓇᓇᒐ ᐦᐊᑕᑦ ᐎᐛ ᒋ ‍ ᐅᑯᓯᔨᐛ ᑭᓄᐸᑦ ᐊ ‍ ᐃᓯᓂᐧᑲᓱᐎᔨᒋ᙮ ᑕᐱᓂᔅ ᐅᒥᓴ ᒋ ‍ ᐱᒥᓇᔪᐛ ᐊᓐᑕ ᒋᓴᐅᒋᒪᒋᐛᐱᒡ, ᐊᓐᑕ ᑲ ‍ ᐎᒋᒻᒪᑦ ᒋᓴᐅᒋᒪᐛ ᐅᑯᓯᔨᐛ᙮
\p
\v 21 ᒪᒂᒡ ᐦᐊᑕᑦ ᑲ ᐃᑕᑦ ᐊᓐᑕ ᐃᒋᑉᑎᒡ, ᒋ ‍ ᐸᑎᒻ ᐊᒋ ‍ ᐳᓂᐱᒪᑎᓯᔨᒋ ᑎᐱᑕ, ᑭᔭ ᒍᐊᑕ, ᑎᐱᑕ ᐅᑦ ᓂᑐᐅᐱᔪᐅ-ᐃᔨᒥᔨᐛ ᑲ ‍ ᐅᒋᒪᐎᒋ, ᐃᔭᐱᒡ ᒋ ‍ ᐳᓂᐱᒪᑎᓯᔨᐛ᙮ ᐊᑯ ᒂ ‍ ᐃᑕᑦ ᐃᒋᑉᑎᒡ ᒋᓴᐅᒋᒪᐛ, “ᓇᐊᔨᒥ ᒐᒋ ᐃᑐᑕᔭᓐ ᑎᐱᔨᐛ ᓂᑦ ᐊᔅᒋᒡ᙮”
\p
\v 22 ᒥᒄ ᒋ ‍ ᐃᑎᑯᐤ ᒋᓴᐅᒋᒪᐛ, “ᒐᒂᓐ ᑲᐤ ᐛᒋ ‍ᐎ ᐃᑕᑐᔨᓐ ᒋᑦ ᐊᔅᒋᒡ? ᑎᑯᓐ ᐊ ᒐᒂᓐ ᓄᑕᐱᔨᓐ ᓇᑐᐛᔨᒥᔨᓐ ᒐᒋ ᒥᔨᑕᓐ?”
\p ᐦᐊᑕᑦ ᒂ ‍ ᐃᑕᑦ, “ᓇᒪ, ᒥᒄ ᓇᐊᔨᒥ ᒐᒋ ᐃᑐᑕᔭᓐ ᓂᑦ ᐊᔅᒋᒡ᙮” ᐊᑯ ᒂ ᓇᐊᔨᒥᑯᑦ ᒋᓴᐅᒋᒪᐛ ᒐᒋ ᒋᑐᑕᑦ ᑭᔭ ᑲᐤ ᒂ ‍ ᒋᐛᑦ ᑎᐱᔨᐛ ᐅᑦ ᐊᔅᒋᒡ ᑭᔭ ᒂ ‍ ᒋᓴᐅᒋᒪᐅᑦ ᐊᓐᑕ ᐃᑕᒻ ᐊᔅᒋᒡ᙮
\p
\v 23 ᒋᓴᒪᓂᑐᐤ ᐃᔭᐱᒡ ᒋ ‍ ᑐᑐᐛ ᑯᑎᑲ ᓇᐸᐛ ᕋᓴᓐ ᐊ ‍ ᐃᓯᓂᐧᑲᓱᐎᒋ, ᒐᒋ ᒪᔭᔨᒪᔨᒋ ᓴᓚᒪᓇ᙮ ᒋᒋ ‍ ᒋᑎᓯᒪᓯᐱᓐ ᕋᓴᓐ ᐅᒋᒪᒪ, ᐦᐊᑕᑎᓯᕋ ᓱᐸ ᐃᑕᐅᓂᒡ ᒋᐛᑎᓄᐅᒡ ᑕᒪᔅᑲᔅ ᒋᓴᐅᒋᒪᐛ᙮
\v 24 ᕋᓴᓐ ᒂ ‍ ᓂᑲᓄᔅᑯᐛᑦ ᑲ ‍ ᒥᒋᑐᑎᓯᔨᒋ᙮ ᐊᐅᒄ ᑲ ‍ ᐃᔅᐱᔨᒡ ᑲᒋ ‍ ᓴᐧᑯᒋᐊᔨᒋ ᐦᐊᑕᑎᓯᕋ ᑎᐱᑦ ᐅᓂᑐᐱᔪᐅ-ᐃᔨᒪ ᑭᔭ ᑲ ‍ ᓂᐸᐊᔨᒋ ᒥᓯᐛ ᐅᓂᑐᐱᔪᐅ-ᐃᔨᒥᔨᐛ᙮ ᕋᓴᓐ ᑭᔭ ᐅᑦ ᐃᔨᒪ ᑕᒪᔅᑲᔅ ᒂ ‍ ᐃᑐᑕᒡ ᑭᔭ ᒂ ᒋᒋ ‍ ᐎᒋᒡ ᐊᓐᑕ, ᑭᔭ ᒂ ‍ ᐅᑎᓂᑯᑦ ᐊᓐᑕ ᐃᔪᐛ ᒐᒋ ᐅᒋᓴᐅᒋᒪᒥᑕᑯᐤ᙮
\v 25 ᒪᒂᒡ ᐊᓂᔭ ᐊᔅᒃ ᑲ ‍ ᐱᒪᑎᓯᑦ ᓴᓚᒪᓐ, ᒪᒂᒡ ᕋᓴᓐ ᑲ ᑎᐸᔨᒋᒐᑦ ᒥᓯᐛ ᓯᕆᔭ ᐊᔅᒋᒡ ᓇᒪᔭᐤ ᒥᒄ ᑕᒪᔅᑲᔅ, ᒋ ‍ ᐱᒂᑕᐤ ᐃᔅᕋᐃᓚ ᑭᔭ ᒋ ‍ ᐅᔅᑕᐱᔭᐤ ᐃᔅᕋᐃᓚ ᐃᔪᐛ ᒧᔭᒻ ᐦᐊᑕᑕ ᑲ ‍ ᐃᑎᔨᒋ᙮
\s1 ᒐᒂᔪᐤ ᑲ ‍ ᐊᓱᑎᒧᐛᑦ ᑎᐸᔨᒋᒐᓱᐤ ᐃᐊᕈᐸᒪ
\p
\v 26 ᑯᑎᑲ ᓇᐸᐛ ᑲ ‍ ᒪᔭᔨᒪᔨᒋ ᓴᓚᒪᓇ ᐊᐅᒄ ᐊᓂᔭ ᐸᐃᒄ ᐅᑯᐸᓇᒥᔨᐛ ᐃᐊᕈᐸᒻ ᐊ ‍ ᐃᓯᓂᐧᑲᓱᔨᒋ, ᓇᐸᑕ ᐅᑯᓯᔨᐛ᙮ ᓯᕆᑕᐦ ᐅᑕᓇᔪᐤ ᒋ ‍ ᐅᒋᔨᐛ ᐊᓐᑕ ᐊᔅᒋᒡ ᐃᑉᕋᐃᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐛᒋᔨᒋ᙮ ᒋᑎᒪᒋᔎᐛ ᐅᑲᐎᔭ ᓱᕈᐊ ᒋ ‍ ᐃᓯᓂᐧᑲᓱᔪᐛ᙮
\p
\v 27 ᐊᐅᑯᐤ ᑲ ‍ ᐃᔅᐱᔨᒡ᙮ ᓴᓚᒪᓐ ᐅᑲᐊᑐᔅᒐᓯᒪ ᒋ ‍ᓴᑭᔅᒋᓂᑕᐅᒡ ᔭᑲᔪᐤ ᐊᓐᑕ ᐊᔅᒋᒡ ᐛᐱᓄᑕᒡ ᒋᕈᓯᓕᒥᒡ ᑭᔭ ᒋ ‍ ᐅᓯᑕᐅᒡ ᐊᔅᑎᒥᑎᒡ ᑲ ᐛᔅᑲᑲᐳᔨᒡ ᐊᓐᑕ ᐅᑕᓇᒡ᙮
\v 28 ᒋᒋᐛ ᒋ ‍ ᑭᔅᒋᑕᐤ ᒐᒂᔪᐤ ᐃᐊᕈᐸᒻ᙮ ᐊᑯ, ᐃᔅᐱ ᑲ ᐛᐱᒪᑦ ᓴᓚᒪᓐ ᐊᔅᐱᔅ ᐅᔅᑯᐎᔨᒋ ᐊᑐᔅᒐᔨᒋ, ᒂ ‍ ᐅᑎᓇᑦ ᒐᒋ ᓇᑭᑐᐛᐱᒪᔨᒋ ᒥᓯᐛ ᓇᐸᐛ ᑲ ‍ ᐃᔨᐧᑭᒪᑭᓄᐎᒋ ᒐᒋ ᐊᑐᔅᒐᔨᒋ ᐊᓐᑕ ᐃᑕᐅᓂᒡ ᐊᓐᑕ ᒪᓇᓴ ᑭᔭ ᐃᑉᕋᐃᒻ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐛᒋᔨᒋ᙮
\p
\v 29 ᐸᐃᒂᐤ ᒋᓯᑲᔨ ᐃᐊᕈᐸᒻ ᒋ ‍ ᐱᒧᑕᐤ ᒪᔅᑭᓇᒡ ᐎᐎᑎᒥᒡ ᒋᕈᓯᓕᒥᒡ, ᒋ ‍ ᓂᒋᔅᑲᑯᐤ ᐅᒋᔅᒋᐛᐃᒐᓱᐛ ᐊᐦᐊᐃᒐᔨᒋ ᓯᓗᐦ ᐅᑕᓇᒡ ᐅᒋ᙮ ᒋ ‍ ᐅᔅᑲᔪᐤ ᐅᑦ ᐊᑯᐱᔪᐤ ᑲ ‍ ᒋᔅᑲᐧᒃ ᐊᐦᐊᐃᒐ᙮
\v 30 ᐊᓂᔭ ᑲ ‍ ᒥᓂᐱᑕᐧᒃ ᑭᔭ ᓂᓱᓴᑈᒡ ‍ (12) ᒂ ᐃᓯ ‍ ᑕᑐᐱᑕᐧᒃ᙮
\v 31 ᒋ ‍ ᐃᑕᐤ ᐃᐊᕈᐸᒪ, “ᐅᑎᒪᓱᐤ ᐸᐃᑯᔪᐛᐸᒡ ‍ (10), ᐛᔅ ᑎᐸᔨᒋᒐᓱᐤ, ᐊᓐ ᒋᓴᒪᓂᑐᐤ ᓂᔭᓐ ᐃᔅᕋᐃᓪ ᐃᔪᒡ ᐊᔭᒥᐊᐅᔅᑐᐅᒋᒡ, ᒋ ‍ ᐃᑎᒄ, ‘ᓂᑭ ‍ ᐅᑎᓂᒺᓐ ᒋᓴᐅᒋᒪᐅᓂᔪᐤ ᓴᓚᒪᓐ ᐅᒋ ᑭᔭ ᒋᑭ ‍ ᐃᑐᑕᑎᓐ ᒐᒋ ᑎᐸᔨᒋᒐᔨᓐ ᐸᐃᑯᔪᐤ ᐊ ‍ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮
\v 32 ᓴᓚᒪᓐ ᐅᑦ ᐊᓂᔅᑯᑕᐸᓇ ᐊᔅᒄ ᐸᐃᒄ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋᑭ ‍ ᑎᐸᔨᒋᒐᐤ, ᐛᔅ ᒐᒂᔪᐤ ᑲ ‍ ᐊᓱᑎᒧᐅᒄ ᑎᐱᑦ, ᐊᓐ ᓇᐸᐤ ᑲ ᒥᔪᐤ ‍ ᐊᑐᔅᑯᐅᑦ, ᑭᔭ ᐛᔅ ᐊᓐ ᒋᕈᓯᓕᒻ, ᐊᓐ ᐅᑕᓇᐤ ᑲ ᐎᔭᔨᑎᒪᓐ ᒥᓯᐛ ᐅᑕᓇᐛ ᐊᓐᑕ ᐃᔅᕋᐃᓕᒡ ᐅᒋ ᐊᓐᑕ ᒐ ‍ ᐊᔭᒥᐊᔅᑐᐅᒡ ᐃᔪᒡ᙮
\v 33 ᓂᑭ ‍ ᐃᑐᑕᓐ ᐅ ᐛᔅ ᓂᒋ ‍ ᐊᑐᐛᔨᒥᒄ ᓴᓚᒪᓐ ᑭᔭ ᐊᔭᒥᐊᐅᔅᑐᐛᐤ ᐊᔅᑕᕐᑎ, ᐊᓂᔭ ᒥᓂᑐᐧᑲᓇ ᐊᔭᒥᐊᔅᑐᐛᒡ ᓴᐃᑐᓐ ᐃᔪᒡ, ᑭᔭ ᑭᒧᔅ, ᐊᓂᔭ ᒥᓂᑐᐧᑲᓇ ᐊᔭᒥᐊᔅᑐᐛᒡ ᒧᐊᑉ ᐃᔪᒡ, ᑭᔭ ᒥᓪᑯᒻ, ᐊᓂᔭ ᒥᓂᑐᐧᑲᓇ ᐊᔭᒥᐊᔅᑐᐛᒡ ᐊᒧᓐ ᐊ ‍ ᐃᑎᔅᑲᓇᓯᒡ ᐃᔪᒡ᙮ ᓇᒪ ᐃᑕᑎᓯᐤ ᒧᔭᒻ ᐊᓂᔭ ᑲ ‍ ᐃᑎᓱᒥᒃ᙮ ᓇᒪ ᐅᒋ ‍ ᓂᓇᔨᑎᒻ ᓂᑦ ‍ ᐃᑎᓱᐛᐅᓇ ᑭᔭ ᓂ ‍ ‍ᐎᓱᐛᐅᓇ, ᒧᔭᒻ ᑲ ‍ ᐃᑎᔨᒋ ᐅᑕᐎᔭ ᑎᐱᑕ᙮
\p
\v 34 ᒥᒄ ᓇᒪ ᒥᓯᐛ ᒋᓴᐅᒋᒪᐅᓂᔪᐤ ᓂᑭ ‍ ᐅᑎᓂᒺᓐ᙮ ᒋᑭ ‍ ᓇᐊᔨᒪᐤ ᒐᒋ ᑎᐸᔨᒋᒐᑦ ᒍᑕ ᐊᔅᒋᔪᐤ ᒪᒂᒡ ᒐ ᐃᔅᐱ ‍ ᐱᒪᑎᓯᑦ᙮ ᓂᑭ ‍ ᐃᑐᑎᒧᐛᒺᓐ ᐊᓂᔭ ᐛᔅ ᒐᒂᔪᐤ ᑲ ‍ ᐊᓱᑎᒧᐅᒄ ᒐᒋ ᐃᑐᑎᒧᐅᒄ ᑎᐱᑦ, ᐊᓐ ᑲ ᐎᔭᔨᒥᒄ ᒐᒋ ᒋᓴᐅᒋᒪᐅᑦ, ᑭᔭ ᐊᓐ ᑲ ‍ᒥᔪᐤ ‍ ᐊᑐᔅᑯᐅᑦ, ᓂᓇᑎᒻ ᑲ ‍ ᓂᓇᐊᔨᑕᐧᒃ ᓂᑦ ᐃᑎᔄᐅᓇ ᑭᔭ ᐎᓱᐛᐅᓇ᙮
\v 35 ᒥᒄ ᓂᑭ ‍ ᐅᑎᓂᒺᓐ ᐊᓂᔭ ᑯᑎᑲ ᐸᐃᑯᔪᐤ ‍ (10) ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋᒪᐅᓂᒡ ᑭᔭ ᒋᔾ ᒋᑭ ‍ ᒥᔨᑎᓐ ᒐᒋ ᑎᐸᔨᒋᒐᔨᓐ᙮
\v 36 ᓂᑭ ‍ ᓇᐊᔨᒪᐛ ᓴᓚᒪᓐ ᐅᑯᓴ ᒐᒋ ᑎᐸᔨᒋᒐᔨᒋ ᐸᐃᒄ ᐊ ‍ ᐃᑎᔅᑲᓇᓯᔨᒋ ᐃᔪᐛ, ᐊᓂᔭ ᐅᒋ ᑎᐱᑦ ᐅᑦ ᐊᓂᔅᑯᑕᐸᓇ ᓇᓂᑎᒻ ᒐᒋ ᒋᓴᐅᒋᒪᐎᒋ ᐊᓐᑕ ᒋᕈᓯᓕᒥᒡ, ᐊᓐ ᐅᑕᓇᐤ ᑲ ‍ ᐎᔭᔨᑎᒪᓐ ᐊᓐᑕ ᒐ ‍ ᐊᔭᒥᐊᔅᑐᐅᒡ ᓂᑦ ᐃᔨᒥᒡ᙮
\v 37 ᒋᑭ ‍ ᓇᐊᔨᒥᑎᓐ ᒐᒋ ᒋᓴᐅᒋᒪᐎᑎᓐ ᐃᔅᕋᐃᓪ ᐊᔅᒋᔾ, ᑭᔭ ᒋᑭ ‍ ᑎᐸᔨᒋᒐᓐ ᐊᓐᑕ ᒥᓯᐛ ᐊᔅᒋᒡ ᓇᑐᐛᔨᑎᒥᓐ᙮
\v 38 ᓂᓇᐊᔨᑎᒥᓇ ᒥᓯᐛ ᒐᒂᓐ ᐊ ‍ ᐃᑎᓯᒥᑕᓐ ᒐᒋ ᐃᑐᑎᒥᓐ, ᑭᔭ ᐃᑕᑎᓯᔨᓇ ᑕᓐ ᐊ ᐃᓯ ‍ ᓂᑐᐛᔨᒥᑕᓐ, ᑭᔭ ᐃᑐᑎᒥᓇ ᑕᓐ ᐊᓐ ᐊᔅᒋᔄᔭᓐ ᒪᔽᒡ ᐊᓂᓇᐊᔨᑎᒥᓐ ᓂ ‍ ᐎᓱᐛᐅᓇ ᑭᔭ ᓂᑦ ᐃᑎᓱᐛᐅᓇ ᒧᔭᒻ ᑎᐱᑦ ᑲ ‍ ᐃᑎᑦ, ᒋᑭ ‍ ᐎᒋᔨᑎᓐ᙮ ᒐᔅᑎᓇᔅ ᓂᑭ ‍ ᐃᑐᑐᐛᐅᒡ ᒋᑦ ᐊᓂᔅᑯᑕᐸᓐᒡ ᒐ ‍ ᑎᐸᔨᒋᒐᒡ ᒋ ‍ ᐳᓂᐱᒪᑎᓯᓇ, ᒧᔭᒻ ᑲ ᐃᓯ ‍ ᐊᓱᑎᒧᐅᒄ ᑎᐱᑦ ᒐ ‍ ᐃᑐᑎᒧᐅᒄ᙮
\v 39 ᐛᔅ ᑲ ‍ ᒥᒋᑐᑕᐧᒃ ᓴᓚᒪᓐ, ᓂᑭ ‍ ᐊᓏᔨᒪᐛ ᑎᐱᑦ ᐅᑦ ᐊᓂᔅᑯᑕᐸᓇ, ᒥᒄ ᓇᒪ ᒧᔅ ᑲᒋᒡ ᓂᑭ ‍ ᐊᓏᔨᒪᐛ᙮’ ”
\p
\v 40 ᓴᓚᒪᓐ ᒋ ‍ ᒋᔅᒐᔨᑎᒻ ‍ ᒐᒂᔪᐤ ᐊᐦᐃᒐᐦᐃᒋ ᑲ ᐃᑕᔨᒋ ᐃᐊᕈᐸᒪ, ᐊᑯ ᒂ ᐎ ‍ᓂᐸᐊᑦ ᐃᐊᕈᐸᒪ, ᒥᒄ ᐃᐊᕈᐸᒻ ᒋ ᒋᑎᓯᒧᐤ ᑭᔭ ᐃᒋᑉᑎᒡ ᒂ ‍ ᐃᑐᑕᑦ᙮ ᓯᓴᑲ ᒋ ᓂᑐᐛᐱᒪᐤ, ᐃᒋᐱᑎᒡ ᒋᓴᐅᒋᒪᐛ, ᑭᔭ ᐊᑯᑕ ᑲ ‍ ᐃᑕᐛᑦ ᐊ ‍ ᐃᑕᔨᒋ ᐸᑐᔅ ᑲᒋ ‍ ᐳᓂᐱᒪᑎᓯᔨᒋ ᓴᓚᒪᓇ᙮
\s1 ᑲ ‍ ᐳᓂᐱᒪᑎᓯᑦ ᓴᓚᒪᓐ
\p
\v 41 ᒥᓯᐛ ᒐᒂᔪᐤ ᑲ ‍ ᐃᑎᑦ ᓴᓚᒪᓐ ᒋ ‍ ᒥᓯᓇᐃᑭᓄᐅᔪᐤ, ᑭᔭ ᒥᓯᐛ ᐊ ‍ ᑭᒋᑕᐛᔨᑕᑯᓂᔨᒡ ᒐᒂᔪᐤ ᑲ ‍ ᐃᔅᒋᔄᑦ ᑭᔭ ᑲ ‍ ᐎᔅᑕᑦ, ᒋ ‍ ᒥᓯᓇᐃᑭᓄᐅᔪᐤ ᐊᓐᑕ ᒥᓯᓇᐃᑭᓂᒡ ᐊ ‍ ᐎᑕᔨᒡ ᒐᒂᔪᐤ ᑲ ‍ ᐃᑎᑦ ᓴᓚᒪᓐ᙮
\v 42 ᒋ ‍ ᒋᓴᐅᒋᒪᐤ ᐊᓐᑕ ᒋᕈᓯᓕᒥᒡ ᐊᓐ ᑲ ‍ ᑎᐸᔨᒋᒐᑦ ᒥᓯᐛ ᐃᔅᕋᐃᓪ ᐊᔅᒋᔪᐤ ᓇᐎᔪᐛ ‍ (40) ᐱᐳᓇ ᐃᔅᐱᔅ᙮
\v 43 ᐊᑯ ᒂ ‍ ᐳᓂᐱᒪᑎᓯᑦ ᓴᓚᒪᓐ, ᑭᔭ ᒋᓇᐊᐅᐛᔭᑭᓄᐤ ᐊᓐᑕ ᒋᕈᓯᓕᒥᒡ ᐃᑕᐅᓂᒡ ᐊᓐᑕ ‘ᑎᐱᑦ ᐅᑕᓇᒻ’ ᑲ ‍ ᐃᓯᓂᐧᑲᑕᔨᒡ᙮ ᑭᔭ ᐅᑯᓴ ᕆᐊᐸᒪ ᒂ ‍ ᒋᓴᐅᒋᒪᐎᒋ᙮
\c 12
\s1 ᐸᐃᑯᔪᐤ ᐊ ‍ ᐃᑎᔅᑲᓇᓯᒡ ᑲ ‍ ᒪᓴᐊᒡ ᕆᐊᐸᒪ
\p
\v 1 ᒥᓯᐛ ᐃᔪᒡ ᐊᓐᑕ ᒋᐛᑎᓄᐅᒡ ᐃᔅᕋᐃᓪ ᓴᑭᒻ ᐅᑕᓇᒡ ᒋ ‍ ᐃᑐᑕᐅᒡ ᒐᒋ ᐅᒋ ᐅᑎᓇᒡ ᕆᐊᐸᒪ ᒐᒋ ᐅᒋᓴᐅᒋᒪᒥᒡ᙮ ᐊᑯ ᕆᐊᐸᒻ ᐃᔭᐱᒡ ᒋ ‍ ᐃᑐᑕᐤ ᐊᓐᑕ᙮
\v 2 ᐃᔅᐱ ᐃᐊᕈᐸᒻ, ᐊᔅᒄ ᑲ ‍ ᐃᑕᑦ ᐊᓐᑦ ᐃᒋᐱᑎᒡ, ᐊᓂᔭ ᐱᔭᑕᐧᒃ, ᑲᐤ ᒋ ‍ᒋᐛᐤ ᐃᒋᐱᑎᒡ ᐅᒋ ᐃᔅᕋᐃᓪ ᐃᓯ᙮
\v 3 ᒋᐛᑎᓄᐅᒡ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋᒪᐛ ᒋ ‍ ᓂᑐᒥᑯᐤ, ᑭᔭ ᒪᒧᐤ ᒂ ‍ ᐃᑐᑕᒡ ᒐᒋ ᐃᔨᒪᐊᒡ ᕆᐊᐸᒪ᙮ ᒂ ᐃᑕᒡ,
\v 4 “ᒍᑕᐎ ᓴᓚᒪᓐ ᒋᒋᐛ ᓂᒋ ‍ ᐃᔨᐧᑭᒥᔨᑯᓇᓐ ᒐᒋ ᒥᔅᑎ ‍ ᐊᑐᔅᑯᐅᒋᒡ᙮ ᐃᑐᑎᒥᓇ ᒐ ᐊᑲ ‍ ᓇᔅᒡ ᒥᔅᑎ ᐊᑐᔅᒐᔭᒡ ᑭᔭ ᒐ ᐊᑲ ᓇᔅᒡ ᒥᔅᑎ ᒋᓯᐧᑲᓱᔭᒡ ᑕᑭᓴ ᐊᔅᐱᔅ ᒋᓯᐧᑯᐅᒋᒡ, ᑕᑈᐅᒐᔨᑎᒧᐅᓂᒡ ᒋᑭ ‍ ᐊᑐᔅᑲᑎᓇᓐ᙮”
\p
\v 5 ᒂ ‍ ᐃᑎᑯᒡ, “ᒋᑐᑕᒪᒃ, ᑭᔭ ᒋ ᓂᔅᑐ ‍ (3) ᒋᓯᑲᒐ ᒐ ‍ ᑎᑯᓯᓂᔭᒄ ᑭᔭ ᒋᑭ ‍ ᐎᑎᒪᑎᓇᐛᐤ ᒐᒂᓐ ᒐ ‍ ᐃᔅᒋᔄᔨᓐ᙮” ᐊᑯ ᐊᓐᒡ ᐅᒋᒪᐅᒡ ᑭᔭ ᐃᐊᕈᐸᒻ ᒂ ‍ ᒋᑐᑕᒡ᙮
\p
\v 6 ᐊᑯ ᒋᓴᐅᒋᒪᐤ ᕆᐊᐸᒻ ᒋ ‍ ᑯᒂᒋᒪᐤ ᒋᓴᔪᐛ ᐊᓂᔭ ᑲ ‍ ᐛᐎᒋᐊᔨᒋ ᐅᑕᐎᔭ ᓴᓚᒪᓇ ᒪᒂᒡ ᐊᔅᒃ ᑲ ‍ ᐱᒪᑎᓯᔨᒋ᙮ ᒋ ‍ ᑯᒂᒋᒪᐤ, ᐊ ‍ ᐃᑕᑦ, “ᒐᒂᓐ ᒐ ‍ ᐃᑎᒂᐤ ᐊᓐᒡ ᐃᔪᒡ ?”
\p
\v 7 ᒂ ‍ ᓂᔎᐅᓯᐊᒡ, “ᐎ ᒥᔪᑐᔅᑲᔅᑐᐅᑥᐛ ᒋᑦ ᐃᔨᒥᒡ, ᒋᔭᒻ ᒋ ᒥᔪᐤ ᐃᔨᒥᔨᑥᐤ ᐃᔅᐱ ᓂᔎᐛᓯᔨᑥᐛ᙮ ᐃᑐᑎᒥᓇ ᐊᓐ, ᓇᓂᑎᒻ ᑕᑈᐅᒐᔨᑎᒧᐅᓂᒡ ᒋᑭ ‍ ᐊᑐᔅᑲᔅᑕᑯᒡ᙮”
\p
\v 8 ᒥᒄ, ᓇᒪ ᐅᒋ ‍ ᓂᑐᑐᐛᐤ ᒐᒂᓂᔪᐤ ᑲ ‍ ᐃᑎᑯᑦ ᐊᓂᔭ ᒋᓴᐃᔪᐛ ᒐ ‍ ᐃᑎᑦ᙮ ᒥᔅᑯᒡ, ᒂ ‍ ᑯᒂᒋᒪᑦ ᐊᓂᔭ ᐅᔅᒋᓂᒍᐛ ᑲ ‍ ᐎᒋ ‍ ᓂᑕᐅᒋᒥᑯᑦ, ᐊᓂᔭ ᐊᓄᒡ ᑲ ‍ ᐛᐎᒋᔨᑯᑦ᙮
\v 9 ᒂ ‍ ᐃᑕᑦ, “ᒐᒂᓐ ᓂᐸ ‍ ᐃᑕᐅᒡ ᐊᓐᒡ ᐃᔪᒡ ᑲ ‍ ᑯᒂᒋᒥᒡ ᒐ ᐊᑲ ‍ ᒥᔅᑎ ‍ ᐊᔅᑐᔅᒐᒡ, ᑭᔭ ᒐ ᐊᑲ ‍ ᒥᔅᑎ ‍ ᒋᓯᐧᑲᓱᒡ ᑕᑭᓯᐅᐤ ᓄᑕᐎᔭ ᑲ ᐃᓯ ‍ ᓂᑐᐛᔨᑎᒪᑯᒡ?”
\p
\v 10 ᒂ ‍ ᐃᑎᑯᑦ, “ᒪᐅ ᐅᔭ ᒐ ‍ ᐃᑎᑥᐤ, ‘ᐊᑎᑐᐤ ᐊᔅᐱᑲᐤ ᓂᐅᑎᔎᑎᒋᔅ ᐃᔅᐱᔅ ᓄᑕᐎᔾ ᐊᒋᑲᒋᔨᐛᑦ᙮’
\v 11 ᒪᐅ ᐛ ‍ ᐃᔅᒋᔄᔭᓐ ᒋ ‍ ᒋᓂᑐᐛᔨᒥᑯᐛᐤ ᓄᑕᐎᔾ ᒐᒋ ᒥᔅᑎ ‍ ᐊᑐᔅᒐᐧᒄ, ᑭᔭ ᒐᒋ ᒥᔅᑎ ‍ ᒋᓯᐧᑲᓱᐛᐧᒄ ᑕᑭᓯᔪᐤ᙮ ᒥᒄ ᓂᔾ ᐊᑎᑐᐤ ᒋᑭ ‍ ᒥᔅᑎ ‍ ᐊᑐᔅᑲᔨᑎᓇᐛᐤ᙮ ᒧᔭᒻ ᒥᒄ ᐊᒋ ‍ ᐱᓯᔅᑕᐅᑕᒄ ᓄᑕᐎᔭ, ᐊᑯ ᓂᔾ ᒧᔭᒻ ᐊ ᐱᓯᔅᑕᐅᑯᒡ ᐱᓯᔅᑕᐃᑭᓇ ᐃᓴᒂ ᐊᒋᑭᒧᒋ ᒋᑭ ‍ ᐃᓯᓇᑯᓐ᙮’ ”
\p
\v 12 ᐊᑯ ᑲᒋ ᓂᔅᑐ ‍(3) ᒋᓯᑲᔨᒡ, ᐃᐊᕈᐸᒻ ᑭᔭ ᒥᓯᐛ ᑲ ᓂᑲᓄᔅᑲᒐᔨᒋ ᒥᓐ ᒋ ‍ ᓂᑐᐛᐱᒪᐅᒡ ᕆᐊᐸᒪ, ᒧᔭᒻ ᑲ ‍ ᐃᑎᓱᒪᑦ ᒐ ‍ ᐃᑎᔨᒋ᙮
\v 13 ᓇᒪ ᐅᒋ ᓂᑐᑐᐛᐤ ᒋᓴᐅᒋᒪᐤ ᒐᒂᓂᔪᐤ ᑲ ‍ ᐃᑎᑯᑦ ᒋᓴᐃᔪᐛ ᑭᔭ ᐊᐧᑯᔪᐛᓯᑦ ᐊ ‍ ᐃᔨᒪᐊᑦ ᐃᔅᕋᐃᓪ ᐅᒋᒪᐛ᙮
\v 14 ᒋ ‍ ᐎᑎᒧᐛᐤ ᒐᒂᔪᐤ ᑲ ‍ ᐃᑎᑯᑦ ᐅᔅᒋᓂᒍᐛ᙮ ᒋ ‍ ᐃᑕᐤ “ᓄᑕᐎᔾ ᒋᒋᐛ ᒋ ᒥᔅᑎ ‍ ᐊᑐᔅᑲᔨᑯᐛᐤ, ᑭᔭ ᒐᒋ ᒥᔅᑎ ‍ ᒋᓯᐧᑲᓱᐛᒄ ᑕᑭᓯᔪᐤ, ᒥᒄ ᓂᔾ ᐊᑎᑐᐤ ᒋᑭ ‍ ᒥᔅᑎ ‍ ᐊᑐᔅᑲᔨᑎᓇᐛᐤ᙮ ᒧᔭᒻ ᒥᒄ ᐊᒋ ‍ ᐱᓯᔅᑕᐅᑕᒄ ᓄᑕᐎᔭ ᐱᓯᔅᑕᔨᑭᓇ, ᐊᑯ ᓂᔾ ᒋᑭ ᐊ ᐱᓯᔅᑕᐅᑎᓇᐛᐤ ᐱᓯᔅᑕᐃᑭᓇ ᐃᓴᒂ ᐊᒋᑭᒧᒋ!”
\v 15 ᐊᑯ ᒋᓴᐅᒋᒪᐤ, ᓇᒪ ᐅᒋ ‍ ᐊᔭᐱᓯᑐᐛᐤ ᐊᓂᔭ ᐃᔅᕋᐃᓪ ᐅᒋᒪᐛ᙮ ᒥᒄ ᒋ ‍ ᐃᔅᐱᔪᐤ ᐅ ᒐᒋ ᐅᒋ ᐃᔅᐱᔨᒡ ᑲ ‍ ᓂᑐᐛᔨᑕᐧᒃ ᑎᐸᔨᒋᒐᓱᐤ ᒐᒋ ᐃᔅᐱᔨᒡ, ᐊᓂᔭ ᑲ ‍ ᐃᑕᑦ ᐅᒋᔅᒋᐛᐃᒐᓱᐛ ᐊᐦᐊᐃᒐᔨᒋ ᑲ ‍ ᐃᑕᑦ ᐃᐊᕈᐸᒪ ᒐ ‍ ᒋᓴᐅᒋᒪᐎᔨᒋ ᐸᐃᑯᔪᐤ ‍ (10) ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\p
\v 16 ᐃᔅᐱ ᐃᔅᕋᐃᓪ ᑲ ‍ ᓂᑲᓄᔅᑲᒐᒡ ᑲ ᒋᔅᒐᔨᒪᒡ ᐊᓂᔭ ᒋᓴᐅᒋᒪᐛ ᐊ ᐊᑲ ‍ ᐅᒋ ᐃᔭᐱᓯᑕᐛᔨᒋ ᒐᒂᔪᐤ ᑲ ‍ ᐃᑎᑯᔨᒋ, ᒋ ‍ ᑕᐱᑕᑈᑕᐅᒡ, ᐊ ‍ ᐃᔅᒋᔄᒡ,
\q1 “ᓇᒪ ᓂᑭ ‍ ᐃᐊᔭᐱᑕᔨᒪᓇᓂ ᐅᔭ ᑎᐱᑦ ᐅᑕᓂᔅᑯᑕᐸᓇ᙮!
\q2 ᓇᒪ ᓂᑭ ᒋ ‍ ᐃᐊᔭᐱᓯᑐᐛᓇᓐ ᒐᒂᔪᐤ ᐊᔅᒋᔄᔨᒋ ᒐᓯᔾ ᐅᓯᒪ !
\q1 ᒋᔨᐛᐤ ᐃᔅᕋᐃᓪ ᐃᔪᒡ, ᒋ ‍ ᐛᑕᐤ᙮
\q2 ᐊᑯ ᐅᔭ ᑎᐱᑦ ᐅᑦ ᐊᓂᔅᑯᑕᐸᓇ, ᒋᑭ ᑎᐸᔨᒋᒐᔪᐛ ᑎᐱᔨᐛ ᐅᒋᒋᐅᒋᒪᐅᓂᔪᐤ᙮”
\v 17 ᐊᑯ ᓇᓇᒐ, ᒥᒄ ᒍᑕ ᐊ ‍ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ ᒋ ‍ ᑎᐸᔨᒪᐤ ᕆᐊᐸᒻ᙮
\p
\v 18 ᐊᑯ ᒋᓴᐅᒋᒪᐤ ᕆᐊᐸᒻ ᒂ ‍ ᐃᑎᓴᐛᑦ ᐊᑐᓂᕋᒪ ᒐᒋ ᐃᔨᒪᔨᒋ ᐃᔅᕋᐃᓪ ᐃᔪᐛ᙮ ᐊᐅᒄ ᐊᑐᓂᕋᒻ ᑲ ‍ ᓇᑭᑐᐛᔨᒪᑦ ᒥᓯᐛ ᓇᐸᐛ ᑲ ‍ ᐃᔨᐧᑭᒪᐊᑭᓄᐎᒋ ᒐᒋ ᐊᑐᔅᒐᔅᑐᐛᔨᒋ ᕆᐊᐸᒪ᙮ ᒥᒄ ᐃᔅᕋᐃᓪ ᐃᔪᒡ ᒋ ‍ ᓂᐸᐅᒡ ᐊᐱᐳᒥᓯᓇᑕᐛᒡ ᐊᓯᓂᔭ᙮ ᐃᔅᐱ ᑲ ‍ ᐃᔅᐱᔨᒡ ᐊᓐ, ᒋᓴᐅᒋᒪᐤ ᕆᐊᐸᒻ ᒋᔅᑎᑉ ᒋ ‍ ᐳᓱᐤ ᐅᑎᑎᐱᑕᐸᓇᔎ ᑭᔭ ᒋᕈᓯᓕᒥᒡ ᒂ ‍ ᐃᑎᓯᒧᑦ᙮
\v 19 ᐃᔅᐱ ᐊᓐ ᑲᒋ ‍ ᐃᔅᐱᔨᒡ, ᒋᐛᑎᓄᒡ ᐊ ‍ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ ᒋ ‍ ᒪᔭᔨᒪᐅᒡ ᒋᓴᐅᒋᒪᐛ ᑎᐱᑕ ᐅᑦ ᐊᓂᔅᑯᑕᐸᓂᔨᐛ
\p
\v 20 ᐃᔅᐱ ᑲ ‍ ᐸᑕᒡ ᐃᔅᕋᐃᓪ ᐃᔪᒡ ᑲᐤ ᐊᒋ ‍ ᑎᑯᓯᓂᔨᒋ ᐃᐊᕈᐸᒪ ᐃᒋᑉᑎᒡ ᐅᒋ, ᒋ ‍ ᓂᑐᒪᐅᒡ ᐊ ᐅᒋᒪᐛᔨᒥᓇᓄᐎᔨᒡ, ᑭᔭ ᐊᑯᑕ ᒂ ‍ ᐅᑎᓇᒡ ᒐᒋ ᒋᓴᐅᒋᒪᐎᒋ ᐃᔅᕋᐃᓕᒡ᙮ ᒥᒄ ᒐᑕ ᑭᔭ ᐱᓐᒋᒥᓐ ᐊ ‍ ᐃᑎᔅᑲᓇᓯᒡ ᐃᔪᒡ ᐊᔅᒄ ᒋ ‍ ᑕᑈᐅᒐᔨᒪᐅᒡ ᒋᓴᐅᒋᒪᐛ ᑎᐱᑕ ᑲ ᐅᑎᔅᑲᓇᓯᔨᒋ ᒋᓴᐅᒋᒪᐛ᙮
\p
\v 21 ᐃᔅᐱ ᕆᐊᐸᒻ ᑲ ‍ ᑎᑯᓯᐧᒃ ᐊᓐᑕ ᒋᕈᓯᓕᒥᒡ, ᐸᐃᑯ ‍ ᒥᑕᓯᒥᑎᓄᐤ ᐊᓱ ᔭᓇ ᑕᑐᔪᐤ ‍ (180,000) ᒐᓯᐱᔪᐤ ᐛᒋ ‍ ᐱᑯᑕᔨᒋ ᓂᑐᐱᔪᐅ-ᐃᔪᐛ ᒋ ‍ ᒪᒧᐅᓇᐤ ᒍᑕ ᑭᔭ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ᙮ ᒋ ‍ ᓂᑐᐛᔨᒪᐤ ᒐᒋ ᒪᓴᐊᔨᒋ ᒋᐛᑎᓄᒡ ᐊ ‍ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ ᑭᔭ ᒐ ‍ ᓴᐧᑯᒋᐊᔨᒋ, ᐊᓂᔭ ᐅᒋ ᒐᒋ ᒥᓐ ᑎᐸᔨᒪᑦ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐊᓐᑕ ᐅᒋᓴᐅᒋᒪᐅᓂᒡ᙮
\p
\v 22 ᒥᒄ ᒋᓴᒪᓂᑐᐤ ᒋ ‍ ᐃᔨᒪᐊᐤ ᐅᒋᔅᒋᐛᐃᒐᓱᐛ ᓯᒪᐃᐊᔨᒋ ᑭᔭ ᒋ ‍ ᐃᑕᐤ:
\v 23 “ᒪᒋ ᑭᔭ ᒐ ‍ ᐎᑎᒧᐅᑦ ᐅᔭ ᓴᓚᒪᓐ ᐅᑯᓴ ᕆᐊᐸᒪ, ᒍᑕ ᒋᓴᐅᒋᒪᐛ, ᑭᔭ ᒥᓯᐛ ᒍᑕ ᑭᔭ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑭᔭ ᒋᐛᑎᓄᒡ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑲ ‍ ᐎᒋᔨᒋ ᐊᓐᑕ ᒍᑕ ᐊᔅᒋᒡ:
\v 24 ‘ᑎᐸᔨᒋᒐᓱᐤ ᐃᔅᒋᔄᐤ ᐊᑲᐎᔾ ᓇᒋ ‍ ᒪᓴᐊᑯᒡ ᑎᐱᔨᐛ ᒋᐧᑲᓂᓯᐛᐅᒡ, ᐃᔅᕋᐃᓪ ᐃᔪᒡ᙮ ᒥᓯᐛ ᒋᔨᐛᐤ ᒋᑭ ᐎ ‍ ᒋᐛᓇᐛᐤ᙮ ᒐᒂᓐ ᑲ ‍ ᐃᔅᐱᔨᒡ ᐊᐅᑯᔪᐤ ᑲ ᐃᓯ ‍ ᓂᑐᐛᔨᑕᐧᒃ ᑎᐸᔨᒋᒐᓱᐤ ᒐ ‍ ᐃᔅᐱᔨᒡ᙮’ ”ᐊᑯ ᓯᒪᐃᐊ ᒐ ‍ ᑐᑕᑦᐤ ᑭᔭ ᐛᑎᒧᐛᑦ ᐅᔭ ᐃᔪᐛ, ᑭᔭ ᒥᓯᐛ ᒋ ‍ ᓂᑐᑐᐛᐅᒡ ᑎᐸᔨᒋᒐᓱᐛ ᒐᒂᔪᐤ ᑲ ‍ ᐃᑎᑯᒡ ᒐ ‍ ᐃᑎᒡ, ᑭᔭ ᒂ ‍ ᒋᐛᒡ᙮
\s1 ᐃᐊᕈᐸᒻ ᐅᒥᒋᑐᑎᒧᐅᓇ
\p
\v 25 ᐊᑯ ᐃᐊᕈᐸᒻ ᐅᑲᐊᑐᔅᒐᓯᒪ ᒂ ‍ ᒋᒥᑕᔨᒋ ᐊᔅᑎᒥᒡ ᒐ ‍ ᐛᔅᑲᑲᐳᔨᒡ ᓴᑭᒻ ᐅᑕᓇᒡ ᐊᓐᑕ ᐊᐱᔅᑯᑎᓇᓯᔨᒡ ᐃᑕᒐ ᐊᓐᑕ ᑲᒋ ‍ ᐎᒋᔨᒋ ᐃᑉᕋᐃᒻ ᐅᑦ ᐊᓂᔅᑯᑕᐸᓇ, ᑭᔭ ᐊᑯᑕ ᑲ ᐅᒋ ‍ ᑎᐸᔨᒋᒐᑦ ᐛᔨᐱᓯᔅ᙮ ᐎᔾ ᑭᔭ ᐅᑲᐊᑐᔅᒐᓯᒪ ᒂ ᓂᑭᑕᒡ ᐊᓐᑕ ᑭᔭ ᐱᓂᐊᓪ ᐅᑕᓇᒡ ᐊᑐᑕᒡ, ᑭᔭ ᒂ ‍ ᒋᒥᑕᒡ ᐊᔅᑎᒥᒡ ᒐ ‍ ᐛᔅᑲᑲᐳᔨᒡ ᐅᑕᓇᒡ᙮
\p
\v 26-27 ᐊᑯ ᒂ ‍ ᐃᑎᑎᓱᑦ ᐃᐊᕈᐸᒻ, ᐃᔅᐱ ᓂᑦ ᐃᔨᒥᒡ ᐊᔅᒄ ᐃᑎᑐᑕᑥᐛ ᒋᕈᓯᓕᒥᒡ ᑭᔭ ᒥᑐᔅᑕᐊᒧᐛᑥᐛ ᑎᐸᔨᒋᒐᓱᐛ ᐊᓐᑕ ᐊᔭᒥᐊᐅᒋᐛᐱᒡ, ᒐᒄ ᒐ ‍ ᑕᑈᐅᒐᔨᒪ,ᒡ ᕆᐊᐸᒪ, ᒍᑕ ᒋᓴᐅᒋᒪᐛ, ᐊᑯ ᓂᔾ ᒐ ‍ ᓂᐸᔨᒡ᙮”
\p
\v 28 ᐊᑯ ᒂ ‍ ᐃᔨᒪᐊᑦ ᐅᑲ ‍ ᐛᐎᒋᐊᐅᓯᒪ, ᑭᔭ ᒂ ‍ ᐃᑐᑎᒺᑦ ᒐᒂᔪᐤ ᑲ ‍ ᐃᑎᑯᑦ ᒐ ‍ ᐃᑎᑦ᙮ ᒋ ‍ ᐃᑕᐤ ᐅᑲᐊᑐᔅᒐᓯᒪ ᒐᒋ ᐛᓯᐊᔨᒋ ᓂᓱ ‍ (2) ᑲ ‍ ᐎᔄᐅᓇᔭᐱᔅᑯᔨᒋ ᒥᒋᑎᐧᑯᔅᒐ ᐃᔨᒐᐛᓇ, ᐊᑯ ᒂ ‍ ᐃᑕᑦ ᐃᔪᐛ, “ᓴᔅ ᓇᐅᔅ ᒋᒋ ‍ ᐃᑐᑕᓇᐛᐤ ᒋᕈᓯᓕᒥᒡ ᒐᒋ ᓇᒋ ‍ ᐊᔭᒥᐊᔭᒄ᙮ ᒋ ‍ ᐅᔅᑕᐱᔨᓇᐛᐤ ᐊᓴᐳᑐᐛᐱᔨᔭᒄ ᐊ ‍ ᐃᑐᑕᔭᒄ ᓇᑕ᙮ ᒋᔨᐛᐤ ᐃᔅᕋᐃᓪ ᐃᔪᒡ, ᐛᐱᒪᐧᑯᒡ ᐅᒡ! ᐅᒡ ᐃᔨᒐᐛᓐᒡ ᐊᐅᒄ ᐊᓐᒡ ᒪᓂᑐᐅᒡ ᑲ ᐸᒋ ‍ ᐎᐎᑕᐊᒡ ᒋᑦ ᐊᓂᔅᑯᑕᐸᓄᐛ ᐃᒋᑉᑎᒡ ᐅᒋ! ᐊᑯ ᐊᐅᒄ ᐅᒡ ᐅᑕ ᒐ ‍ ᐊᔭᒥᐊᔅᑐᐛᑯᒡ᙮”
\v 29 ᒋ ‍ ᐃᑕᐤ ᐅᑲᐊᑐᔅᒐᓯᒪ ᒐᒋ ᐃᔭᔨᒋ ᐊᓂᔭ ᐸᐃᒄ ‍ (1) ᐃᔨᒐᐛᓇ ᐊᓐᑕ ᐸᑕᓪ ᐅᑕᓇᒡ ᐊᓐᑕ ᓴᐅᓄᒡ ᑭᔭ ᐸᐃᒄ ‍ (1) ᐊᓐᑕ ᑕᓐ ᐅᑕᓇᒡ ᐊᓐᑕ ᒋᐛᑎᓄᒡ᙮
\v 30 ᐊᑯ ᐊᓂᔭ ᑲ ‍ ᐃᑎᑦ ᐃᐊᕈᐸᒻ ᒋ ‍ ᑐᑕᑯᔪᐛ ᐃᔪᐛ ᒐᒋ ᒥᒋ ᑐᑎᒥᔨᒋ᙮ ᐱᔅᒐ ᒋ ‍ ᐃᑐᑕᔪᐛ ᑭᔭ ᐊᔭᒥᐊᔅᑐᐛᔨᒋ ᒥᒋᑎᐧᑯᓴ ᐊᓐᑕ ᐸᑕᓪ ᐅᑕᓇᒡ, ᑭᔭ ᑯᑎᑲ ᒋ ‍ ᐃᑐᑕᔪᐛ ᑭᔭ ᐊᔭᒥᐊᔅᑐᐛᔨᒋ ᑯᑎᑲ ᒥᒋᑎᐧᑯᓴ ᐊᓐᑕ ᑕᐊᓐ ᐅᑕᓇᒡ᙮
\p
\v 31 ᒋ ‍ ᐎᑎᒻ ᒧᓱᔅ ᒥᒄ ᓇᐸᐛ ᓕᐸᐃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ ᒥᒄ ᒐᒋ ᐊᔭᒥᐊᐅᒋᐛᐎᒋ, ᒥᒄ ᐃᐊᕈᐸᒻ ᐃᔭᐱ ᒋ ‍ ᐃᑕᐤ ᐅᑲᐊᑐᔅᒐᓯᒪ ᒐᒋ ᐅᓯᑕᔨᒋ ᐊᓐᑕ ᒐ ‍ ᐊᔭᒥᐊᓄᐎᔨᒡ ᐊᓐᑕ ᑕᐧᑯᒡ ᐱᔅᑯᑎᓇᒡ, ᑭᔭ ᒂ ‍ ᐅᑎᓇᑦ ᓇᐸᐛ ᐊ ᐊᑲ ᓕᐸᐃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒋ ᒐᒋ ᐊᔭᒥᐊᐅᒋᒪᐎᒋ᙮
\v 32 ᐃᔭᐱᒡ ᒋ ‍ ᐅᑎᓇᐤ ᐊᑐᓂᒐᔨᒋ ᑭᔭ ᓂᓱ ‍ (2) ᐊᔭᒥᐊᐅᒋᒪᐛ, ᐊᓕᓴᒪᔨᒋ ᑭᔭ ᐃᐃᐅᕋᒪᔨᒋ᙮ ᐊ ‍ ᐃᔎᔭᔨᒡ ᐎᓴᑯ ᐱᓯᒺ ᒋ ‍ ᒥᑯᓴᐅᒡ, ᒧᔭᒻ ᐊ ‍ ᒥᑯᓴᓄᐎᔨᒡ ᐛᔨᐱᓯᔅ ᐊ ᐎᒋᓇᓄᐅᒡ ᐊᓐᑕ ᒥᒋᐛᐱᒡ ᐊᓯᑯᒻ ᐱᐳᓇ ᑲ ‍ ᐃᔅᐱᔨᒡ ᐊᓐᑕ ᒍᑕᐃᒡ᙮ ᐊᓂᔭ ᑲ ‍ ᐅᓯᑕᑭᓄᐎᔨᒡ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᐸᑕᓪ ᐅᑕᓇᒡ, ᒋ ‍ ᒥᑐᔅᑕᐊᒧᐛᐤ ᑲ ‍ ᐎᔄᐅᓇᔭᐱᔅᑯᔨᒋ ᒥᒋᑎᐧᑯᔅᒐ ᐃᔨᒐᐛᓇ ᑲ ‍ ᐅᓯᐊᑭᓄᐎᒋ, ᑭᔭ ᒋ ‍ ᐃᑎᔭᐤ ᐊᔭᒥᐊᐅᒋᒪᐛ ᐊᓐᑕ ᑲ ‍ ᐅᓯᑕᔨᒋ ᐅᑲᐊᑐᔅᒐᓯᒪ ᐊᓐᑕ ᒐ ‍ ᐊᔭᒥᐊᓄᐎᔨᒡ᙮
\v 33 ᒋ ‍ ᐃᑐᑕᐤ ᐃᐊᕈᐸᒻ ᐊᓐᑕ ᐱᔅᑎᓂᒐᐅᓇᐱᔅᑯᒡ ᐊᓂᔭ ᒋᓯᑯᔪᐤ ᐎᓴᑯ ᐱᓯᒺ ᑲ ‍ ᐎᔭᔨᑕᐧᒃ᙮ ᐊᑯ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒋ ‍ ᐃᔎᓯᒻ ᑲ ‍ ᐎᒋᒪᑯᓯᔨᒋ ᒐ ‍ ᒥᑐᔅᑕᐊᒪᒍᓄᐎᔨᒡ ᑭᔭ ᒋ ‍ ᐎᑎᒻ ᒐᒋ ᒥᑯᓴᔨᒋ ᐃᔪᐛ ᐊᓂᔭ ᒥᑯᓴᐅᓂᔪᐤ ᐊᓐᑕ ᐸᐃᑯᑕᐤ ᒋᓯᑯᔪᐤ ᐊᓯᑯᒻ ᐱᐳᓇ᙮
\c 13
\s1 ᐅᒋᔅᒋᐛᔨᒐᓱᐤ ᑲ ᓂᓱᐅᓇᒋᑕᐧᒃ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᐸᑕᓪ
\p
\v 1 ᐸᐃᒂᐤ ᒐᓯᑲᔨᒡ, ᑲ ᓇᐃᑐᐛᑦ ᑎᐸᔨᒋᒐᓱᐛ ᑕᓐ ᑲ ‍ ᐃᑎᓯᒥᑯᑦ, ᒍᑕᐃᒡ ᐊ ᐅᒋ ‍ ᒋᑐᑕᑦ ᒋᐛᑎᓄᒡ ᐸᑕᓪ ᐃᓯ᙮ ᒋ ‍ ᑎᑯᓯᓐ ᐊᓐᑕ ᒪᒂᒡ ᐊᓂᔭ ᑲ ‍ ᐅᑎᔅᑯᑲᐳᔨᒋ ᐃᐊᕈᐸᒪ ᐱᔅᑎᓂᒐᐅᓇᐱᔅᑯᒡ, ᐊᔭᔅᑯᔨᒋ ᒐᒋ ᐃᔎᓯᒥᔨᒋ ᑲ ‍ ᐎᒋᒪᑯᓯᔨᒋ᙮
\v 2 ᐊ ᐃᔅᒋᔄᑦ ᒐᒂᔪᐤ ᑲ ‍ ᐃᑎᑯᑦ ᑎᐸᔨᒋᒐᓱᐛ ᒐ ‍ ᐃᔅᒋᔄᑦ, ᒂ ‍ ᑕᑈᑦ ᐅᒋᔅᒋᐛᔨᒐᓱᐤ, “ᐊᔪᐅᒄ ᐊᑕᑕᐧᒃ ᑎᐸᔨᒋᒐᓱᐤ ᐅᔭ ᐱᔅᑎᓂᒐᐅᓇᐱᔅᑯᔪᐤ: ‘ᒋ ‍ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐊᔅᒄ ᐸᐃᑯ ‍ ᒋᓯᑲᐛ ᒐ ‍ ᐱᒪᑎᓯᑦ ᐊᓂᔅᑯᑕᐸᓐ ᒋᓴᐅᒋᒪᐛ ᑎᐱᑕ ᐅᒋ᙮ ᔪᓴᐃᐊ ᒋᑭ ‍ ᐃᓯᓂᐧᑲᓱᐤ᙮ ᒋᑭ ‍ ᓂᐸᐤ ᐊᔭᒥᐊᐅᒋᒪᐛ ᐅᑕ ᐱᔅᑎᓂᒐᐅᓇᐱᔅᑯᒡ ᐊᓂᔭ ᐊ ‍ ᐃᔎᓯᒥᔨᒋ ᑲ ‍ ᐎᒋᒪᑯᓯᔨᒋ ᒐ ‍ ᒥᑐᔅᑕᐊᒪᒐᓄᐎᔨᒋ ᐊᓐᑕ ᐱᔅᑯᑎᓇᒡ, ᑭᔭ ᒋᑭ ‍ ᐃᔎᓯᒺᐤ ᑲ ‍ ᐳᓂᐱᒪᑎᓯᔨᒋ ᐃᔪᐛ ᐅᔅᑭᓂᔨᐛ ᐅᑕ ᐱᔅᑎᓂᒐᐅᓇᐱᔅᑯᒡ᙮’ ”
\v 3 ᐊᑯᐊ ᐃᔭᐱᒡ ᐊᔅᒋᔄᑦ ᐅᒋᔅᒋᐛᔨᒐᓱᐤ, “ᐊᐅᑯᐤ ᒐ ᐅᒋ ‍ ᒋᔅᒐᔨᑎᒪᒄ ᐊᒋ ‍ ᐃᔅᒋᔄᑦ ᐅᔭ ᑎᐸᔨᒋᒐᓱᐤ: ᒋᑭ ‍ ᑕᔅᒋᐱᔪᐤ ᐅ ᐱᔅᑎᓂᒐᐅᓇᐱᔅᒄ, ᑭᔭ ᒋᑭ ‍ ᐎᓴᔄᐱᔨᑕᑭᓄᐅᐛ ᐊᓐᑕ ᑲ ‍ ᐃᑎᒂᒋ ᑭᔅᑕᐛ᙮”
\p
\v 4 ᐃᔅᐱ ᒋᓴᐅᒋᒪᐤ ᐃᐊᕈᐸᒻ ᑲ ‍ ᐸᑐᐛᑦ ᐊ ‍ ᐃᔅᒋᔄᔨᒋ ᐊᓂᔭ ᐅᒋᔅᒋᐛᔨᒐᓱᐛ, ᒋ ‍ ᐊᑐᐛᐛᐤ ᐅᒋᔅᒋᐛᔨᒐᓱᐛ ᑭᔭ ᒂ ᐃᑕᑦ ᐅᑯᐸᓇᒪ, “ᒪᑯᓂᐧᒄ ᐊᓐ ᓇᐸᐤ!” ᒥᒄ ᑎᐛᒡ ᒋ ‍ ᓂᐱᒥᑭᓂᔪᐤ ᐅᔅᐱᑐᓐ ᒋᓴᐅᒋᒪᐤ, ᐊ ᐊᑲ ᒋ ‍ ᐊᒋᐱᔨᑕᑦ᙮
\v 5 ᑭᔭ ᑎᐛᒡ ᒋ ‍ ᑕᔅᒋᐱᔪᐤ ᐱᔅᑎᓂᒐᐅᓇᐱᔅᒄ, ᑭᔭ ᒧᔅᑎᔅᑭᒥᒡ ᒂ ‍ ᐸᒋᑎᓂᔨᒋ ᑭᔅᑕᐛ, ᐊᓂᔭ ᑲ ‍ ᐃᑕᐧᒃ ᐅᒋᔅᒋᐛᔨᒐᓱᐤ ᑲ ‍ ᐎᑎᒥᔨᒋ ᑎᐸᔨᒋᒐᓱᐛ ᒐ ‍ ᐃᔅᐱᔨᒡ᙮
\p
\v 6 “ᒋ ‍ ᐱᑯᓴᔨᒥᑎᓐ ᒐ ‍ ᓂᑐᑎᒧᐅᑦ ᑎᐸᔨᒋᒐᓱᐤ ᒐᒋ ᒋᔅᑎᒪᒐᔨᒥᑦ ᑭᔭ ᒥᓏᒋᑕᑦ ᓂᔅᐱᑐᓂᔪᐤ!” ᐊᑯ ᒂ ‍ ᓂᑐᑎᒪᑦ ᐅᒋᔅᒋᐛᔨᒐᓱᐤ, ᑭᔭ ᑎᐸᔨᒋᒐᓱᐤ ᓄᑎᒻ ᒂ ‍ ᒥᓏᒋᑕᐛᑦ ᒋᓴᐅᒋᒪᐛ ᐅᔅᐱᑐᓂᔪᐤ᙮
\p
\v 7 ᐊᑯ ᒋᓴᐅᒋᒪᐤ ᒂ ‍ ᐃᑕᑦ ᐅᒋᔅᒋᐛᔨᒐᓱᐛ, “ᐸᒋ ‍ ᐎᒐᐎ ᓂᒋᓇᒡ ᑭᔭ ᒐ ‍ ᒥᒋᓱᔨᓐ᙮ ᑭᔭ ᒋᑭ ‍ ᒥᔨᑎᓐ ᑲ ‍ ᓂᔪᐅᓐ ᐊᓐ ᑲ ‍ᐃᓯ ‍ ᐃᑐᑎᒥᓐ!”
\p
\v 8 ᒥᒄ ᐅᒋᔅᒋᐛᔨᒐᓱᐤ ᒋ ‍ ᐃᑕᐤ, “ᐊᑎᓱᐧᒃ ᐊᓱᑎᒪᒐᔨᓐ ᒐᒋ ᒥᔨᓐ ᑕᑕᐅᒡ ᐊᓯ ‍ ᑎᐸᔨᑎᒥᓐ ᒥᓯᐛ ᒐᒂᓐ, ᓇᒪ ᒋᑭ ᐎᒐᐅᑎᓐ, ᑭᔭ ᓇᒪ ᒋᑭ ‍ ᐎᒋ ‍ ᒥᒋᓱᒥᑕᓐ ᑭᔭ ᒪᒃ ᐎᒋ ‍ ᒥᓂᒥᑕᓐ ᐅᑕ,
\v 9 ᐛᔅ ᓂᒋ ‍ ᐃᑎᓯᒥᒃ ᑎᐸᔨᒋᒐᓱᐤ ᒐ ᐊᑲ ᒥᒋᐅᒡ ᑭᔭ ᒪᒃ ᒥᓄᐅᒡ ᐅᑕ ᒐᒂᔪᐤ᙮ ᐃᔭᐱᒡ ᓂᒋ ‍ ᐃᑎᓱᒥᒄ ᒐ ‍ ᐊᑲ ᐊᐱᒋᑕᐅᒡ ᐊᓂᔭ ᒪᔅᑭᓇᔪᐤ ᐊᒋᐛᐅᒡ ᐊᓐᑕ ᑲ ‍ ᐅᑐᑕᐅᒡ”
\v 10 ᐊᑯ ᒂ ‍ ᒋᑐᑕᑦ ᒐᒋ ᑲᐅᐤ ᒋᐛᑦ, ᒥᒄ ᓇᒪ ᐅᒋ ᐊᐱᒋᑕᐤ ᐊᓂᔭ ᒪᔅᑭᓇᔪᐤ ᐊᓐᑕ ᑲ ‍ ᑎᑯᓯᐧᒃ ᐸᑕᓪ ᐃᓯ᙮ ᑎᐸᓐ ᒪᔅᑭᓇᔪᐤ ᒋ ‍ ᐊᐱᒋᑕᐤ᙮
\s1 ᑲ ‍ ᒋᓴᔨᐅᑦ ᐅᒋᔅᒋᐛᔨᒐᓱᐤ ᐸᑕᓪ ᐅᒋ
\p
\v 11 ᐊᓂᔭ ᒪᒂᒡ ᒋ ‍ ᐃᑕᐤ ᒋᓴᔪᐤ ᑲ ‍ ᐎᒋᑦ ᐊᓐᑕ ᐸᑕᓪ ᐊᒋᔅᒋᐛᔨᒐᓯᐅᑦ᙮ ᒋ ‍ ᑎᑯᓯᓂᔨᐛ ᐅᑯᓴ ᑭᔭ ᐛᑎᒪᑯᑦ ᑕᓐ ᑲ ‍ ᐃᑎᔨᒋ ᐊᓐᑕ ᐅᒋᔅᒋᐛᔨᒐᓱᐛ ᒍᑕᐃᒡ ᐅᒋ ᐊᓂᔭ ᒋᓯᑯᔪᐤ, ᑭᔭ ᐃᔭᐱᒡ ᒋ ‍ ᐎᑎᒪᑯᐤ ᑕᓐ ᑲ ‍ ᐃᑕᔨᒋ ᒋᓴᐅᒋᒪᐛ ᐊᓂᔭ ᐅᒋᔅᒋᐛᔨᒐᓱᐛ᙮
\v 12 ᒂ ᐃᑎᑯᒡ ᐅᑕᐎᐛᐛ, “ᒐᒄ ᒪᔅᑭᓇᔪᐤ ᑲ ᐃᑐᑕᑦ?” ᐊᑯ ᐅᑯᓴ ᐎᔭᐸᑎᔨᑯᑦ ᒐᒄ ᒪᔅᑭᓇᔪᐤ ᑲ ‍ ᐊᐱᒋᑕᔨᒋ ᐅᒋᔅᒋᐛᔨᒐᓱᐛ ᒍᑕᐃᒡ ᐅᒋ ᑲ ᒋᑐᑕᔨᒋ ᐸᑕᓪ ᐅᒋ᙮
\v 13 ᒂ ‍ ᐃᑕᑦ ᐅᑯᓴ, “ᐊᔅᑕᒄ ᑕᑎᐳᐅᓐ ᐊᓐᑕ ᑲᓂᐧᑲᑎᓯᑦ ᓂᑲᐸᐃᑭᔎᒥᒡ᙮” ᐊᑯ ᒂ ᐃᑐᑎᒥᔨᒋ ᐊᓂᔭ, ᑭᔭ ᒂ ‍ ᑕᑎᐱᑦ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ᙮
\v 14 ᒪᔅᑭᓇᒡ ᒂ ᐃᓯ ‍ ᒋᑐᑕᑦ ᒐᒋ ᐅᑎᑕᑦ ᐅᒋᔅᒋᐛᔨᒐᓱᐛ ᒍᑕᐃᒡ ᐅᒋ᙮ ᓯᐸᔭᔅᑎᑯᒡ ᒥᔅᑯᐛᐤ ᒥᔅᑎᑯᒡ ᒋ ‍ ᒥᔅᑭᐛᐤ ᐊᐱᔨᒋ᙮ ᒂ ‍ ᐃᑕᑦ, “ᓇᒥᔭᐤ ᐊ ᒋᔾ ᐅᒋᔅᒋᐛᔨᒐᓱᐤ ᒍᑕᐃᒡ ᑲ ᐅᒋᑦ?” ᒂ ‍ ᐃᑎᑯᑦ, “ᓂᐃ ᓂᔾ ᐊᓐ᙮”
\p
\v 15 ᑲ ‍ ᒋᓴᔨᐅᑦ ᐅᒋᔅᒋᐛᔨᒐᓱᐤ ᒋ ‍ ᐃᑕᐤ, “ᐸᒋ ‍ ᐎᒐᐎ ᓂᒋᓇᒡ ᑭᔭ ᒐ ‍ ᒥᒋᓱᔨᓐ᙮”
\p
\v 16 ᒂ ‍ ᐃᑎᑯᑦ, ᓇᒪ, ᓇᒪ ᓂᓇᔨᒥᑯᐅᓐ ᒐᒋ ᐎᒐᐅᑕᓐ ᒐᒋ ᐱᑐᒐᔭᓐ ᒋᒋᒡ, ᑭᔭ ᒪᒃ ᒐᒋ ᐎᒋ ‍ ᒥᒋᓱᒥᑕᓐ ᑭᔭ ᒪᒃ ᐎᒋ ‍ ᒥᓂᒥᑕᓐ,
\v 17 ᐛᔅ ᓂᒋ ‍ ᐃᑎᒄ ᑎᐸᔨᒋᒐᓱᐤ, ‘ᒐ ᐊᑲ ᒥᒋᔨᓐ ᑭᔭ ᒪᒃ ᒥᓂᔨᓐ ᒥᒄ ᐊᓯᓇᒂᒡ ᒐᒂᓐ ᐅᑕ, ᑭᔭ ᒐ ᐊᑲ ᐊᐱᒋᑕᔨᓐ ᒪᔅᑭᓄᐤ ᐊᓐᑕ ᑲ ‍ ᐅᑐᑕᔨᓐ᙮’ ”
\p
\v 18 ᐊᑯ ᒂ ‍ ᐃᑎᑯᑦ ᑲ ‍ ᒋᓴᐃᔪᔨᒋ ᐅᒋᔅᒋᐛᔨᒐᓱᐛ, “ᓂᔾ ᐅ ᑭᔭ ᐅᒋᔅᒋᐛᔨᒐᓱᐤ, ᒧᔭᒻ ᒋᔾ᙮ ᒋ ‍ ᐸᑎᓴᐛᐤ ᐊᓐᒋᓇ ᑎᐸᔨᒋᒐᓱᐤ ᒐᒋ ᐎᑎᒧᔨᒋ ᒐᒋ ᒋᐛᑕᔨᑐᐅᑦ ᓂᒋᓇᒡ ᑭᔭ ᓯᒥᑐᐅᒡ ᐱᔅᒐ ᒥᒋᒥᔪᐤ ᑭᔭ ᒥᓇᔨᑐᐅᒡ᙮” ᒥᒄ ᒋ ‍ ᑭᑭᒋᔭᐤ ᐊᓐ ᑲ ‍ ᒋᓴᔨᐅᑦ ᐅᒋᔅᒋᐛᔨᒐᓱᐤ ᐃᔅᐱ ᐊᓂᔭ ᑲ ‍ ᐃᔅᒋᔄᑦ᙮
\v 19 ᒥᒄ ᐛᔅ ᐊᓂᔭ ᑲ ‍ ᐃᔅᒋᔄᑦ ᑲ ‍ ᒋᓴᔨᐅᑦ ᐅᒋᔅᒋᐛᔨᒐᓱᐤ, ᐊᓐ ᐅᒋᔅᒋᐛᔨᒐᓱᐤ ᒍᑕᐃᒡ ᐅᒋ ᒂ ‍ ᐎᒐᐛᑦ ᐎᒋᔨᒡ ᑭᔭ ᐛᒋ ‍ ᒥᒋᓱᒪᑦ ᑭᔭ ᐛᒋ ‍ ᒥᓂᒪᑦ ᓂᐱᔪᐤ᙮
\p
\v 20 ᒪᒂᒡ ᐊ ᐊᐱᒡ ᒥᒋᓱᐛᑭᓇᑎᑯᒡ, ᑎᐸᔨᒋᒐᓱᐤ ᒂ ‍ ᐃᔨᒪᑦ ᑲ ‍ ᒋᓴᐃᔪᔨᒋ ᐅᒋᔅᒋᐛᔨᒐᓱᐛ᙮
\v 21 ᒂ ‍ ᒪᑐᐛᑦ ᐊᓂᔭ ᐅᒋᔅᒋᐛᔨᒐᓱᐤ ᒍᑕᐃᒡ ᐅᒋ, “ᐊᑯᔪᐤ ᐅᔭ ᐊᔅᒋᔄᑦ ᑎᐸᔨᒋᒐᓱᐤ: ‘ᓇᒪ ᒋ ᐅᒋ ‍ ᓂᓇᔨᑐᐛᐤ, ᑭᔭ ᓇᒪ ᒋ ᐅᒋ ‍ ᑐᑎᒺᓐ ᒐᒂᔪᐤ ᑲ ‍ ᐃᑎᓱᒥᔅᒄ ᒐ ‍ ᑐᑎᒧᑦ᙮
\v 22 ᒥᔅᑯᒡ, ᑲᐅᐤ ᐅᑕ ᒋᒋ ‍ ᑎᑯᓯᓐ ᑭᔭ ᒂ ‍ ᒥᒋᔨᓐ ᒐᒂᔪᐛ ᑭᔭ ᐊᒋ ‍ ᒥᓂᔨᓐ ᐊᓐᑕ ᑲ ‍ ᐃᑎᓱᒥᔅᒄ ᑎᐸᔨᒋᒐᓱᐤ ᒐ ‍ ᐊᑲ ᐃᑐᑎᒧᑦ᙮ ᐊᑯ ᐊᓐ ᐅᒋ, ᒋᑭ ‍ ᓂᐸᔨᑯᐅᓐ, ᑭᔭ ᓇᒪ ᒋᑭ ‍ ᓇᔨᐧᑲᑭᓄᐤ ᒋᔪᐤ ᓂᒂᔅᑲᓂᒡ ᐊᓐᑕ ᐸᒪᓯᒡ ᒋᑦ ᐊᓂᔅᑯᑕᐸᓐᒡ᙮’ ”
\p
\v 23 ᑲᒋ ᒋᓯ ‍ ᒥᒋᓱᒡ, ᑲ ‍ ᒋᓴᔨᐅᑦ ᐅᒋᔅᒋᐛᔨᒐᓱᐤ ᒂ ‍ ᐛᑎᔅᑎᒧᐛᑦ ᑕᑎᐳᐅᓂᔪᐤ ᐊᓐᑕ ᐅᔅᐱᔅᑯᓂᔨᒡ ᑲᓂᐧᑲᑎᓯᔨᒋ ᑲᐸᐃᑭᔎᐛ ᐊᓂᔭ ᐅᒋᔅᒋᐛᔨᒐᓱᐛ ᒍᑕᐃᒡ ᐅᒋ, ᒂ ‍ ᒋᑐᑕᑦ ᐊᓐ ᐅᒋᔅᒋᐛᔨᒐᓱᐤ᙮
\v 24 ᒥᒄ ᒪᒂᒡ ᐊᑐ ‍ ᒋᑐᑕᑦ, ᒋ ‍ ᓂᒋᔅᑲᑯ ᒥᓯᐱᓱᐛ ᑭᔭ ᒂ ‍ ᓂᐸᔨᑯᑦ᙮ ᒥᔅᑭᓇᒡ ᒋ ‍ ᐊᔅᑕᔪᐤ ᐎᔪᐤ ᐊᓐ ᐅᒋᔅᒋᐛᔨᒐᓱᐤ, ᑭᔭ ᐅᐱᒪ ᒋ ‍ ᓂᐳᔅᑎᒥᔨᐛ ᐊᓂᔭ ᑲᓂᐧᑲᑎᓯᔨᒋ ᑲᐸᐃᑭᔎᐛ, ᑭᔭ ᐃᔭᐱᒡ ᒥᓯᐱᓱᐛ ᐅᐱᒪ ᒋ ‍ ᓂᐳᔅᑎᒥᔨᐛ ᐊᓂᔭ ᒥᔭᔪᐤ᙮
\v 25 ᐱᔅᒐ ᓇᐸᐅᒡ ᒋ ‍ ᐎᒪᔅᑭᒧᒡ ᑭᔭ ᒋ ‍ ᒥᔅᑲᑕᔨᑎᒧᒡ ᐎᔭᐸᑕᒡ ᒥᔭᔪᐤ ᐊᓐᑕ ᒪᔅᑭᓇᒡ ᐊᔅᑕᔨᒡ ᑭᔭ ᒥᓯᐱᓱᐛ ᐅᐱᒪ ᑲ ‍ ᓂᐳᔅᑎᒥᔨᒋ ᐊᓂᔭ ᒥᔭᔪᐤ᙮ ᐊᑯ ᐸᑕᓪ ᒂ ‍ ᐃᑐᑕᒡ ᑭᔭ ᐛᑕᒡ ᒐᒂᔪᐤ ᑲ ‍ ᐛᐸᑕᒡ᙮
\p
\v 26 ᐃᔅᐱ ᑲ ‍ ᒋᓴᔨᐅᑦ ᐅᒋᔅᒋᐛᔨᒐᓱᐤ ᑲ ‍ ᐸᓱᐛᑦ ᐅᒋᔅᒋᐛᔨᒐᓱᐛ ᒍᑕᐃᒡ ᐅᒋ ᐊᓐᑕ ᐎᒋᒡ ᐱᔭᑕᐧᒃ ᐅᔭ, ᒂ ‍ ᐃᔅᒋᔄᑦ, “ᐊᐅᑯᐤ ᐅᒋᔅᒋᐛᔨᒐᓱᐤ ᐊ ᐊᑲ ᐅᒋ ᓂᓇᔨᑐᐛᑦ ᑎᐸᔨᒋᒐᓱᐛ ᒐᒂᔪᐤ ᑲ ‍ ᐃᑎᑯᑦ ᒐ ‍ ᐃᑎᑦ! ᐊᐅᑯᔪᐤ ᐛᒋ ‍ ᓇᐊᔨᒪᑦ ᑎᐸᔨᒋᒐᓱᐤ ᒥᓯᐱᓱᐛ ᒐᒋ ᑯᓯᒂᔨᒧᑕᑯᔨᒋ ᑭᔭ ᓂᐸᔨᑯᔨᒋ᙮ ᐊᐅᑯᔪᐤ ᑲ ‍ ᐃᔅᒋᔄᑦ ᑎᐸᔨᒋᒐᓱᐤ ᒐ ‍ ᐃᔅᐱᔨᒡ!”
\p
\v 27 ᒂ ‍ ᐃᑕᑦ ᐅᑯᓴ, “ᐊᔅᑕᒄ ᑕᑎᐳᐅᓐ ᐊᓐᑕ ᑲᓂᐧᑲᑎᓯᑦ ᑲᐸᐃᑭᔎᐤ᙮” ᐊᑯ ᒂ ᐃᑐᑎᒥᔨᒋ ᐊᓂᔭ,
\v 28 ᒂ ᑕᑎᐱᑦ ᑲᓂᐧᑲᑎᓯᑦ ᑲᐸᐃᑭᔎᐛ ᑭᔭ ᒪᔅᑭᒺᑦ ᐅᒋᔅᒋᐛᔨᒐᓱᐛ ᐎᔭᔪᐤ ᐊᓐᑕ ᒪᔅᑭᓇᒡ, ᑭᔭ ᑲᓂᐧᑲᑎᓯᔨᒋ ᐅᑲᐸᐃᑭᔎᒥᔨᐛ ᑭᔭ ᒥᓯᐱᓱᐛ ᐅᐱᒪ ᐊᓂᐳᔅᑎᒥᔨᒋ ᒥᔭᔪᐤ᙮ ᒥᒄ ᓇᒪ ᓇᔅᑎᔅ ᐅᒋ ᒥᒋᐛᐤ ᒥᓯᐱᓱᐤ ᐅᒋᔅᒋᐛᔨᒐᓱᐛ ᐎᔭᔪᐤ ᑭᔭ ᓇᒪ ᐅᒋ ᑯᓯᒂᔨᒧᑐᐛᓯᐱᓐ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮
\v 29 ᑲ ‍ ᒋᓴᔨᐅᑦ ᐅᒋᔅᒋᐛᔨᒐᓱᐤ ᒂ ‍ ᐅᑎᓇᐧᒃ ᐅᒋᔅᒋᐛᔨᒐᓱᐛ ᐅᔭᔪᐤ ᑭᔭ ᐊᔅᑕᑦ ᐊᓐᑕ ᑲᓂᐧᑲᑎᓯᔨᒋ ᐅᑲᐸᐃᑭᔎᒥᒡ ᑭᔭ ᐊᑐᑕᑦ ᐊᓐᑕ ᐸᑕᓪ, ᒐᒋ ᐅᒋ ᒧᔎᑕᑦ ᑭᔭ ᓇᐊᔨᐧᑯᒺᑦ ᐎᔭᔪᐤ᙮
\v 30 ᐊᓐᑕ ᑲ ‍ ᐱᒥᓯᓂᔨᒋ ᑯᑎᑲ ᐊᐸᐃᑯᔅᑲᓇᓯᔨᒋ ᓂᒂᔅᑲᓂᒡ ᐊᑯᑕ ᑲ ‍ ᓇᐊᔨᑯᒺᑦ ᐅᒋᔅᒋᐛᔨᒐᓱᐛ ᐅᔭᔪᐤ᙮ ᐊᑯ ᐎᔾ ᑭᔭ ᐅᑯᓴ ᒪᔎᑕᒡ, ᐊ ‍ ᐃᔅᒋᔄᒡ, “ᓂᒥᒋᔨᐛᓯᓇᓐ ᓂᑲᓂᔅ!”
\p
\v 31 ᑲᒋ ‍ ᓇᐊᔨᐧᑯᐛᒡ, ᒂ ‍ ᐃᑕᑦ ᑲ ‍ ᒋᓴᔨᐅᑦ ᐅᒋᔅᒋᐛᔨᒐᓱᐤ ᐅᑯᓴ, “ᐃᔅᐱ ᐳᓂᐱᒪᑎᓯᔭᓇ, ᒐ ‍ ᓇᐊᔨᐧᑯᒪᒃ ᓂᔪᐤ ᐊᓐᑕ ᑲᓇᐊᔨᐧᑯᐛᐧᒄ ᐅᒋᔅᒋᐛᔨᒐᓱᐤ ᒍᑕᐃᒡ ᐅᒋ᙮ ᐅᐱᒪ ᒐ ‍ ᐊᔅᑕᔭᒄ ᓂᔪᐤ ᐊᓐᑕ ᐸᒥᓯᐧᒃ᙮
\v 32 ᑭᔭ ᒐ ‍ ᐊᑲ ᐅᓂᒋᔅᒋᑎᒺᒄ ᒐᒂᔪᐤ ᑲ ‍ ᐃᔅᒋᔄᑦ, ᐛᔅ ᐊᓂᔭ ᒐᒂᔪᐛ ᑲ ‍ ᐃᑎᑯᑦ ᑎᐸᔨᒋᒐᓱᐛ ᒐᒋ ᐃᑕᑕᐧᒃ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᐸᑕᓕᒡ, ᑭᔭ ᐊᓂᔭ ᒐ ‍ ᐊᔭᒥᐊᓄᐎᔨᒡ ᐊᓐᑕ ᐱᔅᑯᑎᓇᒡ ᐊᓐᑕ ᓴᒪᕆᐊ ᐅᑕᓇᐛ , ᒐᔅᑎᓇᔅ ᒐ ‍ ᐃᔅᐱᔨᒡ᙮”
\v 33 ᒥᒄ ᒋᓴᐅᒋᒪᐤ ᐃᐊᕈᐸᒻ ᓇᒪ ᐃᔭᐱᒡ ᐅᒋ ᓂᑭᑎᒻ ᐊᑐᐧᒃ ᒥᒋ ‍ ᒐᒂᓇ᙮ ᒥᔅᑯᒡ ᐊᑎᑐᐤ ᒋ ‍ ᐅᑎᓇᐤ ᐊᔭᒥᐊᐅᒋᒪᐛ ᐊ ‍ ᐊᑲ ᐅᑎᔅᑲᓇᓯᔨᒋ ᓕᐸᔨᒋ ᐅᒋ᙮ ᒥᒄ ᐊᐛᓐ ᐛ ‍ ᐊᔭᒥᐊᐅᒋᒪᑦ, ᒋ ‍ ᐅᑎᓇᐤ ᒐᒋ ᐊᔭᒥᐊᐅᒋᒪᐎᒋ, ᒐᒋ ᐅᒋ ᒥᑐᔅᑕᐊᒪᒐᑦ ᐊᓐᑕ ᐱᔅᑯᑎᓇᒡ᙮
\p
\v 34 ᐛᔅ ᐊᓂᔭ ᑲ ᐃᓯ ‍ ᒥᒋᑐᑕᐧᒃ, ᑕᑐᐤ ᐱᐳᓇ ᐊᓐᑕ ᓂᑲᓄᒡ, ᒋ ‍ ᓂᓱᐅᓇᒋᔨᒪᐤ ᒥᒐᑦ ᐃᐊᕈᐸᒪ ᐅᑦ ᐊᓂᔅᑯᑕᐸᓂᔨᐛ ᑭᔭ ᓇᒪ ᐅᒋ ᓇᐊᔨᒥᒪᐤ ᒐᒋ ᒋᓴᐅᒋᒪᐎᒋ ᐊᓐᑕ ᐃᔅᕋᐃᓕᒡ᙮
\c 14
\s1 ᐃᐊᕈᐸᒻ ᐱᓂᐱᒪᑎᓯᔨᐛ ᐃᐅᕈᐸᒻ ᐅᑯᓴ
\p
\v 1 ᐊᓂᔭ ᐸᐃᑯᑕᐤ ᑲ ‍ ᐃᔅᐱᔨᒡ, ᒋ ᒥᔅᑎ ‍ ᐊᐧᑯᓯᔨᐛ ᐃᐊᕈᐸᒻ ᐅᑯᓴ ᐊᐦᐊᐃᒐᔨᒋ᙮
\v 2 ᐃᐊᕈᐸᒻ ᒋ ‍ ᐃᑕᐤ ᐎᐛ, “ᐛᐛᓯᔪᐎ ᒐ ᐊᑲ ᓂᔅᑐᐅᓇᑯᐎᓐ ᐊᐛᓐ ᐃᔭᐎᔨᓐ, ᒐᒋ ᐅᒋ ᐊ ᐊᑲ ᓂᔅᑐᐅᓇᔅᒃ ᐊᐛᓐ ᒋᔾ ᐊᐎᔨᓐ ᓂᔪᐤ᙮ ᐊᑯ ᒋ ‍ ᐃᑐᑕᔨᓐ ᓯᓗ ᐅᑕᓇᒡ, ᐊᓐᑕ ᐛᒋᑦ ᐅᒋᔅᒋᐛᔨᒐᓱᐤ ᐊᐃᒐ᙮ ᐎᔾ ᐊᓐ ᒋ ᓂᑲᓐ ‍ ᐎᑎᒻ ᒐ ‍ ᒋᓴᐅᒋᒪᐅᐎᒡ ᐃᔅᕋᐃᓕᒡ᙮
\v 3 ᐸᐃᑯᔪᐤ ᐸᒂᓯᑭᓐᒡ ᒐ ‍ ᑕᑯᓂᑥᐤ ᑭᔭ ᐱᔅᒐ ᐊᔭᐱᓯᓯᒡ ᐊᐱᐱᒋᓯᒡ ᔭᑲᐅᑐᐅᒡ, ᑭᔭ ᐳᑕᒡ ᐊᑕᒂᒡ ᑲᓯᐛᓯᐛᐳᔾ, ᑭᔭ ᒐ ‍ ᒥᔨᑦ ᐅᔭ᙮ ᒐ ‍ ᐊᔨᒧᑎᒧᐅᑦ ᒋᑯᓯᓄᐛ ᑭᔭ ᒋᑭ ‍ ᐎᑎᒪᒄ ᑕᓐ ᒐ ‍ ᐃᔅᐱᔨᒋ᙮”
\v 4 ᐊᑯ ᐎᐛ ᓯᓗ ᒂ ‍ ᐃᑐᑕᔨᒋ, ᐊᐦᐊᐃᒐᔨᒋ ᐎᒋᔨᒡ᙮ ᓇᒪ ᓂ ᐅᒋ ‍ ᐛᐸᑎᒻ ᐊᐦᐊᐃᒐ, ᐛᔅ ᒋᒋᐛ ᒋ ᒋᓴᐃᔪᐤ ᑭᔭ ᒂ ᐊᑎ ‍ ᐊ ᐊᑲ ᐛᐸᑕᐧᒃ᙮
\p
\v 5 ᒥᒄ ᐊᒺᔭ ᐊᓐᑕ ᑎᑯᓯᐧᒃ, ᒋ ᐎᑎᒧᐛᐤ ᑎᐸᔨᒋᒐᓱᐤ ᐊᐦᐊᐃᒐᔨᒋ ᐃᐅᕈᐸᒪ ᐎᐎᔨᐛ ᓇᑐᐛᐱᒥᑯᑦ ᒐᒋ ᐛᐎᑎᒪᔅᒋᔅᒋ ᐅᑯᓯᐛᐛ, ᐊᓂᔭ ᒋᒋᐛ ᐃᐊᐧᑯᓯᔨᒋ᙮ ᑭᔭ ᒋ ‍ ᐎᑎᒧᐛᐤ ᑎᐸᔨᒋᒐᓯᐤ ᑕᓐ ᒐ ‍ ᐃᑕᔨᒋ᙮
\p ᐃᔅᐱ ᐛᑎᑕᑦ ᐃᔎᐤ, ᑯᑎᑲ ᐃᔎᐛ ᒋ ᐎ ᐃᑎᐧᑲᓱᐤ᙮
\v 6 ᒥᒄ ᐃᔅᐱ ᐱᔭᑎᒺᑦ ᐊᐦᐊᐃᒐ ᐊᑥᐛᓯᓂᔨᒋ ᒪᒂᒡ ᐱᔭᒋᐱᒐᐎᒋ ᒋᐱᔎᒡ, ᒂ ‍ ᐃᑕᑦ, “ᐸᒋ ‍ ᐱᒐ, ᐃᐊᕈᐸᒻ ᐎᐛ! ᒐᒂᓐ ᐛᒋ ᐎ ‍ ᐃᑎᐧᑲᓱᐎᔨᓐ ᑯᑎᒃ ᐃᔎ᙮ ᑎᐸᔨᒋᒐᓱᐤ ᓂᒋ ‍ ᒥᔨᒄ ᒥᒐᒋᒧᐅᓂᔪᐤ ᒐᒋ ᐎᑎᒪᑕᓐ᙮
\v 7 ᒪᒋ ᑭᔭ ᒐ ‍ ᐎᑎᒧᐅᑦ ᐃᐊᕈᐸᒻ ᒪᐅᔭ ᐊᔅᒋᔄᑦ ᑎᐸᔨᒋᒐᓱᐤ, ᐊᓐ ᒋᓴᒪᓂᑐᐤ ᓂᔭ ᐃᔅᕋᐃᓪ ᐃᔪᒡ ᐊᔭᒥᐊᔅᑐᐅᒋᒡ, ᒂ ‍ ᐃᑎᔅᒃ: ᒋ ᒋᐎᔭᔨᒥᑎᓐ ᑯᑎᑭᒡ ᐃᔪᒡ ᐅᒋ ᑭᔭ ᒋᒋ ‍ ᑐᑕᑎᓐ ᒐᒋ ᒋᓴᐅᒋᒪᐎᓐ ᓂᑦ ᐃᔨᒥᒡ ᐃᔅᕋᐃᓪ᙮
\v 8 ᓂᒋ ᒥᔅᑎ ‍ ᐅᑎᓂᒺᓐ ᒋᓴᐅᒋᒪᐅᓂᔨᐤ ᑎᐱᑦ ᐅᑦ ᐊᓂᔅᑯᑕᐸᓇ ᐅᒋ ᑭᔭ ᒋᒋ ‍ ᒥᔨᑎᓐ᙮ ᒥᒄ ᓇᒪ ᒋ ᐅᒋ ‍ ᐃᑕᔨᑕᑯᓯᓐ ᒧᔭᒻ ᑎᐱᑦ, ᐊᓐ ᑲ ᒥᔪ ‍ ᐊᑐᔅᑯᐅᑦ᙮ ᑕᑈᐅᓂᒡ ᒋ ‍ ᓂᓇᐊᔨᑎᒻ ᓂᑦ ᐃᑎᓱᐛᐅᓇ, ᐊ ᐃᑐᑕᐧᒃ ᒐᒂᔪᐛ ᐊᒥᔽᔨᒡ ᑲ ‍ ᐃᑕᔨᑎᒧᒡ᙮
\v 9 ᒥᒄ ᐊᑎᑐᐤ ᒥᒋ ‍ ᒐᒂᓐ ᒋᒋ ‍ ᐃᑐᑕᓐ ᐃᔅᐱᔅ ᐊᓐᒡ ᓂᔅᑎᒻ ᑲ ‍ ᑎᐸᔨᒋᒐᒡ ᐃᔅᐱᔅ ᒋᔾ᙮ ᒋᒋ ‍ ᐊᑐᐛᔨᒥᓐ, ᑭᔭ ᒋᒋ ‍ ᐃᑐᑐᐅᓐ ᒐᒋ ᒥᔅᑎ ‍ ᒋᔄᐱᔭᓐ ᐊ ‍ ᐅᓯᔨᑥᐤ ᐊ ‍ ᐃᓴᑯᐅᒡ ᑯᑎᑭᒡ ᒪᓂᑐᐅᒡ ᐊᑯ ᒋᔾ ᑭᔭ ᑯᑎᑭᒡ ᒐᒋ ᐊᔭᒥᐊᔅᑐᐛᑯᒡ᙮
\p
\v 10 ᐊᑯ, ᓂᑭ ‍ ᐃᑐᑐᐛᐅᒡ ᒐᒋ ᐅᑎᑎᑯᒡ ᐅᔅᑕᐱᔪᐅᓇ ᐊᐸᐃᑯᔅᑲᓇᓯᔨᓐ᙮ ᓂᑭ ‍ ᐃᑐᑐᐛᐅᒡ ᐊᓇᐸᐅᒡ ᒋᑦ ᐊᓂᔅᑯᑕᐸᓐᒡ ᒐᒋ ᐳᓂᐱᒪᑎᓯᒡ, ᐅᔅᑎᓂᒋᐅᒡ ᑭᔭ ᒋᓴᐃᔪᐅᒡ᙮ ᒥᓯᐛ ᐊᐸᐃᑯᔅᑲᓇᓯᔨᓐ ᓂᑭ ‍ ᓂᓱᐅᓇᒋᐊᐅᒡ᙮ ᐊᐸᐃᑯᔅᑲᓇᓯᔨᓐ ᓂᑭ ‍ ᓂᓱᐅᓇᒋᐊᐅᒡ ᒧᔭᒻ ᓇᐸᐤ ᒥᓯᐛ ᐊ ‍ ᐃᔎᓴᐧᒃ ᒪᐃᔪᐤ ᒐᒋ ᑎᑭᓴᐧᒃ ᐅᒥᒋᒻ᙮
\v 11 ᐊᑎᒺ ᒋᑭ ‍ ᒥᒋᔨᐛ ᐎᔪᐛᐛ ᐊ ‍ ᐸᐃᑯᔅᑲᓇᓯᔨᓐ ᑲ ‍ ᐳᓂᐱᒪᑎᓯᒡ ᐊᓐᑕ ᐅᑕᓇᐛ᙮ ᑭᔭ ᑯᑎᑭᒡ ᐊᓐᑕ ᐊ ‍ ᐸᐃᑯᔅᑲᓇᓯᔨᓐ ᒧᓴ ᓂᑕᐅᒋᒋᑭᓂᒡ ᑲ ᐳᓂᐱᒪᑎᓯᒡ ᒥᒋᓱᐛ ᒋᑭ ‍ᒥᒋᔨᐛ ᐎᔨᐛᐛ᙮ ᒐᔅᑎᓇᔅ ᐅ ᒋᑭ ‍ ᐃᔅᐱᔪᐤ ᐛᔅ ᓂᔾ, ᑎᐸᔨᒋᒐᓱᐤ, ᓂᒋ ‍ ᐃᔅᒋᔄᓐ ᐊᓐ ᒐ ‍ ᐃᔅᐱᔨᒡ᙮
\p
\v 12 ᐊᑯ ᑲᐤ ᒋᐛᒪ᙮ ᑎᐛᒡ ᐊᑎ ‍ ᐱᒐᔨᓇ ᐅᑕᓇᐤ, ᒋᑭ ‍ ᐳᓂᐱᒪᑎᓯᐤ ᒋᑯᔅ᙮
\v 13 ᒥᓯᐛ ᐃᔅᕋᐃᓪ ᐃᔪᒡ ᒋᑭ ᓂᓇᐧᑲᒋᒧᐅᒡ ᒋᑯᓴ ᐅᒋ ᑭᔭ ᒋᑭ ‍ ᓇᐊᔨᐧᑯᐛᐅᒡ᙮ ᐎᔾ ᐊᓐ ᒥᒄ ᐊᐸᐃᑯᔅᑲᓇᓯᑦ ᐃᐊᕈᐸᒻ ᒐ ᒥᔪ ‍ ᓇᐊᔨᑯᐛᑭᓄᐅᑦ, ᐛᔅ ᐎᔾ ᒥᒄ ᐊᓐᑕ ᐃᐊᕈᐸᒻ ᐊᐸᐃᑯᔅᑲᓇᓯᑦ ᑲ ‍ ᓇᐊᔨᑎᒪᐊᑦ ᑎᐸᔨᒋᒐᓱᐛ᙮
\p
\v 14 ᒋᑭ ‍ ᐅᑎᓂᒪᓱᐤ ᑎᐸᔨᒋᒐᓱᐤ ᒋᓴᐅᒋᒪᐛ ᒐ ‍ ᑎᐸᔨᒋᒐᔨᒋ ᐃᔅᕋᐃᓕᒡ ᒐ ‍ ᓂᓱᐅᓇᒋᔨᒪᑦ ᐃᐊᕈᐸᒪ ᐅᑦ ᐊᓂᔅᑯᑕᐸᓂᔨᐛ᙮ ᑭᔭ ᐊᓄᒡ ᐊᓐ ᒋᑭ ‍ ᒋᒋᐱᔪᐤ ᒐ ‍ ᐃᔅᐱᔨᒡ!
\v 15 ᒋᑭ ‍ ᐊᓏᔨᒪᐤ ᑎᐸᔨᒋᒐᓱᐤ ᐃᔅᕋᐃᓪ ᐃᔪᐛ; ᒋᑭ ‍ ᔭᔭᒋᐱᑕᐤ ᒧᔭᒻ ᐊᔭᑕᔅᑎᒋ ᒪᑕᒥᓇᔎ ᓯᐱᓯᒡ ᑲ ‍ ᓂᑕᐅᒋᒋ᙮ ᒋᑭ ‍ ᐎᐤᐃᑎᓴᐛᐤ ᐃᔅᕋᐃᓪ ᐃᔪᐛ ᐅᑕ ᑲ ‍ ᒥᔽᔨᒡ ᐊᔅᒋᒡ ᐅᒋ ᐊᓂᔭ ᑲ ‍ ᒥᔭᑦ ᒋᑦ ᐊᓂᔅᑯᑕᐸᓄᐛ᙮ ᐊᔅᒋᔭ ᐛᐱᓄᑕᒡ ᔪᐱᕋᑎᔅ ᓯᐱᒡ ᐃᓯ ᒋᑭ ‍ ᐎᓴᔄᑎᓴᐛᐤ ᐃᔪᐛ, ᐛᔅ ᒋ ‍ ᑐᑐᐛᐅᒡ ᒐᒋ ᒥᔅᑎ ‍ ᒋᔄᐱᔨᒋ ᐊᔭᒥᐊᔅᑐᐛᒡ ᐊᓯᕋ ᐃᔨᒐᐛᓇ᙮
\v 16 ᒋᑭ ‍ ᓂᑭᑕᐤ ᑎᐸᔨᒋᒐᓱᐤ ᐃᔅᕋᐃᓪ ᐃᔪᐛ ᐛᔅ ᐊᓂᔭ ᑲ ‍ᐃᓯ ᒥᒋᑐᑎᒥᔨᒋ ᐃᐊᕈᐸᒪ, ᐊᓂᔭ ᒥᒋᑐᑎᒧᐅᓇ ᒐᒋ ᑐᑎᒥᔨᒋ ᐃᔅᕋᐃᓪ ᐃᔪᐛ᙮”
\p
\v 17 ᑎᕐᓴ ᐅᑕᓇᒡ ᑲᐤ ᒋ ᐃᓯ ‍ ᒋᐛᔪᐛ ᐃᐊᕈᐸᒻ ᐎᐛ, ᐊᓐ ᐅᔅᒋ ᒥᔅᑎ ᐅᑕᓇᐤ ᐃᔅᕋᐃᓕᒡ᙮ ᑭᔭ ᒧᔭᒻ ᐊᑎ ‍ ᐱᒐᑦ ᐎᒋᒡ, ᒋ ‍ ᐳᓂᐱᒪᑎᓯᔨᐛ ᐅᑯᓴ᙮
\v 18 ᒥᓯᐛ ᐃᔅᕋᐃᓪ ᐃᔪᒡ ᒋ ‍ ᒧᔎᑕᐅᒡ ᑭᔭ ᒋ ‍ ᓇᐊᔨᐧᑯᐛᐅᒡ, ᐊᓂᔭ ᑲ ‍ ᐃᑕᑦ ᑎᐸᔨᒋᒐᓱᐤ ᐅᑦ ᐊᐱᒋᐊᑭᓇ, ᐅᒋᔅᒋᐛᔨᒐᓱᐛ ᐊᐦᐊᐃᒐᔨᒋ, ᒐ ‍ ᐃᔅᐱᔨᒡ᙮
\p
\v 19 ᒥᓯᐛ ᑯᑎᑲ ᒐᒂᔪᐤ ᑲ ‍ ᐃᑎᑦ ᐃᐊᕈᐸᒻ, ᑭᔭ ᐊᓂᔭ ᑲ ᒪᓯᒐᔨᒋ ᐊᓐᑕ ᐊᓂᑐᐱᔨᓇᓄᐎᒡ ᐅᓂᑐᐱᔪᐅ-ᐃᔨᒪ, ᑭᔭ ᑕᓐ ᑲ ᐃᓯ ‍ ᑎᐸᔨᒋᒐᑦ, ᒋ ‍ ᒥᓯᓇᔨᑭᓄᔪᐛ ᐊᓐᑕ ᒥᓯᓇᐃᑭᓂᒡ ‘ᑕᓐ ᑲ ᐸᒋ ‍ ᐃᑎᒡ ᐃᔅᕋᐃᓪ ᒋᓴᐅᒋᒪᐅᒡ’ ᐊᓯᓂᐧᑲᑕᔨᒡ,
\v 20 ᓂᓱᔪᐛᐱᐳᓇ ᐊᓱ ᓂᓯ ‍ (22) ᒋ ‍ ᑎᐸᔨᒋᒐᐤ ᐃᐊᕈᐸᒻ; ᐊᑯ ᒂ ‍ ᐳᓂᐱᒪᑎᓯᑦ ᑭᔭ ᐅᑯᓴ ᓇᑕᐸ ᒂ ‍ ᒋᓴᐅᒋᒪᐎᒋ᙮
\s1 ᒋ ‍ ᐳᓂᐱᒪᑎᓯᐤ ᕆᐊᐸᒻ
\p
\v 21 ᓴᓚᒪᓐ ᐅᑯᓴ ᐃᐊᕈᐸᒪ ᒍᑕᐃᒡ ᒋ ‍ ᑎᐸᔨᒋᒐᐤ᙮ ᒋ ‍ ᓇᐎᔪᐛᐱᐳᓇᓱᐤ ᐊᓱ ᐸᐃᒄ ‍ (41) ᐃᔅᐱ ᑲ ᒋᒋᐱᔨᑦ ᒐᒋ ᑎᐸᔨᒋᒐᑦ, ᑭᔭ ᓂᔄᐅᑕᒡ ᑕᑐᓴᑉ ‍ (17) ᐱᐳᓇ ᒋ ‍ ᐃᔅᐱᔅ ᑎᐸᔨᒋᒐᐤ᙮ ᒋᕈᓯᓕᒥᒡ ᒋ ‍ ᑎᐸᔨᒋᒐᐤ, ᐊᓂᔭ ᑲ ‍ ᐎᔭᔨᑕᐧᒃ ᑎᐸᔨᒋᒐᓱᐤ ᐃᔅᐱᔅ ᒥᓯᐛ ᐊᓂᔭ ᐊ ‍ ᐃᑎᔅᑲᓇᓯᔨᒋ ᐃᔅᕋᐃᓚ ᐊᓐᑕ ᒐ ‍ ᐊᔭᒥᐊᔅᑐᐛᑭᓄᐅᑦ᙮ ᓇᐊᒪ ᒋ ‍ ᐃᓯᓂᐧᑲᓱᔪᐛ ᕆᐊᐸᒻ ᐅᑲᐎᔭ; ᐊᒧᓐ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋ ‍ ᐅᒋᐤ᙮
\p
\v 22 ᒋ ‍ ᐃᑐᑎᒧᒡ ᒐᒂᔪᐛ ᒍᑕ ᐃᔪᒡ ᐊᓂᔭ ᒥᔭᑎᓐ ᑲ ‍ ᐃᑕᔨᑕᐧᒃ ᑎᐸᔨᒋᒐᓱᐤ᙮ ᒋ ‍ ᐃᑐᑕᑯᐤ ᒐᒋ ᒥᔅᑎ ‍ ᒋᔄᐱᑦ ᐛᔅ ᐊᑎᑐᐤ ᒋ ‍ᒥᒋ ‍ ᑐᑎᒧᒡ ᐃᔅᐱᔅ ᐊᓂᔭ ᑲ ‍ ᐃᑐᑎᒥᔨᒋ ᐅᑦ ᐊᓂᔅᑯᑕᐸᓄᐛᐛ: ᒥᒐᑦ ᑯᑎᑲ ᒥᓂᑐᐛ ᒋ ‍ ᐊᔭᒥᐊᔅᑐᐛᐅᒡ ᒥᔅᑯᒡ ᐊᓂᔭ ᒥᒄ ᑎᐸᔨᒋᒐᓱᐛ ᒐᒋ ᐊᔭᒥᐊᔅᑐᐛᒡ᙮
\v 23 ᒋ ‍ ᐅᓯᑕᐅᒡ ᐊᓐᑕ ᒐ ‍ ᐊᔭᒥᐊᔅᑐᐛᒡ ᒥᓂᑐᐛ; ᐊᓐᑕ ᐊ ‍ ᐃᔅᐸᓇᔨᒋ ᐱᔅᑯᑎᓇᐛ, ᑭᔭ ᒋ ‍ ᒋᐱᑕᐱᔅᒋᓂᑭᓂᒐᐅᒡ ᐊᓐᑕ ᓯᐸᔭᔅᑎᒄ ᐊ ‍ ᒥᓯᑎᔨᒋ ᒥᔅᑎᒂ ᒐᒋ ᐊᔭᒥᐊᔅᑐᐛᒡ ᒥᓂᑐᐧᑲᓇ ᐊᐃᕋᔨᒋ᙮
\v 24 ᐃᔭᐱᒡ ᒋ ‍ ᐃᑕᐅᒡ ᓇᐸᐅᒡ ᑲ ‍ ᑕᐛᒐᒡ ᐎᔪᐛᐛ ᐊ ᐊᐱᒋᑕᑭᓄᐎᒋ ᐊᓐᑕ ᐊᔭᒥᐊᓄᐎᒡ ᐃᑕᐅᓂᒡ᙮ ᐸᐃᑯᑕᐤ ᐊᒥᒋᓂᔨᒋ ᒥᒋᑐᑎᒧᐅᓇ ᒋ ‍ ᐃᑐᑎᒧᒡ ᐃᔅᕋᐃᓪ ᐃᔪᒡ ᐊᓂᔭ ᑲ ‍ ᑐᑎᒥᔨᒋ ᐃᔪᐛ ᑎᐸᔨᒋᒐᓱᐛ ᑲ ᐎᐎᑎᓴᐛᔨᒋ ᒪᒂᒡ ᑲ ‍ ᑎᑯᓯᓂᔨᒋ ᐃᔅᕋᐃᓪ ᐃᔪᒡ ᐊᓐᑕ ᒥᓯᐛ ᐊᔅᒋᒡ᙮
\p
\v 25 ᐃᔅᐱ ᕆᐊᐸᒻ ᒐᑲᑦ ᐱᑕᑕᒡ ‍ (5) ᑕᑐᐱᐳᓇ ᑲ ‍ ᑎᐸᔨᒋᒐᑦ, ᓯᓴᒃ ᐃᒋᑉᑎᒡ ᒋᓴᐅᒋᒪᐤ ᒋ ‍ ᑎᑯᓯᓄᐤ ᐊᓯᒡ ᐅᓂᑐᐱᔪᐅ-ᐃᔨᒪ ᒐᒋ ᑯᓯᒂᔨᒧᑕᒡ ᒋᕈᓯᓕᒥᔪᐤ᙮
\v 26 ᒥᓯᐛ ᑲ ‍ ᓱᓇᔭᐎᒡ ᒐᒂᔪᐤ ᐊᓐᑕ ᐊᔭᒥᐊᐅᒋᐛᐱᒡ ᒋ ‍ ᒋᑐᑕᐅᒡ ᑭᔭ ᐊᓐᑕ ᒋᓴᐅᒋᒪᐛ ᐅᒋᓴᐅᒋᒪᐅᒋᐛᐱᔨᒡ, ᐊᓯᒡ ᑲᐎᔄᐅᓇᔭᐅᔨᒋ ᐊᑯᓇᓱᐛᑭᓇ ᐊᓂᔭ ᑲ ‍ ᐅᓯᑕᔨᒋ ᓴᓚᒪᓇ ᐅᑲᐊᑐᔅᒐᓯᒥᔨᐛ᙮
\v 27 ᒋᓴᐅᒋᒪᐤ ᕆᐊᐸᒻ ᐅᑲᐊᑐᔅᒐᓯᒪ ᒋ ‍ ᐅᓯᑕᔪᐛ ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔅᑯᒡ ᐊᑯᓇᓱᐛᑭᓇ ᒐᒋ ᒥᔅᑯᑎᓇᒡ ᑲ ‍ ᐅᑎᓇᑭᓄᐎᒋ ᑭᔭ ᒋ ‍ ᐊᓱᑎᒧᐛᐤ ᐅᑯᐸᓇᒪ ᑲ ‍ ᑭᓄᐛᔨᐸᑎᒥᔨᒋ ᐛᒋ ‍ ᐱᑐᒐᓄᐎᒡ ᐅᒋᓴᐅᒋᒪᐅᒋᐛᑉ᙮
\v 28 ᑕᑥᐤ ᐸᒐᒋ ᐊᔭᒥᐊᐅᒋᐛᐱᔪᐤ ᒋᓴᐅᒋᒪᐤ, ᒋ ‍ ᑕᐧᑯᓂᒧᒡ ᐊᑯᓇᓱᐛᑭᓇ ᐊᓐᒡ ᑲ ‍ ᑭᓄᐛᔨᐸᒐᒡ; ᑭᔭ ᐃᔅᐱ ᓇᑭᑕᒋ ᒋᓴᐅᒋᒪᐤ ᐊᔭᒥᐊᐅᒋᐛᐱᔪᐤ, ᐊᔅᑕᓱᒋᐛᐱᒡ ᑲᐤ ᒂ ‍ ᐊᔅᑕᒡ ᐊᓂᔭ ᐊᑯᓇᓱᐛᑭᓇ᙮
\p
\v 29 ᒥᓯᐛ ᑲ ‍ ᐃᑎᑦ ᕆᐊᐸᒻ ᒋ ‍ ᒥᓯᓇᔨᑭᓄᔪᐛ ᐊᓐᑕ ᒥᓯᓇᐃᑭᓂᒡ ‘ᑕᓐ ᑲ ᐸᒋ ‍ ᐃᑎᒡ ᒍᑕᐃᒡ ᒋᓴᐅᒋᒪᐅᒡ’ ᐊᓯᓂᐧᑲᑕᔨᒡ,
\v 30 ᒋ ‍ ᓇᓂᑎᒪᐱᔪᐤ ᐊᓂᑐᐱᔨᑕᑐᒡ ᕆᐊᐸᒻ ᑭᔭ ᐃᐅᕈᐸᒻ ᐅᓂᑐᐱᔪᐅ-ᐃᔨᒧᐛᐛ᙮
\v 31 ᐊᑯ ᕆᐊᐸᒻ ᒂ ‍ ᐳᓂᐱᒪᑎᓯᑦ, ᑭᔭ ᐊᓐᑕ ᐱᔅᒐ ᒋᕈᓯᓕᒥᒡ ᐊᔅᒋᒡ ‘ᑎᐱᑦ ᐅᑕᓇᒻ’ ᑲ ‍ ᐃᓯᓂᐧᑲᑕᔨᒡ ᒋ ‍ ᓇᐊᔨᐧᑯᐛᑭᓄᐅᐤ, ᐊᓐᑕ ᑲ ‍ ‍ ᓇᐊᔨᐧᑯᐛᑭᓄᐎᒋ ᐅᑦ ᐊᓂᔅᑯᑕᐸᓇ᙮ ᐊᑯ ᐅᑯᓴ ᐊᐸᐃᒐᔨᒋ ᒂ ‍ ᒋᓴᐅᒋᒪᐎᒋ᙮
\c 15
\s1 ᐊᐸᐃᒐ ᒍᑕᐃᒡ ᒋᓴᐅᒋᒪᐤ
\p
\v 1 ᑲᒋ ᒋᓴᐅᒋᒪᐅᑦ ᐃᐊᕈᐸᒻ ᒐᑲᑦ ᔭᓇᐤ ᑕᑐᓴᑉ ‍ (18) ᐱᐳᓇ, ᐊᐸᐃᒐ ᒍᑕᐃᒡ ᒂ ‍ ᒋᓴᐅᒋᒪᐅᑦ᙮
\v 2 ᓂᔅᑐ ‍ (3) ᐱᐳᓇ ᒋ ‍ ᑎᐸᔨᒋᒐᐤ ᐊᓐᑕ ᒋᕈᓯᓕᒥᒡ᙮ ᒪᐊᑲ ᒋ ‍ ᐃᓯᓂᐧᑲᓱᔪᐛ ᐅᑲᐎᔭ, ᑎᐱᑦ ᐅᑯᓴ ᐊᑉᓴᓚᒪ ᐅᓯᒥᔨᐛ᙮
\p
\v 3 ᐸᐃᑯᑕᐤ ᒥᒋ ‍ ᑐᑎᒧᐅᓇ ᒋ ‍ ᐃᑐᑎᒻ ᐊᐸᐃᒐ ᐊᓂᔭ ᑲᒋ ‍ ᐃᑐᑎᒥᔨᒋ ᐅᑕᐎᔭ᙮ ᓇᒪ ᐅᒋ ‍ ‍ ᓂᓇᐊᔨᑐᐛᐤ ᑎᐸᔨᒋᒐᓱᐛ ᐅᒋᓴᒪᓂᑐᒪ, ᒧᔭ ᑲ ‍ ᐃᓯ ‍ ᓂᓇᐊᔨᑐᐛᔨᒋ ᐅᒧᓱᒪ ᑎᐱᑕ᙮
\v 4 ᒥᒄ, ᐛᔅ ᑎᐸᔨᒋᒐᓱᐛ ᐅᒋᓴᒪᓂᑐᒪ ᑲ ‍ ᐊᓱᑎᒧᐛᔨᒋ ᒐᒂᔪᐤ ᑎᐱᑕ, ᑎᐸᔨᒋᒐᓱᐤ ᒋ ‍ ᒥᔭᐤ ᐅᑯᓯᒪᐛ ᐊᐸᐃᒐᔨᒋ ᒐᒋ ᐅᔅᑕᔅᑲᑯᑦ ᐊᑎᐸᔨᒋᒐᔨᒋ ᐊᓐᑕ ᒋᕈᓯᓕᒥᒡ, ᒐᒋ ᐅᒋ ᑭᓄᐛᔨᑎᒥᔨᒋ ᑲ ‍ ᐱᒂᑎᑯᔨᒋ ᐅᒋ᙮
\v 5 ᒋ ‍ ᐃᑐᑎᒻ ᐅᔭ ᑎᐸᔨᒋᒐᓱᐤ ᐛᔅ ᑎᐱᑦ ᓇᓂᑎᒻ ᒋ ‍ ᐃᑐᑎᒻ ᒐᒂᔪᐤ ᐊᓇᐊᔨᑎᒥᑯᔨᒋ ᑎᐸᔨᒋᒐᓱᐛᓐ ᑭᔭ ᐛᔅ ᑎᐱᑦ ᓇᓂᑎᒻ ᑲ ‍ ᓂᓇᐊᔨᑐᐛᑦ ᑎᐸᔨᒋᒐᓱᐛ᙮ ᑲᑐᑐᐛᑦ ᔪᕆᐃᐊᔨᒋ ᒐᒋ ᓂᐸᐊᑭᓄᐎᒋ ᐊᐅᒄ ᐊᓂᔭ ᒥᒄ ᐊ ᐊᑲ ᐅᒋ ᓂᓇᐊᔨᑐᐛᑦ ᑎᐸᔨᒋᒐᓱᐛ᙮
\p
\v 6 ᒋ ‍ ᓂᑐᐱᔨᑕᑐᐅᒡ ᓂ ᕆᐊᐸᒻ ᑭᔭ ᐃᐅᕈᐸᒻ ᐅᓂᑐᐱᔪᐅ-ᐃᔨᒧᐛᐛ ᒪᒂᒡ ᐊᓂᔭ ᑲ ‍ ᑎᐸᔨᒋᒐᑦ ᐊᐸᐃᒐ᙮
\v 7 ᒥᓯᐛ ᑯᑎᒋᔭᐤ ᒐᒂᔪᐤ ᑲ ‍ ᐃᑐᑕᐧᒃ ᐊᐸᐃᒐ ᒋ ‍ ᒥᓯᓇᔨᑭᓄᔪᐛ ᐊᓐᑕ ᒥᓯᓇᐃᑭᓂᒡ ‘ᑕᓐ ᑲ ᐸᒋ ‍ ᐃᑎᒡ ᒍᑕᐃᒡ ᒋᓴᐅᒋᒪᐅᒡ’ ᐊᓯᓂᐧᑲᑕᔨᒡ,
\v 8 ᐊᐸᐃᒐ ᒂ ‍ ᐳᓂᐱᒪᑎᓯᑦ, ᑭᔭ ᐊᓐᑕ ᐱᔅᒐ ᒋᕈᓯᓕᒥᒡ ᐊᔅᒋᒡ ‘ᑎᐱᑦ ᐅᑕᓇᒻ’ ᑲ ‍ ᐃᓯᓂᐧᑲᑕᔨᒡ ᒋ ‍ ᓇᐊᔨᐧᑯᐛᑭᓄᐅᐤ, ᑭᔭ ᐅᑯᓴ ᐊᓴᔨᒋ ᒂ ‍ ᒋᓴᐅᒋᒪᐎᒋ᙮
\s1 ᐊᓴ ᒍᑕᐃᒡ ᒋᓴᐅᒋᒪᐤ
\p
\v 9 ᒐᑲᑦ ᓂᔪᐛᐱᐳᓇ ‍ (20) ᑲᒋ ᒋᓴᐅᒋᒪᐅᑦ ᐃᐅᕈᐸᒻ ᐊᓐᑕ ᐃᔅᕋᐃᓕᒡ, ᒂ ᒋᒋ ‍ ᑎᐸᔨᒋᒐᑦ ᐊᓴ ᐊᓐᑕ ᒍᑕᐃᒡ᙮
\v 10 ᓇᐎᔪᐛᐱᐳᓇ ᐊᓱ ᐸᐃᒄ ‍ (41) ᒋ ‍ ᑎᐸᔨᒋᒐᐤ ᐊᓐᑕ ᒋᕈᓯᓕᒥᒡ᙮ ᒪᐊᑲᔨᒋ ᒋ ‍ ᐅᑯᒧᐤ, ᐊᑉᓴᓚᒪ ᐅᓯᒥᔨᐛ᙮
\p
\v 11 ᐊᓴ ᒋ ‍ ᐃᑐᑎᒻ ᒐᒂᔪᐤ ᐊᓂᓇᐊᔨᑎᒥᔨᑯᔨᒋ ᑎᐸᔨᒋᒐᓱᐛ, ᒧᔭᒻ ᑲ ‍ ᐃᑎᔨᒋ ᐅᑦ ᐊᓂᔅᑯᑕᐸᓇ ᑎᐱᑕ᙮
\v 12 ᒋ ‍ ᓂᓱᐅᓇᒋᐊᐤ ᓇᐸᐛ ᑲ ‍ ᑕᐛᒐᔨᒋ ᐎᔪᔪᐛ ᐊ ᐊᐱᒋᑕᑭᓄᐎᒋ ᐊᓐᑕ ᑲ ‍ ᐃᑕᔨᒋ ᐃᑕᐅᓂᒡ ᐊᓐᑕ ᐃᔪᒡ ᑲ ‍ ᐊᔭᒥᐊᔅᑐᐛ ᒥᓂᑐᐧᑲᓇ, ᑭᔭ ᒋ ‍ ᓂᓱᐅᓇᒋᐊᐤ ᒥᓯᐛ ᒪᓂᑐᐧᑲᓇ ᑲ ‍ ᐅᓯᐊᔨᒋ ᐅᑦ ᐊᓂᔅᑯᑕᐸᓇ᙮
\v 13 ᐃᔭᐱᒡ ᒋ ‍ ᐃᒐᑎᓯᓇᐤ ᐅᑯᒪ ᒪᐊᑲᔨᒋ ᐊᑯ ᒪᒃ ᒐ ‍ ᐊᑲ ᓴᔅ ᓯᒋᒪᔨᒋ ᒋᓴᐅᒋᒪᐛ ᐛᔅ ᑲ ᐅᑲᐎᑕᑯᑦ ᐅᑕᒡ ᒋᓴᐅᒋᒪᐛ᙮ ᒋ ‍ ᐃᑐᑎᒻ ᐅᔭ ᐛᔅ ᒋ ‍ ᐅᓯᐊᔪᐛ ᐊᒥᔅᑎᑯᔨᒋ ᐊ ‍ ᒥᒋᓯᔨᒋ ᐊᓯᕋ ᐃᔨᒐᐛᓇ᙮ ᐊᓴ ᒋ ‍ ᐃᑕᐤ ᐅᑲᐊᑐᔅᒐᓯᒪ ᒐᒋ ᒋᒥᑲᐛᔨᒋ ᐊᓂᔭ ᐃᔨᒐᐛᓇ ᑭᔭ ᐃᔎᓱᐛᔨᒋ ᐊᓐᑕ ᑭᑦᕈᓐ ᐊ ‍ ᐱᓴᔨᒡ᙮
\v 14 ᓇᒪ ᐅᒋ ᓂᓱᐅᓇᒋᑕᐤ ᒥᓯᐛ ᐃᑕᐅᓇ ᐊᓐᑕ ᑲ ‍ ᐊᔭᒥᐊᔅᑐᐛᔨᒋ ᐃᔪᐛ ᒪᓂᑐᐧᑲᓇ ᐊᓐᑕ ᐊ ‍ ᐃᔅᐸᔨᒋ ᐱᔅᑯᑎᓇᐛ, ᒥᒄ ᐊᔅᒄ ᑎᐸᔨᒋᒐᓱᐛ ᒋ ᐃᓯ ‍ ᐱᔅᑎᓂᑎᓱᐤ ᑲ ᐃᔅᐱᔅ ᐱᒪᑎᓯᑦ᙮
\v 15 ᒋ ‍ ᐃᑕᐤ ᐅᑲᐊᑐᔅᒐᓯᒪ ᒐᒋ ᐊᔅᑕᔨᒋ ᒥᓯᐛ ᒐᒂᔪᐛ ᐊᓐᑕ ᐊᔭᒥᐊᐅᒋᐛᐱᒡ ᐊᓂᔭ ᑲ ‍ ᐱᔅᑎᓂᒧᐛᔨᒋ ᒋᓴᒪᓂᑐᐛ, ᑭᔭ ᒥᓯᐛ ᑲ ‍ ᐎᔄᓱᓇᔭᐎᒋ ᑭᔭ ᑲ ‍ ᐛᐱᓯᐅᓱᓇᔭᐱᔅᑯᔨᒋ ᒐᒂᔪᐛ ᑲ ‍ ᐱᔅᑎᓂᒧᐛᔨᒋ ᒋᓴᒪᓂᑐᐛ᙮
\p
\v 16 ᒋ ‍ ᓂᑐᐱᔨᑕᑐᐅᒡ ᓂ ᐊᓴ ᑭᔭ ᐸᓴ ᐅᓂᑐᐱᔪᐅ-ᐃᔨᒧᐛᐛ, ᑭᔭ ᐃᔅᕋᐃᓪ ᒋᓴᐅᒋᒪ, ᒥᓯᐛ ᒪᒂᒡ ᑲ ‍ ᑎᐸᔨᒋᒐᒡ᙮
\v 17 ᐸᓴ ᐅᓂᑐᐱᔪᐅ-ᐃᔨᒪ ᒋ ‍ ᐱᑐᒐᐅᒡ ᒍᑕᐃᒡ᙮ ᒋ ‍ ᒪᑯᓂᒧᒡ ᕋᒪ ᐅᑕᓇᔪᐤ ᒋᐛᑎᓄᒡ ᒋᕈᓯᓕᒥᒡ᙮ ᒂ ‍ ᒋᒋᐱᔨᒡ ᐊᐅᓯᑕᒡ ᒪᓂᔅᑲᑎᑯᔪᐤ ᐛᔅᑲ ᐅᑕᓇᒡ ᒐᒋ ᐅᒋ ᑯᔅᑎᔭᒡ ᐃᔪᐛ ᒐᒋ ᐱᒐᔨᒋ ᑭᔭ ᒪᒃ ᓂᑭᑎᒥᔨᒋ ᒍᑕᐃᒡ ᐊᓐᑕ ᑲ ‍ ᑎᐸᔨᒋᒐᔨᒋ ᒋᓴᐅᒋᒪᐛ ᐊᓴᔨᒋ᙮
\p
\v 18 ᐊᑯ ᐊᓴ ᒂ ᐃᑕᑦ ᐅᑲᐊᑐᔅᒐᓯᒪ ᒐᒋ ᐅᑎᓂᒥᔨᒋ ᒥᓯᐛ ᐛᐱᓯᐅᓱᓇᔭᐱᔅᑯᔪᐤ ᑭᔭ ᐎᔄᓱᓇᔭᔪᐤ ᐊᔅᒄ ᑲ ‍ ᐃᑎᑯᓂᔨᒋ ᐊᓐᑕ ᐊᔅᑕᓱᒋᐛᐱᒡ ᐊᔭᒥᐊᐅᒋᐛᐱᒡ ᑭᔭ ᐊᓐᑕ ᒋᓴᐅᒋᒪᐅᒋᐛᐱᒡ᙮ ᒋ ‍ ᐃᑕᐤ ᑕᒪᔅᑲᔅ ᒐᒋ ᐃᑐᑕᔨᒋ ᑭᔭ ᒥᔭᔨᒋ ᒋᓴᐅᒋᒪᐛ ᐸᓐ-ᐊᑕᑕ ᑲ ‍ ᑎᐸᔨᒋᒐᔨᒋ ᐊᓐᑕ ᓯᕆᐊᔨᒡ᙮ ᑕᑉᕆᒧᓇ ᒋ ‍ ᐅᑕᐎᔪᐤ ᐸᓐ-ᐊᑕᑦ ᑭᔭ ᐊᓯᐅᓇ ᒋ ‍ ᐅᒧᓱᒧᐤ᙮ ᒋ ‍ ᐃᑕᐤ ᐅᑲᐊᑐᔅᒐᓯᒪ ᒐᒋ ᐃᑕᔨᒋ ᐸᓐ-ᐊᑕᑕ:
\v 19 “ᓂᑐᐛᔨᑕᓐ ᓂᔾ ᑭᔭ ᒋᔾ ᒐᒋ ᐃᑐᑎᒪᐧᒄ ᒋᔭᒪᔨᑎᒧᐤ ᓂᔅᑯᒥᑐᐅᓐ, ᒧᔭᒻ ᑲ ‍ ᐃᑎᒡ ᒋᑕᐎᔾ ᑭᔭ ᓄᑕᐎᔾ᙮ ᐊᓐ ᐅᒋ, ᒋ ‍ ᒥᔨᑎᓐ ᐅ ᐛᐱᓯᐅᓱᓇᔭᐱᔅᒄ ᑭᔭ ᐎᔄᓱᓇᔭᔪᐤ᙮ ᐊᑯ ᒋᐱᑯᓴᔨᒥᑎᓐ ᒐᒋ ᐱᑯᓂᒥᓐ ᑲ ‍ ᑐᑎᒥᓐ ᓂᔅᑯᒥᑐᐅᓐ ᐊᓯᒡ ᐸᓴ, ᐃᔅᕋᐃᓪ ᒋᓴᐅᒋᒪᐤ, ᐊᓂᔭ ᐅᒋ, ᒐᒋ ᒋᑐᑕᐊᑦ ᐅᓂᑐᐱᔪᐅ-ᐃᔨᒪ ᒐ ᐊᑲ ᑯᓯᒂᔨᒧᑐᐛᔨᒋ ᓂᓂᑐᐱᔪᐅ-ᐃᔨᒪ, ᐛᔅ ᒋᑭ ‍ ᑯᔅᑕᐅᒡ ᒋᓂᑐᐱᔪᐅ-ᐃᔨᒪ᙮”
\v 20 ᐊᑯ ᑲᐊᑐᔅᒐᓯᒡ ᒂ ‍ ᒋᑐᑕᒡ ᑭᔭ ᒂ ‍ ᒥᔭᒡ ᐃᔨᒧᐅᓂᔪᐤ ᐸ-ᐊᑕᑕ, ᑭᔭ ᒋ ‍ ᑐᑎᒻ ᒐᒂᔪᐤ ᑲ ‍ ᐃᑎᑯᑦ ᐊᓴᔨᒋ᙮ ᒋ ‍ ᐃᑎᓴᐛᐤ ᐅᑦ ᐅᒋᒪᐤ-ᓂᑐᐱᔪᐅᐤ-ᐃᔨᒪ ᑭᔭ ᐅᓂᑐᐱᔪᐅ-ᐃᔨᒥᔨᐛ ᒐᒋ ᑯᓯᒂᔨᒧᑎᒥᔨᒋ ᐅᑕᓇᐛ ᐊᓐᑕ ᐃᔅᕋᐃᓕᒡ᙮ ᐃᐃᐅᓐ ᐅᑕᓇᔪᐤ, ᑭᔭ ᑕᓐ ᐅᑕᓇᔪᐤ, ᑭᔭ ᐊᐱᓐ-ᐸᑦ-ᒪᐊᑲ ᐅᑕᓇᔪᐤ, ᐃᑕᐅᓂᔪᐤ ᐊᓐᑕ ᒥᒋᒪ ᑲᓕᓕ ᓴᑲᐃᑭᓂᒡ, ᑭᔭ ᒥᓯᐛ ᓇᑉᑕᓕ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᑦ ᐊᔅᒋᔪᐤ᙮
\v 21 ᐃᔅᐱ ᐅᔭ ᑲᐸᑕᐧᒃ ᐸᓴ, ᒋ ‍ ᐃᑕᐤ ᐅᓂᑐᐱᔪᐅ-ᐃᔨᒪ ᒐᒋ ᐳᓂᔨᒋ ᐊᑐᔅᒐᔨᒋ ᐊᓐᑕ ᕋᒪᒡ᙮ ᐎᔾ ᑭᔭ ᐅᓂᑐᐱᔪᐅ-ᐃᔨᒪ ᑲᐤ ᑎᕐᓴ ᐅᑕᓇᒡ ᒋ ‍ ᐃᑐᑕᐅᒡ ᑭᔭ ᐊᑯᑕ ᑲ ‍ ᐃᑕᒡ᙮
\v 22 ᐊᑯ ᒋᓴᐅᒋᒪᐤ ᐊᓴ ᐊᑎᓴᐊᒧᐛᑦ ᐃᔨᒧᐅᓂᔪᐤ ᒥᓯᐛ ᐃᔪᐛ ᐊᓐᑕ ᒍᑕ ᐅᑕᓇᐛ, ᐊ ‍ ᐃᑕᑦ ᐊᓂᑐᐛᔨᑕᑯᓯᔨᒋ ᕋᒪᒡ ᒐᒋ ᐃᑐᑕᔨᒋ ᑭᔭ ᒋ ‍ ᑐᑕᔨᒋ ᐊᓯᓂᔭ ᑭᔭ ᒥᔅᑎᒂ ᑲ ᐊᐱᒋᐊᔨᒋ ᐊᓂᔭ ᐸᓴᔨᒋ ᐅᓂᑐᐱᔪᐅ-ᐃᔨᒥᔨᐛ ᒐᒋ ᐅᓯᑕᔨᒋ ᒪᓂᔅᑲᑎᑯᔪᐤ ᐛᔅᑲ ᐅᑕᓇᒡ᙮ ᒋ ‍ ᒪᓂᔅᑲᑎᑯᑐᑎᒧᒡ ᒥᔅᐸ ᐅᑕᓇᔪᐤ ᒋᐛᑎᓄᒡ ᒋᕈᓯᓕᒥᒡ ᐊᓂᔭ ᐊᓯᓂᔭ ᑭᔭ ᒥᔅᑎᒂ ᐅᒋ, ᑭᔭ ᑭᐸᓪ ᐅᑕᓇᒡ ᐊᓐᑕ ᐱᓐᒋᒥᓐ ᐊ ‍ ᐃᑎᔅᑲᓇᓯᔨᒋ ᐅᑦ ᐊᔅᒋᔨᒡ᙮
\v 23 ᒥᓯᐛ ᒐᒂᔪᐤ ᑲ ‍ ᐃᑎᑦ ᐊᓴ, ᐊᓂᔭ ᐅᓂᑐᐱᔪᐅ-ᐃᔨᒪ ᑲ ‍ ᓴᐧᑯᒋᐊᔨᒋ ᐊᓯᒪᑭᓂᓴ, ᑭᔭ ᐊᓂᔭ ᑲᑐᑕᐧᒃ ᐅᑕᓇᐛ ᒐᒋ ᐅᓯᑕᑭᓄᔨᒋ ᒪᓂᔅᑲᑎᒂ ᐛᔅᑲ ᐅᑕᓇᒡ, ᒥᓯᐛ ᒋ ‍ ᒥᓯᓇᔨᑭᓄᔪᐛ ᐊᓐᑕ ᒥᓯᓇᐃᑭᓂᒡ ‘ᑕᓐ ᑲ ᐸᒋ ‍ ᐃᑎᒡ ᒍᑕᐃᒡ ᒋᓴᐅᒋᒪᐅᒡ’ ᐊᓯᓂᐧᑲᑕᔨᒡ, ᒥᒄ ᐃᔅᐱ ᑲ ‍ ᒋᓴᐃᔪᑦ ᐊᓴ, ᒂ ‍ ᐅᑎᑎᑯᑦ ᐊᐧᑯᓱᐅᓂᔪᐤ ᐅᓯᑎᒡ᙮
\v 24 ᒋ ‍ ᐳᓂᐱᒪᑎᓯᐤ ᑭᔭ ᐊᓐᑕ ᑲ ‍ ᓇᐊᔨᐧᑯᐛᑭᓄᐎᒋ ᐅᑦ ᐊᓂᔅᑯᑕᐸᓇ ᐊᓐᑕ ᐱᔅᒐ ᒋᕈᓯᓕᒥᒡ ᐊᔅᒋᒡ ‘ᑎᐱᑦ ᐅᑕᓇᒻ’ ᑲ ‍ ᐃᓯᓂᐧᑲᑕᔨᒡ ᒋ ‍ ᓇᐊᔨᐧᑯᐛᑭᓄᐅᐤ᙮ ᐊᑯ ᐅᑯᓴ ᐃᐃᐅᓴᐸᑕ ᒂ ‍ ᒋᓴᐅᒋᒪᐎᒋ᙮
\s1 ᓇᑕᑉ ᐃᔅᕋᐃᓕᒡ ᒋᓴᐅᒋᒪᐤ
\p
\v 25 ᒐᑲᑦ ᓂᓱᐱᐳᓇ ‍ (2) ᒍᑕᐃᒡ ᑲᒋ ᒋᓴᐅᒋᒪᐅᑦ ᐊᓴ, ᒋᓴᐅᒋᒪᐤ ᐃᐃᐅᓴᐸᑦ ᐅᑯᓴ ᓇᑕᐸ ᒂ ‍ᒋᒋ ‍ ᑎᐸᔨᒋᒐᑦ ᐊᓐᑕ ᐃᔅᕋᐃᓕᒡ᙮ ᒐᑲᑦ ᓂᓱᐱᐳᓇ ‍ (2) ᒋ ‍ ᑎᐸᔨᒋᒐᐤ᙮
\v 26 ᒋ ‍ ᐃᑐᑎᒻ ᒐᒂᔪᐛ ᐊᓂᔭ ᒥᔭᑎᓐ ᑲ ‍ ᐃᑕᔨᑕᐧᒃ ᑎᐸᔨᒋᒐᓱᐤ᙮ ᒋ ‍ ᒪᔭᑎᓂᔪᐤ ᐅᑦ ᐃᑕᔨᑕᑯᓯᐅᓐ ᒧᔭᒻ ᑲ ‍ ᐃᑕᔨᑕᑯᓯᔨᒋ ᐅᑕᐎᔭ, ᑭᔭ ᐊᓂᔭ ᑲ ‍ ᐃᑎᑦ ᒋ ‍ ᐃᑐᑕᑯᔪᐛ ᐃᔅᕋᐃᓪ ᐃᔪᐛ ᒐᒋ ᒥᒋᑥᔨᒋ᙮
\p
\v 27 ᐸᓴ ᐊ ‍ ᐃᓯᓂᐧᑲᓱᑦ ᓇᐸᐤ, ᐃᓴᒐᕐ ᐃᔪᐛ ᐊ ‍ ᐃᑎᔅᑲᓇᓯᑦ, ᒋ ‍ ᐎᔭᔨᑎᒥᔨᐛ ᒐᒋ ᐊᐧᑯᔨᑯᑦ᙮ ᒋ ‍ ᓂᐸᐅ ᓇᑕᐸ ᐃᔅᐱ ᓇᑕᑉ ᑭᔭ ᐅᓂᑐᐱᔪᐅ-ᐃᔨᒪ ᑲ ‍ ᐛᔅᑲᔅᑭᒥᔨᒋ ᒋᐱᑐᓐ ᐅᑕᓇᔪᐤ ᐊᓐᑕ ᐱᓕᔅᑎᐊ ᐊᔅᒋᒡ᙮
\v 28 ᐊᐅᑯᓐ ᑲ ‍ ᐃᔅᐱᔨᒡ ᐃᔅᐱ ᐊᓴ ᑲ ‍ ᑎᐸᔨᒋᒐᑦ ᒍᑕᐃᒡ ᒐᑲᑦ ᓂᔅᑐᐱᐳᓇ ‍ (3)᙮ ᐊᑯ ᐸᓴ ᒂ ‍ ᒋᓴᐅᒋᒪᐅᑦ ᐃᔅᕋᐃᓕᒡ᙮
\p
\v 29 ᐎᐱᒡ ᑲᒋ ‍ ᒋᓴᐅᒋᒪᐅᑦ ᐸᓴ, ᒋ ‍ ᐃᑎᓱᒪᐤ ᐅᓂᑎᐱᔪᐅ-ᐃᔨᒪ ᒐᒋ ᓂᐸᔨᒋ ᒥᓯᐛ ᐊᐸᐃᑯᔨᔅᒋᔨᒋ ᐃᐊᕈᐸᒪ᙮ ᐊᔨᑐᑕᐧᒃ ᑎᐸᔨᒋᒐᓱᐤ ᑲ ‍ ᐃᑕᑦ ᐅᒋᔅᒋᐊᔨᒐᓱᐛ ᐊᐦᐊᐃᒐᔨᒋ ᓯᓗ ᐅᒋ ᑕᓐ ᒐ ‍ ᐃᔅᐱᔨᒡ, ᒥᓯᐛ ᐊᐸᐃᑯᔨᔅᒋᔨᒋ ᐃᐊᕈᐸᒪ ᒋ ‍ ᓂᐸᐅᒡ᙮ ᓇᒪ ᐛᒋ ᐸᐃᒄ ᐊᐛᓐ ᐅᒋ ᐃᔅᑯᐱᔪᐤ ᒐᒋ ᐱᒪᑎᓯᑦ᙮
\v 30 ᒋ ‍ ᐃᔅᐱᔪᐤ ᐊᓂᔭ ᐛᔅ ᒋ ‍ ᒋᓱᐛᔨᑯᐤ ᑎᐸᔨᒋᒐᓱᐤ ᐃᐊᕈᐸᒪ ᐛᔅ ᒥᓯᐛ ᑲ ‍ᐃᓯ ‍ ᒥᒋᑐᑕᐧᒃ ᐃᐊᕈᐸᒻ, ᑭᔭ ᐛᔅ ᐊᓂᔭ ᒥᓯᐛ ᑲ ᐃᓯ ‍ ᓯᒋᒪᑦ ᐃᔅᕋᐃᓪ ᐃᔪᐛ ᒐᒋ ᒥᒋᑐᑎᒥᔨᒋ᙮
\p
\v 31 ᒥᓯᐛ ᑯᑎᒋᔭᐤ ᒐᒂᔪᐤ ᑲ ‍ ᐃᑐᑕᐧᒃ ᓇᑕᑉ ᒋ ‍ ᒥᓯᓇᔨᑭᓄᔪᐛ ᐊᓐᑕ ᒥᓯᓇᐃᑭᓂᒡ ‘ᑕᓐ ᑲ ᐸᒋ ‍ ᐃᑎᒡ ᐃᔅᕋᐃᓪ ᒋᓴᐅᒋᒪᐅᒡ’ ᐊᓯᓂᐧᑲᑕᔨᒡ,
\v 32 ᒋ ‍ ᓂᑐᐱᔨᑕᑐᐅᒡ ᓂ ᒋᓴᐅᒋᒪᐤ ᐊᓴ ᑭᔭ ᒋᓴᐅᒋᒪᐤ ᐸᓴ ᐅᓂᑐᐱᔪᐅ-ᐃᔨᒧᐛᐛ ᒪᒂᒡ ᐊᓂᔭ ᑲ ‍ ᑎᐸᔨᒋᒐᒡ᙮
\s1 ᐸᓴ ᐃᔅᕋᐃᓪ ᒋᓴᐅᒋᒪᐤ
\p
\v 33 ᐃᔅᐱ ᐊᓴ ᑲ ‍ ᒋᓴᐅᒋᒪᐅᑦ ᒍᑕᐃᒡ ᒐᑲᑦ ᓂᔅᑐᐱᐳᓇ ‍ (3), ᐸᓴ, ᐊᐦᐊᐃᒐ ᐅᑯᓴ, ᒂ ᒋᒋ ‍ ᑎᐸᔨᒋᒐᑦ ᐃᔅᕋᐃᓕᒡ ᐊᓐᑕ ᑎᕐᓴ ᐅᑕᓇᒡ᙮ ᓇᓱᔪᐛᐱᐳᓇ ᐊᓱ ᓇᐤ ‍ (24) ᒋ ᐃᔅᐱᔅ ‍ ᑎᐸᔨᒋᒐᐤ᙮
\v 34 ᒋ ‍ ᐃᑐᑎᒻ ᒐᒂᔪᐛ ᐊᓂᔭ ᒥᔭᑎᓐ ᑲ ‍ ᐃᑕᔨᑕᐧᒃ ᑎᐸᔨᒋᒐᓱᐤ᙮ ᒋ ‍ ᒪᔭᑎᓂᔪᐤ ᐅᑦ ᐃᑕᔨᑕᑯᓯᐅᓐ ᒧᔭᒻ ᑲ ‍ ᐃᑕᔨᑕᑯᓯᔨᒋ ᐅᑕᐎᔭ, ᑭᔭ ᐊᓂᔭ ᑲ ‍ ᐃᑎᑦ ᒋ ‍ ᐃᑐᑕᑯᔪᐛ ᐃᔅᕋᐃᓪ ᐃᔪᐛ ᒐᒋ ᒥᒋᑥᔨᒋ᙮
\c 16
\s1 ᐃᔅᐱ ᐸᓴ ᑲ ‍ ᑎᐸᔨᒋᒐᑦ ᐃᔅᕋᐃᓕᒡ
\p
\v 1 ᒪᒂᒡ ᑲ ‍ ᒋᓴᐅᒋᒪᐅᑦ ᐸᓴ ᐃᔅᕋᐃᓕᒡ, ᐅᒋᔅᒋᐛᔨᒐᓱᐤ ᐅᐸ, ᐊᓇᓂ ᐅᑯᓴ, ᒋ ‍ ᒥᔭᐤ ᐸᓴᔨᒋ ᐅᔭ ᐃᔨᒧᐅᓂᔪᐤ ᑎᐸᔨᒋᒐᓱᐛ ᑲ ‍ ᒥᔨᑯᑦ:
\v 2 “ᓇᒪ ᒋ ᐅᒋ ᐃᔅᐱᑕᔨᑕᑯᓯᓐ ᐃᔅᐱ ᑲ ‍ ᑐᑕᑕᓐ ᒐᒋ ᑎᐸᔨᒋᒐᔨᓐ ᓂᑦ ᐃᔨᒥᒡ ᐃᔅᕋᐃᓪ᙮ ᒥᒄ ᒋᒋ ‍ ᐃᑐᑐᐅᓐ ᒐᒋ ᒥᔅᑎ ‍ ᒋᔄᐱᔭᓐ ᑲ ‍ ᐃᑐᑎᒥᓐ ᒥᒋ ‍ ᒐᒂᓇ ᐃᐊᕈᐸᒻ ᑲ ‍ ᐃᑐᑕᐧᒃ᙮ ᐃᔭᐱᒡ ᒋᒋ ‍ ᐃᑐᑐᐅᓐ ᒐᒋ ᒋᔄᐱᔭᓐ ᑲ ‍ ᑐᑐᐅᑥᐤ ᓂᑦ ᐃᔨᒥᒡ ᒐᒋ ᒥᒋᑥᒡ᙮
\v 3 ᐊᑯ ᐊᓂᒡ ᒋᑭ ‍ ᓂᓱᐅᓇᒋᔨᑎᓇᐛᐤ ᒋᔾ ᑭᔭ ᐊᐸᐃᑯᔅᑲᓇᓯᔨᓐ᙮ ᒋᑭ ‍ ᐃᑐᑕᑎᓐ ᒧᔭᒻ ᑲ ‍ ᐃᑐᑐᐅᒂᐤ ᐃᐊᕈᐸᒻ ᑭᔭ ᐊᐸᐃᑯᔅᑲᓇᓯᑦ᙮
\v 4 ᓇᒪ ᒋᑭ ‍ ᓇᔨᐧᑲᑭᓄᔪᐛ ᐎᔪᐛᐛ ᐊᐸᐃᑯᔅᑲᓇᓯᔨᓐ ᐊᓐᒡ ᒐ ‍ ᐳᓂᐱᒪᑎᓯᒡ ᐅᑕ ᐅᑕᓇᒡ; ᐊᑎᒺ ᒋᑭ ‍ ᒥᒋᔨᐛ, ᑭᔭ ᑲᐧᑲᒍᐛ ᒋᑭ ‍ ᒥᒋᔨᐛ ᐎᔪᐛᐛ ᐊᓐᒡ ᒐ ‍ ᐳᓂᐱᒪᑎᓯᒡ ᐊᓐᑕ ᓂᑕᐅᒋᒋᑭᓂᒡ᙮”
\v 5 ᑯᑎᑲ ᒐᒂᔪᐛ ᑲ ᐃᔅᐱᔨᒋ ᒪᒂᒡ ᐸᓴ ᑲ ‍ ᑎᐸᔨᒋᒐᑦ ᐃᔅᕋᐃᓕᒡ, ᑭᔭ ᑲ ‍ ᐃᑐᑕᐧᒃ ᒐᒂᔪᐛ, ᒥᓯᓇᐃᑭᓄᔪᐛ ᐊᓐᑕ ᒥᓯᓇᐃᑭᓂᒡ ‘ᑕᓐ ᑲ ᐸᒋ ‍ ᐃᑎᒡ ᐃᔅᕋᐃᓪ ᒋᓴᐅᒋᒪᐅᒡ’ ᐊᓯᓂᐧᑲᑕᔨᒡ᙮’
\v 6 ᐃᔅᐱ ᑲ ‍ ᐳᓂᐱᒪᑎᓯᑦ ᐸᓴ, ᑎᕐᓴ ᒥᔅᑎ ᐅᑕᓇᒡ ᒋ ‍ ᓇᐊᔨᐧᑯᐛᑭᓄᐤ᙮ ᐊᑯ ᐅᑯᓴ ᐊᓚᔨᒋ ᒂ ‍ ᒋᓴᐅᒋᒪᐎᒋ᙮
\p
\v 7 ᐅᒋᔅᒋᐛᔨᒐᓱᐛ ᐅᐸᔨᒋ ᒋ ‍ ᒥᔭᐤ ᑎᐸᔨᒋᒐᓯᐤ ᐃᔨᒧᐅᓂᔪᐤ ᐊᔭᔨᒧᒪᑦ ᐸᓴᔨᒋ ᑭᔭ ᐊᐸᐃᑯᔅᑲᓇᓯᔨᒋ᙮ ᐸᓴ ᒋ ‍ ᐃᑐᑎᒻ ᒥᒐᑦ ᒐᒂᔪᐛ ᐊᓂᔭ ᒥᔭᑎᓐ ᑲ ‍ ᐃᑕᔨᑕᐧᒃ ᑎᐸᔨᒋᒐᓱᐤ, ᐊᓂᔭ ᑲ ‍ ᑐᑕᑯᑦ ᑎᐸᔨᒋᒐᓱᐤ ᒐᒋ ᒥᔅᑎ ‍ ᒋᔄᐱᑦ᙮ ᐸᐃᑯᑕᐤ ᒐᒂᔪᐛ ᒋ ‍ ᐃᑐᑎᒻ ᐸᓴ ᐊᓂᔭ ᒋᓴᐅᒋᒪᐛ ᐃᐊᕈᐸᒪ ᑭᔭ ᐊᐸᐃᑯᔅᑲᓇᓯᔨᒋ ᑲ ‍ ᐃᑐᑎᒥᔨᒋ᙮ ᒋᒋᐛ ᒋ ‍ ᒋᓱᐛᔨᑯ ᐸᓴᔨᒋ ᑎᐸᔨᒋᒐᓱᐤ ᐛᔅ ᐸᓴ ᒋ ‍ ᓂᐸᐊᐤ ᒥᓯᐛ ᐊᐸᐃᑯᔅᑲᓇᓯᔨᒋ ᐃᐊᕈᐸᒪ᙮
\s1 ᐃᔅᐱ ᐃᓚ ᑲ ‍ ᑎᐸᔨᒋᒐᑦ ᐃᔅᕋᐃᓕᒡ
\p
\v 8 ᑲᒋ ᒋᓴᐅᒋᒪᐅᑦ ᐊᓴ ᒍᑕᐃᒡ ᒐᑲᑦ ᓂᓱᔪᐛᐱᐳᓇ ᐊᓱ ᐊᓱᑕᒡ ‍ (26), ᒂ ‍ ᒋᓴᐅᒋᒪᐅᑦ ᐃᓚ ᐃᔅᕋᐃᓕᒡ᙮ ᒥᒄ ᓂᓱᐱᐳᓇ ‍ (2) ᒋ ‍ ᑎᐸᔨᒋᒐᐤ ᐃᓚ ᐊᓐᑕ ᑎᕐᓴ ᐅᑕᓇᒡ᙮
\p
\v 9 ᓯᒻᕆ ᐊ ‍ ᐃᓯᓂᐧᑲᓱᔨᒋ ᓇᐸᐛ ᐊᔪᐅᒄ ᐸᐃᒄ ᐃᓚ ᐅᓂᑐᐱᔪᐅ-ᐅᑯᐸᓇᒪ᙮ ᑕᑕᐅᒡ ᒋ ‍ ᑎᐸᔨᒪᐤ ᐃᓚᔨᒋ ᐅᓂᑐᐱᔪᐅ-ᐃᔨᒥᔨᐛ ᐅᑎᑎᐱᑕᐸᓇᔅᑯᔪᐛ᙮ ᒋ ‍ ᐎᔭᔨᑎᒻ ᓯᒻᕆ ᒐᒋ ᓂᐸᐊᑦ ᐃᓚᔨᒋ ᒪᒂᒡ ᑲ ‍ ᑕᔨᒋ ᐊᓐᑕ ᑎᕐᓴᔨᒡ, ᑲ ‍ ᒋᔎᐸᔨᒋ ᐊᓐᑕ ᓇᐸᐛ ᐎᒋᔨᒡ ᐊᕐᓴ ᐊ ‍ ᐃᓯᓂᐧᑲᓱᔨᒋ᙮ ᐊᐅᑯᓐ ᓇᐸᐤ ᐊᕐᓴ ᑲ ‍ ᓇᑭᑐᐛᔨᑎᒺᑦ ᒐᒂᔪᐛ ᐊᓐᑕ ᒋᓴᐅᒋᒪᐛ ᐅᒋᓴᐅᒋᒪᐅᒋᐛᐱᔨᒡ᙮
\v 10 ᓯᒻᕆ ᒋ ‍ ᐃᑐᑕᐛᐤ ᐊᕐᓴᔨᒋ ᐎᒋᔨᒡ ᑭᔭ ᒂ ‍ ᓂᐸᐊᑦ ᐃᓚᔨᒋ᙮ ᐊᑯ ᓯᒻᕆ ᒂ ‍ ᒋᓴᐅᒋᒪᐅᑦ ᐃᔅᕋᐃᓕᒡ᙮ ᐊᐅᒄ ᐊᓂᔭ ᐃᔅᐱ ᐊᓴ ᑲᒋᓴᐅᒋᒪᐅᑦ ᒍᑕᐃᒡ ᓂᓱᔪᐛᐱᐳᓇ ᐊᓱ ᓂᔄᐅᑕᒡ ‍ (27) ᐃᔅᐱᔅ᙮
\v 11 ᐎᐱᒡ ᓯᒻᕆ ᑲᒋ ‍ ᒋᓴᐅᒋᒪᐅᑦ ᐃᔅᕋᐃᓕᒡ, ᒥᓯᐛ ᐊᐸᐃᑯᔅᑲᓇᓯᔨᒋ ᐸᓴᔨᒋ ᒋ ‍ ᓂᐸᔨᒪᐤ᙮ ᐊᓯᒡ ᒥᓯᐛ ᑲ ‍ ᓇᐸᐅᔨᒋ ᐊᓐᑕ ᐊᐸᐃᑯᔅᑲᓇᓯᔨᒋ ᐸᓴᔨᒋ ᑭᔭ ᒥᓯᐛ ᐸᓴᔨᒋ ᑲ ‍ ᓇᐸᐅᔨᒋ ᐎᒐᐛᑭᓂᔨᐛ᙮
\v 12 ᐊᐅᑯᔪᐤ ᐊᓂᔭ ᑲ ‍ ᐃᑕᑦ ᑎᐸᔨᒋᒐᓱᐤ ᐅᒋᔅᒋᐛᔨᒐᓱᐛ ᐅᐸᔨᒋ ᒐ ‍ ᐃᔅᐱᔨᒡ
\v 13 ᐸᓴ ᑭᔭ ᐅᑯᓴ ᐃᓚᔨᒋ ᒋ ‍ ᒥᒋ ᑐᑎᒧᒡ ᑭᔭ ᒂ ‍ ᑐᑐᐛᒡ ᐃᔅᕋᐃᓪ ᐃᔪᐛ ᒐᒋ ᒥᒋ ᑐᑎᒥᔨᒋ᙮ ᒋ ‍ ᑐᑐᐛᐅᒡ ᑎᐸᔨᒋᒐᓱᐛ, ᐊᓂᔭ ᒋᓴᒪᓂᑐᐛ ᑲ ‍ ᐊᔭᒥᐊᔅᑐᐛᔨᒋ ᐃᔅᕋᐃᓪ ᐃᔪᐛ, ᒐᒋ ᒋᔄᐱᔨᒋ, ᐛᔅ ᑕᐱᔅᑯᓐ ᒋᓯᒋᒪᐅᒡ ᐃᔪᐛ ᒐᒋ ᐊᔭᒥᐊᔅᑐᐛᔨᒋ ᐊ ᐊᑲ ᒐᒂᔪᐤ ᐃᑕᔨᑕᑯᓯᔨᒋ ᒥᓂᑐᐧᑲᓇ᙮
\p
\v 14 ᒥᓯᐛ ᑯᑎᒋᔪᐤ ᒐᒂᔪᐤ ᑲ ‍ ᐃᑐᑕᐧᒃ ᐃᓚ ᒋ ‍ ᒥᓯᓇᐃᑭᓄᐅᔪᐤ ᐊᓐᑕ ᒥᓯᓇᐃᑭᓂᒡ, ‘ᑕᓐ ᑲ ᐸᒋ ‍ ᐃᑎᒡ ᐃᔅᕋᐃᓪ ᒋᓴᐅᒋᒪᐅᒡ’ ᐊᓯᓂᐧᑲᑕᔨᒡ᙮’
\s1 ᐃᔅᐱ ᓯᒻᕆ ᑲ ‍ ᑎᐸᔨᒋᒐᑦ ᐃᔅᕋᐃᓕᒡ
\p
\v 15 ᐊᑯ ᓯᒻᕆ ᒂ ‍ ᒋᓴᐅᒋᒪᐅᑦ ᐃᔅᕋᐃᓕᒡ ᑲᒋ ᒋᓴᐅᒋᒪᐅᑦ ᐃᔅᕋᐃᓕᒡ ᐊᓴ ᓂᓱᔪᐛᐱᐳᓇ ᐊᓱ ᓂᔄᐅᑕᒡ ‍ (27) ᐃᔅᐱᔅ᙮ ᒥᒄ ᓯᒻᕆ ᓂᔄᐅᑕᒡ ᑕᑐ ᒋᓯᑲᐛ ᒋ ᐃᔅᐱᔅ ᑎᐸᔨᒋᒐᐤ ᐊᓐᑕ ᑎᕐᓴ᙮ ᒋ ‍ ᐛᔅᑲᑲᐳᐅᔅᑎᒧᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᑭᐱᐊ, ᐅᑕᓇᔪᐤ ᑲ ‍ ᑎᐸᔨᑎᒥᔨᒋ ᐱᔅᓕᑎᐊ ᐊ ‍ ᐃᑎᔅᑲᓇᓯᔨᒋ ᐃᔪᐛ᙮
\v 16 ᐊᓐᒡ ᓇᐸᐅᒡ ᐊᓐᑕ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒋ ‍ ᐸᑎᒧᒡ ᓯᒻᕆᒋ ᒋᒧᑦ ᐊᒋ ‍ ᐎᔭᔨᑎᒥᔨᒋ ᒐᒋ ᓂᐸᐊᔨᒋ ᒋᓴᐅᒋᒪᐛ ᐃᓚᔨᒋ, ᑭᔭ ᐊᑯ ᒂ ‍ ᒋ ᓂᐸᔨᒋ᙮ ᐊᑯ ᐊᓂᔭ ᒋᓯᑯᔪᐤ ᓂᑐᐱᔪᐅ-ᐃᔪᒡ ᒋ ‍ ᐅᑎᓇᐅᒡ ᐅᒻᕆᒋ, ᐅᒋᒪᐛ ᐅᓂᑐᐱᔪᐅ-ᐃᔨᒧᐛᐛ, ᒐᒋ ᒋᓴᐅᒋᒪᐎᒋ ᐃᔅᕋᐃᓕᒡ᙮
\v 17 ᒥᒋᒪ ᑭᐱᑐᓐ ᐅᑕᓇᒡ ᒋ ‍ᐎᒍᐅᒡ ᐃᔅᕋᐃᓪ ᐃᔪᒡ᙮ ᐃᔅᐱ ᑲ ‍ ᐸᑕᒡ ᑕᓐ ᑲ ‍ ᐃᑎᔨᒋ ᓯᒻᕆᒋ, ᒋ ‍ ᓂᑭᑎᒧᒡ ᐊᓐᑕ ᐅᒋ ᑭᔭ ᑎᕐᓴᔨᒡ ᐊᑐᑕᒡ, ᑭᔭ ᐛᔅᑲᑲᐳᐅᔅᑕᒡ ᐅᑕᓇᔪᐤ᙮
\v 18 ᐃᔅᐱ ᒐᔅᒐᔨᑕᐧᒃ ᓯᕆ ᓴᔅ ᒐ ‍ ᒪᑯᓇᑭᓄᔨᒡ ᐅᑕᓇᔪᐤ, ᐅᒋᓴᐅᒋᒪᐅᒋᐛᐱᒡ ᒂ ‍ ᐃᑐᑕᑦ ᑭᔭ ᒂ ‍ ᓯᔅᑲᐊᐧᒃ᙮ ᐊᑯ ᒂ ᒪᔅᑎᐧᑲᑕᔨᒡ ᒋᓴᐅᒋᒪᐱᔪᐤ, ᒂ ‍ ᓂᐸᔨᐧᑭᓱᑦ᙮
\v 19 ᒋ ‍ ᐳᓂᐱᒪᑎᓯᐤ ᐛᔅ ᒋ ‍ ᐃᑐᑎᒻ ᒐᒂᔪᐛ ᐊᓂᔭ ᒥᔭᑎᓐ ᑲ ‍ ᐃᑕᔨᑕᐧᒃ ᑎᐸᔨᒋᒐᓱᐤ᙮ ᒋ ‍ ᑐᑐᐛᐤ ᐃᐊᕈᐸᒻ ᐃᔅᕋᐃᓪ ᐃᔪᐛ ᒐᒋ ᒥᒋ ‍ ᑐᑎᒥᔨᒋ, ᑭᔭ ᒋ ‍ᒥᒋ ‍ ᑐᑎᒻ ᓯᒻᕆ ᒧᔭᒻ ᑲ ᐃᓯ ‍ ᒥᒋ ‍ᑐᑎᒥᔨᒋ ᐃᐊᕈᐸᒪ᙮
\p
\v 20 ᒥᓯᐛ ᒐᐛᔪᐛ ᑲ ‍ ᐃᑎᑦ ᓯᒻᕆ, ᑭᔭ ᑕᓐ ᑲ ᐃᓯ ‍ ᒪᔭᔨᒪᑦ ᒋᓴᐅᒋᒪᐛ ᐃᓚᔨᒋ, ᒋ ‍ ᒥᓯᓇᔨᑭᓄᔪᐛ ᐊᓐᑕ ᒥᓯᓇᐃᑭᓂᒡ ‘ᑕᓐ ᑲ ᐸᒋ ‍ ᐃᑎᒡ ᐃᔅᕋᐃᓪ ᒋᓴᐅᒋᒪᐅᒡ’ ᐊᓯᓂᐧᑲᑕᔨᒡ,
\s1 ᐃᔅᐱ ᐅᒻᕆ ᑲ ‍ ᑎᐸᔨᒋᒐᑦ ᐃᔅᕋᐃᓕᒡ
\p
\v 21 ᑲᒋ ᐳᓂᐱᒪᑎᓯᑦ ᓯᒻᕆ, ᒋ ‍ ᑕᑎᐸᓂᐱᔪᐅᒡ ᐃᔅᕋᐃᓪ ᐃᔪᒡ᙮ ᐊᐸᔨᑯᔨᒋᓯᒡ ᐃᔪᒡ ᒋ ᓂᑐᐛᔨᒪᐅᒡ ᑎᑉᓂᔨᒋ, ᑭᓇᑕ ᐅᑯᓯᔨᐛ, ᒐᒋ ᐅᒋᓴᐅᒋᒪᒥᒡ᙮ ᑯᑎᑭᒡ ᐊᐸᔨᑯᔨᒋᓯᒡ ᐃᔪᒡ ᐅᒻᕆᒋ ᒐᒋ ᒋᓴᐅᒋᒪᐎᒋ᙮
\v 22 ᐊᓐᒡ ᑲ ‍ ᐎᒋᐊᒡ ᐅᒻᕆᒋ ᒋ ‍ ᓴᐧᑯᒋᐊᐅᒡ ᐊᓂᔭ ᑲ ‍ ᐎᒋᐊᔨᒋ ᑎᑉᓂᔨᒋ᙮ ᐊᑯ ᑎᑉᓂ ᒋ ‍ ᓂᐸᐊᑭᓄᐤ, ᑭᔭ ᐅᒻᕆᓐ ᒂ ‍ ᒋᓴᐅᒋᒪᐅᑦ᙮
\p
\v 23 ᒋ ᒋᓴᐅᒋᒪᐤ ᐅᒻᕆ ᐃᔅᐱ ᐊᓴ ᑲ ᒋᓴᐅᒋᒪᐅᑦ ᒍᑕᐃᒡ ᒐᑲᑦ ᓂᔅᑐᔪᐛᐱᐳᓇ ᐊᓱ ᐸᐃᒄ ‍ (31)᙮ ᐅᒻᕆ ᓂᓴᐱᐳᓇ ‍ (12) ᒋ ‍ ᑎᐸᔨᒋᒐᐅᐤ ᐊᓐᑕ ᐃᔅᕋᐃᓕᒡ᙮ ᐊᓂᔭ ᐅᔅᑭᒡ ᐊᓱᑕᒡ ᑕᑐ ᐱᐳᓇ ‍ (6) ᑎᕐᓴᔨᒡ ᒋ ‍ ᑎᐸᔨᒋᒐᐤ᙮
\v 24 ᐊᑯ ᒂ ‍ ᐃᔭᑦ ᐊᐱᔅᑯᑎᓇᔨᒡ ᓴᒪᕐ ᐊ ‍ ᐃᓯᓂᐧᑲᓱᔨᒋ ᓇᐸᐛ ᐅᒋ ᑭᔭ ᒂ ‍ ᒋᓯᐧᑯᐛᑦ ᐸᐃᒥᑕᓯᒥᑎᓄᐤ ᑕᑎᐸᐸᑲᐃᑭᓇ ᐛᐱᓯᐅᓱᓇᔭᐱᔎ᙮ ᐊᑯ ᐅᒻᕆ ᐊᑎᓱᒪᑦ ᐅᑦ ᐊᐱᒋᐊᑭᓇ ᒐᒋ ᐅᓯᑕᔨᒋ ᐅᑕᓇᔪᐤ ᐊᓐᑕ ᐱᔅᑯᑎᓇᒡ, ᑭᔭ ᓴᒪᕆᐃᐊ ᒂ ‍ ᐃᓯᓂᐧᑲᑕᐧᒃ, ᒐᒋ ᒋᔅᑕᔨᒪᑦ ᓴᒪᕐᔨᒋ, ᐊᓂᔭ ᓇᐸᐛ ᐅᔅᑭᒡ ᑲ ‍ ᑎᐸᔨᑎᒥᔨᒋ ᐱᔅᑯᑎᓇᔪᐤ᙮
\p
\v 25 ᒥᒄ ᐅᒻᕆ ᒋ ‍ ᐃᑐᑎᒻ ᒥᒐᑦ ᒐᒂᔪᐛ ᐊᓂᔭ ᒥᔭᑎᓐ ᑲ ‍ ᐃᑕᔨᑕᐧᒃ ᑎᐸᔨᒋᒐᓱᐤ᙮ ᐊᑎᑐᐤ ᐎᔾ ᒋ ‍ ᐃᑐᑎᒻ ᐊᒪᔭᑎᓂᔨᒋ ᒐᒂᔪᐛ ᐃᔅᐱᔅ ᐊᓂᔭ ᑯᑎᑲ ᒋᓴᐅᒋᒪᐛ ᑲ ‍ ᑎᐸᔨᒋᒐᔨᒋ ᐊᓐᑕ ᐃᔅᕋᐃᓕᒡ ᐊᒺᔭ ᐎᔾ ᑎᐸᔨᒋᒐᑦ᙮
\v 26 ᐃᔅᐱ ᑲ ‍ ᒋᓴᐅᒋᒪᐅᑦ ᐃᐊᕈᐸᒻ, ᒋ ‍ ᐃᑐᑐᐊᐤ ᐃᔅᕋᐃᓪ ᐃᔪᐛ ᒐᒋ ᒥᒋ ‍ ᑐᑐᒥᔨᒋ, ᑭᔭ ᐎᔾ ᐅᒻᕆ ᐸᐃᑯᑕᐤ ᒥᒋ ‍ ᑐᑎᒧᐅᓇ ᒋ ‍ ᐃᑐᑎᒻ ᑲ ‍ ᐃᑐᑎᒥᔨᒋ ᐃᐊᕈᐸᒪ᙮ ᒋ ‍ ᑐᑐᐛᐅᒡ ᑎᐸᔨᒋᒐᓱᐛ ᐃᔅᕋᐃᓪ ᐃᔪᒡ, ᐊᓂᔭ ᑲ ‍ ᐊᔭᒥᐊᔅᑐᐛᒡ ᐃᔅᕋᐃᓪ ᐃᔪᒡ, ᒐᒋ ᒥᔅᑎ ‍ ᒋᔄᐱᔨᒋ, ᐛᔅ ᒋ ‍ ᐊᔭᒥᐊᔅᑐᐛᐅᒡ ᐊ ᐊᑲ ᒐᒂᓂᒡ ᐃᑕᔨᑕᑯᓯᔨᒋ ᒥᓐᑐᐧᑲᓇ᙮
\p
\v 27 ᒥᓯᐛ ᒐᒂᔪᐤ ᑲ ‍ ᐃᑎᑦ ᐅᒻᕆ, ᑭᔭ ᐊᓂᔭ ᑲ ‍ ᒥᓯᓇᐃᑭᓄᐎᒋ ᑲ ᑲᓂᔪᔨᒋ ᐊᓐᑕ ᐊᓂᑐᐱᔨᓇᓄᐎᒡ ᐅᓂᑐᐱᔪᐅ-ᐃᔨᒪ, ᒋ ‍ ᒥᓯᓇᔨᑭᓄᔪᐛ ᐊᓐᑕ ᒥᓯᓇᐃᑭᓂᒡ ‘ᑕᓐ ᑲ ᐸᒋ ‍ ᐃᑎᒡ ᐃᔅᕋᐃᓪ ᒋᓴᐅᒋᒪᐅᒡ’ ᐊᓯᓂᐧᑲᑕᔨᒡ,
\v 28 ᑲᒋ ᐳᓂᐱᒪᑎᓯᑦ ᐅᒻᕆ, ᓴᒪᕆᐃᐊ ᐊᔅᒋᒡ ᒋ ‍ ᓇᔨᐧᑯᐛᑭᓄᐤ, ᑭᔭ ᐅᑯᓴ ᐊᐦᐊᐸ ᒂ ‍ ᒋᓴᐅᒋᒪᐎᒋ᙮
\s1 ᐃᔅᐱ ᐊᐦᐊᑉ ᑲ ‍ ᑎᐸᔨᒋᒐᑦ ᐃᔅᕋᐃᓕᒡ
\p
\v 29 ᒋ ‍ ᒋᓴᐅᒋᒪᐤ ᐃᔅᕋᐃᓕᒡ ᐊᐦᐊᑉ ᐃᔅᐱ ᑲᒋ ‍ ᒋᓴᐅᒋᒪᐅᑦ ᐊᓴ ᐊᓐᑕ ᒍᑕᐃᒡ ᒐᑲᑦ ᓂᔅᑐᔪᐛᐱᐳᓇ ᐊᓱ ᔭᓇᐤ ‍ (38) ᐃᔅᐱᔅ᙮ ᓂᓱᔪᐛᐱᐳᓇ ᐊᓱ ᓂᓱ ‍ (22) ᒋ ‍ ᑎᐸᔨᒋᒐᐤ ᐊᐦᐊᑉ ᐊᓐᑕ ᓴᒪᕆᐃᐊ ᐊᔅᒋᒡ᙮
\v 30 ᐊᐦᐊᑉ ᒋ ‍ ᐃᑐᑎᒻ ᒥᒐᑦ ᒐᒂᔪᐛ ᐊᓂᔭ ᒥᔭᑎᓐ ᑲ ‍ ᐃᑕᔨᑕᐧᒃ ᑎᐸᔨᒋᒐ ᓱᐤ᙮ ᐊᑎᑐᐤ ᐎᔾ ᒋ ‍ ᐃᑐᑎᒻ ᐊᒪᔭᑎᓂᔨᒋ ᒐᒂᔪᐛ ᐃᔅᐱᔅ ᐊᓂᔭ ᑯᑎᑲ ᒋᓴᐅᒋᒪᐛ ᑲ ‍ ᑎᐸᔨᒋᒐᔨᒋ ᐊᓐᑕ ᐃᔅᕋᐃᓕᒡ ᐊᒺᔭ ᐎᔾ ᑎᐸᔨᒋᒐᑦ᙮
\v 31 ᐸᐃᑯᑕᐤ ᒥᒋ ‍ ᑐᑎᒧᐅᓇ ᒋ ‍ ᐃᑐᑎᒻ ᑲ ‍ ᐃᑐᑎᒥᔨᒋ ᐃᐊᕈᐸᒪ, ᒥᒄ ᐎᔾ ᐊᑎᑐᐤ ᐊᒂᑎᓂᔨᒋ ᒐᒂᔪᐛ ᒋ ‍ ᐃᑐᑎᒻ ᐃᔅᐱᔅ ᐊᓂᔭ ᑲ ‍ ᐃᑐᑎᒥᔨᒋ ᐃᐊᕈᐸᒪ᙮ ᐃᔎᐛ ᒋ ‍ ᐎᒋᒪᐤ ᐃᓴᐸᓪ ᐊ ‍ ᐃᓯᓂᐧᑲᓱᔨᒋ, ᐊᑦᐸᐊᓚ ᓯᑐᓐ ᐅᑕᓇᒡ ᒋᓴᐅᒋᒪᐛ ᐅᑕᓂᓯᔨᐛ᙮ ᐊᑯ ᒂ ‍ ᒋᒋᐱᔨᑦ ᐊᐦᐊᑉ ᐊᔭᒥᐊᔅᑐᐛᑦ ᐸᐊᓚ, ᐊᓂᔭ ᒥᓂᑐᐛ ᐊᔭᒥᐊᔅᑐᐛᒡ ᑲᐃᓇᓐ ᐊ ‍ ᐃᑎᔅᑲᓇᓯᒡ ᐃᔪᒡ᙮
\v 32 ᒋ ‍ ᒋᒥᑕᐤ ᐊᔭᒥᐊᐅᒋᐛᐱᔪᐤ ᐊᓐᑕ ᓴᒪᕆᐃᐊ ᐊᔅᒋᒡ ᒐᒋ ᐅᒋ ᐊᔭᒥᐊᔅᑐᐛᒡ ᐊᓐᑕ ᐸᐊᓚ ᐃᔅᕋᐃᓪ ᐃᔪᒡ, ᑭᔭ ᒋ ‍ ᑎᑎᒻ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒐ ‍ ᒥᑐᔅᑕᐊᒧᐛᑭᓄᔨᒋ ᐸᐊᓚ᙮
\v 33 ᐃᔭᐱᒡ ᒋ ‍ ᐅᓯᐊᐤ ᒥᓐᑐᐧᑲᓇ ᐊᓱᕋ ᐊ ‍ ᐃᓯᓇᑯᓯᔨᒋ, ᐸᐊᓚ ᐎᐎᔨᐛ᙮ ᒥᒐᑦ ᒋ ‍ ᐃᑐᑎᒻ ᒐᒂᔪᐛ ᐊᒋᓱᐛᔨᑯᔨᒋ ᑎᐸᔨᒋᒐᓱᐛ᙮ ᐊᑎᑐᐤ ᐎᔾ ᒋ ‍ ᐃᑐᑎᒻ ᐊᒪᔭᑎᓂᔨᒋ ᒐᒂᔪᐛ ᐃᔅᐱᔅ ᐊᓂᔭ ᐅᔅᑭᒡ ᐃᔅᕋᐃᓕᒡ ᒋᓴᐅᒋᒪᐛ ᑲ ‍ ᐃᑐᑎᒥᔨᒋ᙮
\p
\v 34 ᒪᒂᒡ ᑲ ‍ ᑎᐸᔨᒋᒐᑦ ᐊᐦᐊᑉ, ᐃᐊᓪ, ᓇᐸᐤ ᐸᑦ-ᐊᓪ ᐅᑕᓇᒡ ᐅᒋ, ᑲᐤ ᒋ ᒋᒥᑕᐤ ᒐᕆᑯᐤ ᐅᑕᓇᔪᐤ, ᒥᒄ ᑲ ‍ ᒋᒋᐱᔨᑦ ᒐᒋ ᒋᒥᑕᑦ ᐅᑕᓇᔪᐤ, ᒋ ‍ ᐳᓂᐱᒪᑎᓯᔨᐛ ᒋᓴᔪᔨᒋ ᐅᑯᓴ ᐊᐱᕋᒪ, ᐃᔅᐱ ᑲᒋ ᒋᔅᑕᑭᓄᐅᒡ ᐊ ᒋᒥᑕᑭᓄᐅᒡ ᐅᑕᓇᐤ, ᒪᒂᒡ ᐃᐊᓪ ᑲ ‍ ᐅᓯᑕᑦ ᐅᑕᓇᒡ ᐃᔎᑕᒪ, ᐊᐦᐊᑉ ᒋ ‍ ᐳᓂᐱᒪᑎᓯᔨᐛ ᐊᐛᓯᔪᔨᒋ ᐅᑯᓴ ᓯᑯᐸ᙮ ᒋ ‍ ᐳᓂᐱᒪᑎᓯᔨᐛ ᒧᔭᒻ ᑲ ‍ ᐃᑎᑯᑦ ᑎᐸᔨᒋᒐᓱᐛ ᒐᓱᐛ ᒐ ‍ ᐃᔅᐱᔨᒋ ᐅᑯᓯᔨᐛ ᒥᒄ ᐊᓂᔭ ᐊᐛᔪᐛ ᑲᐤ ᒐ ‍ ᒋᒥᑕᔨᒂᓂ ᒐᕆᑯᐤ ᐅᑕᓇᔪᐤ᙮
\c 17
\s1 ᑲᐧᑲᒍᐛ ᑲ ‍ ᐊᓯᒥᑯᑦ ᐃᓚᐃᒐ
\p
\v 1 ᒋ ᒋᔅᒋᐛᔨᒐᓯᐅᐤ ᐃᓚᐃᒐ ᐊᓐᑕ ᑎᔅᐱ ᐅᑕᓇᒡ ᑲ ‍ ᐎᒋᑦ ᐊᓐᑕ ᑭᓕᐊᑦ ᐊᔅᒋᒡ᙮ ᐸᐃᒂᐤ ᒐᓯᑲᔨᒡ ᒋ ‍ ᓂᑐᐛᐱᒪᐤ ᒋᓴᐅᒋᒪᐛ ᐊᐦᐊᐸ ᑭᔭ ᒋ ‍ ᐃᑕᐤ, “ᑎᐸᔨᒋᒐᓱᐤ ᐊᐅᒄ ᒋᓴᒪᓂᑐᐤ ᓂᔭᓐ ᐃᔅᕋᐃᓪ ᐃᔪᒡ ᐊ ᐊᔭᒥᐊᔅᑐᐅᒋᒡ ᑭᔭ ᐊᓐ ᒋᓴᒪᓂᑐᐤ ᓂᔾ ᐊᔭᒥᐊᔅᑐᐅᒄ ᑭᔭ ᐊᑐᔅᑯᐅᒄ᙮ ᒐᒋᓇᒡ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᓇᒪ ᒋᑭ ‍ ᐃᑎᑯᓐ ᐊᓂᔅᑭᔅᑭᒥᑲᒡ ᑭᔭ ᒪᒃ ᐊᒋᒺᒡ ᑕᑐᐤ ᐱᐳᓇ ᐊᓐᑕ ᓂᑲᓐ, ᐊ ᐊᑲ ᐃᑎᓱᐛᑎᒪᓇ ᒐᒋ ᒋᒺᒡ!”
\v 2 ᐊᑯ ᑎᐸᔨᒋᒐᓱᐤ ᐊᑕᑦ ᐃᓚᐃᒐᔨᒋ,
\v 3 “ᐛᔅ ᑲ ‍ ᑐᑐᐅᑦ ᒋᓴᐅᒋᒪᐤ ᒐᒋ ᒋᔄᔨᑦ, ᒋᑎᓯᒻ ᒋᓴᐅᒋᒪᐤ ᑭᔭ ᐛᐱᓄᑕᒡ ᒐ ‍ ᐃᑐᑕᔨᓐ, ᑭᕆᑦ ᓯᐱᓯᒡ ᐃᓯ, ᐛᐱᓄᑕᒡ ᐊᓐᑕ ᐊᑎᓯᑯᐅᒡ ᒍᕐᑎᓐ ᓯᐱᒡ᙮
\v 4 ᒋᑭ ‍ᒋ ‍ᐅᒋ ‍ ᒥᓐ ᓂᐱᔾ ᐊᓐᑕ ᓯᐱᓯᒡ ᐅᒋ, ᑭᔭ ᒋᑭ ᒋ ‍ ᒥᒋᐛᓐ ᒐᒂᔪᐤ ᐱᔭᑕᐅᑕᔅᒡ ᑲᐧᑲᒍᐅᒡ, ᐛᔅ ᓂᒋ ‍ ᐃᑎᓱᒪᐅᒡ ᒐᒋ ᐸᑕᐅᑕᔅᒡ ᒥᒋᒥᔪᐤ᙮”
\v 5 ᐊᑯ ᐃᓚᐃᒐ ᒂ ‍ ᐃᑐᑎᒺᑦ ᒐᒂᔪᐤ ᑲ ‍ ᐃᑎᓱᒥᑯᑦ ᑎᐸᔨᒋᒐᓱᐛ᙮ ᒂ ᐃᑐᑕᑦ ᑭᔭ ᐛᒋᑦ ᐊᓐᑕ ᐅᐱᒪ ᑭᕆᑦ ᓯᐱᓯᒡ
\v 6 ᒋ ‍ ᐸᑥᑯᐤ ᑲᐧᑲᒍᐛ ᐸᒂᓯᑭᓇ ᑭᔭ ᐎᔭᓯᔪᐤ ᐊᓯᑯᒻ ᒐᒋᓴᐸᔭᐱᓇ ᑭᔭ ᐊᓯᑯᒻ ᐛᑕᑯᓯᔨᒋ, ᑭᔭ ᒋ ‍ ᒥᓄᐤ ᓂᐱᔪᐤ ᐊᓐᑕ ᓯᐱᓯᒡ ᐅᒋ᙮
\p
\v 7 ᒥᒄ ᐊᓐᑕ ᓇᓇᒐ, ᒋ ‍ ᐸᐧᑯᐱᔪᐤ ᓯᐱᓯᔪᐤ, ᐛᔅ ᓇᒪ ᐅᒋ ᒋᒧᓂᔪᐤ ᐊᓐᑕ ᓂᑎᒥᒄ ᐊᔅᒋᒡ᙮
\s2 1 Kings 17.8-16 (Proper-27 Year B, Proper-5 Year C)
\p
\v 8 ᑎᐸᔨᒋᒐᓱᐤ ᐅᑦ ᐃᔨᒧᐅᓐ ᒪᒃ ᒋ ‍ ᐅᑎᑎᑯᔪᐛ ᐃᓚᐃᒐᔨᒋ, ᐊ ‍ ᐃᑎᑯᔨᒋ,
\v 9 “ᐱᓯᑯᐤ, ᐃᑐᑕ ᓴᕋᐸᑎᒡ ᓴᐃᑐᓂᒡ ᑲ ‍ ᑎᒂᒡ, ᐊᑯᑕ ᒪᒃ ᒐ ‍ ᐎᒋᔨᓐ: ᓂᒋ ‍ ᐃᑎᓱᒪᐤ ᒋᔅᑎᒪᒋᔎᐤ ᐊᓐᑕ ᒐᒋ ᑭᓄᐛᔨᒥᔅᒃ᙮”
\v 10 ᒋ ‍ ᐱᓯᑯᐤ ᒪᒃ, ᑭᔭ ᒋ ‍ ᐃᑐᑕᐤ ᓴᕋᐸᑎᒡ᙮ ᐃᔅᐱ ᒪᒃ ᐱᐊᔄᐸᑕᐧᒃ ᒥᔅᑎ ᐃᔎᑕᒥᔪᐤ ᐃᑕᐅᓂᒡ, ᒋ ‍ ᑕᔪᐛ ᐊᓐᑕ ᒋᔅᑎᒪᒋᔎᐛ ᐊ ‍ ᒪᒧᓴᒋᓂᒥᔨᒋ ᒥᔅᑎᒂ: ᒋ ‍ ᑕᑈᑕᐤ ᒪᒃ, ᐊ ‍ ᐃᔅᒋᔄᑦ, “ᐸᑕ ᒪ ᐊᐱᓯᔅ ᓂᐱᔾ, ᒋ ‍ ᐱᑯᓴᔨᒥᑎᓐ, ᒥᓂᒂᑭᓂᒡ, ᒐᒋ ᒥᓂᔭᓐ᙮”
\v 11 ᒪᒂᒡ ᒪᒃ ᑲ ‍ ᓇᑎᒥᔨᒋ, ᒋ ‍ ᑕᑈᑕᐤ, ᐊ ‍ ᐃᑕᑦ, “ᐸᓱᐤ, ᒋ ‍ ᐱᑯᓴᔨᒥᑎᓐ, ᐊᐱᓯᔅ ᐸᒂᓯᑭᓐ ᒐᒋ ᒧᐅᒃ᙮”
\p
\v 12 ᒋ ‍ ᐃᔅᒋᔄᐤ ᒪᒃ ᐊᓐ ᐃᔎᐤ, “ᑕᐱᔅᑯᓐ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ ᒋᒋᓴᒪᓂᑐᒻ, ᓇᒪ ᐛᐛᒡ ᓂᐅᐸᒂᓯᑭᓂᒥᓐ, ᒥᒄ ᐃᔅᐱᔅ ᐸᐃᒄ ᐅᒋᒡ ᔪᔎᐛᓂᒡ ᐛᐎᔭᑕᑭᓂᒡ, ᑭᔭ ᐊᐱᓯᔅ ᐱᒥᔾ ᐃᓴᑯᐅ-ᐎᔭᑭᓂᒡ: ᐊᐅᑯᐤ ᒥᒄ ᒥᒋᒻ ᐊ ‍ ᑎᒂᒡ᙮ ᒪᒃ, ᓂ ‍ ᒪᒧᓴᒋᓇᓐ ᐱᔅᒐ ᒥᔅᑎᑯᓴ, ᒐᒋ ᒋᓯᒪᓱᔭᓐ ᑭᔭ ᓂᑯᔅ ᒐᒋ ᒥᒋᔭᒡ, ᐊᑯ ᒪᒃ ᒐ ‍ ᓂᐱᔭᒡ ᐊᓄᑕᐧᑭᑕᔭᒡ᙮”
\p
\v 13 ᐃᓚᐃᒐ ᒪᒃ ᒋ ‍ ᐃᑕᐤ, “ᐊᑲᐎᔾ ᓴᒋᓯ, ᑐᑕ ᑲᒋ ‍ ᐃᔅᒋᔄᔨᓐ: ᓂᔅᑎᒻ ᒪᒃ ᐅᓯᑎᒧᐎ ᐸᐃᒄ ᐸᒂᓯᑭᓂᔅ, ᒐ ᐸᒋ ‍ ᒥᔨᓐ ᒪᒃ, ᐊᑯ ᒪᒃ ᒐ ‍ ᐅᓯᑎᒪᓱᔨᓐ ᑭᔭ ᒋᑯᔅ᙮
\v 14 ᐛᔅ ᐊᑯ ᐊ ‍ ᐃᔅᒋᔄᑦ ᑎᐸᔨᒋᒐᓱᐤ ᐃᔅᕋᐃᓪ ᐅᒋᓴᒪᓂᑐᒪ, ‘ᔪᔎᐛᓂᒡ ᐛᐎᔭᑕᑭᓂᒡ ᓇᒪ ᒋᑭ ‍ ᐅᒋ ᒪᒋᐱᔪᐤ, ᓇᒪ ᑭᔭ ᐱᒥᔾ ᐃᓴᑯᐅ-ᐎᔭᑭᓂᒡ ᒋᑭ ‍ ᓄᑕᐱᔪᐤ, ᐸᑎᒪ ᐊᓂᔭᔪᐤ ᒐ ‍ ᒋᓯᑲᔨᒡ ᐃᔅᐱ ᑎᐸᔨᒋᒐᓱᐤ ᒐ ᐸᒋ ‍ ᐃᑎᓴᐊᐧᒃ ᒋᒧᓇᐳᔪᐤ ᐊᓐᑕ ᐊᔅᒋᒡ᙮’ ”
\p
\v 15 ᒋ ‍ ᐃᑐᑎᒻ ᒪᒃ ᑲ ‍ ᐃᑎᑯᑦ ᐃᓚᐃᒐᔨᒋ; ᑭᔭ ᐎᔾ, ᑭᔭ ᐃᓚᐃᒐ, ᑭᔭ ᐊᓐᒡ ᐎᒋᒡ ᑲ ‍ ᐃᑕᒡ, ᒋ ‍ ᒥᒋᓱᐅᒡ ᒥᒐᑐᐤ ᒋᓯᑲᐛ᙮
\v 16 ᔪᔎᐛᓂᒡ ᒪᒃ ᐛᐎᔭᑕᑭᓂᒡ ᓇᒪ ᐅᒋ ᒪᒋᐱᔪᐤ, ᓇᒪᐎᔾ ᑭᔭ ᐱᒥᔾ ᐃᓴᑯᐅ-ᐎᔭᑭᓂᒡ ᒋ ‍ ᓄᑕᐱᔪᐤ, ᒧᔭᒻ ᑲᒋ ‍ ᐃᔅᒋᔄᑦ ᑎᐸᔨᒋᒐᓱᐤ, ᑲᒋ ‍ ᐃᑕᑦ ᐃᓚᐃᒐᔨᒋ᙮
\s1 ᒋ ‍ ᑐᑐᐛᐤ ᐃᓚᐃᒐ ᓇᐸᓴ ᑲᐤ ᒐᒋ ᐃᔪᐃᒋ
\p
\v 17 ᓇᓇᒐ ᒪᒃ, ᒋ ‍ ᐊᑯᓯᔨᐛ ᐃᔎᐤ ᐅᑯᓴ᙮ ᐊᑎᑐᐤ ᒋ ᒥᔅᑎ ‍ ᐊᐧᑯᓯᔨᐛ, ᑭᔭ ᒐᒄ ᒂ ‍ ᐳᓂᐱᒪᑎᓯᔨᒋ᙮
\v 18 ᐊᑯᐤ ᐊᓐ ᐃᔎᐤ ᒂ ‍ ᓂᑐᐛᐱᒪᑦ ᐃᓚᐃᒐᔨᒋ ᑭᔭ ᐊᑕᑦ, “ᒋᔾ ᐅ ᐅᒋᔅᒋᐛᔨᒐᓯᐤ; ᐊᑯ ᒐᒂᓐ ᐅ ᐛᒋ ‍ ᐃᑐᑐᐎᔨᓐ? ᒋᒋ ‍ ᑎᑯᓯᓐ ᐊ ᐅᑕ ᒐᒋ ᐊᓏᔨᒥᔨᓐ ᓂ ᒥᒋ ‍ ᑐᑎᒧᐅᓇ ᐅᒋ ᐊᑐᑐᐅᑦ ᓂᑯᔅ ᒐᒋ ᐳᓂᐱᒪᑎᓯᑦ?”
\p
\v 19 ᒥᒄ ᐃᓚᐃᒐ ᒂ ‍ ᐃᑕᑦ, “ᐸᒋ ‍ ᒥᔾ ᒋᑯᔅ᙮” ᐊᑯ ᐃᔎᐤ ᒪᔭᑦ ᐅᑯᓴ ᐃᓚᐃᒐᔨᒋ, ᑭᔭ ᒂ ‍ ᐅᑎᓂᒺᑦ ᐎᔭᔪᐤ ᓇᐸᓴ ᑭᔭ ᒂ ‍ ᓴᑭᒋᐛᑕᐛᑦ ᑲᒋᐸᔨᑭᓂᓯᒡ ᐃᓯ ᐊᓐᑕ ᑲ ‍ ᐃᑕᑦ᙮ ᒂ ‍ ᐊᔅᑕᐛᑦ ᓇᐸᓴ ᐎᔭᔪᐤ ᐊᓐᑕ ᐅᓂᐸᐅᓂᒡ᙮
\v 20 ᐊᑯ ᐃᓚᐃᒐ ᒂ ‍ ᑕᑈᑕᑦ ᑎᐸᔨᒋᒐᓱᐛ, “ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᐅ ᒋᔅᑎᒪᒋᔎᐤ ᓂᒋ ‍ ᓇᐊᔨᒥᒄ ᒐᒋ ᐃᑕᐅᒡ ᐎᒋᒡ᙮ ᐊᑯ ᒐᒂᔪᐤ ᐛᒋ ‍ ᐸᑐᐅᑦ ᐅᔭ ᒥᒋᐱᔨᐛᐅᓂᔪᐤ ᑭᔭ ᑐᑐᐅᒥᑎ ᒐᒋ ᐱᓂᐱᒪᑎᓯᔨᒋ ᐅᑯᓴ?”
\v 21 ᒂ ᓴᑥᔅᑯᐱᔪᐛᑦ ᐃᓚᐃᒐ ᑕᑯᒡ ᓇᐸᓴ ᐎᔭᔨᒡ ᑭᔭ ᑎᔭᑈᑕᑦ ᑎᐸᔨᒋᒐᓱᐛ ᐊ ‍ ᐃᔅᒋᔄᑦ᙮ “ᑎᐸᔨᒋᒐᓱᐤ ᓂᒋᓴᒪᓂᑐᒻ, ᒋᐱᑯᓴᔨᒥᑎᓐ ᓇᐊᔨᒻ ᐅ ᓇᐸᔅ ᒐᒋ ᒥᓐ ᐱᒪᑎᓯᑦ!” ᓂᔍᐤ ᐅᔭ ᒋ ‍ ᑐᑎᒻ᙮
\p
\v 22 ᒋ ‍ ᐸᑐᐛᐤ ᑎᐸᔨᒋᒐᓱᐤ ᑕᓐ ᑲ ᐃᓯ ‍ ᓂᑐᑎᒪᔨᒋ ᐃᓚᐃᒐᔨᒋ, ᑭᔭ ᒋ ‍ ᑐᑐᐛᐤ ᓇᐸᓴ ᒥᓐ ᑲᐤ ᒐᒋ ᐱᒪᑎᓯᔨᒋ᙮
\v 23 ᒂ ‍ ᓂᑎᒍᐛᑕᐊᑦ ᓇᐸᓴ ᑭᔭ ᒪᔭᑦ ᐅᑲᐎᔪᐛ᙮ ᒂ ‍ ᐃᑕᑦ, “ᐛᐱᒻ, ᐱᒪᑎᓯᐤ ᐅ ᒋᑯᔅ!”
\v 24 ᐃᔎᐤ ᒂ ‍ ᐃᑕᑦ ᐃᓚᐃᒐᔨᒋ, “ᒐᒋᓇᔅ ᓂ ‍ ᒋᔅᒐᔨᑕᓐ ᐊᒋᔅᒋᐛᔨᒐᓯᐎᓐ ᑭᔭ ᑕᑈ ᑎᐸᔨᒋᒐᓯᒡ ᐛᒋᐱᔨᒋ ᐊᓂᔭ ᐊ ‍ ᐃᒥᔨᓐ ᐃᔨᒧᐅᓇ᙮
\c 18
\s1 ᐃᓚᐃᒐ ᑲ ‍ ᓂᒋᔅᑯᐛ ᐅᐸᑎᐊᔨᒋ
\p
\v 1 ᒐᑲᑦ ᓂᔅᑐᐱᐳᓇ ‍ (3) ᓇᒪ ᐅᒋ ᒋᒧᓐ ᐊᓐᑕ ᓴᒪᕆᐃᐊ ᐊᔅᒋᒡ᙮ ᐊᑯ ᑎᐸᔨᒋᒐᓱᐤ ᐊᑕᑦ ᐃᓚᐃᒐᔨᒋ: ᒪᒋ ᑭᔭ ᒐ ‍ ᓂᒋᔅᑯᐅᑦ ᒋᓴᐅᒋᒪᐤ ᐊᐊᑉ ᑭᔭ ᒐ ‍ ᐃᑎᑦ ᓴᔅ ᐎᐱᒡ ᒐ ‍ ᐃᑎᓴᐊᒧᒡ ᐊᒋᒧᓂᔨᒡ᙮”
\v 2 ᐊᑯ ᐃᓚᐃᒐ ᓇᑐᐛᐱᒪᑦ ᐊᐊᐸ ᒐᒋ ᐃᔨᒪᐊᑦ᙮
\p ᒐᑲᑦ ᓇᒪ ᐅᒋ ᐃᑎᑯᓐ ᒥᒋᒻ ᐊᓐᑕ ᓴᒪᕆᐃᐊ ᐊᔅᒋᒡ ᒐᒋ ᒥᒋᓱᑦ ᐊᐛᓐ᙮
\v 3 ᒋ ‍ ᐃᑕᐤ ᐊᓐᑕ ᓇᐸᐤ ᐅᐸᑎᐊ ᐊ ‍ ᐃᓯᓂᐧᑲᓱᑦ᙮ ᐎᔾ ᒋ ‍ ᓇᑭᑐᐛᔨᑎᒺᐤ ᒋᓴᐅᒋᒪᐛ ᐅᒋᓴᐅᒋᒪᐅᒋᐛᐱᔪᐤ᙮ ᒋᒋᐛ ᒋ ‍ᓇᓂᒋᔅᑐᐛᐤ ᑎᐸᔨᒋᒐᓱᐛ᙮
\v 4 ᐸᐃᒂᐤ ᐃᔅᐱ ᒋᓴᐅᒋᒪᔎᐤ ᐃᓴᐸᓪ ᑲ ‍ ᑯᒋᑕᑦ ᒐᒋ ᓂᐸᐊᑦ ᒥᓯᐛ ᑎᐸᔨᒋᒐᓱᐛ ᐅᒋᔅᒋᐛᔨᒐᓯᒥᔨᐛ, ᐸᐃᑯ ᒥᑕᓯᒥᑎᓄᐤ ‍ (100) ᒋ ‍ ᑲᔭᐤ ᐅᐸᑎᐊ ᐅᒋᔅᒋᐛᔨᒐᓱᐛ ᐊᓐᑕ ᓂᓱ ᐊ ‍ ᐱᑯᓇᓴᑲᔨᒋ᙮ ᐱᑕᑕᒡ ᑕᑐᔪᐤ ‍ (50) ᒋ ‍ ᑲᔭᐤ ᐊᓐᑕ ᐸᐃᒄ ᐊ ‍ ᐱᑯᓇᓴᑲᔨᒡ, ᑭᔭ ᒋ ‍ ᐸᑐᐛᐤ ᒥᒋᒥᔪᐤ ᑭᔭ ᓂᐱᔪᐤ᙮
\p
\v 5 ᒐᒃ ᒂ ‍ ᐊᒂᑕᔨᑕᒂᒡ, ᓇᒪ ᐅᒋ ᐃᑎᑯᓐ ᒥᒋᒻ ᑭᔭ ᓂᐱᔾ ᐊᓐᑕ ᓴᒪᕆᐃᐊ ᐊᔅᒋᒡ᙮ ᐊᑯ ᐊᐊᑉ ᐛᓴᒪᑦ ᐅᐸᑎᐊᔨᒋ ᑭᔭ ᐊᑕᑦ, “ᒋᑭ ᐎ ‍ ᓇᓂᑐᐛᐸᑕᓇᓄᐤ ᒐᒋ ᒥᔅᑭᒪᐧᒄ ᒥᔅᑯᓱᐛ ᐊᓐᑕ ᒥᒋᒪ ᒥᓯᐛ ᒧᔅᒍᓂᐸᑯᒡ ᑭᔭ ᐊᓐᑕ ᐊ ‍ ᐱᓴᒡ ᐱᔅᒐ ᒐᒋ ᐊᐃᒪᐧᑯᒡ ᓂᑲᐸᐃᑭᔎᒥᒡ ᑭᔭ ᑲ ‍ ᓂᐧᑲᑎᓯᒡ ᓂᑲᐸᐃᑭᔎᒥᒡ, ᐊᑯ ᒪᒃ ᒐ ᐊᑲ ᒥᓯᐛ ᓂᐱᒡ᙮”
\v 6 ᐊᑯ ᑕᐱᔅᑯᓐ ᒂ ‍ ᐃᑐᑕᒡ ᐊᓐᑕ ᐊᔅᒋᒡ᙮ ᐅᐸᑎᐊ ᐃᔭᒡ ᒋ ᐃᑐᑕᐤ ᐊᐸᐃᑯᓯᑦ, ᑭᔭ ᐊᐊᑉ ᑎᐸᓐ ᒋ ᐃᑐᑕᐤ ᐊᐸᐃᑯᓯᑦ᙮
\p
\v 7 ᒪᒂᒡ ᐅᐸᑎᐊ ᐸᐸᒧᑕᑦ, ᐃᓚᐃᒐᔨᒋ ᒋᐛᐱᒪᐤ ᐊ ᐸᑕᔅᑎᒧᑕᔨᒋ᙮ ᒋ ‍ ᓂᔅᑐᐅᓄᐛᐤ ᐃᓚᐃᒐᔨᒋ ᐅᐸᑎᐊ ᑭᔭ ᒂ ᓄᐛᑲᐳᐅᔅᑐᐛᑦ ᑭᑕ ᐊᑕᑦ, “ᐊᐛ ᒋᔾ ᐃᓚᐃᒐ, ᓂᐅᒋᒪᒻ?”
\p
\v 8 ᐃᓚᐃᒐ ᒋ ‍ ᐃᑕᐤ, “ᓂᐃ᙮ ᒪᒋ ᐎᑎᒧᐅᒪ ᐊᐊᑉ ᒋ ‍ ᐅᒋᒪᒻ, ᐊ ᐃᑕᐅᒡ ᐅᑕ᙮”
\p
\v 9 ᓇᒪ ᐅᒋ ᑕᑈᑐᐛᐤ ᐅᐸᑎᐊ᙮ ᒋ ᐃᑕᐤ, “ᐅᒋᒪᐤ, ᓇᒪ ᒋ ᐅᒋ ᐊᐧᑯᔨᑎᓐ᙮ ᐊᑯ ᒐᒂᓐ ᐛᒋ ᑲᐤ ᐃᑎᓴᐎᔨᓐ ᐊᐊᑉ ᐊ ᐃᑕᑦ? ᓂᑭ ᓂᐸᐃᒄ!
\v 10 ᑎᐸᔨᒋᒐᓱᐤ ᒋᒋᓴᒪᓂᑐᒻ ᒋᔅᒐᔨᑎᒻ ᐊᑕᑈᐅᒡ ᐃᔅᐱ ᓇᔅᒡ ᑕᑈ ᐊᐎᑎᒪᓐ ᒋᓴᐅᒋᒪᐤ ᐊᐊᑉ ᐊᒋ ᓇᓂᑐᐛᐸᒐᑦ ᒥᓯᐛ ᒋᓴᐅᒋᒪᐅᓇ ᐊᓐᑕ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᒡ ᒐᒋ ᒥᔅᑲᔅᒃ᙮ ᑕᑥᐤ ᐊ ‍ ᐃᑎᑯᒋ ᒋᓴᐅᒋᒪᐛ, ‘ᓇᒪ ᐃᑕᐤ ᐅᑕ ᐃᓚᐃᒐ,’ ᒋ ‍ ᓂᑐᐛᔨᒪᐤ ᐊᓂᔭ ᒋᓴᐅᒋᒪᐛ ᐊᓐᑕ ᐊᔅᒋᒡ ᒐᒋ ᒋᒋ ‍ ᐊᓱᑎᒪᒐᔨᒋ ᐊᑕᑈᔨᒋ ᒋᓴᐅᒋᒪᐛ ᐊ ᐃᔅᒋᔄᔨᒋ᙮
\v 11 ᐊᑯ ᐊᓄᒡ ᒋᒋ ‍ ᐃᓯᓐ, ‘ᒪᒋ ᑭᔭ ᐎᑎᒧᐅᒪ ᐊᐊᑉ ᒋ ‍ ᐅᒋᒪᒻ, ᐊ ᐃᑕᐅᒡ ᐅᑕ!’
\v 12 ᒥᒄ ᑎᐛᒡ ᓂᑭᑎᑕᓇ, ᑎᐸᔨᒋᒐᓱᐤ ᐅᑦ ᐊᒐᒂ ᒋᑭ ‍ ᒋᑐᑕᔨᑯᔪᐛ, ᑭᔭ ᓇᒪ ᓂᑭ ‍ ᒋᔅᒐᔨᑕᓐ ᑕᓐᑕ ᒐ ‍ ᐃᑐᑕᔨᔅᒋᔅᒋ᙮ ᐊᑯ ᐃᔅᐱ ᐎᑎᒧᐅᒂ ᐊᐊᑉ ᐊ ‍ ᐃᑕᐅᑦ ᐅᑕ ᑭᔭ ᓇᓯᒐ ᑭᔭ ᐊ ᐊᑲ ᒥᔅᑲᔅᑲ ᐅᑕ, ᓂᑭ ‍ ᓂᐸᔨᒄ! ᒥᒄ ᓇᒪ ᓂᑐᐛᔨᑕᑯᓯ ᒐᒋ ᐳᓂᐱᒪᑎᓯᔭᓐ ᐛᔅ ᓂᒋ ‍ ᓂᓇᔨᑐᐛ ᑎᐸᔨᒋᒐᓱᐤ ᐃᔅᐱ ᑲ ᐛᓯᐅᔭᓐ ᐅᒋ᙮
\v 13 ᓂᐅᒋᒪᒻ, ᓇᒪ ᒋ ᐅᒋ ᐸᑕᓐ ᐊ ᑕᓐ ᑲ ‍ ᐃᑎᔭᓐ ᐃᔅᑉᓯ ᐃᓴᐸᓪ ᑲ ‍ ᐎᓂᐸᐊᑦ ᒥᓯᐛ ᑎᐸᔨᒋᒐᓱᐛ ᐅᒋᔅᒋᐛᔨᒐᓯᒥᔨᐛ? ᓂᒋ ᑲᔭᐅᒡ ᐸᐃᑯ ᒥᑕᓯᒥᑎᓄᐤ ‍ (100) ᐅᒋᔅᒋᐛᔨᒐᓱᐅᒡ ᐊᓐᑕ ᓂᓱ ᐊ ‍ ᐱᑯᓇᓴᑲᔨᒋ ᑭᔭ ᓂᒋ ‍ ᐸᑐᐛᐅᒡ ᒥᒋᒥᔪᐤ ᑭᔭ ᓂᐱᔪᐤ᙮
\v 14 ᐊᓄᒡ, ᐅᒋᒪ, ᒋᑦ ᐃᔅᒋᔄᓐ, ‘ᒪᒋ ᑭᔭ ᐎᑎᒧᐅᒪ ᐊᐊᑉ ᒋ ‍ ᐅᒋᒪᒻ, ᐊ ᐃᑕᐅᒡ ᐅᑕ᙮’ ᒥᒄ ᐃᑐᑎᒪᓇ ᐊᓐ, ᑭᔭ ᑎᑯᓯᒐ ᑭᔭ ᐊ ᐊᑲ ᐃᑕᔨᓇ ᐅᑕ, ᓂᑭ ᓂᐸᔨᒄ!”
\p
\v 15 ᒥᒄ ᐃᓚᐃᒐ ᒋ ‍ ᐃᑕᐤ, ᑎᐸᔨᒋᒐᓱᐤ, ᐊᓐ ᒪᐅᒡ ᐊᓱᐧᑲᑎᓯᑦ ᐊᓐ ᐊᑐᔅᑯᐅᒄ, ᒋᔅᒐᔨᑎᒻ ᐊᑕᑈᐅᒡ ᐊ ᒋᒋ ‍ ᐊᓱᑎᒪᒐᐅᒡ ᒐᒋ ᓇᒋ ‍ ᓂᒋᔅᑯᐅᒄ ᐊᓄᒡ ᒐᓯᑲᔨᒡ᙮”
\s1 ᐃᓚᐃᒐ ᒋ ‍ ᓂᐸᐅ ᐸᐊᓚ ᐅᒋᔅᒋᐛᔨᒐᓯᒥᔨᐛ
\p
\v 16 ᐊᑯ ᐅᐸᑎᐊ ᓂ ᐊᒋ ‍ ᐎᑎᒧᐛᑦ ᐊᐊᐸ ᐊᑎᑯᓯᓂᔨᒋ ᐊᐊᐸ᙮ ᒂ ᓇᒋ ᓂᒋᔅᑯᐛᑦ ᐊᐊᑉ᙮
\v 17 ᐃᔅᐱ ᐎᔭᐱᒪᑦ ᐃᓚᐃᒐᔨᒋ, ᒂ ‍ ᐃᑕᑦ, “ᐊᐛ ᒋᔾ, ᐊᓐ ᑲ ‍ ᐅᔅᑕᐱᔭᐊᑦ ᐃᔅᕋᐃᓪ ᐃᔪᐛ?”
\p
\v 18 ᐃᓚᐃᒐ ᒂ ‍ ᐃᑕᑦ, ᓂᔾ ᐊ ᓂᒋ ‍ ᐅᔅᑕᐱᔭᐅᒡ ᐃᔅᕋᐃᓪ ᐃᔪᒡ! ᒋᔾ ᑭᔭ ᐊᐸᐃᑯᔅᑲᓇᓯᔨᓐ ᐊᐅᒄ ᐊᓐᒡ ᑲ ‍ ᐅᔅᑕᐱᔨᐛᔭᒄ! ᒋᒋ ‍ ᐊᓏᑕᓇᐛᐤ ᒐᒋ ᓂᓇᔨᑎᒺᒄ ᑎᐸᔨᒋᒐᓱᐤ ᐅᑦ ᐃᑎᓱᐛᐅᓇ, ᑭᔭ ᒥᔅᑯᒡ ᒋᑦ ‍ ᐊᔭᒥᐊᔅᑐᐛᐛᐅᒡ ᐸᐊᓪ ᒥᓐᑐᐧᑲᓐᒡ᙮
\v 19 ᐊᑯ ᐊᓄᒡ, ᐃᑎᓱᒥᒡ ᒥᓯᐛ ᐃᔅᕋᐃᓪ ᐃᔪᒡ ᒐᒋ ᐸᑐᑕᒡ ᐊᓐᑕ ᑲᕐᒥᓪ ᐱᔅᑯᑎᓇᒡ, ᑭᔭ ᐛᒧᒡ ᒐᒋ ᐸᓱᐛᑯᒡ ᓇᐤ ᒥᑕᓯᒥᑎᓄᐤ ᐊᓱ ᐱᑕᑕ ᑕᑐᔪᐤ ‍ (450) ᐅᒋᔅᒋᐛᔨᒐᓱᐅᒡ ᐊᓐ ᐊᔭᒥᐊᔅᑐᐛᒡ ᐸᐊᓚ ᒥᓐᑐᐧᑲᓇ ᑭᔭ ᐊᓐ ᓇᐤ ᒥᑕᓯᒥᑎᓄᐤ ‍ (400) ᐅᒋᔅᒋᐛᔨᒐᓱᐅᒡ ᐊᔭᒥᐊᔅᑐᐛᒡ ᐊᓱᕋᔨᒋ ᒥᓐᑐᐧᑲᓂᔎᐛ, ᐊᓂᔭ ᒋᔪᐤ ᐃᓴᐸᓪ ᐊᑐᑐᐛᑦ ᒥᒋᒥᔪᐤ ᑭᔭ ᓂᐱᔪᐤ᙮”
\s2 1 Kings 18.20-39 (Proper-27 Year B, Proper-5 Year C)
\p
\v 20 ᐊᑯ ᐊᐦᐊᑉ ᐛᓴᒪᑦ ᒥᓯᐛ ᐃᔅᕋᐃᓪ ᐃᔪᐛ ᑭᔭ ᐸᐊᓪ ᐅᒋᔅᒋᐛᐃᒐᓱᐛ ᒐᒋ ᓂᒋᔅᑲᑐᒡ ᐊᓐᑕ ᑲᕐᒥᓪ ᐱᔅᑯᑎᓇᒡ᙮
\v 21 ᐃᓇᐃᒐ ᒋᓇᑕᐤ ᐃᔪᐛ ᐊᑯ ᐊᑕᑦ, “ᑕᓐ ᒐ ᐃᔅᐱᔅ ᐃᑕᔭᒄ ᐊᑯ ᐊ ‍ ᐛᑕᔨᑎᒪᒄ ? ᒐᓴᒥᓂᑐᐅᒂ ᑎᐸᔨᒋᒐᓱᐤ, ᐊᔭᒥᐊᔅᑐᐛᐧᒄ ! ᒥᒄ ᒪᒃ ᒐᓴᒪᓂᑐᐅᒂ ᐸᐊᓪ, ᐊᔭᒥᐊᔅᑐᐛᐧᒄ !”
\p ᓇᒪ ᒐᒂᔪᐤ ᐅᒋ ᐃᔅᒋᔄᐅᒡ ᐃᔪᒡ᙮
\p
\v 22 ᐊᑯ ᐃᓇᐃᒐ ᐊᔅᒋᔄᑦ, “ᓂᔾ ᐊᐅᒄ ᒥᒄ ᑎᐸᔨᒋᒐᓱᐤ ᐅᑦ ᐅᒋᔅᒋᐛᐃᒐᓯᒪ, ᒥᒄ ᐸᐊᓪ ᓇᐤ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐤ ᑭᓄᐛᔨᒪᐤ ᐅᒋᔅᒋᐛᐃᒐᓱᐛ᙮
\v 23 ᐸᓱᐛᐧᑯᒡ ᓂᓱᐤ ᓇᐸ ‍ ᒥᔅᑐᓯᒡ, ᐸᐃᒄ ᐸᐊᓪ ᐅᑦ ᐅᒋᔅᒋᐛᐃᒐᓯᒪ ᒋᑭ ‍ ᐅᑎᓇᔪᐛ, ᐊᑯ ᒐ ‍ ᓂᐸᐃᔨᒋ ᑭᔭ ᒐ ‍ ᐸᐱᑯᓱᐛᔨᒋ, ᐊᑯ ᒐ ‍ ᐊᔅᑕᒡ ᐊᓂᔭ ᐎᔭᓯᔪᐤ ᐊᓐᑕ ᒥᔅᑎᑯᒡ ᐊ ᐊᑲ ‍ ᑯᑐᐛᒡ᙮ ᐊᐅᑯᓐ ᐸᐃᑯᑕᐤ ᑭᔭ ᓂᔾ ᒐ ‍ ᐃᑐᑐᐅᒄ ᐊᓐ ᑯᑎᒃ ᓇᐸ ᒥᔅᑐᔅ ᑭᔭ ᓂᔾ ᓇᒪ ᓂᑭ ‍ ᑯᑐᐛᓐ᙮
\v 24 ᒋᑭ ‍ ᓂᑐᑎᒧᐛᐅᒡ ᐸᐊᓪ ᐅᑦ ᐅᒋᔅᒋᐛᐃᒐᓯᒪ ᐅᒪᓂᑐᐅᒧᐛᐛ ᑭᔭ ᓂᔾ ᓂᑭ ‍ ᓂᑐᑎᒧᐛᐤ ᑎᐸᔨᒋᒐᓱᐤ᙮ ᐊᓐ ᒪᓂᑐᐤ ᓇᔎᐛᓯᔨᐛᑦ ᐊ ‍ ᑯᑐᐛᑦ ᐊᐅᑯᓐ ᒋᓴᒪᓂᑐᐤ᙮”
\p ᐊᑯ ᒥᓯᐛ ᐊᔅᒋᔄᒡ ᐃᔪᒡ, “ᒥᔽᐤ ᐊᓐ ᒐᒂᓐ ᐊᔅᒋᔄᔨᓐ᙮”
\p
\v 25 ᐃᓚᐃᒐ ᒂ ‍ ᐃᑕᑦ ᐸᐊᓚ ᐅᑦ ᐅᒋᔅᒋᐛᐃᒐᓯᒥᔪᐛ᙮ “ᐊᑎᑐᐤ ᒋ ‍ ᒥᒐᑎᓇᐛᐤ, ᐊᑯ ᒋᔨᐛᐤ ᐅᔅᑭᒡ ᐅᑎᓇᐧᒄ ᐸᐃᒄ ᓇᐸ ᒥᔅᑐᔅ ᑭᔭ ᒐ ‍ ᐃᑐᑐᐛᒄ, ᒥᒄ ᐊᑲᐎᔾ ᑯᑐᐛᒄ᙮ ᐊᑯ ᒐ ‍ ᓂᑐᑎᒧᐛᒄ ᒋ ‍ ᒪᓂᑐᒧᐛᐤ᙮”
\v 26 ᒂ ‍ ᐅᑎᓇᒡ ᓇᐸ ‍ᒥᔅᑐᓴ ᐊᓂᔭ ᑲ ‍ ᒥᔭᑭᓄᐅᒡ ᑭᔭ ᒂ ‍ ᐃᑐᑐᐛᒡ᙮
\p ᐊᑯ ᓇᑐᑎᒧᐛᒡ ᐸᐊᓚ ᐃᔅᑭᓐ ᒐᒋᓴᐸᐛ᙮ ᒋ ‍ ᓂᒧᐅᒡ ᐛᔅᑲ ᐊᓐᑕ ᑲ ‍ ᐅᓯᑕᒡ ᐱᒋᒋᑲᓇᐱᔅᑯᔪᐤ ᑭᔭ ᒂ ᐃᓯ ‍ ᑕᑈᒡ, “ᓇᔎᐛᓯᔨᓇᓐ, ᐅ ᐸᐊᓪ,” ᒥᒄ ᓇᒪ ᐅᒋ ᓇᔎᐛᓯᐊᑭᓄᐅᒡ᙮
\p
\v 27 ᐃᔭᐱᑕᒋᓯᑲᔨᒡ, ᐃᓚᐃᒐ ᐎᐊᐅᓯᓄᐛᑦ, ᐊ ‍ ᐃᑕᑦ, “ᐊᔭᒥᐊᒄ ᐊᑎᑐᐤ ᐊᒋᔄᐛᔭᒄ ! ᒋᓴᒪᓂᑐᐎᒐ ᐸᐊᓪ᙮ ᒂᔄᓐ ᒥᔅᑲᑕᔨᑎᒧᒐ, ᑭᔭ ᒪᒃ ᐊᐱᒋᑕᒐ ᒥᒐᐳᓯᐧᑯᔪᐤ ! ᑭᔭ ᒪᒃ ᒋᔅᑐᑕᒐ, ᑭᔭ ᒪᒃ ᓂᐸᒐ ᑭᔭ ᒋᑭ ᐎ ‍ ᐸᑯᓇᐛᐤ !”
\v 28 ᐊᑎᑐᐤ ᒋ ‍ ᑕᑈᐅᒡ ᑭᔭ ᒋ ‍ ᒪᑐᓱᑎᓱᐅᒡ ᓂᑐᐱᔪᐅ-ᒧᐧᑯᒪᓇ ᑭᔭ ᐊᓯᒪᑭᓇ ᐊ ‍ ᐊᐱᒋᑕᒡ ᐸᑎᒪ ᑲ ‍ ᐅᒋᑯᐎᒡ ᐅᒥᐧᑯᐛᐤ᙮ ᐊᐅᑯᓐ ᐊᓂᔭ ᑲ ᐃᓯ ‍ ᐊᔭᒥᐊᒡ᙮
\v 29 ᐊᐅᑯᓐ ᑲ ᐃᑎᒡ ᑲ ᐃᔅᐱᔅ ᐊᐱᑕᒋᓯᑲᔨᒡ ᒥᒄ ᓇᒪ ᐊᐛᔪᐛ ᐅᒋ ᓇᔎᐛᓯᐊᑭᓄᐅᒡ᙮
\p
\v 30 ᐊᑯ ᐃᓚᐃᒐ ᐊᑕᑦ ᒥᓯᐛ ᐊᐛᔪᐛ ᒐᒋ ᐛᔅᑲᑲᐳᔅᑕᑯᑦ ᒪᒂᒡ ᐅᑎ ‍ ᐛᐛᓯᑕ ᑎᐸᔨᒋᒐᓱᐛ ᐅᐱᒋᒋᑲᓇᐱᔅᑯᔪᐤ ᐊᓂᔭ ᑲ ‍ ᐱᑯᓇᑭᓄᐎᒡ᙮
\v 31 ᒂ ‍ ᐅᑎᓇᑦ ᐃᓚᐃᒐ ᓂᓱᓴᑉ ᐊᓯᓂᔭ, ᐸᐃᒄ ᐊᓯᓂᔭ ᐊᓂᔭ ᑕᓐ ᑲ ‍ ᐃᓯᓂᐧᑲᓱᐎᒋ ᑲ ‍ ᓂᓴᐳᐎᒋ ᐊ ‍ ᐃᑎᔅᑲᓇᓯᔨᒋ ᐃᔅᕋᐃᓚ, ᐊᓂᔭ ᐃᓯᓂᐧᑲᓱᐅᓂᔪᐤ ᑎᐸᔨᒋᒐᓱᐛ ᑲ ‍ ᒥᔭᔨᒋ ᐅᑦ ᐊᓂᔅᑯᑕᐸᓄᐛᐛ ᒐᑭᐸ᙮
\v 32 ᑲᐤ ᒋ ‍ ᐅᓯᑕᐤ ᐱᒋᒋᑲᓇᐱᔅᑯᔪᐤ ᐊᓂᔭ ᐊᓯᓂᔭ ᐊ ‍ ᐊᐱᒋᐊᑦ ᒐᒋ ᒋᔅᑕᔨᒪᑦ ᑎᐸᔨᒋᒐᓱᐛ ᑭᔭ ᒂ ‍ ᐱᓯᑕᐅᒋᔅᑲᐊᒃ ᐊᓐᑕ ᐛᔅᑲ᙮ ᓇᐎᔭᑭᓇ ᐃᔅᐱᔅ ᓂᐱᔪᐤ ᒐᒋ ᓴᑭᔅᒋᓇᐸᔨᒡ ᒋ ‍ ᐃᔅᐱᓴᔪᐤ᙮
\v 33 ᐊᑯ ᒂ ‍ ᑕᐧᑯᑎᔅᑕᑦ ᒥᔅᑎᒂ ᐊᓐᑕ ᐱᒋᒋᑲᓇᐱᔅᑯᒡ, ᒂ ‍ ᐸᐱᑯᓱᐛᑦ ᓇᐸ ᒥᔅᑐᓴ ᑭᔭ ᐊᔅᑕᒡ ᐎᔭᓯᔪᐤ ᐊᓐᑕ ᒥᔅᑎᑯᒡ᙮ ᒂ ‍ ᐃᑕᑦ ᐃᔪᐛ, “ᓴᑭᔅᒋᓇᐱᑕᒄ ᓇᐤ ᐊᒪᒥᓴᒋ ᒂᐱᒂᑭᓇ ᑭᔭ ᐎᔭᓯᒡ ᑭᔭ ᒥᔅᑎᑯᒡ ᒐ ᐃᓯ ‍ ᑯᑎᐱᓂᒪᒄ᙮” ᐊᐅᑯᓐ ᑲ ‍ ᐃᑎᔨᒋ᙮
\p
\v 34 ᒋ ‍ ᐃᑕᐤ ᒥᓐ ᓂᔄᐤ ᒐᒋ ᐃᑐᑎᒥᔨᒋ᙮ ᐊᐅᑯᓐ ᑲ ‍ ᐃᑎᔨᒋ ᑕᓐ ᑲ ‍ ᐃᑐᓱᒪᑦ᙮
\v 35 ᐸᑎᒪ ᑲ ‍ ᐃᔭᓯᑯᐎᒡ ᓂᐱᔪᐤ ᐱᒋᒋᐧᑲᓇᐱᔅᑯᒡ ᐅᒡ ᑭᔭ ᑲ ‍ ᓴᑭᔅᒋᓇᐸᔨᒡ ᐊᓐᑕ ᑲ ‍ ᐱᓯᑕᐅᒋᔅᑲᐊᒃ᙮
\p
\v 36 ᐃᔅᐱ ᑲ ‍ ᐅᑎᒋᐱᔨᒡ ᒐ ‍ ᐅᑕᑯᓯᐤ ᐱᔅᑎᓂᒐᓄᐎᒡ, ᐃᓚᐃᒐ ᒋ ‍ ᓇᑎᒻ ᐱᒋᒋᐧᑲᓇᐱᔅᑯᔪᐤ ᑭᔭ ᒂ ‍ ᐊᔭᒥᐊᑦ: “ᓂᑎᐸᔨᒋᒐᓯᒥᓇᓐ, ᒋᔾ ᐅ ᐊᑉᕋᐊᒻ ᐅᒋᓴᒪᓂᑐᒪ, ᐊᐃᓯᒃ, ᑭᔭ ᒐᑭᑉ᙮ ᒋᔅᒐᔨᑕᑯᑕ ᐊᓄᒡ ᒐᓯᑲᒡ ᒋᔾ ᒐᓴᒪᓂᑐᐎᓐ ᐊᓐᑕ ᐃᔅᕋᐃᓕᒡ ᑭᔭ ᓂᔾ ᐃᔭᐅᔭᓐ ᒋᑦ ᐊᑐᔅᒐᔭᑭᓐ ᑭᔭ ᒥᓯᐛ ᐅ ᑲ ‍ ᑐᑎᒪᓐ ᑲ ‍ ᐃᑎᓱᒥᔨᓐ᙮
\v 37 ᐸᒋ ‍ ᓇᔎᐛᓯᔾ ᐊᑯ ᒪᒃ ᒐᔅᒐᔨᑕᒡ ᐅᒡ ᐃᔪᒡ ᒋᔾ ᐅ ᑎᐸᔨᒋᒐᓱᐤ ᒋᓴᒪᓂᑐᐤ ᑭᔭ ᒐ ‍ ᑐᑐᐅᑥᐤ ᐅᒡ ᒐ ‍ ᒋᐛ ᓇᑎᔅᒡ᙮”
\p
\v 38 ᑎᐛᒡ ᒋ ‍ ᐃᑎᓴᐊᒻ ᐃᔅᑯᑕᔪᐤ ᑎᐸᔨᒋᒐᓱᐤ ᑭᔭ ᒂ ‍ ᐛᔭᑕᔨᒡ ᐃᔅᑯᑕᐤ ᒥᑐᔅᑕᐊᒪᒐᐅᓂᔪᐤ ᑭᔭ ᐊᓂᔭ ᒥᔅᑎᒂ, ᑭᔭ ᐊᓯᓂᔭ᙮ ᒥᓯᐛ ᒋ ‍ ᐃᔎᑕᔪᐤ ᐊᔅᒋᔪᐤ ᐊᓐᑕ ᐛᔅᑲ ᐱᒋᒋᐧᑲᓇᐱᔅᑯᒡ ᑭᔭ ᐱᔭᔅᑕᔨᒡ ᒥᓯᐛ ᓂᐱᔪᐤ ᐊᓐᑕ ᑲ ‍ ᐱᓴᔨᒡ᙮
\p
\v 39 ᐃᔅᐱ ᒥᓯᐛ ᐃᔪᒡ ᑲ ‍ ᐛᐸᑕᒡ ᑕᓐ ᑲ ‍ ᐃᔅᐱᔨᒡ, ᒋ ‍ ᓂᐱᔅᑯᐱᔪᐎᒡ ᑭᔭ ᒂ ‍ ᐃᔅᒋᔄᒡ, “ᑎᐸᔨᒋᒐᓱᐤ ᐊᐅᒄ ᒋᓴᒪᓂᑐᐤ ! ᑎᐸᔨᒋᒐᓱᐤ ᐊᐅᒄ ᒋᓴᒪᓂᑐᐤ !”
\v 40 ᐊᑯ ᐃᓚᐃᒐ ᐊᑎᓱᒪᑦ, “ᒪᑯᓇᑯᒡ ᒥᓯᐛ ᐸᐊᓪ ᐅᒋᔅᒋᐛᔨᒐᓱᐅᒡ! ᒐ ᐊᑲ ᓇᔨᒪᑯᒡ ᐛᒋ ᐸᐃᒄ ᒐᒋ ᒋᑎᓯᒧᑦ!" ᐊᑯ ᒂ ‍ ᒪᑯᓇᒡ ᐃᔪᒡ ᒥᓯᐛ ᐸᐊᓚ ᐅᒋᔅᒋᐛᔨᒐᓱᐛ, ᑭᔭ ᓇᑎᒋᐛᑕᐊᒡ ᐱᔅᑯᑎᓇᒡ ᑭᓱᓐ ᐊ ‍ ᐱᓴᔨᒡ ᐃᓯ, ᑭᔭ ᐊᑯᑕ ᐊᓐᑕ ᒥᓯᐛ ᑲ ‍ ᓂᐸᐊᑦ ᐃᓚᐃᒐ᙮
\s1 ᐃᓚᐃᒐ ᒋ ‍ ᓂᑐᑎᒪᐤ ᒐᒋ ᒋᒧᓂᔨᒡ
\p
\v 41 ᐊᑯ ᐃᓚᐃᒐ ᐊᑕᑦ ᐊᐊᐸ, ᒪᒋ ᑭᔭ ᓂᑐᐛᐸᑎᒪ ᒐᒂᓐ ᐊᒥᒋᓇᓄᐅᒡ ᑭᔭ ᐊᒥᓇᓄᐅᒡ᙮ ᒥᒄ ᒋᔅᑎᑉ ᐃᑐᑕ, ᐛᔅ ᐎᐱᒡ ᒋᒋᐛ ᒋᑭ ‍ ᒥᔅᑎ ‍ ᒋᒧᓐ!”
\v 42 ᐊᑯ ᐊᐊᑉ ᑭᔭ ᐅᑦ ᐊᐱᒋᐊᑭᓇ ᒐᒍᑕᒡ ᓂ ᐊᒋ ‍ ᐊᔭᔅᑯᔅᑕᒡ ᐊᒥᓴᔨᒡ ᒐ ‍ ᒥᒋᓱᓇᓄᐎᒡ᙮ ᒥᒄ ᐃᓚᐃᒐ ᑲᐤ ᐊᑐᑕᑦ ᑕᐧᑯᒡ ᑲᕐᒥᓪ ᐱᔅᑯᑎᓇᒡ ᑭᔭ ᐊᔭᒥᐊᑦ᙮
\p
\v 43 ᐊᑯ ᒂ ‍ ᐃᑕᑦ ᐅᑦ ‍ ᐊᐱᒋᐊᑭᓇ, “ᒥᒋ ᑭᔭ ᐎᓂᐸᑯᒡ ᒐ ‍ ᐃᑕᐱᔨᓐ, ᐊ ‍ ᐃᑕᒂᓐᒋ ᒋᒧᓐ ᑭᔅᑯᐅᓐᒡ᙮” ᐊᑯ ᒐ ‍ ᑐᑕᔨᒋ ᐅᑦ ‍ ᐊᐱᒋᐊᑭᓇ ᑭᔭ ‍ ᐊ ‍ ᐃᑕᐱᔨᒋ, ᑭᔭ ᑲᐤ ᒂ ‍ ᑎᑯᓯᓂᔨᒋ ᑭᔭ ᐊᒋᔄᔨᒋ, “ᓇᒪ ᒐᒂᓐ ᓂ ‍ ᐛᐸᑕᓐ᙮” ᐊᓱᑕᒡ ‍ (6) ᑕᑥ ᐅᔭ ᒋ ‍ ᐃᔅᐱᔪᐤ᙮
\v 44 ᒥᒄ ᓂᔄᐅᑕᒡ ᑕᑥᐤ ᐊᑐᑕᔨᒋ ᐅᑦ ‍ ᐊᐱᒋᐊᑭᓇ, ᑲᐤ ᒋ ‍ ᑎᑯᓯᓂᔨᐛ ᑭᔭ ᐊᑎᑯᑦ, “ᒋᒋᐛ ᐊᐱᓯᓯᓱᐤ ᑭᔅᑯᐅᓐ ᐎᔭᐱᒥᒃ ᐃᔅᐱᒥᒡ ᐎᓂᐸᑯᒡ᙮ ᐊᓴᑐᐱᔨᑕᔭᓐ ᓂᔅᐱᑐᓐ, ᒧᔭᒻ ᐊᔅᐱᓴ ᓂᑎᒋ ᒂ ‍ ᐃᔅᐱᑎᑦ ᐊᓐ ᑭᔅᑯᐅᓐ᙮”
\p ᒂ ‍ ᑕᑈᑕᑦ ᐃᓚᐃᒐ, “ᒪᒋ ᑭᔭ ᐎᑎᒧᐅᒪ ᐊᐊᑉ ᒐᒋ ᐊᔭᔅᑯᐛᔭᑦ ᐅᑎᑎᐱᑕᐸᓇᔎ ᑭᔭ ᑎᐛᒡ ᒐᒋ ᒋᐛᑦ! ᐊ ᐊᑲ ᐃᑐᑕᒐ ᐊᓂᔭ, ᒋᑭ ‍ ᓂᑲᐅᑯᐤ ᐊᒋᒧᓂᔨᒡ!”
\v 45 ᐎᐱᒡ ᒋ ᐊᒋᑲᔪᐤ ᐊᐎᐱᓯᔨᒋ ᑭᔅᑯᓇ ᐅᒋ᙮ ᒋᒋᐛ ᒋ ᒥᔅᑎ ‍ ᔪᑎᓂᔪᐤ, ᑭᔭ ᒂ ‍ᒥᔅᑎ ‍ ᒋᒧᓂᔨᒡ᙮ ᐊᐊᑉ ᒂ ‍ ᐳᓯᐱᔪᐅᑦ ᐅᑎᑎᐱᑕᐸᓇᔎ ᑭᔭ ᒐ ᐛᐸᑕᑦ ᒐᔅᕆᐅᓕᒡ᙮
\v 46 ᐊᑎᑐᐤ ᓱᐧᑲᑎᓯᐅᓂᔪᐤ ᒋ ‍ ᒥᔭᐤ ᑎᐸᔨᒋᒐᓱᐤ ᐃᓚᐃᒐᔨᒋ᙮ ᐅᐱᑲᑕᐅᓂᒡ ᒋ ᓯ ‍ ᓴᒂᐅᒻ ᐅᑎᑯᑉ ᒐᒋ ᒋᓯᐸᑕᑦ ᐊ ‍ ᐎᔨᐳᐎᑦ, ᑭᔭ ᓂᑲᓐ ᒋ ‍ ᐱᒥᐸᑕᐛᐤ ᐊᐊᐸ ᐅᑎᑎᐱᑕᐸᓇᔅᑯᔪᐛ ᒥᓯᐛ ᓂᔄᐅᑕᒡ ᑕᑐᓴᑉ ‍ (17) ᐊᔅᐱᓴᔨᒡ ᐃᔅᐱᔅ ᒐᔅᕆᐅᓕᒡ᙮
\c 19
\s1 ᐃᓚᐃᒐ ᐸᐧᑯᑎᔅᑭᒥᑲᒡ ᑲ ‍ ᐃᑎᓯᒧᑦ ᐊᑯ ᑭᔭ ᒥᓐ ᓴᐃᓇᐃ ᐱᔅᑯᑎᓇᒡ
\p
\v 1 ᐃᔅᐱ ᑲᑎᔅᑯᓯᐧᒃ ᐊᐊᑉ ᐎᒋᒡ, ᒋ ‍ ᐃᑕᐤ ᐎᐛ ᐃᓴᐸᓚ ᒐᒂᔪᐤ ᑲ ‍ ᐃᑐᑎᒥᔨᒋ ᐃᓚᐃᒐᔨᒋ᙮ ᒋ ‍ ᐎᑎᒧᐛᐤ ᒥᓯᐛ ᑲ ‍ ᓂᐸᔨᒋ ᐃᓚᐃᒐᔨᒋ ᐸᐊᓚ ᐅᒋᔅᒋᐛᔨᒐᓯᒥᔨᐛ᙮
\v 2 ᐊᑯ ᐃᓴᐸᓪ ᐊᑎᓴᐊᒧᐛᑦ ᐃᔨᒧᐅᓂᔪᐤ ᐃᓚᐃᒐᔨᒋ: “ᒧᔭᒻ ᐅ ᐊᔅᐱᔨᒡ ᐛᐸᒐ ᒋᑭ ‍ ᑐᑕᑎᓐ ᒐᒋ ᓂᐸᔨᑯᐎᓐ, ᒧᔭᒻ ᑲ ‍ ᐃᓯ ᓂᐸᔨᑥᐤ ᒥᓯᐛ ᐸᐊᓪ ᐅᒋᔅᒋᐛᔨᒐᓱᐅᒡ᙮ ᐊ ᐊᑲ ᒋ ‍ ᐃᑐᑎᒪᓇ ᐊᓐ, ᓂᑦ ᐊᐸᔨᒧᓐ ᒥᓐᑐᐅᒡ ᒐ ‍ ᓂᐸᔨᒡ᙮”
\p
\v 3 ᐃᔅᐱ ᐃᓚᐃᒐ ᑭᐊᔅᑎᓂᒺᑦ ᐃᓴᐸᓚ ᐅᑦ ‍ ᐃᔨᒧᐅᓂᔪᐤ, ᒋᒋᐛ ᒋᑯᔅᑕᒍᐤ᙮ ᐊᑯ ᐛᑎᓇᑦ ᐅᑦ ᐊᐱᒋᐊᑭᓇ, ᒂ ‍ ᒋᑎᓯᒧᑦ ᒐ ᐊᑲ ᓂᐸᐊᑭᓄᐅᑦ᙮ ᐛᔪᐤ ᓴᐅᓄᒡ ᒋ ‍ ᐃᑐᑕᐤ ᐱᕐ-ᓯᐸ ᐃᓯ, ᐊᓐᑕ ᒍᑕᐃᒡ᙮ ᐊᑯᑕ ᑲ ‍ ᓂᑭᑕᑦ ᐅᑦ ‍ ᐊᐱᒋᐊᑭᓇ᙮
\p
\v 4 ᒪᒃ ᐃᓚᐃᒐ ᐸᐃᒂᐤ ᐊ ‍ ᒋᓯᑲᔨᒡ ᐃᔅᐱᔅ ᐊ ‍ ᐱᒧᑕᓄᐎᔨᒡ ᒋ ‍ ᐃᑐᑕᐤ ᐸᐧᑯᑎᔅᑭᒥᑲᒡ᙮ ᒋ ᐸᒋ ‍ ᓇᔨᐳᐤ ᒪᒃ ᓯᐸ ᐛᒋᓇᑭᓇᑎᑯᒡ, ᒋ ‍ ᓂᑐᑎᒪᒐᔅᑎᒪᓱᐤ ᒪᒃ ᒐᒋ ᓂᐱᑦ; ᒋ ‍ ᐃᔅᒋᔄᐤ ᒪᒃ, “ᐊᑯᓐ ᐊᑯ; ᐊᑯ ᑎᐸᔨᒋᒐᓱᐤ, ᐅᑎᓇ ᓂᐱᒪᑎᓯᐅᓐ; ᐛᔅ ᓇᒪᐎᔾ ᐊᐛᔅᑕ ᓂ ‍ ᒥᔽᑎᓯᓐ ᐃᔅᐱᔅ ᓄᑕᐎᔨᒡ᙮”
\p
\v 5 ᒪᒂᒡ ᒪᒃ ᑲ ‍ ᐱᒥᓯᐧᒃ ᐊ ‍ ᓂᐸᑦ ᓯᐸ ᐛᒋᓇᑭᓇᑎᑯᒡ, ᒋ ‍ ᑕᒋᓂᑯᐤ ᐊᓐᒋᓇ, ᒋ ‍ ᐃᑎᑯᐤ ᒪᒃ, “ᐅᓂ, ᒥᒋᓱᐤ ᒪᒃ᙮”
\v 6 ᒋ ‍ ᐃᑕᐳᐤ ᒪᒃ, ᒋ ‍ ᐛᐱᒪᐤ ᐸᒂᓯᑭᓇ ᐊᓐᑕ ᐊ ‍ ᒋᓯᓱᐎᔨᒋ ᐃᔎᔅᒋᑕᓇᔅᑯᒡ, ᑭᔭ ᐱᐛᐱᔅᑯᔭᑭᓂᔪᐤ ᐊᔅᑕᔨᒡ ᒋᒋᒡ ᐅᔅᑎᒂᓂᒡ᙮ ᒋ ‍ ᒥᒋᓱᐤ, ᒋ ‍ ᒥᓄᐤ ᒪᒃ, ᐊᑯ ᒥᓐ ᐸᒥᓯᐧᒃ᙮
\p
\v 7 ᑎᐸᔨᒋᒐᓱᐤ ᐅᑦ ᐊᓐᒋᓂᒪ ᒪᒃ ᒥᓐ ᒋ ᐸᒋ ‍ ᐃᑐᑕᔪᐛ, ᒋ ‍ ᑕᒋᓇᔪᐛ ᒪᒃ, ᐊ ‍ ᐃᔅᒋᔄᔨᒋ, “ᐅᓂ, ᒥᒋᓱᐤ ᒪᒃ; ᐛᔅ ᒥᔅᑎᐃ ᒋᑭ ‍ ᐱᒧᑕᓐ᙮”
\v 8 ᒋ ‍ ᐅᓂᐤ ᒪᒃ, ᒋ ‍ ᒥᒋᓱᐤ ᑭᔭ ᒋ ‍ ᒥᓄᐤ, ᒋ ‍ ᐱᒧᑕᐤ ᒪᒃ ᐊ ‍ ᒥᔅᑯᐎᓯᔅᑲᑯᑦ ᐊᓂᔭᔪᐤ ᒥᒋᒥᔪᐤ᙮ ᓇᐎᔪᐛ ᒋᓯᑲᐛ ᑭᔭ ᓇᐎᔪᐛ ᑎᐱᔅᑲᐛ ᐃᔅᐱᔅ ᐊᑯ ‍ ᐛᑎᑕᐧᒃ ᐦᐅᕋᑉ, ᒋᓴᒪᓂᑐᐛ ᐅᐱᔅᑯᑎᓇᒥᔪᐤ᙮
\p
\v 9 ᐊᐱᑯᓇᓴᑲᔨᒡ ᐊᓐᑕ ᒋ ‍ ᐱᒐᐤ ᑭᔭ ᐊᑯᑕ ᑲ ‍ ᓂᐸᑦ ᑕᐱᔅᑲᔨᒡ᙮
\s1 ᑎᐸᔨᒋᒐᓱᐤ ᒋ ‍ ᒥᔭᐤ ᑕᓐ ᒐ ‍ ᐃᑎᔨᒋ ᐃᓚᐃᒐᔨᒋ
\p
\v 10 ᐃᓚᐃᒐ ᒂ ‍ ᐃᑕᑦ, “ᓇᔅᒡ ᑕᑈᐅᓂᒡ ᒋᒋ ‍ ᐊᑐᔅᑲᑎᓐ, ᑎᐸᔨᒋᒐᓱᐤ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ᙮ ᒥᒄ ᒋ ‍ ᐱᑯᓂᒧᒡ ᐃᔅᕋᐃᓪ ᐃᔪᐤ ᓂᔅᑯᒥᑐᐅᓂᔪᐤ ᑲ ‍ ᑐᑎᒪᔅᒡ᙮ ᒋ ‍ ᓂᑕᐅᒧᒡ ᒋᔅᐱᑎᓂᒐᐅᓇᐱᔅᑯᔪᐤ, ᑭᔭ ᒋ ‍ ᓂᐸᐅᒡ ᒥᓯᐛ ᒋᑦ ‍ ᐅᒋᔅᒋᐛᔨᒐᓯᒪ᙮ ᓂᔾ ᒥᒄ ᓇᒪ ᓂ ᓂᐸᐃᑯᒡ, ᐊᓄᒡ ᑭᔭ ᓂᔾ ᓂᐎ ‍ ᓂᐸᐃᑯᒡ᙮ ᐊᑯ ᓂᒋ ‍ ᒋᑎᓯᒪᐅᒡ ᐊᓐᒡ᙮”
\p
\v 11 ᒂ ‍ ᐃᑎᑯᑦ ᑎᐸᔨᒋᒐᓱᐛ, ᒪᒋ ᐎᐎ ᑭᔭ ᐅᑎᔅᑯᐤ ᒐ ‍ ᓂᐳᔅᑐᐎᔨᓐ ᐅ ᐱᔅᑯᑎᓇᐤ ᒪᒂᒡ ᐊ ‍ ᐎᒪᔅᑲᑕᓐ᙮” ᓯᔅᒋᑯᒡ ᒂ ᒥᔅᑎ ‍ ᔪᑎᒡ ᐊᑲᔅᑕᐊᐧᒃ ᐱᔅᑯᑎᓇᔪᐤ᙮ ᐊᓂᔭ ᐅᒋ, ᒋ ‍ ᒥᓂᐱᔨᐛ ᐊᓯᓂᔭ ᐊᓐᑕ ᐅᐱᒪ ᐱᔅᑯᑎᓇᒡ᙮ ᒥᒄ ᓇᒪ ᐅᒋ ᐃᑕᐤ ᑎᐸᔨᒋᒐᓱᐤ ᐊᓐᑕ ᐊᔪᑎᓂᔨᒡ᙮ ᐊᑯ ᒂ ‍ ᓂᓂᒥᔅᑲᒡ, ᒥᒄ ᓇᒪ ᐅᒋ ᐃᑕᐤ ᑎᐸᔨᒋᒐᓱᐤ ᐊᓐᑕ ᐊᓂᓂᒥᔅᑲᔨᒡ᙮
\p
\v 12 ᐊᑯ ᒂ ‍ ᐃᔎᑕᒡ, ᒥᒄ ᓇᒪ ᐅᒋ ᐃᑕᐤ ᑎᐸᔨᒋᒐᓱᐤ ᐊᓐᑕ ᐃᔅᑯᑕᒡ᙮ ᐊᑯ ᒂ ‍ ᐸᑕᒂᒡ ᒐᒂᓐ ᒧᔭᒻ ᐸᑎᐧᑲᒡ ᐊᑯᐃᔅᑯᓯᑦ ᐊᐛᓐ᙮
\v 13 ᐃᔅᐱ ᐱᔭᑕᐧᒃ ᐊᓂᔭ ᐃᓚᐃᒐ, ᒂ ‍ ᐊᑯᓇᐎᓱᑦ ᐅᑎᑯᑉ ᐅᑕᔅᑎᒥᐧᑯᒡ᙮ ᒂᐎᐎᐸᑕ ᐊᐱᑯᓇᔭᐱᔅᑲᔨᒡ ᑭᔭ ᓇᐳᐅᑦ ᐊᓐᑕ ᐛᒋ ‍ ᐱᒐᓄᐎᒡ ᑭᔭ ᒂ ‍ ᐸᑐᐛᑦ ᑎᐸᔨᒋᒐᓱᐛ ᐊ ‍ ᐃᔨᒥᑯᑦ, ᒥᓐ ᐊ ‍ ᐃᑎᑯᑦ, “ᐃᓚᐃᒐ, ᒐᒂᓐ ᐅᑕ ᐛᒋ ‍ ᐃᑕᔨᓐ?”
\p
\v 14 ᒥᓐ ᒋ ‍ ᐃᑕᐤ, “ᓇᔅᒡ ᑕᑈᐅᓂᒡ ᒋᒋ ‍ ᐊᑐᔅᑲᑎᓐ, ᑎᐸᔨᒋᒐᓱᐤ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ᙮ ᒥᒄ ᒋ ‍ ᐱᑯᓂᒧᒡ ᐃᔅᕋᐃᓪ ᐃᔪᐤ ᓂᔅᑯᒥᑐᐅᓂᔪᐤ ᑲ ‍ ᑐᑎᒪᔅᒡ᙮ ᒋ ‍ ᓂᑕᐅᒧᒡ ᒋᔅᐱᑎᓂᒐᐅᓇᐱᔅᑯᔪᐤ, ᑭᔭ ᒋ ‍ ᓂᐸᐅᒡ ᒥᓯᐛ ᒋᑦ ‍ ᐅᒋᔅᒋᐛᔨᒐᓯᒪ᙮ ᓂᔾ ᒥᒄ ᓇᒪ ᓂ ᓂᐸᐃᑯᒡ, ᐊᓄᒡ ᑭᔭ ᓂᔾ ᓂᐎ ‍ ᓂᐸᐃᑯᒡ᙮ ᐊᑯ ᓂᒋ ‍ ᒋᑎᓯᒪᐅᒡ ᐊᓐᒡ᙮”
\p
\v 15 ᐅᑎᐸᔨᒋᒐᐤ ᒪᒃ ᒋ ‍ ᐃᑕᐤ ᐃᓇᐃᒐᔨᒋ, “ᒪᒋ, ᒋᐛ ᑲ ‍ ᐅᑐᑕᔨᓐ ᑕᒪᔅᑲᔅ ᐸᐧᑯᑎᔅᑭᒥᑲᒡ: ᐃᔅᐱ ᒪᒃ ᑕᑯᓯᓂᔨᓇ, ᒐ ‍ ᑐᒥᔅᑯᓂᑦ ᐊᓴᐊᓪ ᒐᒋ ᒋᓴᐅᒋᒪᐅᑦ ᓯᕆᔭᐃᒡ᙮
\v 16 ᑭᔭ ᒐᐅᐤ, ᓂᒻᓯ ᐅᑯᓴ, ᒋᑭ ‍ ᑐᒥᔅᑯᓇᐤ ᒐᒋ ᒋᓴᐅᒋᒪᐅᑦ ᐃᔅᕋᐃᓕᒡ; ᑭᔭ ᐃᓚᐃᓴ, ᓴᐸᑦ ᐅᑯᓴ, ᐊᐳᓪ-ᒥᐅᓚ ᑲ ‍ ᐅᒋᑦ ᒋᑭ ‍ ᑐᒥᔅᑯᓇᐤ ᒐᒋ ᒥᔅᑯᑎᔅᑲᔅᒃ ᐊ ‍ ᐅᒋᔅᒋᐛᐃᒐᓱᐅᑦ᙮”
\p
\v 17 ᒥᒐᑦ ᐊᐛᔪᐛ ᒋᑭ ‍ ᓂᐸᐅᒡ ᐊᓴᐊᓪ ᐅᓂᑐᐱᔪᐅ-ᐃᔨᒪ, ᑭᔭ ᐊᓐᒡ ᒐ ‍ ᒋᑎᓯᒧᒡ ᒐᒋ ᓂᐸᐊᑭᓄᐅᒡ ᐊᓴᐊᓚᔨᒋ ᐅᓂᑐᐱᔪᐅ-ᐃᔨᒥᔨᐛ ᐅᒋ, ᒐᐅᓚ ᐅᓂᑐᐱᔪᐅ-ᐃᔨᒥᔨᐛ ᒋᑭ ‍ ᓂᐸᔨᑯᐅᒡ, ᑭᔭ ᐊᓐᒡ ᒐ ‍ ᒋᑎᓯᒧᒡ ᒐᒋ ᓂᐸᐊᑭᓄᐅᒡ ᒐᐅᓚ ᐅᓂᑐᐱᔪᐅ-ᐃᔨᒥᔨᐛ ᐅᒋ, ᐊᓕᓴᔨᒋ ᒋᑭ ‍ ᓂᐸᔨᑯᐅᒡ᙮
\v 18 ᒥᒄ ᒋᑭ ᐎ ‍ ᒋᔅᒐᔨᑕᓐ ᐊᔅᒄ ᓂᔄᐅᑕ ᒐᓯᐱᔪᐤ ‍ (7000) ᐃᔪᒡ ᐊᓐᑕ ᐃᔅᕋᐃᓕᒡ ᐊ ᐊᑲ ᓂᑕ ᓄᐛᑲᐳᐅᒡ ᒐᒋ ᐊᔭᒥᐊᔅᑐᐛᒡ ᐸᐊᓚ ᑭᔭ ᒪᒃ ᓱᐛᔨᒪᒡ ᐅᒥᓐᑐᐧᑲᓂᒥᔨᐛ᙮
\s1 ᐃᓚᐃᒐ ᓂᑐᒪᐤ ᐊᓕᓴᔨᒋ
\p
\v 19 ᐊᓐᑕ ᒪᒃ ᒋ ᐅᒋ ‍ ᔅᑐᑕᐤ, ᒋ ‍ ᒥᔅᑯᐛᐤ ᒪᒃ ᐃᓚᐃᓴᔨᒋ ᓴᐸᑕ ᐅᑯᓯᔪᐛ ᐊ ‍ ᓂᑕᐅᒋᒋᑭᓂᒐᔨᒋ᙮ ᒋ ‍ ᐸᐃᑯᓴᐳᔪᐛ ᑯᑎᑲ ᓇᐸᐛ ᐊ ‍ ᓂᑲᓂᐱᔨᔅᑕᑯᔨᒋ ᐊᐎᒐᐛᔨᒋ ᓇᐸ ᒥᔅᑐᓴ ᑲ ‍ ᓇᓂᓱᐱᓱᔨᒋ, ᐎᔾ ᒪᒃ ᐊ ‍ ᐎᒐᐛᑦ ᐊᓂᔭ ᒪᔅᑕᔾ ᑲ ‍ ᓂᓱᐱᓱᔨᒋ: ᐃᓚᐃᒐ ᒪᒃ ᒋ ‍ ᐎᒪᔅᑯᐛᐤ, ᒋ ‍ ᐛᐱᓂᒧᐛᐤ ᒪᒃ ᐅᑦ ᐊᑯᑉ᙮
\v 20 ᐃᓚᐃᓴ ᒋ ‍ ᓇᑭᑕᐤ ᒪᒃ ᓇᐸ ᒥᔅᑐᓴ, ᒋ ‍ ᓇᓴᐛᐤ ᒪᒃ ᐃᓚᐃᒐᔨᒋ, ᒋ ‍ ᐃᑕᐤ ᒪᒃ, “ᓇᐊᔨᒥ ᒋ ‍ ᐱᑯᓴᔨᒥᑎᓐ ᒐᒋ ᓱᐛᔨᒥᒂᐤ ᓄᑕᐎᔾ ᑭᔭ ᓂᑲᐎᔾ, ᐊᑯ ᒐ ‍ ᓇᓴᐅᑕᓐ᙮”
\p ᐃᓚᐃᒐ ᒪᒃ ᒋ ‍ ᐃᑕᐤ, “ᒋᐛ; ᐛᔅ ᒐᒂᓐ ᑲᒋ ‍ ᐃᑐᑕᑕᓐ ?”
\v 21 ᐃᓚᐃᓴ ᒋ ‍ ᓂᑭᑕᐤ ᒪᒃ, ᑭᔭ ᐊ ‍ ᒋᐛᑦ, ᒋ ‍ ᐅᑎᓇᐤ ᑲ ‍ ᓂᓱᐱᓱᔨᒋ ᓇᐸ ᒥᔅᑐᓴ, ᑭᔭ ᒋ ‍ ᓂᐸᐊᐤ, ᒋ ‍ ᑎᑭᔄᐤ ᒪᒃ, ᓇᐸ ᒥᔅᑐᓴ ᐅᑕᐸᓇᔭᐱᔪᐤ ᐅᒋ, ᒋ ‍ ᐊᓴᒪᐤ ᒪᒃ ᐃᔪᐛ, ᒋ ‍ ᒥᒋᓱᔪᐛ ᒪᒃ᙮ ᐊᑯ ᒪᒃ ᐸᓯᑯᑦ, ᒋ ‍ ᓇᓴᐛᐤ ᒪᒃ ᐃᓚᐃᒐᔨᒋ, ᐊ ‍ ᐊᑐᔅᑯᐛᑦ᙮
\c 20
\s1 ᓯᕆᐊ ᓂᑐᐱᔪᐅ-ᐃᔪᒡ ᑲ ‍ ᑯᓯᑯᐛᔨᒧᑕᒡ ᐃᔅᕋᐃᓕᔪᐤ
\p
\v 1 ᓯᕆᐊ ᒋᓴᐅᒋᒪᐤ, ᐸᓐ-ᐊᑕᑦ, ᒋ ‍ ᒪᒧᐅᓇᐤ ᐅᓂᑎᐱᔪᐅ-ᐃᔨᒪ, ᑭᔭ ᒋ ‍ ᓯᒋᒪᐤ ᓂᔅᑐᔪᐤ ᐊᓱ ᓂᓱ ‍ (32) ᑯᑎᑲ ᒋᓴᐅᒋᒪᐛ ᒐᒋ ᐎᒐᐅᑯᑦ ᐊᓯᒡ ᐅᓂᑐᐱᔪᐅ-ᐃᔨᒥᐛᐛ ᑭᔭ ᐅᑲᐸᐃᑭᔅᔎᒧᐛᐛ ᑭᔭ ᐅᑎᑎᐱᑕᐸᓇᔅᑯᐛᐛ᙮ ᓴᒪᕆᐃᐊ ᐅᑕᓇᒡ ᒋ ‍ ᐃᑐᑕᐅᒡ, ᐃᔅᕋᐃᓪ ᒥᔅᑎ ‍ ᐅᑕᓇᒡ, ᑭᔭ ᒂ ‍ ᐛᔅᑲᔅᑲᒡ, ᑭᔭ ᐊᔭᔅᑯᐎᒡ ᒐᒋ ᑯᓯᒂᔨᒧᑕᒡ᙮
\v 2 ᒋ ‍ ᐃᑎᓴᐛᐤ ᐸᓐ-ᐊᑕᑦ ᐃᔨᒧᐅᓂᔪᐤ ᑲᐱᒧᑕᔨᒋ ᐊᓐᑕ ᒋᓴᐅᒋᒪᐛ ᐊᐊᐸ ᐊᓐᑕ ᐅᑕᓇᒡ, ᒐᒋ ᐃᑕᔨᒋ ᐅᔭ: ᐊᐅᒄ ᐅ ᐊᔅᒋᔄᑦ ᒋᓴᐅᒋᒪᐤ ᐸᓐ-ᐊᑕᑦ:
\v 3 ‘ᒥᓯᐛ ᒋ ‍ ᐛᐱᓯᓱᓇᔭᓂᒻ ᑭᔭ ᒋᐎᔄᐅᓱᓇᔭᓂᒻ ᒋᑭ ᐎ ᒥᔨᓐ, ᑭᔭ ᒪᐅᒡ ᑲ ‍ ᒥᔪᔎᐅᒡ ᒋ ᐎᒋᒪᑭᓐᒡ ᑭᔭ ᐊᓱᒋᓯᒡ ᒋᑦ ᐊᐛᓯᒥᒡ᙮”’
\p
\v 4 ᐊᑯ ᒂ ‍ ᐃᑎᑯᒡ ᐃᔅᕋᐃᓪ ᒋᓴᐅᒋᒪᐛ, “ᐎᑎᒧᐛᐧᒄ ᐅ ᒋᓴᐅᒋᒪᐤ ᐸᓐ-ᐊᑕᑦ; ‘ᓂ ‍ ᓂᔅᑯᒧᓐ ᒐ ‍ ᑐᑎᒪᓐ ᒐᒂᓐ ᓇᑐᐛᔨᑎᒥᓐ᙮ ᒋᑭ ᒋ ‍ ᑎᐸᔨᒥᓐ ᑭᔭ ᒥᓯᐛ ᒐᒂᓐ ᑕᐱᔨᐛᐅᓯᔭᓐ᙮”’
\p
\v 5 ᐊᐅᑯᔪᐤ ᐊᓯ ‍ ᐎᑎᒧᐛᒡ ᐃᔨᒧᐅᓂᔪᐤ ᑲᐱᒧᑕᒡ ᐸᓐ-ᐊᑕᑕ, ᑭᔭ ᑲᐤ ᒂ ‍ ᒋᐛᑎᓴᐛᑦ ᐃᔨᒧᐅᓂᔪᐤ ᑲᐱᒧᑕᔨᒋ ᐊᓯᒡ ᑯᑎᒋᔪᐤ ᐃᔨᒧᐅᓂᔪᐤ: ᒋᒋ ‍ ᐃᑎᓴᐊᒪᑎᓐ ᐃᔨᒧᐅᓐ ᐊ ‍ ᐃᑕᓐ ᒥᓯᐛ ᒐᐎ ‍ ᒥᔨᓐ ᒋ ‍ ᐛᐱᓯᓱᓇᔭᓂᒻ ᑭᔭ ᒋᐎᔄᐅᓱᓇᔭᓂᒻ ᑭᔭ ᒋ ᐎᒋᒪᑭᓐᒡ ᑭᔭ ᒋᑦ ᐊᐛᓯᒥᒡ᙮
\v 6 ᒥᒄ ᒧᔭᒻ ᐅ ᐊᔅᐱᔨᒡ ᐛᐸᒐ, ᓂᑭ ‍ ᐃᑎᓴᐛᐅᒡ ᐱᔅᒐ ᓂᑦ ᐊᑐᔅᒐᔭᑭᓐᒡ ᐊᓐᑕ ᒋᒋᓴᐅᒋᒪᒋᐛᐱᒡ ᑭᔭ ᒋᑦ ‍ᐊᑐᔅᒐᔭᑭᓐᒡ ᐎᒋᐛᐛᒡ, ᑭᔭ ᒐᒋ ᐸᑐᐅᒡ ᒥᓯᐛ ᒐᒂᔪᐤ ᓂᔭᔨᑎᒥᔨᑯᒡ᙮”
\p
\v 7 ᒥᓯᐛ ᑲᓂᑲᓄᔅᑲᒐᔨᒋ ᒋ ‍ ᓂᑐᒪᐤ ᒋᓴᐅᒋᒪᐤ ᐊᐊᑉ, ᑭᔭ ᒋ ‍ ᐃᑕᐤ, “ᒋ ‍ ᒋᔅᒐᔨᑕᓇᐛᐤ ᐅ ᓇᐸᐤ ᐊᑯᒋᑕᑦ ᒐᒋ ᒥᔅᑎ ‍ ᒥᒋᐱᔨᑕᑦ᙮ ᓂᑦ ‍ ᐃᑎᓴᐊᒪᒄ ᐃᔨᒧᐅᓂᔪᐤ ᐊ ‍ ᐃᔅᒋᔄᑦ ᒐᐎ ‍ ᒥᔨᒃ ᓂᐎᒋᒪᑭᓇ ᑭᔭ ᓂᑦ ‍ ᐊᐛᓯᒪ, ᓂᐛᐱᓯᓱᓇᔭᓂᒥᔪᐤ ᑭᔭ ᓂᐎᔄᐅᓱᓇᔭᓂᒥᔪᐤ, ᑭᔭ ᓂᒋ ‍ ᓂᔅᑯᒧᐛᓐ ᐊᓂᔭ ᒐᒋ ᐃᑐᑎᒧᒡ᙮”
\p
\v 8 ᑲᓂᑲᓄᔅᑲᒐᒡ ᑭᔭ ᒥᓯᐛ ᑯᑎᑭᒡ ᐃᔪᒡ ᒂ ‍ ᐃᑕᒡ, “ᒐ ᐊᑲ ᐃᔭᐱᓯᑐᐅᑦ! ᒐ ‍ ᐊᑲ ᑐᑎᒧᑦ ᐊ ᐃᓯ ‍ ᓂᑐᐛᔨᑕᐧᒃ!”
\p
\v 9 ᐊᑯ ᐊᐊᑉ ᐊᑕᑦ ᐊᓂᔭ ᐸᓐ-ᐊᑕᑕ ᐅᑦ ‍ ᐃᔨᒥᔨᐛ ᐃᔨᒧᐅᓂᔪᐤ ᑲᐱᒧᑕᔨᒋ, “ᒐ ‍ ᐎᑎᒧᐛᒄ ᒋᓴᐅᒋᒪᐤ ᐊᓂᔅᑯᒧᐅᒡ ᒐᒋ ᒥᔨᒃ ᐊᓂᔭ ᒐᒂᔪᐛ ᐅᔅᑭᒡ ᑲ ‍ ᓂᑐᐛᔨᑕᐧᒃ, ᒥᒄ ᓇᒪ ᓂ ‍ ᓂᔅᑯᒧᐛᓐ ᐅᑦ ‍ ᐊᐱᒋᐊᑭᓇ ᒐᒋ ᐅᑎᓂᒥᔨᒋ ᒥᒄ ᒐᒂᔪᐤ ᓇᑐᐛᔨᑎᒥᔨᒋ ᐊᓐᑕ ᓂᒋᓴᐅᒋᒪᐅᒋᐛᐱᒡ ᐅᒋ ᑭᔭ ᓂᑦ ‍ ᐊᑐᔅᒐᔭᑭᓇ ᐎᒋᐛᔨᒡ᙮” ᐊᑯ ᐃᔨᒧᐅᓂᔪᐤ ᑲᐱᒧᑕᒡ ᒪᔭᒡ ᐃᔨᒧᐅᓂᔪᐤ ᒋᓴᐅᒋᒪᐛ ᐸᓐ-ᐊᑕᑕ, ᑭᔭ ᑲᐤ ᒂ ‍ ᑎᑯᓯᒡ ᐊᓯᒡ ᑯᑎᒋᔪᐤ ᐃᔨᒧᐅᓂᔪᐤ ᐸ-ᐊᑕᑕ ᐅᒋ᙮
\p
\v 10 ᐊᓐᑕ ᐃᔨᒧᐅᓂᒡ ᒋ ‍ ᐃᔅᒋᔄᐤ, “ᓇᔅᒡ ᓂᑭ ‍ ᓂᓱᐅᓇᒋᑕᓇᓐ ᒋᐅᑕᓇᒻ, ᐊᓐ ᐅᒋ ᓇᒪ ᒋᑭ ‍ ᐃᔅᑯᐱᔪᐤ ᐊᐱᐳᑕᐱᔨᒡ ᑭᔭ ᐊᐱᓂᔅᑕᒡ ᒐᒂᓐ ᐸᐃᒄ ᒥᑎᒋᒡ ᒐᒋ ᐅᑎᓇᐧᒃ ᓂᓂᑐᐱᔪᐅ-ᐃᔨᒻ᙮ ᑭᒪ ᓂᐸᔨᒡ ᒥᓐᑐᐅᒡ ᐊ ᐊᑲ ᐊᓐ ᐃᑐᑎᒪᓐ!”
\p
\v 11 ᒋᓴᐅᒋᒪᐤ ᐊᐊᑉ ᒋ ‍ ᐃᑕᐤ ᐃᔨᒧᐅᓂᔪᐤ ᑲᐱᒧᑕᔨᒋ, “ᒐ ‍ ᐎᑎᒧᐛᒄ ᒋᓴᐅᒋᒪᐤ ᐸᓐ-ᐊᑕᑦ ᐊᓂᔭ ᓂᑐᐱᔪᐅ-ᐃᔪᐛ ᑈᔅᑎᔅᑭᒥᔨᒋ ᐅᓂᑐᐱᔪᐅ-ᐊᐱᒋᑕᐅᓂᔨᐛ ᐊᔭᔅᑯᔨᒋ ᒐᒋ ᒪᓯᒐᔨᒋ ᐊᓂᑐᐱᓇᓄᐎᒡ ᐊᑐᒡ ᒋ ‍ ᒥᒥᒋᒧᐤ ᐊᓂᔭ ᒪᒂᒡ; ᒋᐸ ‍ ᐊᓯᓄᐛᓯᐤ ᐸᑎᒪ ᒋᑲᓂᔪᐅᑦ ᐊᓂᑐᐱᔨᓇᓄᐎᒡ᙮” ‍ 
\p
\v 12 ᒋ ‍ ᐸᑎᒻ ᐸᓐ-ᐊᑕᑦ ᐊᓂᔭ ᐃᔨᒧᐅᓂᔪᐤ ᒪᒂᒡ ᐎᔾ ᑭᔭ ᑯᑎᑲ ᑲᓂᑲᓄᔅᑲᒐᔨᒋ ᑲ ‍ ᒥᓂᒡ ᓱᒥᓇᐳᔪᐤ ᐊᓐᑕ ᐛᔨᐱᓯᒡ ᑲ ‍ ᐎᒋᒡ᙮ ᒋ ‍ ᐃᑕᐤ ᐅᑦ ‍ ᐃᔨᒪ ᒐᒋ ᐊᔭᔅᑯᐎᒋ ᒐᒋ ᑯᓯᑯᐛᔨᒧᑎᒥᔨᒋ ᐅᑕᓇᔪᐤ᙮ ᐊᐅᑯᓐ ᑲ ‍ ᐃᑎᔨᒋ ᐅᑦ ‍ ᐃᔨᒪ᙮
\s1 ᐊᐊᑉ ᐅᔅᑭᒡ ᒋᑲᓂᔪᐅᒡ ᑲ ‍ ᓂᑐᐱᔨᑐᐛᒡ ᓴᕆᐊ ᐃᔪᐛ
\p
\v 13 ᐊᓂᔭ ᒪᒂᒡ, ᐅᒋᔅᒋᐛᔨᒐᓱᐤ ᒋ ‍ ᓂᑐᐛᐱᒪᐤ ᒡᓴᐅᒋᒪᐛ ᐊᐊᐸ ᑭᔭ ᒂ ‍ ᐃᑕᑦ, “ᐊᐅᑯᔪᐤ ᐊᔅᒋᔄᑦ ᑎᐸᔨᒋᒐᓱᐤ: ᒐ ᐊᑲ ᒥᓯᐛ ᑯᔅᑕᑯᒡ ᐊᒥᒐᑎᒡ ᑲ ‍ ᐱᒂᑎᑕᑯᒡ ᓂᑐᐱᔪᐅ-ᐃᔪᒡ ᐎᔭᐱᒪᑯᒡ! ᓂᑭ ‍ ᐃᑐᑐᐛᐅᒡ ᒋᑐᐱᔪᐅ-ᐃᔨᒧᐛᐅᒡ ᒐᒋ ᓴᐧᑯᒋᐊᒡ ᐊᓄᒡ, ᑭᔭ ᒋᑭ ‍ ᒋᔅᒐᔨᑕᓇᐛᐤ, ᓂᔾ, ᑎᐸᔨᒋᒐᓯᐤ, ᐊᔭᔭᓐ ᓱᐧᑲᑎᓯᐅᓐ ᒐᒋ ᑐᑎᒪᓐ ᑲ ‍ ᐃᔅᒋᔄᔭᓐ ᒐ ‍ ᑐᑎᒪᓐ᙮
\p
\v 14 ᐊᐊᑉ ᒋᑭᒂᒋᒪᐤ, "ᒐᒃ ᓂᓂᑐᐱᔪᐅ-ᐃᔨᒥᓇᓐᒡ ᒐ ‍ ᓴᐧᑯᒋᐊᒡ?” ᐅᒋᔅᒋᐛᔨᒐᓱᐤ ᒋ ‍ ᐃᑕᐤ, “ᐊ ‍ ᐅᔅᑎᓂᒍᐅᒡ ᓂᑐᐱᔪᐅ-ᐃᔪᒡ ᐊᓐᒡ ᓇᑲᓄᔅᑲᑯᒡ ᐊᓐᑕ ᐊᔅᒋᒡ ᐅᒋᒪᐛ᙮” ᒋᓴᐅᒋᒪᐤ ᒋ ‍ ᑭᒂᒋᒪᐤ, “ ᐊᐛᓐ ᒐ ‍ ᓂᑲᒧᔅᑲᒐᑦ ᐊᑯᓯᒂᔨᒧᓇᓄᐎᒡ? ᐅᒋᔅᒋᐛᔨᒐᓱᐤ ᒋ ‍ ᐃᑕᐤ, “ᒋᔾ ᑭᑈ!”
\p
\v 15 ᐊᑯ ᐊᐊᑉ ᒂ ‍ ᒪᒧᐅᓇᑦ ᐊ ‍ ᐅᔅᑎᓂᒍᔨᒋ ᓂᑐᐱᔪᐅ-ᐃᔪᐛ ᐊᓂᔭ ᑲ ‍ ᓂᑲᓄᔅᑲᑯᔨᒋ ᐊᓐᑕ ᐊᔅᒋᒡ ᐅᒋᒪᐛ᙮ ᒋ ‍ ᓂᓱ ‍ ᒥᑕᓯᒥᑐᓄᐛᓯᔨᐛ ᐊᓱ ᓂᔅᑐᔪᐤ ᐊᓱ ᓂᓱ ‍ (232) ᓇᐸᐛ᙮ ᐊᑯ ᐃᔭᐱᒡ ᒂ ‍ ᓂᑐᒪᑦ ᒥᓯᐛ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮ ᒥᒄ ᓂᔄᐅᑕᒡ ‍ (7000) ᒐᓯᐱᔪᐤ ᓂᑐᐱᔪᐅ-ᐃᔪᐛ ᒋ ‍ ᑕᑎᓯᔨᐛ᙮
\v 16 ᐃᔭᐱᑕᒋᓯᑲᔨᒡ ᒂ ‍ᒋᒋ ᑯᓯᒂᔨᒧᑕᒐᒡ, ᒪᒂᒡ ᐸᓐ-ᐊᑕᑦ ᑭᔭ ᑯᑎᑭᒡ ᑲ ‍ ᓂᑲᓄᔅᑲᒐᒡ ᒐᔎᐸᒡ ᐊᓐᑕ ᐛᔨᐱᓯᒡ ᑲ ‍ ᐎᒋᒡ᙮
\v 17 ᐊ ‍ ᐅᔅᑎᓂᒍᔨᒋᐅᒡ ᓂᑐᐱᔪᐅ-ᐃᔪᒡ ᐅᔅᑭᒡ ᒋ ‍ ᐱᒧᑕᐅᒡ᙮ ᐸᔅᒐ ᐊᓐᒡ ᐊᐱᒋᐊᑭᓐᒡ ᑲ ‍ ᒋᑎᓴᐅᑯᒡ ᐸᓐ-ᐊᑕᑕ ᒋ ‍ ᐃᑕᐅᒡ, “ᐃᑕᐅᒡ ᐊᓐᒡ ᓇᐸᐅᒡ ᐊ ᐸᒋ ‍ ᐎᐎᒡ ᓴᒪᕆᐃᐊ ᐅᑕᓇᒡ ᐅᒋ”!
\p
\v 18 ᒋ ‍ ᐃᑕᐤ, “ᓇᒪ ᐃᔭᐱᑕᔨᑕᑯᓐ ᑕᑯᓯᓂᒂᓐᒋ ᒐᒋ ᒪᓯᐧᑲᑕᑯᒡ ᑭᔭ ᒪᒃ ᓇᑐᐛᔨᑎᒥᒂᓐᒋ ᒋᔭᒪᔨᑎᒧᐅᓂᔪᐤ᙮ ᒪᑯᓇᐧᑯᒡ, ᒥᒄ ᐊ ᐊᑲ ᓂᐸᐧᑯᒡ
\p
\v 19 ᐊ ‍ ᐅᔅᑎᓂᒍᔨᒋᐅᒡ ᓂᑐᐱᔪᐅ-ᐃᔪᒡ ᒋ ‍ ᒋᑐᑕᐅᒡ ᐅᑕᓇᒡ ᐅᒋ ᒐᒋ ᑯᓯᒂᔨᒧᑐᐛᒡ ᓯᕆᐊ ᓂᑐᐱᔪᐅ-ᐃᔪᐛ, ᑭᔭ ᑯᑎᑲ ᓯᒪᑭᓂᓴ ᐊᓐᑕ ᐃᔅᕋᐃᓪ ᓂᑐᐱᔪᐅ-ᐃᔪᐛ ᒋ ‍ ᓇᓴᐅᑯᐅᒡ᙮
\v 20 ᑕᑐᐤ ᐃᔅᕋᐃᓪ ᓯᒪᑭᓂᔅ ᒋ ‍ ᓂᐸᐅᐤ ᓯᕆᐊ ᓯᒪᑭᓂᓴ᙮ ᒥᓯᐛ ᑯᑎᑭᒡ ᓯᕆᐊ ᓂᑐᐱᔪᐅ-ᐃᔪᒡ ᒋ ‍ ᒋᑎᓯᒧᐅᒡ, ᑭᔭ ᐃᔅᕋᐃᓪ ᓯᒪᑭᓂᓯᒡ ᒋ ‍ ᓇᓴᐛᐅᒡ᙮ ᒥᒄ ᒋᓴᐅᒋᒪᐤ ᒋ ‍ ᒋᑎᓯᒧᐤ ᐊ ‍ ᐳᓯᑦ ᐅᑲᐸᐃᑭᔎᒪ, ᐊᓯᒡ ᐊᓂᔭ ᐱᔅᒐ ᑯᑎᑲ ᓇᐸᐛ ᑲ ‍ ᐳᓯᔨᒋ ᑲᐸᐃᑭᔎᐛ᙮
\v 21 ᐊᑯ ᐃᔅᕋᐃᓕᒡ ᒋᓴᐅᒋᒪᐤ ᒂ ‍ ᐎᐎᑦ ᐅᑕᓇᔪᐤ, ᑭᔭ ᐎᔾ ᑭᔭ ᐅᑦ ᐊᓯᒪᑭᓂᓯᒪ ᒋ ‍ ᒪᑯᓇᔪᐛ ᒥᓯᐛ ᑯᑎᑲ ᓯᕆᐊ ᑲᐸᐃᑭᔎᐛ ᑭᔭ ᑎᑎᐱᑕᐸᓇᔎ, ᑭᔭ ᐃᔭᐱᒡ ᒋ ᒥᔅᑎ ‍ ᓂᐸᐅᒡ ᓯᕆᐊ ᓯᒪᑭᓂᓴ᙮
\p
\v 22 ᐊᑯ ᐊᓐ ᐸᐃᑯᑕᐤ ᐊᒋᔅᒋᐛᔨᒐᓱᐤ ᓇᑐᐛᐱᒪᑦ ᒋᓴᐅᒋᒪᐛ ᐊᐊᐸ ᑭᔭ ᐊᑕᑦ, ᑲᐤ ᒋᐛᒪ ᑭᔭ ᒐ ‍ ᐊᔭᔅᑯᐛᔨᑥᐤ ᒋᑦ ᐊᓯᒪᑭᓂᓯᒥᒡ, ᑭᔭ ᒐ ‍ ᒥᔪ ‍ ᒪᒥᑐᓇᔨᑎᒥᓐ ᒐᒂᓐ ᒋᐸ ‍ ᐎ ‍ ᐃᑐᑕᓐ, ᐛᔅ ᓯᕆᐊ ᒋᓴᐅᒋᒪᐤ ᒋ ‍ ᑯᓯᒂᔨᒧᑕᑯᐛᐤ ᓯᑯᓂᔨᒐ ᑯᑎᒋᔪᐤ ᐱᐳᓂᔪᐤ᙮”
\p
\v 23 ᑲᒋ ‍ ᓴᐧᑯᒋᐊᑭᓄᐅᒡ ᓯᕆᐊ ᓂᑐᐱᔪᐅ-ᐃᔪᒡ, ᐸᓐ-ᐊᑕᑦ ᐅᑯᐸᓇᒪ ᒋ ‍ ᐃᑎᑯᐤ, “ᐊᓂᔭ ᒪᓐᑐᐛ ᐊᔭᒥᐊᔅᑐᐛᒡ ᐃᔅᕋᐃᓪ ᐃᔪᒡ ᐊᐅᑯᔪᐛ ᐊᓂᔭ ᐛᒋᔨᒋ ᐊᓐᑕ ᐱᔅᑯᑎᓇᒡ᙮ ᐊᑯᑕ ᐊᓐᑕ ᐱᔅᑯᑎᓇᒡ ᒐ ‍ ᒥᑕᑭᓄᐅᒡ ᓴᒪᕆᐃᐊ, ᑭᔭ ᐊᐅᑯᔪᐤ ᐊᓂᔭ ᐛᒋ ‍ ᒋᓴᐧᑯᒋᔨᑕᐧᑯᐤ ᐅᑦ ‍ ᐊᓯᒪᑯᓂᓯᔨᒧᐛᐛ᙮ ᒥᒄ ᒪᓯᐧᑯᐛᒂᐛ ᐊᓐᑕ ᐊᑕᐱᔅᑯᒐᔨᒡ ᐊᔅᒋᒡ, ᑕᑈ ᒋᐸ ᒋ ‍ ᓴᐧᑯᒋᐊᓄᐅᒡ᙮
\v 24 ᐊᑯ, ᐊᐅᑯᐤ ᒋᐸ ‍ ᐃᑎᓇᐛᐤ: ᒋᑭ ᐎ ‍ ᒥᓇᐛᐅᒡ ᑲ ‍ ᓂᑐᔪᐛᓯᒡ ᐊᓱ ᓂᓱ ‍ (32) ᒋᓴᐅᒋᒪᐅᒡ ᐊᓐᒡ ᑲ ‍ ᓂᑲᓂᔅᑯᐛᒡ ᒋᑦ ᐊᐃᒪᑭᓂᓯᒧᐛᐛ ᑭᔭ ᒐ ‍ ᒥᔅᑯᑕᔭᑯᒡ ᐊᓂᔭ ᐅᒋᒪᐤ ᓂᑐᐱᔪᐅ-ᐃᔪᐛ᙮
\v 25 ᐊᑯ ᒐ ‍ ᒪᒧᐅᓇᑯᒡ ᓂᑐᐱᔪᐅ-ᐃᔪᒡ ᒧᔭᒻ ᐊᓐᒡ ᑲ ‍ ᓴᐧᑯᒋᐊᑭᓄᐅᒡ ᓂᑐᐱᔪᐅ-ᐃᔪᒡ, ᒐ ‍ ᒪᒧᐅᓇᑯᒡ ᓂᑐᐱᔪᐅ-ᐃᔪᒡ ᒥᒐᑦ ᑲᓄᐛᔨᒪᒡ ᑲᐸᐃᑭᔎᐛ ᑭᔭ ᑎᑎᐱᑕᐸᓇᔎ ᒧᔭᒻ ᐊᓐᒡ ᐅᔅᑭᒡ ᓂᑐᐱᔪᐅ-ᐃᔪᒡ ᑲ ‍ ᑭᓄᐛᔨᒪᒡ᙮ ᐊᑯ ᒐ ‍ ᒪᓯᐧᑯᐛᐧᑯᒡ ᐃᔅᕋᐃᓪ ᐃᔪᒡ ᐊᓐᑕ ᐊᑕᐱᔅᑯᒐᔨᒡ ᐊᔅᒋᒡ ᑭᔭ ᑕᑈ ᒋᑭ ‍ ᓴᐧᑯᒋᐊᓄᐅᒡ᙮”
\v 26 ᓯᑯᓂᔨᒡ ᒥᓐ ᐱᐳᓂᔨᒡ, ᒋ ‍ ᒪᒧᐅᓇᐤ ᐅᑦ ᐊᓯᒪᑭᓂᓯᒪ ᑭᔭ ᐎᒋ ‍ ᐱᒧᑕᒪᑦ ᐊᐸᒃ ᐅᑕᓇᒡ ᐃᓯ ᐛᐱᓄᑕᒡ ᑲᓕᓕ ᓂᐱᔅ, ᒐᒋ ᒪᓯᐧᑯᐛᒡ ᐃᔅᕋᐃᓪ ᓂᑐᐱᔪᐅ-ᐃᔪᐛ᙮
\v 27 ᐃᔅᕋᐃᓪ ᓂᑐᐱᔪᐅ-ᐃᔪᒡ ᐃᔭᐱᒡ ᒋ ‍ ᒪᒧᐎᔪᐅᒡ, ᑭᔭ ᒋ ‍ ᑭᓄᐛᔨᑕᓱᐅᒡ ᐊᓂᔭ ᑲ ᐃᓯ ‍ ᓂᑐᐛᔨᑕᒡ ᒐ ‍ ᐃᑕᐱᒋᑕᒡ ᒐᒋ ᓂᑐᐱᔨᒡ᙮ ᐊᑯ ᒂ ‍ ᒋᑐᑕᒡ ᑭᔭ ᓂᓱᔨᒡ ᒂ ‍ ᐃᑕᒡ ᐅᑎᔅᑯᐤ ᓯᕆᐊ ᓂᑐᐱᔪᐅ-ᐃᔪᐛ᙮ ᓇᒪ ᐅᒋ ᒥᒐᑎᔨᐛ ᐅᓂᑐᐱᔪᐅ-ᐃᔨᒧᐛᐛ: ᒧᔭᒻ ᓂᓱᐎᒡ ᐊ ‍ ᐃᑕᒡ ᓄᓴ ᒥᔅᑐᓯᓴᒡ, ᐊᑯ ᒋ ‍ ᒥᒐᑐᐅᒡ ᐊᓐᒡ ᓯᕆᐊ ᓂᑐᐱᔪᐅ-ᐃᔪᒡ ᑭᔭ ᒥᓯᐛ ᐊᔅᒋᒡ ᒋ ᐃᓯ ‍ ᒥᓯᑕᐱᔪᐅᒡ᙮
\p
\v 28 ᐅᒋᔅᒋᐛᔨᒐᓱᐤ ᒋ ‍ ᓂᑐᐛᐱᒪᐤ ᒋᓴᐅᒋᒪᐛ ᐊᐊᐸ ᑭᔭ ᒋ ‍ ᐃᑕᐤ, “ᐊᐅᑯᔪᐤ ᐊᔅᒋᔄᑦ ᑎᐱᔨᒋᒐᓱᐤ: ‘ᒂ ‍ ᐃᔅᒋᔄᒡ ᓯᕆᐊ ᐃᔪᒡ ᐊᐎᒡ ᒪᓂᑐᐛ ᐛᒋᔨᒋ ᐊᓐᑕ ᐊ ‍ ᐛᐛᑭᑕᐅᐧᑲᔨᒡ ᐊᔅᒋᒡ, ᑭᔭ ᐊ ᐊᑲ ᐊᐎᒡ ᒪᓂᑐᐛ ᐊᑲ ‍ ᐎᒋᔨᒋ ᐊᓐᑕ ᐊ ‍ ᐱᓴᔨᒡ᙮ ᐊᑯ ᓂᑭ ‍ ᐛᐸᑎᔭᐅᒡ ᐊᐱᑕᐊᒡ ᐊ ‍ ᐃᔅᒋᔄᒡ ᐊ ᐃᑐᑐᐅᒂᐤ ᒋᑦ ᐃᔨᒥᒡ ᒐᒋ ᓴᐧᑯᒋᐊᒡ ᐅᒡ ᓇᔅᒡ ᑲ ‍ ᒥᒐᑎᔨᒋ ᐅᓂᑐᐱᔪᐅ-ᐃᔪᐛ ᐊᓐᑕ ᐊ ‍ ᐱᓴᔨᒡ, ᑭᔭ ᒋᑭ ‍ ᒋᔅᒐᔨᑕᓐ ᓂᔾ, ᑎᐸᔨᒋᒐᓱᐤ, ᑲ ‍ ᐃᑐᑎᒪᓐ᙮”’
\p
\v 29 ᑲ ‍ ᓂᓯᒡ ᓂᑐᐱᔪᐅ-ᐃᔪᒡ ᐅᐱᒋᐛᔭᓂᒋᐛᐳᐛᒡ ᒋ ‍ ᐃᑕᐅᒡ ᓂᔄᐅᑕᒡ ‍ (7) ᑕᑐᐤ ᒋᓯᑲᐛ ᐃᔅᐱᔅ, ᐊᓂᓱᔨᒋᓯᒡ ᐊ ‍ ᐅᑐᔅᑯᑲᐳᐅᔅᑕᑐᒡ᙮ ᐊᑯ, ᐊᓂᔭ ᓂᔄᐅᑕᒡ ‍ (7) ᒋᓯᑯᔪᐤ, ᒂ ‍ ᒋᒋᐱᔨᒡ ᐊᒪᓯᐧᑲᑐᒡ᙮ ᐸᐃᑯ ᒥᑕᓯᒥᑎᓄᐤ ᑕᑥᐤ ᒐᓯᐱᔪᐤ ‍ (100,000) ᓯᕆᐊ ᓂᑐᐱᔪᐅ-ᐃᔪᐛ ᒋ ‍ ᓂᐸᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ᙮
\v 30 ᑯᑎᑭᒡ ᓯᕆᐊ ᓂᑐᐱᔪᐅ-ᐃᔪᒡ ᐊᐸᒃ ᐅᑕᓇᒡ ᒋ ‍ ᐃᑎᓯᒧᐅᒡ᙮ ᒂ ‍ ᓂᓯᐱᔨᒡ ᐅᑕᓇᒡ ᐊᔅᑎᒥᑎᒡ ᑲ ‍ ᐛᔅᑲᑲᐳᐅᒡ ᑭᔭ ᐊᑎᑐᐤ ᓂᓱᔪᐤ ᐊᓱ ᓂᔄᐅᑕᒡ ᑕᑐ ᒐᓯᐱᔪᐤ ‍ (27,000) ᓯᕆᐊ ᓂᑐᐱᔪᐅ-ᐃᔪᐛ ᒋ ‍ ᓂᐸᐅᒡ᙮
\v 31 ᒋ ‍ ᓂᑐᐛᐱᒥᑯᐤ ᐅᑦ ‍ ᐊᐱᒋᐊᑭᓇ ᑭᔭ ᒋ ‍ ᐃᑎᑯᐤ, “ᓂᒋ ‍ᐸᑕᓇᓐ ᐃᔨᒧᐅᓐ ᐊᒋᑎᒪᒐᔨᒧᐛᒡ ᐃᔅᕋᐃᓪ ᐃᔪᒡ᙮ ᐊᑯ ᓇᐊᔨᒥᓇᓐ ᒐᒋ ᓂᑐᐛᐱᒥᒋᒡ ᐃᔅᕋᐃᓪ ᒋᓴᐅᒋᒪᐤ, ᐊᒋᔅᑭᒪᒡ ᑲᐛᑭᓐ ᐱᒍᐎᔭᓇ ᐊᒋᑲᒋᔨᐛᔭᒡ ᑭᔭ ᐊᐱᓴ ᓂᔅᑎᒂᓇᒡ ᒐᒋ ᐎᑎᒪᒡ ᒐᒋ ᐊᐱᒋᐊᑭᓄᐎᔭᒡ᙮ ᒂᔄᓐ ᒋᑭ ‍ ᒥᔨᒄ ᒐᒋ ᐱᒪᑎᓯᐅᑦ᙮”
\p
\v 32 ᒋ ‍ ᓇᐊᔨᒥᑯᐅᒡ ᒋᓴᐅᒋᒪᐛ ᐊᓂᔭ ᒐᒋ ᑐᑕᒡ, ᐊᑯ ᒂ ‍ ᐎᔎᔭᐱᐧᑲᑕᒡ ᑲᐛᑭᓐ ᐱᒍᐎᔭᓇ ᐊᒋᑲᒋᔨᐛᒡ ᑭᔭ ᐊᐱᓴ ᐅᔅᑎᒂᓄᐛ, ᑭᔭ ᒂ ‍ ᓂᑐᐛᐱᒪᒡ ᐃᔅᕋᐃᓪ ᒋᓴᐅᒋᒪᐛ ᑭᔭ ᐊᑕᒡ, “ᐸᓐ-ᐊᑕᑦ, ᐊᓐ ᐊᔅᐱᑕᔨᒥᔅᒃ, ᐃᔅᒋᔄᐤ, ‘ᒋᐱᑯᓴᔨᒥᑎᓐ ᒐ ᐊᑲ ᓂᐸᔨᓐ᙮”’ ᐊᐊᑉ ᒂ ‍ ᐃᑕᑦ, “ᐊᔅᒄ ᐊ ᐱᒪᑎᓯᐤ? ᒧᔭᒻ ᓂᔅᑲᓂᔅ ᓂᑦ ᐃᑕᔨᒪᐤ!”
\p
\v 33 ᐸᓐ-ᐊᑕᑦ ᐅᑦ ᐊᐱᒋᐊᑭᓇ ᒋ ᐎ ‍ ᓇᓂᑐᒋᔅᒐᔨᒪᐅᒡ ᐊᒋᑎᒪᒐᔨᒧᐛᔨᒂᓂ ᐊᐊᐸ, ᑭᔭ ᐃᔅᐱ ᐊᐊᐸ ᑲ ᐃᔅᒋᔄᔨᒋ “ᓂᔅᑲᓂᔅ ᐊᓐ᙮” ᐊᑯ ᒂ ‍ ᓂᑐᐛᐱᒪᒡ ᑭᔭ ᐱᔭᑐᐛᒡ ᐸᓐ-ᐊᑕᑕ᙮ ᐃᔅᐱ ᐸᓐ-ᐊᑕᑦ ᑕᑯᓯᐧᒃ, ᐊᐊᑉ ᒋ ‍ ᐃᑕᐤ ᒐᒋ ᐳᓯᔨᒋ ᐅᑎᑎᐱᑕᐸᓇᔅᑯᒡ ᒐᒋ ᐎᑎᐱᒥᑯᑦ᙮
\p
\v 34 ᐸᓐ-ᐊᑕᑦ ᒋ ‍ ᐃᑕᐤ, “ ᑲᐤ ᒋᑭ ‍ ᒥᔨᑎᓐ ᐅᑕᓇᐛ ᓄᑕᐎᔾ ᐅᓂᑐᐱᔪᐅ-ᐃᔨᒪ ᑲ ‍ ᐅᑎᓂᒥᔨᒋ ᒍᑕᐎᔭ ᐅᒋ᙮ ᑭᔭ ᒋᑭ ‍ ᓇᐊᔨᒥᑎᓐ ᒐᒋ ᒋ ‍ ᒥᑕᔨᓐ ᑕᐅᒋᐛᐸ ᐊᓐᑕ ᑕᒪᔅᑲᔅ ᐅᑕᓇᒡ, ᒧᔭᒻ ᑲ ᐃᓯ ‍ ᑭᓄᐛᔨᑕᐧᒃ ᐊᓐᑕ ᓴᒪᕆᐃᐊ ᐅᑕᓇᒡ᙮” ᐊᐊᑉ ᒂ ‍ ᐃᑕᑦ, ᐛᔅ ᑲ ‍ ᓂᔅᑯᒧᐎᓐ ᐊᓐ ᒐᒋ ᐃᑐᑎᒥᓐ, ᓇᒪ ᒋᑭ ‍ ᓂᐸᔨᑎᓐ᙮” ᐊᑯ ᐊᐊᑉ ᒂ ‍ᑐᑕᐧᒃ ᓂᔅᑯᒧᐅᓂᔪᐤ ᐊᓯᒡ ᐸᓐ-ᐊᑕᑕ, ᑭᔭ ᒂ ‍ ᓇᐊᔨᒪᑦ ᒐᒋ ᒋᐛᔨᒋ᙮
\p
\v 35 ᐊᑯ ᑎᐸᔨᒋᒐᓱᐤ ᒂ ‍ ᐃᔨᒪᐊᑦ ᑲ ‍ ᐃᑕᔨᒋ ᐊᐛᔪᐛ ᐊᓐᑕ ᐅᒋᔅᒋᐛᔨᒐᓱᐛ ᑭᔭ ᒂ ‍ ᐃᑕᑦ, “ᑭᒂᒋᒻ ᐸᐃᒄ ᒋᒋ ᒋᔅᒋᐛᔨᒐᓱᐤ ᒐᒋ ᐅᑕᒪᐅᔅᒄ ᑭᔭ ᐅᓯᑯᔨᔅᒄ᙮” ᐊᑯ ᒂ ‍ ᑐᑎᒺᑦ ᒐᒂᔪᐤ ᑲ ‍ ᐃᑎᑯᑦ ᑎᐸᔨᒋᒐᓱᐛ ᒐᒋ ᐃᑐᑕᐧᒃ᙮ ᒂ ‍ ᐃᑕᑦ ᐎᒋ ‍ ᒋᔅᒍᐛᔨᒐᓱᐛ, ‘ᐅᑕᒪᐎᔾ ᑭᔭ ᒐ ‍ ᐅᓯᑯᐎᔨᓐ᙮’ ᒥᒄ ᓇᒪ ᐅᒋ ᐎ ᑐᑎᒻ ᐊᓐ ᓇᐸᐤ᙮
\p
\v 36 ᐊᑯ ᐅᒋᔅᒋᐛᔨᒐᓱᐤ ᒂ ‍ ᐃᑕᑦ, “ᐛᔅ ᐊᓐ ᐊ ᐊᑲ ᐅᒋ ᓂᓇᐊᔨᑐᐅᑦ ᒐᒂᔪᐤ ᑲ ‍ ᐃᑎᔅᒃ ᐅᒋᔅᒋᐛᔨᒐᓱᐤ ᒐᒋ ᐃᑐᑎᒧᑦ, ᒥᓯᐱᓯᐤ ᒋᑭ ‍ ᓂᐸᔨᒄ ᑎᐛᒡ ᓂᑭᓯᔨᓇ᙮” ᐎᐱᒡ ᑲ ‍ ᓂᑭᑎᑕᑦ ᐅᒋᔅᒋᐛᔨᒐᓱᐛ, ᓯᔅᒋᑯᒡ ᒂᔅᑲᐱᔪᑕᑯᐤ ᒥᓯᐱᓱᐛ ᑭᔭ ᓇᐸᔨᑯᑦ᙮
\p
\v 37 ᐊᑯ ᐅᒋᔅᒋᐛᔨᒐᓱᐤ ᒂ ‍ ᒥᔅᑯᐛᑦ ᑯᑎᑲ ᐅᒋᔅᒋᐛᔨᒐᓱᐛ, ᑭᔭ ᐊᑕᑦ, “ᐅᑕᒪᐎᔾ!” ᐊᑯ ᒪᒥᔅᑎ ‍ ᐛᑕᒪᐅᑯᑦ ᑭᔭ ᐛᓯᑯᔨᑯᑦ᙮
\v 38 ᐊᑯ ᐅᒋᔅᒋᐛᔨᒐᓱᐤ ᐊᑯᓇᐅᓱᑦ ᐱᒋᐎᔭᓂᔪᐤ ᐅᑕᔅᑎᒥᑯᒡ ᒐ ᐊᑲ ᓂᔅᑐᐛᐱᒥᑯᑦ ᐊᐛᔪᐛ᙮ ᐊᑯ ᒐ ‍ ᑐᑕᑦ ᑭᔭ ᓇᐳᐅᑦ ᐅᐱᒪ ᒪᔅᑭᓇᒡ, ᐊᓱᐛᐱᒪᑦ ᒋᓴᐅᒋᒪᐛ ᒐᒋ ᐎᒪᔅᑲᑯᑦ᙮
\v 39 ᐃᔅᐱ ᐛᒪᔅᑲᐅᑦ ᒋᓴᐅᒋᒪᐛ, ᒋ ‍ ᑕᑈᑕᐤ, ᐊ ‍ ᐃᑕᑦ, “ᓂᐅᒋᒪᒻ, ᑲᒋ ᐅᓯᑯᔨᑯᐅᔭᓐ ᒪᒂᒡ ᑲ ‍ ᒪᓯᒐᔭᓐ ᐊᓂᑐᐱᔨᓇᓄᐅᒡ, ᐊᓯᒪᑭᓂᔅ ᓂᒋ ‍ ᐸᑥᒄ ᐸᐃᒄ ᐊᓂᔭ ᑲ ‍ ᒪᑯᓇᑦ ᑲ ‍ ᐱᒂᑎᔨᑕᐧᑯᐤ, ᑭᔭ ᒂ ‍ ᐃᓯᑦ, ‘ᑭᓄᐛᐱᒻ ᐅ ᓇᐸᐤ! ᒋ ‍ ᑎᓯᒥᔅᑲ, ᒋᑭ ᐎ ‍ ᒋᓯᐧᑯᐅᓐ ᓂᔍᐤ ᒐᓯᐱᔪᐤ ‍ (3,000) ᐛᐱᓯᐅ ᓱᓇᔭᐱᔎ, ᑭᔭ ᐊ ᐊᑲ ᒋᓯᐧᑯᐎᓇ ᒋᑭ ‍ ᓂᐸᔨᑯᐅᓐ!’
\v 40 ᒥᒄ ᒪᒂᒡ ᑲ ‍ ᐃᑐᑎᒧᒡ ᑯᑎᑲ ᒐᒂᔪᐛ, ᒂ ‍ ᒋᑎᓯᒧᑦ!” ᐃᔅᕋᐃᓪ ᒋᓴᐅᒋᒪᐤ ᒂ ‍ ᐃᑕᑦ, "ᒋᔾ ᐅ ᒋᑦ ᐊᑐᔅᒐᐅᓐ! ᒋᔾ ᒋᒋ ‍ ᐃᔅᒋᔄᓐ ᐊᓂᑐᐛᔨᑕᒂᒡ ᒐᒋ ᐊᓏᔨᒥᐅᐎᓐ᙮”
\v 41 ᑎᐛᒡ ᒋ ‍ ᒥᓂᒻ ᐱᒋᐎᔭᓂᔪᐤ, ᑭᔭ ᐃᔅᕋᐃᓪ ᒋᓴᐅᒋᒪᐤ ᒂ ‍ ᓂᑐᐅᓄᐛᑦ ᐃᔭᐅᔨᒋ ᐊᓂᔭ ᐸᐃᒄ ᐅᒋᔅᒋᐛᔨᒐᓱᐛ᙮
\v 42 ᑭᔭ ᐅᒋᔅᒋᐛᔨᒐᓱᐤ ᒂ ‍ ᐃᑕᑦ ᒋᓴᐅᒋᒪᐛ, “ᐊᐅᑯᔪᐤ ᐊᔅᒋᔄᑦ ᑎᐸᔨᒋᒐᓱᐤ: ‘ᒋᒋ ‍ ᓇᐊᔨᒪᐤ ᐊᓐ ᓇᐸᐤ ᐸᓐ-ᐊᑕᑦ ᒐᒋ ᒋᑎᓯᒧᑦ ᑲᒋ ‍ ᐃᑎᓱᒥᑕᓐ ᐛᒧᒡ ᒡᒋ ᓂᐸᔨᑦ! ᐃᔅᐱ ᐊ ᐊᑲ ᐊᓐ ᐅᒋ ᐃᑐᑎᒥᓐ, ᒥᔅᑯᒡ ᒋᔾ ᒋᑭ ‍ ᓂᐸᔨᑯᐅᓐ᙮ ᑭᔭ ᒋᑭ ‍ ‍ ᓂᓱᐅᓇᒐᑭᓄᐅᒡ ᒋᓂᑐᐱᔪᐅ-ᐃᔨᒥᒡ ᐛᔅ ᑲ ‍ ᓇᐊᔨᒥᑎ ᐅᓂᑐᐱᔪᐅ-ᐃᔨᒪ ᒐᒋ ᒋᑎᓯᒧᔨᒋ!”’
\v 43 ᐊᑯ ᒋᓴᐅᒋᒪᐤ ᑲᐤ ᒂ ‍ ᒋᐛᑦ ᓴᒪᕆᐃᐊ ᐃᓯ, ᓇᔅᒡ ᐊ ‍ ᐅᔅᑐᐛᔨᑕᐧᒃ ᑭᔭ ᐊᑲ ᓇᐊᔨᑕᐧᒃ᙮
\c 21
\s1 ᐃᓯᐸᓪ ᑲ ‍ ᐛᑎᔅᑕᑦ ᒐᒋ ᓂᐸᐊᑭᓄᐎᒋ ᓇᐃᐸᑕ
\p
\v 1 ᒋ ‍ ᐃᔅᐱᔪᐤ ᐸᑎᒪ ᐅᔭ ᒐᒂᓇ ᐊᓐ ᓇᐃᐸᑦ ᑲ ‍ ᒐᔅᕆᓕᐃᔪᑦ ᒋ ‍ ᐅᓱᒥᓂᑕᐅᒋᒋᑭᓄᐤ, ᒐᔅᕆᓕᒡ ᑲ ‍ ᑎᒂᓂᔨᒡ, ᒥᒋᒪ ᐅᒋᓴᐅᒋᒪᐅᒋᐛᐱᒡ ᐊᐦᐊᐸ ᓴᒪᕆᔭᐃᒡ ᒋᓴᐅᒋᒪᐛ᙮
\v 2 ᐊᐦᐊᑉ ᒪᒃ ᒋ ‍ ᐃᔨᒪᐊᐤ ᓇᐃᐸᑕ, ᐊ ‍ ᐃᑕᑦ, ᐸᒋ ‍ ᒥᔾ ᒋᓱᒥᓂᓂᑕᐅᒋᒋᑭᓐ, ᐊᓐᑕ ᒐᒋ ᓂᑕᐅᒋᑕᔭᓐ ᓂᑕᐅᒋᑕᑭᓂᓴ; ᒥᒋᒪ ᓂᒋᒡ ᐊ ‍ ᑎᒂᒡ: ᒥᔅᑯᒡ ᒪᒃ ᒋᑭ ‍ ᒥᔨᑎᓐ ᐊᐛᓯᑕ ᐊ ‍ ᒥᔽᓯᒡ ᓱᒥᓂᓂᑕᐅᒋᒋᑭᓐ; ᑭᔭ ᒪᒃ ᓇᐊᔨᑎᒥᓇ ᓱᓇᔭᐤ ᒋᑭ ‍ ᒋᓯᐧᑲᑎᓐ᙮
\p
\v 3 ᓇᐃᐸᑦ ᒪᒃ ᒋ ‍ ᐃᑕᐤ ᐊᐦᐊᐸ, “ᐅᑎᐸᔨᒋᒐᐤ ᓇᒪ ᑕᑈᑎᒻ ᒐᒋ ᒥᔨᑕᓐ ᓄᑕᐎᒡ ᐅᑎᐱᔨᐛᐅᓯᐅᓄᐛᐤ᙮”
\p
\v 4 ᐊᐦᐊᑉ ᒪᒃ ᒋ ᐸᒋ ‍ ᐃᑐᑕᐤ ᐎᒋᒡ ᐊ ‍ ᐅᔅᑐᐛᔨᑕᐧᒃ ᑭᔭ ᐊᑲ ᓇᐊᔨᑕᐧᒃ ᐊᓂᔭᔪᐤ ᑲᒋ ‍ ᐃᑎᑯᑦ ᓇᐃᐸᑕ ᒐᔅᕆᓕᐃᔪᐛ: ᐛᔅ ᒋ ‍ ᐃᑎᑯᐤ, “ᓇᒪᐎᔾ ᒋᑭ ‍ ᒥᔨᑎᓐ ᓄᑕᐎᒡ ᐅᑎᐱᔨᐛᐅᓯᐅᓄᐛᐤ᙮” ᒋ ‍ ᐱᒥᓯᓐ ᒪᒃ ᐅᓂᐸᐅᓂᒡ, ᑭᔭ ᐊ ‍ ᑎᒥᔎᔨᑦ, ᓇᒪ ᐅᒋ ᐎᒥᒋᓱᐤ᙮
\p
\v 5 ᒋ ᐸᒋ ‍ ᓇᑎᑯᐤ ᒪᒃ ᐎᐛ ᐃᓴᐸᓚ, ᐊ ‍ ᐃᑎᑯᑦ, “ᑕᓇᒡ ᐛᒋ ‍ ᒥᓴᒪᔨᑎᒥᓐ, ᐊᑲ ᐎ ‍ ᒥᒋᓱᔨᓐ ?”
\p
\v 6 ᒋ ‍ ᐃᑕᐤ ᒪᒃ, “ᐊᒋ ‍ ᐃᔨᒪᐊᒃ ᓇᐃᐸᑦ ᑲ ‍ ᒐᔅᕆᓕᐃᔪᑦ, ᐊ ‍ ᐃᑎᒃ, ‘ᐸᒋ ‍ ᒥᔨᔾ ᒋᓱᒥᓂᓂᑕᐅᒋᒋᑭᓐ ᒥᔅᑯᒡ ᓱᓇᔭᐤ; ᑭᔭ ᒪᒃ, ᒧᔭᒻ ᓇᐊᔨᑎᒥᓇ, ᑯᑎᒃ ᓱᒥᓂᓂᑕᐅᒋᒋᑭᓐ ᒋᑭ ‍ ᒥᔨᑎᓐ:’ ᓂᒋ ‍ ᐃᑐᒄ ᒪᒃ, ‘ᓇᒪᐎᔾ ᒋᑭ ‍ ᒥᔨᑎᓐ ᓂᓱᒥᓂᓂᑕᐅᒋᒋᑭᓐ᙮’ ”
\p
\v 7 ᒋ ‍ ᐃᑎᑯᐤ ᒪᒃ ᐃᓴᐸᓚ ᐎᐛ, “ᓇᒪ ᓇ ᐊᓄᒡ ᒋ ‍ ᑎᐸᔨᑕᓐ ᐃᔅᕋᐃᓪ ᐅᒋᒪᐅᓐ ? ᐅᓂ, ᒥᒋᓱᐤ ᒪᒃ, ᒥᔽᔨᑕ ᒪᒃ ᒋᑕᐃᒡ; ᓂᔾ ᒋᑭ ‍ ᒥᔨᑎᓐ ᓇᐃᐸᑦ ᑲ ‍ ᒐᔅᕆᓕᐃᔪᑦ ᐅᓱᒥᓂᓂᑕᐅᒋᒋᑭᓐ᙮”
\p
\v 8 ᒋ ‍ ᒥᓯᓇᐊᒪᒐᐤ ᒪᒃ ᐊᐦᐊᐸ ᐅᑦ ᐃᓯᓂᐧᑲᓱᐅᓂᔨᒡ, ᒋ ‍ ᐸᓯᒂᐊᒻ ᒪᒃ ᐅᒋᔅᒋᓄᐛᒋᒋᑭᓂᔪᐤ ᐅᒋ, ᒋ ‍ ᐃᑎᓴᐊᒧᐛᐤ ᒪᒃ ᒥᓯᓇᐊᒪᑐᐅᓇ ᐊᓂᔭ ᑲ ‍ ᓂᑲᓇᔨᑕᑯᓯᔨᒋ ᑭᔭ ᒋᓴᐃᔪᐛ ᓇᐃᐸᑕ ᐅᑦ ᐃᑕᐅᓂᒡ ᑲ ‍ ᑕᔨᒋ᙮
\v 9 ᒋ ‍ ᒥᓯᓇᐊᒻ ᒪᒃ ᒥᓯᓇᐊᒪᑐᐅᓂᒡ, ᐊ ‍ ᐃᔅᒋᔄᑦ,
\q “ᐃᑎᓱᐛᒄ ᒐᒋ ᓇᔨᐧᑲᓱᓇᓄᐅᒡ, ᐃᔅᐱᒥᒡ ᐃᓯ ᒪᒃ ᐱᔅᑎᓇᐧᒄ ᓇᐃᐸᑦ ᐊᓐᑕ ᐊ ‍ ᑕᔨᒋ ᐃᔪᐛ:
\v 10 ᑭᒐᔅᒋᒥᐧᑯᒡ ᒪᒃ ᓂᓱ ᐃᔪᒡ, ᑲ ᐎᒋ ‍ ᑭᑭᒋᔭᒡ, ᒐᒋ ᐅᑎᔅᑯᐎᑲᐳᐎᔅᑐᐛᒡ, ᒐᒋ ᑭᑭᒋᔭᐅ-ᑎᐸᒋᒪᒡ, ᐊ ‍ ᐃᔅᒋᔄᒡ, ᒋ ‍ ᐸᔅᑕᒪᐤ ᒋᓴᒪᓂᑐᐛ ᑭᔭ ᒋᓴᐅᒋᒪᐛ: ᐊᑯ ᒪᒃ ᒐ ‍ ᐎᐎᑕᐊᒄ, ᒐ ‍ ᐱᐳᒧᓯᓇᑕᐛᒄ ᒪᒃ ᒐᒋ ᓂᐱᑦ᙮”
\p
\v 11 ᐊᑯ ᒋᓴᐃᔪᒡ ᑭᔭ ᐊᓐᒡ ᑲ ‍ ᓂᑲᓇᔨᑕᑯᓯᒡ ᑲ ‍ ᐎᒋᒡ ᐊᓐᑕ ᓇᐃᐸᑕ ᐅᑦ ᐃᑕᐅᓂᔨᒡ ᒋ ‍ ᐃᑐᑎᒺᐅᒡ ᑕᓐ ᑲ ‍ ᐃᑎᓯᒥᑯᒡ ᐃᓴᐸᓚ ᐊᓐᑕ ᑲ ‍ ᒥᓯᓇᐊᒪᑯᒡ᙮
\v 12 ᒋ ‍ ᐃᑕᐅᒡ ᐃᔪᐛ ᓴᔅ ᐛᑎᒋᐱᔨᒡ ᒐ ‍ ᓇᔨᐧᑲᓱᓇᓄᐎᔨᒡ ᑭᔭ ᐃᔅᐱ ᑲᒋ ‍ ᒪᒧᐎᑐᓇᓄᐎᔨᒡ, ᓂᑲᓐ ᐊᓐᑕ ᒋ ‍ ᐊᔭᐅᒡ ᓇᐃᐸᑕ᙮
\v 13 ᐊᑯ ᓂᓱ ᑲ ‍ ᐎᒋᑭᑭᒋᔭᒡ ᒂ ᐅᒋ ‍ ᐱᒐᒡ ᑭᔭ ᒂ ‍ ᓇᐊᐃᐱᒡ ᑎᐱᔅᑯᒡ ᐊᐱᔨᒋ ᓇᐃᐸᑕ᙮ ᐊᑯ ᒂ ‍ ᑭᑭᒋᔭᐅ-ᐃᑕᒋᒪᒡ ᐊ ‍ ᐃᔅᒋᔄᒡ, “ᒋ ‍ ᐸᔅᑕᒪᐤ ᒋᓴᒪᓂᑐᐛ ᑭᔭ ᒋᓴᐅᒋᒪᐛ᙮” ᐊᑯ ᒂ ‍ ᐎᐎᑕᐊᒡ ᐊᓐᑕ ᐃᑕᐅᓂᒡ ᑭᔭ ᒂ ‍ ᐱᐳᒧᓯᓇᑕᐛᒡ ᑭᔭ ᓇᐸᐊᒡ᙮
\v 14 ᐃᔨᒧᐅᓂᔪᐤ ᒋ ‍ ᐃᑎᓴᒧᐛᑭᓄᐤ ᐃᓴᐸᓪ, “ᓴᔅ ᒋᓂᐸᐊᑭᓄᐤ ᓇᐃᐸᑦ᙮”
\p
\v 15 ᒋ ‍ ᐃᔅᐱᔪᐤ ᒪᒃ, ᐃᔅᐱ ᐃᓯᐸᓪ ᐱᔭᑕᐧᒃ ᐊᒋ ‍ ᐱᐳᒧᓯᓇᑕᐛᑭᓄᔨᒋ ᓇᐃᐸᑕ ᑭᔭ ᐊ ‍ ᓂᐱᔨᒋ, ᐃᓯᐸᓪ ᒋ ‍ ᐃᑕᐤ ᐊᐦᐊᐸᔨᒋ, “ᐱᓯᑯᐤ, ᐅᑎᓂᒻ ᐅᓱᒥᓂᓂᑕᐅᒋᒋᑭᓐ ᓇᐃᐸᑦ ᑲ ‍ ᒐᔅᕆᓕᐃᔪᑦ, ᐊᓂᔭᔪᐤ ᐊᑲ ᐎ ᒥᔨᔅᒃ ᒥᔅᑯᒡ ᓱᓇᔭᔪᐤ; ᐛᔅ ᓇᒪ ᐱᒪᑎᓯᐤ ᓇᐃᐸᑦ, ᒪᒃ ᓂᐳᐤ᙮”
\v 16 ᒋ ‍ ᐃᔅᐱᔪᐤ ᒪᒃ, ᐃᔅᐱ ᐊᐦᐊᑉ ᐱᔭᑕᐧᒃ ᐊ ‍ ᓂᐱᔨᒋ ᓇᐃᐸᑕ, ᐊᐦᐊᑉ ᒋ ‍ ᐱᓯᑯᐤ ᒐᒋ ᓇᑎᒺᑦ ᓇᐃᐸᑕ ᒐᔅᕆᓕᐃᔪᐛ ᐅᓱᒥᓂᓂᑕᐅᒋᒋᑭᓂᔪᐤ ᒐᒋ ᐅᑎᓇᒪᓱᑦ᙮
\p
\v 17 ᐅᑦ ᐃᔨᒧᐅᓐ ᒪᒃ ᐅᑎᐸᔨᒋᒐᐤ ᒋ ᐸᒋ ‍ ᐅᑎᑎᑯᔪᐛ ᐃᓚᐃᒐᔨᒋ, ᑎᔅᐱ ᐃᔪᐛ, ᐊ ‍ ᐃᑎᑯᔨᒋ,
\v 18 “ᐱᓯᑯᐤ, ᓇᓂᑐᓂᒋᔅᑯᐤ ᐊᐦᐊᑉ ᐃᔅᕋᐃᓪ ᒋᓴᐅᒋᒪᐤ, ᓴᒪᕆᔭᐃᒡ ᑲ ‍ ᐃᑕᑦ; ᐃᑕᐤ ᐅᓱᒥᓂᓂᑕᐅᒋᒋᑭᓂᔨᒡ ᓇᐃᐸᑕ, ᐊᑯᑕ ᑲ ‍ ᐃᑐᑕᑦ ᒐᒋ ᐅᑎᓇᒪᓱᑦ᙮
\v 19 ᒋᑭ ‍ ᐃᔨᒪᐊᐤ ᒪᒃ, ᐊ ‍ ᐃᑎᑦ, ‘ᐊᐅᑯᐤ ᐊᔅᒋᔄᑦ ᐅᑎᐸᔨᒋᒐᐤ, “ᔅᒋ ‍ ᓂᐸᔪᐛᓐ, ᐊᓯᒡ ᑭᔭ ᔅᒋ ‍ ᐅᑎᓇᒪᓱᓐ ᐊ ?” ’ ᒋᑭ ‍ ᐃᔨᒪᐊᐤ ᒪᒃ, ᐊ ‍ ᐃᑎᑦ, ‘ᐊᐅᑯᓐ ᐊᔅᒋᔄᑦ ᐅᑎᐸᔨᒋᒐᐤ, “ᐊᓐᑕ ᐊᑎᒧᒡ ᑲᒋ ‍ ᓄᒂᑎᒺᒡ ᓇᐃᐸᑕ ᐅᒥᐧᑯᔪᐤ, ᐊᑯᑕ ᐊᑎᒧᒡ ᒐ ‍ ᓄᒂᑕᒡ ᒋᔾ ᒋᒥᐧᑯᔪᐤ, ᒋᔾ ᐅᑦ᙮” ’ ”
\p
\v 20 ᐊᐦᐊᑉ ᒪᒃ ᒋ ‍ ᐃᑕᐤ ᐃᓚᐃᒐᔨᒋ, “ᔅᒋ ‍ ᒥᔅᑯᐅᓐ ᐊ ᐊ ‍ ᐛᐧᑲᓯᔨᓐ ?”
\p ᒋ ‍ ᐃᑕᐤ ᒪᒃ, “ᔅᒋ ‍ ᒥᔅᑲᑎᓐ: ᐊᒋ ‍ ᐱᔅᑎᓂᑎᓱᔨᓐ ᒐᒋ ᒥᒋ ‍ ᐃᑎᔨᓐ ᐊ ‍ ᐸᑕᔅᑎᒻᐱᑦ ᐅᑎᐸᔨᒋᒐᐤ᙮
\v 21 ‘ᒋᑭ ‍ ᐊᓏᔨᒥᑎᓐ, ᓂᑭ ‍ ᐅᑎᓇᐅᒡ ᒪᒃ ᒋᑦ ᐊᐛᓯᒥᒡ, ᓂᑭ ‍ ᐅᑎᓇᐅᒡ ᒪᒃ ᒥᓯᐛ ᒋᑦ ᐊᓂᔅᑯᑕᐸᓐᒡ, ᑲ ‍ ᒪᑯᓇᑭᓄᐅᒡ ᑭᔭ ᐊᑲ ᑲ ‍ ᒪᑯᓇᑭᓄᐅᒡ ᐃᔅᕋᐃᓕᒡ᙮
\v 22 ᓂᑭ ‍ ᐃᑐᑐᐛᐅᒡ ᐊ ‍ ᐸᐃᑯᔅᑲᓇᓯᔨᓐ ᒐᒋ ᐃᑕᔨᑕᑯᓯᒡ ᒧᔭᒻ ᐊ ‍ ᐸᐃᑯᔅᑲᓇᓯᑦ ᒋᓴᐅᒋᒪᐤ ᒋᕈᐳᒻ, ᓇᐃᐸᑦ ᐅᑯᓴ ᑭᔭ ᒧᔭᒻ ᐊ ‍ ᐸᐃᑯᔅᑲᓇᓯᑦ ᒋᓴᐅᒋᒪᐤ ᐸᓴ, ᐊᐦᐊᐃᒐ ᐅᑯᓴ, ᐅᓴᒻ ᑲ ‍ ᐃᑐᑐᐎᔨᓐ ᒐᒋ ᒋᔄᐱᔭᓐ ᑭᔭ ᑲ ‍ ᐃᑐᑐᐅᑥᐤ ᒐᒋ ᒥᒋ ‍ ᑐᑕᒡ ᐃᔅᕋᐃᓪ ᐃᔪᒡ᙮’
\p
\v 23 ᐊᑯ ᐎᔾ ᐃᓴᐸᓪ, ᐊᑎᒺ ᒋᑭ ‍ ᒥᒋᔨᐛ ᐎᔪᐤ ᐊᓐᑕ ᒐᔅᕆᓪ ᐃᑕᐅᓂᒡ᙮
\p
\v 24 ᐊᑎᒧᒡ ᐃᔭᐱᒡ ᒋᑭ ‍ ᒥᒍᐛᐅᒡ ᐊᓂᔭ ᒋᐧᑲᓂᓴ ᐎᔭᔪᐤ ᑲ ‍ ᓂᐱᔨᒋ ᐊᓐᑕ ᐃᑕᐅᓂᒡ, ᑭᔭ ᐱᔭᓱᐅᒡ ᒋᑭ ‍ ᒥᒍᐛᐅᒡ ᐎᔭᔪᐎᐛ ᐊᓂᔭ ᑲ ᓂᐱᔨᒋ ᐊᓐᑕ ᐊᔅᒋᒡ᙮”
\p
\v 25 (ᓇᒪ ᐅᒋ ᐃᑕᐤ ᐊᐛᓐ ᐊᑕᔨᑕᑯᓯᑦ ᒧᔭᒻ ᐊᐦᐊᐸ, ᐊᓐ ᑲ ᑕᐛᑦ ᐅᐱᒪᑎᓯᐅᐎᓐ ᒐᒋ ᒥᒋ ‍ ᑐᑕᐧᒃ ᐊ ‍ ᑭᓄᐛᐱᒥᑯᑦ ᑎᐸᔨᒋᒐᓱᐛ, ᐊᓂᔭ ᑲ ‍ ᓯᒋᒥᑯᑦ ᐎᐛ ᒐᓴᐸᓚ᙮
\v 26 ᒋ ‍ ᐃᑐᑎᒻ ᓇᔅᒡ ᐊᒂᑕᔨᑕᑯᓂᔨᒋ ᒥᒋ ‍ ᑐᑎᒧᐅᓇ ᐊ ‍ ᐊᔭᒥᐊᔅᑐᐛᑦ ᒥᓂᑐᐧᑲᓇ, ᒧᔭᒻ ᐊᒧᕆ ᐃᔪᐛ ᑲ ‍ ᐃᑐᑎᒥᔨᒋ, ᐊᓂᔭ ᑎᐸᔨᒋᒐᓱᐤ ᑲ ‍ ᐎᐎᑎᓴᐛᑦ ᐃᔅᕋᐃᓪ ᐃᔪᐛ ᐅᑦ ᐊᔅᒋᔨᒡ ᐃᔅᐱ ᑲ ‍ ᐸᑕᔅᑎᒧᑕᔨᒋ᙮)
\p
\v 27 ᐃᔅᐱ ᐃᓇᐃᒐ ᑲᒋ ᐃᓯ ‍ ᐃᔨᒥᑦ, ᐊᐦᐊᑉ ᒋ ‍ ᐱᑯᐱᑎᒻ ᐅᑦ ᐊᐱᒋᑕᐅᓇ, ᒂᒥᓇᐧᒃ, ᑭᔭ ᑲᐛᑭᓐ ᐱᒍᐎᔭᓂᓯᔪᐤ ᒂ ‍ ᐳᔅᑲᐧᒃ᙮ ᓇᒪ ᐅᒋ ᐎ ‍ ᒥᒋᓱᐤ, ᒋᓂᐸᐛᒐᐅ ᑲᐛᑭᓐ ᐱᒍᐎᔭᓂᓯᔪᐤ ᑭᔭ ᒋ ‍ ᐱᐸᒧᑕᐤ ᐊᑯᓯᑯᒪᒋᔪᐅᑦ᙮
\p
\v 28 ᐊᑯ ᐅᑦ ᐃᔨᒧᐅᓐ ᒪᒃ ᐅᑎᐸᔨᒋᒐᐤ ᒋ ᐸᒋ ‍ ᐅᑎᑎᑯᔪᐛ ᐃᓚᐃᒐᔨᒋ, ᑎᔅᐱᐃᔪᐛ, ᐊ ‍ ᐃᑎᑯᔨᒋ,
\v 29 “ᒪᒋ ᐅᒋ ᐛᐱᒪᐤ ᑕᓐ ᑲ ᐃᓯ ‍ ᑎᐱᑕᔨᑕᑯᔨᑎᓱᑦ ᐊᐦᐊᑉ ᐅᑎᔅᑯᐤ ᐊ ‍ ᐃᑕᐅᒡ ? ᐅᓴᒻ ᑲ ‍ ᑎᐱᑕᔨᑕᑯᔨᑎᓱᑦ ᐅᑎᔅᑯᐤ ᐊ ‍ ᐃᑕᐅᒡ, ᓇᒪ ᓂᑭ ‍ ᐱᔅᑎᓂᒧᐛᐤ ᑲ ‍ ᒪᔭᑎᓂᔨᒡ ᒪᒂᒡ ᐊᐱᒪᑎᓯᑦ; ᒥᒄ ᓂᑭ ‍ ᐱᔅᑎᓂᒺᓐ ᑲ ‍ ᒪᔭᑎᓂᔨᒡ ᐊᓐᑕ ᐊ ‍ ᐸᐃᑯᔅᑲᓇᓯᑦ ᒪᒂᒡ ᐱᒪᑎᓯᔨᒐᓂ ᐅᑯᓴ᙮”
\c 22
\s1 ᐃᐃᐅᓴᐸᑦ ᑲ ‍ ᐃᔨᒪᐊᑦ ᐊᐊᐸ
\p
\v 1 ᒐᑲᑦ ᓂᔅᑐ ‍ (3) ᐱᐳᓇ ᓇᒪ ᐅᒋ ᐃᑎᑯᓐ ᐊᓂᑐᐱᔨᑕᑐᒡ ᓯᕆᐊ ᑭᔭ ᐃᔅᕋᐃᓪ᙮
\v 2 ᐊᑯ ᒋᓴᐅᒋᒪᐤ ᐃᐃᐅᓴᐸᑦ, ᒍᑕ ᒋᓴᐅᒋᒪᐤ ᑲ ‍ ᓂᑐᐛᐱᒪᑦ ᐃᔅᕋᐃᓪ ᒋᓴᐅᒋᒪᐛ᙮
\v 3 ᐃᔅᕋᐃᓪ ᒋᓴᐅᒋᒪᐤ ᒋ ‍ ᐃᑕᐤ ᐅᑦ ᐊᐱᒋᐊᑭᓇ, “ᓇᒪ ᒋᔅᒐᔨᑕᓇᐛᐤ ᐊ ᓴᕆᐊ ᐃᔪᒡ ᐊᔅᒄ ᐊ ‍ ᐃᑕᒡ ᐊᓐᑕ ᒋ ‍ ᐅᑕᓇᒥᓇᓇᒡ ᕋᒧᑦ ᐊᓐᑕ ᑭᓕᐊᑦ ᐊᔅᒋᒡ? ᑭᔭ ᓇᒪ ᒐᒂᓐ ᒋᑦ ‍ ᑐᑕᓇᓄᐤ ᑲᐤ ᒐᒋ ᐅᑎᓂᒪᐧᒄ ᐅᑕᓇᐤ!”
\v 4 ᐊᑯ ᒂ ‍ ᑭᒂᒋᒪᑦ ᐃᐃᐅᓴᐸᑕ, ᒋᑭ ‍ ᐎᒐᐅᓐ ᐊ ᒐᒋ ᒪᓯᐧᑯᐅᒂᐤ ᕋᒧᑦ ᑭᔭ ᑲᐤ ᐅᑎᓂᒪᓐ ᐊ ᐅᑕᓇᐤ?”
\p ᐃᐃᐅᓴᐸᑦ ᒋ ‍ ᐃᑕᐤ ᐃᔅᕋᐃᓪ ᒋᓴᐅᒋᒪᐛ, ᒐᔅᑎᓇᔅ ᓂᑭ ‍ ᐃᑐᑕᓐ ᒥᒄ ᒐᒂᓐ ᓇᑐᐛᔨᑎᒥᓐ, ᑭᔭ ᒋᑭ ‍ᒋ ‍ ᐛᑎᓱᒪᐅᒡ ᓂᑦ ᐊᓯᒪᑭᓂᓯᒥᒡ᙮ ᐃᔭᐱᒡ ᒋᑭ ᒋ ‍ ᐅᑎᓇᐅᒡ ᓂᑲᐸᐃᑭᔎᒥᒡ ᐊᓂᑐᐱᔨᓇᓄᐎᒡ᙮”
\v 5 ᐊᑯ ᐃᐃᐅᓴᐸᑦ ᒂ ‍ ᐃᑕᑦ ᐃᔅᕋᐃᓪ ᒋᓴᐅᒋᒪᐛ, “ᒥᒄ ᓂᔅᑎᒻ ᒋᑭ ᐎ ‍ ᑭᒂᒋᒪᓄᐤ ᑎᐸᔨᒋᒐᓱᐤ, ᒐᒂᔪᐤ ᓇᑐᐛᔨᒥᑥᐧᒄ ᑕᓐ ᒐ ‍ ᐃᑐᐛᐧᒄ᙮”
\v 6 ᐊᑯ ᐊᐊᑉ ᒂ ‍ ᒪᒧᐅᓇᑦ ᓇᐤ ᒥᑕᓯᒥᑎᓄᐤ (400) ᐅᒋᔅᒋᐛᔨᒐᓯᒪ, ᑭᔭ ᑲᒂᒋᒪᑦ, “ᒋᐸ ‍ ᒪᓴᐅᒡ ᐊ ᓂᓂᑐᐱᔪᐅ-ᐃᔨᒥᒡ ᐃᔪᐛ ᐊᓐᑕ ᕋᒧᑦ ᑭᔭ ᑲᐤ ᐅᑎᓇᒡ ᐊᓂᔭ ᐅᑕᓇᔪᐤ, ᑭᔭ ᒪᒃ ᓇᒪ ᐊ?”
\p ᒂ ‍ ᐃᑎᑯᑦ, “ᓂᐃ, ᒪᒋ, ᐛᔅ ᒋᑭ ‍ ᐃᑐᑐᐛᐤ ᒋᓴᒪᓂᑐᐤ ᒋᓂᑐᐱᔪᐅ-ᐃᔨᒪ ᒐᒋ ᓴᐧᑯᒋᐊᔨᒋ᙮”
\p
\v 7 ᒥᒄ ᐃᐃᐅᓴᐸᑦ ᒂ ‍ ᑭᒂᒋᒪᑦ, “ᐃᑕᔪᐛ ᐊ ᑎᐸᔨᒋᒐᓱᐤ ᐅᒋᔅᒋᐛᔨᒐᓯᒪ ᐅᑕ ᐊᓐ ᒐᒋ ᑭᒂᒋᒪᐧᒄ?”
\p
\v 8 ᐃᔅᕋᐃᓪ ᒋᓴᐅᒋᒪᐤ ᑲ ‍ ᐃᑕᑦ, “ᑕᐤ ᐸᐃᒄ ᓇᐸᐤ ᒐ ᐸᒋ ‍ ᐃᔨᒪᐊᓄᐤ᙮ ᒋᐸ ᒋ ‍ ᑭᒂᒋᒪᓄᐤ ᒐᒋ ᓇᓂᑐᒋᔅᒐᔨᑕᐧᒃ ᒐᒂᔪᐤ ᓇᑐᐛᔨᑎᒥᔨᒋ ᒐ ᐃᑐᐛᐧᒄ ᑎᐸᔨᒋᒐᓱᐛ ᒐ ᐃᑐᐛᐧᒄ᙮ ᒥᑲᐃᐊ ᐃᓯᓂᐧᑲᓱᐤ; ᐃᐃᒻᓚ ᐅᑯᓴ᙮ ᒥᒄ ᓂ ‍ ᐛᐧᑲᑕᐤ, ᐛᔅ ᐃᔅᐱ ᐛᑕᒋ ᒐᒂᔪᐤ ᐊ ‍ ᐃᑎᑯᑦ ᑎᐸᔨᒋᒐᓱᐛ, ᓇᒪ ᓂᑕ ᐃᔅᒋᔄᐤ ᒐᒂᔪᐤ ᐊᒥᔽᔨᒡ ᒐ ‍ ᐃᔅᐱᔪᐅᒡ᙮ ᓇᓂᑎᒻ ᐃᔅᒋᔄᐤ ᒥᒋ ‍ ᒐᒂᔪᐤ ᒐ ‍ ᐃᔅᐱᔪᐅᒡ᙮”
\p ᐃᐃᐅᓴᐸᑦ ᒂ ‍ ᐃᑕᑦ, “ᒋᓴᐅᒋᒪᐤ ᐊᐊᑉ, ᐊᑐᒡ ᔅᒋ ᐃᔅᒋᔄᓐ ᐊᓐ!”
\p
\v 9 ᐊᑯ ᐃᔅᕋᐃᓪ ᒋᓴᐅᒋᒪᐤ ᒂ ‍ ᐃᑕᑦ ᐅᑦ ᐊᐱᒋᐊᑭᓇ ᑎᐛᒡ ᒐᒋ ᓇᑐᒪᔨᒋ ᒥᑲᐃᐊᔨᒋ᙮
\s1 ᑲ ᒥᒋ ‍ ᒧᐃᓯᐊᑦ ᒥᑲᐃᐊ ᐊᐊᐸ
\v 10 ᐊᑯ ᐃᔅᕋᐃᓪ ᒋᓴᐅᒋᒪᐤ ᑭᔭ ᒍᑕ ᒋᓴᐅᒋᒪᐤ ᒋ ‍ ᐳᔅᑭᒧᒡ ᐅᒋᓴᐅᒋᒪᐅᑯᐳᐛᐛ ᐊᓄᑯᓂᔨᒡ ᐊᒋᓴᐅᒋᒪᐅᒡ᙮ ᒋᓴᐅᒋᒪᐅᑕᑎᐳᐛᑭᓂᒡ ᒋ ‍ ᐊᐳᐅᒡ ᐊᓐᑕ ᑲ ‍ ᑎᒂᐊᒥᔨᒋ ᐃᔪᐛ ᐸᒂᓯᑭᒥᓇ ᒥᒋᒪ ᓴᒪᕆᐃᐊ ᐅᑕᓇᒡ ᐃᔎᑕᒥᒡ᙮ ᒥᓯᐛ ᐊᐊᑉ ᐅᒋᔅᒋᐛᔨᒐᓯᒪ ᐅᑎᔅᑯᐤ ᒋ ‍ ᓂᐳᐅᒡ ᒋᓴᐅᒋᒪᐛ, ᐊ ‍ ᐎᑎᒥᔨᒋ ᒐᒂᔪᐤ ᒐ ‍ ᐃᔅᐱᔨᒡ᙮
\v 11 ᐸᐃᒄ ᐊᓐᒡ, ᓯᑦᑭᐃᐊ ᐊ ‍ ᐃᓯᔅᓂᐧᑲᓱᑦ, ᑭᓇᐊᓇ ᐅᑯᓴ, ᐃᓴᑯᔪᐤ ᒋ ‍ ᐅᓯᑕᐤ ᒧᔭᒻ ᓇᐸᒥᔅᑐᓴ ᐅᑦ ᐊᔅᑭᓂᔨᐛ ᐊ ‍ ᐃᓯᓇᑯᓂᔨᒡ᙮ ᐊᑯ ᒂ ‍ ᐎᑎᒧᐛᑦ ᐊᐊᐸ, “ᐊᐅᑯᔪᐤ ᐊᔅᒋᔄᑦ ᑎᐸᔨᒋᒐᓱᐤ: ‘ᐅᒡ ᐊᔅᑭᓐᒡ ᐅᒋ, ᒋᑭ ‍ ᓴᐳᑐᐛᐱᔪᐅᒡ ᒋᓂᑐᐱᔪᐅ-ᐃᔨᒥᒡ ᐊᑯᓯᒂᔨᒧᑐᐛᒡ ᓯᕆᐊ ᐃᔪᐛ ᒧᔭᒻ ᓇᐸᒥᔅᑐᔅ ᐊᑯᓯᒂᔨᒧᑐᐛᑦ ᑯᑎᑲ ᐊᐛᓯᓴ, ᐸᑐᔅ ᒥᓯᐛ ᓇᔅᒡ ᒋ ‍ ᓂᓱᐅᓇᒋᐊᑥᐛ!”’
\p
\v 12 ᒥᓯᐛ ᑯᑎᑭᒡ ᐊᐊᑉ ᐅᒋᔅᒋᐛᔨᒐᓯᒪ ᒋ ‍ ᓂᔅᑯᒧᔪᐛ᙮ ᒋ ‍ ᐃᑕᐅᒡ, “ᓂᐃ! ᐃᔅᐱ ᓇᒋ ‍ ᑯᓯᒂᔨᒧᑎᒥᓇ ᕋᒧᑦ ᐅᑕᓇᐤ ᐊᓐᑕ ᑭᓕᐊᑦ ᐊᔅᒋᔾ, ᒋᑭ ‍ ᑭᔅᒋᐅᓐ, ᐛᔅ ᑎᐸᔨᒋᒐᓱᐤ ᒋᑭ ‍ ᐃᑐᑕᒄ ᒐᒋ ᓴᐧᑯᒋᔨᒥᑎ!”
\p
\v 13 ᐊᓐ ᐃᔨᒧᐅᓂᔪᐤ ᑲ ‍ ᐱᒧᑕᑦ ᑲ ‍ ‍ ᓂᑐᒪᑦ ᒥᑲᐃᐊᔨᒋ ᒋ ‍ ᐃᑕᐤ, “ᓂᑐᑐᐎᔾ! ᒥᓯᐛ ᑯᑎᑭᒡ ᐅᒋᔅᒋᐛᔨᒐᓱᐅᒡ ᓂᑲᓐ ᐎᑎᒧᒡ ᒋᓴᐅᒋᒪᐛ ᐅᓂᑐᐱᔪᐅ-ᐃᔨᒥᔨᐛ ᒐ ‍ ᓴᐧᑯᒋᐊᔨᒋ ᓯᕆᐊ ᐃᔪᐛ᙮ ᐊᑯ ᐛᒧᒡ ᒐ ‍ ᓂᔅᑯᒥᑥᐤ ᑭᔭ ᒐ ‍ ᐃᔅᒋᔄᔨᓐ ᒐ ‍ ᑭᔅᒋᐅᔨᒋ ᒋᓴᐅᒋᒪᐤ ᐅᓂᑐᐱᔪᐅ-ᐃᔨᒪ᙮”
\p
\v 14 ᒥᒄ ᒥᑲᐃᐊ ᒋ ‍ ᐃᑕᐤ, “ᒐᒋᓇᒡ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᓂᑭ ‍ ᐎᑎᒧᐛᐤ ᒥᒄ ᒐᒂᔪᐤ ᐊ ‍ ᐃᓯᑦ ᑎᐸᔨᒋᒐᓱᐤ ᒐ ‍ ᐃᔅᒋᔄᐅᒡ᙮”
\p
\v 15 ᐃᔅᐱ ᒥᑲᐃᐊ ᓇᑐᐛᐱᒪᑦ ᐊᐊᐸ, ᐊᐊᑉ ᒋ ‍ ᑭᒂᒋᒪᐤ, “ᒥᑲᐃᐊ, ᓂᑭ ᓇᒋ ‍ ᒪᓴᐊᓇᓐᒡ ᐊ ᑕᒧᑦ ᐃᔪᒡ, ᑭᔭ ᒪᒃ ᓇᒪ ᐊ?”
\p ᒥᑲᐃᐊ ᒋ ‍ ᐃᑕᐤ, “ᓂᐃ, ᒪᒋ! ᒋᑭ ‍ ᐃᑐᑐᐛᐤ ᑎᐸᔨᒋᒐᓱᐤ ᒋ ‍ ᓂᑐᐱᔪᐅ-ᐃᔨᒪ ᒐᒋ ᓴᐧᑯᒋᐊᔨᒋ!”
\v 16 ᒥᒄ ᒋᓴᐅᒋᒪᐤ ᐊᐊᑉ ᒋ ‍ ᒋᔅᒐᔨᑎᒻ ᐊ ‍ ᑭᑭᒋᔭᔨᒋ ᒥᑲᐃᐊᔨᒋ, ᐊᑯ ᒂ ‍ ᐃᑕᑦ ᒥᑲᐃᐊᔨᒋ, “ᒥᒐᑥᐤ ᒋᒋ ‍ ᐎᑎᒪᑎᓐ ᒥᒄ ᑕᑈᐅᓐ ᒐᒋ ᐎᑎᒥᓐ ᐃᔅᐱ ᐊᔅᒋᔄᔨᓂ ᒐᒂᔪᐤ ᑲ ‍ ᐎᑎᒪᔅᒃ ᑎᐸᔨᒋᒐᓱᐤ!”
\p
\v 17 ᐊᑯ ᒥᑲᐃᐊ ᒂ ‍ ᐃᑕᑦ, “ᐊᐅᑯ ᑕᑈᐅᓐ ᐊᓐᑕ ᐛᐸᑎᒧᐅᓂᒡ ᓂ ‍ ᐛᐱᒪᐅᒡ ᒥᓯᐛ ᐃᔅᕋᓪ ᐊᓯᒪᑭᓂᓯᒡ ᐊᒥᓯᑕᐱᔨᒡ ᐱᔅᑯᑎᓇᒡ᙮ ᒧᔭᒻ ᒪᔭᑕᓂᓯᒡ ᐊ ᐊᑲ ᑭᓄᐛᔨᒪᒡ ᒪᔭᑕᓂᓯᔪᐤ ‍ ᐃᔪᐛ᙮ ᑭᔭ ᑎᐸᔨᒋᒐᓱᐤ ᒋ ‍ ᐃᔅᒋᔄᐤ, ‘ᒋ ‍ ᓂᐸᐊᑭᓄᔪᐛ ᐅᒋᒪᒧᐛᐛ᙮ ᐊᑯ ᒐ ‍ ᐎᑎᒧᐅᑥᐤ ᒋᔭᒪᔨᑎᒧᐅᓂᒡ ᒐᒋ ᒋᐛᒡ,’ ”
\p
\v 18 ᐊᐊᑉ ᒋ ‍ ᐃᑕᐤ ᐃᐃᐅᓴᐸᑕᔨᒋ, ᒋᒋ ‍ ᐎᑎᒪᑎᓐ ᓂᑲᓐ ᐛᑕᒋ ᒐᒂᔪᐤ ᒐ ‍ ᐃᔅᐱᔨᒡ ᓇᒪ ᓂᑕ ᐃᔅᒋᔄᐤ ᒐᒂᔪᐤ ᐊᒥᔽᔨᒡ ᒐ ‍ ᐃᔅᐱᔪᐅᒡ! ᓇᓂᑎᒻ ᐎᑎᒻ ᒥᒋ ‍ ᒐᒂᔪᐤ ᒐ ‍ ᐃᔅᐱᔪᐅᒡ᙮”
\p
\v 19 ᒥᑲᐃᐊ ᒂ ‍ ᐃᑕᑦ, ᓂᑐᑎᒥᒄ ᒐᒂᔪᐤ ᑲ ‍ ᐛᐸᑎᔨᑦ ᑎᐸᔨᒋᒐᓱᐤ! ᐊᓐᑕ ᐃᓯᓂᒧᐅᓂᒡ, ᓂᒋ ‍ ᐛᐱᒪᐤ ᑎᐸᔨᒋᒐᓱᐤ ᐊᐱᑦ ᐅᒋᓴᐅᒋᒪᐅᑕᑎᐳᐛᑭᓂᒡ, ᐊᓯᒡ ᐊ ‍ ᐛᔅᑲᔅᑲᑯᑦ ᒥᓯᐛ ᒋᒋᒋᓯᑯᒡ ᓂᑐᐱᔪᐅ-ᐃᔪᐛ, ᐊᓐᑕ ᐅᒥᔪᐅᓂᒡ ᑭᔭ ᐅᓂᔅᐸᒋᐅᓂᒡ᙮
\v 20 ᒂ ‍ ᐃᔅᒋᔄᑦ ᑎᐸᔨᒋᒐᓱᐤ, ‘ᐊᐛᓐ ᒐᒋ ᓯᒋᒪᑦ ᐊᐊᐸ ᒐᒋ ᓇᒋ ‍ ᒪᓴᐊᔨᒋ ᕋᒧᑦ ᐃᔪᐛ, ᒐᒋ ᐅᒋ ᓂᐸᐊᑭᓄᐅᑦ ᓇᑕ?’
\p ᐸᐃᒄ ᐊᐛᓐ ᒋ ‍ ᐃᔅᒋᔄᐤ ᒐᒂᔪᐤ, ᑭᔭ ᑯᑎᑭᒡ ᐃᔭᒡ ᒋ ‍ ᐃᔅᒋᔄᐅᒡ᙮
\v 21 ᒐᒄ ᐸᐃᒄ ᒥᒋ ‍ ᐊᒐᒄ ᓂᔭᑕ ᑎᐸᔨᒋᒐᓱᐛ ᑭᔭ ᐊᑕᑦ ‘ᓂᔾ ᓂᑭ ‍ ᒋᑐᑕᓐ!’
\p
\v 22 ᑎᐸᔨᒋᒐᓱᐤ ᒂ ‍ ᐃᑕᑦ, ‘ᑕᓐ ᒐ ‍ ᐃᑐᑎᒥᓐ?’
\p ᐊᒐᐧᒄ ᒂ ‍ ᐃᑕᑦ, ‘ᓂᑭ ‍ ᑐᑐᐅᒪᐛ ᐊᐊᑉ ᐅᒋᔅᒋᐛᔨᒐᓯᒪᐤ ᒐᒋ ᐎᔭᓯᒥᑯᑦ᙮’ ᑎᐸᔨᒋᒐᓱᐤ ᒂ ᐃᑕᑦ, ᒋᑭ ‍ ᑭᔅᒋᐅᓐ, ᒪᒋ ᑭᔭ ᑐᑎᒪ!’
\v 23 ᐊᑯ ᐊᓄᒡ ᒋ ‍ ᐎᑎᒪᑎᓐ ᐊᒋ ‍ ᐃᑐᑐᐛᑦ ᑎᐸᔨᒋᒐᓱᐤ ᒋ ‍ ᐅᒋᔅᒋᐛᔨᒐᓯᒪ ᒐᒋ ᐎᔭᓯᒥᔅᒋᔅᒋ᙮ ᒋ ‍ ᐎᔭᔨᑎᒻ ᑎᐸᔨᒋᒐᓱᐤ ᒐᒋ ᐃᔅᐱᔪᐅᑦ ᐊᒪᔭᑎᓂᔨᒡ ᒐᒂᔪᐤ᙮”
\p
\v 24 ᐊᑯ ᓯᑦᑭᐃᐊ ᓂᔭᑕᑦ ᒥᑲᐃᐊᔨᒋ ᑭᔭ ᐛᑕᒥᒂᐛᑦ᙮ ᒂ ‍ ᐃᑕᑦ, “ᒋᑦ ᐃᑕᔨᑕᓐ ᐊ ᐊᒋ ‍ ᓂᑭᓯᔨᒋ ᑎᐸᔨᒋᒐᓱᐤ ᐅᑦ ‍ ᐊᒐᒂ ᒐᒋ ᐅᒋ ᐃᔨᒥᔨᑕᓐ?”
\p
\v 25 ᒥᑲᐃᐊ ᒋ ‍ ᐃᑕᐤ, “ᒋᑭ ‍ ᒋᔅᒐᔨᑕᓐ ᐊᐛᔪᐛ ᐊᓂᓱᐛᐧᒄ ᑎᐸᔨᒋᒐᓱᐤ ᐅᑦ ‍ ᐊᒐᒂ ᑕᑈ ᑲ ‍ ᐃᔨᒥᔨᑯᑦ ᐊᓂᔭ ᒋᓯᑯᔪᐤ ᐃᔅᐱ ᐃᑐᑕᔨᓇ ᐊᓐᑕ ᑲᐱᔅᒋᒐᔭᒡ ᒥᒋᐛᐱᒡ ᒐᒋ ᑲᓱᔅᑐᐅᑥᐤ ᓯᕆᐊ ᐊᓯᒪᑭᓂᓯᒡ!”
\v 26 ᒋᓴᐅᒋᒪᐤ ᐊᐊᑉ ᒋ ‍ ᐃᑎᓱᒪᐤ ᐅᓂᑐᐱᔪᐅ-ᐃᔨᒪ, “ᒪᑯᓂᐧᒄ ᒥᑲᐃᐊ ᑭᔭ ᐊᒧᓇ ᒐ ‍ ᐃᑐᑕᒄ, ᐅᑕᓇᔪᐤ ᒋᓴᐅᒋᒪᓴ, ᑭᔭ ᓂᑯᓴ ᐃᐅᐊᓴᔨᒋ
\v 27 ᒋᐎᑎᒧᐛᑯᒡ ᐊᒋ ‍ ᐃᑎᓱᐛᐅᒡ ᑲᒪᑭᓄᐛᓯᐅᒋᐛᐱᒡ ᒐᒋ ᐱᑎᑲᐊᒡ ᑭᔭ ᒥᒄ ᐸᒂᓯᑭᓇ ᑭᔭ ᓂᐱᔪᐤ ᒐᒋ ᒥᔭᒡ᙮ ᒐ ‍ ᐊᑲ ᑯᑎᒋᔪᐤ ᒐᒂᔭᐤ ᒥᔭᒄ ᒐᒋ ᒥᒋᑦ ᐸᑐᔅ ᒋ ᒥᔪᐤ ‍ ᑎᑯᓯᓂᔭᓇ ᐊᓂᑐᐱᔨᓇᓄᐅᒡ ᐅᒋ!”
\p
\v 28 ᒥᑲᐃᐊ ᒋ ‍ ᐃᑕᐤ, “ᒥᔪ ‍ ᑎᑯᓯᓂᔨᓇ, ᒋᑭ ‍ ᒥᔪ ‍ ᒋᔅᒐᔨᑕᑯᓐ ᐊ ᐊᑲ ᐎᔾ ᑎᐸᔨᒋᒐᓱᐤ ᑲ ‍ ᐎᑎᒧᐅᑦ ᒐᒂᔪᐤ ᒐ ‍ ᐃᑎᑐᐅᒡ!” ᐊᑯ ᒂ ‍ ᐃᑕᑦ ᒥᓯᐛ ᐊᐛᔪᐛ ᐊᓐᑕ ᑲ ‍ ᓇᓂᐳᔨᒋ, “ᒐ ‍ ᐊᑲ ᐅᓂᒋᔅᒋᑎᒪᒄ ᒐᒂᔪᐤ ᑲ ‍ ᐃᑎᒃ ᒋᓴᐅᒋᒪᐤ ᐊᐊᑉ!”
\s1 ᐊᑉ ᑲ ‍ ᐳᓂᐱᒪᑎᓯᑦ ᐊᓂᑐᐱᔨᓇᓄᐎᒡ
\p
\v 29 ᐊᑯ ᐃᔅᕋᐃᓪ ᒋᓴᐅᒋᒪᐤ ᑭᔭ ᒍᑕ ᒋᓴᐅᒋᒪᐤ ᕋᒧᑦ, ᐊᓐᑕ ᑲᓕᓕ ᐊᔅᒋᒡ ᒂ ‍ ᐃᑐᑕᐊᒡ ᐅᓂᑐᐱᔪᐅ-ᐃᔨᒧᐛᐛ᙮ ᒋᓴᐅᒋᒪᐤ
\v 30 ᒋᓴᐅᒋᒪᐤ ᐊᐊᑉ ᒋ ‍ ᐃᑕᐤ ᐃᐃᐅᓴᐸᑕ, ᐃᔭᒡ ᓂᑭ ‍ ᐃᑕᔅᐱᓱᓐ, ᒐ ‍ ᐊᑲ ᐅᒋ ᓂᔅᑐᐛᐱᒥᑦ ᐊᐛᓐ ᐊᒋᓴᐅᒋᒪᐅᒡ᙮ ᒥᒄ ᒋᐸ ‍ ᐳᔅᑎᔅᑲᓐ ᒋ ‍ ᒋᓴᐅᒋᒪᐤ ᐊᑯᒡ ᒐᒋ ᐛᐸᑎᔨᐛᔨᓐ ᐊᒋᓴᐅᒋᒪᐎᓐ᙮” ᐊᑯ ᐊᐊᑉ ᐃᔭᒡ ᒂ ‍ ᐃᓯᓇᑯᔨᓱᑦ ᒐ ᐊᑲ ᓂᔅᑐᐛᐱᒪᑭᓄᐅᑦ, ᑭᔭ ᑕᐱᔅᑯᓐ ᒂ ᓂᒋ ‍ ᓂᑐᐱᔨᒡ᙮
\p
\v 31 ᓯᕆᐊ ᒋᓴᐅᒋᒪᐤ ᒋ ‍ ᐎᑎᒧᐛᐤ ᐅᔭ ᑲ ‍ ᓂᔅᑐᔪᐛᓯᔨᒋ ᐊᓱ ᓂᓱ ‍ (32) ᓇᐸᐛ ᑲ ‍ ᐊᐱᒋᐊᔨᒋ ᑎᑎᑕᐸᓇᔎ: “ᐃᔅᕋᐃᓪ ᒋᓴᐅᒋᒪᐤ ᒥᒄ ᒐ ‍ ᑯᓯᒂᔨᒧᑐᐛᒄ!”
\v 32 ᐊᑯ ᐃᔅᐱ ᓇᐸᐅᒡ ᑲ ‍ ᐊᐱᒋᐊᒡ ᓯᕆᐊ ᑎᑎᑕᐸᓇᔎ ᐎᔭᐱᒪᒡ ᐃᐃᐅᓴᐸᑕ ᑈᔅᑭᒥᔨᒋ ᐅᒋᓴᐅᒋᒪᐅ ᐊᐱᒋᑕᐅᓂᔨᐛ ᐊᐛᐸᑎᔨᐛᔨᒋ ᐊᒋᓴᐅᒋᒪᐎᒋ, ᒋ ‍ ᓇᓴᐛᐅᒡ᙮ ᒂ ‍ ᑕᑈᒡ, “ᐊᐅᑯᐤ ᐃᔅᕋᐃᓪ ᒋᓴᐅᒋᒪᐤ!” ᒥᒄ ᐃᔅᐱ ᐃᐃᐅᓴᐸᑦ ᑎᔭᑈᑦ,
\v 33 ᒂ ‍ ᒋᔅᒐᔨᒪᒡ ᐊ ᐊᑲ ᐃᔭᐅᔨᒋ ᐃᔅᕋᐃᓕᒡ ᒋᓴᐅᒋᒪᐛ᙮ ᐊᑯ ᒂ ‍ ᐳᓂᒡ ᐊᓇᓴᐛᒡ᙮
\p
\v 34 ᒥᒄ ᐸᐃᒄ ᐊᓯᒪᑭᓂᔅ ᒂ ‍ ᐱᒧᓯᓇᑕᐛᑦ ᐊᐊᐸ ᐊᒐᐱᔭ, ᐊ ᐊᑲ ᒋᔅᒐᔨᒪᑦ ᐃᔭᐅᔨᒋ ᐊᐊᐸ᙮ ᑎᔅᑐᐎᒡ ᐊᓐᑕ ᐊᒋᑭᒧᔨᒋ ᐅᓂᑐᐱᔪᐅ-ᐊᐱᒋᑕᐅᓇ᙮ ᐊᐊᑉ ᒂ ‍ ᐃᑕᑦ ᐊᓂᔭ ᑲ ‍ ᐊᐱᒋᐊᔨᒋ ᑎᑎᐱᑕᐸᓇᔎ, “ᒋᐛᐱᔅ ᑎᑎᐱᑕᐸᓇᔅᒄ ᑭᔭ ᒋᑐᑕᔨ ᐅᑕ ᐅᒋ! ᒋᒋ ᓂ ‍ ᐅᓯᑯᔨᑯᐅᓐ!”
\v 35 ᐃᔅᑭᓐ ᒋᓯᑲᐛ ᒋ ‍ ᓂᑐᐱᔨᓇᓄᐤ᙮ ᒋ ᐅᒋ ‍ ᓴᔎᐳᐤ ᐊᐊᑉ ᐅᑎᑎᐱᑕᐸᓇᔅᑯᒡ, ᐊᒋᑕᐱᒪᑦ ᓯᕆᐊ ᐊᓯᒪᑭᓂᓴ᙮ ᒥᔅᑎᑎᒡ ᑎᑎᐱᑕᐸᓇᔅᑯᒡ ᒋ ‍ ᐃᓯᑯᐅᔪᐤ ᐅᒥᒄ ᐊᓐᑕ ᑲ ‍ ᐅᓯᑯᐊᑭᓄᐅᑦ ᐅᒋ᙮ ᑭᔭ ᒂ ‍ ᐳᓂᐱᒪᑎᓯᑦ ᐊᑎ ‍ ᐅᑕᑯᓯᔨᒡ᙮
\v 36 ᒧᔭᒻ ᐊᑎ ‍ ᐸᒋᓯᒧᔨᒋ ᐱᓯᒺ, ᐸᐃᒄ ᐊᐛᓐ ᐊᑕ ᐃᔅᕋᐃᓪ ᐊᓯᒪᑭᓂᓴ ᒋ ‍ ᑕᑈᔪᐛ, “ᐳᓂᐱᔪᐤ ᐊᓂᑐᐱᔨᓇᓄᐅᒡ! ᒥᓯᐛ ᐊᐛᓐ ᒋᐸ ‍ ᒋᐛᐤ!”
\p
\v 37 ᐊᑯ ᒋᓴᐅᒋᒪᐤ ᐊᐊᑉ ᒂ ᐳ‍ᓂᐱᒪᑎᓯᑦ, ᒂ ‍ ᐅᑎᓂᒺᒡ ᐎᔭᔪᐤ ᑎᑎᐱᑕᐸᓇᔅᑯᒡ ᐅᒋ ᑭᔭ ᓱᒻᕈᓐ ᐅᑕᓇᒡ ᐊᑐᑕᐛᒡ ᑭᔭ ᐊᑯᑕ ᑲ ‍ ᓇᐊᔨᑯᐛᒡ᙮
\v 38 ᒋ ‍ ᒋᔅᑕᐳᑕᐛᐅᒡ ᐅᑎᑎᐱᑕᐸᓇᔅᑯᔪᐛ ᐅᐱᒪ ᒧᔅᒍᓂᐸᑯᒡ ᐊᓐᑕ ᓱᒻᕈᓐ ᐅᑕᓇᒡ, ᐊᓐᑕ ᑲᒋ ‍ ᒋᔅᑕᐸᐅᑎᓱᒡ ᑲ ‍ ᑕᐛᒐᒡ ᐃᔎᐅᒡ᙮ ᑭᔭ ᒋ ‍ ᐸᑐᑕᐅᒡ ᐊᑎᒧᒡ ᑭᔭ ᓄᐧᑲᑎᒺᒡ ᒋᓴᐅᒋᒪᐛ ᐅᒥᐧᑯᔪᐤ, ᒧᔭᒻ ᑲ ‍ ᐃᔅᒋᔄᑦ ᑎᐸᔨᒋᒐᓱᐤ ᒐ ‍ ᐃᔅᐱᔨᒡ᙮
\p
\v 39 ᑲ ‍ ᒥᓯᓇᐃᑭᓄᐎᒋ ᑯᑎᑲ ᒐᐛᔪᐛ ᑲ ‍ ᐃᔅᐱᔨᒋ ᒪᒂᒡ ᐊᐊᑉ ᑲ ‍ ᒋᓴᐅᒋᒪᐅᑦ, ᑭᔭ ᒥᔅᑎ ‍ ᐛᐱᑯᓂᒡ ᑲ ᐃᓯ ‍ ᒥᒪᑕᐅᓇᑯᑕᑭᓄᐅᒡ ᒋᓴᐅᒋᒪᐅᒋᐛᑉ ‍ ᐊᐊᑉ ᑲ ‍ ᑐᑎᒧᐛᑭᓄᐅᑦ, ᒋ ‍ ᒥᓯᓇᔨᑭᓄᔪᐛ ᐊᓐᑕ ᒥᓯᓇᐃᑭᓂᒡ ‘ᑕᓐ ᑲ ᐸᒋ ‍ ᐃᑎᒡ ᐃᔅᕋᐃᓪ ᒋᓴᐅᒋᒪᐅᒡ’ ᐊᓯᓂᐧᑲᑕᔨᒡ,
\v 40 ᐃᔅᐱ ᑲ ‍ ᐳᓂᐱᒪᑎᓯᑦ ᐊᐊᑉ, ᒋ ‍ ᓇᐊᔨᐧᑯᐛᑭᓄᐅ ᐊᓐᑕ ᑲ ‍ ᓇᐊᔨᑯᐛᑭᓄᐎᒋ ᐅᑦ ‍ ᐊᓂᔅᑯᑕᐸᓇ᙮ ᐊᑯ ᐅᑯᓴ ᐊᐊᓯᐊᔨᒋ ᒂ ‍ ᒋᓴᐅᒋᒪᐎᒋ᙮
\s1 ᒍᑕᔨᒡ ᒋ ‍ ᑎᐸᔨᒋᒐᐤ ᐃᐃᐅᓴᐸᑦ
\p
\v 41 ᐊᒺᔭ ᐳᓂᐱᒪᑎᓯᑦ ᐊᐊᑉ, ᐃᔅᐱ ᓇᐅᐱᐳᓇ ‍ (4) ᐃᔅᕋᐃᓕᒡ ᑲᒋ ‍ ᒋᓴᐅᒋᒪᐅᑦ, ᐊᓴ ᐅᑯᓴ ᐃᐃᐅᓴᐸᑕ ᒍᑕᔨᒡ ᒂ ‍ ᒋᓴᐅᒋᒪᐅᔨᒋ᙮
\v 42 ᒋ ‍ ᓂᔅᑐᔪᐛᐱᐳᓇᓱᐤ ᐊᓱ ᐱᑕᑕᒡ ‍ (35) ᐃᐃᐅᓴᐸᑦ ᐃᔅᐱ ᑲ ‍ ᒋᓴᐅᒋᒪᐅᑦ, ᑭᔭ ᓂᓱᔪᐛᐱᐳᓇ ᐊᓱ ᐱᑕᑕᒡ ‍ (25) ᒋᕈᓯᓕᒥᒡ ᒋ ‍ ᒋᓴᐅᒋᒪᐅᐤ᙮ ᐊᓱᐸᔨᒋ ᒋ ‍ ᐅᑲᐎᔪᐤ, ᓯᓪᐃᔨᒋ ᐅᑕᓂᓯᔨᐛ᙮
\v 43 ᒋ ᒥᔪ ‍ ᒋᓴᐅᒋᒪᐤ ᐃᐃᐅᓴᐸᑦ, ᒧᔭᒻ ᑲ ‍ ᐃᑎᔨᒋ ᐅᑕᐎᔭ ᐊᓴᐊᔨᒋ᙮ ᒋ ‍ ᐃᑐᑎᒻ ᒐᒂᔪᐛ ᑲ ‍ ᓇᔨᑎᒥᐃᑯᔨᒋ ᑎᐸᔨᒋᒐᓱᐛ᙮ ᒥᒄ ᒪᒂᒡ ᑲ ‍ ᒋᓴᐅᒋᒪᐅᑦ, ᓇᒪ ᒥᓯᐛ ᐅᒋ ‍ ᐃᔨᒐᑎᓯᓂᒻ ᒥᒋ ‍ ᐱᔅᑎᓂᒐᐅᓇᐱᔎ ᐃᔪᐛ ᑲ ‍ ᑐᑎᒥᔨᒋ ᐊᓐᑕ ᑕᐧᑯᒡ ᐱᔅᑯᑎᓇᒡ᙮ ᐊᑯ ᐃᔪᔅᒡ ᒋ ‍ ᓇᓂᑎᒪᐱᔪᐅᒡ ᐊ ‍ ᒥᑐᔅᑕᐊᒧᐛᒡ ᒥᓂᑎᐧᑲᓇ ᐊᓐᑕ ᐱᔅᑎᓂᒐᐅᓇᐱᔅᑯᒡ ᑭᔭ ᐊᑯᑕ ᑲ ‍ ‍ᐃᔎᓴᒡ ᑲ ‍ ᐎᒋᒪᑯᓯᔨᒋ᙮
\v 44 ᐃᔭᐱᒡ ᒋ ‍ ᑐᑎᒧᐛᐤ ᐃᐃᐅᓴᐸᑦ ᒋᔭᒪᔨᑎᒧᐅᐤ ᓂᔅᑯᒥᑐᐅᓂᔪᐤ ᐃᔅᕋᐃᓪ ᒋᓴᐅᒋᒪᐛ᙮
\p
\v 45 ᒥᓯᐛ ᑯᑎᑲ ᒐᐛᔪᐛ ᑲ ‍ ᐃᔅᐱᔨᒋ ᒪᒂᒡ ᐃᐃᐅᓴᐸᑦ ᑲ ‍ ᒋᓴᐅᒋᒪᐅᑦ, ᑭᔭ ᒥᔪᐤ ᒐᒂᓇ ᑲ ᐃᑐᑕᐧᒃ ‍ ᑭᔭ ᑲ ‍ ᑲᓂᔪᔨᒋ ᐅᑦ ‍ ᐊᓯᒪᑭᓂᓯᒪ, ᒋ ‍ ᒥᓯᓇᔨᑭᓄᔪᐛ ᐊᓐᑕ ᒥᓯᓇᐃᑭᓂᒡ ‘ᑕᓐ ᑲ ᐸᒋ ‍ ᐃᑎᒡ ᐃᔅᕋᐃᓪ ᒋᓴᐅᒋᒪᐅᒡ’ ᐊᓯᓂᐧᑲᑕᔨᒡ,
\v 46 ᐊᓴ ᐃᐃᐅᓴᐸᑦ ᐅᑕᐎᔭ ᒋ ‍ ᑯᒋᑕᐤ ᒐᒋ ᐎᐎᑎᓴᐛᑦ ᓇᐸᐛ ᑲ ‍ ᑕᐛᒐᔨᒋ ᐊ ᐊᐱᒋᑕᑭᓄᐎᔨᒡ ᐎᔭᔪᐤ ᐊᓐᑕ ᐸᔭᒋᑭᒥᑯᒡ ᑲ ‍ ᐃᑕᔨᒋ, ᒥᒄ ᐱᔅᒐ ᐊᔅᒄ ᐊᓐᑕ ᒋ ‍ ᐃᑕᔪᐛ᙮ ᐃᐃᐅᓴᐸᑦ ᒋ ‍ ᐃᓱᐅᓇᒋᐊᐤ᙮
\p
\v 47 ᐊᓂᔭ ᒪᒂᒡ, ᓇᒪ ᐅᒋ ᐃᑕᐤ ᒋᓴᐅᒋᒪᐤ ᐊᓐᑕ ᐃᑕᒻ ᐊᔅᒋᒡ, ᑲ ‍ ᑎᐸᔨᒋᒐᑦ ᑲ ‍ ᐎᔭᔨᒥᑯᑦ ᐃᐃᐅᓴᐸᑕ ᐊᓐᑕ ᒋ ‍ ᑎᐸᔨᒋᒐᐤ᙮
\p
\v 48 ᒋ ‍ ᐃᑎᓱᐛᑕᐤ ᐃᐃᐅᓴᐸᑦ ᐱᔅᒐ ᓇᐸᐛ ᒐᒋ ᐅᓯᑕᔨᒋ ᐃᔅᑯᑕᐅᑕ ᓴᐅᓄᒡ ᐅᐱᕐ ᐊᔅᒋᒡ ᒐᒋ ᐃᔅᒋᒪᒡ ᒐᒋ ᓇᑕᐊᒡ ᐛᔄᐅᓱᓇᔭᔪᐤ᙮ ᒥᒄ ᐃᓯᐅᓐ-ᑭᐳᕐ ᐊᓐᑕ ᒋ ᐱᒂᐊᓂᔪᐛ, ᐊᑯ ᓇᒪ ᓂᑕ ᒥᓐ ᒋᒧᓴᐛᓂᔨᐛ ᐃᔅᑯᑕᐅᑕ᙮
\v 49 ᐊᒺᔭ ᐅᒋ ᐱᒂᐊᓂᔨᒋ᙮ ᐊᐊᑉ ᐅᑯᓴ ᐊᐊᓯᐊ ᒋ ‍ ᐃᑕᐤ ᐃᐃᐅᓴᐸᑕ, “ᓇᐊᔨᒥᒡ ᓂ ᒋᒪᓇᐸᐅᒡ ᒐᒋ ᐎᒐᐛᒡ ᒋ ‍ ᒋᒪᓇᐸᐛ,”
\p
\v 50 ᐃᔅᐱ ᑲ ‍ ᐳᓂᐱᒪᑎᓯᑦ ᐃᐃᐅᓴᐸᑦ, ᒋ ‍ ᓇᐊᔨᐧᑯᐛᑭᓄᐅ ᐊᓐᑕ ᑲ ‍ ᓇᐊᔨᑯᐛᑭᓄᐎᒋ ᐅᑦ ‍ ᐊᓂᔅᑯᑕᐸᓇ ᐊᓐᑕ ᒋᕈᓯᓕᒥᒡ, ᐊᓐᑕ ᑲ ‍ ᑎᐸᔨᒋᒐᑦ ᒋᓴᐅᒋᒪᐤ ᑎᐱᑦ᙮ ᐊᑯ ᐃᐃᐅᓴᐸᑦ ᐅᑯᓴ ᐃᐃᐅᕋᒻ ᒂ ‍ ᒋᓴᐅᒋᒪᐅᑦ᙮
\s1 ᐃᔅᕋᐃᓕᒡ ᑲ ‍ ᒋᓴᐅᒋᒪᐅᑦ ᐊᐊᓯᐊ
\p
\v 51 ᐊᒺᔭ ᐳᓂᐱᒪᑎᓯᑦ ᒋᓴᐅᒋᒪᐤ ᐃᐃᐅᓴᐸᑦ, ᐃᔅᐱ ᑲᒋᓴᐅᒋᒪᐅᑦ ᐊᓐᑕ ᒍᑕᐃᒡ ᓂᔄᐅᑕᒡ ᑕᑐᓴᑉ ᐱᐳᓇ ‍ (17), ᐊᐊᑉ ᐅᑯᓴ ᐊᐊᓯᐊ ᒋᒋ ‍ ᒋᓴᐅᒋᒪᐤ ᐊᓐᑕ ᐃᔅᕋᐃᓕᒡ᙮ ᓂᓱᐱᐳᓇ ‍ (2) ᐃᔅᐱᔅ ᒋ ‍ ᒋᓴᐅᒋᒪᐤ ᐊᐊᓯᐊ ᐊᓐᑕ ᓱᒻᕈᓐ ᐅᑕᓇᒡ᙮
\v 52 ᒥᒐᑦ ᒋ ‍ ᐃᑐᑎᒻ ᒐᒂᔪᐛ ᐊᓂᔭ ᒥᔭᑎᓐ ᑲ ‍ ᐃᑕᔨᑕᐧᒃ ᑎᐸᔨᒋᒐᓱᐤ᙮ ᑲ ‍ ᑐᑕᐧᒃ ᐊ ᒪᔭᑎᓂᔨᒋ ᒐᒂᔪᐛ ᐅᑕᐎᔭ ᑭᔭ ᐅᑲᐎᔭ ᑲ ‍ ᐃᑐᑎᒥᔨᒋ ᑭᔭ ᒥᒋ ‍ ᒐᒂᔪᐛ ᑲ ‍ ᐃᑐᑎᒥᔨᒋ ᐃᐊᕈᐸᒪ ‍ -- ᐊᓂᔭ ᒋᓴᐅᒋᒪᐛ ᑲ ‍ ᑐᑐᐛᔨᒋ ᐃᔅᕋᐃᓪ ᐃᔪᐛ ᒐᒋ ᒥᒋ ‍ ᑐᑎᒥᔨᒋ, ᐊᔭᒥᐊᔅᑐᐛᔨᒋ ᒥᓐᑐᐧᑲᓇ᙮
\v 53 ᐊᐊᓯᐊ ᒋ ‍ ᓄᐛᑲᐳᔅᑐᐛᐤ ᐅᑎᔅᑯᐤ ᐸᐊᓚ ᒥᓐᑐᐧᑲᓇ ᑭᔭ ᐊᔭᒥᐊᔅᑐᐛᑦ᙮ ᑲ ‍ ᑐᑕᑯᔨᒋ ᑎᐸᔨᒋᒐᓱᐛ, ᒋᓴᒪᓂᑐᐛ ᐊᓂᔭ ᑕᑈ ᑲ ‍ ᐅᒋᓴᒪᓂᑐᒥᔨᒋ ᐃᔅᕋᐃᓪ ᐃᔪᐛ, ᒐᒋ ᒋᔄᐱᔨᒋ, ᒧᔭᒻ ᐊᐊᓯᐊ ᐅᑕᐎᔭ ᑲ ‍ ᑐᑐᐛᑦ ᑎᐸᔨᒋᒐᓱᐛ ᒐᒋ ᒋᔄᐱᔨᒋ᙮
\id 2KI Second Kings Naskapi Syllabics (started 15 Mar 2024 Silas Nabinicaboo. First draft complete DA MON YEAR)
\toc3 2 ᒋᓴᐅᒋᒪᐅᒡ
\toc2 2 ᒋᓴᐅᒋᒪᐅᒡ
\toc1 ᓂᓱ ᒋᓴᐅᒋᒪᐅᒡ
\c 1
\s1 ᐃᓚᐃᒐ ᒋ ‍ ᐊᓏᔨᒪᐤ ᒋᓴᐅᒋᒪᐛ ᐊᐊᓯᐊᔨᒋ
\p
\v 1 ᑲᒋ ᐳᓂᐱᒪᑎᓯᑦ ᒋᓴᐅᒋᒪᐤ ᐊᐊᑉ, ᒧᐊᑉ ᐊᔅᒋᒡ ᐃᔪᒡ ᒋ ‍ ᒪᔭᔨᒪᐅᒡ ᐃᔅᕋᐃᓪ ᐃᔪᐛ᙮
\v 2 ᐸᐃᒂᐤ ᒐᓯᑲᔨᒡ, ᐊᐊᓯᐊ, ᐃᔅᕋᐃᓪ ᐅᔅᒋ ᒋᓴᐅᒋᒪᐤ ᒋ ‍ ᐸᒋᓯᓐ ᐊᓴᐳᑐᐛᐱᔨᑦ ᐱᐱᒋᑎᑯᒡ ᒋᒋᒡ ᐃᔅᐱᒥᒡ ᐅᒋᓴᐅᒋᒪᐅᒋᐛᐱᒡ ᐊᓐᑕ ᓱᒻᕈᓐ ᐅᑕᓇᒡ᙮ ᒋ ᒥᔅᑎ ‍ ᐅᓯᑯᐤ, ᐊᑯ ᒂ ‍ ᐎᓴᒪᑦ ᐃᔨᒧᐅᓂᔪᐤ ᑲ ‍ ᐱᒧᑕᔨᒋ ᑭᔭ ᒋ ‍ ᐃᑕᐤ, “ᐊᒃᕈᓐ ᐅᑕᓇᒡ ᐊᓐᑕ ᐱᓕᔅᑎᐊ ᐊᔅᒋᒡ, ᑭᔭ ᒐ ‍ ᑭᒂᒋᒪᑯᐤ ᐅᒥᓂᑐᐧᑲᓂᒧᐛᐛ ᐸᐊᓪᓯᐳᑉ ᒐ ‍ ᐊᑲ ᒥᔪᐱᔪᐛᓇ᙮”
\p
\v 3 ᒥᒄ ᐊᓐᒋᓐ ᑎᐸᔨᒋᒐᓱᐛ ᐅᒋ ᒋ ‍ ᐃᑕᐤ ᐃᓚᐃᒐᔨᒋ, ᐅᒋᔅᒋᐛᔨᒐᓱᐤ ᑎᔅᐱ ᐅᑕᓇᒡ ᐅᒋ, “ᓱᒻᕈᓐ ᐅᑕᓇᒡ ᒋᓴᐅᒋᒪᐤ ᐃᑎᓴᐛᐤ ᐃᔨᒧᐅᓂᔪᐤ ᑲ ‍ ᐱᒧᑕᔨᒋ ᐊᒃᕈᓐ ᐅᑕᓇᒡ᙮ ᒪᒋ ᑭᔭ ᒐ ‍ ᓂᒋᔅᑯᐅᑥᐤ ᑭᔭ ᒐ ‍ ᐃᑎᑥᐤ, ‘ᓇᒥᔭᐤ ᐊ ᐊ ᐊᑲ ᐃᑕᑦ ᒋᓴᒪᓂᑐᐤ ᐊᓐᑕ ᐃᔅᕋᐃᓕᒡ ᐊ ᐅᒋ ‍ ᐃᑐᑕᔨᓐ ᐊᓐᑕ ᐊᒃᕈᓐ ᐅᑕᓇᒡ ᒐᒋ ᑭᒂᒋᒥᑦ ᐸᐊᓪᓯᐳᑉ, ᐅᒥᓂᑐᐧᑲᓂᒧᐛᐛ ᐊᓐᒡ ᐃᔪᒡ, ᒐ ‍ ᒥᔪᐱᔪᐅᓇ?
\v 4 ᑎᐸᔨᒋᒐᓱᐤ ᐃᔅᒋᔄᐤ ᒐᒋ ᐎᑎᒧᐅᑦ ᒋᓴᐅᒋᒪᐤ ᐊᐊᓯᐊ ᒐ ‍ ᐊᑲ ᒥᔪᐱᔨᑦ ᑲ ‍ ᐊᓯᑯᐅᑦ ᐅᒋ; ᒐᒋᓇᒡ ᒋᑭ ‍ ᐳᓂᐱᒪᑎᓯᐤ᙮”’
\p
\v 5 ᐊᑯ ᐃᓚᐃᒐ ᓂᔭᒋᓂᔅᑯᐛᑦ ᐃᔨᒧᐅᓂᔪᐤ ᑲ ‍ ᐱᒧᑕᔨᒋ ᑭᔭ ᐛᑎᒧᐛᑦ ᐊᓂᔭᔪᐤ, ᐊᑯ ᑲᐤ ᓇᑐᐛᐱᒪᒡ ᒋᓴᐅᒋᒪᐛ ᒥᔅᑯᒡ ᒐᒋ ᐃᑐᑕᒡ ᐊᒃᕈᓐ ᐅᑕᓇᒡ᙮ ᒂ ‍ ᑭᒂᒋᒥᑯᒡ ᒋᓴᐅᒋᒪᐛ, “ᒐᒂᓐ ᑲᐤ ᐛᒋ ‍ ᐎᐱᒡ ᑎᑯᓯᓂᔭᒄ?”
\p
\v 6 ᒂ ‍ ᐃᑕᒡ, “ᓇᐸᐤ ᓂᒋ ᐸᒋ ‍ ᓂᒋᔅᑲᑯᓇᓐ, ᑭᔭ ᐊ ᐃᓯᔨᒥᑦ, ‘ᑲᐤ ᓂᑐᐛᐱᒪᐧᒄ ᒋᓴᐅᒋᒪᐤ ᑲ ‍ ᒋᑎᓴᐅᑕᒄ ᑭᔭ ᒐ ‍ ᐎᑎᒧᐛᒄ ᐊᓂᔭ ᐊᔅᒋᔄᔨᒋ ᑎᐸᔨᒋᒐᓱᐛ, “ᓇᒥᔭᐤ ᐊ ᐊ ᐊᑲ ᐃᑕᑦ ᒋᓴᒪᓂᑐᐤ ᐊᓐᑕ ᐃᔅᕋᐃᓕᒡ ᐛᒋ ‍ ᐃᑎᓴᐅᑥᐤ ᐃᔨᒧᐅᓂᔪᐤ ᑲ ‍ ᐱᒧᑕᒡ ᐊᓐᑕ ᐊᒃᕈᓐ ᐅᑕᓇᒡ ᒐᒋ ᐃᔨᒥᔨᑦ ᐸᐊᓪᓯᐳᑉ, ᐅᒥᓂᑐᐧᑲᓂᒧᐛᐛ? ᒋ ‍ ᐃᑕᔨᑕᓇᒐ ᐊ ᐊᑲ ᐃᑕᑦ ᒋᓴᒪᓂᑐᐤ ᐊᓐᑕ ᐃᔅᕋᐃᓕᒡ, ᐊᓐ ᐅᒋ ᐊ ‍ ᐃᑎᓴᐅᑥᐤ ᐃᔨᒧᐅᓂᔪᐤ ᑲ ‍ ᐱᒧᑕᒡ ᐊᒃᕈᓐ ᐅᑕᓇᒡ ᒐᒋ ᑭᒂᒋᒥᑦ ᐸᐊᓪᓯᐳᑉ, ᐅᒥᓂᑐᐧᑲᓂᒧᐛᐛ, ᒐ ‍ ᒥᔪᐱᔪᐅᓇ᙮ ᒐ ‍ ᐎᑎᒧᐛᒄ ᒋᓴᐅᒋᒪᐤ ᒐ ‍ ᐊᑲ ᒥᔪᐱᔨᑦ ᑲ ‍ ᐅᓯᑯᐅᑦ ᐅᒋ; ᒥᔅᑯᒡ ᒐᒋᓇᒡ ᒋᑭ ‍ ᐳᓂᐱᒪᑎᓯᐤ᙮””’
\p
\v 7 ᒋᓴᐅᒋᒪᐤ ᒋ ‍ ᐃᑕᐤ ᐊᓂᔭ ᓇᐸᐛ, ᐊᓐ ᓇᐸᐤ ᑲ ᐸᒋ ‍ ᓂᒋᔅᑲᑕᒄ ᑭᔭ ᐛᑎᒪᑕᒄ ᐊᓂᔭᔪᐤ, ᑕᓐ ᐊᓯᓇᑯᓯᑦ?”
\p
\v 8 ᒂ ‍ ᐃᑕᒡ, “ᒋᒋᐛ ᒋ ‍ ᒥᓴᔪᐤ ᐊ ᐅᐱᐛᐅᑦ ᑭᔭ ᒋ ᐃᑭᔅᑲᔪᐤ ᐊᐱᓴᑭᓄᐎᒡ ᐅᐱᒂᑕᐅᓐ ᐊ ‍ ᒋᑲᒋᔨᐛᑦ᙮” ᒋᓴᐅᒋᒪᐤ ᒂ ‍ ᐃᔅᒋᔄᑦ, “ᐃᓚᐃᒐ ᐊᓐ!”
\v 9 ᐊᑯ ᒋᓴᐅᒋᒪᐤ ᒂ ‍ ᐃᑎᓴᐛᑦ ᐅᑦ ᐊᐱᒋᐊᑭᓇ ᐊᓯᒡ ᐱᑕᑕᒡ ᑕᑐᔪᐤ ‍ (50) ᐊᓯᒪᑭᓂᓴ ᒐᒋ ᒪᑯᓇᒡ ᐃᓚᐃᒐᔨᒋ᙮ ᒋ ‍ ᒥᔅᑯᐛᐅᒡ ᑕᐧᑯᒡ ᐱᔅᑯᑎᓇᒡ ᐊᐱᔨᒋ᙮ ᒋ ‍ ᑕᑈᑕᐤ ᐊᓐ ᐊᐱᒋᐊᑭᓐ, “ᐅᒋᔅᒋᐛᔨᒐᓱᐤ, ᒋᑦ ‍ ᐃᑎᓱᒥᒄ ᒋᓴᐅᒋᒪᐤ ᒐᒋ ᐸᒋ ‍ ᓂᑎᒍᐛᔨᓐ!”
\v 10 ᒥᒄ ᐃᓚᐃᒐ ᒋ ‍ ᐃᑕᐤ, “ᓂᔾ ᐅ ᐅᒋᔅᒋᐛᔨᒐᓱᐤ; ᐊᑯ, ᓂᑦ ‍ᐃᑎᓱᐛᑕᓐ ᐃᔅᑯᑕᐤ ᒋᓯᑯᒡ ᐅᒋ ᒐᒋ ᐸᒋ ‍ ᐅᒋᐱᔨᒡ ᑭᔭ ᐃᔎᓱᑯᐎᔨᓐ ᑭᔭ ᑲ ‍ ᐱᑕᑕᒡ ᑕᑐᔪᐛᓯᒡ ‍ (50) ᒋᑦ ᐊᓯᒪᑭᓂᓯᒥᒡ!” ᑎᐛᒡ, ᒋᓯᑯᒡ ᐅᒋ ᒋ ‍ ᐅᒋᐱᔨᔪᐤ ᐃᔅᑯᑕᔪᐤ ᑭᔭ ᓄᑎᒻ ᐊᔎᓱᑯᑦ ᐊᐱᒋᐊᑭᓐ ᑭᔭ ᑲ ‍ ᐱᑕᑕᒡ ᑕᑐᔪᐛᓯᔨᒋ ‍ (50) ᐅᑦ ᐊᓯᒪᑭᓂᓯᒪ᙮
\v 11 ᐃᔅᐱ ᒐᔅᒐᔨᑕᐧᒃ ᐊᓂᔭ ᒋᓴᐅᒋᒪᐤ, ᑯᑎᑲ ᐊᑎᓴᐛᑦ ᐊᐱᒋᐊᑭᓇ ᑭᔭ ᐊᓯᒡ ᐊᑎᑐᐤ ᐱᑕᑕᒡ ᑕᑐᔪᐤ ‍ (50) ᐊᓯᒪᑭᓂᓴ᙮ ᐊᓐᑕ ᑲ ‍ ᐃᑕᔨᒋ ᐃᓚᐃᒐᔨᒋ ᒋ ‍ ᐃᑐᑕᐅᒡ, ᑭᔭ ᒂ ‍ ᑕᑈᑕᑦ ᐊᐱᒋᐊᑭᓐ, “ᐅᒋᔅᒋᐛᔨᒐᓱᐤ, ᒋᑦ ‍ ᐃᑎᓱᒥᒄ ᒋᓴᐅᒋᒪᐤ ᑎᐛᒡ ᒐᒋ ᐸᒋ ‍ ᓂᑎᒍᐛᔨᓐ!”
\v 12 ᒥᒄ ᐃᓚᐃᒐ ᒋ ‍ ᐃᑕᐤ, “ᓂᔾ ᐅ ᐅᒋᔅᒋᐛᔨᒐᓱᐤ; ᒐᒋ ᒋᔅᒐᔨᑕᑯᑕᔭᓐ, ᓂᑦ ‍ ᐃᑎᓱᐛᑕᓐ ᐃᔅᑯᑕᐤ ᒋᓯᑯᒡ ᐅᒋ ᒐᒋ ᐸᒋ ‍ ᐅᒋᐱᔨᒡ ᑭᔭ ᓂᐸᔨᑯᔨᓐ ᑭᔭ ᒋᑦ ‍ ᐊᓯᒪᑭᓂᓯᒥᒡ!” ᐊᑯ ᐃᔅᑯᑕᐤ ᒋᓴᒪᓂᑐᐛ ᐅᒋ ᒋᓯᑯᒡ ᒋ ‍ ᐅᒋᐱᔨᔪᐤ ᑭᔭ ᐊᒂᓱᑯᑦ ᐊᐱᒋᐊᑭᓐ ᑭᔭ ᐅᑦ ᐊᓯᒪᑭᓂᓯᒪ᙮
\v 13 ᐃᔅᐱ ᑲ ‍ ᐸᑦᐧᒃ ᐊᓂᔭ ᒋᓴᐅᒋᒪᐤ ᑯᑎᑲ ᒂ ‍ ᐃᑎᓴᐛᑦ ᐅᑦ ᐊᐱᒋᐊᑭᓇ ᐊᓯᒡ ᐊᑎᑐᐤ ᐱᑕᑕᒡ ᑕᑐᔪᐤ ‍ (50) ᐊᓯᒪᑭᓂᓴ᙮ ᐊᓐᑕ ᑲ ‍ ᐃᑕᔨᒋ ᐃᓚᐃᒐᔨᒋ ᒋ ‍ ᐃᑐᑕᐅᒡ, ᑭᔭ ᒂ ‍ ᓂᐳᔅᑯᐱᔪᐅᑦ ᐊᓐ ᐊᐱᒋᐊᑭᓐ ᐅᑎᔅᑯᐤ ᐃᓚᐃᒐᔨᒋ, “ᐅᒋᔅᒋᐛᔨᒐᓱᐤ, ᒋ ‍ ᐱᑯᓴᔨᒥᑎᓐ, ᒥᔽᔨᑕᑯᓯᑐᐎ ᑭᔭ ᑲ ‍ ᐱᑕᑕᒡ ᑕᑐᔪᐛᓯᒡ ‍ (50) ᓂᑦ ᐊᓯᒪᑭᓂᓯᒥᒡ, ᑭᔭ ᒐ ‍ ᐊᑲ ᓂᐸᔨᔭᒡ!
\v 14 ᓂ ‍ ᒋᔅᒐᔨᑕᓇᓐ ᓂᔄᐤ ‍ (2) ᐊᒋ ‍ ᐸᒋ ‍ ‍ ᐅᒋᐱᔨᒡ ᐃᔅᑯᑕᐤ ᒋᓯᑯᒡ ᐅᒋ ᑭᔭ ᑲ ‍ ᓂᐸᔨᑯᒡ ᐊᐱᒋᐊᑭᓐᒡ ᑭᔭ ᐊᓯᒡ ᐊᓂᔭ ᐱᑕᑕᒡ ᑕᑐᔪᐤ ‍ (50) ᐊᓯᒪᑭᓂᓴ ᑲ ‍ ᐎᒐᐅᑯᒡ᙮ ᐊᑯ ᐊᓄᒡ, ᒋ ‍ ᐱᑯᓴᔨᒥᑎᓐ ᒥᔽᔨᑕᑯᓯᑐᐎ!”
\p
\v 15 ᐊᑯ ᐊᓐᒋᓐ ᑎᐸᔨᒋᒐᓱᐤ2ᐊ ᐅᒋ ᐊᑕᑦ ᐃᓚᐃᒐᔨᒋ, “ᓂᑎᒋᐛᒪ ᑭᔭ ᒐ ‍ ᐎᒐᐅᑦ᙮ ᒐ ‍ᐊᑲ ᑯᔅᑎᑦ᙮” ᐊᑯ ᐃᓚᐃᒐ ᐛᒐᐛᑦ ᓇᑐᐛᐱᒪᒡ ᒋᓴᐅᒋᒪᐛ᙮
\p
\v 16 ᐃᔅᐱ ᐃᓚᐃᒐ ᑕᑯᓯᐧᒃ, ᒋ ‍ ᐃᑕᐤ ᒋᓴᐅᒋᒪᐛ, “ᐊᐅᑯᔪᐤ ᐊᔅᒋᔄᑦ ᑎᐸᔨᒋᒐᓱᐤ: ᒋᒋ ‍ ᐃᑎᓴᐛᐅᒡ ᐃᔨᒧᐅᓂᔪᐤ ᑲ ‍ ᐱᒧᑕᒡ ᐊᒃᕈᓐ ᐅᑕᓇᒡ ᐃᓯ ᒐᒋ ᑭᒂᒋᒪᒡ ᐸᐊᓪᓯᐳᐸ, ᐅᒥᓂᑐᒧᐛᐛ, ᒐ ‍ ᐊᑲ ᒥᔪᐱᔪᐅᓇ᙮ ᒋᒋ ‍ ᐃᑕᔨᑕᓐ ᒧᔭᒻ ᐊ ᐊᑲ ᐃᑕᑦ ᒋᓴᒪᓂᑐᐤ ᐊᓐᑕ ᐃᔅᕋᐃᓕᒡ ᒐᒋ ᐃᔨᒥᔨᑦ᙮ ᐊᑯ ᓇᒪ ᑲᐤ ᒋᑭ ‍ ᒥᔨᐱᔨᓐ ᑲ ‍ ᐅᓯᑯᐎᔨᓐ; ᒥᔅᑯᒡ, ᒋᑭ ‍ ᐳᓂᐱᒪᑎᓯᓐ!”’
\v 17 ᐊᑯ ᒂ ‍ ᐳᓂᐱᒪᑎᓯᑦ ᐊᐊᓯᐊ, ᐊᓂᔭ ᒐᒂᔪᐤ ᑎᐸᔨᒋᒐᓱᐤ ᑲ ‍ ᐃᑕᑦ ᐃᓚᐃᒐᔨᒋ ᒐ ‍ ᐃᔅᐱᔨᒡ᙮ ᐊᐊᓯᐊ ᑲ ‍ ᓇᐸᓯᔪᔨᒋ ᐅᓯᒪ ᒐᐊᕋᒻ ᒂ ᐅᔅᒋ ‍ ᒋᓴᐅᒋᒪᐅᑦ, ᐃᔅᐱ ᐃᐃᐅᕋᒻ, ᐃᐃᐅᓴᐸᑦ ᐅᑯᓴ, ᒐᑲᑦ ᓂᓱ ‍ (2) ᐱᐳᓇ ᒍᑕᐃᒡ ᒋ ‍ ᒋᓴᐅᒋᒪᐅᐤ᙮ ᐊᐊᓯᐊ ᐎᐧᑲᓂᓴ ᒋ ‍ ᒋᓴᐅᒋᐎᔪᐛ ᐛᔅ ᓇᒪ ᐅᒋ ᐅᑯᓱᐤ ᐊᐊᓯᐊ ᒐᒋ ᒋᓴᐅᒋᒪᐎᒋ᙮
\p
\v 18 ᐎ ‍ ᒋᔅᒐᔨᑎᒪᒂ ᑯᑎᒋᔪᐤ ᒐᒂᔪᐛ ᑲ ‍ ᐃᑐᑕᐧᒃ ᐊᐊᓯᐊ, ᒥᓯᓇᐃᑭᓄᔪᐛ ᐊᓐᑕ ᒥᓯᓇᐃᑭᓂᒡ ‘ᑕᓐ ᑲ ᐸᒋ ‍ ᐃᑎᒡ ᐃᔅᕋᐃᓪ ᒋᓴᐅᒋᒪᐅᒡ’ ᐊᓯᓂᐧᑲᑕᔨᒡ,
\c 2
\s2 2 Kings 2.1-12 (Transfiguration Year B)
\p
\v 1 ᒋ ‍ ᐃᔅᐱᔪᐤ ᒪᒃ, ᐃᔅᐱ ᐅᑎᐸᔨᒋᒐᐤ ᐛ ‍ ᐅᑎᓇᑦ ᐃᓚᐃᒐᔨᒋ ᐊᓐᑕ ᐊᐱᒥᔪᑎᓂᔨᒡ ᒋᒋᒋᓯᑯᒡ ᐃᔅ, ᐃᓚᐃᒐ ᒋ ‍ ᐎᒐᐅᑯᐤ ᐃᓚᐃᓴᔨᒋ, ᑭᓪᑲᓕᒡ ᐊ ᐅᒋ ‍ ᔅᑐᑕᒡ᙮
\v 2 ᐃᓚᐃᒐ ᒪᒃ ᒋ ‍ ᐃᑕᐤ ᐃᓚᐃᓴᔨᒋ, “ᒐ ‍ ᑕᔨᓐ ᐅᑕ, ᒋ ‍ ᐱᑯᓴᔨᒥᑎᓐ; ᐛᔅ ᑎᐸᔨᒋᒐᓱᐤ ᓂᒋ ‍ ᐃᑎᓴᐅᒄ ᐸᑕᓂᒡ᙮”
\p ᒋ ‍ ᐃᑎᑯᐤ ᒪᒃ ᐃᓚᐃᓴᔨᒋ, “ᑕᐱᔅᑯᓐ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᑭᔭ ᑕᐱᔅᑯᓐ ᐊ ‍ ᐱᒪᑎᓯᑦ ᒋᑦ ᐊᒐᐧᒄ, ᓇᒪᐎᔾ ᒋᑭ ‍ ᓂᑭᑎᑎᓐ᙮” ᐸᑕᓂᒡ ᒪᒃ ᒋ ‍ ᐃᑐᑕᐅᒡ᙮
\p
\v 3 ᐅᒋᔅᒋᐛᐃᒐᓱᐅᒡ ᐅᑯᓱᐛᐛ ᒪᒃ ᐸᑕᓂᒡ ᑲ ‍ ᑕᒡ ᒋ ᐸᒋ ‍ ᓇᑕᐅᒡ ᐃᓚᐃᓴᔨᒋ, ᒋ ‍ ᐃᑕᐅᒡ ᒪᒃ, “ᒋᔅᒐᔨᑕᓐ ᐊ ᑎᐸᔨᒋᒐᓱᐤ ᒐ ‍ ᐅᑎᓇᑦ ᒋᐅᒋᒪᒪ ᐊᓄᒡ ᐊ ‍ ᒋᓯᑲᔨᒡ ?”
\p ᐃᓚᐃᓴ ᒪᒃ ᒋ ‍ ᐃᔅᒋᔄᐤ, “ᓂᐦᐃ ᓂ ‍ ᒋᔅᒐᔨᑕᓐ, ᐊᑲ ᐊᔨᒧᑎᒥᒄ ᒋᔨᐛᐤ᙮”
\p
\v 4 ᐃᓚᐃᒐ ᒪᒃ ᒋ ‍ ᐃᑕᐤ ᐃᓚᐃᓴᔨᒋ, “ᒐ ‍ ᑕᔨᓐ ᐅᑕ, ᒋ ‍ ᐱᑯᓴᔨᒥᑎᓐ; ᐛᔅ ᑎᐸᔨᒋᒐᓱᐤ ᓂᒋ ‍ ᐃᑎᓴᐅᒄ ᒐᕆᑯᐎᒡ᙮”
\p ᐃᓚᐃᓴ ᒪᒃ ᒋ ‍ ᐃᔅᒋᔄᐤ, “ᑕᐱᔅᑯᓐ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᑭᔭ ᑕᐱᔅᑯᓐ ᐊ ‍ ᐱᒪᑎᓯᑦ ᒋᑦ ᐊᒐᐧᒄ, ᓇᒪᐎᔾ ᒋᑭ ‍ ᓂᑭᑎᑎᓐ᙮” ᒐᕆᑯᐎᒡ ᒪᒃ ᒋ ‍ ᐃᑐᑕᐅᒡ᙮
\p
\v 5 ᐅᒋᔅᒋᐛᐃᒐᐅᒡ ᐎᒋ ‍ ᐃᔪᐛᐛ ᒪᒃ ᒐᕆᑯᐎᒡ ᑲ ‍ ᑕᒡ ᒋ ᐸᒋ ‍ ᓇᑕᐅᒡ ᐃᓚᐃᓴᔨᒋ, ᒋ ‍ ᐃᑕᐅᒡ ᒪᒃ, “ᒋᔅᒐᔨᑕᓐ ᐊ ᑎᐸᔨᒋᒐᓱᐤ ᒐ ‍ ᐅᑎᓇᑦ ᒋᐅᒋᒪᒪ ᐊᓄᒡ ᐊ ‍ ᒋᓯᑲᔨᒡ ?”
\p ᐃᓚᐃᓴ ᒪᒃ ᒋ ‍ ᐃᔅᒋᔄᐤ, “ᓂᐦᐃ, ᓂ ‍ ᒋᔅᒐᔨᑕᓐ; ᐊᑲ ᐊᔨᒧᑎᒥᒃ ᒋᔨᐛᐤ᙮”
\p
\v 6 ᐃᓚᐃᒐ ᒪᒃ ᒋ ‍ ᐃᑕᐤ ᐃᓚᐃᓴᔨᒋ, “ᒐ ‍ ᑕᔨᓐ ᐅᑕ, ᒋ ‍ ᐱᑯᓴᔨᒥᑎᓐ; ᐛᔅ ᑎᐸᔨᒋᒐᓱᐤ ᓂᒋ ‍ ᐃᑎᓴᐅᒄ ᒠᕐᑕᓂᒡ᙮”
\p ᐃᓚᐃᓴ ᒪᒃ ᒋ ‍ ᐃᔅᒋᔄᐤ, “ᑕᐱᔅᑯᓐ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᑭᔭ ᑕᐱᔅᑯᓐ ᐊ ‍ ᐱᒪᑎᓯᑦ ᒋᑦ ᐊᒐᐧᒄ, ᓇᒪᐎᔾ ᒋᑭ ‍ ᓂᑭᑎᑎᓐ᙮” ᒋ ᐊᑎ ‍ ᓂᓱᑕᐅᒡ ᒪᒃ᙮
\p
\v 7 ᐱᑕᑕᒡ ᑕᑐᔪᐤ ‍ (50) ᐃᔪᒡ ᒪᒃ ᐅᒋᔅᒋᐛᐃᒐᐅᒡ ᐎᒋ ‍ ᐃᔪᐛᐛ ᐅᑦ, ᒋ ‍ ᔅᑐᑕᐅᒡ, ᒋ ‍ ᓂᐳᐅᒡ ᒪᒃ ᐛᔪᐤ ᒐᒋ ᐅᒋ ‍ ᒋᑕᐱᒡ; ᐊᓐᒡ ᑲ ‍ ᓂᓯᒡ ‍ (2) ᒪᒃ ᒋ ‍ ᓂᐳᐅᒡ ᒋᒋᒡ ᒠᕐᑕᓂᒡ᙮
\v 8 ᐃᓚᐃᒐ ᒪᒃ ᒋ ‍ ᐅᑎᓂᒻ ᐅᑦ ᐊᑯᑉ, ᐊᒋ ‍ ᑎᑎᐸᔭᒋᓇᐧᒃ ᒪᒃ, ᒋ ‍ ᐅᑎᑕᒥᐸᑲᐃᒐᐤ, ᓂᐱᔾ ᒪᒃ ᒋ ‍ ᑕᑕᐅᑭᒥᐱᔪᐤ ᐅᑕ ᑭᔭ ᓇᑕ, ᐊᑯ ᒪᒃ ᑲ ‍ ᐊᓱᑲᓯᒡ ᐊ ‍ ᐸᒂᔨᒡ ᓯᐱᔪᐤ᙮
\p
\v 9 ᒋ ‍ ᐃᔅᐱᔪᐤ ᒪᒃ, ᐃᔅᐱ ᑲᒋ ‍ ᐊᓱᑲᓯᒡ, ᐃᓚᐃᒐ ᒋ ‍ ᐃᑕᐤ ᐃᓚᐃᓴᔨᒋ, “ᐎᑎᒧᐎ ᒐᒂᓐ ᒐ ‍ ᐃᑐᑎᒪᑕᓐ ᐊᒺᔭ ᐅᑎᓂᑯᐅᔭᓐ;”
\p ᐃᓚᐃᓴ ᒪᒃ ᒋ ‍ ᐃᔅᒋᔄᐤ, “ᐊᑯᔅ ᐸᒋᒥᔾ ᓂᔄᐤ ᐊ ‍ ᐃᔅᐱᓯᔨᓐ ᒐᒋ ᐃᔅᐱᓯᔭᓐ, ᒋ ‍ ᐱᑯᓴᔨᒥᑎᓐ᙮”
\p
\v 10 ᒋ ‍ ᐃᔅᒋᔄᐤ ᒪᒃ ᐃᓚᐃᒐ, “ᐊᔨᒥᓐ ᒐᒂᓐ ᐊᓯ ‍ ᓂᑐᐛᔨᑕᒥᓐ; ᐊᔪᐛᒡ ᒪᒃ ᒧᔭᒻ ᐛᐱᒥᔨᓇ ᐃᔅᐱ ᐅᑎᓂᑯᐎᔭᓇ, ᒋᑭ ‍ ᐃᑐᑎᒪᑯᐅᓐ; ᒧᔭᒻ ᒪᒃ ᐊᑲ ᐛᐱᒥᔨᓇ, ᓇᒪᐎᔾ ᒋᑭ ‍ ᐃᑐᑎᒪᑯᐅᓐ᙮”
\p
\v 11 ᒋ ‍ ᐃᔅᐱᔪᐤ ᒪᒃ, ᒪᒂᒡ ᐃᔭᐱᒡ ᐊᑎ ‍ ᐱᒧᑕᒡ, ᑭᔭ ᐃᔨᒥᑐᒡ, ᒋ ‍ ᓄᑯᓯᔪᐛ ᑎᑎᐱᑕᐸᓇᔎ ᐊ ‍ ᐃᔅᑯᑕᐎᔨᒋ ᑭᔭ ᑲᐸᐃᑭᔎᐛ ᐊ ‍ ᐃᔅᑯᑕᐎᔨᒋ, ᒋᑎᐸᓂᑯᐅᒡ ᒪᒃ; ᐃᓚᐃᒐ ᒪᒃ ᒋᒋᒋᓯᑯᒡ ᒋ ‍ ᐃᑐᑕᐤ ᐊᐱᒥᔪᑎᓂᔨᒡ᙮
\v 12 ᐃᓚᐃᓴ ᒪᒃ ᒋ ‍ ᐛᐸᑎᒻ, ᒋ ‍ ᑕᑈᐤ ᒪᒃ, “ᓄᑕ, ᓄᑕ ! ᐃᔅᕋᐃᓪ ᐅᑎᑎᐱᑕᐸᓇᔎ ᑭᔭ ᑲᐸᐃᑭᔎᐛ ᑲ ‍ ᐊᐱᒋᐊᔨᒋ ᐅᑦ ᐃᔨᒪ !” ᓇᒪᐎᔾ ᒥᓐ ᒪᒃ ᒋ ᐅᒋ ‍ ᐛᐱᒪᐤ: ᒋ ‍ ᒪᑯᓂᒻ ᒪᒃ ᑎᐱᔨᐛ ᐅᑦ ᐊᐱᒋᑕᐅᓇ, ᒋ ‍ ᑕᑐᐱᑎᒻ ᒪᒃ᙮
\p
\v 13 ᒋ ‍ ᐸᒋᑎᓂᔪᐤ ᐃᓚᐃᒐ ᐅᑎᑯᑉ ᐃᔅᐱ ᑲ ‍ ᐅᑎᓇᑭᓄᐅᑦ, ᐊᑯ ᐃᓚᐃᓴ ᒂ ‍ ᐅᑎᓇᒃ ᑭᔭ ᑲᐤ ᐊᑐᑕᑦ ᐊᓐᑕ ᒋᒋᒡ ᒠᕐᑕᓂᒡ᙮
\v 14 ᒂ ᑎᑎᐱᔪᐛᔭᒋᓇᐧᒃ ᐊᑯᐱᔪᐤ ᑭᔭ ᐊ ᑎᑎᐸᔭᒋᓇᐧᒃ ᒪᒃ, ᒋ ‍ ᐅᑎᑕᒥᐸᑲᐃᒐᐤ, ᑭᔭ ᑎᔭᑈᑦ, ᑎᐸᔨᒋᒐᓱᐤ, “ᐊᓐ ᒋᓴᒪᓂᑐᐤ ᑲ ‍ ᑐᑐᐛᑦ ᐃᓚᐃᒐᔨᒋ ᒐᒋ ᒥᒥᔅᑲᒡ ᑐᑎᒥᔨᒋ ᒐᒂᔪᐛ, ᓂᑭ ‍ ᐃᑐᑕᒄ ᐊ ᒐᒋ ᐸᐃᑯᑕᐤ ᐃᑐᑎᒧᒡ ᒐᒂᔪᐛ?” ᓂᐱᔾ ᒪᒃ ᒋ ‍ ᑕᑕᐅᑭᒥᐱᔪᐤ, ᐊᑯ ᒪᒃ ᑲ ‍ ᐊᓱᑲᓯᑦ ᐃᓚᐃᓴ ᐊ ‍ ᐸᒂᔨᒡ ᓯᐱᔪᐤ᙮
\v 15 ᐃᔅᐱ ᐅᒋᓱᐛᔨᒐᓱᐅᒡ ᒐᕆᑯᔨᒡ ᐅᒋ ᐎᔭᐸᑕᒡ ᑲ ‍ ᐃᔅᐱᔨᒡ ᒐᒂᔪᐤ, ᒋ ‍ ᐃᔅᒋᔄᐅᒡ, ᐊᓄᒡ ᐃᓚᐃᓴ ᐃᔅᐱᓯᐤ ᑲ ‍ ᐃᔅᐱᓯᔨᒋ ᐃᓚᐃᒐᔨᒋ!” ᒋ ‍ ᓇᑕᐅᒡ ᑭᔭ ᐛᒋᒋᐧᑯᓂᐱᔅᑐᐛᒡ ᐅᑎᔅᑯᐤ ᐊᑕᔨᒋ᙮
\v 16 ᐸᐃᒄ ᐊᓐᒡ ᒂ ‍ ᐃᑕᑦ, “ᐅᒋᒪᐤ, ᓇᐊᔨᒥᔭᒐ, ᐱᑕᑕᒡ ᑕᑐᔪᐤ ‍ (50) ᐛᒋ ‍ ᓱᒋᓯᒡ ᓂᑦ ‍ ᐃᔨᒥᓇᓐᒡ ᒋᑭ ‍ ᒋᑐᑕᐅᒡ ᑭᔭ ᒋᑭ ‍ ᓇᓂᑐᐛᐱᒪᐅᒡ ᒋ ‍ ᐅᒋᒪᒪ ᐊᓐᑕ ᒂᔅᑕᒐᑲᒻ ᓯᐱᒡ᙮ ᒂᔄᓐ ᑎᐸᔨᒋᒐᓱᐤ ᐅᑦ ᐊᒐᒂ ᒋ ‍ ᐊᔨᑯᒐ ᐊᓐᑕ ᐱᔅᑯᑎᓇᒡ ᑭᔭ ᒪᒃ ᐊᓐᑕ ᐊᐱᓴᔨᒡ᙮”
\p ᐃᓚᐃᓴ ᒂ ‍ ᐃᑕᑦ, “ᓇᒪ, ᐊ ᐊᑲ ᒋᑎᓴᐅᒡ᙮’
\p
\v 17 ᒥᒄ ᐃᔭᐱᒡ ᒂ ᐎ ‍ ᓯᒋᒪᒡ᙮ ᒐᒄ ᒂ ‍ ᐊᔭᔅᑯᓯᑦ “ᓇᒪ” ᐊ ‍ ᐃᑕᑦ, ᑭᔭ ᒂ ‍ ᐃᑕᑦ, “ᐊᑯ, ᒋᑎᓴᐅᒡ᙮” ᐊᑯ ᐊᓐᒡ ᐱᑕᑕᒡ ᑕᑐᔪᐤ ‍ (50) ᓇᐸᐅᒡ ᒂ ‍ ᓇᓂᑐᐛᐱᒪᒡ, ᓇᒪ ᐅᒋ ᒥᔅᑯᐛᐅᒡ ᐃᓚᐃᒐᔨᒋ᙮
\v 18 ᑲᐤ ᒋ ‍ ᒋᐛᐅᒡ ᒋᕆᑯᐃᒡ, ᑭᔭ ᐊᔅᒄ ᐊᓐᑕ ᒋ ‍ ᑕᔪᐛ ᐃᓚᐃᓴᔨᒋ᙮ ᒂ ‍ ᐃᑎᑯᒡ, “ᒋᒋ ᐎᑎᒪᑎᓇᐛᐤ ᒐ ‍ ᐊᑲ ᒋᑐᑕᔭᒄ, ᐛᔅ ᓇᒪ ᒋᑭ ‍ ᐅᒋ ‍ ‍ ᒥᔅᑯᐛᐛᐤ!”
\s1 ᒋ ᒧᔅᑕᑭᒥᑕᑦ ᐃᓚᐃᓴ ᓂᐱᔪᐤ
\p
\v 19 ᐊᑯ ᒋᕆᑯᐤ ᐅᑕᓇᒡ ᐅᒋᒪᐅᒡ ᓇᑐᐛᐱᒪᒡ ᒐᒋ ᐃᔨᒪᐊᒡ ᐃᓕᓴᔨᒋ᙮ ᐸᐃᒄ ᐊᓐ ᒋ ‍ ᐃᑕᐤ, “ᓂ ‍ ᐅᒋᒪᒥᓇᓐ, ᓂ ‍ ᐅᔅᑕᐱᔨᓇᓐ᙮ ᒋ ᐛᐸᑕᓐ ᓇᔅᒡ ᐊᒥᔽᔅᒡ ᐅ ᐃᑕᐅᓐ ᐊᓐᑕ ᒐᒋ ᐎᒋᓇᓄᐅᒡ᙮ ᒥᒄ ᓇᒪ ᒧᔅᑕᑭᒧᐤ ᓂᐱᔾ, ᑭᔭ ᐊᓐ ᐅᒋ, ᓇᒪ ᒋᑭ ‍ ‍ ᓂᑕᐅᒋᓐ ᐅᑕ ᒐᒂᓐ᙮”
\p
\v 20 ᐃᓚᐃᓴ ᒂ ‍ ᐃᑕᑦ, “ᒐ ‍ ᐊᔅᑕᔭᒄ ᓯᐅᑕᑭᓐ ᐊᓐᑕ ᐅᔅᒋ ᓱᑈᐳᐎᔭᑭᓂᒡ ᑭᔭ ᒐ ‍ ᐸᑐᐅᔭᒄ᙮” ᐊᑯ ᒂ ‍ ᐸᑐᐛᒡ᙮
\p
\v 21 ᐊᑯ ᒂ ‍ ᐃᑐᑕᑦ ᐊᓐᑕ ᒧᔅᒍᓂᐸᑯᒡ ᐊᓐᑕ ᑲ ᐅᒋ ‍ ᒂᐱᒐᔨᒋ ᐃᔪᐛ ᐊᓐᑕ ᐅᑕᓇᒡ ᐅᒋ᙮ ᒂ ‍ ᐛᐱᓇᐧᒃ ᓯᐅᑕᑭᓂᔪᐤ ᐊᓐᑕ ᒧᔅᒍᓂᐸᑯᒡ᙮ ᒂ ‍ ᐃᔅᒋᔄᑦ, “ᐊᐅᑯᔪᐤ ᐊᔅᒋᔄᑦ ᑎᐸᔨᒋᒐᓱᐤ: ᓂᒋ ‍ ᐃᑐᑕᓐ ᐅ ᓂᐱᔾ ᒐᒋ ᒧᔅᑕᑭᒥᒡ᙮ ᓇᒪ ᓴᔅ ᒋᑭ ‍ ᐳᓂᐱᒪᑎᓯᐤ ᐊᐛᓐ, ᐊ ᒥᓂᑦ ᐅᔭ ᓂᐱᔪᐤ, ᑭᔭ ᒋᑭ ᒋ ᓂᑕᐅᒋᓐ ᒐᒂᓐ᙮’ ”
\v 22 ᑭᔭ ᒂ ‍ ᒧᔅᑕᑭᒥᔨᒡ ᓂᐱᔪᐤ, ᒧᔭᒻ ᑲ ‍ ᐃᔅᒋᔄᑦ ᐃᓚᐃᓴ ᒐ ‍ ᐃᔅᐱᔨᒡ᙮ ᓇᓂᑎᒻ ᒧᔅᑕᑭᒧᐤ ᐊᓐ ᓂᐱᔾ ᐃᔅᐱᔅ ᐊᓄᒡ ᒐᓯᑲᒡ᙮
\s1 ᐃᓚᐃᓴ ᒋ ‍ ᐊᓏᔨᒪᐤ ᐊᓂᔭ ᓇᐸᓴ ᑲ ‍ ᐛᐅᓯᓇᑯᑦ
\p
\v 23 ᒂ ‍ ᒋᑐᑕᑦ ᐃᓚᐃᓴ ᒋᕆᑯᐃᒡ ᐅᒋ ᑭᔭ ᐸᑕᓪ ᐊᑐᑕᑦ᙮ ᒪᒂᒡ ᐅᑎ ᐱᒧᑕ ᒪᔅᑭᓇᒡ, ᓇᐸᓴ ᐸᑕᓪ ᐅᒋ ᒋ ‍ ᐛᐱᒥᑯᐤ ᑭᔭ ᒂ ‍ᒋᒋ ‍ ᐛᐅᓯᓇᑯᑦ᙮ ᒋ ‍ ᓇᓂᑎᒪᐱᔪᐛ ᐊᑕᐱᑕᑈᑎᑯᑦ, “ᒥᒋ ‍ ᒋᑐᑕ, ᒋᔾ ᑲᐛᓴᑭᓇᔨᓐ!”
\v 24 ᐃᓚᐃᓴ ᒂ ‍ ᒋᐛᑲᐳᐅᑦ ᑭᔭ ᒐᑕᐱᒪᑦ᙮ ᒂ ‍ ᑭᒂᒋᒪᑦ ᑎᐸᔨᒋᒐᓱᐛ ᒐᒋ ᐊᓏᔨᒪᔨᒋ᙮ ᑎᐛᒡ ᓂᓱ ᒋᓴᔭᒂ ᒥᓇᔎᒡ ᒋ ‍ ᐅᒋᐸᔨᑐᔪᐛ ᑭᔭ ᓇᐎᔪᐤ ᐊᓱ ᓂᓱ ‍ (42) ᐊᓐᒡ ᓇᐸᓯᒡ ᒋ ‍ ᐱᑯᐱᑎᑯᐅᒡ᙮
\v 25 ᐃᓚᐃᓴ ᒂ ‍ ᒋᑐᑕᑦ ᐸᑕᓪ ᐅᒋ ᑭᔭ ᑲᕐᒥᓪ ᐱᔅᑯᑎᓇᒡ ᐃᓯ ᐊᑐᑕᑦ, ᐊᑯ ᑲᐤ ᓱᒻᕈᓐ ᐅᑕᓇᒡ ᐊᑐᑕᑦ
\c 3
\s1 ᑲ ‍ ᓂᑐᐱᑕᑐᒡ ᐃᔅᕋᐃᓪ ᑭᔭ ᒧᐊᑉ
\p
\v 1 ᒐᑲᑦ ᔭᓇᐤ ᑕᑐᓴᑉ ᐱᐳᓇ ‍ (18) ᑲᒋ ᒋᓴᐅᒋᒪᐅᑦ ᐃᐃᐅᓴᐸᑦ ᐊᓐᑕ ᒍᑕᐃᒡ, ᐊᐊᑉ ᐅᑯᓴ ᐃᐊᕋᒻ ᒂ ‍ ᒋᓴᐅᒋᒪᐅᑦ ᐃᔅᕋᐃᓕᒡ᙮ ᓂᓱᓴᑉ ᐱᐳᓇ ‍ (12) ᒋ ‍ ᒋᓴᐅᒋᒪᐤ ᐊᓐᑕ ᓱᒻᕈᓐ ᐅᑕᓇᒡ᙮
\v 2 ᒋ ‍ ᐃᑐᑎᒻ ᒐᒂᔪᐛ ᐊᓂᔭ ᒥᔭᑎᓐ ᑲ ‍ ᐃᑕᔨᑕᐧᒃ ᑎᐸᔨᒋᒐᓱᐤ, ᒥᒄ ᐊᑎᑐᐤ ᐎᔾ ᒋ ‍ ᐃᑐᑎᒻ ᐊ ‍ ᒪᔭᑎᓂᔨᒋ ᒐᒂᔪᐛ ᐃᔅᐱᔅ ᐅᑕᐎᔭ ᑭᔭ ᐅᑲᐎᔭ ᑲ ‍ ᐃᑐᑎᒥᔨᒋ, ᑭᔭ ᒋ ‍ ᓂᓱᐅᓇᒋᐊᐤ ᐃᔨᒐᐛᓇ ᐸᐊᓚ ᐊᔭᒥᐊᔅᑐᐛᑭᓄᔨᒋ ᐅᑕᐎᔭ ᑲ ‍ ᐅᓯᐊᔨᒋ᙮
\v 3 ᒥᒄ ᒋ ‍ ᒥᒋᑐᑎᒻ ᑲ ‍ ᐃᓯ ‍ ᒥᒋᑐᑎᒥᔨᒋ ᒋᓴᐅᒋᒪᐛ ᐃᐊᕈᐸᒪ ᑭᔭ ᒂ ‍ ᑐᑕᑯᔨᒋ ᐃᔅᕋᐃᓪ ᐃᔪᐛ ᒐᒋ ᒥᒋᑐᑎᒥᔨᒋ, ᑭᔭ ᓇᒪ ᐅᒋ ᐳᓂᐤ ᐅᔭ ᐊ ᐃᓯ ‍ ᒥᒋᑐᑕᐧᒃ᙮
\p
\v 4 ᒧᐊᑉ ᒋᓴᐅᒋᒪᐤ, ᒪᓴ, ᒋ ‍ ᓂᑕᐅᒋᐊᐤ ᒪᔭᑕᓂᓴ᙮ ᐊᓯᑯᒻ ᐱᐳᓇ ᒋ ‍ ᐊᐃᔨᑭᒥᐊᑭᓄᐅᐤ ᒐᒋ ᒥᔭᑦ ᐃᔅᕋᐃᓪ ᒋᓴᐅᒋᒪᐛ ᐸᐃᑯ ᒥᑕᓯᒥᑎᓄᐤ ‍ (100,000) ᑕᑥᐤ ᒐᓯᐱᔪᐤ ᒪᔭᑕᓂᓴ ᑭᔭ ᐸᐃᑯ ᒥᑕᓯᒥᑎᓄᐤ ‍ (100,000) ᑕᑥᐤ ᒐᓯᐱᔪᐤ ᓄᓴ ᒪᔭᑕᓂᓴ ᐅᐱᐎᐎᔨᐛ , ᐛᔅ ᐃᔅᕋᐃᓪ ᒋᓴᐅᒋᒪᐛ ᒋ ‍ ᐊᔭᑎᓂᒥᔨᐛ ᐅᒋᓴᐅᒋᒪᐅᓐ᙮
\v 5 ᒥᒄ ᑲᒋ ‍ ᐳᓂᐱᒪᑎᓯᑦ ᒋᓴᐅᒋᒪᐤ ᐊᐊᑉ, ᒪᓴ ᒋ ‍ ᒪᔭᔨᒪᐤ ᐃᔅᕋᐃᓪ ᒋᓴᐅᒋᒪᐛ᙮
\v 6 ᐊᑯ ᒋᓴᐅᒋᒪᐤ ᐃᐊᕋᒻ ᒂ ‍ ᓂᑭᑕᐧᒃ ᓱᒻᕈᓐ ᐅᑕᓇᒡ ᑭᔭ ᒥᓯᐛ ᒂ ‍ ᒪᒧᐅᓇᑦ ᐅᓂᑐᐱᔪᐅ-ᐃᔨᒪ᙮
\v 7 ᐊᑯ ᒂ ‍ ᐃᑎᓴᐊᒧᐛᑦ ᐃᐃᐅᓴᐸᑕ ᐅᔭ ᐃᔨᒧᐅᓂᔪᐤ, ᒍᑎᐊᒡ ᒋᓴᐅᒋᒪᐛ: “ᓂᒋ ‍ ᒪᔭᔨᒥᒄ ᒋᓴᐅᒋᒪᐤ ᒧᐊᑉ᙮ ᐊᑯ ᒋᑭ ᐎᒋᐊᐅᒡ ᐊ ᒋᓂᑐᐱᔪᐅ-ᐃᔨᒥᒡ ᓂᓂᑐᐱᔪᐅ-ᐃᔨᒪ ᑭᔭ ᒪᓴᐊᒡ ᒧᐊᑉ ᓂᑐᐱᔪᐅ-ᐃᔪᐛ?”
\p ᐃᐃᐅᓴᐸᑦ ᒂ ‍ ᐃᑕᑦ, “ᓂᐃ, ᒋᑭ ‍ ᐎᒋᔨᑎᓇᓐ᙮ ᓂᑦ ‍ ᐊᔭᔅᑯᐎᓇᓐ ᒐᒋ ᐃᑐᑎᒪᒡ ᒐᒂᓐ ᓇᑐᐛᔨᒥᔭᒡ ᒐ ‍ ᐃᑎᔭᒡ᙮ ᓂᓂᑐᐱᔪᐅ-ᐃᔨᒥᒡ ᑭᔭ ᓂᑲᐸᐃᑭᔎᒥᒡ ᐊᔭᔅᑯᐎᔪᐅᒡ ᒐᒋ ᐎᒋᔨᔅᒡ᙮""
\p
\v 8 ᒂ ‍ ᑭᒂᒋᒪᑦ, “ᒐᒄ ᒪᔅᑭᓄᐤ ᒐ ‍ ᐊᐱᒋᑕᔭᐧᒄ ᒐᒋ ᑯᓯᒂᔨᒧᑐᐛᐧᑯᒡ?”
\p ᐃᐊᕋᒻ ᒂ ‍ ᐃᑕᑦ, “ᓴᐅᓄᒡ ᒋᕈᓯᓕᒥᒡ ᒋᑭ ‍ ᐃᑐᑕᓇᓄᐤ, ᐊᓐᑕ ᒐ ‍ ᐎᒐᐎᒥᒡ ᒋ ‍ ᓂᑐᐱᔪᐅ-ᐃᔨᒥᒡ᙮ ᐊᑯ ᓴᐅᓄᒡ ᑲ ‍ ᓂᐱᒥᑲᒡ ᒋᒋᑭᒥᔾ ᒐ ‍ ᐃᑐᑕᔭᐧᒄ, ᐊᑯ ᒐ ‍ ᓴᐳᑐᐛᔅᑭᒪᐧᒄ ᒋᐛᑎᓄᒡ ᐃᑐᒻ ᐸᐧᑯᑎᔅᑭᒥᑲᒡ᙮”
\p
\v 9 ᐊᑯ ᐃᔅᕋᐃᓪ ᒋᓴᐅᒋᒪᐤ ᑭᔭ ᐅᓂᑐᐱᔪᐅ-ᐃᔨᒪ ᐛᒐᐛᒡ ᒍᑕ ᑭᔭ ᐃᑐᒻ ᒋᓴᐅᒋᒪᐛ ᑭᔭ ᐅᓂᑐᐱᔪᐅ-ᐃᔨᒥᔨᐛ᙮ ᓂᔄᐅᑕᒡ ‍ (7) ᑕᑐ ᒋᓯᑲᐛ ᒋ ᐃᔅᐱᔅ ‍ ᐱᒧᑕᐅᒡ᙮ᐊᑯ ᓇᒪ ᐅᒋ ᐃᔅᑯᐱᔨᔪᐤ ᓂᐱᔪᐤ ᒐ ‍ ᒥᓂᔨᒋ ᐅᓂᑐᐱᔪᐅ-ᐃᔨᒧᐛᐛ ᑭᔭ ᒪᒃ ᐊᓂᔭ ᐅᑦ ᐊᐛᓯᓯᒧᐛᐛ ᑲ ‍ ᐎᐅᓯᐎᒋ ᐅᑦ ᐊᐱᒋᑕᐅᓄᐛᐛ᙮
\p 
\v 10 ᒂ ‍ ᐃᔅᒋᔄᑦ ᐃᔅᕋᐃᓪ ᒋᓴᐅᒋᒪᐤ, “ᒧᔭᒻ ᒂ ᐃᓯᓇᒂᒡ ᑎᐸᔨᒋᒐᓱᐤ ᐊᓇᐊᔨᑕᐧᒃ ᒐᒋ ᑲᔅᑎᓂᑎᔨᑕᐧᑯᐤ ᒧᐊᑉ ᓂᑐᐱᔪᐅ-ᐃᔪᐛ!”
\p 
\v 11 ᐃᐃᐅᓴᐸᑦ ᒂ ᐃᔅᒋᔄᑦ, “ᐃᑕᐤ ᐊ ᐅᑕ ᐅᒋᔅᒋᐛᔨᒐᓱᐤ ᒐᒋ ᑭᒂᒋᒪᑦ ᑎᐸᔨᒋᒐᓱᐛ ᑕᓐ ᒋᐸ ‍ ᐃᑐᐛᓇᓄᐤ?”
\p ᐸᐃᒄ ᐊᓂᔭ ᒋᓴᐅᒋᒪᐤ ᐃᐊᕋᒻ ᐅᑦ ᐊᐱᒋᐊᑭᓇ ᒂ ‍ ᐃᔅᒋᔄᑦ, “ᐃᑕᐤ ᐅᑕ ᐃᓚᐃᓴ, ᓴᐸᑦ ᐅᑯᓴ᙮ ᐃᓚᐃᒐ ᐊᓂᔭ ᑲ ‍ ᐛᐎᒋᔨᑯᑦ᙮”
\p 
\v 12 ᐃᐃᐅᓴᐸᑦ ᒂ ‍ ᐃᑕᑦ, “ᒋᑭ ‍ ᒥᔽᔪᐤ ᒐᒋ ᑭᒂᒋᒪᐧᒄ, ᐛᔅ ᐎᑎᒻ ᒐᒂᔪᐤ ᐊ ‍ ᐃᑎᑯᑦ ᒐ ‍ ᐃᔅᒋᔄᑦ ᑎᐸᔨᒋᒐᓱᐛ᙮”
\p ᐊᑯ ᐊᓂᔅᑎᒡ ᒋᓴᐅᒋᒪᐅᒡ ᓇᑐᐛᐱᒪᒡ ᐃᓚᐃᓴᔨᒋ᙮
\v 13 ᐃᓚᐃᓴ ᒂ ‍ ᐃᑕᑦ ᐃᔅᕋᐃᓪ ᒋᓴᐅᒋᒪᐛ, “ᒐᒂᓐ ᐛᒋ ‍ᐸᒋ ‍ ᓂᑐᐛᐱᒥᔭᒄ? ᒥᒋᒄ ᓂᑐᐛᐱᒪᐧᑯᐤ ᐊᓂᔭ ᐅᒋᔅᒋᐛᔨᒐᓱᐛ ᑲ ‍ ᐊᔭᒥᐊᒡ ᒍᑕᐎᔾ ᑭᔭ ᒋᑲᐎᔾ!”
\p ᒥᒄ ᐃᐊᕋᒻ ᒋ ‍ ᐃᑕᐤ, “ᓇᒪ, ᒋ ‍ ᓂᑐᐛᔨᒥᑎᓇᓐ ᒋᔾ ᒐᒋ ᑭᒂᒋᒥᑦ ᑎᐸᔨᒋᒐᓱᐤ,, ᐛᔅ ᒧᔭᒻ ᒂ ᐃᓯᓇᒂᒡ ᑎᐸᔨᒋᒐᓱᐤ ᐊᓇᐊᔨᑕᐧᒃ ᐊᓂᔅᑐᐅᒋᒡ ‍ (3) ᒋᓴᐅᒋᒪᐛ ᒐᒋ ᑲᔅᑎᓂᔨᒥᒋ ᒧᐊᑉ ᓂᑐᐱᔪᐅ-ᐃᔪᐛ”
\p
\v 14 ᐃᓚᐃᓴ ᒂ ‍ ᐃᑕᑦ, ᑎᐸᔨᒋᒐᓱᐤ ᓂᑦ ᐊᑐᔅᑯᐛᐤ, ᐊᓐ ᐛᒋᒪᐅᑦ ᓂᑐᐱᔪᐅ-ᐊᒋᓇ ᐊᓐᑕ ᒋᒋᒋᓯᑯᒡ᙮ “ᒐᒋᓇᒡ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᐊ ᐊᑲ ᐃᔅᐱᑕᔨᒥᒐᓂ ᒍᑕᐃᒡ ᒋᓴᐅᒋᒪᐛ, ᓇᒪ ᒐᒂᓐ ᓂ ‍ ᒪᒥᑐᓇᔨᑎᒥᔨᑯᓐ ᒐᒋ ᐅᒋ ᐛᐎᒋᔨᑕᓐ᙮
\v 15 ᒥᒄ, ᐸᑐᐅᒄ ᑲ ‍ ᒥᔽᐱᑎᔅᑦ᙮”
\p ᐊᐅᑯᓐ ᒂ ‍ ᐃᑎᒡ᙮ ᑭᔭ ᐃᔅᐱ ᒂ ‍ ᒥᔽᐛᐱᐊᑕᐧᒃ ᑲ ‍ ᒥᔽᐱᑎᔅᑦ ᐊᓐᑕ ᐅᑦ ᐊᓯᑭᓇᔭᐱᔾ ᒋᔅᑕᐛᐱᒋᑭᓂᒡ, ᒂ ‍ ᐅᑎᑎᑯᑦ ᑎᐸᔨᒋᒐᓱᐛ ᐅᓱᐧᑲᑎᓯᐅᓂᔪᐤ
\v 16 ᒂ ‍ ᐃᔅᒋᔄᑦ, “ᑎᐸᔨᒋᒐᓱᐤ ᐃᔅᒋᔄᐤ ᒐ ‍ ᐃᑐᑕᐧᒄ ᐅᔭ ᑲ ‍ ᐸᒂᔨᒡ ᑲ ‍ ᐱᒥᐱᔨᒡ ᓯᐱᓯᐅ ᒐᒋ ᓴᑭᔅᒋᓇᔨᒡ ᓂᐱᔪᐤ᙮
\v 17 ᐊᓂᔭ ᐅᒋ ᒋ ‍ ᓂᑐᐱᔪᐅ-ᐃᔨᒥᒡ ᑭᔭ ᒋᑦ ᐊᐛᓯᓯᒧᐛᐅᒡ ᑲ ‍ ᐎᐅᓯᒡ ᒋᑦ ᐊᐱᒋᑕᐅᓄᐛᐛ ᑭᔭ ᑯᑎᑭᒡ ᒋᑦ ᐊᐛᓯᓯᒧᐛᐅᒡ ᒋᑭ ‍ ᐃᔅᐱᔪᐅᒡ ᓂᐱᔪᐤ ᒐ ‍ ᒥᓂᒡ᙮
\v 18 ᓇᒪ ᐊᔨᒥᓂᔪᐤ ᒐᒋ ᐃᑐᑕᐧᒃ ᐅᔭ ᑎᐸᔨᒋᒐᓱᐤ᙮ ᒥᒄ ᐊᑎᑐᐤ ᒋᑭ ‍ ᐃᑐᑎᒻ ᐃᔅᐱᔅ ᐅᔭ, ᐃᔭᐱᒡ ᒋᑭ ‍ ᐃᑐᑕᑯᐛᐤ ᒐᒋ ᓴᐧᑯᒋᔨᒪᑯᐤ ᒧᐊᑉ ᓂᑐᐱᔪᐅ-ᐃᔪᐛ᙮
\v 19 ᒋᑭ ‍ ᒪᐅᑯᓂᒺᓇᐛᐤ ᒥᓯᐛ ᑲ ‍ ᒥᔽᓯᔨᒋ ᐅᑕᓇᒧᐛᐛ, ᐊᓂᔭ ᐅᑕᓇᐛ ᑲ ‍ ᐛᔅᑲᑲᐳᔨᒋ ᐊ ‍ ᐃᔅᐸᔨᒋ ᒪᓂᔅᑲᑎᒂ᙮ ᒋᑭ ᐎ ‍ ‍ ᓇᑥᒂᐊᒧᐛᐛ ᒥᓯᐛ ᐅᒥᓂᓴᑎᑯᒧᐛᐛ, ᒐ ‍ ᓂᑲᐊᒺᒄ ᓂᐱᔪᐤ ᒐᒋ ᐱᒥᐱᔨᒡ ᐅᒧᔅᒍᓂᐸᑯᒧᐛᒡ, ᑭᔭ ᒐ ‍ ᐃᔭᔪᑕᐛᒄ ᑲ ‍ᒥᔪᐤ ‍ ᓂᑕᐅᒋᑕᒥᑯᓂᔨᒡ ᐅᓂᑕᐅᒋᒋᑭᓄᐛᐛ ᐊᓯᓂᔭ ᐊᑯᓇᐊᒺᒄ᙮”
\p 
\v 20 ᒥᓐ ᐎᔭᐱᓂᔨᒡ, ᒪᒂᒡ ᐊᓂᔭ ᑲ ‍ ᒥᑐᔅᑕᐊᒪᒐᒡ ᐸᒂᓯᑭᓂᒥᓇ, ᒋ ‍ ᒥᔅᑲᑕᔨᑎᒧᒡ ᐊᐛᐸᑕᒡ ᐊᐱᒥᑯᔨᒡ ᓂᐱᔪᐤ ᐃᑕᒻ ᐅᒋ ᑭᔭ ᐊᑯᓇᔨᐱᔨᒡ ᒧᔅᑎᔅᑭᒥᒡ᙮
\p 
\v 21 ᐃᔅᐱ ᐱᔭᑕᒡ ᒧᐊᑉ ᐃᔪᒡ ᐊᑎᑯᓯᓂᔨᒋ ᐊᓂᔅᑎᔨᒋ ‍ (3) ᒋᓴᐅᒋᒪᐛ ᐊᓯᒡ ᐅ ᓂᑐᐱᔪᐅ-ᐃᔨᒥᔨᐛ ᒐᒋ ᒪᓯᔨᑯᒡ, ᒥᓯᐛ ᐊᓐᒡ ᓇᐸᐅᒡ ᐊᑭᔅᒋᑕᒡ ᒐᒋ ᒪᓯᒐᒡ ᐊᓐᑕ ᐊᓂᑐᐱᔨᓇᓄᐎᒡ, ᐛᒋ ‍ ᐛᓯᐅᒡ ᐃᔅᐱᔅ ᐛᒋ ‍ ᒋᓴᐃᔪᐅᒡ, ᒋ ᓂᑐᒪᑭᓄᐅᒡ, ᑭᔭ ᒋ ‍ ᐊᔭᔅᑯᔪᐅᒡ ᒐᒋ ᒪᓯᒐᒡ ᐊᓐᑕ ᓴᐅᓄᒡ ᐊᐱᒥᓯᓇᑕᔨᒡ ᐅᑦ ᐊᔅᒋᐛᐤ᙮
\v 22 ᒥᒄ ᐃᔅᐱ ᐎᐱᒡ ᐛᓂᒡ ᒥᓐ ᐎᔭᐱᓂᔨᒡ, ᒋ ‍ ᐛᐸᑎᒧᒡ ᓂᐱᔪᐤ ᑎᔅᑭᒻ ᐊ ‍ ᐃᑕᒡ ᐅᒋ ᐊᒥᒂᑭᒥᔨᒡ ᓂᐱᔪᐤ ᒧᔭᒻ ᒥᐧᑯᔪᐤ᙮
\v 23 ᒂ ‍ ᐃᔅᒋᔄᒡ, “ᐊᒥᐧᒄ ᐊᓐ! ᒋ ‍ ᒪᓯᔨᑐᐛᒐᓂᒋ ᑭᔭ ᒋ ‍ ᓂᐸᔨᑐᐎᒐᓂᒋ ᐊᓐᒡ ᐊᓂᔅᑎᒡ ‍ (3) ᒋᓴᐅᒋᒪᐅᒡ! ᐊᑯ ᒪᒋᑕᐤ ᑭᔭ ᒐ ‍ ᐅᑎᓂᒺᐧᒄ ᒐᒂᔪᐤ ᐊᔨᔅᑯᐱᔨᒡ!”
\p 
\v 24 ᒥᒄ ᐃᔅᐱ ᐛᑎᑕᒡ ᐊᓐᑕ ᑲ ‍ ᒪᓂᑲᓱᔨᒋ ᐃᔅᕋᐃᓪ ᓂᑐᐱᔪᐅ-ᐃᔪᐛ, ᐃᔅᕋᐃᓪ ᓂᑐᐱᔪᐅ-ᐃᔪᒡ ᑲ ‍ ᑯᓯᒂᔨᒧᑐᐛᒡ ᒧᐊᑉ ᐅᒋ ᓂᑐᐱᔪᐅ-ᐃᔪᐛ ᑭᔭ ᒂ ‍ ᐃᐧᑭᒥᐊᒡ ᑲᐤ ᒐᒋ ᒋᐛᐸᔨᑐᔨᒋ᙮ ᐃᔅᕋᐃᓪ ᓂᑐᐱᔪᐅ-ᐃᔪᒡ ᒂ ‍ ᓇᓴᐛᒡ ᒧᐊᑉ ᐅᒋ ᓂᑐᐱᔪᐅ-ᐃᔪᐛ ᑭᔭ ᒥᒐᑦ ᒋ ‍ ᓂᐸᐅᒡ᙮ 
\v 25 ᒥᓯᐛ ᒋ ‍ ᓂᓱᐅᓇᒋᑕᐛᐅᒡ ᐅᑕᓇᒥᔨᐛ ᐃᔅᕋᐃᓪ ᓂᑐᐱᔪᐅ-ᐃᔪᒡ᙮ ᑭᔭ ᐃᔅᐱ ᑕᑥᐤ ᐎᔭᐸᑎᒺᑥᐎ ᑲ ‍ᒥᔪᐤ ‍ ᓂᑕᐅᒋᑕᒥᑯᓂᔨᒡ ᐅᓂᑕᐅᒋᒋᑭᓄᐛᐛ ᐊᓯᓂᔭ ᐊᓐᑕ ᒋ ‍ ᐛᐛᐱᓂᒺᐅᒡ ᐸᑐᔅ ᑲ ‍ ᓴᑭᔅᒋᓇᔨᒋ ᐊᓯᓂᔭ ᐊᓐᑕ ᓂᑕᐅᒋᒋᑭᓂᒡ᙮ ᒋ ‍ ᓂᑲᐊᒧᒡ ᐊᐱᒥᑯᔨᒡ ᓂᐱᔪᐤ ᒧᔅᒍᓂᐸᑯᒡ ᐅᒋ ᑭᔭ ᒋ ‍ ᒂᐊᒧᐛᐅᒡ ᒥᓂᓱᒥᓇᑎᒂ᙮ ᒐᒃ ᒥᒄ ᐊᓐ ᒥᔅᑎ ‍ ᐅᑕᓇᐤ ᑭᕐ ᐊᕋᓴᑦ, ᑲ ‍ ᐃᔅᑯᐱᔨᒡ᙮ ᐊᓐᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ ᑲ ‍ ᐱᒧᓯᓇᑕᔨᒐᒡ ᑲ ‍ ᓯᐱᓯᐱᔨᒋ ᒋ ‍ ᐛᔅᑲᔅᑭᒧᒡ ᐅᑕᓇᔪᐤ ᑭᔭ ᒂ ‍ ᑯᓯᒂᔨᒧᑕᒡ᙮
\v 26 ᐃᔅᐱ ᒧᐊᑉ ᒋᓴᐅᒋᒪᐤ ᒐᔅᒐᔨᑕᐧᒃ ᐊᓴᐧᑯᒋᐊᑭᓄᐎᒋ ᐅᓂᑐᐱᔪᐅ-ᐃᔨᒪ, ᒋ ‍ ᐅᑎᓇᐤ ᓂᔄᐅᑕᒡ ᑕᑐᐤ ᒥᑕᓯᒥᑎᓄᐤ (700) ᓂᑐᐱᔪᐅ-ᒧᐧᑭᒪᓂᔪᐤ ᑲ ‍ ᒪᓯᒐᐛᒐᔨᒋ, ᑭᔭ ᒂ ‍ ᑯᒋᑕᒡ ᒐᒋ ᓴᐳᑐᐛᔅᑯᐛᒡ ᐃᔅᕋᐃᓪ ᓂᑐᐱᔪᐅ-ᐃᔪᐛ ᒐᒋ ᒋᑎᓯᒧᒡ ᓂᑐᐛᐱᒪᒡ ᒐᒋ ᐎᒋᔨᑯᒡ ᓯᕆᐊ ᒋᓴᐅᒋᒪᐛ, ᒥᒄ ᓇᒪ ᐅᒋ ᐃᑐᐅᒡ᙮
\v 27 ᐊᑯ ᒧᐊᑉ ᒋᓴᐅᒋᒪᐤ ᐛᑎᓇᑦ ᒐᓴᔨᐅᔨᒋ ᐅᑯᓴ, ᐊᓂᔭ ᒪᓐ ᒋᐸ ‍ ᒋᓴᐅᒋᒪᐎᐱᓂ, ᑭᔭ ᓇᐸᐊᑦ ᑭᔭ ᒪᑐᔅᑕᐊᒧᐛᑦ ᐅᒥᓐᑐᐧᑲᓂᒧᐛᐛ ᒋᒧᓴ, ᐊ ‍ ᐃᔎᓱᐛᑦ ᑕᐧᑯᒡ ᐅᑕᓇᒡ ᒪᓂᔅᑲᑎᑯᒡ᙮ ᒋ ‍ ᑯᔅᑕᒋᔨᑯᐅᒡ ᐃᔅᕋᐃᓪ ᓂᑐᐱᔪᐅ-ᐃᔪᒡ, ᐊᓂᔭ ᐅᒋ ᒋ ‍ ᓂᑭᑎᒧᒡ ᐅᑕᓇᔪᐤ ᑭᔭ ᑲᐤ ᐅᑦ ᐊᔅᒋᐛᒡ ᐊᑐᑕᒡ᙮
\c 4
\s1 ᐃᓚᐃᓴ ᑲ ‍ ᐎᒋᐊᑦ ᒋᔅᑎᒪᒋᔎᐛ
\p
\v 1 ᐸᐃᒂᐤ ᒐᓯᑲᔨᒡ ᐸᐃᒄ ᐊᓂᔭ ᑎᐸᔨᒋᒐᓱ ᐅᒋᔅᒋᐛᔨᒐᓯᒪ ᐅᒋᔅᑎᒪᒋᔎᒪ ᒋ ‍ ᓂᑐᐛᐱᒪᐤ ᐃᓚᐃᓴᔨᒋ ᑭᔭ ᒥᐊᑐᐛᑦ, “ᓂᓇᐸᒻ, ᑲ ‍ ᐎᒋ ‍ ᐊᑐᔅᒐᒥᔅᒃ, ᒋ ‍ ᐳᓂᐱᒪᑎᓯᐤ᙮ ᒋ ‍ ᒋᔅᒐᔨᒪᐤ ᒋᒋᐛ ᐊᒋ ‍ ᓇᓂᒋᔅᑐᐛᑦ ᑎᐸᔨᒋᒐᓱᐛ᙮ ᒥᒄ ᐊᓄᒡ ᐊᓂᔭ ᓇᐸᐛ ᑲ ᒥᔅᑎ ‍ ᒥᓯᓇᐊᒧᐛᑦ ᓱᓇᔭᔪᐤ ᓂᒋ ‍ᐸᒋ ‍ ᓂᑐᐛᐱᒥᑯᔪᐛ᙮ ᑭᔭ ᐅᓴᒻ ᐊ ᐊᑲ ᒋ ‍ ᒋᓯᐧᑯᐅᒃ ᐊᓂᔭ ᓱᓇᔭᔪᐤ, ᐃᔅᒋᔄᐤ ᒐᒋ ᐅᑎᓇᑦ ᐊᓂᓯᔨᒋ ‍ (2) ᓂᑯᓴ ᒐᒋ ᐅᑦ ᐊᐱᒋᐊᑭᓐᑦ ᒧᔭᒻ ᐊ ‍ ᒋᓯᑯᐅᒃ ᐊᓂᔭ ᐊᔅᐱᔅ ᒥᓯᓇᐊᒧᐅᒄ!”
\p
\v 2 ᐃᓚᐃᓴ ᒂ  ᐃᑕᑦ ᒋᔅᑎᒪᒋᔎᐛ, “ᒐᒂᓐ ᒐᒋ ᐃᑐᑎᒪᓐ ᒐᒋ ᐛᐎᒋᔨᑕᓐ? ᐎᑎᒧᐎ, ᒐᒂᓐ ᐊᓐᑕ ᑲᓄᐛᔨᑎᒥᓐ ᒋᒋᐛᒡ?”
\p ᒂ ‍ ᐃᑎᑯᑦ, ᒥᒄ ᐛᐱᑎᓂᔅᒋᐳᑎ ᐊᐱᒋᓯᐧᒃ ᐅᓕᑉ ᐱᒥᔾ ᓂᑭ ‍ ᓄᐛᔨᑕᓐ, ᓇᒪ ᑯᑎᒃ ᒐᒂᓐ ᓂ ‍ ᑭᓄᐛᔨᑕᓐ᙮”
\p
\v 3 ᐃᓚᐃᐊᓴ ᒂ ‍ ᐃᑕᑦ, ᓂᑐᐤᐱᒥᒡ ᒋ ‍ ᐎᒋᒪᑭᓐᒡ ᑭᔭ ᒐ ‍ ᐊᐛᓱᐅᑦ ᒥᒄ ᐊᔅᐱᔅ ᒋ ‍ ᐛᓱᐅᑦ  ᐛᐱᑎᓂᔅᒋᐳᑎᔭ ᐊ ᐊᑲ ᒐᒂᔪ ᐊᓱᐅᑕᔨᒡ᙮
\v 4 ᐊᑯ ᒐ ‍ ᐱᑎᑭᑕᔨᓐ ᐊᓂᔭ  ᐛᐱᑎᓂᔅᒋᐳᑎᔭ ᒋᒋᐛᒡ ᐊᓯᒡ ᒋᑯᓯᒡ᙮ ᒐ ‍ ᒋᑈᐅᑦ ᐊᔅᑐᑭᓐ᙮ ᐊᑯ ᒐ ‍ ᐳᐅᓂᑦ ᐅᓕᑉ ᐱᒥᔾ ᐊᓐᑕ ᒋ ᐛᐱᑎᓂᔅᒋᐳᑕᒥᒡ ᐊᓐᑕ ᑯᑎᑲ ᐛᐱᑎᓂᔅᒋᐳᑕᒡ᙮ ᐃᔅᐱ ᓴᑭᔅᒋᓇᐸᒐ ᐛᐱᑎᓂᔅᒋᐳᑎ, ᐅᐱᒪ ᒐ ‍ ᐊᔅᑕᔨᓐ ᐊᑯ ᑯᑎᒃ ᒐ ‍ ᓴᑭᔅᒋᓇᐱᑕᔨᓐ᙮ ᐊᐅᑯᓐ ᒐ ‍ ᐃᑎᔨᓐ ᐸᑐᔅ ᒥᓯᐛ ᓴᑭᔅᒋᓇᐸᑥᐛ᙮”
\p
\v 5 ᐊᐅᑯᓐ ᒂ ‍ ᐃᑎᑦ ᑲ ‍ ᐃᑎᑯᑦ ᐃᓚᐃᓴᔨᒋ ᒐ ‍ ᐃᑎᑦ᙮ ᒋ ‍ ᐸᑎᐸᑥᑯᐤ ᐅᑯᓴ ᐛᐱᑎᓂᔅᒋᐳᑎᔭ, ᑭᔭ ᒂ ᓯᓴᑭᔅᒋᓇᐱᑕᑦ᙮
\v 6 ᒐᒄ ᒥᓯᐛ ᑲ ‍ ᓴᑭᔅᒋᓇᐸᔨᒋ ᐛᐱᑎᓂᔅᒋᐳᑎᔭ᙮ ᐊᑯ ᒂ ‍ ᐃᑕᑦ ᐸᐃᒄ ᐅᑯᓴ, “ᐸᑐᐎ ᑯᑎᒃ ᐛᐱᑎᓂᔅᒋᐳᑎ!” ᒥᒄ ᒋ ‍ ᐃᑎᑯᐤ, “ᓴ ᓇᒪ ᐃᑎᑯᓇ ᐛᐱᑎᓂᔅᒋᐳᑎᔭ!” ᐊᑯ ᒂ ‍ ᓂᑲᐱᔨᒋ ᐊᐱᒥᑯᔨᒋ ᐅᓕᑉ ᐱᒥᔭ᙮
\p
\v 7  ᐃᔅᐱ ᒋᑎᒪᒋᔎᐤ ᑲ ‍ ᐎᑎᒧᐛᑦ ᐃᓚᐃᒐᔨᒋ ᒐᒂᔪ ᑲ ‍ ᐃᔅᐱᔨᒡ, ᒋ ‍ ᐃᑎᑯ, “ᐊᑯ ᒪᒋ ᐊᑕᐛ ᐱᒥ ᐛᐱᑎᓂᔅᒋᐳᑕᒡ ᑲ ‍ ᐊᓱᐅᓱᑦ᙮ ᐊᑯ ᒐ ‍ ᒋᓯᐧᑲᓱᔨᓐ ᑲ ‍ ᒥᓯᓇᔨᒐᔨᓐ, ᑭᔭ ᒋᑭ ‍ ᐃᔅᑯᐱᔪᐤ ᓱᓇᔭᐤ ᒐᒋ ᐊᔅᑯ ᐊᔅᑯ ᐃᔭᔨᓐ ᒥᒋ ᒐᒥᒋᔨᓐ ᑭᔭ ᒋᑯᓯᒡ᙮” ᐊᑯ ᐊᐅᑯᓐ ᑲ ‍ ᐃᑎᑦ᙮
\s1 ᐃᓚᐃᓴ ᑲ ‍ ᑐᑐᐛ ᓱᓂᒻ ᐅᒋ ᐃᔎᐛ ᐅᑯᓯᔨᐛ ᑲᐤ ᒐᒋ ᐱᒪᑎᓯᔨᒋ
\p
\v 8 ᐸᐃᒂᐤ ᒐᓯᑲᔨᒡ ᓱᓇᒻ ᐅᑕᓇᒡ ᒋ ‍ ᐃᑐᑕᐤ ᐃᓚᐃᓴ᙮ ᐊᒋᓱᐛᔭᑎᓯᔨᒋ ᐃᔎᐛ ᒋ ‍ ᐎᒋᔨᐛ ᐊᓐᑕ ᐊᓯᒡ ᐅᓇᐸᒥᔨᐛ᙮ ᐸᐃᒂᐤ ᒐᓯᑲᔨᒡ ᒋ ‍ ᓂᑐᒪᐤ ᐊᓐ ᐃᔎᐤ ᐃᓚᐃᓴᔨᒋ ᐊᓐᑕ ᐎᒋᒡ ᒐᒋ ᒥᒋᓱᔨᒋ᙮ ᒋ ‍ ᐃᑐᑕᐤ ᐊᓐᑕ ᐃᓚᐃᓴ, ᐊᑯ ᑕᑥᐤ ᐊᑐᑕᒋ ᐃᓚᐃᓴ ᐊᓐᑕ ᓱᓇᒻ ᐅᑕᓇᒡ, ᒋ ‍ ᐃᑐᑕᐛᐤ ᐎᒋᔨᒡ ᒐᒋ ᓇᒋ ‍ ᒥᒋᓱᑦ᙮
\v 9 ᐸᐃᒂᐤ ᒐᓯᑲᔨᒡ ᒋ ‍ ᐃᑕᐤ ᐅᓇᐸᒪ ᐊᓐ ᐃᔎᐤ, “ᓂ ‍ ᒐᒋᓇᐅᓐ ᐊᒋᔅᒋᐛᔨᒐᓯᐅᑦ ᐅ ᓇᐸᐤ ᓂᔭᓂᑯᑎᓂ ᑭ ‍ ᑎᑯᓯᓄᐛ ᐅᑕ ᐊᐸᑕᑦ ᐃᔨᒧᐅᓂᔪᐤ ᒋᓴᒪᓂᑐᐛ ᐅᒋ᙮
\v 10 ᓂᑦ ᐃᑕᔨᑕᓐ ᒋᐸ ‍ ᑐᑎᒧᐛᓄᐤ ᐊᐱᔅᒋᒐᔭᔨᒡ ᐊᓐᑕ ᑕᐧᑯᒡ ᒋᒋᓇᒡ ᑭᔭ ᓂᐸᐅᓂᔪᐤ, ᑭᔭ ᒥᒋᓱᐛᑭᓇᑎᑯᓯᔪᐤ, ᑭᔭ ᐛᔅᑕᓂᐱᒪᑭᓇ ᒋᐸ ‍ ᑎᑎᒺᐛᓇᓐ ᐊᓐ᙮ ᑐᑎᒺᒂ ᐊᓐ, ᐃᔅᐱ ᑕᑯᓯᓂᒋ ᐅᑕ, ᒋᐸ ‍ ᑎᑯᓂᔪᐤ ᐊᓐᑕ ᒐ ‍ ᐃᑕᑦ᙮” ᐊᑯ ᐊᐅᑯᔪᐤ ᐊᓂᔭ ᑲ ‍ ᐃᑐᑕᒡ᙮
\p
\v 11 ᐸᐃᒂᐤ ᒐᓯᑲᔨᒡ ᑲᐤ ᒋ ‍ ᐃᑐᑕᐤ ᓴᓄᒻ ᐅᑕᓇᒡ ᐃᓚᐃᓴ, ᑭᔭ ᒂ ‍ ᐃᑐᑕᑦ ᐊᓐᑕ ᐃᔅᐱᒥᒡ ᑲᐱᔅᒋᒐᔭᔨᒡ ᒐᒋ ᐊᔭᔅᑕᔭᔅᑯᓯᑦ᙮
\v 12 ᐊᐅ ᐊᑕᑦ ᐊᐱᒋᐊᑭᓇ ᑲᐊᓯᔨᒋ, “ᐎᑎᒧᐤ ᒪ ᐊᓐ ᐃᔎᐤ ᐛ ‍ ᐃᔨᒥᔨᒃ᙮” ᐊᑯ ᐊᐱᒋᐊᑭᓐ ᓇᑐᐛᐱᒪᑦ ᑭᔭ ᐛᑎᒧᐛᑦ ᐃᔎᐛ᙮ ᐃᔅᐱ ᑕᑯᓯᓂᔨᒋ ᐊᓐᑦ ᐊᔅᑐᑭᓇᔅᑯᒡ ᐃᓚᐃᓴᔨᒋ ᐅᑲᐱᔅᒋᒐᔭᒥᐅᐤ,
\v 13 ᐃᓚᐃᓴ ᑲ ‍ ᐃᑕᑦ ᑲᐊᓯᔨᒋ, “ᐎᑎᒧᐤ ᑕᐱᔅᑯᓐ ᐊᓂᓯᐛᐧᒄ ᐊ ‍ ᒥᔽᔨᑎᒺᐧᒄ ᒥᓯᐛ ᑲ ᐃᓯ ‍ ᒥᔪᑐᑕᑕᐧᒄ᙮ ᐊᑯ ᒐ ‍ ᑭᒂᒋᒥᑦ ᒐᒂᔪᐤ ᒋᐸ ‍ ᐃᑐᑎᒧᐛᓄᐤ᙮ ᑭᒂᒋᒻ, ‘ᒋ ‍ ᓂᑐᐛᔨᒥᓐ ᐊ ᒐᒋ ᓂᑐᐛᐱᒥᒃ ᒋᓴᐅᒋᒪᐤ ᑭᔭ ᒪᒃ ᓂᑐᐱᔪᐅ-ᐅᒋᒪᐤ, ᒐᒋ ᓂᑐᐛᔨᑎᒧᐅᒄ ᒐᒂᔪ ᒋᔾ ᐅᒋ?”’
\p ᑲᐊᓯ ᒂ ‍ ᐎᑎᒧᐛᑦ, ᑭᔭ ᒂ ‍ ᐃᔅᒋᔄᑦ ᐊᓐ ᐃᔎᐤ, “ᓇᒪ, ᓇᒪ ᓂᑐᐛᔨᑕᑯᓐ ᒐᒋ ᐃᑐᑕᐧᒃ ᐊᓂᔭ, ᐛᔅ ᓂᐧᑲᓂᓯᒡ ᓂ ‍ ᒥᔨᑯᒡ ᒐᒂᔪᐤ ᓄᑕᐱᔪᐅᒡ᙮”
\p
\v 14 ᓇᓇᒐ, ᐃᓚᐃᓴ ᒋ ‍ ᑭᒂᒋᒪᐤ ᑲᐊᓯᔨᒋ, ᒐᒂᔪᐤ ᒋᑦ ‍ ᐃᑕᔨᑕᓐ ᒋᐸ ‍ ᐃᑐᑎᒧᐛᓄᐤ ᐊᓐ ᐃᔎᐤ?”
\p ᒂ ‍ ᐃᑎᑯᑦ, “ᓇᒪ ᐅᑯᓯᐤ, ᑭᔭ ᒋᓴᐃᔨᔪᔪᐛ ᐅᓇᐸᒪ᙮ ᐊᑯ ᒂᔄᓐ ᒋᐸ ᒋ ‍ ᑭᒂᒋᒪᓄᐤ ᑎᐸᔨᒋᒐᓱᐤ ᒐᒋ ᐃᑐᑐᐛ ᒐᒋ ᐅᑯᓯᔨᒋ᙮”
\p
\v 15 ᐃᓚᐃᓴ ᒋ ‍ ᐃᑕᐤ ᑲᐊᓯᔨᒋ, “ᑲᐤ ᓂᑐᒻ ᐃᔎᐤ᙮” ᐊᑯ ᑲᐊᓯ ᒂ ᔅᑐᑕᑦ ᑭᔭ ᑎᔭᑈᑕᑦ᙮ ᐃᔅᐱ ᑲᐤ ᑕᑯᓯᐧᒃ ᐃᔎᐤ, ᒪᒂᒡ ᐊᓂᐳᐅᑦ ᐊᓐᑕ ᐊᔅᑐᐧᑭᓇ ᐊᑕᔨᒋ, 
\v 16 ᐃᓚᐃᓴ ᒂ ᐃᑕᑦ, “ᒧᔭᒻ ᐅ ᐃᔅᐱᔨᒐ ᑯᑎᒃ ᐱᐳᓐ ᒋᑭ ‍ ᑕᐧᑯᓇᐤ ᒋᑯᔅ ᒋᔅᐱᑐᓂᒡ᙮” ᒥᒄ ᒋ ᐃᔅᒋᔄᐤ ᐃᔎᐤ, “ᐅ ᐅᒋᒪᐤ, ᒋᔾ ᐅ ᐅᒋᔅᒋᐛᔨᒐᓯᐤ ᐱᔭᑕ ᐃᔨᒧᐅᓇ ᒋᓴᒪᓂᑐᐛ ᐅᒋ, ᐊᑯ ᐊ ᐊᑲ ᐎᔭᓯᒥ ᐊ  ᐃᔅᒋᔄᔨᓐ ᐊᓂᔭ ᒐᒂᔪᐛ!”
\p
\v 17 ᒥᒄ ᑕᑐᐤ ᐱᓯᒺ ᓇᓇᒐ, ᒋ ‍ ᐊᓱᐛᐱᒪᐅᓱᐤ ᐃᔎᐤ, ᑭᔭ ᒂ ‍ ᓄᒂᐊᑦ ᓇᐸᓴ ᐊᓂᔭ ᐸᐃᑯᑕᐤ ᓴᑯᓂᔨᒡ ᑯᑎᒋᔪᐤ ᐱᐳᓂᔪᐤ, ᒧᔭᒻ ᑲ ‍ ᐃᔅᒋᔄᑦ ᒐ ‍ ᐃᔅᐱᔨᒡ ᐃᓚᐃᓴ᙮
\p
\v 18 ᐃᔅᐱ ᑲᒋ ᐃᓯ ‍ ᓂᑕᐅᒋᑦ ᐊᐛᔅ, ᐸᐃᒂᐤ ᒐᓯᑲᔨᒡ ᓂᑕᐅᒋᒋᑭᓂᒡ ᒋ ‍ ᐃᑐᑕᐤ ᒐᒋ ᓇᒋ ‍ ᐛᐱᒪᑦ ᐅᑕᐎᔭ, ᑲ ‍ᐎᒋ ‍ ᐊᑐᔅᒐᒪᔨᒋ ᐱᔅᒐ ᓇᐸᐛ ᐊᒪᒧᓴᒋᓂᒥᔨᒋ ᐸᒂᓯᑭᓂᒥᓇ᙮
\v 19 ᓯᔅᒋᑯᒡ ᒂ ‍ ᐃᔅᒋᔄᑦ ᓇᐸᔅ, “ᓂᑦ ‍ ᐊᐧᑯᓯᓐ ᓂᔅᑎᒂᓐ! ᒋᒋᐛ ᓂᑦ ‍ ᐊᐧᑯᓯᓐ ᓂᔅᑎᒂᓐ!”
\p ᐅᑕᐎᔭ ᒂ ‍ ᐃᑕᔨᒋ ᐊᓂᔭ ᐸᐃᒄ ᐊᐱᒋᐊᑭᓇ, “ᐃᑐᑕᔨᒪ ᐅᑲᐎᔭ!”
\v 20 ᐊᑯ ᐊᐱᒋᐊᑭᓐ ᐛᐱᓇᑦ ᒐᐛᑕᐊᑦ, ᑭᔭ ᒋ ‍ ᑕᐧᑯᓂᑯᐤ ᐅᑲᐎᔭ ᐅᑈᒥᔨᒡ᙮ ᒥᒄ ᐃᔭᐱᑕᒋᓯᑲᔨᒡ ᒋ ‍ ᐳᓂᐱᒪᑎᓯᐤ ᓇᐸᔅ᙮
\v 21 ᒂ ‍ ᓴᑭᒋᐛᑕᐊᑦ ᐃᔎᐤ ᐊᓐᑕ ᐅᒋᔅᒋᐛᔨᒐᓱᐛ ᐅ ‍ ᑲᐱᔅᒋᒐᔭᐃᒥᔨᒡ ᐃᓯ ᑭᔭ ᐸᔅᑎᓇᑦ ᐊᓐᑕ ᓇᐸᐅᓂᒡ᙮ ᐊᑯᑕ ᐊᓐᑕ ᑲ ‍ ᓂᑭᑕᑦ ᑭᔭ ᐛᔪᐎᑦ ᑭᔭ ᒐᑈᐛᑦ ᐊᔅᑐᐧᑭᓇ᙮
\p
\v 22 ᐊᑯ ᒂ ‍ ᑕᑈᑕᑦ ᐅᓇᐸᒪ, ᐊ ‍ ᐃᑕᑦ, “ᐸᒋ ‍ ᐃᑎᓴᐊᒧᐎ ᐸᐃᒄ ᐊᐱᒋᐊᑭᓐ ᑭᔭ ᑲᓂᐧᑲᑎᓯᑦ ᑲᐸᔨᑭᔎᐤ, ᐊᑯ ᒪᒃ ᒐᒋ ᐳᓯᔭᓐ  ᒋᔅᑎᑉ ᒐᒋ ᓂᑐᐛᐱᒥᒄ ᐅᒋᔅᒋᐛᔨᒐᓱᐤ, ᐊᑯ ᑭᔭ ᑲᐤ ᒐ  ᐸᒋᐛᔭᓐ!” ᒥᒄ ᓇᒪ ᐅᒋ ᐎᑎᒧᐛᐤ ᐊᓂᔭ ᐅᓇᐸᒪ ᑲ ‍ ᐳᓂᐱᒪᑎᓯᔨᒋ ᐅᑯᓱᐛᐛ᙮
\p
\v 23 ᐅᓇᐸᒪ ᒋ ‍ ᑕᑈᑎᑯᐤ ᑭᔭ ᐊᑎᑯᑦ, ᒐᒂᓐ ᒪᒃ ᐊᓄᒡ ᐛᒋ ‍ᐎ ‍ ᐃᑐᑕᔨᓐ? ᓇᒥᔭᐤ ᐅ ᒋᓯᒄ ᐃᔅᐱ ᑲ ‍ ᒥᔽᑎᒪᐧᒄ ᐊᒥᑯᓴᓄᐅᒡ ᐅᔅᒋ ᑎᐱᔅᑲᐤ ᐱᓯᒻ, ᑭᔭ ᓇᒥᔭᐤ ᐅ ᐊᔭᓯᐅᒋᓯᒄ!”
\p ᒥᒄ ᒋ ‍ ᐃᑕᐤ ᐊᓐ ᐃᔎᐤ, “ᑐᑕᐤ ᒥᒄ ᒐᒂᓐ ᐊ ᐃᓯ ‍ ᓂᑐᐛᔨᑎᒪᓐ ᑭᔭ ᒥᓯᐛ ᒐᒂᓐ ᒋᑭ ‍ ᒥᔪᐱᔪᐤ᙮”
\p 
\v 24 ᐊᑯ ᒂ ‍ ᐃᑕᑦ ᐊᐱᒋᐊᑭᓇ ᒐᒋ ᐊᔭᔅᑯᐛᔨᒋ ᑲᓂᐧᑲᑎᓯᔨᒋ ᑲᐸᔨᑭᔎᐛ, ᑭᔭ ᒪᒂᒡ ᐊᑎ ᒋᑐᑕᒡ, ᒋ ‍ ᐃᑕᐤ ᐅᑦ ᐊᐱᒋᐊᑭᓇ, “ᒋᓯᐱᐃ! ᒐ ᐊᑲ ᓇᐧᑲᒋᐱᔨᓐ ᐸᑐᔅ ᐃᑎᑕᓇ ᐊᓐ ᒐᒋ ᐃᔨᑎᔨᓐ!”
\v 25 ᒪᒂᒡ ᐱᔭᓱᐛᐸᑕᒡ ᑲᕐᒥᓪ ᐱᔅᑯᑎᓇᔪᐤ, ᐊᓐᑕ ᑲ ‍ ᐃᑕᔨᒋ ᐃᓚᐃᓴᔨᒋ, ᒋ ‍ ᐛᐱᒥᑯᐤ ᐃᓚᐃᓴᔨᒋ ᐛᔪᐤ ᐊ ᐃᑕᑦ᙮ ᒋ ‍ ᐃᑕᐤ ᑲᐊᓯᔨᒋ, “ᒋᑕᐱᒻ ᐊᓐ ᐃᔎᐤ ᓴᒧᓐ ᐅᑕᓇᒡ ᐅᒋ ᐸᑐᑕᑎᒃ!
\v 26 ᒋᒋᓂᒪ ᐊᓐ ᐃᔎᐤ, ᑭᔭ ᒐ ‍ ᑭᒂᒋᒥᑦ ᒥᔪᐱᔨᒂ ᒥᓯᐛ ᒐᒂᔪᐤ ᐊᓯᒡ ᐅᓇᐸᒪ ᑭᔭ ᐅᑦ ᐊᐛᓯᒧᐛᐛ!”
\p ᐊᑯ ᒂ ‍ ᒋᒋᓇᑦ ᑲᐊᓯ ᐊᓂᔭ ᐃᔎᐛ ᑭᔭ ᑲᒂᒋᒪᑦ, ᒥᒄ ᓇᒪ ᐅᒋ ᐎᑎᒧᐛᐤ ᑲᐊᓯᔭᔨᒋ ᒐᒂᔪᐤ᙮ ᒥᒄ ᒋ ‍ ᐃᑕᐤ, “ᓂᐃ,  ᒥᓯᐛ ᒐᒂᓐ ᒥᔪᐱᔪᐤ᙮”
\p
\v 27 ᒥᒄ ᐃᔅᐱ ᐛᑎᑕᐧᒃ ᐊᓐᑕ ᑲ ‍ ᐃᑕᔨᒋ ᐃᓚᐃᓴᔨᒋ, ᒂ ‍ ᓂᐱᔅᑯᐱᔪᐅᑦ ᒧᔅᑎᔅᑭᒥᒡ ᐅᑎᔅᑯᐤ ᐃᓚᐃᓴᔨᒋ ᑭᔭ ᑎᔭᐧᑭᓂᒺᑦ ᐅᓯᑎᔨᐛ᙮ ᑲᐊᓯ ᐃᔨᑲ ᒂ ᒋᒋ ‍ ᐃᔭᒋᓇᑦ, ᒥᒄ ᐃᓚᐃᓴ ᒋ ‍ ᐃᑕᐤ, “ᐊ ᐊᑲ ᐃᔭᒋᓐ! ᒋᒋᐛ ᐅᔅᑕᐱᔨᑯᐤ ᒐᒂᔪᐤ, ᒥᒄ ᓇᒪ ᓂ ᐅᒋ ‍ ᐎᑎᒪᒄ ᑎᐸᔨᒋᒐᓱᐤ ᒐᒂᔪᐤ ᐊᓂᔭ᙮”
\p
\v 28 ᐊᑯ ᐃᔎᐤ ᐊᑕᑦ ᐃᓚᐃᓴᔨᒋ, “ᐅ ᐅᒋᒪᐤ, ᓇᒪ ᒋ ‍ ᓂᑐᐛᔨᑎᒪᑎᓐ ᒐᒋ ᐃᑐᑐᐎᔨᓐ ᒐᒋ ᓂᑕᐅᒋᐊᒃ ᐅᑯᓯᓯᒪᐤ᙮ ᑭᔭ ᒋᒋ ‍ ᐃᑎᑎᓐ ᒐ ᐊᑲ ᐎᔭᓯᒥᔨᓐ!”
\p
\v 29 ᐊᑯ ᐃᓚᐃᓴ ᒐᔅᒐᔨᑕᐧᒃ ᒐᒂᔪᐤ ᐊᔅᐱᔨᒋ ᐅᑯᓯᔨᐛ᙮ ᐊᑯ ᒂ ‍ ᐃᑕᑦ ᑲᐊᓯᔭᔨᒋ, “ᐊᔭᔅᑯᐎᔾ ᑎᐛᒡ ᒐᒋ ᔅᑐᑕᔨᓐ᙮ ᐅᑎᓇ ᓂᓯᔅᑲᓱᐛᑭᓐ ᑭᔭ ᐃᑐᑕᐅᒪ ᐎᒋᒡ᙮ ᒐ ᐊᑲ ᓂᑲᐎᓐ ᒐᒋ ᐃᔨᒥᔨᑦ ᐊᐛᓐ ᐊᑎ ‍ ᐃᑐᑕᔨᓇ᙮ ᒪᒋ ᒋᔅᑎᑉ ᐊᓐᑕ ᐸᒥᓯᓂᔨᒋ ᐅᑯᓴ ᑭᔭ ᒐ ‍ ᐊᔅᑕᐅᑦ ᓯᔅᑲᓱᐛᑭᓂᔪᐤ ᐊᓐᑕ ᐅᑕᔅᑎᒥᐧᑯᒡ ᐊᐛᔅ᙮ ᐃᑐᑎᒥᓇ ᐊᓐ, ᒂᔄᓐ ᒋᑭ ‍ ᑐᑐᐛᐤ ᑎᐸᔨᒋᒐᓱᐤ ᒐᒋ ᒥᔪᐱᔨᒋ᙮”
\p
\v 30 ᒥᒄ ᐊᓐ ᓇᐸᔅᒡ ᐅᑲᐎᔭ ᒋ ‍ ᐃᔅᒋᔄᔪᐛ, “ᒐᒋᓇᒡ ᐊᐱᒪᑎᓯᑦ ᑎᐸᔨᒋᒐᓱᐤ  ᑭᔭ ᒋᔾ ᐊᐱᒪᑎᓯᔨᓐ, ᓇᒪ ᓂᑭ ᒋᐛᓐ ᐊ ᐊᑲ ᐎᒐᐎᓇ᙮” ᐊᑯ ᐃᓚᐃᓴ ᐛᒐᐛᑦ ᑲᐤ ᒐᐛᔨᒋ ᐎᒋᔨᒡ᙮
\p
\v 31 ᒋ ᒋᓯᐸᑕᐤ ᑲᐊᓯ, ᑭᔭ ᐃᔅᐱ ᑕᑯᓯᐸᑕᑦ ᐃᔎᐛ ᐎᒋᐛᔨᒡ, ᒂ ‍ ᐊᔅᑕᐛᑦ ᓯᑲᐅᓂᔪᐤ ᐊᓐᑕ ᐊᐛᓴ ᐅᑕᔅᑎᒥᐧᑯᔨᒡ, ᒥᒄ ᓇᒪ ᐅᒋ ᐊᒋᔨᐛ ᑭᔭ ᒪᒃ ᐃᔅᒋᔄᔪᐛ ᒐᒂᔪᐤ᙮
\p ᐊᑯ ᑲᐊᓯ ᑲᐤ ᓇᑐᐛᐱᒪᑦ ᐃᓚᐃᓴᔨᒋ ᑲ ᐸᒋ ‍ ᐱᒧᑕᔨᒋ  ᑭᔭ ᐛᑎᒧᐛᑦ, “ᐊᔅᒄ ᐳᓂᐱᒪᑎᓯᐤ ᐊᐛᔅ᙮”
\v 32 ᐃᔅᐱ ᐃᓚᐃᓴ ᐛᑎᑕᐧᒃ ᒥᒋᐛᐱᔪᐤ, ᒋ ‍ ᐛᐱᒪᐤ ᓇᐸᓴ ᐊᐱᒥᓯᓂᔨᒋ ᐊᐳᓂᐱᒪᑎᓯᔨᒋ ᐅᓂᐸᐅᓂᒡ᙮
\v 33 ᒂ ‍ ᐃᑐᑕᑦ ᐃᓚᐃᓴ ᑲ ‍ ᐱᔅᒋᒐᔭᔨᒡ ᐊᐸᐃᑯᓯᑦ ᑭᔭ ᒐᐸᐛᑦ ᐊᔅᑐᐧᑭᓇ ᑭᔭ ᓇᑐᑎᒧᐛᑦ ᑎᐸᔨᒋᒐᓱᐛ᙮
\v 34 ᐊᑯ ᒂ ‍ ᐱᒥᓯᓄᐛᑦ ᑕᐧᑯᒡ ᓇᐸᓴ ᐎᔭᔨᒡ, ᑭᔭ ᐊᔅᑕᐛᑦ ᐅᑐᓐ ᐊᓐᑕ ᓇᐸᓴ ᐅᑐᓂᔨᒡ, ᑭᔭ ᐊᔅᑕᑦ ᐅᔅᒋᓯᒂ ᐊᓐᑕ ᓇᐸᓴ ᐅᔅᒋᓯᑯᔨᒡ, ᑭᔭ  ᐊᔅᑕᑦ ᐅᑎᒋᔭ ᐊᓐᑕ ᓇᐸᓴ ᐅᑎᒋᔨᒡ᙮ ᐊᑯ ᒂ ᐎᒋᓯᑕᔨᒡ ᓇᐸᓴ ᐎᔭᔪᐤ!
\v 35 ᐃᓚᐃᓴ ᒂ ᐱᓯᑯᑦ ᑭᔭ ᑲᑲᒋᐛᑕᑦ ᐊᓐᑕ ᑲᐱᔅᒋᒐᔭᔨᒡ᙮ ᐊᑯ ᒥᓐ ᒂ ‍ ᐱᒥᓯᓄᐛᑦ ᑕᐧᑯᒡ ᓇᐸᓴ ᐎᔭᔨᒡ, ᓂᔄᐅᑕᒡ ‍ (7) ᑕᑥᐤ ᒂ ‍ ᐃᔭᔨᒧᔨᒋ ᓇᐸᓴ ᑭᔭ ᑕᒂᐱᔨᒋ!
\p
\v 36 ᐊᑯ ᐃᓚᐃᓴ ᓇᑐᒪᑦ ᑲᐊᓯᔭᔨᒋ᙮ ᒂ ‍ ᐃᑕᑦ, “ᑕᑈᑎᒻ ᓇᐸᔅ ᐅᑲᐎᔭ!” ᐊᑯ ᑲᐊᓯ ᒐᑐᑕᑦ ᑭᔭ ᑎᔭᑈᑕᑦ ᐃᔎᐛ, ᑭᔭ ᐃᔅᐱ ᑲ ‍ ᐱᒐᔨᒋ, ᐃᓚᐃᓴ ᒋ ‍ ᐃᑕᐤ, “ᒪᐅ, ᐅᑎᓐ ᒋᑯᔅ!”
\v 37 ᒂ ‍ ᐅᒋᒋᐧᑯᓂᐱᔪᐅᑦ ᐃᓚᐃᓴᔨᒋ ᐅᓯᑎᔨᒡ᙮ ᐊᑯ ᒂ ‍ ᐅᑎᓇᑦ ᐅᑯᓴ ᑭᔭ ᓇᑎᒋᐛᑕᐊᑦ᙮
\s1 ᐃᓚᐃᓴ ᑲ ‍ ᑐᑕᐧᒃ ᒐᒋ ᒥᒋᓇᓄᐎᒡ ᑲᐱᑕᑐᓯᔨᒡ
\p
\v 38 ᐊᑯ ᐃᓚᐃᓴ ᑲᐤ ᐊᑐᑕᑦ ᐊᓐᑕ ᑭᓪᑲᓪ᙮ ᒥᒄ ᒪᒂᒡ ᐊᓂᔭ ᒋ ‍ ᓯᐛᔨᓇᓄᔪᐤ ᐊᓐᑕ ᐊᔅᒋᒡ᙮ ᐸᐃᒂᐤ ᒐᓯᑲᒡ ᒪᒂᒡ ᑕᑐᐤ ᐅᒋᔅᒋᐛᔨᒐᓱᐅᒡ ᐊᐱᒡ ᐊᓐᑕ ᐅᑎᔅᑯᐤ ᐃᓚᐃᓴᔨᒋ ᐊᓂᑐᑐᐛᒡ ᒐᒂᔪᐤ ᒐᔅᑯᑎᒪᒐᔨᒋ, ᒂ ‍ ᐃᑕᑦ ᐅᑦ ᐊᐱᒋᐊᑭᓇ, ᑕᐧᑯᑎᔅᑕ ᐊᒥᓴᒡ ᐊᔅᒋᐧᒄ ᐊᓐᑕ ᒋᓴᐱᓴᐛᓂᒡ ᑭᔭ ᒐ ‍ ᑐᑎᒧᐅᑥᐤ ᐅᒡ ᓇᐸᐅᒡ ᑲᐱᑕᑐᓯᔨᒡ”’
\p
\v 39 ᐸᐃᒄ ᐊᓐᒡ ᒋᔅᒋᓄᒧᐛᑭᓐᒡ ᓂᑕᐅᒋᒋᑭᓂᒡ ᒋ ‍ ᐃᑐᑕᐤ ᒐᒋ ᒪᒧᓴᒋᓇᐧᒃ ᐱᔅᒐ ᓂᐱᔭ᙮ ᒥᒄ ᐊᓂᔭ ??? ᑭᔭ ᐅᑎᑯᐱᒡ ᒂ ‍ ᐱᑕᐛᑦ ᑭᔭ ᒐᐛᑕᐊᑦ᙮ ᒋ ‍ ᐱᓯᒋᐱᑕᐤ ᑭᔭ ᒂ ᐱᑕᐛᑦ ᐊᓐᑕ ᐊᔅᒋᐧᑯᒡ, ᒥᒄ ᓇᒪ ᐅᒋᔅᒐᔨᑎᒻ ᐊ ᒥᒋ ‍ ᓂᑐᐧᑯᐎᒋ ᐊᓂᔭ ???᙮
\v 40 ᒂ ‍ ᐊᓯᒪᑦ ᐊᓂᔭ ᐅᒋᔅᒋᐛᔨᒐᓱᐛ, ᒥᒄ ᐊᐱᓯᔅ ᑲᒋ ‍ ᒥᒋᒡ ᐊᓐᒡ ᓇᐸᐅᒡ, ᒂ ‍ ᑕᑈᒡ, “ᐃᓚᐃᓴ, ᑎᑯᓐ ᐊᓐᑕ ᒐᒂᓐ ᐊᔅᒋᐧᑯᒡ ᒐ ‍ ᓂᐸᔨᑯᔭᒡ!”
\p ᐊᑯ ᓇᒪ ᐅᒋ ᐎ ‍ ᒥᒍᐅᒡ᙮
\v 41 ᐃᓚᐃᓴ ᒂ ᐃᑕᑦ, “ᐸᑐᐅᒃ ᐱᔅᒐ ᔪᔎᐛᓐᒡ” ᐱᔅᒐ ᒂ ‍ ᐸᑥᑯᑦ, ᑭᔭ ᐸᑕᐛᐱᓇᑦ ᐊᓐᑕ ᐊᔅᒋᐧᑯᒡ ᑭᔭ ᐊᔅᒋᔄᑦ, ᓴᔅ ᒥᔽᐤ᙮ ᒋᑭ ᒋ ‍ ᒥᒋᓇᐛᐤ᙮ ᒂ ‍ ᒥᒋᒡ, ᑭᔭ ᓇᒪ ᐅᒋ ᐊᐧᑯᔨᑯᐅᒡ᙮
\s1 ᐃᓚᐃᓴ ᒋ ‍ ᒥᒐᑐᑕᐛᐤ ᐅᒥᒋᒥᔪᐤ ᐅᒋᔅᒋᐛᔨᒐᓱᐛ
\p
\v 42 ᐸᐃᓪ-ᓴᓕᓴ ᒋ ‍ ᐅᑐᑕᐤ ᓇᐸᐤ ᐊ ‍ ᐸᑐᐛᑦ ᐃᓚᐃᓴᔨᒋ ᓂᓱᔪᐤ ᐛᐱᔪᒥᓐ ᐸᒂᓯᑭᓇ ᓂᔅᑎᒻ ᐊ ‍ ᒥᓂᓱᐅᒋ ᓂᑕᐅᒋᑕᑭᓇ ᐊ ᐅᒋ ‍ ᐅᓯᐊᑭᓄᔨᒋ ᐊᓯᒡ ᐱᔅᒐ ᐊ ‍ ᐅᔅᑎᒂᓄᔨᒋ ᓂᑕᐅᒋᑕᑭᓇ᙮ ᐃᓚᐃᓴ ᒋ ‍ ᐃᑕᐤ, “ᒥᔨᒡ ᐊᓂᔭ ᐃᔪᒡ ᒐᒋ ᒧᐛᒡ᙮”
\p
\v 43 ᒥᒄ ᐅᑦ ᐊᐱᒋᐊᑭᓇ ᒋ ‍ ᐃᑎᑯᐤ, “ᓇᒪ ᒋᑭ ᒋ ‍ ᐃᔅᐱᔪᐅᒡ ᐅᔭ ᐸᐃᑯ ᒥᑕᓯᒥᑎᓄᐤ ᐃᔪᒡ,” ᐊᑯ ᐃᓚᐃᓴ ᐊᑕᑦ, “ᒥᔨᒡ ᐊᓂᔭ ᐃᔪᒡ ᒐᒋ ᒧᐛᒡ, ᐛᔅ ᐊᐅᑯᐤ ᐊ ‍ ᐃᔅᒋᔄᑦ ᑎᐸᔨᒋᒐᓱᐤ, ‘ᒋᑭ ‍ ᒥᒋᓱᐅᒡ ᑭᔭ ᐊᔅᒄ ᐱᔅᒐ ᒋᑭ ‍ ᐃᔅᑯᐱᔪᐤ᙮’ ”
\v 44 ᐊᑯ ᐊᐱᒋᐊᑭᓐ ᒂ ‍ ᒥᔭᑦ ᐃᔪᐛ ᐸᒂᓯᑭᓇ ᑭᔭ ᓂᑕᐅᒋᑕᑭᓇ ᑭᔭ ᒧᔭᒻ ᑎᐸᔨᒋᒐᓱᐤ ᑲ ‍ ᐃᔅᒋᔄᑦ, ᒥᓯᐛ ᒋ ‍ ᒥᒋᓱᐅᒡ ᑭᔭ ᐊᔅᒄ ᐱᔅᒐ ᒋ ‍ ᐃᔅᑯᐱᔪᐤ, ᒧᔭᒻ ᑲ ᐃᓯ ‍ ᐊᓱᑎᒪᒐᑦ ᑎᐸᔨᒋᒐᓱᐤ᙮
\c 5
\s2 2 Kings 5.1-14 (Epiphany-6 Year B)
\s2 2 Kings 5.1-3, 7-15 (Proper-23 Year C)
\p
\v 1 ᓇᐃᒪᓐ ᒪᒃ, ᑲ ‍ ᑎᐸᔨᒪᑦ ᓯᕆᔭ ᒋᓴᐅᒋᒪᐛ ᐅᓂᑐᐱᔪᐅ-ᐃᔨᒥᔪᐛ᙮ ᒋᒋᐛ ᒋ ‍ ᐃᑕᔨᒥᑯᐤ ᐅᒋᒪᒪ, ᒋᔅᑕᔨᒥᑯᐤ ᒪᒃ, ᐛᔅ ᐎᔾ ᐅᒋ ᐅᑎᐸᔨᒋᒐᐤ ᒋ ‍ ᒥᔭᐤ ᐊᓂᔭ ᓯᕆᔭ ᒐᒋ ᓴᑯᒋᐃᐛᔨᒋ: ᐊᓯᒡ ᑭᔭ ᒋ ‍ ᓱᐧᑲᑎᓯᐤ ᐊ ‍ ᓂᑐᐱᔪᐅ-ᐃᔪᑦ: ᒪᒃ ᒋ ‍ ᐅᒥᒋᐛᔅᐱᓇᐤ᙮
\p
\v 2 ᓯᕆᔭ ᐃᔪᒡ ᒪᒃ ᒋᔅᑐᑕᐸᓐᒡ ᐊ ‍ ᑕᑎᐸᓄᑕᒡ, ᒋ ‍ ᒪᑯᓇᐅᒡ ᒪᒃ ᐅᔅᒋᓂᒋᔎᓴ ᐃᔅᕋᐃᓪ ᐊᔅᒋᒡ ᐅᒋ ᐊ ‍ ᑯᐸᓇᔎᐊᒡ; ᐎᔾ ᒪᒃ ᒋ ‍ ᐃᑐᑐᐅᒪᐤ ᓇᐃᒪᓇ ᐎᐎᔨᐛ᙮
\v 3 ᒋ ‍ ᐃᑕᐤ ᒪᒃ ᐅᒋᒪᔎᒪ, “ᓂᑕᒪ ᒋ ‍ ᐃᑕᔨᑎᒧᑯᐱᓇ ᓂᐅᒋᒪᒻ ᒐᒋ ᓂᑐᐛᐱᒪᑦ ᐅᒋᔅᒋᐛᐃᒐᓱᐛ ᓴᒪᕆᔭᐃᒡ ᑲ ‍ ᑕᔨᒋ ! ᐛᔅ ᒋᐸ ‍ ᒥᓏᒋᐃᑯᐤ ᐅᒥᒋᐛᔅᐱᓇᐅᓐ ᐅᒡ᙮”
\p
\v 4 ᓇᐃᒪᓐ ᒪᒃ ᒋ ‍ ᐱᒐᐤ, ᒋ ‍ ᐎᑎᒧᐛᐤ ᒪᒃ ᐅᒋᒪᒪ ᑕᓐ ᑲ ‍ ᐃᑎᑯᑦ ᓇᐃᒥᓐ ᐎᐛ ᐊᓂᔭ ᐅᔅᒋᓂᒋᔎᓴ ᐃᔅᕋᐃᓪ ᐊᔅᒋᒡ ᑲ ‍ ᐅᒋᔨᒋ᙮
\v 5 ᓯᕆᔭ ᒋᓴᐅᒋᒪᐤ ᒪᒃ ᒋ ‍ ᐃᔅᒋᔄᐤ, “ᒪᒋ, ᔅᑐᑕ ᐃᔅ, ᓂᑭ ‍ ᒥᓯᓇᐊᒧᐛᐤ ᐃᔅᕋᐃᓪ ᒋᓴᐅᒋᒪᐤ᙮” ᒋ ‍ ᔅᑐᑕᐤ ᒪᒃ, ᐊ ‍ ᔅᑐᑕᑦ ᐸᐃᑯᔪᐛᔭᐱᔅᒡ ‍ (10) ᐛᐱᓯᐅᓱᓇᔭᔪᐤ, ᑭᔭ ᐊᓱᑕᒡ ᑕᑥᐤ ᒐᓯᐱᔪᐤ ‍ (6,000) ᐎᔄᐅᓱᓇᔭᐱᔎ, ᑭᔭ ᐸᐃᑯᔪᐤ ‍ (10) ᑕᑥᐤ ᐊᑕᔅᐱᓱᓇᓄᐎᔨᒡ ᐊᐱᒋᑕᐅᓇ᙮
\v 6 ᒋ ‍ ᐸᑐᐛᐤ ᒪᒃ ᒥᓯᓇᐊᒪᑐᐅᓂᔪᐤ ᐃᔅᕋᐃᓪ ᒋᓴᐅᒋᒪᐛ, ᐊᑎᔅᑕᔨᒡ, “ᐃᔅᐱ ᐅᒪ ᒥᓯᓇᐊᒪᑐᐅᓐ ᐅᑎᑎᑯᔨᓇ, ᒋᑦ ᐃᑎᓴᐊᒪᑎᓐ ᓇᐃᒪᓐ ᓂᑦ ᐊᑐᔅᒐᔭᑭᓐ, ᒐᒋ ᒥᓏᒋᐃᑦ ᐊ ‍ ᐅᒥᒋᐛᔅᐱᓇᑦ᙮”
\s2 2 Kings 5.1-3, 7-15 (Proper-23 Year C)
\p
\v 7 ᐃᔅᐱ ᐃᔅᕋᐃᓪ ᒋᓴᐅᒋᒪᐤ ᑲᒋ ‍ ᐃᔨᒥᑕᑦ ᒥᓯᓇᐊᒪᑐᐅᓂᔪᐤ, ᒋ ‍ ᑕᑐᐱᑎᒻ ᐅᑦ ᐊᐱᒋᑕᐅᓇ, ᐊ ‍ ᐃᔅᒋᔄᑦ, “ᓂᔾ ᐊ ᓂ ‍ ᒋᓴᒪᓂᑐᐅᓐ, ᒐᒋ ᓂᐸᐃᐛᔭᓐ, ᑭᔭ ᒥᓐ ᑲᐤ ᒐᒋ ᐱᒪᒋᐃᐛᔭᓐ, ᐅ ᐃᔪᐤ ᐊᒋ ‍ ᐸᒋᑎᓴᐊᒧᐅᑦ ᒐᒋ ᒥᓏᒋᐃᒃ ᐊᐛᓐ ᑲ ‍ ᐅᒥᒋᐛᔅᐱᓇᑦ ? ᐊᐅᒄ ᐅᒋ ᒪᒥᑐᓇᔨᑎᒧᒄ ᒋ ‍ ᐱᑯᓴᔨᒥᑎᓇᐛᐤ, ᑭᔭ ᐛᐸᑎᒧᒄ ᐊᔅᐱᔅ ᓂᑐᐛᔨᑕᐧᒃ ᒐᒋ ᒥᒋᐱᔪᐅᒡ᙮”
\v 8 ᐃᔅᐱ ᐃᓚᐃᓴ ᒋᓴᒪᓂᑐᐤ ᐅᑦ ᐃᔨᒪ ᑲ ‍ ᐸᑕᐧᒃ ᐃᔅᕋᐃᓪ ᒋᓴᐅᒋᒪᐛ ᐊᒋ ‍ ᑕᑐᐱᑎᒥᔨᒋ ᐅᑦ ᐊᐱᒋᑕᐅᓂᔪᐛ, ᒋ ‍ ᐃᑎᓴᐊᒧᐛᐤ ᐃᔨᒧᐅᓂᔪᐤ ᒋᓴᐅᒋᒪᐛ, ᐊ ‍ ᐃᔅᒋᔄᑦ, “ᑕᓇᒡ ᐛᒋ ‍ ᒋ ‍ ᑕᑐᐱᑕᒥᓐ ᒋᑦ ᐊᐱᒋᑕᐅᓇ ? ᐊᑯᔅ ᐊᑯ ᓂᑭ ᐸᒋ ‍ ᓇᑎᒄ ᐊᓐ ᐃᔪᐤ, ᐊᑯ ᒐᔅᒐᔨᑕᐧᒃ ᐊ ‍ ᑕᔨᒋ ᐅᒋᔅᒋᐛᐃᒐᓱᐛ ᐃᔅᕋᐃᓕᒡ᙮”
\p
\v 9 ᓇᐃᒪᓐ ᒪᒃ ᒋ ᐸᒋ ‍ ᐃᑐᑕᐤ ᐊᓯᒡ ᐅᑲᐸᐃᑭᔎᒪ ᑭᔭ ᐅᑎᑎᐱᑕᐸᓇᔎ; ᒋ ‍ ᓂᐳᐅ ᒪᒃ ᒋᐱᔎᒡ ᐃᓚᐃᓴᔨᒋ ᐎᒋᔨᒡ᙮
\v 10 ᐃᓚᐃᓴ ᒪᒃ ᒋ ‍ ᐃᑎᓴᐊᒧᐛᐤ ᐊᐱᒋᐊᑭᓇ, ᐊ ‍ ᐃᔅᒋᔄᑦ, “ᓇᓂᑐᒋᔅᑕᐸᐛᐎᓱᐤ ᒠᕐᑕᓐ ᓯᐱᒡ ᓂᔄᐅᑕᒡ ᑕᑥᐤ, ᐊᑯ ᒪᒃ ᒋᐎᔭᔅ ᒥᓐ ᒐ ‍ ᐅᑎᑎᑯᔨᓐ, ᒥᓐ ᒪᒃ ᒋᑭ ‍ ᐸᔭᒋᓯᓐ᙮”
\p
\v 11 ᒪᒃ, ᓇᐃᒪᓐ ᒋ ‍ ᒋᔄᓱᐤ, ᒋ ‍ ᔅᑐᑕᐤ ᒪᒃ, ᐊ ‍ ᐃᔅᒋᔄᑦ, “ᐅᒪ ᓂᒋ ‍ ᐃᑕᔨᑕᓐ, ᒐᔅᑎᓇᔅ ᓂᑭ ᐸᒋ ‍ ᓇᑎᒄ, ᑭᔭ ᐊ ‍ ᓂᐳᐅᑦ, ᒋᑭ ‍ ᑕᑈᑎᒺᐤ ᐅᑦ ᐃᓯᓂᐧᑲᓱᐅᓂᔪᐤ ᐅᑎᐸᔨᒋᒐᐛ ᐅᒋᓴᒪᓂᑐᒪ, ᑭᔭ ᐊ ‍ ᓴᒥᓂᑦ ᐊᓐᑕ ᐊ ‍ ᐅᒥᒋᐛᔅᐱᓇᔭᓐ, ᓂᑭ ‍ ᒥᓏᒋᐃᒄ᙮
\v 12 ᓇᒪ ᓇ ᐊᐸᓇ ᑭᔭ ᐸᕐᐸᕐ ᓯᐱᔭ ᑕᒪᔅᑲᓯᒡ ᐅᔅᑕ ᒥᔽᓱᐛ ᐃᔅᐱᔅ ᒥᓯᐛ ᓯᐱᔭ ᐃᔅᕋᐃᓕᒡ ? ᓇᒪ ᓇ ᐊᓐᑕ ᓂᑭ ᒋ ‍ ᒋᔅᑕᐸᐎᓱᓐ ᒐᒋ ᐸᔭᒋᓯᔭᓐ ?” ᐊ ‍ ᒂᔅᒋᑲᐳᐅᑦ ᒪᒃ, ᒋ ‍ ᔅᑐᑕᐤ, ᐊ ‍ ᒋᔄᓯᑦ᙮
\p
\v 13 ᒋ ᐸᒋ ‍ ᓇᑎᑯᐤ ᒪᒃ ᐅᑦ ᐊᑐᔅᒐᔭᑭᓇ, ᒋ ‍ ᐃᔨᒥᐃᑯᐤ ᒪᒃ, ᐊ ‍ ᐃᑎᑯᑦ, “ᓄᑕ, ᒧᔭᒻ ᐅᒋᔅᒋᐛᐃᒐᓱᐤ ᑲᓯᒋᒥᔎ ᒐᒋ ᐃᑐᑎᒥᓐ ᒋᒋ ‍ ᒐᒂᓐ, ᓇᒪ ᓇ ᒋᑭ ᒋ ‍ ᑐᑕᑎ ? ᐊᑐᐎᔅ ᒪᒃ ᐊ ‍ ᐃᑎᔅᒃ, ‘ᒋᔅᑕᐸᐎᓱᐤ, ᒋᑭ ‍ ᐸᔭᒋᓯᓐ ᒪᒃ’ ?”
\v 14 ᒋ ‍ ᓇᓯᐸᐤ ᒪᒃ, ᓂᔄᐅᑕᒡ ᑕᑥᐤ ᒪᒃ ᒋ ‍ ᒋᑕᓂᑎᓱᐤ ᒠᕐᑕᓐ ᓯᐱᒡ, ᒧᔭᒻ ᑲ ‍ ᐃᔅᒋᔄᔨᒋ ᒋᓴᒪᓂᑐᐤ ᐅᑦ ᐃᔨᒪ; ᐅᐎᔭᔅ ᒪᒃ ᒋ ᐸᒋ ‍ ᐃᓯᓇᒂᓂᔪᐤ ᒧᔭᒻ ᐅᔅᒋᐛᔅ ᐅᐎᔭᔅ, ᐊᑯ ᒪᒃ ᐸᔭᒋᓯᑦ᙮
\p
\v 15 ᒋ ‍ ᒋᐛᐤ ᒋ ‍ ᓂᑐᐛᐱᒥᒪᐤ ᒪᒃ ᒋᓴᒪᓂᑐᐛ ᐅᑦ ᐃᔨᒥᔪᐛ, ᐎᔾ ᑭᔭ ᒥᓯᐛ ᐎᒐᐛᑭᓇ, ᒋ ᐸᒋ ‍ ᐅᑎᔅᑯᐎᑲᐳᐅᔅᑕᐛᐤ ᒪᒃ: ᑭᔭ ᒋ ‍ ᐃᔅᒋᔄᐤ, “ᐊᓄᒡ ᓂ ‍ ᒋᔅᒐᔨᑕᓐ ᐊᑲ ᑕᑦ ᒋᓴᒪᓂᑐᐤ ᒥᓯᐛ ᐊᔅᐱᑎᔅᑭᒥᑲᔨᒡ, ᒥᒄ ᐃᔅᕋᐃᓕᒡ; ᐊᓄᒡ ᒪᒃ ᐅᑎᓂᒻ ᐅᒥᔨᐛᐅᓐ ᒋᑦ ᐊᑐᔅᒐᔭᑭᓐ᙮”
\p
\v 16 ᒥᒄ ᐃᓚᐃᓴ ᐃᑕᐤ, “ᒐᒋᓇᒡ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᐊᓐ ᐊᑐᔅᑯᐅᒄ, ᓇᒪ ᓂᑭ ᐅᑎᓇᓐ ᒥᔨᐛᐅᓇ᙮” ᓇᐃᒪᓐ ᐊᔅᒄ ᐃᔭᐱᒡ ᒋᓯᒋᒪᐤ ᒐᒋ ᐅᑎᓂᒥᔨᒋ ᒥᔨᐛᐅᓇ, ᒥᒄ ᐃᓚᐃᓴ ᓇᒪ ᐅᒋ ᓇᐊᔨᑎᒻ᙮
\p
\v 17 ᐊᑯ ᓇᐃᒪᓐ ᐊᔅᒋᔄᑦ, “ᐊᑯ, ᒥᒄ ᐸᐃᒄ ᒐᒂᓐ ᓂᑐᐛᔨᑕᓐ᙮ ᐸᔭᐧᑭᓐ ᐅ ᔭᑯᐤ  ᐊᑎᒂᒡ ᐅᑕ ᐃᔅᕋᐃᓕᒡ, ᐊᑯ ᒋ ‍ ᐱᑯᓴᔨᒥᑎᓇᐛᐤ ᒐᒋ ᓇᐊᔨᒥᔭᒄ ᒐᒋ ᐅᑎᓂᒪᓐ ᐱᔅᒐ ᔭᑯᐤ ᐅᑕ ᐃᑕᐅᓂᒡ ᐅᒋ ᑭᔭ ᒥᐅᑎᒡ ᒐᐱᑕᐊᒪᒄ ᐊᓐᑕ ᐊᐎᐅᓯᑦ ᑲ ‍ ᓂᐧᑲᑎᓯᑦ ᑲᐸᐃᑭᔎᐤ᙮ ᐊᑯ ᒐ ‍ ᒋᐛᑕᔭᓐ ᓂᒋᒡ ᑭᔭ ᒐ ‍ ᐅᓯᑕᔭᓐ ᐱᔅᑎᓂᒐᐅᓇᐱᒄ ᑕᐧᑯᒡ ᐅᑕ ᔭᑲᒡ᙮ ᓇᓂᑎᒻ ᐊᓄᒡ ᐅᒋ,  ᓂᑭ ‍ ᒧᑎᔅᑕᐊᒧᐛᐤ ᑎᐸᔨᒋᒐᓱᐤ ᐊᓐᑕ ᐱᔅᑎᓂᒐᐅᓇᐱᔅᑯᒡ᙮ ᓇᒪ ᑯᑎᒃ  ᒥᓂᑐᐤ ᓂᑭ ᒥᑐᔅᑕᐊᒧᐛᐤ᙮
\v 18 ᐃᔅᐱ ᓂᐅᒋᒪᒻ ᒋᓴᐅᒋᒪᐤ ᐱᒐᒐ ᐊᓐᑕ ᒥᓂᑐᐧᑲᓇ ᕆᒧᓇ ᐊᔭᒥᐊᐅᒋᐛᐱᒡ ᒐᒋ ᐊᔭᒥᐊᔅᑐᐛᑦ ᐊᓐᑕ, ᑭᔭ ᓂᔅᐱᑐᓂᒡ ᐃᓯ ‍ ᐊᔅᐱᒋᒧᒐ, ᓂᑦ ‍ ᐊᔅᐸᔨᒧᓐ ᒐ ‍ ᐛᐸᔨᑎᒧᐅᑦ ᐛᔅ ᓂᑭ ᐎ ‍ ‍ ᓄᐛᑲᐳᐅᓐ ᑭᔭ ᓂᔾ,”
\p
\v 19 ᐃᓚᐃᓴ ᒂ ‍ ᐃᑕᑦ, ‘ᒪᒋ ᒋᐛᒪ, ᑭᔭ ᒐ ᐊᑲ ᐃᔭᐃᒪᔨᑎᒥᑯᔨᓐ ᐊᓐ᙮” ᐊᑯ ᓇᐃᒪᓐ ᑭᔭ ᐅᑦ ᐊᐱᒋᐊᑭᓇ ᒂ ᐎ ‍ᒋᑐᑕᒡ ᐊ ᒋᐛᒡ᙮
\s1 ᐃᓚᐃᓴ ᒋ ᐊᓏᔨᒪᐤ ᑲᐊᓯᔨᒋ ᐊᔅᐳᓂᓯᔨᒋ
\p
\v 20 ᒥᒄ ᒪᒃ ᐃᓚᐃᓴ ᐅᑦ ᐊᐱᒋᐊᑭᓇ ᒋ ‍ ᐃᑎᑎᓱᔪᐛ, “ᓇᒪ ᐃᓯᓇᑯᓐ ᓂᐅᒋᒪᒻ ᒐᒋ ᓇᐊᔨᒪᑦ ᐅᔭ ᓯᕆᐊᓐ ᓇᐸᐛ ᒐᒋ ᐅᔭ ᐃᓯ ‍ ᒋᑐᑕᔨᒋ᙮ ᒋᐸ ‍ ᐅᑎᓂᒧᐱᓐ ᐅᒥᔨᐛᐅᓐ᙮ ᐊᑯ ᒐᒋᓇᒡ ᐊ ‍ ᐱᒪᑎᓯᑦ ᑎᐸᔨᒋᒐᓱᐤ, ᓂᑭ ‍ ᒋᑐᑕᓐ ᑭᔭ ᓂᑭ ᐎ ‍ ᐊᑎᒪᐤ ᓇᐃᒪᓐ ᑭᔭ ᒐ ‍ ᐅᑎᓂᒧᒡ ᒐᒂᔪ ᐎᔾ ᐅᒋ᙮”
\p
\v 21 ᐊᑯ ᑲᐊᓯ ᒂ ᒋᓯᐱᔨᑦ ᒐᒋ ᐊᑎᒪᑦ ᓇᐃᒪᓇ᙮ ᐃᔅᐱ ᓇᐃᒪᓐ ᐎᔾᐱᒪᑦ ᑲᐊᓯᔨᒋ ᐱᔭᒋᒋᓂᑯᑦ, ᒂ ‍ ᓂᑲᐊᐧᒃ ᑎᑎᐳᑕᐸᓇᔅᑯᔪ ᐊᓐᑕ ᑲ ‍ ᐳᓯᑦ, ᑭᔭ ᒂ ‍ ᐊᒥᒂᔅᑯᑎᑦ, ᑭᔭ ᓇᑐᐛᐱᒪᑦ ᑲᐊᓯᔨᒋ ᒐᒂᔪᐤ ᓇᑐᐛᔨᑎᒥᔨᒋ᙮ ᒂ ‍ ᑭᒂᒋᒪᑦ, ‘‘ᒥᔪᐱᔪᐤ ᐊ ᒥᓯᐛ ᒐᒂᓐ?”
\p
\v 22 ᑲᐊᓯ ᒋ ‍ ᐃᑕᐤ, “ᓂᐃ, ᒥᒄ ᓂᓱ ᐊ ‍ ᐅᔅᑎᓂᒍᐅᒡ ᐅᒋᔅᒋᐛᔨᒐᓱᐅᒡ ᐊᐛᐧᑭᑕᐅᑲᔨᒡ ᐃᑕᒋ ᐅᒋ ᐊᓐᑕ ᐛᒋᔨᒋ ᐃᑉᕋᐃᒻ ᐅᑦ ᐊᓂᔅᑯᑕᐸᓇ ᐛᒋᔨᒋ ᒋ ‍ ᑎᑯᓯᓄᐅᒡ᙮ ᓂᒋ ‍ ᐃᑎᓴᐅᒄ ᐃᓚᐃᓴ ᒐᒋ ᐎᑎᒪᑕᓐ ᓇᑐᐛᔨᑕᐧᒃ ᓂᔄᐅᑕᒡ ᑕᑐᔪᐤ ᐊᓱ ᐱᑕᑕᒡ ‍ (75) ᑕᑎᐸᐸᑲᔨᑭᓇ ᐛᐱᓯᐅ ᓱᓇᔭᔪᐤ ᑭᔭ ᓂᔄᐤ ᐊ ‍ ᐃᑕᔅᐱᓱᓇᓄᐎᒡ ᐊᐱᒋᑕᐅᓇ ᒐᒋ ᒥᔭᑭᓄᐅᒡ᙮”
\p
\v 23 ᓇᐃᒪ ᒂ ‍ ᐃᑕᑦ, “ᐊᑯᓐ ᒧᔭᒻ, ᐸᐃᑯ ‍ ᒥᑕᓯᒥᑎᓄᐤ ᐊᓱ ᐱᑕᑕᒡ ‍ (150) ᑕᑐᔪᐤ ᑕᑎᐸᐸᑲᔨᑭᓇ ᐛᐱᓯᐅ ᓱᓇᔭᔪᐤ ᒐ ‍ ᐅᑎᓂᒥᓐ!” ᒋ ‍ ᓯᒋᒪᐤ ᑲᐊᓯᔨᒋ ᒐᒋ ᐅᑎᓂᒥᔨᒋ᙮ ᐃᔭᐱᒡ  ᓂᔄᐤ ᐊ ‍ ᐃᑕᔅᐱᓱᓇᓄᐎᒡ ᐊᐱᒋᑕᐅᓇ ᒋ ‍ ᒥᔭᐤ᙮ ᓂᓱ ‍ (2) ᒥᐅᑎᒡ ᒋ ‍ ᐱᑕᐊᒻ ᒋ ‍ ᒪᑯᐱᑎᒻ ᐛᐱᓯᐅ ᓱᓇᔭᔪᐤ ᑭᔭ ᒂ ‍ ᒥᔭᑦ ᐅᑦ ᐊᐱᒋᐊᑭᓂᔨᐛ ᒐᒋ ᐃᑐᐅᑐᐛᔨᒋ ᐃᓚᐃᓴᔨᒋ᙮
\v 24 ᒥᒄ ᐃᔅᐱ ᑕᑯᓯᒡ ᐊᓐᑕ ᐊᐛᐧᑭᑕᐅᑲᔨᒡ ᐊᓐᑕ ᑲ ‍ ᐎᒋᔨᒋ ᐃᓚᐃᓴᔨᒋ᙮ ᑲᐊᓯ ᒋ ‍ ᐅᑎᓂᒻ ᐛᐱᓯᐅ ᓱᓇᔭᔪᐤ ᐊᐱᒋᑕᐅᓇ ᓇᐃᒪᓇ ᐅᑦ ᐊᐱᒋᐊᑭᓂᔨᐛ ᐅᒋ᙮ ᐊᑯ ᐎᒋᒡ ᒂ ‍ ᐃᑐᑕᑦ ᐊᓂᔭ ᒐᒂᔪᐛ ᑭᔭ ᑭᔭᑕᑦ᙮
\v 25 ᐃᔅᐱ ᑲ ‍ ᓂᑐᐛᐱᒪ ᐃᓚᐃᓴᔨᒋ, ᐃᓚᐃᓴ ᒋ ‍ ᑭᒂᒋᒪᐤ, “ᑕᓐᑕ ᑲ ‍ ᐃᑐᑕᔨᓐ, ᑲᐊᓯ?”  “ᓇᒪ ᓂ ‍ ᐅᒋ ᐊᔨᒧᑕᓐ” ᒋ ᐃᑕᐤ ᑲᐊᓯ᙮
\v 26 ᐃᓚᐃᓴ ᒂ ‍ ᑭᒂᒋᒪᑦ, ᓇᒪ ᐊ ᒋ ‍ ᒋᔅᒐᔨᑕᓐ ᐊᒋ ‍ ᐃᑕᑦ ᓂᑦ ᐊᒐᐧᒄ ᐃᔅᐱ ᑲᑭᐸᑦ ᓇᐃᒪᓐ ᐅᑎᑎᐱᑕᐸᓇᔅᑯᒡ ᒐᒋ ᐃᔨᒥᔨᔅᒃ? ᓇᒪ ᐃᓯᓇᑯᓐ ᐊᓄᒡ ᒐᒋ ᐅᑎᓂᒥᓐ ᓱᓇᔭᐤ ᒥᔨᐛᐅᓇ ᑭᔭ ᐊᐱᒋᑕᐅᓇ ᑭᔭ ᐊᓕᑉ ᒥᔅᑎᑯᒡ ᑭᔭ ᓱᒥᓇᑎᑯ ‍ ᓂᑕᐅᒋᒋᑭᓇ ᑭᔭ ᒪᔭᑕᓂᓯᒡ ᑭᔭ ᒥᒋᑎᐧᑯᒡ ᑭᔭ ᐊᐱᒋᐊᑭᓐᒡ!
\v 27 ᐛᔅ ᐅ ᑲ ‍ ᐃᓯ ‍ ᑐᑎᒥᓐ, ᒋᔾ ᑭᔭ ᒋᑦ ᐊᐛᓯᒥᒡ ᑭᔭ ᒥᓯᐛ ᒋᑦ ᐊᓂᔅᑯᑕᐸᓐᒡ, ᒋᑭ ‍ ᐃᔭᓇᐛᐤ ᐅᒥᒋᐅᐊᔅᐱᓇᐅᓇ ᒧᔭᒻ ᑲ ‍ᐃᓯ ‍ ᑭᓄᐛᔨᑕᐧᒃ ᓇᐃᒪᓐ! ᑭᔭ ᐃᔅᐱ ᑲ ‍ ᐎᐎᑦ ᑲᐊᓯ ᑲᐱᔅᒋᒐᔭᔨᒡ ᐅᒋ, ᒂ ‍ ᐅᒥᒋᐛᔅᐱᓇᑦ᙮ ᓇᔅᒡ ᒋ ‍ ᐛᐸᔪᐤ ᐅᓯᑭ ᒧᔭᒻ ᑯᓇ ᐊ ᐃᓯᓇᑯᓯᔨᒋ!
\c 6
\s1 ᐊᑭᑕᔅᒄ ᑲ ᐊᑯᑎᒡ
\p
\v 1 ᐸᐃᒂᐤ ᒐᓯᑲᔨᒡ ᐱᔅᒐ ᐅᒋᔅᒋᐛᔨᒐᓱᐅᒡ ᒋ ‍ ᐃᑕᐅᒡ ᐃᓚᐃᓴᔨᒋ, “ᐛᐸᑕ, ᐅ ᐃᑕᐅᓐ ᐊᓐᑕ ᓇᒋᔅᑲᑕᒡ ᒋᒋᐛ ᐱᓴᓱᐤ᙮
\v 2 ᓇᐊᔨᒥᓇᓐ ᒐᒋ ᐃᑐᑕᔭᒡ ᒍᕐᑎᓐ ᓯᐱᒡ ᑭᔭ ᑯᑲᐅᒋᒡ ᐱᔅᒐ ᒥᔅᑎᑯᒡ ᒐᒋ ᒋᒥᑕᔭᒡ ᐊᐅᔅᑲᒡ ᐊ ‍ ᓂᒋᔅᑲᑐᓇᓄᐅᒡ ᐃᑕᐅᓐ᙮” ᐊᑯ ᐃᓚᐃᓴ ᐊᑕᑦ, “ᐊᑯ, ᒪᒋᒄ”
\p
\v 3 ᐸᐃᒄ ᐊᓐᒡ ᒂ ‍ ᐃᑕᑦ ᐃᓚᐃᓴᔨᒋ, “ᐸᒋ ‍ ᐎᒐᐅᓇᓐ᙮” ᐊᑯ ᐃᓚᐃᓴ ᒂ ‍ ᐃᑕᑦ, “ᐊᑯ, ᒋᑭ ‍ ᐎᒐᐅᑎᓇᐛᐤ᙮”
\p
\v 4 ᐊᑯ ᒪᒧᐤ ᒂ ‍ ᒋᑐᑕᒡ᙮ ᐃᔅᐱ ᐛᑎᑕᒡ ᒍᕐᑎᓐ ᓯᐱᔪᐤ, ᒂ ‍ ᑯᑲᐛᒡ ᐱᔅᒐ ᒥᔅᑎᒂ᙮
\p
\v 5 ᒥᒄ ᒪᒂᒡ ᐊᓐᒡ ᐸᐃᒄ ᑲ ‍ ᑯᑲᐛᑦ ᒥᔅᑎᒂ, ᓯᔅᒋᑯᒡ ᒂ ‍ ᒥᓂᐱᔨᒡ ᐊᑭᔅᑕᑯᔪᐤ ᐊᑯᑕᔎᔅᑯᒡ ᐅᒋ ᑭᔭ ᒂ ‍ ᐱᑯᔅᑐᐛᐱᔨᒡ᙮ ᒂ ‍ ᑕᑈᑕᑦ ᐃᓚᐃᓴᔨᒋ, “ᐅᒋᒪᐤ, ᑕᓐ ᒐ ‍ ᐃᑎᔭᓐ? ᓇᒥᔭᐤ ᐊᓐ ᓂᔾ ᓂᑦ ᐊᑯᑕᔅᒄ; ᓂᒋ ‍ ᐊᐛᓱᐅᓐ ᐊᓐ!”
\p
\v 6 ᐃᓚᐃᓴ ᒂ ‍ ᐃᑕᑦ, “ᑕᓐᑕ ᑲ ‍ ᐱᑯᔅᑐᐛᐱᔨᒡ?” ᑲᒋ ‍ ᐛᐸᑎᔭᑦ ᐊᓐ ᓇᐸᐤ ᐊᓐᑕ ᑲ ‍ ᐱᔅᑯᑐᐛᐱᔨᒡ, ᐃᓚᐃᓴ ᒂ ‍ ᒋᒥᓴᐧᒃ ᒥᔅᑎᑯᔪᐤ, ᑭᔭ ᐸᑯᔅᑎᐛᐱᓇᐧᒃ, ᑭᔭ ᒂ ‍ ᑯᑎᓂᔨᒡ ᐊᑭᑕᔅᑯᔪᐤ ᐊᓐᑕ ᐅᔅᒡ ᓂᐱᒡ᙮
\v 7 ᐃᓚᐃᓴ ᒂ ‍ ᐃᑕᑦ, “ᒧᔅᒋᐸᒋᓇ,” ᐊᑯ ᐊᓐ ᓇᐸᐤ ᒂ ‍ ᓱᓂᔅᒐᔨᑦ ᑭᔭ ᐛᑎᓇᐧᒃ ᐊᑭᑕᔅᑯᔪᐤ᙮
\s1 ᐃᓚᐃᓴ ᒋ ‍ ᐎᔭᓯᒪᐤ ᓯᕆᐊ ᓂᑐᐱᔪᐅ-ᐃᔪᐛ
\p
\v 8 ᐃᔅᐱ ᓯᕆᐊ ᒋᓴᐅᒋᒪᐤ ᐊᔭᔅᑯᐛᒋ ᐅᓂᑐᐱᔪᐅ-ᐃᔨᒪ ᒐᒋ ᒪᓴᔨᒋ ᐃᔅᕋᐃᓪ ᐃᔪᐛ, ᒋ ‍ ᑭᒂᒋᒪᐤ ᐅᑦ ᐊᓯᒪᑭᓂᓯᒪ, ᑭᔭ ᒋ ‍ ᐎᑎᒧᐛᐤ ᑕᓐᑕ ᒐ ‍ ᒪᓂᑲᓱᔪᒋ᙮
\p
\v 9 ᒥᒄ ᐃᓚᐃᓴ ᒋ ‍ ᐃᑎᓴᐊᒧᐛᐤ ᐃᔨᒧᐅᓂᔪᐤ ᒐᒋ ᐃᔭᒂᒪᑦ ᐃᔅᕋᐃᓪ ᒋᓴᐅᒋᒪᐛ, ᑭᔭ ᐛᑎᒧᐛᑦ ᑕᓐᑕ ᑲ ‍ ᐎᔭᔨᑎᒥᔨᒋ ᒐ ‍ ᑯᓯᒂᔨᒧᑕᑯᔨᒋ ᓯᕆᐊ ᓂᑐᐱᔪᐅ-ᐃᔪᐛ, ᐊ ‍ ᐃᑕᑦ, “ᔭᐃᑕᔾ ᒐ ‍ ᐊᑲ ᒥᒋᒪ ᐃᑐᑕᒡ ᒋᓂᑐᐱᔪᐅ-ᐃᔨᒥᒡ ᓇᑕ ᐃᑕᐅᓂᒡ, ᐛᔅ ᒋ ‍ ᒪᓂᑲᓱᔪᐛ ᐊᓐᑕ ᓯᕆᐊ ᓂᑐᐱᔪᐅ-ᐃᔪᐛ᙮”
\v 10 ᐊᐅ ᐃᔅᕋᐃᓪ ᒋᓴᐅᒋᒪᐤ ᒋ ‍ ᐃᑎᓴᐛᐤ ᑲ ‍ ᐱᒧᑕᔨᒋ ᐃᔨᒧᐅᓂᔪᐤ ᒐᒋ ᐃᔭᒂᒪᔨᒋ ᐃᔪᐛ ᑲ ‍ ᐎᒋᔨᒋ ᐊᓐᑕ ᐃᑕᐅᓂᒡ ᑭᔭ ᒐ ‍ ᓂᓇᑭᑐᐛᔨᒥᓱᔨᒋ ᐃᔪᐛ᙮ ᒥᒐᑕᐛᐤ ᐅ ᒋ ‍ ᐃᔅᐱᔪᐤ᙮
\p
\v 11 ᒋᒋᐛ ᒋ ‍ ᒋᓱᐛᔨᑯᐤ ᓯᕆᐊ ᒋᓴᐅᒋᒪᐤ ᐊᓂᔭ ᐅᒋ᙮ ᐊᑯ ᒂ ‍ ᓂᑐᒪᑦ ᐅᑦ ᐊᓯᒪᑲᓂᓯᒪ ᑭᔭ ᒂ ‍ ᐃᑕᑦ, ᐸᐃᒄ ᐊᑎᓯᔭᒄ ᒋ ‍ ᐎᑎᒧᐛᓯᐱᓐ ᐃᔅᕋᐃᓪ ᒋᓴᐅᒋᒪᐛ ᑕᓐ ᑲ ‍ᐃᓯ ‍ ᐎᔭᑎᒪᐧᒄ ᒐ ‍ ᐃᑎᐛᐧᒄ᙮ ᐊᐛᓐ ᐊᓂᔭ ᑲ ‍ ᐃᑐᑕᐧᒃ?”
\p
\v 12 ᐸᐃᒄ ᐊᓂᔭ ᐅᑦ ᐊᓯᒪᑲᓂᓯᒪ ᒂ ‍ ᐃᑎᑯᑦ, “ᐅᒋᒪᐤ, ᓇᒥᔭᐤ ᐊᓐ ᐸᐃᒄ ᐊᑎᓯᔭᒡ᙮ ᐃᓚᐃᓴ ᐅᒋᔅᒋᐛᔨᒐᓱᐤ ᒋᔅᒐᔨᑎᒻ ᒐᒂᔪᐤ ᑲ ‍ ᐎᔭᔨᑎᒺᐧᒄ ᒐ ‍ ᐃᑐᐛᐧᒄ, ᑭᔭ ᒥᓯᐛ ᒐᒂᔪᐤ ᐎᑎᒧᐛᐤ ᐃᔅᕋᐃᓪ ᒋᓴᐅᒋᒪᐛ᙮ ᐃᔭᐱᒡ ᒋᔅᒐᔨᑎᒻ ᒐᒂᔪᐤ ᐊ ‍ ᐃᔅᒋᔄᐅᑦ ᐊᓐᑕ ᑎᐱᔨᐛ ᒋ ‍ ᑲᐱᔅᒋᒐᔭᒥᒡ!”
\p
\v 13 ᒂ ‍ ᐃᔅᒋᔄᑦ ᓯᕆᐊ ᒋᓴᐅᒋᒪᐤ, “ᒥᒋᒄ ᓇᓂᑐ ᒋᔅᒐᔨᑎᒺᐧᒄ  ᑕᓐᑕ ᐊ ᑕᑦ, ᑭᔭ ᓂᑭ ‍ ᐃᑎᓴᐛᐅᒡ ᐱᔅᒐ ᐊᓯᒪᑭᓂᓯᒡ ᒐᒋ ᒪᑯᓇᒡ᙮” ᒂ ‍ ᐎᑎᒪᑯᑦ ᐊᐛᔪᐛ, ᐃᔅᒋᔄᐅᒡ ᐃᔪᒡ ᐊᓐᑕ ᑐᑕᓐ ᐅᑕᓇᒡ ᒋ ‍ ‍ ᐛᑎᓄᒡ ᓱᒻᕈᓐ ᐅᑕᓇᒡ᙮”
\v 14 ᐊᑯ ᒋᓴᐅᒋᐊᒻ ᐊᑎᓴᐛᑦ ᒥᒐᑦ ᐊᐃᒪᑭᓂᓯᒪ ᐊᓐᑕ ᑐᑕᓐ ᐅᑕᓇᒡ ᐊᓯᒡ ᑲ ‍ ᐸᐃᑭᔎᐛ ᑭᔭ ᑎᑎᐱᑕᐸᓇᔎ᙮ ᑕᐱᔅᑲᔨᒡ ᐊᓐᑕ ᒋ ‍ ᑎᑯᓯᓄᐅᒡ  ᑭᔭ ᐎᔭᔅᑲᔅᑲᒡ ᐅᑕᓇᔪᐤ᙮
\p
\v 15 ᐎᐱᒡ ᒥᓐ ᒋᔭᒋᓴᐸᔭᔨᒡ, ᒋ ‍ ᐅᓂᔪᐤ ᐃᓚᐃᓴ ᐅᑯᐸᓇᒪ ᑭᔭ ᐛᔪᐎᔨᒋ᙮ ᒋ ‍ ᐛᐱᒪᐤ ᓯᕆᐊ ᐊᓯᒪᑭᓂᓴ ᐊᓯᒡ ᑲ ‍ ᐸᐃᑭᔎᐛ ᑭᔭ ᑎᑎᐱᑕᐸᓇᔎ ᐊᐛᔅᑲᔅᑭᒥᔨᒋ ᐅᑕᓇᔪᐤ᙮ ᐊᑯ ᒂ ‍ ᐱᒐᑦ ᒥᒋᐛᐱᔪᐤ ᑭᔭ ᐛᑎᒧᐛᑦ ᐃᓚᐃᓴᔨᒋ ᑭᔭ ᒂ ‍ ᐃᑕᑦ, “ᐅᒋᒪᐤ!, ᒐᒂᓐ ᒐ ‍ ᐃᑎᔭᐧᒄ?”
\p
\v 16 ᐃᓚᐃᓴ ᒂ ‍ ᐃᑕᑦ, “ᐊᑲ ᑯᔅᑕᒋ, ᐊᓐᒡ ᒐ ‍ ᐎᒋᔨᑕᐧᑯᒡ ᐊᑎᑐᐤ ᒋᑭ ‍ ᒥᒐᑐᐅᒡ ᐃᔅᐱᔅ ᐊᓂᔭ ᒐ ‍ ᐎᒋᔨᑯᒡ!”
\p
\v 17 ᐊᑯ ᒂ ‍ ᐊᔭᒥᐊᑦ, “ᑎᐸᔨᒋᒐᓱᐤ, ᒋ ‍ ᓂᑐᐛᔨᑎᒪᑎᓐ ᒐᒋ ᐊᓴᓂᒧᑦ ᓂᑦ ᐊᐱᒋᐊᑭᓐ ᐅᔅᒋᓯᒂ ᒐᒋ ᐅᒋ ᐛᐸᑕᐧᒃ ᒐᒂᔪᐤ ᐊᑎᑯᓂᔨᒡ ᐊᓐᑕ ᐎᐎᑎᒥᒡ!”ᐊᑯ ᑎᐸᔨᒋᒐᓱᐤ ᐊᑐᑐᐛᑦ ᐊᐱᒋᐊᑭᓇ ᒐᒋ ᐃᑕᐱᔨᒋ ᐎᐎᑎᒥᒡ ᑭᔭ ᐛᐸᑎᒥᔨᒋ ᐊᐛᔅᑲᔅᑲᑭᓄᐎᔨᒡ ᐊᐱᔅᑯᑕᐅᑲᔨᒡ ᐊᓐᑕ ᑲ ‍ ᒋᒥᑕᑭᓄᐎᔨᒡ ᐅᑕᓇᔪᐤ ᓇᔅᒡ ᐊᒥᒐᑎᔨᒋ ᑲᐸᐃᑭᔎᐛ, ᑭᔭ ᑎᑎᐱᑕᐸᓇᔎ ᐃᔅᑯᑕᒡ ᐊ ᐅᒋ ‍ ᐅᓯᐊᑭᓄᐎᒋ!
\p
\v 18 ᐃᔅᐱ ᓯᕆᐊ ᓂᑐᐱᔪᐅ-ᐃᔪᒡ ᐊᔭᔅᑯᐎᒡ ᒐᒋ ᑯᓯᒂᔨᒧᑐᐛᒡ ᐃᓚᐃᓴᔨᒋ, ᒥᓐ ᒋ ‍ ᐊᔭᒥᐊᐅᐤ, ᐊ ‍ ᐃᔅᒋᔄᑦ, “ᑎᐸᔨᒋᒐᓱᐤ, ᑐᑐᐅᒡ ᐊᓐ ᐊᓯᒪᑭᓂᓯᒡ ᒐ ‍ ᐊᑲ ᐛᐸᑕᒡ!” ᑎᐸᔨᒋᒐᓱᐤ ᒋ ‍ ᒥᔭᐤ ᑲ ᐃᓯ ‍ ᓂᑐᑎᒪᔨᒋ ᑭᔭ ᒂ ‍ ᑐᑐᐛᑦ ᒐ ‍ ᐊᑲ ᒥᔪ ‍ ᐛᐸᑎᒥᔨᒋ᙮
\p
\v 19 ᐊᑯ ᐃᓚᐃᓴ ᓇᑐᐛᐱᒪᑦ ᑭᔭ ᐊᑕᑦ, “ᓇᒥᔭᐤ ᐊᓐ ᒪᔽᒡ ᒪᔅᑭᓄᐤ ᐊᑕᔭᒄ; ᓇᒥᔭᐤ ᐅ ᐅᑕᓇᐤ ᓂᔭᓂᑐᐛᐸᑎᒪᒄ᙮ ᒋᑭ ‍ ᐃᑐᑕᔨᑎᓇᐛᐤ ᐊᓐ ᓇᐸᐤ ᓂᔭᓂᑐᐛᐱᒪᒄ᙮” ᒥᒄ ᓱᒻᕈᓐ ᐅᑕᓇᒡ ᒋ ᐃᓯ ‍ ᒋᔅᒋᓄᑕᐅᐤ, ᐃᔅᕋᐃᓪ ᒥᔅᑎ ‍ ᐅᑕᓇᔪᐤ!
\p
\v 20 ᐎᐱᒡ ᑲ ‍ ᐱᒐᒡ ᓱᒻᕈᓐ ᐅᑕᓇᔪᐤ᙮ ᐃᓚᐃᓴ ᒥᓐ ᒋ ‍ ᐊᔭᒥᐊᐤ, ᐊ ‍ ᐃᔅᒋᔄᑦ, ᑎᐸᔨᒋᒐᓱᐤ, ᑐᑐᐅᒡ ᐅᒡ ᐊᓯᒪᑭᓂᓯᒡ ᒐᒋ ᒥᓐ ᒥᔪ ‍ ᐛᐸᑕᒡ!” ᐊᑯ ᑎᐸᔨᒋᒐᓱᐤ ᒂ ‍ ᑐᑐᐛᑦ ᒐᒋ ᒥᔪ ‍ ᐛᐸᑎᒥᔨᒋ, ᑭᔭ ᒋ ‍ ᒥᔅᑲᑕᔨᑎᒧᒡ ᐊᐛᐸᑕᒡ ᐱᑎᑭᒥᒡ ᓱᒻᕈᓐ ᐅᑕᓇᒡ ᐊ ‍ ᐃᑕᒡ᙮
\p
\v 21 ᐃᔅᐱ ᐃᔅᕋᐃᓪ ᒋᓴᐅᒋᒪᐤ ᐎᔭᐱᒪᑦ, ᒋ ‍ ᐃᑕᐤ ᐃᓚᐃᓴᔨᒋ, “ᐅᒋᒪᐤ, ᓂᑭ ‍ ᐃᑕᐅᒡ ᐊ ᓂᑦ ᐊᓯᒪᑭᓂᓯᒥᒡ ᒐᒋ ᓂᐸᐊᒡ? ᒥᓯᐛ ᐊ ᓂᑭ ‍ ᓂᐸᐊᓇᓐᒡ?”
\p
\v 22 ᐃᓚᐃᓴ ᒂ ‍ ᐃᑕᑦ, “ᓇᒪ, ᓇᒪ ᒋᑭ ᐎ ‍ ᓂᐸᐛᐅᒡ᙮ ᐃᔅᐱ ᒋᓂᑐᐱᔪᐅ-ᐃᔨᒥᒡ ᒪᑯᓇᒡ ᒥᒐᑦ ᑲ ‍ ᐱᒂᑎᔨᑕᑯᐤ ᐊᓐᑕ ᐊᓂᑐᐱᔨᓇᓄᐎᒡ, ᐊᑐᒡ ᒋ ᐎ ‍ ᓂᐸᐛᐅᒡ᙮  ᒥᔭᐧᑯᒡ ᐅᒡ ᒐ ‍ ᒥᒋᒡ ᒐᒂᔪᐤ ᑭᔭ ᒥᓂᒡ, ᑭᔭ ᒐ ‍ ᓇᐊᔨᒪᑯᒡ ᑲᐤ ᒐᒋ ᓂᒋᑐᐛᒪᒡ ᐅᒋᓴᐅᒋᒪᒧᐛᐛ᙮”
\v 23 ᐊᑯ ᐊᐅᑯᔪᐤ ᑲ ‍ ᐃᑎᑦ ᐃᔅᕋᐃᓪ ᒋᓴᐅᒋᒪᐤ᙮ ᒋ ‍ ᐃᑕᐤ ᐅᑦ ᐊᐱᒋᐊᑭᓇ ᒐᒋ ᐊᔭᔅᑯᔅᑐᐛᔨᒋ ᐊᒥᓴᔨᒡ ᐊ ‍ ᒥᒋᓱᓇᓄᐎᒡ᙮ ᑭᔭ ᐃᔅᐱ ᑲ ᒥᔅᑎ ‍ ᒥᒋᓱᔨᒋ ᑭᔭ ᒥᓂᔨᒋ, ᒂ ‍ ᒋᑎᓴᐛᒡ᙮ ᑲᐤ ᓯᕆᐊ ᒋᓴᐅᒋᒪᐛ ᒋ ‍ ᓂᑐᐛᐱᒪᐅᒡ ᑭᔭ ᐛᑎᒧᐛᒡ ᒐᒂᔪᐤ ᑲ ‍ ᐃᔅᐱᔨᒡ᙮ ᐊᑯ ᓇᓇᒐ ᐊᓐᑕ, ᓯᕆᐊ ᐊᓯᒪᑭᓂᓯᒡ ᒐ ‍ ᐳᓂᔪᐅᒡ ᐊᑯᓯᒂᔨᒧᑕᒡ ᐅᑕᓇᐛ ᐊᓐᑕ ᐃᔅᕋᐃᓕᒡ᙮
\s1 ᓯᕆᐊ ᐊᓯᒪᑭᓂᔅᒡ ᒋ ‍ ᐛᔅᑲᑲᐳᔅᑎᒧᒡ ᓱᒻᕈᓐ ᐅᑕᓇᔪᐤ
\p
\v 24 
\v 25 
\v 26 
\v 27 
\v 28 
\v 29 
\v 30 
\v 31 
\v 32 
\v 33 
\c 7
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\c 8
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\v 22
\v 23
\v 24
\v 25
\v 26
\v 27
\v 28
\v 29
\c 9
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\v 22
\v 23
\v 24
\v 25
\v 26
\v 27
\v 28
\v 29
\v 30
\v 31
\v 32
\v 33
\v 34
\v 35
\v 36
\v 37
\c 10
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\v 22
\v 23
\v 24
\v 25
\v 26
\v 27
\v 28
\v 29
\v 30
\v 31
\v 32
\v 33
\v 34
\v 35
\v 36
\c 11
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\c 12
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\c 13
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\v 22
\v 23
\v 24
\v 25
\c 14
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\v 22
\v 23
\v 24
\v 25
\v 26
\v 27
\v 28
\v 29
\c 15
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\v 22
\v 23
\v 24
\v 25
\v 26
\v 27
\v 28
\v 29
\v 30
\v 31
\v 32
\v 33
\v 34
\v 35
\v 36
\v 37
\v 38
\c 16
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\c 17
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\v 22
\v 23
\v 24
\v 25
\v 26
\v 27
\v 28
\v 29
\v 30
\v 31
\v 32
\v 33
\v 34
\v 35
\v 36
\v 37
\v 38
\v 39
\v 40
\v 41
\c 18
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\v 22
\v 23
\v 24
\v 25
\v 26
\v 27
\v 28
\v 29
\v 30
\v 31
\v 32
\v 33
\v 34
\v 35
\v 36
\v 37
\c 19
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\v 22
\v 23
\v 24
\v 25
\v 26
\v 27
\v 28
\v 29
\v 30
\v 31
\v 32
\v 33
\v 34
\v 35
\v 36
\v 37
\c 20
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\c 21
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\v 22
\v 23
\v 24
\v 25
\v 26
\c 22
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\c 23
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\v 22
\v 23
\v 24
\v 25
\v 26
\v 27
\v 28
\v 29
\v 30
\v 31
\v 32
\v 33
\v 34
\v 35
\v 36
\v 37
\c 24
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\c 25
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\v 22
\v 23
\v 24
\v 25
\v 26
\v 27
\v 28
\v 29
\v 30
\id EST Translated by Louise Nattawappio begun 27 June 2012
\h ᐊᔅᑐᕐ
\toc3 ᐊᔅᑐᕐ
\toc2 ᐊᔅᑐᕐ
\toc1 ᐊᔅᑐᕐ
\mt1 ᐊᔅᑐᕐ
\c 1
\s1 ᒋᓴᐅᒋᒪᔎᐤ ᐸᔅᑎ ᐊᓏᔨᑐᐛᐤ ᒋᓴᐅᒋᒪᐛ ᓯᕐᑭᓯᓴ
\p
\v 1-2 ᒋᓴᐅᒋᒪᐤ ᓯᕐᑭᓯᔅ ᐊᓐᑕ ᑲ ‍ ᐅᒋᑦ ᐸᕐᓯᔭ ᐊᔅᒋᒡ ᒋ ‍ ᐎᒍᐤ ᐊᓐᑕ ᓱᓴ ᑭᔭ ᒋ ‍ ᑎᐸᔨᑎᒻ ᐸᐃᒄ ᒥᑕᓯᒥᑎᓄᐤ ᐊᓱ ᓂᔄᐅᑕᒡ ᐊᔅᒋᔭ ᐊᓐᑕ ᐃᓐᑎᔭ ᐃᔅᐱᔅ ᐃᑎᔪᐱᔭ᙮
\v 3 ᐊᓐᑕ ᒪᒂᒡ ᐊ ᓂᔅᑐ ‍ ᐱᐳᓂᔨᒡ ᐊ ‍ ᑎᐸᔨᑕᐧᒃ, ᓯᕐᑭᓯᔅ ᒋ ‍ ᒥᒋᓱᓇᓂᒐᐊᐤ ᐊ ‍ ᐎᓴᒪᑦ ᑲ ‍ ᐊᑐᔅᑲᑯᑦ ᑭᔭ ᐅᑲᒪᑭᓄᐛᓯᒪ᙮ ᒋᓴᐅᒋᒪᔅᒐ ᑭᔭ ᑲ ‍ ᓂᑲᓂᔅᑭᒥᔨᒋ ᐊᔅᒋᔭ ᐃᔭᐱᒡ ᒋ ‍ ᐎᓴᒪᐤ, ᑭᔭ ᐃᔭᐱᒡ ᐊᓂᔭ ᐸᕐᓯᔭ ᑭᔭ ᒥᑎᔭ ᐊᓯᒪᑭᓂᓯᐅᒋᒪᐛ ᒋ ‍ ᑎᑯᓯᓂᔨᐛ᙮
\p
\v 4 ᐃᔅᐱᔅ ᒪᒃ ᐸᐃᑯ ᒥᑕᓯᒥᑎᓄᐤ ᐊᓱ ᔭᓇᐤ ᑕᑐᔪᐤ ᒋᓯᑲᐛ ᒋ ‍ ᐛᐸᑎᔨᐛᐤ ᐅᐛᔪᑎᓯᔪᐅᓐ ᑭᔭ ᒋ ᒥᔅᑎ ‍ ᒪᔅᑎᓂᒻ ᓱᓇᔭᔪᐤ ᒐᒋ ᒥᔽᔨᑎᒪᐊᑦ ᐅᒪᓐᑕᒪ ᑭᔭ ᐊᔅᐱᔅ ᒋᔅᑕᔨᑕᑯᓂᔨᒡ ᐅᒋᓴᐅᒋᒪᐅᓐ᙮
\p
\v 5 ᒋᓴᐅᒋᒪᐤ ᓯᕐᑭᓯᔅ ᓇᓇᒐ ᒥᓄᐛᒡ ᒋ ‍ ᒥᒋᓱᓇᓂᒐᐤ ᐊᓐᑕ ᓱᓴ ᐊᔅᒋᒡ ᑭᔭ ᒥᒄ ᐊᓯᓇᑯᓯᔨᒋ ᐊᐛᔪᐛ ᒋ ‍ ᐎᓴᒪᐤ᙮ ᓂᔄᐅᑕᒡ ᑕᑐᐤ ᒋᓯᑲᐛ ᒋ ‍ ᒥᒋᓱᓇᓄᐤ ᑭᔭ ᒋ ‍ ᒥᓇᓄᐤ ᐊᓐᑕ ᑲ ‍ ᒥᔽᓯᒡ ᓂᑕᐅᒋᑕᑭᓇ ᐊᔅᒋᒡ᙮
\v 6 ᐊᓐᑕ ᒪᒃ ᑲ ‍ ᑕᓄᒡ ᒋ ‍ ᐃᓯᓇᑯᑕᑭᓄᐤ ᒧᔭᒻ ᐊᐱᔅᑭᓇᔨᒋ ᑭᔭ ᑲ ‍ ᐛᐸᔨᒋ ᐊᑯᐛᑲᐃᑭᓇ ᑭᔭ ᑲ ‍ ᒪᑯᐱᑕᔨᒋ ᑲ ‍ ᐱᒋᒥᓇᒋ ᐊᐱᓴ ᑭᔭ ᐊᓐᑕ ᒋᐱᑕᐃᑭᓄᐛ ᐊᐱᓴ ᐊᓐᑕ ᐛᐎᔭᐱᔅᑯᒡ ᒐᒋ ᒪᑯᐱᑕᔨᒋ᙮ ᑲ ‍ ᓱᓇᔭᐱᔅᑯᐅᒋ ᑭᔭ ᑲ ‍ ᐎᔄᐅᓱᓇᔭᐱᔅᑯᐅᒋ ᑕᑎᐳᐛᑭᓇ ᒋ ‍ ᑎᑯᓇ ᐊᓐᑕ ᐎᐎᑎᒥᒡ ᑭᔭ ᓇᔅᒡ ᒥᒐᑐᐎᒡ ᐊ ‍ ᐃᓯᓇᒂᒋ ᑲ ‍ ᓱᓇᔭᐅᒋ ᐊᓯᓂᔭ ᑲ ‍ ᐅᓯᑕᑭᓄᐅᒋ ᐅᒡ᙮
\v 7 ᐊᓐᒡ ᒪᓐᑕᐅᒡ ᑲ ‍ ᐎᔄᐅᓱᓇᔭᐅᔨᒋ ᒥᓂᒂᑭᓇ ᒋ ‍ ᒥᓇᒐᐅᒡ ᑭᔭ ᒥᓂᒂᑭᓇ ᓄᑎᒻ ᐃᔭᒡ ᒋ ‍ ᐃᓯᓇᑯᓇ᙮ ᒋᒋᐛ ᒋ ‍ ᒋᓴᐛᑎᓯᐤ ᒋᓴᐅᒋᒪᐤ᙮
\v 8 ᑭᔭ ᒂ ‍ ᐃᑕᑦ ᐊᓂᔭ ᐅᒪᓐᑕᒪ, “ᒥᓂᒄ ᒥᒄ ᐛ ᐃᔅᐱᔅ ‍ ᒥᓂᔭᒄ !” ᒂ ‍ ᐃᑕᑦ ᐅᑦ ᐊᐱᒋᐊᑭᓇ, “ᓴᑭᔅᒋᓇᐱᑕᐛᐧᒄ ᐅᒥᓂᒂᑭᓂᐛᐛ᙮”
\p
\v 9 ᒪᒂᒡ ᒪᒃ ᓇᐸᐅᒡ ᐊ ‍ ᒧᒋᒐᐃᑕᒡ, ᒋᓴᐅᒋᒪᔎᐤ ᐸᔅᑎ ᒋ ‍ ᒥᒋᓱᓇᓂᐧᑯᐛᐤ ᐃᔎᐛ ᐊᓐᑕ ᐱᑎᑭᒥᒡ ᒋᓴᐅᒋᒪᐅᒋᐛᐱᒡ᙮
\p
\v 10 ᐃᔅᐱᔅ ᒪᒃ ᓂᔄᐅᑕᒡ ᒋᓯᑯᔪᐤ, ᒋᓴᐅᒋᒪᐤ ᓯᕐᑭᓯᔅ ᒋ ‍ ᒥᔽᔨᑎᒻ ᐊᔅᐱᔅ ᒥᓴᔨᒡ ᑲᒥᒂᑭᒥᔨᒡ᙮ ᒂ ‍ ᑯᒂᒋᒪᑦ ᓂᔄᐅᑕᒡ ᐎᔾ ᑎᐱᔨᐛ ᐅᑦ ᐊᐱᒋᐊᑭᓇ, ᒥᐅᒪᓐ, ᐱᔅᑕ, ᐧᑲᕐᐳᓇ, ᐱᒃᑕ, ᐊᐸᒃᑕ, ᓯᑦᐊᕐ, ᑭᔭ ᑲᕐᑲᔅ,
\v 11 ᒐᒋ ᐸᓱᐛᔨᒋ ᒋᓴᐅᒋᒪᔎᐛ ᐸᔅᑎᐃᒋ᙮ ᒋᓴᐅᒋᒪᐤ ᓯᕐᑭᓯᔅ ᒋ ‍ ᓂᑐᐛᔨᒪᐤ ᒋᓴᐅᒋᒪᔎᐛ ᒐᒋ ᒋᔅᑭᒥᔨᒋ ᐅᒋᓴᐅᒋᒪᐤ ᐊᑯᓂᔅᒂᐅᓂᔪᐤ ᒐᒋ ᐛᐱᒪᔨᒋ ᐅᑦ ᐃᔨᒪ ᑭᔭ ᒋᓴᐅᒋᒪᔅᒐ ᐊᔅᐱᔅ ᒥᔪᔎᐅᔨᒋ ᒋᓴᐅᒋᒪᔎᐛ᙮
\p
\v 12 ᒋᓴᐅᒋᒪᐤ ᐅᑦ ᐊᐱᒋᐊᑭᓇ ᒋ ‍ ᐎᑎᒧᐛᐅᒡ ᒋᓴᐅᒋᒪᔎᐛ ᐸᔅᑎᐃᒋ ᒐᒂᔪᐤ ᑲ ‍ ᐃᑎᑯᒡ ᒋᓴᐅᒋᒪᐛ, ᒥᒄ ᒋᓴᐅᒋᒪᔎᐤ ᓇᒪ ᐅᒋ ᑕᑈᑎᒻ ᒐᒋ ᓂᑐᐛᐱᒪᑦ ᒋᓴᐅᒋᒪᐛ, ᐊᑯ ᒋᒋᐛ ᑲ ‍ ᒋᔄᐱᑦ ᒋᓴᐅᒋᒪᐤ᙮
\p
\v 13-14 ᒋᓴᐅᒋᒪᐤ ᒋ ‍ ᐎᓴᒪᐤ ᐊᓂᔭ ᓂᔄᐅᑕᒡ ᑲ ‍ ᐃᔅᐱᑕᔨᑕᑯᓯᔨᒋ ᐃᔪᐛ ᐊᓐᑕ ᐸᕐᓯᔭ ᑭᔭ ᒥᑎᐊ ᐅᒋ᙮ ᐊᐅᑯᓐᒡ ᐊᓐᒡ ᑲᕐᓯᓇ, ᓯᑕᕐ, ᐊᑦᒪᑕ, ᑕᕐᓯᔅ, ᒥᕆᔅ, ᒪᕐᓯᓇ, ᑭᔭ ᒥᒧᑲᓐ᙮ ᐅᒡ ᓇᐸᐅᒡ ᒋᒋᐛ ᒋ ‍ ᑭᒐᑕᐛᔨᑎᒧᒡ ᑭᔭ ᒋ ᒥᔅᑎ ᓂᔍᐸᑎᒥᒡ ᐎᓱᐛᐅᓂᔪᐤ ᑭᔭ ᐃᑐᐅᓇ ᐊᓐᑕ ᐅᑦ ᐊᔅᒋᐛᒡ, ᑭᔭ ᒋᓴᐅᒋᒪᐤ ᓇᓂᑎᒻ ᒋ ‍ ᑯᒂᒋᒪᐤ ᐊᓂᔭ ᓇᐸᐛ ᒐᒂᓂᔪᐤ ᐊᑕᔨᑎᒥᔨᒋ ᐊᓐᑕ ᐊᐃᔅᐱᔨᒋ ᒐᒂᔪᐤ᙮
\p
\v 15 ᒋᓴᐅᒋᒪᐤ ᒋ ‍ ᐃᑕᐤ, “ᒋᓴᐅᒋᒪᔎᐤ ᐸᔅᑎ ᓇᒪ ᐅᒋ ᑕᑈᑎᒻ ᑲ ᐎᓴᒥᒄ ᒐᒋ ᑎᑯᓯᐧᒃ᙮ ᒐᒂᓐ ᒪᒃ ᐃᑎᔅᑕᐤ ᐎᓱᐛᐅᓐ ᒐ ‍ ᑐᑐᐛᑭᓄᐅᑦ ?”
\p
\v 16 ᒥᒧᑲᓐ ᒂ ‍ ᐃᑕᑦ ᒋᓴᐅᒋᒪᐛ ᑭᔭ ᐅᑦ ᐊᑐᔅᒐᔭᑭᓂᔪᐛ: “ᒋᔾ ᒪᐅᒡ ᒋᔅᑕᔨᑕᑯᓯᔨᓐ, ᒋᓴᐅᒋᒪᔎᐤ ᐸᔅᑎ ᓇᒪᔭᔪᐤ ᒥᒄ ᓯᐊᒂᔨᒧᔨᔅᒄ, ᒥᒄ ᐃᔭᐱᒡ ᒪᔭᔨᒪᐤ ᐊᓂᔭ ᒋᑦ ᐊᑐᔅᒐᔭᑭᓇ ᑭᔭ ᒥᓯᐛ ᐊᐛᔪᐛ ᐅᑕ ᐊᔅᒋᒡ᙮
\v 17 ᐊᓐᒡ ᐃᔎᐅᒡ ᐊᓐᑕ ᒋᓴᐅᒋᒪᐅᓂᒡ ᒋᑭ ᐸᑎᒧᒡ ᐅᔭ, ᑭᔭ ᓇᒪ ᒋᑭ ᒋ ᐎ ‍ ᐃᔅᐱᑕᔨᒪᐅᒡ ᐅᓇᐸᒧᐛᐛ᙮ ᒋᑭ ‍ ᐃᔅᒋᔄᐅᒡ ᒪᒃ, ‘ᒋᓴᐅᒋᒪᔎᐤ ᓇᒪ ᐅᒋ ᑕᑈᑐᐛᐤ ᐅᓇᐸᒪ ᑲ ‍ ᐎᓴᒥᑯᑦ᙮’
\p
\v 18 ᐊᔅᒄ ᐊᑲ ᐃᔎᔭᐱᔨᒡ ᐅ ᒋᓯᒄ, ᐊᓐᒡ ᐎᐛᐛ ᐊᑐᔅᒐᔭᑭᓐᒡ ᐸᕐᓯᐊ ᑭᔭ ᒥᑎᐊ ᐅᒡ ᒋᑭ ‍ ᒋᔅᒐᔨᑎᒧᒡ ᐅᔭ ᑲᑎᒋ ᒋᓴᐅᒋᒪᔎᐛ, ᑭᔭ ᐎᔨᐛᐤ ᓇᒪ ᒋᑭ ᒋ ‍ ᑕᑈᑐᐛᐅᒡ ᐅᓇᐸᒧᐛᐛ ᐊᐃᑎᑯᒡ᙮ ᓇᒪ ᒋᑭ ᒋ ‍ ᐃᔅᐱᑕᔨᒪᐅᒡ ᐅᓇᐸᒧᐛᐛ, ᑭᔭ ᒋᑭ ‍ ᒋᔄᐱᔅᑕᑯᐅᒡ ᐅᓇᐸᒧᐛᐛ᙮
\p
\v 19 ᒋᔾ ᒪᐅᒡ ᒋᔅᑕᔨᑕᑯᓯᔨᓐ, ᑕᑈᑎᒥᓇ, ᒋᐸ ‍ ᒥᓯᓇᐊᓐ ᐊᓐᑕ ᐃᔪᒡ ᑭᔭ ᐸᕐᓯᐊ ᐃᔪᒡ ᐅᑦ ᐃᑎᓱᐛᐅᓄᐛᒡ ᒐ ᐊᑲ ᓂᑕ ᒥᔅᑯᑎᓇᑭᓄᐎᔨᒡ᙮ ᐅ ᐎᑎᓱᐛᐅᓐ ᒋᐸ ‍ ᑐᑕᑯ ᒋᓴᐅᒋᒪᔎᐤ ᐸᔅᑎ ᒐ ᐊᑲ ᓂᑕ ᒥᓐ ᐛᐱᒥᔅᒄ᙮ ᒋᐸ ‍ ᒥᔭᐤ ᑯᑎᒃ ᐊᐛᓐ ᐊ ‍ ᐃᔅᐱᑕᔨᒥᔅᒄ ᒐᒋ ᒥᔅᑯᑎᐱᔅᑐᐛᑦ ᒋᓴᐅᒋᒪᔎᐛ᙮
\v 20 ᐃᔅᐱ ᒪᒃ ᐃᔎᐅᒡ ᐊᓐᑕ ᒋ ‍ ᒋᓴᐅᒋᒪᐅᓂᔨᒡ ᐸᑕᑥᐛ ᐅᔭ ᐅᔅᒋ ᐃᑎᓱᐛᐅᓂᔪᐤ, ᒋᑭ ‍ ᐃᔅᐱᑕᔨᒪᐅᒡ ᐅᓇᐸᒧᐛᐛ, ᑕᐱᔅᑯᓐ ᐊᓐᒡ ᑲ ‍ ᐛᔪᑎᓯᒡ ᑭᔭ ᑲ ‍ ᒋᔅᑎᒪᑎᓯᒡ᙮”
\p
\v 21 ᒋᓴᐅᒋᒪᐤ ᓯᕐᑭᓯᔅ ᑭᔭ ᐅᑦ ᐊᑐᔅᒐᔭᑭᓇ ᒋ ‍ ᒥᔽᔨᑎᒧᒡ ᒥᒧᑲᓇ ᑲᐃᔅᒋᔄᔨᒋ ᒐᒂᔪᐤ,
\v 22 ᑭᔭ ᒂ ‍ ᐃᑎᓴᐊᐧᒃ ᐊ ‍ ᒥᓯᓇᐃᒐᑦ ᐊᓐᑕ ᓄᑎᒻ ᐅᑦ ᐊᔅᒋᒡ᙮ ᐊᓂᔭ ᐸᐸᐃᒄ ᒥᓯᓇᐃᑭᓇ ᐊ ᐃᓯ ‍ ᐃᔨᒥᓇᓄᒡ ᐃᔨᒧᐅᓂᒡ ᐊᓐᑕ ᐊᔅᒋᒡ ᒋ ‍ ᐃᑎᔅᑕᐛ, ᑭᔭ ᐃᑎᔅᑕᐤ ᑲ ‍ ᓂᐳᐅᒡ ᓇᐸᐅᒡ ᐎᔨᐛᐤ ᒋᑭ ‍ ᐅᒋᒪᐅᒡ ᐊᓐᑕ ᐎᒋᐛᐛᒡ᙮
\c 2
\s1 ᐃᔅᑐᐤ ᒋ ‍ ᒋᓴᐅᒋᒪᔎᐤ
\p
\v 1 ᓇᓇᒐ, ᒋᓴᐅᒋᒪᐤ ᓯᕐᑭᓯᔅ ᒋ ᐊᔅᑕ ‍ ᒋᔄᐳᐤ᙮ ᒥᒄ ᐃᔭᐱᒡ ᒋ ‍ ᒪᒥᑐᓇᔨᑎᒥᔨᑯᐤ ᐊᓂᔭ ᐸᔅᑎᔨᒋ ᑲ ‍ ᐃᑎᔨᒋ ᑭᔭ ᐊᓂᔭ ᐎᑎᔄᐅᓂᔪᐤ ᑲ ‍ ᐅᓯᑕᑦ ᐸᔅᑎᔨᒋ ᐅᒋ᙮
\v 2 ᒂ ᐊᑎ ‍ ᒋᓴᐅᒋᒪᐤ ᐎᔾ ᐊᑎᐱᐛ ᐅᑦ ᐊᑐᔅᒐᐛᑭᓇ ᒋ ‍ ᐃᔅᒋᔄᔨᐛ, “ᒋᔾ ᒪᐅᒡ ᒋᔅᑕᔨᑕᑯᓯᔨᓐ, ᒋᑭ ᐎ ‍ ᓇᓂᑐᐛᐸᑎᒪᑯᐅᓐ ᐊ ‍ ᒥᔪᔅᑯᑦ ᐊ ‍ ᐊᐛᓯᐅᑦ ᐃᔎᐅᒡ᙮
\v 3 ᒐ ‍ ᐅᑎᓂᑕᐤ ᐊᓐᒡ ᑲ ‍ ᐊᑐᔅᒐᓯᒡ ᐊᓄᑎᒻ ᐸᐸᐃᒄ ᐊᔅᒋᔭ ᒐᒋ ᐸᓱᐛᒡ ᐊᓐᑕ ᑭᒋ ‍ ᑭᓄᐛᔨᒪᐅᔅᒋᔾ ᐊᔅᑎᔅᑯᐛᒥᒡ ᐊᓐᑕ ᓱᓴ ᐊᔅᒋᒡ᙮ ᒐ ‍ ᐃᔨᑦ ᐊᓐ ᒋᑯᐸᓇᒻ ᐦᐃᑲᐃ ᒐᒋ ᐅᒋᒪᐅᑦ ᐊ ‍ ᓇᑭᑐᐛᔨᑕᑦ ᑭᑈ ᐊᑯᐎᔪᐤ ᐊᓂᔭ ᐅᑦ ᐊᑐᔅᒐᐅᓐ᙮ ᒋᑭ ᐎ ‍ ᐃᑐᑎᒻ ᒐᒋ ᒥᔪ ᓇᒂᑭᓄᐎᔨᒋ ᐊᓂᔭ ᐃᔅᔎᐛ᙮
\v 4 ᐊᑯ ᐊᓐ ᐃᔎᐤ ᓇᔅᒡ ᐛᒋᒪᔅᒋᓄᑦ ᒐ ‍ ᐅᑎᓂᒧᐛᑦ ᐅᑎᐳᓂᔪᐤ ᒋᓴᐅᒋᒪᔎᐛ᙮” ᒋᓴᐅᒋᒪᐤ ᓯᕐᑭᓯᔅ ᒋ ‍ ᒥᔽᔨᑎᒻ ᐊᔨᑕᑭᓄᑦ, ᑭᔭ ᒋ ‍ ᓇᓯᒻ᙮
\p
\v 5 ᐅ ᒪᒂᒡ ᒍᐤ ᐃᔪᐤ ᒋ ‍ ᐃᓯᓂᐧᑲᓱᐤ ᒧᕐᑎᑲᐃᔾ ᒋ ᐎᒍᐤ ᐊᓐᑕ ᓱᓴ᙮ ᐅᑕᐎᔭ ᐊᓂᔭ ᒐᐃᕐ, ᑭᔭ ᐅᒧᓱᒪ ᓯᒥᐊᔾ ᒋ ‍ ᐅᑯᓯᑕᑯᐤ ᐊᓂᔭ ᑭᔅ ᐊᓐᑕ ᐊ ‍ ᐅᒋᔨᒋ ᐱᓐᒋᐱᓐ᙮
\v 6 ᑭᔅ ᐊᑯᓐ ᐸᐃᒄ ᐃᔪᐅᒡ ᑲ ‍ ᐅᑎᓂᑯᑦ ᐊᓂᔭ ᓇᐳᑲᑦᓇᓴᕐ ᐊᓐᑕ ᐅᑕ ᒋᕈᓯᓕᒻ, ᒪᒂᒡ ᑲ ‍ ᐅᑎᓇᑦ ᒋᓴᐅᒋᒪᐛ ᒋᑯᓂᐊ ᑲ ‍ ᐅᒋᒋ ᒍᑕ ᐊᓐᑕ ᐸᐱᓗᓂᐊ᙮
\p
\v 7 ᒧᕐᑎᑲᐃᔾ ᒋᔾ ᐎᐧᑲᓂᓱᐤ ᓇᔅᒡ ᐊᒪᔅᒋᓇᑯᓯᔨᒋ ᐊ ‍ ᐃᓯᓂᑕᑯᓄᔨᒋ ᐊᔅᑐᕐ, ᐃᑉᕈᐤ ᐊᐃᓯᒥᓇᓄᐎᒡ ᑲ ‍ ᐃᓯᓂᐧᑲᓱᑦ ᐧᑲᑕᓴ᙮ ᒋᔾ ᐱᒥᓇᐤ ᐊᔅᑐᕋ ᒧᔭᒻ ᐎᔾ ᑎᐱᔨᐛ ᐅᑕᓂᓴ ᒋ ‍ ᐃᓱᑎᓇᐤ, ᑲᒋ ‍ ᓂᐱᔨᒋ ᐅᑲᐎᐛ ᑭᔭ ᐅᑕᐎᐛ᙮
\p
\v 8 ᒪᒂᒡ ᑲ ‍ ᓂᑐᐛᔨᑕᑦ ᒋᓴᐅᒋᒪᐤ ᒐᒋ ᓇᓂᑐᐛᐱᒪᑭᓄᔨᒋ ᐊᒪᒋᒪᑯᓯᔨᒋ ᐃᔎᐤ᙮ ᒥᒐᑦ ᒋ ‍ ᐃᑐᐧᑲᑭᓄᐎᐛ ᐊᓐᑕ ᒋᓴᐅᒋᒪᐤ ᐎᒋᒡ ᐊᓐᑕ ᓱᓴ, ᑭᔭ ᐊᔅᑐᕐ ᐊᑯᑦ ᑲ ‍ ᑕᑦ᙮
\p ᐦᐃᑲᐃ ᒋ ‍ ᒥᔭᑭᓄᐤ ᒐᒋ ᓇᑭᑐᐛᔨᒪᑦ ᐊᓂᔭ ᐃᔎᐛ᙮
\v 9 ᑭᔭ ᐊᓐᑕ ᐅᔅᑭᒡ ᒐᓯᑲᔨᒡ, ᐊᔅᑐᕐ ᐊᐅᑯᓂᔭ ᑲ ᐅᒋ ‍ ᒥᔽᔨᒪᑦ᙮ ᒋᒋᒋᐱᔪᐤ ᒪᒃ ᓴᐳᑐᐛ ᐊ ‍ ᒥᔪᓇᑯᐛᑦ᙮ ᒋ ‍ ᒥᔅᑎᒥᔭᐤ ᐃᔭᐱᒡ ᒥᒋᒥᔪᐤ ᑭᔭ ᓂᔄᐅᑕᒡ ᑯᐸᓇᔎᐛ ᐅᒡ ᒋᓴᐅᒋᒪᐛ ᐎᒋᒡ, ᑭᔭ ᑲ ‍ ᒥᔭᑭᓄᐅᒡ ᓇᔅᒡ ᐛᒋ ‍ ᒥᔽᔨᒋ ᑲᒋ ‍ ᐸᐃᑭᓂᓯᔨᒋ᙮
\p
\v 10 ᒧᕐᑎᑲᐃᔾ ᒋ ‍ ᐃᔭᒂᒪᐤ ᐊᓂᔭ ᐊᔅᑐᕋ ᒐ ᐊᑲ ‍ ᐎᑎᒧᐊᔨᒋ ᐊᐛᔪᐛ ᒍᐤ ᐊ ‍ ᐃᑎᔅᑲᓇᓯᑦ, ᑭᔭ ᐊᔅᑐᕐ ᒋ ‍ ᑕᑈᑐᐛᐤ᙮
\p
\v 11 ᒧᕐᑎᑲᐃᔾ ᒋ ‍ ᐱᒂᔨᑎᒻ ᒐᒋ ᐛᐱᒪᑦ ᐊᔅᑐᕋ ᑕᓐ ᐊ ‍ ᐃᑎᔨᒋ ᑭᔭ ᒐᒋ ᒋᔅᒐᔨᒪᑦ ᑕᓐ ᐊ ‍ ᐃᔅᐱᔨᒋ᙮ ᐊᑯ ᐸᐸᐃᒄ ᒋᓯᑲᐛ ᒋ ‍ ᑲᑲᒋᐛᑕᐤ ᐊᓐᑕ ᓂᑲᓐ ᑲᐛᐛᔅᑕᑭᓄᔨᒡ ᑲ ‍ ᐎᒋᔨᒋ ᐊᓂᔭ ᐃᔎᐤ᙮
\p
\v 12 ᐊᓐᒡ ᑲ ‍ ᐊᐛᓯᐅᒡ ᐃᔎᓯᒡ ᒋ ‍ ᒥᔪᓇᒂᑭᓄᐅᒡ ᑭᔅᑭᓇᐳᓇ᙮ ᐅᔅᑭᒡ ᐊᓱᑕᒡ ᐱᓯᒺ ᐅᓯᑭᔪᐛᐛ ᒋ ‍ ᓱᑈᒋᓇᑭᓄᐅᒡ ᐱᒥᔪᐤ ᑭᔭ ᑲᐎᒋᒪᑯᓂᓯᒡ, ᑭᔭ ᐊᓂᔭ ᒪᔅᑕᐃᔾ ᐊᓱᑕᒡ ᐱᓯᒺ ᒋ ‍ ᐊᐱᒋᑎᔭᑭᓄᐅᒡ ᑲᐎᒋᒪᑯᓯᒡ ᑭᔭ ᑲ ‍ ᒪᑐᓯᓏᑭᓄᒡ᙮ ᐊᑯ ᒂ ᐊᑎ ‍ ᐸᐸᐃᒂᐤ ᑭᔭ ᐸᐸᐃᒄ ᐊᓐᒡ ᐃᔎᓯᒡ ᐎᓴᒪᒡ ᑕᐱᔅᑲᔨᒋ ᐊᓂᔭ ᒋᓴᐅᒋᒪᐛ ᓯᕐᑭᓯᔅ᙮
\v 13 ᒪᒂᒡ ᐊᓐ ᐃᔎᔅ ᐊᓇᒡ ᐎᓴᒪᒋ ᐊᓂᔭ ᒋᓴᐅᒋᒪᐛ, ᒋ ‍ ᐅᑎᓂᒻ ᒥᒄ ᐊᓯᓇᑯᓂᒡ ᒐᒂᔪᐤ ᐊ ᐎ ‍ ᐊᐱᒋᑕᑦ ᐊᐱᒋᑕᐅᓂᔪᐤ ᑭᔭ ᒪᒃ ᑲᐛᓯᑎᓱᓇᓄᔨᒋ, ᐊᓐᑕ ᐃᑕᒐ ᐊᑕᒡ ᐃᔅᔎᐅᒡ᙮
\v 14 ᐊ ‍ ᐅᑕᑯᓯᔨᒋ ᒋ ‍ ᓂᑐᐛᐱᒪᐤ ᒋᓴᐅᒋᒪᐛ, ᐊᑯ ᐊᒐᒋᓴᐸᔭᒋ ᑲᐤ ᐊᓐᑕ ᐊ ‍ ᐃᑐᑕᑦ ᐊᓐᑕ ᑯᑎᑲ ᐅᑦ ᐃᔎᒪ ᐊ ‍ ᑕᔨᒋ ᑲᒋ ‍ ᐎᓴᒪᑥᔨ ᓯᕐᑭᓯᔅ᙮ ᐊᓐᑕ ᒋ ‍ ᑕᐤ ᓇᐸᐤ ᐊᓯᓂᐧᑲᓱᑦ ᓴᐊᔅᑲᔅ ᐊ ‍ ᓇᑭᑐᐛᔨᒪᑦ ᐊᓂᔭ ᒋᓴᐅᒋᒪᐛ ᐅᑦ ᐃᔎᒥᔪᐛ᙮ ᐊᑯ ᐊᓐᒡ ᒧᒃ ᒋᓴᐅᒋᒪᐤ ᐊ ‍ ᓂᑐᐛᔨᒪᑦ ᑭᔭ ᐊ ‍ ᐎᑎᒺᑦ ᐅᑦ ᐃᓯᓂᐧᑲᓱᓂᔪᐤ ᐊᓐᔭ ᐃᔎᐤ ᐊᑯᓐᒡ ᒥᒄ ᑲᐤ ᑲ ‍ ᓂᑐᐛᐱᒪᒡ ᒋᓴᐅᒋᒪᐛ᙮
\p
\v 15-16 ᓯᕐᑭᓯᔅ ᒋ ‍ ᒋᓴᐅᒋᒪᐤ ᓴᔅ ᓂᔄᐅᑕᒡ ᑕᑎᐳᓇ ᒪᒂᒡ ᐊᔅᑐᕐ ᑲ ‍ ᐅᒋᒋᐱᔨᒡ ᒐ ‍ ᓂᑐᐛᐱᒧᑭᑦ ᒪᒂᒡ ᑎᐱᑦ, ᐊᓐ ᐸᐃᑯᔪᐤ ᐱᓯᒺ ᐊ ‍ ᑎᒂᒡ ᐱᐳᓐ᙮ ᐊᓄᑎᒻ ᐊᐛᓐ ᒋ ‍ ᒥᔽᑕᐤ ᐊᔅᑐᕋ᙮ ᐊᓐ ᒋᓴᐅᒋᒪᐤ ᑎᐱᔨᐛ ᐅᑯᐸᓇᒪ ᐦᐃᑲᐃ ᒋ ‍ ᓇᑭᑐᐛᔨᒪᐤ ᐊᓂᔭ ᐃᔎᐛ, ᑭᔭ ᐊᔅᑐᕐ ᒋ ‍ ᓱᒐᔨᒪᐤ ᐊᓂᔭ ᐦᐃᑲᐃᔨᒋ ᑭᔭ ᑯᒂᒋᒪᑦ ᒐᒂᔪᐤ ᒋᐸ ᐃᓯ ‍ ᔅᑐᑕᐤ ᑲᐤ ᐊᓂᑐᐛᐱᒪᑦ ᒋᓴᐅᒋᒪᐛ᙮
\p
\v 17 ᓯᕐᑭᓯᔅ ᒋ ‍ ᒥᔽᔨᒪᐤ ᐊᑐᐎᔅ ᐊᔅᑐᕋ ᐃᔅᐱᔅ ᒪᒃ ᐊᓂᔭ ᑯᑎᑲ ᐃᔎᐛ᙮ ᐊᒺᒡ ᐸᐃᒄ ᒋ ‍ ᓇᐃᑎᒥᑯᐤ ᒧᔭᒻ ᐊᓯ ‍ ᓇᐃᑎᒥᑯᑦ ᐊᔅᑐᕋ, ᑭᔭ ᑎᔅᑐᐎᔨᒡ ᒋ ‍ ᒥᔽᑕᐤ ᑭᔭ ᑲ ᐅᑎᓇᑦ ᒐᒋ ᒋᓴᐅᒋᒪᔎᐅᔨᒋ ᐊ ‍ ᐅᑎᓂᒺᑦ ᐅᑎᐳᓂᔪᐤ ᐸᔅᑎᔨᒋ᙮
\v 18 ᐊ ‍ ᒋᔅᑕᔨᒪᑦ ᐊᔅᑐᕋ ᒋ ‍ ᒥᔅᑎᒥᒋᓱᓇᓂᒐᐤ ᑭᔭ ᑲ ‍ ᐎᓴᒪᑦ ᑲᓂᑲᔅᑭᒥᔨᒋ ᑭᔭ ᐊᑐᔅᒐᐛᑭᓇ᙮ ᒂ ᐊᑎ ‍ ᐊᓂᑐᐛᔨᐊᐧᒄ ᒥᑯᓴᓐ ᒋᓯᑯᐎᔪᐤ ᐊᓄᑎᒻ ᐅᒋᓴᐅᒋᒪᐅᓂᒡ ᑭᔭ ᑲ ‍ ᐊᑎᒥᔅᑲᒐᑦ ᓇᔅᒡ ᐊᔨᒥᓂᔨᒋ ᒥᑯᓴᓇ᙮
\s1 ᒧᕐᑎᑲᐃᔾ ᒋ ‍ ᐱᒪᒋᑕᐛ ᒋᓴᐅᒋᒪᐛ ᐅᐱᒪᑎᓯᔪᓂᔪᐤ
\p
\v 19 ᒪᒂᒡ ᒪᒃ ᐊᓐᒡ ᑲ ‍ ᐊᐛᓯᐅᒡ ᐃᔎᐅᒡ ᑲ ‍ ᒪᒧᔭᑭᓄᐅᒡ ᒥᓄᐛᒡ, ᐊᔅᑐᕐ ᐎᐧᑲᓂᓴ ᒧᕐᑎᑲᐃᔭ ᒋ ‍ ᐊᑐᔅᒐᔨᐛ ᐊᓐᑕ ᒋᓴᐅᒋᒪᐛ ᐎᒋᒡ᙮
\v 20 ᒋ ‍ ᐎᑎᒧᐛᐤ ᐊᔅᑐᕋ ᒐ ᐊᑲ ᓂᑕ ᐎᑎᒥᔨᒋ ᒍᐤ ᐊᑎᔅᑲᓇᓯᔨᒋ, ᑭᔭ ᒋ ‍ ᑕᑈᑐᐛᐤ, ᒧᔭᒻ ᓇᓂᑎᒻ ᑲ ‍ ᐃᑐᑎᐛᑦ᙮
\p
\v 21 ᐱᒃᑕᓇ ᑭᔭ ᑎᕆᔅ ᒋ ‍ ᓇᓇᑭᒋᑕᐅᒡ ᒋᓴᐅᒋᒪᐛ ᐅᑲᒋᐸᑭᓂᓯᒥᔪᐛ, ᒥᒄ ᒂ ᐊᑎ ‍ ᒋᔄᐱᔅᑐᐛᒡ ᐊᓂᔭ ᒋᓴᐅᒋᒪᐛ ᑭᔭ ᑲ ‍ ᐃᑕᔨᑕᒡ ᒐᒋ ᓂᐸᒡ᙮
\v 22 ᒧᕐᑎᑲᐃᔾ ᒋ ‍ ᒋᔅᒐᔨᑎᒻ ᐅᔭ ᑲ ‍ ᐃᑎᔨᒋ ᑭᔭ ᑲ ‍ ᐎᑎᒧᐛᑦ ᐊᓂᔭ ᒋᓴᐅᒋᒪᔎᐛ ᐊᔅᑐᕋ ᒐᒋ ᐎᑎᐛᔨᒋ ᐊᓂᔭ ᒋᓴᐅᒋᒪᐛ ᒐᒂᓂᐅᐤ ᐊᓂᔭ ᐊᔅᒐᔨᑕᐧᒄ᙮
\v 23 ᒋᓴᐅᒋᒪᐤ ᓯᕐᑭᓯᔅ ᒋ ‍ ᒋᔅᒐᔨᑎᒻ ᐅᔭ ᒧᕐᑎᑲᐃᔭ ᐊᑕᑈᔨᒋ, ᒂ ᐊᑎ ‍ ᐊᓂᑐᐛᔨᑕᒄ ᒐᒋ ᓂᒂᑕᑭᓄᔨᒋ ᐊᓂᔭ ᓂᓱ ᓇᐸᐛ᙮ ᒂ ᐊᑎ ᐊᓐ ᒋᓴᐅᒋᒪᐤ ᒋ ‍ ᓂᑐᐛᔨᑎᒻ ᒐᒋ ᒥᓯᓇᑕᔨᔨᒡ ᐊᓐᑕ ᐅᒥᓯᓇᐃᑭᓂᒡ ᒪᒂᒡ ᐊ ‍ ᑭᓄᐛᐸᑕᑦ᙮
\c 3
\s1 ᐦᐊᒪᓐ ᐎ ‍ ᓂᓱᐅᓇᒋᐊᐤ ᒍᐤ ᐃᔪᐛ
\p
\v 1 ᓇᓇᒐ, ᒋᓴᐅᒋᒪᐤ ᓯᕐᑭᓯᔅ ᔅᒋ ‍ ᐊᑕᔭᐤ ᐦᐊᒪᓇ ᐅᑯᓯᐛ ᐦᐊᒪᒥᑕᑕ ᐊᓐᑕ ᐊᑐᐎᔅ ᐊ ‍ ᐃᔅᐱᑯᑕᔨᒡ ᐊᑐᔅᒐᐛᓂᔪᐤ ᐊᓐᑕ ᐅᒋᓴᐅᒋᒪᐅᓂᒡ᙮ ᐦᐊᒪᓐ ᒋᐊᓂᔅᑯᑕᐸᓄᐤ ᐊᓂᔭ ᐊᑲᒃ᙮
\v 2 ᑭᔭ ᐊᓐ ᒋᓴᐅᒋᒪᐤ ᒋ ‍ ᐃᑎᓱᒪᐤ ᐅᑦ ᐊᑐᔅᒐᐛᑭᓇ ᐊᓐᑕ ᒋᓴᐅᒋᒪᐤ ᐃᔎᑕᒥᒡ ᒐᒋ ᐃᔅᐱᑕᔨᒪᔨᒋ ᑭᔭ ᒐᒋ ᓂᐱᔅᑯᐱᔅᑕᐛᔨᒋ ᐦᐊᒪᓇ᙮ ᓄᑎᒻ ᐊᐛᓐ ᒋ ‍ ᑕᑈᑎᒻ ᒥᒄ ᒧᕐᑎᑲᐃᔨᒋ ᓇᒪ ᐅᒋ ‍ ᑕᑈᑎᒻ᙮
\p
\v 3 ᐊᑯ ᐊᓐᒡ ᐊᑐᔅᒐᐛᑭᓐᒡ ᑲ ‍ ᑯᒂᒋᒪᒡ ᒧᕐᑎᑲᐃᔨᒋ ᐊᑯ ᒐᒂᓂᔪᐤ ᐛ ᒐ ᐊᑲ ‍ ᑕᑈᑕᔨᒋ ᒋᓴᐅᒋᒪᐛ ᐊᓯ ᑥᔨᑎᒥᔨᒋ᙮
\v 4 ᒧᕐᑎᑲᐃᔾ ᒋ ‍ ᐃᔅᒋᔄᐤ, “ᑭᑈ ᓂᔪᐤ ᒍᐤ ᐃᔪᐤ᙮” ᒋ ‍ ᐃᔨᒪᐅᒡ ᒧᕐᑎᑲᐃᔨᒋ ᒥᒋᑦ ᒋᓯᑲᐛ ᒐᒋ ᓂᐱᔅᑯᐱᔨᒋ, ᒥᒄ ᐃᔭᐱᒡ ᓇᒪ ᐅᒋ ‍ ᑕᑈᑎᒻ᙮ ᒐᒃ, ᒂ ‍ ᒪᒥᓯᒪᒡ ᐅᔭ ᐊ ‍ ᐎᑎᒺᒡ ᐦᐊᒪᓇ, ᒐᒋ ᓇᓂᑐᓴᔨᑎᒥᔨᒋ ᒐ ᐊᑲ ‍ ᒥᔭᑲ ᒧᕐᑎᑲᐃᔨᒋ ᒐᒋ ᐃᑎᔨᒋ ᐊᓂᔭ ᐊ ‍ ᐃᑎᔨᒋ᙮
\p
\v 5 ᐦᐊᒪᓐ ᒋ ‍ ᒋᔄᐳᐤ ᑲ ‍ ᒋᔅᒐᔨᑕᑦ ᐊᓂᔭ ᒧᕐᑎᑲᐃᔨᒋ ᐊᑲ ᐎᓂᐱᔅᑯᐱᔅᑕᑯᑦ ᑭᔭ ᐊᑲ ᒋᔅᑕᔨᒥᑯᑦ᙮
\v 6 ᑭᔭ ᑲ ᐃᔅᐱ ‍ ᒋᔅᒐᔨᑕᑦ ᐊᓂᔭ ᒧᕐᑎᑲᐃᔨᒋ ᐊ ᒍᐤ ᐃᔪᔨᒋ, ᒋ ‍ ᒋᔅᒐᔨᑎᒻ ᓇᒪᔭᐤ ᒥᒄ ᒐᒋ ᓂᐸᑦ ᒧᕐᑎᑲᐃᔨᒋ᙮ ᓄᑎᒻ ᒍᐤ ᐃᔪᐛ ᐊᓐᑕ ᒋᓴᐅᒋᒪᐅᓂᒡ ᐊ ‍ ᑕᔨᒋ ᒋᑭ ᐎ ‍ ᓂᐸᐤ᙮
\p
\v 7 ᐎᔭ ᓴᔅ ᓂᓴᑉ ᐱᐳᓇ ᒋ ‍ ᐅᒋᒪᐤ ᒋᓴᐅᒋᒪᐤ ᓯᕐᑭᓯᔅ᙮ ᒪᒂᒡ ᓂᓴᓐ, ᐅᔅᑭᒡ ᐱᓯᒪ ᐊᓐᑕ ᐱᐳᓂᔨᒡ, ᐦᐊᒪᓐ ᒋ ‍ ᐃᔅᒋᔄᐤ, “ᓇᓂᑐ ‍ ᒋᔅᒐᔨᑎᒥᒄ ᑕᓐ ᐃᔅᐱᔅ ᒋᐸ ‍ ᒥᔽᐤ ᒐᒋ ᐃᑐᑎᒪᓐ ᐅ᙮” ᐊᓐᑕ ᓂᓴᑉ ᐱᓯᒪ ᐊᑯᓐ ᑲ ‍ ᐅᑎᓇᑭᓄᒡ ᒐᒋ ᒋᒋᐱᓇᓄᒡ᙮
\p
\v 8 ᐊᑯ ᐦᐊᒪᓐ ᒂ ‍ ᓂᑐᐛᐱᒪᑦ ᐊᓂᔭ ᒋᓴᐅᒋᒪᐛ ᒂ ‍ ᐃᑕᑦ, “ᒋᔾ ᒪᐅᒡ ᒋᔅᑕᔨᑕᑯᓯᔨᓐ, ᑕᐅᒡ ᐊᓐᒡ ᐃᔪᒡ ᐊ ‍ ᐎᒋᒡ ᐊᓐᑕ ᓄᑎᒪᔭᒡ ᒋ ‍ ᒋᓴᐅᒋᒪᐅᓂᒡ ᑭᔭ ᐊᑲ ᐎ ‍ ᐊᔭᒥᐧᑯᐛᒡ ᑯᑎᑲ ᐊᐛᔪᐛ᙮ ᐊ ‍ ᑭᓄᐛᔨᑎᒥᒡ ᐃᑐᐅᓇ ᐃᔭᒡ ᐊᓯᓇᑯᓂᔨᒋ ᒧᔭᒻ ᓄᑎᒻ ᐊᐛᔪᐛ, ᑭᔭ ᓇᒪ ᑕᑈᑎᒥᒡ ᒐᒋ ᓇᓴᒡ ᐊ ‍ ᐃᑎᓱᐛᔨᓐ᙮ ᐊᑐᐎᔅ ᒥᔽᐤ ᒐᒋ ᒥᓯᐛ ᓂᐸᐊᑭᓄᐅᒡ !
\v 9 ᐊᑯ ᒐᒂᓐ ᐛᒋ ᐊᑲ ‍ ᓂᑐᐛᔨᑎᒥᓐ ᒐᒋ ᓂᐸᐊᑭᓄᐅᒡ ? ᒋ ‍ ᑕᓱᑎᒪᒐᑎᓐ ᒐ ᒥᔅᑎ ‍ ᑲᔅᑎᓂᒥᓐ ᓱᓇᔭᐤ᙮”
\p
\v 10 ᐊᓐ ᒋᓴᐅᒋᒪᐤ ᒋ ‍ ᒥᔭᐤ ᑎᐱᔭ ᐎᔾ ᐅᑦ ᐊᐱᒋᒐᐱᓱᓇ ᐊᓂᔭ ᐦᐊᒪᓇ, ᑲ ‍ ᐛᐧᑲᓯᓄᐛᔨᒋ ᒍᐤ ᐃᔪᐛ, ᑭᔭ ᒂ ‍ ᐃᑕᑦ,
\v 11 “ᐃᑐᑐᒡ ᑕᓐ ᐛ ‍ ᐃᑐᑐᑥᐤ ᐊᓐᒡ ᐃᔪᒡ ! ᒐ ‍ ᑭᓄᐛᔨᑎᒧᐅᑦ ᐅᓱᓇᔭᓂᒺᐤ᙮”
\p
\v 12 ᐊᓐᑕ ᓂᔅᑐᓴᑉ ᒋᓯᑲᐛ ᓂᓴᓐ, ᐦᐊᒪᓐ ᒋ ‍ ᐎᓴᒪᐤ ᒋᓴᐅᒋᒪᐛ ᐅᑲᒥᓯᓇᐃᒐᓯᒥᐛ ᑭᔭ ᑲ ‍ ᐃᑎᓱᒪᑦ ᒐᒋ ᒥᓯᓇᑕᒥᔨᒋ ᒥᓯᓇᐃᑭᓇ ᓄᑎᒻ ᐊᔨᔭᒡ ᐃᔨᒧᓇ ᐊ ᐃᓯ ‍ ᐃᔨᒥᓇᓄᔨᒋ ᐊᓐᑕ ᒋᓴᐅᒋᒪᐅᓂᔨᒡ ᒐᒋ ᐃᑎᔅᑕᑭᓂᔨᒋ᙮ ᔅᒋ ‍ ᒥᓯᓇᑕᐃᑭᓄᔨᐛ ᐊᓂᔭ ᒥᓯᓇᐃᑭᓇ ᐅᑦ ᐃᓯᓂᐧᑲᓱᐅᓐ ᒋᓴᐅᒋᒪᐤ ᐊᐱᒋᑕᑭᓄᐎᒡ ᒂ ᐊᑎ ‍ ᓯᑭᔅᑲᑕᑭᓄᔨᒋ ᐊᐱᒋᐊᑭᓄᔨᒋ ᒋᓴᐅᒋᒪᐤ ᐅᑕᐱᒋᒐᐱᓱᓇ᙮ ᒋᔅᑎᐸᒡ ᒋ ‍ ᐃᑎᓯᔨᑭᓄᔨᐛ ᐊᓐᑕ ᒋᓴᐅᒋᒪᐤ ᐊ ᒥᔅᑎ ‍ ᐃᔅᐸᑯᒋᓂᔨᒋ ᐅᑦ ᐊᑐᔅᒐᐛᑭᓇ, ᒋᓴᐅᒋᒪᐛ ᐊᓐᑕ ᐸᐸᐃᒄ ᐊᔅᒋᔭ, ᑭᔭ ᐊᓂᔭ ᑲ ‍ ᓂᑲᓂᔅᑭᒥᔨᒋ ᐊᔭᒡ ᐊᔅᒋᔭ ᐊᓐᑕ ᐅᒋᓴᐅᒋᒪᐅᓂᒡ ᓯᕐᑭᓯᔅ᙮
\v 13 ᐊᓂᔭ ᒥᓯᓇᐃᑭᓇ ᒋ ‍ ᐅᑎᓂᒧᒡ ᐊᓐᒡ ᑲ ᐃᓯ ‍ ᐃᔨᒥᐛᒡ ᐃᔨᒧᓂᔪᐤ ᐊᓐᑕ ᑲ ‍ ᐃᑐᑕᒡ ᒥᓯᐛ ᐸᐸᐃᒄ ᐊᔅᒋᔭ ᐊᓐᑕ ᒋᓴᐅᒋᒪᐅᓂᒡ, ᑭᔭ ᒪᐅ ᑲ ‍ ᐃᑎᔅᑕᔨᒋ ᐊᓐᑦ ᒥᓯᓇᐃᑭᓇ᙮
\p ᐊᓐᑕ ᐊ ‍ ᓂᔅᑐᓴᑉ ᒋᓯᑲᒡ ᐅᒡ ᐊᑕᕐ, ᐊᓐᑦ ᓂᓴᑉ ᐱᓯᒻ, ᓄᑎᒻ ᒍᐤ ᓇᐸᐤ, ᐃᔎᐤ, ᑭᔭ ᐊᐛᓯᒡ ᒋᑭ ‍ ᓂᐸᐊᑭᓄᐅᒡ᙮ ᑭᔭ ᒥᓯᐛ ᐅᑎᐸᔨᑎᒧᓂᐛᐤ ᒋᑭ ‍ ᐅᑎᓇᑭᓄᐎᔪᐛ᙮
\v 14-15 ᒋᓴᐅᒋᒪᐤ ᓯᕐᑭᓯᔅ ᒋ ‍ ᐃᑎᓱᐛᐤ ᒐᒋ ᐊᑯᑕᑭᓄᔨᒋ ᐅᔭ ᒥᓯᓇᐃᑭᓇ ᒐᒋ ᒥᓯᐛ ᐛᐸᑎᒥᔨᒋ ᐊᐛᔪᐛ ᐊᓐᑕ ᐅᒋᓴᐅᒋᒪᐅᓂᔨᒡ᙮ ᐊᓐ ᒋᓴᐅᒋᒪᐤ ᔅᒋ ‍ ᑕᑈᑐᐛᑭᓄᐤ ᑲ ‍ ᐃᑎᓱᐛᑦ, ᑭᔭ ᐸᐃᒄ ᐊᓂᔭ ᒥᓯᓇᐃᑭᓇ ᒋ ‍ ᐃᔨᒥᑐᐛᑭᓄᔨᐛ ᐃᔪᐛ ᐊᓐᑕ ᓱᓴ ᐊᔅᒋᒡ᙮ ᒂ ᐊᑎ ᐊᓐ ᒋᓴᐅᒋᒪᐤ ᑭᔭ ᐦᐊᒪᓐ ᔅᒋ ‍ ᒥᓄᒡ ᒪᒧᐤ, ᒥᒄ ᓇᒪ ᐊᐛᓐ ᐅᒋ ‍ ᒋᔅᒐᔨᑎᒻ ᑕᓐ ᐊ ‍ ᐃᔅᐱᔨᒡ᙮
\c 4
\s1 ᒧᕐᑎᑲᐃᔾ ᒂᒋᒪᐤ ᐊᔅᑐᕋ ᒐᒋ ᐎᒋᐃᑯᑦ
\p
\v 1 ᒪᒂᒡ ᒧᕐᑎᑲᐃᔾ ᑲ ‍ ᒋᔅᒐᔨᑕᐧᒄ ᐊᓂᔭ ᒥᓯᓇᐃᑭᓂᔪᐤ ᐊᑎᔅᑕᔨᒡ, ᒋ ‍ ᐱᑯᓂᒻ ᐅᑦ ᐊᐱᒋᑕᐅᓇ ᐊ ‍ ᓇᐧᑲᑕᔨᑕᒄ ᑭᔭ ᒂ ᐊᑎ ‍ ᐱᔅᑲᑦ ᐊ ‍ ᑲᐛᑭᓂᔨᒋ ᐊᐱᒋᑕᐅᓇ᙮ ᒂ ᐊᑎ ‍ ᐃᔅᐱᑎᒪᑎᓱᑦ ᐊᓐᑕ ᐅᔅᑎᒂᓂᒡ ᑭᔅᑕᔪᐤ ᑭᔭ ᒂ ᐊᑎ ‍ ᐃᑐᑕᑦ ᐊᓐᑕ ᐅᑕᓇᒡ, ᐊ ‍ ᒪᑦ᙮
\v 2 ᒥᒄ ᐊᓐᑕ ᐃᔅᐱᔅ ᒋ ‍ ᐃᑐᑕᐤ ᐊᓐᑦ ᒋᓴᐅᒋᒪᐤ ᐎᒋᒡ ᐃᔎᑕᒥᔪᐤ, ᑭᑈ ᓇᒪ ᐊᐛᓐ ᑕᑈᑥᑭᓄᐤ ᒐᒋ ᐱᔅᒐᑦ ᐊᓐᑕ ᒋᓴᐅᒋᒪᐛ ᐎᒋᒡ ᐊᓂᔭ ᐊᐱᔅᑲᑦ ᐊ ‍ ᑲᐛᑭᓂᔨᒋ ᐊᐱᒋᑕᐅᓇ᙮
\v 3 ᓄᑎᒻ ᐊᓂᔭ ᐊᔅᒋᔭ ᐊᓐᑕ ᑲ ‍ ᐃᔨᒥᑕᑭᓄᔨᒡ ᐊᓂᔭ ᒋᓴᐅᒋᒪᐤ ᐅᒥᓯᓇᐃᑭᓐ, ᒋ ᒪᐅᒡ ᐊᓐᒡ ᒍᐤ ᐃᔪᒡ, ᑭᔭ ᓇᒪ ᐅᒋ ᒥᒋᓱᐅᒡ᙮ ᒥᒐᑦ ᒪᒃ ᒋ ‍ ᐳᔅᑭᒧᒡ ᐊᓂᔭ ᐊ ‍ ᑲᐛᑭᓂᔨᒋ ᐊᐱᒋᑕᐅᓇ ᑭᔭ ᐊᐱᒡ ᐊᓐᑕ ᑭᔅᑕᔪᐤ᙮
\p
\v 4 ᒪᒂᒡ ᐊᔅᑐᕐ ᐅᑯᐸᓇᔎᒪ ᑭᔭ ᑯᑎᑲ ᐅᑯᐸᓇᒪ ᑲᐎᑎᒪᑯᑦ ᒐᒂᓂᔪᐤ ᒧᕐᑎᑲᐃᔨᒋ ᐊᑐᑎᒥᒋ, ᒋᒋᐛ ᒋ ‍ ᒋᔄᐳᐤ ᑭᔭ ᑲᔨᑎᓴᒧᐛᑦ ᐊᐱᒋᑕᐅᓇ ᒐᒋ ᐱᔅᑯᒥᔨᒋ ᒐᒋ ᒥᓂᒥᔨᒋ ᐊᓂᔭ ᐊ ‍ ᑲᐛᑭᓂᔨᒋ ᐊᐱᒋᑕᐅᓇ, ᒥᒄ ᓇᒪ ᐅᔅᑕᑈᑎᒻ ᒧᕐᑎᑲᐃᔾ᙮
\v 5 ᐊᔅᑐᕐ ᒋ ‍ ᓂᑐᐛᐱᒪᐤ ᐊᓂᔭ ᑯᐸᓇᐛ ᐊᓯᓂᐧᑲᓱᔨᒋ ᐧᑲᑕᔅ, ᐊᓂᔭ ᑲ ‍ ᒥᔨᑯᑦ ᒋᓴᐅᒋᒪᐛ᙮ ᐊᑯ ᑲ ‍ ᐎᓴᒪᑦ ᑭᔭ ᑲ ‍ ᐃᑕᑦ, “ᓇᓂᑐ ‍ ᒋᔅᒐᔨᒻ ᑕᓐ ᐊᐃᑎᑦ ᒧᕐᑎᑲᐃᔾ ᑭᔭ ᐊᑯ ᒐᒂᓂᔪᐤ ᐛᒋ ‍ ᐃᑕᔨᑕᑯᔅᑦ ᐊᓂᔭ ᑭ ᐃᑎᐛ᙮”
\p
\v 6 ᐧᑲᑕᔅ ᒋ ‍ ᓂᑐᐛᐱᒪᐤ ᒧᕐᑎᑲᐃᔨᒋ ᐊᓐᑕ ᒋᓴᐅᒋᒪᐛ ᐎᒋᒡ ᐃᔎᑕᒥᔪᐤ,
\v 7 ᑭᔭ ᒧᕐᑎᑲᐃᔾ ᑲ ‍ ᐎᑎᒧᐛᑦ ᓄᑎᒻ ᒐᒂᓂᔪᐤ ᑲ ‍ ᐃᔅᐱᔨᒡ᙮ ᒋ ‍ ᐎᑎᒧᐛᐤ ᐃᔭᐱᒡ ᑕᓐ ᒐ ᐃᔅᐱᔅ ‍ ᒥᔭᑦ ᓱᓇᔭᐤ ᐦᐊᒪᓐ ᐊᓂᔭ ᒋᓴᐅᒋᒪᐛ, ᒋ ‍ ᓂᐸᐊᑭᓄᑕᐛ ᓄᑎᒻ ᒍᐤ ᐃᔪᒡ᙮
\v 8 ᒧᕐᑎᑲᐃᔾ ᒋ ‍ ᒥᔭᐤ ᐧᑲᑕᓴ ᐊᓂᔭ ᒥᓯᓇᐃᑭᓂᔪᐤ ᐊ ᐃᓯ ‍ ᓂᑐᐛᔨᑎᑭᓄᔨᒡ ᒐᒋ ᓂᐸᐊᑭᓄᔨᒋ ᓄᑎᒻ ᒍᐤ ᐃᔪᐛ ᑭᔭ ᑲ ‍ ᐃᑕᑦ ᓴᔅ ᐅᔭ ᒋ ‍ ᐃᔨᒥᑕᑭᓄᐛ ᐊᓐᑕ ᓱᓴ ᐊᔅᒋᒡ᙮ ᒧᕐᑎᑲᐃᔾ ᑲ ‍ ᐃᑕᑦ, “ᒐ ‍ ᐛᐸᑎᑦ ᐅᔭ ᐊᔅᑐᕐ ᑭᔭ ᒐ ᒥᔪ ‍ ᐎᑎᒧᑦ ᐊᑎᔅᑕᔨᒡ, ᒐ ‍ ᑯᒂᒋᒥᑦ ᒐᒋ ᓂᑐᐛᐱᒪᑦ ᐊᓂᔭ ᒋᓴᐅᒋᒪᐛ ᑭᔭ ᒐᒋ ᓇᓂᑐᐱᔨᑯᓴᔨᑎᒺᑦ ᒐᒋ ᒋ ‍ ᒋᔅᑕᒪᔭᒐᔨᒪᔨᒋ ᐅᑦ ᐃᔨᒪ ᒍᐤ ᐃᔪᐛ !”
\p
\v 9 ᐧᑲᑕᔅ ᒋ ‍ ᓂᑐᐛᐱᒪᐤ ᑲᐤ ᐊᔅᑐᕋ ᑭᔭ ᑲ ‍ ᐎᑎᒧᐛᑦ ᒐᒂᓂᔪᐤ ᑲ ‍ ᐃᔅᒋᔄᔨᒋ ᒧᕐᑎᑲᐃᔨᒋ᙮
\v 10 ᐊᔅᑐᕐ ᒂ ‍ ᐃᑕᑦ, “ᐎᑎᒧᐤ ᒧᕐᑎᑲᐃᔾ,
\v 11 ᑎᑯᓐ ᐊᓐ ᐃᑎᓱᐛᐅᓐ ᐊ ‍ ᓂᑐᐛᐱᒪᑭᓄᐅᑦ ᒐᒋ ᐛᐱᒥᐃᑦ ᒋᓴᐅᒋᒪᐤ, ᑭᔭ ᓄᑎᒻ ᐊᑐᔅᑲᑯᑦ ᑭᔭ ᐅᑦ ᐃᔨᒪ ᒋᔅᒐᔨᑎᒧᐅᒡ ᐎᔭ ᐃᑎᓱᐛᐅᓂᔪᐤ᙮ ᒥᓯᐛ ᐊᐛᓐ ᐊ ‍ ᓂᑐᐛᐱᒪᑦ ᒐᒋ ᐛᐱᒪᑦ ᒋᓴᐅᒋᒪᐛ ᐊᑲ ᐎᓴᒥᑯᑦ ᒋᑭ ‍ ᓂᐸᐊᑭᓄᐤ᙮ ᐊᓐ ᒧᒃ ᒐᒂᓂᔪᐤ ᐊᐛᓐ ᒐᒋ ᐱᒪᒋᐃᑯᑦ ᐊᓐ ᒋᓴᐅᒋᒪᐤ ᐛᐸᑎᔭᒐ ᐊᓂᔭ ᐊᐛᔪᐛ ᐎᔄᐅᓱᓇᔭᐤ ᒥᔅᑎᑯᔪᐤ᙮ ᑭᔭ ᓴᔅ ᓂᔅᑐᔪᐤ ᒋᓯᑲᐛ ᐊᔅᐱᔅ ᓇᓂᑐᐛᔨᒥᑦ ᓂᔾ᙮”
\p
\v 12 ᒪᒂᒡ ᑲ ‍ ᐎᑎᒺᑭᓄᑦ ᒧᕐᑎᑲᐃᔾ ᒐᒂᓂᔪᐤ ᑲ ‍ ᐃᔅᒋᔄᔨᒋ ᐊᔅᑐᕋ,
\v 13 ᒋ ‍ ᐃᑕᐤ ᒪᒃ, “ᐊᑲ ᐃᑕᔨᑕ ᒐᒋ ᒋᑎᓯᒧᑎᒥᓐ ᒐ ᐊᑲ ‍ ᓂᐸᐃᑯᔨᓐ ᒋᒡ ᒋᑦ ᐃᔨᒥᒡ ᒍᐤ ᐃᔪᒡ, ᒥᒄ ᒋᔭᒻ ᐊᓐᑕ ᐊ ‍ ᐎᒋᔨᓐ ᒋᓴᐅᒋᒪᐤ ᐎᒋᒡ᙮
\p
\v 14 ᐊᑲ ᐃᔨᒥᐃᓇ ᐊᓄᒡ, ᓂᓇᓐ ᓂᑭ ‍ ᓇᓂᑐᐛᐸᑕᓇᓐ ᒐᒋ ᐎᒋᑯᔭᒡ, ᒥᒄ ᒋᔾ ᑭᔭ ᒋᐧᑲᓂᓯᒡ ᒋᑭ ‍ ᓂᐸᐊᔨᑯᓇᐤ᙮ ᒋ ᐸᒋ ‍ ᐃᓯᓇᑯᓐ ᐊᓐ ᑲᒋ ‍ ᐃᑕᔨᑯᔨᓐ ᒋᓴᐅᒋᒪᔎᐤ ᒐᒋ ᐃᓯᓇᒂᒡ ᐅ !”
\p
\v 15 ᐊᔅᑐᕐ ᒋ ‍ ᒥᓯᓇᐊᒧᐛᐤ ᒥᓯᓇᐃᑭᓂᔪᐤ ᒧᕐᑎᑲᐃᔨᒋ, ᐊ ‍ ᐃᑕᑦ,
\v 16 “ᒪᒧᐎᒡ ᓄᑎᒻ ᒍᐤ ᐃᔪᒡ ᐊᓐᑕ ᓱᓴ ᑭᔭ ᒐ ‍ ᐎᑎᒧᑕᐤ ᒐ ᐊᑲ ‍ ᒥᒋᓱᐅᒡ ᐅᑦ ᓂᔾ ! ᒐ ᐊᑲ ‍ ᒥᒋᓱᔭᒃ ᑭᔭ ᒐ ᐊᑲ ‍ ᒥᓂᔭᒃ ᐃᔅᐱᔅ ᓂᔅᑐ ᒋᓯᑲᐛ ᑭᔭ ᑎᐱᔅᑲᐛ᙮ ᓂᑯᐸᓇᔎᒥᒡ ᑭᔭ ᓂᔾ ᐸᐃᑯᑕᐤ ᓂᑭ ‍ ᑐᑕᓇᓐ᙮ ᒐ ᐊᑎ ‍ ᓂᑐᐛᐱᒥᒃ ᒋᓴᐅᒋᒪᐤ, ᐃᔭᐱᒡ ᒪᒃ ᓂᐱᔭᓇ᙮”
\p
\v 17 ᒧᕐᑎᑲᐃᔾ ᒋ ‍ ᐃᑐᑎᒻ ᓄᑎᒻ ᐊ ‍ ᐃᑎᓯᒥᑯᑦ ᐊᔅᑐᕋ᙮
\c 5
\s1 ᐊᔅᑐᕐ ᒋ ‍ ᐎᓴᒪᐤ ᒋᓴᐅᒋᒪᐛ ᑭᔭ ᐦᐊᒪᓇ ᒐᒋ ᓇᒡ ᒥᒋᓱᔨᒋ
\p
\v 1 ᓂᔅᑐ ᒋᓯᑲᐛ ᓇᓇᒐ, ᐊᔅᑐᕐ ᒋ ‍ ᐃᑕᔅᐱᓱᐤ ᐅᒋᓴᐅᒋᒪᐤ ᐊᐱᒋᑕᐅᓇ ᑭᔭ ᑲ ‍ ᐃᑐᑕᑦ ᐊᓐᑕ ᐱᑎᑭᒥᒡ ᑲᒋ ‍ ᐸᐃᑭᓂᓯᒡ ᒋᓴᐅᒋᒪᐛ ᐎᒋᔪᐤ ᐊᓐᑕ ᓂᑲᓄᒡ ᒋᓴᐅᒋᒪᐤ ᑕᑎᐳᐛᑭᓂᔪᐤ᙮ ᒋᓴᐅᒋᒪᐤ ᐊᓐᑕ ᒋᑦ ᐊᐳᐤ, ᐊᓐᑕ ᐊ ‍ ᐃᑕᐱᑦ ᒧᓴ ᐊᐅᒡ ᐱᔅᒐᓄᔨᒡ᙮
\v 2 ᒋᓴᐅᒋᒪᐤ ᒋ ‍ ᒥᔽᔨᑎᒻ ᐊ ‍ ᐛᐱᒪᑦ ᐊᔅᑐᕋ, ᑭᔭ ᑲ ‍ ᐃᑎᓂᒧᐛᑦ ᐊᓂᔭ ᐎᔄᐅᓱᓇᔭᐤ ᒥᔅᑎᑯᔪᐤ᙮
\p ᒪᒂᒡ ᐊᔅᑐᕐ ᑲ ‍ ᓄᑐᐛᐱᒪᑦ ᑭᔭ ᐊ ‍ ᑕᒋᓇᐧᒄ ᐊᓂᔭ ᒥᔅᑎᑯᔪᐤ,
\v 3 ᒋᓴᐅᒋᒪᐤ ᒋ ‍ ᐃᑕᐤ, “ᐊᔅᑐᕐ, ᒐᒂᓐ ᐅᑕ ᐛᒡ ᑎᑯᓯᓂᔨᓐ ? ᒥᒄ ᒋᔭᒻ ᑯᒂᒋᒥᔾ, ᑭᔭ ᒋᑭ ‍ ᒥᔨᑎᓐ ᐊᓐ ᐊᐱᑐᐤ ᐊ ᐃᓯ ‍ ᑎᐸᔨᑎᒪᓐ ᓂᒋᓴᐅᒋᒪᐅᓂᒻ᙮”
\p
\v 4 ᐊᔅᑐᕐ ᒋ ‍ ᐃᑕᐤ, “ᒋᔾ ᒪᐅᒡ ᒋᔅᑕᔨᑕᑯᓯᓐ, ᒐ ‍ ᑎᑯᓯᓂᓐ ᒐ ‍ ᐎᒐᐅᑦ ᐦᐊᒪᓐ ᒐ ᓇᒋ ‍ ᒥᒋᓱᔭᒃ ᓇᓇᒐ ᐊᓄᒡ ᒐᓯᑲᒡ᙮”
\p
\v 5 ᐊᓐ ᒋᓴᐅᒋᒪᐤ ᑲ ᐃᑕᑦ ᐅᑯᐸᓇᒪ, “ᒪᒋᒃ ᑭᔭ ᐊ ‍ ᓂᑐᐛᐱᒪᒄ ᐦᐊᒪᓐ, ᐊᑯ ᒐᒋ ᑕᑈᑎᒧᒋᒡ ᐊ ᐃᓯ ‍ ᓂᑐᐛᔨᑎᒪᑯᔭᒡ ᐊᔅᑐᕐ᙮”
\p ᒋᓴᐅᒋᒪᐤ ᑭᔭ ᐦᐊᒪᓐ ᒋ ‍ ᐃᑐᑕᐅᒡ ᐊᓐᑕ ᐊ ‍ ᒥᒋᓱᓇᓂᒐᔨᒋ ᐊᔅᑐᕋ,
\v 6 ᑭᔭ ᒪᒂᒡ ᐊᓐᑕ ᐊ ᒥᓂᒂᒡ ᑲᒥᒂᑭᒥᒡ, ᐊᓐ ᒋᓴᐅᒋᒪᐤ ᒋ ‍ ᑯᒂᒋᒪᐤ ᐊᔅᑐᕋ, “ᒐᒂᓐ ᒐ ‍ ᐃᑐᑎᒪᓐ ᐅᑦ ᒋᔾ ? ᒥᒄ ᒋᔭᒻ ᑯᒂᒋᒥᔾ, ᑭᔭ ᒋᑭ ‍ ᒥᔨᑎᓐ ᐊᓐ ᐊᐱᑐᐤ ᐊ ᐃᓯ ‍ ᑎᐸᔨᑎᒪᓐ ᓂᒋᓴᐅᒋᒪᐅᓂᒻ᙮”
\p
\v 7-8 ᐊᔅᑐᕋ ᑲ ‍ ᐃᑐᑯᑦ, “ᒋᔾ ᒪᒡ ᒋᔅᑕᔨᑕᑯᓯᔨᓐ, ᐃᔅᐱᑕᔨᒥᓇ ᑭᔭ ᐃᑐᑎᒥᓇ ᐅ ᐊ ᐃᓯ ‍ ᓂᑐᐛᔨᑎᒪᓐ, ᒐ ‍ ᑎᑯᓯᓂᓐ ᒥᓄᐛᒡ ᐛᐸᒐ ᒐ ‍ ᐎᒐᐅᑦ ᐦᐊᒪᓐ ᒐ ‍ ᓇᒋᒥᒋᓱᔭᒃ ᒋᑭ ‍ ᐱᒥᓄᑎᓇᐤ᙮ ᐊᑯᑦ ᐸᑐᔅ ᒐ ‍ ᒋᐛᓂᒪᑕᓐ ᐃᔨᒧᓐ ᒋᔾ ᒪᐅᒡ ᒋᔅᑕᔨᑕᑯᓯᔨᓐ ᐅᑯᒂᒋᒧᓐ᙮”
\s1 ᐦᐊᒪᓐ ᑯᒂᑕᔨᑎᒻ ᒐᒋ ᓂᐸᑦ ᒧᕐᑎᑲᐃᔨᒋ
\p
\v 9 ᐦᐊᒪᓐ ᒋ ‍ ᒥᔪᐱᒪᑎᓯᔪᐤ ᐊ ᐃᓯ ‍ ᑐᑕᑦ᙮ ᒥᒄ ᑲᒋ ‍ ᐛᐱᒪᑦ ᒧᕐᑎᑲᐃᔨᒋ ᐊᓐᑕ ᒋᓴᐅᒋᒪᐤ ᐃᔎᑕᒥᒡ, ᒋ ‍ ᐱᔅᑲᐱᒪᐤ ᒧᕐᑎᑲᐃᔨᒋ ᓇᒪ ᐅᒋ ᓂᐳᐎᐛ ᑭᔭ ᒪᒃ ᒐᒋ ᐛᐸᑎᔨᑯᑦ ᐊ ‍ ᐃᓯᑕᔨᒥᑯᑦ᙮ ᐅᔭ ᒋ ‍ ᑐᑕᑯ ᐦᐊᒪᓐ ᒐᒋ ᒥᔅᑎ ‍ ᒋᔄᐱᑦ,
\v 10 ᒥᒄ ᓇᒪ ᐃᓯ ‍ ᒐᒂᓂᔪᐤ ᐅᒋ ᐃᔅᒋᔄᐤ᙮
\p ᑲᒋ ‍ ᒋᐛᑦ ᐦᐊᒪᓐ, ᒋ ‍ ᐎᓴᒪᐤ ᐎᒐᐛᑭᓇ ᑭᔭ ᐅᑦ ᐃᔎᒪ ᓯᕆᓴ᙮
\v 11 ᑭᔭ ᒂ ‍ ᒋᒋᐱᑦ ᐊ ‍ ᐛᐎᑕᐧᒄ ᐊᔅᐱᔅ ᒥᔅᑎ ᐅᓯᓇᔭᓂᒥᑦ ᑭᔭ ᐊᓂᔭ ᓄᑎᒻ ᐅᑯᓴ᙮ ᒋ ‍ ᐛᐎᑎᒧᐛᐤ ᐊᓂᔭ ᒥᒐᑐᐎᒡ ᐊ ᐃᓯ ‍ ᐃᔅᐱᑕᔨᒥᑯᑦ ᒋᓴᐅᒋᒪᐛ ᑭᔭ ᐊᓂᔭ ᑯᑎᑲ ᐅᑦ ᐊᑐᔅᒐᐛᑭᓂᔪᐛ ᑭᔭ ᑲ ‍ ᓂᑲᓂᔅᑭᒥᔨᒋ ᒐᒋ ᐃᔅᐱᔨᑕᔨᒥᑯᑦ᙮
\v 12 ᐦᐊᒪᓐ ᑲ ‍ ᐊᓱᔅᑕᑦ, “ᓇᒪᔭᐤ ᐊᓐ ᒧᒃ ! ᐅᐱᒪ ᒋᓴᐅᒋᒪᐤ ᑎᐱᔨᐛ, ᓂᔾ ᒥᒄ ᐊᐛᓐ ᒋ ‍ ᐎᓴᒥᒄ ᒋᓴᐅᒋᒪᔎᐤ ᐊᔅᑐᕐ ᒐᒋ ᓇᒋᒥᒋᓱᔭᓐ᙮ ᓂᒋ ‍ ᐎᓴᒥᑯᓇᓐ ᒥᓄᐛᒡ ᐛᐱᓂᒐ᙮
\v 13 ᒥᒄ ᓇᒪ ᐛᒡ ᐸᐃᒄ ᓂᒥᔽᔨᑎᒥᑯᐅᓐ ᐅ, ᐊᔅᐱᔅ ᒪᒃ ᐛᐱᒥᒐ ᐊᓐ ᒧᕐᑎᑲᐃᔾ ᒍᐤ ᐃᔪᐤ ᐊᓐᑕ ᒋᓴᐅᒋᒪᐛ ᐃᔎᑎᒥᒡ᙮”
\p
\v 14 ᐦᐊᒪᓐ ᐅᑦ ᐃᔎᒪ ᑭᔭ ᐎᒐᐛᑭᓇ ᒋ ‍ ᐃᑎᑯᐤ ᒪᒃ, “ᑐᑕ ᒐᒋ ᐅᓯᑕᑭᓄᐅᒡ (tower, gallows) ᓂᔄᐅᑕᒡ ᑕᑐᔪᐤ ᐊᓱ ᐱᑕᑕᒡ ᒥᓯᑕ ᐃᔅᐸᓄᑯᑕᔨᒡ, ᑭᔭ ᒐᒋᓴᔭᐸᒐ ᒐ ‍ ᑯᒂᒋᒥᑦ ᒋᓴᐅᒋᒪᐤ ᒐᒋ ᓂᒂᑕᑦ ᒧᕐᑎᑲᐃᔨᒋ ᐊᓐᑕ᙮ ᐊᑯ ᓇᓇᒐ, ᒐ ᐅᒋ ‍ ᒥᒋᓱᒥᑦ ᒋᓴᐅᒋᒪᐤ ᑭᔭ ᒐ ‍ ᒥᔽᔨᑎᒥᓐ᙮”
\p ᐦᐊᒪᓐ ᒋ ‍ ᒥᔽᔨᑎᒻ ᐅᔭ ᐊᑕᔨᑎᑭᓄᐎᒡ, ᑭᔭ ᒋ ‍ ᐃᑐᑎᒻ ᒐᒋ ᐅᓯᑕᑭᓄᔨᒡ ᐊᓂᔭ (tower, gallows)᙮
\c 6
\s1 ᒋᓴᐅᒋᒪᐤ ᒋᔅᑕᔨᒪᐤ ᒧᕐᑎᑲᐃᔨᒋ
\p
\v 1 ᓂᔭ ᑕᐱᔅᑲᔨᒡ ᒋᓴᐅᒋᒪᐤ ᓇᒪ ᒋ ‍ ᓂᐸᐤ, ᑭᔭ ᒂ ‍ ᐃᑕᑦ ᐅᑯᐸᓇᒪ ᒐᒋ ᐃᔨᒥᑥᑯᑦ ᐊᓂᔭ ᑲ ᐸᒋ ‍ ᐃᔅᐱᔨᒡ ᐊᓐᑕ ᑲ ᐃᔅᐱᔅ ‍ ᒋᓴᐅᒋᒪᐅᑦ᙮
\v 2 ᒪᒂᒡ ᐊᓐ ᑯᐸᓇᐤ ᑲ ‍ ᐃᔨᒥᑕᑦ ᑕᓐ ᑲ ‍ ᑐᑥᑦ ᒧᕐᑎᑲᐃᔾ ᐊᓂᔭ ᐱᒃᑕᓇ ᑭᔭ ᑭᕆᓴ ᒐ ᐊᑲ ‍ ᓂᐸᐊᔨᒋ ᒋᓴᐅᒋᒪᐛ,
\p
\v 3 ᐊᑯ ᒂ ‍ ᑯᒂᒋᒧᑦ ᒋᓴᐅᒋᒪᐤ, “ᒐᒂᓂᔪᐤ ᑲ ‍ ᑲᓂᔪᐅᑦ ᒧᕐᑎᑲᐃᔾ ᑲᒋ ‍ ᑐᑕᑦ ᐅᔭ ?”
\p “ᓇᒪ ᒐᒂᓂᔪᐤ, ᒋᔾ ᒪᐅᒡ ᒋᔅᑕᔨᑕᑯᓯᓐ !” ᐃᑎᑯᐤ ᐅᑯᐸᓇᒪ᙮
\p
\v 4 ᒪᒂᒡ ᐅ ᐊ ‍ ᐃᔅᐱᑦ, ᐦᐊᒪᓐ ᒋ ‍ ᐱᔅᒐᐤ ᒐᒋ ᑯᒂᒋᒪᑦ ᒋᓴᐅᒋᒪᐛ ᒐᒋ ᓂᒂᑕᑯᓂᔨᒋ ᒧᕐᑎᑲᐃᔨᒋ ᐊᓐᑕ (tower, gallows) ᑲ ‍ ᐅᓯᑕᑦ᙮ ᒋᓴᐅᒋᒪᐤ ᒋ ‍ ᐛᐱᒪᐤ ᐦᐊᒪᓇ ᒂ ‍ ᑯᒂᒋᒪᑦ, “ᐊᐛᓐ ᐊᓐ ᓇᐸᐤ ᑭ ‍ ᓱᐛᐸᑎᒧᐛ ᐊᓐᑕ ᓂᑲᓐ ᒋᓴᐅᒋᒪᐤ ᑕᑎᐳᐊᐛᑭᓂᒡ ᑲᒋᐸᐃᑭᓂᓯᒡ ?”
\p
\v 5 ᐊᓂᔭ ᐅᑯᐸᓇᒪ ᒋᓴᐅᒋᒪᐤ ᒋ ‍ ᐃᑎᑯᐤ, “ᒋᔾ ᒪᐅᒡ ᒋᔅᑕᔨᑕᑯᓯᔨᓐ, ᐦᐊᒪᓐ ᐊᓐ᙮”
\p “ᐃᑕᒄ ᒐᒋ ᐱᒐᑦ,” ᒋᓴᐅᒋᒪᐤ ᒋ ‍ ᐃᑎᓱᐛᐤ᙮
\p
\v 6 ᒪᒂᒡ ᑲ ‍ ᐱᔅᒐᑦ ᐊᓐᑕ ᑲᒋᐸᐃᑭᓂᓯᒡ, ᐊᓐ ᒋᓴᐅᒋᒪᐤ ᒋ ‍ ᑯᒂᒋᒪᐤ, “ᑕᓐ ᓂᐸ ‍ ᐃᑐᑎᐛᐤ ᓇᐸᐤ ᐊ ᐎ ‍ ᒋᔅᑕᔨᒥᒄ ?”
\p ᐦᐊᒪᓐ ᒋ ‍ ᒋᔅᒐᔨᑎᒻ ᐎᔾ ᐊᓂᔭ ᐛᒋ ‍ ᒋᔅᑕᔨᒥᑯᑦ ᒋᓴᐅᒋᒪᐛ᙮
\v 7 ᒂ ‍ ᐃᑕᑦ, “ᒋᔾ ᒪᐅᒡ ᒋᔅᑕᔨᑕᑯᓯᔨᓐ, ᐎ ‍ ᐃᑐᑎᒥᓇ ᒪ ᐛᒋ ‍ ᒋᔅᑕᔨᒥᑦ ᓇᐸᐤ,
\v 8 ᐊᑐᓴᒻ ᐊᐛᓐ ᒐᒋ ᐃᑐᑎᒪᑯᑦ ᐸᐃᒄ ᐊᓂᔭ ᒋᑦ ᐊᑯᐸ ᑭᔭ ᐊᓂᔭ ᐸᐃᒄ ᑲᐸᐃᑭᔎᐤ ᒋᒡ ᐊ ‍ ᒥᔽᓯᒡ ᐊᑯᓂᔎᐅᓂᔪᐤ᙮
\v 9 ᐊᑐᓴᒻ ᐸᐃᒄ ᓇᔅᒡ ᐛᒋ ‍ ᐃᔅᐳᑯᓯᑦ ᒋᑦ ᐊᑐᔅᒐᐛᓯᒻ ᒐᒋ ᒋᑭ ‍ ᒧᑕᑎᔭᑦ ᐊᓂᔭ ᒋᑦ ᐊᑯᐱᔪᐤ ᐊᓂᔭ ᓇᐸᐛ ᑭᔭ ᒐᒋ ᐳᓯᑦ ᐊᓂᔭ ᑲᐸᐃᑭᔎᐤ ᐊᓐᑕ ᒪᔅᑭᓇᒡ, ᒪᒂᒡ ᐊᐛᓐ ᐊᑕᑈᑦ, ‘ᐊᑯᓐ ᐅ ᐊᓯ ᒋᔅᑕᔨᒪᑦ ᒋᓴᐅᒋᒪᐤ ᓇᐸᐛ᙮’ ”
\p
\v 10 ᒋᓴᐅᒋᒪᐤ ᒋ ‍ ᐃᑕᐤ, “ᒋᐱᔾ ᑭᔭ ᑐᑕ ᒐᒂᓐ ᑲ ‍ ᐃᔅᒋᔄᔨᓐ ! ᑲᐤ ᓂᒋᓯᑕ ᒐᒂᓐ᙮ ᓂᑐᐛᐸᑎᒪ ᐊᑯᑉ ᑭᔭ ᓂᑐᐛᐱᒪ ᐊᓐ ᑲᐸᐃᑭᔎᐤ ᐅᑦ ᒧᕐᑎᑲᐃᔾ ᒍᐤ ᐃᔪᐤ, ᐊᓐᑕ ᑭᑐᓴᐛ ᒋᓴᐅᒋᒪᐤ ᒥᒋᐛᐱᒡ ᐃᔎᑕᒥᒡ᙮”
\p
\v 11 ᐦᐊᒪᓐ ᒋ ‍ ᓂᑐᐛᐸᑎᒻ ᐊᓂᔭ ᒋᓴᐅᒋᒪᐛ ᐅᑦ ᐊᑯᐱᔪᐤ ᑭᔭ ᑲ ‍ ᒋᑭᒧᑕᑎᔭᑦ ᐊᓂᔭ ᒧᕐᑎᑲᐃᔨᒋ᙮ ᒋ ‍ ᐱᒧᑕᐤ ᐊᓐᑕ ᒪᔅᑭᓇᒡ ᐊ ‍ ᐳᓯᒋᔾ ᐊᓐᑕ ᑲᐸᐃᑭᔎᐛ ᑭᔭ ᑲ ‍ ᑕᐱᑕᑈᑦ, “ᐊᑯᓐ ᐅ ᐊ ᐃᓯ ‍ ᒋᔅᑕᔨᒪᑦ ᒋᓴᐅᒋᒪᐤ ᓇᐸᐛ᙮”
\p
\v 12 ᓇᓇᒐ, ᒧᕐᑎᑲᐃᔾ ᑲᐤ ᒋ ᓇᒋ ‍ ᐊᑐᔅᒐᐤ ᐊᓐᑦ ᒋᓴᐅᒋᒪᐛ ᐎᒋᒡ ᐃᔎᑕᒥᒡ, ᑭᔭ ᐦᐊᒪᓐ ᒋ ‍ ᒋᐱᔪᐤ ᐊ ‍ ᒋᐛᐸᑕᑦ, ᒋ ‍ ᐊᑲᑎᒻ ᐅᑕᔅᑎᒥᔪᐤ ᐊ ‍ ᓴᒂᔨᒧᑦ᙮
\v 13 ᐦᐊᒪᓐ ᑲ ‍ ᐎᑎᒧᐛᑦ ᐅᑦ ᐃᔎᒪ ᑭᔭ ᐎᒐᐛᑭᓇ ᐊᓂᔭ ᑲ ‍ ᐃᔅᐱᔨᒡ᙮
\p ᒂ ‍ ᐃᑎᑯᑦ ᐅᑦ ᐃᔎᒪ ᑭᔭ ᑲ ‍ ᐛᑎᓱᐛᔨᒋᔾ, “ᒍᐤ ᐃᔪᐤ ᐊᓐ ᒧᕐᑎᑲᐃᔾ, ᐅ ᒥᒄ ᐊᑯᓐ ᐛ ‍ ᒋᒋᐱᔨᒡ ᒐ ᐅᑲ ‍ ᒥᔪᐱᔨᓐ ! ᒋᑭ ‍ ᐃᓯᓇᑯᓯᓐ ᒧᔭᒻ ᓇᔅᒡ ᐊ ‍ ᒥᒋᐱᔨ ᓇᐸᐤ᙮”
\v 14 ᐊᔅᒄ ᒋ ‍ ᐃᔨᒥᑐᒡ, ᒂ ᐊᑎ ‍ ᑎᑯᓯᓂᔨᒋ ᒋᓴᐅᒋᒪᐤ ᐅᑯᐸᓇᒪ ᑭᔭ ᐊ ‍ ᐃᔭᓯᒋᐤ ᐊ ‍ ᑐᑕᑦ ᐦᐊᒪᓇ ᐊᓐᑕ ᐊᔅᑐᕋ ᐊ ‍ ᒥᒋᓱᓇᓂᒐᔨᒋ᙮
\c 7
\s1 ᐦᐊᒪᓐ ᐊᓏᔨᒪᑭᓄᐤ
\p
\v 1 ᒋᓴᐅᒋᒪᐤ ᑭᔭ ᐦᐊᒪᓐ ᒋ ᐅᒋ ‍ ᒥᒋᓱᒪᐅᒡ ᐊᔅᑐᕋ
\v 2 ᑭᔭ ᒋ ᒥᓄᒡ ᑲᒥᒂᑭᒥᒡ ᒪᒂᒡ ᓂᓱᐛᐤ ᐊ ‍ ᒥᒋᓱᐅᒡ, ᒪᒂᒡ ᐊᓐ ᒋᓴᐅᒋᒪᐤ ᒥᓄᐛᒡ ᐊ ‍ ᐃᔅᒋᔄᑦ, “ᐊᔅᑐᕐ, ᒐᒂᓐ ᓂᐸ ‍ ᑐᑕᓐ ᐅᑦ ᒋᔾ ? ᒥᒄ ᒋᔭᒻ ᑯᒂᒋᒥᔾ, ᑭᔭ ᒋᑭ ‍ ᒥᔨᑎᓐ ᓇᔅᒡ ᐊᐱᑐᐤ ᓂᒋᓴᐅᒋᒪᐅᓐ᙮”
\p
\v 3 ᐊᔅᑐᕐ ᒂ ‍ ᐃᑕᑦ, “ᒋᔾ ᒪᐅᒡ ᒋᔅᑕᔨᑕᑯᓯᔨᓐ, ᐃᓯ ᒋ ᐃᔅᐱ ‍ ᐃᑕᔨᒥᓇᒂ ᑭᔭ ᐎᐛᐎᒋᐃᓇᒂ, ᒋᔾ ᒋᑭ ᒋ ‍ ᐱᒪᒋᐃᓐ ᑭᔭ ᓂᑦ ᐃᔨᒥᒡ᙮ ᐊᑯᓐ ᓇᔅᒡ ᐛ ‍ ᐊᐱᒋᑕᔭᓐ,
\v 4 ᑭᑈ ᒋ ‍ ᐊᓱᑎᒪᒐᐅᓄᐤ ᒐᒋ ᒥᔭᑭᓄᐤ ᑲᓂᔪᓂᔪᐤ ᐊᐛᓐ ᓂᐸᑕ ᓂᑦ ᐃᔨᒪ᙮ ᒋᔾ ᒪᐅᒡ ᒋᔅᑕᔨᑕᑯᓯᔨᓐ, ᐃᓯ ᒪᒃ ᑕᒪᑭᓄᑕ ᐊᐛᓐ ᓂᔭᓐ ᒐᒋ ᑯᐸᓇᐅᔭᒡ, ᓇᒪ ᒐ ‍ ᐊᔨᒥᐧᑲᑎᓇᓯᐱᓐ᙮”
\p
\v 5 “ᐊᐛᓐ ᐊᓂᔭ ᐊᑲ ᐃᑈᐧᑲᑦ ᒋ ᐸᒋ ‍ ᐃᑐᑎᒻ ?” ᒋ ‍ ᐃᑕᐤ ᐊᓐ ᒋᓴᐅᒋᒪᐤ᙮
\p
\v 6 ᐊᔅᑐᕐ ᒋ ‍ ᐃᑕᐤ, “ᐊᓐ ᑲ ‍ ᑲᒥᔅᒍᐅᑦ ᐦᐊᒪᓐ ᐊᑯᓐ ᐛ ‍ ᓂᐸᐃᑯᔭᒡ !”
\p ᐦᐊᒪᓐ ᒋᒋᐛ ᒋ ‍ ᑯᔅᑕᒍᐤ, ᒪᒂᒡ ᒐ ‍ ᑕᐱᒪᑦ ᒋᓴᐅᒋᒪᐛ ᑭᔭ ᒋᓴᐅᒋᒪᔎᐛ᙮
\p
\v 7 ᐊᓐ ᒋᓴᐅᒋᒪᐤ ᒋᒋᐛ ᒋ ‍ ᓱᒋᒋᔄᓱᐤ ᒂ ᐊᑎ ‍ ᓇᓂᐳᑦ, ᒂ ‍ ᓂᑭᑕᑦ ᐅᑲᒥᒂᑭᓂᒻ, ᑭᔭ ᒂ ‍ ᐃᑐᑕᑦ ᐊᓐᑕ ᐎᒋᐛᒡ ᑲ ‍ ᓂᑕᐅᒋᑕᑭᓄᐅᒋ ᐊᔅᒋᒡ ᐃᑕᒐ᙮
\p ᐦᐊᒪᓐ ᒋ ‍ ᐱᔅᑲᐸᑎᒻ ᐊᓂᔭ ᒋᓴᐅᒋᒪᐛ ᓴᔅ ᐊ ‍ ᐛᔨᑎᒥᔨᒋ ᑕᓐ ᒐ ‍ ᐃᑐᑕᑯᑦ, ᑭᔭ ᒋ ‍ ᑕᐤ ᑭᔭ ᑲ ‍ ᓇᓂᑐᐱᔨᑯᓴᔨᒧᑦ ᐊᓂᔭ ᐊᔅᑐᕋ ᒐᒋ ᐱᒪᒋᐃᑯᑦ᙮
\p
\v 8 ᒪᒂᒡ ᑲ ‍ ᐱᔅᒐᑦ ᑲᐤ ᒋᓴᐅᒋᒪᐤ ᐊᓐᑕ ᑲᒋᐸᐃᑭᓂᓯᔨᒡ, ᐦᐊᒪᓐ ᒋ ‍ ᓂᐱᔅᑯᐳᐤ ᑎᔅᑐᐎᒡ ᐊᔅᑐᕋ, ᐊᓐᑕ ᑲᐱᒥᓯᓂᔨᒋ ᑕᑎᐳᐛᑭᓂᒡ᙮ ᐊᓐ ᒋᓴᐅᒋᒪᐤ ᒋ ‍ ᑕᑈᐤ, “ᐃᔭᐱᒡ ᐊᑎ ᒥᒄ ᒋ ‍ ᐎᔨᑐᑎᐛᐤ ᓂᒋᓴᐅᒋᒪᔎᒻ ᐅᑕ ᑎᐱᔨᐛ ᓂᒋᒡ !”
\p ᒪᒂᒡ ᐅᔭ ᒋᓴᐅᒋᒪᐤ ᐊ ‍ ᒋᓯᔄᑦ, ᐅᑯᐸᓇᒪ ᔅᒋ ‍ ᐊᑯᓇᒥᔨᐛ ᐦᐊᒪᓇ ᐅᔅᑎᒂᓂᔪᐤ᙮
\v 9 ᒂ ᐊᑎ ᐧᑲᐸᕐᓇ, ᐸᐃᒄ ᐊᓐᒡ ᒋᓴᐅᒋᒪᐤ ᑎᐱᔨᐛ ᐅᑦ ᐊᑐᔅᒐᔭᑭᓇ, ᒋ ‍ ᐃᔅᒋᔄᐤ, “ᒋᔾ ᒪᐅᒡ ᒋᔅᑕᔨᑕᑯᓯᔨᓐ, ᐦᐊᒪᓐ ᒋ ‍ ᐅᓯᑕᐤ (tower, gallows) ᓂᔄᐅᑕᒡ ᑕᑐᔪᐤ ᐊᓱ ᐱᑕᑕᒡ ᒥᓯᑕ ᐊ ‍ ᐃᔅᐸᓄᑯᑕᔨᒡ ᐊᓐᑕ ᑎᔅᑐᐎᒡ ᐎᒋᒡ, ᑭᑈ ᒐᒋ ᓂᒂᑕᑦ ᐊᓐᑕ ᒧᕐᑎᑲᐃᔨᒋ, ᑭᔭ ᒧᕐᑎᑲᐃᔨᒋ ᐊᑯᓐ ᑎᐱᔨᐛ ᑲ ‍ ᐃᔨᒥᑦ ᐅᑦ ᒋᔾ ᑭᔭ ᑲ ‍ ᐱᒪᒋᐃᔅᒄ᙮”
\p “ᓂᒂᑕᐧᒄ ᐦᐊᒪᓐ ᐊᓐᑕ ᐅ (tower, gallows) !” ᐊᓐ ᒋᓴᐅᒋᒪᐤ ᒋ ‍ ᐃᑎᓱᐛᐅᐤ᙮
\v 10 ᑎᐛᒡ, ᐦᐊᒪᓐ ᒋ ‍ ᓂᒂᑕᑭᓄᐤ ᐊᓐᑦ ᐅ (tower, gallows) ᑲ ­ ᐅᓯᑕᑦ ᒐᒋ ᓂᒂᑕᑦ ᒧᕐᑎᑲᐃᔨᒋ, ᑭᔭ ᒋᓴᐅᒋᒪᐤ ᒂ ‍ ᒋᔭᒪᐅᒐᔨᒧᐅᑦ᙮
\c 8
\s1 ᒥᔽᔨᑎᒧᒡ ᒪᔪᐱᔨᒡ ᒍᐤ ᐃᔪᒡ
\p
\v 1 ᐊᔅᒃ ᐊᑲ ᒋᔅᑕᐱᔨᒡ ᒋᓯᒄ, ᒋᓴᐅᒋᒪᐤ ᓯᕐᑭᓯᔅ ᒋ ‍ ᒥᔭᐤ ᐊᔅᑐᕋ ᓄᑎᒻ ᑲ ᐃᓯ ‍ ᑎᐸᔨᑎᒥᔨᒋ ᐦᐊᒪᓇ, ᑲ ‍ ᐛᐧᑲᓯᓄᐛᔨᒋ ᒍᐤ ᐃᔪᐛ᙮ ᐊᔅᑐᕐ ᒋ ‍ ᐎᑎᒧᐛᐤ ᐊᓂᔭ ᒋᓴᐅᒋᒪᐛ ᐊ ‍ ᐎᐧᑲᓂᓯᑦ ᐊᐃᔭ ᒧᕐᑎᑲᐃᔨᒋ᙮ ᐊᑯ ᐊᓐ ᒋᓴᐅᒋᒪᐤ ᒂ ‍ ᐃᑐᑐᐛᑦ ᒧᕐᑎᑲᐃᔨᒋ ᒐᒋ ᒥᔅᑎᔾ ᐃᔅᐸᔨᒋ ᐊᑐᔅᒐᔨᒋ᙮
\v 2 ᑭᔭ ᒂ ‍ ᒥᔭᑦ ᐊᓂᔭ ᒋᓴᐅᒋᒪᐤ ᑕᐱᒋᒐᐱᓱᓇ ᐊᓂᔭ ᐦᐊᒪᓇ ᑲ ‍ ᐳᔎᔨᒋ᙮ ᒂ ᐊᑎ ᐊᔅᑐᕐ ᒋ ‍ ᐊᔭᐤ ᒧᕐᑎᑲᐃᔨᒋ ᒐᒋ ᓂᑲᓂᔅᑭᒥᔨᒋ ᐦᐊᒪᓇ ᐅᑎᐸᔨᑕᑯᓂᔪᐛ᙮
\p
\v 3 ᒥᓐ ᐸᐃᒂᐤ ᐊᔅᑐᕐ ᒋ ‍ ᓇᒋᒪᐤ ᒋᓴᐅᒋᒪᐛ᙮ ᐊᑯ ᐊᓄᒡ ᒋ ‍ ᓂᐳᔅᑲᐳᔅᑎᐛᐤ ᐊᓐᑕ ᐅᓯᑎᔨᒡ, ᐊᒪᑦ ᑭᔭ ᐊ ‍ ᓇᓂᑐᐱᔨᑯᓴᔨᒧᑦ, “ᓂᑲᐊᒻ ᐦᐊᒪᓐ ᑲ ‍ ᒥᒐᔨᑕᔨᑕᑦ ᒐᒋ ᓂᐸᐊᑦ ᒍᐤ ᐃᔪᐛ !”
\v 4 ᒋᓴᐅᒋᒪᐤ ᓯᕐᑭᓯᔅ ᒋ ‍ ᐃᑎᓂᒧᐛᐤ ᑲ ‍ ᐎᔄᐅᓱᓇᔭᐅᔨᒡ ᒥᔅᑎᑯᔪᐤ ᐊᓂᔭ ᐊᔅᑐᕋ,
\v 5 ᑭᔭ ᒂ ᐊᑎ ‍ ᓂᐳᐅᑦ ᑭᔭ ᒂ ᐊᑎ ‍ ᐃᑕᑦ, “ᒋᔾ ᒪᐅᒡ ᒋᔅᑕᔨᑕᑯᓯᔨᓐ, ᓂ ‍ ᒋᔅᒐᔨᑕᓐ ᒋᑭ ‍ ᑐᑕᓐ ᐊᓐ ᐊ ‍ ᒥᔨᐛᒡ ᒐᒂᓐ ᑭᔭ ᓇᔅᒡ ᒋᒋᐛ ᐊ ‍ ᒥᔽᓯᔨᓐ᙮ ᓂᑲᒻ ᐊᓂᔭ ᐦᐊᒪᓐ ᑲ ‍ ᐃᔅᒋᔄᑎᔅᑕᑦ᙮ ᐦᐊᒪᓐ ᓴᔅ ᒋ ‍ ᐃᑎᓴᒻ ᐊᓂᔭ ᒥᓯᓇᐃᑭᓇ ᐊ ‍ ᓂᑐᐛᔨᑕᑦ ᒐᒋ ᓂᐸᐊᑭᓄᔨᒋ ᐊᓂᔭ ᒍᐤ ᐃᔪᐛ ᐊᓐᑕ ᓄᑎᒻ ᐊᔅᒋᔭ,
\v 6 ᑭᔭ ᒋᒋᐛ ᓂ ‍ ᑯᓯᑯᒪᒋᑕᓐ ᒐᒋ ᓂᐸᐊᑭᓄᐅᒡ ᓂᑦ ᐃᔨᒥᒡ ᑭᔭ ᓂᐧᑲᓂᓯᒡ᙮”
\p
\v 7 ᒋᓴᐅᒋᒪᐤ ᓯᕐᑭᓯᔅ ᒂ ᐊᑎ ‍ ᐃᑕᑦ ᐊᔅᑐᕋ ᑭᔭ ᒧᕐᑎᑲᐃᔨᒋ, “ᓴᔅ ᐊ ᓂᒋ ‍ ᓂᑐᐛᔨᑕᓐ ᒐᒋ ᓂᐸᐊᑭᓄᑦ ᐦᐊᒪᓐ ᑭᔭ ᐅᐎᒡ ᒐᒋ ᒥᔭᑭᓄᔨᒋ ᐊᔅᑐᕋ, ᑭᑈ ᑲ ‍ ᒥᒐᔨᑕᔨᑕᑦ ᒐᒋ ᓂᐸᐊᑭᓄᔨᒋ ᒍᐤ ᐃᔭᐛ᙮
\v 8 ᐊᓄᒡ ᒋ ‍ ᒥᔨᑎᓐ ᓂ ‍ ᑕᑈᑎᒧᓐ ᒐᒋ ᐅᓯᑕᔨᓐ ᐃᑎᓱᐛᐅᓐ ᒐᒋ ᐱᒪᒋᐃᑕᐤ ᒋᑦ ᐃᔨᒥᒡ᙮ ᒋᔾ ᒋᑭ ᒋ ‍ ᐊᐱᒋᐊᐤ ᓂᑕᐱᒋᒐᐳᓱᓐ ᒐᒋ ᐊᓐ ᐱᓯᒂᐊᒥᓐ ᐊᓐ ᐃᑎᓱᐛᐅᓐ, ᐊᑯ ᑭᑈ ᒐ ᐊᑲ ᓂᑕ ᒥᔅᑯᑎᓂᑭᓄᐅᒡ᙮”
\p
\v 9 ᐊᓐ ᓂᓱᔪᐤ ᐊᓱ ᓂᔅᑐ ᒋᓯᑲᐛ ᓯᐸᐊᓐ, ᐊᓐ ᓂᔅᑐ ᐱᓯᒺ, ᒋᓴᐅᒋᒪᐤ ᐅᑲᒥᓯᓇᐃᒐᓯᒪ ᒋ ‍ ᒥᓯᓇᑕᔨᒥᐛ ᐊᓂᔭ ᐃᑎᓱᐛᐅᓂᔪᐤ᙮ ᔅᒋ ‍ ᑕᑈᑐᐛᐅᒡ ᒧᕐᑎᑲᐃᔨᒋ ᑭᔭ ᑲ ‍ ᒥᓯᓇᒧᐛᒡ ᐊᓂᔭ ᑲ ‍ ᓂᑲᓂᔅᑭᒥᔨᒋ, ᒋᓴᐅᒋᒪᓂᐧᑲᓇ, ᑭᔭ ᑲᐊᑐᔅᒐᓯᒡ ᐊᓐᑕ ᓄᑎᒻ ᐸᐃᒄ ᒥᑕᓯᒥᑎᓄᐤ ᐊᓱ ᓂᔄᐅᑕᒡ ᐊᓯᔭ ᐅᒡ ᐃᓐᑎᐊ ᑭᔭ ᐃᑎᔪᐱᔭ᙮ ᐊᓂᔭ ᒥᓯᓇᐃᑭᓇ ᒋ ‍ ᐃᑎᔅᑕᔪᐛ ᓄᑎᒻ ᐊ ᐃᓯ ‍ ᐃᔨᒥᔨᒋ ᐃᔨᒧᓇ ᐊᓐᑕ ᒋᓴᐅᒋᒪᐤ ᐊᔅᒋᒡ, ᐃᔭᐱᒡ ᐊᓂᔭ ᒍᐤ ᐃᔪᐛ ᐅᑦ ᐃᔨᒧᐅᓂᔪᐤ᙮
\v 10 ᒋ ‍ ᒥᓯᓇᑕᐛ ᐊᓂᔭ ᒥᓯᓇᐃᑭᓇ ᐅᒡ ᒋᓴᐅᒋᒪᐤ ᑭᔭ ᐅᑕᐱᒋᒐᐱᓱᓇ ᒋᑦ ᐊᐱᒋᐊᑭᓂᔪᐛ ᒐᒋ ᐱᓯᒂᐃᑭᓄᔨᒋ᙮ ᒂ ᐊᑎ ‍ ᐅᑎᓇᒡ ᐊᓐᒡ ᑲ ᐃᓯ ‍ ᐃᔨᒥᐛᒡ ᐃᔨᒧᐅᓂᔪᐤ ᐊᓂᔭ ᒥᓯᓇᐃᑭᓇ ᒂ ᐊᑎ ‍ ᐳᓯᒡ ᐊᓐᔭ ᓇᔅᒡ ᐛᒋ ‍ ᒥᔪᓯᔨᒋ ᑭᔭ ᐛᒋ ‍ ᒋᐱᔨᒋ ᑲᐸᐃᑭᔎᐛ᙮
\p
\v 11-13 ᐅᔭ ᑲ ‍ ᒥᓯᓇᐃᒐᓄᔨᒋ ᒥᓯᓇᐃᑭᓇ ᒋᓴᐅᒋᒪᐤ ᒋ ‍ ᐃᔅᒋᔄᐤ:
\p ᐊᓐᑕ ᓂᔅᑐᓴᑉ ᒋᓯᑲᐛ ᐊᑕᕐ, ᐊᓐ ᓂᓴᑉ ᐱᓯᒻ, ᐊᓐ ᒍᐤ ᐃᔪᒡ ᐊᓐᑕ ᓄᑎᒻ ᐅᑕᓇᐛ ᑭᔭ ᐊᔅᒋᔭ ᒋᑭ ‍ ᑕᑈᑐᐛᑭᓄᐅᒡ ᒐᒋ ᒪᒧᐎᒡ ᑭᔭ ᒐᒋ ᒋᔅᐸᐛᑎᓱᐅᒡ᙮ ᒋ ᐸᒋ ‍ ᓂᓱᐅᓇᒋᐊᐅᒡ ᒥᒄ ᐊᓯᓇᑯᓯᔨᒋ ᑲ ‍ ᓂᑐᐱᔪᓯᔨᒋ ᐊ ᐎ ‍ ᓂᑐᐱᔪᔅᑕᑯᒡ, ᑭᔭ ᒋᑭ ᒋ ‍ ᓂᐸᐅᒡ ᓄᑎᒻ ᐊᓂᔭ ᑲ ‍ ᐛᐧᑲᑎᑯᒡ, ᐃᔭᐱᒡ ᐊᓂᔭ ᐃᔎᐛ ᑭᔭ ᐊᐛᓴ᙮ ᑭᔭ ᒋᑭ ᒋ ‍ ᐅᑎᓂᒧᐛᐅᒡ ᐊᓂᔭ ᓄᑎᒻ ᐊ ᐃᓯ ‍ ᑎᐸᔨᑎᒥᔨᒋ ᐊᓂᔭ ᑲ ‍ ᐛᐧᑲᓯᓇᑯᒡ᙮
\p ᐅ ᐃᑎᓯᐛᐅᓐ ᒋᑭ ‍ ᐊᑯᑕᑭᓄᐤ ᐊᓐᑕ ᓄᑎᒻ ᐊᔅᒋᔭ ᒐᒋ ᐃᔨᒥᑕᒡ ᒥᓯᐛ ᐊᐛᓐᒋ᙮
\p
\v 14-15 ᒂ ᐊᑎ ᒋᓴᐅᒋᒪᐤ ᐃᑎᓱᐛᑦ ᐊᓂᔭ ᑲ ᐃᓯ ‍ ᐃᔨᒥᐛᔨᒋ ᐃᔨᒧᐅᓂᔪᐤ ᒐᒋ ᐅᑎᓇᔨᒋ ᓇᔅᒡ ᐛᒋ ‍ ᒋᐱᔨᒋ ᑲᐸᐃᑭᔎᐛ ᑭᔭ ᒐᒋ ᐸᐱᔅᑎᓂᒥᔨᒋ ᐊᓂᔭ ᐃᑎᓱᐛᐅᓂᔪᐤ ᓇᔅᒡ ᐊ ‍ ᒋᐱᓇᓄᔨᒡ ᐊᓐᑕ ᓄᑎᒻ ᐊᔅᒋᔭ᙮ ᑲᒋ ‍ ᔅᑐᑕᑦ ᒧᕐᑎᑲᐃᔾ, ᒋ ‍ ᐳᔅᑭᒻ ᐊᐱᒋᑕᐅᓇ ᒧᔭᒻ ᒋᓴᐅᒋᒪᐛ ᐊᓯᐱᔅᑯᒥᔨᒋ᙮ ᒋ ‍ ᐳᔅᑭᒻ ᑲ ‍ ᐱᔅᑭᓇᔨᒋ ᑭᔭ ᑲ ‍ ᐛᐸᔨᒋ ᐊᑯᐸ, ᐊ ‍ ᒥᓴᔨᒡ ᐎᔄᐅᓱᓇᔭᐤ ᒋᓴᐅᒋᒪᐅᑯᓂᔎᐅᓂᔪᐤ, ᑭᔭ ᐊ ‍ ᒥᔽᔨᒡ ᐊᑯᑉ ᑲ ‍ ᐅᓯᑕᑭᓄᔨᒡ ᐅᒡ ᓇᔅᒡ ᐊ ‍ ᒥᔽᔨᒡ ᐱᒍᐎᔭᓂᔪᐤ ᑭᔭ ᑲ ‍ ᐱᒋᒥᓇᔨᒡ ᐱᒍᐎᔭᓂᔪᐤ᙮
\p ᑲᒋ ‍ ᐎᑕᑭᓄᐅᒡ ᐊᓐ ᐃᑎᓱᐛᐅᓐ ᐊᓐᑕ ᓱᓴ, ᒥᓯᐛ ᐊᐛᓐ ᒋ ᑕᑈᐤ ᑭᔭ ᒋ ‍ ᒥᔽᔨᑎᒻ,
\v 16 ᑭᔭ ᐊᓐ ᒍᐤ ᐃᔪᒡ ᓇᒪ ᐅᒡ ᑯᔅᑕᒍᐅᒡ ᓴᔅ᙮ ᑭᑈ, ᒋᒋᐛ ᒋ ‍ ᒥᔽᔨᑎᒧᒡ ᑭᔭ ᒋ ‍ ᐃᑐᒪᒋᔪᐅᒡ ᒧᔭᒻ ᐊ ‍ ᑲᓂᔪᒡ᙮
\p
\v 17 ᐊᓐᑕ ᓄᑎᒻ ᐊᔅᒋᔭ ᑭᔭ ᐅᑕᓇᐛ ᐊᓐᑕ ᑲ ‍ ᐃᑎᑕᔨᑭᓄᒡ ᐊᓐ ᐃᑎᓱᐛᐅᓐ, ᐊᓐ ᒍᐤ ᐃᔪᒡ ᒋ ‍ ᒧᒐᔨᑎᒧᒡ᙮ ᒥᒐᑦ ᐃᔪᒡ ᐊᓐᑕ ᐊᔅᒋᔭ ᒋ ᒥᔪ ‍ ᐅᑎᓂᒻ ᐊᓂᔭ ᒍᐤ ᐊᔭᒥᐊᐅᓂᔪᐤ, ᑭᑈ ᐊᓄᒡ ᒋ ‍ ᑯᔅᑕᐅᒡ ᐊᓂᔭ ᒍᐤ ᐃᔪᐛ᙮
\c 9
\s1 The Triumph of the Jews
\p
\v 1 ᐊᓐ ᓂᔅᑎᒻ ᐎᓱᐛᐅᓐ ᐅ ᒋᓴᐅᒋᒪᒧᐛᐛ ᑲ ‍ ᐃᑎᓱᐛᑦ ᒐᒋ ᓇᓴᐃᑭᓄᐎᒡ ᐊᓐ ᒥᒋᓱᐤ ᐱᓯᒻ 7 ᐊᒋᔅᑕᐛᑭᓄᑦ᙮ ᐊᓐ ᒋᓯᒄ ᑲ ‍ ᐅᑲᑎᑯᒡ ᒍᐤ ᐃᔪᒡ ᒋ ‍ ᐳᑯᓴᐃᑎᒥᐛ ᒐᒋ ᓂᐸᐃᑯᒡ᙮ ᒥᒄ ᐊᓐ ᐸᐃᑯᑕᐅᐤ ᒋᓯᒄ ᒍᐤ ᐃᔪᒡ ᒋ ‍ ᓴᑯᐛᐎᒡ ᐊᓂᔭ ᑲ ᐅᑲᑎᑯᒡ᙮
\v 2 ᐊᓐᑕ ᓄᑎᒻ ᒋᓴᐅᒋᒪᐅᓂᒡ, ᐊᓐ ᒍᐤ ᐃᔪᒡ ᒋ ‍ ᒪᒧᐎᐅᒡ ᐊᓐᑕ ᐅᑎᑕᐅᓄᐛᒡ ᒐᒋ ᒪᓯᐧᑯᐛᒡ ᐊᓂᔭ ᑲ ‍ ᐎᓂᐸᐃᑯᐅᒡ᙮ ᓇᒪ ᐊᐛᓐ ᒋ ‍ ᒪᓯᑯᐛᐤ ᐊᓂᔭ ᒍᐤ ᐃᔪᐛ, ᑭᑈ ᓄᑎᒻ ᐊᐛᓐ ᐊᓐᑕ ᒍᐤ ᐃᔪᒡ ᐊ ᐎᒋᒡ ᒋ ‍ ᑯᔅᑕᐅᒡ ᐊᓂᔭ ᒍᐤ ᐃᔪᐛ, ᐊᑯ ᓇᒪ ᐅᒡ ‍ ᐎᒋᐛᐅᒡ ᒐᒋ ᒪᓯᑯᐛᑭᓄᐎᒋ ᐊᓂᔭ ᒍᐤ ᐃᔪᐛ᙮
\v 3 ᐊᓐ ᓄᑎᒻ ᑲᓂᑲᓂᔅᑲᒡ ᑭᔭ ᑯᑎᑭᒡ ᐊᑐᔅᒐᐛᑭᒡ ᑭᔭ ᐊ ‍ ᐃᔅᐱᑕᐃᑕᑯᓯᒡ ᐃᔪᐅᒡ ᐊᓐᑕ ᓄᑎᒻ ᐊᔅᒋᔭ ᒋ ‍ ᐎᒐᐎᒡ ᒍᐤ ᐃᔪᐛ ᑭᑈ ᒋᑯᔅᑕᐅᒡ ᐊᓂᔭ ᒧᕐᑎᑲᐃᔨᒋ᙮
\v 4 ᒋ ‍ ᑯᔅᑕᐅᒡ ᐊᓂᔭ ᒧᕐᑎᑲᐃᔨᒋ ᐊᓐᑕ ᓄᑎᒻ ᐊᔅᒋᔭ ᑭᑈ ᒋ ‍ ᒋᔅᒐᔨᒪᐅᒡ ᐊᓂᔭ ᒋᓴᐅᒋᒪᐛ ᐊᔅᐱᑕᐃᑕᑯᓯᔨᒋ ᐊᑐᔅᒐᐛᑭᓇ, ᒧᔭᒻ ᐦᐊᒪᓐ ᑲ ᐃᔅᐱᔅ ᐅᒋᒪᐅᑦ᙮ ᒧᕐᑎᑲᐃᔾ ᒋ ᒥᔅᑕ ᓂᔅᑐᐛᐱᒪᑭᓄᐤ ᑭᑈ ᐊᓂᔭ ᒋᓴᐅᒋᒪᐛ ᒋᒥᑯᐤ ᐊᑐᐎᔅ ᑎᐸᐃᑎᒧᓂᔪᐤ᙮
\p
\v 5 ᐊᓐᑕ 7 ᒥᒋᓱᐤ ᐱᓯᒻ, ᐊᓐᒡ ᒍᐤ ᐃᔪᒡ ᒋ ‍ ᓂᐸᐎᒡ ᐊᓯᒡ ᐅᒧᑯᒪᓂᐛᐛ ᐊᓂᔭ ᑲ ‍ ᐅᑲᓯᓇᑯᐎᒡ᙮ ᒧᒃ ᑕᓏᐃᑐᑐᐛᒡ ᒋ ‍ ᑐᑐᐛᐅᒡ ᐊᓂᔭ ᐃᔪᐛ ᑲ ‍ ᐅᑲᓯᓇᑯᐎᒡ᙮
\v 6 ᒧᒃ ᐊᓐᑕ ᓱᓴ, ᐊᔅᒋᒡ, 500 ᒋ ‍ ᓂᐸᐅᐎᒡ ᐃᔪᐛ᙮
\v 7 ᐊᓂᔭ ᑲ ᓂᐸᐊᒡ ᒋ ᑕᐃᐛ ᐦᐊᒪᓐ ᐸᐃᑯᔪᐤ ᐅᑯᓴ᙮ ᐊ ᐃᓯ ‍ ᓂᑲᓱᐎᒋ ᐸᕐᓴᓐᑕ, ᑕᓪᑉᐅᓐ, ᐊᔅᐸᑕ,
\v 8 ᐳᕋᑕ, ᐊᑕᓕᐊ, ᐊᕆᑕᐊ,
\v 9 ᐸᕐᒪᔅᑕ, ᐊᕆᓴᐃ, ᐊᕆᑕᐃ ᐊᓐᑦ ᐸᐃᓴᑕ᙮
\v 10 ᐦᐊᒪᒥᑕᑕ ᐊᓂᔭᔪᐛ ᐅᓯᒪ ᑭᔭ ᐦᐊᒪᓐ ᐅᑯᓴ, ᑲ ‍ ᐅᑲᓯᓄᐛᑦ ᒍᐤ ᐃᔪᐛ᙮ ᐊᓐᒡ ᒍᐤ ᐅᔪᒡ ᒋᓂᐸᐎᒡ ᒧᒃ ᓇᒪ ᐅᒍᑎᓂᒧᐛᐅᒡ ᐊ ᐃᓯ ‍ ᑎᐱᔨᐛᐅᓯᔨᒋ ᐊᓂᔭ ᐃᔪᐛ ᑲ ‍ ᓂᐸᐊᒡ᙮
\p
\v 11 ᒂ ᐊᑎ ‍ ᐅᑕᑯᓯᑦ ᒪᒃ ᒋᐎᑎᒧᐛᑭᓄ ᒋᓴᐅᒋᒪᐤ ᐊᑕᑎᓯᒋ ᑲᓂᐸᐊᒡ ᐊᓐᒡ ᒍᐤ ᐃᔪᒡ ᐊᓐᑕ ᓱᓴ᙮
\v 12 ᐊᑯ ᐊᓐ ᒋᓴᐅᒋᒪᐤ ᒋ ‍ ᐃᑕᐤ ᐊᓂᔭ ᐃᔅᑐᕐ, “ᐊᓐᒡ ᒍᐤ ᐃᔪᒡ 500 ᒋᓂᐸᐅᒡ ᐃᔪᐛ ᐊᓐᑕ ᓱᓴ, ᐃᔭᐱᒡ ᐊᓂᔭ ᐸᐃᑯᔪᐤ ᐅᑯᓴ ᐦᐊᒪᓐ ! ᐊᑯ ᒋ ᒥᔅᑎ ᓂᐸᒐᒋ ᐊᐛᔪᐛ ᐊᓂᑕ ᒥᓯᐛ ᓐᑎᐃᔎᑕᒥᒡ ᐊᑯ ᐊᑯᑕ, ᐊᓄᒡ ᒐᒂᓐ ᐃᔭᐱᒡ ᓇᑐᐛᔨᑐᒧᐎᓐ ᒐᒋ ᐃᑐᑎᒪᓐ᙮ ᐎᑎᒧᐎ, ᑭᔭ ᓂᑭᑐᑕᓐ᙮”
\p
\v 13 ᐊᔅᑐᕐ ᒂ ‍ ᐃᑕᑦ, “ᑕᑈᑎᒥᓇ ᒋᔾ, ᑕᑈᑐᒡ ᐊᓐᒡ ᒍᐤ ᐃᔪᒡ ᐊᓐᑕ ᓱᓴ ᒐᒋ ᑐᑕᒡ ᒥᓐ ᐛᐸᒐ ᒐᒂᔪᐤ ᑲ ᐃᓯ ‍ ᓂᑐᐛᔨᒥᑕᐤ ᒐᒋ ᑐᑕᒡ ᐊᓄᒡ᙮ ᑭᔭ ᓂᑐᐛᔨᑎᒻ ᐎᔪᐛᐅᐤ ᐦᐊᒪᓐ ᐸᐃᑯᔪᐤ ᐅᑯᓴ ᒐᒋ ᑯᒋᓂᒡ ᐊᓐᑕ (gallows)᙮”
\p
\v 14 ᐊᑯ ᒋᓴᐅᒋᒪᐤ ᑲ ‍ ᐃᑎᓱᒪᑦ ᒍᐤ ᑲ ‍ ᑕᑈᑐᐛᑦ ᐊᑐᐎᔅ ᒐᒋ ᓂᐸᐃᒋ ᐃᔅᐱᔅ ᒪᒃ ᑲ ‍ ᐅᑲᓯᓇᑯᐎᒡ ᐊᓂᔭ ᐊᐛᐸᓂᒡ᙮ ᐊᑯ ᒥᓐ ᑲ ‍ ᓂᑐᐛᔨᑕᑦ ᐊᓐᑕ ᓱᓴ, ᐊᓂᔭ ᐎᔪᐛᐛ ᐊᓂᔭ ᐦᐊᒪᓐ ᐸᐃᑯᔪᐤ ᐅᑯᓴ ᒐᒋ ᑯᒋᓂᒋ᙮
\v 15 ᐊᓐ ᑯᑎᒃ ᒋᓯᒄ, ᐊᓐ ᒍᐤ ᐃᔪᒡ ᐊᓐᑕ ᓱᓴ ᒋ ‍ ᒪᒧᐎᔪᐅᒡ ᑭᔭ ᑲ ‍ ᓂᐸᐊᒡ 300 ᐊᑐᔅ ᐃᔪᐛ᙮ ᐊᑯ ᒥᓐ, ᓇᒪ ᐅᒍᑎᒥᒧᐛᐅᒡ ᐅᑎᐱᔨᐛᐅᓯᐛ ᐊᓂᔭ ᑲ ‍ ᓂᐸᐊᒡ ᐃᔪᐛ᙮
\p
\v 16 ᒥᒋᓱᐤ ᐱᓯᒻ 8 ᒋᔅᐱᔪᐤ ᐅᐛ᙮ ᓇᓇᒐ ᑲ ᓯᑲᒡ, ᐊᓐᒡ ᒍᐤ ᐃᔪᒡ ᐊᓐᑕ ᓱᓴ ᒋᔭᔅᑕᔅᑯᓯᔪᐅᒡ ᑭᔭ ᒂ ‍ ᒥᔽᔨᑕᒡ᙮ ᐊᓐᑕ ᑯᑎᑲ ᐊᔅᒋᔭ, ᒍᐤ ᐃᔪᒡ ᒋᒪᒧᐎᔪᐅᒡ ᒐᒋ ᒋᔅᐸᐛᑎᓱᐅᒡ, ᑭᔭ ᑲ ‍ ᓂᐸᐊᒡ 75,000 ᐃᔪᐛ ᐊᓂᔭ ᑲ ‍ ᐅᑲᓯᓇᑯᐎᒡ, ᒧᒃ ᒥᓐ ᓇᒪ ᐅᒍᑎᓂᒧᐛᐅᒡ ᐅᑎᐱᔨᐛᐅᓱᐅᓄᐛ ᐊᓂᔭ ᑲ ‍ ᓂᐸᐊᒡ ᐃᔪᐛ᙮
\v 17 ᒥᒋᓱᐤ ᐱᓯᒻ 7 ᒋ ‍ ᐃᔅᐱᔪᐤ ᐅᐛ, ᑭᔭ ᓇᓇᒐ ᐊᓐ ᒋᓯᒄ ᒋᔭᔅᑕᔅᑯᓯᔪᐅᒡ ᑭᔭ ᒂ ‍ ᒥᔽᔨᑕᒡ᙮
\s1 ᐳᕆᒻ ᒥᑯᓴᓂᔪᐤ
\p
\v 18 ᐊᑯ ᐊᓐᒡ ᒍᐤ ᐃᔪᒡ ᒋᒪᒧᐎᔪᐅᒡ ᑭᔭ ᑲ ‍ ᓂᐸᐊᒡ ᐊᓂᔭ ᑲ ‍ ᐅᑲᓯᓇᑯᐎᒡ ᒥᒋᓱᐤ ᐱᓯᒻ 7 ᑭᔭ 8, ᐊᑯ ᑲ ‍ ᐊᔅᑕᔅᑯᓯᔨᒡ ᑭᔭ ᑲ ‍ ᒥᔽᔨᑕᒡ ᒥᒋᓱᐤ ᐱᓯᒻ 9᙮
\p
\v 19 ᐊᑯᓐ ᐅᓴᒻ ᐊᔅᓯᑯᒻ ᐱᐳᓇ, ᒥᒋᓱᐤ ᐱᓯᒻ 8, ᐊᓐᒡ ᒍᐤ ᐃᔪᒡ ᐊᓐᑕ ᐊᐎᒋᒡ ᐛᒋ ‍ ᒥᔽᔨᑕᒡ ᑲᒋ ‍ ᓂᐸᐊᒡ ᑲ ‍ ᐅᑲᓯᓇᑯᐎᒡ᙮ ᒥᒋᓱᓇᓂᒐᐅᒡ ᒪᓐ ᑭᔭ ᐊᑎᒥᔅᑲᒐᒡ ᒥᒋᒥᔪᐤ ᐊᓐᑕ ᐊ ‍ ᐃᑕᒡ᙮
\p
\v 20 ᒧᕐᑎᑲᐃᔾ ᒋ ‍ ᒥᓯᓇᑕᐊᒻ ᐅᔭ ᓄᑎᒻ ᐊ ‍ ᐃᔅᐱᔨᒡ᙮ ᐊᑯ ᑲ ‍ ᐃᑎᓴᒧᐛᑦ ᒥᓯᓇᐃᑭᓄᔪᐤ ᐊᓂᔭ ᒍᐤ ᐃᔪᐛ ᑲ ᐎᒋᒋ ᐊᓐᑕ ᓄᑎᒻ ᐃᔎᑕᒥᔨᒡ ᐅᒡ ᒋᓴᐅᒋᒪᐤ ᓯᕆᓯᔅ᙮
\v 21 ᒋ ‍ ᐎᑎᒧᐛᐤ ᐊᓂᔭ ᒐᒋ ᒥᔽᔨᑎᒥᔨᒋ ᐊᓯᑯᐅᒻ ᒥᒋᓱᐤ ᐱᓯᒻ 8 ᑭᔭ 9 ᐊ ‍ ᑎᑯᓂᔨᒋ᙮
\v 22 ᑭᑈ ᐊᐅᑯᐤ ᐅᔭᔪᐛ ᒋᓯᒄ ᑲ ‍ ᓂᐸᐊᒡ ᒍᐤ ᐃᔪᒡ ᑲ ‍ ᐛᐧᑲᓯᓇᑯᐎᒡ᙮ ᒋ ‍ ᐎᑎᒧᐛᐤ ᐃᔭᐱᒡ ᒐᒋ ᒥᑯᓴᔨᒋ ᐊᓂᔭ ᒋᓯᑲᐛ ᐊ ‍ ᑎᑯᓂᔨᒋ ᒧᔭᒻ ᒋ ‍ ᒥᒍᓇᓂᒐᒡ ᑭᔭ ᒐᒋ ᓂᒥᔅᑲᑐᒡ ᒥᑯᓴᓇ ᒥᒋᒥᔪᐤ ᐊᓐᑕ ᐎᐛᐤ ᑭᔭ ᑲ ‍ ᒋᔅᑎᒪᑎᓯᔨᒋ᙮ ᐎᐛᐤ ᒐᒋ ᒋᔅᒋᑕᒡ ᑲ ‍ ᒋᔅᑎᒪᒐᔨᒧᐅᒡ ᐃᔅᐱᔅ ᒪᒃ ᐊ ‍ ᒧᒋᒐᔨᒧᐅᒡ, ᐅᒡ ᐊᒪᓄᒡ ᐃᔅᐱ ᐊ ‍ ᒥᑯᓴᓄᐅᑦ᙮
\p
\v 23 ᐊᑯ ᐊᓐᒡ ᒍᐤ ᐃᔪᒡ ᒋ ‍ ᑕᑈᑎᒧᐛᐅᒡ ᑲ ‍ ᐃᔅᑎᑕᔨᒋ᙮ ᒋ ‍ ᑕᑈᑎᒧᐅᒡ ᒐᒋ ᒥᑯᓴᒡ ᐊᓂᔭ ᒋᓱᒂ ᐊᓯᑯᒻ ᐱᐳᓇ᙮
\v 24 ᒋ ‍ ᒋᓯᑐᐛᐅᒡ ᑕᓐ ᐦᐊᒪᓐ, ᐅᑯᓴ ᐦᐊᒪᒥᑕᑕ, ᐊᑲᒃ ᐅᑦᑕᓂᔅᑯᑕᐸᓇ, ᑲ ‍ ᐅᑲᓯᓄᐛᑦ ᓄᑎᒻ ᒍᐤ ᐃᔪᐛ᙮ ᒋ ‍ ᒋᓯᑎᒧᐛᐅᒡ ᑲ ᐃᓯ ‍ ᐎᑐᑎᒥᔨᒋ ᒐᒋ ᓂᐸᐊᑭᓄᔨᒋ ᒍᐤ ᐃᔪᐛ, ᑲ ᐃᓯ ‍ ᐎᑐᑎᒥᔨᒋ (ᐊ ‍ ᒥᒋᑐᑎᒥᔨᒋ ᐸᐳᒪᐊᑕᔨᒐᑦ ᐊᔭᐱᓴᓯᔨᒋ ᐊ ‍ ᒥᓯᓇᑕᔨᒋ ᐊᓯᓂᔭ) ᒐᒋ ᐅᑎᓇᑦ ᒋᓯᑯᔪᐤ ᒐᒋ ᓂᐸᐊᑭᓄᐅᒡ᙮ 
\v 25 ᒋ ‍ ᒋᓯᑐᒥᒡ ᐊᔅᑐᕋ ᑲ ‍ ᐎᑎᒧᐛᔨᒋ ᒋᓴᐅᒋᒪᐛ ᐊᓂᔭ ᐦᐊᒪᓐ ᑲ ᐃᓯ ‍ ᐊᔅᑯᑎᒥᒋ, ᒋᓴᐅᒋᒪᐤ ᒋ ‍ ᑐᑕᒻ ᐊᓂᔭ ᑲ ᐃᓯ ᐊᔭᔅᑯᑎᒥᒋ ᒐᒋ ᓂᐸᐊᔨᒋ ᒍᐤ ᐃᔪᐛ ᒐ ᐊᑲ ᓇᒪ ᐊ ‍ ᒥᔪᐱᔨᒋ, ᑭᔭ ᐎᔾ ᒐᒋ ᓂᐸᐊᑭᓄᑦ ᐃᔅᐱ ᒪᒃ ᒍᐤ ᐃᔪᐛ, ᑭᔭ ᐊᓐ ᐦᐊᒪᓐ ᑭᔭ ᐅᑯᓴ ᒐᒋ ᑯᒋᒪᑭᓂᔨᒋ᙮
\v 26 ᒧᕐᑎᑲᐃᔾ ᐅᒥᓯᓇᐃᑭᓐ ᒋ ‍ ᐃᑎᔅᑕᔪᐤ ᐊᓐ ᒍᐤ ᐃᔪᒡ ᒐᒋ ᒥᑯᓴᒡ ᓂᓱ ᒋᓯᑲᐛ ᐅᓴᒻ ᐅᑲᐃᔅᐱᔨᒡ᙮ ᐅᐛ ᒥᑯᓴᓐ ᐃᓯᓂᑲᑕᐤ ᐳᕆᒻ, ᐅᐛ ᐳᕆᒻ ᐃᑉᕈᐤ ᐃᒧᐅᓐ, ᐊᓐ ᑲ ᒥᔅᑎ ᓂᐸᐊᑭᓄᐅᒡ᙮
\v 27 ᐊᑯ ᐊᓄᒡ ᐊᓯᑯᒻ ᐱᐳᓇ ᐊᓐ ᒍᐤ ᐃᔪᒡ ᐅᐱᒪᔅᑕᐅᒡ ᐊᓂᔭ ᒋᓱᒂ ᒐᒋ ᒥ ᐛᑕᑦ ᑭᔭ ᒐᒋ ᒥᑯᓴᓐ, ᒧᔭᒻ ᑲ ‍ ᐃᑕᑭᓄᐅᒡ ᒐᒋ ᐊᑐᑕᒡ᙮
\v 28 ᐊᓄᒡ ᐊᒋᓯᑲᒡ, ᒥᓯᐛ ᒍᐤ ᐃᔪᒡ ᐎᐧᑲᓂᓯᒪᐅᒡ ᒋᑭ ᐎ ᒋ ‍ ᒋᔅᒋᑎᒧᐅᒡ ᐳᕆᒻ ᒥᑯᓴᓂᔪᐤ ᐊᓂᔭ ᓂᓱ ᒋᓯᑲᐛ ᐊᓯᑯᒻ ᐳᓂᔪᐤ᙮
\p
\v 29 ᒋᓴᐅᒋᔎᐤ ᐊᔅᑐᕐ, ᐊᐱᐦᐊᓪ ᐅᑕᓂᓴ, ᒋ ‍ ᒥᔭᐤ ᓄᑎᒻ ᒐᒋ ᐛᐛᑎᓂᒥᔨᒋ ᐊᓂᔭ ᒧᕐᑎᑲᐃᔾ ᐅᒥᓯᓇᐃᑭᓂᔪᐤ ᐊᓂᔭ ᐳᕆᒻ ᒥᑯᓴᓂᔪᐤ, ᑭᔭ ᐊ ‍ ᐎᒋᐃᑯᑦ ᒋ ‍ ᒥᓯᓇᐃᒐᐤ ᐊ ‍ ᐛᐎᑕᒄ ᐊᓂᔭ ᒐ ‍ ᒥᒋᓱᓇᓄᐎᒡ᙮
\v 30 ᐸᐃᑯᑕᐊᐤ ᐊ ‍ ᐃᔅᑎᑕᔨᒋ ᒥᓯᓇᐃᑭᓇ ᒋ ‍ ᐃᑎᓴᒧᐛᑭᓄᐅᒡ ᒍᐤ ᐃᔪᒡ ᐊᓐᑕ 127 ᐊᔅᒋᔭ ᐅᒡ ᒋᓴᐅᒋᒪᐤ ᓯᕆᓯᔅ, ᐊᓐᑕ ᒥᓯᓇᐃᑭᓂᔨᒡ ᒋ ᐃᓯ ‍ ᓱᐛᐅᒡ: ᒋᔅᑎᒥᑐᐛᑎᓇᓐ ᒥᓯᐛ ᒐᒋ ᐃᔪᐅᔭᒄ ᒋᔭᒪᔨᑎᒧᐅᓂᔨᒡ ᑭᔭ ᒐᒋ ᒥᔪᐱᔭᒄ᙮
\v 31 ᒋᔾ ᑭᔭ ᒋᑦ ᐊᓂᔅᑯᑕᐸᓂᔨᒡ ᒧᔅ ᒐ ‍ ᒋᔅᒋᑎᒪᒃ ᒐᒋ ᒥᑯᓴᔭᒄ ᐳᕆᒻ ᐊᓐ ᐅᑎᒋᐱᔨᒐ ᑭᔭ ᒧᔭᒻ ᑲ ᐃᑎᑯᐎᒡ᙮ ᒋᑭ ᐎ ‍ ᓇᓴᓇᐅᐤ ᐅᔭ ᑲ ‍ ᐃᑎᓯᒧᔭᒃ ᐊᓐ ᑲ ‍ ᓇᑲᑕᔨᑎᒪᒃ ᑭᔭ ᒐ ᐊᑲ ‍ ᒥᒋᓱᔭᒃ᙮
\v 32 ᐅᔭ ᒪᒃ ᐃᑎᓱᐛᐅᓇ ᐳᕆᒻ ᐊᐃᒧᑕᔨᒋ ᒋ ‍ ᒥᓯᓇᑕᐊᒻ ᐛᐛᑐᓂᒧᐅᓂᔨᒡ ᐅᒡ ᒋᓴᐅᒋᒪᔎᐤ ᐊᔅᑎᕐ᙮
\c 10
\s1 The Greatness of Mordecai
\p
\v 1 ᒋᓴᐅᒋᒪᐤ ᓯᕐᑭᓯᔅ ᒋ ‍ ᓂᑐᐛᔨᒪᐤ ᒥᓯᐛ ᐊᐛᔪᐛ ᒐᒋ ᒋᓯᑲᓱᐎᔨᒋ ᒋᓴᐅᒋᒪᐤ ᓱᓇᔭᔪᐤ, ᐃᔭᐱᒡ ᐊᓐᒡ ᑯᐎᒍᐅᒋ ᐊᓐᑕ ᑕᒻᐸᑯᐅᒡ᙮
\v 2 ᒥᓯᐛ ᒐᒂᓂᔪᐤ ᑲ ‍ ᑐᑕᒃ ᒋᓴᐅᒋᒪᐤ ᓯᕆᓯᔅ ᒥᓯᓇᑕᐃᐛ ᐊᓐᑕ ᒥᓯᓇᐃᑭᓂᔨᒡ ᐊᓐᑦ ᒋᓴᐅᒋᒪᐤ ᐅᒡ ᒥᑎᔭ ᑭᔭ ᐱᕐᓯᐊ, ᐅᔭ ᐃᔭᐱᒡ ᐎᑕᐃᐛ ᐊᓂᔭ ᑲ ᐃᓯ ᒥᔪᑐᑐᐛᑦ ᑭᔭ ᑲ ᒥᔭᑦ ᐊᓂᔭ ᒧᕐᑎᑲᐃᔾ᙮
\v 3 ᒥᓄᐛᒡ ᐎᔾ ᒋᓴᐅᒋᒪᐤ, ᒧᕐᑎᑲᐃᔾ ᐎᔾ ᒥᓐ ᒋ ‍ ᐃᔅᐱᑯᒋᓄᐤ ᒥᓄᐛᒡ ᒋᓴᐅᒋᒪᐤ᙮ ᐎᔾ ᒋ ᓂᑲᓐ ᓂᔅᑯᐛᐅᐤ ᒍᐤ ᐃᔪᐛ, ᑭᑈ ᒋ ‍ ᐎᒐᐅᐤ ᒍᐤ ᒧᒃ ᐃᔅᐱᔅ ᒋ ‍ ᐎᒐᑦ ᑭᔭ ᒋ ᐃᒪᐤ ᒋᓴᐅᒋᒪᐛᐛ ᐅᒡ ᐎᐛᐅᐤ᙮

\id JOB Job started 18 Jul 2018 [NDC Translation Team]
\h ᒠᑉ
\toc3 ᒠᑉ
\toc2 ᒠᑉ
\toc1 ᒠᑉ
\mt1 ᒠᑉ
\c 1
\s1 ᒠᑉ ᑭᔭ ᐊ ‍ ᐸᐃᑯᔅᑲᓇᓯᑦ
\p
\v 1 ᒋ ‍ ᑕᐤ ᓇᐸᐤ ᒠᑉ ᐊ ‍ ᐃᓯᓂᐧᑲᓱᑦ ᐊᓐᑕ ᐅᔅ ᐊᔅᒋᒡ ᑲ ‍ ᐎᒋᑦ ᑲ ‍ ᐊᔭᒥᐊᔅᑐᐛᑦ ᒋᓴᒪᓂᑐᐛ ᑭᔭ ᑲ ‍ ᑕᑈᐅᒐᔨᒪᑦ᙮ ᒋᒋᐛ ᒋ ‍ ᒥᔽᑎᓯᐤ ᑭᔭ ᒋ ‍ ᓂᓇᑭᑐᐛᔨᑎᒻ ᒐ ᐊᑲ ‍ ᐃᑐᑕᐧᒃ ᒐᒂᔪᐤ ᐊ ‍ ᒪᔭᑎᓂᔨᒡ᙮
\v 2 ᓂᔄᐅᑕᒡ ᒋ ‍ ᐃᑕᑎᓯᔨᐛ ᐅᑯᓴ ᑭᔭ ᒋ ‍ ᓂᔅᑎᔨᐛ ᐅᑕᓂᓴ᙮
\v 3 ᑭᔭ ᒪᐤ ᐅᔭ ᑲ ᐃᓯ ‍ ᑭᓄᐛᔨᒪᑦ ᐊᐛᓯᓴ, ᓂᔄᐅᑕᒡ ᒐᓯᐱᔪᐤ ᒪᔭᑕᓂᓴ, ᓂᔍᐤ ᒐᓯᐱᔪᐤ ᑲ ᒥᔅᑎ ‍ ᐱᔎᐅᑯᓇᔨᒋ ᐊᐛᓯᓴ, ᐸᐃᒂᐤ ᒐᓯᐱᔪᐤ ᒥᔅᑐᓴ, ᑭᔭ ᐱᑕᑕᒡ ᑕᑐᐤ ᒥᑕᓯᒥᑎᓄᐤ ᓄᓴ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮ ᐃᔭᐱᒡ ᒋᒋᐛ ᒋ ‍ ᒥᒐᑎᔨᐛ ᐅᑦ ᐊᐱᒋᐊᑭᓇ ᑭᔭ ᐎᔾ ᒋ ᐅᒋ ‍ ᐛᔪᑎᓯᐤ ᐊᓐᑕ ᐛᐱᓄᑕᒡ ᐃᑕᒐ ᒠᕐᑕᓐ ᓯᐱᔪᐤ᙮
\p
\v 4 ᐊᓯᑯᒻ ᐱᐳᓇ ᒋ ‍ ᒥᒋᓱᓇᓂᒐᔨᐛ ᒠᑉ ᐅᑯᓴ ᐊᓐᑕ ᐎᒋᐛᐛᒡ ᒐᒋ ᒥᑯᓴᔨᒋ ᐅᒋᓯᑭᒥᔪᐛ, ᐃᔅᐱ ᐸᐃᒄ ᒪᑯᓴᒋ, ᒋ ‍ ᐎᓴᒪᐤ ᒥᓯᐛ ᐎᐧᑲᓂᓴ ᓂᔭᐸᐎᒋ ᑭᔭ ᐊᔎᐎᒋ ᒐᒋ ᒪᒧᐤ ᒥᒋᓱᒡ᙮
\v 5 ᐃᔅᐱ ᑲᒋ ‍ ᒥᑯᓴᒋ ᐸᐃᒄ᙮ ᒠᑉ ᒂ ‍ ᒪᒧᓇᑦ᙮ ᐎᐱᒡ ᒋᔭᒋᓴᐸᔭᔨᒋ ᒋ ‍ ᐅᓂᐤ ᑭᔭ ᒂ ‍ ᓂᐸᐊᑦ ᐊᐛᓯᓴ ᑭᔭ ᐊᔎᓱᐛᑦ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᐊ ‍ ᒥᑐᔅᑕᐊᒪᒐᔅᑎᒧᐛᑦ ᒥᓯᐛ ᐸᐸᐃᒄ ᐊᑎᓯᔨᒋ ᐅᑐᐛᓯᒪ ᐅᒡ ᒐᒋ ᐸᔭᒋᐊᑦ, ᒂ ‍ ᐃᑎᑎᓱᑦ, “ᒂᔄᓐ ᐸᐃᒄ ᓂᑯᔅ ᒋ ‍ ᒥᒋᑐᑎᒧᒐ ᑭᔭ ᒋ ᒥᒋ ‍ ᐃᑕᒐ ᒋᓴᒪᓂᑐᐛ ᐅᑕᔨᒡ᙮”
\s1 ᒥᒋᒥᓂᑐᐤ ᑲ ᐎ ‍ ᑯᒂᒋᐊᑦ ᒠᐸ
\p
\v 6 ᐸᐃᒂᐤ ᒐᓯᑲᔨᒡ, ᒋ ‍ ᑐᑯᓯᓂᔨᐛ ᐊᓐᒋᓇ ᑭᔭ ᒂ ‍ ᒪᒧᐎᒡ ᐅᑎᔅᑯᐤ ᑎᐸᔨᒋᒐᓱᐛ, ᑭᔭ ᐎᔾ ᒥᒋᒥᓂᑐᐤ ᒋ ‍ ᑎᑯᓯᓐ᙮
\v 7 ᑎᐸᔨᒋᒐᓱᐤ ᒋ ‍ ᑯᒂᒋᒪᐤ ᒥᒋᒥᓂᑐᐛ, “ᑕᓐᑕ ᐛᒋᔨᓐ ?”
\p ᒥᒋᒥᓂᑐᐤ ᒋ ‍ ᐃᑕᐤ, “ᐊᔅᒋᒡ ᓂ ‍ ᐅᒋᓐ, ᐊᓐᑕ ᑲ ‍ᑲᒋᐛᐱᔨᔭᓐ, ᐊ ᐎ ‍ ᐛᐸᑎᒪᓐ ᑕᓐ ᐊ ‍ ᐃᔅᐱᔨᒡ᙮”
\p
\v 8 ᑎᐸᔨᒋᒐᓱᐤ ᒂ ‍ ᐃᑕᑦ ᒥᒋᒥᓂᑐᐛ, “ᒋᒋ ‍ ᒪᒥᑐᓇᔨᒪᐤ ᐊ ᓂᑦ ᐊᐱᒋᐊᑭᓐ ᒠᑉ ? ᓇᒪ ᑕᐤ ᐊᐛᓐ ᐅᑕ ᐊᔅᒋᒡ ᐊᔅᐱᔅ ᑕᑈᐅᒐᔨᑕᑯᓯᑦ ᑭᔭ ᒥᔽᔨᑕᑯᓯᑦ ᒧᔭᒻ ᐎᔾ᙮ ᓂᑦ ᐊᔭᒥᐊᔅᑕᒄ ᑭᔭ ᓇᑭᑐᐛᔨᑎᒻ ᒐ ᐊᑲ ‍ ᐃᑐᑕᐧᒃ ᒐᒂᔪᐤ ᐊ ‍ ᒪᔭᑎᓂᔨᒡ᙮”
\p
\v 9 ᒥᒋᒥᓂᑐᐤ ᐃᑕᐤ ᑎᐸᔨᒋᒐᓱᐛ, “ᒋᑕᑈᓐ ᐊᓐ ᐊᔅᒋᔄᔨᓐ, ᒥᒄ ᒋᑦ ᐃᔅᐱᑕᔨᒥᒄ ᒠᑉ ᐅᓴᒻ ᐊᓂᔭ ᒐᒂᔪᐤ ᑲ ‍ ᐃᑐᑎᒧᐅᑦ᙮
\v 10 ᓇᓂᑎᒻ ᒋᒋ ‍ ᓇᑭᑐᐛᔨᒪᐤ ᑭᔭ ᐊ ‍ ᐸᐃᑯᔅᑲᓇᓯᑦ ᑭᔭ ᒥᓯᐛ ᐊ ᐃᓯ ‍ ᑎᐱᔨᐛᐅᓯᑦ᙮ ᒋᒋ ‍ ᑐᑐᐛᐤ ᒐᒋ ᐛᔪᑎᓯᑦ᙮ ᒥᓯᐛ ᐅᑕ ᐊᔅᒋᒡ ᑭᓄᐛᔨᒪᐤ ᐊᐛᓯᓴ᙮
\v 11 ᒥᒄ ᒪᒃ ᐅᑎᓂᒧᑕ ᐊᓂᔭ ᒥᓯᐛ ᒐᒂᔪᐤ ᑲᓄᐛᔨᑕᐧᒃ, ᒋᑭ ‍ ᒥᒋ ‍ ᐃᑎᒄ᙮”
\p
\v 12 ᑎᐸᔨᒋᒐᓱᐤ ᒂ ‍ ᐃᑕᑦ ᒥᒋᒥᓂᑐᐛ, “ᒋᑭ ‍ ᓇᐃᒥᑎᓐ ᒐᒋ ᒥᓯᐛ ᐅᑎᓂᒧᑦ ᐊ ᐃᓯ ‍ ᑭᓄᐛᔨᑕᓱᑦ, ᒥᒄ ᐊᑲ ᐎ ‍ ᐊᐧᑯᐎᔾ᙮”
\p ᐊᑯ ᒥᒋᒥᓂᑐᐤ ᒂ ‍ ᓂᑭᑕᑦ ᑎᐸᔨᒋᒐᓱᐛ᙮
\s1 ᒠᑉ ᐅᑦ ᐊᐛᓯᒪ ᑭᔭ ᐅᐛᔪᑎᓯᐅᓐ ᓂᓱᐅᓇᑎᓂᔪᐛ
\p
\v 13 ᒠᑉ ᐅᑕᓂᓴ ᑭᔭ ᐅᑯᓴ ᒋ ‍ ᒥᒋᓱᓇᓂᒐᐅᒡ ᐊᓐᑕ ᐛᒋ ‍ ᒋᓴᐃᔪᔨᒋ ᐅᔅᑕᓯᒪᐛ ᐎᒋᔨᒡ,
\v 14 ᒪᒂᒡ ᐊᓂᔭ ᐊ ‍ ᐃᑎᒡ, ᒋ ‍ ᑎᑯᓯᓂᔨᐛ ᐊᐱᒋᐊᑭᓇ ᐊᓐᑕ ᒠᑉ ᐎᒋᒡ ᑭᔭ ᒂ ‍ ᐃᑎᑯᑦ, “ᒪᒂᒡ ᐊ ‍ ᐱᑯᐱᑕᒡ ᓂᑕᐅᒋᒋᑭᓐ ᐊᔅᒋᔪᐤ ᒋ ‍ ᒥᔅᑐᓯᒥᒡ ᑭᔭ ᑲᓂᐧᑲᑎᓯᒡ ᑲᐸᐃᑭᔎᐅᒡ ᒥᒋᒪ ᐊᓐᑕ ᐊ ᒥᒋᓱᒡ,
\v 15 ᐊ ᒪᒧᐎᒡ ᓇᐸᐅᒡ ᓯᐸ ᐅᒋ ᒋ ‍ᑎᑯᓯᓄᐅᒡ ᑭᔭ ᒥᔭᓯᔨᐧᑯᐎᔨᒥᒡ᙮ ᒥᓯᐛ ᐊᓂᔭ ᒋ ‍ ᓂᐸᐅᒡ ᒋᑦ ᐊᐱᒋᐊᑭᓄᐛᐛ ᑲ ‍ ᐊᑐᔅᒐᔨᒋ ᐊᓐᑕ ᓂᑕᐅᒋᒋᑭᓂᒡ ᑭᔭ ᒂ ‍ ᒋᒧᑎᔨᒋ ᐊᓂᔭ ᒥᔅᑐᓴ ᑭᔭ ᑲᓂᐧᑲᑎᓯᔨᒋ ᑲᐸᐃᑭᔎᐛ ! ᓂᔾ ᒥᒄ ᓂᒋ ‍ ᒋᑎᓯᒧᓐ ᒐᒋ ᓇᒋ ‍ ᐎᑎᒪᑕᓐ᙮”
\p
\v 16 ᐊᔅᒄ ᒪᒂᒡ ᐊ ‍ ᐃᔨᒪᐊᑦ ᐊᐱᒋᐊᑭᓐ ᒠᐸ, ᐛᒋ ‍ ᐸᐸᑕᑦ ᑯᑎᒃ ᑭᔭ ᒂ ‍ ᐃᔅᒋᔄᑦ, “ᒋᓴᒪᓂᑐᐤ ᒋ ‍ ᐸᑎᓴᒻ ᐃᔅᑯᑕᔪᐤ ᒂ ‍ ᓂᐸᐊᔨᑯᒡ ᒋ ‍ ᒪᔭᑕᓂᓯᒥᒡ ᑭᔭ ᒋᑦ ᐊᐱᒋᐊᑭᓐᒡ᙮ ᓂᔾ ᒥᒄ ᓂᒋ ‍ ᒋᑎᓯᒧᓐ ᒐᒋ ᓇᒋ ‍ ᐎᑎᒪᑕᓐ !”
\p
\v 17 ᐊᔅᒄ ᐊᑲ ᒋ ‍ ᒋᔅᑕᑦ ᐊᐱᒋᐊᑭᓐ ᐊ ‍ ᐃᔨᒥᑦ, ᐛᒋ ᐸᒋ ‍ ᒋᒋᓂᑯᑦ ᑯᑎᑲ ᐊᐱᒋᐊᑭᓇ ᐊ ‍ ᐃᔨᑎᑯᑦ, “ᓂᔅᑐᐎᒡ ᒋ ‍ ᐸᐸᑕᐅᒡ ᑲᓂᑕᐅᒋᒧᑎᒡ ᑲᓪᑎᔭ ᐊᔅᒋᒡ ᐅᒋ ᑭᔭ ᒥᔭᓯᔨᒥᒡ᙮ ᒋ ‍ ᒋᒧᑐᐅᒡ ᑲ ᒥᔅᑎ ‍ ᐱᔎᐅᑯᓇᔨᒋ ᐊᐛᓯᓴ ᑭᔭ ᒋ ‍ ᓂᐸᐊᐅᒡ ᒥᓯᐛ ᒋᑦ ᐊᐱᒋᐊᑭᓇ ᐊᓂᔭ ᑲ ‍ ᓇᑭᑐᐛᔨᒪᔨᒋ᙮ ᓂᔾ ᒥᒄ ᓂᒋ ‍ ᒋᑎᓯᒧᓐ ᒐᒋ ᓇᒋ ‍ ᐎᑎᒪᑕᓐ᙮”
\p
\v 18 ᐊᔅᒄ ᒋ ‍ ᐃᔨᒧᐤ ᐊᓐ ᐊᐱᒋᒐᑭᓐ, ᐛᒋ ‍ ᐸᐸᑕᔨᒋ ᑯᑎᑲ ᐊᐱᒋᐊᑭᓇ ᑭᔭ ᐊᔅᒋᔄᔨᒋ, “ᒋ ‍ ᒥᑯᓴᐅᒡ ᑭᔭ ᓱᒥᓇᐳᔪᐤ ᒋ ‍ ᒥᓄᐅᒡ ᒋᑦ ᐊᐛᓯᒥᒡ ᐊᓐᑕ ᐛᒋ ‍ ᒋᓴᐃᔪᐃᔨᒋ ᒋᑯᓴ ᐎᒋᔨᒡ,
\v 19 ᐃᔅᐱ ᓯᔅᒋᑯᒡ ᐛᒋ ‍ ᒋᔎᔭᔨᑕᑯᓂᔨᒡ ᐸᐧᑯᑎᔅᑭᒥᑲᒡ ᐅᒋ, ᒋ ‍ ᐸᒋᑎᓂᔪᐤ ᐎᒡ ᑭᔭ ᒥᓯᐛ ᒋ ‍ ᓂᐳᐅᒡ ᒋᑦ ᐊᐛᓯᒥᒡ᙮ ᓂᔾ ᒥᒄ ᓂᒋ ‍ ᒋᑎᓯᒧᓐ ᒐᒋ ᓇᒋ ‍ ᐎᑎᒪᑕᓐ᙮”
\p
\v 20 ᐃᔅᐱ ᐱᔭᑕᐧᒄ ᐅᔭ ᒠᑉ, ᒋ ‍ ᐱᑯᐱᑎᒻ ᐅᑦ ᐊᐱᒋᑕᐅᓇ ᑭᔭ ᒋ ‍ ᒥᓂᓯᒻ ᐅᐱᔎᐅᓐ ᐛᔅ ᐊᒋ ‍ ᑯᐸᑕᔨᒧᑦ᙮ ᒋ ‍ ᓂᐱᔅᑯᐳᐤ ᒧᔅᑎᔅᑭᒥᒡ ᒂ ‍ ᐊᔭᒥᐊᔅᑐᐛᑦ ᒋᓴᒪᓂᑐᐛ
\v 21 ᑭᔭ ᒂ ‍ ᐃᔅᒋᔄᑦ,
\q1 “ᓇᒪ ᒐᒂᓐ ᓂ ᐅᒋ ‍ ᐸᑕᓐ ᑲ ‍ ᐃᔪᐎᔭᓐ,
\q2 ᑭᔭ ᓇᒪ ᒐᒂᓐ ᓂᑭ ‍ ᔅᑐᑕᓐ ᐳᓂᐱᒪᑎᓯᔭᓇ᙮
\q1 ᒥᒄ ᑎᐸᔨᒋᒐᓱᐤ ᒥᔨᐛᐤ ᑭᔭ ᐅᑎᓂᒻ ᒐᒂᔪᐤ᙮
\q2 ᒪᒥᒋᑎᒻ ᑎᐸᔨᒋᒐᓱᐤ ᐅᑦ ᐃᓯᓂᐧᑲᓱᐅᓐ !”
\p
\v 22 ᐅᔭ ᒥᓯᐛ ᒐᒂᔪᐤ ᑲ ‍ ᐃᔅᐱᔨᑦ ᒠᑉ, ᓇᒪ ᐅᒋ ‍ ᒥᒋᑥᐤ ᑭᔭ ᒪᒃ ᒐᒋ ᐃᑕᑦ ᒋᓴᒪᓂᑐᐛ ᒪᒋᑐᑎᒥᔨᒋ᙮
\c 2
\s1 ᒥᒋᒥᓂᑐᐤ ᒥᓐ ᑯᒂᒋᐊᐤ ᒠᐸ
\p
\v 1 ᑯᑎᒋᔪᐤ ᒋᓯᑯᔪᐤ ᒥᓐ ᒐ ‍ ᒪᒧᐎᐅᒡ ᐊᓐᒋᓐᒡ ᐅᑎᔅᑯᐤ ᑎᐸᔨᒋᒐᓱᐛ ᐊ ‍ ᑕᔨᒋ, ᑭᔭ ᒥᒋᒥᓂᑐᐤ ᐃᔭᐱᒡ ᒋ ‍ ᑎᑯᓯᓄᐤ᙮
\v 2 ᑎᐸᔨᒋᒐᓱᐤ ᐃᑕᐤ ᒥᒋᒥᓂᑐᐛ, “ᑕᓐᑕ ᑲ ‍ ᑕᔨᓐ ?”
\p ᒥᒋᒥᓂᑐᐤ ᒂ ‍ ᐃᑕᑦ, “ᒥᓯᐛ ᐊᓐᑕ ᐊᔅᒋᒡ ᓂᒋ ‍ ᐱᐸᒧᑕᓐ᙮”
\p
\v 3 ᑎᐸᔨᒋᒐᓱᐤ ᒂ ‍ ᑯᒂᒋᒪᑦ ᒥᒋᒥᓂᑐᐛ, “ᔅᒋ ᐱᔅᑲᐱᒪᐤ ᐊ ᑲ ‍ ᑯᐃᔅᑯᑕᑎᓯᑦ ᓂᑦ ᐊᑐᔅᑲᑭᓐ ᒠᑉ ? ᒋᒋᐛ ᑯᐃᔅᑯᑕᑎᓯᐤ, ᒋᒋᐛ ᓂᒋᔅᑕᔨᒥᒄ, ᑭᔭ ᓇᒪ ‍ ᓂᑕ ᐎ ᒥᒋ ‍ ᐃᑐᐤ᙮ ᑭᔭ ᐊᔅᒄ ᒋᒋᐛ ᑯᐃᔅᑯᑕᑎᓯᐤ, ᐊᑎᓱᐧᒄ ᒋ ‍ᓯᒋᒥᔨᓐ ᒐᒋ ᓇᐃᒥᑕᓐ ᐅᔅᑦ ᒐᒋ ᑐᑐᐅᑦ ᒐᒋ ᐅᑎᑎᑯᑦ ᐊᔨᒥᓂᔨᒋ ᒐᒂᔪᐛ᙮”
\p
\v 4 ᒥᒋᒥᓂᑐᐤ ᒂ ‍ ᐃᑕᑦ ᑎᐸᔨᒋᒐᓱᐛ, “ᒋᔾ ᒥᒄ ᒋᒪᒥᒋᒥᒄ ᐛᔅ ᒋ ‍ ᓱᐛᔨᑕᑯᐛᐊᐤ᙮ ᐃᔪᒡ ᒥᓯᐛ ᐱᔅᑎᓂᒧᒡ ᒐᒂᔪᐤ ᑲᓄᐛᔨᑕᒡ ᒐᒋ ᐱᒪᒋᑕᒡ ᑎᐱᔨᐛ ᐅᐱᒪᑎᓯᐅᓄᐛᐛ᙮
\v 5 ᒥᒄ ᐊᐧᑯᐃᑕ ᐎᔭᒡ ᑕᑈ ᒋᑭ ‍ ᒪᔭᔨᒥᒄ !”
\p
\v 6 ᑎᐸᔨᒋᒐᓱᐤ ᒋ ‍ ᐃᑕᐤ ᒥᒋᒥᓂᑐᐛ, “ᐊᑯ ᑭᑈ, ᒋᑭ ᒋ ‍ ᑐᑐᐛᐤ ᒥᒄ ᐛ ‍ ᑐᑐᑦ ᒠᑉ, ᒥᒄ ᒐ ᐊᑲ ‍ ᓂᐸᔨᑦ᙮”
\p
\v 7 ᐊᑯ ᒥᒋᒥᓂᑐᐤ ᒂ ‍ ᓂᑭᑕᑦ, ᑭᔭ ᒂ ‍ ᑐᑐᐛᑦ ᒐᒋ ᒥᔪᔨᒋ ᒠᐸ ᒥᓯᐛ ᐎᔭᔨᒡ ᓇᔅᒡ ᐊᐧᑯᓯᔨᒋ, ᑕᐧᑯᒡ ᐅᔅᑎᒂᓂᔨᒡ ᐅᒋ ᐃᔅᐱᔅ ᐅᔅᐱᔅᒋᑕᓂᔨᒡ᙮
\v 8 ᒋ ᓇᒋ ‍ ᐊᐳᐤ ᐊᓐᑕ ᐊ ‍ ᑭᔅᑕᔨᒡ ᒐᒋ ᐛᐸᑎᔨᐛᑦ ᐊ ‍ ᓇᐧᑲᑕᔨᑕᐧᒃ, ᑭᔭ ᒪᒂᒡ ᐊ ‍ ᑲᔅᑲᔅᒋᐱᑕᐧᒃ ᐊ ‍ ᒥᔪᐅᑦ ᐅᓯᑲᒡ ᐊ ‍ ᐱᑯᐱᔨᒡ ᐊᓯᔅᒍᐎᔭᑭᓇᐱᔅᑯᔪᐤ ᐊ ‍ ᐊᐱᒋᑕᑦ,
\p
\v 9 ᒋ ‍ ᑯᒂᒋᒥᑯᐤ ᐎᐛ ᒠᑉ, “ᐊᔅᒄ ᐊ ᒋ ‍ᐎ ‍ ᑕᑈᐅᒐᔨᒪᐤ ᒋᓴᒪᓂᑐᐤ ? ᒋᐸ ᒪᔭᔨᒪᐤ ᒋᓴᒪᓂᑐᐤ, ᐊᑯ ᑭᔭ ᒐ ‍ ᐳᓂᐱᒪᑎᓯᔨᓐ !”
\v 10 ᒂ ‍ ᐃᑕᑦ, “ᒧᔭᒻ ᐊ ᐃᓯ ‍ ᐃᔨᒥᒡ ᐊᐛᓐᒋ ᐊ ᐊᑲ ‍ ᒋᔅᒐᔨᒪᒡ ᒋᓴᒪᓂᑐᐛ ᐊᐅᑯᓐ ᐊ ᐃᓯ ‍ ᐃᔨᒥᔨᓐ᙮ ᐊ ‍ ᒥᔽᒋ ᐊ ᒥᒄ ᒐᒂᓂᐃ ᒐᐸ ‍ ᐅᑎᓇᓄᐤ ᐊ ‍ ᐃᑐᑎᒪᑕᐧᒄ ᒋᓴᒪᓂᑐᐤ ? ᐃᔭᐱᒡ ᐊ ᐊᑲ ‍ ᒥᔽᔨᒋ ᒐᒂᓂᐃ ᒋᐸ ‍ ᐅᑎᓂᒺᓇᓄᐤ᙮” ᐊᑯ ᐊᑎᓱᐧᒄ ᐃᔅᐱᔨᑦ ᐅᔭ ᒐᒂᔪᐛ ᒠᑉ, ᓇᒪ ᐅᒋ ‍ ᒥᒋ ‍ ᐃᔨᑕᐤ ᒋᓴᒪᓂᑐᐛ᙮
\s1 ᒠᑉ ᐊᓂᔅᑎᔨᒋ ᐎᒐᐛᑭᓇ
\p
\v 11 ᐊ ‍ ᓂᔅᑐᔨᒋ ᐎᒐᐛᑭᓇ ᒠᑉ: ᐃᓕᐸᐊᔅ ᐊᓐᑕ ᑎᒪᓐ ᐅᑕᓇᔪᐤ ᐅᒋ, ᐱᓪᑕᑦ ᐊᓐᑕ ᓱᐦᐊ ᐊᔅᒋᒡ ᐅᒋ, ᑭᔭ ᓴᐅᐸᕐ ᐊᓐᑕ ᓇᐊᒪ ᐊᔅᒋᒡ ᐅᒋ᙮ ᐃᔅᐱ ‍ ᐱᔭᑕᒡ ᐊᔅᐱᔅ ᓇᐧᑲᒋᐅᔨᒋ ᒠᐸ, ᒋ ‍ ᐃᑕᔨᑎᒧᒡ ᒐᒋ ᓂᑐᐛᐱᒪᒡ ᒐᒋ ᒥᔽᔨᒧᐊᒡ᙮
\v 12 ᐊᔅᒄ ᐊᔭᐅᓇᑯᓯᒡ ᒋ ‍ ᐛᐱᒪᐅᒡ ᒠᐸ, ᒥᒄ ᓇᒪ ᐅᒋ ‍ ᓂᔅᑐᓄᐛᐅᒡ᙮ ᐊᑯ ᒂ ᐊᑎ ‍ ᐊᔭᓯᒂᒡ ᐊ ‍ ᓇᐧᑲᒋᒧᒡ, ᑭᔭ ᒂ ‍ ᐱᑯᐱᑕᒡ ᐅᑦ ᐊᐱᒋᑕᐅᓄᐛᐛ ᐊ ‍ ᓇᐧᑲᑕᔨᒧᒡ ᑭᔭ ᒂ ᐊᑎ ‍ᐱᓂᐱᔨᑕᒡ ᐃᔭᑲᔪᐤ ᐅᔅᑎᒂᓄᐛᒡ᙮
\v 13 ᐊᑯ ᒂ ‍ ᐊᐱᒡ ᐊᓐᑕ ᒧᔅᑎᔅᑭᒥᒡ ᐊᓯᒡ ᒠᐸ ᐃᔅᐱᔅ ᓂᔄᐅᑕᒡ ᒋᓯᑲᐛ ᑭᔭ ᑎᐱᔅᑲᐛ ᐊᑲ ᓂᑕ ‍ ᐃᔨᒥᒡ ᐛᔅ ᒋ ‍ ᒋᔅᒐᔨᑎᒧᒡ ᐊᔅᐱᔅ ᓇᔅᒡ ᐎᓯᒐᔨᑎᒥᔨᒋ᙮
\c 3
\s1 ᒠᑉ ᒋ ‍ ᐃᔨᒧᐤ
\p
\v 1 ᒐᒃ, ᒂ ‍ ᐃᔨᒥᑦ ᒠᑉ, ᑭᔭ ᒂ ‍ ᒪᔭᔨᑕᑦ ᐊᓂᔭ ᒋᓯᑯᔪᐤ ᑲ ‍ ᐃᔪᐅᑦ᙮
\q2
\v 2 ᒂ ‍ ᐃᔅᒋᔄᑦ,
\q1
\v 3 “ᑭᒪ ᐊᓐ ᒋᓯᒄ ᑲ ‍ ᐃᔪᐅᔭᓐ ᓂᓱᒐᒋᑕᑭᓄᐅᒡ,
\q2 ᑭᔭ ᐊᓐ ᑕᐱᔅᑲᒡ ᑲ ‍ ᐅᓯᑯᐅᔭᓐ᙮
\q1
\v 4 ᑭᒪ ᐊᓐ ᒋᓯᒄ ᑲ ‍ ᐃᔪᐅᔭᓐ ᒋ ‍ ᐊᒋᑲᑕᒂ᙮
\q2 ᑭᒪ ᒋᓴᒪᓂᑐᐤ ᒋᒋᒋᓯᑯᒡ ᐊᑕᑦ ᒋ ‍ ᐅᓂᒋᔅᒋᑕᑕᒂ ᐊᓂᔭ ᒋᓯᑯᔪᐤ᙮
\q2 ᑭᔭ ᐊ ᐊᑲ ‍ ᐛᔅᑕᓇᑕᒂ ᐱᓯᒻ ᐊᓂᔭ ᒋᓯᑯᔪᐤ᙮
\q1
\v 5 ᑭᒪ ᐊ ᒥᔅᑎ ‍ ᑎᐱᔅᑲᒡ ᒋᓴᑭᔅᒋᓇᑕᒂ ᐊᓐ ᒋᓯᒄ,
\q1 ᑭᔭ ᐊ ‍ ᐎᐱᓯᑦ ᑭᔅᑯᐅᓐ ᒋ ‍ ᐊᑯᓇᐱᔨᑕᒂ ᑭᔭ ᑲᓯᐊᑕᒂ ᒥᓯᐛ ᐛᔅᑕᐅᓂᔪᐤ
\q2 ᑭᔭ ᑐᑕᑯᔨᒋ ᐊᐛᔪᐛ ᒐᒋ ᓴᒋᓯᔨᒋ᙮
\q2 ᐊᑯᓇ ᐊᓯᒡ ᑭᔅᑯᐅᓐᒡ, ᑭᔭ ᐊᑯᓇᐤ ᐱᓯᒻ᙮
\q1
\v 6 ᑭᒪ ᒋ ‍ ᑲᓴᔨᑭᓄᐅᒡ ᐊᓐ ᑕᐱᔅᑲᒡ ᒋᔅᑕᑲᔨᑭᓂᒡ ᐅᒋ ᑲ ‍ ᐅᓯᔨᑯᐎᔭᓐ,
\q2 ᒐ ᐊᑲ ᒥᓐ ᓄᒂᒡ ᒧᔭᒻ ᐊ ‍ ᐸᐃᑯᑎᐱᔅᑲᒡ ᐊᓐᑕ ᒥᒄ ᓂᑐᐎᔾ ᐱᓯᒧᒡ,
\q2 ᑭᔭ ᒐ ‍ᐊᑲ ‍ ᐊᔅᑎᒋᑕᑭᓄᐅᒡ ᐊᓐᑕ ᓂᑐᐎᔾ ᒋᔅᑕᑲᔨᑭᓂᒡ᙮
\q1
\v 7 ᑭᒪ ᒐ ᐊᑲ ᒥᓐ ᐅᓯᐊᑭᓄᐅᑦ ᐊᐛᔅ ᐊᓂᔭ ᒐ ‍ ᑎᐱᔅᑲᔨᒡ ᐊᓂᔭ ᐱᓯᒺ
\q2 ᑭᔭ ᒐ ᐊᑲ ᒥᓐ ᒥᔽᔨᑕᐧᒃ ᐊᐛᓐ ᐊᓂᔭ ᒐ ‍ ᑎᐱᔅᑲᔨᒡ᙮
\q1
\v 8 ᓂᑐᐛᔨᒪᐅᒡ ᐊᓐᒡ ᐃᔪᒡ ᑲᒥᑕᐅᒡ ᒐᒋ ᒥᓂᑐᓯᐧᑲᑕᒡ ᐊᓂᔭ ᒋᓯᒂ᙮
\q1
\v 9 ᑭᒪ ᐊᓐᒡ ᐅᒐᑭᑕᐧᑯᒡ ᑲ ‍ ᐛᔅᑐᐛᒡ ᐊᓂᔭ ᐎᐱᒡ ᒋᔭᒋᓴᐸᔭᔨᒡ ᐊᓂᔭ ᒋᓯᑯᔪᐤ ᑲᒋ ‍ ᐅᓯᔨᑯᐎᒡ ᒐ ᐊᑲ ᒥᓐ ᐛᔅᑐᐛᒡ᙮ ᓂᑐᐛᔨᒪᐅᒡ ᐊᓐᒡ ᐅᒐᑭᑕᐧᑯᒡ ᒋ ‍ ᐱᑯᓴᔨᑕᑕᒂᓐᒋ ᐛᔅᑕᐅᓂᔪᐤ ᒐ ᐊᑲ ‍ᒋ ᐛᔅᑐᐛᔨᒡ; ᑭᔭ ᐊᑲ ᐛᔅᑐᐛᑕᒂᐛ ᐊᓂᔭ ᒋᓯᑯᔪᐤ᙮
\q1
\v 10 ᒋ ‍ ᒪᔭᑎᓐ ᐊᓐ ᒋᓯᒄ ᐛᔅ ᒋᒋ ᐛᐱᒪᐅᓱᐤ ᓂᑲᐎ;
\q2 ᒥᔅᑯᒡ, ᓂᒋ ‍ ᐃᔨᐅᓐ, ᑭᔭ ᓂᒋ ‍ ᐅᑎᑎᑯᓐ ᒥᓯᐛ ᐅᔭ ᑲ ‍ ᒪᔭᑎᒋ ᒐᒂᓇ᙮
\b
\q1
\v 11 ᑭᒪ ᒋ ‍ ᐳᓂᐱᒪᑎᓯᔭᓇᒂ ᐃᔅᐱ ᑲ ‍ ᐃᔪᐅᔭᓐ,
\q2 ᐊᓐ ᒪᒂᒡ ᓂᒋ ‍ ᐅᒋᐱᔨᓐ ᓂᑲᐎ ᐅᔅᐱᔭᒡ᙮
\q1
\v 12 ᑭᒪ ᐊ ᐊᑲ ᓇᔨᒥᑕᒂ ᓂᑲᐎ ᒐᒋ ᐱᒪᑎᓯᐅᒡ᙮
\q2 ᑭᒪ ᐊ ᐊᑲ ᐅᒋ ᓂᓴᓇᔨᑕᒂ᙮
\q1
\v 13 ᒋ ‍ ᐳᓂᐱᒪᑎᓯᔭᓇᒂ ᐃᔅᐱ ᑲ ‍ ᐃᔪᐅᔭᓐ,
\q2 ᓂᐸ ᓂᐸᓐ, ᐊ ‍ ᐊᔽᓯᔭᓐ ᒋᔭᒪᔨᑎᒧᐅᓂᒡ ᐊᓐᑕ ᐃᑕᐅᓂᒡ ᐊᑕᒡ ᑲ ‍ ᐳᓂᐱᒪᑎᓯᒡ᙮
\q1
\v 14 ᓂᐸ ‍ ᐊᔽᓯᓐ ᐊᓯᒡ ᒋᓴᐅᒋᒪᐅᒡ ᐊᓂᔭ ᑲ ‍ ᒥᔽᓯᔨᒋ ᐅᒋᓴᐅᒋᒪᐅᒋᐛᐳᐛᐛ ᑲ ‍ ᒋᒥᑕᒡ ᐊᓄᒡ ᓇᓱᓇᒋᑕᑭᓄᐎᒋ,
\q2 ᑭᔭ ᓂᐸ ‍ ᐊᔽᓯᓇᐱᓐ ᐊᓯᒡ ᐅᒋᒪᓯᒧᐛᐛ ᐃᔭᐱᒡ ᑲ ‍ ᐳᓂᐱᒪᑎᓯᔨᒋ᙮
\q1
\v 15 ᓂᐸ ‍ ᐊᔽᓯᓇᐱᓐ ᐊᓯᒡ ᒋᓴᐅᒋᒪᓯᒡ ᑲ ‍ ᐛᔪᑎᓯᒡ,
\q2 ᐅᒋᓴᒋᒪᐅᒋᐛᐳᐛᐛ ᑲᒋ ‍ ᓴᑭᔅᒋᓇᔨᒋ ᐎᔄᐅᓱᓇᔭᐱᔅᑯᔪᐤ ᑭᔭ ᓱᓇᔭᐱᔅᑯᔪᐤ᙮
\q1
\v 16 ᑭᒪ ᒋ ‍ᓇᐊᐅᐛᔨᑯᔭᓇᒂ ᒧᔭᒻ ᐊᐛᔅ ᑲ ‍ ᐳᓂᐱᒪᑎᓯᑦ ᐅᑲᐎᔭ ᐅᔅᐱᔭᔨᒡ
\q2 ᑭᔭ ᐊ ᐊᑲ ᓂᑕ ᐅᒋ ᐱᒪᑎᓯᑦ ᒐᒋ ᐛᐸᑕᐧᒃ ᒋᓯᑯᔪᐤ᙮
\q1
\v 17 ᑲᒋ ‍ ᐳᓂᐱᒪᑎᓯᑥᐎ ᑲ ‍ ᒥᒋᐃᔪᐅᒡ, ᓇᒪ ᒥᓐ ᒋ ‍ ᐅᔅᑕᐱᔨᐛᐅᒡ;
\q2 ᐊᓐᒡ ᓇᔅᒡ ᑲ ‍ ᐊᔭᔅᑯᓯᒡ ᓴᔅ ᒋᑭ ‍ ᐊᔽᓯᐅᒡ᙮
\q1
\v 18 ᐊᓐᒡ ᑲᑕᒡ ᑲᒪᑭᓂᐛᓯᐅᒋᐛᐱᒡ ᐊᔽᓯᐅᒡ ᒋᔭᒪᔨᑎᒧᐅᓂᒡ ᑲᒋ ‍ ᐳᓂᐱᒪᑎᓯᑥᐎ;
\q2 ᓇᒪ ᓴᔅ ᑕᔪᐛ ᑲ ‍ ᓂᓇᐧᑲᒋᐃᑯᒡ ᒐᒋ ᐊᓏᔨᒥᑯᒡ᙮
\q1
\v 19 ᑲ ‍ ᐛᔪᑎᓯᒡ ᑭᔭ ᑲ ‍ ᒋᔅᑎᒪᑎᓯᒡ ᐸᐃᑯᑕᐤ ᐃᓯᓇᑯᓱᐅᒡ ᑲᒋ ‍ ᐳᓂᐱᒪᑎᓯᑥᐎ,
\q2 ᑭᔭ ᐊᓐᒡ ᐊᐱᒋᐊᑭᓐᒡ ᓇᒪ ᓴᔅ ᑎᐸᔨᒥᑯᐅᒡ ᐅᒋᒪᒧᐛᐛ᙮
\q1
\v 20 ᒐᒂᔪᐤ ᐛᒋ ‍ ᓇᐊᔨᒪᑦ ᒋᓴᒪᓂᑐᐤ ᐊᓂᔭ ᓇᔅᒡ ᑲ ‍ ᐎᓴᒐᐃᑎᒥᔨᒋ ᒧᔭᒻ ᓂᔾ ᒐᒋ ᐊᔅᒄ ᐱᒪᑕᓯᔨᒋ ?
\q2 ᒐᒂᔪᐤ ᐛᒋ ‍ ᓇᔨᒪᑦ ᐊᓂᔭ ᒋᒋᐛ ᓇᓇᐧᑲᑎᓯᔨᒋ ᒐᒋ ᐊᔅᒄ ᐱᒪᑕᓯᔨᒋ ?
\q1
\v 21 ᓂᑐᐛᔨᑎᒧᒡ ᒐᒋ ᐳᓂᐱᒪᑎᓯᒡ, ᒥᒄ ᓇᒪ ᐳᓂᐱᒪᑎᓯᐅᒡ᙮
\q2 ᐱᑯᓴᔨᑎᒧᒡ ᒐᒋ ᐳᓂᐱᒪᑎᓯᒡ ᐊᑎᑐᐤ ᐃᔅᐱᔅ ᐃᔪᒡ ᐊ ‍ ᐱᑯᓴᔨᑕᒡ ᒐᒋ ᒥᔅᑲᒡ ᐊ ᒥᔅᑎ ‍ ᓱᓇᔭᐎᔨᒋ ᒐᒂᔪᐛ ᐊᒋ ‍ ᐊᔭᐅᐧᑲᐃᑭᓄᐛᒂᓂ᙮
\q1
\v 22 ᒋᒋᐛ ᒥᔽᔨᑎᒧᒡ ᐃᔅᐱ ᓴᔅ ᑲ ‍ ᐳᓂᐱᒪᑎᓯᑥᐎ ᑭᔭ ᓇᐊᐅᐛᔭᑭᓄᑥᐎ᙮
\q1
\v 23 ᐊᓐᒡ ᐊ ᐊᑲ ᒋᔅᒐᔨᑕᒡ ᑕᓐᑕ ᒐ ‍ ᐃᑐᑕᒡ ᐃᔅᐱ ᑈᓂᐱᒪᑎᓯᑥᐎ,
\q2 ᐊᓂᔭ ᐃᔪᐛ ᑲ ‍ ᑐᑐᐛᑦ ᒋᓴᒪᓂᑐᐤ ᒐᒋ ᐱᒪᑎᓯᔨᒋ ᐊᓇᓇᐧᑲᑎᓯᔨᒋ,
\q2 ᒐᒂᔪᐤ ᐛᒋ ‍ ᐊᔅᒄ ᐱᒪᑎᓯᒡ ?
\q1
\v 24 ᒋᒋᐛ ᐊᔅᒄ ᓂ ‍ ᒪᓐ; ᐊᓐ ᐅᒋ, ᓇᒪ ᓂᒋ ‍ ᒥᒋᓱᓐ;
\q2 ᑭᔭ ᓇᒪ ᓂᑕ ‍ ᓂᑲᐎᓐ ᐊ ‍ ᒪᒪᑥᔭᓐ᙮
\q1
\v 25 ᐊᓂᔭ ᒐᒂᔪᐛ ᑲ ‍ᐊᔨᒪᔨᑎᒥᔨᑯᔭᓐ ᒐᒋ ‍ ᐃᔅᐱᔨᔭᓐ, ᓴᔅ ᓂᒋ ‍ ᐃᔅᐱᔨᓐ;
\q2 ᐊᓂᔭ ᒐᒂᔪᐛ ᑲ ‍ ᑯᔅᐱᓇᔨᑎᒪᓐ ᓴᔅ ᓂᒋ ‍ ᐃᔅᐱᔨᓐ᙮
\q1
\v 26 ᐊᓄᒡ ᓇᒪ ‍ ᓂᑭᓄᐛᔨᑕᓐ ᒋᔭᒪᔨᑎᒧᐅᓐ ᑕᒥᔪᐤ,
\q2 ᓇᒪ ‍ ᓂᑭᓄᐛᔨᑕᓐ ᒋᔭᒪᔨᑎᒧᐅᓐ;
\q1 ᓇᒪ ᓂᒋ ‍ ᐊᔽᓯᓐ;
\q2 ᒥᔅᑯᒡ ᓂᓇᐧᑲᑕᔨᒧᐅᓐ ᓂᑭᓄᐛᔨᑕᓐ᙮
\c 4
\s1 ᐃᓕᐸᔅ ᑲ ‍ ᓂᔎᐛᓯᐊᑦ ᒠᐸ
\p
\v 1 ᐊᑯ ᐃᓕᐸᔅ, ᑎᒪᓐ ᐅᒋ, ᒂ ‍ ᓂᔎᐛᓯᐊᑦ ᒠᐸ᙮ ᒋ ‍ ᐃᑕᐤ,
\q1
\v 2 “ᒋᑭ ‍ ᓇᔨᒥᓐ ᐊ ᒐᒋ ᐃᑎᑕᓐ ᒐᒂᓐ ?
\q2 ᓇᒪ ᓴᔅ ᓂᒋ ‍ ᐃᔨᑎᓐ ᒐ ‍ ᐊᑲ ᒋᔅᑐᔭᓐ᙮
\q1
\v 3 ᐎᐱᒡ ᐊᓐᑕ, ᒋᒋ ‍ ᒋᔅᑯᑎᒧᐛᐅᒡ ᒥᒐᑦ ᐃᔪᒡ,
\q2 ᑭᔭ ᒋᒋ ‍ ᓯᒋᒪᐅᒡ ᐊᓐ ᑲ ‍ ᔨᔨᒥᓯᒡ᙮
\q1
\v 4 ᒥᒄ ᐊᓐ ᑲ ‍ ᐃᔅᒋᔄᔨᓐ, ᒋᒋ ‍ ᐎᒋᐊᐅᒡ ᐊᓐᒡ ᐊᐛᓐᒋ ᒐᑲᑦ ᑲ ‍ ᐳᓂᒡ ᐊᑕᑈᐅᒐᔨᒪᒡ ᒋᓴᒪᓂᑐᐛ,
\q2 ᑭᔭ ᒋᒋ ‍ ᑐᑐᐛᐅᒡ ᑕᑈᑎᒧᐅᓂᒡ ᒥᓐ ᒐᒋ ᓱᒋᓯᒡ᙮
\q1
\v 5 ᒥᒄ ᐊᓄᒡ, ᐃᔅᐱ ᑲ ‍ ᐅᑎᑎᑯᐎᔨᓐ ᒥᒋᐱᔪᐅᓇ, ᒋᒋ ‍ ᐱᒋᑕᔨᒧᓐ᙮
\q2 ᒋᒋ ‍ ᑲᔅᑕᐅᑯᓐ ᒥᒋᐱᔪᐅᓇ, ᑭᔭ ᒋᒋ ‍ ᓇᓇᑲᑎᓯᓐ᙮
\q1
\v 6 ᒋ ‍ ᒋᔅᑕᔨᒪᐤ ᒋᓴᒪᓂᑐᐤ ᑭᔭ ᑯᐃᔅᒄ ᒋᑦ ‍ᐃᓯ ‍ ‍ᐱᒪᑎᓯᓐ,
\q2 ᐊᑯ ᓱᒃ ᒥᒪᒋᒥᓇ ᑕᓐ ᐊ ᐃᓯ ‍ ᐊᔅᐸᔨᒧᔨᓐ᙮ ‍ 
\b
\q1
\v 7 ᒪᒥᑐᑕᔨᑕ ᒪ ᐅ; ᐳᓂᐱᒪᑎᓯᐅᒡ ᐊ ᐊᓐᒡ ᑲ ‍ ᑯᐃᔅᑯᑕᑎᓯᒡ ᒪᒂᒡ ᐊ ‍ ᐅᔅᑎᓂᒋᐅᒡ ?
\q2 ᓂᓱᐅᓇᒋᐊᐤ ᐊ ᒋᓴᒪᓂᑐᐤ ᑲ ‍ ᒋᓴᒪᓂᑐᐛᔨᑕᑯᓯᔨᒋ ᐊᐛᔪᐛ ?
\q1
\v 8 ᒧᔭᒻ ᐊᓐᒡ ᑲ ‍ ᓂᑕᐅᒋᑕᒡ ᒥᒋᒥᔪᐤ ᑲ ‍ ᓂᑕᐅᒋᐊᒡ ᒥᒋ ᓯᒥᓇ ᓇᒪ ᓂᑕᐅᒋᓂᔪᐤ ᐊ ‍ ᒥᔽᔨᒡ ᒥᒋᒥᔪᐤ,
\q2 ᒧᔭᒻ ᐊᓐᒡ ᑲ ‍ ᒥᒋᐱᔨᐊᒡ ᐊᐛᔪᐛ, ᓇᓇᒐ ᐅᑎᑎᑯᐅᒡ ᐊ ‍ ᒥᒋᐱᔨᒡ᙮
\q1
\v 9 ᐳᓂᐱᒪᑎᓯᐅᒡ ᐃᔅᐱ ᒋᓱᐛᓯᐅᓂᒡ ᔭᔭᑕᑯᑥᐎ ᒋᓴᒪᓂᑐᐛ,
\q2 ᐃᔅᐱ ᒋᒋᐛ ᐊᓂᔭ ᒋᓱᐛᔨᑯᒋ᙮
\q1
\v 10 ᐊᑎᓱᐧᒄ ᒋ ‍ ᓱᒋᓯᒡ ᒥᒋ ‍ ᐃᔪᐅᒡ ᒧᔭᒻ ᑲ ‍ ᓱᐧᑲᑎᓯᔨᒋ ᒥᓯᐱᓯᓴ,
\q2 ᒋᑭ ‍ ᓂᓱᐅᓇᒋᐊᐤ ᐊᓂᔭ ᒋᓴᒪᓂᑐᐤ᙮
\q1
\v 11 ᒋᑭ ‍ ᐳᓂᐱᒪᑎᓯᐅᒡ ᒧᔭᒻ ᑲ ‍ ᐊᒂᑎᓯᒡ ᒥᓯᐱᓱᐅᒡ ᐊ ‍ ᒋᒪᐧᑭᑕᒡ ᐃᔅᐱ ᐊ ᐊᑲ ‍ ᑕᔨᒋ ᐊᐛᓯᓴ ᒐᒋ ᓂᐸᐊᒡ ᑭᔭ ᒐ ‍ ᒧᐛᒡ,
\q2 ᑭᔭ ᐅᑦ ᐊᐛᓯᒧᐛᐛ ᒋᑭ ‍ ᑕᑎᐸᓂᔨᑐᔪᐛ ᒧᔭᒻ ᒥᓯᐱᓯᓴ ᐊ ‍ ᑕᑎᐸᓂᐃᑐᔨᒋ ᒐᒋ ᒥᔅᑭᒥᔨᒋ ᒥᒋᒥᔪᐤ᙮
\q1
\s1 ᐃᓕᐸᔅ ᑲ ‍ ᐃᔅᒋᔄᑦ ᒋᒧᑦ ᐊ ‍ ᒋᔅᒐᔨᑕᐧᒃ ᒐᒂᔪᐤ
\q1
\v 12 ᓂᒋ ‍ ᐸᑕᓐ ᐃᔨᒧᐅᓐ ᒋᒧᑦ ᑲ ᐸᒋ ‍ ᐎᑎᒧᐅᑦ ᐊᐛᓐ᙮
\q1
\v 13 ᑕᐱᔅᑲᔨᒡ ᓂᒋ ᐸᒋ ‍ ᐃᔨᒥᔨᒄ ᐃᔅᐱ ᑲ ‍ ᑯᔅᑕᑕᐸᑎᒧᒡ ᐊᓂᔭ ᑲ ‍ ᓴᒋᐃᑯᐅᒡ᙮
\q1
\v 14 ᓂᒋ ‍ ᑐᑕᑯᓐ ᒐᒋ ᑯᔅᑕᒋᔭᓐ ᑭᔭ ᓇᓇᐱᔨᔭᓐ;
\q2 ᓂᒋ ‍ ᑐᑕᑯᓐ ᒐᒋ ᓇᓇᐱᔨᔭᓐ ᓂᔅᑭᓂᒡ᙮
\q1
\v 15 ᒥᒋᒪ ᓂᑕᔅᑎᒥᐧᑯᒡ ᒋ ‍ ᐱᒥᐱᔪᐤ ᒋᐱᔾ
\q2 ᑭᔭ ᒂ ‍ ᑐᑕᑯᔭᓐ ᓂᐱᔎᐅᓐ ᐊᓐᑕ ᓂᑯᔭᒡ ᒐᒋ ᒋᒥᑕᒡ᙮
\q1
\v 16 ᒂ ‍ ᓂᑲᐱᔨᑦ, ᒥᒄ ᓇᒪ ᓂ ᐅᒋ ‍ ᐛᐱᒪᐤ ᑕᓐ ᐊ ‍ ᐃᓯᓇᑯᓯᑦ᙮
\q2 ᒥᒄ ᓂᒋ ‍ ᒧᓯᑕᓐ ᐊ ‍ ᐃᑕᑦ ᐊᓐᑕ ᐊᐛᓐ ᐅᑎᔅᑯᐤ ᐊᑕᐅᒡ,
\q1 ᑭᔭ ᐸᑎᐧᑲᒡ ᒋ ‍ ᐃᔨᒧᐤ,
\q1
\v 17 ‘ᐃᑕᔨᒪᐤ ᐊ ᒋᓴᒪᓂᑐᐤ ᐊ ‍ ᑯᓯᑯᑕᑎᓯᔨᒋ ᒥᓯᐛ ᐊᐛᔪᐛ ?
\q1 ᓇᒪ ᒋ ‍ ᑕᐅᒡ ᐃᔪᒡ ᐊ ‍ ᑯᓯᑯᑕᑎᓯᒡ ᐊ ‍ ᑭᓄᐛᐱᒥᑯᒡ ᒋᓴᒪᓂᑐᐛᐤ !
\q2 ᒋᑭ ᒋ ‍ ᐊ ᐃᑕᔨᒪᐤ ᒋᓴᒪᓂᑐᐤ ᐊᓂᔭ ᒐᒋ ᐸᔭᒋᓯᔨᒋ ?
\q1
\v 18 ᓇᒪ ᒋ‍ ᒋᔅᒐᔨᒪᐤ ᒋᓴᒪᓂᑐᐤ ᑎᐱᔨᐛ ᐅᑦ ‍ ᐊᓐᒋᓂᒪ ᓇᓂᑎᒻ ᒐᒋ ᑐᑎᒥᔨᒋ ᑯᐃᔅᒄ ᒐᒂᓂᔪᐤ;
\q2 ᐃᔅᒋᔄᐤ ᐱᔅᒐ ᐊᓂᔭ ᐊᒋ ‍ ᑐᑎᒥᔨᒋ ᒐᒂᔪᐤ ᐊ ᐊᑲ ‍ ᒥᔽᔨᒡ᙮
\q1
\v 19 ᐊᑯ ᒪᒃ ᑕᑈ ᓇᒪ ᒋ ‍ ᑕᑈᐅᒐᔨᒪᐤ ᐃᔪᐛ ᐱᐧᑯᑕᒡ ᑭᔭ ᐊᔅᒋᔅᒋᒡ ᑲ ‍ ᐅᒋ ‍ ‍ᐅᓯᐊᑭᓄᐎᔨᒋ,
\q2 ᐊᓂᔭ ᐊᐛᒋᐱᔨᒡ ᒐᒋ ᐱᔅᑯᐛᑭᓄᐎᔨᒋ ᒧᔭᒻ ᐊ ‍ᐃᓯ ‍ ᐱᔅᑯᐛᑭᓄᐎᔨᒋ ᒥᓂᑐᓴ !
\q1
\v 20 ᒥᔪᐱᔪᐅᒡ ᓂᔭᓂᑯᑎᓂ ᐃᔪᒡ ᒋᔭᒋᓴᐸᔭᔨᒋ, ᒥᒄ ᐳᓂᐱᒪᑎᓯᐅᒡ ᐛᑕᑯᓯᔨᒋ᙮
\q2 ᓂᒋᔅᒃ ᐊᓂᔭᐧᑲ ᓇᒪ ᒋᑭ ‍ ᑕᐅᒡ ᑭᔭ ᓇᒪ ᐊᓂᔭ ᒋᔅᒐᔨᑎᒧᒡ᙮
\q1
\v 21 ᒧᔭᒻ ᐱᒍᐛᔭᓂᒋᐛᐸ ᓯᔅᒋᑯᒡ ᐊᑯᐱᔨᒋ ᐃᓯᓇᑯᓯᐅᒡ:
\q2 ᓯᔅᒋᑯᒡ ᐳᓂᐱᒪᑎᓯᐅᒡ ᐊᒺᔭ ᑭᒐᑕᐛᔨᑕᑯᓯᒡ᙮’ ”
\c 5
\s1 ᐃᓕᐸᔅ ᐊᔅᒄ ᒋ ‍ ᓂᔎᐛᓯᐤ ᒠᐸ
\q1
\v 1 “ᒠᑉ, ᒥᔽᐤ ᐊ ᐊᔅᒄ ᒐᒋ ᑕᐱᑕᑈᔨᓐ ᒐᒋ ᐎᒋᔨᔅᒃ ᐊᐛᓐ,
\q2 ᒥᒄ ᓂᒐᔅᑎᓇᐅᓐ ᒐ ‍ ᐊᑲ ᑎᑯᓯᐧᒃ ᐊᓐᒋᓐ ᒐᒋ ᐎᒋᔨᔅᒃ!
\q1
\v 2 ᐳᓂᐱᒪᑎᓯᐅᒡ ᐊᐛᓐᒋ ᐊᑲ ᓂᔍᔨᑕᒡ ᐛᔅ ᐊ ᒥᔅᑎ ‍ ᒋᔄᔨᑯᒡ ᐊᐛᔪᐛ;
\q2 ᐊᓐᒡ ᐃᔪᒡ ᐛᓂᔅᒐ ᐊ ‍ ᐎᔭᓯᒪᑭᓄᐅᒡ ᓂᓱᐅᓇᒋᔨᑯᐅᒡ ᐊ ‍ ᐅᑕᔨᒪᒡ ᐊᐛᔪᐛ᙮
\q1
\v 3 ᓂᒋ ‍ ᐛᐱᒪᐅᒡ ᐊ ᐊᑲ ᓂᔅᑐᐛᔨᑕᒡ ᐊᐛᓐᒋ ᐊᒥᔪᐱᔨᒡ ᐊ ‍ ᐃᓯᓇᑯᓯᒡ᙮
\q2 ᒥᒄ ᓯᔅᒋᑯᒡ ᒋ ᒧᓯᑕᐤ ᒥᒋᐱᔪᐅᓇ ᑲ ‍ ᒥᑕᐅᑐᑎᒥᔨᒋ ᐎᒋᐛᐤ᙮
\q1
\v 4 ᓇᒪ ᓂᑕ ᒋ ᒥᔪ ‍ ᑭᓄᐛᔨᒪᑭᓄᔪᐛ ᐅᑯᓱᐛᐛ;
\q2 ᓂᓱᐅᓇᒋᒪᑭᓄᐅᒡ‍ ᐃᔅᐱ ᐎᔭᓯᔨᑯᑥᐎ ᐊᐛᔪᐛ,
\q2 ᐛᔅ ᓇᒪ ᑐᔪᐛ ᐊᐛᔪᐛ ᒐ ‍ ᐛᐎᒋᔨᑯᒡ᙮ 
\q1
\v 5 ᑲ ‍ ᓯᐛᔨᒡ ᐊᐛᓐᒋ ᒋᒧᑎᒧᐛᐅᒡ ᑲ ‍ ᓂᑕᐅᒋᑕᔨᒋ ᒥᒋᒥᔪᐤ ᐊ ᐊᑲ ᓂᔍᔨᑎᒥᔨᒋ ᐊᐛᔪᐛ, ᑭᔭ ᒥᒍᐅᒡ ᐊᓂᔭ ᒥᒋᒥᔪᐤ;
\q2 ᐃᔭᐱᒡ ᒋᒧᑐᐅᒡ ᒥᒋᒥᔪᐤ ᓇᑕᐅᒋᓂᔨᒡ ᐊᓐᑕ ᑲᓯᒥᓇᑎᑯᒡ,
\q2 ᑭᔭ ᑲ ‍ ᐊᔅᐳᓂᓯᒡ ᐃᔪᒡ ᐅᑎᓂᒺᐅᒡ ᐊᐛᔪᑎᓯᐅᓂᔪᐤ ᐊ ᐊᑲ ‍ ᓂᔍᔨᑎᒥᔨᒋ ᐊᐛᔪᐛ᙮
\q1
\v 6 ᒥᒄ ᐅᓯᑕᒥᑭᓐ ᐎᓯᒐᔨᑎᒧᐅᓐ ᐊᔅᒋᒡ;
\q2 ᓇᒪ ᓂᑕᐅᒋᓇ ᐅᔅᑕᐱᔪᐅᓇ ᒧᔅᑎᔅᑭᒥᒡ ᐅᒋ᙮
\q1
\v 7 ᒋ ‍ ᐅᔅᑕᐱᔪᐅᒡ ᐊᐛᓐᒋ ᑲ ‍ ᐃᔪᐅᒡ ᐅᒋ
\q2 ᒧᔭᒻ ᐊᐱᓯᔅᑕᒡ ᐃᔅᑯᑕᒡ ᐅᒋ᙮
\b
\q1
\v 8 ᐎᓯᒐᔨᑎᒪᓐ ᒧᔭᒻ ᒋᔾ, ᓂᐸ ‍ ᓂᑐᑎᒧᐛᐤ ᒋᓴᒪᓂᑐᐤ ᒐᒋ ᐎᒋᔨᑦ,
\q2 ᑭᔭ ᓂᐸ ‍ ᐎᑎᒧᐛᐤ ᓂ ‍ ᐎᓯᒐᔨᑎᒧᐅᓇ᙮
\q1
\v 9 ᒋᒋ ‍ ᒐᒂᔪᐤ ᐃᑐᑎᒻ, ᐊᓂᔭ ᐊ ‍ ᐊᑲ ᒋᓂᔅᑐᑎᒪᐧᒄ ᒐᒂᔪᐛ;
\q2 ᓇᒪ ᐛᐛᒡ ᒋ ‍ ᒋᑎᒺᓇᓐ ᐊ ‍ ᐃᑐᑕᐧᒃ ᒥᒥᔅᑲᒡ ᒐᒂᔪᐛ᙮
\q1
\v 10 ᐃᑎᓴᐅᒻ ᐊᒋᒧᓂᔨᒡ ᒧᔅᑎᔅᑭᒥᒡ;
\q2 ᐃᑎᓴᐅᒻ ᓂᐱᔪᐤ ᓂᑕᐅᒋᒋᑭᓂᒡ᙮
\q1
\v 11 ᒋᔅᑕᔨᑕᑯᐛᐤ ᐊᓂᔭ ᑲ ‍ ᑎᐱᑕᔨᑕᑯᓯᔨᒋ,
\q2 ᑭᔭ ᑐᑐᐛᐤ ᒐᒋ ᒥᒋᒐᔨᑎᒥᔨᒋ ᐊᓂᔭ ᑲ ‍ ᓂᓇᐧᑲᑕᔨᒧᔨᒋ᙮
\q1
\v 12 ᑐᑐᐛᐤ ᑲ ‍ ᐎᔭᓯᒧᐛᔨᒋ ᐊᐛᔪᐛ ᒐ ᐊᑲ ᒋ ᑐᑎᒥᔨᒋ ᐊᓂᔭ ᑲ ‍ ᐎᔭᔨᑎᒥᔨᒋ ᒐ ‍ ᐃᑎᔨᒋ,
\q2 ᐊᓂᔭ ᐅᒋ ᒐ ᐊᑲ ᒋ ᑲᔅᑎᓂᒥᔨᒋ ᒐᒂᔪᐤ᙮
\q1
\v 13 ᑐᑐᐛᐤ ᐊᐛᔪᐛ ᓂᑭᒐᑕᐛᔨᑕᑯᓯᓐ ᐊ ‍ ᐃᑕᔨᒥᓱᔨᒋ ᒐᒋ ᒪᑯᓂᑯᔨᒋ ᑲ ᐃᓯ ‍ ᐎᔭᓯᔨᐛᔨᒋ ᒐ ‍ ᐃᑎᔨᒋ,
\q2 ᐊᓂᔭ ᐅᒋ ᒐ ᐊᑲ ‍ ᑭᔅᒋᐅᔨᒋ᙮
\q1
\v 14 ᒧᔭᒻ ᐊᑯᓇᐅᑯᒡ ᐅᑲᔅᑕᔭᐅᓂᔪᐤ ᐊᑎᓱᐧᒄ ᒋᓯᑲᔨᒡ,
\q2 ᑭᔭ ᐊᓇᓂᑐᐛᔨᒐᒡ ᐊ ‍ ᐎᒥᔅᑲᒡ ᒪᔅᑭᓇᔪᐤ ᐃᔭᐱᑕᒋᓯᑲᔨᒋ ᒧᔭᒻ ᐊ ‍ ᐃᔨᑎᔨᒋ ᐊᐛᔪᐛ ᑕᐱᔅᑲᔨᒋ᙮
\q1
\v 15 ᒥᒄ ᒋᓴᒪᓂᑐᐤ ᐱᒪᒋᐊᐤ ᐊᐛᔪᐛ ᒐ ‍ ᐊᑲ ᐊᐧᑯᐃᑯᔨᒋ ᒐᒂᔪᐤ ᐊ ‍ ᐃᔅᒋᔄᔨᒋ ᒥᒋ ‍ ᐃᔪᐛ,
\q2 ᐱᒪᒋᐊᐤ ᑲ ‍ ᐱᑯᓴᔨᒧᔨᒋ ᐊᐛᔪᐛ ᒐᒋ ᐅᓯᑯᐃᑯᔨᒋ ᑲ ‍ ᓱᐧᑲᑎᓯᔨᒋ ᐊᐛᔪᐛ᙮
\q1
\v 16 ᐊᑯ, ᑲ ‍ ᒋᔅᑎᒪᑎᓯᒡ ᐊᐛᓐᒋ ᓱᒐᔨᑎᒧᐅᓂᒡ ᐸᓱᐛᔨᑎᒧᒡ ᒥᔪ ‍ ᒐᒂᓇ ᒐ ‍ ᐃᔅᐱᔨᒋ,
\q2 ᒥᒄ ᒋᓴᒪᓂᑐᐤ ᑐᑐᐛ ᒥᒋ ‍ ᐃᔪᐛ ᒐᒋ ᐳᓂ ‍ ᐃᔨᒥᔨᒋ
\s1 ᒥᔪᐱᔪᐤ ᐃᑕᔨᒥᓱᐤ
\q1
\v 17 ᒥᒄ ᒥᔽᔨᑎᒥᔨᐛ ᐊᓂᔭ ᐊᐛᔪᐛ ᑲ ‍ ᐊᓏᔨᒪᑦ ᒋᓴᒪᓂᑐᐤ;
\q2 ᐊᑯ ᐊᑲ ᐎᓇᔨᑎᒥᒄ ᐊᓐ ᐃᔅᐱ ᒪᔪᐱᔨᑕᑯᐤ ᒥᓯᐛ ᐊᓯᓱᐧᑲᑎᓯᑦ ᒋᓴᒪᓂᑐᐤ᙮
\q1
\v 18 ᐅᓯᒂᐊᐤ ᐊᐛᔪᐛ, ᐊᑯ ᒥᒄ ᒂ ‍ ᐱᓯᑭᔄᑕᐅᒪᑦ ᐊᓐᑕ ᑲ ‍ ᐅᓯᒂᐊᑭᓂᐎᔨᒋ;
\q2 ᐊᐧᑯᐊᐤ ᐊᐛᔪᐛ, ᒥᒄ ᐃᔭᐱᒡ ᒥᓏᒋᐊᐤ᙮
\q1
\v 19 ᒥᒐᑥᐤ ᒋᑭ ‍ ᐱᐧᑯᔨᒄ ᒋ ‍ ᐅᔅᑕᐱᐅᓇ ᐅᒋ,
\q2 ᐊᓂᔭ ᐅᒋ ᒐ ‍ ᐊᑲ ᒋ ‍ ᐃᔅᐱᔨᓐ ᑲ ‍ ᒪᔭᑎᒡ ᒐᒂᓐ᙮
\q1
\v 20 ᐃᔅᐱ ᑯᐛᐧᑭᑕᓄᐅᒐ, ᓇᒪ ᒋᑭ ‍ ᓇᔨᒥᒄ ᒐᒋ ᐳᓂᐱᒪᑎᓯᔨᓐ,
\q2 ᑭᔭ ᐃᔅᐱ ᓂᑐᐱᓇᓄᐅᒐ, ᓇᒪ ᒋᑭ ‍ ᓂᐸᔨᑯᐅᓐ᙮
\q1
\v 21 ᒋᑭ ‍ ᑭᓄᐛᔨᒥᒄ ᒋᓴᒪᓂᑐᐤ ᐃᔅᐱ ᐸᐸᔅᑕᒥᔎᐛ ᐊᐛᓐᒋ;
\q2 ᓇᒪ ᒋᑭ ‍ ᑯᔅᑕᒋᓐ ᐃᔅᐱ ᓂᓱᐅᓇᒋᐊᑭᓄᑥᐛ ᐊᐛᓐᒋ ᐛᔅᑲ ᐊ ‍ ᐃᑕᔨᓐ᙮
\q1
\v 22 ᒋᑭ ‍ᒋ ‍ ᐸᐱᓐ ᐃᔅᐱ ᓂᓱᐅᓇᒋᑕᑭᓄᑥᐛ ᒐᒂᔪᐛ ᑭᔭ ᐃᔅᐱ ᑎᒂᒐ ᑯᐛᐧᑭᑕᐅᓐ,
\q2 ᑭᔭ ᓇᒪ ᒋᑭ ‍ ᑯᔅᑕᐅᒡ ᑲ ‍ ᐊᒂᑎᓯᒡ ᐊᐛᓯᓯᒡ᙮
\q1
\v 23 ᓇᒪ ᒋᑭ ‍ ᐊᔨᒪᔨᑎᒥᔨᑯᓐ ᐊᒥᒐᐱᔅᑲᒋ ᐊᑎᒂᒋ ᐊᓯᓂᔭ ᐊᓐᑕ ᒋᓂᑕᐅᒋᑕᑭᓐ ᐊᔅᒋᒡ ᒐ ‍ ᐊᔨᒥᔨᐛᒡ ᒐᒋ ᒧᓇᔨᑭᓄᐅᒡ ᐊᔅᒋ,
\q2 ᑭᔭ ᓇᒪ ᒋᑭ ‍ ᐊᔨᒪᔨᒪᐅᒡ ᐊᓐᑕ ᑲ ‍ ᐊᒂᑎᓯᒡ ᐊᐛᓯᓯᒡ ᒐᒋ ᒋᒋᓂᔅᑭᒡ᙮
\q1
\v 24 ᒋᑭ ‍ ᒋᔅᒐᔨᑕᓐ ᒐ ‍ ᒥᔪᐱᔨᓐ ᒐᒂᓂᒡ ᐊᓐᑕ ᒋᐱᒍᐎᔭᓂᒋᐛᐱᒡ,
\q2 ᑭᔭ ᐃᔅᐱ ᒐᑕᐱᒥᑥᐎ ᒋᑦ ‍ ᐊᐛᓯᓯᒥᒡ, ᒋᑭ ‍ ᐛᐱᒪᐅᒡ ᒥᓯᐛ ᐊᑕᒡ᙮
\q1
\v 25 ᒋᑭ ‍ ᒥᒐᑐᐅᒡ ᒥᒐᑦ ᐊᓂᔅᑯᑕᐸᓐᒡ ᒐ ‍ ᑭᓄᐛᔨᒥᑥᐤ,
\q2 ᒐ ‍ ᒥᒐᑎᒡ ᒧᔭᒻ ᐊᑕᑎᒋ ᒥᔅᑯᓱᐛ᙮
\q1
\v 26 ᒋᒋᐛ ᒋᑭ ‍ ᒋᓴᔨᐅᓐ ᐊᒺᔭ ᐳᓂᐱᒪᑎᓯᔨᓐ,
\q2 ᒧᔭᒻ ᐊ ‍ ᒪᒧᐛᐱᐧᑲᑕᒋ ᐸᒂᓯᑭᓂᒥᓇ ᐊᔅᒄ ᐊ ‍ ᓂᑕᐅᒋᒋ ᐸᑎᒪ ᒪᒧᓴᒋᓂᑭᓄᐅᑥᐛ᙮
\q1
\v 27 ᓂᔾ ᑭᔭ ᓂᐎᒐᐛᑭᓐᒡ ᓂᒋ ‍ ᒥᔪ ‍ ᒪᒥᑐᓇᔨᑎᒥᔨᑯᓇᓐ ᐅᔭ ᒐᒂᔪᐛ,
\q2 ᑭᔭ ᓂ ‍ ᒋᔅᒐᔨᑕᓇᓐ ᐊᑕᑈᒥᑲᒋ, ᐊᑯ ᒥᔪ ‍ ᓂᑐᑎᒥᒄ ᒐᒂᓐ ᑲ ‍ ᐃᔅᒋᔄᔭᓐ !”
\c 6
\s1 ᒠᑉ ᐊᓏᔨᑎᒺᐤ ᐃᓕᐸᓴ ᑲ ‍ ᐃᔅᒋᔄᔨᒋ
\p
\v 1 ᐊᑯ ᒠᑉ ᒥᓐ ᐊ ‍ ᐃᔨᒥᑦ, ᐊ ‍ ᐃᑕᑦ ᐃᓕᐸᓴ,
\q1
\v 2 ᐃᔅᐱ ᒥᓯᐛ ᓂ ‍ ᐅᔅᑕᐱᔪᐅᓇ ᑭᔭ ᓂ ‍ ᑯᐸᑎᓯᐅᓐ ᐊᔅᑕᑭᓄᐅᒋ ᐊᓐᑕ ᑎᐸᐸᑲᐃᑭᓂᒡ ᑭᔭ ᑎᐸᐸᑲᐃᑭᓄᐅᒋ,
\q1
\v 3 ᐊᑎᑐᐤ ᒋᐸ ‍ ᑯᓯᑯᓇ ᐃᔅᐱᔅ ᒥᓯᐛ ᐃᔭᑯᐤ ᐊᓐᑕ ᓇᓯᐸᑎᒥᒡ ᐎᓂᐸᑯᒡ᙮
\q2 ᐊᐅᑯᓐ ᐛᒋ ‍ ᐃᔨᒥᔭᓐ ᐊ ᐊᑲ ᒥᔪ ‍ ᒪᒥᑐᓇᔨᑎᔨᑯᔭᓐ ᐊᓐ ᒋᓯᒄ ᑲ ‍ ᐃᔪᐅᔭᓐ᙮
\q1
\v 4 ᒧᔭᒻ ᐊᒋ ‍ ᐱᒧᑦ ᐊᑭᔎ ᒋᓴᒪᓂᑐᐤ᙮
\q2 ᒧᔭᒻ ᐊᔨᑎᒂᒡ ᐱᒋᐳᔪᐅᓐ ᐊᓐᑕ ᐊᑲᓯᒥᓯᑦ ᐊᑭᔅᑯᒡ ᑭᔭ ᐊ ‍ ᐃᔅᐱᔨᒡ ᐊᓐ ᐱᒋᐳᔪᐅᓐ ᐊᓐᑕ ᓂᑦ ᐊᒐᐧᑯᒡ᙮
\q1 ᓂᓴᒋᔨᑯᐛᓐ ᐊᓂᔭ ᑲ ‍ ᐃᑐᑐᐅᑦ ᒐᒂᔪᐛ ᒋᓴᒪᓂᑐᐤ᙮
\q1
\v 5 ᓇᓇᐧᑲᒋᒧᐅᒡ ᐊ ᐊᐸᑕᑯᓯᒡ ᓇᐸ ᒥᔅᑐᓯᒡ
\q2 ᑭᔭ ᑲ ‍ ᐊᒂᑎᓯᑦ ᑲᓂᐧᑲᑎᓯᑦ ᑲᐸᐃᑭᔎᐤ ᐊ ᐊᑲ ‍ ᓯᐛᔨᑥᐎ ?
\q1
\v 6 ᒥᑯᔅᑲᓯᑕᑯᓯᐅᒡ ᐊᐛᓐᒋ ᐃᔅᐱ ᒐ ᐎ ‍ ᒥᒋᑥᐎ ᒥᒋᒥᔪᐤ ᐊ ᐊᑲ ᓯᐛᔨᒡ
\q2 ᑭᔭ ᒪᒃ ᐊ ᐊᑲ ᒐᒂᓂᒡ ᐃᔅᐱᑯᓂᔨᒡ ᑯᑎᒋᔪᐤ ᒥᒋᒥᔪᐤ,
\q1 ᑭᔭ ᐊᐅᑯᓐ ᒧᔭᒻ ᐊᑎᑕᒂᒋ ᒋᑦ ‍ ᐃᔨᒧᐅᓇ ᐃᓕᐸᔅ᙮
\q1
\v 7 ᒧᔭᒻ ᐊ ᐊᑲ ᓂᑐᐛᔨᑎᒪᓐ ᐊᓐ ᐊ ‍ ᐃᓯᓇᒂᒡ ᒥᒋᒻ,
\q2 ᑭᔭ ᓂ ‍ ᐛᐧᑲᑕᓐ ᐊᓐ ᐊ ‍ ᐃᓯᓇᒂᒡ ᒥᒋᒻ,
\q1 ᓇᒪ ᓂ ‍ ᒥᔽᔨᑎᒥᔨᑯᓐ ᒐᒂᓐ ᑲ ‍ ᐃᓯᔨᓐ᙮
\q1
\v 8 ᑭᒪ ᒋᓴᒪᓂᑐᐤ ᑐᑎᒧᐅᑦ ᐊᓂᔭ ᑲ ᐃᓯ ‍ ᓂᑐᐛᔨᑎᒧᐅᒄ᙮
\q1
\v 9 ᑭᒪ ᓂᓱᐅᓇᒋᔨᑦ ᑭᔭ ᓇᔨᒥᑦ ᒐᒋ ᐳᓂᐱᒪᑎᓯᐅᒡ᙮
\q2 ᑭᒪ ᒋ ‍ ᐅᑎᑎᓂᒧᒡ ᐅᑎᒋ ᑭᔭ ᐅᑎᓇᐧᒄ ᓂᐱᒪᑎᓯᐅᓂᔪᐤ᙮
\q1
\v 10 ᑐᑕᐧᒄ ᐊᓂᔭ, ᓂᐸ ‍ ᒥᔽᔨᒧᔨᑯᐅᓐ ᐊᒋᔅᒐᔨᑎᒪᓐ ᐊᑎᓱᐧᒄ ᒋᒥᓴᒡ ᑲ ‍ ᐃᓯ ‍ ᐎᓯᒐᔨᑎᒪᓐ,
\q2 ᓇᓂᑎᒻ ᓂᒋ ‍ ᓂᓇᐃᑐᐛᐤ ᒋᓴᒪᓂᑐᐤ, ᐊᓐ ᑲ ‍ ᐸᔭᒋᓯᑦ, ᑲᒋ ‍ ᐃᑎᓱᐛᑦ᙮
\q1
\v 11 ᒥᒄ ᐊᓄᒡ ᓇᒪ ᓂᑦ ‍ ᐃᔅᐱᔅ ᒥᔅᑯᐅᓯᓐ ᒐᒋ ᒥᓯᐛ ᐅᔭ ᐛᐸᑎᒪᓐ᙮
\q2 ᑭᔭ ᐊ ᐊᑲ ᑎᒂᒡ ᒐᒂᓐ ᐊᓐᑕ ᒐᒋ ‍ ᐃᓯ ‍ ᐊᔅᐸᔨᒧᔭᓐ ᐊᓐᑕ ᓂᑲᓄᒡ,
\q2 ᐊᔨᒥᓐ ᐊᓄᒡ ᒐᒋ ᓯᐱᔨᔪᐛᓯᔭᓐ᙮
\q1
\v 12 ᓇᒪ ᓇᒪ ᓂᑦ ‍ ᐃᔅᐱᔅ ᒥᑯᐅᓯᓐ ᒧᔭ ᐊᓯᓂᔭ,
\q2 ᑭᔭ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᒄ (ᐎᔄᐛᐱᔅᑯᒡ) ᓇᒪ ᐅᒋ ᐅᓯᑕᑭᓄᐅᐤ ᓂᔪᐤ᙮
\q1
\v 13 ᐊᑯ ᓇᒪ ᓂᒋ ‍ ᐎᒋᔨᑎᓱᓐ,
\q2 ᑭᔭ ᒧᔭᒻ ᐃᓯᓇᑯᓐ ᐊ ‍ ᐊᑲ ᐃᑕᑦ ᐊᐛᓐ ᒐᒋ ᐱᐧᑯᐎᔨᑦ᙮
\b
\s1 ᓇᒪ ᐅᒋ ᐛᐎᒋᔨᑯᐤ ᒠᑉ ᐎᒐᐛᑭᓇ
\q1
\v 14 ᐃᔅᐱ ᒪᔅᑎ ‍ ᐅᔅᑕᐱᔨᒋ ᓇᐸᐤ, ᒋᐸ ‍ ᒋᓴᐛᑐᑕᑯᐤ ᐎᒐᐛᑭᓇ ᒐᒋ ᐎᒋᔨᑯᑦ,
\q2 ᐊᑎᓱᐧᒄ ᐳᓂᑦ ᐊ ᐊᑲ ᒋᔅᑕᔨᒪᑦ ᒋᓴᒪᓂᑐᐛ᙮
\q1
\v 15 ᒥᒄ ᒋᔨᐛᐤ, ᓂᐎᒐᐛᑭᓂᑐᒄ, ᓇᒪ ᒋ ‍ ᑕᑈᐛᒐᔨᑕᑯᓯᓇᐛᐤ,
\q2 ᒧᔭᒻ ᓯᐱᓴ ᒋᑦ ‍ ᐃᑕᔨᑕᑯᓯᓇᐛᐤ: ᐸᔅᑕᐳᐛᐛ ᓴᒂᒋ᙮
\q1
\v 16 ᐃᔅᐱ ᐃᔭᐸᓱᒋ ᒥᔅᑯᒥᔾ ᑭᔭ ᐸᔅᑕᐳᐛᐛᒋ ᓯᐱᓴ ᑯᓐ ᐅᒋ,
\q1
\v 17 ᒥᒄ ᐃᔅᐱ ᐛᑎᒋᐱᔨᒋ ᐊᒋᓯᑕᒡ, ᓇᒪ ᑎᑯᓐ ᓂᐱᔾ ᐊᓐᑕ ᐊᓂᔭ ᓯᐱᓴ,
\q2 ᑭᔭ ᒂᐸᔅᑕᒋ ᐊᓂᑕᒥᔅᑲᒋ᙮
\q1
\v 18 ᒥᒐᑦ ᐊᑕᐛᓱᐅᒡ ᐱᔅᒐᑕᐅᒡ ᐱᒧᑕᔅᑭᓇᔪᐤ ᐊᓇᓂᑐᐛᐸᑕᒡ ᓂᐱᔪᐤ,
\q2 ᒥᒄ ᓇᒪ ᑎᑯᓂᔪᐤ ᓂᐱᔪᐤ,
\q2 ᐊᑯ ᒂ ‍ ᐳᓂᐱᒪᑎᓯᒡ ᐊᓐᑕ ᐸᐧᑯᑎᔅᑭᒥᑲᒡ᙮
\q1
\v 19 ᐊᓐᒡ ᓇᐸᐅᒡ ᐊᓐᑕ ᐊᓂᔭ ᐃᔪᐛ ᐅᒋ ᓇᓂᑐᐛᐸᑎᒧᒡ ᓂᐱᔪᐤ
\q2 ᐛᔅ ᓇᔅᒡ ᐃᑕᔨᑎᒧᒡ ᒐᒋ ᐱᔅᒐ ᒥᔅᑲᒡ᙮
\q1
\v 20 ᒥᒄ ᓇᒪ ᒐᒂᔪᐤ ᒥᔅᑭᒧᒡ,
\q2 ᐊᑯ ᒋᒋᐛ ᒂ ‍ ᐅᔅᑐᐛᔨᑕᒡ᙮
\q1
\v 21 ᒧᔭᒻ, ᒋᔨᐛᐤ ᓂᐎᒐᐛᑭᓂᑐᒄ ᓇᒪ ᓇᔅᑎᔅ ᒋ ‍ ᐎᒋᔨᓇᐛᐤ !
\q2 ᒋ ‍ ᒋᐛᐸᑕᓇᐛᐤ ᐊᒂᑕᔨᑕᒂᒋ ᒐᒂᓇ ᑲ ‍ ᐃᔅᐱᔨᔭᓐ, ᑭᔭ ᒋᑯᔅᑕᒋᓇᐛᐤ ᒐᒋ ᐸᐃᑯᑕᐤ ᑐᑕᑕᒄ ᒋᓴᒪᓂᑐᐤ᙮ ‍ 
\q1
\v 22 ᑲᒋ ‍ ᒥᓯᐛ ᐅᓂᑕᔭᓐ ᓂ ‍ ᐛᔪᑎᓯᐅᓐ, ᒋᒋ ‍ ᓂᑐᐛᔨᑎᒪᑎᓇᐛᐤ ᐊ ᓱᓇᔭᐤ ?
\q2 ᒋᒋ ᐊ ᓂᑐᑎᒪᑎᓇᐛᐤ ᐸᐃᒄ ᐊᑎᓯᔭᒄ ᒐᒋ ᐊᐱᒋᑕᔭᒄ ᒋ ‍ ᓱᓇᔭᓂᒧᐛᐤ ᒐᒋ ᐛᐎᒋᔨᔭᒄ ?
\q1
\v 23 ᒋᒋ ᐊ ᑯᒂᒋᒥᑎᓇᐛᐤ ᒐᒋ ᐱᐧᑯᔨᔭᒄ ᑲ ‍ ᐛᐧᑲᓯᒡ ᐅᒋ ?
\q2 ᒋᒋ ᐊ ᑯᒂᒋᒥᑎᓇᐛᐤ ᒐᒋ ᐱᒪᒋᔨᔭᒄ ᑲ ‍ ᒋᔅᑎᒪᔨᒡ ᐅᒋ ? ᓇᒪ ᑭᑈ!
\s1 ᒠᑉ ᑲ ‍ ᐃᔅᒋᔄᑦ ᐊᑲ ᐅᒋ ‍ ᐅᓂᑐᑕᐧᒃ
\q1
\v 24 ᒐᒂᓐ ᑲ ‍ ᐅᓂᑐᑎᒪᓐ ?
\q2 ᐛᐸᑎᔨᒄ, ᑭᔭ ᓂᑭ ‍ ᒋᔭᒥᓯᓐ᙮
\q1
\v 25 ᐃᔅᐱ ᑕᑈᑥᐛ ᐊ ‍ ᐃᔅᒋᔄᒡ ᐊᐛᓐᒋ, ᓇᒪ ᒋᑭ ‍ ᐊᐧᑯᐃᑯᐤ ᐊ ᐊᐛᓐ ᐊᓂᔭ ᒐ ‍ ᐸᑕᐧᒃ,
\q2 ᒥᒄ ᐊᔅᒋᔄᔭᒄ, ᐊᓏᔨᒥᔭᒄ, ᓇᒪ ᑕᑈᒥᑭᓐ, ᐊᑯ ᓇᒪ ᒐᒂᓐ ᐃᑕᔨᑕᑯᓐ ᐊ ‍ ᐃᔅᒋᔄᔭᒄ᙮
\q1
\v 26 ᓂᔾ ᐅ ᐃᔪᐤ ᐊᑲ ᒐᒂᔪᐤ ᒋ ‍ ᐊᔅᐸᔨᒧᑦ,
\q2 ᒥᒄ ᒋᒋ ‍ᐎ ‍ ᑯᐃᔅᑯᓇᐛᐤ, ᑭᔭ ᒋᒋ ‍ ᐃᑕᔨᑕᓇᐛᐤ ᓇᒪ ᒐᒂᓂᒡ ᐃᑕᔨᑕᑯᓐ ᐊ ‍ ᐃᔅᒋᔄᔭᓐ ᒥᒄ ᒧᔭᒻ ᐊᔪᑎᒡ᙮
\q1
\v 27 ᓇᔅᑎᔅ ᓇᒪ ᒋᔅᑎᒪᒐᔨᒥᓇᐛᐤ ᐛᔅ ᒥᓯᐛ ᐊ ᐃᓯ ‍ ᐎᓯᒐᔨᑎᒪᓐ᙮
\q2 ᓇᒪ ᒋ ‍ ᐅᑕᔨᓇᐛᐤ ! ᒋᒋ ‍ ᐃᔭᐱᒡ ᒋᔍᒐᓇᐛᐤ ᐊᐛᓐ ᒐ ‍ ᑲᔅᑎᓇᒂ ᒋᐅᔅᒐᓂᓴ ᒧᔭᒻ ᑲᓂᐅᓂᔪᐤ !
\b
\q1
\v 28 ᒋᑕᐱᒥᒄ, ᓇᒪ ᒋᑭ ‍ ᐎᔭᓯᒥᑎᓇᐛᐤ᙮
\q1
\v 29 ᐳᓂᒄ ᐊ ‍ ᐃᔅᒋᔄᔭᒄ ᐊᒋ ‍ ᒥᒋᑐᑎᒪᓐ, ᑭᔭ ᐳᓂᒄ ᐊ ‍ ᐊᑲ ᑯᐃᔅᒄ ᐃᓯ ‍ ᐊᓏᔨᒥᔭᒄ !
\q2 ᒋᐸ ‍ ᒋᔅᒐᔨᑕᓇᐛᐤ ᐊ ᐊᑲ ᐅᒋ ‍ ᑐᑎᒪᓐ ᒐᒂᓐ ᐊ ‍ ᒪᔭᑎᒡ᙮
\q1
\v 30 ᑭᑭᒋᔭᐤ ᐊ ᒋᑦ ᐃᑕᔨᒥᓇᐛᐤ ?
\q2 ᓇᒪ, ᓇᒪ ᓂᑭᑭᒋᔭᓐ, ᐛᔅ ᓂᒋᔅᒐᔨᑕᓐ ᒐᒂᓐ ᐊᒥᔽᒡ ᑭᔭ ᐊᒪᔭᑎᒡ᙮”
\c 7
\s1 ᒠᑉ ᐊᓏᔨᒪᐤ ᒋᓴᒪᓂᑐᐛ
\q1
\v 1 “ᓂᑐᐛᔨᑕᑯᓱᐅᒡ ᐊᐛᓐᒋ ᒐᒋ ᒥᔅᑎ ‍ ᐊᑐᔅᒐᒡ ᐅᑕ ᐊᔅᒋᒡ, ᒧᔭᒻ ᓂᑐᐱᔪᐤ ‍ ᐃᔪᐅᒡ;
\q1 ᒪᒂᒡ ᓇᓂᑎᒻ ᐊ ‍ ᐱᒪᑎᓯᔭᐧᒄ, ᒋ ᒥᔅᑎ ‍ ᐊᑐᔅᒐᓇᓄᐤ, ᒧᔭᒻ ᐊ ‍ ᐃᑎᒡ ᐊᐱᒋᐊᑭᓐᒡ᙮
\q1
\v 2 ᒧᔭᒻ ᐊᐱᒋᐊᑭᓐᒡ ᒋᑦ ‍ ᐃᑕᔨᑕᑯᓯᓇᓄᐤ ᐊᓂᑐᐛᔨᑕᒡ ᒐᒋ ᐃᔨᑕᒡ ᐊᓐᑕ ᐊᑯᐛᔅᑕᑎᓂᔨᒡ,
\q2 ᑭᔭ ᒧᔭᒻ ᑲ ‍ ᐊᑐᔅᒐᓯᒡ ᐊᓯᓂᐛᐸᑕᒡ ᒐᒋ ᒋᓯᐧᑯᐛᑭᓄᐅᒡ᙮
\q1
\v 3 ᒥᒐᑐᐤ ᐱᓯᒺ ᓂᒋ ‍ ᒥᔨᒄ ᒋᓴᒪᓂᑐᐤ ᒐᒋ ᐊᔅᒄ ᐱᒪᑎᓯᐅᒡ; ᓂᒋ ‍ ᒥᔨᒄ ᒪᒐᑐᐤ ᑎᐱᔅᑲᐛ ᒪᒂᒡ ᑲ ‍ ᑯᐸᑕᔨᒧᐅᒡ᙮
\q1
\v 4 ᐃᔅᐱ ᐸᒥᓯᓂᔭᓂ ᑕᐱᔅᑲᒋ, ᓂᑦ ‍ ᐃᔅᒋᔄᓐ, ‘ᑕᓐ ᒐ ᐃᔅᐱᔅ ᒐᒋᓴᐸᔭᒡ ?’
\q2 ᒥᒄ ᒋᓏᐛ ᐊᑎᐱᔅᑲᒋ, ᑭᔭ ᓇᒪ ᓂᒋ ‍ ᒋᔭᒥᓯᓐ ᐸᑐᔅ ᒋᔭᒋᓴᐸᔭᒋ᙮
\q1
\v 5 ᒥᓂᑐᓯᓯᒡ ᑭᔭ ᐊᐎᓇᒂᒡ ᓂᑯᓇᐅᑯᓐ ᓂᔭᒡ;
\q2 ᒥᔨᔾ ᐎᔪᐎᐱᔪᐤ ᓂᒥᒋᒡ ᐅᒋ᙮
\b
\q1
\v 6 ᒋᔅᑕᑉ ᒪᒋᐱᔨᐛ ᓂᒋᓯᑲᒪ ᒧᔭᒻ ᓴᔅᑎᒂᔭᐱᔾ ᐊᓐᑕ ᐊᒋᓯᐱᔨᒡ ᐊᔭᒋᐱᔨᒡ ᐅᔅᑲᒋᐧᑯᒡ᙮
\q2 ᑭᔭ ᐃᔎᐱᔪᐛ ᐊ ᐊᑲ ᓱᒐᔨᑎᒪᓐ ᒐ ‍ ᐸᓱᐛᔨᑎᒪᓐ ᒐᒋ ᒥᔪᐱᔨᒋ ᒐᒂᓇ ᐛᐸᒐ᙮
\q1
\v 7 ᒋᓴᒪᓂᑐᐤ, ᒐ ‍ ᐊᑲ ᐅᓂᒋᔅᒋᑎᒥᓐ ᐊᑕᒂᓯᒡ ᓂ ‍ ᐱᒪᑎᓯᐅᓐ ᒧᔭᒻ ᔭᔭᐅᓐ;
\q2 ᓇᒪ ᓂᑕ ᒥᓐ ᓂᑭ ‍ ᒥᔽᔨᑕᓐ᙮
\q1
\v 8 ᒋᓴᒪᓂᑐᐤ, ᒋ ᐛᐱᒥᓐ ᐊᓄᒡ,
\q2 ᒥᒄ ᓇᒪ ᓴᔅ ᒋᑭ ᒋ ‍ ᐛᐱᒥᓐ᙮
\q2 ᒋᑭ ‍ ᓇᓂᑐᐛᐱᒥᓐ, ᒥᒄ ᓇᒪ ᓂᑭ ᒋ ‍ ᐃᔨᑕᓐ ᐛᔅ ᓂᑭ ‍ ᐳᓂᐱᒪᑎᓯᓐ᙮
\q1
\v 9 ᒧᔭᒻ ᑭᔅᑯᐅᓐᒡ ᐊᐱᑯᐱᔨᒡ ᐊᑯ ᑭᔭ ᐱᔭᓯᑯᓇᑯᓯᒡ,
\q2 ᐳᓂᐱᒪᑎᓯᐅᒡ ᐊᐛᓐᒋ ᑭᔭ ᐊᔅᐱᔨᒡ ᐊᓐᑕ ᑲ ‍ ᐳᓂᐱᒪᑎᓯᔨᒋ ᐊᐛᔪᐛ ᐊ ‍ ᑕᔨᒋ, ᑭᔭ ᓇᒪ ᑲᐤ ᑎᑯᓯᓄᐅᒡ;
\q1
\v 10 ᓇᒪ ᓂᑕ ᒥᓐ ᒋᐛᐅᒡ ᐎᒋᐛᐛᒡ,
\q2 ᑭᔭ ᐊᐛᔪᐛ ᑲ ‍ ᐎᒋᒪᒡ ᓇᒪ ᓴᔅ ᒋᔅᒋᑕᑯᐅᒡ᙮
\b
\q1
\v 11 ᐊᑯ, ᓇᒪ ᓂᑭ ‍ ᒋᔭᒥᓯᓐ;
\q2 ᒪᒂᒡ ᐊ ‍ ᐎᓯᒐᔨᑎᒪᓐ ᓂᑭ ‍ ᐃᔨᒥᓐ;
\q1 ᓂᑭ ‍ ᐊᓏᔨᒪᐤ ᒋᓴᒪᓂᑐᐤ ᐊᓂᔭ ᒐᒂᔪᐤ ᑲ ‍ ᐃᔅᐱᔪᐅᒡ
\q2 ᐛᔅ ᒋᒋᐛ ᓂᒋ ‍ ᒋᓱᐛᐱᓐ᙮
\q1
\v 12 ᒋᓴᒪᓂᑐᐤ, ᒐᒂᓐ ᓇᔅᒡ ᐛᒋ ‍ ᑭᓄᐛᐱᒥᔨᓐ ᒐᒂᓐ ᐊ ‍ ᐃᑐᑎᒪᓐ ?
\q2 ᒋᑦ ᐃᑕᔨᒥᓐ ᐊ ᒧᔭᒻ ᐊᑯᔅᑕᑎᑯᓯᑦ ᐎᓂᐸᑯᒡ ᒥᓂᑐᔅ ?
\q1
\v 13 ᐃᔅᐱ ᐸᒥᓯᓂᔭᓂ ᑕᐱᔅᑲᒋ, ᓂᑦ ‍ ᐃᑕᔨᑕᓐ ‘ᓂᑭ ‍ ᒥᔽᔨᒧᔨᑯᐅᓐ ᐊᓐᑕ ᓂᓂᐸᐅᓂᒡ;
\q2 ᒋᑭ ‍ ᐃᔭᓯᐱᔪᐤ ᐊᐎᓯᑲᐱᓇᔭᓐ ᒪᒂᒡ ᐊᓂᐸᔭᓐ᙮’
\q1
\v 14 ᒥᒄ ᒂ ‍ ᒥᔨᓐ ᐳᐛᒧᐅᓇ ᐊᑐᑕᑯᔭᓐ ᒐᒋ ᑯᔅᑕᒋᔭᓐ;
\q2 ᒋᒥᔨᓐ ᐃᓯᓂᒧᐅᓇ ᐊᓴᒋᔨᑯᔭᓐ,
\q1
\v 15 ᒐᒋ ᐅᒋ ‍ᓂᑐᐛᔨᑎᒪᓐ ᒐᒋ ᒋᐳᑕᒥᓂᑯᐎᔭᓐ ᒐ ‍ ᓂᐸᔨᑯᐅᔭᓐ
\q2 ᐃᔅᐱᔅ ᒪᒃ ᒐᒋ ᐊᔅᒄ ᐱᒪᑎᓯᔭᓐ ᒥᒄ ᐅᔅᑭᓇ ᐊ ‍ ᒋᔅᑭᒪᓐ᙮
\q1
\v 16 ᓂ ‍ ᐎᓇᔨᑕᓐ ᐊᔅᒄ ᐊᐱᒪᑎᓯᔭᓐ, ᓇᒪ ᓂᐎ ‍ ᐱᒪᑎᓯᓐ ᒪᒐᑐᐤ ᐱᐳᓇ᙮
\q2 ᓇᐃᒥᔾ ᒐᒋ ᐸᐃᑯᓯᔭᓐ, ᐛᔅ ᐛᔨᐱᓯᔅ ᒥᒄ ᓂᑭ ‍ ᐱᒪᑎᓯᓐ᙮
\b
\q1
\v 17 ᓇᒪ ᓂᑦ ‍ ᐃᔅᐱᑕᔨᑕᑯᓯᓇᓐ ᓂᔭᓐ ᐃᔪᐅᒡ;
\q2 ᐊᑯ, ᒐᒂᓐ ᓇᔅᒡ ᐊᐱᑕᔨᒥᔭᒡ ?
\q1
\v 18 ᒋ ‍ ᒋᑕᐱᒥᓇᓐ ᐊᓯᑯᒻ ᒋᔭᒋᓴᐸᔭᒋ ᒐᒋ ᐛᐸᑎᒥᓐ ᒐᒂᓐ ᐊ ‍ ᐃᑐᑎᒪᒡ,
\q2 ᑭᔭ ᐊ ‍ ᓇᑐᔅᒐᔨᒥᔭᒡ ᒐᒋ ᐛᐱᑎᒥᓐ ᒪᔽᒂ ᒐᒂᓐ ᐊ ‍ ᐃᑐᑎᒪᒡ᙮
\q1
\v 19 ᑕᐃᔅᐱ ᐊᑯ ᒐ ‍ ᐳᓂᔨᓐ ᐊᑭᓄᐛᐱᒥᔨᓐ ᑭᔭ ᐳᓂᐧᑯᐎᔨᓐ ᐛᔨᐱᓯᔅ, ᒐᒋ ᐃᔅᐱᔅ ᑯᑎᒪᓐ ᓂᓯᔅᑎᑯᐅᓐ, ᒋᐱᑯᓴᔨᒥᑎᓐ ᒐᒋ ᐳᓂᔨᓐ ᐊᑭᓄᐛᐱᒥᔨᓐ ᑭᔭ ᒐ ‍ ᐳᓂᐧᑯᐎᔨᓐ ᐛᔨᐱᓯᔅ, ᒐᒋ ᐃᔅᐱᔅ ᑯᑎᒪᓐ ᓂᓯᔅᑎᑯᐅᓐ᙮
\q1
\v 20 ᒐᒂᓐ ᓇᔅᒡ ᐛᒋ ‍ ᑭᓄᐛᐱᒥᔨᓐ ?
\q2 ᒥᒋᑐᑎᒪᓇ, ᓇᒪ ᒐᔅᑎᓇᔅ ᒋᑦ ‍ ᐊᐧᑯᔨᑯᓐ!
\q1 ᒐᒂᓐ ᐛᒋ ‍ ᐊᔭᔅᑯᐎᔨᓐ ᒧᔭᒻ ᒐᒂᓐ ᒐᒋ ᐸᔅᒋᒥᓐ ?
\q2 ᒋᑦ ‍ ᐃᑕᔨᒥᓐ ᐊ ᒧᔭᒻ ᐊᑯᓯᒂᒡ ᐎᒡᐅᓱᐅᓐ ᒐᒋ ᑐᑕᑯᐎᔨᓐ ᒐᒋ ᐎᐅᓱᐎᔨᓐ ?
\q1
\v 21 ᓂᒋ ‍ ᒥᒋ ‍ ᑐᑕᓐ, ᒋᑭ ᒋ ‍ ᐊ ᐛᐸᔨᑎᒧᐅᓐ ᓂᒥᒋᑐᑎᒧᐅᓇ ᐅᒋ
\q2 ᐊᓂᔭ ᑲ ‍ᑐᑎᒪᓐ ᒐᒂᔪᐛ ᐊ ᐊᑲ ‍ ᒥᔽᒋ ?
\q1 ᐎᐱᒡ ᓂᑭ ‍ ᐱᒥᓯᓐ ᐊᓐᑕ ᓂᓂᒂᔅᑲᓂᒡ;
\q2 ᒋᑭ ‍ ᓇᓂᑐᐛᐱᒥᓐ, ᒥᒄ ᓇᒪ ᓂᑭ ᒋ ‍ ‍ᒥᔅᑯᐅᓐ ᐛᔅ ᓂᑭ ‍ ᐳᓂᐱᒪᑎᓯᓐ᙮”
\c 8
\s1 ᐱᓪᑕᑦ ᓂᔅᑎᒻ ᑲ ‍ ᐃᔨᒪᐊᑦ ᒠᐸ
\p
\v 1 ᐊᑯ ᐱᓪᑕᑦ, ᓱᐦᐊ ᐃᑕᐅᓂᒡ ᐅᒋ, ᒂ ‍ ᐃᔨᒪᐊᑦ ᒠᐸ᙮ ᒋ ‍ ᐃᑕᐤ
\q1
\v 2 “ᒠᑉ, ᑕᓐ ᒐ ‍ ᐃᔅᐱᔅ ᐊᔅᒄ ᐅ ᐃᓯ ‍ ᐃᔨᒥᔨᓐ ?
\q2 ᓇᒪ ᒐᒂᓐ ᐊᓐ ᐊ ‍ ᐃᔅᒋᔄᔨᓐ᙮
\q1
\v 3 ᒥᓯᐛ ᐊ ᐃᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᒐᔅᑎᓇᔅ ᓇᒪ ᓂᑕ ᑐᑎᒻ ᒐᒂᔪᐤ ᐊ ᐊᑲ ᑯᐃᔅᒂᔨᑕᑯᓂᔨᒡ᙮
\q2 ᒧᓯᓇᐤ ᐃᑐᑎᒻ ᒐᒂᔪᐤ ᑯᐃᔅᒂᔨᑕᑯᓂᔨᒡ᙮
\q1
\v 4 ᐊᑯ, ᓄᑯᓐ ᐊᒋ ‍ ᐅᓂᑐᑐᐛᒡ ᒋᑦ ᐊᐛᓯᒥᒡ,
\q2 ᐊᑯ ᐊᓂᔭ ᐅᒋ, ᒋ ‍ᑐᑐᐛᐤ ᒐᒋ ᐊᓏᔨᒪᑭᓄᐎᒋ ᐊᓂᔭ ᒥᒋ ‍ ᒐᒂᓇ ᐅᒋ ᑲ ‍ ᑐᑎᒥᔨᒋ᙮
\q1
\v 5 ᒥᒄ, ᓂᑐᐛᔨᑎᒧᐅᑕ ᐊᓄᒡ ᒥᓯᐛ ᐊ ᐃᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᒐᒋ ᐎᒋᔨᔅᒄ,
\q1
\v 6 ᑭᔭ ᐸᔭᒋᓯᔨᓇ ᑭᔭ ᑯᐃᔅᑯᑕᑎᓯᔨᓇ,
\q2 ᒥᔪ ‍ ᒐᒂᔪᐤ ᓇᔅᒡ ᒋᑭ ‍ ᑐᑎᒪᒄ
\q2 ᑭᔭ ᒋᑭ ‍ ᑎᐸᐊᒪᒄ ᑲᐤ ᐊᒥᔨᔅᒃ ᒋᐧᑲᓂᓴ ᑭᔭ ᒐᑐᑕᔅᒃ ᒐᒋ ᒥᔪᐱᔨᓐ᙮
\q1
\v 7 ᑭᔭ ᐊᑎᓱᐧᒄ ᐊ ᐊᑲ ᐅᒋ ᐛᔪᑎᓯᔨᓐ ᐅᔅᑭᒡ,
\q2 ᒪᒂᒡ ᒐᑲᑦ ᒐ ᐃᑎ ‍ ᐃᔎᐱᔨᒡ ᒋᐱᒪᑎᓯᐅᓐ ᒋᑭ ‍ ᐛᔪᑎᓯᓐ᙮
\b
\q1
\v 8 ᒋ ‍ ᓂᑐᐛᔨᑎᒪᑎᓐ ᒐᒋ ᒪᒥᑐᓇᔨᑎᒥᔨᑯᔨᓐ ᑕᓐ ᑲ ‍ ᐃᔅᐱᔨᒡ ᐊᓐᑕ ᐎᐱᒡ
\q2 ᑭᔭ ᒐ ‍ ᒪᒥᑐᓇᔨᑎᒥᔨᑯᔨᓐ ᒐᒂᔪᐤ ᑲ ‍ ᒥᔅᑲᒡ ᒋᑦ ᐊᓂᔅᑯᑕᐸᓐᒡ᙮
\q1
\v 9 ᒧᔭᒻ ᒥᒄ ᐅᑕᑯᓯᒡ ᑲᒋ ᐃᔪᐅᔭᐧᑯᐤ ᐃᓯᓇᑯᓐ
\q2 ᑭᔭ ᐊᐱᓯᔅ ᒥᒄ ᒋᔅᒐᔨᑕᓇᓄᐤ ᒐᒂᓐ;
\q1 ᒋᔅᑎᑉ ᐸᓯᑯᓇᑭᓐ ᐊᔅᐱᔅ ᐃᑕᔭᐧᒄ ᐅᑕ ᐊᔅᒋᒡ᙮
\q1
\v 10 ᐊᑯ, ᒐᒂᓐ ᐛᒋ ‍ ᐊᑲ ᓇᐃᒥᑥᐤ ᒋᑦ ᐊᓂᔅᑯᑕᐸᓐᒡ ᒐᒋ ᒋᔅᑯᑎᒪᔅᒡ ᑭᔭ ᐎᑎᒪᔅᒡ ᒐᒂᔪᐤ ?
\q2 ᓇᐃᒥᒡ ᒐᒋ ᐎᑎᒪᔅᒡ ᒐᒂᔪᐤ ᑲ ‍ ᒋᔅᑯᑎᒪᓱᒡ!
\q1
\v 11 ᓇᒪ ᒋ ‍ ᓂᑕᐅᒋᓐ ᐊ ‍ ᒋᓏᔅᑯᓂᔨᒋ ᒥᔅᑯᓱᐛ ᐊᓐᑕ ᐃᑕᐅᓂᒡ ᐊ ᐊᑲ ᑎᒂᒡ ᐊᓐᑕ ᒥᔅᒐᒄ;
\q2 ᐊ ‍ ᒋᓏᔅᑯᓂᔨᒋ ᒥᔅᑯᓱᐛ ᒐᔅᑎᓇᔅ ᓇᒪ ᒋ ‍ ᒥᔪ ‍ᓂᑕᐅᒍᐅᒡ ᐊᓐᑕ ᐊᑲ ᑎᑯᓂᔨᒡ ᓂᐱᔪᐤ᙮
\q1
\v 12 ᐊ ᐊᑲ ‍ ᐃᔅᐱᔨᒡ ᓂᐱᔪᐤ, ᒪᒂᒡ ᐊᐛᐱᑯᓄᐅᒋ,
\q2 ᐊᑎᑐᐤ ᐎᐱᒡ ᐸᓱᐅᒡ ᐃᔅᐱᔅ ᐊᔅᐱᔅ ᐸᔅᑕᒋ ᑯᑎᑲ ᓂᑕᐅᒋᑕᑭᓇ᙮
\q1
\v 13 ᐊᓐᒡ ᐊᐛᓐᒋ ᐊᑲ ‍ ᓂᑐᑐᐛᒡ ᒋᓴᒪᓂᑐᐛ ᐊ ‍ ᐃᔅᒋᔄᔨᒋ ᒧᔭᒻ ᐊ ‍ ᒋᓏᔅᑯᓂᔨᒋ ᒥᔅᑯᓱᐛ ᐃᑕᔨᑕᑯᓱᐅᒡ; ᐊ ᐊᑲ ‍ ᒋᓴᒪᓂᑐᐛᔨᑕᑯᓯᒡ ᐊᐛᓐᒋ ᓂᑲᐎᔪᐅᒡ ᓱᒐᔨᑎᒧᐅᓂᒡ ᒐᒋ ᐸᓱᐛᔨᑕᒡ ᒐᒋ ᒥᔪᐱᔨᒡ᙮
\q2
\q1
\v 14 ᐊᓂᔭ ᒐᒂᔪᐤ ᑲ ‍ ᐸᓱᐛᔨᑕᒡ ᐊᓱᒐᔨᒧᒡ ᒐᒋ ᐃᔅᐱᔨᒡ ᓇᒪ ᐃᔅᐱᔪᐅᒡ;
\q2 ᐊᓂᔭ ᒐᒂᔪᐛ ᑲ ‍ ᑕᑈᐛᒐᔨᑕᒡ ᒐᒋ ᐎᒋᔨᑯᒡ ᓴᐅᓂᔨᐛ ᒧᔭᒻ ᑲᒥᒐᑎᒂᑕᑦ ᐅᑦ ‍ ᐊᐃᐱᔭ᙮
\q1
\v 15 ᑕᑈᐅᒐᔨᑕᑥᐛ ᐅᐛᔪᑎᓯᐅᓄᐛᐛ, ᓇᒪ ᒋᑭ ‍ ᑭᓄᐛᔨᒥᑯᐅᒡ;
\q2 ᒥᒋᒥᓂᒧᒡ ᒐᒂᔪᐛ ᒐᒋ ᑭᓄᐛᔨᒥᑯᒡ, ᒥᒄ ᓇᒪ ᐊᔨᒋᑎᓂᔨᐛ ᐊᓂᔭ ᒐᒂᔪᐛ᙮
\q1
\v 16 ᒧᔭᒻ ᓂᑕᐅᒋᑕᑭᓇ ᐃᓯᓇᑯᓱᐅᒡ ᐊ ᐊᑲ ‍ ᒋᓴᒪᓂᑐᐛᔨᑕᑯᓯᒡ ᐊᐛᓐᒋ ᐊᓂᐱᔪᐛᐊᑭᓄᐅᒡ ᐊᒺᔭ ᓴᑲᔅᑐᐛᔨᒋ ᐱᓯᒺ;
\q2 ᒥᓯᐛ ᐃᔅᐱᔪᐛ ᐅᑎᐱᔭᐛᐛ ᓂᑕᐅᒋᒋᑭᓐ ᐊᔅᒋᒡ᙮
\q1
\v 17 ᐱᒪᐱᒐᐱᔨᐛ ᐊᓐᒡ ᓂᑕᐅᒋᑕᑭᓐᒡ ᐅᑎᐱᔭᐛᐛ ᐊᓐᑕ ᐊᐱᔅᑯᔅᑕᔨᒋ ᐊᓯᓂᔭ
\q2 ᑭᔭ ᓇᔅᒡ ᒥᒋᒥᓂᒧᒡ ᐊᓯᓂᔭ
\q1
\v 18 ᒥᒄ ᐎᐧᑯᒋᐱᑕᑭᓄᐅᑥᐛ ᐊᓐᒡ ᓂᑕᐅᒋᑕᑭᓐᒡ,
\q2 ᒧᔭᒻ ᐊ ‍ ᐃᔅᒋᔄᒥᑭᓂᔨᒡ ᐊᓂᔭ ᐃᑕᐅᓂᔪᐤ ᐊᓐᑕ ᑲᓂᑕᐅᒋᐊᑭᓄᐅᒡ ‘ᓇᒪ ᓂᑕ ᐅᑕ ᐃᑕᐅᒡ !’
\q2 ᑭᔭ ᐊᐅᑯᓐ ᐊᐃᔅᐱᔨᒡ ᒥᒋ ‍ ᐃᔪᐅᒡ ᐊ ᐊᑲ ‍ ᓂᓇᐃᑎᒺᒡ ᒋᓴᒪᓂᑐᐛ ᐊ ‍ ᐃᔅᒋᔄᔨᒋ᙮
\q1
\v 19 ᑕᑈ, ᓇᒪ ᓇᐅᔅ ᒧᒋᒐᔨᑎᒧᒡ ᒥᒋ ‍ ᐃᔪᐅᒡ;
\q2 ᑯᑎᑲ ᐊᐛᔪᐛ ᑎᑯᓯᓂᔨᐛ ᑭᔭ ᐛᑎᓂᒥᔨᒋ ᐅᑦ ᐊᐳᐅᓄᐛᐛ᙮
\b
\q1
\v 20 ᐊᑯ, ᒋᐎᑎᒪᑎᓐ ᒠᑉ, ᓇᒪ ᒋᑭ ‍ ᐊᑐᐛᔨᒥᒄ ᒋᓴᒪᓂᑐᐤ ᒋᒋᐛ ᑯᐃᔅᑯᑕᑎᓯᔨᓇ᙮
\q2 ᒥᒄ ᓇᒪ ᐎᒋᐊᐤ ᑲᒪᔭᑎᓯᔨᒋ ᐊᐛᔪᐛ᙮
\q1
\v 21 ᒋᑭ ‍ ᑐᑕᒄ ᒐᒋ ᐸᐱᔨᓐ ᑭᔭ ᓇᓂᑎᒻ ᑕᑈᔨᓐ ᒧᒋᒐᔨᑎᒧᐅᓂᒡ᙮
\q1
\v 22 ᒥᒄ ᐊᓐᒡ ᑲ ‍ ᐛᐧᑲᑎᔅᒡ ᒋᑭ ‍ ᓴᒂᔨᒧᐅᒡ,
\q2 ᑭᔭ ᒥᒋ ‍ ᐃᔪᐅᒡ ᐎᒋᐛᐛ ᒋᑭ ‍ ᐸᓯᑯᓇᑯᓂᔨᐛ᙮”
\c 9
\s1 ᒠᑉ ᑲᓂᔎᐅᓯᐊᑦ ᐱᓪᑕᑕ
\p
\v 1 ᐊᑯ ᒠᑉ ᓇᔎᐅᓯᐊᑦ,
\q1
\v 2 “ᓂᐦᐃ, ᒐᔅᑎᓇᔅ ᓂ ‍ ᒋᔅᒐᔨᑕᓐ ᑕᑈᒥᑭᓐ ᐊᓐ ᒐᒂᓐ ᑲ ‍ ᐃᔅᒋᔄᔨᓐ᙮
\q2 ᒥᒄ ᑕᓐᑕ ᒋᐸ ᐅᒋ ᒋ ‍ ᐃᑕᐤ ᐊᐛᓐ ᒋᓴᒪᓂᑐᐛ, ‘ᓇᒪ ᓂ ᐅᒋ ‍ ᒥᒋᑐᑕᓐ ᑭᔭ ᐛᐸᑎᔨᐛ᙮ ᓇᒪ ᐊᐛᓐ ᒋ ‍ ᐃᑕᐤ ᒋᓴᒪᓂᑐᐛ ‘ᓇᒪ ᓂ ᐅᒋ ᒥᒋ ‍ ᑐᑕᓐ ᑭᔭ ᐛᐸᑎᔨᐛ᙮’
\q1
\v 3 ᐎ ‍ ᐃᔭᔅᑕᒪᒐ ᐊᐛᓐ ᒋᓴᒪᓂᑐᐛ ᐊᓂᔭ ᐅᒋ,
\q2 ᒋᐸ ᒋ ‍ ᑯᒂᒋᒥᑯᐤ ᒋᓴᒪᓂᑐᐛ ᐸᐃᒂᐤ ᒐᓯᐱᔪᐤ ᑯᒂᒋᒐᒧᐅᓇ,
\q1 ᑭᔭ ᐊᑐᒡ ᐛᒋ ᐸᐃᒄ ᒋᒋ ᓂᔎᐅᓯᐊᐤ ᐊᓐ ᐊᐛᓐ!
\q1
\v 4 ᒋᒋᐛ ᑭᒐᑕᐛᔨᑕᑯᓯᐤ ᒋᓴᒪᓂᑐᐤ ᑭᔭ ᒋᒋᐛ ᓱᐧᑲᑎᓯᐤ;
\q2 ᓇᒪ ᐊᐛᓐ ᑲ ᐎ ‍ ᑯᒂᒋᐊᑦ ᒋᓴᒪᓂᑐᐛ ᒋᑲᓂᔪᐅᐤ᙮
\q1
\v 5 ᐃᔭᐱᒡ ᐊᒋᐱᑎᒻ ᐱᔅᑯᑎᓇᐛ, ᐊ ᐊᑲ ᐃᑕᑦ ᐊᐛᓐ ᐊ ᐊᑲ ᒋᔅᒐᔨᑕᐧᒃ᙮
\q2 ᐃᔅᐱ ᒐᓱᐛᐱᒋ, ᐅᑎᑕᒧᓂᔅᑕᐤ ᐊᓂᔭᔪᐛ᙮
\q1
\v 6 ᐊᓂᓂᒥᔅᑲᔨᒡ ᐃᑎᓴᐊᒻ ᒐᒋ ᓇᓇᒥᐱᔨᒡ ᒧᔅᑎᔅᑭᒥᑯᔪᐤ;
\q2 ᑐᑐᐛᐤ ᓯᑥᔎᐃᑭᓇ ᐊᓐᑕ ᑎᔭᐧᑯᑎᔅᑕᔨᒡ ᐊᔅᒋᔪᐤ ᒐᒋ ᓇᓇᐱᔨᒋ᙮
\q1
\v 7 ᐃᔨᒪᐤ ᐱᓯᒺ, ᑭᔭ ᓇᒪ ᓴᑲᔅᑐᐛᔪᐛ,
\q2 ᐃᑎᓱᒪᐤ ᒐ ‍ᐊᑲ ᐛᔅᑐᐛᔨᒋ ᐅᒐᑯᑕᒂ᙮
\q1
\v 8 ᐎᔾ ᐊᐸᐃᑯᓯᑦ ᒋ ‍ ᐎᔨᔅᑕᐤ ᒋᓯᑯᔪᐤ;
\q2 ᐎᔾ ᐊᐸᐃᑯᓯᑦ ᐊᔅᑕᐤ ᐅᓯᑕᐤ ᐊᓐᑕ ᑭᔅᑭᓂᒡ᙮
\q1
\v 9 ᒋ ‍ ᐃᑕᔭᐤ ᐊᓯᒧᔨᒋ ᐅᒐᑭᑕᒂ ᒂᐸᐃᑭᓐ, ᑭᔭ ᒋᓴᔭᒄ, ᑭᔭ ᐅᕆᐅᓐ, ᐊ ‍ ᐃᓯᓂᐧᑲᑕᑭᓄᐎᒋ ᑭᔭ ᐅᒐᑭᑕᒂ ᐊᓐᑕ ᓴᐅᓄᒡ ᒋᓯᑯᒡ᙮
\q1
\v 10 ᐎᔾ ᒥᒄ ᐃᑐᑎᒻ ᒥᒥᔅᑲᒡ ᒐᒂᔪᐛ ᐊ ᐊᑲ ᒋ ‍ ᓂᑐᑎᒺᐧᒄ;
\q2 ᐃᑐᑎᒻ ᐊ ‍ ᒥᔅᑲᑕᔨᑕᑯᓂᔨᒋ ᒐᒂᔪᐛ ᐊ ᐊᑲ ᒋ ‍ ᒋᑎᒺᐧᒄ᙮
\q1
\v 11 ᓂ ‍ ᐎᒪᔅᑲᒄ ᐊᓐᑕ ᐊᑕᐅᒡ, ᒥᒄ ᓇᒪ ᓂ ‍ ᐛᐱᒪᐤ;
\q2 ᐛᔪᐤ ᐊᑎ ‍ ᐃᑐᑕᐤ, ᒥᒄ ᓇᒪ ᓂ ‍ ᐛᐱᒪᐤ᙮
\q1
\v 12 ᐎ ‍ᐅᒋᐱᑕᒐ ᒐᒂᔪᐤ, ᓇᒪ ᐊᐛᓐ ᒋᑭ ‍ᒋ ‍ ᑯᔅᑎᔭᐤ;
\q2 ᓇᒪ ᐊᐛᓐ ᒋᑭ ᒋ ‍ ᑯᒂᒋᒪᐤ, ‘ᒐᒂᓐ ᐊᓐ ᐛᒋ ‍ ᑐᑎᒥᓐ?’
\q1
\v 13 ᓇᒪ ᒋᑭ ᒋ ‍ ᐛᓂᔅᒐ ᒋ ᐳᓂ ‍ ᒋᔄᐳᐤ
\q2 ᒋᓴᐧᑯᒋᐊᐤ ᐊᓂᔭᔪᐛ ᑲ ᐎ ‍ ᐎᒋᐊᔨᒋ ᕋᐊᐸ, ᐎᓂᐸᑯᒡ ᒥᓂᑐᓴ᙮
\b
\q1
\v 14 ᐊᑯ, ᐃᔅᐱ ᐎ ‍ ᐛᐛᓯᔨᑦ ᒋᓴᒪᓂᑐᐤ,
\q2 ᒐᒂᔪᐤ ᓂᐸ ᒋ ‍ ᐃᑕᐤ ᒐᒋ ᓂᔎᐛᓯᔨᒄ ?
\q1
\v 15 ᐊᑎᓱᐧᒄ ᐊ ᐊᑲ ᐅᒋ ‍ ᒥᒋᑐᑎᒪᓐ, ᐊᑐᒡ ᓂᒋ ᒋ ‍ ᓂᔎᐛᓯᐊᐤ᙮
\q2 ᐊᐅᒄ ᒥᒄ ᓂᐸ ᒋ ‍ ᐃᔨᑎᓐ ᒐᒋ ᐱᑯᓴᔨᒥᒃ, ᓂᑎᐸᔅᑯᓂᒐᓯᒻ, ᒐᒋ ᒋᔅᑎᒪᒐᔨᒥᑦ᙮
\q1
\v 16 ᐃᔅᐱ ᐎᓴᒥᒃ ᒐᒋ ᑎᑯᓯᐧᒃ ᐊᓐᑕ ᑲ ‍ ᐛᓯᔨᑐᓇᓄᐎᔨᒡ,
\q2 ᓇᒪ ᓂ ‍ ᑕᑈᑕᓐ ᒐᒋ ᓂᑐᑕᐧᒃ ᒐᒂᔪᐤ ᓂᐸ ‍ ᐃᔅᒋᔄᐛᓐ᙮
\q1
\v 17 ᓂᑦ ‍ᐃᑎᓴᐊᒪᒄ ᐊᒋᔎᔭᔨᑕᑯᓂᔨᒡ ᒐᒋ ᐱᒂᐅᑯᐅᒡ,
\q2 ᑭᔭ ᒥᒐᑥᐤ ᓂ ‍ ᐅᑐᒂᐅᒄ ᐅᔅᑦ ᐊᓂᔭ ᒐᒋ ᐃᑐᑕᐧᒃ᙮
\q1
\v 18 ᒧᔭᒻ ᐊ ᐊᑲ ᓇᐃᒥᑦ ᒐᒋ ᔭᔭᐅᒡ,
\q2 ᐛᔅ ᒧᓯᓇᐤ ᓂᑐᑕᒄ ᒐᒋ ᐎᓯᒐᔨᑎᒧᒡ᙮
\q1
\v 19 ᐃᔅᐱ ᐎᑯᒋᑕᐅᒡ ᒐᒋ ᒪᓴᐊᒃ, ᐊᑐᒡ ᓂᒋ ᒋ ‍ ᓴᐧᑯᒋᐊᐱᓐ,
\q2 ᐛᔅ ᐎᔾ ᐊᑎᑐᐤ ᓱᐧᑲᑎᓯᐤ ᐃᔅᐱᔅ ᓂᔾ᙮
\q1 ᐃᔅᐱ ᐎ ‍ ᓂᑐᐛᔨᒥᒄ ᒐᒋ ᓄᑯᓯᑦ ᐊᓐᑕ ᑲ ‍ ᐛᓯᔨᑐᓇᓄᐎᔨᒡ,
\q2 ᓇᒪ ᐃᑕᐤ ᐊᐛᓐ ᒐᒋ ᓯᒋᒪᑦ ᒐᒋ ᐊᓐᑕ ᐃᑐᑕᔨᒋ᙮
\q1
\v 20 ᐊᑎᓱᐧᒄ ᑕᑈᔭᓐ, ᒐᒂᓐ ᓂᐸ ‍ ᐃᔅᒋᔄᓐ ᒐᒋ ᑐᑕᑯᑦ ᒐᒋ ᐃᔅᒋᔄᑦ ᒐᒋ ᐊᓏᔨᒥᑯᐅᒡ;
\q2 ᐊᑎᓱᐧᒄ ᐊ ᐊᑲ ᐅᒋ ‍ ᒥᒋᑐᑎᒪᓐ, ᒋᐸ ᐛᐸᑎᔨᐛᐤ, ᒋᑭ ‍ ᐛᐸᑎᔨᐛᐤ ᐊᑕᒪᔨᑕᑯᓱᐅᒡ᙮ \qb
\q1
\v 21 ᓇᒪ ᓂ ᐅᒋ ᒥᒋ ‍ ᑐᑕᓐ, ᒥᒄ ᓇᒪ ᐃᔅᐱᑕᔨᑕᑯᓐ ᐊᓐ᙮
\q2 ᓂᒥᒐᔨᑕᓐ ᐊᔅᒄ ᐊ ‍ ᐃᔪᐅᔭᓐ᙮
\q1
\v 22 ᒥᒄ ᓇᒪ ᐃᔭᐱᑕᔨᑕᑯᓐ ᐊᓐ,
\q2 ᐛᔅ ᒥᓯᐛ ᐊᑎᓯᔭᐧᒄ ᒋᑭ ‍ ‍ᐛᐱᓂᑯᓄᐤ ᒋᓴᒪᓂᑐᐤ, ᑕᐱᔅᑯᓐ ᐊᓐᒡ ᑲ ‍ ᑯᐃᔅᑯᑎᒡ ᑭᔭ ᐊᓐᒡ ᒥᒋ ‍ ᐃᔪᐅᒡ᙮
\q1
\v 23 ᐃᔅᐱ ᐛᐸᑕᒂᐛ ᐊᐛᓐᒋ ᒥᒋᐱᔪᐅᓇ ᑭᔭ ᑐᑕᑯᑥᐛ ᒐᒋ ᓯᔅᒋᑯᒡ ᐳᓂᐱᒪᑎᓯᒡ,
\q2 ᐅᓯᓂᒻ ᐊᓂᔭ ᒋᓴᒪᓂᑐᐤ, ᐊᑎᓱᐧᒄ ᒋ ‍ ᑕᑈᐅᒡ᙮
\q1
\v 24 ᒋᓇᐃᒪᐤ ᑲ ᒥᒋ ‍ ᐃᔪᐃᒋ ᒐᒋ ᑎᐸᔨᑎᒥᔨᒋ ᒐᒂᔪᐤ ᐊ ‍ ᐃᔅᐱᔨᒡ ᐊᓐᑕ ᐊᔅᒋᒡ᙮
\q2 ᒧᔭᒻ ᐊᒋ ‍ ᐃᑐᑐᐛᑦ ᒐᒋ ᐊᑯᒂᐱᐧᑲᑕᒡ ᑎᐸᔅᑯᓂᒐᓱᐛ ᐊᑯ ᐊᓂᔭ ᐅᒋ ᒐ ᐊᑲ ᒋ ᑯᐃᔅᒄ ᐃᓯ ‍ ᑎᐸᔅᑯᓂᒐᔨᒋ᙮
\q1 ᐊ ᐊᑲ ᐎᔾ ᒋᓴᒪᓂᑐᐤ ᑐᑐᐛᑦ ᑲ ᒥᒋ ‍ ᐃᔪᐃᒋ ᒐᒋ ᑎᐸᔨᒋᒐᔨᒋ,
\q2 ᐊᐛᓐ ᐊᓂᔭ ᑲ ‍ ᐃᑐᑕᐧᒃ ? \qb
\q1
\v 25 ᒋᒋᐛ ᒋᓯᐱᔨᐛ ᓂᒋᓯᑲᒪ, ᒧᔭᒻ ᐊᒋᓯᐸᑕᑦ ᑲ ‍ ᐎᐳᐃᔅᑦ;
\q2 ᒧᔭᒻ ᐊᒋᑎᓱᒥᑲᒋ ᐃᓯᓇᑯᓇ, ᑭᔭ ᐊᑲ ᒐᒂᓐ ᐃᓯ ‍ ᒥᔪᐱᔨᔭᓐ ᐊᓐᑕ ᐊᓂᔭ ᒋᓯᒂ᙮
\q1
\v 26 ᒋᒋᐛ ᒋᓯᐱᔪᐤ ᓂᐱᒪᑎᓯᐅᓐ, ᒧᔭᒻ ᐅᐤᑦ ᐊ ‍ ᒋᓏᔅᑯᓂᔨᒋ ᒥᔅᑯᓱᐛ ᐊᒋ ‍ ᐅᓯᑕᑭᓄᐅᒡ ᐅᒋ ᐊ ‍ ᐱᒪᔅᑎᒡ ᑭᒐᔅᑎᐱᔪᐅᓂᒡ,
\q2 ᑭᔭ ᒪᒃ ᒥᒋᓱᐤ ᐊᓂᓯᐱᔪᐅᑦ ᒐᒋ ᒪᑯᓇᑦ ᐊᐱᓯᓯᔨᒋ ᐊᐛᓯᓴ᙮
\q1
\v 27 ᐸᐱᒂᔨᔭᓇ ᑭᔭ ᐃᑎᑲ ᒋᓴᒪᓂᑐᐤ, ‘ᓂᑭ ‍ ᐅᓂᒋᔅᒋᑕᓐ ᐊᓐ ᒐᒂᓐ ᑲ ‍ ᑎᑥᐛᔨᑯᔭᓐ;
\q2 ᓂᑭ ‍ ᓂᑲᐎᓐ ᐊᓂᓇᐧᑲᑕᔨᑎᒧᓇᑯᓯᔭᓐ ᑭᔭ ᓂᑭ ‍ ᑯᒋᑕᓐ ᒐᒋ ᒥᔽᔨᑎᒪᓐ,’
\q1
\v 28 ᐊᑯ ᒐᑯᔅᑕᒋᔭᓐ ᐛᔅ ᒥᓯᐛ ᑲ ᐃᓯ ‍ ᐎᓯᒐᔨᑎᒪᓐ,
\q2 ᐛᔅ ᓇᒪ ᓂᑦ ᐃᑕᔨᒥᒄ ᒋᓴᒪᓂᑐᐤ ᐊ ‍ ᑕᑈᐅᒡ᙮
\q1
\v 29 ᒋᑭ ‍ ᐃᔅᒋᔄᐤ ᒐᒋ ᐊᓏᔨᒥᑯᐅᒡ,
\q2 ᐊᑯ ᒐᒂᓐ ᓂᐸ ᐅᒋ ‍ ᐅᔅᑯᐎᔨᓐ ᒐᒋ ᒋᔅᐸᐛᑎᓱᔭᓐ ?
\q1
\v 30 ᒋ ‍ ᐛᐸᑲᐎᓱᔭᓐ ᑯᐅᓂᒡ
\q2 ᑭᔭ ᒪᒃ ᓇᐃᐧᑭᒪᓐ ᓂᑎᒋᔭ ᐛᐸᑲᐃᑭᓐ ᐊᐱᒋᔨᒄ
\q2 ᒐᒋ ᐃᒐᓂᒪᓐ ᐊᑕᒪᔨᑕᑯᓯᔭᓐ,
\q1
\v 31 ᐃᔭᐱᒡ ᓂᐸ ‍ ᐛᐱᓂᒄ ᐊᓐᑕ ᐊᐎᓇᑯᓂᔨᒡ ᐊᐱᑯᓇᔭᔨᒡ;
\q2 ᐊᐅᑯᓐ ᐅᒡ ᒧᔭᒻ ᐊ ‍ ᐎᓇᔨᒥᑯᔭᓐ ᓂᑦ ᐊᐱᒋᑕᐅᓇ ᒋᐸ ‍ ᐃᓯᓇᑯᓐ᙮
\b
\q1
\v 32 ᓇᒪᔭᐤ ᐊᓐ ᐃᔪᐤ ᒋᓴᒪᓂᑐᐤ, ᒧᔭᒻ ᓂᔾ,
\q2 ᐊᑯ ᓇᒪ ᑎᑯᓐ ᑕᓐ ᒐᒋ ᐅᒋ ᓂᔎᐛᓯᔨᒃ ᒐᒋ ᐛᐸᑎᔨᒃ ᐊᑕᑈᐅᒡ
\q2 ᒪᒧᐤ ᐃᑐᑕᔭᒡ ᐊᓐᑕ ᑲᐛᓯᔨᑐᓇᓄᐅᒡ ᒐᒋ ᐛᓯᔨᑯᐅᔭᓐ᙮
\q1
\v 33 ᓇᒪ ᐃᑕᐤ ᐊᐛᓐ ᒐᒋ ᐸᑐᔨᒥᑦ ᐊᐛᓐ ᑎᔭᑈᒂ,
\q2 ᓇᒪ ᐊᐛᓐ ᓂᑕᐸᔨᒥᔨᒥᑯᓇᓐ ᑕᐱᔅᑯᓐ ᐊᓂᓯᔭᒡ᙮
\q1
\v 34 ᑭᒪ ᓂᑲᐎᑦ ᐊ ᐊᓏᔨᒥ,
\q2 ᑭᔭ ᒐ ‍ᐊᑲ ᐊᔅᒄ ᑯᔅᑕᒋᔨᑦ᙮
\q1
\v 35 ᑐᑕᐧᒃ ᐊᓂᔭ, ᓂᐸ ‍ ᐃᔅᒋᔄᓐ ᐊᑕᑈᔭᓐ ᐊ ᐊᑲ ᑯᔅᑎᒃ,
\q2 ᐛᔅ ᓂ ‍ ᒋᔅᒐᔨᑕᓐ ᐊ ᐊᑲ ᒋᒋᐛ ᐅᒋ ᒥᒋᑐᑎᒪᓐ ᒧᔭᒻ ᐊᔨᑕᔨᒥᑦ ᒋᓴᒪᓂᑐᐤ ᐊᒋ ‍ ᐃᑐᐅᒡ᙮”
\c 10
\s1 ᒠᑉ ᒥᓐ ᐊᓏᔨᒪᐤ ᒋᓴᒪᓂᑐᐛ
\q1
\v 1 “ᓂᑦ ᐊᔭᔅᑯᓯᓐ ᐊᐱᒪᑎᓯᔭᓐ᙮
\q1 ᑭᔭ ᓇᒪ ᓂᑭ ᒋ ‍ ᒋᒺᓐ ᑭᔭ ᐳᓂᓐ ᐊᓐ ᒐᒂᓐ ᐊ ‍ ᑎᑥᐛᔨᑯᔭᓐ᙮
\q2 ᒥᔅᑯᒡ, ᐊᑲ ‍ ᒥᔽᔨᑎᒪᓐ, ᓂᑭ ‍ ᐃᔨᒥᓐ᙮
\q1
\v 2 ᓂᑭ ‍ ᐃᑕᐤ ᒋᓴᒪᓂᑐᐤ, ‘ᐊᑲ ᐃᔅᒋᔄ ᒐ ᐎ ‍ ᐊᓏᔨᒥᑯᐎᔭᓐ;
\q2 ᒥᔅᑯᒡ, ᐎᑎᒧᐎ ᒐᒂᓐ ᑲ ‍ ᒥᒋᑐᑎᒪᓐ ᐊ ‍ ᐃᔅᒋᔄᔨᓐ ᑲ ‍ ᑐᑎᒪᓐ᙮
\q1
\v 3 ᐃᑕᔨᑕᑯᓐ ᐊ ᐊ ‍ ᒥᔽᒡ ᒐᒋ ᓂᓇᐧᑲᒋᐃᓐ,
\q2 ᒐᒋ ᓂᑭᓯᔨᓐ, ᐊᓐ ᑲ ‍ ᐅᓯᔨᑦ,
\q2 ᑭᔭ ᒥᔅᑯᒡ, ᒐᒋ ᐎᒋᔨᑥᐤ ᑲ ᒥᒋ ‍ ᐃᔨᑎᒡ ᒐᒋ ᑐᑕᒡ ᒐᒂᔪᐛ ᑲ ‍ ᐎᔭᔨᑕᒡ ᒐᒋ ᑐᑕᒡ ?
\q1
\v 4 ᒋ ‍ ᓂᔅᑐᑕᓐ ᐊ ᒐᒂᔪᐛ ᒧᔭᒻ ᓂᔭᓐ ᐊ ‍ ᐃᔨᑕᔭᒡ ᐃᔪᒡ ?
\q1
\v 5 ᑕᑐᐤ ᐱᐳᓇ ᐊ ᒥᒄ ᒋ ‍ ᐱᒪᑎᓯᓇᐛᐤ, ᒧᔭᒻ ᐊ ‍ ᐃᔨᑕᔭᒡ ?
\q1
\v 6 ᐊᑯᐤ, ᒐᒂᓐ ᐛᒋ ‍ ᐊᔅᒄ ᓇᓂᑐᐛᐸᑎᒥᓐ ᓂᐅᓂᑐᐅᓇ?
\q2 ᒐᒂᓐ ᐛᒋ ‍ ᓇᓂᑐᐛᐸᑎᒥᓐ ᓂᒥᒋᑐᑎᒧᐅᓇ ?
\q1
\v 7 ᒋᔅᒐᔨᑕᓐ ᐊ ᐊᑲ ᐊᑕᒪᔨᑕᑯᓯᔭᓐ,
\q2 ᑭᔭ ᓇᒪ ᐊᐛᓐ ᓂᑭ ᒋ ‍ ᐱᐧᑯᐃᒄ ᒋ ‍ ᓱᐧᑲᑎᓯᐅᓂᔪᐤ ᐅᒋ᙮
\b
\q1
\v 8 ᒋᒋ ‍ ᐅᓯᔨᓐ ᒋᑎᒋᔭ ᐅᒋ ᑭᔭ ᒋᒋ ‍ ᐃᓯᓇᑯᑕᓐ ᓂᔪᐤ;
\q2 ᒥᒄ ᐊᓄᒡ ᒋ ‍ ᐎᔭᔨᑕᓐ ᒐ ‍ ᐊᑲ ᐅᒋ ᑐᑕᓇᐱᓐ ᐊᓐ, ᑭᔭ ᒋ ‍ ᓂᓱᐅᓇᒋᔨᓐ᙮
\q1
\v 9 ᒐ ᐊᑲ ᐅᓂᒋᔅᒋᔨᓐ ᐊᔅᒋᔅᒋᒡ ᑲ ᐅᒋ ‍ ᐅᓯᔨᓐ;
\q2 ᒋᑭ ‍ ᑐᑐᐅᓐ ᐊ ᒥᓐ ᐱᐧᑯᑕᐤ ᒐᒋ ᐃᓯᓇᑯᓯᔭᓐ ?
\q1
\v 10 ᑕᑈ ᒋᒋ ‍ ᑎᐸᔨᑕᓐ ᐃᔅᐱ ᑲ ‍ ᐅᓯᔨᑯᐎᔭᓐ,
\q2 ᑭᔭ ᒋᒋ ‍ ᐃᓯᓇᑯᐎᔨᓐ ᐊᓐᑕ ᓂᑲᐎ ᐅᔅᐱᔭᒡ᙮
\q1
\v 11 ᒋᒋ ‍ ᒪᒧᒧᑕᓐ ᓂᔅᑭᓇ ᐅᒐᔅᑕ ᐅᒋ,
\q2 ᐊᑯ ᑭᔭ ᒂ ‍ ᐊᑯᓇᐊᒥᓐ ᐎᔭᓯᒡ ᑕᒥᒡ ᓂᓯᑲᒡ᙮
\q1
\v 12 ᒋᒋ ‍ ᑐᑐᐅᓐ ᒐᒋ ᐃᔪᐅᔭᓐ, ᑭᔭ ᑕᑈᐅᒐᔨᑎᒧᐅᓂᒡ ᒋᒋ ‍ ᓴᒋᔨᓐ
\q2 ᑭᔭ ᐸᐧᑲᒡ ᒋᒋ ᓂᑕᐅᒋᔨᓐ᙮
\b
\q1
\v 13 ᒥᒄ ᓇᒪ ᒋᐛᐸᑎᔨᓐ ᒐᒂᓐ ᐎᔭᔨᑎᒥᓐ ᒐ ‍ ᑐᑐᐎᔨᓐ;
\q2 ᓂ ‍ ᒐᔅᑎᓇᐅᓐ ᑲ ‍ ᐎᔭᔨᑕᒥᓐ ᒐᒋ ᑐᑐᐎᔨᓐ ᐅᔭ ᒐᒂᔪᐛ᙮
\q1
\v 14 ᒋᒋ ‍ ᑭᓄᐛᐱᒥᓐ ᒐᒋ ᒥᒋᑐᑎᒧᐛᓇ,
\q2 ᐊᑯ ᒥᒋᑐᑎᒪᓇᒂ, ᐊᑐᒡ ᒋᒋ ‍ ᑕᑈᑕᓐ ᒐᒋ ᐛᐸᔨᑎᒧᐎᓐ᙮
\q1
\v 15 ᒪᒋ ‍ ᐃᔪᐛᐛᓇ, ᑭᒪ ᐊᑯᔅᑕᑎᒂᒋ ᒐᒂᓇ ᐃᔅᐱᔨᔭᓐ᙮
\q1 ᒥᒄ ᐊᑎ ‍ ᑯᐃᔅᑯᑕᑎᓯᔨᐛᓇ , ᓇᒪ ᓂᑭ ᒋ ‍ ᒋᐧᑲᔎᔨᓐ ᐛᔅ ᓂᓴᒂᒧᒐᔨᑕᑯᓯᓐ,
\q2 ᐛᔅ ᓇᒪ ᓂᒋ ‍ ᒋᔅᑕᔨᑕᑯᓯᓐ ᑭᔭ ᓂᒋ ‍ ᒋᔅᑎᒪᑎᓯᓐ᙮
\q1
\v 16 ᑭᔭ ᐊᒋᔅᑕᔨᒥᓱᐛᓇ, ᒋᒋ ‍ ᐱᐸᒥᓇᓴᐅᓐ ᒧᔭᒻ ᒥᓯᐱᓱᐤ ᐊᓂᑐᐅᑦ ᐊᐛᓯᓴ ᑭᔭ ᓂᐸᐊᑦ,
\q2 ᑭᔭ ᒋᓱᐧᑲᑎᓯᐅᓂᒡ ᒋᑦ ‍ᐃᔨᑎᓐ ᒐᒋ ᐅᓯᑯᔨᓐ᙮
\q1
\v 17 ᓇᓂᑎᒻ ᐊᑎᑐᐤ ᒋ ‍ ᒥᔅᑯᐛᐅᒡ ᑲ ‍ ᐛᐸᒐᒡ ᒐᒋ ᐎᑕᒡ ᐊᒋ ‍ ᑐᑎᒧᒡ ᐊ ᒥᒋ ‍ ᑐᑎᒧᒡ,
\q2 ᑭᔭ ᐊᑎᑐᐤ ᒋ ‍ ᒋᔄᐱᓐ
\q2 ᒧᔭᒻ ᓇᓂᑎᒻ ᒋᐸᓱᐛᐅᒡ ᓂᑐᐱᔪᐅ-ᐃᔪᒡ ᑯᓯᒂᔨᒧᑐᐅᒡ᙮
\b
\q1
\v 18 ᒋᓴᒪᓂᑐᐤ, ᒐᒂᓐ ᐛᒋ ‍ ᓇᐊᔨᒥᔨᓐ ᒐᒋ ᐃᔪᐅᔭᓐ ?
\q2 ᑭᒪ ᒋ ᐳᓂ ‍ ᐱᒪᑎᓯᔭᓇᒂ ᐊᒺᔭ ᐅᒋ ᐛᐱᒥᑦ ᐊᐛᓐ᙮
\q1
\v 19 ᑭᔭ ᐃᑐᑕᔨᑯᔭᓇᒂ ᓂᒂᔅᑲᓂᒡ
\q2 ᐊ ᐊᑲ ᓂᑕ ᐃᔭᔭᓐ᙮
\q1
\v 20 ᒥᒄ ᑕᑐᐤ ᒋᓯᑲᐛ ᑕᑎᓇ ᓂᒋᓯᑲᒪ ᒐᒋ ᐱᒪᑎᓯᔭᓐ;
\q2 ᐊᑯ ᓇᐊᔨᒥ ᒐᒋ ᐸᐃᑯᓯᔭᓐ, ᒐᒋ ᐅᒋ ᒥᔽᔨᑕᑯᓯᔭᓐ
\q1
\v 21 ᐊᒺᔭ ᐃᑐᑕᔭᓐ ᐊᓐᑕ ᐃᑕᐅᓂᒡ ᒐ ‍ ᐊᑲ ᓂᑕ ᒋᐛᔭᓐ ᐊᓐᑕ ᐅᒋ,
\q2 ᐊᓐᑕ ᓇᓂᑎᒻ ᐊᑎᒂᒡ ᐊᒋᑲᔅᑕᐅᓐ ᑭᔭ ᑯᓯᑯᒪᒋᐅᓐ,
\q1
\v 22 ᐊᓐ ᐊᒋᑲᐅ-ᐃᑕᐅᓐ ᑭᔭ ᐊᓐᑕ ᐊ ‍ ᑎᑲᔅᑕᑎᒡ ᓂᐳᐅᓐ, ᐊᓐᑕ ᐊ ‍ ᒋᔎᔭᔨᑕᒂᒡ,
\q2 ᐊᓐᑕ ᐊ ᐊᑲ ‍ ᐃᑎᒂᒡ ᐛᔅᑕᐅᓐ, ᒥᒄ ᐅᑲᔅᑕᔭᐅᓐ᙮’ ”
\c 11
\s1 ᓱᐸᕐ ᐅᔅᑭᒡ ᑲ ‍ ᐃᔨᒪᐊᑦ ᒠᐸ
\p
\v 1 ᐊᑯ ᓱᐸᕐ, ᓇᐊᒪ ᐅᒋ, ᒂ ‍ ᐃᑕᑦ ᒠᐸ:
\q1
\v 2 “ᓇᒪ ᐊᐛᓐ ᐊ ᒋᑭ ‍ᒋ ᓂᔎᐛᓯᔨᐛᐤ ᐊᓐ ᒥᓯᐛ ᒐᒂᓐ ᑲ ‍ ᐃᔅᒋᔄᔨᓐ?
\q2 ᒥᒄ ᐊᓐ ᐊ ᒥᔅᑎ ‍ ᐃᔨᒥᔨᓐ, ᓂᐸ ‍ ᑐᑕᑯᓇᓐ ᐊ ᒐᒋ ᐃᔅᒋᔄᔭᒡ ᐊ ᐊᑲ ᐅᒋ ᒥᒋᑐᑎᒥᓐ ?
\q1
\v 3 ᒠᑉ, ᓂᐸ ‍ ᑐᑕᑯᓇᓐ ᐊ ᐊ ᒥᔅᑎ ‍ ᐃᔨᒥᔨᓐ ᒐᒋ ᒋᔭᒻ ᐃᑎᔭᒡ ?
\q2 ᐃᔅᐱ ᐊᐛᐅᓯᓄᐎᔭᒡ, ᓇᒪ ᐊᐛᓐ ᐊ ᒋᑭ ‍ ᒋᔅᑐᑎᒄ ᑭᔭ ᑐᑕᔅᒄ ᒐᒋ ᓯᓴᒂᔨᒧᐎᔨᓐ ?
\q1
\v 4 ᒂ ‍ ᐃᔅᒋᔄᔨᓐ, ‘ᑕᑈᒥᑭᓐ ᒐᒂᓐ ᐊᔅᒋᔄᔭᓐ;
\q2 ᒋᔅᒐᔨᑎᒻ ᒋᓴᒪᓂᑐᐤ ᐊᒥᔪᐛᑎᓯᐅᒡ,’
\q1
\v 5 ᒥᒄ ᑭᒪ ᐃᔨᒥᑦ ᒋᓴᒪᓂᑐᐤ
\q2 ᑭᔭ ᐃᔅᒋᔄᑦ ᒐᒂᔪᐤ ᒐᒋ ᓂᔎᐛᓯᔨᔅᒃ !
\q1
\v 6 ᒋᓴᒪᓂᑐᐤ ᒋᔅᒐᔨᑎᒻ ᒥᓯᐛ ᒐᒂᔪᐤ ᑕᓐ ᒥᓯᐛ ᐊᐃᔅᐱᔨᒡ,
\q2 ᐊᑯ ᑭᒪ ᐎᑎᒪᔅᒃ ᐊᒋᔅᒐᔨᑕᐧᒃ ᒋᒧᑦ ᒐᒂᔪᐛ ᐛᔅ ᑭᒐᑕᐛᔨᑕᑯᓯᐤ᙮
\q1 ᐎ ‍ᒋᔅᒐᔨᑕ ᐅ, ᒋᓴᒪᓂᑐᐤ ᓇᒪ ᒋᔅᒋᑎᒻ ᐱᔅᒐ ᒋ ‍ ᒥᒋᑐᑎᒧᐅᓇ᙮
\b
\q1
\v 7 ᐎᑎᒧᐎ, ᒋᑭ ᒋ ‍ ᐊ ᒋᔅᒐᔨᑎᒺᓐ ᐊᓂᔭ ᒐᒂᔪᐛ ᐃᔭᔨᒥᓂᔨᒋ ᒐᒋ ᓂᔅᑐᑕᑭᓄᐎᔨᒋ ᒋᓴᒪᓂᑐᐤ ᐊᔨᒧᒪᑭᓄᐅᑦ ?
\q2 ᒋᑭ ᒋ ‍ ᐊ ᒋᔅᒐᔨᑎᒺᓐ ᒥᓯᐛ ᒐᒂᔪᐛ ᒋᐸ ᐎ ‍ ᒋᔅᒐᔨᑕᑭᓄᐎᔪᐛ ᐊᓯᓱᐧᑲᑎᓯᑦ ᒋᓴᒪᓂᑐᐤ ᐊᔨᒧᒪᑭᓄᐅᑦ ?
\q1
\v 8 ᐊᓂᔭ ᒋᐸ ᐃᓯ ‍ ᒋᔅᒐᔨᒪᑭᓄᐤ ᒋᓴᒪᓂᑐ ᐊᑎᑐᐤ ᐃᔅᐸᔪᐛ ᐃᔅᐱᔅ ᐊᔅᐱᓴᒡ ᐊᔅᒋᒡ ᐅᒋ ᐃᔅᐱᔅ ᒋᒋᒋᓯᑯᒡ;
\q2 ᐊᑯ ᓇᒪ ᐃᑎᑯᓐ ᒐᒋ ᒥᓯᐛ ᐊᓐ ᓂᔅᑐᑎᒥᓐ᙮
\q1 ᐊᑎᑐᐤ ᐃᔅᐸᔪᐛ ᐃᔅᐱᔅ ᐊᔅᐱᓴᒡ ᐅᑕ ᐅᒋ ᐃᔅᐱᔅ ᐊᓐᑕ ᐊᑕᒡ ᑲ ᓂᐱᒡ;
\q2 ᐊᑯ ᓇᒪ ᒋᑎᑯᓐ ᒥᓯᐛ ᒐᒋ ᒋᔅᒐᔨᑎᒥᓐ᙮
\q1
\v 9 ᐊᑎᑐᐤ ᐃᑭᔅᑲᐤ ᐊᔅᒋᔾ ᐃᔅᐱᔅ ᒐᒋ ᒋᔅᒐᔨᑎᒧᑦ ᒐᒂᔪᐤ ᒋᓴᒪᓂᑐᐤ ᐊᔨᒧᒪᑭᓄᐅᑦ
\q2 ᑭᔭ ᐃᑭᔅᑲᔪᐤ ᐃᔅᐱᔅ ᒋᒋᑭᒥᔾ᙮
\b
\q1
\v 10 ᓇᔅᑎᔅᑲ ᒋᓴᒪᓂᑐᐤ ᑭᔭ ᒋᐸᐅᔅᒐ ᑲᒪᑭᓄᐛᓯᐅᒋᐛᐱᒡ ᑭᔭ ᐃᑐᑕᔨᔅᒐ ᑲᐛᓯᔨᑐᓇᓄᐎᔨᒡ,
\q2 ᓇᒪ ᐃᑕᐤ ᐊᐛᓐ ᒐᒋ ᑯᔅᑎᔭᑦ᙮
\q1
\v 11 ᒋᔅᒐᔨᒪᐤ ᐊᓂᔭ ᐊᐛᔪᐛ ᐊ ᐊᑲ ᐃᔅᐱᑕᔨᑕᑯᓯᔨᒋ;
\q2 ᑭᔭ ᐃᔅᐱ ᐎᔭᐱᒪᒋ ᐊᐛᔪᐛ ᐊ ‍ ᒥᒋᑐᑎᒥᔨᒋ, ᓇᒪ ᒋᑭ ‍ ᐃᑐᐤ ᒐ ᐊᑲ ‍ ᐃᔭᐱᑕᔨᒪᑦ !
\q1
\v 12 ᐊᒋᔎᐱᒪᑎᓯᒡ ᐃᔪᒡ ᒧᔭᒻ ᒋᔾ ᒋᑭ ‍ ᒋᒋᐱᔪᐅᒡ ᒐᒋ ᑭᒐᑕᐛᔨᑕᒡ
\q2 ᐃᔅᐱ ᑲ ‍ ᐊᒂᑎᓯᒡ ᑲᓂᐧᑲᑎᓯᒡ ᑲᐸᐃᑭᔎᐅᒡ ᐱᓂᑥᐛ ᒐᒋ ᓄᒂᐊᒡ ᑲ ‍ ᐊᒂᑎᓯᔨᒋ ᑲᓂᐧᑲᑎᓯᔨᒋ ᑲᐸᐃᑭᔎᐛ ᑭᔭ ᒋᒋᐱᔨᑥᐛ ᐊ ‍ ᓄᒂᐊᒡ ᑲ ‍ ᑭᓄᐛᔨᒪᑭᓄᐎᒋ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮
\b
\q1
\v 13 ᒠᑉ, ᒂᔅᑲᑎᓯᔾ;
\q2 ᓱᓂᔅᒐᐎ ᒐᒋ ᓇᓂᑐᐛᐸᑎᒧᑦ ᒋᓴᒪᓂᑐᐤ ᐊ ‍ ᐎᒋᔨᐛᐅᓐ᙮
\q1
\v 14 ᑲᒋ ‍ᒥᒋᑐᑎᒧᐅᓇ, ᐳᓂᑕ ᐊᓂᔭ ᐊ ‍ ᐃᑐᑎᒥᓐ;
\q2 ᑭᔭ ᒐ ᐊᑲ ‍ ᓇᐊᔨᒥᑥᐤ ᐊᓐᑕ ᐊᑕᒡ ᒋᒋᒡ ᒐᒋ ᒥᒋ ‍ᑐᑕᒡ᙮
\q1
\v 15 ᑐᑎᒥᓇ ᒐᒂᓐ ᐊ ‍ ᐃᑎᑕᓐ, ᒐᔅᑎᓇᔅ ᒋᑭ ‍ ᐅᔅᐱᔎᔨᓐ ᐛᔅ ᓇᒪ ᒋᑭ ‍ ᓯᓴᒂᔨᒧᓐ;
\q2 ᒋᑭ ‍ ᓱᐧᑲᑎᓯᓐ, ᑭᔭ ᓇᒪ ᒐᒂᓐ ᒋᑭ ‍ ᑯᔅᑕᓐ᙮
\q1
\v 16 ᒥᓯᐛ ᒋ ‍ ᐅᔅᑕᐱᔪᐅᓇ ᒋᑭ ‍ ᐅᓂᒋᔅᒋᑕᓐ;
\q2 ᒧᔭᒻ ᓂᐱᔾ ᓴᔅ ᒥᓯᐛ ᑲᐸᓯᑯᓇᒂᒡ ᒋᑭ ‍ ᐃᓯᓇᑯᓇ᙮
\q1
\v 17 ᒋᑭ ‍ ᐃᔎᐱᔨᐛ ᒋ ‍ ᐅᔅᑕᐱᔪᐅᓇ, ᒧᔭᒻ ᐊ ‍ ᐃᔎᐱᔨᒋ ᐊ ‍ ᐊᒋᑲᒡ ᐱᔭᑕᐸᒋ;
\q2 ᒧᔭᒻ ᒐ ‍ ᐃᓯᓇᒂᒡ ᐱᓯᒻ ᐊᒋᐧᑲᔭᔅᑕᓂᒪᔅᒃ ᐃᔭᐱᑕᒋᓯᑲᒋ᙮
\q1
\v 18 ᒋᑭ ‍ ᐊᔨᒋᑲᐳᐎᑯᐅᓐ ᐛᔅ ᓱᒐᔨᒧᐅᓂᒡ ᒋᑭ ‍ ᐸᓱᐛᔨᑕᓐ ᒐ ‍ ᒥᔪᐱᔨᓐ;
\q2 ᒋᑭ ‍ ᑭᓄᐛᔨᒥᒄ ᒋᓴᒪᓂᑐᐤ ᑭᔭ ᒋᑭ ‍ ᑐᑕᒄ ᒐᒋ ᐊᔅᑕᔭᑯᓯᔨᓐ ᔭᐃᔨᒋᐛᐅᓂᒡ ᐊᓯᑯᒻ ᑎᐱᔅᑲᐛ᙮
\q1
\v 19 ᒋᑭ ‍ ᐱᒥᓯᓐ ᑭᔭ ᓇᒪ ᒋᑭ ‍ ᑐᑕᒄ ᐊᐛᓐ ᒐᒋ ᑯᔅᑕᒋᔨᓐ᙮
\q2 ᑭᔭ ᒥᒐᑦ ᐊᐛᓐᒋ ᒋᑭ ‍ ᓂᑐᐛᐱᒥᑯᒡ ᑭᔭ ᒐ ‍ ᓂᑐᐛᔨᑎᒪᔅᒡ ᒐᒋ ᑐᑎᒧᐅᑥᐤ ᒐᒂᓇ᙮
\q1
\v 20 ᒥᒄ ᓇᒪ ᒋᑭ ᒋ ‍ ᓂᔅᑐᑎᒧᒡ ᒥᒋ ‍ ᐃᔪᒡ ᒐᒂᔪᐤ ᐛᒋ ᒥᒋᐱᔨᒡ;
\q2 ᓇᒪ ᒋᑭ ‍ᒋ ‍ ᒋᑎᓯᒧᑎᒧᒡ ᐅᔅᑕᐱᔪᐅᓄᐛᐛ᙮
\q2 ᒐᒋ ᐳᓂᐱᒪᑎᓯᒡ ᒥᒄ ᒋᑭ ‍ ᓂᑐᐛᔨᑎᒧᒡ᙮”
\c 12
\s1 ᒠᑉ ᑲ ‍ ᓇᔎᐛᓯᐊᑦ ᐊ ‍ ᓂᔅᑎᔨᒋ ᐎᒐᐛᑭᓇ
\p
\v 1 ᐊᑯ ᒠᑉ ᒂ ᐃᑕᑦ ᐊ ‍ ᓂᔅᑎᔨᒋ ᐎᒐᐛᑭᓇ,
\q1
\v 2 ᒋᑦ ᐃᔨᒥᓐ ᒧᔭᒻ ᒐᒋ ᒥᓯᐛ ᓂᑐᑐᐛᒡ ᐊᐛᓐᒋ
\q2 ᑭᔭ ᒧᔭᒻ ᐳᓂᐱᒪᑎᓯᔨᓇ, ᒐ ᐊᑲ ᐃᑕᒡ ᓴᔅ ᑲ ‍ ᑭᒐᑕᐛᔨᑕᒡ ᐊᐛᓐᒋ᙮
\q1
\v 3 ᒥᒄ ᓂ ‍ ᒋᔅᒐᔨᑕᓐ ᐊᔅᐱᔅ ᒋᔅᒐᔨᑎᒪᒄ;
\q2 ᓂᑭᒐᑕᐛᔨᑕᑯᓯᓐ ᒧᔭᒻ ᒋᔨᐛᐤ᙮
\q2 ᒐᔅᑎᓇᔅ ᒥᓯᐛ ᐊᐛᓐ ᒋᔅᒐᔨᑎᒻ ᒥᓯᐛ ᒐᒂᔪᐤ ᑲᐃᔅᒋᔄᔭᒄ᙮
\b
\q1
\v 4 ᒥᓯᐛ ᓂᐎᒐᐛᑭᓐᒡ ᓂ ‍ ᐅᓯᓇᑯᒡ ᐊᓄᒡ᙮
\q2 ᓂᒋ ‍ ᓂᑐᐛᔨᑎᒧᐛᐤ ᒋᓴᒪᓂᑐᐤ ᒐᒋ ᐎᒋᔨᑦ, ᑭᔭ ᓂᒋ ‍ ᐎᒋᔨᒄ᙮
\q1 ᓂ ‍ ᑯᐃᔅᑯᑕᑎᓯᓐ, ᒋᒋᐛ ᐊ ‍ ᒋᓴᒪᓂᑐᐛᔨᑕᑯᓯᑦ ᐃᔪᐤ, ᒥᒄ ᒥᓯᐛ ᐊᐛᓐ ᓂ ‍ ᐅᓯᓇᒄ᙮
\q1
\v 5 ᐊᓐᒡ ᐊᐛᓐᒋ ᒧᔭᒻ ᒋᔾ ᐊ ᐊᑲ ᐅᔅᑕᐱᔨᒡ ᓂᐛᐅᓯᓇᑯᒡ;
\q2 ᑐᑐᐛᐅᒡ ᐊᓂᔭ ᐊ ‍ ᐎᓯᒐᔨᑎᒥᔨᒋ ᐊᐛᔪᐛ ᒐᒋ ᐊᑎᑐᐤ ᐅᔅᑕᐱᔨᒋ᙮
\q1
\v 6 ᑲ ‍ ᓂᑕᐅᒋᒧᑎᒡ ᒋᔭᒪᔨᑎᒧᐅᓂᒡ ᐱᒪᑎᓯᐅᒡ,
\q2 ᑭᔭ ᓇᒪ ᐊᐛᓐ ᐅᒋ ᐃᑕᐤ ᒐᒋ ᐊᐧᑯᐊᑦ ᐊᐛᔪᐛ ᐊᓂᔭ ᑲ ‍ ᑐᑐᐛᔨᒋ ᒋᓴᒪᓂᑐᐛ ᒐᒋ ᒋᓱᐛᐱᔨᒋ;
\q2 ᐊᓂᔭ ᒋᓴᒪᓂᑐᐛ ᐊᔭᒥᐊᔅᑐᐛᒡ ᐊᐅᑯᔪᐤ ᐎᔨᐛᐤ ᑎᐱᔨᐛ ᐅᒥᔅᑯᓯᐅᓄᐛᐤ᙮
\b
\q1
\v 7 ᒥᒄ ᑯᒂᒋᒪᐧᑯᒡ ᑲ ‍ ᐊᒂᑎᓯᒡ ᐊᐛᓯᓯᒡ ᒐᒂᔪᐤ ᐊ ᐃᓯ ‍ ᒋᔅᒐᔨᒪᒡ ᒋᓴᒪᓂᑐᐛ,
\q2 ᑭᔭ ᒋ ‍ ᐃᔨᒥᒡ, ᒋᐸ ‍ ᒋᔅᑯᑎᒪᑯᐛᐅᒡ᙮
\q1 ᒋ ‍ ᑯᒂᒋᒪᑯᒡ ᐱᔭᓯᓯᒡ,
\q2 ᒋᐸ ‍ ᐎᑎᒪᑯᐛᐅᒡ᙮
\q1
\v 8 ᐃᔅᐱ ᒋ ‍ ᑯᒂᒋᒪᑯᒡ ᐊᐛᓯᓯᒡ ᑲᐱᐸᒧᑕᒋᒧᒡ ᒧᔅᑎᔅᑭᒥᒡ, ᑭᔭ ᒪᒃ ᓂᒪᓯᒡ ᐊᓐᑕ ᐎᓂᐸᑯᒡ,
\q2 ᒋᐸ ‍ ᐊᔨᒧᑎᒪᑯᐛᐅᒡ ᒋᓴᒪᓂᑐᐛ᙮
\q1
\v 9 ᒥᓯᐛ ᑕᑈ ᒋᔅᒐᔨᒪᐅᒡ ᒋᓴᒪᓂᑐᐛ ᐊᐅᒄ ᐊᓂᔭ ᑲ ‍ ᐅᓯᔨᑯᒡ ᐅᑎᑎᔨᒡ ᐅᒋ᙮
\q1
\v 10 ᐎᔾ ᒋᔅᒋᓄᑕᐊᐤ ᒥᓯᐛ ᐊᐛᓯᓴ ᑲ ‍ ᐱᒪᑎᓯᔨᒋ;
\q2 ᐎᔾ ᒥᔭᐤ ᔭᔭᐅᓂᔪᐤ ᒥᓯᐛ ᐊᐛᔪᐛ᙮
\q1
\v 11 ᑭᔭ ᐃᔅᐱ ᐸᑐᐛᒂᓐᒋ ᒐᒂᔪᐤ ᐊ ‍ ᐃᔅᒋᔄᒡ ᑯᑎᑭᒡ ᐊᐛᓐᒋ,
\q2 ᒋ ᒥᔪ ‍ ᒪᒥᑐᓇᔨᑎᒺᓇᓄᐤ ᒐᒂᔪᐤ ᐊ ‍ ᐃᔅᒋᔄᒡ ᒐᒋ ᐅᒋ ᒋᔅᒐᔨᑎᒪᐧᒄ ᒐᒂᓐ ᒪᔽᒡ ᑭᔭ ᒐᒂᓐ ᐊ ᐊᑲ ᒥᔽᒡ,
\q2 ᒧᔭᒻ ᐊᑯᔅᑎᒪᐧᒄ ᒥᒋᒻ ᒐᒋ ᐅᒋ ᒋᔅᒐᔨᑎᒪᐧᒄ ᑕᓐ ᐊᓐ ᒪᔽᒡ ᑭᔭ ᑕᓐ ᐊᓐ ᐊ ᐊᑲ ‍ ᒥᔽᒡ᙮
\q1
\v 12 ᒋᒋᐛ ᑭᒐᑕᐛᔨᑎᒧᒡ ᒋᓴᔪᐅᒡ,
\q2 ᑭᔭ ᐛᔅ ᒥᒐᑐᐤ ᐱᐳᓇ ᑲ ᐃᔅᐱᔅ ‍ ᐱᒪᑎᓯᒡ, ᒥᔅᑎ ᓂᔅᑐᑎᒧᒡ,
\q1
\v 13 ᒥᒄ ᑭᒐᑕᐛᔨᑕᑯᓯᐤ ᒋᓴᒪᓂᑐᐤ ᑭᔭ ᒋᒋᐛ ᓱᐧᑲᑎᓯᐤ;
\q2 ᐃᔭᐤ ᒥᔪ ‍ ᒋᔅᒐᔨᑎᒧᐅᓂᔪᐤ ᑭᔭ ᒥᓯᐛ ᒐᒂᔪᐤ ᓂᔅᑐᑎᒻ᙮
\q1
\v 14 ᓂᑕᐊᒐ ᒐᒂᔪᐤ, ᓇᒪ ᐊᐛᓐ ᑲᐤ ᒋᑭ ᒋ ‍ ᒋᒥᑕᐤ;
\q2 ᒋᐸᐛᒐ ᐊᐛᔪᐛ ᑲ ‍ ᒪᑭᓄᐛᓯᐅᒋᐛᐱᒡ, ᓇᒪ ᐊᐛᓐ ᒋᑭ ᒋ ‍ ᓴᓇᐤ ᔅᑐᐧᑭᓇ ᒐᒋ ᓇᐊᔨᒪᑦ ᐊᓂᔭ ᐊᐛᔪᐛ ᒐᒋ ᒋᑎᓯᒧᐎᔨᒋ᙮
\q1
\v 15 ᐃᔅᐱ ᑐᑕᒐ ᒐ ᐊᑲ ᒋ ᒋᒧᓂᔨᒡ, ᒥᓯᐛ ᒐᒂᔪᐤ ᐸᔅᑕᔪᐤ
\q2 ᐃᔅᐱ ᑐᑕᒐ ᒐᒋ ᒥᔅᑎ ‍ ᒋᒧᓂᔨᒡ, ᒋᑭ ‍ ᐃᔅᒋᐳᑕᔪᐤ᙮
\q1
\v 16 ᐎᔾ ᐊᓐ ᐊᐛᓐ ᒋᒋᐛ ᑲ ‍ᓱᐧᑲᑎᓯᑦ ᑭᔭ ᑲ ‍ ᑭᒐᑕᐛᔨᑕᑯᓯᑦ᙮
\q2 ᐎᔾ ᑎᐸᔨᒪᐤ ᐊᓂᔭ ᑲ ‍ ᐎᔭᓯᒧᔽᔨᒋ ᑭᔭ ᐊᓂᔭ ᑲᐎᔭᓯᒪᑭᓄᔨᒋ᙮
\q1
\v 17 ᑐᑐᐛᐤ ᒋᓴᐅᒋᒪᐛ ᐅᑦ ᐊᐱᒋᐊᑭᓂᔨᐛ ᒐ ᐊᑲ ᓴᔅ ᑭᒐᑕᐛᔨᑎᒥᔨᒋ,
\q2 ᑭᔭ ᑐᑐᐛᐤ ᑎᐸᔅᑭᓂᒐᓱᐛ ᒐᒋ ᒋᔎᐱᒪᑎᓯᔨᒋ᙮
\q1
\v 18 ᐅᑎᓂᒺᐤ ᐅᑦ ᐊᑯᐱᔪᐤ ᒐᔅᑭᒥᔨᒋ ᒋᓴᐅᒋᒪᐛ
\q2 ᑭᔭ ᐊᑯᐱᔪᐤ ᒐᒋ ᐅᐱᑲᑕᐅᑎᒥᔨᒋ ᐊᑐᑐᐛᑦ ᒐᒋ ᐊᐱᒋᐊᑭᓄᐎᔨᒋ᙮
\q1
\v 19 ᐅᑎᓂᒺᐤ ᐊᔭᒥᐊᐅᒋᒪᐛ ᑲ ‍ ᐸᔭᐧᑭᓂᔨᒋ ᐊᐱᒋᑕᐅᓇ ᒐᔅᑭᒥᔨᒋ, ᐊᑯ ᓇᒪ ᓴᔅ ᒋ ‍ ᑐᑎᒥᔨᐛ ᐅᑦ ᐊᑐᔅᒐᐅᓂᔨᐛ,
\q2 ᑭᔭ ᐅᑎᓂᒺᐤ ᓱᐧᑲᑎᓯᐅᓂᔪᐤ ᐊᓂᔭ ᑲ ‍ ᑎᐸᔨᒪᔨᒋ ᑯᑎᑲ ᐃᔪᐛ᙮
\q1
\v 20 ᑐᑐᐛᐤ ᑯᑎᑲ ᐊᓂᔭ ᐊᐛᔪᐛ ᑎᔭᑈᔭᔨᒪᔨᒋ ᒐ ᐊᑲ ᒋ ᐃᔨᒥᔨᒋ,
\q2 ᑭᔭ ᑐᑐᐛᐤ ᒋᓴᔪᐛ ᒐ ᐊᑲ ᓴᔅ ᐃᔭᔨᒋ ᒥᔪ ‍ ᓂᔅᑐᑎᒧᐅᓂᔪᐤ᙮
\q1
\v 21 ᑐᑐᐛᐤ ᐊᓂᔭ ᑲ ‍ ᑎᐸᔨᒋᒐᔨᒋ ᒐᒋ ᐛᐧᑲᑕᑭᓄᐎᔨᒋ,
\q2 ᑭᔭ ᑐᑐᐛᐤ ᐊᓂᔭ ᑲ ‍ ᓱᐧᑲᑎᓯᔨᒋ ᒐ ᐊᑲ ᓴᔅ ᐃᔭᔨᒋ ᓱᐧᑲᑎᓯᐅᓂᔪᐤ᙮
\q1
\v 22 ᑐᑎᒻ ᒐᒂᔪᐛ ᑲ ‍ ᑲᑕᑭᓄᐎᔨᒋ ᐅᓂᑎᐱᔅᒋᔅᒋᐅᓂᒡ ᒐᒋ ᒧᓴᔅᑕᔨᒋ᙮
\q1
\v 23 ᑐᑐᐛᐤ ᐱᔅᒐ ᐊ ‍ ᐃᑎᔅᑲᓇᓯᔨᒋ ᒐᒋ ᒋᒋᐛ ᓱᐧᑲᑎᓯᔨᒋ,
\q2 ᑭᔭ ᓇᓇᒐ ᒂ ‍ ᓂᓱᐅᓇᒋᐊᑦ;
\q1 ᑐᑎᒺᐤ ᐱᔅᒐ ᐊ ‍ ᐃᑎᔅᑲᓇᓯᔨᒋ ᐅᑦ ᐊᔅᒋᔪᐤ ᒐᒋ ᐊᑎᑐᐤ ᒥᓴᔨᒋ,
\q2 ᑭᔭ ᓇᓇᒐ ᒂ ‍ ᑐᑐᐛᑦ ᒐᒋ ᓴᐧᑯᒋᐊᑭᓂᐎᔨᒋ ᑭᔭ ᒥᒪᓐ ᒐ ‍ ᐃᑕᔨᒋ ᐅᑦ ᐃᔨᒥᔨᐛ᙮
\q1
\v 24 ᑐᑐᐛᐤ ᐱᔅᒐ ᑲ ‍ ᑎᐸᔨᒋᒐᔨᒋ ᒐᒋ ᒋᔎᐱᒪᑎᓯᔨᒋ,
\q2 ᐊᑯ ᑭᔭ ᒂ ‍ ᑐᑐᐛᑦ ᒐᒋ ᐱᐸᒥᐸᑕᔨᒋ, ᐊ ‍ ᐅᓂᓯᓂᔨᒋ ᐊᓐᑕ ᐊ ‍ ᒧᓱᐛᔨᒡ ᐸᐧᑯᑎᔅᑭᒥᑲᒡ᙮
\q1
\v 25 ᓇᓂᑐᒐᐅᒡ ᐊᓐᑕ ᐊ ‍ ᐊᒋᑲᔨᒡ, ᐊ ᐊᑲ ᓇᔅᒡ ᐛᔅᑐᐛᔨᒡ,
\q2 ᑭᔭ ᑐᑐᐛᐤ ᒐᒋ ᐛᐛᐱᔪᔨᒋ ᒧᔭᒻ ᑲᒋᔎᐸᔨᒋ᙮”
\c 13
\s1 ᒠᑉ ᐊᔅᒄ ᒋ ‍ ᓂᔎᐛᓯᔨᐛᐤ
\q1
\v 1 “ᓂᒋ ‍ ᐛᐸᑕᓐ ᒥᓯᐛ ᒐᒂᓐ ᑲ ‍ ᐛᐸᑎᒥᓐ,
\q2 ᑭᔭ ᓂᒋ ᐸᑕᓐ ᑭᔭ ᓂᔅᑐᑕᓐ ᐊᓐ ᑲ ‍ ᐃᔅᒋᔄᔨᓐ᙮
\q1
\v 2 ᐊᓐ ᒐᔅᒐᔨᑎᒥᓐ, ᓂᔾ ᑭᔭ ᓂ ‍ ᒋᔅᒐᔨᑕᓐ᙮
\q2 ᓇᒪ ᓂᑎ ‍ ᐃᔅᐱᔅ ᒋᔅᒐᔨᑕᓐ ᐊᔅᐱᔅ ᒋᔅᒐᔨᑎᒥᓐ᙮
\q1
\v 3 ᒥᒄ ᓂᐸ ‍ ᒥᔽᔨᑕᓐ ᒐᒋ ᐃᔨᒥᔨᒃ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ, ᓇᒥᔭᐤ ᒋᔾ;
\q2 ᓂᐸ ‍ ᒥᔽᔨᑕᓐ ᐎᔾ ᐛᐎᑎᒧᐅᒄ ᑭᔭ ᐛᐸᑎᔨᒄ ᐊ ᐊᑲ ᐅᒋ ᑐᑎᒪᓐ ᒐᒂᔪᐛ ᑲ ‍ ᒪᔭᑎᒋ᙮
\q1
\v 4 ᐊᑯ ᒋᔾ, ᓇᒪ ᒋ ‍ ᓇᔨᒪᐛᐅᒡ ᐊᐛᓐᒋ ᒐᒋ ᒋᔅᒐᔨᑕᒡ ᐊᑕᑈᒥᑯᐎᔭᓐ,
\q2 ᒧᔭᒻ ᐊᑯᓇᐊᐧᒃ ᐊ ᐊᑲ ᒥᔪᓇᑯᓂᔨᒡ ᐊᔅᑎᒥᑎᒡ ᒐ ᐊᑲ ᐃᔭᐱᑕᔨᑕᑯᓂᐎᔨᒡ᙮
\q1 ᒥᓯᐛ ᒧᔭᒻ ᓂᑐᐧᑯᐃᔨᓯᒡ ᒋᑦ ᐃᑕᔨᑕᑯᓯᓇᐛᐤ ᐊᒥᔭᑯᒡ ᐊᐛᓐᒋ ᐊ ᐊᑲ ᒥᔽᔨᒋ ᓂᑐᐧᑯᐅᓇ᙮
\q1
\v 5 ᑭᒪ ᐊ ᐊᑲ ‍ ᐸᑕᑯᓯᔭᒄ;
\q2 ᐊᐅᑯᓐ ᐊ ‍ ᑭᒐᑕᐛᔨᑕᒂᒡ ᒐᒂᓐ ᒋᐸ ᒋ ‍ ᑐᑕᓇᐛᐤ᙮
\q1
\v 6 ᓂᑐᑎᒥᒄ ᒐᒂᓐ ᒐ ‍ ᐃᑎᑎᑯᒡ ᐊᓄᒡ;
\q2 ᓂᑐᑎᒥᒄ ᒪᒂᒡ ᐊ ‍ ᐃᔅᒋᔄᔭᓐ ᐊᑕᑈᒥᑯᐎᔭᓐ᙮
\q1
\v 7 ᒋᑭᑭᒋᔭᐛᑕᒋᒥᓇᐛᐤ ᐊ ᒐᒋ ᐛᐸᑎᔨᐛᔭᒄ ᒥᒄ ᐊᑐᑐᐅᑦ ᒋᓴᒪᓂᑐᐤ ᒐᒋ ᐎᓯᒐᔨᑎᒧᒡ ?
\q2 ᒋᑦ ᐃᔅᒋᔄᓇᐛᐤ ᐊ ᒐᒂᓐ ᐊ ᐊᑲ ᑕᑈᒥᑲᒡ ᒐᒋ ᐎᒋᔨᑯᑦ ?
\q1
\v 8 ᒋ ᐎ ‍ ᒋᔅᐸᐛᑕᐛᐤ ᐊ ?
\q2 ᒋ ᐎ ‍ ᐛᐸᑎᔨᐛᓇᐛᐤ ᐊ ᐊᓐᑕ ᑲᐛᓯᔨᑐᓇᓄᐅᒡ ᐊ ‍ ᒥᔪᐛᑎᓯᑦ ?
\q1
\v 9 ᐃᔅᐱ ᒥᔪ ‍ ᒋᑕᐸᑕᒐ, ᒋᑭ ‍ ᒥᔅᑯᒻ ᐊ ᒥᓯᐛ ᒐᒂᔪᐤ ᑲ ‍ ᐃᑐᑎᒺᒃ ᐊ ᒥᔽᔨᒡ ?
\q2 ᑭᔭ ᒪᒃ ᒋᑭ ᒋ ‍ ᐎᔭᓯᒪᐛᐤ ᐊ, ᒧᔭᒻ ᐊ ᐃᓯ ‍ ᐎᔭᓯᒪᑯᒡ ᑯᑎᑭᒡ ᐊᐛᓐᒋ ?
\q1
\v 10 ᒋᒧᑦ ᐊ ‍ ᐃᔅᒋᔄᔭᒂ ᒐᒋ ᑐᑎᒪᒄ ᒐᒂᔪᐛ ᒐᒋ ᑐᑐᐛᒄ ᒋᓴᒪᓂᑐᐤ ᒐᒋ ᒥᔪ ᐃᑕᔨᒥᑕᒄ,
\q2 ᒋᒋᐛ ᑕᑈ ᒋᑭ ‍ ᐊᓏᔨᒥᑯᐛᐤ᙮
\q1
\v 11 ᒋᔅᑎᓇᔅ ᒋᑭ ‍ ᑐᑕᑯᐛᐤ ᒐᒋ ᓴᒋᔨᑯᐛᒄ ᐅᓱᐧᑲᑎᓯᐅᓐ;
\q2 ᒋᒋᐛ ᓇᔅᒡ ᒋᑭ ‍ ᑯᔅᑕᒋᓇᐛᐤ᙮
\q1
\v 12 ᓇᒪ ᐊᐱᑎᓇ ᐊᓂᔭ ᒐᒂᔪᐛ ᐊ ‍ ᐃᔅᒋᔄᔭᒄ ᒧᔭᒻ ᐱᐧᑯᑕᐤ;
\q2 ᓇᒪ ᐊᐱᑎᓐ ᐃᔅᐱᔅ ᐊᓯᔅᒍᐤ ᐊᓐ ᒐᒂᓐ ᐊ ‍ ᐃᔅᒋᔄᔭᒄ ᒐᒋ ᒋᔅᐸᐛᑎᒪᒄ ᐊ ‍ ᐃᑕᔨᑎᒪᒄ᙮
\b
\q1
\v 13 ᐊᑯ, ᒋᒺᒄ ᑭᔭ ᓇᐊᔨᒥᒄ ᒐᒋ ᐃᔨᒥᔭᓐ,
\q2 ᐊᑯ ᑭᔭ ᓇᒪ ᒋᑭ ᒋ ‍ ᐊᐱᑕᔨᑕᑯᓐ ᐊᓐ ᒐᒂᓐ ᒐ ‍ ᐃᔅᐱᔨᔭᓐ᙮
\q1
\v 14 ᓂᑦ ᐊᔭᔅᑯᐎᔨᓐ ᒐᒋ ᒧᓯᑕᔭᓐ ᒥᒄ ᒐᒂᓐ;
\q2 ᐃᔭᐱᒡ ᓂᓇᐊᔨᑕᓐ ᒐᒋ ᓂᐸᐃᑯᐅᔭᓐ ᐊᓐ ᒐᒂᓐ ᒐ ‍ ᐃᔅᒋᔄᔭᓐ᙮
\q1
\v 15 ᓂᐸᐃᒐ ᒋᓴᒪᓂᑐᐤ, ᐊᑯ ᓇᒪ ᒋᑭ ‍ ᐃᑕᐤ ᐊᐛᓐ ᒐᒋ ᐸᓱᐛᔨᒥᒃ ᒐᒋ ᐎᒋᔨᑦ,
\q2 ᒥᒄ ᓂᑭ ‍ ᒋᔅᐸᐛᑕᓐ ᓂᑦ ᐃᑕᔨᑕᑯᓱᐅᓐ ᐅᑎᔅᑯᐤ ᐊ ‍ ᐃᑕᑦ᙮
\q1
\v 16 ᓇᒪ ᐃᑕᐤ ᒥᒋ ‍ ᐃᔪᐤ ᒐᒋ ᑯᒂᒋᑕᑦ ᒐᒋ ᓂᐳᐅᑦ ᐅᑎᔅᑯᐤ ᒋᓴᒪᓂᑐᐛ ᐊ ‍ ᐃᑕᔨᒋ,
\q1 ᐛᔅ ᓂᑦ ᐃᔅᒋᔄᓐ ᐊ ᐊᑲ ᐅᒋ ᑐᑎᒪᓐ ᐊ ‍ ᒪᔭᑎᒡ ᒐᒂᓐ,
\q2 ᒂᔄᓐ, ᒋ ‍ ᐛᐸᑎᔨᒄ ᐊᓂᔭ ᒋᓴᒪᓂᑐᐤ, ᓂᑭ ‍ ᐱᒪᒋᔨᒄ᙮”
\q1 ᒠᑉ ᑯᒂᒋᒪᐤ ᒋᓴᒪᓂᑐᐛ ᒐᒋ ᐎᑎᒪᑯᑦ ᒐᒂᔪᐤ ᐊ ᐃᓯ ‍ ᑕᒪᔨᑭᓄᐅᑦ
\q1
\v 17 “ᒋᓴᒪᓂᑐᐤ, ᒥᔪ ‍ ᓂᑐᑕ ᒐᒂᓐ ᐊ ‍ ᐃᔅᒋᔄᔭᓐ᙮
\q1
\v 18 ᓂᑦ ᐊᔭᔅᑯᐎᔨᓐ ᒐᒋ ᐛᐸᑎᔨᑕᓐ ᐊ ‍ ᒥᔪᐛᑎᓯᔭᓐ,
\q2 ᑭᔭ ᓂ ‍ ᒋᔅᒐᔨᑕᓐ ᐃᔭᐱᒡ ᒐ ‍ ᐃᔅᒋᔄᔨᓐ ᐊ ᐊᑲ ‍ ᒥᒐᑎᓯᔭᓐ᙮
\q1
\v 19 ᒐᔅᑎᓇᔅ ᓇᒪ ᓂᑦ ᐃᑕᔨᑕᓐ ᒋᔾ ᑭᔭ ᒪᒃ ᑯᑎᒃ ᐊᐛᓐ ᒐᒋ ᐃᔅᒋᔄᑦ ᐊ ᐊᑲ ᑕᑈᒥᑭᓂᔨᒡ ᒐᒂᔪᐤ ᐊ ‍ ᐃᔅᒋᔄᐅᒡ;
\q2 ᑐᑕᐧᒃ ᐊᓂᔭ ᐊᐛᓐ, ᓂᐸ ‍ ᒋᒺᓐ ᑭᔭ ᓂᐸ ‍ ᐳᓂᐱᒪᑎᓯᓐ᙮
\b
\q1
\v 20 ᒋ ‍ ᓂᑐᐛᔨᑎᒪᑎᓐ ᒐᒋ ᐃᑐᑎᒧᐎᔨᓐ ᓂᓱ ᒐᒂᔪᐛ;
\q2 ᑐᑎᒥᓇ ᐅᔭ, ᓇᒪ ᒋᑭ ‍ ᑲᓱᔅᑕᑎᓐ᙮
\q1
\v 21 ᒐᒋ ᐳᓂᔨᓐ ᐊᔭᓏᔨᒥᔨᓐ ᐊᐅᒄ ᓂᔅᑎᒻ ᒐᒂᓐ ᓇᑐᐛᔨᑎᒪᑕᓐ;
\q2 ᑭᔭ ᒐ ‍ ᐳᓂᔨᓐ ᐊᑐᑐᐎᔨᓐ ᒐᒋ ᒋᒋᐛ ᓴᒋᓯᔭᓐ᙮
\q1
\v 22 ᒋᔾ ᐅᔅᑭᒡ ᐃᔨᒥ ᐊᑯ ᑭᔭ ᒐ ‍ ᓂᔎᐛᓯᔨᑕᓐ;
\q2 ᑭᔭ ᒪᒃ ᓇᐊᔨᒥ ᐅᔅᑭᒡ ᒐᒋ ᐃᔨᒥᔭᓐ, ᐊᑯ ᑭᔭ ᒐ ‍ ᓂᔎᐛᓯᔨᓐ᙮
\q1
\v 23 ᒐᒂᓐ ᑲ ᒥᒋ ‍ ᑐᑎᒪᓐ ᐊᓐ ᒐᒂᓐ ᑲ ‍ ᐃᑐᑎᒪᓐ ? ᒐᒄ ᒥᒋᑐᑎᒧᐅᓇ ᑲ ‍ ᐃᑐᑎᒪᓐ ?
\q2 ᐛᐸᑎᔨ ᑕᓐ ᑲ ᐃᓯ ᐊ ᐊᑲ ‍ ᓂᓇᐃᑕᑕᓐ᙮
\q1
\v 24 ᒐᒂᓐ ᐛᒋ ‍ ᓂᑭᓯᔨᓐ ?
\q2 ᒐᒂᓐ ᐛᒋ ‍ ᐃᑕᔨᒥᔨᓐ ᐊ ‍ ᐱᒂᑎᑕᓐ ?
\q1
\v 25 ᓂᔾ ᐅ ᓂᐱᔾ ᑲᐛᐸᔅᑎᒧᑯᔭᓐ ᐊᔪᑎᒡ;
\q2 ᒐᒂᓐ ᐛᒋ ᐎ ‍ ᑐᑐᐎᔨᓐ ᒐᒋ ᑯᔅᑕᒋᔭᓐ ?
\q1 ᒐᒂᓐ ᐛᒋ ‍ ᐱᐸᒥᓇᓴᐎᔨᓐ ?
\q2 ᓇᒪ ᓂᑦ ᐊᐱᑎᓯᓐ ᐊ, ᓇᒪ ᒐᒂᓂᒡ ᐃᑕᔨᑕᑯᓯᔭᓐ ᐃᔅᐱᔅ ᑲ ‍ ᐸᔅᑕᒋ ᒥᔅᑯᓱᒥᔅᑎᑯᓴ ?
\q1
\v 26 ᒧᔭᒻ ᐊ ‍ ᒥᓯᓇᑕᐊᒥᓐ ᒐᒂᔪᐛ ᒐ ᐃᓯ ‍ ᐊᑕᒪᔨᒥᔨᓐ ᐊᒋ ᒥᒋᑐᑎᒪᓐ,
\q2 ᐊᑎ ‍ ᐊᒋᔅᒋᑎᒥᓐ ᑲ ‍ ᑐᑎᒪᓐ ᒥᒋ ‍ ᒐᒂᓇ ᐊᐛᓯᐅᐎᔭᓐ᙮
\q1
\v 27 ᒧᔭᒻ ᐊᒋ ᒪᑯᐱᑎᒥᓐ ᓂᓯᑕ ᐃᔄᒂᔭᐱᒡ ᒐᒋ ᑯᔅᑎᔨᓐ ᒐᒋ ᐱᒧᑕᔭᓐ,
\q2 ᑭᔭ ᒋ ‍ ᑭᓄᐛᐱᒥᓐ ᐊᐱᐸᒧᑕᔭᓂ;
\q2 ᒧᔭᒻ ᓇᔅᒡ ᒥᒋᒪ ᐊᒋᑕᐸᑎᒥᓐ ᐊ ‍ ᒥᔭᓂᔅᑭᒪᓐ ᒐᒋ ᐛᐸᑎᒥᓐ ᑕᓐᑕ ‍ ᑲ ‍ ᐃᑐᑕᔭᓐ᙮
\q1
\v 28 ᐊᓐ ᐅᒋ, ᒪᒋᐱᔪᐤ ᓂᔪᐤ ᒧᔭᒻ ᐊᔭᔪᓯᑦ ᒥᔅᑎᒄ,
\q2 ᒧᔭᒻ ᐱᒍᐎᔭᓐ ᒥᓂᑐᓯᒡ ᐊ ‍ ᒥᒋᒡ᙮”
\c 14
\s1 ᒠᑉ ᓂᑐᑎᒧᐛᐤ ᒋᓴᒪᓂᑐᐛ
\q1
\v 1 “ᓂᔭᓐ ᐃᔪᒡ ᒋᒋᐛ ᓂᓴᐅᓯᓇᓐ᙮
\q2 ᒥᒄ ᐛᔨᐱᓯᒡ ᓂᐱᒪᑎᓯᓇᓐ, ᑭᔭ ᒥᔅᑎ ᓂ ‍ ᐛᐸᑕᓇ ᐅᔅᑕᐱᔪᐅᓐ᙮
\q1
\v 2 ᒋᔅᑎᑉ ᓇᒪ ᓂ ‍ ᓄᑯᓯᓇᓐ, ᒧᔭᒻ ᐛᐱᑯᓇ ᒋᔅᑎᑉ ᐊᓂᑕᐅᒋᒋ ᒧᔅᑎᔅᑭᒥᒡ ᐅᒋ ᑭᔭ ᐱᔭᔅᑕᒋ ᑭᔭ ᓇᐱᒥᑲᒋ᙮
\q2 ᒧᔭᒻ ᑎᑲᔅᑕᓯᓄᐅᓐ ᐊ ‍ ᐸᓯᑯᓇᒂᒡ ᐃᔅᐱ ᐊᑲ ᒋᐧᑲᔭᔅᑐᐛᒋ ᐱᓯᒻ ᓂᑦ ᐃᓯᓇᑯᓯᓇᓐ᙮
\q1
\v 3 ᒐᒂᓐ ᐛᒋ ‍ ᓇᓇᑭᒋᔨᓐ ᒐᒋ ᐛᐸᑎᒥᓐ ᒐᒋ ᒥᒋᑐᑎᒧᐛᓇ ?
\q2 ᒋ ᐎ ‍ ᐃᑐᑕᔨᓐ ᐊ ᑲᐛᓯᔨᑐᓇᓄᐅᒡ ᒐᒋ ᑎᐸᔅᑯᓂᔨᓐ ?
\q1
\v 4 ᒥᒋᑐᑎᒧ ᐃᔪᐅᒡ ᐊᐛᓐᒋ ᐃᔅᐱ ᑲ ‍ ᐃᔪᑥᐎ ᐅᒋ;
\q2 ᐊᐛᓐ ᒋᐸ ᒋ ‍ ᑐᑐᐛᐤ ᒐ ᐊᑲ ‍ ᐅᒥᒋᑐᑎᒧᐅᓂᔨᒋ ? ᓇᒪ ᐊᐛᓐ!
\q1
\v 5 ᒋᒋ ‍ ᐎᔭᔨᑕᓐ ᑕᓐ ᒐ ᐃᔅᐱᔅ ‍ ᒋᓏᒋ ᓂᐱᒪᑎᓯᐅᓇᓇ᙮
\q2 ᒋᒋ ‍ ᐎᔭᔨᑕᓐ ᑕᓐ ᑕᑐᐤ ᐱᓯᒺ ᒐ ᐃᔅᐱᔅ ‍ ᐃᔪᐅᔭᒡ,
\q2 ᑭᔭ ᓇᒪ ᐅᑎᑐᐤ ᐱᓯᒺ ᓂᒋ ‍ ᐱᒪᑎᓯᓇᓐ ᐃᔅᐱᔅ ᐊᓂᔭ ᑕᑐᐤ ᐱᓯᒺ ᑲ ‍ ᐎᔭᔨᑎᒥᓐ᙮
\q1
\v 6 ᐊᑯ ᓂᑲᐎ ᐊᔅᐱᔅ ᓇᓂᑐᔅᒐᔨᒥᔭᒡ, ᑭᔭ ᐳᓂᔨᓇᓐ,
\q2 ᐸᑎᒪ ᒋᒋᓯᑕᔭᒐ ᓂᒋᓯᑲᒥᓇᓇ ᐅᑕ ᐊᔅᒋᒡ, ᒧᔭᒻ ᓇᐸᐤ ᐊ ᒋᓯᑕᑦ ᐅᑦ ᐊᑐᔅᒐᐅᓐ ᐊ ᐃᔎ ‍ ᒋᓯᑲᔨᒋ᙮”
\s1 ᒠᑉ ᑲ ‍ ᐃᔅᒋᔄᑦ ᒥᓯᐛ ᒋ ‍ ᐳᓂᐱᒪᑎᓯᓇᓄᐤ᙮
\q1
\v 7 ᓇᑥᒂᐛᒐ ᐊᐛᓐ ᒥᔅᑎᒂ,
\q2 ᒋᑦ ᐊᔅᐸᔨᒧᓇᓄᐤ ᒥᓐ ᒐᒋ ᐅᔅᒋ ᓂᑕᐅᒋᑦ ᑭᔭ ᓂᑕᐅᒋᔭᑦ ᐅᔅᒋ ᓯᑕᐧᑯᓇ᙮
\q1
\v 8 ᒋᒋᐛ ᒋᐸ ᒋᓴᔪᓇᑯᓂᔨᐛ ᐅᑎᐱᔭ ᐊᓐᑕ ᒧᔅᑎᔅᑭᒥᒡ,
\q2 ᑭᔭ ᒋᐸ ᒪᒋᐱᔪᐤ ᐅᒋᒪᐃᔅᑲᓐ᙮
\q1
\v 9 ᒥᒄ ᐸᒋᑎᒡ ᐱᔅᒐ ᓂᐱᔾ ᐊᓐᑕ ᐃᓯ,
\q2 ᒋᐸ ᐅᔅᒋ ᓂᑕᐅᒍᐤ ᑭᔭ ᒋᐸ ᓂᑕᐅᒍᐅᒡ ᓯᑕᐧᑯᓐᒡ ᒧᔭᒻ ᓂᑕᐅᒋᑕᑭᓐ᙮
\q1
\v 10 ᒥᒄ ᐃᔅᐱ ᐅᓂᑕᑥᐛ ᐊᐛᓐᒋ ᐅ ᒥᔅᑯᓯᐅᓄᐛᐤ ᑭᔭ ᐳᓂᐱᒪᑎᓯᑥᐛ,
\q2 ᓂᑲᐱᔪᐤ ᐊᔭᔭᔭᐧᒄ ᐊᑯ ᑭᔭ ᓇᒪ ᒋᑦ ᐃᑕᓇᓄᐤ᙮
\q1
\v 11 ᒧᔭᒻ ᐊ ᐊᑲ ‍ ᑎᒂᒋ ᓂᐱᔾ ᐊᓐᑕ ᐎᓂᐸᑯᒡ,
\q2 ᑭᔭ ᒪᒃ ᐊᐸᔅᑕᒡ ᒧᔅᑎᔅᑭᒥᒡ ᓯᐱᓯᒡ,
\q1
\v 12 ᐱᒥᓯᓐᒡ ᐊᐛᓐᒋ ᑭᔭ ᐳᓂᐱᒪᑎᓯᒡ ᑭᔭ ᓇᒪ ᒥᓐ ᐅᓂᐅᒡ,
\q1 ᐸᑎᒪ ᒋ ‍ ᐸᓯᑯᓇᑯᓂᔨᑥᐛ ᒋᓯᒂ,
\q2 ᓇᒪ ᐅᓂᐅᒡ ᐊᓐᒡ ᐊᐛᓐᒋ ᑲ ᐳᓂᐱᒪᑎᓯᒡ,
\q2 ᑭᔭ ᓇᒪ ᐊᐛᓐ ᒋᑭ ᒋ ‍ ᐸᑯᓇᐤ
\b
\q1
\v 13 ᒋᓴᒪᓂᑐᐤ, ᑭᒪ ᑲᔨᓐ ᐊᓐᑕ ᑲ ‍ ᐳᓂᐱᒪᑎᓯᒡ ᐅᑦ ᐃᑕᐅᓄᐛᒡ ᑭᔭ ᐅᓂᒋᔅᒋᑐᐎᔨᓐ
\q2 ᐸᑎᒪ ᒋ ᐳᓂ ‍ ᒋᓱᐛᐱᔅᑐᐎᔨᓇ᙮
\q1 ᑭᔭ ᐎᔭᔨᑎᒥᓐ ᑕᓐ ᒐ ᐃᔅᐱᔅ ᐃᑕᔭᓐ ᐊᓐᑕ,
\q2 ᑭᔭ ᒐᒄ ᒋᔅᒋᔨᓐ ᐊ ‍ ᐃᑕᔭᓐ ᐊᓐᑕ᙮
\q1
\v 14 ᐃᔅᐱ ᐳᓂᐱᒪᑎᓯᔭᒐ ᓂᔭᓐ ᐃᔪᒡ, ᒐᔅᑎᓇᔅ ᓇᒪ ᒥᓐ ᓂᑭ ᒋ ‍ ᐱᒪᑎᓯᓇᓐ᙮
\q2 ᐃᔅᐱ ᒋᔅᒐᔨᑎᒪᓇᒂ ᒥᓐ ᒐᒋ ᐱᒪᑎᓯᔭᒡ, ᓯᐱᔨᐛᓱᓂᒡ ᓂᐸ ‍ ᐊᓯᓂᐛᓯᓐ,
\q2 ᑭᔭ ᒋᐸ ᐊᓯᓂᐛᐱᒥᑎᓐ ᒐᒋ ᐱᒋᑎᓂᔨᓐ ᓂᐎᓯᒐᔨᑎᒧᐅᓂᒡ ᐅᒋ᙮
\q1
\v 15 ᒋᐸ ᑕᑈᓯᓐ, ᑭᔭ ᒋᐸ ᓂᔎᐛᓯᔨᑎᓐ᙮
\q2 ᒋᐸ ᐱᒂᔨᑕᓐ ᒐᒋ ᐛᐱᒥᔨᓐ, ᐊᓐ ᐸᐃᒄ ᐊᐛᓯᔅ ᑲ ‍ ᐅᓯᔨᑦ᙮
\q1
\v 16 ᒋᑭ ‍ ᑭᓄᐛᔨᒥᓐ,
\q2 ᒥᔅᑯᒡ ᐊᑭᓄᐛᐱᒥᔨᓐ ᒐᒋ ᒥᒋᑐᑎᒪᓐ᙮
\q1
\v 17 ᒧᔭᒻ ᑲ ‍ ᒥᓯᓇᑕᔨᑭᓄᐅᒋ ᓂᒥᒋᑥᐅᓇ ᐊ ‍ ᐊᑎᓴᑲᔨᑭᓄᐎᒋ ᐊᓐᑕ ᐊᐱᓴᔅ ᒥᐅᑎᒡ ᐃᓯᓇᑯᓐ,
\q2 ᑭᔭ ᓇᒪ ᒋᐸ ᐅᒋ ᐊᑯᐛᐊᓐ᙮
\b
\q1
\v 18 ᒥᒄ, ᒧᔭᒻ ᐱᔅᑯᑎᓇᐛ ᐊᐱᓂᐱᔨᒋ ᑭᔭ ᐊᓯᓂᔭ ᐊᐸᒋᑎᒋ ᐊᒋᔅᒐᑲᒡ ᐅᒋ,
\q1
\v 19 ᑭᔭ ᒧᔭᒻ ᓂᐱᔾ ᐊ ‍ ᒪᒋᐱᔨᑕᑦ ᐊᓯᓂᔭ, ᑭᔭ ᒧᔭᒻ ᐊᒪᔅᑕᐸᐛᒡ ᐊᔅᒋᔾ ᐊ ‍ ᐃᔅᒋᐸᒡ ᐅᒋ,
\q2 ᒋ ‍ ᓂᓱᐅᓇᒋᐃᓇᓐ; ᓇᒪ ᒋ ‍ ᓇᐊᔨᒥᓇᓐ ᒐᒋ ᐸᓱᐛᔨᑎᒪᒡ ᒐᒋ ᐊᔅᒄ ᐱᒪᑎᓯᔭᒡ᙮
\q1
\v 20 ᓇᓂᑎᒻ ᒋ ‍ ᓴᐧᑯᒋᔨᓇᓐ, ᐊᑯ ᒂ ‍ ᐳᓂᐱᒪᑎᓯᔭᒡ᙮
\q2 ᒋ ‍ ᑐᑕᓐ ᓂᑕᔅᑎᒥᑯᓇᓇ ᒐᒋ ᒥᒋᓇᒂᒋ ᑲᒋ ᐳᓂᐱᒪᑎᓯᔭᒋ,
\q2 ᒂ ‍ ᐃᑲᑎᓴᐅᔭᒡ᙮
\q1
\v 21 ᐃᔅᐱ ᐳᓂᐱᒪᑎᓯᔭᒐ, ᓇᒪ ᓂ ‍ ᒋᔅᒐᔨᒪᓇᓐᒡ ᒐ ‍ ᐅᐱᒋᐛᐛᒂ ᓂᑦ ᐊᐛᓯᒥᓇᓐᒡ ᑭᔭ ᑐᑕᒡ ᒐᒂᔪᐤ ᒐᒋ ᐅᒋ ᒋᔅᑕᔨᒪᑭᓄᐅᒡ᙮
\q2 ᑭᔭ ᒐ ᐊᑲ ‍ ᒋᔅᑕᔨᒪᑭᓄᐅᒂᓐᒋ᙮
\q1
\v 22 ᓂᑭ ‍ ᒧᓯᑕᓇᓐ ᐛᒋᒡ ᓂᐎᓯᒐᔨᑎᒧᐅᓇᓇ, ᓇᒪ ᑯᑎᒃ ᒐᒂᓐ ᓂᑭ ‍ ᒧᓯᑕᓇᓐ;
\q2 ᓂᑭ ‍ ᒋᔅᑎᒪᒐᔨᒥᓱᓇᓐ, ᓇᒪ ᑯᑎᒃ ᐊᐛᓐ᙮”
\c 15
\s1 ᐃᓕᐸᔅ ᒥᓐ ᐊᓏᔨᒪᐤ ᒠᐸ
\p
\v 1 ᐊᑯ ᐃᓕᐸᔅ ᐊᑕᑦ ᒠᐸ:
\v 2 “ᒋᒋᐛ ᑕᑈ ᑲᒐᑕᐛᔨᑎᒧᐅᓇ, ᐊᑐᒡ ᒋᒋ ‍ ᓂᔎᐛᓯᔨᓇᓇᐱᓐ ᐊ ‍ ᐃᔅᒋᔄᔨᓐ ᒋᒋᐛ ᐊ ᒥᔅᑎ ‍ ᒋᔅᒐᔨᑎᒥᓐ᙮
\q2 ᒥᒄ ᒋᔭᒻ ᐊᒋᓯᑕᒡ ᔭᔭᐅᓐ ᐃᓯᓇᑯᓐ ᐊᓐ ᒐᒂᓐ ᐊ ‍ ᐃᔅᒋᔄᔨᓐ᙮
\q1
\v 3 ᐊᑐᒡ ᒋᒋ ‍ ᐃᔅᒋᔄᓐ ᒐᒂᓐ ᐊ ᐊᑲ ᓇᔅᒡ ᐎᒋᔨᑯᑦ ᐊᐛᓐ,
\q2 ᐊ ‍ ᐊᐱᒋᑕᔨᓐ ᐃᔨᒧᐅᓇ ᐊ ᐊᑲ ᓇᔅᒡ ᐎᒋᔪᐛᒥᑲᒡ᙮
\b
\q1
\v 4 ᐊᓐ ᒐᒂᓐ ᐊ ‍ ᐃᔅᒋᔄᔨᓐ, ᒋ ‍ ᐛᐸᑎᔨᐛᓐ ᐊ ᐊᑲ ᒋᔅᑕᔨᒥᑦ ᒋᓴᒪᓂᑐᐤ,
\q2 ᑭᔭ ᒋᑯᔅᑎᔭᐅᒡ ᐃᔪᒡ ᒐᒋ ᑕᑈᐛᒐᔨᒪᒡ ᒋᓴᒪᓂᑐᐛ᙮
\q1
\v 5 ᒧᔭᒻ ᐊ ‍ ᐃᑎᑯᐎᔨᓐ ᒋᒥᒋᑥᐅᓇ ᒐᒂᓐ ᒐ ‍ ᐃᔅᒋᔄᔨᓐ ᐃᓯᓇᑯᓐ;
\q2 ᒧᔭᒻ ᐊᐛᓐᒋ ᐊ ᐊᑲ ᐎᐎᑕᒡ ᐊ ᒥᒋ ᐃᔪᐅᒡ ᐊᐅᑯᓐ ᐊ ᐃᓯ ‍ ᐃᔨᒥᔨᓐ᙮
\q1
\v 6 ᒥᓯᐛ ᒐᒂᓐ ᐊ ‍ ᐃᔅᒋᔄᔨᓐ ᐛᐸᑎᔨᐛᒥᑭᓐ ᐊᓐ ᒐᒋ ᐊᓏᔨᒧᑯᐎᔨᓐ;
\q2 ᐊᑯ, ᓇᒪ ᓂᑐᐛᔨᑕᑯᓐ ᓂᔾ ᒐᒋ ᐛᐸᑎᔨᐛᔭᓐ᙮
\b
\q1
\v 7 ᐎᑎᒧᐎ, ᐊᑎᑐᐤ ᐊ ᒋᔅᒐᔨᑕᓐ ᐃᔅᐱᔅ ᒥᓯᐛ ᐊᐛᓐ ᐛᔅ ᐊ ‍ ᐃᑕᔨᑎᒥᓐ ᒋᔾ ᐅᔅᑭᒡ ᐊᒋ ‍ ᐃᔪᐎᔨᓐ ?
\q2 ᒋᒋ ‍ ᐃᔪᐅᓐ ᐊ ᐊᒺᔭ ᐅᒋ ᐅᓯᑕᑭᓄᐅᒋ ᐱᔅᑯᑎᓇᓴ ?
\q1
\v 8 ᒋᒋ ‍ ᓂᑐᑐᐛᐤ ᐊ ᐃᔅᐱ ᑕᓐ ᑲ ᐃᓯ ‍ ᐛᓯᐸᔨᑕᐧᒃ᙮
\q2 ᑭᔭ ᒪᒃ ᒋᑦ ᐃᑕᔨᑕᓐ ᐊ ᒋᔾ ᒥᒄ ᐊ ‍ ᑭᒐᑕᐛᔨᑎᒥᓐ ?
\q1
\v 9 ᒐᒂᓐ ᐊᓐ ᒐᔅᒐᔨᑎᒥᓐ ᐊ ᐊᑲ ᓂᔭᓐ ᒋᔅᒐᔨᑎᒪᒡ ?
\q2 ᓇᒪ ᒋᓂᔅᑐᑕᓐ ᒐᒂᓐ ᐊ ᐊᑲ ᒥᔪ ‍ ᓂᔅᑐᑎᒪᒡ᙮
\q1
\v 10 ᓂᐎᒐᐛᑭᓐᒡ ᑭᔭ ᓂᔾ ᓂᑭᒐᑕᐛᔨᑕᑯᓯᓇᓐ;
\q2 ᐊ ‍ ᒋᓴᐃᔪᐅᒡ ᐊᐛᐱᔅᑎᒂᓇᒡ ᐊᐛᓐᒋ ᓂᒋ ‍ ᐅᑎᓇᓇᓐ ᑭᒐᑕᐛᔨᑎᒧᐅᓐ,
\q2 ᐊᓐᒡ ᐊᐛᓐᒋ ᑲ ᐃᔪᐅᒡ ᐊᒺᔭ ᐅᒋ ᐃᔪᐅᑦ ᒍᑕᐎᔾ᙮
\q1
\v 11 ᒋ ᐎ ‍ ᒥᔽᔨᒧᐎᔨᒄ ᒋᓴᒪᓂᑐᐤ,
\q1 ᑭᔭ ᐸᑎᐧᑲᒡ ᒐᒋ ᐃᔨᒥᔨᔅᒃ;
\q2 ᐊᑎᑐᐤ ᐊ ᒋᓂᑐᐛᔨᑕᓐ ᐃᔅᐱᔅ ᐊᓐ ?
\q1
\v 12 ᒐᒂᓐ ᐛᒋ ‍ ᐃᑎᒪᒋᐅᔭᒄ ᐊᒂᑕᔨᑎᒪᒄ ?
\q2 ᒐᒂᓐ ᐛᒋ ‍ᒋᒋᐛ ᒋᔄᐱᔭᒄ ᐊᑐᑕᑯᔭᒄ ᒐᒋ ᓯᓯᐎᐧᑲᐱᔭᒄ ?
\q1
\v 13 ᒋ ‍ ᒋᔄᐱᔅᑐᐛᐤ ᒋᓴᒪᓂᑐᐤ,
\q2 ᐊᑯ ᑭᔭ ᐃᔭᓏᔨᒥᑦ᙮
\b
\q1
\v 14 ᓇᒪ ᐊᐛᓐ ᐃᑕᐤ ᐊᓯᒡ ᒋᔾ ᐊ ᐊᑲ ᓇᔅᒡ ᐅᒥᒋᑥᐅᓂᑦ᙮
\q2 ᓇᒪ ᐃᑕᐤ ᐊᐛᓐ ᐅᑕ ᐊᔅᒋᒡ ᓇᔅᒡ ᒐᒋ ᑯᐃᔅᑯᑕᓯᑦ᙮
\q1
\v 15 ᓇᒪ ᐛᐛᒡ ᑕᑈᐛᒐᔨᒪᐤ ᒋᓴᒪᓂᑐᐤ ᐅᑦ ᐊᓐᒋᓂᒪ;
\q2 ᓇᒪ ᐛᐛᒡ ᐃᑕᔨᒪᐤ ᓇᔅᒡ ᐊᐸᔭᒋᓯᔨᒋ᙮
\q1
\v 16 ᐊᑯ, ᓇᔅᒡ ᑕᑈ ᓇᒪ ᑕᑈᐛᒐᔨᒪᐤ ᐊ ‍ ᒪᔭᑎᓯᔨᒋ ᑭᔭ ᐊᓂᓱᑕᑎᓯᐛᔨᒋ ᐊᐛᔪᐛ
\q2 ᐊ ‍ ᒥᒋᑐᑎᒥᔨᒋ ᒧᔭᒻ ᐊ ᐃᓯ ‍ ᐛᑎᓂᔨᒡ ᐊ ‍ ᒥᓂᔨᒋ ᓂᐱᔪᐤ᙮
\b
\q1
\v 17 ᒠᑉ, ᓂᑐᑐᐎ ᒐᒂᓐ ᐛᑎᒪᑕᓐ᙮
\q2 ᒋᑭ ‍ ᐎᑎᒪᑎᓐ ᒐᒂᓐ ᒐᔅᒐᔨᑎᒪᓐ,
\q1
\v 18 ᐊᓂᔭ ᒐᒂᓇ ᑲ ‍ ᐎᑎᒧᐅᒡ ᑲᑭᒐᑕᐛᔨᑕᒡ,
\q2 ᑕᑈᐅᓇ ᐊ ᐊᑲ ᐅᒋ ᑲᑕᔨᒋ ᐅᑦ ᐊᓂᔅᑯᑕᐸᓄᐛᐛ᙮
\q1
\v 19 ᒋᒥᔭᐤ ᒋᓴᒪᓂᑐᐤ ᐊᓂᔭ ᐊᓂᔅᑯᑕᐸᓇ ᐅᔭ ᐊᔅᒋᔪᐤ, ᐊᓂᔭ ᑕᑈ ᑲᑭᒐᑕᐛᔨᑎᒥᔨᒋ;
\q2 ᓇᒪ ᐊᐛᓐ ᑯᑎᒃ ᐊᔅᒋᒡ ᐅᒋ ᐅᒋᑐᑐᐛᐤ ᒐᒋ ᒥᒋᒪᒥᑐᓇᔨᑎᒥᔨᒋ᙮
\q1
\v 20 ᐊᐅᑯᓐᒡ ᐊᓐᒡ ᐸᒪᑎᓯᒡ ᒥᒋ ᐃᔪᐅᒡ ᓇᓂᑎᒻ ᓇᔅᒡ ᐊ ‍ ᐎᓯᒐᔨᑕᒡ;
\q2 ᐊᐅᑯᓐ ᐊᔅᐱᔨᒡ ᐊᓐᒡ ᐊᐧᑯᐊᒡ ᐊᐛᔪᐛ᙮
\q1
\v 21 ᓇᓂᑎᒻ ᐸᑎᒧᒡ ᒐᒂᔪᐤ ᐊᓴᒋᔨᑯᒡ;
\q2 ᒪᒂᒡ ᒪᔪᐱᔨᑥᐎ, ᑯᓯᒂᒧᑕᑯᐅᒡ ᑲ ‍ ᓂᑕᐅᒋᒧᑎᔨᒋ᙮
\q1
\v 22 ᒥᒋ ‍ ᐃᔪᒡ ᑕᑈ ᒋᔅᒐᔨᑎᒧᒡ ᒐ ᐊᑲ ᒋᒋᑎᓯᒧᑕᒡ ᓂᐳᐅᓂᔪᐤ,
\q2 ᐛᔅ ᐊᓯᓄᐛᔨᑯᐅᒡ ᐊᐛᔪᐛ ᒐᒋ ᓂᐸᐃᑯᒡ ᒥᔅᑎ ‍ ᒧᐧᑯᒪᓂᔪᐤ ᐅᒋ᙮
\q1
\v 23 ᐱᐸᒧᑕᐅᒡ, ᐊᓇᓂᑐᐛᐸᑕᒡ ᒥᒋᒥᔪᐤ, ᐊ ‍ ᐃᔅᒋᔄᒡ, ‘ᑕᓐᑕ ᓂᐸ ᒋ ᒥᔅᑲᓐ ᐱᔅᒐ ᒥᒋᒻ ?’
\q2 ᑭᔭ ᒋᔅᒐᔨᑎᒧᒡ ᐎᐱᒡ ᒐ ‍ ᓂᒋᔅᑲᒡ ᒥᒋᐱᔪᐅᓇ᙮
\q1
\v 24 ᐛᔅ ᑯᔅᑎᒧᒡ ᐅᔭ ᒐᒂᔪᐛ ᒐ ‍ ᐃᔅᐱᔨᒡ, ᑯᔅᑕᒍᐅᒡ ᑭᔭ ᐃᔭᔨᒪᔨᑎᒧᒡ
\q2 ᒐ ‍ ᐅᑎᑎᑯᒡ ᐅᔭ ᒐᒂᔪᐛ ᒧᔭᒻ ᒋᓴᐅᒋᒪᐛ ᐅᑦ ᐊᓯᒪᑭᓂᓯᒥᔨᐛ ᐊᑯᓯᒂᒧᑕᑯᒡ᙮
\q1
\v 25 ᐃᔅᐱᔪᐅᒡ ᐅᔭ ᒐᒂᔪᐛ ᐛᔅ ᒋ ‍ ᑯᒂᑕᔨᑎᒧᒡ ᒐᒋ ᒪᓴᐊᒡ ᒋᓴᒪᓂᑐᐛ,
\q2 ᑭᔭ ᑲ ‍ ᐃᑕᔨᑕᒡ ᐊ ‍ ᓱᐧᑲᑎᓯᒡ ᒐᒋ ᓴᐧᑯᒋᐊᒡ᙮
\q1
\v 26 ᒋ ‍ ᐃᔭᓯᒋᐅᒡ ᒐᒋ ᑯᓯᒂᒧᑐᐛᒡ ᒋᓴᒪᓂᑐᐛ
\q2 ᒧᔭᒻ ᐊᑕᐧᑯᓇᒡ ᐊ ‍ ᓱᐧᑲᑎᓯᒥᑭᓂᔨᒡ ᐊᑯᓇᓱᐛᑭᓂᔪᐤ ᒐᒋ ᑭᓄᐛᔨᒥᑯᒡ᙮
\q1
\v 27 ᒋᒋᐛ ᐎᒥᓯᐅᒡ ᐊᑯ ᓇᒪ ᐅᒋ ᒪᓯᒐᐅᒡ᙮
\q1
\v 28 ᐊᒋ ‍ ᓂᑭᑕᑭᓄᐎᒋ ᐅᑕᓇᐛ ᐊᓐᑕ ᒋᑭ ‍ ᐎᒍᐅᒡ,
\q2 ᐊᓂᔭ ᐅᑕᓇᐛ ᐊᒋ ‍ ᐃᔭᔪᓂᔨᒋ᙮
\q1
\v 29 ᒥᒄ ᓇᒪ ᓇᐅᔅ ᒋᑭ ‍ ᐛᔪᑎᓯᐅᒡ;
\q2 ᒥᓯᐛ ᑲ ‍ ᑎᐱᔨᐛᐅᓯᒡ ᒋᑭ ‍ ᐅᑎᓇᑭᓄᔪᐛ;
\q2 ᒥᓯᐛ ᒋᑭ ‍ ᐸᓯᑯᓇᑭᓂᔨᐛ ᐅ ᑎᐸᔨᑎᒧᐅᓄᐛᐛ᙮
\q1
\v 30 ᓇᒪ ᒋᑭ ᒋ ᒋᑎᓯᒧᑎᒧᒡ ᓂᐳᐤ ᐅᑲᔅᑕᔭᐅᓂᔪᐤ;
\q2 ᒧᔭᒻ ᒥᔅᑎᑯᒡ ᐅᓯᑕᐧᑯᓂᒧᐛᐛ ᐊ ‍ ᐃᔎᓱᔨᒋ ᐃᔅᑯᑕᔪᐤ ᐅᒋ
\q2 ᑭᔭ ᐊᐛᐸᔅᑎᓂᔨᒋ ᐅᐛᐱᑯᓂᒪ᙮
\q1
\v 31 ᐃᔅᐱ ᒋᒋᐛ ᐊ ᒥᔅᑎ ‍ ᒋᔎᔨᒧᒡ, ᐊᓂᔭ ᐅᒋ ᐊ ‍ ᑕᑈᐅᒐᔨᑕᒡ ᒐᒂᔪᐛ ᐊ ᐊᑲ ᒋᒋᐛ ᐃᔅᐱᑕᔨᑕᑯᓂᔨᒋ,
\q2 ᐊᑯ ᐊᐅᑯᔪᐤ ᐊᓂᔭ ᒐᒂᔪᐛ ᐊ ᐊᑲ ᐃᔅᐱᑕᔨᑕᑯᓂᔨᒋ ᒐᑲᔅᑎᓇᒡ᙮
\q1
\v 32 ᐊᒺᔭ ᒋᓴᐃᔪᐅᒡ, ᒋᑭ ‍ ᒪᒋᐱᔪᐅᒡ;
\q2 ᒧᔭᒻ ᐊᒪᒋᐱᔨᒡ ᓯᑕᐧᑯᓐᒡ ᒐ ‍ ᐃᓯᓇᑯᓯᒡ ᑭᔭ ᐊᑲ ᓂᑕ ᒥᓐ ᓯᐸᑯᐅᒡ᙮
\q1
\v 33 ᒧᔭᒻ ᓱᒥᓇᑎᒄ ᐊᐸᐸᒋᑎᓂᔨᒋ ᐅᒥᓂᒪ ᐊᒺᔭ ᒋ ᐃᓯ ‍ ᓂᑕᐅᒋᓂᔨᒋ ᐃᓯᓇᑯᓱᐅᒡ,
\q2 ᒧᔭᒻ ᐊᓕᑉ ᒥᔅᑎᑯᒡ ᐊᒪᒥᓂᐱᔨᒋ ᐅᐛᐱᑭᓂᒧᐛᐛ ᐊᒺᔭ ᓂᑕᐅᒋᓂᔨᒋ ᐅᒥᓂᓯᒧᐛᐛ᙮
\q1
\v 34 ᓇᒪ ᒋᑭ ‍ ᑕᔪᐛ ᐅᑦ ᐊᓂᔅᑯᑕᐸᓄᐛᐛ ᒥᒋ ‍ ᐃᔪᒡ,
\q2 ᑭᔭ ᓇᔅᒡ ᒋᑭ ‍ ᐃᔎᑕᔪᐛ ᐎᒋᐛᐛ ᐊᓐᒡ ᐊᐛᓐᒋ ᑲᒋᒥᑕᒡ ᒥᒋᐛᐸ ᐛᔭᓯᐃᐛᐎ ᓱᓇᔭᔪᐤ ᒥᔨᑯᓯᐅᓇ ᐅᒋ᙮
\q1
\v 35 ᐎᔭᔨᑎᒧᒡ ᒐᒋ ᒥᒋᐱᔨᐛᒡ ᑭᔭ ᑐᑕᒡ ᒥᒋ ‍ ᒐᒂᓇ,
\q2 ᑭᔭ ᓇᓂᑎᒻ ᐊᔭᔅᑯᔪᐅᒡ ᒐᒋ ᐎᔭᓯᒪᒡ ᐊᐛᔪᐛ᙮”
\c 16
\s1 ᒥᓐ ᒠᑉ ᑲ ‍ ᓇᔎᐛᓯᐊᑦ ᐊ ‍ ᓂᔅᑎᔨᒋ ᐎᒐᐛᑭᓇ
\p
\v 1 ᒠᑉ ᒂ ‍ ᐃᔅᒋᔄᑦ
\q1
\v 2 “ᓂᒋ ‍ ᐸᑕᓐ ᐊᓂᔭ ᒐᒂᔪᐛ ᐊᓐᑕ ᐅᑕᒡ;
\q2 ᒥᓯᐛ ᒋᔨᐛᐤ, ᒥᔅᑯᒡ ᒐᒋ ᐎᒋᔨᔭᒄ, ᒋ ‍ ᑐᑐᐅᓇᐛᐤ ᐊᑎᑐᐤ ᒐᒋ ᓂᓇᐧᑲᑕᔨᒧᔭᓐ
\q1
\v 3 ᐊᑯ ᒐᒂᓐ ᐛᒋ ᐊ ᐊᑲ ᒋᒺᔭᒄ ?
\q2 ᒐᒂᓐ ᒪᑯᔅᑲᒋᔨᑯᔭᒄ ?
\q1
\v 4 ᐊ ‍ ᐃᑕᔭᒄ ᒋ ‍ ᐃᑕᔭᓇᒂ,
\q1 ᒋᐸ ᐛᑎᓐ ᒐᒋ ᐊᓏᔨᒐᔭᓐ
\q2 ᑭᔭ ᒪᒃ ᒐᒋ ᑭᒐᔅᒋᒧᔭᓐ᙮
\q1
\v 5 ᒥᒄ ᐊᔅᐸᔨᒧᐅᓐ ᒋᐸ ᐎᑎᒪᑎᓇᐛᐤ
\q2 ᑭᔭ ᒥᔽᔨᒧᐅᓐ ᒥᔅᑯᒡ᙮
\b
\q1
\v 6 ᒥᒄ ᐊᓄᒡ, ᐃᔨᒥᔭᓇ, ᐊᑐᒡ ᒋ ‍ ᔭᓯᐱᔪᐤ ᐊ ‍ ᐎᓯᒐᔨᑎᒪᓐ,
\q2 ᑭᔭ ᐊ ᐊᑲ ‍ ᐸᑕᑯᓯᔭᓇ, ᒐᔅᑎᓇᔅ ᓇᒪ ᐃᒐᐱᔪᐤ ᓂᐎᓯᒐᔨᑎᒧᐅᓐ᙮
\q1
\v 7 ᓂᓱᐧᑲᑎᓯᐅᓂᔪᐤ ᓴᔅ ᒋ ‍ ᐅᑎᓂᒻ ᒋᓴᒪᓂᑐᐤ᙮
\q2
\q1
\v 8 ᓂᒋ ᒪᒋᐱᔨᒄ,
\q2 ᑭᔭ ᐃᑕᔨᑎᒧᒡ ᐊᐛᓐᒋ ᐊᓂᔭ ᐎᔭᐸᑎᔨᐛᒥᑭᓂᔨᒡ ᐊ ‍ ᒥᒋᑐᑎᒧᒡ᙮
\q1 ᑭᔭ ᓂᐛᐱᒥᑯᒡ ᐊᐛᓐᒋ ᓂᔾ ᐅ ᒥᒄ ᐅᓯᑭᔾ ᑭᔭ ᐅᔅᑭᓇ,
\q2 ᑭᔭ ᐃᑕᔨᑎᒧᒡ ᐊᓂᔭ ᐅᒋ ᐊᑕᒪᔨᑕᑯᓱᐅᒡ᙮
\q1
\v 9 ᐛᔅ ᒋᒋᐛ ᓂᒋ ᒋᔄᐅᐤ ᒋᓴᒪᓂᑐᐤ ᑭᔭ ᓂ ‍ ᐛᐧᑲᑎᒄ,
\q2 ᒧᔭᒻ ᐊᒂᑎᓯᑦ ᐊᐛᓯᔅ ᐊ ‍ ᐃᑕᔨᑕᑯᓯᑦ ᐊᒥᑥᔭᐱᑕᓯᓂᔅᑐᐅᑦ
\q2 ᐛᔅ ᐎᔾ ᐊᓐ ᐱᒂᓯᑦ᙮
\q1
\v 10 ᓂᒋᑕᐱᒥᑯᒡ ᐊᐛᓐᒋ ᐊ ‍ ᑕᐅᑐᓇᔨᒡ ᒐᒋ ᐛᐅᓯᓄᐅᒡ;
\q2 ᓂᒋ ᐅᑕᒪᐅᑯᒡ ᓂᑕᔅᑎᒥᐧᑯᒡ ᒐᒋ ᐱᐛᔨᒥᒡ,
\q2 ᑭᔭ ᓂᒋ ᐛᐛᔅᑲᑲᐳᐅᔅᑕᑯᒡ ᒐᒋ ‍ ᐎ ‍ ᐊᐧᑯᐃᔨᒡ᙮
\q1
\v 11 ᒧᔭᒻ ᐊ ‍ ᐃᓯᐱᔅᑎᓂᑦ ᒋᓴᒪᓂᑐᐤ ᐊᓐᑕ ᐊ ᐊᑲ ᒋᓴᒪᓂᑐᐛᔨᑕᑯᓯᔨᒋ
\q2 ᑭᔭ ᐃᓯ ‍ ᐛᐱᓂᑦ ᐊᓐᑕ ᒥᒋ ᐃᔪᐛ᙮
\q1
\v 12 ᒥᓯᐛ ᒐᒂᓐ ᒋ ‍ ᐱᐅᐱᔪᐤ,
\q2 ᐸᑐᔅ ᑲᒪᑯᓇᐧᒃ ᒥᑯᑕᑭᓂᔪᐤ
\q1 ᑭᔭ ᒂ ‍ ᐱᓴᐅᑦ᙮
\q2 ᓂᒋ ‍ ᐊᔭᔅᑯᐎᔨᒄ ᒋᓴᒪᓂᑐᐤ ᒧᔭᒻ ᐊᓄᑕᔨᑭᓄᐅᒡ ᒐᒂᓐ
\q1
\v 13 ᐛᔅ ᐊᓂᔭ ᐅᑭᔎ᙮
\q1 ᑭᔭ ᐊᑲ ᒋᔅᑎᒪᒐᔨᒥᑦ,
\q1 ᑭᔭ ᑕᑐᐱᑕᐧᒃ ᓂᔅᑭᑕᔪᐤ
\q2 ᒐᒋ ᐎᐎᐱᔨᒡ ᐱᒡ ᓂᔭᒡ᙮
\q1
\v 14 ᓇᒪ ᓂᑕ ᐃᔅᑕᐅᔪᐤ ᐊ ‍ ᑯᓯᒂᔨᒧᑐᐅᑦ,
\q2 ᓂ ‍ ᒋᒋᓂᒄ ᒧᔭᒻ ᓂᑐᐱᔪᐅ-ᐃᔪᐤ᙮
\b
\q1
\v 15 ᐛᔅ ᐊᓂᓇᐧᑲᒋᒧᔭᓐ, ᓂ ‍ ᐳᔅᑲᓐ ᐊ ‍ ᑲᐛᑭᓂᔨᒋ ᐊᐱᒋᑕᐅᓇ ᑲ ‍ ᒪᒧᒂᑎᒪᓐ,
\q2 ᑭᔭ ᐊ ᐎᓇᒂᒡ ᐊᓐᑕ ᓂᑦ ᐊᐱᓐ, ᒋᒋᐛ ᐊᑯᓯᑯᒪᒋᐅᔭᓐ᙮
\q1
\v 16 ᓂ ‍ ᒥᒂᐱᔨᓐ ᐛᔅ ᐊᒋ ᒥᔅᑎ ‍ ᒪᔭᓐ,
\q2 ᑭᔭ ᓂ ‍ ᐎᐸᐱᔨᓐ᙮
\q1
\v 17 ᒥᓯᐛ ᐅ ᓂᒋ ‍ ᐃᔅᐱᔨᓐ ᐊᑎᓱᐧᒄ ᐊᑲ ᐅᒋ ᐊᐧᑯᐃᐛᓯᔭᓐ,
\q2 ᑭᔭ ᓇᓂᑎᒻ ᑯᐃᔅᑯᑕᑎᓯᐅᓂᒡ ᓂᒋ ‍ ᓂᑐᑎᒧᐛᐤ ᒋᓴᒪᓂᑐᐤ᙮
\b
\q1
\v 18 ᐃᔅᐱ ᐳᓂᐱᒪᑎᓯᔭᓇ, ᓂ ‍ ᐱᑯᓴᔨᑕᓐ ᐊᔅᒋᔾ ᒐ ᐊᑲ ᐊᑯᓇᐊᐧᒃ
\q2 ᐊᑕᑈᑎᒧᒡ ᑯᐃᔅᑯᑐᑎᒧᐅᓂᔪᐤ᙮
\q1
\v 19 ᒥᒄ ᐃᔭᐱᒡ ᐊᓄᒡ, ᒋᓴᒪᓂᑐᐤ ᐊᓐᑕ ᒋᒋᒋᓯᑯᒡ ᑕᐱᔅᑯᓐ ᑲ ‍ ᐛᐸᑕᐧᒃ
\q2 ᑭᔭ ᑲᓄᐛᔨᒥᑦ᙮
\q1
\v 20 ᓂᒋ ‍ ᐱᐛᔨᒥᑯᒡ ᓂᐎᒐᐛᑭᓐᒡ,
\q2 ᒥᒄ ᒋᓴᒪᓂᑐᐤ ᐊᐅᒄ ᓂᐎᒐᐛᑭᓐ ᑭᔭ ᐊᐅᑯᓐ ᐸᑯᓴᔨᒥᒃ᙮
\q1
\v 21 ᒐᒋ ᐛᐸᑎᔨᐛᑦ ᐊ ᑕᑈᐅᒡ,
\q2 ᒧᔭᒻ ᒋᐸ ‍ ᐃᑐᐤ ᐎᒐᐛᑭᓂᒪᐤ᙮
\b
\q1
\v 22 ᐛᔅ ᑕᑐ ᐱᐳᓇ ᐊᓐᑕ ᓂᑲᓐ,
\q2 ᓂᑭ ‍ ᓂᐱᓐ ᑭᔭ ᓇᒪ ᓂᑭ ᒋ ᐃᑕᓐ᙮”
\c 17
\s1 ᒠᑉ ᐊᔅᒄ ᓂᔎᐛᓯᔨᐛᐤ
\q1
\v 1 “ᓂᐱᒪᑎᓯᐅᓐ ᓴᔅ ᒐᑲᑦ ᐃᔎᐱᔪᐤ; ᓴᔅ ᓇᒪ ᑎᑯᓐ ᓂᓱᔅᒋᓯᐅᓐ;
\q2 ᓂᑦ ᐊᓯᓄᐛᔨᑯᓐ ᓂ ‍ ᓂᒂᔅᑲᓐ᙮
\q1
\v 2 ᓂ ‍ ᐛᐅᓯᓇᑯᒡ ᐊᓐᒡ ᐊᐛᓐᒋ ᐊᐃᑕᒡ ᐛᔅᑲ ᐊ ‍ ᐃᑕᐅᒡ;
\q2 ᓂᑭᓄᐛᐱᒪᐅᒡ ᒪᒂᒡ ᐊᐛᐅᓯᓄᐅᒡ᙮”
\s1 ᒠᑉ ᓂᑐᑎᒧᐛᐤ ᒋᓴᒪᓂᑐᐛ
\q1
\v 3 “ᒋᓴᒪᓂᑐᐤ, ᒧᔭᒻ ᑲᒪᑭᓄᐛᓯᐅᒋᐛᐱᒡ ᐊ ‍ ᐃᑕᔭᓐ
\q1 ᒋᓯᐧᑲᓱᐤ ᒐᒋ ᐅᒋ ᐎᐎᑎᓯᓂᑯᐅᔭᓐ,
\q2 ᐛᔅ ᑕᑈ ᓇᒪ ᐃᑕᐤ ᐊᐛᓐ ᒐ ‍ ᐎᒋᔨᑦ᙮
\q1
\v 4 ᒋᒋ ‍ᑯᔅᑎᔭᐅᒡ ᓂᐎᒐᐛᑭᓐᒡ ᒐᒋ ᓂᔅᑐᑕᒡ ᒐᒂᔪᐤ ᑎᔭᑈᒥᑯᐅᒡ;
\q2 ᒐ ᐊᑲ ᓇᐊᔨᒥᑥᐤ ᒐᒋ ᓴᑯᐃᔨᒡ ᐊ ‍ ᐃᔅᒋᔄᒡ ᐊᒋ ‍ ᑐᑎᒧᒡ ᒥᒋ ᒐᒂᔪᐛ᙮
\q1
\v 5 ᒋᑦ ᐊᓂᔅᑯᑕᐸᓄᐅᒡ ᓇᓂᑯᑎᓂ ᒋ ‍ ᐃᔅᒋᔄᐅᒡ ‘ᓇᓂᑯᑎᓂ ᒋ ᐃᔅᐱᔪᐤ ᐃᔅᐱ ᐊᐛᓐ ᐎᔭᓯᒪᒋ ᐎᒐᐛᑭᓇ ᒐᒋ ᐅᒋ ᑲᔅᑎᓇᐧᒃ ᐱᔅᒐ ᐅᑎᐱᐛᐅᓯᐅᓐ,
\q2 ᐎᔾ ᐊᓂᔭ ᐅᑦ ᐊᐛᓯᒪ ᐊᓐ ᐊᐛᓐ ᒐ ‍ ᐊᓏᔨᒪᑭᓄᐎᔨᒋ ᐊᓂᔭ ᐅᒋ;’
\q1 ᐊᑯ ᓂᑦ ᐊᔅᐸᔨᒧᓐ ᒋᒋᐛ ᓂᐎᒐᐛᑭᓐᒡ ᐊᐅᒄ ᐊᓐᒡ ᐊᑭᑭᒋᔭᐛᑕᒋᒥᒡ᙮
\b
\q1
\v 6 ᒥᒄ ᐊᓄᒡ ᐊᐱᒋᑕᐛᐅᒡ ᐊᓐᑕ ᐅᑦ ᐃᔨᒧᐅᓂᔨᐛ ᒋᑦ ᐊᓂᔅᑯᑕᐸᓄᐛ ᐃᔭᔨᒧᒥᑥᐎ;
\q2 ᓂᓯᔅᑎᒂᑎᑯᒡ ᓂᑕᔅᑎᒥᐧᑯᒡ ᐛᐱᔨᐛᔨᒥᒡ᙮
\q1
\v 7 ᓴᔅ ᒐᑲᑦ ᓇᒪ ᓂ ‍ ᐛᐸᑕᓐ ᐊᑯᐸᑕᔨᒧᔭᓐ,
\q2 ᑭᔭ ᓂᔅᐱᑐᓇ ᑭᔭ ᓂᔅᑲᑕ ᒋᒋᐛ ᐱᐱᑲᓱᐛ, ᓴᔅ ᒐᑲᑦ ᓇᒪ ᑎᑲᔅᑕᑎᓇ᙮
\q1
\v 8 ᐊᓐᒡ ᐊᐛᓐᒋ ᐊ ‍ ᐃᔅᒋᔄᒡ ᐊ ‍ ᑯᐃᔅᑯᑕᑎᓯᒡ ᓯᔅᒋᑯᑕᔨᑎᒧᒡ ᐃᔅᐱ ᐎᔭᐱᒥᒡ ᑕᓐ ᐊ ‍ ᐃᔅᐱᔪᐅᒡ,
\q2 ᑭᔭ ᐊᓐᒡ ᐊᐛᓐᒋ ᐊ ‍ ᐃᔅᒋᔄᒡ ᐊ ‍ ᒥᔽᑎᓯᒡ ᐃᔅᒋᔄᐅᒡ ᐊ ‍ᒥᒋ ‍ ᐃᔪᐅᒡ ᑭᔭ ᓂᐸ ‍ ᐊᓏᔨᒥᑯᐅᐛᓐ᙮
\q1
\v 9 ᐊᓐᒡ ᐊᐛᓐᒋ ᐊ ‍ ᐃᔅᒋᔄᒡ ᐊ ‍ ᑯᐃᔅᑯᑕᑎᓯᒡ ᐊᔅᒄ ᐃᑐᑎᒧᒡ ᒐᒂᔪᐤ ᐎᔪᐛᐤ ᐊ ‍ ᐃᑕᔨᑕᒡ ᐊ ‍ ᒥᔽᔨᒡ,
\q2 ᑭᔭ ᐊᓐᒡ ᐊ ‍ ᐃᔅᒋᔄᒡ ᐊ ‍ ᐊᑲ ᓂᑕ ᒥᒋᑐᑕᒡ ᐊᔭᔅᒄ ᒋᑭ ‍ ᓱᐧᑲᑎᓯᐅᒡ᙮
\b
\q1
\v 10 ᒥᒄ ᐃᔅᐱ ᐃᔭᐱᒡ ᐸᒋ ‍ ᐅᑎᔅᑯᑲᐳᔅᑐᐅᒡ,
\q2 ᐊᑐᒡ ᓂᒋ ‍ ᒥᔅᑯᐛᐤ ᐊᐛᓐ ᐊᑭᒐᑕᐛᔨᑕᑯᓯᑦ ᐊᓐᑕ ᐊ ‍ ᐃᑎᓯᒡ᙮
\q1
\v 11 ᓂᐱᒪᑎᓯᐅᓐ ᓴᔅ ᒐᑲᑦ ᐃᔎᐱᔪᐤ; ᓇᒪ ᓂ ᐅᒋ ‍ ᐃᑐᑕᓐ ᐊᓂᔭ ᒐᒂᔪᐛ ᑲ ᐎ ‍ ᑐᑎᒪᓐ;
\q2 ᓇᒪ ᓂ ᐅᒋ ‍ ᐃᑐᑕᓐ ᒐᒂᔪᐛ ᑲ ‍ ᒧᔅᑕᓇᔨᑎᒪᓐ᙮
\q1
\v 12 ᓇᒪ ᒋᔅᒐᔨᑎᒧᒡ ᓂᐎᒐᐛᑭᓐᒡ ᐃᔅᐱ ᑕᐱᔅᑲᔨᒋ ᑭᔭ ᐃᔅᐱ ᒐᓯᑲᔨᒋ;
\q2 ᐃᔅᐱ ᑕᐱᔅᑲᔨᒋ, ᒋᓯᑲᐤ ᐃᔅᒋᔄᐅᒡ;
\q2 ᐃᔅᐱ ᐃᔭᒋᑲᔨᒋ, ᓴᔅ ᐎ ‍ᐛᐱᓐ ᐃᔅᒋᔄᐅᒡ᙮
\q1
\v 13 ᐃᔅᐱ ᐃᓯᓇᒂᒐ ᓂᒡ ᐊᓐᑕ ᐊ ‍ ᐃᑕᒡ ᑲ ‍ ᐳᓂᐱᒪᑎᓯᒡ,
\q2 ᑕᓐᑕ ᒐ ‍ ᓂᐸᔭᓐ ᐊᒋᑲᒐ ?
\q1
\v 14 ᓂᐸ ᒋ ‍ ᐃᑕᓐ ᓂᒂᔅᑲᓐ, ‘ᒋᔾ ᐅ ᒧᔭᒻ ᓄᑕᐎᔾ,’
\q2 ᑭᔭ ᒐ ‍ ᐃᑎᒂᐤ ᒥᓂᑐᓯᒡ ᐊᓐᒡ ᒐ ‍ ᒥᒋᒡ ᐊᓂᔭᔪᐤ, ‘ᒋᔨᐛᐤ ᐅ ᒧᔭᒻ ᓂᑲᐎᒡ ᐛᔅ ᓇᓂᑎᒻ ᐊᓐᑕ ᒋᑭ ‍ ᐃᑕᓇᐛ ᐊᓐᑕ ᒐ ‍ ᐃᑕᔭᓐ᙮’
\q1
\v 15 ᒥᒄ ᐃᔅᒋᔄᔭᓇ ᐊᓂᔭ ᒐᒂᔪᐛ, ᒋᑭ ‍ ᐃᑎᑯᓐ ᐊ ᒐᒋ ᐸᓱᐛᔨᑎᒪᓐ ᒐᒂᓐ ᐊ ‍ ᒥᔽᒡ ᒐᒋ ᐃᔅᐱᔨᔭᓐ᙮
\q2 ᐃᔨᑕᐤ ᐊ ᐊᐛᓐ ᐊᒋᔅᒐᔨᑕᐧᒃ ᐊ ‍ ᒥᔽᔨᒡ ᒐᒂᔪᐤ ᒐᒋ ᐸᓱᐛᔨᑎᒧᒡ ᐃᔅᐱ ᐃᑕᐅᒐ ᐊᓐᑕ ᓂᑲᔎᓂᒡ᙮
\q1
\v 16 ᐃᔅᐱ ᒋ ‍ ᐃᔅᐱᔨᔭᓇ ᐊᓐᑕ ᐊ ‍ ᐃᑕᒡ ᑲ ‍ ᐳᓂᐱᒪᑎᓯᒡ, ᒐᔅᑎᓇᔅ ᓇᒪ ᓂᑭ ᒋ ‍ ᓱᒐᔨᑕᓐ ᒐᒋ ᐸᔄᔨᑎᒪᓐ ᐊᓐᑕ ᒐᒂᓐ ᐊ ‍ ᒥᔽᒡ᙮
\q2 ᒧᔭᒻ ᓂᔾ ᑭᔭ ᑲ ‍ ᐊᔅᐸᔨᒧᑐᑎᒪᓐ ᒐᒂᔪᐛ ᐃᔭᑲᒡ ᒋᑭ ᐃᓯ ‍ ᐃᔭᓯᐱᔨᐛ ᐊᓯᒡ ᓂᔾ ᐊᓐᑕ ᐊ ‍ ᐃᑕᒡ ᑲ ‍ ᐳᓂᐱᒪᑎᓯᒡ᙮
\c 18
\s1 ᐱᓪᑕᑦ ᓂᔄᐤ ᑲ ‍ ᓂᔎᐛᓯᔨᐛᑦ
\p
\v 1 ᐊᑯ ᒥᓐ ᐱᓪᑕᑦ ᓇᔎᐛᓯᔨᐛᑦ:
\q1
\v 2 “ᑕᐃᔅᐱ ᒐ ‍ ᒋᒺᔨᓐ ?
\q2 ᐃᔅᐱ ᒋ ᒺᔨᓐ ᐊ ‍ ᐃᔨᒥᔨᓐ ᑭᔭ ᓂᑐᑎᒥᓐ, ᒋᐸ ᒋ ‍ ᐎᑎᒪᑎᓇᓐ ᒐᒂᓐ᙮
\q1
\v 3 ᒐᒂᓐ ᐛᒋ ‍ ᐃᑕᔨᒥᔭᒡ ᐊᒋᔎᔭᒡ ᒧᔭᒻ ᒥᒋ ‍ ᑎᐧᑯᒡ,
\q1
\v 4 ᐊ ‍ ᒋᔄᐱᔨᓐ ᑭᔭ ᐃ ᐊᐧᑯᐃᑎᓯᐎᔨᓐ,
\q2 ᒋᑦ ᐃᑕᔨᑕᓐ ᐊ ᒐ ‍ ᐊᔭᒋᐱᔨᒡ ᐊᔅᒋᔾ ᐊᓐ ᐃᔨᑎᔨᓐ,
\q2 ᑭᔭ ᒪᒃ ᒐᒋ ᐊᔭᒋᐱᔨᒋ ᐊᓯᓂᔭ ᐊᓐᑕ ᐱᔅᑯᑎᓇᒡ ?
\b
\q1
\v 5 ᒋᑭ ‍ ᐊᔅᑐᐛᔨᑭᓄᐎᔪᐤ ᐅ ᐛᔅᑕᐅᓄᐛᐤ ᒥᒋ ᐃᔪᐅᒡ
\q2 ᓇᒪ ᐎᔭᑕᔪᐤ ᐅᑦ ᐃᔅᑯᑕᒧᐛᐤ
\q1
\v 6 ᑭᔭ ᐅᐛᔅᑕᓂᐱᒪᑭᓄᐛᐛ ᐊᓐᑕ ᐅᐱᒍᐎᔭᓂᒋᐛᐳᐛᐛᒡ ᐊᔅᑕᓇᑭᓄᐎᔪᐛ
\q2 ᓇᒪ ᓴᔅ ᒋᑭ ‍ ᑎᑯᓂᔪᐤ ᐛᔅᑕᐅᓂᔪᐤ ᐅᐱᒍᐎᔭᓂᒋᐛᐳᐛᐛᒡ᙮
\q1
\v 7 ᒥᒐᑐᐱᐳᓇ ᓱᒐᔨᒧᐅᓂᒡ ᒋ ‍ ᐱᒧᑕᐅᒡ
\q2 ᒥᒄ ᓇᓇᒐ ᐅᐱᒪᑎᓯᐅᓄᐛᒡ ᒧᔭᒻ ᐊ ‍ ᐊᒋᑲᑕᓯᒡ ᑭᔭ ᐊᑎ ‍ ᐸᒋᓯᒡ ᐃᓯᓇᑯᓱᐅᒡ,
\q1 ᑭᔭ ᐅᓴᒻ ᑎᐱᔨᐛ ᐎᔪᐛᐤ ᐊ ᐊᑲ ᐅᒋ ᓴᐱᑕᒡ ᐃᔨᒧᐅᓂᔪᐤ ᑲᒥᔭᒡ ᑯᑎᑲ ᐊᐛᔪᐛ᙮
\q1
\v 8 ᒧᔭᒻ ᐊᑎ ‍ ᐱᒧᑕᒡ ᐊᐱᑕᐅᑯᒡ ᑎᐱᔨᐛ ᐅᑦ ᐊᔨᐱᐛᐛ
\q2 ᑭᔭ ᒪᒃ ᐊᐱᑎᓱᐛᐱᔨᒡ ᐎᔪᐛᐤ ᐊᓐᑕ ᑲᒧᓇᔨᒐᒡ᙮
\q1
\v 9 ᒧᔭᒻ ᐊᒪᑯᓂᑯᒡ ᐊᔅᒋᐧᑯᒪᓂᔪᐤ ᐅᑐᑎᓄᐛᒡ ᑭᔭ ᐊᒪᒪᒋᑯᓂᑯᒡ,
\q1
\v 10 ᐊᔭᔅᑯᔅᑎᐛᑭᓄᐅᒡ ᓂᒂᓂᔪᐤ ᐊᓐᑕ ᒧᔅᑎᔅᑭᒥᒡ, ᑭᔭ ᐊᔅᒋᐧᑯᒪᓂᔪᐤ ᐊᔭᔅᑯᔅᑎᐛᑭᓄᐅᒡ ᒐ ᐊᑎ ‍ ᐃᑐᑕᒡ᙮
\q2
\q1
\v 11 ᒥᓯᐛ ᒐ ᐊᑎ ‍ ᐃᑐᑕᒡ, ᑎᑯᓂᔨᐛ ᒐᒂᔪᐤ ᒐ ‍ ᑐᑕᑯᒡ ᒐᒋ ᓴᒋᓯᒡ;
\q2 ᒧᔭᒻ ᐊ ‍ ᓄᒋᔨᑯᒡ ᐊᓂᔭ ᒐᒂᔪᐛ ᑭᔭ ᐊ ‍ ᒪᑭᒥᑯᒡ ᐅᑐᑎᓄᐛᒡ᙮
\q1
\v 12 ᒂ ‍ ᓯᐛᔨᒡ ᒐᒃ ᒂ ‍ᐊᑎ ‍ ᐊᑲ ᓴᐱᓯᒡ᙮
\q2 ᓇᓂᑎᒻ ᒋ ‍ ᐛᐸᑎᒧᒡ ᒥᒋᐱᔪᐅᓇ᙮
\q1
\v 13 ᐊ ‍ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᒥᓯᐛ ᐎᔭᐛᒡ ᒋ ‍ ᐃᔅᐱᔨᔪᐤ;
\q2 ᐃᑕᔅᐱᓇᐅᓂᔪᐤ ᑲ ᑐᑕᑯᒡ ᒐᒋ ᒪᒋᐱᔨᒋ ᐅᐎᔭᐛᐛ᙮
\q1
\v 14 ᐃᔅᐱ ᑲ ‍ ᐳᓂᐱᒪᑎᓯᒡ, ᒋ ‍ ᐅᑎᓇᑭᓄᐅᒡ ᐅᐱᒋᐛᔭᓂᒋᐛᐳᐛᒡ ᐅᒋ
\q2 ᑭᔭ ᑲ ‍ ᐃᑐᑕᐊᑭᓄᐅᒡ ᐊᓐᑕ ᑕᐸᔨᒪᔨᒋ ᑲ ‍ ᐳᓂᐱᒪᑎᓯᔨᒋ᙮
\q1
\v 15 ᐊᑯ ᐊᔎᓴᑭᓄᐎᔨᒋ ᐅᐱᒍᐛᔭᓂᒋᐛᐳᐛᐛ,
\q2 ᐃᔅᐱ ᐸᒋᑎᓂᔨᑥᐛ ᐊ ‍ ᐃᔅᑯᑕᐎᔨᒋ ᐃᓴᑯᐅ-ᐊᓯᓂᔭ ᑲ ‍ ᐎᓂᒪᓱᔨᒋ ᐊ ‍ ᐃᔎᓴᑭᓄᔨᒋ ᐊᓐᑕ ᐅᐱᒍᐛᔭᓂᒋᐛᐳᐛᒡ!
\q1
\v 16 ᐅᓴᒻ ᐊᓐᒡ ᑲ ‍ ᐳᓂᐱᒪᑎᓯᒡ ᓇᒪ ᐅᒋ ᑕᔪᐛ ᐅᑦ ᐊᓂᔅᑯᑕᐸᓄᐛᐛ,
\q2 ᒧᔭᒻ ᒥᔅᑎᑯᒡ ᒋ ‍ ᐃᓯᓇᑯᓱᐅᒡ ᑲ ‍ ᐸᔅᑕᔨᒋ ᐅᑎᐱᐛᐛ ᑭᔭ ᒥᓯᐛ ᑲ ‍ ᐸᓱᐎᔨᒋ ᐅᓯᑕᐧᑯᓄᐛᐛ᙮
\q1
\v 17 ᓇᒪ ᐊᐛᔪᐛ ᐊᓄᒡ ᐅᑕ ᐊᔅᒋᒡ ᐊ ‍ ᐃᑕᔨᒋ ᒋᑭ ᒋ ᒋᔅᒋᑕᑯᐅᒡ;
\q2 ᓇᒪ ᐊᐛᔪᐛ ᐊᓐᑕ ᒪᔅᑭᓇᒡ ᐃᔭᐱᒡ ᒋᑭ ᒋ ‍ ᒋᔅᒋᑎᒥᔨᐛ ᐅᑦ ᐃᓯᓂᐧᑲᓱᐅᓄᐛᐛ᙮
\q1
\v 18 ᒋᑭ ‍ ᐃᔨᑲᑎᓯᓇᑭᓄᐅᒡ ᐊᔅᒋᒡ ᐅᒋ ᐊᓐᑕ ᐊᑎᑯᓂᔨᒡ ᐛᔅᑕᐅᓂᔪᐤ,
\q2 ᑭᔭ ᐊᓐᑕ ᐊᒋᑲᔨᒡ ᐃᑕᐅᓂᔪᐤ ᒋᑭ ‍ ᐃᑎᓴᐛᑭᓄᐅᒡ᙮
\q1
\v 19 ᓇᒪ ᒋᑭ ‍ ᐅᑐᐛᓯᒧᐅᒡ ᑭᔭ ᒪᒃ ᐅᓯᒧᐅᒡ
\q2 ᓇᒪ ᒋᑭ ‍ ᑕᔪᐛ ᐅᑦ ᐊᓂᔅᑯᑕᐸᓄᐛᐛ ᐊᓐᑕ ᑲ ‍ ᐎᒋᒡ᙮
\q1
\v 20 ᐃᔪᒡ ᐛᐱᓄᑕᒡ ᐅᒋ ᐊᑎᒪᐱᓯᒧᒡ ᐃᔅ ᑲ ᐸᑕᒡ ᑕᓐ ᑲ ‍ ᐃᔅᐱᔨᒋ
\q2 ᒋᑭ ‍ ᑯᔅᑯᑕᔨᑎᒧᒡ ᑭᔭ ᒐ ‍ ᑯᔅᑕᒋᐅᒡ᙮
\q1
\v 21 ᐊᐅᑯᓐ ᐊ ‍ ᐃᔅᐱᔨᒡ ᐊ ᐊᑲ ᒋᓴᒪᓂᑐᐛᔨᑕᑯᓯᒡ ᐊᐛᓐᒋ ᒧᔭᒻ ᒋᔾ,
\q2 ᐊᓐᒡ ᐊᐛᓐᒋ ᑲ ‍ ᐊᑐᐛᔨᒪᒡ ᒋᓴᒪᓂᑐᐛ᙮”
\c 19
\s1 ᒠᑉ ᒥᓐ ᓇᒂᐛᓯᔨᐛᑦ
\p
\v 1 ᐊᑯ ᒠᑉ ᓇᔎᐛᓯᐊᑦ
\q1
\v 2 “ᑕᓐ ᒐ ᐃᔅᐱᔅ ᐊᔅᒄ ᐎᓯᒐᔨᑎᒥᔨᔭᒄ
\q2 ᒋᑦ ᐃᔨᒧᐅᓄᐛᐛ ᐅᒋ ?
\q1
\v 3 ᓴᔅ ᒥᒐᑥᐤ ᒋᒋ ‍ ᐊᑕᒪᔨᒥᓇᐛᐤ;
\q2 ᓇᒪ ᒋ ‍ ᓯᓴᒂᔨᒧᓇᐛᐤ ᐊ ᐊ ‍ᐃᓯᔭᒄ ᐅᔭ ᒐᒂᔪᐛ ?
\q1
\v 4 ᐊᑎᓱᐧᒄ ᒋ ‍ ᑕᑈᒥᑲᒡ ᐊᒋ ‍ ᐃᑐᑎᒪᓐ ᒐᒂᔪᐛ ᐊ ᐊᑲ ‍ ᒥᔽᒋ,
\q2 ᓇᒪ ᒋ ᐅᒋ ‍ ᐅᓯᑯᔨᑎᓇᐛᐤ!
\q1
\v 5 ᐊᑕᔨᑎᒧᐛᒂ ᐊᑎᑐᐤ ᒪᔪᓯᔭᒄ ᐃᔅᐱᔅ ᓂᔾ,
\q2 ᑭᔭ ᐊᑕᔨᑎᒪᒄ ᐊᓄᒡ ᐊᑯᐸᑕᔨᒧᔭᓐ ᐊᐅᑯᓐ ᐎᔭᐸᑎᔨᐛᒥᑲᒡ ᐊᒋ ᒥᒐᑥᐤ ᒥᒋ ‍ ᑐᑎᒪᓐ᙮
\q1
\v 6 ᒋᑭ ᐎ ‍ ᒋᔅᒐᔨᑕᓇᐛᐤ ᒋᓴᒪᓂᑐᐤ ᐊᓐ ᑲ ‍ ᑐᑐᐅᑦ ᒐᒋ ᐎᓯᒐᔨᑎᒧᒡ
\q2 ᒧᔭᒻ ᐊᒋ ‍ ᐱᑕᐅᑦ ᐅᑦ ᐊᔨᐱᒡ᙮
\b
\q1
\v 7 ᒂ ‍ ᑕᑈᔭᓐ ‘ᐎᒋ!’
\q2 ᒥᒄ ᓇᒪ ᐊᐛᓐ ᓂ ᐅᒋ ‍ ᓂᔎᐛᓯᔨᒄ᙮
\q1 ᓂᒋ ‍ ᒋᔄᐛᑕᑈᓐ, ᒥᒄ ᓇᒪ ᐅᒋ ᐃᑕᐤ ᐊᐛᓐ, ᓇᒪ ᐃᔭᐱᒡ ᒋᓴᒪᓂᑐᐤ, ᐊᓐ ᒪᔪᑐᑐᐅᑦ᙮
\q1
\v 8 ᒧᔭᒻ ᐊᒋᐱᔅᑯᐅᒋ ᒋᓴᒪᓂᑐᐤ ᐊᓐᑕ ᐊ ‍ ᐃᑐᑕᐅᒡ,
\q2 ᐊᓂᔭ ᐅᒋ ᒐ ᐊᑲ ‍ ᒋ ᐃᑐᑕᔭᓐ ᐊᓐᑕ ᐛ ‍ ᐃᑐᑕᔭᓐ;
\q2 ᒧᔭᒻ ᐊ ‍ ᐃᔨᐧᑭᒥᔨᑦ ᒐᒋ ᒥᔅᑯᒧᒡ ᒐ ‍ ᐃᑐᑕᐅᒡ ᐊᓐᑕ ᐊ ‍ ᐅᑲᔅᑕᔭᔨᒡ᙮
\q1
\v 9 ᑐᑐᐛᐤ ᐊᐛᔪᐛ ᒐ ᐊᑲ ‍ ᓴᔅ ᒋᔅᑕᔨᒥᔨᒋ;
\q2 ᒧᔭᒻ ᐊᒋ ‍ ᒥᓇᐧᒃ ᒋᓴᐅᒋᒪᐤ ‍ ᐊᑯᓂᔎᐅᓂᔪᐤ ᓂᔅᑎᒂᓂᒡ ᐅᒋ᙮
\q1
\v 10 ᒥᓯᐛ ᐊ ‍ ᐃᑐᐤ ᓂ ᐅᒋ ‍ ᐱᑯᐱᑎᒄ, ᑭᔭ ᓴᔅ ᐎᐱᒡ ᓂᑭ ‍ ᐳᓂᐱᒪᑎᓯᓐ᙮
\q2 ᓂ ᑐᑕᒄ ᒐ ᐊᑲ ᓴᔅ ᒥᔪ ‍ ᐸᓱᐛᔨᒥᒃ ᒐᒋ ᒥᔪ ‍ ᑐᑎᒧᐅᑦ᙮
\q1
\v 11 ᓂ ‍ ᑯᓯᒂᔨᒧᑕᒄ ᐛᔅ ᓇᔅᒡ ᑕᑈ ᓂ ‍ ᒋᔄᐱᔅᑕᒄ,
\q2 ᑭᔭ ᐊᐱᒂᑎᒄ ᓂᑦ ‍ᐃᑎᒋᒥᒄ᙮
\q1
\v 12 ᒧᔭᒻ ᐊ ‍ ᐃᑎᓴᐛᑦ ᐅᑦ ᐊᓯᒪᑭᓂᓯᒪ ᒐᒋ ᑯᓯᒂᔨᒧᑐᔨᒋ;
\q2 ᐛᔅᑲᔅᑭᒥᔨᐛ ᓂᐱᒍᐎᔭᓂᒋᐛᐱᔪᐤ,
\q2 ᐊᔭᔅᑯᐎᒋ ᒐᒋ ᑯᓯᒂᔨᒧᑐᔨᒋ᙮
\b
\q1
\v 13 ᒋ ‍ ᑐᑐᐛᐤ ᒋᓴᒪᓂᑐᐤ ᓂᐧᑲᓂᓴ ᒐᒋ ᓂᑭᓯᔨᒋ,
\q2 ᑭᔭ ᒥᓯᐛ ᐊᓂᔭ ᒐᔅᒐᔨᒥᔨᒋ ᒧᔭᒻ ᒪᓐᑕᐤ ᓂᑦ ᐃᑕᔨᒥᑯᔪᐛ᙮
\q1
\v 14 ᒥᓯᐛ ᓂᒋ ‍ ᓂᑭᑎᑯᒡ ᓂᐧᑲᓂᓯᒡ ᑭᔭ ᓂ ᒥᔪ ‍ ᐎᒐᐛᑭᓐᒡ᙮
\q1
\v 15 ᐊᓐᒡ ᐊᐛᓐᒋ ᑲ ‍ ᐅᒪᓐᑕᒥᔭᓐ ᓂᒋᒡ ᓂᒋ ‍ ᐅᓂᒋᔅᒋᑕᑯᒡ,
\q2 ᑭᔭ ᓂᑦ ᐃᔎᐤ ‍ ᐊᐱᒋᐊᑭᓐᒡ ᒪᓐᑕᐤ ᓂᑦ ᐃᑎᒋᒥᑯᒡ᙮
\q1
\v 16 ᐛᓴᒥᒂᐎ ᓂᑦ ᐊᐱᒋᐊᑭᓐᒡ, ᓇᒪ ‍ ᓂ ‍ ᓂᔎᐛᓯᔨᑯᒡ;
\q2 ᓂᑐᑎᒧᐛᐅᒡ ᒐᒋ ᑎᑯᓯᒡ ᒐᒋ ᐎᒋᔨᒡ, ᒥᒄ ᓇᒪ ᑎᑯᓯᓄᐅᒡ᙮
\q1
\v 17 ᓇᒪ ᓂ ᐎ ‍ ᐸᓱᐛᐱᒥᒄ ᓂᐅ ᐅᓴᒻ ᒋᒋᐛ ᓂ ‍ ᐎᒐᑭᑕᐛᓐ,
\q2 ᑭᔭ ᐃᔭᐱᒡ ᓂᐧᑲᓂᓯᒡ ᓂ ‍ ᐎᓇᔨᒥᑯᒡ᙮
\q1
\v 18 ᐃᔭᐱᒡ ᐊᐛᓯᒡ ᓂᒪᔭᔨᒥᑯᒡ;
\q2 ᐃᔅᐱ ᐸᓯᑯᔭᓂ ᒐᒋ ᐃᔨᒥᔨᒂᐤ, ᓂ ‍ ᐛᐅᓯᓇᑯᒡ᙮
\q1
\v 19 ᓂ ‍ ᐎᓇᔨᒥᑯᒡ ᒋᒋᐛ ᓂᐎᒐᐛᑭᓐᒡ,
\q2 ᑭᔭ ᐊᓐᒡ ᒋᒋᐛ ᑲ ‍ ᓴᒋᔨᒂᐤ ᓂᒋ ‍ ᓂᑭᑎᑯᒡ᙮
\q1
\v 20 ᒥᒄ ᐅ ᐅᓯᑭᔾ ᑭᔭ ᐅᔅᑭᓇ ᓂᔪᐤ;
\q2 ᐊᑕᔅ ᐅ ᓂᐱᒪᑎᓯᓐ᙮
\b
\q1
\v 21 ᒋ ‍ ᓂᑐᑎᒪᑎᓇᐛᐤ ᓂᐎᒐᐛᑭᓂᑎᒄ, ᒋᔅᑎᒪᒐᔨᒥᒄ,
\q2 ᐅᓴᒻ ᓂᒋ ‍ ᑐᑕᒄ ᒋᓴᒪᓂᑐᐤ ᒐᒋ ᓇᔅᒡ ᐎᓯᒐᔨᑎᒧᒡ᙮
\q1
\v 22 ᒐᒂᓐ ᐛᒋ ‍ ᐎᓯᒐᔨᑎᒥᔨᔭᒄ ᒧᔭᒻ ᐊ ‍ ᐃᑎᑦ ᒋᓴᒪᓂᑐᐤ ?
\q2 ᒐᒂᓐ ᐊᔅᒄ ᐛᒋ ‍ ᐃ ᐊᓏᔨᒥᔭᒄ ?
\b
\q1
\v 23 ᑭᒪ ᐅᑎᓇᐧᒃ ᐊᐛᓐ ᐅᔭ ᓂᑦ ᐃᔨᒧᐅᓇ
\q2 ᑭᔭ ᓂᒋᔅᒃ ᒥᓯᓇᐊᒃ ᐊᓐᑕ ᒥᓯᓇᐃᑭᓂᒡ ᒐᒋ ᐅᒋ ᐃᔨᒥᑕᒡ ᐊᐛᓐᒋ᙮
\q1
\v 24 ᑭᔭ ᒪᒃ, ᑭᒪ ᐊᔨᑐᐧᑯᑕᐧᒃ ᐊᓐᑕ ᐊᓯᓂᒡ ᐃᓴᑯᔪᐤ ᐊ ‍ ᐊᐱᒋᑕᑦ
\q2 ᓂᒋᔅᒃ ᒐᒋ ᑎᒂᒡ᙮
\q1
\v 25 ᒥᒄ ᓂ ‍ ᒋᔅᒐᔨᒪᐤ ᐸᒪᑎᓯᑦ ᐊᓐ ᐊᐛᓐ ᒐ ‍ ᐛᐎᒋᔨᑦ ᐊᓐᑕ ᑲᐛᓯᔨᑐᓇᓄᐎᔨᒡ,
\q2 ᑭᔭ ᐊᔅᒄ ᐸᐃᒄ ᒋᓯᑲᐛ ᒐ ‍ ᓂᐳᐅᑦ ᐅᑕ ᐊᔅᒋᒡ ᑭᔭ ᒐ ‍ ᐎᔭᔨᑕᐧᒃ ᓇᑐᐛᔨᑕᑯᓂᒂ ᒐᒋ ᐊᓏᔨᒥᑯᐅᔭᓐ᙮
\q1
\v 26 ᑭᔭ ᐊᑎᓱᐧᒄ ᒋᔅᑕᑦ ᐊᐧᑯᓱᐅᓇ ᓂᓯᑲᔪᐤ,
\q2 ᒪᒂᒡ ᐊᔅᒄ ᐊᔭᔭᓐ ᓂᔪᐤ, ᓂᑭ ‍ ᐛᐱᒪᐤ ᒋᓴᒪᓂᑐᐤ᙮
\q1
\v 27 ᓂᔾ ᐛᒋᒡ ᓂᑭ ‍ ‍ᐛᐱᒪᐤ;
\q2 ᓂᔾ ᐛᒋᒡ ᓂᔅᒋᓯᑯᒡ ᓂᑭ ‍ ᐛᐱᒪᐤ!
\q2 ᒋᒋᐛ ᓂᐱᒂᔨᑕᓐ ᐊᓐ ᐊᒪᒥᑐᓇᔨᑎᒥᔨᑯᔭᓐ!
\q1
\v 28 ᓂᔅᑐ ᐊᐛᓐᒋ ᐃᔅᒋᔄᑥᐛ, ‘ᑕᓐ ᐊᑎᑐᐤ ᒐ ‍ ᐃᑎᔭᐧᒄ ᒐᒋ ᑐᑐᐛᐧᒄ ᒠᑉ ᒐᒋ ᐎᓯᒐᔨᑕᐧᒃ ?’
\q2 ᑭᔭ ᐃᔅᒋᔄᔭᒂ, ‘ᐎᔾ ᐊᓂᔭ ᐃᑐᑕᓱᐤ ᒐᒋ ᒥᒋᐱᔨᑦ,’
\q1
\v 29 ᒋᐸ ᑯᔅᑕᒋᓐ ᒐᒋ ᐊᓏᔨᒥᔅᒃ ᒋᓴᒪᓂᑐᐤ;
\q1 ᐊᓏᔨᒪᐤ ᐊᓂᔭ ᐊᐛᔪᐛ ᒧᔭᒻ ᒋᔾ ᐊᓂᔭ ᒐᔄᐃᑯᑦ;
\q2 ᑭᔭ ᐃᔅᐱ ᐃᔅᐱᔨᒐ ᐊᓐ, ᒋᑭ ‍ ᒋᔅᒐᔨᒪᐛᐤ ᐊ ‍ ᐃᑕᑦ ᐊᐛᓐ ᑕᐸᔅᑯᓂᒐᑦ᙮”
\c 20
\s1 ᓱᐸᕐ ᒥᓐ ᓇᔎᐅᓯᔨᐛᑦ
\p
\v 1 ᐊᑯ ᓱᐸᕐ ᓇᔎᐅᓯᔨᐛᑦ,
\q1
\v 2 “ᒋᒋᐛ ᓂᒥᔅᑲᑕᔨᑎᒥᔨᑯᓐ ᐊᓐ ᑲ ᐃᔅᒋᔄᔨᓐ,
\q2 ᐊᑯ ᒋᔅᑕᑉ ᓂᑭ ‍ ᐃᔨᒥᓐ᙮
\q1
\v 3 ᒋ ‍ ᒪᔭᔨᒥᓐ ᐊᓂᔭ ᒐᒂᔪᐛ ᑲ ᐃᔅᒋᔄᔨᓐ,
\q2 ᒥᒄ ᓂ ‍ ᒋᔅᒐᔨᑕᓐ ᑕᓐ ᒐ ᐃᓯ ‍ ᓂᔎᐅᓯᑕᓐ᙮
\b
\q1
\v 4 ᒋ ‍ ᒋᔅᒐᔨᑕᓐ ᐊ ᐊᓐᑕ ᐎᐱᒡ ᐅᒋ,
\q2 ᐃᔅᐱ ᐅᔅᑭᒡ ᑲᑎᔭᑭᓄᐅᒡ ᐃᔪᒡ ᐅᑕ ᐊᔅᒋᒡ,
\q1
\v 5 ᒥᒋ ‍ ᐃᔪᒡ ᒧᔭᒻ ᒋᔾ ᓇᒪ ᓇᐅᔅ ᐅᒋ ᒧᒋᒐᔨᑎᒧᒡ,
\q2 ᒥᒄ ᒋᒋᐛ ᐛᔨᐱᓯᔅ ᒋ ‍ ᒥᔽᔨᑎᒧᒡ ᐊ ᐊᑲ ᒋᓴᒪᓂᑐᐛᔨᑕᑯᓯᒡ ᐃᔪᒡ ?
\q1
\v 6 ᐊᑎᓱᐧᒄ ᐅᒋᔅᑕᔨᒧᐅᓄᐛᐤ ᑭᔭ ᐅᓱᐧᑲᑎᓯᐅᓄᐛᐤ
\q2 ᐅᑎᒋᐱᔨᒡ ᒋᓯᑯᒡ,
\q1
\v 7 ᓂᒋᔅᒃ ᒋᑭ ‍ ᐸᓯᑯᓇᑯᓱᐅᒡ, ᒧᔭᒻ ᔭᑯᐤ,
\q2 ᑭᔭ ᐊᓐᒡ ᑲ ‍ ᒋᔅᒐᔨᒪᒡ ᒋᑭ ‍ ᑯᒂᒋᒐᒧᐅᒡ, ‘ᑕᓐᑕ ᐊᓂᔭ ᐊᑐᑕᒡ ?’
\q1
\v 8 ᒋᑭ ‍ ᐅᓂᒋᔅᒋᑐᐛᑭᓄᐅᒡ ᒧᔭᒻ ᐳᐛᒧᐅᓐ,
\q2 ᑭᔭ ᓇᒪ ᓴᔅ ᒋᑭ ‍ ᐃᑕᐅᒡ᙮
\q1 ᓇᒪ ᒋᑭ ‍ ᓄᑯᓱᐅᒡ, ᒧᔭᒻ ᐃᓯᓂᒧᐅᓇ ᑲ ‍ ᐛᐸᑕᒡ ᐃᔪᒡ ᒪᒂᒡ ᑕᐱᔅᑲᔨᒡ᙮
\q1
\v 9 ᐊᓐᒡ ᐊᐛᓐᒋ ᐊᓂᔭ ᑲᒋ ‍ ᐛᐱᒪᒡ ᐃᔪᐛ ᓇᒪ ᓂᑕ ᒥᓐ ᒋᑭ ‍ ᐛᐱᒪᐅᒡ;
\q2 ᐃᔭᐱᒡ ᐎᐧᑲᓂᓯᐛᐛ ᓇᒪ ᓴᔅ ᒋᑭ ᒋ ‍ ᐛᐱᒥᑯᐅᒡ᙮
\q1
\v 10 ᒋᑭ ‍ ᐃᔨᐧᑭᒪᑭᓄᐎᔪᐛ ᐅᑦ ᐊᐛᓯᒧᐛᐛ ᒐᒋ ᑲᐤ ᒋᐛ ‍ ᒥᔽᔨᒋ ᐅᓂᒋᔨᑯᐛᐛ ᑲᒋᒧᑎᒧᐛᔨᒋ ᑲᒋᔅᑎᒪᑎᓯᔨᒋ ᐃᔪᐛ᙮
\q1
\v 11 ᐊᓄᒋᒐ ᒋ ᐛᓯᐅᓇᑭᓂᔨᐛ ᑭᔭ ᓱᒋᓯᒥᑭᓂᔨᐛ ᐎᔭᐛᐛ,
\q2 ᒥᒄ ᒋᑭ ‍ ᐳᓂᐱᒪᑎᓯᐅᒡ ᑭᔭ ᒋᑭ ‍ ᓇᔨᐧᑲᑭᓄᐎᔪᐛ ᐎᔭᐛᐛ ᐊᓐᑕ ᒧᔅᑎᔅᑭᒥᒡ᙮
\b
\q1
\v 12 ᒧᔭᒻ ᐊᑎᑯᓂᔨᒡ ᐊᐎᐧᑭᓯᔨᒡ ᒥᒋᒥᔪᐤ ᐅᑐᓄᐛᒡ ᐃᓯᓇᑯᓱᐅᒡ ᐊ ‍ ᒥᒋᑐᑕᒡ,
\q2 ᑭᔭ ᐊᔅᒄ ᒋ ᐎ ‍ ᑯᒋᔅᑎᒧᒡ᙮
\q1
\v 13 ᑭᔭ ᓇᒪ ᐅᒋ ᐎ ‍ ᐳᓂᐅᒡ ᐊ ‍ ᐃᑐᑕᒡ ᐊᓂᔭ ᒐᒂᔪᐛ,
\q1
\v 14 ᒥᒄ ᐊᔅᒄ ᐸᐃᑯᐤ ᒋᓯᑲᐛ ᐊᓂᔭ ᑲ ‍ ᒪᔭᑎᓂᔨᒋ ᒐᒂᔪᐛ ᑲ ‍ ᒥᔽᔨᑕᒡ ᐊ ‍ ᐃᑐᑕᒡ ᒧᔭᒻ ᑲᑯᒋᐱᔨᑕᒡ ᒥᒋᒥᔪᐤ ᒋᑭ ‍ ᐃᓯᓇᑯᓂᔪᐤ,
\q2 ᑭᔭ ᒐ ᐊᑎ ‍ ‍ᐎᓯᑭᓂᔨᒡ ᒧᔭᒻ ᒋᓇᐱᒄ ᐅᐱᒋᐳᔪᐅᓐ ᙮
\q1
\v 15 ᒥᒋ ‍ ‍ᐃᔪᒡ ᓇᒪ ᒋᑭ ᒋ ‍ ᑭᓄᐛᔨᑎᒧᒡ ᓱᓇᔭᔪᐤ ᑲᒋ ‍ ᐅᓯᑎᒪᓱᒡ,
\q2 ᒧᔭᒻ ᐃᔪᒡ ᐊ ᐊᑲ ‍ᒋ ‍ ᑭᓄᐛᔨᑕᒡ ᒥᒋᒥᔪᐤ ᑲᐸᑭᒧᑕᒡ᙮
\q1 ᐅᑎᓂᒥᔨᐛ ᒋᓴᒪᓂᑐᐛ ᐅᐛᔪᑎᓯᐅᓄᐛᐤ᙮
\q1
\v 16 ᒧᔭᒻ ᐊᑯᒋᐱᑕᑭᓄᐅᒡ ᒋᓇᐱᒄ ᐅᐱᒋᐳᔪᐅᓐ ᐃᓯᓇᑯᓂᔪᐤ ᐊᓂᔭᔪᐤ ᒐᒂᔪᐤ ᐊ ‍ ᐃᑐᑕᒡ ᒥᒋ ‍ ᐃᔪᒡ;
\q2 ᒋᑭ ‍ ᓂᐸᔨᑯᐅᒡ ᒧᔭᒻ ᐊ ᐃᓯ ‍ ᓂᐸᔨᑯᔨᒋ ᐃᔪᐛ ᑲᒪᑯᒥᑯᔨᒋ ᑲᐱᒋᐳᔨᐛᐃᒋ ᒋᓇᐱᒂ᙮
\q1
\v 17 ᒐ ᐊᑲ ᓂᑕ ᐛᐸᑕᒡ ᓯᐱᔅᒐ ᐊᐱᒥᑯᔨᒋ
\q2 ᒋᒋᓇᐳᔭ ᑭᔭ ᑲᓯᐛᓯᐛᐳᔪᐤ᙮
\q1
\v 18 ᒋᑭ ‍ ᐃᔭᔨᐧᑭᒪᑭᓄᐅᒡ ᒐᒋ ᑲᐤ ᒥᔭᒡ ᑲᒋᔅᑎᒪᑎᓯᔨᒋ ᑲᒋᒧᑎᒧᐛᒡ ᒐᒂᔪᐛ;
\q2 ᓇᒪ ᒋᑭ ‍ ᒋ ᓴᔅ ᒧᒋᒋᔨᑯᐅᒡ ᐊᓂᔭ ᒐᒂᔪᐛ᙮
\q1 ᓇᒪ ᒋᑭ ᒋ ᓴᔅ ᒥᔽᔨᑎᒧᒡ ᐅᓴᒻ ᐊᓂᔭ ᐅᒋ ᑲ ‍ ᑲᔅᑎᓇᒡ ᒐᒂᔪᐛ ᐅᑦ ᐊᐱᑎᓯᐅᓄᐛᐛᒡ,
\q1
\v 19 ᐛᔅ ᒋ ‍ ᓂᓇᐧᑲᒋᐊᐅᒡ ᑲᒋᔅᑎᒪᑎᓯᔨᒋ ᑭᔭ ᓇᒪ ᐅᒋ ᐎᐎᒋᐊᐅᒡ,
\q2 ᑭᔭ ᒋ ‍ ᐅᑎᓂᒺᐅᒡ ᑯᑎᑲ ᐊᐛᔪᐛ ᐎᒋᔪᐤ ᐊᐎᔭᓯᒪᒡ᙮
\b
\q1
\v 20 ᓇᓂᑎᒻ ᒋ ‍ ᐊᔅᐳᓂᓯᐅᒡ ᑭᔭ ᓇᒪ ‍ ‍ ᓂᑕ ‍ ‍ ‍ ᒥᔽᔨᑎᒧᒡ᙮
\q2 ᐊᑎᑐᐤ ᒋ ‍ ᓂᑐᐛᔨᑎᒧᒡ ᒐᒋ ᑭᓄᐛᔨᑕᒡ ᒐᒂᔪᐛ᙮
\q1
\v 21 ᐃᔅᐱ ᑲᒋ ᒋ ᐃᓯ ‍ ᒥᒋᑥᐎᔾ ᐅᒥᒋᒧᐛᐤ, ᓇᒪ ᓂᑕ ‍ ᐅᒋ ‍ ‍ ᐃᔅᑯᐱᔪᐤ ᒐᒂᔪᐤ ᐅᓴᒻ ᒥᓯᐛ ᒋ ‍ᐊᔅᐳᓂᓯᐤ ᒥᒋᐅᒡ;
\q2 ᒥᒄ ᐊᓄᒡ ᒋᑭ ‍ ‍ᐃᔎᐱᔪᐤ ᐅᒥᔪᐱᐅᓄᐛᐤ᙮
\q1
\v 22 ᐃᔅᐱ ᐊ ᒥᔅᑎ ‍ ᐛᔪᑎᓯᑥᐎ,
\q2 ᓯᔅᒋᑯᒡ ᒋᑭ ‍ ᐅᑎᑎᑯᐅᒡ ᒥᔅᑎ ‍ ᐅᔅᑕᐱᔨᐛᐅᓂᔪᐤ᙮
\q2 ᒋᑭ ‍ ᐅᑐᑎᑯᐅᒡ ᓇᐧᑲᑎᓯᐅᓂᔪᐤ ᑭᔭ ᒋᑭ ‍ ᐱᒋᔅᑲᑯᐅᒡ᙮ ᒋᑭ ᒥᔅᑎ ‍ ᐎᓯᒐᔨᑎᒧᒡ᙮
\q1
\v 23 ᐃᔅᐱ ᒐᔅᐳᐎᓱᑥᐎ ᒥᒋ ‍ ᐃᔪᒡ,
\q2 ᒋᑭ ‍ ‍ᐛᐸᑎᔨᐛᐤ ᒋᓴᒪᓂᑐᐤ ᐊᔅᐱᔅ ᒋᒋᐛ ᒋᔄᐱᔅᑐᐛᑦ ᑭᔭ ᒋᑭ ‍ ‍ᐊᓏᔨᒪᐤ;
\q2 ᒧᔭᒻ ᐊ ‍ ᒋᒧᓂᔨᒡ ᒋᑭ ‍ ‍ᐃᑕᔨᑕᑯᓂᔪᐤ ᐊᓂᔭ ᒐ ᐃᓯ ‍ ‍ᐊᓏᔨᒪᑦ ᒋᓴᒪᓂᑐᐤ᙮
\q1
\v 24 ᒋᑭ ᐎ ‍ ‍ᒋᑎᓯᒧᐅᒡ ᐊ ᐎ ‍ ‍ᓂᐸᐊᑭᓄᐅᒡ ᐊᓯᒪᑭᓂᔪᐤ ᐅᒋ,
\q2 ᒥᒄ ᑲ ‍ ᐛᐸᐱᔅᒋᓯᔨᒋ ᐊ ‍ ᑲᓯᒪᐱᑯᐎᔨᒋ ᐊᑭᔎ ᒋᑭ ‍ ‍ᓴᑈᐅᑯᐅᒡ᙮
\q1
\v 25 ᐎᔭᐛᒡ ᒋᑭ ‍ ᓴᑈᐅᑯᐅᒡ ᐊᑭᔎ ᑭᔭ ᐅᔅᐱᔅᑯᓄᐛᒡ ᒋᑭ ‍ ᐅᒋ ‍ ᓴᑈᔅᑯᒧᔪᐛ;
\q2 ᒥᐧᑯᔪᐤ ᒋᑭ ‍ ‍ᐸᒋᑯᔪᐤ ᐊᓐᑕ ᐊ ‍ ᓴᑈᔅᑐᐛᔨᒋ ᐊ ‍ ᑲᓯᒪᐱᑯᐎᔨᒋ ᐊᑭᔎ ᐅᒋ,
\q2 ᑭᔭ ᒋᑭ ‍ ᓴᒋᓱᐅᒡ ᐊᓐᒡ ᒥᒋ ‍ ᐃᔪᒡ᙮
\q1
\v 26 ᒋᑭ ‍ ‍ᓂᓱᓇᒋᑕᑭᓄᔪᐛ ᑲ ‍ ‍ᓱᓇᔭᐅᔨᒋ ᐅᑎᐸᔨᑎᒧᐅᓄᐛᐛ;
\q2 ᒋᑭ ‍ ‍ᐃᔎᓱᑯᐅᒡ ᐃᔅᑯᑕᔪᐤ ᐊ ᐊᑲ ᐅᒋ ‍ ᓯᔅᑲᒥᔨᒋ ᐃᔪᐛ ᒥᒄ ᒋᓴᒪᓂᑐᐛ
\q2 ᑭᔭ ᐃᔭᐱᒡ ᑲ ‍ ᐃᔅᑯᐱᔨᒋ ᒐᒂᔪᐛ ᐅᐱᒍᐎᔭᓂᒋᐛᐳᐛᒡ ᒋᑭ ‍ ‍ᓂᓱᓇᒋᑕᑭᓄᔪᐛ᙮
\q1
\v 27 ᐊᓐᒋᓇ ᒋᒋᒋᓯᑯᒡ ᒋᑭ ‍ ᓄᑯᑕᔪᐛ ᐅᒥᒋᑐᑎᒧᐅᓄᐛᐛ ᒥᒋ ‍ ᐃᔪᒡ ᑲᑐᑕᒡ,
\q2 ᑭᔭ ᐃᔪᒡ ᐅᑕ ᐊᔅᒋᒡ ᒋᑭ ‍ ᐱᓯᑯᐅᒡ ᑭᔭ ᒋᑭ ‍ ᒪᒥᓯᒪᐅᒡ᙮
\q1
\v 28 ᐃᔅᐱ ᐊᓏᔨᒪᒐ ᐊᓂᔭ ᐃᔪᐛ,
\q2 ᒋᑭ ‍ ᒋᑕᐳᑕᓂᔨᐛ ᐅᑎᐸᔨᑎᒧᐅᓄᐛᐛ ᐊ ‍ ᐃᔅᒋᐳᑕᔨᒡ᙮
\q1
\v 29 ᐊᐅᑯᔪᐤ ᐊᓂᔭ ᑲ ᐃᓯ ‍ ᐎᔭᔨᑎᒧᐛᑦ ᒋᓴᒪᓂᑐᐤ
\q2 ᒐ ‍ ᐃᔅᐱᔨᒋ ᐊᐛᔪᐛ ᑲ ‍ ᒪᔭᑎᓯᔨᒋ
\c 21
\s1 ᒠᑉ ᒥᓐ ᓇᔎᐅᓯᔨᐛᑦ
\p
\v 1 ᐊᑯ ᒠᑉ ᓇᔎᐅᓯᔨᐛᑦ,
\q1
\v 2 “ᓂᑐᑐᐅᒄ ᒐᒂᓐ ᒐ ‍ ᐃᔅᒋᔄᔭᓐ, ᒥᓯᐛ ᒋᔨᐛᐤ ᐊ ᓂᔅᑎᔭᒄ;
\q2 ᐊᐅᑯᓐ ᒥᒄ ᒐᒂᓐ ᒐᒋ ᐃᑎᔭᒄ ᒐ ‍ ᒥᔽᔨᒧᔨᑯᔭᓐ᙮
\q1
\v 3 ᓯᐱᐛᓯᔅᑐᐅᒄ, ᑭᔭ ᓇᐃᒥᒄ ᒐᒋ ᐃᔨᒥᔭᓐ᙮
\q2 ᐊᑯ, ᒋ ᐃᓯ ‍ ᐃᔨᒥᔭᓇ, ᐊᑯ ᒥᓐ ᒐ ‍ ᒋᒋᐱᔨᔭᒄ ᐊ ᐛᐅᓯᓄᐅᔭᒄ᙮
\b
\q1
\v 4 ᓇᒪᔭᐅᒡ ᐊᓐᒡ ᐃᔪᒡ ᐃᔭᓏᔨᒥᒂᐤ ᒥᒄ ᒋᓴᒪᓂᑐᐤ
\q2 ᑭᔭ ᓇᒪ ᐃᓯᓇᑯᓐ ᓂᔾ ᒐᒋ ᐊᔅᐱᓄᐛᔨᒧᐅᔭᓐ!
\q1
\v 5 ᒋᑕᐱᒥᒄ! ᒋ ‍ ᑐᑕᑯᓇᐛᐤ ᐊ ᐊᓐ ᒐᒂᓐ ᐎᔭᐸᑎᒪᒄ ᒐᒋ ᑯᔅᑕᒋᔭᒄ
\q2 ᑭᔭ ᒋᐳᑐᓇᐅᔭᒄ ?
\q1
\v 6 ᐃᔅᐱ ᒥᔭᒥᑐᓇᔨᑎᒪᓂ ᒐᒂᓐ ᑲ ‍ ᐃᔅᐱᔨᔭᓐ,
\q2 ᓂ ‍ ᑯᔅᑕᒋᓐ ᑭᔭ ᓇᓇᐱᔪᐤ ᒥᓯᐛ ᐊᔅᐱᓴᒡ ᓂᔪᐤ᙮
\b
\q1
\v 7 ᒥᒄ ᓂᑭ ‍ ᑯᒂᒋᒐᒧᓐ ᐅ: ‘ᒐᒂᔪᐤ ᐛᒋ ‍ ᐊᔅᒄ ‍ ᐱᒪᑎᓯᒡ ᒥᒋ ‍ ᐃᔪᒡ,
\q2 ᑭᔭ ᒥᔪᐱᔨᒡ, ᑭᔭ ᐛᒋ ‍ ᐊᑲ ‍ ᐳᓂᐱᒪᑎᓯᒡ ᐸᑎᒪ ᑲᒋ ‍ ᒋᓴᔪᑥᐎ ?
\q1
\v 8 ᐛᔅᑲ ᑕᔪᐛ ᐅᑦ ᐊᐛᓯᒧᐛᐛ ᐊ ‍ᐃᑕᒡ,
\q2 ᑭᔭ ᑭᓄᐛᐱᒪᐅᒡ ᒪᒂᒡ ᐊᑎ ‍ ᐅᐱᒋᔨᒋ ᑭᔭ ᐎᒋᔨᒋ ᑎᐱᔨᐛ ᐎᒋᔨᒡ,
\q2 ᑭᔭ ᒥᔽᔨᑎᒧᒡ ᐊ ‍ ᑕᔨᒋ ᐅᓯᒧᐛᐛ ᐊ ‍ ᐃᑕᒡ᙮
\q1
\v 9 ᐎᒍᐅᒡ ᒥᒋ ‍ ᐃᔪᒡ ᐎᒋᐛᐛᒡ ᐊ ᐊᑲ ᑯᔅᑕᒋᒡ,
\q2 ᑭᔭ ᓇᒪ ᐊᓏᔨᒥᑯᐅᒡ ᒋᓴᒪᓂᑐᐛᐤ᙮
\q1
\v 10 ᒥᒐᑦ ᒥᒋᑎᐧᑯᓴ ᐃᔭᐛᔪᐛ ᐅ ‍ ᒥᒋᑎᐧᑯᒧᐛᐛ
\q2 ᐊ ᐊᑲ ᐛᐛᒡ ᓂᑕ ᐅᓇᐊᔨᒋ ᐸᐃᒄ;
\q1
\v 11 ᐎᐎᑎᓴᐛᐅᒡ ᐅᑦ ᐊᐛᓯᒧᐛᐛ ᒥᒋ ‍ ᐃᔪᒡ ᒐᒋ ᒪᑐᐛᔨᒋ,
\q2 ᑭᔭ ᒥᔽᔨᑎᒧᒡ ᐊᒪᑐᐛᒡ ᐊᐛᓯᒡ ᒧᔭ ᒪᔭᑕᓂᓯᒡ ᐊᓐᑕ ᓂᑕᐅᒋᒋᑭᓂᒡ᙮
\q1
\v 12 ᐱᔅᒐ ᐊᐛᓯᒡ ᓂᒧᐅᒡ ᑭᔭ ᓂᑭᒧᐅᒡ, ᒪᒂᒡ ᑯᑎᑭᒡ ᐊᐸᑕᑯᑕᒡ ᑕᐛᐃᑭᓂᓴ ᑭᔭ ᐊᓯᑭᓇᔭᐱᔾ ᒋᔍᐛᐱᒋᑭᓇ,
\q2 ᑭᔭ ᒥᔽᔨᑎᒧᒡ ᐃᔅᐱ ᐱᔭᑐᐛᑥᐎ ᐃᔪᐛ ᐊᒪᑐᐛᔨᒋ ᐳᑕᒋᑭᓇ᙮
\q1
\v 13 ᒧᒋᒐᔨᑎᒥᔨᑯᐅᒡ ᓇᓂᑎᒻ ᐊᐃᔭᒡ ᒥᔪ ‍ ᒐᒂᓇ ᒪᒂᒡ ᐊᐱᒪᑎᓯᒡ,
\q2 ᑭᔭ ᒋᔭᒪᔨᑎᒧᐅᓂᒡ ᐳᓂᐱᒪᑎᓯᐅᒡ ᑭᔭ ᐊᔅᐱᔨᒡ ᐊᓐᑕ ᑲ ‍ ᐳᓂᐱᒪᑎᓯᔨᒋ ᐊ ‍ ᑕᔨᒋ᙮
\q1
\v 14 ᒪᒂᒡ ᐊᐱᒪᑎᓯᒡ, ᐃᑕᐅᒡ ᒋᓴᒪᓂᑐᐛ, ‘ᐊᑲ ᐃᔭᔨᒥᑯᐅᓇᓐ;
\q2 ᓇᒪ ᓂ ᐎ ‍ ᒋᔅᒐᔨᑕᓇᓐ ᑕᓐ ᐊ ᐃᓯ ‍ ᓂᑐᐛᔨᒥᔭᒡ ᒐ ᐃᓯ ‍ ᐊᔭᑎᓂᒪᒡ ᓂᐱᒪᑎᓯᐅᓇᓇ!
\q1
\v 15 ᒐᒂᓐ ᐛᒋ ‍ ᐃᑕᔨᑎᒥᓐ, ᒥᓯᐛ ᐊ ᐃᓯ ‍ ᓱᐧᑲᑎᓯᔨᓐ ᒋᓴᒪᓂᑐᐤ, ᒋᔾ ᒐᒋ ᐊᑐᔅᑲᑕᒡ ?
\q2 ᓇᒪ ᐊᐱᑎᓐ ᒐᒋ ᐊᔭᒥᐊᔅᑕᑕᒡ᙮’
\q1
\v 16 ᒪᒥᑐᓇᔨᑎᒥᒄ ᒪ; ᐃᑕᔨᑎᒧᒡ ᒥᒋ ‍ ᐃᔪᒡ ᐊᓂᔭ ᐊ ‍ ᐃᑐᑕᒡ ᒐᒂᔪᐤ ᐊᐅᑯᔪᐤ ᐛᒋ ‍ ᒥᔪᐱᔨᒡ,
\q2 ᒥᒄ ᓇᒪ ᓂᔅᑐᑕᒺᓐ ᒐᒂᔪᐤ ᐊᓂᔭ ᐛᒋ ‍ ᐃᑕᔨᑕᒡ᙮
\b
\q1
\v 17 ᓂᔭᓂᑯᑎᓂ ᐃᓯᓇᑯᓱᐅᒡ ᒥᒋ ‍ ᐃᔪᒡ ᐊᐳᓂᐱᒪᑎᓯᒡ ᐊᒺᔭ ᒋᓴᐃᔪᐅᒡ᙮
\q2 ᓂᔭᓂᑯᑎᓂ ᐅᑎᑎᑯᐅᒡ ᒥᒋᐱᔪᐅᓇ᙮
\q2 ᓇᒪ ᓂᑕ ᐊᓏᔨᒪᐤ ᒋᓴᒪᓂᑐᐤ ᐛᔅ ᒋᒋᐛ ᐊᒋ ‍ ᒋᔄᔨᑯᑦ
\q1
\v 18 ᓇᒪ ᐳᑕᑕᐤ ᒐᒋ ᐛᐸᓯᔨᒋ ᒧᔭᒻ ᐊᐛᐸᔅᑎᒋ ᒥᔅᑯᓱᒥᔅᑎᑯᓴ;
\q2 ᓇᒪ ᓂᑕ ᒋᑕᔅᑎᒥᑯᐅᒡ ᐊᐱᒥᔪᑎᓂᔨᒡ᙮
\q1
\v 19 ᒋᑦ ᐃᔅᒋᔄᓐ, ᐃᔅᐱ ᒪᒋᑐᑕᑥᐎ ᐃᔪᒡ,
\q2 ᐊᓯᓂᐛᓱᐤ ᒋᓴᒪᓂᑐᐤ ᑭᔭ ᐊᓏᔨᒥᒪᐤ ᐅᑦ ᐊᐛᓯᒥᔨᐛ ᐛᔅ ᐊᓂᔭ ᒥᒋᑐᑎᒧᐅᓇ ᐅᒋ;’
\q1 ᒥᒄ ᓂᑦ ᐃᔅᒋᔄᓐ ᒋᐸ ‍ ᐊᓏᔨᒪᐤ ᒋᓴᒪᓂᑐᐤ ᐊᓂᔭ ᑲ ‍ ᒥᒋᑥᔨᒋ, ᓇᒪᔭᔪᐛ ᐅᑦ ᐊᐛᓯᒥᔨᐛ,
\q2 ᒐᒋ ᐅᒋ ᒋᔅᒐᔨᑕᒡ ᑲᒥᒋᑥᒡ ᐎᔪᐛᐤ ᐛᒋᒡ ᑎᐱᔨᐛ ᐅ ‍ ᒥᒋᑐᑎᒧᐅᓄᐛᐛ ᐛᒋ ‍ ᐊᓏᔨᒪᑭᓄᐅᒡ᙮
\q1
\v 20 ᑭᒪ ᒥᒋ ‍ ᐃᔪᒡ ᐛᐸᑕᒡ ᐊᓂᓱᓇᒋᔨᑯᓯᐅᓄᐛᐤ,
\q2 ᑭᔭ ᒋᑭ ‍ ᒥᓄᐛᐅᒡ ᐅᑦ ᐊᐧᑯᔪᐛᓱᐅᓂᔪᐤ ᒥᓯᐛ ᐊᓯ ‍ ᓱᐧᑲᑎᓯᔨᒋ ᒋᓴᒪᓂᑐᐛ᙮
\q1
\v 21 ᒋ ‍ ᐳᓂᐱᒪᑎᓯᑥᐛ ᒥᒋ ‍ ᐃᔪᒡ,
\q2 ᓇᒪ ᐊᐱᑕᔨᑎᒥᔨᑯᐅᒡ ᑕᓐ ᐊ ‍ ᐃᔅᐱᔨᒋ ᐎᐧᑲᓂᓯᐛᐛ᙮
\b
\q1
\v 22 ᐃᔅᐱ ᒋᓴᒪᓂᑐᐤ ᑕᐸᔅᑯᓇᑦ ᒥᓯᐛ ᐊᐛᔪᐛ, ᐊᑎᓱᐧᒄ ᒋᒋᒋᓯᑯᒡ ᐊ ‍ ᐃᑕᔨᒋ,
\q2 ᐊᐛᓐ ᒐᒋ ᒋᔅᑯᑎᒧᐛᑦ ᒐᒂᔪᐤ ᒋᓴᒪᓂᑐᐛ ?
\q1
\v 23 ᐳᓂᐱᒪᑎᓯᐅᒡ ᐱᔅᒐ ᐊᐛᓐᒋ ᒪᒂᒡ ᒪᔪᐱᒪᑎᓯᑥᐎ,
\q2 ᒪᒂᒡ ᐊᒋᔭᒪᐛᔨᑕᑥᐎ, ᐃᔅᐱ ᐊᑲ ᒐᒂᔪᐤ ᑯᔅᑕᑥᐎ᙮
\q1
\v 24 ᐎᒥᓯᐅᒡ;
\q2 ᓱᒋᓯᒥᑭᓂᔨᐛ ᐅᔅᑭᓂᐛᐛ᙮
\q1
\v 25 ᑯᑎᑭᒡ ᐊᐛᓐᒋ ᐳᓂᐱᒪᑎᓯᐅᒡ ᒋᒋᐛ ᐊᓂᓇᐧᑲᑕᔨᑕᒡ;
\q2 ᓇᒪ ᓂᑕ ᐅᒋ ᐛᐸᑎᒧᒡ ᒥᔪ ‍ ᒐᒂᓇ ᐊ ᐃᔅᐱᔨᒡ᙮
\q1
\v 26 ᒥᒄ ᑕᐱᔅᑯᓐ ᑲ ‍ ᐛᔪᑎᓯᒡ ᑭᔭ ᑲ ‍ ᒋᔅᑎᒪᑎᓯᒡ ᐃᔪᒡ ᐳᓂᐱᒪᑎᓯᐅᒡ ᑭᔭ ᓇᐃᐧᑯᐛᑭᓄᐅᒡ,
\q2 ᑭᔭ ᒥᓂᑐᓴ ᒥᒋᔨᐛ ᐎᔭᐛᐛ᙮
\q1 ᒥᓯᐛ ᐊᐛᓐ ᐳᓂᐱᒪᑎᓯᐤ, ᐊᑯ ᒋᒋᐛ ᓂᔅᑐᑕᑯᓐ ᐊᐳᓂᐱᒪᑎᓯᓇᓄᐅᒡ ᓇᒪᔭᐤ ᐊᓐ ᓇᓂᑎᒻ ᐊᓏᔨᒋᒐᐅᓐ ᐊ ᒥᒋ ‍ ᐃᔪᓇᓄᐅᒡ᙮
\b
\q1
\v 27 ᓂᑐᑎᒧᒄ, ᓂ ‍ ᒋᔅᒐᔨᑕᓐ ᒐᒂᓐ ᐊ ‍ ᑕᔨᑎᒪᒄ᙮
\q2 ᓂ ‍ ᒋᔅᒐᔨᑕᓐ ᒥᒋ ‍ ᒐᒂᓇ ᐊ ‍ ᐎᔭᔨᑎᒪᒄ ᐛ ‍ ᐃᑐᑐᐅᔭᒄ᙮
\q1
\v 28 ᒋᑦ ᐃᔅᒋᔄᓇᐛᐤ, ᑕᓐ ᑲ ‍ ᐃᔅᐱᔨᒋ ᐊᓂᔭ ᐱᒍᐎᔭᓂᒋᐛᐸ ᐊᓐᑕ ᑲ ‍ ᐎᒋᒡ ᒥᒋ ‍ ᐃᔪᒡ ?
\q2 ᒋ ‍ ᓂᓱᐅᓇᒋᑕᑭᓄᔪᐛ ᒥᒋ ‍ ᐅᒋᒪᐅᒡ ᐎᒋᐛᐛ!’
\q1
\v 29 ᒥᒄ ᓇᒪ ᓂᑕ ᒋ ᐅᒋ ᑯᒂᒋᒐᒧᓇᐛᐤ ᐊᓐ ᐊᐱᐸᒥᐱᒋᒡ ᐊᐛᓐᒋ ?
\q2 ᓇᒪ ᒋᑕᑈᑎᒺᓇᐛᐤ ᐊ ᐅᑦ ᐃᔨᒧᐅᓄᐛᐤ ᒐᒂᔪᐤ ᑲᐛᐸᑕᒡ,
\q1
\v 30 ᐊᓐᒡ ᒥᒋ ‍ ᐃᔪᒡ ᓇᒪ ᐎᓯᒐᔨᑎᒧᒡ ᓂ ᒧᔭᒻ ᐃᔅᐱ ᐛᑎᑎᑯᑥᐎ ᒋᒋ ‍ ᒥᒋᐱᔪᐅᓇ;
\q2 ᐊᐅᒄ ᐊᓐᒡ ᒥᒋ ‍ ᐃᔪᒡ ᐸᐧᑯᐛᑭᓄᐅᒡ ᐃᔅᐱ ᒐᔄᐱᒋ ᒋᓴᒪᓂᑐᐤ ᑭᔭ ᐃ ᐊᓏᔨᒪᒋ ᐊᐛᔪᐛ᙮
\q1
\v 31 ᓇᒪ ᐃᑕᐤ ᐊᐛᓐ ᑎᐊᐸᔨᒪᑦ ᒥᒋ ‍ ᐃᔪᐛ,
\q2 ᑭᔭ ᓇᒪ ᐃᑕᐤ ᐊᐛᓐ ᑲᐤ ᑕᐸᐊᒧᐛᑦ ᒥᓯᐛ ᒥᒋ ‍ ᒐᒂᔪᐛ ᑲᒋ ‍ ᑐᑎᒥᔨᒋ᙮
\q1
\v 32 ᒥᒋ ‍ ᐃᔪᒡ ᐎᔭᐛᐛ ᐅᓂᒂᔅᑲᓄᐛᒡ ᐃᑐᑕᑭᓄᔪᐛ,
\q2 ᑭᔭ ᑎᔭᑭᓄᐅᒡ ᐊᓐᑕ ᐊᐛᓐᒋ ᒐᒋ ᓇᑭᑥᐸᑕᒡ ᐊᓂᔭ ᓂᒂᔅᑲᓇ᙮
\q1
\v 33 ᒥᒐᑦ ᐊᐛᓐᒡ ᐃᑐᑕᐅᒡ ᐊᓐᑕ ᓂᒂᔅᑲᓐ ᐊᔅᒋᔪᐤ ᐊᑎᑯᓂᔨᒡ᙮
\q2 ᐱᔅᒐ ᓂᑲᓐ ᐊᓐᑕ ᐃᑕᐅᒡ ᐊᑎ ᐱᒧᑕᓄᐎᔨᒡ ᑭᔭ ᐱᔅᒐ ᐅᑕᒡ᙮
\q2 ᑭᔭ ᒧᔭᒻ ᐊ ‍ ᒥᔽᓯᔨᒡ ᓂᐸᑭᓂᔪᐤ ᐃᓯᓇᑯᓂᔪᐤ ᐊᓂᔭ ᐸᔅᑎᓇᑭᓄᐎᔨᒡ ᐃᔭᑲᔪᐤ ᐊᓐᑕ ᒥᒋ ‍ ᐃᔪᐛ ᑲᐳᓂᐱᒪᑎᓯᔨᒋ ᐅᓂᒂᔅᑲᓂᔨᒡ᙮
\b
\q1
\v 34 ᐊᑯ ᑕᓐᑕ ᒐ ᐅᒋ ᒥᔽᔨᒧᐎᔨᓐ ᐊᒋᔎᐃᔨᒥᔨᓐ ?
\q2 ᒥᓯᐛ ᑭᑭᒋᔭᐅᓇ ᑕᑥᐤ ᓇᔎᐅᓯᔨᐛᔨᓂ!”
\c 22
\s1 ᐃᓕᐸᔅ ᒥᓐ ᓇᒂᐛᓯᔨᐛᑦ
\p
\v 1 ᐊᑯ ᐃᓕᐸᔅ ᓇᒂᐛᓯᔨᐛᑦ,
\q2
\q1
\v 2 “ᒋᐸ ᒋ ᐊ ᒥᔪ ‍ ᐊᐱᒋᔨᑯᐤ ᐊᐛᓐ ᒋᓴᒪᓂᑐᐛ ?
\q2 ᐃᔭᐱᒡ ᐊᑭᒐᑕᐛᔨᑕᑯᓯᒡ ᐊᐛᓐᒋ ᓇᒪ ᒋ ‍ ᒥᔪ ‍ ᐊᐱᒋᔨᑯᐅᒡ ᒋᓴᒪᓂᑐᐛ᙮
\q1
\v 3 ᐊᑲ ᓇᔅᒡ ᐅᒥᒋᑥᐅᓂᔨᓐ, ᐃᔭᐱᒡ ᓇᒪ ᒐᒂᓂᔪᐤ ᒋᐸ ‍ ᐃᑕᔨᑎᒥᔨᑯᐤ
\q2 ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ᙮
\q1
\v 4 ᒋᒋᐛ ᐊ ᐃᔅᐱᑕᔨᒥᑦ ᒋᓴᒪᓂᑐᐤ ᐊ ᐛᒋ ‍ ᐊᓏᔨᒥᔅᒃ ?
\q2 ᐊᐅᑯᔪᐤ ᐊ ᐛᒋ ‍ ᑎᐸᔅᑯᓂᔅᒃ ?
\q1
\v 5 ᓇᒪ ᑭᑈ, ᐊᓂᔭ ᐛᒋ ‍ ᒋᒋᐛ ᒥᒋ ‍ ᐃᔪᐅᑦ ᐅᒋ᙮
\q2 ᐊᓂᔭ ᐅᒋ ᑲ ᑐᑎᒥᓐ ᒋᒋᐛ ᑲ ᒥᒐᒋ ᒥᒋ ‍ ᒐᒂᓇ ᐊ ᐊᑲ ᒋᒋᑕᐧᒃ ᐊᐛᓐ!
\q1
\v 6 ᒋᒋ ᐛᐊᒐᓂᒋ ᑯᑎᑭᒡ ᓱᓇᔭᔪᐤ ᑭᔭ ᒋᒋ ᒥᒋ ‍ ᐊᔨᐧᑭᒪᐅᒡ ᒐᒋ ᒥᔨᔅᒡ ᒐᒂᔪᐤ ᒐᒋ ᑲᐤ ᐅᒋ ᐱᑯᓯᓇᐊᒪᔅᒡ ᓱᓇᔭᔪᐤ;
\q2 ᒋᒋ ‍ ‍ᐅᑎᓂᒺᓇᒐ ᒥᓯᐛ ᐅᑦ ᐊᐱᒋᑕᐅᓄᐛᐛ ᑭᔭ ᐊ ᐊᑲ ᐃᔅᑯᓂᒧᐅᑥᐤ ᒐᒂᔪᐤ ᒐᒋᔅᑲᒡ᙮
\q1
\v 7 ᓇᒪ ᒋ ᐅᒋ ‍ ᒥᓇᐊᒐᓂᒋ ᓂᐱᔪᐤ ᐊᓐᒡ ᑲ ᓄᑕᐸᒂᒡ,
\q2 ᑭᔭ ᓇᒪ ᒋ ᐅᒋ ᑕᑈᑕᓇᒐ ᒐᒋ ᐊᓯᒥᑥᐤ ᒥᒋᒥᔪᐤ ᐊᓐᒡ ᑲᓯᐛᔨᒡ᙮
\q1
\v 8 ᐛᔅ ᒋᒋᐛ ᒋ ᒋᓱᐧᑲᑎᓯᓐ, ᒋᒋ ‍ ᐅᑎᓂᒺᓇᒐ ᒥᓯᐛ ᐃᔪᒡ ᐅᑦ ᐊᔅᒋᐛᐤ,
\q2 ᐊᑯ ᑭᔭ, ᐊᒋᔅᑕᔨᒥᑯᐎᔨᓐ, ᒂ ᒋᒋ ‍ ᐎᒍᐅᑦ ᐊᓐᑕ ᐅᑦ ᐊᔅᒋᐛᒡ᙮
\q1
\v 9 ᐃᔅᐱ ᒋᔅᑎᒪᒋᔎᐅᒡ ᑲ ‍ ᓂᑐᐛᐱᒥᔅᒡ ᒐᒋ ᐎᒋᔨᑥᐤ, ᒋᒋ ‍ ᒋᑎᓴᐛᒐᓂᒋ ᐊ ᐊᑲ ᒐᒂᔪᐤ ᒥᔨᑥᐤ,
\q2 ᑭᔭ ᒋᒋ ᓂᓇᐧᑲᒋᐊᒐᓂᒋ ᒋᐅᓴᓂᒡ᙮
\q1
\v 10 ᐛᔅ ᒥᓯᐛ ᐊᓐ ᐅᒋ, ᐊᓄᒡ ᑎᑯᓇ ᐛᔨᐃᑭᓇ ᐛᔅᑲ ᐊ ‍ ᐃᑕᔨᓐ ᐊᓐᑕ ᒐᐱᑎᓯᐛᐱᔨᓐ,
\q2 ᑭᔭ ᓯᔅᒋᑯᒡ ᐃᑎᑯᓇ ᒐᒂᔪᐤ ᐊᑯᔅᑕᒋᔨᑯᔨᓐ ᑭᔭ ᑐᑕᑯᐎᔨᓐ ᒐᒋ ᓇᓇᒥᐱᔨᓐ᙮
\q1
\v 11 ᒧᔭᒻ ᒋᒋᐛ ᓇᔅᒡ ᐊᑭᔅᒋᑎᐱᔅᑲᒡ, ᐊᑐᑕᑯᐎᔨᓐ ᒐ ᐊᑲ ᐛᐸᑎᒥᓐ ᒐᒂᓐ,
\q2 ᑭᔭ ᒧᔭᒻ ᐊᑯᓇᐅᑯᐎᔨᓐ ᐊᐃᔅᒋᐸᒡ᙮
\q1
\v 12 ᒥᒄ ᒪᒥᑐᓇᔨᑕ ᐅ, ᒠᑉ: ᓇᔅᒡ ᐃᔅᐱᒥᒡ ᒋᒋᒋᓯᑯᒡ ᐎᒍᐤ ᒋᓴᒪᓂᑐᐤ,
\q2 ᐊᑯᑕ ᐛᒋ ‍ ᒋᑕᐱᒪᑦ ᐅᒋ ᓇᔅᒡ ᐃᔅᐱᒥᒡ ᐊ ‍ ᑕᔨᒋ ᐅᒐᑭᑕᒂ᙮
\q1
\v 13 ᐊᑯ ᒐᒂᓐ ᐛᒋ ‍ ᐃᔅᒋᔄᔨᓐ, ᒐᒂᔪᐤ ᒐᔅᒐᔨᑕᐧᒃ ᒋᓴᒪᓂᑐᐤ ᐊᓂᔭ ᐊ ‍ ᐃᑐᐅᒋᒡ ?
\q2 ᑲᐃᑯᐤ ᐊᓂᔭ ᐅᑲᔅᑕᔭᐤ ᑭᔅᑯᐅᓇ, ᐊᑯ ᑕᓐᑕ ᒐᒋ ᐅᒋ ᑎᐸᔅᑯᓂᔨᒥᑦ ?
\q1
\v 14 ᒋᑦ ᐃᑕᔨᑕᓐ ᐊ ᒪᒂᒡ ᐊᐱᐸᒧᑕᑦ ᐊᓐᑕ ᒋᓯᑯᒡ ᐊᑯᓇᔨᑭᓂᒡ
\q2 ᐛᔅᑲ ᐊ ‍ ᑕᔨᒋ ᐊ ‍ ᑕᑦ ᐊᔅᐱᒋᔨᒋ ᑭᔅᑯᐅᓇ, ᒐ ᐅᒋ ᐊᑲ ᐛᐸᑕᐧᒃ ᐊᐃᑐᐛᐧᒄ ?
\q1
\v 15 ᐊᔅᒄ ᐊ ᒋᑭ ‍ᐃᓯ ‍ ᐱᒪᑎᓯᓐ ᐎᐱᒡ ᐃᑐᐅᓂᒡ
\q2 ᒥᒐᑐ ᐱᐳᓇ ᑲ ᐃᑎᒡ ᒥᒋ ‍ ᐃᔪᒡ ?
\q1
\v 16 ᓯᔅᒋᑯᒡ ᒋᐳᓂᐱᒪᑎᓯᐅᒡ ᒪᒂᒡ  ‍ ᑲ ‍ ᐊᐛᓯᐅᒡ;
\q2 ᒋᐸᓯᑯᓇᑯᓯᐅᒡ ᒧᔭᒻ ᒐᒂᓐ ᐊ ᐃᓯ ‍ ᐸᓯᑯᓇᒂᒡ ᐃᔅᐱ ᐊ ᐃᔅᒋᐸᒋ᙮
\q1
\v 17 ᒂ ᐃᑕᒡ ᓂ ᒋᓴᒪᓂᑐᐛ, ‘ᐊᑲ ᐃᔭᔨᒥᑯᐅᓇᓐ,’
\q2 ᑭᔭ ᐃᔭᐱᒡ ᒂ ‍ ᐃᔅᒋᔄᒡ, ‘ᓇᒪ ᒐᒂᔪᐤ ᓂᒋ ‍ ᑐᑕᑯᓇᓐ ᒥᓯᐛ ᐊᓯ ‍ ᓱᐧᑲᑎᓯᔨᓐ ᒋᓴᒪᓂᑐᐤ ᒐᒋ ᐊᐧᑯᔨᒥᑦ!’
\q1
\v 18 ᒥᒄ ᒋᓴᒪᓂᑐᐛ ᐊᓂᔭ ᒋᓴᑭᔅᒋᓂᑕᔪᐛ ᐎᒋᐛᐛ ᒥᔪ ‍ ᒐᒂᓇ,
\q2 ᐊᑯ ᓇᒪ ᓂᒋ ‍ ᓂᔅᑐᑕᓐ ᒐᒂᔪᐤ ᐊᓂᔭ ᐛᒋ ‍ ᐃᑕᔨᑕᒡ ᒥᒋ ‍ ᐃᔪᒡ᙮
\b
\q1
\v 19 ᒥᒄ ᐃᔅᐱ ᐃ ᐊᓏᔨᒪᒋ ᒋᓴᒪᓂᑐᐤ ᒥᒋ ‍ ᐃᔪᐛ, ᑭᔭ ᐊᐛᐸᑕᒡ ᐊᓂᔭ ᑲ ᑯᐃᔅᑯ ‍ ᐃᔨᑎᒡ ᐃᔪᒡ, ᒥᔽᔨᑎᒧᒡ,
\q2 ᑭᔭ ᒂ ᐸᐱᒡ, ᐊ ᒪᔭᔨᒪᒡ ᒥᒋ ‍ ᐃᔪᐛ᙮
\q1
\v 20 ᒂᔅᒋᔄᒡ, ‘ᐊᓄᒡ ᒋ ‍ ᓂᓱᐅᓇᒋᐊᑭᓄᐅᒡ ᑲᐱᒂᑎᑕᐧᑯᒡ,
\q2 ᑭᔭ ᒥᓯᐛ ᒋ ‍ ᐃᔎᓴᑭᓄᐎᔪᐛ ᐃᔅᑯᑕᒡ ᑲ ‍ ᐃᔅᑯᐱᔨᒋ ᐅᑎᐸᔨᑎᒧᐅᓄᐛᐛ᙮’
\b
\q1
\v 21 ᐊᑯ, ᒠᑉ, ᐱᒋᑎᓂᑎᓱᐤ ᐃᔅ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ!
\q2 ᒋᑭ ‍ ᒥᔅᑲᓐ ᒋᔭᒪᔨᑎᒧᐅᓐ ᑭᔭ ᐛᔪᑎᓯᐅᓐ᙮
\q1
\v 22 ᓂᑐᑎᒻ ᐅᒋᔅᑯᑎᒪᒐᐅᓇ
\q2 ᑭᔭ ᒪᒥᑐᓇᔨᑎᒻ ᓂ ᒐᒂᔪᐤ ᑲ ᐃᑎᔅᒃ᙮
\q1
\v 23 ᑎᐱᑕᔨᒥᓱᔨᓇ ᑭᔭ ᒋᐛ ‍ ᓇᑎᑕ ᒋᓴᒪᓂᑐᐤ,
\q2 ᐳᓂᔨᓇ ᐊ ‍ ᐃᑐᑎᒥᓐ ᒥᒋ ‍ ᒐᒂᓇ ᐊᓂᔭ ᑲ ᐃᓯ ‍ ᑐᑎᒥᓐ ᒋᒋᐛᒡ,
\q1
\v 24 ᐛᐱᓂᒥᓇ ᒋ ‍ ᐎᔄᐅᓱᓇᔭᓂᒻ,
\q2 ᐊᑎᓱᐧᒄ ᐊᓐ ᒪᐅᒡ ᑲ ᐅᒋ ‍ ᒥᔽᒡ ᐎᔄᐅᓱᓇᔭᐤ ᐊᓐᑕ ᑲᐸᔅᑕᒡ ᓯᐱᓯᒡ ᐊᓐᑕ ᐅᐱᕐ ᐊᔅᒋᒡ,
\q1
\v 25 ᓇᐊᔨᒻ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ
\q2 ᒐᒋ ᐛᐱᓯᐅᓱᓇᔭᐱᔅᑯᒥᔨᓐ ᑭᔭ ᐎᔄᐅᓱᓇᔭᓂᒥᔨᓐ,
\q1
\v 26 ᒋᑭ ‍ ᒥᔽᔨᑕᓐ ᐛᔅ ᓇᔅᒡ ᐊ ᒥᔪ ‍ ᐎᒐᐅᑦ ᒋᓴᒪᓂᑐᐤ,
\q2 ᑭᔭ ᒋᑭ ᒋ ‍ ᓇᑕᐤ ᐊᒐᒋᓄᐎᔨᓐ᙮
\q1
\v 27 ᒋᑭ ‍ ᐊᔭᒥᐊᔅᑐᐛᐤ, ᑭᔭ ᒋᑭ ‍ ᑐᑎᒻ ᒐᒂᔪᐤ ᓇᑐᐛᔨᑎᒧᐅᑦ ᒐᒋ ᑐᑕᐧᒃ,
\q2 ᒋᑭ ‍ ᑐᑕᓐ ᒐᒂᔪᐛ ᑲ ‍ᐊᓱᑎᒧᐅᑦ ᒐᒋ ᑐᑎᒧᑦ᙮
\q1
\v 28 ᒥᓯᐛ ᒐᒂᓇ ᒋᑭ ‍ ᒥᔪᐱᔨᐛ ᐊᓂᔭ ᒐ ᐎᔭᔨᑎᒥᓐ ᒐᒋ ᑐᑎᒥᓐ;
\q2 ᒧᔭᒻ ᐊᐛᔅᑕᒡ ᒪᔅᑭᓄᐤ ᐊᓐᑕ ᓂᑲᓐ ᐊ ‍ ᐃᑕᔨᓐ ᒋᑭ ‍ ᐃᓯᓇᑯᓐ᙮
\q1
\v 29 ᑎᐱᑕᔨᑕᑯᐛᐊᐤ ᒋᓴᒪᓂᑐᐤ ᐊᓂᔭ ᑲ ‍ ᒋᔅᑕᔨᒥᓱᔨᒋ,
\q2 ᒥᒄ ᐱᒪᒋᐊᐤ ᐊᓂᔭ ᑲ ‍ ᐱᒋᑕᔨᒧᔨᒋ᙮
\q1
\v 30 ᐎᐧᑯᒋᐊᐤ ᒋᓴᒪᓂᑐᐤ ᐊᓂᔭ ᑲ ᒥᔽᑎᓯᔨᒋ,
\q2 ᐊᑯ ᒋᑭ ‍ ᐎᐧᑯᒋᔨᒄ ᐊ ᐊᑲ ᐊᑕᒪᔨᑕᑯᓯᔨᓇ ᐊᒋ ‍ ᑐᑎᒥᓐ ᒥᒋ ‍ ᒐᒂᓇ᙮
\c 23
\s1 ᒠᑉ ᒥᓐ ᓇᔎᐛᓯᐊᑦ
\p
\v 1 ᐊᑯ ᒠᑉ ᒥᓐ ᓇᒂᐛᓯᔨᐛᑦ,
\q1
\v 2 “ᐊᓄᒡ ᒥᓐ ᓂ ᒥᔅᑎ ‍ ᐊᓏᔨᒪᐤ ᒋᓴᒪᓂᑐᐤ;
\q2 ᐊᔅᒄ ᓂᒪᓐ, ᒥᒄ ᐊᔅᒄ ᓂᑦ ᐊᓏᔨᒥᒄ᙮
\q1
\v 3 ᑭᒪ ᒋᔅᒐᔨᑎᒪᓐ ᑕᓐᑕ ᒐᒋ ᓂᒋᔅᑯᐅᒄ,
\q2 ᐊᑯ ᒪᒃ ᒐᒋ ᐃᑐᑕᐅᒡ ᐊᓐᑕ ᐛᒋᑦ᙮
\q1
\v 4 ᒋᑐᑎᒪᓐ ᐊᓐ, ᓂᐸ ‍ ᐎᑎᒧᐛᐤ ᐊᒋᔅᒐᔨᑎᒧᒡ ᐊ ‍ ᒥᔽᑎᓯᐅᒡ;
\q2 ᓂᐸ ‍ ᐎᑎᒧᐛᐤ ᒥᓯᐛ ᐊ ᐃᓯ ‍ ᑎᑥᑎᒧᒡ ᒐᒋ ᐛᐸᑎᔨᐛᔭᓐ ᐊ ᐊᑲ ‍ ᐅᒋ ‍ ᒥᒋ ‍ ᑐᑎᒧᒡ᙮
\q1
\v 5 ᐊᑯ ᒐᒋᔅᒐᔨᑎᒧᒡ ᒐᒂᔪᐤ ᒐ ‍ ᓂᔎᐛᓯᔨᑦ᙮
\q1
\v 6 ᒋᑭ ‍ ᐊᐱᒋᑕᐤ ᐊ ᐅ ᒋᒋ ‍ ᓱᐧᑲᑎᓯᐅᓐ ᒐᒋ ᓇᔍᔨᒧᔨᑦ ?
\q2 ᓇᒪ, ᓂᐸ ‍ ᒥᔪ ‍ ᓂᑐᑕᒄ᙮
\q1
\v 7 ᓂᔾ ᐅ ᑲ ‍ ᑯᐃᔅᑯᑕᑎᓯᑦ ᐃᔪᐤ; ᐊᑯ ᓂᐸ ᒋ ‍ ᐊᔨᒧᑎᒧᐛᐤ ᒐᒂᔪᐤ,
\q2 ᐊᑯ ᑭᔭ ᒋᐸ ‍ ᐎᑎᒻ ᐊ ‍ ᒥᔽᑎᓯᐅᒡ, ᑭᔭ ᒧᔅ ᑲᒋᒡ ᒋᐸ ‍ ᑎᑯᓐ ᐊᓐ ᐛᔭᔨᑎᒧᐅᓐ᙮
\b
\q1
\v 8 ᒥᒄ, ᐛᐱᓄᑕᒡ ᓂᒋ ‍ ᐃᑐᑕᓐ, ᑭᔭ ᓇᒪ ᐃᑕᐤ ᐊᓐᑕ;
\q2 ᐊᑎᒪᐱᓯᒧᒡ ᓂᒋ ‍ ᐃᑐᑕᓐ, ᒥᒄ ᓇᒪ ᓂ ᐅᒋ ‍ ᒥᔅᑯᐛᐤ ᐊᓐᑕ᙮
\q1
\v 9 ᒋᐛᑎᓄᒡ ᓂᒋ ‍ ᐃᑐᑕᓐ ᑭᔭ ᓴᐅᓄᑕᒡ ᓂᒋ ‍ ᐃᑐᑕᓐ,
\q2 ᒥᒄ ᓇᒪ ᓂ ᐅᒋ ‍ ᐛᐱᒪᐤ ᐊᓐᑕ ᓂᑎᒥᒄ᙮
\q1
\v 10 ᒥᒄ ᒋᔅᒐᔨᑎᒻ ᒐᒂᔪᐤ ᐊ ‍ ᐃᑐᑎᒧᒡ;
\q2 ᑭᔭ ᑲᒋ ᐃᓯ ‍ ᑯᒂᒋᐃᒋ, ᒋᑭ ‍ ᐛᐸᑎᒻ ᐊᐸᔭᒋᓯᐅᒡ ᒧᔭᒻ ᐎᔄᐅᓱᓇᔭᔪᐤ᙮
\q1
\v 11 ᑕᑈᐅᒐᔨᑎᒧᐅᓂᒡ ᓂᒋ ‍ ᐱᒧᑕᐛᓐ ᐊᓐᑕ ᑲᐛᐸᑎᔨᑦ ᐱᒧᑕᔅᑭᓇᒡ;
\q2 ᓇᒪ ᓂ ᐅᒋ ᐳᓂᐛᓐ ᐊ ‍ ᓂᓇᐃᑐᐅᒄ᙮
\q1
\v 12 ᓇᓂᑎᒻ ᓂᒋ ‍ ᓂᓇᐃᑎᒺᓐ ᒐᒂᔪᐤ ᑲ ‍ ‍ᐃᑎᓱᒥᑦ;
\q2 ᓂᒋ ᓴᒋᑕᐛᓐ ᐅᒋᔅᑯᑎᒪᒐᐅᓇ᙮
\b
\q1
\v 13 ᓇᒪ ᓂᑕ ᒥᔅᑯᒋᐤ᙮ ᓇᒪ ᑕᔪᐛ ᐊᐛᔪᐛ ᒐᒋ ᒋᓇᓂᑲᓂᑯᑦ ᒐᒂᔪᐤ ᑲ ᐃᓯ ‍ ᐎᔭᔨᑕᐧᒃ᙮
\q2 ᑐᑎᒻ ᒥᒄ ᒐᒂᔪᐤ ᐛᑐᑕᐧᒃ᙮
\q1
\v 14 ᑭᔭ ᒋᑭ ‍ ᒋᔅᑕᐤ ᐊ ‍ ᐃᑐᑎᒧᐅᑦ ᐊᓂᔭ ᒐᒂᔪᐛ ᑲ ᐎᔭᔨᑎᒧᐅᑦ᙮
\q2 ᑭᔭ ᓂ ᒐᒋᓇᐅᓐ ᐊᒋ ‍ ᒪᒥᑐᓇᔨᑕᐧᒃ ᒥᒐᑦ ᒐᒂᔪᐛ ᒐ ‍ ᐃᑐᑎᒧᐅᑦ᙮
\q1
\v 15 ᐊᑯ ᓂᓴᒋᓯᐛᓐ ᐅᑎᔅᑯᐤ ᐊ ‍ ᐃᑕᑦ;
\q2 ᐃᔅᐱ ᒥᔭᒥᑐᓇᔨᑎᒪᓂ ᒐᒂᔪᐤ ᒋᐸ ᒋ ‍ ᐃᑐᑎᒻ, ᒋᒋᐛ ᓂᑯᔅᑕᒋᓐ᙮
\q1
\v 16 ᓂᒋ ‍ ᐃᑐᑕᐧᒄ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᐊᒋ ᐃᑎᒪᒋᔨᑦ ᒐᒋ ᓴᒋᓱᐅᒡ᙮
\q1
\v 17 ᒧᔭᒻ ᒥᒄ ᓇᔅᒡ ᐊᐅᑲᔅᑕᔭᒡ ᐅᑎᔅᑯᐤ ᐊ ‍ ᐃᑕᔭᓐ,
\q2 ᒥᒄ ᐎᔾ ᐊᓐ ᓂᑯᔅᑕᐤ ᒋᓴᒪᓂᑐᐤ, ᓇᒪᔭᐤ ᐊᐅᑲᔅᑕᔭᒡ᙮”
\c 24
\s1 ᒠᑉ ᐊᔅᒄ ᓇᒂᐛᓯᔨᐛᐤ
\q1
\v 1 “ᒐᒂᔪᐤ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᐛᒋ ‍ ᐊᑲ ᐊᔭᔅᑯᐅᔅᑕᑦ ᑕᐃᔅᐱ ᒐᑎᐸᔅᑯᓇᑦ ᒥᒋ ‍ ᐃᔪᐛ ?
\q2 ᐊᓐᒡ ᒐᔅᒐᔨᒪᒡ ᓇᒪ ᓂᑕ ᐛᐱᒪᐅᒡ ᒐᒋ ᑐᑎᒥᔨᒋ ᐊᓂᔭ!
\q1
\v 2 ᑲᒥᒋᑥᒡ ᒋ ‍ ᒥᓂᒺᐅᒡ ᑲ ᐃᔅᑯᓯᓇᑕᔨᒡ ᑯᑎᑲ ᐃᔪᐛ ᐅᑦ ᐊᔅᒋᔪᐤ, ᒐᒋ ᒋᒧᑎᒧᐛᒡ ᐅᑦ ᐊᔅᒋᔨᐛ;
\q2 ᒋᒧᑐᐅᒡ ᑯᑎᑲ ᐃᔪᐛ ᐅᒪᔭᑕᓂᓯᒥᔨᐛ ᑭᔭ ᒂ ᐱᔅᑎᓇᒡ ᐊᓐᑕ ᑎᐱᔨᐛ ᐅ ‍ ᓂᑕᐅᒋᑕᑭᓄᐛᒡ᙮
\q1
\v 3 ᐱᔅᒐ ᑲᓂᐧᑲᑎᓯᔨᒋ ᑲᐸᐃᑭᔎᐛ ᑲ ‍ ‍ᑎᐸᔨᒪᔨᒋ ᒋᐅᓴᓇ ᒋ ᒋᒧᑐᐅᒡ,
\q2 ᑭᔭ ᒋᔅᑐᑕᔨᒪᐅᒡ ᒋᔅᑎᒪᒋᔎᐛ ᐅᒥᒋᑎᐧᑯᒥᔨᐛ ᒐᒋ ᐅᒋ ᒋᓯᐧᑲᓱᐛᔨᒋ ᒋᔅᑎᒪᒋᔎᐛ ᓱᓇᔭᔪᐤ ᑲ ᐅᐛᐊᒡ᙮
\q1
\v 4 ᐱᔅᒐ ᐱᒋᑕᔅᑭᓄᐤ ᒋ ᐃᓯ ‍ ᐛᐸᐛᐅᒡ ᑲᒋᔅᑎᒪᑎᓯᔨᒋ ᐊᐛᔪᐛ
\q2 ᑭᔭ ᒋ ‍ ᐃᐧᑭᒥᐊᐅᒡ ᑲᒋᔅᑎᒪᑎᓯᔨᒋ ᐊᐛᔪᐛ ᒐᒋ ᒥᔅᑭᒥᔨᒋ ᐃᑕᐅᓂᔪᐤ ᐊᓐᑕ ᒐᒋ ᑲᓱᔅᑕᑯᒡ᙮
\q1
\v 5 ᐊᐅᑯᔪᐤ ᐅᒋ ᑲᒋᔅᑎᒪᑎᓯᒡ ᐃᔪᒡ ᒐ ᐎᓇᓂᑐᐛᐸᑕᒡ ᒥᒋᒥᔪᐤ ᐊᓐᑕ ᐸᐧᑯᑎᔅᑭᒥᑲᒡ
\q2 ᒧᔭᒻ ᐊ ‍ ᐃᑎᔨᒋ ᑲ ᐊᒂᑎᓯᔨᒋ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮
\q1
\v 6 ᑲᒋᔅᑎᒪᑎᓯᒡ ᐃᔪᒡ ᐊᐃᔅᑯᐱᔨᒋ ᐸᒂᓯᑭᓂᒥᓇ ᒪᒧᓴᒋᓂᒧᒡ ᐊᓐᑕ ᑯᑎᑲ ᐊᐛᔪᐛ ᐅᓂᑕᐅᒋᒋᑭᓂᔨᒡ,
\q2 ᑭᔭ ᒥᓂᓴ ᒪᒧᓴᒋᓂᒧᒡ ᒥᒋ ‍ ᐃᔪᐛ ᑕᐸᔨᑎᒥᔨᒋ ᓱᒥᓂᑕᑯ ᓂᑕᐅᒋᒋᑭᓇ ᐅᒋ᙮
\q1
\v 7 ᓇᒪ ᑭᓄᐛᔨᑎᒧᒡ ᒐᒂᔪᐤ ᒐ ᐊᑯᓇᐊᒡ ᐎᔪᐛᐛ ᒪᒂᒡ ᑕᐱᔅᑲᔨᒋ,
\q2 ᓇᒪ ᒐᒂᔪᐤ ᒐᒋ ᒋᓱᐅᓂᑯᒡ᙮
\q1
\v 8 ᐃᔅᐱ ᒐᒧᓂᔨᒋ ᐊᓐᑕ ᐱᔅᑯᑎᓇᒡ, ᒋᒋᐛ ᓯᑭᑕᐸᐛᐅᒡ ᑲᒋᔅᑎᒪᑎᓯᒡ ᐃᔪᒡ,
\q2 ᐊᑯ ᒂ ᒪᒧᐎᒡ ᓯᐸ ᐊᑲᑎᐸᔨᒡ ᒐ ᐊᑲ ᑲᔅᑕᐅᑯᒡ ᐊᒋᒧᓂᔨᒡ ᐅᒋ᙮
\q1
\v 9 ᐱᔅᒐ ᒥᒋ ‍ ᐃᔪᒡ ᒪᑯᓂᒺᐅᒡ ᐅᑦ ᐊᐛᓯᒥᓯᔨᐛ ᑲᒋᔅᑎᒪᑎᓯᔨᒋ ᐃᔎᐛ ᐅᒋ
\q2 ᑭᔭ ᒂ ᐃᔅᒋᔄᒡ ‘ᑲᐤ ᒋᑭ ‍ ᒥᔨᑎᓐ ᒋᑦ ᐊᐛᓯᒻ ᐃᔅᐱ ᒋᐱᑯᓯᓇᐊᒧᐎᓇ ᓱᓇᔭᐤ ᑲ ᐊᐎᔨᑕᓐ᙮’
\q1
\v 10 ᒥᒄ ᑲᒋᔅᑎᒪᑎᓯᒡ ᐃᔪᒡ ᐱᐸᒧᑕᐅᒡ ᐊ ᐊᑲ ᒋᔅᑲᒡ ᐊᐱᒋᑕᐅᓇ;
\q2 ᓯᐛᔪᐅᒡ ᒪᒂᒡ ᐊ ᐊᑐᔅᒐᒡ ᒐᒋ ᐎᐅᓱᐛᒡ ᑯᑎᑲ ᐊᐛᔪᐛ ᐊ ‍ ᑕᐱᑐᐛᐱᐧᑲᑕᔨᒋ ᐅᐸᒂᓯᑭᓂᒥᓂᔨᐛ ᐊᓐᑕ ᐃᑕᐅᓂᒡ ᐃᓯ ᒐ ‍ ᑕᑎᐸᓇᑭᓄᔨᒋ ᐅᐸᒂᓯᑭᓂᒥᔨᐛ᙮
\q1
\v 11 ᑲᒋᔅᑎᒪᑎᓯᒡ ᐃᔪᒡ ᐱᒋᔅᑲᐛᐅᒡ ᐊᓕᐸ ᒐᒋ ᐅᓯᐊᒡ ᐊᓕᑉ ᐱᒥᔭ;
\q2 ᑭᔭ ᐱᒋᔅᑲᐊᒧᒡ ᓱᒥᓇ ᒐᒋ ᐅᓯᑕᒡ ᓱᒥᓇᐳᔪᐤ,
\q2 ᒥᒄ ᓇᒪ ᓇᐊᔨᒪᑭᓄᐅᒡ ᐊᓂᔭ ᒐᒋ ᒥᓂᒡ ᐃᔅᐱ ᐛᓂᐸᒂᑥᐛ᙮
\q1
\v 12 ᐊᓐᑕ ᐅᑕᓇᒡ, ᑲᐅᓯᒂᐊᑭᓄᐅᒡ ᑭᔭ ᐎᐱᒡ ᒐᐳᓂᐱᒪᑎᓯᒡ ᐃᔪᒡ ᑕᑈᑕᐅᒡ ᒋᓴᒪᓂᑐᐛ,
\q2 ᒥᒄ ᓇᒪ ᓴᐱᑎᒺᐤ ᒋᓴᒪᓂᑐᐤ ᐅᑦ ᐊᔭᒥᐊᐅᓂᔨᐛ᙮
\b
\q1
\v 13 ᐱᔅᒐ ᒥᒋ ‍ ᐃᔪᒡ ᓇᒪ ᐎ ‍ ᐛᐸᑎᒧᒡ ᐛᔅᑕᐅᓂᔪᐤ ᐛᔅ ᑕᐱᔅᑲᔨᒋ ᒥᒋ ‍ ᑐᑎᒧᒡ;
\q2 ᓇᒪ ᐱᒧᑕᐅᒡ ᐊᓐᑕ ᐊᐛᔅᑕᔨᒋ ᒪᔅᑭᓇᐛ᙮
\q1
\v 14 ᒪᒂᒡ ᑕᐱᔅᑲᔨᒋ ᒋᒧᑐᐅᒡ ᑲᓂᐸᔪᐛᒡ,
\q2 ᑭᔭ ᐊᑯ ᐛᓂᒡ ᐊᒺᔭ ᐱᔭᑕᐱᓂᔨᒋ ᒐᒋ ᐅᒋ ᒥᓐ ᐎᐎᒡ ᑭᔭ ᓂᐸᐊᒡ ᑲᒋᔅᑎᒪᑎᓯᔨᒋ ᐃᔪᐛ᙮
\q1
\v 15 ᐊᓯᐛᐸᑎᒧᒡ ᒐᒋ ᐅᑕᑯᓯᔨᒡ ᐊᓐᒡ ᐊᐛᓐᒋ ᐛ ᐱᓯᒂᑎᓯᒡ:
\q2 ᒂᔅᒋᔄᒡ ‘ᓇᒪ ᓂᑐᐛᔨᒪᐤ ᐊᐛᓐ ᒐᒋ ᐛᐱᒥᑦ,’ ᐊᑯ ᒂ ᐊᑯᓇᐊᒡ ᐅᑕᔅᑎᒥᑯᐛᐛ᙮
\q1
\v 16 ᑕᐱᔅᑲᔨᒋ ᐸᒂᐊᒧᒡ ᑭᔭ ᐱᒐᐅᒡ ᒥᒋᐛᐸ ᑲᓂᑕᐅᒋᒧᑎᒡ ᒐᒋ ᑭᒐᒧᑎᒡ ᒐᒂᔪᐛ,
\q2 ᒥᒄ ᑲᓱᐅᒡ ᒐᓯᑲᔨᒋ ᐛᔅ ᓇᒪ ᐎ ᓇᓄᑯᐎᔨᓱᐅᒡ ᒐᒋ ᐛᐱᒪᑭᓄᐅᒡ ᐊᓐᑕ ᐛᔅᑕᐅᓂᒡ᙮
\q1
\v 17 ᒥᓯᐛ ᐅᒡ ᐃᔪᒡ ᑕᐱᔅᑲᔨᒋ ᐎ ᑐᑎᒧᒡ ᐅᒥᒋᐃᑐᐅᓄᐛᐛ, ᓇᒪᔭᔪᐤ ᒋᔭᒋᓴᐸᔭᔨᒋ ᐃᔅᐱ ᐎᔭᔅᑕᔨᒋ,
\q2 ᐛᔅ ᓇᒪ ᑯᔅᑎᒧᒡ ᒐᒂᔪᐛ ᐊ ‍ ᐃᔅᐱᔨᒋ ᐊᑎᐱᔅᑲᔨᒡ ᐊᓂᔭ ᑲᔅᑕᒋᔨᑯᔨᒋ ᑯᑎᑲ ᐊᐛᔪᐛ᙮”
\s1 ᓱᐸᕐ ᒪᔅᑕᔾ ᐊᔨᒥᑦ
\q1
\v 18 “ᒥᒄ ᒥᒋ ‍ ᐃᔪᒡ ᐊᐅᑯᐤ ᐊᓐᒡ ᒐᑕᐱᑯᒡ ᐊ ‍ ᐃᔅᒋᐳᑕᔨᒡ,
\q2 ᑭᔭ ᐊᓏᔨᑎᒺᐤ ᒋᓴᒪᓂᑐᐤ ᐊᓂᔭ ᐊᔅᒋᔪᐤ ᑕᐱᔽᐅᓯᔨᒋ,
\q2 ᑭᔭ ᓇᒪ ᐊᐛᔪᐛ ᓇᒋ ‍ ᐊᑐᔅᒐᔪᐛ ᐊᓐᑕ ᓱᒥᓇᑎᑯᐤ ᓂᑕᐅᒋᒋᑭᓂᒡ᙮
\q1
\v 19 ᒧᔭᒻ ᑯᓐ ᐃ ᐊᐸᓱᒋ ᐃᔅᐱ ᐊᒋᓯᑕᔨᒡ ᑭᔭ ᐊ ᐊᑲ ᒋᒺᒋ,
\q2 ᐊᓐᒡ ᑲ ᒥᒋᑐᑕᒡ ᐸᓯᑯᓇᑯᓱᐅᒡ ᐊᓐᑕ ᐃᓯ ᐊ ‍ ᑕᔨᒋ ᑲ ‍ ᐳᓂᐱᒪᑎᓯᔨᒋ,
\q1
\v 20 ᐛᐛᒡ ᐅᑲᐎᔪᐛᐛ ᓇᒪ ᒋᔅᒋᑕᑯᐅᒡ ᐊᓄᒡ;
\q2 ᓂᓱᐅᓇᒋᐊᑭᓄᐅᒡ ᒥᒋ ‍ ᐃᔪᒡ ᒧᔭᒻ ᒐ ᒺᐛᑭᓄᐅᑥᐎᐤ ᒥᔅᑎᑯᒡ,
\q2 ᑭᔭ ᒥᓂᑐᓴ ᒥᒋᔨᐛ ᐎᔭᐛᐛ᙮
\q1
\v 21 ᐱᐛᔨᒪᐅᒡ ᐃᔎᐛ ᐊᓂᔭ ᐊ ᐊᑲ ᒋᐛᐱᒪᐅᓱᐎᔨᒋ ᑭᔭ ᐊᑲ ᓴᔅ ᐅᑦ ᐊᐛᓯᒥᔨᒋ ᐃᔎᐛ,
\q2 ᓇᒪ ᓂᑕ ᒥᔪᑐᑐᐛᐅᒡ ᒋᔅᑎᒪᒋᔎᐛ᙮
\q1
\v 22 ᒥᒄ ᒋᓴᒪᓂᑐᐤ, ᐅᓱᐧᑲᑎᓯᐅᓂᒡ ᐅᒋ, ᓂᓱᐅᓇᒋᐊᐤ ᑲᓱᐧᑲᑎᓯᔨᒋ ᐃᔪᐛ᙮
\q2 ᒋᓴᒪᓂᑐᐤ ᑐᑐᐛᐤ ᒐᒋ ᐳᓂᐱᒪᑎᓯᔨᒋ ᒥᒋ ‍ ᐃᔪᐛ᙮
\q1
\v 23 ᓇᐊᔨᒪᐤ ᒋᓴᒪᓂᑐᐤ ᐊᓂᔭ ᒐᒋ ᐃᑕᔨᑎᒥᔨᒋ ᐊ ᒥᔪᑭᓄᐛᔨᒪᑭᓄᐎᔨᒋ,
\q2 ᒥᒄ ᓇᓂᑎᒻ ᐊᓂᔭ ᑭᓄᐛᐱᒪᐤ᙮
\q1
\v 24 ᐛᔨᐱᓯᔅ ᒥᔪᐱᔪᐅᒡ,
\q2 ᐊᑯ ᑭᔭ ᓯᔅᒋᑯᒡ ᓇᒪ ᐃᑕᐅᒡ;
\q2 ᐸᓯᑯᓇᑯᓱᐅᒡ ᒧᔭᒻ ᐱᔭᔅᑕᑥᐎ ᑭᔭ ᓇᐱᒥᑲᒋ ᒥᒋᒥᔅᑯᓱᐛ
\q2 ᒧᔭᒻ ᑲᒋ ‍ ᒋᒥᓴᑭᓄᐅᒋ ᐊᓂᔭ ᑲ ᓂᑕᐅᒋᒋ ᐸᒂᓯᑭᓂᒥᓇᑎᒂ᙮
\q1
\v 25 ᐊ ᐊᑲ ᑕᑈᒥᑭᓂᒂ ᐅ, ᐃᑕᐤ ᐊ ᐊᐛᓐ ᒐᒋ ᐛᐸᑎᔨᐛᑦ ᐊᑭᑭᒋᔭᐅᒡ
\q2 ᑭᔭ ᐎᑕᐧᒃ ᐊ ᐊᑲ ᑕᑈᒥᑭᓂᔨᒡ ᐊᓂᔭ ᒐᒂᔪᐤ ᑲ ᐃᔅᒋᔄᐅᒡ ?”
\c 25
\s1 ᐱᓪᑕᑦ ᒪᔅᑕᔾ ᓇᒂᐛᓯᔨᐛᑦ
\p
\v 1 ᐊᑯ ᐱᓪᑕᑦ ᐃᔭᐱᒡ ᓇᒂᐛᓯᐊᑦ,
\q1
\v 2 “ᒋᒋᐛ ᓱᐧᑲᑎᓯᐤ ᒋᓴᒪᓂᑐᐤ; ᒥᓯᐛ ᐊᐛᓐ ᒋᐸ ᐎ ‍ ᒋᒋ ‍ ᒋᔅᑕᔨᒪᐤ;
\q2 ᐃᑐᑎᒻ ᒥᓯᐛ ᒐᒂᔪᐤ ᐊᓐᑕ ᐃᔅᐱᒥᒡ ᒋᒋᒋᓯᑯᒡ ᒐᒋ ᒋᔭᒪᐛᔨᑕᑭᓄᔨᒡ᙮
\q1
\v 3 ᓇᒪ ᐊᐛᓐ ᒋ ᒋᒪᐤ ᐊᓐᒋᓇ ᐊᓂᔭ ᐅᑦ ᐊᓯᒪᑭᓂᓯᒥᔨᐛ ᐊᓐᑕ ᒋᒋᒋᓯᑯᒡ᙮
\q2 ᓇᒪ ᐃᑎᑯᓂᔪᐤ ᐃᑕᐅᓂᔪᐤ ᐊᓐᑕ ᐊ ᐊᑲ ᐛᔅᑐᐛᔨᒡ ᐅᐛᔅᑕᐅᓐ᙮
\q1
\v 4 ᐊᑯ, ᒐᔅᑎᓇᔅ ᓇᒪ ᐃᑕᔨᒪᒐ ᒋᓴᒪᓂᑐᐤ ᐊᐛᔪᐛ ᐊ ᑯᐃᔅᑯᑕᑎᓯᔨᒋ᙮
\q2 ᓇᒪ ᐃᑕᐤ ᐃᔪᐤ ᒐᒋ ᑕᑈ ᐸᔭᒋᓯᑦ᙮
\q1
\v 5 ᒪᒥᑐᓇᔨᑕ ᐅ, ᐛᐛᒡ ᓇᒪ ᐃᑕᔨᒪᐤ ᒋᓴᒪᓂᑐᐤ ᑎᐱᔅᑲᐤ ᐱᓯᒺ ᒐᒋ ᒋᐧᑲᔅᑐᐛᔨᒋ,
\q2 ᑭᔭ ᓇᒪ ᐃᑕᔨᒪᐤ ᐅᒐᐧᑭᑕᒂ ᒐ ᐊᑲ ᒋ ᐸᐸᑕᐅᓯᔨᒋ᙮
\q1
\v 6 ᐊᑯ, ᓇᒪ ᐃᑕᔨᒪᐤ ᐃᔪᐛ ᒐᒋ ᐃᔅᐱᑕᔨᑕᑯᓯᔨᒋ᙮
\q2 ᒥᓂᑐᓯᒡ ᐊᓐᒡ᙮
\q2 ᓇᒪ ᐅᔅᑕ ᐃᑕᔨᒪᐤ ᐃᔪᐛ ᒋᓴᒪᓂᑐᐤ ᐃᔅᐱᔅ ᐊᑕᔨᒪᑦ ᒥᓂᑐᓴ᙮”
\c 26
\s1 ᒠᑉ ᒥᓐ ᓂᔎᐛᓯᐊᐤ ᐱᓪᑕᑕ
\p
\v 1 ᒠᑉ ᓂᔎᐛᓯᐊᐤ ᐱᓪᑕᑕ ᐊ ‍ ᐃᑕᑦ;
\q1
\v 2 “ᒋᒋᐛ ᓂ ‍ ᔨᔨᒥᓯᓐ ᑭᔭ ᓇᒪ ᓂᒋ ‍ ᐎᒋᔨᑎᓱᓐ;
\q2 ᑭᔭ ᓇᒪ ᒋᒋᐛ ᒋ ᐅᒋ ‍ ᐎᒋᔨᓐ!
\q1
\v 3 ᒥᔪ ‍ᐃᔨᒧᐅᓂᔪᐤ ᒋᒋ ᒥᔭᐤ
\q1 ᑭᔭ ᐊ ‍ ᒥᔽᔨᒡ ᑭᒐᑕᐛᔨᑎᒧᐅᓂᔪᐤ
\q2 ᐊᓐ ᐊᐛᓐ ᓇᔅᒡ ᓇᑐᐛᔨᑕᐧᒃ᙮
\q1
\v 4 ᐊᐛᓐ ᑲ ‍ ᐎᒋᔨᔅᒃ ᒐᒋ ᐃᔅᒋᔄᐅᑦ ᒋᒋ ‍ ‍ᒐᒂᓇ ?
\q2 ᐊᐛᓐ ᑲ ‍ ᐎᒋᔨᔅᒃ ᒐᒋ ᐃᓯ ᐃᔨᒥᔨᓐ ᒧᔭᒻ ᑲ ‍ ᐃᔨᒥᔨᓐ ?”
\s1 ᐱᓪᑕᑦ ᓇᔎᐛᓯᔨᐛᑦ
\q1
\v 5 “ᐛᔅ ᐅᑦ ᐊᒐᐧᑯᐛᐛ ᑲ ‍ ᐳᓂᐱᒪᑎᓯᒡ ᐃᔪᒡ ᑯᔅᑕᒋᔨᐛ,
\q2 ᓇᓇᐱᔪᒡ ᐊᓐᑕ ᓂᐱᒡ ᐊᓐᒡ ᐊᑕᒡ ᐊᓐᑕ ᑕᒥᒡ ᐊᔅᒋᒡ᙮
\q1
\v 6 ᒥᓯᐛ ᒋᔅᒐᔨᒪᐤ ᒋᓴᒪᓂᑐᐤ ᐊ ‍ ᑕᔨᒋ ᐊᓐᑕ ᑲ ‍ ᐳᓂᐱᒪᑎᓯᔨᒋ ᐊ ‍ ᑕᔨᒋ;
\q2 ᓇᒪ ᑎᑯᓂᔪᐤ ᒐᒂᔪᐤ ᐊᓐᑕ ᒐᒋ ᑐᑕᑯᑦ ᒋᓴᒪᓂᑐᐤ ᒐ ᐊᑲ ᐛᐸᑕᐧᒃ ᐊᓐᑕ ᒐᒂᔪᐤ ᐊ ‍ ᑎᑯᓂᔨᒡ᙮
\q1
\v 7 ᒋ ‍ ᓴᑐᐱᑎᒻ ᐊᔅᒋᔪᐤ ᒋᓴᒪᓂᑐᐤ ᐊᓐᑕ ᐃᓯ ᐊ ᒥᓴᔨᒡ ᐊᑐᐛᔨᒡ
\q2 ᑭᔭ ᒋ ᑐᑎᒻ ᐊᔅᒋᔪᐤ ᒐ ᐊᑲ ᑎᑯᓂᔨᒡ ᐊᓐᑕ ᒐᒂᔪᐤ ᒐ ᐊᑯᑕᔨᒡ ᙮
\q1
\v 8 ᒋ ᓴᑭᔅᒋᓇᐤ ᐊᔅᐱᒋᔨᒋ ᑭᔅᑯᐅᓇ ᓂᐱᔪᐤ
\q2 ᑭᔭ ᐊᓐ ᓂᐱᔾ ᒪᒪᒋᑯᓇᐤ ᑭᔅᑯᐅᓇ ᒐᒋ ᐸᔅᒋᐱᔨᒋ᙮
\q1
\v 9 ᑐᑐᐛᐤ ᑭᔅᑯᐅᓇ ᒐᒋ ᐅᑲᔅᑕᔅᑯᐛᔨᒋ ᑎᐱᔅᑲᐤ ᐱᓯᒺ᙮
\q1
\v 10 ᒋ ᑎᐸᓂᒻ ᐛᔅᑕᐅᓂᔪᐤ ᐊᒋᑲᔨᒡ ᐅᒋ
\q2 ᑭᔭ ᒋ ᐊᔅᑕᐤ ᐊᓐᑕ ᒐᒋ ᒥᓯᓇᑕᔨᒡ ᑕᓐᑕ ᐊᔎᔭᔨᒡ ᐃᔭᒋᑲᔨᒡ ᑭᔭ ᐛᒋ ᒋᒋᐱᔨᒡ ᐊ ‍ ᒋᓯᑲᔨᒡ᙮
\q1
\v 11 ᐃᔅᐱ ᒐᓱᐛᐱᒋ, ᒧᔭᒻ ᐊᓏᔨᑕᐧᒃ ᓯᑥᔎᐃᑭᓇ ᐊᓐ ᑎᔭᐧᑯᓇᐧᒃ ᒋᓯᑯᔪᐤ᙮
\q2 ᒋᒋᐛ ᑯᔅᑕᒋᐅᒡ ᑭᔭ ᓇᓇᐱᔪᐅᒡ᙮
\q1
\v 12 ᒋ ᐃᔽᔅᑎᓇᑭᒥᑕᐤ ᒋᒋᑭᒥᔪᐤ ᐅᓱᐧᑲᑎᓯᐅᓐ ᐅᒋ;
\q2 ᐅᑭᒐᑕᐛᔨᑎᒧᐅᓐ ᐅᒋ ᒋᓂᓱᐅᓇᒋᐊᐤ ᕋᐊᐸ, ᑲ ᒥᓯᑎᔨᒋ ᒥᓂᑐᓴ ᒋᒋᑭᒥᒡ᙮
\q1
\v 13 ᒋ ᒋᐧᑲᔭᔅᑕᓂᒻ ᒋᓯᑯᔪᐤ ᐅᔭᔭᐅᓐ ᐅᒋ;
\q2 ᒋ ᓂᐸᐊᐤ ᒋᒋ ᒥᓂᑐᓴ ᐎᓂᐸᑯᒡ ᐅᑎᒋ ᐅᒋ᙮
\q1
\v 14 ᒥᒄ ᐊᓂᔭ ᐊᐱᓯᔅ ᐅᓱᐧᑲᑎᓯᐅᓐ ᐛᐸᑎᔨᐛᒥᑭᓂᔪᐤ ᐊᓂᔭ ᒐᒂᔪᐛ ᑲ ‍ ᐃᔅᐱᔨᒋ;
\q2 ᒧᔭᒻ ᒥᒄ ᐊᐸᑎᒺᐧᒄ ᐊᒋᒧᒋᔨᒥᑦ ᐊᓂᔭ ᑲ ‍ ᓱᐧᑲᑎᓯᒥᑭᓂᔨᒡ ᐅᐸᑕᑯᓯᐅᓐ᙮
\q2 ᐃᔅᐱ ᐱᔭᑐᐛᒂᐎ ᓂᒥᔅᒍᐅᒡ, ᒋᑦ ᐃᔅᒋᔄᓇᓄᐤ, ‘ᓇᒪ ᐊᐛᓐ ᒋᑭ ᒋ ‍ᒥᔪ ᓂᔅᑐᑎᒺᐤ ᑕᓐ ᐊᔅᐱᔅ ᒋᒋ ᓱᒋᓯᒥᑭᓂᔨᒡ ᐅᓱᐧᑲᑎᓯᐅᓂᔪᐤ᙮’ ”
\c 27
\s1 ᒥᓐ ᐸᐃᒂᐤ ᓇᒂᐛᓯᔨᐛᐤ ᒠᑉ
\p
\v 1 ᒠᑉ ᒥᓐ ᓇᒂᐛᓯᔨᐛᑦ,
\q1
\v 2 “ᓇᒪ ᐅᒋ ᑕᑈᑎᒻ ᑯᐃᔅᑯ ᐃᓯ ‍ᒥᔪ ‍ ᑐᑐᐅᑦ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ᙮
\q2 ᓂᒋ ‍ ᑐᑕᒄ ᒐᒋ ᓇᓇᐧᑲᑕᔨᑎᒧᒡ᙮
\q2 ᒥᒄ ᒐᔅᑎᓇᔅ ᐊᐱᒪᑎᓯᑦ,
\q1
\v 3 ᒐ ᐃᔅᐱᔅ ᑐᑐᐎᔨᒋ ᒋᓴᒪᓂᑐᐤ ᐅᑦ ᐊᒐᒂ ᒐᒋ ᐃᔭᔭᐅᒡ,
\q1
\v 4 ᓇᒪ ᓂᑭ ᒋ ‍ ᑭᑭᒋᔭᓐ;
\q2 ᓇᒪ ᓂᑭ ‍ ᐃᔅᒋᔄᓐ ᒐᒂᓐ ᒐᒋ ᐎᔭᓯᔨᒃ ᐊᐛᓐ᙮
\q1
\v 5 ᓇᒪ ᓂᑕ ᓂᑭ ‍ ᐃᔅᒋᔄᓐ ᐊᑕᑈᒥᑲᒡ ᐊᓐ ᒐᒂᓐ ᑲ ᐃᔅᒋᔄᔭᒄ;
\q2 ᐸᑎᒪ ᐊᓐ ᒋᓯᒄ ᒐ ‍ ᐳᓂᐱᒪᑎᓯᔭᓐ, ᓂᑭ ᓯᒋᒧᓐ ᐊ ᐊᑲ ᐅᒋ ᐃᑐᑎᒪᓐ ᒐᒂᔪᐛ ᐊ ‍ ᒪᔭᑎᔨᒋ᙮
\q1
\v 6 ᓂᑭ ᐃᔅᒋᔄᓐ ᐊ ᒥᔪᐛᑎᓯᔭᓐ, ᑭᔭ ᒐ ᐊᑲ ᓂᑕ ᒥᔅᑯᑎᓂᒪᓐ ᒐᒂᓐ ᑲ ᐃᔅᒋᔽᓐ;
\q2 ᓇᒪ ᓂᑕ ᓂᑭ ‍ ᐃᑐᑕᑯᓐ ᒐ ᓴᒂᔨᒥᑯᔭᓐ ᓂᑦ ᐃᑕᔨᑕᑯᓯᐅᓐ ᒐ ᐃᔅᐱᔅ ᐱᒪᑎᓯᔭᓐ᙮
\b
\q1
\v 7 ᓂᑐᐛᔨᒪᐅᒡ ᑲᐱᒂᓯᒡ ᒐᒋ ᐊᓏᔨᒪᑭᓄᐅᒡ ᒧᔭᒻ ᐊ ᐃᓯ ‍ ᐊᓏᔨᒪᑭᓄᐅᒡ ᒥᒋ ‍ ᐃᔪᒡ;
\q2 ᓂᑐᐛᔨᒪᐤ ᒋᓴᒪᓂᑐᐤ ᒐᒋ ᐊᓏᔨᒪᑦ ᐊᓂᔭ ᑲ ᐊᑐᐛᔨᒥᔨᒋ ᒧᔭᒻ ᐊ ᐃᓯ ‍ ᐊᓏᔨᒪᑦ ᐊᑲ ᑯᐃᔅᑯᑕᑎᓯᔨᒋ᙮
\q1
\v 8 ᐃᔅᐱ ᐅᑎᒋᐱᔨᒐ ᒋᓴᒪᓂᑐᐤ ᒐᒋ ᓂᓱᐅᓇᒋᐊᑦ ᒥᒋ ‍ ᐃᔪᐛ ᑭᔭ ᒐ ᑐᑐᐛᑦ ᒐᒋ ᐳᓂᐱᒪᑎᓯᔨᒋ,
\q2 ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᐊ ‍ ᒥᔽᔨᒡ ᒐᒋ ᐸᓱᐛᔨᑕᒡ ᒧᒋᒐᔨᑎᒧᐅᓂᒡ ᒐᒋ ᐃᔅᐱᔨᒡ ᒐᒂᔪᐤ᙮
\q1
\v 9 ᐃᔅᐱ ᐛᑎᑎᑯᑥᐎ ᐊᔨᒥᔪᐅᓇ᙮ ᒋᑭ ‍ ᐸᑕᑯᐅᒡ ᐊ ᒋᓴᒪᓂᑐᐛ ᐊᑕᑈᑕᒡ ᒐᒋ ᐎᒋᔨᑯᒡ ?
\q1
\v 10 ᒋᑭ ‍ ᒥᔽᔨᑎᒧᒡ ᐊ ᒐᒂᔪᐤ ᒐ ‍ ᐃᑐᑎᒥᔨᒋ ᒥᓯᐛ ᐊᓯ ‍ ᓱᐧᑲᑎᓯᔨᒋ ᒋᓴᒪᓂᑐᐛ᙮
\q2 ᒋᑭ ‍ ᒋᒋᐱᔪᐅᒡ ᐊ ᓇᓂᑯᑎᓂ ᐊᔭᒥᐊᒡ ?
\q2 ᒐᔅᑎᓇᔅ ᓇᒪ
\b
\q1
\v 11 ᒋᑭ ‍ ᒋᔅᑯᑎᒪᑎᓇᐛᐤ ᐊ ‍ ᐃᑕᔨᑕᑯᓂᔨᒡ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᐅᓱᐧᑲᑎᓯᐅᓐ;
\q2 ᓂᑭ ‍ ᐎᑎᒺᓐ ᑕᓐ ᐊ ‍ ᐃᑕᔨᑕᐧᒃ᙮
\q1
\v 12 ᒥᒄ ᒋᔨᐛᐤ ᒋᒋ ‍ ᐛᐸᑎᒺᓇᐛᐤ ᒐᒂᔪᐤ ᑲ ᐃᑐᑕᐧᒃ ᒋᓴᒪᓂᑐᐤ;
\q2 ᐊᑯ ᒐᒂᓐ ᐛᒋ ‍ᒋᔎ ‍ ‍ ᐃᔨᒥᔨᓐ᙮
\b
\q1
\v 13 ᒋᑭ ‍ ᐎᑎᒪᑎᓇᐛᐤ ᒐᒂᔪᐤ ᐊ ‍ ᐃᑐᑐᐛᑦ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᒥᒋ ‍ ᐃᔪᐛ,
\q2 ᐊᓂᔭ ᒐᒂᔪᐛ ᐊ ‍ ᐃᑐᑐᐛᑦ ᐊᐛᔪᐛ ᑲ ᓂᓇᐧᑲᒋᐊᒋ ᑯᑎᑲ ᐊᐛᔪᐛ᙮
\q1
\v 14 ᐊᑎᓱᐧᒄ ᒥᒐᑎᔨᒋ ᐅᑦ ᐊᐛᓯᒧᐛᐛ, ᒥᒐᑦ ᐊᓐᒡ ᐊᐛᓯᒡ ᒋᑭ ‍ ᐳᓂᐱᒪᑎᓯᐅᒡ ᐊᓐᑕ ᐊᓂᑐᐱᓇᓄᐎᒡ,
\q2 ᑭᔭ ᑯᑎᑲ ᐅᑦ ᐊᐛᓯᒧᐛᐛ ᒋᑭ ᐳᓂᐱᒪᑎᓯᔨᐛ ᐛᔅ ᓇᒪ ᐃᔅᐱᔨᐛ ᒥᒋᒥᔪᐤ ᒐᒥᒋᔨᒋ᙮
\q1
\v 15 ᒋᑭ ᐳᓂᐱᒪᑎᓯᔨᐛ ᐅᑦ ᐊᐛᓯᒧᐛᐛ ᐊᓂᔭ ᐊᔅᒄ ᐸᒪᑎᓯᔨᒋ ᐃᑕᔅᐱᓇᐅᓇ ᐅᒋ,
\q2 ᓇᒪ ᐛᐛᒡ ᒋᑭ ‍ ᒧᔅᑯᐛᑎᑯᐅᒡ ᐅᒋᔅᑎᒪᒋᔎᒧᐛᐛ᙮
\q1
\v 16 ᓇᓂᑯᑎᓂ ᒥᔅᑎ ᒪᐅᒋᑎᒪᓱᐅᒡ ᐛᐱᓯᐅᓱᓇᔭᐸᐱᔎ
\q2 ᑭᔭ ᐱᔅᑯᔅᑕᐅᒡ ᐅᑦ ᐊᐱᒋᑕᐅᓇ ᒧᔭᒻ ᐊᓯᔅᒍᐛ ᐊᓂᔭ ᐊᐱᒋᑕᐅᓇ,
\q1
\v 17 ᒥᒄ ᒋᑭ ‍ ᐳᓂᐱᒪᑎᓯᐅᒡ ᒥᒋ ‍ ᐃᔪᒡ ᐊᑯ ᑭᔭ ᒐᐳᔅᑲᒡ ᐊᓂᔭ ᐊᐱᒋᑕᐅᓇ ᑲ ᑯᐃᔅᑯᑕᑎᓯᒡ,
\q2 ᑭᔭ ᑲ ᑕᑈᐅᒐᔨᑕᑯᓯᒡ ᐃᔪᒡ ᒐ ᑲᔅᑎᓇᒡ ᐅᐛᐱᓯᐅᓱᓇᔭᐸᐱᔅᑯᒥᔨᐛ ᑭᔭ ᒐ ᑕᑕᐅᓂᒪᑐᒡ᙮
\q1
\v 18 ᓴᐅᓂᔨᐛ ᐊᓂᔭ ᒥᒋᐛᐸ ᑲ ᒋᒥᑕᒡ ᒧᔭᒻ ᑲᒥᒐᑎᒂᑕᑦ ᐅᑦ ᐊᔨᐱᔭ,
\q2 ᑭᔭ ᒪᒃ ᑲᓴᐅᓂᔨᒋ ᒥᒋᐛᐱᔅᒐ ᐊᓐᑕ ᐛᒋᔨᒋ ᑲ ᑭᓄᐛᐸᒐᔨᒋ ᒪᒂᒡ ᐊᑭᓄᐛᔨᑎᒥᔨᒋ ᐃᔪᐛ ᐅᓂᑕᐅᒋᒋᑭᓂᔨᐛ᙮
\q1
\v 19 ᐛᔪᑎᓯᐅᒡ ᒥᒋ ‍ ᐃᔪᒡ ᐱᒥᓯᓂᑥᐎ ᑕᐱᔅᑲᔨᒋ,
\q2 ᒥᒄ ᐃᔅᐱ ᐛᓂᑥᐎ ᒋᔭᒋᓴᐸᔭᔨᒋ, ᒋᔅᒐᔨᑎᒧᒡ ᒥᓯᐛ ᐊ ᐊᑲ ᑎᑯᓂᔨᒡ ᐅᓱᓇᔭᓂᒧᐛᐤ᙮
\b
\q1
\v 20 ᒧᔭᒻ ᐊ ᐅᑕᒪᐅᑯᐅᒡ ᐊ ‍ ᐃᔅᒋᐸᔨᒡ ᐃᓯᓇᑯᓱᐅᒡ ᐊᓂᔭ ᓯᔭᒋᔨᑯᒡ ᒐᒂᔪᐛ;
\q2 ᐅᑎᓂᑯᐅᒡ ᐊᐱᒥᔪᑎᓂᔨᒡ ᒪᒂᒡ ᑕᐱᔅᑲᔨᒋ᙮
\q1
\v 21 ᒧᔭᒻ ᐊᐅᑎᓂᑯᒡ ᐊᔪᑎᓂᔨᒡ ᐛᐱᓄᑕᒡ ᐅᒋ ᑭᔭ ᒐᑐᑕᔨᑯᒡ ᐎᒋᐛᐛᒡ ᐅᒋ,
\q2 ᑭᔭ ᒂ ᐸᓯᑯᓇᑯᓯᒡ᙮
\q1
\v 22 ᐅᑕᒪᐅᑯᐅᒡ ᐊᓂᔭ ᐊᔪᑎᓂᔨᒡ ᐊ ᐊᑲ ᒋᔅᑎᒪᒐᔨᒥᑯᒡ
\q2 ᒪᒂᒡ ᐊᒋᑎᓯᒧᒡ, ᐊᐎ ᒋᑎᓯᒧᑕᒡ ᐊᔅᐱᔅ ᓱᒋᓯᒥᑭᓂᔨᒡ᙮
\q1
\v 23 ᒧᔭᒻ ᐊᒥᒥᑥᑕᔨᒋ ᐊᐛᔪᐛ ᐅᑎᒋᔨᐛ ᐃᓯᓇᑯᓂᔪᐤ ᐊᓂᔭ ᐊᔪᑎᓂᔨᒡ ᒐᒋ ᐱᐛᔨᒥᑯᒡ,
\q2 ᐊᔭᓯᒂᑎᑯᒡ ᑕᓐᑕ ᒥᒄ ᐊᑎ ‍ ᐃᔅᐸᔨᑐᒡ᙮”
\c 28
\s1 ᐎᑎᒺᐤ ᒠᑉ ᐱᔅᒐ ᐊᑕᑈᒥᑭᓂᔨᒋ ᒋᓴᒪᓂᑐᐛ ᐅᑭᒐᑕᐛᔨᑎᒧᐅᓂᔪᐤ
\q1
\v 1 “ᑕᑈᓄᐤ ᐊ ‍ ᐃᑎᑯᓂᔨᒋ ᐃᑕᐅᓇ ᐊᓐᑕ ᐊᒧᓇᔨᒐᒡ ᐃᔪᒡ ᒐᒋ ᒥᔅᑲᒡ ᐛᐱᓯᐅᓱᓇᔭᐸᐱᔅᑯᔪᐤ,
\q2 ᑭᔭ ᐃᑐᑯᓂᔨᐛ ᐃᑕᐅᓇ ᐊᓐᑕ ᑲᒧᓇᔨᒐᒡ ᐃᔪᒡ ᐊ ‍ ᒥᔅᑲᒡ ᐊᐸᔭᐧᑲᔨᒡ ᐛᔄᐅᓱᓇᔭᔪᐤ᙮
\q1
\v 2 ᐸᐃᑯᑕᐤ ᑐᑕᑭᓄᐅᐛ
\q2 ᐃᓴᒄ ᐊᓯᓂᔾ ᑭᔭ ᑲ ‍ ᐎᔄᐛᐱᔅᑲᒡ᙮
\q1
\v 3 ᐛᔅᑕᓂᐱᒪᑭᓇ ᐊᐱᒋᐊᐅᒡ ᑲ ᐊᑐᔅᒐ ᓇᐸᐅᒡ ᐊᓐᑕ ᑕᒥᔅᑭᒥᑯᒡ
\q2 ᒐᒋ ᓇᓂᑐᐛᐸᑕᒡ ᐃᓴᒄ ᐊᓯᓂᔾ ᐱᑎᑭᒥᒡ ᑲᓂᑐᐊᓯᓂᓇᐅᐎᔨᒡ
\q2 ᐊᓐᑕ ᓇᔅᒡ ᐃᔭᒋᑲᔨᒡ᙮
\q1
\v 4 ᒋ ‍ᒧᓇᐃᒐᐅᒡ ᐃᑕᐅᓂᒡ ᐊᓐᑕ ᐛᔪᐤ ᐊ ᐎᒋᔨᒋ ᐊᐛᔪᐛ ᐅᒋ,
\q2 ᐊᓐᑕ ᐊ ᐊᑲ ᐃᑐᑕᔨᒋ ᐊᐛᔪᐛ,
\q1 ᐛᔪᐤ ᐊᐛᔪᐛ ᐅᒋ ᐊᑐᔅᒐᐅᒡ
\q2 ᐊ ‍ ᐛᐛᐸᐱᒐᐱᔪᐅᒡ ᐊᐱᓯᒡ ᒪᒂᒡ ᐊᑎ ᐃᔭᓯᐱᔪᐅᒡ ᐊᓐᑕ ᐊᓄᑎᓯᓇᓄᐎᔨᒡ᙮
\q1
\v 5 ᐅᔅᒡ ᒧᔅᑎᔅᑭᒥᒡ ᓂᑕᐅᒋᓐ ᒥᒋᒻ
\q2 ᒥᒄ ᐊᓐᑕ ᑕᒥᔅᑭᒥᑯᒡ, ᐊᓐᑕ ᐊᑲ ᐃᑎᒂᒡ ᒥᒋᒻ, ᑭᑐᐛᐅᒡ ᑲ ᓄᑎᓯᓇᒡ ᒐᒋ ᐱᒂᐊᒡ ᐊᓯᓂᔭ᙮
\q1
\v 6 ᒋᒋᐛ ᑲ ᓱᓇᔭᐎᒋ ᑲᐱᔅᑭᓇᔨᒋ ᐊᓯᓂᓴ ᐊᔅᒋᐱᔨᐛ ᐊᓐᑕ ᑲᒧᓇᐃᑭᓄᐅᒋ ᐊᓯᓂᔭ ᑕᒥᔅᑭᒥᑯᒡ ᐅᒋ,
\q2 ᑭᔭ ᐊᐱᓯᔅ ᐊᔅᒋᐱᔪᐤ ᐎᔄᐅᓱᓇᔭᐤ ᐊᓐᑕ ᐊᐎᓇᒂᒡ᙮
\q1
\v 7 ᐱᔅᒐ ᐱᔭᓱᐅᒡ ᒋᒋᐛ ᓇᐊᐳᐅᒡ,
\q1 ᒥᒄ ᐃᔭᐱᒡ ᓄᒋᔭᐛᓱᐅᒡ ᓇᒪ ᒋᔅᒐᔨᑎᒧᒡ ᑕᓐᑕ ᐊᑎᑯᓂᔨᒋ ᐊᓄᑎᓯᓇᓄᐎᔨᒋ,
\q2 ᑭᔭ ᐊ ᐊᑲ ᓂᑕ ᐛᐸᑕᒡ ᒥᔅᑎᒥᓱᐅᒡ ᐊᓂᔭ ᐃᑕᐅᓇ᙮
\q1
\v 8 ᓇᒪ ᓂᑕ ᐱᒧᑕᐅᒡ ᒥᓯᐱᓱᐅᒡ ᑭᔭ ᑯᑎᑭᒡ ᐊᐛᓯᓯᒡ ᒪᔅᑭᓇᒡ ᐊᓐᑕ ᒥᒋᒪ ᐊᓂᔭ ᐊᓄᑎᓯᓇᓄᐎᔨᒋ᙮
\q1
\v 9 ᑲ ᓄᑎᓯᓇᒡ ᐱᑯᐱᑎᒧᒡ ᒋᒋᐛ ᐊ ᒥᔅᑯᐛᔨᒡ ᐊᓯᓂᔪᐤ;
\q2 ᒧᔭᒻ ᐊᔅᑎᔅᑕᒡ ᐱᔅᑯᑎᓇᐛ ᒐᒋ ᐅᑎᓇᒡ ᐃᓴᒄ ᐊᓯᓂᔪᐤ᙮
\q1
\v 10 ᒧᓇᐃᒐᐅᒡ ᐊᓯᓂᒡ
\q2 ᐊᓇᓂᑐᐛᐸᑕᒡ ᐛᐛᓯᐅᓇᐱᔎ
\q1 ᑭᔭ ᐊᓱᓇᔭᐅᔨᒋ ᒐᒂᔪᐛ᙮
\q1
\v 11 ᐅᔅᑯᑎᒪ ᐅᓯᑕᐅᒡ ᓯᐱᓯᒡ ᒐᒋ ᐊᑲ ᐱᒥᐱᔨᒡ ᓂᐱᔪᐤ,
\q2 ᑭᔭ ᒂ ᓄᑯᑕᒡ ᐊᓱᓇᔭᐅᐎᒋ ᒐᒂᔪᐛ ᐊ ᐊᑲ ᓄᑭᓂᔨᒋ ᐊᓐᑕ ᒧᔅᑎᔅᑭᒥᒡ ᑭᔭ ᐊᓐᑕ ᓯᐱᓯᒡ᙮
\b
\q1
\v 12 ᒥᒄ ᑭᒐᑕᐛᔨᑎᒧᐅᓐ: ᑕᓐᑕ ᐊᓂᔭ ᒐ ᒥᔅᑲᒡ ᐃᔪᒡ ?
\q2 ᑕᓐᑕ ᒐᒋ ᐅᒋ ᒥᔅᑭᒪᐧᒄ ᒐᒋ ᑕᑈ ᓂᔅᑐᑎᒪᐧᒄ ᒐᒂᔪᐛ ?
\q1
\v 13 ᓇᒪ ᒋᔅᒐᔨᑎᒧᒡ ᐃᔪᒡ ᑕᓐᑕ ᒐ ᒥᔅᑲᒡ;
\q2 ᓇᒪ ᐊᐛᓐ ᒋ ᒥᔅᑭᒻ ᐅᑕ ᐊᔅᒋᒡ ᑕᓐᑕ ᒥᒄ ᐛᒋᒡ᙮
\q1
\v 14 ᑭᔭ ᒪᒃ ᒐᒋ ᒥᔅᑲᑭᓄᐅᒡ
\q2 ᐊᓐᑕ ᓇᔅᒡ ᐊᑎᒥᒡ ᐎᓂᐸᑯᒡ᙮
\q1
\v 15 ᓇᒪ ᒋ ‍ ᐃᔭᐅᒡ ᐃᔪᒡ ᑭᒐᑕᐛᔨᑎᒧᐅᓂᔪᐤ
\q2 ᐛᐱᓯᐅᓱᓇᔭᐸᐱᔅᑯᔪᐤ ᑭᔭ ᒪᒃ ᐎᔄᐅᓱᓇᔭᐤ ᒐᒋ ᒋᓯᐧᑲᓱᐛᒐᒡ᙮
\q1
\v 16 ᐊᑎᑐᐤ ᓱᓇᔭᐤ ᑭᒐᑕᐛᔨᑎᒧᐅᓐ ᐃᔅᐱᔅ ᐛᔄᐅᓱᓇᔭᐤ ᐅᐱᕐ ᐊᔅᒋᒡ ᐅᒋ
\q2 ᑭᔭ ᒪᒃ ᑯᑎᑲ ᐊᓱᓇᔭᐅᒋ ᐊᓯᓂᔭ᙮
\q1
\v 17 ᓇᒪ ᒐᒂᓐ ᐸᐃᑯᑕᐤ ᐃᓯᓇᑯᓐ
\q2 ᓇᒪ ᐛᐛᒡ ᐎᔄᐅᓱᓇᔭᐤ ᑭᔭ ᒪᒃ ᐊᓱᓇᔭᐅᒡ ᐳᑎᔾ᙮
\q1
\v 18 ᐊᑎᑐᐤ ᓱᓇᔭᐤ ᑭᒐᑕᐛᔨᑎᒧᐅᓐ ᐃᔅᐱᔅ ᐊᓱᓇᔭᐅᒋ ᐊᒧᔅᑕᐛᒋ ᐊᓯᐸᑯᐅᒋ ᐊᓯᓂᓴ;
\q2 ᐊᑎᑐᐤ ᓱᓇᔭᐤ ᑭᒐᑕᐛᔨᑎᒧᐅᓐ ᐃᔅᐱᔅ ᐊᔅᐱᑕᔨᑕᑯᓯᒡ ᐊᐛᓴᔭᐱᔅᒋᒡ ᐊᓯᓂᔨᒡ᙮
\q1
\v 19 ᐊᔅᐱᑕᔨᑕᑯᔅᑦ ᑐᐸᔅ (ᑲ ‍ ᐎᔄᐛᒡ ᐊᓯᓂᔾ) ᐃᑎᐅᐱᐊ ᐅᒋ ᑭᔭ ᐊᒧᔅᑕᐛᒡ ᐎᔄᐅᓱᓇᔭᐤ
\q2 ᐊᑎᑐᐤ ᔭᓯᒃ ᐃᔅᐱᑕᔨᑕᑯᓯᐅᒡ ᐃᔅᐱᔅ ᐊᔅᐱᑕᔨᑕᒂᒡ ᑭᒐᑕᐛᔨᑎᒧᐅᓐ᙮
\b
\q1
\v 20 ᐊᑯ, ᑕᓐᑕ ᐊᒃ ᐛᒋᐱᔨᒡ ᑭᒐᑕᐛᔨᑎᒧᐅᓐ ?
\q2 ᑕᓐᑕ ᒐᒋ ᐅᒋ ᒥᔅᑭᒪᐧᒄ ᒐᒋ ᑕᑈ ᓂᔅᑐᑎᒪᐧᒄ ᒐᒂᔪᐛ᙮
\q1
\v 21 ᐊᐱᒪᑎᓯᒡ ᐃᔪᒡ ᓇᒪ ᒋ ‍ ᐛᐸᑎᒧᒡ
\q2 ᑭᔭ ᐱᔭᓱᐅᒡ ᓇᒪ ᒋ ‍ ᐛᐸᑎᒧᒡ ᒪᒂᒡ ᐊᐱᒥᔭᒡ᙮
\q1
\v 22 ᓂᐳᐅᓐ ᑭᔭ ᓂᓱᐅᓇᑎᓯᐅᓐ
\q1 ᒥᒄ ᐃᔨᒧᐅᓂᔪᐤ ᐸᑎᒧᒡ
\q2 ᑕᓐᑕ ᒪᔅᑲᑭᓄᐎᔨᒡ᙮
\q1
\v 23 ᐎᔾ ᒥᒄ ᒋᓴᒪᓂᑐᐤ ᒋᔅᒐᔨᑎᒻ
\q2 ᑕᓐᑕ ᐊᑎᑯᓂᔨᒡ ᑭᒐᑕᐛᔨᑎᒧᐅᓂᔪᐤ᙮
\q1
\v 24 ᐛᔅ ᐛᐸᑎᒻ ᒐᒂᔪᐛ ᐛᔪᐤ ᐊᓐᑕ ᐊᔅᒋᒡ;
\q2 ᒥᓯᐛ ᒐᒂᔪᐤ ᐊᓇᒡ ᒋᓯᑯᒡ ᒋᑭ ᒋ ‍ ᐛᐸᑎᒻ᙮
\q1
\v 25 ᐃᔅᐱ ᑲᐎᔭᔨᑕᐧᒃ ᑕᓐ ᒐ ᐃᔅᐱᔅ ᓱᒋᓯᒥᑭᓂᔨᒡ ᐊᔪᑎᓂᔨᒡ,
\q2 ᑭᔭ ᑕᓐ ᐃᔅᐱᔅ ᒐ ‍ ᑎᑯᓂᔨᒡ ᐊᒋᒧᓂᔨᒡ ᐊᓐᑕ ᑭᔅᑯᐅᓂᒡ,
\q1
\v 26 ᑭᔭ ᐃᔅᐱ ᑲᐎᔭᔨᑕᐧᒃ ᑕᓐᑕ ᒐ ‍ ᐸᒋᑎᓂᔨᒡ ᐊᒋᒧᓂᔨᒡ,
\q2 ᑭᔭ ᑕᓐᑕ ᒐ ᐃᔅᐱᔨᒡ ᐊ ᐛᔅᑕᐱᔨᒡ ᑭᔅᑯᐅᓂᒡ ᐅᒋ ᐊᔅᒋᒡ ᐃᓯ,
\q1
\v 27 ᐊᓂᔭ ᒪᒂᒡ ᒋ ᐛᐸᑎᒻ ᑭᒐᑕᐛᔨᑎᒧᐅᓂᔪᐤ ᑭᔭ ᒂ ᐎᔭᔨᑕᐧᒃ ᓇᔅᒡ ᒋᒋᐛ ᐃᐛᒃ ᐊ ‍ ᐃᑕᔨᑕᑯᓂᔨᒡ᙮
\q2 ᒋ ᓂᑐ ‍ ᒋᔅᒐᔨᑎᒻ ᑭᔭ ᒂ ᐃᔅᒋᔄᑦ ᒋᒋᐛ ᐊ ‍ ᒥᔽᔨᒡ᙮
\q1
\v 28 ᒋᓴᒪᓂᑐᐤ ᒋᒋ ‍ ᐃᑎᑯᓄᐤ, ‘ᐃᔅᒋᔄᒥᑭᓐ ᑭᒐᑕᐛᔨᑎᒧᐅᓐ ᒐᒋ ᐃᔅᐱᑕᔨᒥᔭᒄ, ᓂᔾ ᑎᐱᔨᒋᒐᓱᐤ,
\q1 ᑭᔭ ᒐ ᓂᑭᑎᒪᒄ ᒥᒋᑥᐅᓐ᙮’ ”
\q2
\c 29
\v 1 ᒠᑉ ᒥᓐ ᐃᔨᒧᐤ:
\v 2 ᑭᒪ ᐃᑕᔨᑕᑯᓯᔭᓐ ᒧᔭᒻ ᐊᓐᑕ ᐅᑕᒡ,
\q2 ᒪᒂᒡ ᐊᓂᔭ ᐱᐳᓇ ᐃᔅᐱ ᑲ ‍ ᓇᑭᑐᐛᔨᒥᑦ ᒋᓴᒪᓂᑐᐤ᙮
\q1
\v 3 ᑭᔭ ᐛᔅᑕᐅᓂᔪᐤ ᐅᐛᔅᑕᓂᐱᒪᑭᓇ ᐅᒋ
\q1 ᑲᐛᐸᑎᔨᑯᐅᒡ ᒐ ‍ ᐃᑐᑕᐅᒡ
\q2 ᐊᓐᑕ ᐊ ᐊᒋᑲᔨᒡ᙮
\q1
\v 4 ᒪᒂᒡ ᐊᓐ ᓂᒋ ‍ ᐊᐛᓯᐅᓐ ᑭᔭ ᓂᒋ ‍ ᓱᒋᓯᓐ,
\q2 ᐛᔅ ᓂᒋ ‍ ᐎᒐᐛᑭᓂᑐᐛᐤ ᒋᓴᒪᓂᑐᐤ,
\q1
\v 5 ᒋ ᐃᑕᐤ ᐊᑕᐅᒡ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᒪᒂᒡ ᐊᓂᔭ ᐱᐳᓇ
\q2 ᐃᔅᐱ ᐛᔅᑲ ᐊᑕᐅᒡ ᑲ ᐃᑕᒡ ᒥᓯᐛ ᓂᑦ ᐊᐛᓯᒥᒡ᙮
\q1
\v 6 ᓂᑦ ᐊᐛᓯᓯᒥᒡ ᓂᒋ ‍ᒥᔅᑎ ‍ ᒥᔨᑯᒡ ᒋᒋᓇᐳᔭ,
\q2 ᑭᔭ ᐊᐱᒥᑯᔨᒋ ᐱᒥᔭ ᐊᓯᓂᒡ ᐅᒋ ᐊᓐᑕ ᑲ ᒪᑲᐛᑭᓄᐅᒡ ᐅᓕᐱᒡ᙮
\q1
\v 7 ᐊᑐᑕᔭᓂ ᐊᓐᑕ ᒥᔭᒧᐎᒡ ᒋᓴᔪᐅᒡ ᐊᓐᑕ ᐅᑕᓇᒡ ᐃᔎᑕᒥᒡ,
\q2 ᓂᒋ ‍ ᐎᑎᐱᒪᐅᒡ,
\q1
\v 8 ᑭᔭ ᐃᔅᐱ ᐎᔭᐱᒥᑥᐎ ᐅᔅᑎᓂᒍᐅᒡ, ᒋᔅᑕᔨᑎᒧᐅᓂᒡ ᐅᐱᒪ ᒋ ‍ ᐃᓯᑲᐳᐅᒡ,
\q2 ᑭᔭ ᑲ ‍ ᒋᓴᔪᐅᒡ ᓇᐸᐅᒡ ᐃᔭᐱᒡ ᒋᔅᑕᔨᑎᒧᐅᓂᒡ ᒋ ‍ ᐱᓯᑯᐅᒡ᙮
\q1
\v 9 ᑲ ᓂᑲᓂᔅᑯᐛᒡ ᐃᔪᐛ ᒋ ‍ ᐳᓂᐅᒡ ᐊ ‍ ᐃᔨᒥᒡ,
\q1
\v 10 ᐃᔭᐱᒡ ᑲ ‍ ᒋᔅᑕᔨᑕᑯᓯᒡ ᐃᔪᒡ ᒋ ‍ ᒋᒺᐅᒡ
\q2 ᑭᔭ ᓇᒪ ᐅᒋ ᐃᔨᒧᒡ ᒐᒋ ᐅᒋ ᐸᑐᐅᒡ ᐊ ‍ ᐃᔨᒥᔨᒂᐤ᙮
\q1
\v 11 ᐃᔅᐱ ᒥᓯᐛ ᑲᐸᑕᒡ ᒐᒂᔪᐤ ᑲ ‍ ᐃᑎᒂᐤ,
\q2 ᓂᒋ ‍ ᒥᔽᒋᒥᑯᒡ᙮
\q1 ᐃᔅᐱ ᑲ ‍ ᐛᐸᑕᒡ ᒐᒂᔪᐤ ᑲ ᑐᑎᒧᒡ, ᓂᒋ ‍ ᑕᑈᐅᒐᔨᒥᑯᒡ,
\q1
\v 12 ᐛᔅ ᓂᒋ ‍ ‍ ᐎᒐᐅᒡ ᑲᒋᔅᑎᒪᑎᓯᒡ ᐊᐛᓐᒋ ᐃᔅᐱ ᑲᑕᑈᑥᐎ ᒐᒋ ᐎᒋᐊᑭᓄᐅᒡ
\q2 ᑭᔭ ᓂᒋ ‍ ᐎᒋᐊᐅᒡ ᒋᐅᓴᓐᒡ ᐊ ᐊᑲ ᐃᑕᔨᒋ ᐊᐛᔪᐛ ᒐ ‍ ᐛᐎᒋᔨᑯᒡ᙮
\q1
\v 13 ᐊᓐ ᐊᐛᓐᒋ ᑲ ‍ ᐎᓴᒐᔨᑕᒡ ᑭᔭ ᒐ ᐃᔎ ‍ ᐱᒪᑎᓯᒡ ᓂᒋ ‍ ᒪᒥᒋᒥᑯᒡ,
\q2 ᑭᔭ ᓂᒋ ‍ ᐃᑐᑐᐛᐅᒡ ᒋᔅᑎᒪᒋᔎᐅᒡ ᒐᒋ ᒥᒋᒐᔨᑎᒧᐤ ᓂᑭᒧᒡ ᐛᔅ ᑲ ᐛᐎᒋᔨᒂᐤ᙮
\q1
\v 14 ᓇᓂᑎᒻ ᑯᐃᔅᒄ ᓂᒋ ‍ ᐃᑕᑎᓯᓐ;
\q2 ᒧᔭᒻ ᐊᑯᑉ ᑲ ‍ ᐅᔭᓐ ᑭᔭ ᐊᑯᓂᔎᐅᓐ ᑲᐛᔅᑲᐱᐧᑲᑕᒡ ᓂᔅᑎᒂᓂᒡ ᐃᓯᓇᑯᓐ᙮
\q1
\v 15 ᓂᒋ ‍ᒥᔪ ‍ ᑐᑐᐛᐅᒡ ᐊ ᐊᑲ ᐛᐸᑕᒡ
\q2 ᑭᔭ ᐊ ᐊᑲ ᐱᒧᑕᒡ᙮
\q1
\v 16 ᓂᒋ ‍ ᐅᑕᐎᒪᐅᓐ ᑲᒋᔅᑎᒪᑎᓯᒡ,
\q2 ᑭᔭ ᓂᒋ ‍ ᐎᒐᐅᒡ ᒪᓐᑕᐅᒡ ᐊᓐᑕ ᑲ ᐛᓯᔨᑐᓇᓄᐎᔨᒡ᙮
\q1
\v 17 ᐃᔅᐱ ᑲᒋᒋᓇᒡ ᑲᒥᒋᑐᑎᓯᒡ
\q1 ᓂᒋ ‍ ᐱᒂᒺᓐ ᐎᐱᑐᐛᐛ
\q2 ᑭᔭ ᓂᒋ ‍ ᐱᑯᐎᒪᐛ ᑲ ᒪᑯᓇᒡ᙮
\q1
\v 18 ᓂᒋ ‍ ᒐᒋᓇᐅᓐ ᒐᒋ ᐱᒪᑎᓯᔭᓐ
\q2 ᓇᐅᔅ ᑭᔭ ᒥᔽᔨᑎᒧ ᐱᒪᑎᓯᐅᓐ
\q1 ᐊᑯ ᒐ ‍ ᐳᓂᐱᒪᑎᓯᔭᓐ ᑎᐱᔨᐛ ᓂ ᓂᐸᐅᓂᒡ᙮
\q2
\v 19 ᒧᔭᒻ ᒥᔅᑎᒄ ᓂᒋ ‍ ᐃᓯᓇᑯᓯᓐ ᐊᓂᔭ ᐅᑎᐱᑎᒂ ᓂᐱᒡ ᐊ ᐅᑎᑕᐸᑯᒧᐎᔨᒋ
\q2 ᑭᔭ ᐅᓯᑕᐧᑯᓇ ᐊ ‍ ᓂᐱᐎᔨᒋ ᐊᓂᔅᑭᔅᑭᒥᑲᒡ ᐊᓯᑯᒻ ᑎᐱᔅᑲᐛ᙮
\q1
\v 20 ᓇᓂᑎᒻ ᓂᒋ ‍ ᒋᔅᑕᔨᒥᑯᒡ ᐃᔪᒡ
\q2 ᑭᔭ ᓇᓂᑎᒻ ᓂᒋ ‍ ᓱᐧᑲᑎᓯᓐ ᒧᔭᒻ ᐅᔅᒋ ᐊᒐᐱᔾ᙮
\q1
\v 21 ᓂᒋ ‍ ᐊᓱᐛᐱᒥᑯᒡ ᐊᐛᓐᒋ ᒐᒂᔪᐤ ᒐ ᐃᔅᒋᔄᐅᒡ, ᐃᔅᐱ ᐊ ‍ ᐃᔨᒥᔭᓂ
\q2 ᑭᔭ ᓇᒪ ᐅᒋ ᐸᑕᑯᓯᐅᒡ ᐸᑐᔅ ᑲᒋ ‍ ᐃᑎᒧᐅᒂᐎ ᒐᒂᔪᐤ ᒐ ᐃᑎᒡ᙮
\q1
\v 22 ᑭᔭ ᐃᔅᐱ ᑲᒋ ‍ᒋ ᐃᓯ ‍ ᐃᔨᒥᔭᓐ,
\q2 ᓇᒪ ᐅᒋ ᑎᑯᓐ ᒥᓐ ᒐᒂᓐ ᒐᒋ ᐃᔅᒋᔄᓄᐅᒡ
\q1
\v 23 ᓂᒋ ‍ ᐊᓱᐛᐱᒥᑯᒡ ᒐᒋ ᐃᔨᒧᐅᒡ ᒧᔭᒻ ᐊᓯᓄᐛᐸᑕᒡ ᐊᒋᒧᓂᔨᒡ;
\q2 ᒋ ‍ ᒥᔽᔨᑎᒧᒡ ᑲ ‍ ᐃᔅᒋᔄᐅᒡ ᒧᔭᒻ ᐅᓂᑕᐅᒋᒐᓱᐤ ᒪᔽᔨᑕᐧᒃ ᒪᔅᑕᔾ ᐊᒋᒧᓂᔨᒡ ᓴᑯᓂᔨᒋ,
\q1
\v 24 ᑭᔭ ᐊ ‍ ᐸᐱᒂᔪᐅᒡ
\q2 ᒥᓯᐛ ᐊᐛᓐᒋ ᒋ ‍ ᐅᔅᒋᑕᑭᓄᐎᔪᐛ ᐅᑦ ᐊᔅᐸᔨᒧᐅᓄᐛᐛ᙮
\q1
\v 25 ᓂᒋ ‍ ‍ᓂᑲᓂᔅᑯᐛᐅᒡ, ᑭᔭ ᓂᒋ ‍ ᐎᔭᔨᑎᒺᓐ ᒐᒂᔪᐤ ᐊ ‍ ᒥᔽᔨᒡ ᒐᒋ ᐃᑐᑕᒡ;
\q2 ᓂᒋ ‍ ᐃᑕᐛᓐ ᐊᓐᑕ ᐊ ‍ ᐃᑕᒡ ᒧᔭᒻ ᒋᓴᐅᒋᒪᐤ ᐊ ‍ ᐃᑕᑦ ᐊᓐᑕ ᐅᓂᑐᐱᔪᐅ-ᐃᔨᒪ ᐊ ‍ ᐃᑕᔨᒋ;
\q2 ᒧᔭᒻ ᐊᐛᓐ ᐊ ‍ ᒥᔽᔨᒧᐊᑦ ᑲᒥᓯᒪᔨᑎᒥᔨᒋ ᐊᐛᔪᐛ ᓂᒋ ‍ ᐃᑕᔨᑕᑯᓯᓐ᙮”
\c 30
\s1 ᒠᑉ ᒋ ᒪᔭᔨᒥᒪᐤ ᐅᔅᑎᓂᒍᐛ ᐅᑕᐎᔪᐛ᙮
\q1
\v 1 “ᒥᒄ ᐊᓄᒡ ᐊᓐᒡ ᐊᐛᓯᐅᒡ ᐊᐛᓐᒋ ᓂᒋ ‍ ᐛᐅᓯᓇᑯᒡ
\q2 ᐊᓐᒡ ᐊᐛᓐᒋ ᐅᑕᐎᐛᐛ ᓇᔅᒡ ᒋᒋᐛ ᑲᒥᒐᔨᒥᒋ,
\q2 ᐊᐅᑯᓐ ᐊᓂᔭ ᐅᒋ ᐛᐛᒡ ᓇᒪ ᓂ ᐅᒋ ‍ ᓇᐊᔨᒪᐅᒡ ᒐᒋ ᐎᒋᐊᒡ ᓂᑕᒪ ᒐᒋ ᓇᑭᑐᐛᔨᒪᔨᒋ ᓂᒪᔭᑕᓂᓯᒪ᙮
\q1
\v 2 ᑭᔭ ᐊᓐᒡ ᑲ ᐱᐛᔨᒥᒡ
\q2 ᓇᒪ ᒋ ‍ ᐎᒋᔨᑎᓱᐅᒡ ᐎᔪᐛᐤ᙮
\q1
\v 3 ᒋᒋᐛ ᒋᔅᑎᒪᑎᓯᐅᒡ ᑭᔭ ᒋᓯᐛᔪᐅᒡ,
\q2 ᐊᓂᔭ ᐅᒋ, ᐅᑎᐱᔭ ᒋᒪᒪᒂᑎᒧᒡ ᑕᐱᔅᑲᔨᒋ
\q2 ᐊᓐᑕ ᐊᐸᔅᑕᔨᒡ ᑭᔭ ᐊ ᐊᑲ ᐃᑕᓄᐎᔨᒡ ᐃᑕᐅᓂᒡ᙮
\q1
\v 4 ᒋᒥᓂᐱᑎᒧᒡ ᓇᑕᐅᒋᑕᑭᓇ ᐊᓐᑕ ᐸᐧᑯᑎᔅᑭᒥᑲᒡ ᑭᔭ ᒂ ‍ ᒥᒋᒡ
\q2 ᑭᔭ ᒂ ‍ ᑎᐅᓱᒡ ᐊ ‍ ᐃᔎᓴᒡ ᒥᔅᑎᒂ ᐊᐅᑎᐱᔪᔨᒋ
\q1
\v 5 ᒋ ᑕᐱᑕᑈᑎᑯᐅᒡ ᐊᐛᔪᐛ ᒧᔭᒻ ᑲᓂᑕᐅᒋᒧᑎᒡ
\q2 ᑭᔭ ᒂ ‍ ᐎᐎᑎᓴᐅᑯᒡ ᐅᑦ ᐃᑕᐅᓄᐛᔨᒡ ᐅᒋ᙮
\q1
\v 6 ᐊ ‍ ᐛᑎᒂᐱᔅᑲᐃᑭᓄᐎᒡ ᐱᔅᑯᑎᓇᒡ ᐊᑯᑕ ᑲ ‍ ᐎᒋᒡ
\q2 ᑭᔭ ᐊᓐᑕ ᐊᐱᑯᓇᔭᔨᒡ ᒧᔅᑎᔅᑭᒥᒡ, ᑭᔭ ᐊᓐᑕ ᐅᐱᒪ ᐊᒋᔅᒐᑲᔨᒡ᙮
\q1
\v 7 ᓯᑲᒡ ᒋ ‍ ᐸᑕᑯᓱᐅᒡ ᒧᔭᒻ ᐊᐛᓯᓯᒡ ᐛᔅ ᒋᓯᐛᔪᐅᒡ,
\q2 ᑭᔭ ᓯᐸ ᑲᑲᓱᑕᐛᔅᑯᓯᔨᒋ ᓂᐱᓯᔭᑎᑯᒡ ᒋ ‍ ᒪᒧᐎᔪᐅᒡ᙮
\q1
\v 8 ᐊᑲ ᑯᐃᑐᓇᑯᓯᒡ ᐃᑕᔨᑕᑯᓱᐅᒡ ᐊᓐᒡ ᐊᐛᓐᒋ,
\q2 ᐊ ᐊᑲ ᐊᐛᓐ ᒋᔅᒐᔨᑎᒺᑦ ᐅᑦ ᐃᓯᓂᐧᑲᓱᐅᓂᔨᐛ;
\q1 ᒋ ‍ ᐎᐎᑎᓴᐛᑭᓄᐅᒡ ᐊᓐᑕ ᐊᔅᒋᒡ ᐅᒋ ᐊᓐᑕ ᑲ ‍ ᐃᔪᐅᒡ᙮
\s1 ᐎᑎᒻ ᒠᑉ ᑕᓐ ᑲ ᐃᓯ ‍ ᒪᔭᔨᒪᑭᓄᐅᑦ
\q1
\v 9 ᐊᑯ ᐊᓄᒡ ᓂᑭᒧᔪᐛ ᐅᑦ ᐊᐛᓯᒧᐛᐛ ᒐᒋ ᐱᐛᔨᒥᔨᒋ᙮
\q2 ᓂ ‍ ᐛᐎᑯᑎᑯᒡ᙮
\q1
\v 10 ᓂ ᐛᐧᑲᑎᑯᒡ ᑭᔭ ᓇᒪ ᓂ ‍ ᐸᓱᐛᐱᒥᑯᒡ,
\q2 ᒥᒄ ᐃᔅᐱ ᐎᔭᐱᒥᑥᐎ, ᒥᔽᔨᑎᒧᒡ ᒐᒋ ᓯᔅᑎᒂᓯᒡ ᓂᑕᔅᑎᒥᐧᑯᒡ᙮
\q1
\v 11 ᓂᒋ ‍ ‍ᓂᓱᐅᓇᒋᔨᒄ ᒋᓴᒪᓂᑐᐤ ᑭᔭ ᓂᒋ ‍ ᑐᑕᒄ ᒐ ᐊᑲ ᒋ ‍ ᐎᒋᔨᑎᓱᐅᒡ, ᑭᔭ ᓂᒋ ‍ ᑎᐸᑕᔨᑕᑯᔨᒄ,
\q2 ᑭᔭ ᓂᒋ ‍ ᑐᑕᑯᒡ ᒥᒄ ᐛᑐᑐᐅᒡ ᐊᓐᒡ ᑲᐱᒂᓯᒡ᙮
\q1
\v 12 ᑲ ‍ ᐊᒂᑎᓯᒡ ᐅᔅᑎᓂᒍᐅᒡ ᓂᒋ ᑯᓯᒂᔨᒧᑕᑯᒡ ᑭᔭ ᓂᒋ ‍ ᑐᑕᑯᒡ ᒐᒋ ᒋᑎᓯᒧᐅᒡ;
\q2 ᒋ ‍ ᐊᔭᔅᑯᐎᔪᐅᒡ ᒐᒋ ᓂᓱᐅᓇᒋᔨᒡ᙮
\q1
\v 13 ᓂᒋ ‍ ᑯᔅᑎᔨᑯᒡ ᒐᒋ ᒋᑎᓱᒧᐅᒡ,
\q2 ᑭᔭ ᓇᒪ ᐃᑕᐤ ᐊᐛᓐ ᒐᒋ ᐎᒋᔨᑦ᙮
\q1
\v 14 ᒧᔭᒻ ᐊᔅᑎᒥᑎᒡ ᐅᑕᓇᐤ ᓂᑦ ᐃᓯᓇᑯᓯᓐ ᑭᔭ ᐊᒋ ‍ ‍ᓴᑈᐊᒡ ᐊᓐᑕ ᐊᔅᑎᒥᑎᒡ,
\q2 ᑭᔭ ᐊ ᐸᒋ ‍ ᐱᑎᑭᔅᑯᐅᒡ᙮
\q1
\v 15 ᓇᔅᒡ ᑕᑈ ᓂᓴᒋᓯᓐ;
\q2 ᒋ ᐅᑎᓂᒧᒡ ᓂᒋ ᒋᔅᑕᔨᑕᑯᓯᐅᓂᔪᐤ ᒧᔭᒻ ᐊ ᐛᐸᔅᑎᒡ ᐊᔪᑎᒡ
\q2 ᓂᑎᐸᔨᑎᒧᐅᓇ ᒋᐸᓯᑯᓇᑯᓇ ᒧᔭᒻ ᑭᔅᑯᐅᓐᒡ ᐊᐸᓯᑯᓇᑯᓯᒡ᙮
\s1 ᒠᑉ ᑲ ᐃᔅᒋᔄᑦ ᐊ ᐅᓂᑐᑕᑯᑦ ᒋᓴᒪᓂᑐᐛ
\q1
\v 16 ᐊᑯ ᓴᔅ ᓂᑭ ‍ ᐳᓂᐱᒪᑎᓯᓐ;
\q2 ᐊᓯᑯᒻ ᒋᓯᑲᐛ ᓂ ‍ ᐎᓯᒐᔨᑕᓐ᙮
\q1
\v 17 ᓂᑦ ᐊᑯᓯᓐ ᓂᔅᑭᓇ ᑕᐱᔅᑲᒋ,
\q2 ᑭᔭ ᓇᒪ ᓂᑕ ᓂᑲᐱᔪᐤ ᓂᒪᑕᔅᐱᓇᐅᓐ ᐊᐎᓴᓯᑲᐅᑯᔭᓐ᙮
\q1
\v 18 ᒧᔭᒻ ᐊ ᐅᑎᓇᐧᒃ ᓂᑦ ᐊᐱᒋᑕᐅᓇ ᒋᓴᒪᓂᑐᐤ
\q2 ᑭᔭ ᐊᒋᐳᑕᒥᐧᑲᐸᓯᑦ ᓂᑦ ᐊᑯᐱᔪᐤ᙮
\q1
\v 19 ᐊᔅᒋᓱᒡ ᓂᒋ ᐃᓯ ‍ ᐛᐱᓂᒄ;
\q2 ᐅᔅᑕ ᓇᒪ ᒐᒂᓐ ᓂᑦ ᐃᔅᐱᑕᔨᑕᑯᓯᓐ ᐃᔅᐱᔅ ᔭᑯᐤ ᑭᔭ ᐱᐧᑯᑕᐤ᙮
\b
\q1
\v 20 ᓂᑕᑈᑕᐤ ᒋᓴᒪᓂᑐᐤ, ᒥᒄ ᓇᒪ ᓂ ᐎᒋᔨᒄ;
\q2 ᓂᐱᓯᑯᓐ ᑭᔭ ᓂ ᓂᑐᑎᒪᓐ, ᒥᒄ ᓇᒪ ᓂᑐᑕᒄ᙮
\q1
\v 21 ᓂᒪᔭᔨᒥᒄ;
\q2 ᓂ ᑐᑕᒄ ᒐᒋ ᐎᓯᒐᔨᑎᒧᒡ ᒥᓯᐛ ᐅᓱᐧᑲᑎᓯᐅᓐ ᐅᒋ᙮
\q1
\v 22 ᑐᑎᒻ ᐊᔪᑎᓂᔨᒡ ᒐᒋ ᐅᐱᑎᑯᐅᒡ ᑭᔭ ᐛᐸᓱᐅᒡ,
\q2 ᑭᔭ ᓂ ᐛᐛᐱᓂᒄ ᐊᓐᑕ ᐊᒋᔎᔭᔨᑕᑯᓂᔨᒡ᙮
\q1
\v 23 ᓂ ᒋᔅᒐᔨᒪᐤ ᒐ ‍ ᑐᑐᐅᑦ ᒐᒋ ᐳᓂᐱᒪᑎᓯᐅᒡ,
\q2 ᐊᐅᒄ ᐊᓂᔭ ᐊ ᐃᔅᐱᔨᑦ ᒥᓯᐛ ᐊᐛᓐ ᐸᒪᑎᓯᑦ᙮
\b
\q1
\v 24 ᐃᔅᐱ ᐛᑎᑎᑯᑥᐎ ᐊᐛᓐᒋ ᐊᔨᒥᔪᐅᓇ,
\q2 ᑭᔭ ᐊᐳᐅᒡ ᐊᓐᑕ ᐊᐱᔅᑯᔅᑕᔨᒡ ᐊᐃᔭᔪᐅᓂᔨᒡ ᒐᐛᔪᐤ ᑭᔭ ᑕᑈᐅᒡ ᒐᒋ ᐎᒋᐊᑭᓄᐅᒡ,
\q2 ᑯᑎᑭᒡ ᓴᓯᐱᓂᔅᒐᐎᔪᐅᒡ ᒐᒋ ᐎᒋᐊᐊᒡ᙮
\q1
\v 25 ᓂᒋ ‍ ᓂᓇᐧᑲᒋᒧᐛᓐ ᑲᒋᔅᑎᒪᑎᓯᒡ ᐅᒋ
\q2 ᑭᔭ ᐊᓐᒡ ᑲ ‍ ᐎᓯᒐᔨᑕᒡ᙮
\q1
\v 26 ᒥᒄ ᐃᔅᐱ ᑲ ‍ ᐸᓱᐛᔨᑎᒪᓐ ᒥᔪᐤ ᒐᒂᓇ ᒐᒋ ᐅᑎᑎᑯᔭᓐ, ᒥᒋ ‍ ‍ᒐᒂᓐ ᓂᒋ ‍ ᐅᑎᑎᑯᓐ;
\q2 ᐃᔅᐱ ᑲ ‍ ᐊᓱᐛᐸᑎᒪᓐ ᐛᔅᑕᐅᓐ, ᐊ ᐅᑲᔅᑕᔭᒡ ᒥᒄ ᓂᒋ ‍ ᐅᑎᑎᑯᓐ᙮
\q1
\v 27 ᓇᓂᑎᒻ ᓇᔅᒡ ‍ ᓂᓇᐧᑲᑕᔨᑕᓐ;
\q2 ᐊᓯᑯᒻ ᒋᓯᑲᐛ ᓂ ‍ ᐎᓯᒐᔨᑕᓐ᙮
\q1
\v 28 ᓂ ‍ ᐱᐸᒧᑕᓐ ᓇᔅᒡ ᐊ ‍ ᐱᒋᑕᔨᒧᔭᓐ᙮
\q2 ᓂᒋ ‍ ᐱᓯᑯᓐ ᑭᔭ ᓂᒋ ‍ ᐱᑯᓴᔨᒪᐅᒡ ᐊᐛᓐᒋ ᒐᒋ ᐎᒋᔨᒡ᙮
\q1
\v 29 ᒧᔭᒻ ᐊ ᐸᑕᑯᓯᒡ ᒪᒐᓱᐅᒡ ᑭᔭ ᑲᒋᓂᑯᐎᔪᐛᒡ ᐊ ᐊᑲ ‍ ᒋ ‍ ᐅᐸᐅᒡ ᐱᔭᓱᐅᒡ ᐃᑎᑕᑯᓐ ᓂᐸᑕᑯᓯᐅᓐ᙮
\q1
\v 30 ᓇᔅᒡ ᐸᔅᑕᐤ ᓂᓯᑭᔾ,
\q1 ᐳᓯᑭᓴᒋᐱᔪᐤ,
\q2 ᑭᔭ ᐃᔎᑕᐛ ᓂᔅᑭᓇ᙮
\q1
\v 31 ᐅᔅᑭᒡ, ᓂᒋ ‍ ᒧᒋᒐᔨᑎᒧᐤ ᒥᔽᐛᐱᑕᓐ ᐊᓯᑭᓇᔭᐱᔾ ᓂ ᒋᔍᐛᐱᒋᑭᓂᒡ ᑭᔭ ᓂ ᐳᑕᒋᑭᓂᒡ
\q2 ᒥᒄ ᐊᓄᒡ ᓂ ᒋᔅᑎᒪᒋ ‍ ᒥᔽᐛᐱᑕᓐ ᑲ ᒥᓯᒪᔨᑕᒡ ᐅᒋ᙮”
\c 31
\s1 ᐎᑎᒻ ᒠᑉ ᐊ ‍ ᒥᔽᑎᓯᑦ
\q1
\v 1 “ᓂᒋ ‍ ᒋᒋ ‍ ᐊᓱᑎᒪᓱᓐ
\q2 ᒐ ᐊᑲ ᒧᔅᑕᓄᐅᒄ ᐅᔅᑎᓂᒋᔎᔅᒡ ᒐᒋ ᐎᐸᒥᒄ᙮
\q1
\v 2 ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᐊᓏᔨᒪᐤ
\q2 ᓇᐸᐛ ᐅᔭ ᑲ ‍ ᐃᑎᔨᒋ᙮
\q1
\v 3 ᑕᑈ, ᐃᑎᓴᐊᒧᐛᐤ ᐊᔨᒥᐅᓇ ᒋᓴᒪᓂᑐᐤ
\q2 ᒥᓯᐛ ᐊᐛᔪᐛ ᑲ ‍ ᒥᒋᑥᔨᒋ,
\q1
\v 4 ᒐᔅᑎᓇᔅ ᐛᐸᑎᒻ ᒋᓴᒪᓂᑐᐤ ᒥᓯᐛ ᒐᒂᔪᐤ ᐊ ‍ ᐃᑐᐅᒡ,
\q2 ᐊᑯ ᒐᒂᔪᐤ ᐛᒋ ‍ ᐃᑐᑐᐅᑦ ᒐᒋ ᐎᓯᒐᔨᑎᒧᒡ ?
\q2 ᒧᔭᒻ ᐊ ᐊᒋᑕᐧᒃ ᑕᑥᐤ ᐊᑕᐧᑯᓴᐅᒡ᙮
\q1
\v 5 ᑕᑈ ᓂᐎᑕᓐ ᐊ ᐊᑲ ᓂᑕ ᐅᒋ ᒥᒋ ‍ ᐃᔨᑎᔭᓐ
\q2 ᑭᔭ ᓇᒪ ᓂᑕ ᓂ ᐅᒋ ᑯᒋᑕᓐ ᒐᒋ ᐎᔭᓯᒥᒂᐤ ᐊᐛᓐᒋ᙮
\q1
\v 6 ᒥᒄ ᓂᑐᐛᔨᑎᒧᐛᐤ ᒋᓴᒪᓂᑐᐤ ᑯᐃᔎᔨᑕᑯᓯᐅᓂᒡ ᒐᒋ ᑎᐸᔅᑯᓂᑦ,
\q2 ᑐᑕᒐ ᐊᓂᔭ, ᒋᑭ ‍ ᒋᔅᒐᔨᑎᒻ ᐊᑲ ᐅᒋ ᒥᒋ ‍ ᑐᑎᒧᒡ᙮
\q1
\v 7 ᒋ ‍ ᐳᓂᔭᓇᒂ ᐊ ‍ ᑯᐃᔅᑯᑕᑎᓯᐅ-ᐱᒪᑎᓯᔭᓐ,
\q2 ᑭᔭ ᒪᒃ ᒋ ‍ ᐱᑯᓴᔨᑎᒪᓇᒂ ᒐᒂᔪᐛ ᒐᒋ ᒋᑕᐸᑎᒪᓐ,
\q2 ᑭᔭ ᒪᒃ ᐊᑕᒪᔨᑕᑯᓯᔭᓐ ᑯᑎᒃ ᐊ ‍ ᐃᑐᑎᒪᓐ ᒥᒋᑐᑎᒧᐅᓐ,
\q1
\v 8 ᐊᑯ ᑯᑎᑭᒡ ᒋᑭ ‍ ᒥᒍᐅᒡ ᑲ ‍ ᓂᑕᐅᒋᑕᐅᒡ
\q2 ᑭᔭ ᒋᑭ ‍ ᒥᓂᐱᑎᒧᒡ ᓂ ᓂᑕᐅᒋᑕᑭᓇ᙮
\b
\q1
\v 9 ᑲᒋ ‍ ᐱᑯᓴᔨᒥᒂᓂ ᑯᑎᒃ ᐊᐛᓐ ᐎᐛ
\q2 ᑭᔭ ᒋ ‍ ᓇᓴᐅᒥᒂᓂ,
\q1
\v 10 ᐊᑯ ᐊᑯᔅ ᒪᓐᑕᐤ
\q2 ᓂᑭ ‍ ᒋᒧᑎᒥᒄ ᓂᔪᐛ᙮
\q1
\v 11 ᒋ ᒋᒧᑎᒧᐅᒄ ᑯᑎᒃ ᐊᐛᓐ ᐎᐛ,
\q2 ᒋᒋᐛ ᒋᐸ ‍ ᐊᒂᑕᔨᑕᑯᓐ ᐊᓐ ᒥᒋᑐᑎᒧᐅᓐ᙮
\q1
\v 12 ᐊ ᐱᓯᒂᑎᓯᔭᓐ ᒋᐸ ‍ ᑎᑯᓂᐱᓐ ᐃᔅᑯᑕᐤ ᓂᔭᒡ ᒧᔭᒻ ᒥᒋᔅᑯᑕᐤ,
\q2 ᑭᔭ ᒋᐸ ‍ ᐃᔎᑕᐛ ᒥᓯᐛ ᒐᒂᔪᐛ ᑕᐱᔽᐅᓯᔭᓐ᙮
\b
\q1
\v 13 ᑭᔭ ᐃᔅᐱ ᐊᑲ ᐅᒋ ‍ ‍ ᓂᑐᑐᒂᒂᓐᒋ ᐊᓐᒡ ᓂ ᓇᐸᐤ ᑭᔭ ᒪᒃ ᓂᑦ ᐃᔎᐤ ᐊᐱᒋᐊᑭᓐᒡ
\q2 ᐃᔅᐱ ᑲ ‍ ᐊᓏᔨᒥᒡ ᒐᒂᔪᐤ ᐅᒋ᙮
\q1
\v 14 ᒋᐸ ‍ ᐱᓯᑯᐤ ᒋᓴᒪᓂᑐᐤ ᑭᔭ ᒋᐸ ‍ ᐎᑎᒻ ᒐᒋ ᐊᓏᔨᒥᑦ;
\q2 ᑭᔭ ᐃᔅᐱ ᐎ ᑐᑕᐧᒃ ᐊᓂᔭ, ᒐᒂᓐ ᓂ ᐸᒋ ‍ ᑐᑕᓐ ?
\q2 ᐃᓯ ‍ ᑯᒂᒋᒥᑦ ᒐᒂᔪᐤ ᑲ ᐃᑐᑎᒧᒡ, ᒐᒂᔪᐤ ᓂᐸ ᒋ ‍ ᓂᔎᐛᓯᐊᐤ᙮
\q1
\v 15 ᒋᓴᒪᓂᑐᐤ, ᐊᓐ ᑲ ‍ ᐅᓯᔨᑦ, ᒐᔅᑎᓇᔅ ᐃᔭᐱᒡ ᒋ ‍ ᐅᓯᐊᐤ ᓂᑦ ᐊᐱᒋᐊᑭᓇ;
\q2 ᑕᑈ ᐎᔾ ᐊᐅᒄ ᑲ ‍ ᐅᓯᐊᑦ ᐊᓂᔭ ᑭᔭ ᓂᔾ ᐊᓐᑕ ᓂᑲᐎᓇᓇ ᐅᔅᐱᔭᔨᒡ;
\q2 ᐊᑯ ᒥᓯᐛ ᐊᑎᓯᔭᐧᒄ ᐸᐃᑯᑕᐤ ᒋᐸ ᐎ ‍ ᐃᑕᑎᓯᔅᑕᑐᓇᓄᐤ᙮ 
\s1
\q1
\v 16 ᓇᒪ ᓂᑕ ᐎᔭᓯᒪᐅᒡ ᒋᔅᑎᒪᒋᔎᐅᒡ
\q2 ᑭᔭ ᒪᒃ ᐊᓐᒡ ᑲ ‍ ᐱᑯᓴᔨᑕᒡ,
\q1
\v 17 ᑭᔭ ᓇᓂᑎᒻ ᓂᒋ ‍ ᐊᓯᒪᐅᒡ
\q2 ᓂᒥᒋᒥᔪᐤ ᒋᐅᓴᓐᒡ᙮
\q1
\v 18 ᐃᔅᐱ ᑲ ᐸᒋ ‍ ᐅᔅᑎᓂᒋᐅᔭᓐ,
\q1 ᓂᒋ ‍ ᓇᑭᑐᐛᔨᒪᐅᒡ ᒋᐅᓴᓐᒡ
\q2 ᑭᔭ ᓂᒋ ‍ ᐎᒋᐊᐅᒡ ᒋᔅᑎᒪᒋᔎᐅᒡ᙮
\q1
\v 19 ᓂᒋ ‍ ᒥᔭᐅᒡ ᐊᐱᒋᑕᐅᓇ ᑲᒋᔅᑎᒪᑎᓯᒡ,
\q2
\b
\q1
\v 20 ᑭᔭ ᓂᒋ ‍ ᒪᒥᒋᒥᑯᐅᓐ
\q1 ᑲ ᒥᔨᒂᐤ ᐊᓯᑭᓇᔭᐱᐎᔨᒋ ᐊᐱᒋᑕᐅᓇ
\q2 ᒐᒋ ᒋᓱᐅᓂᑯᒡ᙮
\q1
\v 21 ᑎᔭᑈᓄᐅᒂ ᐊᒋ ‍ᐎ ‍ ᐅᑕᒪᐅᒄ ᒋᐅᓴᓐ
\q2 ᐛᔅ ᓂ ‍ ᒋᔅᒐᔨᒪᐅᒡ ᒋᓴᔪᒡ ᐊᓐᑕ ᐅᑕᓇᒡ ᐃᔎᑕᒥᒡ ᒐ ᐎᔭᔨᑕᒡ ᓂᔾ ᐊᐎᒋᔨᒡ;
\q1
\v 22 ᑭᒪ ᒥᓂᐱᑕᑭᓄᐅᒡ ᓂᐅᑎᓂᑭᓐ
\q2 ᑭᔭ ᓂᔅᐱᑐᓐ ᒥᓂᐱᑕᑭᓄᐅᒡ ᓂᐅᑎᑎᒥᓂᒡ ᐅᒋ᙮
\q1
\v 23 ᓇᓂᑎᒻ ᓂᒋ ‍ ᑯᔅᐱᓇᔨᒪᐤ ᒋᓴᒪᓂᑐᐤ ᒐ ‍ ᑐᑐᐅᑦ ᒐᒋ ᐅᑎᑎᑯᐅᒡ ᒋᒋ ‍ ᐊᔨᒥᐅᓂᔪᐤ ᒋ ‍ ᑐᑎᒪᓇᒂ ᐊᓂᔭ ᒥᒋ ‍ ᒐᒂᓇ,
\q2 ᑭᔭ ᐊᑐᒡ ᓂᒋ ‍ ᒧᓯᑕᐛᓇᐱᓐ ᐊᓱᐧᑲᑎᓯᒥᑭᓂᔨᒋ ᒐᒂᔪᐛ ᒋᐸ ‍ ᑐᑎᒧᐱᓐ ᒐᒋ ᐊᓏᔨᒥᑦ᙮
\b
\q1
\v 24 ᑕᑈᐅᒐᔨᑎᒪᓇᒂ ᓂᓱᓇᔭᓂᒻ,
\q1
\v 25 ᑭᔭ ᒪᒃ ᒋ ‍ ᒧᒋᒐᔨᑎᒪᓇᒂ ᐊᒋ ᒥᔅᑎ ‍ ᐎᐧᑯᒋᑎᒪᓱᔭᓐ ᒥᒐᑦ ᒐᒂᔪᐛ
\q2 ᑭᔭ ᒋᒋᐛ ᒋ ‍ ᐛᔪᑎᓯᔭᓇᒂ,
\q1
\v 26 ᑭᔭ ᒪᒃ ᒋ ‍ ᒋᑕᐱᒥᑲᒂ ᐱᓯᒻ ᐃᔅᐱ ᑲ ‍ ᒋᐧᑲᔭᔅᑐᐛᑦ
\q2 ᑭᔭ ᒪᒃ ᒋ ‍ ᒋᑕᐱᒥᑲᒂ ᐊ ‍ ᒥᔪᓯᓯᑦ ᑎᐱᔅᑲᐤ ᐱᓯᒻ
\q1
\v 27 ᑭᔭ ᒋ ‍ ᓯᒋᒥᑯᔭᓇᒂ ᒐᒋ ᐊᔭᒥᐊᔅᑐᐅᒂᐤ
\q2 ᐊᓱᐛᔨᑎᒪᓐ ᓂᑎᒋ ᒐᒋ ᒋᔅᑎᒪᐛᔨᒥᒂᐤ᙮
\q1
\v 28 ᐊᐅᑯᔪᐛ ᐊᓂᔭ ᒐᒂᔪᐛ ᒥᒋᑐᑎᒧᐅᓇ ᒐ ᐅᒋ ‍ ᐃᔅᒋᔄᒡ ᑲ ‍ ᑎᐸᔅᑯᓂᒐᒡ ᒐ ᐎ ᐊᓏᔨᒥᑯᐅᒡ,
\q2 ᐛᔅ ᓂᐸ ‍ ᐊᑐᐛᔨᒪᐱᓐ ᒋᓴᒪᓂᑐᐤ ᐊ ‍ ᐃᑐᑎᒪᓐ ᐊᓂᔭ ᒐᒂᔪᐛ᙮
\b
\q1
\v 29 ᓇᒪ ᓂᑕ ᓂ ᐅᒋ ‍ ᐸᐱᓐ
\q1 ᐃᔅᐱ ᑲᐱᒂᓯᒡ
\q2 ᑲ ᐅᑎᑎᑯᒡ ᒥᒋᐱᔪᐅᓇ
\q1
\v 30 ᐃᔭᐱᒡ ᓇᒪ ᓂ ᐅᒋ ‍ ᒥᒋᑐᑕᓐ
\q2 ᐊᑭᒂᒋᒥᒃ ᒋᓴᒪᓂᑐᐤ
\q1 ᒐᒋ ᐃᑎᓴᐊᒪᑯᒡ
\q2 ᐊᓏᔨᒐᐤ ᓂᐳᐅᓂᔪᐤ᙮
\q1
\v 31-32 ᑭᔭ ᓇᒪ ᑕᑈᓄᐤ ᐊ ᐊᑲ ᓂᑕ ᐅᒋ ᐎᓴᒥᒂᐤ ᑲ ᐱᐸᒥᐱᒋᒡ ᒐᒋ ᑕᒡ ᐊᓐᑕ ᓂᐱᒍᐎᔭᓂᒋᐛᐱᒡ
\q2 ᑭᔭ ᒪᒃ ᐊ ᐊᑲ ᐅᒋ ‍ ᓴᓂᒧᐅᒂᐤ ᓂᔅᑐᐧᑭᓇ, ᒥᒄ ᐊᒋ ‍ ᐃᔨᑭᒥᔨᒂᐤ ᒐᒋ ᓂᐸᒡ ᐊᓐᑕ ᒪᔅᑭᓇᒡ᙮
\q2 ᒥᓯᐛ ᐊᐛᓐ ᑲ ‍ ᐊᑐᔅᑯᐅᑦ ᒐᔅᑎᓇᔅ ᒋᔅᒐᔨᑎᒻ ᐅᔭ!
\q1
\v 33 ᐱᔅᒐ ᐊᐛᓐᒋ ᐎ ᑲᑕᐅᒡ ᐅᒥᒋᑐᑎᒧᐅᓄᐛᐛ,
\q2 ᒥᒄ ᓇᒪ ᓂᑕ ᐅᒋ ᑐᑕᓐ ᐊᓐ;
\q1
\v 34 ᑭᔭ ᓇᒪ ᓂᑕ ᐅᒋ ᒋᒺᓐ ᑭᔭ ᐊᑲ ᑕᑈᑎᒪᓐ ᒐᒋ ᐎᐎᔭᓐ ᓂᒋᒡ
\q2 ᐛᔅ ᒋᒋᐛ ᓂᒋ ‍ ᑯᔅᑕᓐ ᑕᓐ ᒐ ᐃᓯ ‍ ᐛᐎᔨᒡ ᐊᐛᓐᒋ,
\q2 ᑭᔭ ᓂᐸ ‍ ᐛᐧᑲᑎᑯᒡ᙮
\b
\q1
\v 35 ᑭᒪ ᐃᑕᑦ ᐊᐛᓐ ᒐᒋ ᐸᑐᐅᑦ ᒐᒂᔪᐤ ᐊ ‍ ᐃᔅᒋᔄᐅᒡ!
\q2 ᒋᒋᐛ ᓂ ᐎᑕᓐ ᒥᓯᐛ ᐊᓐ ᒐᒂᓐ ᑲ ‍ ᐃᔅᒋᔄᔭᓐ ᐊᑕᑈᒥᑲᒡ᙮
\q1 ᑭᒪ ᐊᓐᒡ ᑲ ᐊᑐᐛᔨᒥᒡ ᒥᓯᓇᑕᐊᒡ ᒥᓯᓇᐃᑭᓂᒡ ᒥᒋ ‍ ᒐᒂᔪᐛ ᑲ ᐃᔅᒋᔄᒡ ᑲ ‍ ᐃᑐᑎᒧᒡ᙮
\q1
\v 36 ᑐᑕᒡ ᐅᔭ, ᓂᐸ ‍ ᐳᔅᑭᒺᓐ ᐊᓂᔭ ᒥᓯᓇᐃᑭᓂᔪᐤ ᓂᑎᑎᒥᓂᒡ, ᑭᔭ ᒪᒃ ᓂᔅᑎᒂᓂᒡ ᓂᐸ ‍ ᐳᔅᑭᒺᓐ ᒐᒋ ᒥᓯᐛ ᐊᐛᓐ ᐛᐸᑕᐧᒃ᙮
\q1
\v 37 ᓂᐸ ‍ ᐎᑎᒧᐛᐤ ᒋᓴᒪᓂᑐᐤ ᒥᓯᐛ ᒐᒂᔪᐤ ᑲ ᐃᑐᑎᒧᒡ,
\q2 ᑭᔭ ᓂᐸ ‍ ᓇᑕᐤ ᐊᒐᒋᓇᐅᔭᓐ, ᒧᔭᒻ ᒋᐸ ‍ ᐃᑐᐤ ᑕᐸᔨᒋᒐᑦ᙮
\b
\q1
\v 38 ᑎᔭᑈᓄᐅᒂ ᐊᒋ ‍ ᒋᒧᑎᔭᓐ ᐊᔅᒋᔾ,
\q2 ᐊᓐ ᐅᒋ ᒧᔭᒻ ᐊ ‍ ᐸᑕᒂᒡ ᐊ ‍ ᐱᓴᒡ ᐊᑕᒪᔨᒥᑯᔭᓐ ᐊᒋ ‍ ᒋᒧᑎᔭᓐ;
\q1
\v 39 ᑭᔭ ᒪᒃ ᑎᔭᑈᓄᐅᒂ ᐊᒋ ‍ ᒥᒋᔭᓐ ᓂᑕᐅᒋᑕᑭᓇ ᑯᑎᒃ ᐊᐛᓐ ᐅᓂᑕᐅᒋᒋᑭᓂᒡ
\q2 ᐊ ᐊᑲ ᒋᓯᐧᑲᓱᔭᓐ ᐊᓂᔭ ᓂᑕᐅᒋᑕᑭᓇ,
\q2 ᐊᓐ ᐅᒋ ᐊᒋ ‍ ᐳᓂᐱᒪᑎᓯᒡ ᐊ ‍ ᓄᑕᐧᑭᑕᒡ ᐊᓐᒡ ᑲᓂᑕᐅᒋᒐᓯᒡ ᑲᓂᑕᐅᒋᑕᒡ ᐊᓂᔭ ᓂᑕᐅᒋᑕᑭᓇ;
\q1
\v 40 ᐊᑯ ᑭᒪ ᑲᓯᒥᓇᑎᒂ ᓂᑕᐅᒋᒋ ᐊᓐᑕ ᓂᓂᑕᐅᒋᒋᑭᓂᒡ ᒥᔅᑯᒡ ᐸᒂᓯᑭᓂᒥᓇ᙮
\q2 ᑭᒪ ᒥᒋ ‍ ᒥᔅᑯᓱᐛ ᓂᑕᐅᒋᒋ ᒥᔅᑯᒡ ᐛᐱᔪᒥᓇ!”
\b
\q1 ᐊᐅᑯᔪᐤ ᐅᔭ ᐊᔎᔭᔨᒡ ᑲ ᐃᔅᒋᔄᑦ ᒐᒂᔪᐤ ᒠᑉ᙮
\c 32
\s1 ᒋ ᓂᔎᐛᓯᐊᐤ ᐃᓕᐧᑯᐤ ᒠᐸ ᑭᔭ ᐊᓂᔅᑎᔨᒋ ᐎᒐᐛᑭᓂᔨᐛ
\p
\v 1 ᐊᑯ ᐊᓐᒡ ᓂᔅᑐ ᓇᐸᐅᒡ ᒂ ‍ ᐳᓂᒡ ᐊᓂᒂᐛᓯᐊᒡ ᒠᐸ, ᐛᔅ ᓇᒪ ᐅᒋ ᓯᒋᒪᐅᒡ ᐊ ‍ ᐅᓂᐱᔨᒋ ᐊ ‍ ᐃᔅᒋᔄᔨᒋ ᐊ ᐊᑲ ᐅᒋ ᑐᑎᒥᔨᒋ ᒐᒂᔪᐤ ᐊᑲ ‍ ᒥᔽᔨᒡ᙮
\v 2 ᐊᑯ ᐃᓕᐧᑯᐤ, ᐸᕋᔅᒋᓪ ᐅᑯᓴ, ᐳᔅ ᐅᑦ ᐊᓂᔅᑯᑕᐸᓇ, ᕋᒻ ᐃᔪᐛ ᐊᓂᔅᑯᑕᐸᓐᒡ, ᒋᒋᐛ ᒋ ᒋᔄᐱᔅᑐᐛᐤ ᒠᐸ᙮ ᒋ ᒋᔄᐳᐤ ᐛᔅ ᒠᑉ ᐊᔅᒄ ᒋ ‍ ᐃᔅᒋᔄᐤ ᐊ ‍ ᑯᐃᔅᑯᑕᑎᓯᑦ, ᑭᔭ ᐊᓂᔭ ᐊ ‍ ᐅᓂᐱᔨᒋ ᒋᓴᒪᓂᑐᐛᐤ ᒐᒋ ᐊᓏᔨᒥᑯᑦ᙮
\v 3 ᐃᔭᐱᒡ ᒋᔄᐱᔅᑐᐛᐤ ᐊᓂᔅᑎᔨᒋ ᒠᐸ ᐎᒐᐛᑭᓂᔨᐛ, ᐛᔅ ᒋ ‍ ᐎᑎᒧᒡ ᐊᒋ ‍ ᐃᑐᑎᒥᔨᒂᓂ ᒠᐸ ᒥᒐᑦ ᒐᒂᔪᐛ ᐊᑲ ‍ ᒥᔽᔨᒋ, ᒥᒄ ᓇᒪ ᐅᒋ ‍ ‍ᓯᒋᒪᐅᒡ ᒠᐸ ᐊᓂᔭ ᐊᑕᑈᒡ ᒐᒂᔪᐤ ᑲ ᐃᔅᒋᔄᒡ᙮ ᐊᓂᔭ ᐅᒋ, ᐃᓕᐧᑯᐤ ᒋ ᐃᑕᔨᑎᒻ ᐊ ‍ ᐅᓂᐱᔨᒋ ᒋᓴᒪᓂᑐᐛ ᐊᒋ ‍ ᐊᓏᔨᒪᔨᒋ ᒠᐸ᙮
\v 4 ᐎᔾ ᒋ ‍ ᐊᐛᓯᐅᐤ ᐃᓕᐧᑯᐤ ᐃᔅᐱᔅ ᐊᓂᔭ ᑯᑎᑲ, ᐊᑯ ᒂ ‍ ᐊᓯᓄᐛᐸᑕᐧᒃ ᐸᑎᒪ ᑲᒋ ‍ ‍ᐃᔨᒥᔨᒋ ᐊᒺᔭ ᓂᔎᐛᓯᐊᑦ ᒠᐸ᙮
\v 5 ᐃᔅᐱ ᐃᓕᐧᑯᐤ ᑲ ᒋᔅᒐᔨᑕᐧᒃ ᐊᑎᑐᐤ ᐊᑎᑯᓂᔨᒡ ᒐᒂᔪᐤ ᐊᓂᔭ ᐊᓂᔅᑎᔨᒋ ᓇᐸᐛ ᒐ ᐃᑕᔨᒋ ᒠᐸ, ᒋᒋᐛ ᒋ ᒋᔄᐳᐤ᙮
\v 6 ᑭᔭ ᐊᐅᑯᔪᐤ ᐅᔭ ᑲ ᐃᔅᒋᔄᑦ:
\q1 “ᓂᑦ ᐊᐛᓯᐅᓐ, ᑭᔭ ᐊᑎᑐᐤ ᒋᔨᐛᐤ ᒋ ᒋᓴᐃᔪᓇᐛᐤ ᐃᔅᐱᔅ ᓂᔾ᙮
\q2 ᐊᑯ, ᓂᒋ ‍ ᓴᒂᔨᒧᓐ, ᑭᔭ ᓂᒋ ‍ ᑯᔅᑕᒋᓐ ᒐᒋ ᐎᑎᒪᑎᑯᒡ ᒐᒂᓐ ᑲ ‍ ᐃᑕᔨᑎᒪᓐ᙮
\q1
\v 7 ᓂᒋ ‍ ᐃᑕᔨᑕᓐ, ‘ᓇᐊᔨᒪᐧᑯᒡ ᐊᓐᒡ ᒐᓴᐃᔪᐅᒡ ᒐ ᐃᔨᒥᒡ,
\q2 ᐛᔅ ᐊᓐᒡ ᒐᓴᐃᔪᒡ ᒋᐸ ᒋ ‍ ᐃᔅᒋᔄᐅᒡ ᒐᒂᔪᐛ ᐊᑭᒐᑕᐛᔨᑕᑯᓂᔨᒋ᙮’
\q1
\v 8 ᒥᒄ ᐅᑦ ᐊᒐᒂ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᐱᒋᔅᑯᐛᐤ ᐊᐛᔪᐛ, ᑭᔭ ᐎᔾ ᐊᓐ ᑐᑐᐛᐤ ᐊᐛᔪᐛ ᒐᒋ ᑭᒐᑕᐛᔨᑕᑯᓯᔨᒋ᙮
\q1
\v 9 ᓇᒥᔭᐅᒡ ᐊᓐᒡ ᐊᐛᓐᒋ ᐊᑎ ᒐᓴᐃᔪᐅᒡ ᐊᑐᑕᑯᒡ ᒐᒋ ᑭᒐᑕᐛᔨᑕᒡ;
\q2 ᓇᒥᔭᐤ ᒥᓯᐛ ᒐᓴᐃᔪᐅᒡ ᐊᐛᓐᒋ ᓇᔅᑐᑕᒡ ᒐᒂᔪᐤ ᐊ ᒥᔽᔨᒡ᙮
\b
\q1
\v 10 ᐊᑯ, ᓂᑦ ᐊᔅᒋᔄᓐ, ‘ᓂᑐᑐᐅᒄ,
\q2 ᑭᔭ ᓇᐊᔨᒥᒄ ᒐᒋ ᐃᔅᒋᔄᔭᓐ ᒐᒂᓐ ᐊ ‍ ᐃᑕᔨᑎᒪᓐ᙮’
\q1
\v 11 ᒋᒋ ‍ ᐊᓱᐛᐱᒥᑎᓇᐛᐤ ᒐᒋ ᐃᔨᒥᔭᒄ;
\q2 ᓂᒋ ‍ᐎ ‍ ᐸᑕᓐ ᐊᑭᒐᑕᐛᔨᑕᒂᒋ ᒐᒂᔪᐛ ᒐᒋ ᐃᔅᒋᔄᔭᒄ᙮
\q2 ᒋᒋ ‍ ᐊᓱᐛᐱᒥᑎᓇᐛᐤ ᒪᒂᒡ ᐊ ᒥᔪ ‍ ᒪᒥᑐᓇᔨᑎᒪᒄ ᒐᒄ ᒪᔽᒋ ᒐᒂᔪᐛ ᒐᒋ ᐃᔅᒋᔄᔭᒄ᙮
\q1
\v 12 ᓂᒋ ᒥᔪᐤ ‍ ᓇᐃᑕᓐ,
\q2 ᒥᒄ ᒥᔅᑲᑕᔨᑎᒧᐅᓂᒡ, ᓇᒪ ᐛᒋ ‍ ᐸᐃᒄ ᐊᑎᓯᔭᒄ ᒋᒋ ‍ ᐛᐸᑎᔨᐛᓇᐛᐤ ᐊᓂᔭ ᑲ ᐃᔅᒋᔄᑦ ᒠᑉ ᐊ ᒥᒋᓂᔨᒡ᙮
\q1
\v 13 ᐊᑯ, ᐊ ᐊᑲ ‍ ᐃᑎᑎᓯᒄ, ‘ᓂᒋ ‍ ᒥᔅᑲᓇᓐ ᒐᒂᓐ ᐊᑭᒐᑕᐛᔨᑕᒂᒡ!’
\q2 ᐎᔾ ᐊᓐ ᒋᓴᒪᓂᑐᐤ ᒋᑭ ‍ ᐛᐸᑎᔭᐤ ᒠᐸ ᒐᒂᔪᐤ ᑲ ᐃᔅᒋᔄᔨᒋ ᐊ ᒥᒋᓂᔨᒡ, ᐛᔅ ᓇᒪ ᒋ ‍ᐅᒋ ‍ ᑐᑕᓇᐛᐤ ᐊᓐ ᒋᔨᐛᐤ ᐊᓂᔅᑎᔭᒄ᙮
\q1
\v 14 ᒋᔨᐛᐤ ᒋᒋ ‍ ᓂᔎᐛᓯᔨᑯᐛᐤ ᒠᑉ, ᓇᒥᔭᐤ ᓂᔾ,
\q2 ᒥᒄ ᓇᒪ ᓂᑭ ‍ ᓂᔎᐛᓯᐊᐤ ᐊ ‍ ᐃᔅᒋᔄᔭᓐ ᑕᓐ ᒋᔨᐛᐤ ᑲ ᐃᔅᒋᔄᔭᒄ᙮
\q1
\v 15 ᒋᒋ ‍ ᒥᔅᑲᑕᔨᑕᓇᐛᐤ ᐊᓂᔅᑎᔭᒄ ᐛᔅ ᓇᒪ ᒋᒋ ‍ ᓴᐧᑯᒋᒪᐛᐤ ᒠᑉ ᐊ ᐅᓂᑐᑕᐧᒃ,
\q2 ᐊᑯ ᓇᒪ ᐅᔅᑕ ᒋᒋ ‍ ᐃᑕᐛᐤ ᒐᒂᔪᐤ᙮
\q1
\v 16 ᒥᒄ ᐛᔅ ᐊ ᐊᑲ ᐃᔨᒥᔭᒄ, ᒐᔅᑎᓇᔅ ᓇᒪ ᐊᑎᑐᐤ ᒋᑭ ‍ ᐊᓯᓄᐛᐱᒥᑎᓇᐛᐤ;
\q2 ᒥᒄ ᐊᓐᑕ ᒋ ‍ ᓇᓂᐳᐅᓇᐛᐤ ᑭᔭ ᓇᒪ ᓴᔅ ᒋ ‍ ᓂᔎᐛᓯᔨᐛᓇᐛᐤ᙮
\q1
\v 17 ᐊᑯ ᐊᓄᒡ ᓂᑭ ‍ ᓂᔎᐛᓯᐊᐤ ᒠᑉ
\q2 ᑭᔭ ᒐ ᐃᑎᒃ ᐊ ‍ ᐃᑕᔨᑎᒪᓐ᙮
\q1
\v 18 ᒥᓴᐤ ᒐ ᐃᔅᒋᔄᔭᓐ
\q2 ᓂᑦ ᐊᒐᐧᒄ ᓂ ᑐᑕᒄ ᐊᓂᔭ ᒐᒋ ᐃᔅᒋᔄᐅᒡ᙮
\q1
\v 19 ᐛᔅ ᓂ ‍ ᓂᔅᐱᑕᓐ ᐃᓴᑯᐃ-ᐎᔭᑭᓐ ᑕᒥᔪᐤ ᐅᔅᒋ ᓱᒥᓇᐳᔾ ᐊᓱᐅᑕᒡ,
\q2 ᑭᔭ ᓴᔅ ᐎᐱᒡ ᒋᑭ ‍ ᐸᐧᑲᐱᔪᐤ᙮
\q1
\v 20 ᓂᑭ ᐎ ‍ ᐃᔨᒥᓐ, ᒐᒋ ᐊ ᐊᑲ ᒪᒋᑯᓂᒪᓐ ᒐᒂᓐ ᐛ ᐃᔅᒋᔄᔭᓐ;
\q2 ᓂᑭ ᐎ ‍ ᐃᔅᒋᔄᓐ ᒐᒂᓐ ᒐᒋ ᒥᓯᐛ ᓂᔎᐛᓯᔨᑎᑯᒡ᙮
\q1
\v 21 ᓂᑭ ᐎ ‍ ᐃᔨᒥᓐ ᑯᐃᔎᔨᑕᑯᓯᐅᓂᒡ, ᐊ ᐊᑲ ᐸᐃᒄ ᐊᑎᓯᔭᒄ ᓇᔅᒡ ᐃᑕᔨᒥᒃ,
\q2 ᑭᔭ ᓇᒪ ᓂᑭ ᐎ ‍ ᒪᒥᒋᒪᐤ ᐊᐛᓐ᙮
\q1
\v 22 ᒋᒋᐛ ᓇᒪ ᓂ ‍ ᒋᔅᒐᔨᑕᓐ ᑕᓐ ᒐ ᐃᓯ ‍ ᒪᒥᒋᒥᒂᐤ ᐊᐛᓐᒋ;
\q2 ᑭᔭ ᑐᑎᒪᓐ ᐊᓐ, ᐎᐱᒡ ᓂᐸ ‍ ᓂᓱᐅᓇᒋᔨᒄ ᒋᓴᒪᓂᑐᐤ᙮”
\c 33
\s1 ᐃᓕᐧᑯᐤ ᒋ ‍ ᑯᒂᒋᐊᐤ ᒠᐸ
\q1
\v 1 “ᒥᒄ ᐊᓄᒡ, ᒠᑉ, ᒥᔪ ‍ ᓂᑐᑕ
\q2 ᒥᓯᐛ ᒐᒂᓐ ᒐ ᐃᔅᒋᔄᔭᓐ᙮
\q1
\v 2 ᓂᑦ ᐊᔭᔅᑯᐎᔨᓐ ᒐᒋ ᐎᑎᒪᑕᓐ ᒐᒂᓐ ᐊ ‍ ᐃᑕᔨᑎᒪᓐ᙮
\q1
\v 3 ᓂ ᒋᔅᒐᔨᑕᓐ ᑕᑈᐅᓂᒡ ᐊ ‍ ᐃᔨᒥᔭᓐ
\q2 ᑭᔭ ᑕᑈᐛᒐᔨᑕᑯᓯᐅᓂᒡ ᐊ ‍ ᐃᔨᒥᔭᓐ᙮
\q1
\v 4 ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᓂᒋ ‍ ᐅᓯᔨᒄ ᐊᓯᒡ ᑭᔭ ᒋᔾ,
\q2 ᑭᔭ ᐅᔭᔭᐅᓐ ᓂᒋ ‍ ᑐᑕᑯᐛᓐ ᒐᒋ ᐱᒪᑎᓯᐅᒡ᙮
\q1
\v 5 ᐊᑯ, ᒐ ᓂᔎᐛᓯᔨᐛᔨᓐ ᒋᑎᔨᓇ ᒐᒂᓐ ᒐ ᐃᔅᒋᔄᔭᓐ;
\q2 ᒥᔪ ‍ ᒪᒥᑎᓇᔨᑕ ᑕᓐ ᒐ ᐃᓯ ‍ ᓂᔎᐛᓯᔨᐛᔨᓐ᙮
\b
\q1
\v 6 ᒋᓴᒪᓂᑐᐤ ᒋᑦ ᐃᑕᒋᒥᑯᓄᐤ ᒋᔾ, ᑭᔭ ᓂᔾ ᑕᐱᔅᑯᓐ ᐊ ‍ ᐃᑕᔨᒥᑕᐧᒄ;
\q2 ᑕᐱᔅᑯᓐ ᐊᓂᓯᔭᐧᒄ ᐊᓯᔅᒍᒡ ᐅᒋ ᒋᒋ ᐅᓯᔨᑯᓄᐤ᙮
\q1
\v 7 ᐊᑯ ᓇᒪ ᒋ ᓂᑐᐛᔨᑕᑯᓯᓐ ᒐᒋ ᑯᓯᔨᓐ;
\q2 ᓇᒪ ᒋᑭ ‍ ᓂᓇᐧᑲᒋᐃᑎᓐ ᐊᓐ ᒐᒂᓐ ᒐ ᐃᔅᒋᔄᔭᓐ᙮
\q1
\v 8 ᒋᒋ ‍ ᐸᑕᑎᓐ ᑲ ᐃᔨᒥᔨᓐ,
\q2 ᑭᔭ ᐊᐅᑯᐤ ᑲ ᐃᔅᒋᔄᔨᓐ:
\q1
\v 9 ‘ᓂ ‍ ᒥᔽᑎᓯᓐ; ᓇᒪ ‍ ᓂ ᐅᒋ ‍ ᒥᒋᑐᑕᓐ;
\q2 ᓂ ᐸᔭᒋᓯᓐ; ᓇᒪ ᓂ ᐅᒋ ‍ ᑐᑕᓐ ᒐᒂᔪᐛ ᐊ ᒪᔭᑎᒋ᙮
\q1
\v 10 ᒥᒄ ᒥᔅᑭᒻ ᒋᓴᒪᓂᑐᐤ ᒐᒂᔪᐛ ᒐᒋ ᐊᑕᒪᔨᒥᑦ,
\q2 ᑭᔭ ᐊᐱᒂᑎᒃ ᓂᑦ ᐃᑎᒋᒥᒄ᙮
\q1
\v 11 ᒧᔭᒻ ᐊᔅᑕᑦ ᓂᓯᑕ ᑎᔅᑐᐎᒡ ᑕᑕᔎᐃᑭᓇ ᒐ ᐊᑲ ᒋ ‍ ᐊᔅᑐᑕᐅᒡ,
\q2 ᑭᔭ ᓇᑭᑐᐛᐱᒥᒃ ᒥᓯᐛ ᐊ ‍ ᐃᑐᐅᒡ᙮’
\q1
\v 12 ᒥᒄ ᓇᒪ ᒥᔽᐤ ᐊᓐ ᒐᒂᓐ ᑲ ᐃᔅᒋᔄᔨᓐ,
\q2 ᑭᔭ ᒋ ᐎᑎᒪᑎᓐ ᐊᓐ ᒐᒂᓐ ᑲ ᐃᔅᒋᔄᔨᓐ ᐊᑲ ᒥᔽᒡ᙮
\q2 ᐊᑎᑐᐤ ᐅᔅᑕ ᐃᑕᔨᑕᑯᓯᐤ ᒋᓴᒪᓂᑐᐤ ᐃᔅᐱᔅ ᐃᔪᐛ᙮
\q1
\v 13 ᐊᑯ ᒐᒂᓐ ᐛᒋ ‍ ᐃᔭᔅᑕᒥᑦ ᒋᓴᒪᓂᑐᐤ ᐊ ‍ ᐃᔅᒋᔄᔨᓐ ‘ᓇᒪ ᓂᑕ ᓂᔎᐛᓯᔨᒄ ᑲ ᐃᓯ ‍ ᑯᒂᒋᒥᒄ᙮’
\q2
\q1
\v 14 ᒥᒐᑐᐎᔨᒡ ᒋᑦ ᐃᓯ ‍ ᐃᔨᒥᑯᓄᐤ ᐛᔅ ᒋᓴᒪᓂᑐᐤ,
\q2 ᒥᒄ ᓇᒪ ᒋ ᓂᑐᑎᒺᓇᓐ ᒐᒂᔪᐤ ᐊ ‍ ᐃᑎᑕᐧᒄ᙮
\q1
\v 15 ᓇᓂᑯᑎᓂ ᐳᐛᒧᐅᓂᒡ ᑕᐱᔅᑲᔨᒋ ᒋᑦ ᐃᔨᒥᑯᓄᐤ ᑭᔭ ᐃᓯᓂᒧᐅᓂᒡ,
\q2 ᐃᔅᐱ ᒋᓂᐸᐅᓇᒡ ᐊᑕᔭᐧᑯᐤ, ᓇᐸᔭᐧᑯᐤ᙮
\q1
\v 16 ᒋ ᐎᑎᒪᑯᓄᐤ ᒐᒂᔪᐛ
\q2 ᑭᔭ ᒋᑯᔅᑕᒋᔨᑯᓄᐤ ᐊ ᐃᓯ ‍ᐃᔭᒂᒥᑕᐧᒄ ᒐᒂᔪᐛ᙮
\q1
\v 17 ᒋ ᐎᑎᒪᑭᓄᐤ ᐊᓂᔭ ᒐᒂᔪᐛ ᒐᒋ ᐳᓂᐛᐧᒄ ᐊ ‍ ᐃᑐᑎᒪᐧᒄ ᒥᒋ ‍ ᒐᒂᔪᐛ,
\q2 ᑭᔭ ᐛᑯᔅᑎᔨᑕᐧᒄ ᒐᒋ ᒋᔅᑕᔨᒥᑎᓱᔭᐧᒄ᙮
\q1
\v 18 ᓇᒪ ᒋ ᓂᑐᐛᔨᒥᑯᓄᐤ ᒐᒋ ‍ ᓂᓱᐅᓇᒋᔨᑯᐛᐧᒄ;
\q2 ᒋ ᐎᑯᔅᑎᔨᑯᓄᐤ ᒐᒋ ᐳᓂᐱᒪᑎᓯᐛᐧᒄ ᒪᒂᒡ ᐊᔅᒄ ᐊ ‍ ᐊᐛᓯᐅᐛᐧᒄ᙮
\q1
\v 19 ᓂᔭᓂᑯᑎᓂᔾ ᒋ ᑯᐃᔅᑯᓂᑯᓄᐤ ᒋᓴᒪᓂᑐᐤ ᐊ ‍ ᐃᑐᑕᑕᐧᒄ ᒐᒋ ᐱᒥᓯᓄᐛᐧᒄ ᒋᓂᐸᐅᓇᒡ ᐊ ‍ ᐎᓯᒐᔨᑎᒺᐧᒄ ᓇᔅᒡ ᐊᐧᑯᓱᐛᐧᒄ
\q2 ᑭᔭ ᐊᒋᓯᑕᐅᐱᔨᐛᐧᒄ᙮
\q1
\v 20 ᐊᑯ ᐊᓐ ᐅᒋ ᓇᒪ ᒋ ‍ ᓂᑐᐛᔨᑕᓇᓐ ᒐᒋ ᒥᒋᓱᔭᐧᒄ,
\q2 ᓇᒥᔭᐤ ᐃᔭᐱᒡ ᐊ ‍ ᒋᔅᑕᔨᑕᒂᒡ ᒥᒋᒻ᙮
\q1
\v 21 ᑭᔭ ᒋᒋᐛ ᒂ ᐱᔅᒐᐛᔭᐧᒄ
\q2 ᑭᔭ ᒂ ‍ ᓄᐅᒂᒋ ᒋᔅᑭᓄᐛ᙮
\q1
\v 22 ᒋᔅᒐᔨᑕᓇᓄᐤ ᓴᔅ ᐎᐱᒡ ᒐ ᐳᓂᐱᒪᑎᓯᔭᐧᒄ
\q2 ᑭᔭ ᒐ ‍ ᐃᑐᑕᔭᐧᒄ ᐃᑕᐅᓂᒡ ᐊᓐᑕ ᐊᑕᒡ ᑲ ‍ ᐳᓂᐱᒪᑎᓯᒡ᙮
\q1
\v 23 ᒥᒄ ᓂᔭᓂᑯᑎᓂᔾ ᐸᐃᒄ ᐊᑎᓯᔭᐧᒄ ᒋ ᐸᒋ ‍ ᓇᑎᑯᐤ ᐊᓐᒋᓇ,
\q2 ᐸᐃᒄ ᐊᓂᔭ ᒐᓯᐱᔪᐤ ᐊᓐᒋᓇ ᐊᓂᔭ ᐱᔭᑐᑕᔨᒋ ᒐᒋ ᐱᐧᑯᐎᑎᑕᐧᑯᐤ
\q2 ᒐᒋ ᐎᑎᒪᑕᐧᒄ ᐊ ‍ ᑯᐃᔅᑯᓂᔨᒋ ᒐᒂᔪᐛ ᒐᒋ ᑐᑎᒺᐧᒄ
\q1
\v 24 ᒋ ‍ ᒋᓴᐛᑐᑕᑯᓄᐤ ᐊᓐᒋᓐ ᑭᔭ ᐃᑕᐤ ᒋᓴᒪᓂᑐᐛ, 
\q2 ‘ᐱᒋᑎᓐ ᐊᓐ ᐃᔪᐤ,
\q1 ᐊᑯ ᒪᒃ ᒐ ᐊᑲ ᔭᓯᑦ ᐃᑕᐅᓂᒡ ᐊᓐᑕ ᐊ ‍ ᑕᔨᒋ ᑲ ‍ ᐳᓂᐱᒪᑎᓯᔨᒋ!
\q2 ᑐᑕᐤ ᐅ ᐛᔅ ᓂᒋ ‍ ᒥᔅᑲᓐ ᓱᓇᔭᐤ ᒐᒋ ᒋᓯᐧᑲᓱᓇᓄᐎᔨᒡ ᒐᒋ ᐱᔅᑎᓇᑭᓄᐅᑦ!
\q1
\v 25 ᓇᐊᔨᑎᒻ ᐎᔪᐤ ᒐᒋ ᑲᐤ ᒥᓐ ᓱᒋᓯᒥᑭᓂᔨᒡ;
\q2 ᓇᐊᔨᒻ ᒥᓐ ᒐᒋ ᓱᒋᓯᑦ ᒧᔭᒻ ᑲ ‍ ᑎᑦ ᑲ ‍ ᐊᐛᓯᐅᑦ!’
\q1
\v 26 ᐃᔅᐱ ᐃᔅᐱᔨᒐ ᐊᓐ, ᒋᑭ ‍ ᓂᑐᑎᒧᐛᐤ ᐊᓐ ᐃᔪᐤ ᒋᓴᒪᓂᑐᐛ, ᑭᔭ ᒋᓴᒪᓂᑐᐤ ᒋᑭ ‍ ᓂᔎᐛᓯᐊᐤ;
\q2 ᒧᒋᒐᔨᑎᒧᐅᓂᒡ ᒋᑭ ‍ ᐊᔭᒥᐊᔅᑐᐛᐤ ᒋᓴᒪᓂᑐᐛ,
\q1 ᐊᑯ ᑭᔭ ᒐ ‍ ᐎᑎᒧᐛᑦ ᑯᑎᑲ ᐊᐛᔪᐛ ᑕᓐ ᑲ ᐃᓯ ‍ ᐱᒪᒋᔨᑯᑦ ᒋᓴᒪᓂᑐᐛ᙮
\q2
\v 27 ᒋᑭ ‍ ᓂᑭᒧᐤ ᒪᒂᒡ ᒐ ‍ ᐎᑎᒧᐛᑦ ᒥᓯᐛ ᐊᐛᔪᐛ,
\q1 ‘ᓂᒋ ‍ᒥᒋ ᑐᑕᓐ, ᑭᔭ ᓂᒋ ‍ ᑐᑕᓐ ᒐᒂᔪᐛ ᐊ ᐊᑲ ᒥᔽᒋ,
\q2 ᒥᒄ ᓇᒪ ᓂ ᐅᒋ ᐊᓏᔨᒥᒄ ᒋᓴᒪᓂᑐᐤ ᐊᓂᔭ ᐊ ᐃᓯ ‍ ᓄᑐᐛᔨᑕᑯᓂᔨᒡ ᓂᐸ ‍ ᑐᑕᑯᐛᓇᐱᓐ᙮
\q1
\v 28 ᓂᒋ ‍ ᐱᒪᒋᔨᒄ ᒐ ‍ ᐳᓂᐱᒪᑎᓯᐅᒡ ᐅᒋ ᑭᔭ ᒐᒋ ᐃᑐᑕᐅᒡ ᐊᓐᑕ ᐃᑕᐅᓂᒡ ᐊ ‍ ᑕᔨᒋ ᑲᐳᓂᐱᒪᑎᓯᔨᒋ,
\q2 ᑭᔭ ᐊᔅᒄ ᓂᑭ ‍ ᒥᔽᔨᑕᓐ ᐊ ‍ ᐱᒪᑎᓯᔭᓐ᙮’
\q1
\v 29 ᐊᐅᑯᔪᐤ ᐅᔭ ᒥᒐᑥᐤ  ‍ ᐊ ‍ ᑐᑎᒪᑕᐧᒄ ᒋᓴᒪᓂᑐᐤ;
\q1
\v 30 ᒋᑭᓄᐛᔨᒥᑯᓄᐤ ᒐᒋ ᐳᓂᐱᒪᑎᓯᐛᐧᒄ ᐅᒋ ᑭᔭ ᐃᑐᑕᐛᐧᒄ ᐊᓐᑕ ᐃᑕᐅᓂᒡ ᐊ ‍ ᑕᔨᒋ ᑲᐳᓂᐱᒪᑎᓯᔨᒋ,
\q2 ᐊᓂᔭ ᐅᒋ ᒐᒋ ᐊᔅᒄ ᒥᔽᔨᑎᒺᐧᒄ ᐊ ‍ ᐱᒪᑎᓯᐛᐧᒄ᙮
\q1
\v 31 ᐊᑯ ᒠᑉ, ᓂᑐᑐᐎ;
\q2 ᐊᑯᓐ ᓴᔅ ᒋ ‍ ᐃᔅᒋᔄ ᒐᒂᓐ; ᓯᑐᐤ ᓇᐊᔨᒥ ᒐᒋ ᐃᔨᒥᔭᓐ᙮
\q1
\v 32 ᒋ ᐃᓯ ‍ ᐃᔨᒥᔭᓇ, ᐊᑎᑯᓂᒂ ᐊᑎᑐᐤ ᒐᒂᓐ ᐛ ‍ ᐃᓯᔨᓐ,
\q2 ᒐ ‍ ᐎᑎᒥᓐ, ᐛᔅ ᓂᐸ ‍ ᒥᔽᔨᑕᓐ ᒐᒋ ᒥᔅᑭᒪᓐ ᒐᒋ ᐎᑎᒪᓐ ᐊ ᐊᑲ ᐅᒋ ‍ ᑐᑎᒥᓐ ᒥᒋ ‍ ᒐᒂᓐ᙮
\q1
\v 33 ᒥᒄ ᐊ ᐊᑲ ᐃᑎᑯᓂᒂ ᐊᑎᑐᐤ ᒐᒂᓐ ᐛ ‍ ᐃᔅᒋᔄᔨᓐ, ᐊᑯ ᓯᑐᐤ ᓂᑐᑐᐎᔾ,
\q2 ᑭᔭ ᒋᑭ ‍ ᒋᔅᑯᑎᒪᑎᓐ ᑕᓐ ᒐ ᐃᓯ ‍ ᑭᒐᑕᐛᔨᑕᑯᓯᔨᓐ᙮”
\q1
\c 34
\s1 ᐃᓕᐧᑯᐤ ᐊᔅᒄ ᒋ ‍ ᑯᒂᒋᐃᐛᐤ
\p
\v 1 ᐊᑯ ᓯᔭᐳᑐᐛᐱᔨᑦ ᐃᓕᐧᑯᐤ:
\q1
\v 2 “ᒋᔨᐛᐤ ᐊᓂᔅᑎᔭᒄ ᓇᐸᐅᒡ ᐊ ‍ ᐃᑕᔨᑎᒪᒄ ᓇᔅᒡ ᐊᑭᒐᑕᐛᔨᑕᑯᓯᔭᒄ, ᐸᑐᐅᒄ;
\q2 ᓂᑐᑎᒥᒄ ᒐᒂᓐ ᐊ ‍ ᐃᔅᒋᔄᔭᓐ, ᒋᔨᐛᐤ ᓇᐸᑎᒄ ᐊ ‍ ᐃᔅᒋᔄᔭᒄ ᐊ ᒥᔅᑎ ‍ ᒋᔅᒐᔨᑎᒪᒄ᙮
\q1
\v 3 ᐃᔅᐱ ᐱᔭᑐᐅᒋᒡ ᑯᑎᑭᒡ ᐊᐛᓐᒋ ᒧᔭᒻ ᒋᔨᐛᐤ ᐊ ‍ ᐃᔅᒋᔄᒡ,
\q2 ᓂ ᒥᔪ ‍ ᒪᒥᑐᓇᔨᑎᒺᓇᓐ ᒐᒂᔪᐤ ᐊ ‍ ᐃᔅᒋᔄᒡ ᒐᒋ ᐅᒋ ᐎᔭᔨᑎᒪᒡ ᒐᒂᓐ ᒪᔽᒡ ᑭᔭ ᒐᒂᓐ ᐊ ᐊᑲ ‍ ᒥᔽᒡ᙮
\q2 ᒧᔭᒻ ᐊᑯᔅᑎᒪᐧᒄ ᒥᒋᒻ ᒐᒋ ᐅᒋ ᒋᔅᒐᔨᑎᒪᐧᒄ ᒐᒂᓐ ᒪᔽᒡ᙮
\q1
\v 4 ᓂᑭ ᐎ ‍ ᐎᔭᔨᑕᓇᓐ ᐊᐛᓐ ᐊ ‍ ᐃᔅᒋᔄᑦ ᒐᒂᔪᐤ ᒪᔽᔨᒡ,
\q2 ᑭᔭ ᒋᔭᓄᐤ ᒐᒋ ᐎᔭᔨᑎᒪᐧᒄ ᒐᒂᓐ ᒪᔽᒡ᙮
\q1
\v 5 ᒋ ‍ ᐃᔅᒋᔄᐤ ᒠᑉ, ‘ᓂᒥᔽᑎᓯᓐ᙮
\q2 ᒥᒄ ᒋ ‍ ᐊᓏᑎᒻ ᒋᓴᒪᓂᑐᐤ ᒐᒋ ᑯᐃᔅᒄ ᐃᓯ ‍ ᑎᐸᔅᑯᓂᑦ᙮
\q1
\v 6 ᐊᑎᓱᐧᒄ ᓇᓂᑎᒻ ᐊᒋ ‍ ᑐᑎᒧᒡ ᐊ ‍ ᒥᔽᔨᒡ ᒐᒂᔪᐤ,
\q2 ᓂ ‍ ᑭᑭᒋᔭᐛᑕᒋᒥᒄ᙮
\q1 ᐊᑎᓱᐧᒄ ᐊ ᐊᑲ ᐅᒋ ᒥᒋ ‍ ᑐᑎᒧᒡ,
\q2 ᓂᒋ ‍ ᑐᑕᒄ ᒐᒋ ᐎᓯᒐᔨᑎᒧᒡ, ᑭᔭ ᒐᔅᑎᓇᔅ ᓂᑭ ‍ ᐳᓂᐱᒪᑎᓯᓐ᙮’
\q1
\v 7 ᓇᒪ ᐃᑕᐤ ᐊ ᐊᐛᓐ ᒧᔭᒻ ᒠᐸ, ᐊᓐ ᐛᓂᔅᒐ ᐊᐱᐛᔨᒪᑦ ᑯᑎᑲ ᐊᐛᔪᐛ ᒧᔭᒻ ᐊ ‍ ᐅᑎᓇᒡ ᐊᐛᓐᒋ ᐊᒥᓇᑭᓄᐅᒡ ᓂᐱᔪᐤ᙮
\q1
\v 8 ᓇᓂᑎᒻ ᐎᒐᐛᐤ ᐊᓂᔭ ᐊᐛᔪᐛ ᑲ ᒥᒋ ‍ ᑐᑎᒥᔨᒋ
\q2 ᑭᔭ ᐃᑕᐛᐤ ᐊ ‍ ᑕᔨᒋ ᑲ ᒥᒋ ‍ ᐃᔪᐎᒋ᙮
\q1
\v 9 ᒋ ᐃᔅᒋᔄᐤ, ‘ᓇᒪ ᐊᐱᑎᓂᔪᐤ ᐊᐛᓐᒋ ᒐᒋ ᐎ ᒥᔽᔨᑎᒪᐊᒡ ᒋᓴᒪᓂᑐᐛ
\b
\q1
\v 10 ᐊᑯ, ᒋᔨᐛᐤ ᓇᐸᑎᒄ ᑲ ‍ ᐃᔅᒋᔄᔭᒄ ᐊ ‍ ᓂᔅᑐᑎᒪᒄ ᒥᓯᐛ ᒐᒂᓐ, ᓂᑐᑐᐅᒄ!
\q2 ᓇᒪ ᓂᑕ ᒋᐸ ‍ ᐅᒋ ‍ ᐃᑕᔨᑎᒻ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ ᒐᒋ ᑐᑕᐧᒃ ᒐᒂᔪᐤ ᐊ ᒥᒋᓂᔨᒡ ᑭᔭ ᒪᒃ ᐊ ᐊᑲ ᒥᔽᔨᒡ᙮
\q1
\v 11 ᐊᓏᔨᒪᐤ ᐊᐛᔪᐛ ᑕᓐ ᐊᓂᔭ ᑲ ᑐᑎᒥᔨᒋ;
\q2 ᒥᔭᐤ ᑕᓐ ᐊ ᐃᓯ ‍ ᓂᑐᐛᔨᑕᑯᓂᔨᒡ ᒋᐸ ᐃᓯ ‍ ᒥᔭᑭᓄᔪᐛ ᑕᓐ ᐊᓂᔭ ᑲ ‍ ᐃᑕᑎᓯᔨᒋ᙮
\q1
\v 12 ᑕᑈ, ᓇᒪ ᓂᑕ ᒥᒋᑐᑎᒻ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ;
\q2 ᓇᓂᑎᒻ ᑯᐃᔅᑯᐤ ᐃᑐᐤ᙮
\q1
\v 13 ᐊᓂᔭ ᑎᐸᔨᒋᒐᐅᓂᔪᐤ ᐊᔭᑦ ᒐᒋ ᐅᒋᒪᐅᑦ ᒥᓯᐛ ᒐᒂᔪᐤ ᐊᓐᑕ ᐊᔅᒋᒡ, ᓇᒪ ᐊᐛᔪᐛ ᐊᓂᔭ ᐅᒋ ‍ ᒥᔨᑯᐤ;
\q2 ᓇᒪ ᐊᐛᓐ ᐅᒋ ‍ ᐱᔅᑎᓇᐤ ᒐᒋ ᐊᔭᑎᓂᒥᔨᒋ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᔪᐤ᙮
\q2 ᓇᓂᑎᒻ ᒋ ‍ ᐊᔭᐤ ᐊᓂᔭ ᑎᐸᔨᒋᒐᐅᓂᔪᐤ᙮
\q1
\v 14 ᑲᐤ ᐅᑎᓇᐧᒃ ᒋᓴᒪᓂᑐᐤ ᐅᔭᔭᐅᓐ
\q2 ᐊᓂᔭ ᑲ ‍ ᐊᔭᑐᑕᑕᐧᒄ,
\q1
\v 15 ᑎᐛᒡ ᒥᓯᐛ ᐊᐛᓐ ᒋᐸ ‍ ᐳᓂᐱᒪᑎᓯᐤ,
\q2 ᑭᔭ ᐎᔭᐛᐛ ᐎᐱᒡ ᒥᓐ ᒋᐸ ᐊᔅᒋᔅᒋᐎᔪᐛ᙮
\q1
\v 16 ᐊᑯ, ᒠᑉ, ᐊᔅᒋᔄᐅᓇ ᐊ ᓂᔅᑐᑎᒥᓐ ᒥᓯᐛ ᒐᒂᓐ,
\q2 ᓂᑐᑕ ᒐᒂᓐ ᐊ ‍ ᐃᔅᒋᔄᔭᓐ᙮
\q1
\v 17 ᒐᔅᑎᓇᔅ ᓇᒪ ᒋᐸ ᒋ ᑎᐸᔨᑎᒧᐱᓐ ᐊᔅᒋᔪᐤ ᐛᐧᑲᑕᑕᒂ ᐊ ‍ᑯᐃᔅᑯ ᑐᑕᐧᒃ᙮
\q2 ᐊᑯ, ᒋᑭ ‍ ᓂᓱᐅᓇᒋᒪᐤ ᐊ ᒋᓴᒪᓂᑐᐤ, ᐊᓐ ᐊ ‍ ᑯᐃᔅᑯᑕᑎᓯᑦ ᑭᔭ ᐊ ‍ ᓱᐧᑲᑎᓯᑦ, ᐊ ‍ ᐃᔅᒋᔄᔨᓐ ᐊᑲ ‍ ᒥᔽᔨᒡ ᒐᒂᔪᐤ ᑲ ‍ ᐃᑐᑕᐧᒃ ?
\q1
\v 18 ᐃᑕᐤ ᐱᔅᒐ ᒋᓴᐅᒋᒪᐛ ᐊ ᐊᑲ ᒐᒂᔪᐤ ᐃᑕᔨᑕᑯᓯᔨᒋ,
\q2 ᑭᔭ ᐃᑕᐤ ᐱᔅᒐ ᐅᒋᒪᔅᒐ ᐊ ᒥᒋ ‍ ᐃᔪᐎᒋ᙮
\q1
\v 19 ᓇᒪ ᐅᔅᑕ ᐃᑕᔨᒪᐤ ᐅᒋᒪᐛ ᐃᔅᐱᔅ ᐊᑕᔨᒪᑦ ᑯᑎᑲ ᐊᐛᔪᐛ;
\q2 ᓇᒪ ᐅᔅᑕ ᐃᑕᔨᒪᐤ ᑲ ‍ ᐛᔪᑎᓯᔨᒋ ᐃᔅᐱᔅ ᑲ ‍ ᒋᔅᑎᒪᑎᓯᔨᒋ,
\q2 ᐛᔅ ᐎᔾ ᐊᓂᔭ ᒥᓯᐛ ᒋ ‍ ᐅᓯᐊᐤ᙮
\q1
\v 20 ᒐᔅᑭᑦ ᓯᔅᒋᑯᒡ ᐳᓂᐱᒪᑎᓯᐅᒡ ᐊᐛᓐᒋ
\q2 ᐅᑕᒪᐛᐤ ᐃᔭᐱᑕᒋᓯᑲᔨᒋ ᑭᔭ ᒂ ‍ ᐳᓂᐱᒪᑎᓯᔨᒋ;
\q2 ᓂᓱᐅᓇᒋᐊᐤ ᐃᔭᐱᒡ ᑲ ‍ ᓱᐧᑲᑎᓯᔨᒋ ᐊᐛᔪᐛ ᐊ ᐊᑲ ᐎᒋᔨᑯᑦ ᐊᐛᔪᐛ᙮
\q1
\v 21 ᒥᓯᐛ ᐛᐸᑎᒺᐤ ᒐᒂᔪᐤ ᐊ ‍ ᐃᑎᔨᒋ ᐊᐛᔪᐛ;
\q2 ᐃᔅᐱ ᐸᒧᑕᔭᐧᑯᐤ, ᓇᑭᑎᐛᐸᑎᒻ ᑕᑥᐤ ᐛᑕᒪᔭᐧᑯᐤ᙮
\q1
\v 22 ᓇᒪ ᒋᑭ ᒋ ‍ ᑲᓱᐤ ᒥᒋ ᐃᔪᐤ
\q2 ᐊᓐᑕ ᓇᔅᒡ ᐊᑭᓯᑎᐱᔅᑲᔨᒡ᙮
\q1
\v 23 ᐊᑯ ᑭᔭ, ᓇᒪ ᓂᑐᐛᔨᑎᒻ ᒋᓴᒪᓂᑐᐤ
\q2 ᒐᒋ ᐊᔭᔅᑯᐊᔅᑕᑦ ᑕᐃᔅᐱ ᒐᒋ ᑎᐸᔅᑯᓂᒐᑦ᙮
\q1
\v 24 ᓂᓯᐅᓇᒋᐊᐤ ᑲ ‍ ᓱᐧᑲᑎᓯᔨᒋ ᐊᐛᔪᐛ ᐊ ᐊᑲ ᓂᑐᐛᔨᑕᐧᒃ ᒐᒋ ᓇᓂᑐᔅᒐᔨᒪᑦ ᒐᒂᔪᐤ ᑲ ‍ ᐃᑐᑎᒥᔨᒋ,
\q2 ᑭᔭ ᐅᑎᓇᐤ ᑯᑎᑲ ᐊᐛᔪᐛ ᒐᒋ ᐅᑎᓂᒥᔨᒋ ᐅᑦ ᐊᐳᐅᓂᔨᐛ᙮
\q1
\v 25 ᐛᔅ ᓴᔅ ᒋᔅᒐᔨᑎᒻ ᒐᒂᔪᐤ ᑲ ᐃᑐᑎᒥᔨᒋ,
\q2 ᐃᑲᑎᓯᓇᐤ ᑕᐱᔅᑲᔨᒋ ᑭᔭ ᓂᓱᐅᓇᒋᐊᐤ᙮
\q1
\v 26 ᑭᔭ ᒪᒂᒡ ᒐᑕᐱᔨᒋ ᑯᑎᑲ,
\q2 ᐊᓏᔨᒪᐤ
\q1 ᐛᔅ ᐊᒋ ‍ ᒪᔭᑎᓯᔨᒋ;
\q2
\v 27 ᐅᑕᒪᐛᐤ ᐛᔅ ᒋ ‍ ᓂᑭᑎᒥᔨᐛ ᑲ ‍ ᐃᑎᓱᒪᑦ ᒐᒋ ᑐᑎᒥᔨᒋ
\q2 ᑭᔭ ᓇᒪ ᐛᒋ ‍ ᐸᐃᒄ ᐅᒋ ᓂᑐᑎᒥᔨᐛ ᐅᑦ ᐃᑎᓱᐛᐅᓇ᙮
\q1
\v 28 ᒋ ‍ ᒋᔅᑎᒪᐅᒡ ᑲᒋᔅᑎᒪᑎᓯᔨᒋ,
\q2 ᐊᓂᔭ ᐅᒋ ᒋ ‍ ᑕᑈᑕᐅᒡ ᑲᒋᔅᑎᒪᑎᓯᒡ ᒋᓴᒪᓂᑐᐛ ᒐᒋ ᐎᒋᔨᑯᒡ,
\q2 ᑭᔭ ᒋ ᐸᑐᐛᐤ ᐃᔅᐱ ᑲ ‍ ᑕᑈᑎᑯᑦ ᐊᓂᔭ ᑲ ‍ ᐅᔅᑕᐱᔭᑭᓄᐎᔨᒋ᙮
\q1
\v 29 ᒥᒄ ᐎᔭᔨᑕᒐ ᒋᓴᒪᓂᑐᐤ ᒐ ᐊᑲ ᒐᒂᓂᔪᐤ ᑐᑕᐧᒃ ᒐᒋ ᐊᓏᔨᒪᑦ ᒥᒋ ‍ ᐃᔪᐛ,
\q2 ᓇᒪ ᐊᐛᓐ ᒋᑭ ᒋ ᓂᓱᐅᓇᒋᒪᐤ᙮
\q1 ᐅᒋᒪᐅᒐ ᐊᑎᔅᑲᓇᓯᔨᒋ ᒥᒋ ‍ ᐃᔪᐤ
\q2 ᐊᓐ ᐊᐛᓐ ᑲ ‍ ᐎᔭᓴᐊᑦ ᐊᐛᔪᐛᐤ,
\q1
\v 30 ᑭᔭ ᑲ ᑕᒐ ᐅᑕᔅᑎᒥᒄ ᒐ ᐊᑲ ᒋ ‍ ᐛᐱᒪᑦ ᐊᓂᔭ ᑲ ‍ ᐅᒋᒪᐎᒋ ᑭᔭ ᒪᒃ ᒐ ‍ ᐊᓏᔨᒪᑦ,
\q2 ᓇᒪ ᐊᐛᓐ ᒋᑭ ᒋ ᑯᔅᑎᔭᐤ ᐊᓂᔭ ᑲ ‍ ᐅᒋᒪᐎᒋ ᒐᒋ ᑐᑎᒥᔨᒋ ᐊᓂᔭ ᒐᒂᔪᐛ᙮
\b
\q1
\v 31 ᒠᑉ, ᒪᒋ ᓂᑕ ‍ ᒋᔾ ᑭᔭ ᒪᒃ ᑯᑎᒃ ᐊᐛᓐ ᐃᑕᐤ ᒋᓴᒪᓂᑐᐛ, ‘ᓂᒋ ‍ ᐊᓏᔨᒥᑯᐅᓐ ᓂᒥᒋᑥᐅᓇ ᐅᒋ,
\q2 ᑭᔭ ᓇᒪ ᓴᔅ ᓂᑭ ‍ ᒥᒋᑐᑕᓐ;
\q1
\v 32 ᐊᑯ ᐛᐸᑎᐃ ᒐᒄ ᒥᒋ ‍ ᑐᑎᒧᐅᓇ ᑲ ᑐᑎᒪᓐ;
\q1 ᑲᒋ ‍ ᑐᑎᒧᐛᓇ ᒐᒂᓐ ᐊ ᒪᔭᑎᒡ,
\q2 ᓇᒪ ᓴᔅ ᓂᑭ ‍ ᑐᑕᓐ ?’
\q1
\v 33 ᒠᑉ, ᒋᒋ ‍ ᐱᐛᔨᑎᒺᓐ ᒐᒂᔪᐤ ᑲ ᐃᑐᑎᒪᔅᒃ ᒋᓴᒪᓂᑐᐤ,
\q2 ᒥᒄ ᒋᑦ ᐃᑕᔨᒪᐤ ᐊ ᒐ ᐎ ‍ ᑐᑕᐧᒃ ᒐᒂᔪᐤ ᓇᑐᐛᔨᒥᑦ ᒐ ‍ᑐᑕᐧᒃ ?
\q1 ᒋᔾ ᐊᓐ ᒋᑭ ‍ ᐎᔭᔨᑕᓐ ᒐᒂᔪᐤ ᒐ ᐃᑎᑦ ᒋᓴᒪᓂᑐᐤ, ᓇᒥᔭᐤ ᓂᔾ;
\q2 ᐊᑯ ᐎᑎᒧᐎ ᒐᒂᓐ ᐊ ‍ ᐃᑕᔨᑎᒥᓐ ᐅ᙮
\b
\q1
\v 34 ᐊ ᒥᔪ ‍ ᓂᔅᑐᑎᒧᐅᓂᒡ ᐊᐛᓐᒋ, ᐊ ‍ ᑭᒐᑕᐛᔨᑕᒡ ᐊᐛᓐᒋ ᑭᔭ ᐊᓐᒡ ᓇᑐᑕᒡ ᒐᒂᔪᐤ ᐊᔅᒋᔄᐅᒡ,
\q2 ᓂᑭ ‍ ᐃᑎᑯᒡ,
\q1
\v 35 ‘ᒠᑉ ᐃᔨᒧᐤ ᐊ ᐊᑲ ᐅᒋᔅᒐᔨᑎᒧᐅᓂᑦ
\q2 ᑭᔭ ᐊᑲ ‍ ᑭᒐᑕᐛᔨᑕᑭᓄᔨᒋ ᐅᑦ ᐃᔨᒧᐅᓇ᙮
\q1
\v 36 ᑲ ‍ ᐛᓯᔨᑐᓇᓄᐎᔨᒡ ᒋᐸ ‍ ᐃᑐᑕᑭᓄᐤ ᓂᑦ ᐃᑕᔨᒪᐤ ᒠᑉ ᑭᔭ ᒋᐱ ‍ ᑎᐸᔅᑯᓇᑭᓄᐅᐤ,
\q2 ᐛᔅ ᒋᓂᔎᐛᓯᔨᑯᓄᐤ ᒧᔭᒻ ᒥᒋ ‍ ᐃᔪᐤ ᒋᐸ ᐃᓯ ‍ ᓂᔎᐛᓯᔨᐛᐤ
\q1
\v 37 ᒐᒋ ᐊᓱᔅᑕᑦ ᐊᓐᑕ ᑯᑎᑲ ᒥᒋ ‍ ᑐᑎᒧᐅᓇ ᑲ ‍ ᑐᑕᐧᒃ, ᒪᔭᔨᒪᐤ ᒋᓴᒪᓂᑐᐛ;
\q2 ᒋᐛᐸᑎᔨᑯᓄᐤ ᐊ ᐊᑲ ᒋᔅᑕᔨᒪᑦ ᒋᓴᒪᓂᑐᐛ,
\q2 ᐊᒋᓏᐸᒋᓇᐧᒃ ᐊ ‍ ᐃᔨᒥᒋ ᐊ ‍ ᐃᔅᒋᔄᑦ ᐊ ᐊᑲ ᑯᐃᔅᒄ ᐃᓯ ‍ ᐊᓏᔨᒥᑯᑦ ᒋᓴᒪᓂᑐᐛ᙮”
\q1
\c 35
\s1 ᐃᓕᐧᑯᐤ ᐊᔅᒄ ᑯᒂᒋᐃᐛᐤ
\p
\v 1 ᐊᑯ ᐃᓕᐧᑯᐤ ᐃᔭᐱᒡ ᐊᔅᒋᔄᑦ ᐅᔭ:
\q1
\v 2 “ᒠᑉ, ᑯᐃᔅᑯᓇᑯᓐ ᐊ ᒋᑦ ᐃᑕᔨᑕᓐ ᒐᒂᓐ ᑲ ‍ ᐃᔅᒋᔄᔨᓐ ?
\q1 ᒋᑦ ᐃᔅᒋᔄᓐ, ‘ᓂ ᒋᔅᒐᔨᒥᒄ ᒋᓴᒪᓂᑐᐤ ᐊ ‍ ᒥᔽᑎᓯᐅᒡ,’
\q1
\v 3 ᑭᔭ ᒋᑦ ᐃᑕᐤ ᒋᓴᒪᓂᑐᐤ, ‘ᒐᒂᓐ ᒪᔽᒡ ᑲ ᒥᔨᑯᐅᔭᓐ ᐊ ᐊᑲ ᐅᒋ ᒥᒋ ‍ ᑐᑎᒪᓐ ?
\q2 ᒐᒄ ᐎᒋᔨᐛᐅᓐ ᑲ ‍ ᒥᔨᑯᐅᔭᓐ ᐊᓐ ᐅᒋ ?’
\q1
\v 4 ᒋᑭ ‍ ᓂᔎᐛᓯᔨᑎᓐ,
\q2 ᑭᔭ ᓂᔅᑦ ᓂᑭ ‍ ᓂᔎᐛᓯᔭᐅᒡ ᐊᓂᔅᑎᒡ ᒋ ᐎᒐᐛᑭᓐᒡ,
\b
\q1
\v 5 ᒠᑉ, ᐃᔅᐱᒥᒡ ᐃᑕᐱ;
\q2 ᒋᑕᐱᒥᒡ ᐊᓐᒡ ᑭᔅᑯᐅᓐᒡ ᓇᔅᒡ ᐃᔅᐱᒥᒡ ᐊᑕᒡ ᐊᑕᐅᑦ
\q2 ᑭᔭ ᒋᔅᒐᔨᑎᒥᓐ ᐃᔅᐱᒥᒡ ᐊᑕᑦ ᒋᓴᒪᓂᑐᐤ ᐃᔅᐱᔅ ᒥᓯᐛ ᒐᒂᔪᐛ
\q1
\v 6 ᑲᒋ ᒥᒋ ‍ ᑐᑎᒧᐅᓇ, ᓇᔅᑎᔅ ᓇᒪ ᐊᐧᑯᔨᑯᐤ ᐊᓂᔭ ᒋᓴᒪᓂᑐᐤ᙮
\q2 ᒥᒐᑥᐤ ᑲᒋ ‍ᒥᒋ ‍ ᑐᑎᒧᐅᓇ, ᒐᔅᑎᓇᔅ ᓇᒪ ᑕᐧᑲᐅᑯ ᐊᓂᔭ ᒋᓴᒪᓂᑐᐤ
\q1
\v 7 ᑭᔭ ᐊ ᑯᐃᔅᑯᑕᑎᓯᐅᓇ, ᐎᒋᔨᑯᐤ ᐊ ᐊᓂᔭ ᒋᓴᒪᓂᑐᐤ ?
\q2 ᓇᒪ, ᓇᒪ ᐎᒋᔨᑯᐤ ᐊᓂᔭ ᒥᒄ ᒐᒂᔪᐤ ᐊ ‍ ᐃᑐᐅᑦ᙮
\q1
\v 8 ᑯᑎᑭᒡ ᐊᓐᒡ ᐊᐛᓐᒋ ᐎᓴᔨᑎᒧᒡ ᒥᒋ ‍ ᒐᒂᔪᐛ ᐊ ‍ ᐃᑐᑎᒧᑦ,
\q2 ᒥᒄ ᐊ ᒥᔪ ‍ ᑐᑎᒧᐅᑥᐤ ᐊᐛᓐᒋ, ᒋ ᐛᐎᒋᐊᐅᒡ ᐊᓐᒡ᙮
\b
\q1
\v 9 ᐊ ᐅᔅᑕᐱᓇᓄᐅᒋ,
\q1 ᒥᓯᐛ ᐊᐛᓐ ᐱᑯᓴᔨᒪᐤ ᒥᓯᐛ ᐊᓯ ‍ ᓱᑲᑎᓯᔨᒋ ᒋᓴᒪᓂᑐᐛ
\q2 ᒐᒋ ᒋᔅᑎᒪᒐᔨᒥᑯᑦ᙮
\q1
\v 10 ᒥᒄ ᐊᓂᔭ ᑲ ‍ ᐅᓯᔨᑯᒡ ᑲᒋ
\q1 ᐎᒋᔨᑯᑥᐎ ᐊᔭᐃᒥᓂᔨᒋ,
\q2 ᒂ ‍ ᐅᓂᒋᔅᒋᑐᐛᒡ,
\q1
\v 11 ᐊᑎᓱᐧᒄ ᑐᑕᑕᐧᒄ ᒐᒋ ᑭᒐᑕᐛᔨᑕᑯᓱᐛᐧᒄ
\q2 ᐃᔅᐱᔅ ᐊᐛᓯᓴ ᑭᔭ ᒪᒃ ᐱᔭᓱᐛ᙮
\q1
\v 12 ᑕᑈᑕᐅᒡ ᐊᐛᓐᒋ ᒐᒋ ᐎᒋᔨᑯᒡ,
\q2 ᒥᒄ ᓇᒪ ᓂᔎᐛᓯᔨᑯᐅᒡ ᒋᓴᒪᓂᑐᐛ,
\q2 ᐛᔅ ᒋᔅᑕᔨᒥᓱᐅᒡ ᑭᔭ ᒥᒋ ‍ ᐃᔪᐅᒡ ᐊᓐᒡ ᐊᐛᓐᒋ ᑲ ‍ ᑕᑈᑕᒡ᙮
\q1
\v 13 ᓇᒪ ᐊᐱᑎᓂᔪᐤ ᐊᓂᔭ ᑲ ‍ ᑕᑈᑕᒡ,
\q2 ᐛᔅ ᒋᓴᒪᓂᑐᐤ, ᐊᓐ ᒥᓯᐛ ᐊᓯ ‍ ᓱᐧᑲᑎᓯᑦ, ᓇᔅᑎᔅ ᓇᒪ ᓂᑐᑐᐛᐤ ᒐᒂᔪᐤ ᐊᔅᒋᔄᔨᒋ᙮
\q1
\v 14 ᐊᑯ, ᑕᑥᑎᒥᓂ ᐊ ᐊᑲ ᐛᐱᒥᑦ ᒋᓴᒪᓂᑐᐤ,
\q2 ᑭᔭ ᒋ ‍ ᐎᑎᒧᐛᐤ ᐊᓱᐛᐱᒥᑦ ᒐᒋ ᐎᔭᔨᑎᒥᓐ ᒐᒋ ᐊᓏᔨᒥᑯᐅᓇ ᑭᔭ ᒪᒃ ᒐ ᐊᑲ ᐊᓏᔨᒥᑯᐅᓇ ᐊᓐ ᑲ ᐃᓯ ᑐᑎᒥᓐ,
\q2 ᓇᒪ ᒋᑭ ‍ ᓂᑐᑕᒄ ᐃᔭᐱᒡ ᒋᓴᒪᓂᑐᐤ!
\q1
\v 15 ᒥᓐ ᒋᑦ ‍ ᐃᔅᒋᔄᓐ ᐅᓴᒻ ᐊ ᐊᑲ ᐃᔭᐱᑕᔨᒪᑦ ᐃᔅᐱ ᒪᒋᑥᔨᑥᐎ ᐊᐛᔪᐛ,
\q2 ᓇᒪ ᒋᔄᐳᐤ ᑭᔭ ᓇᒪ ᐊᓏᔨᒪᐤ᙮
\q1
\v 16 ᒋᑦ ᐃᔅᒋᔄᓐ ᒐᒂᔪᐛ ᐊ ᐊᑲ ᐊᐱᑎᒋ;
\q2 ᒋ ᒥᔅᑎ ‍ ᐃᔅᒋᔄᓐ ᒐᒂᓐ ᐊ ᐊᑲ ᒋᔅᒐᔨᑎᒥᓐ ᒐᒂᓐ ᐊᓐ ᐃᔭᔨᒧᑎᒥᓐ᙮”
\c 36
\s1 ᐃᓕᐧᑯᐤ ᒪᔅᑕᔾ ᑲ ᐃᔨᒥᑦ
\p
\v 1 ᐃᓕᐧᑯᐤ ᒋᒋᔅᑕᐤ ᐊ ‍ ᐃᔅᒋᔄᑦ ᐅᔭ:
\q1
\v 2 “ᒠᑉ, ᐛᔨᐱᓯᔅ ᒪᔅᑕᔾ ᓯᐱᐛᓯᔅᑐᐎ,
\q2 ᐛᔅ ᑯᑎᒃ ᒐᒂᓐ ᒋ ᐎ ‍ ᒋᔅᑯᑎᒪᑎᓐ᙮
\q2 ᑯᑎᒃ ᒐᒂᓐ ᓂ ᐎ ‍ ᐃᔅᒋᔄᓐ ᐊᓂᔭ ᓇᑐᐛᔨᒥᔅᒃ ᒐᒋ ᒋᔅᒐᔨᑎᒧᑦ ᒋᓴᒪᓂᑐᐤ᙮
\q1
\v 3 ᒋᑭ ‍ ᐎᑎᒪᑎᓐ ᒐᒂᓐ ᑲ ᒋᔅᒐᔨᑎᒪᓐ ᐊᐛᓐᒋ ᐅᒋ,
\q2 ᒐᒋ ᐅᒋ ᐛᐸᑎᒪᐧᒄ ᒋᓴᒪᓂᑐᐤ ᐊᓐ ᑲ ᐅᓯᔨᑦ, ᐊ ᑯᐃᔅᑯᑎᑦ᙮
\q1
\v 4 ᓇᒪ ᒋᑦ ᐃᑎᓐ ᒐᒂᓐ ᐊ ᐊᑲ ᑕᑈᒥᑲᒡ;
\q2 ᓂᔾ, ᐛᐅᑎᔅᑯᑲᐳᔅᑕᑕᓐ, ᐅ ᐊᐛᓐ ᒋᒋᐛ ᐊ ᒥᔪ ‍ ᓂᔅᑐᑎᒪᓐ ᒐᒂᔪᐛ᙮
\b
\q1
\v 5 ᐊᑎᓱᐧᒄ ᓱᐧᑲᑎᓯᑦ ᒋᓴᒪᓂᑐᐤ,
\q1 ᒥᓯᐛ ᐊᐛᔪᐛ ᐃᔭᐱᑕᔨᒪᐤ
\q2 ᑭᔭ ᑯᐃᔅᒄ ᐃᓯ ‍ ᐎᔭᔨᑎᒻ ᒐᒂᔪᐤ᙮
\q1
\v 6 ᓇᒪ ᓇᐊᔨᒪᐤ ᒐᒋ ᐊᔅᒄ ᐱᒪᑎᓯᔨᒋ ᒥᒋ ‍ ᐃᔪᐛ,
\q2 ᑭᔭ ᓇᓂᑎᒻ ᑯᐃᔅᒄ ᑐᑐᐛᐤ ᐊᓂᔭ ᑲ ‍ ᒋᔅᑎᒪᑎᓯᔨᒋ᙮
\q1
\v 7 ᓇᓂᑎᒻ ᓇᑭᑐᐛᐱᒪᐤ ᐊᓂᔭ ᑲ ᑯᐃᔅᑯᑕᑎᓯᔨᒋ;
\q2 ᓇᐊᔨᒪᐤ ᒐᒋ ᐊᐱᔨᒋ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑭᔭ ᑎᐸᔨᒋᒐᔪᐛ ᐊᓯᒡ ᒋᓴᐅᒋᒪᐛ,
\q2 ᑭᔭ ᒪᔅ ᑲᒋᒡ ᒋᔅᑕᔨᒪᑭᓄᔪᐛ᙮
\q1
\v 8 ᒥᒄ ᑭᔭᔅᑎᓇᑭᓄᐅᑥᐎ ᐊᓐᒡ ᐊᐛᓐᒋ ᑲ ‍ ᒥᒋᑐᑕᒡ,
\q2 ᑲᒪᑭᓄᐛᓯᐅᒋᐛᐱᒡ ᐱᑕᐛᔅᐱᒥᑕᑭᓄᐅᒡ ᑭᔭ ᐊ ‍ ᑐᑐᐛᑭᓄᐅᒡ ᒐᒋ ᐎᓴᒐᔨᑕᒡ ᐊᒪᒋᒂᐛᐱᔅᑲᐛᑭᓄᐅᒡ ᐃᓴᒂᔭᐱᔭ᙮
\q1
\v 9 ᐃᔅᐱ ᐊᔅᐱᔨᒋ ᐊᓐ, ᐛᐸᑎᔭᐤ ᒋᓴᒪᓂᑐᐤ ᒐᒂᔪᐤ ᑲ ‍ ᑐᑎᒥᔨᒋ;
\q2 ᐛᐸᑎᔭᐤ ᒥᒋᑥᐅᓇ ᑲ ‍ ᑐᑎᒥᔨᒋ,
\q2 ᑭᔭ ᐛᐸᑎᔭᐤ ᐊᒋ ‍ ᐃᔅᐱᑕᔨᒥᓱᔨᒋ᙮
\q1
\v 10 ᑐᑐᐛᐤ ᒐᒋ ᓂᑐᑎᒥᔨᒋ ᒐᒂᔪᐤ ᐃᔭᒂᒪᑦ,
\q2 ᑭᔭ ᐃᑎᓱᐛᑕᐤ ᒐᒋ ᓂᑭᑎᒥᔨᒋ ᐊ ᑐᑎᒥᔨᒋ ᐊ ‍ ᒪᔭᑎᓂᔨᒡ ᒐᒂᔪᐤ᙮
\q1
\v 11 ᓂᑐᑕᑯᑦ ᑭᔭ ᐊᑐᔅᑲᑯᑦ, ᑲᒋ ‍ ᐎᐎᔨᒋ ᑲᒪᑭᓄᐛᓯᐅᒋᐛᐱᒡ
\q2 ᒋᐸ ‍ ᒥᔪᐱᔨᐛ ᑕᑐᐤ ᐱᐳᓇ ᒋᐸ ‍ ᐃᔅᐱᔅ ᐱᒪᑎᓯᔨᐛ ᑭᔭ ᒋᐸ ‍ ᒋᔭᒪᐛᔨᑎᒥᔨᐛ᙮
\q1
\v 12 ᒥᒄ ᐊ ᐊᑲ ᓂᑐᑕᑯᒐ,
\q2 ᒋᑭ ‍ ᐊᒂᒋ ‍ ᐳᓂᐱᒪᑎᓯᔨᐛ,
\q2 ᐊ ᐊᑲ ᒋᔅᒐᔨᑎᒥᔨᒋ ᒐᒂᔪᐤ ᐛᒋ ‍ ᑐᑕᑯᒡ ᒋᓴᒪᓂᑐᐛ ᒐᒋ ᐳᓂᐱᒪᑎᓯᒡ᙮
\b
\q1
\v 13 ᒥᒋ ‍ ᐃᔪᐅᒡ ᓇᓂᑎᒪᐱᔪᐅᒡ ᐊ ‍ ᒋᓱᐛᐱᒡ,
\q2 ᑭᔭ ᓇᒪ ᑕᑈᐅᒡ ᒐᒋ ᐎᒋᐊᑭᓄᐅᒡ,
\q2 ᐊᑎᓱᐧᒄ ᐃᔅᐱ ᐃ ᐊᓏᔨᒥᑯᒡ ᒋᓴᒪᓂᑐᐛ᙮
\q1
\v 14 ᐳᓂᐱᒪᑎᓯᐅᒡ ᒪᒂᒡ ᐊᔅᒄ ᐊ ᐅᔅᒋᓂᒋᐅᒡ,
\q2 ᐊ ᐊᑲ ᒋᔅᑕᔨᒪᑭᓄᐅᒡ ᐛᔅ ᐊᓂᔭ ᒋᒋᐛ ᐅᑦ ᐃᑕᔨᑕᑯᓯᐅᓄᐛᐤ᙮
\q1
\v 15 ᒥᒄ ᒋᔅᑯᑎᒧᐛᐤ ᐊᐛᔪᐛ ᒋᓴᒪᓂᑐᐤ ᐊᑐᑐᐛᑦ ᒐᒋ ᐎᓴᒐᔨᑎᒥᔨᒋ;
\q2 ᐊ ᐊᔨᒥᐊᑦ, ᑐᑐᐛᐤ ᒐᒋ ᓂᑐᑕᑯᑦ ᒐᒂᔪᐤ ᐊ ‍ ᐃᑕᑦ᙮
\b
\q1
\v 16 ᑭᔭ ᒠᑉ, ᓂᑦ ᐃᑕᔨᒪᐤ ᒋᓴᒪᓂᑐᐤ ᐊᐎᐱᑯᐃᔅᒄ ᒋᑦ ᐊᔨᒥᐅᓇ ᐅᒋ
\q2 ᑭᔭ ᒋ ‍ ᓇᐊᒥᒄ ᒐᒋ ᐱᒪᑎᓯᐅᑦ ᐊ ᐊᑲ ᓇᓇᐧᑲᑕᔨᒧᐎᔨᓐ;
\q2 ᓂᑐᐛᔨᑎᒻ ᒐᒋ ᓴᑭᔅᒋᓇᔨᒡ ᒋ ‍ ᒥᒋᓱᐛᑭᓇᑎᑯᔪᐤ ᒋᒋᐛ ᐊ ‍ ᒥᔽᔨᒡ ᒥᒋᒥᔪᐤ᙮
\q1
\v 17 ᒥᒄ ᐊᓄᒡ, ᒋᑦ ‍ ᐊᓏᔨᒥᑯᐅᓐ ᒧᔭᒻ ᐊ ᐃᓯ ‍ ᐊᓏᔨᒪᑭᓄᐅᒡ ᒥᒋ ‍ ᐃᔪᒡ;
\q2 ᑯᐃᔅᑯᐛᔨᑕᑯᓯᐅᓂᒡ ᒋᒋ ‍ ᐊᓏᔨᒥᒄ
\q1
\v 18 ᐊᑯ ᓇᑭᑐᐛᔨᑕ ᒐ ᐊᑲ ᐎᔭᓯᔨᑯᐎᔨᓐ ᐊ ‍ ᐱᑯᓴᔨᑎᒥᓐ ᒐᒋ ᑲᔅᑎᓂᒥᓐ ᓱᓇᔭᐤ
\q2 ᑭᔭ ᒪᒃ ᒐ ᐊᑲ ᐃᔭᔪᐎᑯᐎᔨᓐ ᐊᐅᑎᓂᒥᓐ ᐛᔭᓯᐃᐛᐎ ᒥᔨᑯᓯᐅᓇ᙮
\q1
\v 19 ᐎᔭᓯᔨᑯᐎᔨᓇ ᐅᔭ ᒐᒂᔪᐛ, ᒐᔅᑎᓇᔅ ᓇᒪ ᒋᑭ ᒋ ‍ ᐎᒋᔨᑯᓐ ᒐᒋ ᑕᐱᑕᑈᔨᓐ ᐃᔅᐱ ᓇᓇᐧᑲᑕᔨᒧᐎᔨᓇ᙮
\q2 ᓇᒪ ᒋᑭ ᒋ ‍ ᐎᒋᔨᑯᓐ ᒥᓯᐛ ᒋᓱᐧᑲᑎᓯᐅᓐ᙮
\q1
\v 20 ᐊᑲᐎᔾ ᐱᑯᓴᔨᑕ ᒐᒋ ᑎᐱᔅᑲᒡ ᒐ ᐊᑲ ᒋ ᐅᒋ ᐛᐱᒥᔅᒃ ᑭᔭ ᐊᓏᔨᒥᔅᒃ,
\q2 ᐛᔅ ᐊᑎᐱᔅᑲᒡ ᐊᐅᑯᓐ ᐃᔅᐱ ᐛᐛᒡ ᐃᔭᐱᒡ ᓇᓱᓇᒋᐊᑭᓄᐅᒡ ᐊᐛᓐᒋ!
\q1
\v 21 ᓇᑭᑐᐛᔨᑕ ᒐ ᐊᑲ ᒋᒋᐱᔨᓐ ᒐᒋ ᑐᑎᒥᓐ ᒥᒋ ‍ ᒐᒂᓇ,
\q2 ᐛᔅ ᒋᒋ ᑐᑕᒄ ᒋᓴᒪᓂᑐᐤ ᒐᒋ ᐎᓯᒐᔨᑎᒧᑦ ᐛᑯᔅᑎᐃᔅᒄ ᒐᒋ ᒥᒋ ‍ ᑐᑎᒧᑦ᙮
\b
\q1
\v 22 ᒋᒋᐛ ᓱᐧᑲᑎᓯᐤ ᒋᓴᒪᓂᑐᐤ;
\q2 ᒐᔅᑎᓇᔅ ᓇᒪ ᑕᐤ ᑲᒋᔅᑯᑎᒪᒐᔅᑦ ᒐᒋ ᒋᔅᑯᑎᒪᒐᑦ ᒧᔭᒻ ᐎᔾ ᐊ ‍ ᐃᑎᑦ᙮
\q1
\v 23 ᓇᒪ ᐊᐛᓐ ᒋ ᐃᑕᐤ ᑕᓐ ᒐ ᐃᔨᑎᔨᒋ,
\q2 ᑭᔭ ᓇᒪ ᐊᐛᓐ ᒋ ‍ ᐃᑕᐤ, ‘ᒋᒋ ‍ ᒥᒋ ‍ ᑐᑕᓐ!’
\q1
\v 24 ᓇᓂᑎᒻ ᒋ ‍ ᓂᑭᒧᑐᐛᐅᒡ ᐊ ‍ ᒪᒥᒋᒪᒡ ᐃᔪᒡ,
\q2 ᐊᑯ ᐊᑐᒡ ᔅᒋ ‍ ᐅᓂᒋᔅᒋᑐᐛᐤ ᑭᔭ ᒋᔾ ᒐᒋ ᒪᒥᒋᒥᑦ ᑕᓐ ᑲ ᐃᓯ ‍ ᑐᑕᐧᒃ᙮
\q1
\v 25 ᒥᓯᐛ ᐊᐛᓐ ᒋ ‍ ᐛᐸᑎᒺᐤ ᑕᓐ ᑲ ‍ ᐃᑎᔨᒋ᙮
\q2 ᒥᒄ ᓂᔭᓂᑯᑎᓂ ᐛᔪᐤ ᒋ ᐅᒋ ‍ ᐛᐸᑎᒺᓇᓐ᙮
\b
\q1
\v 26 ᒋᒋ ‍ ᐃᑕᔨᑕᑯᓱᐤ ᒋᓴᒪᓂᑐᐤ, ᑭᔭ ᓇᒪ ᒋᔅᒐᔨᑕᓇᓄᐤ ᑕᓐ ᐊᔅᐱᔅ ᒋᒋ ‍ ᐃᑕᔨᑕᑯᓯᑦ,
\q2 ᑭᔭ ᓇᒪ ᒋᔅᒐᔨᒪᓄᐤ ᑕᓐ ᐊᑕᑐᐱᐳᓇᓯᑦ᙮
\q1
\v 27 ᐊᔅᒋᒡ ᐅᒋ ᐅᑎᓂᒻ ᓂᐱᔪᐤ ᑭᔭ ᑭᔅᑯᐅᓂᒡ ᐊᔅᑕᐤ
\q2 ᑭᔭ ᒂ ᒋᒋ ᒋᒥᓂᔨᒡ᙮
\q1
\v 28 ᒋᓯᑯᒡ ᐅᒋ ᐸᒋᑎᓐ ᐊᒋᒺᒡ;
\q2 ᑐᑎᒻ ᒋᓴᒪᓂᑐᐤ ᒐᒋ ᑲᔅᑕᐅᑯᐎᒋ ᐊ ᒥᔅᑎ ᒥᒪᓂᐛᑕᓂᔨᒡ ᒥᓯᐛ ᐊᐛᔪᐛ;
\q1
\v 29 ᓇᒪ ᐊᐛᓐ ᒋ ᓂᔅᑐᑎᒻ ᑕᓐ ᐊ ᐃᓯ ‍ ᐊᒋᐱᔨᒋ ᑭᔅᑯᐅᓇ ᒋᓯᑯᒡ
\q2 ᑭᔭ ᒪᒃ ᑕᓐ ᐊ ᐃᓯ ‍ ᓂᒥᔅᒋᐅᔎᔨᒡ ᐊᓐᑕ ᐛᒋᔨᒋ ᒋᓴᒪᓂᑐᐛ᙮
\q1
\v 30 ᑐᑎᒻ ᒐᒋ ᐛᔅᑕᐱᔨᒡ ᒥᓯᐛ ᐛᔅᑲ ᐊ ‍ ᐃᑕᑦ,
\q2 ᒥᒄ ᑐᑎᒻ ᒐᒋ ᓇᓂᑎᒻ ᐊᒋᑲᔨᒡ ᐊᓐᑕ ᐊᒋᔅᑲᑎᒥᔨᒡ ᐎᓂᐸᑯᒡ᙮
\q1
\v 31 ᐊᒥᔨᑕᐧᒄ ᒥᔅᑎ ‍ ᐊᒋᒧᓂᔨᒡ,
\q2 ᒋ ‍ ᑐᑕᑭᓄᐤ ᒐᒋ ᐛᔪᒋᑕᐛᐧᒄ ᒥᒋᒥᔪᐤ᙮
\q1
\v 32 ᒧᔭᓐ ᐊᑕᐧᑯᓇᐧᒃ ᐊ ‍ ᐛᔅᑕᐱᔨᒡ ᐅᑎᒋᒡ,
\q2 ᐊᑯ ᑭᔭ ᒂ ‍ ᐃᑎᓱᐛᑕᐧᒃ ᑕᓐ ᒥᒄ ᓇᑐᐛᔨᑕᐧᒃ ᒐᒋ ᐃᓯ ‍ ᐛᔅᑕᐱᔨᒡ᙮
\q1
\v 33 ᐃᔅᐱ ᐱᔭᑐᒪᐧᑯᐤ ᐅᓂᒥᔅᒋᒪ, ᒋᔅᒐᔨᑕᓇᓄᐤ ᒐ ‍ ᓂᒥᔅᒋᐅᔎᒡ,
\q2 ᑭᔭ ᒥᒋᑎᐧᑯᒡ ᐃᔭᐱᒡ ᒋᔅᒐᔨᑎᒧᒡ᙮”
\c 37
\s1 ᐃᓕᐧᑯᐤ ᓴᐳᑐᐛᐱᔪᐤ ᒪᔅᑕᔾ ᑲ ᐃᔨᒥᑦ
\q1
\v 1 “ᓂ ‍ ᓴᒋᓯᓐ
\q2 ᑭᔭ ᒥᓯᐛ ᐊᔅᐱᑎᔭᓐ ᓂ ᓇᓇᐱᔨᓐ,
\q1
\v 2 ᑭᔭ ᐃᔅᐱ ᐱᔭᑎᒧᒡ ᐃᔭᓯᒂᒥᑭᓂᔨᒡ ᐅᐸᑕᑯᓱᐅᓐ
\q2 ᒋᓴᒪᓂᑐᐤ ᐊᓐᑕ ᐊ ‍ ᓂᒥᔅᒋᐅᔎᒡ,
\q1
\v 3 ᑭᔭ ᐃᔅᐱ ᐎᔭᐸᑎᒧᒡ ᐅᐛᔅᑕᐱᔪᐅᓐ
\q2 ᒋᓯᑯᒡ ᐊᐛᔅᑕᔨᒡ᙮
\q1
\v 4 ᑲᒋ ᐛᔅᑕᐱᔨᒋ, ᒋᐸᑐᐛᓄᐅᒡ ᓂᒥᔅᒍᐅᒡ ᐃᔭᓯᒂᒡ
\q2 ᒧᔭᒻ ᐊᒥᔅᑲᑕᔨᑕᑯᓂᔨᒡ ᒋᓴᒪᓂᑐ ᐅᐸᑕᑯᓱᐅᓐ;
\q2 ᓇᒪ ᒪᒪᒋᑯᓇᐤ ᓂᒥᔅᒍᐛ ᐃᔅᐱ ᐊᔨᒥᒋ᙮
\q1
\v 5 ᐃᔅᐱ ᐊᔨᒥᒋ ᒋᓴᒪᓂᑐᐤ, ᒥᔅᑲᑕᔨᑕᑯᓂᔪᐤ, ᒧᔭᒻ ᓂᒥᔅᒍᐛ;
\q2 ᐊᒥᔅᑲᑕᔨᑕᑯᓂᔨᒋ ᒐᒂᔪᐛ ᑐᑎᒻ ᐊᓂᔭ ᐊ ᐊᑲ ᒋᒋᐛ ᒋ ᓂᔅᑐᑎᒺᐧᒄ᙮
\q1
\v 6 ᐃᑎᓱᐛᑕᐤ ᑯᓇ ᒐᒋ ᐸᒋᓯᓂᔨᒋ ᒧᔅᑎᔅᑭᒥᒡ,
\q2 ᑭᔭ ᓇᓂᑯᑎᓂ ᑐᑎᒻ ᒐᒋ ᒥᔅᑎ ‍ ᒋᒧᓂᔨᒡ᙮
\q1
\v 7 ᑭᔭ ᐊᑐᑕᒋ ᐊᓂᔭ ᒋᓴᒪᓂᑐᐤ, ᑯᔅᑎᐃᑯᐅᒡ ᐛᐛᓐᒋ ᒐᒋ ᐊᑐᔅᒐᒡ,
\q2 ᒐᒋ ᐅᒋ ᒋᔅᒐᔨᑕᒡ ᒥᓯᐛ ᐊᐛᓐᒋ ᐎᔾ ᐊᓂᔭ ᑲ ‍ ᐃᑐᑕᐧᒃ᙮
\q1
\v 8 ᐃᔅᐱ ᒐᒺᒋ, ᒂ ‍ ᐃᔅᐸᔨᑐᒡ ᐊᐛᓯᓯᒡ ᐊᓐᑕ ᒐ ‍ ᑲᓱᒡ,
\q2 ᑭᔭ ᐊᑯᑕ ᐊ ‍ ᐃᑕᒡ ᐸᑐᔅ ᑲᒋ ‍ ᒋᒧᐛᑕᓂᔨᒋ᙮
\q1
\v 9 ᐊ ‍ ᒋᔎᔭᔨᑕᒂᒡ ᓴᐅᓄᑕᒡ ᐃᑕᐅᓂᒡ ᐅᒋ ᐅᒋᐱᔪᐤ ᐊᓐᑕ ᐛᒋ ‍ ᒋᒋᐱᔨᒡ,
\q2 ᑭᔭ ᐊᑕᒋᔅᑎᒡ ᒋᐛᑎᓄᒡ ᐅᒋᐱᔪᐤ᙮
\q1
\v 10 ᐸᑈᒋ, ᒧᔭᒻ ᒋᓴᒪᓂᑐᐤ ᐅᔭᔭᐅᓐ ᐊᒥᔅᑯᐅᒋᑕᑦ ᓂᐱᔪᐤ ᐃᓯᓇᑯᓐ ᐊ ᒋᐛᑎᒡ ᐊᑕᒋᔅᑎᒡ;
\q2 ᑐᑎᒻ ᓂᐱᔭ ᒐᒋ ᒥᔅᑯᒥᔪᐎᒋ᙮
\q1
\v 11 ᑐᑐᐛᐤ ᑭᔅᑯᐅᓇ ᒋᓴᒪᓂᑐᐤ ᒐᒋ ᓴᑭᔅᒋᓇᔨᒡ ᐊᒥᔅᑭᒥᔪᑕᓂᔨᒡ,
\q2 ᑭᔭ ᐊ ‍ ᐛᔅᑕᐱᔨᒡ ᐊᓐᑕ ᑭᔅᑯᐅᓂᒡ᙮
\q1
\v 12 ᒋᔅᒋᓄᑕᐊᐤ ᑭᔅᑯᐅᓇ ᑭᔭ ᑐᑐᐛᐤ ᒐᒋ ᐱᐸᒪᓯᔨᒋ
\q2 ᒐᒋ ᑎᐱᐱᔨᒡ ᒥᓯᐛ ᑲ ‍ ᐃᑎᓱᐛᑕᑦ ᒐᒋ ᐃᔅᐱᔨᒋ ᒥᓯᐛ ᐊᔅᐱᑎᔅᑭᒥᑲᔨᒡ᙮
\q1
\v 13 ᓇᓂᑯᑎᓂ ᐃᑎᓴᐊᒻ ᐊᒋᒧᓂᔨᒡ ᒐᒋ ᐊᓏᔨᒥᑕᐧᒄ,
\q2 ᑭᔭ ᓇᓂᑯᑎᓂ ᐃᑎᓴᐊᒻ ᐊᒋᒧᓂᔨᒡ ᒐᒋ ᐛᐸᑎᔨᑕᐧᒄ ᐊᒋᔅᑎᒪᒐᔨᒥᑕᐧᒄ᙮
\q1
\v 14 ᒠᑉ, ᒥᔪ ‍ ᒪᒥᑐᓇᔨᑎᒻ
\q2 ᐊᒥᒐᓂᔨᒋ ᐅ ‍ ᒥᒥᔅᑲᒡ ᐃᑐᐅᓇ ᒋᓴᒪᓂᑐᐤ᙮
\q1
\v 15 ᓇᒪ ᒋᔅᒐᔨᑎᒺᓇᓄᐤ ᑕᓐᑕ ᐛᒋ ‍ ᐃᑎᓱᒪᑦ ᓂᒥᔅᒍᐛ ᒐᒋ ᐛᔅᑕᐱᔨᒋ ᑭᔅᑯᐅᓂᒡ ᐅᒋ᙮
\q1
\v 16 ᐎᔾ ᒥᒄ ᒋᓴᒪᓂᑐᐤ ᒥᔪ ‍ ᒋᔅᒐᔨᑎᒻ ᒥᓯᐛ ᒐᒂᔪᐤ;
\q2 ᒐᔅᑎᓇᔅ ᓇᒪ ᒋᔅᒐᔨᑎᒺᓇᐛᐤ ᑕᓐᑕ ᐛᒋ ‍ ᐃᑐᑐᐛᑦ ᑭᔅᑯᐅᓇ ᒥᔅᑲᑕᔨᑎᒧᐅᓂᒡ ᒐᒋ ᐊᒋᐱᔨᒋ ᒋᓯᑯᒡ!
\q1
\v 17 ᒐᑲᑦ ᒋᒋ ‍ ᐊᐸᐱᔨᓇᐛᐤ ᐊ ‍ ᒋᓯᑕᒡ
\q1 ᐊᒂᑕᔨᑕᒂᒡ ᐊᔪᑎᒡ ᐸᐧᑯᑎᔅᑭᒥᑲᒡ ᐅᒋ
\q2 ᐃᔅᐱ ᒧᔭᒻ ᐊᐎᔄᐛᐱᔅᑯᐅᒋ ᒋᓯᒄ᙮
\q1
\v 18 ᒋᑭ ᒋ ‍ ᒥᓯᑕᐱᔭᐤ ᑭᔅᑯᐅᓇ ᒋᓴᒪᓂᑐᐤ
\q1 ᒐᒋ ᒥᔽᔨᒧᔭᐧᒄ ᐊᒋᓯᑕᒡ ᐅᒋ,
\q2 ᒥᒄ ᒋᑭ ᒋ ‍ ᑐᑕᓐ ᐊ ᒋᔾ ?
\q1
\v 19 ᐎᑎᒧᐅᓇᓐ ᑕᓐ ᒐ ᐃᑎᒋᒡ ᒋᓴᒪᓂᑐᐤ;
\q2 ᓇᒪ ᒐᒂᓐ ᓂ ‍ ᒋᔅᒐᔨᑕᓇᓐ᙮
\q2 ᐊᓐ ᐅᒋ, ᓇᒪ ᓂ ‍ ᒋᔅᒐᔨᑕᓇᓐ ᑕᓐ ᒐ ‍ ᐃᑎᒋᒡ ᒐᒋ ᐅᒋ ᐛᐎᒋᔨᓱᔭᒡ᙮
\q1
\v 20 ᓂᑭ ‍ ᐃᑕᐤ ᐊ ᒋᓴᒪᓂᑐᐤ ᐊ ‍ ᐎᔨᒥᔨᒃ ?
\q2 ᓇᒪ ᑭᑈ, ᐛᔅ ᑐᑎᒪᓐ ᐊᓐ, ᓂᐸ ‍ ᓂᓱᐅᓇᒋᔨᒄ᙮
\q1
\v 21 ᐊᓄᒡ, ᓇᒪ ᒋ ᑯᐃᔅᒄ ᒋᑕᐱᒪᐅᒡ ᐊᐛᓐᒋ ᐱᓯᒺ
\q2 ᐃᔅᐱ ᒐᐧᑲᔭᔅᑐᐛᒋ ᒋᓯᑯᒡ ᑲᒋ ‍ ᐛᐸᓱᑥᐎ ᑭᔅᑯᐅᓐᒡ;
\q2 ᐊᑯ, ᒐᔅᑎᓇᔅ ᓇᒪ ᒋᑭ ᒋ ‍ ᒋᑕᐱᒪᓄᐤ ᒋᓴᒪᓂᑐᐤ ᐊ ‍ ᒋᐧᑲᔭᔅᑐᐛᑦ᙮
\q1
\v 22 ᒋᐛᑎᓄᒡ ᐅᒋ ᐅᑐᑕᐤ ᒋᓴᒪᓂᑐᐤ ᐊᓯᒡ ᐛᔅᑕᐅᓐ ᒧᔭᒻ ᐎᔄᐅᓱᓇᔭᐤ ᐊ ‍ ᓴᑈᔅᑕᒡ;
\q2 ᒋ ‍ ᑐᑕᑯᐛᓇᓄᐤ ᐅᒋᔅᑕᔨᑕᑯᓱᐅᓐ ᒐᒋ ᑯᔅᑕᒍᐛᐧᒄ᙮
\q1
\v 23 ᒋᒋᐛ ᓱᐧᑲᑎᓯᐤ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ,
\q2 ᑭᔭ ᒥᒋᒪ ᓇᒪ ᒋᒋ ‍ ᓇᑕᓄᐤ᙮
\q1 ᓇᓂᑎᒻ ᑯᐃᔅᑯᑐᐤ,
\q2 ᑭᔭ ᓇᒪ ᓂᑕ ᒋᑭ ᓂᓇᐧᑲᒋᐃᑯᓄᐤ᙮
\q1
\v 24 ᐊᑯ ᑭᔭ ᒋᔭᓄ ᐃᔪᒡ ᒋ ‍ ᓇᓂᒋᔅᑐᐛᓄᐤ ᒋᓴᒪᓂᑐᐤ,
\q2 ᐛᔅ ᓇᒪ ᒋᔅᑕᔨᒪᐤ
\q1 ᐊᓂᔭᔪᐛ ᑲ ᒋᔅᑕᔨᒥᓱᔨᒋ
\q2 ᑭᔭ ᐊᑕᔨᑎᒥᔨᒋ ᐊ ᒥᔅᑎ ‍ ᒋᔅᒐᔨᑎᒥᔨᒋ᙮”
\c 38
\s1 ᑎᐸᔨᒋᒐᓱᐤ ᓂᔎᐛᓯᐊᐤ ᒠᐸ
\p
\v 1 ᐊᑯ ᑎᐸᔨᒋᒐᓱᐤ ᐊ ‍ ᐃᔨᒪᐊᑦ ᒠᐸ ᐱᑎᓱᐤ ᐊ ‍ ᒋᔎᔭᔨᑕᑯᓂᔨᒡ ᐅᒋ, ᒂ ‍ ᐃᑕᑦ,
\q1
\v 2 “ᒐᒂᓐ ᐛᒋ ᒥᔅᑎ ‍ ᐃᔨᒥᔨᓐ
\q2 ᐃᔅᐱ ᒥᒄ ᐊᐱᓯᔅ ᐊᒋᔅᒐᔨᑎᒥᓐ ?
\q1
\v 3 ᐊᑯ ᐊᔭᔅᑯᐎ ᒐᒋ ᐅᑎᔅᑯᑲᐳᔅᑐᐎᔨᓐ!
\q1 ᒋᑭ ᒋ ‍ ᐊ ᓂᔎᐛᓯᔨᓐ
\q2 ᒐ ‍ ᑯᒂᒋᒥᑕᓐ ᑯᒂᒋᐃᐛᐅᓇ ?
\q1
\v 4 ᒋᒋ ‍ ᐃᑕᓐ ᐊ ᐊ ‍ ᐃᑕᔭᓐ ᐎᐱᒡ ᐃᔅᐱ ᑲ ‍ ᐅᓯᑕᔭᓐ ᐊᔅᒋᔾ ?
\q2 ᐃᔅᐱᔅ ᒥᔅᑎ ‍ ᒐᔅᒐᔨᑎᒥᓐ, ᐎᑎᒧᐎ ᑕᓐᑕ ᑲ ᐃᑕᔨᓐ ᐊᓐ ᒪᒂᒡ᙮
\q1
\v 5 ᒋᔅᒐᔨᑕᓐ ᐊ ᑲ ᐃᓯ ‍ ᐎᔭᔨᑎᒪᓐ ᑕᓐ ᒐ ᐃᔅᐱᓴᒡ ᐊᔅᒋᔾ ?
\q2 ᒋᔅᒐᔨᒪᐤ ᐊ ᐊᐛᓐ ᑲ ᓴᑐᐱᑕᐧᒃ ᑎᐸᔎᔨᑭᓂᔪᐤ ᐛᔅᑲ ᐊᔅᒋᒡ ?
\q2 ᑕᑈ ᐃᔅᐱᔅ ᐊᑕᔨᑎᒧᐅᓇ ᐊ ᒥᔅᑎ ‍ ᒐᔅᒐᔨᑎᒥᓐ, ᒋᐸ ‍ ᒋᔅᒐᔨᑕᓐ ᐊᓐ!
\q1
\v 6 ᒐᒂᔪᐤ ᐛᒋᔨᑯᒡ ᐊ ᑕᒋᑲᐳᐎᔨᒡ ?
\q1 ᐊᐛᓐ ᑲ ᐊᔭᑦ ᐊ ‍ ᒋᒐᔭᔨᒡ ᐊᓯᓂᔭ,
\q2
\v 7 ᒪᒂᒡ ᐊᓂᑭᒧᒡ ᒐᒋᓴᐸᐤ ᐅᒐᑭᑕᐧᑯᒡ,
\q2 ᑭᔭ ᐊ ‍ ᒧᒋᒐᔨᑕᒡ ᐊᓐᒋᓐᒡ ?
\q1
\v 8 ᐃᔅᐱ ᐎᓂᐸᒂ ᐱᑎᓱᐤ ᐊᔅᒋᒡ ᐅᒋ ᑲ ‍ ᐅᒋᐱᔨᒋ,
\q2 ᐊᐛᓐ ᐊᑲ ᐅᒋ ᓇᐊᔨᑕᐧᒃ ᓂᐱᔪᐤ ᒐᒋ ᐊᔅᒋᐸᔨᒡ ᐊᔅᒋᒡ ?
\q1
\v 9 ᓂᔾ ᐊᓐ, ᓇᒪᔭᐤ ᒋᔾ, ᑲ ‍ ᑐᑐᐛᑦ ᑭᔅᑯᐅᓇ ᐎᓂᐸᑯᒡ ᒐᒋ ᐸᒋ ‍ ᐃᔅᐱᔨᒋ
\q2 ᑭᔭ ᑲ ‍ ᑐᑕᐧᒃ ᒐᒋ ᒋᒋᐛ ᐊᒋᑲᔨᒡ ᓯᐸ ᑭᔅᑯᐅᓂᒡ᙮
\q1
\v 10 ᓂᒋ ‍ ᐃᑎᔅᑕᓐ ᒐ ‍ ᐃᔅᐱᔨᒋ ᐎᓂᐸᒂ,
\q2 ᑭᔭ ᓂᒋ ‍ ᐊᔅᑕᓐ ᒪᓂᔅᑲᑎᒂ ᒐ ‍ᐊᑲ ᐸᒋ ‍ ᐃᔅᐱᔨᒡ ᓂᐱᔾ ᑕᐧᑯᒡ ᐊᔅᒋᒡ᙮
\q1
\v 11 ᐊᑲᒥᒡ ᓂᒋ ‍ᐃᓯ ‍ ᐊᑐᐛᔨᒐᓐ ᑭᔭ ᒂ ‍ ᐃᑎᒃ ᓂᐱᔾ,
\q2 ‘ᒋ ‍ ᒥᔨᑎᓐ ᒐᒋ ᐸᑐᑕᔨᓐ ᐃᔅᐱᔅ ᐅᑕ, ᒥᒄ ᓇᒪ ᒋ ‍ ᒥᔨᑎᓐ ᒐᒋ ᐊᑎᑐᐤ ᐛᔪᐤ ᐃᑐᑕᔨᓐ᙮
\q2 ᒋᒋ ‍ ᓱᐧᑲᑎᓯᐅ ᑭᔅᑭᓐᒡ ᓇᑕ ᒋᑭ ᐎ ‍ ᓂᑲᐱᔪᐅᒡ !’
\s1
\q1
\v 12 ᒪᒋ ‍ ᓂᑕ ‍ ᐅᒋ ‍ ᐃᑕᐤ ᐱᓯᒻ ᒐᒋ ᓴᑲᔅᑐᐛᑦ ?
\q2 ᑭᔭ ᒋᒋ ‍ ᓇᐃᑕᒄ ᐊ ?
\q1
\v 13 ᒪᒋ ‍ ᓂᑕ ‍ ᐅᒋ ‍ ᐃᑕᐤ ᐊᐛᐸᒡ ᒐᒋ ᒥᓯᑕᐱᔨᒡ ᒥᓯᐛ ᐊᔅᐱᑎᔅᑭᒥᑲᒡ ᐊᔅᒋᒡ,
\q2 ᒐᒋ ᐅᒋ ᒋᑎᓯᒧᑕᒡ ᐛᔅᑕᐅᓂᔪᐤ ᐊᓐᒡ ᒥᒋ ‍ ᐃᔪᒡ ?
\q1
\v 14 ᐃᔅᐱ ᐛᔅᑕᒐ ᒋ ‍ ᐛᐸᒐ,
\q2 ᒥᔪᐤ ‍ ᓄᒂᐧᑲᐛ ᐱᔅᑯᑎᓇᓴ ᑭᔭ ᐊᐱᓴᒋ ᒧᔭᒻ ᓴᔅᑎᒂᔭᐱᔨᒡ ᐊᐱᒋᑕᐅᓂᒡ᙮
\q1
\v 15 ᐃᔅᐱ ᒐᓯᑲᒋ, ᒥᒋ ‍ ᐃᔪᒡ ᓇᒪ ᐊᔭᐅᒡ ᐊᒋᑲᔨᒡ ᐊᓂᔭ ᒪᔽᔨᑕᒡ;
\q2 ᓇᒪ ᓴᔅ ᒋ ‍ ᐅᐱᓂᔅᒐᐎᔪᐅᒡ ᒐᒋ ᐊᒂᐊᒡ ᐊᐛᔪᐛ ᐊᒋᓯᑲᔨᒡ᙮
\b
\q1
\v 16 ᒠᑉ, ᒪᒋ ‍ ᓂᑕ ᒋ ᐅᒋ ‍ ᐱᒧᑕᓐ
\q2 ᐊᓐᑕ ᐊᓇᒡ ᐎᓂᐸᑯᒡ ?
\q1
\v 17 ᒪᒋ ‍ ᓂᑕ ᐛᐸᑎᔨᒃ ᐊᐛᓐ ᐃᑕᐅᓂᒡ ᐃᔎᑕᒥᔪᐤ ᐊᓐᑕ ᐊ ‍ ᑕᔨᒋ ᑲ ‍ ᐳᓂᐱᒪᑎᓯᔨᒋ,
\q2 ᐃᔎᑕᒥᒡ ᐊᓐᑕ ᓇᔅᒡ ᐃᔭᒋᑲᒡ ?
\q1
\v 18 ᒋᔅᒐᔨᑕᓐ ᐊ ᐊᔅᐱᓴᒡ ᐊᔅᒋᔾ ?
\q2 ᐎᑎᒧᐎ, ᒐᔅᒐᔨᑎᒧᐅᓇ ᒥᓯᐛ ᒐᒂᓐ!
\b
\q1
\v 19 ᑕᓐᑕ ᐊᑎᒂᒡ ᒪᔅᑭᓄᐤ ᐊᓐᑕ ᐊᑎᒧᒡ ᐛᒋᐱᔨᒡ ᐛᔅᑕᐅᓐ ?
\q2 ᑭᔭ ᒋᐸ ᒋ ‍ ᐎᑎᒧᐅᓐ ᐊ ᑕᓐᑕ ᐛᒋᑦ ᐅᑲᔅᑕᔭᐅᓐ ?
\q1
\v 20 ᒐᐸ ᒋ ‍ ᐃᑐᑕᔨᓐ ᐊ ᐊᓐᑕ ᐎᒋᒡ ?
\q2 ᒋ ᒋᔅᒐᔨᑕᓐ ᐊ ᑕᓐᑕ ᐊᑎᒂᒡ ᒪᔅᑭᓄᐤ ᐊᓐᑕ ᐊᑎᒧᒡ ?
\q1
\v 21 ᓂᒐᔅᑎᓇᐅᓐ ᒐᔅᒐᔨᑎᒥᓐ ᐅᔭ ᒐᒂᔪᐛ,
\q2 ᐃᔅᑯᑎᒃ ᓴᔅ ᐊᒋ ‍ ᐃᔪᐎᔨᓐ
\q2 ᐃᔅᐱ ᑲ ‍ ᐅᓯᑕᔭᓐ ᒥᓯᐛ ᒐᒂᓐ᙮
\b
\q1
\v 22 ᒪᒋ ‍ ᓂᑕ ᐱᒐᓐ ᐊᓐᑕ ᐃᔭᔨᒄ ᑯᓐ
\q2 ᑭᔭ ᐊᓐᑕ ᑲᓄᐛᔨᑎᒪᓐ ᓯᓯᑯᓂᐱᔾ ?
\q1
\v 23 ᐸᑐᔅ ᐎ ᐊᐱᒋᔨᒂᐛ ᒐᒋ ᐊᓏᔨᒥᒂᐤ
\q2 ᑭᔭ ᓴᐧᑯᒋᔨᒂᐤ ᐊ ‍ ᐃᑎᔅᑲᓇᓯᒡ ?
\q1
\v 24 ᑕᓐᑕ ᐛᒋ ‍ ᒂᔅᑯᑎᑦ ᐊᐛᔅᑕᐱᔨᒡ ᐅᒋ,
\q2 ᑭᔭ ᒪᒃ ᐛᒋᐱᔨᒡ ᐛᐱᓄᑕᔪᑎᓐ ?
\q1
\v 25 ᐊᐛᓐ ᑲ ‍ ᐅᓯᑕᑦ ᓯᐱᐧᑲᓂᔪᐤ ᐊᓐᑕ ᐛᒋᐱᔨᒡ ᐊᒋᒧᓂᔨᒡ ᒋᓯᑯᒡ ᐅᒋ ?
\q2 ᐊᐛᓐ ᒥᔭᔅᑭᓇᐧᑯᐛᑦ ᓂᒧᔅᒍᐛ ?
\q1
\v 26 ᐊᐛᓐ ᐊᑐᑕᐧᒃ ᒐᒋ ᒋᒧᓂᔨᒡ ᐊᓐᑕ ᐸᐧᑯᑎᔅᑭᒥᑲᒡ,
\q2 ᐊᓐᑕ ᐃᑕᐅᓂᒡ ᐊ ᐊᑲ ᐊᐛᓐ ᐎᒋᑦ ?
\q1
\v 27 ᐊᐛᓐ ᐊᑎᓴᐊᐧᒃ ᐊᒋᒧᓂᔨᒡ ᒐᒋ ᑎᑯᓂᔨᒡ ᓂᐱᔪᐤ ᐊᓐᑕ ᐊᑲ ᒐᒂᔪᐤ ᓂᑕᐅᒋᓂᔨᒡ,
\q2 ᒐᒋ ᒥᓐ ᑲᐤ ᓂᑕᐅᒋᓂᔨᒋ ᒥᔅᑯᓱᐛ ?
\q1
\v 28 ᐅᑕᐎᔪᐤ ᐊ ᐊᒋᒺᒡ ?
\q2 ᐅᑕᐎᔪᐤ ᐊ ᐊ ᐊᑯᓯᐸᔭᒡ ?
\q1
\v 29 ᑭᔭ ᐊᐛᔪᐛ ᐅᔅᐱᔭᔨᒡ ᐅᒋ ᐛᒋᐱᔨᑦ ᒥᔅᑯᒥᔾ ᐸᐳᓂᔨᒋ ?
\q2 ᐊᐛᓐ ᑲᑐᑕᐧᒃ ᒐᒋ ᐃᔪᐎᒋ ᐃᒋᑯᑎᓂᔪᐤ ᐊᓐᑕ ᒋᓯᑯᒡ ᐅᒋ ᐛᐱᒋᐱᔨᒡ ?
\q1
\v 30 ᐸᑈᒋ ᒥᔅᑯᐅᑎᓐ ᓂᐱᔾ ᑭᔭ ᒧᔭᒻ ᐊᓯᓂᔾ ᐃᔅᐱᔅ ᒥᔅᑯᐛᐤ,
\q2 ᑭᔭ ᒥᔅᑯᑎᓇ ᐅᔅᑎᐸᒡ ᓂᐱᔭ᙮
\q1
\v 31 ᒋᑭ ᒋ ᒪᒧᒺᐅᒡ ᐊ ᐅᒐᑭᑕᐧᑯᒡ
\q1 ᒧᔭᒻ ᐅᕆᐅᓐ
\q2 ᑭᔭ ᑉᓚᐃᑦᔅ ?
\q1
\v 32 ᒋᑭ ᒋ ‍ ᐃᑕᐅᒡ ᐊ ᐅᒐᑭᑕᐧᑯᒡ ᒐ ᐃᔅᐱᔅ ᐛᔅᑐᐛᒡ ?
\q2 ᒋᑭ ᒋ ‍ ᐊ ᒋᔅᒋᓄᑕᐅᒡ ᐊᒪᒧᐎᒡ ᐅᒐᑭᑕᐧᑯᒡ ᐊᓐᑕ ᒋᐛᑎᓄᒡ ᒋᓯᑯᒡ ᒋᓴᔭᒄ ᑭᔭ ᒋᓴᔭᑯᔅ ᐊ ‍ ᐃᓯᓂᐧᑲᑕᑭᓄᐅᒡ ?
\q1
\v 33 ᒋ ‍ ᒋᔅᒐᔨᑕᓐ ᐊ ᐎᓱᐛᐅᓇ ᑕᐸᔨᑕᐧᒃ ᒋᓯᒂ,
\q2 ᒋᐸ ᒋ ‍ ᐊ ᑐᑕᓐ ᐊᓂᔭ ᐸᐃᑯᑕᐤ ᐎᓱᐛᐅᓇ ᒐᒋ ᐅᒋᒪᐧᑲᑕᐧᒃ ᒥᓯᐛ ᒐᒂᔪᐤ ᐊᓐᑕ ᐊᔅᒋᒡ ?
\q1
\v 34 ᒋᐸ ᒋ ‍ ᐊ ᐃᑎᓱᐛᑕᐅᒡ ᑭᔅᑯᐅᓐᒡ
\q2 ᒐᒋ ᐃᑎᓴᐊᒡ ᐊ ᒥᔅᑎ ‍ ᒋᒧᓂᔨᒡ ?
\q1
\v 35 ᑭᔭ ᒪᒃ ᒐᒋ ᐛᔅᑕᐱᔨᒡ ᓂᒧᔅᒐᐅᒡ
\q2 ᐃᑎᓱᐛᑎᑥᐛ ?
\q1
\v 36 ᐊᐛᓐ ᐊᑐᑐᐛᑦ ᑭᔅᑯᐅᓇ ᒐᒋ ᒋᔅᒐᔨᑎᒥᔨᒋ ᑕᓐᑕ ᒐ ‍ ᑐᑎᒥᔨᒋ ᒐᐸᒋᑎᓂᔨᒡ ᐊᒋᒧᓂᔨᒡ ?
\q1
\v 37 ᒋᐸ ᒋ ‍ ᐊ ᐊᒋᒪᐅᒡ ᑭᔅᑯᐅᓐᒡ
\q2 ᑭᔭ ᒪᒃ ᒐᒋ ᐳᐅᓇᒡ ᐅᓂᐱᒧᐛᐤ
\q1
\v 38 ᐊᓐᑕ ᐊᐸᔅᑕᔨᒡ, ᐊᐱᐱᔎᔨᒡ ᐊᔅᒋᒡ ?
\b
\q1
\v 39 ᐃᔅᐱ ᓴᐛᔨᑥᐎ ᒥᓯᐱᓱᐅᒡ,
\q2 ᒋ ‍ ᐎᒐᐅᒡ ᐊ ᒐᒋ ᓂᑐᐎᔪᒡ ?
\q1
\v 40 ᒋᑦ ᐃᑎᓴᐛᐤ ᐊ ᐊᐛᓯᔅ
\q2 ᒐᒋ ᐱᒐᑦ ᐊᐛᑎᑯᒡ ?
\q1
\v 41 ᑭᔭ ᐃᔅᐱ ᑲ ‍ ᓯᐛᔨᒡ ᑲᐧᑲᒋᓯᒡ
\q2 ᐃᔭᓯᒂᓯᑥᐎ ᒐᒋ ᐊᓯᒥᒂᐤ,
\q1 ᒋᒋ ‍ ᐊ ‍ ᑕᐱᔅᑯᔭᐅᒡ ᐊᓯᐛᔨᒡ ?
\c 39
\s1 ᑎᐸᔨᒋᒐᓱᐤ ᐊᔅᒄ ᓂᔎᐛᓯᐊᐤ ᒠᐸ
\q1
\v 1 ᑕᐃᔅᐱ ᐊ ‍ ᐛᐱᒪᐅᓱᒡ ᓄᓴ ᐱᔅᑯᑎᓇᐤ ᒥᔅᑐᓯᓯᒡ
\q2 ᑭᔭ ᐊᑎᐧᑯᒡ ?
\q1 ᓴᔅ ᐊ ᒋᒋ ‍ ᐃᔨᑕᓐ ᐊᓐᑕ
\q2 ᐃᔅᐱ ᑲ ‍ ᐃᔪᐎᒋ ᐅᑦ ᐊᐛᓯᒧᐛᐛ ?
\q1
\v 2 ᒋ ‍ ᒋᔅᒐᔨᑕᓐ ᐊ ᑕᓐ ᑕᑐ ᐱᓯᒺ ᐛᒪᐱᔨᒡ ᑲᓱᐛᐱᒪᐅᓱᒡ ᐅᒋ ᐃᔅᐱᔅ ᑲ ‍ ᐃᔪᐎᔨᒋ ᐅᑦ ᐊᐛᓯᒧᐛᐛ ?
\q1
\v 3 ᑕᓐ ᐊᔅᐱᔅ ᓱᐛᐱᒪᐅᓱᒡ
\q2 ᐊᒺᔭ ᐛᐱᒪᐅᓱᒡ ?
\q1
\v 4 ᒧᓴ ᐸᐧᑯᑎᔅᑭᒥᑲᒡ ᓂᑕᐅᒋᔨᐛ ᐅᑦ ᐊᐛᓯᒥᓯᐛᐛ,
\q2 ᐊᑯ ᑭᔭ ᒂ ‍ ᓂᑭᑕᒡ ᐅᑲᐅᐛᐛ ᑭᔭ ᓇᒪ ᒥᓐ ᑲᐤ ᓂᑐᐛᐱᒪᐅᒡ᙮
\b
\q1
\v 5 ᐊᐛᓐ ᐊᓂᔭ ᑲ ‍ ᓇᐊᔨᒪᑦ ᒐᒋ ᐃᔅᐸᔨᑐᐎᔨᒋ ᑲ ᐊᒂᑎᓯᔨᒋ ᑲᓂᐧᑲᑎᓯᔨᒋ ᑲᐸᐃᑭᔎᐛ ᑕᓐᑕ ᒥᒄ ᐛ ‍ ᐃᔅᐸᔨᑐᐎᔨᒋ ?
\q1
\v 6 ᓂᔾ ᐅ ᓂᒋ ‍ ᐱᔅᑎᓇᐅᒡ ᐊᓐᑕ ᐸᐧᑯᑎᔅᑭᒥᑲᒡ,
\q2 ᐊᓐᑕ ᐃᑕᐅᓂᒡ ᐊ ᐊᑲ ᓂᑕᐅᒋᒋ ᒥᔅᑯᓱᐛ᙮
\q1
\v 7 ᐛᔪᐤ ᐅᒋ ᒥᔅᑎ ‍ ᐅᑕᓇᒡ ᐃᑕᐅᒡ
\q2 ᑭᔭ ᓇᒪ ᑕᑈᑎᒧᒡ ᒐᒋ ᐃᑈᐧᑲᐛᐊᑭᓄᐅᒡ
\q1
\v 8 ᐱᔅᑯᑎᓇᓯᒡ ᐃᑐᑕᐅᒡ ᒐᒋ ᒥᔅᑲᒡ ᒥᒋᒥᔪᐤ;
\q2 ᐊᑯᑕ ᓂᔭᓂᑐᐛᐸᑕᒡ ᒥᔅᑯᓱᐛ ᒐ ‍ ᒥᒋᒡ᙮
\b
\q1
\v 9 ᒋᑭ ‍ ᓇᐊᔨᑎᒻ ᐊ ᑲ ᐊᒂᑎᓯᑦ ᓇᐸ ‍ ᒥᔅᑐᔅ ᒐᒋ ᐊᑐᔅᑲᔅᒃ ?
\q2 ᒋᑭ ‍ ᓇᐊᔨᒥᒄ ᐊ ᒐᒋ ᒋᐸᐅᑦ ᑕᐱᔅᑲᔨᒋ ᐊᓐᑕ ᐊᔅᑕᐅᑦ ᐊᐛᓯᓯᒡ ᐅᒥᒋᒧᐛᐤ ?
\q1
\v 10 ᒋᑭ ᒋ ‍ ᓯᒋᒪᐤ ᐊ ᒐᒋ ᐱᑯᔅᑭᒥᑲᒐᑦ
\q1 ᑭᔭ ᒪᒃ ᒐᒋ ᐅᑕᐸᑦ ᐊᑯᓯᑯᑎᔨᒋ ᒥᔅᑎᒂ
\q2 ᒐᒋ ᓱᓯᐛᔨᒡ ᐊᔅᒋᔪᐤ ?
\q1
\v 11 ᒋᑭ ᒋ ‍ ᓱᒐᔨᒪᐤ ᐊ
\q1 ᒐᒋ ᐊᐱᒋᑕᑦ ᐅᒥᔅᑯᓯᐅᓐ
\q2 ᒐᒋ ᑐᑕᐧᒃ ᑲ ‍ ᒥᔅᑯᐛᔨᒡ ᒋᑦ ᐊᑐᔅᒐᐅᓂᔪᐤ ?
\q1
\v 12 ᒋᑭ ᒋ ᑕᑈᐛᒐᔨᒪᐤ ᐊ ᒐᒋ ᑲᐤ ᑎᑯᓯᐧᒄ ᓂᑕᐅᒋᒋᑭᓂᒡ ᐅᒋ,
\q2 ᒐᒋ ᐸᑕᑦ ᒋᐸᒂᓯᑭᓂᒥᓇ ᐊᓐᑕ ᒐ ‍ ᐱᓴᐊᒥᓐ ?
\b
\q1
\v 13 ostrich ᒋᔅᑕᔨᒧᐅᓂᒡ
\q2 ᐸᐸᐛᒐᐱᔨᐅ
\q1 ᒥᒄ ᓇᒪᔭᔪᐤ ᐊᓂᔭ
\q2 ᐊᓴᒋᐊᑦ ᐅᑦ ᐊᐛᓯᒥᓴ᙮
\q1
\v 14 ᓂᑭᑎᒻ ᐅᐛᐅᒪ
\q1 ᑭᔭ ᐊ ‍ ᐃᔭᑲᐅᓯᔨᒡ ᒧᔅᑎᔅᑭᒥᒡ
\q2 ᒐ ‍ ᒋᓱᓂᒥᔨᒋ᙮
\q1
\v 15 Ostriches , ᓇᒪ ᐃᔭᔨᒪᔨᑎᒧᒡ ᐱᔅᒐ ᐊᓂᔭ ᐊᒂᑎᓯᔨᒋ ᐊᐛᓯᓴ ᒋᐸ ᒋ ‍ ᑕᐧᑯᔅᑲᑎᒥᔨᐛ ᐛᐛ ᑭᔭ ᐱᒋᔅᒋᔅᑭᒥᔨᒋ᙮
\q1
\v 16 Ostriches, ᒧᔭᒻ ᐊ ᐊᑲ ᐎᔾ ᑎᐱᔨᐛ ᐅᐛᐅᒥᑦ
\q2 ᒂ ‍ ᐃᑐᑕᐧᒃ ᐊᓂᔭ ᐛᐛ,
\q1 ᐊᑲ ᒪᒥᑐᓇᐃᑎᒥᔨᑯᑦ ᐊᓂᔭ ᐅᑦ ᐊᑐᔅᒐᐅᓐ
\q2 ᐊᑲ ᒐᒂᓂᒡ ᐃᑕᔨᑕᑯᓂᔨᒡ᙮
\q1
\v 17 ᐛᔅ ᐊᓂᔭ ᓇᒪ ᓂ ᐅᒋ ‍ ᓇᐊᔨᒪᐅᒡ Ostriches ᒐᒋ ᑭᒐᑕᐛᔨᑕᑯᓯᒡ᙮
\q2 ᓇᒪ ᓂ ᐅᒋ ‍ ᒥᔭᐅᒡ ᒐᒋ ᐃᑈᐧᑲᔨᒋ᙮
\q1
\v 18 ᒥᒄ, ᐃᔅᐱ ᐸᓯᑯᑥᐎ ᑭᔭ ᐛ ᒋᒋᐸᔨᑐᑥᐎ,
\q2 ᐛᐅᓯᓄᐛᐅᒡ ᑲᐸᐃᑭᔎᐛ ᑭᔭ ᐊᐛᔪᐛ ᐊᓐᑕ ᑈᓯᔨᒋ
\q2 ᐛᔅ ᑲᐸᐃᑭᔎᐅᒡ ᓇᒪ ᒋ ᒋᓯᐱᔪᐅᒡ ᐊᔅᐱᓯᐱᔨᒋ Ostriches
\b
\q1
\v 19 ᒪᒥᑐᓇᔨᒥᒡ ᑲᐸᐃᑭᔎᐅᒡ ᒠᑉ, ᒋᔾ ᐊ ᒋᒋ ‍ ᑐᑐᐛᐅᒡ ᑲ ᐸᐃᑭᔎᐅᒡ ᒐᒋ ᓱᒋᓯᒡ ?
\q2 ᒋᔾ ᐊ ᒋᒋ ‍ ᒋᑭᒧᑕᐛᓐ ᑲᒋᓏᐸᑭᓂᔨᒋ ᐅᐱᔎᐅᓄᐛᐛ ᐊᓐᑕ ᐅᑯᔭᐛᒡ ?
\q1
\v 20 ᒋᔾ ᐊ ᒋᒋ ‍ ᑐᑐᐛᐅᒡ ᒐᒋ ᓂᑲᓐ ᐃᓯ ‍ ᒂᔅᑯᑎᒡ ᒧᔭᒻ ᒥᓂᑐᓯᒡ ?
\q2 ᐃᔅᐱ ᐊᒋᔄᐛ ‍ ᐳᑕᒐᑥᐎ ᐅᔅᑯᑐᐛᐛᒡ ᐅᒋ, ᑯᔅᑕᒋᒪᐅᒡ ᐊᐛᔪᐛ᙮
\q1
\v 21 ᐅᑐᑕᒥᑕᐅᒡ ᐅᓯᑐᐛᐛ ᒧᔅᑎᔅᑭᒥᒡ, ᐊᒧᒋᒐᔨᑕᒡ ᐊᓱᐧᑲᑎᓯᒡ,
\q2 ᒪᒂᒡ ᐊᔭᔅᑯᐎᔨᒡ ᒐᒋ ᐃᔭᓯᒋᐸᔨᑐᒡ ᒐ ‍ ᓂᑐᐱᔨᒡ᙮
\q1
\v 22 ᐊᐛᐅᓯᓇᒡ ᑯᔅᑕᒋᐅᓂᔪᐤ, ᐃᔭᓯᒋᐸᔨᑐᐅᒡ
\q2 ᐅᑎᔅᑯᐤ ᐊᒪᓯᒐᓄᐎᔨᒡ,
\q1
\v 23 ᒪᒂᒡ ᐅᓂᑎᐱᔪ ‍ ᐊᐱᒋᑕᐅᓂᔨᐛ ᑲᐱᒥᐸᔨᑐᐎᔨᒋ
\q2 ᐊᐸᑕᑯᓂᔨᒋ ᑭᔭ ᐊᐛᓯᑯᔅᑕᔨᒋ᙮
\q1
\v 24 ᐊ ᐊᑲ ᒋ ‍ ᒋᔭᒥᑲᐳᐅᒡ,
\q1 ᒂ ‍ ᐃᔅᐸᔨᑐᒡ ᐊᐱᒂᔨᑕᒡ ᐊᓐᑕ ᓇᑐᐱᔨᓇᓄᐎᔨᒡ
\q2 ᐃᔅᐱ ᐱᔭᑕᑯᓂᔨᒋ ᑯᐃᔅᑯᑕᒋᑭᓂᔪᐤ᙮
\q1
\v 25 ᐊᒥᔭᑕᒡ ᐛᔪᐤ ᐊᓯᒪᑯᓂᔨᒡ
\q2 ᑭᔭ ᐊᑎᑕᑯᓯᓇᓄᐎᔨᒡ ᐊᓂᑐᐱᓇᓄᐎᔨᒡ,
\q2 ᑭᔭ ᓂᔅᑐᑎᒺᐅᒡ ᑕᓐ ᐊᑥᒥᑭᓂᔨᒡ ᐃᔅᐱ ᐅᒋᒪᐛ ᐛᑎᒧᐛᔨᒋ ᐊ ‍ ᐃᑎᓱᒪᔨᒋ ᐅᓂᑐᐱᔪᐅ ‍ ᐃᔨᒥᔨᐛ᙮
\q1
\v 26 ᒋ ‍ ᒋᔅᑯᑎᒧᐛᐅᒡ ᐊ ᐱᐳᓂᓯᐅᒡ ᒐᒋ ᐃᔅᐱᔭᒡ ᓴᐅᓄᒡ
\q2 ᒐᐱᐳᓂᔨᒋ ?
\q1
\v 27 ᒋᒋ ‍ ᒋᔅᑯᑎᒧᐛᐅᒡ ᐊ ᒥᒋᓱᐅᒡ ᒐᒋ ᐅᓯᑕᒡ
\q2 ᐅᔅᑐᓄᐛᐛ ᐊᓐᑕ ᐊᒋᔅᒐᑲᔨᒡ,
\q1
\v 28 ᐊᐱᑯᓇᓴᑲᔨᒡ ᐊᓐᑕ ᐊᒋᔅᒐᑲᔨᒡ ᐎᒍᐅᒡ᙮
\q2 ᑭᓇᒡ ᐃᑕᐅᒡ ᐊᓐᑕ ᐃᔭᒂᐱᔅᑲᔨᒡ ᐛᔅ ᓇᒪ ᒋ ‍ ᓇᑎᑯᐅᒡ ᐊᐛᓯᓴ ᐊᓐᑕ ᐊᑕᒡ᙮
\q1
\v 29 ᒪᒂᒡ ᐛᒋ ‍ᒥᔪ ‍ ᑭᓄᐛᐱᒡ ᐊᓐᑕ ᐅᒋ,
\q2 ᐛᐱᒪᐅᒡ ᐊᐛᓯᓴ ᐛᔪᐤ ᐊ ‍ ᑕᔨᒋ ᐊᓂᔭ ᒐᒋ ᓂᐸᐊᒡ᙮
\q
\q1
\v 30 ᑲᒋ ᓂᐸᐊᒋ ᐊᐛᓯᓴ ᒥᒋᓱᐤ,
\q2 ᒥᒋᓯᒡ ᐅᒥᐧᑯᔪᐤ ᒥᓄᐛᐅᒡ ᐊᓂᔭ ᐊᐛᓯᓴ᙮”
\c 40
\s1 ᑎᐸᔨᒋᒐᓱᐤ ᐊᔅᒄ ᓂᔎᐛᓯᐊᐤ ᒠᐸ
\p
\v 1 ᐊᑯ ᑎᐸᔨᒋᒐᓱᐤ ᐊᑕᑦ ᒠᐸ,
\q1
\v 2 “ᓂᔾ ᐅ ᑎᐸᔨᒋᒐᓱᐤ ᒥᓯᐛ ᐊᓯ ‍ ᓱᐧᑲᑎᓯᑦ,
\q1 ᒥᒄ ᒋᒋ ‍ ᐃᔅᒋᔄᓐ
\q2 ᐊᐱᑕᐊᒪᓐ
\q1 ᐊᓄᒡ ᒋᑭ ᐎ ‍ ᓂᔎᐛᓯᔨᓐ᙮
\p
\v 3 ᐊᑯ ᒠᑉ ᐊᑕᑦ ᑎᐸᔨᒋᒐᓱᐛ,
\q1
\v 4 ᐊᐛᓐ ᐅ ᓂᔾ ᒐᒋ ᓂᔎᐛᓯᔨᑕᓐ ?
\q1
\v 5 ᓴᔅ ᐊᑎᑐᐤ ᓂᒋ ᐃᔅᒋᔄᓐ ᐊᓐ ᓂᐸ ‍ ᐃᔅᒋᔄᓇᐱᓐ,
\q2 ᐊᑯ ᐊᓄᒡ ᓇᒪ ᐊᑎᑐᐤ ᓂᑭ ‍ ᐃᔅᒋᔄᓐ ᒐᒂᓐ᙮”
\q1 ᑎᐸᔨᒋᒐᓱᐤ ᑯᒂᒋᐊᐤ ᒠᐸ
\p
\v 6 ᐊᑯ ᑎᐸᔨᒋᒐᓱᐤ ᒥᓐ ᐊᔨᒪᐊᑦ ᒠᐸ ᐊᓐᑕ ᐊ ᒥᔅᑎ ‍ ᔪᑎᓂᔨᒡ ᐅᒋ᙮ ᒂ ᐃᑕᑦ,
\q1
\v 7 “ᒋ ᐎ ‍ ᑯᒂᒋᒥᑎᓐ ᒥᓐ ᐊᑎᑐᐤ ᑯᒂᒋᒐᒧᐅᓇ᙮
\q2 ᐊᑯ ᒧᔭᒻ ᐊᔭᔅᑯᐎᔅᑕᒡ ᓇᐸᐅᒡ ᐊᔨᒥᓂᔨᒡ ᐊᑐᔅᒐᐅᓂᔪᐤ,
\q2 ᐊᔭᔅᑯᐎᑎᓱᐤ ᒐᒋ ᓂᔎᐛᓯᔨᐛᔨᓐ ᐱᔅᒐ ᑯᑎᑲ ᑯᒂᒋᒐᒧᐅᓇ᙮
\b
\q1
\v 8 ᒋᑭ ‍ ᐊᑕᒪᔨᒥᓐ ᐊ ᑭᔭ ᒐ ᐃᔅᒋᔄᔨᓐ ᐊ ᐊᑲ ᑯᐃᔅᑯ ‍ ᐃᔨᑎᔭᓐ ?
\q2 ᒋᑭ ‍ ᐃᔅᒋᔄᓐ ᐊ ᐊ ᐊᑲ ᒥᔽᒡ ᐊᓐ ᒐᒂᓐ ᑲ ‍ ᑐᑎᒪᓐ, ᒐᒋ ᐅᒋ ᐃᔅᒋᔄᔨᓐ ᒋᔾ ᐊ ‍ ᒥᔽᒡ ᒐᒂᓐ ᑲ ‍ ᑐᑎᒥᓐ ?
\q1
\v 9 ᒋ ‍ᓱᐧᑲᑎᓯᔨᓐ ᐊ ᒧᔭᒻ ᓂᔾ ?
\q2 ᒋᑭ ᒋ ‍ ᐊ ᐃᑎᑕᑯᓐ ᐊᒋᔄᐛᒥᑲᒡ ᒋᐸᑕᑯᓱᐅᓐ ᐊᑎᑕᑯᓯᑦ ᓂᒥᔅᒍᐤ, ᒧᔭᒻ ᓂᔾ ᐊᑎᑕᒂᒡ ?
\q1
\v 10 ᒐᒋ ᑐᑎᒧᐅᓇ ᐊᓐ, ᐳᔅᑲ ᐊᑯᐸ
\q2 ᐊᐛᐸᑎᔨᐛᔨᓐ ᐊ ‍ ᒋᔅᑕᔨᑕᑯᓯᔨᓐ ᑭᔭ ᒋᒋᐛ ᐊ ᐃᔅᐱᑕᔨᒥᑯᐎᔨᓐ!
\q1
\v 11 ᐛᐸᑎᔨᐛ ᐊᒋᔄᓯᔨᓐ;
\q2 ᐛᐸᑎᔨᐛ ᐊᑎᐸᔨᒋᒐᔨᓐ ᒐᒋ ᑎᐸᑕᔨᑕᑯᐊᑥᐤ ᐊᐛᓐᒋ ᒋᒋᐛ ᐊ ᒋᔅᑕᔨᒥᓱᒡ!
\q1
\v 12 ᑎᐸᑕᔨᑕᑯᔨᒡ ᐊᓐ ᐊ ‍ ᒋᔅᑕᔨᒥᓱᒡ ᐊᐛᓐᒋ ᒥᒄ ᐊᒋᓱᐅ ‍ ᒋᑕᐱᒥᑥᐤ
\q2 ᒋᔅᑎᑉ ᓯᑯᔅᑯᐅᒡ ᒥᒋ ‍ ᐃᔪᒡ!
\q1
\v 13 ᓯᑭᔅᒋᓐᒡ ᐊᓐᑕ ᒧᔅᑎᔅᑭᒥᒡ!
\q2 ᐃᑎᓴᐅᒡ ᐊᓐᑕ ᑲ ‍ ᐳᓂᐱᒪᑎᓯᔨᒋ ᐊ ‍ ᑕᔨᒋ,
\q2 ᐊᓐᑕ ᒐ ᐊᑲ ᒋ ᐎᐎᒡ!
\q1
\v 14 ᑐᑕ ᐅ, ᑭᔭ ᒐ ‍ ᓂᔅᑯᒧᔭᓐ
\q1 ᐊᒋ ‍ ᑲᓂᐎᔨᓐ
\q2 ᐅ ᑲ ‍ ᑎᓯᐧᑲᑐᔭᐧᒄ᙮
\b
\q1
\v 15 ᒪᒥᑐᓇᔨᒥᒡ ᐃᔭᐱᒡ ᐊᓐᒡ ᑲᒪᒥᓯᑎᒡ ᐊᐛᓯᓯᒡ ᐛᒋᒡ ᐊᓐᑕ ᒥᒋᒪ ᓂᐱᒡ᙮
\q2 ᓂᔾ ᒋᒋ ‍ ᐅᓯᔨᑎᓐ, ᑭᔭ ᐎᔪᐛᐤ ᐃᔭᐱᒡ ᓂᒋ ‍ ᐅᓯᐊᐅᒡ᙮
\q2 ᒥᔅᑯᓱᐛ ᒥᒍᐅᒡ, ᒧᔭᒻ ᓇᐸ ᒥᔅᑐᓯᒡ ᐊ ‍ ᐃᑎᒡ᙮
\q1
\v 16 ᓱᒋᓯᒥᑭᓂᔨᐛ ᐅᔅᑲᑎᐛᐛ,
\q2 ᑭᔭ ᒋᒋᐛ ᓱᒋᓯᒥᑭᓂᔨᐛ ᐅᔅᑭᑕᐛᐛ᙮
\q1
\v 17 ᒋᑐᐛᔪᐛ ᐅᓱᐛᐛ ᒧᔭᒻ ᓯᑕᐧᑯᓐᒡ ᒥᔅᒋᔅᑲᑎᑯᒡ
\q2 ᐅᒐᔅᑐᐛᐛ ᐅᑈᒪᐅᑯᐛᒡ ᒪᒧᑯᒧᔪᐛ᙮
\q1
\v 18 ᐅᔅᑭᓄᐛᐛ ᐅᔅᑲᑐᐛᒡ
\q2 ᒧᔭᒻ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᒄ ᑭᔭ ᒪᒃ ᐃᔨᓴᒄ ᐃᓯᓇᑯᓂᔨᐛ᙮
\q1
\v 19 ᐊᑎᑐᐤ ᓂᒋ ‍ ᓱᒋᓇᑯᑕᐛᓐ
\q1 ᐃᔅᐱᔅ ᑯᑎᑲ ᐊᐛᓯᓴ
\q2 ᒥᒄ ᐊᔅᒄ ᓂᔾ ᐊᑎᑐᐤ ᓂ ‍ ᓱᐧᑲᑎᓯᓐ᙮
\q1
\v 20 ᓂᑕᐅᒋᓂᔪᐤ ᒥᒋᒥᔪᐤ ᒐᒥᒋᒡ ᐊᓐᑕ ᐱᔅᑯᑎᓇᒡ
\q2 ᒪᒂᒡ ᒥᒋᒪ ᒥᔭᑐᐛᒡ ᑯᑎᑭᒡ ᑲ ‍ ᐊᒂᑎᓯᒡ ᐊᐛᓯᓯᒡ᙮
\q1
\v 21 ᓂᐱᒡ ᐱᐸᒥᓯᓄᐅᒡ ᐊᓐᑕ ᓯᐸᔭᔅᑎᑯᒡ;
\q2 ᑲᓱᐅᒡ ᐊᓐᑕ ᐊ ‍ ᒋᓏᔅᑯᓂᔨᒋ ᒥᔅᑯᓱᐛ ᐊᓐᑕ ᒥᔅᒐᐧᑯᒡ᙮
\q1
\v 22 ᐊᓐᒡ ᑲ ‍ ᒪᒥᓯᑎᒡ ᐊᐛᓯᓯᒡ ᐊᒋᑲᔅᑕᓯᒧᐅᒡ ᓯᐸᔭᔅᑎᑯᒡ,
\q2 ᑭᔭ ᐛᔅᑲᔅᑲᑯᐅᒡ ᒥᑎᓱᔅᑎᒂ᙮
\q1
\v 23 ᓇᒪ ᐛᐧᑲᔨᑯᐅᒡ ᐊᒋᔄᐛᒥᑭᓂᔨᒋ ᓯᐱᓴ;
\q2 ᓇᒪ ᐛᐛᒡ ᐛᐧᑲᔨᑯᐅᒡ ᐃᔅᐱ ᒠᕐᑕᓐ ᓯᐱᔪᐤ ᐊᒋᓯᐱᔨᒡ ᑭᔭ ᐊ ‍ ᐅᔄᐸᒋᐱᔨᒡ ᐅᑕᔅᑎᒥᑯᐛᒡ᙮
\q1
\v 24 ᓇᒪ ᐊᐛᓐ ᒋᑲᔅᑎᓇᐤ ᐊᑯᓇᐅᒺᑦ ᐅᓯᓯᑯᔪᐛ
\q2 ᑭᔭ ᒪᒃ ᓴᐳᔅᑕᐊᒺᑦ ᐅᔅᑯᑎᔪᐤ ᐊᐎᐱᑐᐎᔨᒡ ᓯᐧᑯᒪᓂᔪᐤ ᐊ ᐊᐱᒋᑕᑦ!”
\c 41
\s1 ᑎᐸᔨᒋᒐᓱᐤ ᑯᒂᒋᐊᐤ ᒠᐸ ᒐᒋ ᑲᔅᑎᓇᔨᒋ ᒥᓯᑲᔅᑭᑕᑕᒂ
\q1
\v 1 ᒪᒥᑐᓇᔨᒥᒡ ᒥᓯᑲᔅᑭᑕᑕᐧᑯᒡ
\q2 ᒋᐸ ᒋ ᐊ ᑲᔅᑎᓇᐅᒡ ᑯᔅᑭᓂᔪᐤ ᐊ ᐊᐱᒋᑕᐅᑦ
\q2 ᑭᔭ ᒪᒃ ᒪᑯᐱᑎᒧᑦ ᐅᑕᐱᔅᒋᑭᓄᐛᐛ ᐊᐱᓯᔪᐤ ?
\q1
\v 2 ᒋᐸ ᒋ ᐊ ᓯᐸᐱᒐᓂᒺᓐ ᐊᐱᓴ ᐅᔅᑯᑐᐛᐛᒡ ᒐᒋ ᐱᐸᒧᑕᔨᑥᐤ
\q2 ᑭᔭ ᒪᒃ ᒐᒋ ᐃᔭᒋᓂᒧᑦ ᑯᔅᑭᓇ ᐅᑕᐱᔅᒋᑭᓄᐛᒡ ?
\q1
\v 3 ᒋᑭ ‍ ᑯᒂᒋᒥᑯᒡ ᐊ ᒐᒋ ᒋᔅᑎᒪᒐᔨᒥᑥᐤ
\q2 ᑭᔭ ᒪᒃ ᒥᔪᐤ ‍ ᐃᔨᒥᔅᒡ ᒐ ᐊᑲ ᒋ ‍ ᐊᐧᑯᐎᑥᐤ ?
\q1
\v 4 ᒋᑭ ‍ ᑐᑎᒧᒡ ᐊ ᓂᔅᑯᒧᐅᓂᔪᐤ ᐊᓯᒡ ᒋᔾ ᒐᒋ ᐊᑐᔅᑲᔅᒡ,
\q2 ᒐᒋ ᐅᑦ ‍ ᐊᐱᒋᐊᑭᓂᑐᑐᐅᑥᐤ ᒐ ‍ ᐃᔅᐱᔅ ᐱᒪᑎᓯᒡ ?
\q1
\v 5 ᒋᐸ ‍ ᒋ ‍ ᑐᑐᐛᐅᒡ ᐊ ᒐᒋ ᐊᐅᐧᑲᓄᐅᒡ ᒧᔭᒻ ᐊᑐᑐᐅᑥᐤ ᐱᔭᓯᓯᒡ ᒐᒋ ᐊᐅᐧᑲᓄᐅᒡ ?
\q2 ᒋᐸ ᒋ ‍ ᒪᑯᐱᑕᐅᒡ ᐊ ᐅᑯᔭᐛᒡ ᐊᑯ ᒪᒃ ᒐᒋ ᐎᒋᒪᑐᐛᒪᒡ ᒋᑦ ᐃᔎᐤ ‍ ᐊᐱᒋᐊᑭᓐᒡ ?
\q1
\v 6 ᒋᑭ ‍ ᐃᔭᐛᐅᒡ ᐊ ᑲ ᐊᑕᐛᓯᐅᒡ ᐊᓐᑕ ᑲ ‍ ᐊᑕᐛᓄᐎᔨᒡ ?
\q2 ᒋᑭ ᐸᐱᑯᓱᐛᐅᒡ ᐊ ᑭᔭ ᐊᑕᐛᒐᐅᑦ ᐎᔭᓱᐛᐤ ?
\q1
\v 7 ᒋᑭ ᒋ ‍ ᓂᐸᐊᑭᓄᐤ ᐊ
\q2 ᓂᑐᔨᔪᐤ ᑭᔭ ᒪᒃ ᐊᓯᒪᑭᓂᔪᐤ ᐊ ᐊᐱᒋᑕᑭᓄᐎᔨᒡ ?
\q1
\v 8 ᒧᑯᓂᑦ ᐸᐃᒄ ᒋᑎᒋᔭ ᐊᐱᒋᑕᔨᓐ, ᒋᑭ ‍ ᒪᓯᐧᑲᒄ ᒐ ᐊᑲ ᒋ ᐅᓂᒋᔅᒋᑎᒥᓐ ᐊᓐ ᐅᒋ,
\q2 ᑭᔭ ᓇᒪ ᒥᓐ ᒋᑭ ‍ ᑯᒋᐱᔨᑕᓐ ᒐᒋ ᑐᑎᒥᓐ!
\q1
\v 9 ᓇᒪ ᐊᐱᑎᓐ ᒐᒋ ᑯᒋᑕᔨᓐ ᒐᒋ ᓴᑯᐎᔨᑥᐤ᙮
\q2 ᒥᒄ ᐊᐛᓐ ᐊᑯᒋᐱᔨᑕᑦ ᒐᒋ ᓴᑯᐛᐊᑦ ᐊᓂᔭ ᐸᐃᒄ ᒋᑭ ‍ ᐅᓂᑕᐤ ᐅᓱᒋᑕᐅᓐ᙮
\q1
\v 10 ᓇᒪ ᐊᐛᓐ ᒋ ᑯᒋᑕᐤ ᒐᒋ ᑐᑐᐛᑦ ᒐᒋ ᒋᔄᐊᑦ᙮
\q2 ᐊᑯ, ᐃᔅᐱ ᐊᑎᑐᐤ ᐊᓱᐧᑲᑎᓯᔭᓐ ᐃᔅᐱᔅ ᐎᔪᐛᐤ, ᐊᐛᓐ ᒋ ᑯᒋᑕᐤ ᒐᒋ ᑐᑐᐅᑦ ᒐᒋ ᒋᔄᐳᐅᒡ ?
\q1
\v 11 ᓂᔾ ᓂ ‍ ᐛᑎᓱᐛᑕᓐ ᐊᔅᒋᒡ
\q2 ᑭᔭ ᓇᒪ ᐊᐛᓐ ᓂᒥᓯᓇᐊᒧᐛᐤ᙮
\b
\q1
\v 12 ᒋᑭ ‍ ᐎᑎᒪᑎᓐ ᑕᓐ ᐊᔅᐱᔅ ᓱᒋᓯᒥᑭᓂᔨᒋ ᐅᔅᑲᑐᐛᐛ ᒪᓯᑲᔅᑭᑕᑕᑯᒡ
\q2 ᑭᔭ ᑕᓐ ᐊᔅᐱᔅ ᐱᑎᒂᔨᒋ ᐎᔭᐛᐛ᙮
\q1
\v 13 ᓇᒪ ᐊᐛᓐ ᒋᑭ ᒋ ᒥᓂᐱᑎᒺᐤ ᐅᓯᑲᔪᐛ᙮
\q2 ᒋᑭ ᒋ ‍ ᐊ ᓴᐳᔅᑕᐊᒺᐤ ᐊᐛᓐ ᑲ ‍ ᐊᔅᐱᑲᔨᒋ ᐅᓯᑲᔪᐛ ?
\q1
\v 14 ᒋᑭ ᒋ ‍ ᐊ ᐊᓴᓂᒺᐤ ᐊᐛᓐ ᐅᑐᓂᔪᐤ,
\q2 ᐊᓐᑕ ᐊᑎᑯᓂᔨᒋ ᐊᒂᓯᓇᑯᓂᔨᒋ ᐎᐱᑎᔨᐛ!
\q1
\v 15 ᐱᒥᑲᐳᔪᐛ ??? ᐅᔅᐱᔅᑯᓄᐛᒡ
\q2 ᐊᒥᔅᑯᐛᔨᒋ ᒧᔭᒻ ᐊᓯᓂᔪᐤ᙮
\q1
\v 16 ᒪᒧᑯᒧᔪᐛ ???,
\q2 ᐊᓂᔭ ᐅᒋ ᐊ ᐊᑲ ᐃᔭᐱᒡ ᔭᔭᐅᓂᔪᐤ ᒐᒋ ᓴᐳᐱᔨᒡ᙮ ?????? 
\q1
\v 17 ᓇᔅᒡ ᒪᒧᑯᒧᔪᐛ ???
\q2 ᑭᔭ ᓇᒪ ᒋ ᑕᑎᐸᓇᑭᓄᔪᐛ᙮
\q1
\v 18 ᐃᔅᐱ ᒪᓯᑲᔅᑭᑕᑕᑯᒡ ᐃᔭᔨᒧᑥᐎ, ᐛᓯᑯᔅᑐᐱᔪᐤ ᓂᐱᔪᐤ ᐅᔅᑯᑐᐛᒡ ᐛᒋ ‍ ᐎᐎᐱᔨᒡ ᐊᓐᑕ ᐱᓯᒧᒡ ᐊᓴᑲᔅᑕᐱᔨᒋ᙮
\q2 ᒥᐧᑯᑲᐳᐅᒡ ᒧᔭᒻ ᐊᓴᑲᔅᑐᐛᑦ ᐱᓯᒻ᙮
\q1
\v 19 ᒧᔭᒻ ᐃᔅᑯᑕᔪᐤ ᐛᓯᑯᔅᑕᐱᔨᒡ ᐅᑐᓄᐛᒡ ᐅᒋ᙮
\q1
\v 20 ᐅᔅᑯᑐᐛᒡ ᐅᒋ ᐱᐳᑕᔪᐤ
\q2 ᒧᔭᒻ ᐊᐱᒋᓴᐱᔨᒡ ᐊᓐᑕ ᑎᐅᓱᑦ ᐊᔅᒋᐧᑯᒡ ᐅᒋ᙮
\q1
\v 21 ᒋᐸ ᒋ ᓯᔅᑲᐱᔪᐛ ᐃᔎᔅᒐᐛ ᐅᔭᔭᐅᓄᐛᐤ ᐅᒋ,
\q2 ᑭᔭ ᐃᔅᑯᑕᔪᐤ ᐅᑐᓄᐛᒡ ᐅᒋ ᐎᐎᐱᔪᐤ᙮
\q1
\v 22 ᓱᒋᓯᒥᑭᓂᔨᐛ ᐅᑯᔪᐛᐛ;
\q2 ᑕᓐᑕ ᒥᒄ ᐊ ‍ ᐃᑐᑕᒡ, ᑐᑐᐛᐅᒡ ᐊᐛᔪᐛ ᒋᒋᐛ ᒐᒋ ᑯᔅᑕᒋᔨᒋ᙮
\q1
\v 23 ᐊᓐᑕ ᐊ ‍ ᐃᔨᔨᒥᓯᒥᑭᓂᔨᒋ ᐎᔭᐛᐛ
\q2 ᒋᒋᐛ ᒥᔅᑯᐛᔪᐛ ᐃᔅᐱᔅ ᐃᔨᓴᑯᔪᐤ,
\q1
\v 24 ᑭᔭ ᓯᓂᐅᔪᐛ ᐅᑕᐃᐛᐛ᙮
\q1
\v 25 ᐃᔅᐱ ᐸᓯᑯᑥᐎ, ᑐᑐᐛᐅᒡ ᐃᔭᐱᒡ ᐊᓂᔭ ᒋᒋᐛ ᑲ ‍ ᓱᐧᑲᑎᓯᔨᒋ ᒐᒋ ᓴᒋᓯᔨᒋ᙮
\q2 ᐊᓂᔭ ᐅᒋ, ᒋᑎᓯᒧᐅᒡ ᐊᐛᓐᒋ ᐊᑯᔅᑕᒋᒡ᙮
\q1
\v 26 ᓇᒪ ᒋ ‍ ᐎᔭᓯᑐᑕᑯᐤ ᒥᔅᑎ ‍ ᒧᐧᑯᒪᓂᔪᐤ ᑭᔭ ᒪᒃ ᓯᒪᑭᓂᔪᐤ,
\q1
\v 27 ᑭᔭ ᓂᑐᐱᔪᐤ ‍ ᐊᐱᒋᑕᐅᓇ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᒄ ᑭᔭ ᒪᒃ ᐃᔨᓴᒄ ᐅᒋ
\q2 ᓇᒪ ᒋ ‍ ᐎᔭᔅᑕᐱᑎᓇ ᒧᔭᒻ ᒥᔅᑯᓯᔭ
\q2 ᑭᔭ ᒪᒃ ᐱᑯᑎᐎᑎᒄ᙮
\q1
\v 28 ᓇᒪ ᑐᑕᑯᐅᒡ ᒐᒋ ᒋᑎᓯᒧᒡ ᐊ ‍ ᐱᐳᒧᑕᒂᑕᑭᓄᐅᒡ᙮
\q2 ᒧᔭᒻ ᐊᐱᐳᒧᓯᓇᑕᐛᑭᓄᐅᒡ ᑲ ‍ ᐸᔅᑕᒋ ᒥᔅᑯᓱᒥᔅᑎᑯᓴ ᐃᑕᔨᑕᑯᓂᔪᐤ ᐊ ‍ ᐛᐸᐃᓯᓇᐸᑕᑭᓄᐅᒡ᙮
\q1
\v 29 ᒥᒄ ᒋᔭᒻ ᐅᓯᓄᐛᐅᒡ ᐊᓯᒪᑭᓇ,
\q1 ᑭᔭ ᐊᐅᑕᒪᐛᑭᓄᐅᒡ ᒥᔅᑎᒂ
\q1 ᒧᔭᒻ ᐊᐅᑕᒪᐛᑭᓄᐅᒡ ᒥᔅᑯᓱᒥᔅᑎᑯᓴ ᐃᑕᔨᑕᑯᓂᔪᐤ᙮
\b
\q1
\v 30 ᒪᒂᒡ ᐊᐱᒥᑕᒋᒧᒡ ᐊᓐᑕ ᐊᓯᔅᒍᒡ
\q2 ᑲᒋᓇᔨᒋ ᑭᔭ ᑲᓯᒥᓇᑎᑯᔨᒋ ᐅᓯᑭᐛᐛ
\q2 ᐱᑯᐱᑎᒥᔨᐛ ᐊᔅᒋᔪᐤ
\q1
\v 31 ᑭᔭ ᐃᔅᐱ ᐃᑕᒥᐸᑯᒡ ᐊᔅᒋᒪᒋ
\q1 ᒂ ‍ ᒋᓂᒂᓄᑎᓂᔨᒡ ᐎᓂᐸᑯᔪᐤ
\q2 ᒧᔭᒻ ᑎᐅᓱᑦ ᐱᒥ,
\q1
\v 32 ᐊᑎ ‍ ᐱᒥᔅᑲᑥᐎ, ᐱᔅᑕᐅᐱᔪᐤ ᐊᓐᑕ ᑲ ᐅᒋᒪᒡ
\q2 ᐛᐸᑕᒡ ᐊᓂᔭ ᐊᐛᓐᒋ ᐛᐱᔅᑎᒂᓇᐅᒡ ᐊᓐᒡ ᒋᐸ ‍ ᐃᑕᔨᑎᒪᐅᒡ ᐊᓂᔭ ᐊᐱᔅᑕᐅᐱᔨᒡ᙮
\q1
\v 33 ᓇᒪ ᑕᐅᒡ ᑯᑎᑭᒡ ᐊᐛᓯᓯᒡ ᐊ ᐊᑲ ᑯᔅᑕᒋᒡ ᒧᔭᒻ ᒪᓯᑲᔅᑭᑕᑕᑯᒡ᙮
\q1
\v 34 ᐎᔨᐛᐤ ᐊᓐᒡ ᒋᓴᐅᒋᒪᐅᒡ ᐊᓂᔭ ᑲᒋᔅᑕᔨᒧᐎᒋ ᐊᐛᓯᓴ,
\q1 ᑭᔭ ᒧᔭᒻ ᓇᒪ ᒐᒂᓂᒡ ᐃᓯ ‍ ᑭᓄᐛᐱᒪᐅᒡ
\q2 ᐊᓂᔭ ᑯᑎᑲ ᐊᐛᓯᓴ᙮
\c 42
\s1 ᒠᑉ ᓂᔎᐛᓯᐊᐤ ᑎᐸᔨᒋᒐᓱᐛ
\p
\v 1 ᐊᑯ ᒠᑉ ᓇᒂᐛᓯᐊᑦ ᑎᐸᔨᒋᒐᓱᐛ, ᐊ ‍ ᐃᑕᑦ,
\q1
\v 2 “ᓂ ᒋᔅᒐᔨᑕᓐ ᒥᓯᐛ ᒐᒂᓐ ᒐᒋ ᑐᑎᒥᓐ
\q2 ᑭᔭ ᓇᒪ ᐊᐛᓐ ᒋᑭ ᒋ ‍ ᓂᑲᐅᒄ ᒐᒋ ᑐᑎᒧᑦ ᒐᒂᔪᐤ ᐛᑐᑎᒧᑦ᙮
\q1
\v 3 ᒋᒋ ‍ ᑯᒂᒋᒥᓐ ᒐᒂᓐ ᐛᒋ ‍ ᒥᔅᑎ ‍ ᐃᔨᒥᔭᓐ
\q2 ᐃᔅᐱ ᐊᐱᓯᔅ ᒐᔅᒐᔨᑎᒪᓐ ᒐᒂᓐ᙮
\q1 ᓂᒋ ‍ ᐊᔨᒺᐛᔨᑯᓐ ᒐᒂᔪᐛ
\q1 ᐊᓂᔭ ᒪᐅᒡ ᒐ ᐊᑲ ᒋ
\q2 ᓂᔅᑐᑎᒪᓐ
\q1
\v 4 ᒋᒋ ‍ ᐃᔨᓯᓐ, ‘ᓂᑐᑕ ᒪᒂᒡ ᒐ ᐃᔨᒥᑕᓐ᙮
\q2 ᒋᐎ ‍ ᑯᒂᒋᒥᑎᓐ ᐱᔅᒐ ᑯᒂᒋᒐᒧᐅᓇ,
\q2 ᐊᑯ ᐊᔭᔅᑯᐎ ᒐᒋ ᓂᔎᐛᓯᔨᐛᔨᓐ᙮’
\q1
\v 5 ᓴᔅ ᓂᒋ ‍ ᐸᑕᓐ ᐊᔭᔨᒥᑯᐎᔨᓐ
\q2 ᒥᒄ ᐊᓄᒡ ᓴᔅ ᒋᒋ ‍ ᐛᐱᒥᑎᓐ ᑎᐱᔨᐛ ᓂᓯᓯᑯᒡ᙮
\q1
\v 6 ᐊᑯ ᓂ ‍ ᐅᑎᓇᓐ ᒐᒂᓐ ᑲ ‍ ᐃᔅᒋᔄᔭᓐ,
\q2 ᑭᔭ ᓂᑦ ᐊᐱᓐ ᐅᑕ ᐃᔭᑲᒡ ᑭᔭ ᐱᐧᑯᑕᒡ ᒐᒋ ᐛᐸᑎᔨᐛᔭᓐ ᐊᒥᒋᔨᐛᓯᔭᓐ ᒐᒂᓐ ᑲ ‍ ᐃᔅᒋᔄᔭᓐ᙮
\q1
\s1 ᑎᐸᔨᒋᒐᓱᐤ ᐃᔅᒋᔄᐤ ᐊ ᐊᑲ ᑕᑈᑎᒺᑦ ᒐᒂᔪᐤ ᑲ ᐃᔅᒋᔄᔨᒋ ᒠᐸ ᐊᓂᔅᑎᔨᒋ ᐛᒐᐛᑭᓂᔨᐛ
\p
\v 7 ᑲᒋ ‍ ᐃᔨᑕᑦ ᒐᑈ ᑎᐸᔨᒋᒐᓱᐤ ᐅᔭ ᒐᒂᔪᐛ, ᒂ ᐃᑕᑦ ᐃᓕᐸᓴ, ‘ᒋ ᒋᓱᐛᔨᓐ ᒋᔾ ᑭᔭ ᐊ ‍ ᓂᓯᒡ ᒋᐎᒐᐛᑭᓐᒡ, ᐛᔅ ᑕᑈᒥᑭᓂᔪᐤ ᑲ ᐃᑕᒋᒥᑦ ᓂᑦ ᐊᑐᔅᒐᔭᑭᓐ ᒠᑉ, ᒥᒄ ᒋᔾ ᑲ ‍ ᐃᑕᒋᒥᔨᓐ ᓇᒪ ᑕᑈᒥᑭᓐ᙮
\v 8 ᐊᑯ ᒋᓂᑐᐛᔨᒥᑎᓐ ᒐᒋ ᓂᑐᐛᐱᒥᑦ ᒠᑉ ᑭᔭ ᒐᐱᔅᑎᓂᒐᔨᓐ ᓂᔄᐅᑕᒡ ᒥᒋᑎᐧᑯᒡ ᑭᔭ ᓂᔄᐅᑕᒡ ᒥᔅᑐᓯᒡ ᐊᓐᑕ ᐱᒋᒋᑲᓇᐱᔅᑯᒡ ᒧᔭᒻ ᒥᑐᔅᑕᒪᒐᐅᓐ ᒐᒋ ᒥᔽᔨᑎᒥᔨᑯᔭᓐ᙮ ᐊᑯ ᒠᑉ ᒐ ᐃᔨᒥᑥᑕᑎᔅᒃ, ᑭᔭ ᓂᑭ ‍ ᑐᑎᒺᓐ ᒐᒂᔪᐤ ᓇᑐᐛᔨᑕᐧᒃ ᒐᒋ ᑐᑎᒧᒡ, ᑭᔭ ᒋᑭ ‍ ᐛᐸᔨᑎᒪᑎᓇᐛᐤ ᑲ ᐃᓯ ‍ ᒥᒋ ‍ ᐊᔨᒧᒥᔭᒄ᙮ ᓇᒪ ᒋᑭ ‍ ᐊᓏᔨᒥᑎᓇᐛᐤ ᐊᑎᓱᐧᒄ ᓂᑐᐛᔨᑕᒂᒡ ᒐᒋ ᐊᓏᔨᒥᑯᐅᔭᒄ, ᐛᔅ ᐊᑲ ᑕᑈᒥᑲᒡ ᐊᓐ ᑲ ᐃᓯ ‍ ᐊᔨᒧᒥᔭᒄ, ᒥᒄ ᒋ ‍ ᑕᑈᒥᑭᓂᔪᐤ ᑕᓐ ᑲ ᐃᓯ ‍ ᐊᔨᒧᒥᑦ ᒠᑉ᙮’
\q2
\q1
\v 9 ᐃᓕᐸᔅ, ᑭᔭ ᐱᓪᑕᑦ, ᑭᔭ ᓱᐸᕐ ᒋ ‍ ᓂᓇᐃᑐᐛᐅᒡ ᑎᐸᔨᒋᒐᓱᐛ ᑭᔭ ᒂ ᑐᑎᒺᑦ ᑕᓐ ᑲ ᐃᓯ ‍ ᓂᑐᐛᔨᒥᑯᑦ ᒠᐸ ᒐ ᑐᑕᐧᒃ᙮
\s1 ᑎᐸᔨᒋᒐᓱᐤ ᒥᓐ ᓱᐛᔨᑕᑯᐛᐊᐤ ᒠᐸ
\p
\v 10 ᑲᒋ ᐊᔭᒥᐊᔅᑎᒧᐛᑦ ᒠᑉ ᐊᓂᔅᑎᔨᒋ ᐎᒐᐛᑭᓇ, ᒋᒥᓏᒋᐊᐤ ᑎᐸᔨᒋᒐᓱᐤ ᑭᔭ ᒂ ‍ ᑐᑐᐛᑦ ᒥᓐ ᒐᒋ ᐛᔪᑎᓯᔨᒋ᙮ ᓂᔄᐤ ᒋ ᐃᔅᐱᔅ ᒥᔭᐤ ᑕᓐ ᑲ ᐃᔅᐱᔅ ᐅᔅᑭᒡ ᐃᔭᔨᒋ ᒐᒂᔪᐛ᙮
\v 11 ᐊᑯ ᒥᓯᐛ ᐎᐧᑲᓂᓴ, ᑭᔭ ᐊᐛᔪᐛ ᐅᔅᑭᒡ ᑲᒋᔅᒐᔨᒥᑯᑦ, ᒋ ‍ ᑎᑯᓯᓂᔨᐛ ᐎᒋᒡ, ᑭᔭ ᒪᒧᐤ ᒂ ‍ ᒥᒋᓱᒡ᙮ ᒋ ‍ ᒥᔽᔨᒧᐛᐅᒡ ᐛᔅ ᒥᓯᐛ ᐊᔨᒥᐛᐅᓇ ᑎᐸᔨᒋᒐᓱᐛ ᑲ ᑐᑕᑯᑦ ᒐᒋ ᐅᑎᑎᑯᑦ᙮
\v 12 ᐊᑯ ᑎᐸᔨᒋᒐᓱᐤ ᐊᑎᑐᐤ ᒂ ‍ ᓱᐛᔨᑕᑯᐛᐊᑦ ᒠᐸ ᓇᐅᓴᑉ ᑕᑥᐤ ᒐᓯᐱᔪᐤ ᒪᔭᑕᓂᓴ, ᑭᔭ ᐊᓱᑕᒡ ᑕᑥᐤ ᒐᓯᐱᔪᐤ ᑲᐱᔎᐅᑭᓇᔨᒋ ᐊᐛᓯᓴ, ᑭᔭ ᓂᔄᐤ ᑕᑥᐤ ᒐᓯᐱᔪᐤ ᓇᐸ ᒥᔅᑐᓴ, ᑭᔭ ᐸᐃᒂᐤ ᑕᑥᐤ ᒐᓯᐱᔪ ᓄᓴ ᑲᓂᐧᑲᑎᓯᔨᒋ ᑲᐸᐃᑭᔎᐛ ᒋᒥᔭᐤ᙮
\v 13 ᑭᔭ ᐊᑎᑐᐤ ᓂᔄᐅᑕᒡ ᐅᑯᓯᒪᐛ ᑭᔭ ᓂᔅᑐ ᐅᑕᓂᓯᒪᐛᐤ ᒐ ᑭᓄᐛᔨᒪᐤ᙮
\v 14 ᒋᒥᒪ, ᑭᔭ ᑲᓯᐊ, ᑭᔭ ᑲᕆᓐ-ᐊᐳᒡ ᒋ ᐃᓯᓂᐧᑲᓱᔪᐛ᙮
\v 15 ᐎᔪᐛᐤ ᒋᒋᐛ ᑲᒥᔪᔎᐅᒡ ᐃᔎᐅᒡ ᐊᓐᑕ ᐃᑕᒐ ᐊᔅᒋᒡ, ᑭᔭ ᒂ ‍ ᒥᔭᑦ ᒠᑉ ᒐᒋ ᑎᐸᔨᑎᒥᔨᒋ ᐱᔅᒐ ᐅᑎᐸᔨᑎᒧᐅᓇ, ᐊᓯᒡ ᑲᓇᐸᐎᒋ ᐎᐧᑲᓂᓯᔨᐛ᙮
\p
\v 16 ᐸᐃᑯ ᒥᑕᓯᒥᑎᓄᐤ ᐊᓱᐤ ᓇᐎᔪᐛᐱᐳᓇ ᒥᓐ ᒋ ‍ ᐃᔅᐱᔅ ᐱᒪᑎᓯᐤ ᒠᑉ᙮ ᓇᐅᔅ ᒋ ‍ ᐱᒪᑎᓯᐤ ᒐᒋ ᐛᐱᒻᒪᑦ ᐅᑦ ᐊᓂᔅᑯᑕᐸᓇ ᐊᐅᑐᐛᓯᒥᔨᐛ᙮
\v 17 ᒋᒋᐛ ᒋ ‍ ᒋᓴᐃᔪᐤ ᑲ ‍ ᐳᓂᐱᒪᑎᓯᑦ᙮




\id PSA
\h ᑎᐱᑦ ᐅᓂᑭᒧᐅᓇ
\toc3 ᑎᐱᑦ ᐅᓂᑭᒧᐅᓇ
\toc2 ᑎᐱᑦ ᐅᓂᑭᒧᐅᓇ
\toc1 ᑎᐱᑦ ᐅᓂᑭᒧᐅᓇ
\mt1 ᑎᐱᑦ ᐅᓂᑭᒧᐅᓇ
\c 1
\ms1 ᒥᓯᓇᐃᑭᓐ 1
\s2 Psalm 1 (Easter-7 Year B; Epiphany-6, Proper-18 Year C)
\q1
\v 1 ᓱᐛᔨᑕᑯᓱᐤ ᐊᓐ ᐃᔪᐤ ᐊᑲ ᐱᒧᑕᑦ ᐊ ᐃᓯ ‍ ᓯᒋᒧᐛᔨᒋ ᐊᑲ ᑯᐃᔅᑯᑕᑎᓯᔨᒋ,
\q2 ᐊᑲ ᑭᔭ ᓂᐳᐅᑦ ᐅᒪᔅᑭᓇᔨᒡ ᐅᒥᒋᑥᐛ:
\q2 ᐊᑲ ᑭᔭ ᐊᐳᐛᑦ ᐅᑕᑎᐳᐛᑭᓂᔨᒡ ᑲ ‍ ᒪᔭᔨᒐᔨᒋ᙮
\q1
\v 2 ᒪᒃ ᒥᔽᔨᑎᒺᐤ ᐅᑦ ᐃᑎᓱᐛᐅᓂᔪᐤ ᑎᐸᔨᒋᒐᓱᐛ:
\q2 ᑭᔭ ᒪᒥᑐᓇᔨᑎᒺᐤ ᐅᑦ ᐃᑎᓱᐛᐅᓂᔪᐤ ᐊ ‍ ᒋᓯᑲᔨᒡ ᑭᔭ ᐊ ‍ ᑎᐱᔅᑲᔨᒡ᙮
\q1
\v 3 ᒧᔭᒻ ᒪᒃ ᒥᔅᑎᒄ ᑲ ‍ ᓂᑕᐅᒋᑦ ᒋᒡ ᓯᐱᒡ ᒋᑭ ‍ ᐃᓯᓇᑯᓱᐤ:
\q2 ᑲ ‍ ᒥᓂᓱᐅᑦ ᐛᑎᒋᐱᔨᒋ ᒐ ‍ ᒥᓂᓱᐅᑦ:
\q1 ᐅᓂᐱᓯᒻ ᓇᒪᐎᔾ ᒋᑭ ‍ ᓂᓱᐅᓇᑎᓂᔪᐤ;
\q2 ᑭᔭ ᒥᒄ ᒐᒂᔪᐤ ᒐ ‍ ᐃᑐᑕᐧᒃ ᒋᑭ ‍ ᒥᔪᐱᔪᐤ᙮
\b
\q1
\v 4 ᓇᒪᐎᔾ ᐅᔭ ᐃᑐᐅᒡ ᐊᑲ ᐊᔭᒥᐊᒡ:
\q2 ᒪᒃ ᒧᔭᒻ ᒥᔅᑯᓱᒥᔅᑎᑯᓴ ᑲ ‍ ᐛᐸᔅᑎᒋ ᐃᓯᓇᑯᓱᐅᒡ᙮
\b
\q1
\v 5 ᐊᔪᐅᒄ ᐅᔭᔪᐤ ᒐ ᐅᒋ ᐊᑲ ‍ ᓂᐳᐅᒡ ᑎᐸᔅᑯᓂᒐᐅᓂᒡ ᐊᑲ ᐊᔭᒥᐊᒡ:
\q2 ᓇᒪ ᑭᔭ ᐅᒥᒋᑥᐅᒡ ᐊᓐᑕ ᐊ ‍ ᒪᒧᐎᔨᒋ ᐅᑯᐃᔅᑯᑕᑎᓯᐛ᙮
\q1
\v 6 ᐛᔅ ᑎᐸᔨᒋᒐᓱᐤ ᒋᔅᒐᔨᑎᒺᐤ ᐅᑦ ᐃᓯᑥᐅᓂᔪᐤ ᐅᑯᐃᔅᑯᑕᑎᓯᐛ:
\q2 ᒪᒃ ᐅᑦ ᐃᓯᑥᐅᓄᐛᐤ ᐊᑲ ᐊᔭᒥᐊᒡ ᒋᑭ ‍ ᓂᓱᐅᓇᑎᓂᔪᐤ᙮
\c 2
\s2 Psalm 2 (Transfiguration Year A)
\q1
\v 1 ᒐᒂᔪᐤ ᐛᒋ ‍ ᐊᐧᑯᔪᐛᓯᒡ ᐊᑲ ᐊᔭᒥᐊᒡ:
\q2 ᑭᔭ ᒐᒂᔪᐤ ᐛᒋ ‍ ᓂᑐᐎᔾ ᒐᒂᔪᐤ ᒪᒥᑐᓇᔨᑕᒥᐃᑯᒡ ᐃᔪᒡ ?
\q1
\v 2 ᒋᓴᐅᒋᒪᐅᒡ ᐊᔅᒋᒡ ᐊᔨᒋᑲᐳᐎᐃᑐᐅᒡ,
\q2 ᑭᔭ ᐅᑎᐸᔨᒋᒐᐅᒡ ᓯᒋᒥᑐᐅᒡ ᐊ ᐎ ‍ ᓂᔅᑯᔅᑐᐛᒡ ᑎᐸᔨᒋᒐᓱᐛ,
\q2 ᑭᔭ ᐅᑦ ᐊᐱᒋᐊᑭᓂᔪᐛ ᐊ ‍ ᐃᔅᒋᔄᒡ,
\q1
\v 3 “ᐊᑯᔅ ᐱᑯᐱᑎᒺᑕᐤ ᐅᒪᒋᒂᐱᔅᑲᐃᑭᓄᐛᐛ,
\q2 ᑭᔭ ᐛᐱᓂᒺᑕᐤ ᐅᒪᐧᑯᐱᒋᑭᓇᔭᐱᐛᐛ᙮”
\b
\q1
\v 4 ᐊᓐ ᑲ ‍ ᐊᐱᑦ ᒋᒋᒋᓯᑯᒡ ᒋᑭ ‍ ᐸᐳᐤ:
\q2 ᑎᐸᔨᒋᒐᓱᐤ ᒋᑭ ‍ ᐅᓯᓄᐛᐤ᙮
\q1
\v 5 ᐊᑯ ᒐ ‍ ᐃᔨᒪᐊᑦ ᐊᐧᑯᔪᐛᓯᑦ,
\q2 ᑭᔭ ᒋᑭ ‍ ᒥᑯᔅᑲᒋᐊᐤ ᐅᑦ ᐊᐧᑯᐎᔭᔅᑕᔨᑎᒧᐅᓂᒡ:
\q1
\v 6 “ᐃᔭᐱᒡ ᒪᒃ ᓂᒋ ‍ ᑕᑕᔭᐤ ᓂᒋᓴᐅᒋᒪᒻ ᓂ ‍ ᐸᔭᒋ ‍ ᐱᔅᑯᑎᓇᒥᒡ ᓴᐃᔭᓂᒡ᙮”
\q2
\v 7 ᓂᑭ ‍ ᐎᑕᓐ ᐃᑎᓱᐛᐅᓐ:
\q1 “ᑎᐸᔨᒋᒐᓱᐤ ᓂᒋ ‍ ᐃᑎᒄ, ᒋᔾ ᓂᑯᔅ;
\q2 ᐊᓄᒡ ᑲᓯᑲᒡ ᔅᒋ ‍ ᓂᑕᐅᒋᐃᑎᓐ᙮
\q1
\v 8 ᓂᑐᑎᒧᐎ, ᐊᑯ ᒐ ‍ ᒥᔨᑕᓐ ᐊᑲ ᐊᔭᒥᐊᒡ ᒐᒋ ᑎᐱᔨᐛᐅᓯᔨᓐ,
\q2 ᑭᔭ ᐊ ‍ ᐃᔎᔅᑭᒥᑲᒡ ᒐᒋ ᑎᐸᔨᑎᒥᓐ᙮
\q1
\v 9 ᒋᑭ ‍ ᐱᒂᐛᐅᒡ ᐃᔨᓴᒄ ᐱᓯᔅᑕᐃᑭᓂᔪᐤ ᐅᒡ;
\q2 ᒋᑭ ‍ ᐱᐱᓴᐛᐅᒡ ᒧᔭᒻ ᐊᓯᔅᒋᔾ ᐎᔭᑭᓂᒐᐤ ᐎᔭᑭᓂᔪᐤ᙮”
\b
\q1
\v 10 ᐊᐅᒄ ᐅᒡ ᑭᒐᑕᐛᔨᑎᒧᒄ, ᐅ ᒋᔨᐛᐤ ᒋᓴᐅᒋᒪᑐᒄ:
\q2 ᒋᔅᒋᓄᐊᒪᑯᓯᒄ, ᒋᔨᐛᐤ ᑲ ‍ ᑎᐸᔅᑯᓂᒐᔭᒄ ᐊᔅᒋᒡ᙮
\q1
\v 11 ᐊᑐᔅᒐᔅᑐᐎᐧᒄ ᑎᐸᔨᒋᒐᓱᐤ ᐊ ‍ ᓇᓂᒋᔭᒄ,
\q2 ᒥᔽᔨᑎᒧᒄ ᒪᒃ ᐊ ‍ ᓴᒋᓯᔭᒄ᙮
\q1
\v 12 ᓱᐛᔨᒥᐧᒄ ᐅᑯᓯᓯᒪᐤ, ᒐ ᐊᑲ ᒋ ᒋᔄᓯᑦ,
\q2 ᒐ ᐊᑲ ᒋ ᓂᓱᐅᓇᑎᓯᔭᒄ ᒪᔅᑭᓇᒡ ᐅᒡ,
\q2 ᐃᔅᐱ ᐊᐱᓯᔅ ᒥᒄ ᐊᐧᑯᔪᐛᓯᑦ᙮
\q1 ᓱᐛᔨᑕᑯᓱᐅᒡ ᒥᓯᐛ ᐊᓐᒡ ᑲ ‍ ᒪᒥᓯᑐᑐᐛᒡ᙮
\c 3
\q1
\v 1 ᑎᐸᔨᒋᒐᓱᐤ, ᐊᔪᐛᒃ ᐊᑎ ‍ ᒥᒐᑐᐅᒡ ᑲ ‍ ᒥᑯᔅᑲᒋᐃᒡ !
\q2 ᒥᒐᑐᐅᒡ ᐊᓐᒡ ᑲ ‍ ᐱᓯᑯᔅᑐᐅᒡ᙮
\q1
\v 2 ᒥᒐᑐᐅᒡ ᑲ ‍ ᐃᑕᒡ ᓂᑦ ᐊᒐᒂ,
\q2 “ᓇᒪᐎᔾ ᐎᒋᐃᑯᐤ ᒋᓴᒪᓂᑐᐛ᙮”
\b
\q1
\v 3 ᒪᒃ ᒋᔾ, ᐅ ᑎᐸᔨᒋᒐᓱᐤ, ᓂᑦ ᐊᒂᓇᐅᓱᐛᑭᓐ;
\q2 ᓂᒋᔅᑕᔨᑕᑯᓱᐅᓐ, ᐊᓐ ᑭᔭ ᑲ ‍ ᐅᐱᔎᓂᑦ᙮
\q1
\v 4 ᓂᒋ ‍ ᒧᔅᑯᐛᑕᐤ ᑎᐸᔨᒋᒐᓱᐤ ᐊ ‍ ᐸᑕᑯᓯᔭᓐ,
\q2 ᓂᒋ ‍ ᓂᑐᑕᒄ ᒪᒃ ᐅᐸᔭᒋ-ᐱᔅᑯᑎᓇᒥᒡ ᐅᒡ᙮
\b
\q1
\v 5 ᓂᒋ ‍ ᐛᐛᔨᓯᓐ ᑭᔭ ᓂᒋ ‍ ᓂᐸᓐ;
\q2 ᓂᒋ ‍ ᐸᑯᐱᔨᓐ;
\q2 ᐛᔅ ᑎᐸᔨᒋᒐᓱᐤ ᓂᒋ ‍ ᑭᓄᐛᔨᒥᒄ᙮
\q1
\v 6 ᓇᒪᐎᔾ ᓂᑭ ‍ ᑯᔅᑕᐅᒡ ᐸᐃᑯᔪᐤ ᑕᑥᐤ ᒐᓯᐱᔪᐤ ᐃᔪᒡ,
\q2 ᐛᔅᑲ ᑲ ‍ ᐱᓯᑯᔅᑐᐅᒡ᙮
\b
\q1
\v 7 ᐱᓯᑯᐤ, ᐅ ᑎᐸᔨᒋᒐᓱᐤ;
\q2 ᐱᒪᒋᐃ, ᐅ ᓂᒋᓴᒪᓂᑐᒻ;
\q2 ᐛᔅ ᔅᒋ ‍ ᐅᑕᒪᐛᐅᒡ ᒥᓯᐛ ᑲ ‍ ᐛᐧᑲᓯᒡ;
\q2 ᔅᒋ ‍ ᐱᑯᐱᑕᐅᒡ ᐊᑲ ᐊᔭᒥᐊᒡ᙮
\b
\q1
\v 8 ᐱᒪᒋᐃᐛᐅᓂᔪᐤ ᐎᔾ ᑎᐱᔨᐛᐅᓯᐤ ᑎᐸᔨᒋᒐᓱᐤ:
\q2 ᒋᒥᔽᒋᒧᐛᐅᓂᔪᐤ ᒋᒋᔅᑲᑯᐅᒡ ᒋᑦ ᐃᔨᒥᒡ᙮
\c 4
\s2 Psalm 4 (Easter-3 Year B)
\q1
\v 1 ᓂᑐᑐᐎ ᐃᔅᐱ ᑎᔭᑈᔭᓂ, ᐅ ᒋᓴᒪᓂᑐᐤ ᐊᓐᑕ ᐛᒋᐱᔨᒡ ᓂᑯᐃᔅᑯᑕᑎᓯᐅᓐ:
\q2 ᔅᒋ ‍ ᒋᔅᑎᒪᒐᔨᒥᓐ ᒪᒂᒡ ᑲ ‍ ᐊᔨᒥᓯᐛᐱᓇ, ᒋᔅᑎᒪᒐᔨᒥ, ᓂᑐᑕ ᑭᔭ ᓂᑦ ᐊᔭᒥᐊᐅᓐ᙮
\b
\q1
\v 2 ᐅ ᒋᔨᐛᐤ ᐃᔪᐤ ᐅᑯᓯᓴᓂᑐᒄ, ᑕᓐ ᒐ ‍ ᐃᔅᐱᔅ ᐊᔅᒄ ᒐ ‍ ᐅᐛᓇᒋᑕᔭᒄ ᓂᒋᔅᑕᔨᑕᑯᓱᐅᓐ ?
\q2 ᑕᓐ ᒐ ‍ ᐃᔅᐱᔅ ᐊᔅᒄ ᓴᒋᑕᔭᒄ ᓂᑐᐎᔾ ᒐᒂᓇ, ᑭᔭ ᒐ ‍ ᓇᓂᑐᐛᔨᑎᒪᒃ ᑭᑭᒋᔭᐅᓐ ?
\q1
\v 3 ᒋᔅᒐᔨᑎᒧᒄ ᒪᒃ ᑎᐸᔨᒋᒐᓱᐤ ᐊᒋ ‍ ᐸᐧᑲᓂᑎᒪᓱᑦ ᐊᓂᔭ ᑲ ‍ ᑯᐃᔅᑯᑕᑎᓯᔨᒋ:
\q2 ᑎᐸᔨᒋᒐᓱᐤ ᒋᑭ ‍ ᓂᑐᑎᒻ ᓇᓂᑐᒥᒂ᙮
\b
\q1
\v 4 ᓂᐳᐅᒄ ᑯᔅᐸᓇᔨᑎᒧᐅᓂᒡ, ᐊᑲ ᒪᒃ ᒥᒋᑐᑎᒧᒄ:
\q2 ᐃᔨᒥᑕᒄ ᒋᑕᐃᐛᐛ ᒋᓂᐸᐅᓄᐛᒡ, ᒋᔭᒪᐅᓯᒄ ᒪᒃ᙮
\q1
\v 5 ᐱᔅᑎᓂᒐᒄ ᑯᐃᔅᑯᑕᑎᓱᐎ ᐱᔅᑎᓂᒐᐅᓇ,
\q2 ᑕᑈᐅᒐᔨᒪᐧᒄ ᒪᒃ ᑎᐸᔨᒋᒐᓱᐤ᙮
\b
\q1
\v 6 ᒥᒐᑦ ᐃᔅᒋᔄᐅᒡ, “ᐊᐛᓐ ᒐ ‍ ᐛᐸᑎᔨᑕᐧᒄ ᒐᒂᔪᐤ ᐊ ‍ ᒥᔽᓯᔨᒡ ?”
\q2 ᑎᐸᔨᒋᒐᓱᐤ ᐃᔅᐸᔅᑕᓇᒧᐅᓇᓐ ᐛᔅᑕᐅᓐ ᒋᑕᔅᑎᒥᐧᑯᒡ ᑲ ‍ ᐅᒋᐱᔨᒡ᙮
\q1
\v 7 ᐅᔅᑕ ᔅᒋ ‍ ᐃᑎᔅᑕᓐ ᓯᒋᔭᓯᐅᓐ ᓂᑕᐃᒡ,
\q2 ᐃᔅᐱᔅ ᐅᒪᑕᒥᓂᒧᐛᐤ ᑭᔭ ᐅᓱᒥᓇᐳᒧᐛᐤ ᑲ ‍ ᐊᔪᐛᒋᐱᔨᒡ᙮
\q1
\v 8 ᓂᑭ ‍ ᓇᐃᓯᓐ ᑭᔭ ᓂᑭ ‍ ᓂᐸᓐ ᒋᔭᒪᔨᑎᒧᐅᓂᒡ;
\q2 ᐛᔅ ᒋᔾ ᒥᒄ, ᑎᐸᔨᒋᒐᓱᐤ, ᑲ ‍ ᑐᑐᐎᔨᓐ ᒐᒋ ᒋᔭᒪᐤ ᐱᒪᑎᓯᔭᓐ᙮
\c 5
\s2 Psalm 5.1-8 (Proper-6 Year C)
\q1
\v 1 ᓂᑐᑕ ᓂᑦ ᐃᔨᒧᐅᓇ, ᐅ ᑎᐸᔨᒋᒐᓱᐤ,
\q2 ᐱᔅᒐᔨᑕ ᓂ ‍ ᒥᑐᓇᔨᒋᑭᓐ᙮
\q1
\v 2 ᓂᑐᑕ ᐊ ‍ ᐃᔅᒋᔄᒥᑲᒡ ᓂᑕᑈᐅᓐ, ᓂᒋᓴᐅᒋᒪᒻ, ᑭᔭ ᓂᒋᓴᒪᓂᑐᒻ:
\q2 ᐛᔅ ᒋᔾ ᒋᑭ ‍ ᐊᔭᒥᐊᔅᑕᑎᓐ᙮
\q1
\v 3 ᓂᐸᑕᑯᓯᐅᓐ ᒋᑭ ‍ ᐸᑕᓐ ᒋᔭᒋᓴᐸᔭᒋ, ᐅ ᑎᐸᔨᒋᒐᓱᐤ;
\q2 ᒋᔭᒋᓴᐸᔭᒋ ᒋᑭ ‍ ᐊᔭᒥᐊᔅᑕᑎᓐ, ᑭᔭ ᓂᑭ ‍ ᑎᔅᑎᓴᐱᓐ᙮
\b
\q1
\v 4 ᐛᔅ ᓇᒪᐎᔾ ᒋᑦ ᐊᐎᓐ ᒋᓴᒪᓂᑐᐤ ᑲ ‍ ᒥᔽᔨᑕᐧᒃ ᒥᒋᑐᑎᒧᐅᓂᔪᐤ;
\q2 ᓇᒪ ᑭᔭ ᒋᑭ ‍ ᐎᒋᒥᑯᓐ ᒥᒋᐃᑐᐅᓐ᙮
\q1
\v 5 ᒋᔎᐧᑲᓐᒡ ᓇᒪᐎᔾ ᒋᑭ ‍ ᐅᑎᔅᑯᑲᐳᔅᑕᑯᒡ:
\q2 ᒋ ‍ ᐛᐧᑲᑕᐅᒡ ᒥᓯᐛ ᑲ ‍ ᒥᒐᑎᓯᒡ᙮
\q1
\v 6 ᒋᑭ ‍ ᓂᓱᐅᓇᒋᐊᐅᒡ ᐊᓐᒡ ᑲ ‍ ᑭᑭᒋᔭᒡ:
\q2 ᑎᐸᔨᒋᒐᓱᐤ ᒋᑭ ‍ ᐛᐧᑲᑕᐤ ᑲ ᐎᒋ ‍ ᐎᔭᓯᒐᒧᔨᒋ ᑭᔭ ᑲᔅᑎᒪᔪᐛᔨᒋ ᐃᔪᐛ᙮
\b
\q1
\v 7 ᒪᒃ ᓂᔾ ᓂᑭ ᐸᒋ ‍ ᐱᒐᓐ ᒋᒋᒡ ᐊ ᐃᓯ ‍ ᒪᒥᒐᒋ ᒋᓱᐛᔨᒋᒐᐅᓇ;
\q2 ᑭᔭ ᐊ ‍ ᓇᓂᒋᔅᑕᑕᓐ ᓂᑭ ‍ ᐊᔭᒥᐊᔅᑎᒪᒐᓐ ᒋ ᐸᔭᒋ ‍ ᐊᔭᒥᐊᐅᒋᐛᐱᒡ᙮
\q1
\v 8 ᐱᒧᑕᐃ, ᐅ ᑎᐸᔨᒋᒐᓱᐤ, ᒋᑯᐃᔅᑯᑕᑎᓯᐅᓂᒡ ᐊᓐᒡ ᑲ ‍ ᐛᐧᑲᓯᒡ ᐅᒡ;
\q2 ᓂᑲᓐ ᑯᐃᔅᑯᒧᑐᐎ ᒋ ‍ ᒪᔅᑭᓇᒻ᙮
\b
\q1
\v 9 ᐛᔅ ᓇᒪ ᑎᒂᓂᔪᐤ ᑯᐃᔅᑯᑐᐅᓂᔪᐤ ᐅᑐᓄᐛᒡ;
\q2 ᐅᐱᒋᔭᐛᐛ ᓇᔅᒡ ᒥᒐᑎᓯᒪᑭᓂᔪᐤ;
\q2 ᐅᑯᑕᑭᓄᐛᐛ ᑲ ‍ ᔪᑕᑯᑕᔨᒡ ᒋᐱᐃᒋᐛᐱᔪᐤ;
\q2 ᑲ ‍ ᒥᒐᒋᒧᐊᓯᒡ ᐅᑕᔨᐛᐛ ᐅᒡ᙮
\q1
\v 10 ᓂᓱᐅᓇᒋᐃᒡ, ᐅ ᒋᓴᒪᓂᑐᐤ;
\q2 ᐊᑯᔅ ᒋᑭ ‍ ᐸᒋᓯᒥᑯᐅᒡ ᑎᐱᔪᐛ ᐅᑭᒐᔅᒋᒧᐛᐅᓄᐛᐤ;
\q1 ᐎᔪᐛᐱᓂᒡ ᐊ ‍ ᒪᒥᒐᓂᔨᒋ ᐅᐛᓂᑐᑎᒧᐅᓄᐛᐛ;
\q2 ᐛᔅ ᔅᒋ ‍ ᐃᔨᐛᔨᒧᔅᑕᑯᒡ᙮
\b
\q1
\v 11 ᒪᒃ ᐊᑯᔅ ᒥᓯᐛ ᐊᓐᒡ ᑲ ‍ ᒪᒥᓯᑐᑕᔅᒡ ᒋᑭ ‍ ᒥᔽᔨᑎᒧᒡ:
\q2 ᐊᑯᔅ ᑲᒋᒡ ᒋᑭ ‍ ᒋᔄᐛᑕᑈᐅᒡ ᐊ ᐃᔅᐱᔅ ‍ ᓯᒋᔭᓯᒡ;
\q2 ᐊᑯᔅ ᒥᓯᐛ ᐊᓐᒡ ᑭᔭ ᑲ ‍ ᓴᒋᑕᒡ ᒋᑦ ᐃᓯᓂᐧᑲᓱᐅᓂᔪᐤ ᒋᑭ ‍ ᒥᔽᑎᒧᒡ ᒋᔾ ᐅᒡ᙮
\q1
\v 12 ᐛᔅ ᒋᔾ, ᑎᐸᔨᒋᒐᓱᐤ, ᒋᑭ ‍ ᒥᔽᒋᒪᐅᒡ ᐅᑯᐃᔅᑯᑕᑎᓯᐅᒡ;
\q2 ᑭᔭ ᒋᓴᐛᑎᓯᐅᓂᔪᐤ ᒋᑭ ‍ ᐛᔅᑲᔅᑲᒧᑎᔭᐅᒡ ᒧᔭᒻ ᐊᑯᓇᐅᓱᐛᑭᓐ ᐅᒋ᙮
\c 6
\q1
\v 1 ᐅ ᑎᐸᔨᒋᒐᓱᐤ, ᐊᑲᐎᔾ ᒋᑐᓯ ᐊ ‍ ᒋᔄᓯᔨᓐ,
\q2 ᐊᑲ ᑭᔭ ᐸᐱᓯᔅᑕᐎ ᐊ ‍ ᐊᐧᑯᐎᔭᔅᑕᔨᑎᒥᓐ᙮
\q1
\v 2 ᒋᔅᑎᒪᒐᔨᒥ, ᐅ ᑎᐸᔨᒋᒐᓱᐤ, ᐛᔅ ᓂ ‍ ᐃᔨᔨᒥᓯᓐ:
\q2 ᐅ ᑎᐸᔨᒋᒐᓱᐤ, ᒥᓏᒋᐃ, ᐛᔅ ᓂᐅᔅᑕᒪᒋᐅᓐ ᓂᔅᑭᓂᒡ᙮
\q1
\v 3 ᓂᑦ ᐊᒐᐧᒄ ᓇᔅᒡ ᐅᔅᑕᐱᔪᐤ:
\q2 ᒪᒃ ᒋᔾ, ᐅ ᑎᐸᔨᒋᒐᓱᐤ, ᑕᓐ ᒐ ‍ ᐃᔅᐱᔅ ᐊᔅᒄ ᐊᓱᐛᐸᑎᒥᓐ ᒐᒋ ᐎᒋᔨᓐ ?
\b
\q1
\v 4 ᒂᔅᒋ, ᐅ ᑎᐸᔨᒋᒐᓱᐤ, ᐱᒪᒋ ᓂᑦ ᐊᒐᐧᒄ:
\q2 ᐅ, ᐱᒪᒋᐃ, ᒋᓱᐛᔨᒋᒐᐅᓐ ᐅᒡ᙮
\q1
\v 5 ᐛᔅ ᓂᐳᐅᓂᒡ ᓇᒪᐎᔾ ᒋ ‍ ᒋᔅᒋᑕᑯᐅᓐ:
\q2 ᐊᐛᓐ ᒐ ‍ ᓂᓇᔅᑯᒥᔅᒃ ᒋᐱᐃᒋᐛᐱᒡ ᐅᒡ ?
\b
\q1
\v 6 ᓂᑦ ᐊᔭᔅᑯᐃᑯᓐ ᐊ ‍ ᒪᒪᑥᔭᓐ;
\q2 ᐃᔅᑭᓂ ᑎᐱᔅᑲᐛ ᓂᒋ ‍ ᒋᔅᑕᐸᐅᑕᓐ ᓂᓂᐸᐅᓐ;
\q2 ᓂ ‍ ᓂᐱᐅᑕᓐ ᓂᑦ ᐊᔎᓯᒧᓐ ᐊ ‍ ᐅᒋᐧᑯᐛᐱᔭᓐ ᐅᒡ᙮
\q1
\v 7 ᓂᔅᒋᓯᒄ ᓂᓱᐅᓇᑎᓐ ᐊᔅᐱᔅ ᒥᑯᔅᑲᑕᔨᑎᒪᓐ;
\q2 ᓇᒪ ᓂ ‍ ᐛᐸᑕᓐ ᒥᓯᐛ ᑲ ‍ ᐛᐧᑲᓯᒡ ᐅᒡ᙮
\b
\q1
\v 8 ᓂᑭᓯᒄ, ᒥᓯᐛ ᑲ ‍ ᒥᒋᐃᑎᔭᒄ;
\q2 ᐛᔅ ᑎᐸᔨᒋᒐᓱᐤ ᒋ ‍ ᐸᑎᒻ ᑲ ‍ ᐃᑎᑕᑯᓂᔨᒡ ᓂᒪᐅᓂᔪᐤ᙮
\q1
\v 9 ᑎᐸᔨᒋᒐᓱᐤ ᒋ ‍ ᐸᑎᒻ ᓂᓂᑐᑎᒪᒐᐅᓂᔪᐤ;
\q2 ᑎᐸᔨᒋᒐᓱᐤ ᒋᑭ ‍ ᐱᓯᒋᑎᒻ ᓂᑦ ᐊᔭᒥᐊᐅᓂᔪᐤ᙮
\q1
\v 10 ᐊᑯᔅ ᒥᓯᐛ ᑲ ‍ ᐛᐧᑲᓯᒡ ᒋᑭ ‍ ᓯᓴᒂᔨᒧᐅᒡ ᑭᔭ ᓇᔅᒡ ᒋᑭ ‍ ᒥᑯᔅᑲᑕᔨᑎᒧᒡ;
\q2 ᐊᑯᔅ ᒋᑭ ‍ ᒋᐛᐅᒡ ᑭᔭ ᓯᔅᒋᑯᒡ ᒋᑭ ‍ ᓯᓴᒂᔨᒧᐅᒡ᙮
\c 7
\q1
\v 1 ᐅ ᑎᐸᔨᒋᒐᓱᐤ, ᓂᒋᓴᒪᓂᑐᒻ, ᒋᔾ ᒋ ‍ ᒪᒥᓯᑐᑕᑎᓐ:
\q2 ᐱᒪᒋᐃ ᒥᓯᐛ ᐊᓐᒡ ᑲ ‍ ᓂᓇᐧᑲᒋᐃᒡ ᐅᒡ, ᐎᒂᒋᐃ ᒪᒃ:
\q1
\v 2 ᒐ ᐊᑲ ᒋ ᐱᑯᐱᑕᑦ ᓂᑦ ᐊᒐᒂ ᒧᔭᒻ ᒥᓯᐱᓱᐤ, ᐊ ‍ ᐱᓯᐱᑕᑦ,
\q2 ᒪᒂᒡ ᐊᑲ ᐊᐛᓐ ᐊ ‍ ᑕᑦ ᒐᒋ ᐎᐧᑯᒋᐃᐛᑦ᙮
\b
\q1
\v 3 ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᐃᔅᐱ ᐅ ᑲ ‍ ᐃᑐᑎᒧᐛᓇ;
\q2 ᐃᔅᐱ ᐊᑎᑯᓄᒂ ᒥᒐᑎᓯᐅᓐ ᓂᑎᒋᒡ;
\q1
\v 4 ᐃᔅᐱ ᑲ ᒥᒋ ‍ ᑎᐸᐊᒧᐛᐛᒐ ᐊᓐ ᑲ ‍ ᐅᑐᑕᒥᒥᑯᐱᓇ;
\q2 (ᓂᐦᐃ, ᓂᒋ ‍ ᐱᒪᒋᐊᐤ ᐊᓐ ᓯᔅᒋᑯᒡ ᑲ ‍ ᐛᐧᑲᓯᑦ:)
\q1
\v 5 ᐊᑯᔅ ᑲ ‍ ᐛᐧᑲᓯᑦ ᒋᑭ ‍ ᓇᓇᐧᑲᒋᐊᐤ ᓂᑦ ᐊᒐᒂ, ᑭᔭ ᒋᑭ ‍ ᐅᑎᓇᐤ;
\q2 ᓂᐦᐃ, ᒋᑭ ‍ ᑕᑯᔅᑲᑎᒻ ᓂᐱᒪᑎᓯᐅᓂᔪᐤ ᒧᔅᑎᔅᑲᒥᒡ,
\q2 ᑭᔭ ᒋᑭ ‍ ᐱᔅᑎᓂᒻ ᓂᒋᔅᑕᔨᑕᑯᓱᐅᓂᔪᐤ ᐊᓯᔅᒋᒡ᙮
\b
\q1
\v 6 ᐱᓯᑯᐤ, ᐅ ᑎᐸᔨᒋᒐᓱᐤ, ᒋ ‍ ᒋᔄᓯᐅᓂᒡ, ᐅᐱᓂᑎᓱᐤ ᐊ ‍ ᐊᐧᑯᔪᐛᓯᒡ ᐊᓐᒡ ᑲ ‍ ᐛᐧᑲᓯᒡ:
\q2 ᑯᔅᑯᐸᔨᐃ ᒪᒃ ᑎᐸᔅᑯᓂᒐᐅᓐ ᑲᒋ ‍ ᐃᑎᓱᐛᔨᓐ᙮
\q1
\v 7 ᐊᑯ ᑲ ‍ ᒪᒧᐎᔨᑐᒡ ᐃᔪᒡ ᒐ ‍ ᐛᔅᑲᔅᑲᔅᒡ:
\q2 ᐎᔨᐛᐤ ᐅᒋ ᒪᒃ ᐃᔅᐱᒥᒡ ᐃᓯ ᒋᐛ᙮
\q1
\v 8 ᑎᐸᔨᒋᒐᓱᐤ ᒋᑭ ‍ ᑎᐸᔅᑯᓇᐤ ᐃᔪᐛ:
\q2 ᑎᐸᔅᑯᓂ ᐅ ᑎᐸᔨᒋᒐᓱᐤ, ᐊ ᐃᓯ ‍ ᑯᐃᔅᑯᑕᑎᓯᔭᓐ,
\q2 ᑭᔭ ᐊ ‍ ᐃᑎᔅᑕᒡ ᑯᐃᔅᑯᑐᐅᓐ ᑲ ‍ ᐱᒋᔅᑲᑯᔭᓐ᙮
\q1
\v 9 ᐅ, ᐊᑯᔅ ᐅᒥᒋᑥᐅᓄᐛᐤ ᑲᒥᒋᑥᒡ ᒋᑭ ‍ ᐳᓂᐱᔪᐤ;
\q2 ᒪᒃ ᐊᔨᒋᐃᒡ ᑲ ‍ ᑯᐃᔅᑯᑎᒡ:
\q2 ᐛᔅ ᑲ ‍ ᑯᐃᔅᑯᑕᑎᓯᑦ ᒋᓴᒪᓂᑐᐤ ᑯᒋᑕᐤ ᒥᑕᐃᔭ ᑭᔭ ᐱᒋᔪᐛ᙮
\b
\q1
\v 10 ᒋᓴᒪᓂᑐᐤ ᓂ ‍ ᓇᑎᒪᒄ,
\q2 ᑲ ‍ ᐱᒪᒋᐊᑦ ᑲ ‍ ᑯᐃᔅᑯᑕᔨᒋ᙮
\q1
\v 11 ᒋᓴᒪᓂᑐᐤ ᑎᐸᔅᑯᓇᐤ ᐅᑯᐃᔅᑯᑕᑎᓯᐛ,
\q2 ᒋᓴᒪᓂᑐᐤ ᒪᒃ ᒋᔄᓯᔅᑐᐛᐤ ᐅᒥᒋᑥᐛ ᑕᑥᐤ ᐊ ‍ ᒋᓯᑲᔨᒡ᙮
\q1
\v 12 ᒧᔭᒻ ᐊᑲ ᒂᔅᒋᒐ, ᒋᑭ ‍ ᒋᓂᑕᐤ ᐅᓯᒪᑭᓐ;
\q2 ᒋ ‍ ᐛᒋᓇᐤ ᐅᑦ ᐊᒐᐱᔭ, ᑭᔭ ᒋ ‍ ᐛᐛᓯᐊᐤ᙮
\q1
\v 13 ᐊᓯᒡ ᑭᔭ ᒋ ‍ ᐛᐛᓯᑕᒪᓱᐤ ᓂᐸᔪᐛᐤ ᐊᐱᒋᑕᑭᓇ;
\q2 ᒋ ‍ ᐊᔭᑯᔅᑎᒧᐛᐤ ᐅᑭᔎ ᐅᓂᓇᐧᑲᒋᐃᐛᐛ᙮
\b
\q1
\v 14 ᐛᐸᑎᒧᒄ, ᐱᒋᔅᑲᑯᐤ ᒪᒐᑎᓯᐅᓂᔪᐤ,
\q2 ᒋ ‍ ᒋᒥᔅᑯᐛᔭᔨᑎᒻ ᒪᒃ ᒥᒋᐃᑐᐅᓂᔪᐤ,
\q2 ᑭᔭ ᒋ ‍ ᓂᑕᐅᒋᑕᐤ ᑭᑭᒋᔭᐅᓂᔪᐤ᙮
\q1
\v 15 ᒋ ‍ ᐛᑎᑯᓂᒐᐤ, ᐊ ‍ ᒧᓇᐊᐧᒃ,
\q2 ᒋ ‍ ᐸᒋᓯᓐ ᒪᒃ ᐛᑎᑯᓂᒡ ᑲᒋ ‍ ᐅᓯᑕᑦ᙮
\q1
\v 16 ᐅᒥᒋᐃᑐᐅᓐ ᒋᑭ ‍ ᒋᐛᐸᑲᒥᔅᑲᑯᐤ ᑎᐱᔨᐛ ᐅᔅᑎᒂᓂᒡ,
\q2 ᑭᔭ ᐅᑦ ᐊᒂᑎᓯᐅ-ᐃᑐᐅᓇ ᒋᑭ ‍ ᔭᓯᐱᔪᐛ ᑎᐱᔨᐛ ᐅᔅᑎᒂᓂᒡ᙮
\b
\q1
\v 17 ᓂᑭ ‍ ᒪᒥᒋᒪᐤ ᑎᐸᔨᒋᒐᓱᐤ ᐊ ᐃᓯ ‍ ᑯᐃᔅᑯᑕᑎᓯᑦ:
\q2 ᑭᔭ ᐊ ‍ ᓂᑭᒧᔭᓐ ᓂᑭ ‍ ᒪᒥᒋᑕᒺᓐ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ ᒪᐅᒡ ᒐᔅᑎᓯᑦ᙮
\c 8
\s2 Psalm 8 (New Years Day Year A, B, C; Trinity Year A, C; Proper-22 Year B)
\q1
\v 1 ᐅ ᑎᐸᔨᒋᒐᓱᐤ ᓂᑎᐸᔨᒋᒐᓯᒥᓇᓐ, ᑕᑈ ᒥᔽᔨᑕᑯᓐ ᒋᑦ ᐃᓯᓂᐧᑲᓱᐅᓐ ᒥᓯᐛ ᐊᔅᐱᑎᔅᑭᒥᑲᒡ !
\q2 ᒋᔾ ᑲ ‍ ᐃᑎᔅᑕᔨᓐ ᒋᒋᔅᑕᔨᑕᑯᓱᐅᓐ ᐃᔅᐱᒥᒡ ᒋᓯᑯᒡ᙮
\b
\q1
\v 2 ᐅᑐᓄᐛᒡ ᐅᒡ ᐅᔅᑯᐊᐛᓯᓯᒡ ᑭᔭ ᑲᓄᓴᓂᒡ ᔅᒋ ᐅᒋ ‍ ᐅᒋᐱᑕᓐ ᒥᔅᑯᐅᓯᐅᓐ,
\q2 ᐊᓐᒡ ᑲ ‍ ᐛᐧᑲᑎᔅᒡ ᐅᒡ, ᒐᒋ ᒋᔭᒪᐎᐃᑦ ᑲ ‍ ᐛᐧᑲᓱᐛᑦ ᑭᔭ ᑲ ‍ ᒋᐛᑎᐸᐊᒪᒐᑦ᙮
\b
\q1
\v 3 ᐃᔅᐱ ᒥᔭᒥᑐᓇᔨᑎᒪᓂ ᒋᒋᒋᓯᑯᒪ, ᒋᑎᒋᒡ ᑲ ᐅᒋ ‍ ᐅᓯᑕᔨᓐ,
\q2 ᑎᐱᔅᑲᐤ ᐱᓯᒻ ᑭᔭ ᐅᒐᑭᑕᐧᑯᒡ, ᑲᒋ ‍ ᒋᑭᒧᐃᑥᐤ:
\q1
\v 4 ᑕᓐ ᐊᑕᔨᑕᑯᓯᑦ ᐃᔪᐤ ᐊᔭᐱᑕᔨᒥᑦ ?
\q2 ᑭᔭ ᐃᔪᐤ ᐅᑯᓯᓴᓐ, ᐊᒧᐱᔅᑐᐅᑦ ?
\q1
\v 5 ᐛᔅ ᐊᐱᓯᔅ ᔅᒋ ‍ ᑎᐱᑕᔨᑕᑯᐊᐤ ᐃᔅᐱᔅ ᐊᓐᒋᓇ,
\q2 ᑭᔭ ᔅᒋ ‍ ᐅᒋᒪᐅ-ᐊᑯᓂᔎᐅᓇᐊᐤ ᒋᔅᑕᔨᑕᑯᓱᐅᓂᔪᐤ ᑭᔭ ᒋᔅᑎᓯᐅᓂᔪᐤ᙮
\b
\q1
\v 6 ᔅᒋ ‍ ᑎᐸᔨᑎᒥᐊᐤ ᒥᓯᐛ ᒋᑎᒋᒡ ᑲ ᐅᒋ ‍ ᐅᓯᑕᔨᓐ;
\q2 ᒥᓯᐛ ᒐᒂᓇ ᔅᒋ ‍ ᐊᔅᑕᐛᓐ ᓯᐸ ᐅᓯᑎᒡ:
\q1
\v 7 ᒥᓯᐛ ᒪᐃᑕᓂᓴ ᑭᔭ ᒥᔅᑐᓴ,
\q2 ᓂᐦᐃ, ᑭᔭ ᐊᐛᓯᓴ ᓂᑕᐅᒋᒋᑭᓂᒡ ᑲ ‍ ᐃᑕᔨᒋ:
\q1
\v 8 ᐱᔭᓱᐛ ᑲ ‍ ᐱᐸᒥᔭᔨᒋ, ᑭᔭ ᓂᒪᓴ ᐎᓂᐸᑯᒡ,
\q2 ᑭᔭ ᒥᓯᐛ ᒐᒂᓐ ᑲ ‍ ᓴᐳᐸᔨᒡ ᐎᓂᐸᑯᒡ᙮
\b
\q1
\v 9 ᐅ ᑎᐸᔨᒋᒐᓱᐤ ᓂᑎᐸᔨᒋᒐᓯᒥᓇᓐ,
\q2 ᑕᑈ ᒥᔽᔨᑕᑯᓐ ᒋᑦ ᐃᓯᓂᐧᑲᓱᐅᓐ ᒥᓯᐛ ᐊᔅᐱᑎᔅᑭᒥᑲᒡ !
\c 9
\q1
\v 1 ᒋᑭ ‍ ᒪᒥᒋᒥᑎᓐ, ᐅ ᑎᐸᔨᒋᒐᓱᐤ, ᒥᓯᐛ ᓂᑕᐃᒡ ᐅᒡ;
\q2 ᓂᑭ ‍ ᐛᐸᑎᔨᐛᓐ ᒥᓯᐛ ᒋᒪᒥᔅᑲᒡ-ᐃᑐᐅᓇ᙮
\q1
\v 2 ᓂᑭ ‍ ᓯᒋᔭᓯᓐ ᑭᔭ ᒋᑭ ‍ ᒥᔽᔨᑎᒥᔨᑎᓐ:
\q2 ᐊ ‍ ᓂᑭᒧᔭᓐ ᓂᑭ ‍ ᒪᒥᒋᑕᓐ ᒋᑦ ᐃᓯᓂᐧᑲᓱᐅᓐ, ᐅ ᒋᔾ ᒪᐅᒡ ᒐᔅᑎᓯᔨᓐ᙮
\b
\q1
\v 3 ᐃᔅᐱ ᑲ ‍ ᐛᐧᑲᓯᒡ, ᒋᐛᑲᐳᐛᑭᓄᑥᐛ, ᒋᑭ ‍ ᐸᒋᓯᓐᒡ ᑭᔭ ᒋᑭ ‍ ᓂᓱᐅᓇᑎᓯᐅᒡ ᐊ ‍ ᑭᓄᐛᐱᒥᑥᐤ᙮
\q1
\v 4 ᐛᔅ ᔅᒋ ᒥᔪ ‍ ᐃᑕᔨᑕᑯᑕᓐ ᓂᑦ ᐃᑕᔨᑕᑯᓱᐅᓐ ᑭᔭ ᓂᑦ ᐃᑕᑎᓯᐅᓐ;
\q2 ᔅᒋ ‍ ᐊᐱᓐ ᒋᓴᐅᒋᒪᐤ ᑕᑎᐳᐛᑭᓂᒡ ᑯᐃᔅᒄ ᐊ ‍ ᑎᐸᔅᑯᓂᒐᔨᓐ᙮
\q1
\v 5 ᔅᒋ ‍ ᒋᑕᐊᒧᐛᐅᒡ ᐊᑲ ᐊᔭᒥᐊᒡ, ᔅᒋ ‍ ᓂᓱᐅᓇᒋᐊᐅᒡ ᐅᒥᒋᑥᐅᒡ, ᔅᒋ ‍ ᐊᔅᑐᐛᐊᒺᓐ ᐅᑦ ᐃᓯᓂᐧᑲᓱᐅᓄᐛᐤ ᑲᒋᒡ ᑭᔭ ᑲᒋᒡ᙮
\q1
\v 6 ᐅᐛᐧᑲᓱᐛᐎᓐ, ᓂᓱᐅᓇᑎᓯᐅᓇ ᓇᔅᒡ ᐳᓂᐱᔪᐛ:
\q2 ᔅᒋ ‍ ᓂᓱᐅᓇᒋᑕᓐ ᐃᑕᐅᓇ;
\q2 ᐊ ‍ ᒋᔅᒋᓯᑐᑭᓄᐅᒡ ᒋᒡ ᓇᔅᒡ ᓂᓱᐅᓇᑎᓇ᙮
\b
\q1
\v 7 ᒪᒃ ᑎᐸᔨᒋᒐᓱᐤ ᑲᒋᒡ ᒋᑭ ‍ ᑕᐤ:
\q2 ᒋ ‍ ᐛᐛᓯᑕᐤ ᐅᒋᓴᐅᒋᒪᐤ ᑕᑎᐳᐛᑭᓐ ᒐᒋ ᑎᐸᔅᑯᓂᒐᑦ:
\q1
\v 8 ᑭᔭ ᒋᑭ ‍ ᑎᐸᔅᑯᓂᒻ ᐊᔅᒋᔪᐤ ᑯᐃᔅᑯᑕᑎᓯᐅᓂᒡ, ᒋᑭ ‍ ᑎᐸᔅᑯᓇᐤ ᐃᔪᐛ ᑯᐃᔅᑯᑐᐅᓂᒡ᙮
\s2 Psalm 9:9-20 (Proper-7 Year B)
\q1
\v 9 ᑎᐸᔨᒋᒐᓱᐤ ᑭᔭ ᒋᑭ ‍ ᓇᑎᒧᐛᐤ ᑲ ‍ ᐊᔨᒥᐊᑭᓄᔨᒋ,
\q2 ᐊ ‍ ᓇᑎᒪᒐᑦ ᒪᒂᒡ ᐊ ‍ ᐊᔨᒥᓂᔨᒡ ᐊ ‍ ᒋᓯᑲᔨᒡ᙮
\q1
\v 10 ᐊᓐᒡ ᒪᒃ ᑲ ‍ ᒋᔅᒐᔨᑕᒡ ᒋᑦ ᐃᓯᓂᐧᑲᓱᐅᓂᔪᐤ ᒋᑭ ‍ ᒪᒥᓯᑐᑕᑯᒡ᙮ ᐛᔅ ᒋᔾ,
\q2 ᑎᐸᔨᒋᒐᓱᐤ, ᓇᒪᐎᔾ ᒋᑭ ‍ ᐛᐱᓇᐅᒡ ᐊᓐᒡ ᑲ ‍ ᓇᓂᑐᐛᔨᒥᔅᒡ᙮
\b
\q1
\v 11 ᐊ ‍ ᓂᑭᒧᔭᒄ ᒪᒥᒋᒪᐧᒄ ᑎᐸᔨᒋᒐᓱᐤ, ᑲ ‍ ᐎᒋᑦ ᓴᐃᔭᓂᒡ:
\q2 ᐛᐎᑎᒧᒄ ᐊᓐᑕ ᐊ ‍ ᐃᑕᒡ ᐃᔪᒡ ᐅᑦ ᐃᑐᑎᒧᐅᓇ᙮
\q1
\v 12 ᐃᔅᐱ ᒂᒂᒋᒐᒧᒡ ᒥᐧᑯᔪᐤ ᐅᒡ, ᒋᔅᒋᑐᐛᐤ:
\q2 ᓇᒪᐎᔾ ᐅᓂᒋᔅᒋᓯᑐᑎᒺᐤ ᐅᑕᑈᐅᓂᔪᐛ ᐅᑎᐱᑕᔨᒧᐛ᙮
\b
\q1
\v 13 ᒋᔅᑎᒪᒐᔨᒥ, ᐅ ᑎᐸᔨᒋᒐᓱᐤ;
\q2 ᒪᒥᑐᓇᔨᑕ ᓂᑦ ᐊᔨᒥᓯᐅᓐ ᐊ ᐃᓯ ‍ ᐊᔨᒥᐃᒡ ᐊᓐᒡ ᑲ ‍ ᐅᐧᑲᓯᒡ,
\q2 ᒋᔾ ᑲ ‍ ᐅᐱᓂᔨᓐ ᓂᐳᐅᓂ ᒋᒋᐃᔎᑕᒥᒡ ᐅᒡ᙮
\q1
\v 14 ᒐᒋ ᐛᐸᑎᔨᐛᔭᓐ ᒥᓯᐛ ᒋᒪᒥᒋᒥᑯᓯᐎᓐ ᐅᒋᒋᐃᔎᑕᒥᒡ ᓴᐃᔭᓐ ᐅᑕᓂᓴ:
\q2 ᓂᑭ ‍ ᒥᔽᔨᑕᓐ ᒋᐱᒪᒋᐃᐛᐅᓂᒡ᙮
\q1
\v 15 ᐊᑲ ᐊᔭᒥᐊᒡ ᒥᒋᒧᓯᓐᒡ ᐛᑎᑯᓇ ᐊᒋ ‍ ᐅᓯᑕᒡ:
\q2 ᐊᐃᐱᔭ ᑲ ‍ ᐎᔨᑯᑕᒡ ᐎᔨᐛᐤ ᑎᐱᔨᐛ ᓯᒋᓯᑕᐱᓱᐅᒡ᙮
\q1
\v 16 ᑎᐸᔨᒋᒐᓱᐤ ᐊ ‍ ᑎᐸᔅᑯᓂᒐᐤ ᑎᐱᑐᑕᐧᒃ ᐅᒋ ᒋᔅᒐᔨᑕᑯᓱᐤ:
\q2 ᐅᒥᒋᑥᐤ ᓂᒂᓱᐤ ᐎᔾ ᑎᐱᔨᐛ ᑲ ‍ ᐅᓯᑕᑦ ᐅᒋ᙮
\q1
\v 17 ᐅᒥᒋᑥᐅᒡ ᑲᒋᒡ ᐃᔅᑯᑕᒡ ᒋᑭ ‍ ᐃᑎᓴᐛᑭᓄᐎᒡ,
\q2 ᑭᔭ ᒥᓯᐛ ᐊ ‍ ᑕᑐᔅᑲᓇᓯᒡ ᐃᔪᒡ ᑲ ‍ ᐅᓂᒋᔅᒋᓯᑐᐛᒡ ᒋᓴᒪᓂᑐᐛ᙮
\q1
\v 18 ᐛᔅ ᑲᒋᔅᑎᒪᑎᓯᒡ ᓇᒪᐎᔾ ᑲᒋᒡ ᒋᑭ ‍ ᐅᓂᒋᔅᒋᓯᑐᐛᑭᓄᐎᒡ:
\q2 ᐅᐱᑯᓴᔨᑎᒧᐅᓄᐛᐤ ᑲᒋᔅᑎᒪᒋᓯᒡ ᓇᒪᐎᔾ ᑲᒋᒡ ᒋᑭ ‍ ᓂᓱᐅᓇᑎᓂᔪᐛ᙮
\b
\q1
\v 19 ᐱᓯᑯᐤ, ᐅ ᑎᐸᔨᒋᒐᓱᐤ;
\q2 ᐊᑯᔅ ᐊᑲᐎᔾ ᐃᔪᐤ ᒋᑭ ‍ ᓴᐧᑯᒋᐃᐛᐤ:
\q2 ᐊᑯᔅ ᐊᑲ ᐊᔭᒥᐊᒡ ᒋᑭ ‍ ᑎᐸᔅᑯᓇᑭᓄᐎᒡ ᐊ ‍ ᑭᓄᐛᐱᒪᑥᐤ᙮
\q1
\v 20 ᑯᔅᑕᒋᐃᒡ, ᐅ ᑎᐸᔨᒋᒐᓱᐤ;
\q2 ᐊ ‍ ᑕᑐᔅᑲᓇᓯᒡ ᐃᔪᒡ ᒐᒋ ᒋᔅᒐᔨᒥᑎᓱᒡ ᐱᓯᓯᒄ ᐊ ‍ ᐃᔪᐎᒡ᙮
\c 10
\q1
\v 1 ᒐᒂᓐ ᐛᔪᐤ ᐛᒋ ‍ ᓂᐳᔨᓐ, ᐅ ᑎᐸᔨᒋᒐᓱᐤ ?
\q2 ᒐᒂᓐ ᐛᒋ ‍ ᑲᓱᔨᓐ ᒪᒂᒡ ᐊ ‍ ᐊᔨᒥᐅᒋᓯᑲᒋ ?
\b
\q1
\v 2 ᐅᒥᒋᑥᐤ ᐅᒋᔅᑕᔨᒧᐅᓂᒡ ᓇᓇᐧᑲᒋᐊᐤ ᑲ ‍ ᒋᔅᑎᒪᑎᓯᔨᒋ᙮ ᐊᑯᔅ ᒋᑭ ‍ ᓇᒂᑎᑯᐅᒡ ᐅᑦ ᐃᑕᔨᑎᒧᐅᓄᐛᐛ ᑲᒋ ‍ ᐃᑕᔨᑕᒡ᙮
\q1
\v 3 ᐛᔅ ᐅᒥᒋᑥᐤ ᒪᒪᑕᑯᒧᐤ ᐊ ᐃᓯ ‍ ᐱᑯᓴᔨᒧᑦ ᐅᑕᐃᒡ,
\q2 ᑭᔭ ᒥᔽᒋᒪᐤ ᑲ ‍ ᐊᔅᐳᓂᓯᔨᒋ, ᐛᐧᑲᑕᐤ ᑎᐸᔨᒋᒐᓱᐛ᙮
\q1
\v 4 ᐅᒥᒋᑥᐤ, ᐊ ‍ ᒋᔅᑕᔨᒧᓇᑯᓯᑦ, ᓇᒪᐎᔾ ᓇᓂᑐᐛᔨᒪᐤ ᒋᓴᒪᓂᑐᐛ:
\q2 ᒋᓴᒪᓂᑐᐛ ᓇᒪᐎᔾ ᓇᔅᒡ ᑕᔪᐛ ᐅᒥᑐᓇᐃᒋᑭᓂᒡ᙮
\q1
\v 5 ᐅᑦ ᐃᓯᑥᐅᓇ ᒧᔅ ᐊᒂᑎᓂᔪᐛ;
\q2 ᒋᑎᐸᔅᑯᓂᒐᐅᓇ ᓇᒪᐎᔾ ᑕᐸᐸᑎᒻ:
\q2 ᒥᓯᐛ ᐅᐧᑲᑕᑭᓇ ᒪᒃ ᐳᑕᑕᐤ᙮
\q1
\v 6 ᒋ ‍ ᐃᔅᒋᔄᐤ ᐅᑕᐃᒡ, “ᓇᒪᐎᔾ ᓂᑭ ‍ ᐊᒋᐸᔨᐃᑯᐅᓐ:
\q2 ᐛᔅ ᓇᒪ ᓂᑕ ᓂᑭ ‍ ᐅᔅᑕᐱᔨᓐ᙮”
\q1
\v 7 ᐅᑐᓂᒡ ᓴᑭᔅᒋᓇᔪᐤ ᒪᒐᒋᒧᐛᐅᓂᔪᐤ, ᑭᔭ ᑭᑭᒋᔭᐅᓂᔪᐤ, ᑭᔭ ᐛᔭᓯᐃᐛᐅᓂᔪᐤ:
\q2 ᓯᐸ ᐅᑕᔨᔨᒡ ᑎᒂᓂᔪᐤ ᑭᔭᓯᐃᐛᐅᓂᔪᐤ ᑭᔭ ᓂᑐᐎᔾ ᒐᒂᔪᐤ᙮
\q1
\v 8 ᐊᐳᐤ ᐊᓐᑕ ᐊᑯ ᐃᑕᐅᓂᓯᒡ:
\q2 ᐊᑯ ᐊᓐᑕ ᓂᐸᐊᐤ ᐅᑯᐃᔅᑯᑎᐛ:
\q2 ᒋᒧᑦ ᑭᓄᐛᐱᒪᐤ ᑲ ‍ ᒋᔅᑎᒪᑎᓯᔨᒋ᙮
\q1
\v 9 ᒋᒧᑦ ᐊᔅᑲᒪᒐᐤ ᒧᔭᒻ ᒥᓯᐱᓱᐤ ᐅᐛᑎᑯᒡ:
\q2 ᐊᔅᑲᒪᒐᐤ ᒐᒋ ᑲᔅᑎᓇᑦ ᑲ ‍ ᒋᔅᑎᒪᑎᓯᔨᒋ,
\q2 ᑲᔅᑎᓇᐤ ᑲ ‍ ᒋᔅᑎᒪᑎᓯᔨᒋ, ᐃᔅᐱ ᐸᑕᐅᔭᒋ ᐅᑦ ᐊᐃᐱᒡ᙮
\q1
\v 10 ᐱᑎᐱᐤ, ᑭᔭ ᑎᐱᑕᔨᒧᐧᑲᓱᐤ,
\q2 ᒐᒋ ᐸᒋᓯᓂᔨᒋ ᑲ ‍ ᒋᔅᑎᒪᑎᓯᔨᒋ ᐅᒥᔅᑯᐅᓯᒪ ᐅᒋ᙮
\q1
\v 11 ᒋ ‍ ᐃᔅᒋᔄᐤ ᐅᑕᐃᒡ, “ᒋᓴᒪᓂᑐᐤ ᒋ ‍ ᐅᓂᒋᔅᒋᐤ:
\q2 ᑲᓱᐤ, ᓇᒪ ᓂᑕ ᒋᑭ ‍ ᐛᐸᑎᒻ᙮”
\b
\q1
\v 12 ᐱᓯᑯᐤ, ᐅ ᑎᐸᔨᒋᒐᓱᐤ:
\q2 ᐅ ᒋᓴᒪᓂᑐᐤ, ᐅᐱᓂᔅᒐᔨ;
\q2 ᐊᑲᐎᔾ ᐅᓂᒋᔅᒋᑐᐅᒡ ᑲ ‍ ᑎᐱᑕᔨᒧᒡ᙮
\q1
\v 13 ᒐᒂᔪᐤ ᐛᒋ ‍ ᒪᔭᔨᒪᑦ ᐅᒥᒋᑥᐤ ᒋᓴᒪᓂᑐᐛ ?
\q2 ᒋ ‍ ᐃᔅᒋᔄᐤ ᐅᑕᐃᒡ, “ᓇᒪᐎᔾ ᓂᑭ ‍ ᐊᓏᔨᒥᒄ᙮”
\q1
\v 14 ᔅᒋ ‍ ᐛᐸᑕᓐ; ᐛᔅ ᒋ ‍ ᑭᓄᐛᐸᑕᓐ ᒥᒋᐃᑐᐅᓐ ᑭᔭ ᒥᒐᔨᒧᐛᐅᓐ,
\q2 ᒐᒋ ᑎᐸᐊᒥᓐ ᒋᑎᒋᔾ ᐅᒡ:
\q2 ᑲ ‍ ᒋᔅᑎᒪᑎᓯᑦ ᒋ ‍ ᐱᔅᑎᓂᑎᓱᔅᑕᒃ:
\q2 ᒋ ‍ ᐎᒐᐅᒡ ᐊᑲ ᐅᑕᐎᒡ᙮
\q1
\v 15 ᐱᑯᓂᒻ ᐅᔅᐱᑐᓐ ᑲ ‍ ᒥᒋᑥᑦ ᑭᔭ ᑲ ‍ ᒥᒋ ᐃᑎᑦ ᐃᔪᐤ:
\q2 ᓇᓂᑐᐛᐸᑎᒻ ᐅᒥᒋᑥᐛᓐ ᐸᑐᔅ ᐊᑲ ᒥᔅᑭᒧᑕ᙮
\b
\q1
\v 16 ᑎᐸᔨᒋᒐᓱᐤ ᒋᓴᐅᒋᒪᐅᐤ ᑲᒋᒡ ᑭᔭ ᑲᒋᒡ:
\q2 ᐊᑲ ᐊᔭᒥᐊᒡ ᓂᓱᐅᓂᑎᓯᐅᒡ ᐅᑦ ᐊᔅᒋᔨᒡ ᐅᒡ᙮
\q1
\v 17 ᑎᐸᔨᒋᒐᓱᐤ, ᔅᒋ ‍ ᐸᑎᒺᓐ ᐅᓂᑐᐛᔨᑎᒧᐅᓄᐛᐤ ᑲ ‍ ᑎᐱᑕᔨᒥᓱᒡ:
\q2 ᒋᑭ ‍ ᐛᐛᓯᑕᐛᓐ ᐅᑕᐃᐛᐤ, ᒋᑭ ‍ ᐸᑎᒧᒥᑲᑕᓐ ᒋᑐᑭᔭ᙮
\q1
\v 18 ᒐᒋ ᒋᔅᐸᐛᑎᑥᐤ ᐊᑲ ᐅᑕᐎᒡ ᑭᔭ ᑲ ‍ ᐊᔨᒥᐊᑭᓄᐅᒡ,
\q2 ᐊᔅᒋᐎ ᐃᔪᐤ ᐊᑲ ᓂᑕ ᒥᓐ ᒐᒋ ᐊᔨᒥᐃᐛᑦ᙮
\c 11
\q1
\v 1 ᑎᐸᔨᒋᒐᓱᐤ ᓂ ‍ ᒪᒥᓯᑐᑐᐛᐤ;
\q2 ᒐᒂᓐ ᒪᒃ ᐛᒋ ‍ ᐃᓯᔨᓐ, “ᐃᑎᓯᒧᐤ ᒋ ‍ ᐱᔅᑯᑎᓇᒥᒡ ᒧᔭᒻ ᐱᔭᓯᔅ ?”
\q1
\v 2 ᐛᔅ, ᐛᐸᑎᒥᒄ, ᐅᒥᒋᑥᐅᒡ ᓯᒋᐱᑕᐅᒡ ᐅᑦ ᐊᒐᐱᐛᐛ,
\q2 ᒋᓴᒡ ᐅᑕᒋᐅᒡ ᒋᒧᑦ ᒐᒋ ᐱᒺᒡ ᑲ ‍ ᑯᐃᔅᑯᑕᐊᔨᒋ᙮
\q1
\v 3 ᐃᔅᐱ ᑕᑕᔅᑯᔅᑕᑭᓇ ᓂᓱᐛᓇᑎᒂᐛ,
\q2 ᒐᒂᔪᐤ ᒐᒋ ᑐᑕᒡ ᐅᑯᐃᔅᑯᑕᑎᓯᐅᒡ ?
\b
\q1
\v 4 ᑎᐸᔨᒋᒐᓱᐤ ᑕᐤ ᐅᐸᔭᒋ-ᐊᔭᒥᐊᐅᒋᐛᐱᒡ,
\q2 ᑎᐸᔨᒋᒐᓱᐤ ᐅᒋᓴᐅᒋᒪᐤ ᑕᑎᐳᐛᑭᓐ ᒋᒋᒋᓯᑯᒡ ᑎᒂᓂᔪᐤ:
\q2 ᐛᐱᒪᐤ, ᓂᓇᐧᑲᒋᐃᒪᐤ ᐃᔪᐛ ᐅᑦ ᐊᐛᓯᒥᓯᔨᐛ᙮
\q1
\v 5 ᑎᐸᔨᒋᒐᓱᐤ ᑯᒂᒋᐊᐤ ᐅᑯᐃᔅᑯᑕᑎᓯᐛ:
\q2 ᒪᒃ ᐅᒥᒋᑥᐛ ᑭᔭ ᐊᓂᔭ ᑲ ‍ ᓴᒋᑕᔨᒋ ᐊᒂᑎᓯᐅᓂᔪᐤ, ᐅᑦ ᐊᒐᐧᑯᒡ ᐛᐧᑲᑕᐤ᙮
\q1
\v 6 ᐅᒪᒋᑥᐛ ᒋᑭ ‍ ᐃᑎᓴᒧᐛᐤ ᑲ ‍ ᐛᔭᑕᔨᒋ ᐃᔎᔅᒐᐛ, ᐃᔅᑯᑕᔪᐤ ᑭᔭ ᐎᔄᐛᐱᔅᑯᓯᓂᔭ, ᑭᔭ ᐊ ‍ ᑯᔅᑕᑎᑯᓂᔨᒡ ᐊ ‍ ᔪᑎᓂᔨᒡ:
\q2 ᐊᔪᑯᔪᐤ ᒐ ‍ ᒪᑎᓂᒧᐛᑭᓄᐅᒡ ᐅᒥᓂᒂᑭᓄᐛᒡ᙮
\b
\q1
\v 7 ᐛᔅ ᑲ ‍ ᑯᐃᔅᑯᑕᑎᓯᑦ ᑎᐸᔨᒋᒐᓱᐤ ᓴᒋᑕᐤ ᑯᐃᔅᑯᑕᑎᓯᐅᓂᔪᐤ;
\q2 ᐅᑕᔅᑎᒥᐧᑯᒡ ᐅᒋ ᑲᓄᐛᐱᒪᐤ ᐅᑯᐃᔅᑯᑕᑎᓯᐛ᙮
\c 12
\q1
\v 1 ᐎᒋᐃ, ᑎᐸᔨᒋᒐᓱᐤ;
\q2 ᐛᔅ ᓴᔅ ᓇᒪ ᐃᑕᐤ ᑲ ‍ ᒥᔪᑥᑦ ᐃᔪᐤ;
\q2 ᐛᔅ ᑲ ‍ ᑯᐃᔅᑯᑕᑎᓯᒡ ᓇᒪᐎᔾ ᐃᑕᐅᒡ ᐊᓐᑕ ᐊ ‍ ᐃᑕᔨᒋ ᐃᔪᐛ ᐅᑦ ᐊᐛᓯᒥᓯᔨᐛ᙮
\q1
\v 2 ᒥᓯᐛ ᑕᑐᐤ ᐊ ‍ ᐃᑎᓯᒡ ᑭᑭᒋᔭᒪᐅᒡ ᐎᒋ ᐃᔪᐛᐛ;
\q2 ᒪᒥᒋᒧᐛᐤ ᒥᑐᓂᒡ ᑭᔭ ᑭᑭᒋᐊᐅᓂᒡ ᐅᒋ ᐃᔨᒧᐅᒡ᙮
\b
\q1
\v 3 ᑎᐸᔨᒋᒐᓱᐤ ᒋᑭ ‍ ᒥᓂᓯᒻ ᒥᓯᐛ ᒪᒥᒋᒧ ᒥᑐᓇ, ᑭᔭ ᒥᑕᔨᔨᔪᐤ ᑲ ‍ ᐊᔭᔨᒧᒥᑭᓂᔨᒡ ᒋᔅᑕᔨᒧᐤ ᒐᒂᔪᐛ᙮
\q1
\v 4 ᑲᒋ ‍ ᐃᔅᒋᔄᒡ, “ᓂᑕᔨᔨᓇᓇ ᓂᑭ ᐅᒋ ‍ ᓴᐧᑯᒋᐃᐛᓇᓐ;
\q2 ᓂᑐᓂᓇᓇ ᓂ ‍ ᑎᐸᔨᑕᓇᓐ:
\q2 ᐊᐛᓐ ᑕᐸᔨᒥᔨᒥᑦ ?”
\b
\q1
\v 5 “ᐊ ‍ ᐊᔨᒥᐊᑭᓄᐎᒡ ᐅᒋᔅᑎᒪᒋᓯᐅᒡ, ᐅᓇᐃᑎᒧᒡ ᑲ ‍ ᓇᐧᑲᑎᓯᒡ, ᐊᑯ ᒐ ‍ ᐱᓯᑯᔭᓐ,” ᐃᔅᒋᔄᐤ ᑎᐸᔨᒋᒐᓱᐤ;
\q2 “ᓂᑭ ‍ ᐱᒪᒋᐊᐤ ᐊᓂᔭᔪᐛ ᑲ ‍ ᐳᑕᑎᑯᑦ ᐅᒋ᙮”
\q1
\v 6 ᐅᑦ ᐃᔨᒧᐅᓇ ᑎᐸᔨᒋᒐᓱᐤ ᐸᔭᒋ-ᐃᔨᒧᐅᓂᔪᐛ;
\q2 ᒧᔭᒻ ᓱᓇᔭᐱᔅᒄ ᑲ ‍ ᑯᒋᑕᑭᓄᐅᒡ ᐊᔅᒋᐤ ᐃᔅᑯᑕᐅᒋᐛᐱᒡ, ᓂᔄᐅᑕᒡ ᑕᑥᐤ ᑲ ‍ ᐸᔭᒋᑕᑭᓄᐅᒡ᙮
\b
\q1
\v 7 ᒋᑭ ‍ ᑭᓄᐛᔨᒪᐅᒡ, ᐅ ᑎᐸᔨᒋᒐᓱᐤ,
\q2 ᒋᑭ ‍ ᐱᒪᒋᐊᐎᒡ ᑲᒋᒡ ᐅᒡ ᐅᒋ ᐊᓄᒡ ᑲ ‍ ᐱᒪᑎᓯᔨᒋ᙮
\q1
\v 8 ᐅᒥᒋᑥᐅᒡ ᒥᓯᐛ ᔭᔨᑐᐤ ᐱᒧᑕᐅᒡ,
\q2 ᐃᔅᐱ ᒪᐅᒡ ᑲ ‍ ᒥᒐᔨᑕᑯᓯᔨᒋ ᐃᔪᐛ ᐊᔅᐸᔨᑕᑯᐊᑭᓄᐎᒋ᙮
\c 13
\s2 Psalm 13 (Proper-8 Year A)
\q1
\v 1 ᑕᓐ ᒐ ‍ ᐃᔅᐱᔅ ᐅᓂᒋᔅᒋᑐᐎᔨᓐ, ᐅ ᑎᐸᔨᒋᒐᓱᐤ ?
\q2 ᑲᒋᒡ ᐊ ? ᑕᓐ ᒐ ᐃᔅᐱᔅ ‍ ᑲᓱᔅᑐᐎᔨᓐ ?
\q1
\v 2 ᑕᓐ ᒐ ᐃᔅᐱᔅ ᑭᒐᔅᒋᒥᑎᓱᔭᓐ ᓂᑦ ᐊᒐᐧᑯᒡ,
\q2 ᐊᓯᑯᒻ ᒋᓯᑲᐛ ᐊ ᐊ ‍ ᓂᓇᐧᑲᑕᔨᒧᔭᓐ ?
\q2 ᑕᓐ ᒐ ‍ ᐃᔅᐱᔅ ᐊᔪᐛᒃ ᐃᔅᐸᐃᑕᒂᑭᓄᐅᑦ ᐊᓐ ᑲ ‍ ᐛᐧᑲᓯᑦ ?
\b
\q1
\v 3 ᒪᒥᑐᓇᔨᒥ ᑭᔭ ᓂᑐᑐᐎ, ᐅ ᑎᐸᔨᒋᒐᓱᐤ, ᓂᒋᓴᒪᓂᑐᒻ:
\q2 ᐛᔅᑕᓇ ᓂᔅᒋᓯᒂ, ᒐ ᐊᑲ ᒋ ᓂᐸᔭᓐ ᑲᓂᐱᓇᓄᐅᒡ ᓂᐸᐅᓐ,
\q1
\v 4 ᒐ ᐊᑲ ᒋ ᐃᔅᒋᔄᑦ ᐊᓐ ᑲ ‍ ᐛᐧᑲᓯᑦ, “ᓂᒋ ‍ ᓴᐧᑯᒋᐊᐤ,”
\q2 ᐊᓐᒡ ᒪᒃ ᑲ ‍ ᒥᑯᔅᑲᒋᐃᒡ ᒋᑭ ‍ ᒥᔽᑎᒧᒡ ᐊᒋᐱᔨᐃᑯᔭᓇ᙮
\b
\q1
\v 5 ᒪᒃ ᓂᒋ ‍ ᒪᒥᓯᑐᑕᓐ ᒋᓱᐛᔨᒋᒐᐅᓐ;
\q2 ᓂᑕᐃ ᒋᑭ ‍ ᒥᔽᑎᒧᒥᑭᓐ ᒋᐱᒪᒋᐃᐛᐅᓂᒡ᙮
\q1
\v 6 ᓂᑭ ‍ ᓂᑭᒧᔅᑕᐛᐤ ᑎᐸᔨᒋᒐᓱᐤ,
\q2 ᓇᔅᒡ ᐊᒋ ‍ ᒋᓴᐛᑐᑐᐅᑦ᙮
\c 14
\q1
\v 1 ᐅᒥᒐᑎᓯᐤ ᒋ ‍ ᐃᔅᒋᔄᐤ ᐅᑕᐃᒡ, “ᓇᒪ ᑕᐤ ᒋᓴᒪᓂᑐᐤ᙮”
\q2 ᐅᒥᒐᑎᓯᐅᒡ ᒋ ‍ ᐃᑐᑎᒧᒡ ᑲ ‍ ᐃᐸᓯᓇᒂᓂᔨᒋ ᐃᑐᐅᓇ,
\q2 ᓇᒪ ᑕᐤ ᐊᐛᓐ ᑲ ‍ ᒥᔪᑐᑕᐧᒃ᙮
\b
\q1
\v 2 ᑎᐸᔨᒋᒐᓱᐤ ᒋᒋᒋᓯᑯᒡ ᒋ ᐅᒋ ‍ ᑭᓄᐛᐱᒥᒪᐤ ᐃᔪᐛ ᐅᑦ ᐊᐛᓯᒥᓱᐛᐛ,
\q2 ᒐᒋ ᐛᐸᑕᐧᒃ ᒧᔭᒻ ᐊ ‍ ᑕᐃᒂᓂ ᐊᐛᔪᐛ ᐊ ‍ ᓂᔅᑐᑎᒥᔨᒋ,
\q2 ᑭᔭ ᐊ ‍ ᓇᓂᑐᐛᔨᒪᔨᒋ ᒋᓴᒪᓂᑐᐛ᙮
\q1
\v 3 ᒥᓯᐛ ᒋ ‍ ᐱᔅᒐᐅᒡ;
\q2 ᒥᓯᐛ ᓇᔅᒡ ᒋ ᐊᑎ ‍ ᐅᓂᓯᓄᐅᒡ:
\q2 ᓇᒪᑕᐤ ᐊᐛᓐ ᑲ ‍ ᒥᔪᑐᑕᐧᒃ, ᓇᒪᐎᔾ, ᓇᒪ ᐛᐛᒡ ᐸᐃᒄ᙮
\b
\q1
\v 4 ᒥᓯᐛ ᑲ ‍ ᒥᒐᑎᓯᒡ ᓇᒪ ᐊ ᐅᓂᔅᑐᑎᒧᓄᐅᒡ ?
\q2 ᑲ ‍ ᒧᐛᒡ ᓂᑦ ᐃᔨᒪ ᐊ ᐃᓯ ‍ ᒧᐛᒡ ᐸᒂᓯᑭᓇ,
\q2 ᐊᑲ ᑭᔭ ᓇᓂᑐᐛᔨᒪᒡ ᑎᐸᔨᒋᒐᓱᐛ᙮
\q1
\v 5 ᐊᑯᑕ ᓇᔅᒡ ᓯᔭᒋᓯᒡ:
\q2 ᐛᔅ ᒋᓴᒪᓂᑐᐤ ᐎᒋᒪᐤ ᐅᑯᐃᔅᑯᑕᑎᓯᐛ᙮
\q1
\v 6 ᔅᒋ ‍ ᓴᒂᔨᒧᐃᑯᐛᓇᐛᐤ ᐅᑭᒐᔅᒋᒧᐛᐅᓄᐛᐤ ᑲ ‍ ᒋᔅᑎᒪᑎᓯᒡ,
\q2 ᐊ ‍ ᐊᔅᐸᔨᒧᑐᑐᐛᒡ ᑎᐸᔨᒋᒐᓱᐛ᙮
\b
\q1
\v 7 ᐅ, ᑭᒪ ᐃᔅᕋᐃᓪ ᐅᐱᒪᒋᐃᑯᓯᐅᓐ ᓴᐃᔭᓂᒡ ᐅᒋᐱᔨᒡ !
\q2 ᐃᔅᐱ ᑎᐸᔨᒋᒐᓱᐤ ᐸᒋ ‍ ᒋᐛᑕᐊᒐ ᑲ ‍ ᒪᒪᒋᑯᓇᑭᓄᐎᔨᒋ ᐅᑦ ᐃᔨᒪ,
\q2 ᒐᑭᑉ ᒋᑭ ‍ ᒥᔽᔨᑎᒻ, ᑭᔭ ᐃᔅᕋᐃᓪ ᒋᑭ ‍ ᓯᒋᔭᓯᐤ᙮
\c 15
\s2 Psalm 15 (Epiphany-4 Year A; Proper-17 Year B; Proper-11 Year C)
\q1
\v 1 ᑎᐸᔨᒋᒐᓱᐤ, ᐊᐛᓐ ᒐ ‍ ᑕᑦ ᒋ ᐸᔭᒋ ‍ ᐊᔭᒥᐊᐅᒋᐛᐱᒡ ?
\q2 ᐊᐛᓐ ᒐ ‍ ᐎᒋᑦ ᒋ ᐸᔭᒋ ‍ ᐱᔅᑯᑎᓇᒥᒡ ?
\b
\q1
\v 2 ᐊᓐ ᑯᐃᔅᒄ ᑲ ‍ ᐱᒧᑕᑦ, ᑭᔭ ᑲ ‍ ᑯᐃᔅᒄ ᐃᔨᑎᑦ,
\q2 ᑭᔭ ᑲ ‍ ᑕᑈᑦ ᐅᑕᐃᒡ᙮
\q1
\v 3 ᐊᓐ ᐊᑲ ᒥᒋᐛᐎᔨᐛᑦ ᐅᑕᔨᔨᒡ ᐅᒡ,
\q2 ᐊᑲ ᑭᔭ ᒥᒋᑐᑐᐛᑦ ᐎᒡ ᐃᔪᐛ,
\q2 ᐊᑲ ᑭᔭ ᑲ ‍ ᒥᒋᐊᔨᒧᒪᑦ ᐎᒡ ᐃᔪᐛ᙮
\q1
\v 4 ᐊᓐ ᐅᔅᒋᓯᑯᒡ ᑲ ‍ ᒪᔭᓯᓄᐛᑦ ᒥᒋᐃᔪᐛ;
\q2 ᒪᒃ ᑲ ‍ ᒋᔅᑕᔨᒪᑦ ᐊᓂᔭ ᑲ ‍ ᓇᓂᒋᔅᑐᐛᔨᒋ ᑎᐸᔨᒋᒐᓱᐛ᙮ ᐊᓐ ᐊ ‍ ᒋᒋᐃᔅᒋᔄᑦ,
\q2 ᐊᑎ ‍ ᐊᐧᑯᐃᑯᑦ, ᓇᒪᐎᔾ ᒂᔅᒋᑐᑎᒻ᙮
\q1
\v 5 ᐊᓐ ᐊᑲ ᐎᔨᐛᑦ ᐅᓱᓇᔭᓂᒻ ᒐᒋ ᐃᔅᐱᐱᔨᒋ,
\q2 ᑭᔭ ᐊᑲ ᐅᑎᓇᐧᒃ ᑎᐸᐊᒪᑯᓯᐅᓂᔪᐤ ᒐᒋ ᐊᔨᒥᐊᑦ ᑲ ᒥᔪ ‍ ᐃᑎᔨᒋ᙮
\q1 ᐊᓐ ᐅᔭ ᑲ ‍ ᐃᑐᑕᐧᒃ ᓇᒪ ᓂᑕ ᒋᑭ ‍ ᐊᒋᐱᔭᑭᓄᐤ᙮
\b
\c 16
\s2 Psalm 16 (Easter-2 Year A; Proper-28 Year B; Proper-8 Year C)
\q1
\v 1 ᑭᓄᐛᔨᒥ, ᐅ ᒋᓴᒪᓂᑐᐤ:
\q2 ᐛᔅ ᒋᔾ ᒋ ‍ ᒪᒥᓯᑐᑕᑎᓐ᙮
\b
\q1
\v 2 ᐅ ᓂᑦ ᐊᒐᐧᒄ, ᔅᒋ ‍ ᐃᑕᐤ ᑎᐸᔨᒋᒐᓱᐤ, “ᒋᔾ ᓂᑎᐸᔨᒋᒐᓯᒻ:
\q2 ᓂᒥᔽᑎᓯᐅᓐ ᓇᒪᐎᔾ ᒋᑦ ᐊᐸᒋᐃᑯᓐ᙮”
\q1
\v 3 ᒪᒃ ᑲᐸᔭᒋᓯᓯᒡ ᐊᔅᒋᒡ ᑲ ‍ ᑕᒡ,
\q2 ᑭᔭ ᐅᒥᔽᑎᓯᐤ, ᒥᓯᐛ ᑲ ‍ ᒥᔽᔨᒥᒂᐤ᙮
\q1
\v 4 ᐅᑯᐸᑕᔨᑎᒧᐅᓄᐛᐛ ᒋᑭ ‍ ᐊᑎ ‍ ᒥᒐᓂᔪᐛ
\q2 ᐊᓐᒡ ᑲ ‍ ᐱᐸᒥᓇᓴᐛᒡ ᑯᑎᑲ ᒥᓂᑐᐛ:
\q1 ᐅᒥᓂᒂᐎ ᐱᔅᑎᓂᒐᐅᓄᐛᐛ ᒥᐧᑯᔪᐤ ᓇᒪᐎᔭ ᓂᑭ ‍ ᐱᔅᑎᓂᒐᐛᓐ,
\q2 ᓇᒪ ᑭᔭ ᓂᑭ ‍ ᐅᑎᓇᒺᓐ ᐅᑦ ᐃᓯᓂᐧᑲᓱᐅᓄᐛᐛ ᓂᑐᓂᒡ᙮
\b
\q1
\v 5 ᑎᐸᔨᒋᒐᓱᐤ ᓂᑦ ᐊᔭᐛᐤ ᐊ ‍ ᑎᐱᔨᐛᐅᓯᔭᓐ ᑭᔭ ᐊ ‍ ᐅᒥᓂᒂᑭᓂᔭᓐ:
\q2 ᒋ ‍ ᑭᓄᐛᔨᑎᒧᐅᓐ ᓂᑦ ᐊᔭᓇ᙮
\q1
\v 6 ᒪᔭᐤ ᑕᑥᐸᒡ ᓂᑦ ᐅᑎᑎᑯᓐ ᐊᓐᑕ ᐊ ᐃᓯ ᒥᔪ ‍ ᐊᔅᒋᐅᒡ;
\q2 ᓂᐦᐃ, ᓂᑦ ᐊᔭᓐ ᒥᔪ ‍ ᑎᐱᔨᐛᐅᓯᐅᓐ᙮
\b
\q1
\v 7 ᓂᑭ ‍ ᒪᒥᒋᒪᐤ ᑎᐸᔨᒋᒐᓱᐤ, ᑲᒋ ‍ ᑭᒐᔅᒋᒥᑦ;
\q2 ᓂᐱᒋᔪᐤ ᑭᔭ ᓂ ‍ ᒋᔅᒋᓄᐊᒪᑯᓐ ᒪᒂᒡ ᐊ ‍ ᑎᐱᔅᑲᒡ᙮
\q1
\v 8 ᒧᔅ ᓂ ‍ ᓂᑲᓇᔭᐤ ᑎᐸᔨᒋᒐᓱᐤ:
\q2 ᓂᒥᔪᐅᓂᒡ ᐊ ‍ ᑕᑦ, ᓇᒪ ᓂᑕ ᓂᑭ ‍ ᐊᒋᐸᔨᐃᑯᐅᓐ᙮
\b
\q1
\v 9 ᐊᐅᒄ ᐅᒡ ᓂᑕᔨᔾ ᓯᒋᔭᓯᒥᑭᓐ, ᑭᔭ ᓂᒋᔅᑕᔨᑕᑯᓱᐅᓐ ᒥᔽᑎᒧᒥᑭᓐ:
\q2 ᓂᔭᔅ ᑭᔭ ᒋᑭ ‍ ᐊᔽᐱᒥᑭᓐ ᐊᔅᐸᔨᒧᐅᓂᒡ᙮
\q1
\v 10 ᐛᔅ ᓇᒪᐎᔾ ᒋᑭ ‍ ᓂᑭᑕᐤ ᓂᑦ ᐊᒐᐧᒄ ᒋᐱᔾ ᐊᔅᒋᒡ;
\q2 ᓇᒪ ᑭᔭ ᒋᑭ ‍ ᓇᐊᔨᒪᐤ ᒋ ‍ ᐸᔭᒋᓯᒻ ᒐᒋ ᐛᐸᑕᐧᒃ ᓂᓱᐅᓇᑎᓯᐅᓂᔪᐤ᙮
\q1
\v 11 ᒋᑭ ‍ ᐛᐸᑎᔨᓐ ᐱᒪᑎᓱᐅ-ᒪᔅᑭᓄᐤ:
\q2 ᐊ ‍ ᐸᑕᔅᑎᒥᐱᔨᓐ ᓴᑭᔅᒋᓇᐤ ᒥᔽᔨᑎᒧᐅᓐ;
\q2 ᒋᒥᔪᐅᓂᒡ ᑎᒂᓇ ᒥᔽᑎᑯᓯᐅᓇ ᑲᒋᒡ᙮
\c 17
\s2 Psalm 17:1-7, 15 (Proper-13 Year A)
\q1
\v 1 ᓂᑐᑕ ᑲ ‍ ᑯᐃᔎᒡ, ᑎᐸᔨᒋᒐᓱᐤ;
\q2 ᐱᓯᒋᑕ ᓂᑕᑈᐅᓐ;
\q2 ᐸᑕ ᓂᑦ ᐊᔭᒥᐊᐅᓐ, ᐊᑲ ᑭᑭᒋᔭᐎ ᒥᑐᓂᒡ ᑲ ᐅᒋ ‍ ᐎᐎᐱᔨᒡ᙮
\q1
\v 2 ᐊᑯᔅ ᓂ ‍ ᑎᐸᔅᑯᓂᑯᓯᐅᓐ ᐊ ‍ ᐸᑕᔅᑎᒥᐱᔨᓐ ᒋᑭ ᐸᒋ ‍ ᐅᒋᐱᔪᐤ;
\q2 ᐊᑯᔅ ᑭᓄᐛᐸᑕ ᑕᐱᔅᑯᓐ ᑲ ‍ ᐃᑕᔨᑕᒂᒋ᙮
\b
\q1
\v 3 ᔅᒋ ‍ ᑯᒂᒋᑕᓐ ᓂᑕᐃ;
\q2 ᔅᒋ ‍ ᓇᓯᓐ ᒪᒂᒡ ᐊ ‍ ᑎᐱᔅᑲᒡ;
\q2 ᔅᒋ ‍ ᑯᒂᒋᐃᓐ, ᓇᒪ ᒐᒂᓐ ᒪᒃ ᒋᑭ ‍ ᒥᔅᑲᓐ:
\q2 ᓂ ‍ ᒐᔅᒋᓇᔭᔨᑕᓐ ᓂᑐᓐ ᒐ ᐊᑲ ᒋ ᒥᒋ ‍ ᐊᔨᒥᒥᑲᒡ᙮
\q1
\v 4 ᐅᑦ ᐊᑐᔅᒐᐅᓄᐛᐛ ᐃᔪᒡ ᐅᒋ, ᒋᑦ ᐃᔨᒧᐅᓇ ᒋᑐᓂᒡ,
\q2 ᓂᒋ ᐅᒋ ‍ ᑭᓄᐛᔨᒥᓱᓐ ᐅᒪᔅᑭᓇᒡ ᐅᒋ ᐅᓂᓱᐅᓇᒋᐃᐛᐤ᙮
\q1
\v 5 ᒥᒋᒥᓇ ᓂᐱᒧᑕᐅᓇ ᒋᒪᔅᑭᓇᒡ, ᒐ ᐊᑲ ᒋ ᒋᐃᓯᓂᔭᓐ᙮
\b
\q1
\v 6 ᔅᒋ ‍ ᓇᑐᒥᑎᓐ;
\q2 ᐛᔅ ᒋᑭ ‍ ᐸᑐᐅᓐ, ᐅ ᒋᓴᒪᓂᑐᐤ:
\q2 ᓂᑐᑐᐎ, ᑭᔭ ᐱᓯᒋᑕ ᑲ ‍ ᐃᔅᒋᔄᔭᓐ᙮
\q1
\v 7 ᐛᐸᑎᔨᐛ ᒋᒪᒥᔅᑲᒋ-ᓴᒋᐃᐛᐎ ᒋᓴᐛᑎᓯᐅᓐ,
\q2 ᐅ ᒋᔾ ᒋᒥᔪᐅᓂᒡ ᑲ ᐅᒋ ‍ ᐱᒪᒋᐃᑥᐤ ᐊᓐᒡ ᑲ ‍ ᒪᒥᓯᑐᑕᔅᒡ ᐊᓂᔭ ᐅᒋ ᑲ ‍ ᐸᓯᑯᔅᑕᑯᒡ᙮
\q1
\v 8 ᑭᓄᐛᔨᒥ ᒧᔭᒻ ᑕᑐᐎᒡ ᒥᔅᒋᓯᑯᒡ,
\q2 ᑲᔨ ᐊ ‍ ᐊᑯᓇᐎᓐ ᒋᒥᑯᓇ,
\q1
\v 9 ᐅᒥᒋᑥᐅᒡ ᐅᒋ ᑲ ‍ ᐊᔨᒥᐃᒡ,
\q2 ᐊᓐᒡ ᓂᐳᐅᓂᒡ ᑲ ᐃᓯ ‍ ᐛᐧᑲᓯᒡ ᐅᒡ, ᑲ ‍ ᐛᔅᑲᔅᑯᐎᒡ᙮
\b
\q1
\v 10 ᐱᒋᐱᔪᐛᒡ ᑎᐱᔽ ᐅᐎᔨᔪᓄᐛᒡ:
\q2 ᐅᑐᓄᐛᒡ ᐅᒋ ᑲᒋᒋᒧᐛᒡ᙮
\q1
\v 11 ᐊᓄᒡ ᓂᒋ ‍ ᐛᔅᑲᔅᑲᑯᓇᓐᒡ ᐊ ‍ ᑕᑕᑯᔅᒐᐅᒋᒡ:
\q2 ᒋ ‍ ᐎᔨᑯᑕᐅᒡ ᐅᔅᒋᓯᑯᐛᐛ ᐊᓇᒡ ᒧᔅᑎᔅᑭᒥᒡ ᐊ ‍ ᐃᑕᐱᒡ᙮
\q1
\v 12 ᒧᔭᒻ ᒥᓯᐱᓱᐤ ᑲ ‍ ᐅᐧᑲᓯᑦ ᐅᒪᔅᑲᑥᐅᓐ,
\q2 ᑭᔭ ᒧᔭᒻ ᒥᓯᐱᓯᔅ ᑲ ᐃᓯ ‍ ᔅᑲᒪᒐᑦ ᐊᓐᑕ ᐊ ‍ ᐊᑯᐛᐤ᙮
\b
\q1
\v 13 ᐱᓯᑯᐤ, ᐅ ᑎᐸᔨᒋᒐᓱᐤ, ᒪᓯᐧᑯᐤ, ᓂᒋᐛᐱᓐ:
\q2 ᐎᐧᑯᒋ ᓂᑦ ᐊᒐᐧᒄ ᐅᒪᒋᑥᐅᒡ ᐅᒡ, ᑲ ‍ ᐅᓯᒪᑭᓂᒥᔭᓐ:
\q1
\v 14 ᐃᔪᒡ ᐅᒋ ᑲ ‍ ᐅᑎᒋᔨᓐ, ᐅ ᑎᐸᔨᒋᒐᓱᐤ,
\q2 ᐊᔅᒋᐤ ᐃᔪᒡ ᐅᒡ, ᑲ ‍ ᒪᑎᓂᒧᐛᑭᓄᔨᒋ ᒪᒂᒡ ᐊᓄᒡ ᐊ ‍ ᐱᒪᑎᓯᓇᓄᐎᒡ,
\q1 ᑭᔭ ᐅᔅᑭᑎᔭ ᑲ ‍ ᓴᑭᔅᒋᓂᑕᐅᑦ ᒋ ‍ ᒋᒧᒡ ᐛᔪᑎᓯᐅᓇ;
\q2 ᓴᑭᔅᒋᓇᔅᑲᑯᐅᒡ ᐊᐛᓴ,
\q2 ᑭᔭ ᑲ ‍ ᐃᔅᑯᐱᔨᒋ ᐅᑦ ᐊᔭᓄᐛᐛ ᓂᑭᑎᒧᐛᐅᒡ ᐅᑦ ᐊᐛᓯᒥᓱᐛᐛ᙮
\b
\s2 Psalm 17:1-7, 15 (Proper-13 Year A)
\q1
\v 15 ᓂᔾ ᒪᒃ, ᓂᑭ ‍ ᑭᓄᐛᐸᑕᓐ ᒋᑕᔅᑎᒥᐧᒄ ᑯᐃᔅᑯᑕᑎᓯᐅᓂᒡ:
\q2 ᓂᑭ ‍ ᑕᐱᒐᔨᑕᓐ ᐸᑯᐱᔭᓇ ᒐᒋ ᐃᓯᓇᑯᓯᔭᓐ ᐊ ‍ ᐃᓯᓇᑯᓯᔨᓐ᙮
\c 18
\q1
\v 1 ᒋᑭ ‍ ᓴᒋᐃᑎᓐ, ᐅ ᑎᐸᔨᒋᒐᓱᐤ, ᓂ ‍ ᒥᔅᑯᐅᓯᐅᓐ᙮
\b
\q1
\v 2 ᑎᐸᔨᒋᒐᓱᐤ ᓂᒋᔅᑕᐱᔅᑯᒻ, ᑭᔭ ᓂᓂᑐᐱᔪᐅᒋᐛᐱᒻ, ᑭᔭ ᓂᐱᒪᒋᐃᐛᒻ;
\q2 ᓂᒋᓴᒪᓂᑐᒻ, ᓂ ‍ ᒥᔅᑯᐅᓯᐅᓐ ᐊᓐ ᑲ ‍ ᒪᒥᓯᑐᑐᐅᒃ;
\q2 ᓂᑦ ᐊᒂᓇᐅᓱᐛᑭᓐ, ᑭᔭ ᓂᐱᒪᒋᐃᑯᓯᐤ ᐊᔅᑭᓐ, ᑭᔭ ᓂ ᒋᒋ ‍ ᐊᓱᐛᐳᐅᓐ᙮
\q1
\v 3 ᓂᑭ ‍ ᑕᑈᑕᐤ ᑎᐸᔨᒋᒐᓱᐤ ᑲ ‍ ᑕᑈᐅᒐᔨᑕᑯᓯᑦ ᒐᒋ ᒪᒥᒋᒪᑭᓄᐅᑦ:
\q2 ᐊᑯ ᒪᒃ ᒐ ‍ ᐱᒪᒋᐃᑯᐅᔭᓐ ᐊᓐᒡ ᑲ ‍ ᐛᐧᑲᓯᒡ ᐅᒡ᙮
\b
\q1
\v 4 ᐊ ᐃᓯ ‍ ᐊᔨᒥᐃᐛᒡ ᓂᐳᐅᓂᒡ ᓂᒋ ‍ ᐛᔅᑲᔅᑲᑯᓐ,
\q2 ᑭᔭ ᑲ ‍ ᒥᒐᑎᒡ ᐊᑲ ᒥᔽᔨᑕᑯᓯᒡ ᐃᔪᒡ ᓂᒋ ‍ ᓴᒋᐃᑯᒡ᙮
\q1
\v 5 ᐊ ᐃᓯ ‍ ᑯᒂᑕᒐᔨᑕᒂᒋ ᒋᐱ ‍ ᐊᔅᒋᒡ ᓂᒋ ‍ ᐛᔅᑲᔅᑲᑯᓐ:
\q2 ᓂᐳᐅᓂ ᓇᒂᓇ ᓂᒋ ‍ ᐅᑎᑎᑯᓐ᙮
\q1
\v 6 ᓂᑦ ᐊᔨᒥᓯᐅᓂᒡ ᓂᒋ ‍ ᑕᑈᑕᐤ ᑎᐸᔨᒋᒐᓱᐤ,
\q2 ᑭᔭ ᓂᒋ ‍ ᒧᔎᑕᐤ ᓂᒋᓴᒪᓂᑐᒻ:
\q1 ᓂᒋ ‍ ᐸᑕᒄ ᒪᒃ ᐅᐸᔭᒋ-ᐊᔭᒥᐊᐅᒋᐛᐱᒡ ᐅᒡ,
\q2 ᑭᔭ ᒋ ‍ ᐅᑎᑎᑯᐤ ᓂᒪᐅᓂᔪᐤ, ᐎᑐᑲᒡ ᐅᑦ᙮
\b
\q1
\v 7 ᐊᑯ ᐊᔅᒋᔾ ᒂᔅᑯᐱᔨᒡ ᑭᔭ ᓂᔭᓇᒥᐱᔨᒡ;
\q2 ᑲ ᐅᒋ ‍ ᒥᔅᑯᐛᒋ ᐱᔅᑯᑎᓇᐛ ᒋ ‍ ᐊᔭᒋᐱᔪᐛ ᑭᔭ ᒋ ‍ ᑯᔅᑯᐱᔪᐛ,
\q2 ᐊᒋ ‍ ᐊᐧᑯᔪᐛᓯᑦ᙮
\q1
\v 8 ᐅᑕᔨᑯᒥᒡ ᒋ ‍ ᐅᑕᐸᑕᔪᐤ,
\q2 ᑭᔭ ᐃᔅᑯᑕᔪᐤ ᐅᑐᓂᒡ ᐅᒋ ᒋ ‍ ᓂᓱᐅᓇᒋᐃᐛᒪᑭᓂᔪᐤ:
\q2 ᑲᒋᑕᐛ ᒋ ‍ ᐃᔎᓯᑲᑕᐛ ᐊᓂᔭᔪᐤ ᐅᒡ᙮
\q1
\v 9 ᒋ ‍ ᑕᐸᑎᓂᒻ ᒋᓯᒂ ᒪᒃ, ᑭᔭ ᒋ ᐸᒋ ‍ ᔭᓯᐤ:
\q2 ᒋ ‍ ᐅᓂᑎᐱᔅᑲᐃᔪᐤ ᒪᒃ ᓯᐸ ᐅᓯᑎᒡ᙮
\q1
\v 10 ᒋ ‍ ᑕᑎᐳᐤ ᒪᒃ ᒐᕋᐱᒡ, ᑭᔭ ᒋ ‍ ᐱᒥᔭᐤ:
\q2 ᓂᐦᐃ, ᒋ ‍ ᐱᒥᔭᐤ ᐊᐅᑎᑎᒂᓂᔨᒡ ᔪᑎᓂᔪᐤ᙮
\q1
\v 11 ᒋ ‍ ᐅᒋᒧᑦ ᐅᑎᑕᐅᓂᑎᒻ ᐊᓐᑕ ᐊ ‍ ᐅᓂᑎᐱᔅᑲᔨᒡ,
\q2 ᒋ ‍ ᐅᒥᒋᐛᐱᒧᐤ ᐅᓂᑎᐱᔅᑲᐎ ᓂᐱᔭ, ᑭᔭ ᐊᔅᐱᑭᔅᑯᓂᔨᒡ ᒋᓯᑯᒡ᙮
\q1
\v 12 ᐊ ‍ ᐛᓴᔭᔨᒡ ᑲ ‍ ᓂᑲᓂᐸᔨᔅᑕᑯᑦ ᐅᒋᔅᐸᑲᔅᑯᓂᒡ ᒋᓯᑯᒡ ᒋ ‍ ᐎᒪᐱᔪᐛ,
\q2 ᓴᓴᑲᓯᓂᔭ ᑭᔭ ᐃᔅᑯᑕᐤ ᑲᔅᑕᐛ᙮
\q1
\v 13 ᑎᐸᔨᒋᒐᓱᐤ ᑭᔭ ᒋ ‍ ᐅᓂᒥᔅᒋᒐᐤ ᒋᓯᑯᒡ,
\q2 ᒪᐅᒡ ᒋᔅᑎᓯᑦ ᒋ ‍ ᐸᑕᑯᓱᐤ;
\q2 ᓴᓴᑲᓯᓂᔭ ᑭᔭ ᐃᔅᑯᑕᐤ ᑲᔅᑕᐛ᙮
\q1
\v 14 ᓂᐦᐃ, ᒋ ‍ ᐃᑎᓴᐛᐤ ᐅᑦ ᐊᑭᔎ, ᑭᔭ ᒋ ‍ ᐛᓴᔄᑎᓴᐛᐤ:
\q2 ᒋ ‍ ᐱᒧᑕᒂᒐᐤ ᐊ ‍ ᐛᔅᑕᐱᔨᔨᒡ, ᑭᔭ ᒋ ‍ ᓴᐧᑯᒋᐊᐤ᙮
\q1
\v 15 ᐊᑯ ᐃᑕᒥᐸᑯᒡ ᑲ ‍ ᓄᒂᒡ,
\q2 ᑭᔭ ᐊᓐᑕ ᐊᓱᐧᑲᔅᑕᒡ ᐊᔅᒋᔾ ᑲ ‍ ᓄᒂᒡ ᐊ ‍ ᒋᑐᑎᒥᓐ, ᐅ ᑎᐸᔨᒋᒐᓱᐤ,
\q2 ᐊ ‍ ᒋᔅᑎᒡ ᒋᔭᔭᐅᓐ ᒋᑕᔨᑯᒥᒡ᙮
\b
\q1
\v 16 ᐃᔅᐱᒥᒡ ᒋ ᐅᒋ ‍ ᐸᒋᑎᓴᐅᐛᐤ,
\q2 ᓂᔾ ᓂᒋ ‍ ᐅᑎᓂᒄ ᒪᒃ,
\q2 ᒥᒐᑦ ᓂᐱᔭ ᓂᒋ ᐅᒋ ‍ ᐎᐎᐱᑎᒄ᙮
\q1
\v 17 ᓂᒋ ‍ ᐱᒪᒋᐃᒄ ᑲ ‍ ᐛᐧᑲᓯᑦ ᐅᒋ ᑲ ‍ ᒥᔅᑯᐅᓯᑦ,
\q2 ᐊᓐᒡ ᑭᔭ ᑲ ‍ ᐛᐧᑲᓯᒡ ᐅᒡ:
\q2 ᐛᔅ ᐅᓴᒻ ᒋ ‍ ᒥᔅᑯᐅᓯᐅᒡ ᓂᔾ ᒐᒋ ᒋ ‍ ᓴᐧᑯᒋᐊᒂᐤ᙮
\q1
\v 18 ᓂᒋ ‍ ᐅᑎᒥᐃᑯᒡ ᓂ ‍ ᑯᒂᑕᒋᓱᐎ ᒋᓯᑲᒥᒡ,
\q2 ᒪᒃ ᑎᐸᔨᒋᒐᓱᐤ ᓂᒋ ‍ ᓯᑐᓂᒄ᙮
\q1
\v 19 ᓂᑭ ᐸᒋ ‍ ᐃᑐᑕᐃᒃ ᑭᔭ ᐊᓐᑕ ᐊ ‍ ᒥᓴᔨᒡ:
\q2 ᓂᒋ ‍ ᐱᒪᒋᐃᒄ, ᐊᒋ ‍ ᒥᔽᔨᒥᑦ᙮
\b
\q1
\v 20 ᑎᐸᔨᒋᒐᓱᐤ ᓂᒋ ‍ ᑎᐸᐊᒪᒃ ᐊ ᐃᓯ ‍ ᑯᐃᔅᑯᑕᑎᓯᔭᓐ;
\q2 ᐊ ᐃᓯ ‍ ᐸᔭᒋᒋᒐᔭᓐ ᓂᒋ ᑕᐱ ‍ ᒥᔨᒃ᙮
\q1
\v 21 ᐛᔅ ᓂᒋ ‍ ᑭᓄᐛᔨᑎᒺᓐ ᐅᑦ ᐃᓯᑥᐅᓇ ᑎᐸᔨᒋᒐᓱᐤ,
\q2 ᓇᒪ ᑭᔭ ᓂ ᐅᒋ ᐸᒋ ‍ ᓂᑭᑕᐤ ᓂᒋᓴᒪᓂᑐᒻ᙮
\q1
\v 22 ᐛᔅ ᒥᓯᐛ ᐅᑎᐸᔅᑯᓂᒐᐅᓇ ᓂᒋ ‍ ᐅᑎᔅᑲᐎᔅᑲᑯᐛᓐ,
\q2 ᓇᒪ ᑭᔭ ᓂᒋ ‍ ᐃᑲᑕᔅᑎᒪᓱᐛᓐ ᐅᑦ ᐃᑎᓱᐛᐅᓇ᙮
\q1
\v 23 ᓂᒋ ‍ ᑯᐃᔅᑯᑕᑎᓯᔅᑐᐛᐤ ᑭᔭ,
\q2 ᐊᓯᒡ ᑭᔭ ᓂᒋ ‍ ᓇᑲᓂᑎᓱᓐ ᓂᒥᒐᑎᓯᐅᓂᒡ ᐅᒡ᙮
\q1
\v 24 ᐊᐅᒄ ᐅᒋ ᑎᐸᔨᒋᒐᓱᐤ ᓂᒋ ‍ ᑎᐸᐊᒪᒃ ᐊ ᐃᓯ ‍ ᑯᐃᔅᑯᑕᑎᓯᔭᓐ,
\q2 ᐊ ᐃᓯ ‍ ᐛᐸᑕᐧᒃ ᐊ ‍ ᐸᔭᒋᔅᑕᒐᔭᓐ᙮
\b
\q1
\v 25 ᑲ ‍ ᓱᐛᔨᒋᒐᒡ ᒋᑭ ‍ ᓱᐛᔨᒪᐅᒡ;
\q2 ᑲ ‍ ᑯᐃᔅᑭᑎᑦ ᐃᔪᐤ ᒋᑭ ‍ ᑯᐃᔅᑯᑕᑎᓯᔅᑐᐛᐤ᙮
\q1
\v 26 ᑲ ‍ ᐸᔭᒋᓯᒡ ᒋᑭ ‍ ᐸᔭᒋᓯᔅᑐᐛᐅᒡ;
\q2 ᑭᔭ ᑲ ‍ ᐊᒂᑎᓯᒡ ᒋᑭ ‍ ᐊᒂᑎᓯᔅᑐᐛᐅᒡ᙮
\q1
\v 27 ᐛᔅ ᒋᑭ ‍ ᐱᒪᒋᐊᐅᒡ ᑲ ‍ ᐊᔨᒥᑯᒡ ᒐᒂᔪᐤ ᐃᔪᒡ;
\q2 ᒪᒃ ᒋᑭ ‍ ᓂᒋᐛᐱᓇᓐ ᐃᔅᐱᑕᐃᒥᑎᓱᐅᓐ᙮
\q1
\v 28 ᐛᔅ ᒋᑭ ‍ ᓯᔅᑲᐊᓐ ᓂᐛᔅᑕᓂᐱᒪᑭᓐ:
\q2 ᑎᐸᔨᒋᒐᓱᐤ ᓂᒋᓴᒪᓂᑐᒻ ᒋᑭ ‍ ᐛᔅᑕᓂᒻ ᓂ ‍ ᐅᓂᑎᐱᔅᒋᓯᐅᓂᔪᐤ᙮
\q1
\v 29 ᐛᔅ ᒋᔾ ᐅᒋ ᓂᒋ ‍ ᓴᐳᔅᑯᐛᐅᒡ ᓂᑐᐱᔪᐅ-ᐃᔪᒡ;
\q2 ᓂᒋᓴᒪᓂᑐᒻ ᐅᒋ ᒪᒃ ᓂᒋ ‍ ᐸᔅᒋᒂᔅᑯᑎᓐ ᒪᓂᑭᓂᒡ᙮
\b
\q1
\v 30 ᒋᓴᒪᓂᑐᐤ ᒪᒃ, ᐸᔭᐧᑭᓂᔪᐤ ᐅᑦ ᐃᓯᑥᐅᓐ;
\q2 ᑎᐸᔨᒋᒐᓱᐤ ᐅᑦ ᐃᔨᒧᐅᓐ ᑯᒂᒋᑕᑭᓄᐎᔪᐤ:
\q2 ᐎᔾ ᐊᐅᒄ ᐅᑦ ᐊᒂᓇᐅᓱᐛᑭᓄᐛᐤ ᒥᓯᐛ ᐊᓂᔭ ᑲ ‍ ᒪᒥᓯᑐᑕᑯᑦ᙮
\q1
\v 31 ᐛᔅ ᐊᐛᓐ ᒋᓴᒪᓂᑐᐤ ᒥᒄ ᐎᔾ ᑎᐸᔨᒋᒐᓱᐤ ?
\q2 ᐊᐛᓐ ᒪᒃ ᒐᔅᑕᐱᔅᑯᐎᑦ ᒥᒄ ᒋ ‍ ᒋᓴᒪᓂᑐᒥᓄᐤ ?
\q1
\v 32 ᒋᓴᒪᓂᑐᐤ ᐊᐅᑯᓐ ᑲ ‍ ᐱᒂᑕᐅᑦ ᒥᔅᑯᐅᓯᐅᓂᔪᐤ,
\q2 ᑭᔭ ᑲ ‍ ᐸᔭᒋᑕᑦ ᓂ ‍ ᒪᔅᑭᓇᔪᐤ᙮
\q1
\v 33 ᐃᓯᓇᑯᑕᐤ ᓂᓯᑕ ᒧᔭᒻ ᐊᑎᒂ ᐅᓯᑎᔨᐛ,
\q2 ᑭᔭ ᓂ ‍ ᑕᑕᔨᒄ ᐊᓐᑕ ᐊ ‍ ᐃᔅᐸᓇᔨᒡ᙮
\q1
\v 34 ᒋᔅᒋᓄᐊᒪᑎᒻ ᓂᑎᒋᔭ ᒐ ᐃᓯ ‍ ᓂᑐᐱᔨᒥᑭᓂᔨᒋ,
\q2 ᐃᓴᑯᐅ-ᐊᒐᐱᔾ ᒪᒃ ᓂ ‍ ᓇᑥᐱᑕᐤ᙮
\q1
\v 35 ᔅᒋ ‍ ᒥᔨᓐ ᑭᔭ ᐱᒪᒋᐃᐛᐤ ᐊᒂᓇᐅᓱᐛᑭᓐ:
\q2 ᒋᒥᔪᐅᓐ ᓂᒋ ‍ ᓯᑐᓂᑯᓐ,
\q2 ᑭᔭ ᒋ ‍ ᒋᔭᒪᐎᓯᐅᓐ ᓂᒋ ‍ ᒋᔅᑎᓯᐃᑯᓐ᙮
\q1
\v 36 ᔅᒋ ‍ ᒧᓴᔅᑕᓐ ᓂᑕᑕᑯᔅᒐᐅᓇ,
\q2 ᒐ ᐊᑲ ‍ ᒋᐃᓯᓂᔭᓐ᙮
\b
\q1
\v 37 ᓂᒋ ‍ ᓄᓱᔅᑯᐛᐅᒡ ᑲ ‍ ᐛᐧᑲᓯᒡ,
\q2 ᓂᒋ ‍ ᐊᑎᒥᐱᔅᑐᐛᐅᒡ ᒪᒃ ᓇᒪ ᑭᔭ ᓂ ᐅᒋ ‍ ᒋᐛᑲᐳᐅᓐ ᐸᑎᒪ ᐃᔅᐱ ᒥᓯᐛ ᑲᒋ ‍ ᓂᓱᐅᓇᒋᐊᒂᐤ᙮
\q1
\v 38 ᓂᒋ ‍ ᒥᔄᑭᓂᑲᑕᐅᒡ ᐛᒋ ᐊᑲ ᑭᔅᒋᑕᒡ ᒐᒋ ᐱᓯᑯᒡ:
\q2 ᓯᐸ ᓂᓯᑎᒡ ᒋ ‍ ᐸᒋᓯᓄᐅᒡ᙮
\q1
\v 39 ᐛᔅ ᔅᒋ ‍ ᐱᒂᑕᐎᓐ ᒥᔅᑯᐅᓯᐅᓐ ᐅᒋ ᒐᒋ ᓂᑐᐱᔨᔭᓐ:
\q2 ᔅᒋ ‍ ᓴᐧᑯᒋᑎᒧᐅᓐ ᐊᓐᒡ ᑲ ‍ ᐱᓯᑯᔅᑐᐅᒡ᙮
\q1
\v 40 ᐊᓯᒡ ᑭᔭ ᔅᒋ ‍ ᒥᔨᓐ ᐅᑯᔪᐛᐛ ᑲ ‍ ᐛᐧᑲᓯᒡ;
\q2 ᒐᒋ ᓂᓱᐅᓇᒋᐊᒂᐤ ᐊᓐᒡ ᑲ ‍ ᐛᐧᑲᓯᒡ᙮
\q1
\v 41 ᒋ ‍ ᑕᑈᐅᒡ, ᒪᒃ ᓇᒪᐎᔾ ᒋ ‍ ᑕᔪᐛ ᒐ ‍ ᐱᒪᒋᐃᑯᒡ,
\q2 ᐊᑎ ᑭᔭ ᑎᐸᔨᒋᒐᓱᐛ, ᒪᒃ ᓇᒪ ᒋ ᐅᒋ ‍ ᓂᔅᑯᒥᑯᐅᒡ᙮
\q1
\v 42 ᐊᑯ ᑲ ‍ ᐱᐱᓯᐅᒂᐤ ᒧᔭᒻ ᒥᒋᒥᔅᑯᓱᐤ ᐊ ‍ ᐛᐸᔅᑎᒡ:
\q2 ᓂᒋ ‍ ᐎᔪᐎᐛᐱᓇᐅᒡ ᒧᔭᒻ ᒥᒋ ‍ ᒐᒂᓐ ᐱᒧᑕᔅᑭᓇᒡ᙮
\b
\q1
\v 43 ᔅᒋ ‍ ᐱᒪᒋᐃᓐ ᐊᒋ ‍ ᐃᔨᐛᒧᑐᑐᐎᒡ ᐃᔪᒡ;
\q2 ᑭᔭ ᔅᒋ ‍ ᑎᐸᔨᑎᒥᐃᓐ ᐊᑲ ᐊᔭᒥᐊᒡ:
\q2 ᐃᔪᒡ ᐊᑲ ᑲ ‍ ᒋᔅᒐᔨᒥᒡ ᓂᑭ ‍ ᐊᑐᔅᑲᑯᒡ᙮
\q1
\v 44 ᐃᔅᐱ ᐸᑐᑥᐛ, ᓂᑭ ‍ ᓂᓇᐃᑕᑯᒡ,
\q2 ᒪᓐᑕᐅᒡ ᓂᑭ ‍ ᑕᑈᑎᑯᒡ᙮
\q1
\v 45 ᒪᓐᑕᐅᒡ ᒋᑭ ‍ ᐛᐱᐱᔪᐅᒡ,
\q2 ᑭᔭ ᒋᑭ ‍ ᓴᒋᓯᐅᒡ ᐅᒋᒧᑦ ‍ ᐃᑕᐅᓄᐛᒡ ᐅᒡ᙮
\b
\q1
\v 46 ᑎᐸᔨᒋᒐᓱᐤ ᐱᒪᑎᓯᐤ;
\q2 ᒋᑭ ᐎ ‍ ᒪᒥᒋᒪᑭᓄᐤ ᓂᒋᔅᑕᐱᔅᑯᒻ;
\q2 ᐊᑯᔅ ᒪᒃ ᒋᑭ ‍ ᐃᔅᐸᔨᑕᑯᐊᑭᓄᐤ ᒋᓴᒪᓂᑐᐤ ᓂᐱᒪᒋᐃᐛᒻ᙮
\q1
\v 47 ᐎᔾ ᒋᓴᒪᓂᑐᐤ ᓂᒋ ‍ ᒋᐛᑎᐸᐊᒪᒄ,
\q2 ᑭᔭ ᐊᓐ ᑲ ‍ ᓴᐧᑯᒋᑎᒧᐅᑦ ᐃᔪᐛ᙮
\q1
\v 48 ᓂ ‍ ᐱᒪᒋᐃᒄ ᑲ ‍ ᐛᐧᑲᓯᔨᒋ ᐅᒡ:
\q2 ᓂᐦᐃ, ᒋᑦ ᐃᔅᐸᐃᑕᑯᐎᓐ ᒐᒋ ᐊᔪᐛᒋᔅᑯᐛᒂᐤ ᐊᓐᒡ ᑲ ‍ ᐱᓯᑯᔅᑐᐅᒡ;
\q2 ᔅᒋ ‍ ᐱᒪᒋᐃᓐ ᑲ ‍ ᐊᒂᑎᓯᑦ ᐃᔪᐤ ᐅᒡ᙮
\q1
\v 49 ᐊᐅᒄ ᐅᒋ ᒋᑭ ‍ ᓂᓇᔅᑯᒥᑎᓐ, ᐅ ᑎᐸᔨᒋᒐᓱᐤ, ᐊᓐᑕ ᐊ ‍ ᐃᑕᒡ ᐊᑲ ᐊᔭᒥᐊᒡ,
\q2 ᑭᔭ ᐊ ‍ ᓂᑭᒧᔭᓐ ᓂᑭ ‍ ᒪᒥᒋᑕᓐ ᒋᑦ ᐃᓯᓂᐧᑲᓱᐅᓐ᙮
\q1
\v 50 ᒋᒋ ᐎᒂᒋᐃᐛᐅᓂᔪᐤ ᒥᔭᐤ ᐅᒋᓴᐅᒋᒪᒪ,
\q2 ᑭᔭ ᓱᐛᔨᒋᒐᐅᓂᔪᐤ ᐛᐸᑎᔭᐤ ᐅᑦ ᐊᐱᒋᐊᑭᓂᔪᐛ,
\q2 ᑎᐱᑕ, ᑭᔭ ᐅᑦ ᐊᐛᓯᒥᓯᔪᐛ ᑲᒋᒡ᙮
\c 19
\s2 Psalm 19 (Proper-22 Year A; Lent-3 Year B; Epiphany-3 Year C)
\q1
\v 1 ᒋᓯᒂ ᐎᑎᒧᒥᑭᓇ ᐅᒋᔅᑕᔨᑕᑯᓱᐅᓐ ᒋᓴᒪᓂᑐᐤ,
\q2 ᑭᔭ ᒧᓴ ᒋᓯᒄ ᐛᐸᑎᔨᐛᒥᑭᓐ ᐅᑭᔅᒋᐅ-ᐊᑐᔅᒐᐅᓐ᙮
\q1
\v 2 ᑕᑥᐤ ᐊ ‍ ᒋᓯᑲᒡ ᐃᔨᒥᒥᑭᓐ,
\q2 ᑭᔭ ᑕᑥᐤ ᐊ ‍ ᑎᐱᔅᑲᒡ ᐛᐸᑎᔨᐛᒥᑭᓐ ᒋᔅᒐᔨᑎᒧᐅᓐ᙮
\q1
\v 3 ᓇᒪᐎᔾ ᑎᑯᓐ ᐊ ᐃᓯ ‍ ᐃᔨᒥᓇᓄᐅᒡ ᑭᔭ ᒪᒃ ᐊ ᐃᓯ ‍ ᐃᔅᒋᔄᓄᐅᒡ,
\q2 ᐊᓐᑕ ᐊᑲ ᐸᑕᑯᓯᒥᑲᒡ᙮
\q1
\v 4 ᐊ ‍ ᐸᑕᒂᒡ ᐃᑐᑕᒥᑭᓐ ᒥᓯᐛᔅᑭᒥᑲᒡ,
\q2 ᑭᔭ ᑲ ‍ ᐃᔅᒋᔄᒥᑲᒡ ᐊ ‍ ᐃᔎᔅᑭᒥᑲᒡ᙮
\b
\q1 ᐊᑯᑕ ᑲᒪᓄᑯᐛᑦ ᒋᓯᑲᐤ ᐱᓯᒺ,
\q2
\v 5 ᑲ ‍ ᓂᔅᐱᑐᐛᑦ ᐅᔅᒋᓂᐳᐛᓇ ᐊ ᐸᒋ ‍ ᐎᐎᔨᒋ ᐅᐱᔅᒋᒋᒋᐛᐱᓯᔨᒡ ᐅᒡ,
\q2 ᑭᔭ ᑲ ‍ ᒥᔽᑕᐧᒃ ᒧᔭᒻ ᑲ ‍ ᒥᔅᑯᐅᓯᔨᒋ ᐃᔪᐛ ᑲ ‍ ᑯᒂᔅᑭᔅᑕᔨᒐᔨᒋ᙮
\q1
\v 6 ᐊ ‍ ᐃᔎᔭᔨᒡ ᒋᓯᑯᒡ ᐅᒋ ᐸᒋ ‍ ᐃᔅᐱᔪᐤ,
\q2 ᑭᔭ ᒥᓐ ᐊ ‍ ᐃᔎᔭᔨᒡ ᐃᔅᐱᔅ ᐛᔅᑲᐱᔪᐤ:
\q2 ᒥᓯᐛ ᑕᑐᐤ ᒐᒂᔪᐤ ᑭᔭ ᒋᓯᓯᒻ᙮
\b
\q1
\v 7 ᐅᑦ ᐃᑎᓱᐛᐅᓐ ᑎᐸᔨᒋᒐᓱᐤ ᐸᔭᐧᑭᓂᔪᐤ, ᐊᒐᐧᒄ ᐊ ‍ ᒂᔅᑲᑎᓯᔅᑲᑯᑦ:
\q2 ᐅᑎᐸᒋᒧᐅᓐ ᑎᐸᔨᒋᒐᓱᐤ ᒐᔅᑎᓇᑕᔭᔨᑕᑯᓂᔪᐤ, ᐊ ‍ ᑭᒐᑕᐛᔨᑎᒥᑯᒡ ᐊᑲ ᑭᒐᑕᐛᔨᑕᒡ᙮
\q1 ᐎᔾ ᒥᒄ ᑭᔅᒋᑕᐤ ᑯᐃᔅᒄ ᒐ ᐃᓯ ‍ ᑭᒐᔅᒋᒪᑦ,
\q2 ᐎᔾ ᓇᔅᒡ ᒥᓯᐛ ᐊ ᐃᓯ ‍ ᒥᔪᑥᐛᑎᓯᑦ᙮
\q1
\v 8 ᐅᑦ ᐃᑎᓱᐛᐅᓇ ᑎᐸᔨᒋᒐᓱᐤ ᑯᐃᔎᓂᔪᐛ, ᐊ ‍ ᒥᔽᔨᑎᒧᔅᑲᒐᔨᒋ:
\q2 ᐅᑭᒐᔅᒋᒧᐛᐅᓐ ᑎᐸᔨᒋᒐᓱᐤ ᐸᔭᐧᑭᓂᔪᐤ, ᐊ ‍ ᐛᐸᑎᔨᐛᒥᑭᓂᔨᒡ᙮
\q1
\v 9 ᐅᓇᓂᒋᔅᑕᑯᓯᐅᓐ ᑎᐸᔨᒋᒐᓱᐤ ᐸᔭᐧᑭᓂᔪᐤ, ᑲᒋᒡ ᐊ ‍ ᑎᑯᓂᔨᒡ:
\q2 ᐅᑎᐸᔅᑯᓂᒐᐅᓇ ᑎᐸᔨᒋᒐᓱᐤ ᑕᑈᒪᑭᓂᔪᐛ ᑭᔭ ᓇᔅᒡ ᑯᐃᔅᑯᑕᑎᓯᒥᑭᓂᔪᐛ᙮
\q1
\v 10 ᐊᔪᐛᒃ ᒧᔅᑕᓇᔨᑕᑯᓂᔪᐛ ᐃᔅᐱᔅ ᐎᔄᐅᓱᓇᔭᐱᔅᒄ,
\q2 ᓂᐦᐃ, ᐃᔅᐱᔅ ᒥᔅᑎ ᐊ ‍ ᒥᔪᓯᓯᑦ ᐎᔄᐅᓱᓇᔭᐱᔅᒄ:
\q2 ᐊᔪᐛᒃ ᐊᓯᐛᒡ ᐃᔅᐱᔅ ᑲᓯᐛᓯᐛᐳᔾ, ᑭᔭ ᐊᒧᐤ ᑲᓯᐛᓯᐛᐳᔾ᙮
\q1
\v 11 ᑭᔭ ᒪᒃ ᐊ ‍ ᑭᒐᔅᒋᒥᑯᑦ ᒋᑦ ᐊᑐᔅᒐᔭᑭᓐ:
\q2 ᑭᔭ ᐊ ‍ ᑭᓄᐛᔨᑕᑭᓄᐅᒡ ᒥᔅᑎ ᑎᐸᐊᒪᒐᐅᓐ ᑎᑯᓐ᙮
\b
\q1
\v 12 ᐊᐛᓐ ᒐᒋ ᓂᔅᑐᑕᐧᒃ ᐅᐅᓂᑐᐅᓇ ?
\q2 ᐸᔭᒋᐃ ᓂᒋᒧᑦ ᒥᒋᐃᑐᐅᓇ ᐅᒡ᙮
\q1
\v 13 ᒋᑕᐊᒧᐤ ᑭᔭ ᒋᑦ ᐊᑐᔅᒐᔭᑭᓐ ᒐ ᐊᑲ ᒋ ᐊᐃᓴᒡ ᒥᒋᑐᑕᐧᒃ;
\q2 ᐊᑯᔅ ᐊᑲᐎᔾ ᓂᑭ ‍ ᑎᐸᔨᒥᑯᓐ,
\q2 ᐊᑯ ᒐ ᐸᔭᒋ ‍ ᐃᑕᑎᓯᔭᓐ ᒐ ᐊᑲ ᒋ ᒥᒋᑐᑎᒪᓐ᙮
\b
\q1
\v 14 ᐊᑯᔅ ᓂᑦ ᐃᔨᒧᐅᓇ ᓂᑐᓂᒡ, ᑭᔭ ᐊ ᐃᓯ ‍ ᒪᒥᑐᓇᔨᑎᒪᓐ ᓂᑕᐃᒡ,
\q2 ᒋᑭ ‍ ᒥᔪᓇᑯᓇ ᐊ ‍ ᑭᓄᐛᐸᑎᒥᓐ,
\q2 ᐅ ᑎᐸᔨᒋᒐᓱᐤ, ᓂ ‍ ᒥᔅᑯᐅᓯᐅᓐ ᑭᔭ ᓂᐱᒪᒋᐃᐛᓯᒻ᙮
\c 20
\q1
\v 1 ᑎᐸᔨᒋᒐᓱᐤ ᒋᑭ ‍ ᓂᑐᑕᒄ ᐊᔨᒥᓱᐎ ᒋᓯᑲᒐ:
\q2 ᐅᑦ ᐃᓯᓂᐧᑲᓱᐅᓐ ᒐᑭᑉ ᐅᒋᓴᒪᓂᑐᒪ ᒋᑭ ‍ ᒋᔅᐸᐛᑎᑯᐛᓐ;
\q1
\v 2 ᒋᑭ ‍ ᐸᒋᑎᓴᐊᒪᒄ ᐎᒋᐃᐛᐅᓂᔪᐤ ᐸᔭᒋ-ᒥᒋᐛᐱᒡ ᐅᒡ,
\q2 ᑭᔭ ᒋᑭ ‍ ᒥᔅᑯᐅᓯᐃᒄ ᓴᐃᔭᓂᒡ ᐅᒡ;
\q1
\v 3 ᒋᑭ ‍ ᒋᔅᒋᓯᐤ ᒥᓯᐛ ᒋᐱᔅᑎᓂᒐᐅᓇ,
\q2 ᑭᔭ ᒋᑭ ‍ ᐅᑎᓂᒻ ᒋᑦ ᐃᔎᑕᐎ ᐱᔅᑎᓂᒐᐅᓂᔪᐤ᙮
\q1
\v 4 ᒋᑭ ‍ ᒥᔨᒄ ᐊ ᐃᓯ ‍ ᓂᑐᐛᔨᑎᒥᓐ ᒋᑕᐃᒡ,
\q2 ᑭᔭ ᒋᑭ ‍ ᑎᐱᐸᔨᑕᐤ ᒥᓯᐛ ᒋᑭᒐᔅᒋᒧᐛᐅᓂᔪᐤ᙮
\q1
\v 5 ᓂᑭ ‍ ᒥᔽᔨᑕᓇᓐ ᒋᐱᒪᒋᐃᐛᐅᓂᒡ,
\q2 ᑭᔭ ᐅᑦ ᐃᓯᓂᐧᑲᓱᐅᓂᒡ ᓂᒋᓴᒪᓂᑐᒥᓇᓐ ᓂᑭ ‍ ᒋᒥᑕᓇᓐ ᓂᑦ ᐊᔭᒥᐊᐛᒋᓂᒥᓇᓇ,
\q2 ᑎᐸᔨᒋᒐᓱᐤ ᒋᑭ ‍ ᑎᐱᐸᔨᑕᐤ ᒥᓯᐛ ᒋᓂᑐᑎᒪᒐᐅᓇ᙮
\b
\q1
\v 6 ᐊᑯ ᒐᔅᒐᔨᑎᒪᓐ ᑎᐸᔨᒋᒐᓱᐤ ᐊ ‍ ᐱᒪᒋᐊᑦ ᐅᑐᒥᔅᑯᓇᑭᓇ᙮
\q2 ᒋᑭ ‍ ᓂᑐᑐᐛᐤ ᐅᐸᔭᒋ-ᒋᒋᒋᓯᑯᒥᒡ ᐅᒡ,
\q2 ᐅᒥᔪᐅᓐ ᐊ ‍ ᒥᔅᑯᐅᓱᐎ ᐱᒪᒋᐃᐛᒪᑭᓂᔨᒡ᙮
\q1
\v 7 ᐱᔅᒐ ᒪᒥᓯᑐᑕᐛᐅᒡ ᑎᑎᐱᑕᐸᓇᔎ, ᑯᑎᑭᒡ ᑭᔭ ᑲᐸᐃᑭᔎᐛ:
\q2 ᒪᒃ ᓂᔭᓐ ᓂᑭ ‍ ᒋᔅᒋᑐᑎᒺᓇᓐ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ᙮
\q1
\v 8 ᐎᔨᐛᐤ ᒋ ‍ ᓂᓯᐱᔪᐅᒡ ᑭᔭ ᐸᒋᓯᓄᐅᒡ:
\q2 ᓂᔭᓐ ᒪᒃ ᓂᒋ ‍ ᐱᓯᑯᓇᓐ, ᑭᔭ ᓂ ‍ ᓂᐳᐅᓇᓐ᙮
\b
\q1
\v 9 ᐱᒪᒋᐃᔨᐛ, ᑎᐸᔨᒋᒐᓱᐤ:
\q2 ᐊᑯᔅ ᒋᓴᐅᒋᒪᐤ ᓂᑭ ‍ ᓂᑐᑕᑯᓇᓐ ᑎᔭᑈᔭᒋ᙮
\c 21
\q1
\v 1 ᒋᓴᐅᒋᒪᐤ ᒋᑭ ‍ ᒥᔽᔨᑎᒻ ᒋᒥᔅᑯᐅᓯᐅᓂᒡ, ᐅ ᑎᐸᔨᒋᒐᓱᐤ:
\q2 ᑭᔭ ᒋᐱᒪᒋᐛᐅᓂᒡ ᓇᔅᐱᒡ ᑕᑈ ᒋᑭ ‍ ᒧᒋᒐᔨᑎᒻ᙮
\q1
\v 2 ᔅᒋ ‍ ᒥᔭᐤ ᑲ ᐃᓯ ‍ ᓂᑐᐛᔨᑕᐧᒃ ᐅᑕᐃᒡ,
\q2 ᓇᒪ ᑭᔭ ᔅᒋ ‍ ᐊᓏᑐᐛᐤ ᑲ ᐃᓯ ‍ ᓂᑐᑎᒪᔅᒃ᙮
\q1
\v 3 ᐛᔅ ᔅᒋ ‍ ᐱᔅᑎᓇᒧᐛᐤ ᒥᔽᑎᓱᐎ ᒥᔪᑐᑕᒐᐅᓇ:
\q2 ᐱᓯᒄ ᐎᔄᐅᓱᓇᔭᐱᔅᑯᒡ ᐅᒋᒪᐅ-ᐊᑯᓂᔎᐅᓂᔪᐤ ᔅᒋ ‍ ᐳᔅᑐᑎᓇᐊᐤ᙮
\q1
\v 4 ᔅᒋ ‍ ᓂᑐᑎᒪᒄ ᐱᒪᑎᓯᐅᓂᔪᐤ, ᔅᒋ ‍ ᒥᔭᐤ ᒪᒃ,
\q2 ᒥᒐᑐᐤ ᒋᓯᑲᐛ ᑲᒋᒡ ᑭᔭ ᑲᒋᒡ ᐅᑦ᙮
\q1
\v 5 ᐅᒋᔅᑕᔨᑕᑯᓱᐅᓐ ᒋᐧᑲᔭᔨᑕᑯᓂᔪᐤ ᒋᐱᒪᒋᐃᐛᐅᓂᒡ:
\q2 ᒋᔅᑎᓯᐅᓂᔪᐤ ᑭᔭ ᐅᒋᒪᐛᔨᑕᑯᓱᐅᓂᔪᐤ ᔅᒋ ‍ ᒋᔅᑲᒧᑎᔭᐤ᙮
\q1
\v 6 ᐛᔅ ᔅᒋ ‍ ᓱᐛᔨᑕᑯᐊᐤ ᑲᒋᒡ:
\q2 ᓇᔅᒡ ᔅᒋ ‍ ᓯᒋᔭᓯᐊᐤ ᐊ ‍ ᑭᓄᐛᐱᒥᑦ᙮
\q1
\v 7 ᐛᔅ ᒋᓴᐅᒋᒪᐤ ᒪᒥᓯᑐᑕᐛᐤ ᑎᐸᔨᒋᒐᓱᐛ,
\q2 ᑭᔭ ᐅᓱᐛᔨᒋᒐᐅᓂᒡ ᒪᐅᒡ ᒋᔅᑎᓯᔨᒋ ᐅᒡ, ᓇᒪᐎᔾ ᒋᑭ ‍ ᐊᒋᐱᔭᐊᐤ᙮
\b
\q1
\v 8 ᒋᑎᒋᔪᐤ ᒋᑭ ‍ ᒥᔅᑲᑯᐅᒡ ᒥᓯᐛ ᑲ ‍ ᐛᐧᑲᑎᔅᒡ,
\q2 ᒋ ‍ ᒥᔪᓂᔪᐤ ᒋᑭ ‍ ᒥᔅᑲᑯᐅᒡ ᒥᓯᐛ ᐊᓐᒡ ᑲ ‍ ᐛᐧᑲᑎᔅᒡ᙮
\q1
\v 9 ᒋᑭ ‍ ᐃᓯᐊᐅᒡ ᒧᔭᒻ ᐃᔅᑯᑕᐅᒋᐛᑉ ᒪᒂᒡ ᐊ ‍ ᒋᔄᓯᔨᓐ:
\q2 ᑎᐸᔨᒋᒐᓱᐤ ᒋᑭ ‍ ᑯᒋᐱᔨᐊᐤ ᐊ ‍ ᐊᐧᑯᔪᐛᓯᑦ, ᒋᑭ ‍ ᒪᔅᑎᐧᑭᓱᐅᒡ ᒪᒃ᙮
\q1
\v 10 ᐅᒥᓂᓯᒧᐛᐤ ᒋᑭ ‍ ᓂᓱᐅᓇᒋᑕᐛᓐ ᐊᔅᒋᒡ ᐅᒡ,
\q2 ᑭᔭ ᐅᑦ ᐊᐛᓯᒥᓱᐛᐛ ᐊᓐᑕ ᐊ ‍ ᑕᔨᒋ ᐃᔪᐛ ᐅᑦ ᐊᐛᓯᒥᓯᔪᐛ ᐅᒡ᙮
\q1
\v 11 ᐛᔅ ᒋ ‍ ᐃᑕᔨᑎᒧᒡ ᒐᒋ ᒥᒋᑐᑕᔅᒡ:
\q2 ᒋ ‍ ᒥᑐᓇᔨᑎᒧᒡ ᑭᑭᒋᔭᓯᐤ ᒐᒂᔪᐤ, ᐊᑲ ᑭᔅᒋᑕᒡ ᒐᒋ ᐃᑐᑕᒡ᙮
\q1
\v 12 ᐊᐅᒄ ᑲ ᐅᒋ ‍ ᐊᑎᒥᑲᐳᐅᒡ,
\q2 ᐃᔅᐱ ᒋᑦ ᐊᒐᐱᔾ ᒐᒋ ᐱᒧᑎᒂᐤ᙮
\b
\q1
\v 13 ᒋᑦ ᐃᑕᔨᑕᑯᓯᓐ ᒐᒋ ᒪᒥᒋᒥᑯᐎᔨᓐ, ᑎᐸᔨᒋᒐᓱᐤ, ᑎᐱᔽ ᒋᒥᔅᑯᐅᓯᐅᓂᒡ:
\q2 ᐊᑯ ᒐ ‍ ᓂᑭᒧᔭᒡ ᑭᔭ ᒪᒥᒋᑕᒪᒡ ᒐ ‍ ᑭᔅᒋᐅᐎᓐ᙮
\c 22
\q1
\v 1 ᓂᒋᓴᒪᓂᑐᒻ, ᓂᒋᓴᒪᓂᑐᒻ, ᑕᓇᒡ ᐛᒋ ‍ ᐛᐱᓂᔨᓐ ?
\q2 ᑕᓇᒡ ᐛᒋ ‍ ᐅᓴᒻ ᔭᐅᓇᑯᓯᔨᓐ ᒐᒋ ᐎᒋᔨᓐ, ᑭᔭ ᒪᒃ ᒐᒋ ᐸᑐᐎᓐ ᐊ ‍ ᒥᑥᒪᔭᓐ᙮
\q1
\v 2 ᐅ ᓂᒋᓴᒪᓂᑐᒻ, ᓂᒋ ‍ ᒪᓐ ᒪᒂᒡ ᐊ ‍ ᒋᓯᑲᒡ, ᒪᒃ ᓇᒪᐎᔾ ᒋ ‍ ᐸᑕᓐ;
\q2 ᑭᔭ ᒪᒂᒡ ᐊ ‍ ᑎᐱᔅᑲᒡ, ᓇᒪ ᑭᔭ ᓂᒋ ‍ ᒋᒺᓐ᙮
\b
\q1
\v 3 ᒪᒃ ᒋᔾ ᒋ ‍ ᐸᔭᒋᓯᓐ,
\q2 ᐅ ᒋᔾ ᐊ ‍ ᑕᐅᑦ ᐅᒪᒥᒋᒧᐛᐅᓂᒡ ᐃᔅᕋᐃᓪ᙮
\q1
\v 4 ᓄᑕᐎᓇᓐᒡ ᔅᒋ ‍ ᒪᒥᓯᑐᑕᑯᒡ:
\q2 ᔅᒋ ‍ ᒪᒥᓯᑐᑕᑯᒡ, ᔅᒋ ‍ ᐱᒪᒋᐊᐅᒡ ᒪᒃ᙮
\q1
\v 5 ᔅᒋ ‍ ᒧᔎᑎᑯᒡ, ᐊᑯ ᑲ ‍ ᐱᒪᒋᐊᑭᓄᐅᒡ:
\q2 ᔅᒋ ‍ ᒪᒥᓯᑐᑎᑯᒡ, ᐊᑯ ᓇᒪ ᐅᒋ ᓴᒂᔨᒧᐅᒡ᙮
\b
\q1
\v 6 ᒪᒃ ᓂᔾ ᓂ ‍ ᒥᓐᑐᓱᐅᓐ;
\q2 ᐊ ‍ ᒥᒪᔭᔨᒥᒡ ᐃᔪᒡ, ᑭᔭ ᐊ ‍ ᐊᑐᐛᔨᒥᒡ ᐃᔪᒡ᙮
\q1
\v 7 ᒥᓯᐛ ᐊᓐᒡ ᑲ ‍ ᐛᐱᒥᒡ ᓂ ‍ ᒪᔭᔨᒥᑯᒡ:
\q2 ᒋᓱᔅᑐᐛᔪᐅᒡ, ᑭᔭ ᐊ ‍ ᐛᐛᐱᔎᔨᒡ, ᐃᔅᒋᔄᐅᒡ,
\q1
\v 8 “ᒋ ‍ ᒪᒥᓯᑐᑕᐛᐤ ᑎᐸᔨᒋᒐᓱᐛ ᒐᒋ ᐱᒪᒋᐃᑯᑦ;
\q2 ᐊᑯᔅ ᒋᑭ ‍ ᐱᒪᒋᐃᑯᐤ ᒪᔽᔨᒥᑯᒂ᙮”
\b
\q1
\v 9 ᒪᒃ ᒋᔾ ᑲ ‍ ᐅᑎᓂᔨᓐ ᒥᔅᐸᔭᒡ ᐅᒡ:
\q2 ᔅᒋ ‍ ᐱᑯᓴᔨᒧᔨᓐ ᒪᒂᒡ ᓂᑲᐎᔾ ᐅᒋᒋᓯᒥᒡ ᑲ ᐃᓯ ‍ ᐱᒥᓯᓂᔭᓐ᙮
\q1
\v 10 ᓂᒋ ‍ ᐱᔅᑎᓂᑯᐅᓐ ᒋᑎᒋᒡ ᒥᔅᐸᔭᒡ ᐅᒋ:
\q2 ᒋᔾ ᓂᒋᓴᒪᓂᑐᒻ ᓂᑲᐎᔾ ᐊᑕᐅᒡ ᐅᒋ᙮
\q1
\v 11 ᐊᑲᐎᔾ ᔭᐛᐱᒥ;
\q2 ᐛᔅ ᐊᔨᒥᓯᐅᓐ ᐸᓱᓇᑯᓐ;
\q2 ᐛᔅ ᓇᒪ ᑕᐤ ᐊᐛᓐ ᒐ ‍ ᐎᒋᐃᐛᑦ᙮
\b
\q1
\v 12 ᒥᒐᑦ ᒥᒋᑎᐧᑯᒡ ᓂᒋ ‍ ᐛᔅᑲᔅᑲᑯᒡ:
\q2 ᑲ ‍ ᒥᔅᑯᐅᓯᒡ ᒥᒋᑎᐧᑯᒡ ᐸᓴᓂᒡ ᐅᒋ ᓂ ‍ ᐛᔅᑲᑲᐳᐅᔅᑕᑯᒡ᙮
\q1
\v 13 ᓂᒋ ‍ ᑕᐅᑐᓇᔨᔅᑕᑯᒡ,
\q2 ᒧᔭᒻ ᐊ ‍ ᐱᒂᐧᑭᑕᑦ ᑭᔭ ᐊ ‍ ᐎᔪᑦ ᒥᓯᐱᓱᐤ᙮
\q1
\v 14 ᓂ ‍ ᓯᒋᓂᑯᐅᓐ ᒧᔭᒻ ᓂᐱᔾ,
\q2 ᑭᔭ ᒥᓯᐛ ᓂᔅᑭᓇ ᐸᐱᓯᑯᔅᒐᐱᔪᐛ,
\q1 ᓂᑕᐃ ᒧᔭᒻ ᐱᓴᒂᐃᑭᓐ;
\q2 ᑎᔅᑕᐤ ᑕᑕᐅᒡ ᐱᒡ ᓂᔭᒡ᙮
\q1
\v 15 ᓂ ‍ ᒥᔅᑯᐅᓯᐅᓐ ᐸᔅᑕᐤ ᒧᔭᒻ ᐊᒋ ᐅᒋ ‍ ᐱᓂᐱᔨᒡ ᒥᓂᒂᑭᓐ,
\q2 ᑭᔭ ᓂᑕᔨᔾ ᓂᑕᐱᔅᒋᑭᓂᒡ ᒋᑭᒧᐤ;
\q2 ᑭᔭ ᔅᒋ ‍ ᐸᓱᐅᓐ ᓂᐳᐅᓐ ᐊᓯᔅᒋᒡ᙮
\q1
\v 16 ᐛᔅ ᐊᑎᒧᒡ ᓂᒋ ‍ ᐛᔅᑲᔅᑲᑯᒡ;
\q2 ᑲ ‍ ᒪᒧᐎᔨᑐᒡ ᐅᒥᒋᑥᐅᒡ ᓂ ‍ ᐛᔅᑲᑲᐳᐅᔅᑕᑯᒡ:
\q2 ᒋ ‍ ᑕᐧᑲᑎᒧᒡ ᓂᑎᒋᔭ ᑭᔭ ᓂᓯᑕ᙮
\q1
\v 17 ᓂᒋ ‍ ᐊᒋᑕᓐ ᒥᓯᐛ ᓂᔅᑭᓇ:
\q2 ᓂ ‍ ᑭᓄᐛᐱᒥᑯᒡ ᑭᔭ ᓂ ‍ ᒥᔅᑲᓯᓇᑯᒡ᙮
\q1
\v 18 ᒋ ‍ ᒪᑎᓂᒪᑐᐅᒡ ᓂᑦ ᐊᐱᒋᑕᐅᓇ,
\q2 ᑭᔭ ᒪᐃᑭᓇᑎᑯᒐᐅᒡ ᓂᑦ ᐊᑯᐱᔪᐤ᙮
\b
\s2 Psalm 22:19-28 (Proper-7 Year C)
\q1
\v 19 ᒪᒃ ᐊᑲᐎᔾ ᔭᐛᐱᒥ, ᐅ ᑎᐸᔨᒋᒐᓱᐤ:
\q2 ᐅ ᓂᒥᔅᑯᐅᓯᐅᓐ, ᒋᐱᔾ ᐎᒋᐃ᙮
\q1
\v 20 ᐱᒪᒋ ᓂᑦ ᐊᒐᐧᒄ ᓂᑐᐱᔪᐅ-ᒧᐧᑯᒪᓂᔪᐤ ᐅᒋ:
\q2 ᓂᓴᒋᐊᑭᓐ ᐅᑭᔅᒋᐅᓂᔨᒡ ᐊᑎᒺ ᐅᒋ᙮
\q1
\v 21 ᐱᒪᒋᐃ ᒥᓯᐱᓱᐤ ᐅᑐᓂᒡ ᐅᒋ:
\q2 ᐛᔅ ᔅᒋ ‍ ᐸᑐᐅᓐ ᐅᑦ ᐊᔅᑭᓂᒡ ᐅᐸᔭᑯᑕᔅᑭᓇᐤ ᐅᒋ᙮
\b
\q1
\v 22 ᓂᑭ ‍ ᐎᑎᒧᐛᐅᒡ ᒋᑦ ᐃᓯᓂᐧᑲᓱᐅᓂᔪᐤ ᓂᐧᑲᓂᓯᒡ;
\q2 ᐊᓐᑕ ᐊ ᐃᓯ ‍ ᒪᒧᒥᒐᑎᒡ ᒋᑭ ‍ ᒪᒥᒋᒥᑎᓐ᙮
\s2 Psalm 22:23-31 (Lent-2 Year B)
\q1
\v 23 ᒋᔨᐛᐤ ᑲ ‍ ᓇᓂᒋᔅᑐᐛᒄ ᑎᐸᔨᒋᒐᓱᐤ, ᒪᒥᒋᒥᐧᒄ;
\q2 ᒥᓯᐛ ᒋᔨᐛᐤ ᒐᑭᑉ ᐅᑦ ᐊᐛᓯᒥᓴ, ᒋᔅᑕᒋᒥᐧᒄ;
\q2 ᑭᔭ ᓇᓂᒋᔅᑕᐧᒄ ᒥᓯᐛ ᒋᔨᐛᐤ ᐃᔅᕋᐃᓪ ᐅᑦ ᐊᐛᓯᒥᓴ᙮
\q1
\v 24 ᐛᔅ ᓇᒪᐎᔾ ᒋ ‍ ᐊᑐᐛᔨᑎᒺᐤ ᑭᔭ ᒪᒐᔨᑎᒺᐤ ᐅᐎᓯᒐᔨᑎᒧᐅᓂᔪᐤ ᑲ ‍ ᐊᔨᒧᐊᑭᓄᐎᒋ;
\q2 ᓇᒪ ᑭᔭ ᐅᒋ ‍ ᑲᓱᔅᑐᐛᐤ;
\q2 ᐃᔅᐱ ᒪᒃ ᒥᔭᑕᑯᑦ ᒋ ‍ ᓂᑐᑐᐛᐤ᙮
\b
\s2 Psalm 22:25-31 (Easter-5 Year B)
\q1
\v 25 ᒋᔾ ᒋᑭ ‍ ᒪᒥᒋᒥᑎᓐ ᒋᒋᒪᐛᒋᐃᑐᐅᓂᒡ:
\q2 ᓂᑭ ‍ ᑎᐸᐊᓐ ᑲ ᐃᓯ ‍ ᒋᒋ ᐃᔨᓐ ᐅᑎᔅᑯᐤ ᐊᓐᒡ ᑲ ‍ ᓇᓂᒋᔅᑐᐛᒡ᙮
\q1
\v 26 ᐅᔪᔅᑲᑎᓯᐅᒡ ᒋᑭ ‍ ᒥᒋᓱᐅᒡ ᑭᔭ ᒋᑭ ‍ ᒋᔅᐳᐅᒡ:
\q2 ᒋᑭ ‍ ᒪᒥᒋᒪᐅᒡ ᑎᐸᔨᒋᒐᓱᐛ ᐊᓐᒡ ᑲ ‍ ᓇᓂᑐᐛᔨᒪᒡ:
\q2 ᒋᑕᐃᐛᐛ ᓇᓂᑎᒻ ᒋᑭ ‍ ᐱᒪᑎᓯᒪᑭᓂᔨᐛ᙮
\q1
\v 27 ᒥᓯᐛᔅᑭᒥᒡ ᒋᑭ ‍ ᒋᔅᒋᑐᐛᐅᒡ ᑭᔭ ᒋᑭ ‍ ᒂᔅᒋᑲᐳᐅᔅᑐᐛᐅᒡ ᑎᐸᔨᒋᒐᓱᐛ:
\q2 ᑭᔭ ᒥᓯᐛ ᑲ ‍ ᑕᑐᔅᑲᓇᓯᒡ ᐃᔪᒡ ᒋᑭ ‍ ᐅᒋᒋᑯᓂᐱᔅᑐᐛᐅᒡ᙮
\q1
\v 28 ᐛᔅ ᐅᒋᒪᐅᓂᔪᐤ ᑎᐸᔨᒋᒐᓱᐤ ᑎᐱᔨᐛᐅᓯᐤ:
\q2 ᐎᔾ ᒪᒃ ᑎᐸᔨᒪᐤ ᒥᓯᐛ ᑲ ‍ ᑕᑐᔅᑲᓇᓯᔨᒋ ᐃᔪᐛ᙮
\b
\q1
\v 29 ᒥᓯᐛ ᐊᓐᒡ ᑲ ‍ ᐎᔨᔪᐅᒡ ᒋᑭ ‍ ᒥᒋᓱᐅᒡ ᑭᔭ ᒋᑭ ‍ ᐊᔭᒥᐊᔅᑕᒐᐅᒡ:
\q2 ᒥᓯᐛ ᐊᓐᒡ ᑲ ‍ ᐃᑐᑕᒡ ᐊᓯᔅᒋᒡ ᒋᑭ ‍ ᐱᑕᐱᔅᑐᐛᐅᒡ,
\q2 ᓇᒪᐎᔾ ᐊᐛᓐ ᒪᒃ ᒋᑭ ᒋ ‍ ᐱᒪᒋᐊᐤ ᑎᐱᔨᐛ ᐅᑦ ᐊᒐᒂ᙮
\q1
\v 30 ᒋᑭ ‍ ᐊᑐᔅᑲᑯᐤ ᐊᐛᓴ;
\q2 ᑎᐸᔨᒋᒐᓱᐤ ᐅᑦ ᐊᓂᔅᒐ ‍ ᐱᒪᑎᓯᒪ ᒋᑭ ‍ ᐃᑕᒋᒪᑭᓄᐎᔪᐛ᙮
\q1
\v 31 ᒋᑭ ᐸᒋ ‍ ᐃᑐᑕᔪᐛ, ᑭᔭ ᐅᑯᐃᔅᑯᑕᑎᓯᐅᓐ ᒋᑭ ‍ ᐊᔨᒧᑎᒧᐛᔪᐛ ᐃᔪᐛ ᐊᔎ ᒐ ‍ ᓂᑕᐅᒋᔨᒋ,
\q2 ᐅᔭᔪᐤ ᐊᒋ ‍ ᐃᑐᑕᐧᒃ᙮
\c 23
\s2 Psalm 23 (Lent-4 Year A; Easter-4 Year A, B, C; Proper-11 Year B)
\q1
\v 1 ᑎᐸᔨᒋᒐᓱᐤ ᐊᐅᒄ ᓂᒪᔭᑕᓂᓯᐅ-ᐃᔨᒻ;
\q2 ᓇᒪ ᒐᒂᓐ ᓂᑭ ‍ ᐛᐛᓇᔨᑕᓐ᙮
\q1
\v 2 ᓂᑦ ᐃᑐᑕᒄ ᒐ ‍ ᐱᒥᓯᓄᐅᒡ ᐊᓐᑕ ᐊ ‍ ᒥᔪ ᒥᔅᑯᓯᐅᔅᑭᒥᑲᔨᒡ:
\q2 ᓂᑦ ᐃᑐᑕᐃᒄ ᐊᓐᑕ ᐊ ‍ ᐊᐱᓴᐸᐎᔪᐛᔨᒡ ᓂᐱᔪᐤ᙮
\q1
\v 3 ᐃᑐᑐᐛᐤ ᓂᑦ ᐊᒐᒂ ᒐ ᒋᐛ ‍ ᓴᐱᓯᔨᒋ:
\q2 ᓂ ‍ ᒋᔅᒋᓄᑕᐃᒄ ᑯᐃᔅᑯᑕᑎᓯᐅ ᒪᔅᑭᓇᒡ ᐅᑦ ᐃᓯᓂᐧᑲᓱᐅᓐ ᐅᒡ᙮
\q1
\v 4 ᓂᐦᐃ ᑕᑈ, ᐊᑎ ‍ ᐱᒧᑕᔭᓇ ᐊᓐᑕ ᐊ ‍ ᐱᓴᒡ ᐊᓐᑕ ᐊ ‍ ᑎᑲᔅᑕᑎᒡ ᓂᐳᐅᓐ,
\q2 ᓇᒪ ᓂᑭ ‍ ᑯᔅᑕᓐ ᐊ ᐃᓯ ‍ ᑯᔅᐱᓇᑎᒂᒡ;
\q1 ᐛᔅ ᒋᔾ ᒋᑦ ᐃᑕᓐ ᐊ ‍ ᑕᔭᓐ:
\q2 ᒋᒪᓯᒐᐛᑭᓇᑎᑯᒻ ᑭᔭ ᒋᓯᔅᑲᐅᓐ, ᓂᑦ ᐃᑐᑕᑯᓐ ᒐ ‍ ᒥᔽᔨᒧᔭᓐ᙮
\b
\q1
\v 5 ᓂᑲᓐ ᐊᓐᑕ ᒋ ‍ ᐛᐛᓯᑕᒧᐅᓐ ᐊ ‍ ᒥᒋᓱᓇᓄᐎᒡ ᐅᑎᔅᑯᐤ,
\q2 ᐊᓐᑕ ᐊᓐᒡ ᐊᑕᒡ ᐛ ‍ ᒪᔭᒋᑐᑕᐎᒡ:
\q1 ᔅᒋ ‍ ᑐᒥᔅᑯᓇᓐ ᓂᔅᑎᒂᓐ ᐱᒥᔾ;
\q2 ᓂᒥᓂᒂᑭᓐ ᒥᑐᓐ ᐊᒥᔅᒋᓂᑕᐤ᙮
\q1
\v 6 ᒐᔅᑎᓇᔅ ᓂᑭ ‍ ᒥᔪᐧᑲᑯᐅᓐ ᑭᔭ ᓂᑭ ‍ ᒋᓴᐛᑐᑕᑯᐅᓐ ᐊᓯᑯᒻ ᒋᓯᑲᐛ ᒧᔅ ᒐ ‍ ᐃᔅᐱᔅ ᐱᒪᑎᓯᔭᓐ:
\q2 ᑭᔭ ᒧᔅ ᑲᒋᒡ ᓂᑭ ‍ ᐎᒋᐛᓐ ᐊᓐᑕ ᑎᐸᔨᒋᒐᓱᐤ ᐅᐛᔅᑲᐃᑭᓂᒥᒡ᙮
\c 24
\q1
\v 1 ᐊᔅᒋᔪᐤ ᑎᐸᔨᒋᒐᓱᐤ ᑎᐱᔨᐛᐅᓯᐤ, ᑭᔭ ᐊ ᐃᓯ ‍ ᓴᑭᔅᒋᓇᔨᒡ:
\q2 ᐊᔅᒋᔾ, ᐊᓐᒡ ᑭᔭ ᐊᓐᑕ ᐊᑕᒡ᙮
\q1
\v 2 ᐛᔅ ᒋ ‍ ᐃᑎᔅᑕᐤ ᐎᓂᐸᑯᔪᐤ,
\q2 ᑭᔭ ᒋ ‍ ᐃᑎᔅᑕᐤ ᐊ ‍ ᒥᓴᔨᒡ ᓂᐱᔪᐤ᙮
\b
\q1
\v 3 ᐊᐛᓐ ᒐ ‍ ᓴᑭᒋᐛᐛᑦ ᐅᐱᔅᑯᑎᓇᒥᔨᒡ ᑎᐸᔨᒋᒐᓱᐛ ?
\q2 ᐊᐛᓐ ᑭᔭ ᒐ ‍ ᓂᐳᐅᑦ ᐅᐸᔭᒋ-ᒥᒋᐛᐱᒥᔨᒡ ?
\q1
\v 4 ᐊᓐ ᑲ ‍ ᐸᔭᒋᔅᑕᒐᑦ, ᑭᔭ ᑲ ‍ ᐸᔭᒋᑕᐊᑦ;
\q2 ᐊᑲ ᑲᒋ ᐃᓯ ‍ ᐅᐱᓇᑦ ᐅᑦ ᐊᒐᒂ ᒋᔎᐅᓂᒡ,
\q2 ᐊᑲ ᑭᔭ ᑲᒋ ‍ ᐃᔅᒋᔄᑦ ᑭᑭᒋᔭᓯᐅᓂᒡ᙮
\q1
\v 5 ᐊᐅᒄ ᒐ ‍ ᒥᔨᑯᑦ ᒥᔽᒋᒧᐛᐅᓂᔪᐤ ᑎᐸᔨᒋᒐᓱᐛ,
\q2 ᑭᔭ ᑯᐃᔅᑯᑕᑎᓯᐅᓂᔪᐤ ᐅᐱᒪᒋᐃᐛᐎ ᒋᓴᒪᓂᑐᒪ᙮
\q1
\v 6 ᐊᐅᒄ ᐊ ‍ ᐃᑕᑎᓯᒡ ᐊᓐᒡ ᑲ ‍ ᓇᓂᑐᐛᔨᒪᒡ,
\q2 ᑲ ‍ ᓇᓂᑐᐛᔨᒥᔅᒡ, ᐅ ᒐᑭᑉ ᐅᒋᓴᒪᓂᑐᒪ᙮
\b
\q1
\v 7 ᐅᐱᔎᔨᒄ, ᒋᔨᐛᐤ ᒋᒋᐃᔎᑕᒪᑎᒄ;
\q2 ᐊᑯᔅ ᐅᐱᓂᑎᓱᒄ ᒋᔨᐛᐤ ᑲᒋᒡ ᐃᔎᑕᒪᑎᒄ;
\q2 ᐊᑯ ᒐ ‍ ᐱᒐᑦ ᒋᔅᑕᔨᑕᑯᓱᐎ ᒋᓴᐅᒋᒪᐤ᙮
\q1
\v 8 ᐊᐛᓐ ᐅ ᒋᔅᑕᔨᑕᑯᓱᐎ ᒋᓴᐅᒋᒪᐤ ?
\q2 ᑎᐸᔨᒋᒐᓱᐤ ᑲ ‍ ᒥᔅᑯᐅᓯᑦ ᑭᔭ ᑲ ‍ ᓱᐧᑲᑎᓯᑦ,
\q2 ᑎᐸᔨᒋᒐᓱᐤ ᐊ ‍ ᓱᐧᑲᑎᓯᑦ ᓂᑐᐱᔪᐅᓂᒡ᙮
\q1
\v 9 ᐅᐱᔎᔨᐧᒄ, ᒋᔨᐛᐤ ᒋᒋᐃᔎᑕᒪᑎᒄ;
\q2 ᓂᐦᐃ ᐅᐱᓂᑎᓱᒄ ᒋᔨᐛᐤ ᑲᒋᒡ ᐃᔎᑕᒪᑎᒄ;
\q2 ᐊᑯ ᒐ ‍ ᐱᑐᒐᑦ ᒋᔅᑕᔨᑕᑯᓱᐎ ᒋᓴᐅᒋᒪᐤ᙮
\q1
\v 10 ᐊᐛᓐ ᐅ ᒋᔅᑕᔨᑕᑯᓱᐎ ᒋᓴᐅᒋᒪᐤ ?
\q2 ᒥᓯᐛ ᓱᐧᑲᑎᓯᑦ ᑎᐸᔨᒋᒐᓱᐤ,
\q2 ᐊᐅᑯᓐ ᒋᔅᑕᔨᑕᑯᓱᐎ ᒋᓴᐅᒋᒪᐤ᙮
\c 25
\s2 Psalm 25:1-10 (Lent-1 Year B; Advent-1, Proper-10 Year C)
\q1
\v 1 ᒋᔾ, ᐅ ᑎᐸᔨᒋᒐᓱᐤ, ᒋᑦ ᐅᐱᓂᒪᑎᓐ ᓂᑦ ᐊᒐᐧᒄ᙮
\q1
\v 2 ᐅ ᓂᒋᓴᒪᓂᑐᒻ, ᒋ ‍ ᒪᒥᓯᑐᑕᑎᓐ:
\q2 ᐊᑲᐎᔾ ᓇᐊᔨᒥ ᒐᒋ ᐛᐛᓇᔨᑎᒪᓐ,
\q2 ᐊᑲᐎᔾ ᓇᐊᔨᒥᒡ ᑲ ‍ ᐛᐧᑲᓯᒡ ᒐᒋ ᓴᐧᑯᒋᐃᒡ᙮
\q1
\v 3 ᓂᐦᐃ, ᐊᑯᔅ ᐊᑲᐎᔾ ᒋᑭ ‍ ᐛᐛᓇᔨᑎᒧᒡ ᐊᓐᒡ ᑲ ‍ ᐊᓯᓄᐛᐃᔅᒡ:
\q2 ᐊᑯᔅ ᒪᒃ ᒋᑭ ‍ ᐛᐛᓇᔨᑎᒧᒡ ᐊᓐᒡ ᓂᑐᐎᔾ ᑲ ‍ ᐅᓂᑐᑕᒡ᙮
\b
\q1
\v 4 ᐛᐸᑎᔾ ᒋᑦ ᐃᓯᑥᐅᓇ, ᐅ ᑎᐸᔨᒋᒐᓱᐤ;
\q2 ᒋᔅᒋᓄᐅᒧᐎᔾ ᒋᒪᔅᑭᓇᐛ᙮
\q1
\v 5 ᒋᔅᒋᓄᑕᐃᔾ ᒋᑕᑈᐅᓂᒡ ᐃᔅ, ᑭᔭ ᒋᔅᑯᑎᒧᐎᔾ:
\q2 ᐛᔅ ᒋᔾ ᓂ ‍ ᐱᒪᒋᐃᐛᐤ ᓂᒋᓴᒪᓂᑐᒻ;
\q2 ᒋᔾ ᒋᑦ ᐊᓯᓄᐛᐃᑎᓐ ᐃᔅᑭᓐ ᒋᓯᑲᐛ᙮
\q1
\v 6 ᒋᔅᒋᓯ, ᐅ ᑎᐸᔨᒋᒐᓱᐤ, ᒋ ‍ ᔪᔅᐱ ᒋᔅᑎᒪᒐᔨᒐᐅᓐ ᑭᔭ ᒋ ‍ ᓴᒋᐃᐛᐤ ᒋᓴᐛᑎᓯᐅᓐ;
\q2 ᐛᔅ ᐎᐱᒡ ᐅᒋ ᒋ ᐸᒋ ‍ ᑎᑯᓇ᙮
\q1
\v 7 ᐊᑲᐎᔾ ᒋᔅᒋᑕ ᓂᒥᒋᑥᐅᓇ ᑲ ᐸᒋ ‍ ᐅᔅᒋᓂᒋᓱᐅᔭᓐ ᐅᒡ,
\q2 ᐊᑲ ᑭᔭ ᓂᐅᓂᑐᑎᒧᐅᓇ:
\q2 ᐊ ᐃᓯ ‍ ᒋᔅᑎᒪᒐᔨᒧᐛᔨᓐ ᒋᔅᒋᑐᐎᔾ ᒋᒥᔽᑎᓯᐅᓐ ᐅᒡ, ᐅ ᑎᐸᔨᒋᒐᓱᐤ᙮
\b
\q1
\v 8 ᒥᔪᑥᐤ ᑭᔭ ᑯᐃᔅᑯᑐᐤ ᑎᐸᔨᒋᒐᓱᐤ:
\q2 ᐊᔪᐛᒃ ᐅᒡ ᒋᑭ ‍ ᒋᔅᒋᓄᐅᒧᐛᐤ ᐅᒥᒋᑥᐛ ᒪᔅᑭᓇᒡ ᐃᔅ᙮
\q1
\v 9 ᐅᔪᔅᑲᑎᓯᐛ ᒋᑭ ‍ ᒋᔅᒋᓄᑕᐊᐤ ᑎᐸᔅᑯᓂᒐᐅᓂᒡ ᐃᔅ:
\q2 ᐅᔪᔅᑲᑎᓯᐛ ᑭᔭ ᒋᑭ ‍ ᒋᔅᑯᑎᒧᐛᐤ ᐅᑦ ᐃᑎᓱᐛᐅᓇ᙮
\q1
\v 10 ᒥᓯᐛ ᐅᒪᔅᑭᓄᐛ ᑎᐸᔨᒋᒐᓱᐤ ᒋᔅᑎᒪᒐᔨᒐᐅᓄᐎᔪᐛ ᑭᔭ ᑕᑈᐅᓄᐎᔪᐛ,
\q2 ᐊᓂᔭᔪᐛ ᐅᒡ ᑲ ‍ ᑭᓄᐛᔨᑎᒥᔨᒋ ᐅᓂᔅᑯᒥᑐᐅᓐ ᑭᔭ ᐅᑎᐸᒋᒧᐅᓇ᙮
\q1
\v 11 ᒋᑦ ᐃᓯᓂᐧᑲᓱᐅᓐ ᐅᒡ, ᐅ ᑎᐸᔨᒋᒐᓱᐤ,
\q2 ᐳᓇᔨᑕ ᓂᒥᒐᑎᓯᐅᓐ; ᐛᔅ ᒥᓴᐤ᙮
\q1
\v 12 ᐊᐛᓐ ᐃᔪᐤ ᑲ ‍ ᓇᓂᒋᔅᑐᐛᑦ ᑎᐸᔨᒋᒐᓱᐛ ?
\q2 ᐊᐅᑯᓂᐃ ᒐ ‍ ᒋᔅᒋᓄᐅᒧᐛᑦ ᒪᔅᑭᓇᔪᐤ ᒐ ‍ ᐛᐛᔭᐸᑎᒥᔨᒋ᙮
\q1
\v 13 ᐅᑦ ᐊᒐᒂ ᒋᑭ ‍ ᑕᔪᐛ ᒥᔽᑎᓯᐅᓂᒡ;
\q2 ᐅᑦ ᐊᐛᓯᒥᓴ ᑭᔭ ᒋᑭ ‍ ᑎᐸᔨᑎᒥᔪᐛ ᐊᔅᒋᔪᐤ᙮
\q1
\v 14 ᐅᑲᑎᒪᒐᐅᓐ ᑎᐸᔨᒋᒐᓱᐤ ᐎᒐᐎᑯᔪᐛ ᑲ ‍ ᓇᓂᒋᔅᑕᑯᑦ;
\q2 ᒋᑭ ‍ ᐛᐸᑎᔭᐤ ᒪᒃ ᐅᓂᔅᑯᒥᑐᐅᓂᔪᐤ᙮
\q1
\v 15 ᓂᔅᒋᓯᒂ ᐅᒋ ᒧᔅ ᓂ ‍ ᑭᓄᐛᐱᒪᐤ ᑎᐸᔨᒋᒐᓱᐤ;
\q2 ᐛᔅ ᒋᑭ ‍ ᒐᑎᔭᐸᒐᓇᒻ ᓂᓯᑕ᙮
\b
\q1
\v 16 ᒂᔅᒋᑲᐳᔅᑐᐎ, ᒋᔅᑎᒪᒐᔨᒥ ᒪᒃ:
\q2 ᐛᔅ ᓂ ‍ ᒋᐛᔭᔨᑕᓐ ᑭᔭ ᓂ ‍ ᒪᒂᐃᑕᓐ᙮
\q1
\v 17 ᐊᔨᒥᓯᐅᓇ ᓂᑕᐃᒡ ᒥᓴᐛ:
\q2 ᐅ ᐎᐎᐱᓯ ᓂᑭᔅᒐᔨᑎᒧᐅᓂᒡ ᐅᒡ᙮
\q1
\v 18 ᑭᓄᐛᐸᑕ ᓂᒥᑯᔅᑲᑕᔨᑎᒧᐅᓐ ᑭᔭ ᓂᐎᓯᒐᔨᑎᒧᐅᓐ;
\q2 ᐳᓇᔨᑕ ᒪᒃ ᒥᓯᐛ ᓂᒥᒋᑐᑎᒧᐅᓇ᙮
\q1
\v 19 ᓇᑭᑐᐛᐱᒥᒡ ᑲ ‍ ᐛᐧᑲᓯᒡ; ᐛᔅ ᒥᒐᑐᐅᒡ;
\q2 ᓂ ‍ ᐛᐧᑲᑎᑯᒡ ᒪᒃ ᐊᑯ ᐛᐧᑲᓯᐛᐅᓂᒡ᙮
\q1
\v 20 ᐅ ᑭᓄᐛᔨᒻ ᓂᑦ ᐊᒐᐧᒄ, ᑭᔭ ᐱᒪᒋᐃ:
\q2 ᐊᑯᔅ ᐊᑲᐎᔾ ᓂᑭ ‍ ᒪᒂᐃᑕᓐ; ᐛᔅ ᒋ ‍ ᒪᒥᓯᑐᑕᑎᓐ᙮
\q1
\v 21 ᐊᑯᔅ ᑯᐃᔅᑯᑐᐅᓐ ᑭᔭ ᒥᔪᐃᑐᐅᓐ ᓂᑭ ‍ ᑭᓄᐛᔨᒥᑯᓐ;
\q2 ᐛᔅ ᒋᑦ ᐊᔅᐸᔨᒧᑐᑕᑎᓐ᙮
\b
\q1
\v 22 ᐱᒪᒋ ᐃᔅᕋᐃᓪ, ᐅ ᒋᓴᒪᓂᑐᐤ,
\q2 ᒥᓯᐛ ᐅᑦ ᐊᔨᒥᓯᐅᓂᒡ ᐅᒡ᙮
\c 26
\q1
\v 1 ᑎᐸᔅᑯᓂ, ᐅ ᑎᐸᔨᒋᒐᓱᐤ;
\q2 ᐛᔅ ᓂᒋ ‍ ᐱᒧᑕᓐ ᓂᑯᐃᔅᑯᐃᑐᐅᓂᒡ:
\q2 ᓂᒋ ‍ ᒪᒥᓯᑐᑐᐛᐤ ᑎᐸᔨᒋᒐᓱᐤ ᑭᔭ;
\q2 ᐊᐅᒄ ᐅᒋ ᓇᒪᐎᔾ ᓂᑭ ‍ ᐊᓴᐱᔨᓐ᙮
\q1
\v 2 ᓇᓇᑲᒋᐃ, ᐅ ᑎᐸᔨᒋᒐᓱᐤ, ᑯᒋᐃ ᒪᒃ;
\q2 ᑯᒋᑕ ᓂ ‍ ᐱᒋᔪᐤ ᑭᔭ ᓂᑕᐃ᙮
\q1
\v 3 ᐛᔅ ᒋᓴᒋᐃᐛᐤ ᒋᓴᐛᑎᓯᐅᓐ ᓂᒋᔅᒋᓄᑕᐃᑯᓐ;
\q2 ᓂᒋ ‍ ᐱᒧᑕᓐ ᒪᒃ ᒋᑕᑈᐅᓂᒡ᙮
\q1
\v 4 ᓇᒪᐎᔾ ᓂᒋ ‍ ᐎᑎᐱᒪᐅᒡ ᒥᒋ ‍ ᐃᔪᒡ,
\q2 ᓇᒪ ᑭᔭ ᓂᑭ ‍ ᐎᒐᐛᐅᒡ ᑲ ‍ ᐎᔭᓯᒧᐛᒡ᙮
\q1
\v 5 ᓂᒋ ‍ ᐛᐧᑲᑕᐅᒡ ᐊ ‍ ᒪᒧᒥᒐᑎᒡ ᐅᒥᒋᑐᑎᒧᒡ;
\q2 ᓇᒪ ᑭᔭ ᓂᑭ ‍ ᐎᑎᐱᒪᐅᒡ ᐅᒥᒋᑥᐅᒡ᙮
\q1
\v 6 ᓂᑭ ‍ ᒋᔅᑕᐸᐅᑕᓐ ᓂᑎᒋᔭ ᐸᔭᒋᓯᔪᐅᓂᒡ:
\q2 ᐊᑯ ᒐ ‍ ᐛᔅᑲᔅᑲᒪᓐ ᒋᐱᔅᑎᓂᒐᐅᓇᐱᔅᒄ, ᐅ ᑎᐸᔨᒋᒐᓱᐤ᙮
\q1
\v 7 ᒐᒋ ᐎᑎᒪᓐ ᐊ ‍ ᓂᓇᔅᑯᒧᐅ-ᐸᑕᑯᓯᔭᓐ,
\q2 ᑭᔭ ᒐ ‍ ᐎᑎᒪᓐ ᒥᓯᐛ ᒋᒪᒥᔅᑲᒡ-ᐃᑐᐅᓇ᙮
\q1
\v 8 ᑎᐸᔨᒋᒐᓱᐤ, ᓂᒋ ‍ ᓴᒋᑕᓐ ᒋᒥᒋᐛᐱᒻ ᐊᓐᑕ ᐊ ‍ ᑕᔨᓐ,
\q2 ᐊᓐᑕ ᑭᔭ ᐊ ‍ ᑎᒂᒡ ᒋᒋᔅᑕᔨᑕᑯᓱᐅᓐ᙮
\b
\q1
\v 9 ᐊᑲᐎᔾ ᐊᓯᒋᒪᐅᓯᑯᓐ ᓂᑦ ᐊᒐᐧᒄ ᐅᒥᒋᑥᐛ,
\q2 ᐊᑲ ᑭᔭ ᓂᐱᒪᑎᓯᐅᓐ ᒋᒡ ᑲ ‍ ᓂᐸᐃᐛᓯᒡ ᐃᔪᒡ᙮
\q1
\v 10 ᐅᑎᒋᐛᒡ ᑲ ‍ ᑎᒂᓂᔨᒡ ᒥᒋᑥᐅᓇ,
\q2 ᑭᔭ ᐅᒥᔪᓄᐛᒡ ᓴᑭᔅᒋᓇᔪᐤ ᒥᒋ ‍ ᑎᐸᐊᒪᑯᓯᐅᓇ᙮
\q1
\v 11 ᒪᒃ ᓂᔾ, ᓂᑭ ‍ ᐱᒧᑕᓐ ᓂᑯᐃᔅᑯᑐᐅᓂᒡ;
\q2 ᐱᒪᒋᐃ, ᑭᔭ ᒋᔅᑎᒪᒐᔨᒥ᙮
\b
\q1
\v 12 ᓂᓯᑦ ᓂᐳᐎᒪᑭᓐ ᐊᑕᐱᔅᑯᒐᒡ,
\q2 ᐊᓐᑕ ᐊ ‍ ᒪᐛᒋᐃᑐᐅᓇᓄᐅᒡ ᓂᑭ ‍ ᒪᒥᒋᒪᐤ ᑎᐸᔨᒋᒐᓱᐤ᙮
\c 27
\s2 Psalm 27:1, 4-9 (Epiphany-3 Year A)
\s2 Psalm 27 (Lent-2 Year C)
\q1
\v 1 ᑎᐸᔨᒋᒐᓱᐤ ᐊᐅᒄ ᓂᐛᔅᑕᐅᓐ ᑭᔭ ᓂᐱᒪᒋᐃᑯᓯᐅᓐ;
\q2 ᐊᐛᓐ ᒐ ‍ ᑯᔅᐸᓇᔨᒥᒃ ?
\q1 ᑎᐸᔨᒋᒐᓱᐤ ᑲ ᐅᒋ ‍ ᒥᔅᑯᐛᒡ ᓂᐱᒪᑎᓯᐅᓐ;
\q2 ᐊᐛᓐ ᒪᒃ ᒐ ‍ ᑯᔅᑎᒃ ?
\q1
\v 2 ᐃᔅᐱ ᐅᒥᒋᑥᐅᒡ, ᑲ ‍ ᐛᐧᑲᓯᒡ ᑭᔭ ᑲ ‍ ᓂᑐᐱᔨᒡ ᐅᑦ, ᐱᔭᒋ ‍ ᓇᓯᒡ ᒐᒋ ᒋᑕᒡ ᓂᔭᓯᔪᐤ,
\q2 ᒋ ‍ ᐱᓱᓯᓄᐅᒡ ᑭᔭ ᒋ ‍ ᐸᒋᓯᓄᐅᒡ᙮
\q1
\v 3 ᐊᑎ ᐅᓂᑐᐱᔪᐅ-ᐃᔪᒡ ᐊ ‍ ᒥᒐᑎᒡ ᑲ ᐸᒋ ‍ ᓂᑐᐱᔨᒡ,
\q2 ᓇᒪᐎᔾ ᓂᑭ ‍ ᓴᑯᑕᓐ:
\q1 ᐊᑎ ᓂᑐᐱᔪᐅᓐ ᐱᓯᑯᔅᑕᑯᔭᓇ,
\q2 ᐅᔭ ᓂᑭ ‍ ᒐᔅᑎᓇᑕᔨᑕᓐ᙮
\b
\q1
\v 4 ᐸᐃᒄ ᒐᒂᔪᐤ ᓂᑭ ‍ ᐱᑯᓴᔨᒪᐤ ᑎᐸᔨᒋᒐᓱᐤ, ᐊᐅᒄ ᒐ ‍ ᓇᓂᑐᐛᔨᑎᒪᓐ;
\q2 ᒐᒋ ᐎᒍᐅᒡ ᑎᐸᔨᒋᒐᓱᐤ ᐎᒋᒡ ᒐ ᐃᔅᐱᔅ ‍ ᐱᒪᑎᓯᔭᓐ,
\q2 ᒐᒋ ᑭᓄᐛᐸᑎᒧᒡ ᐅᒥᔪᓇᑯᓯᐅᓐ ᑎᐸᔨᒋᒐᓱᐤ,
\q2 ᑭᔭ ᒐᒋ ᐊᔭᒥᐊᔭᓐ ᐅᒋᓴᐊᔭᒥᐊᐅᒋᐛᐱᒡ᙮
\q1
\v 5 ᐛᔅ ᒪᒂᒡ ᐊ ᐊᔨᒥ ‍ ᒋᓯᑲᔨᒡ ᓂᑭ ‍ ᑲᔨᒄ ᐎᒋᒡ:
\q2 ᐊᓐᑕ ᐊᑲᓱᓇᑯᓂᔨᒡ ᐅᑦ ᐊᔭᒥᐊᐅᒋᐛᐱᒥᒡ ᓂᑭ ‍ ᑲᔨᒄ;
\q2 ᓂᑭ ‍ ᑕᑕᔨᒄ ᒪᒃ ᑕᐧᑯᒡ ᒋᔅᑕᐱᔅᑯᒡ᙮
\q1
\v 6 ᐊᑯ ᓂᔅᑎᒂᓐ ᐸᔅᒡ ᒋᑭ ‍ ᐅᐱᓇᑭᓄᐤ ᐃᔅᐱᔅ ᑲ ‍ ᐛᐧᑲᓯᒡ ᑲ ‍ ᐛᔅᑲᔅᑯᐅᒡ:
\q2 ᐊᐅᒄ ᐅᒋ ᓂᑭ ‍ ᐱᔅᑎᓂᒐᓐ ᐊᔭᒥᐊᐅᐱᒍᐎᔭᓂᒋᐛᐱᒡ ᒥᔽᔨᑎᒧᐅ ᐱᔅᑎᓂᒐᐅᓐ;
\q2 ᓂᑭ ‍ ᓂᑭᒧᓐ, ᓂᐦᐃ ᐊ ‍ ᓂᑭᒧᔭᓐ ᓂᑭ ‍ ᒪᒥᒋᒪᐤ ᑎᐸᔨᒋᒐᓱᐤ᙮
\b
\q1
\v 7 ᓂᑐᑕ, ᐅ ᑎᐸᔨᒋᒐᓱᐤ, ᐱᔭᑕᑯᓯᔭᓂ:
\q2 ᒋᔅᑎᒪᒐᔨᒥ ᑭᔭ, ᓂᔅᑯᒥ ᑭᔭ᙮
\q1
\v 8 ᐃᔅᐱ ᑲ ‍ ᐃᔅᒋᔄᔨᓐ, “ᓇᓂᑐᐛᐸᑎᒧᒄ ᓂᑕᔅᑎᒥᐧᒄ,”
\q2 ᓂᑕᐃ ᔅᒋ ‍ ᐃᑎᑯᓐ, “ᒋᑕᔅᑎᒥᐧᒄ, ᑎᐸᔨᒋᒐᓱᐤ, ᓂᑭ ‍ ᓇᓂᑐᐛᐸᑕᓐ᙮”
\q1
\v 9 ᐊᑲᐎᔾ ᑲᓱᔅᑐᐎ;
\q2 ᐊᑲᐎᔾ ᐛᐱᓐ ᒋᑦ ᐊᑐᔅᒐᔭᑭᓐ ᒋ ‍ ᒋᐛᓱᐅᓂᒡ:
\q1 ᔅᒋ ‍ ᐎᒋᐃᔨᓐ:
\q2 ᐊᑲᐎᔾ ᓂᑭᓯ, ᐊᑲ ᑭᔭ ᐛᐱᓂ,
\q2 ᐅ ᓂᐱᒪᒋᐃᑯᓯᐤ ᒋᓴᒪᓂᑐᒻ᙮
\q1
\v 10 ᐃᔅᐱ ᓄᑕᐎᔾ ᑭᔭ ᓂᑲᐎᔾ ᐛᐱᓂᑥᐛ, ᐊᑯ ᑎᐸᔨᒋᒐᓱᐤ ᒐ ‍ ᐅᑎᓂᑦ᙮
\q2 ᐃᔅᐱ ᓄᑕᐎᔾ ᑭᔭ ᓂᑲᐎᔾ ᓂᑭᓯᑥᐛ, ᑲ ‍ ᑎᐸᔨᒋᒐᑦ ᓂᑭ ‍ ᐅᑎᓂᒄ᙮
\q1
\v 11 ᒋᔅᒋᓄᐊᒧᐎ ᒋᑦ ᐃᓯᑥᐅᓐ, ᐅ ᑎᐸᔨᒋᒐᓱᐤ,
\q2 ᒋᔅᒋᓄᑕᐃ ᒪᒃ ᑯᐃᔅᒄ ᒪᔅᑭᓇᒡ, ᑲ ‍ ᐛᐧᑲᓯᒡ ᐅᒋ᙮
\q1
\v 12 ᐊᑲᐎᔾ ᐱᔅᑎᓂ ᒐᒋ ᐃᑐᑐᐎᒡ ᐊ ‍ ᐃᑕᔨᑕᒡ ᑲ ‍ ᐛᐧᑲᓯᒡ:
\q2 ᐛᔅ ᐅᑭᑭᒋᔭᐛᑕᒋᒧᐅᒡ ᓂ ‍ ᐱᓯᑯᔅᑕᑯᒡ,
\q2 ᐊᓐᒡ ᑭᔭ ᑲ ‍ ᔭᔭᑐᑕᒡ ᐊᐧᑲᑎᓯᐅᓂᔪᐤ᙮
\b
\q1
\v 13 ᓂᑭ ᒋ ‍ ᓄᑕᓯᓐ ᐃᔅᐱᔅ ᐊᑲ ᐅᒋ ᑕᑈᑎᒧᐛᐸᓇ,
\q2 ᒐᒋ ᐛᐸᑎᒧᒡ ᐅᒥᔽᑎᓯᐅᓐ ᑎᐸᔨᒋᒐᓱᐤ ᐅᑦ ᐊᔅᒋᐛᒡ ᑲ ‍ ᐱᒪᑎᓯᒡ᙮
\q1
\v 14 ᐊᓯᓄᐛᐃᐧᒄ ᑎᐸᔨᒋᒐᓱᐤ;
\q2 ᓱᒋᑕᐊᒄ, ᒋᑭ ‍ ᐊᔨᒋᑕᐤ ᒪᒃ ᒋᑕᐃᔪᐛᐛ᙮
\q2 ᐊᓯᓄᐛᐃᐧᒄ ᑎᐸᔨᒋᒐᓱᐤ, ᓂᑦ ᐃᔅᒋᔄᓐ᙮
\c 28
\q1
\v 1 ᒋᔾ ᒋᑭ ‍ ᒧᔎᑎᑎᓐ, ᐅ ᑎᐸᔨᒋᒐᓱᐤ, ᓂᒋᔅᑕᐱᔅᑯᒻ,
\q2 ᐊᑲᐎᔾ ᒋᒺᐧᑲᑐᐎ:
\q1 ᐛᔅ ᒧᔭᒻ ᒋᒺᐧᑲᑐᐎᔨᓇ,
\q2 ᓂᑭ ‍ ᒋᔅᐱᑐᐛᐅᒡ ᑲ ‍ ᓂᓴᑐᐎᒡ ᐛᑎᑯᒡ᙮
\q1
\v 2 ᓂᑐᑕ ᓂᓂᑐᑎᒪᒐᐅᓐ ᑎᔭᑈᔭᓂ;
\q2 ᐃᔅᐱ ᐊᐅᐱᓂᔅᒐᔭᓂ ᒋᐸᔭᒋ ‍ ᐅᐎᓱᐛᒥᒋᐛᐱᒡ᙮
\b
\q1
\v 3 ᐊᑲᐎᔭ ᒋᒡ ᐅᒥᒋᑥᐅᒡ ᐃᑲᑎᓯᓂ, ᐊᓐᒡ ᑭᔭ ᑲ ‍ ᒥᒋᑐᑕᒡ,
\q2 ᑲ ‍ ᒋᔭᒪᔨᑎᒧᐅ ᐃᔨᒪᐊᒡ ᐎᒡ ᐃᔪᐛᐛ,
\q2 ᒪᒃ ᐅᑕᐃᐛᒡ ᑎᒂᓂᔪᐤ ᐃᔭᔨᑲᓯᐅᓂᔪᐤ᙮
\q1
\v 4 ᐅᑦ ᐃᑐᓄᐛᒡ ᐃᓯ ‍ ᒥᔨᒡ, ᑭᔭ ᐊ ᐃᓯ ‍ ᒥᒋᑥᒪᑭᓂᔨᒋ ᐅᑯᒂᒋᐃᐛᐅᓄᐛᐛ:
\q2 ᒥᔨᒡ ᑲ ‍ ᐃᑎᑐᔅᒐᒡ ᐅᑎᒋᐛᒡ:
\q2 ᐱᔅᑎᓂᒧᐅᒡ ᑕᐱᔅᑯᓐ ᐊ ‍ ᐃᑕᑎᓯᒡ᙮
\q1
\v 5 ᐊᑲ ᐊ ‍ ᐱᔅᒐᔨᑎᒺᒡ ᑎᐸᔨᒋᒐᓱᐛ ᐅᑦ ᐊᑐᔅᒐᐅᓂᔪᐤ,
\q2 ᐊᑲ ᑭᔭ ᑲ ‍ ᐃᑐᑎᒧᒪᑭᓂᔨᒡ ᐅᑎᒋᔭ, ᒋᑭ ‍ ᓂᓱᐅᓇᒋᐊᐤ, ᓇᒪ ᒪᒃ ᒋᑭ ‍ ᐱᓯᑯᓇᐤ᙮
\b
\q1
\v 6 ᒪᒥᒋᑕᑯᓱᐤ ᑎᐸᔨᒋᒐᓱᐤ,
\q2 ᐊᒋ ‍ ᓂᑐᑕᒄ ᓂᒪᐅᓂᔪᐤ᙮
\q1
\v 7 ᑎᐸᔨᒋᒐᓱᐤ ᓂᒥᔅᑯᐅᓯᐅᓐ ᑭᔭ ᓂᑦ ᐊᒂᓇᐅᓱᐛᑭᓇ;
\q2 ᓂᑕᐃᔪᐤ ᒋ ‍ ᒪᒥᓯᑐᑕᑯᐤ, ᓂ ‍ ᐎᒋᐃᑯᐅᓐ ᒪᒃ:
\q1 ᐊᐅᒄ ᐅᒋ ᓂᑕᐃ ᓇᔅᒡ ᒪᔽᔨᑎᒧᒪᑭᓐ;
\q2 ᑭᔭ ᐊ ‍ ᓂᑭᒧᔭᓐ ᓂᑭ ‍ ᒪᒥᒋᒪᐤ᙮
\b
\q1
\v 8 ᑎᐸᔨᒋᒐᓱᐛ ᐅᒥᔅᑯᐅᓯᐅᓄᐅᒡ,
\q2 ᑭᔭ ᐅᐱᒪᒋᐃᑯᓯᐅ-ᒥᔅᑯᐅᓯᐅᒋᐛᑉ ᐅᑦ ᐊᐱᒋᐊᑭᓇ᙮
\q1
\v 9 ᐱᒪᒋᐃᒡ ᒋᑦ ᐃᔨᒥᒡ, ᑭᔭ ᒥᔽᒋᒥᒡ ᐊᓐᒡ ᑲ ‍ ᑎᐱᔨᐛᐅᓯᔨᓐ:
\q2 ᐊᓯᒥᒡ ᑭᔭ ᐅᐱᓂᒡ ᑲᒋᒡ᙮
\c 29
\s2 Psalm 29 (Epiphany-1 Year A, B, C; Trinity Year B)
\q1
\v 1 ᒥᔨᐧᒄ ᑎᐸᔨᒋᒐᓱᐤ, ᐅ ᒋᔨᐛᐤ ᑲ ‍ ᓱᐧᑲᑎᓯᔭᒄ,
\q2 ᒥᔨᐧᒄ ᑎᐸᔨᒋᒐᓱᐤ ᒋᔅᑕᔨᑕᑯᓱᐅᓂᔪᐤ ᑭᔭ ᒥᔅᑯᐅᓯᐅᓂᔪᐤ᙮
\q1
\v 2 ᒥᔨᐧᒄ ᑎᐸᔨᒋᒐᓱᐤ ᒋᔅᑕᔨᑕᑯᓱᐅᓂᔪᐤ ᑲ ‍ ᑎᐱᐸᔨᔨᒡ ᐅᑦ ᐃᓯᓂᐧᑲᓱᐅᓂᒡ;
\q2 ᐊᔭᒥᐊᔅᑕᐧᒄ ᑎᐸᔨᒋᒐᓱᐤ ᐊᔅᐱᔅ ᒥᔽᔨᑕᒂᒡ ᐸᔭᒋᓯᐅᓐ᙮
\b
\q1
\v 3 ᐅᐸᑕᑯᓯᐅᓐ ᑎᐸᔨᒋᒐᓱᐤ ᓂᐱᒡ ᑎᒂᓂᔪᐤ,
\q2 ᒋᔅᑕᔨᑕᑯᓯᐤ ᒋᓴᒪᓂᑐᐤ ᐅᓂᒥᔅᒋᒐᐤ:
\q2 ᑎᐸᔨᒋᒐᓱᐤ ᑕᐤ ᐊ ‍ ᓂᐱᐎᔨᒡ᙮
\q1
\v 4 ᐅᐸᑕᑯᓱᐅᓐ ᑎᐸᔨᒋᒐᓱᐤ ᓱᐧᑲᑎᓯᒥᑭᓂᔪᐤ;
\q2 ᐅᐸᑕᑯᓱᐅᓐ ᑎᐸᔨᒋᒐᓱᐤ ᑕᐱ ‍ ᒋᓴᐅᒋᒪᐛᔨᑕᒂᓂᔪᐤ᙮
\q1
\v 5 ᐅᐸᑕᑯᓱᐅᓐ ᑎᐸᔨᒋᒐᓱᐤ ᓇᑥᐸᔨᐃᑯᐅᒡ ᒪᔅᒋᔅᑲᑎᑯᒡ;
\q2 ᓂᐦᐃ, ᑎᐸᔨᒋᒐᓱᐤ ᐱᑯᓇᐤ ᒪᔅᒋᔅᑲᑎᒂ᙮
\q1
\v 6 ᑭᔭ ᒂᔅᑯᑕᐊᐤ ᒧᔭᒻ ᒥᔅᑐᓯᓴ:
\q2 ᓚᐸᓇᓐ ᑭᔭ ᓯᕆᐅᓐ ᒧᔭᒻ ᐅᐸᔭᑯᑕᔅᑭᓂᓯᓴ᙮
\q1
\v 7 ᐅᐸᑕᑯᓱᐅᓐ ᑎᐸᔨᒋᒐᓱᐤ ᐅᒋ ᑕᑎᐸᓂᒻ ᐃᔅᑯᑕᐛ᙮
\q2
\v 8 ᐊ ‍ ᐸᑕᑯᓯᑦ ᑎᐸᔨᒋᒐᓱᐤ ᑯᔅᑯᔅᑯᐸᔨᑕᐤ ᐸᐧᑯᑎᔅᑭᒥᑯᔪᐤ;
\q2 ᑎᐸᔨᒋᒐᓱᐤ ᑯᔅᑯᔅᑯᐸᔨᑕᐤ ᑲᑎᔅ ᐸᐧᑯᑎᔅᑭᒥᑯᔪᐤ᙮
\q1
\v 9 ᐊ ‍ ᐸᑕᑯᓯᑦ ᑎᐸᔨᒋᒐᓱᐤ ᐅᒡ ᐊᑎᐧᑯᒡ ᓂᑕᐅᒋᐊᐅᒡ ᐅᑯᓱᐛᐛ,
\q2 ᑭᔭ ᓄᑯᑕᑭᓄᐛ ᐊ ‍ ᒥᔅᑎᑯᔅᑲᒡ:
\q1 ᐅᒋᓴᐊᔭᒥᐊᐅᒋᐛᐱᒡ ᒥᓯᐛ ᐊᐛᔪᐛ ᐃᔭᔨᒧᑎᒥᔨᐛ ᐅᒋᔅᑕᔨᑕᑯᓱᐅᓐ᙮
\b
\q1
\v 10 ᑎᐸᔨᒋᒐᓱᐤ ᑕᑎᐳᐤ ᐊᓐᑕ ᐊ ‍ ᐃᔅᒋᐳᑕᔨᒡ;
\q2 ᓂᐦᐃ, ᑎᐸᔨᒋᒐᓱᐤ ᐊᐳᐤ ᐊ ‍ ᒋᓴᐅᒋᒪᐅᑦ ᑲᒋᒡ᙮
\q1
\v 11 ᑎᐸᔨᒋᒐᓱᐤ ᒋᑭ ‍ ᒥᔭᐤ ᒥᔅᑯᐅᓯᐅᓂᔪᐤ ᐅᑦ ᐃᔨᒪ;
\q2 ᑎᐸᔨᒋᒐᓱᐤ ᒋᑭ ‍ ᓱᐛᔨᒪᐤ ᐅᑦ ᐃᔨᒪ ᐊ ‍ ᒥᔭᑦ ᒋᔭᒪᔨᑎᒧᐅᓂᔪᐤ᙮
\c 30
\s2 Psalm 30 (Epiphany-6 Year B; Easter-3 Year C)
\q1
\v 1 ᒋᑭ ‍ ᒋᔅᑕᒋᒥᑎᓐ, ᐅ ᑎᐸᔨᒋᒐᓱᐤ, ᐛᔅ ᔅᒋ ‍ ᐅᐱᓐ,
\q2 ᓇᒪ ᑭᔭ ᒋ ᐅᒋ ᐃᑐᑐᐛᐅᒡ ᑲ ‍ ᐛᐧᑲᓯᒡ ᒐᒋ ᒥᔽᔨᑕᒡ ᓂᔾ ᐅᒋ᙮
\q1
\v 2 ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᔅᒋ ‍ ᒧᔅᑯᐛᑎᑎᓐ;
\q2 ᔅᒋ ‍ ᒥᓏᒋᐃᓐ ᒪᒃ᙮
\q1
\v 3 ᐅ ᑎᐸᔨᒋᒐᓱᐤ, ᔅᒋ ‍ ᐸᓱᐛᐤ ᓂᑦ ᐊᒐᐧᒄ ᓂᒂᔅᑲᓂᒡ ᐅᒋ:
\q2 ᔅᒋ ‍ ᐱᒪᒋᐃᓐ, ᒐ ᐊᑲ ᒋ ᓂᑎᒋᐛᔭᓐ ᓂᒂᔅᑲᓂᒡ᙮
\b
\q1
\v 4 ᓂᑭᒧᔅᑐᐛᐧᒄ ᑎᐸᔨᒋᒐᓱᐤ, ᐅ ᒋᔨᐛᐤ ᐅ ᐸᔭᒋᓯᒪ,
\q2 ᓂᓇᔅᑯᒥᐧᒄ ᑭᔭ ᐊ ‍ ᒋᔅᒋᑎᒺᒄ ᐅᐸᔭᒋᓯᐅᓐ᙮
\q1
\v 5 ᐛᔅ ᐛᐃᐱᔅᒋᔅ ᒥᒄ ᐱᒥᐱᔪᐤ ᐅᒋᔄᓱᐅᓐ;
\q2 ᐅᒥᔪᑐᑕᒐᐅᓐ ᑲᒋᒡ ᐱᒪᑎᓯᐅᓂᔪᐤ:
\q1 ᒪᐅᓐ ᐃᔅᑭᓐ ᑎᐱᔅᑲᐛ ᐱᒥᐱᔪᐤ,
\q2 ᒪᒃ ᒥᔽᔨᑎᒧᐅᓐ ᐅᑎᒋᐱᔪᐤ ᒋᔭᒋᓴᐸᔭᒋ᙮
\b
\q1
\v 6 ᓂᒥᔽᐱᒪᐅᓱᐅᓂᒡ ᒪᒃ ᓂᒋ ‍ ᐃᔅᒋᔄᓐ,
\q2 “ᓇᒪ ᓂᑕ ᓂᑭ ‍ ᓴᑯᐃᑯᓐ᙮”
\q1
\v 7 ᑎᐸᔨᒋᒐᓱᐤ, ᒋᒥᔪᑐᑕᒐᐅᓂᒡ ᐅᒋ ᔅᒋ ‍ ᐊᔨᒋᑲᐳᐅᑕᓐ ᓂᐱᔅᑯᑎᓇᒻ:
\q2 ᔅᒋ ‍ ᑲᓱᓐ, ᐊᑯ ᒥᑯᔅᑲᑕᔨᑎᒪᓐ᙮
\b
\q1
\v 8 ᔅᒋ ‍ ᒪᑕᑎᓐ, ᐅ ᑎᐸᔨᒋᒐᓱᐤ;
\q2 ᑎᐸᔨᒋᒐᓱᐤ ᒪᒃ ᓂ ‍ ᓂᑐᑎᒧᐛᐤ᙮
\q1
\v 9 “ᑕᓐ ᐊ ‍ ᐃᑕᐱᑎᒡ ᓂᒥᐧᒄ, ᓂᑎᒋᐛᔭᓇ ᓂᒂᔅᑲᓂᒡ ?
\q2 ᐊᓯᔅᒋᔾ ᐊ ᒋᑭ ‍ ᒪᒥᒋᒥᑯᓐ ?
\q2 ᒋᑭ ‍ ᐎᑕᒧᒥᑭᓐ ᐊ ᒋᑕᑈᐅᓐ ?
\q1
\v 10 ᓂᑐᑕ, ᐅ ᑎᐸᔨᒋᒐᓱᐤ, ᒋᔅᑎᒪᒐᔨᒥ ᒪᒃ:
\q2 ᑎᐸᔨᒋᒐᓱᐤ, ᐎᒋᐃ᙮”
\b
\q1
\v 11 ᔅᒋ ‍ ᒂᔅᒋᓂᒧᐅᓐ ᓂ ‍ ᒪᐅᓐ ᓂᒧᐅᓂᒡ ᐃᔅ:
\q2 ᔅᒋ ‍ ᐃᒐᔅᑕᓐ ᓂᐱᒋᐅᔭᓇᒋᓂᔅᒋᔅ, ᑭᔭ ᔅᒋ ‍ ᐱᒂᑕᐅᓐ ᓯᒋᔭᓯᐅᓐ ᐅᒡ;
\q2
\v 12 ᓂᒋᔅᑕᔨᑕᑯᓱᐅᓐ ᐊ ‍ ᓂᑭᒧᒥᑲᒡ ᒐᒋ ᒪᒥᒋᒥᑯᔨᓐ, ᒐ ᐊᑲ ᑭᔭ ᒋᐱᑐᐛᒥᑲᒡ᙮
\q1 ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᒋᑭ ‍ ᓂᓇᔅᑯᒥᑎᓐ ᑲᒋᒡ᙮
\c 31
\s2 Psalm 31:1-5, 15-16 (Easter-5 Year A)
\q1
\v 1 ᒋᔾ, ᑎᐸᔨᒋᒐᓱᐤ, ᒋ ‍ ᒪᒥᓯᑐᑕᑎᓐ;
\q2 ᐊᑲᐎᔾ ᓇᐃᒥ ᒐᒋ ᓴᒂᔨᒧᔭᓐ:
\q2 ᐱᒪᒋᐃ ᒋᑯᐃᔅᑯᑕᑎᓯᐅᓂᒡ᙮
\q1
\v 2 ᓂᑐᑐᐎ;
\q2 ᒋᐱᔾ ᐱᒪᒋᐃ:
\q2 ᒋᑭ ‍ ᒥᔅᑯᐅᐤ ᐅᒋᔅᑕᐱᔅᑯᒥᑕᑎᓐ ᒐᒋ ᐅᓇᑎᒪᒐᐅᒋᐛᐱᔭᓐ ᒐᒋ ᐱᒪᒋᐃᑯᐅᔭᓐ᙮
\q1
\v 3 ᐛᔅ ᒋᔾ ᓂᒋᔅᑕᐱᔅᑯᒻ ᑭᔭ ᓂᓂᑐᐱᔪᐅᒋᐛᑉ;
\q2 ᐊᐅᒄ ᐅᒡ ᒋᑦ ᐃᓯᓂᐧᑲᓱᐅᓐ ᐅᒡ᙮ ᐱᒧᑕᐃ, ᑭᔭ ᒋᔅᒋᓄᑕᐃ᙮
\q1
\v 4 ᐅᒋᐱᓯ ᐊᐃᐱᒡ ᐅᒋ ᒋᒧᑦ ᑲᒋ ᐸᒋ ‍ ᐱᔅᑎᓂᒧᐎᒡ:
\q2 ᐛᔅ ᒋᔾ ᐊᐅᒄ ᓂᒥᔅᑯᐅᓯᐅᓐ᙮
\q1
\v 5 ᒋᑎᒋᒡ ᓂ ‍ ᐱᔅᑎᓇᐤ ᓂᑦ ᐊᒐᐧᒄ:
\q2 ᔅᒋ ‍ ᑎᐸᐊᒪᒐᔅᑎᒧᐅᓐ, ᐅ ᑎᐸᔨᒋᒐᓱᐤ ᑕᑈᐅ ᒋᓴᒪᓂᑐᐤ᙮
\b
\q1
\v 6 ᓂᒋ ‍ ᐛᐧᑲᑕᐅᒡ ᐊᓐᒡ ᑲ ‍ ᐃᔭᐱᑕᔨᑕᒡ ᓂᑐᐎᔾ ᒐᒂᓇ:
\q2 ᒪᒃ ᓂ ‍ ᒪᒥᓯᑐᑐᐛᐤ ᑎᐸᔨᒋᒐᓱᐤ᙮
\q1
\v 7 ᓂᑭ ‍ ᓯᒋᔭᓯᓐ ᑭᔭ ᓂᑭ ‍ ᒥᔽᑕᓐ ᒋᓱᐛᔨᒋᒐᐅᓂᒡ:
\q2 ᐛᔅ ᔅᒋ ‍ ᒪᒥᑐᓇᔨᑕᓐ ᓂᑦ ᐊᔨᒥᓱᐅᓐ;
\q2 ᔅᒋ ‍ ᒋᔅᒐᔨᒪᐤ ᓂᑦ ᐊᒐᐧᒄ ᐊᔨᒥᓯᐅᓂᒡ;
\q1
\v 8 ᓇᒪᐎᔾ ᒪᒃ ᒋ ᐅᒋ ‍ ᒋᐸᐅᓐ ᐅᑎᒋᒡ ᑲ ‍ ᐛᐧᑲᓯᑦ:
\q2 ᐊ ‍ ᒥᓴᒡ ‍ ᐊᐱᔅᒋᒐᔭᒡ ᔅᒋ ‍ ᐃᑎᔅᑕᓐ ᓂᓯᑕ᙮
\b
\s2 Psalm 31:9-16 (Palm Sunday Year A, B, C)
\q1
\v 9 ᒋᔅᑎᒪᒐᔨᒥ, ᐅ ᑎᐸᔨᒋᒐᓱᐤ, ᐛᔅ ᓂᑦ ᐊᔨᒥᓯᓐ:
\q2 ᓂᔅᒋᓯᒄ ᓂᓱᐅᓇᑎᓐ ᐊ ‍ ᑯᐸᑕᔨᑎᒪᓐ,
\q2 ᓂᐦᐃ, ᓂᑦ ᐊᒐᐧᒄ ᑭᔭ ᓂᔪᐤ᙮
\q1
\v 10 ᐛᔅ ᓂᐱᒪᑎᓯᐅᓐ ᒋ ‍ ᐅᑎᒋᐱᔪᐤ ᑯᐸᑕᔨᑎᒧᐅᓂᒡ,
\q2 ᑭᔭ ᓂ ‍ ᐱᐳᓂᒪ ᒥᓯᒥᑕᑎᒧᐅᓂᒡ:
\q1 ᓂ ‍ ᒥᔅᑯᐅᓯᐅᓐ ᓄᑕᐱᔪᐤ ᓂᒥᒐᑎᓯᐅᓐ ᐅᒡ,
\q2 ᓂᔅᑭᓇ ᑭᔭ ᓂᓱᐅᓇᑎᓇ᙮
\q1
\v 11 ᓂᒋ ‍ ᒪᒐᔨᒥᑯᒡ ᒥᓯᐛ ᑲ ‍ ᐛᐧᑲᓯᒡ,
\q2 ᐊᔪᐛᒡ ᒪᒃ ᓂᒡ ᐃᔪᒡ, ᓂᒋ ‍ ᑯᔅᑎᑯᒡ ᑭᔭ ᓂᐎᒐᐛᑭᓐᒡ:
\q2 ᐊᓐᒡ ᒪᒃ ᐎᐎᑎᒥᒡ ᑲ ‍ ᐛᐱᒥᒡ ᓂᒋ ‍ ᒋᑎᓯᒥᑯᒡ᙮
\q1
\v 12 ᓂ ‍ ᐅᓂᒋᔅᒋᑕᑯᐅᓐ, ᒧᔭᒻ ᑲ ‍ ᓂᐱᑦ ᐃᔪᐤ:
\q2 ᒧᔭᒻ ᑲ ‍ ᐱᑯᐱᔨᒡ ᐊᓱᑕᓱᐛᑭᓐ ᓂᑦ ᐃᓯᓇᑯᓯᓐ᙮
\q1
\v 13 ᐛᔅ ᓂᒋ ‍ ᐸᑕᓐ ᒥᒐᑦ ᐊ ᒥᒋ ‍ ᐃᓯᒡ:
\q2 ᑯᔅᑕᒋᐅᓐ ᒋ ‍ ᑎᑯᓐ ᒥᓯᐛ ᐊᔨᑐᐤ:
\q1 ᒪᒂᒡ ᐊ ᒪᒧᐎ ‍ ᑭᒐᔅᒋᒥᑐᒡ,
\q2 ᒋ ‍ ᐃᑕᔨᑎᒧᒡ ᒐᒋ ᐅᑎᓇᒡ ᓂᐱᒪᑎᓯᐅᓂᔪᐤ᙮
\b
\q1
\v 14 ᒪᒃ ᒋᔾ ᔅᒋ ‍ ᒪᒥᓯᑐᑕᑎᓐ, ᐅ ᑎᐸᔨᒋᒐᓱᐤ;
\q2 ᓂᒋ ‍ ᐃᔨᓐ, “ᒋᔾ ᓂᒋᓴᒪᓂᑐᒻ᙮”
\s2 Psalm 31:1-5, 15-16 (Easter-5 Year A)
\q1
\v 15 ᓂᒋᓯᑲᒪ ᑎᑯᓇ ᒋᑎᒋᒡ:
\q2 ᐱᒪᒋᐃ ᐅᑎᒋᐛᒡ ᐅᒋ ᑲ ‍ ᐛᐧᑲᓯᒡ, ᐊᓐᒡ ᑭᔭ ᑲ ‍ ᓂᓇᐧᑲᒋᐃᒡ᙮
\q1
\v 16 ᐛᓯᓱᔅᑐᐤ ᒋᑦ ᐊᑐᔅᒐᔭᑭᓐ:
\q2 ᐱᒪᒋᐃ ᒋᒋᔅᑎᒪᒐᔨᒋᒐᐅᓐ ᐅᒡ᙮
\q1
\v 17 ᐊᑯᔅ ᐊᑲᐎᔾ ᓂᑭ ‍ ᓯᓴᒂᔨᒧᓐ, ᐅ ᑎᐸᔨᒋᒐᓱᐤ;
\q2 ᐛᔅ ᔅᒋ ‍ ᓇᓇᑐᒥᑎᓐ:
\q2 ᐊᑯᔅ ᒋᑭ ‍ ᓯᓴᒂᔨᒧᐅᒡ ᐅᒥᒋᑥᐅᒡ, ᐊᑯᔅ ᑭᔭ ᒋᑭ ‍ ᒋᐱᑐᐛᐅᒡ ᒋᐱᐃᒋᐛᐱᒡ᙮
\q1
\v 18 ᐊᑯᔅ ᑭᑭᒋᔭᐎ ᒥᑐᓇ ᒋᑭ ‍ ᒋᐱᑐᐛᒥᑭᓇ;
\q2 ᑲ ‍ ᒥᒪᔭᔨᒥᑯᒡ ᑭᔭ ᑲ ‍ ᒪᒥᒋᐃᔨᑎᑯᒡ ᐅᑯᐃᔅᑯᑕᑎᓯᐅᒡ᙮
\b
\q1
\v 19 ᐅ, ᑕᑈ ᒥᓴᐤ ᒋᒥᔪᑐᑕᒐᐅᓐ,
\q2 ᑲᒋ ‍ ᐊᔅᑐᐛᑭᓄᒡ ᐊᓐᒡ ᑲ ‍ ᓇᓂᒋᔅᑕᔅᒡ;
\q1 ᑲᒋ ‍ ᐃᑐᑎᒧᐅᑥᐤ ᐊᓐᒡ ᑲ ‍ ᒪᒥᓯᑐᑕᔅᒡ,
\q2 ᐅᑎᔅᑯᐤ ᐃᔪᐤ ᐅᑯᓯᓴᓐᒡ !
\q1
\v 20 ᒋᑭ ‍ ᑲᔭᐅᒡ ᐊᑯ ᐊᐸᑕᔅᑎᒥᐱᔨᓐ ᐅᒋᔅᑕᔨᒧᐅᓐ ᐃᔪᐤ ᐅᒡ:
\q2 ᒋᒧᑦ ᒋᑭ ‍ ᑭᓄᐛᔨᒪᐅᒡ ᒋᒋᓴᒥᒋᐛᐱᒥᒡ ᒐ ᐊᑲ ᒋ ᒪᔭᐃᒥᑯᒡ ᒥᑕᔨᔭ᙮
\b
\q1
\v 21 ᒪᒥᒋᑕᑯᓱᐤ ᑎᐸᔨᒋᒐᓱᐤ:
\q2 ᐛᔅ ᓂᒋ ‍ ᐛᐸᑎᔨᒄ ᐅᒪᒥᔅᑲᒡ-ᒋᓴᐛᑎᓯᐅᓐ ᐊ ‍ ᒥᔅᑯᐛᒡ ᐃᑕᐅᓂᒡ᙮
\q1
\v 22 ᐛᔅ ᓯᔅᒋᑯᒡ ᓂᒋ ‍ ᐃᔅᒋᔄᓐ, “ᓂᒋ ‍ ᒥᓂᓱᑯᐅᓐ ᒐ ᐊᑲ ᒋ ᐛᐱᒥᔨᓐ᙮”
\q2 ᐃᔭᐱᒡ ᒪᒃ ᔅᒋ ‍ ᐸᑕᓐ ᓂᒪᐅᓐ ᐃᔅᐱ ᑲ ‍ ᒪᑕᑕᓐ᙮
\b
\q1
\v 23 ᐅ ᓴᒋᐃᐧᒄ ᑎᐸᔨᒋᒐᓱᐤ, ᒥᓯᐛ ᒋᔨᐛᐤ ᐅᐸᔭᒋᓯᒪ:
\q2 ᐛᔅ ᑎᐸᔨᒋᒐᓱᐤ ᑭᓄᐛᔨᒪᐤ ᑲ ‍ ᑯᐃᔅᑯᑎᔨᒋ,
\q2 ᒥᔅᑎᐃ ᑭᔭ ᑎᐸᐊᒪᐛᐤ ᑲ ‍ ᒋᔅᑕᔨᒧᐎ ᐊ ‍ ᐃᑎᔨᒋ᙮
\q1
\v 24 ᓱᒋᑕᐊᒄ, ᒋᑭ ‍ ᒥᔅᑯᐅᑕᐤ ᒪᒃ ᒋᑕᐃᐛᐛ,
\q2 ᒥᓯᐛ ᒋᔨᐛᐤ ᑲ ‍ ᐊᔅᐸᔨᒧᑐᑕᐛᒄ ᑎᐸᔨᒋᒐᓱᐤ᙮
\c 32
\s2 Psalm 32 (Lent-1 Year A)
\s2 Psalm 32 (Lent-4, Proper-26 Year C)
\q1
\v 1 ᓱᐛᔨᑕᑯᓱᐤ ᐊᓐ ᐅᐅᓂᑐᑎᒧᐅᓇ ᑲ ‍ ᐛᐸᔨᑕᑭᓄᐎᔨᒋ,
\q2 ᐅᒥᒋᑥᐅᓇ ᑲ ‍ ᐊᒂᓇᐃᑭᓄᐎᔨᒋ᙮
\q1
\v 2 ᓱᐛᔨᑕᑯᓱᐤ ᐊᓐ ᐃᔪᐤ ᒥᒐᑎᓯᐅᓂᔪᐤ ᐊᑲ ᒐᒂᓐ ᐃᑎᒋᑎᒪᑯᑦ ᑎᐸᔨᒋᒐᓱᐛ,
\q2 ᑭᔭ ᐅᑦ ᐊᒐᐧᑯᒡ ᐊᑲ ᐱᒋᔅᑲᑯᑦ ᑭᑭᒋᔭᐅᓂᔪᐤ᙮
\b
\q1
\v 3 ᐃᔅᐱ ᑲᒋ ‍ ᒋᒺᔭᓐ,
\q2 ᓂᔅᑭᓇ ᒋ ᐊᑎ ‍ ᒐᔭᓯᓇᑯᓇ ᐊᒪᔭᓐ ᐃᔅᑭᓐ ᒋᓯᑲᐛ᙮
\q1
\v 4 ᐛᔅ ᐊ ‍ ᒋᓯᑲᒡ ᑭᔭ ᐊ ‍ ᑎᐱᔅᑲᒡ ᔅᑎᒋᔾ ᓂ ‍ ᑯᓯᑯᔅᑲᑯᓐ:
\q2 ᓂᑎᑈᓱᐅᓐ ᒧᔭᒻ ᐊ ‍ ᐸᔅᑕᒡ ᒪᒂᒡ ᐊ ‍ ᓂᐱᒡ᙮
\q1
\v 5 ᔅᒋ ‍ ᐎᑎᒪᑎᓐ ᓂᒥᒋᑐᑎᒧᐅᓇ,
\q2 ᓇᒪ ᑭᔭ ᓂ ᐅᒋ ‍ ᑲᑕᓐ ᓂᒥᒐᑎᓯᐅᓇ᙮
\q1 ᓂᒋ ‍ ᐃᔨᓐ, ᓂᑭ ‍ ᐎᑎᒧᐛᐤ ᑎᐸᔨᒋᒐᓱᐤ ᓂᐅᓂᑐᑎᒧᐅᓇ;
\q2 ᒋᔾ ᒪᒃ ᔅᒋ ‍ ᐛᐸᔨᑕᓐ ᐊ ᐃᓯ ‍ ᒥᒐᑎᓯᒥᑲᒡ ᓂᒥᒋᑐᑎᒧᐅᓐ᙮
\b
\q1
\v 6 ᐅ ᒪᒃ ᐅᒋ ᒥᓯᐛ ᑕᑐᐤ ᐊᐛᓐ ᑲ ‍ ᐊᔭᒥᐊᐛᑎᓯᑦ ᒋᑭ ‍ ᐊᔭᒥᐊᔅᑕᒄ ᒪᒂᒡ ᐊᔅᒄ ᒐᒋ ᒥᔅᑲᑯᐎᔨᓐ:
\q2 ᒐᔅᑎᓇᔅ ᐊ ᒥᔅᑎ ‍ ᐃᔅᒋᐳᑕᔨᒡ, ᓇᒪᐎᔾ ᒥᒋᒪ ᒋᑭ ‍ ᓇᑎᑯᐤ᙮
\q1
\v 7 ᒋᔾ ᐊ ‍ ᑕᔨᓐ ᐊᑯᑕ ᒐ ‍ ᑲᓱᔭᓐ;
\q2 ᒋᑭ ‍ ᒥᑕᒂᓂᒧᐅᓐ ᐊᔨᒥᓱᐅᓐ:
\q2 ᒋᑭ ‍ ᐛᔅᑲᔅᑯᐅᓐ ᐱᒪᒋᐃᐛᐅ ᓂᑭᒧᐅᓇ ᐅᒡ᙮
\b
\q1
\v 8 ᒋᑭ ‍ ᐎᑎᒪᑎᓐ, ᑭᔭ ᒋᑭ ‍ ᒋᔅᑯᑎᒪᑎᓐ ᐊᓐᑕ ᒐ ‍ ᐃᑐᑕᔨᓐ:
\q2 ᒋᑭ ‍ ᒋᔅᒋᓄᑕᔨᑎᓐ ᓂᔅᒋᓯᒄ ᐅᒡ᙮
\q1
\v 9 ᐊᑲᐎᔾ ᓇᔅᐱᑕᐧᒄ ᑲᐸᐃᑭᔎᐤ, ᑭᔭ ᒪᒃ ᑲᓂᐧᑲᑎᓯᑦ ᑲᐸᐃᑭᔎᐤ, ᐊ ᐊᑲ ‍ ᐅᓂᔅᑐᑎᒧᐅᓂᒡ:
\q2 ᐅᑐᓄᐛᐛ ᑲ ‍ ᒥᒋᒥᐱᑕᔨᒋ ᒋᑐᐱᒋᑭᓂᔪᐤ ᐅᒡ ᐊᑲ ᒥᒋᒪ ᒐᒋ ᓇᑎᔅᒡ᙮
\q1
\v 10 ᒥᒐᑦ ᑯᐸᑕᔨᑎᒧᐅᓇ ᒋᑭ ‍ ᐅᑎᑎᑯᐅᒡ ᐅᒥᒋᑥᐅᒡ:
\q2 ᒪᒃ ᐊᓐ ᑲ ‍ ᒪᒥᓯᑐᑐᐛᑦ ᑎᐸᔨᒋᒐᓱᐛ ᒋᑭ ‍ ᐛᔅᑲᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ᙮
\b
\q1
\v 11 ᓯᒋᔭᓯᔅᑕᐧᒄ ᑎᐸᔨᒋᒐᓱᐤ, ᒥᔽᔨᑎᒧᒄ ᒪᒃ, ᒋᔨᐛᐤ ᑲ ‍ ᑯᐃᔅᑯᑕᑎᓯᔭᒄ:
\q2 ᒋᔄᐛᒄ ᐊ ‍ ᑕᑈᔭᒄ ᒪᒃ ᐊᔅᐱᔅ ᒥᔽᔨᑎᒪᒄ, ᒥᓯᐛ ᒋᔨᐛᐤ ᑲ ‍ ᑯᐃᔅᑯᑕᐊᔭᒄ᙮
\c 33
\s2 Psalm 33:1-12 (Proper-5 Year A)
\q1
\v 1 ᒧᒋᒐᔨᑎᒥᒄ ᑎᐸᔨᒋᒐᓱᐤ ᐅᒡ, ᐅ ᒋᔨᐛᐤ ᑲ ‍ ᑯᐃᔅᑯᑎᓯᔭᒄ;
\q2 ᐛᔅ ᒪᒥᒋᒧᐛᐅᓂᔪᐤ ᓇᐃᔅᑲᑯᐅᒡ ᐅᑯᐃᔅᑯᑐᐅᒡ᙮
\q1
\v 2 ᒪᒥᒋᒥᐧᒄ ᑎᐸᔨᒋᒐᓱᐤ ᐊᔭᒥᐊᐤ ᒋᔍᐛᐱᒋᑭᓂᒡ:
\q2 ᓂᑭᒧᔅᑕᐧᒄ ᐊᓯᑭᓇᔭᐱᔾ ᒋᔍᐛᐱᒋᑭᓂᓴ ᐊ ‍ ᐊᐸᒋᑕᔭᒄ, ᑭᔭ ᒋᔍᐛᐱᒋᑭᓐ ᑲ ‍ ᐸᐃᑯᔪᐛᐸᑭᒧᒡ᙮
\q1
\v 3 ᓂᑭᒧᔅᑕᐧᒄ ᐅᔅᒋ ᓂᑭᒧᐅᓂᔪᐤ;
\q2 ᓇᔅᒡ ᑭᔅᒋᑕᒄ ᐊ ‍ ᒋᔍᐛᐱᒐᔭᒄ ᐊ ‍ ᒋᔄᐛ ᒋᔍᐛᐱᒐᔭᒄ᙮
\b
\q1
\v 4 ᐛᔅ ᐅᑦ ᐃᔨᒧᐅᓐ ᑎᐸᔨᒋᒐᓱᐤ ᑯᐃᔅᑯᓂᔪᐤ;
\q2 ᒥᓯᐛ ᒪᒃ ᐅᑦ ᐊᑐᔅᒐᐅᓇ ᑕᑈᐅᓂᒡ ᐃᓯ ᐃᑐᑎᒻ᙮
\q1
\v 5 ᓴᒋᑕᐤ ᑯᐃᔅᑯᑕᑎᓯᐅᓂᔪᐤ ᑭᔭ ᑎᐸᔅᑯᓂᒐᐅᓂᔪᐤ:
\q2 ᐊᔅᒋᒡ ᓴᑭᔅᒋᓇᔪᐤ ᐅᒥᔽᑎᓯᐅᓐ ᑎᐸᔨᒋᒐᓱᐤ᙮
\b
\q1
\v 6 ᐅᑦ ᐃᔨᒧᐅᓂᒡ ᐅᒋ ᑎᐸᔨᒋᒐᓱᐤ ᒋᓯᒂ ᒋ ‍ ᐅᓯᑕᑭᓄᐎᔪᐛ:
\q2 ᑭᔭ ᒥᓯᐛ ᐊ ‍ ᐃᑕᑎᓂᔨᒋ ᐅᑐᓂᒡ ᐊ ᐅᒋ ‍ ᔭᔭᑐᑕᐧᒃ᙮
\q1
\v 7 ᒪᐅᓯᑯᓂᒻ ᓂᐱᔭ ᐎᓂᐸᑯᒡ:
\q2 ᒪᒧᐅᔅᑕᐤ ᐊ ‍ ᑎᒥᔨᒡ ᓂᐱᔭ ᐊᔅᑕᓱᐅᒋᐛᐱᒡ᙮
\q1
\v 8 ᐊᑯᔅ ᒥᓯᐛ ᐊᔅᒋᔪᐤ ᒋᑭ ‍ ᓇᓂᒋᔅᑕᑯᐤ ᑎᐸᔨᒋᒐᓱᐤ;
\q2 ᐊᑯᔅ ᒥᓯᐛ ᐊᔅᒋᒡ ᑲ ‍ ᐎᒋᒡ ᒋᑭ ‍ ᓴᒐᔨᑕᒥᐃᑯᐅᒡ:
\q1
\v 9 ᐛᔅ ᒋ ‍ ᐃᔨᒧᐤ, ᐊᑯ ᐊᑐᑕᑭᓄᐎᒡ;
\q2 ᒋ ‍ ᐃᑎᓱᐛᐤ, ᐊᑯ ᐃᔭᔨᑎᔅᑕᔨᒡ᙮
\q1
\v 10 ᑎᐸᔨᒋᒐᓱᐤ ᓂᑐᐎ ᐃᑕᔨᑕᑯᑕᐛᐤ ᐅᑭᒐᔅᒋᒧᐛᐅᓂᔪᐤ ᐊᑲ ᐊᔭᒥᐊᔨᒋ:
\q2 ᓇᒪᐎᔾ ᔭᐱᒐᔨᑕᑯᑕᐛᐤ ᐅᑦ ᐃᑕᔨᑎᒧᐅᓂᔪᐤ ᐃᔪᐛ᙮
\q1
\v 11 ᐅᑭᒐᔅᒋᒧᐅᓐ ᑎᐸᔨᒋᒐᓱᐤ ᑲᒋᒡ ᐊᔨᑕᓂᔪᐤ;
\q2 ᐊ ᐃᓯ ‍ ᒥᑐᓇᔨᑕᐧᒃ ᐅᑕᐃᒡ ᒐ ᐃᔅᐱᔅ ‍ ᐱᒪᑎᓯᓇᓄᐎᒡ᙮
\b
\s2 Psalm 33:12-22 (Proper-14 Year C)
\q1
\v 12 ᓱᐛᔨᑕᑯᓱᐅᒡ ᑲ ‍ ᐃᑎᔅᑲᓇᓯᒡ ᐃᔪᒡ ᑲ ‍ ᐅᒋᓴᒪᓂᑐᒥᒡ ᑎᐸᔨᒋᒐᓱᐛ;
\q2 ᐊᓐᒡ ᐃᔪᒡ ᑭᔭ ᑲᒋ ‍ ᐎᔭᐱᒥᑯᒡ ᒐᒋ ᑎᐱᔨᐛᐅᓯᔨᒋ᙮
\q1
\v 13 ᑎᐸᔨᒋᒐᓱᐤ ᒋᒋᒋᓯᑯᒡ ᐅᒋ ᐃᑕᐳᐤ;
\q2 ᑭᓄᐛᐱᒥᒪᐤ ᒥᓯᐛ ᐅᑯᓯᔨᐛ ᐃᔪᐛ᙮
\q1
\v 14 ᐊᓐᑕ ᐊ ‍ ᐎᒋᑦ ᐅᒋ ᑭᓄᐛᐱᒪᐤ ᒥᓯᐛ ᐊ ‍ ᑕᔨᒋ ᐊᔅᒋᒡ᙮
\q1
\v 15 ᑕᐱᔅᑯᓐ ᐅᓯᑕᐛᐤ ᐅᑕᐃᔪᐛ;
\q2 ᒪᒥᑐᓇᔨᑎᒺᐤ ᒥᓯᐛ ᐅᑦ ᐊᑐᔅᒐᐅᓂᔪᐛ᙮
\q1
\v 16 ᓇᒪᐎᔾ ᑕᐤ ᒋᓴᐅᒋᒪᐤ ᐊᒋ ‍ ᐱᒪᒋᐊᑭᓄᐅᑦ ᐊ ‍ ᒥᒐᑎᔨᒋ ᐅᑲᒪᓯᒐᓯᒪ:
\q2 ᑲ ‍ ᓱᐧᑲᑎᓯᑦ ᐃᔪᐤ ᓇᒪᐎᔾ ᐱᒪᒋᐊᑭᓄᐤ ᐊᑎ ᓇᔅᒡ ᒥᔅᑯᐅᓯᑦ᙮
\q1
\v 17 ᑲᐸᐃᑭᔎᐤ ᓇᒪ ᐃᑕᔨᑕᑯᓱᐤ ᒐᒋ ᐅᒋ ‍ ᐱᒪᑎᓯᐅᓇᓄᐅᑦ:
\q2 ᓇᒪ ᑭᔭ ᐊᐛᔪᐛ ᒋᑭ ‍ ᐱᒪᒋᐊᐤ ᐊᑎ ᓇᔅᒡ ᒥᔅᑯᐅᓯᑦ᙮
\q1
\v 18 ᐛᐸᑎᒧᒄ, ᑎᐸᔨᒋᒐᓱᐤ ᑭᓄᐛᐱᒪᐤ ᐊᓂᔭ ᑲ ‍ ᓇᓂᒋᔅᑕᑯᑦ,
\q2 ᐊᓂᔭ ᑲ ‍ ᐊᔅᐸᔨᒧᑐᑎᒥᔨᒋ ᐅᓱᐛᔨᒋᒐᐅᓐ;
\q1
\v 19 ᒐᒋ ᐱᒪᒋᐃᒪᑦ ᐅᑦ ᐊᒐᐧᑯᔪᐛ ᓂᐳᐅᓂᒡ ᐅᒡ,
\q2 ᑭᔭ ᒐᒋ ᑭᓄᐛᔨᒪᑦ ᐊ ‍ ᐱᒪᑎᓯᔨᒋ ᒪᒂᒡ ᐊ ‍ ᑯᐅᐧᑭᑕᓄᐎᒡ᙮
\b
\q1
\v 20 ᒋᑦ ᐊᒐᐧᑯᓄᐤ ᐊᓯᓄᐛᐊᐤ ᑎᐸᔨᒋᒐᓱᐛ;
\q2 ᐎᔾ ᐊᐅᒄ ᒋᐎᒋᐃᑯᓯᐅᓄᐤ ᑭᔭ ᒋᑦ ᐊᒂᓇᐅᓱᐛᑭᓄᐤ᙮
\q1
\v 21 ᐛᔅ ᒋᑕᐃᓇᒡ ᒋᑭ ‍ ᒥᔽᔨᑕᓇᓄᐤ ᐎᔾ ᐅᒋ,
\q2 ᐊᒋ ‍ ᒪᒥᓯᑐᑎᒺᐧᒄ ᐅᐸᔭᒋ-ᐃᓯᓂᐧᑲᓱᐅᓐ᙮
\q1
\v 22 ᐊᑯᔅ ᒋᓱᐛᔨᒋᒐᐅᓐ, ᐅ ᑎᐸᔨᒋᒐᓱᐤ,
\q2 ᓂᑭ ‍ ᑥᐅᑕᑯᓇᓐ, ᐊ ᐃᓯ ‍ ᐊᔅᐸᔨᒧᑐᑕᑕᒡ᙮
\c 34
\s2 Psalm 34:1-8 (Proper-14 Year B)
\q1
\v 1 ᒧᔅ ᓂᑭ ‍ ᒪᒥᒋᒪᐤ ᑎᐸᔨᒋᒐᓱᐤ:
\q2 ᐅᒪᒥᒋᒥᑲᓯᐅᓐ ᓇᓂᑎᒻ ᒋᑭ ‍ ᑎᒂᓂᔪᐤ ᓂᑐᓂᒡ᙮
\q1
\v 2 ᓂᑦ ᐊᒐᐧᒄ ᑎᐸᔨᒋᒐᓱᐛ ᒋᑭ ᐅᒋ ‍ ᒪᒥᑕᑯᒧᐤ:
\q2 ᑲ ‍ ᑎᐱᑕᔨᒧᒡ ᒋᑭ ‍ ᐸᑎᒧᒡ, ᑭᔭ ᒋᑭ ‍ ᓯᒋᔭᓱᐅᒡ᙮
\q1
\v 3 ᐅ ᐎᒋᐃᒄ ᐊ ‍ ᒋᔅᑕᒋᒥᒄ ᑎᐸᔨᒋᒐᓱᐤ,
\q2 ᐊᑯᔅ ᒪᒧᐤ ᒪᒥᑕᑯᑎᒺᑕᐤ ᐅᑦ ᐃᓯᓂᐧᑲᓱᐅᓐ᙮
\b
\q1
\v 4 ᓂᒋ ‍ ᓇᓂᑐᐛᔨᒪᐤ ᑎᐸᔨᒋᒐᓱᐤ, ᓂᒋ ‍ ᓂᑐᑕᒄ ᒪᒃ,
\q2 ᑭᔭ ᓂᒋ ‍ ᐎᒂᒋᐃᒄ ᒥᓯᐛ ᓂᑯᔅᑕᒋᐅᓇ ᐅᒡ᙮
\q1
\v 5 ᒋ ‍ ᑭᓄᐛᐱᒪᐅᒡ, ᑭᔭ ᒋ ‍ ᐛᔅᑕᓂᒧᐛᐅᒡ;
\q2 ᐅᑕᔅᑎᒥᐧᑯᐛᐛ ᒪᒃ ᓇᒪᐎᔾ ᓴᒂᔨᒧᐅᓇᑯᓂᔪᐛ᙮
\q1
\v 6 ᐅ ᑲ ‍ ᒋᔅᑎᒪᑎᓯᑦ ᐃᔪᐤ ᒋ ‍ ᑕᑈᐤ, ᒋ ‍ ᓂᑐᑕᑎᑯᐤ ᑎᐸᔨᒋᒐᓱᐛ,
\q2 ᑭᔭ ᒋ ‍ ᐱᒪᒋᐃᑯᐤ ᒥᓯᐛ ᐅᑦ ᐊᔨᒥᓯᐅᓂᒡ ᐅᒋ᙮
\q1
\v 7 ᐅᑦ ᐊᓐᒋᓂᒪ ᑎᐸᔨᒋᒐᓱᐤ ᐛᔅᑲᑲᐳᐅᔅᑐᐛᔪᐛ ᒥᓯᐛ ᑲ ‍ ᓇᓂᒋᔅᑕᑯᑦ, ᐱᒪᒋᐃᐛᔪᐛ ᒪᒃ᙮
\b
\q1
\v 8 ᐅ ᑯᒋᔅᑎᒧᒄ, ᐛᐸᑎᒧᒄ ᑭᔭ ᐊ ‍ ᒥᔽᑎᓯᑦ ᑎᐸᔨᒋᒐᓱᐤ:
\q2 ᓱᐛᔨᑕᑯᓱᐤ ᐊᓐ ᐃᔪᐤ ᑲ ‍ ᒪᒥᓯᑐᑐᐛᑦ᙮
\s2 Psalm 34:9-14 (Proper-15 Year B)
\q1
\v 9 ᐅ ᓇᓂᒋᔅᑕᐧᒄ ᑎᐸᔨᒋᒐᓱᐤ, ᒋᔨᐛᐤ ᐅᐸᔭᒋᓯᒪ:
\q2 ᐛᔅ ᓇᒪᐎᔾ ᐅᓂᓯᓂᔪᐛ ᐊᓂᔭ ᑲ ‍ ᓇᓂᒋᔅᑕᑯᑦ᙮
\q1
\v 10 ᒥᓯᐱᓱᐅᒡ ᒋᔅᑎᒪᑎᓯᐅᒡ, ᑭᔭ ᓄᑕᐧᑭᑕᐅᒡ:
\q2 ᐊᓐᒡ ᒪᒃ ᑲ ‍ ᓇᓂᑐᐛᔨᒪᒡ ᑎᐸᔨᒋᒐᓱᐛ ᓇᒪᐎᔾ ᒋᑭ ‍ ᓄᑕᐱᔪᐅᒡ ᒐᒂᔪᐤ ᑲ ‍ ᒥᔽᓯᔨᒡ᙮
\b
\q1
\v 11 ᐊᔅᑎᒥᒄ, ᐊᐛᓯᑐᒄ, ᓂᑐᑐᐅᒄ:
\q2 ᒋᑭ ‍ ᒋᔅᑯᑎᒪᑎᓇᐛᐤ ᐅᓇᓂᒋᔅᑕᑯᓯᐅᓐ ᑎᐸᔨᒋᒐᓱᐤ᙮
\q1
\v 12 ᒐᒄ ᐃᔪᐤ ᑲ ‍ ᓂᑐᐛᔨᑕᐧᒃ ᐱᒪᑎᓯᐅᓂᔪᐤ,
\q2 ᑭᔭ ᑲ ‍ ᓴᒋᑕᑦ ᒥᒐᑐᐤ ᒋᓯᑲᐛ, ᒐᒋ ᐛᐸᑕᐧᒃ ᑲ ‍ ᒥᔽᓯᔨᒡ ?
\q1
\v 13 ᑭᓄᐛᔨᑕ ᒋᑕᔨᔾ ᑲ ‍ ᒪᔭᑎᒡ ᐅᒡ,
\q2 ᑭᔭ ᒋᑐᓐ ᒐ ᐊᑲ ᒋ ᒥᒋᐃᔨᒥᒥᑭᒡ᙮
\q1
\v 14 ᓂᑭᑕ ᑲ ‍ ᒪᔭᑎᒡ, ᑐᑕ ᒪᒃ ᑲ ‍ ᒥᔽᓯᒡ,
\q2 ᓇᓂᑐᐛᔨᑕ ᒋᔭᒪᔨᑎᒧᐅᓐ, ᓄᓱᔅᑲ ᒪᒃ᙮
\b
\s2 Psalm 34:15-22 (Proper-16 Year B)
\q1
\v 15 ᑎᐸᔨᒋᒐᓱᐤ ᑭᓄᐛᐱᒪᐤ ᐅᑯᐃᔅᑯᑕᑎᓯᐛ,
\q2 ᑭᔭ ᓂᑐᑎᒺᐤ ᐅᒪᐅᓂᔪᐤ᙮
\q1
\v 16 ᑎᐸᔨᒋᒐᓱᐤ ᒋᔄᓯᔅᑐᐛᐤ ᐊᓂᔭ ᑲ ‍ ᒥᒋᑐᑎᒥᔨᒋ,
\q2 ᒐᒋ ᐳᓂ ‍ ᒋᔅᒋᑐᐛᑭᓄᔨᒋ ᐊᔅᒋᒡ᙮
\b
\q1
\v 17 ᐅᑯᐃᔅᑯᑕᑎᓯᐛ ᒪᔪᐛ, ᑎᐸᔨᒋᒐᓱᐤ ᒪᒃ ᐸᑐᐛᐤ,
\q2 ᑭᔭ ᐎᐧᑯᒋᐊᐤ ᒥᓯᐛ ᐅᑦ ᐊᔨᒥᓯᐅᓂᔨᒡ ᐅᒡ᙮
\q1
\v 18 ᑎᐸᔨᒋᒐᓱᐤ ᐸᓱᐛᐱᒪᐤ ᐊᓂᔭ ᑲ ‍ ᐱᑯᑕᐊᔨᒋ;
\q2 ᐱᒪᒋᐊᐤ ᑭᔭ ᐊᓂᔭ ᑲ ‍ ᒋᔅᑎᒪᑎᓯᔨᒋ᙮
\b
\q1
\v 19 ᒥᒐᓂᔪᐛ ᐅᒪᒂᔨᑕᒧᐅᓇ ᐅᑯᐃᔅᑯᑕᑎᓯᐤ:
\q2 ᒪᒃ ᑎᐸᔨᒋᒐᓱᐤ ᒥᓯᐛ ᐅᒋ ᐎᐧᑯᒋᐊᐤ᙮
\q1
\v 20 ᑭᓄᐛᔨᑎᒺᐤ ᒥᓯᐛ ᐅᔅᑭᓂᔪᐛ:
\q2 ᓇᒪ ᐛᐛᒡ ᐸᐃᒄ ᓇᑥᐱᔪᐛ᙮
\b
\q1
\v 21 ᑲ ‍ ᒪᔭᑎᓂᔨᒡ ᒋᑭ ‍ ᓂᐸᐃᑯᐅᒡ ᐅᒥᒋᑥᐅᒡ:
\q2 ᐊᓐᒡ ᒪᒃ ᑲ ‍ ᐛᐧᑲᑕᒡ ᐅᑯᐃᔅᑯᑕᑎᓯᐛ ᒋᑭ ᒥᒋ ‍ ᐃᑕᔨᑕᑯᓱᐅᒡ᙮
\q1
\v 22 ᑎᐸᔨᒋᒐᓱᐤ ᐱᒪᒋᐃᒪᐤ ᐅᑦ ᐊᒐᐧᑯᔪᐛ ᐅᑦ ᐊᑐᔅᒐᔭᑭᓇ;
\q2 ᓇᒪᐎᔾ ᐊᐛᓐ ᒪᒃ ᑲ ‍ ᒪᒥᓯᑐᑐᐛᑦ ᒋᑭ ᒥᒋ ‍ ᐃᑕᔨᑕᑯᓱᐤ᙮
\c 35
\q1
\v 1 ᓇᑎᒧᐎ, ᐅ ᑎᐸᔨᒋᒐᓱᐤ, ᐊᓐᒡ ᑲ ‍ ᑯᒂᒋ ‍ ᒥᒋᑐᑐᐅᒡ ᐅᒡ;
\q2 ᒪᓯᔨᒡ ᐊᓐᒡ ᑲ ‍ ᒪᓯᔨᒡ᙮
\q1
\v 2 ᐅᑎᓇ ᐊᒂᓇᐅᓱᐛᑭᓐ ᑭᔭ ᒥᔅᐱᑐᓇᐱᔅᒃ,
\q2 ᓂᐳᐎ ᒪᒃ ᒐᒋ ᐎᒋᐃᔭᓐ᙮
\q1
\v 3 ᒋᒂᐱᔅᒋᐱᑕ ᓯᒪᑭᓐ, ᒋᑕᐊᒧᐅᒡ ᒪᒃ ᐊᓐᒡ ᑲ ‍ ᓂᓇᐧᑲᒋᐃᒡ:
\q2 ᐃᓯ ᓂᑦ ᐊᒐᐧᒄ, “ᓂᔾ ᒋᐱᒪᒋᐃᐛᒻ᙮”
\b
\q1
\v 4 ᐊᑯᔅ ᒋᑭ ‍ ᓴᒂᔨᒧᐅᒡ ᑭᔭ ᒋᑭ ‍ ᐛᐛᓇᔨᑎᒧᒡ ᑲ ‍ ᓇᓂᑐᐛᔨᒪᒡ ᓂᑦ ᐊᒐᒂ:
\q2 ᐊᑯᔅ ᒋᑭ ‍ ᒋᐛᑲᐳᐅᒡ ᑭᔭ ᒋᑭ ‍ ᓂᓇᐸᐎᐛᐛᒡ ᑲ ‍ ᐎᑯᒂᒡ ᒥᒋᑐᑐᐅᒡ᙮
\q1
\v 5 ᐊᑯᔅ ᒥᔅᑯᓱᒥᔅᑎᑯᓴ ᐊ ‍ ᐛᐸᔅᑎᔨᒋ ᒋᑭ ‍ ᐃᓯᓇᑯᓱᐛᐅᒡ;
\q2 ᐊᑯᔅ ᑭᔭ ᒋᑭ ‍ ᓄᓱᔅᑲᑯᔪᐛ ᐅᑦ ᐊᓐᒋᓂᒪ ᑎᐸᔨᒋᒐᓱᐤ᙮
\q1
\v 6 ᐊᑯᔅ ᐅᒪᔅᑭᓇᐛᐤ ᒋᑭ ‍ ᐅᓂᑎᐱᔅᑲᔪᐤ ᑭᔭ ᒋᑭ ‍ ᒋᔭᐃᔪᐤ;
\q2 ᐊᑯᔅ ᑭᔭ ᒋᑭ ‍ ᑯᒂᑕᒋᐃᑯᔪᐛ ᐅᑦ ᐊᓐᒋᓂᒪ ᑎᐸᔨᒋᒐᓱᐤ᙮
\q1
\v 7 ᐛᔅ ᓂᑐᐎ ᒋᒧᑦ ᓂᒋ ‍ ᐎᑯᑎᒪᑯᒡ ᐅᑦ ᐊᐃᐱᐛᐛ ᐛᑎᑯᓂᒡ,
\q2 ᓂᑐᐎ ᑲᒋ ‍ ᒧᓇᐊᒪᐛᒡ ᓂᑦ ᐊᒐᒂ᙮
\q1
\v 8 ᐊᑯᔅ ᓴᒐᔾ ᒋᑭ ‍ ᐅᑎᑎᑯᐤ ᓂᓱᐅᓇᑎᓯᐅᓂᔪᐤ;
\q2 ᐊᑯᔅ ᒪᒃ ᒋᑭ ‍ ᓇᒂᓱᐤ ᑎᐱᔽ ᐅᑦ ᐊᐃᐱᒡ ᑲᒋ ‍ ᑲᔭᑦ:
\q2 ᐊᔪᐅᒄ ᓂᓱᐅᓇᑎᓯᐅᓂᔪᐤ ᒐ ᐃᓯ ‍ ᐸᒋᓯᐧᒃ᙮
\q1
\v 9 ᓂᑦ ᐊᒐᐧᒄ ᒪᒃ ᒋᑭ ‍ ᒥᔽᑕᐤ ᑎᐸᔨᒋᒐᓱᐛ:
\q2 ᒋᑭ ‍ ᒥᔽᔨᑎᒻ ᐅᐱᒪᒋᐃᐛᐅᓂᔨᒡ᙮
\q1
\v 10 ᒥᓯᐛ ᓂᔅᑭᓇ ᒋᑭ ‍ ᐃᔅᒋᔄᒪᑭᓇ, “ᑎᐸᔨᒋᒐᓱᐤ, ᐊᐛᓐ ᓇᔅᐱᑕᔅᒃ,
\q2 ᑲ ‍ ᐎᒂᒋᐊᑦ ᐅᒋᔅᑎᒪᓱᐤ ᐊᓂᔭ ᐅᒋ ᐊᔪᐛᒃ ᑲ ‍ ᒥᔅᑯᐅᓯᔨᒋ,
\q2 ᓂᐦᐃ, ᐅᒋᔅᑎᒪᓱᐤ ᑭᔭ ᐅᒥᓇᓯᐤ ᐊᓂᔭ ᐅᒋ ᑲᒋ ‍ ᒥᔅᑭᒥᑯᑦ ?”
\b
\q1
\v 11 ᐅᑭᒋᔭᑕᒋᒧᐅᒡ ᒋ ‍ ᐱᓯᑯᐅᒡ;
\q2 ᓂᒋ ‍ ᒪᒥᓯᒥᑯᒡ ᒐᒂᓇ ᐊᑲ ᑲᒋ ‍ ᒋᔅᒐᔨᑎᒧᒡ᙮
\q1
\v 12 ᑲ ‍ ᒪᔭᑎᓂᔨᒡ ᓂᑭ ‍ ᒥᔨᑯᒡ ᒥᔅᑯᒡ ᐊᒋ ‍ ᒥᔪᑐᑐᐅᒡ,
\q2 ᐊ ᐎ ‍ ᐊᔨᒥᐊᒡ ᓂᑦ ᐊᒐᒂ᙮
\q1
\v 13 ᓂᔾ ᒪᒃ, ᐃᔅᐱ ᑲ ‍ ᐊᐧᑯᓯᒡ ᓂᒋ ‍ ᒋᔅᑲᒺᓐ ᐱᒍᐎᔭᓂᔅᒋᓴ:
\q2 ᓂᒋ ‍ ᑕᐸᑕᐃᒧᐊᐤ ᓂᑦ ᐊᒐᐧᒄ ᐊ ‍ ᓂᐧᑲᓱᔭᓐ;
\q2 ᑭᔭ ᓂᑦ ᐊᔭᒥᐊᐅᓐ ᑎᐱᔽ ᓂᒥᔪᐳᐅᓂᒡ ᒋ ᐃᓯ ‍ ᒋ ‍ ᐛᐱᔪᐤ᙮
\q1
\v 14 ᓂᒋ ‍ ᐃᑎᓐ ᒪᓐ ᒥᒄ ᐊᒋ ‍ ᐅᑐᑕᒥᔭᓐ ᑭᔭ ᒪᒃ ᐊᒋ ‍ ᐎᐧᑲᓂᓯᔭᓐ:
\q2 ᓂᒋ ‍ ᑯᓯᑯᐤ ᐅᑎᑕᐱᓐ, ᒧᔭᒻ ᐊᐛᓐ ᐊ ‍ ᒧᔎᑕᑦ ᐅᑲᐎᔭ᙮
\q1
\v 15 ᒪᒃ ᒪᒂᒡ ᑲ ‍ ᐊᔨᒥᓯᐛᐱᓇ ᒋ ‍ ᒥᔽᔨᑎᒧᒡ, ᐊ ‍ ᒪᒧᐤ ᒪᐅᒋᐃᑐᒡ:
\q2 ᓂᐦᐃ, ᐅᒪᒐᔨᑕᑯᓯᐅᒡ, ᓂᒋ ‍ ᒪᒧᐤ ᒧᐛᓴᑯᔅᑕᑯᒡ, ᓇᒪ ᒪᒃ ᓂ ᐅᒋ ‍ ᒋᔅᒐᔨᑕᓐ;
\q2 ᓂᒋ ‍ ᑕᑐᐱᑎᑯᒡ, ᐊᑲ ᐳᓂᒡ;
\q1
\v 16 ᐊᓯᒡ ᐊᔭᒥᐊᐧᑲᓱᐤ ᒪᔭᔨᒐᐅᒡ ᐊ ‍ ᒥᑯᓴᒡ, ᓂᒋ ‍ ᒪᑥᔭᐱᑕᓯᓄᔅᑕᑯᒡ᙮
\q1
\v 17 ᑎᐸᔨᒋᒐᓱᐤ, ᑕᓐ ᒐ ‍ ᐃᔅᐱᔅ ᒐ ‍ ᐃᑕᐱᔨᓐ ?
\q2 ᐎᐧᑯᒋᔾ ᓂᑦ ᐊᒐᐧᒄ ᐅᓂᓱᐅᓇᒋᐃᐛᐅᓄᐛᒡ ᐅᒡ,
\q2 ᑭᔭ ᓂᓴᒋᐊᑭᓐ ᒥᓯᐱᓱᐅᒡ ᐅᒡ᙮
\q1
\v 18 ᒋᑭ ‍ ᓂᓇᔅᑯᒥᑎᓐ ᒋᒋᒪᐛᒋᐃᑐᐅᓂᒡ:
\q2 ᒋᑭ ‍ ᒪᒥᒋᒥᑎᓐ ᐊᓐᑕ ᐊ ‍ ᐃᑕᒡ ᒥᒐᑦ ᐃᔪᒡ᙮
\b
\q1
\v 19 ᐊᑲᐎᔾ ᓇᐊᔨᒥᒡ ᐊᓐᒡ ᑲ ‍ ᐛᐧᑲᓯᒡ ᓂᑐᐎ ᒐᒋ ᒥᔽᓯᒡ;
\q2 ᐊᑲ ᑭᔭ ᒐᒋ ᓯᔪᐧᑲᐱᒡ ᐊᓐᒡ ᓂᑐᐎ ᑲ ᐃᓯ ‍ ᐛᐧᑲᓯᒡ᙮
\q1
\v 20 ᐛᔅ ᓇᒪᐎᔾ ᒋᔭᒪᐤ ᐃᔨᒧᐅᒡ:
\q2 ᒪᒃ ᐊᔭᑯᔅᑕᒧᐛᐅᒡ ᑭᑭᒋᔭᐤ ᒐᒂᓇ ᐊᓂᔭ ᑲ ‍ ᒋᔭᒪᐎᓯᔨᒋ ᐊᔅᒋᒡ᙮
\q1
\v 21 ᓂᐦᐃ, ᓂᒋ ‍ ᑕᐛᑎᔅᑕᑯᒡ;
\q2 ᒋ ‍ ᐃᔅᒋᔄᐅᒡ ᒪᒃ, “ᐊᐦᐊ, ᐊᐦᐊ, ᓂᔅᒋᓯᑯᓇᒡ ᓂᒋ ᐅᒋ ‍ ᐛᐸᑕᓇᓐ᙮”
\b
\q1
\v 22 ᐅᔭ ᔅᒋ ‍ ᐛᐸᑕᓐ, ᐅ ᑎᐸᔨᒋᒐᓱᐤ:
\q2 ᐊᑲᐎᔾ ᒋᐱᑐᐛ ᐅ ᑎᐸᔨᒋᒐᓱᐤ, ᐊᑲᐎᔭ ᔭᐛᐱᒥ᙮
\q1
\v 23 ᑯᔅᑯᓂᑎᓱᐤ, ᑯᔅᑯᓯ ᒪᒃ ᒐᒋ ᑎᐸᔅᑯᓂᒐᔨᓐ,
\q2 ᓂᔾ ᐅᒡ, ᓂᒋᓴᒪᓂᑐᒻ ᑭᔭ ᓂᑎᐸᔨᒋᒐᓯᒻ᙮
\q1
\v 24 ᑎᐸᔅᑯᓂ, ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᐊ ᐃᓯ ‍ ᑯᐃᔅᑯᑕᑎᓯᔨᓐ;
\q2 ᐊᑲᐎᔾ ᒪᒃ ᓇᐊᔨᒥᒡ ᒐᒋ ᒥᔽᓯᒡ᙮
\q1
\v 25 ᐊᑯᔅ ᐊᑲᐎᔭ ᒋᑭ ‍ ᐃᔅᒋᔄᐛᒡ ᐅᑕᐃᐛᒡ, “ᐊ, ᐊᔪᐅᒄ ᑲ ᐃᓯ ‍ ᓂᑐᐛᔨᒥᒋᒡ:”
\q2 ᐊᑲᐎᔾ ᒋᑭ ‍ ᐃᔅᒋᔄᐅᒡ, “ᓂᒋ ‍ ᒥᓱᐛᐸᔪᐛᓇᓐ᙮”
\b
\q1
\v 26 ᐊᑯᔅ ᒋᑭ ‍ ᓯᓴᒂᔨᒧᐅᒡ ᑭᔭ ᒪᒧᐎ ᒋᑭ ‍ ᐛᓇᔨᑎᒪᑭᓄᐅᒡ,
\q2 ᑲ ‍ ᒥᔽᔨᑕᒡ ᓂ ‍ ᒪᒂᔨᑎᒧᐅᓂᔪᐤ:
\q2 ᐊᑯᔅ ᒋᑭ ‍ ᒋᔅᑭᒧᒡ ᐛᐛᓇᔨᑎᒧᐅᓂᔪᐤ ᑭᔭ ᒪᒐᔨᑕᑯᓱᐅᓂᔪᐤ ᐊᑎᑐᐤ ᑲ ‍ ᒋᔅᑕᒋᒥᓱᒡ ᐃᔅᐱᔅ ᐎ ᓂᔾ᙮
\q1
\v 27 ᐊᑯᔅ ᒪᒃ ᒋᓇᒋᔄᐛᑕᑈᐛᒡ ᐊ ‍ ᐃᔅᐱᔅ ᒥᔽᔨᑕᒡ ᑭᔭ ᐊᓯᒋᔭᓯᒡ, ᑲ ‍ ᒥᔽᔨᑕᒡ ᓂᑯᐃᔅᑯᑐᓂᔪᐤ,
\q2 ᐊᑯᔅ ᒧᔅ ᒋᑭ ‍ ᐃᔅᒋᔄᐛᒡ, “ᐊᑯᔅ ᑎᐸᔨᒋᒐᓱᐤ ᒋᑭ ‍ ᒋᔅᑕᒋᒪᑭᓄᐤ,
\q2 ᑲ ‍ ᒥᔽᔨᑎᒺᑦ ᐅᒥᔽᐱᒪᑎᓯᐅᓂᔪᐤ ᐅᑦ ᐊᑐᔅᒐᔭᑭᓇ᙮”
\q1
\v 28 ᓂᑕᔨᔨᒡ ᒪᒃ ᓂᑭ ᐅᒋ ‍ ᐊᔨᒧᑕᓐ ᒋᑯᐃᔅᑯᑕᑎᓯᐅᓐ
\q2 ᑭᔭ ᒋᒪᒥᒋᒥᑯᓯᐅᓐ ᒧᔅ ᐃᔅᑭᓐ ᒋᓯᑲᐛ᙮
\c 36
\q1
\v 1 ᐅᓂᑐᑎᒧᐅᓄᐛᐤ ᐅᒥᒋᑥᐅᒡ ᓂᐎᑎᒪᑯᓐ ᓂᑕᐃᒡ,
\q2 “ᐊᑲ ᐊ ‍ ᑎᒂᓂᔨᒡ ᐅᔅᒋᓯᑯᒡ ᒋᓴᒪᓂᑐᐛ ᐅᓇᓂᒋᔅᑕᑯᓱᐅᓂᔪᐤ᙮”
\q1
\v 2 ᐛᔅ ᒪᒪᑕᐛᐱᒥᑎᓱᐤ ᐅᔅᒋᓯᑯᒡ,
\q2 ᐸᑎᒪ ᐃᔅᐱᔅ ᒥᔅᑭᒐ ᐅᒥᒐᑎᓯᐅᓐ ᐊᐅᐧᑲᑕᑲᓄᐎᔨᒡ᙮
\q1
\v 3 ᐅᑦ ᐃᔨᒧᐅᓇ ᐅᑐᓂᒡ ᒥᒐᑎᓯᐅᓂᔪᐛ ᑭᔭ ᐎᔭᓯᐃᐛᐅᓂᔪᐛ:
\q2 ᒋ ‍ ᐳᓂᑕᐤ ᒐᒋ ᑭᒐᑕᐛᔨᑕᐧᒃ, ᑭᔭ ᒐᒋ ᒥᔪᑐᑕᐧᒃ᙮
\q1
\v 4 ᐛᐛᓇᔨᑎᒥᑯᐤ ᒪᔭᔨᒐᐅᓂᔪᐤ ᐅᓂᐸᐅᓂᒡ;
\q2 ᐊᔨᑎᓱᐤ ᐊᑎ ᐊᑲ ‍ ᒥᔽᓯᔨᒡ:
\q2 ᓇᒪᐎᔾ ᐛᐧᑲᑎᒻ ᑲ ‍ ᒪᔭᑎᓂᔨᒡ᙮
\b
\s2 Psalm 36:5-10 (Epiphany-2 Year C)
\q1
\v 5 ᒋᓱᐛᔨᒋᒐᐅᓐ, ᐅ ᑎᐸᔨᒋᒐᓱᐤ, ᒋᓯᑯᒡ ᑎᒂᓐ,
\q2 ᑭᔭ ᒋᑯᐃᔅᑯᑐᐅᓐ ᐅᑎᑎᒧᐤ ᑭᔅᑯᐅᓂᒡ᙮
\q1
\v 6 ᒋᑯᐃᔅᑯᑐᐅᓐ ᒧᔭᒻ ᒋᒋ ‍ ᐱᔅᑯᑎᓇᐛ ᐃᓯᓇᒂᓐ;
\q2 ᒋᑎᐸᔅᑯᓂᒐᐅᓇ ᓇᔅᒡ ᐊᑎᒥᒡ:
\q2 ᐅ ᑎᐸᔨᒋᒐᓱᐤ, ᒋ ‍ ᑭᓄᐛᔨᒪᐤ ᐃᔪᐤ ᑭᔭ ᐊᐛᓯᔅ᙮
\q1
\v 7 ᑕᑈ ᒋᔅᑕᔨᑕᑯᓐ ᒋᓴᒋᐃᐛᐎ ᒋᓴᐛᑎᓯᐅᓐ, ᐅ ᒋᓴᒪᓂᑐᐤ !
\q2 ᐊᐅᒄ ᐅᒡ ᐃᔪᒡ ᐅᑦ ᐊᐛᓯᒥᓱᐛᐛ ᒪᒥᓯᑐᑎᒥᔪᐛ ᐊ ‍ ᐊᑯᓇᐎᔨᓐ ᒋᑎᑎᐧᑭᓇ᙮
\q1
\v 8 ᒋᑭ ᑕᐱ ‍ ᒋᔅᐳᐅᒡ ᐊ ᐃᓯ ‍ ᐎᔨᔪᐎᒡ ᒋᒥᒋᐛᐱᒥᔪᐤ;
\q2 ᒋᑭ ‍ ᒥᓄᐅᒡ ᒪᒃ ᒋ ‍ ᒥᔽᔨᑎᒧᐎ ᓯᐱᔪᐤ᙮
\q1
\v 9 ᐛᔅ ᒋᔾ ᐊᑕᔨᓐ ᐅᒋᐱᔪᐤ ᐱᒪᑎᓯᐅᓐ:
\q2 ᒋᐛᓴᔭᓯᐅᓂᒡ ᓂᑭ ‍ ᐛᐸᑕᓇᓐ ᒋᐛᓴᔭᓯᐅᓐ᙮
\b
\q1
\v 10 ᐅ ᐱᒥᐱᑐᐅᒡ ᒋᓴᒋᐃᐛᐎ ᒋᓴᐛᑎᓯᐅᓂᔪᐤ ᐊᓐᒡ ᑲ ‍ ᒋᔅᒐᔨᒥᔅᒡ;
\q2 ᑭᔭ ᒋᑯᐃᔅᑯᑕᑎᓯᐅᓂᔪᐤ ᐊᓐᒡ ᑲ ‍ ᑯᐃᔅᑯᑕᐊᒡ᙮
\q1
\v 11 ᐊᑯᔅ ᐊᑲᐎᔾ ᒋᔅᑕᔨᒧᐤ ᒥᓯᑦ ᓂᑭ ᐸᒋ ‍ ᐎᔭᔅᑐᑕᑯᓐ,
\q2 ᐊᑲ ᑭᔭ ᐅᑎᒋᐛᐤ ᐅᒥᒋᑥᐅᒡ ᓂᑭ ‍ ᐊᒋᐸᔨᐃᑯᐛᓐ᙮
\q1
\v 12 ᐊᑯᑕ ᐸᒋᓯᒡ ᑲ ‍ ᒥᒐᑎᓯᔪᐤ ᐊᐃᑎᒡ:
\q2 ᓂᒋᐛᐱᓂᒡ, ᓇᒪ ᒪᒃ ᒋᑭ ‍ ᑭᔅᒋᑕᐅᒡ ᒐᒋ ᐅᓂᔅᑲᒡ᙮
\c 37
\q1
\v 1 ᐊᑲᐎᔾ ᒥᑯᔅᑲᒋᐃᑎᓱᐤ ᐅᒥᒋᔨᑐᐅᒡ ᐅᒡ,
\q2 ᐊᑲ ᑭᔭ ᐅᑕᔨᒥᒡ ᐊᓐᒡ ᑲ ‍ ᒥᒐᑎᓯᐤ ᐃᑎᒡ᙮
\q1
\v 2 ᐛᔅ ᐎᐱᒡ ᒋᑭ ‍ ᒥᓂᔄᑭᓄᐅᒡ ᒧᔭᒻ ᒥᔅᑯᓱᐛ,
\q2 ᑭᔭ ᒋᑭ ‍ ᓂᐳᓇᑯᓯᐅᒡ ᒧᔭᒻ ᑲ ‍ ᐎᔄᐛᔨᒡ ᓂᑕᐅᒋᑕᑭᓂᓯᔪᐤ᙮
\b
\q1
\v 3 ᒪᒥᓯᑐᑐᐤ ᑎᐸᔨᒋᒐᓱᐤ, ᑭᔭ ᒥᔪᑐᑕ:
\q2 ᐊᑯ ᒐ ‍ ᑕᔨᓐ ᐊᔅᒋᒡ, ᑕᑈ ᑭᔭ ᒋᑭ ‍ ᐊᓴᒥᑯᐅᓐ᙮
\q1
\v 4 ᐊᓯᒡ ᑭᔭ ᒋᑭ ‍ ᒥᔽᔨᑎᒪᐊᐤ ᑎᐸᔨᒋᒐᓱᐤ;
\q2 ᒋᑭ ‍ ᒥᔨᒄ ᑲ ᐃᓯ ‍ ᐱᑯᓴᔨᒧᔨᓐ ᒋᑕᐃᒡ᙮
\b
\q1
\v 5 ᐸᒋᑎᓂᒧᐤ ᒋᑦ ᐃᓯᑥᐅᓂᔪᐤ ᑎᐸᔨᒋᒐᓱᐤ;
\q2 ᒪᒥᓯᑐᑐᐤ ᑭᔭ, ᒋᑭ ‍ ᑎᐱᐸᔨᑕᐤ ᒪᒃ᙮
\q1
\v 6 ᒋᑭ ‍ ᓄᑯᑕᐤ ᒪᒃ ᒋᑯᐃᔅᑯᑕᑎᓯᐅᓂᔪᐤ ᒧᔭᒻ ᐛᓴᔭᓯᐅᓂᔪᐤ,
\q2 ᑭᔭ ᒋᑎᐸᔅᑯᓂᒐᐅᓂᔪᐤ ᒧᔭᒻ ᐊ ‍ ᐊᐱᑕᒋᓯᑲᔨᒡ᙮
\b
\q1
\v 7 ᐊᔽᐱᔅᑐᐤ ᑎᐸᔨᒋᒐᓱᐤ, ᓯᐱᔪᐛᓯᐅᓂᒡ ᐊᓯᓄᐛᔾ:
\q2 ᐊᑲᐎᔾ ᒥᑯᔅᑲᒋᐃᑎᓱᐤ ᐊᓐ ᐅᒋ ᑲ ‍ ᒥᔽᐱᒪᐅᓯᑦ ᐅᑦ ᐃᓯᑥᐅᓂᒡ,
\q2 ᐊᓐ ᐃᔪᐤ ᐅᒋ ᑲ ‍ ᑎᐱᐸᔨᑕᑦ ᐅᒥᒋ ‍ ᐃᑕᔨᑎᒧᐅᓇ᙮
\b
\q1
\v 8 ᐳᓂ ‍ ᒋᓯᐛᓯ, ᐛᐱᓇ ᒪᒃ ᐊᐧᑯᔪᐛᓱᐅᓐ:
\q2 ᐊᑲᐎᔾ ᒥᑯᔅᑲᒋᐃᑎᓱᐤ ᓇᔅᑎᔅ ᒐᒋ ᐎ ‍ ᒥᒋᑐᑎᒥᓐ᙮
\q1
\v 9 ᐛᔅ ᑲ ‍ ᒥᒋᐃᑎᒡ ᒋᑭ ‍ ᒥᔄᑭᓄᐛᒡ:
\q2 ᐊᓐᒡ ᒪᒃ ᑲᓯᓄᐛᐊᒡ ᑎᐸᔨᒋᒐᓱᐛ, ᒋᑭ ‍ ᑎᐸᔨᑎᒧᒡ ᐊᔅᒋᔪᐤ᙮
\b
\q1
\v 10 ᐛᔅ ᓇᒐᓯᔅ, ᐊᑯ ᒐ ᐳᓂ ‍ ᑕᒡ ᐅᒥᒋᑥᐅᒡ:
\q2 ᓂᐦᐃ, ᐃᔭᒂ ᒋᑭ ‍ ᒪᒥᑐᓇᔨᑎᒺᓐ ᐅᑦ ᐃᑐᐅᓐ, ᒪᒃ ᓇᒪᐎᔾ ᒋᑭ ‍ ᑎᒂᓂᔪᐤ᙮
\q1
\v 11 ᒪᒃ ᐅᔪᔅᑲᑎᓯᒡ ᒋᑭ ‍ ᑎᐸᔨᑎᒧᒡ ᐊᔅᒋᔪᐤ;
\q2 ᒋᑭ ‍ ᒥᔽᑕᒥᐃᑐᐛᒡ ᒪᒃ ᐊ ᐃᔅᐱᔅ ‍ ᒥᒐᓂᔨᒡ ᒋᔭᒪᔨᑎᒧᐅᓂᔪᐤ᙮
\b
\q1
\v 12 ᐅᒥᒋᑥᐤ ᒋᒧᑦ ᓇᔭᑕᐎᑐᑕᐛᐤ ᑲ ‍ ᑯᐃᔅᑯᑎᔨᒋ, ᒪᑥᔭᐱᑕᓯᓂᑐᐛᐤ ᒪᒃ᙮
\q1
\v 13 ᑎᐸᔨᒋᒐᓱᐤ ᒋᑭ ‍ ᐅᓯᓄᐛᐤ;
\q2 ᐛᔅ ᐛᐸᑎᒺᐤ ᐅᒋᓯᑲᒥᔪᐤ ᐊ ‍ ᐸᐱᔨᒡ᙮
\b
\q1
\v 14 ᐅᒥᒋᑥᐅᒡ ᒋ ‍ ᔭᔨᔅᒋᐱᑕᒧᒡ ᓂᑐᐱᔪᐅ-ᒧᐧᑯᒪᓂᔪᐤ, ᑭᔭ ᒋ ‍ ᓯᑕᒐᐸᐅᒡ,
\q2 ᒐᒋ ᓂᒋᐛᐱᓇᒡ ᐅᒋᔅᑎᒪᑎᓯᐛ ᑭᔭ ᐅᓇᐧᑲᑎᓯᐛ,
\q2 ᑭᔭ ᒐᒋ ᓂᐸᐊᒡ ᐊᓂᔭ ᑯᐃᔅᒄ ᑲ ‍ ᐃᑕᑎᓯᔨᒋ᙮
\q1
\v 15 ᐅᓯᒪᑭᓄᐛᐤ ᒋᑭ ‍ ᐱᒋᐱᔪᐤ ᑎᐱᔽ ᐅᑕᐃᐛᒡ,
\q2 ᑭᔭ ᐅᑦ ᐊᒐᐱᐛᐛ ᒋᑭ ‍ ᓇᑥᐱᔪᐛ᙮
\b
\q1
\v 16 ᐊᐱᓯᔅ ᑲ ‍ ᐊᔭᑦ ᑲ ‍ ᑯᐃᔅᑯᑕᑎᓯᑦ ᐃᔪᐤ
\q2 ᐊᐛᔅᑕ ᒥᔽᓯᔪᐤ ᐃᔅᐱᔅ ᐅᒥᒐᑎᓯᐅᓄᐛᐛ ᒥᒐᑦ ᐅᒥᒋᑥᐅᒡ᙮
\q1
\v 17 ᐛᔅ ᐅᔅᐱᑐᓄᐛᐛ ᐅᒥᒋᑥᐅᒡ ᒋᑭ ‍ ᓇᑥᐱᔪᐛ:
\q2 ᒪᒃ ᑎᐸᔨᒋᒐᓱᐤ ᓯᑐᓇᐤ ᐅᑯᐃᔅᑯᑕᑎᓯᐛ᙮
\b
\q1
\v 18 ᑎᐸᔨᒋᒐᓱᐤ ᒋᔅᒐᔨᑎᒺᐤ ᐅᒋᓯᑲᒥᔪᐛ ᐅᑯᐃᔅᑯᑎᐛ;
\q2 ᐅᑎᐱᔨᐛᐅᓯᐅᓄᐛᐤ ᒪᒃ ᑲᒋᒡ ᒋᑭ ‍ ᑎᑯᓂᔪᐤ᙮
\q1
\v 19 ᓇᒪᐎᔾ ᒋᑭ ‍ ᓯᓴᒂᔨᒧᐅᒡ ᒪᒡ ‍ ᒋᓯᑲᔨᒐ:
\q2 ᒪᒂᒡ ᒪᒃ ᓄᑕᐧᑭᑕᐅᓐ ᒋᓯᑲᒐ ᒋᑭ ‍ ᒋᔅᐳᐅᒡ᙮
\b
\q1
\v 20 ᒪᒃ ᐅᒥᒋᑥᐅᒡ ᒋᑭ ‍ ᓂᓱᐅᓇᑎᓯᐅᒡ,
\q2 ᑲ ‍ ᐛᐧᑲᑕᒡ ᑎᐸᔨᒋᒐᓱᐛ ᒪᒃ ᑕᐱᔅᑯᓐ ᐅᐎᔨᔪᐅᓄᐛᐤ ᒪᔭᑕᓂᓯᔨᒡ ᒋᑭ ‍ ᐃᓯᓇᑯᓯᐅᒡ:
\q2 ᒋᑭ ‍ ᓂᓱᐅᓇᑎᓯᐅᒡ;
\q2 ᐱᐳᑕᒡ ᒋᑭ ᐃᓯ ‍ ᐛᐱᐱᔪᐅᒡ᙮
\b
\q1
\v 21 ᐅᒥᒋᑥᐅᒡ ᐅᐛᐊᓱᐅᒡ, ᓇᒪ ᒪᒃ ᒋᐛ ᑎᐸᒪᒐᐅᒡ:
\q2 ᒪᒃ ᐅᑯᐃᔅᑯᑕᑎᓯᐅᒡ ᐛᐸᑎᔨᐛᐅᒡ ᓱᐛᔨᒋᒐᐅᓂᔪᐤ ᑭᔭ ᒥᔨᐛᐅᒡ᙮
\q1
\v 22 ᐛᔅ ᐊᓐᒡ ᑲ ‍ ᒥᔽᒋᒥᑯᒡ ᒋᑭ ‍ ᑎᐸᔨᑎᒧᒡ ᐊᔅᒋᔪᐤ;
\q2 ᐊᓐᒡ ᑭᔭ ᑲ ‍ ᒪᒐᒋᒥᑯᒡ ᒋᑭ ‍ ᒋᒥᔄᑭᓄᐅᒡ᙮
\b
\q1
\v 23 ᐊ ᐃᓯ ‍ ᑕᑯᔅᒐᔨᒋ ᒥᔪ ᐃᔪᐛ ᐅᔭᔨᑎᒻ ᑎᐸᔨᒋᒐᓱᐤ:
\q2 ᒥᔽᔨᑎᒺᐤ ᒪᒃ ᐅᑦ ᐃᓯᑥᐅᓂᔪᐤ᙮
\q1
\v 24 ᐊᑎ ᐊ ‍ ᐸᒋᓯᒄ, ᓇᒪᐎᔾ ᒋᒋᐛ ᒋᑭ ‍ ᓂᒋᐛᐱᓇᑭᓄᐤ:
\q2 ᐛᔅ ᓯᑐᓂᑯᐤ ᑎᐸᔨᒋᒐᓱᐛ ᐅᑎᒋᔨᒡ ᐅᒡ᙮
\b
\q1
\v 25 ᓂᒋ ᐸᒋ ‍ ᐅᔅᒋᓂᒋᓱᐅᓐ, ᐊᓄᒡ ᒪᒃ ᓂ ‍ ᒋᓴᐃᔪᐅᓐ;
\q2 ᐊᔅᑯ ᒪᒃ ᓇᒪᐎᔾ ᓄᒋ ‍ ᐛᐱᒪᐤ ᐅᑯᐃᔅᑯᑕᑎᓯᐤ ᐊ ‍ ᐛᐱᓇᑭᓄᐅᑦ,
\q2 ᑭᔭ ᒪᒃ ᐅᑦ ᐊᐛᓯᒥᓴ ᐊ ‍ ᐸᑯᓯᑕᔨᒋ ᐸᒂᓯᑭᓇ᙮
\q1
\v 26 ᒧᔅ ᓱᐛᔨᒋᒐᐤ, ᑭᔭ ᐊᐎᐃᐛᐤ;
\q2 ᐅᑦ ᐊᐛᓯᒥᓴ ᒪᒃ ᓱᐛᔨᑕᑯᓯᔪᐛ᙮
\b
\q1
\v 27 ᓂᑭᑕ ᑲ ‍ ᒪᔭᑎᒡ, ᐃᑐᑕ ᑭᔭ ᑲ ‍ ᒥᔽᓯᒡ:
\q2 ᑕ ᒪᒃ ᑲᒋᒡ᙮
\q1
\v 28 ᐛᔅ ᑎᐸᔨᒋᒐᓱᐤ ᓴᒋᑕᐤ ᑎᐸᔅᑯᓂᒐᐅᓂᔪᐤ,
\q2 ᓇᒪ ᑭᔭ ᐛᐱᓇᐤ ᐅᐸᔭᒋᓯᒪ;
\q1 ᑲᒋᒡ ᑭᓄᐛᔨᒪᐅᒡ:
\q2 ᒪᒃ ᐅᑦ ᐊᐛᓯᒥᓱᐛᐛ ᐅᒥᒋᑥᐅᒡ ᒋᑭ ‍ ᒋᒥᓱᐛᑭᓄᔪᐛ᙮
\b
\q1
\v 29 ᐅᑯᐃᔅᑯᑕᑎᓯᐅᒡ ᒋᑭ ‍ ᑎᐸᔨᑎᒧᒡ ᐊᔅᒋᔪᐤ,
\q2 ᐊᑯᑕ ᒪᒃ ᑲᒋᒡ ᒐ ‍ ᐎᒋᒡ᙮
\b
\q1
\v 30 ᐅᑐᓐ ᐅᑯᐃᔅᑯᑕᑎᓯᐤ ᐊᔭᒥᒪᑭᓂᔪᐤ ᑭᒐᑕᐛᔨᑎᒧᐅᓂᔪᐤ,
\q2 ᐅᑕᔨᔾ ᒪᒃ ᐊᔨᒧᑎᒧᒪᑭᓂᔪᐤ ᑎᐸᔅᑯᓂᒐᐅᓂᔪᐤ᙮
\q1
\v 31 ᐅᑦ ᐃᑎᓱᐛᐅᓐ ᐅᒋᓴᒪᓂᑐᒪ ᑎᒂᓂᔪᐤ ᐅᑕᐃᒡ;
\q2 ᓇᒪ ᒋᒋᐛ ᒪᒃ ᒋᑭ ‍ ᒋᐃᓯᓐ᙮
\b
\q1
\v 32 ᐅᒥᒋᑥᐤ ᒋᒧᓴᐱᒪᐤ ᐅᑯᐃᔅᑯᑕᑎᓯᐛ,
\q2 ᑭᔭ ᑯᒋᑕᐤ ᒐᒋ ᓂᐸᐊᑦ᙮
\q1
\v 33 ᑎᐸᔨᒋᒐᓱᐤ ᓇᒪᐎᔾ ᒋᑭ ‍ ᓇᑭᑕᐤ ᐅᑎᒋᒡ,
\q2 ᓇᒪ ᑭᔭ ᒋᑭ ‍ ᓂᓱᐅᓇᒋᒪᐤ ᐊ ‍ ᑎᐸᔅᑯᓇᑭᓄᔨᒋ᙮
\b
\q1
\v 34 ᐊᓯᓄᐛᔨ ᑎᐸᔨᒋᒐᓱᐤ, ᑭᓄᐛᔨᑎᒻ ᒪᒃ ᐅᑦ ᐃᓯᑥᐅᓐ,
\q2 ᒋᑭ ‍ ᐃᔅᐸᐃᑕᑯᐎᒄ ᒪᒃ ᒐᒋ ᑎᐸᔨᑎᒥᓐ ᐊᔅᒋᔾ:
\q2 ᐃᔅᐱ ᒋᒥᔄᑭᓄᑥᐛ ᐅᒥᒋᑥᐅᒡ, ᒋᑭ ‍ ᐛᐸᑕᓐ᙮
\b
\q1
\v 35 ᓂᒋ ‍ ᐛᐱᒪᐤ ᐅᒥᒋᑥᐤ ᒋᒋ ᓱᐧᑲᑎᓯᐅᓂᒡ, ᑭᔭ ᐊ ‍ ᒋᑲᓇᑯᐃᓱᑦ ᒧᔭᒻ ᒥᔅᒋᔎᑎᒃ᙮
\q1
\v 36 ᐃᔭᐱᒡ ᒪᒃ ᒋ ‍ ᐛᐱᔪᐤ, ᐛᐸᑎᒧᒄ ᒪᒃ, ᓇᒪ ᒋ ‍ ᐃᑕᐤ:
\q2 ᓂᐦᐃ, ᓂᒋ ‍ ᓇᓂᑐᐛᐱᒪᐤ, ᒪᒃ ᓇᒪ ᓄᒋ ‍ ᒥᔅᑯᐛᐤ᙮
\b
\q1
\v 37 ᐱᓯᔅᒐᔨᒥᐧᒄ ᐅᒥᔽᑎᓯᐤ, ᑭᓄᐛᐱᒥᐧᒄ ᒪᒃ ᐅᑯᐃᔅᑯᑐᐤ,
\q2 ᐛᔅ ᐊ ᐳᓂ ‍ ᐃᑕᑦ ᐊᓐ ᐃᔪᐤ ᒋᔭᒪᔨᑎᒻ᙮
\q1
\v 38 ᒪᒃ ᐅᓂᑐᑎᒧᒡ ᒋᑭ ‍ ᒪᒧᐎ ᓂᓱᐅᓇᑎᓯᐅᒡ;
\q2 ᐳᓂ ‍ ᐃᑕᑥᐛ ᒪᒃ ᐅᒥᒋᑥᐅᒡ ᒋᑭ ᒋ ‍ ᒥᔄᑭᓄᐛᒡ᙮
\b
\q1
\v 39 ᒪᒃ ᐅᐱᒪᒋᐃᑯᓯᐅᓄᐛᐤ ᐅᑯᐃᔅᑯᑕᑎᓯᐅᒡ ᑎᐸᔨᒋᒐᓯᓇᒡ ᐅᒋᐱᔪᐤ,
\q2 ᐊᔪᐅᒄ ᐅᔭ ᐅᒥᔅᑯᐅᓯᐅᓄᐛᐤ ᒪᒂᒡ ᐊ ‍ ᒋᓯᑲᔨᒡ ᑲ ‍ ᐊᔨᒥᓂᔨᒡ᙮
\q1
\v 40 ᑎᐸᔨᒋᒐᓱᐤ ᒪᒃ ᒋᑭ ‍ ᐎᒋᐊᐤ, ᑭᔭ ᒋᑭ ‍ ᐱᒪᒋᐊᐤ;
\q2 ᒋᑭ ‍ ᐎᒂᒋᐊᐤ ᐅᒥᒋᑥᐛ ᐅᒡ, ᑭᔭ ᒋᑭ ‍ ᐱᒪᒋᐊᐤ, ᐊ ‍ ᒪᒥᓯᑐᑕᑯᑦ᙮
\c 38
\q1
\v 1 ᐅ ᑎᐸᔨᒋᒐᓱᐤ, ᐊᑲᐎᔾ ᒋᑐᓯ ᐊ ‍ ᐊᐧᑯᔪᐛᓯᔨᓐ;
\q2 ᐊᑲ ᑭᔭ ᐸᐱᓯᔅᑕᐎ ᐊ ‍ ᐊᐧᑯᐎᔭᔅᑕᔨᑎᒥᓐ᙮
\q1
\v 2 ᐛᔅ ᒋᑦ ᐊᑭᔎᒡ ᓂ ‍ ᒥᒋᒥᔅᑲᑯᒡ,
\q2 ᒋᑎᒋᔾ ᒪᒃ ᓂ ‍ ᐎᓴᒋᔅᑲᑯᓐ᙮
\q1
\v 3 ᓇᒪ ᑎᑯᓐ ᒋᓱᓯᐅᓐ ᓂ ‍ ᐎᔭᓯᒡ, ᐊ ‍ ᒋᔄᓯᔨᓐ;
\q2 ᓇᒪ ᑭᔭ ᒥᔪᐱᒪᑎᓯᐅᓐ ᓂᔅᑭᓂᒡ, ᐊᒋ ‍ ᒥᒋᑐᑎᒪᓐ᙮
\q1
\v 4 ᐛᔅ ᓂᒥᒐᑎᓯᐅᓇ ᐸᓯᒋᐱᔪᐛ ᓂᔅᑎᒂᓂᒡ:
\q2 ᒧᔭᒻ ᐊᑯᓯᒂᒡ ᐎᐅᓯᐅᓐ ᐅᓴᒻ ᓂ ‍ ᑯᓯᑯᒪᒋᑕᓐ᙮
\b
\q1
\v 5 ᓂᒥᔄᑭᓂᑲᑎᑯᐅᓇ ᐎᒐᑭᓇ ᑭᔭ ᐃᔭᔪᐅᓇ,
\q2 ᓂᑭᒐᐸᑎᓯᐅᓐ ᐅᒡ᙮
\q1
\v 6 ᓂ ‍ ᒥᑯᔅᑲᑕᔨᑕᓐ;
\q2 ᓇᔅᒡ ᓂ ‍ ᒋᔅᑎᒪᒐᔨᒧᓐ;
\q2 ᓂ ‍ ᓇᓇᐧᑲᒋᒧᓐ ᐃᔅᑭᓐ ᒋᓯᑲᐛ᙮
\q1
\v 7 ᐛᔅ ᓂᔪᐤ ᓴᑭᔅᒋᓇᐤ ᐎᓴᑲᔅᐱᓇᐅᓐ;
\q2 ᓇᒪ ᑎᒂᓐ ᒪᒃ ᒋᓱᓯᐅᓐ ᓂ ‍ ᐎᔭᓯᒡ᙮
\q1
\v 8 ᓂ ‍ ᐃᔨᒥᓯᓐ ᑭᔭ ᓂᑦ ᐊᑯ ᐱᑯᓯᓂᓐ:
\q2 ᓂᒋ ‍ ᒪᑥᒪᓐ ᐊ ᐃᔅᐱᔅ ‍ ᒥᑯᔅᑲᒋᑕᐊᔭᓐ᙮
\b
\q1
\v 9 ᑎᐸᔨᒋᒐᓱᐤ, ᒥᓯᐛ ᓂᐱᑯᓴᔨᒧᐅᓐ ᒋᑦ ᐅᑎᔅᑲᐎᔅᑲᑯᓐ;
\q2 ᓂᒪᑥᒪᐅᓐ ᑭᔭ ᓇᒪᐎᔾ ᒋ ‍ ᑲᑥᑯᐅᓐ᙮
\q1
\v 10 ᓂᑕᐃ ᔭᔭᓱᒪᑭᓐ, ᓂ ‍ ᒥᔅᑯᐅᓯᐅᓐ ᓂ ‍ ᓄᑕᐱᔨᓐ:
\q2 ᓂ ‍ ᐛᐳᐅᓐ ᒪᒃ ᓂᔅᒋᓯᑯᒡ, ᓂᒋ ‍ ᓂᑭᑎᑯᓐ᙮
\q1
\v 11 ᓂᓴᒋᐊᑭᓐᒡ ᑭᔭ ᓂᐎᒐᐛᑭᓐᒡ ᔭᐛᐸᑎᒧᒡ ᓂᐎᓴᒋᓯᐅᓂᔪᐤ;
\q2 ᑭᔭ ᓂᐛᐧᑯᒪᑭᓐᒡ ᐛᔪᐤ ᓂᐳᐎᒡ᙮
\q1
\v 12 ᐊᓐᒡ ᑭᔭ ᑲ ‍ ᓇᓂᑐᐛᔨᑕᒡ ᓂᐱᒪᑎᓯᐅᓂᔪᐤ ᓂ ‍ ᑕᐱᒂᑯᒡ;
\q2 ᐊᓐᒡ ᑭᔭ ᑲ ‍ ᐎᑯᒂᒡ ᐊᐧᑯᐃᒡ ᓂᑕᔨᒧᑎᒪᑯᒡ ᒪᔭᔨᒐᐤ ᒐᒂᓇ,
\q2 ᑭᔭ ᐃᑕᔨᑎᒧᒡ ᑭᑭᒋᔭᐅᓇ ᒥᓯᐛ ᐃᔅᑭᓐ ᒋᓯᑲᐛ᙮
\b
\q1
\v 13 ᒪᒃ ᓂᔾ, ᒧᔭᒻ ᐊ ᐊᑲ ‍ ᐸᑕᐧᒃ ᐃᔪᐤ, ᓇᒪᐎᔾ ᓄᒋ ‍ ᐸᑕᓐ;
\q2 ᑭᔭ ᒧᔭᒻ ᐊᑲ ᓂᑕᐛᑦ ᐃᔪᐤ ᐊᑲ ᐃᔨᒥᑦ᙮
\q1
\v 14 ᐊᑯ ᑲ ᐃᓯ ‍ ᓇᔅᐱᑐᐅᒃ ᐃᔪᐤ ᐊ ᐊᑲ ‍ ᐸᑕᐧᒃ,
\q2 ᑭᔭ ᐅᑐᓂᒡ ᐊᑲ ‍ ᑎᑯᓂᔨᒋ ᒋᑐᓱᐛᐅᓇ᙮
\q1
\v 15 ᐛᔅ ᒋᔾ, ᐅ ᑎᐸᔨᒋᒐᓱᐤ ᒋᑦ ᐊᔅᐸᔨᒧᑐᑕᑎᓐ:
\q2 ᒋᑭ ‍ ᐸᑕᓐ, ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ᙮
\q1
\v 16 ᐛᔅ ᓂᒋ ‍ ᐃᔅᒋᔄᓐ, “ᓂᑐᑐᐎ, ᐊᑲ ᒐᒋ ᒧᒐᔨᑕᒡ ᓂᔾ ᐅᒋ:
\q2 ᐃᔅᐱ ᒋᐃᓯᓄᒐ, ᒋᑭ ‍ ᒋᔅᑕᔨᒥᓱᐅᒡ ᓂᔾ ᐅᒋ᙮”
\b
\q1
\v 17 ᐛᔅ ᓂ ᐎ ‍ ᒋᐱᒋᓐ,
\q2 ᑭᔭ ᓂᒥᑕᒋᔨᐛᓯᐅᓐ ᒧᓯᓇᐤ ᓂᑦ ᐅᑎᔅᑲᐎᔅᑲᑯᓐ᙮
\q1
\v 18 ᐛᔅ ᓂᑭ ‍ ᐎᑕᓐ ᓂᒥᒐᑎᓯᐅᓐ;
\q2 ᓂᑭ ‍ ᒥᑕᒋᔨᐛᓯᓐ ᑲ ᐃᓯ ‍ ᒥᒋᑐᑎᒪᓐ᙮
\q1
\v 19 ᒪᒃ ᑲ ‍ ᐛᐧᑲᓯᒡ ᒋᓱᓯᐅᒡ ᑭᔭ ᒥᔅᑯᐅᓯᐅᒡ:
\q2 ᐊᓐᒡ ᒪᒃ ᓂᑐᐎ ᑲ ᐃᓯ ᐛᐧᑲᓯᒡ ᐊᑎ ‍ ᒥᒐᑎᒡ᙮
\q1
\v 20 ᐊᓐᒡ ᑭᔭ ᑲ ‍ ᒥᔨᐛᒡ ᑲ ‍ ᒪᔭᑎᓂᔨᒡ ᐃᔅᐱᔅ ᐎᔾ ᑲ ‍ ᒥᔽᓯᔨᒡ ᓂᐛᐧᑲᑎᑯᒡ;
\q2 ᐊ ‍ ᓄᔅᐱᓇᑎᒪᓐ ᒐᒂᓐ ᑲ ‍ ᒥᔽᓯᒡ᙮
\b
\q1
\v 21 ᐊᑲᐎᔾ ᐛᐱᓂ, ᐅ ᑎᐸᔨᒋᒐᓱᐤ:
\q2 ᐅ ᓂᒋᓴᒪᓂᑐᒻ, ᐊᑲᐎᔾ ᔭᐛᐱᒥ᙮
\q1
\v 22 ᒋᐱᔾ ᒐᒋ ᐎᒋᐃᔨᓐ,
\q2 ᐅ ᑎᐸᔨᒋᒐᓱᐤ ᓂᐱᒪᒋᐃᑯᓯᐅᓐ᙮
\c 39
\q1
\v 1 ᓂᒋ ‍ ᐃᔅᒋᔄᓐ, “ᓂᑭ ‍ ᐃᔭᒂᒥᓯᓐ ᐊ ‍ ᐃᑕᑎᓯᔭᓐ, ᒐ ᐊᑲ ᒋ ᒥᒋ ‍ ᐊᐃᑎᔭᓐ ᓂᑕᔨᔨᒡ:
\q2 ᓂᑭ ‍ ᒋᐱᑐᓇᐱᑎᓱᓐ, ᒪᒂᒡ ᐅᒥᒋᑥᐅᒡ ᐊ ‍ ᐅᑎᔅᑲᐎᔅᑯᐅᒡ᙮”
\q1
\v 2 ᓇᒪ ᓄᒋ ‍ ᐃᔨᒥᓐ ᐊ ‍ ᒋᐱᑐᐛᔭᓐ,
\q2 ᓇᒪ ᒐᒂᓐ ᓄᒋ ‍ ᐃᔅᒋᔄᓐ, ᑲ ‍ ᒥᔽᓯᒡ ᐅᒋ ᑭᔭ;
\q2 ᓇᔅᒡ ᒪᒃ ᓂᒋ ‍ ᒪᒥᓴᒪᔨᑕᓐ᙮
\q1
\v 3 ᓂᑕᐃ ᒋ ‍ ᒋᓯᑕᐤ ᐱᒡ ᓂᔭᒡ;
\q2 ᒪᒂᒡ ᒪᒃ ᐊ ‍ ᒪᒥᑐᓇᔨᑎᒪᓐ, ᐃᔅᑯᑕᐤ ᒋᐎᔨᐃᑕᐤ;
\q2 ᐊᑯ ᒪᒃ ᑲ ‍ ᐃᔨᒥᔭᓐ ᓂᑕᔨᔾ ᐅᒡ᙮
\b
\q1
\v 4 “ᑎᐸᔨᒋᒐᓱᐤ, ᒋᔅᒐᔨᑎᒥᐃ ᐊᔎᒡ ᓂᐱᒪᑎᓯᐅᓐ,
\q2 ᑭᔭ ᐊ ‍ ᑕᑎᒋ ᓂᒋᓯᑲᒪ, ᒐᒋ ᒋᔅᒐᔨᑎᒥᓐ ᐊᔅᐱᔅ ᐃᔨᒥᓯᔭᓐ᙮
\q1
\v 5 ᐛᐸᑕ, ᔅᒋ ‍ ᐃᓯᑕᓐ ᓂᒋᓯᑲᒪ ᒧᔭᒻ ᐊᔅᐱᔅ ᐃᔨᑭᔅᑲᒡ ᒥᑎᒋᔾ;
\q2 ᑭᔭ ᓂᑦ ᐃᔅᐱᑎᓯᐅᓐ ᓇᒪ ᒐᒂᓐ ᐃᑕᔨᑕᒂᓐ ᐊ ‍ ᑭᓄᐛᐸᑎᒥᓐ:
\q2 ᑕᑈ ᒥᓯᐛ ᑕᑐᐤ ᐃᔪᐤ ᐊᑎ ᓇᔅᒡ ᒥᔪᒪᒋᐅᑦ ᓇᔅᒡ ᓂᑐᐎ ᐃᑕᔨᑕᑯᓱᐤ᙮”
\q1
\v 6 “ᒐᔅᑎᓇᔅ ᒥᓯᐛ ᑕᑐᐤ ᐃᔪᐤ ᐱᒧᑕᐤ ᓂᑐᐎ ᐃᓯᓇᑯᓯᐅᓂᒡ:
\q2 ᑕᑈ ᓂᑐᐎ ᒥᑯᔅᑲᑕᔨᑎᒥᐃᑎᓱᐅᒡ:
\q2 ᒪᐛᓴᑯᓂᒻ ᐛᔪᑎᓯᐅᓇ, ᓇᒪ ᒪᒃ ᒋᔅᒐᔨᑎᒻ ᐊᐛᔪᐛ ᒐ ‍ ᐅᑎᓂᒥᔨᒋ᙮
\b
\q1
\v 7 ᐊᓄᒡ ᒪᒃ, ᑎᐸᔨᒋᒐᓱᐤ, ᒐᒂᓐ ᐛᒋ ‍ ᐊᓯᓄᐛᐸᑎᒪᓐ ?
\q2 ᒋᔾ ᒋᑦ ᐊᔅᐸᔨᒧᑐᑕᑎᓐ᙮
\q1
\v 8 ᐎᒂᒋᐃ ᒥᓯᐛ ᓂᐅᓂᑐᑎᒧᐅᓇ ᐅᒡ:
\q2 ᐊᑲᐎᔾ ᐃᓯᔨᓐ ᒐᒋ ᒋᑐᓯᒡ ᒋᔎᐧᑲᓐᒡ᙮
\q1
\v 9 ᓂᒋ ‍ ᒋᐱᑐᐛᓐ, ᓇᒪᐎᔾ ᓂᒋ ‍ ᐸᔅᒋᑐᓇᐃᓐ;
\q2 ᐛᔅ ᒋᔾ ᑲ ‍ ᐃᑐᑎᒥᓐ᙮
\q1
\v 10 ᐃᒐᓂᒧᐎ ᒋᐅᑕᒪᐃᒐᐅᓐ:
\q2 ᓂ ‍ ᓂᓱᐅᓇᒋᐃᑯᓐ ᐊ ‍ ᐅᑕᒪᐅᐎᓐ᙮
\q1
\v 11 ᐃᔅᐱ ᒋᔾ ᐊ ‍ ᒋᑐᑕᑦ ᐃᔪᐤ ᒥᒐᑎᓯᐅᓐ ᐅᒡ,
\q2 ᒋ ‍ ᐛᐸᔨᑎᒺᓐ ᐅᒥᔪᓇᑯᓯᐅᓐ ᒧᔭᒻ ᒥᓐᑐᔅ:
\q2 ᒐᔅᑎᓇᔅ ᒥᓯᐛ ᑕᑐᐤ ᐃᔪᐤ ᓂᑐᐎ ᐃᑕᔨᑕᑯᓱᐤ᙮”
\b
\q1
\v 12 “ᓂᑐᑕ ᓂᑦ ᐊᔭᒥᐊᐅᓐ, ᐅ ᑎᐸᔨᒋᒐᓱᐤ, ᐸᑕᐎᓐ ᒪᒃ ᐊ ‍ ᒧᔅᑯᐛᑎᑕᓐ;
\q2 ᐊᑲᐎᔾ ᒋᐱᑐᐛ ᐊ ‍ ᐅᒋᐧᑯᐛᑎᔭᓐ:
\q1 ᐛᔅ ᓂ ‍ ᒪᓐᑕᐅᓐ ᑭᔭ ᓂᐱᒥᐱᒋᓐ,
\q2 ᒧᔭᒻ ᒥᓯᐛ ᓄᑕᐅᐱᓐᒡ᙮
\q1
\v 13 ᐅ ᒥᓇᒋᐃ, ᒐᒋ ᒋᐛ ‍ ᐊᔭᔭᓐ ᒥᔅᑯᐅᓯᐅᓐ,
\q2 ᐊᒺᔭ ᐅᑕ ᐅᒋ ᔅᑐᑕᔭᓐ, ᑭᔭ ᒐ ᐊᑲ ‍ ᑕᔭᓐ᙮”
\c 40
\s2 Psalm 40:1-11 (Epiphany-2 Year A)
\q1
\v 1 ᓯᐱᔪᐛᓯᐅᓂᒡ ᓂᒋ ‍ ᐊᓯᓄᐛᐊᐤ ᑎᐸᔨᒋᒐᓱᐤ;
\q2 ᓂᒋ ‍ ᐱᔅᒐᔨᒥᒄ ᒪᒃ, ᑭᔭ ᒋ ‍ ᓂᑐᑎᒻ ᓂᒪᐅᓂᔪᐤ᙮
\q1
\v 2 ᓂᒋ ‍ ᐎᐎᐱᑎᒄ ᒪᒃ ᐊ ‍ ᑯᔅᑕᑎᑯᓂᔨᒡ ᐛᑎᑯᔪᐤ ᐅᒡ,
\q2 ᐊ ‍ ᒋᔅᑕᐅᔅᑲᔨᒡ ᐅᒡ,
\q1 ᒋ ‍ ᐃᑎᔅᑕᐤ ᒪᒃ ᓂᓯᑕ ᒋᔅᑕᐱᔅᑯᒡ,
\q2 ᑭᔭ ᒋ ‍ ᒥᔅᑯᐅᔅᑕᐤ ᓂᐱᒧᑕᐅᓇ᙮
\q1
\v 3 ᑭᔭ ᐅᔅᒋ ᓂᑭᒧᐅᓂᔪᐤ ᒋ ‍ ᐊᔅᑕᐤ ᓂᑐᓂᒡ,
\q2 ᒐᒋ ᒪᒥᒋᒥᒃ ᐅᑦ ᒋᒋᓴᒪᓂᑐᒥᓄᐤ᙮
\q1 ᒥᒐᑦ ᒪᒃ ᐊ ‍ ᐛᐸᑕᒡ, ᒋᑭ ‍ ᓇᓂᒋᐛᐅᒡ,
\q2 ᑭᔭ ᒋᑭ ‍ ᒪᒥᓯᑐᑕᐛᐅᒡ ᑎᐸᔨᒋᒐᓱᐛ᙮
\b
\q1
\v 4 ᓱᐛᔨᑕᑯᓱᐤ ᐊᓐ ᐃᔪᐤ ᑲ ‍ ᒪᒥᓯᑐᑐᐛᑦ ᑎᐸᔨᒋᒐᓱᐛ;
\q2 ᐊᑲ ᑭᔭ ᒋᔅᑕᔨᒪᑦ ᐅᒋᔅᑕᔨᒧᐛ, ᐊᓂᔭ ᑭᔭ ᑲ ‍ ᓇᑕᒥᔨᒋ ᑭᑭᒋᔭᐅᓂᔪᐤ᙮
\q1
\v 5 ᒥᒐᓇ, ᑎᐸᔨᒋᒐᓱᐤ ᓂᒋᓴᒪᓂᑐᒻ, ᒋ ‍ ᒪᒥᔅᑲᒋ ᐃᑐᐅᓇ ᑲᒋ ‍ ᐃᑐᑎᒥᓐ,
\q2 ᑭᔭ ᐊ ‍ ᐃᑕᔨᒥᔭᒡ;
\q1 ᓇᒪᐎᔾ ᓇᔅᒡ ᒋᑭ ᒋ ‍ ᐊᒋᑕᒪᑯᐅᓐ:
\q2 ᐃᔅᐱᔅ ᐎ ᐎᑎᒪᓐ ᑭᔭ ᐊᔨᒧᑎᒪᓐ, ᓇᒪᐎᔾ ᒋᑭ ᒋ ᑕᐱ ‍ ᐊᒋᑕᑭᓄᐎᔪᐛ᙮
\b
\q1
\v 6 ᒥᑐᔅᑕᐊᒪᒐᐅᓐ ᑭᔭ ᐱᔅᑎᓂᒐᐅᓐ ᓇᒪᐎᔾ ᒋ ᐅᒋ ‍ ᓂᑐᐛᔨᑕᓐ:
\q2 ᔅᒋ ‍ ᐊᐸᐊᓐ ᓂᑐᑭᔭ:
\q2 ᐃᔅᑯᑕᐤ ᐱᔅᑎᓂᒐᐅᓇ ᑭᔭ ᒥᒋᑐᑎᒧᐅ ᐱᔅᑎᓂᒐᐅᓇ ᓇᒪᐎᔾ ᒋ ᐅᒋ ‍ ᓂᑐᐛᔨᑕᓐ᙮
\q1
\v 7 ᐊᑯ ᑲ ‍ ᐃᔅᒋᔄᔭᓐ, “ᐛᐸᑎᒥᒄ, ᓂ ᐸᒋ ‍ ᑎᑯᓯᓐ:
\q2 ᒥᓯᓇᐃᑭᓂᒡ ᓂ ‍ ᒥᓯᓇᓱᓐ᙮
\q1
\v 8 ᓂ ‍ ᒥᔽᔨᑕᓐ ᒐᒋ ᐃᑐᑎᒪᓐ ᒋᑦ ᐃᑕᔨᑎᒧᐅᓐ, ᐅ ᓂᒋᓴᒪᓂᑐᒻ:
\q2 ᓂᐦᐃ, ᒋᑦ ᐃᑎᓱᐛᐅᓐ ᓂ ‍ ᐱᒋᑕᐊᔅᑲᑯᓐ᙮”
\b
\q1
\v 9 ᓂᒋ ‍ ᑭᒐᔅᒋᒧᐛᓐ ᑯᐃᔅᑯᑕᑎᓯᐅᓐ ᒋᒋ ‍ ᒪᐛᒋᐃᑐᐅᓂᒡ:
\q2 ᐛᐸᑎᒥᒄ, ᓇᒪᐎᔾ ᓂ ᐅᒋ ‍ ᓂᑲᓇᓐ ᓂᑐᓐ ᐅ ᑎᐸᔨᒋᒐᓱᐤ, ᒋ ‍ ᒋᔅᒐᔨᑕᓐ᙮
\q1
\v 10 ᓇᒪᐎᔾ ᓂ ᐅᒋ ‍ ᑲᑕᓐ ᒋᑯᐃᔅᑯᑕᑎᓯᐅᓐ ᓂᑕᐃᒡ;
\q2 ᓂᒋ ‍ ᐎᑕᓐ ᒋᑯᐃᔅᑯᑐᐅᓐ ᑭᔭ ᒋᐱᒪᒋᐃᐛᐅᓐ:
\q2 ᒋᓴᒋᐃᐛᐎ ᒋᓴᐛᑎᓯᐅᓂᔪᐤ ᑭᔭ ᒋᑕᑈᐅᓂᔪᐤ ᓇᒪᐎᔾ ᓂ ᐅᒋ ‍ ᑲᑐᐛᐅᒡ ᑲ ‍ ᒥᒐᑎᒡ ᐊ ‍ ᒪᒧᐎᔨᑐᒡ᙮
\b
\q1
\v 11 ᐊᑲᐎᔾ ᒥᒋᒥᓂᒧᐎ ᒋ ‍ ᔪᔅᐱ ᒋᔅᑎᒪᒐᔨᒋᒐᐅᓐ, ᐅ ᑎᐸᔨᒋᒐᓱᐤ:
\q2 ᐊᑯᔅ ᒋ ‍ ᓴᒋᐃᐛᐤ ᒋᓴᐛᑎᓯᐅᓐ ᑭᔭ ᒋᑕᑈᐅᓐ ᒧᔅ ᓂᑭ ‍ ᑭᓄᐛᔨᒥᑯᓐ᙮
\q1
\v 12 ᐛᔅ ᐊᑲ ᐊᒋ ‍ ᐊᒋᒋᑕᑭᓄᐅᒋ ᒥᒋ ‍ ᒐᒂᓇ ᓂ ‍ ᐛᔅᑲᔅᑲᑯᓐ:
\q2 ᓂᒥᒐᑎᓯᐅᓇ ᓂᒋ ‍ ᒪᒋᑯᓂᑯᓐ,
\q1 ᐛᒋ ᐊᑲ ᑭᔅᒋᑕᔭᓐ ᒐᒋ ᑕᔅᑎᓴᐱᔭᓐ ᐊᔪᐛᒡ ᒥᒐᓂᔨᐛ ᐃᔅᐱᔅ ᐅᐱᐎᔭ ᓂᔅᑎᒂᓂᒡ:
\q2 ᐊᐅᒄ ᐅᒋ ᓂ ‍ ᓄᑕᓯᒥᑯᓐ ᓂᑕᐃ᙮
\b
\q1
\v 13 ᒥᔽᔨᑕ, ᐅ ᑎᐸᔨᒋᒐᓱᐤ, ᒐᒋ ᐱᒪᒋᐃᔨᓐ:
\q2 ᐅ ᑎᐸᔨᒋᒐᓱᐤ, ᒋᐱᔾ ᒐᒋ ᐎᒋᐃᔨᓐ᙮
\q1
\v 14 ᐊᑯᔅ ᒋᑭ ‍ ᓴᒂᔨᒧᐅᒡ ᑭᔭ ᒪᒧᐤ ᐛᐛᓇᔨᑎᒧᒡ, ᑲ ‍ ᓇᓂᑐᐛᔨᒪᒡ ᓂᑦ ᐊᒐᒂ ᒐᒋ ᓂᓱᐅᓇᒋᐊᒡ;
\q2 ᐊᑯᔅ ᒋᑭ ‍ ᐊᓴᑲᐸᐎᐛᐅᒡ, ᑭᔭ ᒋᑭ ‍ ᓴᒂᔨᒧᐅᒡ, ᑲ ᒥᒋ ‍ ᐃᑕᔨᒥᒡ᙮
\q1
\v 15 ᐊᑯᔅ ᒋᑭ ‍ ᒪᒥᓯᒪᐃᑎᒧᒡ ᐊ ‍ ᑎᐸᐊᒪᒡ ᐅᓂᓇᐸᐎ ᐊ ‍ ᓴᒂᔨᒧᐤ ᐊᔨᑐᐅᓄᐛᐛ, ᑲ ‍ ᐃᓯᒡ, “ᐊᐦᐊ, ᐊᐦᐊ !”
\q1
\v 16 ᐊᑯᔅ ᒥᓯᐛ ᑲ ‍ ᓇᓂᑐᐛᔨᒥᔅᒡ ᒋᑭ ‍ ᒥᔽᑎᑯᒡ ᑭᔭ ᓯᒋᔭᓯᔅᑕᑯᒡ:
\q2 ᐊᑯᔅ ᐊᓐᒡ ᑲ ‍ ᓴᒋᑕᒡ ᒋ ‍ ᐱᒪᒋᐃᐛᐅᓂᔪᐤ ᒧᔅ ᒋᑭ ‍ ᐃᔅᒋᔄᐅᒡ, “ᑎᐸᔨᒋᒐᓱᐤ ᒋᑭ ᐎ ‍ ᒋᔅᑕᒋᒪᑭᓄᐤ᙮”
\b
\q1
\v 17 ᒪᒃ ᓂᔾ ᓂ ‍ ᒋᔅᑎᒪᑎᓯᓐ ᑭᔭ ᓂ ‍ ᐛᐛᓇᔨᑕᓐ;
\q2 ᐃᔭᐱᒡ ᒪᒃ ᑎᐸᔨᒋᒐᓱᐤ ᓂᒪᒥᑐᓇᔨᒥᒄ:
\q1 ᒋᔾ ᒋ ‍ ᐎᒋᐃᓐ ᑭᔭ ᒋ ‍ ᐱᒪᒋᐃᔨᓐ;
\q2 ᐊᑲᐎᔾ ᒋᐱᒋ, ᐅ ᓂᒋᓴᒪᓂᑐᒻ᙮
\c 41
\s2 Psalm 41 (Epiphany-7 Year B)
\q1
\v 1 ᓱᐛᔨᑕᑯᓱᐤ ᐊᓐ ᑲ ‍ ᒋᔅᑎᒪᒐᔨᒪᑦ ᐅᒋᔅᑎᒪᑎᓯᐛ;
\q2 ᑎᐸᔨᒋᒐᓱᐤ ᒋᑭ ‍ ᐎᒂᒋᐊᐤ ᑲ ‍ ᐊᔨᒥᓂᔨᒡ ᐊ ‍ ᒋᓯᑲᔨᒡ᙮
\q1
\v 2 ᑎᐸᔨᒋᒐᓱᐤ ᒋᑭ ‍ ᑭᓄᐛᔨᒪᐤ, ᑭᔭ ᒋᑭ ‍ ᐱᒪᒐᐊᐤ;
\q2 ᒋᑭ ‍ ᓱᐛᔨᑕᑯᓱᐤ ᒪᒃ ᐊᔅᒋᒡ:
\q2 ᓇᒪᐎᔾ ᒪᒃ ᒋᑭ ‍ ᐱᔅᑎᓇᐤ ᐅᑦ ᐃᑕᔨᑎᒧᐅᓂᔨᒡ ᐊᓂᔭᔪᐛ ᑲ ‍ ᐛᐧᑲᑎᑯᑦ᙮
\q1
\v 3 ᑎᐸᔨᒋᒐᓱᐤ ᒋᑭ ‍ ᒥᔅᑯᐅᓯᐊᐤ ᐎᓯᒐᔨᑎᒧᐎ ᓂᐸᐅᓂᒡ;
\q2 ᒋᑭ ‍ ᐅᓯᑕᐛᓐ ᒥᓯᐛ ᐅᓂᐸᐅᓐ ᐊ ‍ ᐊᐧᑯᓯᑦ᙮
\b
\q1
\v 4 ᓂᒋ ‍ ᐃᔅᒋᔄᓐ, “ᒋᔅᑎᒪᒐᔨᒥ;
\q2 ᒥᓏᒋ ᓂᑦ ᐊᒐᐧᒄ, ᐛᔅ ᔅᒋ ‍ ᒥᒋᑐᑕᑎᓐ᙮”
\q1
\v 5 ᑲ ‍ ᐛᐧᑲᓯᒡ ᓂ ᒥᒋ ‍ ᐊᔨᒧᒥᑯᒡ;
\q2 “ᑕᐃᔅᐱ ᒐ ‍ ᓂᐱᑦ ᑭᔭ ᐅᑦ ᐃᓯᓂᐧᑲᓱᐅᓐ ᒐ ‍ ᓂᓱᐅᓇᑎᓂᔨᒡ ?”
\q1
\v 6 ᒧᔭᒻ ᒪᒃ ᐱᐊᒋ ᐛᐱᒥᒋ, ᓂᑐᐎᔾ ᐃᓯ ᐃᔨᒧᐤ:
\q2 ᐅᑕᐃᒡ ᒪᐅᒋᑕᐤ ᒥᒐᑎᓯᐅᓂᔪᐤ;
\q2 ᐃᔅᐱ ᒪᒃ ᐛᔪᐎᒋ, ᐎᑎᒻ᙮
\b
\q1
\v 7 ᒥᓯᐛ ᑲ ‍ ᐛᐧᑲᓯᒡ ᑲ ‍ ᒋᒧᑦ ᐃᔨᒥᑐᐅᒡ ᐊᔭᔨᒧᒥᒡ:
\q2 ᓂᔾ ᐃᑕᔨᑎᒧᒡ ᒐᒋ ᒥᒋᑐᑐᐅᒡ᙮
\q1
\v 8 “ᒥᒋ ‍ ᐃᑕᔅᐱᓇᐅᓂᔪᐤ,” ᐃᔅᒋᔄᐅᒡ, “ᒋᒋᐛ ᒋᒋᔅᑲᑯᐤ:
\q2 ᐊᓄᒡ ᒪᒃ ᐊ ‍ ᐱᒥᓯᐧᒃ ᓇᒪ ᓂᑕ ᒥᓐ ᒋᑭ ‍ ᐅᓂᐤ᙮”
\q1
\v 9 ᓂᐦᐃ, ᑎᐱᔨᐛ ᓂᐎᒐᐛᑭᓐ, ᑲ ‍ ᒪᒥᓯᑐᑐᐅᒃ,
\q2 ᑲ ‍ ᒧᐛᑦ ᓂᐸᒂᓯᑭᓂᒪ,
\q2 ᓂᒋ ‍ ᐅᐱᓇᒪᒄ ᐅᑐᑎᓐ᙮
\b
\q1
\v 10 ᒪᒃ ᒋᔾ, ᐅ ᑎᐸᔨᒋᒐᓱᐤ, ᒋᔅᑎᒪᒐᔨᒥ,
\q2 ᐅᓂᓂ, ᒐᒋ ᓴᐧᑯᒋᐃᒃ᙮
\q1
\v 11 ᐊᑯᑕ ᐛᒋ ‍ ᒋᔅᒐᔨᒥᑕᓐ ᐊ ‍ ᒋᔅᑎᒪᒐᔨᒥᔨᓐ,
\q2 ᐊᓐ ᑲ ‍ ᐛᐧᑲᓯᑦ ᐊ ᐊᑲ ‍ ᓴᐧᑯᒋᐃᑦ᙮
\q1
\v 12 ᓂᔾ ᒪᒃ, ᒋ ‍ ᓯᑐᓐ ᓂᑯᐃᔅᑯᑐᐅᓂᒡ,
\q2 ᑭᔭ ᒋ ‍ ᓇᐊᐱᔨᓐ ᐅᑎᔅᑯᐤ ᒋᑕᔅᑎᒥᐧᒄ ᑲᒋᒡ᙮
\b
\q1
\v 13 ᒪᒥᒋᑕᑯᓱᐤ ᑎᐸᔨᒋᒐᓱᐤ ᐅᒋᓴᒪᓂᑐᒪ ᐃᔅᕋᐃᓪ,
\q2 ᑲᒋᒡ ᐅᒋ ᑭᔭ ᑲᒋᒡ ᐃᔅᑯᐤ᙮ ᐊᒥᓐ ᑭᔭ ᐊᒥᓐ᙮
\c 42
\ms1 ᒥᓯᓇᐃᑭᓐ 2
\q1
\v 1 ᒧᔭᒻ ᐊᑎᐧᒄ ᑲ ᐃᓯ ‍ ᓄᑕᔭᐸᒂᑐᑕᐧᒃ ᓯᐱᓯᓱᐛᐳᔪᐤ,
\q2 ᐊᑯ ᒧᔭᒻ ᓂᑦ ᐊᒐᐧᒄ ᐊᓯ ‍ ᓄᑕᔭᐸᒂᑐᑕᔅᒃ, ᐅ ᒋᓴᒪᓂᑐᐤ᙮
\q1
\v 2 ᓂᑦ ᐊᒐᐧᒄ ᓄᑕᔭᐸᒂᑐᑐᐛᐤ ᒋᓴᒪᓂᑐᐛ, ᐸᒪᑎᓯᔨᒋ ᒋᓴᒪᓂᑐᐛ:
\q2 ᑕᐃᔅᐱ ᒐ ᐸᒋ ‍ ᓄᑯᐃᑎᓱᔅᑐᐅᑦ ᒋᓴᒪᓂᑐᐤ ?
\q1
\v 3 ᓂᔅᒋᓯᑯᒡ ᑲ ‍ ᐅᒋᑯᐅᒡ ᐊᐅᒄ ᓂᒥᒋᒻ ᐊ ‍ ᒋᓯᑲᒡ ᑭᔭ ᑎᐱᔅᑲᒡ,
\q2 ᒪᒂᒡ ᓇᓂᑎᒻ ᐊ ‍ ᐃᓯᒡ, “ᑕᓐᑕ ᐊ ‍ ᑕᑦ ᒋᒋᓴᒪᓂᑐᒻ ?”
\q1
\v 4 ᐃᔅᐱ ᐅᔭ ᒐᔅᒋᓯᔭᓂ, ᓂ ‍ ᓯᒋᓇᒪᓱᓐ ᓂᑦ ᐊᒐᐧᒄ:
\q2 ᐛᔅ ᓂᒋ ‍ ᐎᒐᐛᐅᒡ ᑲ ‍ ᒪᒧᒥᒐᑎᒡ;
\q1 ᓂᒋ ‍ ᐎᒐᐛᐅᒡ ᒋᓴᒪᓂᑐᐛ ᐅᒥᒋᐛᐱᒥᔨᒡ, ᐊᓯᒡ ᐊ ‍ ᐸᑕᒂᒡ ᒥᔽᔨᑎᒧᐅᓐ ᑭᔭ ᒪᒥᒋᒧᐛᐅᓐ,
\q2 ᐊ ‍ ᐎᒐᐅᒂᐤ ᑲ ‍ ᒪᒧᒥᒐᑎᒡ ᐊ ‍ ᑭᓄᐛᔨᑕᒡ ᐸᔭᒋ ᒋᓯᑯᔪᐤ᙮
\b
\q1
\v 5 ᒐᒂᓐ ᐛᒋ ‍ ᑯᐸᑕᔨᒧᔨᓐ ᐅ ᓂᑦ ᐊᒐᐧᒄ ?
\q2 ᒐᒂᓐ ᐛᒋ ‍ ᒥᑯᔅᑲᑕᔨᑎᒥᐃᑯᔨᓐ ?
\q1 ᐊᔅᐸᔨᒧᑐᑐᐤ ᒋᓴᒪᓂᑐᐤ:
\q2 ᐛᔅ ᐃᔭᐱᒡ ᓂᑭ ‍ ᓂᓇᔅᑯᒪᐤ ᐊᒋ ‍ ᐎᒋᐃᑯᐅᒡ ᐅᑕᔅᑎᒥᐧᒄ᙮
\q1
\v 6 ᐅ ᓂᒋᓴᒪᓂᑐᒻ, ᓂᑦ ᐊᒐᐧᒄ ᑯᐸᑕᐃᒧᐤ;
\q2 ᐊᐅᒄ ᐅᒋ ᒋᑭ ‍ ᒋᔅᒋᑐᑕᑎᓐ ᒠᕐᑕᓐ ᐊᔅᒋᒡ ᐅᒡ,
\q2 ᑭᔭ ᐦᐊᕐᒧᓇᐃᑕᒃ, ᒪᐃᓴᕐ ᐱᔅᑯᑎᓇᒡ ᐅᒡ᙮
\b
\q1
\v 7 ᐊᑎᒥᒡ ᑕᑈᑕᒧᒪᑭᓐ ᐊᑎᒥᒡ, ᐊ ‍ ᐊᐸᑕᑯᓯᒥᑲᒋ ᒋ ‍ ᐸᐅᔅᑎᑯᒪ:
\q2 ᒥᓯᐛ ᒋ ‍ ᒪᒪᐧᑲᐊᒧᒡ ᑭᔭ ᒋ ‍ ᑭᔅᑭᓂᒪᒡ ᓂᑭ ‍ ᐊᑯᓇᐅᑯᒡ᙮
\b
\q1
\v 8 ᐃᔭᐱᒡ ᒪᒃ ᑎᐸᔨᒋᒐᓱᐤ ᒋᑭ ‍ ᐃᑎᓱᐛᑎᒻ ᐅᓴᒋᐃᐛᐅ ᒋᓴᐛᑎᓯᐅᓐ ᒪᒂᒡ ᐊ ‍ ᒋᓯᑲᔨᒡ,
\q2 ᑭᔭ ᒪᒂᒡ ᐊ ‍ ᑎᐱᔅᑲᔨᒡ ᓂᑭ ‍ ᓂᑭᒧᔅᑐᐛᐤ,
\q2 ᑭᔭ ᓂᑭ ‍ ᐊᔭᒥᐊᔅᑕᐛᐤ ᒋᓴᒪᓂᑐᐤ ᑲ ᐅᒋ ‍ ᐱᒪᑎᓯᔭᓐ᙮
\b
\q1
\v 9 ᓂᑭ ‍ ᐃᑕᐤ ᒋᓴᒪᓂᑐᐤ ᓂᒋᔅᑕᐱᔅᑯᒻ, “ᑕᓇᒡ ᐛᒋ ‍ ᒋ ‍ ᐛᐱᓂᔨᓐ ?
\q2 ᑕᓇᒡ ᐛᒋ ‍ ᓂᓇᐧᑲᒋᒧᔭᓐ ᐊ ‍ ᐊᔨᒥᐃᑦ ᑲᐛᐧᑲᓯᑦ ?”
\q1
\v 10 ᑭᔭ ᒥᒄ ᓯᒪᑭᓐ ᐊ ‍ ᐃᑎᒂᒡ ᓂᔅᑭᓂᒡ, ᑲ ‍ ᐛᐧᑲᓯᒡ ᓂ ‍ ᒋᔅᑐᑎᑯᒡ;
\q2 ᒪᒂᒡ ᓇᓂᑎᒻ ᐊ ‍ ᐃᓯᒡ, “ᑕᓐᑕ ᐊ ‍ ᑕᑦ ᒋᒋᓴᒪᓂᑐᒻ ?”
\b
\q1
\v 11 ᑕᓇᒡ ᐛᒋ ‍ ᑯᐸᑕᐃᒧᔨᓐ, ᐅ ᓂᑦ ᐊᒐᐧᒄ ?
\q2 ᑕᓇᒡ ᐛᒋ ᑭᔭ ᒥᑯᔅᑲᑕᔨᑎᒥᐃᑯᐅᔨᓐ ?
\q2 ᐊᔅᐸᔨᒧᑐᑐᐤ ᒋᓴᒪᓂᑐᐤ;
\q2 ᐛᔅ ᐃᔭᐱᒡ ᓂᑭ ‍ ᒪᒥᒋᒪᐤ, ᑲ ᐅᒋ ‍ ᒥᔪᐊᔭᔭᓐ, ᑭᔭ ᓂᒋᓴᒪᓂᑐᒻ᙮
\c 43
\q1
\v 1 ᑎᐸᔅᑯᓂ, ᐅ ᒋᓴᒪᓂᑐᐤ ᑭᔭ ᓇᑎᒧᐎ ᐊᑲ ᒋᓴᒪᓂᑐᐛᑎᓯᒡ ᐊ ‍ ᐃᑎᔅᑲᓇᓯᒡ ᐃᔪᒡ ᐅᒡ:
\q2 ᐅ ᐎᐧᑯᒋᐃ ᑭᑭᒋᔭᓯᐤ ᑭᔭ ᑲ ᒥᒋ ᐃᑎᑦ ᐃᔪᐤ ᐅᒡ᙮
\q1
\v 2 ᐛᔅ ᒋᔾ ᒋᓴᒪᓂᑐᐤ ᑲ ‍ ᐅᒋᐱᔨᒡ ᓂ ‍ ᒥᔅᑯᐅᓯᐅᓐ:
\q2 ᑕᓇᒡ ᐛᒋ ‍ ᐛᐱᓂᔨᓐ ?
\q2 ᑕᓇᒡ ᐛᒋ ‍ ᓇᓇᐧᑲᒋᒧᔭᓐ ᐊ ‍ ᐊᔨᒥᐃᑦ ᑲᐛᐧᑲᓯᑦ᙮
\q1
\v 3 ᐸᒋ ‍ ᐃᑎᓴᐊ ᒋᐛᓴᔭᓯᐅᓐ ᑭᔭ ᒋᑕᑈᐅᓐ᙮ ᐊᑯᔅ ᓂᑭ ‍ ᒋᔅᒋᓄᑕᐃᑯᓐ;
\q2 ᐊᑯᔅ ᓂᑭ ‍ ᐃᑐᑕᐃᑯᓐ ᒋᐸᔭᒋ ‍ ᐱᔅᑯᑎᓇᒥᒡ, ᑭᔭ ᒋ ‍ ᒥᒋᐛᒥᒡ᙮
\q1
\v 4 ᐊᑯ ᒐ ‍ ᓇᑎᒧᒡ ᐅᐱᔅᑎᓂᒐᐅᓇᐱᔅᒄ ᒋᓴᒪᓂᑐᐤ,
\q2 ᒋᓴᒪᓂᑐᐤ ᓂᒋᓴᒥᔽᔨᑎᒧᐅᓐ:
\q1 ᓂᐦᐃ, ᐊᓯᑭᓇᔭᐱᔾ ᒋᔍᐛᐱᒋᑭᓂᒡ ᒋᑭ ‍ ᒪᒥᒋᒥᑎᓐ,
\q2 ᐅ ᒋᓴᒪᓂᑐᐤ, ᓂᒋᓴᒪᓂᑐᒻ᙮
\b
\q1
\v 5 ᑕᓇᒡ ᐛᒋ ‍ ᑯᐸᑕᔨᒧᔨᓐ, ᐅ ᓂᑦ ᐊᒐᐧᒄ ?
\q2 ᑕᓇᒡ ᑭᔭ ᐛᒋ ‍ ᒥᑯᔅᑲᑕᔨᑎᒥᐃᑯᐅᔨᓐ ?
\q1 ᐊᔅᐸᔨᒧᑐᑐᐤ ᒋᓴᒪᓂᑐᐤ:
\q2 ᐛᔅ ᐃᔭᐱᒡ ᓂᑭ ‍ ᒪᒥᒋᒪᐤ, ᑲ ᐅᒋ ‍ ᒥᔪᐊᔭᔭᓐ, ᑭᔭ ᓂᒋᓴᒪᓂᑐᒻ᙮
\c 44
\q1
\v 1 ᓂᒋ ‍ ᐸᑕᓇᓐ ᓂᑐᐅᑭᓇᒡ ᐅᒡ, ᐅ ᒋᓴᒪᓂᑐᐤ,
\q2 ᓄᑕᐎᓇᓐᒡ ᓂᒋ ‍ ᐎᑎᒪᑯᓇᓐᒡ ᒐᒂᓐ ᑲᒋ ‍ ᐃᑐᑎᒥᓐ ᒪᒂᒡ ᑲ ‍ ᐅᒋᓯᑲᒥᒡ,
\q2 ᑭᔭ ᐎᐱᒡ᙮
\q1
\v 2 ᑲ ᐃᓯ ‍ ᐛᔭᐎᑎᓴᐅᑥᐤ ᐊᑲ ᐊᔭᒥᐊᒡ ᒋᑎᒋᒡ ᐅᒡ,
\q2 ᑭᔭ ᐊᒋ ‍ ᐸᒋᑎᓂᑥᐤ;
\q1 ᑲ ᐃᓯ ‍ ᑯᒂᑕᒋᐛᒡ ᐃᔪᒡ,
\q2 ᑭᔭ ᐊᒋ ‍ ᐎᔪᐛᐱᓂᑥᐤ᙮
\q1
\v 3 ᐛᔅ ᓇᒪᐎᔾ ᒋ ‍ ᑭᔅᒋᑕᐅᒡ ᐊᔅᒋᔪᐤ ᒐᒋ ᑎᐱᔨᐛᐅᓯᒡ ᑎᐱᔨᐛ ᐅᓯᒪᑭᓄᐛᐤ ᐅᒡ,
\q2 ᓇᒪ ᑭᔭ ᑎᐱᔨᐛ ᐅᔅᐱᑐᓄᐛᐤ ᒋ ‍ ᐱᒪᒋᐃᑯᐅᒡ:
\q1 ᒪᒃ ᒋᒥᔪᐅᓂᒡ, ᑭᔭ ᒋᔅᐱᑐᓐ,
\q2 ᑭᔭ ᒋ ‍ ᐊᓱᐅᓐ᙮ ᐊᒋ ‍ ᒥᔽᔨᒧᒡ᙮
\b
\q1
\v 4 ᒋᔾ ᓂᒋᓴᐅᒋᒪᒻ, ᐅ ᒋᓴᒪᓂᑐᐤ:
\q2 ᐃᑎᓱᐛᐤ ᒐᒋ ᐎᐧᑯᒋᐊᑭᓄᐅᑦ ᒐᑭᑉ᙮
\q1
\v 5 ᒋᔾ ᐅᒋ ᓂᑭ ‍ ᓂᒋᐛᐸᐛᓇᓐᒡ ᑲ ‍ ᐛᐧᑲᓯᔭᒥᒡ,
\q2 ᒋ ‍ ᓴᒂᔨᒺᐅᒡ ᒪᒃ ᐊᓐᒡ ᑲ ‍ ᐛᐧᑲᓯᓱᒥᒡ᙮
\q1
\v 6 ᐛᔅ ᓇᒪᐎᔭ ᓂᑭ ‍ ᒪᒥᓯᑐᑐᐛᐤ ᓂᑦ ᐊᒐᐱᔾ,
\q2 ᓇᒪ ᑭᔭ ᓂᑭ ‍ ᐱᒪᒋᐃᑯᓐ ᓂᓯᒪᑭᓐ᙮
\q1
\v 7 ᒪᒃ ᒋᔾ ᔅᒋ ‍ ᐱᒪᒋᐃᓇᓐ ᑲ ‍ ᐛᐧᑲᓯᔭᒥᒡ ᐅᒡ,
\q2 ᑭᔭ ᒋ ‍ ᓴᒂᔨᒺᐅᒡ ᐊᓐᒡ ᑲ ‍ ᐛᐧᑲᓯᓱᒥᒡ᙮
\q1
\v 8 ᒋᓴᒪᓂᑐᒡ ᒥᒄ ᓂᑭ ‍ ᒪᒥᒋᒧᓇᓐ ᐃᔅᑭᓐ ᒋᓯᑲᐛ,
\q2 ᑭᔭ ᓂᑭ ‍ ᒪᒥᒋᑕᓇᓐ ᒋᑦ ᐃᓯᓂᐧᑲᓱᐅᓐ ᑲᒋᒡ᙮
\b
\q1
\v 9 ᒪᒃ ᔅᒋ ‍ ᐛᐱᓂᓇᓐ, ᑭᔭ ᔅᒋ ‍ ᐛᓇᐃᑕᒥᐃᓇᓐ;
\q2 ᓇᒪ ᑭᔭ ᒋ ‍ ᐎᒐᐛᐅᒡ ᓂ ‍ ᑲᒪᓯᒐᒥᓇᓐᒡ᙮
\q1
\v 10 ᒋ ‍ ᐃᑐᑐᐅᓇᓐ ᒐᒋ ᐊᑎᒥᑲᐳᐅᔅᑐᐅᒋᒡ ᑲ ‍ ᐛᐧᑲᓯᔭᒥᒡ;
\q2 ᐊᓐᒡ ᑭᔭ ᑲ ‍ ᐛᐧᑲᓯᓱᒥᒡ ᓂ ‍ ᒪᔅᑲᒥᑯᓇᓐᒡ᙮
\q1
\v 11 ᔅᒋ ‍ ᐊᒋᒥᓇᓐ ᑕᐱᔅᑯᓐ ᒪᔭᑕᓂᓯᒡ ᑲ ᐎ ‍ ᒥᒋᒧᐎᒡ;
\q2 ᑭᔭ ᔅᒋ ‍ ᒋᑎᓴᐅᓇᓐ ᐊᓐᑕ ᐊ ‍ ᐃᑕᒡ ᐊᑲ ᐊᔭᒥᐊᒡ᙮
\q1
\v 12 ᓂᑐᐎ ᒋ ‍ ᐃᓯ ‍ ᐊᑕᐛᒐᓐ ᒋᑦ ᐃᔨᒥᒡ,
\q2 ᓇᒪ ᑭᔭ ᒋ ‍ ᔭᒋᑕᓐ ᒋᐛᔪᑎᓯᐅᓐ ᑲ ᐅᒋ ‍ ᑎᐸᐊᒪᑯᐅᔨᓐ᙮
\b
\q1
\v 13 ᒋ ‍ ᑐᑐᐅᓇᓐ ᒐᒋ ᒋᑐᓯᐃᒥᒡ ᓂᒡ ᐃᔨᒥᓇᓐᒡ,
\q2 ᒐᒋ ᒪᔭᔨᒥᔨᒥᒡ ᑭᔭ ᓯᑲᑕᔨᒥᔨᒥᒡ ᐊᓐᒡ ᐛᔅᑲ ᑲ ‍ ᐃᑕᒡ᙮
\q1
\v 14 ᒋ ‍ ᑐᑐᐅᓇᓐ ᒐᒋ ᐅᔨᒧᒥᑯᐎᔭᒡ ᐊᓐᑕ ᐊ ‍ ᐃᑕᒡ ᐊᑲ ‍ ᐊᔭᒥᐊᒡ,
\q2 ᒐᒋ ᐛᐛᐱᔎᔨᔅᑕᐎᔭᒥᒡ ᐃᔪᒡ᙮
\q1
\v 15 ᓂᐛᐛᓇᔨᑎᒧᐅᓐ ᒧᔅ ᓂᑦ ᐅᑎᔅᑲᐎᔅᑲᑯᓐ,
\q2 ᑭᔭ ᓂ ‍ ᓴᒂᔨᒧᐅᓐ ᓂᒋ ‍ ᐊᑯᓇᐅᑯᓐ᙮
\q1
\v 16 ᐅᐸᑕᑯᓯᐅᓐ ᐅᒋ ᐊᓐ ᑲ ‍ ᒋᑐᓱᐛᑦ ᑭᔭ ᑲ ‍ ᐊᔅᑕᒧᑦ;
\q2 ᐅᐛᐧᑲᓱᐛᐤ ᐅᒋ ᑭᔭ ᑲᒋᐛᑎᐸᔨᒐᑦ᙮
\b
\q1
\v 17 ᒥᓯᐛ ᐅᔭ ᓂᒋ ‍ ᐅᑎᑎᑯᓇᓐ;
\q2 ᐃᔭᐱᒡ ᒪᒃ ᓇᒪᐎᔾ ᔅᒋ ‍ ᐅᓂᒋᔅᒋᑕᑎᓇᓐ,
\q2 ᓇᒪ ᑭᔭ ᓂᒋ ‍ ᑭᑭᒋᔭᓯᐎ ᐊᐸᒋᑕᓇᓐ ᒋᓂᔅᑯᒥᑐᐅᓐ᙮
\q1
\v 18 ᓂᑕᐃᓇᓇ ᓇᒪᐎᔾ ᒋᐛᐱᔪᐛ,
\q2 ᓇᒪ ᑭᔭ ᓂᒋ ‍ ᓂᑭᑕᓇᓐ ᒋᑦ ᐃᓯᑥᐅᓐ᙮
\q1
\v 19 ᐊᑎ ᐊᒋ ‍ ᐎᓴᒋ ᐱᑯᐱᓯᔭᒡ ᐊᓐᑕ ᐊ ‍ ᐃᑕᒡ ᒥᓯᒋᓇᐱᑯᒡ,
\q2 ᑭᔭ ᐊᒋ ‍ ᐊᑯᓇᐅᔭᒡ ᐊ ‍ ᑎᑲᔅᑕᑎᒡ ᓂᐳᐅᓐ᙮
\b
\q1
\v 20 ᒧᔭᒻ ᑲ ‍ ᐅᓂᒋᔅᒋᑐᑎᒧᐛᐛᒐ ᐅᑦ ᐃᓯᓂᐧᑲᓱᐅᓐ ᓂᒋᓴᒪᓂᑐᒥᓇᓐ,
\q2 ᑭᔭ ᒥᒄ ᐱᑐᔅ ᒥᓂᑐᐤ ᑲ ‍ ᓱᐅᓂᔅᒐᔨᔅᑐᐛᐛᒐ;
\q1
\v 21 ᓇᒪ ᓇ ᐅᔭᔪᐤ ᒋᑭ ‍ ᓇᓂᑐᐛᐸᑎᒻ ᒋᓴᒪᓂᑐᐤ ?
\q2 ᐛᔅ ᒋᔅᒐᔨᑎᒻ ᑲ ‍ ᒋᒧᑕᓯᒥᑲᒡ ᒥᑕᐃᒡ᙮
\q1
\v 22 ᓂᐦᐃ, ᒋᔾ ᐅᒋ ᓂ ‍ ᓂᐸᐃᑯᐅᓇᓐ ᐃᔅᑭᓐ ᒋᓯᑲᐛ;
\q2 ᓂᑦ ᐃᑕᒋᒥᑯᐅᓇᓐ ᒧᔭᒻ ᒪᔭᑕᓂᓯᒡ ᑲ ᐎ ‍ ᓂᐸᐊᑭᓄᐅᒡ᙮
\b
\q1
\v 23 ᑯᔅᑯᓯ, ᑕᓇᒡ ᐛᒋ ‍ ᓂᐸᔨᓐ, ᐅ ᑎᐸᔨᒋᒐᓱᐤ ?
\q2 ᐱᓯᑯᐤ, ᐊᑲᐎᔾ ᑲᒋᒡ ᐛᐱᓂᓇᓐ᙮
\q1
\v 24 ᑕᓇᒡ ᐛᒋ ‍ ᑲᓱᔨᓐ,
\q2 ᑭᔭ ᐛᓂᒋᔅᒋᔨᓐ ᓂ ‍ ᒪᒂᔨᑎᒧᐅᓇᓇ ᑭᔭ ᓂᑦ ᐊᔨᒥᐃᑯᓯᐅᓇᓇ ?
\b
\q1
\v 25 ᐛᔅ ᓂᑦ ᐊᒐᐧᑯᓇᓐ ᓄᐛᒋᐤ ᒥᒋᒂᔭᓯᒡ ᐃᔅᑯᐤ:
\q2 ᓂ ‍ ᓂᔅᑭᑎᓇᓇ ᐊᔅᒋᒡ ᒥᒋᒧᐛ᙮
\q1
\v 26 ᐱᓯᑯᐤ ᒐᒋ ᐎᒋᐃᔭᒡ,
\q2 ᐱᒪᒋᐃᓇᓐ ᒪᒃ ᒋᓱᐛᔨᒋᒐᐅᓐ ᐅᒡ᙮
\c 45
\q1
\v 1 ᓂᑕᐃ ᒥᑐᓇᔨᑎᒧᒪᑭᓐ ᒥᔪ ‍ ᒐᒂᓐ:
\q2 ᓂᑦ ᐊᔨᒧᑕᓐ ᐊᓂᔭ ᑲᒋ ‍ ᐅᓯᑕᔨᓐ ᒋᓴᐅᒋᒪᐤ ᐅᒡ:
\q2 ᓂᑕᔨᔾ ᐃᓯᓇᑯᓐ ᒧᔭᒻ ᐅᒥᓯᓇᐃᑭᓇᔅᒄ ᐅᒥᓯᓇᐃᒐᐤ ᑲ ‍ ᐊᔭᔅᑯᐎᑦ᙮
\b
\q1
\v 2 ᐊᐛᓯᑕ ᒋ ‍ ᒥᔪᓇᑯᓯᓐ ᐃᔅᐱᔅ ᐅᑦ ᐊᐛᓯᒥᓱᐛᐛ ᐃᔪᒡ:
\q2 ᓱᐛᔨᒋᒐᐅᓐ ᓯᒋᓂᑲᓄᐅ ᒋᑐᓂᒡ:
\q2 ᐊᐅᒄ ᐅᒋ ᒋᓴᒪᓂᑐᐤ ᑲᒋᒡ ᒋ ‍ ᒥᔽᒋᒥᒄ᙮
\q1
\v 3 ᐱᒂᑕᐅᑐᑕ ᒋᓯᒪᑭᓐ ᒋᑈᒥᒡ, ᐅ ᒪᐅᒡ ᓱᐧᑲᑎᓯᔨᓐ,
\q2 ᒋᒡ ᒋᒋᔅᑕᔨᑕᑯᓱᐅᓂᒡ ᑭᔭ ᒋᒋᓴᐅᒋᒪᐛᔨᑕᑯᓯᐅᓂᒡ᙮
\q1
\v 4 ᑭᔭ ᒋᒋᓴᐅᒋᒪᐛᔨᑕᑯᓯᐅᓂᒡ ᐱᒥᑕᑎᐱ ᒥᔽᐱᒪᐅᓯᐃᓂᒡ, ᑕᑈᐅᓐ ᐅᒡ, ᔪᔅᑲᑎᓯᐅᓐ, ᑭᔭ ᑯᐃᔅᑯᑕᑎᓯᐅᓐ;
\q2 ᒋᒥᔪᐅᓂᒡ ᒪᒃ ᒋᑭ ‍ ᒋᔅᒋᓄᐊᒪᑯᓐ ᑲ ‍ ᑯᔅᑕᑎᒂᒋ ᒐᒂᓇ᙮
\q1
\v 5 ᒋᑦ ᐊᑭᔎᒡ ᒋᓂᓯᐅᒡ ᐅᑕᐃᐛᒡ ᑲ ‍ ᓂᔅᑯᔅᑐᐛᒡ ᒋᓴᐅᒋᒪᐛ:
\q2 ᑲ ᐅᒋ ‍ ᐸᒋᓯᓂᔅᑕᔅᒡ ᐃᔪᒡ᙮
\q1
\v 6 ᒋᒋᓴᐅᒋᒪᐤ ᑕᑎᐳᐛᑭᓐ, ᐅ ᒋᓴᒪᓂᑐᐤ, ᑲᒋᒡ ᑭᔭ ᑲᒋᒡ ᑎᒂᓐ:
\q2 ᒋᒋᓴᐅᒋᒪᐛᑎᑯᒻ ᑯᐃᔅᒄ ᒋᓴᐅᒋᒪᐛᑎᒄ᙮
\q1
\v 7 ᒋ ‍ ᓴᒋᑕᓐ ᑯᐃᔅᑯᑕᑎᓯᐅᓐ, ᑭᔭ ᒋ ‍ ᐛᐧᑲᑕᓐ ᒥᒐᑎᓯᐅᓐ:
\q2 ᐊᐅᒄ ᐅᒋ ᒋᓴᒪᓂᑐᐤ, ᒋᒋᓴᒪᓂᑐᒻ, ᔅᒋ ‍ ᑐᒥᔅᑯᓂᒃ ᓯᒋᔭᓱᐎ ᐱᒥᔾ ᐅᒋ ᒐᒋ ᐊᔪᐛᔅᑯᐅᑥᐤ ᒋᐎᒐᐛᑭᓐᒡ᙮
\q1
\v 8 ᒥᓯᐛ ᒋᑦ ᐊᐱᒋᑕᐅᓇ ᒥᔭᑯᓂᔪᐛ ᐎᒋᒪᑯᐱᒍᐤ, ᑭᔭ ᐊᓗᔅ, ᑭᔭ ᑲᓯᔭ,
\q2 ᒥᐱᑕᐱᔅᑯᐤ ᒋᒋᓴᐅᒋᒪᐅᒋᐛᐸ ᐅᒡ, ᐊᓐᑕ ᑲᒋ ᐅᒋ ‍ ᓯᒋᔭᐃᔅᒡ᙮
\q1
\v 9 ᒋᓴᐅᒋᒪᐤ ᐅᑕᓂᓴ ᒋ ‍ ᐊᓯᑕᒋᒪᑭᓄᐅᒡ ᒋ ‍ ᒋᒋᐃᔎᒥᒡ:
\q2 ᒋᒥᔪᐅᓂᒡ ᒋᓴᐅᒋᒪᔎᐤ ᒋ ‍ ᓂᐳᐤ ᐊ ‍ ᑭᓄᐛᔨᑕᐧᒃ ᐎᔄᐅᓱᓇᔭᐱᔅᑯᔪᐤ ᐅᐸᕆᒡ ᑲ ‍ ᐅᒋᒥᑭᓂᔨᒡ᙮
\b
\s2 Psalm 45:10-17 (Proper-9 Year A)
\q1
\v 10 ᓂᑐᑕ, ᐅ ᐅᑕᓂᓯᒪᐤ, ᑭᔭ ᒪᒥᑐᓇᔨᑕ, ᓇᐃᑎᔅᑕ ᒪᒃ ᒋᑐᑭᔾ:
\q2 ᐅᓂᒋᔅᒋᑐᐅᒡ ᒪᒃ ᑎᐱᔨᐛ ᒋᑦ ᐃᔨᒥᒡ, ᑭᔭ ᒍᑕᐎᔾ ᐎᒡ;
\q1
\v 11 ᐊᑯ ᒋᓴᐅᒋᒪᐤ ᓇᔅᒡ ᒐ ‍ ᒧᔅᑕᓇᐧᒃ ᒋ ‍ ᒥᔪᓇᑯᓯᐅᓂᔪᐤ:
\q2 ᐛᔅ ᐎᔾ ᒋᑎᐸᔨᒋᒐᓯᒻ;
\q2 ᐎᔾ ᒪᒃ ᐊᔭᒥᐊᔅᑐᐤ᙮
\q1
\v 12 ᑕᐃᕐ ᐅᑕᓂᓴ ᒪᒃ ᐊᓐᑕ ᒋᑭ ‍ ᐸᑕᔪᐛ ᒥᔨᐛᐅᓂᔪᐤ;
\q2 ᑭᔭ ᒥᒄ ᑲ ‍ ᐛᔪᑎᓯᒡ ᐃᔪᒡ ᒋᑭ ‍ ᓂᑐᐛᔨᑎᒧᒡ ᒋᒥᔪᒂᔅᑕᒐᐅᓂᔪᐤ᙮
\b
\q1
\v 13 ᒋᓴᐅᒋᒪᐤ ᐅᑕᓂᓴ ᒪᒃ ᒥᓯᐛ ᒥᔪᓇᑯᓯᐤ ᐱᒡ:
\q2 ᑭᓄᐛᐃᑎᒻ ᑲ ‍ ᐅᓯᑕᑭᓄᐎᒡ ᐎᓴᐅᓱᓇᐱᔅᑯᔪᐤ᙮
\q1
\v 14 ᒋᑭ ‍ ᐸᓱᐛᐤ ᒐᒋ ᓇᑕᑦ ᒋᓴᐅᒋᒪᐛ ᐊ ‍ ᑭᓄᐛᔨᑕᐧᒃ ᑲ ‍ ᑭᔅᒋᒂᑕᑭᓄᐎᔨᒡ:
\q2 ᐅᔅᒋᓂᒋᔎᐛ ᐎᒐᐛᑭᓇ ᑲ ‍ ᓇᓴᐅᑯᑦ ᒋᑭ ‍ ᐸᑥᑯᐅᓐ᙮
\q1
\v 15 ᓯᒋᔭᓯᐅᓂᒡ ᑭᔭ ᒧᒋᒐᔨᑎᒧᐅᓂᒡ ᒋᑭ ‍ ᐸᓱᐛᐅᒡ:
\q2 ᒋᑭ ‍ ᐱᒐᐛᐅᒡ ᒋᓴᐅᒋᒪᐛ ᐅᒋᓴᐅᒋᒪᐅᒋᐛᐱᔪᐤ᙮
\b
\q1
\v 16 ᒥᔅᑯᒡ ᒍᑕᐎᔨᒡ ᒋᑭ ‍ ᐅᑦ ᐊᐛᓯᒥᓯᓐ,
\q2 ᒐᒋ ᒋᓴᐅᒋᒪᐅᒡ ᒥᓯᐛ ᐊᔅᒋᒡ᙮
\q1
\v 17 ᓂᑭ ‍ ᐃᓯᑕᓐ ᒋᑦ ᐃᓯᓂᐧᑲᓱᐅᓐ ᒐᒋ ᒋᔅᒋᑕᑭᓄᐅᒡ ᒥᓯᐛ ᒐ ᐊᑎ ᐊᓂᔅᒐ ‍ ᐱᒪᑎᓯᓇᓄᐅᒡ,
\q2 ᐊᐅᒄ ᐅᒡ ᐃᔪᒡ ᒋᑭ ‍ ᒪᒥᒋᒥᑯᒡ ᑲᒋᒡ ᑭᔭ ᑲᒋᒡ᙮
\c 46
\s2 Psalm 46 (Proper-4 Year A)
\s2 Psalm 46 (Proper-29 Year C)
\q1
\v 1 ᒋᓴᒪᓂᑐᐤ ᐊᐅᒄ ᒋ ‍ ᒋᔅᐸᐛᑎᑯᓯᐅᓄᐤ ᑭᔭ ᒋᒥᔅᑯᐅᓯᐅᓄᐤ,
\q2 ᑲ ‍ ᐎᒋᐃᐛᑦ ᐊ ‍ ᐊᔨᒥᓯᓇᓄᐎᒡ᙮
\q1
\v 2 ᐊᐅᒄ ᐅᒋ ᓇᒪᐎᔾ ᒋᑭ ‍ ᑯᔅᑕᒋᓇᓄᐤ, ᐊᑎ ᐊᔅᒋᔾ ᐊᔭᒋᐱᔨᒐ,
\q2 ᐊᑎ ᑭᔭ ᐱᔅᑯᑎᓇᐛ ᑕᑕᐅᒡ ᐎᓂᐸᑯᒡ ᐃᔅᐸᔨᑕᑭᓄᐅᒂᐛ;
\q1
\v 3 ᐊᑎ ᓂᐱᔭ ᐊᑎ ‍ ᒋᔄᐛᒥᑭᒂᐛ ᑭᔭ ᒪᒪᐧᑲᐊᒂᐛ,
\q2 ᐊᑎ ᐱᔅᑯᑎᓇᐛ ᐊᔭᒋᐱᔨᒂᐛ ᐊᔅᐱᔅ ᐸᔅᒋᐱᔨᒋ ᓂᐱᔭ᙮
\b
\q1
\v 4 ᑎᑯᓐ ᓯᐱᔾ, ᐊ ‍ ᓯᐱᓯᐅᒡ ᒋᑭ ‍ ᐅᒡ ᓯᒋᔭᓯᓇᓄᐤ ᐅᑦ ᐃᑕᐅᓂᒡ ᒋᓴᒪᓂᑐᐤ,
\q2 ᐊᓐᑕ ᐊ ‍ ᑎᑯᓂᔨᒡ ᐅᐸᔭᒋ-ᒥᒋᐛᐱᒻ ᒪᐅᒡ ᒐᔅᑎᓯᑦ᙮
\q1
\v 5 ᒋᓴᒪᓂᑐᐤ ᑕᑕᐅᒡ ᑕᐤ:
\q2 ᓇᒪᐎᔾ ᒋᑭ ‍ ᐊᒋᐱᔪᐤ:
\q2 ᒋᓴᒪᓂᑐᐤ ᒋᑭ ‍ ᐎᒋᐃᐛᐤ ᓇᔅᒡ ᐎᐱᒡ᙮
\q1
\v 6 ᐊᑲ ᐊᔭᒥᐊᒡ ᒋ ‍ ᐊᐧᑯᔪᐛᓱᐅᒡ, ᐅᒋᒪᐅᓇ ᒋ ‍ ᐊᒋᐱᔪᐛ:
\q2 ᒋ ‍ ᐸᑕᑯᓱᐤ, ᐊᔅᒋᔾ ᒋ ‍ ᑎᔅᑕᐤ᙮
\b
\q1
\v 7 ᒥᓯᐛ ᓱᐧᑲᑎᓯᑦ ᑎᐸᔨᒋᒐᓱᐤ ᒋ ‍ ᐎᒐᐅᑯᓄᐤ;
\q2 ᐅᒋᓴᒪᓂᑐᒪ ᒐᑭᑉ ᒋ ‍ ᒋᔅᐸᐛᑎᑯᓄᐤ᙮
\b
\q1
\v 8 ᐊᔅᑎᒥᒄ, ᐛᐸᑎᒺᐧᒄ ᐅᑦ ᐃᑐᐅᓇ ᑎᐸᔨᒋᒐᓱᐤ,
\q2 ᑲ ᐃᓯ ‍ ᓂᓱᐅᓇᒋᐃᐛᑦ ᐊᔅᒋᒡ᙮
\q1
\v 9 ᐳᓂᐸᔨᑕᐤ ᓂᑐᐱᔪᐅᓇ ᒥᓯᑕᔅᑲᒥᒡ;
\q2 ᓇᑥᓇᐤ ᐊᒐᐱᔭ, ᑭᔭ ᐱᒂᐊᒻ ᐊᓯᒪᑭᓂᔪᐤ;
\q2 ᐃᔎᔄᐤ ᑎᑎᐱᑕᐸᓇᔎ ᐃᔅᑯᑕᒡ᙮
\q1
\v 10 “ᒋᔭᒪᐅᐱᒄ, ᒋᔅᒐᔨᑎᒧᒄ ᐊ ‍ ᒋᓴᒪᓂᑐᐎᔭᓐ:
\q2 ᓂᑭ ‍ ᒋᔅᑕᒋᒥᑯᐅᓐ ᐊᓐᑕ ᐊ ‍ ᐃᑕᒡ ᐊᑲ ᐊᔭᒥᐊᒡ,
\q2 ᓂᑭ ‍ ᒋᔅᑕᒋᒥᑯᐅᓐ ᐊᔅᒋᒡ᙮”
\b
\q1
\v 11 ᒥᓯᐛ ᓱᐧᑲᑎᓯᑦ ᑎᐸᔨᒋᒐᓱᐤ ᒋ ‍ ᐎᒐᐅᑯᓄᐤ;
\q2 ᐅᒋᓴᒪᓂᑐᒪ ᒐᑭᑉ ᒋ ‍ ᒋᔅᐸᐛᑎᑯᓄᐤ᙮
\c 47
\q1
\v 1 ᐅᑕᒥᑕᒄ ᔅᑎᒋᐛᐛ ᒥᓯᐛ ᐃᔨᑐᒄ;
\q2 ᒋᔄᐛᑕᑈᑎᐧᒄ ᒋᓴᒪᓂᑐᐤ ᐊ ‍ ᓴᐧᑯᒋᐃᐛᐎ ᐸᑕᑯᓯᔭᒄ᙮
\q1
\v 2 ᐛᔅ ᑎᐸᔨᒋᒐᓱᐤ ᒪᐅᒡ ᒋᔅᑎᓯᑦ ᑯᔅᑕᑎᑯᓯᐤ;
\q2 ᐎᔾ ᒪᐅᒡ ᒋᓴᐅᒋᒪᐅᐤ ᒥᓯᐛ ᐊᔅᒋᒡ᙮
\q1
\v 3 ᒋᑭ ‍ ᓴᐧᑯᒋᑎᒪᑯᓄᐤ ᐃᔪᐛ,
\q2 ᑭᔭ ᐸᐱᑐᔅ ᐊ ‍ ᐃᑎᔅᑲᓇᓯᔨᒋ ᐃᔪᐛ ᓯᐸ ᒋᓯᑎᓇᒡ᙮
\q1
\v 4 ᒋᑭ ‍ ᐛᐛᔭᐸᑎᒪᑯᓄᐤ ᒋᑎᐸᐃᑎᒧᐅᓄᐤ,
\q2 ᐅᒥᔪᑎᐱᔨᐛᐅᓯᐅᓂᔪᐤ ᒐᑭᐸ, ᑲᒋ ‍ ᓴᒋᐊᑦ᙮
\b
\q1
\v 5 ᒋᓴᒪᓂᑐᐤ ᒋ ‍ ᐅᐱᔅᑲᐤ ᐊ ‍ ᒋᔄᐛᑕᑈᓄᐎᒡ,
\q2 ᑎᐸᔨᒋᒐᓱᐤ ᐊ ‍ ᐸᑕᒂᓂᔨᒡ ᐳᑕᒋᑭᓂᔪᐤ᙮
\q1
\v 6 ᓂᑭᒧᒃ ᐊ ‍ ᒪᒥᒋᒪᒄ ᒋᓴᒪᓂᑐᐤ, ᓂᑭᒧᒃ ᒪᒥᒋᒧᐛᐅᓇ:
\q2 ᓂᑭᒧᒃ ᐊ ‍ ᒪᒥᒋᒪᒄ ᒋᒋᓴᐅᒋᒪᒥᓄᐤ, ᓂᑭᒧᒃ ᒪᒥᒋᒧᐛᐅᓇ᙮
\b
\q1
\v 7 ᐛᔅ ᒋᓴᒪᓂᑐᐤ ᒋᒋᐅᒋᒪᐧᑲᑕᒻ ᒥᓯᐛ ᐊᔅᒋᔪᐤ:
\q2 ᓂᑭᒧᒃ ᒪᒥᒋᒧᐛᐅᓇ ᓂᔅᑐᑎᒧᐅᓂᒡ᙮
\q1
\v 8 ᒋᓴᒪᓂᑐᐤ ᑎᐸᔨᒪᐤ ᐊᑲ ‍ ᐊᔭᒥᐊᔨᒋ:
\q2 ᒋᓴᒪᓂᑐᐤ ᐊᐳᐤ ᐅᐸᔭᒋ-ᒋᓴᐅᒋᒪᐤ ᑕᑎᐳᐛᑭᓂᒡ᙮
\q1
\v 9 ᐅᒋᓴᐅᒋᒪᓯᒧᐛᐛ ᐃᔪᒡ ᒪᒧᐤ ᒪᐅᒋᐃᑐᔪᐛ,
\q2 ᐅᑦ ᐃᔨᒥᔪᐛ ᐅᑎ ᐅᒋᓴᒪᓂᑐᒪ ᐊᑉᕋᐊᒻ:
\q2 ᐛᔅ ᐊᔅᒋᔾ ᐊᒂᓇᐅᓱᐛᑭᓇ ᐅᑦ ᐊᔭᓂᐤ ᒋᓴᒪᓂᑐᐤ:
\q2 ᓇᔅᒡ ᒋᔅᑕᒋᒪᑭᓄᐤ᙮
\c 48
\q1
\v 1 ᒋᔅᑎᓯᐤ ᑎᐸᔨᒋᒐᓱᐤ, ᓇᔅᒡ ᒪᒃ ᒐᒋ ᒪᒥᒋᒪᑭᓄᐅᑦ,
\q2 ᐅᑕᓇᒥᒡ ᒋ ‍ ᒋᓴᒪᓂᑐᒥᓄᐤ, ᐅᐸᔭᒋ-ᐱᔅᑯᑎᓇᒥᒡ᙮
\q1
\v 2 ᒥᔪᓇᑯᓐ ᐊ ‍ ᐃᑎᔅᑕᒡ, ᑲ ᐅᒋ ‍ ᒋᔅᑕᔨᑕᒂᒡ ᒥᓯᐛ ᐊᔅᒋᔾ,
\q2 ᐊᐅᒄ ᐊᓐ ᓴᐃᔭᓐ ᐱᔅᑯᑎᓇᐤ ᒋᐛᑎᓄᑕᒡ ᐃᑕᒐ, ᐅᑕᓇᒥᒡ ᒐᔅᑎᓯᑦ ᒋᓴᐅᒋᒪᐤ᙮
\q1
\v 3 ᒋᓴᒪᓂᑐᐤ ᒋᔅᒐᔨᑕᑯᓱᐤ ᐅᑦ ᐅᒋᒪᐅᒋᐛᐱᒡ ᐊ ‍ ᒋᔅᐸᐛᓱᐛᑦ᙮
\b
\q1
\v 4 ᐛᔅ, ᒪᒂᒡ, ᒋᓴᐅᒋᒪᐅᒡ ᒋ ‍ ᒪᐛᒋᐃᑐᐅᒡ,
\q2 ᒋ ‍ ᒪᒧᑕᐅᒡ᙮
\q1
\v 5 ᒋ ‍ ᐛᐸᑎᒧᒡ, ᒋ ‍ ᒪᒥᔅᑲᑕᒧᒡ ᒪᒃ;
\q2 ᒋ ‍ ᒥᑯᔅᑲᑕᔨᑎᒧᒡ, ᒋ ‍ ᒋᐱᔾ ᔅᑐᑕᐅᒡ ᒪᒃ᙮
\q1
\v 6 ᑯᔅᑕᒍᐅᓂᔪᐤ ᒋ ‍ ᐅᑎᑎᓂᑯᐅᒡ ᐊᓐᑕ, ᑭᔭ ᐎᓯᒐᔨᑎᒧᐅᓂᔪᐤ,
\q2 ᒧᔭᒻ ᐃᔎᐤ ᐊ ᐎ ‍ ᐛᐱᒪᐅᓱᑦ᙮
\q1
\v 7 ᔅᒋ ‍ ᐱᒂᔅᑎᑕᓐ ᑕᕐᓯᔅ ᑲ ‍ ᐱᒪᔅᑎᒋ ᐅᐤᑕ ᐊ ‍ ᐛᐱᓐ ᔪᑎᒡ ᐅᒡ᙮
\b
\q1
\v 8 ᑲᒋ ᐃᓯ ‍ ᐸᑎᒪᒡ, ᐊᑯ ᑭᔭ ᑲ ᐃᓯ ‍ ᐛᐸᑎᒪᒡ,
\q2 ᐅᑕᓇᒥᒡ ᑎᐸᔨᒋᒐᓱᐤ ᒥᓯᐛ ᓱᐧᑲᑎᓯᑦ, ᐅᑕᓇᒥᒡ ᓂᒋᓴᒪᓂᑐᒥᓇᓐ:
\q2 ᒋᓴᒪᓂᑐᐤ ᒋᑭ ‍ ᐊᔨᒋᑕᐤ ᑲᒋᒡ᙮
\b
\q1
\v 9 ᓂᒋ ‍ ᒪᒥᑐᓇᔨᑕᓇᓐ ᒋᓴᒋᐃᐛᐎ ᒋᓴᐛᑎᓯᐅᓐ ᐅ ᒋᓴᒪᓂᑐᐤ,
\q2 ᐱᒡ ᒋᒋᓴᐊᔭᒥᐊᐅᒋᐛᐱᒡ᙮
\q1
\v 10 ᐊ ‍ ᐃᓯᓂᐧᑲᓱᔨᓐ, ᐅ ᒋᓴᒪᓂᑐᐤ,
\q2 ᐊᐅᑯᐤ ᐊ ᐃᓯ ‍ ᒪᒥᒋᒥᑯᐅᔨᓐ ᒥᓯᐛᔅᑭᒥᒡ:
\q2 ᒋᒥᔪᐅᓂᒡ ᓴᑭᔅᒋᓇᐤ ᒋᑯᐃᔅᑯᑕᑎᓯᐅᓐ᙮
\q1
\v 11 ᐊᑯᔅ ᓴᐃᔭᓐ ᐱᔅᑯᑎᓇᐤ ᒋᑭ ‍ ᒥᔽᑕᒧᒪᑭᓐ,
\q2 ᐊᑯᔅ ᒍᑕ ᐅᑕᓂᓯᒪᐅᒡ ᒋᑭ ‍ ᓯᒋᔭᓱᐅᒡ, ᒋᑎᐸᔅᑯᓂᒐᐅᓇ ᐅᒡ᙮
\b
\q1
\v 12 ᐱᐸᒧᑕᒄ ᓴᐃᔭᓂᒡ, ᐛᔅᑲᔅᑭᒧᒄ ᑭᔭ:
\q2 ᐊᒋᑎᒧᒄ ᐊᓱᐛᐳᐅᓇ ᐊᓐᑕ᙮
\q1
\v 13 ᓂᓇᑭᑐᐛᐸᑎᒧᒄ ᒪᓂᑭᓇ,
\q2 ᒪᒥᑐᓇᔨᑎᒧᒄ ᐅᒋᒪᐅᒋᐛᐸ;
\q2 ᒐᒋ ᐸᒋ ᐎᑎᒧᐛᑯᒡ ᒐ ᐸᒋ ᐊᓂᔅᒐ ‍ ᐱᒪᑎᓯᒡ᙮
\q1
\v 14 ᐛᔅ ᐅ ᒋᓴᒪᓂᑐᐤ ᐊᐅᒄ ᒋ ‍ ᒋᓴᒪᓂᑐᒥᓄᐤ ᑲᒋᒡ ᑭᔭ ᑲᒋᒡ:
\q2 ᒋᑭ ‍ ᒋᔅᒋᓄᑕᐃᑯᓄᐤ ᐃᔅᐱᔅ ᓂᐳᐅᓂᒡ ᐃᓯ᙮
\c 49
\s2 Psalm 49:1-12 (Proper-13 Year C)
\q1
\v 1 ᓂᑐᑎᒧᒄ ᐅ, ᒥᓯᐛ ᐃᔨᑐᒄ;
\q2 ᓇᐃᔅᑕᒄ ᒋᑐᑭᐛᐛ ᒥᓯᐛ ᑲ ‍ ᑕᔭᒄ ᐊᔅᒋᒡ᙮
\q1
\v 2 ᑲ ‍ ᑎᐱᑕᔨᑕᑯᓯᔭᒄ ᑭᔭ ᑲ ‍ ᒋᔅᑎᓯᔭᒄ,
\q2 ᑲ ‍ ᐛᔪᑎᓯᔭᒄ ᑭᔭ ᑲ ‍ ᒋᔅᑎᒪᑎᓯᔭᒄ ᒪᒧᐤ᙮
\q1
\v 3 ᓂᑐᓐ ᒋᑭ ‍ ᐊᔨᒧᑎᒧᒥᑭᓐ ᑭᒐᑕᐛᔨᑎᒧᐅᓐ;
\q2 ᑭᔭ ᓂᑕᐃᒡ ᓂᑭ ‍ ᒪᒥᑐᓇᔨᑕᓐ ᓂᔅᑐᑎᒧᐅᓐ᙮
\q1
\v 4 ᓂᑭ ‍ ᓂᑐᑕᓐ ᓂᔅᐱᑎᐛᐤ ᐊᑎᔪᐧᑭᓐ:
\q2 ᓂᑭ ‍ ᓄᑯᑕᓐ ᓂ ‍ ᑎᐱᔅᒋᓱᐎ ᐃᔨᒧᐅᓐ ᐊᓯᑭᓇᔭᐱᔾ ᒋᔍᐛᐱᒋᑭᓂᒡ᙮
\b
\q1
\v 5 ᒐᒂᓐ ᒐ ᐅᒋ ‍ ᓴᒋᓯᔭᓐ ᐃᔅᐱ ᒪᒋ ᒋᓯᑲᒋ,
\q2 ᐃᔅᐱ ᓂ ‍ ᒥᒐᑎᓱᐎ ᑕᐱᒂᓇ ᒐ ‍ ᐛᔅᑲᔅᑲᑯᔭᓐ ?
\q1
\v 6 ᐊᓐᒡ ᑲ ‍ ᒪᒥᓯᑐᑕᒡ ᐅᐛᔪᑎᓯᐅᓄᐛᐤ,
\q2 ᑭᔭ ᑲ ‍ ᒪᒥᒋᒧᒡ ᐊᔅᐱᔅ ᒥᒐᓂᔨᒋ ᐅᐛᔪᑎᓯᐅᓄᐛᐛ;
\q1
\v 7 ᓇᒪᐎᔾ ᐊᐛᓐ ᐊᑎᓯᒡ ᒋᑭ ᒋ ‍ ᐱᒪᒋᐊᐤ ᐎᐧᑲᓂᓴ,
\q2 ᓇᒪ ᑭᔭ ᑎᐸᐃᒐᔅᑎᒪᒐᐅᓂᔪᐤ ᒋᑭ ᒋ ‍ ᒥᔭᐤ ᒋᓴᒪᓂᑐᐛ;
\q1
\v 8 (ᐛᔅ ᐊ ‍ ᐱᒪᒋᐊᑭᓄᔨᒋ ᐅᑦ ᐊᒐᐧᑯᐛᐛ ᐊᔨᒪᒋᑕᒂᓂᔪᐤ,
\q2 ᑭᔭ ᐳᓂᐱᔪᐤ ᑲᒋᒡ;)
\q1
\v 9 ᐃᔭᐱᒡ ᑲᒋᒡ ᒐᒋ ᐱᒪᑎᓯᔨᒋ,
\q2 ᐊᑲ ᑭᔭ ᒐᒋ ᐛᐸᑎᒥᔨᒋ ᓂᓱᐅᓇᑎᓯᐅᓂᔪᐤ᙮
\b
\q1
\v 10 ᐛᔅ ᐛᐸᑎᒻ ᑲ ‍ ᑭᒐᑕᐛᔨᑎᒥᔨᒋ ᐃᔪᐛ ᐊ ‍ ᓂᐱᔨᒋ,
\q2 ᐊᓯᒡ ᑭᔭ ᑲᒋᔎᔨᒋ ᑭᔭ ᑲᒪᒐᑎᓯᒋ ᐃᔪᐛ ᐊ ‍ ᓂᓱᐅᓇᑎᓯᔨᒋ,
\q2 ᑭᔭ ᐊ ‍ ᓂᑭᑎᒧᐛᔨᒋ ᐅᐛᔪᑎᓯᐅᓂᔪᐤ ᑯᑎᑲ᙮
\q1
\v 11 ᐸᒡ ᐃᑕᔨᑎᒧᒡ ᐎᒋᐛᐛ ᓇᓂᑎᒻ ᒐᒋ ᑎᒂᓂᔨᒋ,
\q2 ᑭᔭ ᐅᑕᓇᒧᐛᐛ ᒥᓯᐛ ᒐ ᐊᑎ ‍ ᐊᔭᓂᔅᒐ ᐱᒪᑎᓯᓇᓄᐎᒡ:
\q2 ᐊ ‍ ᐃᓯᓂᐧᑲᓱᒡ ᐃᓯᓂᐧᑲᑕᒧᒡ ᐅᑦ ᐊᔅᒋᐛᐤ᙮
\b
\q1
\v 12 ᐊᔪᐛᒃ ᒪᒃ ᐃᔪᐤ ᐊ ᐊᑎ ‍ ᒋᔅᑎᓯᑦ ᓇᒪᐎᔾ ᒧᔅ ᐃᑕᐤ:
\q2 ᓇᔅᐱᑐᐛᐤ ᐊᐛᓯᓴ ᑲ ‍ ᓂᓱᐅᓇᑎᓯᔨᒋ᙮
\b
\q1
\v 13 ᐅᔭ ᐅᑦ ᐃᑕᑎᓯᐅᓄᐛᐤ ᐊᐅᒄ ᐅᒋᔎᐅᓄᐛᐤ:
\q2 ᐊᔪᐛᒃ ᒪᒃ ᐅᑦ ᐊᐛᓯᒥᓱᐛᐛ ᒋᔅᑕᔨᑕᒥᔪᐛ ᐅᑦ ᐃᔨᒧᐅᓄᐛᐛ᙮
\q1
\v 14 ᒧᔭᒻ ᒪᔭᑕᓂᓯᒡ ᐱᒥᓯᒪᑭᓄᐅᒡ ᓂᒂᔅᑲᓂᒡ;
\q2 ᒋᑭ ‍ ᒧᑯᐅᒡ ᓂᐳᐅᓂᔪᐤ;
\q2 ᒋᑭ ‍ ᑎᐸᔨᒥᑯᐅᒡ ᒪᒃ ᐅᑯᐃᔅᑯᑐᐛ ᒐᒋᓴᐸᔭᔨᒐ;
\q2 ᑭᔭ ᐅᒥᔪᓇᑯᓯᐅᓄᐛᐤ ᒋᑭ ‍ ᐃᔭᔪᓂᔪᐤ ᓂᒂᔅᑲᓂᒡ, ᐎᒋᐛᐛᒡ ᐅᒡ᙮
\q1
\v 15 ᒪᒃ ᒋᓴᒪᓂᑐᐤ ᒋᑭ ‍ ᐎᐧᑯᒋᐊᐤ ᓂᑦ ᐊᒐᒂ ᓂᒂᔅᑲᓐ ᓱᐧᑲᑎᓯᐅᓂᒡ ᐅᒡ:
\q2 ᐛᔅ ᓂᑭ ‍ ᐅᑎᓂᒄ᙮
\b
\q1
\v 16 ᐊᑲᐎᔾ ᑯᔅᑕᒋ ᐃᔅᐱ ᐊᐛᓐ ᐛᔪᑎᓯᒐ,
\q2 ᐃᔅᐱ ᐊ ᐃᓯ ‍ ᒋᔅᑕᔨᑕᒂᓂᔨᒡ ᐎᒡ ᐊᑎ ‍ ᔭᒋᐱᔨᒐ;
\q1
\v 17 ᐛᔅ ᐃᔅᐱ ᓂᐱᒐ ᓇᒪᐎᔾ ᒐᒂᔪᐤ ᒋᑭ ‍ ᒋᔅᑐᑕᐤ;
\q2 ᓇᒪᐎᔾ ᐅᒋᔅᑕᔨᑕᑯᓱᐅᓐ ᒋᑭ ‍ ᓇᓴᐅᑯᐤ᙮
\q1
\v 18 ᐊᑎ ᒪᒂᒡ ᑲ ‍ ᐱᒪᑎᓯᑦ ᐊᒋ ‍ ᒥᔽᒋᒪᑦ ᐅᑦ ᐊᒐᒂ:
\q2 ᐃᔪᒡ ᑭᔭ ᒋᑭ ‍ ᒥᔽᒋᒥᑯᒡ ᐃᔅᐱ ᒪᔪᑐᑕᓱᐎᓂ᙮
\q1
\v 19 ᒋᑭ ‍ ᓇᑕᐤ ᐅᑦ ᐊᓂᔅᒐ ᐅᑕᐅᐱᓇ;
\q2 ᓇᒪ ᓂᑕ ᒋᑭ ‍ ᐛᐸᑎᒧᒡ ᐛᔅᑕᐅᓂᔪᐤ᙮
\b
\q1
\v 20 ᐃᔪᐤ ᑲ ‍ ᒋᔅᑎᓯᑦ, ᐊᑲ ᒪᒃ ᑲ ‍ ᐅᓂᔅᑐᑎᒧᓂᑦ,
\q2 ᓇᔅᐱᑐᐛᐤ ᐊᐛᓯᓴ ᑲ ‍ ᓂᓱᐅᓇᑎᓯᔨᒋ᙮
\c 50
\s2 Psalm 50:1-6 (Transfiguration Year B)
\q1
\v 1 ᑲ ‍ ᓱᐧᑲᑎᓯᑦ ᒋᓴᒪᓂᑐᐤ, ᑎᐸᔨᒋᒐᓱᐤ ᐅᑦ, ᒋ ‍ ᐃᔨᒧᐤ,
\q2 ᑭᔭ ᒋ ‍ ᑕᑈᑎᒻ ᐊᔅᒋᔪᐤ ᑲ ᐅᒋ ‍ ᓴᑲᔅᑐᐛᔨᒋ ᐱᓯᒺ ᐊ ᐃᓯ ‍ ᐸᒋᓯᒧᔨᒋ ᐃᔅᐱᔅ᙮
\q1
\v 2 ᓴᐃᔭᓂᒡ ᐅᒡ, ᑲ ᒪᐅᒡ ‍ ᒥᔪᓇᒂᒡ,
\q2 ᒋᓴᒪᓂᑐᐤ ᒋ ‍ ᐛᓯᓱᐤ᙮
\q1
\v 3 ᒋᒋᓴᒪᓂᑐᒥᓄᐤ ᒋᑭ ᐸᒋ ‍ ᐃᑐᑕᐤ,
\q2 ᓇᒪ ᑭᔭ ᒋᑭ ‍ ᒋᐱᑐᐛᐤ ᐃᔅᑯᑕᔪᐤ ᐊ ‍ ᓂᓱᐅᓇᒋᐃᐛᒪᑭᓂᔨᒡ ᒋᑭ ‍ ᓂᑲᓂᐱᔅᑕᑯᐤ,
\q2 ᓇᔅᒡ ᑭᔭ ᒋᑭ ‍ ᒋᑎᔅᑎᓂᔪᐤ ᐛᔅᑲ ᐊ ‍ ᐃᔅᐱᔨᑦ᙮
\q1
\v 4 ᐃᔅᐱᒥᒡ ᒋᑭ ᐅᒋ ‍ ᑕᑈᑎᒻ ᒋᓯᒂ,
\q2 ᑭᔭ ᐊᔅᒋᔪᐤ, ᒐᒋ ᑎᐸᔅᑯᓇᑦ ᐅᑦ ᐃᔨᒪ᙮
\q1
\v 5 “ᒪᐅᒋᑎᒧᐅᒄ ᓂᐸᔭᒋᓯᒥᒡ:
\q2 ᐊᓐᒡ ᑲ ‍ ᓂᔅᑯᒥᒡ ᐊᒋ ‍ ᐱᔅᑎᓂᒐᔅᑐᐅᒡ᙮”
\q1
\v 6 ᒋᓯᒂ ᒪᒃ ᒋᑭ ‍ ᐎᑎᒧᒪᑭᓂᔪᐛ ᐅᑯᐃᔅᑯᑕᑎᓯᐅᓐ:
\q2 ᐛᔅ ᒋᓴᒪᓂᑐᐤ ᐛᒋᒡ ᑎᐸᔅᑯᓂᒐᐤ᙮
\b
\q1
\v 7 “ᓂᑐᑎᒧᒄ, ᐅ ᓂᑦ ᐃᔨᒥᑐᒄ, ᓂᑭ ‍ ᐃᔨᒥᓐ ᒪᒃ;
\q2 ᐅ ᐃᔅᕋᐃᓪ, ᒋᑭ ‍ ᒪᒥᓯᒥᑎᓐ ᒪᒃ:
\q2 ᓂᔾ ᒋᓴᒪᓂᑐᐤ, ᒋᒋᓴᒪᓂᑐᒻ ᐅᑦ᙮
\q1
\v 8 ᓇᒪᐎᔾ ᒋᑭ ‍ ᒋᔅᑐᑎᓐ ᒋᐱᔅᑎᓂᒐᐅᓐ ᐅᒋ ᑭᔭ ᒥᒄ ᒋᑦ ᐃᔎᑕᐤ ᐱᔅᑎᓂᒐᐅᓇ,
\q2 ᒧᔅ ᒐᒋ ᐅᑎᔅᑲᐎᔅᑲᑯᔭᓐ᙮
\q1
\v 9 ᓇᒪᐎᔾ ᓂᑭ ‍ ᐅᑎᓇᐤ ᓇᐸ ᒥᔅᑐᔅ ᒋᒋᒡ ᐅᒡ,
\q2 ᓇᒪ ᑭᔭ ᓇᐸ ᑲ ‍ ᐅᑦ ᐊᔅᑭᓂᓯᔨᒋ ᑲ ‍ ᐊᐱᓯᓯᔨᒋ ᐊᐛᓯᓴ ᒋᑦ ᐊᐛᐧᑲᓂᒋᐛᐱᒡ ᐅᒡ᙮
\q1
\v 10 ᐛᔅ ᒥᓯᐛ ᑕᑐᐤ ᐊᐛᓯᔅ ᓄᒋᒥᒡ ᓂᑎᐸᐃᒪᐤ,
\q2 ᑭᔭ ᓄᑎᒻ ᒥᒋᑎᐧᑯᒡ ᑲ ‍ ᑕᒡ ᒐᓯᐱᔪᐤ ᐱᔅᑯᑎᓇᒡ᙮
\q1
\v 11 ᓂ ‍ ᒋᔅᒐᔨᒪᐅᒡ ᒥᓯᐛ ᐱᔭᓱᐅᒡ ᐱᔅᑯᑎᓇᒡ:
\q2 ᑭᔭ ᒥᓯᐛ ᑲ ‍ ᐊᒂᑎᓯᒡ ᐊᐛᓯᓯᒡ ᒥᔅᒐᑯᒡ ᓂᑎᐸᔨᒪᐅᒡ᙮
\q1
\v 12 ᒧᔭᒻ ᐛᒥᒋᓱᔭᓂ, ᓇᒪᐎᔾ ᒋᑭ ‍ ᐎᑎᒪᑎᓐ;
\q2 ᐛᔅ ᐊᔅᒋᔾ ᓂᔾ ᓂ ‍ ᑎᐸᔨᑕᓐ, ᑭᔭ ᑲ ᐃᓯ ‍ ᓴᑭᔅᒋᓇᒡ᙮
\q1
\v 13 ᓂᑭ ‍ ᒥᒍᐛᓐ ᐊ ᓇᐸ ᒥᔅᑐᓯᒡ ᐅᐎᔭᓱᐛᐤ,
\q2 ᑭᔭ ᒥᒄ ᓂᑭ ‍ ᒥᓂᐛᓐ ᐊ ᑲ ‍ ᐅᑦ ᐊᔅᑭᓂᓯᒡ ᑲ ‍ ᐊᐱᓯᓯᒡ ᐊᐛᓯᓯᒡ ᐅᒥᐧᑯᐛᐤ ?
\q1
\v 14 ᐸᒋᑎᓂᒧᐛᐧᒃ ᒋᓴᒪᓂᑐᐤ ᓂᓇᔅᑯᒧᐅᓂᔪᐤ;
\q2 ᑭᔭ ᑎᐸᐊᒧᐤ ᒪᐅᒡ ᒋᔅᑎᓯᑦ ᑲ ‍ ᐊᓱᑎᒪᒐᔨᓐ:
\q1
\v 15 ᓇᓂᑐᒥ ᒪᒃ ᐊᔨᒥᓱᐤ ᒋᓯᑲᒐ:
\q2 ᒋᑭ ‍ ᐎᐧᑯᒋᐃᑎᓐ, ᐊᑯ ᒐ ‍ ᒋᔅᑕᒋᒥᔨᓐ᙮”
\q1
\v 16 ᒪᒃ ᐅᒥᒋᑥᐛ ᒋᓴᒪᓂᑐᐤ ᐃᑕᐤ,
\q2 “ᑕᓐ ᒐ ‍ ᐃᑕᐱᒋᑕᔭᒄ, ᒐᒋ ᐛᐎᑎᒪᒄ ᓂᑦ ᐃᑎᓱᐛᐅᓇ,
\q2 ᑭᔭ ᒥᒄ ᒐᒋ ᐅᑎᓇᒪᒄ ᓂᓂᔅᑯᒥᑐᐅᓐ ᒋᑐᓄᐛᒡ ?
\q1
\v 17 ᐊ ‍ ᓄᒂᒡ ᐊ ‍ ᐛᐧᑲᑎᒥᓐ ᒋᔅᒋᓄᐊᒪᑯᓯᐅᓐ,
\q2 ᑭᔭ ᒋᔅᐱᔅᑯᓂᒡ ᐊ ᐃᓯ ‍ ᐛᐱᓂᒥᓐ ᓂᑦ ᐃᔨᒧᐅᓇ᙮
\q1
\v 18 ᐃᔅᐱ ᐎᔭᐱᒥᑦ ᑲ ‍ ᒋᒧᑎᑦ, ᐊᑯ ᑲ ᐎᒋ ‍ ᓇᔅᑯᒥᒪᑦ,
\q2 ᑭᔭ ᔅᒋ ‍ ᐎᒐᐛᐅᒡ ᐅᐱᓯᒂᑎᓯᐅᒡ᙮”
\b
\q1
\v 19 “ᒋ ‍ ᐸᒋᑎᓇᓐ ᒋᑐᓐ ᒐᒋ ᒥᒋᐃᔨᒥᒥᑭᒡ,
\q2 ᒋᑕᔨᔾ ᒪᒃ ᐅᓯᑕᒥᑭᓐ ᑭᑭᒋᔭᐅᓐ᙮
\q1
\v 20 ᒋᑦ ᐊᐱᓐ ᐊ ‍ ᒪᒋ ‍ ᐊᔨᒧᒥᑦ ᒋᐧᑲᓂᔅ;
\q2 ᒋ ‍ ᐸᒂᓄᒥᒪᐛ ᑎᐱᔨᐛ ᒋᑲᐎᔾ ᐅᑯᓯᓴ᙮
\q1
\v 21 ᐅᔭ ᔅᒋ ‍ ᐃᑐᑕᓐ, ᓂᒋ ‍ ᒋᐱᑐᐛᓐ ᒪᒃ;
\q2 ᔅᒋ ‍ ᐃᑕᔨᑕᓐ ᒪᓐ ᒥᒄ ᐊ ‍ ᓂᔅᐱᑕᑕᓐ:
\q2 ᒪᒃ ᒋᑭ ‍ ᒋᔅᑐᑎᓐ, ᑭᔭ ᓂᑭ ‍ ᐎᔨᔅᑕᓐ ᐅᑎᔅᑯᐤ ᒋᔅᒋᓯᑯᒡ᙮”
\b
\q1
\v 22 “ᐅᔭ ᒪᒥᑐᓇᔨᑎᒧᒄ ᐊᑯ, ᒋᔨᐛᐤ ᑲ ‍ ᐅᓂᒋᔅᒋᑐᐛᒄ ᒋᓴᒪᓂᑐᐤ,
\q2 ᒐ ᐊᑲ ᒋ ᐱᓯᐱᑎᑎᑯᒡ, ᑭᔭ ᐊᑲ ᐊᐛᓐ ᐊ ‍ ᑕᑦ ᒐᒋ ᐎᐧᑯᒋᐃᐛᑦ᙮
\q1
\v 23 ᐊᐛᓐ ᑲ ‍ ᒪᒥᒋᒧᐛᑦ ᓂ ‍ ᒋᔅᑕᒋᒥᒄ:
\q2 ᐊᓐ ᑭᔭ ᑯᐃᔅᒄ ᑲ ‍ ᐅᔭᔅᑕᑦ ᐅᑦ ᐃᑕᑎᓯᐅᓐ, ᓂᑭ ‍ ᐛᐸᑎᔭᐤ ᒋᓴᒪᓂᑐᐛ ᐅᐱᒪᒋᐃᐛᐅᓂᔪᐤ᙮”
\c 51
\s2 Psalm 51:1-12 (Lent-5 Year B; Proper-19 Year C)
\q1
\v 1 ᒋᔅᑎᒪᒐᔨᒥ, ᐅ ᒋᓴᒪᓂᑐᐤ, ᑲ ᐃᔅᐱᔅ ‍ ᓴᒋᐃᐛᐤ ᒋᓴᐛᑎᓯᔨᓐ;
\q2 ᐊ ᐃᓯ ‍ ᒥᒐᒋ ᒋ ‍ ᔪᔅᐱ ᒋᔅᑎᒪᒐᔨᒋᒐᐅᓇ, ᑲᓯᐊ ᓂᐅᓂᑐᑎᒧᐅᓇ᙮
\q1
\v 2 ᒋᔅᑕᐸᐎ ᒥᑐᓐ ᓂᒥᒐᑎᓯᐅᓂᒡ ᐅᒡ,
\q2 ᐸᔭᒋᐃ ᒪᒃ ᓂᒥᒋᑐᑎᒧᐅᓂᒡ ᐅᒡ᙮
\b
\q1
\v 3 ᐛᔅ ᓂ ‍ ᐎᑕᓐ ᓂᐅᓂᑐᑎᒧᐅᓇ,
\q2 ᓂᒥᒋᑐᑎᒧᐅᓐ ᒪᒃ ᒧᔅ ᓂᑦ ᐅᑎᔅᑲᐎᔅᑲᑯᓐ᙮
\q1
\v 4 ᒋᔾ, ᒋᔾ ᒥᒄ, ᒋ ‍ ᒥᒋᑐᑕᑎᓐ,
\q2 ᑭᔭ ᓂᒋ ‍ ᐃᑐᑕᓐ ᐅᒪ ᑲ ‍ ᒪᔭᑎᒡ ᐊ ‍ ᑭᓄᐛᐱᒥᔨᓐ;
\q1 ᒋ ‍ ᑯᐃᔅᑯᑕᔨᑕᑯᓯᓐ ᐊ ‍ ᐃᔨᒥᔨᓐ
\q2 ᑭᔭ ᒐᒋ ᐸᔭᒐᔨᑕᑯᓯᔨᓐ ᐊ ‍ ᑎᐸᔅᑯᓂᒐᔨᓐ᙮
\q1
\v 5 ᐛᔅ, ᓂᒋ ‍ ᐅᓯᐃᑯᐅᓐ ᒥᒐᑎᓯᐅᓂᒡ;
\q2 ᒥᒋᑥᐅᓂᒡ ᑭᔭ ᓂᒋ ‍ ᐊᔭᐅᒄ ᓂᑲᐎᔾ᙮
\q1
\v 6 ᐛᔅ, ᒋ ‍ ᓂᑐᐛᔨᑕᓐ ᑕᑈᐅᓐ ᐱᒋᔪᐤ;
\q2 ᐊᑲᑕᑭᓄᐅᒡ ᒐᒂᓐ ᐅᒡ ᔅᒋ ‍ ᒋᔅᒐᔨᑎᒥᔨᓐ ᑭᒐᑕᐛᔨᑎᒧᐅᓐ᙮
\b
\q1
\v 7 ᐸᔭᒋᐃ ᐃᓴᑉ ᐅᒡ, ᐊᑯ ᒐ ‍ ᐸᔭᒋᓯᔭᓐ:
\q2 ᒋᔅᑕᐸᐛᔨ ᐊᑯ ᐊᑐᐎᔅ ᒐ ‍ ᐛᐱᓯᔭᓐ ᐃᔅᐱᔅ ᑯᓐ᙮
\q1
\v 8 ᑐᑐᐎ ᒐᒋ ᐸᑎᒪᓐ ᒥᔽᔨᑎᒧᐅᓐ ᑭᔭ ᓯᒋᔭᓯᐅᓐ,
\q2 ᐊᓂᔭ ᒥᔅᑭᓇ ᑲ ‍ ᐱᑯᓇᒥᓐ ᒐᒋ ᒧᒋᒐᔨᑎᒧᒥᑲᒋ᙮
\q1
\v 9 ᐊᑲ ᑭᓄᐛᐸᑕ ᓂᒥᒋᑐᑎᒧᐅᓇ,
\q2 ᑲᓯᐊ ᒪᒃ ᒥᓯᐛ ᓂᒥᒐᑎᓯᐅᓇ᙮
\b
\q1
\v 10 ᐅᓯᑕᒧᐎ ᐱᒋᔪᐤ ᐸᔭᒋ ᒥᑕᐃ;
\q2 ᑭᓄᐛᐃᑎᒧᐎ ᒪᒃ ᑯᐃᔅᒄ ᐊᒐᐧᒄ ᒐᒋ ᐱᒋᔅᑯᐎᑦ᙮
\q1
\v 11 ᐊᑲᐎᔾ ᐛᐱᓂ ᐊ ‍ ᐸᑕᔅᑎᒥᐱᔨᓐ ᐅᒡ;
\q2 ᐊᑲᐎᔾ ᑭᔭ ᒥᔅᑭᒥ ᒋ ᐸᔭᒋ ᐊᒐᐧᒄ᙮
\q1
\v 12 ᒋᐛ ‍ ᒥᔨ ᒥᔽᔨᑎᒧᐅᓐ ᑲ ‍ ᐅᒋᐱᔨᒡ ᒋᐱᒪᒋᐃᐛᐅᓂᒡ;
\q2 ᓯᑐᓂ ᒪᒃ ᒋ ᒥᔪ ‍ ᐊᒐᐧᒄ ᐅᒡ᙮
\b
\q1
\v 13 ᐊᑯ ᒐ ‍ ᒋᔅᑯᑎᒧᐅᒂᐤ ᐅᓂᑐᑎᒧᐅᒡ ᒋᑦ ᐃᓯᑥᐅᓇ;
\q2 ᐅᒥᒋᑥᐅᒡ ᒪᒃ ᒋᑭ ‍ ᒂᔅᑲᑎᓯᔅᑕᑯᒡ᙮
\q1
\v 14 ᐎᐧᑯᒋᐃ ᑲ ‍ ᒥᐧᑯᐤ ᐅᓂᑐᑎᒧᐅᓐ ᐅᒡ, ᐅ ᒋᓴᒪᓂᑐᐤ, ᒋᔾ ᒋᓴᒪᓂᑐᐤ ᐛᒋᐱᔨᒡ ᓂᐱᒪᒋᐃᑯᓯᐅᓐ:
\q2 ᑭᔭ ᓂᑕᔨᔨᒡ ᓂᑭ ᒋᔄᐛ ‍ ᓂᑭᒧᑕᓐ ᒋᑯᐃᔅᑯᑕᑎᓯᐅᓐ᙮
\q1
\v 15 ᐅ ᑎᐸᔨᒋᒐᓱᐤ, ᐸᔅᒋᑕᓇ ᓂᑐᓐ;
\q2 ᐊᑯ ᓂᑐᓐ ᒐ ‍ ᐛᐸᑎᔨᐛᒥᑭᒡ ᒋ ‍ ᒪᒥᒋᒥᑯᓯᐅᓐ᙮
\q1
\v 16 ᐛᔅ ᓇᒪᐎᔾ ᒋ ‍ ᓂᑐᐛᔨᑕᓐ ᒥᑐᔅᑕᐊᒪᒐᐅᓐ;
\q2 ᐛᔅ ᒋᐸ ᒋ ‍ ᒥᔨᑎᓇᐱᓐ:
\q2 ᓇᒪᐎᔾ ᒋ ‍ ᓇᐊᔨᑎᒥᐃᑯᓐ ᐃᔅᑯᑕᐤ ᐱᔅᑎᓂᒐᐅᓇ᙮
\q1
\v 17 ᐅᒥᑐᔅᑕᐊᒪᒐᐅᓇ ᑲ ‍ ᓇᐊᔨᑎᒥᐃᑯᑦ ᒋᓴᒪᓂᑐᐤ ᐊ ‍ ᐱᑯᐱᔨᒋ ᐊᒐᒂ:
\q2 ᐊ ‍ ᐱᑯᐱᔨᒡ ᑭᔭ ᐊ ‍ ᒥᑕᒋᔨᐛᓯᒥᑲᒡ ᒥᑕᐃ, ᐅ ᒋᓴᒪᓂᑐᐤ, ᓇᒪᐎᔾ ᒋᑭ ‍ ᐊᑐᐛᔨᑕᓐ᙮
\b
\q1
\v 18 ᐊ ᐃᓯ ‍ ᒥᔽᔨᑎᒥᓐ ᒥᔪᑐᑕ ᓴᐃᔭᓐ:
\q2 ᐅᓯᑕᐤ ᒋᕈᓯᓕᒻ ᐅᒪᓂᑭᓇ᙮
\q1
\v 19 ᐊᑯ ᒐ ‍ ᒥᔽᔨᑎᒥᐃᑯᔨᓐ ᑯᐃᔅᑯᑕᑎᓯᐤ ᐱᔅᑎᓂᒐᐅᓐ,
\q2 ᑭᔭ ᐃᔅᑯᑕᐤ ᐱᔅᑎᓂᒐᐅᓇ, ᑭᔭ ᐊ ‍ ᒥᓯᑐᐛᔭᒡ ᐃᔅᑯᑕᐤ ᐱᔅᑎᓂᒐᐅᓐ:
\q1 ᐊᑯ ᒐ ‍ ᐱᔅᑎᓂᒐᒡ ᓇᐸ ᒥᔅᑐᓴ ᐱᔅᑎᓂᒐᐅᓇᐱᔅᑯᒡ᙮
\c 52
\q1
\v 1 ᒐᒂᓐ ᐛᒋ ‍ ᒋᐧᑲᔭᒋᒧᔨᓐ ᒪᔭᔨᒐᐅᓂᒡ, ᐅ ᓱᐧᑲᑎᓯᔨᓐ ᐃᔪᐤ ?
\q2 ᐅᒥᔽᑎᓯᐅᓐ ᒋᓴᒪᓂᑐᐤ ᑲᒋᒡ ᑎᑯᓂᔪᐤ᙮
\q1
\v 2 ᒋᑕᔨᔾ ᒥᒐᑎᓯᐎᑎᒥᑭᓐ;
\q2 ᒧᔭᒻ ᐊᒋᓇᒡ ᑲᔅᑲᔨᔅᑐᐛᓐ, ᐊᐅᔭᓯᐃᐛᐤ ᐊᑐᔅᒐᒥᑲᒡ᙮
\q1
\v 3 ᐊᑐᐎᔅ ᒋ ‍ ᓴᒋᑕᓐ ᑲ ‍ ᒪᔭᑎᒡ ᐃᔅᐱᔅ ᑲ ‍ ᒥᔽᓯᒡ,
\q2 ᑭᔭ ᑭᑭᒋᔭᐅᓐ ᐃᔅᐱᔅ ᒐᒋ ᐃᔭᔨᒧᑎᒥᓐ ᑯᐃᔅᑯᑕᑎᓯᐅᓐ᙮
\q1
\v 4 ᒋ ‍ ᓴᒋᑕᓐ ᒥᓯᐛ ᓂᓱᐅᓇᒋᒧᐛᐅᓇ,
\q2 ᐅ ᒋᔾ ᑭᑭᒋᔭᐤ ᒥᑕᔨᔾ᙮
\b
\q1
\v 5 ᒋᓴᒪᓂᑐᐤ ᒋᑭ ‍ ᓇᔅᐱᒋ ᓂᓱᐅᓇᒋᐃᒄ:
\q2 ᒋᑭ ‍ ᐅᑎᓂᒄ, ᒋᑭ ‍ ᐃᒐᓂᒄ ᐊᓐᑕ ᐊ ‍ ᐃᑕᔨᓐ ᐅᒋ,
\q2 ᑭᔭ ᒋᑭ ‍ ᐱᐧᑯᒋᐱᑎᒄ ᐅᑦ ᐊᔅᒋᔨᒡ ᐅᐱᒪᑎᓯᐛ ᐅᒋ᙮
\q1
\v 6 ᐅᑯᐃᔅᑯᑕᑎᓯᐅᒡ ᑭᔭ ᒋᑭ ‍ ᐛᐸᑎᒧᒡ,
\q2 ᑭᔭ ᒋᑭ ‍ ᓴᒋᓱᐅᒡ, ᑭᔭ ᒋᑭ ‍ ᐅᓯᓂᐛᐅᒡ, ᐊ ‍ ᐃᔅᒋᔄᒡ,
\q1
\v 7 “ᐛᐸᑎᒥᒄ, ᐅ ᐊᐅᑯᓐ ᐃᔪᐤ ᐊᑲ ᐛᒡ ‍ ᐊᔅᐸᔨᒧᑐᑐᐛᑦ ᒋᓴᒪᓂᑐᐛ ᒐᒋ ᒥᔅᑯᐅᓯᐃᑯᑦ:
\q2 ᒪᒃ ᒋ ‍ ᒪᒥᓯᑐᑎᒻ ᑲ ‍ ᒥᒐᓂᔨᒋ ᐅᐛᔪᑎᓯᐅᓇ,
\q2 ᑭᔭ ᑲᒋ ‍ ᐊᔨᒋᐃᑎᓱᑦ ᐅᒥᒋᑥᐅᓂᒡ᙮”
\b
\q1
\v 8 ᒪᒃ ᓂᔾ ᓂ ‍ ᓂᔅᐱᑐᐛᐤ ᐊ ‍ ᓯᐸᔭᑯᓯᑦ ᐊᓕᐸᑎᒄ ᐎᒋᒡ ᒋᓴᒪᓂᑐᐤ:
\q2 ᓂᑭ ‍ ᒪᒥᓯᑐᑎᒺᓐ ᐅᒋᔅᑎᒪᒐᔨᒋᒐᐅᓐ ᒋᓴᒪᓂᑐᐤ ᑲᒋᒡ ᑭᔭ ᑲᒋᒡ᙮
\q1
\v 9 ᒋᑭ ‍ ᒪᒥᒋᒥᑎᓐ ᑲᒋᒡ, ᐛᔅ ᒋᔾ ᔅᒋ ‍ ᑐᑕᓐ:
\q2 ᓂᑭ ‍ ᐊᓯᓂᐛᑕᓐ ᑭᔭ ᒋᑦ ᐃᓯᓂᐧᑲᓱᐅᓐ;
\q2 ᐛᔅ ᒥᔽᓯᔪᐤ ᐅᑎᔅᑯᐤ ᒋᐸᔭᒋᓯᒥᒡ᙮
\c 53
\q1
\v 1 ᐅᒥᒐᑎᓯᐤ ᒋ ‍ ᐃᔅᒋᔄᐤ ᐅᑕᐃᒡ, “ᓇᒪ ᑕᐤ ᒋᓴᒪᓂᑐᐤ᙮”
\q2 ᐅᓂᓱᐅᒡ, ᑭᔭ ᒋ ‍ ᐃᑐᑎᒧᒡ ᑲ ‍ ᒥᒐᐃᑕᑯᓂᔨᒡ ᒥᒐᑎᓯᐅᓂᔪᐤ:
\q2 ᓇᒪ ᑕᐤ ᐊᐛᓐ ᐊ ‍ ᒥᔪᑐᑕᐧᒄ᙮
\b
\q1
\v 2 ᒋᒋᒋᓯᑯᒡ ᒋᓴᒪᓂᑐᐤ ᒋ ᐅᒋ ‍ ᑭᓄᐛᐱᒥᒪᐤ ᐃᔪᐛ ᐅᑦ ᐊᐛᓯᒥᓯᔨᐛ,
\q2 ᒐᒋ ᐛᐸᑕᐧᒃ ᒧᔭᒻ ᐊ ‍ ᑕᔨᒂᓂ ᐊᐛᔪᐛ ᐊ ‍ ᓂᔅᑐᑎᒥᔨᒋ,
\q2 ᑲ ‍ ᓇᓂᑐᐛᔨᒪᔨᒋ ᒋᓴᒪᓂᑐᐛ᙮
\q1
\v 3 ᒥᓯᐛ ᐊ ‍ ᐃᑎᓯᒡ ᒪᒃ ᒋ ‍ ᒋᐛᐅᒡ:
\q2 ᒥᓯᐛ ᒪᒧᐤ ᐎᓂᓱᐅᒡ;
\q2 ᓇᒪ ᑕᐤ ᐊᐛᓐ ᑲ ‍ ᒥᔪᑐᑕᐧᒃ, ᓇᒪ, ᓇᒪ ᐛᐛᒡ ᐸᐃᒄ᙮
\b
\q1
\v 4 ᓇᒪ ᐎ ᐊ ᐅᓂᔅᑐᑎᒧᓄᐅᒡ ᑲ ‍ ᒥᒐᑎᓯᐤ ᐃᔨᑎᒡ ?
\q2 ᑲ ‍ ᒧᐛᒡ ᓂᑦ ᐃᔨᒪ ᒧᔭᒻ ᐊ ‍ ᒧᐛᒡ ᐸᒂᓯᑭᓇ:
\q2 ᓇᒪᐎᔾ ᒋ ‍ ᓇᓂᑐᐛᐱᒪᐅᒡ ᓂᒋᓴᒪᓂᑐᐛ᙮
\q1
\v 5 ᓇᔅᒡ ᒪᒃ ᒋ ‍ ᓴᒋᓯᐅᒡ ᐊᓐᑕ ᐊᑎ ᐊᑲ ᐃᓯ ‍ ᑯᔅᑕᑎᑯᓂᔨᒡ:
\q2 ᐛᔅ ᒋᓴᒪᓂᑐᐤ ᒋ ‍ ᐛᓴᔄᐛᐱᓂᒺᐤ ᐅᔅᑭᓂᔪᐛ ᐊᓂᔭ ᑲ ᐸᒋ ‍ ᒪᓯᒐᔨᒋ:
\q2 ᔅᒋ ‍ ᓯᓴᒂᔨᒧᐊᐛᒡ ᐊᒋ ‍ ᐊᑐᐛᔨᒥᑯᒡ ᒋᓴᒪᓂᑐᐛ᙮
\b
\q1
\v 6 ᐅ ᑭᒪ ᐅᐱᒪᒋᐃᑯᓯᐅᓐ ᐃᔅᕋᐃᓪ ᓴᐃᔭᓂᒡ ᐅᒋᐱᔨᒡ !
\q2 ᐃᔅᐱ ᒋᓴᒪᓂᑐᐤ ᐸᒋ ‍ ᒋᐛᑕᐊᒐ ᑲᒥᒪᒋᑯᓇᑭᓄᐎᒋ ᐅᑦ ᐃᔨᒪ,
\q2 ᒐᑭᑉ ᒋᑭ ‍ ᒧᒋᒐᔨᑎᒻ, ᑭᔭ ᐃᔅᕋᐃᓪ ᒋᑭ ‍ ᓯᒋᔭᓯᐤ᙮
\c 54
\s2 Psalm 54 (Proper-20 Year B)
\q1
\v 1 ᐱᒪᒋᐃ, ᐅ ᒋᓴᒪᓂᑐᐤ, ᒋᑦ ᐃᓯᓂᐧᑲᓱᐅᓐ ᐅᒡ,
\q2 ᑎᐸᔅᑯᓂ ᒪᒃ ᒋ ‍ ᒥᔅᑯᐅᓯᐅᓐ ᐅᒡ᙮
\q1
\v 2 ᓂᑐᑕ ᓂᑦ ᐊᔭᒥᐊᐅᓐ, ᐅ ᒋᓴᒪᓂᑐᐤ;
\q2 ᐱᓯᒋᑕ ᐃᔨᒧᐅᓇ ᓂᑐᓂᒡ ᑲ ‍ ᐅᒋᐱᔨᒋ᙮
\b
\q1
\v 3 ᐛᔅ ᒪᓐᑕᐅᒡ ᓂᒋ ‍ ᐱᓯᑯᔅᑕᑯᒡ ᑭᔭ ᐅᑦ ᐊᔨᒥᐃᐛᐅᒡ ᓇᓂᑐᐛᔨᒪᐅᒡ ᓂᑦ ᐊᒐᒂ:
\q2 ᓇᒪᐎᔾ ᐅᒡ ᐊᔭᐅᒡ ᒋᓴᒪᓂᑐᐛ ᒐᒋ ᐅᑎᔅᑲᐎᔅᑲᑯᒡ᙮
\b
\q1
\v 4 ᐛᔅ, ᒋᓴᒪᓂᑐᐤ ᐊᐅᒄ ᐊᓐ ᑲ ‍ ᐎᒋᐃᑦ:
\q2 ᑎᐸᔨᒋᒐᓱᐤ ᐎᒋᐊᐤ ᐊᓂᔭ ᑲ ‍ ᓯᑐᓇᔨᒋ ᓂᑦ ᐊᒐᒂ᙮
\b
\q1
\v 5 ᑲ ‍ ᒪᔭᑎᓂᔨᒡ ᒋᑭ ‍ ᑎᐸᒧᐛᐤ ᑲ ‍ ᐛᐧᑲᓯᔨᒋ:
\q2 ᓂᓱᐅᓇᒋᐃᒡ ᒋᑕᑈᐅᓂᒡ᙮
\b
\q1
\v 6 ᒥᔅᑎ ᒋᑭ ‍ ᐱᔅᑎᓂᒐᔅᑕᑎᓐ:
\q2 ᓂᑭ ‍ ᒪᒥᒋᑕᓐ ᒋᑦ ᐃᓯᓂᐧᑲᓱᐅᓐ, ᐅ ᑎᐸᔨᒋᒐᓱᐤ, ᐛᔅ ᒥᔽᓱᐤ᙮
\q1
\v 7 ᐛᔅ ᓂᒋ ‍ ᐎᐧᑯᒋᐃᒄ ᒥᓯᐛ ᐊᔨᒥᓯᐅᓂᒡ ᐅᒋ,
\q2 ᑭᔭ ᓂᔅᒋᓯᑯᒡ ᓂᒋ ᐅᒋ ‍ ᐛᐸᑕᓐ ᐊ ‍ ᐃᑕᔨᒪᑦ ᑲ ‍ ᐛᐧᑲᓯᔨᒋ ᒐ ᐃᓯ ‍ ᐅᑎᑎᑯᔨᒋ᙮
\c 55
\q1
\v 1 ᓂᑐᑕ ᓂᑦ ᐊᔭᒥᐊᐅᓐ, ᐅ ᒋᓴᒪᓂᑐᐤ;
\q2 ᐊᑲ ᑭᔭ ᑲᓱᔅᑕ ᓂᓂᑐᑎᒪᒐᐅᓐ᙮
\q1
\v 2 ᐱᓯᒋᐃ, ᓂᑐᑐᐎ ᒪᒃ:
\q2 ᓂ ‍ ᑯᒂᒋᒧᐅᓐ, ᑭᔭ ᓂ ‍ ᐸᑕᑯᓯᓐ;
\q1
\v 3 ᐊ ‍ ᐸᑕᑯᓯᑦ ᑲ ‍ ᐛᐧᑲᓯᑦ ᐊ ‍ ᐊᔨᒥᐃᐛᒡ ᐅᒥᒋᑥᐅᒡ:
\q2 ᐛᔅ ᓂ ‍ ᐛᐱᓂᒪᑯᒡ ᒥᒐᑎᓯᐅᓂᔪᐤ, ᑭᔭ ᐊ ‍ ᐊᐧᑯᔪᐛᓯᒡ ᓂ ‍ ᐛᐧᑲᑎᑯᒡ᙮
\b
\q1
\v 4 ᓂᑕᐃ ᓂ ‍ ᐎᓴᒋᔅᑲᑯᓐ ᐱᒋᔪᐤ;
\q2 ᑭᔭ ᑲ ‍ ᑯᔅᑕᑎᒂᒋ ᓂᐳᐅᓂᒡ ᑲ ‍ ᐅᒋᐱᔨᒋ ᓂᒋ ‍ ᐱᑎᑯᔅᑲᑯᓐ᙮
\q1
\v 5 ᓴᒋᓯᐅᓐ ᑭᔭ ᓇᓇᒥᐱᔪᐅᓐ ᓂᒋ ‍ ᐅᑎᑎᑯᓐ,
\q2 ᑯᔅᑕᒋᐅᓐ ᓂᒋ ‍ ᐛᓴᒥᐃᑯᓐ᙮
\q1
\v 6 ᓂᒋ ‍ ᐃᔅᒋᔄᓐ ᒪᒃ, “ᐅ ᓂᑕᒪ ᐅᒥᑯᓄᐛᐱᓇ,
\q2 ᒧᔭᒻ ᐅᒥᒥᐤ ᐛᔅ ᐊᑯ ᒪᒃ ᓂᐸ ‍ ᒋᒋᔭᓐ ᒐᒋ ᐊᔅᑕᔭᔅᑯᓯᔭᓐ᙮
\q1
\v 7 ᐛᔅ ᐊᑯ ᐛᔪᐤ ᓂᐸ ‍ ᐱᐸᒥᔭᓇᐱᓐ,
\q2 ᑭᔭ ᓂᐸ ᑕᓇᐱᓐ ᐸᐧᑯᑎᔅᑭᒥᑲᒡ᙮”
\q1
\v 8 “ᓂ ᐸᒋ ‍ ᒋᐱᔾ ᒋᑎᓯᒧᓐ ᐊ ‍ ᒋᒥᔅᑎᒡ ᑭᔭ ᐊᒋᑎᔅᑎᒡ ᐅᒡ᙮”
\b
\q1
\v 9 ᓂᓱᐅᓇᒋᐃᒡ ᐅ ᑎᐸᔨᒋᒐᓱᐤ, ᐸᐸᔅᒋᑎᓂᒻ ᐅᑕᔨᔪᐛᐤ:
\q2 ᐛᔅ ᓂᒋ ‍ ᐛᐸᑕᓐ ᐊᒂᑎᓯᐅᓐ ᑭᔭ ᒂᔪᑐᑕᑐᐅᓐ ᐅᑕᓇᒡ᙮
\q1
\v 10 ᐊ ‍ ᒋᓯᑲᔨᒡ ᑭᔭ ᐊ ‍ ᑎᐱᔅᑲᔨᒡ ᐃᑐᑎᒧᒡ ᐊᓐᑕ ᑕᐧᑯᒡ ᒪᓂᑭᓂᒡ;
\q2 ᒥᔭᔨᒐᐅᓐ ᑭᔭ ᑯᐸᑕᔨᑎᒧᐅᓐ ᑕᑕᐅᒡ ᑎᒂᓇ᙮
\q1
\v 11 ᒥᒋᑥᐅᓐ ᐊᑯᑕ ᑕᑕᐅᒡ ᐊ ‍ ᑎᒂᒡ:
\q2 ᐎᔭᓯᒐᒧᐅᓐ ᑭᔭ ᐛᔭᓯᐃᐛᐅᓐ ᓇᒪᐎᔾ ᒋᑐᑕᒪᑭᓇ ᐱᒧᑕᔅᑭᓇᒡ ᐅᒡ᙮
\b
\q1
\v 12 ᐛᔅ ᓇᒪᐎᔾ ᐅᐛᐧᑲᓱᐛᐤ ᑲ ‍ ᔅᑐᓯᑦ;
\q2 ᐛᔅ ᐊᑯ ᒪᒃ ᓂᑭ ᒋ ‍ ᓇᑕᐤ:
\q1 ᓇᒪ ᑭᔭ ᐊᓐ ᑲ ‍ ᐛᐧᑲᓯᑦ ᑲᒋ ‍ ᒋᔅᑕᒋᒥᑎᓱᔅᑐᐅᑦ,
\q2 ᐊᑯ ᒪᒃ ᓂᐸ ᒋ ‍ ᑲᓱᔅᑐᐛᐤ;
\q1
\v 13 ᒪᒃ ᒋᔾ ᐃᔪᐤ ᑲ ‍ ᓂᔅᐱᑕᑕᓐ ᓂᔅᒋᓄᑕᐃᐛᒻ,
\q2 ᑭᔭ ᓂᐎᒐᐛᑭᓐ᙮
\q1
\v 14 ᔅᒋ ᒥᔪ ‍ ᑭᒐᔅᒋᒥᑐᓇᓄᐤ,
\q2 ᑭᔭ ᔅᒋ ‍ ᐎᒐᐅᑐᓇᓄᐤ ᐊ ‍ ᐃᑐᑕᐛᐧᒄ ᐎᒋᒡ ᒋᓴᒪᓂᑐᐤ᙮
\b
\q1
\v 15 ᐊᑯᔅ ᓂᐳᐅᓂᔪᐤ ᒋᑭ ‍ ᐅᑎᑎᓂᑯᐅᐛᒡ,
\q2 ᐊᑯᔅ ᑭᔭ ᒋᑭ ‍ ᒋᐱᔾ ᐃᑐᑕᐅᒡ ᓂᒂᔅᑲᓂᒡ:
\q2 ᐛᔅ ᒥᒋᑥᐅᓂᔪᐤ ᑎᑯᓂᔪᐤ ᐅᑦ ᐃᑕᐅᓄᐛᒡ, ᑭᔭ ᐊᓐᑕ ᐊ ‍ ᐃᑕᒡ᙮
\b
\q1
\v 16 ᓂᔾ ᒪᒃ, ᓂᑭ ‍ ᓇᓂᑐᒪᐤ ᒋᓴᒪᓂᑐᐤ;
\q2 ᑎᐸᔨᒋᒐᓱᐤ ᑭᔭ ᓂᑭ ‍ ᐱᒪᒋᐃᒄ᙮
\q1
\v 17 ᐊ ‍ ᐅᑕᑯᓯᒡ, ᑭᔭ ᐊ ‍ ᒐᒋᓴᐸᔭᒡ, ᑭᔭ ᐊ ‍ ᐊᐱᑕᒋᓯᑲᒡ,
\q2 ᓂᑭ ‍ ᐊᔭᒥᐊᓐ, ᑭᔭ ᓂᑭ ‍ ᒋᔄᐛᑕᑈᓐ,
\q2 ᒋᑭ ‍ ᓂᑐᑎᒻ ᒪᒃ ᓂ ‍ ᐸᑕᑯᓯᐅᓂᔪᐤ᙮
\q1
\v 18 ᒋᔭᒪᔨᑎᒧᐅᓂᒡ ᓂᑦ ᐊᒐᒂ ᒋᑭ ‍ ᐱᒪᒋᐊᐤ ᐊᑎ ᐊᒋ ‍ ᓂᑐᐱᔨᔅᑕᑯᐅᔭᓐ:
\q2 ᐛᔅ ᒋ ‍ ᒥᒐᑐᐅᒡ ᑲᒋ ‍ ᐎᒐᐎᒡ᙮
\q1
\v 19 ᒋᓴᒪᓂᑐᐤ ᒋᑭ ‍ ᓂᑐᑎᒻ ᑭᔭ ᒋᑭ ‍ ᐊᔨᒥᐊᐤ,
\q2 ᐎᔾ ᐅᑎ ᐎᐱᒡ ᑲ ᐅᒋ ᐸᒋ ‍ ᑕᑦ᙮
\q1 ᐊ ᐊᑲ ‍ ᐊᐃᒡ ᐅᒋ ᐃᑕᔨᑕᑯᓯᐊᑲᓂᐅᒡ,
\q2 ᓇᒪ ᓇᓂᒋᔅᑐᐛᐅᒡ ᒋᓴᒪᓂᑐᐛ᙮
\b
\q1
\v 20 ᑯᒋ ᐅᑎᑎᓇᔪᐛ ᐊᓂᔭ ᑲ ‍ ᒋᔭᒪᐎᓯᔅᑕᑯᒡ:
\q2 ᒋ ‍ ᐱᑯᓂᒻ ᐅᓂᔅᑯᒧᐅᓐ᙮
\q1
\v 21 ᐃᔨᒧᐅᓇ ᐅᑐᓂᒡ ᑲ ‍ ᐅᒋᐱᔨᒋ ᐊᑐᐎᔅ ᒋ ‍ ᓱᔎᐛ ᐃᔅᐱᔅ ᑲᐎᔄᐛᒡ,
\q2 ᒪᒃ ᓂᑐᐱᔪᐅᓂᔪᐤ ᒋ ‍ ᑎᑯᓂᔪᐤ ᐅᑕᐃᒡ:
\q1 ᐅᑦ ᐃᔨᒧᐅᓇ ᐊᑐᐎᔅ ᒋ ‍ ᔪᔅᑲᔪᐛ ᐃᔅᐱᔅ ᐱᒥᔾ,
\q2 ᐊᔪᐛᒡ ᒪᒃ ᐊ ‍ ᒐᒋᑯᐱᑕᑭᓄᐎᒡ ᓯᒪᑭᓇ ᐃᓯᓇᑯᓂᔪᐤ᙮
\b
\q1
\v 22 ᐱᔅᑎᓂᒧᐤ ᒋ ‍ ᐎᐅᓱᓂᔪᐤ ᑎᐸᔨᒋᒐᓱᐤ,
\q2 ᒋᑭ ‍ ᓴᓯᑐᓂᒄ ᒪᒃ᙮
\q2 ᓇᒪ ᓂᑕ ᒋᑭ ‍ ᓇᐊᔨᒪᐤ ᐅᑯᐃᔅᑯᑕᑎᓯᐛ ᒐᒋ ᐊᒋᐸᔨᐊᑭᓄᐎᔨᒋ᙮
\q1
\v 23 ᒪᒃ ᒋᔾ, ᐅ ᒋᓴᒪᓂᑐᐤ, ᒋᑭ ‍ ᓂᒋᐛᐱᓇᐅᒡ ᓂᓱᐅᓇᑎᓱᐎ ᐛᑎᑯᒡ:
\q2 ᑲ ‍ ᓂᐸᐃᐛᒡ ᑭᔭ ᑲ ‍ ᑭᑭᒋᔭᒡ ᐃᔪᒡ ᓇᒪ ᐛᐛᒡ ᐊᐱᑐᐤ ᐅᒋᓯᑲᒧᐛᐤ ᒋᑭ ‍ ᐱᒪᑎᓯᐅᒡ᙮
\b
\q2 ᒪᒃ ᓂᔾ ᒋᑭ ‍ ᒪᒥᓯᑐᑕᑎᓐ᙮
\c 56
\q1
\v 1 ᒋᔅᑎᒪᒐᔨᒥ, ᐅ ᒋᓴᒪᓂᑐᐤ:
\q2 ᐛᔅ ᐃᔪᐤ ᓂ ᐎ ‍ ᐅᓂᐱᔨᐃᒄ;
\q2 ᒧᓯᓇᐤ ᐊ ‍ ᒪᓯᐃᑦ ᓂᑦ ᐊᔨᒥᐃᒄ᙮
\q1
\v 2 ᑲ ‍ ᐛᐧᑲᓯᒡ ᒧᓯᓇᐤ ᓂ ᐎ ‍ ᐅᓂᐱᔨᐃᑯᒡ:
\q2 ᐛᔅ ᒥᒐᑐᐅᒡ ᑲ ‍ ᒪᓯᐃᒡ, ᐅ ᒋᔾ ᒪᐅᒡ ᒋᔅᑎᓯᔨᓐ᙮
\b
\q1
\v 3 ᐃᔅᐱ ᓴᒋᓯᔭᓇ,
\q2 ᒋᑭ ‍ ᒪᒥᓯᑐᑕᑎᓐ᙮
\q1
\v 4 ᒋᓴᒪᓂᑐᐤ ᓂᑭ ‍ ᒪᒥᒋᑕᒺᓐ ᐅᑦ ᐃᔨᒧᐅᓐ;
\q2 ᒋᓴᒪᓂᑐᐤ ᓂᒋ ‍ ᒪᒥᓯᑐᑐᐛᐤ:
\q2 ᓇᒪᐎᔾ ᓂᑭ ‍ ᑯᔅᑕᓐ ᐃᔪᐤ ᒐ ‍ ᐃᑐᑐᐅᒂ᙮
\b
\q1
\v 5 ᑕᑥᐤ ᐊ ‍ ᒋᓯᑲᔨᒡ ᒂᔅᒋᓇᒧᒡ ᓂᑦ ᐃᔨᒧᐅᓇ:
\q2 ᒥᓯᐛ ᐅᒪᒥᑐᓇᔨᒋᒐᐅᓄᐛᒡ ᓂ ‍ ᒥᒋᐃᑕᔨᒥᑯᒡ᙮
\q1
\v 6 ᒪᒧᐤ ᒪᐅᒋᐃᑐᐅᒡ, ᑲᓱᐅᒡ,
\q2 ᓇᑭᑐᐛᔨᑎᒧᒡ ᓂᑕᑯᔅᒐᐅᓇ,
\q2 ᐃᔅᐱ ᐊᔅᑲᒧᐛᒡ ᓂᑦ ᐊᒐᒂ᙮
\b
\q1
\v 7 ᒋᑭ ‍ ᒋᑎᓯᒧᐅᒡ ᐊ ᒥᒐᑎᓯᐅᓂᒡ ᐅᒡ ?
\q2 ᒋᒋᔄᓯᐅᓂᒡ ᓂᒋ ‍ ᐛᐱᓐᒡ ᐃᔪᒡ, ᐅ ᒋᓴᒪᓂᑐᐤ᙮
\q1
\v 8 ᒋᑦ ᐊᒋᑕᓐ ᓂᐱᐸᒧᑕᐅᓇ:
\q2 ᐱᑕᐊ ᓂᑦ ᐅᒋᑯᐛᐳᓇ ᒋᐱᐛᐱᔅᑯᔭᑭᓂᒡ:
\q2 ᓇᒪ ᐊ ᒋᒥᓯᓇᐃᑭᓂᒡ ᑎᑯᓇ ?
\b
\q1
\v 9 ᐃᔅᐱ ᓇᓂᑐᒥᑕᓇ, ᐊᑯ ᒐ ᐊᑎ ‍ ᐊᓴᑲᐳᐅᒡ ᑲ ‍ ᒪᓯᐃᒡ:
\q2 ᐅᔭ ᓂ ‍ ᒋᔅᒐᔨᑕᓐ;
\q2 ᐛᔅ ᒋᓴᒪᓂᑐᐤ ᓂ ‍ ᒋᔅᐸᐛᑎᒄ᙮
\q1
\v 10 ᒋᓴᒪᓂᑐᐤ ᓂᑭ ‍ ᒪᒥᒋᑕᒺᓐ ᐅᑦ ᐃᔨᒧᐅᓐ:
\q2 ᑎᐸᔨᒋᒐᓱᐤ ᓂᑭ ‍ ᒪᒥᒋᑕᒺᓐ ᐅᑦ ᐃᔨᒧᐅᓐ᙮
\q1
\v 11 ᒋᓴᒪᓂᑐᐤ ᓂᒋ ‍ ᒪᒥᓯᑐᑐᐛᐤ:
\q2 ᓇᒪ ᓂᑭ ‍ ᑯᔅᑕᓐ ᒐ ‍ ᐃᑐᑐᐅᒂ ᐃᔪᐤ᙮
\b
\q1
\v 12 ᒋ ‍ ᒋᒋᐃᑥᐅᓇ ᓂ ‍ ᒋᒋᔅᑲᑯᓐ, ᐅ ᒋᓴᒪᓂᑐᐤ;
\q2 ᒋᑭ ‍ ᒥᔨᑎᓐ ᒪᒥᒋᒧᐛᐅᓐ᙮
\q1
\v 13 ᐛᔅ ᔅᒋ ‍ ᐎᐧᑯᒋᐊᐤ ᓂᑦ ᐊᒐᐧᒄ ᓂᐳᐅᓂᒡ ᐅᒡ:
\q2 ᓇᒪ ᓇ ᒋᑭ ‍ ᑭᓄᐛᔨᑕᓐ ᓂᓯᑕ ᒐ ᐊᑲ ᒋ ᐸᒋᓯᓂᔭᓐ,
\q2 ᒐᒋ ᒋ ‍ ᐱᒧᑕᔅᑐᐅᒄ ᒋᓴᒪᓂᑐᐤ ᐅᐛᓴᔭᓯᐅᓄᐛᒡ ᐸᒪᑎᓯᒡ᙮
\c 57
\q1
\v 1 ᒋᔅᑎᒪᒐᔨᒥ, ᐅ ᒋᓴᒪᓂᑐᐤ, ᒋᔅᑎᒪᒐᔨᒥ:
\q2 ᐛᔅ ᓂᑦ ᐊᒐᐧᒄ ᒋ ‍ ᒪᒥᓯᑐᑕᒄ:
\q1 ᓂᐦᐃ, ᐊ ‍ ᐊᑯᓇᐎᓐ ᒋᑎᑎᑭᓇ ᓂᑭ ‍ ᒋᔅᐸᐛᑎᑯᓐ,
\q2 ᐃᔅᐱ ᐅᔭ ᐊᔨᒥᓯᐅᓇ ᒋ ‍ ᐎᒪᐱᔨᒂᐛ᙮
\b
\q1
\v 2 ᓂᑭᒧᔅᑯᐛᑕᐤ ᒋᓴᒪᓂᑐᐤ ᒪᐅᒡ ᒋᔅᑎᓯᑦ;
\q2 ᒋᓴᒪᓂᑐᐤ ᒥᓯᐛ ᒐᒂᓇ ᑲ ‍ ᐃᑐᑎᒧᐎᔨᒥᑦ᙮
\q1
\v 3 ᒋᒋᒋᓯᑯᒡ ᒋᑭ ᐅᒋ ‍ ᐸᒋᑎᓴᐅᐛᐤ,
\q2 ᓂᑭ ‍ ᐱᒪᒋᐃᒄ ᒪᒃ ᐅᒋᑐᓱᐛᐅᓂᔪᐤ ᐅᒋ ᑲ ᐎ ‍ ᒥᓱᐛᐸᔨᐃᔨᒋ᙮
\q1 ᒋᓴᒪᓂᑐᐤ ᒋᑭ ‍ ᐸᑎᓴᐅᒻ ᐅᓱᐛᔨᒋᒐᐅᓐ ᑭᔭ ᐅᑕᑈᐅᓐ᙮
\b
\q1
\v 4 ᓂᑦ ᐊᒐᐧᒄ ᒥᓯᐱᓱᓇᒡ ᑕᐤ:
\q2 ᑭᔭ ᒥᒄ ᓂ ‍ ᐎᒋᐱᒥᓯᒪᐅᒡ ᐊᐛᓐᒋ ᑲ ‍ ᐛᐃᓱᒡ,
\q1 ᐃᔪᐤ ᐅᑯᓯᓴᓐᒡ ᐅᑦ, ᐎᐱᑐᐛᐛ ᑲ ‍ ᐊᓯᒪᑭᓄᐎᔨᒋ ᑭᔭ ᑲ ‍ ᐊᑲᔅᑯᐛᓂᐎᔨᒋ,
\q2 ᑭᔭ ᐅᑕᔨᔪᐛᐛ ᐊ ‍ ᑲᓴᔨᒡ ᓂᑐᐱᔪᐅ-ᒧᐧᑯᒪᓂᔪᐤ᙮
\b
\q1
\v 5 ᐃᔅᐸᔨᑕᑯᓯ, ᐅ ᒋᓴᒪᓂᑐᐤ, ᐃᔅᐱᔅ ᒋᓯᒂ;
\q2 ᐊᑯᔅ ᑭᔭ ᒋᒋᔅᑕᔨᑕᑯᓱᐅᓐ ᐃᔅᐱᔅ ᒥᓯᐛ ᐊᔅᒋᔾ᙮
\b
\q1
\v 6 ᒋ ‍ ᐃᔭᔭᐅᒡ ᐊᐃᐱᔭ ᐅᑕ ᐊ ‍ ᑕᑕᑯᔅᒐᔭᓐ;
\q2 ᓂᑦ ᐊᒐᐧᒄ ᐸᑕᐳᐤ:
\q1 ᓂᒋ ‍ ᒧᓇᐊᒪᑯᒡ ᐊᐱᑯᓇᔅᑭᒥᑲᐃᒡ ᑕᑕᐅᒡ,
\q2 ᐊᑯᑕ ᒪᒃ ᐎᔨᐛᐤ ᒋᒋᐛ ᒋ ‍ ᐳᒋᐱᔪᒡ᙮
\b
\q1
\v 7 ᐊᔨᑎᔅᑕᐤ ᓂᑕᐃ, ᐅ ᒋᓴᒪᓂᑐᐤ,
\q2 ᐊᔨᑎᔅᑕᐤ ᓂᑕᐃ:
\q2 ᓂᑭ ‍ ᓂᑭᒧᓐ ᑭᔭ ᓂᑭ ‍ ᒪᒥᒋᒧᐛᓐ᙮
\q1
\v 8 ᑯᔅᑯᓯ, ᓂᒋᔅᑕᔨᑕᑯᓱᐅᓐ;
\q2 ᑯᔅᑯᓯ, ᐊᓴᑭᓇᔭᐱ ᒋᔍᐛᐱᒋᑭᓂᔅ ᑭᔭ ᓴᑭᓇᔭᐱᔾ ᒋᔍᐛᐱᒋᑭᓐ;
\q2 ᓂᔾ ᒋᒋᐛ ᐎᐱᒡ ᓂᑭ ‍ ᐸᑯᐱᔨᓐ᙮
\b
\q1
\v 9 ᒋᑭ ‍ ᒪᒥᒋᒥᑎᓐ, ᐅ ᑎᐸᔨᒋᒐᓱᐤ, ᐅᑕ ᐊ ‍ ᐃᑕᒡ ᐃᔪᒡ:
\q2 ᒋᑭ ‍ ᓂᑭᒧᔅᑕᑎᓐ ᐅᑕ ᐊ ‍ ᐃᑕᒡ ᐸᐱᑐᔅ ᐊ ‍ ᐃᑎᔅᑲᓇᓯᒡ ᐃᔪᒡ᙮
\q1
\v 10 ᐛᔅ ᒋᓱᐛᔨᒋᒐᐅᓐ ᒥᔅᑎ ᐃᑕᔨᑕᑯᓐ ᒋᓯᑯᒡ ᐃᓯ,
\q2 ᑭᔭ ᒋᑕᑈᐅᓐ ᒋᓯᑯᒡ ᐃᓯ᙮
\b
\q1
\v 11 ᐃᔅᐸᔨᑕᑯᓯ, ᐅ ᒋᓴᒪᓂᑐᐤ, ᐃᔅᐱᔅ ᒋᓯᒂ;
\q2 ᐊᑯᔅ ᑭᔭ ᒋᒋᔅᑕᔨᑕᑯᓱᐅᓐ ᐃᔅᐱᔅ ᒥᓯᐛ ᐊᔅᒋᔾ᙮
\c 58
\q1
\v 1 ᑕᑈ ᐊ ᒋᑦ ᐊᐃᔨᒧᑕᓇᐛᐤ ᑯᐃᔅᑯᑕᑎᓯᐅᓐ, ᐅ ᑲ ᒪᒧᐤ ‍ ᐎᒋᐃᑐᐅᔭᒄ ?
\q2 ᑯᐃᔅᒄ ᐊ ᒋ ‍ ᑎᐸᔅᑯᓂᒐᓇᐛᐤ, ᐅ ᐃᔪᐤ ᐅᑯᓯᓴᓂᑐᒄ ?
\q1
\v 2 ᓂᐦᐃ, ᒋᑕᐃᐛᒡ ᒋᑦ ᐊᑐᔅᑲᔅᑕᓇᐛᐤ ᒥᒋᑥᐅᓐ;
\q2 ᒋ ‍ ᑕᐸᐸᔅᑯᑕᓇᐛᐤ ᐊᔅᐱᔅ ᐛᒂᑎᓯᒥᑲᒋ ᒋᑎᒋᐛᐛ ᐊᔅᒋᒡ᙮
\q1
\v 3 ᐅᒥᒋᑥᐅᒡ ᒪᓐᑕᐎᐛᒡ ᒥᔅᐸᔭᒡ ᐅᒡ:
\q2 ᒋᓴᒡ ᐊᑎ ‍ ᓂᑕᐅᒋᒡ, ᐊᑎ ‍ ᐅᓂᓯᓄᐅᒡ, ᐊ ‍ ᑭᑭᒋᔭᒡ᙮
\q1
\v 4 ᐅᐱᒋᐳᔨᐛᐅᓄᐛᐤ ᐃᓯᓇᑯᓂᔪᐤ ᒧᔭᒻ ᐅᐱᒋᐳᔨᐛᐅᓂᔪᐤ ᒥᔅᑎᒋᓇᐱᒂ;
\q2 ᓂᔅᐱᑐᐛᐅᒡ ᐊᑲ ‍ ᐸᑎᒥᔨᒋ ᒋᓇᐱᒂ ᐊᑲ ‍ ᓂᑕᑎᒥᔨᒋ;
\q1
\v 5 ᐊᓐ ᐊᑲ ᐎ ‍ ᓂᑐᑐᐛᑦ ᐅᒥᔪᑕᑯᓱᐛ,
\q2 ᐊᑎ ᓇᔅᒡ ᒥᔪᑕᑯᓯᔨᒋ᙮
\b
\q1
\v 6 ᐱᑯᓂᒻ ᐎᐱᑐᐛᐛ, ᐅ ᒋᓴᒪᓂᑐᐤ, ᐅᑐᓄᐛᒡ;
\q2 ᐱᑯᓂᒻ ᐎᐱᑐᐛᐛ ᒥᓯᐱᓯᓯᒡ, ᐅ ᑕᐸᔨᒋᒐᔨᓐ᙮
\q1
\v 7 ᐊᑯᔅ ᒋᑭ ‍ ᑎᒋᓱᐅᒡ ᒧᔭᒻ ᓂᐱᔭ ᓇᓂᑎᒻ ᑲ ‍ ᐱᒥᒋᐛᒋ:
\q2 ᐎᔭᒋᓇᑦ ᐅᑦ ᐊᒐᐱᔭ ᒐᒋ ᐱᒧᒐᑦ ᐊᑯᔅ ᒧᔭᒻ ᐊ ‍ ᐱᐱᔄᑭᓄᔨᒋ ᒋᑭ ‍ ᐃᓯᓇᑯᓯᔪᐛ᙮
\q1
\v 8 ᒧᔭᒻ ᐱᒪᔅᑯᑎᓯᔅ ᑲ ‍ ᑎᔅᑕᒡ, ᐊᑯᔅ ᒥᓯᐛ ᐊᑎᓯᒡ ᒋᑭ ‍ ᐃᒐᐱᔪᐅᒡ;
\q2 ᒧᔭᒻ ᐊᑲ ᐱᒪᑎᓯᔨᒋ ᐊᒋ ᐎ ‍ ᐛᐱᒪᐅᓱᑦ ᐃᔎᐤ, ᒐ ᐊᑲ ᒋ ᐛᐱᒪᔨᒋ ᐱᓯᒺ᙮
\b
\q1
\v 9 ᐊᒺᔭ ᒋᑦ ᐊᔅᒋᐧᑯᓯᐛᐛ ᒋ ‍ ᒧᓯᑕᒡ ᓯᑲᐎᒥᓇᑯᓯᔭ,
\q2 ᒋᑭ ‍ ᐃᒐᓇᐤ ᒧᔭᒻ ᑲᓯᐱᓯᐛᓱᐤ, ᒪᒧᐤ ᐊ ‍ ᐱᒪᑎᓯᔨᒋ, ᑭᔭ ᐅᒋᔄᓯᐅᓂᒡ᙮
\q1
\v 10 ᐅᑯᐃᔅᑯᑕᑎᓯᐤ ᒋᑭ ‍ ᒥᔽᔨᑎᒻ ᐃᔅᐱ ᐛᐸᑕᒐ ᒋᐛᑎᐸᒪᒐᐅᓂᔪᐤ:
\q2 ᒋᑭ ‍ ᓱᑈᒋᓂᒻ ᐅᓯᑕ ᐅᒥᐧᑯᔨᒡ ᐅᒥᒋᑥᐛ᙮
\q1
\v 11 ᐊᑯ ᒪᒃ ᐃᔪᐤ ᒐ ‍ ᐃᔅᒋᔄᑦ, “ᑕᑈ ᑎᐸᒧᐛᑭᓄᐅᒡ ᐅᑯᐃᔅᑯᑕᑎᓯᐅᒡ:
\q2 ᑕᑈ ᐎᔾ ᒋᓴᒪᓂᑐᐤ ᑲ ‍ ᑎᐸᔅᑯᓂᒐᑦ ᐊᔅᒋᒡ᙮”
\c 59
\q1
\v 1 ᐱᒪᒋᐃ ᑲ ‍ ᐛᐧᑲᓯᒡ ᐅᒡ, ᐅ ᓂᒋᓴᒪᓂᑐᒻ;
\q2 ᒥᑕᒂᓂᒧᐎ ᐊᓐᒡ ᐅᒋ ᑲ ‍ ᐱᓯᑯᔅᑐᐅᒡ᙮
\q1
\v 2 ᐱᒪᒋᐃ ᐊᓐᒡ ᑲ ‍ ᒥᒐᑎᓱᐎ ᑐᑕᒡ ᐅᒡ,
\q2 ᑭᔭ ᒥᑕᒂᓇᒧᐎ ᑲ ‍ ᓂᐸᐃᐛᓯᒡ ᐃᔪᒡ᙮
\b
\q1
\v 3 ᐛᔅ, ᒧᔅ, ᒋᒧᑦ ᐊᔅᑲᒧᐛᐅᒡ ᓂᑦ ᐊᒐᒂ:
\q2 ᑲ ‍ ᓱᐧᑲᑎᓯᒡ ᓂ ‍ ᒪᐛᒋᐃᑎᓱᔅᑕᑯᒡ;
\q2 ᓇᒪᐎᔾ ᓂᐅᓂᑐᑎᒧᐅᓐ, ᓇᒪ ᑭᔭ ᓂᒥᒋᑐᑎᒧᐅᓐ ᐅᒡ, ᐅ ᑎᐸᔨᒋᒐᓱᐤ᙮
\q1
\v 4 ᐱᒥᐸᑕᐅᒡ ᐊ ‍ ᐛᐛᓯᐅᒡ ᐊᑎ ᐊᑲ ᐅᒋ ‍ ᒥᒋᐃᑐᐅᒡ:
\q2 ᑯᔅᑯᓯ ᒐᒋ ᐎᒋᐃᔨᓐ, ᑭᓄᐛᐱᒥᔾ ᒪᒃ᙮
\q1
\v 5 ᒋᔾ ᒪᒃ, ᐅ ᑎᐸᔨᒋᒐᓱᐤ ᒥᓯᐛ ᓯᔪᐧᑲᑎᓯᔨᓐ ᒋᓴᒪᓂᑐᐤ,
\q2 ᐅᒋᓴᒪᓂᑐᒪ ᐃᔅᕋᐃᓪ, ᑯᔅᑯᓯ ᒐᒋ ᓂᑐᐛᐱᒥᑥᐤ ᒥᓯᐛ ᐊᑲ ᐊᔭᒥᐊᒡ:
\q2 ᐊᑲᐎᔾ ᒋᔅᑎᒪᒐᔨᒥᒡ ᑲ ‍ ᐅᓂᑐᑕᒡ᙮
\b
\q1
\v 6 ᒋᐛᐅᒡ ᐛᑕᑯᓯᔨᒋ, ᒧᔭᒻ ᐊᑎᒧᒡ ᐃᑎᑕᑯᓱᐅᒡ,
\q2 ᑭᔭ ᐛᔅᑲᔅᑭᒧᒡ ᐅᑕᓇᔪᐤ᙮
\q1
\v 7 ᐛᐸᑕ, ᒥᒋ ‍ ᐃᔨᒧᐅᒡ:
\q2 ᓯᒪᑭᓇ ᐅᑐᓄᐛᒡ ᑎᑯᓂᔪᐛ;
\q2 “ᐛᔅ ᐊᐛᓐ ᐱᔭᑕᐧᒃ ?” ᐃᔅᒋᔄᐅᒡ᙮
\q1
\v 8 ᒪᒃ ᒋᔾ, ᐅ ᑎᐸᔨᒋᒐᓱᐤ, ᒋᑭ ‍ ᐅᓯᓄᐛᐅᒡ:
\q2 ᒋᑭ ‍ ᓴᒂᔨᒺᐅᒡ ᒥᓯᐛ ᐊᑲ ᐊᔭᒥᐊᒡ᙮
\b
\q1
\v 9 ᐅᒥᔅᑯᐅᓯᐅᓐ ᐅᒋ ᒋᑭ ‍ ᐊᓯᓄᐛᐃᑎᓐ:
\q2 ᐛᔅ ᒋᓴᒪᓂᑐᐤ ᓂ ‍ ᒋᔅᐸᐛᑎᒄ᙮
\q1
\v 10 ᓂ ‍ ᓱᐛᔨᒥᑯᓯᔪᐤ ᒋᓴᒪᓂᑐᒻ ᓂᑭ ‍ ᐱᒪᒋᐃᒄ:
\q2 ᒋᓴᒪᓂᑐᐤ ᓂᑭ ‍ ᐛᐸᑎᔨᒃ ᒐᒋ ᐃᑎᒡ ᑲ ‍ ᐛᐧᑲᓯᒡ ᐊ ‍ ᐃᑕᔨᑎᒪᓐ᙮
\b
\q1
\v 11 ᐊᑲᐎᔾ ᓂᐸᐃᒡ, ᒥᔅᑯᒡ ᓂᑦ ᐃᔨᒥᒡ ᒋᑭ ‍ ᐅᓂᒋᔅᒋᓯᐅᒡ ᐛᓴᔄᐱᓐᒡ ᒋᓱᐧᑲᑎᓯᐅᓂᒡ;
\q2 ᓂᒋᐛᐱᓐᒡ ᒪᒃ, ᐅ ᑎᐸᔨᒋᒐᓱᐤ, ᓂᑦ ᐊᒂᓇᐅᓱᐛᑭᓂᓇᓐ᙮
\q1
\v 12 ᐅᒥᒋᑥᐅᓄᐛᐤ ᐅᑐᓄᐛᒡ ᐅᒡ, ᑭᔭ ᐅᑦ ᐃᔨᒧᐅᓄᐛᐛ ᐅᒋ ᐊᑯᔅ ᒋᑭ ‍ ᓂᒂᓱᐅᒡ ᐅᒋᔅᑕᔨᒧᐅᓄᐛᒡ:
\q2 ᑭᔭ ᒪᒐᒋᒧᐛᐅᓐ ᑭᔭ ᑭᑭᒋᔭᐅᓐ ᐅᒋ ᑲ ‍ ᐃᔨᒥᒡ᙮
\q1
\v 13 ᓂᓱᐅᓇᒋᐃᒡ ᒋᑦ ᐊᐧᑯᔪᐛᓱᐅᓂᒡ, ᓂᓱᐅᓇᒋᐃᒡ, ᒐ ᐊᑲ ᒋ ᐃᑕᒡ:
\q2 ᐊᑯᔅ ᒪᒃ ᒋᑭ ‍ ᒋᔅᒐᔨᑎᒧᒡ ᒋᓴᒪᓂᑐᐤ ᐊ ‍ ᑎᐸᔨᒋᒐᑦ ᒐᑭᐱᒡ, ᒥᓯᐛ ᐊᔅᐱᑎᔅᑭᒥᑲᔨᒡ᙮
\b
\q1
\v 14 ᒋᐛᐅᒡ ᐛᑕᑯᓯᔨᒋ, ᒧᔭᒻ ᐊᑎᒧᒡ ᐃᑎᑕᑯᓱᐅᒡ,
\q2 ᑭᔭ ᐛᔅᑲᔅᑭᒧᒡ ᐅᑕᓇᔪᐤ᙮
\q1
\v 15 ᐊᑯᔅ ᒪᒃ ᒋᑭ ‍ ᐱᐸᒧᑕᐅᒡ ᒐᒋ ᓇᓂᑐᐛᐸᑕᒡ ᒥᒋᒥᔪᐤ,
\q2 ᑭᔭ ᒋᑭ ‍ ᒥᑐᐛᐅᒡ ᒧᔭᒻ ᐊᑲ ᒋᔅᐳᑥᐛ᙮
\q1
\v 16 ᒪᒃ ᓂᔾ ᓂᑭ ‍ ᓂᑭᒧᑕᓐ ᒋᓱᐧᑲᑎᓯᐅᓐ;
\q2 ᓂᐦᐃ, ᐊ ‍ ᒋᔄᐛᔭᓐ ᓂᑭ ‍ ᓂᑭᒧᑕᓐ ᒋᓱᐛᔨᒋᒐᐅᓐ ᒋᔭᒋᓴᐸᔭᒋ:
\q2 ᐛᔅ ᒋᔾ ᔅᒋ ‍ ᓇᔅᑎᒧᐅᓐ ᑭᔭ ᔅᒋ ‍ ᑭᓄᐛᔨᒥᓐ ᐛ ᐊᑎ ‍ ᐊᔨᒥᓯᐤ ᒋᓯᑲᒥᔭᓂ᙮
\b
\q1
\v 17 ᒋᔾ, ᐅ ᓂᒥᔅᑯᐅᓯᐅᓐ, ᒋᑭ ‍ ᓂᑭᒧᔅᑕᑎᓐ:
\q2 ᐛᔅ ᒋᓴᒪᓂᑐᐤ ᓂ ‍ ᒋᔅᐸᐛᑎᒄ, ᑭᔭ ᓂᓱᐛᔨᒥᑯᓯᔪᐤ ᒋᓴᒪᓂᑐᒻ᙮
\c 60
\q1
\v 1 ᐅ ᒋᓴᒪᓂᑐᐤ, ᒋ ‍ ᒋᐛᐱᓂᓇᓐ, ᔅᒋ ‍ ᐛᓴᔄᐱᓂᓇᓐ;
\q2 ᔅᒋ ‍ ᓇᔭᑐᐛᔨᑕᓐ;
\q2 ᐅ ᒋᐛ ᒂᔅᒋᑲᐳᐅᔅᑐᐅᓇᓐ᙮
\q1
\v 2 ᔅᒋ ‍ ᓇᓇᐱᔨᑕᓐ ᐊᔅᒋᔾ;
\q2 ᔅᒋ ‍ ᐱᑯᓇᓐ᙮
\q1 ᒥᔽᓯᑕ ᐊ ‍ ᒪᔅᑲᒡ;
\q2 ᐛᔅ ᑯᔅᑯᐱᔪᐤ᙮
\q1
\v 3 ᔅᒋ ‍ ᐛᐸᑎᔭᐅᒡ ᒋᑦ ᐃᔨᒥᒡ ᑲ ‍ ᐊᔨᒥᓂᔨᒋ:
\q2 ᔅᒋ ‍ ᑐᑐᐅᓇᓐ ᒐᒋ ᒥᓂᔭᒡ ᒪᒥᔅᑲᑕᒧᐎ ᓱᒥᓇᐳᔾ᙮
\b
\q1
\v 4 ᔅᒋ ‍ ᒥᔽᐅᒡ ᐊᔭᒥᐊᐅᓂᔪᐤ ᐊᓐᒡ ᑲ ‍ ᓇᓂᒋᔅᑕᔅᒡ,
\q2 ᒐᒋ ᓄᑯᑕᑭᓄᐎᒡ ᑕᑈᐅᒡ᙮
\b
\q1
\v 5 ᒋᓴᒋᐊᑭᓐ ᒐᒋ ᐱᒪᒋᐊᑭᓄᐅᑦ;
\q2 ᐱᒪᒋᐃ ᒋᒥᔪᐅᓂᒡ ᐅᒡ, ᓂᑐᑐᐎ ᒪᒃ᙮
\q1
\v 6 ᒋᓴᒪᓂᑐᐤ ᒋ ‍ ᐃᔨᒧᐤ ᐅᐸᔭᒋᓯᐅᓂᒡ;
\q2 “ᓂᑭ ‍ ᒥᔽᔨᑕᓐ, ᓂᑭ ‍ ᐸᐸᔅᒋᑎᓇᓐ ᓴᑭᒻ,
\q2 ᓂᑭ ‍ ᑎᐸᐊᓐ ᑭᔭ ᐊ ‍ ᐱᓴᒡ ᓱᑯᑦ᙮”
\q1
\v 7 ᑭᓕᐊᑦ ᓂ ‍ ᑎᐸᔨᑕᓐ, ᒪᓇᓴ ᑭᔭ ᓂ ‍ ᑎᐸᔨᑕᓐ;
\q2 ᐃᑉᕋᐃᒻ ᑭᔭ ᑲ ᐅᒋ ‍ ᒥᔅᑯᐛᒡ ᓂᔅᑎᒂᓐ;
\q2 ᒍᑕ ᐊᐅᒄ ᓂᐎᓱᐛᐅᐃᔨᒻ;
\q1
\v 8 ᒧᐊᑉ ᓂᒋᔅᑕᐸᐎᔭᑭᓐ;
\q2 ᐃᑕᒥᒡ ᓂᑭ ᐃᓯ ‍ ᐛᐱᓇᓐ ᓂᒥᔅᒋᓇ;
\q2 ᐱᓕᔅᑕᐃᓐ ᐊᔅᒋᔾ ᒥᔽᔨᑕ ᓂᔾ ᐅᒡ᙮
\b
\q1
\v 9 ᐊᐛᓐ ᒐ ‍ ᐸᓱᐅᑦ ᒥᔅᑯᐎ ᐅᑕᓇᒡ ?
\q2 ᐊᐛᓐ ᒐ ‍ ᐃᑐᑕᐃᑦ ᐃᑕᒥᒡ ?
\q1
\v 10 ᓇᒪ ᐊ ᒋᔾ, ᐅ ᒋᓴᒪᓂᑐᐤ, ᑲᒋ ‍ ᐛᐱᓂᔭᒡ ?
\q2 ᒋᔾ ᒪᒃ, ᐅ ᒋᓴᒪᓂᑐᐤ, ᐊᑲ ᐛᒡ ‍ ᐎᒐᐅᑥᐤ ᓂᓂᑐᐱᔪᐅ-ᐃᔨᒥᓇᓐᒡ ?
\q1
\v 11 ᐎᒋᐃᓇᓐ ᐊᔨᒥᓯᐅᓂᒡ ᐅᒡ:
\q2 ᐛᔅ ᓇᒪ ᒐᒂᓐ ᐃᑕᔨᑕᑯᓂᔪᐤ ᐅᐎᒋᐃᐛᐅᓐ ᐃᔪᐤ᙮
\q1
\v 12 ᒋᓴᒪᓂᑐᐤ ᐅᒋ ᒋᑭ ‍ ᓱᒋᑕᐊᐅ-ᑐᑕᓇᓄᐤ:
\q2 ᐛᔅ ᐎᔾ ᐊᐅᑯᓐ ᒐ ‍ ᑕᑯᔅᑲᑕᑦ ᐊᓂᔭ ᑲ ‍ ᒪᓯᔨᑎᑕᐧᑯᐤ᙮
\c 61
\q1
\v 1 ᓂᑐᑕ ᓂᓂᑐᑎᒪᒐᐅᓐ, ᐅ ᒋᓴᒪᓂᑐᐤ;
\q2 ᐱᓯᒋᑕ ᓂᑦ ᐊᔭᒥᐊᐅᓐ᙮
\b
\q1
\v 2 ᐊ ‍ ᐃᔎᔅᑭᒥᑲᒡ ᒋᑭ ᐅᒋ ‍ ᒧᔅᑯᐛᑕᑎᓐ, ᐃᔅᐱ ᒪᑯᔅᑲᒋᑕᐊᔭᓂ:
\q2 ᐃᑐᑕᐃ ᒋᔅᑕᐱᔅᑯᒡ ᐊᑐᐎᔅ ᑲ ‍ ᐃᔅᐸᒡ ᐃᔅᐱᔅ ᓂᔾ᙮
\q1
\v 3 ᐛᔅ ᒋᔾ ᓂᑦ ᐊᒂᓇᐊᓱᐅᓐ,
\q2 ᑭᔭ ᑲ ‍ ᒥᔅᑯᐛᒡ ᓂᑦ ᐊᓱᐛᐳᐅᓐ ᐅᓄᑎᓄᐛᐤ ᐅᒡ᙮
\b
\q1
\v 4 ᓂᑭ ‍ ᑕᓐ ᒋᒋᒡ ᑲᒋᒡ:
\q2 ᓂᑭ ‍ ᒪᒥᓯᑐᑕᓐ ᐊ ‍ ᐊᑯᓇᐎᓐ ᒋᒥᑯᓐ᙮
\q1
\v 5 ᐛᔅ ᒋᔾ, ᐅ ᒋᓴᒪᓂᑐᐤ, ᔅᒋ ‍ ᐸᑕᓐ ᓂ ‍ ᒋᒋᐃᑥᐅᓇ:
\q2 ᔅᒋ ‍ ᒥᔨᓐ ᐊ ᐃᓯ ‍ ᐊᔭᒡ ᐊᓐᒡ ᑲ ‍ ᓇᓂᒋᔅᑕᒡ ᒋᑦ ᐃᓯᓂᐧᑲᓱᐅᓂᔪᐤ᙮
\b
\q1
\v 6 ᒋᑭ ‍ ᒋᓄᑕᐛᓐ ᒋᓴᐅᒋᒪᐤ ᐅᐱᒪᑎᓯᐅᓐ,
\q2 ᑭᔭ ᐅᐱᐳᓂᒪ ᒧᔭᒻ ᒥᒐᑥᐤ ᐊ ᐊᓂᔅᒐ ‍ ᐱᒪᑎᓯᓇᓄᐅᒋ᙮
\q1
\v 7 ᒋᑭ ‍ ᑕᐤ ᐅᑎᔅᑯᐤ ᒋᓴᒪᓂᑐᐛ ᑲᒋᒡ:
\q2 ᐅ ᐛᐛᓯᑕ ᓱᐛᔨᒋᒐᐅᓐ ᑭᔭ ᑕᑈᐅᓐ, ᒐ ‍ ᑭᓄᐛᔨᒥᑯᑦ᙮
\b
\q1
\v 8 ᐊᑯ ᒐ ‍ ᓂᑭᒧᑕᔭᓐ ᒋᑦ ᐃᓯᓂᐧᑲᓱᐅᓐ ᑲᒋᒡ;
\q2 ᒧᓯᓇᐤ ᒐᒋ ᑎᐱᑐᑎᒪᓐ ᓂ ‍ ᒋᒋᐃᑥᐅᓇ᙮
\c 62
\q1
\v 1 ᑕᑈ ᓂᑦ ᐊᒐᐧᒄ ᐊᓯᓄᐛᐊᐤ ᒋᓴᒪᓂᑐᐛ:
\q2 ᐎᔾ ᐊᑕᑦ ᐅᒋᐱᔪᐤ ᓂᐱᒪᒋᐃᑯᓯᐅᓐ᙮
\q1
\v 2 ᐎᔾ ᒥᒄ ᓂᒋᔅᑕᐱᔅᑯᒻ ᑭᔭ ᓂᐱᒪᒋᐃᑯᓯᐅᓐ; ᐎᔾ ᓂᒋᔅᐸᐛᑎᑯᓯᐅᓐ;
\q2 ᓇᒪᐎᔾ ᓇᔅᒡ ᓂᑭ ‍ ᐊᒋᐸᔨᐃᑯᐅᓐ᙮
\b
\p
\v 3 ᑕᓐ ᐊᔪᐛᒃ ᒐ ‍ ᐃᑕᔨᑎᒪᒄ ᒐ ‍ ᒪᔭᔨᒪᒄ ᐃᔪᐤ ?
\q2 ᒋᑭ ‍ ᓂᐸᐃᑯᐅᓇᐛᐤ ᒥᓯᐛ ᐊ ‍ ᑎᓯᔭᒄ:
\q2 ᒧᔭᒻ ᑲ ‍ ᑲᐛᐛᐱᔨᒡ ᒪᓂᑭᓐ ᒋᑭ ‍ ᐃᓯᓇᑯᓯᓇᐛᐤ, ᑭᔭ ᒧᔭᒻ ᑲ ‍ ᑯᔅᑯᐱᔨᒡ ᒪᓂᑭᓐ᙮
\q1
\v 4 ᒥᒄ ᓯᒋᒥᑐᒡ ᐅᑦ ᐃᔅᐸᔨᑕᑯᓱᓂᒡ ᒐᒋ ᐅᒋ ‍ ᓂᒋᐛᐳᐛᒡ;
\q2 ᒥᔽᔨᑎᒧᒡ ᑭᑭᒋᔭᐅᓇ;
\q2 ᐅᑐᓄᐛᒡ ᐅᒋ ᒥᔽᒋᒧᐛᐅᒡ, ᒪᒃ ᐱᒋᔪᐤ ᒪᒐᒋᒧᐛᐅᒡ᙮
\b
\s2 Psalm 62:5-12 (Epiphany-3 Year B)
\q1
\v 5 ᓂᑦ ᐊᒐᐧᒄ, ᒋᑭ ‍ ᐊᓯᓄᐛᐤ ᒋᓴᒪᓂᑐᐛ ᒥᒄ;
\q2 ᐛᔅ ᐎᔾ ᓂᑦ ᐊᔅᐸᔨᒪᐤ᙮
\q1
\v 6 ᐎᔾ ᒥᒄ ᓂ ‍ ᒋᔅᑕᐱᔅᑯᒻ ᑭᔭ ᓂ ‍ ᐱᒪᒋᐃᑯᓯᐅᓐ;
\q2 ᐎᔾ ᓂ ‍ ᓇᑕᒪᑯᓯᐅᓐ;
\q2 ᓇᒪ ᓂᑕ ᓂᑭ ᒋ ‍ ᐊᒋᐸᔨᐃᑯᐅᓐ᙮
\q1
\v 7 ᒋᓴᒪᓂᑐᒡ ᐃᑎᔅᑕᐤ ᓂ ‍ ᐱᒪᒋᐃᑯᓯᐅᓐ ᑭᔭ ᓂᒋᔅᑕᔨᑕᑯᓯᐅᓐ;
\q2 ᐊ ‍ ᒋᔅᑕᐱᔅᑯᐅᒡ ᓂ ‍ ᒥᔅᑯᐅᓯᐅᓐ, ᑭᔭ ᓂ ‍ ᓇᑕᓯᒧᐅᓐ ᒋᓴᒪᓂᑐᒡ ᐃᑎᔅᑕᐤ᙮
\q1
\v 8 ᒪᒥᓯᑐᑕᐧᒄ ᑲᒋᒡ;
\q2 ᒋᔨᐛᐤ ᐃᔨᑐᒄ, ᓯᒋᓇᒧᐛᐧᒄ ᒋᑕᐃᐛᐛ:
\q2 ᒋᓴᒪᓂᑐᐤ ᒋᓇᑕᓯᒧᐅᓇᓄᐤ᙮
\b
\q1
\v 9 ᒐᔅᑎᓇᔅ ᐃᔪᒡ ᑲ ‍ ᐊᐱᔅᑕᔨᑕᑯᓯᒡ ᓂᑐᐎᔾ ᐃᑕᔨᑕᑯᓱᐅᒡ,
\q2 ᑭᔭ ᐃᔪᒡ ᑲ ‍ ᐃᔅᐸᔨᑕᑯᓯᒡ ᑭᑭᒋᔭᐅᒡ:
\q1 ᒐᒋ ᑎᐸᔅᑯᓇᑭᓄᐅᒡ,
\q2 ᐅᔅᑕ ᔭᐧᑭᓱᐅᒡ ᐃᔅᐱᔅ ᓂᑐᐎᔾ ᒐᒂᓐ᙮
\q1
\v 10 ᐊᑲᐎᔾ ᒪᒥᓯᑐᑎᒧᒄ ᐊᔨᒥᐃᐛᐅᓐ,
\q2 ᐊᑲ ᑭᔭ ᒋᔅᑕᔨᒧᒄ ᒪᔅᑲᑥᐅᓂᒡ;
\q1 ᐃᔅᐱᔅ ᐃᔅᐱᐱᔨᒂᐛ ᒋᐛᔨᑎᓱᐅᓄᐛᐛ,
\q2 ᐊᑲᐎᔾ ᐊᓐᑕ ᐃᑎᔅᑕᒄ ᒋᑕᐃᐛᐛᐤ᙮
\b
\q1
\v 11 ᒋᓴᒪᓂᑐᐤ ᒋ ‍ ᐃᔨᒧᐤ ᐸᐃᒂᐤ;
\q2 ᓂᔄᐤ ᐅ ᓂᒋ ‍ ᐸᑕᓐ;
\q2 ᑭᔅᒋᐅᓂᔪᐤ ᐊ ‍ ᑎᐱᔽᐅᓯᑦ ᒋᓴᒪᓂᑐᐤ᙮
\q1
\v 12 ᒋᔾ ᑭᔭ, ᐅ ᑎᐸᔨᒋᒐᓱᐤ, ᒋ ‍ ᑎᐱᔽᐅᓯᓐ ᓱᐛᔨᒋᒐᐅᓐ;
\q2 ᐛᔅ ᒋᑦ ᐃᓯ ‍ ᒥᔭᐤ ᒥᓯᐛ ᑕᑐᐤ ᐃᔪᐤ ᑲ ‍ ᐃᓯᓇᒂᓂᔨᒡ ᐅᑦ ᐊᑐᔅᒐᐅᓐ᙮
\c 63
\s2 Psalm 63:1-8 (Lent-3 Year C)
\q1
\v 1 ᐅ ᒋᓴᒪᓂᑐᐤ, ᒋᔭ ᓂᒋᓴᒪᓂᑐᒻ;
\q2 ᐎᐱᒡ ᒋᑭ ‍ ᓇᓂᑐᐛᔨᒥᑎᓐ:
\q1 ᓂᑦ ᐊᒐᐧᒄ ᒋ ‍ ᓄᑕᔭᐸᒂᑐᑕᒄ,
\q2 ᓂᔭᔅ ᒋ ‍ ᐱᒂᔨᒥᑯᓐ,
\q2 ᐊ ‍ ᐸᔅᑕᒡ ᑭᔭ ᐊ ‍ ᓄᑕᔭᐸᒂᒥᑭᒡ ᐊᔅᒋᒡ, ᐊᓐᑕ ᐊᑲ ᑎᒂᒡ ᓂᐱᔾ᙮
\b
\q1
\v 2 ᑲᒋ ‍ ᐛᐸᑎᒪᓐ ᒋᑭᔅᒋᐅᓐ ᑭᔭ ᒋᒋᔅᑕᔨᑕᑯᓱᐅᓐ,
\q2 ᑲ ᐃᓯ ‍ ᐛᐱᒥᑕᓐ ᐸᔭᒋ ‍ ᒥᒋᐛᐱᒡ᙮
\q1
\v 3 ᒋ ‍ ᓴᒋᐃᐛᐤ ᒋᓴᐛᑎᓯᐅᓐ ᐊᔪᐛᒃ ᐊ ‍ ᒥᔽᓯᒡ ᐃᔅᐱᔅ ᐱᒪᑎᓯᐅᓐ,
\q2 ᓂᑐᓂᒡ ᒋᑭ ᐅᒋ ‍ ᒪᒥᒋᒥᑎᓐ᙮
\q1
\v 4 ᐊᐅᑯᐤ ᒐ ᐃᓯ ‍ ᒪᒥᒋᒥᑕᓐ ᒐ ᐃᔅᐱᔅ ‍ ᐱᒪᑎᓯᔭᓐ:
\q2 ᓂᑭ ‍ ᐅᐱᓇᓐ ᓂᑎᒋᔭ ᒋᑦ ᐃᓯᓂᐧᑲᓱᐅᓂᒡ᙮
\q1
\v 5 ᓂᑦ ᐊᒐᐧᒄ ᒋᑭ ‍ ᒋᔅᐳᐤ ᒧᔭᒻ ᐎᓐ ᑭᔭ ᑲ ‍ ᐎᔨᔪᐅᒡ ᐅᒋ;
\q2 ᓂᑐᓂᒡ ᑭᔭ ᒋᑭ ᐅᒋ ‍ ᒪᒥᒋᒥᑎᓐ ᐊ ‍ ᒥᔽᔨᑎᒧᓱᐛᔅᒐᔭᓐ᙮
\b
\q1
\v 6 ᐃᔅᐱ ᒐᔅᒋᑕᑕᓂ ᓂᓂᐸᐅᓂᒡ,
\q2 ᑭᔭ ᒥᔭᒥᑐᓇᔨᒥᑕᓂ ᐊ ‍ ᒪᒂᒡ ᑎᐱᔅᑲᒡ᙮
\q1
\v 7 ᒋᔾ ᐊᒋ ‍ ᐎᒋᐃᔨᓐ,
\q2 ᐊ ‍ ᐊᑯᓇᐎᓐ ᒋᒥᑯᓇ ᓂᑭ ‍ ᒥᔽᔨᑕᓐ᙮
\q1
\v 8 ᓂᑦ ᐊᒐᐧᒄ ᓱᒃ ᒋ ‍ ᓄᔅᐱᓇᑎᒄ:
\q2 ᒋᒥᔪᐎᓐ ᓂ ‍ ᓯᑐᓂᑯᓐ᙮
\b
\q1
\v 9 ᐊᓐᒡ ᒪᒃ ᑲ ‍ ᓇᓂᑐᐛᔨᒪᒡ ᓂᑦ ᐊᒐᒂ ᒐᒋ ᓂᓱᐅᓇᒋᐊᒡ,
\q2 ᒋᑭ ‍ ᐃᑐᑕᐅᒡ ᒪᐅᒡ ᐊ ‍ ᑕᒥᔅᑭᒥᑲᒡ᙮
\q1
\v 10 ᒋᑭ ‍ ᐸᒋᓯᓂᒡ ᓂᑐᐱᔪᐅ-ᒧᐧᑯᒪᓇ ᐅᒡ;
\q2 ᒋᑭ ‍ ᐅᑎᓂᑯᐅᒡ ᒪᒐᓱᐛ᙮
\b
\q1
\v 11 ᒪᒃ ᒋᓴᐅᒋᒪᐤ ᒋᑭ ‍ ᒥᔽᑕᐤ ᒋᓴᒪᓂᑐᐛ;
\q2 ᒥᓯᐛ ᐊᐛᓐ ᑲ ᐃᔅᐱ ᒋᒋ ᐃᔅᒋᔄᑦ ᐎᔾ ᐅᒋ ᒋᑭ ‍ ᒋᔅᑕᔨᑕᑯᓱᐤ:
\q2 ᒪᒃ ᐅᑐᓄᐛᐤ ᐊᓐᒡ ᑲ ‍ ᑭᑭᒋᔭᒡ ᒋᑭ ‍ ᒋᐸᐃᑭᓄᐎᔨᐛ᙮
\c 64
\q1
\v 1 ᓂᑐᑐᐎ, ᐅ ᒋᓴᒪᓂᑐᐤ, ᓂᑦ ᐊᔭᒥᐊᐅᓂᒡ:
\q2 ᑭᓄᐛᔨᑕ ᓂᐱᒪᑎᓯᐅᓐ ᐊ ‍ ᑯᔅᑎᒃ ᑲ ᐎ ‍ ᐎᔭᔅᑐᑐᐅᑦ᙮
\q1
\v 2 ᑲᐃ ᐊ ‍ ᒋᒧᑦ ᓯᒋᒥᑐᒡ ᐅᒥᒋᑥᐅᒡ;
\q2 ᐊ ᐎ ‍ ᓂᑐᐱᔨᒡ ᑲ ‍ ᐎᔭᔅᑐᑐᐅᒡ ᐃᑎᒡ;
\q1
\v 3 ᑲ ‍ ᒋᓂᑕᒡ ᐅᑕᔨᔪᐛᐛ ᒧᔭᒻ ᓂᑐᐱᔪᐅ-ᒧᐧᑯᒪᓂᔪᐤ,
\q2 ᑭᔭ ᑲ ‍ ᐛᒋᓇᒡ ᐅᑦ ᐊᒐᐱᐛᐛ, ᒐᒋ ᐱᒧᒐᒡ ᐅᑦ ᐊᑭᔅᑯᐛᐛ, ᐊᑯ ᐃᔨᒧᐅᓇ ᐅᑎ;
\q1
\v 4 ᒋᒧᑦ ᒐᒋ ᐱᒺᒡ ᑲ ‍ ᒥᔽᑎᓯᔨᒋ:
\q2 ᓯᔅᒋᑯᒡ ᐱᒺᐛᒡ, ᓇᒪ ᑭᔭ ᑯᔅᑕᒋᐅᒡ᙮
\b
\q1
\v 5 ᓯᒋᒥᑐᐅᒡ ᒥᒋ ‍ ᒐᒂᔪᐤ:
\q2 ᓯᒋᒥᑐᐅᒡ ᒋᒧᑦ ᒐᒋ ᑕᐱᒂᒡ;
\q2 ᐃᔅᒋᔄᐅᒡ, “ᐊᐛᔪᐛ ᒐ ‍ ᐛᐱᒥᑯᒡ ?”
\q1
\v 6 ᓇᓂᑐᐛᐸᑎᒧᒡ ᒥᒐᑎᓯᐅᓇ;
\q2 ᐛᓂᔅᒐ ᓇᓂᑐᐛᔨᒋᒐᐅᒡ ᒪᒧᐤ ᐱᒋᔪᐤ ᐅᒥᑐᓇᐃᒋᑭᓄᐛᒡ ᒥᓯᐛ ᐊ ‍ ᐃᑕᓯᒡ ᑭᔭ ᐅᑕᐃᐛᒡ ᑕᒥᔪᐤ᙮
\b
\q1
\v 7 ᒪᒃ ᒋᓴᒪᓂᑐᐤ ᒋᑭ ‍ ᐱᒺᐤ ᐊᑭᔎ ᐅᒡ;
\q2 ᓯᔅᒋᑯᒡ ᒋᑭ ‍ ᒥᔄᑭᓂᐧᑲᑕᑭᓄᐅᒡ᙮
\q1
\v 8 ᑎᐱᔽ ᐅᑕᔨᔪᐛᐛ ᒪᒃ ᒋᑭ ᐅᒋ ‍ ᑎᐧᑯᒧᔨᑎᓱᐅᒡ:
\q2 ᒥᓯᐛ ᒐ ‍ ᐛᐱᒥᑯᒡ ᒋᑭ ‍ ᐅᓯᒧᔪᐛ᙮
\b
\q1
\v 9 ᒥᓯᐛ ᐃᔪᒡ ᒪᒃ ᒋᑭ ‍ ᓴᒋᓯᐅᒡ,
\q2 ᑭᔭ ᒋᑭ ‍ ᐎᑎᒺᐅᒡ ᐅᑦ ᐊᑐᔅᒐᐅᓂᔪᐤ ᒋᓴᒪᓂᑐᐛ;
\q2 ᐛᔅ ᒋᑭ ‍ ᑭᒐᑕᐛᔨᑎᒧᐅ ᒥᑐᓇᔨᑎᒺᐅᒡ ᐅᑐᑎᒧᐅᓂᔪᐤ᙮
\q1
\v 10 ᐅᑯᐃᔅᑯᑕᑎᓯᐅᒡ ᒋᑭ ‍ ᒥᔽᔨᑎᒧᒡ ᑎᐸᔨᒋᒐᓱᐛ ᐅᒋ,
\q2 ᑭᔭ ᒋᑭ ‍ ᒪᒥᓯᑐᑕᐛᐅᒡ;
\q2 ᑭᔭ ᒥᓯᐛ ᑲ ‍ ᑯᐃᔅᑯᑕᐊᒡ ᒋᑭ ‍ ᒧᒋᒐᔨᑎᒧᒡ᙮
\c 65
\s2 Psalm 65 (Proper-25 Year C)
\q1
\v 1 ᒪᒥᒋᒧᐛᐅᓐ ᒋᑦ ᐊᓯᓂᐛᐃᑯᓐ, ᐅ ᒋᓴᒪᓂᑐᐤ, ᓴᐃᔭᓂᒡ:
\q2 ᒋᔾ ᒪᒃ ᑲ ᐃᓯ ᒋᒋ ‍ ᐃᔨᒥᓇᓄᐅᒡ ᒋᑭ ‍ ᐃᑐᑎᒪᑯᐅᓐ᙮
\q1
\v 2 ᐅ ᒋᔾ ᑲ ‍ ᓂᑐᑎᒥᓐ ᐊᔭᒥᐊᐅᓐ,
\q2 ᒋᔾ ᒋᑭ ᐸᒋ ‍ ᓇᑎᑯᒡ ᒥᓯᐛ ᑲ ‍ ᐎᔭᓯᒡ᙮
\q1
\v 3 ᒥᒐᑎᓯᐅᓇ ᓂ ‍ ᓴᐧᑯᒋᐃᑯᓐ;
\q2 ᓂᐅᓂᑐᑎᒧᐅᓂᓇᓇ ᒪᒃ ᒋ ‍ ᑲᓯᐊᓐ᙮
\q1
\v 4 ᓱᐛᔨᑕᑯᓱᐤ ᐊᓐ ᐃᔪᐤ ᑲ ‍ ᐅᐛᑕᐱᒥᑦ,
\q2 ᑭᔭ ᑲ ‍ ᐃᑕᔨᒥᑦ ᒐᒋ ᐸᒋ ‍ ᓇᑎᔅᒃ, ᒐᒋ ᑕᑦ ᒋ ‍ ᒪᐛᒋᐃᑐᐅᒋᐛᐱᒡ:
\q1 ᓂᑭ ‍ ᑕᐱᒐᔨᑕᓇᓐ ᐊᔅᐱᔅ ᒥᔽᓯᒡ ᒋᒡ,
\q2 ᒋ ‍ ᐸᔭᒋ ‍ ᒋᓴᐊᔭᒥᐊᐅᒋᐛᐱᒡ ᐅᑦ᙮
\b
\q1
\v 5 ᐊ ‍ ᑯᔅᑕᑎᒂᒋ ᒐᒂᓇ ᑯᐃᔅᑯᑕᑎᓯᐅᓂᒡ ᒋᑭ ᐅᒋ ‍ ᐎᑎᒧᐅᓇᓐ,
\q2 ᐅ ᒋᓴᒪᓂᑐᐤ ᐛᒋᐱᔨᒡ ᓂᐱᒪᒋᐃᑯᓯᐅᓂᓇᓇ;
\q2 ᒋᔾ ᐊᐅᒄ ᐊᓐ ᑲ ‍ ᐊᔅᐸᔨᒧᑐᑕᑯᑦ ᒥᓯᐛ ᐊᔅᒋᔪᐤ, ᐊᓂᔭ ᑭᔭ ᐛᔪᐤ ᑲ ‍ ᑕᔨᒋ ᐎᓂᐸᑯᒡ;
\q1
\v 6 ᐅᒥᔅᑯᐅᓯᐅᓂᒡ ᑲ ‍ ᐊᔨᑎᔅᑕᑦ ᐱᔅᑯᑎᓇᐛ;
\q2 ᐊ ‍ ᐱᒂᑕᐅᔅᑲᐧᒃ ᑭᔅᒋᐅᓂᔪᐤ:
\q1
\v 7 ᑲ ‍ ᒋᐱᑐᐛᒥᑲᑕᑦ ᐎᓂᐸᑯᔪᐤ,
\q2 ᐊ ‍ ᒪᑥᔭᓂᔨᒡ,
\q2 ᑭᔭ ᐊ ‍ ᒋᑕᔎᑯᓯᔨᒋ ᐃᔪᐛ᙮
\q1
\v 8 ᐊᓐᒡ ᐊ ‍ ᐃᔎᔭᔨᒡ ᑲ ‍ ᐎᒋᒡ ᑯᔅᑎᒧᒡ ᒋ ‍ ᒋᔅᒋᓄᐛᒋᒋᑭᓇ:
\q2 ᒋ ‍ ᒥᔽᑕᒧᑕᓐ ᐊ ᐊᑎ ‍ ᒐᒋᓴᐸᔭᒡ ᑭᔭ ᐊ ᐊᑎ ‍ ᐅᑕᑯᓯᒡ᙮
\b
\q1
\v 9 ᒋ ‍ ᒧᐅᐱᔅᑕᓐ ᐊᔅᒋᔾ, ᑭᔭ ᒋ ‍ ᓂᐱᐎᑕᓐ:
\q2 ᓇᔅᒡ ᒋ ‍ ᐛᔪᒋᑕᓐ ᐅᓯᐱᒪ ᒋᓴᒪᓂᑐᐤ ᐅᒡ, ᑲ ‍ ᓴᑭᔅᒋᓇᐸᔭᔨᒡ:
\q2 ᒋᑦ ᐊᔭᔅᑲᐎᑕᒪᐛᐅᒡ ᒪᑕᒥᓇ, ᐃᔅᐱ ᐊᒋ ‍ ᐱᔅᑎᓂᒥᓐ᙮
\q1
\v 10 ᓇᔅᒡ ᒥᔅᑎ ᒋ ‍ ᒥᓯᐸᒋᑕᓐ ᐊᓐᑕ ᐊ ‍ ᐅᓴᔭᒡ;
\q2 ᒋ ‍ ᐎᔨᔅᑕᓐ ᐊ ‍ ᐱᓴᒡ:
\q2 ᒋ ‍ ᔪᔅᒋᑕᓐ ᐊ ‍ ᐸᐸᒋᐸᔅᑕᒡ ᐅᒡ:
\q2 ᒋ ᒥᔪ ‍ ᐃᑕᔨᑕᓐ ᐊ ‍ ᓴᒋᓂᑕᐅᒋᒡ᙮
\q1
\v 11 ᒋ ‍ ᐳᔅᑐᑎᓇᑕᓐ ᐊ ‍ ᐱᐳᒡ ᒋᒥᔪᑐᑕᒐᐅᓐ ᐅᒡ;
\q2 ᑭᔭ ᒋᒪᔅᑭᓇᒡ ᐅᒋ ᐸᒋᑎᓐ ᑲ ‍ ᐎᔨᔪᐅᒡ᙮
\q1
\v 12 ᐸᒋᑎᓇ ᐊᐅᑯᓐ ᒥᒋᓱᐅᓂᒡ ᐸᐧᑯᑎᔅᑭᒥᑲᒡ;
\q2 ᑭᔭ ᐱᔅᑯᑎᓇᓴ ᒥᔽᔨᑕᒧᒪᑭᓇ ᒥᓯᐛ ᐊᔨᑐᐤ᙮
\q1
\v 13 ᐊᐅᑯᓐ ᒥᒋᓱᐅᓂᒡ ᓴᑭᔅᒋᓇᐅᒡ ᒪᔭᑕᓂᓯᒡ ᐅᒡ:
\q2 ᐊ ‍ ᑐᐅᑎᓇᒡ ᐊᒂᓇᒧᐛ ᒪᑕᒥᓇ ᐅᒡ:
\q2 ᒋᔄᐛᑕᑈᒪᑭᓇ ᐊ ‍ ᒧᒋᒐᔨᑎᒧᒥᑲᒋ, ᐊᓯᒡ ᑭᔭ ᓂᑭᒧᒪᑭᓇ᙮
\c 66
\s2 Psalm 66:1-9 (Proper-9 Year C)
\q1
\v 1 ᒥᔽᔨᑎᒧ ᐸᑕᑯᓯᔅᑕᐧᒄ ᒋᓴᒪᓂᑐᐤ, ᒥᓯᐛ ᒋᔨᐛᐤ ᐊᔅᒋᔭ:
\q1
\v 2 ᓂᑭᒧᑎᒺᐧᒄ ᐊᔅᐱᔅ ‍ ᒋᔅᑕᔨᑕᒂᓂᔨᒡ ᐅᑦ ᐃᓯᓂᐧᑲᓱᐅᓐ;
\q2 ᒋᐧᑲᔭᑐᑎᒺᐧᒄ ᐅᒪᒥᒋᒥᑯᓯᐅᓐ᙮
\q1
\v 3 ᐃᑎᐧᒄ ᒋᓴᒪᓂᑐᐤ, “ᑕᑈ ᒋ ‍ ᑯᔅᑕᑎᑯᓯᓐ ᒋᑦ ᐊᑐᔅᒐᐅᓂᒡ !
\q2 ᐊᔅᐱᔅ ‍ ᒋᔅᑕᔨᑕᒂᒡ ᒋᑭᔅᒋᐅᓐ ᐊᓐᒡ ᑲ ‍ ᐛᐧᑲᑎᔅᒡ ᒋᑭ ᐅᒋ ‍ ᐱᑎᐱᔅᑕᒂᒡ᙮
\q1
\v 4 ᒥᓯᐛ ᐊᔅᐱᑎᔅᑲᒥᑲᒡ ᒋᑭ ‍ ᐊᔭᒥᐊᔅᑕᑯᐅᓐ, ᒋᑭ ‍ ᓂᑭᒧᔅᑕᑯᐅᓐ;
\q2 ᒋᑭ ‍ ᓂᑭᒧᔅᑎᒧᒡ ᒋᑦ ᐃᓯᓂᐧᑲᓱᐅᓂᔪᐤ᙮”
\b
\q1
\v 5 ᐸᒋ ‍ ᐛᐸᑎᒺᐧᒄ ᐅᑦ ᐊᑐᔅᒐᐅᓇ ᒋᓴᒪᓂᑐᐤ:
\q2 ᑯᔅᑕᑎᑯᓯᐤ ᐊ ‍ ᐃᑐᑐᐛᑦ ᐃᔪᐛ ᐅᑦ ᐊᐛᓯᒥᓯᔪᐛ᙮
\q1
\v 6 ᒋ ‍ ᐸᒂᔅᑭᒥᒋᑕᐤ ᐎᓂᐸᑯᔪᐤ:
\q2 ᒋ ‍ ᐱᒧᑕᐅᒡ ᐊᑲ ᓂᐱᐎᔨᒡ:
\q2 ᐊᑯᑕ ᑲ ‍ ᒥᔽᔨᑕᒡ᙮
\q1
\v 7 ᑎᐸᔨᒋᒐᐤ ᐅᑭᔅᒋᐅᓂᒡ ᐅᒡ ᑲᒋᒡ;
\q2 ᑭᓄᐛᐱᒪᐤ ᑲ ‍ ᐃᑎᔅᑲᓇᓯᔨᒋ ᐃᔪᐛ:
\q2 ᐊᑯᔅ ᐊᑲᐎᔾ ᑲ ‍ ᐃᔨᐛᒧᑐᑕᒐᒡ ᒋᑭ ‍ ᐃᔅᐸᔨᑕᑯᐃᑎᓱᐅᒡ᙮
\b
\s2 Psalm 66:8-20 (Easter-6 Year A)
\q1
\v 8 ᐅ ᒪᒥᒋᒥᐧᒄ ᒋᒋᓴᒪᓂᑐᒥᓄᐤ, ᒋᔨᐛᐤ ᐃᔪᒡ,
\q2 ᑭᔭ ᐸᑕᑯᑕᐛᐧᒄ ᐅᒪᒥᒋᒥᑯᓯᐅᓐ᙮
\q1
\v 9 ᑲ ‍ ᓯᑐᓇᑦ ᒋᑦ ᐊᒐᐧᑯᓇᐛ ᐱᒪᑎᓯᐅᓂᒡ,
\q2 ᑭᔭ ᐊᑲ ᓇᐊᔨᑕᐧᒃ ᒋᓯᑎᓄᐛ ᒐᒋ ᐊᒋᐱᔨᒋ᙮
\q1
\v 10 ᐛᔅ ᒋᔾ, ᐅ ᒋᓴᒪᓂᑐᐤ, ᔅᒋ ‍ ᑯᒋᐃᓇᓐ;
\q2 ᔅᒋ ‍ ᑯᒂᒋᐃᓇᓐ, ᒧᔭᒻ ᐊ ‍ ᑯᒂᒋᑕᑭᓄᐅᒡ ᓱᓇᔭᐱᔅᒄ᙮
\q1
\v 11 ᔅᒋ ‍ ᐃᓯᐅᔨᓇᓐ ᐃᔭᐱᒡ;
\q2 ᔅᒋ ‍ ᐃᑎᔅᑕᓐ ᐊᔨᒥᓱᐅᓐ ᓂᔅᐱᔅᑯᓂᓇᒡ᙮
\q1
\v 12 ᔅᒋ ‍ ᐱᒥᑕᑎᐱᐊᐅᒡ ᐃᔪᒡ ᒥᒋᒪ ᓂᔅᑎᒂᓂᓇᒡ:
\q2 ᓂᒋ ‍ ᓴᐳᔅᑲᓇᓐ ᐃᔅᑯᑕᐤ ᑭᔭ ᓂᐱᔾ;
\q2 ᒪᒃ ᔅᒋ ᐸᒋ ‍ ᐃᑐᑕᐃᓇᓐ ᐊᓐᑕ ᐊ ‍ ᐛᔪᑎᒡ᙮
\b
\q1
\v 13 ᓂᑭ ‍ ᐱᒐᓐ ᒋᒋᒡ ᐊ ‍ ᐸᑕᔭᓐ ᐃᔎᑕᐤ ᐱᔅᑎᓂᒐᐅᓇ;
\q2 ᒋᑭ ‍ ᑎᐸᐊᒪᑎᓐ ᓂᒋᒋᐃᔨᒧᐅᓇ,
\q1
\v 14 ᓂᑐᓂᒡ ᑲ ᐅᒋ ‍ ᐎᑎᒪᓐ ᑭᔭ ᐃᔭᓐ,
\q2 ᒪᒂᒡ ᑲ ‍ ᐊᔨᒥᓯᔪᐛᓇ᙮
\q1
\v 15 ᒋᑭ ‍ ᐸᒋᑎᓇᒪᑎᓐ ᐃᔎᑕᐤ ᐱᔅᑎᓂᒐᐅᓂᒡ ᑕᒋᐳᐊᑭᓐᒡ,
\q2 ᒋᒡ ᐊ ‍ ᐎᒋᒪᑯᓯᒡ ᓇᐸ ᒪᔭᑕᓂᓯᒡ;
\q2 ᓂᑭ ‍ ᐱᔅᑎᓂᒐᓐ ᓇᐸ ᒥᔅᑐᓯᒡ ᑭᔭ ᑲ ‍ ᐅᑦ ᐊᔅᑭᓂᓯᒡ ᑲ ‍ ᐊᐱᓯᓯᒡ ᐊᐛᓯᓯᒡ᙮
\b
\q1
\v 16 ᐸᒋ ‍ ᓂᑐᒥᑎᐧᒄ, ᒥᓯᐛ ᒋᔨᐛᐤ ᑲ ‍ ᓇᓂᒋᔅᑐᐛᒄ ᒋᓴᒪᓂᑐᐤ,
\q2 ᓂᑭ ‍ ᐎᑕᓐ ᒪᒃ ᑲ ‍ ᐃᑐᑐᐛᑦ ᓂᑦ ᐊᒐᒂ᙮
\q1
\v 17 ᓂᒋ ‍ ᒪᑐᐛᐤ ᐊ ‍ ᐸᑕᑯᓯᔭᓐ,
\q2 ᓂᑕᔨᔨᒡ ᑭᔭ ᓂᒋ ᐅᒋ ‍ ᒋᔅᑕᒋᒪᐤ᙮
\q1
\v 18 ᒧᔭᒻ ᐱᔅᒐᔨᑎᒪᓇ ᒥᒐᑎᓯᐅᓐ ᓂᑕᐃᒡ,
\q2 ᑎᐸᔨᒋᒐᓱᐤ ᓇᒪᐎᔾ ᓂᑭ ‍ ᓂᑐᑕᒄ᙮
\q1
\v 19 ᒪᒃ ᑕᑈ ᒋᓴᒪᓂᑐᐤ ᓂᒋ ‍ ᐸᑕᒄ:
\q2 ᒋ ‍ ᓂᑐᑎᒻ ᑭᔭ ᐊ ‍ ᐃᑎᑕᑯᓯᒥᑭᓂᔨᒡ ᓂᑦ ᐊᔭᒥᐊᐅᓂᔪᐤ᙮
\q1
\v 20 ᒪᒥᒋᑕᑯᓱᐤ ᒋᓴᒪᓂᑐᐤ !
\q2 ᐊ ᐊᑲ ‍ ᐛᐱᓇᐧᒃ ᓂᑦ ᐊᔭᒥᐊᐅᓂᔪᐤ,
\q2 ᐊ ᐊᑲ ‍ ᐃᒐᓂᒧᐅᑦ ᐅᒋᔅᑎᒪᒐᔨᒋᒐᐅᓐ᙮
\c 67
\s2 Psalm 67 (Easter-6 Year C)
\q1
\v 1 ᒋᓴᒪᓂᑐᐤ ᒋᑭ ‍ ᒋᓴᐛᑐᑕᑯᓄᐤ,
\q2 ᑭᔭ ᒋᑭ ‍ ᒥᔪᑐᑕᑯᓄᐤ, ᑭᔭ ᒋᑭ ᐸᒋ ‍ ᐛᓯᓱᔅᑕᑯᓄᐤ᙮
\q1
\v 2 ᒋᑦ ᐃᓯᑥᐅᓐ ᒐᒋ ᒋᔅᒐᔨᑕᑭᓄᐅᒡ ᐊᔅᒋᒡ,
\q2 ᒋᐱᒪᒋᐃᐛᐅᓐ ᒪᒃ ᒥᓯᐛ ᐃᔅ ᐃᔨᓇᒡ᙮
\b
\q1
\v 3 ᐊᑯᔅ ᒋᑭ ‍ ᒪᒥᒋᒥᑯᒡ ᐃᔪᒡ, ᐅ ᒋᓴᒪᓂᑐᐤ;
\q2 ᐊᑯᔅ ᒥᓯᐛ ᐃᔪᒡ ᒋᑭ ‍ ᒪᒥᒋᒥᑯᒡ᙮
\q1
\v 4 ᐅ ᐊᑯᔅ ᒥᓯᐛ ᐊ ‍ ᑕᑐᔅᑲᓇᓯᒡ ᐃᔪᒡ ᒋᑭ ‍ ᓯᒋᔭᓱᐅᒡ,
\q2 ᑭᔭ ᒋᑭ ‍ ᓂᑭᒧᐅᒡ ᐊᔅᐱᔅ ᒧᒋᒐᔨᑕᒡ:
\q1 ᐛᔅ ᒋᑭ ‍ ᑎᐸᔅᑯᓇᐅᒡ ᐃᔪᒡ ᑯᐃᔅᑯᑕᑎᓯᐅᓂᒡ,
\q2 ᑭᔭ ᐎᔨᓱᒪᐅᒡ ᒥᓯᐛ ᐊ ‍ ᑕᑐᔅᑲᓇᓯᒡ ᐃᔪᒡ ᐊᔅᒋᒡ ᐊᑕᒡ᙮
\q1
\v 5 ᐊᑯᔅ ᒋᑭ ‍ ᒪᒥᒋᒥᑯᒡ ᐃᔪᒡ, ᐅ ᒋᓴᒪᓂᑐᐤ;
\q2 ᐊᑯᔅ ᒥᓯᐛ ᐃᔅ ᐃᔪᒡ ᒋᑭ ‍ ᓂᓇᔅᑯᒥᑯᒡ᙮
\b
\q1
\v 6 ᐊᑯ ᐊᔅᒋᔾ ᐊ ᐃᓯ ‍ ᓂᑕᐅᒋᑕᒥᑲᒡ; ᒋ ‍ ᐛᔪᒋ ᓂᑕᐅᒋᓐ:
\q2 ᒋᓴᒪᓂᑐᐤ ᒪᒃ, ᓂᐦᐃ ᒋᔭᓄᐤ ᑎᐱᔨᐛ ᒋᒋᓴᒪᓂᑐᒥᓄᐤ, ᒋᑭ ‍ ᒥᔪᑐᑕᑯᓄᐤ᙮
\q1
\v 7 ᒋᓴᒪᓂᑐᐤ ᒋᑭ ‍ ᒥᔪᑐᑕᑯᓄᐤ:
\q2 ᑭᔭ ᒥᓱᐛᔅᑲᒥᑯᔪᐤ ᒋᑭ ‍ ᓇᓂᒋᔅᑕᑯᐤ᙮
\c 68
\s2 Psalm 68:1-10, 32-35 (Easter-7 Year A)
\q1
\v 1 ᐊᑯᔅ ᒋᑭ ‍ ᐱᓯᑯᐤ ᒋᓴᒪᓂᑐᐤ,
\q2 ᐊᑯᔅ ᑲ ‍ ᐛᐧᑲᑎᑯᑦ ᒋᑭ ‍ ᐛᓯᔄᐛᑎᓴᐛᑭᓂᐎᔪᐛ;
\q2 ᐊᑯᔅ ᑭᔭ ᑲ ‍ ᐛᐧᑲᑎᑯᑦ ᒋᑭ ‍ ᒋᑎᓯᒥᑯᐤ᙮
\q1
\v 2 ᒧᔭᒻ ᐊ ‍ ᐱᐳᑕᒡ ᐊ ‍ ᐛᐸᔅᑎᒡ,
\q2 ᐊᑯ ᐃᓯ ᐃᒐᑎᓴᐅᒡ;
\q1 ᒧᔭᒻ ᐱᓴᒂᐃᑭᓐ ᐊ ᐃᓯ ‍ ᑎᒋᔅᑕᒡ ᐅᑎᔅᑯᐤ ᐃᔅᑯᑕᒡ,
\q2 ᐊᑯᔅ ᐅᒥᒋᑥᐅᒡ ᐊᔪᐛᒃ ᒐ ᐃᓯ ‍ ᓂᓱᐛᓇᑎᓯᒡ ᐅᑎᔅᑯᐤ ᒋᓴᒪᓂᑐᐛ᙮
\q1
\v 3 ᒪᒃ ᐊᑯᔅ ᐅᑯᐃᔅᑯᑕᑎᓯᐅᒡ ᒋᑭ ‍ ᒥᔽᔨᑎᒧᒡ;
\q2 ᐊᑯᔅ ᒋᑭ ‍ ᒧᒋᒐᔨᑎᒧᔅᑐᐛᐅᒡ ᒋᓴᒪᓂᑐᐛ;
\q2 ᓂᐦᐃ, ᐊᑯᔅ ᓇᔅᒡ ᒋᑭ ‍ ᒧᒋᒐᔨᑎᒧᒡ᙮
\b
\q1
\v 4 ᓂᑭᒧᔅᑕᐧᒄ ᒋᓴᒪᓂᑐᐤ, ᐊ ‍ ᓂᑭᒧᔭᒄ ᒪᒥᒋᑕᒺᐧᒄ ᐅᑦ ᐃᓯᓂᐧᑲᓱᐅᓐ:
\q2 ᒋᔅᑕᒋᒥᐧᒄ ᐊᓐ ᑲ ‍ ᑕᑎᐱᑦ ᒋᓯᑯᒡ ᑎᐸᔨᒋᒐᓱᐤ ᑲ ‍ ᐃᓯᓂᐧᑲᓱᑦ,
\q2 ᒧᒋᒐᔨᑎᒥᐃᑯᒃ ᒪᒃ᙮
\q1
\v 5 ᑲ ‍ ᐅᑕᐎᒥᑯᑦ ᒋᐅᓴᓂᓴ, ᑭᔭ ᑲ ‍ ᑎᐸᔅᑯᓇᑦ ᐃᔎᐛ ᑲ ‍ ᓂᐱᔨᒋ ᐅᓇᐸᒥᔪᐛ,
\q2 ᒋᓴᒪᓂᑐᐤ ᐊ ‍ ᑕᑦ ᐅᐸᔭᒋ-ᐃᑕᐅᓂᒡ᙮
\q1
\v 6 ᒋᓴᒪᓂᑐᐤ ᒥᔽᔨᒧᐊᐤ ᑲ ‍ ᓂᔭᔅᑎᐛᔨᒧᔨᒋ ᐊᔨᑐᑕᐎᓯᔨᒋ:
\q1 ᐸᒋ ‍ ᐎᐎᑕᐊᐤ ᐊᓂᔭ ᑲ ‍ ᒪᒪᒋᒂᐱᓱᔨᒋ:
\q2 ᒪᒃ ᑲ ‍ ᐃᔨᐛᔨᒧᒡ ᑕᐅᒡ ᐊ ‍ ᐸᐧᑯᑎᔅᑭᒥᑲᔨᒡ᙮
\b
\q1
\v 7 ᐅ ᒋᓴᒪᓂᑐᐤ, ᐃᔅᐱ ᑲ ‍ ᓂᑲᓄᑕᐃᑥᐤ ᒋᑦ ᐃᔨᒥᒡ,
\q2 ᐃᔅᐱ ᑲ ‍ ᓴᐳᔅᑲᒥᓐ ᐸᐧᑯᑎᔅᑭᒥᑲᒡ;
\q1
\v 8 ᐊᔅᒋᔾ ᒋ ‍ ᑯᔅᑯᐱᔪᐤ, ᒋᓯᒂ ᑭᔭ ᒋ ‍ ᔭᓯᐱᔪᐛ ᐅᑎᔅᑯᐤ ᒋᓴᒪᓂᑐᐛ:
\q2 ᐃᔭᐱᒡ ᓴᐃᓇᐃ ᒋ ‍ ᐊᒋᐱᔪᐤ ᐅᑎᔅᑯᐤ ᒋᓴᒪᓂᑐᐛ, ᐅᒋᓴᒪᓂᑐᒪ ᐃᔅᕋᐃᓪ᙮
\q1
\v 9 ᒋᔾ, ᐅ ᒋᓴᒪᓂᑐᐤ, ᔅᒋ ‍ ᐃᑎᓴᐊᓐ ᐊ ᒥᔅᑎ ‍ ᒋᒺᒡ,
\q2 ᑲ ᐅᒋ ‍ ᒥᔅᑯᐅᑕᔭᓐ ᐊᓐ ᒐ ‍ ᑎᐱᔨᐛᐅᓯᔨᓐ, ᐃᔅᐱ ᑲ ‍ ᐊᔭᔅᑯᓯᒥᑲᒡ᙮
\q1
\v 10 ᒋ ‍ ᒪᐛᒋᐃᑐᒥᒡ ᐊᑯᑕ ᑲ ‍ ᑕᒡ:
\q2 ᒋᔾ, ᐅ ᒋᓴᒪᓂᑐᐤ, ᒋᒥᔽᑎᓯᐅᓂᒡ,
\q2 ᔅᒋ ‍ ᐊᔭᔅᑯᔅᑎᒧᐛᐅᒡ ᑲ ‍ ᒋᔅᑎᒪᑎᓯᒡ᙮
\b
\q1
\v 11 ᑎᐸᔨᒋᒐᓱᐤ ᒋ ‍ ᒥᔨᐛᐤ ᐃᔨᒧᐅᓂᔪᐤ;
\q2 ᓇᔅᐱᒡ ᒋ ‍ ᒥᒐᑐᐅᒡ ᐊᓐᒡ ᐃᔎᐅᒡ ᑲᒋ ‍ ᐛᐎᑕᒡ:
\q1
\v 12 ᒋᓴᐅᒋᒪᐅᒡ ᐊ ‍ ᑎᐸᔨᒪᒡ ᒪᒧᐤ ᐅᒪᓯᒐᐛ ᒋ ‍ ᒋᐱᔾ ᒋᑎᓯᒧᐅᒡ:
\q2 ᐊᓐ ᒪᒃ ᐎᒋᒡ ᑲ ‍ ᐊᐱᑦ ᒋ ‍ ᒪᑎᓄᐛᐤ ᒪᔅᑲᑥᐅᓂᔪᐤ᙮
\q1
\v 13 ᐊᑎ ᐊᒋ ‍ ᐱᒥᓯᓇᒃ ᒪᒂᔭᔅ ᐊᔅᒋᒂ,
\q2 ᐊᔪᐛᒡ ᒪᒃ ᒋᑭ ‍ ᐃᓯᓇᑯᓯᓇᐛᐤ ᒧᔭᒻ ᐅᒥᒥᐅᑕᑲᒂᓇ,
\q2 ᑲ ‍ ᐊᒂᓇᑲᒧᒋ ᓱᓇᔭᐱᔅᒄ, ᑭᔭ ᐅᒥᑯᓇ ᐎᔄᐅᓱᓇᔭᐱᔅᒄ ᐅᒡ᙮
\q1
\v 14 ᐃᔅᐱ ᒥᓯᐛ ᓱᐧᑲᑎᓯᑦ ᐛᓴᔄᑎᓴᐛᑦ ᒋᓴᐅᒋᒪᐛ ᐎᔾ ᐅᒡ,
\q2 ᑲ ᐃᔅᐱᔅ ‍ ᐛᐱᓯᑦ ᒧᔭᒻ ᑯᓇ ᐊᓐᑕ ᓴᓪᒧᓂᒡ᙮
\b
\q1
\v 15 ᐅᐱᔅᑯᑎᓇᒻ ᒋᓴᒪᓂᑐᐤ ᒧᔭᒻ ᐸᓴᓐ ᐱᔅᑯᑎᓇᐤ ᐊ ‍ ᐃᔅᐸᒡ,
\q2 ᐱᔅᑯᑎᓇᐤ ‍ ᒧᔭᒻ ᐸᓴᓐ ᐱᔅᑯᑎᓇᐤ᙮
\q1
\v 16 ᑕᓇᒡ ᐛᒋ ‍ ᒂᔅᑯᑎᔭᒄ, ᒋᔨᐛᐤ ᒋᒋ ᐱᔅᑯᑎᓇᐛ ?
\q2 ᐊᐅᒄ ᐅᔭ ᐱᔅᑯᑎᓇᔪᐤ ‍ ᒋᓴᒪᓂᑐᐤ ᑲ ‍ ᓂᑐᐛᔨᑕᐧᒃ ᐊᓐᑕ ᒐᒋ ᐎᒋᑦ;
\q2 ᓂᐦᐃ, ᐊᑯᑕ ᒐ ‍ ᐎᒋᑦ ᑎᐸᔨᒋᒐᓱᐤ ᑲᒋᒡ᙮
\q1
\v 17 ᐅᑎᑎᐱᑕᐸᓇᔎ ᒋᓴᒪᓂᑐᐤ ᓂᓱᔪᐤ ᑕᑥᐤ ᒐᓯᐱᔪᐤ ᐃᑕᓯᔪᐛ, ᒥᒐᑦ ᒐᓯᐱᔪᐤ ᐊᓐᒋᓇ ᐅᑎ:
\q2 ᑎᐸᔨᒋᒐᓱᐤ ᐎᒐᐛᐤ ᒧᔭᒻ ᓴᐃᓇᐃᒡ, ᐸᔭᐧᑭᓂᔨᒡ᙮
\q1
\v 18 ᐃᔅᐱᒥᒡ ᔅᒋ ᐃᓯ ‍ ᐅᐱᔅᑲᓐ, ᔅᒋ ‍ ᐱᒧᑕᑕᓐ ᐊᐛᑲᓱᐛᐅᓐ ᐊ ‍ ᐊᐛᐧᑲᓂᑲᑕᒡ:
\q2 ᔅᒋ ‍ ᐅᑎᓇᓐ ᒥᔨᐛᐅᓇ ᐃᔪᒡ ᐅᒡ;
\q2 ᓂᐦᐃ ᑲ ‍ ᐃᔨᐛᒧᑐᑕᒐᑦ ᐅᒋ ᑭᔭ, ᑎᐸᔨᒋᒐᓱᐤ ᒋᓴᒪᓂᑐᐤ ᒐᒋ ᐎᒋᒪᑦ᙮
\b
\q1
\v 19 ᒪᒥᒋᑕᑯᓱᐤ ᑎᐸᔨᒋᒐᓱᐤ, ᒧᓴᓇᐤ ᐎ ‍ ᑲᐛᑕᐃᑕᐧᒄ ᒥᔪᑐᑕᒐᐅᓇ,
\q2 ᒋᓴᒪᓂᑐᐤ ᐅᑦ, ᐛᒋᐱᔨᒡ ᒋ ‍ ᐱᒪᒋᐃᑯᓯᐅᓄᐤ᙮
\q1
\v 20 ᑲ ‍ ᐅᒋᓴᒪᓂᑐᒥᔭᒡ, ᐊᐅᒄ ᒋᓴᒪᓂᑐᐤ ᐛᒋᐱᔨᒡ ᐱᒪᒋᐃᐛᐅᓐ;
\q2 ᑭᔭ ᒋᓴᒪᓂᑐᐤ ᑎᐸᔨᒋᒐᓱᐤ ᐅᑦ ᐊᔭᓂᐤ ᓂᐳᐅᓂᒡ ᑲ ‍ ᐅᒋᐱᔨᒋ᙮
\b
\q1
\v 21 ᒪᒃ ᒋᓴᒪᓂᑐᐤ ᒋᑭ ‍ ᒥᔄᑭᓂᐧᑲᑕᒺᐤ ᐅᔅᑎᒂᓂᔪᐤ ᑲ ‍ ᐛᐧᑲᑎᑯᑦ,
\q2 ᑭᔭ ᐅᓴᑲᑎᐱ ᑲ ‍ ᐅᐱᐛᐎᒡ ᐊᓂᔭ ᐃᔭᐱᒡ ᑲ ‍ ᐱᒧᑕᔨᒋ ᐅᓂᑐᑎᒧᐅᓂᒡ᙮
\q1
\v 22 ᑎᐸᔨᒋᒐᓱᐤ ᒋ ‍ ᐃᔅᒋᔄᐤ, “ᓂᑭ ‍ ᒋᐛ ᐸᓱᐛᐅᒡ ᐸᓴᓂᒡ ᐅᒡ, ᓂᑭ ‍ ᐸᓱᐛᐅᒡ ᓂᑦ ᐃᔨᒥᒡ ᐊ ‍ ᑕᒥᐸᑯᒡ ᐎᓂᐸᑯᒡ ᐅᒡ:
\q1
\v 23 ᒋᓯᑦ ᒐᒋ ᒋᑕᓂᑲᑕᒡ ᐅᒥᐧᑯᒡ ᑲ ‍ ᐛᐧᑲᑎᔅᒡ,
\q2 ᑭᔭ ᐅᑕᔨᔪᐛᐤ ᒋᑦ ᐊᑎᒧᒡ ᐊᑯᑕ ᑭᔭ ᒐᒋ ᐃᔭᐱᒡ ᒐ ‍ ᑐᑕᑭᓄᐎᔨᒡ᙮”
\b
\q1
\v 24 ᒋ ‍ ᐛᐸᑎᒧᒡ ᒋᐱᒧᑕᐅᓇ, ᐅ ᒋᓴᒪᓂᑐᐤ;
\q2 ᐅᐱᒧᑕᐅᓇ ᓂᒋᓴᒪᓂᑐᒻ ᐅᑦ, ᓂᒋᓴᒪᓂᑐᒻ, ᐸᔭᒋᑭᒥᑯᒡ᙮
\q1
\v 25 ᐅᓂᑭᒧᐅᒡ ᒋ ‍ ᓂᑲᓄᑕᐅᒡ, ᑲᔍᐛᐱᒐᒡ ᒋ ‍ ᓄᔅᐱᓇᓱᐛᐅᒡ;
\q2 ᐃᔭᐱᒡ ᒪᒃ ᒋ ‍ ᐱᒧᑕᐅᒡ ᐅᔅᒋᓂᒋᔎᐅᒡ ᐊ ‍ ᐸᑕᑯᑕᒡ ᑕᐛᐃᑭᓂᓴ᙮
\q1
\v 26 “ᒪᒥᒋᒥᐧᒄ ᒋᓴᒪᓂᑐᐤ ᒪᐛᒋᐃᑐᐅᓂᒡ,
\q2 ᑎᐸᔨᒋᒐᓱᐤ ᐅᑦ, ᒋᔨᐛᐤ ᐅᒧᔅᒋᐅᓂᒡ ᐃᔅᕋᐃᓪ ᑲ ‍ ᐅᒋᔭᒄ᙮”
\q1
\v 27 ᐊᑯᑕ ᐊ ‍ ᑕᑦ ᑲ ‍ ᐊᐱᔅᑕᔨᑕᑯᓯᑦ ᐱᓐᒋᒥᓐ ᐊᓯᒡ ᐅᑦ ᐅᒋᒪᒧᐛᐛ,
\q2 ᒍᑕ ᒋᓴᐅᒋᒪᓯᒡ ᑭᔭ ᐅᑦ ᐃᔨᒧᐛᐛ,
\q2 ᓴᐳᓕᓐ ᒋᓴᐅᒋᒪᓯᒡ, ᑭᔭ ᓇᑉᑕᓕ ᒋᓴᐅᒋᒪᓯᒡ᙮
\b
\q1
\v 28 ᒋᒋᓴᒪᓂᑐᒻ ᒋ ‍ ᐃᑎᓱᐛᑎᒻ ᒋᒥᔅᑯᐅᓯᐅᓂᔪᐤ;
\q2 ᒥᔅᑯᐅᓯᑕ, ᐅ ᒋᓴᒪᓂᑐᐤ, ᐊᓂᒪ ᑲᒋ ‍ ᐃᑐᑎᒪᐎᔭᒡ᙮
\q1
\v 29 ᒋᒋᓴᐊᔭᒥᐊᐅᒋᐛᑉ ᐅᒋ ᒋᕈᓯᓕᒥᒡ,
\q2 ᒋᓴᐅᒋᒪᐅᒡ ᒋᑭ ‍ ᐸᑥᑯᒡ ᒥᔨᐛᐅᓇ᙮
\q1
\v 30 ᒋᑐᓯᒡ ᑲ ‍ ᒪᒧᒥᒐᑎᒡ ᓯᒪᑭᓇᓯᐎᔨᔪᐅᒡ,
\q2 ᑲ ‍ ᒪᒥᒐᑎᒡ ᓇᐸ ᒥᔅᑐᓯᒡ, ᐊᓯᒡ ᐅᒥᔅᑐᓯᒧᐛᐛ ᐃᔪᒡ,
\q1 ᐸᑎᒪ ᒥᓯᐛ ᐊᑕᑎᓯᒡ ᐸᑕᐱᑥᐛ ᐊ ‍ ᐸᑕᒡ ᓱᓇᔭᐱᔅᑯᓴ:
\q2 ᐛᓴᔄᑎᓴᐅᒡ ᐃᔪᒡ ᑲ ‍ ᒥᔽᔨᑕᒡ ᓂᑐᐱᔪᐅᓂᔪᐤ᙮
\q1
\v 31 ᒋᓴᐅᒋᒪᓯᒡ ᐃᒋᑉᑎᒡ ᒋᑭ ᐅᒋ ᐸᒋ ‍ ᐃᑐᑕᐅᒡ;
\q2 ᐃᑎᔪᐱᔭ ᐃᔪᒡ ᐎᐱᒡ ᒋᑭ ‍ ᓱᐅᓂᔅᒐᔨᔅᑕᐛᐅᒡ ᒋᓴᒪᓂᑐᐛ᙮
\b
\s2 Psalm 68:1-10, 32-35 (Easter-7 Year A)
\q1
\v 32 ᓂᑭᒧᔅᑕᐧᒄ ᒋᓴᒪᓂᑐᐤ, ᒋᔨᐛᐤ ᐅᒋᒪᐅᓇ ᐊᔅᒋᒡ;
\q2 ᐅ ᐊ ‍ ᓂᑭᒧᔭᒄ ᒪᒥᒋᒥᐧᒄ ᑎᐸᔨᒋᒐᓱᐤ !
\q1
\v 33 ᐊᓐ ᑲ ‍ ᐱᒥᑕᑎᐱᑦ ᒋᒋᒋᓯᒂ, ᐛᔅᑭᒡ ᑲ ‍ ᑎᒂᓂᔨᒋ:
\q2 ᐛᔅ ᐛᐎᑎᓴᐊᒻ ᐅᐸᑕᑯᓯᐅᓐ, ᐊᐅᒄ ᒪᒃ ᐸᑕᑯᓯᐅᓐ ᓇᔅᒡ ᐊ ‍ ᒋᔄᐛᒥᑲᒡ᙮
\q1
\v 34 ᐛᐎᑕᒺᐧᒄ ᐊ ‍ ᒥᔅᑯᐅᓯᑦ ᒋᓴᒪᓂᑐᐤ:
\q2 ᐅᒋᔅᑕᔨᑕᑯᓱᐅᓂᒡ ᑎᐸᔨᒪᐤ ᐃᔅᕋᐃᓚ,
\q2 ᐅᒥᔅᑯᐅᓯᐅᓐ ᑎᑯᓂᔪᐤ ᑭᔅᑯᐅᓂᒡ᙮
\q1
\v 35 ᐅ ᒋᓴᒪᓂᑐᐤ, ᒋ ‍ ᑯᔅᑕᑎᑯᓯᓐ ᒋ ‍ ᐸᔭᐧᑭᓄᒥᒡ ᐅᒡ:
\q2 ᐅᒋᓴᒪᓂᑐᒪ ᐃᔅᕋᐃᓪ ᐊᐅᒄ ᐊᓐ ᑲ ‍ ᒥᔭᑦ ᒥᔅᑯᐅᓯᐅᓂᔪᐤ ᑭᔭ ᑭᔅᒋᐅᓂᔪᐤ ᐅᑦ ᐃᔨᒪ᙮
\b
\q2 ᒪᒥᒋᑕᑯᓱᐤ ᒋᓴᒪᓂᑐᐤ᙮
\c 69
\q1
\v 1 ᐱᒪᒋᐃ, ᐅ ᒋᓴᒪᓂᑐᐤ;
\q2 ᐛᔅ ᓂᐱᔭ ᐱᒋᐱᔪᐛ ᓂᑦ ᐊᒐᐧᑯᒡ,
\q1
\v 2 ᓂ ‍ ᑯᑕᐅᐱᔨᓐ ᐊᒋᑕᐅᔅᒋᐛᑲᒡ, ᐊᓐᑕ ᐊᑲ ᐊ ‍ ᑎᒂᒡ ᓂᐳᐅᓐ:
\q2 ᓂ ‍ ᐱᒋᐱᔨᓐ ᐊᑎᒥᐸᔭᒡ, ᐊᓐᑕ ᑲ ‍ ᐸᓯᒋᐸᐃᑯᔭᓐ᙮
\q1
\v 3 ᓂᑦ ᐊᔭᔅᑯᐃᑯᓐ ᓂ ‍ ᒪᐅᓐ:
\q2 ᓂ ‍ ᑯᑕᑭᓐ ᐸᔅᑕᐤ;
\q2 ᓂᑦ ᐊᔭᔎᐱᓐ ᒪᒂᒡ ᐊᓯᓄᐛᐃᒃ ᓂᒋᓴᒪᓂᑐᒻ᙮
\q1
\v 4 ᐊᓐᒡ ᓯᔅᒋᑯᒡ ᑲ ‍ ᐛᐧᑲᓯᒡ ᐊᑐᐎᔅ ᒥᒐᑐᐅᒡ ᐃᔅᐱᔅ ᓂᐱᔎᐅᓇ:
\q2 ᐊᓐᒡ ᑲ ᐎ ‍ ᓂᓱᐅᓇᒋᐃᒡ ᓂᑐᐎ ᑲ ᐎ ‍ ᒪᓯᐃᒡ, ᓱᐧᑲᑎᓯᐅᒡ:
\q2 ᐊᑯ ᐸᒋᑎᓇᒪᓐ ᐊᓂᒪ ᐊᑲ ᐅᒋ ‍ ᐅᑎᓂᒪᓐ᙮
\b
\q1
\v 5 ᐅ ᒋᓴᒪᓂᑐᐤ, ᒋ ‍ ᒋᔅᒐᔨᑕᓐ ᓂᑭᒐᐸᑎᓯᐅᓐ;
\q2 ᑭᔭ ᓂᒥᒋᑐᑎᒧᐅᓇ ᓇᒪᐎᔾ ᒋ ‍ ᑲᑥᑯᐅᓐ᙮
\b
\q1
\v 6 ᐊᑯᔅ ᐊᓐᒡ ᑲ ‍ ᐊᓯᓄᐛᐃᔅᒡ, ᐅ ᑎᐸᔨᒋᒐᓱᐤ ᒥᓯᐛ ᐊ ᐃᓯ ‍ ᓱᐧᑲᑎᓯᔨᓐ ᒋᓴᒪᓂᑐᐤ,
\q2 ᐊᑲᐎᔾ ᒋᑭ ‍ ᓯᓴᒂᔨᒧᐅᒡ ᓂᔾ ᐅᒡ:
\q2 ᐊᑯᔅ ᐊᓐᒡ ᑲ ‍ ᓇᓂᑐᐛᔨᒥᔅᒡ ᐊᑲᐎᔾ ᒋᑭ ‍ ᓴᒂᔨᒧᐎᐛᐅᒡ ᓂᔾ ᐅᒡ, ᐅ ᐃᔅᕋᐃᓪ ᐅᒋᓴᒪᓂᑐᒪ᙮
\q1
\v 7 ᐛᔅ ᒋᔾ ᐅᒋ ᓂᒋ ‍ ᒋᑐᑕᑯᐅᓐ;
\q2 ᓂᔄᒂᐃᒧᐅᓐ ᓂᒋ ‍ ᐊᒂᓇᑲᔅᑲᑯᓐ᙮
\q1
\v 8 ᓂᑦ ᐊᑥᔨᒥᑯᒡ ᓂᐧᑲᓂᓯᒡ,
\q2 ᓂ ‍ ᒪᓐᑕᐛᔨᒥᑯᒡ ᓂᑲᐎᔾ ᐅᑦ ᐊᐛᓯᒪ᙮
\q1
\v 9 ᐛᔅ ᐊᔅᐱᔅ ᓴᒋᑕᔭᓐ ᒋᒥᒋᐛᐱᒻ ᓂᒋ ‍ ᒋᑕᒪᑯᐅᓐ;
\q2 ᐅᒋᑐᓯᐛᐅᓄᐛᐛ ᒪᒃ ᐊᓐᒡ ᑲᒋ ‍ ᒋᑐᑎᔅᒡ ᓂᒋ ‍ ᐅᑕᒥᔅᑲᑯᐛᓐ᙮
\q1
\v 10 ᐃᔅᐱ ᒥᔭᔭᓐ, ᑭᔭ ᐸᓯᔅᑕᐛᒡ ᓂᑦ ᐊᒐᐧᒄ ᐊ ‍ ᐊᑲ ‍ ᒥᒋᓱᔭᓐ,
\q2 ᐊᐅᒄ ᓂᒋᑐᑎᑯᓯᐅᓐ᙮
\q1
\v 11 ᓂᒋ ‍ ᑐᑕᓐ ᓱᒐᒋᓐ;
\q2 ᓂᒋ ‍ ᐊᑕᔪᐧᑲᓂᐎᒂᒡ ᒪᒃ᙮
\q1
\v 12 ᐊᓐᒡ ᑲ ‍ ᐊᐱᒡ ᒋᒋᐃᔎᑕᒥᒡ ᓂ ‍ ᐱᑯᓄᒥᑯᒡ;
\q2 ᑭᔭ ᓂᒋ ‍ ᓂᑭᒧᑕᑯᒡ ᐅᒋᔎᐸᐅᒡ᙮
\b
\q1
\v 13 ᒪᒃ ᓂᔾ, ᒋᑦ ᐊᔭᒥᐊᔅᑕᑎᓐ, ᐅ ᑎᐸᔨᒋᒐᓱᐤ, ᐃᔅᐱ ᐊ ‍ ᓇᐃᐸᐃᒐ,
\q2 ᐊ ‍ ᒪᒥᒐᒡ ᒋᓱᐛᔨᒋᒐᐅᓇ ᓂᑐᑐᐎ, ᐊ ᐃᓯ ‍ ᑕᑈᒥᑲᒡ ᒋᐱᒪᒋᐃᐛᐅᓐ᙮
\q1
\v 14 ᐎᐧᑯᒋᐃ ᐊᓯᔅᒋᐅᒡ ᐅᒡ, ᒐ ᐊᑲ ᒋ ᑯᑐᐎᐸᔨᔭᓐ:
\q2 ᐊᑯᔅ ᓂᑭ ‍ ᐱᒪᒋᐃᑯᐅᓐ ᐊᓐᒡ ᑲ ‍ ᐛᐧᑲᓯᒡ ᐅᒡ, ᑭᔭ ᐊᑎᒥᐸᔭᒡ ᐅᒡ᙮
\q1
\v 15 ᐊᑯᔅ ᐊᑲᐎᔾ ᐊ ‍ ᑎᒥᒡ ᓂᑭ ‍ ᐸᓯᒋᐸᐃᑯᓐ,
\q2 ᐊᑲ ᑭᔭ ᓂᑭ ‍ ᒥᓱᐛᐸᔨᐃᑯᓐ ᑕᒥᐸᒄ,
\q2 ᐊᑲ ᑭᔭ ᐛᑎᒄ ᓂᑭ ‍ ᒋᐳᑐᓇᒪᑯᓐ᙮
\q1
\v 16 ᓂᑐᑐᐎ, ᐅ ᑎᐸᔨᒋᒐᓱᐤ; ᐛᔅ ᒋᓴᒋᐃᐛᐎ ᒋᓴᐛᑎᓯᐅᓐ ᒥᔽᓱᐤ,
\q2 ᒂᔅᒋᑲᐳᔅᑐᐎ ᑲ ᐃᔅᐱᔅ ‍ ᒪᒥᒐᒋ ᒋ ‍ ᔪᔅᐱ ᓱᐛᔨᒋᒐᐅᓇ᙮
\q1
\v 17 ᐊᑲᐎᔾ ᒪᒃ ᑲᓱᔅᑐᐤ ᒋᑦ ᐊᑐᔅᒐᔭᑭᓐ;
\q2 ᐛᔅ ᓂᑦ ᐊᔨᒥᓯᓐ:
\q2 ᒋᐱᔾ ᓂᑐᑐᐎ᙮
\q1
\v 18 ᐸᔄᐱᒻ ᓂᑦ ᐊᒐᐧᒄ, ᐱᒪᒋ ᒪᒃ:
\q2 ᐎᐧᑯᒋᐃ ᑲ ᐎ ‍ ᐎᔭᔅᑐᑐᐅᒡ ᐅᒡ᙮
\b
\q1
\v 19 ᔅᒋ ‍ ᒋᔅᒐᔨᑕᓐ ᓂᒋᑐᑎᑯᓯᐅᓐ, ᓂᐛᐛᓇᔨᑎᒧᐅᓐ, ᑭᔭ ᓂᑦ ᐊᑕᐛᔨᒥᑯᓯᐅᓐ:
\q2 ᒥᓯᐛ ᑲ ᐎ ‍ ᒪᓯᐃᒡ ᒋᑦ ᐅᑎᔅᑲᐎᔅᑲᒂᒡ᙮
\q1
\v 20 ᒋᑐᓱᐛᐅᓐ ᓂᒋ ‍ ᐱᑯᑕᐊᔅᑲᑯᓐ, ᓂ ‍ ᓴᑭᔅᒋᓇᔅᑲᑯᓐ ᑯᓯᑯᒪᒋᐅᓐ:
\q2 ᓂᒋ ‍ ᐊᓱᐛᐱᒪᐅᒡ ᒪᒃ ᐊᐛᓐᒋ ᒐᒋ ᒋᔅᑎᒪᒋᓄᐅᒡ, ᒪᒃ ᓇᒪᐎᔾ ᐊᐛᓐ ᐅᒋ ‍ ᑕᐤ;
\q2 ᑭᔭ ᒐᒋ ᑲᒋᒋᐃᒡ, ᒪᒃ ᓇᒪᐎᔾ ᐊᐛᓐ ᓂ ᐅᒋ ‍ ᒥᔅᑯᐛᐤ᙮
\q1
\v 21 ᓂᒋ ‍ ᒥᔨᑯᒡ ᐎᓴᐳᔪᐤ ᒐᒋ ᒥᒍᐅᒡ;
\q2 ᑭᔭ ᐊ ‍ ᓄᐅᑕᔭᐸᒂᐅᒡ ᓂᒋ ‍ ᒥᓇᐃᑯᒡ ᓯᐅᑲᐳᔪᐤ᙮
\b
\q1
\v 22 ᐊᑯᔅ ᐅᒥᒋᓱᐛᑭᓇᑎᑯᐛᐤ ᒋᑭ ‍ ᓇᒂᑭᓂᔅᑕᑯᐅᒡ:
\q2 ᑭᔭ ᐊᓂᔭᔪᐤ ᒐᒋ ᐅᒋ ‍ ᒥᔽᐱᒪᐅᓯᐛᑯᐱᓇ, ᐊᑯᔅ ᒋᑭ ‍ ᐅᓇᐃᑭᓂᐎᔪᐤ᙮
\q1
\v 23 ᐊᑯᔅ ᒋᑭ ‍ ᑎᐱᔅᑲᐳᐅᒡ, ᒐ ᐊᑲ ᒋ ᐛᐸᑕᒡ:
\q2 ᑭᔭ ᐅᔅᐱᔎᓄᐛᐛ ᒧᔅ ᒋᑭ ‍ ᓯᑯᐛᐸᔨᔪᐛ᙮
\q1
\v 24 ᓯᒋᓂᒧᐅᒡ ᑯᔭᔅᑕᔨᑕᒧᐅᓂᔪᐤ,
\q2 ᐊᑯᔅ ᑭᔭ ᒋᑦ ᐊᐧᑯᔪᐛᓯᐤ ᒋᔄᓯᐅᓂᔪᐤ ᒋᑭ ‍ ᐅᑎᑎᓂᑯᐅᒡ᙮
\q1
\v 25 ᐊᑯᔅ ᐎᒋᐛᐤ ᒋᑭ ‍ ᒺᔅᑕᑎᑯᓂᔪᐤ;
\q2 ᑭᔭ ᐊᑲᐎᔾ ᐊᐛᔪᐛ ᒋᑭ ‍ ᐎᒋᔨᐛ ᐅᒥᒋᐛᐳᐛᒡ᙮
\q1
\v 26 ᐛᔅ ᑯᒂᑕᒋᐊᐅᒡ ᐊᓂᔭ ᑲᒋ ‍ ᐸᑲᒪᐅᒪᑦ;
\q2 ᑭᔭ ᑲᔅᒐᔨᑎᒥᒪᐅᒡ ᐊᓂᔭ ᑲᒋ ‍ ᒥᔄᑭᓂᑲᑎᒧᑦ᙮
\q1
\v 27 ᑕᐧᑯᑕ ᒥᒐᑎᓯᐅᓐ ᐅᒥᒐᑎᓯᐅᓄᐛᒡ:
\q2 ᐊᑲ ᑭᔭ ᓇᐊᔨᒥᒡ ᒐᒋ ᐱᒐᒡ ᒋᑯᐃᔅᑯᑕᑎᓯᐅᓂᒡ᙮
\q1
\v 28 ᐊᑯᔅ ᒪᒃ ᒋᑭ ‍ ᑲᓴᐛᐅᒡ ᐅᒥᓯᓇᐃᑭᓂᔨᒡ ᐅᒋ ᐅᐱᒪᑎᓯᓱᐛ,
\q2 ᐊᑲ ᑭᔭ ᒋᑭ ‍ ᐊᓯᔅᑎᓯᓇᓱᐅᒡ ᐅᑯᐃᔅᑯᑕᑎᓯᐛ᙮
\b
\q1
\v 29 ᒪᒃ ᓂᔾ ᓂ ᒋᔅᑎᒪᑎᓯᓐ ᑭᔭ ᓂ ‍ ᒥᒋᔨᐛᔨᑕᓐ:
\q2 ᐊᑯᔅ ᒋᐱᒪᒋᐃᐛᐅᓐ, ᐅ ᒋᓴᒪᓂᑐᐤ ᓂᑭ ‍ ᐃᔅᐸᒐᓂᑯᓐ᙮
\b
\q1
\v 30 ᓂᑭ ‍ ᒪᒥᒋᑕᒺᓐ ᐅᑦ ᐃᓯᓂᐧᑲᓱᐅᓐ ᒋᓴᒪᓂᑐᐤ ᐊ ‍ ᓂᑭᒧᔭᓐ,
\q2 ᓂᑭ ‍ ᒋᔅᑕᒋᒪᐤ ᒪᒃ ᐊ ‍ ᓂᓇᔅᑯᒧᔭᓐ᙮
\q1
\v 31 ᐅᔭᔪᐤ ᒪᒃ ᐊᑐᐎᔅ ᒋᑭ ‍ ᓇᐊᔨᑕᒥᑯᐤ ᑎᐸᔨᒋᒐᓱᐤ ᐃᔅᐱᔅ ᓇᐸ ᒥᔅᑐᓴ,
\q2 ᑭᔭ ᒥᒄ ᐃᔭᐸᐛ ᑲ ‍ ᐅᑦ ᐊᔅᑲᓂᔨᒋ ᑭᔭ ᑲ ‍ ᐊᔅᑲᓯᔨᒋ᙮
\q1
\v 32 ᑲ ‍ ᑎᐱᑕᔨᒧᒡ ᒋᑭ ‍ ᐛᐸᑎᒧᒡ, ᑭᔭ ᒋᑭ ‍ ᓯᒋᔭᓱᐅᒡ:
\q2 ᒋᑕᐃᐛᐤ ᒋᑭ ‍ ᐱᒪᑎᓯᒪᑭᓐ ᒋᔨᐛᐤ ᑲ ‍ ᓇᓂᑐᐛᔨᒪᒄ ᒋᓴᒪᓂᑐᐤ᙮
\q1
\v 33 ᐛᔅ ᑎᐸᔨᒋᒐᓱᐤ ᓂᑐᑐᐛᐤ ᑲ ‍ ᒋᔅᑎᒪᑎᓯᔨᒋ,
\q2 ᓇᒪ ᑭᔭ ᐊᑐᐛᔨᒪᐤ ᑲᒪᑯᓇᑭᓄᐎᒋ᙮
\b
\q1
\v 34 ᐊᑯᔅ ᒋᓯᑯᔪᐤ ᑭᔭ ᐊᔅᒋᔪᐤ ᒋᑭ ‍ ᒪᒥᒋᒥᑯᐤ,
\q2 ᐎᓂᐸᑯᔪᐤ, ᑭᔭ ᒥᓯᐛ ᑕᑐᐤ ᒐᒂᓐ ᐊᓐᑕ ᑲ ‍ ᐊᔭᒋᐱᔨᒡ᙮
\q1
\v 35 ᐛᔅ ᒋᓴᒪᓂᑐᐤ ᒋᑭ ‍ ᐱᒪᒋᑕᐤ ᓴᐃᔭᓂᔪᐤ, ᑭᔭ ᒋᑭ ‍ ᐅᓯᑕᐤ ᒍᑕ ᐅᑕᓇᐛ:
\q2 ᐊᑯᑕ ᒐᒋ ᐎᒋᔨᒋ ᑭᔭ ᒐᒋ ᑎᐱᔨᐛᐅᓯᔨᒋ᙮
\q1
\v 36 ᐅᑦ ᐊᐛᓯᒥᓯᔪᐛ ᑭᔭ ᐅᑦ ᐊᑐᔅᒐᔭᑭᓇ ᒋᑭ ‍ ᑎᐸᔨᑎᒥᔪᐛ:
\q2 ᐊᓐᒡ ᒪᒃ ᑲ ‍ ᓴᒋᑕᐛᒡ ᐅᑦ ᐃᓯᓂᐧᑲᓱᐅᓂᔪᐤ ᐊᓐᑕ ᒋᑭ ‍ ᐎᒋᐅᒡ᙮
\c 70
\q1
\v 1 ᒋᐱᔾ, ᐅ ᒋᓴᒪᓂᑐᐤ, ᐱᒪᒋᐃ;
\q2 ᒋᐱᔾ ᐎᒋᐃ, ᐅ ᑎᐸᔨᒋᒐᓱᐤ᙮
\q1
\v 2 ᐊᑯᔅ ᒋᑭ ‍ ᓴᓴᒂᔨᒧᐊᐅᒡ ᑭᔭ ᒋᑭ ‍ ᐛᐛᓇᔨᑎᒥᐊᐅᒡ ᑲ ‍ ᓇᓂᑐᐛᔨᒪᒡ ᓂᑦ ᐊᒐᒂ:
\q2 ᐊᑯᔅ ᒋᑭ ‍ ᐊᓴᑲᐳᐅᒡ, ᑭᔭ ᒋᑭ ‍ ᓴᒂᔨᒧᐊᐅᒡ, ᑲ ‍ ᓂᑐᐛᔨᑕᒡ ᒐᒋ ᒪᒋᑐᑕᑯᐅᔭᓐ᙮
\q1
\v 3 ᐊᑯᔅ ᒋᑭ ‍ ᐊᓴᑲᐳᐅᒡ ᐊ ‍ ᑎᐸᐊᒪᐛᑭᓄᐅᒡ ᐊ ‍ ᓴᒂᔨᒧᐃᒡ,
\q2 ᑲ ‍ ᐃᓯᒡ, “ᐊᐦᐊ, ᐊᐦᐊ !”
\q1
\v 4 ᐊᑯᔅ ᐊᓐᒡ ᑲ ‍ ᓇᓂᑐᐛᔨᒥᔅᒡ ᒋᑭ ‍ ᒥᔽᔨᑎᒧᒡ ᑭᔭ ᒋᑭ ‍ ᓯᒋᔭᓱᐅᒡ:
\q2 ᐊᑯᔅ ᑭᔭ ᐊᓐᒡ ᑲ ‍ ᓴᒋᑕᒡ ᒋ ‍ ᐱᒪᒋᐃᐛᐅᓂᔪᐤ ᓇᓂᑎᒻ ᒋᑭ ‍ ᐃᔅᒋᔄᐅᒡ,
\q2 “ᐊᑯᔅ ᒋᓴᒪᓂᑐᐤ ᒋᑭ ‍ ᒋᔅᑕᒋᒪᑭᓄᐤ !”
\b
\q1
\v 5 ᒪᒃ ᓂᔾ ᓂ ‍ ᒋᔅᑎᒪᒋᓯᓐ ᑭᔭ ᓂ ‍ ᐅᐛᓇᔨᑕᓐ:
\q2 ᒋᐱᔾ ᐸᒋ ‍ ᓇᓯᔾ:
\q1 ᒋᔾ ᒋ ‍ ᐎᒋᐃᓐ ᑭᔭ ᒋ ‍ ᐱᒪᒋᐃᓐ,
\q2 ᐅ ᑎᐸᔨᒋᒐᓱᐤ, ᐊᑲᐎᔾ ᑈᔅᑲᐛᑦ᙮
\c 71
\s2 Psalm 71:1-6 (Epiphany-4 Year C)
\s2 Psalm 71:1-6 (Proper-16 Year C)
\q1
\v 1 ᒋᔾ, ᐅ ᑎᐸᔨᒋᒐᓱᐤ, ᒋ ‍ ᒪᒥᓯᑐᑕᑎᓐ:
\q2 ᐊᑲ ᐎ ᓂᑕ ᓇᐊᔨᒥ ᒐᒋ ᓴᒂᔨᒧᐃᑯᐅᔭᓐ᙮
\q1
\v 2 ᐱᒪᒋᐃ ᒋᑯᐃᔅᑯᑕᑎᓯᐅᓂᒡ, ᑐᑐᐎ ᒐᒋ ᐅᓯᒧᔭᓐ:
\q2 ᓂᑐᑐᐎ, ᑭᔭ ᐱᒪᒋᐃ᙮
\q1
\v 3 ᒋᔾ ᐊ ᐎ ‍ ᓂᒥᔅᑯᐅᓯᐤ ‍ ᐃᑕᐅᓐ,
\q2 ᐊᓐᑕ ᒧᔅ ᒐᒋ ᑕᔭᓐ ᔅᒋ ‍ ᐃᑎᓱᐛᓐ ᒐᒋ ᐱᒪᒋᐃᑯᐅᔭᓐ;
\q2 ᐛᔅ ᒋᔾ ᓂᒋᔅᑕᐱᔅᑯᒻ ᑭᔭ ᓂᓂᑐᐱᔪᐅᒋᐛᑉ᙮
\q1
\v 4 ᐎᐧᑯᒋᐃ, ᐅ ᓂᒋᓴᒪᓂᑐᒻ ᐅᑎᒋᐛᒡ ᐅᒋ ᐅᒥᒋᑥᐅᒡ,
\q2 ᐅᑎᒋᒡ ᐅᒋ ᐊᑲ ‍ ᑯᐃᔅᑯᑕᑎᓯᑦ ᑭᔭ ᑲ ‍ ᐊᒂᑎᓯᑦ ᐃᔪᐤ᙮
\b
\q1
\v 5 ᐛᔅ ᒋᔾ ᓂᑦ ᐊᔅᐸᔨᒧᐅᓐ, ᐅ ᑎᐸᔨᒋᒐᔨᓐ ᒋᓴᒪᓂᑐᐤ:
\q2 ᑭᔭ ᔅᒋ ‍ ᒪᒥᓯᑐᑕᑎᓐ ᑲ ‍ ᐃᔅᐱᔅ ᐸᒋ ‍ ᐅᔅᒋᓂᒋᐅᔭᓐ᙮
\q1
\v 6 ᒋᔾ ᔅᒋ ‍ ᓯᑐᓐ ᒥᔅᐸᔭᒡ ᐅᒋ:
\q2 ᒋᔾ ᑲ ‍ ᐅᑎᓂᔨᓐ ᓂᑲᐎᔾ ᐅᔅᐸᔭᒡ ᐅᒋ:
\q2 ᒋᔾ ᓇᓂᑎᒻ ᒋᑭ ‍ ᒪᒥᒋᒥᑎᓐ᙮
\q1
\v 7 ᒥᒐᑦ ᓂ ᒪᒥᔅᑲᑎᑯᒡ;
\q2 ᒋᔾ ᒪᒃ ᓂ ‍ ᒥᔅᑯᓯᐤ ᓇᑕᓯᒧᐅᓐ᙮
\q1
\v 8 ᐊᑯᔅ ᓂᑐᓂᒡ ᒋᑭ ‍ ᓴᑭᔅᒋᓇᐤ ᒋᒪᒥᒋᒥᑯᓯᐅᓐ,
\q2 ᑭᔭ ᒋᒋᔅᑕᔨᒥᑯᓯᐅᓐ ᐃᔅᑭᓐ ᒋᓯᑲᐛ᙮
\b
\q1
\v 9 ᐊᑲᐎᔾ ᐛᐱᓂ ᐊ ᐊᑎ ‍ ᒋᓴᐃᔪᐎᔭᓐ;
\q2 ᐊᑲᐎᔾ ᓂᑭᓯ ᐊ ᐊᑎ ‍ ᓄᑕᐱᔨᒡ ᓂ ‍ ᒥᔅᑯᐅᓯᐅᓐ᙮
\q1
\v 10 ᐛᔅ ᑲ ‍ ᐛᐧᑲᓯᒡ ᓂ ‍ ᐸᒂᓄᒥᑯᒡ;
\q2 ᐊᓐᒡ ᑭᔭ ᑲ ‍ ᐊᔅᑲᒪᐛᒡ ᓂᑦ ᐊᒐᒂ ᓯᒋᒥᑐᐅᒡ᙮
\q1
\v 11 ᐊ ‍ ᐃᔅᒋᔄᒡ, “ᒋᓴᒪᓂᑐᐛ ᒋ ‍ ᓂᑭᑎᑯᐤ;
\q2 ᑯᒂᑕᒋᐃᐧᒄ ᑭᔭ ᐅᑎᓂᐧᒄ;
\q2 ᐛᔅ ᓇᒪ ᑕᔪᐛ ᒐ ‍ ᐱᒪᒋᐃᑯᑦ᙮”
\q1
\v 12 ᐅ ᒋᓴᒪᓂᑐᐤ, ᐊᑲᐎᔾ ᔭᐛᐱᒥ:
\q2 ᐅ ᒋᓴᒪᓂᑐᐤ, ᒋᐱᔾ ᐎᒋᐃ᙮
\q1
\v 13 ᐊᑯᔅ ᒋᑭ ‍ ᐛᐛᓇᔨᑎᒧᒡ ᑭᔭ ᒋᑭ ‍ ᓂᓱᐅᓇᑎᓱᐅᒡ ᑲ ‍ ᓂᔅᑯᔅᑐᐛᒡ ᓂᑦ ᐊᒐᒂ;
\q2 ᐊᑯᔅ ᒋᑭ ‍ ᐊᒂᓂᔅᑲᑯᐅᒡ ᒋᑐᓱᐛᐅᓂᔪᐤ ᑭᔭ ᒪᒐᔨᑕᑯᓱᐅᓂᔪᐤ ᐊᓐᒡ ᑲ ᐎ ‍ ᒥᒋᑐᑐᐅᒡ᙮
\b
\q1
\v 14 ᒪᒃ ᓂᑭ ‍ ᐊᔅᐸᔨᒧᓐ ᓇᓂᑎᒻ,
\q2 ᑭᔭ ᐃᔭᐱᒡ ᐊᔭᔅᒃ ᒥᒄ ᒋᑭ ‍ ᒪᒥᒋᒥᑎᓐ᙮
\q1
\v 15 ᓂᑐᓂᒡ ᓂᑭ ᐅᒋ ‍ ᐛᐸᑎᔨᐛᓐ ᒋᑯᐃᔅᑯᑕᑎᓯᐅᓐ,
\q2 ᑭᔭ ᒋᐱᒪᒋᐃᐛᐅᓐ ᐃᔅᑭᓐ ᒋᓯᑲᐛ;
\q2 ᐛᔅ ᓇᒪ ᓂ ‍ ᒋᔅᒐᔨᑕᓐ ᑕᓐ ᐊᑕᑎᒋ᙮
\q1
\v 16 ᓂᑭ ‍ ᐃᑐᑕᓐ ᐅᒥᔅᑯᐅᓯᐅᓂᒡ ᑎᐸᔨᒋᒐᓱᐤ ᒋᓴᒪᓂᑐᐤ:
\q2 ᓂᑭ ‍ ᐊᔨᒧᑕᓐ ᒋᑯᐃᔅᑯᑕᑎᓯᐅᓐ, ᒋᔾ ᒥᒄ ᑎᐱᔨᐛ᙮
\q1
\v 17 ᐅ ᒋᓴᒪᓂᑐᐤ, ᔅᒋ ‍ ᒋᔅᑯᑎᒧᐅᓐ ᐊ ᐸᒋ ‍ ᐅᔅᒋᓂᒋᓱᔭᓐ ᐅᒡ:
\q2 ᐱᐃᒻ ᐊᓄᒡ ᓂᒋ ‍ ᐎᑕᓐ ᒋᒪᒥᔅᑲᒡ-ᐃᑐᐅᓇ᙮
\q1
\v 18 ᐊᓄᒡ ᑭᔭ, ᐊ ‍ ᒋᓴᐃᔪᐎᔭᓐ ᑭᔭ ᐊ ‍ ᐛᐱᔅᑎᒂᓇᔭᓐ, ᐊᑲᐎᔾ ᓇᑭᓯ;
\q2 ᐸᑎᒪ ᒋ ‍ ᐛᐸᑎᔨᒂᐛ ᒋᒥᔅᑯᐅᓯᐅᓂᔪᐤ ᐊᓄᒡ ᑲ ‍ ᐱᒪᑎᓯᒡ,
\q2 ᑭᔭ ᒋᑭᔅᒋᐅᓂᔪᐤ ᒥᓯᐛ ᑕᑐᐤ ᐊᐛᓐ ᒐ ᐸᒋ ‍ ᓄᑯᓯᑦ᙮
\b
\q1
\v 19 ᒋᑯᐃᔅᑯᑕᑎᓯᐅᓐ ᑭᔭ, ᐅ ᒋᓴᒪᓂᑐᐤ, ᓇᔅᒡ ᐊ ‍ ᐃᔅᐸᔨᑕᒂᒡ,
\q2 ᑲᒋ ‍ ᐃᑐᑎᒥᓐ ᒋᒋ ‍ ᒐᒂᓇ:
\q2 ᐅ ᒋᓴᒪᓂᑐᐤ, ᐊᐛᓐ ᓇᔅᐱᑕᔅᒃ ?
\q1
\v 20 ᒋᔾ, ᑲᒋ ‍ ᐛᐸᑎᔨᓐ ᒋᒋ ᑭᔭ ᐊᑯ ᐊᔨᒥᓯᐅᓇ,
\q2 ᒥᓐ ᒋᑭ ‍ ᒥᓏᒋᐃᓐ, ᒥᓐ ᒪᒃ ᒋᑭ ᐅᒋ ‍ ᐸᓱᐅᓐ ᐊᑕᒥᒡ ᐊᔅᒋᒡ ᐅᒡ᙮
\q1
\v 21 ᒋᑭ ‍ ᔭᒋᑕᓐ ᓂᒋᔅᑎᓯᐅᓐ,
\q2 ᑭᔭ ᒥᓯᐛ ᔭᔨᑐᐤ ᒋᑭ ᐅᒋ ‍ ᒥᔽᔨᒧᐎᓐ᙮
\b
\q1
\v 22 ᐊᓯᒡ ᑭᔭ ᒋᑭ ‍ ᒪᒥᒋᒥᑎᓐ ᓂᑭᒧᐅᓂᒡ, ᒋᑕᑈᐅᓂᒡ ᐅᑦ, ᐅ ᓂᒋᓴᒪᓂᑐᒻ:
\q2 ᒋᔾ ᒋᑭ ‍ ᓂᑭᒧᔅᑕᑎᓐ ᐊᓯᑭᓇᔭᐱᔾ ᒋᔍᐛᐱᒋᑭᓂᒡ, ᐅ ᒋᔾ ᐃᔅᕋᐃᓪ ᐅᐸᔭᒋᓯᒪ᙮
\q1
\v 23 ᓂᑐᓐ ᓇᔅᒡ ᒋᑭ ‍ ᒧᒋᒐᔨᑎᒧᒪᑭᓐ ᐊ ‍ ᓂᑭᒧᔅᑕᑕᓐ;
\q2 ᑭᔭ ᓂᑦ ᐊᒐᐧᒄ ᑲᒋ ‍ ᐱᒪᒋᐊᑦ᙮
\q1
\v 24 ᓂᑕᔨᔾ ᑭᔭ ᒋᑭ ‍ ᐊᔨᒧᑎᒧᒥᑭᓐ ᒋᑯᐃᔅᑯᑕᑎᓯᐅᓐ ᒥᓯᐛ ᐃᔅᑭᓐ ᒋᓯᑲᐛ:
\q2 ᐛᔅ ᐛᐛᓇᔨᑕᒪᐊᑭᓄᐅᒡ, ᐛᔅ ᓴᒂᔨᒧᐊᑭᓄᐅᒡ, ᐊᓐᒡ ᑲ ᐎ ‍ ᒥᒋᑐᑐᐅᒡ᙮
\c 72
\s2 Psalm 72:1-7, 10-14 (Epiphany Year A, B, C)
\q1
\v 1 ᒥᔾ ᒋᓴᐅᒋᒪᐤ ᒋ ‍ ᑎᐸᔅᑯᓂᒐᐅᓇ, ᐅ ᒋᓴᒪᓂᑐᐤ,
\q2 ᑭᔭ ᒋ ‍ ᑯᐃᔅᑯᑕᑎᓯᐅᓂᔪᐤ ᒋᓴᐅᒋᒪᐤ ᐅᑯᓴ᙮
\q1
\v 2 ᑯᐃᔅᑯᑕᑎᓯᐅᓂᒡ ᒋᑭ ‍ ᑎᐸᔅᑯᓇᐤ ᒋᑦ ᐃᔨᒪ,
\q2 ᑭᔭ ᒋ ‍ ᒋᔅᑎᒪᑎᓯᒪ ᑎᐸᔅᑯᓂᒐᐅᓂᒡ᙮
\q1
\v 3 ᐱᔅᑯᑎᓇᐛ ᒋᑭ ‍ ᐸᑥᑯᐅᒡ ᐃᔪᒡ ᒋᔭᒪᔨᑎᒧᐅᓂᔪᐤ,
\q2 ᑭᔭ ᐱᔅᑯᑎᓇᓴ, ᑯᐃᔅᑯᑕᑎᓯᐅᓐ ᐅᒡ᙮
\q1
\v 4 ᒋᑭ ‍ ᑎᐸᔅᑯᓇᐤ ᑲ ‍ ᒋᔅᑎᒪᑎᓯᔨᒋ ᐃᔪᐛ,
\q2 ᒋᑭ ‍ ᐱᒪᒋᐃᒪᐤ ᐅᑦ ᐊᐛᓯᒥᓯᔪᐛ ᑲᔅᑎᒪᑎᓯᔨᒋ,
\q2 ᑭᔭ ᒋᑭ ‍ ᐱᓯᓯᒪᐤ ᐅᑦ ᐊᔨᒥᐃᐛᐛ᙮
\b
\q1
\v 5 ᒋᑭ ‍ ᓇᓂᒋᔅᑕᑯᒡ ᒐ ᐃᔅᐱᔅ ‍ ᑕᔨᒋ ᒋᓯᑲᐤ ᐱᓯᒺ ᑭᔭ ᑎᐱᔅᑲᐤ ᐱᓯᒺ,
\q2 ᒥᓯᐛ ᒐ ᐊᑎ ᐊᓂᔅᒐ ‍ ᐱᒪᑎᓯᓇᓄᐎᒡ᙮
\q1
\v 6 ᒋᑭ ᐸᒋ ‍ ᔭᓯᐤ ᒧᔭᒻ ᐊ ‍ ᒋᒺᒡ ᐊ ‍ ᒥᓂᓯᑭᓄᐅᒋ ᒪᔅᑯᓱᐛ;
\q2 ᒧᔭᒻ ᐊ ‍ ᐸᐸᒋᐸᔅᑕᒡ ᑲ ᐅᒋ ‍ ᐅᑯᔅᒋᐸᒡ ᐊᔅᒋᔾ᙮
\q1
\v 7 ᒪᒂᒡ ᐊ ‍ ᐅᒋᓯᑲᒥᑦ ᐅᑯᐃᔅᑯᑕᑎᓯᐤ ᒋᑭ ‍ ᒥᔽᐱᒪᐅᓯᐤ,
\q2 ᑭᔭ ᒥᔅᑎ ᒋᔭᒪᔨᑎᒧᐅᓂᔪᐤ ᒐ ᐃᔅᐱᔅ ‍ ᑕᔨᒋ ᑎᐱᔅᑲᐤ ᐱᓯᒺ᙮
\b
\q1
\v 8 ᒋᑭ ‍ ᑎᐸᔨᒋᒐᐤ ᒪᒃ ᐸᐃᒄ ᐎᓂᐸᑯᒡ ᐅᒋ ᑯᑎᒡ ᐎᓂᐸᑯᒡ ᐃᔅᐱᔅ,
\q2 ᑭᔭ ᓯᐱᒡ ᐅᒋ ᐊ ‍ ᒋᓯᐸᒡ ᐊᔅᒋᒡ ᐊ ‍ ᐃᔎᔭᔨᒡ ᐊᔅᒋᔪᐤ ᐃᔅᐱᔅ᙮
\q1
\v 9 ᐊᓐᒡ ᐸᐧᑯᑎᔅᑭᒥᑲᒡ ᑲ ‍ ᐎᒋᒡ ᒋᑭ ‍ ᓄᐛᒋᔅᑐᐛᐅᒡ;
\q2 ᑭᔭ ᑲ ‍ ᐛᐧᑲᑕᒡ ᒋᑭ ‍ ᓄᒂᑎᒧᒡ ᒥᔅᑯᓱᒥᔅᑎᑯᓴ᙮
\s2 Psalm 72:1-7, 10-14 (Epiphany Year A, B, C)
\q1
\v 10 ᒋᓴᐅᒋᒪᐅᒡ ᑲ ‍ ᑎᐸᔨᒋᒐᒡ ᑕᕐᓯᓯᒡ ᑭᔭ ᐊ ‍ ᒥᓂᔅᑎᑯᔅᑲᔨᒡ ᒋᑭ ‍ ᐸᑕᐅᒡ ᒥᔨᐛᐅᓇ:
\q2 ᓯᐸ ᑭᔭ ᓯᐸ ᒋᓴᐅᒋᒪᐅᒡ ᒋᑭ ‍ ᐱᔅᑎᓂᒐᐅᒡ ᒥᔨᐛᐅᓇ᙮
\q1
\v 11 ᓂᐦᐃ, ᒥᓯᐛ ᒋᓴᐅᒋᒪᐅᒡ ᒋᑭ ‍ ᐸᒋᓯᓂᔅᑐᐛᐅᒡ;
\q2 ᒥᓯᐛ ᑲ ‍ ᑕᑐᔅᑲᓇᓯᒡ ᐃᔪᒡ ᒋᑭ ‍ ᐊᑐᔅᒐᔅᑐᐛᐅᒡ᙮
\b
\q1
\v 12 ᐛᔅ ᒋᑭ ‍ ᐱᒪᒋᐊᐤ ᓂᓂᐧᑲᑎᓯᐛ ᒪᓱᒧᔅᑕᒐᔨᒐ;
\q2 ᐅᒋᔅᑎᒪᒋᓴ ᐊᓯᒡ, ᑭᔭ ᐊᑲ ᑕᔨᒋ ᒐ ‍ ᐎᒋᐃᑯᔨᒋ᙮
\q1
\v 13 ᒋᑭ ‍ ᒥᓇᒋᐊᐤ ᐅᒋᔅᑎᒪᑎᓯᐛ ᑭᔭ ᓇᓇᐧᑲᑎᓯᐛ,
\q2 ᑭᔭ ᒋᑭ ‍ ᐱᒪᒋᐃᒪᐤ ᐅᑦ ᐊᒐᐧᑯᔪᐛ ᑲᔅᑎᒪᑎᓯᔨᒋ᙮
\q1
\v 14 ᒋᑭ ‍ ᐎᐧᑯᒋᐃᒪᐤ ᐅᑦ ᐊᒐᐧᑯᔪᐛ ᑭᑭᒋᔭᓂᓯᐅᓂᒡ ᑭᔭ ᐊᒂᑎᓯᐅᓂᒡ ᐅᒡ:
\q2 ᑭᔭ ᒋᑭ ‍ ᒋᔅᑕᒋᑕᒺᐤ ᐅᒥᐧᑯᔪᐤ᙮
\b
\q1
\v 15 ᒋᑭ ‍ ᐱᒪᑎᓯᐤ ᒪᒃ, ᑭᔭ ᒋᑭ ‍ ᒥᔭᑭᓄᐤ ᓯᐸ ᐎᔄᐅᓱᓇᔭᐱᔅᑯᔪᐤ:
\q2 ᒧᓯᓇᐤ ᑭᔭ ᒋᑭ ‍ ᐊᔭᒥᐊᔅᑐᐛᑭᓄᐤ;
\q2 ᑭᔭ ᐊᓯᒡ ᒋᑭ ‍ ᒪᒥᒋᒪᑭᓄᐤ᙮
\q1
\v 16 ᐸᐃᑯᒥᑎᒋ ᒪᑕᒥᓇ ᐊᔅᒋᒡ ᒋᑭ ‍ ᑕᐤ ᑕᐧᑯᒡ ᐱᔅᑯᑎᓇᒡ;
\q2 ᐊ ‍ ᒥᓂᓱᐅᒋ ᒪᒃ ᒋᑭ ‍ ᐱᐅᐱᔪᐛ ᒧᔭᒻ ᓚᐸᓇᓐ:
\q2 ᑭᔭ ᐊᓐᒡ ᐅᑕᓇᒡ ᑲ ‍ ᐃᑕᒡ ᒋᑭ ‍ ᒥᔽᐱᒪᐅᓯᐅᒡ ᒧᔭᒻ ᒥᔅᑯᓱᐛ ᐊᔅᒋᒡ᙮
\q1
\v 17 ᐅᑦ ᐃᓯᓂᐧᑲᓱᐅᓐ ᓇᓂᑎᒻ ᒋᑭ ‍ ᑎᑯᓂᔪᐤ:
\q2 ᐅᑦ ᐃᓯᓂᐧᑲᓱᐅᓐ ᒋᑭ ‍ ᐱᒥᐱᔪᐤ ᒐ ᐃᔅᐱᔅ ‍ ᑕᒂ ᐱᓯᒻ᙮
\b
\q1 ᐃᔪᐤ ᒪᒃ ᒋᑭ ‍ ᓱᐛᔨᑕᑯᓱᐤ ᐎᔾ ᐅᒡ;
\q2 ᒥᓯᐛ ᑭᔭ ᑲ ‍ ᐃᑎᔅᑲᓇᓯᔨᒋ ᐃᔪᐛ ᓱᐛᔨᑕᑯᓯᐤ ᒋᑭ ‍ ᐃᑎᑯᐤ᙮
\b
\q1
\v 18 ᒋᑭ ᐎ ‍ ᒪᒥᒋᒪᑭᓄᐤ ᑕᐸᔨᒋᒐᓯᐅᑦ ᒋᓴᒪᓂᑐᐤ,
\q2 ᐅᒋᓴᒪᓂᑐᒪ ᐃᔅᕋᐃᓪ, ᐎᔾ ᒥᒄ ᑲ ‍ ᒪᒪᑕᐤ ᐃᔨᑎᑦ᙮
\q1
\v 19 ᑭᔭ ᒋᑭ ᐎ ‍ ᒪᒥᒋᒥᑕᑭᓄᐎᔪᐤ ᐅᒋᔅᑕᔨᑕᑯᓱᐅ ᐃᓯᓂᐧᑲᓱᐅᓐ ᑲᒋᒡ:
\q2 ᐊᑯᔅ ᒪᒃ ᒥᓯᐛ ᐊᔅᒋᒡ ᒋᑭ ‍ ᓴᑭᔅᒋᓇᔪᐤ ᐅᒋᔅᑕᔨᑕᑯᓱᐅᓐ᙮ ᐊᒥᓐ, ᑭᔭ ᐊᒥᓐ᙮
\b
\q1
\v 20 ᐅᑦ ᐊᔭᒥᐊᐅᓇ ᑎᐱᑦ, ᒐᓯᔾ ᐅᑯᓴ ᐳᓂᐱᔪᐛ᙮
\c 73
\ms1 ᒥᓯᓇᐃᑭᓐ 3
\q1
\v 1 ᑕᑈ ᒋᓴᒪᓂᑐᐤ ᒥᔪᑐᑐᐛᐤ ᐃᔅᕋᐃᓚ,
\q2 ᐊᓂᔭ ᐅᑎ ᑲ ‍ ᐸᔭᒋᑕᐊᔨᒋ᙮
\b
\q1
\v 2 ᒥᒄ ᓂᔾ, ᓂᓯᑕ ᒐᑲᑦ ᓱᔅᑯᐱᔪᐛ;
\q2 ᒐᑲᑦ ᓂᒋ ‍ ᒋᐃᓯᓐ᙮
\q1
\v 3 ᐛᔅ ᓂᒋ ‍ ᐅᑕᔨᒪᐅᒡ ᒋᔎᐧᑲᓐᒡ,
\q2 ᐃᔅᐱ ᐎᔭᐸᑎᒪᓐ ᐊᔅᐱᔅ ᒥᔽᐱᒪᐅᓯᒡ ᐅᒥᒋᑥᐅᒡ᙮
\b
\q1
\v 4 ᐛᔅ ᓇᒪ ᑎᑯᓂᔪᐤ ᒪᑯᐱᓱᐅᓂᔪᐤ ᐅᓂᐳᐅᓄᐛᒡ;
\q2 ᒪᒃ ᐅᒥᔅᑯᐅᓯᐅᓄᐛᐤ ᒥᔅᑯᐛᐃᔪᐤ᙮
\q1
\v 5 ᓇᒪᐎᔾ ᐅᔅᑕᐱᔪᐅᒡ ᒧᔭᒻ ᑯᑎᑭᒡ ᐃᔪᒡ:
\q2 ᓇᒪ ᑭᔭ ᐃᑕᔅᐱᓇᐅᒡ ᒧᔭᒻ ᑯᑎᑭᒡ ᐃᔪᒡ᙮
\q1
\v 6 ᐊᐅᒄ ᐅᒋ ᒋᔅᑕᔨᒧᐅᓂᔪᐤ ᐛᔅᑲᔅᑲᑯᐅᒡ ᒧᔭᒻ ᐃᓴᒂᔭᐱᔪᐤ;
\q2 ᐊᒂᑎᓯᐅᓂᔪᐤ ᐊᒂᓇᐅᑯᒡ ᒧᔭᒻ ᐊᐱᒋᑕᐅᓂᔪᐤ᙮
\q1
\v 7 ᐸᐧᑲᒐᐱᔪᐅᒡ ᐊᔅᐱᔅ ᐎᔨᔪᐅᒡ;
\q2 ᐊᑐᐎᔅ ᐊᔭᐅᒡ ᑲ ᐃᔅᐱᔅ ‍ ᐱᑯᓴᔨᒧᒡ᙮
\q1
\v 8 ᐎᓂᓱᐅᒡ, ᑭᔭ ᒥᒋᐃᔨᒧᐅᒡ ᐊᐃᔨᒧᐅᓂᔪᐤ ᐅᒡ;
\q2 ᒋᔅᑕᔨᒧᐤ ᐃᔨᒧᐅᒡ᙮
\q1
\v 9 ᐱᔎᐧᑲᑕᒧᒡ ᒋᓯᑯᔪᐤ,
\q2 ᑭᔭ ᐅᑕᔨᔪᐛᐛ ᐱᐸᒧᑕᒥᑭᓂᔪᐛ ᒥᓯᐛ ᐊᔅᒋᒡ᙮
\q1
\v 10 ᐊᔪᐛᒃ ᒪᒃ ᐛᒋ ᐸᒋ ‍ ᒋᐛᔨᒋ ᐅᑦ ᐃᔨᒪ:
\q2 ᑭᔭ ᐊ ‍ ᓴᑭᔅᒋᓇᐸᔨᒡ ᒥᓂᒂᑭᓂᔪᐤ ᐃᔅᐱᔅ ᒋᑭ ‍ ᓯᓂᐸᑕᓂᑭᓇᐎᔨᐛ᙮
\q1
\v 11 ᐃᔅᒋᔄᐅᒡ ᒪᒃ, “ᑕᓐ ᐊᓯ ‍ ᒋᔅᒐᔨᑕᐧᒃ ᒋᓴᒪᓂᑐᐤ ?
\q2 ᐅᒋᔅᒐᔨᑎᒧᐅᓄᐤ ᐊ ᒪᐅᒡ ᒐᔅᑎᓯᑦ ?”
\b
\q1
\v 12 ᐛᐸᑎᒧᒄ, ᐅᒋ ᐊᐅᒄ ᐊᓐᒡ ᐊᑲ ᐊᔭᒥᐊᒡ,
\q2 ᑲ ‍ ᒥᔽᐱᒪᐅᓱᒡ ᐊᔅᒋᒡ; ᐊᔭᔅᒃ ᐛᔪᑎᓯᔪᐅᒡ᙮
\b
\q1
\v 13 ᑕᑈ, ᓂᑐᐎ ᓂ ᒋ ‍ ᐃᓯ ᐸᔭᒋᑕᓐ ᓂᑕᐃ,
\q2 ᑭᔭ ᓂ ᒋ ‍ ᐃᓯ ᒋᔅᑕᐸᐅᑕᓐ ᓂᑎᒋᔭ ᐸᔭᒋᓯᐅᓂᒡ᙮
\q1
\v 14 ᐛᔅ ᐃᔅᑭᓐ ᒋᓯᑲᐛ ᓂ ᒋ ‍ ᒥᑯᔅᑲᒋᐃᑯᐅᓐ,
\q2 ᑭᔭ ᓂ ᒋ ‍ ᐱᓯᔅᑕᐅᑯᐅᓐ ᑕᑥᐤ ᐊ ‍ ᒐᒋᓴᐸᔭᒡ᙮
\b
\q1
\v 15 ᒥᓱ ᐃᔭᓇ, “ᐅ ᓂᑭ ᐃᓯ ‍ ᐃᔨᒥᓐ,”
\q2 ᓂᑭ ‍ ᐛᓂᑐᑐᐛᑎᔨᒡ ᒐ ᐊᑎ ᐊᓂᔅᒐ ‍ ᐱᒪᑎᓯᒡ ᒋᑦ ᐊᐛᓯᒥᒡ᙮
\q1
\v 16 ᐃᔅᐱ ᐅ ᒥᔭᒥᑐᓇᔨᑎᒪᓐ,
\q2 ᐅᓴᒻ ᓂᒋ ‍ ᐊᐧᑯᐃᑯᓐ᙮
\q1
\v 17 ᐸᑎᒪ ᑲ ‍ ᐱᒐᐅᒡ ᐅᐸᔭᒋ-ᒥᒋᐛᐱᒡ ᒋᓴᒪᓂᑐᐤ;
\q2 ᐊᑯ ᓇᔅᑐᑎᒪᓐ ᐊᓯ ‍ ᐳᓂᐸᔨᒡ᙮
\b
\q1
\v 18 ᒐᔅᑎᓇᔅ ᔅᒋ ‍ ᐊᔭᐛᒡ ᐊᓯ ‍ ᒋᔭᔨᒡ:
\q2 ᓂᓱᐅᓇᑎᓯᐅᓂᒡ ᔅᒋ ᐃᓯ ‍ ᓂᒋᐛᐱᓇᐅᒡ᙮
\q1
\v 19 ᑕᑈ ᓯᔅᒋᑯᒡ ᐸᓱᐛᑭᓄᐅᒡ ᐊᓐᑕ ᐊᒋᐅᓴᐃᑕᑯᓂᒡ !
\q2 ᒥᑐᓐ ᓂᓱᐅᓇᒋᐃᑯᐅᒡ ᓴᒋᓯᐅᓂᔪᐤ᙮
\q1
\v 20 ᒧᔭᒻ ᐳᐛᒧᐅᓐ ᐊᐛᓐ ᐊ ‍ ᐸᑯᐱᔨᑦ;
\q2 ᐊᑯ, ᐅ ᑎᐸᔨᒋᒐᓱᐤ, ᐸᑯᐱᔨᓇ, ᒋᑭ ‍ ᐊᑐᐛᔨᑎᒺᓐ ᐅᑦ ᐃᓯᓇᑯᓱᐅᓄᐛᐤ᙮
\b
\q1
\v 21 ᐊᐅᒄ ᑲ ᐃᓯ ‍ ᒥᒋᔨᐛᓯᒥᑭᒡ ᓂᑕᐃ,
\q2 ᑭᔭ ᓂᒋ ‍ ᒋᔅᑕᐅᑯᐅᓐ ᐱᒋᔪᐤ᙮
\q1
\v 22 ᑲ ᐃᔅᐱᔅ ‍ ᑭᒐᐸᑎᓯᔭᓐ, ᑭᔭ ᐊ ᐊᑲ ‍ ᐅᒋᔅᒐᔨᑎᒧᐅᓂᔭᓐ:
\q2 ᓂᒋ ‍ ᓂᔅᐱᑐᐛᐤ ᐊᐛᓯᔅ ᐊ ‍ ᐅᑎᔅᑲᐎᔅᑕᑕᓐ᙮
\b
\q1
\v 23 ᐃᔭᐱᒡ ᒪᒃ ᒧᔅ ᔅᒋ ‍ ᐎᒐᐅᑎᓐ:
\q2 ᔅᒋ ‍ ᒥᒋᒥᓐ ᓂᒥᔪᐅᓂᒡ᙮
\q1
\v 24 ᒋᑭ ‍ ᒋᔅᒋᓄᑕᔨᓐ ᐊ ‍ ᑭᒐᔅᒋᒥᔨᓐ,
\q2 ᐸᑎᒪ ᒪᒃ ᒋᑭ ‍ ᐅᑎᓐ ᒋᔅᑕᔨᑕᑯᓱᐅᓂᒡ ᐃᓯ᙮
\q1
\v 25 ᐊᐛᓐ ᐊᔭᐅᒃ ᒋᒋᒋᓯᑯᒡ ᒋᔾ ᒥᒄ ?
\q2 ᓇᒪ ᑭᔭ ᐊᐛᓐ ᐊᔅᒋᒡ ᓂ ‍ ᓂᑐᐛᔨᒪᐤ ᒋᔾ ᒥᒄ᙮
\q1
\v 26 ᓂᔭᔅ ᑭᔭ ᓂᑕᐃ ᓄᑕᐱᔪᐤ:
\q2 ᒋᓴᒪᓂᑐᐤ ᒪᒃ ᒥᔅᑯᐎᑕᐤ ᓂᑕᐃᔪᐤ, ᑭᔭ ᓂᑎᐱᔨᐛᐅᓯᐅᓐ ᑲᒋᒡ᙮
\b
\q1
\v 27 ᐛᔅ ᐊᓐᒡ ᑲ ‍ ᔭᐛᐱᒥᔅᒡ ᒋᑭ ‍ ᓂᓱᐅᓇᑎᓯᐅᒡ:
\q2 ᔅᒋ ‍ ᓂᓱᐅᓇᒋᐊᐅᒡ ᒥᓯᐛ ᑲ ‍ ᐱᓯᒂᑎᓯᐤ ᓂᑭᑎᔅᒡ᙮
\q1
\v 28 ᒪᒃ ᒥᔽᓯᔪᐤ ᓂᔾ ᒐᒋ ᐸᔄᐱᒥᒄ ᒋᓴᒪᓂᑐᐤ:
\q2 ᓂᒋ ‍ ᒪᒥᓯᑐᑐᐛᐤ ᑎᐸᔨᒋᒐᓱᐤ ᒋᓴᒪᓂᑐᐤ,
\q2 ᒐᒋ ‍ ᐎᑎᒪᓐ ᒪᒃ ᒥᓯᐛ ᒋᑦ ᐊᑐᔅᒐᐅᓐ᙮
\c 74
\q1
\v 1 ᐅ ᒋᓴᒪᓂᑐᐤ, ᑕᓇᒡ ᐛᒋ ‍ ᒋᒋᐛ ᐛᐱᓂᔭᒡ ?
\q2 ᑕᓐ ᐊᓂᔨᒡ ᐛᒡ ‍ ᐊᒂᐱᑕᔅᑲᑯᒡ ᒪᔭᑕᓂᓯᒡ ᑲ ‍ ᑭᓄᐛᔨᒥᑐᐛᐤ ᒋᒋᔄᓯᐅᓂᔪᐤ ?
\q1
\v 2 ᒋᔅᒋᑐᐅᒡ ᒋ ‍ ᒪᐛᒋᐃᑐᒥᒡ ᑲᒋ ‍ ᑎᐸᐅᑥᐤ ᐎᐱᒡ;
\q2 ᑲ ‍ ᑕᑐᑕᐅᓯᑦ ᑲ ‍ ᑎᐱᔨᐛᐅᓯᔨᓐ ᑲ ‍ ᑎᐸᐊᒪᒐᔅᑎᒧᐅᑦ;
\q2 ᐅᐛ ᓴᐃᔭᓐ ᐱᔅᑯᑎᓇᐤ, ᐊᓐᑕ ᑲ ‍ ᑕᔨᓐ᙮
\q1
\v 3 ᐅᐱᓯᑕᐃᔅᑕ ᑲ ‍ ᓇᔅᐱᒡ ᓂᓱᐅᓇᑎᒡ,
\q2 ᒥᓯᐛ ᐅᑦ ᐅᐛᐧᑲᓱᐛᐤ ᑲ ᐃᓯ ‍ ᒥᒋ ᐃᑎᑦ ᐸᔭᒋ-ᒥᒋᐛᐱᒡ᙮
\b
\q1
\v 4 ᑲ ‍ ᐛᐧᑲᑎᔅᒡ ᐎᔪᒡ ᐊᓐᑕ ᐊ ‍ ᑕᔨᒋ ᒋᒪᐛᒋᐃᑐᒪ;
\q2 ᒋᒥᑕᐅᒡ ᐅᑦ ᐊᑯᑕᓱᐅᓄᐛᐛ ᐊ ‍ ᒋᔅᒋᓄᐛᒋᑕᒡ᙮
\q1
\v 5 ᐃᔪᐤ ᒋ ‍ ᐃᑕᒋᒪᑭᓄᐤ ᑲᒋ ᐃᓯ ‍ ᐅᐱᓂᒧᐛᑦ ᐊᑭᑕᔅᑯᔪᐤ,
\q2 ᑲ ‍ ᒋᔅᐱᑲᔅᑯᓯᔨᒋ ᒥᔅᑎᒂ᙮
\q1
\v 6 ᒪᒃ ᐊᓄᒡ ᓂᒋᐛᐸᐊᒧᐅᒡ ᐊᒋ ‍ ᒧᐧᑯᑕᑭᓄᐎᔨᒋ ᐊᑐᔅᒐᐅᓂᔪᐤ ᑭᔭ ᐊᑭᑕᔅᑯᔪᐤ ᐅᒋ ᑭᔭ ᐅᑕᒪᐃᑭᓇ᙮
\q1
\v 7 ᒋ ‍ ᐱᒋᐛᐱᓇᒧᒡ ᐃᔅᑯᑕᔪᐤ ᒋ ‍ ᐸᔭᒥᒋᐛᐱᒡ,
\q2 ᒋ ‍ ᐅᓂᑐᐅᒡ ᐊᒋ ‍ ᓂᒋᐛᐸᐊᒡ ᒧᔅᑎᔅᑭᒥᒡ ᑲ ᐃᓯ ‍ ᑎᑯᓂᔨᒡ ᒋᑦ ᐃᓯᓂᐧᑲᓱᐅᓂᔪᐤ᙮
\q1
\v 8 ᒋ ‍ ᐃᔅᒋᔄᐅᒡ ᐅᑕᐃᐛᒡ, “ᐊᑯᔅ ᒪᒧᐤ ᓂᓱᐅᓇᒋᐊᑕᐅᓂᒋ᙮”
\q2 ᒋ ‍ ᐃᔎᓯᒺᐅᒡ ᒥᓯᐛ ᒋᓴᒪᓂᑐᐛ ᐅᑦ ᐊᔭᒥᐊᐅᒋᐛᐱᔪᐛ ᐊᔅᒋᒡ᙮
\q1
\v 9 ᓇᒪ ᓂ ‍ ᐛᐸᑕᓇᓐ ᓂᒋᔅᒋᓄᐛᒋᒋᑭᓂᓇᓇ;
\q2 ᓇᒪ ᑕᐤ ᐅᒋᔅᒋᐛᐃᒐᓱᐤ ᐊᑯ;
\q2 ᓇᒪ ᑭᔭ ᐊᐛᓐ ᐊᑎᓯᔭᒡ ᑲ ‍ ᒋᔅᒐᔨᑕᐧᒃ ᑕᓐ ‍ ᐃᔅᐱᔅ ᐊᔅᒄ᙮
\b
\q1
\v 10 ᐅ ᒋᓴᒪᓂᑐᐤ, ᑕᓐ ᒐ ‍ ᐃᔅᐱᔅ ᐊᔅᒄ ᒪᓯᒐᑦ ᑲ ‍ ᒋᑐᓱᐛᑦ ?
\q2 ᓇᓂᑎᒻ ᐊ ᒋᑭ ᒥᒋ ‍ ᐎᑎᒻ ᐅᐛᐧᑲᓱᐛᐤ ᒋᑦ ᐃᓯᓂᐧᑲᓱᐅᓂᔪᐤ ?
\q1
\v 11 ᑕᓇᒡ ᐛᒋ ‍ ᒋᐛᓂᔅᒐᔨᓐ, ᒋᒥᔪᐅᓂᒡ ᐅᒡ ?
\q2 ᒋᒥᔪᐅᓂᒡ ᒋᐱᒥᔪᐅᓂᒡ ᐅᒡ᙮
\b
\q1
\v 12 ᐛᔅ ᒋᓴᒪᓂᑐᐤ ᐛᔅᑭᒡ ᓂᒋ ‍ ᐅᒋ ‍ ᒋᓴᐅᒋᒪᒥᒥᓐ,
\q2 ᐊᒋ ‍ ᑎᑕᐧᒃ ᐱᒪᒋᐃᐛᐅᓂᔪᐤ ᑕᑕᐅᒡ ᐊᔅᒋᒡ᙮
\q1
\v 13 ᔅᒋ ‍ ᐸᐸᔅᒋᑎᓇᓐ ᐎᓂᐸᒄ ᒋ ‍ ᒥᔅᑯᐅᓯᐅᓂᒡ ᐅᒡ,
\q2 ᔅᒋ ‍ ᐱᑯᔅᑎᒂᓇᐛᐅᒡ ᒥᓯᒋᓇᐱᑯᒡ ᓂᐱᒡ᙮
\q1
\v 14 ᔅᒋ ‍ ᐱᑯᔅᑎᒂᓇᐛᐤ ᓚᐸᐃᔭᑕᓐ,
\q2 ᑭᔭ ᔅᒋ ‍ ᐱᔅᑎᓇᐤ ᒐᒋ ᒧᐅᑯᑦ ᐃᔪᐛ ᐸᐧᑯᑎᔅᑭᒥᑲᒡ ᑲ ‍ ᑕᔨᒋ᙮
\q1
\v 15 ᔅᒋ ‍ ᑕᔅᒋᐸᔨᑕᓐ ᐊ ‍ ᒧᔅᒋᒋᐛᒡ ᑭᔭ ᐊ ‍ ᐃᔅᒋᐳᑕᒡ:
\q2 ᔅᒋ ‍ ᐸᓴᓐ ᒥᔅᑎ ᓯᐱᔭ᙮
\q1
\v 16 ᔅᒋ ‍ ᑎᐱᔨᐛᐅᓯᓐ ᐊ ‍ ᒋᓯᑲᒡ ᑭᔭ ᐊ ‍ ᑎᐱᔅᑲᒡ ᔅᒋ ‍ ᑎᐱᔨᐛᐅᓯᓐ:
\q2 ᔅᒋ ‍ ᐛᐛᓯᑕᓐ ᐊ ‍ ᐛᓴᔭᒡ ᑭᔭ ᐱᓯᒻ᙮
\q1
\v 17 ᔅᒋ ‍ ᐃᑎᔅᑕᓐ ᒥᓯᐛ ᐊ ‍ ᐃᔎᔅᑭᒥᑲᒡ;
\q2 ᔅᒋ ‍ ᐅᓯᑕᓐ ᐊ ‍ ᓂᐱᒡ ᑭᔭ ᐊ ‍ ᐱᐳᒡ᙮
\b
\q1
\v 18 ᒋᔅᒋᓯ ᐅ, ᐅᐛᐧᑲᓱᐛᐤ ᐊᒋ ‍ ᒋᑐᓱᐛᑦ,
\q2 ᐅ ᑎᐸᔨᒋᒐᓱᐤ ᑭᔭ ᑲ ‍ ᑭᒐᐸᑎᓯᒡ ᐃᔪᒡ ᐊᒋ ᒥᒋ ‍ ᐃᔅᒋᔄᑕᒡ ᒋᑦ ᐃᓯᓂᐧᑲᓱᐅᓂᔪᐤ᙮
\q1
\v 19 ᐅ ᐊᑲᐎᔾ ᐱᔅᑎᓂᒻ ᐅᑦ ᐊᒐᒂ ᑯᒥᒥᒻ ᐊ ‍ ᒪᒧᐤ ᒥᒐᑎᔨᒋ ᐅᒥᒋᑥᐛ:
\q2 ᐊᑲᐎᔾ ᑲᒋᒡ ᐅᓂᒋᔅᒋᑐᐅᒡ ᑲ ‍ ᒪᒧᒥᒐᑎᒡ ᒋ ‍ ᒋᔅᑎᒪᑎᓯᒥᒡ᙮
\q1
\v 20 ᒋᔅᑕᔨᑕ ᓂᔅᑯᒥᑐᐅᓐ:
\q2 ᐛᔅ ᐊᓐᑕ ᐊ ‍ ᐅᓂᑎᐱᔅᑲᒡ ᐊᔅᒋᒡ ᓴᑭᔅᒋᓇᐤ ᐊᒂᑎᓯᔪᐎᓐ ᐊ ‍ ᑎᒂᒡ᙮
\q1
\v 21 ᐅ ᐊᑯᔅ ᐊᑲᐎᔾ ᒋᑭ ‍ ᒋᐛᐅᒡ ᑲ ‍ ᐊᔨᒥᐊᑭᓄᐅᒡ ᐊ ‍ ᓴᒂᔨᒧᒡ:
\q2 ᐊᑯᔅ ᐅᒋᔅᑎᒪᑎᓯᐅᒡ ᑭᔭ ᐅᐅᐛᓂᓯᔪᐅᒡ ᒋᑭ ‍ ᒪᒥᒋᑕᒧᒡ ᒋᑦ ᐃᓯᓂᐧᑲᓱᐅᓂᔪᐤ᙮
\b
\q1
\v 22 ᐱᓯᑯᐤ, ᐅ ᒋᓴᒪᓂᑐᐤ, ᐃᔨᒥᔅᑎᒪᓱᐤ:
\q2 ᒋᔅᒋᓯ ᒧᓴᒡ ᐊ ᐃᓯ ᒥᒋ ‍ ᐃᑎᔅᒃ ᑲ ‍ ᑭᒐᐸᑎᓯᑦ ᐃᔪᐤ᙮
\q1
\v 23 ᐊᑲᐎᔾ ᐅᓂᒋᔅᒋᓯ ᐊ ‍ ᐸᑕᑯᓯᒡ ᑲ ‍ ᐛᐧᑲᑎᔅᒡ:
\q2 ᓇᓂᑎᒻ ᐃᔭᒋᐱᔨᔪᐤ ᐅᒋᔎᔭᑎᓯᐅᓄᐛᐤ ᐊᓐᒡ ᑲ ‍ ᐱᓯᑯᔅᑕᔅᒡ᙮
\c 75
\q1
\v 1 ᒋᔾ, ᐅ ᒋᓴᒪᓂᑐᐤ, ᒋ ‍ ᓂᓇᔅᑯᒥᑎᓇᓐ,
\q2 ᒋᔾ ᒋ ‍ ᓂᓇᔅᑯᒥᑎᓇᓐ; ᐛᔅ ᒥᒋᒪ ᐊ ‍ ᑎᒂᒡ ᒋᑦ ᐃᓯᓂᐧᑲᓱᐅᓐ,
\q2 ᒋᒪᒥᔅᑲᒡ-ᐃᑐᐅᓇ ᐎᑎᒧᒥᑭᓇ᙮
\b
\q1
\v 2 ᐃᔅᐱ ᐸᒋᑎᓇᒪᐎᓱᓇ ᑲ ‍ ᒪᒧᒥᒐᑎᒡ,
\q2 ᑯᐃᔅᒄ ᓂᑭ ‍ ᑎᐸᔅᑯᓂᒐᓐ᙮
\q1
\v 3 ᐊᔅᒋᔾ ᑭᔭ ᒥᓯᐛ ᐊᓐᑕ ᑲ ‍ ᑕᒡ ᓂᓱᐅᓇᑎᓯᐅᒡ:
\q2 ᓂᔾ ᓂ ‍ ᓯᑐᓇᓐ᙮
\q1
\v 4 ᓂᒋ ‍ ᐃᑕᐅᒡ ᒋᔎᐧᑲᓐᒡ, “ᐊᑲᐎᔾ ᑭᒐᐸᒡ ᐃᑐᑎᒺᒄ,”
\q2 ᑭᔭ ᐅᒥᒋᑥᐅᒡ, “ᐊᑲᐎᔾ ᐅᐱᑕᔅᑭᓄᒃ:
\q1
\v 5 ᐊᑲᐎᔾ ᐃᔅᐱᒥᒡ ᐅᐱᑕᔅᑭᓄᒃ:
\q2 ᐊᑲᐎᔾ ᒋᑐᑯᔨᐛᔨᒄ ᐊ ‍ ᐃᔨᒥᔭᒄ᙮”
\b
\q1
\v 6 ᐛᔅ ᑎᐸᔅᑯᓂᒐᐅᓐ ᓇᒪᐎᔾ ᐛᐱᓄᑕᒡ ᐅᒋᐱᔪᐤ,
\q2 ᓇᒪ ᑭᔭ ᒋᐛᑎᓄᒡ, ᓇᒪ ᑭᔭ ᓴᐅᓄᒡ᙮
\q1
\v 7 ᒪᒃ ᒋᓴᒪᓂᑐᐤ ᑎᐸᔅᑯᓂᒐᐤ:
\q2 ᓂᑎᓇᐤ ᐸᐃᒄ, ᑯᑎᑲ ᒪᒃ ᐃᔅᐸᒐᓇᐤ᙮
\q1
\v 8 ᐛᔅ ᐅᑎᒋᒡ ᑎᐸᔨᒋᒐᓱᐤ ᑎᑯᓂᔪᐤ ᒥᓂᒂᑭᓂᔪᐤ,
\q2 ᓱᒥᓇᐳᔾ ᑭᔭ ᒥᒂᑭᒧᐤ; ᓴᑭᔅᒋᓇᐤ ᒋᔨᑲᐛᐳᔾ;
\q1 ᐊᓂᔭᔪᐤ ᑭᔭ ᓯᒋᓂᒻ:
\q2 ᒪᒃ ᑲ ‍ ᐱᔭᒂᑭᒥᔨᒡ ᒥᓯᐛ ᐅᒥᒋᑥᐅᒡ ᐊᔅᒋᒡ ᒋᑭ ‍ ᐅᑎᓇᒧᒡ ᑭᔭ ᒋᑭ ‍ ᒥᓄᐅᒡ᙮
\b
\q1
\v 9 ᒪᒃ ᓂᑭ ‍ ᐎᑕᓐ ᑲᒋᒡ;
\q2 ᐊ ‍ ᓂᑭᒧᔭᓐ ᓂᑭ ‍ ᒪᒥᒋᒥᒪᐛ ᐅᒋᓴᒪᓂᑐᒪ ᒐᑭᑉ᙮
\q1
\v 10 ᒥᓯᐛ ᐅᑦ ᐊᔅᑭᓄᐛᐛ ᐅᒥᒋᑥᐅᒡ ᑭᔭ ᓂᑭ ‍ ᒋᒥᓱᒪᐛ;
\q2 ᒪᒃ ᐅᑦ ᐊᔅᑭᓄᐛᐛ ᐅᑯᐃᔅᑯᑕᑎᓯᐅᒡ ᒋᑭ ‍ ᐃᔅᐸᒐᓂᒪᑭᓂᔨᐛ᙮
\c 76
\q1
\v 1 ᒍᑕᐃᒡ ᒋᓴᒪᓂᑐᐤ ᒋᔅᒐᔨᑕᑯᓱᐤ:
\q2 ᐅᑦ ᐃᓯᓂᐧᑲᓱᐅᓐ ᒋᒋᐃᑕᔨᑕᑯᓂᔪᐤ ᐃᔅᕋᐃᓕᒡ᙮
\q1
\v 2 ᓴᓚᒥᒡ ᑭᔭ ᑎᑯᓂᔪᐤ ᐅᒥᒋᐛᐱᒻ,
\q2 ᑭᔭ ᐎᒡ ᓴᐃᔭᓂᒡ᙮
\q1
\v 3 ᐊᑯᑕ ᐸᑯᓇᑦ ᐊᑭᔎ ᐊᒐᐱᒡ,
\q2 ᐊᒂᓇᐅᓱᐛᑭᓂᔪᐤ, ᓂᑐᐱᔪᐅ-ᒧᐧᑯᒪᓂᔪᐤ, ᑭᔭ ᑯᑎᑲ ᓂᑐᐱᔪᐅᓂᔪᐤ᙮
\b
\q1
\v 4 ᐊᑐᐎᔅ ᒋ ‍ ᒋᔅᑕᔨᑕᑯᓯᓐ ᑭᔭ ᒋᒋᐃᑕᔨᑕᑯᓯᓐ,
\q2 ᐃᔅᐱᔅ ᒪᔅᑲᑥᐅᓇ ᐱᔅᑯᑎᓇᐛ᙮
\q1
\v 5 ᑲ ‍ ᓱᒋᑕᐊᒡ ᒥᔅᑭᒪᑭᓄᐅᒡ, ᒋ ‍ ᓂᐸᐅᒡ ᐃᔅᐱᔅ ᐛ ᓂᐸᒡ:
\q2 ᓇᒪ ᑭᔭ ᐅᒋ ‍ ᒥᔅᑭᒧᒡ ᐅᑎᒋᐛᐛ ᑲ ‍ ᓱᐧᑲᑎᓯᒡ ᐃᔪᒡ᙮
\q1
\v 6 ᐊᒋ ‍ ᒋᑕᐊᒪᒐᔨᓐ, ᐅᒋᓴᒪᓂᑐᒪ ᒐᑭᑉ,
\q2 ᒧᔭᒻ ᑎᑎᐱᑕᐸᓇᔅᒄ ᑭᔭ ᑲᐸᐃᑭᔎᐤ ᒋ ‍ ᓂᔅᐱᑎᒂᒥᐊᐅᒡ᙮
\q1
\v 7 ᒋᔾ, ᒋᔾ ᐅᑦ, ᒋᑭ ‍ ᓇᓂᒋᔅᑕᑯᐅᓐ:
\q2 ᐊᐛᓐ ᒪᒃ ᒐᒋ ‍ ᐅᑎᔅᑲᐎᑲᐳᐅᔅᑕᔅᒃ ᐃᔅᐱ ᐊ ‍ ᒋᔄᓯᔨᓐ᙮
\q1
\v 8 ᔅᒋ ‍ ᐸᑕᑯᑕᓐ ᑎᐸᔅᑯᓂᒐᐅᓐ ᒋᒋᒋᓯᑯᒡ ᐅᒡ:
\q2 ᐊᔅᒋᔾ ᒋ ‍ ᑯᔅᑕᒋᒥᑭᓐ, ᑭᔭ ᒋ ‍ ᒋᔭᒪᐅᐱᒥᑭᓐ᙮
\q1
\v 9 ᐃᔅᐱ ᒋᓴᒪᓂᑐᐤ ᐸᓯᑯᑦ ᒐᒋ ᑎᐸᔅᑯᓂᒐᑦ,
\q2 ᒐᒋ ᐱᒪᒋᐊᑦ ᒥᓯᐛ ᐅᔪᔅᑲᑎᓯᐛ ᐊᔅᒋᒡ᙮
\q1
\v 10 ᒐᔅᑎᓇᔅ ᒋᑭ ‍ ᒪᒥᒋᒥᑯᐛᓐ ᐅᑦ ᐊᐧᑯᔪᐛᓱᐅᓐ ᐃᔪᐤ;
\q2 ᑲ ‍ ᐃᔅᑯᐱᔨᒡ ᐊᐧᑯᔪᐛᓱᐅᓐ ᒪᒃ ᒋᑭ ‍ ᒋᐱᒋᑕᓐ᙮
\b
\q1
\v 11 ᒋᒋᐃᑥᒄ, ᑎᐸᐊᒪᐧᒄ ᒪᒃ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ:
\q2 ᐊᑯᔅ ᒥᓯᐛ ᑲ ‍ ᐛᔅᑲᔅᑲᑯᑦ ᒋᑭ ‍ ᐸᑥᑯᐤ ᒥᔨᐛᐅᓇ ᐊᓐ ᑲ ‍ ᐃᑕᔨᑕᑯᓯᑦ ᒐᒋ ᓇᓂᒋᔅᑐᐛᑭᓄᐅᑦ᙮
\q1
\v 12 ᒋᑭ ‍ ᒋᒥᓱᐅᒪᐤ ᐅᑦ ᐊᒐᐧᑯᐛᐛ ᒋᓴᐅᒋᒪᔅᒐ:
\q2 ᑯᔅᑕᑎᑯᓯᔅᑐᐛᐤ ᒋᓴᐅᒋᒪᐛ ᐅᑕ ᐊᔅᒋᒡ᙮
\c 77
\q1
\v 1 ᓂᒋ ‍ ᒪᑐᐛᐤ ᒋᓴᒪᓂᑐᐤ ᐊ ‍ ᐸᑕᑯᓯᔭᓐ,
\q2 ᒋᓴᒪᓂᑐᐤ ᐅᑎ ᐊ ‍ ᐸᑕᑯᓯᔭᓐ;
\q2 ᓂᒋ ‍ ᓂᑐᑕᒄ ᒪᒃ᙮
\q1
\v 2 ᐊ ‍ ᒋᓯᑲᒡ ᑲ ‍ ᐊᔨᒥᓯᐛᐱᓇ, ᓂᒋ ‍ ᓇᓂᑐᐛᔨᒪᐤ ᑎᐸᔨᒋᒐᓱᐤ:
\q2 ᓂᑦ ᐊᑯᓯᐅᓐ ᒋ ‍ ᐱᒥᐱᔪᐤ ᐊ ‍ ᑎᐱᔅᑲᒡ, ᓇᒪ ᑭᔭ ᐅᒋ ‍ ᐳᓂᐱᔪᐤ:
\q2 ᓂᑦ ᐊᒐᐧᒄ ᓇᒪᐎᔾ ᐅᒋ ᐎ ᒥᔽᔨᒧᐃᑯᓯᔪᐤ᙮
\b
\q1
\v 3 ᓂᒋ ‍ ᒋᔅᒋᑐᐛᐤ ᒋᓴᒪᓂᑐᐤ, ᓂᒋ ‍ ᒥᑯᔅᑲᑕᔨᑕᓐ ᒪᒃ:
\q2 ᓂᒋ ‍ ᒪᒥᑐᓇᔨᑕᓐ, ᓂᑦ ᐊᒐᐧᒄ ᒪᒃ ᒋ ‍ ᐛᓴᒪᔨᑎᒻ᙮
\q1
\v 4 ᒋ ‍ ᑯᔅᑯᓇᓐ ᓂᔅᒋᓯᒂ:
\q2 ᐊᔅᐱᔅ ᒥᑯᔅᑲᑕᔨᑎᒪᓐ ᓇᒪ ᐛᐛᒡ ᓄᒋ ‍ ᐃᔨᒥᓐ᙮
\q1
\v 5 ᓂᒋ ‍ ᒪᒥᑐᓇᔨᑕᓐ ᐎᐱᒡ ᐊᒋᓯᑲᒡ,
\q2 ᒥᒐᑐ ᐱᐳᓇ ᐎᐱᒡ ᑲ ‍ ᐱᒥᐱᔨᒋ᙮
\q1
\v 6 ᓂ ‍ ᒋᔅᒋᑕᓐ ᓂᓂᑭᒧᐅᓐ ᑕᐱᔅᑲᒋ:
\q2 ᓂᑦ ᐃᔨᒥᑕᓐ ᑎᐱᔽ ᓂᑕᐃ;
\q2 ᓂᑦ ᐊᒐᐧᒄ ᑭᔭ ᓱᐧᒃ ᓇᓂᑐᐛᔨᒋᒐᐤ᙮
\b
\q1
\v 7 “ᑎᐸᔨᒋᒐᓱᐤ ᐊ ᑲᒋᒡ ᒋᑭ ‍ ᐛᐱᓄᐛᐤ ?
\q2 ᓇᒪ ᓂᑕ ᐊ ᒥᓐ ᒋᑭ ‍ ᒋᓴᐛᑐᑕᒐᐤ ?
\q1
\v 8 ᒋᒋᐛ ᐊ ᒋᑐᑕᒪᑭᓂᔪᐤ ᐅᓱᐛᔨᒋᒐᐅᓐ ?
\q2 ᒋᒋᐛ ᐊ ᓇᒪ ᓂᑕ ᒋᑭ ‍ ᒋ ‍ ᐊᐱᑎᓂᔪᐤ ᐅᑦ ᐊᓱᑎᒪᒐᐅᓐ ?
\q1
\v 9 ᒋ ‍ ᐅᓂᒋᔅᒋᓯᐤ ᐊ ᒋᓴᒪᓂᑐᐤ ᒐᒋ ᒋᓴᐛᑐᑕᒐᑦ ?
\q2 ᐅᒋᔄᓯᐅᓂᒡ ᐊ ᒋ ‍ ᒋᐸᐊᒻ ᐅᔪᔅᐱ ᓱᐛᔨᒋᒐᐅᓇ ?”
\b
\q1
\v 10 ᓂᒋ ‍ ᐃᔅᒋᔄᓐ ᒪᒃ, “ᐊᐅᒄ ᐅ ᓂᑦ ᐃᑕᔅᐱᓇᐅᓐ:
\q2 ᒪᒃ ᓂᑭ ‍ ᒋᔅᒋᓯᓐ ᒥᒐᑐ ᐱᐳᓇ ᐅᒥᔪᐅᓂᒡ ᒪᐅᒡ ᒋᔅᑎᓯᑦ᙮”
\q1
\v 11 ᓂᑭ ‍ ᒋᔅᒋᓯᑎᒺᓐ ᐅᑦ ᐊᑐᔅᒐᐅᓐ ᑎᐸᔨᒋᒐᓱᐤ;
\q2 ᒐᔅᑎᓇᔅ ᓂᑭ ‍ ᒋᔅᒋᓐ ᐎᐱᒡ ᒋᒥᒪᑕᐅ-ᐃᑐᐅᓇ᙮
\q1
\v 12 ᓂᑭ ‍ ᒪᒥᑐᓇᔨᑕᓐ ᑭᔭ ᒥᓯᐛ ᒋᑦ ᐊᑐᔅᒐᐅᓐ,
\q2 ᓂᑭ ‍ ᐊᔨᒧᑕᓐ ᑭᔭ ᒋᑦ ᐃᑐᐅᓇ᙮
\b
\q1
\v 13 ᒋᑦ ᐃᓯᑥᐅᓐ, ᐅ ᒋᓴᒪᓂᑐᐤ, ᐸᔭᒋ-ᒥᒋᐛᐱᒡ ᑎᑯᓐ:
\q2 ᒐᒄ ᒋᓴᒪᓂᑐᐤ ᐊᔅᐱᔅ ᒋᔅᑎᓯᑦ ᐊᔅᐱᔅ ᒋᔅᑎᓯᔨᒋ ᒋ ‍ ᒋᓴᒪᓂᑐᒥᓄᐛ ?
\q1
\v 14 ᒋᔾ ᒋ ‍ ᒋᓴᒪᓂᑐᐅᓐ ᑲ ‍ ᒥᒪᑕᐅ-ᐃᑎᔨᓐ:
\q2 ᔅᒋ ‍ ᐎᑕᓐ ᒋ ‍ ᒥᔅᑯᐅᓯᐅᓐ ᐊᓐᑕ ᐊ ‍ ᐃᑕᒡ ᐃᔪᒡ᙮
\q1
\v 15 ᒋᔅᐱᑐᓂᒡ ᔅᒋ ᐅᒋ ‍ ᐱᒪᒋᐊᐅᒡ ᒋᑦ ᐃᔨᒥᒡ,
\q2 ᐅᑯᓯᓱᐛᐛ ᒐᑭᑉ ᑭᔭ ᒍᓯᑉ᙮
\b
\q1
\v 16 ᓂᐱᔭ ᔅᒋ ‍ ᐛᐱᒥᑯᓐ, ᐅ ᒋᓴᒪᓂᑐᐤ,
\q2 ᓂᐱᔭ ᔅᒋ ‍ ᐛᐱᒥᑯᓐ;
\q1 ᒋ ‍ ᓴᒋᓯᒥᑭᓇ:
\q2 ᒋ ‍ ᒥᑯᔅᑲᒋᐛᐱᔨᐛ ᑭᔭ ᐊᓐᑕ ᐊ ‍ ᒋᔅᑲᔨᐛᒡ᙮
\q1
\v 17 ᑭᔅᑯᐅᓂᒡ ᒋ ᐅᒋ ‍ ᓯᒋᐱᔪᐤ ᓂᐱᔾ:
\q2 ᒋᓯᒂ ᒋ ‍ ᐸᑕᑯᓇ:
\q2 ᒋᑦ ᑭᔅᔎᒡ ᑭᔭ ᒋ ‍ ᐸᐸᒥᐱᔪᐅᒡ᙮
\q1
\v 18 ᒋ ‍ ᐸᑕᑯᓯᐅᒡ ᒋᓂᒥᔅᒋᒥᒡ ᒋᓯᑯᒡ:
\q2 ᐊ ‍ ᐛᔅᑕᐱᔨᒡ ᒋ ᐅᒋ ‍ ᐛᔅᑕᓂᑭᓄᐤ ᐊᔅᒋᔾ:
\q2 ᐊᔅᒋᔾ ᒋᓇᓇᒥᐱᔪᐤ ᑭᔭ ᒋ ‍ ᑯᔅᑯᔅᑯᐱᔪᐤ᙮
\q1
\v 19 ᒋ ‍ ᒪᔅᑭᓇᐤ ᐎᓂᐸᑯᒡ ᐱᒥᒧ,
\q2 ᑭᔭ ᒋ ‍ ᐱᒧᑕᔅᑭᓄᐤ ᒋᒋ ᓂᐱᒡ,
\q2 ᑭᔭ ᒋᑕᐧᑯᔅᒐᐅᓇ ᓇᒪᐎᔾ ᒋᔅᒐᔨᑕᑯᓇ᙮
\b
\q1
\v 20 ᔅᒋ ‍ ᐱᒧᑕᐊᐅᒡ ᒋᑦ ᐃᔨᒥᒡ ᒧᔭᒻ ᒪᔭᑕᓂᓯᒡ,
\q2 ᐅᑎᒋᐛᒡ ᐅᒋ ᒧᓱᔅ ᑭᔭ ᐊᕋᓐ᙮
\c 78
\s2 Psalm 78:1-4, 12-16 (Proper-21 Year A)
\q1
\v 1 ᓂᑐᑎᒧᒄ, ᐅ ᓂᑦ ᐃᔨᒥᑐᒄ, ᓂᐎᓱᐛᐅᓐ:
\q2 ᐱᓯᒋᑎᒧᒄ ᑲ ‍ ᐃᔭᓐ᙮
\q1
\v 2 ᓂᑭ ‍ ᐸᔅᒋᑐᓇᔨᓐ ᐊ ‍ ᓂᔅᐱᑐᐛᐤ ᐊᑎᔪᒐᔭᓐ:
\q2 ᓂᑭ ‍ ᐎᑕᓐ ᐎᐱᒡ ᐅᓂᑎᐱᔅᑲᐤ ᐃᔨᒧᐅᓇ;
\q1
\v 3 ᑲ ‍ ᐸᑎᒪᐧᒄ ᑭᔭ ᑲ ‍ ᒋᔅᒐᔨᑎᒪᐧᒄ,
\q2 ᑭᔭ ᑲ ‍ ᐎᑎᒪᑕᐧᑯᒡ ᒍᑕᐎᓄᐅᒡ᙮
\q1
\v 4 ᓇᒪᐎᔾ ᒋᑭ ‍ ᑲᑐᐅᒪᓄᐛ ᐅᑦ ᐊᐛᓯᒥᓱᐛᐛ,
\q2 ᐊ ‍ ᐛᐸᑎᔭᐧᑯᒡ ᒐ ᐸᒋ ‍ ᐊᓂᔅᒐ ‍ ᐱᒪᑎᓯᒡ ᐅᒪᒥᒋᒥᑯᓯᐅᓂᔪᐤ ᑎᐸᔨᒋᒐᓱᐛ,
\q2 ᑭᔭ ᐅᒥᔅᑯᐅᓯᐅᓂᔪᐤ, ᑭᔭ ᐅᒪᒥᔅᑲᒡ ᐊᑐᔅᒐᐅᓇ ᑲ ‍ ᐃᑐᑕᐧᒃ᙮
\q1
\v 5 ᐛᔅ ᒋ ‍ ᐊᔨᑎᔅᑕᐤ ᑎᐸᒋᒧᐅᓂᔪᐤ ᒐᑭᐱᒡ,
\q2 ᑭᔭ ᒋ ‍ ᐃᑎᔅᑕᐤ ᐃᑎᓱᐛᐅᓂᔪᐤ ᐃᔅᕋᐃᓕᒡ,
\q2 ᑲ ‍ ᐎᓱᐛᑕᑦ ᒍᑕᐎᓄᐛ
\q2 ᒐᒋ ᒋᔅᒐᔨᑎᒥᐊᔨᒋ ᐅᑦ ᐊᐛᓯᒥᓯᔪᐛ;
\q1
\v 6 ᒐ ᐸᒋ ‍ ᐊᓂᔅᒐ ‍ ᐱᒪᑎᓯᒡ ᒐᒋ ᒋᔅᒐᔨᑕᒡ, ᐊᓐᒡ ᐊᐛᓯᒡ ᐅᑎ ᐊᔅᒄ ᒐ ‍ ᓂᑕᐅᒋᒡ,
\q2 ᐅᒋ ᐊ ‍ ᐱᓯᑯᒡ ᒐᒋ ᐎᑎᒧᐊᒡ ᐅᑦ ᐊᐛᓯᒥᓱᐛᐛ:
\q1
\v 7 ᒐᒋ ᐊᔅᐸᔨᒧᑐᑐᐛᒡ ᒋᓴᒪᓂᑐᐛ,
\q2 ᐊᑲ ᑭᔭ ᒐᒋ ᐅᓂᒋᔅᒋᑎᒺᒡ ᐅᑦ ᐊᑐᔅᒐᐅᓂᔪᐤ ᒋᓴᒪᓂᑐᐛ,
\q2 ᒪᒃ ᒐᒋ ᑭᓄᐛᔨᑎᒺᒡ ᐅᑦ ᐃᑎᓱᐛᐅᓂᔪᐛ᙮
\q1
\v 8 ᒐ ᐊᑲ ᒋ ᓂᔅᐱᑐᐛᒡ ᐅᑕᐎᐛᐛ,
\q2 ᑲ ‍ ᒥᔅᑯᐅᔅᑎᒂᓇᔨᒋ ᑭᔭ ᑲ ‍ ᐊᔨᐛᒧᑐᑕᒐᔨᒋ ᐊᔭᓂᔅᒐ ᐊ ‍ ᐱᒪᑎᓯᓇᓄᐎᔨᒡ;
\q1 ᑲ ‍ ᐊᔭᓂᔅᒐ ᐱᒪᑎᓯᒡ ᐊᑲ ᓇᐃᑎᔅᑕᒡ ᐅᑕᐃᐛᐛ,
\q2 ᑭᔭ ᐊᑲ ᑲ ‍ ᐊᔨᑎᓯᔅᑐᐛᒡ ᒋᓴᒪᓂᑐᐛ ᐅᑦ ᐊᒐᐧᑯᐛᒡ᙮
\b
\q1
\v 9 ᐊᓐᒡ ᐅᑦ ᐊᐛᓯᒥᓴ ᐃᑉᕋᐃᒻ, ᐊ ‍ ᓂᑐᐱᔪᐅᒡ, ᑭᔭ ᐊ ‍ ᐱᒥᑕᐧᑯᓇᒡ ᐊᒐᐱᔭ,
\q2 ᒋ ‍ ᒋᐛᐅᒡ ᐊ ‍ ᒪᓯᐃᑐᐅ-ᒋᓯᑲᔨᒡ᙮
\q1
\v 10 ᓇᒪᐎᔾ ᐅᒋ ‍ ᑭᓄᐛᔨᑎᒺᐅᒡ ᐅᓂᔅᑯᒥᑐᐅᓂᔪᐤ ᒋᓴᒪᓂᑐᐛ,
\q2 ᒋ ‍ ᐊᓏᑎᒧᒡ ᑭᔭ ᒐᒋ ᐱᒧᑕᑎᒺᒡ ᐅᐎᓱᐛᐅᓂᔪᐤ᙮
\q1
\v 11 ᒋ ‍ ᐅᓂᒋᔅᒋᑎᒺᐅᒡ ᑭᔭ ᐅᑦ ᐊᑐᔅᒐᐅᓂᔨᐛ,
\q2 ᑭᔭ ᐅᒪᒥᔅᑲᒡ-ᐃᑐᐅᓂᔨᐛ ᑲᒋ ‍ ᐛᐸᑎᔨᑯᒡ᙮
\s2 Psalm 78:1-4, 12-16 (Proper-21 Year A)
\q1
\v 12 ᒪᒥᔅᑲᒡ ᒐᒂᓇ ᒋ ‍ ᐃᑐᑎᒻ ᐊ ‍ ᐛᐸᑎᒥᔨᒋ ᒍᑕᐎᓄᐛ,
\q2 ᐃᒋᑉᑦ ᐊᔅᒋᒡ, ᓱᐊᓐ ᓂᑕᐅᒋᒋᑭᓂᒡ᙮
\q1
\v 13 ᒋ ‍ ᐸᐸᔅᒋᑕᓂᒻ ᐎᓂᐸᑯᔪᐤ, ᑭᔭ ᒋ ‍ ᓴᐳᑕᐛᔅᑯᒧᑕᐊᐤ,
\q2 ᒋ ‍ ᐱᔅᑯᑲᐳᐎᑕᐤ ᓂᐱᔭ᙮
\q1
\v 14 ᒪᒂᒡ ᐊ ‍ ᒋᓯᑲᔨᒡ ᑭᔭ ᒋ ‍ ᐱᒧᑕᐊᐤ ᑭᔅᑯᐅᓂᒡ ᐅᒋ,
\q2 ᑭᔭ ᐃᔅᑭᓐ ᑎᐱᔅᑲᐛ ᐊ ‍ ᐛᔅᑕᔨᒡ ᐃᔅᑯᑕᔪᐤ ᐅᒋ᙮
\q1
\v 15 ᒋ ‍ ᑕᔅᑲᐱᔅᒋᑕᐤ ᐊᓯᓂᔭ ᐸᐧᑯᑎᔅᑭᒥᑲᒡ,
\q2 ᑭᔭ ᒋ ‍ ᒥᓇᐊᐤ ᒧᔭᒻ ᐊ ᒥᔅᑎ ‍ ᒋᔅᑲᔪᐛᔨᒡ ᐅᒋ᙮
\q1
\v 16 ᑭᔭ ᒋ ‍ ᐱᒥᒋᐛᓂᑕᐤ ᒋᔅᑕᐱᔅᑯᒡ ᐅᒋ,
\q2 ᑭᔭ ᒋ ‍ ᔭᓯᐱᔨᑕᐤ ᓂᐱᔪᐤ ᒧᔭᒻ ᓯᐱᔭ᙮
\b
\q1
\v 17 ᐊᔭᔅᒃ ᒋ ‍ ᒥᒋᑐᑐᐛᐅᒡ ᒪᒃ,
\q2 ᐊ ‍ ᒋᔄᐊᒡ ᒪᐅᒡ ᒐᔅᑎᓯᔨᒋ ᐸᐧᑯᑎᔅᑭᒥᑲᒡ᙮
\q1
\v 18 ᒋ ‍ ᑯᒂᒋᐊᐅᒡ ᒪᒃ ᒋᓴᒪᓂᑐᐛ ᐅᑕᐃᐛᒡ,
\q2 ᐊ ‍ ᓂᑐᑎᒪᒡ ᒥᒋᒥᔪᐤ ᐅᒥᒋᐃᑕᔨᑎᒧᐅᓄᐛᐤ ᐅᒡ᙮
\q1
\v 19 ᓂᐦᐃ ᒋ ᒥᒋ ‍ ᐊᔨᒧᒪᐅᒡ ᒋᓴᒪᓂᑐᐛ:
\q2 ᒋ ‍ ᐃᔅᒋᔄᐅᒡ, “ᑭᔅᒋᑕᐤ ᐊ ᒋᓴᒪᓂᑐᐤ ᒐᒋ ᐅᑎᓂᒪᒐᑦ ᒥᒋᓱᓇᑎᑯᔪᐤ ᐸᐧᑯᑎᔅᑭᒥᑲᒡ ?
\q1
\v 20 ᐛᐸᑎᒧᒄ, ᒋ ‍ ᐅᑕᒪᐧᑲᒻ ᐊᓯᓂᔪᐤ, ᑲ ᐅᒋ ‍ ᓱᒋᒋᐛᓂᔨᒋ ᓂᐱᔭ,
\q2 ᑭᔭ ᐸᔅᑎᐸᔨᒋ ᐊ ‍ ᐃᓯᒋᐛᓂᔨᒋ;
\q1 ᑭᔅᒋᑕᐤ ᐊ ᐸᒂᓯᑭᓇ ᑭᔭ ᒐᒋ ᒥᔨᐛᑦ ?
\q2 ᑭᔅᒋᑕᐤ ᐊ ᐎᔭᓯᔪᐤ ᒐᒋ ᐅᑎᓂᒧᐛᑦ ᐅᑦ ᐃᔨᒪ ?”
\q1
\v 21 ᑎᐸᔨᒋᒐᓱᐤ ᒪᒃ ᐅᔭᔪᐤ ᐊ ‍ ᐸᑕᐧᒃ, ᒋ ‍ ᐊᐧᑯᔪᐛᓱᐤ;
\q2 ᐃᔅᑯᑕᔪᐤ ᒪᒃ ᒋ ‍ ᓯᔅᑲᐊᒧᐛᑭᓄᐤ ᒐᑭᑉ,
\q2 ᑭᔭ ᒋᔄᓯᐅᓂᔪᐤ ᒋ ‍ ᐅᑕᒥᔅᑲᑯᐤ ᐃᔅᕋᐃᓪ;
\q1
\v 22 ᐛᔅ ᓇᒪᐎᔾ ᐅᒋ ‍ ᑕᑈᔭᔨᒪᐅᒡ ᒋᓴᒪᓂᑐᐛ,
\q2 ᓇᒪ ᑭᔭ ᐅᒋ ‍ ᒪᒥᓯᑐᑎᒺᐅᒡ ᐅᐱᒪᒋᐃᐛᐅᓂᔪᐤ᙮
\s2 Psalm 78:23-29 (Proper-13 Year B)
\q1
\v 23 ᐊ ‍ ᐊᑕ ᐃᑎᓱᐛᑕᔨᒋ ᑭᔅᑯᐅᓇ ᐃᔅᐱᒥᒡ ᐅᒡ,
\q2 ᑭᔭ ᐊᒋ ‍ ᔪᑕᓇᒥᔨᒋ ᒋᓯᑯᐎ ᐃᔎᑕᒥᔪᐤ,
\q1
\v 24 ᑭᔭ ᐊᒋ ‍ ᒋᒧᓂᑕᒪᑯᒡ ᒪᓇ ᒐᒋ ᒧᐛᒡ,
\q2 ᐊᒋ ‍ ᒥᔨᑯᒡ ᒋᓯᑯ ᒪᑕᒥᓇ᙮
\q1
\v 25 ᐃᔪᐤ ᒋ ‍ ᒥᒋᐛᐤ ᐊᓐᒋᓇ ᐅᒥᒋᒥᔪᐤ,
\q2 ᒋ ‍ ᐃᓯᑎᓴᐊᒧᐛᐤ ᒥᒋᒥᔪᐤ ᒐᒋ ᒋᔅᐳᔨᒋ᙮
\q1
\v 26 ᒋ ‍ ᐃᑐᑎᒻ ᒐᒋ ᐛᐸᓂᔪᑎᓂᔨᒡ ᒋᓯᑯᒡ,
\q2 ᑭᔭ ᐅᓱᐧᑲᑎᓯᐅᓂᒡ ᒋ ‍ ᐸᐱᔨᑕᐤ ᐊ ‍ ᓴᐅᓂᐃᓂᔨᒡ᙮
\q1
\v 27 ᒋ ‍ ᒋᒧᓂᑐᒧᐛᐤ ᐎᔭᓯᔪᐤ ᒧᔭᒻ ᒥᒋᐸᑯᓴ,
\q2 ᑭᔭ ᐱᔭᓯᐛ ᒧᔭᒻ ᐃᔭᑲᐤ ᐎᓂᐸᑯᒡ᙮
\q1
\v 28 ᒋ ‍ ᔭᓯᐸᔨᑕᐤ ᑕᑕᐅᒡ ᐊ ‍ ᐎᒋᔨᒋ,
\q2 ᐛᔅᑲ ᐊ ‍ ᐃᑕᔨᒋ᙮
\q1
\v 29 ᒋ ‍ ᒥᒋᓱᐅᒡ ᒪᒃ ᑭᔭ ᒋ ᑕᐱ ‍ ᒋᔅᐳᐅᒡ:
\q2 ᐛᔅ ᒋ ‍ ᒥᔨᑯᐅᒡ ᑲ ᐃᓯ ‍ ᓂᑐᐛᔨᑕᒡ;
\q1
\v 30 ᓇᒪᐎᔾ ᐅᒋ ‍ ᐃᔅᑕᔭᔨᑎᒧᒡ ᐅᒥᒋᐃᑕᔨᑎᒧᐅᓄᐛᐤ ᐅᒡ:
\q2 ᒪᒃ ᒪᒂᒡ ᐅᒥᒋᒧᐛᐤ ᐊᔅᒄ ᐅᑐᓄᐛᒡ ᐊ ‍ ᑎᒂᓂᔨᒡ,
\q1
\v 31 ᐅᑦ ᐊᐧᑯᔪᐛᓱᐅᓐ ᒋᓴᒪᓂᑐᐤ ᒋ ‍ ᐅᑎᑎᑯᔪᐛ, ᒋ ‍ ᓂᐸᐃᑯᔪᐛ ᒪᒃ ᐊᓂᔭᔪᐛ ᒪᐅᒡ ᑲ ‍ ᐎᔪᐅᒡ,
\q2 ᑭᔭ ᒋ ‍ ᐅᑕᒥᔅᑲᑯᐅᒡ ᑲ ‍ ᐎᔭᐱᒪᑭᓄᐅᒡ ᐃᔅᕋᐃᓪ ᐃᔪᒡ᙮
\b
\q1
\v 32 ᐊᑎ ᒥᓯᐛ ᐅᔭᔪᐤ ᐅᒋ ᐃᔭᐱᒡ ᒋ ‍ ᒥᒋᑐᑎᒧᒡ,
\q2 ᓇᒪ ᑭᔭ ᐅᒋ ‍ ᑕᑈᑎᒺᐅᒡ ᐅᒪᒥᔅᑲᒡ ᐊᑐᔅᒐᐅᓂᔪᐛ᙮
\q1
\v 33 ᐊᔪᐅᒄ ᐛᒋ ‍ ᓂᓱᐅᓇᒋᑕᐛᑦ ᐅᒋᓯᑲᒥᔨᐛ ᐊ ᐊᑲ ‍ ᐎᔭᔅᑕᐱᑎᓂᔨᒡ,
\q2 ᑭᔭ ᐅᐱᒪᑎᓯᔪᓂᐛ ᒥᑯᔅᑲᑕᔨᑎᒧᐅᓂᒡ᙮
\q1
\v 34 ᐃᔅᐱ ᐱᔅᒐ ᓇᐸᐊᑦ, ᑯᑎᑲ ᒋ ‍ ᓇᓂᑐᐛᔨᒥᑯᐤ:
\q2 ᑭᔭ ᐊ ‍ ᒋᐛᑲᐳᐎᔨᒋ ᒋᓴᒡ ᒋ ‍ ᓇᓂᑐᐛᔨᒪᔪᐛ ᒋᓴᒪᓂᑐᐛ᙮
\q1
\v 35 ᒋ ‍ ᒋᔅᒋᓱᐅᒡ ᒪᒃ ᒋᓴᒪᓂᑐᐛ ᐊᒋ ‍ ᐅᒋᔅᑕᐱᔅᑯᒥᒡ,
\q2 ᑭᔭ ᒐᔅᑎᓯᔨᒋ ᒋᓴᒪᓂᑐᐛ ᐊᒋ ‍ ᐅᐱᒪᒋᐃᐛᒥᒡ᙮
\q1
\v 36 ᐃᔭᐱᒡ ᒪᒃ ᒋ ‍ ᒥᒋᐃᔨᒧᐅᒡ ᐅᑐᓄᐛᐛᐅᒡ,
\q2 ᑭᔭ ᒋ ‍ ᑭᑭᒋᔭᒪᐅᒡ ᐅᑕᔨᔪᐛᐛ ᐅᒡ᙮
\q1
\v 37 ᐛᔅ ᓇᒪᐎᔾ ᒋ ‍ ᑯᐃᔅᑯᑕᐊᔅᑐᐛᐅᒡ,
\q2 ᓇᒪ ᑭᔭ ᐅᒋ ‍ ᐊᔨᒋᑲᐳᔅᑕᒺᐅᒡ ᐅᓂᔅᑯᒥᑐᐅᓂᔪᐤ᙮
\q1
\v 38 ᒪᒃ ᐎᔾ, ᐊ ‍ ᓴᑭᔅᒋᓇᔅᑲᑯᑦ ᒋᔅᑎᒪᒐᔨᒋᒐᐅᓂᔪᐤ,
\q2 ᒋ ‍ ᐛᐸᔨᑎᒺᐤ ᐅᒥᒐᑎᓯᐅᓂᔪᐛ, ᓇᒪ ᑭᔭ ᐅᒋ ‍ ᓂᓱᐅᓇᒋᐊᐤ:
\q2 ᓂᐦᐃ, ᒥᒐᑥᐤ ᒋ ‍ ᐃᒐᓂᒻ ᐅᒋᔄᓯᐅᓐ, ᓇᒪ ᑭᔭ ᐅᒋ ‍ ᒧᔅᒋᐱᑕᐤ ᒥᓯᐛ ᐅᑦ ᐊᐧᑯᔪᐛᓱᐅᓐ᙮
\q1
\v 39 ᐛᔅ ᒋ ‍ ᒋᔅᒋᓯᐤ ᐊ ‍ ᐎᔭᓱᐎᔨᒋ ᐱᓯᓯᒄ,
\q2 ᐊ ‍ ᔪᑎᓂᔨᒡ ᑲ ‍ ᐛᐱᐸᔨᔨᒡ, ᐊᑲ ᑭᔭ ᒥᓐ ᑲ ᐸᒋ ‍ ᒋᐛᐱᔨᒡ᙮
\b
\q1
\v 40 ᑕᑈ ᒥᒐᑥᐤ ᒋ ‍ ᒋᔄᐊᐅᒡ ᐸᐧᑯᑎᔅᑭᒥᑲᒡ,
\q2 ᑭᔭ ᒋ ‍ ᒪᒥᓴᒪᔨᑎᒥᐊᐅᒡ ᐊᒋᐛᑕᔨᑕᑯᓂᔨᒡ !
\q1
\v 41 ᓂᐦᐃ, ᐊ ‍ ᒋᐛᑲᐳᐅᒡ ᒋ ‍ ᑯᒂᒋᐊᐅᒡ ᒋᓴᒪᓂᑐᐛ,
\q2 ᑭᔭ ᒋ ‍ ᐊᐱᔅᑕᐃᒥᒪᐅᒡ ᐅᐸᔭᒋᓯᒥᔪᐤ ᐃᔅᕋᐃᓚ᙮
\q1
\v 42 ᓇᒪᐎᔾ ᐅᒋ ‍ ᒋᔅᒋᑎᒺᐅᒡ ᐅᑎᒋᔪᐤ,
\q2 ᓇᒪ ᑭᔭ ᐊᓂᔭᔪᐤ ᒐᓯᑲᔨᒡ ᑲ ‍ ᐎᐧᑯᒋᐃᑯᒡ ᐅᐧᑲᓱᐛᐛ ᐅᒡ᙮
\q1
\v 43 ᑲᒋ ᐃᓯ ‍ ᒋᔅᒋᓄᐛᒡ ᐛᐸᑎᔨᐛᔨᒋ ᐃᒋᑉᑎᒡ,
\q2 ᑭᔭ ᑲ ᐃᓯ ‍ ᒥᒪᑕᐅ-ᐃᑎᔨᒋ ᓱᐊᓐ ᓂᑕᐅᒋᒋᑭᓂᒡ;
\q1
\v 44 ᑭᔭ ᐅᓯᐱᒥᔪᐛ ᐊᒋ ‍ ᒥᐧᑲᑲᒥᑕᔨᒋ;
\q2 ᑭᔭ ᐅᓂᐱᒥᔪᐛ, ᒐ ᐊᑲ ᒋ ᒥᓂᔨᒋ᙮
\q1
\v 45 ᒋ ‍ ᐃᓯᑎᓴᐊᒧᐛᐤ ᒥᒐᑦ ᒥᓐᑐᓴ ᑲ ‍ ᐱᐸᒥᔭᔨᒋ, ᑲ ‍ ᒧᑯᔨᒋ;
\q2 ᑭᔭ ᐃᔨᑲ ᑲ ‍ ᓂᓱᐅᓇᒋᐃᑯᔨᒋ᙮
\q1
\v 46 ᒋ ‍ ᒥᔨᒥᒪᐤ ᑭᔭ ᐅᐛᔪᑎᓯᐅᓂᔪᐛ ᒧᑕᐛ,
\q2 ᑭᔭ ᐅᑦ ᐊᑐᔅᒐᐅᓂᔪᐤ ᑲ ‍ ᒂᔅᑯᑎᔨᒋ ᒥᓐᑐᓴ᙮
\q1
\v 47 ᒋ ‍ ᓂᓱᐅᓇᒋᐃᒪᐤ ᐅᓱᒥᓇᑎᑯᒥᔪᐛ ᐊᒂᑯᑲᐛᑕᓂᔨᒡ ᐅᒡ,
\q2 ᑭᔭ ᐅᓯᑲᒧᐛᑎᑯᒥᔪᐛ ᐊᒋᑯᐱᔨᒡ ᐅᒡ᙮
\q1
\v 48 ᐊᑯᐅᑭᔅᑕᔨᒡ ᑭᔭ ᒋ ‍ ᐱᔅᑎᓂᒺᐤ ᐅᑦ ᐅᐧᑲᓂᒥᔪᐛ,
\q2 ᑭᔭ ᐅᒪᓂᔅᒐᓂᓯᒥᔨᐛ ᒋᓯᑕᐤ ᐅᓂᒥᔅᒋᐛ᙮
\q1
\v 49 ᒋ ‍ ᐛᐱᓂᒧᐛᐤ ᐊᔅᐱᔅ ᐊᒂᑎᓯᒥᑭᓂᔨᒡ ᐅᒋᔄᓯᐅᓐ,
\q2 ᐅᑦ ᐊᐧᑯᔪᐛᓱᐅᓐ, ᑭᔭ ᐅᔭᔅᑕᔨᑎᒧᐅᓐ, ᑭᔭ ᐅᒥᑯᔅᑲᑕᔨᑎᒧᐅᓐ,
\q2 ᒥᒋ ‍ ᐊᓐᒋᓇ ᐊ ‍ ᐃᑎᓴᐊᒧᐛᑦ᙮
\q1
\v 50 ᒋ ‍ ᑕᐅᓂᒻ ᒐ ‍ ᐃᔅᐱᔨᒡ ᐅᒋᔄᓯᐅᓐ;
\q2 ᓇᒪᐎᔾ ᒋ ‍ ᒥᓇᒋᐃᒪᐤ ᐅᑦ ᐊᒐᐧᑯᔪᐛ ᒐ ᐊᑲ ᒋ ᓂᐱᔨᒋ,
\q2 ᒪᒃ ᒋ ‍ ᐸᒋᑎᓇᒺᐤ ᐅᐱᒪᑎᓯᐅᓂᔪᐤ ᐊᐧᑯᐃᑕᔅᐱᓇᐅᓂᒡ;
\q1
\v 51 ᒋ ‍ ᓂᐸᐊᐤ ᑭᔭ ᒥᓯᐛ ᓂᔅᑎᒧᓴᓇ ᐃᒋᑉᑎᒡ;
\q2 ᑲ ‍ ᓂᑲᓇᔨᑕᑯᓯᔨᒋ ᐅᒥᔅᑯᐅᓯᒥᔪᐛ ᐅᒥᒋᐛᐱᒥᒡ ᐦᐊᒻ ᐅᒋ;
\q1
\v 52 ᒪᒃ ᒋ ‍ ᐎᐎᑕᐊᐤ ᑎᐱᔨᐛ ᐅᑦ ᐃᔨᒪ ᒧᔭᒻ ᒪᔭᑕᓂᓴ,
\q2 ᑭᔭ ᒋ ‍ ᒋᔅᒋᓄᑕᐊᐤ ᐸᐧᑯᑎᔅᑭᒥᑲᒡ ᒧᔭᒻ ᒪᔭᑕᓂᓴ᙮
\q1
\v 53 ᒋ ᒥᔪ ‍ ᐱᒧᑕᐊᐤ ᒪᒃ, ᐊᑲ ‍ ᑯᔅᑕᒋᔨᒋ:
\q2 ᒪᒃ ᑲ ‍ ᐎᐎᔭᔅᑐᑕᑯᔨᒋ ᒋ ‍ ᓂᓱᐅᓇᒋᐃᑯᔪᐛ ᐎᓂᐸᑯᔪᐤ᙮
\q1
\v 54 ᒋ ‍ ᐸᓱᐛᐤ ᒪᒃ ᐊᐃᔎᔭᔨᒡ ᐅᐸᔭᒋ-ᒥᒋᐛᐱᒡ,
\q2 ᐎᔾ ᐅᐱᔅᑯᑎᓇᒻ ᐃᔅᑯ, ᐅᒥᔪᐅᓂᒡ ᑲ ᐅᒋ ‍ ᐅᑎᓇᐧᒃ᙮
\q1
\v 55 ᓂᑲᓐ ᒪᒃ ᒋ ‍ ᐎᐎᐛᐱᓂᒪᐛᐤ ᐊᑲ ᐊᔭᒥᐊᔨᒋ,
\q2 ᑭᔭ ᒋ ‍ ᒪᑎᓂᒧᐛᐤ ᑎᐱᔨᐛᐅᓯᐅᓂᔪᐤ ᐊ ‍ ᑎᐸᐸᑕᐧᒃ,
\q2 ᑭᔭ ᒋ ‍ ᑐᑐᐛᐤ ᑲ ‍ ᑕᑐᑕᐎᓯᔨᒋ ᐃᔅᕋᐃᓚ ᒐᒋ ᐎᒋᒋ ᐅᒥᒋᐛᐱᒥᔨᒡ᙮
\b
\q1
\v 56 ᐃᔭᐱᒡ ᒪᒃ ᒋ ‍ ᑯᒂᒋᐊᐅᒡ ᑭᔭ ᒋ ‍ ᒋᔄᐊᐅᒡ ᑲ ‍ ᒪᐅᒡ ᒋᔅᑎᓯᔨᒋ ᒋᓴᒪᓂᑐᐛ,
\q2 ᓇᒪ ᑭᔭ ᐅᒋ ‍ ᑭᓄᐛᔨᑎᒺᐅᒡ ᐅᑎᐸᒋᒧᐅᓂᔪᐤ;
\q1
\v 57 ᒪᒃ ᐊ ‍ ᐊᑎᒥᑲᐳᐅᒡ, ᒋ ‍ ᒥᒋᑐᑕᒧᒡ ᒧᔭᒻ ᐅᑕᐎᐛᐛ:
\q2 ᒋ ‍ ᐱᔅᒐᐱᔪᐅᒡ ᒧᔭᒻ ᑭᑭᒋᔭᓯᐤ ᐊᒐᐱᔾ᙮
\q1
\v 58 ᐛᔅ ᒋ ‍ ᒋᔄᐊᐅᒡ ᐅᑦ ᐊᔅᐸᓂᓯᐎᓂᐛᐛ ᐅᒡ,
\q2 ᑭᔭ ᒋ ‍ ᐅᑕᔨᑎᒥᐊᐅᒡ ᐅᒥᓂᑐᐧᑲᓂᒧᐛᐛ ᐅᒡ᙮
\q1
\v 59 ᐃᔅᐱ ᐅᔭᔪᐤ ᐱᔭᑕᐧᒃ ᒋᓴᒪᓂᑐᐤ, ᒋ ‍ ᐊᐧᑯᔪᐛᓱᐤ,
\q2 ᓇᔅᒡ ᑭᔭ ᒋ ‍ ᐛᐧᑲᑕᐤ ᐃᔅᕋᐃᓚ:
\q1
\v 60 ᐊᑯ ᓇᑭᑕᐧᒃ ᓴᐃᓗᐤ ᒥᒋᐛᐱᔪᐤ,
\q2 ᐊᓂᔭᔪᐤ ᒥᒋᐛᐱᔪᐤ ᑲ ‍ ᒋᒥᑕᑦ ᐊᓐᑕ ᐊ ‍ ᑕᔨᒋ ᐃᔪᐛ:
\q1
\v 61 ᒋ ‍ ᐸᒋᑎᓇᒺᐤ ᒪᒃ ᐅᒥᔅᑯᐅᓯᐅᓂᔪᐤ ᒪᒪᒋᑯᓂᑯᓯᐅᓂᒡ,
\q2 ᑭᔭ ᐅᒋᔅᑕᔨᑕᑯᓱᐅᓂᔪᐤ ᐅᐛᐧᑲᓱᐛᐛ ᐅᑎᒋᔨᒡ᙮
\q1
\v 62 ᒋ ‍ ᐸᒋᑎᓇᐤ ᐅᑦ ᐃᔨᒪ ᒐᒋ ᓂᐸᐃᑯᔨᒋ ᓂᑐᐱᔪᐅ-ᒧᐧᑯᒪᓂᔪᐤ,
\q2 ᑭᔭ ᒋ ‍ ᐊᐧᑯᔪᐛᓯᔅᑐᐛᐤ ᐅᑎᐸᔨᒪᑭᓇ᙮
\q1
\v 63 ᒋ ‍ ᐃᔎᓱᔪᐛ ᐅᑦ ᐅᔅᒋᓂᒋᓱᒧᐛᐛ;
\q2 ᑭᔭ ᐅᑦ ᐅᔅᒋᓂᒋᔎᒧᐛᐛ ᓇᒪᐎᔾ ᐅᒋ ‍ ᓂᐳᐛᑭᓄᐎᐛ᙮
\q1
\v 64 ᐅᑦ ᐊᔭᒥᐊᐅᒋᒪᒧᐛᐛ ᒋ ‍ ᐸᒋᓯᒥᑯᔪᐛ ᓂᑐᐱᔪᐅ-ᒧᐧᑯᒪᓂᔪᐤ;
\q2 ᑭᔭ ᐅᒋᔅᑎᒪᒋᔎᒧᐛᐛ ᓇᒪᐎᔾ ᐅᒋ ‍ ᓇᓇᐧᑲᒋᒧᔪᐛ᙮
\b
\q1
\v 65 ᐊᑯ ᑎᐸᔨᒋᒐᓱᐤ ‍ ᐱᔭᑯᐱᔨᑦ ᒧᔭᒻ ᐊᐛᓐ ᐊᒋ ‍ ᓂᐸᑦ,
\q2 ᑭᔭ ᒧᔭᒻ ᐊ ‍ ᓱᐧᑲᑎᓯᑦ ᐃᔪᐤ ᑲ ‍ ᒋᔄᐛᑕᑈᑦ ᓱᒥᓇᐳᔪᐤ ᐊᒋ ‍ ᒥᓂᑦ᙮
\q1
\v 66 ᒋ ‍ ᐎᔭᔅᑐᑐᐛᐤ ᒪᒃ ᑲ ‍ ᐛᐧᑲᑎᑯᑦ ᓂᑕᒡ ᐎᔭᔨᒡ:
\q2 ᓇᔅᒡ ᑕᑈ ᒪᒃ ᒋᒋᐛ ᒋᓴᒂᔨᒧᐊᐤ᙮
\q1
\v 67 ᑭᔭ ᒪᒃ ᒋ ‍ ᐊᑐᐛᔨᑎᒺᐤ ᐅᒥᒋᐛᐱᒥᔪᐤ ᒍᓯᐸ,
\q2 ᓇᒪ ᑭᔭ ᐅᒋ ‍ ᐛᐛᔭᐱᒪᐤ ᐃᑉᕋᐃᒪ ᐅ ᐸᔭᑯᑕᓯᒥᔪᐛ:
\q1
\v 68 ᒪᒃ ᒋ ‍ ᐛᐛᔭᐱᒪᐤ ᒍᑕ ᐊ ‍ ᐸᔭᑯᑕᐎᓯᔨᒋ,
\q2 ᓴᐃᔭᓐ ᐱᔅᑯᑎᓇᔪᐤ ᑲᒋ ‍ ᓴᒋᑕᑦ᙮
\q1
\v 69 ᒋ ‍ ᐅᓯᑕᐤ ᒪᒃ ᐅᐸᔭᒋ-ᒥᒋᐛᑉ ᒧᔭᒻ ᒋᓴᐅᒋᒪᐅᒋᐛᑉ,
\q2 ᒧᔭᒻ ᐊᔅᒋᔪᐤ ᑲᒋ ‍ ᐊᔨᑎᔅᑕᑦ ᑲᒋᒡ᙮
\q1
\v 70 ᒋ ‍ ᐛᐛᔭᐱᒪᐤ ᑭᔭ ᐅᑦ ᐊᑐᔅᒐᔭᑭᓇ ᑎᐱᑕ,
\q2 ᒋ ᐅᒋ ‍ ᐅᑎᓇᐤ ᒪᒃ ᒪᔭᑕᓂᓯᐅᒋᐛᐱᒡ;
\q1
\v 71 ᐊ ‍ ᐸᐸᐎᒐᐛᔨᒋ ᓄᓴ ᒪᔭᑕᓂᓴ ᓴᔅ ᐊ ᐎ ‍ ᐅᑯᓯᔨᒋ,
\q2 ᒋ ‍ ᐸᓱᐛᐤ ᒐᒋ ᐊᓴᒪᔨᒋ ᐅᑦ ᐃᔨᒪ ᒐᑭᐸ, ᑭᔭ ᐃᔅᕋᐃᓚ ᐅᑎᐸᔨᒪᑭᓇ᙮
\q1
\v 72 ᒋ ‍ ᐊᓴᒪᐤ ᒪᒃ ᑲ ᐃᓯ ‍ ᑯᐃᔅᑯᑕᐊᑦ:
\q2 ᑭᔭ ᒋ ‍ ᒋᔅᒋᓄᑕᐊᐤ ᑲ ᐃᓯ ‍ ᑭᒐᑕᐅᑐᑕᐧᒃ ᐅᑎᒋᒡ᙮
\c 79
\q1
\v 1 ᐅ ᒋᓴᒪᓂᑐᐤ, ᐊᑲ ᐊᔭᒥᐊᒡ ᒋ ‍ ᐱᑐᒐᐅᒡ ᒋᑎᐱᔨᐛᐅᓯᐅᓂᒡ;
\q2 ᒋ ᐸᔭᒋ ‍ ᒋᓴᐊᔭᒥᐊᐅᒋᐛᐱᔪᐤ ᒋ ‍ ᐅᓂᑕᐅᒡ;
\q2 ᒋ ‍ ᐸᐸᔅᑯᔅᑕᐅᒡ ᒋᕈᓯᓕᒥᔪᐤ᙮
\q1
\v 2 ᐊᒋ ‍ ᓂᐱᒥᑭᓂᔨᒋ ᐎᔪᔨᐛ ᒋᑦ ᐊᑐᔅᒐᔭᑭᓇ ᒋ ‍ ᒥᔭᐅᒡ ᒐᒋ ᐅᒥᒋᒥᔨᒋ ᐱᔭᓯᐛ ᒋᓯᑯᒡ, ᐅᐎᔭᓯᔪᐛ ᒋᐸᔭᒋᓯᒪ ᐊᐛᓯᓴ ᐊᔅᒋᒡ᙮
\q1
\v 3 ᒋ ‍ ᓯᒋᓂᒺᐅᒡ ᐅᒥᐧᑯᔪᐤ ᒧᔭᒻ ᓂᐱᔪᐤ ᒥᓯᐛ ᐛᔅᑲ ᒋᕈᓯᓕᒥᒡ;
\q2 ᓇᒪ ᐅᒋ ‍ ᑕᐅᒡ ᐊᐛᓐᒋ ᒪᒃ ᒐᒋ ᓇᐃᐧᑯᐛᒡ᙮
\q1
\v 4 ᓂ ‍ ᒥᒋᐃᑎᑯᓇᓐᒡ ᓂᒡ ᐃᔨᒥᓇᓐᒡ,
\q2 ᓂᒪᔭᔨᒥᑯᓇᓐᒡ ᑭᔭ ᓂᓯᑲᑕᔨᒥᑯᓇᓐᒡ ᐊᓐᒡ ᐛᔅᑲ ᑲ ‍ ᐃᑕᒡ᙮
\b
\q1
\v 5 ᑕᓐ ᐃᔅᐱᔅ ᐊᔅᒄ, ᑎᐸᔨᒋᒐᓱᐤ ?
\q2 ᑲᒋᒡ ᐊ ᒋᑭ ‍ ᒋᔄᓯᓐ ?
\q2 ᒋᑦ ᐅᑕᔨᑎᒧᐅᓐ ᐊ ᒋᑭ ‍ ᐃᔎᓯᒐᒥᑭᓐ ᒧᔭᒻ ᐃᔅᑯᑕᐤ ?
\q1
\v 6 ᓯᒋᓂᒧᐅᒡ ᒋᑦ ᐊᐧᑯᔪᐛᓯᐅᓂᔪᐤ ᐊᑲ ᐊᔭᒥᐊᒡ ᐊᑲ ᒋᔅᒐᔨᒥᔅᒡ, ᑭᔭ ᐊᓂᔭ ᐅᒋᒪᐅᓇ ᐊᑲ ᓂᓇᑐᒥᑯᔨᓐ᙮
\q1
\v 7 ᐛᔅ ᒋ ‍ ᒋᑕᒪᐅᒡ ᒐᑭᐸ, ᑭᔭ ᒋ ‍ ᓂᓱᐅᓇᒋᑕᐛᐅᒡ ᐊᓐᑕ ᐊᒋ ‍ ᑕᔨᒋ᙮
\q1
\v 8 ᐅ ᐊᑲᐎᔾ ᒋᔅᒋᑐᑎᒧᐅᓇᓐ ᐛᔅᑭᒡ ᒥᒐᑎᓯᐅᓇ:
\q2 ᐊᑯᔅ ᒋ ‍ ᔪᔅᐱ ᓱᐛᔨᒋᒐᐅᓇ ᒋᐃᑉ ᓂᑭ ‍ ᐅᑎᑎᑯᓇᓐ;
\q2 ᐛᔅ ᓇᔅᒡ ᓂᒋ ‍ ᒋᔅᑎᒪᐃᑯᐅᓇᓐ᙮
\b
\q1
\v 9 ᐎᒋᐃᓇᓐ, ᐅ ᒋᓴᒪᓂᑐᐤ ᐛᒋᐱᔨᒡ ᓂ ‍ ᐱᒪᒋᐃᑯᓯᐅᓇᓇᓐ, ᒐᒋ ᒋᔅᑕᔨᑕᒂᒡ ᒋᑦ ᐃᓯᓂᐧᑲᓱᐅᓐ;
\q2 ᐱᒪᒋᐃᓇᓐ ᒪᒃ, ᑲᓯᓇ ᑭᔭ ᓂᒥᒋᑐᑎᒧᐅᓇᓇ, ᒋᑦ ᐃᓯᓂᐧᑲᓱᐅᓂᒡ ᐅᒡ᙮
\q1
\v 10 ᒐᒂᔪᐤ ᒋᐸ ‍ ᐅᒋ ‍ ᐃᔅᒋᔄᐅᒡ ᐊᑲ ᐊᔭᒥᐊᒡ, “ᑕᓐᑕ ᐊ ‍ ᑕᔨᒋ ᐅᒋᓴᒪᓂᑐᒧᐛᐛ ?”
\q2 ᐊᑯᔅ ᒋᑭ ‍ ᒋᔅᒐᔨᑕᑯᓱᐤ ᐊᓐᑕ ᐊ ‍ ᑕᔨᒋ ᐊᑲ ᐊᔭᒥᐊᔨᒋ ᐅᑎᔅᑯᐤ ᓂᔅᒋᓯᑯᓇᒡ ᐊ ᒋᐛ ‍ ᑎᐸᐊᒧᐛᒡ ᐊᒋ ‍ ᓯᒋᑯᐎᑕᐛᒡ ᐅᒥᐧᑯᔪᐤ ᒋᑦ ᐊᑐᔅᒐᔭᑭᓇ᙮
\q1
\v 11 ᐊᑯᔅ ᐅᒥᒋᔨᐛᔨᑕᒧᐅᓐ ᒋᐸᐛᑭᓐ ᒋᑭ ‍ ᐅᑎᑎᑯᐛᓐ:
\q2 ᐊ ‍ ᐃᔅᐱᔅ ᓇᔅᒡ ᒥᓴᒡ ᒋᑭᔅᒋᐅᓐ ᒥᓇᒋᐃᒡ ᐊᓐᒡ ᑲ ‍ ᐃᑎᒋᒪᑭᓄᐅᒡ ᒐᒋ ᓂᐱᒡ᙮
\b
\q1
\v 12 ᑭᔭ ᒥᔨᒡ ᓂᒡ ᐃᔨᒥᓇᓐᒡ ᓂᔄᐅᑕᒡ ᐃᔅᐱᔅ ᐅᐱᔪᒧᐅᓄᐛᒡ, ᐅᒋᑐᓱᐛᐅᓄᐛᐤ, ᑲ ᐅᒋ ‍ ᒋᑐᑎᔅᒡ, ᐅ ᑎᐸᔨᒋᒐᓱᐤ᙮
\q1
\v 13 ᓂᔭᓐ ᒪᒃ ᒋᑦ ᐃᔨᒥᒡ ᑭᔭ ᒋᒪᔭᑕᓂᓯᒥᒡ ᒋᑭ ‍ ᓂᓇᔅᑯᒥᑎᓇᓐ ᑲᒋᒡ:
\q2 ᓂᑭ ‍ ᐛᐸᑎᔭᓇᓐᒡ ᒋ ‍ ᒪᒥᒋᒥᑯᓯᐅᓂᔪᐤ ᒥᓯᐛ ᒐ ᐊᑎ ‍ ᐊᔭᓂᔅᒐ ᐱᒪᑎᓯᒡ᙮
\c 80
\s2 Psalm 80:1-7, 17-19 (Advent-4 Year A, C; Advent-1 Year B; Proper-15 Year C)
\q1
\v 1 ᓇᐃᔅᑕ ᒋᑐᑭᔾ, ᐅᒪᔭᑕᓂᓯᐅ-ᐃᔨᒪ ᐃᔅᕋᐃᓪ,
\q2 ᒋᔾ ᑲ ‍ ᐱᒧᑕᐃᑦ ᒍᓯᑉ ᒧᔭᒻ ᒪᔭᑕᓂᓯᒡ:
\q2 ᒋᔾ ᑲ ‍ ᑕᔨᓐ ᑎᔅᑐᐎᒡ ᒐᕋᐱᒥᒡ, ᐛᓯᓱᐤ᙮
\q1
\v 2 ᐅᑎᔅᑯᐤ ᐃᑉᕋᐃᒻ, ᑭᔭ ᐱᓐᒋᒥᓐ, ᑭᔭ ᒥᓇᓴ,
\q2 ᒧᔅᒋᐱᔨᑕ ᒋᒥᔅᑯᓯᐅᓐ, ᐸᒋ ‍ ᐱᒪᒋᐃᓇᓐ ᒪᒃ᙮
\b
\q1
\v 3 ᒂᔅᒋᑲᐳᐅᔅᑐᐅᓇᓐ ᐅ ᒋᓴᒪᓂᑐᐤ, ᐛᓯᓱᔅᑐᐅᓇᓐ ᒪᒃ;
\q2 ᐊᑯ ᒪᒃ ᒐ ‍ ᐱᒪᒋᐃᑯᐅᔭᒡ᙮
\b
\q1
\v 4 ᐅ ᑎᐸᔨᒋᒐᓱᐤ ᒥᓯᐛ ᐊ ᐃᓯ ‍ ᓱᐧᑲᑎᓯᔨᓐ ᒋᓴᒪᓂᑐᐤ,
\q2 ᑕᓐ ᒐ ‍ ᐃᔅᐱᔅ ᐊᔅᒄ ᐎᔭᔅᑕᔨᑎᒧᑦ ᐅᑦ ᐊᔭᒥᐊᐅᓄᐛᐤ ᒋᑦ ᐃᔨᒥᒡ ?
\q1
\v 5 ᒋᑦ ᐊᓯᒪᐅᒡ ᐅᒋᑯᐛᐳᐤ ᐸᒂᓯᑭᓇ;
\q2 ᑭᔭ ᒥᔅᑎ ᒋ ‍ ᒥᓇᐊᐅᒡ ᒪᑐᓇᐳᔪᐤ᙮
\q1
\v 6 ᒋᑦ ᐃᓯᐃᓇᓐ ᒐᒋ ᐅᒋ ‍ ᐎᔭᔅᑕᔨᒥᔨᒥᒡ ᓂᒡ ᐃᔨᒥᓇᓐᒡ:
\q2 ᑲ ‍ ᐛᐧᑲᓯᔨᒥᒡ ᒪᒃ ᒪᒧᐤ ᐸᐳᐅᒡ᙮
\b
\q1
\v 7 ᒂᔅᒋᑲᐳᐅᔅᑐᐅᓇᓐ, ᐅ ᒋᓴᒪᓂᑐᐤ ᒥᓯᐛ ᓱᐧᑲᑎᓯᔭᓐ,
\q2 ᐛᓯᓱᔅᑐᐅᓇᓐ ᒪᒃ;
\q2 ᐊᑯ ᒪᒃ ᒐ ‍ ᐱᒪᒋᐃᑯᐅᔭᒡ᙮
\b
\s2 Psalm 80:1-2, 8-19 (Proper-15 Year C)
\q1
\v 8 ᐃᒋᑉᑎᒡ ᔅᒋ ᐅᒋ ‍ ᐸᓱᐛᐤ ᓱᒥᓇᑎᒄ:
\q2 ᔅᒋ ‍ ᐎᐎᐛᐱᓇᐅᒡ ᐊᑲ ᐊᔭᒥᐊᒡ, ᑭᔭ ᐊᔅᒋᒡ ᔅᒋ ‍ ᒋᒥᔭᐤ
\q1
\v 9 ᔅᒋ ‍ ᑐᐎᔅᑎᒧᐛᐤ, ᑭᔭ ᔅᒋ ‍ ᐃᓯᐊᐤ ᒐᒋ ᐅᒐᐱᒋᐅᑦ,
\q2 ᐊᑯ ᓯᐊᑭᔅᒋᓇᑦ ᐊᔅᒋᒡ᙮
\q1
\v 10 ᐊ ‍ ᑎᑲᔅᑕᓯᐧᒃ ᒋ ‍ ᐊᐅᑲᔅᑕᑎᓇ ᐱᔅᑯᑎᓇᐛ,
\q2 ᑭᔭ ᐊᐅᑎᐧᑲᓄᐅᑦ ᒧᔭᒻ ᒥᔪ ‍ ᒪᔅᒋᓯᑲᑎᑯᒡ ᒋ ‍ ᐃᓯᓇᑯᓂᔪᐛ᙮
\q1
\v 11 ᐎᓂᐸᑯᒡ ᐃᑎᒧᔪᐛ ᐅᑎᐧᑯᓇ,
\q2 ᓯᐱᒡ ᐃᔅ ᒋ ‍ ᐃᔅᐱᔪᐛ ᐅᑎᐧᑯᓇ᙮
\b
\q1
\v 12 ᒐᒂᔪᐤ ᒪᒃ ᐛᒋ ‍ ᐱᒂᐊᒧᑦ ᐅᒪᓂᔅᑲᑎᒂ,
\q2 ᒥᓯᐛ ᐊᓐᑕ ᐊ ‍ ᐱᒧᑕᒡ ᐊ ‍ ᒥᓂᐱᑕᒡ ᓯᒥᓇ ?
\q1
\v 13 ᑯᐧᑯᔅ ᓄᒋᒥᒡ ᐅᒡ ᓂᓱᐅᓇᒋᐊᐤ,
\q2 ᑭᔭ ᐸᐧᑲᒡ ᐊᐛᓯᓯᒡ ᒪᔅᒐᑯᒡ ᒋᑕᒺᐅᒡ᙮
\q1
\v 14 ᒂᔅᒋ, ᒋ ‍ ᐱᑯᓴᔨᒥᑎᓇᓐ, ᐅ ᒥᓯᐛ ᐊ ᐃᓯ ‍ ᓱᐧᑲᑎᓯᔨᓐ ᒋᓴᒪᓂᑐᐤ,
\q2 ᒋᒋᒋᓯᑯᒡ ᐅᒡ ᐃᑕᐱ, ᑭᓄᐛᐱᒻ ᑭᔭ ᐸᒋ ‍ ᓂᑐᐛᐱᒻ ᐅ ᓱᒥᓇᑎᒄ;
\q1
\v 15 ᑭᔭ ᓱᒥᓇᑎᑯ ᓂᑕᐅᒋᒋᑭᓐ ᒋᒥᔪᐅᓂᒡ ᑲᒋ ᐅᒋ ‍ ᓂᑕᐅᒋᑕᔨᓐ,
\q2 ᑭᔭ ᐅᑎᐧᑯᓐ ᑲ ‍ ᒥᔅᑯᐅᑎᒪᓱᔨᓐ᙮
\b
\q1
\v 16 ᐃᔎᑕᐤ ᐃᔅᑯᑕᐤ ᐅᒡ, ᓇᑥᑲᐃᑭᓄᐤ:
\q2 ᓂᓱᐅᓇᑎᓯᐅᒡ ᐊ ᒋᓱ ‍ ᑭᓄᐛᐱᒥᑥᐤ᙮
\s2 Psalm 80:1-7, 17-19 (Advent-4 Year A)
\s2 Psalm 80:1-7, 17-19 (Advent-1 Year B)
\q1
\v 17 ᐊᑯᔅ ᒋᑎᒋᔪᐤ ᒋᑭ ‍ ᒋᒋᔅᑲᑯᐤ ᐊᓐ ᐃᔪᐤ ᑲ ‍ ᓯᑐᓂᑯᑦ ᒋ ‍ ᒥᔪᓂᔪᐤ,
\q2 ᐃᔪᐤ ᐅᑯᓯᓴᓐ ᐅᑎ ᑲ ‍ ᒥᔅᑯᐅᓯᐅ ᐅᓯᑎᒪᓱᔨᓐ᙮
\q1
\v 18 ᐊᑯ ᒐ ᐊᑲ ‍ ᓂᑭᑎᑕᒡ:
\q2 ᐱᒪᒋᐃᓇᓐ, ᐊᑯ ᒐ ‍ ᓇᓂᑐᑎᒪᒡ ᒋᑦ ᐃᓯᓂᐧᑲᓱᐅᓐ᙮
\b
\q1
\v 19 ᒂᔅᒋᑲᐳᐅᔅᑐᐅᓇᓐ, ᐅ ᑎᐸᔨᒋᒐᓱᐤ ᒥᓯᐛ ᓱᐧᑲᑎᓯᔨᓐ ᐛ ᐃᓯ ‍ ᓱᔅᑐᐅᓇᓐ;
\q2 ᐊᑯ ᒪᒃ ᒐ ‍ ᐱᒪᒋᐃᑯᐅᔭᒡ᙮
\c 81
\q1
\v 1 ᒋᔄᐛ ᓂᑭᒧᔅᑕᐧᒄ ᒋᓴᒪᓂᑐᐤ ᒋ ‍ ᒥᔅᑯᐅᓯᐅᓄᐤ:
\q2 ᒥᔽᔨᑕᒧᐤ ᐸᑕᑯᓯᔅᑕᐧᒄ ᐅ ᒋᓴᒪᓂᑐᒪ ᒐᑭᑉ᙮
\q1
\v 2 ᐅᑎᓂᒧᒄ ᓂᑭᒧᐅᓐ, ᐸᓱᐛᐧᒄ ᑕᐛᐃᑭᓂᔅ,
\q2 ᐊ ‍ ᒥᔪᑕᒂᒡ ᐊᓯᑭᓇᔭᐱᔾ ᒋᔍᐛᐱᒋᑭᓐ ᐊᓯᒡ ᓂᑭᒧᒋᑭᓐ᙮
\b
\q1
\v 3 ᐳᑕᑎᒧᒄ ᐳᑕᒋᑭᓐ ᐊ ‍ ᐅᔅᒋᑦ ᐱᓯᒻ,
\q2 ᐃᔅᐱ ᐊ ‍ ᐅᑎᒋᐱᔨᒡ, ᒋᒥᑯᓴᐎ-ᒋᓯᑲᒥᓇᒡ᙮
\q1
\v 4 ᐛᔅ ᐊᐅᒃ ᑲ ‍ ᐃᑎᓱᐛᓄᐅᒡ ᐃᔅᕋᐃᓕᒡ,
\q2 ᑭᔭ ᒋ ‍ ᐎᓱᐛᔪᐛ ᐅᒋᓴᒪᓂᑐᒪ ᒐᑭᑉ᙮
\q1
\v 5 ᐅᔭᔪᐤ ᒋ ‍ ᐃᑎᓱᐛᑕᐤ ᒍᓯᐱᒡ ᒐᒋ ᑎᐸᒋᒧᓇᓄᐎᒡ,
\q2 ᐃᔅᐱ ᑲ ‍ ᓴᐳᔅᑲᐧᒃ ᐃᒋᑉᑦ ᐊᔅᒋᔪᐤ;
\q2 ᐊᓐᑕ ᑲ ‍ ᐸᑎᒪᓐ ᐃᔅᒋᔄᐅᓐ ᐊᑲ ᐅᒋ ‍ ᓂᔅᑐᑎᒪᓐ᙮
\b
\q1
\v 6 “ᓂᒋ ‍ ᒐᑐᐛᑕᓇᓐ:
\q2 ᐅᑎᒋᔭ ᒋ ‍ ᐅᒋ ᐎᐧᑯᒋᑕᑭᓄᐎᔪᐛ ᐊᔅᒋᒂ᙮
\q1
\v 7 ᔅᒋ ‍ ᑕᑈᓐ ᐃᔅᐱ ᑲ ‍ ᐊᔨᒥᓯᐅᐱᓇ, ᔅᒋ ‍ ᐎᐧᑯᒋᔨᑎᓐ ᒪᒃ;
\q2 ᔅᒋ ‍ ᓂᔎᐅᓯᔨᑎᓐ ᐅᑲᓱᐅᓂᒡ ᐅᓂᒥᔅᒍᐤ:
\q2 ᔅᒋ ‍ ᑯᒋᐃᑎᓐ ᒪᕆᐸ ᓂᐱᒡ᙮”
\b
\q1
\v 8 “ᓂᑐᑎᒧᒄ, ᐅ ᓂᑦ ᐃᔨᒥᑐᒄ, ᒋᑭ ‍ ᑎᐸᒋᒧᔅᑕᑎᓇᐛᐤ ᒪᒃ:
\q2 ᐅ ᐃᔅᕋᐃᓪ, ᒧᔭᒻ ᐎ ᓂᑐᑐᐎᔨᓇ;
\q1
\v 9 ᓇᒪᐎᔾ ᑯᑎᒃ ᒥᓂᑐᐤ ᒋᑭ ‍ ᑕᐤ ᐊᓐᑕ ᐊ ‍ ᑕᔭᒄ;
\q2 ᓇᒪ ᑭᔭ ᒋᑭ ‍ ᐊᔭᒥᐊᔅᑕᐛᐛᐤ ᑯᑎᒃ ᒥᓂᑐᐤ᙮
\q1
\v 10 ᓂᔾ ᑕᐸᔨᒋᒐᔭᓐ ᒋᒋᓴᒪᓂᑐᒻ,
\q2 ᐃᒋᑉᑦ ᐊᔅᒋᒡ ᑲᒋ ᐅᒋ ᐸᒋ ‍ ᐅᑐᑕᐃᑕᓐ:
\q2 ᒥᔅᑎ ᑕᐅᑎ, ᓂᑭ ‍ ᓴᑭᔅᒋᓂᑕᓐ ᒪᒃ᙮
\b
\q1
\v 11 ᒪᒃ ᓂᑦ ᐃᔨᒥᒡ ᓇᒪᐎᔾ ᓂ ᐅᒋ ‍ ᓂᑐᑕᑯᒡ;
\q2 ᐃᔅᕋᐃᓪ ᒪᒃ ᓇᒪ ᓂ ᐅᒋ ‍ ᓂᑐᐛᔨᒥᒃ᙮
\q1
\v 12 ᓂᒋ ‍ ᐸᒋᑎᓇᐅᒡ ᒪᒃ ᑲ ᐃᓯ ᒥᒋ ‍ ᐃᑕᔨᑕᒡ ᐅᑕᐃᐛᒡ,
\q2 ᒋ ‍ ᐱᒧᑕᑎᒧᒡ ᑭᔭ ᑎᐱᔽ ᐅᓯᒋᒥᑐᐅᓄᐛᐛ᙮
\b
\q1
\v 13 ᐅ, ᑭᒪ ᓂᑦ ᐃᔨᒥᒡ ᒋ ‍ ᓂᑐᑐᐅᒡ,
\q2 ᑭᔭ ᐃᔅᕋᐃᓪ ᒋ ‍ ᐱᒧᑕᑕᒡ ᓂᑦ ᐃᓯᑥᐅᓇ !
\q1
\v 14 ᐎᐱᒡ ᓂᐸ ᒋ ‍ ᓴᐧᑯᒋᐃᑎᒪᐛᐅᒡ ᑲ ‍ ᐛᐧᑲᑎᑯᒡ,
\q2 ᑭᔭ ᓂᐸ ᒋ ‍ ᐅᑕᒧᒪᔨᐛ ᑲ ‍ ᒪᓯᐧᑲᑯᒡ᙮
\q1
\v 15 ᑲ ‍ ᐛᐧᑲᑕᒡ ᒋᓴᒪᓂᑐᐛ ᒋᑭ ᒋ ‍ ᐱᑕᐱᔅᑕᐛᐸᓐᒡ:
\q2 ᒪᒃ ᐎᔨᐛᐤ ᐅᒋᓯᑲᒧᐛᐤ ᑲᒋᒡ ᒋᐸ ᒋ ‍ ᐊᔭᑕᐛᑯᐱᓐ᙮
\q1
\v 16 ᒋᑭ ᒋ ‍ ᓴᒪᑕᑯᐱᓐ ᑭᔭ ᒪᐅᒡ ᑲ ‍ ᒥᔪᓯᓯᔨᒋ ᐸᒂᓯᑭᓂᒥᓇ:
\q2 ᑭᔭ ᑲᓯᐛᓯᐛᐳᔾ ᒋᔅᑕᐱᔅᑯᒡ ᒋᐸ ᒋ ᐅᒋ ‍ ᒋᔅᐳᐃᑎᓇᐱᓐ᙮”
\c 82
\q1
\v 1 ᒋᓴᒪᓂᑐᐤ ᓂᐳᐤ ᐅᒪᐛᒋᐃᑐᐅᓂᔨᒡ ᑲ ‍ ᓱᐧᑲᑎᓯᔨᒋ,
\q2 ᑎᐸᔅᑯᓇᐤ ᒥᓂᑐᐛ᙮
\b
\q1
\v 2 “ᑕᓐ ᒐ ‍ ᐃᔅᐱᔅ ᓂᑐᐎ ᐃᓯ ᑎᐸᔅᑯᓂᒐᔭᒄ,
\q2 ᑭᔭ ᒋᔅᑕᔨᒪᑯᒡ ᐅᒥᒋᑥᐅᒡ ?”
\b
\q1
\v 3 “ᒋᔅᐸᐛᑕᐧᑯᒡ ᐅᒋᔅᑎᒪᒋᓯᐅᒡ ᑭᔭ ᒋᐅᓴᓂᓯᒡ:
\q2 ᑯᐃᔅᒄ ᑐᑐᐛᐧᑯᒡ ᑲ ‍ ᓇᓇᐧᑲᒋᐅᒡ ᑭᔭ ᑲ ‍ ᒋᔅᑎᒪᑎᓯᒡ᙮
\q1
\v 4 ᐎᐧᑯᒋᐃᐧᑯᒡ ᐅᒋᔅᑎᒪᑎᓯᐅᒡ ᑭᔭ ᑲ ‍ ᓇᓇᐧᑲᒋᐅᒡ:
\q2 ᐅᑎᓂᐧᑯᒡ ᐅᑎᒋᔨᒡ ᐅᒋ ᐅᒥᒋᑥᐛ᙮”
\b
\q1
\v 5 ᓇᒪ ᒋᔅᒐᔨᑎᒧᒡ, ᓇᒪ ᑭᔭ ᒋᑭ ‍ ᓂᔅᑐᑎᒧᒡ;
\q2 ᐱᒧᑕᐅᒡ ᐅᓂᑎᐱᔅᒋᓯᐅᓂᒡ:
\q2 ᒥᓯᐛ ᐊ ᐃᓯ ‍ ᐊᔨᑎᔅᑕᒡ ᐊᔅᒋᔾ ᐊᔭᒋᐱᔪᐤ᙮
\b
\q1
\v 6 ᓂᒋ ‍ ᐃᔅᒋᔄᓐ, “ᒋ ‍ ᒥᓂᑐᐅᓇᐛᐤ;
\q2 ᑭᔭ ᒥᓯᐛ ᐊ ‍ ᑎᓯᔭᒄ ᒋᑦ ᐅᑦ ᐊᐛᓯᒥᑕᑯᐛᐤ ᑲ ‍ ᒪᐅᒡ ᒋᔅᑎᓯᑦ᙮
\q1
\v 7 ᒪᒃ ᒋᑭ ‍ ᓂᐱᓇᐛᐤ ᒧᔭᒻ ᐃᔪᒡ,
\q2 ᑭᔭ ᒋᑭ ‍ ᐸᒋᓯᓂᓇᐛᐤ ᒧᔭᒻ ᐸᐃᒄ ᐊ ‍ ᑕᓯᒡ ᒋᓴᐅᒋᒪᓯᒡ᙮”
\b
\q1
\v 8 ᐱᓯᑯᐤ, ᐅ ᒋᓴᒪᓂᑐᐤ, ᑎᐸᔅᑯᓇ ᐊᔅᒋᔾ;
\q2 ᐛᔅ ᒋᑭ ‍ ᑎᐸᔨᒪᐅᒡ ᒥᓯᐛ ᑲ ‍ ᑕᑐᔅᑲᓇᓯᒡ ᐃᔪᒡ᙮
\c 83
\q1
\v 1 ᐊᑲᐎᔾ ᒋᐱᑐᐛ, ᐅ ᒋᓴᒪᓂᑐᐤ:
\q2 ᐊᑲᐎᔾ ᐳᓂ ‍ ᐃᔨᒥ,
\q2 ᐊᑲ ᑭᔭ ᒋᔭᒪᐅᐱ, ᐅ ᒋᓴᒪᓂᑐᐤ᙮
\q1
\v 2 ᐛᔅ, ᐛᐸᑕ, ᑲ ‍ ᐛᐧᑲᑎᔅᒡ ᒋ ‍ ᑭᒐᐸᒋᑎᓯᐤ ᐃᑐᐅᒡ,
\q2 ᐊᓐᒡ ᑭᔭ ᑲ ‍ ᐛᐧᑲᑎᔅᒡ ᒋ ‍ ᐅᐱᔎᔪᐅᒡ᙮
\q1
\v 3 ᒋ ‍ ᑭᑭᒋᔭᐅ-ᓯᒋᒥᑐᐅᒡ ᒐᒋ ᒥᒋᑐᑐᐛᒡ ᒋᑦ ᐃᔨᒪ,
\q2 ᑭᔭ ᒋ ‍ ᑭᒐᔅᒋᒥᑐᐅᒡ ᒐᒋ ᒥᒋᑐᑐᐛᒡ ᐊᓂᔭᔪᐛ ᑲ ‍ ᑲᔨᒥᑎ᙮
\q1
\v 4 ᒋ ‍ ᐃᔅᒋᔄᐛᒡ, “ᒪᒋᑕᐤ, ᒋᒥᔄᑕᐛᓐᒋ ᒐ ᐊᑲ ᒋ ᐸᐃᑯᔅᑲᓇᓯᒡ ᐃᔪᒡ;
\q2 ᐊᑲ ᓂᑕ ᒥᓐ ᒐᒋ ᒋᔅᒋᑕᑭᓄᐅᒡ ᐃᔅᕋᐃᓪ ᐃᓯᓂᐧᑲᓱᐅᓐ᙮”
\b
\q1
\v 5 ᐛᔅ ᒋ ‍ ᒪᒧᐤ ᓯᒋᒥᑐᐅᒡ ᐊ ‍ ᐸᐃᑯ ᒥᑐᓇᔨᒋᑭᓂᒡ;
\q2 ᐊ ‍ ᒪᒧᐤ ᐱᓯᑯᔅᑕᔅᒡ᙮
\q1
\v 6 ᐅᒥᒋᐛᐱᒧᐛᐤ ᐃᑕᒻ, ᑭᔭ ᐃᔅᒪᐃᔭᓪ ᐃᔪᒡ,
\q2 ᒧᐊᑉ, ᑭᔭ ᐊᑲᕆ ᐃᔪᒡ;
\q1
\v 7 ᑭᐸᓪ, ᑭᔭ ᐊᒧᓐ, ᑭᔭ ᐊᒪᓕᒃ;
\q2 ᐱᓕᔅᑕᐃᓐ ᐃᔪᒡ ᐊᓯᒡ ᑲ ‍ ᐎᒋᒡ ᑕᐃᕆᒡ;
\q1
\v 8 ᐊᓴᕐ ᑭᔭ ᐎᒐᐛᐤ:
\q2 ᒋ ‍ ᐎᒋᐃᒪᐅᒡ ᓗᑕ ᐅᑦ ᐊᐛᓯᒥᔪᐛ᙮
\b
\q1
\v 9 ᑐᑐᐅᒡ ᒧᔭᒻ ᑲ ‍ ᑐᑐᐅᑥᐤ ᒥᑎᔭᓐ ᐃᔪᒡ;
\q2 ᓯᓯᕋ, ᑭᔭ ᒐᐱᓐ, ᑭᓴᓐ ᓯᐱᓯᒡ;
\q1
\v 10 ᑲ ‍ ᓂᓱᐅᓇᑎᓯᒡ ᐊᓐᑐᕆᒡ:
\q2 ᒋ ᐊᑎ ‍ ᐃᓯᓇᑯᓱᐅᒡ ᒧᔭᒻ ᒥᔅᑯᓯᐤ ᒥᔅᑎᑯᓴ ᐊᔅᒋᒡ᙮
\q1
\v 11 ᐃᓯᐃᒻ ᐅᑦ ᐅᒋᒪᒧᐛᐛ ᒧᔭᒻ ᐅᕆᑉ, ᑭᔭ ᒧᔭᒻ ᓯᑉ;
\q2 ᓂᐦᐃ, ᒥᓯᐛ ᐅᒋᓴᐅᒋᒪᓯᒧᐛᐛ ᒧᔭᒻ ᓴᐸ, ᑭᔭ ᒧᔭᒻ ᓴᓪᒧᓇ:
\q1
\v 12 ᑲ ‍ ᐃᔅᒋᔄᒡ, “ᐊᑯᔅ ᐅᑎᓂᒪᓱᑕᐤ ᒥᓯᐛ ᐎᒐ ᒋᓴᒪᓂᑐᐤ ᒐᒋ ᑎᐸᔨᑎᒺᐧᒄ᙮”
\b
\q1
\v 13 ᐅ ᓂᒋᓴᒪᓂᑐᒻ, ᐃᓯᐃᒡ ᒧᔭᒻ ᑲᑎᑎᐱᔨᑦ;
\q2 ᒧᔭᒻ ᒪᑕᒥᓇᔎ ᐊ ‍ ᔪᑎᒡ᙮
\q1
\v 14 ᒧᔭᒻ ᐃᔅᑯᑕᐤ ᐊ ‍ ᐃᔎᓯᒥᑲᒡ ᒥᑕ, ᑭᔭ ᒧᔭᒻ ᐊ ‍ ᐛᔨᑕᒡ ᐛᒋ ‍ ᐃᔎᑕᒋ ᐱᔅᑯᑎᓇᐛ;
\q1
\v 15 ᐊᑯ ᒧᔭᒻ ᓂᓇᐧᑲᒋᐃᒡ ᒋ ‍ ᒋᔅᑎᓂᒥᒡ ᐅᒡ, ᑭᔭ ᓴᒋᐃᒡ ᒋᒋᔅᑎᓂᒥᔪᐤ ᐅᒡ᙮
\q1
\v 16 ᓴᑭᔅᒋᓂᑕᐤ ᓴᒂᔨᒧᐅᓂᔪᐤ ᐅᑕᔅᑎᒥᐧᑯᐛᒡ;
\q2 ᒐᒋ ᓇᓂᑐᐛᔨᑕᒡ ᒋᑦ ᐃᓯᓂᐧᑲᓱᐅᓂᔪᐤ, ᐅ ᑎᐸᔨᒋᒐᓱᐤ᙮
\b
\q1
\v 17 ᐊᑯᔅ ᒋᑭ ‍ ᐛᐛᓇᔨᑎᒧᒡ ᑭᔭ ᒥᑯᔅᑲᑕᔨᑎᒧᒡ ᑲᒋᒡ:
\q2 ᓂᐦᐃ, ᐊᑯᔅ ᒋᑭ ‍ ᓴᒂᔨᒧᐅᒡ, ᑭᔭ ᒋᑭ ‍ ᓂᓱᐅᓇᑎᓯᐅᒡ᙮
\q1
\v 18 ᐃᔪᒡ ᒐᒋ ᒋᔅᒐᔨᑕᒡ ᒋᔾ ᒥᒄ ᒋᓴᒪᓂᑐᐤ ᐊ ‍ ᐃᓯᓂᐧᑲᓱᔨᓐ,
\q2 ᐊ ‍ ᒪᐅᒡ ᒋᔅᑎᓯᔨᓐ ᐊ ‍ ᑎᐸᔨᑎᒥᓐ ᒥᓯᐛ ᐊᔅᒋᔾ᙮
\c 84
\q1
\v 1 ᑕᑈ ᒥᔽᔨᑕᑯᓇ ᒋᑦ ᐊᔭᒥᐊᐅᒋᐛᐱᒪ,
\q2 ᐅ ᑎᐸᔨᒋᒐᓱᐤ ᒥᓯᐛ ᐊ ᐃᓯ ‍ ᓱᐧᑲᑎᓯᔨᓐ !
\q1
\v 2 ᓂᑦ ᐊᒐᐧᒄ ᐱᑯᓴᔨᒧᐤ, ᓂᐦᐃ ᐱᒂᔨᑎᒺᐤ ᐅᒪᐛᒋᐃᑐᐅᒋᐛᐱᔪᐤ ᑎᐸᔨᒋᒐᓱᐛ;
\q2 ᓂᑕᐃᔪᐤ ᑭᔭ ᓂᔭᓯᔪᐤ ᒧᔅᑯᐛᑎᑯᐤ ᐸᒪᑎᓯᑦ ᒋᓴᒪᓂᑐᐤ᙮
\b
\q1
\v 3 ᓂᐦᐃ, ᐱᔭᓯᔅ ᒋ ‍ ᒥᔅᑭᒻ ᒐ ‍ ᐎᒋᑦ,
\q2 ᑭᔭ ᐅᒥᒋᔅᑯᓯᔅ ᒐ ‍ ᐅᔅᑐᓂᑦ,
\q1 ᐊᓐᑕ ᒐ ‍ ᐅᐱᒋᐊᐅᓱᑦ, ᐃᔭᐱᒡ ᒋᐱᔅᑎᓂᒐᐅᓇᐱᔅᑯᒡ, ᐅ ᑎᐸᔨᒋᒐᓱᐤ ᒥᓯᐛ ᐊ ᐃᓯ ‍ ᓱᐧᑲᑎᓯᔨᓐ,
\q2 ᓂᒋᓴᐅᒋᒪᒻ ᑭᔭ ᓂᒋᓴᒪᓂᑐᒻ᙮
\q1
\v 4 ᓱᐛᔨᑕᑯᓱᐅᒡ ᐊᓐᒡ ᑲ ‍ ᐎᒋᒡ ᒋᒋᒡ:
\q2 ᐃᔭᐱᒡ ᐊᔅᒄ ᒋᑭ ‍ ᒪᒥᒋᒥᑯᒡ᙮
\b
\q1
\v 5 ᓱᐛᔨᑕᑯᓱᐤ ᐊᓐ ᐃᔪᐤ ᑲ ‍ ᐅᒥᔅᑯᐅᓯᒥᔅᒃ;
\q2 ᐅᑕᐃᒡ ᑲ ‍ ᑎᒂᓂᔨᒋ ᒋᑦ ᐃᓯᑥᐅᓇ᙮
\q1
\v 6 ᐊᓐ ᐊ ‍ ᓴᐳᑕᐛᔅᑲᐧᒃ ᐊ ‍ ᒪᓄᐎᔨᒡ ᐊ ‍ ᑐᐛᑎᓇᔨᒡ, ᑲ ‍ ᒧᔅᒋᐅᐛᓂᑕᑦ;
\q2 ᓂᐦᐃ ᐎᐱᒡ ᐛᒋ ‍ ᓴᑭᔅᒋᓇᒋ ᒥᔪ ‍ ᒐᒂᓇ ᒋᒧᓇᐳᒡ ᐅᒡ᙮
\q1
\v 7 ᐊᔭᔅᒄ ᒥᔅᑯᐅᓯᐅᒡ,
\q2 ᑲ ‍ ᐃᑕᒡ ᓴᐃᔭᓂᒡ ᐅᑎᔅᑲᐎᔅᑐᐛᐅᒡ ᒋᓴᒪᓂᑐᐛ᙮
\b
\q1
\v 8 ᐅ ᑎᐸᔨᒋᒐᓱᐤ ᒥᓯᐛ ᐊ ᐃᓯ ‍ ᓱᐧᑲᑎᓯᔨᓐ ᒋᓴᒪᓂᑐᐤ,
\q2 ᓂᑐᑕ ᓂᑦ ᐊᔭᒥᐊᐅᓐ, ᐱᓯᒋᑕ ᐅ ᒐᑭᑉ ᐅᒋᓴᒪᓂᑐᒪ᙮
\q1
\v 9 ᐛᐸᑕ, ᐅ ᒋᓴᒪᓂᑐᐤ ᓂᑦ ᐊᒂᓇᐅᓱᐛᑭᓐ,
\q2 ᑭᓄᐛᐸᑎᒻ ᑭᔭ ᐅᑕᔅᑎᒥᐧᒄ ᒋᑦ ᐊᑐᒥᔅᑯᓂᑭᓐ᙮
\b
\q1
\v 10 ᐛᔅ ᐸᐃᑯ ᒋᓯᑲᐛ ᒋ ‍ ᒪᐛᒋᐃᑐᐅᒋᐛᐱᒡ ᐃᐛᒃ ᒥᔽᓱᐤ ᐃᔅᐱᔅ ᒐᓯᐱᔪᐤ᙮
\q2 ᐊᐛᔅᑕ ᓂᑭ ᐎ ‍ ᑭᓄᐎᔎᑐᐛᐤ ᐎᒋᒡ ᓂᒋᓴᒪᓂᑐᒻ,
\q2 ᐃᔅᐱᔅ ᒐᒋ ᐎᒋᔭᓐ ᒥᒐᑎᓯᐤ ᒥᒋᐛᐱᒡ᙮
\q1
\v 11 ᐛᔅ ᑎᐸᔨᒋᒐᓱᐤ ᒋᓴᒪᓂᑐᐤ ᐱᓯᒧᐅᐤ ᑭᔭ ᐊᒂᓇᐅᓱᐛᑭᓂᐅᐤ:
\q2 ᑎᐸᔨᒋᒐᓱᐤ ᒋᑭ ‍ ᒥᔨᐛᐤ ᒥᔪᐧᑲᒐᐅᓂᔪᐤ ᑭᔭ ᒋᔅᑕᔨᑕᑯᓱᐅᓂᔪᐤ:
\q2 ᓇᒪ ᒐᒂᔪᐤ ᑲ ‍ ᒥᔽᓯᔨᒡ ᒋᑭ ‍ ᒋᓴᑎᓂᒧᐛᐤ ᐊᓂᔭᔪᐛ ᑯᐃᔅᒄ ᑲ ‍ ᐱᒧᑕᔨᒋ᙮
\b
\q1
\v 12 ᐅ ᑎᐸᔨᒋᒐᓱᐤ ᒥᓯᐛ ᐊ ᐃᓯ ‍ ᓱᐧᑲᑎᓯᔨᓐ,
\q2 ᓱᐛᔨᑕᑯᓱᐤ ᐊᓐ ᐃᔪᐤ ᑲ ‍ ᒪᒥᓯᑐᑕᔅᒃ᙮
\c 85
\s2 Psalm 85:1-2, 8-13 (Advent-2 Year B)
\q1
\v 1 ᑎᐸᔨᒋᒐᓱᐤ, ᔅᒋ ‍ ᒋᓴᐛᑐᑕᓐ ᒋᑦ ᐊᔅᒋᔾ:
\q2 ᔅᒋ ᐸᒋ ‍ ᒋᐛᑕᐛᓐ ᒪᒪᒋᑯᓂᑯᓯᐅᓂᔪᐤ ᒐᑭᑉ᙮
\q1
\v 2 ᔅᒋ ‍ ᐛᐸᔨᑎᒺᓐ ᐅᒥᒐᑎᓯᐅᓄᐛᐛ ᒋᑦ ᐃᔨᒥᒡ;
\q2 ᔅᒋ ‍ ᐊᒂᓇᐊᒺᓐ ᒥᓯᐛ ᐅᒥᒋᑐᑎᒧᐅᓄᐛᐛ᙮
\q1
\v 3 ᔅᒋ ‍ ᐃᒐᓇᓐ ᒥᓯᐛ ᒋᑦ ᐊᐧᑯᔪᐛᓱᐅᓐ:
\q2 ᔅᒋ ‍ ᐳᓄᔨᑕᓐ ᒋᒋᔄᓯᐅᓐ ᑲ ‍ ᐊᒂᑎᓯᒥᑲᒡ᙮
\b
\q1
\v 4 ᒂᔅᒋᓂᓇᓐ, ᐅ ᒋᓴᒪᓂᑐᐤ ᐛᒋᐱᔨᒡ ᓂᐱᒪᒋᐃᑯᓯᐅᓂᓇᓐ,
\q2 ᑭᔭ ᐳᓂ ‍ ᒋᔄᓯᔅᑐᐅᓇᓐ᙮
\q1
\v 5 ᑲᒋᒡ ᐊ ᒋᑭ ‍ ᒋᔄᐃᒥᓇᓐ ?
\q2 ᒋᑭ ‍ ᐛᐸᑎᔭᐅᒡ ᐊ ᒋᒋᔄᓯᐅᓂᔪᐤ ᒥᓯᐛ ᒐ ᐊᑎ ᐊᓂᔅᒐ ‍ ᐱᒪᑎᓯᒡ ?
\q1
\v 6 ᓇᒪ ᐊ ᒥᓐ ᒋᑭ ‍ ᒥᓏᒋᐃᓇᓐ;
\q2 ᒋᑦ ᐃᔨᒥᒡ ᒐᒋ ᒧᒐᔨᑕᒡ ᒋᔾ ᐅᒋ ?
\q1
\v 7 ᐛᐸᑎᔨᓇᓐ ᒋᒋᔅᑎᒪᒐᔨᒋᒐᐅᓐ, ᐅ ᑎᐸᔨᒋᒐᓱᐤ,
\q2 ᒥᔨᓇᓐ ᒪᒃ ᒋᐱᒪᒋᐃᐛᐅᓐ᙮
\b
\s2 Psalm 85:1-2, 8-13 (Advent-2 Year B)
\s2 Psalm 85:8-13 (Proper-10 Year B)
\q1
\v 8 ᓂᑭ ‍ ᓂᑐᑕᓐ ᒐ ‍ ᐃᔅᒋᔄᒂ ᒋᓴᒪᓂᑐᐤ ᑎᐸᔨᒋᒐᓱᐤ:
\q2 ᐛᔅ ᒋᔭᒪᔨᑎᒧᐅᓂᔪᐤ ᒋᑭ ‍ ᐊᔨᒧᑎᒧᐛᐤ ᐅᑦ ᐃᔨᒪ, ᑭᔭ ᐅ ᐸᔭᒋᓯᒪ:
\q2 ᐊᑯᔅ ᒪᒃ ᐊᑲᐎᔾ ᒥᓐ ᒋᑭ ‍ ᒋᐛᐅᒡ ᑭᒐᐸᑎᓯᐅᓂᒡ ᐃᔅ᙮
\q1
\v 9 ᒐᔅᑎᓇᔅ ᐸᔄᐸᑎᒥᔪᐛ ᐅᐱᒪᒋᐃᐛᐅᓐ ᐊᓂᔭᔪᐛ ᑲ ‍ ᓇᓂᒋᔅᑕᑯᑦ;
\q2 ᒋᔅᑕᔨᑕᑯᓱᐅᓐ ᒐᒋ ᐎᒋᒥᑭᓐ ᒋᑦ ᐊᔅᒋᓇᒡ᙮
\b
\q1
\v 10 ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ ᒋ ‍ ᓂᒋᔅᑲᑐᒥᑭᓇ;
\q2 ᑯᐃᔅᑯᑕᑎᓯᐅᓐ ᑭᔭ ᒋᔭᒪᔨᑎᒧᐅᓐ ᒋ ‍ ᐅᒐᒥᑐᒥᑭᓇ᙮
\q1
\v 11 ᑕᑈᐅᓐ ᒋᑭ ᐸᒋ ‍ ᓴᒋᑎᓐ ᐊᔅᒋᒡ;
\q2 ᑭᔭ ᑯᐃᔅᑯᑕᑎᓯᐅᓐ ᒋᒋᒋᓯᑯᒡ ᒋᑭ ᐅᒋ ‍ ᐃᑕᐱᒥᑭᓐ᙮
\q1
\v 12 ᓂᐦᐃ, ᑎᐸᔨᒋᒐᓱᐤ ᒋᑭ ‍ ᒥᔨᐛᐤ ᑲ ‍ ᒥᔽᓯᔨᒡ;
\q2 ᑭᔭ ᒋᑦ ᐊᔅᒋᓄᐤ ᒋᑭ ‍ ᒥᔽᒥᑭᓐ ᑲ ᒥᔪ ‍ ᓂᑕᐅᒋᒋ᙮
\q1
\v 13 ᑯᐃᔅᑯᑕᑎᓯᐅᓂᔪᐤ ᒋᑭ ‍ ᓂᑲᓄᑕᑯᐤ;
\q2 ᑭᔭ ᒋᑭ ‍ ᓂᐳᐎᐃᑯᓄᐤ ᐊᓐᑕ ᐊᑎ ‍ ᑕᑕᐧᑯᔅᒐᑦ᙮
\c 86
\s2 Psalm 86:1-10, 16-17 (Proper-7 Year A)
\q1
\v 1 ᓇᐃᑎᔅᑕ ᒋᑐᑭᔾ, ᐅ ᑎᐸᔨᒋᒐᓱᐤ, ᓂᑐᑐᐎ;
\q2 ᐛᔅ ᓂ ‍ ᒋᔅᑎᒪᑎᓯᓐ ᑭᔭ ᓂ ‍ ᐛᐛᓇᔨᑕᓐ᙮
\q1
\v 2 ᑭᓄᐛᔨᒻ ᓂᑦ ᐊᒐᐧᒄ;
\q2 ᐛᔅ ᓂ ‍ ᐸᔭᒋᓯᓐ, ᐱᒪᒋ ᒋᑦ ᐊᑐᔅᒐᔭᑭᓐ ᑲ ‍ ᒪᒥᓯᑐᑕᔅᒃ᙮
\q1
\v 3 ᒋᔅᑎᒪᒐᔨᒥ, ᐅ ᑎᐸᔨᒋᒐᓱᐤ;
\q2 ᐛᔅ ᐊᓯᑯᒻ ᒋᓯᑲᐛ ᒋ ‍ ᒧᔅᑯᐛᑎᑎᓐ᙮
\q1
\v 4 ᒧᒐᔨᑎᒥᔨᒻ ᐅᑦ ᐊᒐᒂ ᒋᑦ ᐊᑐᔅᒐᔭᑭᓐ;
\q2 ᐛᔅ ᒋᔾ, ᐅ ᑎᐸᔨᒋᒐᓱᐤ, ᒋᑦ ᐅᐱᓇᒪᑎᓐ ᓂᑦ ᐊᒐᐧᒄ᙮
\b
\q1
\v 5 ᐛᔅ ᒋᔾ, ᑎᐸᔨᒋᒐᓱᐤ, ᒋ ‍ ᒥᔽᑎᓯᓐ, ᑭᔭ ᒋ ᐎ ‍ ᐛᐸᔨᑎᒪᒐᓐ;
\q2 ᑭᔭ ᒋ ‍ ᐛᔪᒡ ᒋᔅᑎᒪᒐᔨᒪᐅᒡ ᒥᓯᐛ ᑲ ‍ ᓇᓂᑐᒥᔅᒡ᙮
\q1
\v 6 ᓂᑐᑕ, ᐅ ᑎᐸᔨᒋᒐᓱᐤ, ᓂᑦ ᐊᔭᒥᐊᐅᓐ;
\q2 ᑭᔭ ᐱᓯᒋᑕ ᓂᓂᑐᑎᒪᒐᐅᓇ᙮
\q1
\v 7 ᐊ ‍ ᒋᓯᑲᒡ ᐊᔨᒥᓯᔭᓇ ᒋᑭ ‍ ᓇᓂᑐᒥᑎᓐ;
\q2 ᐛᔅ ᒋᑭ ‍ ᓂᔅᑯᒥᓐ᙮
\b
\q1
\v 8 ᐊ ‍ ᑕᓯᒡ ᒥᓂᑐᐅᒡ ᓇᒪᐎᔾ ᐛᐛᒡ ᐸᐃᒄ ᒋ ‍ ᓂᔅᐱᑕᒄ, ᐅ ᑎᐸᔨᒋᒐᓱᐤ;
\q2 ᓇᒪ ᑎᒂᓐ ᑭᔭ ᐊᑐᔅᒐᐅᓐ ᒧᔭᒻ ᒋᔾ ᒋᑦ ᐊᑐᔅᒐᐅᓐ᙮
\q1
\v 9 ᒥᓯᐛ ᑲ ‍ ᑕᑐᔅᑲᓇᓯᒡ ᐃᔪᒡ ᑲ ‍ ᐅᓯᐊᑥᐤ ᒋᑭ ᐅᒋᒋᑯᓂᐱᔅᑕᑯᒡ, ᐅ ᑎᐸᔨᒋᒐᓱᐤ;
\q2 ᑭᔭ ᒋᑭ ‍ ᒋᔅᑕᔨᑕᑯᑕᐅᒡ ᒋᑦ ᐃᓯᓂᐧᑲᓱᐅᓂᔪᐤ᙮
\q1
\v 10 ᐛᔅ ᒋ ‍ ᒋᔅᑎᓯᓐ, ᑭᔭ ᒋ ‍ ᒪᒥᔅᑲᒡ ᐊᐃᑎᓐ:
\q2 ᒋᔾ ᒥᒄ ᒋ ‍ ᒋᓴᒪᓂᑐᐅᓐ᙮
\b
\q1
\v 11 ᒋᔅᑯᑎᒧᐎ ᒋᑦ ᐃᓯᑥᐅᓐ, ᐅ ᑎᐸᔨᒋᒐᓱᐤ;
\q2 ᓂᑭ ‍ ᐱᒧᑕᓐ ᒋᑕᑈᐅᓂᒡ:
\q2 ᐃᓯᓇᑯᑕ ᓂᑕᐃ ᒐᒋ ᓇᓂᒋᔅᑎᒪᓐ ᒋᑦ ᐃᓯᓂᐧᑲᓱᐅᓐ᙮
\q1
\v 12 ᒋᑭ ‍ ᒪᒥᒋᒥᑎᓐ, ᐅ ᑎᐸᔨᒋᒐᓱᐤ, ᓂᒋᓴᒪᓂᑐᒻ, ᒥᓯᐛ ᓂᑕᐃᒡ:
\q2 ᑭᔭ ᓂᑭ ‍ ᒋᔅᑕᔨᑕᑯᑕᓐ ᒋᑦ ᐃᓯᓂᐧᑲᓱᐅᓐ ᑲᒋᒡ᙮
\q1
\v 13 ᐛᔅ ᓇᔅᒡ ᒋ ‍ ᐛᐸᑎᔨᓐ ᒋᒋᔅᑎᒪᒐᔨᒋᒐᐅᓐ;
\q2 ᑭᔭ ᔅᒋ ‍ ᐎᐧᑯᒋᐊᐤ ᓂᑦ ᐊᒐᐧᒄ ᒋᐱᐃᒋᐛᐱᒡ ᐅᒡ᙮
\b
\q1
\v 14 ᐅ ᒋᓴᒪᓂᑐᐤ, ᑲ ‍ ᒋᔅᑕᔨᒧᒡ ᓂᒋ ‍ ᐱᓯᑯᔅᑕᑯᒡ,
\q2 ᑭᔭ ᐊ ‍ ᒪᐛᒋᐃᑐᒡ ᑲ ‍ ᐊᒂᑎᓯᒡ ᐃᔪᒡ ᒋ ‍ ᓇᓂᑐᐛᔨᒪᐅᒡ ᓂᑦ ᐊᒐᒂ;
\q2 ᓇᒪ ᒪᒃ ᒋ ᐅᒋ ᑎᔨᑯᒡ ᐅᑎᔅᑯᐤ ᐅᔅᒋᓯᑯᐛᒡ᙮
\q1
\v 15 ᒪᒃ ᒋᔾ, ᐅ ᑎᐸᔨᒋᒐᓱᐤ, ᒋ ‍ ᒋᓴᒪᓂᑐᐅᓐ ᑲ ‍ ᓴᑭᔅᒋᓇᔅᑲᑯᔨᓐ ᒋᔅᑎᒪᒐᔨᒋᒐᐅᓐ, ᑭᔭ ᑲ ‍ ᒋᓴᐛᑎᓯᔨᓐ;
\q2 ᐊ ‍ ᓯᐱᔨᐛᓯᔨᓐ, ᑭᔭ ᐊ ‍ ᐛᔪᑎᓯᔨᓐ ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ᙮
\s2 Psalm 86:1-10, 16-17 (Proper-7 Year A)
\q1
\v 16 ᐅ ᒂᔅᒋᑲᐳᔅᑐᐎ, ᒋᔅᑎᒪᒐᔨᒥ ᒪᒃ,
\q2 ᒋᒥᔅᑯᐅᓯᐅᓂᔪᐤ ᒥᔾ ᒋᑦ ᐊᑐᔅᒐᔭᑭᓐ,
\q2 ᑭᔭ ᐱᒪᒋᐃᒻ ᐅᑯᓯᓴ ᒋᑦ ᐃᔎᐤ ᐊᑐᔅᒐᔭᑭᓂᒻ᙮
\q1
\v 17 ᐛᐸᑎᔨ ᑲ ‍ ᒥᔽᓯᒡ ᒋᔅᒋᓄᐛᒋᒋᑭᓐ;
\q2 ᐊᓐᒡ ᑲ ‍ ᐛᐧᑲᓯᒡ ᒐᒋ ᐛᐸᑕᒡ, ᑭᔭ ᒐᒋ ᓯᓴᒂᔨᒧᒡ,
\q2 ᐛᔅ ᒋᔾ, ᑎᐸᔨᒋᒐᓱᐤ, ᔅᒋ ‍ ᐎᒋᐃᓐ, ᑭᔭ ᔅᒋ ‍ ᒥᔽᔨᒧᐃᔨᓐ᙮
\c 87
\q1
\v 1 ᐅᑕᑕᐱᔅᑲᐃᑭᓐ ᑎᒂᓂᔪᐤ ᐸᔭᒋ-ᐱᔅᑯᑎᓇᒡ᙮
\q1
\v 2 ᑎᐸᔨᒋᒐᓱᐤ ᐊᔪᐛᒃ ᓴᒋᑕᐤ ᓴᐃᔭᓐ ᒋᒋᐃᔎᑕᒥᔪᐤ ᐃᔅᐱᔅ ᒥᓯᐛ ᐎᒋᔨᐛ ᒐᑭᐸ᙮
\q1
\v 3 ᒋᔅᑕᔨᑕᑯᓯᐤ ᒐᒂᓇ ᒋᑦ ᐃᑕᒋᒥᑯᐅᓐ, ᐅ ᐅᑦ ᐃᑕᐅᓐ ᒋᓴᒪᓂᑐᐤ᙮
\q1
\v 4 ᓂᑭ ‍ ᐊᔨᒧᑎᒪᐛᐅᒡ ᕋᐊᑉ ᑭᔭ ᐸᐱᓗᓐ ᐊᓐᒡ ᑲ ‍ ᒋᔅᒐᔨᒥᒡ:
\q2 ᐛᐸᑎᒥᒄ ᐱᓕᔅᑕᐃᓐ, ᑭᔭ ᑕᐃᕐ, ᐊᓯᒡ ᐃᑎᔪᐱᔭ;
\q2 “ᐅ ᐃᔪᐤ ᐊᓐᑕ ᒋ ‍ ᓂᑕᐅᒍᐤ᙮”
\b
\q1
\v 5 ᑭᔭ ᓴᐃᔭᓐ ᐅᒋ ᒋᑭ ‍ ᐃᓇᓄᐤ, “ᐅ ᑭᔭ ᐊᓐ ᐃᔪᐤ ᐊᑯᑕ ᑲ ‍ ᓂᑕᐅᒋᑦ:”
\q2 ᑭᔭ ᑲ ‍ ᒪᐅᒡ ᒋᔅᑎᓯᑦ ᒋᑭ ‍ ᐊᔨᑕᐤ᙮
\q1
\v 6 ᑎᐸᔨᒋᒐᓱᐤ ᒋᑭ ‍ ᐃᑕᒋᑎᒻ, ᐃᔅᐱ ᐊᒋᒪᒐ ᐃᔪᐛ, “ᐅ ᐃᔪᐤ ᐊᑯᑕ ᐊᒋ ‍ ᓂᑕᐅᒋᑦ᙮”
\q1
\v 7 ᑲ ‍ ᓂᑭᒧᓯᒡ ᑭᔭ ᐅᔍᐛᐱᒋᒐᐅᒡ ᐊᑯᑕ ᒐ ‍ ᐃᑕᒡ:
\q2 “ᒋᔾ ᐅᒋᐱᔪᐛ ᒥᓯᐛ ᓂᒧᔅᒋᒋᐅᓇ᙮”
\c 88
\q1
\v 1 ᐅ ᑎᐸᔨᒋᒐᓱᐤ ᒋᓴᒪᓂᑐᐤ ᐛᒋᐱᔨᒡ ᓂᐱᒪᒋᐃᑯᓯᐅᓐ,
\q2 ᐊ ‍ ᒋᓯᑲᒡ ᑭᔭ ᐊ ‍ ᑎᐱᔅᑲᒡ ᔅᒋ ‍ ᒧᔅᑯᐛᑕᑎᓐ᙮
\q1
\v 2 ᐊᑯᔅ ᓂᑦ ᐊᔭᒥᐊᐅᓐ ᒋᑭ ‍ ᐅᑎᔅᑲᐎᔅᑲᑯᓐ:
\q2 ᓄᑐᑕ ᓂᒧᔅᑯᐛᓱᐛᐅᓐ᙮
\b
\q1
\v 3 ᐛᔅ ᓂᑦ ᐊᒐᐧᒄ ᓴᑭᔅᒋᓇᔅᑲᑯᐤ ᐊᔨᒥᓯᐅᓂᔪᐤ,
\q2 ᑭᔭ ᓂᐱᒪᑎᓯᐅᓐ ᐸᒋ ‍ ᐃᔅᐱᔪᐤ ᒋᐱᐃᒋᐛᐱᒡ ᐃᓯ᙮
\q1
\v 4 ᓂᑦ ᐊᓯᑕᒋᒥᑯᐅᓐ ᐊᓐᒡ ᑲ ‍ ᓂᑕᑐᐎᒡ ᐛᑎᑯᓂᒡ:
\q2 ᓂ ‍ ᓇᔅᐱᑐᐛᐤ ᐃᔪᐤ ᐊᑲ ᐅᒥᔅᑯᐅᓯᐅᓂᑦ;
\q1
\v 5 ᐊ ‍ ᑎᐸᔨᒥᓱᔭᓐ ᒧᔭᒻ ᑲ ‍ ᓂᐱᒡ,
\q2 ᒧᔭᒻ ᑲ ‍ ᓂᐸᐊᑭᓄᐅᒡ ᑲ ‍ ᐱᒥᓯᒡ ᒋᐱᐃᒋᐛᐱᒡ,
\q1 ᒐ ᐊᑲ ᓴᔅ ᒋᔅᒋᑐᐅᑥᐤ:
\q2 ᑲ ‍ ᒋᒥᓱᑯᒡ ᒋᑎᒋᔪᐤ᙮
\b
\q1
\v 6 ᔅᒋ ‍ ᐱᒥᓯᒥᓐ ᒪᐅᒡ ᐊᔭᐅᓇᑲᑕᒡ ᐛᑎᑲᓐ,
\q2 ᐊᐅᑲᔅᑕᔭᒡ ᐊᓐᑕ ᐊ ‍ ᒋᔅᑲᔪᐛᒡ᙮
\q1
\v 7 ᒋᑦ ᐊᐧᑯᔪᐛᓱᐅᓐ, ᓂ ‍ ᑯᓯᑯᒪᒋᑕᓐ,
\q2 ᑭᔭ ᔅᒋ ‍ ᑯᒂᑕᒋᐃᓐ ᒥᓯᐛ ᒋ ‍ ᒪᒪᐧᑲᐊᓂᒥᒡ ᐅᒡ᙮
\q1
\v 8 ᔅᒋ ‍ ᔭᐛᐸᑎᔨᓐ ᓂᐎᒐᐛᑭᓐᒡ;
\q2 ᔅᒋ ‍ ᐃᓯᔨᓐ ᒐᒋ ᐎᓇᐃᒥᒡ:
\q2 ᓂ ‍ ᒋᐸᐅᑯᐅᓐ, ᓇᒪ ᒪᒃ ᓂᑭ ᐸᒋ ‍ ᐎᐎᓐ᙮
\q1
\v 9 ᓇᒪ ᐊ ‍ ᒪᒂᐃᑎᒪᓐ:
\q2 ᑎᐸᔨᒋᒐᓱᐤ, ᒧᓯᓇᐤ ᔅᒋ ‍ ᓇᓂᑐᒥᑎᓐ,
\q2 ᔅᒋ ‍ ᓱᐅᓂᔅᒐᔨᔅᑕᑎᓐ᙮
\b
\q1
\v 10 ᒋᑭ ‍ ᐛᐸᑎᔭᐅᒡ ᐊ ᒪᒥᔅᑲᒡ ᐃᑐᐅᓇ ᑲ ‍ ᓂᐱᒡ ?
\q2 ᑲ ‍ ᓂᐱᒡ ᐊ ᒋᑭ ‍ ᐅᓂᔅᑲᐅᒡ ᒐᒋ ᒪᒥᒋᒥᔅᒡ ?
\q1
\v 11 ᒋᑭ ‍ ᐎᑕᑭᓄᐤ ᐊ ᒋᓴᒋᐃᐛᐤ ᒋᓴᐛᑎᓯᐅᓐ ᒋᐱᐃᒋᐛᐱᒡ ?
\q2 ᑭᔭ ᒪᒃ ᒋᑯᐃᔅᑯᑐᐅᓐ ᓂᓱᐅᓇᑎᓯᐅᓂᒡ ?
\q1
\v 12 ᒋᑭ ‍ ᒋᔅᒐᔨᑕᑯᓇ ᐊ ᒋᒪᒥᔅᑲᒡ-ᐃᑐᐅᓇ ᐊᓐᑕ ᐊ ‍ ᐅᓂᑎᐱᔅᑲᒡ ?
\q2 ᑭᔭ ᒋᑯᐃᔅᑯᑕᑎᓯᐅᓐ ᐅᓂᒋᔅᒋᓯᐤ ᐊᔅᒋᒡ ?
\b
\q1
\v 13 ᒪᒃ ᒋᔾ ᔅᒋ ‍ ᒧᔅᑯᐛᑎᑎᓐ, ᐅ ᑕᐸᔨᒋᒐᔭᓐ;
\q2 ᒋᔭᒋᓴᐸᔭᒋ ᒪᒃ ᓂᑦ ᐊᔭᒥᐊᐅᓐ ᒋᑭ ‍ ᐸᒋ ‍ ᐅᑎᔅᑲᐎᔅᑲᑯᓐ᙮
\q1
\v 14 ᑎᐸᔨᒋᒐᓱᐤ, ᑕᓇᒡ ᐛᒋ ‍ ᐛᐱᓂᑦ ᓂᑦ ᐊᒐᐧᒄ ?
\q2 ᑕᓇᒡ ᐛᒋ ‍ ᑲᓱᔅᑐᐎᔨᓐ ?
\b
\q1
\v 15 ᓂ ‍ ᒪᒂᐃᑕᓐ ᑭᔭ ᒐᑲᑦ ᓂ ‍ ᓂᐱᓐ ᑲ ᐃᔅᐱᔅ ᐸᒋ ‍ ᐅᔅᒋᓂᒋᓱᔭᓐ:
\q2 ᒪᒂᒡ ᐊ ‍ ᐎᓴᑲᒪᒋᑕᔭᓐ ᒋ ‍ ᑯᔅᑕᒋᐃᐛᐅᓇ ᓂ ‍ ᐛᐛᓇᔨᑕᓐ᙮
\q1
\v 16 ᒋᑦ ᐊᒂᑎᓯᐤ ᐊᐧᑯᔪᐛᓱᐅᓐ ᓂ ‍ ᐸᓯᒋᐸᔨᔅᑕᑯᓐ;
\q2 ᒋ ‍ ᑯᔅᑕᒋᐃᐛᐅᓇ ᓂᒋ ‍ ᒥᓱᑯᓐ᙮
\q1
\v 17 ᒧᓯᓇᐤ ᓂᑭ ᐸᒋ ‍ ᐛᔅᑲᔅᑲᑯᒡ ᒧᔭᒻ ᓂᐱᔾ;
\q2 ᓂᒋ ‍ ᒪᒧᐤ ᐛᔅᑲᔅᑲᑯᒡ᙮
\q1
\v 18 ᓂᓴᒋᐊᑭᓐ ᑭᔭ ᓂᐎᒐᐛᑭᓐ ᐛᔪᐤ ᔅᒋ ‍ ᐃᒐᓂᒧᐅᓐ, ᑭᔭ ᓂᒋᔪᐛᒪᑭᓐᒡ ᐊᓐᑕ ᐊ ‍ ᐅᓂᑎᐱᔅᑲᔨᒡ᙮
\c 89
\q1
\v 1 ᓂᑭ ‍ ᓂᑭᒧᑎᒺᓐ ᑎᐸᔨᒋᒐᓱᐤ ᐅᓱᐛᔨᒋᒐᐅᓐ ᑲᒋᒡ:
\q2 ᓂᑐᓂᒡ ᓂᑭ ᐅᒋ ‍ ᒋᔅᒐᔨᑎᒥᐊᐅᒡ ᒋᑯᐃᔅᑯᑐᐅᓂᔪᐤ ᒥᓯᐛ ᒐ ᐊᑎ ᐊᓂᔅᒐ ‍ ᐱᒪᑎᓯᒡ᙮
\q1
\v 2 ᐛᔅ ᓂᒋ ‍ ᐃᔅᒋᔄᓐ, “ᒋᔅᑎᒪᒐᔨᒋᒐᐅᓐ ᑲᒋᒡ ᒋᑭ ‍ ᒋᒥᑕᑭᓄᐤ;
\q2 ᒋᑯᐃᔅᑯᑐᐅᓐ ᒋᑭ ‍ ᐊᔨᑎᔅᑕᓐ ᒋᒋᒋᓯᑯᒡ᙮”
\b
\q1
\v 3 “ᓂᒋ ᐎᒋ ‍ ᓂᔅᑯᒪᐤ ᓂᐅᐛᔭᐱᒪᑭᓐ,
\q2 ᓂ ᒋᒋ ‍ ᐃᑕᐤ ᑎᐱᑦ ᓂᑦ ᐊᑐᔅᒐᔭᑭᓐ,
\q1
\v 4 ‘ᒋᑦ ᐊᐛᓯᒥᓯᒡ ᓂᑭ ‍ ᐊᔨᒋᐊᐅᒡ ᑲᒋᒡ,
\q2 ᑭᔭ ᒐ ᐊᑎ ᐊᓂᔅᒐ ‍ ᐱᒪᑎᓯᓇᓄᐅᒡ᙮’ ”
\b
\q1
\v 5 ᒋᓯᒂ ᑭᔭ ᒋᑭ ‍ ᒪᒥᒋᑐᑕᒧᒪᑭᓇ ᒋᒪᒥᔅᑲᒡ-ᐃᑐᐅᓇ, ᐅ ᑎᐸᔨᒋᒐᓱᐤ;
\q2 ᒋᑯᐃᔅᑯᑐᐅᓐ ᐊᓯᒡ ᐅᒪᐛᒋᐃᑐᐅᓄᐛᒡ ᒋᐸᔭᒋᓯᒥᒡ᙮
\q1
\v 6 ᐛᔅ ᐊᐛᓐ ᒋᒋᒋᓯᑯᒡ ᒐᒋ ‍ ᓇᔅᐱᑐᐛᑦ ᑎᐸᔨᒋᒐᓱᐛ ?
\q2 ᐊᐛᓐ ᒪᒃ ᐊ ‍ ᐃᑎᓯᔨᒋ ᐅᑯᓯᓯᐛᐛ ᑲ ‍ ᓱᐧᑲᑎᓯᒡ ᒐᒋ ‍ ᓇᔅᐱᑐᐛᑦ ᑎᐸᔨᒋᒐᓱᐛ ?
\q1
\v 7 ᒋᓴᒪᓂᑐᐤ ᓇᔅᒡ ᒋᑭ ‍ ᓇᓂᒋᔅᑕᑯᐤ ᑲ ‍ ᒪᐅᒋᐃᑐᔨᒋ ᐅᐸᔭᒋᓱᐛ,
\q2 ᑭᔭ ᒋᑭ ‍ ᒋᔅᑕᔨᒥᑯᐤ ᒥᓯᐛ ᑲ ‍ ᐛᔅᑲᔅᑲᑯᑦ᙮
\q1
\v 8 ᐅ ᑎᐸᔨᒋᒐᓱᐤ ᒋᓴᒪᓂᑐᐤ ᒥᓯᐛ ᐊ ᐃᓯ ‍ ᓱᐧᑲᑎᓯᔨᓐ,
\q2 ᐊᐛᓐ ᐊᔅᐱᔅ ᒥᔅᑯᐅᓯᑦ ᐊ ‍ ᑎᐸᔨᒋᒐᑦ ᒧᔭᒻ ᒋᔾ ?
\q2 ᑭᔭ ᒪᒃ ᒋᑯᐃᔅᑯᑐᐅᓐ ᑲ ‍ ᐛᔅᑲᔅᑲᑯᔨᓐ ?
\b
\q1
\v 9 ᒋ ‍ ᑎᐸᔨᑕᓐ ᐊ ‍ ᑯᔅᑕᑎᒂᒡ ᐎᓂᐸᒄ:
\q2 ᐃᔅᐱ ᒪᒪᐧᑲᐊᒡ, ᒋ ‍ ᒋᐱᒋᑕᓐ᙮
\q1
\v 10 ᔅᒋ ‍ ᐱᒂᐊᓐ ᕋᐊᑉ, ᒧᔭᒻ ᐊᐛᓐ ᑲ ‍ ᓂᐸᐊᑭᓄᐅᑦ;
\q2 ᔅᒋ ‍ ᐛᓴᔄᑎᓴᐛᐅᒡ ᑲ ‍ ᐛᐧᑲᑎᔅᒡ ᑲ ‍ ᒥᔅᑯᐛᒡ ᒋᔅᐱᑐᓐ ᐅᒡ᙮
\q1
\v 11 ᒋᓯᒂ ᒋ ‍ ᑎᐱᔨᐛᐅᓯᓐ, ᐊᔅᒋᔾ ᑭᔭ ᒋ ‍ ᑎᐱᔨᐛᐅᓯᓐ:
\q2 ᒥᓯᑕᔅᑲᒥᒡ, ᑭᔭ ᐊ ᐃᓯ ‍ ᓴᑭᔅᒋᓇᒡ, ᔅᒋ ‍ ᐎᔨᔅᑕᓐ᙮
\q1
\v 12 ᐊ ‍ ᒋᐛᑎᒡ ᑭᔭ ᐊ ‍ ᓴᐅᓄᐊᒡ ᔅᒋ ‍ ᐅᓯᑕᓐ:
\q2 ᑕᐸᕐ ᑭᔭ ᐦᐊᕐᒧᓐ ᒋᑭ ‍ ᒥᔽᔨᑎᒧᒥᑭᓇ ᒋᑦ ᐃᓯᓂᐧᑲᓱᐅᓂᒡ᙮
\q1
\v 13 ᒋᑭᓄᐛᔨᑕᓐ ᓱᐧᑲᑎᓯᐅ-ᒥᔅᐱᑐᓐ:
\q2 ᒥᔅᑯᐅᓯᒥᑭᓐ ᒋᑎᒋᔾ, ᑭᔭ ᐃᔅᐸᐤ ᒋᒥᔪᐅᓐ᙮
\b
\q1
\v 14 ᑲ ‍ ᐎᓱᐛᐛᔨᑕᒂᒡ ᐃᔅ ᑭᔭ ᐃᑎᔅᑕᐤ ᒋᒋᓴᐅᒋᒪᐅ-ᑕᑎᐳᐛᓂᒡ:
\q2 ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ ᒋᑭ ‍ ᓂᑲᓂᐸᔨᔅᑕᑯᓐ᙮
\q1
\v 15 ᓱᐛᔨᑕᑯᓱᐅᒡ ᐊᓐᒡ ᐃᔪᒡ ᑲ ‍ ᒋᔅᒐᔨᑕᒡ ᒥᔽᑎᒧᐤ ᐸᑕᑯᓱᐅᓂᔪᐤ:
\q2 ᒋᑭ ‍ ᐱᒧᑕᐅᒡ, ᐅ ᑎᐸᔨᒋᒐᓱᐤ ᒋ ‍ ᐛᓯᓱᐧᑲᓱᐅᓂᒡ᙮
\q1
\v 16 ᒋᑦ ᐃᓯᓂᐧᑲᓱᐅᓂᒡ ᒋᑭ ‍ ᒧᒐᔨᑎᒧᒡ ᐃᔅᑭᓐ ᒋᓯᑲᐛ:
\q2 ᑭᔭ ᒋᑯᐃᔅᑯᑕᑎᓯᐅᓂᒡ ᒋᑭ ‍ ᐃᔅᐸᔨᑕᑯᐊᑭᓄᐅᒡ᙮
\q1
\v 17 ᐛᔅ ᒋᔾ ᑲ ᐅᒋ ‍ ᒋᔅᑕᔨᑕᑯᓂᔨᒡ ᐅᒥᔅᑯᐅᓯᐅᓄᐛᐤ:
\q2 ᑭᔭ ᒋᓱᐛᔨᒋᒐᐅᓂᒡ ᓂᑦ ᐊᔅᑭᓂᓇᓐ ᒋᑭ ‍ ᐅᐱᓇᑭᓄᐤ᙮
\q1
\v 18 ᐛᔅ ᑎᐸᔨᒋᒐᓱᐤ ᓂ ‍ ᒋᔅᐸᐛᑎᑯᓇᓐ;
\q2 ᐅᐸᔭᒋᓯᒪ ᐃᔅᕋᐃᓪ ᑭᔭ ᐊᐅᒄ ᓂᒋᓴᐅᒋᒪᒥᓇᓐ᙮
\b
\q1
\v 19 ᐊᑯ ᑲ ‍ ᐃᔨᒥᐊᑦ ᒋᐸᔭᒋᓯᒻ,
\q2 ᔅᒋ ‍ ᐃᔅᒋᔄᓐ ᒪᒃ, “ᓂᒋ ‍ ᒥᔭᐤ ᐎᒋᐃᑯᓯᐅᓂᔪᐤ ᐊᐛᓐ ᑲ ‍ ᓱᐧᑲᑎᓯᑦ, ᓂᒋ ‍ ᐃᔅᐸᔨᑕᑯᐊᐤ ᐊᐛᓐ ᑲ ‍ ᐅᐛᔭᐱᒥᒃ ᐃᔪᐛ ᐅᒡ᙮
\q1
\v 20 ᓂᒋ ‍ ᒥᔅᑯᐛᐤ ᑎᐱᑦ ᓂᑦ ᐊᑐᔅᒐᔭᑭᓐ;
\q2 ᐸᔭᒋ ᐱᒥᔪᐤ ᐅᒋ ᓂᒋ ‍ ᑐᒥᔅᑯᓇᐤ;
\q1
\v 21 ᒋᑭ ‍ ᒥᒋᒥᓂᑯᐤ ᓂᑎᒋᔪᐤ;
\q2 ᒋᑭ ‍ ᒥᔅᑯᐅᐃᑯᐤ ᑭᔭ ᓂᔅᐱᑐᓂᔪᐤ᙮
\q1
\v 22 ᓇᒪᐎᔾ ᓴᐧᑯᒋᐃᑯᐤ ᐅᐧᑲᓱᐛᐛ;
\q2 ᓇᒪ ᑭᔭ ᒋᑭ ‍ ᑯᒂᑕᒋᐃᑯᐤ ᑲ ‍ ᐅᑯᓯᓯᒥᑯᔨᒋ ᒥᒋᑥᐅᓂᔪᐤ᙮
\q1
\v 23 ᓂᑭ ‍ ᓂᒋᐛᐸᐅᒪᐛ ᑲ ‍ ᒪᓯᐃᑯᑦ ᐅᑎᔅᑯᐤ ᐅᑕᔅᑎᒥᐧᑯᒡ,
\q2 ᓂᑭ ‍ ᑯᒂᑕᒋᐃᒪᐛ ᒪᒃ ᑲ ‍ ᐛᐧᑲᑎᑯᑦ᙮
\q1
\v 24 ᒪᒃ ᓂᑯᐃᔅᑯᑐᐅᓂᔪᐤ ᑭᔭ ᓂᒋᔅᑎᒪᒐᔨᒋᒐᐅᓂᔪᐤ ᒋᑭ ‍ ᐎᒐᐅᑯᐤ;
\q2 ᑭᔭ ᓂᑦ ᐃᓯᓂᐧᑲᓱᐅᓂᒡ ᐅᑦ ᐊᔅᑭᓐ ᒋᑭ ‍ ᐅᐱᓇᑭᓄᐎᔪᐤ᙮
\q1
\v 25 ᓂᑭ ‍ ᐃᑎᔅᑕᐛᓐ ᑭᔭ ᐅᑎᒋᔾ ᐎᓂᐸᑯᒡ,
\q2 ᑭᔭ ᐅᒥᔪᐅᓂᒡ ᐊᓐᑕ ᐊ ‍ ᓯᐱᔅᑲᔨᒡ᙮
\q1
\v 26 ᓂᑭ ‍ ᒪᑕᒄ ᐊ ‍ ᐃᓯᑦ, ‘ᒋᔾ ᓄᑕᐎᔾ,
\q2 ᓂᒋᓴᒪᓂᑐᒻ, ᑭᔭ ᒋᔅᑕᐱᔅᒄ ᐛᒋᐱᔨᒡ ᓂᐱᒪᒋᐃᑯᓯᐅᓐ᙮’
\q1
\v 27 ᐊᓯᒡ ᑭᔭ ᓂᑭ ‍ ᐃᓯᐊᐤ ᓂᓂᔅᑎᒧᓴᓐ,
\q2 ᐅᔅᑕ ᐊ ‍ ᐃᔅᐸᔨᑕᑯᓯᑦ ᐃᔅᐱᔅ ᒋᓴᐅᒋᒪᐛ ᐊᔅᒋᒡ᙮
\q1
\v 28 ᓂᒋᔅᑎᒪᒐᔨᒋᒐᐅᓂᔪᐤ ᓂᑭ ‍ ᑭᓄᐛᔨᑎᒧᐛᐤ ᑲᒋᒡ,
\q2 ᑭᔭ ᓂᓂᔅᑯᒥᑐᐅᓂᔪᐤ ᒋᑭ ‍ ᐊᔨᒋᑲᐳᐅᔅᑕᑯᐤ᙮
\q1
\v 29 ᐅᑦ ᐊᐛᓯᒥᓴ ᑭᔭ ᓂᑭ ‍ ᐃᓯᐃᒪᐛ ᒐᒋ ᑕᔨᒋ ᑲᒋᒡ,
\q2 ᑭᔭ ᐅᒋᓴᐅᒋᒪᐤ ᑕᑎᐳᐛᑭᓐ ᒧᔭᒻ ᒋᓯᑯᒡ ᐊ ‍ ᒋᓯᑲᒡ᙮
\b
\q1
\v 30 ᒥᓱᒄ ᐅᑦ ᐊᐛᓯᒥᓴ ᓂᑭᑕᒥᔨᒐᓂ ᓂᑦ ᐃᑎᓱᐛᐅᓂᔪᐤ,
\q2 ᑭᔭ ᐊᑲ ᐱᒧᑕᑎᒥᔨᒐᓂ ᓂᑎᐸᔅᑯᓂᒐᐅᓇ;
\q1
\v 31 ᒥᓱᒄ ᐱᑯᐱᑕᒥᔨᒐᓂ ᓂᑦ ᐃᑎᓱᐛᐅᓇ,
\q2 ᑭᔭ ᐊᑲ ᑭᓄᐛᔨᑎᒥᔨᒐᓂ ᓂᑦ ᐃᑎᓱᐛᐅᓇ;
\q1
\v 32 ᓂᑭ ‍ ᒧᐱᔅᑎᒺᓐ ᐅᐅᓂᑐᑎᒧᐅᓄᐛᐛ ᒥᔅᑎᑯᔪᐤ ᐅᒡ,
\q2 ᑭᔭ ᐅᒥᒐᑎᓯᐅᓄᐛᐛ ᐊ ‍ ᐸᐱᓯᔅᑕᐅᒧᒡ᙮
\q1
\v 33 ᐃᔭᐱᒡ ᒪᒃ ᓂᓴᒋᐃᐛᐤ ᒋᓴᐛᑎᓯᐅᓂᔪᐤ ᓇᒪᐎᔾ ᒋᒋᐛ ᓂᑭ ‍ ᒥᔅᑭᒪᐤ, ᓇᒪ ᑭᔭ ᓂᑭ ‍ ᓇᐃᑎᒺᓐ ᓂᑯᐃᔅᑯᑐᐅᓂᔪᐤ ᒐᒋ ᓄᑕᐱᔨᒡ᙮
\q1
\v 34 ᓂᓂᔅᑯᒥᑐᐅᓐ ᓇᒪᐎᔾ ᓂᑭ ‍ ᐱᑯᓇᓐ,
\q2 ᓇᒪ ᑭᔭ ᓂᑭ ‍ ᐊᒋᑕᓐ ᐊᓂᒪ ᓂᑐᓂᒡ ᑲᒋ ᐅᒋ ‍ ᐎᐎᐱᔨᒡ᙮
\q1
\v 35 ᐸᐃᒂᐤ ᓂᒋ ‍ ᒋᒋᐃᑥᓐ ᓂᐸᔭᒋᓯᐅᓂᒡ ᐅᒡ,
\q2 ᒐ ᐊᑲ ᒋ ᑭᑭᒋᔭᒥᒃ ᑎᐱᑦ᙮
\q1
\v 36 ᐅᑦ ᐊᐛᓯᒥᓴ ᑲᒋᒡ ᒋᑭ ‍ ᑕᔪᐛ,
\q2 ᑭᔭ ᐅᒋᓴᐅᒋᒪᐤ ᑕᑎᐳᐛᑭᓐ ᒧᔭᒻ ᐱᓯᒻ ᐊᐸᑕᔅᑎᒥᐱᓐ᙮
\q1
\v 37 ᒋᑭ ‍ ᐊᔨᑎᔅᑕᑭᓄᐎᔪᐤ ᒧᔭᒻ ᑎᐱᔅᑲᐤ ᐱᓯᒺ,
\q2 ᑭᔭ ᒧᔭᒻ ᑲ ‍ ᑯᐃᔅᑯᑎᑦ ᐅᑎᐸᒋᒧᐤ ᒋᒋᒋᓯᑯᒡ᙮”
\b
\q1
\v 38 ᒪᒃ ᔅᒋ ‍ ᐛᐱᓇᐤ ᑭᔭ ᔅᒋ ‍ ᐱᒂᑕᐤ,
\q2 ᔅᒋ ‍ ᐎᔭᔅᑕᔨᒪᐤ ᒋᑐᒥᔅᑯᓂᑭᓐ᙮
\q1
\v 39 ᔅᒋ ‍ ᓄᑕᐱᔨᑕᐛᓐ ᑲᒋ ‍ ᓂᔅᑯᒥᑦ ᒋᑦ ᐊᑐᔅᒐᔭᑭᓐ:
\q2 ᔅᒋ ‍ ᐊᐱᔅᑕᔨᑕᑯᑕᐛᓐ ᐅᒋᓴᐅᒋᒪᐅᑯᓂᔎᐅᓐ ᒧᔅᑎᔅᑭᒥᒡ ᐊᒋ ᐃᓯ ‍ ᓂᒋᐛᐸᐊᒧᑦ᙮
\q1
\v 40 ᔅᒋ ‍ ᐱᒂᐊᒺᓐ ᒥᓯᐛ ᐅᒪᓂᔅᑲᑎᒂ;
\q2 ᔅᒋ ‍ ᓂᓱᐅᓇᒋᑕᐛᓐ ᑲ ‍ ᒥᔅᑯᐛᐃᒋ ᐅᐛᔅᑲᐃᑭᓂᒪ᙮
\q1
\v 41 ᒥᓯᐛ ᐊᓐᑕ ᑲ ‍ ᐱᒧᑕᔨᒋ ᓂᓱᐅᓇᒋᐃᑯᐎᐛ:
\q2 ᒥᒋᐊᔨᒧᒥᑯᐤ ᑭᔭ ᐎᒡ ᐃᔪᐛ᙮
\q1
\v 42 ᔅᒋ ‍ ᐊᔨᑎᔅᑕᐛᓐ ᐅᒥᔪᓂᔪᐤ ᑲ ‍ ᒪᓯᔨᑯᑦ;
\q2 ᔅᒋ ‍ ᒥᔽᔨᑎᒥᐃᒪᐛ ᒥᓯᐛ ᑲ ‍ ᐛᐧᑲᑎᑯᑦ᙮
\q1
\v 43 ᔅᒋ ‍ ᐊᓯᑕᐛᓐ ᐅᓯᒪᑭᓐ,
\q2 ᓇᒪ ᑭᔭ ᒋ ᐅᒋ ‍ ᓂᐳᐛᐊᐤ ᐊ ‍ ᒪᓯᑐᓇᓄᐎᒡ᙮
\q1
\v 44 ᔅᒋ ‍ ᐳᓂᐸᔨᑕᐛᓐ ᐅᒋᔅᑕᔨᑕᑯᓱᐅᓐ,
\q2 ᑭᔭ ᔅᒋ ‍ ᓂᒋᐛᐸᐊᒺᓐ ᐅᒋᓴᐅᒋᒪᐤ ᑕᑎᐳᐛᑭᓐ ᒧᔅᑎᔅᑭᒥᒡ ᐃᔅ᙮
\q1
\v 45 ᐅᒋᓯᑲᒪ ᐊ ‍ ᐅᔅᒋᓂᒋᐅᑦ ᓇᒪ ᒋ ᐅᒋ ‍ ᒥᒐᑐᑕᐛᓐ;
\q2 ᔅᒋ ‍ ᐊᒂᓇᐛᐤ ᓴᒂᔨᒧᐅᓂᔪᐤ᙮
\b
\q1
\v 46 ᑕᓐ ᐃᔅᐱᔅ ᐊᔅᒄ, ᑎᐸᔨᒋᒐᓱᐤ ?
\q2 ᒧᓯᓇᐤ ᐊ ᒋᑭ ‍ ᑲᓱᓐ ?
\q2 ᒋᑭ ‍ ᐃᔎᓯᒐᒪᑭᓐ ᐊ ᒋᑦ ᐊᐧᑯᔪᐛᓯᐅᓐ ᒧᔭᒻ ᐃᔅᑯᑕᐤ ?
\q1
\v 47 ᒋᔅᒋᓯ ᐊᔅᐱᔅ ᒋ ᑕᒂᒡ ᓂᐱᒪᑎᓯᐅᓐ,
\q2 ᒐᒂᔪᐤ ᐛᒋ ‍ ᓂᑐᐎ ᒋ ᐃᓯ ‍ ᐅᓯᐃᒡ ᒥᓯᐛ ᐃᔪᒡ ?
\q1
\v 48 ᒐᒃ ᐃᔪᐤ ᐊ ‍ ᐱᒪᑎᓯᑦ, ᐊᑲ ᑭᔭ ᒐ ‍ ᐛᐸᑕᐧᒃ ᓂᐳᐅᓂᔪᐤ ?
\q2 ᒋᑭ ‍ ᐱᒪᒋᐊᐤ ᐊ ᐅᑦ ᐊᒐᒂ ᒋᐱᐃᒋᐛᐱᒡ ᐅᒡ ?
\q1
\v 49 ᑎᐸᔨᒋᒐᓱᐤ, ᑕᓐᑕ ᐊᓂᔭ ᐛᔅᑭᒡ ᒋᓴᒋᐃᐛᐅ-ᒋᓴᐛᑎᓯᐅᓇ,
\q2 ᑲᒋ ‍ ᒋᒋ ᐃᑎᑦ ᑎᐱᑦ ᒋᑕᑈᐅᓂᒡ ?
\q1
\v 50 ᒋᔅᒋᓯ, ᑎᐸᔨᒋᒐᓱᐤ, ᐊ ᐃᓯ ‍ ᒪᒋ ‍ ᐃᑕᑭᓄᐅᒡ ᒋᑦ ᐊᑐᔅᒐᔭᑭᓐᒡ;
\q2 ᐊ ᐃᓯ ‍ ᐱᒧᐅᑕᐅᒡ ᓂᐱᔪᒧᐅᓂᒡ ᑲ ᐃᓯ ‍ ᒋᔅᑐᓯᒡ ᒥᓯᐛ ᑲ ‍ ᓱᐧᑲᑎᓯᒡ ᐃᔪᒡ;
\q1
\v 51 ᑲ ᐃᓯ ‍ ᒋᔅᑐᓱᐛᒡ ᑲ ‍ ᐛᐧᑲᑎᔅᒡ;
\q2 ᑲ ᐃᓯ ‍ ᒥᒋᐃᑕᒡ ᒋᑐᒥᔅᑯᓂᑭᓇ ᐊ ‍ ᑕᑕᑯᔅᒐᔨᒋ᙮
\b
\q1
\v 52 ᒋᑭ ᐎ ‍ ᒪᒥᒋᒪᑭᓄᐤ ᑎᐸᔨᒋᒐᓱᐤ ᑲᒋᒡ᙮
\q2 ᐊᒥᓐ, ᑭᔭ ᐊᒥᓐ᙮
\c 90
\ms1 ᒥᓯᓇᐃᑭᓐ 4
\s2 Psalm 90:1-6, 13-17 (Proper-25 Year A)
\q1
\v 1 ᑎᐸᔨᒋᒐᓱᐤ, ᒋᔾ ᐊᐅᒄ ᑲ ‍ ᐎᒋᔭᒡ ᒥᓯᐛ ᑲ ᐸᒋ ᐊᓂᔅᒐ ‍ ᐱᒪᑎᓯᓇᓄᐅᒡ᙮
\q1
\v 2 ᐊᒺᔭ ᐅᒋ ᑎᒂᒋ ᐱᔅᑯᑎᓇᐛ,
\q2 ᐊᒺᔭ ᑭᔭ ᐅᒋ ‍ ᐅᓯᑕᔨᓐ ᐊᔅᒋᔾ ᑭᔭ ᒥᓯᐛ ᒐᒂᓐ ᐊᓐᑕ ᐊ ‍ ᑎᒂᒡ,
\q2 ᒧᔅ ᑲᒋᒡ ᐅᒋ ᑭᔭ ᒧᔅ ᑲᒋᒡ ᐃᓯ ᒋ ‍ ᒋᓴᒥᓂᑐᐅᓐ᙮
\b
\q1
\v 3 ᒋ ‍ ᐃᑐᑐᐛᐤ ᐃᔪᐤ ᒥᓐ ᑲᐤ ᒐ ᐊᑎ ‍ ᐊᓯᔅᒋᐅᑦ;
\q2 ᐊᑯ ᐃᔭᔨᓐ ᒪᒃ, “ᐸᒋ ‍ ᒋᐛᒄ, ᒋᔨᐛᐤ ᐃᔪᐤ ᐊᐛᓯᑎᒄ᙮”
\q1
\v 4 ᐛᔅ ᒐᓯᐱᔪᐛ ᐱᐳᓇ ᒋᔾ ᐊ ᐃᓯ ‍ ᑭᓄᐛᐸᑎᒥᓐ ᒧᔭᒻ ᐅᑕᑯᓯᒡ, ᓴᔅ ᑲ ‍ ᐎᒪᐱᔨᒋ,
\q2 ᑭᔭ ᒧᔭᒻ ᐸᐃᒂᐤ ᐊ ‍ ᐛᒋᐎᓇᓂᐎᒡ ᐊ ‍ ᑎᐱᔅᑲᒡ ᐃᓯᓇᑯᓐ᙮
\q1
\v 5 ᒋᒋᑕᒧᒐᓐ ᔅᑲ ᒥᒄ ᐊ ‍ ᐛᐸᐸᑯᒡ;
\q2 ᒧᔭᒻ ᐊ ‍ ᓂᐸᓂᐅᒡ ᐃᓯᓇᑯᓯᐅᒡ:
\q2 ᒧᔭᒻ ᒪᔅᑯᓱᐛ ᐊ ‍ ᒐᒋᓴᐸᔭᔨᒡ ᑲ ᐸᒋ ‍ ᓂᑕᐅᒋᓂᔨᒋ ᐃᓯᓇᑯᓯᐅᒡ᙮
\q1
\v 6 ᐊ ‍ ᒐᒋᓴᐸᔭᔨᒡ ᒥᑯᒋ ᑲ ᐸᒋ ‍ ᒥᔪᓂᑕᐅᒋᓂᔨᒡ;
\q2 ᐛᑕᑯᓯᒡ ᓴᔅ ᑲ ‍ ᐛᓯᑲᓂᐎᔨᒡ, ᑭᔭ ᐱᐊᔅᑕᔨᒡ᙮
\b
\q1
\v 7 ᐛᔅ ᓂ ‍ ᒪᒋᓐᑎᑯᓇᓐ ᒋᒋᔄᓯᐅᓐ,
\q2 ᑭᔭ ᓂᑦ ᐊᒂᑕᔨᑎᒥᐃᑯᓇᓐ ᐊᓐᑕ ᒋᑦ ᐊᐧᑯᔪᐛᓱᐅᓐ᙮
\q1
\v 8 ᐛᔅ ‍ ᐅᑎᔅᑯᐤ ᐊ ‍ ᐃᑕᔨᓐ ᔅᒋ ‍ ᐊᔅᑕᓐ ᑲ ᐃᓯ ᐊᑲ ‍ ᑯᐃᔅᑯᑐᑎᒪᒡ,
\q2 ᒋᒧᑦ ᓂᒥᒋᑥᐅᓇᓇ ᒪᒃ ᓇᐃᔪᐤ ᒋᔅᒋᓯᑯᒡ ᒋ ‍ ᐛᐸᑕᓐ᙮
\q1
\v 9 ᐛᔅ ᒥᓯᐛ ᓂᒋᓯᑲᒥᓇᓇ ᐊᑎ ᒥᔪᐛᐸᔨᐛ ᐊᔅᒄ ᐊ ‍ ᐊᐧᑯᔪᐛᓯᔅᑐᐅᔭᒡ;
\q2 ᓂ ᐸᒋ ‍ ᐃᔎᐸᔨᑕᓇᓐ ᓂᐱᒪᑎᓯᐅᓇᓇ ᒧᔭᒻ ᐊᑎᔪᐧᑭᓐ ᐊ ‍ ᐎᑕᑭᓄᐅᒡ᙮
\q1
\v 10 ᓂᔄᐅᑕᒡ ᑕᑐᔪᐤ ‍ ᑕᑐᐤ ᐱᐳᓇ ᓂ ‍ ᒥᔨᑯᐅᓇᓐ;
\q2 ᑭᔭ ᒪᒃ ᔭᓇᐤ ᑕᑐᔪᐤ ᐱᐳᓇ ᓂ ‍ ᓱᒋᓯᓇᓂᐎᒡ;
\q1 ᐃᔭᐱᒡ ᐊᓂᔭᔪᐤ ᐛᒋ ‍ ᒪᒪᑕᑯᒧᒡ ᓇᓇᐧᑲᑎᓯᒥᑭᓂᔪᐤ ᑭᔭ ᐊᔨᒥᓯᒥᑭᓂᔪᐤ;
\q2 ᐛᔅ ᐎᐱᒡ ᓇᒪ ᑎᑯᓐ, ᐊᑯ ᐃᔭᒐᐎᔭᒡ᙮
\b
\q1
\v 11 ᐊᐛᓐ ᒐᔅᒐᔨᑕᐧᒃ, ᐊᓯ ‍ ᒋᔅᒐᔨᑕᑭᓄᐅᒡ ᒂᔅᐱᓂᔅᑕᑯᐎᔨᓐ ?
\q2 ᐊᔅᐱᔅ ᓱᒋᓯᒥᑲᒡ ᒋᒋᔄᐛᓯᐅᓐ ᑭᔭ ᒋᑦ ᐊᐧᑯᔪᐛᓱᐅᓐ᙮
\s2 Psalm 90:12-17 (Proper-23 Year B)
\q1
\v 12 ᐃᓯ ᒋᔅᑯᑎᒧᐅᓇᓐ ᒐ ‍ ᐊᒋᑎᒪᒡ ᐊ ‍ ᑕᑎᒋ ᓂᒋᓯᑲᒥᓇᓇ,
\q2 ᒐᒋ ᐊᑎ ‍ ᐃᑈᐧᑲᐅᑕᐊᔭᒡ᙮
\b
\s2 Psalm 90:1-6, 13-17 (Proper-25 Year A)
\q1
\v 13 ᐳᓂ ‍ ᒋᓯᐛᓯᔅᑐᐅᓇᓐ ᐅ ᑎᐸᔨᒋᒐᓱᐤ, ᐊᑯ ᐃᔅᐱᔅ ᐊᑯ ?
\q2 ᐊᑯᔅ ᒪᒃ ᐳᓇᔭᔨᑕ ᑲ ‍ ᐃᑕᔨᒥᔭᒡ ᓂᔭᓐ ᒋᑦ ᐊᑐᔅᒐᔭᑭᓐᒡ᙮
\q1
\v 14 ᐅ ᑕᐸᔨᑎᒧᐃᓇᓐ ᒋᒋᓴᐛᑐᑕᒐᐅᓐ ᒐᒋᓴᐸᔭᒐ:
\q2 ᒐᒋ ᒧᒋᒐᔨᑎᒪᒡ ᑭᔭ ᒐᒋ ᒥᔽᔨᑎᒪᒡ ᒧᔅ ᒐ ‍ ᐃᔅᐱᔅ ᐱᒪᑎᓯᔭᒡ᙮
\q1
\v 15 ᑐᑐᐅᓇᓐ ᒐ ᐃᔅᑯ ‍ ᒥᔽᔨᑎᒪᒡ ᑕᑐᐤ ᒋᓯᑲᐛ ᑲ ᐃᔅᑯ ‍ ᓂᓇᐧᑲᒋᐃᔭᒡ,
\q2 ᑭᔭ ᑕᑐᐤ ᐱᐳᓇ ᑲ ᐃᔅᑯ ‍ ᑭᓄᐛᐸᑎᒪᒡ ᑲ ‍ ᒪᔭᑎᒡ᙮
\q1
\v 16 ᐊᑯᔅ ᒋᑦ ᐃᑐᐅᓂᔪᐤ ᒋᑭ ‍ ᐛᐸᑎᒧᒡ ᒋᑦ ᐊᑐᔅᒐᔭᑭᓐᒡ,
\q2 ᑭᔭ ᒋᒋᔅᑎᓯᐅᓂᔪᐤ ᒋᑭ ‍ ᑎᑯᓂᔪᐤ ᐊ ‍ ᑕᔨᒋ ᐅᑦ ᐊᐛᓯᒥᓱᐛᐛ᙮
\b
\q1
\v 17 ᐊᑯᔅ ᑭᔭ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ ᒋᒋᓴᐛᑎᓯᐅᓐ ᒋᑭ ‍ ᓄᑯᓐ ᓂᔭᓐ ᐊ ‍ ᐃᑕᔭᒡ:
\q2 ᒐᔅᑎᓇᑎᔅᑕ ᒪᒃ ᐊᓐ ᐊᐱᑎᓯᐅᓐ ᑲ ‍ ᐃᑐᑎᒪᒡ ᓂᑎᒋᓇᒡ;
\q2 ᓂᐦᐃ, ᐊᓐ ᐊᐱᑎᓯᐅᓐ ᑲ ‍ ᐃᑐᑎᒪᒡ ᓂᑎᒋᓇᒡ ᒐᔅᑎᓇᑎᔅᑕ᙮
\c 91
\s2 Psalm 91:1-2, 9-16 (Lent-1 Year C)
\q1
\v 1 ᐊᓐ ᑲ ‍ ᐎᒋᑦ ᐅᑲᓱᐅᓂᔨᒡ ᒪᐅᒡ ᒋᔅᑎᓯᔨᒋ,
\q2 ᒋᑭ ‍ ᑕᐤ ᓯᐸ ᐊ ‍ ᑎᑲᔅᑕᓯᓂᔨᒋ ᒪᐅᒡ ᓱᐧᑲᑎᓯᔨᒋ᙮
\q1
\v 2 ᓂᑭ ‍ ᐃᔅᒋᔄᓐ ᑎᐸᔨᒋᒐᓱᐤ ᐅᒡ, “ᐎᔾ ᓂ ‍ ᓇᑎᓯᒧᐅᓐ ᑭᔭ ᓂᓂᑐᐱᔪᐅᒋᐛᑉ;
\q2 ᓂᒋᓴᒪᓂᑐᒻ, ᑲ ‍ ᒪᒥᓯᑐᑐᐅᒄ᙮”
\b
\q1
\v 3 ᒐᔅᑎᓇᔅ ᒋᑭ ‍ ᒥᑕᒂᓇᒪᒄ ᐅᓇᐃᑭᓂᔪᐤ ᐅᑕᐸᒂᐛ,
\q2 ᑭᔭ ᒥᒋ ‍ ᐃᑕᔅᐱᓇᐅᓂᔪᐤ ᐅᒡ᙮
\q1
\v 4 ᒋᑭ ‍ ᐊᒂᓇᐅᒄ ᐅᒥᑯᓇ ᐅᒡ, ᑭᔭ ᓯᐸ ᐅᑎᑎᑭᓂᒡ ᒋᑭ ‍ ᒪᒥᓯᓐ:
\q2 ᐅᑕᑈᐅᓐ ᒋᑭ ‍ ᐅᑦ ᐊᒂᓇᐊᓱᐛᑭᓄᐛᓐ ᑭᔭ ᒋᑭ ‍ ᐊᒂᓇᐱᔅᑯᒧᐛᓐ᙮
\q1
\v 5 ᓇᒪᐎᔾ ᒋᑭ ‍ ᑯᔅᑕᓐ ᑲ ‍ ᑯᔅᑕᑎᒂᒡ ᒪᒂᒡ ᐊ ‍ ᑎᐱᔅᑲᒡ:
\q2 ᓇᒪ ᑭᔭ ᐊᑭᔅᒄ ᑲ ‍ ᐱᒥᐱᔨᑦ ᒪᒂᒡ ᐊ ‍ ᒋᓯᑲᒡ;
\q1
\v 6 ᓇᒪ ᑭᔭ ᐊᐧᑯᐃᑕᔅᐱᓇᐅᓂᒡ ᑲ ‍ ᑎᑯᔅᑭᓐ ᐊᓐᑕ ᐅᓂᑎᐱᔅᒋᓯᐅᓂᒡ,
\q2 ᓇᒪ ᑭᔭ ᓂᓱᐅᓇᑎᓯᐅᓐ ᑲ ‍ ᓂᓱᐅᓇᒋᐃᐛᒥᑭᒡ ᐊ ‍ ᐊᐱᑕᒋᓯᑲᒡ᙮
\q1
\v 7 ᒐᓯᐱᔪᐤ ᐸᓱᒡ ᒋᑭ ‍ ᐸᒋᓯᓄᐅᒡ,
\q2 ᑭᔭ ᐸᐃᑯᔪᐤ ᑕᑥᐤ ᒐᓯᐱᔪᐤ ᒋᒥᔪᐅᓂᒡ;
\q2 ᒪᒃ ᓇᒪᐎᔾ ᒥᒋᒪ ᒋᑭ ‍ ᓇᑎᑯᓐ᙮
\q1
\v 8 ᒥᒄ ᒋᔅᒋᓯᑯᒡ ᒋᑭ ᐅᒋ ‍ ᐛᐸᑕᓐ
\q2 ᒐ ᐃᓯ ‍ ᑎᐸᐊᒪᐛᑭᓄᐅᒡ ᐅᒥᒋᑥᐅᒡ᙮
\b
\s2 Psalm 91:9-16 (Proper-24 Year B)
\s2 Psalm 91:1-2, 9-16 (Lent-1 Year C)
\q1
\v 9 ᐊᒋ ‍ ᐅᐛᑕᐱᒥᑦ ᑎᐸᔨᒋᒐᓱᐤ ᑲ ‍ ᐅᓇᑎᓯᒧᐅᓂᔨᓐ,
\q2 ᒪᐅᒡ ᒋᔅᑎᓯᑦ ᐅᑦ, ᒐᒋ ᐅᑦ ᐃᑕᐅᓂᔨᓐ;
\q1
\v 10 ᓇᒪᐎᔾ ᒐᒂᓐ ᑲ ‍ ᒪᔭᑎᒡ ᒋᑭ ‍ ᐅᑎᑎᑯᓐ,
\q2 ᓇᒪ ᑭᔭ ᒥᒄ ᐊᓐ ᐊᓯᓇᒂᒡ ᐃᑕᔅᐱᓇᐅᓐ ᒥᒋᒪ ᒋᒋᒡ ᒋᑭ ‍ ᐸᒋ ‍ ᐃᑐᑕᒪᑭᓐ᙮
\q1
\v 11 ᐛᔅ ᒋᑭ ‍ ᐃᑎᓱᐛᑕᐤ ᐅᑦ ᐊᓐᒋᓂᒪ ᒐᒋ ᑭᓄᐛᔨᒥᔅᒋᔨᔅᒋ,
\q2 ᒐᒋ ᑭᓄᐛᔨᒥᔅᒋᔨᔅᒋ ᒥᓯᐛ ᒐ ᐃᓯ ‍ ᐸᐸᔨᑐᑕᐅᓇ᙮
\q1
\v 12 ᒋᑭ ‍ ᓯᑐᓂᑯᒡ ᐅᑎᒋᐛᒡ,
\q2 ᒐ ᐊᑲ ᒋ ᐅᑕᒪᐱᔅᒋᓯᑕᓯᓂᔨᓐ᙮
\q1
\v 13 ᒋᑭ ‍ ᑕᑯᔅᑲᑕᐤ ᒥᓯᐱᓱᐤ ᑭᔭ ᒋᓇᐱᒄ:
\q2 ᒥᓯᐱᓯᔅ ᑭᔭ ᒥᔅᑎᒋᓇᐱᒄ ᒋᑭ ‍ ᒪᒪᑯᔅᑯᐛᐅᒡ᙮
\b
\q1
\v 14 “ᐊᒋ ‍ ᓴᒋᐃᑦ, ᓂᑭ ‍ ᐱᒪᒋᐊᐤ:
\q2 ᓂᑭ ‍ ᓇᐃᐱᐊᐤ ᐃᔅᐱᒥᒡ, ᐊᒋ ‍ ᒋᔅᒐᔨᑕᐧᒃ ᓂᑦ ᐃᓯᓂᐧᑲᓱᐅᓂᔪᐤ᙮
\q1
\v 15 ᓂᑭ ‍ ᓇᓂᑐᒥᒄ, ᓂᑭ ‍ ᓂᔅᑯᒪᐤ ᒪᒃ:
\q2 ᓂᑭ ‍ ᐎᒐᐊᐤ ᐊᔨᒥᓯᒐ;
\q2 ᓂᑭ ‍ ᐱᒪᒋᐊᐤ, ᑭᔭ ᓂᑭ ‍ ᒋᔅᑕᔨᒪᐤ᙮
\q1
\v 16 ᓇᐅᔅ ᒐᒋ ᐱᒪᑎᓯᑦ ᓂᑭ ᐅᒋ ‍ ᑕᐸᔨᑎᒥᐊᐤ,
\q2 ᑭᔭ ᓂᑭ ‍ ᐛᐸᑎᔭᐤ ᓂ ‍ ᐱᒪᒋᐃᐛᐅᓂᔪᐤ᙮”
\c 92
\q1
\v 1 ᒥᔽᓯᔪᐤ ᒐᒋ ᓂᓇᔅᑯᒪᑭᓄᐅᑦ ᑎᐸᔨᒋᒐᓱᐤ,
\q2 ᑭᔭ ᐊ ‍ ᓂᑭᒧᓇᓄᐅᒡ ᒐᒋ ᒪᒥᒋᑕᑭᓄᐅᒡ ᒋᑦ ᐃᓯᓂᐧᑲᓱᐅᓐ, ᐅ ᒪᐅᒡ ᒋᔅᑎᓯᔨᓐ:
\q1
\v 2 ᒐᒋ ᓄᑯᑕᑭᓄᐅᒡ ᒋᓴᒋᐃᐛᐤ ᒋᓴᐛᑎᓯᐅᓐ ᒋᔭᒋᓴᐸᔭᒋ,
\q2 ᑭᔭ ᒋᑯᐃᔅᑯᑐᐅᓐ ᑕᑥᐤ ᐊ ‍ ᑎᐱᔅᑲᒡ:
\q1
\v 3 ᒋᔍᐛᐱᒋᑭᓂᒡ ᑲ ‍ ᐸᐃᑯᔪᐛᐸᑲᒧᒡ, ᑭᔭ ᓂᑭᒧᒋᑭᓂᒡ;
\q2 ᐊᓯᑭᓇᔭᐱᔾ ᒋᔍᐛᐱᒋᑭᓂᒡ ᐊ ‍ ᑯᔎᐛᑕᔨᑎᒧ ᐸᑕᑯᓯᒥᑲᒡ᙮
\b
\q1
\v 4 ᐛᔅ ᒋᔾ, ᑎᐸᔨᒋᒐᓱᐤ, ᔅᒋ ‍ ᓯᒋᔭᐃᓐ ᒋᑦ ᐊᑐᔅᒐᐅᓐ ᐅᒡ:
\q2 ᓂᑭ ‍ ᒧᒋᒐᔨᑕᓐ ᒋᑦ ᐊᑐᔅᒐᐅᓂᒡ ᒋᑎᒋᒡ ᑲ ᐅᒋ ‍ ᐃᑐᑎᒥᓐ᙮
\q1
\v 5 ᐅ ᑎᐸᔨᒋᒐᓱᐤ, ᑕᑈ ᒋᔅᑕᔨᑕᑯᓇ ᒋᑦ ᐊᑐᔅᒐᐅᓇ !
\q2 ᑭᔭ ᐊᓯ ‍ ᒪᒥᑐᓇᔨᑎᒥᓐ ᓇᔅᒡ ᒋ ᐎ ‍ ᒥᒋᐛᔨᑕᓐ᙮
\q1
\v 6 ᑲ ‍ ᐊᒂᑎᓯᑦ ᐃᔪᐤ ᓇᒪᐎᔾ ᒋᔅᒐᔨᑎᒻ;
\q2 ᓇᒪ ᑭᔭ ᒋᔎᐧᑲᓐ ᓂᔅᑐᑎᒻ ᐅᔭᔪᐤ᙮
\q1
\v 7 ᐃᔅᐱ ᐅᒥᒋᑥᐅᒡ ᐊ ‍ ᓴᒋᓂᑕᐅᒋᒡ ᒧᔭᒻ ᒥᔅᑯᓯᔭ,
\q2 ᐃᔅᐱ ᑭᔭ ᒥᓯᐛ ᑲ ‍ ᒥᒐᑎᓯᐤ ᐃᑎᒡ ᐊ ‍ ᒥᔽᐱᒪᐅᓯᒡ;
\q2 ᒋᑭ ‍ ᐃᓂᔪᐤ ᒐᒋ ᓂᓱᐅᓇᑎᓯᒡ ᑲᒋᒡ᙮
\b
\q1
\v 8 ᒪᒃ ᒋᔾ, ᑎᐸᔨᒋᒐᓱᐤ, ᒋ ‍ ᒪᐅᒡ ᒋ ‍ ᒋᔅᑎᓯᓐ ᑲᒋᒡ᙮
\b
\q1
\v 9 ᐛᔅ, ᐛᐸᑕ, ᑲ ‍ ᐛᐧᑲᑎᔅᒡ, ᐅ ᑎᐸᔨᒋᒐᓱᐤ,
\q2 ᐛᔅ, ᐛᐸᑕ ᑲ ‍ ᐛᐧᑲᑎᔅᒡ ᒋᑭ ‍ ᓂᓱᐅᓇᑎᓯᐅᒡ;
\q2 ᒥᓯᐛ ᑲ ‍ ᒥᒐᑎᓱᐤ ᐃᑎᒡ ᒋᑭ ‍ ᐛᓯᔄᑎᓴᐛᑭᓄᐅᒡ᙮
\q1
\v 10 ᒪᒃ ᓂᑦ ᐊᔅᑭᓐ ᒋᑭ ‍ ᐃᔅᐸᒐᓄᐤ ᒧᔭᒻ ᐅᑦ ᐊᔅᑭᓇ ᐅᐸᔭᑯᑕᔅᑭᓄᐤ:
\q2 ᓂᑭ ‍ ᑐᒥᔅᑯᓂᑯᐅᓐ ᐅᔅᒋ ᐱᒥᔾ ᐅᒡ᙮
\q1
\v 11 ᓂᔅᒋᓯᑯᒡ ᓂᒋ ᐅᒋ ‍ ᐛᐸᑕᓐ ᐊ ‍ ᐃᑐᑐᐛᑭᓄᐅᒡ ᑲ ‍ ᐛᐧᑲᓯᒡ ᐊ ᐃᓯ ‍ ᓂᑐᐛᔨᑎᒪᓐ,
\q2 ᑭᔭ ᓂᑐᐅᑲᒡ ᓂᒋ ᐅᒋ ‍ ᐸᑕᓐ ᐊ ‍ ᐃᑐᑐᐛᑭᓄᐅᒡ ᐅᒥᒋᑥᐅᒡ ᑲ ‍ ᐱᓯᑯᔅᑐᐅᒡ ᐊ ᐃᓯ ‍ ᓂᑐᐛᔨᑎᒪᓐ᙮
\b
\q1
\v 12 ᐅᑯᐃᔅᑯᑕᑎᓯᐤ ᒋᑭ ᒥᔪ ‍ ᓂᑕᐅᒍᐤ ᒧᔭᒻ ᐸᒪᑎᒄ;
\q2 ᒋᑭ ‍ ᓂᑕᐅᒍᐤ ᒧᔭᒻ ᒪᔅᒋᔅᑲᑎᒄ ᓚᐸᓇᓂᒡ᙮
\q1
\v 13 ᐊᓐᒡ ᑲ ‍ ᐊᔨᒋᑲᐳᐊᑭᓄᐅᒡ ᐅᒥᒋᐛᐱᒥᔨᒡ ᑎᐸᔨᒋᒐᓱᐛ,
\q2 ᒋᑭ ‍ ᐛᔪᒋ ‍ ᓂᑕᐅᒋᐅᒡ ᐅᒪᐛᒋᐃᑐᐅᒋᐛᐱᒡ ᒋᒋᓴᒪᓂᑐᒥᓄᐛ᙮
\q1
\v 14 ᐃᔭᐱᒡ ᒋᑭ ‍ ᒥᓂᓱᐅᒡ ᐊ ‍ ᒋᓴᐃᔪᐅᒡ;
\q2 ᒋᑭ ‍ ᐎᔨᔪᐅᒡ ᑭᔭ ᒋᑭ ‍ ᒥᔪ ‍ ᓂᑕᐅᒋᐅᒡ;
\q1
\v 15 ᒐᒋ ᐛᐸᑎᔨᐛᒡ ᐊ ‍ ᑯᐃᔅᑯᑎᔨᒋ ᑎᐸᔨᒋᒐᓱᐛ:
\q2 ᐎᔾ ᓂᒋᔅᑕᐱᔅᑯᒻ, ᓇᒪ ᑭᔭ ᓇᔅᒡ ᐱᒋᔅᑲᑯᐤ ᒥᒐᑎᓯᐅᓂᔪᐤ᙮
\c 93
\s2 Psalm 93 (Proper-29 Year B)
\q1
\v 1 ᑎᐸᔨᒋᒐᓱᐤ ᑎᐸᔨᒋᒐᐤ;
\q2 ᑎᐸᔨᑎᒻ ᒋᓴᐅᒋᒪᐛᔨᑕᑯᓱᐅᓂᔪᐤ;
\q1 ᑎᐸᔨᒋᒐᓱᐤ ᑎᐸᔨᑎᒻ ᒥᔅᑯᐅᓯᐅᓂᔪᐤ, ᐊᔪᐅᒄ ᑭᔭ ᑲ ‍ ᐱᒂᑕᐅᑐᑕᐧᒃ:
\q2 ᐊᔅᒋᔾ ᑭᔭ ᐊᔨᑎᔅᑕᐤ ᒐ ᐊᑲ ᒋ ᐊᒋᐱᔨᒡ᙮
\q1
\v 2 ᒋᒋᓴᐅᒋᒪᐅ-ᑕᑎᐳᐛᑭᓐ ᐛᔅᑭᒡ ᒋ ᐅᒋ ‍ ᐊᔨᑎᔅᑕᐤ:
\q2 ᑲᒋᒡ ᔅᒋ ᐸᒋ ‍ ᑎᐱᔨᐛᐅᓯᓐ᙮
\b
\q1
\v 3 ᐊ ‍ ᐃᔅᒋᐸᒋ ᒋ ‍ ᐸᑕᑯᓇ, ᐅ ᑎᐸᔨᒋᒐᓱᐤ, ᐊ ‍ ᐃᔅᒋᐸᒋ ᒋ ‍ ᐸᑕᑯᓇ:
\q2 ᐊ ‍ ᐃᔅᒋᐸᒋ ᒋ ‍ ᒪᒪᐧᑲᐊᓇ᙮
\q1
\v 4 ᑎᐸᔨᒋᒐᓱᐤ ᐃᔅᐱᒥᒡ ᐊ ‍ ᑕᑦ ᐃᔨᐛᒄ ᓱᐧᑲᑎᓯᐤ ᐃᔅᐱᔅ ᐊ ‍ ᐸᑕᒂᒋ ᒥᒐᑦ ᓂᐱᔭ,
\q2 ᓂᐦᐃ, ᐃᔅᐱᔅ ᒋᒋ ‍ ᑭᔅᑭᓐᒡ ᐎᓂᐸᑯᒡ᙮
\b
\q1
\v 5 ᒋᑎᐸᒋᒧᐅᓇ ᓇᔅᒡ ᒐᔅᑎᓇᑕᔨᑕᑯᓇ:
\q2 ᐸᔭᒋᓯᐅᓐ ᑲ ‍ ᐃᑎᒂᒡ ᒋᒋᒡ,
\q2 ᐅ ᑎᐸᔨᒋᒐᓱᐤ, ᑲᒋᒡ᙮
\c 94
\q1
\v 1 ᐅ ᑎᐸᔨᒋᒐᓱᐤ ᒋᓴᒪᓂᑐᐤ, ᑲ ‍ ᑎᐱᔨᐛᐅᓯᔨᓐ ᒋᐛ ‍ ᑎᐸᐊᒪᒐᐅᓐ;
\q2 ᐅ ᒋᓴᒪᓂᑐᐤ, ᑲ ‍ ᑎᐱᔨᐛᐅᓯᔨᓐ ᒋᐛ ‍ ᑎᐸᐊᒪᒐᐅᓐ, ᓄᑯᐃᓱᐤ᙮
\q1
\v 2 ᐅᐱᓂᓱᐤ, ᒋᔾ ᑲ ‍ ᑎᐸᔅᑯᓇᒥᓐ ᐊᔅᒋᔾ,
\q2 ᑎᐸᐊᒧᐅᒡ ᐅᒋᔅᑕᔨᒧᐅᒡ᙮
\q1
\v 3 ᑎᐸᔨᒋᒐᓱᐤ, ᑕᓐ ᒐ ‍ ᐃᔅᐱᔅ ᐊᔅᒄ ᐅᒥᒋᑥᐅᒡ,
\q2 ᑕᓐ ᒐ ‍ ᐃᔅᐱᔅ ᐊᔅᒄ ᐅᒥᒋᑕᐛᒡ ᒐ ‍ ᐱᔅᒋᔭᒐᒡ ?
\b
\q1
\v 4 ᑕᓐ ᒐ ‍ ᐃᔅᐱᔅ ᐊᔅᒄ ᐎᑕᒡ ᑭᔭ ᐊᔨᒧᑕᒡ ᑲ ‍ ᐊᔨᒥᓂᔨᒋ ᒐᒂᔪᐛ ?
\q2 ᑭᔭ ᒐ ‍ ᐎᒪᒥᒋᒧᒡ ᒥᓯᐛ ᑲ ‍ ᒥᒐᑎᓱᐤ ᐃᑎᒡ ?
\q1
\v 5 ᐱᓯᓯᒪᐅᒡ ᒋᑦ ᐃᔨᒪ, ᐅ ᑎᐸᔨᒋᒐᓱᐤ,
\q2 ᑭᔭ ᑯᒂᑕᒋᐊᐅᒡ ᑲ ‍ ᑎᐸᔨᒥᑎ᙮
\q1
\v 6 ᓂᐸᐊᐅᒡ ᐃᔎᐛ ᑲ ‍ ᓂᐱᔨᒋ ᐅᓇᐸᒥᔪᐛ ᑭᔭ ᒪᓐᑕᐛ,
\q2 ᑭᔭ ᓂᓱᐅᓇᒋᐊᐅᒡ ᐊᑲ ‍ ᐅᑕᐎᔨᒋ᙮
\q1
\v 7 ᐃᔭᐱᒡ ᒪᒃ ᐃᔅᒋᔄᐅᒡ, “ᑎᐸᔨᒋᒐᓱᐤ ᓇᒪᐎᔾ ᐛᐸᑎᒻ,
\q2 ᑭᔭ ᐅᒋᓴᒪᓂᑐᒪ ᒐᑭᑉ ᓇᒪᐎᔾ ᒋᑭ ‍ ᐃᔭᐱᑕᔨᑎᒻ᙮”
\b
\q1
\v 8 ᓂᔅᑐᑎᒧᒄ, ᒋᔨᐛᐤ ᐛᐧᑲᑎᓯᐤ ᐃᔨᔨᑎᒄ;
\q2 ᑭᔭ ᒋᔨᐛᐤ ᒋᔎᐧᑲᓂᑐᒄ, ᑕᐃᔅᐱ ᒐ ‍ ᑭᒐᑕᐛᔨᑎᒪᒄ ?
\q1
\v 9 ᓇᒪ ᐊ ᒋᑭ ‍ ᐸᑎᒻ ᐊᓐ ᑲ ‍ ᒥᑐᐛᑲᒐᑦ ?
\q2 ᓇᒪ ᐊ ᒋᑭ ‍ ᐛᐸᑎᒻ ᐊᓐ ᑲ ‍ ᒥᔅᒋᓯᑯᒐᑦ ?
\q1
\v 10 ᓇᒪ ᐊ ᒋᑭ ‍ ᒥᔪᑥᐃᐛᐤ ᐊᓐ ᑲ ‍ ᐸᐱᓯᔅᑕᐛᑦ ᐊᑲ ᐊᔭᒥᐊᔨᒋ ?
\q2 ᓇᒪ ᐊ ᒋᑭ ‍ ᒋᔅᒐᔨᑎᒻ ᐊᓐ ᑲ ‍ ᒋᔅᑯᑎᒧᐛᑦ ᐃᔪᐛ ᒋᔅᒐᔨᑎᒧᐅᓂᔪᐤ ?
\q1
\v 11 ᑎᐸᔨᒋᒐᓱᐤ ᒋᔅᒐᔨᑎᒺᐤ ᐅᒪᒥᑐᓇᔨᒋᒐᐅᓂᔪᐤ ᐃᔪᐛ,
\q2 ᓂᑐᐎ ᐊ ‍ ᐃᑕᔨᑕᒂᓂᔨᒋ᙮
\b
\q1
\v 12 ᓱᐛᔨᑕᑯᓱᐤ ᐊᓐ ᐃᔪᐤ ᑲ ‍ ᐸᐱᓯᔅᑕᐅᑦ, ᐅ ᑎᐸᔨᒋᒐᓱᐤ,
\q2 ᑭᔭ ᑲ ‍ ᒋᔅᑯᑎᒧᐅᑦ ᒋᐎᓱᐛᐅᓂᒡ ᐅᒡ;
\q1
\v 13 ᒐᒋ ᒥᔨᑦ ᒐᒋ ᐊᔽᐱᑦ ᐃᔅᐱ ᐊ ‍ ᐊᔨᒥᓯᐤ ‍ ᒋᓯᑲᔨᒐ,
\q2 ᐸᑎᒪ ᒋ ‍ ᒧᓇᐊᒥᒐ ᐊᒂᐃᑕᐛᔅᑲᔨᒡ ᐅᒥᒋᑥᐛ᙮
\q1
\v 14 ᐛᔅ ᑎᐸᔨᒋᒐᓱᐤ ᓇᒪᐎᔾ ᒋᑭ ‍ ᐛᐱᓇᐤ ᐅᑦ ᐃᔨᒪ,
\q2 ᓇᒪ ᑭᔭ ᒋᑭ ‍ ᓂᑭᑕᐤ ᐅᑎᐸᔨᒪᑭᓇ᙮
\q1
\v 15 ᒪᒃ ᑎᐸᔅᑯᓂᒐᐅᓐ ᒋᑭ ‍ ᒋᐛ ᓇᑕᒧᒪᑭᓐ ᑯᐃᔅᑯᑕᑎᓯᐅᓐ,
\q2 ᒥᓯᐛ ᑭᔭ ᑲ ‍ ᑯᐃᔅᑯᑕᐊᒡ ᒋᑭ ‍ ᓇᓴᐊᒧᒡ᙮
\b
\q1
\v 16 ᐊᐛᓐ ᒐ ‍ ᐱᓯᑯᔅᑎᒧᐅᑦ ᐊ ‍ ᓂᔅᑯᔅᑐᐅᒂᐤ ᑲ ‍ ᒥᒋᐃᑎᒡ ?
\q2 ᐊᐛᓐ ᒐ ‍ ᐱᓯᑯᔅᑎᒧᐅᑦ ᐊ ‍ ᓂᔅᑯᔅᑐᐅᒂᐤ ᑲ ‍ ᒥᒐᑎᓯᐤ ᐃᑎᒡ ?
\q1
\v 17 ᒧᔭᒻ ᑎᐸᔨᒋᒐᓱᐤ ᐊᑲ ᒋ ‍ ᐎᒋᐃᑯᐱᓇ,
\q2 ᓂᑦ ᐊᒐᐧᒄ ᓴᔅ ᒐᑲᑦ ᒋᑭ ᒋ ‍ ᒋᐱᑐᐛᐱᓐ᙮
\q1
\v 18 ᐃᔅᐱ ᐊᒋ ‍ ᐃᔅᒋᔄᔭᓐ “ᓂᒋ ‍ ᐃᓯᓯᑕᓯᓐ !”
\q2 ᒋᓱᐛᔨᒋᒐᐅᓐ, ᐅ ᑎᐸᔨᒋᒐᓱᐤ, ᓂᒋ ‍ ᓯᑐᓂᑯᓐ᙮
\q1
\v 19 ᐊᔅᐱᔅ ᒥᒐᒡ ᓂ ‍ ᒥᑐᓇᔨᒋᒐᐅᓇ ᑲ ‍ ᐱᒋᔅᑲᑯᔭᓐ,
\q2 ᒋ ‍ ᒋᒥᔽᔨᒧᐃᐛᐅᓐ ᓂ ‍ ᒥᔽᔨᒥᐃᑯᓐ ᓂᑦ ᐊᒐᐧᑯᒡ᙮
\b
\q1
\v 20 ᒋᑭ ‍ ᐎᒐᐛᑭᓂᑕᑯᓐ ᐊ ‍ ᒥᒐᑎᓱᐤ ᐅᒋᒪᐤ ᑕᑎᐳᐛᑭᓐ,
\q2 ᑲ ‍ ᒪᔭᔨᒋᒐᒥᑲᒡ ᐃᑎᓱᐛᐅᓐ ᐅᒡ᙮
\q1
\v 21 ᒪᒧᐤ ᒪᐛᐅᒋᐃᑐᔅᑕᒪᐅᒡ ᐅᑦ ᐊᒐᐧᑯᔪᐛ ᐅᑯᐃᔅᑯᑕᑎᓯᐛ,
\q2 ᑭᔭ ᓂᓱᐅᓇᒋᑕᐅᒡ ᐸᔭᒋ-ᒥᐧᑯᔪᐤ᙮
\q1
\v 22 ᒪᒃ ᑎᐸᔨᒋᒐᓱᐤ ᓂ ‍ ᒋᔅᐸᐛᑎᒄ;
\q2 ᑭᔭ ᓂᒋᓴᒪᓂᑐᒻ ᐊᐅᒄ ᒋᔅᑕᐱᔅᒄ ᑲ ‍ ᐅᓇᑕᓯᒧᐅᓂᔭᓐ᙮
\q1
\v 23 ᒋᑭ ‍ ᓇᐃᐱᑐᐛᐤ ᑎᐱᔽ ᐅᒥᒐᑎᓯᐅᓂᔨᐛ,
\q2 ᒋᑭ ‍ ᒋᔅᑲᑕᐛᐤ ᒪᒃ ᐅᒥᒋᑥᐅᓄᐛᒡ;
\q2 ᓂᐦᐃ, ᑎᐸᔨᒋᒐᓱᐤ ᒋ ‍ ᒋᓴᒪᓂᑐᒥᓇᐤ ᒋᑭ ‍ ᒋᒥᔄᐤ᙮
\c 95
\s2 Psalm 95 (Lent-3 Year A)
\q1
\v 1 ᐅ ᐊᔅᑎᒧᒄ, ᓱᒃ ᓂᑭᒧᔅᑐᐛᑕᐤ ᑎᐸᔨᒋᒐᓱᐤ:
\q2 ᓇᔅᒡ ᒧᒋᒐᔨᑎᒥᐃᑯᐛᑕᐤ ᐅᓱᐧᑲᑎᓯᐅᓐ ᐊᓐᑕ ᐛᒋᐱᔨᒡ ᒋᐱᒪᒋᐃᐛᐅᓄᐤ᙮
\q1
\v 2 ᐸᒋ ᐅᑎᔅᑯᐎᔅᑯᐛᑕᐤ ᐊ ‍ ᓂᓇᔅᑯᒧᔭᐧᒄ,
\q2 ᑭᔭ ᐊ ‍ ᓂᑭᒧᔭᐧᒄ ᓄᑯᑕᑕᐤ ᐊ ‍ ᓯᒋᔭᓯᔭᐧᒄ ᐎᔭ ᐅᒋ᙮
\b
\q1
\v 3 ᐛᔅ ᑎᐸᔨᒋᒐᓱᐤ ᒋᒋ ‍ ᒋᓴᒪᓂᑐᐅ,
\q2 ᑭᔭ ᒥᓯᐛ ᐊᑎᓯᒡ ᒥᓂᑐᐅᒡ, ᐎᔾ ᒪᐅᒡ ᒋᓴᐅᒋᒪᐅᐤ᙮
\q1
\v 4 ᐅᑎᒋᒡ ᒥᒋᒥᓂᒻ ᒥᓯᐛ ᐊ ‍ ᒧᑕᔭᔨᒡ ᐊᔅᒋᔪᐤ:
\q2 ᑭᔭ ᐊᔅᐱᔅ ᐃᔅᐱᑎᓇᔨᒋ ᐱᔅᑯᑎᓇᐛ ᐎᔾ ᑎᐸᔨᑎᒻ᙮
\q1
\v 5 ᐎᓂᐸᑯᔪᐤ ᐎᔾ ᑎᐱᔨᐛᐅᓯᐤ,
\q2 ᐎᔾ ᑭᔭ ᒋ ‍ ᐅᓯᑕᐤ ᑭᔭ ᐅᑎᒋᒡ ᒋ ᐅᒋ ‍ ᐅᓯᑕᐤ ᐊ ‍ ᐸᒂᔅᑭᒥᑲᔨᒡ᙮
\b
\q1
\v 6 ᐅ ᐊᔅᑎᒧᒄ ᐊᔭᒥᐊᔅᑐᐛᑕᐤ ᑭᔭ ᓇᐛᑲᐳᔅᑐᐛᑕᐤ,
\q2 ᐅᒋᒋᐧᑯᓇᐱᔅᑐᐛᑕᐤ ᑎᐸᔨᒋᒐᓱᐤ ᑲ ‍ ᐅᓯᐃᑕᐧᒄ᙮
\q1
\v 7 ᐛᔅ ᐎᔾ ᐊᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ;
\q2 ᒋᔭᓄᐤ ᒪᒃ ᒋ ‍ ᐅᑦ ᐃᔨᒥᑐᑕᑯᓄᐤ ᐊᓯᒥᑕᐧᒄ,
\q2 ᑭᔭ ᒍᒪᔭᑕᓂᓯᒥᑐᑕᑯᓄᐤ ᑲᓄᐛᔨᒥᑕᐧᒄ᙮
\b
\q1 ᐊᓄᒡ ᒐᓯᑲᒡ, ᐛᐸᑐᐛᒂ ᑲ ‍ ᐃᔨᑦ᙮
\q2
\v 8 ᐊᑲᐎᔾ ᒥᔅᑯᐎᑕᒄ ᒋᑕᐃᐛᐛ,
\q2 ᒧᔭᒻ ᑲ ‍ ᑎᓇᓄᑯᐱᓇ ᐊᓐ ᒐᓯᑲᒡ ᑲ ‍ ᒋᔄᐃᐛᓂᐅᒡ,
\q2 ᑭᔭ ᑲ ‍ ᑯᒂᒋᐃᐛᓄᐅᒡ ᐊᓐᑕ ᐸᐧᑯᑎᔅᑭᒥᑲᒡ:
\q1
\v 9 ᐃᔅᐱ ᒍᑕᐎᐛᐅᒡ ᑲ ‍ ᑯᒂᒋᐃᒡ,
\q2 ᐊᑎᐸᔨᒥᒡ, ᑭᔭ ᑲ ‍ ᐛᐸᑕᒡ ᓂᑦ ᐃᑐᐅᓂᔪᐤ᙮
\q1
\v 10 ᓇᐎᔪᐛᐳᓇ ᓂᒋ ‍ ᒥᑯᔅᑲᑕᔨᑎᒥᐃᑯᒡ ᐅᒡ ᐊᓂᔅᒐ ᑲ ‍ ᐸᒋ ‍ ᐱᒪᑎᓯᒡ, ᓂᒋ ‍ ᐃᔨᓐ ᒪᒃ, “ᐅᒡ ᐃᔪᒡ ᐛᐛᓂᐱᔪᐅᒡ ᐅᑕᐃᐛᒡ,
\q2 ᑭᔭ ᓇᒪ ᒋ ‍ ᒋᔅᒐᔨᑎᒧᒡ ᓂᑦ ᐃᓯᑥᐅᓂᔪᐤ᙮”
\q1
\v 11 ᐊᐅᑯᓐᒡ ᐅᒡ ᒋᒋᐛ ᑲ ‍ ᐃᑎᒂᐤ ᐊ ‍ ᐊᐧᑯᔪᐛᓯᔭᓐ,
\q2 “ᒐ ᐊᑲ ‍ ᐅᑎᑕᒡ ᓂᑦ ᐊᔽᓯᐅᓂᔪᐤ᙮”
\c 96
\s2 Psalm 96 (Christmas Year C)
\q1
\v 1 ᐅ ᓂᑭᒧᔅᑕᐧᒄ ᑎᐸᔨᒋᒐᓱᐤ ᐅᔅᒋ ᓂᑭᒧᐅᓂᔪᐤ:
\q2 ᓂᑭᒧᔅᑕᐧᒄ ᑎᐸᔨᒋᒐᓱᐤ, ᒥᓯᐛ ᐊᔅᒋᒡ᙮
\q1
\v 2 ᓂᑭᒧᔅᑕᐧᒄ ᑎᐸᔨᒋᒐᓱᐤ, ᒪᒥᒋᑕᒺᐧᒄ ᐅᑦ ᐃᓯᓂᐧᑲᓱᐅᓐ;
\q2 ᐛᐸᑎᔨᐛᐛᐧᒄ ᐅᐱᒪᒋᐃᐛᐅᓐ ᑕᑥᐤ ᑲᓯᑲᔨᒡ᙮
\q1
\v 3 ᐎᑎᒺᐧᒄ ᐅᒋᔅᑕᔨᑕᑯᓱᐅᓐ ᐊᓐᑕ ᐊ ‍ ᑕᔨᒋ ᐊᑲ ᐊᔭᒥᐊᔨᒋ,
\q2 ᐅᒪᒥᔅᑲᒡ-ᐃᑐᐅᓇ ᐊᓐᑕ ᐊ ‍ ᑕᔨᒋ ᒥᓯᐛ ᐃᔪᐛ᙮
\b
\q1
\v 4 ᐛᔅ ᑎᐸᔨᒋᒐᓱᐤ ᒋᔅᑎᓯᐤ, ᓇᔅᒡ ᑭᔭ ᐃᑕᔨᑕᑯᓱᐤ ᒐᒋ ᒪᒥᒋᒪᑭᓄᐅᑦ;
\q2 ᐊᐛᓯᑕ ᒋᑭ ‍ ᓇᓂᒋᔅᑐᐛᑭᓄᐎᐱᓐ ᐃᔅᐱᔅ ᒥᓯᐛ ᒥᓂᑐᐛ᙮
\q1
\v 5 ᐛᔅ ᒥᓯᐛ ᐅᒥᓂᑐᒧᐛᐛ ᑲ ‍ ᐸᐱᑐᔅ ᐃᑎᔅᑲᓇᓯᒡ ᐃᔪᒡ ᒥᓂᑐᐧᑲᓄᐎᔪᐛ:
\q2 ᒪᒃ ᑎᐸᔨᒋᒐᓱᐤ ᒋ ‍ ᐅᓯᑕᐤ ᒋᓯᒂ᙮
\q1
\v 6 ᒋᔅᑕᔨᑕᑯᓱᐅᓂᔪᐤ ᑭᔭ ᐅᒋᒪᐛᔨᑕᑯᓱᐅᓂᔪᐤ ᐅᑎᔅᑲᐎᔅᑲᑯᐤ:
\q2 ᒥᔅᑯᐅᓯᐅᓂᔪᐤ ᑭᔭ ᒥᔪᓇᑯᓯᐅᓂᔪᐤ ᑎᒂᓂᔪᐤ ᐅᐸᔭᒋ-ᒥᒋᐛᐱᒡ᙮
\b
\q1
\v 7 ᒥᔨᐧᒄ ᑎᐸᔨᒋᒐᓱᐤ, ᐅ ᒋᔨᐛᐤ ᐃᔪᒡ,
\q2 ᒥᔨᐧᒄ ᑎᐸᔨᒋᒐᓱᐤ ᒋᔅᑕᔨᑕᑯᓱᐅᓂᔪᐤ ᑭᔭ ᒥᔅᑯᐅᓯᐅᓂᔪᐤ᙮
\q1
\v 8 ᒥᔨᐧᒄ ᑎᐸᔨᒋᒐᓱᐤ ᒋᔅᑕᔨᑕᑯᓱᐅᓂᔪᐤ ᐊᔅᐱᔅ ᒋᔅᑕᔨᑕᑯᓂᔨᒡ ᐅᑦ ᐃᓯᓂᐧᑲᓱᐅᓐ:
\q2 ᐸᑕᒄ ᐱᔅᑎᓂᒐᐅᓇ, ᐸᒋ ‍ ᐃᑐᑕᒄ ᒪᒃ ᐅᒪᐛᒋᐃᑐᐅᒋᐛᐱᒡ᙮
\q1
\v 9 ᐅᐊᔭᒥᐊᔅᑕᐧᒄ ᑎᐸᔨᒋᒐᓱᐤ ᐊ ᐃᓯ ‍ ᒥᔪᓇᒂᒡ ᐸᔭᒋᓯᐅᓐ:
\q2 ᓇᓂᒋᔅᑕᐧᒄ, ᒥᓯᐛ ᒋᔨᐛᐤ ᐊᔅᒋᒡ᙮
\b
\q1
\v 10 ᐃᑎᐧᑯᒡ ᐊᑲ ᐊᔭᒥᐊᒡ, “ᑎᐸᔨᒋᒐᓱᐛ ᐊ ‍ ᑎᐸᔨᒋᒐᔨᒋ᙮”
\q2 ᐊᔅᒋᔾ ᑭᔭ ᒋᑭ ᐃᓯ ‍ ᐊᔨᑎᔅᑕᑭᓄᐤ;
\q1 ᒐ ᐊᑲ ᒋ ᐊᒋᐱᔨᑕᑭᓂᐅᒡ:
\q2 ᒋᑭ ‍ ᑎᐸᔅᑯᓇᐤ ᐃᔪᐛ ᑯᐃᔅᑯᑕᑎᓯᐅᓂᒡ᙮
\q1
\v 11 ᐊᑯᔅ ᒋᓯᒂ ᒋᑭ ‍ ᒥᔽᑕᒧᒪᑭᓇ, ᐊᑯᔅ ᑭᔭ ᐊᔅᒋᔾ ᒋᑭ ‍ ᓯᒋᔭᓯᒥᑭᓐ;
\q2 ᐊᑯᔅ ᐎᓂᐸᒄ ᒋᑭ ‍ ᒋᔄᐛᒥᑭᓐ ᑭᔭ ᐊ ᐃᓯ ‍ ᓴᑭᔅᒋᓇᒡ᙮
\q1
\v 12 ᐊᑯᔅ ᓂᑕᐅᒋᑕᑭᓐ ᒋᑭ ‍ ᒧᒋᒐᔨᑎᒧᒥᑭᓐ, ᑭᔭ ᒥᓯᐛ ᐊᓐᑕ ᐊ ‍ ᑎᒂᒡ:
\q2 ᐊᑯ ᒥᓯᐛ ᒥᔅᑎᑯᒡ ᓄᒋᒥᒡ ᒐ ‍ ᒥᔽᔨᑕᒡ᙮
\q1
\v 13 ᐅᑎᔅᑯᐤ ᑎᐸᔨᒋᒐᓱᐛ;
\q2 ᐛᔅ ᐸᒋ ᐃᑐᑕᐤ, ᐛᔅ ᐸᒋ ᐃᑐᑕᐤ ᒐᒋ ᑎᐸᔅᑯᓇᐧᒃ ᐊᔅᒋᔪᐤ;
\q2 ᒋᑭ ‍ ᑎᐸᔅᑯᓂᒻ ᐊᔅᒋᔪᐤ ᑯᐃᔅᑯᑕᑎᓯᐅᓂᒡ, ᑭᔭ ᐃᔪᐛ ᑕᑈᐅᓂᒡ᙮
\c 97
\s2 Psalm 97 (Christmas Year B; Easter-7 Year C)
\q1
\v 1 ᑎᐸᔨᒋᒐᓱᐤ ᑎᐸᔨᒋᒐᐤ;
\q2 ᐊᑯᔅ ᐊᔅᒋᔾ ᒋᑭ ‍ ᒧᒋᒐᔨᑎᒧᒪᑭᓐ;
\q2 ᐊᑯᔅ ᑲ ‍ ᒪᒥᒐᒋ ᒥᓂᔅᑎᒂ ᒋᑭ ‍ ᓯᒋᔭᓯᒥᑭᓇ᙮
\b
\q1
\v 2 ᑭᔅᑯᐅᓇ ᑭᔭ ᐅᑲᔅᑕᐅᓂᔪᐤ ᐛᔅᑲᔅᑲᑯᐤ:
\q2 ᑯᐃᔅᑯᑕᑎᓯᐅᓂᒡ ᑭᔭ ᑎᐸᔅᑯᓂᒐᐅᓂᒡ ᐊᔨᑎᔅᑕᔪᐤ ᐅᒋᓴᐅᒋᒪᐤ ᑕᑎᐳᐛᑭᓐ᙮
\q1
\v 3 ᐃᔅᑯᑕᔪᐤ ᓂᑲᓂᐸᔨᔅᑕᑯᐤ,
\q2 ᑭᔭ ᐃᔎᓱᔪᐛ ᑲ ‍ ᐛᐧᑲᑎᑯᑦ ᒥᓯᐛ ᐛᔅᑲ᙮
\q1
\v 4 ᐅ ᐛᔅᑕᐱᔨᒪ ᒋ ‍ ᐛᔅᑕᓂᒪᑯᔪᐛ ᐊᔅᒋᒡ ᐊ ‍ ᑕᔨᒋ:
\q2 ᐊᔅᒋᔾ ᒋ ‍ ᐛᐸᑎᒧᒪᑭᓐ ᑭᔭ ᓇᓇᒥᐱᔪᐤ᙮
\q1
\v 5 ᐱᔅᑯᑎᓇᐛ ᒋ ‍ ᑎᒋᑕᐛ ᒧᔭᒻ ᐱᓴᒂᐃᑭᓐ ᐅᑎᔅᑯᐤ ᑕᐸᔨᒋᒐᑦ,
\q2 ᐅᑎᔅᑯᐤ ᑲ ‍ ᑎᐸᔨᑕᐧᒃ ᒥᓯᐛ ᐊᔅᒋᔪᐤ᙮
\q1
\v 6 ᒋᓯᒂ ᐎᑎᒧᒪᑭᓂᔪᐛ ᐅᑯᐃᔅᑯᑕᑎᓯᐅᓐ,
\q2 ᑭᔭ ᒥᓯᐛ ᐃᔪᐛ ᐛᐸᑎᒥᔪᐛ ᐅᒋᔅᑕᔨᑕᑯᓱᐅᓐ᙮
\b
\q1
\v 7 ᒋᑭ ‍ ᐛᐛᓇᔨᑎᒧᒡ ᒥᓯᐛ ᐊᓐᒡ ᑲ ‍ ᐊᑐᔅᑯᐛᒡ ᒥᓂᑐᐧᑲᓇ,
\q2 ᑲ ᐅᒋ ‍ ᒪᒪᑕᑯᒧᒡ ᒥᓂᑐᐧᑲᓇ:
\q2 ᐸᑕᐱᔅᑕᐧᒄ, ᒥᓯᐛ ᒋᔨᐛᐤ ᒥᓂᑐᐅᒡ᙮
\b
\q1
\v 8 ᓴᐃᔭᓐ ᒋ ‍ ᐸᑎᒻ, ᑭᔭ ᒋ ‍ ᓯᒋᔭᓱᐤ;
\q2 ᒍᑕ ᐅᑕᓂᓯᒪᐅᒡ ᑭᔭ ᒋ ‍ ᒧᒋᒐᔨᑎᒧᒡ,
\q2 ᒋᑎᐸᔅᑯᓂᒐᐅᓇ ᐅᒋ, ᐅ ᑎᐸᔨᒋᒐᓱᐤ᙮
\q1
\v 9 ᐛᔅ ᒋᔾ, ᑎᐸᔨᒋᒐᓱᐤ, ᓇᔅᒡ ᒋ ‍ ᒋᔅᑎᓯᓐ ᐊᔅᒋᒡ:
\q2 ᓇᔅᒡ ᒋᑦ ᐊᔪᐛᒋᔅᑯᐛᐅᒡ ᒥᓯᐛ ᒥᓂᑐᐅᒡ᙮
\b
\q1
\v 10 ᒋᔨᐛᐤ ᑲ ‍ ᓴᒋᐊᒃ ᑎᐸᔨᒋᒐᓱᐤ, ᐛᐧᑲᑎᒧᒄ ᑲ ‍ ᒪᔭᑎᒡ:
\q2 ᑭᓄᐛᔨᒥᒪᐤ ᐅᑦ ᐊᒐᐧᑯᔪᐛ ᐅᐸᔭᒋᓯᒪ;
\q2 ᐎᒂᒋᐊᐤ ᐅᑎᒋᔨᒡ ᐅᒋ ᐅᒥᒋᑥᐛ᙮
\q1
\v 11 ᐛᓴᔭᓯᐅᓂᔪᐤ ᓂᑕᐅᒋᑕᒪᐛᑭᓄᐅᒡ ᐅᑯᐃᔅᑯᑕᑎᓯᐅᒡ,
\q2 ᑭᔭ ᓯᒋᔭᓯᐅᓂᔪᐤ ᐊᓐᒡ ᑲ ‍ ᑯᐃᔅᑯᑕᐊᒡ᙮
\q1
\v 12 ᒥᔽᔨᑎᒧᒄ ᑎᐸᔨᒋᒐᓱᐤ ᐅᒋ, ᒋᔨᐛᐤ ᑲ ‍ ᑯᐃᔅᑯᑕᑎᓯᔭᒄ;
\q2 ᑭᔭ ᓂᓇᔅᑯᒥᐧᒄ ᐊ ‍ ᒋᔅᒋᑎᒺᒄ ᐅᐸᔭᒋᓯᐅᓐ᙮
\c 98
\s2 Psalm 98 (Christmas Year A; Easter-6 Year B; Proper-28 Year C)
\q1
\v 1 ᐅ ᓂᑭᒧᔅᑕᐧᒄ ᑎᐸᔨᒋᒐᓱᐤ ᐅᔅᒋ ᓂᑭᒧᐅᓂᔪᐤ, ᐛᔅ ᒋ ‍ ᒪᒥᔅᑲᒡ-ᐃᑐᐤ:
\q2 ᐎᔾ ᐅᒥᔪᐅᓂᒡ, ᑭᔭ ᐎᔾ ᐅᐸᔭᒋ ‍ ᐅᔅᐱᑐᓂᒡ ᒋ ᐅᒋ ‍ ᐱᐧᑯᐃᐛᐤ᙮
\q1
\v 2 ᑎᐸᔨᒋᒐᓱᐤ ᒧᓴ ᒋ ‍ ᐛᐸᑎᔨᐛᐤ ᐎᔾ ᐊᒋ ‍ ᐱᒪᒋᐃᐛᑦ;
\q2 ᐎᔾ ᐊ ‍ ᑯᐃᔅᑯᑕᑎᓯᑦ ᓇᐃᔪᐤ ᒋ ‍ ᓄᑯᑐᐛᐤ ᐸᐱᑐᔅ ᐃᔅ ᐃᔪᐛ᙮
\q1
\v 3 ᓇᒪ ᐅᒋ ‍ ᐅᓂᒋᔅᒋᐤ ᒐ ‍ ᒋᓴᐛᑐᑐᐛᑦ ᑭᔭ ᒐ ‍ ᑕᑈᐅᓯᔅᑐᐛᑦ ᐃᔅᕋᐃᓚ ᒥᓯᐛ ᐊᑎᓯᔨᒋ;
\q2 ᒥᓯᐛ ᐊ ᐊᑎ ‍ ᐃᔎᔭᔨᒡ ᐊᔅᒋᔪᐤ ᒋ ‍ ᐛᐸᑕᑭᓄᐎᔪᐤ ᐅᐱᒪᒋᐃᐛᐅᓐ ᒋᒋᓴᒪᓂᑐᒥᓄᐤ᙮
\b
\q1
\v 4 ᒧᒋᒐᔨᑎᒧᒄ ᒋᔨᐛᐤ ᐊᔅᒋᒡ ᑎᐸᔨᒋᒐᓱᐤ ᐅᒋ;
\q2 ᐅᒋ ᐸᒋ ᒋᔄᐛᒄ ᐊ ‍ ᓂᑭᒧᔭᒄ ᐊᔅᐱᔅ ᐛᐛᓂᒥᔽᔨᑎᒪᒄ, ᓂᐦᐃ, ᑕᑈ ᓂᑭᒧᒄ ᐊ ‍ ᒋᔅᑕᒋᒪᒄ᙮
\q1
\v 5 ᓂᑭᒧᔅᑐᐛᐧᒄ ᑎᐸᔨᒋᒐᓱᐤ ᐊᓯᑭᓇᔭᐱᔾ ᒋᔍᐛᐱᒋᑭᓐ ᐊ ‍ ᒋᔍᐛᑲᐸᐃᒐᔭᒄ;
\q2 ᐊᓯᑭᓇᔭᐱᔾ ᒋᔍᐛᐱᒋᑭᓐ ᐊ ‍ ᒋᔍᐛᑲᐸᐃᒐᓄᐅᒡ ᑭᔭ ᐊ ‍ ᓂᑭᒧᓇᓄᐅᒡ᙮
\q1
\v 6 ᐳᑕᒋᑭᓐ ᑭᔭ ᐸᑕᒋᑭᓂᔅᒐ ᐊ ‍ ᐊᐱᑎᔨᒋ,
\q2 ᐸᒋ ‍ ᒋᔄᐛᑎᒧᒄ ᐊ ‍ ᒧᒋᑕᑯᓯᔭᒄ ᐅᑎᔅᑯᐤ ᐊ ‍ ᑕᑦ ᒋᓴᐅᒋᒪᐤ, ᑲ ‍ ᑎᐸᔨᒋᒐᓱᐅᑦ᙮
\b
\q1
\v 7 ᐊᑯᔅ ᒋᑭ ‍ ᒋᔄᐛᒪᑭᓐ ᐎᓂᐸᒄ, ᑭᔭ ᒥᓯᐛ ᐊᓐᑕ ᒐᒂᓐ ᐊ ‍ ᑎᒂᒡ;
\q2 ᐊᔅᒋᔾ, ᐊᓐᒡ ᒪᒃ ᐊᓐᑕ ᐊ ‍ ᑕᒡ᙮
\q1
\v 8 ᐊᑯᔅ ᓯᐱᔭ ᐊ ‍ ᑎᒥᒂᑕᑯᐱᔨᒋ ᒋᑭ ‍ ᐱᐸᓯᑎᒐᐅᒥᑭᓇ,
\q2 ᐊᑯᔅ ᐱᔅᑯᑎᓇᐛ ᒋᑭ ‍ ᒪᒧᐛᑎᒧᒥᑭᓇ ᐊ ‍ ᓂᑭᒧᒥᑲᒋ᙮
\q1
\v 9 ᐅᑎᔅᑯᐤ ᑎᐸᔨᒋᒐᓱᐛ;
\q2 ᐛᔅ ᒋᑭ ‍ ᐸᒋ ‍ ᑎᑯᓯᓂᔪᐛ ᒐ ‍ ᑎᐸᔅᑯᓂᒥᔨᒋ ᐊᔅᒋᔪᐤ:
\q1 ᑯᐃᔅᒄ ᒋᑭ ᐃᓯ ‍ ᑎᐸᔅᑯᓇᐤ ᒥᓯᑕᔅᑭᒥᒡ ᐊ ‍ ᑕᔨᒋ,
\q2 ᒋᒡ ᑭᔭ ᒥᓯᐛ ᐃᓯ ᐃᔪᐛ ᑯᐃᔅᑯᑐᑕᒐᐅᓂᒡ᙮
\c 99
\s2 Psalm 99 (Proper-24 Year A)
\s2 Psalm 99 (Transfiguration Year C)
\q1
\v 1 ᑎᐸᔨᒋᒐᓱᐤ ᑎᐸᔨᒋᒐᐤ;
\q2 ᐊᑯᔅ ᒋᑭ ‍ ᓇᓇᒥᐱᔪᐅᒡ ᐃᔪᒡ:
\q1 ᑎᔅᑐᐎᒡ ᒐᕋᐱᒥᒡ ᐊᐳᐤ;
\q2 ᐊᑯᔅ ᐊᔅᒋᔾ ᒋᑭ ‍ ᐊᔭᒋᐱᔪᐤ᙮
\q1
\v 2 ᑎᐸᔨᒋᒐᓱᐤ ᒋᔅᑎᓯᐤ ᓴᐃᔭᓂᒡ,
\q2 ᑭᔭ ᓇᔅᒡ ᐊᔪᐛᒋᔅᑯᐛᐤ ᒥᓯᐛ ᐃᔪᐛ᙮
\q1
\v 3 ᐊᑯᔅ ᒋᑭ ‍ ᒪᒥᒋᑕᒧᒡ ᑲ ‍ ᒋᔅᑕᔨᑕᑯᓂᔨᒡ ᑭᔭ ᑲ ‍ ᑯᔅᑕᑎᑯᓂᔨᒡ ᒋᑦ ᐃᓯᓂᐧᑲᓱᐅᓂᔪᐤ;
\q2 ᐛᔅ ᐸᔭᐧᑭᓂᔪᐤ᙮
\b
\q1
\v 4 ᒋᓴᐅᒋᒪᐤ ᐅᒥᔅᑯᐅᓯᐅᓂᒡ ᑭᔭ ᓴᒋᑕᐤ ᑎᐸᔅᑯᓂᒐᐅᓂᔪᐤ;
\q2 ᒋᑦ ᐊᔨᑎᔅᑕᓐ ᑯᐃᔅᑯᑐᐅᓐ,
\q2 ᒋ ‍ ᑎᐱᑐᑕᓐ ᑎᐸᔅᑯᓂᒐᐅᓐ ᑭᔭ ᑯᐃᔅᑯᑕᑎᓯᐅᓐ ᒐᑭᐱᒡ᙮
\q1
\v 5 ᒋᔅᑕᔨᑕᑯᐃᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ,
\q2 ᐊᔭᒥᐊᔅᑕᐧᒄ ᐅᑕᑯᔅᑲᒋᑭᓂᒡ;
\q2 ᐛᔅ ᐸᔭᒋᓯᐤ᙮
\b
\q1
\v 6 ᒧᓱᓴ ᑭᔭ ᐊᕋᓇ ᐊᔪᑯᓐ ᐸᔅᒡ ᐅᒋᓴᐊᔭᒥᐊᐅᒋᒪᒪ,
\q2 ᑭᔭ ᓴᒻᔪᐃᓪ ᐊ ‍ ᐎᒐᐛᑦ ᐊᓂᔭᔪᐛ ᑲ ‍ ᓇᓂᑐᑎᒥᔨᒋ ᐅᑦ ᐃᓯᓂᐧᑲᓱᐅᓐ;
\q2 ᒋ ‍ ᓇᓂᑐᒪᐅᒡ ᑎᐸᔨᒋᒐᓱᐛ, ᒋ ‍ ᓂᑐᑕᑯᐅᒡ ᒪᒃ᙮
\q1
\v 7 ᒋ ‍ ᐃᔨᒪᐊᐤ ᒋᒪᑕᐛᔅᑯᒡ ᐅᒋ;
\q2 ᒋ ‍ ᑭᓄᐛᔨᑕᒥᔪᐛ ᐅᑎᐸᒋᒧᐅᓇ,
\q2 ᑭᔭ ᒋᔅᒋᓄᑕᐃᐛᐅᓂᔪᐛ ᑲ ‍ ᒥᔭᑦ᙮
\b
\q1
\v 8 ᔅᒋ ‍ ᓂᔅᑯᒪᐅᒡ, ᐅ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ:
\q2 ᒋᔾ ᒋᑦ ᐊᐎᓐ ᒋᓴᒪᓂᑐᐤ ᑲ ‍ ᐛᐸᔨᑎᒧᐅᑥᐤ,
\q2 ᐊᑎ ᐊᒋ ‍ ᓂᔅᑯᔅᑕᒡ ᑲ ᐃᓯ ‍ ᒥᔅᑯᐛᔭᔨᑕᒡ ᐅᒋ᙮
\q1
\v 9 ᒋᔅᑕᔨᑕᑯᐃᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ,
\q2 ᑭᔭ ᐊᔭᒥᐊᐛᐧᒄ ᑕᐧᑯᒡ ᐅᐸᔭᒋ-ᐱᔅᑯᑎᓇᒥᒡ;
\q2 ᐛᔅ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐸᔭᒋᓯᐤ᙮
\c 100
\s2 Psalm 100 (Proper-29 Year A)
\q1
\v 1 ᐊ ‍ ᒧᒋᑕᑯᓯᔭᒄ ᐸᑕᑯᓯᔅᑕᐧᒄ ᑎᐸᔨᒋᒐᓱᐤ,
\q2 ᒥᓯᐛ ᒋᔨᐛᐤ ᐊᔅᒋᒡ ᐊᑕᔭᒄ᙮
\q1
\v 2 ᓯᒋᔭᓯᐅᓂᒡ ᐊᑐᔅᒐᑕᐧᒄ ᑎᐸᔨᒋᒐᓱᐤ:
\q2 ᑭᔭ ᐅᑎᔅᑯᐤ ᐊ ‍ ᐃᑕᑦ ᐸᒋ ‍ ᓂᑭᒧᒄ᙮
\q1
\v 3 ᒋᔅᒐᔨᒥᐧᒄ ᑎᐸᔨᒋᒐᓱᐤ ᐎᔾ ᐊᐅᒄ ᒐᓴᒪᓂᑐᐅᑦ:
\q2 ᐎᔾ ᐊᐅᒄ ᑲ ‍ ᐅᓯᐃᑕᐧᒄ,
\q1 ᓇᒪᔭᐤ ᒋᔭᓄᐤ;
\q2 ᒋᑦ ᐅᑦ ᐃᔨᒥᑕᑯᓄᐤ ᑭᔭ ᒋᑦ ᐅᒪᔭᑕᓂᓯᒥᑕᑭᓄᐤ ᑲᓄᐛᔨᒥᑕᐧᒄ᙮
\b
\q1
\v 4 ᐅᒋᒋᐃᔎᑕᒥᒡ ᐸᒋ ᐱᒐᐛᐧᒄ ᐊ ‍ ᓂᓇᔅᑯᒪᒄ,
\q2 ᑭᔭ ᐅᒪᐅᒋᐃᑐᐅᒋᐛᐱᒡ ᐊ ‍ ᒪᒥᒋᒪᒄ:
\q1 ᓂᓇᔅᑯᒪᐧᒄ,
\q2 ᑭᔭ ᒥᔪᑐᑎᒺᐧᒄ ᐅᑦ ᐃᓯᓂᐧᑲᓱᐅᓐ᙮
\q1
\v 5 ᐛᔅ ᑎᐸᔨᒋᒐᓱᐤ ᒥᔽᑎᓯᐤ;
\q2 ᐅᒋᓴᐛᑎᓯᐅᓐ ᑲᒋᒡ ᐃᑎᑯᓂᔪᐤ;
\q1 ᑭᔭ ᐅᑕᑈᐅᓐ ᐊᔨᑎᓂᔪᐤ,
\q2 ᐱᐃᒻ ᒥᓯᐛ ᒐ ᐊᑎ ᐊᓂᔅᒐ ‍ ᐱᒪᑎᓯᓇᓄᐎᔨᒡ᙮
\c 101
\q1
\v 1 ᓂᑭ ‍ ᓂᑭᒧᓐ ᒋᔅᑎᒪᒐᔨᒋᒐᐅᓐ ᑭᔭ ᑎᐸᔅᑯᓂᒐᐅᓐ ᐅᒡ:
\q2 ᒋᔾ, ᐅ ᑎᐸᔨᒋᒐᓱᐤ, ᒋᑭ ‍ ᓂᑭᒧᔅᑕᑎᓐ᙮
\q1
\v 2 ᓂᑭ ‍ ᑭᒐᑕᐤ ᐃᔨᑎᓐ ᐸᔭᒋᐃᑕᑎᓯᐅᓂᒡ᙮
\q2 ᐅ, ᑕᐃᔅᐱ ᒐ ᐸᒋ ‍ ᓇᓯᔨᓐ ?
\q2 ᓂᑭ ‍ ᐱᒧᑕᓐ ᐱᒡ ᓂᒋᒡ ᑯᐃᔅᑯᑕᐊᐅᓂᒡ᙮
\b
\q1
\v 3 ᓇᒪᐎᔾ ᒥᒋ ‍ ᒐᒂᓐ ᓂᑭ ‍ ᐎᔨᔅᑎᒪᓱᓐ;
\q2 ᓂ ‍ ᐛᐧᑲᑕᒺᓐ ᐅᑦ ᐊᑐᔅᒐᐅᓄᐛᐤ ᑲ ‍ ᐱᔅᒐᒡ;
\q2 ᓇᒪᐎᔾ ᒋᑭ ‍ ᐱᓯᑯᒧᔪᐤ ᐊᑕᐅᒡ᙮
\b
\q1
\v 4 ᐊᓏᔨᑎᒧᐤ ᒥᑕᐃ ᓂᑭ ‍ ᓂᑭᑎᑯᓐ:
\q2 ᓇᒪᐎᔾ ᓂᑭ ‍ ᒋᔅᒐᔨᒪᐤ ᐊᐛᓐ ᑲ ‍ ᒥᒋᑥᑦ᙮
\b
\q1
\v 5 ᐊᐛᓐ ᒋᒧᑦ ᑲ ‍ ᐸᒂᓄᒪᑦ ᐎᒡ ᐃᔪᐛ, ᐊᐅᒄ ᒐ ‍ ᒋᒥᓱᒄ:
\q2 ᐊᓐ ᑲ ‍ ᐃᔅᐸᔨᒥᓱᑦ ᑭᔭ ᑲ ‍ ᒋᔅᑕᔨᒧᑦ ᐅᑕᐃᒡ, ᓇᒪᐎᔾ ᓂᑭ ‍ ᒥᔽᐱᒪᐤ᙮
\b
\q1
\v 6 ᓂᑭ ‍ ᑭᓄᐛᐱᒪᐅᒡ ᑲ ‍ ᑯᐃᔅᑯᑎᒡ ᐊᔅᒋᒡ,
\q2 ᒐᒋ ᐎᒋᒥᒡ:
\q1 ᐊᓐ ᑯᐃᔅᒄ ᑲ ‍ ᐃᑕᑎᓯᑦ,
\q2 ᓂᑭ ‍ ᐊᑐᔅᑲᒄ᙮
\b
\q1
\v 7 ᐊᓐ ᑲ ‍ ᑭᑭᒋᔭᓂᓱᐤ ᐃᔨᑎᑦ ᓇᒪᐎᔾ ᒋᑭ ‍ ᐎᒍᐤ ᓂᒋᒡ:
\q2 ᐊᓐ ᑲ ‍ ᑭᑭᒋᔭᑦ ᓇᒪᐎᔾ ᒋᑭ ‍ ᑕᐤ ᐊᓐᑕ ᐊ ‍ ᐃᑕᐅᒡ᙮
\b
\q1
\v 8 ᐎᐱᒡ ᓂᑭ ‍ ᓂᓱᐅᓇᒋᐊᐅᒡ ᒥᓯᐛ ᐅᒥᒋᑥᐅᒡ ᐊᔅᒋᒡ;
\q2 ᒐᒋ ᒋᒥᓱᒂᐤ ᒥᓯᐛ ᑲ ‍ ᒥᒋᑐᑕᒡ ᑎᐸᔨᒋᒐᓱᐛ ᐅᑦ ᐃᑕᐅᓂᔨᒡ ᐅᒡ᙮
\c 102
\q1
\v 1 ᓂᑐᑕ ᓂᑦ ᐊᔭᒥᐊᐅᓐ, ᐅ ᑎᐸᔨᒋᒐᓱᐤ, ᐊᑯᔅ ᒪᒃ ᓂ ᒪᐅᓐ ᒋᑭ ‍ ᐅᑎᑎᑯᓐ᙮
\q1
\v 2 ᐊᑲᐎᔾ ᑲᓱᔅᑕᐎ ‍ ᐊᔨᒥᓯᔭᓇ ᐊ ‍ ᒋᓯᑲᒡ;
\q2 ᓂᑐᑐᐎ ᐊ ‍ ᒋᓯᑲᒡ ᑕᑈᔭᓇ, ᒋᐱᔾ ᓂᔎᐅᓯᐃ᙮
\b
\q1
\v 3 ᐛᔅ ᓂᒋᓯᑲᒪ ᒪᒋᐱᔪᐛ ᒧᔭᒻ ᐊ ‍ ᐱᐳᑕᒡ,
\q2 ᓂᔅᑭᓇ ᑭᔭ ᐃᔎᑕᐛ ᒧᔭᒻ ᐃᔅᑯᑕᑲᓇᐱᔅᒄ᙮
\q1
\v 4 ᓂᑕᐃ ᐅᑕᒪᔨᑭᓄᐤ, ᑭᔭ ᐸᔅᑕᐤ ᒧᔭᒻ ᒥᔅᑯᓯᔭ;
\q2 ᑲ ᐅᒋ ‍ ᐅᓂᒋᔅᒋᔭᓐ ᒐᒋ ᒧᐅᒃ ᓂᐸᒂᓯᑭᓂᒻ᙮
\q1
\v 5 ᐊ ‍ ᐸᑕᑯᓯᔭᓐ ᐊ ‍ ᒪᒪᑥᔭᓐ,
\q2 ᓂᔅᑭᓇ ᓂ ‍ ᐎᔭᓯᒡ ᐱᓯᑯᒧᐛ᙮
\q1
\v 6 ᓂ ‍ ᓇᔅᐱᑐᐛᐤ ᐅᐦᐅᐤ ᐸᐧᑯᑎᔅᑭᒥᑲᒡ:
\q2 ᓂ ‍ ᓇᔅᐱᑐᐛᐤ ᐅᐦᐅᒥᓯᐤ ᒪᒂᔅᑲᒥᒡ᙮
\q1
\v 7 ᓂᑦ ᐊᓱᐛᐱᓐ, ᑭᔭ ᒧᔭᒻ ᒪᒥᔅᑕᔭᒋᔅ ᐊ ‍ ᐸᐃᑯᓯᑦ ᑕᐧᑯᒡ ᒥᒋᐛᐱᒡ ᓂᑦ ᐃᓯᓇᑯᓯᓐ᙮
\q1
\v 8 ᑲ ‍ ᐛᐧᑲᓯᒡ ᓂ ‍ ᔅᑐᑎᑯᒡ ᐃᔅᑭᓐ ᒋᓯᑲᐛ;
\q2 ᐊᓐᒋ ᑲ ‍ ᒋᓯᔅᑐᐅᒡ ᒋ ‍ ᓂᔅᑯᒥᑐᐅᒡ ᒐᒋ ᒥᒋᑐᑐᐅᒡ᙮
\q1
\v 9 ᐛᔅ ᓂᒋ ‍ ᒥᒋᓐ ᐱᐧᑯᑕᐤ ᒧᔭᒻ ᐸᒂᓯᑭᓐ,
\q2 ᑭᔭ ᐅᒋᑯᐛᐳᐅᓐ ᓂ ‍ ᒋᔨᑯᐅᓇᓐ ᓂᒥᓂᒂᐅᓂᒡ᙮
\q1
\v 10 ᒋᒋᓯᔅᑕᒐᐅᓐ ᐅᒋ ᑭᔭ ᒋᑦ ᐊᐧᑯᔪᐛᓱᐅᓐ;
\q2 ᐛᔅ ᔅᒋ ‍ ᐅᐱᓐ, ᑭᔭ ᔅᒋ ‍ ᓂᒋᐛᐱᓐ᙮
\q1
\v 11 ᓂᒋᓯᑲᒪ ᒧᔭᒻ ᐊ ‍ ᑎᑲᔅᑕᒋᒡ ᐊ ‍ ᐃᒐᐱᔨᒡ ᐃᓯᓇᑯᓇ;
\q2 ᓂ ‍ ᐸᓱᓐ ᒧᔭᒻ ᒥᔅᑯᓯᔭ᙮
\b
\q1
\v 12 ᒪᒃ ᒋᔾ, ᐅ ᑎᐸᔨᒋᒐᓱᐤ, ᑲᒋᒡ ᒋᑭ ‍ ᑕᓐ;
\q2 ᑭᔭ ᒋᑭ ‍ ᒋᔅᒋᑕᑯᐅᓐ ᒥᓯᐛ ᒐ ᐊᑎ ‍ ᐱᒪᑎᓯᓇᓄᐅᒡ᙮
\q1
\v 13 ᒋᑭ ‍ ᐱᓯᑯᓐ, ᑭᔭ ᒋᑭ ‍ ᒋᔅᑎᒪᒐᔨᒪᐤ ᓴᐃᔭᓐ:
\q2 ᐛᔅ ᓴᔅ ᐅᑎᒋᐱᔪᐤ ᒐᒋ ᒋᓴᐛᑐᑐᐅᑦ,
\q2 ᓂᐦᐃ, ᓴᔅ ᒥᑐᓐ ᐅᑎᒋᐱᔪᐤ᙮
\q1
\v 14 ᐛᔅ ᒋᑦ ᐊᑐᔅᒐᔭᑭᓐᒡ ᒥᔽᔨᒥᒪᐅᒡ ᐅᑦ ᐊᓯᓂᒥᐛᐤ,
\q2 ᑭᔭ ᓴᒋᑕᐛᐅᒡ ᐅᑦ ᐊᓯᔅᒋᔪᐤ᙮
\q1
\v 15 ᐊᑲ ‍ ᐊᔭᒥᐊᒡ ᒪᒃ ᒋᑭ ‍ ᓇᓂᒋᔅᑎᒺᐅᒡ ᑎᐸᔨᒋᒐᓱᐛ ᐅᑦ ᐃᓯᓂᐧᑲᓱᐅᓂᔪᐤ,
\q2 ᑭᔭ ᒥᓯᐛ ᒋᓴᐅᒋᒪᐅᒡ ᐊᔅᒋᒡ ᒋ ‍ ᒋᔅᑕᔨᑕᑯᓱᐅᓂᔪᐤ᙮
\q1
\v 16 ᐃᔅᐱ ᑎᐸᔨᒋᒐᓱᐤ ᐅᓯᑕᒐ ᓴᐃᔭᓂᔪᐤ,
\q2 ᒋᑭ ‍ ᓄᑯᓯᐤ ᐅᒋᔅᑕᔨᑕᑯᓱᐅᓂᒡ᙮
\q1
\v 17 ᒋᑭ ‍ ᓂᑐᑎᒺᐤ ᐅᑦ ᐊᔭᒥᐊᐅᓂᔪᐤ ᐅᒋᔅᑎᒪᑎᓯᐛ,
\q2 ᓇᒪ ᑭᔭ ᒋᑭ ‍ ᐊᑐᐛᔨᑎᒺᐤ ᐅᑦ ᐊᔭᒥᐊᐅᓂᔪᐤ᙮
\b
\q1
\v 18 ᐅᔭᔪᐤ ᒋᑭ ᐃᓯ ‍ ᒥᓯᓇᐊᒧᐛᑭᓄᐅᒡ ᐊᓐᒡ ᒐ ᐊᑎ ᐊᓂᔅᒐ ‍ ᐱᒪᑎᓯᒡ;
\q2 ᐃᔪᒡ ᒪᒃ ᐊᔅᒄ ᒐ ‍ ᐅᓯᐊᑭᓄᐅᒡ ᒋᑭ ‍ ᒪᒥᒋᒪᐅᒡ ᑎᐸᔨᒋᒐᓱᐛ᙮
\q1
\v 19 ᐛᔅ ᓂᑕᒡ ᒋ ‍ ᐃᑕᐳᐤ ᐊᔅᐱᔅ ᐃᔅᐸᔨᒡ ᐅᐸᔭᒋ-ᒥᒋᐛᐱᒡ ᐅᒡ;
\q2 ᑎᐸᔨᒋᒐᓱᐤ ᒋᒋᒋᓯᑯᒡ ᒋ ᐅᒋ ‍ ᑭᓄᐛᐸᑎᒻ ᐊᔅᒋᔪᐤ;
\q1
\v 20 ᒐᒋ ᐸᑐᐛᑦ ᐊ ‍ ᒪᒪᑥᔨᒋ ᒋᐸᐛᑭᓇ;
\q2 ᒐᒋ ᐊᐸᐛᑦ ᐊᓂᔭ ᑲᒋ ‍ ᐃᑕᑭᓄᐎᒋ ᒐᒋ ᓂᐱᔨᒋ;
\q1
\v 21 ᒐᒋ ᐛᐎᑎᒥᔨᒋ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ ᓴᐃᔭᓂᒡ,
\q2 ᑭᔭ ᐅᒪᒥᒋᒥᑯᓯᐅᓐ ᒋᕈᓯᓕᒥᒡ;
\q1
\v 22 ᐃᔅᐱ ᐃᔪᒡ ᒪᒧᐤ ᒪᐅᒋᑐᑥᐛ, ᑭᔭ ᐅᒋᒪᐅᓇ,
\q2 ᒐᒋ ᐊᑐᔅᒐᔅᑐᐛᒡ ᑎᐸᔨᒋᒐᓱᐛ᙮
\b
\q1
\v 23 ᒋ ‍ ᐃᔨᔨᒥᑕᐤ ᓂᒥᔅᑯᐅᓯᐅᓂᔪᐤ ᒪᔅᑭᓇᒡ:
\q2 ᓇᒪ ᐅᒋ ‍ ᒥᒐᑐᑕᐤ ᓂᒋᓯᑲᒪ᙮
\q1
\v 24 ᓂᒋ ‍ ᐃᔅᒋᔄᓐ, “ᐅ ᓂᒋᓴᒪᓂᑐᒻ, ᐊᑲᐎᔾ ᐅᑎᓂ ᒪᒂᒡ ᐊ ‍ ᐅᒋᓯᑲᒥᔭᓐ:
\q2 ᒋᐱᐳᓂᒪ ᐃᔅᐱᔪᐛ ᒥᓯᐛ ᒐ ᐊᑎ ‍ ᐱᒪᑎᓯᓇᓄᐅᒡ᙮
\q1
\v 25 ᐎᐱᒡ ᔅᒋ ‍ ᐊᔨᑎᔅᑕᓐ ᐊᔅᒋᔾ;
\q2 ᑭᔭ ᒋᓯᒂ ᒋᑎᒋᒡ ᔅᒋ ᐅᒋ ‍ ᐅᓯᑕᓐ᙮
\q1
\v 26 ᐅᔭ ᒋᑭ ‍ ᓂᓱᐅᓇᑎᓇ, ᒪᒃ ᒋᔾ ᒋᑭ ‍ ᑕᓐ;
\q2 ᓂᐦᐃ, ᒥᓯᐛ ᐊ ‍ ᑕᑎᒋ ᒋᑭ ᐊᑎ ‍ ᓴᐅᓇ ᒧᔭᒻ ᐊᑯᑉ;
\q2 ᒧᔭᒻ ᐊᐱᒋᑕᐅᓐ ᒋᑭ ᐃᓯ ‍ ᒂᔅᒋᓇᑯᐊᐅᒡ, ᐊᑯ ᒪᒃ ᒐ ‍ ᒂᔅᒋᑯᓇᑯᓯᒡ᙮
\q1
\v 27 ᒪᒃ ᒋᔾ ᐸᐃᑯᓐ ᐊᓯᓇᑯᐃᔨᓐ, ᑭᔭ ᒋᐱᐳᓂᒪ ᓂᒪᐎᔾ ᒋᑭ ‍ ᐳᓂᐱᔪᐛ᙮
\q1
\v 28 ᐅᑦ ᐊᐛᓯᒥᓱᐛᐛ ᒋᑦ ᐊᑐᔅᒐᔭᑭᓐᒡ ᑕᒡ ᒋᑭ ‍ ᐊᔭᔪᐛ,
\q2 ᑭᔭ ᐅᑦ ᐊᐛᓯᒥᓱᐛᐛ ᐊᓂᔅᒐ ᒋᑭ ‍ ᐊᔨᑎᓯᔪᐛ ᐊ ‍ ᐅᑎᔅᑲᔅᒋᔨᔅᒋ᙮”
\c 103
\q1
\v 1 ᒪᒥᒋᒻ ᑎᐸᔨᒋᒐᓱᐤ ᐅ ᓂᑦ ᐊᒐᐧᒄ:
\q2 ᑭᔭ ᒥᓯᐛ ᑲ ‍ ᐱᒋᔅᑲᑯᔭᓐ, ᒪᒥᒋᑎᒻ ᐅᐸᔭᒋ-ᐃᓯᓂᐧᑲᓱᐅᓐ᙮
\q1
\v 2 ᒪᒥᒋᒻ ᑎᐸᔨᒋᒐᓱᐤ, ᐅ ᓂᑦ ᐊᒐᐧᒄ:
\q2 ᐊᑲ ᑭᔭ ᐅᓂᒋᔅᒋᑎᒻ ᒥᓯᐛ ᐅᒥᔪᑐᑕᒐᐅᓇ;
\q1
\v 3 ᑲ ‍ ᐛᐸᔨᑕᐧᒄ ᒥᓯᐛ ᒋᒥᒐᑎᓯᐅᓇ;
\q2 ᑲ ‍ ᒥᓏᒋᑕᑦ ᒥᓯᐛ ᒋᑦ ᐃᑕᔅᐱᓇᐅᓇ;
\q1
\v 4 ᑲ ‍ ᐎᐧᑯᒋᑕᑦ ᒋᐱᒪᑎᓯᐅᓂᔪᐤ ᓂᓱᐅᓇᑎᓯᐅᓂᒡ ᐅᒡ;
\q2 ᑲ ‍ ᐳᔅᑕᔅᑐᑎᓇᐃᔅᒃ ᐅᓴᒋᐃᐛᐎ ᒋᓴᐛᑎᓯᐅᓐ ᑭᔭ ᐅᔪᔅᐱ ᓱᐛᔨᒋᒐᐅᓇ;
\q1
\v 5 ᑲ ‍ ᓴᑭᔅᒋᓂᑕᑦ ᒋᑐᓂᔪᐤ ᒥᔪ ‍ ᒐᒂᓇ;
\q2 ᒋᑦ ᐅᔅᒋᓂᒋᓱᐅᓐ ᑲ ᐅᒋ ‍ ᐅᔅᒋᐱᔨᒡ ᒧᔭᒻ ᒥᒋᓱᐤ᙮
\b
\q1
\v 6 ᑎᐸᔨᒋᒐᓱᐤ ᑎᐱᑐᑎᒪᐛᐤ ᑯᐃᔅᑯᑕᑎᓯᐅᓂᔪᐤ ᑭᔭ ᑎᐸᔅᑯᓂᒐᐅᓂᔪᐤ ᒥᓯᐛ ᐊᓂᔭ ᑲ ‍ ᐊᔨᒥᐊᑭᓄᔨᒋ᙮
\b
\q1
\v 7 ᒋ ‍ ᒋᔅᒐᔨᑎᒥᐊᐤ ᐅᑦ ᐃᓯᑥᐅᓇ ᒧᓱᓴ,
\q2 ᐅᑦ ᐃᑐᐅᓇ ᐃᔅᕋᐃᓚ ᐅᑦ ᐊᐛᓯᒥᓯᔪᐛ᙮
\q1
\v 8 ᑎᐸᔨᒋᒐᓱᐤ ᒋᔅᑎᒪᒐᔨᒧᐛᐤ ᑭᔭ ᒋᓴᐛᑎᓯᐤ,
\q2 ᓇᒪ ᐎᐱᒡ ᒋᔄᓯᐤ, ᑭᔭ ᐛᔪᑎᓯᐤ ᓱᐛᔨᒋᒐᐅᓂᔪᐤ᙮
\q1
\v 9 ᓇᒪᐎᔾ ᒧᔅ ᒋᑭ ‍ ᒋᔅᑐᓱᐛᐤ;
\q2 ᓇᒪ ᑭᔭ ᒋᑭ ‍ ᐱᒥᔨᐛᓯᐤ ᑲᒋᒡ᙮
\q1
\v 10 ᓇᒪᐎᔾ ᔅᒋ ‍ ᐃᑐᑕᑯᓄᐤ ᑲ ᐃᓯ ‍ ᒥᒋᑐᑎᒪᐧᒄ;
\q2 ᓇᒪ ᑭᔭ ᔅᒋ ‍ ᑎᐸᐊᒪᑯᓄᐤ ᐊ ᐃᓯ ‍ ᒥᒐᑎᓯᔭᐧᒄ᙮
\q1
\v 11 ᐛᔅ ᒧᔭᒻ ᒋᒋᒋᓯᒄ ᐊ ᐃᔅᐱᔅ ‍ ᐃᔅᐸᒡ ᐊᔅᒋᔾ ᐅᒡ,
\q2 ᐊᑯ ᒺᒡ ᑲ ᐃᔅᐱᔅ ‍ ᒥᓯᑎᒧᐛᑦ ᐅᒋᔅᑎᒪᒐᔨᒋᒐᐅᓐ ᐊᓂᔭ ᑲ ‍ ᓇᓂᒋᔅᑕᑯᑦ᙮
\q1
\v 12 ᐊᔅᐱᔅ ᔭᐅᓇᒂᒡ ᐛᐱᓄᑕᒡ ᐊᑎᒪᐱᓯᒧᒡ ᐅᒡ,
\q2 ᐊᑯ ᐊᔅᐱᔅ ᑲᒋ ‍ ᐃᒐᓂᒪᑕᐧᒄ ᒋᐅᓂᑐᑎᒧᐅᓄᐛ᙮
\q1
\v 13 ᒧᔭᒻ ᐅᑕᐎᒪᐤ ᑲ ᐃᓯ ‍ ᒋᔅᑎᒪᒐᔨᒪᑦ ᐅᑦ ᐊᐛᓯᒥᓴ;
\q2 ᐊᑯ ᒺᒡ ᑎᐸᔨᒋᒐᓱᐤ ᐊᓯ ‍ ᒋᔅᑎᒪᒐᔨᒪᑦ ᐊᓂᔭ ᑲ ‍ ᓇᓂᒋᔅᑕᑯᑦ᙮
\q1
\v 14 ᐛᔅ ᒋᔅᒐᔨᑎᒻ ᐊᓯᓇᑯᓯᔭᐧᒄ;
\q2 ᒋᔅᒋᓱᐤ ᐱᓯᓯᒄ ᐊ ‍ ᐊᓯᔅᒋᐎᔭᐧᒄ᙮
\q1
\v 15 ᐃᔪᐤ ᒪᒃ ᐎᔾ, ᐅᒋᓯᑲᒪ ᒧᔭᒻ ᒥᔅᑯᓯᔭ ᐃᓯᓇᑯᓂᔪᐛ:
\q2 ᒧᔭᒻ ᐛᐱᑯᓇ ᓂᑕᐅᒋᒋᑭᓂᒡ ᐊᑯ ᐊᓯ ‍ ᐅᐱᒋᑦ᙮
\q1
\v 16 ᐛᔅ ᔪᑎᓂᓯᐤ, ᐊᑯ ᒪᒃ ᓇᒪ ᑕᐤ,
\q2 ᐊᓐᑕ ᒪᒃ ᑲ ᐃᓯ ‍ ᓂᑕᐅᒋᑦ ᓇᒪ ᓂᑕ ᒥᓐ ᒋᑭ ‍ ᒋᔅᒐᔨᒥᑯᐤ᙮
\q1
\v 17 ᒪᒃ ᐅᒋᔅᑎᒪᒐᔨᒋᒐᐅᓐ ᑎᐸᔨᒋᒐᓱᐤ ᑲᒋᒡ ᑭᔭ ᑲᒋᒡ ‍ ᒋᒋᔅᑲᑯᔪᐛ ᐊᓂᔭᔪᐛ ᑲ ‍ ᓇᓂᒋᔅᑕᑯᑦ,
\q2 ᑭᔭ ᐅᑯᐃᔅᑯᑕᑎᓯᐅᓐ ᐊᐛᓴ ᐅᑦ ᐊᐛᓯᒥᓯᔪᐛ;
\q1
\v 18 ᐊᓂᔭᔪᐛ ᐅᑎ ᑲ ‍ ᑭᓄᐛᔨᑎᒥᔨᒋ ᐅᓂᔅᑯᒥᑐᐅᓐ,
\q2 ᐊᓂᔭ ᑭᔭ ᑲ ‍ ᒋᔅᒋᑎᒥᔨᒋ ᐅᑦ ᐃᑎᓱᐛᐅᓇ ᒐᒋ ᐃᑐᑎᒥᔨᒋ᙮
\b
\q1
\v 19 ᑎᐸᔨᒋᒐᓱᐤ ᒋ ‍ ᐊᐛᓯᑕᐤ ᐅᒋᓴᐅᒋᒪᐅ-ᑕᑎᐳᐛᑭᓐ ᒋᒋᒋᓯᑯᒡ;
\q2 ᐅᑦ ᐅᒋᒪᐅᓐ ᒪᒃ ᒥᓯᐛ ᑎᐸᔨᑎᒧᒪᑭᓂᔪᐤ᙮
\b
\q1
\v 20 ᒪᒥᒋᒥᐧᒄ ᑎᐸᔨᒋᒐᓱᐤ, ᒋᔨᐛᐤ ᐅᑦ ᐊᓐᒋᓂᒪ !
\q2 ᐊᔪᐛᒃ ᑲ ‍ ᒥᔅᑯᐅᓯᔭᒄ, ᑲ ‍ ᐃᑐᑎᒺᒄ ᐅᑦ ᐃᑎᓱᐛᐅᓇ,
\q2 ᐊ ‍ ᓂᑐᑎᒺᒄ ᐅᑦ ᐃᔨᒧᐅᓇ᙮
\q1
\v 21 ᒪᒥᒋᒥᐧᒄ ᑎᐸᔨᒋᒐᓱᐤ, ᒥᓯᐛ ᒋᔨᐛᐤ ᐅᑎᐸᔨᒪᑭᓇ;
\q2 ᒋᔨᐛᐤ ᐅᑦ ᐊᑐᔅᒐᔭᑭᓂᒪ, ᑲ ‍ ᐃᑐᑎᒺᒄ ᑲ ᐃᓯ ‍ ᒥᔽᔨᑕᐧᒃ᙮
\q1
\v 22 ᒪᒥᒋᒥᐧᒄ ᑎᐸᔨᒋᒐᓱᐤ, ᒥᓯᐛ ᐅᑦ ᐊᑐᔅᒐᐅᓇ,
\q2 ᒥᓯᐛ ᐊᓐᑕ ᐅᑦ ᐅᒋᒪᐅᓂᒡ:
\q2 ᒪᒥᒋᒻ ᑎᐸᔨᒋᒐᓱᐤ, ᐅ ᓂᑦ ᐊᒐᐧᒄ᙮
\b
\c 104
\q1
\v 1 ᒪᒥᒋᒻ ᑎᐸᔨᒋᒐᓱᐤ, ᐅ ᓂᑦ ᐊᒐᐧᒄ !
\b
\q2 ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᓇᔅᒡ ᒋ ‍ ᒋᔅᑎᓯᓐ:
\q2 ᒋ ‍ ᒋᔅᑲᓐ ᒋᔅᑕᔨᑕᑯᓱᐅᓐ ᑭᔭ ᒋᓴᐅᒋᒪᐛᔨᑕᑯᓯᐅᓐ᙮
\q1
\v 2 ᑲ ‍ ᐊᒂᓇᐅᓱᔨᓐ ᐛᓴᔭᐅᓐ ᐅᒋ ᒧᔭᒻ ᐊᐱᒋᑕᐅᓐ:
\q2 ᑲ ‍ ᐅᐛᔨᑯᑕᔨᓐ ᒋᓯᒂ ᒧᔭᒻ ᐊᑯᐛᑲᐃᑭᓐ:
\q1
\v 3 ᓂᐱᒡ ᑲ ‍ ᐱᒪᔅᑯᐊᑦ ᐅᑕᑕᐃᑭᓇ ᒐ ‍ ᐎᒋᑦ:
\q2 ᑲ ‍ ᐅᑎᑎᐱᑕᐸᓇᔅᑯᑦ ᑭᔅᑯᐅᓇ:
\q2 ᑲ ‍ ᐱᒧᑕᑦ ᐊ ‍ ᐅᑎᑎᐧᑯᓄᐎᔨᒡ ᐊ ‍ ᔪᑎᓂᔨᒡ:
\q1
\v 4 ᑲ ‍ ᐊᒐᐧᑯᐎᐊᑦ ᐅᑦ ᐊᓐᒋᓂᒪ;
\q2 ᐅᑦ ᐊᔭᒥᐊᐅ ᐊᑐᔅᒐᔭᑭᓇ ᐊ ‍ ᐛᔭᑕᔨᒡ ᐃᔅᑯᑕᔪᐤ᙮
\b
\q1
\v 5 ᑲ ‍ ᐊᔨᑎᔅᑕᑦ ᐊᔅᒋᔪᐤ,
\q2 ᒐ ᐊᑲ ᓂᑕ ‍ ᐊᒋᐱᔨᒡ᙮
\q1
\v 6 ᔅᒋ ‍ ᐊᒂᓇᐊᓐ ᐊ ‍ ᒋᔅᑲᔨᐛᒡ ᒧᔭᒻ ᐊᐱᒋᑕᐅᓐ:
\q2 ᓂᐱᔭ ᒋ ‍ ᐊᔅᑕᐛ ᑕᐧᑯᒡ ᐱᔅᑯᑎᓇᐛ᙮
\q1
\v 7 ᐊ ‍ ᒋᔅᑐᑎᒥᓐ ᒋᒋᑎᓯᒧᒥᑭᓇ;
\q2 ᐊ ‍ ᐸᑕᑯᓯᒡ ᒋᑦ ᓂᒥᔅᒋᒥᒡ ᒋ ‍ ᐛᐸᐱᔪᐛ᙮
\q1
\v 8 ᓴᑭᒋᐛᐱᔨᐛ ᐱᔅᑯᑎᓇᒡ,
\q2 ᓂᑎᒋᐛᐱᔨᐛ ᐊᓐᑕ ᐱᓯᑎᓇᒡ,
\q2 ᐊᓐᑕ ᑲ ‍ ᐅᓯᑕᔨᓐ ᒐᒋ ᐊᔅᑕᒡ᙮
\q1
\v 9 ᔅᒋ ‍ ᐎᔨᔅᑕᓐ ᒐ ᐊᑲ ‍ ᐸᔅᑎᐸᒡ;
\q2 ᒐ ᐊᑲ ᒋ ᒋᐛᐱᔨᒡ ᒐᒋ ᐅᒡ ᐊᒂᓇᐊᒧᒥᑲᒡ ᐊᔅᒋᔾ᙮
\b
\q1
\v 10 ᐃᑎᓴᐊᒻ ᒧᔅᒋᐅᓂᐸᒂ ᐊ ‍ ᐱᓴᔨᒡ,
\q2 ᑲ ‍ ᐱᒥᐱᔨᒡ ᐱᔅᑯᑎᓇᔨᒡ᙮
\q1
\v 11 ᒥᓇᐃᑯᐅᒡ ᒥᓯᐛ ᐊᐛᓯᓯᒡ ᐊᔅᒋᒡ:
\q2 ᐸᒂᒋ ᑲᓂᐧᑲᑎᓯᒡ ᑲᐸᐃᑭᔎᐅᒡ ᐊᑯᑕ ᒪᓂᒡ᙮
\q1
\v 12 ᒥᒋᒪ ᐅᑕ ᐊᑯᑕ ᒐ ‍ ᐎᒋᒡ ᒋᓯᑯᒡ ᐱᔭᓱᐅᒡ,
\q2 ᑲ ‍ ᓂᑭᒧᒡ ᐊ ‍ ᐅᑎᐧᑯᓄᐎᒡ᙮
\q1
\v 13 ᓱᒋᔅᑕᐤ ᐱᔅᑯᑎᓇᐛ ᐅᑲᐱᔅᒋᒐᔭᒥᒡ ᐅᒡ᙮
\q2 ᐊᔅᒋᒡ ᓴᑭᔅᒋᓇᐤ ᐊ ᐃᓯ ‍ ᒥᓂᓱᐅᒡ ᒋᑦ ᐊᑐᔅᒐᐅᓇ᙮
\q1
\v 14 ᒥᔅᑯᓯᔭ ᓂᑕᐅᒋᑎᒧᐛᐤ ᐅᐧᑲᓇ,
\q2 ᑭᔭ ᓂᑕᐅᒋᑕᑭᓂᓴ ᒐ ‍ ᐊᐱᒋᑕᔨᒋ ᐃᔪᐛ:
\q2 ᒐᒋ ᓂᑕᐅᒋᑕᔨᒋ ᒥᒋᒥᔪᐤ ᐊᔅᒋᒡ᙮
\q1
\v 15 ᑭᔭ ᓱᒥᓇᐳᔪᐤ ᑲ ‍ ᓯᒋᔭᐃᑕᔅᑲᑯᑦ ᐃᔪᐤ;
\q2 ᑭᔭ ᐱᒥᔪᐤ ᑲ ‍ ᐛᓯᒂᔅᑲᑯᑦ,
\q2 ᑭᔭ ᐸᒂᓯᑭᓇ ᑲ ‍ ᒥᔅᑯᐅᑕᐊᔅᑲᑯᑦ ᐃᔪᐤ᙮
\q1
\v 16 ᐅᒥᔅᑎᑯᒪ ᑎᐸᔨᒋᒐᓱᐤ ᓴᑭᔅᒋᓇᐸᒋᓯᔨᐛ ᐊᐱᑯᓂᔨᒡ:
\q2 ᒪᔅᒋᔅᑲᑎᒂ ᓚᐸᓇᓂᒡ ᑲᒋ ‍ ᓂᑕᐅᒋᐊᑦ;
\q1
\v 17 ᐊᓐᑕ ᐱᔭᓱᐅᒡ ᑲ ᐃᓯ ‍ ᐛᒋᔅᑐᓂᐧᑲᓱᒡ:
\q2 ᐎᔾ ᒪᒃ ᑲᒋᓄᑯᑕᑦ ᐱᔭᓱᐤ ᐅᔅᒋᔅᑲᑎᒂ ᐊᔪᐅᒄ ᐎᒡ᙮
\q1
\v 18 ᑲ ‍ ᐃᔅᐸᑎᓇᔨᒋ ᐱᔅᑯᑎᓇᐛ ᐊᐅᑯᓂ ᐅᓇᑕᓯᒧᐅᓄᐛᐛ ᑲ ‍ ᐅᑦ ᐊᔅᑭᓂᓯᒡ ᑲ ‍ ᐊᐱᓯᓯᒡ ᐊᐛᓯᓯᒡ,
\q2 ᑭᔭ ᒋᔅᑕᐱᔎ ᐎᔨᐛᐤ ᐎᓂᔅᑯᒡ᙮
\b
\q1
\v 19 ᒋ ‍ ᐅᔭᒋᒪᐤ ᑎᐱᔅᑲᐤ ᐱᓯᒺ ᓇᓇᐧᑯ ᐊ ‍ ᐊᔨᔅᐱᑕᔪᔨᒡ;
\q2 ᒋᓯᑲᐤ ᐱᓯᒻ ᒋᔅᒐᔨᑎᒻ ᒐ ᐃᔅᐱ ‍ ᐸᒋᓯᒧᑦ᙮
\q1
\v 20 ᒋ ‍ ᐅᓯᑕᓐ ᑎᐱᔅᑲᐅᓐ, ᑎᐱᔅᑲᐤ ᒪᒃ:
\q2 ᐃᔅᐱ ᒥᓯᐛ ᐊᐛᓯᓯᒡ ᓄᒋᒥᒡ ᑲ ᐃᓯ ‍ ᐎᐎᑕᒋᒧᒡ᙮
\q1
\v 21 ᒥᓯᐱᓯᓯᒡ ᐎᔪᐛᒡ ᐊ ᐎ ‍ ᒥᒋᓱᒡ,
\q2 ᑭᔭ ᐅᒥᒋᒥᒧᐛᐤ ᐱᑯᓴᔨᑎᒧᐛᐅᒡ ᒋᓴᒪᓂᑐᐛ᙮
\q1
\v 22 ᐱᓯᒻ ᓴᑲᔅᑐᐛᐤ; ᒪᒧᐤ ᒪᐅᒋᐃᑐᐅᒡ,
\q2 ᓇᐃᓯᓄᐅᒡ ᒪᒃ ᐅᐛᑎᑯᐛᒡ᙮
\q1
\v 23 ᐃᔪᐤ ᓇᑎᒻ ᐅᑦ ᐊᑐᔅᒐᐅᓐ,
\q2 ᑭᔭ ᐅᑦ ᐊᐸᑎᓯᐅᓐ ᐃᔅᐱᔅ ᐊᑎ ‍ ᐅᑕᑯᓯᔨᒋ᙮
\b
\s2 Psalm 104:24-34, 35b (Pentecost Year A, B, C)
\q1
\v 24 ᐅ ᑎᐸᔨᒋᒐᔨᓐ ᑕᑈ ᒥᒐᓇ ᒋᑦ ᐊᑐᔅᒐᐅᓇ !
\q2 ᑭᒐᑕᐛᔨᑎᒧᐅᓂᒡ ᒥᓯᐛ ᔅᒋ ‍ ᐅᓯᑕᓐ:
\q2 ᐊᔅᒋᔾ ᓴᑭᔅᒋᓇᐤ ᒋᐛᔪᑎᓯᐅᓇ ᐅᒡ᙮
\q1
\v 25 ᒧᔭᒻ ᑭᔭ ᐅ ᑲᒥᓴᒡ ᑭᔭ ᑲ ‍ ᐃᔨᑭᔅᑲᒡ ᐎᓂᐸᒄ,
\q2 ᐊᓐᑕ ᑲ ‍ ᑕᒡ ᑲ ‍ ᐱᐸᒥᑕᒋᒧᒡ, ᒐ ᐊᑲ ᒋ ᐊᒋᒪᑭᓄᐎᒡ,
\q2 ᐊ ‍ ᐃᔭᐱᓯᓯᒡ, ᑭᔭ ᐊ ‍ ᒪᒥᓯᑎᒡ ᐊᐛᓐᒋ᙮
\q1
\v 26 ᐊᑯᑕ ᐊᔅᐱᔨᒋ ᑲ ‍ ᐱᒪᔅᑎᒋ ᐅᐤᑕ;
\q2 ᐊᑯᑕ ᑭᔭ ᐊ ‍ ᑕᑦ ᓚᐸᐃᔭᑕᓐ ᑲ ‍ ᐅᓯᐊᑦ ᐊᓐᑕ ᒐᒋ ᒪᑐᐛᑦ᙮
\b
\q1
\v 27 ᒥᓯᐛ ᐅᒋ ᒋ ‍ ᐱᑯᓴᔨᒥᑯᒡ;
\q2 ᒐᒋ ᒥᔨᑥᐤ ᐅᒥᒋᒧᐛᐤ ᐛᑎᒋᐱᔨᒋ᙮
\q1
\v 28 ᒪᐅᒋᑕᐅᒡ ᑲ ᐃᓯ ‍ ᒥᔨᑥᐤ:
\q2 ᒋ ‍ ᓴᑐᐱᔨᑕᓐ ᔅᑎᒋᔾ, ᓴᑭᔅᒋᓇᔅᑲᑯᐅᒡ ᑲ ‍ ᒥᔽᓯᔨᒡ᙮
\q1
\v 29 ᒋ ‍ ᑲᓱᓐ, ᒥᑯᔅᑲᑎᓯᐅᒡ,
\q2 ᒋ ‍ ᐅᑎᓇᒺᓐ ᐅᔭᔭᐅᓄᐛᐤ, ᓂᐳᐅᒡ,
\q2 ᑭᔭ ᐅᑦ ᐊᓯᔅᒋᐅᓄᐛᒡ ᐃᓯ ᒋᐛᐅᒡ᙮
\q1
\v 30 ᒋ ‍ ᒋᑎᓴᐛᐤ ᒋᑦ ᐊᒐᐧᒄ, ᐅᓯᐊᑭᓄᐎᒡ;
\q2 ᒋᑦ ᐅᔅᒋᓇᑯᑕᓐ ᒪᒃ ᐊᔅᒋᔾ᙮
\b
\q1
\v 31 ᐅᒋᔅᑕᔨᑕᑯᓱᐅᓐ ᑎᐸᔨᒋᒐᓱᐤ ᑲᒋᒡ ᒋᑭ ‍ ᑎᒂᓂᔪᐤ:
\q2 ᑎᐸᔨᒋᒐᓱᐤ ᒋᑭ ‍ ᒥᔽᔨᑎᒻ ᐅᑦ ᐊᑐᔅᒐᐅᓂᒡ ᐅᒋ᙮
\q1
\v 32 ᑭᓄᐛᐸᑎᒻ ᐊᔅᒋᔪᐤ, ᐊᑯ ᓂᔭᓇᒥᐱᔨᒡ,
\q2 ᑕᒋᓂᒻ ᐱᔅᑯᑎᓇᐛ, ᐊᑯ ᐸᐳᑕᐱᔨᒋ᙮
\b
\q1
\v 33 ᓂᑭ ‍ ᓂᑭᒧᔅᑐᐛᐤ ᑎᐸᔨᒋᒐᓱᐤ ᒥᒄ ᒐ ‍ ᐃᔅᐱᔅ ᐱᒪᑎᓯᔭᓐ:
\q2 ᐊ ‍ ᓂᑭᒧᔭᓐ ᓂᑭ ‍ ᒪᒥᒋᒪᐤ ᓂᒋᓴᒪᓂᑐᒻ ᒪᒂᒡ ᐊ ‍ ᑕᔭᓐ᙮
\q1
\v 34 ᒋᑭ ‍ ᐎᐧᑭᓐ ᐊ ‍ ᒪᒥᑐᓇᔨᒥᒃ:
\q2 ᓂᑭ ‍ ᓯᒋᔭᓯᓐ ᑎᐸᔨᒋᒐᓱᐤ ᐅᒋ᙮
\q1
\v 35 ᐊᑯᔅ ᐅᒥᒋᑥᐅᒡ ᒋᑭ ‍ ᓂᓱᐅᓇᑎᓯᐅᒡ ᐊᔅᒋᒡ ᐅᒡ,
\q2 ᑭᔭ ᑲ ‍ ᒥᒋᑐᑎᒥᔨᒋ ᒋᑭ ‍ ᐳᓂᑕᐅᒡ᙮
\b
\q1 ᒪᒥᒋᒻ ᑎᐸᔨᒋᒐᓱᐤ ᐅ ᓂᑦ ᐊᒐᐧᒄ᙮
\b
\q2 ᒪᒥᒋᒥᐧᒄ ᑎᐸᔨᒋᒐᓱᐤ !
\c 105
\s2 Psalm 105:1-11, 45b (Proper-12 Year A)
\s2 Psalm 105:1-6, 16-22, 45b (Proper-14 Year A)
\s2 Psalm 105:1-6, 23-26, 45b (Proper-17 Year A)
\s2 Psalm 105:1-6, 37-45 (Proper-20 Year A)
\q1
\v 1 ᐅ ᓂᓇᔅᑯᒥᐧᒄ ᑎᐸᔨᒋᒐᓱᐤ; ᓇᓂᑐᑎᒺᐧᒄ ᐅᑦ ᐃᓯᓂᐧᑲᓱᐅᓐ:
\q2 ᒋᔅᒐᔨᑕᑯᑕᐛᐧᒄ ᐅᑦ ᐃᑐᐅᓇ ᐊᓐᑕ ᐊ ‍ ᐃᑕᔨᒋ ᐃᔪᐛ᙮
\q1
\v 2 ᓂᑭᒧᔅᑕᐧᒄ, ᓂᑭᒧᐅᓇ ᓂᑭᒧᔅᑕᐧᒄ᙮
\q2 ᐊᔨᒧᑎᒺᐧᒄ ᐅ ᒪᒥᔅᑲᒡ ᐊᑐᔅᒐᐅᓇ᙮
\q1
\v 3 ᒋᔅᑕᔨᒪᐧᒄ ᐅᐸᔭᒋ-ᐃᓯᓂᐧᑲᓱᐅᓂᒡ:
\q2 ᐊᑯᔅ ᒋᑭ ‍ ᓯᒋᓯᔅᑐᐊᐅᒡ ᐊᓐᒡ ᑲ ‍ ᓇᓂᑐᐛᔨᒪᒡ ᑎᐸᔨᒋᒐᓱᐛ
\q1
\v 4 ᓇᓂᑐᐛᔨᒪᐧᒄ ᑎᐸᔨᒋᒐᓱᐤ ᑭᔭ ᐅᒪᔅᑲᐎᓯᐅᓐ:
\q2 ᓇᓂᑐᐛᔨᑎᒺᐧᒄ ᐅᑕᔅᑎᒥᐧᒄ ᑲᒋᒡ᙮
\b
\q1
\v 5 ᒋᔅᒋᑎᒺᐧᒄ ᐅᒪᒥᔅᑲᒡ-ᐃᑐᐅᓇ ᑲ ‍ ᐃᑐᑕᐧᒃ;
\q2 ᐅᒥᒪᑕᐅ-ᐃᑐᐅᓇ, ᑭᔭ ᐅᑎᐸᔅᑯᓂᒐᐅᓇ ᐅᑐᓂᒡ᙮
\q1
\v 6 ᐅ ᒋᔨᐛᐤ ᐅᑦ ᐊᐛᓯᒥᓴ ᐊᑉᕋᐊᒻ ᐎᔾ ᐅᑦ ᐊᑐᔅᒐᔭᑭᓇ,
\q2 ᒋᔨᐛᐤ ᐅᑦ ᐊᐛᓯᒥᓴ ᒐᑭᑉ ᐅᐛᐛᔭᐱᒪᑭᓇ᙮
\q1
\v 7 ᐎᔾ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ:
\q2 ᐅᑎᐸᔅᑯᓂᒐᐅᓇ ᒥᓯᐛᔅᑭᒥᒡ ᐃᑕᑯᓂᔪᐛ᙮
\b
\q1
\v 8 ᒧᓯᓇᐤ ᒋ ‍ ᒋᔅᒋᓯᐤ ᑲ ᐃᓯ ‍ ᓂᔅᑯᒧᑦ,
\q2 ᐊᓂᔭᔪᐤ ᐃᔨᒧᐅᓂᔪᐤ ᑲ ‍ ᐃᑎᓱᒪᑦ ᐃᔅᐱᔅ ᒐᓯᐱᔪᐤ ᑲ ᐊᑎ ᐊᓂᔅᒐ ‍ ᐱᒪᑎᓯᔨᒋ᙮
\q1
\v 9 ᐊᓂᔭᔪᐤ ᓂᔅᑯᒥᑐᐅᓂᔪᐤ ᑲ ‍ ᐎᒋᓂᔅᑯᒪᑦ ᐊᑉᕋᐊᒪ,
\q2 ᑭᔭ ᐊᓂᔭᔪᐤ ᑲᒋ ‍ ᒋᒋᐃᑕᑦ ᐊᐃᓯᑲ;
\q1
\v 10 ᐎᓱᐛᐅᓂᒡ ᒐᑭᐸ ᒋ ‍ ᐊᔨᑎᔅᑕᐛᐤ,
\q2 ᑭᔭ ᐃᔅᕋᐃᓚ ᑲᒋᒡ ᒐᒋ ᐅᓂᔅᑯᒥᑐᐅᓂᔨᒋ:
\q1
\v 11 ᐊ ‍ ᐃᑕᑦ, “ᒋᔾ ᒋᑭ ‍ ᒥᔨᑎᓐ ᑲᐃᓇᓐ ᐊᔅᒋᔾ,
\q2 ᒐᒋ ᑎᐱᔨᐛᐅᓯᔨᓐ᙮”
\b
\q1
\v 12 ᒪᒂᒡ ᐊᔅᒄ ‍ ᐊᑲ ᒥᒐᑎᒡ ᐃᔪᒡ;
\q2 ᓂᐦᐃ, ᓇᔅᒡ ᐊᑲ ᒥᒐᑎᒡ ᐃᔪᒡ, ᑭᔭ ᐊ ‍ ᒪᓐᑕᐅᒡ ᐊᓐᑕ᙮
\q1
\v 13 ᐊ ‍ ᒪᒥᔅᑯᒡ ᓇᑕᒡ ᓇᓇᐧᑯᐤ ᐊ ‍ ᐃᑎᔅᑲᓇᓯᔨᒋ ᐃᔪᐛ,
\q2 ᐸᐃᒄ ᐅᒋᒪᐅᓂᔪᐤ ᐅᒡ ᐊ ‍ ᓇᑕᒡ ᑯᑎᑲ ᐃᔪᐛ;
\q1
\v 14 ᓇᒪ ᐅᒡ ᓇᐊᔨᒪᐤ ᐃᔪᐛ ᒐᒋ ᒥᒋᑐᑐᐛᔨᒋ:
\q2 ᓂᐦᐃ, ᒋ ‍ ᒋᑕᐊᒧᐛᐤ ᒋᓴᐅᒋᒪᐛ ᐎᔨᐛᐤ ᐅᒡ;
\q1
\v 15 ᐊ ‍ ᐃᑕᑦ, “ᐊᑲᐎᔾ ᑕᒋᓇᐧᒄ ᓂᑐᒥᔅᑯᓂᑭᓐ,
\q2 ᐊᑲ ᑭᔭ ᐎᔭᔅᑐᑕᐧᑯᒡ ᓂᑦ ᐅᒋᔅᒋᐛᐃᒐᓯᒥᒡ᙮”
\b
\s2 Psalm 105:1-6, 16-22, 45b (Proper-14 Year A)
\q1
\v 16 ᑭᔭ ᒋ ‍ ᑕᑈᑎᒻ ᒐᒋ ᑯᐅᐧᑭᑕᓄᐎᒡ ᐊᔅᒋᒡ:
\q2 ᒋ ‍ ᐱᑯᓇᐤ ᐊᒥᓯᐛᔭᔅᑯᓯᔨᒋ ᐸᒂᓯᑭᓇ᙮
\q1
\v 17 ᒋ ‍ ᓂᑲᓂᑎᓴᐊᒧᐛᐤ ᐃᔪᐛ,
\q2 ᒍᓯᐸ ᐅᑎ, ᑲ ‍ ᐊᑕᐛᒐᓄᐅᑦ ᒐᒋ ᐊᑐᔅᒐᔭᑭᓄᐅᑦ:
\q1
\v 18 ᑲ ‍ ᒪᒪᒋᑯᓯᑕᔭᐱᔅᑲᐛᒡ:
\q2 ᑲ ‍ ᐱᒥᓯᒪᒡ ᐃᓴᑯᒡ:
\q1
\v 19 ᐸᑎᒪ ᐅᑦ ᐃᔨᒧᐅᓐ ᐊᒋ ‍ ᐸᐱᔨᒡ:
\q2 ᑎᐸᔨᒋᒐᓱᐛ ᐅᑦ ᐃᔨᒧᐅᓂᔪᐤ ᒋ ‍ ᑯᒋᐃᑯᐤ᙮
\q1
\v 20 ᒋᓴᐅᒋᒪᐤ ᒋ ‍ ᐃᑎᓱᐛᐤ ᒐᒋ ᐱᐧᑯᐊᑦ;
\q2 ᑲ ‍ ᑎᐸᔨᒪᑦ ᐃᔪᐛ ᐅᑎ, ᑭᔭ ᒋ ‍ ᐱᔅᑎᓇᐤ᙮
\q1
\v 21 ᒋ ‍ ᑎᐸᔨᑎᒪᐊᐤ ᐎᒡ,
\q2 ᐊᑎᐸᔨᑎᒥᔨᒋ ᒥᓯᐛ ᐅᑦ ᐊᔭᓇ᙮
\q1
\v 22 ᒐᒋ ᑐᑐᐛᔨᒋ ᐅᒋᒪᒪ ᑕᓐ ᐊᓂᔭᔪᐤ ᐊᓯ ᒥᔽᔨᑎᒥᔨᒋ;
\q2 ᑭᔭ ᑲᒐᑕᐛᔭᔨᑎᒧᐅᓂᔪᐤ ᒐᒋ ᒋᔅᑯᑎᒧᐛᔨᒋ ᐅᑲᒐᔅᒋᒧᐛᒪ᙮
\b
\s2 Psalm 105:1-6, 23-26, 45b (Proper-17 Year A)
\q1
\v 23 ᐃᔅᕋᐃᓪ ᐊᓯᒡ ᒋ ᐸᒋ ‍ ᐃᑐᑕᐤ ᐃᒋᑉᑎᒡ;
\q2 ᒐᑭᑉ ᑭᔭ ᒋ ‍ ᐎᒋᐤ ᐦᐊᒪ ᐅᑦ ᐊᔅᒋᔨᒡ᙮
\q1
\v 24 ᓇᔅᒡ ᒪᒃ ᒋ ‍ ᒥᒐᑐᐛᐤ ᐅᑦ ᐃᔨᒪ;
\q2 ᐊᔪᐛᒃ ᑭᔭ ᒋ ‍ ᒥᔅᑯᐅᓯᐊᐤ ᐃᔅᐱᔅ ᑲ ‍ ᐛᐧᑲᑎᑯᔨᒋ᙮
\q1
\v 25 ᒋ ‍ ᒂᔅᒋᓇᒺᐤ ᐅᑕᐃᔪᐤ ᒐᒋ ᐛᐧᑲᑕᔨᒋ ᐅᑦ ᐃᔨᒪ,
\q2 ᒐᒋ ᐎᔭᓯᐊᔨᒋ ᐅᑦ ᐊᑐᔅᒐᔭᑭᓇ᙮
\q1
\v 26 ᒋ ‍ ᐃᑎᓴᐛᐤ ᐅᑦ ᐊᑐᔅᒐᔭᑭᓇ ᒧᓱᓴ,
\q2 ᑭᔭ ᐊᕋᓇ ᑲ ‍ ᐅᐛᔭᐱᒪᑦ᙮
\q1
\v 27 ᒋ ‍ ᐛᐸᑎᔨᐛᐅᒡ ᐅᒋᔅᒋᓄᐛᒋᒋᑭᓂᔪᐛ ᐊᓐᑕ ᐊ ‍ ᐃᑕᔨᒋ,
\q2 ᑭᔭ ᒪᒪᑕᐤ ᐃᑐᐅᓇ ᐦᐊᒻ ᐊᔅᒋᒡ᙮
\q1
\v 28 ᒋ ‍ ᐃᓯᑎᓴᐊᒻ ᑎᐱᔅᑲᐅᓂᔪᐤ, ᒋ ‍ ᐛᓂᑎᐱᔅᒋᑕᐤ ᒪᒃ;
\q2 ᓇᒪ ᑭᔭ ᐅᒋ ‍ ᐊᔨᐛᔨᒧᑐᑎᒥᔪᐛ ᐅᑦ ᐃᔨᒧᐅᓐ᙮
\q1
\v 29 ᒥᐧᑯᒡ ᒋ ᐃᓯ ‍ ᒂᔅᒋᓇᒺᐤ ᐅᓂᐱᒥᔪᐛ,
\q2 ᑭᔭ ᒋ ‍ ᓂᐸᔨᒪᐤ ᐅᓂᒪᓯᒥᔨᐛ᙮
\q1
\v 30 ᐅᑦ ᐊᔅᒋᐛᒡ ᓇᔅᒡ ᒥᒐᑦ ᐊᔨᑭᓴ ᒋ ‍ ᓂᑕᐅᒋᔪᐛ,
\q2 ᐎᒋᔨᒡ ᐅᒋᓴᐅᒋᒪᒧᐛᐛ᙮
\q1
\v 31 ᒋ ‍ ᐃᔨᒧᐤ, ᐊᑯ ᐱᔭᒡ ᐃᑐᑕᔨᒋ ᒥᒐᑦ ᓇᓇᐧᑯᐤ ᒥᓐᑐᓴ ᑲ ‍ ᐱᐸᒥᔭᔨᒋ,
\q2 ᑭᔭ ᐅᒐᐅᒡ ᒥᓯᐛ ᐅᑦ ᐊᔅᒋᔨᒡ᙮
\q1
\v 32 ᒋ ‍ ᒥᔭᐤ ᓴᓴᑭᓂᔪᐤ ᒥᔅᑯᒡ ᒋᒧᓂᔪᐤ,
\q2 ᑭᔭ ᐊ ‍ ᐛᔭᑕᔨᒡ ᐃᔅᑯᑕᔪᐤ ᐅᑦ ᐊᔅᒋᔨᒡ᙮
\q1
\v 33 ᒋ ‍ ᓂᓱᐅᓇᒋᐃᒪᐤ ᐅᓱᒥᓂᑎᑯᒥᔨᐛ ᑭᔭ ᐅᐸᒐᓴᓂᒥᓇᑎᑯᒥᔨᐛ;
\q2 ᒋ ‍ ᐱᑯᓇᐤ ᒥᔅᑎᒂ ᐅᑦ ᐊᔅᒋᔨᒡ᙮
\q1
\v 34 ᒋ ‍ ᐃᔨᒧᐤ, ᐊᑯ ᐱᔭᒋ ‍ ᐃᑐᑕᒡ ᒂᔅᒂᑯᑎᓯᓯᒡ,
\q2 ᑭᔭ ᐛᐛᒋᒧᑕᐅᒡ ᐊᑲ ᐊᒋ ‍ ᐊᒋᒪᑭᓄᔨᒋ;
\q1
\v 35 ᒋ ‍ ᒥᒍᐅᒡ ᒪᒃ ᒥᓯᐛ ᓂᑕᐅᒋᑕᑭᓂᓴ ᐅᑦ ᐊᔅᒋᔨᒡ,
\q2 ᒋ ‍ ᒋᑕᐅᒡ ᑭᔭ ᒥᓂᓴ ᑲ ‍ ᓂᑕᐅᒋᓂᔨᒋ᙮
\q1
\v 36 ᒋ ‍ ᓂᐸᐊᐤ ᒥᓯᐛ ᓂᔅᑎᒧᓴᓇ ᐅᑦ ᐊᔅᒋᔨᒡ,
\q2 ᑲ ‍ ᓂᑲᓇᔨᑕᑯᓯᔨᒋ ᐅᒥᔅᑯᐅᓯᒥᔪᐛ᙮
\b
\s2 Psalm 105:1-6, 37-45 (Proper-20 Year A)
\q1
\v 37 ᒋ ᐸᒋ ‍ ᐎᐎᑕᐊᐤ ᒪᒃ ᐊ ‍ ᐊᔭᔨᒋ ᓱᓇᔭᐱᔅᑯᔪᐤ ᑭᔭ ᐎᔄᐅᓱᓇᔭᐱᔅᑯᔪᐤ;
\q2 ᓇᒪ ᐛᐛᒡ ᐸᐃᒄ ᐅᒡ ‍ ᐃᔨᓯᔪᐛ ᐊᐛᔪᐛ ᒥᓯᐛ ᐊ ‍ ᑕᑐᑕᐅᓯᔨᒋ᙮
\q1
\v 38 ᐃᒋᑉᑦ ᐃᔪᒡ ᒋ ‍ ᓯᒋᔭᓱᐅᒡ ᐊᒋ ‍ ᔅᑐᑕᔨᒋ;
\q2 ᐛᔅ ᒋ ‍ ᑯᔅᑕᐅᒡ᙮
\q1
\v 39 ᒋᐎᔨᑯᑕᐤ ᑭᔅᑯᐅᓇ ᒐᒋ ᐊᑯᓇᐅᑯᔨᒋ;
\q2 ᑭᔭ ᐃᔅᑯᑕᔪᐤ ᒐᒋ ᐛᔅᑕᓂᒪᑯᔨᒋ ᐊ ‍ ᑎᐱᔅᑲᔨᒡ᙮
\q1
\v 40 ᐃᔪᐛ ᒋ ‍ ᓂᑐᑎᒪᔪᐛ, ᐊᑯ ᐱᐊᑐᐛᑦ ᐱᔭᓱᐛ,
\q2 ᑭᔭ ᒋᒋᔅᐳᐊᐤ ᐸᒂᓯᑭᓇ ᒋᒋᒋᓯᑯᒡ ᐅᒋ᙮
\q1
\v 41 ᒋᐊᐸᐛᐤ ᒋᔅᑕᐱᔎ, ᐊᑯ ᐛᔭᐎᐱᔨᒡ ᓂᐱᔪᐤ:
\q2 ᒋᐱᒥᒍᐅᓇ ᐊᐸᐸᔅᑕᒡ ᒧᔭᒻ ᐊ ‍ ᓯᐱᐅᒡ᙮
\b
\q1
\v 42 ᐛᔅ ᒋ ‍ ᒋᔅᒋᐤ ᐅᐸᔭᒋ ᐊᓱᑎᒪᒐᐅᓐ,
\q2 ᑭᔭ ᐅᑦ ᐊᑐᔅᒐᔭᑭᓇ ᐊᑉᕋᐊᒪ᙮
\q1
\v 43 ᒋ ᐸᒋ ‍ ᐎᐎᑕᐊᐤ ᒪᒃ ᐅᑦ ᐃᔨᒪ ᒥᔽᔨᑎᒧᐅᓂᒡ,
\q2 ᑭᔭ ᐅᐛᔭᐱᒪᑭᓇ ᓱᒋᔭᓱᐅᓂᒡ:
\q1
\v 44 ᒋ ‍ ᒥᔭᐤ ᒪᒃ ᐅᑦ ᐊᔅᒋᔪᐤ ᐊᑲ ᐊᔭᒥᐊᔨᒋ:
\q2 ᒋ ‍ ᑎᐸᔨᑎᒺᐅᒡ ᒪᒃ ᐅᑦ ᐊᐱᑎᓯᐅᓂᔪᐤ ᐃᔪᐛ;
\q1
\v 45 ᒐᒋ ᐃᑐᑎᒺᒡ ᐅᑦ ᐃᑎᓱᐛᐅᓂᔪᐤ,
\q2 ᑭᔭ ᑭᓄᐛᔨᑎᒺᒡ ᐅᐎᔨᓱᐛᓂᔪᐤ᙮
\b
\s2 Psalm 105:1-11, 45b (Proper-12 Year A)
\s2 Psalm 105:1-6, 16-22, 45b (Proper-14 Year A)
\s2 Psalm 105:1-6, 23-26, 45b (Proper-17 Year A)
\q1 ᒪᒥᒋᒥᐧᒄ ᑎᐸᔨᒋᒐᓱᐤ !
\c 106
\s2 Psalm 106:1-6, 19-23 (Proper-23 Year A)
\q1
\v 1 ᒪᒥᒋᒥᐧᒄ ᑎᐸᔨᒋᒐᓱᐤ !
\b
\q1 ᐅ ᓂᓇᔅᑯᒥᐧᒄ ᑎᐸᔨᒋᒐᓱᐤ; ᐛᔅ ᒥᔽᑎᓯᐤ:
\q2 ᐛᔅ ᐅᓱᐛᔨᒋᒐᐅᓐ ᑲᒋᒡ ᒋᑭ ‍ ᑎᑯᓂᔪᐤ᙮
\q1
\v 2 ᐊᐛᓐ ᒐᒋ ᐎᑕᒺᑦ ᐅᓱᐧᑲᑎᓯᐅ-ᐃᑐᐅᓂᔪᐛ ᑎᐸᔨᒋᒐᓱᐛ ?
\q2 ᐊᐛᓐ ᒐᒋ ᓄᑯᑕᐛᑦ ᒥᓯᐛ ᐅᒪᒥᒋᒥᑯᓯᐅᓂᔪᐤ ?
\q1
\v 3 ᓱᐛᔨᑕᑯᓱᐅᒡ ᐊᓐᒡ ᑲ ‍ ᑭᓄᐛᔨᑕᒡ ᑎᐸᔅᑯᓂᒐᐅᓂᔪᐤ,
\q2 ᐊᓐ ᑭᔭ ᒧᔅ ᑲ ‍ ᐃᑐᑕᐧᒃ ᑯᐃᔅᑯᑕᑎᓯᐅᓂᔪᐤ᙮
\q1
\v 4 ᒋᔅᒋᑐᐎ, ᐅ ᑎᐸᔨᒋᒐᓱᐤ, ᑲ ᐃᓯ ‍ ᒋᓴᐛᑐᑐᐅᑥᐤ ᒋᑦ ᐃᔨᒥᒡ:
\q2 ᐅ ᒧᐅᐱᔅᑐᐎ ᒋᐱᒪᒋᐃᐛᐅᓐ ᐅᒡ;
\q1
\v 5 ᒐᒋ ᐛᐸᑎᒪᓐ ᐊ ‍ ᒥᔪᐊᔭᒡ ᒋᐅᐛᔭᐱᒪᑭᓐᒡ,
\q2 ᒐᒋ ᒧᒋᒐᔨᑎᒪᓐ ᐊ ‍ ᓯᒋᔭᓯᒡ ᒋᑦ ᐃᔨᒥᒡ,
\q2 ᒐᒋ ᐎᒋ ‍ ᒥᔽᔨᑎᒧᒥᒂᐤ ᒋᑎᐸᔨᒪᑭᓐᒡ᙮
\b
\q1
\v 6 ᓂᒋ ᐎᒋ ‍ ᒥᒋᑐᑎᒧᒪᓇᓐᒡ ᓄᑕᐎᓇᓐᒡ,
\q2 ᓂᒋ ‍ ᒥᒐᑎᓱᐅ-ᑐᑕᓇᓐ,
\q2 ᓂᒋ ‍ ᒥᒋᐃᔨᑎᓇᓐ᙮
\q1
\v 7 ᓄᑕᐎᓇᓐᒡ ᓇᒪᐎᔾ ᐅᒋ ‍ ᓂᔅᑐᑎᒧᒡ ᒋᒪᒥᔅᑲᒡ-ᐃᑐᐅᓇ ᐃᒋᑉᑎᒡ;
\q2 ᓇᒪᐎᔾ ᐅᒋ ‍ ᒋᔅᒋᐅᒡ ᐊᔅᐱᔅ ᒥᒐᓂᔨᒋ ᒋᓱᐛᔨᒋᒐᐅᓇ;
\q2 ᒪᒃ ᒋ ‍ ᒋᔄᐛᐅᒡ ᐎᓂᐸᑯᒡ, ᒥᒂᑭᒥ ᐎᓂᐸᑯᒡ ᐅᑦ᙮
\q1
\v 8 ᐃᔭᐱᒡ ᒪᒃ ᒋ ‍ ᐱᒪᒋᐊᐤ ᐅᑦ ᐃᓯᓂᐧᑲᓱᐅᓐ ᐅᒡ,
\q2 ᒐᒋ ᒋᔅᒐᔨᑕᑯᑕᑦ ᐅᑭᔅᒋᐅᓐ᙮
\q1
\v 9 ᒋ ‍ ᔅᑐᑎᒻ ᑭᔭ ᒥᒂᑭᒥ ᐎᓂᐸᑯᔪᐤ, ᐊᑯ ᐱᐊᔅᑕᔨᒡ:
\q2 ᒋ ‍ ᓴᐳᑐᐛᑕᐊᐤ ᒪᒃ ᐊᓐᑕ ᐊ ‍ ᒋᔅᑲᔭᐛᔨᒡ ᒧᔭᒻ ᐸᐧᑯᑎᔅᑭᒥᑲᒡ᙮
\q1
\v 10 ᒋ ‍ ᐎᐧᑯᒋᐊᐤ ᒪᒃ ᐅᑎᒋᔨᒡ ᐅᒋ ᑲ ‍ ᐛᐧᑲᑎᑯᔨᒋ,
\q2 ᑭᔭ ᒋ ‍ ᐱᒪᒋᐊᐤ ᐅᑎᒋᔨᒡ ᐅᒋ ᑲ ‍ ᒪᓯᐃᑯᐃᒋ᙮
\q1
\v 11 ᓂᐱᔪᐤ ᒪᒃ ᒋ ‍ ᐊᒂᓇᐅᑯᔪᐛ ᑲ ‍ ᐛᐧᑲᑎᑯᔨᒋ;
\q2 ᓇᒪ ᐛᐛᒡ ᐸᐃᒄ ᒋ ‍ ᐃᔅᑯᐱᔪᐛ᙮
\q1
\v 12 ᐊᑯ ᑎᔭᑈᑎᒺᒡ ᐅᑦ ᐃᔨᒧᐅᓂᔪᐤ;
\q2 ᐊ ‍ ᓂᑭᒧᒡ ᒋ ‍ ᒪᒥᒋᒪᐅᒡ᙮
\b
\q1
\v 13 ᐎᐱᒡ ᒋ ‍ ᐅᓂᒋᔅᒋᐛᐅᒡ ᐅᑦ ᐊᑐᔅᒐᐅᓂᔪᐤ;
\q2 ᓇᒪᐎᔾ ᐅᒋ ‍ ᐊᓯᓂᐛᑕᐛᐅᒡ ᐅᑭᒐᔅᒋᒧᐛᐅᓂᔪᐤ:
\q1
\v 14 ᒪᒃ ᓇᔅᒡ ᒋ ‍ ᒥᒋᐃᑕᔨᑎᒧᒡ ᐸᐧᑯᑎᔅᑭᒥᑲᒡ;
\q2 ᑭᔭ ᒋ ‍ ᑯᒂᒋᐊᐅᒡ ᒋᓴᒪᓂᑐᐛ ᐊᓐᑕ ᐊᒋᐛᑕᔨᑕᑯᓂᔨᒡ ᐊᔅᒋᔪᐤ᙮
\q1
\v 15 ᒋ ‍ ᒥᔭᐤ ᒪᒃ ᑲ ᐃᓯ ‍ ᓂᑐᑎᒪᔨᒋ;
\q2 ᒪᒃ ᑯᐧᑭᑕᐅᓂᔪᐤ ᒋ ‍ ᐃᑎᓴᐊᒧᐛᐤ ᐅᑦ ᐊᒐᐧᑯᔪᐛ᙮
\b
\q1
\v 16 ᒋ ‍ ᐅᑕᔨᒪᐅᒡ ᒧᓱᓴ ᑭᔭ ᐊᓐᑕ ᐊ ‍ ᐎᒋᓇᓄᐎᒡ,
\q2 ᑭᔭ ᐊᕋᓇ ᐅᐸᔭᒋᓯᒪ ᑎᐸᔨᒋᒐᓱᐤ᙮
\q1
\v 17 ᐊᔅᒋᔾ ᒋ ‍ ᑕᑐᐱᔪᐤ ᑭᔭ ᒋ ‍ ᑯᒋᐸᔨᐃᑯᐤ ᑕᑕᓐ,
\q2 ᑭᔭ ᒋ ‍ ᐊᒂᓇᐅᑯᔪᐛ ᐅᐎᒐᐛᑭᓇ ᐊᐸᐃᕋᒻ᙮
\q1
\v 18 ᐃᔅᑯᑕᔪᐤ ᒪᒃ ᒋ ‍ ᓯᔅᑕᐱᔪᐤ ᐅᒪᐅᒋᑐᐅᓄᐛᒡ,
\q2 ᐃᔅᑯᑕᔪᐤ ᒋ ‍ ᐃᔎᓱᑯᐅᒡ ᐅᒥᒋᑥᐅᒡ᙮
\b
\s2 Psalm 106:1-6, 19-23 (Proper-23 Year A)
\q1
\v 19 ᒋ ‍ ᐅᓯᐊᐅᒡ ᒥᓂᑐᐧᑲᓇ ᒥᒋᑎᒂ ᐊ ‍ ᐃᓯᓇᑯᓯᔨᒋ ᐦᐅᕋᐱᒡ,
\q2 ᑭᔭ ᒋ ‍ ᐊᔭᒥᐊᔅᑐᐛᐅᒡ ᑎᒋᓯᑭᓂ ᒥᓂᑐᐧᑲᓇ᙮
\q1
\v 20 ᐅᔭᔪᐤ ᐃᔅ ᒪᒃ ᒋ ‍ ᒂᔅᒋᓂᒧᒡ ᐅᒋᔅᑕᔨᑕᑯᓱᐅᓄᐛᐤ
\q2 ᒐᒋ ᐃᓯᓇᒂᓂᔨᒡ ᒧᔭᒻ ᒥᔅᑐᔅ ᑲ ‍ ᒥᒋᑦ ᒥᔅᑯᓱᐛ᙮
\q1
\v 21 ᒋ ‍ ᐅᓂᒋᔅᒋᑐᐛᐅᒡ ᒋᓴᒪᓂᑐᐛ ᐅᐱᒪᒋᐃᐛᒧᐛᐛ,
\q2 ᑲᒋ ‍ ᐃᑐᑎᒥᔨᒋ ᒥᔅᑎ ‍ ᒐᒂᓇ ᐃᒋᑉᑎᒡ;
\q1
\v 22 ᒪᒥᔅᑲᒡ ᐊᑐᔅᒐᐅᓇ ᐦᐊᒪ ᐅᑦ ᐊᔅᒋᔨᒡ,
\q2 ᑭᔭ ᑲ ‍ ᑯᔅᑕᑕᔨᑕᒂᓂᔨᒋ ᒥᒂᑭᒥ ᐎᓂᐸᑯᒡ᙮
\q1
\v 23 ᐊᔪᐅᒄ ᐛᒋ ‍ ᐃᔅᒋᔄᑦ ᒐᒋ ᓂᓱᐅᓇᒋᐊᑦ,
\q2 ᒥᓱᐧᒄ ᒧᓱᓴ ᐅᐛᔭᐱᒪᑭᓇ, ᐊᑲ ᐅᒋ ᐅᑎᔅᑯᑲᐳᔅᑕᑯᑯᐱᓇ ᐊᓐᑕ ᐊ ‍ ᐱᑯᐱᑕᑭᓄᐎᔨᒡ,
\q2 ᒐᒋ ᐳᓂ ‍ ᐊᐧᑯᔪᐛᓯᐃᑯᑦ, ᒐ ᐊᑲ ᒋ ᓂᓱᐅᓇᒋᐊᑦ᙮
\b
\q1
\v 24 ᓂᐦᐃ, ᒋ ‍ ᐊᑐᐛᔨᑎᒧᒡ ᒥᔪ ‍ ᐊᔅᒋᔪᐤ;
\q2 ᓇᒪᐎᔾ ᐅᒋ ‍ ᑕᑈᑎᒺᐅᒡ ᐅᑦ ᐃᔨᒧᐅᓂᔪᐤ;
\q1
\v 25 ᒪᒃ ᒋ ‍ ᐎᔭᔅᑕᔨᑎᒧᒡ ᐎᒋᐛᐛᒡ;
\q2 ᓇᒪ ᑭᔭ ᐅᒋ ‍ ᓂᑐᑐᐛᐛᒡ ᐊ ‍ ᐃᔅᒋᔄᔨᒋ ᑎᐸᔨᒋᒐᓱᐛ᙮
\q1
\v 26 ᐊᔪᐅᒄ ᐛᒋ ‍ ᐅᐱᓂᔅᒐᔨᔅᑐᐛᑦ,
\q2 ᒐᒋ ᓂᓱᐅᓇᒋᐊᑦ ᐸᐧᑯᑎᔅᑭᒥᑲᒡ:
\q1
\v 27 ᒐᒋ ᓂᓱᐅᓇᒋᐃᒪᑦ ᐅᑦ ᐊᐛᓯᒥᓯᔨᐛ ᑭᔭ ᐊᓐᑕ ᐊ ‍ ᐃᑕᔨᒋ ᐊᑲ ᐊᔭᒥᐊᔨᒋ,
\q2 ᑭᔭ ᐅᓴᔄᑎᓴᐛᑦ ᐸᐱᑐᔅ ᐊᔅᒋᒡ᙮
\b
\q1
\v 28 ᒋ ‍ ᐎᒐᐛᐅᒡ ᐸᓪ-ᐱᐊᕋ,
\q2 ᑭᔭ ᒋ ‍ ᒥᒍᐛᐅᒡ ᑲ ‍ ᓂᐱᔨᒋ ᐅᐱᔅᑎᓂᒐᐅᓂᔨᐛ᙮
\q1
\v 29 ᐊᑯ ᑲ ‍ ᒋᔄᐊᐛᒡ ᐅᒡ ᐊᓂᔭᔪᐤ ᑲ ᐃᓯ ‍ ᒥᔅᑯᐛᔭᔨᑕᒡ ᒐ ‍ ᐃᔨᑎᒡ:
\q2 ᐊᑯ ᐛᑎᑎᑯᒡ ᐊᐧᑯᐃᑕᔅᐱᓇᐅᓂᔪᐤ᙮
\q1
\v 30 ᐊᑯ ᐸᓯᑯᑦ ᐱᓂᔭᔅ, ᑭᔭ ᒋ ‍ ᑎᐱᑐᑎᒻ ᑎᐸᔅᑯᓂᒐᐅᓂᔪᐤ:
\q2 ᐊᑯ ᒪᒃ ᑲ ‍ ᒋᐱᒋᐱᔨᒡ ᐊᐧᑯᐃᑕᔅᐱᓇᐅᓂᔪᐤ᙮
\q1
\v 31 ᐅᔭᔪᐤ ᒪᒃ ᐅᒋ ᑯᐃᔅᑯᑕᑎᓯᐤ ᒋ ‍ ᐃᑕᒋᒪᑭᓄᐤ,
\q2 ᒥᓯᐛ ᑲᒋᒡ ᒐ ᐊᑎ ᐊᓂᔅᒐ ‍ ᐱᒪᑎᓯᓇᓄᐎᔨᒡ᙮
\b
\q1
\v 32 ᒋ ‍ ᒋᔄᐊᐅᒡ ᑭᔭ ᐊᓐᑕ ᑯᒂᒋᐃᐛᐤ ᓂᐱᒡ,
\q2 ᐊᑯ ᒪᒋᐱᐃᑯᔨᒋ ᒧᓱᓴ ᐎᔨᐛᐤ ᐅᒡ;
\q1
\v 33 ᐛᔅ ᒋ ‍ ᐎᔭᔅᑕᔨᑎᒥᐃᒪᐅᒡ ᐅᑦ ᐊᒐᐧᑯᔨᐛ,
\q2 ᐊᑯ ᒪᒃ ᓂᑐᐎ ᑲ ᐃᓯ ‍ ᐃᔨᒥᔨᒋ᙮
\b
\q1
\v 34 ᓇᒪᐎᔾ ᐅᒋ ‍ ᓂᓱᐅᓇᒋᐊᐅᒡ ᐊᓂᔭ ᑲ ‍ ᐃᑎᔅᑲᓇᓯᔨᒋ ᐃᔪᐛ,
\q2 ᑲᒋ ‍ ᐃᑎᓱᐛᑎᑯᒡ ᒋᓴᒪᓂᑐᐛ:
\q1
\v 35 ᒪᒃ ᒋ ‍ ᐛᐎᒐᐅᒡ ᐊᑲ ᐊᔭᒥᐊᔨᒋ,
\q2 ᐊ ‍ ᒋᔅᒋᓄᐛᐸᑎᒺᒡ ᐅᑦ ᐃᑐᐅᓂᔪᐛ᙮
\q1
\v 36 ᒋ ‍ ᐊᑐᔅᒐᔅᑐᐅᒪᐅᒡ ᑭᔭ ᐅᒥᓂᑐᐧᑲᓂᒥᔪᐛ;
\q2 ᐊᓂᔭ ᑲ ‍ ᓇᒂᑎᑯᒡ᙮
\q1
\v 37 ᓂᐦᐃ, ᐅᑯᓱᐛᐛ ᑭᔭ ᐅᑕᓂᓱᐛᐛ ᒋ ‍ ᐱᔅᑎᓂᒧᐛᐅᒡ ᒥᒋᒥᓂᑐᐛ᙮
\q1
\v 38 ᑭᔭ ᒋ ‍ ᓯᒋᓂᒧᒡ ᐸᔭᒋ-ᒥᐧᑯᔪᐤ,
\q2 ᐅᒥᐧᑯᒥᔪᐤ ᐅᑯᓱᐛᐛ ᑭᔭ ᐅᑕᓂᓱᐛᐛ,
\q1 ᑲ ‍ ᐱᔅᑎᓂᒧᐛᒡ ᑲᐃᓇᓐ ᒥᓂᑐᐧᑲᓇ:
\q2 ᐊᔅᒋᔾ ᒪᒃ ᒋ ‍ ᐎᓇᐤ ᒥᐧᒄ ᐅᒋ᙮
\q1
\v 39 ᐊᑯ ᒪᒃ ᐊᔪᐅᒄ ᑲ ᐃᓯ ‍ ᐅᓂᐃᑯᒡ ᑎᐱᔨᐛ ᐅᑦ ᐃᑐᐅᓄᐛᐛ,
\q2 ᑭᔭ ᒋ ‍ ᐱᓯᒂᒋᑐᑎᒧᒡ ᑎᐱᔨᐛ ᑲ ᐃᓯ ᒥᔅᑯᐛᔭᔨᑕᒡ ᒐ ‍ ᐃᑎᒡ᙮
\b
\q1
\v 40 ᐊᔪᐅᒄ ᐛᒋ ‍ ᐊᐧᑯᔪᐛᓯᔅᑐᐛᑦ ᑎᐸᔨᒋᒐᓱᐤ ᐅᑦ ᐃᔨᒪ,
\q2 ᐊᓐᑕ ᑲ ᐅᒋ ‍ ᐛᐧᑲᑕᑦ ᑎᐱᔨᐛ ᐅᑎᐸᔨᒪᑭᓇ᙮
\q1
\v 41 ᒋ ‍ ᐸᒋᑎᓇᐤ ᒪᒃ ᐅᑎᒋᔨᒡ ᐊᑲ ᐊᔭᒥᐊᔨᒋ;
\q2 ᐊᓂᔭ ᒪᒃ ᑲ ‍ ᐛᐧᑲᑎᑯᔨᒋ ᒋ ‍ ᑎᐸᔨᒥᑯᔪᐛ᙮
\q1
\v 42 ᒋ ‍ ᐊᔨᒥᐃᑯᐅᒡ ᒪᒃ ᐊᓂᔭᔪᐛ ᑲ ‍ ᐛᐧᑲᑎᑯᒡ,
\q2 ᑭᔭ ᒋ ‍ ᓴᐧᑯᒋᐃᑯᐅᒡ ᒐ ‍ ᑎᐸᔨᒥᑯᒡ᙮
\q1
\v 43 ᒥᒐᑥᐤ ᒋ ‍ ᐎᐧᑯᒋᐊᐤ;
\q2 ᒪᒃ ᒋ ‍ ᐎᔭᔅᑕᔨᑎᒥᐃᑯᐛᐤ ᐅᓯᒋᒥᑐᐅᓂᔨᐛ,
\q2 ᑭᔭ ᒋ ‍ ᒋᔅᑎᒥᐃᒪᑭᓄᐎᔪᐛ ᐅᒥᒐᑎᓯᐅᓂᔪᐤ ᐅᒡ᙮
\b
\q1
\v 44 ᐃᔭᐱᒡ ᒪᒃ, ᒋ ‍ ᐱᓯᒋᑎᒺᐤ ᐅᓂᓇᐧᑲᒋᐃᑯᓯᐅᓂᔪᐤ,
\q2 ᐃᔅᐱ ᐱᔭᑐᐛᑦ ᐊ ‍ ᒪᑕᑯᑦ;
\q1
\v 45 ᒋ ‍ ᒋᔅᒋᑎᒺᐤ ᐅᓂᔅᑯᒥᑐᐅᓐ,
\q2 ᑭᔭ ᒋ ‍ ᒂᔅᒐᔨᑎᒻ ᑲ ᐃᓯ ‍ ᒥᒐᓂᔨᒋ ᐅᒋᔅᑎᒪᒐᔨᒋᒐᐅᓇ᙮
\q1
\v 46 ᑭᔭ ᒋ ‍ ᐃᑐᑎᒻ ᒐᒋ ᒋᔅᑎᒪᒐᔨᒥᑯᔨᒋ
\q2 ᒥᓯᐛ ᐊᓂᔭᔪᐛ ᑲ ‍ ᒋᔅᑐᑎᐃᑯᔨᒋ ᒐᒋ ᒪᒪᒋᑯᓂᑯᔨᒋ᙮
\b
\q1
\v 47 ᐱᒪᒋᐃᓇᓐ, ᐅ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ,
\q2 ᑭᔭ ᒪᐅᒋᐃᓇᓐ ᐊᑲ ᐊᔭᒥᐊᒡ ᐅᒋ,
\q1 ᒐᒋ ᓂᓇᔅᑯᒥᑕᒡ ᒋᐸᔭᒋ-ᐃᓯᓂᐧᑲᓱᐅᓐ ᐅᒋ
\q2 ᑭᔭ ᒐᒋ ᒋᔅᑕᔨᑕᑯᓯᔭᒡ ᒋᒪᒥᒋᒥᑯᓯᐅᓂᒡ᙮
\b
\q1
\v 48 ᒋᑭ ᐎ ‍ ᒪᒥᒋᒪᑭᓄᐤ ᑎᐸᔨᒋᒐᓱᐤ ᐃᔅᕋᐃᓪ ᐅᒋᓴᒪᓂᑐᒪ,
\q2 ᑲᒋᒡ ᑭᔭ ᑲᒋᒡ:
\q1 ᐊᑯᔅ ᒪᒃ ᒥᓯᐛ ᐃᔪᒡ ᒋᑭ ‍ ᐃᔅᒋᔄᐛᒡ, “ᐊᒥᓐ᙮”
\b
\q2 ᒪᒥᒋᒥᐧᒄ ᑎᐸᔨᒋᒐᓱᐤ !
\c 107
\ms1 ᒥᓯᓇᐃᑭᓐ 5
\s2 Psalm 107:1-7, 33-37 (Proper-26 Year A)
\s2 Psalm 107:1-3, 17-22 (Lent-4 Year B)
\q1
\v 1 ᐅ ᓂᓇᔅᑯᒥᐧᒄ ᑎᐸᔨᒋᒐᓱᐤ, ᐛᔅ ᒥᔽᑎᓯᐤ:
\q2 ᐛᔅ ᐅᓴᒋᐃᐛᐅᓐ ᑲᒋᒡ ᐱᒥᐱᔪᐤ᙮
\q1
\v 2 ᐊᑯᔅ ᐅᐱᒪᒋᐊᑭᓇ ᑎᐸᔨᒋᒐᓱᐤ ᒋᑭ ‍ ᐃᔅᒋᔄᔪᐛ,
\q2 ᐊᓂᔭ ᑲᒋ ‍ ᐎᐧᑯᒋᐊᑦ ᐅᑎᒋᔨᒡ ᐅᒋ ᑲ ‍ ᐛᐧᑲᑎᑯᔨᒋ;
\q1
\v 3 ᑭᔭ ᑲᒪᐛᒋᐊᑦ ᒥᓯᐛ ᐊᔅᒋᔭ ᐅᒡ,
\q2 ᐛᐱᓄᑕᒡ ᐅᒡ, ᑭᔭ ᐊᑎᒪᐱᓯᒧᒡ ᐅᒡ,
\q2 ᒋᐛᑎᓄᑕᒡ ᐅᒡ, ᑭᔭ ᓴᐅᓄᑕᒡ ᐅᒡ᙮
\b
\q1
\v 4 ᒋ ‍ ᐱᐸᒧᑕᐅᒡ ᐸᐧᑯᑎᔅᑭᒥᑲᒡ ᐊᓐᑕ ᐊ ‍ ᐱᒋᔅᑲᑕᔨᑕᒂᓂᔨᒡ,
\q2 ᓇᒪᐎᔾ ᐅᒋ ‍ ᒥᔅᑭᒧᒡ ᐅᑕᓂᔪᐤ ᒐᒋ ᐎᒋᒡ᙮
\q1
\v 5 ᐊ ᐎ ‍ ᒥᒋᓱᐅᒡ ᑭᔭ ᐊ ᐎ ‍ ᒥᓂᒂᒡ,
\q2 ᒋ ‍ ᓄᑕᓯᔪᐛ ᐅᑦ ᐊᒐᐧᑯᐛᐛ᙮
\q1
\v 6 ᐊᑯ ᒥᔭᑐᐛᒡ ᑎᐸᔨᒋᒐᓱᐛ ᐊ ‍ ᐊᔨᒥᓯᒡ,
\q2 ᒋ ‍ ᐎᐧᑯᒋᐃᑯᐅᒡ ᒪᒃ ᐅᑦ ᐊᔨᒥᐃᑯᓯᐅᓄᐛᒡ ᐅᒡ᙮
\q1
\v 7 ᒋ ᐊᑎ ‍ ᔅᑐᑕᐊᐤ ᒪᒃ ᐊ ‍ ᑯᐃᔎᓂᔨᒡ ᒪᔅᑭᓇᒡ,
\q2 ᒐᒋ ᐅᑎᑎᒥᔨᒋ ᐃᑕᐅᓂᔪᐤ ᐊᓐᑕ ᒐ ‍ ᑕᔨᒋ᙮
\q1
\v 8 ᐅ, ᑭᒪ ᐃᔪᒡ ᒪᒥᒋᒪᒡ ᑎᐸᔨᒋᒐᓱᐛ ᐅᒥᔪᑐᑕᒐᐅᓂᔪᐤ ᐅᒡ,
\q2 ᑭᔭ ᑲ ᐃᓯ ‍ ᒪᒥᔅᑲᒡ ᑐᑐᐛᔨᒋ ᐃᔪᐛ ᐅᑦ ᐊᐛᓯᒥᓯᔨᐛ !
\q1
\v 9 ᐛᔅ ᑕᐸᔨᑕᒥᐊᐤ ᑲ ‍ ᑲᔅᒐᔨᑎᒥᔨᒋ ᐊᒐᒂ,
\q2 ᑭᔭ ᒋᔅᐳᐊᐤ ᑲ ‍ ᓄᑕᐧᑭᑕᔨᒋ ᐊᒐᒂ ᒥᔪᑐᑕᒐᐅᓂᔪᐤ ᐅᒡ᙮
\b
\q1
\v 10 ᐊᓐᒋ ᑲ ‍ ᐊᐱᒡ ᐊᓐᑕ ᐊ ‍ ᐅᓂᑎᐱᔅᑲᔨᒡ ᑭᔭ ᐊ ‍ ᑎᑲᔅᑕᔅᑲᑯᒡ ᓂᐳᐅᓂᔪᐤ,
\q2 ᐊ ‍ ᒪᒪᒋᒂᐱᓱᒡ ᐊᔨᒥᓯᐅᓂᒡ ᑭᔭ ᐃᓴᒂᔭᐱᒡ;
\q1
\v 11 ᐊᒋ ‍ ᐊᔪᐛᔨᒧᑐᑎᒺᒡ ᐅᑦ ᐃᔨᒧᐅᓂᔪᐤ ᒋᓴᒪᓂᑐᐛ,
\q2 ᑭᔭ ᐊᒋ ‍ ᒪᒐᔨᑎᒺᒡ ᐅᑭᒐᔅᒋᒧᐛᐅᓂᔪᐤ ᒪᐅᒡ ᒐᔅᑎᓯᔨᒋ;
\q1
\v 12 ᐊᔪᐅᒄ ᐛᒋ ᓂᑎᓂᒺᑦ ᐅᑕᐃᔪᐤ ᐊᑐᔅᒐᐅᓂᔪᐤ ᐅᒡ;
\q2 ᒋ ‍ ᐸᒋᓯᓐᒡ, ᓇᒪ ᐊᐛᔪᐛ ᐅᒋ ‍ ᑕᔪᐛ ᒪᒃ ᒐᒋ ᐎᒋᐃᑯᒡ᙮
\q1
\v 13 ᐊᑯ ᒥᔭᑐᐛᒡ ᑎᐸᔨᒋᒐᓱᐛ ᐊ ‍ ᐊᔨᒥᓯᒡ,
\q2 ᒋ ‍ ᐎᐧᑯᒋᐃᑯᐅᒡ ᒪᒃ ᐅᓇᓇᐧᑲᑕᔨᒧᐅᓄᐛᒡ ᐅᒡ᙮
\q1
\v 14 ᒋ ᐸᒋ ‍ ᐎᐎᑕᐊᐤ ᐊᓐᑕ ᐊ ‍ ᐅᓂᑎᐱᔅᑲᔨᒡ ᐅᒋ ᑭᔭ ᐊ ‍ ᑎᑲᔅᑕᑎᓂᔨᒡ ᓂᐳᐅᓂᔪᐤ,
\q2 ᑭᔭ ᒋ ‍ ᐱᒂᐊᒺᐤ ᐅᒪᒪᒋᒂᐱᔅᑲᐃᑭᓂᔪᐛ᙮
\q1
\v 15 ᐅ, ᑭᒪ ᐃᔪᒡ ᒪᒥᒋᒪᒡ ᑎᐸᔨᒋᒐᓱᐛ ᐅᒥᔪᑐᑕᒐᐅᓂᔪᐤ ᐅᒡ,
\q2 ᑭᔭ ᑲ ᐃᓯ ‍ ᒪᒥᔅᑲᒡ ᑐᑐᐛᔨᒋ ᐃᔪᐛ ᐅᑦ ᐊᐛᓯᒥᓯᔨᐛ !
\q1
\v 16 ᐛᔅ ᒋ ‍ ᐱᒂᐊᒻ ᑲ ‍ ᐎᔄᐛᐱᔅᑯᔨᒋ ᒋᒋᐃᔎᑕᒪ,
\q2 ᑭᔭ ᒋ ‍ ᒋᒥᓯᒻ ᐃᓴᑯᐤ ᐱᒥᑕᐱᔎ᙮
\b
\s2 Psalm 107:1-3, 17-22 (Lent-4 Year B)
\q1
\v 17 ᒋᔎᐧᑲᓐᒡ, ᐅᐛᓂᑐᑎᒧᐅᓄᐛᐤ ᐅᒡ,
\q2 ᑭᔭ ᐅᒥᒐᑎᓯᐅᓄᐛᐤ ᐅᒋ ᐊᔨᒥᓯᐅᒡ᙮
\q1
\v 18 ᐅᑦ ᐊᒐᐧᑯᐛᐛ ᐊᑐᐛᔨᑎᒥᔨᐛ ᒥᓯᐛ ᐊᓯᓇᑯᓂᔨᒡ ᒥᒋᒥᔪᐤ;
\q2 ᐸᔄᐸᑎᒧᒡ ᒪᒃ ᓂᐳᐅᓂ ᒋᒋᐃᔎᑕᒪ᙮
\q1
\v 19 ᐊᑯ ᒥᔭᑐᐛᒡ ᑎᐸᔨᒋᒐᓱᐛ ᐊ ‍ ᐊᔨᒥᓯᒡ,
\q2 ᐎᐧᑯᒋᐃᑯᐅᒡ ᒪᒃ ᐅᓇᓇᐧᑲᑕᔨᒧᐅᓄᐛᒡ ᐅᒡ᙮
\q1
\v 20 ᒋ ‍ ᐃᑎᓴᐊᒻ ᐅᑦ ᐃᔨᒧᐅᓐ ᑭᔭ ᒋ ‍ ᒥᓏᒋᐊᐤ,
\q2 ᑭᔭ ᒋ ‍ ᐎᐧᑯᒋᐊᐤ ᐅᓂᓱᐅᓇᑎᓯᐅᓂᔨᒡ ᐅᒡ᙮
\q1
\v 21 ᐅ, ᑭᒪ ᐃᔪᒡ ᒪᒥᒋᒪᒡ ᑎᐸᔨᒋᒐᓱᐛ ᐅᒥᔪᑐᑕᒐᐅᓂᔪᐤ ᐅᒡ,
\q2 ᑭᔭ ᑲ ᐃᓯ ‍ ᒪᒥᔅᑲᒡ ᑐᑐᐛᔨᒋ ᐃᔪᐛ ᐅᑦ ᐊᐛᓯᒥᓯᔨᐛ !
\q1
\v 22 ᐊᑯᔅ ᒪᒃ ᒋᑭ ‍ ᐱᔅᑎᓂᒐᐅᒡ ᓂᓇᔅᑯᒧᐅ ᐱᔅᑎᓂᒐᐅᓇ,
\q2 ᑭᔭ ᒋᑭ ‍ ᐎᑎᒺᐅᒡ ᐅᑦ ᐊᑐᔅᒐᐅᓂᔪᐤ ᐊ ‍ ᒧᒐᔨᑕᒡ᙮
\b
\q1
\v 23 ᐊᓐᒡ ᑲ ‍ ᐱᐸᒪᓯᒡ ᐎᓂᐸᑯᒡ ᑲ ‍ ᐱᒪᔅᑎᒡ ᐅᐤᑎᒡ,
\q2 ᑲ ‍ ᐊᑐᔅᒐᒡ ᓂᐱᒡ;
\q1
\v 24 ᐅᒋ ᐛᐸᑎᒺᐅᒡ ᐅᑦ ᐊᑐᔅᒐᐅᓂᔪᐤ ᑎᐸᔨᒋᒐᓱᐛ,
\q2 ᑭᔭ ᐅᒪᒥᔅᑲᒡ-ᐃᑐᐅᓂᔪᐛ ᐊᓐᑕ ᐊ ‍ ᒋᔅᑲᔭᐛᔨᒡ᙮
\q1
\v 25 ᐛᔅ ᐃᑎᓱᐛᐤ, ᐊᑯ ᒐᑎᔅᑎᓂᔨᒡ,
\q2 ᑲ ᐅᒋ ‍ ᒪᒪᐧᑲᐊᒡ᙮
\q1
\v 26 ᒋᓯᑯᒡ ᐃᓯ ᐃᔅᐱᔪᐅᒡ, ᐊ ᐃᓯ ‍ ᔪᐛᔨᒡ ᑯᑕᐅᐱᔪᐅᒡ:
\q2 ᐅᑦ ᐊᒐᐧᑯᐛᐛ ᑎᒋᓱᔪᐛ ᐊ ‍ ᐊᔨᒥᓯᒡ᙮
\q1
\v 27 ᐛᐛᐱᔪᐅᒡ, ᑭᔭ ᓇᓇᒐᐱᔪᐅᒡ ᒧᔭᒻ ᐊ ‍ ᒋᔎᐸᑦ ᐃᔪᐤ,
\q2 ᑭᔭ ᒥᑐᓐ ᐛᐛᓇᔨᑎᒧᒡ᙮
\q1
\v 28 ᐊᑯ ᒥᔭᑐᐛᒡ ᑎᐸᔨᒋᒐᓱᐛ ᐊ ‍ ᐊᔨᒥᓯᒡ,
\q2 ᐎᐧᑯᒋᐃᑯᐅᒡ ᒪᒃ ᐅᓇᓇᐧᑲᑕᔨᒧᐅᓄᐛᒡ ᐅᒡ᙮
\q1
\v 29 ᐊᔽᔅᑎᓂᑕᐤ ᐊ ‍ ᒋᑎᔅᑎᓂᔨᒡ,
\q2 ᐊᑯ ᐱᓂᐱᔨᒡ ᐊ ‍ ᒪᒪᐧᑲᐊᒡ᙮
\q1
\v 30 ᐊᑯ ᓴᒋᔭᓯᒡ ᐊ ‍ ᒋᔭᒪᐅᓂᔨᒡ;
\q2 ᐸᓱᑯᒡ ᒪᒃ ᐊᓐᑕ ᑲ ᐃᓯ ‍ ᐱᑯᓴᔨᑕᒡ᙮
\q1
\v 31 ᐅ, ᑭᒪ ᐃᔪᒡ ᒪᒥᒋᒪᒡ ᑎᐸᔨᒋᒐᓱᐛ ᐅᒥᔪᑐᑕᒐᐅᓂᔪᐤ ᐅᒡ,
\q2 ᑭᔭ ᑲ ᐃᓯ ‍ ᒪᒥᔅᑲᒡ ᑐᑐᐛᔨᒋ ᐃᔪᐛ ᐅᑦ ᐊᐛᓯᒥᓯᔨᐛ !
\q1
\v 32 ᐊᑯᔅ ᒋᑭ ‍ ᐃᔅᐸᔨᑕᑯᐊᐅᒡ ᐊᓐᑕ ᐊ ‍ ᒪᒧᐎᔨᒋ ᐃᔪᐛ,
\q2 ᑭᔭ ᒋᑭ ‍ ᒪᒥᒋᒪᐅᒡ ᐊᓐᑕ ᐊ ‍ ᒪᐅᒋᐃᑐᔨᒋ ᑲ ‍ ᓂᑲᓇᔨᑕᑯᓯᔨᒋ᙮
\b
\s2 Psalm 107:1-7, 33-37 (Proper-26 Year A)
\q1
\v 33 ᐃᑐᑎᒻ ᓯᐱᔭ ᒐᒋ ᐸᐧᑯᑎᔅᑭᒥᑯᔨᒋ,
\q2 ᑭᔭ ᒧᔅᒍᓂᐸᒂ ᐸᒂᔅᑭᒥᑯᑕᒡ;
\q1
\v 34 ᐊ ‍ ᒥᓂᓱᐎᔨᒡ ᐊᔅᒋᔪᐤ ᐸᒂᑎᔅᑭᒥᑯᑕᐤ,
\q2 ᐅᒥᒋᑥᐅᓂᔪᐤ ᐅᒋ ᐊᓂᔭ ᐊᓐᑕ ᑲ ‍ ᑕᔨᒋ᙮
\q1
\v 35 ᓴᑲᐃᑭᓂᒐᐤ ᐸᐧᑯᑎᔅᑭᒥᑯᔪᐤ,
\q2 ᑭᔭ ᐸᒂᔅᑭᒥᑯᔪᐤ ᒧᔅᒍᐅᓂᐸᑯᑕᐤ᙮
\q1
\v 36 ᐊᑯᑕ ᒪᒃ ᐊᑎᐊᑦ ᑲ ‍ ᓄᑕᐧᑭᑕᔨᒋ,
\q2 ᒐᒋ ᐛᐛᓯᑕᒪᓱᔨᒋ ᐅᑕᓇᔪᐤ ᒐ ᐃᓯ ‍ ᐃᑕᔨᒋ;
\q1
\v 37 ᑭᔭ ᓂᑕᐅᒋᑕᔨᒋ ᓂᑕᐅᒋᒋᑭᓇ, ᑭᔭ ᓱᒥᓇᑎᑯᐤ ᓂᑕᐅᒋᒋᑭᓇ,
\q2 ᒥᔅᑎ ᒐ ‍ ᓂᑕᐅᒋᑎᒪᑯᔨᒋ ᒐ ‍ ᓂᑕᐅᒋᓂᔨᒋ᙮
\q1
\v 38 ᒥᔽᒋᒪᐤ ᑭᔭ, ᒐᒋ ᐅᒋ ᐊᑎ ‍ ᓇᔅᒡ ᒥᒐᑎᔨᒋ;
\q2 ᓇᒪ ᑭᔭ ᒋ ‍ ᓇᐊᔨᒪᐤ ᐅᑦ ᐊᐛᐧᑲᓂᒥᔨᐛ ᒐᒋ ᐊᑲ ‍ ᒥᒐᑎᔨᒋ᙮
\b
\q1
\v 39 ᒥᓐ, ᐊᑎ ᑎᑲᐛᓯᐅᒡ ᑭᔭ ᒋᔅᑎᒪᑎᓯᐅᒡ,
\q2 ᐊᔨᒥᐃᑯᓯᐅᓂᔪᐤ ᐅᒡ, ᒪᒂᔨᑎᒧᐅᓂᔪᐤ, ᑭᔭ ᒥᓴᒪᔨᑎᒧᐅᓂᔪᐤ ᐅᒡ᙮
\q1
\v 40 ᐊᑐᐛᔨᑎᒧᐅᓂᔪᐤ ᓯᒋᒥᒧᐛᐤ ᒋᓴᐅᒋᒪᐛ,
\q2 ᑭᔭ ᑐᑐᐛᐤ ᒐᒋ ᐱᐸᒧᑕᔨᒋ ᐸᐧᑯᑎᔅᑭᒥᑲᒡ, ᐊᓐᑕ ᐊᑲ ᐊ ‍ ᑎᒂᓂᔨᒡ ᒪᔅᑭᓇᔪᐤ᙮
\q1
\v 41 ᐃᔭᐱᒡ ᒪᒃ ᐃᔅᐸᔨᑕᑯᐊᐤ ᐅᒋᔅᑎᒪᑎᓯᐛ ᐊᒋ ‍ ᒪᒂᔨᑎᒥᔨᒋ,
\q2 ᑭᔭ ᐅᑦ ᐊᐛᓯᒥᓯᔨᐛ ᒧᔭᒻ ᐊ ‍ ᒪᒧᒥᒐᑎᔨᒋ ᒪᔭᑕᓂᓴ᙮
\q1
\v 42 ᐅᑯᐃᔅᑯᑕᑎᓯᐅᒡ ᒋᑭ ‍ ᐛᐸᑎᒧᒡ, ᒋᑭ ‍ ᒧᒋᒐᔨᑎᒧᒡ ᒪᒃ;
\q2 ᑭᔭ ᒥᓯᐛ ᒥᒐᑎᓯᐅᓇ ᒋᑭ ‍ ᒋᐳᑐᓇᒥᑭᓇ᙮
\b
\q1
\v 43 ᐊᓐᒋ ᐊᐛᓐᒋ ᑲ ‍ ᑭᒐᑕᐛᔨᑕᒡ, ᑭᔭ ᑲ ‍ ᓇᑭᑐᐛᔨᑕᒡ ᐅᔭᔪᐛ,
\q2 ᐊᐅᑯᓐᒡ ᒐ ‍ ᓂᔅᑐᑎᒺᒡ ᐅᓴᒋᐃᐛᐤ ᒋᓴᐛᑎᓯᐅᓂᔪᐤ ᑎᐸᔨᒋᒐᓱᐛ᙮
\c 108
\q1
\v 1 ᐅ ᒋᓴᒪᓂᑐᐤ, ᐅᔭᔅᑕᐤ ᓂᑕᐃ;
\q2 ᓂᑭ ‍ ᓂᑭᒧᓐ ᑭᔭ ᓂᑭ ‍ ᒪᒥᒋᒧᐛᓐ, ᓂᒋᔅᑕᔨᑕᑯᓱᐅᓐ ᐅᑎ ᐅᒡ᙮
\q1
\v 2 ᐅᓂ, ᓂᑭᒧᒋᑭᓐ ᑭᔭ ᓯᑭᓇᔭᐱᔾ ᒋᔍᐛᐱᒋᑭᓐ:
\q2 ᓂᔾ ᒋᒋᐛ ᐎᐱᒡ ᓂ ‍ ᐅᓂᓐ᙮
\q1
\v 3 ᒋᑭ ‍ ᒪᒥᒋᒥᑎᓐ, ᐅ ᑎᐸᔨᒋᒐᓱᐤ, ᐊᓐᑕ ᐊ ‍ ᐃᑕᒡ ᐃᔪᒡ;
\q2 ᑭᔭ ᐊ ‍ ᓂᑭᒧᔭᓐ ᒋᑭ ‍ ᒪᒥᒋᒥᑎᓐ ᐊᓐᑕ ᐊ ‍ ᐃᑕᒡ ᓇᓇᐧᑯᐤ ᐊ ‍ ᐃᑎᔅᑲᓇᓯᒡ ᐃᔪᒡ᙮
\q1
\v 4 ᐛᔅ ᒋᓱᐛᔨᒋᒐᐅᓐ ᐊᔪᐛᒃ ᒥᔅᑎ ‍ ᐃᑕᔨᑕᑯᓐ ᐃᔅᐱᔅ ᒋᓯᒂ;
\q2 ᑭᔭ ᒋᑕᑈᐅᓐ ᑭᔅᑯᐅᓂᒡ ᐃᔅᐱᔪᐤ᙮
\q1
\v 5 ᐃᔅᐸᔨᑕᑯᓯ, ᐅ ᒋᓴᒪᓂᑐᐤ, ᐃᔅᐱᔅ ᒋᓯᒂ;
\q2 ᑭᔭ ᒋᒋᔅᑕᔨᑕᑯᓱᐅᓐ ᐃᔅᐱᔅ ᒥᓯᐛ ᐊᔅᒋᔾ᙮
\b
\q1
\v 6 ᒋᓴᒋᐊᑭᓐ ᒐᒋ ᐱᒪᒋᐊᑭᓄᐅᑦ;
\q2 ᐱᒪᒋᐃ ᒋᒥᔪᐅᓂᒡ ᐅᒋ ᓂᔅᑯᒥ ᒪᒃ᙮
\q1
\v 7 ᒋᓴᒪᓂᑐᐤ ᒋ ‍ ᐃᔨᒧᐤ ᐅᐸᔭᒋᓯᐅᓂᒡ;
\q2 “ᓂᑭ ‍ ᒥᔽᔨᑕᓐ, ᓂᑭ ‍ ᐸᐸᔅᒋᑎᓇᓐ ᓴᑭᒻ, ᓂᑭ ‍ ᑎᐸᓂᓇᓐ ᑭᔭ ᓱᑯᑦ ᐊ ‍ ᐱᓯᑎᓇᒡ᙮
\q1
\v 8 ᑭᓕᐊᑦ ᓂ ‍ ᑎᐸᔨᑕᓐ, ᒥᓇᓴ ᓂ ‍ ᑎᐸᔨᑕᓐ;
\q2 ᐃᑉᕋᐃᒻ ᑭᔭ ᑲ ᐅᒋ ‍ ᒥᔅᑯᐛᒡ ᓂᔅᑎᒂᓐ;
\q2 ᒍᑕ ᐊᐅᒄ ᓂᐎᓱᐛᐅᐃᔨᒻ;
\q1
\v 9 ᒧᐊᑉ ᓂᒋᔅᑕᐸᐅᐎᔭᑭᓐ;
\q2 ᐃᑕᒥᒡ ᓂᑭ ᐃᓯ ‍ ᐛᐱᓇᓐ ᓂᒥᔅᒋᓐ;
\q2 ᓂᑭ ‍ ᒪᒪᑕᑯᒧᓐ ᐱᓕᔅᑎᐊ ᐅᒡ᙮”
\b
\q1
\v 10 ᐊᐛᓐ ᒐ ‍ ᐸᓱᐅᑦ ᒥᔅᑯᐎᐤ ᐃᑕᐅᓂᒡ ?
\q2 ᐊᐛᓐ ᒐ ‍ ᐃᑐᑕᐃᑦ ᐃᑕᒥᒡ ?
\q1
\v 11 ᓇᒪ ᐊ ᒋᔾ, ᐅ ᒋᓴᒪᓂᑐᐤ, ᑲ ‍ ᐛᐱᓂᔭᒡ ?
\q2 ᒋᔾ ᒪᒃ ᐅ ᒋᓴᒪᓂᑐᐤ, ᓇᒪ ᐊ ᒋᑭ ‍ ᐎᒐᐛᐅᒡ ᓂᒪᓯᒐᓯᒥᓇᓐᒡ᙮
\q1
\v 12 ᐎᒋᐃᓇᓐ ᐊᔨᒥᓯᐅᓂᒡ ᐅᒡ:
\q2 ᐛᔅ ᓇᒪ ᒐᒂᓐ ᐃᑕᔨᑕᑯᓂᔪᐤ ᐅᐎᒋᐃᐛᐅᓐ ᐃᔪᐤ᙮
\q1
\v 13 ᒋᓴᒪᓂᑐᐤ ᐅᒋ ᒋᑭ ‍ ᓱᒋᑕᐊᐅ-ᑐᑕᓇᓄᐤ:
\q2 ᐛᔅ ᐎᔾ ᐊᐅᑯᓐ ᒐ ‍ ᑕᑯᔅᑲᑕᑦ ᐊᓂᔭ ᑲ ‍ ᒪᓯᐧᑲᑎᐃᑕᐧᑯᐤ᙮
\c 109
\q1
\v 1 ᐊᑲᐎᔾ ᒋᐱᑐᐛ, ᐅ ᒋᓴᒪᓂᑐᐤ ᓂᒪᒥᒋᒧᐛᐅᓐ᙮
\q1
\v 2 ᐛᔅ ᐅᑐᓐ ᐅᒥᒋᑥᐤ ᑭᔭ ᐅᑐᓐ ᐅᑭᑭᒋᔭᓯᐤ ᓂ ‍ ᐸᔅᒋᑐᓇᔨᔅᑕᑯᐛᓐ:
\q2 ᓂᒋ ᒥᒋ ‍ ᐊᔨᒧᒥᑯᒡ ᑭᑭᒋᔭᐎ ᒥᑕᔨᔨᐤ ᐅᒡ᙮
\q1
\v 3 ᓂᒋ ‍ ᐛᔅᑲᔅᑲᑯᒡ ᑭᔭ ᐊ ‍ ᐛᐧᑲᓱᐛᐎ ᐃᔨᒥᒡ;
\q2 ᑭᔭ ᓂᑐᐎ ᓂᒋ ‍ ᐃᓯ ‍ ᒪᓯᐧᑲᑯᒡ᙮
\q1
\v 4 ᐊᒋ ‍ ᓴᒋᐃᒂᐤ ᓂᒋ ᐅᒋ ‍ ᐛᐧᑲᑎᑯᒡ:
\q2 ᒪᒃ ᓂ ‍ ᐱᔅᑎᓂᑎᓱᓐ ᒐᒋ ᐊᔭᒥᐊᔭᓐ᙮
\q1
\v 5 ᐊᒋ ‍ ᒥᔨᒂᐤ ᑲ ‍ ᒥᔽᓯᔨᒡ ᒥᔅᑯᒡ ᓂᒋ ‍ ᒥᔨᑯᒡ ᑲ ‍ ᒪᔭᑎᓂᔨᒡ,
\q2 ᑭᔭ ᐛᐧᑲᓱᐛᐅᓂᔪᐤ ᒥᔅᑯᒡ ᓂ ‍ ᓴᒋᐃᐛᐅᓂᔪᐤ᙮
\b
\q1
\v 6 ᑐᑐᐛᐤ ᒐᒋ ᑎᐸᔨᒥᑯᑦ ᒥᒋ ‍ ᐃᔪᐛ,
\q2 ᐊᑯᔅ ᑭᔭ ᓴᐃᑕᓇ ᒋᑭ ‍ ᓂᐳᐎᔪᐛ ᐅᒥᔪᐅᓂᒡ᙮
\q1
\v 7 ᐃᔅᐱ ᑎᐸᔅᑯᓇᑭᓄᐅᒐ ᐊᑯᔅ ᒋᑭ ‍ ᓂᓱᐅᓇᒋᒪᑭᓄᐤ;
\q2 ᑭᔭ ᐅᑦ ᐊᔭᒥᐊᐅᓐ ᒋᑭ ‍ ᒥᒋᑥᐛᐅᓄᐎᔪᐤ᙮
\q1
\v 8 ᐊᑯᔅ ᐅᒋᓯᑲᒪ ᓇᒪ ᒋᑭ ᒋ ‍ ᒥᒐᓂᔨᐛ;
\q2 ᐊᑯᔅ ᒪᒃ ᑯᑎᑲ ᒋᑭ ‍ ᐅᑎᓇᒥᔪᐛ ᐅᑦ ᐊᐸᑎᓯᐅᓐ᙮
\q1
\v 9 ᐊᑯᔅ ᐅᑦ ᐊᐛᓯᒥᓴ ᒋᑭ ‍ ᒋᐅᓴᓄᔪᐛ,
\q2 ᑭᔭ ᐎᐛ ᐃᔎᐛ ᑲ ‍ ᓂᐱᔨᒋ ᐅᓇᐸᒥᔨᐛ᙮
\q1
\v 10 ᐊᑯᔅ ᐅᑦ ᐊᐛᓯᒥᓴ ᒧᔅ ᒋᑭ ‍ ᐸᐸᑯᓱᐛᔪᐛ ᐊ ‍ ᐸᑯᓯᐛᔨᒋ:
\q2 ᐊᑯᔅ ᒋᑭ ‍ ᓇᓂᑐᐛᐸᑎᒥᔪᐛ ᐅᒥᒋᒥᒥᔨᐛ ᑭᔭ ᐅᓇᓇᐧᑲᒋᐅᓂᔨᒡ᙮
\q1
\v 11 ᐊᑯᔅ ᐅᑲᒋᓯᐃᐛᐤ ᒋᑭ ‍ ᐅᑎᓂᒺᐤ ᒥᓯᐛ ᑲ ᐃᓯ ‍ ᐃᔭᔨᒋ:
\q2 ᐊᑯᔅ ᒪᒃ ᒪᓐᑕᐤ ᒋᑭ ‍ ᒥᔅᑭᒪᐤ ᐅᑦ ᐊᑐᔅᒐᐅᓂᔪᐤ᙮
\q1
\v 12 ᐊᑯᔅ ᐊᑲᐎᔾ ᐊᐛᓐ ᒋᑭ ‍ ᒋᓴᐛᑐᑕᐛᐤ;
\q2 ᐊᑲ ᑭᔭ ᐊᐛᓐ ᒋᑭ ‍ ᒋᔅᑎᒪᒐᔨᒥᒪᐤ ᑲ ‍ ᓇᓇᐧᑲᒋᐅᔨᒋ ᐅᑦ ᐊᐛᓯᒥᔪᐛ᙮
\q1
\v 13 ᐊᑯᔅ ᐅᑦ ᐊᐛᓯᒥᓴ ᒋᑭ ‍ ᒋᒥᔄᑭᓄᐎᐛ;
\q2 ᑭᔭ ᒥᓐ ᐊᑎ ᐊᓂᔅᒐ ‍ ᐱᒪᑎᓯᓇᓂᐎᒐ ᐅᑦ ᐃᓯᓂᐧᑲᓱᐅᓐ ᒋᑭ ‍ ᑲᓯᓯᓇᐃᑭᓄᐎᔪᐤ᙮
\q1
\v 14 ᐊᑯᔅ ᐅᒥᒐᑎᓯᐅᓂᔪᐤ ᐅᑕᐎᔭ ᒋᑭ ‍ ᒋᔅᒋᑎᒺᐤ ᑎᐸᔨᒋᒐᓱᐤ;
\q2 ᐊᑲᐎᔾ ᑭᔭ ᐅᒥᒋᑐᑎᒧᐅᓂᔪᐤ ᐅᑲᐎᔭ ᒋᑭ ‍ ᑲᓯᓯᓇᐃᑭᓄᐎᔪᐤ᙮
\q1
\v 15 ᐊᑯᔅ ᒧᔅ ᒋᑭ ‍ ᑭᓄᐛᐸᑎᒺᐤ ᑎᐸᔨᒋᒐᓱᐤ,
\q2 ᒐᒋ ᒋᒥᓯᒺᑦ ᐅᒋᔅᒋᑐᑕᑯᓱᐅᓂᔪᐤ ᐊᔅᒋᒡ ᐅᒡ᙮
\b
\q1
\v 16 ᐊ ᐊᑲ ᐅᒡ ᒋᔅᒋᑦ ᒐᒋ ᐛᐸᑎᔨᐛᑦ ᒋᓴᐛᑎᓯᐅᓂᔪᐤ,
\q2 ᒪᒃ ᐊᒋ ‍ ᓇᓇᐧᑲᒋᐊᑦ ᑲ ‍ ᒋᔅᑎᒪᒋᓯᔨᒋ ᑭᔭ ᑲ ‍ ᐅᓂᓯᓂᔨᒋ ᐃᔪᐛ,
\q2 ᒐᒋ ᒋ ‍ ᓂᐸᐊᑦ ᐊᓂᔭᔪᐛ ᑲ ‍ ᐱᑯᑕᐊᔨᒋ᙮
\q1
\v 17 ᑲᒋ ᐃᓯ ‍ ᓴᒋᑕᑦ ᒥᒐᒋᒧᐛᐅᓂᔪᐤ, ᐊᑯᔅ ᒋᑭ ‍ ᐅᑎᑎᑯᐤ:
\q2 ᑲᒋ ᐃᓯ ᐊᑲ ‍ ᒥᔽᔨᑕᐧᒃ ᒥᔽᒋᒧᐅᓂᔪᐤ, ᐊᑯᔅ ᒋᑭ ‍ ᔭᐛᐸᑎᒻ᙮
\q1
\v 18 ᑲᒋ ᐃᓯ ‍ ᑭᓄᐛᔨᑎᒪᓱᑦ ᒥᒐᒋᒧᐛᐅᓂᔪᐤ ᒧᔭᒻ ᐊᐱᒋᑕᐅᓂᔪᐤ;
\q2 ᐊᑯᔅ ᒋᑭ ‍ ᐱᒋᐱᔪᐤ ᐅᑎᒋᓯᒡ ᒧᔭᒻ ᓂᐱᔪᐤ;
\q2 ᑭᔭ ᐅᔅᑭᓂᒡ ᒧᔭᒻ ᐱᒥᔪᐤ᙮
\q1
\v 19 ᐊᑯᔅ ᒋᑭ ‍ ᐊᒂᓇᐅᑯᐤ ᒧᔭᒻ ᐊ ‍ ᐊᑯᓇᐅᑯᑦ ᐊᐱᒋᑕᐅᓂᔪᐤ,
\q2 ᑭᔭ ᒧᔭᒻ ᐱᒂᑕᐅᓂᔪᐤ ᒧᔅ ᑲ ‍ ᐱᒂᑕᐅᑕᐧᒃ᙮
\q1
\v 20 ᐊᑯᔅ ᐅᔭᔪᐤ ᑎᐸᔨᒋᒐᓱᐤ ᒋᑭ ᐃᓯ ‍ ᑎᐸᐅᒧᐛᐤ ᑲ ‍ ᐛᐧᑲᓯᔨᒋ,
\q2 ᑭᔭ ᐊᓂᔭ ᑲ ᒥᒋ ‍ ᐊᔨᒧᒪᔨᒋ ᓂᑦ ᐊᒐᒂ᙮
\b
\q1
\v 21 ᒪᒃ ᐃᑐᑎᒧᐎ, ᐅ ᒋᓴᒪᓂᑐᐤ ᑎᐸᔨᒋᒐᓱᐤ, ᒋᑦ ᐃᓯᓂᐧᑲᓱᐅᓐ ᐅᒡ:
\q2 ᐊ ‍ ᒥᔽᓯᒡ ᒋᒋᔅᑎᒪᒐᔨᒋᒐᐅᓐ, ᐱᒪᒋᐃ᙮
\q1
\v 22 ᐛᔅ ᓂ ‍ ᒋᔅᑎᒪᑎᓯᓐ ᑭᔭ ᓂ ‍ ᐅᐛᓂᓯᓐ,
\q2 ᑭᔭ ᓂᑕᐃ ᐱᒡ ᓂᔭᒡ ᒥᔄᑭᓂᐎᐅᐤ᙮
\q1
\v 23 ᓂ ‍ ᐃᒐᐎᓐ ᒧᔭᒻ ᐊ ‍ ᑎᑲᔅᑕᑎᒡ ᐊ ᐊᑲ ‍ ᓄᒂᒡ:
\q2 ᓂ ‍ ᒪᒥᔅᑯᒋᐱᔨᓐ ᒧᔭᒻ ᐅᒂᔎᑎᓯᔅ᙮
\q1
\v 24 ᓂᒋᑯᓇ ᐃᔨᔨᒥᓯᒥᑭᓇ ᐊ ᐊᑲ ‍ ᒥᒋᓱᔭᓐ;
\q2 ᓂᔭᔅ ᒪᒃ ᑯᐅᐧᑭᑕᒥᑭᓐ᙮
\q1
\v 25 ᓂᒋ ‍ ᒋᔅᑐᑎᒂᒡ ᑭᔭ:
\q2 ᐃᔅᐱ ᒪᒃ ᑲᓄᐛᐱᒥᒡ ᒋ ‍ ᒂᒂᑎᐱᔎᔪᐅᒡ᙮
\b
\q1
\v 26 ᐎᒋᐃ, ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ:
\q2 ᐅ ᐱᒪᒋᐃ ᑲ ‍ ᐃᔅᐱᔅ ᓱᐛᔨᒋᒐᔨᓐ᙮
\q1
\v 27 ᒐᒋ ᒋᔅᒐᔨᑕᒡ ᐅᐛ ᒋᑎᒋᒡ ᐊ ‍ ᐅᒋᐱᔨᒡ;
\q2 ᒋᔾ ᑎᐸᔨᒋᒐᓱᐤ, ᐊᒋ ‍ ᐃᑐᑎᒥᓐ᙮
\q1
\v 28 ᐊᑯᔅ ᒋᑭ ‍ ᒪᒐᒋᒧᐛᐅᒡ, ᒪᒃ ᒥᔽᒋᒥ ᒋᔾ:
\q2 ᐸᓯᑯᑥᐛ, ᐊᑯᔅ ᒋᑭ ‍ ᓯᓴᒂᔨᒧᐅᒡ;
\q2 ᒪᒃ ᐊᑯᔅ ᒋᑦ ᐊᑐᔅᒐᔭᑭᓐ ᒋᑭ ‍ ᒥᔽᔨᑎᒻ᙮
\q1
\v 29 ᐊᑯᔅ ᑲ ᐎ ‍ ᐎᔭᔅᑐᑐᐅᒡ ᒋᑭ ‍ ᐊᒂᓇᐅᑯᐅᒡ ᓴᒂᔨᒧᐅᓂᔪᐤ;
\q2 ᐊᑯᔅ ᒪᒃ ᒋᑭ ‍ ᐊᒂᓇᐅᓱᐅᒡ ᑎᐱᔪᐛ ᐅᓴᒂᔨᒧᐅᓄᐛᐤ ᐅᒋ ᒧᔭᒻ ᐊᑯᐅᓂᔪᐤ᙮
\b
\q1
\v 30 ᓂᑐᓂᒡ ᓇᔅᒡ ᓂᑭ ᐅᒋ ‍ ᒪᒥᒋᒪᐤ ᑎᐸᔨᒋᒐᓱᐤ;
\q2 ᓂᐦᐃ, ᓂᑭ ‍ ᒪᒥᒋᒪᐤ ᐊᓐᑕ ᐊ ‍ ᑕᔨᒋ ᒥᒐᑦ ᐃᔪᐛ᙮
\q1
\v 31 ᐛᔅ ᒋᑭ ‍ ᓂᐳᐤ ᐅᒥᔪᓂᔨᒡ ᐅᒋᔅᑎᒪᑎᓯᐛ,
\q2 ᒐᒋ ᐱᒪᒋᐊᑦ ᐊᓂᔭ ᐅᒋ ᑲ ‍ ᓂᓱᐅᓇᒋᒪᔨᒋ ᐅᑦ ᐊᒐᐧᑯᔪᐛ᙮
\c 110
\q1
\v 1 ᑎᐸᔨᒋᒐᓱᐤ ᒋ ‍ ᐃᑕᐤ ᓂᑎᐸᔨᒋᒐᓯᒪ, “ᐊᐱ ᓂᒥᔪᐅᓂᒡ,
\q2 ᐸᑎᒪ ᐃᓯᐃᒂᐛ ᑲ ‍ ᐛᐧᑲᑎᔅᒡ ᒐᒋ ᐅᑕᑯᔅᑲᒋᑭᓂᔨᓐ᙮”
\b
\q1
\v 2 ᑎᐸᔨᒋᒐᓱᐤ ᒋᑭ ‍ ᒋᑎᓴᐊᒻ ᒋ ‍ ᒪᔅᑲᓱᐎ ᒥᔅᑎᑯᒥᔪᐤ ᓴᐃᔭᓂᒡ ᐅᒡ:
\q2 ᑎᐸᔨᒋᒐ ᐊᓐᑕ ᐊ ‍ ᐃᑕᒡ ᑲ ‍ ᐛᐧᑲᑎᔅᒡ᙮
\q1
\v 3 ᒋᑦ ᐃᔨᒥᒡ ᒋᑭ ‍ ᓇᐊᔨᑎᒧᒡ ‍ ᑲᔅᒋᐅᐎ ᒋᓯᑲᒥᒡ, ᐊ ‍ ᒥᔪᓇᑯᐃᑯᒡ ᐸᔭᒋᓯᐅᓂᔪᐤ,
\q2 ᐊᐛᔅᑕ ᐃᔅᐱᔅ ᐊ ‍ ᒐᒋᓴᐸᔭᒡ:
\q2 ᒋᑦ ᐊᔭᓐ ᐊ ‍ ᐊᑯᓯᐸᔭᒡ ᒋᑦ ᐅᔅᒋᓂᒋᐅᓐ᙮
\b
\q1
\v 4 ᑎᐸᔨᒋᒐᓱᐤ ᒋᒋᐛ ᒋ ‍ ᐃᔪᐤ, ᓇᒪ ᒪᒃ ᒋᑭ ‍ ᒂᔅᒐᔨᑎᒻ,
\q2 “ᒋᔾ ᒋᒋᓴᐊᔭᒥᐊᐅᒋᒪᐅᓐ ᑲᒋᒡ ᐅᑦ ᐃᑕᒋᒥᑯᓯᐅᓂᒡ ᒪᓪᑭᓴᑕᒃ᙮”
\b
\q1
\v 5 ᑎᐸᔨᒋᒐᓱᐤ ᒋᒥᔪᐅᓂᒡ,
\q2 ᒋᑭ ‍ ᐅᑕᒪᐊᒺᐤ ᒋᓴᐅᒋᒪᐛ ᐅᑦ ᐊᐧᑯᔪᐛᓱᐎ ᒋᓯᑲᒥᒡ᙮
\q1
\v 6 ᒋᑭ ‍ ᑎᐸᔅᑯᓇᐤ ᐊᑲ ᐊᔭᒥᐊᔨᒋ,
\q2 ᐊᓐᑕ ᒪᒃ ᒋᑭ ‍ ᓴᑭᔅᒋᓂᑕᐤ ᑲ ‍ ᓂᐱᒥᑭᓂᔨᒋ ᒥᔪᐛ ᐅᒡ,
\q2 ᒋᑭ ‍ ᒥᔄᑭᓂᒐᐤ ᐊᓂᔭᔪᐛ ᑲ ‍ ᑎᐸᔨᑎᒥᔨᒋ ᒥᒐᑦ ᐊᔅᒋᔭ᙮
\q1
\v 7 ᒋᑭ ‍ ᒥᓂᒂᑕᒻ ᓯᐱᓯᔪᐤ ᒪᔅᑭᓇᒡ:
\q2 ᐊᔭᔪᐤ ᐅᒋ ᒋᑭ ‍ ᐅᐱᓂᔎᔪᐤ᙮
\c 111
\s2 Psalm 111 (Epiphany-4 Year B; Proper-23 Year C)
\q1
\v 1 ᒪᒥᒋᒥᐧᒄ ᑎᐸᔨᒋᒐᓱᐤ !
\b
\q2 ᓂᑭ ‍ ᒪᒥᒋᒪᐤ ᑎᐸᔨᒋᒐᓱᐤ ᒥᓯᐛ ᓂᑕᐃᒡ,
\q2 ᐊᓐᑕ ᐊ ‍ ᒪᒧᐎᒡ ᑲ ‍ ᑯᐃᔅᑯᑎᒡ ᑭᔭ ᐊᓐᑕ ᐊ ‍ ᒪᐅᒋᐃᑐᓇᓄᐅᒡ᙮
\b
\q1
\v 2 ᐅᑦ ᐊᑐᔅᒐᐅᓇ ᑎᐸᔨᒋᒐᓱᐤ ᒋᒋ ‍ ᐃᑕᔨᑕᑯᓂᔨᐛ,
\q2 ᐊ ‍ ᓇᓂᑐᐛᔨᑎᒥᔨᒋ ᒥᓯᐛ ᑲ ‍ ᒥᔽᔨᑎᒥᔨᒋ᙮
\q1
\v 3 ᐅᑦ ᐊᑐᔅᒐᐅᓐ ᒋᒋ ‍ ᐃᑕᔨᑕᑯᓂᔪᐤ ᑭᔭ ᒋᔅᑕᔨᑕᑯᓂᔪᐤ:
\q2 ᐅᑯᐃᔅᑯᑕᑎᓯᐅᓐ ᑭᔭ ᑲᒋᒡ ᒋᑭ ‍ ᑎᑯᓂᔪᐤ᙮
\q1
\v 4 ᒋ ‍ ᐃᓯᓇᑯᑕᐤ ᐅᒪᒥᔅᑲᒡ-ᐃᑐᐅᓇ ᒐᒋ ᒋᔅᒋᑕᑭᓄᐎᒋ:
\q2 ᑎᐸᔨᒋᒐᓱᐤ ᒋᓴᐛᑎᓯᐤ ᑭᔭ ᓴᑭᔅᒋᓇᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ᙮
\q1
\v 5 ᒋ ‍ ᐊᓴᒪᐤ ᐊᓂᔭᔪᐛ ᑲ ‍ ᓇᓂᒋᔅᑕᑯᑦ:
\q2 ᑲᒋᒡ ᒋᑭ ‍ ᒋᔅᒋᓯᐤ ᐅᓂᔅᑯᒥᑐᐅᓐ᙮
\q1
\v 6 ᒋ ‍ ᐛᐸᑎᔭᐤ ᐅᑦ ᐃᔨᒪ ᐊᔅᐱᔅ ᓱᐧᑲᑎᓯᒪᑭᓂᔨᒋ ᐅᑦ ᐊᑐᔅᒐᐅᓇ,
\q2 ᒐᒋ ᒥᔭᑦ ᐅᑎᐱᔨᐛᐅᓯᐅᓂᔪᐤ ᐊᑲ ᐊᔭᒥᐊᔨᒋ᙮
\q1
\v 7 ᐅᑦ ᐊᑐᔅᒐᐅᓇ ᐅᑎᒋᒡ ᑕᑈᐅᓄᐎᔨᐛ ᑭᔭ ᑎᐸᔅᑯᓂᒐᐅᓄᔨᐛ:
\q2 ᒥᓯᐛ ᐅᑦ ᐃᑎᓱᐛᐅᓇ ᒐᔅᑎᓇᑕᔭᔨᑕᑯᓂᔨᐛ᙮
\q1
\v 8 ᐊᔨᑎᔅᑕᔪᐛ ᑲᒋᒡ ᑭᔭ ᑲᒋᒡ,
\q2 ᑭᔭ ᑐᑕᑭᓄᐎᔨᐛ ᑕᑈᐅᓂᒡ ᑭᔭ ᑯᐃᔅᑯᑐᐅᓂᒡ᙮
\q1
\v 9 ᐱᒪᒋᐃᐛᐅᓂᔪᐤ ᒋ ‍ ᐃᑎᓴᐊᒧᐛᐤ ᐅᑦ ᐃᔨᒪ:
\q2 ᐃᑎᓱᐛᐤ ᐅᓂᔅᑯᒥᑐᐅᓐ ᑲᒋᒡ ᒐᒋ ᑎᒂᓂᔨᒡ:
\q2 ᐸᔭᐧᑭᓂᔪᐤ ᑭᔭ ᒋᔅᑕᔨᑕᑯᓂᔪᐤ ᐅᑦ ᐃᓯᓂᐧᑲᓱᐅᓐ᙮
\b
\q1
\v 10 ᐅᓇᓂᒋᔅᑕᑯᓯᐅᓐ ᑎᐸᔨᒋᒐᓱᐤ ᐊᑯᑕ ᐛᒋ ‍ ᒋᒋᐱᔨᒡ ᑭᒐᑕᐛᔨᑎᒧᐅᓐ:
\q2 ᒥᔪ ‍ ᓂᔅᑐᑎᒧᐅᓂᔪᐤ ᐊᔭᐅᒡ ᒥᓯᐛ ᐊᓐᒡ ᑲ ‍ ᐃᑐᑎᒺᒡ ᐅᑦ ᐃᑎᓱᐛᐅᓂᔨᐛ:
\q1 ᐅᒪᒥᒋᒥᑯᓯᐅᓐ ᑲᒋᒡ ᑎᑯᓂᔪᐤ᙮
\c 112
\s2 Psalm 112 (Proper-17 Year C)
\q1
\v 1 ᒪᒥᒋᒥᐧᒄ ᑎᐸᔨᒋᒐᓱᐤ !
\b
\q2 ᓱᐛᔨᑕᑯᓱᐤ ᐊᓐ ᐃᔪᐤ ᑲ ‍ ᓇᓂᒋᔅᑐᐛᑦ ᑎᐸᔨᒋᒐᓱᐛ,
\q2 ᓇᔅᒡ ᑲ ‍ ᒥᔽᔨᑎᒺᑦ ᐅᑦ ᐃᑎᓱᐛᐅᓂᔪᐛ᙮
\b
\q1
\v 2 ᐅᑦ ᐊᐛᓯᒥᓴ ᒋᑭ ‍ ᒋᒋᐃᑕᔨᑕᑯᓯᔨᐛ ᐊᔅᒋᒡ:
\q2 ᐅᑦ ᐊᔭᓂᔅᒐ ‍ ᐱᒪᑎᓯᒧᐛᐛ ᐅᑯᐃᔅᑯᑕᑎᓯᐅᒡ ᒋᑭ ‍ ᓱᐛᔨᑕᑯᓯᔨᐛ
\q1
\v 3 ᐛᔪᑎᓯᐅᓂᔪᐤ ᑭᔭ ᒥᓯᒋᓯᐅᓂᔪᐤ ᒋᑭ ‍ ᑎᑯᓂᔪᐤ ᐎᒋᒡ,
\q2 ᑭᔭ ᐅᑯᐃᔅᑯᑕᑎᓯᐅᓐ ᑲᒋᒡ ᒋᑭ ‍ ᑎᑯᓂᔪᐤ᙮
\q1
\v 4 ᐅᑯᐃᔅᑯᑐᐤ ᐸᒋ ‍ ᓄᑯᓯᔅᑕᑯᐤ ᐛᔅᑕᐅᓂᔪᐤ ᐊ ‍ ᐅᓂᑎᐱᔅᑲᔨᒡ:
\q2 ᒋᓴᐛᑎᓯᐤ ᑭᔭ ᓴᑭᔅᒋᓇᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ, ᑭᔭ ᑯᐃᔅᑯᑕᑎᓯᐤ᙮
\q1
\v 5 ᒥᔪ ‍ ᐃᔪᐤ ᐛᐸᑎᔨᐛᐤ ᒋᓴᐛᑎᓯᐅᓂᔪᐤ ᑭᔭ ᐊᐎᐃᐛᐤ:
\q2 ᐃᑈᐧᑲᑎᓯᐅᓂᔪᐤ ᒋᔅᒋᓄᑕᐃᑯᐤ ᐅᑦ ᐃᑐᐅᓂᒡ
\q1
\v 6 ᒐᔅᑎᓇᔅ ᓇᒪᐎᔾ ᒋᑭ ‍ ᐊᒋᐸᔨᐊᑭᓄᐤ,
\q2 ᐅᑯᐃᔅᑯᑕᑎᓯᐤ ᑲᒋᒡ ᒋᑭ ‍ ᒋᔅᒋᑐᐛᑭᓄᐤ᙮
\q1
\v 7 ᓇᒪᐎᔾ ᑯᔅᑎᒻ ᒥᒋᑎᐸᒋᒧᐅᓇ:
\q2 ᐊᔨᑎᔅᑕᔪᐤ ᐅᑕᐃ, ᐊ ‍ ᒪᒥᓯᑐᑐᐛᑦ ᑎᐸᔨᒋᒐᓱᐛ᙮
\q1
\v 8 ᓱᑲᔅᑕᔪᐤ ᐅᑕᐃ, ᓇᒪᐎᔾ ᒋᑭ ‍ ᓴᒋᓱᐤ,
\q2 ᐸᑎᒪ ᐛᐸᑕᒐ ᐊ ‍ ᐃᑐᑐᐛᑭᓄᔨᒋ ᑲ ‍ ᐛᐧᑲᑎᑯᑦ ᐊ ᐃᓯ ‍ ᓂᑐᐛᔨᑕᐧᒃ᙮
\q1
\v 9 ᒋ ‍ ᒪᑎᓂᒪᒐᐤ, ᒥᔭᐤ ᐅᒋᔅᑎᒪᑎᓯᐛ;
\q2 ᐅᑯᐃᔅᑯᑕᑎᓯᐅᓐ ᑲᒋᒡ ᑎᑯᓂᔪᐤ;
\q2 ᐅᑦ ᐊᔅᑭᓐ ᒋᑭ ‍ ᐃᔅᐸᔨᑕᑯᓂᔪᐤ ᒋᔅᑕᔨᑕᑯᓱᐅᓂᒡ᙮
\b
\q1
\v 10 ᐅᒥᒋᑥᐤ ᒋᑭ ‍ ᐛᐸᑎᒻ, ᑭᔭ ᒋᑭ ‍ ᒥᑕᒋᔨᐛᓱᐤ;
\q2 ᒋᑭ ‍ ᒪᑥᔭᐱᑕᓯᓐ, ᑭᔭ ᒋᑭ ‍ ᑎᒋᐱᔪᐤ;
\q2 ᐅᐱᑯᓴᔨᒧᐅᓐ ᐅᒥᒋᑥᐤ ᒋᑭ ‍ ᓂᓱᐅᓇᑎᓂᔪᐤ᙮
\c 113
\s2 Psalm 113 (Proper-20 Year C)
\q1
\v 1 ᒪᒥᒋᒥᐧᒄ ᑎᐸᔨᒋᒐᓱᐤ !
\b
\q2 ᒪᒥᒋᒥᐧᒄ, ᐅ ᒋᔨᐛᐤ ᐅᑦ ᐊᑐᔅᒐᔭᑭᓇ ᑎᐸᔨᒋᒐᓱᐤ;
\q2 ᒪᒥᒋᑕᒺᐧᒄ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ᙮
\q1
\v 2 ᓱᐛᔨᑕᒂᓂᔪᐤ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ,
\q2 ᐊᓄᒡ ᐅᒋ, ᑭᔭ ᑲᒋᒡ᙮
\q1
\v 3 ᐊᓐᑕ ᐊ ‍ ᓴᑲᔅᑐᐛᑦ ᐱᓯᒻ ᐅᒋ ᐊᓐᑕ ᐊ ᐃᓯ ‍ ᐸᒋᓯᒧᑦ ᐃᔅᑯᐤ,
\q2 ᑎᐸᔨᒋᒐᓱᐤ ᐅᑦ ᐃᓯᓂᐧᑲᓱᐅᓐ ᐃᑕᔨᑕᑯᓂᔪᐤ ᒐᒋ ᒋᔅᑕᑐᑕᑯᓄᐎᔨᒡ᙮
\b
\q1
\v 4 ᑎᐸᔨᒋᒐᓱᐤ ᐊᔪᐛᒋᔅᑯᐛᐤ ᒥᓯᐛ ᐊ ‍ ᑕᑐᔅᑲᓇᓯᔨᒋ ᐃᔪᐛ,
\q2 ᑭᔭ ᐅᒋᔅᑕᔨᑕᑯᓱᐅᓐ ᐃᔅᐱᔅ ᒋᓯᒂ᙮
\q1
\v 5 ᐊᐛᓐ ᓇᔅᐱᑐᐛᑦ ᑎᐸᔨᒋᒐᓱᐛ ᒋ ‍ ᒋᓴᒪᓂᑐᒥᓄᐛ,
\q2 ᐃᔅᐱᒥᒡ ᐊ ‍ ᑕᔨᒋ;
\q1
\v 6 ᑲ ‍ ᑎᐱᑕᔨᒧᑦ ᒐᒋ ᑭᓄᐛᐸᑕᐧᒃ ᒐᒂᔪᐛ ᒋᒋᒋᓯᑯᒡ, ᑭᔭ ᐊᔅᒋᒡ᙮
\b
\q1
\v 7 ᐱᓯᑯᓇᐤ ᐅᒋᔅᑎᒪᑎᓯᐛ ᐊᓯᔅᒋᒡ ᐅᒋ,
\q2 ᐅᓇᐧᑲᑎᓯᐛ ᑭᔭ ᐅᐱᓇᐤ ᐊ ‍ ᐎᓂᒥᔅᑭᒥᑲᔨᒡ ᐅᒋ;
\q1
\v 8 ᒐᒋ ᑐᑐᐛᑦ ᒐᒋ ᐎᑕᐱᒪᔨᒋ ᒋᓴᐅᒋᒪᓯᓴ,
\q2 ᐅᒋᒪᓯᒥᔪᐛ ᐅᑦ ᐃᔨᒪ᙮
\q1
\v 9 ᑭᓄᐛᔨᑎᔭᐤ ᐎᒋᔪᐤ ᐊᑲ ᓂᑕᐅᓴᔨᒋ ᐃᔎᐛ,
\q2 ᑭᔭ ᒐᒋ ᒥᔽᔨᑎᒧ ᐅᑲᐎᒥᑯᔨᒋ ᐊᐛᓴ᙮
\b
\q1 ᒪᒥᒋᒥᐧᒄ ᑎᐸᔨᒋᒐᓱᐤ !
\c 114
\s2 Psalm 114 (Proper-19 Year A)
\q1
\v 1 ᐃᔅᐱ ᐃᔅᕋᐃᓪ ᐃᒋᑉᑎᒡ ᑲ ᐅᒋ ‍ ᐎᐎᑦ,
\q2 ᑭᔭ ᑲ ‍ ᑎᓯᑦ ᒐᑭᑉ ᐃᔪᐛ ᐅᒋ ᓇᓇᐧᑯᐤ ᑲ ᐃᓯ ‍ ᐃᔨᒥᔨᒋ;
\q1
\v 2 ᒍᑕ ᐊᔪᐅᒄ ᐅᐸᔭᒋ-ᒥᒋᐛᑉ,
\q2 ᑭᔭ ᐃᔅᕋᐃᓪ ᐅᑎᐸᔨᒋᒐᐅᓐ᙮
\b
\q1
\v 3 ᐎᓂᐸᒄ ᒋ ‍ ᐛᐸᑎᒧᒥᑭᓐ, ᑭᔭ ᒋ ‍ ᒋᑎᓯᒧᒥᑭᓐ;
\q2 ᒠᕐᑕᓐ ᒋ ‍ ᐊᓴᐱᔪᐤ᙮
\q1
\v 4 ᐱᔅᑯᑎᓇᐛ ᒋ ‍ ᒂᔎᔅᑯᑎᒧᒥᑭᓇ ᒧᔭᒻ ᓇᐸ ᒪᔭᑕᓂᓯᒡ,
\q2 ᑭᔭ ᐱᔅᑯᑎᓇᓴ ᒧᔭᒻ ᒪᔭᑕᓂᓯᒡ᙮
\b
\q1
\v 5 ᑕᓐ ᑲ ‍ ᐃᑎᔨᓐ, ᐅ ᒋᔾ ᐎᓂᐸᒄ, ᐊᒋ ‍ ᒋᑎᓯᒧᔨᓐ ?
\q2 ᒋᔾ ᒠᕐᑕᓐ ᐊᒋ ‍ ᐊᓴᐱᔨᓐ ?
\q1
\v 6 ᒋᔨᐛᐤ ᐱᔅᑯᑎᓇᐛ, ᐊᒋ ‍ ᒂᔎᔅᑯᑎᔭᒄ ᒧᔭᒻ ᓇᐸ ᒪᔭᑕᓂᓯᒡ;
\q2 ᑭᔭ ᒋᔨᐛᐤ ᐱᔅᑯᑎᓇᓴ ᒧᔭᒻ ᒪᔭᑕᓂᓯᒡ ?
\b
\q1
\v 7 ᓂᓇᒥᐸᔨ, ᒋᔾ ᐊᔅᒋᔾ, ᐊ ‍ ᑭᓄᐛᐱᒥᔅᒃ ᑎᐸᔨᒋᒐᓱᐤ,
\q2 ᐊ ‍ ᑭᓄᐛᐱᒥᔅᒋᔨᔅᒋ ᐅᒋᓴᒪᓂᑐᒪ ᒐᑭᑉ;
\q1
\v 8 ᑲᒋ ‍ ᓂᐱᒐᑦ ᒋᔅᑕᐱᔎ,
\q2 ᑲᒋ ‍ ᒧᔅᒋᐎᓂᐸᑯᒐᑦ ᐊᒋᔅᑕᔅᐱᓴᑲᔨᒡ᙮
\c 115
\q1
\v 1 ᓇᒪᐎᔾ ᓂᔭᓐ, ᐅ ᑎᐸᔨᒋᒐᓱᐤ, ᓇᒪᐎᔾ ᓂᔭᓐ,
\q2 ᒪᒃ ᒋᔾ ᒋᑦ ᐃᓯᓂᐧᑲᓱᐅᓐ ᒋᔅᑕᔨᑕᑯᑕ,
\q2 ᒋᒋᔅᑎᒪᒐᔨᒋᒐᐅᓂᒡ ᐅᒡ, ᑭᔭ ᒋᑕᑈᐅᓐ ᐅᒡ᙮
\b
\q1
\v 2 ᒐᒂᔪᐤ ᐛᒋ ‍ ᐃᔨᒡ ᐊᑲ ‍ ᐊᔭᒥᐊᒡ,
\q2 “ᑕᓐᑕ ᐊᑯ ᐊ ‍ ᑕᔨᒋ ᐅᒋᓴᒪᓂᑐᒧᐛᐛ ?”
\q1
\v 3 ᒪᒃ ᒋ ‍ ᒋᓴᒪᓂᑐᒥᓇᐤ ᒋᒋᒋᓯᑯᒡ ᑕᐤ:
\q2 ᒋ ‍ ᐃᑐᑎᒻ ᒥᒄ ᒐᒂᔪᐤ ᐊᓯ ‍ ᒥᔽᔨᑕᐧᒃ᙮
\q1
\v 4 ᐅᒥᓂᑐᐧᑲᓂᒧᐛᐛ ᓱᓇᔭᐱᔅᑯᐎᔪᐛ ᑭᔭ ᐎᔄᐅᓱᓇᔭᐱᔅᑯᐎᔪᐛ,
\q2 ᐅᑎᒋᐛᒡ ᑲᒋ ᐅᒋ ‍ ᐅᓯᐊᒡ ᐃᔪᒡ᙮
\q1
\v 5 ᐅᑐᓄᐅᒡ, ᒪᒃ ᓇᒪᐎᔾ ᐃᔨᒧᐅᒡ:
\q2 ᐅᔅᒋᓯᑯᐅᒡ, ᒪᒃ ᓇᒪᐎᔾ ᐛᐸᑎᒧᒡ:
\q1
\v 6 ᐅᑐᑲᐅᒡ, ᒪᒃ ᓇᒪᐎᔾ ᐸᑎᒧᒡ:
\q2 ᐅᔅᑯᑐᐅᒡ, ᒪᒃ ᓇᒪᐎᔾ ᒥᔭᒋᒐᐅᒡ:
\q1
\v 7 ᐅᑎᒋᐅᒡ, ᒪᒃ ᓇᒪᐎᔾ ᒥᒋᒥᓂᒐᐅᒡ:
\q2 ᐅᓯᑐᐅᒡ, ᒪᒃ ᓇᒪᐎᔾ ᐱᒧᑕᐅᒡ:
\q2 ᓇᒪ ᑭᔭ ᐃᔨᒧᐊᒐᐅᒡ ᐅᑯᑕᑭᓄᐛᐛ᙮
\q1
\v 8 ᐊᓐᒡ ᑲ ‍ ᐅᓯᐊᒡ ᓇᔅᐱᑐᐛᐅᒡ;
\q2 ᑭᔭ ᒥᓯᐛ ᑕᑐᐤ ᐊᐛᓐ ᑲ ‍ ᒪᒥᓯᑐᑐᐛᑦ᙮
\b
\q1
\v 9 ᐅ ᐃᔅᕋᐃᓪ, ᒪᒥᓯᑐᑐᐤ ᑎᐸᔨᒋᒐᓱᐤ:
\q2 ᐎᔾ ᐊᐅᒄ ᐊᓐ ᐅᐎᒋᐃᑯᓯᐅᓄᐛᐤ ᑭᔭ ᐅᑦ ᐊᑯᓇᐅᓱᐛᑭᓄᐛᐤ᙮
\q1
\v 10 ᐅ ᐊᑎᓯᔨᓐ ᐊᕋᓐ, ᒪᒥᓯᑐᑕᐧᒄ ᑎᐸᔨᒋᒐᓱᐤ:
\q2 ᐎᔾ ᐊᐅᒄ ᐊᓐ ᐅᐎᒋᐃᑯᓯᐅᓄᐛᐤ ᑭᔭ ᐅᑦ ᐊᑯᓇᐅᓱᐛᑭᓄᐛᐤ᙮
\q1
\v 11 ᒋᔨᐛᐤ ᑲ ‍ ᓇᓂᒋᔅᑕᐛᒃ ᑎᐸᔨᒋᒐᓱᐤ, ᒪᒥᓯᑐᑕᐧᒄ ᑎᐸᔨᒋᒐᓱᐤ:
\q2 ᐎᔾ ᐊᐅᒄ ᐊᓐ ᐅᐎᒋᐃᑯᓯᐅᓄᐛᐤ ᑭᔭ ᐅᑦ ᐊᑯᓇᐅᓱᐛᑭᓄᐛᐤ᙮
\b
\q1
\v 12 ᑎᐸᔨᒋᒐᓱᐤ ᔅᒋ ‍ ᐱᓯᔅᒐᔨᒥᑯᓄᐤ; ᒋᑭ ‍ ᒥᔽᒋᒥᑯᓄᐤ:
\q2 ᒋᑭ ‍ ᒥᔽᒋᒪᐤ ᒐᑭᐸ ᒥᓯᐛ ᐊ ‍ ᑎᓯᔨᒋ;
\q2 ᒋᑭ ‍ ᒥᔽᒋᒪᐤ ᐊᕋᓇ ᒥᓯᐛ ᐊ ‍ ᑎᓯᔨᒋ᙮
\q1
\v 13 ᒋᑭ ‍ ᒥᔽᒋᒪᐤ ᐊᓂᔭ ᑲ ‍ ᓇᓂᒋᔅᑐᐛᔨᒋ ᑎᐸᔨᒋᒐᓱᐛ,
\q2 ᑕᐱᔅᑯᓐ ᑲ ‍ ᐊᐱᔅᑕᔨᑕᑯᓯᔨᒋ ᑭᔭ ᑲ ‍ ᒋᓴᐃᑕᔨᑕᑯᓯᔨᒋ᙮
\b
\q1
\v 14 ᑎᐸᔨᒋᒐᓱᐤ ᐊᔭᔅᒃ ᒥᒄ ᒋᑭ ‍ ᒥᒐᑐᐃᑯᐛᐤ,
\q2 ᒋᔨᐛᐤ ᑭᔭ ᒋᑦ ᐊᐛᓯᒥᓱᐛᐅᒡ᙮
\q1
\v 15 ᒋ ‍ ᒥᔽᒋᒥᑯᐛᐤ ᑎᐸᔨᒋᒐᓱᐤ,
\q2 ᑲᒋ ‍ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ᙮
\b
\q1
\v 16 ᒋᒋᒋᓯᑯᒡ, ᒋᓯᒂ ᐅᑎ ᑎᐸᔨᑎᒻ ᑎᐸᔨᒋᒐᓱᐤ:
\q2 ᒪᒃ ᐊᔅᒋᔪᐤ ᒋ ‍ ᒥᔨᒪᐤ ᐃᔪᐛ ᐅᑦ ᐊᐛᓯᒥᓯᔨᐛ᙮
\q1
\v 17 ᑲ ‍ ᓂᐱᒡ ᓇᒪᐎᔾ ᒪᒥᒋᒪᐅᒡ ᑎᐸᔨᒋᒐᓱᐛ,
\q2 ᓇᒪ ᑭᔭ ᐊᓐᒡ ᑲ ‍ ᐃᑐᑕᒡ ᒋᐱᑐᐛᐅᓂᒡ᙮
\q1
\v 18 ᒪᒃ ᒋᑭ ‍ ᒪᒥᒋᒪᓄᐤ ᑎᐸᔨᒋᒐᓱᐤ ᐊᓄᒡ ᐅᒋ ᑭᔭ ᑲᒋᒡ᙮
\b
\q1 ᒪᒥᒋᒥᐧᒄ ᑎᐸᔨᒋᒐᓱᐤ !
\c 116
\s2 Psalm 116:1-4, 12-19 (Easter-3 Year A)
\s2 Psalm 116:1-2, 12-19 (Proper-6 Year A)
\s2 Psalm 116:1-9 (Proper-19 Year B)
\q1
\v 1 ᓂᑭ ‍ ᓴᒋᐊᐤ ᑎᐸᔨᒋᒐᓱᐤ,
\q2 ᐊᒋ ‍ ᓂᑐᑕᐧᒃ ᓂᐸᑕᑯᓱᐅᓂᔪᐤ ᑭᔭ ᓂᓂᑐᑎᒪᒐᐅᓂᔪᐤ᙮
\q1
\v 2 ᐊᒋ ‍ ᓂᑐᑐᐅᑦ,
\q2 ᐊᔪᐅᒄ ᒐ ᐅᒋ ‍ ᓇᓂᑐᒥᒃ ᒥᒄ ᒐ ᐃᔅᐱᔅ ‍ ᐱᒪᑎᓯᔭᓐ᙮
\b
\q1
\v 3 ᓂᐳᐅᓐ ᐅᑯᐸᑕᔨᑎᒧᐛᐅᓐ ᓂᒋ ‍ ᐛᔅᑲᔅᑲᑯᐛᓐ:
\q2 ᑭᔭ ᒥᒋ ‍ ᐃᔅᑯᑕᐤ ᐎᓯᒐᔨᑎᒧᐅᓇ ᓂᒋ ‍ ᐅᑎᑎᓂᑯᓐ:
\q2 ᓂᒋ ‍ ᒥᔅᑲᓐ ᒥᑯᔅᑲᑕᔨᑎᒧᐅᓐ ᑭᔭ ᑯᐸᑕᔨᑎᒧᐅᓐ᙮
\q1
\v 4 ᐊᑯ ᓂᔭᓂᑐᐛᒧᑎᒧᒡ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ:
\q2 “ᐅ ᑕᐸᔨᒋᒐᔨᓐ, ᒋ ‍ ᐱᑯᓴᔨᒥᑎᓐ, ᐱᒪᒋ ᓂᑦ ᐊᒐᐧᒄ᙮”
\b
\q1
\v 5 ᒋᓴᐛᑎᓯᐤ ᑎᐸᔨᒋᒐᓱᐤ, ᑭᔭ ᑯᐃᔅᑯᑕᑎᓯᐤ;
\q2 ᓂᐦᐃ, ᒋᒋᓴᒪᓂᑐᒥᓄᐤ ᒋᔅᑎᒪᒐᔨᒧᐛᐤ᙮
\q1
\v 6 ᑎᐸᔨᒋᒐᓱᐤ ᑭᓄᐛᔨᒪᐤ ᐊᑲ ᑭᒐᑕᐛᔨᑎᒥᔨᒋ:
\q2 ᓂᒋ ‍ ᓂᓇᐧᑲᑕᔨᒧᓐ, ᓂᒋ ‍ ᐎᒋᐃᒄ ᒪᒃ᙮
\b
\q1
\v 7 ᒋᐛ ᓇᑕ ᒋᑦ ᐊᔽᓯᐅᓐ, ᐅ ᓂᑦ ᐊᒐᐧᒄ;
\q2 ᐛᔅ ᑎᐸᔨᒋᒐᓱᐤ ᔅᒋ ‍ ᒋᓴᐛᑐᑕᒄ᙮
\b
\q1
\v 8 ᐛᔅ ᒋ ‍ ᐎᒂᒋᐊᐤ ᓂᑦ ᐊᒐᐧᒄ ᓂᐳᐅᓂᒡ ᐅᒡ,
\q2 ᓂᔅᒋᓯᒂ ᒐ ᐊᑲ ᒋ ᐅᒋᑯᐛᐱᔭᓐ,
\q2 ᑭᔭ ᓂᓯᑕ ᒐ ᐊᑲ ᒋ ᐸᒋᓯᓂᔭᓐ᙮
\q1
\v 9 ᓂᑭ ‍ ᐱᒧᑕᓐ ᐅᑎᔅᑯᐤ ᐊ ‍ ᑕᑦ ᑎᐸᔨᒋᒐᓱᐤ ᐊᔅᒋᒡ ᐊᓐᑕ ᐊ ‍ ᐱᒪᑎᓯᓇᓄᐅᒡ᙮
\q1
\v 10 ᓂᒋ ‍ ᑕᑈᑕᓐ, ᐊᐅᒄ ᑲ ᐅᒋ ‍ ᐃᔨᒥᔭᓐ:
\q2 “ᓇᔅᒡ ᓂᒋ ‍ ᐅᔅᑕᐱᔨᓐ᙮”
\q1
\v 11 ᓂᒋ ‍ ᐃᔅᒋᔄᓐ ᓯᔅᒋᑯᒡ,
\q2 “ᒥᓯᐛ ᐃᔪᒡ ᑭᑭᒋᔭᐅᒡ᙮”
\b
\s2 Psalm 116:1-4, 12-19 (Easter-3 Year A)
\q1
\v 12 ᒐᒂᔪᐤ ᒥᔅᑯᒡ ᒐ ‍ ᒥᔨᒃ ᑎᐸᔨᒋᒐᓱᐤ ᒥᓯᐛ ᑲ ᐃᓯ ᒥᔪ ‍ ᑐᑐᐅᑦ ?
\q2
\v 13 ᓂᑭ ‍ ᐅᑎᓇᓐ ᐱᒪᒋᐃᐛᐤ ᒥᓂᒂᑭᓐ,
\q2 ᑭᔭ ᓂᑭ ‍ ᓂᑐᑎᒺᓐ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ᙮
\q1
\v 14 ᓂᑭ ‍ ᑎᐸᐊᒧᐛᐤ ᒋᒋᐛ ᐊᒋ ‍ ᐃᑎᒃ ᒐᒂᔪᐤ ᑎᐸᔨᒋᒐᓱᐤ
\q2 ᐊ ‍ ᐛᐱᒥᔨᒋ ᒥᓯᐛ ᐅᑦ ᐃᔨᒪ᙮
\b
\q1
\v 15 ᒋᔅᑕᒋᑕᒺᐤ ᑎᐸᔨᒋᒐᓱᐤ ᐅᓂᐳᐅᓂᔪᐤ ᐅᐸᔭᒋᓯᒪ᙮
\q1
\v 16 ᐅ ᑎᐸᔨᒋᒐᓱᐤ, ᑕᑈ ᓂᔾ ᒋᑦ ᐊᑐᔅᒐᔭᑭᓐ;
\q2 ᓂᔾ ᒋᑦ ᐊᑐᔅᒐᔭᑭᓐ, ᑭᔭ ᒋᑦ ᐊᑐᔅᒐᔭᑭᓂᔎᒻ ᐅᑯᓯᓴ:
\q2 ᔅᒋ ‍ ᐛᐸᑕᓐ ᓂᒥᒪᒋᒂᐱᓱᐅᓇ᙮
\b
\q1
\v 17 ᒋᑭ ‍ ᐸᒋᑎᓇᒪᑎᓐ ᓂᓇᔅᑯᒧᐅ ᐱᔅᑎᓂᒐᐅᓇ,
\q2 ᑭᔭ ᓂᑭ ‍ ᓂᑐᑎᒺᓐ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ᙮
\q1
\v 18 ᓂᑭ ‍ ᑎᐸᐊᒧᐛᐤ ᒋᒋᐛ ᐊᒋ ‍ ᐃᑎᒃ ᒐᒂᔪᐤ ᑎᐸᔨᒋᒐᓱᐤ
\q2 ᐊ ‍ ᐛᐱᒥᔨᒋ ᒥᓯᐛ ᐅᑦ ᐃᔨᒪ᙮
\q1
\v 19 ᒪᐅᒋᐃᑐᐅᒋᐛᐱᒡ ᐎᒋᒡ ᑎᐸᔨᒋᒐᓱᐤ,
\q2 ᑕᑕᐅᒡ ᒋᔾ, ᐅ ᒋᕈᓯᓕᒻ᙮
\b
\q1 ᒪᒥᒋᒥᐧᒄ ᑎᐸᔨᒋᒐᓱᐤ !
\c 117
\q1
\v 1 ᐅ ᒪᒥᒋᒥᐧᒄ ᑎᐸᔨᒋᒐᓱᐤ, ᒥᓯᐛ ᐊ ‍ ᑕᑐᔅᑲᓇᓯᔭᒄ ᐃᔨᑎᒄ:
\q2 ᒪᒥᒋᒥᐧᒄ ᑎᐸᔨᒋᒐᓱᐤ, ᒥᓯᐛ ᐃᔨᑎᒄ᙮
\q1
\v 2 ᐛᔅ ᓇᔅᒡ ᑕᑈ ᒋ ‍ ᒋᔅᑎᒪᒐᔨᒪᐤ ᒋᓴᐛᑐᑕᑯᓄᐤ:
\q2 ᑭᔭ ᐅᑕᑈᐅᓐ ᑎᐸᔨᒋᒐᓱᐤ ᑲᒋᒡ ᐱᒥᐱᔪᐤ᙮
\b
\q1 ᒪᒥᒋᒥᐧᒄ ᑎᐸᔨᒋᒐᓱᐤ !
\c 118
\s2 Psalm 118:1-2, 14-24 (Easter Sunday Year A, B, C)
\s2 Psalm 118:1-2, 19-29 (Palm Sunday Year C)
\q1
\v 1 ᐅ ᓂᓇᔅᑯᒥᐧᒄ ᑎᐸᔨᒋᒐᓱᐤ: ᐛᔅ ᒥᔽᑎᓯᐤ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔨᔪᐤ᙮
\b
\q1
\v 2 ᐊᑯᔅ ᐊᑯ ᒐ ‍ ᐃᔅᒋᔄᒡ ᐃᔅᕋᐃᓪ ᐃᔪᒡ,
\q2 ᐅᒋᔅᑎᒪᒐᔨᒋᒐᐅᓐ ᑲᒋᒡ ᐊ ‍ ᐱᒥᐱᔨᒡ᙮
\q1
\v 3 ᐊᑯᔅ ᒥᓯᐛ ᐊᑎᓯᑦ ᐊᕋᓐ ᐊᑯ ᒐ ‍ ᐃᔅᒋᔄᑦ,
\q2 ᐅᒋᔅᑎᒪᒐᔨᒋᒐᐅᓐ ᑲᒋᒡ ᐊ ‍ ᐱᒥᐱᔨᒡ᙮
\q1
\v 4 ᐊᑯᔅ ᐊᓐᒡ ᑲ ‍ ᓇᓂᒋᔅᑐᐛᒡ ᑎᐸᔨᒋᒐᓱᐛ ᐊᑯ ᒐ ‍ ᐃᔅᒋᔄᒡ,
\q2 ᐅᒋᔅᑎᒪᒐᔨᒋᒐᐅᓐ ᑲᒋᒡ ᐊ ‍ ᐱᒥᐱᔨᒡ᙮
\b
\q1
\v 5 ᓂᒋ ‍ ᓇᓂᑐᒪᐤ ᑎᐸᔨᒋᒐᓱᐤ ᑲ ‍ ᒥᑯᔅᑲᑕᔨᑎᒪᓐ:
\q2 ᑎᐸᔨᒋᒐᓱᐤ ᒪᒃ ᓂᒋ ‍ ᓂᔅᑯᒥᒄ,
\q2 ᓂᒋ ‍ ᑎᔨᒄ ᑭᔭ ᐊᓐᑕ ᐊ ‍ ᒥᓴᔨᒡ᙮
\q1
\v 6 ᑎᐸᔨᒋᒐᓱᐤ ᓂ ‍ ᐎᒋᐃᒄ;
\q2 ᓇᒪᐎᔾ ᓂᑭ ‍ ᑯᔅᑕᒋᓐ:
\q2 ᒐᒂᔪᐤ ᒐᒋ ‍ ᑐᑐᐅᑦ ᐃᔪᐤ ?
\q1
\v 7 ᑎᐸᔨᒋᒐᓱᐤ ᓂ ‍ ᐎᒋᐃᒄ ᐊᓯᒡ ᐊᓐᒡ ᑲ ‍ ᐎᒋᐃᒡ:
\q2 ᐊᑯᑕ ᒐ ᐅᒋ ‍ ᐛᐸᑎᒪᓐ ᒐᒋ ᑐᑐᐛᑭᓄᐅᒡ ᑲ ‍ ᐛᐧᑲᓯᒡ ᐊ ᐃᓯ ‍ ᓂᑐᐛᔨᑎᒪᓐ᙮
\b
\q1
\v 8 ᐊᔪᐛᒃ ᒥᔽᓯᔪᐤ ᒐᒋ ᒪᒥᓯᑐᑐᐅᒃ ᑎᐸᔨᒋᒐᓱᐤ
\q2 ᐃᔅᐱᔅ ᐎ ᒐᒋ ᐊᔅᐸᔨᒧᑐᑐᐅᒃ ᐃᔪᐤ᙮
\q1
\v 9 ᐊᔪᐛᒃ ᒥᔽᓯᔪᐤ ᒐᒋ ᒪᒥᓯᑐᑐᐅᒃ ᑎᐸᔨᒋᒐᓱᐤ
\q2 ᐃᔅᐱᔅ ᐎ ᒐᒋ ᐊᔅᐸᔨᒧᑐᑐᐅᒂᐤ ᒋᓴᐅᒋᒪᓯᒡ᙮
\b
\q1
\v 10 ᒥᓯᐛ ᑲ ‍ ᑕᑐᔅᑲᓇᓯᒡ ᐃᔪᒡ ᓂᒋ ‍ ᐛᔅᑲᔅᑲᑯᒡ:
\q2 ᒪᒃ ᐅᑦ ᐃᓯᓂᐧᑲᓱᐅᓂᒡ ᑎᐸᔨᒋᒐᓱᐤ ᓂᑭ ‍ ᓂᓱᐅᓇᒋᐊᐅᒡ᙮
\q1
\v 11 ᓂᒋ ‍ ᐛᔅᑲᔅᑲᑯᒡ; ᓂᐦᐃ, ᓂᒋ ‍ ᐛᔅᑲᔅᑲᑯᒡ:
\q2 ᒪᒃ ᐅᑦ ᐃᓯᓂᐧᑲᓱᐅᓂᒡ ᑎᐸᔨᒋᒐᓱᐤ ᓂᑭ ‍ ᓂᓱᐅᓇᒋᐊᐅᒡ᙮
\q1
\v 12 ᓂᒋ ‍ ᐛᔅᑲᔅᑲᑯᒡ ᒧᔭᒻ ᐊᒧᐅᒡ;
\q2 ᐊᔅᑐᐛᐅᒡ ᒧᔭᒻ ᑲᑲᓴᒋ ᓂᐱᓯᔭ ᐊᐎᑕᒡ,
\q2 ᐅᑦ ᐃᓯᓂᐧᑲᓱᐅᓂᒡ ᑎᐸᔨᒋᒐᓱᐤ ᓂᑭ ᓂᓱᐅᓇᒋᐊᐅᒡ᙮
\b
\q1
\v 13 ᓇᔅᒡ ᔅᒋ ‍ ᑯᒋ ᑕᐧᑭᒥᓐ, ᒐᒋ ᐸᒋᓯᓂᔭᓐ:
\q2 ᒪᒃ ᑎᐸᔨᒋᒐᓱᐤ ᓂᒋ ‍ ᐎᒋᐃᒄ᙮
\s2 Psalm 118:1-2, 14-24 (Easter Sunday Year A, B, C)
\s2 Psalm 118:14-29 (Easter-2 Year C)
\q1
\v 14 ᑎᐸᔨᒋᒐᓱᐤ ᓂ ‍ ᒥᔅᑯᐅᓯᐅᓐ ᑭᔭ ᓂᓂᑭᒧᐅᓐ,
\q2 ᐊᔪᐤ ᑭᔭ ᓂᐱᒪᒋᐃᑯᓯᐅᓐ᙮
\b
\q1
\v 15 ᒥᔽᔨᑎᒧᐎ ᐸᑕᑯᓱᐅᓂᔪᐤ ᑭᔭ ᐱᒪᒋᐃᑯᓱᐎ ᐸᑕᑯᓱᐅᓂᔪᐤ ᐸᑕᑯᓂᔪᐤ ᐎᒋᐛᐛᒡ ᐅᑯᐃᔅᑯᑕᑎᓯᐅᒡ:
\q2 “ᐅᒥᔪᐅᓂᒡ ᑎᐸᔨᒋᒐᓱᐤ ᓱᒋᑕᐊᐎ ᐊᔨᑎᒥᑭᓂᔪᐤ᙮
\q1
\v 16 ᐅᒥᔪᐎᓐ ᑎᐸᔨᒋᒐᓱᐤ ᐊᔅᐸᔨᑕᑯᓂᔪᐤ:
\q2 ᐅᒥᔪᐎᓐ ᑎᐸᔨᒋᒐᓱᐤ ᓱᒋᑕᐊᐎ ᐊᔨᑎᒥᑭᓂᔪᐤ᙮”
\b
\q1
\v 17 ᓇᒪ ᓂᑭ ‍ ᓂᐱᓐ, ᒪᒃ ᓂᑭ ‍ ᐱᒪᑎᓯᓐ,
\q2 ᑭᔭ ᓂᑭ ‍ ᐎᑕᒺᓐ ᐅᑦ ᐊᑐᔅᒐᐅᓐ ᑎᐸᔨᒋᒐᓱᐤ᙮
\q1
\v 18 ᑎᐸᔨᒋᒐᓱᐤ ᓂᒋ ‍ ᐎᓴᑲᔅᑕᐅᒄ:
\q2 ᒥᒄ ᒪᒃ ᓇᒪᐎᔾ ᓂᐳᐅᓂᒡ ᓂ ᐅᒋ ᐃᓯ ‍ ᐱᔅᑎᓂᒄ᙮
\b
\s2 Psalm 118:1-2, 19-29 (Palm Sunday Year C)
\q1
\v 19 ᐸᔅᒋᑕᓇᒧᐎ ᑯᐃᔅᑯᑕᑎᓱᐤ ᒋᒋᐃᔎᑕᒪ:
\q2 ᓂᑭ ‍ ᐱᒐᓐ,
\q2 ᓂᑭ ‍ ᒪᒥᒋᒪᐤ ᒪᒃ ᑎᐸᔨᒋᒐᓱᐤ:
\q1
\v 20 ᐅᔭᔪᐤ ᐅᒋᒋᐃᔎᑕᒻ ᑎᐸᔨᒋᒐᓱᐤ,
\q2 ᐊᑯᑕ ᒐ ᐃᓯ ‍ ᐱᒐᒡ ᐅᑯᐃᔅᑯᑕᑎᓯᐅᒡ᙮
\q1
\v 21 ᒋᑭ ‍ ᒪᒥᒋᒥᑎᓐ: ᐛᔅ ᔅᒋ ‍ ᓂᑐᑐᐅᓐ,
\q2 ᑭᔭ ᒋᑦ ᐊᐎᓐ ᓂᐱᒪᒋᐃᑯᓯᐅᓐ᙮
\b
\q1
\v 22 ᐊᓐ ᐊᓯᓂᔾ ᑲ ‍ ᐊᑐᐛᔨᒥᑯᑦ ᑲᒪᓂᒐᓯᔨᒋ
\q2 ᓴᔅ ᓂᑲᓐ ᐊᐳᐤ ᐊ ‍ ᒋᒐᔭᔨᒡ᙮
\q1
\v 23 ᐅᔭᔪᐤ ᒋ ‍ ᐃᑐᑎᒻ ᑎᐸᔨᒋᒐᓱᐤ:
\q2 ᒋ ‍ ᒪᒥᔅᑲᓯᓇᓇᓄᐤ ᒪᒃ᙮
\q1
\v 24 ᐊᓄᒡ ᐅᔭᔪᐤ ᑲ ‍ ᒋᓯᑲᔨᒡ ᐊᔪᐅᒄ ᑲ ‍ ᐅᓯᑕᑦ ᑎᐸᔨᒋᒐᓱᐤ;
\q2 ᒋᑭ ‍ ᒥᔽᔨᑕᓇᓄᐤ ᑭᔭ ᒋᑭ ‍ ᓯᒋᔭᓯᓇᓄᐤ ᐊᓄᒡ ᒪᒂᒡ᙮
\b
\q1
\v 25 ᐱᒪᒋᐃ ᐊᑯ, ᒋ ‍ ᐱᑯᓴᔨᒥᑎᓐ, ᐅ ᑎᐸᔨᒋᒐᓱᐤ:
\q2 ᐅ ᑎᐸᔨᒋᒐᓱᐤ, ᒋ ‍ ᐱᑯᓴᔨᒥᑎᓐ, ᐸᒋ ᐃᑎᓴᐊ ᐊᑯ ᐛᔪᑎᓯᐅᓐ᙮
\q1
\v 26 ᓱᐛᔨᑕᑯᓱᐤ ᐊᓐ ᑲ ᐸᒋ ‍ ᐃᑐᑕᑦ ᐅᑦ ᐃᓯᓂᐧᑲᓱᐅᓂᔨᒡ ᑎᐸᔨᒋᒐᓱᐛ:
\q2 ᔅᒋ ‍ ᒥᔽᒋᒥᑎᓇᓐ ᐎᒋᒡ ᐅᒋ ᑎᐸᔨᒋᒐᓱᐤ᙮
\q1
\v 27 ᒋᓴᒪᓂᑐᐤ ᑎᐸᔨᒋᒐᓯᐤ, ᑲ ‍ ᐛᐸᑎᔨᑕᐧᒄ ᐛᓴᔭᓯᐅᓂᔪᐤ:
\q2 ᒪᑯᐱᑎᒧᒄ ᐱᔅᑎᓂᒐᐅᓐ ᓴᔅᑎᒂᔭᐱᔾ ᐅᒋ, ᐊ ‍ ᐅᑦ ᐊᔅᑭᓄᐅᒡ ᐱᔅᑎᓂᒐᐤ ᐃᓴᒄ ᐅᑎ᙮
\b
\q1
\v 28 ᒋᔾ ᓂᒋᓴᒪᓂᑐᒻ, ᒋᑭ ‍ ᒪᒥᒋᒥᑎᓐ ᒪᒃ:
\q2 ᒋᔾ ᓂᒋᓴᒪᓂᑐᒻ, ᒋᑭ ‍ ᐃᔅᐸᔨᑕᑯᐃᑎᓐ᙮
\b
\q1
\v 29 ᐅ ᓂᓇᔅᑯᒥᐧᒄ ᑎᐸᔨᒋᒐᓱᐤ; ᐛᔅ ᒥᔽᑎᓯᐤ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\c 119
\s2 Psalm 119:1-8 (Proper-26 Year B)
\s1 1
\q1
\v 1 ᓱᐛᔨᑕᑯᓱᐅᒡ ᐊᓐᒡ ᑲ ‍ ᐸᔭᒋᓯᒡ ᒪᔅᑭᓇᒡ,
\q2 ᑲ ‍ ᐱᒧᑕᑎᒺᒡ ᐅᐎᓱᐛᐅᓂᔪᐤ ᑎᐸᔨᒋᒐᓱᐛ᙮
\q1
\v 2 ᓱᐛᔨᑕᑯᓱᐅᒡ ᐊᓐᒡ ᑲ ‍ ᑭᓄᐛᔨᑎᒺᒡ ᐅᑎᐸᒋᒧᐅᓂᔪᐛ,
\q2 ᑭᔭ ᑲ ‍ ᓇᓂᑐᐛᔨᒪᒡ ᒥᓯᐛ ᐅᑕᐃᐛᐛᒡ᙮
\q1
\v 3 ᓇᒪ ᑭᔭ ᒥᒐᑎᓯᐅ-ᐃᑐᐅᒡ:
\q2 ᐱᒧᑕᑎᒺᐅᒡ ᐅᑦ ᐃᓯᑥᐅᓂᔪᐛ᙮
\q1
\v 4 ᔅᒋ ‍ ᐃᑎᓱᐛᓯᓇᓐ ᐃᔭᒂ
\q2 ᒐᒋ ᑭᓄᐛᔨᑎᒪᒡ ᒋᑭᒐᔅᒋᒧᐛᐅᓇ᙮
\q1
\v 5 ᐅ ᑭᒪ ᓂᑦ ᐃᓯᑥᐅᓇ ᒋ ‍ ᒋᔅᒋᓄᑕᐃᑯᔭᓐ
\q2 ᒐᒋ ᑭᓄᐛᔨᑎᒪᓐ ᒋᑦ ᐃᑎᓱᐛᐅᓇ !
\q1
\v 6 ᐊᑯ ᒪᒃ ᒐ ᐊᑲ ‍ ᓴᒂᔨᒧᔭᓐ,
\q2 ᐃᔅᐱ ᒋᔅᑕᔨᑎᒪᓇ ᒥᓯᐛ ᒋᐎᓱᐛᐅᓇ᙮
\q1
\v 7 ᒋᑭ ‍ ᒪᒥᒋᒥᑎᓐ ᐊ ‍ ᑯᐃᔅᑯᑕᐊᔭᓐ,
\q2 ᐃᔅᐱ ᒋ ‍ ᒋᔅᒐᔨᑎᒪᓇ ᒋᑯᐃᔅᑯᑕᑎᓱᐎ-ᑎᐸᔅᑯᓂᒐᐅᓇ᙮
\q1
\v 8 ᓂᑭ ‍ ᑭᓄᐛᔨᑕᓐ ᒋᑦ ᐃᑎᓱᐛᐅᓇ:
\q2 ᐅ ᐊᑲᐎᔾ ᒋᒋᐛ ᐛᐱᓂ᙮
\s1 2
\q1
\v 9 ᑕᓐᑕ ᒐᒋ ᐅᒋ ‍ ᐸᔭᒋᑕᑦ ᐅᔅᒋᓂᒋᓱᐤ ᐅᑦ ᐃᓯᑥᐅᓐ ?
\q2 ᐊ ‍ ᐃᔭᒂᒥᓯᑦ ᐊ ‍ ᐃᔅᒋᔄᒥᑭᓂᔨᒡ ᒋᑦ ᐃᔨᒧᐅᓂᔪᐤ᙮
\q1
\v 10 ᒥᓯᐛ ᓂᑕᐃᒡ ᔅᒋ ᐅᒋ ‍ ᓇᓂᑐᐛᔨᒥᑎᓐ:
\q2 ᐅ ᐊᑲᐎᔾ ᓇᐊᔨᒥ ᒐᒋ ᐅᓂᒥᑎᒪᔭᓐ ᒋᐎᓱᐛᐅᓇ ᐅᒡ᙮
\q1
\v 11 ᒋᑦ ᐃᔨᒧᐅᓐ ᓂᒋ ‍ ᑲᑕᓐ ᓂᑕᐃᒡ,
\q2 ᒐ ᐊᑲ ᒋ ᒥᒋᑐᑕᑕᓐ᙮
\q1
\v 12 ᒋ ‍ ᓱᐛᔨᑕᑯᓯᓐ, ᐅ ᑎᐸᔨᒋᒐᓱᐤ:
\q2 ᒋᔅᑭᑎᒧᐎ ᒋᑦ ᐃᑎᓱᐛᐅᓇ᙮
\q1
\v 13 ᓂᑐᓂᒡ ᓂᒋ ᐅᒋ ‍ ᐎᑕᓐ
\q2 ᒥᓯᐛ ᑎᐸᔅᑯᓂᒐᐅᓇ ᒋᑐᓂᒡ ᑲ ‍ ᐅᒋᐱᔨᒋ᙮
\q1
\v 14 ᓂᒋ ‍ ᒥᔽᔨᑕᓐ ᐊ ‍ ᐃᑎᔅᑕᒋ ᒋᑎᐸᒋᒧᐅᓇ,
\q2 ᐃᔅᐱᔅ ᒥᓯᐛ ᐛᔪᑎᓯᐅᓇ᙮
\q1
\v 15 ᓂᑭ ‍ ᒪᒥᑐᓇᔨᑕᓐ ᒋᐎᓱᐛᐅᓇ,
\q2 ᑭᔭ ᓂᑭ ‍ ᒋᔅᑕᔨᑕᓐ ᒋᑦ ᐃᓯᑥᐅᓇ᙮
\q1
\v 16 ᓂᑭ ‍ ᒥᔽᔨᑎᒥᐃᓱᓐ ᒋᑦ ᐃᑎᓱᐛᐅᓇ ᐅᒡ:
\q2 ᓇᒪᐎᔾ ᓂᑭ ‍ ᐅᓂᒋᔅᒋᓯᓐ ᒋᑦ ᐃᔨᒧᐅᓐ᙮
\s1 3
\q1
\v 17 ᒋᓴᐛᑐᑐᐤ ᒋᑦ ᐊᑐᔅᒐᔭᑭᓐ,
\q2 ᒐᒋ ᐱᒪᑎᓯᔭᓐ, ᑭᔭ ᒐ ‍ ᑭᓄᐛᔨᑎᒪᓐ ᒋᑦ ᐃᔨᒧᐅᓐ᙮
\q1
\v 18 ᐸᔅᒋᑕᓇ ᓂᔅᒋᓯᒂ, ᒐᒋ ᐛᐸᑎᒪᓐ
\q2 ᒪᒥᔅᑲᒡ ᒐᒂᓇ ᒋᐎᓱᐛᐅᓂᒡ ᐅᒋ᙮
\q1
\v 19 ᓂ ‍ ᒪᓐᑕᐅᓐ ᐊᔅᒋᒡ:
\q2 ᐊᑲᐎᔾ ᑲᑐᐎ ᒋᑦ ᐃᑐᓱᐛᐅᓇ᙮
\q1
\v 20 ᓂᑦ ᐊᒐᐧᒄ ᐱᑯᐱᔪᐤ
\q2 ᐊ ᐃᔅᐱᔅ ‍ ᒋᐛᓴᔨᑕᐧᒃ ᒋᑎᐸᔅᑯᓂᒐᐅᓇ᙮
\q1
\v 21 ᔅᒋ ‍ ᒋᔅᑐᑕᐅᒡ ᐅᒋᔅᑕᔨᒧᐅᒡ ᑲ ‍ ᒥᒐᒋᒥᒡ,
\q2 ᑲ ‍ ᐛᓂᒥᑎᒪᒡ ᒋᑦ ᐃᑎᓱᐛᐅᓇ ᐅᒡ᙮
\q1
\v 22 ᒥᑕᒂᓇᒧᐎ ᒋᑐᓱᐛᐅᓐ ᑭᔭ ᒪᔭᔨᒐᐅᓐ;
\q2 ᐛᔅ ᓂᒋ ‍ ᑭᓄᐛᔨᑕᓐ ᒋᑎᐸᒋᒧᐅᓇ᙮
\q1
\v 23 ᐅᒋᒪᐅᒡ ᑭᔭ ᐊ ‍ ᐊᐱᒡ ᓂᒋ ᒪᒋ ‍ ᐃᑎᑯᒡ;
\q2 ᒪᒃ ᒋᑦ ᐊᑐᔅᒐᔭᑭᓐ ᒋ ‍ ᒪᒥᑐᓇᔨᑎᒻ ᒋᑦ ᐃᑎᓱᐛᐅᓇ᙮
\q1
\v 24 ᒋᑎᐸᒋᒧᐅᓇ ᐊᓯᒡ ᓂ ‍ ᒥᔽᔨᑎᒥᐃᑯᓐ;
\q2 ᑭᔭ ᓂ ‍ ᑭᒐᔅᒋᒥᑯᓐ᙮
\s1 4
\q1
\v 25 ᓂᑦ ᐊᒐᐧᒄ ᐸᓴᑯᒧᐤ ᐊᓯᔅᒋᒡ:
\q2 ᐱᒪᒋᐃ ᐊ ‍ ᐃᔅᒋᔄᒥᑭᒡ ᒋᑦ ᐃᔨᒧᐅᓐ᙮
\q1
\v 26 ᓂᒋ ‍ ᐎᑕᓐ ᓂᑦ ᐃᓯᑥᐅᓇ, ᔅᒋ ‍ ᐸᑐᐅᓐ ᒪᒃ:
\q2 ᒋᔅᑭᑎᒧᐎ ᒋᑦ ᐃᑎᓱᐛᐅᓇ᙮
\q1
\v 27 ᓂᔅᑐᑎᒥᐃ ᐊ ‍ ᐃᔅᒋᔄᒥᑲᒋ ᒋᑭᒐᔅᒋᒧᐛᐅᓇ:
\q2 ᐊᑯ ᒐ ‍ ᐊᔨᒧᑎᒪᓐ ᒋ ‍ ᒪᒥᔅᑲᒡ ᐊᑐᔅᒐᐅᓇ᙮
\q1
\v 28 ᓂᑦ ᐊᒐᐧᒄ ᑎᒋᓱᐤ ᐊᔅᐱᔅ ᑯᓯᑯᒪᒋᐅᔭᓐ:
\q2 ᒥᔅᑯᐅᓯᐃ ᐊ ‍ ᐃᔅᒋᔄᒥᑭᒡ ᒋᑦ ᐃᔨᒧᐅᓐ᙮
\q1
\v 29 ᐃᒐᓇᒧᐎ ᑭᑭᒋᔭᐎ ᐃᓯᑥᐅᓐ;
\q2 ᑭᔭ ᒋᓴᐛᑎᓯᐅᓂᒡ ᐸᒋᑎᓇᒧᐎ ᒋᑦ ᐃᑎᓱᐛᐅᓐ᙮
\q1
\v 30 ᓂᒋ ‍ ᐛᐛᔭᐸᑕᓐ ᑲ ‍ ᑕᑈᒥᑲᒡ ᐃᓯᑥᐅᓐ:
\q2 ᒋᑎᐸᔅᑯᓂᒐᐅᓇ ᓂᒋ ‍ ᐎᔨᔅᑎᒪᓱᓐ᙮
\q1
\v 31 ᓂᒋ ‍ ᒋᓯᑕᓐ ᒋᑎᐸᒋᒧᐅᓇ:
\q2 ᐅ ᑎᐸᔨᒋᒐᓱᐤ, ᐊᑲᐎᔾ ᓴᒂᔨᒧᐃ
\q1
\v 32 ᓂᑭ ‍ ᐱᒥᐸᑕᓐ ᐊ ‍ ᐃᔅᒋᔄᒥᑲᒋ ᒋᑦ ᐃᑎᓱᐛᐅᓇ,
\q2 ᐃᔅᐱ ᒥᓯᑕᔨᓇ ᓂᑕᐃ᙮
\s1 5
\q1
\v 33 ᒋᔅᑭᑎᒧᐎ, ᐅ ᑎᐸᔨᒋᒐᓱᐤ ᐊ ‍ ᐃᔅᒋᔄᒥᑲᒋ ᒋᑦ ᐃᑎᓱᐛᐅᓇ;
\q2 ᐊᑯ ᒐ ‍ ᑭᓄᐛᔨᑎᒪᓐ ᐊ ‍ ᔎᔭᒡ ᐃᔅᐱᔅ᙮
\q1
\v 34 ᒥᔨ ᓂᔅᑐᑎᒧᐅᓐ, ᐊᑯ ᒐ ‍ ᑭᓄᐛᔨᑎᒪᓐ ᒋᐎᓱᐛᐅᓐ;
\q2 ᓂᐦᐃ, ᓂᑭ ‍ ᓇᑭᑐᐛᔨᑕᓐ ᒥᓯᐛ ᓂᑕᐃᒡ᙮
\q1
\v 35 ᑐᑐᐎ ᒐᒋ ᒥᑎᒪᔭᓐ ᒋᐎᓱᐛᐅᓇ;
\q2 ᐛᔅ ᐊᐅᒄ ᐊᓐ ᑲ ‍ ᒥᔽᔨᑎᒪᓐ᙮
\q1
\v 36 ᐃᑎᔅᑕ ᓂᑕᐃ ᒋᑎᐸᒋᒧᐅᓂᒡ ᐃᓯ,
\q2 ᐊᑲ ᒪᒃ ᒧᔅᑕᓇᒪᒐᐅᓂᒡ ᐃᓯ᙮
\q1
\v 37 ᒂᔅᒋᓇ ᓂᔅᒋᓯᒂ ᒐ ᐊᑲ ᒋ ᐛᐸᑎᒪᓐ ᒥᒋ ‍ ᒐᒂᓇ;
\q2 ᒋᓯᐎᓯᐃ ᒪᒃ ᒋᑦ ᐃᓯᑥᐅᓂᒡ᙮
\q1
\v 38 ᐊᔨᒋᑎᒧᐤ ᒋᑦ ᐃᔨᒧᐅᓂᔪᐤ ᒋᑦ ᐊᑐᔅᒐᔭᑭᓐ,
\q2 ᑲ ‍ ᐱᔅᑎᓂᑎᓱᑦ ᒋᓇᓂᒋᔅᑕᑯᓯᐅᓂᒡ᙮
\q1
\v 39 ᐃᒐᓇ ᓂᔅᑐᑎᑯᓯᐅᓐ ᑲ ‍ ᑯᔅᑎᒪᓐ;
\q2 ᐛᔅ ᒋᑎᐸᔅᑯᓂᒐᐅᓇ ᒥᔽᓯᐛ᙮
\q1
\v 40 ᐛᐸᑕ, ᓂᒋ ‍ ᐱᒂᔨᑕᓐ ᒋᑭᒐᔅᒋᒧᐛᐅᓇ:
\q2 ᒋᓯᐎᓯᐃ ᒋᑯᐃᔅᑯᑕᑎᓯᐅᓂᒡ᙮
\s1 6
\q1
\v 41 ᐊᑯᔅ ᒋᒋᔅᑎᒪᒐᔨᒋᒐᐅᓇ ᓂᑭ ‍ ᐅᑎᑎᑯᓐ ᒪᒃ, ᐅ ᑎᐸᔨᒋᒐᓱᐤ,
\q2 ᒋᐱᒪᒋᐃᐛᐅᓐ ᐅᑦ, ᐊ ‍ ᐃᔅᒋᔄᒥᑭᒡ ᒋᑦ ᐃᔨᒧᐅᓐ᙮
\q1
\v 42 ᐊᑯ ᒐ ‍ ᐊᔭᔭᓐ ᒐ ᐅᒋ ‍ ᓂᔎᐅᓯᐊᒃ ᐊᓐ ᑲ ‍ ᔅᑐᓯᑦ;
\q2 ᐛᔅ ᓂ ‍ ᒪᒥᓯᑐᑕᓐ ᒋᑦ ᐃᔨᒧᐅᓐ᙮
\q1
\v 43 ᐊᑲ ᑭᔭ ᒥᑐᓐ ᐅᑎᓇ ᓂᑐᓂᒡ ᐅᒋ ᑲ ‍ ᑕᑈᒥᑲᒡ ᐃᔨᒧᐅᓐ;
\q2 ᐛᔅ ᓂᒋ ‍ ᐊᔅᐸᔨᒧᑕᓐ ᒋᑎᐸᔅᑯᓂᒐᐅᓇ᙮
\q1
\v 44 ᐊᑯ ᒐ ‍ ᑭᓄᐛᔨᑎᒪᓐ ᒋᑦ ᐃᑎᓱᐛᐅᓐ
\q2 ᒧᔅ ᑲᒋᒡ ᑭᔭ ᑲᒋᒡ᙮
\q1
\v 45 ᓂᑭ ‍ ᐱᒧᑕᓐ ᒪᒃ ᑎᐸᔨᒥᓱᐅᓂᒡ;
\q2 ᐛᔅ ᓂ ‍ ᓇᓂᑐᐛᔨᑕᓐ ᒋᒋᔅᑯᑎᒪᒐᐅᓇ᙮
\q1
\v 46 ᓂᑭ ‍ ᐊᔨᒧᑕᓐ ᒋᑎᐸᒋᒧᐅᓇ ᑭᔭ ᐅᑎᔅᑯᐤ ᒋᓴᐅᒋᒪᐅᒡ,
\q2 ᓇᒪ ᑭᔭ ᓂᑭ ‍ ᓴᒂᔨᒧᓐ᙮
\q1
\v 47 ᓂᑭ ‍ ᒥᔽᔨᑎᒥᐃᑎᓱᓐ ᒋᑦ ᐃᑎᓱᐛᐅᓇ ᐅᒡ,
\q2 ᑲ ‍ ᓴᒋᑕᔭᓐ᙮
\q1
\v 48 ᓂᑭ ‍ ᐅᐱᓂᔅᒐᔨᔅᑕᓐ ᑭᔭ ᒋᑦ ᐃᑎᓱᐛᐅᓇ ᑲ ‍ ᓴᒋᑕᔭᓐ;
\q2 ᓂᑭ ‍ ᒪᒥᑐᓇᔨᑕᓐ ᒪᒃ ᒋᑦ ᐃᑎᓱᐛᐅᓇ᙮
\s1 7
\q1
\v 49 ᒋᔅᒋ ᑲ ᐃᑎᑦ ᒋᑦ ᐊᑐᔅᒐᔭᑭᓐ,
\q2 ᐊᓐᑕ ᑲᒋ ᐅᒋ ‍ ᐊᔅᐸᔨᒧᐃᔭᓐ᙮
\q1
\v 50 ᐊᐅᒄ ᐅᒪ ᑲ ‍ ᒥᔽᔨᒧᐃᑯᔭᓐ ᐃᔭᔨᒥᐃᑯᔭᓐ ᒐᒂᓐ:
\q2 ᐛᔅ ᒋᑦ ᐃᔨᒧᐅᓐ ᓂᒋ ‍ ᒋᓱᐅᓯᐃᑯᓐ᙮
\q1
\v 51 ᑲ ‍ ᒋᔅᑕᔨᒥᓱᒡ ᓇᔅᒡ ᓂᒋ ‍ ᒥᒪᔭᔨᒥᑯᒡ:
\q2 ᐃᔭᐱᒡ ᒪᒃ ᓇᒪ ᓂ ᐅᒋ ‍ ᐳᓂᑕᓐ ᒋᑦ ᐃᑎᓱᐛᐅᓐ᙮
\q1
\v 52 ᓂᒋ ‍ ᒋᔅᒋᓐ ᐛᔅᑭᒡ ᒋᑎᐸᔅᑯᓂᒐᐅᓇ, ᐅ ᑎᐸᔨᒋᒐᓱᐤ;
\q2 ᓂᒋ ‍ ᒥᔽᔨᒧᐃᓱᓐ ᒪᒃ᙮
\q1
\v 53 ᑯᔅᑕᒋᐅᓐ ᓂᒋ ‍ ᐅᑎᑎᓂᑯᓐ,
\q2 ᐅᒥᒋᑥᐅᒡ ᐅᒋ ᑲ ‍ ᐛᐱᓇᒡ ᒋᐎᓱᐛᐅᓂᔪᐤ᙮
\q1
\v 54 ᒋᑦ ᐃᑎᓱᐛᐅᓇ ᓂᒋ ‍ ᐅᓂᑭᒧᓐ
\q2 ᓂᐱᒥᐱᒋᐅᒋᐛᐱᒡ᙮
\q1
\v 55 ᓂᒋ ‍ ᒋᔅᒋᓐ ᒋᑦ ᐃᓯᓂᐧᑲᓱᐅᓐ, ᐅ ᑎᐸᔨᒋᒐᓱᐤ, ᒪᒂᒡ ᐊ ‍ ᑎᐱᔅᑲᒡ,
\q2 ᑭᔭ ᓂᒋ ‍ ᑭᓄᐛᔨᑕᓐ ᒋᐎᓱᐛᐅᓐ᙮
\q1
\v 56 ᐅᒪ ᓂᒋ ‍ ᐊᔭᓐ:
\q2 ᐊᒋ ‍ ᑭᓄᐛᔨᑎᒪᓐ ᒋᑦ ᐃᑎᓱᐛᐅᓇ᙮
\s1 8
\q1
\v 57 ᒋᔾ ᓂᑎᐱᔨᐛᐅᓯᐅᓐ ᐅ ᑎᐸᔨᒋᒐᓱᐤ:
\q2 ᓂᒋ ‍ ᐃᔅᒋᔄᓐ ᒐᒋ ᑭᓄᐛᔨᑎᒪᓐ ᒋᑦ ᐃᔨᒧᐅᓇ᙮
\q1
\v 58 ᓂᒋ ‍ ᓂᑐᑎᒪᓐ ᒋᒋᓴᐛᑎᓯᐅᓐ ᒥᓯᐛ ᓂᑕᐃᒡ;
\q2 ᒋᔅᑎᒪᒐᔨᒥ ᐊ ‍ ᐃᔅᒋᔄᒥᑭᒡ ᒋᑦ ᐃᔨᒧᐅᓐ᙮
\q1
\v 59 ᓂᒋ ‍ ᒪᒥᑐᓇᔨᑕᓐ ᓂᑦ ᐃᓯᑥᐅᓇ,
\q2 ᓂᒋ ‍ ᐃᔅᐱᔨᑕᓐ ᒪᒃ ᓂᓯᑕ ᒋᑎᐸᒋᒧᐅᓂᒡ ᐃᓯ᙮
\q1
\v 60 ᓂᒋ ‍ ᒋᐱᓐ, ᓇᒪ ᑭᔭ ᓄᒋ ‍ ᒋᐱᒋᓐ,
\q2 ᒐᒋ ᑭᓄᐛᔨᑎᒪᓐ ᒋᑦ ᐃᑎᓱᐛᐅᓇ᙮
\q1
\v 61 ᑲ ‍ ᒪᒧᐎᒡ ᐅᒪᒋᑥᐅᒡ ᓂᒋ ‍ ᒥᔅᑭᒥᑯᒡ;
\q2 ᒪᒃ ᓇᒪᐎᔾ ᓄᒋ ‍ ᐅᓂᒋᔅᒋᓐ ᒋᐎᓱᐛᐅᓐ᙮
\q1
\v 62 ᐊ ‍ ᐊᐱᑕᑎᐱᔅᑲᒡ ᓂᑭ ‍ ᐅᓂᓐ ᒐᒋ ᓂᓇᔅᑯᒥᑕᓐ,
\q2 ᒋᑯᐃᔅᑯᑕᑎᓯᐅ-ᑎᐸᔅᑯᓂᒐᐅᓇ ᐅᒡ᙮
\q1
\v 63 ᓂ ‍ ᐎᒐᐛᑭᓂᑐᐛᒡ ᒥᓯᐛ ᐊᓐᒡ ᑲ ‍ ᓇᓂᒋᔅᑕᔅᒡ,
\q2 ᑭᔭ ᐊᓐᒡ ᑲ ‍ ᑭᓄᐛᔨᑕᒡ ᒋᑦ ᐃᑎᓱᐛᐅᓇ᙮
\q1
\v 64 ᐊᔅᒋᒡ, ᐅ ᑎᐸᔨᒋᒐᓱᐤ, ᓴᑭᔅᒋᓇᐤ ᒋᓱᐛᔨᒋᒐᐅᓐ:
\q2 ᒋᔅᑯᑎᒧᐎ ᒋᑦ ᐃᑎᓱᐛᐅᓇ᙮
\s1 9
\q1
\v 65 ᔅᒋ ‍ ᒥᔪᑐᑐᐛᐤ ᒋᑦ ᐊᑐᔅᒐᔭᑭᓐ,
\q2 ᐅ ᑎᐸᔨᒋᒐᓱᐤ, ᐊ ‍ ᐃᔅᒋᔄᒥᑭᒡ ᒋᑦ ᐃᔨᒧᐅᓐ᙮
\q1
\v 66 ᒋᔅᑯᑎᒧᐎ ᒥᔪ ‍ ᑎᐸᔅᑯᓂᒐᐅᓐ ᑭᔭ ᒋᔅᒐᔨᑎᒧᐅᓐ:
\q2 ᐛᔅ ᓂᒋ ‍ ᑕᑈᑕᓐ ᒋᑦ ᐃᑎᓱᐛᐅᓇ᙮
\q1
\v 67 ᐊᒺᔭ ᐅᒋ ‍ ᒪᒂᔨᑎᒪᓐ ᓂᒋ ‍ ᐛᓂᓯᓐ;
\q2 ᐊᓄᒡ ᒪᒃ ᓂᒋ ‍ ᑭᓄᐛᔨᑕᓐ ᒋᑦ ᐃᔨᒧᐅᓐ᙮
\q1
\v 68 ᒋ ‍ ᒥᔽᑎᓯᓐ, ᒋ ‍ ᒥᔪᑐᑕᓐ ᑭᔭ:
\q2 ᒋᔅᑯᑎᒧᐎ ᒋᑦ ᐃᑎᓱᐛᐅᓇ᙮
\q1
\v 69 ᐅᒋᔅᑕᔨᒧᐅᒡ ᓂᒋ ‍ ᑭᑭᒋᔭᐛᑕᒋᒥᑯᒡ;
\q2 ᒥᒄ ᓂᑭ ‍ ᑭᓄᐛᔨᑕᓐ ᒋᐎᓱᐛᐅᓇ ᒥᓯᐛ ᓂᑕᐃᒡ᙮
\q1
\v 70 ᐅᑕᐃᐛᐤ ᐎᔨᔪᒪᑭᓂᔪᐤ ᒧᔭᒻ ᐱᒥᔾ;
\q2 ᒥᒄ ᓂᔾ ᓂ ‍ ᒥᔽᔨᑕᓐ ᒋᐎᓱᐛᐅᓐ᙮
\q1
\v 71 ᒥᔽᓱᐤ ᐊᒋ ‍ ᒪᒂᔨᑎᒪᓐ;
\q2 ᒐᒋ ᒋᔅᒐᔨᑎᒪᓐ ᒋᑦ ᐃᑎᓱᐛᐅᓇ᙮
\q1
\v 72 ᐃᑎᓱᐛᐅᓐ ᒋᑐᓂᒡ ᑲ ‍ ᐅᒋᐱᔨᒡ ᐊᔪᐛᒃ ᓂ ‍ ᒥᔪᔅᑲᑯᓐ
\q2 ᐃᔅᐱᔅ ᒥᒐᑥᐤ ᒐᓯᐱᔪᐤ ᐎᔄᐅᓱᓇᔭᒡ ᑭᔭ ᓱᓇᔭᒡ᙮
\s1 10
\q1
\v 73 ᒋᑎᒋᔭ ᓂᒋ ‍ ᐅᓯᐃᑯᓐ ᑭᔭ ᓂᒋ ‍ ᐃᓯᓇᑯᐃᑯᓐ;
\q2 ᒥᔨ ‍ ᓂᔅᑐᑎᒧᐅᓐ ᒐᒋ ᒋᔅᒐᔨᑎᒪᓐ ᒋᑦ ᐃᑎᓱᐛᐅᓇ᙮
\q1
\v 74 ᐊᓐᒡ ᑲ ‍ ᓇᓂᒋᔅᑕᔅᒡ ᒋᑭ ‍ ᓯᒋᔭᓱᐅᒡ ᐛᐱᒥᑥᐛ;
\q2 ᐊᒋ ‍ ᐊᔅᐸᔨᒧᑐᑎᒪᓐ ᒋᑦ ᐃᔨᒧᐅᓐ᙮
\q1
\v 75 ᓂ ‍ ᒋᔅᒐᔨᑕᓐ, ᐅ ᑎᐸᔨᒋᒐᓱᐤ, ᒋᑎᐸᔅᑯᓂᒐᐅᓇ ᐊ ‍ ᑯᐃᔅᑯᑕᔨᑕᒂᒋ,
\q2 ᑭᔭ ᑯᐃᔅᑯᑐᐅᓂᒡ ᐊᒋ ‍ ᒪᒂᔨᑎᒥᐃᔨᓐ᙮
\q1
\v 76 ᐊᑯᔅ, ᒋ ‍ ᐱᑯᓴᔨᒥᑎᓐ, ᒋᓱᐛᔨᒋᒐᐤ ᒋᓴᐛᑎᓯᐅᓐ ᓂᑭ ‍ ᒥᔽᔨᒧᐃᑯᓐ,
\q2 ᑲ ᐃᑎᑦ ᒋᑦ ᐊᑐᔅᒐᔭᑭᓐ᙮
\q1
\v 77 ᐊᑯᔅ ᒋ ‍ ᔪᔅᐱ ᒋᔅᑎᒪᒐᔨᒐᐅᓇ ᓂᑭ ‍ ᐅᑎᑎᑯᓐ, ᒐᒋ ᐱᒪᑎᓯᔭᓐ;
\q2 ᐛᔅ ᒋᐎᓱᐛᐅᓐ ᓂ ‍ ᒥᔽᔨᑕᓐ᙮
\q1
\v 78 ᐊᑯᔅ ᑲ ‍ ᒋᔅᑕᔨᒥᓱᒡ ᒋᑭ ‍ ᓴᒂᔨᒧᐅᒡ; ᐛᔅ ᓇᔅᒡ ᓂᑐᐎ ᓂᒋ ‍ ᑐᑕᑯᒡ:
\q2 ᒪᒃ ᓂᔾ ᓂᑭ ‍ ᒪᒥᑐᓇᔨᑕᓐ ᒋᑦ ᐃᑎᓱᐛᐅᓇ᙮
\q1
\v 79 ᐊᑯᔅ ᐊᓐᒡ ᑲ ‍ ᓇᓂᒋᔅᒡ, ᓂᑭ ‍ ᓇᑎᑯᒡ,
\q2 ᐊᓐᒡ ᑭᔭ ᑲ ‍ ᒋᔅᒐᔨᑕᒡ ᒋᑎᐸᒋᒧᐅᓇ᙮
\q1
\v 80 ᐊᑯᔅ ᓂᑕᐃ ᒋᑭ ‍ ᓱᑲᔅᑕᐤ ᒋᑦ ᐃᑎᓱᐛᐅᓂᒡ;
\q2 ᒐ ᐊᑲ ᒋ ᓴᒂᔨᒧᔭᓐ᙮
\s1 11
\q1
\v 81 ᓂᑦ ᐊᒐᐧᒄ ᒋ ‍ ᐛᐎᓴᔨᑎᒻ ᒋ ‍ ᐱᒪᒋᐃᐛᐅᓂᔪᐤ;
\q2 ᒪᒃ ᓂᑦ ᐊᔅᐸᔨᒧᑐᑕᓐ ᒋᑦ ᐃᔨᒧᐅᓐ᙮
\q1
\v 82 ᐊᔨᒥᓯᒥᑲᓇ ᓂᔅᒋᓯᒂ ᒋᑦ ᐃᔨᒧᐅᓐ ᐅᒡ,
\q2 ᐊ ‍ ᐃᔅᒋᔄᔭᓐ, “ᑕᐃᔅᐱ ᒐ ‍ ᒥᔽᔨᒧᐃᔨᓐ ?”
\q1
\v 83 ᐛᔅ ᓂ ‍ ᓂᔅᐱᑕᓐ ᐊᒂᐸᑕᒡ ᐃᓴᑯᐃ-ᐎᔭᑭᓐ,
\q2 ᐃᔭᐱᒡ ᒪᒃ ᓇᒪᐎᔾ ᓂ ‍ ᐅᓂᒋᔅᒋᓐ ᒋᑦ ᐃᑎᓱᐛᐅᓇ᙮
\q1
\v 84 ᑕᓐ ᐊᑕᑎᓂᔨᒋ ᐅᒋᓯᑲᒪ ᒋᑦ ᐊᑐᔅᒐᔭᑭᓐ ?
\q2 ᑕᐃᔅᐱ ᒐ ‍ ᑎᐸᔅᑯᓂᑥᐤ ᐊᓐᒡ ᑲ ‍ ᓂᓇᐧᑲᒋᐃᒡ ?
\q1
\v 85 ᑲ ‍ ᒋᔅᑕᔨᒥᓱᒡ ᓂᒋ ‍ ᒧᓇᐊᒪᑯᒡ ᐛᑎᑯᓇ,
\q2 ᐊ ᐊᑲ ‍ ᐃᔅᒋᔄᒥᑭᒡ ᒋᐎᓱᐛᐅᓐ᙮
\q1
\v 86 ᒥᓯᐛ ᒋᑦ ᐃᑎᓱᐛᐅᓇ ᑯᐃᔅᑯᑕᔨᑕᒂᓇ;
\q2 ᓇᔅᒡ ᓂ ‍ ᓂᓇᐧᑲᒋᐃᑯᒡ; ᐎᒋᐃ᙮
\q1
\v 87 ᒐᑲᑦ ᓂᒋ ‍ ᑯᒋᐱᔨᑯᒡ ᐊᔅᒋᒡ;
\q2 ᒪᒃ ᓇᒪᐎᔾ ᓂᒋ ‍ ᓂᑭᑕᓐ ᒋᑭᒐᔅᒋᒧᐛᐅᓇ᙮
\q1
\v 88 ᒋᓯᐎᓯᐃ ᐊᔅᐱᔅ ᓴᒋᐃᐛᐤ ᒋᓴᐛᑎᓯᔨᓐ;
\q2 ᐊᑯ ᒐ ‍ ᑭᓄᐛᔨᑎᒪᓐ ᐊᓂᔭ ᑎᐸᒋᒧᐅᓇ ᒋᑐᓂᒡ ᑲ ‍ ᐅᒋᐱᔨᒋ᙮
\s1 12
\q1
\v 89 ᑲᒋᒡ, ᐅ ᑎᐸᔨᒋᒐᓱᐤ, ᒋᑦ ᐃᔨᒧᐅᓐ ᐎᔨᔅᑕᐤ ᒋᒋᒋᓯᑯᒡ᙮
\q1
\v 90 ᒋᑯᐃᔅᑯᑐᐅᓐ ᐱᒥᐱᔪᐤ ᒥᓯᐛ ᐊ ᐊᑎ ᐊᓂᔅᒐ ‍ ᐱᒪᑎᓯᓇᓄᐅᒡ:
\q2 ᔅᒋ ‍ ᐊᔨᑎᔅᑕᓐ ᐊᔅᒋᔾ, ᑎᑯᓐ ᒪᒃ᙮
\q1
\v 91 ᑎᑯᓇ ᐊᓄᒡ ᑲ ‍ ᒋᓯᑲᒡ ᒋᔾ ᐊ ‍ ᐃᑎᓱᐛᔨᓐ;
\q2 ᐛᔅ ᒥᓯᐛ ᒋᔾ ᒋᑦ ᐊᑐᔅᒐᔭᑭᓐ᙮
\q1
\v 92 ᒥᓱᐤ ᒋᐎᓱᐛᐅᓐ ᐊᑲ ᐅᒋ ‍ ᒥᔽᔨᑎᒪᓇᒂ,
\q2 ᐊᑯ ᓂᐸ ‍ ᓂᓱᐅᓇᑎᓯᓇᐱᓐ ᓂᑦ ᐊᔨᒥᓯᐅᓂᒡ᙮
\q1
\v 93 ᓇᒪ ᓂᑕ ᓂᑭ ‍ ᐅᓂᒋᔅᒋᓐ ᒋᑭᒐᔅᒋᒧᐛᐅᓇ;
\q2 ᐛᔅ ᐊᐅᑯᓂᐃ ᑲᒋ ᐅᒋ ‍ ᐱᒪᒋᐃᔨᓐ᙮
\q1
\v 94 ᒋᔾ ᒋ ‍ ᑎᐸᔨᒥᓐ, ᐱᒪᒋᐃ;
\q2 ᐛᔅ ᓂᒋ ‍ ᓇᓂᑐᐛᔨᑕᓐ ᒋᑭᒐᔅᒋᒧᐛᐅᓇ᙮
\q1
\v 95 ᐅᒥᒋᑥᐅᒡ ᓂᒋ ‍ ᐊᔅᑲᒪᑯᒡ ᒐᒋ ᓂᓱᐅᓇᒋᐃᒡ;
\q2 ᒪᒃ ᓂᑭ ‍ ᓇᑭᑐᐛᔨᑕᓐ ᒋᑎᐸᒋᒧᐅᓇ᙮
\q1
\v 96 ᓂᒋ ‍ ᐛᐸᑕᓐ ᐊ ‍ ᐳᓂᐱᔨᒡ ᒥᓯᐛ ᒥᔽᑎᓯᐅᓐ;
\q2 ᒪᒃ ᒋᑦ ᐃᑎᓱᐛᐅᓐ ᓇᔅᒡ ᐃᔨᑭᔅᑲᐤ᙮
\s1 13
\q1
\v 97 ᐅ, ᑕᑈ ᓂ ‍ ᓴᒋᑕᓐ ᒋᐎᓱᐛᐅᓐ !
\q2 ᐊᐅᒄ ᑲ ‍ ᒪᒥᑐᓇᔨᑎᒪᓐ ᐃᔅᑭᓐ ᒋᓯᑲᐛ᙮
\q1
\v 98 ᒋᔾ ᒋᑦ ᐃᑎᓱᐛᐅᓇ ᐅᒋ ᐅᔅᑕ ᔅᒋ ‍ ᑭᒐᑕᐛᔨᑎᒥᐃᓐ ᐃᔅᐱᔅ ᐎ ᑲ ‍ ᐛᐧᑲᓯᒡ:
\q2 ᐛᔅ ᒧᔅ ᓂ ‍ ᐎᒐᐅᑯᒡ᙮
\q1
\v 99 ᐅᔅᑕ ᓂᑦ ᐅᓂᔅᑐᑎᒧᐅᓐ ᐃᔅᐱᔅ ᒥᓯᐛ ᑲ ‍ ᒋᔅᑯᑎᒧᐅᒡ:
\q2 ᐛᔅ ᒋᑎᐸᒋᒧᐅᓇ ᐊᐅᑯᓂᐃ ᑲ ‍ ᒪᒥᑐᓇᔨᑎᒪᓐ᙮
\q1
\v 100 ᐊᔪᐛᒃ ᓂ ‍ ᓂᔅᑐᑕᓐ ᐃᔅᐱᔅ ᐎᐱᒡ ᑲ ‍ ᐱᒪᑎᓯᒡ,
\q2 ᐊ ‍ ᑭᓄᐛᔨᑎᒪᓐ ᒋᑦ ᐃᔨᒧᐅᓐ᙮
\q1
\v 101 ᓂᒋ ‍ ᒋᐱᒋᑕᓐ ᓂᓯᑕ ᒥᓯᐛ ᑕᑐ ᒥᒋᑥᐅᓂᒡ ᐅᒡ,
\q2 ᒐᒋ ‍ ᑭᓄᐛᔨᑎᒪᓐ ᒋᑦ ᐃᔨᒧᐅᓐ᙮
\q1
\v 102 ᓇᒪᐎᔾ ᓄᒋ ‍ ᓂᑭᑕᓐ ᒋᑎᐸᔅᑯᓂᒐᐅᓇ;
\q2 ᐛᔅ ᒋᔾ ᔅᒋ ‍ ᒋᔅᑯᑎᒧᐅᓐ᙮
\q1
\v 103 ᑕᑈ ᓂ ‍ ᓯᐅᔅᐱᑕᓐ ᒋᑦ ᐃᔨᒧᐅᓇ !
\q2 ᓂᐦᐃ ᐅᔅᑕ ᓂ ‍ ᐎᔅᑕᓐ ᐃᔅᐱᔅ ᑲᓯᐛᓯᐛᐳᔾ᙮
\q1
\v 104 ᒋᑭᒐᔅᒋᒧᐛᐅᓇ ᐅᒋ ᓂ ‍ ᑭᔅᒋᑕᓐ ᓂᔅᑐᑎᒧᐅᓐ:
\q2 ᐊᐅᒄ ᐅᒋ ᓂ ‍ ᐛᐧᑲᑕᓐ ᒥᓯᐛ ᑕᑐᐤ ᒥᒋ ‍ ᐃᓯᑥᐅᓐ᙮
\s1 14
\s2 Psalm 119:105-112 (Proper-10 Year A)
\q1
\v 105 ᒋᑦ ᐃᔨᒧᐅᓐ ᓂᐛᔅᑕᓂᐱᒪᑭᓐ ᓂᓯᑎᒡ,
\q2 ᑭᔭ ᓂᐛᔅᑕᐅᓐ ᐊᓐᑕ ᓂᒪᔅᑭᓇᒡ᙮
\q1
\v 106 ᓂᒋ ‍ ᒋᒋ ᐃᔨᓐ, ᓂᒋ ‍ ᑎᐱᑐᑕᓐ ᒪᒃ,
\q2 ᒐᒋ ᑭᓄᐛᔨᑎᒪᓐ ᒋᑯᐃᔅᑯᑕᑎᓯᐅ-ᑎᐸᔅᑯᓂᒐᐅᓇ᙮
\q1
\v 107 ᓇᔅᒡ ᓂ ‍ ᒪᒂᔨᑕᓐ:
\q2 ᐱᒪᒋᐃᓐ, ᐅ ᑎᐸᔨᒋᒐᓱᐤ ᐊ ‍ ᐃᔅᒋᔄᒥᑭᒡ ᒋᑦ ᐊᔭᒧᐅᓐ᙮
\q1
\v 108 ᐅᑎᓇ, ᒋ ‍ ᐱᑯᓴᔨᒥᑎᓐ, ᓇᐊᔨᑎᒧᐤ ᐱᔅᑎᓂᒐᐅᓇ ᓂᑐᓂᒡ ᑲ ‍ ᐅᒋᐱᔨᒋ,
\q2 ᐅ ᑎᐸᔨᒋᒐᓱᐤ, ᒋᔅᑯᑎᒧᐎ ᒪᒃ ᒋᑎᐸᔅᑯᓂᒐᐅᓇ ᐅᒋ᙮
\q1
\v 109 ᓂᑦ ᐊᒐᐧᒄ ᒧᔅ ᓂᑎᒋᒡ ᑕᐤ;
\q2 ᐃᔭᐱᒡ ᒪᒃ ᓇᒪ ᓂ ‍ ᐅᓂᒋᔅᒋᓐ ᒋᑭᒐᔅᒋᒧᐛᐅᓐ᙮
\q1
\v 110 ᐅᒥᒋᑥᐅᒡ ᓂᒋ ‍ ᑕᐱᒂᑯᒡ;
\q2 ᐃᔭᐱᒡ ᒪᒃ ᓇᒪ ᓄᒋ ‍ ᐛᓂᒥᑎᒪᓐ ᒋᐎᓱᐛᐅᓇ ᐅᒡ᙮
\q1
\v 111 ᒋᑎᐸᒋᒧᐅᓇ ᓂᒋ ‍ ᐅᑎᓇᓐ ᑲᒋᒡ ᒐᒋ ᑎᐱᔨᐛᐅᓯᔭᓐ;
\q2 ᐛᔅ ᓂ ‍ ᒧᒋᒐᔨᑎᒧᔅᑲᑯᓐ᙮
\q1
\v 112 ᓂᒋ ‍ ᐃᑎᔅᑕᓐ ᓂᑕᐃ ᒐᒋ ᑎᐱᑐᑎᒪᓐ ᒋᑦ ᐃᑎᓱᐛᐅᓇ,
\q2 ᐱᐃᒻ ᒐ ᐊᑎ ᐃᔎᔭᒡ᙮
\s1 15
\q1
\v 113 ᓂ ‍ ᐛᐧᑲᑕᓐ ᓂᑎᐎ ᐃᑕᔨᑎᒧᐅᓇ:
\q2 ᒥᒄ ᒋᑦ ᐃᑎᓱᐛᐅᓐ ᓂ ‍ ᓴᒋᑕᓐ᙮
\q1
\v 114 ᒋᔾ ᐊᑯᑕ ᐊᓯ ‍ ᑲᓱᔭᓐ ᑭᔭ ᒋᔾ ᓂᑦ ᐅᑦ ᐊᒂᓇᐅᓱᐛᑭᓐ:
\q2 ᓂᑦ ᐊᔅᐸᔨᒧᑐᑕᓐ ᒋᑦ ᐃᔨᒧᐅᓐ᙮
\q1
\v 115 ᓂᑭᓯᒄ, ᒋᔨᐛᐤ ᑲ ‍ ᒥᒋᑐᑎᒪᒄ:
\q2 ᐛᔅ ᓂᑭ ‍ ᑭᓄᐛᔨᑎᒺᓐ ᐅᑭᒐᔅᒋᒧᐛᐅᓇ ᓂᒋᓴᒪᓂᑐᒻ᙮
\q1
\v 116 ᓯᑐᓂ ᐊ ‍ ᐃᔅᒋᔄᒥᑭᒡ ᒋᑦ ᐃᔨᒧᐅᓐ, ᒐᒋ ᐱᒪᑎᓯᔭᓐ:
\q2 ᐊᑲ ᒪᒃ ᓇᐊᔨᒥ ᒐᒋ ᓴᒂᔨᒧᔭᓐ ᓂᑦ ᐊᔅᐸᔨᒧᐅᓂᒡ ᐅᒡ᙮
\q1
\v 117 ᓯᑐᓂ, ᐊᑯ ᒐ ‍ ᐊᔨᒋᑲᐳᐅᔭᓐ;
\q2 ᑭᔭ ᒧᓯᓇᐤ ᓂᑭ ‍ ᒋᔅᑕᔨᑕᓐ ᒋᑦ ᐃᑎᓱᐛᐅᓇ᙮
\q1
\v 118 ᔅᒋ ‍ ᑕᑯᔅᑲᑕᐅᒡ ᒥᓯᐛ ᑲ ‍ ᐛᓂᒥᑎᒪᒡ ᒋᑦ ᐃᓯᑥᐅᓇ ᐅᒡ;
\q2 ᐛᔅ ᐅᑭᔭᓯᐅᓄᐛᐤ ᑭᑭᒋᔭᒪᑭᓂᔪᐤ᙮
\q1
\v 119 ᒋ ‍ ᐛᐱᓇᐅᒡ ᒥᓯᐛ ᐅᒥᒋᑥᐅᒡ ᐊᔅᒋᒡ ᒧᔭᒻ ᓯᒂᐱᔅᒋᑭᓐ:
\q2 ᐊᐅᒄ ᐅᒋ ᓂ ‍ ᓴᒋᑕᓐ ᒋᑎᐸᒋᒧᐅᓇ᙮
\q1
\v 120 ᓂᔭᔅ ᓇᓇᒥᐱᔪᐤ ᐊᔅᐱᔅ ᑯᔅᑎᑕᓐ,
\q2 ᓂ ‍ ᑯᔅᑕᓐ ᑭᔭ ᒋᑎᐸᔅᑯᓂᒐᐅᓇ᙮
\s1 16
\q1
\v 121 ᓂᒋ ‍ ᑐᑕᓐ ᑎᐸᔅᑯᓂᒐᐅᓐ ᑭᔭ ᐊ ᐃᓯ ‍ ᑯᐃᔎᒡ:
\q2 ᐊᑲᐎᔾ ᓇᑲᓯ ᒐᒋ ᒥᒋᑐᑐᐅᒡ ᑲ ‍ ᐊᔨᒥᐃᒡ᙮
\q1
\v 122 ᓂᐳᐅᔅᑎᒧᐤ ᒋᑦ ᐊᑐᔅᒐᔭᑭᓐ ᑲ ‍ ᒥᔽᓯᔨᒡ ᐅᒡ:
\q2 ᐊᑲᐎᔾ ᓇᐊᔨᒥᒡ ᐅᒋᔅᑕᔨᒧᐅᒡ ᒐᒋ ᐊᔨᒥᐃᒡ᙮
\q1
\v 123 ᓂᑦ ᐃᔅᑭᐱᓐ ᒋᐱᒪᒋᐃᐛᐅᓐ ᐊ ‍ ᐊᓯᓂᐛᑕᔭᓐ,
\q2 ᑭᔭ ᒋᑯᐃᔅᑯᑕᑎᓯᐅ-ᐃᔨᒧᐅᓐ᙮
\q1
\v 124 ᑐᑐᐤ ᒋᑦ ᐊᑐᔅᒐᔭᑭᓐ ᐊ ᐃᓯ ‍ ᓱᐛᔨᒋᒐᔨᓐ,
\q2 ᒋᔅᑯᑎᒧᐎ ᑭᔭ ᒋᑦ ᐃᑎᓱᐛᐅᓇ᙮
\q1
\v 125 ᓂᔾ ᒋᑦ ᐊᑐᔅᒐᔭᑭᓐ:
\q2 ᒥᔨ ᓂᔅᑐᑎᒧᐅᓐ, ᒐᒋ ᒋᔅᒐᔨᑎᒪᓐ ᒋᑎᐸᒋᒧᐅᓇ᙮
\q1
\v 126 ᓴᔅ ᐅᑎᒋᐱᔪᐤ, ᒋᔾ, ᑎᐸᔨᒋᒐᓱᐤ, ᒐᒋ ᐊᑐᔅᒐᔨᓐ;
\q2 ᐛᔅ ᓂᑐᐎ ᒋ ‍ ᐃᑕᔨᑕᑯᑕᐅᒡ ᒋᐎᓱᐛᐅᓂᔪᐤ᙮
\q1
\v 127 ᐊᐅᒄ ᐅᒋ ᐊᔪᐛᒃ ᓂ ‍ ᓴᒋᑕᓐ ᒋᑦ ᐃᑎᓱᐛᐅᓇ ᐃᔅᐱᔅ ᐎᔄᐅᓱᓇᔭᐱᔅᒄ;
\q2 ᓂᐦᐃ, ᐃᔅᐱᔅ ᓇᔅᒡ ᒪᔪᓯᑦ ᐎᔄᐅᓱᓇᔭᐱᔅᒄ᙮
\q1
\v 128 ᐊᐅᒄ ᐅᒋ ᓂ ‍ ᐃᑕᒋᑕᓐ ᒥᓯᐛ ᒋᑭᒐᔅᒋᒧᐛᐅᓇ ᒋᒋᐛ ᐊ ‍ ᑯᐃᔎᒋ;
\q2 ᓂ ‍ ᐛᐧᑲᑕᓐ ᒪᒃ ᒥᓯᐛ ᑕᑐ ᒥᒋ ‍ ᐃᓯᑥᐅᓐ᙮
\s1 17
\q1
\v 129 ᒋᑎᐸᒋᒧᐅᓇ ᒪᒥᔅᑲᑕᔨᑕᑯᓇ:
\q2 ᐊᐅᒄ ᐛᒋ ‍ ᑭᓄᐛᔨᑕᐧᒃ ᓂᑦ ᐊᒐᐧᒄ᙮
\q1
\v 130 ᐊ ‍ ᐱᑕᐱᔨᒋ ᒋᑦ ᐃᔨᒧᐅᓇ ᐛᔅᑕᓂᒐᒥᑭᓇ;
\q2 ᒥᔨᑯᐤ ᓂᔅᑐᑎᒧᐅᓂᔪᐤ ᐊᓐ ᐊᑲ ᑲ ‍ ᑭᒐᑕᐛᔨᑕᐧᒃ᙮
\q1
\v 131 ᓂᒋ ‍ ᐸᔅᒋᑐᓇᔨᓐ ᑭᔭ ᓂᒋ ‍ ᒋᐱᒋᔭᔭᓐ;
\q2 ᐛᔅ ᓂᒋ ‍ ᐱᒂᔨᑕᓐ ᒋᑭᒐᔎᐅᓇ᙮
\q1
\v 132 ᑭᓄᐛᐱᒥ, ᑭᔭ ᒋᔅᑎᒪᒐᔨᒥ,
\q2 ᒧᔭᒻ ‍ ᑲ ‍ ᑐᑐᐅᑥᐤ ᐊᓐᒡ ᑲ ‍ ᓴᒋᑕᒡ ᒋᑦ ᐃᓯᓂᐧᑲᓱᐅᓂᔪᐤ᙮
\q1
\v 133 ᐎᔨᔅᑕ ᓂᑕᐧᑯᔅᒐᐅᓇ ᒋᑦ ᐃᔨᒧᐅᓂᒡ;
\q2 ᐊᑯᔅ ᒪᒃ ᐊᑲᐎᔾ ᑭᔭ ᒥᑐᓐ ᓂᑭ ‍ ᑎᐸᔨᒥᑯᓐ ᒥᒐᑎᓯᐅᓐ᙮
\q1
\v 134 ᐎᐧᑯᒋᐃ ᐊ ‍ ᐊᔨᒥᐃᑦ ᐃᔪᐤ:
\q2 ᐊᑯ ᒐ ‍ ᑭᓄᐛᔨᑎᒪᓐ ᒋᑦ ᐃᑎᓱᐛᐅᓇ᙮
\q1
\v 135 ᐛᓯᓱᔅᑐᐤ ᒋᑦ ᐊᑐᔅᒐᔭᑭᓐ;
\q2 ᒋᔅᑯᑎᒧᐎ ᒪᒃ ᒋᑦ ᐃᑎᓱᐛᐅᓇ᙮
\q1
\v 136 ᓂᐱᔭ ᐊ ‍ ᓯᐱᓯᐅᒋ ᐅᒋᑯᐛ ᓂᔅᒋᓯᑯᒡ,
\q2 ᐊ ᐊᑲ ‍ ᑭᓄᐛᔨᑕᒡ ᒋᐎᓱᐛᐅᓂᔪᐤ᙮
\s1 18
\q1
\v 137 ᒋ ‍ ᑯᐃᔅᑯᑕᑎᓯᓐ, ᐅ ᑎᐸᔨᒋᒐᓱᐤ,
\q2 ᑭᔭ ᑯᐃᔎᓂᔪᐛ ᒋᑎᐸᔅᑯᓂᒐᐅᓇ᙮
\q1
\v 138 ᒋᑎᐸᒋᒧᐅᓇ, ᑲ ‍ ᐃᑎᓱᐛᔨᓐ,
\q2 ᑯᐃᔅᑯᑕᑎᓯᒪᑭᓇ ᑭᔭ ᓇᔅᒡ ᑯᐃᔅᑯᓂᔪᐛ᙮
\q1
\v 139 ᓂᒥᔅᑯᐛᔨᑎᒧᐅᓐ ᓂᒋ ‍ ᒋᑕᒧᑯᓐ;
\q2 ᐛᔅ ᑲ ‍ ᐛᐧᑲᓯᒡ ᒋ ‍ ᐅᓂᒋᔅᒋᓱᐅᒡ ᒋᑦ ᐃᔨᒧᐅᓇ᙮
\q1
\v 140 ᒋᑦ ᐃᔨᒧᐅᓐ ᓇᔅᒡ ᐸᔽᑭᓐ:
\q2 ᐊᔪᐅᒄ ᐛᒋ ‍ ᓴᒋᑕᑦ ᒋᑦ ᐊᑐᔅᒐᔭᑭᓐ᙮
\q1
\v 141 ᓂᑦ ᐊᐱᔅᑕᔨᑕᑯᓯᓐ ᑭᔭ ᓂᑦ ᐊᑐᐛᔨᒥᑯᐅᓐ;
\q2 ᐃᔭᐱᒡ ᒪᒃ ᓇᒪᐎᔾ ᓂ ‍ ᐅᓂᒋᔅᒋᓐ ᒋᑦ ᐃᑎᓱᐛᐅᓇ᙮
\q1
\v 142 ᒋᑯᐃᔅᑯᑕᑎᓯᐅᓐ ᑲᒋᒡ ᑯᐃᔅᑯᑕᑎᓯᒥᑭᓐ,
\q2 ᑭᔭ ᒋᑦ ᐃᑎᓱᐛᐅᓐ ᐊᐅᒄ ᑕᑈᐅᓐ᙮
\q1
\v 143 ᒥᑯᔅᑲᑕᔨᑎᒧᐅᓐ ᑭᔭ ᑯᒂᑕᑎᓯᐅᓐ ᓂᒋ ‍ ᐅᑎᑎᓂᑯᓐ;
\q2 ᐃᔭᐱᒡ ᒪᒃ ᓂ ‍ ᒥᔽᔨᑕᓐ ᒋᑦ ᐃᑎᓱᐛᐅᓇ᙮
\q1
\v 144 ᐊ ᐃᓯ ‍ ᒂᔭᔅᑯᑕᑎᓯᒥᑲᒋ ᒋᑎᐸᒋᒧᐅᓇ ᑲᒋᒡ ᑎᑯᓇ:
\q2 ᒥᔨ ᓂᔅᑐᑎᒧᐅᓐ, ᐊᑯ ᒐ ‍ ᐱᒪᑎᓯᔭᓐ᙮
\s1 19
\q1
\v 145 ᓂᒋ ‍ ᑕᑈᓐ ᒥᓯᐛ ᓂᑕᐃᒡ:
\q2 ᓂᑐᑐᐎ ᐅ ᑎᐸᔨᒋᒐᓱᐤ:
\q2 ᓂᑭ ‍ ᑭᓄᐛᔨᑕᓐ ᒋᑦ ᐃᑎᓱᐛᐅᓇ᙮
\q1
\v 146 ᔅᒋ ‍ ᑕᑈᑎᑎᓐ:
\q2 ᐱᒪᒋᐃ, ᐊᑯ ᒐ ‍ ᑭᓄᐛᔨᑎᒪᓐ ᒋᑎᐸᒋᒧᐅᓇ᙮
\q1
\v 147 ᓂ ‍ ᓂᑲᓂᐸᔨᔅᑕᓐ ᐱᔭᑕᐸᒋ, ᓂᒋ ‍ ᒪᓐ ᒪᒃ:
\q2 ᓂᒋ ‍ ᐊᔅᐸᔨᒧᑐᑕᓐ ᒋᑦ ᐃᔨᒧᐅᓐ᙮
\q1
\v 148 ᓂᔅᒋᓯᒂ ᓂᑲᓂᐱᔪᐛ ᓂᐸᐱᐅᓂᒡ,
\q2 ᒐᒋ ‍ ᒪᒥᑐᓇᔨᑎᒪᓐ ᒋᑦ ᐃᔨᒧᐅᓐ᙮
\q1
\v 149 ᓂᑐᑐᐎ ᑲ ᐃᓯ ‍ ᓴᒋᐃᐛᐤ ᒋᓴᐛᑎᓯᔨᓐ:
\q2 ᐅ ᑎᐸᔨᒋᒐᓱᐤ, ᒋᓯᐎᓯᐃ ᐊ ᐃᓯ ‍ ᑎᐸᔅᑯᓂᒐᔨᓐ᙮
\q1
\v 150 ᐸᓱᓇᑯᓯᐅᒡ ᑲ ‍ ᓄᓱᔅᑲᒡ ᒪᔭᔨᒐᐅᓂᔪᐤ;
\q2 ᔭᐛᐸᑎᒧᒡ ᒋᐎᓱᐛᐅᓂᔪᐤ᙮
\q1
\v 151 ᒥᒋᒪ ᒋᑦ ᐃᑕᓐ, ᐅ ᑎᐸᔨᒋᒐᓱᐤ;
\q2 ᑭᔭ ᒥᓯᐛ ᒋᑦ ᐃᑎᓱᐛᐅᓇ ᑕᑈᒥᑭᓇ
\q1
\v 152 ᒋᑎᐸᒋᒧᐅᓇ ᐅᒡ, ᐎᐱᒡ ᓂᒋ ᐅᒋ ‍ ᒋᔅᒐᔨᑕᓐ,
\q2 ᑲᒋᒡ ᐊᒋ ‍ ᐎᔨᔅᑕᔨᓐ᙮
\s1 20
\q1
\v 153 ᒪᒥᑐᓂᔨᑕ ᓂᑦ ᐊᔨᒥᐃᑯᓯᐅᓐ, ᑭᔭ ᐎᐧᑯᒋᐃ;
\q2 ᐛᔅ ᓇᒪᐎᔾ ᓂ ‍ ᐅᓂᒋᔅᒋᓐ ᒋᐎᓱᐛᐅᓐ᙮
\q1
\v 154 ᐊᔭᒥᐊᔅᑎᒧᐎ, ᑭᔭ ᐎᐧᑯᒋᐃ:
\q2 ᐊ ‍ ᐃᔅᒋᔄᒥᑲᒡ ᒋᑦ ᐃᔨᒧᐅᓐ᙮
\q1
\v 155 ᐱᒪᒋᐃᐛᐅᓂᔪᐤ ᔭᐛᐸᑎᒧᒡ ᐅᒥᒋᑥᐅᒡ:
\q2 ᐛᔅ ᓇᒪᐎᔾ ᓇᓂᑐᐛᔨᑎᒧᒡ ᒋᑦ ᐃᑎᓱᐛᐅᓇ᙮
\q1
\v 156 ᒥᒐᓇ ᒋ ‍ ᔪᔅᐱ ᒋᔅᑎᒪᒐᔨᒐᐅᓇ, ᐅ ᑎᐸᔨᒋᒐᓱᐤ:
\q2 ᒋᓯᐎᓯᐃ ᐊ ᐃᓯ ‍ ᑎᐸᔅᑯᓂᒐᔨᓐ
\q1
\v 157 ᒥᒐᑐᐅᒡ ᑲ ‍ ᑯᒂᑕᒋᐃᒡ ᑭᔭ ᑲ ‍ ᐛᐧᑲᓯᒡ:
\q2 ᐃᔭᐱᒡ ᒪᒃ ᓇᒪ ᓂᑭ ‍ ᐳᓂᑕᓐ ᒋᑎᐸᒋᒧᐅᓇ᙮
\q1
\v 158 ᓂᒋ ‍ ᑭᓄᐛᐱᒪᐅᒡ ᑲ ‍ ᒥᒋᑐᑕᒡ, ᓂᒋ ‍ ᑲᔅᒐᔨᑕᓐ ᒪᒃ;
\q2 ᐊ ᐊᑲ ‍ ᑭᓄᐛᔨᑕᒡ ᒋᑦ ᐃᔨᒧᐅᓂᔪᐤ᙮
\q1
\v 159 ᒪᒥᑐᓇᔨᑕ ᐊᔅᐱᔅ ᓴᒋᑕᔭᓐ ᒋᑭᒐᔅᒋᒧᐛᐅᓇ:
\q2 ᒋᓯᐎᓯᐃ, ᐅ ᑎᐸᔨᒋᒐᓱᐤ, ᐊ ᐃᓯ ‍ ᓴᒋᐃᐛᐎ ᒋᓴᐛᑎᓯᔨᓐ᙮
\q1
\v 160 ᒋᑦ ᐃᔨᒧᐅᓐ ᑕᑈᒥᑭᓐ ᒪᐅᒡ ᐛᔅᑭᒡ ᐅᒡ:
\q2 ᑭᔭ ᒥᓯᐛ ᑕᑐ ᒋᑯᐃᔅᑯᑕᑎᓱᐎ ᑎᐸᔅᑯᓂᒐᐅᓇ ᑲᒋᒡ ᐱᒥᐱᔭᐛ᙮
\s1 21
\q1
\v 161 ᐅᒋᒪᐅᒡ ᓂᑐᐎ ᓂᒋ ᐃᓯ ‍ ᓂᓇᐧᑲᒋᐃᑯᒡ;
\q2 ᒪᒃ ᓂᑕᐃ ᑯᔅᐸᓇᔨᑎᒧᒪᑭᓐ ᒋᑦ ᐃᔨᒧᐅᓐ᙮
\q1
\v 162 ᓂ ‍ ᒥᔽᔨᑕᓐ ᒋᑦ ᐃᔨᒧᐅᓐ,
\q2 ᒧᔭᒻ ᐊᐛᓐ ᑲ ‍ ᒥᔅᑲᐧᒃ ᒥᔅᑎ ᒥᔅᑲᑥᐅᓂᔪᐤ
\q1
\v 163 ᓂ ‍ ᐛᐧᑲᑕᓐ ᑭᔭ ᒋᒋᐛ ᓂ ‍ ᐛᐧᑲᑕᓐ ᑭᑭᒋᔭᐅᓐ;
\q2 ᒪᒃ ᒋᐎᓱᐛᐅᓐ ᓂ ‍ ᓴᒋᑕᓐ᙮
\q1
\v 164 ᓂᔄᐅᑕᒡ ᑕᑥᐤ ᒋ ‍ ᒪᒥᒋᒥᑎᓐ ᐸᐃᒄ ᒋᓯᑲᐛ,
\q2 ᒋᑯᐃᔅᑯᑕᑎᓯᐤ ᑎᐸᔅᑯᓂᒐᐅᓇ ᐅᒡ᙮
\q1
\v 165 ᒋᒋ ᒋᔭᒪᔨᑎᒧᐅᓂᔪᐤ ᐊᔭᐅᒡ ᐊᓐᒡ ᑲ ‍ ᓴᒋᑕᒡ ᒋᑦ ᐃᑎᓱᐛᐅᓂᔪᐤ,
\q2 ᓇᒪ ᑭᔭ ᒐᒂᔪᐤ ᒋᑭ ‍ ᐊᑐᐛᔨᑎᒥᐃᑯᐅᒡ
\q1
\v 166 ᑎᐸᔨᒋᒐᓱᐤ, ᓂᒋ ‍ ᐊᔅᐸᔨᒧᑐᑕᓐ ᒋᐱᒪᒋᐃᐛᐅᓐ,
\q2 ᑭᔭ ᓂᒋ ‍ ᐃᑐᑕᓐ ᒋᑦ ᐃᑎᓱᐛᐅᓇ᙮
\q1
\v 167 ᓂᑦ ᐊᒐᐧᒄ ᒋ ‍ ᑭᓄᐛᔨᑎᒻ ᒋᑎᐸᒋᒧᐅᓇ;
\q2 ᓇᔅᒡ ᒪᒃ ᓂ ‍ ᓴᒋᑕᓐ᙮
\q1
\v 168 ᓂᒋ ‍ ᑭᓄᐛᔨᑕᓐ ᒋᑦ ᐃᑎᓱᐛᐅᓇ ᑭᔭ ᒋᑎᐸᒋᒧᐅᓇ;
\q2 ᐛᔅ ᒥᓯᐛ ᓂᑦ ᐃᓯᑥᐅᓇ ᒋ ‍ ᐅᑎᔅᑲᐎᔅᑲᑯᓐ᙮
\s1 22
\q1
\v 169 ᐊᑯᔅ ᓂᒪᐅᓐ ᒥᒋᒪ ᒋᑭ ‍ ᓇᑎᑯᓐ, ᐅ ᑎᐸᔨᒋᒐᓱᐤ:
\q2 ᒥᔨ ᓂᔅᑐᑎᒧᐅᓐ ᐊ ‍ ᐃᔅᒋᔄᒥᑲᒡ ᒋᑦ ᐃᔨᒧᐅᓐ
\q1
\v 170 ᐊᑯᔅ ᓂᓂᑐᑎᒪᒐᐅᓐ ᒋᑭ ‍ ᐅᑎᔅᑲᐎᔅᑲᑯᓐ:
\q2 ᐎᐧᑯᒋᐃ ᐊᔅᒋᔄᒥᑲᒡ ᒋᑦ ᐃᔨᒧᐅᓐ᙮
\q1
\v 171 ᓂᑐᓂᒡ ᓂᑭ ᐅᒋ ‍ ᒪᒥᒋᒧᐛᓐ,
\q2 ᐃᔅᐱ ᒋ ‍ ᒋᔅᑯᑎᒧᐎᔨᓇ ᒋᐎᓱᐛᐅᓇ᙮
\q1
\v 172 ᓂᑕᔨᔾ ᒋᑭ ‍ ᐊᔨᒧᑎᒧᒪᑭᓐ ᒋᑦ ᐃᔨᒧᐅᓐ;
\q2 ᐛᔅ ᒥᓯᐛ ᒋᑦ ᐃᑎᓱᐛᐅᓇ ᑯᐃᔅᑯᑕᑎᓱᐅᓂᔪᐛ᙮
\q1
\v 173 ᐊᑯᔅ ᒋᑎᒋᔾ ᓂᑭ ‍ ᐎᒋᐃᑯᓐ;
\q2 ᐛᔅ ᓂᒋ ‍ ᐛᐛᔭᐸᑕᓐ ᒋᑦ ᐃᑎᓱᐛᐅᓇ᙮
\q1
\v 174 ᓂᒋ ‍ ᐱᒂᔨᑕᓐ ᒋᐱᒪᒋᐃᐛᐅᓐ, ᐅ ᑎᐸᔨᒋᒐᓱᐤ;
\q2 ᒋᐎᓱᐛᐅᓐ ᑭᔭ ᓂ ‍ ᒥᔽᔨᑕᓐ᙮
\q1
\v 175 ᐊᑯᔅ ᒋᑭ ‍ ᐱᒪᑎᓯᐤ ᓂᑦ ᐊᒐᐧᒄ, ᐊᑯ ᒐ ‍ ᒪᒥᒋᒥᔅᒃ;
\q2 ᐊᑯᔅ ᒪᒃ ᒋᑎᐸᔅᑯᓂᒐᐅᓇ ᓂᑭ ‍ ᐎᒋᐃᑯᓐ᙮
\q1
\v 176 ᓂᒋ ‍ ᐛᓂᒥᑎᒪᓐ ᒧᔭᒻ ᑲ ‍ ᐅᓂᓯᐧᒃ ᒪᔭᑕᓂᔅ:
\q2 ᓇᓂᑐᐛᐱᒻ ᒋᑦ ᐊᑐᔅᒐᔭᑭᓐ; ᐛᔅ ᓇᒪᐎᔾ ᓂ ‍ ᐅᓂᒋᔅᒋᓐ ᒋᑦ ᐃᑎᓱᐛᐅᓇ᙮
\c 120
\q1
\v 1 ᓂᑦ ᐊᔨᒥᓯᐅᓂᒡ ᓂᒋ ‍ ᑕᑈᑕᐤ ᑎᐸᔨᒋᒐᓱᐤ,
\q2 ᓂᒋ ‍ ᓂᑐᑕᒄ ᒪᒃ᙮
\q1
\v 2 ᐎᐧᑯᒋ ᓂᑦ ᐊᒐᐧᒄ, ᐅ ᑎᐸᔨᒋᒐᓱᐤ,
\q2 ᑭᑭᒋᔭᐤ ᒥᑐᓂᒡ ᐅᒡ, ᑭᔭ ᐎᔭᓯᐃᐛᐤ ᒥᑕᔨᔨᒡ ᐅᒡ᙮
\b
\q1
\v 3 ᒐᒂᓐ ᒐ ‍ ᒥᔨᑯᐎᔨᓐ ?
\q2 ᑭᔭ ᒥᒄ ᒐᒂᓐ ᒐ ‍ ᐃᑐᑕᑯᐎᔨᓐ, ᒋᔾ ᑭᑭᒋᔭᐤ ᒥᑕᔨᔾ ?
\q1
\v 4 ᐅ ᒋᓂᐃᒻ ᐊᑭᔅᑯᐛᐛ ᑲ ‍ ᓱᐧᑲᑎᓯᒡ,
\q2 ᐊᓯᒡ ᐛᒋᓇᑭᓐ ᑲᒋᔅᑕᐛ᙮
\b
\q1
\v 5 ᓂ ‍ ᑯᔅᐱᓇᑎᓯᓐ ᐊ ‍ ᑕᔭᓐ ᒥᓴᑭᒡ,
\q2 ᐊ ‍ ᐎᒋᔭᓐ ᑲᑕᕐ ᒥᒋᐛᐱᒡ !
\q1
\v 6 ᓂᑦ ᐊᒐᐧᒄ ᒋᓏᔅ ᒋ ‍ ᐎᒋᒪᐤ
\q2 ᐊᓂᔭᔪᐛ ᑲ ‍ ᐛᐧᑲᑎᒥᔨᒋ ᒋᔭᒪᔨᑎᒧᐅᓂᔪᐤ᙮
\q1
\v 7 ᓂ ‍ ᒧᔅᑕᓇᓐ ᒋᔭᒪᔨᑎᒧᐅᓐ:
\q2 ᒪᒃ ᐊᔨᒥᔭᓂ, ᐎ ‍ ᓂᑐᐱᔪᒡ᙮
\c 121
\s2 Psalm 121 (Lent-1 Year A)
\s2 Psalm 121 (Proper-24 Year C)
\q1
\v 1 ᓂᑭ ‍ ᑕᔅᑎᓴᐱᔅᑕᓐ ᐱᔅᑯᑎᓇᐛ,
\q2 ᑕᓐᑕ ᐛᒋᐱᔨᒡ ᓂᐎᒋᐃᑯᓯᐅᓐ ?
\q1
\v 2 ᑎᐸᔨᒋᒐᓱᐤ ᐅᒋᐱᔪᐤ ᓂᐎᒋᐃᑯᓯᐅᓐ,
\q2 ᑲ ‍ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ᙮
\b
\q1
\v 3 ᓇᒪᐎᔾ ᒋᑭ ‍ ᓇᐊᔨᑎᒻ ᒋᓯᑎᔪᐤ ᒐᒋ ᐊᒋᐱᔨᒡ:
\q2 ᐊᓐ ᑲ ‍ ᑭᓄᐛᔨᒥᔅᒃ ᓇᒪᐎᔾ ᒋᑭ ‍ ᓄᑕᐧᑯᓱᐤ᙮
\q1
\v 4 ᐛᐸᑎᒥᒄ, ᐊᓐ ᑲ ‍ ᑭᓄᐛᔨᒪᑦ ᐃᔅᕋᐃᓚ
\q2 ᓇᒪᐎᔾ ᒋᑭ ‍ ᓄᑕᐧᑯᓱᐤ, ᓇᒪ ᑭᔭ ᒋᑭ ‍ ᓂᐸᐤ᙮
\b
\q1
\v 5 ᑎᐸᔨᒋᒐᓱᐤ ᒋ ‍ ᑭᓄᐛᔨᒥᒄ;
\q2 ᑎᐸᔨᒋᒐᓱᐤ ᒋᑦ ᐊᐅᑲᔅᑕᐃᑭᓐ ᒋᒥᔪᐅᓂᒡ᙮
\q1
\v 6 ᐱᓯᒻ ᓇᒪᐎᔾ ᒋᑭ ‍ ᐊᐧᑯᐃᒄ ᐊ ‍ ᒋᓯᑲᔨᒡ,
\q2 ᓇᒪ ᑭᔭ ᑎᐱᔅᑲᐤ ᐱᓯᒻ ᐊ ‍ ᑎᐱᔅᑲᔨᒡ᙮
\b
\q1
\v 7 ᑎᐸᔨᒋᒐᓱᐤ ᒋᑭ ‍ ᒥᑕᒂᓂᒪᒄ ᒥᓯᐛ ᑲ ‍ ᒪᔭᑎᓂᔨᒡ:
\q2 ᒋᑭ ‍ ᐱᒪᒋᐊᐤ ᒋᑦ ᐊᒐᒂ᙮
\q1
\v 8 ᑎᐸᔨᒋᒐᓱᐤ ᒋᑭ ‍ ᑭᓄᐛᔨᒥᒄ ᐊ ‍ ᐎᐎᔨᓐ ᑭᔭ ᐊ ‍ ᐱᒐᔨᓐ,
\q2 ᐊᓄᒡ ᐅᒋ ᑭᔭ ᑲᒋᒡ᙮
\c 122
\s2 Psalm 122 (Advent-1 Year A)
\q1
\v 1 ᓂᒋ ‍ ᓯᒋᔭᓯᓐ ᐃᔅᐱ ᐊᓯᒡ,
\q2 “ᐊᑯᔅ ᐃᑐᑕᑕᐤ ᐎᒋᒡ ᑎᐸᔨᒋᒐᓱᐤ᙮”
\q1
\v 2 ᓂᓯᑎᓇᓇ ᒋᑭ ‍ ᓂᐳᐎᒥᑭᓇ ᐱᒡ ᒋᒋᐱᔎᒥᒡ, ᐅ ᒋᕈᓯᓕᒻ᙮
\b
\q2
\v 3 ᒋᕈᓯᓕᒻ ᒋ ‍ ᐅᓯᑕᑭᓄᐤ ᒧᔭᒻ ᐅᑕᓇᐤ ᑲ ‍ ᒪᒧᐛᒡ,
\q1
\v 4 ᐊᓐᑕ ᑲ ‍ ᑕᑐᑕᐅᓯᒡ ᑲ ‍ ᐃᑐᑕᒡ, ᑎᐸᔨᒋᒐᓱᐤ ᐅᑐᑕᒪ,
\q2 ᐊ ‍ ᓇᑕᒡ ᑎᐸᒋᒧᐅᓂᔪᐤ ᐃᔅᕋᐃᓚᒡ,
\q2 ᒐᒋ ᓂᓇᔅᑯᒧᑐᑎᒺᒡ ᐅᑦ ᐃᓯᓂᐧᑲᓱᐅᓂᔪᐤ ᑎᐸᔨᒋᒐᓱᐛ᙮
\q1
\v 5 ᐛᔅ ᐊᑯᑕ ᐊᔅᑕᒋ ᑎᐸᔅᑯᓂᒐᐤ ᒋᓴᐅᒋᒪᐤ ᑕᑎᐳᐛᑭᓇ,
\q2 ᐅᒋᓴᐅᒋᒪᐤ ᑕᑎᐳᐛᑭᓄᐛᐛ ᑲ ‍ ᑎᓯᑦ ᑎᐱᑦ᙮
\b
\q1
\v 6 ᐊᔭᒥᐊᔅᑎᒪᑎᒧᒄ ᒐᒋ ᒋᔭᒪᔨᑎᒧᒥᑲᒡ ᒋᕈᓯᓕᒻ;
\q2 ᒋᑭ ‍ ᒥᔽᐱᒪᐅᓯᐅᒡ ᐊᓐᒡ ᑲ ‍ ᓴᒋᐃᔅᒡ᙮
\q1
\v 7 ᑭᒪ ‍ ᒋᔭᒪᔨᑎᒧᐅᓐ ᑎᒂᒡ ᐱᒡ ᒋ ‍ ᒪᓂᑭᓂᒡ,
\q2 ᑭᔭ ᒥᔽᐱᒪᐅᓯᐅᓐ ᐱᒡ ᒋᒋᓴᐅᒋᒪᐅᒋᐛᐱᒡ᙮
\q1
\v 8 ᓂᐧᑲᓂᓯᒡ ᑭᔭ ᓂᐎᒐᐛᑭᓐᒡ ᐅᒡ,
\q2 ᐊᓄᒡ ᓂᑭ ‍ ᐃᔅᒋᔄᓐ, “ᑭᒪ ᒋᔭᒪᔨᑎᒧᐅᓐ ᐱᒋᔅᑲᑯᔨᓐ᙮”
\q1
\v 9 ᐎᒡ ᐅᒋ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ,
\q2 ᓂᑭ ‍ ᓇᓂᑐᐛᔨᑕᓐ ᒋ ‍ ᒥᔪ ᐊᔭᐅᓐ᙮
\c 123
\s2 Psalm 123 (Proper-9 Year B)
\q1
\v 1 ᒋᔾ ᒋ ‍ ᑕᔅᑎᓴᐱᒥᑎᓐ,
\q2 ᐅ ᒋᔾ ᑲ ‍ ᑕᔨᓐ ᒋᒋᒋᓯᑯᒡ᙮
\q1
\v 2 ᐛᐸᑎᒥᒄ, ᒧᔭᒻ ᐊᑐᔅᒐᔭᑭᓐᒡ ᑲ ‍ ᑭᓄᐛᐱᒪᒡ ᐅᒋᒪᒧᐛᐛ,
\q2 ᑭᔭ ᒧᔭᒻ ᐊᑐᔅᒐᔭᑭᓂᔎᐤ ᑲ ‍ ᑭᓄᐛᐱᒪᑦ ᐅᒋᒪᔎᒪ;
\q2 ᐊᔪᐅᒄ ᐊᓯ ‍ ᑭᓄᐛᐱᒪᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐱᐃᒻ ᒐ ‍ ᒋᔅᑎᒪᒐᔨᒥᑕᐧᒄ᙮
\b
\q1
\v 3 ᒋᔅᑎᒪᒐᔨᒥᓇᓐ, ᐅ ᑎᐸᔨᒋᒐᔨᓐ, ᒋᔅᑎᒪᒐᔨᒥᓇᓐ;
\q2 ᐛᔅ ᓇᔅᒡ ᓂ ‍ ᓴᑭᔅᒋᓇᔅᑲᑯᓇᓐ ᒪᔭᔨᒐᐅᓐ᙮
\q1
\v 4 ᓂᑦ ᐊᒐᐧᑯᓇᓐᒡ ᓴᑭᔅᒋᓇᔅᑲᑯᐅᒡ ᐅᒪᔭᔨᒐᐅᓂᔪᐤ ᑲ ‍ ᒋᔭᒪᐅᐱᔨᒋ,
\q2 ᑭᔭ ᐅᒪᔭᔨᒐᐅᓂᔪᐤ ᑲ ‍ ᒋᔅᑕᔨᒧᔨᒋ᙮
\c 124
\s2 Psalm 124 (Proper-16 Year A)
\q1
\v 1 ᒥᓱᐧᒄ ᐊᑲ ᐅᒋ ᐎᒋᐃᑕᐧᒄ ᑎᐸᔨᒋᒐᓱᐤ,
\q2 ᐊᑯ ᒋᐸ ‍ ᐃᔪᐤ ᐃᔅᕋᐃᓪ;
\q1
\v 2 ᒧᔭᒻ ᐊᑲ ᐅᒋ ᐎᒋᐃᑕᐧᒄ ᑎᐸᔨᒋᒐᓱᐤ,
\q2 ᐃᔅᐱ ᐃᔪᒡ ᑲ ‍ ᐱᓯᑯᔅᑕᑕᐧᑯᒡ:
\q1
\v 3 ᐎᐱᒡ ᒋᐸ ᒋ ‍ ᒥᓱᐛᐸᔨᐃᑯᑕᓇᑯᐱᓐᒡ,
\q2 ᐃᔅᐱ ᑲ ‍ ᐊᐧᑯᔪᐛᓯᔅᑕᑕᐧᑯᒡ:
\q1
\v 4 ᓂᐱᔭ ᒋᐸ ᒋ ‍ ᐛᓴᒥᐃᑯᑕᓇᓇᑯᐱᓐ,
\q2 ᓯᐱᔪᐤ ᒋᑭ ᒋ ‍ ᐸᓯᒋᐸᔨᔅᑕᑯᐤ ᒋᑦ ᐊᒐᐧᑯᓄᐤ᙮
\q1
\v 5 ᒋᔅᑕᔨᒧᐤ ᓂᐱᔭ ᒋᑭ ‍ ᒋ ‍ ᐸᓯᒋᐸᔨᔅᑕᑯᐤ ᒋᑦ ᐊᒐᐧᑯᓄᐤ᙮
\b
\q1
\v 6 ᒪᒥᒋᑕᑯᓱᐤ ᑎᐸᔨᒋᒐᓱᐤ,
\q2 ᐊᑲ ᐅᒡ ᐸᒋᑕᓂᑕᐧᒄ ᐎᐱᑎᔨᒡ᙮
\q1
\v 7 ᒋᑦ ᐊᒐᐧᑯᓄᐤ ᐎᐧᑯᒋᐅᐤ ᒧᔭᒻ ᐱᔭᓯᔅ ᐅᓇᒂᓂᔨᒡ ᐅᓄᒋᐱᔭᓯᓯᐛᐛ ᐅᒡ:
\q2 ᓇᒂᓐ ᐱᑯᐱᔪᐤ, ᒋ ‍ ᐎᐧᑯᒋᐅᓇᓄᐤ ᒪᒃ᙮
\q1
\v 8 ᒋ ‍ ᐎᒋᐃᑯᓯᐅᓄᐤ ᑎᑯᓂᔪᐤ ᐅᑦ ᐃᓯᓂᐧᑲᓱᐅᓂᒡ ᑎᐸᔨᒋᒐᓱᐤ,
\q2 ᑲᒋ ‍ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ᙮
\c 125
\q1
\v 1 ᐊᓐᒡ ᑲ ‍ ᒪᒥᓯᑐᑐᐛᒡ ᑎᐸᔨᒋᒐᓱᐛ ᒋᑭ ‍ ᓂᔅᐱᑎᒧᒡ ᓴᐃᔭᓐ ᐱᔅᑯᑎᓇᔪᐤ,
\q2 ᒐ ᐊᑲ ᒋ ᐊᒋᐸᔨᑕᑭᓄᐅᒡ, ᒪᒃ ᑲᒋᒡ ᑲ ‍ ᑎᑯᓂᔨᒡ᙮
\q1
\v 2 ᒧᔭᒻ ᐱᔅᑯᑎᓇᐛ ᐊ ‍ ᐛᔅᑲᔅᑲᒧᒥᑲᒋ ᒋᕈᓯᓕᒻ,
\q2 ᐊᑯ ᑭᔭ ᑎᐸᔨᒋᒐᓱᐤ ᐊ ᐃᓯ ‍ ᐛᔅᑲᔅᑯᐛᑦ ᐅᑦ ᐃᔨᒪ ᐊᓄᒡ ᐅᒋ ᑭᔭ ᑲᒋᒡ᙮
\b
\q1
\v 3 ᐛᔅ ᐅᒥᔅᑎᑯᒧᐛᐤ ᐅᒥᒋᑥᐅᒡ ᓇᒪᐎᔾ ᒋᑭ ‍ ᐃᑎᑯᓂᔪᐤ ᒐᒋ ᑎᐸᔨᒥᑯᐃᒋ ᐅᑯᐃᔅᑯᑕᑎᓯᐛ;
\q2 ᐅᑯᐃᔅᑯᑕᑎᓯᐅᒡ ᒐ ᐊᑲ ᒋ ᑕᒋᓇᒡ ᒥᒐᑎᓯᐅᓂᔪᐤ᙮
\b
\q1
\v 4 ᒥᔪᑐᑐᐅᒡ, ᐅ ᑎᐸᔨᒋᒐᓱᐤ, ᐊᓐᒡ ᑲ ‍ ᒥᔪᑥᒡ,
\q2 ᐊᓐᒡ ᑭᔭ ᑲ ‍ ᑯᐃᔅᑯᑕᐊᒡ᙮
\q1
\v 5 ᒪᒃ ᐊᓐᒡ ᑲ ‍ ᐱᔅᒐᒡ ᒥᒐᑎᓯᐤ ᐃᓯᑥᐅᓂᔪᐤ,
\q2 ᑎᐸᔨᒋᒐᓱᐤ ᒋᑭ ‍ ᒋᔅᒋᓄᑕᐊᐤ ᒐᒋ ᐎᒐᐛᔨᒋ ᑲ ‍ ᒥᒐᑎᓯᐤ ᐃᑐᑎᒥᔨᒋ᙮
\b
\q1 ᒪᒃ ᒋᔭᒪᔨᑎᒧᐅᓂᔪᐤ ᒋᑭ ‍ ᑥᐅᑕᑯᐤ ᐃᔅᕋᐃᓪ᙮
\c 126
\s2 Psalm 126 (Advent-3, Proper-25 Year B; Lent-5 Year C)
\q1
\v 1 ᐃᔅᐱ ᑎᐸᔨᒋᒐᓱᐤ ᑲ ‍ ᒋᐛᑕᐊᑦ ᑲ ‍ ᒪᑯᓇᑭᓄᐎᔨᒋ ᓴᐃᔭᓂᒡ,
\q2 ᔅᒋ ‍ ᓂᔅᐱᑐᐛᓄᐅᒡ ᐊᐛᓐᒋ ᐊ ‍ ᐳᐛᒧᒡ᙮
\q1
\v 2 ᐊᑯ ᒋᑐᓂᓇᒡ ᓯᔭᑭᔅᒋᓇᒡ ᐸᐳᐅᓐ,
\q2 ᑭᔭ ᒋᑕᔨᔨᓇᒡ ᓂᑭᒧᐅᓐ:
\q1 ᐊᑯ ᑲ ‍ ᐃᑎᑐᒡ ᐊᑲ ᐊᔭᒥᐊᒡ,
\q2 “ᑎᐸᔨᒋᒐᓱᐤ ᒥᔅᑎ ‍ ᒐᒂᔪᐤ ᒋ ‍ ᐃᑐᑎᒧᐛᐤ᙮”
\q1
\v 3 ᑎᐸᔨᒋᒐᓱᐤ ᒥᔅᑎ ‍ ᒐᒂᔪᐤ ᔅᒋ ‍ ᐃᑐᑎᒪᑯᓄᐤ, ᑲ ᐅᒋ ‍ ᓯᒋᔭᓯᔭᐧᒄ᙮
\b
\q1
\v 4 ᒋᐛᔅᑕ ᓂ ‍ ᒥᒪᒋᑯᓂᑯᓯᐅᓂᓇᓇ, ᐅ ᑎᐸᔨᒋᒐᓱᐤ,
\q2 ᒧᔭᒻ ᓯᐱᔭ ᓴᐅᓄᒡ᙮
\q1
\v 5 ᐊᓐᒡ ᑲ ‍ ᐅᒋᑯᐛᐱᒡ ᐊ ‍ ᐅᓯᔄᐛᐱᓂᒐᒡ
\q2 ᒋᑭ ‍ ᒥᔽᔨᑕᒧᒡ ᐊ ‍ ᒪᐛᒋᒐᒡ᙮
\q1
\v 6 ᐊᓐ ᑲ ‍ ᒋᑐᑕᑦ ᐊ ‍ ᐅᒋᑯᐛᐱᑦ,
\q2 ᐊ ‍ ᐱᒧᐅᑕᑦ ᒥᔪ ‍ ᓯᒥᓇ,
\q1 ᒐᔅᑎᓇᔅ ᒋᑭ ᐸᒋ ‍ ᒋᐛᐤ ᐊ ‍ ᒥᔽᔨᑕᐧᒃ,
\q2 ᐊ ‍ ᐸᑕᑦ ᐅᒪᐛᓯᒂᐱᒋᑭᓇ᙮
\c 127
\q1
\v 1 ᒥᓱᐧᒄ ᐊᑲ ᐎᔾ ᐅᓯᑕᑦ ᒥᒋᐛᔪᐤ ᑎᐸᔨᒋᒐᓱᐤ,
\q2 ᓂᑐᐎ ᐃᓯ ᐊᑐᔅᒐᐅᒡ ᐊᓐᒡ ᑲ ‍ ᐅᓯᑕᒡ:
\q1 ᒥᓱᐧᒄ ᑎᐸᔨᒋᒐᓱᐤ ᐊᑲ ᐎᔾ ᑲᓄᐛᔨᑕᒐ ᐅᑕᓇᔪᐤ,
\q2 ᓂᑐᐎ ᐃᓯ ᐊᓱᐛᐳᐤ ᑲ ‍ ᐊᓱᐛᐱᑦ᙮
\q1
\v 2 ᓂᑐᐎ ᒋᑦ ᐃᓯ ‍ ᐅᓂᓇᐛᐤ ᐎᐱᒡ ᐊ ‍ ᒐᒋᓴᐸᔭᒡ,
\q2 ᐊ ‍ ᓂᐸᔭᒄ,
\q2 ᐊ ‍ ᒧᐛᒄ ᒥᑯᔅᑲᑕᔨᑎᒧᐅ ᐸᒂᓯᑭᓐ:
\q2 ᐛᔅ ᐊᐅᑯᓐ ᐊᓯ ‍ ᒥᔭᑦ ᐅᓴᒋᐊᑭᓇ ᒐᒋ ᓂᐸᔨᒋ᙮
\b
\q1
\v 3 ᐛᐸᑎᒧᒃ ᐊᐛᓯᒡ ᑎᐸᔨᒥᑯᐅᒡ ᑎᐸᔨᒋᒐᓱᐛ;
\q2 ᑭᔭ ᒥᔅᐸᔭᒡ ᑲ ‍ ᐅᒋᐱᔨᒡ ᐊᔪᐅᒄ ᐅᒥᔨᐛᐅᓐ᙮
\q1
\v 4 ᒧᔭᒻ ᐊᑭᔅᑯᒡ ᐅᑎᒋᒡ ᑲ ‍ ᓱᐧᑲᑎᓯᑦ ᐃᔪᐤ;
\q2 ᐊᑯ ᒧᔭᒻ ‍ ᐊᐱᔅᑐᐛᓯᓯᒡ᙮
\q1
\v 5 ᒥᔽᔨᒧᐤ ᐊᓇ ᐃᔪᐤ ᑲ ‍ ᓴᑭᔅᒋᓇᔨᒡ ᐅᐱᑕᑥᓐ ᐊᓂᔭᔪᐤ ᐅᒡ:
\q2 ᓇᒪᐎᔾ ᒋᑭ ‍ ᓯᓴᒂᔨᒧᐅᒡ,
\q2 ᒪᒃ ᒋᑭ ‍ ᐃᔨᒪᐅᒡ ᐅᒪᓯᒐᐛ ᒋᒋᐃᔎᑕᒥᒡ᙮
\c 128
\q1
\v 1 ᓱᐛᔨᑕᑯᓱᐤ ᒥᓯᐛ ᑕᑐᐤ ᐊᐛᓐ ᑲ ‍ ᓇᓂᒋᔅᑐᐛᑦ ᑎᐸᔨᒋᒐᓱᐛ;
\q2 ᑲ ‍ ᐱᒧᑕᑎᒺᑦ ᐅᑦ ᐃᑎᓱᐛᐅᓂᔪᐛ᙮
\q1
\v 2 ᐛᔅ ᒋᑭ ‍ ᒥᒋᓐ ᑲ ᐃᓯ ‍ ᐊᑐᔅᒐᔨᓐ ᒋᑎᒋᒡ:
\q2 ᒋᑭ ‍ ᒥᔽᔨᒧᓐ, ᑭᔭ ᒋᑭ ‍ ᒥᔪᐱᔨᐃᑯᓐ᙮
\q1
\v 3 ᒋᐅ ᒋᑭ ‍ ᓂᔅᐱᑐᐛᐤ ᑲ ‍ ᒥᓂᓯᐅᔨᒋ ᓱᒥᓇᑎᒂ
\q2 ᒋᒡ ᒪᓂᑭᓂᒡ:
\q1 ᒋᑦ ᐊᐛᓯᒥᓯᒡ ᒧᔭᒻ ᐱᒥᓂᑕᐅᒋᑕᑭᓇ
\q2 ᐛᔅᑲ ᒋ ‍ ᒥᒋᓱᐛᑭᓇᑎᑯᒡ᙮
\q1
\v 4 ᐛᐸᑎᒥᒄ, ᐊᔪᐅᒄ ᒐ ᐃᓯ ‍ ᓱᐛᔨᑕᑯᓯᑦ
\q2 ᐊᓐ ᐃᔪᐤ ᑲ ‍ ᓇᓂᒋᔅᑐᐛᑦ ᑎᐸᔨᒋᒐᓱᐛ᙮
\b
\q1
\v 5 ᑎᐸᔨᒋᒐᓱᐤ ᒋᑭ ‍ ᓱᐛᔨᑕᑯᔨᒄ ᓴᐃᔭᓂᒡ ᐅᒋ !
\q2 ᑭᔭ ᒋᑭ ‍ ᐛᐸᑕᓐ ᐊ ‍ ᒥᔽᐱᒪᐅᓱᑦ ᒋᕈᓯᓕᒻ ᒥᒄ ᒐ ᐃᔅᐱᔅ ‍ ᐱᒪᑎᓯᔨᓐ !
\q1
\v 6 ᓂᐦᐃ, ᒋᑭ ‍ ᐛᐱᒥᒪᐛ ᒋᑦ ᐊᐛᓯᒥᓯᒡ ᐅᑦ ᐊᐛᓯᒥᓱᐛᐛ !
\b
\q2 ᑭᔭ ᒋᔭᒪᔨᑎᒧᐅᓐ ᐊ ‍ ᑎᒂᒡ ᐃᔅᕋᐃᓕᒡ !
\c 129
\q1
\v 1 ᒥᒐᑥᐤ ᓂᒋ ‍ ᐊᔨᒥᐃᑯᒡ ᑲ ᐸᒋ ‍ ᐅᔅᒋᓂᒋᐅᔭᓐ,
\q2 ᐊᓄᒡ ᒋᑭ ᒋ ‍ ᐃᔅᒋᔄᐱᓐ ᐃᔅᕋᐃᓪ;
\q1
\v 2 ᒥᒐᑥᐤ ᓂᒋ ‍ ᐊᔨᒥᐃᑯᒡ ᑲ ᐸᒋ ‍ ᐅᔅᒋᓂᒋᐅᔭᓐ;
\q2 ᐃᔭᐱᒡ ᒪᒃ ᓇᒪᐎᔾ ᓂᒋ ‍ ᓴᐧᑯᒋᐃᑯᐅᒡ᙮
\q1
\v 3 ᑲ ‍ ᐱᑯᐱᒐᒡ ᒋ ‍ ᐱᑯᐱᒐᐅᒡ ᓂᔅᐱᔅᑯᓂᒡ;
\q2 ᒋ ‍ ᒋᓄᑕᐅᒡ ᐅᑈᐱᒋᑭᓄᐛᐛ᙮
\q1
\v 4 ᑎᐸᔨᒋᒐᓱᐤ ᑯᐃᔅᑯᑕᑎᓯᐤ:
\q2 ᒋ ‍ ᒋᒥᓱᒺᐤ ᐅᓴᔅᑎᒂᔨᐱᒥᔨᐛ ᐅᒥᒋᑥᐛ᙮
\b
\q1
\v 5 ᐊᑯᔅ ᒋᑭ ‍ ᐛᐛᓇᔨᑎᒧᒡ ᑭᔭ ᒋᑭ ‍ ᐊᓴᑲᐳᐅᒡ
\q2 ᑲ ‍ ᐛᐧᑲᑕᒡ ᓴᐃᔭᓂᔪᐤ᙮
\q1
\v 6 ᐊᑯᔅ ᒋᑭ ‍ ᓂᔅᐱᑎᒧᒡ ᒥᔅᑯᓯᔭ ᑕᐧᑯᒡ ᒥᒋᐛᐱᒡ,
\q2 ᑲ ‍ ᐸᔅᑕᔨᒡ ᐊᒺᔭ ᒋᓯ ᓂᑕᐅᒋᓂᔨᒡ;
\q1
\v 7 ᐊᑲ ᓴᑭᔅᒋᓂᑕᑦ ᐅᑎᒋᔭ ᐅᒋᔅᑲᔅᑯᓯᒐᐤ,
\q2 ᐊᑲ ᑭᔭ ᐅᐱᒥᔪᐅᓐ ᐅᒪᐛᓴᒂᔅᑲᐱᒐᐤ᙮
\q1
\v 8 ᓇᒪ ᑭᔭ ᐃᔅᒋᔄᐅᒡ ᐊᓐᒡ ᑲ ‍ ᐱᒧᑕᒡ,
\q2 “ᐅᒥᔽᒋᒧᐛᐅᓐ ᑎᐸᔨᒋᒐᓱᐤ ᒋᑭ ‍ ᐅᑎᑎᑯᐛᓐ:
\q2 ᒋ ‍ ᒥᔽᒋᒥᑎᓇᓐ ᐅᑦ ᐃᓯᓂᐧᑲᓱᐅᓂᒡ ᑎᐸᔨᒋᒐᓱᐤ᙮”
\c 130
\s2 Psalm 130 (Lent-5 Year A; Proper-8 Year B)
\q1
\v 1 ᐊᓐᑕ ᐊ ‍ ᒋᔅᑲᔨᐛᒡ ᔅᒋ ᐅᒋ ‍ ᒪᑕᑎᓐ, ᐅ ᑎᐸᔨᒋᒐᓱᐤ᙮
\q1
\v 2 ᑎᐸᔨᒋᒐᓱᐤ, ᓂᑐᑐᐎ:
\q2 ᐊᑯᔅ ᐃᑎᔅᑕ ᒋᑐᑭᔭ ᒐᒋ ᐸᑎᒥᓐ ᐊ ‍ ᐃᑎᑕᑯᓯᒥᑲᒋ ᓂᓂᑐᑎᒪᒐᐅᓇ᙮
\b
\q1
\v 3 ᐃᔅᐱᔅ ᒋᔾ, ᑎᐸᔨᒋᒐᓱᐤ, ᐎ ᐱᓯᔅᒐᔨᑎᒥᓇ ᒥᒐᑎᓯᐅᓇ,
\q2 ᐅ ᑕᐸᔨᒋᒐᔨᓐ, ᐊᐛᓐ ᒐ ‍ ᓂᐳᐅᑦ ?
\q1
\v 4 ᒪᒃ ᒋ ‍ ᐎᒐᐅᑯᓐ ᐛᐸᔨᑎᒪᒐᐅᓐ,
\q2 ᒐᒋ ᓇᓂᒋᔅᑕᑯᐅᔨᓐ᙮
\b
\q1
\v 5 ᓂᑦ ᐊᓯᓄᐛᐊᐤ ᑎᐸᔨᒋᒐᓱᐤ,
\q2 ᓂᑦ ᐊᒐᐧᒄ ᐊᓯᓄᐛᐊᐤ,
\q2 ᑭᔭ ᐅᑦ ᐃᔨᒧᐅᓐ ᓂᑦ ᐊᔅᐸᔨᒧᑐᑎᒺᓐ᙮
\q1
\v 6 ᓂᑦ ᐊᒐᐧᒄ ᐊᓯᓄᐛᐊᐤ ᑎᐸᔨᒋᒐᓱᐛ,
\q2 ᐅᔅᑕ ᐃᔅᐱᔅ ᐊᓐᒡ ᑲ ‍ ᐊᓱᐛᐸᑕᒡ ᒐᒋ ᒐᒋᓴᐸᔭᔨᒡ:
\q2 ᓂᑦ ᐃᔅᒋᔄᓐ, ᐅᔅᑕ ᐃᔅᐱᔅ ᐊᓐᒡ ᑲ ‍ ᐊᓱᐛᐸᑕᒡ ᒐᒋ ᒐᒋᓴᐸᔭᔨᒡ᙮
\b
\q1
\v 7 ᐊᑯᔅ ᐃᔅᕋᐃᓪ ᒋᑭ ‍ ᐊᔅᐸᔨᒧᑐᑐᐛᐤ ᑎᐸᔨᒋᒐᓱᐛ:
\q2 ᐛᔅ ᑎᐸᔨᒋᒐᓱᐤ ᐊᔭᐤ ᓱᐛᔨᒋᒐᐅᓂᔪᐤ,
\q2 ᑭᔭ ᒥᔅᑎ ᐊᔭᐤ ᐱᒪᒋᐃᐛᐅᓂᔪᐤ᙮
\q1
\v 8 ᑭᔭ ᒋᑭ ‍ ᐱᒪᒋᐊᐤ ᐃᔅᕋᐃᓪ ᐃᔪᐛ ᒥᓯᐛ ᐅᒥᒐᑎᓯᐅᓂᔨᒡ ᐅᒋ᙮
\c 131
\q1
\v 1 ᑎᐸᔨᒋᒐᓱᐤ, ᓂᑕᐃ ᓇᒪᐎᔾ ᒋᔅᑕᔨᒧᒪᑭᓐ,
\q2 ᓇᒪ ᑭᔭ ᓄᑯᓐ ᓂᔅᒋᓯᑯᒡ ᐊ ‍ ᒥᒥᑕᑯᓯᔭᓐ;
\q1 ᓇᒪ ᑭᔭ ᓂ ‍ ᓄᒋᑕᓐ ᒋᒋ ᒐᒂᓇ,
\q2 ᑭᔭ ᒥᒄ ᒐᒂᓐ ᐅᓴᒻ ᑲ ‍ ᒪᒥᔅᑲᓯᓂᒪᓐ᙮
\q1
\v 2 ᒐᔅᑎᓇᔅ ᓂ ‍ ᐃᑈᐧᑲᐅ-ᐃᑎᓐ ᑭᔭ ᓂᒋ ‍ ᒋᔭᒪᐎᓯᓐ,
\q2 ᒧᔭᒻ ᐊᐛᔅ ᑲ ᐳᓂ ‍ ᓄᓴᓂᐃᑯᑦ ᐅᑲᐎᔭ:
\q2 ᓂᑦ ᐊᒐᐧᒄ ᒧᔭᒻ ᑲ ᐳᓂ ‍ ᓄᓴᓂᑦ ᐊᐛᔅ ᐃᓯᓇᑯᓱᐤ᙮
\b
\q1
\v 3 ᐊᑯᔅ ᐃᔅᕋᐃᓪ ᒋᑭ ‍ ᐊᔅᐸᔨᒧᑐᑐᐛᐤ ᑎᐸᔨᒋᒐᓱᐛ,
\q2 ᐊᓄᒡ ᐅᒋ ᑭᔭ ᒧᔅ ᑲᒋᒡ᙮
\c 132
\q1
\v 1 ᑎᐸᔨᒋᒐᓱᐤ, ᒋᔅᒋᑐᐤ ᑎᐱᑦ, ᑭᔭ ᒥᓯᐛ ᐅᒪᒂᔨᑎᒧᐅᓇ᙮
\b
\q1
\v 2 ᑲᒋ ᐃᓯ ‍ ᒋᒋ ᐃᑕᑦ ᑎᐸᔨᒋᒐᓱᐛ,
\q2 ᑭᔭ ᐊᒋ ‍ ᓇᔅᑯᒥᒪᑦ ᑲ ‍ ᓱᐧᑲᑎᓯᔨᒋ ᐅᒋᓴᒪᓂᑐᒥᔪᐛ ᒐᑭᐸ:
\q1
\v 3 “ᒐᔅᑎᓇᔅ ᓇᒪᐎᔾ ᓂᑭ ‍ ᐱᒐᓐ ᐊ ‍ ᒥᒋᐛᐳᐅᒡ ᓂᒡ,
\q2 ᓇᒪ ᑭᔭ ᓂᓂᐸᐅᓂᒡ ᓂᑭ ‍ ᐃᑐᑕᓐ;
\q1
\v 4 ᓇᒪᐎᔾ ᓂᑭ ‍ ᓂᐸᒪᑕᓐ ᓂᔅᒋᓯᒂ,
\q2 ᓇᒪ ᑭᔭ ᓂᑭ ‍ ᓯᐸᔭᔨᑕᓐ;
\q1
\v 5 ᐸᑎᒪ ᒋ ‍ ᒥᔅᑭᒪᓇ ᐊᓐᑕ ᒐ ‍ ᑕᑦ ᑎᐸᔨᒋᒐᓱᐤ,
\q2 ᐊᓐᑕ ᒐ ‍ ᑕᔨᒋ ᑲ ‍ ᓱᐧᑲᑎᓯᔨᒋ ᐅᒋᓴᒪᓂᑐᒪ ᐃᔅᕋᐃᓪ᙮”
\b
\q1
\v 6 ᐛᐸᑎᒥᒄ, ᓂᒋ ‍ ᐸᑕᓇᓐ ᐊᑉᕋᑕᐃᒡ;
\q2 ᓂᒋ ‍ ᒥᔅᑲᓇᓐ ᑕᐧᑯᑕᒥᑎᓐ᙮
\q1
\v 7 “ᓂᑭ ‍ ᐱᑐᒐᐛᓇᓐ ᐅᒥᒋᐛᐱᒥᒡ;
\q2 ᓂᑭ ‍ ᐊᔭᒥᐊᔅᑎᒺᓇᓐ ᐅᑕᐧᑯᔅᑲᒋᑭᓐ᙮
\q1
\v 8 ᐱᓯᑯᐤ, ᐅᑎᐸᔨᒋᒐᓱᐤ, ᒋᑦ ᐊᔽᐳᐅᓂᒡ;
\q2 ᒋᔾ ᑭᔭ ᒋ ‍ ᒥᔅᑯᐅᓯᐅᓐ ᐅᑦ ᐊᕐᑯᒻ᙮
\q1
\v 9 ᐊᑯᔅ ᒋᐱᔅᑎᓂᒐᐅ-ᐃᔨᒥᒡ ᒋᑭ ‍ ᐎᔭᑎᒧᒡ ᑯᐃᔅᑯᑕᑎᓯᐅᓂᔪᐤ;
\q2 ᑭᔭ ᒋᐸᔭᒋᓯᒥᒡ ᒋᑭ ‍ ᒋᔄᐛᐅᒡ ᐊᑕᑈᒡ ᐊ ‍ ᒧᒋᒐᔨᑕᒡ᙮”
\b
\q1
\v 10 ᒋᑦ ᐊᑐᔅᒐᔭᑭᓐ ᑎᐱᑦ ᐅᒡ,
\q2 ᐊᑲᐎᔾ ᒂᔅᒋᓂᒻ ᐅᑕᔅᑎᒥᐧᒄ ᒋᑦ ᐊᐱᒋᐊᑭᓐ᙮
\b
\q1
\v 11 ᑎᐸᔨᒋᒐᓱᐤ ᒋ ‍ ᒋᒋ ᐃᑕᐤ ᑕᑈᐅᓂᒡ ᑎᐱᑕ;
\q2 ᓇᒪᐎᔾ ᒋᑭ ‍ ᒂᔅᒐᔨᑎᒻ;
\q2 “ᒋᔭᒡ ᒐ ‍ ᐅᒋᐱᔨᒡ ᓂᑭ ‍ ᐅᐛᔨᐱᐊᐤ ᒋᒋᓴᐅᒋᒪᐤ ᑕᑎᐳᐛᑭᓂᒡ᙮
\q1
\v 12 ᐃᔅᐱᔅ ᒋᑦ ᐊᐛᓯᒥᓯᒡ ᑭᓄᐛᔨᑕᒂᐛ ᓂᓂᔅᑯᒥᑐᐅᓂᔪᐤ,
\q2 ᑭᔭ ᓂᑎᐸᒋᒧᐅᓂᔪᐤ ᒐ ‍ ᒋᔅᑯᑎᒧᐅᒂᐤ;
\q2 ᐅᑦ ᐊᐛᓯᒧᐛᐛ ᐊᓯᒡ ᒋᑭ ‍ ᐊᐱᔪᐛ ᒋᒋᓴᐅᒋᒪᐅ-ᑕᑎᐳᐛᑭᓂᒡ ᑲᒋᒡ᙮”
\b
\q1
\v 13 ᐛᔅ ᑎᐸᔨᒋᒐᓱᐤ ᒋ ‍ ᐅᐛᔭᐸᑎᒻ ᓴᐃᔭᓂᔪᐤ:
\q2 ᒋ ‍ ᓂᑐᐛᔨᑎᒻ ᐊᓐᑕ ᒐᒋ ᐎᒋᑦ᙮
\q1
\v 14 “ᐊᐅᒄ ᐅ ᓂᑦ ᐊᔽᐳᐅᓐ ᒧᓯᓇᐤ:
\q2 ᐅᑕ ᓂᑭ ‍ ᑕᓐ; ᐛᔅ ᓂ ‍ ᓂᑐᐛᔨᑕᓐ᙮
\q1
\v 15 ᒥᔅᑎᐃ ᓂᑭ ‍ ᒥᔽᒋᑎᒺᓐ ᐅᒥᒋᒻ:
\q2 ᓂᑭ ‍ ᒋᔅᐳᐃᒪᐛ ᐅᒋᔅᑎᒪᒋᓯᒪ ᐸᒂᓯᑭᓇ ᐅᒡ᙮
\q1
\v 16 ᑭᔭ ᐱᒪᒋᐃᐛᐅᓂᔪᐤ ᓂᑭ ‍ ᒋᔅᑭᒧᑎᔨᒪᐛ ᐅᐱᔅᑎᓂᒐᐅ-ᐃᔨᒪ:
\q2 ᑭᔭ ᐅᐸᔭᒋᓯᒪ ᒋᑭ ‍ ᒋᔄᐛᔪᐛ ᐊᑕᑈᔨᒋ ᐊ ‍ ᒧᒋᒐᔨᑎᒥᔨᒋ᙮
\b
\q1
\v 17 ᐊᑯᑕ ᒐ ‍ ᐃᑐᑎᒪᓐ ᐅᑦ ᐊᔅᑭᓐ ᑎᐱᑦ ᒐᒋ ᓴᒋᓂᑕᐅᒋᓂᔨᒡ:
\q2 ᓂᑭ ‍ ᐎᔨᔅᑎᒧᐛᐤ ᐛᔅᑕᓂᐱᒪᑭᓂᔪᐤ ᓂᑐᒥᔅᑯᓂᑭᓐ᙮
\q1
\v 18 ᐊᓂᔭ ᑲ ‍ ᐛᐧᑲᑎᑯᑦ ᓂᑭ ‍ ᒋᔅᑲᒧᑎᔨᒪᐛ ᓴᒂᔨᒧᐅᓂᔪᐤ;
\q2 ᒪᒃ ᐎᔾ ᐅᔅᑎᒂᓂᒡ ᐅᒋᓴᐅᒋᒪᐅᑯᓂᔎᐅᓐ ᒋᑭ ‍ ᒥᔪᓇᑯᓂᔪᐤ᙮”
\c 133
\s2 Psalm 133 (Easter-2 Year B; Proper-15 Year A)
\q1
\v 1 ᐛᐸᑎᒥᒄ, ᐊᔅᐱᔅ ᒥᔽᓯᔨᒡ ᑭᔭ ᒥᔪᓇᑯᓂᔨᒡ
\q2 ᑲᐎᐧᑲᓂᓯᑕᑐᒡ ᒐᒋ ᐎᒋᒥᑐᒡ ᐊ ‍ ᐸᐃᑯ ᒥᑐᓇᔨᒋᑭᓂᒡ᙮
\q1
\v 2 ᒧᔭᒻ ᑲ ‍ ᒥᔽᓯᒡ ᑐᒥᔅᑯᐅᓐ ᒥᔅᑎᒂᓂᒡ ᐃᓯᓇᑯᓐ,
\q2 ᑲ ‍ ᐃᔭᓯᑯᐅᒡ ᒥᔅᑐᐛᓂᒡ,
\q2 ᐊᕈᓐ ᐅᑦ ᐅᒥᔅᑐᐛᓂᒡ;
\q2 ᑲ ᐃᓯ ‍ ᐃᔭᓯᑯᐎᔨᒡ ᐊ ‍ ᐛᓂᔎᑭᓂᔨᒋ ᐅᑦ ᐊᐱᒋᑕᐅᓂᒡ:
\q1
\v 3 ᒧᔭᒻ ᐊᑯᔅᒋᐸᔭᒡ ᐦᐊᕐᒧᓐ,
\q2 ᑭᔭ ᒧᔭᒻ ᐊᑯᔅᒋᐸᔭᒡ ᑲ ‍ ᐃᔭᓯᑯᐅᒡ ᓴᐃᔭᓐ ᐱᔅᑯᑎᓇᒡ;
\q2 ᐛᔅ ᐊᑯᑕ ᑎᐸᔨᒋᒐᓱᐤ ᐊᑕᓱᐛᑕᑦ ᐅᒥᔽᒋᒧᐛᐅᓐ,
\q2 ᐱᒪᑎᓯᐅᓐ ᐅᑦ ᑲᒋᒡ᙮
\c 134
\q1 \v1 ᐛᐸᑎᒥᒄ, ᒪᒥᒋᒥᐧᒄ ᑎᐸᔨᒋᒐᓱᐤ, ᒥᓯᐛ ᒋᔨᐛᐤ ᐅᑦ ᐊᑐᔅᒐᔭᑭᓇ ᑎᐸᔨᒋᒐᓱᐤ;
\q2 ᑕᐱᔅᑲᒋ ᑲ ‍ ᓂᐳᐅᔭᒄ ᐎᒋᒡ ᑎᐸᔨᒋᒐᓱᐤ᙮
\q1
\v 2 ᐅᐱᓂᔅᒐᔨᒃ, ᐸᔭᒋ-ᒥᒋᐛᐱᒡ,
\q2 ᑭᔭ ᒪᒥᒋᒥᐧᒄ ᑎᐸᔨᒋᒐᓱᐤ !
\b
\q1
\v 3 ᑎᐸᔨᒋᒐᓱᐤ, ᑲ ‍ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ,
\q2 ᓴᐃᔭᓂᒡ ᒋᑭ ᐅᒋ ‍ ᒥᔽᒋᒥᒄ᙮
\c 135
\q1
\v 1 ᒪᒥᒋᒥᐧᒄ ᑎᐸᔨᒋᒐᓱᐤ !
\b
\q2 ᒪᒥᒋᑕᒺᒄ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ;
\q2 ᒪᒥᒋᒥᐧᒄ, ᐅ ᒋᔨᐛᐤ ᐅᑦ ᐊᑐᔅᒐᔭᑭᓇ ᑎᐸᔨᒋᒐᓱᐤ᙮
\q1
\v 2 ᒋᔨᐛᐤ ᑲ ‍ ᓂᐳᐅᔭᒄ ᐎᒋᒡ ᑎᐸᔨᒋᒐᓱᐤ,
\q2 ᒪᐅᒋᐃᑐᐅᒋᐛᐱᒡ ᐅ ᒥᒋᐛᐱᒥᒡ ᒋ ‍ ᒋᓴᒪᓂᑐᒥᓇᐤ᙮
\b
\q1
\v 3 ᒪᒥᒋᒥᐧᒄ ᑎᐸᔨᒋᒐᓱᐤ;
\q2 ᐛᔅ ᑎᐸᔨᒋᒐᓱᐤ ᒥᔽᑎᓯᐤ:
\q1 ᐊ ‍ ᓂᑭᒧᔭᒄ ᒪᒥᒋᑕᒺᐧᒄ ᐅᑦ ᐃᓯᓂᐧᑲᓱᐅᓐ;
\q2 ᐛᔅ ᒥᔽᔨᑕᑯᓐ᙮
\q1
\v 4 ᐛᔅ ᑎᐸᔨᒋᒐᓱᐤ ᒋ ‍ ᐛᐛᔭᐸᑎᒪᓱᐤ ᒐᑭᐸ,
\q2 ᑭᔭ ᐃᔅᕋᐃᓚ ᒐᒋ ᐅᒋ ‍ ᐛᔪᑎᓯᐅᓂᑦ᙮
\b
\q1
\v 5 ᐛᔅ ᓂ ‍ ᒋᔅᒐᔨᑕᓐ ᑎᐸᔨᒋᒐᓱᐤ ᐊ ‍ ᒋᔅᑎᓯᑦ,
\q2 ᑭᔭ ᒋᑎᐸᔨᒋᒐᓯᒥᓄᐤ ᐊ ‍ ᐊᔭᐛᒋᔅᑯᐛᑦ ᒥᓯᐛ ᒥᓂᑐᐛ᙮
\q1
\v 6 ᐊ ᐃᓯ ‍ ᒥᔽᔨᑕᐧᒃ ᑎᐸᔨᒋᒐᓱᐤ,
\q2 ᐊᔪᐅᒄ ‍ ᑲ ‍ ᐃᑐᑕᐧᒃ ᒋᒋᒋᓯᑯᒡ ᑭᔭ ᐊᔅᒋᒡ,
\q2 ᑭᔭ ᐎᓂᐸᑯᒡ, ᑭᔭ ᒥᓯᐛ ᐊ ‍ ᒋᔅᑲᔪᐛᔨᒡ
\q1
\v 7 ᐃᓯᑕᐤ ᐊ ‍ ᓂᐱᐛᐸᑕᔨᒡ ᒐᒋ ᐃᔅᐸᒐᐱᔨᒋ ᐊ ‍ ᐃᔎᔅᑭᒥᑲᔨᒡ ᐅᒡ,
\q2 ᐛᐛᔅᑕᐸᔨᑕᐤ ᐊ ‍ ᒋᒧᓂᔨᒡ;
\q2 ᔪᑎᓂᑕᐤ ᐅᑦ ᐊᔅᑕᓱᐅᒋᐛᐱᒡ ᐅᒡ᙮
\b
\q1
\v 8 ᑲ ‍ ᓂᐸᐊᑦ ᓂᔅᑎᒧᓴᓇ ᐃᒋᑉᑎᒡ,
\q2 ᐃᔪᐛ ᑭᔭ ᐊᐛᓯᓴ᙮
\q1
\v 9 ᑲ ‍ ᐃᓯᑎᒪᔅᒃ ᒋᔅᒋᓄᐛᒋᒋᑭᓇ ᑭᔭ ᑲ ‍ ᒪᒥᔅᑲᒡ ᒐᒂᔪᐛ ᑕᑕᐅᒡ ᐊᓐᑕ ᐊ ‍ ᑕᔨᓐ, ᐅ ᐃᒋᑉᑦ,
\q2 ᐸᕈᐊ, ᑭᔭ ᒥᓯᐛ ᐅᑦ ᐊᑐᔅᒐᔭᑭᓂᔪᐛ᙮
\q1
\v 10 ᑲ ‍ ᐎᔭᔅᑐᑐᐛᑦ ᑲ ‍ ᒋᔅᑎᓯᔨᒋ ᐊ ‍ ᐃᑎᔅᑲᓇᓯᔨᒋ ᐃᔪᐛ,
\q2 ᑭᔭ ᑲᓂᐸᐊᑦ ᑲ ‍ ᓱᐧᑲᑎᓯᔨᒋ ᒋᓴᐅᒋᒪᐛ;
\q1
\v 11 ᓯᐦᐅᓇ ᐊᒧᕆ ᐃᔪᐛ ᐅᒋᓴᐅᒋᒪᒥᔪᐛ,
\q2 ᑭᔭ ᐅᑲ ᐸᓴᓐ ᒋᓴᐅᒋᒪᐛ ᑭᔭ ᒥᓯᐛ ᐅᒋᒪᐅᓇ ᑲᐃᓇᓂᒡ:
\q1
\v 12 ᑭᔭ ᑲ ‍ ᒥᔭᑦ ᐅᑦ ᐊᔅᒋᔪᐤ ᒐᒋ ᑎᐱᔨᐛᐅᓯᔨᒋ,
\q2 ᒐᒋ ᑎᐱᔨᐛᐅᓯᔨᒋ ᐅᑦ ᐃᔨᒪ ᐃᔅᕋᐃᓚ᙮
\b
\q1
\v 13 ᒋᑦ ᐃᓯᓂᑲᓯᐅᓐ, ᐅ ᑎᐸᔨᒋᒐᓱᐤ, ᑲᒋᒡ ᑎᒂᓐ;
\q2 ᑭᔭ ᒋ ‍ ᒋᔅᒋᑐᑕᑯᓯᐅᓐ, ᐅ ᑎᐸᔨᒋᒐᓱᐤ, ᒥᓯᐛ ᒐ ᐊᑎ ᐊᓂᔅᒐ ‍ ᐱᒪᑎᓯᓇᓄᐅᒡ᙮
\q1
\v 14 ᐛᔅ ᑎᐸᔨᒋᒐᓱᐤ ᒋᑭ ‍ ᑎᐸᔅᑯᓇᐤ ᐅᑦ ᐃᔨᒪ,
\q2 ᑭᔭ ᒋᑭ ‍ ᒥᑕᒋᔨᐛᐃᑎᓱᐤ ᐅᑦ ᐊᑐᔅᒐᔭᑭᓇ ᐅᒡ᙮
\b
\q1
\v 15 ᐅᒥᓂᑐᐧᑲᓂᒧᐛᐛ ᐊᑲ ᐊᔭᒥᐊᒡ ᓱᓇᔭᐱᔅᑯᐎᔪᐛ ᑭᔭ ᐎᔄᐅᓱᓇᔭᐱᔅᑯᐎᔪᐛ,
\q2 ᑲ ‍ ᐅᓯᐊᒡ ᐃᔪᒡ᙮
\q1
\v 16 ᐅᑐᓂᐛᒡ, ᒪᒃ ᓇᒪᐎᔾ ᐃᔨᒧᐅᒡ;
\q2 ᐅᔅᒋᓯᑯᐛᒡ, ᒪᒃ ᓇᒪᐎᔾ ᐛᐸᑎᒧᒡ᙮
\q1
\v 17 ᐎᑐᑲᐛᒡ, ᒪᒃ ᓇᒪᐎᔾ ᐸᑎᒧᒡ;
\q2 ᓇᒪ ᑭᔭ ᐅᔭᔭᐅᓄᐅᒡ ᐅᑐᓄᐛᒡ᙮
\q1
\v 18 ᐊᓐᒡ ᑲ ‍ ᐅᓯᐊᒡ ᓇᔅᐱᑐᐛᐅᒡ;
\q2 ᑭᔭ ᒥᓯᐛ ᑕᑐᐤ ᐊᐛᓐ ᑲ ‍ ᒪᒥᓯᑐᑐᐛᑦ᙮
\b
\q1
\v 19 ᒪᒥᒋᒥᐧᒄ ᑎᐸᔨᒋᒐᓱᐤ, ᐅ ᑲ ‍ ᑎᓯᔨᓐ ᐃᔅᕋᐃᓪ;
\q2 ᒪᒥᒋᒥᐧᒄ ᑎᐸᔨᒋᒐᓱᐤ, ᐅ ᑲ ‍ ᑎᓯᔨᓐ ᐊᕋᓐ:
\q1
\v 20 ᒪᒥᒋᒥᐧᒄ ᑎᐸᔨᒋᒐᓱᐤ, ᐅ ᑲ ‍ ᑎᓯᔨᓐ ᓕᐸᐃ:
\q2 ᒋᔨᐛᐤ ᑲ ‍ ᓇᓂᒋᔅᑐᐛᒄ ᑎᐸᔨᒋᒐᓱᐤ, ᒪᒥᒋᒥᐧᒄ ᑎᐸᔨᒋᒐᓱᐤ !
\q1
\v 21 ᒋᑭ ᐎ ‍ ᒪᒥᒋᑕᑯᓱᐤ ᑎᐸᔨᒋᒐᓱᐤ ᓴᐃᔭᓂᒡ ᐅᒡ,
\q2 ᑲ ‍ ᐎᒋᑦ ᒋᕈᓯᓕᒥᒡ᙮
\b
\q1 ᒪᒥᒋᒥᐧᒄ ᑎᐸᔨᒋᒐᓱᐤ !
\c 136
\q1
\v 1 ᐅ ᓂᓇᔅᑯᒥᐧᒄ ᑎᐸᔨᒋᒐᓱᐤ: ᐛᔅ ᒥᔽᑎᓯᐤ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\q1
\v 2 ᐅ ᓂᓇᔅᑯᒥᐧᒄ ᑎᐸᔨᒋᒐᓱᐤ ᑲ ‍ ᐅᒋᓴᒪᓂᑐᒥᑕᑯᑦ ᒥᓂᑐᐛ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\q1
\v 3 ᐅ ᓂᓇᔅᑯᒥᐧᒄ ᑕᐸᔨᒪᑦ ᑲ ‍ ᑎᐸᔨᒋᒐᔨᒋ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\b
\q1
\v 4 ᐊᓐ ᐎᔾ ᒥᒄ ᑲ ‍ ᒪᒪᑕᐤ ᐃᔨᑎᑦ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\q1
\v 5 ᐊᓐ ᐅᑭᒐᑕᐛᔨᑎᒧᐅᓂᒡ ᑲ ‍ ᐅᓯᑕᑦ ᒋᓯᒂ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\q1
\v 6 ᐊᓐ ᑲ ‍ ᑕᑎᔅᑕᑦ ᐊᔅᒋᔪᐤ ᑕᐧᑯᒡ ᓂᐱᒡ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\q1
\v 7 ᐊᓐ ᑲ ‍ ᐅᓯᑕᑦ ᒋᒋᐛᔅᑕᓂᐱᒪᑭᓇ:
\q2 ᐛᔅ ᐅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\q1
\v 8 ᐱᓯᒺ ᒐᒋ ᑎᐸᔨᑎᒥᔨᒋ ᐊ ‍ ᒋᓯᑲᔨᒡ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\q1
\v 9 ᑎᐱᔅᑲᐤ ᐱᓯᒺ ᑭᔭ ᐅᒐᑭᑕᒂ ᒐᒋ ᑎᐸᔨᑎᒥᔨᒋ ᐊ ‍ ᑎᐱᔅᑲᔨᒡ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\b
\q1
\v 10 ᐊᓐ ᑲ ‍ ᓂᐸᐊᑦ ᐃᒋᑉᑦ ᓂᔅᑎᒧᓴᓇ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ;
\q1
\v 11 ᐊᓐᑕ ᐊ ‍ ᑕᔨᒋ ᒪᒃ ᑲ ᐅᒋ ᐎᐎᑕᐊᑦ ᐃᔅᕋᐃᓚ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\q1
\v 12 ᐊ ‍ ᒥᔅᑯᐎᐅᑎᒋᑦ, ᑭᔭ ᐊ ‍ ᓱᐅᓂᔅᒐᔨᑦ:
\q2 ᐛᔅ ᐅᓱᐛᔨᒋᒐᐅᓐ ᑲᒋᒡ ᐱᒥᐱᔪᐤ᙮
\b
\q1
\v 13 ᐊᓐ ᑲᒋ ‍ ᐸᐸᔅᒋᑎᓇᐧᒃ ᒥᒂᑭᒥ ᐎᓂᐸᑯᔪᐤ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ;
\q1
\v 14 ᑭᔭ ᑲ ‍ ᓴᐳᐛᑕᐊᑦ ᐃᔅᕋᐃᓚ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ:
\q1
\v 15 ᒪᒃ ᑲ ‍ ᒂᑎᐱᐛᐸᐛᑦ ᐸᕈᐛ ᑭᔭ ᐅᓂᑐᐱᔪᐅ-ᐃᔨᒥᔪᐛ ᒥᒂᑭᒥ ᐎᓂᐸᑯᒡ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\b
\q1
\v 16 ᐊᓐ ᑲ ‍ ᓴᐳᐛᑕᐊᑦ ᐅᑦ ᐃᔨᒪ ᐸᐧᑯᑎᔅᑭᒥᑲᒡ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\q1
\v 17 ᐊᓐ ᑲ ‍ ᐎᔭᔅᑐᑐᐛᑦ ᑲ ‍ ᒋᔅᑎᓯᔨᒋ ᒋᓴᐅᒋᒪᐛ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\q1
\v 18 ᑭᔭ ᑲ ‍ ᓂᐸᐊᑦ ᑲ ‍ ᓱᐧᑲᑎᓯᔨᒋ ᒋᓴᐅᒋᒪᐛ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ:
\q1
\v 19 ᓯᐦᐅᓇ ᐅᒋᓴᐅᒋᒪᒥᔪᐛ ᐊᒧᕆ ᐃᔪᐛ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\q1
\v 20 ᑭᔭ ᐅᒃ ᐸᓴᓐ ᒋᓴᐅᒋᒪᐛ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\q1
\v 21 ᑭᔭ ᑲᒋ ‍ ᒥᔨᒥᒪᑦ ᐅᑦ ᐊᔅᒋᔪᐤ ᒐᒋ ᑎᐱᔨᐛᐅᓯᓇᓂᐎᔨᒡ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\q1
\v 22 ᒐᒋ ᑎᐱᔨᐛᐅᓯᔨᒋ ᐅᑦ ᐊᑐᔅᒐᔭᑭᓇ ᐃᔅᕋᐃᓚ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\b
\q1
\v 23 ᑲ ‍ ᒋᔅᒋᑐᑕᑕᐧᒄ ᒋ ‍ ᑎᐱᑕᔨᑕᑯᓯᐅᓂᓇᒡ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ;
\q1
\v 24 ᑭᔭ ᑲ ‍ ᐱᒪᒋᐃᑕᐧᒄ ᑲ ‍ ᐅᐧᑲᑎᔨᑕᐧᑯᐤ ᐅᒡ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\q1
\v 25 ᑲ ‍ ᐊᓯᒪᑦ ᒥᓯᐛ ᑲ ‍ ᐎᔭᓯᔨᒋ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\b
\q1
\v 26 ᐅ ᓂᓇᔅᑯᒥᐧᒄ ᒋᓴᒪᓂᑐᐤ ᒋᒋᒋᓯᑯᒡ ᐊ ‍ ᑕᑦ:
\q2 ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮
\c 137
\s2 Psalm 137 (Proper-22 Year C)
\q1
\v 1 ᒋᒋᐸᒡ ᐸᐱᓚᓐ ᓯᐱᒡ,
\q2 ᐊᑯᑕ ᑲ ‍ ᐊᐱᔭᒡ,
\q1 ᓂᐦᐃ, ᓂᒋ ‍ ᒪᓇᓐ,
\q2 ᐃᔅᐱ ᒐᔅᒋᑎᒪᒡ ᓴᐃᔭᓐ᙮
\q1
\v 2 ᓂᐱᓯᒡ ᓂᒋ ‍ ᐊᑯᑕᓇᓐ ᓂᒋᔍᐛᐱᒋᑭᓂᒥᓇᓇ ᐊᓐᑕ ᑲ ‍ ᓂᑕᐅᒋᒋ᙮
\q1
\v 3 ᐛᔅ ᐊᓐᒡ ᑲ ‍ ᐃᑐᑕᐃᔨᒥᒡ ᒐ ‍ ᒪᒪᒋᑯᓂᑯᐅᒋᒡ ᓂᒋ ‍ ᓂᑐᐛᔨᑎᒪᑯᓇᓐᒡ ᓂᑭᒧᐅᓂᔪᐤ;
\q2 ᐊᓐᒡ ᑭᔭ ᑲ ‍ ᒪᔅᑎᓂᔨᒥᒡ ᓂᒋ ‍ ᓂᑐᐛᔨᒥᑯᓇᓐᒡ ᒐᒋ ᒧᒋᒐᔨᑎᒪᒡ, ᐊ ‍ ᐃᔅᒋᔄᒡ,
\q2 “ᓂᑭᒧᔅᑎᒧᐅᓇᓐ ᐸᐃᒄ ᓴᐃᔭᓐ ᓂᑭᒧᐅᓐ !”
\b
\q1
\v 4 ᑕᓐ ᒐ ᐃᓯ ‍ ᓂᑭᒧᐅᒋᒡ ᑎᐸᔨᒋᒐᓱᐤ ᐅᓂᑭᒧᐅᓐ ᒪᓐᑕᐤ ᐊᔅᒋᒡ ?
\q1
\v 5 ᐃᔅᐱᔅ ᐅᓂᒋᔅᒋᑕᑕᓇ, ᐅ ᒋᕈᓯᓕᒻ,
\q2 ᐊᑯᔅ ᓂᒥᔪᐅᓂᒡ ᒋᑭ ‍ ᐅᓂᒋᔅᒋᓯᒥᑭᓐ ᐊ ᐃᓯ ‍ ᒥᔪ ᐊᐱᑎᓯᒥᑲᒡ᙮
\q1
\v 6 ᐃᔅᐱᔅ ᐊᑲ ᒋᔅᒋᑕᑕᓇ, ᐊᑯᔅ ᓂᑕᔨᔾ ᒋᑭ ‍ ᐸᓯᑯᒧ ᓂᑐᓂᒡ;
\q2 ᐃᔅᐱᔅ ᐊᑲ ᐊᔪᐛᒃ ᓴᒋᑕᔭᓐ ᒋᕈᓯᓕᒻ ᐃᔅᐱᔅ ᓂ ᒋᒋ ‍ ᒥᔽᔨᑎᒧᐅᓐ᙮
\b
\q1
\v 7 ᒋᔅᒋᓯ, ᐅ ᑎᐸᔨᒋᒐᓱᐤ, ᐅᑦ ᐊᐛᓯᒥᓴ ᐃᑕᒻ ᒪᒂᒡ ᑲ ‍ ᐅᒋᓯᑲᒥᑦ ᒋᕈᓯᓕᒻ;
\q2 ᑲ ‍ ᐃᔅᒋᔄᒡ, “ᓂᒋᐛᐸᐊᒥᒄ,
\q2 ᓂᒋᐛᐸᐊᒥᒄ, ᐊᓯᒡ ᐊ ᐃᓯ ‍ ᓱᐧᑲᔅᑕᒡ !”
\b
\q1
\v 8 ᐅ ᐅᑕᓂᓴ ᐸᐱᓚᓐ, ᒐ ‍ ᓂᓱᐅᓇᒋᐃᑯᐅᔨᓐ;
\q2 ᒋᑭ ‍ ᒥᔽᔨᒧᐤ ᐊᓐ ᑲ ‍ ᑎᐸᐊᒪᔅᒃ,
\q2 ᒧᔭᒻ ᑲ ‍ ᐃᑐᑐᐅᔭᒡ᙮
\q1
\v 9 ᒋᑭ ‍ ᒥᔽᔨᒧᐤ ᐊᓐ ᒐ ‍ ᐅᑎᓇᑦ
\q2 ᑭᔭ ᒐ ‍ ᐸᐸᐧᑲᐱᔅᒋᓯᒪᑦ ᒋᑦ ᐊᐛᓯᒥᓴ᙮
\c 138
\s2 Psalm 138 (Epiphany-5 Year C)
\q1
\v 1 ᒋᑭ ‍ ᒪᒥᒋᒥᑎᓐ ᒥᓯᐛ ᓂᑕᐃᒡ:
\q2 ᐅᑎᔅᑯᐤ ᒥᓂᑐᐅᒡ ᐊ ‍ ᓂᑭᒧᔭᓐ ᒋᑭ ‍ ᒪᒥᒋᒥᑎᓐ᙮
\q1
\v 2 ᓂᑭ ‍ ᐅᒋᒋᐧᑯᓂᐱᔅᑕᓐ ᒋ ᐸᔭᒋ ‍ ᒋᓴᐊᔭᒥᐊᐅᒋᐛᑉ,
\q2 ᑭᔭ ᓂᑭ ‍ ᒋᔅᑕᑐᑕᓐ ᒋᑦ ᐃᓯᓂᐧᑲᓱᐅᓐ ᒋ ‍ ᓴᒋᐃᐛᐤ ᒋᓴᐛᑎᓯᐅᓐ ᑭᔭ ᒋᑕᑈᐅᓐ ᐅᒡ:
\q2 ᐛᔅ ᒋ ‍ ᒋᐧᑲᔭᑐᑕᓐ ᒋᑦ ᐃᔨᒧᐅᓐ ᐃᔅᐱᔅ ᒥᓯᐛ ᒋᑦ ᐃᓯᓂᐧᑲᓱᐅᓐ᙮
\q1
\v 3 ᐊᓐ ᒐᓯᑲᒡ ᐃᔅᐱ ᑲ ‍ ᒪᑕᑕᓐ ᔅᒋ ‍ ᓂᔅᑯᒥᓐ,
\q2 ᑭᔭ ᔅᒋ ‍ ᒥᔅᑯᐧᓯᔨᓐ ᓂᑦ ᐊᒐᐧᑯᒡ ᒥᔅᑯᐅᓯᐅᓐ ᐅᒋ᙮
\b
\q1
\v 4 ᒥᓯᐛ ᒋᓴᐅᒋᒪᐅᒡ ᐊᔅᒋᒡ ᒋᑭ ‍ ᒪᒥᒋᒥᑯᒡ, ᐅ ᑎᐸᔨᒋᒐᓱᐤ,
\q2 ᐃᔅᐱ ᐸᑕᒂᐛ ᒋᑦ ᐃᔨᒧᐅᓇ ᒋᑐᓂᒡ ᑲ ‍ ᐅᒋᐱᔨᒋ᙮
\q1
\v 5 ᓂᐦᐃ, ᒋᑭ ‍ ᓂᑭᒧᐅᒡ ᐅᑦ ᐃᓯᑥᐅᓂᔨᒡ ᑎᐸᔨᒋᒐᓱᐛ:
\q2 ᐛᔅ ᒋᒋᐃᑕᔨᑕᑯᓂᔪᐤ ᐅᒋᔅᑕᔨᑕᑯᓱᐅᓐ ᑎᐸᔨᒋᒐᓱᐤ᙮
\b
\q1
\v 6 ᐊᑎ ᐊ ‍ ᒋᔅᑎᓯᑦ ᑎᐸᔨᒋᒐᓱᐤ,
\q2 ᐃᔭᐱᒡ ᐱᔅᒐᔨᒪᐤ ᑲ ‍ ᑎᐱᑕᔨᒥᓱᔨᒋ:
\q2 ᒪᒃ ᐅᒋᔅᑕᔨᒧᐛ ᐛᔪᐤ ᐅᒋ ᒋᔅᒐᔨᒪᐤ᙮
\q1
\v 7 ᐊᑎ ᑕᑕᐅᒡ ᐊᔨᒥᓯᐅᓂᒡ ᐱᒧᑕᔭᓐ, ᒋᑭ ‍ ᒋᓯᐎᓯᔨᓐ:
\q2 ᒋᑭ ‍ ᓱᐅᓂᔅᒐᔨᔅᑕᒺᓐ ᐅᑦ ᐊᐧᑯᔪᐛᓱᐅᓄᐛᐤ ᑲ ‍ ᐛᐧᑲᓯᒡ, ᑭᔭ ᒋᒥᔪᐅᓐ ᓂᑭ ‍ ᐱᒪᒋᐃᑯᓐ᙮
\q1
\v 8 ᑎᐸᔨᒋᒐᓱᐤ ᒋᑭ ‍ ᒋᔅᑕᐤ ᑲ ᐃᓯ ‍ ᓂᑐᐛᔨᑕᑯᓱᐅᒡ:
\q2 ᒋᔅᑎᒪᒐᔨᒋᒐᐅᓐ, ᐅ ᑎᐸᔨᒋᒐᓱᐤ ᑲᒋᒡ ᐱᒥᐱᔪᐤ:
\q2 ᐊᑲᐎᔾ ᐛᐱᓇ ᒋᑦ ᐊᑐᔅᒐᐅᓐ ᑎᐱᔨᐛ ᒋᑎᒋᒡ᙮
\c 139
\s2 Psalm 139:1-6, 13-18 (Epiphany-2 Year B)
\s2 Psalm 139:1-12, 23-24 (Proper-11 Year A)
\q1
\v 1 ᐅ ᑎᐸᔨᒋᒐᓱᐤ, ᔅᒋ ‍ ᑯᒋᐃᓐ,
\q2 ᑭᔭ ᒋᔅᒐᔨᒥᓐ᙮
\q1
\v 2 ᒋ ‍ ᒋᔅᒐᔨᑕᓐ ᐊ ‍ ᐊᐱᔭᓐ ᑭᔭ ᐊ ‍ ᐱᓯᑯᔭᓐ;
\q2 ᒋ ‍ ᓂᔅᑐᑕᓐ ᑲ ‍ ᐃᑕᔨᑎᒪᓐ ᐛᔪᐤ ᐅᒡ᙮
\q1
\v 3 ᒋ ‍ ᐛᔅᑲᔅᑲᓐ ᓂᒪᔅᑭᓇᒻ ᑭᔭ ᓂᐱᒥᓯᓄᐅᓐ,
\q2 ᒋ ‍ ᒋᔅᒐᔨᑕᓐ ᑭᔭ ᒥᓯᐛ ᓂᑦ ᐃᓯᑥᐅᓇ᙮
\q1
\v 4 ᐛᔅ ᓇᒪ ᑎᒂᓐ ᐃᔨᒧᐅᓐ ᓂᑕᔨᔨᒡ,
\q2 ᒪᒃ, ᐛᐸᑕ, ᐅ ᑎᐸᔨᒋᒐᓱᐤ, ᓇᔅᒡ ᒋ ‍ ᒋᔅᒐᔨᑕᓐ᙮
\b
\q1
\v 5 ᔅᒋ ‍ ᐊᔅᑯᐅᓐ ᐅᑕᒡ ᑭᔭ ᓂᑲᓄᒡ,
\q2 ᑭᔭ ᔅᒋ ‍ ᒥᒋᒥᓐ᙮
\q1
\v 6 ᐊᑯ ᐅ ᒋᔅᒐᔨᑎᒧᐅᓐ ᐅᓴᒻ ᒪᒥᔅᑲᑕᔨᑕᑯᓐ ᓂᔾ ᐅᒡ:
\q2 ᐃᔅᐸᔨᑕᑯᓐ, ᓇᒪᐎᔾ ᓂᑭ ᒋ ᑕᐱ ‍ ᒋᔅᒐᔨᑕᓐ᙮
\b
\q1
\v 7 ᑕᓐᑕ ᒐ ᐃᓯ ‍ ᓂᑭᑎᒃ ᒋᑦ ᐊᒐᐧᒄ ?
\q2 ᑕᓐᑕ ᒪᒃ ᒐ ‍ ᐃᑎᓯᒧᔭᓐ ᒐ ᐊᑲ ᒋ ᐛᐱᒥᔨᓐ ?
\q1
\v 8 ᐃᔅᐱ ᒋᒋᒋᓯᑯᒡ ᐃᓯ ᐅᐱᔅᑲᔭᓐ, ᐊᑯᑕ ᐊ ‍ ᑕᔨᓐ:
\q2 ᒧᔭᒻ ᐅᓂᐸᐅᓂᐧᑲᓱᔭᓐ ᒋᐱᔾ ᐊᔅᒋᒡ, ᐛᐸᑕ, ᐊᑯᑕ ᐊ ‍ ᑕᔨᓐ᙮
\q1
\v 9 ᐃᔅᐱ ᐅᑎᓇᒪᓐ ᒐᒋᓴᐸ ᐅᑎᑎᑭᓇ,
\q2 ᑭᔭ ᐎᒋᔭᓐ ᒪᐅᒡ ᐊ ‍ ᐃᔎᔭᒡ ᐎᓂᐸᑯᒡ;
\q1
\v 10 ᐊᑯᑕ ᐃᔭᐱᒡ ᒋᑎᒋᔾ ᒐ ‍ ᒋᔅᒋᓄᑕᐃᑯᔭᓐ,
\q2 ᑭᔭ ᒋᒥᔪᐅᓐ ᓂᑭ ‍ ᓯᑐᓂᑯᓐ᙮
\b
\q1
\v 11 ᒧᔭᒻ ᐃᔅᒋᔄᔭᓐ, “ᒐᔅᑎᓇᔅ ᑎᐱᔅᑲᐅᓐ ᓂᑭ ‍ ᐊᒂᓇᐅᑯᓐ;
\q2 ᐊ ‍ ᑎᐱᔅᑲᒡ ᐅᑎ ᓂᑭ ‍ ᐛᔅᑕᓂᒪᑯᓐ᙮”
\q1
\v 12 ᓂᐦᐃ, ᐊ ‍ ᑎᐱᔅᑲᒡ ᓇᒪᐎᔾ ᒋ ‍ ᑲᑥᑯᓐ ᒐᒂᓐ;
\q2 ᒪᒃ ᐊ ‍ ᑎᐱᔅᑲᒡ ᐛᓴᔭᐤ ᒧᔭᒻ ᐊ ‍ ᒋᓯᒂᒡ:
\q2 ᐊ ‍ ᐅᓂᑎᐱᔅᑲᒡ ᑭᔭ ᐊ ‍ ᐛᓴᔭᒡ ᐸᐃᑯᓂᒡ ᒋᑦ ᐃᓯᓇᓐ᙮
\b
\s2 Psalm 139:1-6, 13-18 (Epiphany-2 Year B)
\q1
\v 13 ᐛᔅ ᒋ ‍ ᑎᐱᔨᐛᐅᓯᓐ ᐱᒋᔪᐤ ᐊ ᐃᓯ ‍ ᐃᔭᔭᓐ:
\q2 ᔅᒋ ‍ ᐊᒂᓇᐅᓐ ᓂᑲᐎᔾ ᐅᔅᐸᔭᒡ᙮
\q1
\v 14 ᒋᑭ ‍ ᒪᒥᒋᒥᑎᓐ;
\q2 ᐛᔅ ᓂ ‍ ᑯᔅᑕᑎᑯᐤ ᑭᔭ ᒪᒥᔅᑲᒡ ᐅᓯᐃᑯᐅᓐ:
\q1 ᒪᒥᔅᑲᑕᔨᑕᑯᓇ ᒋᑦ ᐊᑐᔅᒐᐅᓇ;
\q2 ᐅᔭᔪᐤ ᒪᒃ ᓇᔅᒡ ᒋᔅᒐᔨᑎᒻ ᓂᑦ ᐊᒐᐧᒄ᙮
\q1
\v 15 ᓂᔪᐤ ᓇᒪᐎᔾ ᒋ ᐅᒋ ‍ ᑲᑥᑯᐅᓐ, ᐃᔅᐱ ᒋᒧᑦ ᐊᒋ ‍ ᐅᓯᑯᐅᔭᓐ;
\q2 ᑭᔭ ᐊ ‍ ᒪᒥᔅᑲᒡ ᐃᓯᓇᑯᐃᑯᐅᔭᓐ ᒪᐅᒡ ᐊ ‍ ᑕᒥᔅᑲᒥᒡ᙮
\q1
\v 16 ᒋᔅᒋᓯᑯᒡ ᔅᒋ ‍ ᐛᐸᑕᓐ ᓂᔪᐤ, ᐊᔅᒄ ᐊ ᐊᑲ ᐅᒡ ᒋᓯᐃᑯᐅᔭᓐ;
\q2 ᑭᔭ ᒋᒥᓯᓇᐃᑭᓂᒡ ᒥᓯᐛ ᓂᐱᔅᒐᓯᐅᓇ ᒋ ‍ ᒥᓯᓇᐃᑭᓄᐅᐛ,
\q2 ᐊᓐ ᑲ ‍ ᐃᓯᓇᑯᑕᑭᓂᐅᒋ ᐊ ᐊᑎ ᐊᑲ ᐊᔅᒄ ᐸᐃᒄ ᐅᒋ ᑎᒂᒡ᙮
\b
\q1
\v 17 ᑕᑈ ᓂ ‍ ᒋᔅᑕᔨᑕᓐ ᒋᑦ ᐃᑕᔨᑎᒧᐅᓇ, ᐅ ᒋᓴᒪᓂᑐᐤ !
\q2 ᑕᑈ ᓇᔅᒡ ᒥᒐᓇ !
\q1
\v 18 ᐃᔅᐱᔅ ᐎ ᐊᒋᑕᒪᓐ, ᐊ ‍ ᐃᐛᒄ ᒥᒐᓇ ᐃᔅᐱᔅ ᐃᔭᑲᐤ:
\q2 ᐃᔅᐱ ᒂᔅᑯᐱᔭᓂ, ᐃᔭᐱᒡ ᒋ ‍ ᐎᒐᐅᑎᓐ᙮
\b
\q1
\v 19 ᒐᔅᑎᓇᔅ ᒋᑭ ‍ ᓂᐸᐊᐅᒡ ᐅᒥᒋᑥᐅᒡ, ᐅ ᒋᓴᒪᓂᑐᐤ:
\q2 ᓂᑭᓯᒄ ᒪᒃ, ᒋᔨᐛᐤ ᑲ ‍ ᐎᒋᒥᒂᔭᒄ ᐃᔨᑎᒄ᙮
\q1
\v 20 ᐛᔅ ᒋ ᒥᒋ ‍ ᐊᔨᒧᒥᑯᒡ,
\q2 ᑭᔭ ᑲ ‍ ᐛᐧᑲᑎᔅᒡ ᓂᑐᐎ ᐃᓯ ‍ ᐊᐱᒋᑕᐅᒡ ᒋᑦ ᐃᓯᓂᐧᑲᓱᐅᓂᔪᐤ᙮
\q1
\v 21 ᓇᒪ ᐊ ᓂ ‍ ᐛᐧᑲᑕᐅᒡ ᐊᓐᒡ ᑲ ‍ ᐛᐧᑲᑎᔅᒡ ?
\q2 ᓇᒪ ᐊ ᑭᔭ ᓂ ‍ ᒪᒥᓴᒪᔨᑎᒥᐃᑯᒡ ᐊᓐᒡ ᑲ ‍ ᐱᓯᑯᔅᑕᔅᒡ᙮
\q1
\v 22 ᓂ ‍ ᐛᐧᑲᑕᐅᒡ ᒋᒋ ‍ ᐛᐧᑲᓱᐛᐅᓂᒡ;
\q2 ᑲ ‍ ᐛᐧᑲᓯᒡ ᓂᑦ ᐊᒋᒪᐅᒡ᙮
\b
\s2 Psalm 139:1-12, 23-24 (Proper-11 Year A)
\q1
\v 23 ᑯᒂᒋᐃ, ᐅ ᒋᓴᒪᓂᑐᐤ, ᒋᔅᒐᔨᑕ ᒪᒃ ᓂᑕᐃ;
\q2 ᑯᒋᐃ, ᑭᔭ ᒋᔅᒐᔨᑕ ᓂᑦ ᐃᑕᔨᑎᒧᐅᓇ:
\q1
\v 24 ᐛᐸᑕ ᒪᒃ ᐃᔅᐱ ᑕᑈ ᐸᒋᔅᑲᑯᐛᓇ ᒥᒋ ‍ ᒐᒂᓐ,
\q2 ᐱᒧᑕᐃ ᒪᒃ ᑲᒋᒡ ᒪᔅᑭᓇᒡ᙮
\c 140
\q1
\v 1 ᐎᒂᒋᐃ ᐅ ᑕᐸᔨᒋᒐᔨᓐ, ᒥᒋ ‍ ᐃᔪᐤ ᐅᒡ:
\q2 ᒥᑕᒂᓂᒧᐎ ᑲ ‍ ᐊᒂᑎᓯᑦ ᐃᔪᐤ ᐅᒡ;
\q1
\v 2 ᑲ ‍ ᒪᒥᑐᓇᔨᑎᒥᐃᑯᒡ ᒪᔭᔨᒐᐅᓂᔪᐤ ᐅᑕᐃᐛᒡ:
\q2 ᒧᓯᓇᐤ ᒪᐅᒋᐃᑐᐅᒡ ᒐᒋ ᓂᑐᐱᔨᒡ᙮
\q1
\v 3 ᒋ ‍ ᒋᓂᑕᐅᒡ ᐅᑕᔨᔨᐛᐛ ᒧᔭᒻ ᒥᓯᒋᓇᐱᒂ;
\q2 ᐅᑐᓄᐛᒡ ᑭᓄᐛᔨᑎᒧᒡ ᐅᐱᒋᐳᔨᐛᐅᓂᔪᐤ ᒋᓇᐱᒂ᙮
\b
\q1
\v 4 ᑭᓄᐛᔨᒥ, ᐅ ᑎᐸᔨᒋᒐᓱᐤ, ᐅᑎᒋᐛᒡ ᐅᒥᒋᑥᐅᒡ ᐅᒡ;
\q2 ᒥᑕᒂᓂᒧᐎ ᑲ ‍ ᐊᒂᑎᓯᑦ ᐃᔪᐤ;
\q2 ᑲ ‍ ᐃᑕᔨᑕᒡ ᒐᒋ ᒂᑎᐱᐛᐸᐊᒡ ᓂ ‍ ᑕᐧᑯᔅᒐᐅᓇ᙮
\q1
\v 5 ᑲ ‍ ᒋᔅᑕᔨᒧᒡ ᓂᒋ ‍ ᑕᐱᒂᑎᑯᒡ, ᑭᔭ ᓴᔅᑎᒂᔭᐱᔭ ᒋ ‍ ᐃᑕᐊᐅᒡ;
\q2 ᒋ ‍ ᑕᔅᑲᑕᓇᐅᒡ ᐊᐃᐱᔭ ᐱᒧᑕᔅᑭᓇᒡ;
\q2 ᒋ ‍ ᐊᔅᑕᐅᒡ ᐊᔅᒋᐧᑯᒪᓇ ᐊ ᐎ ‍ ᑕᐧᑯᒧᐃᒡ᙮
\b
\q1
\v 6 ᓂᒋ ‍ ᐃᑕᐤ ᑎᐸᔨᒋᒐᓱᐤ, “ᒋᔾ ᓂᒋᓴᒪᓂᑐᒻ᙮”
\q2 ᓂᑐᑕ ᓂᓂᑐᑎᒪᒐᐅᓇ, ᐅ ᑎᐸᔨᒋᒐᓱᐤ᙮
\q1
\v 7 ᐅ ᒋᓴᒪᓂᑐᐤ ᑎᐸᔨᒋᒐᓱᐤ, ᑲ ᐅᒋ ‍ ᒥᔅᑯᐛᒡ ᓂᐱᒪᒋᐃᑯᓯᐅᓐ,
\q2 ᔅᒋ ‍ ᐊᒂᓇᐊᓐ ᓂᔅᑎᒂᓐ ᐊ ‍ ᒪᓯᒐᐤ ‍ ᒋᓯᑲᒡ᙮
\q1
\v 8 ᐊᑲᐎᔾ ᒥᔨᒡ, ᐅ ᑎᐸᔨᒋᒐᓱᐤ, ᑲ ᐃᓯ ‍ ᐱᑯᓴᔨᒧᒡ ᐅᒥᒋᑥᐅᒡ;
\q2 ᐊᑲᐎᔾ ᐎᒋᑕᐤ ᐅᒥᒋᐃᑕᔨᑎᒧᐅᓄᐛᐤ;
\q2 ᒐ ᐊᑲ ᒋ ᐃᔅᐸᔨᑕᑯᐃᑎᓱᒡ᙮
\b
\q1
\v 9 ᐅᔅᑕᒂᓄᐛᐛ ᒪᒃ ᐊᓐᒡ ᑲ ‍ ᐛᔅᑲᔅᑯᐅᒡ,
\q2 ᐊᑯᔅ ᒪᔭᔨᒐᐅᓂᔪᐤ ᐅᑐᓄᐛᒡ ᑲ ‍ ᐅᒋᐱᔨᒡ ᒋᑭ ‍ ᐊᒂᓇᐅᑯᐅᒡ᙮
\q1
\v 10 ᐊᑯᔅ ᐃᔅᑯᑕᐤ ᑭᔅᑕᔪᐤ ᒋᑭ ‍ ᐸᑎᑯᔅᑲᑯᐅᒡ:
\q2 ᐊᑯᔅ ᒋᑭ ‍ ᒥᑐᔅᑕᐱᔪᐅᒡ;
\q2 ᐊᔭᐅᓇᒂᑎᑲᓂᔨᒡ, ᐊᑲ ᒥᓐ ᒐᒋ ᐱᓯᑯᒡ᙮
\q1
\v 11 ᐊᑯᔅ ᐊᑲ ᐊᐛᓐ ᑲ ‍ ᒥᒋᐃᔨᒥᑦ ᒋᑭ ‍ ᐊᔨᑎᓯᐤ ᐊᔅᒋᒡ:
\q2 ᑲ ‍ ᒪᔭᑎᓂᔨᒡ ᒋᑭ ‍ ᓇᓂᑐᐛᐱᒥᑯᐤ ᑲ ‍ ᐊᒂᑎᓯᑦ ᐃᔪᐤ ᒐᒋ ᓂᓱᐅᓇᒋᐃᑯᑦ᙮
\b
\q1
\v 12 ᓂ ‍ ᒋᔅᒐᔨᑕᓐ ᑎᐸᔨᒋᒐᓱᐤ ᒐᒋ ᓇᑎᒧᐛᑦ ᑲ ‍ ᒪᒂᐃᑎᒥᔨᒋ,
\q2 ᑭᔭ ᒐᒋ ᐛᐸᑕᐧᒃ ᑯᐃᔅᒄ ᒐᒋ ᑐᑐᐛᑭᓄᔨᒋ ᑲ ‍ ᒋᔅᑎᒪᑎᓯᔨᒋ᙮
\q1
\v 13 ᒐᔅᑎᓇᔅ ᐅᑯᐃᔅᑯᑕᑎᓯᐅᒡ ᒋᑭ ‍ ᓂᓇᔅᑯᒧᐅᒡ ᒋᑦ ᐃᓯᓂᐧᑲᓱᐅᓂᔪᐤ:
\q2 ᑲ ‍ ᑯᐃᔅᑯᑎᒡ ᒋᑭ ‍ ᐎᒋᐅᒡ ᐊᓐᑕ ᒐ ‍ ᐛᐱᒪᔅᒡ᙮
\c 141
\q1
\v 1 ᑎᐸᔨᒋᒐᓱᐤ, ᒋ ‍ ᒪᑕᑎᓐ:
\q2 ᒋᐱᔾ ᓇᓯ;
\q2 ᓂᑐᑕ ᓂᐸᑕᑯᓯᐅᓐ, ᐃᔅᐱ ᑕᑈᑎᑕᓇ᙮
\q1
\v 2 ᐊᑯᔅ ᓂᑦ ᐊᔭᒥᐊᓐ ᒋᑭ ‍ ᐎᔨᔅᑎᒪᑯᐅᓐ ᒧᔭᒻ ᐎᒋᒪᓯᑭᓐ;
\q2 ᑭᔭ ᐊ ‍ ᐅᐱᓂᔅᒐᔨᔭᓐ ᒧᔭᒻ ᐅᑕᑯᓯᐤ ‍ ᐱᔅᑎᓂᒐᐅᓐ᙮
\b
\q1
\v 3 ᐊᓱᐛᐸᑕ, ᐅ ᑎᐸᔨᒋᒐᓱᐤ, ᐊ ‍ ᐃᔎᑕᒧᐅᒡ ᓂᑐᓐ;
\q2 ᑭᓄᐛᔨᑕ ᒪᒃ ᓂᑐᓐ ᐃᔎᑕᒻ᙮
\q1
\v 4 ᐊᑯᔅ ᐊᑲᐎᔾ ᒥᒋ ‍ ᒐᒂᓐ ᒋᑭ ‍ ᐊᔅᑕᐤ ᓂᑕᐃᒡ,
\q2 ᒐᒋ ᒥᒋᐃᑎᔭᓐ ᒋᒡ ᐊᓐᒡ ᑲ ‍ ᒥᒐᑎᓯᐤ ᐃᑎᒡ;
\q2 ᐊᑯᔅ ᒪᒃ ᐊᑲᐎᔾ ᓂᑭ ‍ ᒥᒍᐛᓐ ᐅ ᒥᔪ ‍ ᒥᒋᒧᐛᐤ᙮
\b
\q1
\v 5 ᐊᑯᔅ ᐅᑯᐃᔅᑯᑕᑎᓯᐤ ᓂᑭ ‍ ᐎᔭᔅᑐᑕᒄ;
\q2 ᒋᑭ ‍ ᒋᓴᐛᑐᑕᒐᐅᓂᐎᔪᐤ;
\q2 ᐊᑯᔅ ᒪᒃ ᓂᑭ ‍ ᒋᔅᑐᑎᒄ;
\q2 ᒋᑭ ᒥᔪ ‍ ᐱᒥᐅᔪᐤ, ᐊᑲ ᒐ ‍ ᐱᑯᔅᑎᒂᓇᔅᑲᑯᔭᓐ᙮
\b
\q2 ᐛᔅ ᐃᔭᐱᒡ ᓂᑭ ‍ ᐊᔭᒥᐊᐛᓐ ᐊᔨᒥᓯᑥᐛ᙮
\q1
\v 6 ᐃᔅᐱ ᐅᑲᑎᐸᔅᑯᓂᒐᓯᒧᐛᐛ ᑭ ‍ ᒂᑎᐱᐛᐸᐊᑭᓄᐎᔨᑥᐛ ᐊᓐᑕ ᐊ ‍ ᐊᓯᓂᐅᔨᒡ,
\q2 ᒋᑭ ‍ ᓂᑐᑎᒧᒡ ᓂᑦ ᐃᔨᒧᐅᓇ, ᐛᔅ ᐎᐧᑭᓯᔪᐛ᙮
\q1
\v 7 “ᓂᔅᑭᓂᓇᓇ ᐛᓴᔄᐱᔪᐛ ᒋᐱᐃᒋᐛᑉ ᐅᑐᓂᒡ,
\q2 ᒧᔭᒻ ᐃᔅᐱ ᐊᐛᓐ ᒋᒪᐊᐧᒃ ᑭᔭ ᑎᔭᔅᑲᐊᐧᒃ ᒥᑕ ᐅᑕ ᐊᔅᒋᒡ᙮”
\b
\q1
\v 8 ᒪᒃ ᒋ ‍ ᑭᓄᐛᐱᒥᑎᓐ, ᐅ ᒋᓴᒪᓂᑐᐤ ᑎᐸᔨᒋᒐᓱᐤ᙮
\q2 ᒋᔾ ᒋ ‍ ᒪᒥᓯᑐᑕᑎᓐ;
\q2 ᐊᑲ ᐎ ᒋᐛᑎᓯᐅᓂᒡ ᓂᑭᔅ ᓂᑦ ᐊᒐᐧᒄ᙮
\q1
\v 9 ᒥᑕᒂᓂᒧᐎ ᑕᐱᒂᓐ ᑲ ‍ ᑕᐱᒂᒡ,
\q2 ᑭᔭ ᐅᑦ ᐊᔅᒋᐧᑯᒪᓄᐛᐛ ᑲ ‍ ᒥᒐᑎᓯᐤ ᐃᔨᑎᒡ᙮
\q1
\v 10 ᐊᑯᔅ ᐅᒥᒋᑥᐅᒡ ᒋᑭ ‍ ᐸᒋᓯᓐᒡ ᑎᐱᔨᐛ ᐅᑦ ᐊᐃᐱᐛᒡ,
\q2 ᒪᒂᒡ ᓂᔾ ᐊ ‍ ᒋᑎᓯᒧᔭᓐ᙮
\c 142
\q1
\v 1 ᓂᒋ ‍ ᒪᑐᐛᐤ ᑎᐸᔨᒋᒐᓱᐤ,
\q2 ᐊ ‍ ᐸᑕᑯᓯᔭᓐ, ᐊ ‍ ᐸᑕᑯᓯᔭᓐ ᓂᒋ ‍ ᒪᑐᐛᐤ ᑎᐸᔨᒋᒐᓱᐤ᙮
\q1
\v 2 ᓂᒋ ‍ ᓯᒋᓂᒧᐛᐤ ᓂ ‍ ᒪᒥᓴᒪᔨᑎᒧᐅᓂᔪᐤ;
\q2 ᓂᒋ ‍ ᐛᐸᑎᔭᐤ ᒪᒃ ᓂᑦ ᐊᔨᒥᓯᐅᓂᔪᐤ᙮
\b
\q1
\v 3 ᐃᔅᐱ ᓂᑦ ᐊᒐᐧᒄ ᐊᒋ ‍ ᒥᑯᔅᑲᑕᔨᑕᐧᒃ ᐱᒡ ᓂᔭᒡ,
\q2 ᐊᑯ ᒐᔅᒐᔨᑎᒥᓐ ᓂ ‍ ᒪᔅᑭᓄᐤ᙮
\q1 ᒪᔅᑭᓇᒡ ᑲ ᐃᓯ ‍ ᐱᒧᑕᔭᓐ,
\q2 ᒋᒧᑦ ᓂᒋ ‍ ᑕᐱᒂᑯᒡ᙮
\q1
\v 4 ᓂᒋ ‍ ᐃᑕᐱᓐ ᓂᒥᔪᐅᓂᒡ,
\q2 ᐊᒋ ‍ ᐛᐸᑎᒪᓐ ᒪᒃ ᓇᒪ ᐅᒋ ᑕᐤ ᐃᔪᐤ ᒐ ‍ ᒋᔅᒐᔨᒥᑦ:
\q2 ᓇᑎᒪᑯᓯᐅᓐ ᓂᒋ ‍ ᓄᑕᐱᔨᓐ:
\q2 ᓇᒪᐎᔾ ᐊᐛᓐ ᐅᒋ ‍ ᐱᔅᒐᔨᒪᐤ ᓂᑦ ᐊᒐᒂ᙮
\b
\q1
\v 5 ᔅᒋ ‍ ᒪᑕᑎᓐ, ᐅ ᑎᐸᔨᒋᒐᓱᐤ:
\q2 ᓂᒋ ‍ ᐃᔅᒋᔄᓐ, “ᒋᔾ ᐊᐅᒄ ᓂᓇᑎᒪᑯᓯᐅᓐ
\q2 ᑭᔭ ᓂᑎᐱᔨᐛᐅᓯᐅᓐ ᐅᑦ ᐊᔅᒋᐛᒡ ᐅᐱᒪᑎᓯᐅᒡ᙮”
\q1
\v 6 ᓂᑐᑕ ᓂ ᒪᐅᓐ;
\q2 ᐛᔅ ᓇᔅᒡ ᓂ ‍ ᑎᐱᑕᔨᒧᓐ,
\q1 ᐃᐧᑯᒋᐃ ᑲ ‍ ᓂᓇᐧᑲᒋᐃᒡ ᐅᒡ;
\q2 ᐛᔅ ᐊᔪᐛᒃ ᒥᔅᑯᐅᓯᐅᒡ ᐃᔅᐱᔅ ᓂᔾ᙮
\q1
\v 7 ᐎᐎᑕᐃ ᓂᑦ ᐊᒐᐧᒄ ᒋᐸᐅᑐᒋᐛᐱᒡ ᐅᒡ,
\q2 ᒐᒋ ᒪᒥᒋᑕᒪᓐ ᒋᑦ ᐃᓯᓂᐧᑲᓱᐅᓐ᙮
\b
\q1 ᐅᑯᐃᔅᑯᑕᑎᓯᐅᒡ ᓂᑭ ‍ ᐛᔅᑲᔅᑲᑯᒡ;
\q2 ᐛᔅ ᒋᑭ ‍ ᒋᓴᐛᑐᑐᐅᓐ᙮
\c 143
\q1
\v 1 ᓂᑐᑕ ᓂᑦ ᐊᔭᒥᐊᐅᓐ, ᐅ ᑕᐸᔨᒋᒐᔨᓐ,
\q2 ᐱᓯᒋᑕ ᓂᓂᑐᑎᒪᒐᐅᓇ:
\q2 ᒋᑯᐃᔅᑯᑐᐅᓂᒡ ᓂᔅᑯᒥ,
\q2 ᑭᔭ ᒋᑯᐃᔅᑯᑕᑎᓯᐅᓂᒡ᙮
\q1
\v 2 ᐊᑲᐎᔾ ᑭᔭ ᑎᐸᔅᑯᓐ ᒋᑦ ᐊᑐᔅᒐᔭᑭᓐ;
\q2 ᐛᔅ ᐊᐸᑕᔅᑎᒥᐱᔨᓐ ᓇᒪᐎᔾ ᐊᐛᓐ ᐊ ‍ ᐱᒪᑎᓯᑦ ᒋᑭ ‍ ᒥᔪᑥᐛᔨᒪᑭᓄᐤ᙮
\b
\q1
\v 3 ᐛᔅ ᑲ ‍ ᐛᐧᑲᓯᒡ ᒋ ‍ ᓂᓇᐧᑲᒋᐊᐅᒡ ᓂᑦ ᐊᒐᒂ:
\q2 ᒧᔅᑎᔅᑭᒥᒡ ᒋ ᐃᓯ ‍ ᓂᓯᐛᐸᐊᒻ ᓂᐱᒪᑎᓯᐅᓂᔪᐤ:
\q2 ᓂᒋ ‍ ᐃᑐᑕᐧᒃ ᒐᒋ ᑕᔭᓐ ᐊᓐᑕ ᐊ ‍ ᐅᓂᑎᐱᔅᑲᔨᒡ, ᒧᔭᒻ ᐊᓐᒡ ᓇᐅᔅ ᑲᒋ ‍ ᓂᐱᒡ᙮
\q1
\v 4 ᐊᐅᒄ ᐅᒋ ᓂᑦ ᐊᒐᐧᒄ ᐛᓴᒪᔨᑎᒻ ᑕᒥᔪᐤ ᓂᔭᒡ:
\q2 ᓂᑕᐃ ᐊ ‍ ᐱᒋᔅᑲᑯᔭᓐ ᐱᔅᓯᒂᐤ᙮
\b
\q1
\v 5 ᓂ ‍ ᒋᔅᒋᓐ ᐎᐱᒡ ᒋᓯᑲᐛ;
\q2 ᓂ ‍ ᒪᒥᑐᓇᔨᑕᓐ ᒥᓯᐛ ᒋᑦ ᐊᑐᔅᒐᐅᓇ;
\q2 ᓂ ‍ ᓇᑭᑐᐛᔨᑕᓐ ᒋᑎᒋᒡ ᑲᒋ ᐅᒋ ‍ ᐅᓯᑕᔨᓐ᙮
\q1
\v 6 ᒋ ‍ ᓱᓂᔅᒐᔨᔅᑕᑎᓐ;
\q2 ᓂᑦ ᐊᒐᐧᒄ ᒋ ‍ ᓄᑕᔭᐸᒂᑐᑕᒃ, ᒧᔭᒻ ᑲ ‍ ᓄᑕᔭᐸᒂᒥᑭᒡ ᐊᔅᒋᔾ᙮
\b
\q1
\v 7 ᒋᐱᔾ ᓂᑐᑐᐎ, ᐅ ᑎᐸᔨᒋᒐᓱᐤ:
\q2 ᓂᑦ ᐊᒐᐧᒄ ᓄᑕᓯᓐ:
\q1 ᐊᑲᐎᔾ ᑲᓱᔅᑐᐎᔾ;
\q2 ᒐ ᐊᑲ ᒋ ᓂᔅᐱᑐᐛᒡ ᐊᓐᒡ ᑲ ‍ ᓂᑕᑐᐎᒡ ᐛᑎᑯᓂᒡ᙮
\q1
\v 8 ᑐᑐᐎ ᒐᒋ ᐸᑎᒪᓐ ᒋᓴᒋᐃᐛᐤ ᒋᓴᐛᑎᓯᐅᓐ ᒋᔭᒋᓴᐸᔭᒋ;
\q2 ᐛᔅ ᒋᔾ ᒋ ‍ ᒪᒥᓯᑐᑕᑎᓐ;
\q1 ᒋᔅᒐᔨᑎᒥᐃ ᐊᓐᑕ ᒐ ‍ ᐱᒧᑕᔭᓐ;
\q2 ᐛᔅ ᒋᑦ ᐅᐱᓇᒪᑎᓐ ᓂᑦ ᐊᒐᐧᒄ᙮
\q1
\v 9 ᐎᐧᑯᒋᐃ, ᐅ ᑎᐸᔨᒋᒐᓱᐤ, ᑲ ‍ ᐛᐧᑲᓯᒡ ᐅᒡ:
\q2 ᒋ ‍ ᓇᑎᓯᒧᔅᑕᑎᓐ ᒐᒋ ᑲᔨᔨᓐ᙮
\q1
\v 10 ᒋᔅᑯᑎᒧᐎ ᒐᒋ ᐃᑐᑎᒪᓐ ᒋᑦ ᐃᑕᔨᑎᒧᐅᓐ;
\q2 ᐛᔅ ᒋᔾ ᓂᒋᓴᒪᓂᑐᒻ:
\q1 ᒋᑦ ᐊᒐᐧᒄ ᒥᔽᑎᓯᐤ,
\q2 ᐃᑐᑕᐃ ᑯᐃᔅᑯᑐᐤ ᐊᔅᒋᒡ᙮
\b
\q1
\v 11 ᒋᓯᐎᓯᐃ, ᐅ ᑎᐸᔨᒋᒐᓱᐤ, ᒋᑦ ᐃᓯᓂᐧᑲᓱᐅᓐ ᐅᒡ:
\q2 ᒋᑯᐃᔅᑯᑕᑎᓯᐅᓐ ᐅᒋ ᐎᐎᐱᔅ ᓂᑦ ᐊᒐᐧᒄ ᐊᔨᒥᓯᐅᓂᒡ ᐅᒡ᙮
\q1
\v 12 ᑭᔭ ᒋᓱᐛᔨᒋᒐᐅᓂᒡ ᒋᒥᓱᒡ ᑲ ‍ ᐛᐧᑲᓯᒡ,
\q2 ᓂᓱᐅᓇᒋᐃᒡ ᒪᒃ ᒥᓯᐛ ᐊᓐᒡ ᑲ ‍ ᓇᓇᐧᑲᒋᐊᒡ ᓂᑦ ᐊᒐᒂ;
\q2 ᐛᔅ ᒋᑦ ᐅᑦ ᐊᑐᔅᒐᔭᑭᓂᒥᑐᐅᓐ᙮
\c 144
\q1
\v 1 ᒋᑭ ᐎ ‍ ᒪᒥᒋᒥᑯᓯᐤ ᑎᐸᔨᒋᒐᓱᐤ ᓂ ‍ ᒥᔅᑯᐅᓯᐅᓐ,
\q2 ᑲ ‍ ᒋᔅᒋᓄᑎᑕᑦ ᓂᑎᒋᔭ ᑲ ᐃᓯ ‍ ᓂᑐᐱᔨᒥᑭᓂᔨᒋ,
\q2 ᑭᔭ ᓄᑎᒋᑭᓇ ᒐᒋ ᒪᓯᒐᒥᑭᓂᔨᒋ;
\q1
\v 2 ᓂᒥᔽᑎᓯᐅᓐ, ᑭᔭ ᓂᓂᑐᐱᔪᐅᒋᐛᑉ;
\q2 ᓂᑦ ᐊᓱᐛᐳᐅᓐ ᑲ ‍ ᐃᔅᐸᒡ, ᑭᔭ ᓂ ‍ ᓇᑎᒪᑯᓯᐅᓐ;
\q1 ᓂᑦ ᐊᒂᓇᐅᓱᐛᑭᓐ, ᐊᓐ ᑭᔭ ᑲ ‍ ᒪᒥᓯᑐᑐᐅᒃ;
\q2 ᑲ ‍ ᑎᐸᔨᑎᒥᐃᑦ ᓂᑦ ᐃᔨᒪ᙮
\b
\q1
\v 3 ᑎᐸᔨᒋᒐᓱᐤ, ᑕᓐ ᐊᑕᔨᑕᑯᓯᑦ ᐃᔪᐤ ᐊᐱᔅᒐᔨᒥᑦ ?
\q2 ᑭᔭ ᒪᒃ ᐃᔪᐤ ᐅᑯᓯᓴᓐ, ᐛᔭᔅ ᐊ ‍ ᐃᑕᒋᒥᑦ ?
\q1
\v 4 ᐃᔪᐤ ᓂᑐᐎ ᒐᒂᓐ ᐃᑕᔨᑕᑯᓱᐤ:
\q2 ᐅᒋᓯᑲᒪ ᒧᔭᒻ ᐊ ‍ ᑎᑲᔅᑕᑎᒡ ᑲ ᐊᑎ ‍ ᐃᒐᐱᔨᒡ᙮
\b
\q1
\v 5 ᑕᐸᑎᓇ ᒋᒋᒋᓯᑯᒪ, ᐅ ᑎᐸᔨᒋᒐᓱᐤ,
\q2 ᐸᒋ ‍ ᔭᓯ ᒪᒃ ᑕᒋᓇ ᐱᔅᑯᑎᓇᐛ, ᐊᑯ ᒐ ‍ ᐱᐳᑕᒋ᙮
\q1
\v 6 ᐛᔅᑕᐱᑕ, ᐛᓴᔄᑎᓴᐅᒡ ᒪᒃ;
\q2 ᐱᒧᑎᒂ, ᓂᓱᐅᓇᒋᐃᒡ ᒪᒃ᙮
\q1
\v 7 ᔭᓯᓂᔅᒐᔨ ᐃᔅᐱᒥᒡ ᐅᒡ;
\q2 ᐎᐧᑯᒋᐃ, ᑭᔭ ᐎᐎᐱᓯ ᒋᒋ ‍ ᓂᐱᔭ ᐅᒡ,
\q2 ᐅᑎᒋᐛᒡ ᐅᒋ ᐊᔭᒡ ᐊᐛᓯᒡ᙮
\q1
\v 8 ᐅᑐᓄᐛᒡ ᓂᑐᐎ ᑲ ᐃᓯ ‍ ᐃᔨᒥᒡ,
\q2 ᑭᔭ ᐅᒥᔪᐅᓄᐛᒡ ᐊ ‍ ᑭᑭᒋᔭᐤ ᐎᔨᒡ᙮
\b
\q1
\v 9 ᐅᔅᒋ ᓂᑭᒧᐅᓐ ᒋᑭ ‍ ᓂᑭᒧᔅᑕᑎᓐ, ᐅ ᒋᓴᒪᓂᑐᐤ;
\q2 ᓂᑭᒧᒋᑭᓂᒡ ᑭᔭ ᑲ ‍ ᒥᒐᑥᐸᑭᒧᒡ ᒋᔍᐛᐱᒋᑭᓂᒡ ᐊ ‍ ᓂᑭᒧᔭᓐ ᒋᑭ ‍ ᒪᒥᒋᒥᑎᓐ᙮
\q1
\v 10 ᐎᔾ ᐊᐅᒄ ᑲ ‍ ᒥᔭᑦ ᒋᓴᐅᒋᒪᐛ ᐱᒪᒋᐃᐛᐅᓂᔪᐤ:
\q2 ᑲ ‍ ᐱᒪᒋᐊᑦ ᐅᑦ ᐊᑐᔅᒐᔭᑭᓇ ᑎᐱᑕ ᐊᐧᑯᔪᐛᐤ ᒥᔅᑎ ‍ ᒧᐧᑯᒪᓂᔪᐤ ᐅᒡ᙮
\b
\q1
\v 11 ᐎᐧᑯᒋᐃ, ᑭᔭ ᐱᒪᒋᐃ ᐅᑎᒋᐛᒡ ᐅᒋ ᐊᔭᒡ ᐊᐛᓯᓯᒡ,
\q2 ᐅᑐᓄᐛᒡ ᓂᔪᐎ ᑲ ᐃᓯ ‍ ᐃᔨᒥᒡ,
\q2 ᑭᔭ ᐅᒥᔪᐅᓄᐛᒡ ᐊ ‍ ᑭᑭᒋᔭᐤ ᐎᔨᒡ᙮
\b
\q1
\v 12 ᓂᑯᓯᓇᓐᒡ ᒐᒋ ᐃᓯᓇᑯᓯᒡ ᒧᔭᒻ ᓂᑕᐅᒋᑕᑭᓇ ᐊ ‍ ᐅᔅᒋ ᓂᑕᐅᒋᒋ;
\q2 ᑭᔭ ᓂᑕᓂᓯᓇᓐᒡ ᒐᒋ ᐃᓯᓇᑯᓯᒡ ᒧᔭᒻ ᐊ ‍ ᒋᒐᔭᔨᒡ ᐊᓯᓂᒡ ᐊ ‍ ᐛᔅᑲᒪᐱᔅᒋᓯᒡ ᒋᒋᓴᐅᒋᒪᐅᒋᐛᐱᒡ ᐃᓯ;
\q1
\v 13 ᓂᑦ ᐊᔅᑕᓱᐅᒋᐛᐱᓇᓇ ᒐᒋ ᓴᑭᔅᒋᓇᔨᒋ, ᐊ ‍ ᐱᒋᑎᒋ ᒥᓯᐛ ᑕᑐ ᐊᔅᑕᓱᐅᓇ;
\q2 ᓂ ‍ ᒪᔭᑕᓂᓯᒥᓇᓐᒡ ᒐᒋ ᓂᑕᐅᒋᒡ ᒥᔅᑎ ᒐᓯᐱᔪᐤ ᑭᔭ ᐸᐃᑯᔪᐤ ᑕᑥᐤ ᒐᓯᐱᔪᐤ ᓂ ‍ ᐱᒧᑕᔅᑭᓇᓇᒡ;
\q1
\v 14 ᓂ ‍ ᒥᔅᑐᓱᒥᓇᓐᒡ ᒐᒋ ᒥᔅᑯᐅᓯᒡ ᒐᒋ ᐊᑐᔅᒐᒡ;
\q2 ᒐ ᐊᑲ ᒋ ᐸᐱᔨᔅᑯᐃᑲᓂᐅᒡ, ᐊᑲ ᑭᔭ ᐊ ‍ ᐎᐎᓇᓄᐅᒡ;
\q2 ᒐ ᐊᑲ ᒋ ᐊᓏᔨᒋᒐᓄᐅᒡ ᓂ ‍ ᐱᒧᑕᔅᑭᓇᓇᒡ᙮
\b
\q1
\v 15 ᒥᔽᔨᒧᐅᒡ ᐊᓐᒡ ᐃᔪᒡ, ᐊᑯ ᐃᓯᓇᑯᓯᒡ;
\q2 ᓂᐦᐃ, ᒥᔽᔨᒧᐅᒡ ᐊᓐᒡ ᐃᔪᒡ, ᑲ ‍ ᐅᒋᓴᒪᓂᑐᒥᒡ ᑎᐸᔨᒋᒐᓱᐛ᙮
\c 145
\s2 Psalm 145:1-5 (Proper-27 Year C)
\q1
\v 1 ᒋᑭ ‍ ᒋᔅᑕᒋᒥᑎᓐ, ᓂᒋᓴᒪᓂᑐᒻ, ᐅ ᒋᓴᐅᒋᒪᐤ;
\q2 ᑭᔭ ᓂᑭ ‍ ᒥᔽᒋᑕᓐ ᒋᑦ ᐃᓯᓂᐧᑲᓱᐅᓐ ᒧᔅ ᑲᒋᒡ᙮
\q1
\v 2 ᐊᓯᑯᒻ ᑕᑥᐤ ᒐᓯᑲᒡ ᒋᑭ ‍ ᒪᒥᒋᒥᑎᓐ,
\q2 ᑭᔭ ᓂᑭ ‍ ᒪᒥᒋᑕᓐ ᒋᑦ ᐃᓯᓂᐧᑲᓱᐅᓐ ᒧᔅ ᑲᒋᒡ᙮
\b
\q1
\v 3 ᒋᔅᑎᓯᐤ ᑎᐸᔨᒋᒐᓱᐤ, ᑭᔭ ᐃᑕᔨᑕᑯᓱᐤ ᓇᔅᒡ ᒐᒋ ᒪᒥᒋᒪᑭᓄᐅᑦ;
\q2 ᑭᔭ ᐅᒋᔅᑎᓯᐅᓐ ᓇᒪ ᑕᐱ ‍ ᒋᔅᒐᔨᑕᑯᓂᔪᐤ᙮
\q1
\v 4 ᐸᐃᒂᐤ ᐅᑦ ᐊᔭᓂᔅᒐ ‍ ᐱᒪᑎᓯᐅᒡ ᒋᑭ ‍ ᐊᔭᓂᔅᒐ ᒪᒥᒋᑎᒧᒡ ᒋᑦ ᐊᑐᔅᒐᐅᓇ,
\q2 ᑭᔭ ᒋᑭ ‍ ᐛᐎᑎᒧᒡ ᒋᓱᐧᑲᑎᓯᐅ-ᐃᑐᐅᓇ᙮
\q1
\v 5 ᓂᑭ ‍ ᐊᔨᒧᑕᓐ ᐊᔅᐱᔅ ‍ ᒋᔅᑕᔨᑕᒂᒡ ᒋᒋᓴᐅᒋᒪᐛᔨᑕᑯᓱᐅᓐ,
\q2 ᑭᔭ ᒋᒪᒥᔅᑲᒡ-ᐃᑐᐅᓇ᙮
\q1
\v 6 ᐃᔪᒡ ᒪᒃ ᒋᑭ ‍ ᐊᔨᒧᑎᒧᒡ ᐊᔅᐱᔅ ᓱᐧᑲᑎᓯᒥᑭᒋ ᒋᑯᔅᑕᑎᑯᐅ-ᐃᑐᐅᓇ:
\q2 ᓂᑭ ‍ ᐎᑕᓐ ᒪᒃ ᒋᒋᔅᑎᓯᐅᓐ᙮
\q1
\v 7 ᒥᔅᑎ ᒋᑭ ‍ ᐛᐎᑎᒧᒡ ᐊ ᐃᓯ ‍ ᒋᔅᒋᑐᑕᑭᓄᐎᔨᒡ ᒋᒥᔅᑎ ᒥᔽᑎᓯᐅᓂᔪᐤ,
\q2 ᑭᔭ ᐊ ‍ ᓂᑭᒧᒡ ᒋᑭ ‍ ᐊᔨᒧᑎᒧᒡ ᒋᑯᐃᔅᑯᑕᑎᓯᐅᓂᔪᐤ᙮
\b
\q1
\v 8 ᑎᐸᔨᒋᒐᓱᐤ ᒋᓴᐛᑎᓯᐤ, ᑭᔭ ᓴᑭᔅᒋᓇᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ;
\q2 ᓇᒪ ᑎᐛᒡ ᒋᔄᓯᑦ, ᑭᔭ ᓇᔅᒡ ᐊ ‍ ᓱᐛᔨᒋᒐᑦ᙮
\q1
\v 9 ᑎᐸᔨᒋᒐᓱᐤ ᒥᓯᐛ ᒥᔪᑐᑐᐛᐤ;
\q2 ᑭᔭ ᐅᔪᔅᐱ ᓱᐛᔨᒋᒐᐅᓇ ᐅᑎᑕᒧᒪᑭᓂᔪᐛ ᒥᓯᐛ ᐅᑦ ᐊᑐᔅᒐᐅᓇ᙮
\s2 Psalm 145:10-18 (Proper-12 Year B)
\q1
\v 10 ᒥᓯᐛ ᒋᑦ ᐊᑐᔅᒐᐅᓇ ᒋᑭ ‍ ᒪᒥᒋᒥᑯᓐ, ᐅ ᑕᐸᔨᒋᒐᔨᓐ;
\q2 ᑭᔭ ᒋᐸᔭᒋᓯᒥᒡ ᒋᑭ ‍ ᒥᔽᒋᒥᑯᒡ᙮
\q1
\v 11 ᒋᑭ ‍ ᐊᔨᒧᑎᒧᒡ ᐊᔅᐱᔅ ᒋᔅᑕᔨᑕᑯᓂᔨᒡ ᒋᒋᓴᒋᒪᐅᓂᔪᐤ,
\q2 ᑭᔭ ᒋᑭ ‍ ᐎᑕᒧᒡ ᒋᑭᔅᒋᐅᓂᔪᐤ;
\q1
\v 12 ᒐᒋ ᒋᔅᒐᔨᑎᒥᐊᒡ ᒥᓯᐛ ᐃᔪᐤ ‍ ᐅᑯᓯᓴᓇ ᐅᓱᐧᑲᑎᓯᐅ-ᐃᑐᐅᓇ,
\q2 ᑭᔭ ᐊᔅᐱᔅ ᒋᓴᐅᒋᒪᐛᔨᑕᑯᓂᔨᒡ ᐅᑦ ᐅᒋᒪᐅᓐ᙮
\q1
\v 13 ᒋᒋᓴᒋᒪᐅᓐ ᑲᒋᒡ ᐅᒋᒪᐅᓄᐤ,
\q2 ᑭᔭ ᒋᑎᐸᔨᒋᒐᐅᓐ ᐱᒥᐱᔪᐤ ᒥᓯᐛ ᒐ ᐊᑎ ᐊᓂᔅᒐ ‍ ᐱᒪᑎᓯᓇᓄᐅᒡ᙮
\b
\q1
\v 14 ᑎᐸᔨᒋᒐᓱᐤ ᓯᑐᓇᐤ ᒥᓯᐛ ᑲ ‍ ᐸᒋᓯᓂᔨᒋ,
\q2 ᑭᔭ ᐱᓯᑯᓇᐤ ᒥᓯᐛ ᐊᓂᔭᔪᐛ ᑲ ‍ ᒪᒥᓴᒪᔨᑎᒥᔨᒋ᙮
\q1
\v 15 ᒥᓯᐛ ᐅᔅᒋᓯᑯᐛᐛ ᒋᑦ ᐊᓯᓄᐛᐃᑯᐛᓐ;
\q2 ᒋᑦ ᐊᓯᒪᐅᒡ ᒪᒃ ᑯᐃᔅᒄ ᐛᑎᒋᐱᔨᒋ᙮
\q1
\v 16 ᒋ ‍ ᓴᑐᐱᔨᑕᓐ ᒋᑎᒋᔾ,
\q2 ᑭᔭ ᒋ ᑕᐱ ‍ ᒥᔭᐤ ᐊ ᐃᓯ ‍ ᓂᑐᐛᔨᑕᐧᒃ ᒥᓯᐛ ᑕᑐᐤ ᐊᐛᓐ ᑲ ‍ ᐱᒪᑎᓯᑦ᙮
\b
\q1
\v 17 ᑎᐸᔨᒋᒐᓱᐤ ᑯᐃᔅᑯᑕᑎᓯᐤ ᒥᓯᐛ ᐅᑦ ᐃᓯᑥᐅᓂᒡ,
\q2 ᑭᔭ ᐸᔭᒋᓯᐤ ᒥᓯᐛ ᐅᑦ ᐊᑐᔅᒐᐅᓂᒡ᙮
\q1
\v 18 ᑎᐸᔨᒋᒐᓱᐤ ᐸᓱᐛᐱᒪᐤ ᒥᓯᐛ ᑲ ‍ ᓂᑐᐛᔨᒥᑯᑦ,
\q2 ᒥᓯᐛ ᑲ ‍ ᓂᑐᐛᔨᒥᑯᑦ ᑕᑈᐅᓂᒡ᙮
\q1
\v 19 ᒋᑭ ‍ ᑎᐱᐸᔨᑕᐤ ᐊ ᐃᓯ ‍ ᓂᑐᐛᔨᑎᒥᔨᒋ ᐊᓂᔭᔪᐛ ᑲ ‍ ᓇᓂᒋᔅᑕᑯᑦ:
\q2 ᒋᑭ ‍ ᓂᑐᑐᐛᐤ ᒪᒃ ᐊ ‍ ᒪᑕᑯᑦ, ᑭᔭ ᒋᑭ ‍ ᐱᒪᒋᐊᐤ:
\q1
\v 20 ᑎᐸᔨᒋᒐᓱᐤ ᑭᓄᐛᔨᒪᐤ ᒥᓯᐛ ᐊᓂᔭᔪᐛ ᑲ ‍ ᓴᒋᐃᑯᑦ;
\q2 ᒪᒃ ᒥᓯᐛ ᐅᒥᒋᑥᐛ ᒋᑭ ‍ ᓂᓱᐅᓇᒋᐊᐤ᙮
\b
\q1
\v 21 ᓂᑐᓂᒡ ᓂᑭ ᐅᒋ ‍ ᐊᔨᒧᑎᒺᓐ ᐅᒪᒥᒋᒥᑯᓯᐅᓐ ᑎᐸᔨᒋᒐᓱᐤ:
\q2 ᐊᑯᔅ ᒪᒃ ᒥᓯᐛ ᑲ ‍ ᐎᔭᓯᒡ ᒋᑭ ‍ ᒥᔽᒋᑎᒺᐅᒡ ᐅᐸᔭᒋ-ᐃᓯᓂᐧᑲᓱᐅᓂᔪᐤ ᑲᒋᒡ ᑭᔭ ᑲᒋᒡ᙮
\c 146
\s2 Psalm 146 (Proper-18, Proper-27 Year B; Proper-21 Year C)
\q1
\v 1 ᒪᒥᒋᒥᐧᒄ ᑎᐸᔨᒋᒐᓱᐤ !
\b
\q2 ᒪᒥᒋᒻ ᑎᐸᔨᒋᒐᓱᐤ ᐅ ᓂᑦ ᐊᒐᐧᒄ᙮
\q1
\v 2 ᒥᒄ ᒐ ᐃᔅᐱᔅ ‍ ᐱᒪᑎᓯᔭᓐ ᓂᑭ ‍ ᒪᒥᒋᒪᐤ ᑎᐸᔨᒋᒐᓱᐤ,
\q2 ᐊ ‍ ᓂᑭᒧᔭᓐ ᓂᑭ ‍ ᒪᒥᒋᒪᐤ ᓂᒋᓴᒪᓂᑐᒻ ᒥᒄ ᒐ ᐃᔅᐱᔅ ‍ ᐊᔭᔭᓐ ᓂᐱᒪᑎᓯᐅᓐ᙮
\b
\q1
\v 3 ᐊᑲᐎᔾ ᒪᒥᓯᑐᑕᐧᑯᒡ ᐅᒋᒪᐅᒡ,
\q2 ᐊᑲ ᑭᔭ ᐃᔪᐤ ᐅᑯᓯᓴᓐ,
\q2 ᐊᑲ ᐅᐎᒋᐃᑯᓯᐅᓂᒡ᙮
\q1
\v 4 ᐅᔭᔭᐅᓐ ᐎᐎᐱᔪᐤ, ᐅᑦ ᐊᓯᔅᒋᒡ ᐃᓯ ᒋᐛᐤ;
\q2 ᐊᔪᐅᒄ ᐊᓂᔭᔪᐤ ᐊ ‍ ᒋᓯᑲᔨᒡ ᒪᒃ ᐅᑦ ᐃᑕᔨᑎᒧᐅᓇ ᓂᓱᐅᓇᑎᓂᔪᐛ᙮
\b
\s2 Psalm 146:5-10 (Advent-3 Year A)
\q1
\v 5 ᒥᔽᔨᒧᐤ ᐊᓐ ᑲ ‍ ᐎᒋᐃᑯᑦ ᒐᑭᐸ ᐅᒋᓴᒪᓂᑐᒥᔪᐛ,
\q2 ᑲ ‍ ᐊᔅᐸᔨᒧᑐᑐᐛᑦ ᑲ ‍ ᑎᐸᔨᒋᒐᔨᒋ ᐅᒋᓴᒪᓂᑐᒪ;
\q1
\v 6 ᑲ ‍ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ,
\q2 ᐎᓂᐸᑯᔪᐤ ᑭᔭ ᒥᓯᐛ ᐊᓐᑕ ᐊ ‍ ᑎᒂᓂᔨᒡ:
\q2 ᑲ ‍ ᑭᓄᐛᔨᑕᐧᒃ ᑕᑈᐅᓂᔪᐤ ᑲᒋᒡ;
\q1
\v 7 ᐊ ᐃᓯ ‍ ᐎᔨᓱᐛᔨᑕᑯᓂᔨᒡ ᑲ ‍ ᐃᑐᑎᒧᐛᑦ ᑲ ‍ ᐊᔨᒥᐅᔨᒋ;
\q2 ᑲ ‍ ᐊᓴᒪᑦ ᑲ ‍ ᓄᑕᐧᑭᑕᔨᒋ᙮
\q1 ᑎᐸᔨᒋᒐᓱᐤ, ᓴᓂᒧᐛᐤ ᑲᒋᐸᐛᑭᓄᐎᒋ:
\q2
\v 8 ᑎᐸᔨᒋᒐᓱᐤ ᑐᑐᐛᐤ ᒐᒋ ᐛᐸᑎᒥᔨᒋ ᐊᑲ ᐛᐸᑎᒥᔨᒋ:
\q2 ᑎᐸᔨᒋᒐᓱᐤ ᐱᓯᑯᓇᐤ ᐊᓂᔭᔪᐛ ᑲ ‍ ᒪᒥᓴᒪᔨᑎᒥᔨᒋ:
\q2 ᑎᐸᔨᒋᒐᓱᐤ ᓴᒋᐊᐤ ᐅᑯᐃᔅᑯᑕᑎᓯᐛ:
\q1
\v 9 ᑎᐸᔨᒋᒐᓱᐤ ᑭᓄᐛᔨᒪᐤ ᒪᓐᑕᐛ:
\q2 ᓇᑎᒧᐛᐤ ᒋᐅᓴᓂᓴ ᑭᔭ ᐃᔎᐛ ᑲ ‍ ᓂᐱᔨᒋ ᐅᓇᐸᒥᔪᐛ:
\q2 ᒪᒃ ᐅᒪᔅᑭᓇᔪᐤ ᐅᒥᒋᑥᐛ ᒂᑎᐱᑎᒺᐤ᙮
\b
\q1
\v 10 ᑎᐸᔨᒋᒐᓱᐤ ᑲᒋᒡ ᒋᑭ ‍ ᑎᐸᔨᒋᒐᐤ,
\q2 ᒋᒋᓴᒪᓂᑐᒻ, ᐅ ᓴᐃᔭᓐ, ᒥᓯᐛ ᒐ ᐊᑎ ᐊᓂᔅᒐ ‍ ᐱᒪᑎᓯᓇᓄᐅᒡ᙮
\b
\q1 ᒪᒥᒋᒥᐧᒄ ᑎᐸᔨᒋᒐᓱᐤ !
\c 147
\s2 Psalm 147:1-11, 20c (Epiphany-5 Year B)
\q1
\v 1 ᒪᒥᒋᒥᐧᒄ ᑎᐸᔨᒋᒐᓱᐤ !
\b
\q2 ᐛᔅ ᒥᔽᓯᔪᐤ ᐊ ‍ ᒪᒥᒋᒪᑭᓄᐅᑦ ᒋᒋᓴᒪᓂᑐᒥᓄᐤ ᐊ ‍ ᓂᑭᒧᓇᓄᐅᒡ:
\q2 ᐛᔅ ᒥᔽᔨᑕᑯᓐ, ᑭᔭ ᒪᒥᒋᒧᐛᐅᓐ ᒥᔽᓯᔪᐤ᙮
\b
\q1
\v 2 ᑎᐸᔨᒋᒐᓱᐤ ᐅᓯᑕᐤ ᒋᕈᓯᓕᒥᔪᐤ;
\q2 ᒪᒧᐤ ᒪᐅᒋᐊᐤ ᑲ ‍ ᐎᐎᐛᐱᓇᑭᓄᐎᒋ ᐃᔅᕋᐃᓕᒡ᙮
\q1
\v 3 ᒥᓏᒋᐊᐤ ᑲ ‍ ᐱᑯᑕᐊᔨᒋ,
\q2 ᑭᔭ ᒪᑯᐱᑎᒺᐤ ᐊ ‍ ᒥᔄᑭᓂᐧᑲᑕᑭᓄᔨᒋ᙮
\b
\q1
\v 4 ᐎᑎᒻ ᐊ ‍ ᐃᑎᓯᔨᒋ ᐅᒐᑭᑕᒂ:
\q2 ᐊᓯᓂᐧᑲᓱᔨᒋ ᐃᓯ ᓂᑐᒪᐤ᙮
\q1
\v 5 ᒋᔅᑎᓯᐤ ᑎᐸᔨᒋᒐᓱᐤ ᑭᔭ ᓇᔅᒡ ᑭᔅᒋᐅᐤ:
\q2 ᐅᓂᔅᑐᑎᒧᐅᓐ ᓇᒪᐎᔾ ᑕᐱ ‍ ᒋᔅᒐᔨᑕᒂᓂᔪᐤ᙮
\q1
\v 6 ᑎᐸᔨᒋᒐᓱᐤ ᐅᐱᓇᐤ ᑲ ‍ ᔪᔅᑲᑎᓯᔨᒋ:
\q2 ᒧᔅᑎᔅᑭᒥᒡ ᐃᓯ ᓂᒋᐛᐸᐛᐤ ᐅᒥᒋᑥᐛ᙮
\b
\q1
\v 7 ᓂᑭᒧᔅᑕᐧᒄ ᑎᐸᔨᒋᒐᓱᐤ ᐊ ‍ ᓂᓇᔅᑯᒪᒄ;
\q2 ᐊ ‍ ᓂᑭᒧᔭᒄ ᐊᓯᑭᓇᔭᐱᔾ ᒋᔍᐛᐱᒋᑭᓂᒡ ᒪᒥᒋᒥᐧᒄ ᒋᒋᓴᒪᓂᑐᒥᓄᐤ,
\q1
\v 8 ᑲ ‍ ᐊᑯᓇᐊᐊᐧᒃ ᒋᓯᑯᔪᐤ ᑭᔅᑯᐅᓇ ᐅᒡ,
\q2 ᑲ ‍ ᒋᒧᓄᑕᑦ ᐊᔅᒋᒡ,
\q2 ᑲ ‍ ᓂᑕᐅᒋᑕᑦ ᒥᔅᑯᓯᔭ ᐱᔅᑯᑎᓇᒡ᙮
\q1
\v 9 ᒥᔭᐤ ᐊᐛᓯᓴ ᐅᒥᒋᒥᔪᐤ,
\q2 ᑭᔭ ᑲᐧᑲᒍᓯᓴ ᑲ ‍ ᐸᑕᑯᓯᔨᒋ᙮
\b
\q1
\v 10 ᓇᒪᐎᔾ ᒥᔽᔨᑎᒥᐃᑯᐛᐤ ᑲᐸᐃᑭᔎᐛ ᐅᒥᔅᑯᐅᓯᐅᓂᔪᐤ,
\q2 ᓇᒪᐎᔾ ᒥᔽᔨᑎᒺᐤ ᐃᔪᐛ ᐅᔅᑲᑎᔪᐛ᙮
\q1
\v 11 ᑎᐸᔨᒋᒐᓱᐤ ᒥᔽᔨᒪᐤ ᐊᓂᔭᔪᐛ ᑲ ‍ ᓇᓂᒋᔅᑕᑯᑦ,
\q2 ᐊᓂᔭᔪᐛ ᑲ ‍ ᐊᔅᐸᔨᒧᔨᒋ ᐅᓱᐛᔨᒋᒐᐅᓂᒡ᙮
\b
\s2 Psalm 147:12-20 (Christmas-2 Year B)
\q1
\v 12 ᒪᒥᒋᒻ ᑎᐸᔨᒋᒐᓱᐤ, ᐅ ᒋᕈᓯᓕᒻ;
\q2 ᒪᒥᒋᒻ ᒋᒋᓴᒪᓂᑐᒻ, ᐅ ᓴᐃᔭᓐ᙮
\q1
\v 13 ᐛᔅ ᒋ ‍ ᒥᔅᑯᐅᑕᐤ ᒋ ‍ ᒋᒋᐃᔎᑕᒪᐱᔎ;
\q2 ᒋ ‍ ᒥᔽᒋᒪᐤ ᒋᑦ ᐊᐛᓯᒥᓴ ᑲ ‍ ᐱᒋᔅᑲᔅᒋᔨᔅᒋ᙮
\q1
\v 14 ᒋᔭᒪᔨᑎᒧᐅᓂᒐᐤ ᒋᑦ ᐃᑕᐅᓂᒡ,
\q2 ᑭᔭ ᒋ ‍ ᓴᑭᔅᒋᓇᐃᒄ ᓇᔅᒡ ᒪᔪᓯᓯᔨᒋ ᐸᒂᓯᑭᓂᒥᓇ᙮
\b
\q1
\v 15 ᐸᒋ ‍ ᐃᑎᓴᒻ ᐅᑦ ᐃᑎᓱᐛᐅᓐ ᐊᔅᒋᒡ:
\q2 ᐅᑦ ᐃᔨᒧᐅᓐ ᓇᔅᒡ ᒋᓯᐱᔪᐤ᙮
\q1
\v 16 ᒥᔨᐛᐤ ᑯᓇ ᒧᔭᒻ ᒪᔭᑕᓂᓴ ᐅᐱᐎᔭᐛ:
\q2 ᐛᓴᔄᑎᓴᐊᒻ ᐊᐊᒋᑯᑎᓂᔨᒡ ᒧᔭᒻ ᐱᐧᑯᑕᔪᐤ᙮
\q1
\v 17 ᐎᐎᑎᓴᐛᐤ ᐅ ᒥᔅᑯᒥᒪ ᒧᔭᒻ ᓯᔅᑲᒧᐅᓇ:
\q2 ᐊᐛᓐ ᒐᒋ ᐅᑎᔅᑯᐎᑲᐳᔅᑎᒺᑦ ᐅᒋᓯᓂᒥᔪᐤ ?
\q1
\v 18 ᒋ ‍ ᐃᑎᓴᐊᒻ ᐅᑦ ᐃᔨᒧᐅᓐ, ᐊᐸᐱᔨᑕᐤ ᒪᒃ:
\q2 ᔪᑎᓂᑕᐤ ᐊᑯ ᓂᐱᔭ ᐸᒥᒍᐅᒋ᙮
\b
\q1
\v 19 ᐛᐸᑎᔭᐤ ᐅᑦ ᐃᔨᒧᐅᓐ ᒐᑭᐸ,
\q2 ᐅᑦ ᐃᑎᓱᐛᐅᓇ ᑭᔭ ᐅ ᑎᐸᔅᑯᓂᒐᐅᓇ ᐃᔅᕋᐃᓚ᙮
\q1
\v 20 ᓇᒪᐎᔾ ᐅᔭᔪᐤ ᒋ ᐃᓯ ‍ ᑐᑐᐛᐤ ᑯᑎᑲ ᐊ ‍ ᐃᑎᔅᑲᓇᓯᔨᒋ ᐃᔪᐛ:
\q2 ᑭᔭ ᐅᑎᐸᔅᑯᓂᒐᐅᓇ ᓇᒪᐎᔾ ᒋ ‍ ᒋᔅᒐᔨᑎᒥᔪᐛ᙮
\b
\q1 ᒪᒥᒋᒥᐧᒄ ᑎᐸᔨᒋᒐᓱᐤ !
\c 148
\s2 Psalm 148 (Christmas-1 Year A, B, C; Easter-5 Year C)
\q1
\v 1 ᒪᒥᒋᒥᐧᒄ ᑎᐸᔨᒋᒐᓱᐤ !
\b
\q2 ᒪᒥᒋᒥᐧᒄ ᑎᐸᔨᒋᒐᓱᐤ ᒋᓯᑯᒡ ᐅᒡ:
\q2 ᒪᒥᒋᒥᐧᒄ ᐃᔅᐱᒥᒡ᙮
\q1
\v 2 ᒪᒥᒋᒥᐧᒄ, ᒥᓯᐛ ᒋᔨᐛᐤ ᐅᑦ ᐊᓐᒋᓂᒪ:
\q2 ᒪᒥᒋᒥᐧᒄ ᒥᓯᐛ ᒋᔨᐛᐤ ᐅᒪᐅᒋᐃᑐᒪ᙮
\q1
\v 3 ᒪᒥᒋᒥᐧᒄ, ᒋᔨᐛᐤ ᐱᓯᒻ ᑭᔭ ᑎᐱᔅᑲᐤ ᐱᓯᒻ:
\q2 ᒪᒥᒋᒥᐧᒄ ᒥᓯᐛ ᒋᔨᐛᐤ ᑲ ‍ ᐛᓯᓱᔭᒄ ᐅᒐᑭᑕᐧᑯᒡ᙮
\q1
\v 4 ᒪᒥᒋᒥᐧᒄ, ᒋᔨᐛᐤ ᒋᒋᒋᓯᑯᑐᒄ,
\q2 ᑭᔭ ᒋᔨᐛᐤ ᓂᐱᔭ ᑲ ‍ ᐸᔅᒋᐱᔨᒋ ᒋᓯᑯᒡ᙮
\q1
\v 5 ᐊᑯᔅ ᒋᑭ ‍ ᒪᒥᒋᑕᒺᐅᒡ ᑎᐸᔨᒋᒐᓱᐛ ᐅᑦ ᐃᓯᓂᐧᑲᓱᐅᓂᔪᐤ:
\q2 ᐛᔅ ᒋ ‍ ᐃᑎᓱᐛᐤ, ᐊᑯ ᑲ ‍ ᐅᓯᐊᑭᓄᐅᒡ᙮
\q1
\v 6 ᑭᔭ ᒋ ‍ ᒥᔅᑯᐅᔅᑕᐤ ᑲᒋᒡ ᑭᔭ ᑲᒋᒡ:
\q2 ᒋ ‍ ᐎᔨᓱᐛᐤ ᒐ ᐊᑲ ‍ ᐎᒪᔅᑲᒐᐱᔨᔨᒋ᙮
\b
\q1
\v 7 ᒪᒥᒋᒥᐧᒄ ᑎᐸᔨᒋᒐᓱᐤ ᐊᔅᒋᒡ ᐅᒋ,
\q2 ᒋᔨᐛᐤ ᒥᓯᒋᓇᐱᑯᑐᒄ, ᑭᔭ ᒥᓯᐛ ᒋᔅᑲᔨᐛᑐᒄ;
\q1
\v 8 ᐃᔅᑯᑕᐤ, ᑭᔭ ᐊ ‍ ᒂᑯᑲᐛᑕᒡ, ᑯᓐ ᑭᔭ ᐊ ‍ ᓂᐱᐛᐱᑕᒡ;
\q2 ᐊ ‍ ᔪᑎᒡ ᐊ ‍ ᑎᐱᐸᔨᑕᒧᒥᑭᓂᔨᒡ ᐅᑦ ᐃᔨᒧᐅᓐ;
\q1
\v 9 ᐱᔅᑯᑎᓇᐛ, ᑭᔭ ᒥᓯᐛ ᐱᔅᑯᑎᓇᓴ;
\q2 ᑲ ‍ ᒥᓂᓯᐅᒡ ᒥᔅᑎᑯᒡ, ᑭᔭ ᒥᓯᐛ ᒪᔅᒋᔅᑲᑎᑯᒡ;
\q1
\v 10 ᐊᐛᓯᓯᒡ ᓂᑐᐎᔾ ᑲ ‍ ᐱᐸᒥᐸᑕᒡ ᑭᔭ ᑲ ‍ ᑭᓄᐛᔨᒪᑭᓄᐅᒡ;
\q2 ᑲᐱᒥᑕᒋᒧᒡ, ᑭᔭ ᑲ ‍ ᐱᐸᒥᔭᒡ ᐱᔭᓱᐅᒡ;
\q1
\v 11 ᒋᓴᐅᒋᒪᐅᒡ ᐊᔅᒋᒡ, ᑭᔭ ᒥᓯᐛ ᐃᔪᒡ;
\q2 ᒋᓴᐅᒋᒪᓯᒡ, ᑭᔭ ᒥᓯᐛ ᐅᑎᐸᔅᑯᓂᒐᐅᒡ ᐊᔅᒋᒡ;
\q1
\v 12 ᒪᒧᐤ ᐅᔅᒋᓂᒋᓱᐅᒡ, ᑭᔭ ᐅᔅᒋᓂᒋᔎᐅᒡ;
\q2 ᒋᓴᐃᔪᒡ, ᑭᔭ ᐊᐛᓯᒡ᙮
\b
\q1
\v 13 ᐊᑯᔅ ᒋᑭ ‍ ᒪᒥᒋᑕᒺᐅᒡ ᑎᐸᔨᒋᒐᓱᐛ ᐅᑦ ᐃᓯᓂᐧᑲᓱᐅᓂᔪᐤ:
\q2 ᐛᔅ ᐎᔾ ᐅᑦ ᐃᓯᓂᐧᑲᓱᐅᓐ ᒥᒄ ᐃᔅᐸᔨᑕᒂᓂᔪᐤ;
\q2 ᐅᒋᔅᑕᔨᑕᑯᓱᐅᓐ ᐊᔪᐛᒋᔅᑲᒧᒪᑭᓂᔪᐤ ᐊᔅᒋᔪᐤ ᑭᔭ ᒋᓯᑯᔪᐤ᙮
\q1
\v 14 ᐊᓯᒡ ᑭᔭ ᐃᔅᐸᔨᑕᑯᐃᒪᐤ ᐅᑦ ᐊᔅᑲᓂᔨᐛ ᐅᑦ ᐃᔨᒪ,
\q2 ᐅᒪᒪᑕᑯᒥᑯᓯᐅᓂᔪᐤ ᒥᓯᐛ ᐅᐸᔭᒋᓯᒪ;
\q2 ᐃᔅᕋᐃᓪ ᐅᑦ ᐃᔨᒪ ᐅᑦ, ᐃᔪᐛ ᑲ ‍ ᐸᔄᐱᒥᑯᑦ᙮
\b
\q1 ᒪᒥᒋᒥᐧᒄ ᑎᐸᔨᒋᒐᓱᐤ !
\c 149
\s2 Psalm 149 (Proper-18 Year A)
\q1
\v 1 ᒪᒥᒋᒥᐧᒄ ᑎᐸᔨᒋᒐᓱᐤ !
\b
\q2 ᐅᔅᒋ ᓂᑭᒧᐅᓂᔪᐤ ᓂᑭᒧᔅᑕᐧᒄ ᑎᐸᔨᒋᒐᓱᐤ,
\q2 ᑭᔭ ᐅᒪᒥᒋᒥᑯᓯᐅᓐ ᐊᓐᑕ ᐊ ‍ ᒪᐅᒋᑐᔨᒋ ᐅᐸᔭᒋᓯᒪ᙮
\b
\q1
\v 2 ᐊᑯᔅ ᐃᔅᕋᐃᓪ ᒋᑭ ‍ ᒧᒋᒐᔨᑎᒻ ᐊᓂᔭᔪᐛ ᑲ ‍ ᐅᓯᐃᑯᑦ ᐅᒋ:
\q2 ᐊᑯᔅ ᓴᐃᔭᓐ ᐅᑦ ᐊᐛᓯᒥᓴ ᒋᑭ ‍ ᒧᒋᒐᔨᑎᒥᔨᐛ ᐅᒋᓴᐅᒋᒪᒧᐛᐛ ᐅᒋ᙮
\q1
\v 3 ᐊᑯᔅ ᒋᑭ ‍ ᒪᒥᒋᑕᒺᐅᒡ ᐅᑦ ᐃᓯᓂᐧᑲᓱᐅᓂᔪᐤ ᓂᒧᐅᓂᒡ:
\q2 ᐊᑯᔅ ᐊ ‍ ᓂᑭᒧᒡ ᒋᑭ ‍ ᒪᒥᒋᒪᐅᒡ ᐊ ‍ ᐊᐱᒋᐊᒡ ᑕᐛᐃᑭᓂᓴ ᑭᔭ ᐊᓯᑭᓇᔭᐱᔾ ᒋᔍᐛᐱᒋᑭᓂᔪᐤ᙮
\q1
\v 4 ᐛᔅ ᑎᐸᔨᒋᒐᓱᐤ ᒥᔽᔨᒪᐤ ᐅᑦ ᐃᔨᒪ:
\q2 ᒋᑭ ‍ ᒥᔪᓇᑯᐊᐤ ᐅᔪᔅᑲᑎᓱᐛ ᐱᒪᒋᐃᐛᐅᓂᔪᐤ ᐅᒋ᙮
\q1
\v 5 ᐊᑯᔅ ᐅᐸᔭᒋᓯᐅᒡ ᒋᑭ ‍ ᒧᒋᒐᔨᑎᒧᒡ ᒋᔅᑕᔨᑕᑯᓱᐅᓂᒡ:
\q2 ᐊᑯᔅ ᒋᑭ ‍ ᒋᔄᐛᐅᒡ ᐊ ‍ ᓂᑭᒧᒡ ᐅᓂᐸᐅᓄᐛᒡ᙮
\b
\q1
\v 6 ᐊᑯᔅ ᐅᒋᒋ ‍ ᒪᒥᒋᒥᑯᓯᐅᓐ ᒋᓴᒪᓂᑐᐤ ᒋᑭ ‍ ᑎᑯᓂᔪᐤ ᐅᑐᓂᐛᒡ,
\q2 ᑭᔭ ᐊ ‍ ᓂᔄᐱᑕᔭᒡ ᓂᑐᐱᔪᐅ-ᒧᐧᑯᒪᓂᔪᐤ ᐅᑎᒋᐛᒡ;
\q1
\v 7 ᒐᒋ ᓇᓇᐧᑲᒋᐊᒡ ᐊᑲ ᐊᔭᒥᐊᔨᒋ,
\q2 ᑭᔭ ᒐᒋ ᐊᔨᒥᐊᒡ ᐃᔪᐛ;
\q1
\v 8 ᒐᒋ ᒪᒪᒋᒂᐱᔎᐅᒪᑦ ᐅᒋᓴᐅᒋᒪᒥᔪᐛ,
\q2 ᑭᔭ ᐅᒋᓴᐃᔨᒥᔪᐛ ᒪᑯᐱᓱᓇᐱᔎ ᐅᒡ;
\q1
\v 9 ᒐᒋ ᑎᐱᑐᑐᐛᒡ ᐊ ᐃᓯ ‍ ᑎᐸᔅᑯᓂᒐᐤ ᒥᓯᓇᐃᑭᓄᐎᔨᒡ ᐅᔭᔪᐤ,
\q2 ᒋᔅᑕᔨᒧᐅᓂᔪᐤ ᐅᔭᔪᐛ ᒥᓯᐛ ᐅᐸᔭᒋᓯᒪ᙮
\b
\q1 ᒪᒥᒋᒥᐧᒄ ᑎᐸᔨᒋᒐᓱᐤ !
\c 150
\q1
\v 1 ᒪᒥᒋᒥᐧᒄ ᑎᐸᔨᒋᒐᓱᐤ !
\b
\q2 ᒪᒥᒋᒥᐧᒄ ᒋᓴᒪᓂᑐᐤ ᐅᐸᔭᒋ-ᒥᒋᐛᐱᒡ:
\q2 ᒪᒥᒋᒥᐧᒄ ᐊᓐᑕ ᐊ ‍ ᓄᑯᓂᔨᒡ ᐅᑭᔅᒋᐅᓐ ᒋᓯᑯᒡ᙮
\q1
\v 2 ᒪᒥᒋᒥᐧᒄ ᐅᓱᐧᑲᑎᓯᐅ-ᐃᑐᐅᓇ ᐅᒡ:
\q2 ᒪᒥᒋᒥᐧᒄ ᐊ ᐃᓯ ᒥᔪ ‍ ᒋᔅᑎᓯᑦ᙮
\q1
\v 3 ᒪᒥᒋᒥᐧᒄ ᐊ ‍ ᐸᑕᒂᒡ ᐳᑕᒋᑭᓐ:
\q2 ᒪᒥᒋᒥᐧᒄ ᓂᑭᒧᒋᑭᓂᒡ ᑭᔭ ᐊᓯᑭᓇᔭᐱᔾ ᒋᔍᐛᐱᒋᑭᓂᒡ᙮
\q1
\v 4 ᒪᒥᒋᒥᐧᒄ ᑕᐛᐃᑭᓂᓯᒡ ᑭᔭ ᓂᒧᐅᓂᒡ:
\q2 ᒪᒥᒋᒥᐧᒄ ᒋᑐ ᐛᔭᐱᔅᑲᐃᑭᓂᒡ ᑭᔭ ᒋᔅᑐᒋᑭᓂᒡ᙮
\q1
\v 5 ᒪᒥᒋᒥᐧᒄ ᒋᑐ ᐛᔭᐱᔅᑲᐃᑭᓂᒡ:
\q2 ᒪᒥᒋᒥᐧᒄ ᒋᔄᐛ ᒋᑐ ᐛᔭᐱᔅᑲᐃᑭᓂᒡ᙮
\b
\q1
\v 6 ᐊᑯᔅ ᒥᓯᐛ ᑕᑐᐤ ᐊᐛᓐ ᑲ ‍ ᔭᔭᑦ ᒋᑭ ‍ ᒪᒥᒋᒪᐤ ᑎᐸᔨᒋᒐᓱᐛ᙮
\b
\q2 ᒪᒥᒋᒥᐧᒄ ᑎᐸᔨᒋᒐᓱᐤ !

\id SNG
\toc3 ᓴᓚᒥᓐ ᐅᓂᑭᒧᐅᓐ
\toc2 ᓴᓚᒥᓐ ᐅᓂᑭᒧᐅᓐ
\toc1 ᓴᓚᒥᓐ ᐅᓂᑭᒧᐅᓐ
\c 1
\p
\v 1 ᒪᐅᒡ ᑲ ‍ ᒥᔪᑕᑯᓂᔨᒋ ᓴᓚᒥᓐ ᐅᓂᑭᒧᐅᓇ
\s1 ᓂᔅᑎᒻ ᓂᑭᒧᐅᓐ
\sp ᐃᔎᐤ ᐊ ‍ ᐃᔨᒥᑦ
\q1
\v 2 ᓱᐛᔨᒥ ᓂᑐᓂᒡ,
\q2 ᐛᔅ ᒋᓴᒋᐃᐛᐅᓐ ᐊᑎᑐᐤ ᒥᔽᔨᑕᑯᓐ ᐃᔅᐱᔅ ᓱᒥᓇᐳᔾ᙮
\q1
\v 3 ᒥᔪᒪᑯᓱᐅᒡ ᒋᑐᒥᓂᒐᐅ-ᐱᒥᒥᒡ,
\q2 ᒋᑦ ᐃᓯᓂᐧᑲᓱᐅᓐ ᒧᔭᒻ ᐊᐳᓂᑭᓄᐅᒡ ᑲᐎᒋᒪᑯᓯᒡ,
\q2 ᐊᐅᑯᓐ ᐅᒡ ᒥᓯᐛ ᐅᔅᒋᓂᒋᔎᐅᒡ ᒋ ‍ ᓴᒋᐃᑯᒡ᙮
\q1
\v 4 ᒋᔅᑕᑉ ᒋᑐᑕᔨ, ᒋᒋᒡ ᐃᑐᑕᔨ᙮
\q2 ᒧᔭᒻ ᐅ ᒋᔾ ᓂ ‍ ᒋᓴᐅᒋᒪᒻ; ᒋᑲᐱᔅᒋᒐᔭᒥᒡ ᐃᑐᑕᔨ᙮
\sp ᐎᒐᐛᑭᓄᐛᐛ ᐊ ‍ ᐃᔨᒥᔨᒋ
\q1 ᒪᒧᐤ ᒋᑭ ‍ ᒥᒋᒐᔨᑕᓇᓄᐤ ᑭᔭ ᒥᔽᔨᑕᓇᓄᐤ ᒋᔾ ᐅᒡ᙮
\q2 ᒋᑭ ‍ ᒪᒥᒋᑕᓇᓄᐤ ᒋᓴᒋᐃᐛᐅᓐ ᐊᑎᑐᐤ ᐃᔅᐱᔅ ᓱᒥᓇᐳᔾ᙮
\q2 ᓇᒪ ᒥᔅᑲᑕᔨᑕᑯᓐ ᑯᑎᑭᒡ ᐅᔅᒋᓂᒋᔎᐅᒡ ᐊ ‍ ᓴᒋᐃᔅᒡ᙮
\sp ᐃᔎᐤ ᐊ ‍ ᐃᔨᒥᑦ
\q1
\v 5 ᒋᔨᐛᐤ ᒋᕈᓴᓕᒻ ᐃᔎᐅᒡ, ᓂ ‍ ᐎᐱᓯᓐ ᒥᒄ ᓂ ‍ ᒥᔪᓯᓯᓐ,
\q2 ᑲ ‍ ᐎᐱᓯᑦ ᓂᓯᑭ ᒧᔭᒻ ᐱᒍᐎᔭᓂᒋᐛᐸ ᐊᓐᑕ ᑭᑐᕐ᙮
\q2 ᒥᒄ ᒥᔽᓱᐤ ᒧᔭᒻ ᐊᑯᐛᑲᐃᑭᓇ ᐊᓐᑕ ᓴᓚᒥᓐ ᐅᒋᓴᐅᒋᒪᐅᒋᐛᐱᒡ᙮
\q1
\v 6 ᒥᒄ ᐊᑲ ᒋᑕᐱᒥ ᐅᓴᒻ ᐱᓯᒻ ᑲ ‍ ᐃᔎᓴᐧᒃ ᓂᓯᑭᔪᐤ,
\q2 ᓂᒋ ‍ ᒋᔄᓯᔅᑕᑯᒡ ᓂᐧᑲᓂᓯᒡ,
\q2 ᑭᔭ ᑲ ‍ ᑐᑐᐅᒡ ᒐᒋ ᐊᑐᔅᒐᐅᒡ ᐊᒋᓴᔅᑕᔨᒡ ᐊᓐᑕ ᓱᒥᓇᑎᑯᐤ ᓂᑕᐅᒋᒋᑭᓂᒡ;
\q2 ᐊᑯ ᓇᒪ ᓂ ᐅᒋ ‍ ᒥᔪᑐᑕᑎᓱᐤ᙮
\q1
\v 7 ᒋᔾ, ᑲ ‍ ᓴᒋᐃᑕᓐ, ᒋᑭ ‍ ᓇᑭᑐᐛᔨᒪᐅᒡ ᐊ ᒋᒪᔭᑕᓂᓯᒥᒡ ᐊᓄᒡ ?
\q2 ᑕᓐᑕ ᒐ ‍ ᓇᐃᒥᑥᐤ ᒐᒋ ᐊᔅᑕᔭᔅᑯᓯᒡ ᐊᐱᑕᒋᓯᑲᔨᒐ ?
\q1 ᓂ ᐎ ‍ ᒋᔅᒐᔨᑕᓐ ᐅᓴᒻ ᓇᒪ ᒥᔽᐤ ᒐᒋ ᐱᐸᒧᑕᔭᓐ ᒧᔭᒻ ᐱᓯᒂᑎᓯᔎᐤ ᐊ ‍ ᓇᓂᑐᐛᐱᒥᑕᓐ
\q2 ᐊᓐᑕ ᒋᒪᔭᑕᓂᓯᒥᒡ ᐊ ‍ ᑕᒡ ᐊᓂᔭ ᒋᐎᒐᐛᑭᓐᒡ ᑲ ‍ ᑎᐸᔨᒪᒡ᙮
\sp ᓇᐸᐤ ᐊ ‍ ᐃᔨᒥᑦ
\q1
\v 8 ᒋᔾ ᐅ ᓇᔅᒡ ᑲ ᐅᒋ ‍ ᒥᔪᔎᐅᑦ ᒥᓯᐛ ᐊᑎᓯᒡ ᐃᔎᐅᒡ,
\q2 ᓇᓂᑐᐛᐱᒥᔨᓇ ᑭᔭ ᐊ ᐊᑲ ‍ ᒋᔅᒐᔨᒥᐃᓇ ᑕᓐᑕ ᒐ ‍ ᐃᑐᑕᔨᒂᐤ ᓂᒪᔭᑕᓂᓯᒥᒡ,
\q1 ᒋ ‍ ᒥᑎᒪᐅᑦ ᐅᒪᔅᑭᓇᐛᐤ ᒪᔭᑕᓂᓯᒡ,
\q2 ᐊᑯ ᒐ ‍ ᒥᔨᑥᐤ ᑲ ‍ ᐅᑦ ᐊᔅᑭᓂᓯᒡ ᑲ ‍ ᐊᐱᓯᓯᒡ ᒋᑦ ᐊᐛᓯᓯᒥᒡ ᒐᒋ ᒥᒋᒡ ᒥᔅᑯᓱᐛ ᐊᓐᑕ ᒥᒋᒪ ᒪᔭᑕᓂᓯᔪᐤ ᐃᔪᐛ ᐅᐱᒍᐛᔭᓂᒋᐛᐱᔨᒡ᙮
\q1
\v 9 ᒋᒋᐛ ᒋᒥᔪᔎᐅᓐ ᓂᓴᒋᐊᑭᓐ ᒧᔭᒻ ᑲ ‍ ᐊᐛᓯᐅᑦ ᓄᓴ ᑲᐸᐃᑭᔎᐤ
\q2 ᐊᓐ ᑲ ‍ ᐅᒋᐱᑎᒺᑦ ᐅᑎᑎᑕᐸᓇᔅᑯᔪᐛ ᐃᒋᑉᑎᒡ ᒋᓴᐅᒋᒪᐛ᙮
\q1
\v 10 ᒋᒋᐛ ᒥᔽᓱᐤ ᒋᔅᐱᔎᐅᓐ ᒋᑎᒥᐧᑭᓂᒡ ᐊᔨᑎᑯᑕᒡ
\q2 ᑭᔭ ᐊᓐᑕ ᒋᑯᑕᑭᓂᒡ ᐊᔨᑎᑯᑕᒡ ᒧᔭᒻ ᐛᐛᓯᐅᓇᐱᔎ᙮
\q1
\v 11 ᒋᑭ ‍ ᐅᓯᑎᒪᑎᓐ ᐊ ‍ ᐎᔄᐅᓇᐱᔅᑯᐅᒋ,
\q2 ᐛᐛᓯᐅᓇᐱᔎ ᓴᓇᔭᐱᑯᒡ ᐊᒋᑭᒧᒋ᙮
\sp ᐃᔎᐤ ᐊ ‍ ᐃᔨᒥᑦ
\q1
\v 12 ᒪᒂᒡ ᑲᐱᒥᓯᐧᒃ ᒋᓴᐅᒋᒪᐤ ᐊᓐᑕ ᐅᒋᒪᐤ ᑕᑎᐳᐛᑭᓂᒡ,
\q2 ᒥᓯᐛ ᑲᐱᔅᒋᒐᔭᒡ ᒋᒥᔭᑯᓐ ᓂᑲᐎᒋᒪᑯᓯᒻ᙮
\q1
\v 13 ᓂᓴᒋᐊᑭᓐ ᑐᒥᓂᑭᓂᔪᐤ ᑲᐎᒋᒪᑯᓯᔨᒡ ᐃᓯᒪᑯᓱᐤ
\q2 ᒪᒂᒡ ᐊᔎᓯᒧᑦ ᓂᔅᑲᓯᑭᓂᒡ᙮
\q1
\v 14 ᓂᓴᒋᐊᑭᓐ ᐃᓯᒪᑯᓱᐤ ᒧᔭᒻ ᐊ ‍ ᒥᔪᒪᑯᓂᔨᒋ ᐛᐱᑯᓇ
\q2 ᐊᓐᑕ ᐊᓐ-ᑲᑎ ᓱᒥᓇᑎᑯᐤ ᓂᑕᐅᒋᒋᑭᓂᒡ᙮
\sp ᓇᐸᐤ ᐊ ‍ ᐃᔨᒥᑦ
\q1
\v 15 ᒋᒥᔪᔎᐅᓐ ᓂᓴᒋᐊᑭᓐ, ᒋᒋᐛ ᑕᑈ ᒋᒥᔪᔎᐅᓐ !
\q2 ᒋᔅᒋᓯᒂ ᒧᔭᒻ ᐅᒥᒥᐤ ᐃᓯᓇᑯᓇ᙮
\sp ᐃᔎᐤ ᐊ ‍ ᐃᔨᒥᑦ
\q1
\v 16 ᒋᔾ ᑲ ‍ ᓴᒋᐃᔨᓐ, ᒋᒋᐛ ᒋᒥᔽᐸᐅᓐ,
\q2 ᒋᒋᐛ ᑕᑈ ᒋᒥᔽᐸᐅᓐ,
\q2 ᑲᓯᐸᑯᐅᒋ ᒥᔅᑯᓱᐛ ᐊᐅᒄ ᒐ ‍ ᐅᓂᐸᐅᓂᔭᐧᒄ᙮
\sp ᓇᐸᐤ ᐊ ‍ ᐃᔨᒥᑦ
\q1
\v 17 ᒥᔅᒋᔎᑎᑯᒡ ᒋ ‍ ᐅᓯᑥᔎᐃᑭᓇᓐ ᒋᒋᓇᒡ
\q2 ᑭᔭ ᒥᓇᐃᒂᑎᑯᒡ ᑕᐧᑯᒡ ᒋᒋᓇᒡ᙮
\c 2
\sp ᐃᔎᐤ ᐊ ‍ ᐃᔨᒥᑦ
\q1
\v 1 ᒧᔭᒻ ᒥᒄ ᐛᐱᑯᓐ ᓂᑦ ᐃᓯᓇᑯᓯᓐ ᒧᓱᐛᐤ ᐃᑕᐅᓂᒡ ᐅᒡ
\q2 ᑭᔭ ᒧᔭᒻ ᐊᓂᑕᐅᒋᒡ ᐛᐱᑯᓐ ᐊᓐᑕ ᐊ ‍ ᐱᓴᒡ᙮
\sp ᓇᐸᐤ ᐊ ‍ ᐃᔨᒥᑦ
\q1
\v 2 ᐊᓐᑕ ᐊ ‍ ᐃᑕᒡ ᑯᑎᑭᒡ ᐅᔅᒋᓂᒋᔎᓯᒡ,
\q2 ᐊᓐ ᑲᓴᒋᐊᒄ ᒧᔭᒻ ᐛᐱᑯᓐ ᐊᓂᑕᐅᒋᑦ ᐊᓐᑕ ᑲᓯᒥᓇᑎᑯᒡ ᐃᓯᓇᑯᓯᐤ᙮
\sp ᐃᔎᐤ ᐊ ‍ ᐃᔨᒥᑦ
\q1
\v 3 ᐊᓐᑕ ᐊ ‍ ᐃᑕᒡ ᑯᑎᑭᒡ ᐅᔅᒋᓂᒋᓱᐅᒡ,
\q1 ᒋᔾ, ᐊᓐ ᓇᐸᐤ ᑲ ‍ ᓴᒋᐃᑦ,
\q2 ᒧᔭᒻ ᐛᐱᒥᓇᑎᒄ ᑲᓂᑕᐅᒋᑦ ᐊᓐᑕ ᒥᓇᔎᒡ ᒋᑦ ᐃᓯᓇᑯᓯᓐ᙮
\q1 ᒧᔭᒻ ᒥᔅᑎᒄ ᐅᑎᑲᔅᑕᓯᓄᐅᓐ ᐊ ‍ ᑭᓄᐛᔨᒥᑯᐅᒡ ᐱᓯᒺ ᐅᒡ,
\q2 ᑭᔭ ᒥᒋᒪ ᐊᑕᔨᓐ ᐊᓐᑕ ᐊᑕᔭᓐ ᒧᔭᒻ ᐊ ‍ ᒥᒋᔭᓐ ᑲᓯᐛᒡ ᒥᓂᔅ ᒋᑦ ᐃᓯᓇᑯᓯᓐ᙮
\q1
\v 4 ᓂᒋ ‍ ᒥᔨᒄ ᒐᒋ ᒥᓄᐅᒡ ᐅᓱᒥᓇᐳᒻ᙮
\q2 ᓂᒋ ‍ ᐊᑯᓇᐅᒄ ᐅᓴᒋᐃᐛᐅᓐ᙮
\q1
\v 5 ᓴᓯᑐᓂ ᓱᒥᓐᒡ ᐅᒡ,
\q1 ᑭᔭ ᒥᔽᔨᒧᐎᔾ ᐛᐱᒥᓐᒡ ᐅᒡ,
\q2 ᐛᔅ ᓂ ‍ ᐃᔨᔨᒥᓯᓐ ᐊᒧᔅᑕᓇᔭᔨᑎᒪᓐ ᒐᒂᓐ᙮
\q1
\v 6 ᐊᔅᑕ ᒋᓂᔅᐸᒋᐅᓐ ᓴᒄ ᓂᔅᑎᒂᓂᒡ
\q2 ᑭᔭ ᐛᐛᒋᓂ ᒋᔅᐱᑐᓂᒡ ᒋᒥᔪᐅᓂᒡ᙮
\q1
\v 7 ᐊᓱᑎᒧᐅᒄ ᐅ ᒋᔨᐛᐤ ᒋᕈᓴᓕᒻ ᐅᔅᒋᓂᒋᔎᐅᒡ
\q1 ᑲ ‍ ᑭᒐᔅᑎᐱᑦ ᐊᑎᒄ ᑭᔭ ᓄᓴᑎᒄ ᐅᒡ,
\q2 ᒐ ᐊᑲ (ᒪᒪᓯᑕᔭᒄ ᓂ ‍ ᓴᒋᐃᐛᐅᓇᓐ) ᒪᒪᓯᔨᔭᒡ ᐎᐸᒥᑐᔭᒐ
\q2 ᐸᑎᒪ ᒋᒋᐛ ᒋ ‍ ᒥᔽᔨᑎᒥᔨᑐᔭᒐ᙮
\s1 ᓂᓱ ᓂᑭᒧᐅᓐ
\sp ᐃᔎᐤ ᐊ ‍ ᐃᔨᒥᑦ
\q1
\v 8 ᓂᑐᑎᒥᒄ,
\q2 ᓂ ‍ ᐸᑐᐛᐤ ᓂᓴᒋᐊᑭᓐ ᐊ ‍ ᑎᑯᓯᐧᒃ,
\q1 ᒧᔭᒻ ᐊ ᐸᒋ ‍ ᐸᔅᒋᒂᔅᑯᑎᑦ ᐱᔅᑯᑎᓇᐛ ᑭᔭ ᐱᔅᑯᑎᓇᓴ᙮
\q2
\v 9 ᒧᔭᒻ ᓄᓴᑎᐧᒄ ᑭᔭ ᒪᒃ ᐊᑎᐧᑯᔅ ᐃᑕᔨᑕᑯᓱᐤ ᓂᓴᒋᐊᑭᓐ᙮
\q1 ᐊᔅᑎᒥᑎᒡ ᐊᓐᑕ ᓇᓂᐳᐅᐤ,
\q2 ᐸᒋ ‍ ᓴᒋᐛᐳᐤ ᐊᓐᑕ ᐛᒋᓴᒐᐛᐱᓇᓄᐎᔨᒡ,
\q1 ᐊᑯᐛᑲᐃᑭᓂᒡ ᐊᐅᒡ ᐃᑕᐱᑦ᙮
\q2
\v 10 ᓂᒋ ‍ ᐃᔨᒥᒄ ᓂᓴᒋᐊᑭᓐ ᑭᔭ ᓂᒋ ‍ ᐃᑎᒄ,
\sp ᓇᐸᐤ ᐊ ‍ ᐃᔨᒥᑦ
\q1 “ᐱᓯᑯᐤ ᓂᓴᒋᐊᑭᓐ,
\q2 ᐊᔅᑎᒻ ᑲ ‍ ᒥᔪᔎᐅᑦ ᓂᓴᒋᐊᑭᓐ,
\q2 ᐸᒋ ‍ ᐎᒐᐎ᙮
\q1
\v 11 ᐛᔅ ᓴᔅ ᒋ ᐃᓯ ‍ ᐱᐳᓐ,
\q2 ᒋ ᐊᔅᑕ ‍ ᒋᒧᓐ;
\q1
\v 12 ᓴᔅ ᐊᓐᑕ ᒥᓯᐛ ᐊᔅᒋᒡ ᐸᒋ ‍ ᓂᑕᐅᒋᓇ ᐛᐱᑯᓇ ᒧᔅᑎᔅᑭᒥᒡ ᐅᒡ᙮
\q2 ᓴᔅ ᐅᑎᒋᐱᔪᐤ ᒧᒋᒐᔨᑎᒧᐅᓂᒡ ᒐ ‍ ᓂᑭᒧᓇᓄᐅᒡ,
\q1 ᐊᓂᑭᒧᒡ ᐱᔭᓯᓯᒡ ᐸᑕᑯᓱᐅᒡ
\q2 ᐊᓐᑕ ᒥᓯᐛ ᒋᑦ ᐊᔅᒋᓇᒡ᙮
\q1
\v 13 ᓴᔅ ᓂᑕᐅᒋᓇ ᒥᓂᓴ ᒥᓯᓱᒥᓇᑎᑯᒡ,
\q2 ᒥᔪᒪᑯᓇ ᐛᐱᑯᓇ ᐊᓐᑕ ᓱᒥᓇᑎᑯᒡ᙮
\q1 ᐱᓯᑯᐤ ᓂᓴᒋᐊᑭᓐ,
\q2 ᐊᔅᑎᒻ ᑲᒥᔪᔎᐅᑦ ᓂᓴᒋᐊᑭᓐ,
\q2 ᐸᒋ ‍ ᐎᒐᐎ᙮
\sp ᓇᐸᐤ ᐊ ‍ ᐃᔨᒥᑦ
\q1
\v 14 ᐅ ᓂᓴᒋᐊᑭᓐ,
\q2 ᓇᒪ ᔅᒋ ‍ ᐅᑎᑎᓂᑯᐅᓐ ᒧᔭᒻ ᐅᒥᒥᐤ ᐊᑕᑦ ᐊᓐᑕ ᐊᑕᔅᑲᐱᔅᑲᒡ ᐊᓯᓂᒡ᙮
\q1 ᓇᐃᒥ ᒐᒋ ᐛᐱᒥᑕᓐ ᑭᔭ ᒐᒋ ᐸᑕᑕᓐ,
\q2 ᐛᔅ ᒥᔪᑕᑯᓐ ᒋᐸᑕᑯᓱᐅᓐ ᑭᔭ ᒥᔪᓇᑯᓐ ᒋᑕᔅᑎᒥᐧᒄ᙮
\q1
\v 15 ᑲᔅᑎᓂᒡ ᒪᒐᓱᐅᒡ,
\q2 ᒪᒐᓯᓯᒡ ᐊᓐᒡ ᑲ ‍ ᐃᔭᔪᑕᒡ ᓱᒥᓇᑎᑯᐤ ᓂᑕᐅᒋᒋᑭᓂᔪᐤ
\sp ᐃᔎᐤ ᐊ ‍ ᐃᔨᒥᑦ
\q1
\v 16 ᓂᔾ ᓂᑎᐸᔨᒪᐤ ᓂᓴᒋᐊᑭᓐ ᑭᔭ ᐎᔾ ᓂᑎᐸᔨᒥᒄ:
\q2 ᒥᔽᔨᑎᒻ ᐊᓐᑕ ᐊᑕᑦ ᐛᐱᑯᓇ ᐊ ‍ ᑎᑯᓂᔨᒋ᙮
\q1
\v 17 ᒋᔾ ᑲ ‍ ᓴᒋᐃᔨᓐ ᐸᒋ ᒋᐛ,
\q2 ᒧᔭᒻ ᓄᓴᑎᐧᒄ ᑭᔭ ᒪᒃ ᐊᑎᐧᑯᔅ ᐊᓐᑕ ᐸᑐᕐ ᐱᔅᑯᑎᓇᒡ
\q2 ᐊᑯ ᑭᔭ ᒐᒋ ᒋᒋᐸᑕᔨᓐ ᐛᐸᒐ ᐸᑕᐸᒐ ᐃᔅᐱ ᐊ ᐊᑲ ᓄᒂᒐ ᐊᒋᑲᒡ᙮
\c 3
\s1 ᓂᔅᑐ ᓂᑭᒧᐅᓐ
\sp ᐃᔎᐤ ᐊ ‍ ᐃᔨᒥᑦ
\q1
\v 1 ᐊᓯᑯᒻ ᑎᐱᔅᑲᐛ ᒪᒂᒡ ᐸᒥᓯᓂᔭᓂ ᓂᓂᐸᐅᓂᒡ,
\q2 ᓂᒋ ‍ ᐱᒂᔨᒪᐤ ᐊᓐ ᑲ ‍ ᓴᒋᐃᔨᒃ᙮
\q2 ᓂᑐᐛᔨᒪᐤ ᒐᒋ ᑎᑯᓯᐧᒃ ᒥᒄ ᓇᒪ ᐅᒋ ᑎᑯᓯᓐ᙮
\q1
\v 2 ᐊᑯ ᒂ ‍ ᐃᑎᑎᓱᔭᓐ, “ᓂᑭ ᐅᓂᓐ ᑭᔭ ᓂᑭ ‍ ᐱᐸᒧᑕᓐ ᐅᑕᓇᒡ,
\q2 ᒥᓯᐛ ᒪᔅᑭᓇᒡ ᑭᔭ ᐱᒥᑕᔅᑭᓇᒡ ᐃᓯ ᓂᑭ ᐃᑐᑕᓐ ᒐᒋ ᓇᓂᑐᐛᐱᒥᒃ ᐊᓐ ᑲ ‍ ᓴᒋᐃᔨᒃ᙮”
\q1 ᐊᑯ ᒂ ‍ ᐅᓂᔭᓐ ᑭᔭ ᒐ ‍ ᑐᑕᔭᓐ ᐊ ‍ ᓇᓂᑐᐛᐱᒥᒃ
\q2 ᒥᒄ ᓇᒪ ᓂ ᐅᒋ ‍ ᒥᔅᑯᐛᐤ᙮
\q1
\v 3 ᐊᓐᒡ ᑲᓇᑭᑐᐛᐸᒐᒡ ᐅᑕᓇᒡ ᓂᒋ ‍ ᐛᐱᒥᑯᒡ᙮ ᓂᒋ ‍ ᑯᒂᒋᒪᐅᒡ,
\q2 “ᒪᒋ ᐅᒋ ‍ ᐛᐱᒪᐛᐤ ᐊᓐ ᐊᐛᓐ ᑲ ‍ ᓴᒋᐃᔨᒄ ?”
\v 4 ᐛᐱᒡ ᑲ ‍ ᓂᑭᑎᒂᐤ, ᒂ ‍ ᒥᔅᑯᐅᒃ, ᓂᒋ ‍ ᑕᐧᑯᓇᐤ ᑭᔭ ᓇᒪ ᓂ ᐅᒋ ᐎ ‍ ᐱᔅᑎᓇᐤ ᐸᑎᒪ ᑲ ‍ ᐃᑐᑕᔨᐧᒄ ᓂᑲᐎᔭ ᐎᒋᔨᒡ, ᐊᓐᑕ ᑲᐱᔅᒋᒐᔭᔨᒡ ᑲ ‍ ᐃᔪᐎᒡ᙮
\v 5 ᐊᓱᑎᒧᐅᒄ ᐅ ᒋᔨᐛᐤ ᒋᕈᓴᓕᒻ ᐅᔅᒋᓂᒋᔎᐅᒡ ᑲᑭᒐᔅᑎᐱᑦ ᐊᑎᒄ ᑭᔭ ᓄᓴᑎᒄ ᐅᒡ, ᒐ ᐊᑲ (ᒪᒪᓯᑕᔭᒄ ᓂ ‍ ᓴᒋᐃᐛᐅᓇᓐ) ᒪᒪᓯᔨᔭᒡ ᐎᐸᒥᑐᔭᒐ ᐸᑎᒪ ᒋᒋᐛ ᒋ ‍ ᒥᔽᔨᑎᒥᔨᑐᔭᒐ᙮
\s1 ᓇᐤ ᓂᑭᒧᐅᓐ
\sp ᐎᒐᐛᑭᓄᐛᐛ ᐊ ‍ ᐃᔨᒥᔨᒋ
\q1
\v 6 ᐃᔨᑕᐱᒄ, ᐊᐛᓐ ᐊᓐ ᐸᐧᑯᑎᔅᑭᒥᑲᒡ ᐅᒡ,
\q2 ᑭ ‍ ᐅᑐᑕᑎᑲ ᒧᔭᒻ ᐊ ‍ ᐱᒋᑕᐱᔨᒡ ᐊ ‍ ᐃᔎᓴᑭᓄᐎᒋ ᐎᒋᒪᓯᑭᓂᔪᐤ
\q1 ᑭᔭ ᑐᒥᓂᑭᓂᔪᐤ ᑲ ‍ ᐎᒋᒪᑯᓯᔨᒡ ᐅᒡ,
\q2 ᐊᓂᔭ ᑲ ‍ ᑕᐛᓯᔨᒋ ᐎᒋᒪᓯᑭᓂᔪᐤ ᐊᑕᐛᔨᒋ ?
\q1
\v 7 ᐛᐱᒥᐧᒄ, ᒋᓴᐅᒋᒪᐤ ᓴᓗᒥᓐ ᐊᓐ,
\q2 ᐅᒋᓴᐅᒋᒪᐅ-ᑕᑎᐳᐛᑭᓂᒡ ᐊ ‍ ᑕᑎᐳᐅᑦ;
\q1 ᐊᐛᔅᑲᑲᐳᔅᑕᑯᐅᑦ ᐊᓱᑕᒡ ᑕᑐᔪᐤ
\q2 ᐃᔅᕋᐃᓕᒡ ᑲ ‍ ᒋᔅᑕᔨᑕᑯᓯᔨᒋ ᐅᓂᑐᐱᔪᐅ-ᐃᔨᒪ ᐎᒐᐅᑯᑎᒃ᙮
\q1
\v 8 ᒥᓯᐛ ᐅᒡ ᓂᑐᐱᔪᐅ-ᐃᔪᒡ ᐳᔅᑯᒧᑎᑭᒡ ᓂᑐᐱᔪᐅ-ᒧᐧᑯᒪᓇ᙮
\q1 ᒥᓯᐛ ᑭᔅᒋᑕᐅᒡ ᐊ ‍ ᓂᑐᐱᔨᒡ, ᒥᓯᐛ ᐊᑎᓯᒡ ᓂᑐᐱᔪᐅ-ᒧᐧᑯᒪᓄᐅᒡ
\q2 ᐊᔭᔅᑯᐎᒡ ᓂᑐᐱᔨᑐᐛᑭᓄᐅᑥᐛ ᒪᒂᒡ ᐊ ‍ ᑎᐱᔅᑲᔨᒡ᙮
\q1
\v 9 ᐎᔾ ᒋᓴᐅᒋᒪᐤ ᓱᓗᒧᓐ ᒋ ‍ ᐅᓯᑎᒪᓱᐤ ᐅᒋᓴᐅᒋᒪᐅ-ᑕᑎᐳᐛᑭᓐ
\q2 ᒥᔪᓯᔨᒋ ᓚᐸᓇᓐ ᒥᔅᑎᒂ ᐅᒡ᙮
\q1
\v 10 ᓱᓇᔭᐱᔅᑯᒡ ᐅᒡ ᒋ ‍ ᐅᓯᐊᐤ ᓯᑥᔎᐃᑭᓐ,
\q2 ᐎᔄᐅᓱᓇᔭᔪᐤ ᐅᒡ ᒋ ‍ ᐅᓯᐊᐤ ᑕᑕᐃᑭᓇ᙮
\q1 ᐅᑕᑎᐳᐛᑭᓐ ᐊᐱᓯᒋᒥᓇᐃᔨᒡ ᐱᒍᐎᔭᓂᔪᐤ ᒋ ‍ ᐎᔎᔭᒋᓂᑭᓄᐎᔪᐤ
\q2 ᓇᔅᒡ ᐊᒋ ‍ ᒥᔪᓇᑯᑕᔨᒋ ᒍᕈᓯᓕᒻ ᐃᔎᐛ᙮
\q1
\v 11 ᒋᔨᐛᐤ ᒋᕈᓴᓕᒻ ᐃᔎᑎᒄ,
\q2 ᐸᑐᑕᒄ ᑭᔭ ᒐ ‍ ᐛᐱᒪᒄ ᒋᓴᐅᒋᒪᐤ ᓴᓗᒧᓐ,
\q1 ᒋᔅᑯᒻ ᒋᓴᐅᒋᒪᐅᑯᓂᔎᐅᓂᔪᐤ ᐊᓂᔭ ᐅᑲᐎᔭ ᑲᒋᔅᑯᒧᑎᔨᑯᑦ ᐊᓂᔭ ᒋᓯᑯᔪᐤ ᑲ ‍ ᓂᐳᐅᑦ,
\q2 ᐊᓂᔭ ᒋᓯᑯᔪᐤ ᑲᒥᔽᔨᑕᐧᒃ ᑭᔭ ᑲᒧᒋᒐᔨᑕᐧᒃ᙮
\c 4
\s1 ᐱᑕᑕᒡ ᓂᑭᒧᐅᓐ
\sp ᓇᐸᐤ ᐊ ‍ ᐃᔨᒥᑦ
\q1
\v 1 ᑕᑈ ᒋᒥᔪᓇᑯᓯᓐ ᓂᓴᒋᔭᑭᓐ !
\q2 ᐅ ᑕᑈ ᒋᒥᔪᓇᑯᓯᓐ !
\q1 ᒋᓯᓯᒂ ᒧᔭᒻ ᐊᔪᔅᐸᔨᑕᑯᓯᑦ ᐅᒥᒥᐤ ᐃᓯᓇᑯᓇ
\q2 ᐊᓐᑕ ᐊᑯ ᒋᑦ ᐊᑯᒂᐅᓂᒡ᙮
\q1 ᒋᐱᔎᐅᓐ ᓂᒧᒥᑭᓐ ᒧᔭᒻ ᐊ ‍ ᒥᒐᑎᒡ ᓇᐸ ᒥᔅᑐᓯᒡ
\q2 ᐊᓂᑎᒋᐛᒡ ᑭᓕᐊᑦ ᐱᔅᑯᑎᓇᔪᐤ᙮
\q1
\v 2 ᓇᔅᒡ ᐛᐸᐛ ᒋᐱᑕ
\q2 ᒧᔭᒻ ᐊᐱᓯᓯᑦ ᒪᔭᑕᓂᔅ,
\q1 ᓇᔅᒡ ᑕᑈ ᐸᐃᑯᑕᐤ ᐃᓯᓇᑯᓇ,
\q2 ᐊ ᐊᑲ ᐛᐛᒡ ᐸᐃᒄ ᓄᑕᐱᔨᒡ;
\q1
\v 3 ᒋ ᐎᑐᒻ ᒥᔽᓱᐤ ᒧᔭᒻ ᐊᒥᐧᑯᓯᑦ ᓴᔅᑎᒂᔭᐱᔾ
\q2 ᑭᔭ ᒥᔽᓱᐤ ᒋᑐᓐ,
\q1 ᐛᔅᑕᐛ ᒋ ‍ ᐅᑐᒥᐧᑭᓇ
\q2 ᐊᓐᑕ ᐊᑯ ᒋᑦ ᐊᑯᒂᐅᓂᒡ᙮
\q1
\v 4 ᒥᔽᓱᐤ ᒋᑯᔪᐤ
\q2 ᒧᔭᒻ ᒋᓴᐅᒋᒪᐤ ᑎᐱᑦ ᐅᑦ ᐊᓱᐛᐳᐅᒋᐛᑉ
\q1 ᐊᓐᑕ ᐊᑯᒋᓂᒡ ᒋ ‍ ᑕᐱᔎᑭᓂᒡ
\q2 ᐊᓂᐱᑕᑯᑕᒋ ᐊᑯᓇᓱᐛᑭᓇ ᑭᔭ ᐊᓯᒪᑭᓇ᙮
\q1 ᑎᐱᑦ ᐅᑦ ᐊᓱᐛᐳᐅᒋᐛᑉ ᒋᓂᑲᐳᐅᔪᐤ,
\q2 (ᐊᓯᓂᔭ ᑲᓂᐱᑕᔭᔅᑕᒋ ᑲ ᐅᒋ ‍ ᐅᓯᑕᑭᓄᐎᒡ,
\q1 ᒧᔭᒻ ᐊᑯᑕᒋ ᐸᐃᒂᐤ ᒐᓯᐱᔪᐤ ᐊᑯᓇᓱᐛᑭᓇ
\q2 ᐊᓐᑕ ᐊᔅᑎᒥᑎᒡ ᒋᒧᓴᐳᒋᐛᐱᒡ ᐃᓯᓇᑯᓇ
\q2 ᐛᐛᓯᐅᓇᐱᔎ ᑕᐱᔎᑭᓂᒡ ᐊᓐᑕ ᐛᔅᑲ ᒋᑯᔭᒡ᙮)
\q1
\v 5 ᒥᔪᓯᓱᐅᒡ ᒋᑎᓂᔨᒡ
\q2 ᒧᔭᒻ ᐊᑎᐧᑯᓯᒡ ᐊ ‍ ᒥᒋᒡ ᐛᐱᑯᓇ᙮
\q1
\v 6 ᓂᑭ ‍ ᑕᓐ ᐊᓐᑕ ᑲᐎᒋᒪᑯᓯᑦ ᐱᒍᐤ ᐱᔅᑯᑎᓇᓯᒡ
\q2 ᑭᔭ ᐎᒋᒪᓯᑭᓐ ᐱᔅᑯᑎᓇᓯᒡ
\q1 ᐸᑎᒪ ᐸᑕᐸᒐ ᒐᒋᓴᐸᔭᒐ
\q2 ᑭᔭ ᐊ ᐊᑲ ‍ ᓄᒂᒐ ᐊ ‍ ᑎᐱᔅᑲᒡ᙮
\q1
\v 7 ᑕᑈ ᒋ ‍ ᒥᔪᓇᑯᓯᓐ ᓂᓴᒋᔭᑭᓐ !
\q2 ᐅ ᑕᑈ ᒋᒥᔪᓇᑯᓯᓐ !
\q1
\v 8 ᐸᒋ ᐎᒐᐎ ᓚᐸᓇᓐ ᐱᔅᑯᑎᓇᐛ ᐅᒡ ᓂᐅ,
\q2 ᐸᒋ ᐎᒐᐎ ᓚᐸᓇᓐ ᐅᒡ᙮
\q1 ᓂᑭᑕ ᐊᒪᓇ ᑕᐧᑯᑕᒥᑎᓐ ᑭᔭ ᓯᓂᕐ ᑭᔭ ᐦᐊᕐᒧᓐ ᑕᑯᑕᒥᑎᓐ
\q2 ᐊᓐᑕ ᐛᒋᒡ ᒥᓯᐱᓱᐅᒡ ᑭᔭ ᓄᓴ ᒥᔅᑎᐱᓱᐅᒡ᙮
\q1
\v 9 ᒋᔾ ᐅᔅᑕ ᑲᐃᑕᔨᒥᑕᓐ ᐃᔅᐱᔅ ᓂᒥᔅ,
\q2 ᒋᔾ ᓂᐅᔅᒋᔎᐛᓐ,
\q1 ᒋ ‍ ᒋᐅᑎᓇᓐ ᓂᑕᐃ ᐸᐃᒂᐤ ᐊᒋ ‍ ᒋᑕᐱᒥᔨᓐ,
\q2 ᐸᐃᑯᐱᐧᑲᓐ ᐛᓯᐅᓇᐱᔅᒄ ᐅᒡ᙮
\q1
\v 10 ᒋᓴᒋᐃᐛᐅᓐ ᐊᑎᑐᐤ ᓯᐛᐤ ᐃᔅᐱᔅ ᓱᒥᓇᐳᔾ;
\q1 ᐊ ‍ ᒥᔭᒂᒡ ᒋᐎᒋᒪᑯᐅᓐ ᐊᑎᑐᐤ
\q2 ᒥᔪᒪᑯᓐ ᐃᔅᐱᔅ ᓂᐱᓯᔭ ᑲ ‍ ᐎᒋᒪᑯᓂᔨᒋ᙮
\q1
\v 11 ᐊᔅᐱᑯᓯᑦ ᑲᓯᐛᓯᐛᐳᔾ ᒋᑐᓂᒡ ᑎᑯᓐ,
\q2 ᓂᓴᒋᔭᑭᓐ,
\q1 ᒋᑕᔨ ᐊᐅᒄ ᓂᒋᒋᓇᐳᒻ ᑭᔭ ᓂᑲᓯᐛᓯᐛᐳᔾ᙮
\q2 ᒋᑦ ᐊᐱᒋᑕᐅᓂᒡ ᑎᑯᓐ ᒥᓯᐛ ᐊ ‍ ᐃᓯᒪᒂᒡ ᓚᐸᓇᓐ᙮
\q1
\v 12 ᒋᔾ ᐅ ᐊᑎᑐᐤ ᐊᑕᔨᒥᑕᓐ ᐃᔅᐱᔅ ᓂᒥᔅ᙮
\q2 ᒋᔾ ᓂ ‍ ᐅᔅᒋᔎᐛᓐ,
\q1 ᒋᔾ ᐅ ᒧᔭᒻ ᓂᑕᐅᒋᑕᑭᓐ ᐊ ‍ ᐊᑎᓴᑲᐃᑭᓄᐅᒡ
\q2 ᒐ ᐊᑲ ‍ ᒋᐱᒐᒡ ᑯᑎᑭᒡ ᓇᐸᐅᒡ;
\q1 ᑭᔭ ᒋᔾ ᐅ ᒧᔭᒻ ᐊᑯᓇᐃᑭᓄᐅᒡ ᒧᔅᒍᓂᐸᒄ
\q2 ᒐ ᐊᑲ ᒋ ᐅᒋ ‍ ᒥᓂᒡ ᑯᑎᑭᒡ ᐊᐛᓐᒋ᙮
\q1
\v 13 ᐊᑯᑕ ᒪᔪ ‍ ᓂᑕᐅᒋᒋ ᓂᑕᐅᒋᑕᑭᓇ᙮
\q2 ᒧᔭᒻ ᒥᔅᑎᑯᒡ ᐊᓂᑕᐅᒋᒡ ᐊᓐᑕ ᓂᑕᐅᒋᑕᑭᓐ ᐊᔅᒋᒡ
\q1 ᐊ ᒥᔅᑎ ‍ ᓂᑕᐅᒋᒋ ᓇᔅᒡ ᐊ ‍ ᒥᔽᔅᒋ ᒥᓂᓴ
\q2 ᑭᔭ ᓇᒪ ᓄᑕᐱᔨᐛ ᑭᔭ᙮
\q1
\v 14 ᓇᕐᑦ ᑭᔭ ᓴᑉᕈᓐ
\q2 ᑭᔭ ᑲᓚᒪᔅ ᑭᔭ ᓯᓇᒪᓐ ᓂᑕᐅᒋᑕᑭᓂᒡ
\q1 ᑲ ‍ ᐅᑎᓇᑭᓄᐅᒡ ᐱᒥᔾ ᑲᐎᒋᒪᒂᒡ
\q2 ᑭᔭ ᒪᒃ ᒥᓯᐛ ᐊ ‍ ᐃᓯᓇᒂᒡ ᐎᒋᒪᓯᑭᓐ᙮
\q1 ᓂᑕᐅᒍᐅᒡ ᐊᓐᑕ ᐎᒋᒪᑯᐱᒍᐤ ᑭᔭ ᐊᓯᒡ ᒥᓯᐛ
\q2 ᓇᔅᒡ ᐊ ‍ ᒥᔪᒪᒂᒋ ᑲᐎᒋᒪᑯᓯᔨᒋ᙮
\q1
\v 15 ᒋᔾ ᐅ ᒧᔭᒻ ᒧᔅᒍᓂᐸᒄ ᐊᓐᑕ ᓂᑕᐅᒋᒋᑭᓂᒡ,
\q2 ᒧᔭᒻ ᒧᔅᒍᓂᐸᒄ ᐊᐛᓴᑭᒥᓯᒡ ᓯᐱᔾ
\q2 ᓚᐸᓇᓐ ᐱᔅᑯᑎᓇᒡ ᐊ ᐅᒋ ‍ ᓂᑎᒋᐛᒍᐅᒡ᙮
\sp ᐃᔎᐤ ᐊ ‍ ᐃᔨᒥᑦ
\q1
\v 16 ᐊᑯᔅ ᒋᑭ ᒋᐛᑎᓐ,
\q2 ᑭᔭ ᐃᔭᐱᒡ ᓴᐅᓄᒡ ᒋᑭ ᐅᑎᓐ !
\q1 ᐊᑯᔅ ᒥᓯᐛ ᒋᑭ ‍ ᐃᑕᔅᑎᓐ ᐊ ‍ ᒥᔭᒂᒡ ᓂᓂᑕᐅᒋᒋᑭᓐ,
\q2 ᐊᑯ ᒪᒃ ᒐᒋ ᐱᒐᑦ ᐊᓐᑕ ᐊᓐ ᐊᐛᓐ ᑲ ‍ ᓴᒋᐃᔨᒃ
\q2 ᒐᒋ ᒥᒋᑦ ᑲᐎᐧᑭᓯᔨᒋ ᒥᓂᓴ᙮
\c 5
\sp ᓇᐸᐤ ᐊ ‍ ᐃᔨᒥᑦ
\q1
\v 1 ᓂᒋ ‍ ᐸᒋ ‍ ᐃᑐᑕᓐ ᓂ ‍ ᓂᑕᐅᒋᒋᑭᓂᒡ, ᓂᑎᒧᔅ, ᓂᐎᒋᒪᑭᓐ᙮
\q2 ᓇᒪᐅᑕᓐ ᓂ ‍ ᓂᐱᓯᔭ ᑲ ‍ ᐎᒋᒪᑯᓂᔨᒋ ᑭᔭ ᓂ ‍ ᐎᒋᒪᑯᐱᒋᒥᒡ;
\q1 ᓂᒥᒋᓐ ᓂᑲᓯᐛᓯᐛᐳᒻ ᑭᔭ ᐊᒧᐤ ᐅᒥᒋᒻ;
\q2 ᓂᒥᓐ ᓱᒥᓇᐳᔾ ᑭᔭ ᒋᒋᓇᐳᔨᒡ᙮
\sp ᐎᒐᐛᑭᓄᐛᐛ ᐊ ‍ ᐃᔨᒥᔨᒋ
\q1 Eat, O friends, and drink;
\q2 drink your fill, O lovers.
\s1 ᐊᓱᑕᒡ ᓂᑭᒧᐅᓐ
\sp ᐃᔎᐤ ᐊ ‍ ᐃᔨᒥᑦ
\q1
\v 2 ᒪᒂᒡ ᑲ ‍ ᓂᐸᔭᓐ,
\q2 ᓂᒥᑐᓇᔨᒋᑭᓐ ᒋ ‍ ᐊᑐᔅᒐᒥᑭᓐ,
\q1 ᐊᑯ ᒂ ‍ ᐸᑐᐅᒄ
\q2 ᐊᓐ ᑲ ‍ ᓴᒋᐃᑦ ᐊ ‍ ᑎᑥᐛᐃᒐᑦ᙮
\sp ᓇᐸᐤ ᐊ ‍ ᐃᔨᒥᑦ
\q1 “Open to me, my sister, my darling,
\q2 my dove, my flawless one.
\q1 My head is drenched with dew,
\q2 my hair with the dampness of the night.”
\sp ᐃᔎᐤ ᐊ ‍ ᐃᔨᒥᑦ
\q1
\v 3 ᒥᒄ ᓴᔅ ᓂᒋ ‍ ᒥᓇᓐ ᓂ ‍ ᓂᐸᐅᑯᑉ;
\q2 ᓇᒪ ᒥᓐ ᓂ ᐅᒋ ᐎ ‍ ᐳᔅᑲᓐ ᒐᒋ ᓴᓂᒃ ᔅᑐᐧᑭᓐ᙮
\q1 ᓴᔅ ᓂᒋᔅᑕᐸᐅᒋᑭᔅᑕᓐ;
\q2 ᓇᒪ ᒥᓐ ᓂ ᐅᒋ ᐎ ‍ ᐎᓇᑯᑕᓐ ᓂᓯᑕ᙮
\q1
\v 4 ᐊᓐ ᑲ ‍ ᓴᒋᐃᑦ ᒋ ᐸᒋ ‍ ᓴᒋᐱᔨᑕᐤ
\q1 ᐅᑐᒋ ᐊᓐᑕ ᐊᐱᑯᓇᔭᔨᒡ ᐊᔅᑎᒥᑎᒡ
\q2 ᑭᔭ ᑕᒥᔪᐤ ᓂᒋ ‍ ᓯᒋᔭᓯᓐ ᐊᓐᑕ ᐊ ‍ ᑕᑦ᙮
\q1
\v 5 ᒂ ‍ ᐅᓂᔭᓐ ᒐᒋ ᓴᓂᒧᐅᒃ ᐊᓐ ᐊᐛᓐ ᑲ ‍ ᓴᒋᐃᑦ,
\q2 ᒥᒄ ᓂᔅᑎᒻ ᐎᒋᒪᑯᐱᒍᐤ ᓂᒋ ‍ ᐊᔭᐤ ᓂᑎᒋᒡ,
\q1 ᒋ ‍ ᐃᔭᓯᑯᐅ ᐎᒋᒪᑯᐱᒍᐤ ᓂᑎᒋᒡ ᐅᒡ
\q2 ᒪᒂᒡ ᒥᔭᑯᓂᒪᓐ ᔅᑐᐧᑭᓂᓯᒋᓂᑭᓐ᙮
\q1
\v 6 ᓂᒋ ‍ ᓴᓂᒧᐛᐤ ᐊᓐ ᓇᐸᐤ ᑲ ‍ ᓴᒋᐃᑦ,
\q2 ᒥᒄ ᓴᔅ ᒋᔅᑐᑕᓯᐱᓐ᙮
\q1 ᑕᓐ ᐛᔅ ᓇᔅᒡ ᑲ ‍ ᐎᐸᑎᒧᒡ ᐅᐸᑕᑯᓱᐎᓐ !
\q1 ᓂᒋ ‍ ᓇᓂᑐᐛᐱᒪᐤ ᒥᒄ ᓇᒪ ᓂ ᐅᒋ ‍ ᒥᔅᑯᐛᐤ;
\q2 ᓂᒋ ‍ ᑕᑈᑕᐤ, ᒥᒄ ᓇᒪ ᓂ ᐅᒋ ‍ ᓂᔎᐛᓯᔨᒄ᙮
\q1
\v 7 ᐅᑕᓇ ᑲ ‍ ᑭᓄᐛᐸᒐᒡ ᓂᒋ ‍ ᐛᐱᒥᑯᒡ
\q2 ᒪᒂᒡ ᐊ ‍ ᐱᐸᒧᑕᒡ ᐅᑕᓇᒡ᙮
\q1 ᓂᒋ ‍ ᒪᓯᐧᑲᑯᒡ ᑭᔭ ᓂᒋ ‍ ᐅᓯᑯᐎᑯᒡ
\q2 ᐛᔅ ᑲᑕᐛᒐᑦ ᓂᒋ ‍ ᐃᑕᔨᒥᑯᒡ;
\q1 ᐊᓐᒡ ᑲ ‍ ᑭᓄᐛᐸᒐᒡ ᑲ ᐃᓯ ‍ ᐛᔅᑲᑲᐳᐎᒡ ᐅᑕᓇᒡ
\q2 ᒋ ‍ ᐅᑎᓂᒧᒡ ᓂᑎᑯᐱᔪᐤ᙮
\q1
\v 8 ᒋᔨᐛᐤ ᒋᕈᓯᓕᒥᒡ ᐅᔅᑎᓂᒋᔎᑐᒄ,
\q2 ᒋ ‍ ᐱᑯᓴᔨᒥᑎᓇᐛᐤ,
\q1 ᐛᐱᒪᒂ ᐊᓐ ᓇᐸᐤ ᑲ ‍ ᓴᒋᐃᑦ,
\q2 ᒐ ‍ ᐎᑎᒧᐛᒄ ᐎᓯᒐᔨᑎᒧᐅᓂ ᐊᔨᔨᒥᓯᐅᒡ᙮
\sp ᐎᒐᐛᑭᓄᐛᐛ ᐊ ‍ ᐃᔨᒥᔨᒋ
\q1
\v 9 ᒋᔨᐛᐤ ᓇᔅᒡ ᑲᒥᔪᓯᔭᒄ ᐃᔎᐅᒡ,
\q2 ᒐᒂᓐ ᐛᒋ ‍ ᐃᑕᔨᒪᒄ ᐊᓐ ᐊᐛᓐ ᑲ ‍ ᓴᒋᐃᑕᒄ
\q1 ᐊᑎᑐᐤ ᒪᔪᓯᑦ ᐃᔅᐱᔅ ᑯᑎᑲ ᓇᐸᐛ,
\q2 ᒐᒂᔪᐤ ᐛ ᐃᓯ ‍ ᒪᒥᔅᑲᑕᔨᑕᑯᓯᑦ ᒐᒋ ᐊᓱᑎᒪᑕᒡ ?
\sp ᐃᔎᐤ ᐊ ‍ ᐃᔨᒥᑦ
\q1
\v 10 ᐊᓐ ᓇᐸᐤ ᑲ ‍ ᓴᒋᐃᑦ ᒋᒋᐛ ᒥᔽᐸᐤ ᑭᔭ ᒥᔪ ‍ ᐱᒪᑎᓯᐤ,
\q2 ᐎᔾ ᓂᔅᑐᐅᓇᑯᓱᐤ ᐃᔅᐱᔅ ᐸᐃᑯᔪᐤ ᒐᓯᐱᔪᐤ ᐊᐛᔪᐛ᙮
\q1
\v 11 ᒧᔭᒻ ᐎᔄᐅᓱᓇᔭᔪᐤ ᐊᓯᓇᑯᓂᔨᒡ ᐅᔅᑎᒂᓐ,
\q1 ᑎᑎᑈᐱᔪᐤ ᐅᐱᔎᐅᓐ
\q2 ᑭᔭ ᐎᐸᔪᐤ ᒧᔭᒻ ᑲᐧᑲᒍᐛ᙮
\q1
\v 12 ᒥᔽᓯᔨᐛ ᐅᓯᓯᒂ ᒧᔭᒻ ᐅᒥᒥᐛ
\q2 ᐊᐱᔨᒋ ᐅᐱᒪ ᒧᔅᒍᓂᐸᑯᒡ,
\q1 ᐊᐛᐱᓯᔨᒋ ᐅᒥᒥᐛ ᒧᔭᒻ ᒋᒋᓇᐳᔭ,
\q2 ᐊᐱᔨᒋ ᐅᐱᒪ ᓂᐱᒡ᙮
\q1
\v 13 ᒧᔭᒻ ᐊ ‍ ᒥᔪᒪᑯᓂᔨᒡ ᓂᑕᐅᒋᒋᑭᓂᔪᐤ
\q2 ᐃᓯᓇᑭᓂᔨᐛ ᐎᔅᑐᔭ ᐅᑕᒥᐧᑭᓂᒡ,
\q1 ᐅᑐᓐ ᒧᔭᒻ ᐊ ‍ ᒥᔪᒪᑯᓂᔨᒋ ᐛᐱᑯᓇ,
\q2 ᐊᓂᔅᑲᔨᒡ ᐊᔭᓯᑯᐎᔨᒡ ᑲᐎᒋᒪᑯᓯᔨᒡ ᑐᒥᓂᑭᓂᔪᐤ᙮
\q1
\v 14 ᒋᒋᐛ ᒥᔪᓇᑯᓂᔨᐛ ᐅᑎᒋᔭ,
\q2 ᑭᔭ ᐳᔅᑯᐛᐤ ᑕᐱᒋᒐᐱᓱᓇ ᐊᒋᑭᒧᐎᒋ ᓱᓇᔭᐅᐊᓯᓂᔭ᙮
\q1 ᐎᔪᐤ ᒧᔭᒻ ᐊᓱᓱᐛᔨᒡ ᒥᐱᑕᐱᔅᑯᔪᐤ ᐃᓯᓇᑯᓂᔪᐤ,
\q2 ᐊᔅᑎᒧᐎᒋ ᓴᐸᐃᕐ ᐊᓯᓂᔭ (ᐱᔅᑭᓇᐱᔅᑲᐤ)᙮
\q1
\v 15 ᒧᔭᒻ ᓯᑥᔅᑲᐃᑭᓇ ᐊᓯᓂᔾ ᑲ ‍ ᓱᓱᐛᐱᔅᒋᔨᒋ
\q2 ᐊ ‍ ᑕᒋᑲᐳᐎᒋ ᐊᓐᑕ ᐛᔄᐛᐅᓱᓇᔭᐱᔅᑯᒡ,
\q2 ᒂ ‍ ᐃᓯᓇᑯᓂᔨᒋ ᐅᔅᑲᑕ ᓱᒋᓇᑯᓂᔨᐛ ᑭᔭ ᒥᔽᓯᔨᐛ᙮
\q1 ᒧᔭᒻ ᐊᒋᓂᑲᐳᐎᒋ ᓚᐸᓇᓐ ᐱᔅᑯᑎᓇᐛ ᐃᓯᑲᐳᐤ,
\q2 ᒋᔅᑕᔨᑕᑯᓱᐤ, ᒧᔭᒻ ᒥᔅᒋᔎᑎᒂ᙮
\q1
\v 16 ᓯᐛᔪᐤ ᐅᑦ ᐃᔨᒧᐅᓐ,
\q2 ᒋᒋᐛ ᑕᑈ ᒧᔅᑕᓇᔨᑕᑯᓱᐤ,
\q1 ᒋᕈᓴᓕᒻ ᐅᑕᓂᓯᒪᑎᒄ,
\q2 ᐊᐅᒄ ᐅ ᓂᑎᒧᔅ, ᐊᐅᒄ ᐅ ᓂᐎᒐᐛᑭᓐ᙮
\c 6
\sp ᐎᒐᐛᑭᓄᐛᐛ ᐊ ‍ ᐃᔨᒥᔨᒋ
\q1
\v 1 ᒋᔾ ᐅ ᓇᔅᒡ ᑲᒥᔪᔎᐅᑦ ᒥᓯᐛ ᐃᔎᐅᒡ,
\q2 ᑕᓐᑕ ᐊᓂᔭ ᐊᑐᑕᑦ ᐊᓐ ᑲ ‍ ᓴᒋᐃᔨᔅᒃ ?
\q1 ᐎᑎᒧᐎᔭᒐ ᑕᓐᑕ ᐃᑕᒐ ᑲ ᐃᓯ ᐊᔅᑐᑕᑦ,
\q2 ᒋᑭ ᐎᒐᐅᑎᓇᓐ ᐊ ‍ ᓇᓂᑐᐛᐱᒥᑦ᙮
\sp ᐃᔎᐤ ᐊ ‍ ᐃᔨᒥᑦ
\q1
\v 2 ᐊᓐ ᑲ ‍ ᓴᒋᐃᑦ ᐃᑐᑕᐤ ᐊᓐᑕ ᐅᓂᑕᐅᒋᒋᑭᓂᒡ
\q2 ᐊᓐᑕ ᓇᑕᐅᒋᔨᒋ ᐃᔭᓯᑎᒂ,
\q1 ᐊᓐᑕ ᐃᑕᐅᓂᒡ ᓇᑕᐅᒋᓂᔨᒋ ᑲᐎᒋᒪᑯᓯᔨᒋ᙮
\q2 ᒥᔽᔨᑎᒻ ᐊᓐᑕ ᓂᑕᐅᒋᒋᑭᓂᒡ, ᐊᒪᒧᓴᒋᓇᐧᒃ ᐛᐱᑯᓇ᙮
\q1
\v 3 ᓂᔾ ᓂᑎᐸᔨᒪᐤ ᓂᓴᒋᔭᑭᓐ ᑭᔭ ᐎᔾ ᓂᑎᐸᔨᒥᒄ;
\q2 ᐊᓯᒪᐤ ᐅᑦ ᐊᐛᓯᓯᒪ ᐊᓐᑕ ᐊ ‍ ᑎᑯᓂᔨᒋ ᐛᐱᑯᓇ᙮
\sp ᓇᐸᐤ ᐊ ‍ ᐃᔨᒥᑦ
\q1
\v 4 ᓂᓴᒋᔭᑭᓐ, ᒋᒋᐛ ᒋᒥᔪᓇᑯᓯᓐ ᒧᔭᒻ ᑎᕐᓴ ᐅᑕᓇᐤ
\q2 ᑭᔭ ᒋ ‍ ᒥᔪᔎᐅᓐ ᒧᔭᒻ ᒋᕈᓯᓕᒻ ᑭᔭ ᒋᒋᐛ ᒋᒥᔽᔨᑕᑯᓯᓐ᙮
\q1
\v 5 ᐊᑲ ᐊᓐ ᐃᓯ ‍ ᒋᑕᐱᒥ,
\q2 ᐛᔅ ᓂᓴᑯᑕᐅᑯᓐ,
\q1 ᒧᔭᒻ ᐅᐧᑲᓐᒡ ᑲ ‍ ᐅᑦ ᐊᔅᑭᓂᓯᒡ ᐃᓯᓇᑯᓐ
\q2 ᒋᐱᔎᐅᓐ ᑭᓕᐊᑦ ᐱᔅᑯᑎᓇᒡ ᐊ ᐅᒋ ‍ ᓂᑎᒋᐛᒡ᙮
\q1
\v 6 ᐛᐸᓱᐛ ᒋᐱᑕ
\q2 ᒧᔭᒻ ᒪᔭᑕᓂᓯᒡ ᑲᒋ ‍ ᒋᔅᑕᐳᐎᔭᑭᓄᐅᒡ,
\q1 ᓇᒪ ᐛᒋ ‍ ᐸᐃᒄ ᐅᓂᓯᓄᐤ,
\q2 ᒥᓯᐛ ᓇᔅᒡ ᐸᐃᑯᑕᐤ ᐃᓯᓇᑯᓇ᙮
\q1
\v 7 ᐛᔅᑐᐛᐛ ᒋ ‍ ᐅᑕᒥᐧᑭᓇ ᐛᔅᑐᐛᐛ
\q2 ᐊᑯ ᒋᑦ ᐊᐧᑯᒂᐅᓂᒡ᙮
\q1
\v 8 ᓇᐃᒻ ᒋᓴᐅᒋᒪᐤ ᒐᒋ ᑭᓄᐛᔨᒪᑦ
\q2 ᐊᓱᑕᒡ ᑕᑐᔪᐤ ᒋᓴᐅᒋᒪᔎᓴ
\q1 ᑭᔭ ᔭᓇᐤ ᑕᑐᔪᐤ ᐎᑎᒧᓴ
\q2 ᑭᔭ ᐅᔅᒋᓂᔎᓴ ᐊ ᐊᑲ ᒋᒋᒪᑭᓄᐎᒋ᙮
\q1
\v 9 ᒥᒄ ᐸᐃᒄ ᓂᔾ ᓂᓴᒋᐊᐤ
\q2 ᑭᔭ ᒧᔭᒻ ᐅᒥᒥᐛ ᐃᔅᐱᔅ ᒥᔪᓯᓱᐤ,
\q1 ᐎᔾ ᒥᒄ ᐸᐃᑯᓱᐤ ᐅᑕᓂᓯᒪᐤ ᐅᑲᐎᔭ ᐅᒡ,
\q2 ᓇᔅᒡ ᑲ ‍ ᐃᑕᔨᒥᑯᑦ ᐅᑲᐎᔭ᙮
\q1 ᒋᑕᐱᒥᑯᐤ ᒥᓯᐛ ᐃᔎᐛ ᑭᔭ ᑲ ‍ ᓱᐛᔨᑕᑯᔅᑦ ᐃᓯᓂᐧᑲᑎᑯᐤ,
\q2 ᓂᑭᒧᑕᑯᐤ ᒋᓴᐅᒋᒪᔎᓴ ᑭᔭ ᐎᑎᒧᓱᒪᐛ ᒪᒥᒋᒧᐛᐅᓇ᙮
\sp ᐎᒐᐛᑭᓄᐛᐛ ᐊ ‍ ᐃᔨᒥᔨᒋ
\q1
\v 10 ᒐᒄ ᐃᔎᐤ ᐅ ᐊᔅᐱᔅ ᒥᔽᔨᒪᑭᓄᐅᑦ
\q2 ᒧᔭᒻ ᐊᐸᑕᐱᓂᔨᒡ,
\q1 ᐊᔅᐱᔅ ᒥᔽᔨᒪᑭᓄᐅᑦ ᒧᔭᒻ ᒐᒋ ᒋᑕᐱᒪᑭᓄᐅᑦ
\q2 ᒧᔭᒻ ᐊᔅᐱᔅ ᒋᐧᑲᔭᔅᑐᐛᔨᒋ ᑎᐱᔅᑲᐤ ᐱᓯᒺ,
\q1 ᑭᔭ ᐊᔅᐱᔅ ᒥᔽᔨᑕᑯᓂᔨᒡ
\q2 ᒧᔭᒻ ᓂᑐᐱᔪᐅ-ᐃᔪᒡ ᐊ ‍ ᑕᐧᑯᓇᒡ ᐅᑯᑕᓱᐅᓄᐛᐤ ?
\sp ᓇᐸᐤ ᐊ ‍ ᐃᔨᒥᑦ
\q1
\v 11 ᓂᒋ ‍ ᐃᑐᑕᓐ ᐊᓐᑕ ᒐᒥᓱᒡ ᒥᓂᓱᐤ ᒥᔅᑎᑯᒡ
\q2 ᒐᒋ ᒋᑕᐸᑎᒪᓐ ᐊ ᐅᔅᒋ ᓇᑕᐅᒋᒡ ᒐᒂᓐ ᐊᓐᑕ ᐊ ‍ ᐱᓴᒡ,
\q1 ᓂᒋ ᐎ ‍ ᐛᐱᒪᐅᒡ ᑲ ‍ ᐛᐱᑭᓄᒂᓂᒋ ᓱᒥᓇᑎᑯᒡ
\q2 ᑭᔭ ᒪᒃ ᒐ ‍ ᐛᐱᑭᓄᒂᓂ ‍ ᒥᒂᒋ ᒥᔅᑎᒥᓇ᙮
\q1
\v 12 ᒥᒄ ᐊᒺᔭ ᐅᒋ ᒋᔅᒐᔨᑎᒪᓐ,
\q2 ᓂᒋ ‍ ᐱᒥᓯᓐ ᓂ ‍ ᒋᓴᐅᒋᒪᓯᐤ ᓂᐸᐅᓂᒡ ᐊᓯᒡ ᐊᓐ ᑲᓴᒋᐊᒄ᙮
\sp ᐎᒐᐛᑭᓄᐛᐛ ᐊ ‍ ᐃᔨᒥᔨᒋ
\q1
\v 13 ᒋᔾ ᐅ ᓇᔅᒡ ᑲᒥᔪᓯᔨᓐ,
\q2 ᑲᐤ ᓂᑐᐛᐱᒥᓇᓐ ᒐᒋ ᐛᐱᒥᑕᒡ !
\sp ᓇᐸᐤ ᐊ ‍ ᐃᔨᒥᑦ
\q1 ᒐᒂᓐ ᐛᒋ ᐎ ‍ ᒋᑕᐱᒥᑦ ᐅ ᐃᔎᐤ ᐊᓐ ᒥᔪᓯᑦ,
\q2 ᒧᔭᒻ ᐊ ‍ ᑭᓄᐛᐱᒥᑥᐤ ᓂᔄᐤ ᐊᐱᒥᑲᐳᐅᒡ ᐃᔪᒡ ᐊᓂᒥᒡ ?
\c 7
\s1 ᓂᔄᐅᑕᒡ ᓂᑭᒧᐅᓐ
\sp ᓇᐸᐤ ᐊ ‍ ᐃᔨᒥᑦ
\q1
\v 1 ᒋᔾ ᐅ ᒋᓴᐅᒋᒪᐤ ᐅᑕᓂᓴ,
\q2 ᑲ ‍ ᒥᔽᓯᔨᒋ ᒋᓯᑕ ᐊᓐᑕ ᒋ ‍ ᒐᒋᓴᐸᐅᓯᓂᒡ᙮
\q1 ᒧᔭᒻ ᓱᓇᔭᐅᓯᓂᓴ ᐃᓯᓇᑯᓇ ᒋᑈᒪ ᐊᓐ ᑲᒋ ‍ ᐅᓯᑕᑦ
\q2 ᑲᑭᔅᒋᑕᑦ ᐊᒥᒪᑕᐅᓇᑯᑕᑦ ᓱᓇᔭᐅᓯᓂᓴ᙮
\q1
\v 2 ᒧᔭᒻ ᓱᐸᐳᐎᔭᑭᓐ
\q2 ᐊᓴᑭᔅᒋᓇᐸᒡ ᓱᒥᓇᐳᔾ ᐃᓯᓇᑯᓐ ᒋᑎᓯᔾ᙮
\q1 ᒧᔭᒻ ᐊᐱᔅᑯᑕᔭᐱᐧᑲᑕᒋ
\q1 ᐸᒂᓯᑭᓂᒥᓇᑎᒂ ᐊᓂᑕᐅᒋᒋ ᐊᓐᑕ ᐛᐱᑯᓇ ᐃᓯᓇᑯᓐ ᒋᑦ ᐊᒋᑲᒋᔨᐛᒻ᙮
\q1
\v 3 ᒥᔪᓯᓱᐅᒡ ᒋᑎᓂᔨᒡ
\q2 ᒧᔭᒻ ᓂᓱ ᐊᑎᐧᑯᓯᒡ᙮
\q1
\v 4 ᒧᔭᒻ ᒋᒧᓴᐳᒋᐛᑉ ᐛᐱᑯᓂᒡ ᐊ ᐅᒋ ‍ ᐅᓯᑕᑭᓄᐅᒡ ᐃᓯᓇᑯᓐ ᒋᑯᔪᐤ᙮
\q2 ᒧᔭᒻ ᐊᐱᐸᔅᑯᔅᑎᒋᐸᔭᒡ ᐊᓐᑕ ᐦᐊᔅᐳᓐ ᐅᑕᓇᒡ
\q1 ᐊᓐᑕ ᒥᒋᒪ ᐸᑦ-ᕋᐱᒻ ᐃᔎᑕᒥᒡ ᐃᓯ ‍ ᒥᔪ ᓴᑈᔅᑕᐛ ᒋᓯᓯᒂ᙮
\q2 ᒋᓏᐤ ᒋᔅᑯᑦ ᒧᔭ ᓚᐸᓇᓐ ᒋᒧᓴᐳᒋᐛᑉ ᑕᒪᔅᑲᓯᒡ ᐃᑕᒐ ᐊ ᐃᓯ ‍ ᒋᒥᑕᒡ᙮
\q1
\v 5 ᑲᕐᒥᓪ ᐱᔅᑯᑎᓇᐤ ᐃᓯᓇᑯᓐ ᒋᔅᑎᒂᓐ,
\q2 ᒋᒋᐛ ᒥᔽᓱᐤ ᑲᒋᓏᐸᑲᒡ ᒋᐱᔎᐅᓐ ᑭᔭ ᐊᐎᐸᒡ:
\q1 ᒧᔭᒻ ᓂᔾ,
\q2 ᒋ ‍ ᒋᓴᐅᒋᒪᒻ, ᒥᔭᑯᓂᑯᔭᓂ᙮
\b
\q1
\v 6 ᒋᔾ ᐅ ᑲ ‍ ᓴᒋᐃᑕᓐ, ᓇᔅᒡ ᒥᒐᑦ ᐊ ᐃᓯ ‍ ᒥᔪᓇᑯᓯᔨᓐ ᐛᒋ ‍ ᒥᔪᓇᑕᓐ,
\q2 ᒋᒋᐛ ᒋ ‍ ᒥᔪᓯᓯᓐ ᑭᔭ ᒋ ‍ ᒥᔽᔨᑕᑯᓯᓐ᙮
\q1
\v 7 ᒧᔭᒻ ᐸᓪᒻ ᒥᔅᑎᒄ ᒋᑦ ᐃᓯᓇᑯᓯᓐ,
\q2 ᑭᔭ ᒧᔭᒻ ᑲ ‍ ᐊᓱᒧᒋ ᒥᓂᓴ ᐃᓯᓇᑯᓱᐅᒡ ᒋᑎᓂᔨᒡ᙮
\q1
\v 8 ᒂ ‍ ᐃᑎᑎᓱᔭᓐ, “ᓂᑭ ‍ ᓴᑭᒋᐛᓐ ᐊᓐ ᐸᓪᒻ ᒥᔅᑎᒄ,
\q2 ᑭᔭ ᓂᑭ ‍ ᐅᑎᓇᓐ ᐊᓐᑕ ᒥᓂᓴ᙮”
\q1 ᑭᒪ ᑲ ‍ ᐊᓱᒧᒋ ᓱᒥᓇᑎᒂ ᐃᓯᓇᑯᓯᒡ ᒋᑎᓂᔨᒡ,
\q2 ᑭᔭ ᒧᔭᒻ ᐊ ‍ ᒥᔪᒪᒂᒋ ᐛᐱᒥᓇ ᐃᓯᓇᒂᒡ ᒋ ‍ ᔭᔭᐅᓐ᙮
\q1
\v 9 ᑭᔭ ᒋᑐᓐ ᒧᔭᒻ ᒪᐅᒡ ᑲ ‍ ᒥᔽᒡ ᓱᒥᓇᐳᔾ᙮
\sp ᐃᔎᐤ ᐊ ‍ ᐃᔨᒥᑦ᙮
\q1 ᓂ ‍ ᐅᒐᒧᐅᓇ ᑯᐎᔅᒄ ᐅᑎᑎᑯᐤ ᐊᓐ ᑲ ‍ ᓴᒋᐃᑦ,
\q2 ᑭᔭ ᐱᒥᑯᔪᐛ ᐅᑐᓂᒡ ᑭᔭ ᐎᐱᑎᒡ ᒧᔭ ᓱᒥᓇᐳᔪᐤ᙮”
\q1
\v 10 ᓂᑎᐸᔨᒥᒄ ᐊᓐ ᓇᐸᐤ ᑲ ‍ ᓴᒋᐃᔨᒃ
\q2 ᑭᔭ ᓂᒧᔅᑕᓇᔨᒥᒄ᙮
\q1
\v 11 ᒋᔾ ᑲ ‍ ᓴᒋᐃᔨᓐ, ᐃᑐᑕᑕᐤ ᐊᓐᑕ ᓄᒋᒥᒡ
\q2 ᑭᔭ ᒐ ‍ ᓂᐸᔭᐧᒄ ᐊᓐᑕ ᐸᐃᒄ ᐃᑕᐅᓂᒡ᙮
\q1
\v 12 ᐎᐱᒡ ᐸᑕᐸᒐ ᒐ ‍ ᐎᐎᔭᐧᒄ ᑭᔭ ᒐ ‍ ᓇᒋ ‍ ᐛᐱᒪᐧᑯᒡ
\q1 ᒐ ᐛᐱᑯᓄᒂᓐᒋ ᓱᒥᓇᑎᑯᒡ ᑭᔭ ᒥᓂᓴᑎᑯᒡ᙮
\q1 ᐃᔅᐱ ᑕᔭᒂ ᐊᓐᑕ,
\q2 ᐊᑯ ᒐ ‍ ᒥᔨᑕᓐ ᓂᓴᒋᐃᐛᐅᓐ᙮
\q1
\v 13 ᑲᒥᔪᒪᒂᒡ ᓴᒋᐃᐛᐤ-ᐛᐱᒥᓂᒡ ᐅᒡ, ᒥᔪᒪᑯᑕᐅᒡ ᓂᑕᐅᒋᑕᑭᓐᒡ,
\q2 ᒥᓯᐛ ᒥᔭᑯᓐ ᓂᓴᒋᔭᑭᓐ᙮
\q1 ᔅᒋ ‍ ᐊᔍᑎᓐ ᐊᓐᑕ ᐅᐱᒪ ᔅᑐᐧᑭᓇᓐ
\q2 ᒥᓯᐛ ᐊ ‍ ᐃᓯᓇᒂᒋ ᒥᓂᓴ᙮
\c 8
\s1 ᔭᓇᐤ ᓂᑭᒧᐅᓐ
\sp ᐃᔎᐤ ᐊ ‍ ᐃᔨᒥᑦ:
\q1
\v 1 ᑭᒪ ᒧᔭᒻ ᐅᔅᑕᓯᑕᑕᓇᒂ,
\q2 ᒋᐸ ‍ ᐅᒐᒥᑎᓇᐱᓐ
\q1 ᑕᑥᐤ ᓇᒋᔅᑲᑐᔭᐧᑯᐤ,
\q1 ᑭᔭ ᓇᒪ ᐊᐛᓐ ᒋᐸ ‍ ᐃᔅᒋᔄᐱᓐ
\q2 ᐊᒋ ‍ ᐅᓂᐱᔨᔭᓐ᙮
\q1
\v 2 ᒋᐸ ‍ ᒋ ‍ ᐃᑐᑕᔨᑎᓐ ᐊᓐᑕ ᐎᒋᒡ
\q1 ᓂᑲᐎᔾ,
\q2 ᐊᓐ ᑲ ‍ ᒋᔅᑯᑎᒧᐅᑦ ᒥᓯᐛ ᒐᒂᔪᐤ ᒐᔅᒐᔨᑎᒧᒡ᙮
\q1 ᒋᐸ ‍ ᒥᔨᑎᓐ ᑲ ‍ ᐎᐧᑲᑭᒧᒡ ᓱᒥᓇᐳᔾ
\q2 ᐊᓯᒡ ᐃᔭᐱᒡ ᒥᓂᓴᐳᔾ᙮
\q1
\v 3 ᐊᔅᑕ ᒋᓂᔅᐸᒋᐅᓐ ᐊᓐᑕ ᓴᒄ ᓂᔅᑎᐛᓂᒡ
\q1 ᑭᔭ ᒐ ‍ ᐛᐅᒋᓂᔨᓐ
\q2 ᒋᒥᔪᐅᓂᒡ᙮
\b
\q1
\v 4 ᒍᕈᓴᓕᒻ ᐅᔅᒋᓂᒋᔎᑎᒄ,
\q1 ᐊᓱᑎᒧᐅᒃ ᐅᓱᐧᑲᑎᓯᐅᓄᐛᒡ ᐅᒡ
\q2 ᐊᑎᐧᒄ ᑭᔭ ᓄᓴᑎᐧᒄ
\q1 ᒐ ᐊᑲ ᓂᑕ ᐸᑯᓂᒪᒄ ᓴᒋᐃᐛᐅᓐ
\q2 ᐊᒺᔭ ᐊᔭᔅᑯᐅᑦ᙮
\sp ᐎᒐᐛᑭᓄᐛᐛ ᐊᔨᒥᔨᒋ:
\q1
\v 5 ᐊᐛᓐ ᐊᓐ ᐅᔅᒋᓂᒋᔎᐤ
\q2 ᓄᒋᒥᒡ ᑭ ‍ ᐅᑐᑕᑎᑲ
\q1 ᑭᔭ ᑭ ‍ ᐊᔅᐱᒋᓯᒧᐛᑎᑲ ᐅᑎᑎᒥᓂᔨᒡ
\q2 ᐊᓂᔭ ᐊᐛᔪᐛ ᑲ ‍ ᓴᒋᐊᑦ ?
\sp ᐃᔎᐤ ᐊ ‍ ᐃᔨᒥᑦ:
\q1 ᓂᒋ ‍ ᐸᑯᓇᓐ ᒋᓴᒋᐃᐛᐅᓐ
\q1 ᓴᐸᔭᔅᑎᑯᒡ ᐛᐱᒥᓇᑎᑯᒡ
\q2 ᐊᓐᑕ ᑲ ‍ ᐃᔪᐛᔨᓐ᙮
\q1
\v 6 ᓇᓂᑎᒻ ᒐᑎᔨᓐ ᒋᑕᐃᒡ
\q1 ᑭᔭ ᒐ ‍ ᐳᔅᑭᒥᓐ ᐅ ᒥᔅᐱᑐᓇᐱᔅᒄ
\q2 ᒐᒋ ᐅᒋ ᒋᔅᒋᑐᐎᔨᓐ᙮
\q1 ᒐᑎᔨᓐ ᒧᔭᒻ ᒋᔅᑕᐸᓱᐤ ᐱᓯᑯᐃᑭᓐ ᐊᓐᑕ ᒋᑕᐃᒡ
\q2 ᑭᔭ ᒪᒃ ᒧᔭᒻ ᒋᔅᑕᐸᓱᐤ ᐱᓯᑯᐃᑭᓐ ᐊᓐᑕ ᒋᐱᑐᓂᒡ
\q1 ᐛᔅ ᓴᒋᐃᐛᐅᓐ
\q2 ᐊᑎᑐᐤ ᓱᒋᓯᒥᑭᓐ ᐃᔅᐱᔅ ᓂᐳᐅᓐ,
\q1 ᑭᔭ ᐊᑎᑐᐤ ᓱᒋᓯᒥᑭᓐ ᐃᔅᐱᔅ ᓂᒂᔅᑲᓐ᙮
\q1
\v 7 ᓇᒪ ᑎᑯᓐ ᒐᒂᓐ ᒐᒋ ᐊᔅᑐᐛᐊᐧᒃ ᐊᔅᐱᔅ ᓴᒋᐃᑐᔭᐧᒄ,
\q2 ᓇᒪ ᐃᔭᐱᒡ ᐊ ‍ ᐃᔅᒋᐸᒡ;
\q1 ᐃᔅᐱ ᓇᐸᐤ ᑯᒋᐱᔨᑕᑦ ᒐᒋ ᑐᑐᐛᑦ ᐃᔎᐛ ᒐᒋ ᓴᒋᐃᑯᑦ
\q2 ᐊᔨᑕᑦ ᒐᒋ ᒥᔭᑦ ᒥᓯᐛ ᒐᒂᔪᐤ ᐊᐃᑎᑯᓂᔨᒡ ᐊᓐᑕ ᐎᒋᒡ᙮ ᓇᒪ ᒋᐸ ‍ ᐃᒋ ‍ ᑕᑈᑕᑯᐤ᙮
\sp ᐎᒐᐛᑭᓄᐛᐛ ᐊ ‍ ᐃᔨᒥᔨᒋ
\q1
\v 8 ᑕᐤ ᒋᓯᒥᓄᐤ
\q1 ᐅᑎᓂᔭ
\q2 ᐊᔅᒄ ᐊᑲ ᓂᑕᐅᒋᔨᒋ᙮
\q1 ᑯᒂᒋᒧᐎᒐᓂ ᐊ ‍ ᐎᐎᒋᒥᑯᐤ ᐊᐛᔪᐛ,
\q2 ᑕᓐ ᒐ ‍ ᐃᑎᔭᐧᒄ ?
\q1
\v 9 ᐎᔾ,
\q1 ᒋᑭ ‍ ᑐᑐᐛᓄᐤ ᒐᒋ ᓱᒋᓯᑦ,
\q1 ᑭᔭ ᒋᑭ ‍ ᓯᑎᔅᑯᐛᓄᐤ᙮
\q1 ᒥᒄ ᐃᔅᐱ ᒥᒐᑦ ᐛᒐᐛᒂ ᓇᐸᐛ, ᒋᑭ ‍ ᒋᐸᐛᓄᐤ ᒐᒋ ᐛᐱᒪᑦ ᓇᐸᐛ᙮
\sp ᐃᔎᐤ ᐊ ‍ ᐃᔨᒥᑦ:
\q1
\v 10 ᓂᔾ ᐅ ᒪᓂᑭᓐ ᐊᓐᑦ ᐊᐛᔅᑲ ᐅᑕᓇᒡ,
\q2 ᑭᔭ ᐊᓱᐛᐳᒋᐛᐳᐅᒡ ᓂᑎᓂᔨᒡ,
\q1 ᐅᑯ ᐊᓐ ᑲ ‍ ᓴᒋᐃᑦ
\q2 ᓂᒥᔽᔨᒥᒄ
\q1
\v 11 ᒋᓴᐅᒋᒪᐤ ᓴᓕᒧᓐ ᑭᓂᐛᔨᑎᒻ ᓱᒥᓇᑎᑯᐤ ‍ ᓂᑕᐅᒋᒋᑭᓂᔪᐤ
\q2 ᐊᓐᑕ ᐸᐊᓪ-ᐊᒧᓐ,
\q1 ᐊᓂᔭ ᐊ ‍ ᐅᐛᐊᑦ ᑯᑎᑲ ᐊᐛᔪᐛ
\q1 ᐸᐃᒂᐤ ᒐᓯᐱᔪᐤ ᐃᔅᐱᔅ
\q2 ᐛᐱᓯᐅᓱᓇᔭᐱᔎ ᐸᐃᑯᐳᓇ᙮
\q1
\v 12 ᒥᒄ ᓂᔪᐤ ᒧᔭᒻ ᓂᔾ ᓂᓱᒥᓇᑎᑯᐤ ‍ ᓂᑕᐅᒋᒋᑭ ᐃᓯᓇᑯᓐ,
\q1 ᑭᔭ ᓴᓗᒧᓐ, ᒋᒥᔨᑎᓐ ᐊᓐ᙮ ᒐ ᐊᑲ ‍ ᒋᓯᐧᑯᐎᔨᓐ ᐸᐃᒂᐤ ᒐᓯᐱᔪᐤ ᐛᐱᓯᐅᓱᓇᔭᐱᔎ ᒐᒋ ᐅᒋ ᒥᔽᔨᑎᒥᓐ ᓂᔪᐤ
\q2 ᒥᒄ ᓂᑭ ‍ ᒥᔭᐅᒡ ᓂᓱ ᒥᑕᑎᒥᑎᓄᐤ ᐛᐱᓯᐅᓱᓇᔭᐱᔎ ᐊᓐᒡ ᐊᐛᓐᒋ ᒋᑭᓄᐛᔨᒥᒡ᙮
\sp ᓇᐸᐤ ᐊ ‍ ᐃᔨᒥᑦ
\q1
\v 13 ᓂᑕᐅᒋᒋᑭᓂᒡ ᒋᑦ ᐃᔨᑕᓐ
\q1 ᑭᔭ ᓂᐎᒐᐛᑭᓐᒡ ᓂᑐᑎᒧᒡ ᒋᐸᑕᑯᓯᐅᓂᔪᐤ;
\q2 ᐊᑯ ᓇᐃᒥ ᑭᔭ ᓂᔾ ᒐᒋ ᐸᑎᒪᓐ᙮
\sp ᐃᔎᐤ ᐊ ‍ ᐃᔨᒥᑦ
\q1
\v 14 ᒋᓯᐱ ᐸᒋ ᓇᓯ ᓂᓴᒋᐊᑭᓐ !
\q1 ᐸᒋ ‍ ᒋᒋᓂ ᒧᔭᒻ ᐊᔅᐱᓯᐱᔨᑦ ᓄᓴᑎᐧᒄ ᑭᔭ ᒪᒃ ᐊᑎᐧᑯᔅᒡ᙮
\q2 ᒋᒋᐛ ᓂᒥᔽᔨᑕᓐ ᒧᔭᒻ ᓂᐱᓯᔭ ᑲ ‍ ᐎᒋᒪᑯᓂᔨᒋ ᐊᓐᑕ ᐱᔅᑯᑎᓇᐛ᙮


\id DAN Daniel Naskapi Syllabics (started 27 Jan 23 Silas Nabinicaboo. First draft complete 10 Mar 2023)
\toc3 ᑕᓂᔭᓪ
\toc2 ᑕᓂᔭᓪ
\toc1 ᑕᓂᔭᓪ
\c 1
\s1 ᐸᐱᓄᓂᐊᓂᒡ ᑲ ‍ ᐃᑐᑕᐊᑭᓄᐅᑦ ᑕᓂᔭᓪ
\p
\v 1 ᒐᑲᑦ ᓂᔅᑐᐱᐳᓇ ᑲᒋ ᑎᐸᔨᒋᒐᑦ ᒋᓴᐅᒋᒪᐤ ᒐᐧᑯᐃᐊᑭᒻ ᐊᓐᑕ ᒍᑕᐃᒡ, ᓇᐳᑭᑦᓇᓱᕐ ᐸᐱᓗᓐ ᒋᓴᐅᒋᒪᐤ ᒋᕈᓯᓕᒥᒡ ᒋᑎᑯᓯᒧᐤ ᐊᓯᒡ ᐅᓂᑎᐱᔪ-ᐃᔨᒪ ᑭᔭ ᑲᐛᔅᑲᔅᑲᒡ ᐅᑕᓇᔪᐤ᙮
\v 2 ᑲᒋ ᓂᓱᐱᐳᓂᔨᒡ, ᑎᐸᔨᒋᒐᓱᐤ ᒋ ‍ ᓇᐊᔨᒪᐤ ᓇᐳᑭᑦᓇᓱᐛ ᐅᓂᑐᐱᔪᐤ-ᐃᔨᒥᔨᐛ ᒐᒋ ᒪᑯᓂᒥᔨᒋ ᒋᐅᐃᐊᑭᒪ ᒍᑕ ᒋᓴᐅᒋᒪᐛ᙮ ᐱᔅᒐ ᒐᒂᔪᐛ ᑲ ‍ ᑎᑯᓂᔨᒋ ᐊᓐᑕ ᒋᓴᒪᓂᑐᐛ ᐅᑦ ‍ ᐊᔭᒥᐊᐅᒋᐛᐱᔨᒡ, ᑭᔭ ᐸᐱᓄᓂᔭᒡ ᒂ ᐃᑐᑕᒡ᙮ ᐊᑯᑕ ᓇᐳᑲᓇᓱᕐ ᑲ ‍ ᑎᑕᐧᒃ ᐅᒥᓂᑐᒪ ᐅᑦ ‍ ᐊᔭᒥᐊᐅᒋᐛᐱᔨᒡ᙮
\p
\v 3 ᐊᑯ ᓇᐳᑭᑦᓇᓱᕐ ᒂ ‍ ᐃᑎᓱᒪᑦ ᐊᔅᐱᓇᓴ, ᓂᑲᓐ ᑲ ‍ ᐛᐎᒋᐛᔨᒋ ᐊᓐᑕ ᐅᒋᓴᐅᒋᒪᐅᒋᐛᐱᒡ, ᒐᒋ ᐸᑥᑯᑦ ᐱᔅᒐ ᐃᔅᕋᐃᓪ ᓇᐸᐛ ᑲᐸᓱᐛᒡ ᐊᓐᑕ ᐸᐱᓄᓂᔭᓂᒡ᙮ ᒋ ‍ ᓂᑐᐛᔨᒪᐤ ᓇᐸᐛ ᐊᓐᑕ ᑲ ᐅᒋ ‍ ᑎᐸᔨᑕᑯᓯᔨᒋ ᐊ ‍ ᒋᔅᑕᔨᑕᑯᓯᔨᒋ ᐊᐸᐃᑯᔅᑲᓇᓯᓇᓄᐎᔨᒡ, ᐊᓯᒡ ᒍᑕ ᒋᓴᐅᒋᒪᐛ ᐊᐸᐃᑯᔅᑲᓇᓯᔨᒋ᙮
\v 4 ᒋᓴᐅᒋᒪᐤ ᓇᐳᑭᑦᓇᓱᕐ ᒥᒄ ᓇᐸᐛ ᐊ ‍ ᒥᔪᐱᒪᑎᓯᔨᒋ, ᑭᔭ ᐅᔅᒋᓂᒋᓱᐛ, ᐊᑭᒐᑕᐛᔨᑎᒥᔨᒋ, ᑭᔭ ᐊᒥᔪ ‍ ᒋᔅᑯᑎᒧᐛᑭᓄᐎᔨᒋ, ᑭᔭ ᐊᑭᔅᒋᔪᐎᔨᒋ ᒥᒐᑦ ᒐᒂᔪᐛ ᒐᒋ ᒋᔅᑯᑎᒪᓱᐎᔨᒋ, ᑭᔭ ᐊᒋᓱᓯᔨᒋ ᒐᒋ ᐊᑐᔅᒐᔨᒋ ᐊᓐᑕ ᒋᓴᐅᒋᒪᐅᒋᐛᐱᒡ ᓂᑐᐛᔨᒪᐤ᙮ ᐃᔭᐱᒋ ᒋᐎ ‍ ᒋᔅᑯᑎᒧᐛᐤ ᐸᐱᓄᓂᔭᓐ ᐃᔨᒧᐅᓂᔪᐤ ᑭᔭ ᒐᒋ ᐃᔨᒥᑕᔨᒋ ᒐᒂᔪᐛ ᐸᐱᓄᓂᔭᓂᒡ ᐊ ‍ ᐃᑎᔅᑕᔨᒡ᙮
\v 5 ᒂ ‍ ᐃᑎᓱᒪᑦ ᐅᑦ ᐊᐱᒋᐊᑭᓇ ᒋᓴᐅᒋᒪᐤ᙮ “ᐸᐃᑯᑕᐤ ᒋᒥᔭᑯᒡ ᐊ ᐃᓯᓇᑯᓂᔨᔅ ᒥᒋᒥᔪᐤ ᑭᔭ ᓱᒥᓇᐳᔪᐤ ᐊᓂᔭ ᐊ ᐃᓯ ‍ ᒪᔨᑯᐅᒡ᙮ ᓂᔅᑐᐱᐳᓇ ᐃᔅᐱᔅ ᒐᒋᔅᑯᑎᒧᐛᑯᒡ᙮ ᐊᑯ ᒐ ᐊᑎ ᐅᑦ ᐊᐱᒋᐊᑭᓂᑐᐅᒂᐤ᙮”
\v 6 ᐊᓐᒡ ᐃᔅᕋᐃᓪ ᐅᔅᒋᓂᒍᐅᒡ ᑲ ᐅᑎᓇᑭᓄᐅᒡ ᐊᓯᒡ ᑕᓂᔭᓐ, ᑭᔭ ᐊᓇᓇᐃᔭ, ᒥᓴᐃᓪ, ᑭᔭ ᐊᓴᕆᐊ ᒋ ᐅᑎᓇᑭᓄᐅᒡ, ᒥᓯᐛ ᐅᒡ ᒍᑕ ᑲ ‍ ᐅᒋᒡ᙮
\v 7 ᒥᒄ ᐊᔅᐱᓇᔅ ᐸᐱᓄᓂᔭᓐ ᐃᓂᐧᑲᓱᐅᓇ ᓂᒋ ‍ ᒥᔨᑯᓇᓐᒡ᙮ ᐸᑕᓴᓴᕐ ᓂᒋ ᐃᓯᓂᐧᑲᑎᒄ, ᓴᑦᕋᒃ ᒋ ᐃᓯᓂᐧᑲᑕᑭᓄᐤ ᐊᓇᓇᐃᐊ, ᒥᓴᒃ ᒋ ᐃᓯᐧᑲᑕᑭᓄᐤ ᒥᓴᐃᓪ, ᑭᔭ ᐊᐱᑦᓂᑯᐤ ᒋ ᐃᓯᓂᐧᑲᑕᑭᓄᐤ ᐊᓴᕆᐊ᙮
\p
\v 8 ᒥᒄ ᓂᒋ ‍ ᐃᑕᔨᑕᓐ ᒐ ᐊᑲ ‍ ᒥᒍᐅᒡ ᐊᓂᔭ ᐊᓯᓇᑯᓂᔨᒡ ᒥᒋᒥᔪᐤ ᒪᒋᑦ ᒋᓴᐅᒋᒪᐤ, ᑭᔭ ᒪᒃ ᒥᓄᐅᒡ ᐊᓯᓇᑯᓂᔨᒡ ᓱᒥᓇᐳᔪᐤ ᒪᓂᑦ, ᐛᔅ ᐊᑐᒡ ᓂᒋ ᒥᔪ ‍ ᐅᑎᓂᒄ ᒋᓴᒪᓂᑐᐤ᙮ ᐊᑯ ᑲ ᑭᒂᒋᒥᒄ ᐊᔅᐱᓇᔅ ᒐᒋ ᓇᐊᔨᒥᑦ ᑯᑎᒋᔪᐤ ᒐᒂᔪᐛ ᒐᒋ ᒥᒍᐅᒡ ᑭᔭ ᒥᓄᐅᒡ᙮
\v 9 ᒋ ‍ ᑐᑐᐛᐤ ᒋᓴᒪᓂᑐᐤ ᓇᔅᒡ ᒐᒋ ᐃᔅᐱᑕᔨᒥᒋ ᐊᔅᐱᓇᓴ,
\v 10 ᒥᒄ ᒋ ᐊᔨᒪᔨᑎᒥᔨᑯᐤ ᐊᓂᔭ ᒐᒂᔪᐤ ᑲ ‍ ᐃᑎᒃ᙮ ᒋ ᐃᔅᒋᔄᐤ, “ᓂᐅᒋᒪᒻ, ᒋᓴᐅᒋᒪᐤ, ᒋ ᐃᑎᓯᐛᐤ ᐊᓂᔭ ᐸᐃᑯᑕᐤ ᒥᒋᒥᔪᐤ ᑭᔭ ᓱᒥᓇᐱᔪᐤ ᐅᑎᓇᑭᓄᐎᔨᒡ ᐊᓂᔭ ᐊ ᐃᓯ ‍ ᐅᑎᓇᐧᒃ᙮ ᒥᒋᔨᓇ ᑯᑎᑲ ᒐᒂᓇ ᑭᔭ ᐊᓐ ᐅᒋ ᒋ ᒪᐧᑭᑕᔨᓇ ᑭᔭ ᐛᐱᔨᓇ ᐃᔅᐱᔅ ᑯᑎᑭᒡ ᐅᔅᒋᓂᒍᐅᒡ ᐊᑕᑎᐱᐳᓇᓯᔨᓐ, ᒋᑭ ‍ ᐃᑎᓱᐛᑕᐤ ᐅᓂᑐᐱᔪᐤ-ᐃᔨᒪ ᒐᒋ ᒋᒥᔅᑎᒂᓇᐎᒋ ᐛᔅ ᐊᓂᔭ ᑲ ᐃᑐᑎᒧᑦ !”
\p
\v 11 ᐊᔅᐱᓇᔅ ᒋ ᐃᑕᐤ ᑲᒪᑭᓄᐛᓯᔨᒋ ᒐᒋ ᑭᓄᐛᔨᒥᔨᒥᔨᒋ ᓂᔾ, ᑭᔭ ᐊᓇᓇᐃᐊᔨᒋ, ᑭᔭ ᒥᓴᐃᔨᒋ, ᑭᔭ ᐊᓴᕆᐊᔨᒋ᙮
\v 12 ᐊᑯ ᒂ ᐃᑎᒃ ᐊᓐ ᑲᒪᑭᓄᐛᓯᔅᑦ, “ᑭᒂᒋᔨᓇᓐ ᐸᐃᑯᔪᐛᒋᓯᑲᐛ ᐃᔅᐱᔅ᙮ ᒪᒂᒡ ᐊᓐ, ᒥᒄ ᐛᐱᑯᓐ ᒥᒋᒻ ᒐ ‍ ᒥᔨᔭᒡ ᒐᒋ ᒥᒋᔭᒡ ᑭᔭ ᓂᐱᔾ ᒐᒋ ᒥᓂᔭᒡ᙮
\v 13 ᒋ ‍ ᐸᐃᑯᔪᐛᒋᓯᑲᒐ, ᒐᒋᑕᐱᒥᔭᒡ ᒐ ‍ ᐃᓯᓇᑯᓱᐛᐛᒐ, ᑭᔭ ᒐᒋᑕᐱᒥᑥᐤ ᒐ ᐃᓯᓇᑯᓱᐛᐛᒂ ᐊᓐᒡ ᑯᑎᑭᒡ ᐅᔅᒋᓂᒍᐅᒡ, ᐊᓐᒡ ᒪᒋᒡ ᒥᒋᒥᔪᐤ ᐊᓯ ‍ ᒥᒋᔨᒋ ᒋᓴᐅᒋᒪᐛ᙮ ᐊᑯ ᒐ ‍ ᐎᔭᔨᑎᒥᓐ ᒐᒄ ᒥᒋᒻ ᒐ ‍ ᓇᐊᔨᒥᔭᒡ ᒐ ‍ ᒥᒋᔭᒡ᙮”
\p
\v 14 ᒋ ‍ ᓇᐊᔨᑎᒻ ᐊᓐ ᑲᒪᑭᓄᐛᔅᑦ ᒐᒋ ᑐᑕᐧᒃ ᒐᒂᔪᐤ ᑲᑭᒂᒋᒥᒄ
\v 15 ᑲᒋ ‍ ᐸᐃᑯᔪᐛᒋᓯᑲᔨᒡ, ᒋ ᐛᐱᑎᒻ ᐊᓂᔅᑎᔨᒋ ᓂᐎᒐᐛᑭᓇ ᑭᔭ ᓂᔾ ᑲ ‍ ᒥᔪᐱᒪᑎᓯᐅᒋᒡ ᐃᔅᐱᔅ ᐊᓂᔭ ᐅᔅᒋᓂᒍᐛ ᑲ ᒥᒋᔨᒋ ᒥᒋᒥᔪᐤ ᑲ ‍ ᓂᑐᐛᔨᒥᑯᔨᒋ ᒋᓴᐅᒋᒪᐛ ᒐᒋ ᒥᒋᒡ᙮
\v 16 ᐊᓂᔭ ᑲᒋ ‍ ᐃᔅᐱᔨᒡ, ᑲᒪᑭᓄᐛᔅᑦ ᓂᒋ ‍ ᒥᔨᑯᓇᓐ ᒥᒄ ᐛᐱᑯᓐ ᒥᒋᒥᔪᐤ ᒐᒋ ᒥᒍᐅᒋᒡ, ᓇᒪ ᓂ ᐅᒋ ‍ ᒥᔨᑯᓇᓐ ᒋᓴᐅᒋᒪᐛ ᐊᒋᐧᑲᔭᔨᑕᑯᓂᔨᒡ ᐅᒥᒋᒥᔪᐤ ᑭᔭ ᓱᒥᓇᐳᔪᐤ᙮
\p
\v 17 ᑭᔭ ᒋᓴᒪᓂᑐᐤ ᓂᒋ ‍ ᒥᔨᑯᓇᓐ ᓂᔭᓐ ᐊᓇᐅᒋᒡ ᐅᔅᒋᓂᒍᐛ ᑭᒐᑕᐛᔨᑎᒧᐅᓂᔪᐤ ᑭᔭ ᑭᔅᒋᐅᓂᔪᐤ ᒐᒋ ᒋᔅᑯᑎᒪᓱᐅᒋᒡ ᒥᒐᑦ ᒐᒂᔪᐛ ᐸᐱᓄᓂᔭ ᐃᔪᒡ ᑲ ‍ ᒥᓯᓇᐊᒡ ᑭᔭ ᑲ ‍ ᒋᔅᑯᑎᒪᑎᓱᒡ᙮ ᑭᔭ ᐃᔭᐱᒡ ᓂᒋ ‍ ᒥᔨᒄ ᑭᔅᒋᐅᓂᔪᐤ ᒐᒋ ᓂᔅᑐᑎᒧᒡ ᐊᑥᒥᑭᓂᔨᒋ ᐛᐸᑎᒧᐅᓇ ᑭᔭ ᐳᐛᒧᐅᓇ᙮
\p
\v 18 ᐃᔅᐱ ᒋᓴᐅᒋᒪᐤ ᑲ ᐊᔭᔅᑯᔅᑕᑦ ᓂᔭᓐ ᐅᔅᒋᓂᒍᐛ ᒍᑕ ᐅᒋ ᒐᒋ ᒋᔅᑯᑎᒪᑯᐅᒋᒡ ᑲ ᐃᔎᐱᔨᒋ, ᐊᔅᐱᓇᔅ ᒥᓯᐛ ᓂᒋ ‍ ᐃᑐᑕᔨᑯᓇᓐ ᒋᓴᐅᒋᒪᐛ ᓇᐳᑲᑭᑦᓇᓱᐛ ᐊ ‍ ᑕᔨᒋ᙮
\v 19 ᓂᒋ ‍ ᐃᔨᒥᑯᓇᓐ ᒥᓯᐛ ᐸᐸᐃᒄ ᐊᑎᓱᐅᒋᒡ, ᑭᔭ ᒂ ‍ ᒋᔅᒐᔨᑕᐧᒃ ᐊᓂᔭ ᑯᑎᑲ ᐅᔅᒋᓂᒍᐛ ᐊ ᐊᑲ ᐃᔅᐱᔅ ᑭᔅᒋᐅᔨᒋ ᐃᔅᐱᔅ ᐊᓇᓇᐃᐊᔨᒋ, ᑭᔭ ᒥᓴᐃᔨᒋ, ᑭᔭ ᐊᓴᕆᐊᔨᒋ ᑭᔭ ᓂᔾ ᑲ ᐃᔅᐱᔅ ᑭᔅᒋᐅᒋᒡ᙮ ᐊᑯ ᓂᔭᓐ ᐊᓇᐅᔭᒡ ᓂᒋ ‍ ᐅᑦ ᐊᐱᒋᐊᑭᑕᑯᓇᓐ ᒋᓴᐅᒋᒪᐤ᙮
\v 20 ᐊᓂᔭ ᐊ ‍ ᒋᔅᑕᔨᑕᑯᓂᔨᒋ ᒐᒂᔪᐛ, ᒋᔅᒐᔨᑎᒻ ᒋᓴᐅᒋᒪᐤ ᓂᔭᓐ ᐊᓇᐅᒋᒡ ᐊᐎᑎᒧᐅᒋᒡ ᒐᒂᔪᐤ ᐸᐃᑯᔪᐤ ᑕᑥᐤ ᐊᔅᐱᔅ ᐊᒥᔽᔨᒡ ᐃᔅᐱᔅ ᒥᓯᐛ ᑲ ‍ ᒥᓂᑐᓯᔨᒋ ᑭᔭ ᓂᑲᓐ ᑲ ᐎᑎᒥᔨᒋ ᐊ ‍ ᐎᑎᔨᒋ ᒐᒂᓂᔪᐤ᙮
\v 21 ᓂᒋ ‍ ᐃᑕᓐ ᐊᓐᑕ ᐅᔅᑕ ᐊᓱᑕᒡ ᑕᑐᔪᐛᐱᐳᓇ ᐊᑐᔅᑯᐅᒄ ᒋᓴᐅᒋᒪᐤ, ᐸᑎᒪ ᐅᔅᑭᒡ ᐱᐳᓂᔪᐤ ᓴᔨᕈᔅ ᑲᒋᓴᐅᒋᒪᐅᑦ᙮
\c 2
\s1 ᒐᒂᔪᐤ ᑲ ᐳᐛᑕᐧᒃ ᓇᐳᑭᑦᓇᓱᕐ
\p
\v 1 ᐸᐃᒂᐤ ᑕᐱᔅᑲᔨᒡ, ᒪᒂᒡ ᐊᓂᔭ ᓂᓱ ᐱᐳᓂᔪᐤ ᑲ ᒋᓴᐅᒋᒪᐅᑦ ᓇᐳᑭᑦᓇᓱᕐ, ᒋ ᐳᐛᒧᐤ᙮ ᒋᒋᐛ ᒋ ‍ ᐃᔭᔨᒪᔨᑎᒥᔨᑯᐤ ᐅᐳᐛᒧᐅᓐ; ᑭᔭ ᐊᓂᔭ ᐅᒋ, ᓇᒪ ᐅᒋ ᓂᐸᐤ᙮
\v 2 ᒥᓐ ᐎᔭᐅᐃᓂᔨᒡ, ᒋ ‍ ᐎᓴᒪᐤ ᐅᑦ ᐃᔨᒪ ᐊᓂᔭ ᑲ ‍ ᒥᓂᑐᓯᔨᒋ, ᑭᔭ ᓂᑲᓐ ᑲ ‍ ᐎᑎᒥᔨᒋ ᒐᒂᔪᐤ, ᑲ ‍ ᑯᓴᐸᑎᒥᔨᒋ, ᑭᔭ ᐊᓂᔭ ᑲ ᒋᔅᑯᑎᒪᓱᐛᒐᔨᒋ ᐅᒐᑭᑕᒂ᙮ ᐛᔅ ᒋ ‍ ᐅᓂᒋᔅᒋᑎᒻ ᑕᓐ ᑲ ᐃᓯ ‍ ᐳᐛᒧᐅᑦ, ᒋ ‍ ᓯᒋᒪᐤ ᒐᒋ ᐎᑎᒪᑯᑦ ᑕᓐ ᑲ ᐃᓯ ‍ ᐳᐛᒧᑦ᙮ ᒪᒂᒡ ᑲ ‍ ᐅᑎᔅᑯᑲᐳᔅᑐᐛᒡ ᒋᓴᐅᒋᒪᐛ,
\v 3 ᒂ ᐃᑕᑦ, “ᓂᒋ ‍ ᐳᐛᒧᓐ ᑕᐱᔅᑲᒡ ᐊᓐ ᐃᔭᔨᒪᔨᑎᒥᔨᑯᔭᓐ᙮ ᐎᑎᒧᐅᒄ ᑕᓐ ᑲ ᐃᓯ ‍ ᐳᐛᒧᔭᓐ ᐛᔅ ᓂ ᐎ ‍ ᒋᔅᒐᔨᑕᓐ ᑕᓐ ᐊᑥᒥᑲᒡ ᓂᐳᐛᒧᐅᓐ᙮”
\v 4 ᐊᓐᒡ ᓇᐸᐅᒡ ᑲ ‍ ᒋᔅᑯᑎᒪᑎᓱᐛᒐᒡ ᐅᒐᑯᑕᒂ ᒂ ᐃᑕᒡ ᒋᓴᐅᒋᒪᐛ, ᐊᕋᒪᐃᒃ ᐃᔨᒧᐅᓂᔪᐤ ᐊ ᐃᓯ ‍ ᐃᔨᒥᒡ᙮ ᒂ ᐃᔅᒋᔄᒡ, “ᒋᓴᐅᒋᒪᐤ ᓇᐳᑭᑦᓇᓱᕐ, ᓂᑦ ᐊᔅᐸᔨᒧᓇᓐ ᓇᐅᔅ ᒐᒋ ᐱᒪᑎᓯᔨᓐ ! ᐎᑎᒧᐅᓇᓐ ᑕᓐ ᑲ ᐃᓯ ‍ ᐳᐛᒧᔨᓐ, ᐊᑯ ᒐ ‍ ᐎᑎᒪᑕᒡ ᑕᓐ ᐊᓐ ᐊᑥᒥᑲᒡ !”
\p
\v 5 ᐊᑯ ᒋᓴᐅᒋᒪᐤ ᐊᑕᑦ, “ᓴᔅ ᓇᔅᒡ ᓂᒋ ‍ ᐛᑕᔨᑕᓐ ᒐ ᐎ ‍ ᐎᑎᒧᐅᔭᒄ ᐳᐛᒧᐅᓐ ᑭᔭ ᑕᓐ ᐊᑥᒥᑲᒡ᙮ ᐊᑲ ᒋ ‍ ᑐᑎᒪᒂ ᐊᓐ, ᓂᑭ ‍ ᐃᑎᓱᐛᑕᐅᒡ ᓂᓂᑐᐱᔪᐤ-ᐃᔨᒥᒡ ᒐᒋ ᐸᐱᑯᓱᑕᑯᒡ, ᑭᔭ ᒐᒋ ᑯᐛᐊᒡ ᒋᒋᐛᐛ !
\v 6 ᒥᒄ ᐎᑎᒧᐅᔭᒂ ᒐᒂᓐ ᑲ ‍ ᐳᐛᑎᒪᓐ ᑭᔭ ᑕᓐ ᐊᑥᒥᑲᒡ, ᒋᑭ ‍ ᒥᔨᑎᓇᐛᐤ ᑲᓂᔪᐅᓐ᙮ ᒥᔪᐤ ‍ ᒥᔨᐛᐅᓇ ᒋᑭ ‍ ᒥᔨᑎᓇᐛᐤ ᑭᔭ ᒋᑭ ‍ ᒋᒋ ‍ ᒋᔅᑕᔨᒥᑎᓇᐛᐤ᙮ ᐊᑯ ᐎᑎᒧᐅᒄ ᐳᐛᒧᐅᓐ ᑭᔭ ᑕᓐ ᐊᑥᒥᑲᒡ !”
\p
\v 7 ᒥᒄ ᒥᓐ ᒂ ᐃᔅᒋᔄᒡ, “ᐎᑎᒧᐅᓇᓐ ᑕᓐ ᑲ ᐃᓯ ‍ ᐳᐛᒧᔨᓐ, ᐊᑯ ᒐ ‍ ᐎᑎᒪᑕᒡ ᑕᓐ ᐊᓐ ᐊᑥᒥᑲᒡ᙮”
\p
\v 8 ᒂ ‍ ᐃᑕᑦ ᒋᓴᐅᒋᒪᐤ, ᓂ ‍ ᒋᔅᒐᔨᑕᓐ ᓇᑐᐛᔨᑎᒪᒄ ᐊᑎᑐᐤ ᒐᒋ ᒥᔨᑯᐅᔭᒄ ᑎᐸᔨᑭᓐ ᐱᓯᒧᐧᑲᓂᒡ, ᐛᔅ ᒋ ‍ ᒋᔅᒐᔨᑕᓇᐛᐤ ᒐ ‍ ᑐᑕᑎᑯᒡ ᐊᓐ ᑲ ‍ ᐃᔅᒋᔄᔭᓐ ᒐ ‍ ᑐᑕᑎᑯᒡ᙮
\v 9 ᐊ ᐊᑲ ᐎᑎᒧᐅᔭᒂ ᑕᓐ ᑲ ᐃᓯ ‍ ᐳᐛᒧᔭᓐ, ᒋᑭ ᐊᓏᔨᒥᑯᐅᓇᐛᐤ᙮ ᓂᑦ ᐃᑕᔨᑕᓐ ᒥᓯᐛ ᒋᔨᐛᐤ ᑲ ‍ ᓂᔅᑯᒧᔭᒄ ᒐᒋ ᐎ ‍ ᑭᑭᒋᔭᒥᔭᒄ ᐛᔅ ᒋᑦ ᐊᔅᐸᔨᒧᓇᐛᐤ ᒐᒋ ᒂᔅᒐᔨᑎᒪᓐ ᑕᓐ ᐊᑕᔨᑎᒪᓐ᙮ ᒥᒄ ᐎᑎᒧᐅᒄ ᐊᓐ ᐳᐛᒧᐅᓐ, ᑭᔭ ᐊᑯ ᒐᔅᒐᔨᑎᒪᓐ ᒐᒋ ᐃᔭᐱᒡ ᐎᑎᒧᐅᔭᒄ ᑕᓐ ᐊᑥᒥᑲᒡ᙮”
\p
\v 10 ᐊᑯ ᐊᓐᒡ ᓇᐸᐅᒡ ᑲ ‍ ᒋᔅᑯᑎᒪᑎᓱᐛᒐᒡ ᐅᒐᑯᑕᒂ ᒂ ᐃᑕᒡ, “ᓇᒪ ᐃᑕᐤ ᐊᐛᓐ ᐅᑕ ᐊᔅᒋᒡ ᒐᒋ ᑐᑕᐧᒃ ᐊᓐ ᐊ ᐃᓯ ‍ ᓂᑐᐛᔨᑎᒥᓐ ! ᓇᒪ ᐃᑕᐤ ᒋᓴᐅᒋᒪᐤ, ᐃᔭᐱᒡ ᒋᒋ-ᑭᔭ ᐊᓱᐧᑲᑎᓯᑦ ᒋᓴᐅᒋᒪᐤ, ᐊᓐ ᑲᑭᒂᒋᒪᑦ ᐅᑦ ᐃᔨᒪ ᑲᒥᓂᑐᓯᔨᒋ ᑭᔭ ᒪᒃ ᓂᑲᓐ ᑲ ‍ ᐎᑎᒥᔨᒋ ᒐᒂᔪᐤ, ᑭᔭ ᒪᒃ ᐊᓂᔭ ᑲ ᒋᔅᑯᑎᒪᓱᐛᒐᔨᒋ ᐅᒐᑭᑕᒂ ᒐᒋ ᑐᑎᒥᔨᒋ ᐊᓂᔭ ᐊ ᐃᓯᓇᑯᓂᔨᒡ ᒐᒂᔪᐤ !
\v 11 ᓇᒪ ᒋ ‍ ᑐᑕᑭᓄᐅ ᐊᓐ ᒐᒂᓐ ᓇᑐᐛᔨᑎᒥᓐ᙮ ᒥᒄ ᐊᓐᒡ ᒥᓂᑐᐅᒡ ᒋᑭ ᒋ ‍ ᐎᑎᒪᑯᒡ ᑕᓐ ᑲ ᐃᓯ ‍ ᐳᐛᒧᔨᓐ, ᑭᔭ ᓇᒪ ᐃᑕᐅᒡ ᐅᑕ ᐊ ‍ ᐃᑕᐛᐧᒄ !”
\p
\v 12 ᒋᒋᐛ ᒋ ‍ ᒋᓱᐛᐳᐤ ᒋᓴᐅᒋᒪᐤ ᐃᔅᐱ ᐱᔭᑕᐧᒃ ᐊᓂᔭ, ᐊᑯ ᒂ ᐃᑎᓱᐛᑕᑦ ᐅᓂᐱᔪᐤ-ᐃᔨᒪ ᒥᓯᐛ ᒐᒋ ᓂᐸᔨᒋ ᑲᑭᒐᑕᐛᔨᑎᒥᔨᒋ ᓇᐸᐛ ᐊᓐᑕ ᐸᐱᓄᓂᔭᓂᒡ᙮
\v 13 ᑭᔭ ᐛᔅ ᐊᓂᔭ ᑲ ‍ ᐃᑎᓱᐛᑦ ᒋᓴᐅᒋᒪᐤ, ᒋ ‍ ᐃᑎᓴᐛᐅᒡ ᐱᔅᒐ ᓇᐸᐛ ᒐᒋ ᓂᑐᐛᐱᒥᔨᒥᒋ ᑭᔭ ᐊᓂᔅᑎᔨᒋ ᓂᐎᒐᐛᑭᓇ ᒐᒋ ᐃᔭᐱᒡ ᓇᐸᔨᒥᔨᒥᒋ᙮
\p
\v 14 ᐊᓂᒋᕆᐅᒃ, ᒋᓴᐅᒋᒪᐤ ᐅᑲᒪᑭᓄᐛᓯᒪ ᓂᑐᐱᔪᐤ-ᐅᒋᒪᐤ, ᒋᑎᑯᓯᓄᐤ ᒐᒋ ᓂᐸᔨᒥᒥᒡ᙮ ᒥᒄ ᑭᒐᑕᐛᔨᑎᒧᐅᓂᒡ ᑭᔭ ᑭᔅᒋᐅᓂᒡ ᓂᒋ ‍ ᐃᔨᒪᐤ᙮
\v 15 ᓂᒋ ‍ ᑭᒂᒋᒪᐤ ᐊᕆᐅᒃ, “ᒐᒂᔪᐤ ᐛᒋ ᒋᑕᐧᒃ ᓇᔅᒡ ᐊᒂᑕᔨᑕᑯᓂᔨᒡ ᐃᑎᓱᐛᐅᓂᔪᐤ ?” ᐊᑯ ᐊᕆᐅᒃ ᒂ ‍ ᐎᑎᒧᐅᑦ ᒥᓯᐛ ᒐᒂᔪᐤ ᑲ ‍ ᐃᔅᐱᔨᒡ ᐛᔅ ᐊᓂᔭ ᑲ ᐃᓯ ‍ ᐳᐛᒧᑦ ᒋᓴᐅᒋᒪᐤ᙮
\v 16 ᑎᐛᒡ ᓂᒋ ‍ ᓂᑐᐛᐱᒪᐤ ᒋᓴᐅᒋᒪᐤ ᒐᒋ ᐃᔨᒥᐃᒃ ᑭᔭ ᒂ ‍ ᓂᑐᐛᔨᑎᒧᐅᒄ ᒋᓴᐅᒋᒪᐤ ᒐᒋ ᒥᔨᑦ ᑎᐸᔨᑭᓂᔪᐤ ᐱᓯᒧᐧᑲᓂᒡ, ᐊᑯ ᒐᒋ ᓇᓂᑐᔅᒐᔨᑎᒧᒡ ᒐᒂᔪᐤ ᑲ ᐳᐛᒧᑦ ᑭᔭ ᑕᓐ ᐊᑥᒥᑭᓂᔨᒡ᙮
\p
\v 17 ᒂ ᒋᐛᔭᓐ, ᑭᔭ ᐛᑎᒧᐅᒂᐤ ᓂᐎᒐᐛᑭᓐᒡ, ᐊᓇᓇᐃᔭ, ᑭᔭ ᒥᓴᓪ, ᑭᔭ ᐊᓴᕋᐃᐊ, ᒐᒂᔪᐤ ᑲ ‍ ᐃᔅᐱᔨᒡ᙮
\v 18 ᓂᒋ ‍ ᓯᒋᒪᐅᒡ ᒐᒋ ᑭᒂᒋᒪᒡ ᒋᓴᒪᓂᑐᐛ, ᐊᓐᑕ ᒋᒋᒋᓯᑯᒡ ᑲ ᐅᒋ ‍ ᑎᐸᔨᒋᒐᔨᒋ, ᒐᒋ ᒋᔅᑎᒪᒐᔨᒥᔨᒥᔨᒋ ᐊᐎᑎᒧᐎᔨᒥᑦ ᑕᓐ ᐊᑥᒥᑭᓂᔨᒡ ᑕᓐ ᑲ ᐃᓯ ‍ ᐳᐛᒧᔨᒋ ᒋᓴᐅᒋᒪᐛ, ᐊᓂᔭ ᐅᒋ ᒐ ᐊᑲ ᓂᐸᔨᑯᒋᒡ ᓂᔭᓐ ᑭᔭ ᑯᑎᑲ ᑲᑭᒐᑕᐛᔨᑎᒥᔨᒋ ᓇᐸᐛ ᐊᓐᑕ ᐸᐱᓄᓂᔭᓂᒡ᙮
\v 19 ᑭᔭ ᐊᓂᔭ ᑕᐱᔅᑲᔨᒡ ᓂᒋ ‍ ᒥᔨᒄ ᒋᓴᒪᓂᑐᐤ ᐃᓯᓂᒧᐅᓂᔪᐤ ᑲ ᐎᑎᒧᐅᑦ ᐳᐛᒧᐅᓂᔪᐤ ᑭᔭ ᐊᑥᒥᑭᓂᔨᒡ᙮ ᐊᑯ ᒂ ‍ ᒪᒥᒋᒥᒄ ᒋᓴᒪᓂᑐᐤ,
\v 20 ᐊ ‍ ᐃᔅᒋᔄᔭᓐ,
\q1 “ᒧᔅ ᑲᒋ ᒋᐸ ‍ ᒪᒥᒋᒪᓄᐤ ᒋᓴᒪᓂᑐᐤ,
\q2 ᐛᔅ ᐎᔾ ᒥᒄ ᑭᒐᑕᐛᔨᑕᑯᓱᐤ ᑭᔭ ᓱᐧᑲᑎᓯᐤ᙮
\q1
\v 21 ᐎᔾ ᐎᔭᔨᑎᒻ ᒐᒂᔪᐛ ᒐ ‍ ᐃᔅᐱᔨᒋ ᒐ ᐊᑎ ‍ ᐱᐳᓂᔨᒋ᙮
\q2 ᓂᑎᓇᐤ ᐱᔅᒐ ᒋᓴᐅᒋᒪᐛ ᑭᔭ ᒂ ‍ ᒥᔨᒪᑦ ᐅᑎᐸᔨᒋᒐᐅᓂᔪᐤ ᐅᔅᒋ ᒋᓴᐅᒋᒪᐛ᙮
\q1 ᐎᔾ ᑐᑐᐛᐤ ᐊᐛᔪᐛ ᒐᒋ ᑭᒐᑕᐛᔨᑎᒥᔨᒋ
\q2 ᑭᔭ ᑐᑐᐛ ᐊᓂᔭ ᑲ ‍ ᒋᔅᑯᑎᒪᑎᓱᔨᒋ ᒐᒋ ᓂᔅᑐᑎᒥᔨᒋ ᒪᒐᑦ ᒐᒂᔪᐛ᙮
\q1
\v 22 ᐛᐸᔨᑎᐛᐤ ᑲ ‍ ᒥᔅᑲᑕᔨᑕᑯᓂᔨᒋ ᒐᒂᔪᐛ;
\q1 ᐛᔅᑲᔅᑲᑯ ᐛᔅᑕᐅᓂᔪᐤ,
\q2 ᒥᒄ ᒋᔅᒐᔨᑎᒻ ᑲᑲᑕᑭᓄᐎᔨᒋ ᒐᒂᔪᐛ ᒧᔭᒻ ᐊᑎᑯᓂᔨᒋ ᐊᓐᑕ ᐅᑲᔅᑕᔭᐅᓂᒡ᙮
\q1
\v 23 ᒋᓴᒪᓂᑐᐤ, ᐊᓂᔭ ᓂᑦ ᐊᓂᔅᑯᑕᐸᓐᒡ ᑲ ‍ ᐊᔭᒥᐊᔅᑐᐛᒡ,
\q1 ᒋᓂᔅᑯᒥᑎᓐ ᑭᔭ ᒋᒪᒥᒋᒥᑎᓐ,
\q2 ᐛᔅ ᒋᒋ ‍ ᑐᑐᐅᓐ ᒐᒋ ᑭᒐᑕᐛᔨᑎᒪᓐ ᑭᔭ ᑲ ᑐᑐᐎᔨᓐ ᒐᒋ ᓱᐧᑲᑎᓯᔭᓐ᙮
\q2 ᒋᒋ ‍ ᐎᑎᒧᐅᓐ ᒐᒂᓐ ᓂᐎᒐᐛᑭᓐᒡ ᑭᔭ ᓂᔾ ᑲ ᓂᑐᐛᔨᑎᒪᑕᒡ ᒐᒋ ᐎᑎᒧᐅᔭᒡ;
\q2 ᑭᔭ ᒋᒋ ‍ ᐛᐸᑎᔨᓇᓐ ᑲᓂᑐᐛᔨᑕᐧᒃ ᒋᓴᐅᒋᒪᐤ ᒐᒋ ᒋᔅᒐᔨᑕᐧᒃ᙮”
\s1 ᑲᐎᑕᐧᒃ ᑕᓂᔭᓐ ᑕᓐ ᐊᑥᒥᑭᓂᔨᒡ ᐳᐛᒧᐅᓂᔪᐤ
\p
\v 24 ᒂ ‍ ᓂᑐᐛᐱᒥᒄ ᐊᕆᐅᒃ, ᐊᓂᔭ ᓇᐸᐛ ᑲ ᐅᑎᓇᑦ ᒋᓴᐅᒋᒪᐤ ᒐᒋ ᓂᐸᔨᒋ ᑲᑭᒐᑕᐛᔨᒋ ᓇᐸᐛ ᐊᓐᑕ ᐸᐱᓄᓂᔭᓂᒡ᙮ ᒂ ᐃᑎᒃ, “ᐊᑲ ᓂᐸᔨᒡ ᐊᓐᒡ ᑲᑭᒐᑕᐛᔨᑕᒡ ᓇᐸᐅᒡ᙮ ᐃᑐᑕᔨ ᒋᓴᐅᒋᒪᐤ ᐊᑕᑦ, ᑭᔭ ᓂᑭ ‍ ᐎᑎᒧᐛᐤ ᑕᓐ ᐊᑥᒥᑭᓂᔨᒡ ᐅᐳᐛᒧᐅᓐ᙮”
\v 25 ᐊᑯ ᐊᕈᒃ ᑎᐛᒡ ᓂᒋ ‍ ᐃᑐᑕᔨᒄ ᐊᓐᑕ ᒋᓴᐅᒋᒪᐛ᙮ ᒂ ᐃᑕᑦ ᒋᓴᐅᒋᒪᐛ, “ᓂᒋ ‍ ᒥᔅᑯᐛᐤ ᐅ ᓇᐸᐤ, ᐸᐃᒄ ᐅ ᓇᐸᐤ ᒍᑕᐃᒡ ᐅᒡ ᑲ ᐅᑐᑕᐊᐧᒄ ᐊᓐ ᐊᔅᒋᔄᑦ ᒐᒋ ᐎᑎᒪᔅᒃ ᑕᓐ ᐊᑥᒥᑭᓂᔨᒡ ᒋᐳᐛᒧᐅᓂᔪᐤ !”
\p
\v 26 ᓂᒋ ‍ ᐃᑎᒄ ᒋᓴᐅᒋᒪᐤ, ᐊᓐ ᐸᑎᓴᕐ ᐊ ‍ ᐃᓯᓂᐧᑲᑕᑭᓄᐅᑦ ᐊ ᐅᔅᒋᓂᐧᑲᑕᑭᓄᐅᑦ, “ᒋᑭ ᒋ ‍ ᐎᑎᒧᐅᓐ ᐊ ᓂᐳᐛᒧᐅᓐ ᑭᔭ ᑕᓐ ᐊᑥᒥᑲᒡ ?”
\p
\v 27 ᓂᒋ ‍ ᐃᑕᐤ, “ᓇᒪ ᑕᐤ ᐊ ‍ ᑭᒐᑕᐛᔨᑕᑯᓯᑦ ᓇᐸᐤ ᑭᔭ ᒪᒃ ᑲ ‍ ᓂᑲᓐ ᐎᑎᒪᒐᑦ ᑭᔭ ᒪᒃ ᐊᒥᓂᑐᐅᓯᑦ ᑭᔭ ᒪᒃ ᐊᒥᑕᐅᑦ ᓇᐸᐤ ᒐᒋ ᐎᑎᒪᔅᒃ ᐊᓂᔭ ᒐᒂᔪᐛ᙮
\v 28 ᒥᒄ ᑕᐤ ᒋᓴᒪᓂᑐᐤ ᐊᓐᑕ ᒋᒋᒋᓯᑯᒡ ᐊᓐ ᐎᔭᐸᑎᔨᐛᑦ ᒋᒧᑦ ᒐᒂᔪᐛ᙮ ᑭᔭ ᒋ ᐛᐸᑎᔨᐛᐤ ᐊᓐᑕ ᒋᐳᐛᒧᐅᓂᒡ ᑕᓐ ᒐ ᐃᔅᐱᔨᒡ ᐊᓐᑕ ᓂᑲᓄᒡ᙮ ᐊᑯ ᒋᑭ ‍ ᐎᑎᒪᑎᓐ ᒐᒂᓐ ᑲᐳᐛᑎᒥᓐ, ᐊᓐ ᐃᓯᓂᒧᐅᓐ ᑲᐛᐸᑎᒥᓐ ᒪᒂᒡ ᑲ ‍ ᐱᒥᓯᓂᔨᓐ ᐊᓐᑕ ᒋᓂᐸᐅᓂᒡ᙮
\p
\v 29 ᐅ ᒋᓴᐅᒋᒪᐤ, ᒪᒂᒡ ᑲᓂᐸᔨᓐ, ᒋᒋ ‍ ᐳᐛᑕᓐ ᒐᒂᔪᐛ ᒐ ‍ ᐃᔅᐱᔨᒋ ᐊᓐᑕ ᓂᑲᓄᒡ᙮ ᐊᓐ ᐎᔭᐸᑎᔨᐛᑦ ᒥᒥᔅᑲᒡ ᒐᒂᔪᐛ ᒋᒋ ‍ ᐛᐸᑎᔨᒄ ᑕᓐ ᒐ ‍ ᐃᔅᐱᔨᒡ᙮
\v 30 ᑭᔭ ᓇᒥᔭᐤ ᐊᓐ ᐛᔅ ᓇᔅᒡ ᐊᑭᒐᑕᐛᔨᑕᑯᓯᔭᓐ ᐃᔅᐱᔅ ᑯᑎ ᐊᐛᓐ ᐅᑕ ᐊᔅᒋᒡ ᐊᒋᔅᒐᔨᑎᒪᓐ ᑕᓐ ᐊᑥᒥᑲᒡ ᐅ ᑲᒥᔅᑲᑕᔨᑕᒂᒡ ᐳᐛᒧᐅᓐ᙮ ᐊᓐ ᐛᔅ ᒋᓴᒪᓂᑐᐤ ᐊᓂᑐᐛᔨᒥᔅᒃ ᒐᒋ ᓂᔅᑐᑎᒧᑦ ᒐᒂᔪᐤ ᑲ ‍ ᒪᒥᑐᑕᓂᑎᒧᑦ᙮
\p
\v 31 ᐅ ᒋᓴᐅᒋᒪᐤ, ᐊᓐᑕ ᒋᑦ ᐃᓯᓂᒧᐅᓂᒡ ᒋᒋ ᐛᐸᑕᓐ ᐅᑎᔅᑯᐤ ᐊᑕᔨᓐ ᓇᔅᒡ ᐊᒥᓯᑎᑦ ᑭᔭ ᐊᑯᔅᑕᓯᓇᑯᓯᑦ ᓇᐸᐤ ᒥᓂᑐᐧᑲᓐ᙮ ᒋᒋᐛ ᒋᒋᐧᑲᔭᔅᑐᐛᐤ, ᑭᔭ ᒋᑯᔅᑕᓯᓇᑯᓱᐤ ᑭᔭ ᒋᑯᔅᑕᑎᑯᓯᐤ᙮
\v 32 ᐎᔄᐅᓱᓇᔭᔪᐤ ᒋ ‍ᐅᒋ ‍ ᐅᓯᑕᑭᓄᐅᔪᐤ ᐅᔅᑎᒂᓐ ᐊᓐ ᒥᓂᑐᐧᑲᓐ᙮ ᓱᓇᔭᐱᔅᑯᒡ ᒋ ᐅᒋ ‍ ᐅᓯᑕᑭᓄᔪᐛ ᐅᔅᑲᓯᑭᓐ ᑭᔭ ᐅᔅᐱᑐᓇ᙮ ᐅᔅᑭᑎᔾ ᑭᔭ ᐅᑈᒪᐅᒂ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᑯᒡ ᒋ ᐅᒋ ‍ ᐅᓯᑕᑭᓄᔪᐛ᙮
\v 33 ᐃᓴᑯᒡ ᒋ ᐅᒋ ‍ ᐅᓯᑕᑭᓄᔪᐛ ᐅᔅᑲᑕ, ᑭᔭ ᐊᒪᒧᐱᔨᒋ ᓯᔅᒍᐛ ᑭᔭ ᐃᓴᑯᔪᐤ ᒋ ᐅᒋ ‍ ᐅᓯᑕᑭᓄᔪᐛ ᐅᓯᑕ᙮
\v 34 ᒪᒂᒡ ᐊᑭᓄᐛᐱᔨᓐ, ᒋᒋᒥᓴᑭᓄᐅ ᐊᓯᓂᔾ ᐱᔅᑯᑎᓇᒡ, ᒥᒄ ᓂᒥᔭᐤ ᐃᔪᐤ ᑲᒋᒥᓴᐧᒃ᙮ ᒋ ‍ ᒂᒂᑎᐱᐱᔪᐤ ᑭᔭ ᒂ ᐊᑎ ‍ ᐱᒂᐅᒺᑦ ᒥᓂᑐᐧᑲᓇ ᐅᓯᑎᔨᐛ, ᓯᔅᒍᐛ ᑭᔭ ᐃᓴᑯᔪᐤ ᑲ ᐅᒋ ‍ ᐅᓯᑕᑭᓄᐎᔨᒋ ᐅᓯᑎᔨᐛ᙮ ᓇᔅᒡ ᒋ ᐱᒂᔨᑭᓄᔪᐛ᙮
\v 35 ᐊᑯ ᒂ ‍ ᐸᒋᓯᐧᒃ ᐊᒪᒧᐱᔨᑦ ᒥᓯᐛ ᐊᔅᐱᑎᑦ ᒥᓂᑐᐧᑲᓐ ᐃᓴᑯᒡ, ᑭᔭ ᓯᔅᒍᒡ, ᑭᔭ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᑯᒡ, ᑭᔭ ᓱᓇᔭᐱᔅᑯᒡ, ᑭᔭ ᐛᔄᐅᓱᓇᔭᐱᔅᑯᒡ᙮ ᒋ ᐃᓯᓇᑯᓱᐤ ᒥᓂᑐᐧᑲᓐ ᒧᔭᒻ ᐊᐱᒋᔅᑲᐊᐧᒃ ᒪᑕᒥᓇᔎ ᐊᓐᑕ ᒧᔅᑎᔅᑭᒥᒡ ᐊᓐᑕ ᑲᑎᒂᔨᑭᓄᐎᔨᒋ, ᑭᔭ ᒋ ‍ ᐛᐸᔅᑎᓇ ᒥᓯᐛ ᓇᔅᒡ ᑲ ᐃᔭᐱᓴᓯᒋ ᐊᔪᑎᒡ᙮ ᓇᒪ ᒐᒂᓐ ᐅᒋ ᐃᔅᑯᐱᔪᐤ᙮ ᒥᒄ ᐊᓐ ᐊᓯᓂᔾ ᑲ ᐱᒋᔅᑲᐛᑦ ᒥᓂᑐᐧᑲᓇ ᐊᒥᓴᒡ ᐱᔅᑯᑎᓇᐤ ᒋ ᐃᓯᓇᑯᓐ ᐊᑯᓇᐊᒄ ᒥᓯᐛ ᐊᔅᐱᓴᔨᒡ ᐊᔅᒋᔪᐤ᙮
\p
\v 36 ᐊᐅᑯᓐ ᑲ ᐃᓯ ‍ ᐳᐛᒧᐎᔨᓐ᙮ ᐊᓄᒡ ᒋᑭ ‍ ᐎᑎᒪᑎᓐ ᑕᓐ ᐊᑥᒥᑲᒡ᙮
\v 37 ᒋᔾ ᐅ ᒋᓴᐅᒋᒪᐤ ᐊᓐ ᑕᐸᔨᒥᑥᐤ ᒥᒐᑦ ᑯᑎᑭᒡ ᒋᓴᐅᒋᒪᐅᒡ᙮ ᒋᓴᒪᓂᑐᐤ ᐊᓐ ᑕᐸᔨᒋᒐᑦ ᒋᒋᒋᓯᑯᒡ ᒋᒋ ‍ ᒋᑐᑕᒄ ᒐᒋ ᑎᐸᔨᒥᑎ ᑭᔭ ᒋᒋ ‍ ᒥᔨᒄ ᒋᒋ ‍ ᓱᐧᑲᑎᓯᐅᓂᔪᐤ ᑭᔭ ᒋᒋ ᒋᔅᑕᔨᒥᒄ᙮
\v 38 ᒋᒋ ‍ ᑐᑕᒄ ᒐᒋ ᑎᐸᔨᒥᑎ ᒥᓯᐛ ᐃᔪᐛ, ᑭᔭ ᐊᓯᒡ ᐊᐛᓯᓯᒡ ᑭᔭ ᐱᔭᓱᐅᒡ ᒋᔾ ᒋᑦ ᐊᔭᑎᓇᐅᒡ᙮ ᐊᑯ ᐊᓐ ᒥᓂᑐᐧᑲᓐ ᐅᔅᑎᒂᓐ ᐊᐅᑯᓐ ᒋᔾ᙮
\p
\v 39 ᒥᒄ ᒋ ‍ ᐃᔎᐱᔨᒐ ᒋᒋᓴᐅᒋᒪᐅᓐ, ᒋᑭ ‍ ᑎᑯᓐ ᑯᑎᒃ ᒋᒋ ‍ ᒋᓴᐅᒋᒪᐅᓐ, ᒥᒄ ᓇᒪ ᒋᑭ ᒋ ‍ ᓱᐧᑲᑎᓯᒥᑭᓐ ᒧᔭᒻ ᒋᒋᓴᐅᒋᒪᐅᓐ᙮ ᐊᓱᓇᔭᐱᔅᑯᐅᑦ ᒥᓂᑐᐧᑲᓐ ᐊᐅᒄ ᐊᓐ ᒋᓴᐅᒋᒪᐅᓐ᙮ ᐊᑯ ᒥᓐ ᓂᔅᑐ ᒐ ᐅᒋ ‍ ᑎᒂᒡ ᒋᒋ ‍ ᒋᓴᐅᒋᒪᐅᓐ ᐊᓐ ᐊᓐᑕ ᒋᓴᐅᒋᒪᐅᑦ ᒐᑎᐸᔨᑕᐧᒃ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᔪᐤ᙮ ᐊᓐ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᒄ ᒥᓂᑐᐧᑲᓐ ᐊᐅᒄ ᐊᓐ ᒋᓴᐅᒋᒪᐅᓐ᙮
\v 40 ᒋ ‍ ᐃᔎᐱᔨᒐ ᐊᓐ ᒋᓴᐅᒋᒪᐅᓐ, ᒋᑭ ‍ ᑎᑯᓐ ᓇᐤ ᒋᒋ ‍ ᒋᓴᐅᒋᒪᐅᓐ᙮ ᐊ ᐃᓴᑯᐅᑦ ᒥᓂᑐᐧᑲᓐ ᐊᐅᒃ ᐊᓐ ᒋᓴᐅᒋᒪᐅᓐ᙮ ᓂᑐᐱᔪᐤ-ᐃᔪᐅᒡ ᐊᓐᑕ ᒋᓴᐅᒋᒪᐅᓂᒡ ᒋᑭ ‍ ᐱᒂᐊᒧᒡ ᐅᑕᒡ ᑲ ᐸᒋ ‍ ᑎᑯᓂᔨᒋ ᒋᓴᐅᒋᒪᐅᓇ, ᒧᔭᒻ ᐊ ᐃᓯ ‍ ᐱᒋᔅᑲᐊᐧᒃ ᐃᓴᒄ ᐛᑕᒪᐊᒋ ᒐᒂᔪᐤ᙮
\v 41 ᐅᓯᑕ ᑭᔭ ᐅᓯᑯᑕᒪ ᑲ ᐛᐸᑎᒧᑦ ᐊᓐ ᒥᓂᑐᐧᑲᓐ, ᐊᒪᒧᐱᔨᒋ ᓯᔅᒍᐛ ᑭᔭ ᐃᓴᑯᔪᐤ, ᐎᑎᒪᒐᒥᑭᓐ ᒐ ‍ ᑕᑎᐸᓂᐱᔨᒡ ᐊᓂᔭ ᒋᓴᐅᒋᒪᐅᓂᔪᐤ᙮
\v 42 ᐱᔅᒐ ᐊᓐ ᒋᓴᐅᒋᒪᐅᓐ ᒋᑭ ‍ ᓱᒋᓯᒥᑭᓐ ᒧᔭ ᐃᓴᒄ, ᒥᒄ ᐱᔅᒐ ᐊᔅᒄ ᒪᒧ ᒋᑭ ‍ ᑎᑯᓐ, ᒧᔭᒻ ᐃᓴᒄ ᑭᔭ ᓯᔅᒍᐤ ᐊᒪᒧᑭᒧᒋ᙮
\v 43 ᐊᒪᒧᐱᔨᒡ ᓯᔅᒍᐤ ᑭᔭ ᐃᓴᒄ ᐊᓐᑕ ᒥᓂᑐᐧᑲᓐᒡ ᐛᐸᐃᔨᐛᒥᑭᓐ ᐊᓐ ᑕᐸᔨᒋᒐᒡ ᐊᓂᔭ ᒋᓴᐅᒋᒪᐅᓇ ᑲᑕᑎᐸᓂᐱᔨᑐᒡ ᒐᑯᒋᐱᔨᑕᒡ ᒐᒋ ᒪᒧ ᐎᒐᑐᒡ ᐊᓂᔭ ᐅᒋ ᐊ ‍ ᐎᒋᒥᑐᒡ ᐊᓐ ᐃᔪᒡ ᐊᓐᑕ ᐊᑕᒡ᙮ ᒥᒄ ᓇᒪ ᒋᑭ ‍ ᒥᔪᐱᔪᐅᒡ, ᒧᔭᒻ ᓯᔅᒍᐤ ᑭᔭ ᐃᓴᒄ ᐊ ᐊᑲ ᒪᒧᑭᒧᒋ᙮
\p
\v 44 ᒥᒄ ᒪᒂᒡ ᐊᑎᐸᔨᒋᒐᒡ ᐊᓐᒡ ᒋᓴᐅᒋᒪᐅᒡ, ᒋᓴᒪᓂᑐᐤ ᐊᓐ ᑕᐱᔨᒋᒐᑦ ᐊᓐᑕ ᒋᒋᒋᓯᑯᒡ ᒋᑭ ‍ ᑐᑎᒻ ᒋᓴᐅᒋᒪᐅᓂᔪᐤ ᐊ ᐊᑲ ᓂᑕ ᐃᔎᐱᔨᒡ᙮ ᓇᒪ ᓂᑎ ᒋᑭ ᒋ ᓴᐧᑯᒋᔨᒪᐤ ᐊᐛᓐ ᐊᓂᔭ ᐅᒋᓴᐅᒋᒪᒥᔨᐛ᙮ ᒥᓯᐛ ᐊᓂᔭ ᒋᓴᐅᒋᒪᐅᓇ ᓇᔅᒡ ᒋᑭ ‍ ᓂᓱᐅᓇᐊᒋᑕᐤ, ᒥᒄ ᒧᔅ ᑲᒋᒡ ᒋᑭ ‍ ᑎᑯᓂᔪᐤ ᐅᒋᓴᐅᒋᒪᐅᓐ᙮
\v 45 ᐊᐅᑯᓐ ᐊᑥᒥᑲᒡ ᑲᒋᒥᓴᑭᓄᐅᒡ ᐊᓯᓂᔾ ᐱᔅᑯᑎᓇᒡ ᐅᒋ, ᐊᓐ ᐊᓯᓂᔾ ᒐ ᐱᒋᔅᑲᐛᑦ ᒥᓂᑐᐧᑲᓇ ᐃᓴᑯᒡ, ᑭᔭ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᑯᒡ, ᑭᔭ ᐎᔄᐅᓱᓇᔭᐱᔅᑯᒡ ᐊ ᐅᒋ ‍ ᐅᓴᐊᑭᓄᐎᔨᒋ᙮
\p ᐅ ᒋᓴᐅᒋᒪᐤ, ᒋᒋ ᒋᓴᒪᓂᑐᐤ ᒋᒋ ‍ ᐛᐸᑎᔨᒄ ᑕᓐ ᒐ ‍ ᐃᔅᐱᔨᒡ ᐊᓐᑕ ᓂᑲᓄᒡ᙮ ᑭᔭ ᒋᑭ ᒋ ‍ ᑕᑈᐅᒐᔨᑕᓐ ᒐᒂᓐ ᑲ ᐎᑎᒪᑕᓐ ᑕᓐ ᐊᑥᒥᑲᒡ ᒋᐳᐛᒧᐅᓐ᙮”
\s1 ᐅᒋᒪᐤ ᑲᐛᐎᒋᔨᐛᔅᑦ ᒋ ᐃᑕᔭᑭᓄᐤ ᑕᓂᔭᓐ
\p
\v 46 ᐊᑯ ᒋᓴᐅᒋᒪᐤ ᓇᐳᑭᑦᓇᓱᕐ ᒂ ‍ ᓄᐛᓪᑲᐳᐅᑦ ᐅᑎᔅᑯᐤ ᐊᑕᐅᒡ ᒋᒋ ᒋᔅᑕᔨᒥᑐᐅᓂᒡ᙮ ᒂ ‍ ᐃᑎᓱᒪᑦ ᐅᑦ ᐃᔨᒪ ᒐᒋ ᐃᔎᓯᒥᔨᒋ ᐎᒋᒪᓯᑭᓂᔪᐤ ᑭᔭ ᒐᒋ ᐃᔎᓯᒥᔨᒋ ᐸᒂᓯᑭᓂᒥᓐ ᐱᔅᑎᓂᒐᐅᓂᔪᐤ ᒐᒋ ᒋᔅᑕᔨᒥᔨᒋ᙮
\v 47 ᒂ ‍ ᐃᓯᑦ ᒋᓴᐅᒋᒪᐤ, “ᒋᒋ ‍ ᑐᑕᒄ ᒋᒋᓴᒪᓂᑐᒻ ᒐᒋ ᐎᑎᒧᐎᔨᓐ ᐊᑥᒥᑲᒡ ᓂᐳᐛᒧᐅᓐ, ᐊᑯ ᐊᓄᒡ ᒐᔅᒐᔨᑎᒪᓐ ᐊᑎᑐᐤ ᐊ ‍ ᒋᔅᑕᔨᑕᑯᓯᑦ ᐃᔅᐱ ᑯᑎᑭᒡ ᒥᓂᑐᐅᒡ ᑭᔭ ᑯᑎᑭᒡ ᒋᓴᐅᒋᒪᐅᒡ᙮ ᐎᑎᒧᐛᐤ ᐊᐛᔪᐛ ᐊ ᐊᑲ ᒋᒋᔅᒐᔨᑎᒥᔨᒋ ᒐᒂᔪᐛ᙮”
\p
\v 48 ᐊᑯ ᒂ ᒥᔨᑦ ᒥᒐᑦ ᒥᔨᐛᐅᓐ ᑭᔭ ᐃᔭᐱᒡ ᒂ ᐃᑕᔨᑦ ᒥᓯᐛ ᐸᐱᓄᓂᔭᓐ ᐊᔅᒋᒡ ᒐᒋ ᑎᐸᔨᒋᒐᐅᒡ, ᑭᔭ ᐃᔭᐱᒡ ᒐᒋ ᑎᐸᔨᒥᒋ ᒥᓯᐛ ᑲᑭᒐᑕᐛᔨᑕᑯᓯᔨᒋ ᐅᑦ ᐃᔨᒪ᙮
\v 49 ᓂᒋ ‍ ᑭᒂᒋᒪᐤ ᒋᓴᐅᒋᒪᐤ ᒐᒋ ᐊᔭᑦ ᓴᑦᕋᑲ, ᑭᔭ ᒥᓴᑲ ᑭᔭ ᐊᐱᑎᓂᑯᐛ ᒐᒋ ᐃᔭᐱᒡ ᐊᔭᔨᒋ ᐊ ‍ ᒋᔅᑕᔨᑕᑯᓂᔨᒋ ᐊᑐᔅᒐᐅᓇ ᐊᓐᑕ ᐸᐱᓄᓂᔭᓐ ᐊᔅᒋᒡ ᑭᔭ ᒋ ‍ ᐃᑐᑎᒻ ᒐᒂᔪᐤ ᑲᑭᒂᒋᒥᒄ ᒐᒋ ᑐᑕᒄ, ᒥᒄ ᓂᒋ ‍ ᑐᑕᒺᓐ ᓂᑦ ᐊᑐᔅᒐᐅᓂᔪᐤ ᒪᒂᒡ ᑲ ᐃᑕᐅᒡ ᐊᓐᑕ ᐅᒋᓴᐅᒋᒪᐅᒋᐛᐱᒡ᙮
\c 3
\s1 ᓇᐳᑭᑦᓇᓱᕐ ᑲ ᐃᑎᓱᐛᑦ ᒐᒋ ᑐᑐᐛᑭᓄᐎᔨᒋ ᐛᔄᐅᓱᓇᔭᐤ ᒥᓂᑐᐧᑲᓇ
\p
\v 1 ᒋ ᐃᑎᓱᒪᐤ ᐅᑦ ᐃᔨᒪ ᒋᓴᐅᒋᒪᐤ ᓇᐳᑭᑦᓇᓱᕐ ᒐᒋ ᐅᓯᐊᔨᒋ ᐛᔄᐅᓱᓇᔭᐤ ᒥᓂᑐᐧᑲᓇ᙮ ᐊᐸᐃᑯᔅᑕᐤ ᑕᑐᔪᐛᒥᓯᑦ (90) ᐊ ᐃᔅᑯᑲᐳᐎᔨᒋ, ᑭᔭ ᐸᐃᑯᔅᑕᐤ (9) ᒥᓯᑦ ᐊ ᐃᔅᐱᔅ ᐃᔨᑭᓯᔨᒋ᙮ ᑐᕋ ᐊ ‍ ᐱᓴᔨᒡ ᐊᓐᑕ ᒥᒋᒪ ᐸᐱᓄᓂᔭᓐ ᐅᑕᓇᒡ ᒋᒋᒥᔭᐅᒡ᙮
\v 2 ᐊᑯ ᒂ ᐃᑎᓴᐊᒧᐛᑦ ᐃᔨᒧᐅᓂᔪᐤ ᒥᓯᐛ ᑎᐸᔨᒋᒐᔨᒋ ᐊᓐᑕ ᐊᔅᒋᒡ, ᑭᔭ ᐃᑕᐅᓂᒡ ᑎᐸᔨᒋᒐᔨᒋ, ᑭᔭ ᐅᒋᒪᐤ ᑲᐛᐎᒋᔨᐛᓯᔨᒋ, ᑭᔭ ᓂᓇᐧᑯ ᑎᐸᔅᑯᓂᒐᓱᐛ, ᑭᔭ ᒥᓯᐛ ᑯᑎᑲ ᐅᒋᒪᐛ ᐊᓐᑕ ᐊᔅᒋᒡ᙮ ᒋ ᐃᑕᐤ ᒐᒋ ᑎᑯᓯᓂᔨᒋ ᐊᒋᔅᒋᓄᐛᒋᐊᑭᓄᐎᔨᒋ ᒥᓂᑐᐧᑲᓇ ᑲ ᒋᒥᔭᑦ᙮
\v 3 ᑲᒋ ‍ ᒥᓯᐛ ᑎᑯᓯᒡ, ᒥᓯᐛ ᒋ ᐅᑎᔅᑯᑲᐳᔅᑐᐛᐅᒡ ᒥᓂᑐᐧᑲᓇ᙮
\v 4 ᒂ ᑕᑈᑦ ᐅᒋᒪᔅᒡ, “ᒋᔨᐛᐤ ᐃᔪᒡ ᒥᒐᑦ ᐊᔅᒋᔭ ᒋ ᐅᑐᑕᓇᐛᐤ ᑭᔭ ᒥᒐᑦ ᐊ ‍ ᐃᑎᔅᑲᓇᓯᔭᒄ ᑭᔭ ᒥᒐᑦ ᐃᔨᒧᐅᓇ ᐊ ᐃᓯ ‍ ᐃᔨᒥᔭᒄ, ᓂᑐᑎᒺᐧᒄ ᒐᒂᔪᐤ ᑲ ‍ ᐃᑎᓱᐛᑦ ᒋᓴᐅᒋᒪᐤ !
\v 5 ᐸᑎᒪᒂᐤ ᐊ ‍ ᐃᑥᒥᑲᒋ ᐳᑕᒋᑭᓇ, ᑭᔭ ᒋᔅᑐᒋᑭᓂᒡ, ᑭᔭ ᒋᔅᑥᐛᐸᑲᐃᑭᓇ, ᑭᔭ ᓴᑭᓇᔭᐱᔾ ᒋᔍᐛᐱᒋᑭᓇ ᑭᔭ ᒥᓯᐛ ᐊ ‍ ᐃᓯᓇᒂᒋ ᒋᔍᐛᐸᒋᑭᓇ, ᒐ ᐅᒋᒋᐧᑯᓂᐱᔪᐅᔭᒄ ᒐᒋ ᐊᔭᒥᐊᔅᑐᐛᒄ ᒋᓴᐅᒋᒪᐤ ᓇᐳᑭᑦᓇᓱᕐ ᑲ ᐎᔄᐅᓱᓇᔭᐅᔨᒋ ᐅᒥᓂᑐᐧᑲᓂᒪ᙮
\v 6 ᐊᐛᓐ ᐊᓏᑕᒐ ᒐᒋ ᑐᑕᐧᒃ ᐊᓂᔭ ᒋᑭ ‍ ᐱᑕᐛᐱᓇᑭᓄᐤ ᐊᓐᑕ ᐊᐛᔭᓱᔨᒋ ᒋᓴᐱᔅᒐᐛᓇ !”
\p
\v 7 ᐊᑯ ᐃᔅᐱ ᒥᓯᐛ ᐊᓐᒡ ᐃᔪᒡ ᑲ ‍ ᒪᒧᐎᒡ ᑲ ᐸᑕᒡ ᐊᑥᐛᐱᔨᒋ ᒋᔍᐛᐸᒋᑭᓇ, ᒥᓯᐛ ᒂ ‍ ᐅᒋᒋᐧᑯᓂᐱᔪᐅᒡ ᒐᒋ ᐊᔭᒥᐊᔅᑐᐛᒡ ᒥᓂᑐᐧᑲᓇ᙮
\b
\p
\v 8 ᒥᒄ ᐱᔅᒐ ᓇᐸᐅᒡ ᑲ ‍ ᒋᔅᑯᑎᒪᑎᓱᐛᒐᒡ ᐅᒐᑭᑕᒂ ᓇᑐᐛᐱᒪᒡ ᒋᓴᐅᒋᒪᐛ᙮
\v 9 ᒂ ‍ ᐃᑕᒡ, “ᓂᑦ ᐊᔅᐸᔨᒧᓇᓐ, ᐅ ᒋᓴᐅᒋᒪᐤ, ᓇᐅᔅ ᒐᒋ ᐱᒪᑎᓯᔨᓐ !
\v 10 ᒋᒋ ‍ ᐃᑎᓱᐛᓐ ᒥᓯᐛ ᐊᐛᓐ ᒐᒋ ᐅᒋᒋᐧᑯᓂᐱᔪᐅᑦ ᑭᔭ ᐊᔭᒥᐊᔅᑐᐛᑦ ᑲ ᐎᔄᐅᓱᓇᔭᐅᔨᒋ ᒥᓂᑐᐧᑲᓇ ᐃᔅᐱ ᐱᔭᑕᑥᐎ ᐊᑥᐛᐱᔨᒋ ᒋᔍᐛᐸᒋᑭᓇ᙮
\v 11 ᐃᔭᐱᒡ ᒋᒋ ‍ ᐃᑎᓱᐛᓐ ᐊᓐᒡ ᐃᔭᓏᑕᒡ ᐊᓂᔭ ᒐᒋ ᑐᑕᒡ ᒐ ‍ ᐱᑕᐛᐱᓇᑭᓄᐅᑦ ᐊᓐᑕ ᐊᐛᔭᓱᔨᒋ ᒋᓴᐱᔅᒐᐛᓇ᙮
\v 12 ᐅᒋᒪᐤ, ᑕᐅᒡ ᐱᔅᒐ ᓇᐸᐅᒡ ᒍᑕᐃᒡ ᐅᒋ ᑲ ‍ᒥᔨᑥᐤ ᒐ ‍ ᑎᐸᔨᒋᒐᒡ ᐊᓐᑕ ᐸᐱᓄᓂᔭᓐ ᐊᔅᒋᒡ ᐊ ᐊᑲ ᐅᒋ ᓂᓇᔨᑕᒡ ᒋᑦ ᐃᑎᓱᐛᐅᓂᔪᐤ᙮ ᓴᑦᕋᒃ, ᑭᔭ ᒥᓴᒃ, ᑭᔭ ᐊᐱᑦᓂᑯᐤ ᐃᓯᓂᐧᑲᓱᐅᒡ᙮ ᒋ ‍ ᐊᓏᑎᒧᒡ ᒐᒋ ᐊᔭᒥᐊᔅᑐᐛᒡ ᒋᒥᓂᑐᒪ ᑭᔭ ᐊᓂᔭ ᐎᔄᐅᓱᓇᔭᐤ ᒥᓂᑐᐧᑲᓇ ᑲ ‍ ᒋᒥᔨᒥᑎ᙮”
\p
\v 13 ᒋᒋᐛ ᒋ ‍ ᒋᔄᐳᐤ ᓇᐳᑭᑦᓇᓱᕐ᙮ ᒂ ‍ ᐃᑎᓱᐛᑕᑦ ᐅᓂᑐᐱᔪᐤ-ᐃᔨᒪ ᒐᒋ ᐸᓱᐛᔨᒋ ᓴᑦᕋᑲ, ᑭᔭ ᒥᓴᑲ, ᑭᔭ ᐊᐱᑦᓂᑯᐛ᙮ ᐃᔅᐱ ᐱᔭᑐᐛᑭᓄᐅᑦ,
\v 14 ᓇᐳᑭᑦᓇᓱᕐ ᒂ ‍ ᐃᑕᑦ, “ᑕᑈᓄᐤ ᐊ ᒋᔨᐛᐤ ᐊᓂᔅᑎᔭᒄ ᓇᐸᐅᒡ ᑲ ‍ ᐊᓏᑎᒪᒄ ᒐᒋ ᐊᔭᒥᐊᔅᑐᐛᑯᒡ ᓂᒥᓂᑐᒥᒡ ᑭᔭ ᒪᒃ ᐊᓐ ᐎᔄᐅᓱᓇᔭᐤ ᒥᓂᑐᐧᑲᓐ ᑲ ‍ ᒋᒥᔨᒃ ?
\v 15 ᑎᔭᑈᓄᐅᒂ ᐅ, ᐸᐃᒂᐤ ᒪᔅᑕᔾ ᒋᑭ ᒥᔨᑎᓇᐛᐤ ᐅ ᒐᒋ ᑐᑎᒪᒄ᙮ ᐅᒋᒋᐧᑯᓂᐱᔪᐅᔭᒂ ᒐᒋ ᐊᔭᒥᐊᔅᑐᐛᒄ ᐊᓐ ᒥᓂᑐᐧᑲᓐ ᑲ ‍ ᒋᒥᔨᒃ ᐃᔅᐱ ᐸᑎᒪᒂ ᐊᑥᐛᐱᔨᒋ ᒋᔍᐛᐸᒋᑭᓇ, ᐊᑯᓐ ᒧᔭᒻ᙮ ᒥᒄ ᐊᓏᑎᒪᒂ, ᑎᐛᒡ ᒋᑭ ‍ ᐱᑕᐛᐱᓂᑯᐅᓇᐛᐤ ᐊᓐᑕ ᐊᐛᔨᓱᑦ ᒋᓴᐱᔅᒐᐛᓂᒡ᙮ ᐊᑯ ᓇᒪ ᐃᑕᐤ ᒪᓂᑐᐤ ᒐᒋ ᐎᐧᑯᒋᔨᑕᒄ ᓂᓱᐧᑲᑎᓯᐅᓂᒡ ᐅᒋ !”
\p
\v 16 ᓴᑦᕋᒃ, ᑭᔭ ᒥᓴ,ᒃ ᑭᔭ ᐊᐱᑦᓂᑯᐤ ᒂ ᐃᑕᒡ, “ᓇᐳᑭᑦᓇᓱᕐ, ᓇᒪ ᓂᑐᐛᔨᑕᑯᓐ ᒐᒋ ᒋᔅᐸᐛᑎᓱᔭᒡ᙮
\v 17 ᐱᑕᐛᐱᓂᑯᐅᔭᒐ ᐊᓐᑕ ᐊᐛᔨᓱᑦ ᒋᓴᐱᔅᒐᐛᓂᒡ, ᒋᓴᒪᓂᑐᐤ ᐊᓐ ᐊᔭᒥᐊᔅᑐᐅᒋᒡ ᓂᑭ ᒋ ‍ ᐱᐧᑯᔨᑯᓇᓐ᙮ ᐅᒋᒪᐤ, ᓂᑭ ‍ ᐱᐧᑯᐎᔨᑯᓇᓐ ᒋᓱᐧᑲᑎᓯᐅᓂᒡ ᐅᒋ᙮
\v 18 ᒥᒄ ᐊᑎᓱᒄ ᐊᑲ ᐱᐧᑯᐎᔨᒥᒐ, ᒐ ᐎ ‍ ᒋᔅᒐᔨᑎᒥᓐ ᐊᓐ ᒐ ᐊᑲ ᓂᑕ ᐊᔭᒥᐊᔅᑐᐅᒋᒡ ᒋᒥᓂᑐᒥᒡ ᑭᔭ ᒪᒃ ᐊᓐ ᐎᔄᐅᓱᓇᔭᐤ ᒥᓂᑐᐧᑲᓐ ᑲ ‍ ᒋᒥᔨᑦ᙮”
\p
\v 19 ᒋᒋᐛ ᒋ ‍ ᒋᔄᐳᐤ ᓇᐳᑭᑦᓇᓱᕐ᙮ ᒋ ‍ ᓄᑯᓂᔪᐤ ᐅᑕᔅᑎᒥᐧᑯᒡ ᐊᓂᔭ ᐊᔅᐱᔅ ᒋᓱᐛᐳᐤ᙮ ᒋ ‍ ᐃᑎᓱᐛᐤ ᓂᔄᐅᑕᒡ ᑕᑥᐤ ᒐᒋ ᐃᔅᐱᔅ ᒋᓯᔄᑭᓄᐎᔨᒋ ᒋᓴᐱᔅᒐᐛᓇ᙮
\v 20 ᒥᓐ, ᒂ ᐃᑎᓱᐛᑕᑦ ᐱᔅᒐ ᐊᓱᐧᑲᑎᓯᔨᒋ ᐅᓂᐱᔪᐤ-ᐃᔨᒪ ᒐᒋ ᒪᑯᐱᑕᔨᒋ ᓴᑦᕋᑲ, ᑭᔭ ᒥᓴᑲ, ᑭᔭ ᐊᐱᑦᓂᑯᐛ, ᑭᔭ ᐱᑕᐛᐱᓇᔨᒋ ᐊᓐᑕ ᐊᐛᓱᐎᔨᒋ ᒋᓴᐱᔅᒐᐛᓇ᙮
\v 21 ᐊᑯ ᓂᑐᐱᔪᐤ-ᐃᔪᒡ ᒂ ‍ ᒪᑯᐱᑕᒡ ᑭᔭ ᐸᑕᐛᐱᓇᒡ ᐊᓐᑕ ᒋᓴᐱᔅᒐᐛᓂᒡ, ᒪᒂᒡ ᐊᐳᔅᑭᒥᔨᒋ ᐅᑦ ᐊᐱᒋᑕᐅᓂᔨᐛ᙮
\v 22 ᐛᔅ ᐊᓂᔭ ᑲ ᑐᑕᑭᓄᐎᔨᒡ ᐃᔅᑯᑕᔪᐤ ᓇᔅᒡ ᒐᒋ ᒥᔅᑎ ‍ ᒋᓯᑕᔨᒡ ᐛᔅ ᐊᓂᔭ ᑲ ᐃᑎᓱᐛᑦ ᒋᓴᐅᒋᒪᐤ ᒐᒋ ᑐᑕᑭᓄᐎᔨᒡ, ᒋ ᐎᐎᐱᔪᐤ ᐃᔅᑯᑕᔪᐤ ᑭᔭ ᒂ ᓂᐸᔨᑯᒡ ᓂᑐᐱᔪᐤ-ᐃᔪᒡ ᒪᒂᒡ ᒪᑐᔅᑕᐛᒡ ᐊᓂᔭ ᓇᐸᐛ !
\v 23 ᐊᑯ ᓴᑦᕋᒃ, ᑭᔭ ᒥᓴ,ᒃ ᑭᔭ ᐊᐱᑦᓂᑯᐤ ᒂ ᐸᒋᓯᒡ ᐊᓐᑕ ᐊᒋᔄᐛᒥᑭᓂᔨᒡ ᐃᔅᑯᑕᒡ᙮
\p
\v 24 ᒥᒄ ᒪᒂᒡ ᐊᑭᓄᐛᐱᑦ ᓇᐳᑭᑦᓇᓱᕐ, ᒋ ‍ ᒥᔅᑲᑕᔨᑎᒻ᙮ ᓯᔅᒋᑯᒡ ᒋᐱᓯᑯᐱᔪᐅ ᑭᔭ ᑎᔭᑈᑦ, “ᓇᒪ ᐊ ᐅᒋ ᓂᔅᑐᐅᒡ ᓇᐸᐅᒡ ᑲ ‍ ᒪᑯᐱᑕᐧᑯᒡ ᑭᔭ ᑲ ‍ ᐱᑕᐛᐱᓇᑭᓄᐅᒡ ᐃᔅᑯᑕᒡ ?”
\p ᒂ ‍ ᐃᔅᒋᔄᒡ ᐃᔪᒡ, “ᓂᐦᐃ ᐅ ᒋᓴᐅᒋᒪᐤ᙮”
\p
\v 25 ᓇᐳᑭᑦᓇᓱᕐ ᒂ ‍ ᑕᑈᑦ, “ᓇᐤ ᓇᐸᐅᒡ ᓂ ‍ ᐛᐱᒪᐅᒡ ᐊᓐᑕ ᐃᔅᑯᑕᒡ! ᓇᒪ ᒪᑯᐱᓱᐅᒡ, ᐱᐸᒧᑕᐅᒡ ᐊᓐᑕ, ᑭᔭ ᓇᒪ ᐊᐧᑯᔨᑯᐅᒡ ᐃᔅᑯᑕᔪᐤ ! ᑭᔭ ᐊᓐ ᓇᐤ ᐊᑕᑦ ᓇᐸᐤ ᒧᔭᒻ ᒪᓂᑐᐤ ᐃᓯᓇᑯᓯᐤ !”
\p
\v 26 ᒥᒋᒪ ᐊ ‍ ᐅᒋ ᓴᓇᑭᓄᐎᔨᒋ ᒋᓴᐱᔅᒐᐛᓇ ᒂ ‍ ᐃᑐᑕᑦ ᓇᐳᑭᑦᓇᓱᕐ, ᑭᔭ ᒂ ‍ ᑕᑈᑦ, “ᓴᑦᕋᒃ, ᑭᔭ ᒥᓴ,ᒃ ᑭᔭ ᐊᐱᑦᓂᑯᐤ, ᒋᔨᐛᐤ ᑲ ‍ ᐊᔭᒥᐊᔅᑐᐛᒄ ᒋᒋ ‍ ᒋᓴᒪᓂᑐᐤ, ᐸᒋ ᐎᐎᒄ ! ᐸᑐᑕᒄ ᐅᑕ !” ᐊᑯ ᒂ ‍ᐸᒋ ‍ ᐎᐎᒡ ᐃᔅᑯᑕᒡ ᐅᒋ᙮
\p
\v 27 ᐊᑯ ᒥᓯᐛ ᒋᓴᐅᒋᒪᐤ ᐅᑯᐸᓇᒪ ᒂ ‍ ᐛᔅᑲᑲᐳᔅᑐᐛᒡ᙮ ᒋ ‍ ᐛᐱᒪᐅᒡ ᐊ ᐊᑲ ᐅᒋ ᐊᐧᑯᔨᑯᐎᒋ ᐃᔅᑯᑕᔪᐤ᙮ ᓇᒪ ᐛᐛᒡ ᐃᔭᐱᒡ ᐅᒋ ᐃᔎᑕᔪᐛ ᐅᐱᔅᑯᐛᐅᓄᐛᐛ ᐅᔅᑎᒂᓄᐛᒡ ᑭᔭ ᓇᒪ ᐅᒋ ᐃᔎᑕᔪᐛ ᐅᑦ ᐊᐱᒋᑕᐅᓄᐛᐛ ! ᓇᒪ ᐛᐛᒡ ᐅᒋ ᐃᓯᒪᑯᓱᐅᒡ ᐱᔅᑕᔪᐤ !
\p
\v 28 ᐊᑯ ᓇᐳᑭᑦᓇᓱᕐ ᒂ ᐃᔅᒋᔄᑦ, ᒋᑭ ‍ ᒪᒥᒋᒪᑭᓄᐅ ᒋᓴᒪᓂᑐᐤ ᐊᓂᔭ ᓴᑦᕋᒃ, ᑭᔭ ᒥᓴ,ᒃ ᑭᔭ ᐊᐱᑦᓂᑯᐤ ᐊᔭᒥᐊᔅᑐᐛᒡ᙮ ᒋ ‍ ᐃᑎᓴᐛᐤ ᐸᐃᒄ ᐅᑦ ᐊᓐᒋᓂᒪ ᒐᒋ ᐱᐧᑯᒋᐊᔨᒋ ᐊᓂᔭ ᓂᔅᑐ ᓇᐸᐛ ᐊᔭᒥᐊᔅᑕᑯᑦ ᑭᔭ ᑎᔭᑈᐅᒐᔨᒥᑯᑦ᙮ ᒋ ᐊᓏᑎᒧᒡ ᑲ ‍ ᐃᑎᓱᐛᐅᒡ; ᒋ ᐃᔅᒋᔄᐅᒡ ᒥᒄ ᐅᒋᓴᒪᓂᑐᒧᐛᐛ ᒐ ‍ ᐊᔭᒥᐊᔅᑐᐛᒡ, ᑭᔭ ᒋ ‍ ᐎᔭᔨᑎᒧᒡ ᒐᒋ ᓂᐱᒡ ᐃᔅᐱᔅ ᐎ ᒐᒋ ᐊᔭᒥᐊᔅᑐᐛᒡ ᑯᑎᑲ ᒪᓂᑐᐛ᙮
\v 29 ᐊᑯ᙮ ᓂᑐᑕᓐ ᐅ ᐃᑎᓱᐛᐅᓐ: ‘ᒥᒄ ᐊᓯᓇᑯᓯᒡ ᐃᔪᒡ ᑕᓐᑦ ᒥᒄ ᐊᔅᒋᒡ ᐅᒋ ᑭᔭ ᒪᒃ ᑕᓐ ᐊ ‍ ᐃᑎᔅᑲᓇᓯᒡ, ᑭᔭ ᒪᒃ ᑕᓐ ᐊ ᐃᓯ ‍ ᐃᔨᒥᒡ, ᒪᔭᔨᒪᒐ ᒋᓴᒪᓂᑐᐛ ᓴᑦᕋᑲ, ᑭᔭ ᒥᓴᑲ, ᑭᔭ ᐊᐱᑦᓂᑯᐛ ᐊᔭᒥᐊᔅᑐᐛᔨᒋ, ᒋᑭ ‍ ᐸᐱᑯᓱᐛᑭᓄᐅ ᑭᔭ ᒋᑭ ‍ ᓂᑕᔨᑭᓄᐎᔪᐤ ᐎᒋᐛᐤ᙮ ᓇᒪ ᐃᑕᐤ ᑯᑎᒃ ᒪᓂᑐᐤ ᐊᓐ ᒐᒋ ᐃᓯ ‍ ᐱᐧᑯᐛᐊᑦ ᐃᔪᐛ !’ ”
\p
\v 30 ᐊᑯ ᒋᓴᐅᒋᒪᐤ ᒂ ‍ ᒥᔭᑦ ᐊᑎᑐᐤ ᐊ ‍ ᒋᔅᑕᔨᑕᑯᓂᔨᒋ ᐊᑐᔅᒐᐅᓇ ᐊᓐᑕ ᐸᐱᓄᓂᔭᓐ ᐊᔅᒋᒡ ᐃᔅᐱᔅ ᐅᔅᑭᒡ ᑲ ‍ ᐃᔭᔨᒋ᙮
\c 4
\s1 ᓇᐳᑭᑦᓇᓱᕐ ᑲ ‍ ᐳᐛᑕᑦ ᒥᔅᑎᒂ
\p
\v 1 ᑕᑐᐤ ᐱᐳᓇ ᑲᒋ ᑎᐸᔨᒋᒐᑦ ᓇᐳᑭᑦᓇᓱᕐ , ᒋ ᐃᑎᓴᐊᒧᐛᐤ ᐃᔨᒧᐅᓂᔪᐤ ᒥᓯᐛ ᐃᔪᐛ ᐊᓐᑕ ᒥᓯᐛ ᐊᔅᒋᒡ ᑭᔭ ᐊ ‍ ᐃᑎᔅᑲᓇᓯᔨᒋ ᐃᔪᐛ ᑭᔭ ᒥᓯᐛ ᐊ ‍ ᐃᓯ ‍ ᐃᔨᒥᔨᒋ ᐃᔪᐛ ᐊᓐᑕ ᑕᐸᔨᒋᒐᑦ᙮ ᒂ ᐃᑎᔅᑕᑦ
\pi “ᑭᒪ ᒥᓯᐛ ᒐᒂᓂᒡ ᐃᓯ ᒥᔪᐱᔨᔭᒄ !
\pi
\v 2 ᒋ ᐎ ‍ ᐎᑎᒪᑎᓇᐛᐤ ᒥᓯᐛ ᑕᓐ ᑲ ᐃᑐᑎᒧᑦ ᒥᒥᔅᑲᒡ ᒐᒂᔪᐛ ᒥᓯᐛ ᐊᓯ ‍ ᓱᐧᑲᑎᓯᑦ ᒋᓴᒪᓂᑐᐤ᙮
\q1
\v 3 ᒥᒥᔅᑲᒡ ᒐᒂᔪᐛ ᐃᑐᑎᒻ
\q2 ᑭᔭ ᐊᒥᔅᑲᑕᔭᔨᑕᑯᓂᔨᒋ ᒐᒂᔪᐛ᙮
\q1 ᒧᔅ ᑲᒋᒡ ᒋᑭ ‍ ᐃᑎᑯᓂᔪᐤ ᐅᒋᓴᐅᒋᒪᐅᓐ;
\q2 ᓇᒪ ᓂᑕ ᒋᑭ ‍ ᐃᔎᐱᔪᐤ ᐅᒋᒪᐅᓐ᙮
\b
\pi
\v 4 ᓂᔾ, ᓇᐳᑭᑦᓇᓱᕐ, ᓂᒋᓴᐅᒋᒪᐅᒋᐛᐱᒡ ᓂᒋ ‍ ᐎᒋᓐ᙮ ᐛᔪᑎᓯᐅᓂᒡ ᓂᒋ ‍ ᐱᒪᑎᓯᓐ, ᑭᔭ ᒥᓯᐛ ᒐᒂᓐ ᓂᒋ ᐃᓯ ‍ ᒥᔪᐱᔨᓐ᙮
\v 5 ᐸᐃᒂᐤ ᑕᐱᔅᑲᒡ ᓂᒋ ‍ ᐳᐛᒧᓐ ᓇᔅᒡ ᐊᑯᔅᑕᒋᔭᓐ ᓂᒋ ‍ ᑐᑕᑯᓐ᙮ ᓂᒋ ‍ ᐛᐸᑕᓐ ᐃᓯᓂᒧᐅᓇ ᑲ ‍ ᓴᒋᔨᑯᔭᓐ ᒪᒂᒡ ᑲ ‍ ᐱᒥᓯᓂᔭᓐ ᓂᓂᐸᐅᓂᒡ᙮
\v 6 ᐊᑯ ᒂ ‍ ᐎᓴᒥᒂᐤ ᒥᓯᐛ ᑲᑭᒐᑕᐛᔨᑕᒡ ᓇᐸᐅᒡ ᐊᓐᑕ ᐸᐱᓄᓂᔭᓐ, ᐊᓂᔭ ᐅᒋ ᒐᒋ ᑎᑯᓯᒡ ᑭᔭ ᐎᑎᒧᐅᒡ ᑕᓐ ᐊᑥᒥᑭᓂᔨᒡ ᓂᐳᐛᒧᐅᓂᔪᐤ᙮
\v 7 ᒥᓯᐛ ᑲ ‍ ᒥᓂᑐᓯᒡ, ᑭᔭ ᐊᓐᒡ ᓂᑲᓐ ᑲ ᐛᐸᑕᒡ ᒐ ‍ ᐃᔅᐱᔨᒡ, ᑭᔭ ᑲ ‍ ᒥᑕᐅᒡ, ᑭᔭ ᑲ ‍ ᒋᔅᑯᑎᒪᑎᓱᐛᒐᒡ ᐅᒐᑭᑕᒂ ᓂᒋ ‍ ᓂᑐᐛᐱᒥᑯᒡ᙮ ᓂᒋ ‍ ᐎᑎᒧᐛᐅᒡ ᑕᓐ ᑲ ‍ ᐃᑕᐸᑎᒧᒡ, ᒥᒄ ᓇᒪ ᓂ ᐅᒋ ‍ ᐎᑎᒪᑯᒡ ᑕᓐ ᐊᑥᒥᑭᓂᔨᒡ᙮
\v 8 ᒐᒄ, ᒂ ᓂᑐᐛᐱᒥᑦ ᑕᓂᔭᓐ, ᑭᔭ ᒂ ‍ ᐎᔭᔨᑎᒧᒡ ᒐᒋ ᐎᑎᒧᐅᒃ ᑕᓐ ᑲ ‍ ᐃᑕᐸᑎᒧᒡ᙮ ᐸᐃᒄ ᐊᓐ ᓂᑯᐸᓇᒻ ᒋ ᐅᔅᒋ ‍ ᐎᒋᓱᒪᐤ, ᐸᓪᑕᓴᓴᕐ, ᐊ ‍ ᐃᓯᓂᐧᑲᑕᑭᓄᐅᑦ ᓂᒪᓂᑐᒻ᙮ ᓂᒋ ᒋᔅᒐᔨᒪᐤ ᐸᔭᒋ ‍ ᒪᓂᑐᐛ ᐅᑦ ᐊᒐᐧᑯᔪᐛ ᐸᒋᔅᑲᑯᑦ᙮
\pi
\v 9 ᐊᑯ, ᐃᔭᐱᒋᑕᐅᒡ ᐊᓂᔭ ᐃᓯᓂᐧᑲᓱᐅᓂᔪᐤ ᑲ ‍ ᒥᔭᑭᓄᐅᑦ, ᓂᒋ ‍ ᐃᑕᐤ, ‘ᐸᓪᑕᓴᓴᕐ, ᒋᔾ ᐅ ᒪᐅᒡ ᑲ ᐃᔅᐱᔅᑕᔨᑕᑯᓯᑦ ᐊᑎᓯᒡ ᒥᓯᐛ ᐊᓐᒡ ᓂᑲᓐ ᑲ ᐛᐸᑕᒡ ᒐ ‍ ᐃᔅᐱᔨᒡ᙮ ᓂᒋ ‍ ᒋᔅᒐᔨᒪᐤ ᐊᐱᒋᔅᑲᔅᒃ ᐸᔭᒋ ‍ ᒪᓂᑐᐤ ᐅᑦ ᐊᒐᒂ, ᑭᔭ ᒐᒋ ᐎᑎᒥᓐ ᒥᓯᐛ ᒥᒥᔅᑲᒡ ᒐᒂᓇ᙮ ᓇᒪ ᑎᑯᓐ ᓇᔅᒡ ᐊᐃᒪᒡ ᒐᒂᓐ ᒐ ᐊ ᐊᑲ ‍ ᒋ ᑐᑎᒥᓐ᙮ ᐊᑯ, ᐎᑎᒧᐎ ᑕᓐ ᐊᑥᒥᑲᒡ ᓂᐳᐛᒧᐅᓐ᙮
\v 10 ᐊᐅᑯᐤ ᑲ ᐃᑕᐸᑎᒪ ᒪᒂᒡ ᑲ ‍ ᐱᒥᓯᓂᔭᓐ ᓂᓂᐸᐅᓂᒡ: ᓂᒋ ‍ ᐛᐱᒪᐤ ᐊᒥᓯᑎᑦ ᒥᔅᑎᒄ ᑕᑕᐅᒡ ᐊᔅᒋᒡ ᐊᓂᑕᐅᒋᑦ᙮
\v 11 ᒋᒋᐛ ᒋᓱᐧᑲᑎᓯᐤ ᒥᔅᑎᒄ ᑭᔭ ᓴᔅ ᒋᒋᓂᑲᐳᐅ; ᒧᔭᒻ ᐃᔅᐱᒥᒡ ᐊ ‍ ᐃᔎᔅᑯᓯᑦ ᒋ ‍ ᐃᓯᓇᑯᓱᐤ ᐊᓂᔭ ᐅᒋ ᒥᓯᐛ ᐊᐛᓐ ᐊᓐᑕ ᐊᔅᒋᒡ ᐊ ‍ ᐛᐱᒪᒡ᙮
\v 12 ᒋᒋᐛ ᒋ ᒥᔽᓯᔨᐛ ᐅᓂᐱᒪ, ᑭᔭ ᒥᒐᑦ ᒥᓂᓴ ᒐ ᒥᒋᔨᒋ ᐃᔪᐛ ᒋ ‍ ᓂᑕᐅᒋᑕᐤ ᒐᒋ ᒥᒋᔨᒋ ᐊᐛᔪᐛ᙮ ᑲ ‍ ᐊᒂᑎᓯᒡ ᐊᐛᓯᓯᒡ ᒐ ᐊᔅᑕᔭᔅᑯᓯᐅᒡ ᐊ ᐊᒋᑲᔅᑕᓯᒧᒡ ᐊᓂᔭ ᒥᔅᑎᒂ, ᑭᔭ ᐱᔭᓱᐅᒡ ᒋ ‍ ᐅᓯᑕᐅᒡ ᐅᔅᑐᓄᐛᐛ ᐊᓐᑕ ᓯᑕᐧᑯᓂᒡ᙮ ᒥᓯᐛ ᑲ ᐱᒪᑎᓯᑦ ᐊᐛᓯᔅ ᐊᓐᑕ ᒥᓯᐛ ᐊᔅᒋᒡ ᐊᑯᑕ ᑲ ‍ ᐅᑎᓇᐧᒃ ᒥᒋᒥᔪᐤ ᐊᓐᑕ ᒥᔅᑎᑯᒡ ᐅᒋ᙮
\v 13 ᒪᒂᒡ ᐊᔅᒄ ᑲ ‍ ᐱᒥᓯᓂᔭᓐ ᐊᓐᑕ ᓂᓂᐸᐅᓂᒡ, ᓂᒋ ‍ ᐛᐸᑕᓐ ᑯᑎᒃ ᐃᓯᓂᒧᐅᓐ᙮ ᓂᒋ ‍ ᐛᐱᒪᐤ ᑲ ᐸᔭᒋᓯᑦ ᐊᓐᒋᓐ ᐊᓐᑕ ᐃᓯᓂᒧᐅᓂᒡ ᒋᒋᒋᓯᑯᒡ ᐊᐅᑐᑕᑦ ᐅᒋ᙮
\v 14 ᒋ ‍ ᑕᑈᐤ ᐊᓐᒋᓐ, “ᑯᐛᐛᐧᒄ ᐊᓐ ᒥᔅᑎᒄ, ᑭᔭ ᒐ ‍ᑲᑐᐛᐅᒪᐧᑯᐤ ᐅᓯᑕᐧᑯᓂᒪ ! ᒥᓂᓯᒺᐧᒄ ᐅᓂᐱᒪ, ᑭᔭ ᐱᐅᐱᑕᐛᐧᒄ ᐅᒥᓂᓯᒪ᙮ ᐃᔨᑲᑎᓴᐛᑯᒡ ᐊᐛᓯᓯᒡ ᐊᓐᑕ ᐃᔭᒋᑲᔅᑕᓯᒧᒡ ᐊᓂᔭ ᒥᔅᑎᒂ, ᑭᔭ ᐱᔭᓱᐅᒡ ᐊ ‍ ᐃᑕᒡ ᐊᓐᑕ ᐅᓯᑕᐧᑯᓂᔨᒡ᙮
\v 15 ᒥᒄ ᒐ ᐊᑲ ᐱᒪᔨᑎᒺᒄ ᐅᒋᒪᔨᔅᑲᓐ ᑭᔭ ᐅᑎᐱᔭ ᐊᓐᑕ ᒧᔅᑎᔅᑭᒥᒡ᙮ ᒐ ᒪᑯᐱᑎᒪᒄ ᐃᓴᒂᔭᐱᔾ ᑭᔭ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᒄ ᐊᓐᑕ ᐛᔅᑲ ᒋᒪᔨᔅᑲᓂᒡ, ᑭᔭ ᒐ ‍ ᓇᐊᔨᑎᒥᓐ ᒐᒋ ᑎᒂᒡ ᐊᓐᑕ ᐊᓯᒡ ᒥᔅᑯᓱᐛ ᐊᓐᑕ ᐛᔅᑲ᙮”
\pi
\v 16 ᐊᓐ ᒥᔅᑎᒄ ᐊᐅᑯᓐ ᓇᐸᐤ, ᐛᔅ ᐃᔭᐱᒡ ᒋ ‍ ᐃᔅᒋᔄᐤ ᐊᓐᒋᓐ, “ᑐᑐᐛᐧᒄ ᐊᓐ ᓇᐸᐤ ᒐᒋ ᐎᒋᒡ ᐊᓐᑕ ᓂᑕᐅᒋᒋᑭᓂᒡ ᓂᔄᐅᑕᒡ (7) ᑕᑐ ᐱᐳᓇ ᐃᔅᐱᔅ ᐊᓯᒡ ᐊᐛᓯᓴ ᑭᔭ ᓂᑕᐅᒋᑕᑭᓇ᙮ ᒐ ᑐᑎᒥᒄ ᐊᓂᔅᑭᔅᑭᒥᑲᒡ ᒋᓯᑯᒡ ᐅᒋ ᒐᒋ ᓂᐱᔪᔨᒡ ᐎᔪᐤ ᐊᓯᑯᒻ ᒋᔭᒋᓴᐸᔭᔨᒋ᙮ ᒐ ‍ ᐊᑲ ᓇᐊᔨᒪᒄ ᒐᒋ ᐊᔅᒄ ᐃᓯ ‍ ᒪᒥᑐᓇᔨᑕᐧᒃ ᒧᔭᒻ ᐃᔪᐛ, ᒥᔅᑯᒡ, ᑐᑐᐛᐧᒄ ᒐᒋ ᐃᓯ ‍ ᐅᒥᑐᓇᔨᒋᑭᓂᑦ ᒧᔭᒻ ᐊ ᐃᓯ ‍ ᐅᒥᑐᓇᔨᒋᑭᓂᔨᒋ ᐊᐛᓯᓴ᙮
\pi
\v 17 ᒋ ‍ ᐎᔭᔨᑎᒧᒡ ᑲᐸᔭᒋ ᐊᓐᒋᓐᒡ ᑕᓐ ᒐ ‍ ᐃᔅᐱᔨᒡ᙮ ᐎᐎᑎᒧᐛᐅᒡ ᒥᓯᐛ ᐊᐛᔪᐛ ᐊᓂᔭ ᒋᒋ ‍ ᒋᓴᒪᓂᑐᐛ ᐛᒋᒪᐎᒋ ᒥᓯᐛ ᑎᐸᔨᒋᒐᐅᓇ ᐅᑕ ᐊᔅᒋᒡ᙮ ᐎᔾ ᐊᓐ ᐎᔭᔨᒪᐤ ᐊᐛᔪᐛ ᒐ ᑎᐸᔨᑎᒥᔨᒋ ᐅᔭ ᑎᐸᔨᒋᒐᐅᓇ᙮ ᓂᔭᓂᑯᑎᓂ ᓇᐊᔨᒪᐤ ᐊ ᐊᑲ ᒋᔅᑕᔨᑕᑯᓯᔨᒋ ᐊᐛᔪᐛ ᒐᒋ ᐅᒋᒪᐎᒋ᙮”
\pi
\v 18 ᐸᓪᑕᓴᓴᕐ, ᐊᐅᑯᓐ ᓂᔾ, ᒋᓴᐅᒋᒪᐤ ᓇᐳᑭᑦᓇᓱᕐ, ᑲ ᐛᐸᑎᒪᓐ ᓂᐳᐛᒧᐅᓂᒡ᙮ ᐊᑯ ᐎᑎᒧᐎᔾ ᑕᓐ ᐊᑥᒥᑲᒡ ᓂᐳᐛᒧᐅᓐ᙮ ᓇᒪ ᑭᑎᒄ ᐊᐛᓐ ᓂᒋ ‍ ᐎᑎᒪᒄ᙮ ᒥᓯᐛ ᑲᑭᒐᑕᐛᔨᑕᒡ ᓇᐸᐅᒡ ᐊᓐᑕ ᓂᒋᓴᐅᒋᒪᐅᓂᒡ ᓂᒋ ‍ ᑭᒂᒋᒪᐅᒡ ᒐᒋ ᐎᑎᒧᐅᒡ ᑕᓐ ᐊᑥᒥᑭᓂᔨᒡ, ᒥᒄ ᓇᒪ ᒋ ᑐᑎᒧᒡ ᐊᓂᔭ᙮ ᒥᒄ ᒋᔾ ᒋᑭ ᒋ ‍ ᐎᑎᒧᐅᓐ, ᐛᔅ ᒋᐱᒋᔅᑲᒄ ᐸᔭᒋ ᒪᓂᑐᐅᒡ ᐅᑦ ‍ ᐊᒐᑯᐛᐤ᙮’ ”
\s1 ᑕᓂᔭᓐ ᐎᑎᒻ ᐳᐛᒧᐅᓂᔪᐤ
\pi
\v 19 ᓂᔾ, ᐸᓪᑕᓴᓴᕐ ᑲ ᐃᓯ ᐅᔅᒋ ‍ ᐃᓯᓂᐧᑲᑎᑯᐅᔭᓐ, ᐛᔨᐱᓯᔅ ᓇᒪ ᒐᒂᓐ ᓂ ᐅᒋ ‍ ᐃᔅᒋᔄᓐ, ᐛᔅ ᒋᒋᐛ ᓂᒋ ‍ ᐊᔨᒪᔨᑎᓐ ᑕᓐ ᐊᑥᒥᑲᒡ ᐳᐛᒧᐅᓐ᙮ ᒐᒄ ᒂ ᐃᓯᑦ ᒋᓴᐅᒋᒪᐤ, “ᐸᓪᑕᓴᓴᕐ, ᐊᑲ ‍ ᐊᔨᒪᔨᑎᒥᔨᑯᐤ ᐊᓐ ᐳᐛᒧᐅᓐ ᑭᔭ ᒪᒃ ᑕᓐ ᐊᑥᒥᑲᒡ᙮” ᒂ ᐃᑎᒄ, “ᐅᒋᒪᐤ, ᑭᒪ ᑲᐱᒂᑎᔅᒡ ᐃᔅᐱᔨᒡ ᐊᓂᔭ ᒐᒂᓇ ᑲ ᐎᑕᒂᒋ ᐊᓐᑕ ᒋᐳᐛᒧᐅᓂᒡ, ᓇᒥᔭᐤ ᒋᔾ᙮
\pi
\v 20 ᐊᓐᑕ ᒋᐳᐛᒧᐅᓂᒡ, ᒋᒋ ‍ ᐛᐱᒪᐤ ᓇᔅᒡ ᐊᓱᒋᓯᑦ ᑭᔭ ᓇᔅᒡ ᐊᒋᓏᔅᑯᓯᑦ ᒥᔅᑎᒄ᙮ ᒧᔭᒻ ᒋᓯᑯᒡ ᐊ ‍ ᐃᔎᔅᑯᓯᑦ, ᐊᓂᔭ ᐅᒋ ᒥᓯᐛ ᐊᐛᓐ ᐊᓐᑕ ᐊᔅᒋᒡ ᐊ ‍ ᐛᐱᒪᒡ᙮
\v 21 ᒋᒋᐛ ᒋ ᒥᔽᓯᔨᐛ ᐅᓂᐱᒪ, ᑭᔭ ᒥᒐᑦ ᒥᓂᓴ ᒐ ᒥᒋᔨᒋ ᐃᔪᐛ ᒋ ‍ ᓂᑕᐅᒋᑕᐤ᙮ ᑲ ‍ ᐊᒂᑎᓯᒡ ᐊᐛᓯᓯᒡ ᒐ ᐊᔅᑕᔭᔅᑯᓯᐅᒡ ᐊ ᐊᒋᑲᔅᑕᓯᒧᒡ ᐊᓂᔭ ᒥᔅᑎᒂ, ᑭᔭ ᐱᔭᓱᐅᒡ ᒋ ‍ ᐅᓯᑕᐅᒡ ᐅᔅᑐᓄᐛᐛ ᐊᓐᑕ ᓯᑕᐧᑯᓂᒡ᙮
\v 22 ᐅ ᒋᓴᐅᒋᒪᐤ, ᐊᓐ ᒥᔅᑎᒄ ᐊᐅᑯᓐ ᒋᔾ ! ᒋᒋᐛ ᒋᓱᐧᑲᑎᓯᓐ᙮ ᒧᔭᒻ ᒋᔅᑕᔨᑕᑯᓯᐅᓐ ᒋᓯᑯᒡ ᒋᐅᑎᒋᐱᔪᐤ, ᑭᔭ ᒥᓯᐛ ᐊᔅᐱᑎᔅᑭᒥᑲᒡ ᐊᔅᒋᒡ ᐃᔪᒡ ᒋ ᑎᐸᔨᒪᐅᒡ᙮
\pi
\v 23 ᐊᑯ ᒂ ‍ ᐛᐱᒥᑦ ᑲ ᐸᔭᒋᓯᑦ ᐊᓐᒋᓐ ᒋᒋᒋᓯᑯᒡ ᐊᐅᑐᑕᑦ ᐅᒋ᙮ ᒂ ᐃᔅᒋᔄᑦ ᐊᓐ ᐊᓐᒋᓐ, ‘ᑯᐛᐛᐧᒄ ᐊᓐ ᒥᔅᑎᒄ, ᑭᔭ ᒐ ‍ᑲᑐᐛᐅᒪᐧᑯᐤ ᐅᓯᑕᐧᑯᓂᒪ ! ᒥᓂᓯᒺᐧᒄ ᐅᓂᐱᒪ, ᑭᔭ ᐱᐅᐱᑕᐛᐧᒄ ᐅᒥᓂᓯᒪ᙮ ᒥᒄ ᒐ ᐊᑲ ᐱᒪᔨᑎᒺᒄ ᐅᒋᒪᔨᔅᑲᓐ ᑭᔭ ᐅᑎᐱᔭ ᐊᓐᑕ ᒧᔅᑎᔅᑭᒥᒡ᙮ ᒐ ᒪᑯᐱᑎᒪᒄ ᐃᓴᒂᔭᐱᔾ ᑭᔭ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᒄ ᐊᓐᑕ ᐛᔅᑲ ᒋᒪᔨᔅᑲᓂᒡ, ᑭᔭ ᒐ ‍ ᓇᐊᔨᑎᒥᓐ ᒐᒋ ᑎᒂᒡ ᐊᓐᑕ ᐊᓯᒡ ᒥᔅᑯᓱᐛ ᐊᓐᑕ ᐛᔅᑲ᙮ ᐊᓯᑯᒻ ᒋᔭᒋᓴᐸᔭᔨᒋ ᒐ ᑐᑎᒥᑦ ᐊᓂᔅᑭᔅᑭᒥᑲᒡ ᒋᓯᑯᒡ ᐅᒋ ᒐᒋ ᓂᐱᔪᔨᑯᑦ ᐅ ᓇᐸᐤ, ᒥᔅᑎᒄ ᑲ ᐃᓯᓇᑯᓯᑦ᙮ ᑐᑐᐛᐧᒄ ᐊᓐ ᓇᐸᐤ ᒐᒋ ᐎᒋᒡ ᐊᓐᑕ ᓂᑕᐅᒋᒋᑭᓂᒡ ᐊᓯᒡ ᐊᐛᓯᓴ ᓂᔄᐅᑕᒡ (7) ᑕᑐ ᐱᐳᓇ ᐃᔅᐱᔅ᙮’
\pi
\v 24 ᐅ ᒋᓴᐅᒋᒪᐤ, ᒪᐅ ᐊᑥᒥᑲᒡ ᒋ ‍ ᐳᐛᒧᐅᓐ᙮ ᐊᐅᑯᔪᐤ ᐅᔭ ᒐᒂᔪᐤ ᐊ ‍ ᐃᑎᔅᒃ ᒋᒋ ‍ ᒋᓴᒪᓂᑐᐤ ᒐ ‍ ᐃᔅᐱᔪᐅᑦ᙮
\v 25 ᒋ ‍ ᑯᐸᓇᒥᒡ ᒋᑭ ‍ ᐃᔨᐧᑭᒥᔨᑯᒡ ᒐᒋ ᐃᔭᒡ ᐎᒍᐅᑦ ᑯᑎᑲ ᐃᔪᐛ ᐅᒋ᙮ ᓂᑕᐅᒋᒋᑭᓂᒡ ᐊᓯᒡ ᑲ ᐊᒂᑎᓯᒡ ᐊᐛᓯᓯᒡ᙮ ᒥᔅᑯᓱᐛ ᒋᑭ ‍ ᒥᒋᓐ ᒧᔭᒻ ᒥᒋᑎᐧᑯᒡ ᐊ ‍ ᐃᑎᒡ, ᑭᔭ ᐊᓂᔅᑭᔅᑭᒥᑲᒡ ᒋᓯᑯᒡ ᐅᒋ ᒋᑭ ‍ ᑐᑕᑯᓐ ᒐᒋ ᓂᐱᔪᐅᒡ ᒋᔪᐤ ᐊᓯᑭᒻ ᒋᔭᒋᓴᐸᔭᒋ᙮ ᐊᐅᑯᓐ ᒐ ᐃᓯ ‍ ᐱᒪᑎᓯᔨᓐ ᓂᔄᐅᑕᒡ (7) ᑕᑐ ᐱᐳᓇ ᐃᔅᐱᔅ, ᐸᑎᒪ ᒋ ‍ ᒋᔅᒐᔨᑎᒥᓇ ᐊᐅᑯᓐ ᒋᒋ ‍ ᒋᓴᒪᓂᑐᐤ ᑕᐸᔨᑕᐧᒃ ᒥᓯᐛ ᒋᓴᐅᒋᒪᐅᓇ ᐅᑕ ᐊᔅᒋᒡ, ᑭᔭ ᐎᔾ ᐎᔭᔨᒪᐤ ᐊᐛᔪᐛ ᒐᒋ ᑎᐸᔨᒪᔨᒋ᙮
\v 26 ᒥᒄ ᐅᒋᒪᔨᔅᑲᓐ ᐊᓐ ᒥᔅᑎᒄ ᑭᔭ ᐅᑎᐱᔭ ᐊᑲ ᐅᒋ ᓂᒋᐧᑲᑭᓄᐎᔨᒋ ᐊᓐᑕ ᒧᔅᑎᔅᑭᒥᒡ᙮ ᐊᐅᑯᓐ ᐊᑥᒥᑲᒡ ᒥᓐ ᒐ ‍ ᑎᐸᔨᒋᒐᔨᓐ ᐊᓐᑕ ᒋ ‍ ᒋᓴᐅᒋᒪᐅᓂᒡ ᐃᔅᐱ ᒋᔅᒐᔨᑎᒥᓇ ᐎᔾ ᐊᓐ ᐃᔭᐅᑦ ᒋᓴᒪᓂᑐᐤ ᑕᑈ ᑕᐸᔨᒋᒐᑦ᙮
\v 27 ᐅ ᒋᓴᐅᒋᒪᐤ, ᒋ ‍ ᐱᑯᓴᔨᒥᑎᓐ ᒐᒋ ᑐᑎᒥᓐ ᒐᒂᓐ ᐊ ‍ ᐃᑎᑕᓐ ᒐᒋ ᑐᑎᒥᓐ᙮ ᐱᓂ ᐊᒥᒋᑐᑎᒥᓐ, ᑭᔭ ᐊᒥᔽᒡ ᒐᒂᓐ ᐃᑐᑕ᙮ ᓂᑭᑕ ᒋ ᒥᒋ ‍ ᐃᑕᑎᓯᐅᓐ᙮ ᒋᔅᑎᒪᒐᔨᒥᒡ ᑲ ‍ ᒋᔅᑎᒪᑎᓯᒡ ᐊᐛᓐᒋ᙮ ᐃᑐᑎᒥᓇ ᐅ, ᒂᔄᓐ ᒋᑭ ‍ ᓇᓂᑎᒪᐱᔪᐤ ᐊ ᒥᔪᐱᔨᓐ᙮”
\s1 ᒋᑎᐱᐱᔪᐤ ᐳᐛᒧᐅᓐ
\pi
\v 28 ᒥᒄ ᓇᒪ ᐅᒋ ᐎ ‍ ᐱᓂᐅ ᐊ ᒥᒋ ‍ ᑐᑕᐧᒃ ᒋᓴᐅᒋᒪᐤ, ᐊᑯ ᑕᓐ ᑲ ᐃᓯ ‍ ᐛᐸᑕᑭᓄᐎᔨᒡ ᓂᑲᓐ ᒐ ‍ ᐃᔅᐱᔨᒡ ᐊᓐᑕ ᐳᐛᒧᐅᓂᒡ ᐊᐅᑯᔪᐤ ᑲ ‍ ᐃᔅᐱᔨᑦ᙮
\v 29 ᓂᓱᓴᑉ ᑕᑐ ᐱᓯᒺ ᓇᓇᒐ, ᐸᐃᒂᐤ ᒐᓯᑲᔨᒡ ᒋ ‍ ᐱᐸᒧᑕᐤ ᐊᓐᑕ ᐃᔅᐱᒥᒡ ᐊᑕᐱᔅᑯᒐᔨᒡ ᐅᒋᓴᐅᒋᒪᐅᒋᐛᐱᒡ ᐊᓐᑕ ᐸᐱᓄᓂᔭᓂᒡ᙮
\v 30 ᒪᒂᒡ ᐊ ᒋᑕᐸᑕᐧᒃ ᐅᑕᓇᔪᐤ, ᒂ ᐃᑕᑦ ᐊᓂᔭ ᐛᔅᑲ ᑲ ‍ ᑕᔨᒋ ᐊᑕᑦ, “ᓂᔾ ᓂᒋ ‍ ᒋᒥᑕᓐ ᐅ ᒋᒋ ‍ ᐅᑕᓇ ᐸᐱᓄᓂᔭᓐ ᐊᓐ ᐃᑕᐅᓐ ᐊᓐᑕ ᒐᑎᐸᔨᒋᒐᔭᓐ ! ᓂᒋ ‍ ᒋᒥᑕᓐ ᒐᒋ ᐛᐸᑎᔨᐛᔭᓐ ᑎᐱᔨᐛ ᓂᓱᐧᑲᑎᓯᐅᓐ, ᒐᒋ ᐅᒋ ᐛᐸᑎᔨᐛᐤ ᐃᔪᒡ ᓂᒋᔅᑕᔨᑕᑯᓯᐅᓂᔪᐤ, ᒐᒋ ᐛᐸᑎᔨᒂᐤ ᑕᓐ ᐊᔅᐱᔅ ᒋᒋᐛ ᒋᒋ ᐃᑕᔨᑕᑯᓯᔭᓐ !”
\pi
\v 31 ᒪᒂᒡ ᐊ ‍ ᐃᔅᒋᔄᑦ ᐅᔭ, ᒋᒋᒋᓯᑯᒡ ᒋ ᐅᒋ ᐃᔨᒧᐤ ᒋᓴᒪᓂᑐᐤ, “ᒋᓴᐅᒋᒪᐤ ᓇᐳᑭᑦᓇᓱᕐ, ᐊᐅᑯᐤ ᐊ ‍ ᐃᑎᑕᓐ: ᓂᒥᔭᐅ ᒋᔾ ᓴᔅ ᑕᐸᔨᒋᒐᔨᓐ ᐅ ᒋᓴᐅᒋᒪᐅᓐ !
\v 32 ᒋ ‍ ᑯᐸᓇᒥᒡ ᒋᑭ ‍ ᐃᔨᐧᑭᒥᔨᑯᒡ ᒐᒋ ᐃᔭᒡ ᐎᒍᐅᑦ ᑯᑎᑲ ᐃᔪᐛ ᐅᒋ᙮ ᓂᑕᐅᒋᒋᑭᓂᒡ ᐊᓯᒡ ᑲ ᐊᒂᑎᓯᒡ ᐊᐛᓯᓯᒡ᙮ ᒥᔅᑯᓱᐛ ᒋᑭ ‍ ᒥᒋᓐ ᒧᔭᒻ ᒥᒋᑎᐧᑯᒡ ᐊ ‍ ᐃᑎᒡ, ᐊᐅᑯᓐ ᒐ ᐃᓯ ‍ ᐱᒪᑎᓯᔨᓐ ᓂᔄᐅᑕᒡ (7) ᑕᑐ ᐱᐳᓇ ᐃᔅᐱᔅ, ᐸᑎᒪ ᒋ ‍ ᒋᔅᒐᔨᑎᒥᓇ ᐊᐅᒄ ᓂᔾ, ᒋᒋ ‍ ᒋᓴᒪᓂᑐᐤ, ᑕᐸᔨᑕᐧᒃ ᒥᓯᐛ ᒋᓴᐅᒋᒪᐅᓇ ᐅᑕ ᐊᔅᒋᒡ, ᑭᔭ ᓂᔾ ᓂ ‍ ᐎᔭᔨᒪᐅᒡ ᐊᐛᓐᒋ ᒐᒋ ᑎᐸᔨᒪᒡ᙮”
\v 33 ᑎᐛᒡ ᒋ ‍ ᐃᔅᐱᔪᐤ ᒐᒂᔪᐤ ᑲ ᐃᔅᒋᔄᑦ ᒋᓴᒪᓂᑐᐤ᙮ ᒂ ‍ ᒋᔎᔭᔨᒧᑦ ᓇᐳᑭᑦᓇᓱᕐ, ᐊᑯ ᐅᑯᐸᓇᒺ ᒂ ‍ ᐃᔨᐧᑭᒥᔨᑯᑦ ᒐᒋ ᐃᔭᒡ ᐎᒋᑦ ᑯᑎᑲ ᐃᔪᐛ ᐅᒋ᙮ ᒥᔅᑯᓱᐛ ᒋ ‍ ᒥᒍᐤ ᒧᔭᒻ ᒥᒋᑎᒂ ᐊ ‍ ᐃᑎᔨᒋ ᑭᔭ ᐊᓂᔅᑭᔅᑭᒥᑲᒡ ᒋᓯᑯᒡ ᐅᒋ ᒋᑭ ‍ ᑐᑕᑯᐤ ᒐᒋ ᓂᐱᔪᔨᒡ ᐎᔪᐤ ᐊᓯᑯᒻ ᒋᔭᒋᓴᐸᔭᔨᒋ᙮ ᐊᐅᑯᓐ ᑲ ‍ ᐃᓯ ‍ ᐱᒪᑎᓯᑦ ᐸᑎᒪ ᑲ ‍ ᒋᓏᐛᔭᔨᒡ ᐅᐱᔎᐅᓐ ᒧᔭᒻ ᒥᒋᓱᐛ ᐅᒥᑯᓂᔨᐛ, ᑭᔭ ᐅᔅᑭᓯᔭ ᑲ ‍ ᐃᓯᓇᑯᓯᔨᒋ ᒧᔭᒻ ᐱᔭᓱᐛ ᐅᔅᑭᓯᔨᐛ᙮
\b
\pi
\v 34 “ᑲᒋ ᓂᔄᐅᑕᒡ (7) ᑕᑐ ᐱᐳᓂᔨᒡ, ᓂᔾ, ᓇᐳᑭᑦᓇᓱᕐ, ᐃᔅᐱᒥᒡ ᒂ ‍ ᐃᑕᐱᔭᓐ, ᑭᔭ ᒂ ‍ ᐎᑎᒪᓐ ᐊᓂᔭ ᒐᒂᔪᐤ ᑲ ‍ ᐃᔅᒋᔄᑦ ᒋᓴᒪᓂᑐᐤ ᐊᑕᑈᒥᑭᓂᔨᒡ᙮ ᐊᑯ ᒥᓐ ᑯᐃᔅᒄ ᒂ ᐃᑎᑯᑕᒡ ᓂᒥᑐᓇᔨᒋᑭᓐ᙮ ᓂᒋ ‍ ᒪᒥᒋᒪᐤ ᑭᔭ ᓂᒋ ‍ ᐊᔭᒥᐊᔅᑐᐛᐤ ᒋᒋ ‍ ᒋᓴᒪᓂᑐᐤ, ᑭᔭ ᓂᒋ ‍ ᒋᔅᑕᔨᒪᐤ, ᐊᓐ ᒧᔅ ᑲᒋᒡ ᐸᒪᑎᓯᑦ᙮
\b
\q1 ᒧᔅ ᑲᒋᒡ ᑎᐸᔨᒋᒐᐤ
\q2 ᐅᒋᓴᐅᒋᒪᐅᓐ ᓇᒪ ᓂᑕ ᒋᑭ ‍ ᐃᔎᐱᔪᐤ᙮
\q1
\v 35 ᒥᓯᐛ ᐃᔪᒡ ᐊᓐᑕ ᐊᔅᒋᒡ ᓇᒪ ᐃᔅᐱᑕᔨᑕᑯᓯᐅᒡ;
\q2 ᓇᒪ ᒋ ᐃᑕᔨᑕᑯᓱᐛᓇᓐ ᐊᑕᔨᑕᑯᓯᑦ
\q1 ᑭᓄᐛᔨᑎᒻ ᓱᐧᑲᑎᓯᐅᓂᔪᐤ ᒐᒋ ᑐᑕᐧᒃ ᒥᒄ ᒐᒂᔪᐤ ᐛ ‍ ᑐᑕᐧᒃ,
\q2 ᐊᓐᒋᓇ ᐅᒋ ᐊᓐᑕ ᒋᒋᒋᓯᑯᒡ ᑭᔭ ᐃᔪᐛ ᐅᒋ ᐊᓐᑕ ᐛᒋᔨᒋ ᐊᔅᒋᒡ᙮
\q1 ᐊᑯ ᓇᒪ ᐊᐛᓐ ᒋ ᒋᓂᑲᓇᐤ,
\q2 ᑭᔭ ᓇᒪ ᐊᐛᓐ ᒋ ᑭᒂᒋᐊᐤ,
\q2 ᒐᒋ ᐃᑕᑦ, ‘ᒐᒂᓐ ᐛᒋ ‍ ᐃᑐᑎᒥᓐ ᐅᔭ ᒐᒂᔪᐛ ?’
\b
\pi
\v 36 ᐃᔅᐱ ᒥᓐ ᑯᐃᔅᒄ ᒂ ᐃᑎᑯᑕᒡ ᓂᒥᑐᓇᔨᒋᑭᓐ᙮ ᒥᓐ ᓂᒋ ‍ ᒋᔅᑕᔨᒥᑯᐅᓐ, ᑭᔭ ᒥᓐ ᓂᒋ ‍ ᑎᐸᔨᒋᒐᓐ ᐊᓐᑕ ᓂᒋᒋᐅᒋᒪᐅᓂᒡ᙮ ᒥᓐ ᓂᒋ ‍ ᓇᑎᑯᒡ ᓂᑯᐸᓇᒥᒡ ᒐᒋ ᐛᐎᑎᒪᒡ ᒐᒂᓐ ᒋᐸ ‍ ᑐᑕᑭᓄᐅ, ᑭᔭ ᐊᑎᑐᐤ ᓂᒋ ‍ ᒋᒋ ‍ ᐃᑕᔨᑕᑯᓯᓐ ᑭᔭ ᐊᑎᑐᐤ ᓂᒋ ‍ ᓱᐧᑲᑎᓯᓐ ᐃᔅᐱᔅ ᐊᓐᑕ ᐅᔅᑭᒡ᙮
\v 37 ᐊᑯ ᓂᔾ, ᓇᐳᑭᑦᓇᓱᕐ, ᓂᒪᒥᒋᒪᐤ ᑭᔭ ᓂᒋᔅᑕᔨᒪᐤ ᒋᓴᒪᓂᑐᐤ ᐊᓐ ᒋᓴᐅᒋᒪᐤ ᑕᐱᔨᒋᒐᑦ ᐊᓐᑕ ᒋᒋᒋᓯᑯᒡ᙮ ᑯᐃᔅᒂᔨᑕᑯᓂᔪᐤ ᑭᔭ ᒥᔽᔪᐤ ᒥᓯᐛ ᒐᒂᔪᐤ ᐊ ‍ ᐃᑎᑦ᙮ ᑭᔭ ᒋ ‍ ᑐᑐᐛᐤ ᐊᐛᔪᐛ ᒐᒋ ᑎᐸᑕᔨᑕᑯᓯᔨᒋ ᐊᓂᔭᔪᐛ ᑲ ‍ ᒋᔅᑕᔨᒧᔨᒋ, ᒧᔭᒻ ᑲ ‍ ᐃᓯᓇᑯᓯᔭᓐ᙮”
\c 5
\s1 ᐊᔅᑎᒥᑎᒡ ᒥᓯᓇᐃᑭᓐ (ᑲ ‍ ᒥᓯᓇᔨᒐᓄᐅᒡ)
\p
\v 1 ᑕᑐ ᐱᐳᓇ ᓇᓇᒐ, ᒋ ‍ ᒋᓴᐅᒋᒪᐤ ᐸᓪᓴᓴᕐ ᐊᓐᑕ ᐸᐱᓄᓂᔭᓂᒡ᙮ ᐸᐃᒂ ᒐᓯᑲᔨᒡ ᒋ ‍ ᐎᓴᒪᐤ ᐸᐃᒂᐤ ᒐᓯᐱᔪᐤ ᐅᑯᐸᓇᒪ ᐊ ᒥᔅᑎ ‍ ᒥᒋᓱᓇᓂᒐᑦ, ᑭᔭ ᒋ ‍ ᐎᒋᒥᓂᒪᐤ ᓱᒥᓇᐳᔪᐤ᙮
\v 2 ᒪᒂᒡ ᑲ ‍ ᒥᓂᑦ, ᒋ ‍ ᐃᑎᓱᐛᑕᐤ ᐅᑦ ᐊᐱᒋᐊᑭᓇ ᒐᒋ ᐸᑥᑯᑦ ᐊ ‍ ᐎᔄᐅᓇᔭᐱᔅᑯᐎᒋ ᑭᔭ ᐊᓱᓇᐸᔅᑯᐎᒋ ᒥᓂᒂᑭᓇ ᐊᓂᔭ ᐅᑕᒡ ᒋᓴᐅᒋᒪᐛ ᓇᐳᑭᑦᓇᓱᕐ, ᒋᕈᓯᓕᒥᒡ ᐊᔭᒥᐊᐅᒋᐛᐱᒡ ᑲ ᐅᒋ ‍ ᐅᑎᓂᒥᔨᒋ᙮ ᒋ ᑐᑎᒻ ᐅᔭ ᐛᔅ ᒋ ᓂᑐᐛᔨᑎᒻ ᐎᔾ, ᑭᔭ ᐅᑯᐸᓇᒪ ᑭᔭ ᐎᐛ, ᑭᔭ ᐃᔭᐱᒡ ᐎᑎᒧᓴ ᒐᒋ ᒥᓂᒂᒐᔨᒋ, ᑭᔭ ᐊᐛᐅᓯᓄᐛᑦ ᒋᔭᓄᐤ ᐃᔅᕋᐃᓪ ᐃᔪᒡ ᑲ ‍ ᐊᔭᒥᐊᔅᑐᒪᑯᐤ᙮
\v 3 ᐊᑯ ᐅᑦ ᐊᐱᒋᐊᑭᓇ ᒥᓯᐛ ᐱᔭᑕᔨᒋ ᐊᓂᔭ ᑲ ‍ ᐎᔄᐅᓇᔭᐱᔅᑯᐎᒋ ᒥᓂᒂᑭᓇ ᑕᑐ ᐱᐳᓇ ᐊᓐᑕ ᐅᑕᒡ ᑲ ᐅᑎᓂᑭᓄᐎᔨᒋ ᐊᓐᑕ ᒋᒋᐛ ‍ ᒋᓴᒪᓂᑐᐛ ᐅᑦ ᐊᔭᒥᐊᐅᒋᐛᐱᔨᒡ ᐊᓐᑕ ᒋᕈᓴᓕᒥᒡ᙮ ᐊᑯ ᒋᓴᐅᒋᒪᐤ ᑭᔭ ᐅᑯᐸᓇᒪ ᑭᔭ ᐎᐛ ᑭᔭ ᐎᑎᒧᓴ ᒂ ‍ ᒥᓂᒂᒐᒡ ᐊᓂᔭ ᒥᓂᒂᑭᓇ᙮
\v 4 ᒋ ‍ ᒥᓄᐅᒡ ᒐᒋ ᒪᒥᒋᒪᒡ ᐅᒥᓂᑐᒧᐛᐛ ᐎᔄᐅᓱᓇᔭᐱᔅᑯᒡ, ᑭᔭ ᓱᓇᔭᐱᔅᑯᒡ, ᑭᔭ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᑯᒡ, ᑭᔭ ᐃᓴᑯᒡ, ᑭᔭ ᒥᔅᑎᑯᒡ, ᑭᔭ ᐊᓯᓂᒡ ᑲ ᐅᒋ ‍ ᐅᓴᐊᑭᓄᐎᔨᒋ᙮
\p
\v 5 ᓯᔅᒋᑯᒡ ᒋ ‍ ᐛᐸᑎᒺᐅᒡ ᓇᐸᐛ ᐅᑎᒋᔪᐤ ᐊᒥᓯᓇᔨᒐᔨᒋ ᐊᓐᑕ ᐊᔅᑎᒥᑎᒡ ᐅᑕᒡ ᒐ ᒥᑕᔨᒡ ᐛᔅᑕᓂᐱᒪᑭᓇᑎᑯᔪᐤ ᐊᑎᑯᓂᔨᒡ᙮ ᒋ ‍ ᐛᐸᑎᒻ ᒋᓴᐅᒋᒪᐤ ᒥᑎᒋᔪᐤ ᒪᒂᒡ ᒪᓯᓇᔨᒐᐱᔨᒡ᙮
\v 6 ᒋᒋᐛ ᒋᑯᔅᑕᒍᐤ, ᒂ ᐛᐱᓇᐅᐱᔨᑦ᙮ ᒂ ᔭᔭᒋᐱᔨᒋ ᐎᒋᐧᑯᓇ, ᑭᔭ ᒂ ᐊᑲ ‍ ᓴᐱᒥᑭᓂᔨᒋ ᐅᔅᑲᑕ, ᐊᓂᔭ ᐅᒋ ᓇᒪ ᐅᒋ ‍ ᐱᓯᑯᐤ᙮
\p
\v 7 ᐊᑯ ᒂ ‍ ᑕᑈᑦ ᐊᐎᓴᒪᑦ ᓇᐸᐛ ᑲᒥᓂᑐᓯᔨᒋ, ᑭᔭ ᑲ ‍ ᒋᔅᑯᑎᒪᑎᓱᐛᒐᔨᒋ ᐅᒐᑭᑕᒂ, ᑭᔭ ᓂᑲᓐ ᑲ ᐛᐸᑎᒥᔨᒋ ᒐ ‍ ᐃᔅᐱᔨᒡ᙮ ᒂ ‍ ᐃᑕᑦ, “ᓂᑭ ᒋᒋ ‍ ᒋᔅᑕᔨᒪᐤ ᐊᓐ ᐊᐛᓐ ᒐᒋ ᐃᔨᒥᑕᒂ ᐅᔭ ᑲ ᒥᓯᓇᐃᑭᓂᐎᔨᒡ ᑭᔭ ᐎᑎᒧᐅᑦ ᑕᓐ ᐊᑥᒥᑭᓂᔨᒡ᙮ ᓂᑭ ‍ ᒥᔭᐤ ᑲ ‍ ᐸᔅᒍᓴᐅᓇᑯᓂᔨᒡ ᐊᑯᐱᔪᐤ ᒧᔭᒻ ᐊᓂᔭ ᑈᔅᑭᒧᒡ ᐛᔅ ᐊ ‍ᒋᓴᐅᒋᒪᐅᔭᓐ, ᑭᔭ ᐅᑯᔭᒡ ᓂᑭ ᐳᔅᑭᒧᑎᔭᐤ ᐊᐛᔄᐅᓱᓇᔭᐎᔨᒡ ᐃᓴᒂᔭᐱᔪᐤ᙮ ᒋᒋᐛ ᒋᑭ ‍ ᒋᔅᑕᔨᑕᔨᑕᑯᓱᐤ ᐊᑯᐸᓇᐅᑦ ᐊᓐᑕ ᓂᒋᓴᐅᒋᒪᐅᓂᒡ; ᒥᒄ ᒋᑭ ‍ ᓂᓱᐅᒡ ᑯᑎᑭᒡ ᐊᑎᑐᐤ ᐊ ‍ ᒋᔅᑕᔨᑕᑯᓯᒡ ᐃᔅᐱᔅ ᐎᔾ᙮”
\p
\v 8 ᒥᒄ ᐃᔅᐱ ᑲᒋ ‍ ᐱᒐᒡ ᒥᓯᐛ ᐊᓐᒡ ᑲᑭᒐᑕᐛᔨᑕᒡ ᓇᐸᐅᒡ, ᓇᒪ ᐛᒋ ᐸᐃᒄ ᐅᒋ ᐃᔨᒥᑕᔪᐛ ᐊᓂᔭ ᑲᒥᓯᓇᐃᑭᓄᐎᔨᒡ, ᑭᔭ ᒪᒃ ᐎᑎᒪᑯᑦ ᑕᓐ ᐊᑥᒥᑭᓂᔨᒡ᙮
\v 9 ᐊᑯ ᒋᓴᐅᒋᒪᐤ ᓇᐳᑭᑦᓇᓱᕐ ᐊᑎᑐᐤ ᒋᑯᔅᑕᒍᐤ᙮ ᐊᑎᑐᐤ ᒂ ᐛᐱᓇᐅᐱᔨᑦ᙮ ᑭᔭ ᒥᓯᐛ ᐅᑯᐸᓇ ᑲ ‍ ᑕᔨᒋ ᐊᓐᑕ ᑲ ‍ ᒥᒋᓱᓇᓄᐎᔨᒡ ᓇᒪ ᐅᒋ ᒋᔅᒐᔨᑎᒥᔨᐛ ᑕᓐ ᒐ ‍ ᐃᑎᔨᒋ᙮
\p
\v 10 ᒥᒄ ᐃᔅᐱ ᒋᓴᐅᒋᒪᐤ ᐅᑲᐎᔭ (ᑭᔭ ᒪᒃ, ᐅᑕᒡ ᒋᓴᐅᒋᒪᐤ ᐅᑲᐎᔭ) ᐱᔭᑐᐛᑦ ᐊᒋᐧᑲᐛᔨᒋ ᒋᓴᐅᒋᒪᐛ ᑭᔭ ᐅᑯᐸᓇᒥᔨᐛ ᐊᐃᒧᑎᒥᔨᒋ ᒐᒂᔪᐤ ᑲ ‍ ᐃᔅᐱᔨᒡ, ᒂ ‍ ᐱᒐᑦ ᑲᐱᔅᒋᒐᔭᔨᒡ ᐊᓐᑕ ᑲ ‍ ᒥᒋᓱᔨᒋ᙮ ᒂ ᐃᑕᑦ ᐸᓪᓴᓴᕋ, “ᐅ ᒋᓴᐅᒋᒪᐤ, ᓂᑦ ᐊᔅᐸᔨᒧᓐ ᓇᐅᔅ ᒐᒋ ᐱᒪᑎᓯᔨᓐ ! ᒥᒄ ᐊ ᐊᑲ ᐛᐱᓇᐅᐱᔨ ᑭᔭ ᐊ ᐊᑲ ᑯᔅᑕᒋ ᐅᐛ ᐅᒋ᙮
\v 11 ᐃᑕᐤ ᐅᑕ ᓇᐸᐤ ᒋᒋᓴᐅᒋᒪᐅᓂᒡ ᐸᒋᔅᑲᑯᑦ ᐸᔭᒋ ᒪᓂᑐᐛ ᐅᑦ ᐊᒐᐧᑯᔪᐛ᙮ ᐃᔅᐱ ᑲ ‍ ᑎᐸᔨᒋᒐᑦ ᓇᐳᑭᑦᓇᓱᕐ, ᒋ ‍ ᒋᔅᒐᔨᑎᒧᒡ ᐊ ᓂᔅᑐᑎᒥᔨᒋ ᒥᒐᑦ ᒐᒂᔪᐛ ᐅᔭ ᓇᐸᐛ ᑭᔭ ᐊ ‍ ᑭᒐᑕᐛᔨᑎᒥᔨᒋ, ᒧᔭ ᒪᓂᑐᐛ᙮ ᐅ ᓇᐸᐤ ᑲ ‍ ᒋᓴᐅᒋᒪᐅᑦ ᐊᓐᑕ ᐅᑕᒡ᙮ ᒋ ᐅᑎᓇᐤ ᓇᐳᑭᑦᓇᓱᕐ ᒐᒋ ᑎᐸᔨᒪᔨᒋ ᒥᓯᐛ ᓇᐸᐛ ᐊᓐᑕ ᐸᐱᓄᓂᔭᓂᒡ ᑲ ‍ ᒥᓂᑐᓯᔨᒋ, ᑭᔭ ᑲ ‍ ᒥᑕᐅᔨᒋ, ᑭᔭ ᑲ ‍ ᒋᔅᑯᑎᒪᑎᓱᐛᒐᔨᒋ ᐅᒐᑭᑕᒂ, ᑭᔭ ᓂᑲᓐ ᑲ ‍ ᐎᑎᒥᔨᒋ ᑕᓐ ᒐ ‍ ᐃᔅᐱᔨᒡ᙮
\v 12 ᑕᓂᔭᓐ ᐃᓯᓂᐧᑲᓱᐤ ᐊᓐ ᓇᐸᐤ, ᒋ ᐅᔅᒋᓂᑲᑕᐤ ᒋᓴᐅᒋᒪᐤ, ᐸᓪᓴᓴᕐ᙮ ᒋᒋᐛ ᐃᑈᐧᑲᐤ ᑭᔭ ᒋ ᒋᔅᒐᔨᑎᒻ ᑭᔭ ᓂᔅᑐᑎᒻ ᒥᒐᑦ ᒐᒂᔪᐛ᙮ ᐃᔭᐱᒡ ᒋ ᐎᑎᒻ ᑕᓐ ᐊᑥᒥᑭᓂᔨᒋ ᐳᐛᒧᐅᓇ, ᑭᔭ ᒥᔪᐤ ‍ ᐎᑎᒻ ᒪᒪᔅᑲᒡ ᒐᒂᔪᐛ, ᑭᔭ ᒥᔪᐤ ‍ ᐎᑎᒻ ᐃᔭᔨᒥᓂᔨᒋ ᒐᒂᔪᐛ ᒐᒋ ᓂᔅᑐᑕᑭᓄᐎᒋ᙮ ᐎᓴᒻ, ᑭᔭ ᒋᑭ ‍ ᐎᑎᒪᒄ ᑕᓐ ᐊᑥᒥᑭᓂᔨᒡ ᐊᓂᔭ ᒥᓯᓇᔨᒐᐅᓂᔪᐤ᙮”
\s1 ᒋ ᐎᑎᒻ ᒥᓯᓇᐃᒐᐅᓂᔪᐤ ᑕᓂᔭᓐ
\p
\v 13 ᐊᑯ ᒂ ‍ ᓂᑐᐛᐱᒪᒡ ᑭᔭ ᐸᓱᐅᒡ ᐊᓐᑕ᙮ ᒂ ‍ ᑭᒂᒋᒥᑦ ᒋᓴᐅᒋᒪᐤ, “ᐊᑯ ᒋᔾ ᐅ ᑕᓂᔭᓐ ! ᓂᒋ ‍ ᐎᑎᒪᑯᒡ ᐊᐅᒄ ᒋᔾ ᐸᐃᒄ ᑲ ‍ ᐸᓱᐅᔅᒄ ᐅᑕᒡ ᒋᓴᐅᒋᒪᐤ ᐅᑕ ᒍᑕᐃᒡ ᐅᒋ᙮
\v 14 ᓂᒋ ‍ ᐸᑕᓐ ᐃᔭᐱᒡ ᐊᐱᒋᔅᑲᒄ ᒪᓂᑐᐅᒡ ᐅᑦ ᐊᒐᒂ ᑭᔭ ᓇᔅᒡ ᐊᑭᒐᑕᐛᔨᑎᒥᓐ ᑭᔭ ᓇᔅᑐᑎᒥᓐ ᒥᒐᑦ ᒐᒂᔪᐛ᙮
\v 15 ᑲ ‍ ᑭᒐᑕᐛᔨᑕᒡ ᓂᑦ ᐃᔨᒥᒡ ᑭᔭ ᐊᓐᒡ ᑲ ‍ ᒥᓂᑐᐅᓯᒡ ᓇᐸᐅᒡ ᒋᑭ ‍ ᑯᒋᑕᐅᒡ ᒐᒋ ᐃᔨᒥᑕᒡ ᐊᔅᑎᒥᑎᒡ ᑲ ‍ ᒥᓯᓇᔨᒐᓄᐎᔨᒡ ᑭᔭ ᐎᑎᒧᐅᒡ ᑕᓐ ᐊᑥᒥᑭᓂᔨᒋ, ᒥᒄ ᓇᒪ ᐅᒋ ᑐᑎᒧᒡ᙮
\v 16 ᓂᒋ ‍ ᐎᑎᒪᒄ ᐊᐛᓐ ᒐᒋ ᐎᑎᒥᓐ ᑕᓐ ᐊᑥᒥᑲᒋ ᐳᐛᒧᐅᓇ ᑭᔭ ᐊ ᒥᔪᐤ ‍ ᐎᑎᒥᓐ ᐃᔭᔨᒥᓂᔨᒋ ᒐᒂᔪᐛ ᒐᒋ ᓂᔅᑐᑕᑭᓄᐎᒋ᙮ ᒋ ‍ ᐃᔨᒥᑕᔨᓇ ᐅᔭ ᐃᔨᒧᐅᓇ ᑭᔭ ᐎᑎᒧᐎᔨᓇ ᑕᓐ ᐊᑥᒥᑲᒋ, ᒋᑭ ‍ ᒥᔨᑎᓐ ᑲ ‍ ᐸᔅᒍᓴᐅᓇᒂᒡ ᐊᑯᑉ ᒧᔭᒻ ᐊᓐ ᑈᔅᑭᒪᓐ ᐛᔅ ᐊ ‍ᒋᓴᐅᒋᒪᐅᔭᓐ, ᒋᑯᔭᒡ ᒋᑭ ᐳᔅᑭᒧᑎᔨᑎᓐ ᐊᐛᔄᐅᓱᓇᔭᐅᒡ ᐃᓴᒂᔭᐱᔾ᙮ ᒋᒋᐛ ᒋᑭ ‍ ᒋᔅᑕᔨᑕᔨᑕᑯᓯᓐ ᐊᑯᐸᓇᐎᔨᓐ ᐊᓐᑕ ᓂᒋᓴᐅᒋᒪᐅᓂᒡ; ᒥᒄ ᒋᑭ ‍ ᓂᓱᐅᒡ ᑯᑎᑭᒡ ᐊᑎᑐᐤ ᒐ ‍ ᒋᔅᑕᔨᑕᑯᓯᒡ ᐃᔅᐱᔅ ᒋᔾ᙮”
\p
\v 17 ᒂ ‍ ᐃᑎᒃ, “ᓇᒪ ᓂᑐᐛᔨᑕᓐ ᒋ ‍ ᒥᔨᐛᐅᓇ; ᑭᓄᐛᔨᑕ, ᑭᔭ ᒪᒃ ᑯᑎᒃ ᐊᐛᓐ ᒐ ‍ ᒥᔨᑦ᙮ ᒥᒄ ᒋ ᐃᔨᒥᑥᑎᓐ ᐊᓐ ᒥᓯᓇᔨᒐᐅᓐ ᐊᓐᑕ ᐊᔅᑎᒥᑎᒡ, ᑭᔭ ᒋᑭ ‍ ᐎᑎᒪᑎᓐ ᑕᓐ ᐊᑥᒥᑲᒡ᙮
\p
\v 18 ᐅ ᒋᓴᐅᒋᒪᐤ, ᒋᒋ ‍ ᒋᓴᒪᓂᑐᐤ ᒋ ‍ ᑐᑐᐛᐤ ᓇᐸᐛ ᓇᐳᑭᑦᓇᓱᐛ, ᑲ ‍ ᒋᓴᐅᒋᒪᐎᒋ ᐊᒺᔭ ᒋᔾ, ᒐᒋ ᒋᒋ ‍ ᑎᐸᔨᒋᒐᔨᒋ, ᐊᓐ ᓇᔅᒡ ᑲ ᒪᒥᒋᒪᑭᓄᐅᑦ ᑭᔭ ᑲ ‍ ᒋᔅᑕᔨᒪᑭᓄᐅᑦ᙮
\v 19 ᐛᔅ ᒋᓴᒪᓂᑐᐤ ᒋ ‍ ᑐᑐᐛᐤ ᒐᒋ ᒋᒋ ‍ ᒋᔅᑕᔨᑕᑯᓯᔨᒋ, ᒥᒐᑦ ᐊ ‍ ᐃᑎᔅᑲᓇᓯᒡ ᐃᔪᒡ ᑭᔭ ᐊ ᐃᓯ ‍ ᐃᔪᐅᒡ ᑭᔭ ᐊ ‍ ᐃᓯ ‍ ‍ ᐃᔨᒥᒡ ᒋᒋᐛ ᒋᔅᑯᑕᐅᒡ᙮ ᒋ ‍ ᐃᑎᓱᐛᑕᐤ ᐅᓂᑐᐱᔪᐤ-ᐃᔨᒪ ᒐᒋ ᓇᐸᐊᔨᒋ ᐊᓂᔭ ᐛ ‍ ᓂᐸᐊᑦ, ᒋ ‍ ᓇᐊᔨᒪᐤ ᒐᒋ ᐱᒪᑎᓯᔨᒋ ᐊᓂᔭ ᑲ ‍ ᓂᑐᐛᔨᒪᑦ ᒐᒋ ᐱᒪᑎᓯᔨᒋ᙮ ᒋ ‍ ᒋᔅᑕᔨᒪᐤ ᐊᓂᔭ ᐛᒋ ‍ ᒋᔅᑕᔨᒪᑦ, ᑭᔭ ᒋ ‍ ᑐᑐᐛᐤ ᒐ ᐊᑲ ‍ ᒋᔅᑕᔨᒪᑭᓄᐎᔨᒋ ᐊᓂᔭ ᓇᑐᐛᔨᒪᑦ ᒐ ᐊᑲ ‍ ᒋᔅᑕᔨᒪᑭᓄᐎᔨᒋ᙮
\v 20 ᒥᒄ ᐃᔅᐱ ᑲ ‍ ᒋᔅᑕᔨᒥᓱᑦ ᑭᔭ ᑲ ‍ ᒥᔅᑯᔅᑎᒂᓇᑦ, ᒋ ‍ ᒥᓇᑭᓄᐅ ᐊ ‍ ᒋᓴᐅᒋᒪᐅᑦ᙮ ᓇᒪ ᓴᔅ ᐅᒋ ᐃᑕᔨᒪᐅᒡ ᐃᔪᒡ ᐊᒋ ᒋᒋ ‍ ᒋᔅᑕᔨᑕᑯᓯᔨᒋ᙮
\v 21 ᒋ ‍ ᒋᑎᓴᐅᑯᐤ ᐅᑯᐸᓇᒪ ᐊᓂᔭ ᐅᒋ ᒐ ‍ ᐊᑲ ᐸᓱᐛᒥᒪᑦ ᑯᑎᑲ ᐃᔪᐛ᙮ ᒋ ‍ ᑐᑐᐛᐤ ᒋᓴᒪᓂᑐᐤ ᒐᒋ ᐅᒥᑐᓇᔨᒋᑭᓂᔨᒋ ᒧᔭᒻ ᐊᐛᓯᓴ᙮ ᑲ ‍ ᐊᒂᑎᓯᔨᒋ ᑲᓂᐧᑲᑎᓯᔨᒋ ᑲᐸᐃᑭᔎᐛ ᒋ ‍ ᐎᒋᒪᐤ᙮ ᒥᔅᑯᓱᐛ ᒋ ‍ ᒥᒍᐤ ᒧᔭᒻ ᒥᒋᑎᒂ ᐊ ‍ ᐃᑎᔨᒋ, ᑭᔭ ᐊᓂᔅᑭᔅᑭᒥᑲᒡ ᒋᓯᑯᒡ ᐅᒋ ᒋ ‍ ᓂᐱᔪᔪᐤ ᐎᔪᐤ ᐊᓯᑯᒻ ᒋᔭᒋᓴᐸᔭᔨᒋ᙮ ᐊᐅᑯᓐ ᑲ ‍ ᐃᓯᓇᑯᓯᑦ ᐸᑎᒪ ᑲᒋ ‍ ᒋᔅᒐᔨᒪᑦ ᒋᒋ ‍ ᒋᓴᒪᓂᑐᐤ ᐃᔭᐅᔨᒋ ᑕᐸᔨᑎᒥᔨᒋ ᒋᓴᐅᒋᒪᐅᓇ ᐅᑕ ᐊᔅᒋᒡ, ᑭᔭ ᐎᔾ ᐃᔭᐛᔨᒪᑦ ᐊᐛᔪᐛ ᒐᒋ ᐅᒋᒪᐎᔨᒋ ᐊᓂᔭ ᒋᓴᐅᒋᒪᐅᓇ᙮
\p
\v 22 ᐊᑯ, ᐸᓪᓴᓴᕐ, ᒋᔾ ᒋᒋ ‍ ᒋᓴᐅᒋᒪᐅᓐ᙮ ᒋᔾ ᐃᔭᐱᒡ ᒋ ‍ ᒋᔅᒐᔨᑕᓐ ᐊᓂᔭ ᒐᒂᔪᐛ᙮ ᒥᒄ ᓇᒪ ᒋ ᐅᒋ ᑎᐱᑕᔨᑕᑯᐎᔨᓱᓐ᙮
\v 23 ᒋᒋ ‍ ᐃᑕᔨᒥᓱᓐ ᐊᑎᑐᐤ ᐊᒋ ‍ᒋᒋ ‍ ᐃᑕᔨᑕᑯᓯᔨᓐ ᐃᔅᐱᔅ ᒋᓴᒪᓂᑐᐤ, ᒋᒋᒋᓯᑯᒡ ᑎᐸᔨᒋᒐᓱᐤ᙮ ᐊᑯ ᒋᒋ ‍ ᐃᑎᓯᐛᑕᐅᒡ ᒋᑦ ᐊᑐᔅᒐᔭᑭᓐᒡ ᒐᒋ ᐸᑥᔅᒡ ᐊᓂᔭ ᐸᔭᒋ ‍ ᒥᓂᒂᑭᓇ, ᐊᓂᔭ ᑲ ‍ ᐱᔅᑎᓂᒧᐛᑭᓄᐅᑦ ᒋᒋ ‍ ᒋᓴᒪᓂᑐᐤ, ᑭᔭ ᐅᑦ ‍ ᐊᔭᒥᐊᐅᒋᐛᐱᒡ ᐊᓐᑕ ᒋᕈᓴᓕᒥᒡ ᑲ ᐅᒋ ‍ ᐅᑎᓐᑭᓄᐎᔨᒋ᙮ ᒋᔾ ᐎᔾ, ᑭᔭ ᒋᑯᐸᓇᒥᒡ ᑭᔭ ᒋᐅᒡ, ᑭᔭ ᒋᑎᒧᓯ ᒋᒋ ‍ ᒥᓂᒂᒐᓇᐛᐤ ᐅᔭ ᒥᓂᒂᑭᓇ, ᒪᒂᒡ ᐊᒪᒥᒋᒪᑯᒡ ᑎᐱᔨᐛ ᒋᒥᓂᑐᒧᐛᐅᒡ, ᐎᔄᐅᓱᓇᔭᐱᔅᑯᒡ, ᑭᔭ ᓱᓇᔭᐱᔅᑯᒡ, ᑭᔭ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᑯᒡ, ᑭᔭ ᐃᓴᑯᒡ, ᑭᔭ ᒥᔅᑎᑯᒡ, ᑭᔭ ᐊᓯᓂᒡ ᑲ ᐅᒋ ‍ ᐅᓴᐊᑭᓄᐅᒡ᙮ ᐊ ᐊᑲ ᒋ ‍ ᐛᐸᑕᒡ ᐊᓐᒡ ᒪᓂᑐᐅᒡ , ᐊᓐᒡ ᐊ ᐊᑲ ᐸᑕᒡ, ᑭᔭ ᐊ ᐊᑲ ᒋᔅᒐᔨᑕᒡ ᒐᒂᓂᔪᐤ ! ᓇᒪ ᒋ ᐅᒋ ‍ ᒋᔅᑕᔨᒪᐤ ᒋᓴᒪᓂᑐᐤ ᐊᓐ ᒪᔨᔅᒃ ᔭᔭᐅᓂᔪᐤ ᑭᔭ ᐃᔭᔭᑎᓇᐧᒃ ᒥᓯᐛ ᒐᒂᔪᐤ ᐊ ᐃᔅᐱᔪᐅᑦ᙮
\v 24 ᐊᑯ ᒋᓴᒪᓂᑐᐤ ᒋ ‍ ᐃᑎᓴᐊᒻ ᐊᓂᔭ ᒥᑎᒋᔪᐤ ᒐᒋ ᒥᓯᓇᑕᐊᒪᑯᔨᓐ ᐃᔨᒧᐅᓐ᙮
\p
\v 25 ᐊᐅᑯᔪᐤ ᐅᔭ ᐃᔨᒧᐅᓂᔪᐤ ᑲ ‍ ᒥᓯᓇᐊᐧᒃ: Mene, mene, tekel, parsin.
\p
\v 26 ᒪᐅ ᐊᑥᒥᑲᒋ ᐊᓂᔭ ᐃᔨᒧᐅᓇ: ᐟᒋ ‍ ᒋᑕᑭᓄᐅ ᐃᑥᒥᑭᓐ Mene᙮ ᐊᐅᑯᓐ ᐊᔅᒋᔄᒥᑲᒡ ᒋᓴᒪᓂᑐᐤ ᐊᒋ ‍ ᒋᑕᐧᒃ ᑕᓐ ᑕᑐ ᒋᓯᑲᐛ ᒐ ‍ ᐃᔅᐱᔅ ᑎᐸᔨᒋᒐᔨᓐ, ᑭᔭ ᓴᔅ ᒋ ‍ᐎᔭᔨᑎᒻ ᒐ ᐊᑲ ᓴᔅ ᑎᐸᔨᒋᒐᔨᓐ᙮
\li
\v 27 tekel ᐊᑎᐸᐸᑲᔨᑭᓄᐅᒡ ᐃᑥᒥᑭᓐ᙮ ᒧᔭᒻ ᐊᒋ ‍ ᑎᐸᐸᑲᐅᔅᒄ ᐊᓐᑕ ᑎᐸᐸᑲᔨᑭᓂᒡ ᒋᓴᒪᓂᑐᐤ, ᑭᔭ ᓇᒪ ᒋ ᑕᑐ ᐸᐸᑲᐃᑭᓇᓯᓐ ᒋᐸ ‍ ᑎᐸᐸᑲᔨᑭᓇᓯᓐ, ᐊᓐ ᐊᔅᒋᔄᒥᑲᒡ ᐊ ᐊᑲ ᐅᒋ ‍ ᑐᑎᒥᓐ ᐊᓐ ᒋᐸ ‍ ᑐᑕᓇᐱᓐ; ᓇᒪ ᒋᑦ ‍ ᐃᓯᓇᑯᓯᓐ ᒐᒋ ᒋᓴᐅᒋᒪᐎᔨᓐ᙮
\li
\v 28 parsin ᐊᑎᐸᓇᑭᓄᐅᒡ ᐃᑥᒥᑭᓐ, ᐊᐅᑯᓐ ᐊᔅᒋᔄᒥᑲᒡ ᒋᓴᒪᓂᑐᐤ ᓴᔅ ᐊᒋᑎᐸᓇᐧᒃ ᒋ ‍ ᒋᓴᐅᒋᒪᐅᓂᔪᐤ᙮ ᐱᔅᒐ ᐊᓐ ᒥᑎᐊ ᐅᒋ ᐃᔪᒡ ᑭᔭ ᐱᔅᒐ ᐱᕐᓯᐊ ᐅᒋ ᐃᔪᒡ ᒋᑭ ‍ ᑎᐸᔨᑎᒧᒡ᙮”
\p
\v 29 ᐊᑯ ᐸᓪᓴᓴᕐ ᒋ ‍ ᐃᑐᑎᒻ ᑕᓐ ᑲ ‍ ᐃᓯ ‍ ᐊᓱᑎᒪᒐᑦ᙮ ᓂᒋ ‍ ᐳᔅᑯᒧᑎᔨᒄ ᑲ ‍ ᐸᔅᒍᓴᐅᓇᑯᓂᔨᒡ ᐊᑯᐱᔪᐤ ᒧᔭᒻ ᐊᓂᔭ ᐊᓯᓇᑯᓂᔨᒡ ᑲ ‍ ᐳᔅᑲᐧᒃ᙮ ᓂᑯᔭᒡ ᓂᒋ ᐳᔅᑭᒧᑎᔨᒄ ᐊᐛᔄᐅᓱᓇᔭᐅᒡ ᐃᓴᒂᔭᐱᔪᐤ᙮ ᑭᔭ ᒋ ‍ ᐎᑎᒻ ᒥᒄ ᒐ ‍ ᓂᓯᔨᒋ ᑯᑎᑲ ᐊᐛᔪᐛ ᐊᑎᑐᐤ ᐊ ‍ ᒋᔅᑕᔨᑕᑯᓯᔨᒋ ᐃᔅᐱᔅ ᓂᔾ ᐊᓐᑕ ᐅᒋᓴᐅᒋᒪᐅᓂᒡ᙮
\p
\v 30 ᒥᒄ ᐊᓂᔭ ᐸᐃᑯᑕᐤ ᑕᐱᔅᑲᔨᒡ ᓂᑐᐱᔪᐤ-ᐃᔪᒡ ᒥᑎᐊ ᐅᒋ ᒋ ᐱᒐᐅᒡ ᐅᑕᓇᔪᐤ ᑭᔭ ᒂ ‍ ᓂᐸᐊᒡ ᐸᓪᓴᓴᕋ, ᐸᐱᓄᓂᔭᓂᒡ ᒋᓴᐅᒋᒪᐛ᙮
\v 31 ᑕᕆᐅᔅ, ᒥᑎᐊᔨᒡ ᒋᓴᐅᒋᒪᐤ, ᐸᐱᓄᓂᔭᓂᒡ ᒂ ‍ ᒋᓴᐅᒋᒪᐅᑦ ᐃᔅᐱ ᐊᓱᑕᒡ ᑕᑐᔪᐤ ᐊᓱ ᓂᓱ ‍ (62) ᑲ ‍ ᐃᑕᑐᐱᐳᓇᓯᑦ᙮
\c 6
\s1 ᑲ ‍ ᐱᑕᐛᐱᓇᑭᓄᐅᑦ ᑕᓂᔭᓐ ᒥᓯᐱᓱᐛ ᐅᐛᑎᑯᔨᒡ
\p
\v 1 ᒋᓴᐅᒋᒪᐤ ᑕᕆᐅᔅ ᒂ ‍ ᐎᔭᔨᑕᐧᒃ ᒐᒋ ᑎᐸᓇᐧᒃ ᐅᒋᓴᐅᒋᒪᐅᓐ ᐸᐃᑯ ‍ ᒥᑕᓯᒥᑎᓄᐤ ᐊᓱ ᓂᓱᔪᐤ (120) ᑕᑐᐤ ᐃᑕᐅᓇ ᐃᓯ᙮ ᒋ ‍ ᐅᑎᓇᐤ ᒋᓴᐅᒋᒪᓴ ᐸᐸᐃᒄ ᒐᒋ ᑎᐸᔨᑎᒥᔨᒋ ᑕᑐᐤ ᐃᑕᐅᓇ᙮
\v 2 ᐃᔭᐱᒡ ᑭᔭ ᓂᔾ ᓂᒋ ‍ ᐅᑎᓂᒄ ᑭᔭ ᓂᓱ ᑯᑎᑲ ᓇᐸᐛ ᐅᒋᒪᐛ ᒐᒋ ᐃᑎᐳᐅᒋᒡ, ᒐᒋ ᒋᑕᐱᒪᒡ ᒐᓴᐅᒋᒪᓴ ᑭᔭ ᒐᒋ ᓇᔅᒡ ᑯᐃᔅᒄ ᑐᑎᒥᔨᒂᓂ ᒋᓴᐅᒋᒪᐛ ᐅᑦ ‍ᐊᑐᔅᒐᐅᓂᔪᐤ, ᐊᑯ ᒪᒃ ᒐ ᐊᑲ ᐃᔭᔨᒪᔨᑎᒥᑯᔨᒋ ᒋᓴᐅᒋᒪᐛ ᒐᒂᔪᐤ᙮
\v 3 ᐎᐱᒡ ᓂᒋ ‍ ᐛᐸᑎᔨᐛᓐ ᐊᑎᑐᐤ ᐊ ‍ ᑭᔅᒋᑕᐅᒡ ᒐᒋ ᒥᐅ ‍ ᑐᑐᒧᒡ ᐊᑐᔅᒐᐅᓂᔪᐤ ᐃᔅᐱᔅ ᒥᓯᐛ ᑯᑎᑭᒡ ᐅᒋᒪᐛ ᑭᔭ ᒋᓴᐅᒋᒪᓴ᙮ ᐊᓂᔭ ᐅᒋ, ᒋ ‍ᒪᒥᑐᓇᔨᑎᒻ ᒐᒋ ᐅᑎᓂᑦ ᒐᒋ ᓇᑭᑐᐛᔨᑎᒧᒡ ᒥᓯᐛ ᐊᔅᐱᓴᔨᒡ ᐅᒋᓴᐅᒋᒪᐅᓐ᙮
\v 4 ᐊᑯ, ᑯᑎᑭᒡ ᐅᒋᒪᐅᒡ ᑭᔭ ᒋᓴᐅᒋᒪᓯᒡ ᒂ ‍ ᐅᑕᔨᑕᒡ᙮ ᐊᑯ ᒂ ‍ ᓇᓂᑐᐛᐸᑕᒡ ᒐᒋ ᒥᔅᑲᒡ ᒐᒂᔪᐤ ᒐᒋ ᐅᒋ ᐊᓏᔨᒥᒡ ᐊᓂᔭ ᐊ ᐃᓯ ‍ ᐊᑐᔅᒐᑐᐅᒥᒋ ᒋᓴᐅᒋᒪᐛ᙮ ᒥᒄ ᓇᓂᑎᒻ ᑕᑈᐅᓂᒡ ᑭᔭ ᑯᐃᔅᑯᐃᑐᐅᓂᒡ, ᑭᔭ ᓇᒪ ᓂᑕ ᐅᒋ ᒋᑎᒥᓐ᙮ ᐊᑯ ᓇᒪ ᐅᒋ ᒥᔅᑭᒧᒡ ᒐᒂᔪᐤ ᒐᒋ ᐊᓏᔨᒥᒡ᙮
\v 5 ᒂ ‍ ᐃᑎᑐᒡ, “ᐊᔪᐅᒄ ᒥᒄ ᒐᒋ ᒥᔅᑭᒺᐧᒄ ᒐᒂᔪᐤ ᒐᒋ ᐅᒋ ᐊᓏᔨᒪᒄ ᑕᓂᔭᓐ ᒐᒂᔪᐤ ᐊᓂᔭ ᐅᒋ ᑲ ‍ ᒥᔨᑯᑦ ᐅᒪᓂᑐᒪ᙮”
\p
\v 6 ᐊᑯ ᐅᒋᒪᐅᒡ ᑭᔭ ᒋᓴᐅᒋᒪᓯᒡ ᒪᒧᐤ ᒂ ᓂᑐᐛᐱᒪᒡ ᒋᓴᐅᒋᒪᐛ ᑭᔭ ᒂ ‍ ᐃᑕᒡ, “ᐅ ᒋᓴᐅᒋᒪᐤ, ᓂᐱᑯᓴᔨᑕᓇᓐ ᓇᐅᔅ ᒐᒋ ᐱᒪᑎᓯᔨᓐ !
\v 7 ᓂᓇᓐ, ᐅᒋᒪᐅᒡ ᑭᔭ ᒋᓴᐅᒋᒪᓯᒡ ᑭᑕ ᐃᑕᐅᓂᒡ ᒋᓴᐅᒋᒪᓯᒡ ᑭᔭ ᑲ ‍ ᐛᐎᒋᔨᐛᓯᒡ ᑭᔭ ᑯᑎᑭᒡ ᑯᐸᓇᓯᒡ ᒥᓯᐛ ᒋ ‍ ᓂᔅᑯᒧᐅᒡ ᒐᒋ ᐅᓯᑕᔨᓐ ᐎᓱᐛᐅᓐ ᒥᓯᐛ ᐊᐛᓐ ᒐᒋ ᓂᓇᐃᑕᐧᒃ᙮ ᒋ ‍ ᓂᑐᐛᔨᑎᒪᑎᓇ ᒐᒋ ᐃᑎᓱᐛᔨᓐ ᒋᔾ ᒥᒄ ᒐᒋ ᐊᔭᒥᐊᔅᑕᔅᒡ ᐃᔪᒡ ᓂᔅᑐᔪᐛᒋᓯᑲᐛ ᐃᔅᐱᔅ᙮ ᐊᐛᓐ ᐃᔨᒪᔅᑐᐛᒐ ᑯᑎᑲ ᐊᐛᔪᐛ, ᐃᔪᐛ ᑭᔭ ᒪᒃ ᒥᓂᑐᐛ, ᒥᓯᐱᓱᐛ ᐅᐛᑎᑯᔨᒡ ᒋᑭ ᐎ ‍ ᐃᓯ ‍ ᐱᑕᐛᐱᓇᑭᓄᐅ᙮
\v 8 ᑭᔭ ᐛᔅ ᐃᑎᓱᐛᐅᓇ ᑲ ‍ ᑐᑕᒡ ᒥᑎᐊ ᑭᔭ ᐳᕐᓯᐊ ᓂᒋᓴᐅᒋᒪᒥᓇᓐᒡ ᐊ ᐊᑲ ᒋ ‍ ᒥᔅᑯᑐᓇᑭᓄᐎᔨᒋ, ᒋ ‍ ᓂᑐᐛᔨᒥᑎᓇᓐ ᒋᔾ, ᓇᑲᓂᔅᑯᐅᑦ ᓂ ‍ ᒋᓴᐅᒋᒪᒥᓇᓐ, ᒐᒋ ᒥᓯᓇᑕᐅᑎᓱᐎᔨᓐ ᐊᓐ᙮”
\v 9 ᐊᑯ ᒋᓴᐅᒋᒪᐤ ᑕᕆᐅᔅ ᐛ ᐃᔅᑕᑦ ᐃᑎᓱᐛᐅᓂᔪᐤ ᑭᔭ ᒪᓯᓇᑕᐅᑎᓱᑦ᙮
\p
\v 10 ᒥᒄ ᐃᔅᐱ ᒐᔅᒐᔨᑎᒪᓐ ᑲᒋ ‍ ᐎᔅᑕᑦ ᑭᔭ ᑲ ‍ ᒥᓯᓇᑕᐅᑎᓱᑦ ᒋᓴᐅᒋᒪᐤ ᐊᓂᔭ ᐃᑎᓱᐛᐅᓂᔪᐤ, ᓂᒋ ‍ ᒋᐛᓐ᙮ ᒂ ‍ ᓂᐱᔅᑯᐱᔭᓐ ᐊᓐᑕ ᐃᔅᐱᒥᒡ ᓂᑲᐱᔅᒋᒐᔭᒥᒡ ᑭᔭ ᐊ ‍ ᐃᔨᒪᐊᔭᓐ᙮ ᒋᕈᓴᓕᒥᒡ ᐃᓯ ᓂᒋ ‍ ᐃᑕᐱᓐ, ᑭᔭ ᒋ ‍ ᓴᓂᑭᓄᐅᐛ ᓯᐳᐛᔅᑕᔨᑕᑭᓇ ᐊᓂᔭ ᐅᒋ ᒥᓯᐛ ᐊᐛᓐ ᒐᒋ ᐛᐱᒥᑦ ᒪᒂᒡ ᐊᔭᒥᐊᐅᒡ᙮ ᓂᔍᐤ ᐊᓯᑯᒻ ᒋᓯᑲᐛ ᓂᒋ ‍ ᐊᔭᒥᐊᓐ, ᒧᔭᒻ ᓇᓂᑎᒻ ᑲᒋ ‍ ᐃᑎᔭᓐ, ᐊᓂᓇᔅᑯᒥᒄ ᒋᓴᒪᓂᑐᐤ᙮
\v 11 ᒪᒧᐤ ᒋᑎᑯᓯᓄᐅᒡ ᓂᒋᓇᒡ ᐅᒋᒪᐅᒡ ᑭᔭ ᓂᒋ ‍ ᐛᐱᒥᑯᒡ ᐊᔭᒥᐊᐅᒡ ᑭᔭ ᓇᑐᐛᔨᑎᒧᐅᒄ ᒐᒋ ᐎᒋᔨᑦ ᒋᓴᒪᓂᑐᐤ᙮
\v 12 ᐊᑯ ᑲᐤ ᒂ ‍ ᓂᑐᐛᐱᒪᒡ ᒋᓴᐅᒋᒪᐛᐤ ᑭᔭ ᐊᑕᒡ, “ᒋ ‍ ᒋᔅᒋᓐ ᐊ ᑲ ᐎᔅᑕᔨᓐ ᐃᑎᓱᐛᐅᓐ ᐊᐎᑎᒥᓐ ᒋᔾ ᒥᒄ ᒐᒋ ᐊᔭᒥᐊᔅᑕᔅᒡ ᐃᔪᒡ ᓂᔅᑐᔪᐛᒋᓯᑲᐛ ᐃᔅᐱᔅ, ᑭᔭ ᐊᐛᓐ ᐃᔨᒪᔅᑐᐛᒐ ᑯᑎᑲ ᐊᐛᔪᐛ, ᐃᔪᐛ ᑭᔭ ᒪᒃ ᒥᓂᑐᐛ, ᒥᓯᐱᓱᐛ ᐅᐛᑎᑯᔨᒡ ᒐ ᐃᓯ ‍ ᐱᑕᐛᐱᓇᑭᓄᐅᑦ ?”
\p ᒂ ᐃᑕᑦ ᒋᓴᐅᒋᒪᐤ, “ᓂᐃ, ᐊᐅᑯᓐ ᐃᑎᓱᐛᐅᓐ ᑲ ‍ ᐎᔅᑕᔭᓐ᙮ ᐊᐅᑯᓐ ᐃᑎᓱᐛᐅᓐ ᒥᑎᐊ ᑭᔭ ᐳᕐᓯᐊ ᒋᒋᓴᐅᒋᒪᒥᓄᐅᒡ ᐊ ᐊᑲ ᒋ ‍ ᒥᔅᑯᑐᓇᑭᓄᐎᔨᒡ᙮”
\p
\v 13 ᐊᑯ ᒂ ᐃᑕᒡ ᒋᓴᐅᒋᒪᐛ, “ᐊᓐ ᐃᔪᐤ ᑕᓂᔭᓐ, ᐸᐃᒄ ᐊᓐ ᓇᐸᐤ ᑲ ‍ ᐸᓱᐛᑭᓄᐅᒡ ᒍᑕ ᐅᒋ, ᓇᒪ ᒋ ‍ ᓂᓇᔨᑕᒄ ᑭᔭ ᒪᒃ ᐊᓂᔭ ᐃᑎᓱᐛᐅᓂᔪᐤ ᑲ ‍ ᒥᓯᓇᑕᐅᑎᓱᐅᑦ᙮ ᐅᒪᓂᑐᒪ ᐊᔭᒥᐊᔅᑐᐛᐤ ᓂᔍᐤ ᐊᓯᑯᒻ ᒋᓯᑲᐛ᙮”
\v 14 ᐃᔅᐱ ᒋᓴᐅᒋᒪᐤ ᐱᔭᑕᐧᒃ ᐊᓂᔭ, ᒋᒋᐛ ᒋ ‍ ᒥᑯᔅᑲᑕᔭᐃᑎᒻ᙮ ᒋ ᐎ ‍ ᑯᒋᑕᐤ ᒐᒋ ᒥᔅᑲᐧᒃ ᒐᒋ ᐱᒪᒋᔨᑦ᙮ ᐃᔅᑭᓂᒋᓯᑲᐛ ᒋ ‍ ᒪᒥᑐᓇᔨᑎᒻ ᑕᓐ ᒐ ‍ᐃᓯ ‍ ᐱᑯᐎᔨᑦ᙮
\p
\v 15 ᐛᑕᑯᓯᔨᒡ, ᒥᒐᑦ ᑯᐸᓇᓯᒡ ᒪᒧᐤ ᒋ ‍ ᓂᑐᐛᐱᒪᐅᒡ ᒋᓴᐅᒋᒪᐛ ᑭᔭ ᒂ ‍ ᐃᑕᒡ, “ᒋᓴᐅᒋᒪᐤ, ᒋ ‍ ᒋᔅᒐᔨᑕᓐ ᒥᑎᐊ ᑭᔭ ᐳᕐᓯᐊ ᒋᒋᓴᐅᒋᒪᒥᓄᐅᒡ ᓴᔅ ᑲ ‍ ᐎᑕᒡ ᒐ ᐊᑲ ‍ᒋ ‍ ᒥᔅᑯᑎᓇᑭᓄᐎᔨᒡ ᐃᑎᓱᐛᐅᓂᔪᐤ ᑲ ‍ ᒥᓯᓇᑕᐅᑎᓱᑦ ᒋᓴᐅᒋᒪᐤ᙮ ᐊᑯ ᒋᑭ ᐎ ‍ ᐱᑕᐛᐱᓇᑭᓄᐅ ᑕᓂᔭ ᐊᓐᑕ ᒥᓯᐱᓱᐛ ᐅᐛᑎᑯᐎᔨᒡ !”
\p
\v 16 ᐊᑯ ᒂ ᐃᑎᓱᐛᑦ ᒋᓴᐅᒋᒪᐤ ᑭᔭ ᐅᑯᐸᓇᒪ ᒂ ‍ ᐃᑐᑕᔨᒋ ᑭᔭ ᐸᑎᓱᐛᐱᓂᔨᒋ ᐊᓐᑕ ᐊ ‍ ᑕᔨᒋ ᒥᓯᐱᓱᐛ᙮ ᐊᒺᔭ ᐱᑎᓱᐛᐱᓂᒡ, ᓂᒋ ‍ ᐃᑎᒄ ᒋᓴᐅᒋᒪ, “ᓂᑦ ᐊᔅᐸᔨᒧᓐ ᒋᒋᓴᒪᓂᑐᒻ, ᐊᓐ ᓇᓂᑎᒻ ᐊᔭᒥᐊᔅᑐᐅᑦ, ᒐ ‍ ᐱᐧᑯᐃᔅᒄ !”
\p
\v 17 ᒂ ‍ ᒋᐱᓯᒪᒡ ᐊᒥᓯᑎᔨᒋ ᐊᓯᓂᔭ ᐊᓐᑕ ᐛᒋᐱᒐᓄᐎᔨ ᐊᐛᑎᑯᒡ᙮ ᐊᑯ ᒋᓴᐅᒋᒪᐤ ᒂ ᐃᑕᐸᑯᒧᑕᑦ ᐱᓯᔪᐤ ᐊᓐᑕ ᐊᒋᐱᒐᓄᐎᔨᒡ ᑭᔭ ᐊ ‍ ᐃᑐᐤ ᒂ ‍ ᐱᒥᔪᐛᒋᓇᐧᒃ, ᑭᔭ ᒂ ᐅᑕᒪᐊᐧᒃ ᐅᑦ ᐊᐱᒋᒐᐱᓱᓂᒡ ᒥᓯᓇᐃᑭᓂᔪᐤ ᐅᒋ ᑭᔭ ᐅᑯᐸᓇᒪ ᐅᑦ ᐊᐱᒋᒐᐱᓱᓂᔨᒡ ᐅᒋ, ᐊᓂᔭ ᐅᒋ ᒐ ᐊᑲ ᒋᒧᑦ ᐱᐧᑯᔨᑦ ᐊᐛᓐ᙮
\v 18 ᐊᑯ ᑲᐤ ᒂ ᐃᑐᑕᑦ ᒋᓴᐅᒋᒪᐤ ᐅᒋᓴᐅᒋᒪᐅᒋᐛᐱᒡ᙮ ᐊᓂᔭ ᑕᐱᔅᑲᔨᒡ ᓇᒪ ᐅᒋ ᐎ ‍ ᒥᒋᓱᐤ᙮ ᓇᒪ ᐅᒋ ᓇᐊᔨᒪᐤ ᐊᐛᔪᐛ ᒐᒋ ᒥᔽᔨᑎᒥᔨᑯᑦ ᐛᔅ ᓇᒪ ᐅᒋ ᓂᑐᐛᔨᑎᒻ ᒐᒋ ᒥᔽᔨᑕᐧᒃ, ᐊᓂᔭ ᐅᒋ ᒐᒋ ᐅᓂᒋᔅᒋᑐᐅᑦ᙮ ᑭᔭ ᐊᓂᔭ ᑕᐱᔅᑲᔨᒡ ᓇᒪ ᐅᒋ ᓂᐸᐤ ᐛᔅ ᐊᒋ ‍ ᐊᔨᒪᔨᑎᒥᔨᒃ᙮
\p
\v 19 ᐱᔭᑕᐱᓂᔨᒡ, ᒂ ‍ ᐅᓂᑦ ᑭᔭ ᒋᔅᑎᑉ ᒂ ‍ ᐃᑐᑕᑦ ᐊᓐᑕ ᐛᑎᑯᒡ ᐊᓐᑕ ᐊ ‍ ᑕᔨᒋ ᒥᓯᐱᓱᐛ᙮
\v 20 ᐱᐊᓱᐛᐸᑕᐧᒃ, ᒋᒋᐛ ᒋ ‍ ᐊᔨᒪᔨᑎᒻ᙮ ᒂ ‍ ᑕᑈᑦ, “ᑕᓂᔭᓐ, ᒋᔾ ᑲ ‍ ᐊᑐᔅᑯᐅᑦ ᒥᓯᐛ ᐊ ᐃᓯ ‍ ᓱᐧᑲᑎᓯᑦ ᒋᓴᒪᓂᑐᐤ ! ᒋ ‍ ᐃᑐᑎᒻ ᐊ ᒋᒋᓴᒪᓂᑐᒻ, ᐊᓐ ᓇᓂᑎᒻ ᐊᔭᒥᐊᔅᑐᐅᑦ, ᒐᒋ ᐱᒪᒋᔨᔅᒃ ᒥᓯᐱᓱᐛ ᐅᒋ ?”
\p
\v 21 ᒂ ‍ ᐃᑎᒃ, “ᐅ ᒋᓴᐅᒋᒪᐤ, ᓂᑦ ‍ ᐊᔅᐸᔨᒧᓐ ᓇᐅᔅ ᒐᒋ ᐱᒪᑎᓯᔨᓐ !
\v 22 ᓂᐃ, ᓂᒋᓴᒪᓂᑐᒻ ᒋ ‍ ᐸᑎᓴᐛᐤ ᐊᓐᒋᓇ ᒐᒋ ᒋᐸᐊᒺᔨᒋ ᐅᑐᓂᔪᐤ ᒥᓯᐱᓱᐛ, ᐊᓂᔭ ᐅᒋ ᒐ ᐊᑲ ᒋ ‍ ᐊᐧᑯᐃᔨᒡ ! ᒋ ‍ ᐃᑐᑎᒻ ᐅᔭ ᐛᔅ ᒋᔅᒐᔨᑎᒻ ᐊ ‍ᐊᑲ ᐅᒋ ᒥᒋ ‍ ᑐᑎᒧᒡ᙮ ᑭᔭ, ᐅ ᒋᓴᐅᒋᒪᐤ, ᓇᒪ ᓂᑕ ᒋ ᐅᒋ ‍ ᐅᓂᑐᑕᑎᓐ !”
\p
\v 23 ᒋᒋᐛ ᒋ ‍ ᒥᔽᔨᑎᒻ ᒋᓴᐅᒋᒪᐤ, ᑭᔭ ᒂ ‍ ᐃᑎᓱᐛᑕᑦ ᐅᑦ ‍ ᐊᐱᒋᐊᑭᓇ ᒐᒋ ᐅᒋᐱᓯᔨᒋ ᐊᐛᑎᑯᒡ ᐅᒋ᙮ ᐃᔅᐱ ᐊᓂᔭ ᑲ ‍ ᑐᑕᒡ, ᒋ ‍ ᐛᐸᑎᒧᒡ ᐊ ‍ ᐊᑲ ᐅᒋ ᐅᓯᑯᔨᒋ ᒥᓯᐱᓱᐛ᙮ ᓂᒋ ‍ ᑭᓄᐛᔨᒥᒄ ᒋᓴᒪᓂᑐᐤ ᐛᔅ ᓂᒋ ‍ ᑕᑈᐛᐅᒐᔨᒪᐤ᙮
\p
\v 24 ᐊᑯ ᒋᓴᐅᒋᒪᐤ ᒂ ‍ ᐃᑎᓱᐛᑦ ᐊᓂᔭ ᓇᐸᐛ ᑲ ‍ ᐊᑕᒪᔨᒥᔨᒋ ᒐᒋ ᒪᑭᓇᑭᓄᐎᔨᒋ ᑭᔭ ᐱᑕᐛᐱᓇᑭᓄᐎᒋ, ᐊᓯᒡ ᐎᐎᐛ ᑭᔭ ᐅᑦ ‍ᐊᐛᓯᒥᔨᐛ, ᐊᓐᑕ ᐊᐛᑎᑯᒡ ᐊᓐᑕ ᑲ ‍ ᐃᑕᔨᒋ ᒥᓯᐱᓱᐛ, ᐃᔅᐱ ᑲ ‍ ᐱᑕᐛᐱᓇᑭᓄᐅᒡ ᐊᓐᑕ ᐊᐛᑎᑯᒡ, ᒂ ‍ ᒂᔅᑲᐱᑕᑯᒡ ᒥᓯᐱᓱᐛ ᑭᔭ ᒂ ‍ ᓯᑯᒪᑎᒥᔨᒋ ᐅᔅᑭᓄᐛᐛ ᐊᒺᔭ ᐸᒋᓯᒡ ᐊᓐᑕ ᐊᓇᒡ ᐊᐛᑎᑯᒡ !
\p
\v 25 ᐊᑯ ᒋᓴᐅᒋᒪᐤ ᑕᕆᐊᔅ ᒂ ‍ ᒥᓯᓇᐊᐧᒃ ᐃᔨᒧᐅᓂᔪᐤ ᑭᔭ ᐊᑎᓴᐊᒧᐛᑦ ᒥᓯᐛ ᐃᔪᐛ ᐊ ‍ ᐃᑎᔅᑲᓇᓯᔨᒋ ᑭᔭ ᐊ ‍ ᑕᑐᑕᐅᓯᔨᒋ ᑭᔭ ᒥᓯᐛ ᐊ ᐃᓯ ‍ ᐃᔨᒥᔨᒋ ᐅᒋ ᐊᓐᑕ ᒥᓯᐛ ᐅᒋᓴᐅᒋᒪᐅᓂᒡ:
\b
\pi “ᓂᑦ ᐊᔅᐸᔨᒧᓐ ᒥᓯᐛ ᒐ ᐃᓯ ‍ ᒥᔪᐱᔨᔭᒄ !
\pi
\v 26 ᓂᑦ ᐃᑎᓱᐛᑕ ᒥᓯᐛ ᐊᐛᓐ ᐊᓐᑕ ᓂᒋᓴᐅᒋᒪᐅᓂᒡ ᒐᒋ ᓇᓂᒋᔅᑐᐛᑦ ᑭᔭ ᒋᔅᑕᔨᒪᑦ ᒋᓴᒪᓂᑐᐛᑦ ᐊᓂᔭ ᑕᓂᔭᓐ ᐊᔭᒥᐊᔅᑐᐛᑦ,
\q1 ᐎᔾ ᐊᓐ ᒥᓯᐛ ᐊᓯᓱᐧᑲᑎᓯᑦ ᒋᓴᒪᓂᑐᐤ,
\q2 ᑭᔭ ᒧᔅ ᑲᒋᒡ ᒋᑭ ‍ ᐱᒪᑎᓯᐤ᙮
\q1 ᓇᒪ ᓂᑕ ᒋᑭ ‍ ᓂᓱᐅᓇᒋᑕᑭᓄᐎᔪᐤ ᐅᒋᓴᐅᒋᒪᐅᓐ;
\q2 ᒧᔅ ᑲᒋ ᒋᑭ ‍ ᑎᐸᔨᒋᒐᐤ᙮
\q1
\v 27 ᐱᑯᐛᐊᐤ ᑭᔭ ᐱᒪᒋᐊᐤ ᐅᑦ ᐃᔨᒪ᙮
\q2 ᐃᑐᑎᒻ ᒥᓯᐛ ᐊ ᐃᓯ ‍ ᓇᑯᓂᔨᒋ ᒪᒥᔅᑲᒡ ᒐᒂᔪᐛ
\q2 ᐊᓐᑕ ᒋᒋᒋᓯᑯᒡ ᑭᔭ ᐊᔅᒋᒡ᙮
\q1 ᒋ ‍ ᐱᑯᐛᐊᐤ ᑕᓂᔭᓇ ᒥᓯᐱᓱᐛ ᐅᓱᐧᑲᑎᓯᐅᓂᔨᒡ ᐅᒋ᙮
\p
\v 28 ᐊᑯ ᓂᒋ ‍ ᒥᔪᔨᓐ ᒥᓯᐊ ᒪᒂᒡ ᑲ ‍ ᑎᐸᔨᒋᒐᑦ ᑕᕆᐊᔅ ᑭᔭ ᒪᒂᒡ ᓴᐃᕈᔅ ᐱᕐᓯᐊ ᒋᓴᐅᒋᒪᐤ, ᑲ ᑎᐸᔨᒋᒐᑦ᙮
\c 7
\s1 ᑕᓂᔭᓐ ᑲ ‍ ᐳᐛᑕᑦ ᓇᐤ ‍ (4) ᒥᓂᑐᓴ
\p
\v 1 ᒪᒂᒡ ᐅᔅᑭᒡ ᐱᐳᓂᔪᐤ ᑲ ‍ ᒋᓴᐅᒋᒪᐅᑦ ᐸᓪᓴᓴᕐ ᐸᐱᓄᓂᔭᓂᒡ, ᓂᒋ ‍ ᐳᐛᒧᓐ ᑭᔭ ᓂᒋ ‍ ᐃᓯᓇᓐ ᐸᐃᒂᐤ ᑕᐱᔅᑲᒡ ᒪᒂᒡ ᑲ ‍ ᐱᒥᓯᓂᔭᓐ ᓂᓂᐸᐅᓂᒡ᙮ ᒥᓐ ᒋᔭᒋᓴᐸᔭᒡ ᓂᒋ ‍ ᐎᔅᑕᓐ ᑕᓐ ᑲ ‍ ᐃᑕᐸᑎᒪᓐ᙮ ᒪᐅ ᑲ ‍ ᐃᑎᔅᑕᔭᓐ:
\p
\v 2 ᓂᔾ, ᑕᓂᔭᓐ, ᓂᒋ ‍ ᐃᓯᓇᓐ ᑕᐱᔅᑲᒡ᙮ ᐊᓐᑕ ᐃᓯᓂᒧᐅᓂᒡ ᓇᐎᔨᒡ ᐊᐅᑕᔭᒡ ᒋ ‍ ᐅᑎᓐ, ᐊᔭᑕᔭᑭᒥᐱᔨᒡ ᓂᐱᔾ ᐊᓐᑕ ᐎᓂᐸᑯᒡ᙮
\v 3 ᐊᑯ ᒂ ‍ ᐛᐱᒥᒂᐤ ᓇᐤ ᒥᓂᑐᓯᒡ ᐊᐅᒋᓴᒋᐱᔨᒡ ᐎᓂᐸᑯᒡ᙮ ᑕᑎᐸᓐ ᒋ ᐃᓯᓇᑯᓯᐅᒡ ᐊᓐᒡ ᐊᓇᐅᒡ᙮
\p
\v 4 ᒥᓯᐱᓱᐤ ᒋ ‍ ᐃᓯᓇᑯᓱᐤ ᐊᓐ ᐅᔅᑭᒡ, ᒥᒄ ᒋ ‍ ᐅᑎᑎᑯᓄᐤ ᒧᔭᒻ ᒥᒋᓱᐤ ᐊ ᐃᓯ ‍ ᑭᓄᐛᔨᒪᑦ᙮ ᒥᒄ ᒪᒂᒡ ᐊ ‍ ᐃᑕᐱᔭᓐ, ᒋ ‍ ᑎᑯᓂᔪᐤ ᒐᒂᓂᔪᐤ ‍ ᐸᑯᐱᑕᔨᒋ ᐅᑎᑎᑯᓇ (ᒋ ‍ ᒥᓂᐱᑕᑭᓄᔪᐛ ᐅᑎᑎᑯᓇ)᙮ ᒋ ‍ ᓂᑭᑕᑭᓄᐅ ᐊᓐᑕ ᒥᓂᑐᔅ, ᐊᓇᓂᐳᐅᑦ ᐊᓂᓯᓂᔨᒋ ᐅᑕᒡ ᐅᓯᑕ, ᒧᔭᒻ ᐊ ᐃᓯᑲᐳᐅᑦ ᐃᔪᐤ᙮ ᑭᔭ ᒋ ‍ ᒥᔭᑭᓄᐅ ᒥᑐᓇᔨᒋᑭᓂᔪᐤ ᒧᔭᒻ ᐊ ᐃᓯ ‍ ᐃᔭᔨᒋ ᐃᔪᐛ ᒥᑐᓇᔨᒋᑭᓂᔪᐤ᙮
\p
\v 5 ᐊᓐ ᓂᓱ ‍ (2) ᐊᑕᑦ ᒥᓂᑐᔅ ᒋᓴᔭᒂ ᒋ ‍ ᐃᓯᓇᑯᓱᐤ᙮ ᐊ ᐅᑎᑎᐱᑦ, ᑭᔭ ᓂᔅᑐ ‍ (3) ᐅᔅᐱᒐᑭᓇ ᒋ ‍ ᑕᐧᑯᑕᑎᒻ ᑯᑎᑲ ᐊᐛᓯᓴ ᐅᒋ ᑲᒋ ‍ ᓂᐸᐊᒂ ᑭᔭ ᑲ ‍ ᒧᐛᒂ᙮ ᒂ ‍ᐃᑕᑦ ᐊᐛᓐ (ᐃᔅᒋᔄᓄᐅ), “ᐱᓯᑯᐤ ᑭᔭ ᒥᒋᔾ ᒥᒄ ᐛ ᐃᔅᐱᔅ ‍ ᒥᒋᔨᓐ ᐎᔭᔅ !”
\p
\v 6 ᐊᑯ ᒂ ‍ ᐛᐱᒥᒄ ᓂᔅᑐ ‍ (3) ᐊᑕᑦ ᒥᓂᑐᔅ᙮ ᐊᐸᐸᑕᐅᓯᑦ ᒥᓯᐱᓱᐤ ᒋ ‍ ᐃᓯᓇᑯᓱᐤ ᒥᒄ ᒋ ‍ ᓇᐅᓂᔨᐛ ‍ (4) ᐅᑎᑎᐧᑯᓇ ᐅᔅᐱᔅᑯᓂᒡ ᐊᐅᒋ ‍ ᓴᔅᒋᓂᔨᒋ᙮ ᒧᔭᒻ ᐱᔭᓯᓴ ᐅᑎᑎᑯᓂᔨᐛ ᒋ ‍ ᐃᓯᓇᑯᓯᔨᐛ᙮ ᒋ ‍ ᓇᐅᓂᔨᐛ ‍ (4) ᐅᔅᑎᒂᓇ᙮ ᒋ ‍ ᒥᔭᑭᓄᐅ ᑎᐸᔨᒋᒐᐅᓂᔪᐤ ᒐᒋ ᑎᐸᔨᒪᑦ ᐃᔪᐛ᙮
\p
\v 7 ᐊᓐᑕ ᐃᓯᓂᒧᐅᓂᒡ ᓇᐤ ‍ (4) ᐛᒋᑕᑦ ᒥᓂᑐᔅ ᓂᒋ ‍ ᐛᐱᒪᐤ᙮ ᐊᑎᑐᐤ ᒋ ‍ ᓱᒋᓯᐅ ᐃᔅᐱᔅ ᑯᑎᑲ ᒪᓂᑐᓴ, ᑭᔭ ᐊᑎᑐᐤ ᒋ ‍ ᑯᔅᑕᑎᑯᓯᐅ᙮ ᒋ ‍ ᓯᑯᒪᐤ ᑯᑎᑲ ᒥᓂᑐᓴ ᓇᔅᒡ ᐊᒂᓯᓇᑯᓂᔨᒋ ᐊ ‍ ᐃᓴᑯᔨᒋ ᐎᐱᑕ ᑭᔭ ᒋ ‍ ᒥᒋᐛᐤ ᐅ ‍ ᐎᔭᓯᐅ᙮ ᐊᓂᔭ ᐱᔅᒐ ᐎᔭᔪᐤ ᐊ ᐊᑲ ᐅᒋ ‍ ᐱᒋᔅᒋᒪᑦ ᐎᐱᑕ ᐅᒋ, ᒋ ‍ ᐱᓂᔅᑯᔅᑯᐛᐤ ᐊᓐᑕ ᒧᔅᑎᔅᑭᒥᒡ᙮ ᑕᑎᐸᓐ ᒋ ᐃᓯᓇᑯᓯᐅᒡ ᐊᓐᒡ ᓂᔅᑐ ‍ (3) ᑯᑎᑭᒡ ᒥᓂᑐᓯᒡ ᐅᒋ᙮ ᒋ ‍ ᐸᐃᑯᔪᐛᒥᑭᓂᔨᐛ ‍ (10) ᐅᑕᔅᑭᓇ ᐅᔅᑎᒂᓂᒡ᙮
\p
\v 8 ᒪᒂᒡ ᐊ ‍ ᒋᑕᐸᑎᒪᓐ ᐊᓂᔭ ᒥᑕᔅᑭᓇ, ᓂᒋ ‍ ᐛᐱᒪᐤ ᐊᐱᓯᓯᑦ ᒥᑕᔅᑭᓐ ᐊ ᐅᒋ ‍ ᓄᑯᓯᑦ ᐊᓐᑕ ᒥᓂᑐᔅ ᐅᔅᑎᒂᓂᒡ᙮ ᒋ ‍ ᒥᓂᐱᑎᒻ ᓂᔅᑐ ‍ (3) ᑯᑎᑲ ᒥᑕᔅᑭᓇ᙮ ᒋ ‍ ᐅᔅᒋᓯᑯᐤ ᐊᓐ ᑲ ‍ ᐱᓯᓯᑦ ᒥᑕᔅᑭᓐ ᒧᔭᒻ ᐊ ᐃᓯ ‍ ᓇᑯᓂᔨᒋ ᐃᔪᐤ ᐅᔅᒋᓯᒂ, ᑭᔭ ᒋ ‍ ᐅᑐᓄᐤ ᐊ ‍ ᒥᒥᑕᑯᒧᐤ ᐃᔨᒥᑦ᙮
\s2 ᑕᓂᔭᓐ 7:9-10, 13-14 (Proper-29 Year B)
\p
\v 9 ᒪᒂᒡ ᒪᒃ ‍ ᐊ ‍ ᐃᔨᑕᐱᔭᓐ,
\q ᐃᔅᐱ ᐊᓂᔭ ᐅᒋᒪᐅ-ᑕᑎᐳᐛᑭᓇ ᐊᒋ ‍ ᒥᔪᔅᑕᑭᓄᐅᒋ, ᑭᔭ ᐃᔅᐱ ᒪᐅᒡ ᐛᔅᑭᒡ ᐊ ‍ ᐅᒋᓯᑲᒥᑦ ᐊᒋ ‍ ᐊᐱᑦ, ᐅᑦ ᐊᐱᒋᑕᐅᓇ ᓇᔅᒡ ᒋ ‍ ᐛᐸᔪᐛ ᒧᔭᒻ ᑯᓇ,
\q ᐅᐱᔎᐅᓐ ᑭᔭ ᒋ ‍ ᐛᐸᔪᐤ ᒧᔭᒻ ᒪᔭᑕᓂᔅ ᐅᐱᐎᔭ;
\q ᐅᑦ ᐅᒋᒪᐤ ᑕᑎᐳᐛᑭᓐ ᒋ ‍ ᐃᓯᓇᒂᓂᔪᐤ ᒧᔭᒻ ᐊ ‍ ᓴᔅᒋᑕᒡ, ᑭᔭ ᐅᑲᑎᑎᐱᔨᒪ ᒧᔭᒻ ᐊ ‍ ᐛᔭᑕᒡ ᐃᔅᑯᑕᐤ᙮
\q
\v 10 ᑲ ‍ ᐃᔅᑯᑕᐅᒡ ᓯᐱᔅ ᒋ ‍ ᒧᔅᒋᒍᐅᓐ ᑭᔭ ᒋ ᐸᒋ ‍ ᐅᒋᐱᔪᐤ ᐊᓐᑕ ᐊ ‍ ᐸᑕᔅᑎᒥᐱᑦ;
\q ᒋ ‍ ᐊᑐᔅᒐᔅᑕᑯᐤ ᒋᓴᒥᑕᓯᒥᑎᓄᐛᐤ ᒐᓯᐱᔪᐤ: ᑭᔭ ᒋᓴᒥᑕᓯᒥᑎᓄᐛᐤ ᒐᓯᐱᔪᐤ ᒋ ᐸᒋ ‍ ᐅᑎᔅᑯᑲᐳᐅᔅᑕᑯᐤ᙮
\q ᑎᐸᔅᑯᓂᒐᐅᓐ ᒋ ‍ ᐅᔭᔅᑕᑭᓄᐤ, ᒥᓯᓇᐃᑭᓇ ᑭᔭ ᒋ ‍ ᐸᔅᒐᒋᓂᑭᓄᐅᐛ᙮
\p
\v 11 ᒪᒂᒡ ᒪᒃ ‍ ᐊ ‍ ᐃᔨᑕᐱᔭᓐ, ᓂᒋ ‍ ᐸᑐᐛᐤ ᐊᓐ ᑲ ‍ ᐱᓯᓯᑦ ᒥᑕᔅᑭᓐ ᓇᔅᒡ ᐊ ‍ ᒥᒥᑕᑯᒧᐤ ᐃᔨᒥᑦ᙮ ᒪᒂᒡ ᐊᔅᒄ ᐊ ‍ ᐃᑕᐱᔭᓐ, ᒋ ‍ ᓂᐸᐊᑭᓄᐤ ᓇᐤ ‍ (4) ᐛᒋᑕᑦ ᒥᓂᑐᔅ᙮ ᐃᔅᑯᑕᒡ ᒋ ‍ᐃᓯ ‍ ᐛᐱᓇᑭᓄᐎᔪᐤ ᐎᔪᐤ ᑭᔭ ᓇᔅᒡ ᒋ ‍ ᐃᔎᑕᔪᐤ᙮
\v 12 ᐅᑎᐸᔨᒋᒐᐅᓄᐛ ᐊᓐᒡ ᓂᔅᑐ ‍ (3) ᑯᑎᑭᒡ ᒥᓂᑐᓯᒡ ᒋ ‍ ᐅᑎᓇᑭᓄᐅᔪᐛ, ᒥᒄ ᒋ ‍ ᒥᔭᑭᓄᐅᒡ ᒥᓐ ᐛ ‍ ᐃᐱᓯᔅ ᒐᒋ ᐱᒪᑎᓯᒡ᙮
\p
\s2 ᑕᓂᔭᓐ 7:9-10, 13-14 (Proper-29 Year B)
\p
\v 13 ᓂᒋ ‍ ᐛᐸᑕᓐ ᐃᓯᓇᒧᐅᓐ ᐊᓐ ᑎᐱᔅᑲᒡ, ᐊᐛᓐ ᑲ ‍ ᐃᓯᓇᑯᓯᑦ ᒧᔭᒻ ᐃᔪᐤ ᐅᑯᓯᓴᓇ, ᒋ ᐸᒋ ‍ ᐃᑐᑕᐤ ᒋᓯᑯᐎ ᑭᔅᑯᐅᓂᒡ, ᒋ ᐸᒋ ‍ ᓇᑕᐤ ᒪᒃ ᒪᐅᒡ ᐛᔅᑭᒡ ᑲ ‍ ᐅᒋᓯᑲᒥᔨᒋ, ᒥᒋᒪ ᒪᒃ ᒋ ‍ ᐸᓱᐛᑭᓄᐤ ᐊ ‍ ᐸᑕᔅᑎᒥᐱᔨᒋ᙮
\v 14 ᐃᔪᐤ ᐅᑯᓯᓴᓇ ᒋ ‍ ᒥᔨᑯᐤ ᒪᐅᒡ ᐛᔅᑭᒡ ᑲ ‍ ᐅᒋᓯᑲᒥᔨᒋ ᑎᐸᔨᒧᐛᐅᓂᔪᐤ, ᑭᔭ ᒋᔅᑕᔨᑕᑯᓱᐅᓂᔪᐤ, ᑭᔭ ᐅᒋᒪᐅᓂᔪᐤ, ᒐᒋ ᐊᑐᔅᒐᔅᑕᑯᑦ ᒥᓯᐛ ᐃᔪᐛ, ᓂᓇᐧᑯᐤ ᐊ ‍ ᐃᑎᔅᑲᓇᓯᔨᒋ, ᐸᐱᑐᔅ ᐊ ‍ ᐃᔅᒋᔄᔨᒋ: ᐅᑎᐸᔨᒧᐛᐅᓐ ᑲᒋᒡ ᑎᐸᔨᒧᐛᐅᓄᐅᔪᐤ, ᒐ ᐊᑲ ᓂᑕ ‍ ᐃᔎᐱᔨᒡ, ᑭᔭ ᐅᑦ ᐅᒋᒪᐅᓐ ᐊᐅᑯᔪᐤ ᒐ ᐊᑲ ᓂᑕ ᓂᓱᐅᓇᒋᑕᑭᓄᐎᔨᒡ᙮
\s1 ᑕᓐ ᐊᑥᒥᑲᒡ ᐊᓐ ᐃᓯᓂᒧᐅᓐ
\p
\v 15 ᓂᔾ, ᑕᓂᔭᓐ, ᒋᒋᐛ ᓂᒋ ‍ ᑯᔅᑕᒋᓐ ᑕᓐ ᑲ ᐃᔅ ‍ ᐛᐸᑎᒪᓐ ᐊᓐᑕ ᐃᓯᓂᒧᐅᓂᒡ, ᑭᔭ ᓇᒪ ᓂ ᐅᒋ ‍ ᒋᔅᒐᔨᑕᓐ ᑕᓐ ᒐ ‍ ᐃᓯ ‍ ᒪᒥᑐᓇᔨᑎᒥᔨᑯᔭᓐ ᐊᓐ᙮
\v 16 ᓂᒋ ‍ ᓂᑐᐛᐱᒪᐤ ᐊᓐ ᐸᐃᒄ ᑲᓂᐳᐅᒡ ᐅᑎᔅᑯᐤ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ, ᑭᔭ ᓂᒋ ‍ ᑭᒂᒋᒪᐤ ᑕᓐ ᐊᑥᒥᑭᓂᔨᒡ᙮ ᐊᑯ ᒂ ‍ ᐎᑎᒧᐅᑦ  ‍ ᐃᑥᒥᑭᓂᔨᒡ᙮
\p
\v 17 ᒂ ‍ ᐃᔅᒋᔄᑦ, “ᐊ ‍ ᓇᐅᒡ ‍ (4) ᐊᒂᓯᓇᑯᓯᒡ ᒥᓂᑐᓯᒡ ᐊᐅᑯᔪᐛ ᐊᓂᔭ ᓇᐤ ‍ (4) ᒋᓴᐅᒋᒪᐅᓇ ᒐ ‍ ᑎᒂᒋ ᐊᓐᑕ ᐊᔅᒋᒡ᙮
\v 18 ᒥᒄ ᒋᒋ ‍ ᒋᓴᒪᓂᑐᐤ ᒋᑭ ‍ ᒥᔭᐤ ᑎᐸᔨᒋᒐᐅᓂᔪᐤ ᐅᑦ ᐃᔨᒪ ᒐᒋ ᑎᐸᔨᒋᒐᔨᒋ, ᑭᔭ ᒧᔅ ᑲᒋᒡ ᒋᑭ ‍ ᑎᐸᔨᒋᒐᐅᒡ,”
\p
\v 19 ᐊᑯ ᒂ ᐎ ‍ ᒋᔅᒐᔨᑎᒪᓐ ᑕᓐ ᐊᑥᒥᑲᒡ ᐊᓐ ᓇᐤ ‍ (4) ᐛᒋᑕᑦ ᒥᓂᑐᔅ - ᐊᓐ ᒥᓂᑐᔅ ᐃᔭᒡ ᐊ ‍ ᐃᓯᓇᑯᓯᑦ ᑯᑎᑲ ᐊᓂᔭ ᓂᔅᑐ ‍ (3) ᐅᒋ, ᐊᓐ ᒥᓂᑐᔅ ᑲ ‍ ᓯᑯᒪᑦ ᐊᓂᔭ ᑲ ‍ ᑯᓯᒂᔨᒧᑐᐛᑦ ᑲ ‍ ᐛᐸᐱᔅᒋᓯᔨᒋ ᓱᓇᔭᐱᔅᑯᒡ ᐅᔅᑭᓯᔭ ᐅᒋ, ᐊᑯ ᑭᔭ ᒂ ‍ ᒥᒍᐛᑦ ᐊ ‍ ᐎᔭᓯᔨᐛ ᐊᓂᔭ ᑲ ‍ ᐃᓴᑯᔨᒋ ᐎᐱᑕ ᐅᒋ, ᑭᔭ ᒋ ‍ ᐱᓂᔅᑯᔅᑯᐅᒪᐤ ᐱᔅᒐ ᐎᔭᔪᐤ ᐊᓂᔭ ᐊ ᐊᑲ ᐅᒋ ‍ ᒥᒍᐛᑦ᙮
\v 20 ᐃᔭᐱᒡ ᓂᒋ ᐎ ‍ ᒋᔅᒐᔨᑎᒺᓐ ᐊᓂᔭ ᑲ ‍ ᐸᐃᑯᔪᐛᒥᑭᓂᔨᒋ ‍ (10) ᐅᑕᔅᑭᓇ ᐅᔅᑎᒂᓂᒡ᙮ ᑭᔭ ᐊᓂᔭ ᐊᓐ ᒥᑕᔅᑭᓐ ᓇᓇᒐ ᑲ ‍ ᓄᑯᓯᑦ, ᐊᓐ ᑲ ‍ ᓂᓱᐅᓇᒋᑕᑦ ᓂᔅᑐ ‍ (3) ᑯᑎᑲ ᒥᑕᔅᑭᓇ᙮ ᓂᒋ ᐎ ‍ ᒋᔅᒐᔨᑕᓐ ᑕᓐ ᐊᑥᒥᑲᒡ ᐊᓐ ᑲ ‍ ᑭᓄᐛᔨᑕᐧᒃ ᒥᔅᒋᓯᒂ ᑭᔭ ᒥᑐᓂᔪᐤ ᓇᔅᒡ ᐊ ‍ ᒥᒥᑕᑯᒧᐤ ᐃᔨᒥᑭᓂᔨᒡ᙮ ᐊᓐ ᒥᓂᑐᔅ ᒥᑕᔅᑭᓇ ᑲ ᐅᒋ ‍ ᒋᔅᒐᔨᑕᑯᓯᑦ ᐊᑎᑐᐤ ᐊᑯᔅᑕᑎᑯᓯᑦ ᐃᔅᐱᔅ ᑯᑎᑲ ᒥᓂᑐᓴ᙮
\v 21 ᒪᒂᒡ ᒪᒃ ‍ ᐊ ‍ ᐃᔨᑕᐱᔭᓐ,, ᓂᒋ ‍ ᐛᐸᑕᓐ ᐊᓐ ᒥᑕᔅᑭᓐ ᐊ ᑯᓯᒂᔨᒧᑐᐛᑦ ᒋᓴᒪᓂᑐᐛ ᐅᑦ ᐃᔨᒥᔨᐛ ᑭᔭ ᒋ ‍ ᓴᑯᒋᔨᒪᐤ᙮
\v 22 ᒥᒄ ᐊᑯ ᐊᓐ ᒋᒋ ‍ ᒋᓴᒪᓂᑐᐤ, ᐊᓐ ᒧᔅ ᑲᒋᒡ ᑲ ‍ ᐱᒪᑎᓯᑦ, ᒋ ‍ ᑎᑯᓯᓄᐤ ᑭᔭ ᒂ ‍ ᑎᐸᔅᑯᓂᒐᑦ ᐊᐎᒋᐊᑦ ᐃᔪᐛ ᐊᓂᔭ ᑲ ‍ ᑎᐸᔨᒪᑦ᙮ ᑭᔭ ᒂ ‍ ᒋᔅᒐᔨᑎᒪᓐ ᓴᔅ ᐊ ‍ ᐃᔅᐱᔨᒡ ᒋᓴᒪᓂᑐᐤ ᐅᑦ ᐃᔨᒪ ᒐ ‍ ᒥᔭᑭᓄᐎᔨᒋ ᒐᒋ ᑎᐸᔨᒋᒐᔨᒋ᙮
\p
\v 23 ᐊᑯ ᐊᓐ ᓇᐸᐤ ᑲ ᐅᑎᔅᑯᑲᐳᐅᑦ ᐊᓐᑕ ᓂᒋ ‍ ᐃᑎᒄ, “ᐊᓐ ᓇᐤ ‍ (4) ᐛᒋᑕᑦ ᒥᓂᑐᔅ ᐊᐅᑯᓐ ᐊ ᑎᐸᔨᒋᒐᐅᓐ ᒐ ‍ ᑎᒂᒡ ᐊᓐᑕ ᐊᔅᒋᒡ; ᐃᔭᒡ ᒋᑭ ‍ ᐃᑕᔨᑕᑯᓐ ᐊᓐ ᑎᐸᔨᒋᒐᐅᓐ ᐊᑕᔨᑕᒂᒋ ᑯᑎᑲ ᑎᐸᔨᒋᒐᐅᓇ᙮ ᓂᑐᐱᔪᐤ-ᐃᔪᒡ ᐊᓐᑕ ᑕᐸᔨᒋᒐᐅᓂᒡ ᒋᑭ ‍ ᓂᐸᐅᒡ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ ᐊᔅᒋᒡ ᑭᔭ ᒋᑭ ‍ ᐱᓂᔅᑯᔅᑯᒪᐅᒡ ᐎᔭᔪᐛ᙮
\v 24 ᐊᑯ ᐊᓂᔭ ᑲ ‍ ᐸᐃᑯᔪᐛᒥᑭᓂᔨᒋ ‍ (10) ᒥᑕᔅᑭᓇ, ᐊᐅᑯᓐᒡ ᐊᓐᒡ ᐸᐃᑯᔪᐤ ᒋᓴᐅᒋᒪᐅᒡ ᒐ ‍ ᑎᐸᔨᑕᒡ ᐊᓂᔭ ᑎᐸᔨᒋᒐᐅᓂᔪᐤ, ᐸᐸᐃᒂᐤ᙮ ᐊᑯ ᑯᑎᒃ ᒋᓴᐅᒋᒪᐤ ᒐ ‍ ᓄᑯᓯᑦ᙮ ᐃᔭᒡ ᒋᑭ ‍ ᐃᑕᔨᑕᑯᓱᐤ ᐅᒋ ᐊᓂᔭ ᐅᑕᒡ ᒋᓴᐅᒋᒪᐛ᙮ ᒋᑭ ‍ ᓴᐧᑯᒋᐊᐤ ᐊᓂᔭ ᐊᓂᔅᑎᔨᒋ ‍ (3) ᒋᓴᐅᒋᒪᐛ ᐊᐅᑯᓂ ᐊᓂᔭ ᑲ ‍ ᒥᓂᐱᑕᑭᓄᐎᔨᒋ ᓂᔅᑐ ‍ (3) ᒥᑕᔅᑭᓇ᙮
\v 25 ᒋᑭ ᒪᔭᔨᒪᐤ ᐊᓂᔭ ᒋᒋ ‍ ᒋᓴᒪᓂᑐᐛ, ᑭᔭ ᒋᑭ ‍ ᓂᓇᐊᒃᒋᔨᒪᐤ ᒋᓴᒪᓂᑐᐛ ᐅᑦ ᐃᔨᒥᔨᐛ᙮ ᒋᑭ ᐎ ᑯᒋᑕᐤ ᒐᒋ ᒥᔅᑯᑐᓇᐧᒃ ᐸᔭᒋ ᒥᑯᓴᐅᓇ ᑭᔭ ᐅᑦ ᐊᔭᒥᐊᐅᐤ ᐎᓱᐛᐅᓂᔨᐛ᙮ ᓂᔅᑐ ‍ (3) ᐱᐳᓇ ᒪᒃ ᐳᔅᒄ ᐃᔅᐱᔅ ᒋᑭ ‍ ᑎᐸᔨᒪᐤ᙮ 
\p
\v 26 ᒥᒄ ᒋᑭ ‍ ᐅᒋᒪᐛᔨᒧᐅᒡ ᒋᒋᒋᓯᑯᒡ ᑲᑎᐸᔅᑯᓂᒐᒡ, ᑭᔭ ᒋᑭ ‍ ᐅᑎᓇᑭᓄᐎᔪᐤ ᐊᓐ ᒋᓴᐅᒋᒪᐤ ᐅᑎᐸᔨᒋᒐᐅᓐ ᑭᔭ ᓇᔅᒡ ᒋᑭ ‍ ᓂᓱᐅᓇᐊᒋᐊᑭᓄᐅ᙮
\v 27 ᐊᑯ ᒥᓯᐛ ᓱᐧᑲᑎᓯᐅᓐ ᑭᔭ ᒋᔅᑕᔨᑕᑯᓯᐅᓐ ᒥᓯᐛ ᑎᐸᔨᒋᒐᐅᓇ ᐅᒋ ᐊᓐᑕ ᐊᔅᒋᒡ ᐃᔪᒡ ᒋᑭ ‍ ᒥᔭᑭᓄᐅᒡ ᑲ ‍ ᑎᐸᔨᒥᑯᒡ ᒋᒋ ‍ ᒋᓴᒪᓂᑐᐛ᙮ ᐊᓂᑕ ᑎᐸᔨᒋᒐᐅᓂᔪᐤ ᑕᐸᔨᑕᐧᒃ ᒧᔅ ᑲᒋᒡ ᒐ ‍ ᑎᑯᓂᔨᒡ᙮ ᑭᔭ ᒥᓯᐛ ᑲ ‍ ᑎᐸᔨᒋᒐᒡ ᒥᓯᐛ ᒋᑭ ‍ ᐊᔭᒥᐊᔅᑐᐛᐅᒡ ᑭᔭ ᒋᑭ ‍ ᓂᓇᐃᑐᐛᐅᒡ᙮”
\p
\v 28 ᐊᐅᑯᓐ ᑲ ‍ ᐛᐸᑎᒪᓐ ᓂᐳᐛᒧᐅᓂᒡ᙮ ᓂᔾ, ᑕᓂᔭ, ᓂᒋ ‍ ᓴᒋᓯᓐ, ᐊᓐ ᐅᒋ ᒂ ‍ ᐛᐱᓇᐅᐱᔨᔭᓐ᙮ ᒥᒄ ᓇᒪ ᐅᒋ ᐎᑎᒧᐛᐤ ᐊᐛᓐ ᑲ ‍ ᐛᐸᑎᒧᒡ ᐃᓯᓂᒧᐅᓂᔪᐤ᙮ ‍ 
\c 8
\s1 ᑕᓂᔭᓐ ᑲ ‍ ᐛᐱᒪᑦ ᓇᐸ ‍ ᒪᔭᑕᓂᓴ ᑭᔭ ᑲ ‍ ᐅᑦ ᐊᔅᑭᓂᓯᔨᒋ ᑲ ‍ ᐊᐱᓯᓯᔨᒋ ᐊᐛᓯᓴ
\p
\v 1 ᒪᒂᒡ ᐊᓂᔭ ᐊᓂᔅᑐ ‍ (3) ᐱᐳᓂᔨᒡ ᑲᒋᓴᐅᒋᒪᐅᑦ ᐸᓪᓴᓴᕐ ᐊᓐᑕ ᐸᐱᓄᓂᔭᓂᒡ, ᓂᒋ ‍ ᐛᐸᑕᓐ ᑯᑎᒃ ᐃᓯᓂᒧᐅᓐ᙮
\v 2 ᐊᓐᑕ ᐃᓯᓂᒧᐅᓂᒡ ᓱᓴ ᓂᒋ ‍ ᐃᑕᓐ, ᐃᓚᒻ ᐃᑕᐅᓂᒡ ᒥᔅᑎ ‍ ᐅᑕᓇᐤ᙮ ᓯᓱᒡ ᐅᓚᐃ ᓯᐱᓯᒡ ᓂᒋ ‍ ᓂᐳᐅᓐ᙮
\v 3 ᒂ ‍ ᐅᐸᐱᔭᓐ ᑭᔭ ᐎᔭᐱᒥᒄ ᓇᐸ ‍ ᒪᔭᑕᓂᔅ ᐊᓇᓂᐳᐅᑦ ᓯᓱᒡ ᓯᐱᓯᒡ᙮ ᒋ ‍ ᓂᓯᓂᔨᐛ ‍ (2) ᐊᒋᓏᔨᒋ ᐅᑕᔅᑭᓇ, ᒥᒄ ᐊᓂᔭ ᑲ ‍ ᐅᔅᒋᓇᑭᓂᔨᒡ ᐊᑎᑐᐤ ᒋ ‍ ᒋᓏᔅᑯᓂᔪᐤ ᐃᔅᐱᔅ ᐊᓂᔭ ᑯᑎᒋᔪᐤ᙮
\v 4 ᐅᑕᔅᑭᓇ ᐅᒋ ᒋ ᐛᐸᒻ ᒥᓯᐛ ᒐᒂᔪᐤ ᐊᑎᒪᐱᓯᒧᒡ ᑲ ‍ ᐃᑎᑯᓂᔨᒡ ᑭᔭ ᒥᓯᐛ ᒐᒂᔪᐤ ᒋᐛᑎᓄᒡ ᑭᔭ ᒥᓯᐛ ᒐᒂᔪᐤ ᓴᐅᓄᒡ ᐅᒋ ᑲᑎᑯᓂᔨᒋ᙮ ᓇᒪ ᐃᑕᐅᒡ ᑯᑎᑭᒡ ᐊᐛᓯᓯᒡ ᑲᒋ ᒋ ‍ ᐊᑐᐛᔨᒪᒡ, ᑭᔭ ᓇᒪ ᐛᒋ ‍ ‍ ᐸᐃᒄ ᐃᑕᐅᒡ ᒐᒋ ᐱᐧᑯᐛᐊᒡ ᑯᑎᑲ ᐊᐛᓯᔅ ᐊᓱᐧᑲᑎᓯᐅᓂᔨᒡ ᐅᒋ᙮ ᒋ ‍ ᐃᑐᑎᒻ ᒐᒂᔪᐤ ᒥᒄ ᐛᑐᑕᐧᒃ ᐊᓐ ᓇᐸ ‍ ᒪᔭᑕᓂᔅ ᑭᔭ ᐊᑎᑐᐤ ᒋ ‍ ᓱᐧᑲᑎᓯᐅ᙮
\p
\v 5 ᒪᒂᒡ ᒥᔭᒥᑐᓇᔨᑎᒥᔨᑯᔭᓐ ᐅ ᒐᒂᓐ ᑲ ‍ ᐛᐸᑎᒪᓐ, ᓂᒋ ‍ ᐛᐱᒪᐤ ᐊᓐᑕ ᐃᓯᓂᒧᐅᓂᒡ ᑲ ‍ ᐅᑦ ᐊᔅᑭᓂᓯᑦ ᑲ ‍ ᐊᐱᓯᓯᑦ ᐊᐛᓯᔅ ᐊᑎᒪᐱᓯᒧᒡ ᐊ ‍ ᐅᑐᑕᑦ᙮ ᒋᔅᑎᑉ ᒋ ᑎᔅᑭᒥᐸᑕᐤ ᐊᔅᒋᔪᐤ, ᒋ ‍ ᐃᓯᓇᑯᓱᐤ ᒧᔭᒻ ᐊ ᐊᑲ ᑕᒋᑎᓂᔨᒋ ᐅᓯᑕ ᐊᓐᑕ ᒧᔅᑎᔅᑭᒥᒡ᙮ ᑎᔅᑐᐎᒡ ᐅᔅᒋᓯᑯᒡ ᒋ ‍ ᑎᑯᓂᔪᐤ ᐊᐸᐃᑯᓯᔨᒡ ‍ (1) ᐅᑕᔅᑭᓐ᙮
\v 6 ᒋᒋᐛ ᒋᒋᓱᐛᐳᐤ, ᑯᐃᔅᒄ ᒋ ‍ ᒋᒋᓇᐤ ᓇᐸ ‍ ᒪᔭᑕᓂᓴ ᑲ ‍ ᓂᐳᔨᒋ ᐊᓐᑕ ᓯᓱᒡ ᓯᐱᓯᒡ᙮
\v 7 ᑲ ‍ ᐅᑦ ᐊᔅᑭᓂᓯᑦ ᑲ ‍ ᐊᐱᓯᓯᑦ ᐊᐛᓯᔅ ᒋ ‍ ᑲᔅᑕᐛᐤ ᓇᐸ ‍ ᒪᔭᑕᓂᓴ ᑭᔭ ᒂ ‍ ᒥᓇᐅᒺᑦ ᓂᓱ ‍ (2) ᐅᑕᔅᑭᓂᔨᐛ, ᐊᓂᔭ ᐅᒋ ᐊᓐ ᓇᐸ ‍ ᒪᔭᑕᓂᔅ ᓇᒪ ᐅᒋ ‍ ᒋᔅᐸᐛᑎᑎᓱᐤ᙮ ᐊᑯ ᑲ ‍ ᐅᑦ ᐊᔅᑭᓂᓯᑦ ᑲ ‍ ᐊᐱᓯᓯᑦ ᐊᐛᓯᔅ ᒂ ‍ ᓂᑕᐛᑦ ᓇᐸ ‍ ᒪᔭᑕᓂᓴ ᑭᔭ ᒂ ‍ ᐱᓂᔅᑯᔅᑯᐛᑦ᙮ ᓇᒪ ᐊᐛᓐ ᒋ ‍ ᒋᐱᐧᑯᐛᐊᐤ ᓇᐸ ‍ ᒪᔭᑕᓂᓴ ᑲ ‍ ᐅᑦ ᐊᔅᑭᓂᓯᓯᔨᒋ ᑲ ‍ ᐊᐱᓯᓯᔨᒋ ᐊᐛᓯᓴ ᐅᓱᐧᑲᑎᓯᐅᓂᔨᒡ ᐅᒋ᙮
\v 8 ᒂ ᐊᑎᑐᐤ ᓱᐧᑲᑎᓯᑦ ᑲ ‍ ᐅᑦ ᐊᔅᑭᓂᓯᑦ ᑲ ‍ ᐊᐱᓯᓯᑦ ᐊᐛᓯᔅ᙮ ᒥᒄ ᐃᔅᐱ ᐊᑎ ‍ ᒥᓴᔨᒡ ᐅᓱᐧᑲᑎᓯᐅᓐ, ᒋ ‍ ᒥᓂᐱᔪᐤ ᐅᑕᔅᑭᓐ᙮ ᒥᒄ ᓇᐤ ᑯᑎᑲ ᐅᑕᔅᑭᓇ ᒋ ‍ ᑎᑯᓂᔨᐛ ᐊᓐᑕ ᐅᒋ᙮ ᓇᐅᐎᒡ ᐊ ‍ ᐅᑎᓂᔨᒡ ᐊ ‍ ᐃᑎᒧᔨᒋ᙮
\p
\v 9 ᐊᑯ ᐊᓐᑕ ᐸᐃᒄ ᐊ ‍ ᒥᓴᔨᒡ ᐅᑕᔅᑭᓂᒡ ᐅᒋ ᒋ ‍ᐅᒋ ‍ ᓄᑭᓂᔪᐤ ᐊᐱᓴᓯᔨᒡ ᒥᑕᔅᑭᓂᔪᐤ, ᐊᑎ ᒥᓴᔨᒡ᙮ ᑭᔭ ᓴᐅᓄᒡ ᐊ ‍ ᐃᑕᔅᑯᒧᔨᒡ ᐊᑯ ᒥᓐ ᐛᐱᓄᑕᒡ ᐊᑯ ᒥᓐ ᐊᓐᑕ ᑲ ‍ ᒥᔽᓯᔨᒡ ᐃᔅᕋᐃᓪ ᐊᔅᒋᒡ ᐃᓯ᙮
\v 10 ᒋᒋᐛ ᒋ ᐊᑎ ‍ ᓱᐧᑲᑎᓯᐤ ᒂ ‍ᑯᓯᒂᔨᒧᑐᐛᑦ ᒋᓯᑯᒡ ᐅᒐᑭᑕᒂ, ᐊᐅᒄ ᐊᓂᔭ ᐱᔅᒐ ᒋᒋᒋᓯᑯᒡ ᓂᑐᐱᔪᐤ-ᐃᔪᐛ, ᒋᓴᒪᓂᑐᐛ ᐅᑦ ᐃᔨᒥᔨᐛ᙮ ᒧᔅᑎᔅᑭᒥᒡ ᐱᔅᒐ ᒋ ‍ᐃᓯ ‍ ᐛᐱᓇᐤ ᑭᔭ ᒂ ‍ ᐱᓂᔅᑯᔅᑯᐛᑦ᙮
\v 11 ᐊᑎᑐᐤ ᒋ ‍ ᒋᔅᑕᔨᒥᓱᐤ ᐃᔅᐱᔅ ᑲ ‍ ᓂᑲᓂᔅᑯᐛᔨᒋ ᒋᒋᒋᓯᑯᒡ ᓂᑐᐱᔪᐤ-ᐃᔪᐛ ᑭᔭ ᒋ ‍ ᑯᔅᑎᔭᐤ ᐊᔭᒥᐊᐅᒋᒪᐛ ᒐᒋ ᒥᑐᔅᑕᐊᒧᐛᔨᒋ᙮ ᐃᔭᐱᒡ ᒋ ‍ ᐃᑐᑎᒻ ᐊᔭᒥᐊᐅᒋᐛᐱᔪᐤ ᒐᒋ ᐊ ᐊᑲ ᐸᔭᐧᑭᓂᔨᒡ᙮
\v 12 ᐊᑯ ᒋᓴᒪᓂᑐᐤ ᐅᑦ ᐃᔨᒪ ᒋ ‍ ᓇᐊᔨᒪᐅᒡ ᒐᒋ ᑎᐸᔨᒥᑯᒡ, ᐊᓂᔭ ᐅᒋ ᒂ ‍ ᒥᒋᑐᑕᒡ ᐊᒥᑐᔅᑕᐊᒧᐛᒡ᙮ ᑭᔭ ᒂ ‍ ᐛᐱᓇᐧᒃ ᐎᓱᐛᐅᓇ ᑲ ᑎᑯᓂᔨᒡ ᑕᑈᐤ ᐊᔭᒥᐊᐅᓂᔪᐤ ᐊᓐᑕ ᒧᔅᑎᔅᑭᒥᒡ᙮ ᒋ ‍ ᒥᔪᐱᔪᐤ ᒥᓯᐛ ᒐᒂᔪᐤ ᑲ ‍ ᑐᑕᐧᒃ᙮
\p
\v 13 ᐊᑯ ᒂ ‍ ᐸᑐᐅᒂᐤ ᓂᓱ ‍ (2) ᐊᓐᒋᓐᒡ ᐊ ‍ ᐃᔨᒥᑐᒡ᙮ ᐸᐃᒄ ᐊᓐ ᒋ ‍ ᑭᒂᒋᒐᒧᐤ, “ᑕᓐ ᒐ ‍ ᐃᔅᐱᔅ ᓇᓂᑎᒪᐱᔨᒋ ᐊᓂᔭ ᒐᒂᔪᐛ ᐊᓐᑕ ᑲᑎᒂᒋ ᐃᓯᓂᒧᐅᓂᒡ ? ᑕᓐ ᒐ ‍ ᐃᔅᐱᔅ ᑯᔅᑎᔭᑦ ᐊᔭᒥᐊᐅᒋᒪᐛ ᒐᒋ ᒥᑐᔅᑕᐊᒪᒐᔨᒋ ᐊᓐ ᑲ ᒪᔭᔨᒪᑦ ᒋᓴᒪᓂᑐᐛ ᑭᔭ ᑲ ‍ ᑐᑕᐧᒃ ᐊᔭᒥᐊᐅᒋᐛᐱᔪᐤ ᒐᒋ ᐊ ᐊᑲ ᐸᔭᐧᑭᓂᔨᒡ ? ᑕᓐ ᒐ ᐃᔅᐱᔅ ᐱᓂᔅᑯᔅᑲᐧᒃ ᐊᔭᒥᐊᐅᒋᐛᐱᔪᐤ ᑭᔭ ᒋᒋᒋᓯᑯᒡ ᓂᑐᐱᔪᐤ-ᐃᔪᐛ ?”
\v 14 ᑯᑎᒃ ᐊᓐᒋᓐ ᒂ ‍ ᐃᑕᑦ, “ᐸᐃᒂᐤ ᒐᓯᐱᔪᐤ ᐊᓱ ᐸᐃᑯᒥᑕᓯᒥᑐᓄᐤ ᐊᓱ ᐱᑕᑕᒡ ᑕᑐᔪᐛ ᒋᓯᑲᐛ ‍ (1,150) ᒋᑭ ‍ ᐃᔅᐱᔅ ᓇᓂᑎᒪᐱᔪᐤ᙮ ᒪᒂᒡ ᐊᓐ ᐊ ‍ ᐃᔅᐱᔨᒡ, ᓇᒪ ᒋᑭ ᓇᐊᔨᒪᑭᓄᐅᒡ ᐃᔪᒡ ᒥᑐᔅᑕᐊᒪᒐᒡ ᒋᓴᒋᓴᐸᔭᐱᓂᔨᒋ ᑭᔭ ᒪᒃ ᐛᑕᑯᓯᔨᒋ᙮ ᐊᑯ ᒋ ᐃᔅᐱᔨᒐ ᐊᓐ, ᐊᑯ ᒐ ᐱᔭᒋᑕᑭᓄᐅᒡ ᐊᔭᒥᐊᐅᒋᐛᑉ᙮”
\s1 ᑲᐱᓂᔭᓐ ᑲ ‍ ᐎᑕᐧᒃ ᐃᓯᓂᒧᐅᓂᔪᐤ
\p
\v 15 ᒪᒂᒡ ᓂᔾ, ᑕᓂᔭᓐ, ᐊ ᐎ ‍ ᓂᔅᑐᑎᒪᓐ ᑕᓐ ᐊᑥᒥᑲᒡ ᐃᓯᓂᒧᐅᓐ, ᓯᔅᒋᑯᒡ ᓂᒋ ‍ ᐅᑎᔅᑯᑲᐳᐅᔅᑕᒄ ᐊᓐᒋᓐ ᓇᐸᐛ ᐊ ‍ ᐃᓯᓇᑯᓯᑦ᙮
\v 16 ᑭᔭ ᓂᒋ ‍ ᐸᑐᐛᐤ ᓇᐸᐤ ᐊ ᐅᒋ ‍ ᑕᑈᑦ ᐊᓐᑕ ᑲᔅᑕᒐᑲᒻ ᐅᓚᐃ ᓯᐱᓯᔪᐤ, ᐊ ‍ ᐃᔅᒋᔄᑦ, “ᑲᐱᓂᔭᓐ, ᐎᑎᒧᐤ ᐊᑥᒥᑭᓂᔨᒡ ᐃᓯᓂᒧᐅᓂᔪᐤ ᑲ ‍ ᐛᐸᑕᐧᒃ !”
\p
\v 17 ᐊᑯ ᑲᐱᓂᔭᓐ ᒂ ‍ ᐸᑐᑕᑦ ᑭᔭ ᒂ ‍ ᐎᒋᑲᐳᔅᑐᐅᑦ᙮ ᒋᒋᐛ ᓂᒋ ‍ ᑯᔅᑕᒋᓐ, ᐊᓐ ᐅᒋ ᒂ ‍ ᐸᒋᓯᓂᔭᓐ ᒥᔅᑎᔅᑭᒥᒡ᙮ ᒥᒄ ᓂᒋ ‍ ᐃᑎᒄ, “ᒋᔾ ᐃᔪᐤ, ᓂᑐᐛᔨᑕᑯᓐ ᒐᒋ ᓂᔅᑐᑎᒥᓐ ᐊᓂᔭ ᒐᒂᔪᐛ ᑲ ‍ ᐛᐸᑎᒥᓐ ᐊᓐᑕ ᐃᓯᓂᒧᐅᓂᒡ ᒐ ‍ ᐃᔅᐱᔨᒋ ᐸᓱᓇᒂᒐ ᒐ ‍ ᐃᔎᐱᔨᒡ ᐊᔅᒋᔾ᙮”
\p
\v 18 ᒪᒂᒡ ᐊ ‍ ᐃᔨᒥᑦ, ᓂᒋ ‍ ᒋᔎᐱᔨᓐ, ᒂ ‍ ᐃᓯᓂᔭᓐ ᐊᓐᑕ, ᐊ ᐊᑲ ᒋᔅᒋᔭᓐ, ᐊᐅᑎᑕᒧᓂᓯᓂᔭᓐ᙮ ᒥᒄ ᒂ ‍ ᐅᑎᓂᑦ ᑲᐱᓂᔭᓐ ᑭᔭ ᒂ ‍ ᐅᐱᓂᑦ ᒐᒋ ᒥᓐ ᓂᐳᐅᔭᓐ᙮
\p
\v 19 ᒂ ‍ ᐃᔅᒋᔄᑦ, “ᓂᒋ ‍ ᑐᑯᓯᓐ ᐅᑕ ᒐᒋ ᐎᑎᒪᑕᓐ ᑕᓐ ᒐ ‍ ᐃᔅᐱᔨᒡ ᐛᔅ ᐊᒋᓱᐛᓯᑦ ᒋᓴᒪᓂᑐᐤ᙮ ᒋᑭ ‍ ᐃᔅᐱᔪᐛ ᐅᔭ ᒐᒂᔪᐛ ᐸᓱᓇᒂᒐ ᒐ ‍ ᐃᔎᐱᔨᒡ ᐊᔅᒋᔾ᙮
\v 20 ᐊᑯ ᐊᓐ ᑲ ‍ ᐛᐱᒥᑦ ᓇᐸ ‍ ᒪᔭᑕᓂᔅ ᐊᓂᓯᓂᔨᒋ ‍ (2) ᐅᑕᔅᑭᓇ, ᐊᓂᔭ ᐊᔅᑭᓇ ᐊᐅᑯᓐ ᐊᓂᔭ ᒥᑎᐊ ᑭᔭ ᐳᕐᓯᐊ ᒋᓴᐅᒋᒪᐅᓇ᙮
\v 21 ᐊᓐ ᑲ ‍ ᐛᐱᒥᑦ ᑲ ‍ ᐅᑦ ᐊᔅᑭᓂᓯᑦ ᑲ ‍ ᐊᐱᓯᓯᑦ ᐊᐛᓯᔅ ᐊᐅᑯᓐ ᑯᕆᔅ ᒋᓴᐅᒋᒪᐅᓐ, ᑭᔭ ᐊᓐ ᒥᑕᔅᑭᓐ ᑎᔅᑐᐎᒡ ᐅᓯᔅᒋᑯᒡ ᑲ ‍ᐅᒋ ‍ ᓄᑯᓂᔨᒡ ᐊᐅᑯᔪᐛ ᐅᔅᑭᒡ ᐅᒋᓴᐅᒋᒪᒪ᙮
\v 22 ᐊᑯ ᐊᓐᒡ ᓇᐤ ‍ (4) ᒥᔅᑕᔅᑭᓐᒡ ᑲ ‍ ᓂᑕᐅᒋᒡ ᑲᒋ ‍ ᒪᓇᐃᑭᓄᐅᒡ ᐊᓐ ᐅᔅᑭᒡ ᒥᑕᔅᑭᓐ, ᐊᐅᑯᔪᐛ ᐊᓂᔭ ᓇᐤ ‍ (4) ᒋᓴᐅᒋᒪᐅᓇ ᐊᓐᑕ ᐊᓐ ᒐ ‍ ᑕᑎᐸᓂᔨᑕᑭᓄᐅᒡ ᐊᓐ ᐅᔅᑭᒡ ᒋᓴᐅᒋᒪᐅᓐ ᒋ ‍ ᐳᓂᐱᒪᑎᓯᒐ ᒋᓴᐅᒋᒪᐤ᙮ ᓇᒪ ᒋᑭ ᒋ ᓱᐧᑲᑎᓯᒥᑭᓇ ᐊᓂᔭ ᓇᐤ ‍ (4) ᒋᓴᐅᒋᒪᐅᓇ ᒧᔭᒻ ᐅᔅᑭᒡ ᒋᓴᐅᒋᒪᐅᓐ ᑲ ‍ ᐃᔅᐱᔅ ᓱᐧᑲᑎᓯᒥᑲᒡ᙮
\p
\v 23 ᐃᔪᒡ ᐊᓐᑕ ᒋᓴᐅᒋᒪᐅᓂᒡ ᒋᒋᐛ ᒋᑭ ᒥᒋ ‍ ᐃᔪᐅᒡ, ᐊᓂᔭ ᐅᒋ ᒋᑭ ‍ ᓂᑐᐛᔨᑕᑯᓂᔪᐤ ᒐᒋ ᐊᓏᔨᒪᑭᓄᐅᒡ᙮ ᒥᒄ ᐸᓱᓇᒂᒐ ᒐ ‍ ᐃᔎᐱᔨᒋ ᐊᓂᔭ ᒋᓴᐅᒋᒪᐅᓇ, ᐸᐃᒄ ᐊᓐ ᒋᓴᐅᒋᒪᐅᒻ ᒋᑭ ‍ ᐃᑕᐤ ᐊᓐᑕ ᒋᓴᐅᒋᒪᐤ ᒋᒋᐛ ᒋᑭ ‍ ᒋᔅᑕᔨᒥᓱᐤ᙮ ᐃᔭᐱᒡ ᒋᒋᐛ ᒋᑭ ‍ ᑯᔅᑎᑯᓯᐤ ᑭᔭ ᒋᒋᐛ ᒋᑭ ‍ ᐅᒋ ‍ ᐎᔭᓯᒐᒧᐤ᙮
\v 24 ᒋᒋᐛ ᒋᑭ ‍ ᐊᑎ ᓱᐧᑲᑎᓯᐤ, ᒥᒄ ᓇᒥᔭᔪᐤ ᐊᓂᔭ ᐅᒋ ᐎᔾ ᑲ ᐃᑎᑦ᙮ ᒥᒐᑦ ᒐᒂᔪᐛ ᒋᑭ ‍ ᓂᓱᐅᓇᒋᑕᐤ ᐊᓐᑕ ᒥᒐᑦ ᐃᑕᐅᓂᒡ, ᒋᑭ ‍ ᐱᐧᑯᑕᐤ ᒥᓯᐛ ᒐᒂᔪᐤ ᐛᑐᑕᐧᒃ᙮ ᒋᑭ ‍ ᓂᓱᐅᓇᒋᐊᐤ ᒥᒐᑦ ᑲ ‍ ᓱᐧᑲᑎᓯᔨᒋ ᐊᐛᔪᐛ, ᑭᔭ ᐃᔭᐱᒡ ᐱᔅᒐ ᒋᓴᒪᓂᑐᐛ ᐅᑦ ᐃᔨᒥᔨᐛ᙮
\v 25 ᐛᔅ ᐊᓂᔭ ᐊᔅᐱᔅ ᑭᒐᑕᐅᓂᑦ, ᒋᑭ ᐱᐧᑯᑕᐤ ᐊᑐᑕᐧᒃ ᒐᒂᔪᐛ ᒐ ‍ ᐎᔭᓯᒥᑯᔨᒋ ᒥᒐᑦ ᐊᐛᔪᐛ᙮ ᒋᒋᐛ ᒋᑭ ‍ ᒋᔅᑕᔨᒥᓱᐤ᙮ ᒥᒐᑦ ᐊᐛᔪᐛ ᒋᑭ ‍ ᓂᓱᐅᓇᒋᐊᐤ ᐊᓂᔭ ᑲ ‍ ᐃᑕᔨᑎᒥᔨᒋ ᐊᓱᒐᔨᒥᓱᔨᒋ᙮ ᒋᑭ ‍ ᐊᔭᐛᔨᒧᔅᑐᐛᐤ ᒋᓴᒪᓂᑐᐛ ᐊᓂᔭ ᒋᒋᐛ ᒪᐅᒡ ᑲᒋᔅᑎᓯᔨᒋᒡ ᒋᓴᐅᒋᒪᐛ᙮ ᒥᒄ ᒋᑭ ‍ ᓂᓱᐅᓇᒋᐊᐤ ᒋᓴᒪᓂᑐᐤ, ᐊ ᐊᑲ ᐎᒋᔨᑯᑦ ᐊᐛᔪᐛ᙮
\p
\v 26 ᐊᓐ ᑲ ‍ ᐛᐱᒥᑥᐤ ᐃᓯᓂᒧᐅᓂᒡ ᐊᓐᒡ ᐊᔭᒥᐊᐅᒋᒪᐅᒡ ᑲᑯᔅᑎᔭᑭᓄᐅᒡ ᒐᒋᒥᑐᔅᑕᐊᒪᒐᒡ ᒋᔭᒋᓴᐸᔭᐱᓂᔨᒋ ᑭᔭ ᐛᑕᑯᓯᔨᒋ, ᐊᓐ ᑲ ‍ ᐎᑎᒪᑕᓐ, ᑕᑈ ᒋᑭ ‍ ᐃᔅᐱᔪᐤ᙮ ᒥᒄ ᐊᓄᒡ ᒐ ᐊᑲ ᐎᑎᒧᐅᑦ ᑯᑎᒃ ᐊᐛᓐ ᐊᓂᔭ ᐃᓯᓂᒧᐅᓂᔪᐤ, ᒥᒐᑐᐤ ᐱᐳᓇ ᐊᓐᑕ ᐊᔅᒄ ᒐ ‍ ᐃᔅᐱᔨᒋ ᐅᔭ ᒐᒂᔪᐛ᙮”
\p
\v 27 ᐊᑯ ᓂᔾ, ᑕᓂᔭᓐ, ᒂ ‍ ᐃᔨᔨᒥᓯᔭᓐ, ᑭᔭ ᑕᑐᐤ ᒋᓯᑲᐛ ᓂᒋ ‍ ᐊᐧᑯᓯᓐ᙮ ᐊᑯ ᒂ ‍ ᐅᓂᔭᓐ ᑭᔭ ᑲᐤ ᒂ ‍ ᐃᑐᑎᒪ ᐊᑐᔅᒐᐅᓐ ᒋᓴᐅᒋᒪᐤ ᑲ ‍ ᒥᔨᑦ, ᒥᒄ ᓂᒋ ‍ ᒋᔎᔭᔨᑎᒥᔨᑯᓐ ᐊᓐ ᐃᓯᓂᒧᐅᓐ, ᑭᔭ ᓇᒪ ᓂ ᐅᒋ ‍ ᓂᔅᑐᑕᓐ ᐊᓐ᙮
\c 9
\s1 ᑕᓂᔭᓐ ᐅᑦ ᐊᔭᒥᐊᐅᓐ
\p
\v 1 ᐊᑯ ᒐ ‍ ᐎᑎᒪᑕᓐ ᑕᓐ ᑲ ‍ ᐃᔅᐱᔨᒡ ᐃᔅᐱ ᑕᕆᐊᔅ, ᒥᑎ ᐃᔪᐛ ‍ ᐊ ‍ ᐃᑎᔅᑲᓇᓯᔨᒋ ᑲ ‍ ᐅᒋᑦ ᑭᔭ ᐊᓂᔭ ᓯᕐᑭᓯᔅ ᑲ ‍ ᐅᑯᓯᑦ, ᑲ ‍ ᑎᐸᔨᒋᒐᑦ ᐸᐱᓄᓂᔭᓂᒡ ᒋᓴᐅᒋᒪᐤ᙮
\v 2 ᒪᒂᒡ ᐊᓂᔭ ᐅᔅᑭᒡ ᐱᐳᓂᔪᐤ ᑲ ‍ ᒋᓴᐅᒋᒪᐅᑦ, ᓂᔾ, ᑕᓂᔭᓐ, ᓂᒋ ‍ ᐃᔨᒥᑕᓐ ᐸᔭᒋ ‍ ‍ ᒥᓯᓇᐃᒐᐅᓇ ᐊᓂᔭ ᐃᔨᒧᐅᓂᔪᐤ ᑎᐸᔨᒋᒐᓱᐤ ᑲ ‍ ᒥᔭᑦ ᐅᒋᔅᒋᐛᐃᒐᓱᐛ ᒐᕋᒪᐃᔭᔨᒋ᙮ ᐊᓐᑕ ᐃᔨᒧᐅᓂᒡ ᒐᕋᒪᐃᔭ ᒋ ‍ ᒥᓯᓇᐊᒻ ᐊᓂᔭ ᒋᕈᓴᓕᒥᔪᐤ ᒐ ‍ ᓂᓱᐅᓇᒋᑕᑭᓄᐎᔨᒡ ᑭᔭ ᓂᔄᐅᑕᒡ ᑕᑐᔪᐛᐱᐳᓇ ᒐ ᐃᔅᐱᔅ ᐃᔎ ᐃᔭᔪᐅᓂᔨᒡ᙮
\v 3 ᑲᒋ ‍ ᐃᔨᒥᑕᔭᓐ ᐊᓐ, ᓂᒋ ‍ ᓂᑐᑎᒧᐛᐤ ᑎᐸᔨᒋᒐᓱᐤ ᓂᒋᓴᒪᓂᑐᒻ ᒐᒋ ᐎᒋᔨᑕᐧᒄ, ᐊᔭᒥᐊᔭᓐ ᑭᔭ ᐊ ᑲ ᒥᒋᓱᔭᓐ᙮ ᒪᒂᒡ ᐊ ‍ ᐃᑎᔭᓐ ᐊᓐ, ᓂᒋ ‍ ᐳᔅᑲᓐ ᐱᒋᐅᔭᓇᒋᓂᔅᒋᔅ ᑭᔭ ᐊᓐᑕ ᐃᔎᔅᒐᒡ ᓂᒋ ‍ ᐊᐱᓐ ᒐᒋ ᐛᐸᑎᔨᐛᔭᓐ ᐊᑯᐸᑕᔨᒧᔭᓐ ᑕᓐ ᒐ ‍ ᐃᔅᐱᔨᔭᐧᒄ᙮
\p
\v 4 ᓂᒋ ‍ ᐎᑕᓐ ᒥᒋᑥᐅᓇ ᑲ ‍ ᑐᑎᒪᐧᒄ, ᔭ ᐊᐅᑯᐤ ᑲ ‍ ᓂᑐᑎᒪᔭᓐ:
\pi ᑎᐸᔨᒋᒐᓱᐤ, ᒋ ‍ ᒋᔅᑎᓯᓐ ᑭᔭ ‍ ᒋ ᒥᔅᑲᑕᔨᑕᑯᓯᓐ ! ᑕᑈᐅᒐᔨᑎᒧᐅᓂᒡ ᒋᒋ ‍ ᑐᑕᓐ ᒐᒂᓐ ᑲ ‍ ᐃᔅᒋᔄᔨᓐ ᒐᒋ ᑐᑎᒧᐅᔭᒡ᙮ ᑕᑈᐅᒐᔨᑎᒧᐅᓂᒡ ᒋᓴᒋᐊᐅᒡ ᐊᓐ ᓯᐊᒋᔨᔅᒡ ᑭᔭ ᐊ ‍ ᐃᑐᑕᒡ ᒐᒂᔪᐤ ᑲ ‍ ᐃᑎᓱᒥᑥᐤ ᒐᒋ ᐃᑐᑕᒡ᙮
\v 5 ᒥᒄ ᓂᔭᓐ ᐃᔅᕋᐃᓪ ᐃᔪᒡ ᓂᒋ ‍ᒥᒋ ‍ ᑐᑕᓇᓐ᙮ ᒥᒋ ‍ ᒐᒂᓐ ᓂᒋ ‍ ᑐᑕᓇᓐ, ᑭᔭ ᒋᒋ ‍ ᒪᔭᔨᒥᑎᓇᓐ᙮ ᓂᒋ ‍ ᓂᑭᑕᓇᓐ ᐊ ‍ ᓂᓇᐊᔨᑎᒪᒡ ᒋᑦ ‍ ᐃᑎᓱᐛᐅᓇ᙮
\v 6 ᒋᒋ ‍ ᐃᔨᒥᔅᑎᒪᑯᒡ ᒋ ‍ ᒋᔅᒍᐛᔨᒋᒐᓯᒥᒡ, ᐊᒥᔭᒡ ᒋᑦ ‍ᐃᔨᒧᐅᓇ ᓂᒋᓴᐅᒋᒪᒥᓇᓇ, ᑭᔭ ᑯᑎᑲ ᓂᐅᒋᒪᒥᓇᓇ, ᑭᔭ ᑯᑎᑲ ᓂᑦ ᐊᓂᔅᑯᑕᐸᓂᓇᓇ, ᑭᔭ ᒥᓯᐛ ᐃᔅᕋᐃᓪ ᐃᔪᐛ, ᒥᒄ ᓂᒋ ‍ ᐊᓏᑕᓇᓐ ᒐᒋ ᓂᑐᑎᒪᒡ ᒐᒋ ᓂᑐᑐᐅᒋᒡ ᐊᓐᒡ ᐅᒋᔅᒍᐛᔨᒐᓱᐅᒡ᙮
\pi
\v 7 ᑎᐸᔨᒋᒐᓱᐤ, ᓇᓂᑎᒻ ᑯᐃᒄ ᒋ ‍ ᑐᑕᓐ ᒐᒂᓐ, ᒥᒄ ᓂᒋ ‍ ᑐᑕᓱᓇᓐ ᒐᒋ ᓴᒂᔨᒧᒐᔨᑕᑯᓯᔭᒡ᙮ ᐊᔅᒄ ᐅ ᓂ ‍ ᑕᑈᒥᑯᐅᓇᓐ ᓂᔭᓐ ᒥᓯᐛ ᐃᔅᕋᐃᓪ ᐃᔪᒡ ᐛᒋᒡ ᐊᓐᑕ ᒋᕈᓴᓕᒻ ᑭᔭ ᐊᓐᑕ ᑯᑎᑲ ᐃᑕᐅᓇ ᐊᓐᑕ ᒍᑎᐊᔨᒡ᙮ ᐃᔭᐱᒡ ᓂ ‍ ᑕᑈᒥᑯᐅᓇᓐ ᓂᔭᓐ ᒥᓯᐛ ᐃᔅᕋᐃᓪ ᐃᔪᒡ ᑲ ‍ ᑕᑎᐸᓂᐱᔭᒡ, ᑯᑎᑲ ᐊᔅᒋᔭ ᑲ ‍ ᐃᑐᑕᔨᑯᐅᔭᒡ, ᐱᔅᒐ ᒥᒋᒪ ᐃᔅᕋᐃᓕᒡ ᑭᔭ ᐱᔅᒐ ᐛᔪᐤ, ᐛᔅ ᓇᒪ ᒋ ᐅᒋ ‍ ᑕᑈᐅᒐᔨᒥᑎᓇᓐ᙮
\v 8 ᑎᐸᔨᒋᒐᓱᐤ, ᓂᔭᓐ ᑭᔭ ᓂᒋᓴᐅᒋᒪᒥᓇᓐᒡ ᑭᔭ ᑯᑎᑭᒡ ᑲ ‍ ᑎᐸᔨᒋᒐᒡ ᑭᔭ ᑯᑎᑭᒡ ᓂᑦ ᐊᓂᔅᑯᑕᐸᓂᓇᒡ ᐊᓴᒂᔨᒧᒐᔨᑕᒂᒋ ᒐᒂᔪᐛ ᓂᒋ ‍ ᑐᑕᓇᓐᑭᔭ ᒋᒋ ‍ᒥᒋ ‍ ᑐᑕᑎᓇᓐ᙮
\p
\v 9 ᑎᐸᔨᒋᒐᓱᐤ ᒋ ‍ ᒋᓴᒪᓂᑐᒥᓇᐤ ᐊᐅᒄ ᒐᑎᒪᒐᔨᒧᐛᑦ ᑭᔭ ᐎᔭᐸᔨᑕᒪᒐᑦ, ᐊᑎᓱᐧᒄ ᒋ ‍ ᐊᔭᐛᔨᒧᔅᑐᐛᐧᒄ:
\v 10 ᓇᒪ ᑭᔭ ᑯᒋ ‍ ᐱᓯᒋᑕᒺᓇᓄᐤ ᑲ ‍ ᐃᑎᑕᐛᑯᐸᓇ ᑎᐸᔨᒋᒐᓱᐤ ᒋ ‍ ᒋᓴᒪᓂᑐᒥᓄᐤ, ᒐ ‍ ᐱᒧᑕᑎᒺᐧᒄ ᐅᑦ ᐃᑎᓱᐛᐅᓇ ᑲ ᐸᒋ ‍ ᒥᔨᑕᐧᒄ᙮
\p
\v 11 ᒥᓯᐛ ᒋᔭᓄᐤ ᐃᔅᕋᐃᓪ ᐃᔪᒡ ᓇᒪ ᓂ ᐅᒋ ‍ ᓂᓇᔨᑕᓇᓐ ᒋ ‍ ᐎᓱᐛᐅᓇ, ᓂᒋ ‍ ᓂᑭᑕᓇᓐ ᒐᒋ ᓂᓇᔨᑎᒪᒡ ᒐᒂᓐ ᑲ ‍ ᐃᔅᒋᔄᔨᓐ᙮ ᒋᒋ ‍ ᐅᓂᑐᑕᑎᓇᓐ᙮ ᐊᑯ ᐊᓐ ᐅᒋ, ᒋᒋ ‍ ᑐᑐᐅᓇᓐ ᒐᒋ ᐛᐸᑎᒪᒡ ᐊᑯᔅᑕᑎᒂᒋ ᒐᒂᔪᐛ ᐊᓂᔭ ᒋᑦ ‍ᐊᑐᔅᒐᔭᑭᓐ ᒧᓱᔅ ᑲ ‍ ᐃᔅᒋᔄᑦ ᒐ ‍ ᐃᐱᔪᐅᒋᒡ ᐅᓂ ‍ᑐᑕᒐᒐ᙮
\pi
\v 12 ᒋᒋ ‍ ᐊᔨᐧᑭᒥᔨᓇᓐ ᑭᔭ ᑲ ‍ ᑎᐸᔨᒥᒡ ᒐ ‍ᐊᒂ ‍ ᐊᓏᔨᑎᒥᓐ ᒋᕈᓴᓕᒻ ᐊᑐᑎᒥᓐ ᒐᒋ ᐃᔅᐱᔨᒡ ᐊᓐᑕ ᐊᔨᒪᒋ ᐊᔨᒥᔪᐅᓇ, ᐊᑎᑐᐤ ᒐ ‍ ᐊᒂᑕᔨᑕᒂᒡ ᐃᔅᐱᔅ ᐊᓐ ᐊᔨᒥᐅᓐ ᑲᒋ ‍ ᑎᒂᒡ ᐊᓐᑕ ᑯᑎᒃ ᐅᑕᓇᐤ, ᑭᔭ ᒋᒋ ‍ ᑐᑕᓐ ᑲ ‍ ᐃᔅᒋᔄᔨᓐ ᒐ ‍ ᑐᑎᒥᓐ᙮
\v 13 ᒋᒋ ‍ ᐊᓏᔨᒥᓇᓐ ᒧᔭᒻ ᒧᓱᔅ ᑲ ‍ᐃᓯ ‍ ᒥᓯᓇᐊᐧᒃ ᑕᓐ ᒐ ‍ ᐃᑐᑎᒥᓐ᙮ ᒥᒄ ᑎᐱᔨᒐᓱᐤ ᓂᒋᓴᒪᓂᑐᒥᓇ, ᓇᒪ ᐊᔅᒄ ᓂ ᐅᒋ ‍ ᑯᒋᑕᓇᓐ, ᒐᒋ ᓂᑭᑎᒪᒡ ᓂᒥᒋᑐᑐᒧᐅᓇᓇ ᑭᔭ ᐱᓯᒋᑎᒪᒡ ᒋ ‍ ᑕᑈᐅᓐ, ᒐᒋ ᓴᐧᑯᒋᒥᑕᒡ ᒐᒋ ᒋᑎᒪᒐᔨᒥᔭᒡ᙮
\v 14 ᐊᑯ, ᐛᔅ ᐊ ᐊᑲ ‍ ᐅᒋ ‍ ‍ ᓂᓇᔨᑕᑕᒡ, ᒋᒋ ‍ ᐊᔭᔅᑯᐎᔨᓐ ᒐᒋ ᐊᓏᔨᒥᔭᒡ, ᐊᑯ ᑭᔭ ᒂ ‍ ᐊᓏᔨᒥᔭᒡ, ᐛᔅ ᓇᓂᑎᒻ ᑯᐃᒄ ᒋ ᑐᑕᓐ ᒐᒂᓐ᙮
\pi
\v 15 ᐅ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ, ᒋᒋ ‍ ᐎᐎᑕᐅᒡ ᒋᑦ ᐃᔨᒥᒡ ᐃᒋᑉᑎᒡ ᐅᒋ ᒋᒋ ‍ ᐅᐧᑲᑎᓯᐅᓂᒡ ᐅᒋ, ᑭᔭ ᐊᓐ ᑲ ‍ ᑐᑎᒥᓐ ᒋᒋ ‍ ᑐᑐᐛᐅᒡ ᐃᔨᒡ ᐊᓐᑕ ᐎᐱᒡ ᐅᒋ ᐃᔅᐱᔅ ᐊᓄᒡ ᒐᒋ ᒋᔅᒐᔨᑕᒡ ᐊ ᒋᔅᑎᓯᔨᓐ ᐊᑎ ᓱᒄ ᐊᒋ ‍ ᒥᒋᑥᔭᒡ ᑭᔭ ᑐᑎᒪᒡ ᒥᒋ ‍ ᒐᒂᓇ᙮
\v 16 ᑎᐸᔨᒋᒐᓱᐤ, ᐊᐅᑯᓐ ᒋᕈᓴᓕᒻ ᒋ ‍ ᐅᑕᓇᒻ, ᑭᔭ ᐊᑯᑕ ᑲ ‍ ᒋᒥᑕᑭᓄᐅᒡ ᒋᑦ ᐊᔭᒥᐊᐅᒋᐛᑉ ᐊᓐᑕ ᒋ ᐸᔭᒋ ‍ ‍ᐱᔅᑯᑎᓇᒥᒡ᙮ ᐊᓄᒡ ᒥᓯᐛ ᐃᔪᒡ ᒥᒋᒪ ᐊᔅᒋᒡ ᐛᒋᒡ ᒪᔭᔨᑎᒧᒡ ᒋᕈᓴᓕᒥᔪᐤ ᑭᔭ ᒋᑦ ᐃᔨᒪ ᐛᔅ ᓂᒥᒋᑥᐅᓇᓇ ᐅᒋ ᑭᔭ ᐛᔅ ᐊᓂᔭ ᑲ ᒪᔭᑎᓂᔨᒡ ᒐᒂᔪᐛ ᑲ ᐃᑐᑕᒡ ᓂᑦ ᐊᓂᔅᑯᑕᐸᓂᓇᓐᒡ᙮ ᒥᒄ ᐊᓄᒡ, ᐛᔅ ᐊᓐ ᑯᐃᒄ ᒐᒂᓐ ᐊ ‍ ᐃᑐᑎᒥᓐ, ᒋ ᐱᑯᓴᔨᒥᑎᓇᓐ ᒐ ᐊᑲ ᓴᔅ ᒋᔄᐱᔅᑎᒥᓐ ᒋᕈᓴᓕᒻ᙮
\pi
\v 17 ᐅ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ, ᐱᓯᒋᑕ ᓂ ‍ ᓂᑐᑎᒪᒐᐅᓐ ᑭᔭ ᐊ ‍ ᐱᑯᓴᔨᒥᑕᓐ ᒐ ‍ ᑐᑎᒥᓐ᙮ ᒐᒋ ᐅᒋ ᒋᔅᒐᔨᑕᒡ ᐃᔪᒡ ᐊ ‍ ᒋᔅᑎᓯᔨᓐ, ᒋᑎᒪᒐᔨᑕ ᒋᑦ ᐊᔭᒥᐊᐅᒋᐛᑉ, ᐊᓂᔭ ᑲ ‍ ᓂᓱᐅᓇᒋᑕᒡ ᐸᐱᓗᓂᐊ ᓂᑐᐱᔪᐤ-ᐃᔪᒡ᙮
\v 18 ᓂᒋᓴᒪᓂᑐᒻ, ᐱᓯᒋᑕ ᓂ ‍ ᓂᑐᑎᒪᒐᐅᓐ᙮ ᒋᑕᐱᒥᓇᓐ ᑭᔭ ᐛᐸᑕ ᓂᑦ ‍ ᐊᔨᒥᐅᓇᓇ, ᑭᔭ ᐛᐸᑕ ᐅ ᐅᑕᓇᐤ ᑲ ‍ ᑎᐱᔨᐛᓯᔨᓐ ᐊᒋ ‍ ᓂᓱᐅᓇᒋᑕᑭᓄᐅᒡ᙮ ᒋ ‍ ᓂᑐᑎᒪᑎᓇᓐ ᐛᔅ ᒋ ‍ ᒋᑎᒪᒐᔨᒧᐛᓐ, ᓇᒥᔭᐤ ᐊᓐ ᐊᒋ ‍ ᑐᑎᒪᒡ ᑯᐃᔅᒄ ᒐᒂᓐ᙮
\v 19 ᑎᐸᔨᒋᒐᓱᐤ, ᓂᑐᑐᐅᓇᓐ ! ᑎᐸᔨᒋᒐᓱᐤ, ᐛᐸᔨᑎᒧᐅᓇᓐ ! ᑎᐸᔨᒋᒐᓱᐤ, ᐅ ᐅᑕᓇᐤ ᑭᔭ ᒋᔾ ‍ ᒋᑎᐸᔨᒪᐅᒡ ᐅᒡ ᐃᔪᒡ, ᐊᑯ ᒋ ‍ ᐱᑯᓴᔨᒥᑎᓇᓐ ᒐᒋ ᒪᒥᑐᓇᔨᑎᒥᓐ ᒐᒂᓐ ᐊ ‍ ᐃᔅᒋᔄᔭᒡ ᑭᔭ ᐎᒋᔨᓇᓐ ᐊᓄᒡ, ᒐᒋ ᐅᒋ ᒋᔅᒐᔨᑕᒡ ᒋᑦ ᐃᔨᒥᒡ ᒋᒋᐛ ᐊ ᒋᔅᑎᓯᔨᓐ !
\s1 ᒋ ‍ ᐎᑎᒻ ᑲᐱᓂᔭᓐ ᑕᓐ ᒐ ‍ ᐃᔅᐱᔨᒡ ᐊᓐᑕ ᓂᑲᓄᒡ
\p
\v 20 ᐊᔅᒄ ᓂᒋ ‍ ᓂᑐᑎᒪᓐ ᑭᔭ ᓂᒋ ‍ ᐎᑎᒺᓐ ᓂᑦ ᐃᔨᒥᒡ ᐅᓂᑐᑎᒧᐅᓄᐛᐛ ᑭᔭ ᓂᔾ ᑲ ᑐᑎᒪᓐ, ᑭᔭ ᐊ ‍ ᐱᑯᓴᔨᒥᒄ ᑎᐸᔨᒋᒐᓱᐤ ᓂᒋᓴᒪᓂᑐᒻ ᒐᒋ ᑲᐤ ᒋᒥᑕᑦ ᐊᔭᒥᐊᐅᒋᐛᐱᔪᐤ ᐊᓐᑕ ᐸᔭᒋ ‍ ᐱᔅᑯᑎᓇᒡ ᐊᓐᑕ ᒋᕈᓴᓕᒥᒡ᙮
\v 21 ᒪᒂᒡ ᐊᓂᑐᑎᒪᔭᓐ, ᑲᐱᓂᔭᓐ, ᐊᓐ ᐊᓐᒋᓐ ᑲ ‍ ᐛᐱᒥᒃ ᐊᓐᑕ ᐃᓯᓂᒧᐅᓂᒡ, ᒋᔅᑎᑉ ᓂᒋ ‍ᐸᒋ ‍ ᓇᑕᐅᒄ ᐊᐱᒥᔭᑦ, ᐊᓂᔭ ᒧᔭᒻ ᐛᑕᑯᓯᔨᒡ ᑲ ‍ ᒥᑐᔅᑕᐊᒪᒐᒡ ᐊᔭᒥᐊᐅᒋᒪᐅᒡ᙮
\v 22 ᓂᒋ ‍ ᐃᑎᒄ, “ᑕᓂᔭᓐ, ᒋᐸ ᒋ ‍ ᓂᑐᐛᐱᒥᑎᓐ ᒐᒋ ᑐᑕᑕᓐ ᒐᒋ ᒥᔪ ‍ ᓂᔅᑐᑎᒧᑦ ᐃᔨᒧᐅᓂᔪᐤ ᒋᓴᒪᓂᑐᐤ ᑲ ‍ ᒥᔭᑦ ᒋᕆᒪᐃᐊᔨᒋ᙮
\v 23 ᐃᔅᐱ ᑲ ‍ᒋᒋ ‍ ᐱᑯᓴᔨᒥᑦ ᒋᓴᒪᓂᑐᐤ, ᓂᒋ ‍ ᒥᔨᒄ ᐃᔨᒧᐅᓂᔪᐤ ᒐᒋ ᒥᔨᑐᐅᑦ᙮ ᒋᒋᐛ ᒋᓴᒋᔨᒄ, ᐊᑯ ᒂ ‍ ᐃᑎᓴᐅᑦ ᒐᒋ ᐎᑎᒪᑐᐅᑦ ᒐᒂᔪᐤ ᑲ ᐃᓯᑦ᙮ ᐊᑯ ᐊᓄᒡ ᒥᔪ ‍ ᓂᑐᑕ ᒐᒋ ᐅᒋ ᓂᔅᑐᑎᒥᓐ ᑕᓐ ᐊᑥᒥᑭᓂᔨᒡ ᒐᒂᔪᐤ ᑲ ‍ ᐛᐸᑎᔭᑦ ᒋᕆᒪᐃᐊᔨᒋ᙮
\p
\v 24 ᓴᔅ ᒋ ‍ ᐎᑎᒪ ᒋᓴᒪᓂᑐᐤ ᒐ ᓇᐤ ‍ ᒥᑕᐃᔅᒥᑎᓄᐛᐱᐳᓂᔨᒡ ᐊᓱ ᐸᐃᑯᔅᑕᐤ ᑕᑐᔪᐤ (490) ᐱᑎᒪ ᒐ ‍ ᐱᒪᒋᐊᑦ ᒋᑦ ᐃᔨᒪ ᑲ ‍ ᒥᒋ ‍ ᑐᑎᒥᔨᒋ ᑭᔭ ᒐᒋ ᒥᒋᔽᔭᓯᔨᒋ ᒥᒋ ‍ ᒐᒂᓇ ᑲᒋ ‍ ᑐᑎᒥᔨᒋ᙮ ᐊᑯ ᒋᓴᒪᓂᑐᐤ ᑯᐃᔅᒄ ᒐ ‍ ᑎᐸᔨᒪᑦ ᒥᓯᐛ ᐊᐛᔪᐛ, ᑭᔭ ᒧᔅ ᑲᒋᒡ ᐊᓂᔭ ᒐ ‍ ᑐᑕᐧᒃ᙮ ᑭᔭ ᐊᓐ ᒐᒂᓐ ᑲ ‍ ᐛᐸᑎᒥᓐ ᐊᓐᑕ ᐃᓯᓂᒧᐅᓂᒡ ᑭᔭ ᐊᓂᔭ ᑲ ‍ ᐎᑕᐧᒃ ᒐ ‍ ᐃᔅᐱᔨᒡ ᒐᕆᒪᐃᐊ ᑕᑈ ᒐ ‍ ᐃᔅᐱᔨᒡ, ᑭᔭ ᒐ ᒋᔅᒋᓄᐛᒋᑕᑭᓄᐅᒡ ᐸᔭᒋ ‍ ‍ ᐃᑕᐅᓐ᙮
\p
\v 25 ᒋᑭ ᐎ ‍ ᒋᔅᒐᔨᑕᓐ ᑭᔭ ᓂᔅᑐᑕᓐ ᐅ: ᒋᑭ ‍ ᓇᐅᐎᔪᐛᐱᐳᓐ ᐊᓱ ᐸᐃᑯᔅᑕᐤ ‍ (49) ᐅᒋ ᐊᓂᔭ ᒋᓴᐅᒋᒪᐤ ᒐ ‍ ᐃᑎᓱᐛᑦ ᒐ ‍ ᒋᒥᑕᑭᓄᐎᔨᒡ ᒥᓐ ᒋᕈᓴᓕᒥᔪᐤ ᐸᑐᔅ ᒋᓴᐅᒋᒪᐤ ᐊᓂᔭ ᑲ ᐎᔭᔨᒪᑦ ᒋᓴᒪᓂᑐᐤ ᑎᑯᓯᓂᔨᒐᓂ᙮ ᐊᑯ ᓇᐤ ‍ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᓇᐤ ‍ (434) ᐱᐳᓇ ᓇᓇᒐ, ᒋᕈᓴᓕᒻ ᒥᓐ ᑲᐤ ᒐ ᐎᑲᐳᐅᑕᑭᓄᐅᒡ, ᑭᔭ ᒪᔅᑭᓇᐛ ᒋᑭ ‍ ᑎᑯᓇ ᑭᔭ ᐊ ᒥᔅᑎ ‍ ᐱᓴᒡ ᐊᓐᑕ ᐛᔅᑲ ᒋᑭ ‍ ᑎᑯᓐ ᐊᓴᑭᔅᒋᓇᐸᒡ ᓂᐱᔾ ᒐᒋ ᑭᓄᐛᔨᑕᒂᒡ ᐅᑕᓇᐤ᙮ ᒥᒄ ᒋᑭ ‍ ᑎᑯᓐ ᐃᔅᐱ ᒋᓴᒪᓂᑐᐤ ᐅᑦ ᐃᔨᒪ ᒐ ᒥᔅᑎ ‍ ᐅᔅᑕᐱᔨᒋ᙮
\v 26 ᒋ ‍ ᓇᐤ ‍ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᓇᐤ ‍ (434) ᐱᑈᒐ, ᒋᓴᐅᒋᒪᐤ ᐊᓂᔭ ᒋᓴᒪᓂᑐᐤ ᑲ ᐅᑎᓇᑦ ᒋᑭ ‍ ᓂᐸᐊᑭᓄᐤ ᐃᔅᐱ ᐊ ᐊᑲ ᒐᒂᔪᐤ ᐅᒋ ᒥᒋ ‍ ᑐᑕᐧᒃ᙮ ᒋ ᐃᔅᐱᔨᒐ ᐊᓐ, ᐊᑯ ᑲ ᓱᐧᑲᑎᓯᒡ ᑲ ‍ ᑎᐸᔨᒋᒐᑦ ᐅᓂᑐᐱᔨᐤ-ᐃᔨᒪ ᒐ ‍ ᓂᓱᐅᒐᒋᒡ ᐊᔭᒥᐊᐅᒋᐛᐱᔪᐤ᙮ ᒋᑭ ‍ ᓂᓱᐅᓇᒋᑕᑭᓄᐤ ᐅᑕᓇᐤ ᑭᔭ ᐊᔭᒥᐊᐅᒋᐛᑉ ᒧᔭᒻ ᐊ ᐃᓯ ‍ ᓂᓱᐅᓇᑎᒡ ᒥᓯᐛ ᒐᒂᓐ ᐊ ‍ ᐃᔅᒋᐸᒋ᙮ ᐊᐅᑯᓐ ᒐ ᒋᒋᐱᔨᒡ ᒐ ‍ ᓂᑐᐱᔨᓇᓄᐅᒡ ᑭᔭ ᓂᓱᐅᓇᒋᔨᐛᐅᓐ ᐊᓂᔭ ᒋᓴᒪᓂᑐᐤ ᑲ ‍ ᐃᔅᒋᔄᑦ ᒐ ᐃᔅᐱᔨᒡ᙮
\v 27 ᒋᑭ ‍ ᑐᑎᒻ ᐎᓱᐛᐅᓂᔪᐤ ᐊᓐ ᑲ ᑎᐸᔨᒋᒐᑦ ᐊᓯᒡ ᒥᒐᑦ ᐊᐛᔪᐛ᙮ ᒋᑭ ‍ ᐊᓱᑎᒪᒐᐤ ᒐᒋ ᑐᑕᐧᒃ ᑕᓐ ᑲ ᐃᔅᒋᔄᑦ ᐊᓐᑕ ᓂᔅᑯᒧᐅᓂᒡ ᓂᔄᐅᑕᒡ ᑕᑐ ᐱᐳᓇ (7) ᐃᔅᐱᔅ᙮ ᒥᒄ ᐃᔅᐱ ᒋ ‍ ᐃᔎᐱᔨᒐ ᐊᓂᔭ ᐳᔅᒄ ᐃᔅᐱᔅ, ᒋᑭ ‍ ᑯᔅᑎᔭᐤ ᐊᔭᒥᐊᐅᒋᒪᐛ ᒐᒋ ᐱᔅᑎᓂᒧᐛᔨᒋ ᒥᔨᐛᐅᓇ ᑭᔭ ᒥᑐᔅᑕᐊᒧᐛᔨᒋ ᒋᓴᒪᓂᑐᐛ᙮ ᐊᑯ ᒐ ‍ ᑎᔭᑭᓄᐅᑦ ᐊᓐᑕ ᐊᒥᒋᓇᑯᓯᑦ ᒥᓂᑐᐧᑲᓐ ᒐ ᐊᔭᑭᓄᐅᑦ ᐊᓐᑕ ᐊ ‍ ᐃᔅᐸᔨᒡ ᐊᔭᒥᐊᐅᒋᐛᐱᔪᐤ, ᑭᔭ ᐊᑯᑕ ᒐ ‍ ᐃᑕᑦ ᐃᔅᐱᔅ ᐸᑐᔅ ᒋ ‍ ᓂᓱᐅᓇᒋᐊᒐ ᒋᓴᒪᓂᑐᐤ ᐊᓂᔭᔪᐛ ᑲ ‍ ᐊᔭᔨᒋ ᐊᓐᑕ, ᐊᓂᔭ ᑲ ᐃᔅᒋᔄᑦ ᒐᒋ ᑐᑕᐧᒃ᙮”
\c 10
\s1 ᑕᓂᔭᓐ ᐅᑦ ‍ᐃᓯᓂᒧᐅᓐ ᐊᓐᑕ ᑕᐃᑭᕆᔅ ᓯᐱᒡ
\p
\v 1 ᒪᒂᒡ ᓂᔅᑐ ‍ (3) ᐱᐳᓂᔪᐤ ᐳᕐᓯᐊ ᑲᒋᓴᐅᒋᒪᐅᑦ ᓴᐃᕈᔅ, ᓂᔾ ᑕᓂᔭᓐ, ᐸᑎᓴᓴᕐ ᑲ ‍ᐃᓯ ‍ ᐎᒋᓯᒥᑯᐅᔭᓐ, ᑯᑎᒋᔪᐤ ᐃᔨᒧᐅᓂᔪᐤ ᓂᒋ ‍ ᒥᔨᒄ ᒋᓴᒪᓂᑐᐤ᙮ ᑕᑈᒥᑭᓐ ᐊᓐ ᐃᔨᒧᐅᓐ, ᒥᒄ ᒋᒋᐛ ᐊᔨᒥᓐ ᓂᔾ ᒐᒋ ᓂᑐᔅᑎᒪᓐ᙮ ᒥᒄ ᓇᓇᒐ ᓂᒋ ‍ ᔅᑐᑕᓐ ᐛᔅ ᐊᓐ ᑲᒋ ‍ ᐛᐸᑎᒪᓐ ᐃᓯᓂᒧᐅᓐ᙮
\p
\v 2 ᒪᒂᒡ ᐊᓐ ᓂᔅᑐ ‍ (3) ᒥᓇᔅᑕᑭᓇ ᐃᔅᐱᔅ ᓂᒋ ‍ ᐱᒋᔅᑲᑕᔨᑎᒥᔨᑯᓐ ᑕᓐ ᑲ ‍ ᐃᔅᐱᔨᒡ ᒋᕈᓴᓕᒥᒡ᙮
\v 3 ᓇᒪ ᓂ ᐅᒋ ‍ ᒥᒋᓐ ᑲ ᐎᐧᑲᒡ ᒥᒋᒻ ᑭᔭ ᒪᒃ ᐎᔭᔅ ᑭᔭ ᓇᒪ ᓂ ᐅᒋ ᒥᓐ ᓱᒥᓇᐳᔾ᙮ ᐃᔭᐱᒡ ᓇᒪ ᓂ ᐅᒋ ᐊᔅᑕᓐ ᑲᐎᒋᒪᒂᒡ ᓂᑕᔅᑎᒥᐧᑯᒡ ᑭᔭ ᒪᒃ ᓂᐱᔎᐅᓂᒡ ᐊᓂᔭ ᒪᒂᒡ ᓂᔅᑐ ‍ (3) ᒥᓇᔅᑕᑭᓇ᙮
\p
\v 4 ᑲ ‍ ᐃᔎᐱᔨᒋ ᐊᓂᔭ ᓂᔅᑐ ‍ (3) ᒥᓇᔅᑕᑭᓇ, ᓂᔅᒋ ‍ ᐱᓯᒻ 23, ᓂᐎᒐᐛᑭᓐᒡ ᑭᔭ ᓂᔾ ᓯᓱᒡ ᒋᒋ ‍ ᑕᐃᑭᕆᔅ ᓯᐱᒡ ᓂᒋ ‍ ᓂᐳᐅᓇᓐ᙮
\v 5 ᓂᒋ ‍ ᐅᐸᐱᓐ ᑭᔭ ᒂ ‍ ᐛᐱᒥᒄ ᐊᐛᓐ ᐊᓐᑕ ᐊᐛᐸᑭᓂᔨᔨᒋ ᐊᒥᔽᓯᔨᒋ ᐊᐱᒋᑕᐅᓇ ᐊᒋᔅᑲᒃ ᑭᔭ ᐎᔄᐅᓱᓇᔭᔪᐤ ᐊ ᐅᒋ ᐅᓯᑕᑭᓄᐎᔨᒡ ᐅᐱᒂᑕᐅᓂᔪᐤ᙮
\v 6 ᒋ ‍ ᐛᓴᔭᓯᓇᑯᓂᔪᐤ ᐎᔪᐤ ᒧᔭᒻ ᓇᔅᒡ ᐊ ᒥᔪᓯᓯᑦ ᐱᕈᓪ ᐊᓯᓂᔾ᙮ ᒧᔭᒻ ᐊ ‍ ᐛᔅᑕᐱᔨᑦ ᓂᒥᔅᒍᐤ ᒋ ᐃᓯ ‍ ᐊᔭᓯᓱᓇᑯᓂᔪᐤ ᐅᑕᔅᑎᒥᐧᒄ᙮ ᒧᔭᒻ ᐛᔨᑕᔨᒋ ᐃᔅᑯᑕᐛ ᒋ ᐃᓯᓇᑯᓂᔨᐛ ᐅᔅᒋᓯᒂ᙮ ᒋ ‍ ᓴᑈᔅᑕᔪᐛ ᐅᔅᐱᑐᓇ ᑭᔭ ᐅᔅᑲᑕ ᒧᔭᒻ ᐊᐛᔅᑭᒪᐱᓯᔅᒋᓯᑦ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᒄ᙮ ᑭᔭ ᓇᔅᒡ ᐊᒋᔄᐛᒥᑭᓂᔨᒡ ᐅᐸᑕᑯᓯᐅᓐ ᒧᔭᒻ ᐊᒥᒐᑥᑕᒡ ᐃᔪᒡ᙮
\p
\v 7 ᓂᔾ, ᑕᓂᔭᓐ, ᓂᔾ ᒥᒄ ᓂᒋ ‍ ᐛᐸᑕᓐ ᐅ ᐃᓯᓂᒧᐅᓐ᙮ ᐊᓐᒡ ᓇᐸᐅᒡ ᑲ ‍ ᐎᒐᐅᒡ ᓇᒪ ᒐᒂᔪᐤ ᐅᒋ ᐛᐸᑎᒧᒡ, ᒥᒄ ᒋ ‍ ᒧᓴᐊᐅᒡ ᐊ ‍ ᐃᑕᔨᒋ ᐊᓐᑕ ᐊᐛᔪᐛ, ᐊᑯ ᑭᔭ ᒂ ‍ ᑯᔅᑕᒋᒡ᙮ ᒂ ‍ ᒋᒋᐸᔨᑐᒡ ᑭᔭ ᑭᔭᓱᒡ᙮
\v 8 ᐊᑯ ᒂ ‍ ᐸᐃᑯᓯᔭᓐ ᐊᓐᑕ, ᒐᑕᐸᑎᒪᓐ ᐅ ᒋᒋ ‍ ᐃᓯᓂᒧᐅᓐ᙮ ᒂ ‍ᐊᑲ ‍ ᓴᐱᓯᔭᓐ᙮ ᒂ ‍ ᐛᐱᓇᐅᐱᔨᔭᓐ᙮
\v 9 ᓂᒋ ‍ ᐛᐱᒪᐤ ᐊᓐᑕ ᓇᐸᐤ, ᑭᔭ ᐃᔅᐱ ᐱᔭᑐᐅᒄ ᐊ ‍ ᐃᔨᒥᑦ᙮ ᒧᔅᑎᔅᑭᒥᒡ ᓂᒋ ᐃᓯ ‍ ᐸᒋᓯᓐ᙮ ᓇᒪ ᓂ ᐅᒋ ‍ ᒋᓯᓐ, ᑭᔭ ᓂᒋ ‍ ᐅᑎᑕᒧᓂᓯᓐ᙮
\p
\v 10 ᒂ ‍ ᐅᐱᓐᑦ ᓂᑎᒋᒡ ᑭᔭ ᓂᒋᑯᓂᒡ ᐃᓯ, ᒥᒄ ᐊᔅᒄ ᓂᒋ ‍ ᓇᓇᐱᔨᓐ᙮
\v 11 ᓂᒋ ‍ ᐃᑎᒄ ᐊᓐ ᓇᐸᐤ, “ᑕᓂᔭᓐ, ᒋᒋᐛ ᒋᓴᒋᔨᒄ ᒋᓴᒪᓂᑐᐤ᙮ ᐱᓯᑯᐤ ᑭᔭ ᒐ ‍ ᓂᑐᑎᒥᓐ ᒐᒂᓐ ᒐ ᐃᑎᑕᓐ, ᐛᔅ ᒋᓴᒪᓂᑐᐤ ᓂᒋ ‍ ᐃᑎᓴᐅᒄ ᐊ ‍ ᐃᑕᔨᓐ᙮” ᐃᔅᐱ ᑲ ‍ ᐃᓯᑦ ᐊᓂᔭ, ᒂ ‍ ᐱᓯᑯᔭᓐ, ᒥᒄ ᐊᔅᒄ ᓂᒋ ‍ ᓇᓇᐱᔨᓐ᙮
\p
\v 12 ᐊᑯ ᒂ ‍ ᐃᓯᑦ, “ᑕᓂᔭᓐ, ᐊᑲ ᑯᔅᑕᒋ᙮ ᒋᒋ ‍ ᐸᑕᒄ ᒋᓴᒪᓂᑐᐤ ᒐᒂᔪᐤ ᑲ ‍ ᓂᑐᑎᒪᔨᓐ ᐃᔅᐱᔅ ᐊᓐ ᐅᔅᑭᒡ ᒋᓯᒄ ᑲ ‍ ᓱᒐᔨᑎᒥᓐ ᒐᒋ ᑎᐱᑕᔨᑕᑯᐃᑎᓱᐎᔨᓐ ᒐᒋ ᐅᒋ ᓂᔅᑐᑎᒥᓐ ᐃᓯᓂᒧᐅᓐ᙮ ᒋᒋ ‍ ᓂᑐᐛᐱᒥᑎᓐ ᐛᔅ ᐊᓐ ᒐᒂᓐ ᑲ ‍ ᓂᑐᑎᒪᔨᓐ᙮
\v 13 ᐊᓐ ᒥᒋ ‍ᐊᒐᐧᒄ ᑲ ‍ ᑎᐸᔨᑕᐧᒃ ᐱᕐᓯᐊ ᒋᓴᐅᒋᒪᐅᓂᔪᐤ ᓂᓱᔪᐛᒋᓯᑲᐛ ᐊᓱ ᐸᐃᒄ ‍ (21) ᐃᔅᐱᔅ ᓂᒋ ‍ ᐅᑎᒥᔨᒄ, ᒥᒄ ᒪᐃᑯᐤ, ᐊᓂᔭ ᐸᐃᒄ ᒋᓴᒪᓂᑐᐤ ᐅᑦ ᐅᒋᒪᐤ ᐊᓐᒋᓂᒪ, ᓂᒋ ‍ᐸᒋ ‍ ᐎᒋᔨᒄ᙮ ᐱᕐᓯᐊ ᐊᓐᑕ ᓂᒋ ‍ ᓂᑭᑕᐤ ᒐᒋ ᐅᑎᒥᔭᐊᑦ ᒥᒋ ‍ᐊᒐᐧᒄ ᑲ ‍ ᑎᐸᔨᒋᒐᔨᒋ ᐊᓐᑕ᙮
\v 14 ᓂᒋ ‍ ᑎᑯᓯᓐ ᐅᑕ ᒐᒋ ᑐᑕᑕᓐ ᒐᒋ ᓂᔅᑐᑎᒥᓐ ᑕᓐ ᒐ ‍ ᐃᔅᐱᔨᒡ ᐃᔅᕋᐃᓪ ᐃᔪᒡ ᐊᓐᑕ ᓂᑲᓄᒡ᙮ ᒐ ᐊᑲ ᐅᓂᒋᔅᒋᑎᒥᓐ ᐊᓐ ᐃᓯᓂᒧᐅᓐ ᑲ ‍ ᐛᐸᑎᒥᓐ ᐊᓂᔭ ᒐᒂᓇ ᒐ ᐃᔅᐱᔨᒋ ᐊᔅᒄ ᓇᑕ ᓂᑲᓄᒡ, ᓇᒪᔭᔪᐛ ᐊᓂᔭ ᐎᐱᒡ ᒐ ‍ ᐃᔅᐱᔨᒋ᙮”
\p
\v 15 ᒪᒂᒡ ᐊᓂᔭ ᐊ ‍ ᐃᔅᒋᔄᑦ, ᒧᔅᑎᔅᑭᒥᒡ ᓂᒋ ‍ ᐃᑕᐱᓐ ᑭᔭ ᓇᒪ ᒐᒂᓐ ᓂ ᐅᒋ ‍ ᐃᔅᒋᔄᓏᔅ ᒋᒋᐛ ᐊᒋ ‍ ᑯᔅᑕᒋᔭᓐ᙮
\v 16 ᓯᔅᒋᑯᒡ ᐊᓐ ᐊᓐᒋᓐ ᒧᔭᒻ ᐃᔪᐛ ᑲ ‍ ᐃᔅᓇᑯᓯᑦ, ᒋ ᑕᒋᓂᒻ ᓂᑐᓂᔪᐤ᙮ ᐊᑯ ᒂᒋ ‍ ᐃᔨᒥᔭᓐ, ᑭᔭ ᓂᒋ ‍ ᐃᑕᐤ, “ᐅᒋᒪᐤ, ᐛᔅ ᐊᓐ ᑲ ‍ ᐛᐸᑎᒪᓐ ᐅ ᐃᓯᓂᒧᐅᓐ, ᓇᒪ ᓂ ᐅᒋ ‍ ᓴᐱᓯᓐ ᐊᓐ ᐅᒋ ᓇᒪ ᓂᒋ ‍ ᐊᔅᑕᔭ ᓂᓂᐱᔨᓐ᙮
\v 17 ᓇᒪ ᒋ ᐅᒋ ‍ ᐃᔨᒥᑎᓐ, ᓂᐅᒋᒪᒻ᙮ ᓇᒪ ᑎᑯᓐ ᓂᓱᒋᓯᐅᓐ, ᑯᔭ ᒋᒋᐛ ᐊᔨᒥᓐ ᒐᒋ ᐃᔭᔭᓐ᙮”
\p
\v 18 ᒥᒄ ᒥᓐ ᓂᒋ ᐅᑎᓂᒄ, ᑭᔭ ᒂ ‍ ᑐᑐᐅᑦ ᒐᒋ ᑲᐤ ᓱᒋᓯᐅᒡ᙮
\v 19 ᒂ ‍ᐃᓯᑦ, “ᒋᔾ ᐃᔪᐤ, ᒋᒋᐛ ᒋᓴᒋᔨᒄ ᒋᓴᒪᓂᑐᐤ᙮ ᐊᑯ ᐊᑲ ᑯᔅᑕᒋ᙮ ᓂᐱᑯᓴᔨᑕᓐ ᒥᓯᐛ ᒐᒋ ᐃᓯ ᒥᔪᐱᔨᓐ ᑭᔭ ᓱᒋᑕᔭᔅᑯᑯᐎᔨᓐ᙮” ᐃᔅᐱ ᐊᓂᔭ ᑲᒋ ‍ ᐃᓯᑦ, ᐊᑎᑐᐤ ᐊᓱᒋᓯᔭᓐ ᓂᒋ ‍ ᐃᑎᒪᒋᐅᓐ, ᑭᔭ ᒂ ᐃᑎᒃ, “ᐅᒋᒪᐤ, ᐎᑎᒧᐎ ᒐᒂᓐ ᑲᐎ ᐎᑎᒧᐎᔨᓐ᙮ ᒋᒋ ‍ ᑐᑐᓐ ᐊᑎᑐᐤ ᒐᒋ ᓱᒋᓯᔭᓐ᙮”
\p
\v 20-21 ᐊᑯ ᒂ ᐃᓯᑦ, “ᒋᑭ ‍ ᐎᑎᒪᑎᓐ ᒐᒂᓐ ᑲ ᐅᒋ ‍ ᓂᑐᐛᐱᒥᑕᓐ᙮ ᐊᐅᑯᓐ ᒐᒋ ᐛᐸᑎᔨᑕᓐ ᑕᓐ ᐊᑎᔅᑕᒡ ᒥᓯᓇᐃᑭᓂᒡ ᐊᓐᑕ ᐛᑕᑯᓂᔨᒡ ᒋᓴᒪᓂᑐᐤ ᐅᑕᑈᐅᓐ᙮ ᒥᒄ ᐊᓄᒡ ᑲᐤ ᓂᑭ ‍ ᐎᔅᑐᑕᓐ ᒐᒋ ᒪᓴᐊᒃ ᒥᒋ ‍ ᐊᒐᐧᒄ ᐊᓐ ᑕᐸᔨᒋᒐᑦ ᐊᓐᑕ ᐱᕐᓯᐊ᙮ ᒋ ‍ ᓴᐧᑯᒋᔨᒂ᙮ ᐊᓐ ᒥᒋ ‍ ᐊᓐᒋᓐ ᐊᓂᔭ ᓂᔭᑭᑐᐛᔨᑕᐧᒃ ᑯᕆᔅ ᒐ ‍ ᓄᑯᓯᑦ ᑭᔭ ᓂᑭ ᐎ ‍ ᓴᐧᑯᒋᐊᐤ᙮ ᒪᐃᑯᐤᓐ, ᐊᓐ ᓂᔭᑭᑐᐛᔨᒥᑕᒄ ᒋᔨᐛᐤ ᐃᔅᕋᐃᓪ ᐃᔪᒡ, ᓂᑭ ‍ ᐎᒋᔨᒄ᙮ ᒥᒄ ᓇᒪ ᐃᑕᐤ ᑯᑎᒃ ᐊᐛᓐ ᒐᒋ ᐎᒋᔨᑦ᙮”
\c 11
\nb
\v 1 “ᐊᑯ ᓂᔾ, ᒪᒂᒡ ᐅᔅᑭᒡ ᐱᐳᓂᔪᐤ ᑲ ‍ ᒋᓴᐅᒋᒪᐅᑦ ᑕᕆᐊᔅ, ᓂᒋ ‍ ᐎᒋᐊᐤ ᑭᔭ ᓂᒋ ‍ ᓱᒋᑕᔭᔅᑯᐛᐤ ᒪᐃᑯᐤ᙮”
\s1 ᐃᔨᒧᐅᓐ ᐊᔨᒧᒪᑭᓄᐅᒡ ᐃᒋᑉᑎᒡ ᑭᔭ ᓯᕆᐊ ᒋᓴᐅᒋᒪᐅᒡ
\p
\v 2 ᐊᓐᒋᓐ ᐃᔭᐱᒡ ᓂᒋ ‍ ᐃᑎᒄ, “ᑭᔭ ᐊᓄᒡ ᒐᒂᓐ ᒐ ‍ ᐎᑎᒪᑕᓐ ᒋᒋᐛ ᒋᑭ ‍ ᐃᔅᐱᔪᐤ᙮ ᐊᔅᒄ ᒋᑭ ‍ ᓂᔅᑐᐅᒡ ᒋᓴᐅᒋᒪᐅᒡ ᒐᑎᐸᔨᑕᒡ ᐱᕐᓯᐊ ᒐ ᐊᑎ ‍ ᐃᑎᔅᑲᑐᒡ᙮ ᐊᑯ ᒐ ᐅᒋ ‍ ᐃᑕᑦ ᓇᐤ ᒋᓴᐅᒋᒪᐤ, ᐊᑎᑐᐤ ᒐ ‍ ᐛᔪᑎᓯᑦ ᐃᔅᐱᔅ ᐊᓂᔭ ᑯᑎᑲ᙮ ᐊᓂᔭ ᐅᒋ ᐊ ᒥᔅᑎ ‍ ᒥᔭᑦ ᐃᔪᐛ ᓱᓇᔭᔪᐤ, ᒋᑭ ‍ ᑐᑕᑯᐤ ᐊᑎᑐᐤ ᒐᒋ ᓱᐧᑲᑎᓯᑦ᙮ ᐊᑯ ᒐ ‍ ᓯᒋᒪᑦ ᒥᒐᑦ ᐊ ‍ ᐃᑎᔅᑲᓇᓯᔨᒋ ᒐᒋ ᒪᓴᔨᒋ ᒃᕆᔅ ᒋᓴᐅᒋᒪᐅᓂᔪᐤ᙮
\p
\v 3 ᐊᑯ ᒐ ‍ ᓄᑯᓯᑦ ᓇᔅᒡ ᐊᓱᐧᑲᑎᓯᑦ ᒋᓴᐅᒋᒪᐤ ᐊᓐᑕ ᒃᕆᔅ᙮ ᒋᑭ ‍ ᒥᓴᔪᐤ ᒋᓴᐅᒋᒪᐅᓂᔪᐤ ᒐ ‍ ᑎᐸᔨᑕᐧᒃ, ᒋᑭ ‍ ᑐᑎᒻ ᒥᒄ ᒐᒂᔪᐤ ᐛ ᑐᑕᐧᒃ᙮
\v 4 ᒥᒄ ᐃᔅᐱ ᓇᔅᒡ ᒋ ‍ ᓱᐧᑲᑎᓯᒐ, ᒋᑭ ‍ ᐳᓂᐱᒪᑎᓯᐤ᙮ ᐊᑯ ᓇᐎᔨᒡ ᒐ ᐃᓯ ‍ ᑕᑎᐸᓂᑭᓄᐎᔨᒡ᙮ ᐊᓂᔭ ᒋᓴᐅᒋᒪᐛ ᐊ ᐊᑲ ᐅᑦ ᐊᓂᔅᑯᑕᐸᓂᑦ ᒋᑭ ‍ ᑎᐸᔨᒋᒐᔪᐛ, ᒥᒄ ᓇᒪ ᒋᑭ ‍ ᐃᔅᐱᔅ ᓱᐧᑲᑎᓯᔨᐛ ᒧᔭᒻ ᑲ ‍ ᐃᔅᐱᔅ ᓱᐧᑲᑎᓯᑦ᙮
\v 5 ᐊᑯ ᒐᓱᐧᑲᑎᓯᑦ ᐃᒋᑉᑎᒡ ᒋᓴᐅᒋᒪᐤ᙮ ᒥᒄ ᓇᒪ ᒋᑭ ‍ ᐃᔅᐱᔅ ᓱᐧᑲᑎᓯᔨᐛ ᓂᑐᐱᔪᐤ-ᐅᒋᒪᐛ ᒧᔭᒻ ᐎᔾ, ᑭᔭ ᒋᑭ ‍ ᒥᓴᔪᐤ ᐃᑕᐅᓂᔪᐤ ᒐ ‍ ᑎᐸᔨᑕᐧᒃ᙮
\v 6 ᒋ ᑕᑐᐤ ᐱᐳᓂᔨᒐ, ᐃᒋᑉᑎᒡ ᒋᓴᐅᒋᒪᐤ ᑭᔭ ᓯᕆᐊ ᒋᓴᐅᒋᒪᐤ ᒋᑭ ‍ ᑐᑎᒧᒡ ᐎᓱᐛᐅᓂᔪᐤ ᒐᒋ ᐎᒋᔨᑐᒡ᙮ ᓯᕆᐊ ᒋᓴᐅᒋᒪᐤ ᒋᑭ ‍ ᒥᔭᐤ ᐃᒋᑉᑎᒡ ᒋᓴᐅᒋᒪᐛ ᐅᑕᓂᓴ ᒐ ᐎᐎᔨᒋ, ᒥᒄ ᓇᒪ ᓇᐅᔅ ᒋᑭ ᒋ ‍ ᓴᐧᑯᒋᒪᐤ, ᑭᔭ ᒥᓯᐛ ᐊᓐ ᒋᑭ ‍ ᓂᐸᐊᑭᓄᐅᒡ ᐊᓐ ᐃᔎᐤ, ᑭᔭ ᐊᓇᐸᒪ, ᑭᔭ ᐅᑦ ᐊᐛᓯᒪ, ᑭᔭ ᐅᑦ ᐊᐱᒋᐊᑭᓇ᙮
\p
\v 7 ᒋ ᐃᔅᐱᔨᒐ ᐅ, ᐸᐃᒄ ᐊᓂᔭ ᐎᐧᑲᓂᓴ ᒋᑭ ‍ ᒋᓴᐅᒋᒪᐎᔪᐛ ᐊᓐᑕ ᐃᒋᑉᑎᒡ᙮ ᐅᓂᑐᐱᔪᐤ-ᐃᔨᒪ ᒋᑭ ‍ ᑯᓯᒂᔨᒧᑐᐛᐅᒡ ᓯᕆᐊ ᓂᑐᐱᔪᐤ-ᐃᔪᐛ᙮ ᒋᑭ ‍ ᐱᒐᐅᒡ ᓯᕆᐊ ᓂᑐᐱᔪᐅ-ᐃᔪᐛ ᐅᒋᓴᐅᒋᒪᐅᒋᐛᐱᔪᐤ ‍ ᑭᔭ ᒋᑭ ‍ ᓴᐧᑯᒋᐊᐅᒡ᙮
\v 8 ᐃᒋᑉᑎᒡ ᑲᐤ ᒋᑭ ‍ ᒋᐛᐅᒡ, ᐊ ᐅᑎᓂᒺᒡ ᓯᕆᐊ ᐃᔪᐛ ᐅ ‍ ᒥᓂᑐᐤ ‍ ᐃᒐᐛᓂᒥᔨᐛ ᑭᔭ ᒥᒐᑦ ᒐᒂᔪᐛ ᓱᓇᔭᐱᔅᑯᒡ ᑭᔭ ᐎᔄᐅᓱᓇᔭᐱᔅᑯᒡ ᐊ ᐅᒋ ‍ ᐅᓯᑕᑭᓄᐎᒋ ᐊᓂᔭ ᑲ ᐱᔅᑎᓂᒧᐛᑭᓄᐎᔨᒋ ᒥᓂᑐᐧᑲᓇ᙮ ᐊᑯ ᑕᑐᐤ ᐱᐳᓇ ᓇᒪ ᒋᑭ ‍ ᑯᓯᒂᔨᒧᑐᐛᐅᒡ ᓯᕆᐊ ᒋᓴᐅᒋᒪᐛ ᐅᓂᑐᐱᔪᐤ-ᐃᔨᒥᔨᐛ᙮
\v 9 ᐊᑯ ᓯᕆᐊ ᒋᓴᐅᒋᒪᐤ ᐅᓂᑐᐱᔪᐅ-ᐃᔨᒪ ᒐ ‍ ᓴᑯᒋᑕᔨᒋ ᐃᒋᑉᑎᔪᐤ, ᒥᒄ ᐎᐱᒡ ᑲᐤ ᒋᑭ ‍ ᒋᐛᐅᒡ ᐊᓐᑕ ᓯᕆᐊ᙮
\v 10 ᓯᕆᐊ ᒋᓴᐅᒋᒪᐤ ᒋᑭ ‍ ᐊᔭᔅᑯᔪᐤ ᒐᒋ ᓂᑐᐱᔨᑦ, ᑭᔭ ᒋᑭ ‍ ᒪᒧᐅᓇᐅᒡ ᐊᒥᒐᑎᔨᒋ ᓂᐱᔪᐤ-ᐃᔪᐛ᙮ ᓴᐅᓄᒡ ᒋᑭ ᐃᓯ ‍ ᐱᒧᑕᐅᒡ ᑭᔭ ᒥᓯᐛ ᐊᔅᒋᒡ ᒋᑭ ‍ᐃᓯ ‍ ᒥᓯᑕᐱᔪᐅᒡ ᒧᔭᒻ ᐊ ᐊᒂᓯᓇᒂᒡ ᐊ ‍ ᐃᔅᒋᐸᒡ᙮ ᒋᑭ ‍ ᑯᓯᒂᔨᒧᑎᒧᒡ ᐊᓂᔭ ᐊ ‍ ᓱᐧᑲᑎᓯᒥᑭᓂᔨᒡ ᒋᓴᐅᒋᒪᐅᒋᐛᐱᔪᐤ ᐊᓐᑕ ᓱᓄᒡ ᐃᔅᕋᐃᓕᒡ᙮
\p
\v 11 ᐊᑯ ᐃᒋᑉᑎᒡ ᒋᓴᐅᒋᒪᐤ, ᓇᔅᒡ ᐊᒋ ᒥᔅᑎ ‍ ᒋᓱᐛᐱᑦ, ᒋᐛᑎᓄᒡ ᐃᒋᑉᑎᒡ ᐅᒋ ᒐ ᐃᓯ ‍ ᐱᒧᑕᒡ ᐊᓯᒡ ᐅᓂᑐᐱᔪᐅ-ᐃᔨᒪ ᒐᒋ ᒪᓴᐊᒡ ᓯᕆᐊ ᓂᑐᐱᔪᐤ-ᐃᔪᐛ᙮ ᓯᕆᐊ ᒋᓴᐅᒋᒪᐤ ᒋᑭ ‍ ᒪᒧᐅᓇᐤ ᐊᒥᒐᑎᔨᒋ ᓂᐱᔪᐤ-ᐃᔪᐛ, ᒥᒄ ᐃᒋᑉᑎᒡ ᒋᓴᐅᒋᒪᐤ ᐅᓂᑐᐱᔪᐤ-ᐃᔨᒪ ᒋᑭ ‍ ᓴᐧᑯᒋᐊᐅᒡ᙮
\v 12 ᒋᒋᐛ ᒋ ᒋᔅᑕᔨᒥᓱᐤ ᐃᒋᑉᑎᒡ ᒋᓴᐅᒋᒪᐤ ᐛᔅ ᐅᓂᑐᐱᔪᐤ-ᐃᔨᒪ ᒋᒋᐛ ᒋ ᒥᔅᑎ ‍ ᓂᐸᔨᐛ ᓂᑐᐱᔪᐤ-ᐃᔪᐛ ᓯᕆᐊ ᐅᒋ, ᒥᒄ ᓇᒪ ᓇᓂᑎᒻ ᒋᑭ ‍ ᑲᓂᔪᐎᔪᐛ ᓇᑎᐱᔨᓇᓄᐎᔨᒋ᙮
\v 13 ᒥᐤ ᒋᑭ ‍ ᒪᒧᐅᓇᐤ ᓯᕆᐊ ᒋᓴᐅᒋᒪᐤ ᓂᑐᐱᔪᐤ-ᐃᔪᐛ ᐊᑎᑐᐤ ᒋᑭ ‍ ᒥᒐᑎᔨᐛ ᐃᔅᐱᔅ ᐊᓐᑕ ᐅᔅᑭᒡ᙮ ᑲᒋ ᑕᑐᐤ ᐱᐳᓂᔨᒡ, ᒥᓐ ᒋᑭ ‍ ᐱᒧᑕᐤ ᓴᐅᓄᒡ ᐃᒋᑉᑎᒡ ᐃᓯ ᐊᓯᒡ ᐊ ‍ ᒥᒐᑎᔨᒋ ᓂᑐᐱᔪᐤ-ᐃᔪᐛ ᑭᔭ ᒥᒐᑦ ᓂᑐᐱᔪᐤ-ᐊᐱᒋᑕᐅᓇ᙮
\v 14 ᐊᓂᔭ ᒪᒂᒡ, ᒥᒐᑦ ᐃᔪᒡ ᐊᓐᑕ ᐃᒋᑉᑎᒡ ᒋᑭ ‍ ᒪᔭᔨᒪᐅᒡ ᐅᒋᓴᐅᒋᒪᒧᐛᐛ᙮ ᒐᒋ ᑎᐱᐱᔨᒡ ᐊᓂᔭ ᐃᓯᓂᒧᐅᓂᔪᐤ ᑲ ‍ ᐛᐸᑎᒥᔨᒋ ᐸᐃᒄ ᐊᓂᔭ ᑲ ‍ ᓂᑲᓄᔅᑲᑯᒡ, ᐱᔅᒐ ᐊᐧᑯᔪᐛᓯᒡ ᐃᔪᒡ ᐊᓐᑕ ᐃᔅᕋᐃᓪ ᐊᔅᒋᒡ ᐅᒋ ᐃᔭᐱᒡ ᒋᑭ ‍ ᒪᔭᔨᒪᐅᒡ, ᒐ ᐊᑲ ‍ᒋ ᓴᔅ ‍ ᐅᒋ ᑎᐸᔨᒥᑯᒡ ᐃᒋᑉᑎᒡ ᐃᔪᐛ, ᒥᒄ ᒋᑭ ‍ ᓴᐧᑯᒋᐊᑭᓄᐅᒡ᙮
\v 15 ᐊᑯ ᓯᕆᐊ ᒋᓴᐅᒋᒪᐤ ᓴᐅᓄᒡ ᒐ ‍ ᑎᑯᓯᐧᒃ ᐊᓯᒡ ᐅᓂᑐᐱᔪᐤ-ᐃᔨᒪ ᑭᔭ ᒐ ‍ ᐱᔅᑯᔅᑕᒡ ᐃᔭᑲᔪᐤ ᐊᓐᑕ ᔭᔨᑎᒡ ᐅᑕᓇᔪᐤ ᐊᓂᔭ ᑲ ‍ ᒥᔪᑭᓄᐛᔨᑕᑭᓄᐎᔨᒡ, ᑭᔭ ᒋᑭ ‍ ᐱᒂᐊᒧᒡ ᐊᓂᔭ ᑲ ‍ ᐛᔅᑲᑲᐳᔨᒡ ᐅᑕᓇᔪ ᑭᔭ ᒋᑭ ‍ ᒪᑯᓂᒧᒡ ᐊᓂᔭ ᐅᑕᓇᔪᐤ᙮ ᐃᒋᑉᑎᒡ ᓂᑐᐱᔪ-ᐃᔪᒡ ᑲ ‍ ᑎᑯᓯᒡ ᒐᒋ ᒋᔅᐸᐛᑕᒡ ᐊᓂᔭ ᐅᑕᓇᔪᐤ, ᐊᑎ ᐊᓐᒡ ᑲ ‍ ᐱᑯᑕᒡ ᓂᑐᐱᔪ-ᐃᔪᒡ, ᓇᒪ ᒋᑭ ‍ ᐃᔅᐱᔅ ᓱᒋᐅᒡ ᒐᒋ ᐊᔅᒄ ᒪᓯᒐᒡ᙮
\v 16 ᐊᑯ ᒐ ᑐᑕᐧᒃ ᒥᒄ ᒐᒂᔪᐤ ᐛᑐᑕᐧᒃ ᓯᕆᐊ ᒋᓴᐅᒋᒪᐤ, ᑭᔭ ᓇᒪ ᐊᐛᓐ ᒋᑭ ᒋ ‍ ᓄᔅᑯᔅᑐᐛᐤ᙮ ᒋᑭ ‍ ᒪᑯᓂᒥᔨᐛ ᐅᓂᑐᐱᔪᐤ-ᐃᔨᒪ ᐊᓂᔭ ᐃᔅᕋᐃᓪ ᐸᔭᒋ ᐊᔅᒋᔪᐤ ᑭᔭ ᒥᓯᐛ ᒋᑭ ‍ ᒪᑯᓂᒧᒡ᙮
\v 17 ᐊᑯ ᒐ ‍ ᐎᔭᔨᑕᐧᒃ ᒐᒋ ᓴᐅᓄᒡ ᐃᓯ ‍ ᐱᒧᑕᑦ ᐊᓯᒡ ᒥᓯᐛ ᐅᓂᑐᐱᔪᐤ ᐃᔨᒪ ᐅᒋᓴᐅᒋᒪᐅᓂᒡ ᐅᒋ᙮ ᒋᑭ ᑐᑎᒧᒡ ᓂᔅᑯᒥᑐᐅᓂᔪᐤ ᐊᓯᒡ ᐃᒋᑉᑎᒡ ᒋᓴᐅᒋᒪᐛ ᒐᒋ ᐅᒋ ᐎᒋᔨᑯᑦ ᑎᐱᔨᐛ ᐅᑕᓂᓴ ᐊᓂᓱᓇᐊᒋᑕᑦ ᐃᒋᑉᑎᒡ ᒋᓴᐅᒋᒪᐅᓂᔪᐤ, ᒋᑭ ‍ ᒥᔭᐤ ᐃᒋᑉᑎᒡ ᒋᓴᐅᒋᒪᐛ ᐅᑕᓂᓴ ᒐ ‍ ᐎᐎᔨᒋ᙮ ᒥᒄ ᓇᒪ ᒋᑭ ‍ ᒥᔪᐱᔪᐤ ᐊᓂᔭ ᑲ ᐃᓯ ‍ ᐎᔭᔨᑕᐧᒃ᙮
\v 18 ᓇᓇᒐ, ᓯᕆᐊ ᒋᓴᐅᒋᒪᐤ ᐅᓂᑐᐱᔪᐤ-ᐃᔨᒪ ᒋᑭ ‍ ᑯᓯᒂᔨᒧᑎᒧᒡ ᐃᑕᐅᓇ ᒥᒋᒪ ᐊᑎᑯᓂᔨᒋ ᒥᑎᑐᕋᓂᔭᓐ ᐎᓂᐸᑯᒡ, ᑭᔭ ᒥᒐᑦ ᒋᑭ ‍ ᓴᐧᑯᒋᑕᔪᐛ ᐃᑕᐅᓇ ᐅᓂᑐᐱᔪᐤ-ᐃᔨᒪ᙮ ᒥᒄ ᑲᓂᑲᓄᔅᑲᒐᔨᒋ ᐅᓂᑐᐱᔪᐤ-ᐃᔨᒥᔨᐛ ᑯᑎᒃ ᐊᔅᒋᔪᐤ ᐅᒋ ᒋᑭ ‍ ᓴᐧᑯᒋᐊᐅᒡ ᓯᕆᐊ ᓂᑐᐱᔪᐤ-ᐃᔪᐛ ᑭᔭ ᒐ ‍ ᓂᑲᐛᔨᒋ ᐊᔅᒄ ᐊ ‍ ᒋᔅᑕᔨᒥᓯᐎᔨᒋ᙮ ᒋ ‍ ᑐᑐᐛᐤ ᓯᕆᐊ ᒋᓴᐅᒋᒪᐛ ᑕᓐ ᐊᓂᔭ ᐊ ᐃᓯ ‍ ᒪᔭᐅᒐᔨᑎᒥᔨᒋ ᓇᔅᒡ ᐊᒋ ‍ ᑭᒐᑕᐛᔨᑎᒥᔨᒋ᙮
\v 19 ᐊᑯ ᓯᕆᐊ ᒋᓴᐅᒋᒪᐤ ᑲᐤ ᒐ ‍ ᒋᐛᑦ ᒋᓴᐅᒋᒪᐅᒋᐛᐱᒡ ᐊᓐᑕ ᑎᐱᔨᐛ ᐅᑦ ᐊᔅᒋᒡ, ᒥᒄ ᒋᑭ ‍ ᓴᐧᑯᒋᐊᑭᓄᐅ, ᑭᔭ ᐊᑯᑕ ᒐ ‍ ᓂᐸᐊᑭᓄᐅᑦ᙮
\p
\v 20 ᐊᑯ ᒥᐤ ᑯᑎᒃ ᓇᐸᐤ ᒐ ‍ ᒋᓱᒋᒪᐅᑦ᙮ ᐊᓐ ᒋᓴᐅᒋᒪᐤ ᒋᑭ ‍ ᐃᑎᓴᐛᐤ ᐸᐃᒄ ᐅᑯᐸᓇᒪ ᒐᒋ ᓂᓇᐧᑲᒋᐊᑦ ᐃᔪᐛ ᐊᓐᑕ ᒋᕈᓯᓕᒥᒡ ᒐᒋ ᐊᔨᑭᒥᐊᒡ ᒐᒋ ᒋᓯᐧᑲᓱᐎᔨᒋ ᑕᑭᓯᔪᐤ᙮ ᒥᒄ ᒋ ‍ ᑕᑐᐱᐳᓂᔨᒐ, ᒋᑭ ‍ ᐳᓂᐱᑕᑎᓯᐤ ᐊᓐ ᒋᓴᐅᒋᒪᐤ, ᒥᒄ ᓇᒥᔭᔪᐤ ᐊᓂᔭ ᐊᒋᔄᐱᔅᑕᑯᑦ ᐃᔪᐛ ᑭᔭ ᒪᒃ ᐊᓂᑐᐱᔨᓇᓄᐎᔨᒡ ᒐ ᐅᒋ ‍ ᓂᐱᑦ᙮
\v 21 ᐊᓐ ᑯᑎᒃ ᒐ ‍ ᒋᓴᐅᒋᒪᐅᑦ ᓯᕆᐊ ᒋᑭ ‍ ᒥᒋ ‍ ᐃᔪᐅ ᐊᓐ, ᐊᓂᔭ ᐊ ᐊᑲ ᐅᒋ ‍ ᐅᑯᓯᑦ ᐅᑕᒡ ᒋᓴᐅᒋᒪᐤ, ᓇᒪ ᒋᑭ ‍ᒋᒋ ᒋᓴᐅᒋᒪᐤ᙮ ᒥᒄ ᒋᑭ ‍ ᓄᑯᓯᐤ ᐊ ᐊᑲ ᐸᓱᐛᔨᒥᑯᑦ ᐃᔪᐛ, ᑭᔭ ᒐ ‍ ᒋᓴᐅᒋᒪᐅᑦ ᐊᐎᔭᓯᒪᑦ ᐃᔪᐛ᙮
\v 22 ᐃᔅᐱ ᐊᑎ ‍ ᐱᒧᑕᔨᒐᓂᐃ ᐅᓂᑐᐱᔪᐤ-ᐃᔨᒪ, ᒥᒄ ᐊᓯᓇᑯᓯᔨᒋ ᓂᑐᐱᔪᐤ-ᐃᔪᐛ ᒋᑭ ‍ ᑯᓯᒂᔨᒧᑐᐛᐅᒡ ᐊᓂᔭ ᒐ ‍ ᐊᑐᐛᔨᒥᑯᑦ ᑭᔭ ᒐ ‍ ᓂᓱᐅᓇᒋᐊᒡ ᐊᓂᔭ ᓂᑐᐱᔪᐤ-ᐃᔪᐛ᙮ ᐃᔭᐱᒡ ᒋᑭ ‍ ᓂᐸᔨᒪᐅᒡ ᒋᓴᒪᓂᑐᐛ ᐅᒋᒋ ‍ ᐊᔭᒥᐊᐅᒋᒪᒥᔨᐛ᙮
\v 23 ᐊ ‍ ᐃᑐᑕᒡ ᓂᔅᑯᒥᑐᐅᓂᔪᐤ ᐊᓯᒡ ᑯᑎᑲ ᐊ ‍ ᐃᑎᔅᑲᓇᓯᔨᒋ ᑲ ᓂᑲᓄᔅᑲᒐᔨᒋ, ᒋᑭ ‍ ᐎᔭᓯᒪᐤ, ᑭᔭ ᐊᑎᑐᐤ ᒋᑭ ‍ ᓱᐧᑲᑎᓯᐤ, ᐊᑎᓱᐧᒄ ᒋ ‍ ᑎᐸᔨᑕᐧᒃ ᐊᔅᒋᔪᐤ ᐊ ᐊᑲ ᒥᒐᑎᔨᒋ ᐊᓐᑕ ᐃᔪᐛ᙮
\v 24 ᓯᔅᒋᑯᒡ ᐅᓂᑐᐱᔪᐤ-ᐃᔨᒪ ᒋ ‍ ᑯᓯᒂᔨᒧᑎᒧᒡ ᑎᐸᔨᑎᒐᐅᓂᔪᐤ ᓇᔅᒡ ᐊᐛᔪᑎᓯᒥᑭᓂᔨᒡ, ᑭᔭ ᒋᑭ ‍ ᑐᑎᒻ ᒐᒂᔪᐤ ᐊ ᐊᑲ ᓂᑕ ᐅᒋ ᑐᑎᒥᔨᒋ ᐅᑦ ᐊᓂᔅᑯᑕᐸᓇ: ᓇᑐᐱᔨᑥᐎ ᒋᑭ ‍ ᒪᑯᓂᒧᒡ ᒥᓯᐛ ᐊ ‍ ᐃᓯᓇᑯᓂᔨᒋ ᒐᒂᔪᐛ ᐊᓂᔭ ᐃᔪᐛ ᐅᒋ ᒐ ‍ ᓴᐧᑯᒋᐊᒡ᙮ ᐊᑯ ᒐ ‍ ᑕᑎᐸᓂᒧᐛᑦ ᐎᒐᐛᑭᓇ ᐊᓂᔭ ᒐᒂᔪᐛ᙮ ᐃᔭᐱᒡ ᒋᑭ ‍ ᐎᔭᔨᑎᒻ ᒐ ‍ᑯᓯᒂᔨᒧᑎᒥᔨᒋ ᐅᓂᑐᐱᔪᐤ-ᐃᔨᒪ ᒋᓴᐅᒋᒪᐅᓇ ᐊᓐᑕ ᐃᒋᑉᑎᒡ, ᒥᒄ ᒋᑭ ‍ ᑕᒂᔪᐤ᙮
\p
\v 25 ᒋᑭ ‍ ᒪᒧᐅᓇᐤ ᐊ ᒥᒐᑎᔨᒋ ᑭᔭ ᐊᓱᐧᑲᑎᓯᔨᒋ ᓂᑐᐱᔪᐤ-ᐃᔨᒪ ᒐᒋ ᑯᓯᒂᔨᒧᑐᐛᔨᒋ ᐃᒋᑉᑎᒡ ᒋᓴᐅᒋᒪᐛ ᐅᓂᑐᐱᔪᐤ-ᐃᔨᒥᔨᐛ᙮ ᒥᒄ ᒋᑭ ‍ ᐊᔭᔅᑯᔪᐤ ᐃᒋᑉᑎᒡ ᒋᓴᐅᒋᒪᐛ ᒐᒋ ᒪᓴᐊᑦ ᐊᓯᒡ ᐊᒂᓯᓇᑯᓯᔨᒋ ᑭᔭ ᐊᓱᐧᑲᑎᓯᔨᒋ ᓂᑎᐱᔪᐤ-ᐃᔪᐛ᙮ ᒥᒄ ᒋᑭ ‍ ᐎᔭᓯᒥᑯᐤ ᐊᐛᔪᐛ, ᐊᓂᔭ ᐅᒋ, ᓇᒪ ᒋᑭ ‍ ᒥᔪᐱᔪᐤ ᑕᓐ ᑲ ‍ᐃᓯ ‍ ᐎᔭᔨᑕᐧᒃ᙮
\v 26 ᑕᐱᔅᑯᓐ ᐊᓂᔭ ᒪᐅᒡ ᑲᑕᑈᐅᒐᔨᑕᑯᓯᔨᒋ ᑲ ‍ ᐛᐎᒋᔨᐛᓯᔨᒋ ᒋᑭ ‍ ᐎᔭᔨᑎᒥᔨᐛ ᒐᒋ ᓂᓱᐅᓇᒋᔨᑯᑦ᙮ ᒋᑭ ‍ ᓴᐧᒃᒋᐊᑭᓄᔪᐛ ᐅᓂᑐᐱᔪᐤ-ᐃᔨᒪ ᑭᔭ ᒥᒐᑦ ᒋᑭ ‍ ᓂᐸᐊᑭᓄᔪᐛ ᐅᓂᑐᐱᔪᐤ-ᐃᔨᒪ᙮
\v 27 ᐊᑯ ᐊᓐᒡ ᓂᓱ ᒋᓴᐅᒋᒪᐅᒡ ᐊᓐᒡ ᑕᐱᔅᑯᓐ ᐛᑎᐸᔨᒋᒐᒡ ᐊᓐᑕ ᐊᔅᒋᒡ ᒪᒧᐤ ᒋᑭ ‍ ᓇᔨᐱᐃᐳᒡ ᐸᐃᑕᐤ ᒥᒋᓱᐛᑭᓇᑎᑯᔪᐤ ᑭᔭ ᒐ ‍ᐎᒋ ‍ ᒥᒋᓯᒥᑐᒡ, ᒥᒄ ᑕᐱᔅᑯᓐ ᒋᑭ ‍ ᐎᔭᓯᒥᑐᐅᒡ᙮ ᓇᒪ ᐛᒋ ‍ ᐸᐃᒄ ᒋᑭ ᑲᔅᑎᓂᒻ ᒐᒂᔪᐤ ᑲ ‍ ᓂᑐᐛᔨᑕᐧᒃ, ᐛᔅ ᐊᔅᒄ ᓇᒪ ᐅᑎᒋᐱᔪᐤ ᑲ ‍ ᐃᑕᔨᒪᑦ ᒋᓴᒪᓂᑐᐤ ᒐᒋ ᑎᐸᔨᑎᒥᔨᒋ ᐃᒋᑉᑎᔪᐤ᙮
\v 28 ᓯᕆᐊ ᒋᓴᐅᒋᒪᐤ ᐅᓂᑐᐱᔪᐤ-ᐃᔨᒪ ᑲᐤ ᓯᕆᐊ ᒋᑭ ‍ ᒋᐛᔪᐛ, ᐊᔅᑐᑕᒡ ᒥᓯᐛ ᐊᓱᓇᔭᐅᔨᒋ ᒐᒂᔪᐛ ᑲ ‍ ᒪᑯᓇᒡ᙮ ᒋᑭ ‍ ᐎᔭᔨᑎᒻ ᒐᒋ ᓂᓱᐅᓇᒋᐊᑦ ᒍᐤ ᐃᔪᐛ ᒋᒋ ‍ ᐊᔭᒥᐊᐅᒋᒪᐛ᙮ ᒋᑭ ‍ ᐃᑐᑎᒻ ᒐᒂᔪᐤ ᐛ ‍ ᐃᑐᑕᐧᒃ ᐊᓐᑕ ᐃᔅᕋᐃᓕᒡ, ᐊᑯ ᑭᔭ ᑲᐤ ᒐ ‍ ᒋᐛᑦ ᐅᑦ ᐊᔅᒋᒡ᙮
\v 29 ᐃᔅᐱ ᐅᑎᒋᐱᔨᒐ ᒐᒂᔪᐤ ᑲ ‍ ᐎᔭᔨᑕᐧᒃ ᒋᓴᒪᓂᑐᐤ, ᓯᕆᐊ ᒋᓴᐅᒋᒪᐤ ᑭᔭ ᐅᓂᑐᐱᔪᐤ-ᐃᔨᒪ ᒥᓐ ᒐ ‍ ᑯᓯᒂᔨᒧᑕᒡ ‍ ᐃᒡᑉᑎᔪᐤ᙮ ᒥᒄ ᐊᓄᒡ ᓇᒪ ᒋᑭ ‍ ᒥᔪᐱᔪᐤ ᒧᔭᒻ ᐅᔅᑭᒡ᙮
\v 30 ᐃᔅᑯᑕᐤ ‍ ᐅᐤᑕ ᒋᑭ ‍ ᐸᐱᔪᐅᒡ ᕈᒻ ᓂᑐᐱᔪᐤ-ᐃᔪᒡ ᑭᔭ ᒋᑭ ‍ ᐊᑐᐛᔨᒪᔪᐛ ᐅᓂᑐᐱᔪᐤ-ᐃᔨᒪ ᑭᔭ ᒐ ᑐᑕᑯᑦ ᒐᒋ ᑯᔅᑕᒋᑦ᙮ ᐊᑯ ᒋᒋᐛ ᒋᑭ ‍ ᒋᔄᐳᐤ, ᑭᔭ ᑲᐤ ᒐ ‍ ᐃᑐᑕᑦ ᐃᔅᕋᐃᓕᒡ ᐊᓯᒡ ᐅᓂᑐᐱᔪᐤ-ᐃᔨᒪ ᑭᔭ ᒐ ‍ ᑯᒋᑕᑦ ᒐᒋ ᓂᓱᐅᓇᒋᐊᑦ ᒍᐤ ᐃᔪᐛ ᒋᒋ ‍ ᐊᔭᒥᐊᐅᒋᒪᐛ᙮ ᓯᕆᐊ ᒋᓴᐅᒋᒪᐤ ᒋᑭ ‍ ᑐᑎᒧᐛᐤ ᒐᒂᔪᐤ ᓇᑐᐛᔨᒥᑯᑦ ᒐ ‍ ᑐᑎᒧᐛᑦ ᐊᓂᔭ ᑲ ‍ ᓂᑭᑎᒥᔨᒋ ᒍᐤ ᐃᔪᐛ ᐅᑦ ‍ ᐊᔭᒥᐊᐅᓂᔪᐤ᙮
\v 31 ᐱᔅᒐ ᐅᓂᑐᐱᔪᐤ-ᐃᔨᒪ ᒋᑭ ‍ ᑐᑎᒥᔨᐛ ᒐᒂᔪᐤ ᒐᒋ ᐃᑐᑎᒥᔨᒋ ᐊᔭᒥᐊᐅᒋᐛᐱᔪᐤ ᒐ ᐊᑲ ᐸᔭᐧᑭᓂᔨᒡ᙮ ᒋᑭ ‍ ᑐᑐᐛᐅᒡ ᐊᔭᒥᐊᐅᒋᒪᐛ ᒐ ᐊᑲ ᒥᔅᑐᔅᑕᐊᒪᒐᔨᒋ ᐊᓯᑯᒻ ᒋᓯᑲᐛ, ᑭᔭ ᒋᑭ ‍ ᐊᔅᑕᐅᒡ ᒐᒂᔪᐤ ᐊ ‍ ᐃᐸᑕᔨᑕᑯᓂᔨᒡ ᐊᓐᑕ ᐊᔭᒥᐊᐅᒋᐛᐱᒡ᙮
\p
\v 32 ᐊ ‍ ᐎᔭᓯᒪᑦ ᐊᓂᔭ ᑲ ‍ ᓂᑭᑎᒥᔨᒋ ᒍᐤ ᐃᔪᐛ ᐅᑦ ‍ ᐊᔭᒥᐊᐅᓂᔪᐤ, ᒋᑭ ‍ ᓯᒋᒪᐤ ᒐᒋ ᐎᒋᔨᑯᑦ ᒐᒋ ᐃᑐᑕᐧᒃ ᐊᓂᔭ ᐛ ᐃᑐᐊᐧᒃ᙮ ᒥᒄ ᐊᓐᒡ ᐊᔅᒄ ᓯᔭᒋᐊᒡ ᐅᒋᓴᒪᓂᑐᒧᐛᐛ ᒋᑭ ‍ ᐊᑐᐛᔨᒪᐅᒡ ᐊᓂᔭᔪᐛ ᐃᔪᐛ᙮
\v 33 ᑭᔭ ᐊᑭᒐᑕᐛᔨᑕᒡ ᐃᔅᕋᐃᓪ ᑲᓂᑲᓄᔅᑲᒐᒡ ᐃᔭᐱᒡ ᒋᑭ ‍ ᒋᔅᑯᑎᒧᐛᐅᒡ ᑯᑎᑲ ᐊᐛᔪᐛ᙮ ᒥᒄ ᐛ ᐃᐱᓯᔅ, ᐱᔅᒐ ᐊᓐᒡ ᐊᑭᒐᑕᐛᔨᑕᒡ ᑲᓂᑲᓄᔅᑲᒐᒡ ᒋᑭ ‍ ᓂᐸᐊᑭᓄᐅᒡ ᐊᓐᑕ ᐊᓂᑐᐱᔨᓇᓄᐎᔨᒡ, ᑭᔭ ᐱᔅᒐ ᒋᑭ ‍ ᓂᐸᔨᐧᑭᓱᐛᑭᓄᐅᒡ, ᑭᔭ ᐱᔅᒐ ᒋᑭ ‍ ᑭᒐᒧᑎᒧᐛᑭᓄᐅᒡ, ᑭᔭ ᐱᔅᒐ ᒋᑭ ‍ ᒪᑯᓇᑭᓄᐅᒡ᙮
\p
\v 34 ᒪᒂᒡ ᐊᐱᐛᔨᒪᑭᓄᐎᔨᒋ ᒋᓴᒪᓂᑐᐤ ᐅᑦ ᐃᔨᒪ, ᐱᔅᒐ ᐊᐛᓐᒋ ᐊᐱᓯᔅ ᒋᑭ ‍ ᐎᒋᐊᐅᒡ, ᐊᑎᓱᐧᒄ ᐱᔅᒐ ᐊᓐᒡ ᑲ ‍ ᐛᐎᒋᐊᒡ ᐊᓂᔭ ᐃᔪᐛ ᓇᒪ ᑕᑈᐅᓂᒡ ᒋᑭ ‍ ᐎᒋᐊᐅᒡ᙮
\v 35 ᐱᔅᒐ ᐊᓐᒡ ᐊᑭᒐᑕᐛᔨᑕᒡ ᑲᓂᑲᓄᔅᑲᒐᒡ ᒋᑭ ‍ ᓂᐸᐊᑭᓄᐅᒡ, ᒥᒄ ᐊᓂᔭ ᐅᒋ ᑯᑎᑭᒡ ᒋᑭ ‍ ᐸᔭᒋᐊᑭᓄᐅᒡ᙮ ᒋᑭ ‍ ᓇᓂᑎᒪᐱᔪᐤ ᐅ ᐊ ‍ ᐎᓴᒐᔨᑕᑭᓄᐅᒡ ᐸᑐᔅ ᐅᑎᒋᐱᔨᒐ ᐊᓂᔭ ᑲ ‍ ᐎᔭᔨᑕᐧᒃ ᒋᓴᒪᓂᑐᐤ ᒐᒋ ᐳᓂᐱᔨᒡ᙮
\s1 ᑲ ‍ ᒪᒥᒋᒥᓱᑦ ᓯᕆᐊ ᒋᓴᐅᒋᒪᐤ
\p
\v 36 ᒋᑭ ‍ ᐃᑐᑎᒻ ᒥᒄ ᒐᒂᔪᐤ ᐛ ‍ ᐃᑐᑕᐧᒃ ᓯᕆᐊ ᒋᓴᐅᒋᒪᐤ᙮ ᒋᑭ ‍ ᒪᒥᒋᒧᐤ ᑭᔭ ᒋᑭ ‍ ᐃᔅᒋᔄᐤ ᐎᔾ ᐊᑎᑐᐤ ᐊᒋᔅᑎᓯᑦ ᐃᔅᐱᔅ ᒥᒄ ᑯᑎᑲ ᒪᓂᑐᐛ᙮ ᐃᔭᐱᒡ ᒋᑭ ‍ ᒪᔭᔨᒪᐤ ᒋᒋ ‍ ᒋᓴᒪᓂᑐᐛ᙮ ᒋᑭ ᒋ ‍ ᐃᑐᑎᒻ ᒥᒄ ᒐᒂᔪᐤ ᐛ ᐃᑐᑕᐧᒃ ᐸᑐᔅ ᐅᑎᒋᐱᔨᒐ ᒐ ‍ ᐊᓏᔨᒥᑯᑦ ᒋᓴᒪᓂᑐᐛ᙮ ᒋᑭ ᐃᑐᑎᒻ ᒐᒂᔪᐤ ᑲ ᐎ ‍ ᐃᑐᑕᐧᒃ ᒋᓴᒪᓂᑐᐤ᙮
\v 37 ᒋᑭ ‍ ᐊᑐᐛᔨᒪᐤ ᓯᕆᐊ ᒋᓴᐅᒋᒪᐤ ᐊᓂᔭ ᒪᓂᑐᐛ ᐅᑦ ‍ ᐊᓂᔅᑯᑕᐸᓇ ᑲ ‍ ᐊᔭᒥᐊᔅᑐᐛᔨᒋ ᑭᔭ ᐊᓂᔭ ᒪᓂᑐᐛ ᒥᒐᑦ ᐃᔎᐛ ᑲ ‍ ᓴᒋᐊᔨᒋ᙮ ᒥᓯᐛ ᒪᓂᑐᐛ ᒋᑭ ‍ ᐊᑐᐛᔨᒪᐤ, ᐛᔅ ᒋᑭ ‍ ᐃᑕᔨᑎᒻ ᐎᔾ ᐊᑎᑐᐤ ᐊᒋᔅᑎᓯᑦ ᐃᔅᐱᔅ ᐊᓂᔭ ᒥᓯᐛ ᒪᓂᑐᐛ᙮
\v 38 ᒥᒄ ᒋᑭ ‍ ᒋᔅᑕᔨᒪᐤ ᐊᓂᔭ ᒪᓂᑐᐛ ᐃᔪᐛ ᐊ ‍ ᐃᑕᔨᒪᔨᒋ ᐊᓇᑭᑐᐛᔨᑎᒥᔨᒋ ᒋᓴᐅᒋᒪᐅᒋᐛᐸ᙮ ᐊᐅᑯᔪᐛ ᐊᓂᔭ ᒪᓂᑐᐛ ᐊ ᐊᑲ ᐅᒋ ᒋᔅᑕᔨᒪᔨᒋ ᐅᑦ ᐊᓂᔅᑯᑕᐸᓇ᙮ ᑭᔭ ᐱᔅᑎᓂᒧᐛ ᐊᓂᔭ ᒪᓂᑐᐛ ᐎᔄᐅᓱᓇᔭᔪᐤ ᑭᔭ ᐎᐱᓯᐅᓱᓇᔭᔪᐤ, ᑭᔭ ᐊᓱᓇᔭᐅᔨᒋ ᐊᓯᓂᓴ ᑭᔭ ᑯᑎᑲ ᐊᓱᓇᔭᐅᔨᒋ ᒥᔨᐛᐅᓇ᙮
\v 39 ᒋᑭ ‍ ᑭᒂᒋᒪᐤ ᐊ ‍ ᐃᔨᒥᑐᐛᔨᒋ ᐃᔪᐛ ᐊᓂᔭ ᒪᓂᑐᐛ ᐊᓐᑕ ᑯᑎᒋᔪᐤ ᐊᔅᒋᒡ ᐅᒋ ᒐᒋ ᐎᒋᔨᑯᑦ ᒐᒋ ᒋᔅᐸᐛᑕᐧᒃ ᐅᒋᓴᐅᒋᒪᐅᒋᐛᑉ᙮ ᒋᑭ ‍ ᒋᒋ ᒋᔅᑕᔨᒪᐤ ᐊᓂᔭ ᒐᒋ ᓇᐊᔨᒥᑯᑦ ᒐᒋ ᑎᐸᔨᒪᑦ᙮ ᒋᑭ ‍ ᐅᑎᓇᐤ ᐱᔅᒐ ᒐᒋ ᐱᔅᑎᒥᔨᒋ ᐊᐳᐅᓇ ᐊᓐᑕ ᒋᓴᐅᒋᒪᐅᓂᒡ; ᑭᔭ ᒐᒋ ᒥᔭᑦ ᑲᓂᐅᓂᔪᐤ, ᐱᔅᒐ ᐊᔅᒋᔪᐤ ᒋᑭ ‍ ᒥᔭᐤ᙮
\p
\v 40 ᒥᒄ ᐃᔅᐱ ᒐᑲᑦ ᐃᔎᐱᔨᒐ ᐊᑎᐸᔨᒋᒐᑦ, ᐃᒋᑉᑎᒡ ᒋᓴᐅᒋᒪᐛ ᐅᓂᑐᐱᔪᐅ-ᐃᔨᒥᔨᐛ ᒋᑭ ‍ ᑯᓯᒂᔨᒧᑐᐛᔪᐛ ᐅᓂᑐᐱᔪᐅ-ᐃᔨᒪ᙮ ᓯᕆᐊ ᒋᓴᐅᒋᒪᐛ ᐅᓂᑐᐱᔪᐅ-ᐃᔨᒥᔨᐛ ᒋᑭ ‍ ᒪᓯᐧᑲᑯᐅᒡ ᐊᐧᑯᔪᐛᓯᔨᒋ᙮ ᑎᑎᐱᑕᐸᓇᔎ ᒋᑭ ‍ ᐊᐱᒋᐊᔪᐛ ᐅᓂᑐᐱᔪᐅ-ᐃᔨᒥᔨᐛ ᑭᔭ ᑲᐸᐃᑭᔎᐛ ᒋᑭ ‍ ᐳᓯᔨᐛ ᑭᔭ ᒥᒐᑦ ᐃᔅᑯᑕᐤ ‍ ᐅᐤᑕ ᒋᑭ ‍ ᐳᓯᔨᐛ᙮ ᒥᒐᑦ ᐊᔅᒋᔭ ᒋᑭ ‍ ᑯᓯᒂᔨᒧᑎᒥᔨᐛ ᐅᓂᑐᐱᔪᐅ-ᐃᔨᒪ ᑭᔭ ᒥᓯᐛ ᐊᓐᑕ ᐊᔅᒋᒡ ᒋᑭ ᐃᔅᐱᔪᐅᒡ ᒧᔭᒻ ᐊ ‍ ᐃᔅᒋᐸᒡ᙮
\v 41 ᒋᑭ ‍ ᑯᓯᒂᔨᒧᑎᒥᔨᐛ ᐃᔅᕋᐃᓪ ᐸᔭᒋ ‍ ᐊᔅᒋᔪᐤ ᑭᔭ ᐸᐃᑯᔪᐤ ᑕᑥᐤ ᒐᓯᐱᔪᐤ ‍ (10,000) ᒋᑭ ‍ ᓂᐸᐅᒡ ᐊᐛᔪᐛ᙮ ᒥᒄ ᐃᑕᒻ ᐃᔪᐛ ᐊ ‍ ᐃᑎᔅᑲᓇᓯᒡ ᑭᔭ ᒧᐊᑉ ᐃᔪᐛ ᐊ ‍ ᐃᑎᔅᑲᓇᓯᒡ ᑭᔭ ᐊᒧᓐ ᐃᔪᐛ ᐊ ‍ ᐃᑎᔅᑲᓇᓯᒡ ᐊᓐᒡ ᐃᔪᐅᒡ ᐊᔅᒄ ᐸᒪᑎᓯᒡ ᒋᑭ ‍ ᒋᑎᓯᒧᐅᒡ᙮
\v 42 ᐃᔅᐱ ᓯᕆᐊ ᓂᑐᐱᔪᐅ-ᐃᔪᒡ ᒋᑭ ‍ ᑯᓯᒂᔨᒧᑎᒧᒡ ᑯᑎᑲ ᐊᔅᒋᔭ, ᐃᔭᐱᒡ ᒋᑭ ᓴᐧᑯᒋᐊᑭᓄᐅᒡ ᐃᒋᑉᑦ ᐃᔪᒡ᙮
\v 43 ᓯᕆᐊ ᓂᑐᐱᔪᐅ-ᐃᔪᒡ ᒋᑭ ‍ ᐅᑎᓂᒧᒡ ᐎᔄᐅᓱᓇᔭᔪᐤ ᑭᔭ ᐛᐱᓯᐅᓱᓇᔭᔪᐤ ᑭᔭ ᑯᑎᑲ ᐊᓱᔭᐅᔨᒋ ᒐᒂᔪᐛ ᐊᓐᑕ ᐃᒋᑉᑎᒡ ᐅᒋ᙮ ᓕᐱᔭ ᑭᔭ ᐃᑎᐅᐱᔭ ᐃᔪᒡ ᒋᑭ ‍ ᓇᐊᔨᒪᐅᒡ ᓯᕆᐊ ᒋᓴᐅᒋᒪᐛ ᒐᒋ ᑎᐸᔨᒥᑯᒡ᙮
\v 44 ᒥᒄ ᒋᑭ ‍ ᓴᒋᓱᐤ ᐃᔅᐱ ᐸᑕᒐ ᐃᔨᒧᐅᓇ ᑕᓐ ᐊ ‍ ᐃᔅᐱᔨᒡ ᐊᓐᑕ ᐛᐱᓄᑕᒡ ᑭᔭ ᒋᐛᑎᓄᒡ᙮ ᐊᑭ ᒋᒋᐛ ᒋᑭ ‍ ᒋᓱᐛᐳᐤ, ᑭᔭ ᒐ ‍ ᐃᑎᓴᐛᑦ ᐅᓂᑐᐱᔪᐅ-ᐃᔨᒪ ᒐᒋ ᒪᓯᒐᔨᒋ ᐊᐧᑯᔪᐛᓯᔨᒋ ᑭᔭ ᓂᐸᐊᔨᒋ ᒥᒐᑦ ᐊᓂᔭ ᑲ ‍ ᐱᒂᑎᑯᒡ᙮
\v 45 ᓯᕆᐊ ᒋᓴᐅᒋᒪᐤ ᒋᑭ ‍ ᒋᒥᑕᐤ ᐅᒋᓴᐅᒋᒪᐤ ᐱᒋᐎᔭᓂᒍᐛᐸ ᐊᓐᑕ ᑎᔅᑐᐎᒡ ᒥᑎᑐᕋᓂᔭᓐ ᐎᓂᐸᑯᒡ ᑭᔭ ᒋᕈᓴᓕᒻ ᐊᓐᑕ ᑲ ‍ ᒋᒥᑕᔨᒡ ᐊᔭᒥᐊᐅᒋᐛᐱᔪᐤ᙮ ᒥᒄ ᐊᑯᑕ ᒐ ‍ ᓂᐸᐊᑭᓄᐅᑦ ᐛᔅ ᓇᒪ ᒋᑭ ‍ ᑕᔪᐛ ᐊᐛᔪᐛ ᒐᒋ ᐎᒋᔨᑯᑦ᙮”
\c 12
\s2 Daniel 12:1-3 (Proper-28 Year B)
\s1 ᐃᔅᐱ ᒐ ‍ ᐃᔎᐱᔨᒡ ᐅ ᐊᔅᒋᔾ
\p
\v 1 ᐃᔅᐱ ᒪᒃ ᒪᐃᑯᐤ ᐊᓐ ᐊᓐᒋᓐ ᒋᑭ ‍ ᓂᐳᐅᐤ, ᐊᓐ ᒋᓴᐅᒋᒪᔅ ᒐ ‍ ᓂᐳᐅᔅᑎᒧᐛᑦ ᒋᑦ ᐃᔨᒪ: ᐊᑯ ᑭᔭ ᒐ ‍ ᑎᒂᒋ ᒥᑯᔅᑲᒋ ᒋᓯᒂ, ᐊᑲ ᓂᑕ ᑲᒋ ‍ ᐃᔅᐱᔨᒋ ᐃᔅᐱᔅ ᐊᒋ ‍ ᐃᔨᔎᒡ ᐃᔅᐱᔅ ᐊᓄᒡ ᐊ ‍ ᒋᓯᑲᒡ: ᐊᑯ ᑭᔭ ᒋᑦ ᐃᔨᒥᒡ ᒋᑭ ‍ ᐱᒪᒋᐊᑭᓄᐅᒡ, ᒥᓯᐛ ᑕᑐᐤ ᐊᐛᓐ ᒐ ‍ ᒥᔅᑯᐛᑭᓄᐅᑦ ᐊ ‍ ᒥᓯᓇᓱᐅᑦ ᒥᓯᓇᐃᑭᓂᒡ᙮
\v 2 ᒥᒐᑦ ᑭᔭ ᐊᓐᒡ ᐊ ‍ ᐊᓯᔅᒋᒡ ᐊᔅᒋᒡ ᑲ ‍ ᓂᐱᒡ ᒋᑭ ‍ ᐅᓂᔅᑲᐅᒡ, ᐱᔅᒐ ᒐᒋ ᑲᒋᒡ ᐱᒪᑎᓯᒡ, ᐱᔅᒐ ᑭᔭ ᒐᒋ ᓴᒂᔨᒧᒡ ᑭᔭ ᑲᒋᒡ ᒐᒋ ᒥᒋᐱᔨᒡ᙮
\v 3 ᐊᓐᒡ ᒪᒃ ᑲ ‍ ᑭᒐᑕᐛᔨᑕᒡ ᒋᑭ ‍ ᐛᓯᓱᐅᒡ ᒧᔭᒻ ᐊ ᐃᓯ ‍ ᐛᔅᑕᒡ ᒋᓯᒄ; ᐊᓐᒡ ᑭᔭ ᒥᒐᑦ ᑲ ‍ ᒂᔅᑲᑎᓴᐊᒡ ᒐᒋ ᑯᐃᔅᑯᑕᑎᓯᔨᒋ ᒧᔭᒻ ᐅᒐᑭᑕᒂ ᒧᔅ ᑲᒋᒡ᙮
\v 4 “ᒥᒄ ᒋᔾ ᑕᓂᔭᓐ, ᒐᒋᐸᐊᒥᓐ ᒥᓯᓇᐃᑭᓐ ᐊᓐᑕ ᒪᓯᓇᐃᒐᔨᓐ, ᒐ ‍ ᒋᔅᑕᐸᓱᐤ ᐱᓯᒂᐊᒥᓐ ᒐ ᐊᑲ ᒋ ‍ ᐊᓴᓇᐧᒃ ᐊᐛᓐ ᐸᑐᔅ ᒐᑲᑦ ᐅᑎᒋᐱᔨᒐ ᒐ ‍ ᐃᔎᐱᔨᒡ ᐊᔅᒋᔾ᙮ ᐊᒺᔭ ᐃᔅᐱᔨᒡ ᐊᓐ, ᒥᒐᑦ ᐃᔪᒡ ᒐᑭ ‍ ᒋᔅᑎᑉ ᐃᔨᑐᑕᐅᒡ ᐅᑕ ᑭᔭ ᓇᑕ, ᐊᑎᑐᐤ ᒥᒐᑦ ᒐᒂᔪᐛ ᒐᔅᒐᔨᑕᒡ᙮”
\p
\v 5 ᐃᔅᐱ ᑲᒋ ‍ ᐃᔨᒥᑦ ᐊᓐ ᐊᓐᒋᓐ, ᓂᔾ, ᑕᓂᔭᓐ, ᒂ ‍ ᐅᐸᐱᔭᓐ, ᑭᔭ ᓯᔅᒋᑯᒡ ᒂ ‍ ᐛᐱᒥᒂᐤ ᓂᓱ ᑯᑎᑭᒡ ᐊᓐᒋᓐᒡ᙮ ᐸᐃᒄ ᐊᓐ ᐊᓐᑕ ᐃᑕᒐ ᓯᐱᒡ ᑲ ‍ ᑕᐅᒡ ᒋᓂᐳᐅ, ᑭᔭ ᐊᓐ ᑯᑎᒃ ᐊᓐᑕ ᒂᔅᑕᒐᑲᒻ ᒋ ‍ ᓂᐳᐅ᙮
\v 6 ᐸᐃᒄ ᐊᓐ ᒂ ‍ ᑕᑈᑕᑦ ᑯᑎᑲ, ᐊᓂᔭ ᑲ ‍ ᐳᔅᑭᒥᔨᒋ ᑲ ‍ ᓱᓯᐛᑭᓂᔨᒋ ᐊᐱᒋᑕᐅᓇ, ᐊᓐᑕ ᐊᓄᒡ ᐃᔅᐱᒥᒡ ᓯᐱᔪᐤ ᓇᐳᔨᒋ᙮ “ᑕᓐ ᒐ ‍ ᐃᔅᐱᔅ ᐃᔎᐱᔨᒋ ᐅᔭ ᑲ ‍ ᒥᔅᑲᑕᔨᑕᑯᓂᔨᒋ ᒐᒂᔪᐛ ᐊ ᐃᔅᐱᔨᒋ᙮ ?”
\v 7 ᐊᓐ ᐊᓐᒋᓐ ᓇᑕ ᒂᔅᑕᒐ ᓯᐱᒡ ᑲ ‍ ᓂᐳᐅᑦ ᐃᔅᐱᒥᒡ ᒂ ᐃᓯ ‍ ᐅᐱᓂᔅᒐᔨᑦ, ᑭᔭ ᒂ ‍ᒋᒋ ‍ ᐊᓱᑎᒪᒐᑦ, ᐊᓂᔭ ᐅᒋ ᒋᓴᒪᓂᑐᐛ ᒧᔅ ᑲᒋᒡ ᐸᒪᑎᓯᔨᒋ ᐅᑎᐸᔨᒋᒐᐅᓂᔪᐤ, “ᒋ ‍ ᓂᔅᑐᐱᑈᒐ ᒪᒄ ᐳᔅᒄ᙮ ᒐ ‍ ᐃᔎᐱᔨᒋ ᒥᓯᐛ ᐅᔭ ᒐᒂᔪᐛ ᒋ ‍ ᐳᓂᐱᔨᑥᐛ ᒋᓴᒪᓂᑐᐤ ᐅᑦ ᐃᔨᒪ ᐊᓂᓇᐧᑲᒋᐊᑭᓄᐎᔨᒋ᙮
\p
\v 8 ᓂᒋ ‍ ᐸᑐᐛᐤ ᒐᒂᔪ ᐊ ‍ ᐃᔅᒋᔄᑦ, ᒥᒄ ᓇᒪ ᓂ ᐅᒋ ‍ ᓂᔅᑐᑐᐛᐤ᙮ ᐊᑯ ᑲ ‍ ᑭᒂᒋᒥᒃ, “ᓂᑎᐸᔨᒋᒐᓯᒻ, ᒐᒂᓐ ᒐ ‍ ᐃᔅᐱᔨᒡ ᐃᔅᐱ ᒋ ᐃᔎᐱᔨᑥᐛ ᐅᔭ ᒐᒂᔪᐛ ?”
\p
\v 9 ᒂ ‍ ᐃᓯᑦ, “ᑕᓂᔭᓐ, ᓴᔅ ᒋᑭ ᐎ ‍ ᒋᑐᑕᓐ᙮ ᓇᒪ ᒋᒋ ‍ ᓂᔎᐛᓯᔨᑎᓐ ᐊᓐ ᑲ ᑭᒂᒋᒥᔨᓐ ᐛᔅ ᐊᓐ ᐃᑥᒥᑭᓐ ᒐ ᐊᑲ ᐎᑕᑭᓄᐅᒡ ᐸᑐᔅ ᐅᑎᒋᐱᔨᒐ ᐃᔅᐱ ᒐ ‍ ᐃᔎᐱᔨᒡ ᒥᓯᐛ ᒐᒂᓐ᙮
\v 10 ᒥᒐᑦ ᐊᐛᓐᒋ ᒋᑭ ‍ ᐱᔭᒋᐊᑭᓄᐅᒡ᙮ ᒥᒄ ᒥᒋ ‍ ᐃᔪᒡ ᓇᒪ ᒋᑭ ᒋ ‍ ᓂᔅᑐᑎᒧᒡ ᐅᔭ ᒐᒂᔪᐛ᙮ ᒋᑭ ‍ ᓇᓂᑎᒪᐱᔪᐅᒡ ᐊ ‍ ᒥᒐᑎᓯᒡ᙮ ᒥᒄ ᐊᓐᒡ ᑲ ‍ ᑭᒐᑕᐛᔨᑕᒡ ᒋᑭ ‍ ᓂᑐᑎᒧᒡ ᐅᔭ ᒐᒂᔪᐛ᙮
\v 11 ᒥᒄ ᒋᑭ ᒋ ‍ ᐎᔾᑎᒪᑎᓐ ᐊᒺᔭ ᒥᓯᐛ ᒐᒂᓐ ᐃᔎᐱᔨᒡ, ᐸᐃᒂᐤ ᒐᓯᐱᔪᐤ ᐊᓱ ᓂᓱ ‍ ᒥᑕᓯᒥᑎᓄᐤ ᐊᓱ ᐸᐃᑯᔅᑕᐤ ᑕᑐᔪᐤ ‍ (1,290) ᑕᑐ ᒋᓯᑲᐛ ᐊᓐᑕ ᐅᒋ ᒐ ‍ ᑯᔅᑎᔭᑭᓄᐅᒡ ᐊᐛᓐᒋ ᒐᒋ ᐱᔅᑎᓇᒡ ᒥᔨᐛᐅᓇ ᐊᓯᑯᒻ ᒋᓯᑲᐛ, ᐊᓐ ᐅᒋ, ᑲ ‍ ᐃᐸᑕᔨᑕᒂᒡ ᒐᒂᓐ ᑲ ‍ᐊ ᔅᑕᑭᓄᐅᒡ ᐊᓐᑕ ᐊᔭᒥᐊᐅᒋᐛᐱᒡ᙮
\v 12 ᒋᑭ ‍ ᒥᔽᔨᑎᒥᔨᑯᐤ ᒋᓴᒪᓂᑐᐤ ᐊᓂᔭ ᐊᐛᔪᐛ ᐊᔅᒄ ᑲ ᑕᑈᐅᒐᔨᑕᑯᓯᔨᒋ ᐸᑐᔅ ᒋ ᐎᒪᐱᔨᑥᐛ ᐸᐃᒂᐤ ᒐᓯᐱᔪᐤ ᐊᓱ ᓂᔅᑐ ‍ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐊᓱ ᐅᐱᑕᑕᒡ ᑕᑐᔪᐤ ‍ (1,335) ᑕᑐ ᒋᓯᑲᐛ᙮
\p
\v 13 ᐊᑯ ᐊᓄᒡ ᒋᑦ ‍ ᐃᔨᑎᑎᓐ ᑕᓂᔭᓐ, ᒐ ‍ ᓇᓂᑎᒪᐱᔨᓐ ᐊ ‍ ᑕᑈᐅᒐᔨᒥᑦ ᒋᓴᒪᓂᑐᐤ ᐸᑐᔅ ᒋ ‍ ᐃᔎᐱᔨᒐ ᒋ ‍ ᐱᒪᑎᓯᐅᓐ ᐅᑕ ᐊᔅᒋᒡ᙮ ᒋᑭ ‍ ᐳᓂᐱᒪᑎᓯᓐ, ᒥᒄ ᐃᔅᐱ ᒥᓯᐛ ᒐᒂᓐ ᒋ ‍ ᐃᔎᐱᔨᒐ, ᒋᑭ ‍ ᒥᔨᒄ ᒋᓴᒪᓂᑐᐤ ᒋᑲᓂᐅᓂᔪᐤ᙮”

\id JON Jonah 1 09 Apr 97 [Elijah Einish, kb:bj]
\h ᒍᓇ
\toc3 ᒍᓇ
\toc2 ᒍᓇ
\toc1 ᒍᓇ
\mt ᒍᓇ
\c 1
\s1 ᒍᓇ ᒐ ‍ ᐃᑎᓯᒧᑦ ᐊᓂᔭ ᒋᓴᒪᓂᑐᐛ
\p
\v 1 ᐅᑦ ᐃᔨᒧᐅᓐ ᐊᓂᔭ ᐊᓐ ᒋᓴᒪᓂᑐᐤ ᐛᑎᑕᐅᑯᑦ ᒍᓇ ᐅᑯᓴ ᐊᓐ ᐊᒥᑎᐃ᙮
\v 2 “ᐃᑐᑕ ᓇᑕ ᐊ ‍ ᒥᔅᑎᐅᑕᓇᐅᒡ ᓇᑕ ᓂᓇᐸ ᑭᔭ ᒐ ‍ ᐃᔨᒥᑥᑎᒥᓐ ᒐ ‍ ᐎᓴᑯᑕᔨᓐ, ᐅᓴᒻ ᑎᑯᓐ ᐊᓐᑕ ᐊᑲ ᒧᔭᒻ ᐃᑎᓇᓄᐅᒡ ᐛᑎᑕᐅᑯᔭᓐ᙮”
\p
\v 3 ᒥᒄ ᒍᓇ ᒋ ‍ ᐃᑎᓯᒧᐤ ᐃᔨᑲ ᐊ ‍ ᑕᔨᒋ ᐊᓂᔭ ᒋᓴᒪᓂᑐᐛ ᑭᔭ ᐛ ‍ ᐃᑎᓯᒧᑦ ᓇᑕ ᑕᕐᓯᔅ᙮ ᐊᑐᑕᑦ ᐸᓇᓱᐤ ᓇᑕ ᒍᐸ, ᐊᑯᑕ ᒪᔅᑲᒃ ᐅᐤᑎᔪᐤ ᓇᑕ ᐛ ‍ ᐃᓯᒧᓴᐅᐱᔨᒡ ᐛ ‍ ᐃᑐᑕᑦ᙮ ᑲᒋ ‍ ᒋᓯᐧᑲᓱᑦ ᐅ ᐳᓱᓇᓐ, ᐸᑐᔅ ᐳᓯᑦ ᑭᔭ ᐊᓯᒧᓴᐅᐱᔨᒡ ᓇᑕ ᑕᕐᓯᔅ ᐛᒋ ‍ ᐃᑎᓯᒧᑦ ᐊᓂᔭ ᒋᓴᒪᓂᑐᐛ᙮
\p
\v 4 ᐊᑯ ᐊᓐ ᒋᓴᒪᓂᑐᐤ ᐊᑎᓴᒃ ᐊ ᒥᔅᑎ ‍ ᔪᑎᓂᔨᒡ ᓇᑕ ᐎᓂᐸᑯᒡ, ᑭᔭ ᒐᒋ ᐊᒂᑕᔨᑕᑯᓐ ᐊ ‍ ᒋᔎᔭᔨᑕᑯᓂᔨᒡ ᐊᓐ ᐊᐛᑦ ᑯᔅᐱᓇᑕᔨᑕᑯᓐ ᒐᒋ ᐱᑯᐱᒡ᙮
\v 5 ᓄᑎᒻ ᐊᓐᒡ ᓇᐸᐅᒡ ᑯᔅᑕᒍᒡ ᑭᔭ ᐸᐸᐃᒄ ᑕᑈᑕᐤ ᐊᓂᔭ ᐛᒋᒡ ᐅᒥᓂᑐᐅᒻ᙮ ᑭᔭ ᐎᔭᐱᓇᒡ ᐅᐳᓯᑕᓱᓄᐛᐛ ᐊᓐᑕ ᐎᓂᐸᑯᒡ ᒐᒋ ᔭᑲᓂᒡ ᐊᓂᔭ ᐅᐤᑎᔪᐤ᙮
\p ᒥᒄ ᒍᓇ ᒋ ‍ ᐱᓂᓴᐛᐤ ᐊᓐᑕ ᐅᐤᑎᒡ, ᐊᑯᑕ ᑲ ‍ ᐱᒥᓯᒃ ᑭᔭ ᑲ ‍ ᒥᑥᑲᒧᑦ ᓇᔅᒐ ᐊᓴᐱᒂᒧᑦ᙮
\v 6 ᐊ ‍ ᒥᓴᒡ ᐅᐤᑦ ᐅᒋᒪᐤ ᓂᔭᑎᑯᑦ ᑭᔭ ᒂ ‍ ᐃᑎᑯᑦ, “ᑕᓐᑕ ᐛᒐ ᒋ ‍ ᓂᐸᔨᓐ ? ᐅᓂ ᑭᔭ ᑕᑈ ᒋᒥᓂᑐᐅᒻ ! ᒂᔄᓐ ᒋᑭ ‍ ᐃᓯᓇᑯᓂᔪᐤ ᒐᒋ ᐱᔅᑲᐱᒥᑕᐤ, ᑭᔭ ᒐ ᐊᑲ ‍ ᐃᓯᓇᒂᒡ ᒐᒋ ᐃᔭᔪᓯᔭᐤ᙮”
\p
\v 7 ᐊᑯ ᐊᓐᒡ ᓇᐸᐅᒡ ᐃᔨᒥᑐᒡ, “ᐅᔅᑕᒐ ᐛᐱᓇᑕᐤ ᒥᔅᑎᒂ ᒐ ᐅᒋ ‍ ᒋᔅᒐᔨᒪᒄ ᐅᔭ ᐛᒋᓯᓇᑯᓂᒡ᙮” ᐎᔭᐛᐱᓇᒡ ᒥᔅᑎᒂ ᐊᑯ ᐊᓐ ᒥᔅᑎᒄ ᐱᔭᒋᑎᓂᒡ ᐊᓐᑕ ᐊ ‍ ᑕᑦ ᒍᓇ᙮
\p
\v 8 ᐊᑯ ᒂ ‍ ᑯᒂᒋᒪᒡ, “ᐎᑎᒧᐅᓇᓐ ᐊᐛᓐ ᐅᔭ ᑕᐱᔨᐛᐅᓯᑦ ᐅ ᐊᓯᒥᒋᐱᔭᒡ ? ᒐᒂᓐ ᒋᔾ ᑲ ‍ ᐃᑐᑎᒪᓐ ? ᑕᓐᑕ ᐛᒋᐱᔨᓐ ? ᑕᓐᑕ ᐊ ‍ ᑎᒂᒡ ᐊᔅᑎᓯ ? ᑭᔭ ᑕᓇ ᐃᑎᔅᑲᓇᓯᓐ ᐅᒋ ?”
\p
\v 9 ᐊᑯ ᓂᐊᔎᐅᓯᑦ, “ᓂᔾ ᐅ ᐃᑉᕈᐤ ᓂᑦ ᐃᑎᔅᑲᓇᓯᓐ, ᑭᔭ ᓂᔾ ᓂᑦ ᐃᔨᒥᑐᐛᐤ ᐊᓐ ᒋᓴᒪᓂᑐᐤ, ᐊᓐ ᒋᓴᒪᓂᑐᐤ ᐊ ‍ ᑕᑦ ᒋᒋᒋᓯᑯᒡ, ᐊᓐ ᑲ ‍ ᐅᓯᑕᑦ ᐎᓂᐸᑯᔪᐤ ᑭᔭ ᐊᓂᔭ ᐊ ‍ ᐸᒂᓯᒡ ᐊᔅᒋᔪᐤ᙮”
\p
\v 10 ᒋᒋᐛ ᐅᔭ ᒋ ‍ ᑯᔅᑕᒋᒪᐤ ᑭᔭ ᒂ ‍ ᑯᒂᒋᒥᑯᑦ, “ᒐᒂᓐ ᐅ ᑲ ‍ ᐃᑐᑎᒥᓐ ?” ᒋᔅᒐᔨᒥᑯᐤ ᐎ ᒐ ‍ ᐃᑎᓱᒪᑦ ᐃᔨᑲ ᐊᓂᔭ ᒋᓴᒪᓂᑐᐛ, ᐅᓴᒻ ᓴᔅ ᐊᓂᔭ ᒋ ‍ ᐎᑎᒧᐛᐤ᙮
\p
\v 11 ᐊᓐ ᐎᓂᐸᒄ ᒥᒄ ᐊᔭᔅᑯ ᑯᔅᐱᓇᐛᔨᑕᑯᓐ᙮ ᐊᑯ ᒂ ‍ ᑯᒂᒋᒥᑯᑦ, “ᒐᒂᓐ ᒋ ‍ ᐸᑐᑕᑎᓇᓐ ᐅᒋ ᒐᒋ ᐃᑐᑎᒪᒡ ᐊᓐ ᐎᓂᐸᒄ ᐊᔅᑎᒥᑕ ᐃᑐᑎᒪᒡ ᓂᔭᓐ ?”
\p
\v 12 “ᐅᐱᓂᒃ ᑭᔭ ᒐ ‍ ᐛᐱᓂᔭᒃ ᓂᔾ ᐊᓐᑕ ᐎᓂᐸᑯᒡ᙮” ᐃᑕᐤ, “ᑭᔭ ᒐ ᐊᑎ ‍ ᐃᓯᓇᒂᒡ ᐊ ‍ ᒋᔭᒪᐛᔨᑕᒂᒡ᙮ ᓂᔾ ᓂ ‍ ᒋᔅᒐᔨᑕᓐ ᓂᔾ ᓂᑦ ᐊᑕᒪᔨᒥᑎᓱᓐ ᐅ ᑲ ‍ ᒋᔎᔭᔨᑕᒂᒡ ᑲᒋ ‍ ᐅᑎᑕᑯᔭᒃ᙮”
\p
\v 13 ᐃᔭᐱᒡ, ᐅᒡ ᓇᐸᐅᒡ ᐃᑐᑎᒧᒡ ᑯᒋᐱᑕᐅᒡ ᒐᒋ ᐱᒥᔅᑲᑕᒡ ᐊ ‍ ᐎᓇᑎᑲᒪᒡ ᓇᑕ ᐊ ‍ ᐸᒂᔨᒡ ᐊᔅᒋᔪᐤ᙮ ᒥᒄ ᓇᒪ ᒋ ‍ ᐃᑐᑎᒧᒡ ᐊᓐ ᐎᓂᐸᒄ ᒥᒄ ᐊᔭᔅᒃ ᐊᒂᑕᔨᑕᑯᓐ ᐃᔅᐱᔅ ᐅᔅᑭᒡ᙮
\v 14 ᐊᑯ ᑎᔭᑈᑕᒡ ᐊᓂᔭ ᒋᓴᒪᓂᑐᐛ, “ᐅ ᒋᓴᒪᓂᑐᐤ, ᒋ ‍ ᐱᑯᓴᔨᒥᑎᓇᓐ ᒐ ᐊᑲ ‍ ᒥᔭᒡ ᒐᒋ ᓂᐱᔭᒡ ᐅ ᒐ ‍ ᐅᑎᓂᒧᒋᒡ ᓇᐸᐤ ᐅᑦ ᐃᔪᔨᓐ᙮ ᑭᔭ ᒐ ᐊᑲ ‍ ᐃᓱᐅᑎᓂᔭᒡ ᒐᒋ ‍ ᐱᑎᔅᑕᐅᔭᒡ ᐅ ᒐ ‍ ᓂᐸᐃᒋᒡ ᐊ ‍ ᒥᔪᓇᐸᐅᑦ ᓇᐸᐤ, ᒋᔾ ᐅ ᒋᓴᒪᓂᑐᐤ ᔅᒋ ‍ ᐃᑐᑕᓐ ᒋ ᐃᓯ ‍ ᒥᔽᔨᑎᒥᑎᓱᔨᓐ᙮”
\v 15 ᐊᑯ ᐛᑎᓇᒡ ᐊᓂᔭ ᒍᓇᔨᒋ ᑭᔭ ᑈᑯᔅᑎᐛᐛᐱᓇᒡ ᑭᔭ ᐊᓐ ᑲ ‍ ᒋᔎᔭᔨᑕᒂᒡ ᐎᓂᐸᑯᒡ ᒂ ᐊᑎ ‍ ᒋᔭᒪᐛᔨᑕᒂᒡ᙮
\v 16 ᐊᑯ ᐎᔾ ᐊᓐᒡ ᓇᐸᐅᒡ ᒐᒋ ᑯᔅᑕᐛᐅᒡ ᐊᓂᔭ ᒋᓴᒪᓂᑐᐛ, ᑭᔭ ᐃᑕᐅᒡ ᒐᒋ ᐱᔅᑎᓂᒐᒡ ᐊᓂᔭ ᒋᓴᒪᓂᑐᐛ ᑭᔭ ᐃᑐᑎᒧᐛᐅᒡ ᐃᔨᒧᐅᓂᔪᐤ ᐊᑯᔨᒂᔨᒡ᙮
\p
\v 17 ᒥᒄ ᐊᓐ ᒋᓴᒪᓂᑐᐤ ᐅᑎᓇᐤ ᐊ ‍ ᒥᔅᑎᔨᒋ ᓂᒪᓴ ᒐᒋ ᑯᒋᐱᔭᔨᒋ ᒍᓇ, ᑭᔭ ᒍᓇ ᐊ ‍ ᑕᑦ ᐱᑎᓱ ᐊᓐᑕ ᓂᒪᓴ ᓂᔅᑐ ᒋᓯᑲᐛ ᑭᔭ ᓂᔅᑐ ᑎᐱᔅᑲᐛ᙮
\c 2
\s1 ᒍᓇ ᐊᔭᒥᐊᐅᑥᑎᓱᐅᓐ
\p
\v 1 ᐅᑕ ᐱᑎᓱ ᐊᓐᑕ ᓂᒪᓴ ᒍᓇ ᐊᔭᒥᐊᑐᐛᑦ ᐊᓂᔭ ᒋᓴᒪᓂᑐᐛ ᐅᒋᓴᒪᓂᑐᒪ᙮
\v 2 ᐊ ‍ ᐃᑕᑦ,
\b
\q1 “ᐅ ᐊᔨᒥᔭᓐ ᓂᔾ ᑲ ‍ ᑕᑈᑎᒃ ᒋᓴᒪᓂᑐᐤ,
\q2 ᑭᔭ ᑲ ‍ ᓂᔎᐅᓯᐃᑦ᙮
\q1 ᐊᓐᑕ ᐊᑎᒥᒡ ᓂᒂᔅᑲᓂᒡ ᑲ ‍ ᑕᒂᔭᓐ ᒐᒋ ᐎᒋᐃᑯᔭᓐ,
\q2 ᑭᔭ ᔅᒋ ‍ ᓂᑐᑕᓐ ᐊᓐ ᑲ ‍ ᑕᒂᔭᓐ᙮
\q1
\v 3 ᒋᔾ ᐊᓐᑕ ᑲ ‍ ᐃᔅᐱᓯᔨᓐ ᐊᑎᑐᐤ ᐊᑎᒥᒡ,
\q2 ᓇᑕ ᐊᐅᑕᐅᐎᑲᓄᒋ ᐊᓂᔭ ᐎᓂᐸᒂ,
\q2 ᑭᔭ ᓂᑎᒥᒄ ᐊᑕᐅᑯᔭᓐ ᓂᔾ,
\q1 ᓄᑎᒻ ᐊᓐᒡ ᒋ ‍ ᑭᔅᑭᓐᒡ ᑭᔭ ᐊᒪᑲᒡ
\q2 ᓄᐛᐛᐸᐅᑯᒡ ᓄᑎᒻ ᓂᔾ᙮
\q1
\v 4 ᓂᔾ ᒂ ‍ ᐃᔅᒋᔄᔭᓐ, ‘ᓂᔭ ᓴᔅ ᐊᔭᒡ ᓂᑦ ᐃᑎᓴᐅᑯᐅᓐ
\q2 ᒐ ᐊᑲ ‍ ᐛᐱᒥᔨᓐ;
\q1 ᒥᒄ ᐃᔭᐱᒡ ᓂᑭ ᐃᑕᐱᓐ ᒥᓄᐛᒡ
\q2 ᓇᑕ ᐊ ‍ ᑎᐱᔨᐛᐅᓯᓐ ᒋ ᐸᔭᒋ ‍ ᐊᔭᒥᐊᐅᒋᐛᐱᒡ᙮’
\q1
\v 5 ᐊᓐ ᓂᐱᔾ ᓂᑦ ᐃᓯᑲᑯᓐ ᓂᔾ,
\q2 ᑕᒪᑎᓄᒃ ᓂ ‍ ᐛᔅᑲᐅᑯᓐ ᓂᔾ;
\q2 ᐊᔅᒋᐸᒄ ᑎᑎᐱᓇᐱᒐᐱᔪᐤ ᐛᔅᑲ ᓂᔅᑎᒂᓂᒡ᙮
\q1
\v 6 ᐊᓐᑕ ᐛᒋᐅᓂᑲᐳᒋ ᐱᔅᑯᑎᓇᐛ ᓂᔾ ᐊᓯᑯᑕᐱᔭᓐ,
\q2 ᐊᓇᒡ ᐊᔅᒋᔾ ᑕᒥᒡ ᓂ ‍ ᒋᐸᐅᑯᓐ ᓂᔾ ᒧᔅ ᑲᒋᒡ᙮
\q1 ᒥᒄ ᒋᔾ ᐊᔅᒋᐅᑎᓇᓐ ᓂᑦ ᐃᔪᐅᓐ ᑲ ‍ ᐅᐱᓂᓐ ᐊᓐᑕ ᐊᐱᑯᓇᔭᒡ,
\q2 ᒋᓴᒪᓂᑐᐤ ᓂᒋᓴᒪᓂᑐᒻ᙮”
\b
\q1
\v 7 “ᑲ ‍ ᐃᓯᓇᒂᒡ ᓂᑎᔪᐅᓐ ᐸᑎᑲᒡ ᑲ ‍ ᐃᔎᐱᔨᒡ,
\q2 ᔅᒋ ‍ ᒋᔅᒋᑕᑎᓐ ᒋᔾ ᒋᓴᒪᓂᑐᐤ,
\q1 ᑭᔭ ᓂᔾ ᑲ ‍ ᐊᔭᒥᐊᐅᑥᓱᐅᔭᓐ ᑲ ‍ ᐅᐱᒡ ᑲ ‍ ᓇᑕᐅᑯᔨᓐ ᒋᔾ,
\q2 ᓇᑕ ᑕᐱᔨᐛᐅᓯᓐ ᒋ ᐸᔭᒋ ‍ ᐊᔭᒥᐊᐅᒋᐛᐱᒡ᙮”
\b
\q1
\v 8 “ᐊᓐᒡ ᑎᔭᑯᓇᒡ ᐅᒥᓂᑐᐧᑲᓄᐛᐛ,
\q2 ᐅᓂᑕᐅᒡ ᐊᓂᔭ ᒥᔽᔨᒧᐅᓂᔪᐤ ᒋᐸ ‍ ᑎᐱᔨᐛᐅᓯᐱᓐᒡ᙮
\q1
\v 9 ᒥᒄ ᓂᔾ ᐊᔭᐱᒋᑕᔭᓐ ᓂᑭᒧᐅᓐ ᐊ ‍ ᓂᔅᑯᒧᐱᔅᑎᓂᒐᔭᓐ,
\q2 ᒐ ‍ ᐱᔅᑎᓂᒐᔭᓐ ᐊᓐᑕ ᒋᔾ᙮
\q1 ᐅ ᐊᔅᒋᔄᔭᓐ ᑯᐃᔅᒄ ᐃᔨᒧᐅᓐ ᒐ ‍ ᐃᑐᑎᒪᓐ ᐊ ‍ ᒥᔽᒡ᙮
\q2 ᐱᒪᒋᐃᐛᐅᓐ ᐊᓐᑕ ᐛᒋᐱᔨᒡ ᐊᓐᑕ ᒋᓴᒪᓂᑐᐤ᙮”
\b
\p
\v 10 ᑭᔭ ᐊᓐ ᒋᓴᒪᓂᑐᐤ ᒂ ‍ ᐃᑎᓱᒪᑦ ᐊᓂᔭ ᓂᒪᓴ, ᑭᔭ ᒐᒋ ᐸᑯᒧᑕᒪᔨᒋ ᒍᓇᔨᒋ ᓇᑕ ᐊ ‍ ᐸᒂᔨᒡ ᐊᔅᒋᒡ᙮
\c 3
\s2 Jonah 3:1-5, 10 (Epiphany-3 Year B)
\p
\s1 ᒍᓇ ᐅᑐᑕᑦ ᓇᑕ ᓂᓇᐸ
\p
\v 1 ᐅᑦ ᐃᔨᒧᐅᓐ ᒪᒃ ᐅᑎᐸᔨᒋᒐᐤ ᒋ ‍ ᐅᑎᑎᑯᔪᐛ ᒍᓇᔨᒋ, ᐊᐅᑯᐤ ᓂᔄᐤ, ᐊ ‍ ᐃᑎᑯᔨᒋ:
\v 2 “ᐱᓯᑯᐤ, ᐃᑐᑕ ᓂᓇᐸᐃᒡ, ᐊᓂᒪ ᒋᓴ ᐃᑕᐅᓐ, ᐛᐎᑕ ᒪᒃ ᐊᓂᒪ ᐎᑎᒪᒐᐅᓐ ᒐ ‍ ᐃᑎᓴᐊᒪᑕᓐ᙮”
\p
\v 3 ᒍᓇ ᒪᒃ ᒋ ‍ ᐱᓯᑯᐤ, ᑭᔭ ᓂᓇᐸᐃᒡ ᒋ ‍ ᐃᑐᑕᐤ ᑲᒋ ‍ ᐃᑎᑯᑦ ᐅᑎᐸᔨᒋᒐᐛ᙮ ᓂᓇᐸ ᒪᒃ ᓇᔅᐱᒡ ᒋ ‍ ᒥᓴᐤ ᐃᑕᐅᓐ, ᐃᔅᐱᔅ ᓂᔍᐤ ᐊ ‍ ᒋᓯᑲᒡ ᐊ ‍ ᐱᒥᐱᒋᓇᓄᐅᒡ᙮
\v 4 ᒍᓇ ᒪᒃ ᒋ ‍ ᐱᒐᐤ ᐃᑕᐅᓂᒡ ᐊ ‍ ᐱᒧᑕᑦ ᐸᐃᒂᐤ ᐊ ‍ ᒋᓯᑲᔨᒡ, ᐊ ‍ ᑕᑈᑦ ᒪᒃ, ᒋ ‍ ᐃᔅᒋᔄᐤ, “ᐊᔅᒄ ᓇᐎᔪᐛ ᒋᓯᑲᐛ ᐊᑯ ᒪᒃ ᓂᓇᐸ ᒐ ‍ ᓂᓱᐅᓇᒋᑕᑭᓄᐅᒡ᙮”
\v 5 ᓂᓇᐸ ᐃᔪᒡ ᒪᒃ ᒋ ‍ ᑕᑈᑐᐛᐅᒡ ᒋᓴᒪᓂᑐᐛ, ᑭᔭ ᒋ ‍ ᐛᐎᑎᒧᒡ ᒐᒋ ᓂᑲᓱᓇᓄᐎᒡ, ᑭᔭ ᒐᒋ ᐳᔅᑎᔅᑲᒡ ᓱᒐᑭᓂᔪᐤ, ᐊᓐ ᑲ ‍ ᒪᐅᒡ ‍ ᒋᔅᑕᔨᑕᑯᓯᒡ ᐅᒋ ᐃᔅᐱᔅ ᐊᓐ ᑲ ‍ ᒪᐅᒡ ᐊ ‍ ᐃᔅᑕᔨᑕᑯᓯᑦ ᐊ ‍ ᐃᑕᓯᒡ᙮
\p
\v 6 ᐃᔅᐱᔅ ᐅᔭ ᑎᐸᒋᒧᐅᓂᔪᐤ ᐛᑎᑕᐅᑯᑦ ᒋᓴᐅᒋᒪᐤ ᓇᑕ ᓂᓇᐸ, ᒋ ‍ ᐱᓯᑯᐤ ᐊᓐᑕ ᐅᑦ ᐅᒋᒪᐤ ᑕᑎᐳᐛᑭᓂᒡ ᐅᒋ, ᐊᑯ ᒪᓇᐧᒃ ᐊᓂᔭ ᐅᑦ ᐅᒋᒪᐅ-ᐊᐱᒋᑕᐅᓇ, ᐳᔅᑎᔅᑭᒻ ᐊᓂᔭ ᓱᒐᑭᓂᔪᐤ ᑭᔭ ᐊᐱᑦ ᐊᓐᑕ ᐃᔭᑲᒡ᙮
\v 7 ᐸᑐᔅ ᐸᒥᑎᓴᐊᐧᒃ ᐅᑦ ᐃᔨᒧᐅᓐ ᐊᓐᑕ ᓂᓇᐸ:
\b
\p “ᐅ ᐅᑕ ᐛᒋᐱᔅᑎᓇᒡ ᐅᐎᓱᐛᐅᓄᐛᐤ ᒋᓴᐅᒋᒪᐤ ᑭᔭ ᐅᑦ ᐊᐱᒋᐊᑭᓇ:
\b
\pi ᒐ ᐊᑲ ‍ ᒥᔭᒃ ᐃᔪᐤ ᑭᔭ ᐊᐛᓯᔅ, ᐊ ‍ ᒪᒧᑕᒡ ᑭᔭ ᐸᐃᑯᑕᐤ ᐊ ‍ ᑕᒡ ᒐᒋ ᑯᔅᐱᑕᒡ ᒐᒂᔪᐤ, ᑲ ‍ ᒥᔭᑯᒡ ᐎ ᒐᒋ ᒥᒋᓱᒡ ᑭᔭ ᒥᓂᒡ᙮
\v 8 ᒥᒄ ᒐ ‍ ᒥᔭᒃ ᐃᔪᐤ ᑭᔭ ᐊᐛᓯᔅ ᒐᒋ ᐳᔅᑎᔅᑲᒡ ᓱᒐᑭᓂᔪᐤ᙮ ᑕᑈᑐᐛᐧᒃ ᒥᓯᐛ ᐊᐛᓐ ᒐᒋ ᑕᑈᑕᑦ ᒋᔅᑎᐸᐤ ᐊᓂᔭ ᒋᓴᒪᓂᑐᐛ᙮ ᑕᑈᑐᐛᐧᑯᒡ ᒐᒋ ᐳᓂᐧᑲᒡ ᐊᓂᔭ ᐅᒥᒋᑥᐅᓄᐛᐛ ᑭᔭ ᐊᓂᔭ ᐅᑦ ᐊᔨᒥᓱᐅᓄᐛᐛ᙮
\v 9 ᐊᐛᓐ ᒐᔅᒐᔨᑕᐧᒃ ? ᒋᓴᒪᓂᑐᐤ ᒋ ᐸᒋ ‍ ᐊᔅᑎᒥᑕ ᑭᔭ ᐅᓴᒋᑐᐅᓐ ᒐᒋ ᒂᔅᑕ ᐃᑕᔨᑕᐧᒃ ᐅᔭ ᐅᒋᔄᐳᐅᓐ ᒐᒋ ᐃᓯᓇᒂᒡ ᒐ ᐊᑲ ‍ ᐃᔭᔪᓯᔭᐧᒄ᙮”
\b
\s2 Jonah 3:1-5, 10 (Epiphany-3 Year B)
\p
\v 10 ᒋᓴᒪᓂᑐᐤ ᒪᒃ ᒋ ‍ ᐛᐸᑎᒺᐤ ᐅᑦ ᐃᑐᐅᓂᔪᐛ, ᐊ ‍ ᓂᑭᑎᒥᔨᒋ ᐅ ᒥᒋ ‍ ᐃᓯᑥᐅᓂᔪᐛ; ᒋᓴᒪᓂᑐᐤ ᒪᒃ ᒋ ‍ ᐳᓇᐃᑎᒻ ᐊᓂᔭᔪᐤ ᑲ ‍ ᒪᔭᑎᓂᔨᒡ ᑲᒋ ‍ ᐃᔅᒋᔄᑦ ᒐᒋ ᐃᑐᑐᐛᑦ; ᓇᒪᐎᔾ ᒪᒃ ᒋ ᐅᒋ ‍ ᐃᑐᑎᒻ᙮
\c 4
\p
\s1 ᒍᓇ ᒐ ‍ ᒋᔄᐱᔅᑐᐛᑦ ᐅᒡ ᐊᓂᔭ ᒋᓴᒪᓂᑐᐛ ᐅᒋᓴᐛᑎᓯᐅᓂᔪᐤ
\p
\v 1 ᒥᒄ ᒍᓇ ᓇᒪ ᐅᒋ ᒥᔽᔨᑎᒻ ᑭᔭ ᒂ ‍ ᒋᔄᐱᑦ᙮
\v 2 ᐊᑯ ᓇᑐᑎᒧᐛᑦ ᒋᓴᒪᓂᑐᐛ᙮ “ᐅᑎᐸᔨᒋᒐᐤ, ᓇᒪᔭᐤ ᐊ ᐅ ᑲ ‍ ᐃᔅᒋᔄᔭᓐ ᐊᔅᒄ ᑲ ‍ ᑕᔭᓐ ᐊᓐᑕ ᓂᒋᓇᒡ ? ᐊᐅᑯᐤ ᑲ ‍ ᐅᒋᔭᓯᒋᔭᓐ ᒐᒋ ᐃᑎᓯᒧᔭᓐ ᐊᓐᑕ ᑕᕐᓯᔅ᙮ ᓂ ‍ ᒋᔅᒐᔨᑕᓐ ᐅ ᒋᔾ ᐊᐱᑯᓴᔨᑕᑯᓯᔨᓐ ᑭᔭ ᐊ ‍ ᒥᑭᓯᑕᔨᓐ ᓴᒋᐃᑐᐅᓐ, ᒋᓴᒪᓂᑐᐤ ᐸᑎᑲᒡ ᐊᑎᑦ ᐊ ‍ ᐃᑎᓴᒃ ᐊᑲ ᐃᓯ ‍ ᒥᔽᔨᔭᒃ᙮
\v 3 ᐊᓄᒡ ᐅ ᒋᓴᒪᓂᑐᐤ ᐅᑎᓇ ᐃᑲᑎᓯᓇ ᓂᔾ ᓂᑦ ᐃᔪᔨᓐ, ᐅ ᐊᑐᐎᔅ ᒥᔽᐤ ᐊᑯᔅ ᓂᔾ ᒐᒋ ᐳᓂᐱᒪᑎᓯᔭᓐ ᐃᔅᐱᔅ ᒐᒋ ᐱᒪᑎᓯᔭᓐ᙮”
\p
\v 4 ᐊᑯ ᐊᓐ ᒋᓴᒪᓂᑐᐤ ᓂᔭᔎᐅᓴᑦ, “ᒋ ‍ ᑭᓄᐛᔨᑕᓐ ᒋᔾ ᐊᓯᓇᒂᒡ ᑎᐸᔨᑎᒧᐅᓐ ᒐᒋ ᒥᒋᑥᔨᓐ ?”
\p
\v 5 ᒍᓇ ᒐ ‍ ᐃᑐᑕᑦ ᐛᐎᑦ ᑭᔭ ᐊᐱᑦ ᓇᑕ ᐛᐱᓄᑕᒡ ᐃᑕᒐ ᐅᑕᓇᒡ᙮ ᐊᑯᑕ ᐎ ᐛᓯᑕᑦ ᒐ ‍ ᑎᐱᓂᐛᓯᒧᑦ, ᐊᐱᑦ ᐊᓐᑕ ᐊᒋᑲᔅᑕᔨᒡ ᑭᔭ ᐊᓱᐛᐸᑕᒃ ᒐ ‍ ᑕᐸᑕᒃ ᑕᓐ ᒋᐸ ‍ ᐃᔅᐱᔪᐤ ᐊᓂᔭ ᐅᑕᓇᔪᐤ᙮
\v 6 ᐸᑐᔅ ᐊᓐ ᒋᓴᒪᓂᑐᐤ ᐊ ‍ ᐃᑐᑎᒧᐛᑦ ᓂᐱᔭ ᓂᑕᐅᒋᑕᑭᓂᔪᐤ ᑭᔭ ᓇᑕᐃᒋᑕᐛᑦ ᐊᓐᑕ ᐊ ‍ ᐱᔨᒋ ᒍᓇ ᒐᒋ ᐊᒋᑲᔅᑕᓂᒧᐛᑦ ᐊᓐᑕ ᐅᔅᑎᒂᓂᒡ ᒐᒋ ᐊᒋᒐᐅᑎᔨᒋ ᐊᓂᔭ ᐊᑲ ᒥᔪᒥᒋᐎᔨᒋ, ᑭᔭ ᒍᓇ ᒥᔽᔨᑎᒥᑯᐤ ᐊᓂᔭ ᓂᐱᔭ ᓂᑕᐅᒋᑕᑭᓂᔪᐤ᙮
\v 7 ᐊᑯ ᐊᑎᐸᑕᐱᓂᒡ ᒥᓄᐛᒡ ᒐ ‍ ᒋᓯᑲᔨᒡ ᒋᓴᒪᓂᑐᐤ ᐊ ‍ ᐃᑐᑐᐛᑦ ᒥᓐᑐᓴ, ᒥᔭᒪᒂᑎᒥᔨᒋ ᑭᔭ ᓂᐱᔭ ᓂᑕᐅᒋᑕᑭᓂᔪᐤ ᒂ ‍ ᐃᓯᓇᑯᓂᔨᒡ ᒐᒋ ‍ ᔭᔨᓂᒡ᙮
\v 8 ᐊᑯ ᐊᓐ ᐱᓯᒻ ᓯᔭᑲᔅᑐᐛᑦ ᒋᓴᒪᓂᑐᐤ ᐊ ‍ ᑐᑕᒃ ᐊ ‍ ᒋᓯᑕᔨᒡ ᐛᐱᓄᑕᒡ ᐛᑎᓂᒡ, ᑭᔭ ᐊᓐ ᐱᓯᒺ ᐊ ‍ ᒋᓯᑯᑦ ᒍᓇ ᐅᔅᑎᒂᓂᒡ ᒐᒃ ᐊᒂᑎᑦ ᐊᑲᐎᒋᔅᒋᑦ᙮ ᐎ ᓂᑐᐛᔨᑎᒻ ᒐᒋ ᐳᓂᐱᒪᑎᓯᑦ, ᑭᔭ ᐃᔅᒋᔄᐤ, “ᒋᐸ ‍ ᒥᔽᐤ ᐊᑯᔅ ᓂᔾ ᐳᓂᐱᒪᑎᓯᔭᓐ ᐃᔅᐱᔅ ᒐᒋ ᐱᒪᑎᓯᔭᓐ᙮”
\p
\v 9 ᒥᒄ ᒋᓴᒪᓂᑐᐤ ᐃᑕᐤ ᑭᔭ ᒍᓇ, “ᒋ ‍ ᑭᓄᐛᔨᑕᓐ ᐊᓯᓇᒂᒡ ᒐᒋ ᐅᒋ ‍ ᒋᔄᐱᔅᑎᒥᓐ ᐊᓐ ᓂᐱᔭ ᓂᑕᐅᒋᑕᑭᓇ ?”
\p “ᓂᔾ ᓂ ‍ ᑭᓄᐛᔨᑕᓐ,” ᐎᔾ ᐃᑕᐤ᙮ “ᓂᔾ ᓂᑦ ᐃᔅᐱᔅ ᒥᒋᑥᓐ ᐊᑯᔅ ᒐᒋ ᐳᓂᐱᒪᑎᓯᔭᓐ᙮”
\p
\v 10 ᐊᑯ ᐊᓂᔭ ᒋᓴᒪᓂᑐᐛ ᐃᑎᑯᐤ, “ᒋᔾ ᔅᒋ ‍ ᒪᒥᑐᓇᔨᑎᒥᐃᑯᓐ ᐊᓐ ᓂᐱᔭ ᓂᑕᐅᒋᑕᑭᓇ, ᒋᔾ ᓇᒪ ᐅᒋ ᑎᒥᑭᓐ ᑭᔭ ᑐᑕᓐ ᒐᒋ ᓂᑕᐅᒋᒡ᙮ ᒋ ‍ ᓂᑕᐅᒋᓐ ᒪᒂᒡ ᐸᐃᒄ ᑎᐱᔅᑲᒡ ᑭᔭ ᓂᐱᒥᑭᓐ ᒪᒂᒡ ᐸᐃᒄ ᑕᐱᔅᑲᒡ᙮
\v 11 ᒥᒄ ᐊᓐ ᓂᓇᐸ ᐊᑕᒡ ᐊ ‍ ᒥᒐᑎᒡ ᐅᔅᑕ ᐸᐃᑯ ᒥᑕᓯᒥᑎᓄᐤ ᐊᓱ ᓂᓱᔪᐤ ᑕᑥᐤ ᒐᓯᐱᔪᐤ ᐃᔪᒡ ᐊᑲ ᒋᔅᒐᔨᑕᒡ ᒐᒋ ᐎᑕᒡ ᑕᓂᔭ ᐅᒥᐅᓐ ᐅᑎᒋᐛᐤ ᐃᔅᐱᔅ ᐅᓂᔅᐸᒋᐅᓄᐛᐤ᙮ ᑭᔭ ᐊ ‍ ᒥᒐᑎᑦ ᐎᔄᐅᑎᒄ ᐃᔭᐱᒡ᙮ ᐃᓯᓇᑯᓇ ᓂᔾ ᒪᒃ ᒪᐛᒡ ᒐ ᐊᑲ ‍ ᒋᓴᐛᑎᓯᒥᑯᔭᓐ ᐊᓐ ᐊ ‍ ᒥᔅᑎᐅᑕᓇᐅᒡ ?”

\id MAT Adapted from ECree-S to Naskapi, 29 Jan 2002; Typeset export from CBS 8 May 2007
\ide custom Naskapi (ANSI NasANSI.ttf)
\h ᒪᑎᔪᐤ
\toc3 ᒪᑎᔪᐤ
\toc2 ᒪᑎᔪᐤ
\toc1 ᒥᔽᒋᒧᐅᓂᔪᐤ ᑲ ‍ ᒥᓯᓇᐊᐧᒃ ᒪᑎᔪᐤ
\mt2 ᒥᔽᒋᒧᐅᓂᔪᐤ ᑲ ‍ ᒥᓯᓇᐊᐧᒃ
\mt1 ᒪᑎᔪᐤ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐊᔪᐅᒄ ᐅᔭ ᒪᑎᔪᐤ ᑲ ‍ ᐃᑎᓯᓇᐃᒐᑦ ᒥᔽᒋᒧᐅᓂᔪᐤ ᐊ ‍ ᐊᔨᒧᑕᐧᒃ᙮ ᐎᔾ ᐸᐃᒄ ᐊᓂᔭᔪᐛ ᒋᓴᔅ ᐅᒋᔅᒋᓄᐊᒧᐛᑭᓇ ᑲ ‍ ᓂᓱᓴᐳᔨᒋ᙮ ᒍᐤ ᐃᔪᐛ ᒋ ‍ ᒥᓯᓇᐊᒧᐛᐤ ᐅᔭ ᑲ ‍ ᒥᓯᓇᐃᒐᑦ᙮ ᐅᔭ ᒪᒃ ᑲ ‍ ᐃᑎᓯᓇᐃᒐᑦ ᒋ ᐎ ‍ ᐛᐸᑎᔭᐤ ᑕᑈ ᙭ᑕ ᐊᒋ ‍ ᐊᐎᔨᒋ ᐊᓂᔭ ᒋᓴᓴ, ᑕᑈ ᐊᐅᑯᓂ ᐊᓂᔭᔪᐛ ᑲ ‍ ᐃᑎᑯᒡ ᒋᓴᒪᓂᑐᐛ ᒐ ᐸᒋ ‍ ᐃᑎᓴᐛᔨᒋ ᐊᓐᑕ ᐊ ‍ ᑕᒡ᙮ ᐊᓂᔭ ᑕᓐ ᑲ ‍ ᐃᔅᒋᔄᔨᒋ ᐊᓂᔭᐧᑲ ᐛᔅᑭᒡ ᐅᒋᔅᒋᐛᐃᒐᓱᐛ ᐊᐅᑯᓐ ᐊᓂᔭ ᑲ ‍ ᐛᐎᑎᒧᐛᑦ ᐅᔭ ᐃᔪᐛ ᒐᒋ ᑕᑈᑎᒥᔨᒋ ᐊᔪᐅᒄ ᐅᔭ ᑕᑈ ᐅᒋᓴᐅᒋᒪᒧᐛᐛ᙮ ᒋ ‍ ᐎᑎᒧᐛᐤ ᑭᔭ ᑕᓐ ᑲ ᐃᓯ ‍ ᒋᔅᑯᑎᒪᒐᔨᒋ ᒋᓴᓴ ᐊ ‍ ᐊᔨᒧᑎᒥᔨᒋ ᒋᒋᒋᓯᒄ ᒋᓴᐅᒋᒪᐅᓂᔪᐤ᙮
\c 1
\s1 ᐊᓂᔭᔪᐛ ᐊᐛᔪᐛ ᐊ ‍ ᑕᔨᒋ ᑲ ᐅᒋ ᐊᓂᔅᒐ ‍ ᐱᒪᑎᓯᑦ ᒋᓴᔅ
\r ᓗᒃ 3.23-38
\p
\v 1 
ᒋᓴᔅ ᙭ ᓂᑭ ‍ ᐊᔨᒧᒪᐤ᙮ ᓂᔅᑎᒻ ᐅᑦ ᐊᓂᔅᒐᓯᒪ ᐊ ‍ ᑕᔨᒋ ᓂᑭ ᐅᒋ ‍ ᒋᒋᐱᔨᓐ ᐊ ‍ ᐊᔨᒧᒥᒃ᙮ ᐊᓂᔭᐧᑲ ᒋᓴᐅᒋᒪᐛ ᑎᐱᑕ ᑭᔭ ᐊᓂᔭᐧᑲ ᐊᑉᕋᐊᒪ ᐊ ‍ ᑕᔨᒋ ᒋ ᐅᒋ ᐊᓂᔅᒐ ‍ ᐱᒪᑎᓯᐤ᙮
\li1
\v 2 ᐊᑉᕋᐊᒪ ᒪᒃ ᐊᐃᓯᑲ ᒋ ‍ ᐅᑯᓱᐤ,
\li2 ᑭᔭ ᐊᐃᓯᒃ ᒐᑭᐸ ᒋ ‍ ᐅᑯᓱᐤ,
\li2 ᒐᑭᑉ ᒪᒃ ᒍᑕᔨᒋ ᒋ ‍ ᐅᑯᓱᐤ ᑭᔭ ᐊᓂᔭ ᐎᐧᑲᓂᓯᔨᔪᐛ,
\li2
\v 3 ᒍᑕ ᒪᒃ ᒋ ‍ ᐅᑯᓱᐤ ᐸᕋᓴ ᑭᔭ ᓯᕋᔨᒋ, ᑕᐃᒪᕆᔨᒋ ᒪᒃ ᒋ ‍ ᐅᑲᐎᐅᒡ᙮
\li2 ᐸᕋᔅ ᒪᒃ ᒋ ‍ ᐅᑯᓱᐤ ᐊᔅᕈᓇ,
\li2 ᐊᔅᕈᓐ ᒪᒃ ᒋ ‍ ᐅᑯᓱᐤ ᕋᒪᔨᒋ᙮
\li2
\v 4 ᕋᒻ ᒪᒃ ᒋ ‍ ᐅᑯᓱᐤ ᐊᒥᓂᑕᐸ,
\li2 ᐊᒥᓂᑕᑉ ᒪᒃ ᒋ ‍ ᐅᑯᓱᐤ ᓇᓱᓇ,
\li2 ᓇᓱᓐ ᒪᒃ ᒋ ‍ ᐅᑯᓱᐤ ᓴᓪᒧᓇ᙮
\li2
\v 5 ᓴᓪᒧᓐ ᒪᒃ ᒋ ‍ ᐅᑯᓱᐤ ᐳᐊᓴ, ᕋᐊᐸ ᒋ ‍ ᐅᑲᐎᐤ᙮
\li2 ᐳᐊᔅ ᒪᒃ ᒋ ‍ ᐅᑯᓱᐤ ᐅᐸᑕ, ᕈᑕ ᒋ ‍ ᐅᑲᐎᐤ᙮
\li2 ᐅᐸᑦ ᒪᒃ ᒋ ‍ ᐅᑯᓱᐤ ᒐᓯᔨᒋ,
\li2
\v 6 ᒐᓯᔾ ᒪᒃ ᒋᓴᐅᒋᒪᐛ ᑎᐱᑕ ᒋ ‍ ᐅᑯᓱᐤ᙮
\li1 ᑎᐱᑦ ᒪᒃ ᓴᓚᒥᓇ ᒋ ‍ ᐅᑯᓱᐤ, ᐅᕆᐊᔨᒋ ᐎᐎᔪᐛ ᒪᒃ ᒋ ‍ ᐅᑲᐎᐤ ᓴᓚᒥᓐ᙮
\li2
\v 7 ᓴᓚᒥᓐ ᒪᒃ ᒋ ‍ ᐅᑯᓱᐤ ᕋᐅᐳᒪ,
\li2 ᕋᐅᐳᒻ ᒪᒃ ᒋ ‍ ᐅᑯᓱᐤ ᐊᐸᐃᒐᔨᒋ᙮
\li2 ᐊᐸᐃᒐ ᒪᒃ ᒋ ‍ ᐅᑯᓱᐤ ᐊᓴᔨᒋ,
\li2
\v 8 ᐊᓴ ᒪᒃ ᒋ ‍ ᐅᑯᓱᐤ ᒐᐅᓴᐸᑕ,
\li2 ᒐᐅᓴᐸᑦ ᒪᒃ ᒋ ‍ ᐅᑯᓱᐤ ᒐᐊᕋᒪ᙮
\li2 ᒐᐊᕋᒻ ᒪᒃ ᒋ ‍ ᐅᑯᓱᐤ ᔪᓴᔭᔨᒋ,
\li2
\v 9 ᔪᓴᔭ ᒪᒃ ᒋ ‍ ᐅᑯᓱᐤ ᒠᑕᒪ,
\li2 ᒠᑕᒻ ᒪᒃ ᒋ ‍ ᐅᑯᓱᐤ ᐊᐊᓴ᙮
\li2 ᐊᐊᔅ ᒪᒃ ᒋ ‍ ᐅᑯᓱᐤ ᐊᓯᑲᔭᔨᒋ,
\li2
\v 10 ᐊᓯᑲᔭ ᒪᒃ ᒋ ‍ ᐅᑯᓱᐤ ᒪᓇᓴᔨᒋ᙮
\li2 ᒪᓇᓴ ᒪᒃ ᒋ ‍ ᐅᑯᓱᐤ ᐊᒧᓇ,
\li2 ᐊᒧᓐ ᒪᒃ ᒍᓴᔭᔨᒋ ᒋ ‍ ᐅᑯᓱᐤ᙮
\li2
\v 11 ᒍᓴᔭ ᒪᒃ ᒋ ‍ ᐅᑯᓱᐤ ᒐᑯᓇᔭ ᑭᔭ ᐊᓂᔭ ᐎᐧᑲᓂᓯᔪᐛ᙮ ᐊᐅᒄ ᐅᔭ ᒪᒂᒡ ᐊᓐᒡ ᐃᔅᕋᐃᓪ ᐃᔪᒡ ᐊᓐᑕ ᐸᐱᓗᓐ ᑲ ‍ ᐃᑐᑕᐊᑭᓄᐎᒡ ᐊ ‍ ᒪᑯᓇᑭᓄᐎᒡ᙮
\li1
\v 12 ᓴᔅ ᒪᒃ ᐊᓐᒡ ᐃᔪᒡ ᐊᓐᑕ ᐸᐱᓗᓐ ᒋ ‍ ᑕᐅᒡ ᐊᓐᑕ ᑲ ‍ ᐃᑐᑕᐊᑭᓄᐎᒡ,
\li2 ᐊᑯ ᒐᑯᓇᔭ ᑲ ‍ ᐅᑯᓯᑦ, ᓴᓪᑎᔭᓪ ᒋ ‍ ᐃᓯᓂᐧᑲᑕᐤ᙮
\li2 ᓴᓪᑎᔭᓪ ᒪᒃ ᓯᕈᐸᐸᓪ ᒋ ‍ ᐃᓯᓂᐧᑲᓱᔪᐛ ᐅᑯᓴ᙮
\li2
\v 13 ᓯᕈᐸᐸᓪ ᒪᒃ ᒋ ‍ ᐅᑯᓱᐤ ᐊᐱᔪᑕ,
\li2 ᐊᐱᔪᑦ ᒪᒃ ᒋ ‍ ᐅᑯᓱᐤ ᐃᓚᔭᑭᒪ,
\li2 ᐃᓚᔭᑭᒻ ᒪᒃ ᒋ ‍ ᐅᑯᓱᐤ ᐊᓴᕋ,
\li2
\v 14 ᐊᓴᕐ ᒪᒃ ᒋ ‍ ᐅᑯᓱᐤ ᓴᑕᑲ,
\li2 ᓴᑕᒃ ᒪᒃ ᒋ ‍ ᐅᑯᓱᐤ ᐊᑭᒪ,
\li2 ᐊᑭᒻ ᒪᒃ ᒋ ‍ ᐅᑯᓱᐤ ᐃᓕᔪᑕ,
\li2
\v 15 ᐃᓕᔪᑦ ᒪᒃ ᒋ ‍ ᐅᑯᓱᐤ ᐃᓕᐊᓴᕋ,
\li2 ᐃᓕᐊᓴᕐ ᒪᒃ ᒋ ‍ ᐅᑯᓱᐤ ᒪᑕᓇ,
\li2 ᒪᑕᓐ ᒪᒃ ᒋ ‍ ᐅᑯᓱᐤ ᒐᑭᐸ,
\li2
\v 16 ᒐᑭᑉ ᒪᒃ ᒍᓯᑉ ᒋ ‍ ᐃᓯᓂᐧᑲᓱᔪᐛ ᐅᑯᓴ, ᐊᐅᒄ ᒪᒃ ᐅᔭ ᒪᕆ ᑲ ‍ ᐅᓇᐸᒥᑦ᙮ ᐊᐅᒄ ᐅᔭ ᒪᕆᔨᒋ ᑲ ‍ ᐅᑲᐎᑦ ᒋᓴᔅ ᐊᓐ ᙭ ᑲ ‍ ᐃᓯᓂᐧᑲᑕᑭᓄᐅᑦ᙮
\p
\v 17 ᓇᐅᓴᑉ ᒪᒃ ᒋ ‍ ᐃᑕᑎᓱᐅᒡ ᐅᒡ ᐅᑕᐎᒪᐅᒡ ᑭᔭ ᐅᑯᓯᓯᒪᐅᒡ ᐊᓐᑕ ᐊᑉᕋᐊᒪ ᐊ ‍ ᑕᔨᒋ ᐊᒋ ᐅᒋ ᐊᓂᔅᒐ ‍ ᐱᒪᑎᓯᒡ ᐊᓐᑕ ᑎᐱᑦ ᐊ ‍ ᑕᑦ ᐃᔅ᙮ ᓇᐅᓴᑉ ᑭᔭ ᒋ ‍ ᐃᑕᑎᓱᐅᒡ ᑎᐱᑕ ᐊ ‍ ᑕᔨᒋ ᐊᒋ ᐅᒋ ᐊᓂᔅᒐ ‍ ᐱᒪᑎᓯᒡ ᐅᑕᐎᒪᐅᒡ ᐊᓐᑕ ᐃᓯ ᐃᔅᐱᔅ ᑲ ‍ ᒪᑯᓇᑭᓄᐎᒡ ᐃᔪᒡ ᐊᓐᑕ ᐸᐱᓗᓂᒡ ᑲ ‍ ᐃᑐᑕᐊᑭᓄᐎᒡ᙮ ᐊᑯᑕ ᒥᓐ ᓇᐅᓴᑉ ᑲ ᐅᒋ ᐊᓂᔅᒐ ‍ ᐱᒪᑎᓯᒡ ᐅᑕᐎᒪᐅᒡ ᐊᓐᑕ ᐅᒋ ᐊᓐᑕ ᒪᒃ ᐃᔅ ᙭ ᑲ ‍ ᐱᒪᑎᓯᑦ᙮
\s1 ᒋᓴᔅ ᑲ ‍ ᐱᒪᑎᓯᑦ
\r ᓗᒃ 2.1-7
\s2 Matthew 1.18-25 (Advent-4 Year A)
\p
\v 18 ᒪᐅ ᒪᒃ ᑲ ‍ ᐃᔅᐱᔨᒡ ᐃᔅᐱ ᒐ ‍ ᐱᒪᑎᓯᑦ ᒋᓴᔅ ᙭᙮ ᒪᕆ, ᐊᓂᔭᔪᐛ ᒋᓴᔅ ᒐ ‍ ᐅᑲᐎᑦ ᒋᐸ ‍ ᓂᐳᐅᒡ ᐊᓂᔭᔪᐛ ᒍᓯᐸ, ᒥᒄ ᒪᒃ ᐊᔅᒄ ᐊᑲ ᐅᒋ ᓂᐳᐅᒡ ᒋᔅᒐᔨᑎᒻ ᒪᕆ ᐊ ‍ ᑭᓄᐛᔨᒪᐅᓱᑦ᙮ ᐊᓂᔭ ᒪᒃ ᐊᐛᓴ ᑲ ‍ ᐊᔭᐛᑦ ᑲ ‍ ᐸᔭᒋᓯᔨᒋ ᐊᒐᒂ ᒋ ‍ ᐃᑐᑕᑯᐤ ᒐᒋ ᐊᔭᐛᑦ᙮
\v 19 ᐊᓐ ᒪᒃ ᓇᐸᐤ ᒍᓯᑉ ᒧᔅ ᑯᐃᔅᒄ ᑲ ᐎ ‍ ᐃᑎᑦ ᒋ ‍ ᐃᑕᔨᑕᑯᓱᐤ᙮ ᐃᔅᐱ ᒪᒃ ᒐᔅᒐᔨᒪᑦ ᒪᕆᔨᒋ ᐊ ‍ ᑭᓄᐛᔨᒪᐅᓱᔨᒋ ᓇᒪ ᐅᒋ ᓂᑐᐛᔨᒪᐤ ᓂᑐᐎᔾ ᒐᒋ ᐃᑕᒋᒪᑭᓄᔨᒋ ᐊᓐᑕ ᐊ ‍ ᒥᒐᑎᓇᓄᐎᒡ, ᐊᑯ ᑲ ‍ ᑯᒂᑕᔨᑕᐧᒃ ᒋᔭᒻ ᒐᒋ ᓂᑭᑕᑦ᙮
\p
\v 20 ᒪᒂᒡ ᐅᔭ ᐊ ‍ ᒪᒥᑐᓇᔨᑕᐧᒃ, ᐃᔅᐱ ᒪᒃ ᓇᐸᑦ, ᐅᑎᐸᔨᒋᒐᐛ ᐅᑦ ᐊᓐᒋᓂᒥᔪᐛ ᒋ ‍ ᓄᑯᓯᔅᑕᑯᐤ ᐅᐳᐛᒧᐅᓂᒡ ᐊ ‍ ᐃᑎᑯᑦ, “ᒍᓯᑉ, ᒋᔾ ᐊᓂᔭ ᑎᐱᑦ ᐊᓂᔅᒐ ᐅᑯᓯᓴ, ᐊᑲᐎᔾ ᑯᔅᑕᒋ ᒐᒋ ᐎᒋᒥᑦ ᒪᕆ ᐛᔅ ᑲ ‍ ᐸᔭᒋᓯᔨᒋ ᐊᒐᒂ ᒋ ‍ ᐃᑐᑕᑯᐤ ᒐᒋ ᐊᔭᐛᑦ ᐊᓂᔭᔪᐛ ᐊᐛᓴ᙮
\v 21 ᒋᑭ ‍ ᓇᐸᓯᐎᔪᐛ ᐊᓂᔭ ᐅᑦ ᐊᐛᓯᒪ, ᒋᓴᔅ ᒋᑭ ‍ ᐃᓯᓂᐧᑲᑕᐛᐤ, ᐛᔅ ᐊᐅᒄ ᐅ ᒐ ‍ ᐱᒪᒋᐊᑦ ᐅᑦ ᐃᔨᒪ ᐅᒥᒐᑎᓯᐅᓂᔨᒡ ᐅᒡ᙮” ᐊᐅᑯᐤ ᐅᔭ ᑲ ‍ ᐃᑎᑯᑦ ᒍᓯᑉ ᐊᓂᔭ ᐊᓐᒋᓇ᙮
\p
\v 22 ᐊᐅᑯᓐ ᐊᓐ ᑲ ‍ ᐃᔅᐱᔨᒡ ᑕᓐ ᑲ ᐸᒋ ‍ ᐃᔅᒋᔄᔨᒋ ᐅᑎᐸᔨᒋᒐᐤ ᐅᒋᔅᒋᐛᐃᒐᓯᒪ ᑲ ‍ ᐃᔅᒋᔄᔨᒋ,
\v 23 “ᐃᔎᔅ ᐊᑲ ᐊᔅᒄ ᐅᒋ ᒋᔅᒐᔨᒥᑯᑦ ᓇᐸᐛ ᒋᑭ ‍ ᐊᔭᐛᐤ ᐊᐛᓴ, ᒋᑭ ‍ ᓇᐸᓯᐎᔪᐛ ᒪᒃ, ᐃᒪᓄᐃᓪ ᒋᑭ ‍ ᐃᓯᓂᐧᑲᑕᑭᓄᐤ᙮” ᒋᓴᒪᓂᑐᐤ ᐊ ᐸᒋ ‍ ᑕᑦ ᐅᑕ ᐊ ‍ ᑕᔭᐧᒄ ᐃᔅᒋᔄᒥᑭᓐ ᐅ ᐃᓯᓂᐧᑲᓱᐅᓐ᙮
\p
\v 24 ᐃᔅᐱ ᒪᒃ ᐱᔭᑯᐱᔨᑦ ᒍᓯᑉ ᐊᒋ ‍ ᓂᐸᑦ, ᒋ ‍ ᐃᑐᑎᒻ ᑕᓐ ᑲ ‍ ᐃᑎᓱᒥᑯᑦ ᐊᓂᔭ ᐅᑎᐸᔨᒋᒐᐛ ᐅᑦ ᐊᓐᒋᓂᒥᔪᐛ, ᒋ ‍ ᐎᒋᒪᐤ ᐊᓂᔭ ᒪᕆᔨᒋ᙮
\v 25 ᒥᒄ ᒪᒃ ᓇᒪ ᐊᔅᒄ ᐅᒋ ᐎᐸᒪᐤ ᐸᑐᔅ ᑲ ‍ ᐱᒪᑎᓯᔨᒋ ᐊᓂᔭᔪᐛ ᐅᑦ ᐊᐛᓯᒥᔪᐛ᙮ ᒍᓯᑉ ᒪᒃ, ᒋᓴᔅ ᒋ ‍ ᐃᓯᓂᐧᑲᑕᐤ ᐊᓂᔭᔪᐛ ᐊᐛᓴ᙮
\c 2
\s1 ᒪᓐᑕᐅᒡ ᐛᐱᓄᑕᒡ ᑲ ‍ ᐅᑐᑕᒡ
\s2 Matthew 2.1-12 (Epiphany Year A, B, C)
\p
\v 1 ᐸᑦᓕᔭᒻ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᒍᑎᔭ ᐊᔅᒋᒡ ᑲ ‍ ᑎᑯᓂᔨᒡ ᐊᑯᑕ ᑲ ‍ ᐃᔪᑦ ᒋᓴᔅ᙮ ᐊᕈᑦ ᒪᒂᒡ ᒋ ‍ ᒋᓴᐅᒋᒪᐤ᙮ ᒋᕈᓯᓕᒥᒡ ᒪᒃ ᒋ ‍ ᑎᑯᓯᓄᐅᒡ ᑲ ‍ ᑭᒐᑕᐛᔨᑕᒡ ᓇᐸᐅᒡ ᐛᐱᓄᑕᒡ ᐊ ‍ ᐅᑐᑕᒡ᙮
\v 2 ᐊᑯ ᑲ ‍ ᓇᓂᑐᐤ ᑯᒂᒋᒐᒧᒡ ᐊ ‍ ᐃᔅᒋᔄᒡ, “ᑕᓐᑕ ᐊ ‍ ᑕᑦ ᐊᓐ ᐊᐛᔅ ᑲ ‍ ᐃᔪᐅᑦ ᐊᓂᔭᔪᐛ ᒍᐤ ᐃᔪᒡ ᒐ ‍ ᐅᒋᓴᐅᒋᒪᒥᒡ ? ᐛᔅ ᐊᓐ ᓂᒋ ‍ ᐛᐱᒪᓇᓐ ᐅᑦ ᐅᒐᑭᑕᐧᑯᒪ ᐊᓐᑕ ᐛᐱᓄᑕᒡ᙮ ᐊᐅᒄ ᒪᒃ ᐊᓂᔭ ᒋᐸ ‍ ᓄᑯᓯᔪᐛ ᐃᔅᐱ ᐃᔪᒐ᙮ ᐊᑯ ᑲ ᐸᒋ ‍ ᑎᑯᓯᓂᔭᒡ ᒐᒋ ᐸᒋ ‍ ᐊᔭᒥᐊᔅᑐᐅᒋᒡ᙮”
\p
\v 3 ᐃᔅᐱ ᒪᒃ ᒋᓴᐅᒋᒪᐤ ᐊᕈᑦ ᐱᔭᑕᐧᒃ ᐅᔭ, ᓇᔅᒡ ᒋ ‍ ᒥᑯᔅᑲᑕᔨᑎᒻ ᑭᔭ ᒥᓯᐛ ᐊᐛᓐᒋ ᐊᓐᑕ ᒋᕈᓯᓕᒥᒡ ᑲ ‍ ᑕᒡ ᑭᔭ ᐎᔨᐛᐤ ᒋ ‍ ᒥᑯᔅᑲᑕᔨᑎᒧᒡ᙮
\v 4 ᐊᑯ ᐊᕈᑦ ᒂ ‍ ᐎᓴᒪᑦ ᒥᓯᐛ ᐊᓂᔭ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ‍ ᒋᔅᑯᑎᒪᒐᔨᒋ ᐎᓱᐛᐅᓂᔪᐤ, ᐊᑯ ᒂ ‍ ᐃᑕᑦ, “ᒐᒄ ᐅᑕᓇᔪᐤ ᒋᐸ ‍ ᐃᔪᐤ ᐊᓐ ᙭ ?”
\p
\v 5 ᐊᑯ ᒂ ‍ ᐃᑎᑯᑦ, “ᒋ ‍ ᐃᓇᓄᐤ ᑭᑈ ᐊᓐᑕ ᐊᓂᔭᔪᐤ ᐅᑕᓇᔪᐤ ᐸᑦᓕᔭᒻ ᑲ ‍ ᐃᓯᓂᐧᑲᑕᔨᒡ ᐊᓐᑕ ᐃᑕᒐ ᒍᑎᔭ ᐊᔅᒋᒡ ᐊᑯᑕ ᒐ ‍ ᐃᔪᐅᑦ ᐊᓐ ᙭᙮ ᐛᔅ ᒪᐅᔭ ᑲ ᐃᓯ ‍ ᒥᓯᓇᑕᐅᒥᒂ ᐊᓐ ᐅᒋᔅᒋᐛᐃᒐᓱᐤ,
\q
\v 6 ᒋᔨᐛᐤ ᐸᑦᓕᔭᒻ ᐃᔪᒡ ᐊᓐᑕ ᒍᑕ ᐊᔅᒋᒡ, ᓇᒪ ᐊᑲ ᒋᑭ ᐅᒋ ‍ ᒋᐧᑲᔭᔨᑕᑯᓐ ᒋᑦ ᐅᑕᓇᒧᐛᐤ ᐊ ‍ ᑕᑎᒋ ᐅᑕᓇᐛ ᐊᓐᑕ ᒍᑕ, ᐛᔅ ᐊᑯᑕ ᒐ ‍ ᐅᒋᑦ ᐊᓐ ᒐ ‍ ᓂᑲᓂᔅᑯᐛᑦ ᑭᔭ ᒐ ‍ ᒋᔅᒋᓄᑕᐊᑦ ᐃᔅᕋᐃᓪ ᓂᑦ ᐃᔨᒪ᙮”
\p
\v 7 ᐃᔅᐱ ᐊᕈᑦ ᑲ ‍ ᐸᑕᐧᒃ ᐅᔭ ᒋᒧᑦ ᒋ ‍ ᐎᓴᒪᐤ ᐊᓂᔭ ᑲ ‍ ᑭᒐᑕᐛᔨᑎᒥᔨᒋ ᓇᐸᐛ, ᐊᑯ ᑲ ‍ ᑯᒂᒋᒪᑦ ᑕᐃᔅᐱ ᑲ ‍ ᐛᐱᒪᔨᒋ ᐊᓂᔭᔪᐛ ᐅᒐᑭᑕᒂ ᐊ ‍ ᓄᑯᓯᔨᒋ᙮
\v 8 ᒋ ‍ ᐎᑎᒪᑯᐤ ᑲ ᐃᓯ ‍ ᑯᒂᒋᒪᑦ ᐊᑯ ᐊᕈᑦ ᑲ ‍ ᐃᑎᓴᐛᑦ ᐊᓂᔭᔪᐛ ᑲ ‍ ᑭᒐᑕᐛᔨᑎᒥᔨᒋ ᓇᐸᐛ ᐊᓐᑕ ᐸᑦᓕᔭᒥᒡ ᐊ ‍ ᐃᑕᑦ, “ᒪᒋᒄ ᓇᔅᒡ ᓇᓂᑐᐛᐱᒪᐧᒄ ᐊᓐ ᐊᐛᔅ, ᐃᔅᐱ ᒪᒃ ᒥᔅᑯᐛᒂ, ᒐ ᐸᒋ ‍ ᐎᑎᒧᔭᒄ ᒐᒋ ᓂᑐᐛᐱᒥᒃ, ᓂᔾ ᑭᔭ ᒐᒋ ᐊᔭᒥᐊᔅᑐᐅᒃ᙮”
\p
\v 9 ᐃᔅᐱ ᒪᒃ ᑲᒋ ᐃᓯ ‍ ᐎᑎᒪᑯᒡ ᐊᓂᔭᔪᐛ ᒋᓴᐅᒋᒪᐛ ᑕᓐ ᒐ ‍ ᐃᑎᒡ ᐊᑯ ᒐ ‍ ᐃᑐᑕᒡ᙮ ᒪᒂᒡ ᒪᒃ ᐊᓂᔭᔪᐤ ᐊ ᐊᑎ ‍ ᐱᒧᑕᒡ ᒥᓐ ᒋ ‍ ᐛᐱᒪᐅᒡ ᐊᓂᔭᔪᐛ ᐅᒐᑭᑕᒂ, ᐊᓂᔭᔪᐛ ᑲ ‍ ᐛᐱᒪᒡ ᐊᓐᑕ ᐛᐱᓄᑕᒡ᙮ ᐃᔅᐱᒥᒡ ᒪᒃ ᐊᓐᑕ ᓂᑲᓄᒡ ᐊ ‍ ᑕᒡ ᐊᑯᑕ ᑲ ᐊᑎ ‍ ᑕᔨᒋ ᐊᓂᔭᔪᐛ ᐅᒐᑭᑕᒂ, ᒐᒃ ᒪᒃ ᑲ ‍ ᓂᑲᐱᔨᒋ ᐊᓐ ᑎᐱᔅᑯᒡ ᐊᓐᑕ ᐊ ‍ ᑕᔨᒋ ᐊᓂᔭᔪᐛ ᐊᐛᓴ᙮
\v 10 ᓇᔅᒡ ᒪᒃ ᒋ ‍ ᒥᔽᔨᑎᒧᒡ ᐃᔅᐱ ᐎᔭᐱᒪᒡ ᐊᓂᔭᔪᐛ ᐅᒐᑭᑕᒂ᙮
\v 11 ᐊᑯ ᒂ ‍ ᐱᒐᒡ ᐊᓂᔭᔪᐤ ᒥᒋᐛᐱᔪᐤ ᐊᓐᑕ ᑲ ‍ ᑕᔨᒋ ᐊᐛᓴ ᐊᓯᒡ ᐅᑲᐎᔪᐛ ᒪᕆᔨᒋ᙮ ᐃᔅᐱ ᒪᒃ ᐎᔭᐱᒪᒡ ᐊᓂᔭᔪᐛ ᐊᐛᓴ ᒋ ‍ ᐅᒋᒋᐧᑯᓂᐱᔪᐅᒡ ᐊ ‍ ᐊᔭᒥᐊᔅᑐᐛᒡ᙮ ᐊᑯ ᒂ ‍ ᑯᐃᑯᓇᒡ ᐊᓂᔭ ᒥᔨᐛᐅᓇ ᑲ ᐎ ‍ ᒥᔭᒡ ᐊᓂᔭᔪᐛ ᐊᐛᓴ, ᐎᔄᐅᓱᓇᔭᐱᔎ ᒋ ‍ ᒥᔭᐅᒡ, ᑭᔭ ᑲᒋ ‍ ᐃᔎᓯᑭᓄᔨᒋ ᑲᐎᒋᒪᑯᓯᔨᒋ ᑭᔭ ᑲ ‍ ᓱᓇᔭᐎᒡ ᑐᒥᓂᑭᓂᔪᐤ ᑲᐎᒋᒪᑯᑉᓴᓯᔨᒡ᙮
\v 12 ᐃᔅᐱ ᒪᒃ ᒐ ‍ ᒋᐛᒡ ᓇᒪ ᐊᓐᑕ ᒋᕈᓯᓕᒥᒡ ᐃᑕᒐ ᐅᒋ ᐃᓯ ᒋᐛᐅᒡ ᒐᒋ ᐎᑎᒧᐛᒡ ᐊᕈᑕ ᑕᓐᑕ ᐊ ‍ ᑕᔨᒋ ᐊᓂᔭᔪᐛ ᐊᐛᓴ᙮ ᐛᔅ ᒋᓴᒪᓂᑐᐛ ᒋ ‍ ᐃᔭᒂᒥᒥᑯᐅᒡ ᐅᐳᐛᒧᐅᓄᐛᒡ ᒐ ᐊᑲ ᑲᐤ ᓂᑐᐛᐱᒪᒡ ᐊᕈᑕ ᐊᑯ ᒪᒃ ᐃᔭᒡ ᑲ ᐃᓯ ‍ ᒋᐛᒡ᙮
\s1 ᐃᒋᑉᑎᒡ ᐃᑐᑕᐤ ᒍᓯᑉ ᐊᓯᒡ ᒋᓴᓴ ᑭᔭ ᐅᑲᐎᔪᐛ
\p
\v 13 ᐃᔅᐱ ᒪᒃ ᑲ ‍ ᔅᑐᑕᒡ ᐊᓐᒡ ᑲ ‍ ᑭᒐᑕᐛᔨᑕᑯᓯᒡ ᓇᐸᐅᒡ, ᐊᑯ ᐅᑎᐸᔨᒋᒐᐤ ᐅᑦ ᐊᓐᒋᓂᒪ ᒂ ‍ ᓄᑯᓯᔅᑕᑯᑦ ᒍᓯᑉ ᐅᐳᐛᒧᐅᓂᒡ ᐊ ‍ ᐃᑎᑯᑦ, “ᐊᕈᑦ ᒋᑭ ‍ ᐃᑎᓱᐛᐤ ᒐᒋ ᓇᓂᑐᐛᐱᒪᑭᓄᔨᒋ ᐊᓂᔭ ᐊᐛᓴ ᐊ ᐎ ‍ ᓂᐸᐊᑦ᙮ ᐅᓂ, ᒐ ‍ ᔅᑐᑕᐃᑥᐤ ᐊᓐ ᐊᐛᔅ ᑭᔭ ᐊᓂᔭᔪᐛ ᐅᑲᐎᔭ ᑭᔭ ᐃᒋᑉᑎᒡ ᒪᒃ ᐃᑎᓯᒧᒄ, ᐊᑯᑕ ᒐ ‍ ᑕᔭᒄ ᐸᑐᔅ ᐃᑎᑎᑯᒐ ᒐᒋ ᔅᑐᑕᔭᒄ᙮”
\p
\v 14 ᒂ ‍ ᐅᓂᑦ ᒍᓯᑉ, ᒂ ‍ ᔅᑐᑕᐊᑦ ᐊᓂᔭᔪᐛ ᐊᐛᓴ ᑭᔭ ᐊᓂᔭ ᐅᑲᐎᔪᐛ ᐊ ‍ ᒪᒂᑎᐱᔅᑲᔨᒡ᙮ ᐃᒋᑉᑎᒡ ᐊᑯᑕ ᑲ ‍ ᐃᑐᑕᐊᑦ᙮
\v 15 ᐊᑯᑕ ᒪᒃ ᐊᓐᑕ ᑲ ‍ ᑕᒡ ᐸᑐᔅ ᑲᒋ ‍ ᓂᐱᔨᒋ ᐊᕈᑕ᙮ ᐅ ᒪᒃ ᑲ ‍ ᐃᔅᐱᔨᒡ ᐊᐅᒄ ᑲ ‍ ᑕᑈᒥᑭᓂᔨᒡ ᐅᑎᐸᔨᒋᒐᐤ ᐅᒋᔅᒋᐛᐃᒐᓯᒪ ᑲ ‍ ᐃᔅᒋᔄᔨᒋ, “ᐃᒋᑉᑎᒡ ᐅᒡ ᓂᒋ ᐅᒋ ‍ ᑕᑈᑕᐤ ᓂᑯᔅ᙮”
\s1 ᑲ ‍ ᓂᐸᐊᑭᓄᐅᒡ ᑲ ‍ ᓇᐸᓯᐅᒡ ᐊᐛᓯᒡ ᐊᓐᑕ ᐸᑦᓕᔭᒥᒡ
\p
\v 16 ᐊᔅᒄ ᒪᒃ ᒪᒂᒡ ᐊᒋ ‍ ᐱᒪᑎᓯᑦ ᐊᕈᑦ ᐃᔅᐱ ᒐᔅᒐᔨᑕᐧᒃ ᐊ ‍ ᒋᐎᔭᓯᒥᑯᑦ ᐊᓂᔭ ᑲ ‍ ᑭᒐᑕᐛᔨᑎᒥᔨᒋ ᓇᐸᐛ ᒋ ᒥᔅᑎ ‍ ᒋᔄᓱᐤ᙮ ᐊᑯ ᒂ ‍ ᐃᑎᓱᐛᑦ ᒐᒋ ᓂᐸᐊᑭᓄᔨᒋ ᒥᓯᐛ ᑲ ‍ ᓂᓱᐳᓇᓯᔨᒋ ᑭᔭ ᐊᐛᓯᐎᔨᒋ ᐊ ‍ ᓇᐸᓯᐎᔨᒋ ᐊᐛᓴ ᐊᓐᑕ ᐸᑦᓕᔭᒥᒡ ᑲ ‍ ᑕᔨᒋ ᑭᔭ ᐛᔅᑲ ᐊᓐᑕ ᑲ ‍ ᑕᔨᒋ, ᐊᐅᒄ ᐅᔭ ᐛᒋ ‍ ᐃᑐᑐᐛᑦ ᐛᔅ ᐊᐅᑯᓐ ᒂᔄᓐ ᑲ ᐃᔅᐱᔅ ‍ ᐎᑎᒪᑯᑦ ᐊᓂᔭᔪᐛ ᑲ ‍ ᑭᒐᑕᐛᔨᑎᒥᔨᒋ ᓇᐸᐛ ᓂᓱ ᐱᐳᓇ ᐊᓐᑕ ᐅᑕᒡ ᐊᑯᑕ ᓂᔅᑎᒻ ᑲ ‍ ᐛᐱᒪᔨᒂᓂ ᐊᓂᔭ ᐅᒐᑭᑕᒂ᙮
\p
\v 17 ᐊᐅᒄ ᒪᒃ ᑲ ‍ ᐃᔅᐱᔨᒡ ᑕᑈ ᑕᓐ ᑲ ᐃᓯ ‍ ᓂᑲᓐ ᐎᑎᒧᒂ ᐊᓂᔭ ᐅᒋᔅᒋᐛᐃᒐᓱᐤ ᒐᕆᒪᔭ ᒐ ‍ ᐃᔅᐱᔨᒡ, ᑲ ‍ ᐃᔅᒋᔄᑦ,
\q
\v 18 ᒋ ‍ ᐸᑕᑯᓐ ᐊ ‍ ᓂᓇᐧᑲᑥᐅᑕᑭᓄᐅᒡ ᐊᓐᑕ ᕋᒪ ᐅᑕᓇᒡ, ᐊᐅᒄ ᕋᐃᒍᓪ ᐊᒧᔎᑕᑦ ᐅᑦ ᐊᐛᓯᒪ, ᓇᒪ ᒪᒃ ᐅᒋ ᓂᑐᐛᔨᑎᒻ ᒐᒋ ᒥᔽᔨᒧᐃᑯᑦ ᐊᐛᔪᐛ ᐛᔅ ᒥᓯᐛ ᒋ ‍ ᓂᐱᔪᐛ ᐅᑦ ᐊᐛᓯᒪ᙮
\s1 ᑲ ‍ ᒋᐛᒡ ᒍᓯᑉ, ᒪᕆ ᑭᔭ ᒋᓴᔅ ᐃᒋᑉᑎᒡ ᐅᒋ
\p
\v 19 ᐃᔅᐱ ᒪᒃ ᓇᐱᔨᒋ ᐊᕈᑕ, ᐊᔅᒄ ᒪᒂᒡ ᐊᓐᑕ ᐃᒋᑉᑎᒡ ᒋ ‍ ᑕᐅᒡ᙮ ᐊᑯ ᐅᑎᐸᔨᒋᒐᐛ ᐅᑦ ᐊᓐᒋᓂᒥᔪᐛ ᒂ ‍ ᓄᑯᓯᔅᑕᑯᑦ ᒍᓯᑉ ᐅᐳᐛᒧᐅᓂᒡ᙮ ᒋ ‍ ᐃᑎᑯᐤ ᒪᒃ,
\v 20 “ᐅᓂᔾ, ᔅᑐᑕᐃ ᐊᓐ ᐊᐛᔅ ᑭᔭ ᐊᓂᔭ ᐅᑲᐎᔭ, ᑲᐤ ᒐ ‍ ᒋᐛᔭᒄ ᐊᓐᑕ ᐃᔅᕋᐃᓪ ᐊᔅᒋᒡ ᐛᔅ ᓴᔅ ᓇᒪ ᐱᒪᑎᓯᐅᒡ ᐊᓐᒡ ᑲ ᐎ ‍ ᓂᐸᐊᒡ ᐊᓂᔭᔪᐛ ᐊᐛᓴ᙮”
\p
\v 21 ᐊᑯ ᒍᓯᑉ ᐛᓂᑦ, ᒂ ‍ ᔅᑐᑕᐊᑦ ᐊᓂᔭ ᐊᐛᓴ ᑭᔭ ᐊᓂᔭᔪᐛ ᐅᑲᐎᔪᐛ, ᑲᐤ ᐊᓐᑕ ᐃᔅᕋᐃᓪ ᐊᔅᒋᒡ ᒂ ‍ ᐃᑐᑕᐊᑦ᙮
\p
\v 22 ᒥᒄ ᐃᔅᐱ ᒍᓯᑉ ᐱᔭᑕᐧᒃ ᐊᕐᑭᓚᔭᓴ ᐊᒋ ‍ ᒥᔅᑯᑎᔅᑯᐛᔨᒋ ᐊᓂᔭ ᐅᑕᐎᔪᐛ ᐊᕈᑕ ᐊ ‍ ᒋᓴᐅᒋᒪᐅᓇᓄᐎᒋ ᐊᓐᑕ ᒍᑎᔭ ᐊᔅᒋᒡ, ᐊᑯ ᑲ ‍ ᑯᔅᑕᒋᑦ ᒐᒋ ᐎᒋᑦ ᐊᓐᑕ᙮ ᐊᑯ ᒥᓐ ᑲ ‍ ᐎᑎᒧᐛᑭᓄᐅᑦ ᐅᐳᐛᒧᐅᓂᒡ ᑕᓐ ᒐ ‍ ᐃᑎᑦ, ᐊᑯ ᐊᓐᑕ ᑲᓕᓕ ᐊᑯᑕ ᑲ ‍ ᐃᑐᑕᒡ᙮
\v 23 ᐊᑯ ᐊᓐᑕ ᓇᓴᕆᑦ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ‍ ᐎᒋᒡ᙮ ᑭᔭ ᒂ ‍ ᑕᑈᒥᑭᓂᔨᒡ ᐛᔅᑭᒡ ᑕᓐ ᑲ ‍ ᐃᔅᒋᔄᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, “ᓇᓴᕆᑎᒡ ᑲ ‍ ᐅᒋᑦ ᒋᑭ ‍ ᐃᓯᓂᐧᑲᑕᑭᓄᐤ ᐊᓐ ᐊᐛᔅ᙮”
\c 3
\s1 ᒠᓐ ᐅᓯᑲᐃᑕᒐᐤ ᑲ ‍ ᑭᒐᔅᒋᒧᑦ ᐊᓐᑕ ᐸᐧᑯᑎᔅᑭᒥᑲᒡ
\r ᒪᕐᒃ 1.1-8; ᓗᒃ 3.1-18; ᒠᓐ 1.19-28
\s2 Matthew 3.1-12 (Advent-2 Year A)
\p
\v 1 ᐊᑯᑕ ᒪᒃ ᐅᑕ ᒪᒂᒡ ᒠᓐ ᐅᓯᑲᐃᑕᒐᐤ ᑲᒋ ‍ ᐃᑐᑕᑦ ᐊᓐᑕ ᐸᐧᑯᑎᔅᑭᒥᑲᒡ, ᐊᓐᑕ ᒍᑎᔭ ᐊᔅᒋᒡ ᐃᑕᒐ, ᐊᑯ ᑲ ‍ ᒋᒋᐱᔨᑦ ᐊ ‍ ᑭᒐᔅᒋᒧᑦ᙮
\v 2 ᐊ ‍ ᐃᔅᒋᔄᑦ, “ᒂᔅᑲᑎᓯᒄ, ᐛᔅ ᓴᔅ ᐸᓱᓇᑯᓐ ᐊᓐ ᒋᒋᒋᓯᒄ ᒋᓴᐅᒋᒪᐅᓐ᙮”
\v 3 ᐊᐅᒄ ᒪᒃ ᐅᔭ ᒠᓇ ᑲ ‍ ᐊᔨᒧᒪᑦ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ‍ ᐃᓯᓂᐧᑲᓱᑦ ᐃᔅᐱ ᑲ ‍ ᐃᔅᒋᔄᑯᐱᓇ,
\q ᑕᐤ ᐊᐛᓐ ᐊ ‍ ᑕᑈᑦ ᐊᓐᑕ ᐸᐧᑯᑎᔅᑭᒥᑲᒡ ᐊ ‍ ᐃᔅᒋᔄᑦ, ᐊᔭᔅᑯᐎᔅᑕᒺᐧᒄ ᐅᑎᐸᔨᒋᒐᐤ ᐅᒪᔅᑭᓇᒻ ᐊᓐᑕ ᒐ ‍ ᐱᒧᑕᑦ, ᑯᐃᔅᑯᒧᑕᐛᐧᒄ᙮
\p
\v 4 ᐅ ᒪᒃ ᒠᓐ, ᑲ ᒥᔅᑎ ‍ ᐱᔎᐅᑯᓇᔨᒋ ᐊᐛᓯᓴ ᐅᐱᐎᐛ ᒋ ᐅᒋ ‍ ᐅᓯᑕᑭᓄᐅᔪᐛ ᐅᑦ ᐊᐱᒋᑕᐅᓇ, ᑭᔭ ᐱᓴᑭᓇᔭᐱᔾ ᒋ ‍ ᐃᑕᔨᑕᑯᓂᔪᐤ ᐊᓂᔭᔪᐤ ᒐᒂᔪᐤ ᑲ ‍ ᐅᐱᒂᑕᐅᓂᑦ ᑭᔭ ᒂᔅᑯᑎᓴ ᑭᔭ ᑲᓯᐛᓯᐛᐳᔪᐤ ᐊᒧᐎᒋᔅᑐᓂᔨᒡ ᑲ ‍ ᑎᑯᓂᔨᒡ ᐊᔪᐅᒄ ᐅᔭ ᑲ ‍ ᐅᒥᒋᒥᑦ᙮
\v 5 ᒋ ᐸᒋ ‍ ᓂᑐᑕᑯᐤ ᒪᒃ ᒠᓐ ᐊᓂᔭᔪᐛ ᐊᐛᔪᐛ ᒋᕈᓯᓕᒥᒡ ᑲ ‍ ᐅᒋᔨᒋ ᑭᔭ ᐊᓐᑕ ᒥᓯᐛ ᒍᑎᔭ ᐊᔅᒋᒡ ᑲ ‍ ᐅᒋᔨᒋ, ᑭᔭ ᐊᓂᔭᔪᐛ ᐊᐛᔪᐛ ᒥᓯᐛ ᐊᓐᑕ ᐊᓂᔭᔪᐛ ᐅᑕᓇᐛ ᒥᒋᒪ ᒠᕐᑕᓐ ᓯᐱᒡ ᑲ ‍ ᑎᑯᓂᔨᒋ᙮
\v 6 ᒧᓴ ᒋ ‍ ᐎᑎᒧᒡ ᑕᓐ ᑲ ᐃᓯ ‍ ᒥᒋᑐᑎᒧᐛᒂ ᑭᔭ ᒂ ‍ ᓯᑲᐃᑕᑯᒡ ᒠᓇ ᐊᓐᑕ ᒠᕐᑕᓐ ᓯᐱᒡ᙮
\p
\v 7 ᐃᔅᐱ ᒪᒃ ᒠᓐ ᐎᔭᐱᒪᑦ ᒥᒐᑦ ᐸᕆᓯᐊ ᑭᔭ ᓴᑎᔪᓯᐊ ᐊ ᐸᒋ ‍ ᑎᑯᓯᓂᔨᒋ ᒐᒋ ᓯᑲᐃᑐᐛᑭᓄᔨᒋ, ᒋ ‍ ᐃᑕᐤ, “ᒧᔭᒻ ᑕᑈ ᒋᓇᐱᑯᒡ ᒂ ‍ ᐃᑕᔨᑕᑯᓯᔭᒄ᙮ ᐊᐛᓐ ᑲ ‍ ᐃᑎᑕᒄ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ?
\v 8 ᓄᑯᑕᒄ ᑕᑈ ᐊ ‍ ᒂᔅᑲᑎᓯᔭᒄ, ᐊ ‍ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮
\v 9 ᑭᔭ ᐊᑲᐎᔾ ᐃᑕᔨᑎᒧᒄ ᒐ ᐊᑲ ᐅᒋ ‍ ᐛᐛᓯᐃᑕᒄ ᒋᓴᒪᓂᑐᐤ ᐊ ‍ ᐅᓂᑐᑎᒪᒄ ᒥᒄ ᐊᑉᕋᐊᒻ ᐊ ‍ ᑕᑦ ᐊ ‍ ᐅᒋᔭᒄ᙮ ᒋ ‍ ᐎᑎᒪᑎᓇᐛᐤ, ᒋᓴᒪᓂᑐᐤ ᒋᑭ ᒋ ‍ ᐃᑐᑐᐛᐤ ᐅᔭᔪᐛ ᐊᓯᓂᔭ ᑲ ‍ ᐃᑎᐱᔨᒋ ᒐᒋ ᐅᒋ ‍ ᐅᓯᐊᑦ ᐊᐛᔪᐛ ᐊᑉᕋᐊᒪ ᒐ ‍ ᐅᑦ ᐊᐛᓯᒥᔨᒋ᙮
\v 10 ᐛᔅ ᒧᔭᒻ ᓴᔅ ᐊ ‍ ᐊᔭᔅᑯᔅᑕᒡ ᐊᑭᑕᔅᒄ ᐊᐅᒄ ᒐ ‍ ᐃᓯᓇᒂᒡ ᒐ ‍ ᓇᑥᑲᐛᑭᓄᐅᑦ ᐊᓐ ᒥᔅᑎᒄ ᐊᓐᑕ ᐊ ‍ ᐅᑎᐱᔪᐅᑦ᙮ ᐛᔅ ᑕᑐᐤ ᒥᔅᑎᒄ ᐊᑲ ᒥᔪ ‍ ᒥᓂᓱᐅᑦ ᒋᑭ ‍ ᓇᑥᑲᐛᑭᓄᐤ ᑭᔭ ᒋᑭ ‍ ᒥᑐᔅᑕᐛᐱᓇᑭᓄᐤ ᐃᔅᑯᑕᒡ᙮”
\p
\v 11 “ᓂᐱᔾ ᓂᔾ ᒋ ‍ ᓯᑲᐃᑕᑎᓇᐛᐤ ᐊ ‍ ᓄᒂᒡ ᐊ ᐎ ‍ ᒂᔅᑲᑎᓯᔭᒄ, ᒥᒄ ᒪᒃ ᑯᑎᒃ ᐊᐛᓐ ᒋᑭ ‍ ᑎᑯᓯᓄᐤ ᐊᔪᐛᒃ ᐊ ‍ ᒋᔅᑕᔨᑕᑯᓯᑦ ᐃᔅᐱᔅ ᓂᔾ᙮ ᓇᒪ ᒪᒃ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᒐᒋ ᐊᐱᐧᑯᓂᒧᒡ ᐅᒥᔅᒋᓇᔭᐱᔭ᙮ ᐎᔾ ᒪᒃ ᒋᑭ ‍ ᓯᑲᐃᑕᑯᐛᐤ ᑲ ‍ ᐸᔭᒋᓯᔨᒋ ᐊᒐᒂ, ᑭᔭ ᐃᔅᑯᑕᔪᐤ᙮
\v 12 ᐅ ᒐ ‍ ᑎᑯᓯᐧᒃ ᒋᑭ ‍ ᐃᑕᔨᑕᑯᓱᐤ ᒧᔭᒻ ᓇᐸᐤ ᑲ ‍ ᐸᔭᒋᑕᑦ ᐸᒂᓯᑭᓂᒥᓇᑎᑯᔪᐤ ᐊᓐᑕ ᒐᒋ ᐅᑎᓇᑦ ᐸᒂᓯᑭᓇ ᑭᔭ ᑎᐸᓂᔅᑕᐤ ᐊᓂᔭᔪᐛ ᑲ ‍ ᒥᔽᔨᒋ ᐊᓐᑕ ᐊᔅᑕᓱᐅᒋᐛᐱᒡ᙮ ᐊᑯ ᐊᓂᔭᔪᐛ ᐊᑲ ᐎᔭᔅ ᐃᑕᐱᑎᓂᔨᒋ ᐃᔎᓯᒻ ᐊᓐᑕ ᐊᑲ ᓂᑕ ᐊᔅᑐᐛᔨᒡ ᐃᔅᑯᑕᔪᐤ᙮” ᐊᐅᒄ ᒪᒃ ᐅᔭ ᑲ ‍ ᐃᑕᑦ ᒠᓐ ᐅᓯᑲᐃᑕᒐᐤ ᐊᓂᔭᔪᐛ ᐃᔪᐛ ᑲ ᐸᒋ ‍ ᓂᑐᑕᑯᑦ ᐊ ‍ ᑭᒐᔅᒋᒧᑦ᙮
\s1 ᒋᓴᔅ ᑲ ‍ ᓯᑲᐃᑐᐛᑭᓄᐅᑦ
\r ᒪᕐᒃ 1.9-11; ᓗᒃ 3.21,22
\p
\v 13 ᓇᓇᒐ ᒪᒃ ᒋᓴᔅ ᒋ ‍ ᑎᑯᓯᓄᐤ ᑲᓕᓕ ᐊᔅᒋᒡ ᐊ ‍ ᐅᑐᑕᑦ, ᒋ ‍ ᓂᑐᐛᐱᒪᐤ ᒠᓇ ᐊᓐᑕ ᒠᕐᑕᓐ ᓯᐱᒡ ᒐᒋ ᓯᑲᐃᑕᑯᑦ᙮
\v 14 ᒥᒄ ᒪᒃ ᒠᓐ ᒋ ᐎ ‍ ᓂᑲᓇᐤ ᐊ ‍ ᐃᑕᑦ, “ᐃᓯᓇᑯᓐ ᒋᔾ ᒐᒋ ᐸᒋ ‍ ᓯᑲᐃᑐᐎᔨᓐ, ᒐᒂᓐ ᒪᒃ ᐛᒋ ᐸᒋ ‍ ᑯᒂᒋᒥᔨᓐ ᒐᒋ ᓯᑲᐃᑐᐛᑕᓐ ?”
\p
\v 15 ᐊᑯ ᒋᓴᔅ ᐊᑕᑦ, “ᐊᓄᒡ ᐅ ᐃᑐᑕ ᑕᓐ ᐊ ‍ ᐃᑎᓱᒥᑕᓐ᙮ ᐛᔅ ᐅ ᐃᑐᑎᒪᒂ ᒋᑭ ‍ ᐃᑐᑎᒺᓇᓄᐤ ᒥᓯᐛ ᑕᓐ ᐊ ᐃᓯ ‍ ᓂᑐᐛᔨᑕᐧᒃ ᒋᓴᒪᓂᑐᐤ᙮” ᑭᑈ ᑲ ‍ ᓂᔅᑯᒪᑦ ᒠᓐ᙮
\p
\v 16 ᐃᔅᐱ ᒪᒃ ᒋᓴᔅ ᑲ ‍ ᓯᑲᐃᑐᐛᑭᓄᐅᑦ, ᑎᐛᒡ ᐊ ᐊᑎ ‍ ᑭᐸᑦ ᒪᒃ ᒋ ‍ ᔪᑕᐱᔪᐤ ᒋᒋᒋᓯᒄ᙮ ᒋ ‍ ᐛᐱᒪᐤ ᒪᒃ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᐊ ᐸᒋ ‍ ᔭᓯᔨᒋ ᒧᔭᒻ ᐅᒥᒥᐛ ᐊ ‍ ᐃᓯᓇᑯᓯᔨᒋ ᑭᔭ ᐊ ‍ ᑥᐅᑕᑯᑦ᙮
\v 17 ᐊᑯ ᒂ ‍ ᐸᑐᐛᒡ ᐊᐛᔪᐛ ᐊᓐᑕ ᒋᒋᒋᓯᑯᒡ ᐅᒡ ᐊ ‍ ᐃᔅᒋᔄᔨᒋ, “ᐊᐅᑯᐤ ᓂᑯᔅ ᑲ ‍ ᓴᒋᐃᒃ ᑭᔭ ᓇᔅᒡ ᑕᑈ ᑲ ‍ ᓂᓇᐊᔨᑎᒥᐃᑦ᙮”
\c 4
\s1 ᒋᓴᔅ ᑲ ‍ ᑯᒂᒋᐊᑭᓄᐅᑦ ᒐᒋ ᐅᓂᑐᑕᐧᒃ
\r ᒪᕐᒃ 1.12,13; ᓗᒃ 4.1-13
\p
\v 1 ᐊᑯ ᒋᓴᔅ ᒂ ‍ ᐃᑐᑕᐃᑯᑦ ᑲ ‍ ᐸᔭᒋᓯᔨᒋ ᐊᒐᒂ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᑯᒂᒋᐃᑯᑦ ᒥᒋᒥᓂᑐᐛ᙮
\v 2 ᐃᔅᐱ ᒪᒃ ᐊᑲ ᐅᒋ ᒥᒋᓱᑦ ᓇᐎᔪᐛ ᒋᓯᑲᐛ ᑭᔭ ᓇᐎᔪᐛ ᑎᐱᔅᑲᐛ ᐊᓐᑕ ᑲ ‍ ᑕᑦ, ᒋ ‍ ᓯᐛᔪᐤ ᒋᓴᔅ᙮
\v 3 ᐊᑯ ᒥᒋᒥᓂᑐᐛ ᒂ ᐸᒋ ‍ ᓂᑐᐛᐱᒥᑯᑦ, ᐊᑯ ᐊᑎᑯᑦ, “ᑕᑈ ᒋᓴᒪᓂᑐᐤ ᐛᑯᓯᓯᒥᑐᑕᔎ, ᐃᓯᒡ ᐅᒡ ᐊᓯᓂᔨᒡ ᒐᒋ ᐸᒂᓯᑭᓄᐎᒡ᙮”
\p
\v 4 ᒥᒄ ᒪᒃ ᒋᓴᔅ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᒋᓴᒪᓂᑐᐤ ᐅᑦ ᐃᔨᒧᐅᓐ ᐃᑎᔅᑕᔪᐤ,
\q ᓇᒪ ᒥᒄ ᐸᒂᓯᑭᓇ ᐊ ‍ ᒧᐛᑦ ᐊᐛᓐ ᒋᑭ ᒋ ᐅᒋ ‍ ᐱᒪᑎᓯᐤ, ᒥᒄ ᐊᓂᔭ ᒥᓯᐛ ᑲ ‍ ᐃᔅᒋᔄᑦ ᒋᓴᒪᓂᑐᐤ ᐊᓐᑕ ᐅᑦ ᐃᔨᒧᐅᓂᒡ ᐊᔪᐅᒄ ᐊᓂᔭ ᒐ ‍ ᐱᒪᒋᐃᑯᑦ᙮”
\p
\v 5 ᐊᑯ ᒥᒋᒥᓂᑐᐤ ᐊᑐᑕᐊᑦ ᒋᓴᓴ ᐊᓐᑕ ᒋᕈᓯᓕᒥᒡ, ᐊᑯ ᒂ ‍ ᓴᑭᒋᐛᑕᐊᑦ ᐊᓐᑕ ᒪᐅᒡ ᐊ ‍ ᐃᔅᐸᓇᔨᒡ ᒋᓴᐊᔭᒥᐊᐅᒋᐛᐱᔪᐤ᙮
\v 6 ᐊᑯ ᐊᑕᑦ, “ᑕᑈ ᒋᓴᒪᓂᑐᐤ ᐛᑯᓯᓯᒥᑐᑕᔎ, ᐊᒥᒂᔅᑯᑎ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒋᓴᒪᓂᑐᐤ ᒋᑭ ‍ ᐃᑎᓱᐛᑕᐤ ᐅᑦ ᐊᓐᒋᓂᒪ ᒐᒋ ᒥᔪ ‍ ᑭᓄᐛᔨᒥᔅᒋᔨᔅᒋ, ᒋᑭ ‍ ᑕᐧᑯᓂᑯᒡ ᐊᓐᒋᓐᒡ ᒐ ᐊᑲ ‍ ᐛᐛᒡ ᒐᒋ ᐅᑕᒥᑕᔨᓐ ᒋᓯᑕ ᐊᓯᓂᒡ᙮”
\p
\v 7 ᒋᓴᔅ ᒪᒃ ᒋ ‍ ᐃᑕᐤ, “ᒥᒄ ᒪᒃ ᐃᑎᔅᑕᐤ ᑭᔭ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᐊᑲᐎᔾ ᒋᑭ ‍ ᑯᒂᒋᐊᐤ ᐅᑎᐸᔨᒋᒐᐤ ᒋᒋᓴᒪᓂᑐᒻ᙮”
\p
\v 8 ᐊᑯ ᒥᓐ ᒂ ᐎ ‍ ᑯᒂᒋᐊᑦ ᒥᒋᒥᓂᑐᐤ ᐊᓂᔭ ᒋᓴᓴ, ᒂ ‍ ᐃᑐᑕᐊᑦ ᐊᓐᑕ ᓇᔅᒡ ᐊ ‍ ᐃᔅᐸᓇᔨᒡ ᐱᔅᑯᑎᓇᔪᐤ, ᒂ ‍ ᐛᐸᑎᔭᑦ ᒥᓯᐛ ᒋᓴᐅᒋᒪᐅᓇ ᑲ ‍ ᑎᑯᓂᔨᒋ ᐅᑕ ᐊᔅᒋᒡ ᑭᔭ ᑕᓐ ᐊ ᐃᓯ ‍ ᑎᑯᓂᔨᒋ ᐛᔪᑎᓯᐅᓇ᙮
\v 9 ᐊᑯ ᐊᑕᑦ, “ᒥᓯᐛ ᐅ ᒋᑭ ‍ ᒥᔨᑎᓐ ᐸᒋ ‍ ᓂᐱᔅᑯᐱᔨᓇ ᐊ ‍ ᑕᔭᓐ, ᐊ ‍ ᐊᔭᒥᐊᔅᑐᐎᔨᓐ᙮”
\p
\v 10 ᒥᒄ ᒪᒃ ᒋᓴᔅ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᒋᔾ ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”
\p
\v 11 ᒐᒃ ᒪᒃ ᒥᒋᒥᓂᑐᐤ ᒂ ‍ ᓂᑭᑕᑦ ᐊᓂᔭ ᒋᓴᓴ, ᐊᑯ ᐊᓐᒋᓇ ᐛᑎᑎᑯᑦ ᒋᓴᔅ ᒐ ‍ ᐎᒋᐃᑯᑦ᙮
\s1 ᒋᓴᔅ ᑲ ‍ ᒋᒋᐱᔨᑦ ᐊ ‍ ᑭᒐᔅᒋᒧᑦ ᑲᓕᓕᒡ
\r ᒪᕐᒃ 1.14,15; ᓗᒃ 4.14,15
\p
\v 12 ᐃᔅᐱ ᒋᓴᔅ ᑲ ‍ ᐸᑕᐧᒃ ᒠᓇ ᐅᓯᑲᐃᑕᒐᐛ ᐊᒋ ‍ ᒪᑯᓇᑭᓄᔨᒋ, ᓇᓴᕆᑎᒡ ᐊᓐᑕ ᑲᓕᓕᒡ ᒋ ‍ ᐃᑐᑕᐤ᙮
\v 13 ᐊᑯ ᓂᑭᑕᐧᒃ ᓇᓴᕆᑎᔪᐤ, ᑭᔭ ᐊᓐᑕ ᑲᐳᕐᓇᐊᒻ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ, ᒥᒋᒪ ᑲᓕᓕ ᓴᑲᐃᑭᓂᒡ ᑲ ‍ ᑎᑯᓂᔨᒡ ᐊᑯᑕ ᑲ ‍ ᐎᒋᑦ, ᐊᓐᑕ ᓴᐳᓕᓐ ᑭᔭ ᓇᑉᑕᓕ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ᙮
\v 14 ᒐᒋ ᑕᑈᒥᑭᓂᔨᒡ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ‍ ᐃᔅᒋᔄᑦ,
\q
\v 15 ᓂᑐᑎᒧᒄ ᒋᔨᐛᐤ ᓴᐳᓕᓐ ᑭᔭ ᓇᑉᑕᓕ ᐊᔅᒋᒡ ᑲ ‍ ᑕᔭᒄ, ᑲᓕᓕ ᐎᓂᐸᑯᒡ ᐃᔅ ᑭᔭ ᒋᔨᐛᐤ ᒂᔅᑕᒐᑲᒻ ᒠᕐᑕᓐ ᓯᐱᒡ ᑲ ‍ ᐎᒋᔭᒄ᙮ ᓂᑐᑎᒧᒄ ᑭᔭ ᒋᔨᐛᐤ ᑲᓕᓕᒡ ᑲ ‍ ᐎᒋᔭᒄ, ᐊᓐᑕ ᐛᒋᒡ ᐊᑲ ᒍᐤ ᐃᑎᔅᑲᓇᓯᒡ ᐃᔪᒡ᙮
\q
\v 16 ᐊᑎ ᐅᓂᑎᐱᔅᒋᓯᐅᓂᒡ ᐊ ᐃᓯ ‍ ᐱᒪᑎᓯᒡ ᒋᑦ ᐃᔨᒧᐛᐅᒡ ᒋ ‍ ᐛᐸᑎᒧᒡ ᐊ ᒥᔅᑎ ‍ ᐛᔅᑕᔨᒡ᙮ ᒪᒂᒡ ᑲ ‍ ᑕᒡ ᐊᓐᑕ ᐊ ‍ ᐅᑲᔅᑕᔭᔨᒡ ᐊᓐᑕ ᐊ ‍ ᑎᑲᔅᑕᔅᑲᑯᒡ ᓂᐳᐅᓂᔪᐤ, ᒋ ‍ ᐅᑎᑎᐅᑯᒡ ᐛᔅᑕᐅᓂᔪᐤ᙮
\p
\v 17 ᐊᑯᑕ ᒪᒃ ᑲ ‍ ᒋᒋᐱᔨᑦ ᒋᓴᔅ ᐊ ‍ ᑭᒐᔅᒋᒪᑦ ᐃᔪᐛ ᐊ ‍ ᐃᑕᑦ, “ᒂᔅᑲᑎᓯᒄ, ᓂᑭᑎᒥᒄ ᒋᒥᒋᑥᐅᓄᐛᐛ ᐛᔅ ᓴᔅ ᐸᓱᓇᑯᓐ ᒋᒋᒋᓯᒄ ᒋᓴᐅᒋᒪᐅᓐ᙮”
\s1 ᒋᓴᔅ ᑯᒂᒋᒪᐤ ᓇᐤ ᑲᓄᑎᒪᓴᓯᔨᒋ ᒐᒋ ᓇᓴᐅᑯᑦ
\r ᒪᕐᒃ 1.16-20; ᓗᒃ 5.1-11
\p
\v 18 ᒪᒂᒡ ᒪᒃ ᒋᓴᔅ ᐊ ‍ ᐱᒧᑕᑦ ᐊᓐᑕ ᔭᔭᐤ ᑲᓕᓕ ᓴᑲᐃᑭᓂᔪᐤ, ᒋ ‍ ᐛᐱᒪᐤ ᑲᓄᑎᒪᓴᓯᔨᒋ ᐊ ‍ ᐎᐧᑲᓂᓯᑕᑐᔨᒋ ᓂᓱ ᓇᐸᐛ, ᓴᐃᒥᓇ ᐱᑕᕐ ᐃᔭᐱᒡ ᑲ ‍ ᐃᓯᓂᐧᑲᑕᑭᓄᐅᑦ ᑭᔭ ᐊᓂᔭ ᐎᐧᑲᓂᓯᔨᔪᐛ ᐊᓐᑎᕈᐛ, ᐊ ‍ ᐱᔅᑕᐛᔨᒋ ᐊᓐᑕ ᓴᑲᐃᑭᓂᒡ᙮
\p
\v 19 ᐊᑯ ᒋᓴᔅ ᐊᑕᑦ, “ᐸᑐᑕᒄ ᐸᒋ ᐎᒐᐅᒄ, ᒋᑭ ‍ ᒋᔅᑯᑎᒪᑎᓇᐛᐤ ᒐᒋ ᐱᑕᐅᔭᔭᒄ ᐃᔪᒡ ᒧᔭᒻ ᐊ ᐃᓯ ‍ ᐱᑕᐅᔭᔭᒄ ᓂᒪᓯᒡ᙮”
\v 20 ᑎᐛᒡ ᒪᒃ ᒋ ‍ ᓂᑭᑕᐅᒡ ᐅᑦ ᐊᐃᐱᐛᐛ ᐊᑯ ᐛᒐᐛᒡ ᒋᓴᓴ᙮
\p
\v 21 ᒥᓐ ᒪᒃ ᒋ ᐊᑎ ‍ ᔅᑐᑕᐤ ᒋᓴᔅ, ᐊᑯ ᒥᓐ ᐎᔭᐱᒪᑦ ᑯᑎᑲ ᓂᓱ ᓇᐸᐛ, ᒋᒥᓴ ᑭᔭ ᒠᓇ, ᐃᔭᐱᒡ ᐊ ‍ ᐎᐧᑲᓂᓯᑕᑐᔨᒋ, ᓴᐱᑎᔭ ᐅᑯᓯᔪᐛ᙮ ᐅᑦ ᐅᐤᑎᔨᒡ ᒋ ‍ ᑕᔪᐛ ᑭᔭ ᐊᓂᔭ ᐅᑕᐎᔪᐛ, ᐊᔭᔅᑯᐛᔨᒋ ᐅᑦ ᐊᐃᐱᔪᐛ᙮ ᒋᓴᔅ ᐃᔭᐱᒡ ᒋ ‍ ᐎᓴᒪᐤ ᒐᒋ ᐎᒐᐅᑯᑦ,
\v 22 ᑎᐛᒡ ᒪᒃ ᒋ ‍ ᓂᑭᑎᒧᒡ ᐊᓂᔭ ᐅᑦ ᐅᐤᑐᐛᐤ ᑭᔭ ᐊᓂᔭᔪᐛ ᐅᑕᐎᐛᐛ, ᐊᑯ ᑲ ᐊᑎ ‍ ᐎᒐᐛᒡ ᒋᓴᓴ᙮
\s1 ᒋᓴᔅ ᐊ ‍ ᒋᔅᑯᑎᒪᒐᑦ, ᐊ ‍ ᑭᒐᔅᒋᒧᑦ ᑭᔭ ᐊ ‍ ᒥᓏᒋᐊᑦ ᑲ ‍ ᐊᐧᑯᓯᔨᒋ
\r ᓗᒃ 6.17-19
\p
\v 23 ᒋᓴᔅ ᒪᒃ ᒋ ‍ ᐃᑐᑕᐤ ᐊᓐᑕ ᒥᓯᐛ ᑲᓕᓕᒡ ᐊ ‍ ᐃᔅᐱᓴᔨᒡ ᐊ ‍ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ‍ ᐛᐎᑕᐧᒃ ᒥᔽᒋᒧᐅᓂᔪᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ‍ ᐊᔨᒧᑕᐧᒃ, ᑭᔭ ᐊ ‍ ᒥᓏᒋᐊᑦ ᐊᐛᔪᐛ ᒥᓯᐛ ᓂᓇᐧᑯᐤ ᑲ ‍ ᐃᑕᔅᐱᓇᔨᒋ᙮
\v 24 ᒋ ‍ ᑎᐸᒋᒪᑭᓄᐤ ᒪᒃ ᒥᓯᐛ ᐊᓐᑕ ᓯᕆᔭᒡ, ᒋ ‍ ᐸᓱᐛᐅᒡ ᒪᒃ ᒥᓯᐛ ᑲ ‍ ᐊᐧᑯᓯᔨᒋ ᐃᔪᐛ ᓂᓇᐧᑯᐤ ᑲ ‍ ᐃᑕᔅᐱᓇᔨᒋ, ᐊᓂᔭ ᑭᔭ ᐊ ‍ ᐎᓯᒐᔨᑎᒥᔨᒋ ᑭᔭ ᐊᓂᔭ ᑲ ‍ ᐱᒋᔅᑲᑯᔨᒋ ᒥᒋ ‍ ᐊᒐᒂ, ᑭᔭ ᐊᓂᔭᔪᐛ ᑲ ‍ ᐅᒋᐱᑎᑯᔨᒋ ᑭᔭ ᐊᓂᔭ ᐊᑲ ᓂᔅᑐᓯᔨᒋ᙮ ᒥᓯᐛ ᒪᒃ ᒋ ‍ ᒥᓏᒋᐊᐤ ᒋᓴᔅ ᐅᔭ ᐊᐛᔪᐛ ᑲ ‍ ᐸᑐᐛᑭᓄᐅᑦ᙮
\v 25 ᒥᒐᑦ ᒪᒃ ᐊᐛᔪᐛ ᒋ ‍ ᐱᐸᒥᐎᒐᐅᑯᐤ ᒋᓴᔅ, ᐊᓐᑕ ᑲᓕᓕᒡ ᑲ ‍ ᐅᒋᔨᒋ ᑭᔭ ᐊᓐᑕ ᐊᔅᒋᔪᐤ ᐸᐃᑯᔪᐤ ᐅᑕᓇᐛ ᑲ ‍ ᐃᓯᓂᐧᑲᑕᔨᒋ, ᑭᔭ ᐊᓐᑕ ᒋᕈᓯᓕᒥᒡ, ᒍᑎᔭᒡ ᑭᔭ ᐊᓐᑕ ᒂᔅᑕᒐᑲᒻ ᒠᕐᑕᓐ ᓯᐱᒡ ᑲ ‍ ᑕᔨᒋ᙮
\c 5
\s1 ᒋᓴᔅ ᑲ ‍ ᒋᔅᑯᑎᒧᐛᑦ ᐃᔪᐛ ᐊᓐᑕ ᐱᔅᑯᑎᓇᒡ
\r ᓗᒃ 6.20-23
\p
\v 1 ᒋᓴᔅ ᒪᒃ ᒋ ‍ ᐛᐱᒪᐤ ᐊ ‍ ᒥᒐᑎᔨᒋ ᐊᐛᔪᐛ ᐊᑯ ᑲ ‍ ᓴᑭᒋᐛᑦ ᐊᓐᑕ ᐊ ‍ ᐱᔅᑯᑕᐅᐧᑲᔨᒡ, ᐊᑯᑕ ᑲ ‍ ᐛᔨᐱᑦ᙮ ᐊᑯ ᐅᒋᔅᒋᓄᐊᒧᐛᑭᓇ ᑲ ᐸᒋ ‍ ᓇᑎᑯᑦ᙮ ᒋ ‍ ᐎᑎᐱᒥᑯᐤ ᒪᒃ,
\v 2 ᐊᑯ ᒂ ‍ ᒋᒋᐱᔨᑦ ᐊ ‍ ᒋᔅᑯᑎᒧᐛᑦ ᐅᒋᔅᒋᓄᐊᒧᐛᑭᓇ ᐊ ‍ ᐃᑕᑦ,
\q
\v 3 “ᓱᐛᔨᑕᑯᓱᐅᒡ ᐊᓐᒡ ᑲ ‍ ᒋᔅᑎᒪᑎᓯᒡ ᐅᑦ ᐊᒐᐧᑯᐛᒡ, ᐛᔅ ᐎᔨᐛᐤ ᑎᐱᔨᐛᐅᓯᐅᒡ ᒋᒋᒋᓯᒄ ᒋᓴᐅᒋᒪᐅᓂᔪᐤ᙮
\q
\v 4 ᓱᐛᔨᑕᑯᓱᐅᒡ ᐊᓐᒡ ᑲ ‍ ᓂᓇᐧᑲᒋᒧᒡ ᐛᔅ ᒋᓴᒪᓂᑐᐛ ᒋᑭ ‍ ᒥᔽᔨᒧᐃᑯᐅᒡ᙮
\q
\v 5 ᓱᐛᔨᑕᑯᓱᐅᒡ ᐊᓐᒡ ᑲ ‍ ᔪᔅᐸᑎᓯᒡ ᐛᔅ ᒋᑭ ‍ ᒥᔭᑭᓄᐎᒡ ᐅᔭ ᐊᔅᒋᔪᐤ᙮
\q
\v 6 ᓱᐛᔨᑕᑯᓱᐅᒡ ᐊᓐᒡ ᑲ ‍ ᓯᐛᔨᑐᑕᒡ ᑭᔭ ᑲ ‍ ᓄᑕᔭᐸᒂᑐᑕᒡ ᑯᐃᔅᑯᑕᑎᓯᐅᓂᔪᐤ, ᐛᔅ ᒋᓴᒪᓂᑐᐛ ᓇᔅᒡ ᒋᑭ ‍ ᒋᔅᐳᐃᑯᐅᒡ᙮
\q
\v 7 ᓱᐛᔨᑕᑯᓱᐅᒡ ᐊᓐᒡ ᑲ ‍ ᓱᐛᔨᒪᒡ ᐊᐛᔪᐛ ᐛᔅ ᒋᑭ ‍ ᓱᐛᔨᒥᑯᐅᒡ ᒋᓴᒪᓂᑐᐛ᙮
\q
\v 8 ᓱᐛᔨᑕᑯᓱᐅᒡ ᐊᓐᒡ ᑲ ‍ ᐸᔭᒋᓯᒡ ᐅᑕᐃᐛᒡ, ᐛᔅ ᒋᑭ ‍ ᐛᐱᒪᐅᒡ ᒋᓴᒪᓂᑐᐛ᙮
\q
\v 9 ᓱᐛᔨᑕᑯᓱᐅᒡ ᐊᓐᒡ ᑲ ‍ ᒥᔪᐱᔭᐊᒡ ᐊᐛᔪᐛ ᐊ ‍ ᒥᒋᐱᔨᐃᑐᔨᒋ, ᐛᔅ ᒋᓴᒪᓂᑐᐤ ᐅᑦ ᐊᐛᓯᒪ ᒋᑭ ‍ ᐃᓯᓂᐧᑲᑕᑭᓄᐎᒡ᙮
\q
\v 10 ᓱᐛᔨᑕᑯᓱᐅᒡ ᐊᓐᒡ ᑲ ‍ ᓂᓇᐧᑲᒋᐊᑭᓄᐎᒡ ᐊᓂᔭᔪᐤ ᐊ ‍ ᑯᐃᔅᑯᑕᑎᓯᒡ ᐛᔅ ᐊᔭᐅᒡ ᒋᒋᒋᓯᒄ ᒋᓴᐅᒋᒪᐅᓂᔪᐤ᙮”
\p
\v 11 “ᒋ ‍ ᓱᐛᔨᑕᑯᓯᓇᐛᐤ ᐊ ‍ ᒪᔭᔨᒥᑯᐅᔭᒄ, ᒪᒃ ᐊ ‍ ᓂᓇᐧᑲᒋᐃᑯᐅᔭᒄ ᑭᔭ ᐊ ‍ ᑭᑭᒋᔭᐛᑕᒋᒥᑯᐅᔭᒄ ᓂᔾ ᐅᒋ ᐊ ᐸᒋ ‍ ᓇᓴᐅᔭᒄ᙮
\v 12 ᒥᔽᔨᑎᒧᒄ ᐛᔅ ᒋᑭ ‍ ᒥᓴᐤ ᒋᑎᐸᐊᒪᑯᓯᐅᓄᐛᐤ ᑕᓐ ᐊ ᐃᓯ ‍ ᑭᓄᐛᔨᑕᒂᒡ ᐊᓐᑕ ᒋᒋᒋᓯᑯᒡ᙮ ᐛᔅ ᐊᐅᑯᓐ ᒧᔭᒻ ᑲ ᐃᓯ ‍ ᓂᓇᐧᑲᒋᐊᑭᓄᐎᒡ ᐊᓐᒡ ᐅᒋᔅᒋᐛᐃᒐᓱᒡ ᐊᓐᑕ ᐅᑕᒡ᙮”
\s1 ᒧᔭᒻ ᓯᐅᑕᑭᓐ ᑭᔭ ᐛᔅᑕᐅᓐ ᐊ ‍ ᐃᑕᔨᑕᑯᓯᔭᒄ
\r ᒪᕐᒃ 9.50; ᓗᒃ 14.34,35
\p
\v 13 “ᒋᔨᐛᐤ ᐊᐅᒄ ᓯᐅᑕᑭᓐ ᐅᑕ ᐊᔅᒋᒡ᙮ ᐊᑲ ᒪᒃ ᐊ ᐊᑎ ‍ ᐎᔭᐱᒋᔅᐳᒂᒡ ᓯᐅᑕᑭᓐ, ᓇᒪ ᑎᑯᓐ ᑕᓐᑕ ᒐᒋ ᐃᑐᑕᑭᓄᐅᒡ ᒧᔭᒻ ᒐᒋ ᐃᔅᐱᒂᒡ ? ᓇᒪ ᒪᒃ ᐎᔭᔅ ᒋᑭ ᒋ ‍ ᐃᑕᐱᑎᓐ, ᐊᑯᔅ ᒪᒃ ᒋᑭ ‍ ᐛᐱᓇᑭᓄᐤ, ᐊᑯ ᒪᒃ ᒐ ‍ ᑕᑕᐧᑯᔅᑲᑕᑭᓄᐅᒡ᙮”
\p
\v 14 “ᒋᔨᐛᐤ ᐊᐅᒄ ᐛᔅᑕᐅᓐ ᐅᑕ ᒥᓯᐛ ᐊ ‍ ᐃᔅᐱᑎᔅᑭᒥᑲᒡ ᐅ ᐊᔅᒋᔾ᙮ ᐅᑕᓇᐤ ᐊ ‍ ᐎᔨᑲᐳᐅᑕᑭᓄᐅᒡ ᐊᓐᑕ ᐊ ‍ ᐱᔅᑯᑎᓇᐅᒡ, ᓇᒪ ᒋ ‍ ᑲᑕᑭᓄᐤ᙮
\v 15 ᓇᒪ ᐊᐛᓐ ᐊᑯᓇᐊᒻ ᐛᔅᑕᓂᐱᒪᑭᓂᔪᐤ ᐊᒋ ‍ ᓯᔅᑲᐊᒃ᙮ ᓇᐸᒥᔅᑕᐤ ᐊᓂᔭ ᐛᔅᑕᓂᐱᒪᑭᓂᔪᐤ ᐊᑯ ᒪᒃ ᒥᓯᐛ ᐊᐛᓐ ᐎᔭᔅᑕᓂᒪᑯᑦ ᐊᓐᑕ ᒥᒋᐛᐱᒡ ᐊ ‍ ᑕᑦ᙮
\v 16 ᐊᐅᑯᓐ ᒪᒃ ᒧᔭᒻ ᒋᐸ ᐃᓯ ‍ ᐛᔅᑕᓂᒪᑯᐅᒡ ᐊᐛᓐᒋ ᒋᐛᔅᑕᐅᓄᐛᐅᔪᐤ ᐊᓐᑕ ᒋᐱᒪᑎᓯᐅᓄᐛᒡ ᑲ ‍ ᑎᒂᒡ, ᒐᒋ ᐛᐸᑕᒡ ᐊᓂᔭ ᐊ ᐃᓯ ‍ ᒥᔪᑐᑎᒪᒄ ᐊᑯ ᒪᒃ ᒐ ‍ ᒪᒥᒋᒪᒡ ᒍᑕᐎᐛᐛ ᒋᒋᒋᓯᑯᒡ ᐊ ‍ ᑕᔨᒋ᙮”
\s1 ᒋᓴᔅ ᑲ ‍ ᒋᔅᑯᑎᒪᒐᑦ ᐎᓱᐛᐅᓂᔪᐤ
\p
\v 17 “ᐊᑲᐎᔾ ᐃᑕᔨᑎᒧᒄ ᐊᒋ ᐸᒋ ‍ ᑎᑯᓯᓂᔭᓐ ᒐᒋ ᓂᓱᐅᓇᒋᑕᔭᓐ ᒧᓱᔅ ᐅᐎᓱᐛᐅᓐ ᑭᔭ ᐊᓂᔭ ᑲ ᐃᓯ ‍ ᒋᔅᑯᑎᒪᒐᒡ ᐅᒋᔅᒋᐛᐃᒐᓱᒡ᙮ ᓇᒪ ᓂ ᐅᒋ ‍ ᑎᑯᓯᓐ ᒐᒋ ᓂᓱᐅᓇᒋᑕᔭᓐ, ᒪᒃ ᓂᒋ ‍ ᑎᑯᓯᓐ ᑕᑈ ᒐᒋ ᐃᔅᐱᔨᒡ ᑕᓐ ᑲ ᐃᓯ ‍ ᒋᔅᑯᑎᒪᒐᒡ᙮
\v 18 ᐎ ᒋᔅᒋᒄ, ᒐ ‍ ᐃᔅᐱᔅ ᑎᑯᓂᒂ ᒋᒋᒋᓯᒄ ᑭᔭ ᐊᔅᒋᔾ, ᓇᒪ ᐛᐛᒡ ᐊᓐ ᒪᐅᒡ ᐊ ‍ ᐊᐱᓴᓯᒡ ᐊ ‍ ᒥᓯᓇᑕᒡ ᐎᓱᐛᐅᓂᒡ ᒋᑭ ᐅᒋ ‍ ᐸᓯᑯᓇᑯᓐ, ᐸᑐᔅ ᒥᓯᐛ ᒋ ‍ ᐃᔅᐱᔨᒐ ᑕᓐ ᐊᑎᔅᑕᒡ ᒐ ‍ ᐃᔅᐱᔨᒡ᙮
\v 19 ᐊᑯ ᒪᒃ ᐊᐛᓐ ᐊᑲ ᓂᓇᐃᑕᒐ ᐊᓂᔭ ᐊᑎ ᐊᑲ ᓇᔅᒡ ᒋᔅᑕᔨᑕᑯᓂᔨᒡ ᐃᑎᓱᐛᐅᓂᔪᐤ, ᑭᔭ ᒋᔅᑯᑎᒧᐛᒐ ᑯᑎᑲ ᒐᒋ ᐸᐃᑯᑕᐤ ᑎᔨᒋ, ᐊᐅᒄ ᐊᓐ ᒪᐅᒡ ᓇᒪᐎᔾ ᒐᒂᓐ ᒋᑭ ᐅᒋ ‍ ᐃᑕᔨᑕᑯᓱᐤ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ᙮ ᐊᑯ ᒪᒃ ᐊᐛᓐ ᓂᓇᐃᑕᒐ ᐊᓂᔭᔪᐛ ᐎᓱᐛᐅᓇ ᑭᔭ ᐃᓯ ᒋᔅᑯᑎᒧᐛᒐ ᑯᑎᑲ ᐊᐛᔪᐛ ᐅᔭ ᒐᒋ ᐸᐃᑯᑕᐤ ᑎᔨᒋ, ᐊᐅᒄ ᒐ ‍ ᒋᔅᑕᔨᑕᑯᓯᑦ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ᙮
\v 20 ᒋ ‍ ᐎᑎᒪᑎᓇᐛᐤ ᒪᒃ, ᐊᐅᒄ ᒥᒄ ᒐᒋ ᐅᒋ ‍ ᐱᒐᔭᒄ ᐊᓐ ᒋᒋᒋᓯᒄ ᒋᓴᐅᒋᒪᐅᓐ ᐊᑐᐎᔅ ᒋᔨᐛᐤ ᑯᐃᔅᑯᑕᑎᓯᔭᒂ ᐃᔅᐱᔅ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐊᓐᒡ ᐸᕆᓯᔨᒡ᙮”
\s1 ᒋᓴᔅ ᑲ ‍ ᐊᔨᒧᑕᐧᒃ ᒋᔄᓱᐅᓂᔪᐤ
\p
\v 21 “ᔅᒋ ‍ ᐸᑕᓇᐛᐤ ᐊᒋ ‍ ᐃᑕᑭᓄᐎᒡ ᐊᐛᓐᒋ ᐊᓐᑕ ᐎᐱᒡ, ‘ᐊᑲᐎᔾ ᒋᑭ ‍ ᓂᐸᔪᐛᓐ, ᐊᐛᓐ ᓂᐸᐃᔨᐛᒐ ᒋᑭ ‍ ᑎᐸᔅᑯᓇᑭᓄᐤ᙮’
\v 22 ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᐛᓐ ᐊ ‍ ᒋᔄᐱᔅᑐᐛᑦ ᐎᒡ ᐃᔪᐛ ᒋᑭ ‍ ᑎᐸᔅᑯᓇᑭᓄᐤ, ᑭᔭ ᐊᐛᓐ ᐊ ‍ ᐊᑐᐛᔨᒪᑦ ᐎᒡ ᐃᔪᐛ ᒋᑭ ‍ ᐸᓱᐛᑭᓄᐤ ᐅᑎᔅᑯᐤ ᐊᓂᔭ ᑲ ‍ ᑎᐸᔅᑯᓂᒐᔨᒋ, ᑭᔭ ᐊᐛᓐ ᑲ ‍ ᐃᑕᑦ ᐎᒡ ᐃᔪᐛ ᑕᑈ ᓇᒪ ᒐᒂᓐ ᓇᔅᒡ ᒋᑦ ᐃᑕᔨᑕᑯᓯᓐ ᑯᔅᐱᓇᑕᔨᑕᑯᓂᔪᐤ ᒐᒋ ᐃᓯ ‍ ᐛᐱᓇᑭᓄᐅᑦ ᒥᒋ ‍ ᐃᔅᑯᑕᒡ᙮
\p
\v 23 ᐊᑯ ᒪᒃ ᒧᔭᒻ ᐎ ᒥᔨᑕ ᒋᓴᒪᓂᑐᐤ ᒥᔨᐛᐅᓂᔪᐤ ᐱᔅᑎᓂᒐᐅᓇᐱᔅᑯᒡ, ᒋᔅᒋᔨᓇ ᒪᒃ ᒋᒡ ᐃᔪᐤ ᐊ ‍ ᐅᓂᑐᑕᔅᒃ,
\v 24 ᓂᑭᑕ ᐊᓐ ᒋᒥᔨᐛᐅᓐ ᐊᓐᑕ ᐱᔅᑎᓂᒐᐅᓇᐱᔅᑯᒡ, ᓂᔅᑎᒻ ᒐ ᒥᔪ ‍ ᐎᒐᐅᑦ ᐊᓐ ᒋᒡ ᐃᔪᐤ᙮ ᐊᑯ ᒥᓐ ᑲᐤ ᒐ ‍ ᑎᑯᓯᓂᔨᓐ ᐊᑯ ᒪᒃ ᐃᔭᒄ ᒐ ‍ ᒥᔨᑦ ᒋᓴᒪᓂᑐᐤ ᐊᓂᔭ ᑲ ᐎ ‍ ᒥᔨᑦ ᒥᔨᐛᐅᓂᔪᐤ᙮
\p
\v 25 ᐊᐛᓐ ᒪᒃ ᒪᒥᓯᒥᔅᒐ ᒐᒂᔪᐤ ᐊᒋ ᐃᓯ ‍ ᐅᓂᑐᑎᒧᑦ, ᐃᑐᑕᔅᒐ ᒪᒃ ᒐᒋ ᐃᑐᑕᐃᔅᒃ ᑎᐸᔅᑯᓂᒐᐅᒋᐛᐱᒡ, ᐎ ᒥᔪ ‍ ᐎᒐᐤ ᐊᓐ ᑲ ‍ ᒪᒥᓯᒥᔅᒃ ᐎᐱᒡ ᒪᒂᒡ ᐊᑎ ‍ ᐎᒐᐅᑦ᙮ ᐛᔅ ᑎᑯᓯᓂᔭᒂ ᓇᑕ ᑎᐸᔅᑯᓂᒐᐅᒋᐛᐱᒡ, ᐊᓐᑕ ᑎᐸᔅᑯᓂᒐᓱᐛ ᐊ ‍ ᑕᔨᒋ ᐊᑯᑕ ᒐ ᐃᓯ ‍ ᐱᔅᑎᓂᔅᒃ, ᐊᑯ ᐊᓐ ᑎᐸᔅᑯᓂᒐᓱᐤ ᐊᓐᑕ ᑲᒪᑯᓄᐛᓯᔨᒋ ᐊ ‍ ᑕᔨᒋ ᐊᑯᑕ ᒐ ᐃᓯ ‍ ᐱᔅᑎᓂᔅᒃ, ᐊᑯ ᒐ ‍ ᒋᐸᐅᔅᒡ ᐊᓐᒡ ᑲᒪᑯᓄᐛᓯᒡ᙮
\v 26 ᒋ ‍ ᐎᑎᒪᑎᓐ ᒪᒃ ᑕᐸ ᒋᑭ ᒋ ‍ ᐎᐎᓐ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐸᑐᔅ ᓇᔅᒡ ᒋ ‍ ᒋᓯᐧᑲᓱᔨᓇ ᐊᓐ ᐊ ᐃᓯ ‍ ᒥᓯᓇᐃᒐᔨᓐ᙮”
\s1 ᒋᓴᔅ ᑲ ‍ ᐊᔨᒧᑕᐧᒃ ᐱᓯᒂᑎᓯᐅᓂᔪᐤ
\p
\v 27 “ᔅᒋ ‍ ᐸᑕᓇᐛᐤ ᐊ ‍ ᐃᓇᓄᐅᒡ, ‘ᐊᑲᐎᔾ ᒋᑭ ‍ ᐱᓯᒂᑎᓯᓐ᙮’
\v 28 ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᐛᓐ ᑭᓄᐛᐱᒪᒐ ᐃᔎᐛ, ᓂᑎᒥᒄ ᒪᒃ ᐃᓯ ᒪᒥᑐᓇᔨᒪᒐ, ᓴᔅ ᐃᓯᓇᑯᓂᔪᐤ ᐊ ᐎᒋ ‍ ᐱᓯᒂᑎᓯᒪᑦ ᐊᓐᑕ ᐅᑕᐃᒡ᙮
\v 29 ᐊᑯ ᒪᒃ ᐃᑐᑕᑯᔨᓇ ᒋᔅᒋᓯᒄ ᒋᒥᔪᐅᓂᒡ ᑲ ‍ ᑎᒂᒡ ᒐᒋ ᒥᒋᑐᑎᒥᓐ, ᐎᐎᐱᑕ ᒐ ‍ ᐛᐱᓂᒥᓐ᙮ ᐅᔅᑕ ᒥᔽᐤ ᒐᒋ ᐅᓂᑕᔨᓐ ᐊᐱᓯᔅ ᒋᔪᐤ ᐃᔅᐱᔅ ᐎ ᒥᓯᐛ ᒋᔪᐤ ᒥᒋ ‍ ᐃᔅᑯᑕᒡ ᒐᒋ ᐃᓯ ‍ ᐛᐱᓇᑭᓄᐅᒡ᙮
\v 30 ᑭᔭ ᐃᑐᑕᑯᔨᓇ ᔅᑎᒋᔾ ᒋᒥᔪᐅᓂᒡ ᑲ ‍ ᑎᒂᒡ ᒐᒋ ᒥᒋᑐᑎᒥᓐ, ᒥᓂᓴ ᒐ ‍ ᐛᐱᓂᒥᓐ᙮ ᐅᔅᑕ ᒥᔽᐤ ᒐᒋ ᐅᓂᑕᔨᓐ ᐸᐃᒄ ᐊᓐ ᔅᑎᒋᔾ ᐃᔅᐱᔅ ᐎ ᒥᓯᐛ ᒋᔪᐤ ᒥᒋ ‍ ᐃᔅᑯᑕᒡ ᒐᒋ ᐃᓯ ‍ ᐛᐱᓇᑭᓄᐅᒡ᙮”
\s1 ᒋᓴᔅ ᑲ ‍ ᐊᔨᒧᑕᐧᒃ ᐊ ‍ ᐛᐱᓂᑐᓇᓄᐎᒡ
\r ᒪᑎᔪᐤ 19.9; ᒪᕐᒃ 10.11,12; ᓗᒃ 16.18
\p
\v 31 “ᐃᔭᐱᒡ ᒋ ‍ ᐃᓇᓄᐤ, ‘ᓇᐸᐤ ᒐ ‍ ᐛᐱᓇᒂ ᐎᐛ ᒋᑭ ᐎ ‍ ᒥᔭᐤ ᒥᓯᓇᐃᑭᓂᔪᐤ ᐊᑎᔅᑕᔨᒡ ᐊ ‍ ᐛᐱᓇᑦ᙮’
\v 32 ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᓇᐸᐤ ᐊ ‍ ᐛᐱᓇᑦ ᐎᐛ ᐊᑎ ᐊᑲ ᓂᑐᐎᔾ ᐃᑎᔨᒋ ᒥᒋᑐᑎᒻ ᐊᓐ ᓇᐸᐤ᙮ ᐃᑐᑐᐛᐤ ᐊᓂᔭ ᐎᐛ ᒐᒋ ᐎᒋ ‍ ᐱᓯᒂᑎᓯᒪᔨᒋ ᑯᑎᑲ ᐊᐛᔪᐛ᙮ ᑭᔭ ᓇᐸᐤ ᑲ ‍ ᐎᒋᒪᑦ ᐊᓂᔭ ᑲ ‍ ᐛᐱᓇᑭᓄᔨᒋ ᐃᔎᐛ ᐱᓯᒂᑎᓯᐤ᙮”
\s1 ᒋᓴᔅ ᑲ ‍ ᐃᔅᒋᔄᑦ ᒐ ‍ ᒐᔅᑎᓇᒋᔅᑕᔨᓐ ᑕᓐ ᐊ ‍ ᐃᔅᒋᔄᔨᓐ
\p
\v 33 “ᒥᓐ ᒪᒃ ᔅᒋ ‍ ᐸᑕᓇᐛᐤ ᐊᒋ ‍ ᐃᑕᑭᓄᐎᒡ ᐃᔪᒡ ᐊᓐᑕ ᐎᐱᒡ, ᐊᑲᐎᔾ ᒋᑭ ᐎ ‍ ᑭᑭᒋᔭᐤ ᐃᔅᒋᔄᓇᐛᐤ, ᔭᐃᑕᔾ ᐃᑐᑎᒧᒄ ᐊᓂᔭ ᑕᓐ ᑲ ‍ ᐃᑕᒄ ᒋᓴᒪᓂᑐᐤ ᒐ ‍ ᐃᑐᑎᒺᒄ᙮”
\p
\v 34 “ᒥᒄ ᓂᔾ ᒋᑦ ᐃᑎᓇᐛᐤ, ᐊᑲᐎᔾ ᓇᔅᒡ ᐎᑎᑕᑈᒄ᙮ ᐊᑲᐎᔾ ᒋᒋᒋᓯᑯᒡ ᐃᓯ ᐎᑎᒧᒄ ᐛᔅ ᐊᐅᒄ ᐊᓂᔭ ᒋᓴᒪᓂᑐᐤ ᐅᒋᓴᐅᒋᒪᐤ ᑕᑎᐳᐛᑭᓐ,
\v 35 ᐊᑲ ᑭᔭ ᐊᔅᒋᒡ ᐃᓯ ᐎᑎᒧᒄ ᐛᔅ ᐊᑯᑕ ᑎᔭᑎᔅᑕᑦ ᒋᓴᒪᓂᑐᐤ ᐅᓯᑕ, ᐊᑲᐎᔾ ᐛᐛᒡ ᐊᓐ ᐅᑕᓇᐤ ᒋᕈᓯᓕᒻ ᑲ ‍ ᐃᓯᓂᐧᑲᑕᒡ ᐃᓯ ᐎᑎᒧᒄ ᐛᔅ ᐊᐅᒄ ᐊᓂᔭ ᐅᑕᓇᒻ ᒋᓴᒪᓂᑐᐤ ᐊᓐ ᑲ ‍ ᒋᔅᑕᔨᑕᑯᓯᑦ ᒋᓴᐅᒋᒪᐤ᙮
\v 36 ᐊᑲᐎᔾ ᐛᐛᒡ ᒋᔅᑎᒂᓂᐛᒡ ᐃᓯ ᐎᑎᒧᒄ ᐛᔅ ᓇᒪ ᐛᐛᒡ ᐸᐃᒂᐸᒡ ᒋᐱᔎᓄᐛᐤ ᒋᑭ ᒋ ‍ ᐃᑐᑕᓇᐛᐤ ᒐᒋ ᐎᐸᒡ ᑭᔭ ᒪᒃ ᒐᒋ ᐛᐸᒡ᙮
\v 37 ᒥᒄ ᓂᐦᐃ ᑭᔭ ᒪᒃ ᓇᒪ ᒋᐸ ‍ ᐃᔅᒋᔄᓐ, ᑯᑎᒡ ᒪᒃ ᒐᒂᓐ ᐃᔅᒋᔄᔨᓇ ᐊ ‍ ᓂᑐᐛᔨᑎᒥᓐ ᒐᒋ ᑕᑈᑕᑯᔨᓐ, ᒥᒋᒥᓂᑐᐤ ᐊ ‍ ᑕᑦ ᐅᒋᐱᔪᐤ᙮”
\s1 ᒋᓴᔅ ᑲ ‍ ᐊᔨᒧᑕᐧᒃ ᒐ ᐊᑲ ‍ ᑎᐸᒪᓱᓇᓄᐎᒡ
\r ᓗᒃ 6.29,30
\p
\v 38 “ᔅᒋ ‍ ᐸᑕᓇᐛᐤ ᐊᓐᑕ ᐎᐱᒡ ᐊᒋ ‍ ᐃᓇᓄᐅᒡ, ‘ᓂᓱᐅᓇᒋᑕᐅᑕ ᐊᐛᓐ ᐅᔅᒋᓯᒄ, ᑭᔭ ᒋᔾ ᒋᔅᒋᓯᒄ ᒋᐸ ‍ ᓂᓱᐅᓇᒋᑕᑭᓄᐤ, ᒪᒃ ᒥᓇᐱᑕᐅᑕ ᐊᐛᓐ ᑭᔭ ᒋᔾ ᒋᐸ ‍ ᒥᓇᐱᑕᐅᑯᐅᓐ᙮’
\v 39 ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᑲᐎᔾ ᑎᐸᐊᒪᓱᐤ ᐊᒋ ‍ ᒥᒋᑐᑕᔅᒃ ᐊᐛᓐ᙮ ᐅᑕᒥᒂᐅᔅᒐ ᐊᐛᓐ ᒋᐅᑕᒥᐧᑭᓂᒡ ᒋᒥᔪᐅᓂᒡ ᐃᑕᒐ, ᒥᔾ ᐊᑯᔅ ᐊᓐᑕ ᒂᔅᑕᒐ ᑭᔭ ᒐᒋ ᐅᑕᒥᒂᐅᔅᒃ᙮
\v 40 ᒪᒃ ᐊᐛᓐ ᐃᑐᑕᐃᔅᒐ ᑎᐸᔅᑯᓂᒐᐅᒋᐛᐱᒡ ᓇᓴᐅᔅᒐ ᑭᔭ ᒋᐱᒍᐎᔭᓂᔪᐤ, ᐊᑯᔅ ᒥᔾ ᒐᒋ ᐊᔭᑦ ᑭᔭ ᐊᓂᔭ ᒋᑦ ᐊᑯᐱᔪᐤ᙮
\v 41 ᐊᐛᓐ ᒪᒃ ᓯᒋᒥᔅᒐ ᒐᒋ ᐎᐅᓱᐅᑦ ᐎᐅᑦ ᐸᐃᒄ ᐊᔅᐱᓴᔨᒡ ᐃᔅᐱᔅ, ᐊᑯᔅ ᓂᓱ ᐊᔅᐱᓴᔨᒡ ᐃᔅᐱᔅ ᐃᑐᑕᐤ᙮
\v 42 ᑭᔭ ᐊᐛᓐ ᓂᑐᐛᔨᑎᒪᔅᒐ ᒐᒂᔪᐤ, ᒥᔾ᙮ ᒪᒃ ᐊᐛᓐ ᐎ ᐅᐛᐊᓱᒐ ᒐᒂᔪᐤ, ᒥᔾ ᐊᓂᔭ ᒐᒂᔪᐤ ᐛ ᐅᐛᐊᓱᑦ᙮”
\s1 ᓴᒋᐊᐧᑯᒡ ᐊᓐᒡ ᑲ ‍ ᐛᐧᑲᑎᑕᑯᒡ
\r ᓗᒃ 6.27,28,32-36
\p
\v 43 “ᔅᒋ ‍ ᐸᑕᓇᐛᐤ ᐊ ‍ ᐃᓇᓄᐅᒡ ᐊᓐᑕ ᐎᐱᒡ, ‘ᓴᒋᐊᐧᑯᒡ ᒋᒡ ᐃᔪᐛᐅᒡ, ᐛᐧᑲᑕᐧᑯᒡ ᐊᓐᒡ ᑲ ‍ ᐛᐧᑲᑎᑕᑯᒡ᙮’
\v 44 ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᓴᒋᐊᐧᑯᒡ ᐊᓐᒡ ᑲ ‍ ᐛᐧᑲᑎᑕᑯᒡ ᑭᔭ ᐊᔭᒥᐊᔅᑎᒧᐛᐧᑯᒡ ᐊᓐᒡ ᑲ ‍ ᓂᓇᐧᑲᒋᐃᑕᑯᒡ,
\v 45 ᐊᑯ ᒪᒃ ᒐ ‍ ᐅᑯᓯᑕᑕᒄ ᐊᓐ ᒍᑕᐎᐛᐤ ᐊᓐᑕ ᒋᒋᒋᓯᑯᒡ ᐊ ‍ ᑕᑦ᙮ ᐛᔅ ᑕᐱᔅᑯᓐ ᒥᔭᐤ ᐊᓂᔭᔪᐛ ᑲ ‍ ᒥᒋᑐᑎᒥᔨᒋ ᑭᔭ ᑲ ‍ ᒥᔪᑐᑎᒥᔨᒋ ᒐᒋ ᐛᔅᑕᓂᒪᑯᔨᒋ ᐱᓯᒺ, ᑭᔭ ᑕᐱᔅᑯᓐ ᒥᔭᐤ ᐊ ‍ ᒋᒧᓂᔨᒡ ᐊᓂᔭ ᑲ ‍ ᒥᔪᑐᑎᒥᔨᒋ ᑭᔭ ᐊᓂᔭ ᑲ ‍ ᒥᒋᑐᑎᒥᔨᒋ᙮
\v 46 ᒐᒂᔪᐤ ᒋᐸ ᐅᒋ ‍ ᒥᔨᒄ ᒋᓴᒪᓂᑐᐤ ᒋᑲᓂᔪᐅᓂᔪᐤ ᒥᒄ ᓴᒋᐃᑥᐛ ᐊᓐᒡ ᐊᐛᓐᒋ ᑲ ‍ ᓴᒋᐃᔅᒡ ? ᐛᔅ ᐊᐅᑯᓐ ᒥᓯᐛ ᐊᑎᒡ ᐊᓐᒡ ᑲ ‍ ᒪᒧᓴᒋᓇᒡ ᓱᓇᔭᔪᐤ᙮
\v 47 ᑭᔭ ᒥᒄ ᒋᐎᒐᐛᑭᓐᒡ ᐊᑕᒥᔅᑯᐅᑥᐛ, ᒐᒂᓐ ᐅᔅᑕ ᐊ ‍ ᐃᑐᑎᒥᓐ ᐃᔅᐱᔅ ᑯᑎᑭᒡ ᐊᐛᓐᒋ ? ᐛᔅ ᒥᓯᐛ ᐊᐅᑯᓐ ᐊ ‍ ᐃᑎᒡ ᐊᓐᒡ ᐊᑲ ᒋᔅᒐᔨᒪᒡ ᒋᓴᒪᓂᑐᐛ᙮
\v 48 ᒧᔭᒻ ᒍᑕᐎᔾ ᒋᒋᒋᓯᑯᒡ ᐊ ‍ ᑕᑦ ᐊᔅᐱᔅ ᓇᔅᒡ ᑯᐃᔅᑯᓯᑦ ᐊᐅᑯᓐ ᒧᔭᒻ ᑭᔭ ᒋᔾ ᒋᐸ ᐃᓯ ‍ ᑯᐃᔅᑯᓯᓐ᙮”
\c 6
\s1 ᒋᓴᔅ ᒥᔪᑐᑕᒐᐅᓂᔪᐤ ᑲ ‍ ᐊᔨᒧᑕᐧᒃ
\p
\v 1 “ᐃᔭᒂᒥᒄ ᑕᓐ ᐊ ᐃᓯ ‍ ᒥᔪᑐᑕᒐᔭᒄ᙮ ᐊᑲᐎᔾ ᓇᔅᒡ ᐎᓄᑯᐃᑎᓱᒄ ᐊᓐᑕ ᐊ ‍ ᒥᒐᑎᓇᓄᐅᒡ ᒥᒄ ᐊ ‍ ᐃᑕᔨᑎᒪᒄ ᒐᒋ ᐛᐱᒥᑕᑯᒡ ᐊᐛᓐᒋ, ᐛᔅ ᐅ ᐃᑐᑎᒪᒂ, ᐊᑲᐎᔾ ᐱᑯᓴᔨᑎᒧᒄ ᒐᒋ ᑎᐸᐊᒪᑕᒄ ᒍᑕᐎᐛᐤ ᒋᒋᒋᓯᑯᒡ ᐊ ‍ ᑕᑦ᙮”
\p
\v 2 “ᑭᔭ ᐊ ‍ ᒥᔨᑦ ᐊᐛᓐ ᒐᒂᔪᐤ ᐊ ᐃᓯ ‍ ᓄᑕᐱᔨᑦ, ᐊᑲᐎᔾ ᐃᑐᑕ ᐅ ᒥᓯᐛ ᐊᐛᓐ ᒐᒋ ᒋᔅᒐᔨᑕᐧᒃ, ᐛᔅ ᐊᓐᒡ ᐎᔨᐛᐤ ᑲ ‍ ᐊᔭᒪᐊᐧᑲᓱᒡ ᓇᔅᒡ ᐎ ᑲ ‍ ᒐᔅᒐᔨᑕᑯᐅᒡ ᑕᓐ ᐊ ᐃᓯ ‍ ᒥᔪᑐᑕᒡ᙮ ᒥᒄ ᐊ ‍ ᐃᑕᔨᑎᒥᐃᑯᒡ ᒐᒋ ᒪᒥᒋᒥᑯᒡ ᐊᐛᔪᐛ᙮ ᑕᑈ ᒋ ‍ ᐎᑎᒪᑎᓇᐛᐤ, ᓴᔅ ᒋᓴᒡ ᒥᔭᑭᓄᐎᒡ ᐅᑎᐸᐊᒪᑯᓯᐅᓄᐛᐤ᙮
\v 3 ᒪᒃ ᐊ ‍ ᐎᒋᐃᑦ ᐊᐛᓐ ᐊ ‍ ᒋᔅᑎᒪᑎᓯᑦ, ᐊᑲᐎᔾ ᐱᐸᒪᒋᒧ ᑕᓐ ᑲ ᐃᓯ ‍ ᐛᐎᒋᐃᑦ᙮
\v 4 ᒥᒄ ᒋᔾ ᒋᐸ ‍ ᒋᔅᒐᔨᑕᓐ ᑕᓐ ᐊ ᐃᓯ ‍ ᒥᔪᑐᑎᒥᓐ᙮ ᐊᑯ ᒪᒃ ᒍᑕᐎᔾ ᒋᒋᒋᓯᑯᒡ ᐊ ‍ ᑕᑦ ᒐ ‍ ᑎᐸᐊᒪᔅᒃ, ᐛᔅ ᒋᓴᒪᓂᑐᐤ ᒥᓯᐛ ᐛᐸᑎᒻ ᑕᓐ ᐊ ‍ ᐃᑐᐅᑦ᙮”
\s1 ᒋᓴᔅ ᑲ ‍ ᒋᔅᑯᑎᒪᒐᑦ ᑕᓐ ᒋᐸ ᐃᓯ ‍ ᐊᔭᒥᐊᓄᐅᔪᐤ
\r ᓗᒃ 11.2-4
\p
\v 5 “ᑭᔭ ᐊ ‍ ᐊᔭᒥᐊᔭᑯ, ᐊᑲᐎᔾ ᒋᑭ ‍ ᓂᔅᐱᑐᐛᐛᐅᒡ ᐊᓐᒡ ᑲ ‍ ᐊᔭᒥᐊᐧᑲᓱᒡ᙮ ᐛᔅ ᓇᔅᒡ ᒥᔽᔨᑎᒧᒡ ᐊ ‍ ᓇᓂᐳᐅᒡ ᐊ ‍ ᐊᔭᒥᐊᒡ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᐊᓐᑕ ᓴᓯᑲᓐ ᒥᓯᐛ ᐊᐛᔪᐛ ᒐᒋ ᐛᐱᒥᑯᒡ᙮ ᒋ ‍ ᐎᑎᒪᑎᓇᐛᐤ ᓴᔅ ᐅᒡ ᐊᔭᐅᒡ ᐅᑎᐸᐊᒪᑯᓯᐅᓄᐛᐤ᙮
\v 6 ᒪᒃ ᐊ ‍ ᐊᔭᒥᐊᔨᓂ, ᒋᑲᐱᔅᒋᒐᔭᒥᒡ ᐃᑐᑕ ᑭᔭ ᒋᐸᐎᓱ, ᐃᔅᐱ ᒪᒃ ᒋ ‍ ᒋᐸᐎᓱᔨᓇ ᐊᑯ ᒐ ‍ ᐃᔨᒥᐃᑦ ᒍᑕᐎᔾ ᐊᑲ ᐛᐱᒪᑭᓄᐅᑦ᙮ ᒋ ‍ ᐛᐱᒧᒄ ᐎᔾ ᑕᓐ ᐊ ‍ ᐃᑐᐅᑦ ᐊᑲ ᑯᑎᒃ ᐊᐛᓐ ᐛᐱᒥᔅᒃ, ᐎᔾ ᒪᒃ ᒋᑭ ‍ ᑎᐸᐊᒪᒄ᙮”
\p
\v 7 “ᑭᔭ ᐊ ‍ ᐊᔭᒥᐊᔭᑯ, ᐊᑲᐎᔾ ᐊᐱᒋᑕᒄ ᐃᔨᒧᐅᓐ ᐊᑲ ᒐᒂᓐ ᓇᔅᒡ ᐃᔅᒋᔄᒥᑲᒡ ᒧᔭᒻ ᐊᑎᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᐛᔅ ᐃᑕᔨᑎᒧᒡ ᒐ ‍ ᐸᑕᑯᒡ ᒋᓴᒪᓂᑐᐛ ᒥᒄ ᐊᓂᔭ ᓇᐅᔅ ᐊ ‍ ᐊᔭᒥᐊᒡ᙮
\v 8 ᐊᑲᐎᔾ ᓂᔅᐱᑐᐛᐧᑯᒡ ᐅᒡ᙮ ᐛᔅ ᒍᑕᐎᐛᐤ ᒋᔅᒐᔨᑎᒻ ᓴᔅ ᑕᓐ ᐊ ᐃᓯ ‍ ᓂᑐᐛᔨᑎᒪᒄ ᐊᒺᔭ ᑯᒂᒋᒪᒄ᙮
\v 9 ᐊᐅᒄ ᐅ ᒐ ᐃᓯ ‍ ᐊᔭᒥᐊᔭᒄ᙮
\q ᓄᑕᐎᓇᓐ ᒋᒋᒋᓯᑯᒡ ᐊ ‍ ᑕᔨᓐ, ᓂᑦ ᐊᔭᒥᐊᓇᓐ ᒋᑦ ᐃᓯᓂᐧᑲᓱᐅᓐ ᐊ ‍ ᐸᔭᒋᓯᒥᑲᒡ ᒐᒋ ᒋᔅᑕᔨᑕᑯᑕᑭᓄᐅᒡ᙮
\q
\v 10 ᒋᒋᓴᐅᒋᒪᐅᓐ ᒋᑭ ᐎ ‍ ᐅᑎᒋᐱᔪᐤ, ᒋᑦ ᐃᑕᔨᑎᒧᐅᓐ ᒋᑭ ᐎ ‍ ᐃᑐᑕᑭᓄᐤ ᐅᑕ ᐊᔅᒋᒡ ᒧᔭᒻ ᒋᒋᒋᓯᑯᒡ᙮
\q
\v 11 ᒥᔨᓇᓐ ᐊᓄᒡ ᐊ ‍ ᒋᓯᑲᒡ ᐸᒂᓯᑭᓐ ᒐ ᐅᒋ ‍ ᐱᒪᑎᓯᔭᒡ᙮
\q
\v 12 ᐛᐸᔨᑎᒧᐅᓇᓐ ᓂᒥᒋᑥᐅᓇᓇ ᐛᔅ ᑭᔭ ᓂᔭᓐ ᓂ ‍ ᐛᐸᔨᑎᒧᐅᓇᓐ ᒥᓯᐛ ᐊᐛᓐ ᑲ ‍ ᒥᒋᑐᑐᐎᔨᒥᑦ᙮
\q
\v 13 ᐊᑲᐎᔾ ᒪᒃ ᐃᑐᑕᐃᓇᓐ ᐊᓐᑕ ᒐᒋ ᐃᓯ ‍ ᑯᒂᒋᐃᑯᐅᔭᒡ᙮ ᒥᒄ ᐸᒋ ᒥᑕᒂᓇᒧᐅᓇᓐ ᐊᓐ ᑲ ‍ ᒪᔭᑎᒡ᙮ ᐛᔅ ᒋᔾ ᒋ ‍ ᑎᐱᔨᐛᐅᓯᓐ ᐅᒋᒪᐅᓐ ᑭᔭ ᑭᔅᒋᐅᓐ ᑭᔭ ᒋᔅᑕᔨᑕᑯᓱᐅᓐ ᒧᔅ ᑲᒋᒡ, ᐊᒥᓐ᙮” ᐊᐅᒄ ᒪᒃ ᐅᔭ ᒋᓴᔅ ᑲ ᐃᓯ ‍ ᒋᔅᑯᑎᒪᒐᑦ ᒐ ᐃᓯ ‍ ᐊᔭᒥᐊᓄᐎᒡ᙮
\p
\v 14 “ᐛᐸᔨᑎᒧᐛᒂᐛ ᑯᑎᑭᒡ ᑕᓐ ᑲ ᐃᓯ ‍ ᐅᓂᑐᑕᑕᑯᒡ, ᒍᑕᐎᐛᐤ ᒋᒋᒋᓯᑯᒡ ᐊ ‍ ᑕᑦ ᒋᑭ ‍ ᐛᐸᔨᑎᒪᑯᐛᐤ᙮
\v 15 ᐊᑯ ᒪᒃ ᐊᑲ ᐛᐸᔨᑎᒧᐛᒂᐛ ᑯᑎᑭᒡ ᓇᒪ ᑭᔭ ᒍᑕᐎᐛᐤ ᒋᒋᒋᓯᑯᒡ ᐊ ‍ ᑕᑦ ᒋᑭ ᐅᒋ ‍ ᐛᐸᔨᑎᒪᑯᐛᐤ ᑕᓐ ᑲ ᐃᓯ ‍ ᐅᓂᑐᑎᒪᒄ᙮”
\s1 ᒋᓴᔅ ᑲ ‍ ᐊᔨᒧᑕᐧᒃ ᐊᑲ ᐊ ‍ ᐅᑎᓇᐧᒃ ᐊᐛᓐ ᒥᒋᒥᔪᐤ ᒥᒄ ᐊ ᐎ ‍ ᐊᔭᒥᐊᑦ
\p
\v 16 “ᒪᒃ ᐃᔅᐱ ᐊᑲ ᐅᑎᓂᒪᒂ ᒥᒋᒻ ᒥᒄ ᐊ ᐎ ‍ ᐊᔭᒥᐊᔭᒄ, ᐊᑲᐎᔾ ᓂᔅᐱᑕᐧᑯᒡ ᑲ ‍ ᐊᔭᒥᐊᐧᑲᓱᒡ᙮ ᐊᒪᒋᒂᔨᒡ ᒐᒋ ᐛᐱᒥᑯᒡ ᐃᔪᐛ ᐊ ᐊᑲ ‍ ᒥᒋᓱᒡ ᒥᒄ ᐅᓴ ᐊ ‍ ᐊᔭᒥᐊᒡ᙮ ᑕᑈ ᒋᑦ ᐃᑎᓇᐛᐤ ᓴᔅ ᒋ ‍ ᒥᔭᑭᓄᐎᒡ ᐅᑎᐸᐊᒪᑯᓯᐅᓄᐛᐤ᙮
\v 17 ᐃᑎᔨᓇ ᒪᒃ ᐊᑲ ᒥᒋᓱᔨᓐ ᓯᑲᐅᐎᓱᐤ ᑭᔭ ᐛᐸᑲᐎᓱᐤ᙮
\v 18 ᐊᑲᐎᔾ ᒋᔅᒐᔨᑕᑯᐤ ᐅ ᐊ ‍ ᐃᑎᔨᓐ᙮ ᒥᒄ ᒍᑕᐎᔾ ᐊᑲ ᐛᐱᒪᑭᓄᐅᑦ ᒋᑭ ‍ ᒋᔅᒐᔨᑎᒻ᙮ ᐎᔾ ᒋᑭ ‍ ᐛᐱᒥᒄ ᐅᔭ ᐊ ‍ ᐃᑐᐅᑦ ᐊᑲ ᑯᑎᒃ ᐊᐛᓐ ᐛᐱᒥᔅᒃ, ᐎᔾ ᒪᒃ ᒋᑭ ‍ ᑎᐸᐊᒪᒄ᙮
\s1 ᐛᔪᑎᓯᐅᓐ ᒋᒋᒋᓯᑯᒡ ᐊ ‍ ᑎᒂᒡ
\r ᓗᒃ 12.33,34
\p
\v 19 ᐊᑲᐎᔾ ᒪᐅᒋᑎᒪᓱᒄ ᐛᔪᑎᓯᐅᓐ ᐅᑕ ᐊᔅᒋᒡ, ᐊᓐᑕ ᒐ ‍ ᓂᓱᐅᓇᒋᑕᒡ ᒥᓐᑐᓯᒡ ᑭᔭ ᒐ ‍ ᐊᒂᒂᐱᔅᑲᒋ ᐊᓐᑕ ᑭᔭ ᑲᓂᑕᐅᒋᒧᑎᒡ ᒐᒋ ᒋᒧᑎᒡ᙮
\v 20 ᒪᒃ ᒪᐅᒋᑎᒪᓱᒄ ᐛᔪᑎᓯᐅᓐ ᐊᓐᑕ ᒋᒋᒋᓯᑯᒡ, ᐊᓐᑕ ᒐ ᐊᑲ ᒋ ᓂᓱᐅᓇᒋᑕᒡ ᒥᓐᑐᓯᒡ ᑭᔭ ᒐ ᐊᑲ ᒋ ᐊᒂᒂᐱᔅᑲᒋ ᑭᔭ ᒐ ᐊᑲ ᒋ ᒋᒧᑎᒡ ᑲᓂᑕᐅᒋᒧᑎᒡ᙮
\v 21 ᐛᔅ ᐊᓐᑕ ᐊ ᐃᓯ ‍ ᑎᒂᒡ ᒋᐛᔪᑎᓯᐅᓐ ᐊᑯᑕ ᑭᔭ ᒐ ‍ ᑎᒂᒡ ᒋᑕᐃ᙮”
\s1 ᒥᔪᐤ ᐛᔅᑕᐅᓐ
\r ᓗᒃ 11.34-36
\p
\v 22 “ᒋᔅᒋᓯᒂ ᐊᐅᒄ ᐅᔭ ᒋᔪᐤ ᐅᐛᔅᑕᓂᐱᒪᑭᓇ᙮ ᐊ ‍ ᐸᔭᐧᑭᓂᔨᒋ ᒪᒃ ᐊᐛᓐ ᐅᔅᒋᓯᒂ ᓇᔅᒡ ᒋᑭ ‍ ᓴᑭᔅᒋᓇᔅᑲᑯ ᐛᔅᑕᐅᓂᔪᐤ ᐎᔭᒡ᙮
\v 23 ᐊᑯ ᒪᒃ ᒥᔭᔭᑎᓄᒂᓂ ᒋᔅᒋᓯᒂ, ᒥᓯᐛ ᒋᔪᐤ ᓇᔅᒡ ᒋᑭ ‍ ᓴᑭᔅᒋᓇᐤ ᐅᑲᔅᑕᔭᐅᓐ᙮ ᒧᔭᒻ ᒪᒃ ᐊᓐ ᐛᔅᑕᐅᓐ ᑲ ‍ ᐱᒋᔅᑲᑯᔨᓐ ᐊ ‍ ᐅᑲᔅᑕᔭᐅᓂᒂ, ᑕᑈ ᑭᑈ ᓄᐛᒡ ᐅᑲᔅᑕᔭᐤ᙮”
\s1 ᒋᓴᒪᓂᑐᐤ ᒋ ‍ ᐅᑎᓂᒪᑯᓄᐤ ᒥᓯᐛ ᒐᒂᔪᐤ
\r ᓗᒃ 16.13; 12.22-31
\p
\v 24 “ᓇᒪ ᐊᐛᓐ ᒋᑭ ᒋ ‍ ᐊᑐᔅᑯᐛᐤ ᓂᓱ ᐅᒋᒪᐛ, ᐛᔅ ᐸᐃᒄ ᐊᓂᔭ ᒋᑭ ‍ ᓴᒋᐊᐤ, ᑭᔭ ᑯᑎᑲ ᒋᑭ ‍ ᐛᐧᑲᑕᐤ᙮ ᑭᔭ ᒪᒃ ᒋᑭ ‍ ᒋᔅᑕᔨᒪᐤ ᐊᓂᔭ ᐸᐃᒄ, ᑯᑎᑲ ᒪᒃ ᒋᑭ ‍ ᐊᑐᐛᔨᒪᐤ, ᓇᒪ ᒋᑭ ᒋ ‍ ᐊᑐᔅᑯᐛᐤ ᒋᓴᒪᓂᑐᐛ ᐊᔪᐤ ᒪᒃ ᓱᒃ ᐊ ‍ ᐊᑐᔅᒐᑦ ᐊ ᐎ ‍ ᐛᔪᑎᓯᑦ᙮”
\p
\v 25 “ᐊᐅᒄ ᒪᒃ ᐛᒋ ‍ ᐃᑎᑎᑯᒡ ᒐ ᐊᑲ ‍ ᐊᔨᒪᔨᑎᒪᒄ ᒐᒂᓐ ᒐ ‍ ᒥᒋᔭᒄ ᑭᔭ ᒐᒂᓐ ᒐ ‍ ᒥᓂᔭᒄ ᒐᒋ ᐅᒋ ‍ ᐱᒪᑎᓯᔭᒄ ᑭᔭ ᒪᒃ ᒐᒂᓐ ᒐ ‍ ᒋᔅᑭᒪᒄ᙮ ᓇᒪ ᓇ ᐅᔅᑕ ᒋᔅᑕᔨᑕᑯᓐ ᐱᒪᑎᓯᐅᓐ ᐃᔅᐱᔅ ᒥᒋᒻ, ᒪᒃ ᑭᔭ ᒥᔪᐤ ᐃᔅᐱᔅ ᐊᐱᒋᑕᐅᓇ ?
\v 26 ᑭᓄᐛᐱᒪᐧᑯᒡ ᐱᔭᓯᓯᒡ, ᓇᒪ ᓂᑕᐅᒋᑕᐅᒡ ᒐᒂᔪᐤ, ᓇᒪ ᑭᔭ ᒪᒧᓴᒋᓂᒐᐅᒡ ᑭᔭ ᓇᒪ ᒪᐅᒋᑕᐅᒡ ᒥᒋᒥᔪᐤ ᐊᐛᓯᓯᐅᒋᐛᐱᒡ, ᐃᔭᐱᒡ ᒪᒃ ᒍᑕᐎᐛᐛ ᒋᒋᒋᓯᑯᒡ ᐊ ‍ ᑕᔨᒋ ᐊᓯᒥᑯᐅᒡ᙮ ᓇᒪ ᓇ ᒋᔨᐛᐤ ᐅᔅᑕ ᒋᑦ ᐃᑕᔨᑕᑯᓯᓇᐛᐤ ᐃᔅᐱᔅ ᐱᔭᓯᓯᒡ ?
\v 27 ᐊᐛᓐ ᐊᑎᓯᔭᒄ ᒐᒋ ᐊᑎᑐᐤ ᔭᒋᑕᑦ ᐅᐱᒪᑎᓯᐅᓐ ᐊᔨᒪᔨᑎᒥᐃᑯᑦ ᒐᒂᔪᐤ ?”
\p
\v 28 “ᒐᒂᓐ ᐛᒋ ‍ ᐊᔨᒪᔨᑎᒥᐃᑯᔭᒄ ᐊᐱᒋᑕᐅᓇ ? ᑭᓄᐛᐸᑎᒧᒄ ᒪ ᐛᐱᑯᓇ ᓂᑕᐅᒋᑕᑭᓂᒡ ᑕᓐ ᐊ ᐃᓯ ᒥᔪ ‍ ᓂᑕᐅᒋᒋ ᑭᔭ ᐊ ᐃᔅᐱᔅ ‍ ᒥᔽᓯᔨᒋ᙮ ᓇᒪ ᐊᑐᔅᒐᒥᑭᓇ, ᓇᒪ ᑭᔭ ᐛᑕᔅᐱᓱᒥᑭᓇ᙮
\v 29 ᐊᑯ ᒪᒃ ᒋ ‍ ᐎᑎᒪᑎᓇᐛᐤ, ᐊᑎ ᐊᓂᔭ ᒋ ‍ ᐃᔅᐱᔅ ᐛᔪᑎᓯᑦ ᐊᓂᔭ ᒋᓴᐅᒋᒪᐤ ᓴᓚᒥᓐ ᓇᒪ ᐅᒋ ᐃᔅᐱᔅ ᒥᔽᓯᔪᐛ ᐅᑦ ᐊᐱᒋᑕᐅᓇ ᐊ ᐃᔅᐱᔅ ‍ ᒥᔽᓯᔨᒋ ᐛᐱᑯᓇ᙮
\v 30 ᒪᒃ ᒧᔭᒻ ᒋᓴᒪᓂᑐᐤ ᐅᒪ ᐃᓯ ᐊᒂᓇᐊᒧᒂ ᒥᔅᑯᓱᐛ ᓂᑕᐅᒋᑕᑭᓂᒡ, ᐊᓄᒡ ᐊ ‍ ᒋᓯᑲᒡ ᑲ ‍ ᑎᒂᒋ, ᐛᐸᒐ ᒪᒃ ᐃᔅᑯᑕᒡ ᒐ ᐃᓯ ‍ ᐛᐱᓇᑭᓄᐅᒋ, ᓇᒪ ᓇ ᐅᔅᑕ ᒋᔨᐛᐤ ᒋᑭ ‍ ᐛᑕᔅᐱᑎᑯᐛᐤ, ᐅ ᒋᔨᐛᐤ ᑲ ‍ ᐊᐱᓴᔅ ᒋᑕᑈᑎᒧᐅᓄᐛᐤ ?”
\p
\v 31 “ᐊᑲᐎᔾ ᒪᒃ ᒧᔅ ᒪᒥᑐᓇᔨᑎᒥᒄ ᒐᒋ ᐃᔅᒋᔄᔭᒄ, ‘ᒐᒂᓐ ᒐ ‍ ᒥᒋᔭᒡ ?’ ᑭᔭ ᒪᒃ ‘ᒐᒂᓐ ᒐ ‍ ᒥᓂᔭᒡ ?’ ᑭᔭ ᒪᒃ ‘ᒐᒂᓐ ᒐ ‍ ᒋᔅᑭᒪᒡ ?’
\v 32 ᐛᔅ ᐊᐅᒄ ᐅᔭ ᒐᒂᔪᐛ ᒧᔅ ᐊ ‍ ᐃᑕᔨᑎᒥᐃᑯᒡ ᐊᓐᒡ ᐊᐛᓐᒋ ᐊᑲ ᑕᑈᔭᔨᒪᒡ ᒋᓴᒪᓂᑐᐛ᙮ ᐊᑯ ᒪᒃ ᒋᔨᐛᐤ ᒍᑕᐎᐛᐤ ᒋᒋᒋᓯᑯᒡ ᐊ ‍ ᑕᑦ ᒋᔅᒐᔨᑎᒻ ᒥᓯᐛ ᑕᓐ ᐊ ᐃᓯ ‍ ᓂᑐᐛᔨᑎᒪᒄ᙮
\v 33 ᐅᔅᑕ ᐃᑕᔨᑕᑯᓐ ᓂᔅᑎᒻ ᓱᒃ ᒐᒋ ᓇᓂᑐᐛᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑭᔭ ᒐᒋ ᐃᑐᑎᒺᒄ ᑕᓐ ᐊ ᐃᓯ ‍ ᓂᑐᐛᔨᒥᑕᒄ ᒐ ‍ ᐃᑐᐛᒄ, ᐊᑯ ᒐ ‍ ᒥᔨᑕᒄ ᒥᓯᐛ ᑕᓐ ᐊ ᐃᓯ ‍ ᓄᑕᐱᔨᐛᒄ᙮
\v 34 ᐊᑲᐎᔾ ᐊᔨᒪᔨᑎᒧᒄ ᑕᓐ ᒐ ‍ ᐃᔅᐱᔨᒡ ᒐ ‍ ᐛᐸᒡ, ᐛᔅ ᒐ ‍ ᐛᐸᒡ ᒋᑭ ‍ ᐊᔨᒪᔨᑎᒧᒥᑭᓐ᙮ ᐛᔅ ᓴᔅ ᐃᔅᐱᔪᐤ ᑕᓐ ᒐ ᐃᓯ ‍ ᐊᔨᒪᔨᑎᒥᓐ ᐊᓄᒡ᙮”
\c 7
\s1 ᒋᓴᔅ ᑲ ‍ ᐊᔨᒧᑕᐧᒃ ᐊ ‍ ᑎᐸᔅᑯᓂᑐᓇᓄᐎᒡ
\r ᓗᒃ 6.37,38,41,42
\p
\v 1 “ᐊᑲᐎᔾ ᑎᐸᔅᑯᓂᒐᒄ, ᑭᔭ ᓇᒪ ᒋᑭ ᐅᒋ ‍ ᑎᐸᔅᑯᓂᑯᓇᐛᐤ᙮
\v 2 ᐛᔅ ᑕᓐ ᒥᒄ ᒐ ᐃᓯ ‍ ᑭᓄᐛᐸᑎᒧᐛᒂ ᑕᓐ ᐊ ᐃᓯ ‍ ᑎᐸᔅᑯᓇᒄ ᐊᐛᓐ ᐊᐅᑯᓐ ᒧᔭᒻ ᒐ ᐃᓯ ‍ ᑭᓄᐛᐸᑕᐧᒃ ᑭᔭ ᐎᔾ ᒋᓴᒪᓂᑐᐤ ᑎᐸᔅᑯᓂᑕᒂ, ᑭᔭ ᒧᔭᒻ ᐊᔅᐱᔅ ᓂᓱᐅᓇᒋᒪᐧᑯᒡ ᑯᑎᑭᒡ ᐊᐅᑯᓐ ᑭᔭ ᐎᔾ ᒐ ᐃᔅᐱᔅ ‍ ᓂᓱᐅᓇᒋᒥᑕᒄ ᒋᓴᒪᓂᑐᐤ᙮”
\p
\v 3 “ᒐᒂᓐ ᐛᒋ ‍ ᓇᔅᒡ ᑭᓄᐛᐸᑎᒧᑦ ᒋᐧᑲᓂᔅ ᐊ ‍ ᐊᐱᓴᓯᔨᒡ ᐅᐱᓯᓄᐅᓐ ᐊᑲ ᒪᒃ ᒋᔾ ᐊᐱᑕᔨᑎᒥᓐ ᐊ ‍ ᒥᒐᔎᒡ ᒥᔅᑎᒄ ᑲ ‍ ᐱᓯᓂᔨᓐ ?
\v 4 ᑕᓐᑕ ᒐᒋ ᐅᒋ ‍ ᐃᑎᑦ ᒋᐧᑲᓂᔅ, ‘ᐊᑯᔅ ᓂᑭ ‍ ᐎᐎᐱᑕᓐ ᒋᐱᓯᓄᐅᓐ,’ ᒋᔾ ᒪᒃ ᐊ ‍ ᒥᒐᔎᒡ ᒥᔅᑎᒄ ᑎᑯᓐ ᑎᐱᔨᐛ ᒋᔅᒋᓯᑯᒡ ?
\v 5 ᒋᔾ ᑲ ‍ ᐊᔭᒥᐊᐧᑲᓱᔨᓐ, ᓂᔅᑎᒻ ᐎᐎᐱᑕ ᐊᓐ ᒥᔅᑎᒄ ᑲ ‍ ᒥᒐᔎᒡ ᒋᔅᒋᓯᑯᒡ ᐊ ‍ ᑎᒂᒡ ᐊᑯ ᒪᒃ ᒐ ᒥᔪ ‍ ᐛᐸᑎᒥᓐ ᒐᒋ ᐎᐎᐱᑎᒧᑦ ᑲ ‍ ᐱᓯᓐᑦ ᒋᐧᑲᓂᔅ᙮”
\p
\v 6 “ᐊᑲᐎᔾ ᒥᔭᐧᑯᒡ ᐊᑎᒧᒡ ᐊ ‍ ᐸᔭᐧᑭᓂᔨᒡ ᒐᒂᔪᐤ᙮ ᐊᑲ ᑭᔭ ᐛᐱᓂᒧᐛᐧᑯᒡ ᑯᐧᑯᓯᒡ ᐊ ‍ ᓱᓇᔭᐎᔨᒋ ᐛᐛᓯᐅᓇ ᐛᔅ ᒥᒄ ᒋᑭ ‍ ᑕᑕᐧᑯᔅᑲᑕᒧᒡ ᑭᔭ ᒋᑭ ‍ ᐊᐱᒧᔅᑕᑯᐛᐅᒡ ᒐᒋ ᐅᓯᑯᐃᑕᑯᒡ᙮”
\s1 ᓂᑐᑎᒪᒄ, ᓇᓂᑐᐛᔨᒐᒄ, ᑎᑥᐛᐃᒐᒄ
\r ᓗᒃ 11.9-13
\p
\v 7 “ᓂᑐᑎᒪᒄ ᑕᓐ ᐊ ᐃᓯ ‍ ᓂᑐᐛᔨᑎᒪᒄ, ᐊᑯ ᒪᒃ ᒐ ‍ ᒥᔨᑯᐅᔭᒄ᙮ ᓇᓂᑐᐛᔨᑎᒧᒄ, ᐊᑯ ᒪᒃ ᒐ ‍ ᒥᔅᑭᒪᒄ᙮ ᑎᑥᐛᐃᒐᒄ, ᐊᑯ ᒪᒃ ᒐ ‍ ᔪᑕᓂᒪᑯᐅᔭᒄ᙮
\v 8 ᐛᔅ ᒥᓯᐛ ᑕᑐᐤ ᐊᐛᓐ ᑲ ‍ ᓂᑐᑎᒪᑦ ᒋᑭ ‍ ᒥᔭᑭᓄᐤ ᐊᓂᔭ ᑲ ᐃᓯ ‍ ᓂᑐᑎᒪᑦ᙮ ᐊᓐ ᒪᒃ ᑲ ‍ ᓇᓂᑐᐛᔨᑕᐧᒃ ᒋᑭ ‍ ᒥᔅᑭᒻ ᐊᓂᔭ ᒐᒂᔪᐤ ᓂᔭᓂᑐᐛᔨᑕᐧᒃ᙮ ᑭᔭ ᑕᑐᐤ ᐊᐛᓐ ᑲ ‍ ᑎᑥᐛᐃᒐᑦ ᒋᓴᒪᓂᑐᐛ ᒋᑭ ‍ ᔪᑕᓂᒪᑯᐤ ᔅᑐᐧᑭᓇ᙮
\p
\v 9 ᒋᔨᐛᐤ ᐅᑕᐎᒪᑐᒄ, ᓂᑐᐛᔨᑎᒪᔅᒃ ᐊᓐ ᒋᑯᔅ ᐸᒂᓯᑭᓇ, ᐊᓯᓂᔭ ᐊ ᒋᐸ ‍ ᒥᔭᐤ ?
\v 10 ᑭᔭ ᒪᒃ ᓂᒪᓴ ᓂᑐᐛᔨᑎᒪᔅᒃ ᒋᓇᐱᒂ ᐊ ᒋᐸ ‍ ᒥᔭᐤ ?
\v 11 ᐊᑎ ᐊ ᐃᔅᐱᔅ ‍ ᒪᔭᑎᓯᔭᒄ ᐊᔪᐛᒡ ᒋ ‍ ᒋᔅᒐᔨᑕᓇᐛᐤ ᒐᒋ ᒥᔭᑯᒡ ᒋᑦ ᐊᐛᓯᒧᐛᐅᒡ ᒥᔪ ‍ ᒐᒂᔪᐤ᙮ ᐊᑐᐎᔅ ᒪᒃ ᒍᑕᐎᐛᐤ ᒋᒋᒋᓯᑯᒡ ᐊ ‍ ᑕᑦ ᐅᔅᑕ ᒋᑭ ᒥᔪ ‍ ᒥᔭᐤ ᐊᓂᔭ ᐊᐛᔪᐛ ᑕᓐ ᐊ ᐃᓯ ‍ ᓂᑐᐛᔨᑎᒪᑯᑦ᙮
\p
\v 12 ᑕᓐ ᐊ ᐃᓯ ‍ ᓂᑐᐛᔨᒪᑯᒡ ᐊᐛᓐᒋ ᒐᒋ ᐃᑐᑕᑕᑯᒡ, ᐊᐅᑯᓐ ᑭᔭ ᒋᔨᐛᐤ ᐃᑐᑐᐛᐧᑯᒡ, ᐛᔅ ᐊᐅᒄ ᐅ ᐊ ᐃᓯ ‍ ᒋᔅᑯᑎᒪᒐᒥᑲᒡ ᐎᓱᐛᐅᓐ ᑭᔭ ᐊᐅᑯᓐ ᑲ ᐃᓯ ‍ ᐛᐎᑕᒡ ᐅᒋᔅᒋᐛᐃᒐᓱᒡ᙮”
\s1 ᑲ ‍ ᓴᑯᐛᒡ ᒪᔅᑭᓄᐤ
\r ᓗᒃ 13.24
\p
\v 13 “ᐱᒐᒄ ᑲ ‍ ᓴᑯᐛᒡ ᐃᔎᑕᒻ, ᐛᔅ ᐃᔨᑭᔅᑲᐤ ᐃᔎᑕᒻ᙮ ᑭᔭ ᐛᑎᓐ ᒪᔅᑭᓄᐤ ᓂᓱᐅᓇᑎᓯᐅᓂᒡ ᐊ ‍ ᐃᑎᒧᒡ᙮ ᒥᒐᑐᐅᒡ ᒪᒃ ᐊᐛᓐᒋ ᐸᒧᑕᒡ ᐊᓂᔭᔪᐤ ᒪᔅᑭᓇᔪᐤ᙮
\v 14 ᐛᔅ ᓴᑯᐛᐤ ᐃᔎᑕᒻ, ᑭᔭ ᐊᔨᒥᓐ ᒪᒃ ᐊ ‍ ᐱᒧᑕᓄᐅᒡ ᐊᓐ ᒪᔅᑭᓄᐤ ᑲᒋᒡ ᐱᒪᑎᓯᐅᓂᒡ ᐊ ‍ ᐃᑎᒧᒡ᙮ ᓇᒪ ᒪᒃ ᒥᒐᑦ ᐊᐛᓐ ᒥᔅᑭᒻ ᐊᓂᔭᔪᐤ ᒪᔅᑭᓇᔪᐤ᙮”
\s1 ᑕᓐ ᐊ ᐃᓯ ‍ ᒥᓂᓱᐅᑦ ᒥᔅᑎᒄ
\r ᓗᒃ 6.43,44
\p
\v 15 “ᐃᔭᒂᒥᔅᑐᐛᐧᑯᒡ ᒥᒋ ‍ ᐅᒋᔅᒋᐛᐃᒐᓱᒡ᙮ ᒧᔭᒻ ᒪᔭᑕᓂᓯᒡ ᐃᓯᓇᑯᓱᐅᒡ ᐅᑕ ᐅᔅᒡ, ᒥᒄ ᒪᒃ ᐱᒡ ᐊᓐᑕ ᐅᐱᒪᑎᓯᐅᓄᐛᒡ ᒧᔭᒻ ᒥᐃᐧᑭᓂᒡ ᐃᑕᔨᑕᑯᓱᐅᒡ᙮”
\p
\v 16 “ᐊᓂᔭ ᐊ ‍ ᐃᑕᑎᓯᒡ ᐊᑯᑕ ᒐ ᐅᒋ ‍ ᒋᔅᒐᔨᒪᑯᒡ᙮ ᒺᒡ ᒥᓂᓴ ᓇᒪᐎᔾ ᒋ ‍ ᓂᑕᐅᒋᓇ ᐅᑐᔅᐱᔭᑎᑯᒡ, ᑭᔭ ᐃᔭᑎᒄ ᓇᒪᐎᔾ ᒋ ‍ ᓂᑕᐅᒋᑕᐤ ᒥᓂᓴ᙮
\v 17 ᐛᔅ ᐊ ᒥᔪ ‍ ᓂᑕᐅᒋᑦ ᒥᔅᑎᒄ ᐊ ‍ ᒥᔪᓯᒡ ᐛᐱᒥᓂᒡ ᒋᑭ ‍ ᓂᑕᐅᒍᐅᒡ ᐊᓐᑕ ᒥᔅᑎᑯᒡ ᑭᔭ ᐊᑲ ᒥᔪ ‍ ᓂᑕᐅᒋᑦ ᒥᔅᑎᒄ ᓇᒪ ᒋᑭ ᒋ ‍ ᓂᑕᐅᒍᐅᒡ ᐊ ‍ ᒥᔪᓯᒡ ᐛᐱᒥᓂᒡ ᐊᓐᑕ ᒥᔅᑎᑯᒡ᙮
\v 18 ᐊ ᒥᔪ ‍ ᓂᑕᐅᒋᑦ ᒥᔅᑎᒄ ᓇᒪ ᒋᑭ ᒋ ‍ ᓂᑕᐅᒋᑕᐤ ᒥᒋᒥᓇ ᑭᔭ ᐊᑲ ᒥᔪ ‍ ᓂᑕᐅᒋᑦ ᒥᔅᑎᒄ ᓇᒪ ᒋᑭ ᒋ ‍ ᓂᑕᐅᒋᑕᐤ ᒥᔪᒥᓇ᙮
\v 19 ᐊᓐ ᒪᒃ ᒥᔅᑎᒄ ᐊᑲ ᒥᔪ ‍ ᒥᓂᓱᐅᑦ ᒋᑭ ‍ ᓇᑥᑲᐛᑭᓄᐤ ᐊᑯ ᒐ ‍ ᒥᑐᔅᑕᐛᐱᓇᑭᓄᐅᑦ ᐃᔅᑯᑕᒡ᙮
\v 20 ᐊᐅᒄ ᒪᒃ ᐛᒋ ‍ ᐃᑎᑎᑯᒡ ᐊᑯᑕ ᒐ ᐅᒋ ‍ ᒋᔅᒐᔨᒪᑯᒡ ᐊᓐᒡ ᑲ ‍ ᐎᔭᓯᐃᐛᒡ ᐊᓂᔭ ᐊ ‍ ᐃᑕᑎᓯᒡ ᒧᔭᒻ ᐊ ‍ ᐃᓯᓇᑯᓯᒡ ᐊᓐᒡ ᒥᔅᑎᑯᒡ ᑲ ‍ ᐊᔨᒧᑎᒪᑎᑯᒡ᙮”
\s1 ᓇᒪ ᓂᑕ ᒋ ᐅᒋ ‍ ᒋᔅᒐᔨᒥᑎᓐ
\r ᓗᒃ 13.25-27
\s2 Matthew 7.21-29 (Proper-4 Year A)
\p
\v 21 “ᓇᒪ ᒥᓯᐛ ᐊᐛᓐ ᑲ ᐸᒋ ‍ ᐃᓯᓂᐧᑲᓯᑦ, ‘ᑕᐸᔨᒋᒐᔨᓐ, ᑕᐸᔨᒋᒐᔨᓐ,’ ᒋᑭ ᐅᒋ ‍ ᐱᒐᐤ ᒋᒋᒋᓯᒄ ᒋᓴᐅᒋᒪᐅᓂᒡ, ᐊᓐᒡ ᑲ ‍ ᑐᑕᒡ ᑕᓐ ᐊ ᐃᓯ ‍ ᓂᑐᐛᔨᒥᑯᒡ ᓄᑕᐎᔭ ᒋᒋᒋᓯᑯᒡ ᐊ ‍ ᑕᔨᒋ ᐊᐅᑯᓐᒡ ᐊᓐᒡ ᒐ ‍ ᐱᒐᒡ᙮”
\p
\v 22 “ᐃᔅᐱ ᐅᑎᒋᐱᔨᒐ ᐊᓐ ᒐᒋᓯᑲᒡ ᒋᓴᒪᓂᑐᐤ ᒐ ‍ ᑎᐸᔅᑯᓇᑦ ᒥᓯᐛ ᐊᐛᔪᐛ, ᒥᒐᑦ ᐊᐛᓐᒋ ᓂᑭ ‍ ᐃᑎᑯᒡ ᐊᓂᔭ ᐊ ‍ ᒋᓯᑲᔨᒡ, ‘ᑕᐸᔨᒋᒐᔨᓐ, ᑕᐸᔨᒋᒐᔨᓐ, ᒋᑦ ᐃᓯᓂᐧᑲᓱᐅᓐ ᓂᒋ ‍ ᐊᐱᒋᑕᓇᓐ ᐊ ‍ ᒋᔅᒋᐛᐃᒐᔭᒡ, ᒋᑦ ᐃᓯᓂᐧᑲᓱᐅᓐ ᑭᔭ ᓂᒋ ‍ ᐊᐱᒋᑕᓇᓐ ᒥᒐᑦ ᒥᒋ ‍ ᐊᒐᐧᑯᒡ ᐊᒋ ‍ ᐱᒋᔅᑯᐛᒡ ᐊᐛᔪᐛ ᒐᒋ ᐎᐎᑎᓴᐅᒋᒡ, ᑭᔭ ᒋᑦ ᐃᓯᓂᐧᑲᓱᐅᓂᒡ ᐅᒡ ᒪᒥᔅᑲᒡ ᒐᒂᔪᐛ ᓂᒋ ‍ ᐃᑐᑕᓇᓐ᙮’
\v 23 ᐊᑯ ᒐ ‍ ᐃᑎᒂᐤ, ‘ᓇᒪ ᓂᑕ ᒋ ᐅᒋ ‍ ᒋᔅᒐᔨᒥᑎᓇᐛᐤ᙮ ᒪᒋᒄ ᓂᑭᓯᒄ ᓇᑕ ᒋᔨᐛᐤ ᑲ ᒥᒋ ‍ ᐃᔪᔭᒄ᙮’ ”
\s1 ᓂᓱ ᐊᐛᓐᒋ ᑲ ‍ ᒥᒋᐛᐱᒐᒡ
\r ᓗᒃ 6.47-49
\p
\v 24 “ᒥᓯᐛ ᑕᑐᐤ ᐊᐛᓐ ᑲ ‍ ᐸᑕᐧᒃ ᓂᑦ ᐃᔨᒧᐅᓂᔪᐤ ᑲ ᐊᑎ ‍ ᐃᑐᑕᐧᒃ ᒪᒃ ᐊᓂᔭ ᑲ ‍ ᐃᔅᒋᔄᐅᒡ, ᒧᔭᒻ ᓇᐸᐤ ᑲ ‍ ᑭᒐᑕᐛᔨᑕᐧᒃ ᐊᓐᑕ ᐊ ‍ ᐸᐸᒋᐱᔅᑲᔨᒡ ᑲ ‍ ᐎᔨᑲᐳᐅᑕᑦ ᒥᒋᐛᐱᔪᐤ ᐃᑕᔨᑕᑯᓱᐤ᙮”
\p
\v 25 “ᐃᔅᐱ ᒪᒃ ᒥᔅᑎ ᒋᒧᓂᔨᒡ, ᒪᒃ ᐃᔅᐱ ᐊ ᐊᑎ ‍ ᐅᑎᒋᐳᑕᔨᒡ ᐛᔅᑲ ᐊᓂᔭ ᐎᒡ ᒪᒃ ᐃᔅᐱ ᒥᔅᑎ ᔪᑎᓂᔨᒡ ᐊᔭᒋᐱᔨᒡ ᐊᓂᔭ ᐎᒡ, ᒥᒄ ᓇᒪ ᐛᐛᒡ ᒋ ‍ ᑯᐱᔪᐤ, ᐛᔅ ᓇᔅᒡ ᑕᑈ ᒋ ‍ ᐊᔨᒋᑲᐳᑕᐤ ᐊᓐᑕ ᐊᓂᔭ ᑲ ‍ ᐸᐸᒋᐱᔅᑲᔨᒡ ᐊᒋ ‍ ᐎᔨᑲᐳᐅᑕᑦ᙮”
\p
\v 26 “ᐊᑯ ᑕᑐᐤ ᐊᐛᓐ ᑲ ‍ ᐸᑕᐧᒃ ᑕᓐ ᐊᓂᔭᔪᐤ ᑲ ‍ ᐃᔅᒋᔄᐅᒡ ᐊᑲ ᒪᒃ ᐃᑐᑕᐧᒃ ᒧᔭᒻ ᐊᐛᓐ ᐊᑲ ᓂᔍᔨᑕᐧᒃ ᐊᓐᑕ ᐃᔭᑲᒡ ᑲ ‍ ᐎᔨᑲᐳᐅᑕᑦ ᐎᒡ ᐊᐅᑯᓐ ᐊ ‍ ᐃᓯᓇᑯᓯᑦ᙮”
\p
\v 27 “ᐃᔅᐱ ᒪᒃ ᒥᔅᑎ ᒋᒧᓂᔨᒡ, ᒪᒃ ᐃᔅᐱ ᐊ ᐊᑎ ‍ ᐅᑎᒋᐳᑕᔨᒡ ᐛᔅᑲ ᐊᓂᔭ ᐎᒡ ᒪᒃ ᐃᔅᐱ ᒥᔅᑎ ᔪᑎᓂᔨᒡ ᐊᔭᒋᐱᔨᒡ ᐊᓂᔭ ᐎᒡ, ᑎᐛᒡ ᑯᐅᐱᔪᐤ ᐊᓂᔭ ᐎᒡ, ᓇᔅᒡ ᓂᓱᐅᓇᑎᓂᔪᐤ ᐊᓂᔭ ᐎᒡ᙮”
\s1 ᒋᓴᔅ ᐅᑭᔅᒋᐅᓐ
\p
\v 28 ᐃᔅᐱ ᒪᒃ ᒋᓴᔅ ᑲᒋ ‍ ᐃᔅᒋᔄᑦ ᐅᔭ ᑕᓐ ᑲ ᐎ ‍ ᐃᔅᒋᔄᑦ, ᒥᓯᐛ ᐊᓂᔭ ᐊᐛᔪᐛ ᓇᔅᒡ ᒋ ‍ ᒥᔅᑲᑕᔨᑎᒥᑯᔪᐛ ᐊᓂᔭ ᑲ ᐃᓯ ‍ ᒋᔅᑯᑎᒪᒐᑦ᙮
\p
\v 29 ᐛᔅ ᐊ ‍ ᒋᔅᑯᑎᒪᒐᑦ ᓇᒪ ᐅᒋ ᐃᑕᔨᑕᑯᓱᐤ ᐊ ‍ ᐃᑕᔨᑕᑯᓯᔨᒋ ᐊᓂᔭ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ᙮ ᐛᔅ ᐎᔾ ᒋᔅᑯᑎᒪᒐᐤ ᑕᐱᔅᑯᓐ ᐊᐛᓐ ᐊ ‍ ᐊᔭᑦ ᑭᔅᒋᐅᓂᔪᐤ᙮
\c 8
\s1 ᒋᓴᔅ ᑲ ‍ ᒥᓏᒋᐊᑦ ᓇᐸᐛ ᑲ ‍ ᐅᒥᒋᐛᔅᐱᓇᔨᒋ
\r ᒪᕐᒃ 1.40-45; ᓗᒃ 5.12-16
\p
\v 1 ᐃᔅᐱ ᒪᒃ ᒋᓴᔅ ᐱᔭᒋ ‍ ᓂᑕᒥᒋᐛᑦ ᐱᔅᑯᑎᓇᔪᐤ, ᒥᒐᑦ ᐊᐛᔪᐛ ᒋ ‍ ᓇᓴᐅᑯᐤ᙮
\v 2 ᒋ ᐸᒋ ‍ ᓇᑎᑯᐤ ᓇᐸᐛ ᑲ ‍ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᔭᔨᒋ, ᒂ ‍ ᐅᒋᒋᐧᑯᓂᐱᔪᐅᔨᒋ ᐊᓐᑕ ᐅᑎᔅᑯᐤ ᐊ ‍ ᑕᑦ, ᐊᑯ ᐊᑎᑯᑦ, “ᐅᑎᐸᔨᒋᒐᐤ, ᐎ ᐸᒋ ᐎᒋᐃᔨᓇ, ᒋᑭ ᒋ ‍ ᐃᑐᑕᓐ ᒐᒋ ᐸᔭᒋᓯᔭᓐ᙮”
\p
\v 3 ᒋᓴᔅ ᒪᒃ ᒋ ‍ ᓱᐅᓂᔅᒐᔪᐤ, ᒋ ‍ ᑕᒋᓇᐤ ᐊ ‍ ᐃᑕᑦ, “ᒋ ᐎ ‍ ᐎᒋᐃᑎᓐ᙮ ᐸᔭᒋᓯ ᒪᒃ᙮” ᑎᐛᒡ ᒪᒃ ᒋ ‍ ᒥᓏᑎᓯᐤ ᐊᓐ ᓇᐸᐤ ᐊᓂᔭ ᑲ ‍ ᐃᑕᐧᑯᓯᑦ᙮
\v 4 ᐊᑯ ᒋᓴᔅ ᐊᑕᑦ, “ᐊᑲᐎᔾ ᐊᐛᓐ ᒋᑭ ᐅᒋ ‍ ᐎᑎᒧᐛᐤ ᑕᓐ ᑲ ‍ ᐃᔅᐱᔨᓐ, ᔅᑐᑕ ᒪᒃ, ᑎᐛᒡ ᓂᑐᐛᐱᒻ ᐊᔭᒥᐊᐅᒋᒪᐤ ᓇᔅᒡ ᒐ ᓇᓂᑐ ‍ ᒋᔅᒐᔨᒥᔅᒃ᙮ ᐊᑯ ᒐ ‍ ᐱᔅᑎᓂᒥᓐ ᐊᓐ ᒥᔨᐛᐅᓐ ᒋᐸ ‍ ᐱᔅᑎᓇᓐ ᐊᓂᔭ ᒧᓱᔅ ᑲ ‍ ᐃᑎᓱᐛᑦ ᒋᐸ ‍ ᐱᔅᑎᓇᑭᓄᐅᔪᐤ᙮ ᐊᑯᑕ ᒐ ᐅᒋ ‍ ᐛᐸᑎᔨᐛᔨᓐ ᑕᑈ ᐊᑯ ᐊ ‍ ᒥᓏᑎᓯᔨᓐ᙮”
\s1 ᒋᓴᔅ ᑲ ‍ ᒥᓏᒋᐃᒪᑦ ᐊᓯᒪᑭᓂᓴ ᑲ ‍ ᓂᑲᓂᔅᑯᐛᔨᒋ ᐅᑦ ᐊᐱᒋᐊᑭᓂᔪᐛ
\r ᓗᒃ 7.1-10
\p
\v 5 ᐃᔅᐱ ᒋᓴᔅ ᑕᑯᓯᐧᒃ ᐊᓐᑕ ᑲᐳᕐᓇᐊᒥᒡ, ᒋ ‍ ᓇᑎᑯᐤ ᓇᐸᐛ ᑲ ‍ ᓂᑲᓂᔅᑯᐛᔨᒋ ᐊᓯᒪᑭᓂᓴ ᐊ ‍ ᐱᑯᓴᔨᒥᑯᑦ ᒐᒋ ᐎᒋᐊᑦ᙮
\v 6 ᐊ ‍ ᐃᑎᑯᑦ, “ᐅᑎᐸᔨᒋᒐᐤ, ᓂᑦ ᐊᐱᒋᐊᑭᓐ ᐱᒥᓯᓐ ᓂᒋᒡ ᐊᐧᑯᓯᑦ ᐊᑲ ᒋ ‍ ᐊᑎᓂᓱᑦ ᑭᔭ ᓇᔅᒡ ᐊ ‍ ᐛᐎᓯᒐᔨᑎᒥᐃᑯᑦ᙮”
\p
\v 7 ᐊᑯ ᒋᓴᔅ ᐊᑕᑦ, “ᓂᑭ ᐸᒋ ‍ ᒥᓏᒋᐊᐤ᙮”
\p
\v 8 ᐊᑯ ᐊᓯᒪᑭᓂᓯᐤ ᐅᒋᒪᐤ ᐊᑕᑦ ᐊᓂᔭ ᒋᓴᓴ, “ᐅᑎᐸᔨᒋᒐᐤ, ᓇᒪ ᓂ ‍ ᒋᔅᑕᔨᑕᑯᓯᓐ ᒐᒋ ᐸᒋ ‍ ᐱᒐᔨᓐ ᓂᒋᒡ᙮ ᒥᒄ ᒪᒃ ᐃᔅᒋᔄ ᒐᒋ ᒥᓏᑎᓯᑦ, ᐊᑯ ᑭᔭ ᒐ ‍ ᒥᓏᑎᓯᑦ ᓂᑦ ᐊᐱᒋᐊᑭᓐ᙮
\v 9 ᓂᔾ ᑭᔭ ᑕᐅᒡ ᓄᒋᒪᒥᒡ ᐊ ‍ ᐱᓯᒋᐃᒂᐤ᙮ ᑭᔭ ᑕᐅᒡ ᐊᓯᒪᑭᓂᓯᒡ ᓂᔾ ᐊ ‍ ᐛᐎᓱᒥᒂᐤ᙮ ᐊ ‍ ᐃᑎᒃ ᒪᒃ ᐸᐃᒄ ᐊᓯᒪᑭᓂᔅ ‘ᓇᑕ ᐃᑐᑕ,’ ᑎᐛᒡ ᐊᑯᑕ ᐊ ‍ ᐃᑐᑕᑦ ᑭᔭ ᑯᑎᒃ ᒪᒃ ᐊ ‍ ᐃᑎᒃ, ‘ᐊᔅᑎᒻ,’ ᑎᐛᒡ ᑎᑯᓯᓄᐤ᙮ ᐊᑯ ᑭᔭ ᐊ ‍ ᐃᑎᒃ ᓂᑦ ᐊᐱᒋᐊᑭᓐ ‘ᐅ ᒪ ᐃᑐᑕ,’ ᐊᔪᐅᒄ ᐊᓂᔭ ᐊ ‍ ᐃᑐᑕᐧᒃ᙮”
\p
\v 10 ᐃᔅᐱ ᒪᒃ ᒋᓴᔅ ᐱᔭᑐᐛᑦ ᐅᔭ ᐊ ‍ ᐃᔅᒋᔄᔨᒋ ᓇᔅᒡ ᑕᑈ ᒋ ‍ ᒥᔅᑲᑕᔨᑎᒥᐃᑯᐤ ᐅᑕᑈᑎᒧᐅᓂᔪᐤ᙮ ᐊᑯ ᐊᑕᑦ ᐊᓂᔭ ᐊᐛᔪᐛ ᑲ ‍ ᐎᒐᐅᑯᑦ, “ᑕᑈ ᒋᑦ ᐃᑎᓇᐛᐤ, ᓇᒪᐎᔾ ᐛᐛᒡ ᐅᑕ ᐃᔅᕋᐃᓕᒡ ᓂ ᐅᒋ ‍ ᐛᐱᒪᐤ ᐊᐛᓐ ᐊᔅᐱᔅ ᓱᒋᑕᑈᑕᐧᒃ᙮
\v 11 ᒋ ‍ ᐎᑎᒪᑎᓇᐛᐤ ᒪᒃ, ᒥᒐᑦ ᐊᐛᓐᒋ ᐊᓐᒡ ᑲ ‍ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᐊᑎᑦ ᐅ ᓇᐸᐤ, ᐛᐱᓄᑕᒡ ᑭᔭ ᐊᑎᒪᐱᓯᒧᒡ ᒋᑭ ‍ ᐅᑐᑕᐅᒡ ᒐ ‍ ᐎᑎᐱᒪᒡ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᒥᒋᓱᓇᓄᔨᒐ ᒋᒋᒋᓯᒄ ᒋᓴᐅᒋᒪᐅᓂᒡ᙮
\v 12 ᒥᒄ ᒪᒃ ᐊᓐᒡ ᑲ ‍ ᒥᓯᓇᓱᒡ ᒋᓴᐅᒋᒪᐅᓂᒡ ᒋᐸ ᐃᓯ ‍ ᐎᒋᐃᐛᐱᓐᒡ ᓇᒪ ᒋᑭ ᐅᒋ ‍ ᐱᑎᑲᐊᑭᓄᐅᒡ ᐊᓐᑕ᙮ ᐅᓂᑎᐱᔅᒋᓯᐅᓂᒡ ᒋᑭ ᐃᓯ ‍ ᐛᐱᓇᑭᓄᐎᒡ, ᐊᑯᑕ ᐊᓐᑕ ᒐ ‍ ᒪᒡ ᑭᔭ ᒐ ‍ ᒪᒥᑕᔭᐱᑕᓯᓂᒡ᙮”
\p
\v 13 ᐊᑯ ᒋᓴᔅ ᐊᑕᑦ ᐊᓂᔭ ᐊᓯᒪᑭᓂᓯᐤ ᐅᒋᒪᐛ, “ᒋᐛ, ᐛᔅ ᑕᓐ ᑲ ᐃᓯ ‍ ᑕᑈᑎᒥᓐ ᐊᑯᓐ ᒐ ᐃᓯ ‍ ᐃᑐᑎᒪᑯᔨᓐ᙮” ᒪᒂᒡ ᒪᒃ ᐊᓂᔭ ᑲ ‍ ᐃᑕᑦ ᐊᓯᒪᑭᓂᓴ, ᐊᑯᑕ ᒧᔭᒻ ᐊᓂᔭ ᑎᐸᐃᑭᓂᔪᐤ ᑲ ‍ ᒥᓏᑎᓯᔨᒋ ᐊᓂᔭ ᐅᑦ ᐊᐱᒋᐊᑭᓇ ᐊᓐ ᐊᓯᒪᑭᓂᓯᐤ ᐅᒋᒪᐤ᙮
\s1 ᒋᓴᔅ ᒥᓏᒋᐊᐤ ᒥᒐᑦ ᐊᐛᔪᐛ
\r ᒪᕐᒃ 1.29-34; ᓗᒃ 4.38-41
\p
\v 14 ᐊᑯ ᒋᓴᔅ ᒂ ‍ ᐃᑐᑕᑦ ᐊᓐᑕ ᐱᑕᕋ ᐎᒋᔨᒡ, ᒋ ‍ ᐛᐱᒥᒪᐤ ᐊᓂᔭ ᐱᑕᕋ ᐅᓯᑯᓯᔪᐛ ᓂᐸᐅᓂᒡ ᐊ ‍ ᐱᒥᓯᓂᔨᒋ ᐊ ‍ ᒋᓯᑕᐅᐱᔨᒋ᙮
\v 15 ᐊᑯ ᒋᓴᔅ ᐛᑎᓂᒺᑦ ᐊᓂᔭ ᐃᔎᐛ ᐅᑎᒋᔪᐤ, ᑎᐛᒡ ᒋ ‍ ᓂᑯᑎᑯᔪᐛ ᐊᓂᔭ ᑲ ‍ ᒋᓯᑕᐅᐱᔨᒋ, ᒂ ᐊᑎ ‍ ᐅᓂᔨᒋ ᑭᔭ ᒂ ᐊᑎ ‍ ᐃᑐᑕᑯᑦ ᒋᓴᔅ᙮
\p
\v 16 ᐃᔅᐱ ᒪᒃ ᐊ ᐊᑎ ‍ ᐅᑕᑯᓯᔨᒡ, ᐊᑯ ᐃᔪᒡ ᐱᔭᑐᐛᒡ ᒋᓴᓴ ᒥᒐᑦ ᐊᐛᔪᐛ ᑲ ‍ ᐱᒋᔅᑲᑯᔨᒋ ᒥᒋ ‍ ᐊᒐᒂ᙮ ᒋᓴᔅ ᒪᒃ ᒋ ‍ ᐎᐎᑎᓴᐛᐤ ᒥᒋ ‍ ᐊᒐᒂ ᑲ ‍ ᐱᒋᔅᑲᑯᔨᒋ ᐃᔪᐛ ᐅᑦ ᐃᔨᒧᐅᓐ ᐅᒡ ᑭᔭ ᒥᓯᐛ ᒋ ‍ ᒥᓏᒋᐊᐤ ᐊᓂᔭ ᑲ ‍ ᐊᐧᑯᓯᔨᒋ᙮
\v 17 ᒋ ‍ ᐃᑐᑎᒧᐛᐤ ᐃᔪᐛ ᐅᔭ ᒐᒂᓇ ᐊᑯ ᒪᒃ ᒐᒋ ᐃᔅᐱᔨᒡ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᓂᑲᓐ ᑕᓐ ᑲ ᐃᓯ ‍ ᐎᑎᒧᒂ ᒐ ‍ ᐃᔅᐱᔨᒡ ᑲ ‍ ᐃᔅᒋᔄᑦ,
\q ᔅᒋ ‍ ᒥᓏᒋᐃᑯᓄᐤ ᑭᔭ ᒋ ‍ ᐃᒐᓂᒻ ᒥᓯᐛ ᓂᓇᐧᑯᐤ ᒋᑦ ᐊᐧᑯᓱᐅᓄᐛ᙮
\s1 ᒋᓴᔅ ᑲ ‍ ᐎᑕᐧᒃ ᑕᓐ ᐊ ‍ ᐃᑕᔨᑕᑯᓂᔨᒡ ᐊ ‍ ᓇᓴᐛᑭᓄᐅᑦ
\r ᓗᒃ 9.57-62
\p
\v 18 ᐃᔅᐱ ᒪᒃ ᒋᓴᔅ ᐎᔭᐱᒪᑦ ᒥᒐᑦ ᐊᐛᔪᐛ ᐊ ‍ ᐛᔅᑲᑲᐳᔅᑕᑯᑦ, ᐊᑯ ᐊ ‍ ᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ ᓇᑕ ᒂᔅᑕᒐᑲᒻ ᓴᑲᐃᑭᓂᔪᐤ ᒐᒋ ᐃᑕᐅᔨᑯᑦ᙮
\v 19 ᐊᔅᒄ ᒪᒃ ᐊᑲ ᐅᒋ ᒧᓴᐛᐊᒡ ᐸᐃᒄ ᒪᒃ ᑲ ‍ ᒋᔅᑯᑎᒪᒐᔨᒋ ᐎᓱᐛᐅᓂᔪᐤ ᒋ ᐸᒋ ‍ ᓇᑎᑯᐤ ᒋᓴᔅ ᑭᔭ ᐊᑎᑯᑦ “ᒋᔅᑯᑎᒪᒐᓱᐤ, ᒋᑭ ‍ ᓇᓴᐅᑎᓐ ᒥᒄ ᐊᓐᑕ ᒐ ‍ ᐃᑐᑕᐅᓇ᙮”
\p
\v 20 ᐊᑯ ᒋᓴᔅ ᐊᑕᑦ, “ᒪᒐᓱᐅᒡ ᑎᑯᓂᔪᐛ ᐅᐛᑎᑯᐛᐛ, ᐱᔭᓯᓯᒡ ᑭᔭ ᑎᑯᓂᔪᐛ ᐅᔅᑎᓄᐛᐛ, ᒥᒄ ᒪᒃ ᐃᔪᐤ ᐅᑯᓯᓴᓐ ᓇᒪ ᐊᔭᐤ ᐊᓐᑕ ᒐᒋ ᐛᐛᔨᓯᓐᑦ ᒐᒋ ᐊᔅᑕᔭᔅᑯᓯᑦ᙮”
\p
\v 21 ᑯᑎᒃ ᒪᒃ ᓇᐸᐤ ᐊ ‍ ᓇᓴᐛᑦ ᒋᓴᓴ ᒋ ‍ ᐃᑕᐤ, “ᐅᑎᐸᔨᒋᒐᐤ, ᓇᐊᔨᒥ ᓂᔅᑎᒻ ᒐᒋ ᓇᐃᐧᑯᐅᒃ ᓄᑕᐎᔾ ᑲ ‍ ᐳᓂᐱᒪᑎᓯᑦ ᐊᑯ ᒪᒃ ᐃᔭᒄ ᒐ ‍ ᐎᒐᐅᑕᓐ᙮”
\p
\v 22 ᐊᑯ ᒋᓴᔅ ᐊᑕᑦ, “ᐸᒋ ᓇᓴᐎ᙮ ᐊᑯᔅ ᐊᓐᒡ ᒧᔭᒻ ᐊ ‍ ᓂᐱᒡ ᑲ ‍ ᐃᑕᔨᑕᑯᓯᒡ ᐊᐛᓐᒋ ᒋᑭ ‍ ᓇᐃᐧᑯᐛᐅᒡ ᐊᓂᔭ ᑲ ‍ ᓂᐱᔨᒋ ᐅᑦ ᐃᔨᒧᐛᐛ᙮”
\s1 ᒋᓴᔅ ᑲ ‍ ᐎᓱᐛᑕᐧᒃ ᐊ ‍ ᔪᑎᓂᔨᒡ ᑭᔭ ᑭᔅᑭᓇ
\r ᒪᕐᒃ 4.35-41; ᓗᒃ 8.22-25
\p
\v 23 ᐃᔅᐱ ᒋᓴᔅ ᑲ ‍ ᐳᓯᑦ ᐅᐤᑎᔪᐤ, ᐅᒋᔅᒋᓄᐊᒧᐛᑭᓇ ᒋ ‍ ᐎᒐᐅᑯᐤ᙮
\v 24 ᒐᒃ ᓯᔅᒋᑯᒡ ᑲ ᒥᔅᑎ ‍ ᔪᑎᓂᔨᒡ ᐊᓐᑕ ᓴᑲᐃᑭᓂᒡ, ᒋ ‍ ᑯᔅᑎᑯᓂᔪᐤ ᒪᒃ ᒐᒋ ᑯᓴᐸᔭᐊᓂᔨᒡ ᐊᓂᔭ ᐅᑦ ᐅᐤᑐᐛᐤ᙮ ᒋ ‍ ᓂᐸᐤ ᒪᒃ ᐎᔾ ᒋᓴᔅ᙮
\v 25 ᒐᒃ ᐊᓐᒡ ᒋᔅᒋᓄᐊᒧᐛᑭᓐᒡ ᑲ ‍ ᐸᑯᓇᒡ ᒋᓴᓴ ᐊ ‍ ᐃᑕᒡ, “ᐅᑎᐸᔨᒋᒐᐤ, ᐸᒋ ᐎᒋᐃᓇᓐ, ᓴᔅ ᓂᑭ ‍ ᓂᓱᐅᓇᑎᓯᓇᓐ᙮”
\p
\v 26 ᐊᑯ ᒋᓴᔅ ᐊᑕᑦ, “ᒐᒂᓐ ᐛᒋ ‍ ᓇᔅᒡ ᑯᔅᑕᒋᔭᒄ, ᐅ ᒋᔨᐛᐤ ᑕᑈ ᐊᐱᓴᓯᒡ ᒋᑕᑈᑎᒧᐅᓄᐛᐤ ?” ᐊᑯ ᐛᓂᑦ ᒂ ‍ ᐃᑎᓱᐛᑕᐧᒃ ᐊᓂᔭ ᐊ ‍ ᔪᑎᓂᔨᒡ ᒐᒋ ᐳᓂᐱᔨᒡ ᑭᔭ ᐊᓂᔭ ᑭᔅᑭᓇ ᐊ ‍ ᐃᑕᑦ, “ᒋᔭᒥᓯᒄ᙮” ᑎᐛᒡ ᒪᒃ ᒋ ᐅᒋ ‍ ᐃᔽᔅᑎᓂᔪᐤ᙮
\p
\v 27 ᒥᓯᐛ ᒪᒃ ᐊᓐᒡ ᓇᐸᐅᒡ ᒋ ‍ ᒪᒥᔅᑲᑕᔨᑎᒧᒡ ᐊ ‍ ᐃᔅᒋᔄᒡ, “ᐊᐛᓐ ᐅ ᐛᐛᒡ ᐊ ‍ ᔪᑎᓂᔨᒡ ᑭᔭ ᑭᔅᑭᓇ ᐊ ‍ ᐱᓯᒋᐃᑯᑦ ?”
\s1 ᒋᓴᔅ ᒥᓏᒋᐊᐤ ᓂᓱ ᓇᐸᐛ ᑲ ‍ ᐱᒋᔅᑲᑯᔨᒋ ᒥᒋ ‍ ᐊᒐᒂ
\r ᒪᕐᒃ 5.1-20; ᓗᒃ 8.26-39
\p
\v 28 ᐃᔅᐱ ᒪᒃ ᒋᓴᔅ ᒪᓯᑲᒡ ᒂᔅᑕᒐᑲᒻ ᐊᓂᔭ ᓴᑲᐃᑭᓂᔪᐤ ᐊᓐᑕ ᑲᕋᓯᓐ ᐊᔅᒋᒡ, ᒋ ‍ ᓂᒋᔅᑲᑯᐤ ᓂᓱ ᓇᐸᐛ ᐊ ‍ ᐱᒋᔅᑲᑯᔨᒋ ᒥᒋ ‍ ᐊᒐᒂ ᐊᓐᑕ ᓂᒂᔅᑲᓂᒋᐛᐱᒡ ᐊ ‍ ᐅᑐᑕᔨᒋ᙮ ᓇᒪ ᐛᐛᒡ ᐊᐛᔪᐛ ᐅᒋ ᐱᒧᑕᔪᐛ ᐊᓐᑕ ᐊᓂᔭ ᒪᔅᑭᓇᔪᐤ ᑲ ‍ ᐃᔅᐱᔅ ᐊᒂᑎᓯᒡ ᐅᒡ ᓇᐸᐅᒡ᙮
\v 29 ᐃᔅᐱ ᒪᒃ ᐎᔭᐱᒥᑯᑦ ᒋᓴᔅ ᐊᓂᔭᔪᐛ ᓇᐸᐛ ᑎᐛᒡ ᒋ ᐅᒋ ‍ ᐊᓯᒂᔪᐛ ᐊ ‍ ᐃᔅᒋᔄᔨᒋ, “ᒋᓴᔅ, ᑕᓐ ᐛᑐᑐᐅᔭᒡ, ᒋᔾ ᒋᓴᒪᓂᑐᐤ ᐅᑯᓴ, ᓴᔅ ᐊ ᒋ ᐎ ᐸᒋ ‍ ᐛᐎᓯᒐᔨᑎᒥᐃᓇᓐ ᐊᔅᒄ ᐊᑲ ᒪᒃ ᐅᑎᒋᐱᔨᒡ ᒐ ‍ ᐛᐎᓯᒐᔨᑎᒧᐛᐅᒋᐱᓇ ?”
\p
\v 30 ᐊᓐᑕ ᒪᒃ ᐊᓂᔭ ᑲ ‍ ᑕᒡ ᓇᒪ ᐛᔪᐤ ᐊᓐᑕ ᒋ ‍ ᑕᐅᒡ ᐊ ‍ ᒥᒐᑎᒡ ᑯᐧᑯᓯᒡ ᐊ ‍ ᒥᒋᓱᒡ᙮
\v 31 ᐊᑯ ᐊᓐᒡ ᒥᒋ ‍ ᐊᒐᐧᑯᒡ ᓇᔅᒡ ᓱᒃ ᒋ ‍ ᓂᑐᑎᒧᐛᐅᒡ ᒋᓴᓴ ᐊ ‍ ᐃᑕᒡ, “ᐃᔅᐱ ᐛ ᐎᐎᑎᓴᐛᐅᒐ, ᓇᑕ ᐃᑎᓴᐅᓇᓐ ᑯᐧᑯᓯᒡ ᒐᒋ ᐱᒋᔅᑯᐅᒋᒡ᙮”
\p
\v 32 ᐊᑯ ᒋᓴᔅ ᐊᑕᑦ, “ᒪᒋᒄ᙮” ᐃᔅᐱ ᒪᒃ ᑲ ‍ ᐎᐎᒡ ᐊᓐᒡ ᒥᒋ ‍ ᐊᒐᐧᑯᒡ ᐊᓐᑕ ᐊᓂᔭ ᐅᒋ ᓂᓱ ᓇᐸᐛ ᐊ ‍ ᑕᔨᒋ ᐊᑯ ᒂ ‍ ᐊᓱᐱᒋᔅᑯᐛᒡ ᐊᓂᔭ ᑯᐧᑯᓴ᙮ ᐊᑯ ᐊᓐᒡ ᑯᐧᑯᓯᒡ ᒂ ‍ ᔭᒥᑕᐅᒋᐸᔨᑐᒡ ᐊᓐᑕ ᓴᑲᐃᑭᓂᒡ ᐃᔅ ᑭᔭ ᒂ ‍ ᓂᔅᑕᐸᐛᒡ᙮
\p
\v 33 ᐃᔅᐱ ᒪᒃ ᐊᓐᒡ ᑲ ‍ ᑭᓄᐛᔨᒪᒡ ᐊᓂᔭ ᑯᐧᑯᓴ ᑲ ‍ ᐛᐸᑕᒡ ᑕᓐ ᑲ ‍ ᐃᔅᐱᔨᒡ ᒋ ‍ ᒋᑎᓯᒧᐅᒡ, ᐅᑕᓇᒡ ᐃᔅ ᒪᒃ ᒋ ‍ ᐃᑐᑕᐅᒡ ᒋ ‍ ᐎᑎᒧᒡ ᒥᓯᐛ ᑕᓐ ᑲ ‍ ᐃᔅᐱᔨᒋ ᐊᓂᔭ ᓂᓱ ᓇᐸᐛ ᑲ ‍ ᐱᒋᔅᑲᑯᔨᒋ ᒥᒋ ‍ ᐊᒐᒂ᙮
\v 34 ᓇᓇᒐᓯᔅ ᒪᒃ ᒥᓯᐛ ᐊᐛᓐᒋ ᐊᓐᑕ ᐅᑕᓇᒡ ᑲ ‍ ᑕᒡ ᒋ ‍ ᓂᑐᐛᐱᒪᐅᒡ ᒋᓴᓴ᙮ ᐃᔅᐱ ᒪᒃ ᐎᔭᐱᒪᒡ ᒋ ‍ ᓯᒋᒪᐅᒡ ᒐᒋ ᓂᑭᑎᒥᔨᒋ ᐅᑦ ᐊᔅᒋᐛᐤ᙮
\c 9
\s1 ᒋᓴᔅ ᑲ ‍ ᒥᓏᒋᐊᑦ ᐊᑲ ᐊᒋᔨᒋ ᓇᐸᐛ
\r ᒪᕐᒃ 2.1-12; ᓗᒃ 5.17-26
\p
\v 1 ᐊᑯ ᒋᓴᔅ ᑈᓯᑦ ᐅᐤᑎᔪᐤ ᒂ ‍ ᐊᓱᐊᒡ ᐊᓂᔭ ᓴᑲᐃᑭᓂᔪᐤ, ᐊᓐᑕ ᐅᑕᓇᔪᐤ ᑲ ‍ ᐎᒋᑦ ᐊᑯᑕ ᑲ ‍ ᐃᔅᒋᒪᒡ᙮
\v 2 ᐃᔪᒡ ᒪᒃ ᒋ ‍ ᐸᑐᐛᐅᒡ ᒋᓴᓴ ᐊᑲ ᐊᒋᔨᒋ ᓇᐸᐛ ᓂᐸᐅᓂᒡ ᐊ ‍ ᐱᒥᓯᓂᔨᒋ᙮ ᐃᔅᐱ ᒋᓴᔅ ᒐᔅᒐᔨᑎᒺᑦ ᐊᔅᐱᔅ ᒥᔅᑎ ᑕᑈᔭᔨᑎᒥᔨᒋ ᐃᔪᐛ ᒋ ‍ ᐃᑕᐤ ᐊᓂᔭ ᓇᐸᐛ, “ᒧᒋᒐᔨᑕ ᓂᑯᓴ, ᒋ ‍ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮”
\p
\v 3 ᐊᑯ ᐊᓐᒡ ᐊᓐᑕ ᑲ ‍ ᑕᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᒋ ‍ ᐃᑎᑎᓱᐅᒡ, “ᐸᔅᑕᒧᐤ ᐅ ᓇᐸᐤ᙮”
\p
\v 4 ᒋᓴᔅ ᒪᒃ ᒋᔅᒐᔨᒪᐤ ᑕᓐ ᐊ ᐃᓯ ‍ ᒪᒥᑐᓇᔨᑎᒥᔨᒋ ᐊᑯ ᐊᑕᑦ, “ᑕᓇᒡ ᐛᒋ ‍ ᒥᒋ ‍ ᒪᒥᑐᓇᔨᑎᒪᒄ ᒋᑕᐃᐛᒡ ?
\v 5 ᑕᓐ ᐊᔪᐛᒃ ᐛᒋ ‍ ᐛᑎᒡ ᒐᒋ ᐃᔅᒋᔄᔭᓐ, ‘ᒋ ‍ ᐛᐸᔨᑎᒪᑯᐅᓐ ᒋᒥᒋᑥᐅᓇ,’ ᑭᔭ ᒪᒃ ᒐᒋ ᐃᓇᓄᐅᒡ, ‘ᐱᓯᑯ, ᐱᒧᑕ ᒪᒃ’ ?
\v 6 ᒥᒄ ᒋᑭ ‍ ᐛᐸᑎᔨᑎᓇᐛᐤ ᐃᔪᐤ ᐅᑯᓯᓴᓐ ᑕᑈ ᐎᔾ ᐊᔭᑦ ᑎᐸᔨᒋᒐᐅᓂᔪᐤ ᐅᑕ ᐊᔅᒋᒡ ᒐᒋ ᐛᐸᔨᑎᒪᒐᑦ ᒥᒋᑥᐅᓇ,” ᐊᑯ ᐊᑕᑦ ᐊᓂᔭ ᐊᑲ ᐊᒋᔨᒋ ᓇᐸᐛ, “ᐱᓯᑯ, ᐅᑎᓇ ᒋᑦ ᐊᔅᐱᓯᒧᓐ, ᒐ ‍ ᒋᐛᔨᓐ᙮”
\p
\v 7 ᒋ ‍ ᐱᓯᑯᐤ ᒪᒃ ᐊᓐ ᓇᐸᐤ, ᑭᔭ ᒂ ‍ ᒋᐛᑦ᙮
\v 8 ᐃᔅᐱ ᒪᒃ ᐊᓐᒡ ᐃᔪᒡ ᐊᓐᑕ ᑲ ‍ ᑕᒡ ᒋ ‍ ᒥᔅᑲᑕᔭᔨᑎᒧᒡ ᐎᔭᐸᑕᒡ ᑕᓐ ᑲ ‍ ᐃᔅᐱᔨᒡ ᑭᔭ ᒋ ‍ ᒪᒥᒋᒪᐅᒡ ᒋᓴᒪᓂᑐᐛ ᐊᒋ ‍ ᒥᔭᔨᒋ ᐃᔪᐛ ᐅᔭ ᐃᓯ ᑭᔅᒋᐅᓂᔪᐤ᙮
\s1 ᒋᓴᔅ ᑲ ‍ ᐎᓴᒪᑦ ᒪᑎᔪᐛ ᒐᒋ ᓇᓴᐅᑯᑦ
\r ᒪᕐᒃ 2.13-17; ᓗᒃ 5.27-32
\s2 Matthew 9.9-13; 18-26 (Proper-5 Year A)
\p
\v 9 ᐊᑯ ᒋᓴᔅ ᒂ ‍ ᔅᑐᑕᑦ ᐊᓐᑕ ᐅᒋ, ᒪᒂᒡ ᒪᒃ ᐊ ᐊᑎ ‍ ᐱᒧᑕᑦ, ᒋ ‍ ᐛᐱᒪᐤ ᓇᐸᐛ ᐊᐱᔨᒋ ᒥᓯᓇᐃᒐᐅᒋᐛᐱᒡ ᒪᑎᔪᐤ ᐊ ‍ ᐃᓯᓂᐧᑲᓱᔨᒋ, ᒋᓴᐅᒋᒪᐤ ᓱᓇᔭᔪᐤ ᑲ ‍ ᒪᒧᓴᒋᓂᒥᔨᒋ ᐊᒋ ‍ ᐃᑕᐱᑎᓯᔨᒋ᙮ ᐊᑯ ᒋᓴᔅ ᐊᑕᑦ, “ᐸᒋ ᓇᓴᐎ᙮” ᐊᑯ ᒪᑎᔪᐤ ᒂ ‍ ᐱᓯᑯᑦ, ᒂ ᐊᑎ ‍ ᐎᒐᐛᑦ ᒋᓴᓴ᙮
\p
\v 10 ᒪᒂᒡ ᒪᒃ ᒋᓴᔅ ᑲ ‍ ᒥᒋᓱᑦ ᐊᓐᑕ ᒪᑎᔪᐛ ᐎᒋᔨᒡ, ᒥᒐᑦ ᑯᑎᑭᒡ ᒋᓴᐅᒋᒪᐤ ᓱᓇᔭᔪᐤ ᑲ ‍ ᒪᒧᓴᒋᓇᒡ ᑲ ‍ ᐃᑕᐱᑎᓯᒡ ᑭᔭ ᑯᑎᑭᒡ ᐊᐛᓐᒋ ᑲ ‍ ᒥᒐᑎᓯᒡ ᒋᐸ ᒋ ‍ ᑎᑯᓯᓄᐅᒡ ᑭᔭ ᒂ ‍ ᐎᒋᒥᒋᓱᒪᒡ ᒋᓴᓴ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓂᔪᐛ᙮
\v 11 ᐱᔅᒐ ᒪᒃ ᐸᕆᓯᔨᒡ ᒋ ‍ ᐛᐱᒪᐅᒡ ᐅᔭ ᐊᑯ ᒂ ‍ ᐃᑕᒡ ᐊᓂᔭ ᒋᔅᒋᓄᐊᒧᐛᑭᓇ, “ᒐᒂᓂᔪᐤ ᐛᒋ ‍ ᐎᒋᒥᒋᓱᒪᑦ ᒋ ‍ ᑲᒋᔅᑯᑎᒪᒐᓯᒧᐛᐤ ᐊᓂᔭᔪᐛ ᒋᓴᐅᒋᒪᐤ ᓱᓇᔭᔪᐤ ᑲ ‍ ᒪᒧᓴᒋᓂᒥᔨᒋ ᑭᔭ ᐊᓂᔭᔪᐛ ᑲ ‍ ᒥᒐᑎᓯᔨᒋ ?”
\p
\v 12 ᒋᓴᔅ ᒪᒃ ᒋ ‍ ᐸᑐᐛᐤ ᐅᔭ ᑲ ‍ ᐃᔅᒋᔄᔨᒋ ᐊᑯ ᐊᑕᑦ, “ᓇᒪ ᓂᑐᐛᔨᒪᐅᒡ ᓂᑐᐧᑯᐃᔨᓴ ᐊᓐᒡ ᐊᐛᓐᒋ ᐊᑲ ᐊᐧᑯᓯᒡ, ᒥᒄ ᐊᓐᒡ ᑲ ‍ ᐊᐧᑯᓯᒡ᙮
\v 13 ᓇᓂᑐ ᒋᔅᒐᔨᑎᒧᒄ ᒪ ᑲ ‍ ᐃᑎᔅᑕᒡ ᒋᒋᒥᓯᓇᐃᒐᐅᓐ, ‘ᒋᓴᐛᑎᓯᐅᓐ ᐊᐅᒄ ᓇᑐᐛᔨᑎᒪᓐ, ᓇᒪᔭᐤ ᐊ ‍ ᒥᑐᔅᑕᐊᒪᓄᐅᒡ ᒐᒂᓐ᙮’ ᓇᒪᔭᐤ ᐅᒡ ᑲ ‍ ᑯᐃᔅᑯᑕᑎᓯᒡ ᐛᒋ ‍ ᑎᑯᓯᓂᔭᓐ᙮ ᓂᒋ ‍ ᑎᑯᓯᓐ ᒐᒋ ᐎᓴᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”
\s1 ᐊᑲ ᐅᑎᓇᐧᒃ ᐊᐛᓐ ᒥᒋᒥᔪᐤ ᒥᒄ ᒐᒋ ᐊᔭᒥᐊᑦ
\r ᒪᕐᒃ 2.18-22; ᓗᒃ 5.33-39
\p
\v 14 ᐊᑯ ᒠᓐ ᐅᓯᑲᐃᑕᒐᐤ ᐅᒋᔅᒋᓄᐊᒧᐛᑭᓇ ᑲ ᐸᒋ ‍ ᓂᑐᐛᐱᒪᒡ ᐊᓂᔭ ᒋᓴᓴ ᐊᑯ ᐊᑕᒡ, “ᐊᓯᑯᒻ ᐊᑯᓐ ᐊ ‍ ᑎᔭᒡ ᓂᔭᓐ ᑭᔭ ᐊᓐᒡ ᐸᕆᓯᔨᒡ ᐊᑲ ᒥᒋᓱᔭᒡ᙮ ᒐᒂᔪᐤ ᒪᒃ ᐛᒡ ᐊᑲ ᐃᑎᒡ ᐎᔨᐛᐤ ᒋᒋᔅᒋᓄᐊᒧᐛᑭᓐᒡ ᐊ ᐊᑲ ‍ ᒥᒋᓱᒡ ?”
\p
\v 15 ᒋᓴᔅ ᒪᒃ ᒋ ‍ ᐃᑕᐤ, “ᒧᔭᒻ ᐊ ‍ ᓂᐳᐅᓇᓄᐅᒡ, ᓇᒪ ᒥᒐᔨᑎᒧᒡ ᐊᓐᒡ ᑲ ‍ ᐎᓴᒪᑭᓄᐎᒡ ᒪᒂᒡ ᐊᓐᑕ ᐊ ‍ ᑕᔨᒋ ᐊᓂᔭ ᑲ ‍ ᐅᔅᒋ ᓂᐳᔨᒋ᙮ ᐊᐅᑯᓐ ᒪᒃ ᐊᓯᓇᒂᒡ ᒪᒂᒡ ᐅᑕ ᐊ ‍ ᑕᔭᓐ ᐊᓐᒡ ᒋᔅᒋᓄᐊᒧᐛᑭᓐᒡ ᐊ ‍ ᑕᒡ ᒥᒄ ᒪᒃ ᐃᔅᐱ ᐅᑎᒋᐱᔨᒐ ᒐ ᐸᒋ ‍ ᐅᑎᓂᑯᔭᓐ ᐊᓐᑕ ᐊ ‍ ᑕᒡ ᐅᒋ, ᐊᑯ ᒪᒃ ᐃᔭᒄ ᒐ ‍ ᐃᑎᒡ ᐊᓯᑯᒻ ᐊ ᐊᑲ ‍ ᒥᒋᓱᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮”
\p
\v 16 “ᓇᒪ ᐊᐛᓐ ᒥᓴᐃᑲᒐᐤ ᐊ ‍ ᐅᔅᑲᔨᒡ ᐱᒍᐎᔭᓂᔪᐤ ᐊᓐᑕ ᒐᔭᔅ ᐊᐱᒋᑕᐅᓂᒡ, ᐊ ‍ ᐅᔅᑲᔨᒡ ᐱᒍᐎᔭᓂᔪᐤ ᐊᐱᒋᑕᒐ, ᒋᑭ ‍ ᐅᑕᐸᐛᔪᐤ ᑭᔭ ᐊᔭᔅᒃ ᒋᑭ ‍ ᐱᑯᐱᔪᐤ ᐊᓐ ᐊᐱᒋᑕᐅᓐ᙮
\v 17 ᑭᔭ ᓇᒪ ᐊᐛᓐ ᐱᑕᐸᐅᑕᐤ ᐅᔅᒋ ᓱᒥᓇᐳᔪᐤ ᐊᓐᑕ ᒐᔭᔅ ᐎᒂᒡ ᐃᔅ᙮ ᐛᔅ ᐊᓐᑕ ᐃᓯ ᐱᑕᐸᐅᑕᒐ ᐊᓂᔭ ᐅᔅᒋ ᓱᒥᓇᐳᔪᐤ ᐃᔅᐱ ᒪᒃ ᐊᐛᔅᑲᔭᒍᐅᓂᔨᒐ, ᒋᑭ ‍ ᐸᐧᑲᐱᔪᐤ ᐊᓂᔭ ᐎᒂᔪᐤ᙮ ᐊᑯ ᒪᒃ ᓇᒪ ᒋᑭ ᐅᒋ ‍ ᐊᔭᐤ ᓱᒥᓇᐳᔪᐤ ᑭᔭ ᓇᒪ ᒋᑭ ᐅᒋ ‍ ᐃᓯᓇᑯᓂᔪᐤ ᒥᓐ ᒐᒋ ᐊᐱᒋᑕᑦ ᐊᓂᔭ ᐎᒂᔪᐤ᙮ ᐅᔅᒋ ᐎᒂᒡ ᐊᓐᑕ ᐱᑕᐸᐅᑕᑭᓄᐤ ᐅᔅᒋ ᓱᒥᓇᐳᔾ ᐊᑯ ᒪᒃ ᑕᐱᔅᑯᓐ ᑲᓄᐛᔨᑕᑭᓄᐅᒡ᙮”
\s1 ᐃᔎᔅ ᑲ ‍ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒡ ᑭᔭ ᐃᔎᐤ ᑲ ‍ ᑕᒋᓂᒺᑦ ᒋᓴᓴ ᐅᑦ ᐊᑯᐱᔪᐤ
\r ᒪᕐᒃ 5.21-43; ᓗᒃ 8.40-56
\s2 Matthew 9.9-13,18-26 (Proper-5 Year A)
\p
\v 18 ᒪᒂᒡ ᒪᒃ ᐅᔭ ᒋᓴᔅ ᑲ ‍ ᐃᑕᑦ, ᒋ ᐸᒋ ‍ ᓇᑎᑯᐤ ᐸᐃᒄ ᐅᒋᒪᐛ, ᒋ ᐸᒋ ‍ ᐅᒋᒋᐧᑯᓂᐱᔨᔅᑕᑯᐤ ᒪᒃ ᐊ ‍ ᐃᑎᑯᑦ, “ᒋ ‍ ᐳᓂᐱᒪᑎᓯᐤ ᓂᑕᓂᔅ ᐊᓄᒡ, ᐸᒋ ᓴᒥᓐ, ᐊᑯ ᒪᒃ ᒐ ‍ ᐱᒪᑎᓯᑦ᙮”
\p
\v 19 ᐊᑯ ᒋᓴᔅ ᒂ ‍ ᐱᓯᑯᑦ, ᒂ ‍ ᐎᒐᐛᑦ ᐊᓂᔭ ᐅᒋᒪᐛ, ᐅᒋᔅᒋᓄᐊᒧᐛᑭᓇ ᑭᔭ ᒋ ‍ ᐎᒐᐅᑯᐤ᙮
\p
\v 20 ᒋ ‍ ᑕᔪᐛ ᒪᒃ ᐊᓐᑕ ᐃᔎᐛ ᐊᒋ ‍ ᓂᑭᑎᑯᔨᒋ ᐅᒥᐧᑯᔪᐤ ᐃᔅᐱᔅ ᓂᓱᓴᑉ ᐱᐳᓇ, ᐅᔅᐱᔅᑯᓂᒡ ᒋ ᐸᒋ ‍ ᓇᑎᑯᐤ ᒋᓴᔅ, ᒂ ‍ ᑕᒋᓂᒥᔨᒋ ᐊᓐᑕ ᐊ ‍ ᐅᓂᔎᑭᓂᔨᒡ ᐊᓂᔭ ᐅᑦ ᐊᑯᑉ᙮
\v 21 ᐛᔅ ᒋ ‍ ᐃᑕᔨᑎᒻ ᐊᓐ ᐃᔎᐤ, “ᐊᑎ ᒥᒄ ᑕᒋᓂᒧᒐ ᐅᑦ ᐊᑯᑉ, ᓂᑭ ‍ ᒥᓏᒋᐃᑯᐅᓐ᙮” ᐊᑯ ᒂ ‍ ᑕᒋᓂᒺᑦ ᐊ ‍ ᐅᓂᔎᑭᓂᔨᒡ ᐅᑦ ᐊᑯᐱᔪᐤ᙮
\p
\v 22 ᐊᑯ ᒋᓴᔅ ᑲ ‍ ᒂᔅᒋᑲᐳᐅᑦ, ᐃᔅᐱ ᒪᒃ ᐎᔭᐱᒪᑦ ᐊᓂᔭ ᐃᔎᐛ ᐊᑯ ᐊᑕᑦ, “ᒥᔽᔨᑕ ᓂᑕᓂᔅ, ᒋᑕᑈᔭᔨᑎᒧᐅᓐ ᒋ ‍ ᒥᓏᒋᐃᑯᓐ᙮” ᑎᐛᒡ ᒪᒃ ᒋ ‍ ᒥᓏᑎᓯᐤ ᐊᓐ ᐃᔎᐤ ᐊᓂᔭ ᑲ ‍ ᐃᑕᔅᐱᓇᑦ᙮
\p
\v 23 ᐃᔅᐱ ᒋᓴᔅ ᑲ ‍ ᐱᒐᐛᑦ ᐅᒋᒪᐛ ᐎᒋᔨᒡ, ᒋ ‍ ᐛᐱᒪᐤ ᐊᓂᔭ ᒋᑐᒐᐎᔪᐛ ᑭᔭ ᐃᔪᐛ ᐊ ‍ ᓂᓇᐧᑲᑥᐅᑎᒥᔨᒋ᙮
\v 24 ᒋ ‍ ᐃᑕᐤ, “ᒥᓯᐛ ᔅᑐᑕᒄ, ᑕᐸ ᓂᐳᐤ ᐅ ᐃᔎᔅ ᒥᒄ ᐛᔅ ᐊᓐ ᓂᐸᐤ᙮” ᐊᑯ ᐛᓯᓄᐛᒡ ᐊᓂᔭ ᐊ ‍ ᐃᔅᒋᔄᔨᒋ ᐊ ‍ ᒪᔭᔨᒪᒡ᙮
\v 25 ᐃᔅᐱ ᒪᒃ ᒥᓯᐛ ᐃᔪᒡ ᑲᒋ ‍ ᐎᐎᑎᓴᐛᑭᓄᐎᒡ, ᐊᑯ ᒋᓴᔅ ᒂ ‍ ᐱᒐᐛᑦ ᐊᓂᔭ ᐃᔎᓴ ᐅᑲᐱᔅᒋᒐᔭᒥᔪᐤ, ᒂ ‍ ᐅᑎᓂᒺᑦ ᐅᑎᒋᔪᐤ ᐊᑯ ᒪᒃ ᐛᓂᑦ ᐊᓐ ᐃᔎᔅ᙮
\v 26 ᒋ ‍ ᐊᔨᒧᑕᑭᓄᐤ ᐊᓐᑕ ᐊᔅᒋᒡ ᐅ ᑲ ‍ ᐃᔅᐱᔨᒡ᙮
\s1 ᒋᓴᔅ ᒥᓏᒋᐊᐤ ᓂᓱ ᓇᐸᐛ ᐊᑲ ᐛᐸᑎᒥᔨᒋ
\p
\v 27 ᐃᔅᐱ ᒪᒃ ᒋᓴᔅ ᑲ ‍ ᔅᑐᑕᑦ ᐊᓐᑕ ᐅᒡ, ᓂᓱ ᓇᐸᐛ ᐊᑲ ᐛᐸᑎᒥᔨᒋ ᒋ ‍ ᓇᓴᐅᑯᐤ ᐊ ‍ ᑕᑈᔨᒋ ᐊ ‍ ᐃᔅᒋᔄᔨᒋ, “ᑎᐱᑦ ᐛᑯᓯᓯᒥᔅᒃ, ᐸᒋ ‍ ᒋᔅᑎᒪᒐᔨᒥᓇᓐ᙮”
\p
\v 28 ᐃᔅᐱ ᒪᒃ ᒋᓴᔅ ᑲ ‍ ᐱᒐᑦ ᒥᒋᐛᐱᔪᐤ, ᒋ ᐸᒋ ‍ ᓇᑎᑯᐤ ᐊᓂᔭ ᐊᑲ ᐛᐸᑎᒥᔨᒋ ᓇᐸᐛ, ᐊᑯ ᒋᓴᔅ ᐊᑕᑦ, “ᒋ ‍ ᑕᑈᑕᓇᐛᐤ ᐊ ᐊ ‍ ᑭᔅᒋᑕᔭᓐ ᒐᒋ ᒥᓏᒋᐃᑎᑯᒡ ?” ᐊᑯ ᐊᑎᑯᑦ, “ᓂᐦᐃ, ᑎᐸᔨᒋᒐᓱᐤ᙮”
\p
\v 29 ᐊᑯ ᒋᓴᔅ ᒂ ‍ ᑕᒋᓂᒺᑦ ᐊᓂᔭ ᐅᔅᒋᓯᑯᔪᐛ, ᐊ ‍ ᐃᑕᑦ, “ᑕᓐ ᐊᓐ ᐊ ᐃᓯ ‍ ᑕᑈᔭᔨᑎᒪᒄ ᐊᑯᓐ ᒐ ᐃᓯ ‍ ᐃᑐᑎᒪᑯᔭᒄ᙮”
\v 30 ᒋ ‍ ᒥᓏᒋᐊᑭᓄᐅᒡ ᒪᒃ ᐊᑯ ᒂ ‍ ᐛᐸᑕᒡ᙮ ᐊᑯ ᒋᓴᔅ ᐊᑎᓱᒪᑦ ᒐ ᐊᑲ ‍ ᐎᑎᒧᐛᔨᒋ ᐊᐛᔪᐛ᙮
\p
\v 31 ᓇᒪ ᒪᒃ ᐅᒋ ᑕᑈᑐᐛᐅᒡ, ᐃᔭᐱᒡ ᒋᑎᐸᒋᒪᐅᒡ ᒋᓴᓴ ᒥᓯᐛ ᐊᓐᑕ ᐊᔅᒋᒡ᙮
\s1 ᒋᓴᔅ ᒥᓏᒋᐊᐤ ᓇᐸᐛ ᐊᑲ ᐃᔨᒥᔨᒋ
\p
\v 32 ᐃᔅᐱ ᒪᒃ ᐊ ᐊᑎ ‍ ᔅᑐᑕᒡ ᐊᓐᒡ ᓇᐸᐅᒡ, ᐱᔅᒐ ᐊᐛᓐᒋ ᒋ ‍ ᐸᑐᐛᐅᒡ ᒋᓴᓴ ᓇᐸᐛ ᐊᑲ ᓂᑕᐛᔨᒋ ᐊ ‍ ᐱᒋᔅᑲᑯᔨᒋ ᒥᒋ ‍ ᐊᒐᒂ᙮
\v 33 ᐃᔅᐱ ᒪᒃ ᒋᓴᔅ ᑲ ‍ ᐎᐎᑎᓴᐛᑦ ᐊᓂᔭ ᒥᒋ ‍ ᐊᒐᒂ, ᐊᑯ ᒂ ‍ ᐃᔨᒥᑦ ᐊᓐ ᓇᐸᐤ ᐊᑲ ᐅᒋ ᓂᑕᐛᑦ᙮ ᒥᓯᐛ ᒪᒃ ᐊᐛᓐᒋ ᒋ ‍ ᒥᔅᑲᑕᔨᑎᒧᒡ ᐅᔭ ᑲ ‍ ᐃᔅᐱᔨᒡ᙮ ᐊ ‍ ᐃᔅᒋᔄᒡ ᒪᒃ, “ᓇᒪ ᓂᑕ ᓂ ᐅᒋ ‍ ᐛᐸᑕᓇᓐ ᒪᒥᔅᑲᒡ ᒐᒂᓐ ᐊ ‍ ᐃᔅᐱᔨᒡ ᐅᑕ ᐃᔅᕋᐃᓕᒡ᙮”
\p
\v 34 ᒥᒄ ᒪᒃ ᐊᓐᒡ ᐸᕆᓯᔨᒡ ᒋ ‍ ᐃᔅᒋᔄᐅᒡ, “ᐛᔅ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᒥᒋ ‍ ᐊᒐᒂ ᐊᔪᑯᓐ ᐊᓂᔭ ᒪᔨᑯᑦ ᓱᐧᑲᑎᓯᐅᓂᔪᐤ ᒐᒋ ᐎᐎᑎᓴᐛᑦ ᒥᒋ ‍ ᐊᒐᒂ᙮”
\s1 ᒋᓴᔅ ᑲ ‍ ᒋᔅᑎᒪᒐᔨᒪᑦ ᐃᔪᐛ᙮
\s2 Matthew 9.35-10.8 (Proper-6 Year A)
\p
\v 35 ᒋᓴᔅ ᒪᒃ ᒥᓯᐛ ᐊᓐᑕ ᐅᑕᓇᒡ ᑭᔭ ᐃᑕᐅᓂᓯᒡ ᒋ ‍ ᐃᑐᑕᐤ, ᐊᔅᑯᑎᒪᒐᑦ ᒍᐤ ᐊᔭᒥᐊᐅᒋᐛᐱᒡ, ᑭᔭ ᐊ ‍ ᑭᒐᔅᒋᒧᑦ ᐊ ‍ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ‍ ᐊᔨᒧᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᑭᔭ ᐊ ‍ ᒥᓏᒋᑕᑦ ᒥᓯᐛ ᐃᓯ ᐊᐧᑯᓱᐅᓇ ᑭᔭ ᓂᓇᐧᑯᐤ ᐊ ‍ ᐃᑕᔅᐱᓇᔨᒋ ᐃᔪᐛ᙮
\v 36 ᐃᔅᐱ ᒪᒃ ᐎᔭᐱᒪᑦ ᐊᓂᔭ ᒥᒐᑦ ᐃᔪᐛ, ᓇᔅᒡ ᒋ ‍ ᒋᔅᑎᒪᒐᔨᒪᐤ ᐛᔅ ᓇᔅᒡ ᐊ ‍ ᒥᑯᔅᑲᑕᔨᑎᒥᐊᑭᓄᔨᒋ ᑭᔭ ᐊᑲ ᐊᔭᔨᒋ ᐊᔅᐸᔨᒧᐅᓂᔪᐤ, ᒧᔭᒻ ᒪᔭᑕᓂᓯᒡ ᐊ ‍ ᐃᓯᓇᑯᓯᒡ ᐊᑲ ᐊᔭᐛᒡ ᒪᔭᑕᓂᓯᐅ-ᐃᔪᐛ ᒐ ‍ ᑭᓄᐛᔨᒥᑯᒡ᙮
\v 37 ᐊᑯ ᐊᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐛᔪᑎᓇ ᐊᒋ ᐃᓯ ‍ ᓂᑕᐅᒋᒋ ᓂᑕᐅᒋᑕᑭᓇ ᒥᒄ ᒪᒃ ᓇᒪ ᒥᒐᑐᐅᒡ ᐊᓐᒡ ᒐ ‍ ᒪᒧᓴᒋᓇᒡ᙮
\v 38 ᐊᔭᒥᐊᒄ, ᓂᑐᑎᒧᐛᐧᒄ ᑲ ‍ ᑎᐸᔨᑕᐧᒃ ᐅᔭ ᑲᒋ ᐃᓯ ‍ ᓂᑕᐅᒋᓂᔨᒋ ᓂᑕᐅᒋᑕᑭᓇ ᒐᒋ ᐃᑎᓴᐛᑦ ᒥᒐᑦ ᐊᐛᔪᐛ ᐊᓐᑕ ᒐ ᐃᓯ ‍ ᒪᐅᒋᑕᑭᓄᐎᒋ᙮”
\c 10
\s1 ᒋᓴᔅ ᑲ ‍ ᐃᑎᓱᒪᑦ ᑲ ‍ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ
\r ᒪᕐᒃ 3.13-19; 6.7-13; ᓗᒃ 6.12-16; 9.1-6
\s2 Matthew 9.35-10.8 (Proper-6 Year A)
\p
\v 1 ᓇᓇᒐ ᒋᓴᔅ ᒋ ‍ ᐎᓴᒪᐤ ᑲ ‍ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ, ᒋ ‍ ᒥᔭᐤ ᑎᐸᔨᒋᒐᐅᓂᔪᐤ ᒐᒋ ᐎᐎᑎᓴᐛᔨᒋ ᒥᒋ ‍ ᐊᒐᒂ, ᑭᔭ ᒐᒋ ᒥᓏᒋᐊᔨᒋ ᐊᓂᔭ ᐊᐛᔪᐛ ᓂᓇᐧᑯᐤ ᑲ ‍ ᐃᑕᔅᐱᓇᔨᒋ ᑭᔭ ᑲ ‍ ᐊᐧᑯᓯᔨᒋ᙮
\v 2 ᒪᐅ ᒪᒃ ᑲ ‍ ᐃᓯᓂᐧᑲᓱᔨᒋ ᐊᓂᔭ ᓂᓱᓴᑉ ᐊᑈᔅᑕᓇ, ᓴᐃᒥᓐ, ᐊᐅᒄ ᐱᑕᕐ ᑲ ‍ ᐃᓯᓂᐧᑲᑕᑭᓄᐅᑦ, ᑭᔭ ᐊᓐᑎᕈᐛ ᐱᑕᕐ ᐅᓯᒪ, ᒋᒥᔅ ᑭᔭ ᐊᓂᔭ ᐎᐧᑲᓂᓴ ᒠᓇ, ᐊᐅᒄ ᐅᔭ ᓴᐱᑎ ᐅᑯᓴ,
\v 3 ᐱᓕᑉ, ᑭᔭ ᐸᕐᑥᓚᒥᔪ, ᑥᒥᔅ, ᑭᔭ ᒪᑎᔪᐤ, ᐊᓐ ᑲᒋ ‍ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ, ᑭᔭ ᒋᒥᔅ, ᐊᓪᐱᔭᔅ ᑭᔭ ᑕᑎᔭᔅ ᐅᑯᓱᐛᐛ᙮
\v 4 ᑭᔭ ᓴᐃᒥᓐ ᑲ ‍ ᐊᔭᒥᐊᐛᑎᓯᑦ ᑲ ‍ ᐃᓯᓂᐧᑲᑕᑭᓄᐅᑦ, ᑭᔭ ᒍᑎᔅ ᐃᔅᑲᕆᔭᑦ, ᐊᐅᑯᐤ ᑲ ‍ ᐎᔭᓯᐱᔅᑎᓇᑦ ᒋᓴᓴ᙮
\p
\v 5 ᐊᐅᑯᓐᒡ ᐅᒡ ᓂᓱᓴᑉ ᑲ ‍ ᒋᑎᓴᐅᑯᒡ ᒋᓴᓴ ᐊ ‍ ᐃᑎᑯᒡ, “ᐊᑲᐎᔾ ᐃᑐᑕᒄ ᐊᓐᑕ ᐃᔪᒡ ᐊᑲ ᒍᐤ ᐃᔪᒡ ᐃᑎᔅᑲᓇᓯᒡ ᐊ ‍ ᑕᒡ ᑭᔭ ᐊᑲᐎᔾ ᐃᑐᑕᒄ ᐊᓐᑕ ᐅᑕᓇᐛ ᓴᒪᕆᔭ ᐊᔅᒋᒡ ᑲ ‍ ᑎᒂᒋ᙮
\v 6 ᒥᒄ ᐊᓐᑕ ᐃᑐᑕᒄ ᐃᔅᕋᐃᓪ ᐊᔅᒋᒡ ᐊᓐᑕ ᒍᐤ ᐃᔪᒡ ᐊᑕᒡ ᐛᔅ ᒧᔭᒻ ᒪᔭᑕᓂᓯᒡ ᐊ ‍ ᐅᓂᓯᓂᒡ ᐃᓯᓇᑯᓱᐅᒡ᙮
\v 7 ᒐ ‍ ᑭᒐᔅᒋᒧᔭᒄ ᐊ ‍ ᐎᑎᒪᒄ ᓴᔅ ᐊ ‍ ᐸᓱᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮
\v 8 ᒥᓏᒋᐊᐧᑯᒡ ᑲ ‍ ᐊᐧᑯᓯᒡ, ᑭᔭ ᐅᓂᔅᑲᓇᐧᑯᒡ ᐊᓐᒡ ᑲ ‍ ᓂᐱᒡ, ᒥᓏᒋᐊᐧᑯᒡ ᒐᒋ ᐸᔭᒋᓯᒡ ᐊᓐᒡ ᑲ ‍ ᒪᔭᑎᓂᔨᒡ ᐅᒥᒋᐅᓂᔪᐤ ᑲ ‍ ᐊᔭᒡ ᑭᔭ ᐎᐎᑎᓴᐛᐧᑯᒡ ᒥᒋ ‍ ᐊᒐᐧᑯᒡ᙮ ᓴᒐᔾ ᔅᒋ ‍ ᒥᔨᑯᐅᓇᐛᐤ ᐅ ᓱᐧᑲᑎᓯᐅᓐ, ᓇᒪ ᒪᒃ ᒋᐸ ᐅᒋ ‍ ᒋᓯᐧᑲᑯᐅᓇᐛᐤ ᐅ ᐊ ‍ ᐃᑐᑎᒪᒄ᙮
\v 9 ᐊᑲᐎᔾ ᑭᔭ ᐛᐛᒡ ᓂᒥᓱᓇᔭᐛᒄ᙮
\v 10 ᐊᑲᐎᔾ ᑕᐧᑯᓂᒥᒄ ᑭᔭ ᓂᒪᐅᑦ, ᐊᑲ ᑭᔭ ᒋᑦ ᐊᐱᒋᑕᐅᓄᐛᐛ, ᒪᒃ ᑭᔭ ᒥᔅᒋᓯᓇ ᒪᒃ ᓯᔅᑲᐅᓐ᙮ ᐛᔅ ᐊᑐᔅᒐᑦ ᐊᐛᓐ ᒋᐸ ‍ ᒥᔭᑭᓄᐤ ᑕᓐ ᐊ ᐃᓯ ‍ ᓄᑕᐱᔨᑦ᙮”
\p
\v 11 “ᐃᔅᐱ ᒪᒃ ᐅᑎᑎᒪᒂ ᐅᑕᓇᐤ ᑭᔭ ᒪᒃ ᐃᑕᐅᓂᔅ, ᓇᓂᑐᐛᐱᒪᒄ ᐊᐛᓐ ᐊ ‍ ᒋᔅᑕᔨᑕᑯᓯᑦ ᒐᒋ ᐱᑎᑲᐃᑕᒄ᙮ ᐊᓐ ᒪᒃ ᒐ ᐃᔅᐱᔅ ‍ ᑕᔭᒄ ᐊᑯᑕ ᐊᓐᑕ ᒐ ‍ ᑕᔭᒄ ᐸᑐᔅ ᒥᓐ ᔅᑐᑕᔭᒂ᙮
\v 12 ᐃᔅᐱ ᒪᒃ ᐊ ᐊᑎ ‍ ᐱᒐᔭᒂ ᐊᓐ ᒥᒋᐛᑉ ᒐ ‍ ᐛᒋᔭᒪᑯᒡ ᒋᔭᒪᔨᑎᒧᐅᓂᒡ ᐃᔅ ᐊ ‍ ᓱᐛᔨᒪᑯᒡ᙮
\v 13 ᐊᓐᒡ ᒪᒃ ᐊᐛᓐᒋ ᑲ ‍ ᑕᒡ ᐊᓐᑕ ᒥᒋᐛᐱᒡ ᓇᐊᔨᒥᑕᒂᐛ, ᑕᑈ ᒋᑭ ‍ ᓱᐛᔨᒪᑭᓄᐎᒡ ᑭᔭ ᐊᑲ ᓇᐊᔨᒥᑕᒂᐛ, ᓇᒪ ᒋᑭ ᐅᒋ ‍ ᓱᐛᔨᒪᑭᓄᐎᒡ᙮
\v 14 ᐊᑯ ᒪᒃ ᐅᑎᑎᒪᒂ ᐅᑕᓇᐤ ᑭᔭ ᒪᒃ ᒥᒋᐛᑉ ᐊᑲ ᒪᒃ ᐎ ᐱᑎᑲᐃᑯᔭᒂ ᑭᔭ ᒪᒃ ᐊᑲ ᐎ ᓂᑐᑕᑯᐅᔭᒂ, ᓂᑭᑎᒥᒄ ᐊᓐ ᐅᑕᓇᐤ ᑭᔭ ᒪᒃ ᐊᓐ ᒥᒋᐛᑉ ᐊᑯ ᒐ ‍ ᐸᐳᓯᑕᓯᒧᔭᒄ᙮
\v 15 ᑕᑈ ᒋᑦ ᐃᑎᓇᐛᐤ, ᐃᔅᐱ ᑎᐸᔅᑯᓂᒐᐅ ᒋᓯᑲᒐ ᒋᓴᒪᓂᑐᐤ ᐅᔅᑕ ᒋᑭ ‍ ᒋᔅᑎᒪᒐᔨᒪᐤ ᐊᓂᔭ ᑲ ‍ ᒥᒐᑎᓯᔨᒋ ᐊᓐᑕ ᑲ ‍ ᑕᔨᒋ ᓱᑕᒻ ᑭᔭ ᑯᒧᕋ ᐃᔅᐱᔅ ᐊᓂᔭᔪᐛ ᐊᐛᔪᐛ ᐊᑲ ᓇᐊᔨᒥᑎᑕᑯ᙮”
\s1 ᑕᓐ ᒐ ᐃᓯ ‍ ᐊᔨᒥᐅᒡ ᐊᓐᒡ ᒐ ‍ ᒋᔅᒋᓄᐊᒧᐛᑭᓂᑐᑕᑯᒡ ᒋᓴᓴ
\r ᒪᕐᒃ 13.9-13; ᓗᒃ 21.12-17
\p
\v 16 “ᓂᑐᑎᒧᒄ, ᔅᒋ ‍ ᐃᑎᓴᐅᑎᓇᐛᐤ ᒧᔭᒻ ᒪᔭᑕᓂᓯᒡ ᐊ ‍ ᐃᑎᓴᐛᑭᓄᐎᒡ ᐊᓐᑕ ᐊ ‍ ᒥᒐᑎᔨᒋ ᒥᐃᐧᑭᓇ ᐊ ‍ ᑕᔨᒋ᙮ ᐃᔭᒂ ᐃᑎᒄ ᒧᔭᒻ ᒋᓇᐱᑯᒡ ᐊ ᐃᓯ ‍ ᐃᔭᒂ ᐃᑎᒡ, ᑭᔭ ᔪᔅᐱᓯᒄ ᒧᔭᒻ ᐅᒥᒥᐅᒡ ᐊ ᐃᔅᐱᔅ ‍ ᔪᔅᐱᓯᒡ᙮
\v 17 ᐃᔭᒂᒥᒄ ᒪᒃ, ᐛᔅ ᒋᑭ ‍ ᑕᐅᒡ ᐊᐛᓐᒋ ᒐ ‍ ᒪᑯᓂᑕᑯᒡ ᐊᑯ ᐊᓐᑕ ᑲ ‍ ᓂᑲᓂᔅᑲᒐᔨᒋ ᐊ ‍ ᑕᔨᒋ ᒐ ‍ ᐃᑐᑕᐃᑕᑯᒡ ᒐᒋ ᑎᐸᔅᑯᓂᑯᔭᒄ᙮ ᑭᔭ ᐊᑯᑕ ᒐ ‍ ᐸᐱᓯᔅᑕᐅᑕᑯᒡ ᐅᑦ ᐊᔭᒥᐊᐅᒋᐛᐳᐛᒡ᙮
\v 18 ᒋᑭ ‍ ᐃᑐᑕᐃᑯᐅᓇᐛᐤ ᑎᐸᔨᒋᒐᓱᐅᒡ ᑭᔭ ᒋᓴᐅᒋᒪᐅᒡ ᐊᑕᒡ ᒐᒋ ᐅᑎᔅᑯᑲᐳᔅᑎᐛᑯᒡ ᓂᔾ ᐅᒡ᙮ ᒋᑭ ‍ ᓂᑐᐛᔨᑕᑯᓯᓇᐛᐤ ᑯᐃᔅᒄ ᒐᒋ ᐃᓯ ‍ ᐊᔨᒧᒥᔭᒄ ᐊᓐᑕ ᐅᑎᔅᑯᐤ ᐊᑕᒡ ᑭᔭ ᐅᑎᔅᑯᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮
\v 19 ᐃᔅᐱ ᒪᒃ ᐱᑎᑲᐃᑯᔭᒂ ᐊᓐᑕ, ᐊᑲᐎᔾ ᐊᔨᒪᔨᑎᒧᒄ ᑕᓐ ᒐ ‍ ᐃᔅᒋᔄᔭᒄ, ᐛᔅ ᐃᔅᐱ ᐅᑎᒋᐱᔨᒐ ᐊᓐ ᒐ ‍ ᐃᑐᑕᑯᔭᒄ ᒋᑭ ‍ ᒥᔨᑯᓇᐛᐤ ᑕᓐ ᒐ ‍ ᐃᔅᒋᔄᔭᒄ᙮
\v 20 ᐛᔅ ᐊᓐ ᒐ ‍ ᐃᔅᒋᔄᔭᒄ, ᓇᒪᔭᐤ ᒋᔨᐛᐤ ᐊᓐ ᒋᑦ ᐃᔨᒧᐅᓄᐛᐤ ᒥᒄ ᒪᒃ ᐊᓐ ᒐ ‍ ᐃᔅᒋᔄᔭᒄ ᐊᒐᐧᒄ ᒍᑕᐎᓄᐤ ᐊ ‍ ᑕᑦ ᑲ ‍ ᐅᒋᑦ ᐊᐅᒄ ᐊᓐ ᒐ ‍ ᒥᔨᑕᒄ ᑕᓐ ᐊᓐ ᒐ ‍ ᐃᔅᒋᔄᐛᒄ᙮”
\p
\v 21 “ᐎᐧᑲᓂᓯᒪᐅᒡ ᒋᑭ ‍ ᐱᔅᑎᓇᐅᒡ ᐎᐧᑲᓂᓱᐛᐛ ᒐᒋ ᓂᐸᐊᑭᓄᔨᒋ ᑭᔭ ᐅᑕᐎᒪᐅᒡ ᐊᐅᑯᓐ ᒐ ‍ ᐃᑐᑐᐛᒡ ᐅᑦ ᐊᐛᓯᒧᐛᐛ, ᑭᔭ ᐊᐛᓯᒡ ᒋᑭ ‍ ᐃᑐᑐᐛᐅᒡ ᐅᓂᒋᐃᑯᐛᐛ ᒐᒋ ᓂᐸᐊᑭᓄᔨᒋ᙮
\v 22 ᒥᓯᐛ ᐊᐛᓐᒋ ᒋᑭ ‍ ᐛᐧᑲᑎᑯᐛᐅᒡ ᐊ ‍ ᓇᓴᐅᐎᔭᒄ᙮ ᐊᓐ ᒪᒃ ᐊᐛᓐ ᐊᑲ ᓴᐧᑯᒋᐊᑭᓄᐅᑦ ᐊ ᐸᒋ ‍ ᓇᓴᐅᑦ ᐊᐅᒄ ᐊᓐ ᒐ ‍ ᐱᒪᒋᐊᑭᓄᐅᑦ᙮
\v 23 ᓂᓇᐧᑲᒋᐃᑯᔭᒂ ᐸᐃᒄ ᐅᑕᓇᐤ, ᒋᑎᓯᒧᒄ ᐊᑯ ᐊᓐᑕ ᑯᑎᒃ ᐅᑕᓇᐤ ᒐ ‍ ᐃᑐᑕᔭᒄ᙮ ᑕᑈ ᒋᑦ ᐃᑎᓇᐛᐤ, ᓇᒪ ᐊᔅᒄ ᒥᓯᐛ ᒋᑭ ᐅᒋ ᐃᓯ ‍ ᐛᐎᑕᓇᐛᐤ ᒥᔽᒋᒧᐅᓐ ᐊᓐᑕ ᐅᑕᓇᐛ ᐃᔅᕋᐃᓕᒡ ᑲ ‍ ᑎᒂᒋ, ᓴᔅ ᒐ ‍ ᑎᑯᓯᐧᒃ ᐃᔪᐤ ᐅᑯᓯᓴᓐ᙮”
\s2 Matthew 10.24-39 (Proper-7 Year A)
\p
\v 24 “ᑲ ‍ ᒋᔅᑯᑎᒧᐛᑭᓄᐅᑦ ᓇᒪ ᐅᔅᑕ ᒋᔅᑕᔨᑕᑯᓱᐤ ᐊ ‍ ᐃᑕᔨᑕᑯᓯᔨᒋ ᐊᓂᔭ ᑲ ‍ ᒋᔅᑯᑎᒪᑯᑦ᙮ ᑭᔭ ᐊᐱᒋᐊᑭᓐ ᓇᒪ ᐎ ᐅᔅᑕ ᐃᑕᔨᑕᑯᓱᐤ ᐊ ‍ ᐃᑕᔨᑕᑯᓯᔨᒋ ᐅᒋᒪᒪ᙮
\v 25 ᒋᐸ ‍ ᒥᔽᔨᑎᒻ ᒪᒃ ᐊᓐ ᑲ ‍ ᒋᔅᑯᑎᒧᐛᑭᓄᐅᑦ, ᐃᑕᔨᑕᑯᓯᑦ ᐊ ‍ ᐃᑕᔨᑕᑯᓯᔨᒋ ᐊᓂᔭ ᑲ ‍ ᒋᔅᑯᑎᒪᑯᑦ, ᑭᔭ ᐊᓐ ᐊᐱᒋᐊᑭᓐ ᐃᑕᔨᑕᑯᓯᑦ ᐊ ‍ ᐃᑕᔨᑕᑯᓯᔨᒋ ᐅᒋᒪᒪ᙮ ᓂᔾ ᒪᒃ ᐊᑎ ᐊ ‍ ᐅᒋᒪᐎᔭᓐ ᒋᔅᒋᒄ ᒪ ᑕᓐ ᑲ ᐃᓯ ‍ ᒪᔭᔨᒥᒡ ᐊᒋ ‍ ᐃᔅᒋᔄᒡ ᐊᓐ ᒥᒋ ‍ ᐊᒐᐧᒄ ᐅᒋᒪᐤ ᐸᐃᓪᓯᐳᓪ ᐊ ‍ ᐊᐎᔭᓐ᙮ ᒋᔨᐛᐤ ᒪᒃ ᐊᑐᐎᔅ ᒋᑭ ‍ ᒪᔭᔨᒥᑯᐛᐅᒡ᙮”
\s1 ᐊᐛᓐ ᐊᓐ ᒋᐸ ‍ ᑯᔅᑕᑭᓄᐤ
\r ᓗᒃ 12.2-7
\p
\v 26 “ᒥᒄ ᒪᒃ ᐊᑲᐎᔾ ᑯᔅᑕᐧᑯᒡ ᐊᐛᓐᒋ᙮ ᐛᔅ ᐊᓐ ᒐᒂᓐ ᐊᑲ ᓄᒂᒡ ᒋᑭ ‍ ᓄᑯᑕᑭᓄᐤ ᐊᓐᑕ ᐊ ‍ ᐛᔅᑕᒡ᙮ ᒥᓯᐛ ᒐᒂᓐ ᒋᒧᑦ ᑲ ‍ ᐃᑐᑕᑭᓄᐅᒡ ᒋᑭ ‍ ᒋᔅᒐᔨᑕᑯᓐ᙮
\v 27 ᐊᓐ ᑕᓐ ᐊ ᐃᓯ ‍ ᐎᑎᒪᑎᑯᒡ ᐊ ‍ ᑎᐱᔅᑲᒡ ᐎᑎᒧᒄ ᒪᒂᒡ ᐊ ‍ ᒋᓯᑲᒡ᙮ ᑭᔭ ᐊᓐ ᑕᓐ ᑲ ᐃᓯ ‍ ᒋᒧᑦ ᐎᑎᒪᑯᐅᔭᒄ ᐎᑎᒧᐛᐧᑯᒡ ᒥᓯᐛ ᐊᐛᓐᒋ ᒐᒋ ᒋᔅᒐᔨᑕᒡ᙮
\v 28 ᐊᑲᐎᔾ ᑯᔅᑕᐧᑯᒡ ᐊᐛᓐᒋ ᑲ ‍ ᓂᐸᐊᒡ ᐊᐛᔪᐛ᙮ ᒋᑭ ᒋ ‍ ᓂᐸᐊᐅᒡ ᐊᐛᔪᐛ ᑭᔭ ᒋᑭ ᒋ ‍ ᓂᓱᐅᓇᒋᑕᐅᒡ ᒥᔭᔪᐤ ᒥᒄ ᒪᒃ ᓇᒪ ᒋᑭ ᒋ ‍ ᓂᓱᐅᓇᒋᐊᐅᒡ ᐊᒐᒂ᙮ ᒋᓴᒪᓂᑐᐤ ᒪᒃ ᐊᐅᒄ ᑯᔅᐱᓂᔅᑐᐛᐧᒄ ᐊᓐ ᒐᒋ ᓂᓱᐅᓇᒋᑕᑦ ᒥᔭᔪᐤ ᑭᔭ ᐊᒐᒂ ᒐᒋ ᔭᔪᐅᑕᑦ ᒥᒋ ‍ ᐃᔅᑯᑕᒡ᙮
\v 29 ᒥᒄ ᐊ ᐸᐃᒄ ᓱᓇᔭᐱᔅᒄ ᐃᔅᐱᑕᔨᑕᑯᓱᐅᒡ ᓂᓱ ᐱᔭᓯᓯᒡ ? ᓇᒪ ᒪᒃ ᐛᐛᒡ ᐸᐃᒄ ᒋᑭ ᐅᒋ ‍ ᐸᒋᓯᓄᐅᒡ ᒧᔅᑎᔅᑭᒥᒡ ᒐ ᐊᑲ ‍ ᒋᔅᒐᔨᑕᐧᒃ ᒍᑕᐎᐛᐤ᙮
\v 30 ᑭᔭ ᒋᔨᐛᐤ ᒪᒃ ᐛᐛᒡ ᒋᐱᔎᐅᓄᐛᐛ ᒥᓯᐛ ᒋ ‍ ᐊᒋᑕᑭᓄᐛ ᐊ ‍ ᑕᑥᐸᑲᒋ᙮
\v 31 ᐊᑲᐎᔾ ᒪᒃ ᑯᔅᑕᒋᒄ ᐛᔅ ᒋᔨᐛᐤ ᐅᔅᑕ ᒋᑦ ᐃᑕᔨᒥᑯᐛᐤ ᒋᓴᒪᓂᑐᐤ ᐃᔅᐱᔅ ᒥᒐᑦ ᐱᔭᓯᓴ ᐊ ‍ ᐃᑕᔨᒪᑦ᙮”
\s1 ᐊ ‍ ᐛᐎᑎᒥᒄ ᐊ ‍ ᒋᔅᒐᔨᒪᒄ ᒋᓴᔅ ᙭
\r ᓗᒃ 12.8,9
\p
\v 32 “ᐊᐛᓐ ᐎᑎᒧᐛᒐ ᑯᑎᑲ ᐊᐛᔪᐛ ᐊ ‍ ᑕᑈᔭᔨᒥᑦ, ᑭᔭ ᓂᔾ ᓂᑭ ‍ ᐎᑎᒧᒪᐛ ᓄᑕᐎᔭ ᒋᒋᒋᓯᑯᒡ ᐊ ‍ ᑕᔨᒋ ᐊ ‍ ᒋᔅᒐᔨᒥᒃ᙮
\v 33 ᐊᑯ ᒪᒃ ᐊᐛᓐ ᐊ ‍ ᐃᑕᑦ ᐊᐛᔪᐛ ᐊᑲ ᑕᑈᔭᔨᒥᑦ ᓂᑭ ‍ ᐃᑕᐤ ᑭᔭ ᓂᔾ ᓄᑕᐎᔾ ᒋᒋᒋᓯᑯᒡ ᐊ ‍ ᑕᑦ, ᓇᒪ ᓂ ‍ ᒋᔅᒐᔨᒪᐤ᙮”
\s1 ᒋᓴᔅ ᓇᒪ ᐅᒋ ᑎᑯᓯᓄᐤ ᒧᔅ ᒐᒋ ᒥᔪᐱᔨᓇᓄᐎᒡ
\r ᓗᒃ 12.51-53; 14.26,27
\p
\v 34 “ᐊᑲᐎᔾ ᐃᑕᔨᑎᒧᒄ ᐊᒋ ‍ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᐸᑕᔭᓐ ᒋᔭᒪᔨᑎᒧᐅᓐ᙮ ᓇᒪ ᓂ ᐅᒋ ‍ ᑎᑯᓯᓐ ᒐᒋ ᐸᑕᔭᓐ ᒋᔭᒪᔨᑎᒧᐅᓐ, ᓂᒋ ‍ ᑎᑯᓯᓐ ᒐ ᐊᑲ ᒋ ᓇᐊᔨᒥᑐᓇᓄᐅᒡ᙮
\q
\v 35 ᓂᒋ ‍ ᑎᑯᓯᓐ,
\q ᒐ ᐊᑲ ᒋ ᓇᐊᔨᒪᑦ ᐃᔪᐤ ᐅᑕᐎᔭ, ᑭᔭ ᐅᑲᐎᒪᐤ ᒐ ᐊᑲ ᒋ ᓇᐊᔨᒥᑯᑦ ᐅᑕᓂᓴ,
\q ᑭᔭ ᐃᔎᐤ ᒐ ᐊᑲ ᒋ ᓇᐊᔨᒥᑯᑦ ᐅᓇᐊᑭᓂᔎᒪ᙮
\q
\v 36 ᐊᐅᒄ ᐊᓂᔭ ᒪᐅᒡ ᒐ ‍ ᐅᐧᑲᑎᑯᑦ ᐊᐛᓐ ᐊᓂᔭ ᓇᓂᑎᒻ ᐊᐛᔪᐛ ᑲ ‍ ᐎᒋᒥᑯᑦ᙮”
\p
\v 37 “ᐊᐛᓐ ᐅᔅᑕ ᐅᑕᐎᔭ ᑭᔭ ᒪᒃ ᐅᑲᐎᔭ ᓴᒋᐊᒐ ᐃᔅᐱᔅ ᓂᔾ, ᓇᒪ ᑕᐱᒐᔨᑕᑯᓱᐤ ᒐᒋ ᐸᒋ ‍ ᓇᓴᐅᑦ᙮ ᑭᔭ ᐊᐛᓐ ᐅᔅᑕ ᓴᒋᐊᒐ ᐅᑯᓴ ᑭᔭ ᒪᒃ ᐅᑕᓂᓴ ᐃᔅᐱᔅ ᓂᔾ, ᓇᒪ ᑕᐱᒐᔨᑕᑯᓱᐤ ᒐᒋ ᐸᒋ ‍ ᓇᓴᐅᑦ᙮
\v 38 ᐊᓐ ᐊᐛᓐ ᐊᑲ ᐎ ᐱᒧᑕᐊᑦ ᐅᒋᐱᔭᑎᑯᒪ ᓇᒪ ᑕᐱᒐᔨᑕᑯᓱᐤ ᒐᒋ ᐅᒋᔅᒋᓄᐊᒧᐛᑭᓂᔭᓐ᙮
\v 39 ᐊᓐ ᐊᐛᓐ ᑲ ᐎ ‍ ᑭᓄᐛᔨᑕᐧᒃ ᐅᐱᒪᑎᓯᐅᓐ ᒥᒄ ᐎᔾ ᐊ ᐎ ‍ ᓂᓇᐊᔨᑎᒥᐃᓱᑦ ᒋᑭ ‍ ᐅᓂᑕᐤ ᑭᔭ ᐊᓐ ᐊᐛᓐ ᑲ ‍ ᐅᓂᑕᑦ ᐅᐱᒪᑎᓯᐅᓐ ᓂᔾ ᐅᒋ ᒋᑭ ‍ ᒥᔅᑭᒻ᙮”
\s1 ᐊᓐ ᐊᐛᓐ ᑲ ‍ ᒥᔪᐧᑯᐛᑦ ᒋᓴᒪᓂᑐᐛ ᐅᑦ ᐊᐱᒋᐊᑭᓂᔪᐛ ᒋᑭ ‍ ᒥᔅᑭᒻ ᐅᑎᐸᐊᒪᑯᓯᐅᓐ
\r ᒪᕐᒃ 9.41
\s2 Matthew 10.40-42 (Proper-8 Year A)
\p
\v 40 “ᐊᐛᓐ ᐊ ‍ ᐱᑎᑲᐃᑕᒄ ᓂᔾ ᑭᔭ ᓂᐱᑎᑲᐃᒄ, ᐊ ‍ ᐱᑎᑲᐃᑦ ᒪᒃ ᐅᑎᓇᐤ ᐊᓂᔭ ᐊᐛᔪᐛ ᑲ ᐸᒋ ‍ ᐃᑎᓴᐅᔨᒋ᙮
\v 41 ᐊᓐ ᒪᒃ ᐊᐛᓐ ᑲ ‍ ᐱᑎᑲᐊᑦ ᐅᒋᔅᒋᐛᐃᒐᓱᐛ ᐊᓂᔭ ᐅᒋ ᐊ ‍ ᐅᒋᔅᒋᐛᐃᒐᓱᔨᒋ, ᐊᓂᔭ ᒐ ᐃᓯ ‍ ᑎᐸᐊᒧᐛᑭᓄᔨᒋ ᐅᔭ ᐅᒋᔅᒋᐛᐃᒐᓱᐛ ᐊᐅᑯᓐ ᑭᔭ ᐎᔾ ᒧᔭᒻ ᒐ ᐃᓯ ‍ ᑎᐸᐊᒧᐛᑭᓄᐅᑦ᙮ ᑭᔭ ᐊᐛᓐ ᑲ ‍ ᐱᑎᑲᐊᑦ ᐊ ‍ ᑯᐃᔅᑯᑕᑎᓯᔨᒋ ᐃᔪᐛ, ᐊᓂᔭ ᐅᒋ ᐊ ‍ ᑯᐃᔅᑯᑕᑎᓯᔨᒋ, ᐊᓂᔭ ᐊ ᐃᓯ ‍ ᑎᐸᐊᒧᐛᑭᓄᔨᒋ ᐊᐅᑯᓐ ᒧᔭᒻ ᑭᔭ ᐎᔾ ᒐ ᐃᓯ ‍ ᑎᐸᐊᒧᐛᑭᓄᐅᑦ᙮
\v 42 ᑕᑈ ᒋᑦ ᐃᑎᓇᐛᐤ, ᐊᑎ ᒥᒄ ᒥᓇᐊᒐ ᐊᐛᓐ ᐊ ‍ ᑕᒋᑭᒥᔨᒡ ᓂᐱᔪᐤ ᐅᔭ ᐸᐃᒄ ᐊᐛᓴ ᐊᓂᔭ ᐅᒋ ᐊ ᐸᒋ ‍ ᓇᓴᐅᔨᒋ, ᑕᑈ ᒋᑦ ᐃᑎᓇᐛᐤ ᒐᔅᑎᓇᔅ ᒋᑭ ‍ ᒥᔅᑭᒻ ᐅᑎᐸᐊᒪᑯᓯᐅᓐ᙮”
\c 11
\s1 ᒠᓐ ᑲ ‍ ᓯᑲᐃᑕᒐᑦ ᑲ ᓂᑐ ‍ ᒋᔅᒐᔨᒪᑦ ᒋᓴᓴ
\r ᓗᒃ 7.18-35
\p
\v 1 ᐃᔅᐱ ᒪᒃ ᑲᒋ ᐃᓯ ‍ ᐛᑎᓱᒪᑦ ᒋᓴᔅ ᐅᒋᔅᒋᓄᐊᒧᐛᑭᓇ, ᐊᑯ ᒐ ‍ ᔅᑐᑕᑦ, ᒐᒋ ᒋᔅᑯᑎᒪᒐᑦ ᑭᔭ ᒐᒋ ᑭᒐᔅᒋᒧᑦ ᐊᓐᑕ ᑯᑎᑲ ᐅᑕᓇᐛ ᐊᓐᑕ ᒥᒋᒪ ᑲ ‍ ᑎᑯᓂᔨᒋ᙮
\s2 Matthew 11.2-11 (Advent-3 Year A)
\p
\v 2 ᒠᓐ ᐅᓯᑲᐃᑕᒐᐤ ᒪᒃ ᒋ ‍ ᒪᑯᓇᑭᓄᐤ ᐊᑯ ᑲ ‍ ᒋᐸᐛᑭᓄᐅᑦ ᑲᒪᑯᓄᐛᓯᐅᒋᐛᐱᒡ᙮ ᐊᑯᑕ ᒪᒃ ᐊᓐᑕ ᑲ ‍ ᐸᑕᐧᒃ ᐊ ‍ ᑎᐸᒋᒪᑭᓄᔨᒋ ᑕᓐ ᐊ ‍ ᐃᑎᔨᒋ ᙭ᑕ, ᐊᑯ ᒂ ‍ ᐃᑎᓴᐛᑦ ᓂᓱ ᐅᒋᔅᒋᓄᐊᒧᐛᑭᓇ ᐊᓐᑕ ᐊ ‍ ᑕᔨᒋ ᒋᓴᓴ᙮
\v 3 ᐊᑯ ᒂ ‍ ᑯᒂᒋᒪᒡ ᒋᓴᓴ, “ᐸᒋ ᐎᑎᒧᐅᓇᓐ ᒪ, ᐊᐅᒄ ᐊ ᒋᔾ ᙭ ᐊᓐ ᒐ ‍ ᑎᑯᓯᓂᑯᐱᓇ ᑭᔭ ᒪᒃ ᐊᔅᒄ ᐊ ᓂᑭ ‍ ᐸᓱᐛᔨᒪᓇᓐ ᑯᑎᒃ ᒐᒋ ᑎᑯᓯᐧᒃ ?”
\p
\v 4 ᐊᑯ ᒋᓴᔅ ᐊᑕᑦ, “ᒋᐛᒄ, ᒐ ‍ ᐎᑎᒧᐛᒄ ᒠᓐ ᑕᓐ ᑲ ᐃᓯ ‍ ᐛᐱᒥᔭᒄ ᐊ ᐃᓯ ‍ ᐃᑐᑎᒪᓐ ᑭᔭ ᑕᓐ ᑲ ᐃᓯ ‍ ᐸᑎᒪᒄ᙮
\v 5 ᐎᑎᒧᐛᐧᒄ ᒪᒃ ᐊ ‍ ᐛᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐛᐸᑎᒥᔨᒋ, ᐊ ‍ ᐱᒧᑕᔨᒋ ᐊᓂᔭᔪᐛ ᐊᑲ ᐅᒋ ᐱᒧᑕᔨᒋ, ᑭᔭ ᐊ ‍ ᐸᔭᒋᓯᔨᒋ ᐊᓂᔭᔪᐛ ᑲ ‍ ᐊᔭᔨᒋ ᑲ ‍ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ‍ ᒥᓏᒋᐊᑭᓄᔨᒋ᙮ ᑭᔭ ᐊ ‍ ᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐸᑎᒥᔨᒋ᙮ ᑭᔭ ᐊᒋ ‍ ᐅᓂᔅᑲᓇᑭᓄᔨᒋ ᐊᓂᔭᔪᐛ ᑲ ‍ ᓂᐱᔨᒋ᙮ ᑭᔭ ᒥᔽᒋᒧᐅᓂᔪᐤ ᐊ ‍ ᐛᐎᑎᒧᐛᑭᓄᔨᒋ ᑲ ‍ ᒋᔅᑎᒪᑎᓯᔨᒋ ᐊᐛᔪᐛ᙮
\v 6 ᓱᐛᔨᑕᑯᓱᐤ ᒪᒃ ᐊᓐ ᐊᐛᓐ ᒐ ᐊᑲ ‍ ᐊᑐᐛᔨᒥᒂ᙮” ᐊᐅᑯᓐ ᑲ ‍ ᐃᑕᑦ ᒋᓴᔅ ᐊᓂᔭᔪᐛ ᒠᓇ ᐅᒋᔅᒋᓄᐊᒧᐛᑭᓂᔪᐛ᙮
\p
\v 7 ᐃᔅᐱ ᒪᒃ ᑲ ‍ ᔅᑐᑕᔨᒋ ᒠᓇ ᐅᒋᔅᒋᓄᐊᒧᐛᑭᓂᔨᐛ, ᒋᓴᔅ ᒋ ‍ ᐊᔨᒧᒪᐤ ᒠᓇ ᐊᓐᑕ ᐊ ‍ ᒥᒐᑎᓇᓄᐎᒡ ᐊ ‍ ᐃᔅᒋᔄᑦ, “ᐃᔅᐱ ᑲ ‍ ᓂᑐᐛᐱᒪᒄ ᒠᓐ ᐊᓐᑕ ᐸᐧᑯᑎᔅᑭᒥᑲᒡ ᑲ ‍ ᑭᒐᔅᒋᒧᑦ, ᐊᐛᓐ ᑲ ‍ ᐃᑕᔨᒪᒄ ᒐ ‍ ᐛᐱᒪᒄ ? ᒧᔭᒻ ᒥᔅᑯᓯᔭ ᑕᓐ ᐊ ‍ ᐃᑕᔅᑎᒋ ᒥᒄ ᐊᓐᑕ ᐊ ᐃᓯ ‍ ᔪᑎᒡ ᐊ ᐃᓯ ‍ ᓄᐛᔭᔅᑎᒋ ᐊᐅᑯᓐ ᐊ ‍ ᐃᑕᔨᑕᑯᓯᑦ ᐊᐛᓐ ᓇᔅᒡ ᐊ ‍ ᓂᓱᐅᓇᒋᒪᑭᓄᐅᑦ ? ᐊᐅᑯᓐ ᐊ ᑲ ‍ ᐃᑕᔨᒪᒄ ᒠᓐ ᐊ ‍ ᐃᑕᔨᑕᑯᓯᑦ᙮
\v 8 ᒐᒂᓐ ᒪᒃ ᐛᒋ ‍ ᓂᑐᐛᐱᒪᒄ ? ᐊᐛᓐ ᑲ ‍ ᐃᑕᔨᒪᒄ ᒐ ‍ ᐛᐱᒪᒄ ? ᓇᐸᐤ ᐊ ᓇᔅᒡ ᐊ ‍ ᒥᔽᔅᐱᓱᑦ ? ᐊᓐᒡ ᐊᐛᓐᒋ ᑲ ‍ ᒥᔽᔅᐱᓱᒡ ᒋᓴᐅᒋᒪᐛ ᐎᒋᔨᒡ ᐊᑯᑕ ᐊᑕᒡ᙮ 
\v 9 ᒐᒂᓐ ᒪᒃ ᐛᒋ ‍ ᓂᑐᐛᐱᒪᒄ ? ᔅᒋ ‍ ᐃᑕᔨᑕᓇᐛᐤ ᐊ ᐅᒋᔅᒋᐛᐃᒐᓱᐤ ᒐ ‍ ᐛᐱᒪᒄ ? ᓂᐦᐃ, ᒋ ‍ ᐎᑎᒪᑎᓇᐛᐤ ᐊᔪᐛᒃ ᐎᔾ ᒠᓐ ᒋ ‍ ᐃᑕᔨᑕᑯᓱᐤ ᐃᔅᐱᔅ ᑯᑎᑲ ᐅᒋᔅᒋᐛᐃᒐᓱᐛ᙮
\v 10 ᐊᐅᒄ ᐅ ᒠᓐ ᑲ ‍ ᐊᔨᒧᒪᑭᓄᐅᑦ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ ᑲ ‍ ᐃᑎᔅᑕᔨᒡ,
\q ᓂᑭ ‍ ᓂᑲᓂᑎᓴᐛᐤ ᐊᐛᓐ ᒐᒋ ᐊᔭᔅᑯᐎᐧᑲᐧᒃ ᐊᓂᔭᔪᐤ ᒪᔅᑭᓇᔪᐤ ᐊᓐᑕ ᒐ ‍ ᐱᒧᑕᐅᑦ᙮
\m
\v 11 ᒋ ‍ ᐎᑎᒪᑎᓇᐛᐤ, ᑕᑐᐤ ᐊᐛᓐᒋ ᑲ ‍ ᐱᒪᑎᓯᒡ ᓇᒪ ᐊᔪᐛᒃ ᐃᑕᔨᑕᑯᓱᐅᒡ ᑕᓐ ᐊ ‍ ᐃᑕᔨᑕᑯᓯᔨᒋ ᒠᓐ ᐅᓯᑲᐃᑕᒐᐛ᙮ ᐃᔭᐱᒡ ᒪᒃ ᐊᓐ ᑕᓐ ᒪᐅᒡ ᓄᑕᔅ ᑲ ‍ ᐃᑕᔨᑕᑯᓯᑦ ᒋᒋᒋᓯᒄ ᒋᓴᐅᒋᒪᐅᓂᒡ ᐊᔪᐛᒃ ᐎᔾ ᒋᔅᑕᔨᑕᑯᓱᐤ ᐃᔅᐱᔅ ᒠᓇ᙮
\v 12 ᑲ ᐃᔅᐱᔅ ‍ ᒋᒋᐱᔨᑕᑦ ᒪᒃ ᒠᓐ ᐅᓯᑲᐃᑕᒐᐤ ᐊ ‍ ᑭᒐᔅᒋᒧᑦ, ᐅᑕ ᒪᒃ ᐃᔅ ᐊᓄᒡ, ᒧᔅ ᐎ ᓯᓱᒐᔨᒧᑕᑭᓄᐤ ᒋᒋᒋᓯᒄ ᒋᓴᐅᒋᒪᐅᓐ, ᑭᔭ ᑲ ‍ ᐊᒂᑕᔨᑕᑯᓯᒡ ᐊᐛᓐᒋ ᓇᔅᒡ ᓱᒃ ᐊ ‍ ᒪᓯᒐᒡ ᐎᔨᐛᐤ ᐊ ᐎ ‍ ᒪᑯᓂᒪᓱᒡ᙮
\v 13 ᐛᔅ ᒥᓯᐛ ᐊᓂᔭᐧᑲ ᐅᒋᔅᒋᐛᐃᒐᓱᒡ ᒋ ‍ ᐎᑎᒧᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᒐ ‍ ᐅᑎᒋᐱᔨᒡ, ᐊᐅᑯᓐ ᒪᒃ ᑭᔭ ᑲ ᐃᓯ ᐸᒋ ‍ ᐎᑕᒂᒡ ᐊᓐᑕ ᐊᔭᒥᐊᐅ ᐎᓱᐛᐅᒥᓯᓇᐃᑭᓂᒡ ᐸᑐᔅ ᑲ ‍ ᑎᑯᓯᐧᒃ ᒠᓐ᙮
\v 14 ᐅᒡ ᐅᒋᔅᒋᐛᐃᒐᓱᒡ ᒋ ‍ ᐃᔅᒋᔄᐅᒡ ᐊᔅᒄ ᒐ ‍ ᑎᑯᓯᓂᔨᒋ ᐃᓚᐃᒐᔨᒋ, ᑎᔭᑈᑎᐛᐛᒂ ᒪᒃ, ᐅ ᒠᓐ ᐊᐅᑯᓐ ᐊᓐ ᐃᓚᐃᒐ᙮ ᐊᐅᒄ ᐅ ᐅᒋᔅᒋᐛᐃᒐᓱᐤ ᒐ ‍ ᑎᑯᓯᓂᑯᐱᓇ᙮
\v 15 ᐎ ᓂᔅᑐᑎᒧᒄ ᒪᒃ ᑕᓐ ᑲ ᐃᓯ ‍ ᐸᑎᒪᒄ᙮”
\s2 Matthew 11.16-19,25-30 (Proper-9 Year A)
\p
\v 16 “ᓂᑭ ‍ ᐊᔨᒧᒪᐅᒡ ᐃᔪᒡ ᐊᓄᒡ ᒪᒂᒡ ᑲ ‍ ᐱᒪᑎᓯᒡ ᑕᓐ ᐊ ‍ ᐃᑕᔨᑕᑯᓯᒡ᙮ ᒧᔭᒻ ᐊᐛᓯᒡ ᐊᑲ ᒋ ‍ ᓂᓇᐊᔨᑎᒥᐃᑐᒡ ᐊ ᐃᓯ ‍ ᒪᑐᐛᒡ ᐊᐅᑯᓐ ᐊ ‍ ᐃᑎᒡ᙮
\v 17 ᐊ ‍ ᑕᑈᑎᑐᒡ, ᐊ ‍ ᐃᔅᒋᔄᒡ,
\q ‘ᐊ ‍ ᓂᐳᐅᓇᓄᐅᒡ ᓂᒋ ᐎ ᐃᓯ ‍ ᒪᑐᐛᓇᓐ, ᐊ ‍ ᒋᔍᐛᐱᒐᔭᒡ ᐊ ‍ ᑎᔭᒡ, ᓇᒪ ᒪᒃ ᒋ ᐅᒋ ‍ ᓂᒥᓇᐛᐤ,
\q ᑭᔭ ᓂᒋ ‍ ᓂᑭᒧᓇᓐ ᐊ ‍ ᒋᔅᑎᒪᒋᑕᒂᒋ ᓂᑭᒧᐅᓇ, ᓇᒪ ᒪᒃ ᒋ ᐅᒋ ‍ ᒪᓇᐛᐤ᙮’
\m
\v 18 ᐃᔅᐱ ᒪᒃ ᒠᓐ ᑲ ‍ ᑎᑯᓯᐧᒃ ᓇᒪ ᐊᓯᑯᒻ ᐅᒋ ᐅᑎᓂᒻ ᒥᒋᒥᔪᐤ, ᓇᒪ ᑭᔭ ᐅᒋ ᒥᓄᐤ ᓱᒥᓇᐳᔪᐤ, ᑭᔭ ᒂ ‍ ᐃᑕᑭᓄᐅᑦ ᒥᒋ ‍ ᐊᒐᒂ ᐱᔅᑲᑯᐤ᙮
\v 19 ᐊᑯ ᒪᒃ ᐃᔪᐤ ᐅᑯᓯᓴᓐ ᒋ ‍ ᒥᒋᓱᐤ ᑭᔭ ᒋ ‍ ᒥᓄᐤ, ᒋ ‍ ᐃᔅᒋᔄᔪᐛ ᒪᒃ ᐊᐛᔪᐛ, ‘ᑭᓄᐛᐱᒪᐧᒄ ᒪ ᐅ ᓇᐸᐤ, ᑕᑈ ᒥᔅᑎ ‍ ᒥᒋᓱᐤ ᑭᔭ ᑕᑈ ᐎᒋᐸᐤ, ᐊ ‍ ᐅᐎᒐᐛᑭᓂᑦ ᐅᒥᒐᑎᓯᐛ, ᑭᔭ ᐊᓂᔭᔪᐛ ᓂᑎᒥᒄ ᑲ ‍ ᐃᑎᔨᒋ ᑲ ‍ ᒪᒧᓴᒋᓂᒥᔨᒋ ᒋᓴᐅᒋᒪᐤ ᓱᓇᔭᔪᐤ᙮’ ᒥᒄ ᒪᒃ ᑕᓐ ᐊ ᐃᓯ ‍ ᐱᒪᑎᓯᑦ ᐊᐛᓐ ᐊᑯᑕ ᐊ ‍ ᓄᑯᓂᔨᒡ ᑕᓐ ᐊ ᐃᓯ ‍ ᑭᒐᑕᐛᔨᑕᐧᒃ᙮”
\s1 ᐊᓂᔭ ᐅᑕᓇᐛ ᐊᓐᑕ ᐊᑲ ᑕᑈᔭᔨᒪᑭᓄᐅᑦ ᒋᓴᔅ
\r ᓗᒃ 10.13-15
\p
\v 20 ᐊᓐᑕ ᒪᒃ ᐊᓂᔭ ᐅᑕᓇᐛ ᒋᓴᔅ ᒪᐅᒡ ᑲ ‍ ᐃᑐᑕᐧᒃ ᒪᒥᔅᑲᒡ ᐃᑐᐅᓇ ᐊᓐᒡ ᒪᒃ ᐃᔪᒡ ᑲ ‍ ᑕᒡ ᐊᓐᑕ ᐊᓂᔭ ᐅᑕᓇᐛ ᐃᔭᐱᒡ ᓇᒪ ᐅᒋ ᒂᔅᑲᑎᓯᐅᒡ᙮ ᓇᒪ ᒪᒃ ᐅᒋ ᒥᓇᒋᒪᐤ ᐊ ‍ ᐃᑕᑦ,
\v 21 “ᒋᔨᐛᐤ ᑲ ‍ ᑕᔭᒄ ᐊᓐᑕ ᐅᑕᓇᒡ ᑯᕋᓯᓐ ᑲ ‍ ᐃᓯᓂᐧᑲᑕᒡ ᐊᔪᐛᒡ ᒋᑭ ‍ ᒥᒋᐱᔨᓇᐛᐤ, ᑭᔭ ᒋᔨᐛᐤ ᐸᑦᓴᐃᑕ ᑲ ‍ ᑕᔭᒄ ᐊᐅᑯᓐ ᒧᔭᒻ ᒐ ᐃᓯ ‍ ᒥᒋᐱᔭᒄ ᑭᔭ ᒋᔨᐛᐤ᙮ ᐛᔅ ᐊᓂᔭ ᒪᒥᔅᑲᒡ ᒐᒂᔪᐛ ᑲ ᐃᓯ ‍ ᐃᑐᑎᒪᑯᐅᔭᒄ ᒋ ‍ ᐃᑐᑕᑭᓄᐎᒂᓂ ᐊᓐᑕ ᐛᔅᑭᒡ ᑕᐃᕋ ᑭᔭ ᓴᐃᑐᓐ ᑲ ‍ ᐃᓯᓂᐧᑲᑕᒋ ᐅᑕᓇᐛ, ᓴᔅ ᐛᔅᑭᒡ ᒋᐸ ‍ ᒂᔅᑲᑎᓱᐅᒡ ᐎᔨᐛᐤ ᐊᓐᒡ ᐃᔪᒡ᙮ ᐊᑯ ᒪᒃ ᐊ ᐎ ‍ ᓄᑯᑕᒡ ᐊᔅᐱᔅ ᒥᑕᒋᔨᐛᓯᒡ ᐅᒥᒋᑥᐅᓄᐛᐛ ᒋᐸ ‍ ᐱᔎᔭᑭᐳᐅᒡ ᐊ ‍ ᑲᐛᑭᓂᔨᒋ ᐊᐱᒋᑕᐅᓇ, ᐊᓐᑕ ᒪᒃ ᐃᔎᔅᒐᒡ ᒋᐸ ‍ ᐊᐳᐅᒡ᙮
\v 22 ᒋ ‍ ᐎᑎᒪᑎᓇᐛᐤ ᐃᔅᐱ ᐅᑎᒋᐱᔨᒐ ᒐ ‍ ᑎᐸᔅᑯᓂᒐᐅ ᒋᓯᑲᒡ, ᒋᓴᒪᓂᑐᐤ ᒋᑭ ‍ ᐛᐛᓯᐊᐤ ᐊᓂᔭ ᑕᐃᕋ ᑭᔭ ᓴᐃᑐᓐ ᑲᒋ ‍ ᑕᔨᒋ᙮ ᒋᔨᐛᐤ ᒪᒃ ᐊᑐᐎᔅ ᒋᑭ ‍ ᐛᐛᓯᐃᑯᐅᓇᐛᐤ᙮
\v 23 ᐊᑯ ᒪᒃ ᒋᔨᐛᐤ ᐊᓐᑕ ᑲᐳᕐᓇᐊᒥᒡ ᑲ ‍ ᑕᔭᒄ ᓇᔅᒡ ᑕᑈ ᒋᑦ ᐊᔅᐸᔨᒧᓇᐛᐤ ᐊᓐᑕ ᒋᒋᒋᓯᑯᒡ ᒐᒋ ᐃᓯ ‍ ᐅᑎᓂᑯᐅᔭᒄ᙮ ᓇᒪ ᒪᒃ, ᒥᒋ ‍ ᐃᔅᑯᑕᒡ ᒋᑭ ᐃᓯ ‍ ᓂᑎᒋᐛᐱᓂᑯᓇᐛᐤ᙮ ᒪᒥᔅᑲᒡ ᒐᒂᔪᐛ ᒋ ᐃᓯ ‍ ᐃᑐᑕᑭᓄᐛ ᐊᓐᑕ ᒋᑦ ᐃᑕᐅᓄᐛᒡ ᐃᔭᐱᒡ ᒪᒃ ᓇᒪ ᒋ ᐅᒋ ‍ ᒂᔅᑲᑎᓯᓇᐛᐤ ᑭᔭ ᐊᓂᔭ ᒪᒥᔅᑲᒡ ᒐᒂᔪᐛ ᑲ ᐃᓯ ‍ ᐃᑐᑎᒪᑯᐅᔭᒄ, ᒋ ‍ ᐃᑐᑕᑭᓄᐎᒂᓂ ᐊᓐᑕ ᓱᑕᒻ ᐅᑕᓇᒡ ᒋᐸ ‍ ᒂᔅᑲᑎᓱᐅᒡ ᐊᓐᒡ ᐊᓐᑕ ᑲ ‍ ᑕᒡ ᑭᔭ ᐊᓄᒡ ᐊᔅᒄ ᒋᐸ ‍ ᑎᑯᓐ ᐊᓐ ᐅᑕᓇᐤ᙮
\v 24 ᒋ ‍ ᐎᑎᒪᑎᓇᐛᐤ ᒪᒃ ᐃᔅᐱ ᐅᑎᒋᐱᔨᒐ ᒐ ‍ ᑎᐸᔅᑯᓂᒐᐅ ᒋᓯᑲᒡ, ᒋᔨᐛᐤ ᐅᔅᑕ ᐊᒂᒡ ᒋᑭ ᐃᓯ ‍ ᑎᐸᔅᑯᓂᑯᓇᐛᐤ ᐃᔅᐱᔅ ᐊᓐᒡ ᐃᔪᒡ ᓱᑕᒻ ᑲ ‍ ᑕᒡ ᐊᑎ ᐊᓂᔭ ᐊᒋ ‍ ᐃᔅᐱᔅ ᒥᒐᑎᓯᒡ᙮”
\s1 ᒋᓴᔅ ᑲ ‍ ᐎᓴᒪᑦ ᐊᐛᔪᐛ ᒐᒋ ᓂᑐᐛᐱᒥᑯᑦ
\r ᓗᒃ 10.21,22
\s2 Matthew 11.16-19, 25-30 (Proper-9 Year A)
\p
\v 25 ᐊᑯᑕ ᒪᒃ ᒋᓴᔅ ᑲ ‍ ᐊᔭᒥᐊᑦ ᐊ ‍ ᐃᔅᒋᔄᑦ, “ᓄᑕ, ᒋ ‍ ᓂᓇᔅᑯᒥᑎᓐ ᐊᒋ ‍ ᐛᐸᑎᔨᑥᐤ ᐊᓐᒡ ᐊᐛᓐᒋ ᐊᑲ ᐅᒋ ᒋᔅᑯᑎᒧᐛᑭᓄᐎᒡ ᐊᓂᔭᔪᐛ ᒐᒂᔪᐛ ᑲ ‍ ᑲᑐᐅᑥᐤ ᑲ ‍ ᑭᒐᑕᐛᔨᑕᒡ᙮
\v 26 ᓂᐦᐃ, ᓄᑕ ᒋ ‍ ᓂᓇᔅᑯᒥᑎᓐ ᐛᔅ ᐊᐅᑯᓐ ᐅ ᑲ ᐃᓯ ‍ ᓇᐊᔨᑎᒥᓐ᙮”
\p
\v 27 ᐊᑯ ᐃᔅᐱ ᑲᒋ ᐃᓯ ‍ ᐊᔭᒥᐊᑦ ᒋᓴᔅ ᒋ ‍ ᐃᑕᐤ, “ᓄᑕᐎᔾ ᒥᓯᐛ ᒐᒂᔪᐤ ᓂᒋ ‍ ᒥᔨᒄ ᒐᒋ ᓂᓇᑭᑐᐛᔨᑎᒧᒡ᙮ ᐛᔅ ᓇᒪ ᐊᐛᓐ ᒋᔅᒐᔨᒪᐤ ᐅᑯᓯᓯᒪᐛ, ᒥᒄ ᐅᑕᐎᒪᐤ ᒋᔅᒐᔨᒪᐤ᙮ ᑭᔭ ᓇᒪ ᐊᐛᓐ ᒋᔅᒐᔨᒪᐤ ᐅᑕᐎᒪᐛ, ᒥᒄ ᐅᑯᓯᓯᒪᐤ ᒋᔅᒐᔨᒪᐤ, ᑭᔭ ᒥᒄ ᐎᔾ ᐅᑯᓯᓯᒪᐤ ᒋᑭ ‍ ᐅᑎᓇᐤ ᐊᐛᔪᐛ ᐊᓂᔭᔪᐛ ᒐᒋ ᒋᔅᒐᔨᒪᔨᒋ ᐅᑕᐎᒪᐛ᙮”
\p
\v 28 “ᐸᒋ ‍ ᓇᓯᒄ ᒥᓯᐛ ᒋᔨᐛᐤ ᑲ ‍ ᐊᑐᔅᒐᔭᒄ ᑭᔭ ᑲ ‍ ᑈᒧᐅᑕᔭᒄ, ᒋᑭ ‍ ᒥᔨᑎᓇᐛᐤ ᒐᒋ ᐊᔽᓯᔭᒄ᙮
\v 29 ᐅᑎᓂᒪᓱᒄ ᓂᑦ ᐊᐱᔅᑲᑭᓐ, ᒋᔅᒋᓄᐛᐱᒥᒄ ᒪᒃ, ᐛᔅ ᓂᔪᔅᐸᑎᓯᓐ ᑭᔭ ᓂ ‍ ᑎᐱᑕᔨᒧᓐ ᓂᑕᐃᒡ᙮ ᑭᔭ ᒋᑭ ‍ ᒥᔅᑲᓇᐛᐤ ᒪᒃ ᒐ ᐃᓯ ‍ ᐊᔽᐱᒡ ᒋᑦ ᐊᒐᐧᑯᐛᐅᒡ᙮
\v 30 ᐛᔅ ᐛᑎᓐ ᓂᑦ ᐊᐱᔅᑲᒐᐅᓐ ᑭᔭ ᐃᔭᑭᓱᐤ ᓂᐎᐅᓱᐅᓐ᙮”
\c 12
\s1 ᐊ ‍ ᐊᔭᒥᐊᐅᒋᓯᑲᒡ ᐊ ‍ ᐊᔨᒧᑕᒡ
\r ᒪᕐᒃ 2.23-28; ᓗᒃ 6.1-5
\p
\v 1 ᒪᒂᒡ ᒪᒃ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ ᒋᓴᔅ ᒋ ‍ ᐎᒐᐛᐤ ᐅᒋᔅᒋᓄᐊᒧᐛᑭᓇ, ᐊ ᐊᑎ ‍ ᐱᒧᑕᒡ ᐊᓐᑕ ᑲᒋ ‍ ᓂᑕᐅᒋᓂᔨᒋ ᓂᑕᐅᒋᑕᑭᓇ ᐊᓐᑕ ᐛᒋ ‍ ᐅᓯᐊᑭᓄᐅᑦ ᐸᒂᓯᑭᓐ᙮ ᒋ ‍ ᓯᐛᔪᐛ ᒪᒃ ᐊᓂᔭ ᐅᒋᔅᒋᓄᐊᒧᐛᑭᓇ, ᐊᑯ ᑲ ‍ ᓇᓇᑥᔭᔅᑯᐱᑎᒥᔨᒋ ᐊᓂᔭ ᓂᑕᐅᒋᑕᑭᓇ ᒐ ‍ ᒥᒋᔨᒋ᙮
\v 2 ᐃᔅᐱ ᒪᒃ ᐊᓐᒡ ᐸᕆᓯᔨᒡ ᐎᔭᐱᒪᒡ ᐊᓂᔭ ᐊ ‍ ᐃᑎᔨᒋ ᒋ ‍ ᐃᑕᐅᒡ ᐊᓂᔭ ᒋᓴᓴ, “ᒐᒂᓐ ᐛᒋ ‍ ᐃᑐᑎᒪᒄ ᐊᓐ ᒐᒂᓐ ᐊᑐᒡ ᒋᐸ ᐅᒋ ‍ ᐃᑐᑕᑭᓄᐤ ᐊ ‍ ᐊᔭᒥᐊᐅᒋᓯᑲᒡ ?”
\p
\v 3 ᐊᑯ ᒋᓴᔅ ᐊᑕᑦ ᐊᓂᔭ ᐸᕆᓯᐊ, “ᔅᒋ ‍ ᐃᔨᒥᑕᓇᐛᒐ ᒥᓯᓇᐃᑭᓂᒡ ᑲ ‍ ᑎᐸᒋᒪᑭᓄᐅᑦ ᐊᓂᔭ ᒋᓴᐅᒋᒪᐤ ᑎᐱᑦ, ᒥᓯᐛ ᒪᒃ ᐊᓂᔭ ᑲ ‍ ᐎᒐᐅᑯᑦ ᐃᔅᐱ ᑲ ᐎ ‍ ᒥᒋᓱᒡ ?
\v 4 ᐊᓂᔭ ᒋᓴᐅᒋᒪᐤ ᑎᐱᑦ ᒋ ‍ ᐱᒐᐤ ᒋᓴᐊᔭᒥᐊᐅᒋᐛᐱᒡ ᑭᔭ ᒂ ‍ ᒧᐛᑦ ᐊᓂᔭ ᑲ ‍ ᐸᔭᒋᓯᔨᒋ ᐸᒂᓯᑭᓇ, ᐊᑯ ᒂ ‍ ᐊᓯᒪᑦ ᐎᒐᐛᑭᓇ᙮ ᒥᒄ ᒪᒃ ᐊᔭᒥᐊᐅᒋᒪᐅᒡ ᒋ ‍ ᐃᑕᔨᑕᑯᓱᐅᒡ ᒐᒋ ᒧᐛᒡ ᐅᔭ ᐸᒂᓯᑭᓇ, ᐛᔅ ᐊᐅᑯᓐ ᑲ ‍ ᐃᑎᔅᑕᔨᒡ ᐊᔭᒥᐊᐅ ᐎᓱᐛᐅᒥᓯᓇᐃᑭᓂᒡ᙮ ᑎᐱᑦ ᒪᒃ ᓇᒪ ᐅᒋ ᐛᐛᓯᐊᑭᓄᐤ᙮
\v 5 ᑭᔭ ᔅᒋ ‍ ᐃᔨᒥᑕᓇᐛᒐ ᐊᓐᑕ ᐎᓱᐛᐅᒥᓯᓇᐃᑭᓂᒡ, ᐊᓐᒡ ᐊᔭᒥᐊᐅᒋᒪᐅᒡ ᐊ ‍ ᐊᑐᔅᒐᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ‍ ᐊᔭᒥᐊᐅᒋᓯᑲᔨᒡ ᐱᑯᓂᒧᒡ ᐊᓂᔭ ᐎᓱᐛᐅᓂᔪᐤ ᑕᓐ ᒋᐸ ᐃᓯ ‍ ᓂᓇᑭᑐᐛᔨᑕᑭᓄᐅᔪᐤ ᐊ ‍ ᐊᔭᒥᐊᐅᒋᓯᑲᔨᒡ, ᓇᒪ ᒪᒃ ᒐᒂᔪᐤ ᒋᑭ ᒋ ᐃᓯ ‍ ᐊᑕᒪᔨᑕᑯᓱᐅᒡ ?
\v 6 ᒋ ‍ ᐎᑎᒪᑎᓇᐛᐤ, ᑕᐤ ᐊᐛᓐ ᐅᑕ ᐅᔅᑕ ᐊ ‍ ᐃᔅᐸᔨᑕᑯᓯᑦ ᐃᔅᐱᔅ ᐎ ᑕᓐ ᐊ ‍ ᐃᑐᑕᑭᓄᐅᒡ ᒍᐤ ᒋᓴᐊᔭᒥᐊᐅᒋᐛᑉ᙮
\v 7 ᐛᔅ ᐃᑎᔅᑕᐤ ᒥᓯᓇᐃᑭᓂᒡ ᒋᓴᒪᓂᑐᐤ ᐊᒋ ‍ ᐃᔅᒋᔄᑦ, ‘ᒋᓴᐛᑎᓯᐅᓐ ᐊᐅᒄ ᓇᑐᐛᔨᑎᒪᓐ, ᓇᒪ ᐎ ᐊ ‍ ᒥᑐᔅᑕᐊᒪᓄᐅᒡ ᒐᒂᓐ,’ ᓂᔅᑐᑎᒧᒄ ᒪᒃ ᐅ ᑕᓐ ᐊᓐ ᐊ ‍ ᐃᔅᒋᔄᒥᑲᒡ, ᓇᒪ ᒋᐸ ᐅᒋ ‍ ᑎᐸᔅᑯᓇᐛᐅᒡ ᐊᓐᒡ ᐊᑲ ᒥᒋᑐᑕᒡ᙮
\v 8 ᐛᔅ ᐃᔪᐤ ᐅᑯᓯᓴᓐ, ᐛᐛᒡ ᐊ ‍ ᐊᔭᒥᐊᐅᒋᓯᑲᔨᒡ ᑎᐸᔨᑎᒻ᙮”
\s1 ᓇᐸᐤ ᑲ ‍ ᒪᔅᑲᔨᒡ ᐅᑎᒋᔾ
\r ᒪᕐᒃ 3.1-6; ᓗᒃ 6.6-11
\p
\v 9 ᐊᑯ ᒋᓴᔅ ᒂ ‍ ᔅᑐᑕᑦ ᐊᓐᑕ ᐅᒋ, ᐊᑯ ᐊᓐᑕ ᐊᔭᒥᐊᐅᒋᐛᐱᒡ ᒂ ‍ ᐱᒐᑦ᙮
\v 10 ᒋ ‍ ᑕᐤ ᒪᒃ ᐊᓐᑕ ᓇᐸᐤ ᐅᑎᒋᔾ ᐊ ‍ ᒪᔅᑲᔨᒡ᙮ ᒋ ‍ ᑕᐅᒡ ᒪᒃ ᐊᓐᑕ ᐱᔅᒐ ᐸᕆᓯᔨᒡ ᐊ ‍ ᒋᒧᑦ ᓂᓇᑭᑐᐛᔨᒪᒡ ᐊᓂᔭ ᒋᓴᓴ ᐊ ᐎ ‍ ᓇᓂᑐᐤ ᒥᔅᑲᒡ ᒐᒂᔪᐤ ᒐᒋ ᐅᒋ ‍ ᐊᑕᒪᔨᒪᒡ ᐊ ‍ ᒥᒋᑐᑎᒥᔨᒋ ᐊᑯ ᒂ ‍ ᑯᒂᒋᒪᒡ, “ᐅᓂᑐᑕᑭᓄᐤ ᐊ ᐊᐛᓐ ᐊ ‍ ᒥᓏᒋᐊᑭᓄᐅᑦ ᐊᔭᒥᐊᐅᒋᓯᑲᔨᒡ ?”
\p
\v 11 ᐊᑯ ᒋᓴᔅ ᐊᑕᑦ, “ᐸᐃᒄ ᐊᓐ ᐊᐛᓐ ᐊᓐᑕ ᐊ ‍ ᑎᓯᔭᒄ ᐅᒪᔭᑕᓂᓯᒪ ᐱᒋᐱᔨᒋ ᐊᓐᑕ ᐊ ‍ ᐱᑯᓇᔭᔨᒡ ᓇᒪᐎᔾ ᐊ ᐃᔭᐱᒡ ᒋᑭ ᐅᒋ ᐎ ‍ ᐎᐧᑯᒋᐊᐤ ᐊᓐᑕ ᐊᓂᔭ ᑲ ‍ ᐱᒋᐱᔨᒋ ᐊᑎ ᐊᔭᒥᐊᐅᒋᓯᑲᔨᒡ ?
\v 12 ᐅᔅᑕ ᒪᒃ ᓇᐸᐤ ᐃᑕᔨᑕᑯᓱᐤ ᐃᔅᐱᔅ ᒪᔭᑕᓂᓴ᙮ ᓇᒪ ᒪᒃ ᐎᔭᓯᔨᓐ ᐊ ᒥᔪ ‍ ᐎᒋᐃᑦ ᐊᐛᓐ ᐊᔭᒥᐊᐅᒋᓯᑲᔨᒡ᙮”
\v 13 ᐊᑯ ᐊᑕᑦ ᐊᓂᔭ ᓇᐸᐛ ᐅᑎᒋᔪᐤ ᑲ ‍ ᒪᔅᑲᔨᒡ, “ᓴᑐᐱᔨᑕ ᔅᑎᒋᔾ᙮” ᒋ ‍ ᓴᑐᐱᔨᑕᐤ ᒪᒃ ᐊᓐ ᓇᐸᐤ ᐊᓂᔭ ᐅᑎᒋᔾ, ᐊᑯ ᒪᒃ ᑲ ‍ ᒥᓏᒋᑕᑭᓄᐎᒡ ᐊᓂᔭ ᐅᑎᒋᔾ᙮ ᒧᔭᒻ ᐊᓂᔭ ᑯᑎᒋᔪᐤ ᐅᑎᒋᔾ ᑲ ᐃᓯ ‍ ᒥᔽᔨᒡ, ᐊᐅᑯᓐ ᑲ ‍ ᐃᓯᓇᑯᓂᔨᒡ ᐊᓂᔭ ᐅᑎᒋᔾ ᑲ ‍ ᒪᔅᑲᔨᒡ᙮
\v 14 ᐊᑯ ᒂ ‍ ᔅᑐᑕᒡ ᐊᓐᒡ ᐸᕆᓯᔨᒡ, ᒂ ‍ ᐃᔭᔨᒺᐛᐃᑯᒡ ᑕᓐ ᒋᐸ ᒋ ‍ ᐃᑐᐅᒡ ᒐᒋ ᓂᐸᐊᒡ ᒋᓴᓴ᙮
\s1 ᐊᓂᔭ ᑲ ‍ ᐅᑎᓇᑦ ᒐ ‍ ᐅᑦ ᐊᐱᒋᐊᑭᓐᑦ ᒋᓴᒪᓂᑐᐤ
\p
\v 15 ᐃᔅᐱ ᒪᒃ ᒋᓴᔅ ᐱᔭᑕᐧᒃ ᑕᓐ ᐛᑐᑐᐛᑭᓄᐅᑦ ᒋ ‍ ᔅᑐᑕᐤ, ᒥᒐᑦ ᒪᒃ ᐊᐛᔪᐛ ᒋ ‍ ᓇᓴᐅᑯᐤ᙮ ᒋ ‍ ᒥᓏᒋᐊᐤ ᒪᒃ ᐊᓂᔭ ᒥᓯᐛ ᑲ ‍ ᐊᐧᑯᓯᔨᒋ ᐊᐛᔪᐛ᙮
\v 16 ᐊᑯ ᒋᓴᔅ ᒂ ‍ ᐃᑎᓱᒪᑦ ᒐ ᐊᑲ ‍ ᐎᑎᒧᐛᔨᒋ ᑯᑎᑲ ᐊᐛᔪᐛ ᑕᓐ ᑲ ‍ ᐃᑎᑦ᙮
\v 17 ᐊᓂᔭ ᒪᒃ ᑲ ‍ ᐃᑎᑦ ᐊᐅᑯᓐ ᑲ ‍ ᐃᔅᐱᔨᒡ ᐊᓂᔭ ᑕᓐ ᑲ ‍ ᐃᔅᒋᔄᑦ ᒋᓴᒪᓂᑐᐤ, ᑕᓐ ᑲ ᐃᓯ ‍ ᒥᔭᑦ ᐅᒋᔅᒋᐛᐃᒐᓱᐛ ᐊᐃᓴᔭᔨᒋ ᒐᒋ ᐃᓯ ‍ ᐊᔨᒧᑎᒥᔨᒋ᙮
\q
\v 18 ᒪᐅ ᓂᑦ ᐊᐱᒋᐊᑭᓐ ᑲ ‍ ᐅᑎᓂᒃ, ᐊᓐ ᑲ ‍ ᓴᒋᐊᒃ, ᑭᔭ ᑲ ‍ ᓂᓇᐊᔨᑎᒥᐃᑦ᙮
\q ᓂᑭ ‍ ᒥᔭᐤ ᓂᑦ ᐊᒐᒂ ᑭᔭ ᒐ ‍ ᐎᑎᒧᐛᑦ ᒥᓯᐛ ᐊᐛᔪᐛ ᓂᓇᐧᑯᐤ ᐊ ‍ ᐃᑎᔅᑲᓇᓯᔨᒋ ᒐ ‍ ᑎᐸᔅᑯᓇᑭᓄᔨᒋ᙮
\q
\v 19 ᓇᒪ ᒋᑭ ᐅᒋ ‍ ᓇᓂᑐᐤ ᒥᒋᐱᔪᐤ ᑭᔭ ᓇᒪ ᒋᑭ ᐅᒋ ‍ ᑕᑈᐤ ᓂᑦ ᐊᐱᒋᐊᑭᓐ, ᒪᒃ ᒐᒋ ᐱᐸᑕᑯᐅᑦ ᐊᓐᑕ ᒪᔅᑭᓇᒡ᙮
\q
\v 20 ᑭᔭ ᓇᒪ ᒋᑭ ᐅᒋ ‍ ᐸᒋᓯᒪᐤ ᐊᓂᔭ ᒐᑲᑦ ᑲ ‍ ᐸᒋᓯᓂᔨᒋ ᑭᔭ ᒋᑭ ‍ ᐎᒋᐊᐤ ᐊ ‍ ᓯᒋᒪᑦ ᒐ ᐊᑲ ‍ ᐳᓂᔨᒋ ᐊᓂᔭ ᑲ ᐎ ‍ ᓄᑎᐳᓂᔨᒋ᙮
\q ᓇᒪ ᒪᒃ ᒋᑭ ᐅᒋ ‍ ᐳᓂᔪᐤ ᐸᑐᔅ ᒥᓯᐛ ᒐᒂᔪᐛ ᒋ ‍ ᑯᐃᔅᑯᓇᑯᑕᒐ ᑭᔭ ᒋᑭ ‍ ᓴᒂᐊᐤ ᐊᓂᔭᔪᐛ ᑲ ᐎ ‍ ᓂᔅᑯᔅᑕᑯᑦ᙮
\q
\v 21 ᒥᓯᐛ ᒪᒃ ᐊ ‍ ᐃᑎᔅᑲᓇᓯᔨᒋ ᐃᔪᐛ ᒋᑭ ‍ ᐃᔅᐸᔨᑎᒥᔪᐛ ᐅᑦ ᐃᓯᓂᐧᑲᓱᐅᓐ᙮
\m ᐊᐅᑯᓐ ᒪᒃ ᐅᔭ ᑲ ‍ ᓂᑲᓐ ᐃᔅᒋᔄᒂ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᐊ ‍ ᐊᔨᒧᒪᑦ ᒋᓴᓴ᙮
\s1 ᑕᓐᑕ ᑲ ‍ ᐅᑎᓇᐧᒃ ᒋᓴᔅ ᐅᒥᔅᑯᓯᐅᓐ
\r ᒪᕐᒃ 3.20-30; ᓗᒃ 11.14-23
\p
\v 22 ᐱᔅᒐ ᐊᐛᓐᒋ ᒋ ‍ ᐸᓱᐛᐅᒡ ᓇᐸᐛ ᐊᓐᑕ ᒋᓴᓴ ᐊ ‍ ᑕᔨᒋ ᐊᑲ ᐛᐸᑎᒥᔨᒋ ᑭᔭ ᐊᑲ ᐅᒋ ᐃᔨᒥᔨᒋ, ᐊᒋ ‍ ᐱᒋᔅᑲᑯᔨᒋ ᒥᒋ ‍ ᐊᒐᒂ᙮ ᐊᑯ ᒋᓴᔅ ᑲ ‍ ᒥᓏᒋᐊᑦ ᐊᓂᔭ ᓇᐸᐛ, ᐊ ᐊᑲ ᐅᒋ ‍ ᓂᑕᐛᔨᒋ ᑭᔭ ᐊ ᐊᑲ ᐅᒋ ‍ ᐛᐸᑎᒥᔨᒋ᙮
\v 23 ᐊᓐᒡ ᒪᒃ ᐃᔪᒡ ᒥᓯᐛ ᒋ ‍ ᒥᔅᑲᑕᔨᑎᒧᒡ ᑕᓐ ᑲ ᐃᓯ ‍ ᐛᐱᒪᒡ ᒋᓴᓴ ᐊ ‍ ᐃᑐᑎᒥᔨᒋ᙮ ᒋ ‍ ᐃᑕᐅᒡ ᒪᒃ, “ᒂᔄᓐ ᑕᑈ ᒋᓴᔅ, ᐊᐅᒄ ᐊᓂᔭ ᒋᓴᒪᓂᑐᐤ ᑲ ᐸᒋ ‍ ᐃᑎᓴᐛᑦ ᐊᓐᑕ ᐊᓂᔭ ᒋᓴᐅᒋᒪᐛ ᑎᐱᑕ ᐊ ‍ ᑕᔨᒋ ᑲ ‍ ᐃᑎᔅᑲᓇᓯᑦ᙮”
\p
\v 24 ᒥᒄ ᒪᒃ ᐃᔅᐱ ᑲ ‍ ᐸᑐᐛᒡ ᐊᓐᒡ ᐸᕆᓯᔨᒡ ᐊᓂᔭ ᐊ ‍ ᐃᔅᒋᔄᔨᒋ, ᒋ ‍ ᐃᑕᐅᒡ, “ᐸᐃᓪᓯᐳᓪ, ᐊᓂᔭ ᒥᒋ ‍ ᐊᒐᐧᑯᒡ ᐅᒋᒪᒧᐛᐛ ᐊᔪᑯᓐ ᐊᓂᔭ ᑲ ‍ ᒥᔨᑯᑦ ᒥᑕᐅᓂᔪᐤ ᒐᒋ ᐎᐎᑎᓴᐛᔨᒋ ᒥᒋ ‍ ᐊᒐᒂ᙮”
\p
\v 25 ᒋᓴᔅ ᒪᒃ ᒋ ‍ ᒋᔅᒐᔨᒪᐤ ᑕᓐ ᐊ ᐃᓯ ‍ ᒪᒥᑐᓇᔨᑎᒥᔨᒋ ᐊᑯ ᐊᑕᑦ, “ᐃᔪᒡ ᐅᑕ ᐸᐃᒄ ᐅᑕᓇᒡ ᒪᓯᐧᑲᑐᑥᐛ ᒋᑭ ‍ ᓂᓱᐅᓇᒋᐃᑐᐅᒡ᙮ ᒧᔭᒻ ᑕᓐ ᐊ ‍ ᐃᓯᓇᒂᒡ ᐸᐃᒄ ᐅᑕᓄᐤ ᐊᐛᓐᒋ ᐊ ‍ ᒥᒋᐱᔨᒡ, ᐊ ‍ ᑎᐸᓂᐃᑐᒡ, ᐊ ‍ ᒥᒋᐱᔨᒡ ᓇᒪ ᒋᑭ ᐅᒋ ‍ ᒋᐧᑲᐛᒋᐱᔪᐅᒡ ᑭᔭ ᒋᑭ ‍ ᓂᓱᐅᓇᒋᐃᑐᐅᒡ᙮
\v 26 ᐊᓐᒡ ᒪᒃ ᑲ ‍ ᓇᓴᐛᒡ ᒥᒋᒥᓂᑐᐛ, ᒪᓯᐧᑲᑐᑥᐛ ᒪᒃ, ᒋᑭ ‍ ᓂᓱᐅᓇᒋᑕᑭᓄᐅᔪᐤ ᒥᒋᒥᓂᑐᐤ ᐅᒋᓴᐅᒋᒪᐅᓐ᙮
\v 27 ᐊᐅᒄ ᒪᒃ ᒋᐸ ‍ ᐃᔅᐸᐃᔪᐤ ᑕᑈ ᐊᓐ ᒥᒋ ‍ ᐊᒐᐧᒄ ᐅᒋᒪᐤ ᐸᐃᓪᓯᐳᓪ ᑲ ‍ ᐃᓯᓂᐧᑲᑕᑭᓄᐅᑦ ᐸᒋ ‍ ᒥᔨᑦ ᑭᔅᒋᐅᓂᔪᐤ ᒐᒋ ᐊᐱᒋᑕᐅᒡ ᒐᒋ ᐎᐎᑎᓴᐅᒂᐤ ᒥᒋ ‍ ᐊᒐᐧᑯᒡ᙮ ᒋᔨᐛᐤ ᒪᒃ ᓇᓂᑎᒻ ᒋᑦ ᐃᔨᒧᐛᐅᒡ ᐊ ‍ ᐎᐎᑎᓴᐛᒡ ᒥᒋ ‍ ᐊᒐᒂ᙮ ᐊᐛᔪᐛ ᒪᒃ ᐎᔨᐛᐤ ᑲ ‍ ᒥᔨᑯᒡ ᑭᔅᒋᐅᓂᔪᐤ ᐊᓂᔭ ᒐᒋ ᐃᑎᒡ ? ᐊᑯ ᒪᒃ ᒋᔨᐛᐤ ᓇᓂᑎᒻ ᒋᑦ ᐃᔨᒧᐛᐅᒡ ᒋᔅᒐᔨᑎᒧᒡ ᐊ ‍ ᑭᑭᒋᔭᔭᒄ ᐊᓐ ᐊ ‍ ᐃᔅᒋᔄᔭᒄ ᒥᒋᒥᓂᑐᐤ ᐊ ‍ ᒥᔨᐛᑦ ᑭᔅᒋᐅᓂᔪᐤ ᒐᒋ ᐎᐎᑎᓴᐛᑭᓄᔨᒋ ᒥᒋ ‍ ᐊᒐᒂ᙮
\v 28 ᓇᒪᔭᐤ ᐸᐃᓪᓯᐳᓪ ᐅᑦ ᐊᒐᒂ ᑲ ᐸᒋ ‍ ᒥᔨᑦ ᑭᔅᒋᐅᓂᔪᐤ ᒐᒋ ᐎᐎᑎᓴᐅᒥᒋ ᒥᒋ ‍ ᐊᒐᒂ, ᒋᓴᒪᓂᑐᐤ ᐅᑦ ᐊᒐᒂ ᐊᐅᒄ ᑲ ᐸᒋ ‍ ᒥᔨᑦ ᑭᔅᒋᐅᓂᔪᐤ ᐅᔭ ᒐᒋ ᐃᑐᑎᒧᒡ᙮ ᐊᑯᑕ ᒪᒃ ᐛᒋ ‍ ᐛᐸᑎᔨᑯᐅᔭᒄ ᑕᑈ ᒋᓴᒪᓂᑐᐤ ᐅᒋᓴᐅᒋᒪᐅᓐ ᓴᔅ ᓇᔅᒡ ᐊ ‍ ᐅᑎᑕᐅᑯᐛᒄ᙮”
\p
\v 29 “ᓇᒪ ᐊᐛᓐ ᒋᑭ ᒋ ‍ ᐱᒐᐛᐤ ᐊ ‍ ᓱᒋᔨᒋ ᓇᐸᐛ ᐎᒋᐛᔨᒡ ᒐᒋ ᑭᒐᒧᑎᒧᐛᑦ ᑕᓐ ᐊ ᐃᓯ ‍ ᑎᐱᔨᐛᐅᓯᔨᒋ ᐸᑐᔅ ᓂᔅᑎᒻ ᒋ ‍ ᒪᑯᐱᑕᒐ ᐊᓂᔭ ᓇᐸᐛ ᑲ ‍ ᓱᒋᔨᒋ, ᑭᔭ ᐃᔭᒄ ᒐᒋ ᒋᒧᑎᒧᐛᑦ ᑕᓐ ᐊ ᐃᓯ ‍ ᑎᐱᔨᐛᐅᓯᔨᒋ ?”
\p
\v 30 ᒋᓴᔅ ᒪᒃ ᒥᓐ ᒋ ‍ ᐃᑕᐤ, “ᐊᓐ ᐊᐛᓐ ᐊᑲ ᐸᒋ ‍ ᐎᒋᐃᑦ ᓂᔅᑯᔅᑕᒄ᙮ ᐊᐛᓐ ᐊᑲ ᐎᒋᐃᑦ ᐊ ‍ ᒪᒧᓴᒋᓂᒐᐅᒡ ᐃᒐᑎᓴᐃᒐᐤ ᐃᓯᓇᑯᓱᐤ᙮
\v 31 ᐊᐅᒄ ᒪᒃ ᐅ ᐛᒋ ‍ ᐎᑎᒪᑎᑯᒡ, ᒋᑭ ᒋ ‍ ᐛᐸᔨᑎᒧᐛᑭᓄᐤ ᐊᐛᓐ ᒥᒄ ᑕᓐ ᐊ ‍ ᐃᓯᓇᑯᓂᔨᒡ ᒥᒋᑥᐅᓂᔪᐤ ᐊ ‍ ᐃᑐᑕᐧᒃ ᒪᒃ ᐊ ᐃᓯ ‍ ᒪᔭᔨᒐᑦ, ᒥᒄ ᒪᒃ ᓇᒪ ᒋᑭ ᒋ ‍ ᐛᐸᔨᑎᒧᐛᑭᓄᐤ ᐊᐛᓐ ᑲ ‍ ᒥᒐᒋᒪᑦ ᑲ ‍ ᐸᔭᒋᓯᔨᒋ ᐊᒐᒂ᙮
\v 32 ᒥᓯᐛ ᐊᐛᓐ ᑲ ‍ ᒪᔭᔨᒪᑦ ᐃᔪᐤ ᐅᑯᓯᓴᓇ ᒋᑭ ᒋ ‍ ᐛᐸᔨᑎᒧᐛᑭᓄᐤ᙮ ᓇᒪ ᓂᑕ ᒋᑭ ᒋ ‍ ᐛᐸᔨᑎᒧᐛᑭᓄᐤ ᐊᐛᓐ ᒪᔭᔨᒪᒐ ᑲ ‍ ᐸᔭᒋᓯᔨᒋ ᐊᒐᒂ᙮”
\s1 ᒥᔅᑎᒄ ᑕᓐ ᐊ ᐃᓯ ‍ ᒥᓂᓱᐅᑦ
\r ᓗᒃ 6.43-45
\p
\v 33 “ᐊᓂᔭ ᑕᓐ ᐊ ᐃᓯ ‍ ᓂᑕᐅᒋᑕᑦ ᒥᓂᓴ ᒥᔅᑎᒄ ᐊᑯᑕ ᐛᒋ ‍ ᓂᔅᑐᓄᐛᑭᓄᐅᑦ ᒐᒄ ᒥᔅᑎᒄ ᐊᓐ᙮ ᐊᑲ ᒪᒃ ᒥᔪ ‍ ᓂᑕᐅᒋᑦ ᒥᔅᑎᒄ ᓇᒪ ᒥᔽᔪᐛ ᐊᓂᔭᔪᐛ ᒥᓂᓴ᙮
\v 34 ᑕᓐᑕ ᒐᒋ ᐅᒋ ‍ ᐃᔅᒋᔄᔭᒄ ᒐᒂᓐ ᐊ ‍ ᒥᔪᑕᒂᒡ ᐊ ‍ ᒥᒐᑎᓯᔭᒄ ᒪᒃ ᒧᔭᒻ ᒋᓇᐱᑯᒡ ᐊ ‍ ᐃᑕᔨᑕᑯᓯᔭᒄ᙮ ᑕᓐ ᐊ ᐃᓯ ‍ ᐃᔨᒥᑦ ᐊᐛᓐ ᐊᑯᑕ ᐛᒋ ‍ ᒋᔅᒐᔨᑕᑯᓯᑦ ᑕᓐ ᐊ ‍ ᐃᓯᑕᐊᑦ ?
\v 35 ᐛᔅ ᑕᓐ ᐊ ᐃᓯ ‍ ᐊᔭᑦ ᐊᐛᓐ ᐅᐱᒪᑎᓯᐅᓂᒡ ᒋᑭ ‍ ᓄᑯᓂᔪᐤ᙮ ᐛᔅ ᐊ ᐃᓯ ‍ ᐃᔨᒥᑦ ᐊᐛᓐ ᐊᑯᑕ ᐛᒋ ‍ ᒋᔅᒐᔨᑕᑯᓯᑦ ᑕᓐ ᐊ ‍ ᐃᓯᑕᐊᑦ᙮”
\p
\v 36 “ᒋ ‍ ᐎᑎᒪᑎᓇᐛᐤ, ᒐᔅᑎᓇᔅ ᒥᓯᐛ ᑕᓐ ᑲ ᐃᓯ ‍ ᐃᔨᒥᑦ ᐊᐛᓐ ᐊᑲ ᐊᐱᑎᓂᔨᒡ ᒋᑭ ‍ ᐎᑎᒧᐛᑭᓄᐤ ᑎᐸᔅᑯᓂᒐᐅ-ᒋᓯᑲᔨᒐ᙮
\v 37 ᐊᓐ ᑕᓐ ᐊ ᐃᓯ ‍ ᐃᔨᒥᔭᒄ, ᐊᐅᒄ ᐊᓐ ᒐ ‍ ᐊᐱᑎᒡ ᑎᐸᔅᑯᓂᑯᐅᔭᒂ᙮ ᐊᓐ ᑕᓐ ᐊ ᐃᓯ ‍ ᐃᔨᒥᔭᒄ, ᐊᑯᑕ ᒐ ᐅᒋ ‍ ᒋᔅᒐᔨᑕᑯᓯᔭᒄ ᑯᐃᔅᒄ ᑲ ‍ ᐃᑐᐛᒂ ᑭᔭ ᒪᒃ ᐊᑲ ᑯᐃᔅᒄ ᐅᒋ ᐃᑐᐛᒂ᙮”
\s1 ᑲ ‍ ᓂᑐᐛᔨᑕᒡ ᐊᐛᓐᒋ ᒐᒋ ᐛᐸᑎᔭᑭᓄᐎᒡ ᒪᒥᔅᑲᒡ ᐃᑐᐅᓂᔪᐤ
\r ᒪᕐᒃ 8.11,12; ᓗᒃ 11.29-32
\p
\v 38 ᐱᔅᒐ ᒪᒃ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐱᔅᒐ ᐊᓐᒡ ᐸᕆᓯᔨᒡ ᒋ ᐅᒋ ‍ ᐃᔨᒧᐅᒡ ᐊ ‍ ᐃᔅᒋᔄᒡ, “ᒋᔅᑯᑎᒪᒐᓱᐤ, ᓂ ᐎ ‍ ᐛᐸᑕᓇᓐ ᒪᒥᔅᑲᒡ ᒐᒂᓐ ᐊ ‍ ᐃᑐᑎᒥᓐ᙮”
\p
\v 39 ᐊᑯ ᒋᓴᔅ ᐊᑕᑦ, “ᐊᓄᒡ ᐊᐛᓐᒋ ᑲ ‍ ᐱᒪᑎᓯᒡ ᓇᔅᒡ ᑕᑈ ᒥᒐᑎᓯᐅᒡ ᑭᔭ ᐱᓯᒂᑎᓯᐅᒡ᙮ ᑲ ‍ ᑯᒂᒋᒐᒧᔭᒄ ᒐᒋ ᐛᐸᑎᔨᑯᐅᔭᒄ ᒪᒥᔅᑲᒡ ᐛᐸᑎᔨᐛᐅᓐ, ᓇᒪ ᒋᑭ ᐅᒋ ‍ ᐛᐸᑎᔨᑯᐅᓇᐛᐤ᙮ ᒥᒄ ᐊᓂᔭᔪᐛ ᑕᓐ ᑲ ᐃᓯ ‍ ᒪᒥᔅᑲᒡ ᐃᔅᐱᔨᑦ ᐊᓂᔭ ᐅᒋᔅᒋᐛᐃᒐᓱᐤ ᒍᓇ ᐊᐅᒄ ᒥᒄ ᐊᓐ ᒐ ‍ ᐛᐸᑎᔨᑯᐅᔭᒄ᙮
\v 40 ᒧᔭᒻ ᒍᓇ ᑲ ᐃᔅᐱᔅ ‍ ᑕᑦ ᐊᓐᑕ ᒥᔅᑎ ᓂᒪᓴ ᐎᑕᔨᒡ ᓂᔅᑐ ᒋᓯᑲᐛ ᑭᔭ ᓂᔅᑐ ᑎᐱᔅᑲᐛ, ᐊᐅᑯᓐ ᑭᔭ ᐃᔪᐤ ᐅᑯᓯᓴᓐ ᒐ ‍ ᐃᔅᐱᔅ ᒋ ‍ ᓇᐃᐧᑯᐛᑭᓄᐅᑦ ᐊᓐᑕ ᐃᔅ ᐊᔅᒋᒡ᙮
\v 41 ᐃᔅᐱ ᒪᒃ ᑎᐸᔅᑯᓂᒐᐅ ᒋᓯᑲᒐ, ᐊᓂᔭᐧᑲ ᐃᔪᒡ ᐊᓐᑕ ᓂᓇᐸᒡ ᑲᒋ ‍ ᑕᒡ ᒋᑭ ‍ ᐅᐱᑲᐳᐅᒡ ᒐ ‍ ᐃᔅᒋᔄᒡ ᒐᒋ ᐛᐛᓯᐃᑯᐅᔭᒄ ᒋᔨᐛᐤ ᐊᓄᒡ ᑲ ‍ ᐱᒪᑎᓯᔭᒄ᙮ ᐛᔅ ᐊᑯᑕ ᑲ ᐅᒋ ‍ ᒂᔅᑲᑎᓯᒡ ᐃᔅᐱ ᑲ ‍ ᐸᑐᐛᒡ ᒍᓇᔨᒋ ᐊ ‍ ᑭᒐᔅᒋᒧᔨᒋ, ᑕᐤ ᒪᒃ ᐊᐛᓐ ᐅᑕ ᐅᔅᑕ ᐊ ‍ ᐃᑕᔨᑕᑯᓯᑦ ᐃᔅᐱᔅ ᒍᓇᔨᒋ, ᐃᔭᐱᒡ ᒪᒃ ᓇᒪ ᒋ ᐅᒋ ‍ ᒂᔅᑲᑎᓯᓇᐛᐤ᙮
\v 42 ᐃᔅᐱ ᒪᒃ ᑎᐸᔅᑯᓂᒐᐅ ᒋᓯᑲᐤ ᐅᑎᒋᐱᔨᒐ, ᐊᓂᔭ ᒋᓴᐅᒋᒪᔎᐤ ᓴᐅᓄᑕᒡ ᑲ ‍ ᑎᐸᔨᒋᒐᑯᐱᓇ ᒋᑭ ᐅᒋ ‍ ᐱᓯᑯᐤ ᒐ ‍ ᓂᓱᐅᓇᒋᒪᑦ ᐊᓂᔭ ᐊᐛᔪᐛ ᐊᓄᒡ ᑲ ‍ ᐱᒪᑎᓯᔨᒋ᙮ ᐛᔅ ᐎᔾ ᓇᔅᒡ ᑕᑈ ᐛᔪᐤ ᒋ ‍ ᐅᑐᑕᐤ ᒥᒄ ᒐᒋ ᓂᑐᑎᒺᑦ ᐊᓂᔭ ᒋᓴᐅᒋᒪᐛ ᓴᓚᒥᓇ ᐅᑭᒐᑕᐛᔨᑎᒧᐅᓂᔪᐤ᙮ ᑕᐤ ᒪᒃ ᐅᑕ ᐊᐛᓐ ᐅᔅᑕ ᐊ ‍ ᐃᑕᔨᑕᑯᓯᑦ ᐃᔅᐱᔅ ᓴᓚᒥᓇ, ᓇᒪ ᒪᒃ ᐊᐱᓯᑐᐛᑭᓄᐤ᙮”
\s1 ᑲᐤ ᑲ ‍ ᑎᑯᓯᐧᒃ ᒥᒋ ‍ ᐊᒐᐧᒄ ᐊᓐᑕ ᑲ ᐅᒋ ‍ ᐎᐎᐛᐱᓇᑭᓄᐅᑦ
\r ᓗᒃ 11.24-26
\p
\v 43 ᐊᑯ ᒋᓴᔅ ᒥᓐ ᑲ ᐊᑎ ‍ ᐃᔅᒋᔄᑦ, “ᐃᔅᐱ ᐊᒋ ‍ ᐎᐎᑦ ᒥᒋ ‍ ᐊᒐᐧᒄ ᐱᒡ ᐊᐛᔪᐛ ᐊ ‍ ᑕᔨᒋ ᐅᒋ ᐊᓐᑕ ᐊ ‍ ᐸᒂᔨᒡ ᐱᐸᒧᑕᐤ ᐊ ‍ ᓇᓂᑐᐛᐸᑕᐧᒃ ᑕᓐᑕ ᒐᒋ ᐊᔅᑕᔭᔅᑯᓯᑦ᙮ ᐊᑲ ᒪᒃ ᒪᔅᑲᐧᒃ,
\v 44 ᐊᑯ ᐊ ‍ ᐃᑎᓱᑦ, ‘ᑲᐤ ᓂᑭ ‍ ᓇᓂᑐᐛᐱᒪᐤ ᐊᓐ ᓇᐸᐤ ᑲ ‍ ᓂᑭᑎᒃ᙮’ ᐊᓐ ᒪᒃ ᓇᐸᐤ ᒧᔭᒻ ᒥᒋᐛᑉ ᐃᓯᓇᑯᓱᐤ᙮ ᑭᑈ ᑲᐤ ᐊ ᐃᓯ ‍ ᒋᐛᑦ ᐊᓐ ᒥᒋ ‍ ᐊᒐᐧᒄ ᐊ ‍ ᓇᓂᑐᐛᔨᑕᐧᒃ ᐊᓐᑕ ᑲ ᐅᒋ ‍ ᐎᐎᑦ ᒥᒋᐛᐱᔪᐤ᙮ ᐃᔅᐱ ᒪᒃ ᑲ ‍ ᐱᒐᑦ, ᒪᔅᑲᐧᒃ ᐊᓂᔭ ᒥᒋᐛᐱᔪᐤ ᐊᑲ ᐃᑕᓄᐎᒡ ᑭᔭ ᐊᒋ ‍ ᐛᔭᓴᐃᒐᓄᔨᒂ ᑭᔭ ᓇᔅᒡ ᐊ ‍ ᐸᔭᒋᓇᑯᓂᔨᒡ᙮
\v 45 ᐅᔭ ᒪᒃ ᐎᔭᐸᑕᐧᒃ ᐊ ‍ ᐃᓯᓇᑯᓂᔨᒡ ᐊᑯ ᒐ ‍ ᑐᑕᑦ, ᓂᔭᓂᑐᐛᔨᒪᑦ ᓂᔄᐅᑕᒡ ᒥᒋ ‍ ᐊᒐᒂ ᐅᔅᑕ ᐊ ‍ ᐃᑕᔨᑕᑯᓯᔨᒋ ᐃᔅᐱᔅ ᐎᔾ ᐊ ‍ ᐃᑕᔨᑕᑯᓯᑦ, ᒐᒋ ᐎᒋᒥᑯᑦ ᐊᓐᑕ ᐊᓂᔭ ᓇᐸᐛ ᐱᒡ ᐊ ‍ ᑕᔨᒋ᙮ ᐊᑯ ᒪᒃ ᐊᓐ ᓇᐸᐤ ᐊᑐᐎᔅ ᒋᑭ ‍ ᐃᑕᔨᑕᑯᐃᑯᐤ ᐊᓂᔭ ᓂᔄᐅᑕᒡ ᒥᒋ ‍ ᐊᒐᒂ ᑕᓐ ᑲ ‍ ᐃᑕᔨᑕᑯᓯᑦ ᓂᔅᑎᒻ, ᒥᒄ ᐊᒋ ‍ ᐸᐃᑯᓯᔨᒋ᙮ ᐊᐅᑯᓐ ᒪᒃ ᒐ ‍ ᐃᔅᐱᔨᒡ ᐊᓐᒡ ᐊᓄᒡ ᐊᐛᓐᒋ ᑲ ‍ ᒥᒐᑎᓯᒡ᙮”
\s1 ᒋᓴᔅ ᐅᑲᐎᔭ ᑭᔭ ᐎᐧᑲᓂᓴ
\r ᒪᕐᒃ 3.31-35; ᓗᒃ 8.19-21
\p
\v 46 ᐊᔅᒄ ᒪᒂᒡ ᒋᓴᔅ ᒋ ‍ ᐃᔨᒪᐊᐤ ᐊᓂᔭ ᐃᔪᐛ, ᒂ ᐅᒋ ‍ ᑎᑯᓯᓂᔨᒋ ᐅᑲᐎᔭ ᑭᔭ ᐎᐧᑲᓂᓴ᙮ ᐎᐎᑎᒥᒡ ᐊᓐᑕ ᒋ ‍ ᓂᐳᐅᔪᐛ ᐊ ᐎ ‍ ᐃᔨᒥᐃᑯᑦ᙮
\v 47 ᐊᑯ ᐸᐃᒄ ᐊᓐᑕ ᐊᐛᔪᐛ ᒂ ‍ ᐃᑎᑯᑦ, “ᒋᑲᐎᔾ ᑭᔭ ᒋᐧᑲᓂᓯᒡ ᐎᐎᑎᒥᒡ ᐊᓐᑕ ᓂᐳᐅᒡ ᐊ ᐎ ‍ ᐃᔨᒥᐃᔅᒡ᙮”
\p
\v 48 ᐊᑯ ᒋᓴᔅ ᐊᑕᑦ, “ᐊᐛᓐ ᒪᒃ ᓂᑲᐎᔾ ᑭᔭ ᐊᐛᓐᒋ ᓂᐧᑲᓂᓯᒡ ?”
\v 49 ᐊᑯ ᒂ ‍ ᐊᑥᐛᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ‍ ᐃᔅᒋᔄᑦ, “ᒪᐅᒋ ᓂᐧᑲᓂᓯᒡ ᑭᔭ ᐊᐅᒄ ᓂᑲᐎᔾ᙮
\v 50 ᒧᔭᒻ ᓂᑲᐎᔾ ᑭᔭ ᓂᐧᑲᓂᓯᒡ ᓂᑦ ᐃᑕᔨᒪᐅᒡ ᐊᓐᒡ ᑲ ‍ ᑐᑕᒡ ᓄᑕᐎᔭ ᒋᒋᒋᓯᑯᒡ ᐊ ‍ ᑕᔨᒋ ᐅᑦ ᐃᑕᔨᑎᒧᐅᓂᔪᐤ᙮”
\c 13
\s1 ᓇᐸᐤ ᑲ ‍ ᓂᑕᐅᒋᑕᑦ ᓂᑕᐅᒋᑕᑭᓇ ᑲ ‍ ᑎᐸᒋᒪᑭᓄᐅᑦ
\r ᒪᕐᒃ 4.1-9; ᓗᒃ 8.4-8
\s2 Matthew 13.1-9,18-23 (Proper-10 Year A)
\p
\v 1 ᐊᓂᔭ ᒪᒃ ᐸᐃᑯᑕᐤ ᐊ ‍ ᒋᓯᑲᔨᒡ ᒋᓴᔅ ᒋ ‍ ᓂᑭᑎᒻ ᐊᓂᔭ ᒥᒋᐛᐱᔪᐤ ᐊᓐᑕ ᑲ ‍ ᑕᑦ, ᐊᑯ ᐊᓐᑕ ᓇᓯᐸᑎᒥᒡ ᒂ ‍ ᐃᑐᑕᑦ ᐊᑯ ᐊᓐᑕ ᓯᓱᒡ ᒂ ‍ ᐛᐛᔨᐱᑦ᙮
\v 2 ᓇᔅᒡ ᒪᒃ ᒋ ᐊᑎ ‍ ᒥᒐᑎᔪᐛ ᐊᐛᔪᐛ ᐊ ᐸᒋ ‍ ᒪᒧᐎᔨᒋ ᐊᓐᑕ ᐊ ‍ ᑕᑦ, ᐊᑯᑕ ᒂ ‍ ᐳᓯᑦ ᐅᐤᑎᔪᐤ ᐊᑯᑕ ᒪᒃ ᐊᓐᑕ ᑲ ‍ ᐊᐱᑦ, ᐊᑯ ᐊᓂᔭ ᐊᐛᔪᐛ ᐊᓐᑕ ᓯᓱᒡ ᒋ ‍ ᓂᐳᔪᐛ᙮
\p
\v 3 ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒪᒃ ᒋ ‍ ᐊᐱᒋᑕᐤ ᒋᓴᔅ ᐊ ‍ ᐛᐎᑎᒧᐛᑦ ᒥᒐᑦ ᒐᒂᔪᐛ, ᐊᑯ ᐊᑕᑦ, “ᐸᐃᒂᐤ ᓇᐸᐤ ᒋ ‍ ᓂᑕᐅᒋᑕᐤ ᐊᓐᑕ ᐅᓂᑕᐅᒋᑕᑭᓐ ᐊᔅᒋᒡ᙮
\v 4 ᐊᓂᔭ ᒪᒃ ᐊ ‍ ᐛᓴᔄᐱᓇᐧᒃ ᓂᑕᐅᒋᑕᑭᓇ ᐱᔅᒐ ᐊᓐᑕ ᐱᑎᑕᔅᑭᓄᐤ ᒋ ‍ ᐸᐸᒋᑎᓂᔪᐛ, ᐊᑯ ᐱᔭᓯᓴ ᒥᓯᐛ ᑲ ‍ ᒥᒋᔨᒋ᙮
\v 5 ᑯᑎᑲ ᓂᑕᐅᒋᑕᑭᓇ ᐊᓐᑕ ᐊ ‍ ᐊᓯᓂᐅᔨᒡ ᒋ ‍ ᐸᐸᒋᑎᓂᔪᐛ, ᐊᓐᑕ ᐊᑲ ᒥᔅᑎ ᐊᔅᒋᐎᒡ, ᐎᐱᒡ ᒪᒃ ᒋ ‍ ᓴᒋᓂᑕᐅᒋᓂᔪᐛ ᐛᔅ ᑕᐸ ᐅᒋ ᒋᔅᐱᑲᐤ ᐊᓐᑕ ᐊᔅᒋᔾ᙮
\v 6 ᐃᔅᐱ ᒪᒃ ᓯᔭᑲᔅᑐᐛᒋ ᐱᓯᒻ ᒋ ‍ ᐃᔎᑕᔪᐛ ᐊᓂᔭᔪᐛ ᓂᑕᐅᒋᑕᑭᓇ᙮ ᒐᒃ ᒋ ᐊᑎ ‍ ᓂᐱᒥᑭᓇ ᐛᔅ ᑕᐸ ᐅᒋ ᐅᑎᐱᒥᑭᓇ᙮
\v 7 ᐊᑯ ᐱᔅᒐ ᐊᓂᔭ ᓂᑕᐅᒋᑕᑭᓇ ᑲ ‍ ᐸᐸᒋᑎᓂᔨᒋ ᐊᓐᑕ ᑲ ‍ ᑲᓱᑕᐛᔅᑯᒋ ᓂᐱᓯᔭᑎᑯᒡ ᐊ ‍ ᑎᑯᓂᔨᒋ, ᐊᑯᑕ ᐊᓐᑕ ᒐᒃ ᑲ ᐊᑎ ‍ ᐊᓯᒡ ᓂᑕᐅᒋᒋ᙮ ᒐᒃ ᒪᒃ ᓇᒪ ᐅᒋ ᒥᔪ ‍ ᓂᑕᐅᒋᓇ ᐊᓂᔭ ᑲ ‍ ᓂᑕᐅᒋᑕᑭᓄᐅᒋ ᐊᒋ ‍ ᒋᐱᔅᑲᑐᒥᑲᒋ ᐊᓂᔭ ᑲ ‍ ᑲᓱᑕᐛᔅᑯᒋ ᓂᐱᓯᔭᑎᒂ᙮
\v 8 ᐱᔅᒐ ᒪᒃ ᐊᓂᔭ ᓂᑕᐅᒋᑕᑭᓇ ᐊ ‍ ᒥᔪᔅᑭᒥᑲᔨᒡ ᐊᑯᑕ ᑲ ᐃᓯ ‍ ᐸᐸᒋᑎᓂᔨᒋ, ᒋ ᒥᔪ ‍ ᓂᑕᐅᒋᓇ ᐅᔭ ᑭᔭ ᒂ ᒥᔪ ‍ ᒥᓂᓱᔨᒋ᙮ ᐱᔅᒐ ᒪᒃ ᐸᐃᑯ ᒥᑕᓯᒥᑎᓄᐤ ᒋ ‍ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒋ, ᐊᑯ ᑯᑎᑲ ᐊᓱᑕᒡ ᑕᑐᔪᐤ ᒋ ‍ ᓂᑕᐅᒋᓇ ᐊᑯ ᑯᑎᑲ ᓂᔅᑐᔪᐤ ᒋ ‍ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒡ᙮”
\p
\v 9 ᐊᑯ ᒋᓴᔅ ᒂ ᐊᑎ ‍ ᐃᑕᑦ, “ᐊᓐ ᐊᐛᓐ ᑲ ‍ ᐎᑐᐅᑲᑦ ᐊ ‍ ᓂᓇᐃᑕᐧᒃ ᒪᒃ, ᐃᔭᒂ ᒋᑭ ᐎ ‍ ᓂᑐᑎᒻ ᑭᔭ ᒋᑭ ᐎ ‍ ᓂᔅᑐᑎᒻ᙮”
\s1 ᐊ ‍ ᐃᑎᑕᒂᒋ ᒋᔅᑯᑎᒪᒐᐤ ᑎᐸᒋᒧᐅᓇ
\r ᒪᕐᒃ 4.10-12; ᓗᒃ 8.9,10
\p
\v 10 ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ‍ ᓇᑕᒡ ᒋᓴᓴ ᐊᑯ ᒂ ‍ ᑯᒂᒋᒪᒡ, “ᒐᒂᓐ ᐛᒋ ‍ ᐎᑎᒥᓐ ᒋᔅᑯᑎᒪᒐᐤ ᑎᐸᒋᒧᐅᓇ ᐊ ‍ ᐃᔨᒥᐃᑥᐤ ᐊᐛᓐᒋ ?”
\p
\v 11 ᐊᑯ ᒋᓴᔅ ᐊᑕᑦ, “ᔅᒋ ‍ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒪᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒪᒄ ᒋᒋᒋᓯᒄ ᐅᒋᒪᐅᓐ᙮ ᐎᔨᐛᐤ ᒪᒃ ᓇᒪ ᐅᒋ ᐱᔅᑎᓇᑭᓄᐎᒡ ᐊᓂᔭ ᒐᒋ ᐃᓯ ‍ ᒋᔅᒐᔨᑕᒡ᙮
\v 12 ᐛᔅ ᐊᓐ ᐊᐛᓐ ᑲ ‍ ᐊᔭᑦ ᓂᔅᑐᑎᒧᐅᓂᔪᐤ ᐊᑐᐎᔅ ᒥᔅᑎ ᒋᑭ ‍ ᒥᔭᑭᓄᐤ ᒐᒋ ᓂᔅᑐᑕᐧᒃ ᐊᑯ ᐊᓐ ᐊᐛᓐ ᐊᑲ ᓂᔅᑐᑕᐧᒃ ᒋᑭ ‍ ᐅᑎᓇᑭᓄᐅᔪᐤ ᐛᐛᒡ ᐊᓂᔭ ᐊᐱᓯᔅ ᑲ ᐃᓯ ‍ ᓂᔅᑐᑕᐧᒃ᙮
\v 13 ᐊᐅᒄ ᒪᒃ ᐊᓂᔭ ᐛᒋ ‍ ᐎᑎᒧᐅᒂᐤ ᒋᔅᑯᑎᒪᒐᐤ ᑎᐸᒋᒧᐅᓇ ᐊ ‍ ᐃᔨᒥᐃᒂᐤ,
\q ᐛᔅ ᐊᑎ ᐸᒋ ‍ ᑭᓄᐛᐱᒥᒡ ᑕᓐ ᐊ ‍ ᐃᑐᐅᒡ ᓇᒪ ᒋ ‍ ᓂᔅᑐᐅᓂᒧᒡ ᑭᔭ ᐊ ‍ ᐸᑐᐅᒡ ᑕᓐ ᐊ ‍ ᐃᔅᒋᔄᐅᒡ ᓇᒪ ᒋ ‍ ᓂᔅᑐᑎᒧᒡ᙮
\m
\v 14 ᒧᔭᒻ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ‍ ᐃᔅᒋᔄᒂ,
\q ᐅᒡ ᐃᔪᒡ ᒋᑭ ‍ ᐸᑎᒧᒡ, ᓇᒪ ᒥᒄ ᒋᑭ ᐅᒋ ‍ ᓂᔅᑐᑎᒧᒡ, ᒋᑭ ‍ ᐛᐸᑎᒧᒡ, ᓇᒪ ᒥᒄ ᒋᑭ ᐅᒋ ‍ ᓂᔅᑐᐅᓂᒧᒡ᙮
\q
\v 15 ᐛᔅ ᓇᒪ ᐎ ᒪᒥᑐᓇᔨᑎᒥᐃᑯᐅᒡ ᑭᔭ ᓇᒪ ᐎ ᓂᑐᑎᒧᒡ ᑭᔭ ᓇᒪ ᐎ ᓂᔅᑐᑎᒧᒡ ᑭᔭ ᓇᒪ ᐎ ᐛᐸᑎᒧᒡ᙮
\q ᐊᑲ ᒪᒃ ᐅᒋ ᐃᑎᒡ ᐅᔭ ᒋᐸ ‍ ᐛᐸᑎᒧᒡ, ᒋᐸ ‍ ᐸᑎᒧᒡ ᑭᔭ ᒋᐸ ‍ ᓂᔅᑐᑎᒧᒡ, ᑭᔭ ᓂᐸ ᐸᒋ ‍ ᓂᑐᐛᐱᒥᑯᒡ, ᒋ ‍ ᐃᑕᐤ ᒋᓴᒪᓂᑐᐤ ᑭᔭ ᓂᐸ ‍ ᒥᓏᒋᐊᐅᒡ᙮”
\p
\v 16 “ᒋᔨᐛᐤ ᒪᒃ ᔅᒋ ‍ ᓱᐛᔨᒥᑯᐛᐤ ᒋᓴᒪᓂᑐᐤ ᐛᔅ ᒋ ‍ ᓂᔅᑐᓇᓇᐛᐤ ᑕᓐ ᐊ ᐃᓯ ‍ ᐛᐸᑎᒪᒄ ᑭᔭ ᒋ ‍ ᓂᔅᑐᑕᓇᐛᐤ ᑕᓐ ᐊ ᐃᓯ ‍ ᐸᑎᒪᒄ᙮
\v 17 ᒋ ‍ ᐎᑎᒪᑎᓇᐛᐤ, ᐊᓐᑕ ᐸᒡ ᒋ ‍ ᒥᒐᑐᐅᒡ ᐅᒋᔅᒋᐛᐃᒐᓱᒡ ᑭᔭ ᒋ ‍ ᒥᒐᑐᐅᒡ ᐅᑯᐃᔅᑯᑕᑎᓯᐅᒡ ᐊᒋ ‍ ᐱᑯᓴᔨᑕᒡ ᒐᒋ ᐛᐸᑕᒡ ᑕᓐ ᐊ ᐃᓯ ‍ ᐛᐸᑎᒪᒄ, ᓇᒪ ᒪᒃ ᐅᒋ ᐛᐸᑎᒧᒡ ᑭᔭ ᒋ ‍ ᐱᑯᓴᔨᑎᒧᒡ ᒐᒋ ᐸᑕᒡ ᑕᓐ ᐊ ᐃᓯ ‍ ᐸᑎᒪᒄ, ᓇᒪ ᒪᒃ ᐅᒋ ᐸᑎᒧᒡ᙮”
\s1 ᐊ ᐃᓯ ‍ ᐎᑎᒪᒐᒥᑲᒡ ᐅ ᒋᔅᑯᑎᒪᒐᐤ ᑎᐸᒋᒧᐅᓐ
\r ᒪᕐᒃ 4.13-20; ᓗᒃ 8.11-15
\s2 Matthew 13.1-9,18-23 (Proper-10 Year A)
\p
\v 18 “ᒋᔨᐛᐤ ᓂᒋᔅᒋᓄᐊᒧᐛᑭᓐᒡ ᒋᑭ ‍ ᐎᑎᒪᑎᓇᐛᐤ ᑕᓐ ᓇᐊᐤ ᐊ ᐃᓯ ‍ ᐎᑎᒪᒐᒥᑲᒡ ᐊᓐ ᒋᔅᑯᑎᒪᒐᐤ ᑎᐸᒋᒧᐅᓐ ᑲ ‍ ᑎᐸᒋᒧᔭᓐ ᓇᐸᐤ ᑲ ‍ ᓂᑕᐅᒋᐊᑦ ᓂᑕᐅᒋᑕᑭᓇ᙮
\v 19 ᐊᓐ ᒪᒃ ᐊᐛᓐ ᑲ ‍ ᐸᑕᐧᒃ ᐊᓂᔭ ᒥᔽᒋᒧᐅᓂᔪᐤ ᐊ ‍ ᐊᔨᒧᑕᑭᓄᔨᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊᑲ ᒪᒃ ᓂᔅᑐᑎᒧᒂ, ᒧᔭᒻ ᐊᓐ ᓂᑕᐅᒋᑕᑭᓐ ᐊᓐᑕ ᐅᐱᒪᔅᑭᓄᐤ ᑲ ‍ ᐸᒋᓯᐧᒃ ᐊᐅᑯᓐ ᐊ ‍ ᐃᓯᓇᑯᓯᑦ, ᒥᒋᒥᓂᑐᐛ ᒥᔅᑭᒥᑯᐤ ᑕᓐ ᑲ ᐃᓯ ‍ ᐸᑕᐧᒃ ᑭᔭ ᓇᒪ ᒋ ‍ ᓂᑕᐅᒍᐤ ᐊᓐᑕ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮
\v 20 ᐊᑯ ᐊᓐ ᓂᑕᐅᒋᑕᑭᓐ ᐊᓐᑕ ᐊ ‍ ᐊᓯᓂᐅᔨᒡ ᑲ ‍ ᐸᒋᓯᐧᒃ ᒧᔭᒻ ᐊᐅᒄ ᐊ ‍ ᐃᓯᓇᑯᓯᒡ ᐃᔪᒡ ᐎᐱᒡ ᐊ ᐊᑎ ‍ ᐸᑕᒡ ᐊᓂᔭ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑎᐛᒡ ᒂ ᐊᑎ ‍ ᐅᑎᓇᒡ, ᓇᔅᒡ ᒪᒃ ᒥᒧᒋᒐᔨᑎᒥᐃᑯᐅᒡ᙮
\v 21 ᒧᔭᒻ ᒪᒃ ᐊᓐ ᓂᑕᐅᒋᑕᑭᓐ ᐊᑲ ᔭᐃᒡ ᓂᑕᐅᒋᓂᔨᒋ ᐅᑎᐱᔭ ᐊᐅᒄ ᐊ ‍ ᐃᓯᓇᑯᓯᒡ ᐊᓐᒡ, ᓇᒪ ᓇᐅᔅ ᑕᑈᑎᒧᒡ᙮ ᐃᔅᐱ ᒪᒃ ᐊ ‍ ᒥᒋᐱᔨᓇᓄᐎᒡ ᒪᒃ ᐊ ‍ ᓂᓇᐧᑲᑕᔨᒧᓇᓄᐎᒡ ᐊ ‍ ᑎᑯᓂᔨᒡ ᐊᓂᔭ ᒥᔽᒋᒧᐅᓂᔪᐤ ᐅᒋ, ᑎᐛᒡ ᐳᓂᐅᒡ ᐊ ‍ ᑕᑈᑕᒡ᙮
\v 22 ᐊᑯ ᒪᒃ ᐊᓐ ᑯᑎᒃ ᓂᑕᐅᒋᑕᑭᓐ ᑲ ‍ ᐸᒋᓯᐧᒃ ᐊᓐᑕ ᐊ ‍ ᑎᑯᓂᔨᒋ ᑲ ‍ ᑲᓱᑕᐛᔅᑯᒋ ᓂᐱᓯᔭᑎᑯᒡ, ᐊ ᐊᑎ ‍ ᓂᑕᐅᒋᑦ ᒪᒃ ᒧᔭᒻ ᐊᐅᒄ ᐊ ‍ ᐃᓯᓇᑯᓯᒡ ᐃᔪᒡ ᑲ ‍ ᓂᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐊᓂᔭ ᓇᔅᒡ ᐊ ‍ ᒥᑯᔅᑲᒋᑕᒡ ᐊᔅᒋᔪᐤ ᒐᒂᔪᐛ ᑭᔭ ᓇᔅᒡ ᒥᒄ ᐊ ᐎ ‍ ᐅᓱᓇᔭᓂᒥᒡ ᐊ ‍ ᐃᑎᒡ ᑭᔭ ᐱᓯᒄ ᐊ ‍ ᒧᔅᑕᓇᒡ ᒐᒂᔪᐛ ᒐᒋ ᐊᔭᒡ ᐊᔪᐅᒄ ᐅᔭ ᒐᒃ ᐛᒋ ‍ ᓂᓱᐅᓇᑎᓂᔨᒡ ᐅᑕᑈᑎᒧᐅᓄᐛᐤ᙮ ᐊᑯ ᒪᒃ ᓇᒪ ᒋ ‍ ᒥᓂᓱᐎᒡ ᐅᐱᒪᑎᓯᐅᓄᐛᒡ᙮
\v 23 ᐊᓐ ᒪᒃ ᓂᑕᐅᒋᑕᑭᓐ ᑲ ‍ ᐸᒋᓯᐧᒃ ᐊ ‍ ᒥᔽᓯᔨᒡ ᐊᔅᒋᒡ ᒧᔭᒻ ᐊᐅᒄ ᐊ ‍ ᐃᓯᓇᑯᓯᒡ ᐊᓐᒡ ᐃᔪᒡ ᑲ ‍ ᓂᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓂᓇᐃᑎᒧᒡ, ᓄᑯᓂᔪᐤ ᐅᐱᒪᑎᓯᐅᓄᐛᒡ ᑕᓐ ᐊ ᐃᓯ ‍ ᒥᔪ ‍ ᓂᑕᐅᒋᐃᑯᒡ, ᒧᔭᒻ ᐱᔅᒐ ᒪᒃ ᐸᐃᑯ ᒥᑕᓯᒥᑎᓄᐤ ᒋ ‍ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒋ, ᐊᑯ ᑯᑎᑲ ᐊᓱᑕᒡ ᑕᑐᔪᐤ ᒋ ‍ ᓂᑕᐅᒋᓇ ᐊᑯ ᑯᑎᑲ ᓂᔅᑐᔪᐤ ᒋ ‍ ᓂᑕᐅᒋᓇ ᐸᐃᒄ ᓂᑕᐅᒋᑕᑭᓐ ᐅᒡ᙮”
\s1 ᒥᒋ ‍ ᓱᒥᓇ ᐊᓐᑕ ᐅᓂᑕᐅᒋᑕᑭᓂᒡ
\s2 Matthew 13.24-30,36-43 (Proper-11 Year A)
\p
\v 24 ᐊᑯ ᒋᓴᔅ ᒂ ‍ ᐎᑎᒧᐛᑦ ᑯᑎᒋᔪᐤ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ‍ ᐃᑕᑦ, “ᒋᒋᒋᓯᒄ ᒋᓴᐅᒋᒪᐅᓐ ᐊᐅᒄ ᒧᔭᒻ ᐊ ‍ ᐃᓯᓇᒂᒡ ᓇᐸᐤ ᐊ ‍ ᓂᑕᐅᒋᑕᑦ ᐊ ‍ ᒥᔪᓯᔨᒋ ᓂᑕᐅᒋᑕᑭᓇ ᐊᓐᑕ ᐅᓂᑕᐅᒋᑕᑭᓐ ᐊᔅᒋᒡ᙮
\v 25 ᐸᐃᒂᐤ ᒪᒃ ᐊ ‍ ᑎᐱᔅᑲᔨᒡ ᒪᒂᒡ ᒥᓯᐛ ᐊᐛᓐ ᐊ ‍ ᓂᐸᑦ, ᐊᑲ ᓇᐊᔨᒥᑯᑦ ᐊᐛᔪᐛ ᐊᓐ ᓂᑕᐅᒋᒐᓱᐤ ᒋ ‍ ᑎᑯᓯᓂᔪᐛ, ᐊᑯ ᑲ ‍ ᐅᔄᐛᐱᓂᒥᔨᒋ ᒥᒋ ‍ ᓱᒥᓇ ᐊᓐᑕ ᐅᓂᑕᐅᒋᑕᑭᓂᒡ᙮
\v 26 ᐃᔅᐱ ᒪᒃ ᐱᔭᒋ ‍ ᓴᔭᒋᓂᑕᐅᒋᓂᔨᒋ ᐊᓂᔭ ᐅᓂᑕᐅᒋᑕᑭᓇ ᑭᔭ ᐃᔅᐱ ᐊ ᐊᑎ ‍ ᒥᓂᓱᔨᒋ, ᐊᑯᑕ ᑲ ᐅᒋ ‍ ᓄᑯᓂᔨᒋ ᑭᔭ ᐊᓂᔭ ᒥᒋ ‍ ᓂᑕᐅᒋᑕᑭᓇ᙮”
\p
\v 27 “ᐊᑯ ᐊᓐ ᓂᑕᐅᒋᒐᓱᐤ ᒂ ᐸᒋ ‍ ᓂᑐᐛᐱᒥᑯᑦ ᐅᑦ ᐊᐱᒋᐊᑭᓇ, ᒂ ‍ ᐃᑎᑯᑦ, ‘ᐅᒋᒪᐤ, ᓇᒪᐎᔾ ᐊ ᑲ ‍ ᒥᔽᓯᔨᒋ ᓂᑕᐅᒋᑕᑭᓇ ᒋ ᐅᒋ ‍ ᐅᔄᐛᐱᔨᑕᓐ ᑲ ‍ ᓂᑕᐅᒋᑕᔨᓐ ? ᑕᓐᑕ ᒪᒃ ᐛᒋ ‍ ᑎᒂᒋ ᐊᓂᔭ ᒥᒋ ‍ ᓂᑕᐅᒋᑕᑭᓇ ?’ ”
\p
\v 28 “ᐊᑯ ᒂ ‍ ᐃᔅᒋᔄᑦ ᐊᓐ ᐅᒋᒪᐤ, ‘ᐊᐛᓐ ᐊᑲ ᓇᐊᔨᒥᑦ ᐊᐅᒄ ᐊᓐ ᐊᓂᔭ ᑲ ‍ ᐃᑐᑕᐧᒃ᙮’ ᐊᑯ ᒂ ‍ ᐃᑎᑯᑦ ᐊᓂᔭ ᐅᑦ ᐊᐱᒋᐊᑭᓇ, ‘ᒋ ‍ ᓂᑐᐛᔨᒥᓇᓐ ᐊ ᒐᒋ ᒪᒥᓂᐱᑎᒪᒡ ᐊᓂᔭᔪᐛ ᒥᒋ ‍ ᓂᑕᐅᒋᑕᑭᓇ ?’ ”
\p
\v 29 “ᐊᑯ ᐊᑕᑦ ᐊᓐ ᐅᒋᒪᐤ ᐊᓂᔭᔪᐛ ᐅᑯᐸᓇᒪ, ‘ᓇᒪ, ᐛᔅ ᐊᓐ ᒥᓂᐱᑎᒪᒂ ᐊᓂᔭᔪᐛ ᒥᒋ ‍ ᓂᑕᐅᒋᑕᑭᓇ ᒋᑭ ‍ ᐊᔅᒋᐱᑕᓇᐛᐤ ᐊᓂᔭᔪᐛ ᑲ ᐎ ‍ ᓂᑕᐅᒋᑕᔭᓐ᙮
\v 30 ᐊᑯᔅ ᑕᐱᔅᑯᓐ ᐊᓂᔭ ᒥᒋ ‍ ᓂᑕᐅᒋᑕᑭᓇ ᑭᔭ ᐊᓂᔭᔪᐛ ᑲ ᐎ ‍ ᓂᑕᐅᒋᑕᔭᓐ ᒋᑭ ‍ ᒋᓯᓂᑕᐅᒋᓇ, ᐸᑐᔅ ᒪᒧᓴᒋᓂᑭᓄᒂᐛ᙮ ᐊᑯ ᒪᒃ ᒐ ‍ ᐃᑎᒂᐤ ᐊᓐᒡ ᒐ ‍ ᒪᒧᓴᒋᓇᒡ, ᓂᔅᑎᒻ ᐊᓂᔭᔪᐛ ᒥᒋ ‍ ᓂᑕᐅᒋᑕᑭᓇ ᒐᒋ ᒪᒧᓴᒋᓇᒡ, ᑭᔭ ᒐᒋ ᑕᐱᑐᐛᐱᐧᑲᑕᒡ ᒐ ‍ ᐃᔎᓴᒡ, ᐊᑯ ᐃᔭᒄ ᐊᓂᔭᔪᐛ ᐸᒂᓯᑭᓂᒥᓇᑎᒂ ᒐᒋ ᒪᒧᓴᒋᓇᒡ, ᐊᓐᑕ ᒐ ‍ ᐊᔅᑕᒡ ᓂᑦ ᐊᔅᑕᓱᐅᒋᐛᐱᒡ᙮’ ”
\s1 ᑲ ‍ ᐊᐱᓯᓯᑦ ᓂᑕᐅᒋᑕᑭᓐ ᑲ ‍ ᑎᐸᒋᒪᑭᓄᐅᑦ ᑭᔭ ᓯᐅᔅᑎᒪᑭᓐ
\r ᒪᕐᒃ 4.30-34; ᓗᒃ 13.18-21
\s2 Matthew 13.31-33,44-52 (Proper-12 Year A)
\p
\v 31 ᐊᑯ ᒋᓴᔅ ᒂ ‍ ᐎᑎᒧᐛᑦ ᑯᑎᒋᔪᐤ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ‍ ᐃᑕᑦ, “ᒧᔭᒻ ᐊᓐ ᓂᑕᐅᒋᑕᑭᓐ ᑲ ‍ ᐊᐱᓯᓯᑦ ᒪᔅᑎᕐᑦ ᑲ ‍ ᐃᓯᓂᐧᑲᑕᑭᓄᐅᑦ ᐊᐅᑯᓐ ᐊ ‍ ᐃᓯᓇᒂᒡ ᒋᒋᒋᓯᒄ ᐅᒋᒪᐅᓐ᙮ ᐊᔪᐅᒄ ᐅᔭ ᐛᑎᓇᑦ ᓇᐸᐤ ᐊ ᐊᑎ ‍ ᓂᑕᐅᒋᑕᑦ ᐊᓐᑕ ᐅᓂᑕᐅᒋᑕᑭᓐ ᐊᔅᒋᒡ᙮
\v 32 ᐊᑎ ᒪᒃ ᒪᐅᒡ ᐊ ‍ ᐊᐱᓯᓯᔨᒋ ᐊᓂᔭ ᓂᑕᐅᒋᑕᑭᓐ ᐊ ‍ ᑕᑎᓯᔨᒋ ᑯᑎᑲ ᓂᑕᐅᒋᑕᑭᓇ, ᐃᔅᐱ ᒪᒃ ᐊᒋ ᐃᓯ ‍ ᓂᑕᐅᒋᑦ ᐎ ᓇᔅᒡ ᒥᔅᑎ ᐱᒂᓂᑕᐅᒍᐤ᙮ ᐊᓐᑕ ᒪᒃ ᐊ ‍ ᐅᑎᐧᑯᓄᔨᒋ ᐊᓂᔭ ᒥᔅᑎᒂ ᐊᑯᑕ ᐛᐅᔅᑎᓂᐧᑲᓱᐅᒡ ᐱᔭᓯᓯᒡ᙮”
\p
\v 33 ᒋᓴᔅ ᒪᒃ ᒥᓐ ᒋ ‍ ᐎᑎᒧᐛᐤ ᑯᑎᒋᔪᐤ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ‍ ᐃᑕᑦ, “ᒪᐅ ᐊ ‍ ᐃᑕᔨᑕᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒧᔭᒻ ᓯᐅᔅᑎᒪᑭᓇ ᐊᓂᔭ ᑲᒋ ‍ ᒪᒧᐱᔭᑦ ᐃᔎᐤ ᒥᔅᑎ ᐸᒂᓯᑭᓂᒡ, ᒥᓯᐛ ᒪᒃ ᐅᐱᔪᐛ ᐸᒂᓯᑭᓇ᙮”
\p
\v 34 ᒧᔅ ᒋᔅᑯᑎᒪᒐᐤ ᑎᐸᒋᒧᐅᓇ ᒋ ‍ ᐊᐱᒋᑕᐤ ᒋᓴᔅ ᐊ ‍ ᐊᔨᒧᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊᓐᑕ ᐊ ‍ ᒥᒐᑎᓇᓄᐎᒡ, ᐊᔪᐅᒄ ᐅᔭ ᐱᓯᒄ ᑲ ‍ ᐊᐱᒋᑕᑦ ᐊ ‍ ᐃᔨᒪᐊᑦ ᐊᐛᔪᐛ᙮
\v 35 ᐊᐅᒄ ᒪᒃ ᐅᔭ ᑲ ‍ ᐃᑎᑦ ᒐᒋ ᑕᑈᒥᑭᓂᔨᒡ ᑕᓐ ᑲ ‍ ᐃᔅᒋᔄᒂ ᐊᓐ ᐅᒋᔅᒋᐛᐃᒐᓱᐤ,
\q ᒋᔅᑯᑎᒪᒐᐤ ᑎᐸᒋᒧᐅᓇ ᓂᑭ ‍ ᐊᐱᒋᑕᐛᓐ ᐊ ‍ ᐎᑎᒧᐅᒂᐤ ᐊᐛᓐᒋ ᑕᓐ ᐊᓂᔭᔪᐛ ᐊᔅᒄ ᐊᑲ ᐅᒋ ᒋᔅᒐᔨᑕᑯᓂᔨᒋ ᑲ ᐃᔅᐱᔅ ‍ ᐅᓯᑕᑭᓄᐅᒡ ᐅ ᐊᔅᒋᔾ᙮
\s1 ᑕᓐ ᐊ ᐃᓯ ‍ ᐎᑎᒪᒐᒥᑲᒡ ᐅ ᒋᔅᑯᑎᒪᒐᐤ ᑎᐸᒋᒧᐅᓐ ᒥᒋ ‍ ᓂᑕᐅᒋᑕᑭᓇ ᐊ ‍ ᐊᔨᒧᑕᒋ
\s2 Matthew 13.24-30,36-43 (Proper-11 Year A)
\p
\v 36 ᐃᔅᐱ ᒪᒃ ᒋᓴᔅ ᑲ ‍ ᔅᑐᑕᑦ ᐊᓐᑕ ᐊ ‍ ᒥᒐᑎᓇᓄᐎᒡ ᐅᒋ, ᒂ ‍ ᐱᒐᑦ ᒪᒃ ᐊᓐᑕ ᒥᒋᐛᐱᒡ, ᐅᒋᔅᒋᓄᐊᒧᐛᑭᓇ ᒋ ᐸᒋ ‍ ᓂᑐᐛᐱᒥᑯᐤ ᐊᑯ ᒂ ‍ ᐃᑎᑯᑦ, “ᐸᒋ ‍ ᐎᑎᒧᐅᓇᓐ ᒪ ᑕᓐ ᐊ ᐃᓯ ‍ ᐎᑎᒪᒐᒥᑲᒡ ᐊᓐ ᒋᔅᑯᑎᒪᒐᐤ ᑎᐸᒋᒧᐅᓐ ᒥᒋ ‍ ᓂᑕᐅᒋᑕᑭᓐ ᑲ ‍ ᐊᔨᒧᑕᒡ᙮”
\p
\v 37 ᐊᑯ ᒋᓴᔅ ᐊᑕᑦ, “ᐊᓐ ᓇᐸᐤ ᑲ ‍ ᓂᑕᐅᒋᐊᑦ ᑲ ‍ ᒥᔪᓯᔨᒋ ᓂᑕᐅᒋᑕᑭᓇ ᐊᐅᒄ ᐃᔪᐤ ᐅᑯᓯᓴᓐ᙮
\v 38 ᐊᑯ ᐊᓐ ᓂᑕᐅᒋᑕᑭᓐ ᐊᔅᒋᔾ, ᐊᐅᒄ ᐊᔅᒋᔾ, ᐊᓐ ᒪᒃ ᑲ ‍ ᒥᔪᓯᑦ ᓂᑕᐅᒋᑕᑭᓐ ᐊᐅᑯᓐᒡ ᐊᓐᒡ ᐃᔪᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᑲ ‍ ᐅᒋᒡ, ᐊᑯ ᐊᓐᒡ ᒥᒋ ‍ ᓂᑕᐅᒋᑕᑭᓐᒡ ᐊᐅᑯᓐᒡ ᐊᓐᒡ ᐃᔪᒡ ᐊᓐᑕ ᒥᒋᒥᓂᑐᐛ ᐊ ‍ ᑕᔨᒋ ᑲ ‍ ᐅᒋᒡ᙮
\v 39 ᐊᓐ ᒪᒃ ᐊᐛᓐ ᑲ ‍ ᐛᐧᑲᑕᑦ ᐊᓂᔭ ᑲ ‍ ᓂᑕᐅᒋᑕᔨᒋ ᐊᓐ ᑲ ‍ ᐛᐛᐱᓇᐧᒃ ᒥᒋ ‍ ᓱᒥᓇ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊᐅᒄ ᐊᓐ ᒥᒋᒥᓂᑐᐤ᙮ ᐊᓐ ᒪᒃ ᒐ ‍ ᐅᑎᒋᐱᔨᒡ ᒐᒋ ᒪᒧᓴᒋᓂᑭᓄᐅᒋ ᐊᓂᔭ ᓂᑕᐅᒋᑕᑭᓇ ᐊᐅᒄ ᐊᓐ ᒐ ‍ ᐃᔎᐱᔨᒡ ᐊᔅᒋᔾ᙮ ᐊᓐᒡ ᒪᒃ ᑲ ‍ ᒪᒧᓴᒋᓇᒡ ᐊᓂᔭ ᓂᑕᐅᒋᑕᑭᓇ ᑲ ‍ ᐃᔅᒋᔄᔭᓐ, ᐊᐅᑯᓐᒡ ᐊᓐᒡ ᐊᓐᒋᓐᒡ᙮”
\p
\v 40 “ᒧᔭᒻ ᒪᒃ ᐊᓐ ᒐ ‍ ᐃᓯᓇᒂᒡ ᒐ ‍ ᒪᒧᓴᒋᓂᑭᓄᐅᒋ ᐊᓂᔭ ᒥᒋ ‍ ᓂᑕᐅᒋᑕᑭᓇ, ᒐ ‍ ᐃᔎᓯᑭᓄᐅᒋ ᒪᒃ, ᐊᐅᑯᓐ ᒧᔭᒻ ᒐ ‍ ᐃᔅᐱᔨᒡ ᐃᔎᐱᔨᒐ ᐊᔅᒋᔾ᙮
\v 41 ᐃᔪᐤ ᐅᑯᓯᓴᓐ ᒋᑭ ‍ ᐃᑎᓴᐛᐤ ᐅᑦ ᐊᓐᒋᓂᒪ ᒐᒋ ᓇᒋ ‍ ᒪᒧᓴᒋᓂᒐᔨᒋ ᐊᓐᑕ ᐅᒋᓴᐅᒋᒪᐅᓂᔨᒡ ᐅᒡ ᐊᓂᔭ ᑲ ‍ ᐃᑐᑐᐛᔨᒋ ᑯᑎᑲ ᐊᐛᔪᐛ ᒐᒋ ᒥᒋᑐᑎᒥᔨᒋ ᑭᔭ ᒥᓯᐛ ᐊᓂᔭ ᐊᐛᔪᐛ ᑲ ‍ ᒥᒋᐱᒪᑎᓯᔨᒋ᙮
\v 42 ᐊᑯ ᒪᒃ ᒐ ᐃᓯ ‍ ᐛᐱᓇᒡ ᐊᓐᑕ ᒥᒋ ‍ ᐃᔅᑯᑕᒡ ᐊᓐᑕ ᐱᓯᒄ ᒐ ‍ ᒪᒡ ᑭᔭ ᒐ ‍ ᒪᒥᑥᐛᐱᑕᓯᓂᒡ᙮
\v 43 ᐊᑯ ᒪᒃ ᒋᓴᒪᓂᑐᐤ ᐅᑦ ᐃᔨᒪ ᒐ ‍ ᒋᐧᑲᔭᔅᑐᐛᔨᒋ ᐊᓐᑕ ᐅᑕᐎᒪᐛ ᐅᒋᓴᐅᒋᒪᐅᓂᔨᒡ ᒧᔭᒻ ᐱᓯᒻ ᐊ ᐃᓯ ‍ ᒋᐧᑲᔭᔅᑐᐛᑦ᙮ ᐊᓐ ᐊᐛᓐ ᑲ ‍ ᐸᑕᐧᒃ ᓱᒃ ᐎ ᓂᔅᑐᑎᒻ ᐅᔭ᙮”
\s1 ᓇᐸᐤ ᑲ ‍ ᒥᔅᑲᐧᒃ ᒐᒂᔪᐤ ᐊ ‍ ᓱᓇᔭᐎᔨᒡ
\s2 Matthew 13.31-33,44-52 (Proper-12 Year A)
\p
\v 44 “ᒪᐅ ᐊ ‍ ᐃᑕᔨᑕᒂᒡ ᒋᒋᒋᓯᒄ ᒋᓴᐅᒋᒪᐅᓐ, ᒧᔭᒻ ᐊ ᒥᔅᑎ ‍ ᓱᓇᔭᐎᔨᒋ ᒐᒂᔪᐛ ᐊᒋ ‍ ᐊᔭᐅᐧᑲᐃᑭᓄᐛᒂᓂ ᑭᔭ ᓇᐸᐤ ᐊ ‍ ᒥᔅᑲᐧᒃ ᐊᐅᑯᓐ ᐊ ‍ ᐃᓯᓇᒂᒡ᙮ ᒥᓐ ᐊ ᐊᑎ ‍ ᐊᔭᐅᐧᑯᐊᒃ᙮ ᐊᓂᔭ ᒪᒃ ᐊ ‍ ᐃᔅᐱᔅ ᒪᔽᔨᑕᐧᒃ ᐊᑯ ᓇᑐ ‍ ᐊᑕᐛᒐᑦ ᒥᓯᐛ ᑕᓐ ᐊ ᐃᓯ ‍ ᑎᐱᔨᐛᐅᓯᑦ, ᐊᑯ ᐛᑎᓇᐧᒃ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ ᐊᓐᑕ ᑲ ‍ ᒥᔅᑲᐧᒃ ᐊᓂᔭᔪᐛ ᑲ ‍ ᓱᓇᔭᐎᔨᒋ ᒐᒂᔪᐛ᙮”
\p
\v 45 “ᒪᐅ ᑭᔭ ᐊ ‍ ᐃᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ, ᒧᔭᒻ ᓇᐸᐤ ᑲ ‍ ᓇᓂᑐᐛᔨᒪᑦ ᒥᒋᓴ ᑲ ᒥᔅᑎ ‍ ᓱᓇᔭᐎᔨᒋ᙮
\v 46 ᐃᔅᐱ ᒪᔅᑯᐛᑦ ᐸᐃᒄ ᓇᔅᒡ ᐊ ‍ ᒥᔪᓯᔨᒋ ᐊ ‍ ᓱᓇᔭᐎᔨᒋ, ᓂᑐᐤ ᐊᑕᐛᒐᐤ ᒥᓯᐛ ᒐᒂᔪᐤ ᐊ ᐃᓯ ‍ ᐊᔭᑦ ᐊᑯ ᐛᑎᓇᑦ ᐊᓂᔭ ᒥᒋᓴ᙮”
\s1 ᒋᓴᔅ ᑲ ‍ ᐊᔨᒧᒪᑦ ᓇᐸᐛ ᐊ ‍ ᓄᑎᒪᓴᔨᒋ
\p
\v 47 “ᒪᐅ ᒥᓐ ᐃᔭᐱᒡ ᐊ ‍ ᐃᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒧᔭᒻ ᓇᐸᐅᒡ ᐊᒋ ‍ ᐱᔅᑕᐛᒡ ᓴᑲᐃᑭᓂᒡ ᓂᓇᐧᑯᐤ ᒪᒃ ᐊ ‍ ᐃᓯᓇᑯᓯᔨᒋ ᓂᒪᓴ ᐊ ‍ ᐱᑕᐎᔭᒡ᙮
\v 48 ᐃᔅᐱ ᒪᒃ ᓯᔭᑭᔅᒋᓇᔨᒋ ᐊᓂᔭ ᐅᑦ ᐊᐃᐱᐛᐛ, ᐊᑯ ᐊ ‍ ᐊᒂᓯᐱᑕᒡ ᐊᓐᑕ ᓯᓱᒡ ᒐᒋ ᑎᐸᓇᐊᒡ ᐊᓂᔭ ᓂᒪᓴ, ᐊᓂᔭ ᑲ ‍ ᒥᔪᓯᔨᒋ ᐊᓐᑕ ᐊᔅᒋᐧᑯᒡ ᒋ ‍ ᐱᑕᐛᐅᒡ, ᐊᑯ ᐊᓂᔭ ᐊᑲ ᒥᔪᓯᔨᒋ ᒋ ‍ ᐛᐱᓇᐅᒡ᙮
\v 49 ᐊᐅᑯᓐ ᒪᒃ ᒧᔭᒻ ᒐ ‍ ᐃᓯᓇᒂᒡ ᐃᔅᐱ ᐃᔎᐱᔨᒐ ᐊᔅᒋᔾ, ᐊᓐᒋᓐᒡ ᒋᑭ ‍ ᑎᐸᓇᐅᒡ ᐊᓂᔭ ᑲ ‍ ᒥᒐᑎᓯᔨᒋ ᐊᓐᑕ ᐅᒋ ᒪᒂᒡ ᐊᓂᔭ ᑲ ‍ ᑯᐃᔅᑯᑕᑎᓯᔨᒋ ᐊ ‍ ᑕᔨᒋ᙮
\v 50 ᐊᑯ ᐊᓐᑕ ᒥᒋ ‍ ᐃᔅᑯᑕᒡ ᒐ ᐃᓯ ‍ ᐛᐱᓇᑭᓄᐎᒡ ᐊᓐᒡ ᑲ ‍ ᒥᒐᑎᓯᒡ, ᐊᑯᑕ ᒐ ‍ ᒪᒡ ᑭᔭ ᒐ ‍ ᒥᑥᐛᐱᑕᓯᓂᒡ ᒐ ‍ ᐃᔅᐱᔅ ᐎᓯᒐᔨᑕᒡ᙮”
\p
\v 51 ᐊᑯ ᒋᓴᔅ ᐊᑕᑦ, “ᒋ ‍ ᓂᔅᑐᑕᓇᐛᐤ ᐊ ᐅ ᑲ ᐃᓯ ‍ ᐎᑎᒪᑎᑯᒡ ?” “ᓂᐦᐃ,” ᒋ ‍ ᐃᑕᐅᒡ ᒪᒃ ᐊᓐᒡ ᒋᔅᒋᓄᐊᒧᐛᑭᓐᒡ᙮
\p
\v 52 ᐊᑯ ᐊᑕᑦ, “ᒥᓯᐛ ᐊᓐᒡ ᑲ ‍ ᒋᔅᒐᔨᑕᒡ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑭᔭ ᑲ ‍ ᒋᔅᑯᑎᒧᐛᑭᓄᐎᒡ ᒋᒋᒋᓯᒄ ᒋᓴᐅᒋᒪᐅᓂᔪᐤ ᑕᓐ ᐊ ‍ ᐃᑕᔨᑕᑯᓂᔨᒡ ᒧᔭᒻ ᐊᐛᓐ ᑲ ‍ ᑎᐱᔨᐛᐅᓯᑦ ᐊᔅᑕᓱᐅᒋᐛᐱᔪᐤ ᐊ ‍ ᑭᓄᐛᔨᑕᐧᒃ ᒐᒂᔪᐤ ᑕᐱᔅᑯᓐ ᐊ ‍ ᒥᔽᔨᒋ ᑭᔭ ᐊ ‍ ᒋᓴᔭᓯᓇᑯᓂᔨᒋ ᑭᔭ ᐊ ‍ ᐅᔅᑲᔨᒋ᙮ ᑕᐱᔅᑯᓐ ᒪᒃ ᐊ ᒥᔪ ‍ ᐊᐱᒋᑕᑦ᙮”
\s1 ᒋᓴᔅ ᑲ ‍ ᐊᑐᐛᔨᒪᑭᓄᐅᑦ ᐊᓐᑕ ᓇᓴᕆᑎᒡ
\r ᒪᕐᒃ 6.1-6; ᓗᒃ 4.16-30
\p
\v 53 ᐃᔅᐱ ᒪᒃ ᒋᓴᔅ ᑲᒋ ‍ ᐛᐎᑕᐧᒃ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒋ ‍ ᔅᑐᑕᐤ ᐊᓐᑕ ᐅᒋ᙮
\v 54 ᐊᑯ ᐊᓐᑕ ᐊᓂᔭ ᐅᑕᓇᔪᐤ ᐛᒋᑦ ᐊᑯᑕ ᑲ ‍ ᐃᑐᑕᑦ᙮ ᐊᑯᑕ ᐊᓐᑕ ᑲ ‍ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᒥᓯᐛ ᒪᒃ ᐊᓂᔭ ᑲ ‍ ᐸᑕᑯᑦ ᒋ ‍ ᒥᔅᑲᓯᑕᑯᐤ ᐊ ‍ ᐃᑎᑐᔨᒋ, “ᑕᓐᑕ ᑲ ᐅᒋ ‍ ᐊᔭᑦ ᐅᔭ ᑭᒐᑕᐛᔨᑎᒧᐅᓂᔪᐤ, ᑕᓐᑕ ᑲ ᐅᒋ ‍ ᐊᔭᑦ ᑭᔭ ᐊᓂᔭ ᑭᔅᒋᐅᓂᔪᐤ ᒐᒋ ᐃᑐᑕᐧᒃ ᐊᓂᔭ ᒪᒥᔅᑲᒡ ᒐᒂᔪᐛ ?
\v 55 ᓇᒪᔭᔪᐛ ᐊ ᐅᔭ ᒥᔅᑎᑯᓇᐸᐤ ᐅᑯᓴ ? ᓇᒪᐎᔾ ᐊ ᒪᕆ ᐃᓯᓂᐧᑲᓱᔪᐛ ᐅᑲᐎᔭ, ᑭᔭ ᓇᒪᔭᔪᐛ ᐊ ᐅᔭ ᒋᒥᔅ, ᒍᓯᑉ, ᓴᐃᒥᓐ ᑭᔭ ᒍᑎᔅ ᐎᐧᑲᓂᓱᐛᐛ ?
\v 56 ᓇᒪᐎᔾ ᐊ ᑭᔭ ᒥᓯᐛ ᑲ ‍ ᐃᔎᐎᒋ ᐎᐧᑲᓂᓴ ᐅᒋᐱᔪᐛ ᐅᑕ ? ᑕᓐᑕ ᒪᒃ ᑲ ᐅᒋ ‍ ᐊᔭᑦ ᐅᔭ ᑭᔅᒋᐅᓂᔪᐤ ?”
\v 57 ᒋ ‍ ᐊᑐᐛᔨᒪᐅᒡ ᒪᒃ ᐊᓂᔭ ᒋᓴᓴ᙮ ᒥᒄ ᒪᒃ ᒋᓴᔅ ᒋ ‍ ᐃᑕᐤ, “ᐊᓐ ᐊᐛᓐ ᑲ ‍ ᒋᔅᒋᐛᐃᒐᓱᐅᑦ ᒋᔅᑕᔨᒪᑭᓄᐤ ᐃᔭᒡ ᐅᑕᓇᒡ, ᐊᑯ ᐊᓐᑕ ᑎᐱᔨᐛ ᐅᑦ ᐊᔅᒋᒡ ᐊ ‍ ᑕᑦ ᓇᒪ ᐊᐱᑕᔨᒪᑭᓄᐤ᙮ ᐛᐛᒡ ᐊᓂᔭ ᐊᓐᑕ ᑲ ‍ ᐸᐃᑯᔅᑲᓇᓯᑦ ᑲ ‍ ᑕᔨᒋ ᓇᒪ ᒋᔅᑕᔨᒥᑯᐤ᙮”
\p
\v 58 ᐊᑯ ᒪᒃ ᐊᓂᔭ ᐊᑲ ᐅᒋ ᐊᔭᔨᒋ ᑕᑈᑎᒧᐅᓂᔪᐤ, ᓇᒪ ᒥᒐᑦ ᒪᒥᔅᑲᒡ ᒐᒂᔪᐛ ᐅᒋ ᐃᑐᑎᒻ ᐊᓐᑕ᙮
\c 14
\s1 ᒠᓐ ᐅᓯᑲᐃᑕᒐᐤ ᑲ ‍ ᓂᐸᐊᑭᓄᐅᑦ
\r ᒪᕐᒃ 6.14-29; ᓗᒃ 9.7-9
\p
\v 1 ᐊᓐ ᒪᒃ ᒪᒂᒡ ᐊᓐ ᒋᓴᐅᒋᒪᐤ ᐊᕈᑦ ᒋ ‍ ᐸᑎᒻ ᑕᓐ ᐊ ‍ ᐃᑕᒋᒪᑭᓄᔨᒋ ᒋᓴᓴ,
\v 2 ᐊᑯ ᒂ ‍ ᐃᑕᑦ ᐊᓂᔭ ᐅᑦ ᐊᐱᒋᐊᑭᓇ, “ᒂᔄᓐ ᑕᑈ ᐊᐅᑯᓐ ᐊᓐ ᐊᓂᔭ ᒠᓐ ᐅᓯᑲᐃᑕᒐᐤ᙮ ᒋ ‍ ᐅᓂᔅᑲᒐ ᓂᐳᐅᓂᒡ ᐅᒡ᙮ ᐊᔪᐅᒄ ᐊᓂᔭ ᐛᒋ ‍ ᐊᔭᑦ ᒥᔅᑯᐅᓯᐅᓂᔪᐤ ᒐᒋ ᐃᑐᑕᐧᒃ ᒪᒥᔅᑲᒡ ᐃᑐᐅᓇ᙮”
\p
\v 3 ᐛᔅ ᐎᔾ ᐊᕈᑦ ᒋ ‍ ᐃᑎᓱᐛᑯᐱᓇ ᒐᒋ ᒪᑯᓇᑭᓄᔨᒋ ᐊᓂᔭ ᒠᓇ, ᑭᔭ ᒐᒋ ᒪᑯᐱᑕᑭᓄᔨᒋ, ᑭᔭ ᒐᒋ ᒋᐸᐛᑭᓄᔨᒋ᙮ ᐊᔪᐅᒄ ᐛᒋ ‍ ᐃᑐᑐᐛᑦ ᐅᔭ ᐊᓂᔭ ᐎᐧᑲᓂᓴ ᐱᓕᐸ ᐎᐎᔪᐛ ᐊᕈᑎᔭᔅ ᑲ ‍ ᐃᓯᓂᐧᑲᓱᔨᒋ ᐊᒋ ‍ ᐃᑎᑯᑦ ᐅᔭ ᒐᒋ ᐃᑎᓱᐛᑦ᙮
\v 4 ᐛᔅ ᐊᕈᑦ ᒋ ‍ ᐎᒋᒪᐤ ᐊᕈᑎᔭᓴ ᐊᓂᔭ ᐎᐧᑲᓂᓴ ᐱᓕᐸ ᐎᐎᔪᐛ, ᐊᑯ ᒠᓐ ᐅᓯᑲᐃᑕᒐᐤ ᒧᔅ ᑲ ‍ ᐃᑕᑦ ᐊᕈᑕ, “ᒋ ‍ ᐱᑯᓇᓐ ᐎᓱᐛᐅᓐ ᐊ ‍ ᐎᐎᔨᓐ ᒋᐧᑲᓂᔅ ᐎᐛ᙮”
\v 5 ᐊᑯ ᐊᕈᑦ ᑲ ᐎ ‍ ᓂᐸᐊᑦ ᐊᓂᔭ ᒠᓇ, ᒥᒄ ᒪᒃ ᒋ ‍ ᑯᔅᑕᐤ ᐊᓂᔭ ᒍᐤ ᐃᔪᐛ, ᐛᔅ ᒋ ‍ ᑕᑈᑎᒧᒡ ᐊ ‍ ᐅᒋᔅᒋᐛᐃᒐᓱᔨᒋ ᒠᓇ᙮
\p
\v 6 ᐃᔅᐱ ᒪᒃ ᒋᓴᐅᒋᒪᐤ ᐊᕈᑦ ᐛᒋᓯᑯᒥᑦ ᒋ ‍ ᒥᑯᓴᐤ ᐊᑯ ᐊᓂᔭ ᐊᕈᑎᔭᓴ ᐅᑕᓂᓯᔪᐛ ᒋ ‍ ᓂᒥᔪᐛ ᐊᓐᑕ ᐅᑎᔅᑯᐤ ᐊ ‍ ᒥᒐᑎᓇᓄᐎᒡ᙮ ᐊᕈᑦ ᒪᒃ ᓇᔅᒡ ᒋ ‍ ᓇᐊᔨᑎᒥᐃᑯᐤ ᐊᓂᔭ ᐃᔎᓴ ᑲ ‍ ᐃᑎᔨᒋ᙮
\v 7 ᐊᑯ ᒂ ‍ ᐃᑕᑦ ᒐᔅᑎᓇᔅ ᒐ ‍ ᒥᔭᑦ ᒐᒂᔪᐤ ᒥᒄ ᑕᓐ ᒐ ᐃᓯ ‍ ᓂᑐᐛᔨᑎᒥᒂᓂ᙮
\p
\v 8 ᐊᑯ ᐊᓐ ᐃᔎᔅ ᒂ ‍ ᓂᑐᐛᐱᒪᑦ ᐊᓂᔭ ᐅᑲᐎᔭ, ᐊᑯ ᒂ ‍ ᐃᑎᑯᑦ ᒐᒋ ᐃᔅᒋᔄᑦ, ᒐᒋ ᒋᒥᒂᐛᑭᓄᔨᒋ ᒠᓐ ᐅᓯᑲᐃᑕᒐᐛ ᐊᑯ ᐊᓂᔭ ᐅᔅᑎᒂᓂᔪᐤ ᐎᔭᑭᓂᒡ ᒐᒋ ᐊᔅᑕᑭᓄᐎᒡ ᒐᒋ ᐸᑕᑭᓄᐎᒡ ᒪᒃ ᐊᓐᑕ ᐊ ‍ ᑕᑦ᙮
\p
\v 9 ᓇᔅᒡ ᒋ ‍ ᒥᒐᔨᑎᒻ ᒋᓴᐅᒋᒪᐤ ᐊᕈᑦ ᐃᔅᐱ ᑲ ‍ ᐸᑕᐧᒃ ᑕᓐ ᐊ ᐃᓯ ‍ ᓂᑐᐛᔨᑎᒥᔨᒋ ᐊᓂᔭ ᐃᔎᓴ, ᒥᒄ ᒪᒃ ᐃᔭᐱᒡ ᒋ ‍ ᒥᔭᐤ ᐊᓂᔭ ᑲ ᐃᓯ ‍ ᓂᑐᐛᔨᑎᒥᔨᒋ ᐛᔅ ᒥᓯᐛ ᐊᓂᔭ ᐎᒐᐛᑭᓇ ᒋ ‍ ᐸᑕᑯᐤ ᐊᒋ ‍ ᐃᑕᑦ ᐊᓂᔭ ᐃᔎᓴ ᒐᔅᑎᓇᔅ ᒐ ‍ ᒥᔭᑦ ᑕᓐ ᒐ ᐃᓯ ‍ ᓂᑐᐛᔨᑎᒥᒂᓂ᙮
\v 10 ᐊᑯ ᒪᒃ ᒂ ‍ ᐃᑎᓱᐛᑦ ᒐᒋ ᒋᒥᒂᐛᑭᓄᔨᒋ ᒠᓇ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐊ ‍ ᑕᔨᒋ᙮
\v 11 ᐊᑯ ᒂ ‍ ᐸᑕᑭᓄᐎᒡ ᐊᓂᔭ ᐅᔅᑎᒂᓂᔪᐤ ᐎᔭᑭᓂᒡ ᐊᒋ ‍ ᐊᔅᑕᑭᓄᐎᒡ, ᒂ ‍ ᒥᔭᑭᓄᐅᑦ ᐊᓐ ᐃᔎᔅ, ᒂ ‍ ᐃᑐᑐᐛᑦ ᐊᓂᔭ ᐅᑲᐎᔭ ᐊᓂᔭ ᒥᔅᑎᒂᓂᔪᐤ᙮
\v 12 ᐊᑯ ᒠᓐ ᐅᒋᔅᒋᓄᐊᒧᐛᑭᓇ ᒂ ‍ ᑎᑯᓯᓂᔨᒋ, ᒂ ‍ ᐅᑎᓂᒺᒡ ᐊᓂᔭ ᐎᔭᔪᐤ, ᒂ ‍ ᓇᐃᐧᑭᒺᒡ, ᐊᑯ ᒂ ‍ ᐎᑎᒧᐛᒡ ᒋᓴᓴ᙮
\s1 ᑲ ‍ ᐊᓯᒪᑦ ᒋᓴᔅ ᐱᑕᑕᒡ ᒐᓯᐱᔪᐤ ᐊᐛᔪᐛ
\r ᒪᕐᒃ 6.30-44; ᓗᒃ 9.10-17; ᒠᓐ 6.1-14
\s2 Matthew 14.13-21 (Proper-13 Year A)
\p
\v 13 ᐃᔅᐱ ᒪᒃ ᒋᓴᔅ ᑲ ‍ ᐸᑕᐧᒃ ᐊᓂᔭ ᒠᓇ ᐊᒋ ‍ ᓂᐸᐊᑭᓄᔨᒋ ᒋ ‍ ᐳᓱᐤ ᐅᐤᑎᔪᐤ ᐊ ‍ ᐸᐃᑯᓯᑦ ᐊᑯ ᐊᓐᑕ ᑲ ‍ ᐃᔅᒋᒪᑦ ᐊᑲ ᓇᔅᒡ ᐃᑕᓄᐎᒡ᙮ ᐊᓐᒡ ᒪᒃ ᐃᔪᒡ ᐃᔅᐱ ᒐᔅᒐᔨᑕᒡ ᑕᓐᑕ ᐊ ‍ ᑕᔨᒋ ᒋ ‍ ᔅᑐᑕᐅᒡ ᐊᓐᑕ ᐅᑕᓇᒡ ᐅᒡ ᐊᑯ ᒂ ‍ ᓂᑐᐛᐱᒪᒡ᙮
\v 14 ᐃᔅᐱ ᒪᒃ ᑲᐸᑦ ᒋᓴᔅ, ᐎᔭᐱᒪᑦ ᒪᒃ ᐊᓂᔭ ᒥᒐᑦ ᐃᔪᐛ, ᒋ ‍ ᒋᔅᑎᒪᒐᔨᒪᐤ, ᑭᔭ ᒋ ‍ ᒥᓏᒋᐊᐤ ᐊᓂᔭ ᑲ ‍ ᐸᓱᐛᑭᓄᔨᒋ ᑲ ‍ ᐊᐧᑯᓯᔨᒋ᙮
\p
\v 15 ᐊᓂᔭ ᒪᒃ ᐊ ᐊᑎ ‍ ᐅᑕᑯᓯᔨᒡ ᐅᒋᔅᒋᓄᐊᒧᐛᑭᓇ ᒋ ᐸᒋ ‍ ᓂᑐᐛᐱᒥᑯᐤ, ᐊᑯ ᒂ ‍ ᐃᑎᑯᑦ, “ᓴᔅ ᒋᒋᐛ ᐅᑕᑯᓯᐤ ᑭᔭ ᓇᒪ ᑎᑯᓐ ᐅᑕᓇᐤ ᐅᑕ ᐊᓐ ᐊ ‍ ᑕᔭᐧᒄ᙮ ᐃᑎᓴᐅᒡ ᒪ ᐊᓐᑕ ᐅᑕᓇᒡ ᐊᓐᒡ ᐃᔪᒡ ᒐ ‍ ᓇᓂᑐᐛᔨᑕᒡ ᒐᒂᔪᐤ ᒐ ‍ ᒥᒋᒡ᙮”
\p
\v 16 ᐊᑯ ᒋᓴᔅ ᐊᑕᑦ, “ᐊᑯᑕ ᐅᑕ ᒐ ‍ ᑕᒡ, ᒋᔨᐛᐤ ᒥᔭᐧᑯᒡ ᒐᒂᔪᐤ ᒐ ‍ ᒥᒋᒡ᙮”
\p
\v 17 ᐅᒋᔅᒋᓄᐊᒧᐛᑭᓇ ᒪᒃ ᒋ ‍ ᐃᑎᑯᐤ ᒋᓴᔅ, “ᒥᒄ ᐱᑕᑕᒡ ᐸᒂᓯᑭᓐᒡ ᑭᔭ ᓂᓱ ᓂᒪᓯᒡ ᐊᐅᑯᓐ ᐊ ᐃᔅᐱᔅ ‍ ᑎᒂᒡ ᒐᒂᓐ ᐊ ‍ ᒥᒋᓇᓄᐅᒡ᙮”
\p
\v 18 ᐊᑯ ᒋᓴᔅ ᐊᑕᑦ, “ᐸᑕᒄ ᐊᓐ ᒥᒋᒻ᙮”
\v 19 ᐊᑯ ᒋᓴᔅ ᐊᑕᑦ ᐊᓂᔭ ᐃᔪᐛ ᒐᒋ ᐊᐱᔨᒋ ᐊᓐᑕ ᒥᔅᑯᓯᒡ᙮ ᐊᑯ ᐛᑎᓇᑦ ᐊᓂᔭ ᐱᑕᑕᒡ ᐸᒂᓯᑭᓇ ᑭᔭ ᐊᓂᔭ ᓂᓱ ᓂᒪᓴ, ᐃᔅᐱᒥᒡ ᒂ ᐃᓯ ‍ ᑎᔅᑎᓴᐱᑦ ᐊ ‍ ᓂᓇᔅᑯᒪᑦ ᒋᓴᒪᓂᑐᐛ᙮ ᒋ ‍ ᐱᐸᒂᐱᑕᐤ ᒥᓯᐛ ᐊᓂᔭᔪᐛ ᐸᒂᓯᑭᓇ, ᐊᑯ ᒂ ‍ ᒥᔭᑦ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓂᒧᐛᔨᒋ ᐊᓂᔭ ᐃᔪᐛ᙮
\v 20 ᒥᓯᐛ ᒪᒃ ᐊᐛᓐ ᒋ ‍ ᒥᒋᓱᐤ ᑭᔭ ᒋ ‍ ᑕᐱᔅᑯᔪᐤ᙮ ᐊᑯ ᐊᓂᔭ ᐅᒋᔅᒋᓄᐊᒧᐛᑭᓇ ᒂ ‍ ᒪᒧᓴᒋᓂᒥᔨᒋ ᐊᓂᔭ ᐃᔅᑯᔅᑐᐛᓂᔪᐤ᙮ ᓂᓱᓴᑉ ᒪᒃ ᐅᑎᐱᐅᑕ ᒋ ‍ ᓴᑭᔅᒋᓂᑕᐅᒡ᙮
\v 21 ᒥᒄ ᒪᒃ ᓇᐸᐅᒡ ᐊ ‍ ᐊᒋᒪᑭᓄᐎᒡ ᐱᑕᑕᒡ ᒐᓯᐱᔪᐤ ᒋ ‍ ᐃᑕᑎᓱᐅᒡ ᐊ ᐊᑲ ‍ ᐊᔅᑎᒋᒪᑭᓄᐎᒡ ᐃᔎᐅᒡ ᑭᔭ ᐊᐛᓯᒡ᙮
\s1 ᒋᓴᔅ ᑲ ‍ ᐱᒧᑕᑦ ᓂᐱᒡ
\r ᒪᕐᒃ 6.45-52; ᒠᓐ 6.15-21
\s2 Matthew 14.22-33 (Proper-14 Year A)
\p
\v 22 ᐊᑯ ᒋᓴᔅ ᒂ ‍ ᐃᑎᓱᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ ᒐᒋ ᐳᓯᔨᒋ ᐊᓂᔭ ᐅᐤᑎᔪᐤ, ᓴᔅ ᒐᒋ ᓂᑲᓐ ᐃᔅᒋᒪᔨᒋ ᐊᓐᑕ ᒂᔅᑕᒐᑲᒻ ᐊᓂᔭ ᓴᑲᐃᑭᓂᔪᐤ, ᒪᒂᒡ ᐎᔾ ᑲ ‍ ᒋᐛᑎᓴᐛᑦ ᐊᓂᔭ ᐃᔪᐛ᙮
\v 23 ᐃᔅᐱ ᒪᒃ ᑲ ‍ ᒋᐛᑎᓴᐛᑦ ᐊᓂᔭ ᐃᔪᐛ, ᐊᑯ ᒂ ‍ ᓴᑭᒋᐛᑦ ᐊ ‍ ᐸᐃᑯᓯᑦ ᐊᓐᑕ ᐱᔅᑯᑎᓇᔪᐤ ᒐᒋ ᐊᔭᒥᐊᑦ᙮ ᐃᔅᐱ ᒪᒃ ᐛᑕᑯᓯᔨᒡ ᐊᔅᒄ ᐊᓐᑕ ᒋ ‍ ᐸᐃᑯᓱᐤ ᒋᓴᔅ᙮
\v 24 ᐊᓂᔭ ᒪᒃ ᑲ ᐃᔅᐱᔅ ‍ ᑕᑦ ᐊᓐᑕ ᓴᔅ ᑕᐅᒡ ᒋ ‍ ᑎᑯᓂᔪᐤ ᐊᓂᔭ ᐅᐤᑎᔪᐤ ᐊᓐᑕ ᑲ ‍ ᐳᓯᔨᒋ ᐊᓂᔭ ᐅᒋᔅᒋᓄᐊᒧᐛᑭᓇ, ᓇᔅᒡ ᐊ ‍ ᐊᐃᑕᐅᑯᒡ ᐊ ‍ ᐃᔨᒪᐊᒡ᙮
\p
\v 25 ᒐᑲᑦ ᒪᒃ ᒋ ‍ ᐸᑕᐱᓂᔪᐤ, ᓴᓯᑲᓐ ᓂᔅᑐ ᑭᔭ ᐊᓱᑕᒡ ᐊ ‍ ᐃᔅᐱᔨᒡ ᐊᑯ ᒋᓴᔅ ᒂ ‍ ᓂᑐᐛᐱᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ, ᓂᐱᒡ ᐊ ‍ ᐱᒧᑕᑦ᙮
\v 26 ᐃᔅᐱ ᒪᒃ ᒋᔅᒋᓄᐊᒧᐛᑭᓐᒡ ᐎᔭᐱᒪᒡ ᐊ ‍ ᐱᒧᑕᔨᒋ ᓂᐱᒡ ᒋᒋᐛ ᒋ ‍ ᑯᔅᑕᒍᐅᒡ, ᐊᔅᐱᔅ ᑯᔅᑕᒋᒡ ᒪᒃ ᒋ ‍ ᐊᓯᒂᐅᒡ ᐊᒪᒡ ᐊ ‍ ᐃᔅᒋᔄᒡ, “ᒋᐱᔾ ᐊᓐ !”
\p
\v 27 ᒥᒄ ᒪᒃ ᑎᐛᒡ ᒋᓴᔅ ᒋ ‍ ᐃᔨᒪᐊᐤ ᐊ ‍ ᐃᑕᑦ, “ᒋᔭᒪᔨᑎᒧᒄ, ᐊᐅᒄ ᐛᔅ ᐊᓐ ᓂᔾ, ᐊᑲᐎᔾ ᑯᔅᑕᒋᒄ᙮”
\p
\v 28 ᐊᑯ ᐱᑕᕐ ᐊᑕᑦ, “ᐅᑎᐸᔨᒋᒐᐤ, ᑕᑈ ᐊ ‍ ᐊᐎᓇ ᒋᔾ, ᐸᒋ ᐃᓯ ᒐᒋ ᓂᑐᐛᐱᒥᑕᓐ ᓂᐱᒡ ᐊ ‍ ᐱᒧᑕᔭᓐ᙮”
\p
\v 29 ᐊᑯ ᒋᓴᔅ ᐊᑕᑦ, “ᐊᔅᑎᒻ᙮” ᐊᑯ ᐱᑕᕐ ᑲ ‍ ᑭᐸᑦ ᓇᑐᐛᐱᒪᑦ ᐊᓂᔭ ᒋᓴᓴ ᓂᐱᒡ ᐊ ‍ ᐱᒧᑕᑦ᙮
\v 30 ᐃᔅᐱ ᐱᑕᕐ ᐎᔭᐸᑕᐧᒃ ᑕᓐ ᐊᔅᐱᔅ ᒥᔅᑎᔪᑎᓂᔨᒡ ᒋ ‍ ᑯᔅᑕᒍᐤ, ᐊᑯ ᒂ ᐊᑎ ‍ ᑯᓴᐸᑦ᙮ ᒋ ‍ ᑕᑈᐤ ᒪᒃ ᐊ ‍ ᐃᔅᒋᔄᑦ, “ᐅᑎᐸᔨᒋᒐᐤ, ᐸᒋ ‍ ᐎᒋᐃ !”
\p
\v 31 ᑎᐛᒡ ᒪᒃ ᒋᓴᔅ ᒋ ‍ ᓱᐎᓂᔅᒐᔪᐤ, ᒂ ‍ ᒪᑯᓇᑦ ᐊᑯ ᐊᑕᑦ, “ᒐᒂᓐ ᐛᒋ ‍ ᐳᓂᔨᓐ ᐊ ‍ ᑕᑈᑎᒥᓐ ᒐᒋ ᑐᑕᑕᓐ ᒐᒋ ᐱᒧᑕᔨᓐ ᓂᐱᒡ ?”
\p
\v 32 ᐃᔅᐱ ᒪᒃ ᑕᐱᔅᑯᓐ ᑲ ‍ ᐳᓯᒡ ᐊᓂᔭ ᐅᐤᑎᔪᐤ, ᐊᑯ ᓇᔅᒡ ᑲ ᐊᑎ ‍ ᐃᔽᔅᑎᓂᔨᒡ᙮
\v 33 ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᐊᓐᑕ ᐅᐤᑎᒡ ᑲ ‍ ᑕᒡ ᒋ ‍ ᐊᔭᒥᐊᔅᑐᐛᐅᒡ ᒋᓴᓴ ᐊ ‍ ᐃᑕᒡ, “ᑕᑈ ᒋᔾ ᒋᓴᒪᓂᑐᐤ ᐅᑯᓴ᙮”
\s1 ᑲᓇᓴᕆᑎᒡ ᑲ ‍ ᒥᓏᒋᐊᑦ ᐊᐛᔪᐛ ᒋᓴᔅ
\r ᒪᕐᒃ 6.53-56
\p
\v 34 ᒋ ‍ ᐊᓱᐊᒧᒡ ᒪᒃ ᐊᓂᔭ ᓴᑲᐃᑭᓂᔪᐤ ᐊᑯ ᐊᓐᑕ ᑲᓇᓴᕋᑦ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᑲ ‍ ᒥᓯᑲᒡ᙮
\v 35 ᒋ ‍ ᓂᔅᑐᐅᓇᑯᐤ ᒪᒃ ᒋᓴᔅ ᐊᓂᔭ ᐃᔪᐛ ᐊᓐᑕ ᑲ ‍ ᑕᔨᒋ᙮ ᐊᑯ ᒂ ‍ ᐃᔅᒋᔄᒡ ᒥᓯᐛ ᐊᓂᔭ ᑲ ‍ ᐊᐧᑯᓯᔨᒋ ᐊᓐᑕ ᐊᓂᔭ ᐛᔅᑲ ᐊᔅᒋᔪᐤ ᑲ ‍ ᑕᔨᒋ ᒐᒋ ᐸᓱᐛᑭᓄᔨᒋ ᐊᓐᑕ ᒋᓴᓴ ᐊ ‍ ᑕᔨᒋ᙮
\v 36 ᐊᑯ ᐊᓐᒡ ᑲ ‍ ᐊᐧᑯᓯᒡ ᑲ ‍ ᓂᑐᑎᒧᐛᒡ ᒋᓴᓴ ᒐᒋ ᓇᐃᒥᑯᒡ ᒥᒄ ᒐᒋ ᑕᒋᓂᒺᒡ ᐊ ‍ ᐅᓂᔎᑭᓂᔨᒡ ᐅᑦ ᐊᑯᐱᔪᐤ᙮ ᒥᓯᐛ ᒪᒃ ᐊᐛᔪᐛ ᑲ ‍ ᑕᒋᓂᒥᔨᒋ ᐅᑦ ᐊᑯᑉ ᒋ ‍ ᒥᓏᑎᓯᔪᐛ᙮
\c 15
\s1 ᑕᓐ ᑲ ᐃᓯ ‍ ᑎᐸᒋᒪᑭᓄᐎᒡ ᐊᓂᔭᐧᑲ ᒋᑦ ᐊᓂᔅᒐ ᐛᐧᑯᒪᑭᓄᐎᒡ
\r ᒪᕐᒃ 7.1-13
\p
\v 1 ᐊᑯ ᐱᔅᒐ ᐸᕆᓯᔨᒡ ᑭᔭ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᐊᓐᑕ ᒋᕈᓯᓕᒥᒡ ᒋ ‍ ᐅᑐᑕᐅᒡ ᑲ ᐸᒋ ‍ ᓂᑐᐛᐱᒪᒡ ᒋᓴᓴ, ᒂ ‍ ᐃᑕᒡ,
\v 2 “ᑕᓐ ᐊ ‍ ᐃᑎᒡ ᐊᓐᒡ ᒋᒋᔅᒋᓄᐊᒧᐛᑭᓐᒡ ᐛᒋ ᐊᑲ ᓂᓇᐃᑕᒡ ᐊᓂᔭ ᐃᑐᐅᓂᔪᐤ ᐊᓂᔭᐧᑲ ᒍᑕᐎᓄᐅᒡ ᑲ ‍ ᐊᓱᐤ ᒥᔨᑕᐧᑯᒡ ? ᐛᔅ ᓇᒪ ᐃᑐᑎᒧᒡ ᐎᔨᐛᐤ ᒐᒋ ᒋᔅᑕᐸᐅᑕᒡ ᐅᑎᒋᐛᐛ ᐊᔅᒄ ᐊ ᐊᑲ ‍ ᒥᒋᓱᒡ᙮”
\p
\v 3 ᐊᑯ ᒋᓴᔅ ᐊ ‍ ᐎᑎᒧᐛᑦ ᒂ ‍ ᐃᑕᑦ, “ᑕᓐ ᐊ ‍ ᐃᑎᔭᒄ ᒪᒃ ᐎ ᒋᔨᐛᐤ ᐛᒋ ᐊᑲ ᓂᓇᐃᑎᒪᒄ ᒋᓴᒪᓂᑐᐤ ᐅᑭᒐᔅᒋᒧᐅᓐ ᐃᔭᐱᒡ ᐊᓂᔭ ᐃᑐᐅᓇ ᑲ ‍ ᒋᔅᑯᑎᒪᑯᔭᒄ ᐊ ‍ ᓂᓇᐃᑎᒪᒄ ?
\v 4 ᐛᔅ ᒋ ‍ ᐃᔅᒋᔄᐤ ᒋᓴᒪᓂᑐᐤ, ‘ᒋᔅᑕᔨᒻ ᒍᑕᐎᔾ ᑭᔭ ᒋᑲᐎᔾ,’ ᑭᔭ ᒋ ‍ ᐃᔅᒋᔄᐤ, ‘ᐊᐛᓐ ᒪᔭᔨᒪᒐ ᐅᑕᐎᔭ ᑭᔭ ᐅᑲᐎᔭ ᐊᑯᔅ ᒋᑭ ‍ ᓂᐳᐤ᙮’
\v 5 ᒥᒄ ᒪᒃ ᒋᔨᐛᐤ ᐃᔭᒡ ᐊ ᐃᓯ ‍ ᒋᔅᑯᑎᒪᒐᔭᒄ, ᐊ ‍ ᐃᔅᒋᔄᔭᒄ, ‘ᐊᐛᓐ ᐊ ‍ ᒋᔅᒐᔨᑕᐧᒃ ᐅᓂᒋᐃᒂ ᐊ ‍ ᓄᑕᐱᔨᒋ ᒐᒂᔪᐤ ᐊᑲ ᒪᒃ ᓇᔅᒡ ᑯᒋᑕᑦ ᒐᒋ ᐎᒋᐊᑦ ᐃᔭᐱᒡ ᒋᓴᒪᓂᑐᐛ ᐊ ‍ ᑕᔨᒋ ᐊ ᐃᓯ ‍ ᐱᔅᑎᓇᐧᒃ ᐊᓂᔭ ᒐᒂᔪᐤ,’ ᒋᑦ ᐃᑕᐛᐤ ᐊᑲ ᐅᓂᐱᔨᑦ ᐊᓂᔭ ᐊ ‍ ᐃᑎᑦ᙮
\v 6 ᐊᓂᔭ ᒪᒃ ᐊ ‍ ᐃᑎᑦ ᓇᒪ ᒋᔅᑕᔨᒪᐤ ᐅᑕᐎᔭ᙮ ᐅ ᒪᒃ ᐊ ᐃᓯ ‍ ᒋᔅᑯᑎᒪᒐᔭᒄ ᒋ ‍ ᐃᑐᑐᐛᐛᐅᒡ ᒐᒋ ᓂᓇᐃᑕᒡ ᐊᓂᔭ ᐃᑐᐅᓇ ᑲ ‍ ᒋᔅᑯᑎᒧᐛᑯᒡ ᐃᔅᐱᔅ ᐎ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᒐᒋ ᓂᓇᐃᑎᒺᒡ᙮
\v 7 ᒋᔨᐛᐤ ᑲ ‍ ᐊᔭᒥᐊᐧᑲᓱᔭᒄ ᐊᐅᒄ ᒋᔨᐛᐤ ᑕᑈ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ‍ ᐊᔨᒧᒥᑕᒄ᙮
\v 8 ᒋ ‍ ᐃᔅᒋᔄᐤ,
\q ᐅᒡ ᐃᔪᒡ ᐅᑐᓂᐛᒡ ᓂ ᐅᒋ ‍ ᒋᔅᑕᒋᒥᑯᒡ, ᒥᒄ ᒪᒃ ᓇᒪ ᓇᔅᒡ ᓂᑦ ᐊᐱᑕᔨᒥᑯᒡ ᐅᑕᐃᐛᒡ᙮
\q
\v 9 ᓇᒪ ᐊᐱᑎᓂᔪᐤ ᐊᓂᔭ ᐊ ᐸᒋ ‍ ᐊᔭᒥᐊᔅᑐᐅᒡ ᐛᔅ ᐃᔭᐱᒡ ᐎᔨᐛᐤ ᐅᐎᓱᐛᐅᓄᐛᐛ ᒋᔅᑯᑎᒪᒐᐅᒡ, ᓇᒪ ᐎ ᐊᓂᔭᔪᐛ ᒋᓴᒪᓂᑐᐛ ᑕᓐ ᑲ ᐃᓯ ᐸᒋ ‍ ᐱᔅᑎᓂᒥᔨᒋ᙮”
\s1 ᐊᓂᔭᔪᐛ ᒐᒂᔪᐛ ᐛᓇᑯᐃᑯᑦ ᐊᐛᓐ
\r ᒪᕐᒃ 7.14-23
\s2 Matthew 15.10-20,21-28 (Proper-15 Year A)
\p
\v 10 ᐊᑯ ᒋᓴᔅ ᒂ ‍ ᐎᓴᒪᑦ ᐊᓂᔭ ᐃᔪᐛ ᐊᑯ ᐊᑕᑦ, “ᓂᑐᑎᒧᒄ ᑕᓐ ᒐ ᐃᓯ ‍ ᐎᑎᒪᑎᑯᒡ ᑭᔭ ᐎ ᓂᔅᑐᑎᒧᒄ᙮
\v 11 ᑕᐸ ᓇᒪᔭᔪᐤ ᐊᓂᔭ ᑕᓐ ᐊ ᐃᓯ ‍ ᐱᑕᐊᐧᒃ ᐊᐛᓐ ᐅᑐᓂᒡ ᐊ ‍ ᐃᑐᑕᑯᑦ ᒐᒋ ᒥᒋᑐᑕᐧᒃ ᒥᒄ ᐊᓂᔭ ᑕᓐ ᐊ ᐃᓯ ᐸᒋ ‍ ᐎᐎᐱᔨᒡ ᐊ ‍ ᐃᔨᒥᑦ, ᐊᔪᐅᒄ ᐊᓂᔭ ᐊ ‍ ᐃᑐᑕᑯᑦ ᒐᒋ ᒥᒋᑐᑕᐧᒃ᙮”
\p
\v 12 ᐊᑯ ᐊᓂᔭ ᐅᒋᔅᒋᓄᐊᒧᐛᑭᓇ ᐱᔭᒋ ‍ ᓂᑐᐛᐱᒥᑯᑦ, ᑭᔭ ᐊ ‍ ᑎᑯᑦ, “ᒋ ‍ ᒋᔅᒐᔨᑕᓐ ᐊ ᐊᒋ ‍ ᒋᔄᑥᐤ ᐊᓐᒡ ᐸᕆᓯᔨᒡ ᐊᓂᔭ ᑲ ‍ ᐃᔅᒋᔄᐅᑦ ?”
\p
\v 13 ᐊᑯ ᒋᓴᔅ ᐊᑕᑦ, “ᑕᑐᐤ ᐊ ‍ ᐃᑕᑎᓂᔨᒋ ᓂᑕᐅᒋᑕᑭᓇ ᓄᑕᐎᔾ ᒋᒋᒋᓯᑯᒡ ᐊ ‍ ᑕᑦ ᐊᑲ ᐎᔾ ᐅᒋ ᓂᑕᐅᒋᑕᑦ ᒋᑭ ‍ ᐱᐧᑯᒋᐱᑕᑭᓄᐅᔪᐛ᙮
\v 14 ᐊᑯᔅ ᐊᑲ ᐊᔨᒪᔨᒪᐧᑯᒡ ᐊᓐᒡ ᐸᕆᓯᔨᒡ᙮ ᐛᔅ ᒧᔭᒻ ᐊᐛᓐᒋ ᐊᑲ ᐛᐸᑕᒡ ᐃᔭᐱᒡ ᒪᒃ ᑲ ᐎ ‍ ᒋᔅᒋᓄᑕᐊᒡ ᐊᐛᔪᐛ ᐊᑲ ᐛᐸᑎᒥᔨᒋ ᐊᑯᓐ ᐊ ‍ ᐃᑕᔨᑕᑯᓯᒡ᙮ ᑕᐱᔅᑯᓐ ᒪᒃ ᐊᑲ ᐛᐸᑕᒡ ᐛᑎᓂᔪᐤ ᒐᒋ ᐳᑎᓱᐛᐱᔨᒡ ᐊᓐᑕ ᐊ ‍ ᐱᑯᓇᔭᔨᒡ᙮”
\p
\v 15 ᐊᑯ ᐱᑕᕐ ᐊᑕᑦ, “ᐸᒋ ‍ ᐎᑎᒧᐅᓇᓐ ᒪ ᑕᓐ ᐊ ᐃᓯ ‍ ᐎᑎᒪᒐᒥᑲᒡ ᐅ ᒋᔅᑯᑎᒪᒐᐤ ᑎᐸᒋᒧᐅᓐ᙮”
\p
\v 16 ᐊᑯ ᒋᓴᔅ ᐊᑕᑦ, “ᑕᑈ ᓇᒪ ᔅᒋ ‍ ᓂᔅᑐᑕᓇᐛᐤ ᑭᔭ ᒋᔨᐛᐤ᙮
\v 17 ᓇᒪ ᒋ ‍ ᓂᔅᑐᑕᓇᐛᐤ ᐊ, ᒥᓯᐛ ᐊᐛᓐ ᑕᓐ ᐊ ᐃᓯ ‍ ᐱᑕᐊᐧᒃ ᐅᑐᓂᒡ, ᒥᔅᑭᑕᒡ ᐃᔅᐱᔪᐤ, ᑭᔭ ᐊ ᐊᑎ ‍ ᐎᐎᐱᔨᑕᑦ ?
\v 18 ᒥᒄ ᒪᒃ ᐊᓂᔭ ᐊ ᐃᓯ ᐸᒋ ‍ ᐎᐎᐱᔨᒡ ᐊᐛᓐ ᐅᑐᓂᒡ ᐊ ‍ ᐃᔨᒥᑦ, ᐅᑕᐃᒡ ᐊᓂᔭ ᐅᒋᐱᔪᐤ, ᐊᔪᐅᒄ ᒪᒃ ᐅᔭ ᑲ ‍ ᐃᑐᑕᑯᑦ ᐊᐛᓐ ᒐᒋ ᒥᒐᑎᓯᑦ᙮
\v 19 ᐛᔅ ᒥᑕᐃᒡ ᐅᒋᐱᔪᐤ ᒥᒋ ‍ ᒪᒥᑐᓇᔨᑎᒧᐅᓐ, ᓂᐸᐃᐛᐅᓐ, ᐱᓯᒂᑎᓯᐅᓐ, ᓂᑎᒥᒄ ᐃᑐᐅᓐ, ᑭᒐᒧᑐᐅᓐ, ᑭᑭᒋᔪᐅᓐ, ᑭᔭ ᐸᔅᑕᒧᐅᓐ᙮
\v 20 ᐊᐅᑯᔪᐤ ᒪᒃ ᐅᔭ ᒐᒂᔪᐛ ᐊ ‍ ᐃᑐᑕᑯᑦ ᐊᐛᓐ ᒐᒋ ᒥᒋᑐᑕᐧᒃ᙮ ᐊᑯ ᒪᒃ ᐎ ᐊ ‍ ᒥᒋᓱᔭᒄ ᐊᑲ ᒋᔅᑕᐸᐅᑕᔭᒄ ᔅᑎᒋᐛᐛ ᓇᒪ ᐎ ᐊᓂᔭ ᐃᑐᑕᑯᐤ ᐊᐛᓐ ᒐᒋ ᒥᒋᑐᑕᐧᒃ᙮”
\s1 ᐃᔎᐤ ᐊᑲ ᒍᐤ ᐃᑎᔅᑲᓇᓯᑦ ᐅᑕᑈᑎᒧᐅᓐ
\r ᒪᕐᒃ 7.24-30
\s2 Matthew 15.10-20,21-28 (Proper-14 Year A)
\p
\v 21 ᐊᑯ ᒋᓴᔅ ᒂ ‍ ᔅᑐᑕᑦ ᐊᓐᑕ ᐅᒋ, ᐊᓐᑕ ᐃᑕᒐ ᒂ ‍ ᐃᑐᑕᑦ ᐊᓂᔭ ᐊᔅᒋᔪᐤ ᐛᔅᑲ ᑲ ‍ ᑎᑯᓂᔨᒋ ᐊᓂᔭ ᐅᑕᓇᐛ ᑕᐃᕋ ᑭᔭ ᓴᐃᑐᓐ ᑲ ‍ ᐃᓯᓂᐧᑲᑕᔨᒋ᙮
\v 22 ᐃᔎᐤ ᒪᒃ ᒋ ‍ ᐎᒍᐤ ᐊᓐᑕ ᑲᐃᓇᓐ ᐊᒋ ‍ ᐅᒋᑦ, ᐊᔪᑯᓂ ᐅᔭ ᑲ ᐸᒋ ‍ ᓂᑐᐛᐱᒥᑯᑦ ᒋᓴᔅ, ᐊ ‍ ᑕᑈᔨᒋ ᐊ ‍ ᐃᑎᑯᑦ, “ᐅᑎᐸᔨᒋᒐᐤ, ᐊᓂᔭ ᒋᓴᐅᒋᒪᐤ ᑎᐱᑦ ᐅᑯᓴ, ᐸᒋ ‍ ᒋᔅᑎᒪᒐᔨᒥ ᒪ᙮ ᓂᑕᓂᔅ ᓇᔅᒡ ᑕᑈ ᐛᐎᓯᒐᔨᑎᒥᐃᑯᐤ ᒥᒋ ‍ ᐊᒐᒂ ᐊ ‍ ᐱᒋᔅᑲᑯᑦ᙮”
\v 23 ᒥᒄ ᒪᒃ ᓇᒪ ᓇᔅᒡ ᐅᒋ ᔅᑐᑕᐤ ᒋᓴᔅ ᐊᓂᔭ ᐃᔎᐛ᙮ ᐊᑯ ᐅᒋᔅᒋᓄᐊᒧᐛᑭᓇ ᑲ ᐸᒋ ‍ ᓂᑐᐛᐱᒥᑯᑦ, ᑲ ‍ ᐊᔨᐧᑭᒥᐃᑯᑦ ᐊ ‍ ᐃᑎᑯᑦ, “ᐃᒐᑎᓴᐅᐤ ᒪ ᐊᓐ ᐃᔎᐤ, ᒺᔅᑕᓯᑕᑯᓱᐤ ᐊᓂᔭ ᐊ ᐃᓯ ‍ ᐃᔨᒥᑦ ᐊ ‍ ᓇᓴᐅᑕᐧᒄ᙮”
\p
\v 24 ᐊᑯ ᒋᓴᔅ ᐊᑕᑦ ᐊᓂᔭ ᐃᔎᐛ, “ᓂᒋ ᐸᒋ ‍ ᐃᑎᓴᐅᑯᐅᓐ ᒐᒋ ᐸᒋ ‍ ᓂᑐᐛᐱᒥᒂᐤ ᒥᒄ ᐊᓐᒡ ᐃᔅᕋᐃᓪ ᐃᔪᒡ ᒧᔭᒻ ᑲ ‍ ᐃᓯᓇᑯᓯᒡ ᐊ ‍ ᐅᓂᓯᓂᒡ ᒪᔭᑕᓂᓯᒡ᙮”
\p
\v 25 ᐃᔅᐱ ᒪᒃ ᐊᓐ ᐃᔎᐤ ᐱᔭᑐᐛᑦ ᐅᔭ ᐊ ‍ ᐃᔅᒋᔄᔨᒋ ᒋᓴᓴ, ᒋ ᐸᒋ ‍ ᓂᐱᔅᑯᐱᔪᐤ ᐊᓐᑕ ᒋᓴᓴ ᐊ ‍ ᑕᔨᒋ ᐊ ‍ ᐃᑕᑦ, “ᐅᑎᐸᔨᒋᒐᐤ, ᐸᒋ ‍ ᐎᒋᐃ !”
\p
\v 26 ᐊᑯ ᒋᓴᔅ ᐊᑕᑦ ᐊᓂᔭ ᐃᔎᐛ, “ᓇᒪ ᑯᐃᔅᒄ ᐃᓯᓇᑯᓐ ᐊᑎᒧᒡ ᒐᒋ ᐛᐱᓂᒧᐛᑭᓄᐎᒡ ᐊᐛᓴ ᐅᒥᒋᒥᔪᐤ᙮”
\p
\v 27 ᐊᑯ ᐊᓐ ᐃᔎᐤ ᐊᑕᑦ, “ᒋ ‍ ᑕᑈᓐ ᐅᑎᐸᔨᒋᒐᐤ, ᒥᒄ ᒪᒃ ᐃᔭᐱᒡ ᒥᒍᐛᐅᒡ ᐊᑎᒧᒡ ᐅᒋᒪᒧᐛᐛ ᐅᐱᓂᑐᐛᓂᔪᐤ ᐊ ‍ ᐸᒋᑎᓂᔨᒡ ᐊᓐᑕ ᓯᐸ ᐅᒥᒋᓱᐛᑭᓇᑎᑯᔨᒡ᙮”
\p
\v 28 ᐊᑯ ᒋᓴᔅ ᐊᑕᑦ, “ᐃᔎᐤ, ᑕᑈ ᓱᒋᓯᒥᑭᓐ ᒋᑕᑈᑎᒧᐅᓐ᙮ ᒋᑭ ᐃᓯ ‍ ᐃᑐᑎᒪᑯᐅᓐ ᒪᒃ ᑕᓐ ᐊ ᐃᓯ ‍ ᐱᑯᓴᔨᑎᒥᓐ᙮” ᑎᐛᒡ ᒪᒃ ᒋ ‍ ᒥᓏᑎᓯᔪᐛ ᐊᓂᔭ ᐅᑕᓂᓴ ᐊᓐ ᐃᔎᐤ᙮
\s1 ᒋᓴᔅ ᒥᒐᑦ ᐊᐛᔪᐛ ᑲ ‍ ᒥᓏᒋᐊᑦ
\p
\v 29 ᒋᓴᔅ ᒂ ‍ ᔅᑐᑕᑦ ᐊᓐᑕ ᐅᒋ, ᐊᑯ ᐊᓐᑕ ᐊᓂᔭ ᑲᓕᓕ ᓴᑲᐃᑭᓂᔪᐤ ᒂ ᐊᑎ ‍ ᓯᓱᑕᐛᑦ᙮ ᐊᑯ ᒂ ‍ ᓴᑭᒋᐛᑦ ᐱᔅᑯᑎᓇᔪᐤ, ᐊᑯᑕ ᐊᓐᑕ ᒂ ᐊᑎ ‍ ᐛᐛᔨᐱᑦ᙮
\v 30 ᒥᒐᑦ ᒪᒃ ᐊᐛᔪᐛ ᒋ ᐸᒋ ‍ ᓂᑐᐛᐱᒥᑯᐤ, ᐊ ‍ ᐸᓱᐛᔨᒋ ᐊᓂᔭ ᐊᐛᔪᐛ ᐊᑲ ᒋ ‍ ᐊᑎᓂᓱᔨᒋ, ᑭᔭ ᐊᑲ ᐛᐸᑎᒥᔨᒋ ᑭᔭ ᐊᓂᔭ ᑲ ‍ ᒪᔅᒋᓯᔨᒋ, ᑭᔭ ᐊᑲ ᓂᑕᐛᔨᒋ, ᑭᔭ ᒥᒐᑦ ᓂᓇᐧᑯᐤ ᑲ ‍ ᐃᑕᔅᐱᓇᔨᒋ᙮ ᒋ ‍ ᐊᔭᐅᒡ ᒪᒃ ᒥᓯᐛ ᐊᓂᔭ ᐊᓐᑕ ᒋᓴᓴ ᐅᓯᑎᔨᒡ᙮ ᐊᑯ ᒋᓴᔅ ᒂ ‍ ᒥᓏᒋᐊᑦ᙮
\p
\v 31 ᒋ ‍ ᒥᔅᑲᑕᔨᑎᒧᒡ ᒪᒃ ᐊᓐᒡ ᐃᔪᒡ ᐊ ‍ ᐛᐱᒪᒡ ᐊᓂᔭ ᐊᑲ ᓂᑕᐛᔨᒋ ᐊ ‍ ᐃᔨᒥᔨᒋ ᑭᔭ ᐊᓂᔭ ᑲ ‍ ᒪᔅᒋᓯᔨᒋ ᐊ ‍ ᒥᔪᓇᑯᓯᔨᒋ, ᑭᔭ ᐊᓂᔭ ᐊᑲ ᓂᑕᐅᑕᔨᒋ ᐊ ‍ ᐱᒧᑕᔨᒋ, ᑭᔭ ᐊᓂᔭ ᐊᑲ ᐛᐸᑎᒥᔨᒋ ᐊ ‍ ᐛᐸᑎᒥᔨᒋ᙮ ᐊᑯ ᒪᒃ ᑲ ‍ ᒪᒥᒋᒪᒡ ᒋᓴᒪᓂᑐᐛ ᐊᓂᔭ ᒍᐤ ᐃᔪᐛ ᒂ ‍ ᒪᒥᒋᒪᔨᒋ᙮
\s1 ᒋᓴᔅ ᑲ ‍ ᐊᓯᒪᑦ ᓇᐛᐤ ᒐᓯᐱᔪᐤ ᓇᐸᐛ
\r ᒪᕐᒃ 8.1-10
\p
\v 32 ᐊᑯ ᒋᓴᔅ ᒂ ‍ ᐎᓴᒪᑦ ᐅᒋᔅᒋᓄᐊᒧᐛᑭᓇ, ᒂ ‍ ᐃᑕᑦ, “ᓇᔅᒡ ᐊ ‍ ᒋᔅᑎᒪᒐᔨᒥᒂᐤ ᐅᒡ ᐃᔪᒡ, ᓴᔅ ᓂᔅᑐ ᒋᓯᑲᐛ ᑕᐅᒡ ᐅᑕ ᐊ ‍ ᑕᐅᒡ, ᓇᒪ ᒪᒃ ᓴᔅ ᑎᑯᓂᔪᐤ ᒐᒂᔪᐤ ᒐ ‍ ᒥᒋᒡ᙮ ᓇᒪ ᑭᔭ ᓂ ᐎ ‍ ᒋᑎᓴᐛᐅᒡ ᐊ ‍ ᓯᐛᔨᒡ, ᒂᔄᓐ ᒋᑭ ᐊᑎ ‍ ᓄᑕᐧᑭᑕᐅᒡ ᒪᒂᒡ ᐊ ‍ ᐱᒧᑕᒡ᙮”
\p
\v 33 ᐊᑯ ᐊᓂᔭ ᐅᒋᔅᒋᓄᐊᒧᐛᑭᓇ ᒂ ‍ ᐃᑎᑯᑦ, “ᑕᓐᑕ ᒐ ‍ ᐅᑎᓂᒪᐧᒄ ᒥᒋᒻ ᒐᒋ ᐊᓯᒥᐧᑯᒡ ᐅᒡ ᒥᓯᐛ ᐃᔪᒡ, ᐅᑕ ᒪᒃ ᐸᐧᑯᑎᔅᑭᒥᑲᒡ ᐊ ‍ ᑕᔭᐧᒄ ?”
\p
\v 34 ᐊᑯ ᒋᓴᔅ ᐊᑕᑦ, “ᑕᓐ ᑕᑐᐤ ᐸᒂᓯᑭᓐᒡ ᐊ ‍ ᐊᔭᐛᑯᒡ ?” ᐊᑯ ᒋ ‍ ᐃᑕᐅᒡ, “ᓂᔄᐅᑕᒡ ᐃᑕᑎᓯᒡ ᑭᔭ ᐊᐱᓯᔅ ᓂᒪᓯᒡ ᐊ ‍ ᐊᔭᐱᓯᓯᒡ᙮”
\p
\v 35 ᐊᑯ ᒋᓴᔅ ᒂ ‍ ᐃᑎᓱᐛᑕᑦ ᐊᓂᔭᔪᐛ ᐃᔪᐛ ᒐᒋ ᐛᐛᔨᐱᐃᓱᔨᒋ ᐊᓐᑕ ᒧᔅᑎᔅᑭᒥᒡ᙮
\v 36 ᒂ ‍ ᐅᑎᓇᑦ ᐊᓂᔭ ᓂᔄᐅᑕᒡ ᐸᒂᓯᑭᓇ ᑭᔭ ᐊᓂᔭ ᓂᒪᓴ, ᒂ ‍ ᓂᓇᔅᑯᒪᑦ ᒋᓴᒪᓂᑐᐛ, ᒂ ‍ ᐸᒂᓇᑦ ᐊᓂᔭ ᐸᒂᓯᑭᓇ ᑭᔭ ᐊᓂᔭ ᓂᒪᓴ ᐊᑯ ᒂ ‍ ᒥᔭᑦ ᐊᓂᔭ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓂᒧᐛᔨᒋ ᐊᓂᔭ ᐃᔪᐛ᙮
\v 37 ᒥᓯᐛ ᑲ ‍ ᐃᑕᑎᓯᒡ ᒋ ‍ ᒥᒋᓱᐅᒡ ᑭᔭ ᒋ ‍ ᑕᐱᔅᑯᔪᒡ᙮ ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᑲ ‍ ᒪᒧᓴᒋᓇᒡ ᐊᓂᔭ ᐃᔅᑯᔅᑐᐛᓂᔪᐤ᙮ ᓂᔄᐅᑕᒡ ᒪᒃ ᐅᑎᐱᐅᑕ ᒋ ‍ ᓴᑭᔅᒋᓂᑕᐅᒡ᙮
\v 38 ᐊᓐᒡ ᒪᒃ ᑲ ‍ ᐊᓯᒪᑭᓄᐎᒡ ᓴᓯᑲᓐ ᓇᐛᐤ ᒐᓯᐱᔪᐤ ᒋ ‍ ᑕᑎᓯᒐᓂᒋ ᓇᐸᐅᒡ᙮ ᐊᐛᓯᒡ ᑭᔭ ᐃᔎᐅᒡ ᓇᒪ ᐅᒋ ᐊᔅᑎᒋᒪᑭᓄᐎᒡ᙮
\p
\v 39 ᐊᑯ ᒋᓴᔅ ᒂ ‍ ᒋᑎᓴᐛᑦ ᐊᓂᔭ ᐃᔪᐛ, ᒂ ‍ ᐳᓯᑦ ᐊᓂᔭ ᐅᐤᑎᔪᐤ ᐊᑯ ᐊᓐᑕ ᒪᑲᑕᓐ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᒐᒃ ᑲ ‍ ᒥᓯᑲᑦ᙮
\c 16
\s1 ᐃᔪᒡ ᑲ ‍ ᓂᑐᐛᔨᑕᒡ ᒐᒋ ᐛᐸᑎᔭᑭᓄᐎᒡ ᒪᒥᔅᑲᒡ ᒐᒂᔪᐤ
\r ᒪᕐᒃ 8.11-13; ᓗᒃ 12.54-56
\p
\v 1 ᐱᔅᒐ ᒪᒃ ᐸᕆᓯᔨᒡ ᑭᔭ ᓴᑎᔪᓯᔨᒡ ᒋ ᐸᒋ ‍ ᓂᑐᐛᐱᒪᐅᒡ ᐊᓂᔭ ᒋᓴᓴ ᐊ ᐎ ‍ ᑯᒂᒋᐊᒡ᙮ ᒋ ‍ ᐃᑕᐅᒡ ᒪᒃ ᒐᒋ ᐛᐸᑎᔨᑯᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ ᒋᒋᒋᓯᑯᒡ ᐊ ‍ ᐅᒋᒥᑭᓂᔨᒡ᙮
\v 2 ᒥᒄ ᒪᒃ ᒋᓴᔅ ᒋ ‍ ᐃᑕᐤ, “ᐃᔅᐱ ᐎᔭᐸᑎᒪᑯ ᐊ ᐊᑎ ‍ ᐅᑕᑯᓯᒡ ᒋᑦ ᐃᔅᒋᔄᓇᐛᐤ, ‘ᒋᑭ ᒥᔪ ‍ ᒋᓯᑲᐤ, ᐛᔅ ᒥᐧᑯᐅᑕᑯᓯᐤ᙮’
\v 3 ᐊᑯ ᐎᐱᒡ ᐊ ‍ ᒐᒋᓴᐸᔭᒡ ᒋᑦ ᐃᔅᒋᔄᓇᐛᐤ, ‘ᒋᑭ ‍ ᒋᒧᓐ, ᐛᔅ ᒥᒂᐱᓐ ᑭᔭ ᐸᒋ ᑭᔅᑯᐅᓐ᙮’ ᒋ ‍ ᒋᔅᒐᔨᑕᓇᐛᐤ ᐊ ‍ ᑭᓄᐛᐸᑎᒪᒄ ᒋᓯᒄ ᑕᓐ ᒐ ‍ ᐃᔅᐱᔨᒡ᙮ ᒥᒄ ᒪᒃ ᓇᒪ ᔅᒋ ‍ ᓂᔅᑐᓇᓇᐛᐤ ᑕᓐ ᐊ ‍ ᐃᔅᐱᔨᒡ ᐊᓄᒡ᙮
\v 4 ᐊᓄᒡ ᐃᔪᒡ ᓇᔅᒡ ᑕᑈ ᒥᒐᑎᓯᐅᒡ ᑭᔭ ᓇᔅᒡ ᐱᓯᒂᑎᓯᐅᒡ᙮ ᒥᒄ ᐊ ᐎ ‍ ᐛᐸᑕᒡ ᒪᒥᔅᑲᒡ ᐛᐸᑎᔨᐛᐅᓇ, ᓇᒪ ᒪᒃ ᒋᑭ ᒋ ‍ ᐛᐸᑎᔭᑭᓄᐎᒡ᙮ ᒥᒄ ᐊᓂᔭ ᒪᒥᔅᑲᒡ ᒐᒂᔪᐤ ᑲ ‍ ᐃᔅᐱᔨᑦ ᒍᓇ ᐊᔪᐅᒄ ᒥᒄ ᐊᓂᔭ ᒐ ‍ ᐛᐸᑎᔭᑭᓄᐎᒡ᙮” ᐊᑯ ᒋᓴᔅ ᒂ ‍ ᓂᑭᑕᑦ ᒂ ᐊᑎ ‍ ᔅᑐᑕᑦ᙮
\s1 ᐸᕆᓯᔨᒡ ᑭᔭ ᓴᑎᔪᓯᔨᒡ ᐊ ‍ ᐃᑕᔨᑕᑯᓯᒡ
\r ᒪᕐᒃ 8.14-21
\p
\v 5 ᐃᔅᐱ ᒪᒃ ᐊᓐᒡ ᒋᔅᒋᓄᐊᒧᐛᑭᓐᒡ ᒪᓯᑲᒡ ᓇᑕ ᒂᔅᑕᒐᑲᒻ ᐊᓂᔭ ᓴᑲᐃᑭᓂᔪᐤ, ᒋ ‍ ᐅᓂᒋᔅᒋᓱᐅᒡ ᒐᒋ ᐊᔭᐛᒡ ᐸᒂᓯᑭᓇ᙮
\v 6 ᐊᑯ ᒋᓴᔅ ᒂ ‍ ᐃᑕᑦ, “ᐃᔭᒂ, ᐃᔭᒂᒥᔅᑐᒪᐧᑯᐤ ᐅᐱᓯᑭᓄᐛᐛ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᓴᑎᔪᓯᔨᒡ᙮”
\p
\v 7 ᒋ ‍ ᐊᔨᒧᑎᒧᒡ ᐊᓂᔭ ᑲ ‍ ᐃᑎᑯᒡ ᒋᓴᓴ ᐊ ‍ ᐃᔅᒋᔄᒡ, “ᐊᑲ ᐅᒋ ᐸᓱᒪᐧᑯ ᐸᒂᓯᑭᓇ ᐊᔪᐅᒄ ᐅᔭ ᐛᒋ ‍ ᐃᔅᒋᔄᑦ᙮”
\p
\v 8 ᒥᒄ ᒪᒃ ᒋᓴᔅ ᒋ ‍ ᒋᔅᒐᔨᒪᐤ ᑕᓐ ᐊ ‍ ᐃᔅᒋᔄᔨᒋ, ᐊᑯ ᒂ ‍ ᐃᑕᑦ, “ᑕᑈ ᐊᐱᓴᓱᐤ ᒋᑕᑈᑎᒧᐅᓄᐛᐤ᙮ ᒐᒂᓐ ᐛᒋ ‍ ᐃᔭᔨᒧᑎᒪᒄ ᐊᓐ ᐊᑲ ᐊᔭᐛᒄ ᐸᒂᓯᑭᓐ ?
\v 9 ᓇᒪᐎᔾ ᐊ ᒋ ‍ ᓂᔅᑐᑕᓇᐛᐤ ᐊᔅᒄ ? ᓇᒪᐎᔾ ᐊ ᒋ ‍ ᒋᔅᒋᓯᓇᐛᐤ ᐱᑕᑕᒡ ᒐᓯᐱᔪᐤ ᓇᐸᐅᒡ ᑲ ‍ ᐊᓯᒥᒂᐤ ᐱᑕᑕᒡ ᐸᒂᓯᑭᓇ ᐅᒡ ? ᑕᓐ ᑕᑐᐤ ᒪᒃ ᐅᑎᐱᐅᑕ ᑲ ‍ ᓴᑭᔅᒋᓂᑕᔭᒄ ᑕᓐ ᑲ ᐃᔅᐱᔅ ‍ ᐃᔅᑯᐱᔨᒡ ᐊᓐ ᒥᒋᒻ ?
\v 10 ᐊᑯ ᑭᔭ ᐊᓐ ᓇᐛᐤ ᒐᓯᐱᔪᐤ ᓇᐸᐅᒡ ᑲ ‍ ᐊᓯᒥᒂᐤ ᓂᔄᐅᑕᒡ ᐸᒂᓯᑭᓇ ᐅᒡ᙮ ᑕᓐ ᑕᑐᐤ ᒪᒃ ᐅᑎᐱᐅᑕ ᑲ ‍ ᓴᑭᔅᒋᓂᑕᔭᒄ ᐊ ‍ ᐃᔅᑯᐱᔨᒡ ᒥᒋᒻ ?
\v 11 ᑕᓐᑕ ᐛᒡ ᐊᑲ ᒋ ‍ ᓂᔅᑐᑎᒪᒄ ᐊᑲ ᐸᒂᓯᑭᓐ ᐅᒋ ᐊᔨᒧᒥᒃ ᐃᔅᐱ ᑲ ‍ ᐃᑎᑎᑯᒡ ᐃᔭᒂᒥᔅᑐᐛᐧᑯᒡ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᓴᑎᔪᓯᔨᒡ ?”
\p
\v 12 ᐊᑯ ᒂ ᐅᒋ ‍ ᓂᔅᑐᑕᒡ ᐊᓐᒡ ᒋᔅᒋᓄᐊᒧᐛᑭᓐᒡ ᐊ ᐊᑲ ‍ ᐅᐱᔨᒋ ᐃᔭᔨᒧᑎᒥᔨᒋ, ᐊᓂᔭ ᐃᔭᒄ ᑕᓐ ᐊ ᐃᓯ ‍ ᒋᔅᑯᑎᒪᒐᔨᒋ ᐊᓂᔭ ᐸᕆᓯᐊ ᑭᔭ ᓴᑎᔪᓯᐊ ᐊᔪᐅᒄ ᐊᓂᔭ ᑲ ‍ ᐃᔭᒂᒥᒪᑭᓄᐎᒡ᙮
\s1 ᐱᑕᕐ ᑲ ‍ ᓂᔅᑐᓄᐛᑦ ᒋᓴᓴ ᐊ ‍ ᐊᔭᐎᔨᒋ ᙭ᑕ
\r ᒪᕐᒃ 8.27-30; ᓗᒃ 9.18-21
\s2 Matthew 16.13-20 (Proper-16 Year A)
\p
\v 13 ᒋᓴᔅ ᒋ ‍ ᐃᑐᑕᐤ ᐊᓐᑕ ᐛᔅᑲ ᐊᓂᔭ ᐊᔅᒋᔪᐤ ᓯᓴᕆᔭ ᐱᓕᐸᐃ ᑲ ‍ ᐃᓯᓂᐧᑲᑕᔨᒡ ᐊᑯ ᒂ ‍ ᑯᒂᒋᒪᑦ ᐅᒋᔅᒋᓄᐊᒧᐛᑭᓇ ᐊ ‍ ᐃᑕᑦ, “ᐊᐛᔪᐛ ᐃᔪᐤ ᐅᑯᓯᓴᓇ ᐊ ᐃᓯ ‍ ᐊᔭᐛᔨᒪᒡ ᐃᔪᒡ ?”
\p
\v 14 ᐊᑯ ᐊᑎᑯᑦ, “ᐱᔅᒐ ᐊᐛᓐᒋ ᒠᓐ ᐅᓯᑲᐃᑕᒐᐤ ᐃᑕᔨᒪᐅᒡ, ᐊᑯ ᑯᑎᑭᒡ ᐃᓚᐃᒐ ᐃᑕᔨᒪᐅᒡ, ᐊᑯ ᑯᑎᑭᒡ ᒐᕆᒪᔭ ᐊᐅᑯᓐ ᐊ ‍ ᐃᑕᔨᒪᒡ, ᑯᑎᑭᒡ ᒥᓐ ᐃᑕᔨᒪᐅᒡ ᐊᐎᒐ ᑯᑎᒃ ᐅᒋᔅᒋᐛᐃᒐᓱᐤ᙮”
\p
\v 15 ᐊᑯ ᒋᓴᔅ ᒥᓐ ᒂ ‍ ᑯᒂᒋᒪᑦ, “ᒋᔨᐛᐤ ᒪᒃ, ᐊᐛᓐ ᓂᔾ ᐊ ‍ ᐃᑕᔨᒥᔭᒄ ?”
\p
\v 16 ᐊᑯ ᓴᐃᒥᓐ ᐱᑕᕐ ᐊᑕᑦ, “ᐊᐅᑯᐤ ᒋᔾ ᙭, ᒋᓴᒪᓂᑐᐤ ᑲ ‍ ᐱᒪᑎᓯᑦ ᐅᑯᓴ᙮”
\p
\v 17 ᐊᑯ ᒋᓴᔅ ᐊᑕᑦ ᐊᓂᔭ ᐱᑕᕋ, “ᒋ ‍ ᓱᐛᔨᑕᑯᓯᓐ ᓴᐃᒥᓐ, ᒠᓐ ᐅᑯᓴ, ᐛᔅ ᐅ ᑲ ᐃᓯ ‍ ᒋᔅᒐᔨᒥᔨᓐ, ᓇᒪ ᐃᔪᐤ ᒋ ᐅᒋ ‍ ᐎᑎᒪᒄ, ᓄᑕᐎᔾ ᒋᒋᒋᓯᑯᒡ ᐊ ‍ ᑕᑦ ᐊᑯᑕ ᑲ ᐅᒋ ‍ ᒥᔨᑯᔨᓐ ᐅ ᒐᒋ ᐃᓯ ‍ ᒋᔅᒐᔨᒥᔨᓐ᙮
\v 18 ᒋ ‍ ᐎᑎᒪᑎᓐ ᐱᑕᕐ, ᐊᐅᑯᐤ ᒋᔾ ᐊ ‍ ᐸᐸᒋᐱᔅᑲᒡ᙮ ᐊᑯᑕ ᒪᒃ ᐅᑕ ᐊ ‍ ᐸᐸᒋᐱᔅᑲᒡ ᒐ ‍ ᐎᔨᑲᐳᐅᑕᔭᓐ ᓂᑦ ᐊᔭᒥᐊᐅᒋᐛᑉ, ᓇᒪ ᒪᒃ ᐛᐛᒡ ᐊᐃᑎᔅ ᑲ ‍ ᐃᓯᓂᐧᑲᑕᔨᒋ ᒋᐱᔾ ‍ ᐊᔅᒋᔭ, ᐊᐅᑯᐤ ᓂᐳᐅᓐ, ᒋᑭ ᐅᒋ ‍ ᓴᐧᑯᒋᑕᒥᑭᓐ ᐅᑕ ᓂᑦ ᐊᔭᒥᐊᐅᒋᐛᐱᒡ᙮
\v 19 ᒋᑭ ‍ ᒥᔨᑎᓐ ᒪᒃ ᒋᒋᒋᓯᒄ ᐅᒋᒪᐅᓂᒡ ᐊᐸᐃᑭᓇ᙮ ᒐᒂᓐ ᒪᒃ ᒐ ‍ ᒪᑯᐸᑎᒧᐅᓇ ᐅᑕ ᐊᔅᒋᒡ ᒋᑭ ‍ ᒪᑯᐱᑕᑭᓄᐤ ᐊᓐᑕ ᒋᒋᒋᓯᑯᒡ, ᑭᔭ ᒐᒂᓐ ᒐ ‍ ᐊᐱᐧᑯᓂᒧᐅᓇ ᐅᑕ ᐊᔅᒋᒡ ᒋᑭ ‍ ᐊᐱᐧᑯᓇᑭᓄᐤ ᐊᓐᑕ ᒋᒋᒋᓯᑯᒡ᙮” ᐊᐅᑯᔪᐤ ᑲ ‍ ᐃᑕᑦ ᒋᓴᔅ ᐊᓂᔭ ᐱᑕᕋ᙮
\p
\v 20 ᐊᑯ ᒂ ‍ ᐃᑎᓱᒪᑦ ᐅᒋᔅᒋᓄᐊᒧᐛᑭᓇ ᒐ ᐊᑲ ‍ ᐎᑎᒧᐛᔨᒋ ᑯᑎᑲ ᐊᐛᔪᐛ ᐎᔾ ᐊ ‍ ᐊᐎᑦ ᙭᙮
\s1 ᒋᓴᔅ ᑲ ‍ ᐊᔨᒧᑕᐧᒃ ᒐ ‍ ᐎᓯᒐᔨᑕᐧᒃ ᑭᔭ ᒐ ‍ ᓂᐸᐊᑭᓄᐅᑦ
\r ᒪᕐᒃ 8.31-9.1; ᓗᒃ 9.22-27
\s2 Matthew 16.21-28 (Proper-17 Year A)
\p
\v 21 ᐃᔅᐱ ᒪᒃ ᐅᔭ ᑲ ᐃᓯ ‍ ᐃᔨᒪᐊᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ‍ ᒋᒋᐱᔨᑦ ᐊ ‍ ᐎᑎᒧᐛᑦ ᐊ ‍ ᐱᔭᑭᔅᒋᑕᑯᓯᑦ ᐊ ‍ ᐃᑕᑦ, “ᓂᑭ ‍ ᐃᑐᑕᓐ ᐊᓐᑕ ᒋᕈᓯᓕᒥᒡ, ᐊᑯᑕ ᒪᒃ ᐊᓐᑕ ᒐ ᒥᔅᑎ ‍ ᐛᐎᓯᒐᔨᑎᒥᐃᒡ ᐊᓐᒡ ᑲ ‍ ᓂᑲᓂᔅᑯᐛᒡ ᐊᓂᔭᔪᐛ ᐃᔪᐛ, ᑭᔭ ᐊᓐᒡ ᓂᑲᓂᐊᔭᒥᐊᐅᒋᒪᐅᒡ, ᑭᔭ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ᙮ ᑭᔭ ᒐ ‍ ᓂᐸᐃᑯᔭᓐ, ᓂᔅᑐ ᒋᓯᑲᐛ ᒪᒃ ᒥᓐ ᓂᑭ ‍ ᐱᒪᑎᓯᓐ᙮”
\p
\v 22 ᐊᑯ ᐱᑕᕐ ᑎᐸᓐ ᐊᑐᑕᐊᑦ ᐊᓂᔭ ᒋᓴᓴ, ᒂ ‍ ᒋᑕᐊᒧᐛᑦ ᐊᓂᔭ ᑲ ‍ ᐃᔅᒋᔄᔨᒋ ᐊ ‍ ᐃᑕᑦ, “ᐅᑎᐸᔨᒋᒐᐤ, ᓇᒪ ᒋᑭ ᐅᒋ ‍ ᐱᔅᑎᓂᒻ ᒋᓴᒪᓂᑐᐤ ᐅᔭ ᒐᒋ ᐃᔅᐱᔨᒡ᙮ ᓇᒪ ᓂᑕ ᐅ ᒋᑭ ᒋ ‍ ᐃᑐᑕᑯᐅᓐ᙮”
\p
\v 23 ᐊᑯ ᒋᓴᔅ ᑲ ‍ ᒂᔅᒋᑲᐳᔅᑐᐛᑦ ᐊᓂᔭ ᐱᑕᕋ, ᑭᔭ ᐊᑕᑦ, “ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᑕᓐ ᐊ ‍ ᐃᑕᔨᑎᒥᐃᑯᔨᓐ ᐊᓂᔭ ᒐᒂᔪᐛ ᑕᐸ ᒋᓴᒪᓂᑐᐤ ᐊ ‍ ᑕᑦ ᐅᒋᐱᔪᐛ ᓇᐸᐤ ᐊ ‍ ᑕᑦ ᐅᒋᐱᔪᐛ᙮ ᒪᒋ ᐃᒐᑕ ᓇᑕ ᒥᒋᒥᓂᑐᐤ᙮”
\p
\v 24 ᐊᑯ ᒋᓴᔅ ᐊᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐊᐛᓐ ᐛ ᓇᓴᐅᒂ ᐊᑯᔅ ᒋᑭ ‍ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ‍ ᓂᓇᐊᔨᑎᒥᐃᓱᑦ, ᒋᑭ ‍ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᑭ ᐸᒋ ‍ ᐎᒐᐅᒄ᙮
\v 25 ᐊᐛᓐ ᑲ ᐎ ‍ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ ᒋᑭ ‍ ᐅᓂᑕᐤ᙮ ᐊᓐ ᒪᒃ ᐊᐛᓐ ᑲ ᐎ ‍ ᐱᔅᑎᓇᐧᒃ ᒥᓯᐛ ᒐᒂᔪᐤ ᑕᓐ ᑲ ᐎ ‍ ᐃᑐᑕᐧᒃ ᐛᐛᒡ ᑭᔭ ᐅᐱᒪᑎᓯᐅᓐ ᐊ ᐎ ᐸᒋ ‍ ᓇᓴᐅᑦ ᐊᐅᒄ ᐊᓐ ᒐ ‍ ᒥᔭᑭᓄᐅᑦ ᐱᒪᑎᓯᐅᓂᔪᐤ᙮
\v 26 ᐊᑯ ᒪᒃ ᐊᓐ ᐊᐛᓐ ᑲ ᐎ ‍ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ, ᐳᓂᐱᒪᑎᓯᒐ ᒪᒃ ᑕᓐᑕ ᒐᒋ ᐅᒋ ‍ ᐎᒋᐃᑯᑦ ᐊᑎ ᒋ ‍ ᐎᐧᑯᒋᑎᒪᓱᒐ ᒥᓯᐛ ᒐᒂᔪᐤ ᐅᑕ ᐊᔅᒋᒡ, ᐎᔾ ᑕᓐ ᑲ ᐃᓯ ‍ ᓂᑐᐛᔨᑕᐧᒃ ᒐᒋ ᐃᓯ ‍ ᐊᔭᑦ ? ᓇᒪ ᒋᑭ ᐅᒋ ‍ ᒥᔭᑭᓄᐤ ᐎᔾ ᐱᒪᑎᓯᐅᓂᔪᐤ᙮ ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐱᔅᑎᓇᒄ ᑲᐤ ᒐᒋ ᒥᔭᑭᓄᐅᑦ ᐅᐱᒪᑎᓯᐅᓐ ?
\v 27 ᐛᔅ ᐃᔪᐤ ᐅᑯᓯᓴᓇ ᒋᑭ ‍ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ‍ ᐎᒐᐅᑯᔨᒋ, ᑭᔭ ᒐ ‍ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ‍ ᐃᑐᑎᒥᔨᒋ᙮
\v 28 ᒋ ‍ ᐎᑎᒪᑎᓇᐛᐤ, ᑕᑈ ᐊ ‍ ᑕᒡ ᐅᑕ ᐊᐛᓐᒋ ᐊᔅᒄ ᒐ ‍ ᐱᒪᑎᓯᒡ ᐃᔅᐱ ᐅᑎᒋᐱᔨᒐ ᒐ ‍ ᑎᑯᓯᓂᔨᒋ ᐃᔪᐤ ᐅᑯᓯᓴᓇ ᒐ ᐸᒋ ‍ ᒋᓴᐅᒋᒪᐎᔨᒋ᙮”
\c 17
\s1 ᒋᓴᔅ ᑲ ‍ ᒂᔅᒋᓇᑯᓯᑦ
\r ᒪᕐᒃ 9.2-13; ᓗᒃ 9.28-36
\p
\v 1 ᑲᒋ ‍ ᐊᓱᑕᒡ ᑕᑐᐤ ᒋᓯᑲᐛ ᒪᒃ ᐃᔅᐱᔅ ᐊᑯ ᒋᓴᔅ ᑲ ‍ ᐃᑐᑕᐊᑦ ᐱᑕᕋ, ᒋᒥᓴ ᑭᔭ ᒠᓇ ᐊᓐᑕ ᐊ ‍ ᐃᔅᐱᑎᓇᔨᒡ ᐱᔅᑯᑎᓇᔪᐤ ᒥᒄ ᐎᔨᐛᐤ ᒐᒋ ᑕᒡ᙮
\v 2 ᒪᒂᒡ ᒪᒃ ᐊ ‍ ᑭᓄᐛᐱᒪᒡ ᐊᓂᔭ ᒋᓴᓴ ᐅᑕᔅᑎᒥᐧᑯᔪᐤ ᒋ ‍ ᒂᔅᒋᓇᑯᓂᔪᐤ, ᒧᔭᒻ ᐱᓯᒺ ᒋ ‍ ᐃᔅᐱᔅ ᒋᐧᑲᔭᔅᑐᐛᔪᐤ ᑭᔭ ᐅᑦ ᐊᐱᒋᑕᐅᓇ ᓇᔅᒡ ᑕᑈ ᒋ ‍ ᐱᔭᑭᔅᒡ ᐛᐸᑭᓂᔪᐛ ᓇᔅᒡ ᐊ ‍ ᐛᔅᑐᐛᔨᒋ ᒋ ‍ ᐃᓯᓇᑯᓂᔪᐛ᙮
\v 3 ᒋ ᐅᒋ ‍ ᐛᐱᒪᐅᒡ ᒪᒃ ᒧᓱᓴ ᑭᔭ ᐃᓚᐃᒐᔨᒋ ᐊ ‍ ᐃᔨᒪᐊᔨᒋ ᐊᓂᔭ ᒋᓴᓴ᙮
\v 4 ᐊᑯ ᐱᑕᕐ ᒂ ‍ ᐃᑕᑦ ᐊᓂᔭ ᒋᓴᓴ, “ᐅᑎᐸᔨᒋᒐᐤ, ᓄᐛᒡ ᒥᔽᔨᑕᑯᓐ ᐅᑕ ᒐᒋ ᐃᑕᐛᐅᒋᐱᓇ᙮ ᓇᐊᔨᑎᒥᓇ, ᓂᑭ ‍ ᐅᓯᑕᓇᓐ ᓂᔅᑐ ᒥᒋᐛᐸ, ᐸᐸᐃᒄ ᒐ ‍ ᐊᔭᔭᒄ, ᒋᔾ, ᒧᓱᔅ ᑭᔭ ᐃᓚᐃᒐ᙮”
\p
\v 5 ᒪᒂᒡ ᒪᒃ ᐊᔅᒄ ᐊ ‍ ᐃᔨᒥᑦ, ᑭᔅᑯᐅᓂᔎ ᓇᔅᒡ ᐊ ‍ ᐛᓱᓱᔨᒋ ᒋ ᐸᒋ ‍ ᐊᑯᒋᓂᔪᐛ ᐊᓐᑕ ᑎᐱᔅᑯᒡ ᐃᔅᐱᒥᒡ ᐊ ‍ ᑕᒡ, ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ‍ ᐸᑐᐛᐅᒡ ᐊᐛᔪᐛ ᐊ ‍ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ‍ ᓴᒋᐃᒃ, ᑭᔭ ᓇᔅᒡ ᑲ ‍ ᓂᓇᐊᔨᑎᒥᐃᑦ᙮ ᓂᑐᑐᐛᐧᒄ᙮”
\p
\v 6 ᐃᔅᐱ ᒪᒃ ᐊᓐᒡ ᒋᔅᒋᓄᐊᒧᐛᑭᓐᒡ ᐱᔭᑕᒡ ᐊᓂᔭ ᐸᑕᑯᓱᐅᓂᔪᐤ, ᒋ ‍ ᓴᒋᓱᐅᒡ᙮ ᐊ ᐃᔅᐱᔅ ‍ ᓴᒋᓯᒡ ᒪᒃ ᒋ ‍ ᐅᑎᑕᒧᓂᐱᔪᐅᒡ ᐊᓐᑕ ᐊᔅᒋᒡ᙮
\v 7 ᐊᑯ ᒋᓴᓴ ᒂ ᐸᒋ ‍ ᓂᑐᐛᐱᒥᑯᒡ, ᐊᑯ ᒂ ‍ ᑕᒋᓂᑯᒡ ᐊ ‍ ᐃᑎᑯᒡ, “ᐱᓯᑯᒄ ᐊᑲᐎᔾ ᑯᔅᑕᒋᒄ᙮”
\v 8 ᐊ ‍ ᑎᔅᑎᓴᐱᒡ ᒪᒃ ᓇᒪ ᐊᐛᔪᐛ ᐅᒋ ᐛᐱᒪᐅᒡ ᒥᒄ ᒋᓴᓴ ᒋ ‍ ᐸᐃᑯᑲᐳᔪᐛ᙮
\p
\v 9 ᒪᒂᒡ ᒪᒃ ᐊ ‍ ᓂᑎᒋᐛᒡ ᐊᓂᔭᔪᐤ ᐱᔅᑯᑎᓇᔪᐤ, ᒋᓴᓴ ᒋ ‍ ᐃᑎᑯᐅᒡ ᔭᐃᑕᔾ ᒐ ᐊᑲ ‍ ᐎᑎᒧᐛᒡ ᐊᐛᔪᐛ ᐅᔭ ᐛᐸᑎᔨᐛᐅᓂᔪᐤ ᑲ ‍ ᐛᐸᑕᒡ ᐸᑐᔅ ᒋ ‍ ᐅᓂᔅᑲᓇᑭᓄᔨᒐᓂ ᐃᔪᐤ ᐅᑯᓯᓴᓇ ᓂᐳᐅᓂᒡ ᐅᒡ᙮
\p
\v 10 ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ‍ ᑯᒂᒋᒪᒡ ᐊᓂᔭ ᒋᓴᓴ, “ᒐᒂᔪᐤ ᐛᒋ ‍ ᐃᔅᒋᔄᒡ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ, ᓂᔅᑎᒻ ᐃᓚᐃᒐᔨᒋ ᒐ ‍ ᑎᑯᓯᓂᔨᒋ ᐊᔅᒄ ᐊᑲ ᑎᑯᓯᓂᔨᒋ ᙭ᑕ, ᐊᓐ ᑲ ‍ ᐅᑎᓂᑯᑦ ᒋᓴᒪᓂᑐᐛ ?”
\p
\v 11 ᐊᑯ ᒋᓴᔅ ᒂ ‍ ᐃᑕᑦ, “ᑕᑈ ᐃᓚᐃᒐ ᓂᔅᑎᒻ ᒋᑭ ‍ ᑎᑯᓯᓄᐤ, ᒥᓯᐛ ᒐᒂᔪᐤ ᐊᑲ ᑯᐃᔅᑯᓇᑯᓂᔨᒡ ᒐ ‍ ᑯᐃᔅᑯᓇᑯᑕᑦ᙮
\v 12 ᒥᒄ ᒪᒃ ᒋ ‍ ᐎᑎᒪᑎᓇᐛᐤ ᓴᔅ ᒥᓐ ᐊᒋ ‍ ᑎᑯᓯᐧᒃ ᐃᓚᐃᒐ ᒥᒄ ᓇᒪ ᐅᒋ ᓂᔅᑐᐅᓇᑯᐤ ᐃᔪᐛ᙮ ᒥᒄ ᒪᒃ ᐛ ᐃᑐᑐᐛᒡ ᒋ ‍ ᐃᑐᑐᐛᐅᒡ᙮ ᐊᐅᑯᓐ ᒪᒃ ᒧᔭᒻ ᒐ ᐃᔅᐱᔅ ‍ ᐎᓯᒐᔨᑎᒥᐊᒡ ᐃᔪᐤ ᐅᑯᓯᓴᓇ᙮”
\p
\v 13 ᐃᔅᐱ ᒪᒃ ᑲ ‍ ᐸᑕᒡ ᐊᓐᒡ ᒋᔅᒋᓄᐊᒧᐛᑭᓐᒡ ᓴᔅ ᒥᓐ ᐊᒋ ‍ ᑎᑯᓯᓂᔨᒋ ᐃᓚᐃᒐᔨᒋ ᐊᑯ ᒂ ‍ ᒋᔅᒐᔨᑕᒡ ᐊᔪᑯᓐ ᐊᓂᔭ ᒠᓐ ᐅᓯᑲᐃᑕᒐᐛ ᑲ ‍ ᐊᔨᒧᒪᑭᓄᔨᒋ᙮
\s1 ᒋᓴᔅ ᑲ ‍ ᒥᓏᒋᐊᑦ ᓇᐸᓴ ᒥᒋ ‍ ᐊᒐᒂ ᐊᒋ ‍ ᐱᒋᔅᑲᑯᔨᒋ
\r ᒪᕐᒃ 9.14-29; ᓗᒃ 9.37-43
\p
\v 14 ᐃᔅᐱ ᒪᒃ ᑲᐤ ᐛᑎᑕᒡ ᐊᓂᔭ ᐃᔪᐛ, ᓇᐸᐤ ᒋ ᐸᒋ ‍ ᓂᑐᐛᐱᒪᐤ ᐊᓂᔭ ᒋᓴᓴ, ᐊ ‍ ᐅᒋᒋᐧᑯᓂᐱᔪᐅᒡ ᐊᓐᑕ ᐊ ‍ ᑕᔨᒋ ᐊ ‍ ᐃᑕᑦ,
\v 15 “ᐅᑎᐸᔨᒋᒐᐤ, ᒋᔅᑎᒪᒐᔨᒻ ᓂᑯᔅ᙮ ᐅᒋᐱᑎᑯᐤ ᒪᓐ, ᓇᔅᒡ ᓂᓇᐧᑲᑕᔨᒧᐤ ᐛᔅ ᒥᒐᑥᐤ ᒪᓐ ᒥᑐᔅᑕᐱᔪᐤ ᐃᔅᑯᑕᒡ ᑭᔭ ᒥᒐᑥᐤ ᐱᑭᔅᑐᐛᐱᔪᐤ ᓂᐱᒡ ᒪᒂᒡ ᐊᓂᔭ ᐊ ‍ ᐅᒋᐱᑎᑯᑦ᙮
\v 16 ᐊᑎ ᒪᒃ ᓂᒋ ‍ ᐃᑐᑐᐛᐅᒡ ᒋᒋᔅᒋᓄᐊᒧᐛᑭᓐᒡ, ᓇᒪ ᐅᒋ ᒥᓏᒋᐊᐅᒡ᙮”
\p
\v 17 ᒋᓴᔅ ᒪᒃ ᒋ ‍ ᐃᑕᐤ ᐊᓂᔭ ᐃᔪᐛ ᐊᓐᑕ ᑲ ‍ ᑕᔨᒋ, “ᒋᔨᐛᐤ ᐃᔪᒡ ᐊᓄᒡ ᑲ ‍ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ ᑭᔭ ᐊᑲ ᒂᔅᑲᑎᓯᔭᒄ, ᑕᓐ ᒐ ᐃᔅᐱᔅ ‍ ᑕᔭᓐ ᐅᑕ ᐊ ‍ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ‍ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ ? ᐸᓱᐛᒄ ᐊᓐ ᓇᐸᔅ᙮”
\v 18 ᒋᓴᔅ ᒪᒃ ᒂ ‍ ᐃᔨᒪᐊᑦ ᐊᓂᔭ ᒥᒋ ‍ ᐊᒐᒂ ᐊ ‍ ᐃᑕᑦ ᒐᒋ ᓂᑭᑕᔨᒋ ᐊᓂᔭ ᓇᐸᓴ᙮ ᑎᐛᒡ ᒪᒃ ᒋ ‍ ᐎᐎᔪᐤ ᐊᓐ ᒥᒋ ‍ ᐊᒐᐧᒄ ᐊᑯ ᒂ ᐊᑎ ‍ ᒥᓏᑎᓯᑦ ᐊᓐ ᓇᐸᔅ᙮
\p
\v 19 ᐊᑯ ᐊᓂᔭ ᐅᒋᔅᒋᓄᐊᒧᐛᑭᓇ ᑲ ᐸᒋ ‍ ᓂᑐᐛᐱᒥᑯᑦ ᑎᐸᓐ ᑲ ‍ ᐃᑐᑕᐃᑯᑦ ᐊᑯ ᒂ ‍ ᐃᑎᑯᑦ, “ᑕᓐᑕ ᐛᒋ ᐊᑲ ᐅᒋ ‍ ᐎᐎᑎᓴᐅᒋᑦ ᐊᓐ ᒥᒋ ‍ ᐊᒐᐧᒄ ?”
\p
\v 20 ᐊᑯ ᒋᓴᔅ ᒂ ‍ ᐃᑕᑦ, “ᑭᑈ ᐊᓐ ᐊᑲ ᐃᔅᐱᓴᒡ ᒋᑕᑈᑎᒧᐅᓄᐛᐤ᙮ ᑕᑈ ᒋᑦ ᐃᑎᓇᐛᐤ ᐊᑎ ᒥᒄ ᐊᐱᓴᓯᒐ ᒋᑕᑈᑎᒧᐅᓐ ᒧᔭᒻ ᐊ ᐃᔅᐱᔅ ‍ ᐊᐱᓯᓯᑦ ᓂᑕᐅᒋᑕᑭᓐ ᒪᔅᑎᕐᑦ ᑲ ‍ ᐃᓯᓂᐧᑲᓱᑦ ᐃᔅᐱᓴᒐ, ᐱᔅᑯᑎᓇᐤ ᒋᑭ ᒋ ‍ ᐃᑎᓱᐛᑕᓐ, ‘ᓇᑕ ᐃᓯ ᐊᒋᑲᐳᐅᐤ᙮’ ᒋᑭ ‍ ᐱᓯᒋᐃᑯᓐ ᒪᒃ᙮ ᒥᒄ ᒐᒂᓐ ᐛ ᐃᑐᑎᒥᓐ ᒋᑭ ᒋ ‍ ᐃᑐᑕᓐ ᐊᔭᔨᓇ ᑕᑈᑎᒧᐅᓐ᙮
\v 21 ᐊᑯ ᒪᒃ ᒥᒄ ᐊᔭᒪᐛᑎᓯᒐ ᑭᔭ ᐊᑲ ᐅᑎᓇᐧᒃ ᐊᐛᓐ ᒥᒋᒥᔪᐤ ᐊᑯᑕ ᒥᒄ ᒐᒋ ᐎᐎᔨᒋ ᐅᔭ ᑲ ‍ ᐃᑕᔨᑕᑯᓯᔨᒋ ᒥᒋ ‍ ᐊᒐᒂ᙮ ᓇᒪ ᒥᓐ ᑎᑯᓂᔪᐤ ᑕᓐ ᒐᒋ ᐃᑎᑦ ᐊᐛᓐ᙮”
\s1 ᒋᓴᔅ ᒥᓐ ᑲ ‍ ᐊᔨᒧᑕᐧᒃ ᒐ ‍ ᓂᐸᐊᑭᓄᐅᑦ
\r ᒪᕐᒃ 9.30-32; ᓗᒃ 9.43-45
\p
\v 22 ᐃᔅᐱ ᒪᒃ ᒥᓯᐛ ᐊᓐᒡ ᒋᔅᒋᓄᐊᒧᐛᑭᓐᒡ ᑲ ᐸᒋ ‍ ᒪᒧᐎᒡ ᐊᓐᑕ ᑲᓕᓕᒡ, ᒋᓴᔅ ᒋ ‍ ᐃᑕᐤ, “ᓴᔅ ᐎᐱᒡ ᒋᑭ ‍ ᐱᔅᑎᓇᑭᓄᐎᒡ ᐃᔪᒡ ᑕᓐ ᐛ ᐃᑐᑐᐛᒡ ᒐᒋ ᐃᑐᑐᐛᒡ ᐃᔪᐤ ᐅᑯᓯᓴᓇ᙮
\v 23 ᒋᑭ ‍ ᓂᐸᐊᑭᓄᐤ, ᒥᒄ ᒪᒃ ᓂᔅᑐ ᒋᓯᑲᐛ ᐃᔅᐱᔅ ᐊᑯ ᒐ ‍ ᐅᓂᑦ ᓂᐳᐅᓂᒡ ᐅᒡ᙮” ᓇᔅᒡ ᒪᒃ ᒋ ‍ ᒥᒐᔨᑎᒧᒡ ᐊᓐᒡ ᒋᔅᒋᓄᐊᒧᐛᑭᓐᒡ ᐃᔅᐱ ᐱᔭᑐᐛᒡ ᐊᓂᔭ ᐊ ‍ ᐃᔅᒋᔄᔨᒋ᙮
\s1 ᐊ ‍ ᒋᓯᐧᑲᓱᓇᓄᐅᒡ ᒋᓴᐊᔭᒥᐊᐅᒋᐛᐱᒡ
\p
\v 24 ᐃᔅᐱ ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᑕᑯᓯᓂᒡ ᐊᓐᑕ ᑲᐳᕐᓇᐊᒥᒡ, ᐊᓐᒡ ᑲ ‍ ᒪᒧᓴᒋᓇᒡ ᓱᓇᔭᔪᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒐ ᐃᓯ ‍ ᐊᐱᑎᓂᔨᒡ ᒋ ᐸᒋ ‍ ᓂᑐᐛᐱᒪᐅᒡ ᐊᓂᔭ ᐱᑕᕋ ᐊ ‍ ᐃᑕᒡ, “ᐱᔅᑎᓂᒻ ᐊ ᒋ ‍ ᒋᔅᑯᑎᒪᒐᓯᒧᐛᐤ ᐊᓂᔭ ᓱᓇᔭᔪᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒋᐸ ᐃᓯ ‍ ᐊᐱᑎᓂᔪᐤ ?”
\p
\v 25 ᐊᑯ ᐱᑕᕐ ᐊᑕᑦ, “ᓂᐦᐃ᙮” ᐃᔅᐱ ᒪᒃ ᐱᑕᕐ ᐊ ᐊᑎ ‍ ᐱᒐᑦ ᐊᓂᔭ ᒥᒋᐛᐱᔪᐤ, ᐊᔅᒄ ᐊᑲ ᒋ ‍ ᐃᑕᑦ ᒐᒂᔪᐤ ᒋᓴᓴ ᒋ ‍ ᑯᒂᒋᒥᑯᐤ ᐊ ‍ ᐃᑎᑯᑦ, “ᓴᐃᒥᓐ, ᑕᓐ ᐊ ‍ ᐃᑕᔨᑎᒥᓐ ᒋᔾ᙮ ᐊᐛᓐ ᒋᐸ ‍ ᒥᔭᐤ ᓱᓇᔭᔪᐤ ᐊᓂᔭ ᒋᓴᐅᒋᒪᐛ ᐅᑕ ᐊᔅᒋᒡ ᑲ ‍ ᑕᔨᒋ ? ᐅᑦ ᐊᐛᓯᒪ ᐊ ᐊ ‍ ᑕᔨᒋ ᒋᐸ ‍ ᐅᒋᐱᔪᐤ ᓱᓇᔭᔪᐤ ᑭᔭ ᒪᒃ ᑯᑎᑲ ᐊᐛᔪᐛ ᐊ ‍ ᑕᔨᒋ ?”
\p
\v 26 ᐊᑯ ᐱᑕᕐ ᒂ ‍ ᐃᑕᑦ, “ᐊᓂᔭᔪᐛ ᑭᑈ ᑯᑎᑲ ᐊᐛᔪᐛ ᐊ ‍ ᑕᔨᒋ ᒋᐸ ‍ ᐅᒋᐱᔪᐤ᙮” ᐊᑯ ᒂ ‍ ᐃᑎᑯᑦ ᒋᓴᓴ, “ᑭᑈ ᒥᔅᑯᒡ ᓇᒪ ᐅᑦ ᐊᐛᓯᒪ ᒋᑭ ᐅᒋ ‍ ᐱᔅᑎᓂᒥᔪᐛ ᓱᓇᔭᔪᐤ᙮
\v 27 ᐊᑯ ᒪᒃ ᓇᒪᐎᔾ ᑭᑈ ᓂᑐᐛᔨᑎᑯᓐ ᓂᔾ ᒐᒋ ᐱᔅᑎᓂᒪᓐ ᓱᓇᔭᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐃᔅ᙮ ᒥᒄ ᒪᒃ ᓇᒪ ᒋᑭ ᐅᒋ ᐎ ‍ ᒋᔄᐊᓄᐅᒡ ᐊᓐᒡ ᐃᔪᒡ᙮ ᐊᑯᔅ ᒪᒃ ᒋᑭ ‍ ᐱᔅᑎᓇᓇᓄᐤ ᓱᓇᔭᐤ᙮ ᓇᓯᐸ ᒪᒃ ᓇᑕ ᒐ ‍ ᐱᑭᔅᑐᐛᐊᒥᓐ ᒋ ‍ ᑯᔅᑭᓐ᙮ ᐊᓐ ᒪᒃ ᓂᔅᑎᒻ ᓂᒪᔅ ᒐ ‍ ᐅᒋᒂᑎᑦ ᒐ ‍ ᐅᑎᓂᑦ, ᐊᓐᑕ ᒪᒃ ᐅᑐᓂᒡ ᒋᑭ ‍ ᒥᔅᑯᐛᐤ ᓱᓇᔭᐱᔅᒄ, ᒋᑭ ‍ ᐃᔅᐱᓴᐤ ᐊᓐᑕ ᑕᐱᔅᑯᓐ ᐊ ‍ ᓂᓯᔭᐧᒄ ᑕᓐ ᒋᐸ ᐃᓯ ‍ ᐱᔅᑎᓇᓇᓄᐤ ᓱᓇᔭᐤ᙮ ᒐ ‍ ᐃᑐᑕᔨᓐ ᓇᑕ ᒋᓴᐊᔭᒥᐊᐅᒋᐛᐱᒡ ᒐ ‍ ᐱᔅᑎᓂᒥᓐ ᐊᓐ ᒋᐸ ‍ ᐃᔅᐱᔅ ᒋᓯᐧᑲᓱᓇᓄᐤ᙮”
\c 18
\s1 ᐊᓐ ᐊᐛᓐ ᒪᐅᒡ ᓇᑲᓇᔨᑕᑯᔅᑦ
\r ᒪᕐᒃ 9.33-37; ᓗᒃ 9.46-48
\p
\v 1 ᓇᓇᒐᓯᔅ ᒪᒃ ᐊᑯ ᒋᓴᔅ ᒂ ᐸᒋ ‍ ᓂᑐᐛᐱᒥᑯᑦ ᐊᓂᔭ ᐅᒋᔅᒋᓄᐊᒧᐛᑭᓇ, ᒂ ‍ ᑯᒂᒋᒥᑯᑦ ᐊ ‍ ᐃᑎᑯᑦ, “ᐊᐛᓐ ᒪᐅᒡ ᓇᑲᓇᔨᑕᑯᔅᑦ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ ?”
\p
\v 2 ᐊᑯ ᒋᓴᔅ ᒂ ‍ ᐎᓴᒪᑦ ᐊᐛᓴ, ᒂ ‍ ᐅᑎᔅᑯᑲᐳᐊᑦ ᐊᓐᑕ ᐊ ‍ ᑕᒡ᙮
\v 3 ᐊᑯ ᒂ ‍ ᐃᔅᒋᔄᑦ, “ᑕᑈ ᒋ ‍ ᐎᑎᒪᑎᓇᐛᐤ, ᒧᔭᒻ ᐊᑲ ᒂᔅᑲᑎᓯᔭᒂ ᐊᑲ ᐃᑕᔨᑕᑯᓯᔭᒂ ᒧᔭᒻ ᐊᐛᔅ ᐊ ‍ ᐃᑕᔨᑕᑯᓯᑦ, ᓇᒪ ᓂᑕ ᒋᑭ ᒋ ‍ ᐱᒐᓇᐛᐤ ᒋᒋᒋᓯᒄ ᒋᓴᐅᒋᒪᐅᓂᒡ᙮
\v 4 ᐊᓐ ᐊᐛᓐ ᒐ ‍ ᑎᐱᑕᔨᒥᓱᒂ ᑭᔭ ᒧᔭᒻ ᐊᐛᓴ ᒐ ‍ ᐃᑕᔨᑕᑯᓯᒂ ᐊᐅᒄ ᐊᓐ ᒪᐅᒡ ᒐ ‍ ᓂᑲᓇᔨᑕᑯᓯᑦ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ᙮
\v 5 ᐊᐛᓐ ᐊ ‍ ᐅᑎᓇᑦ ᐸᐃᒄ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ‍ ᐅᑎᓂᑦ ᐊᑯᓐ ᐊ ‍ ᐃᓯᓇᑯᓂᔨᒡ᙮”
\s1 ᑕᓐ ᐊ ᐃᓯ ‍ ᑯᒂᒋᐃᑯᔭᐧᒄ ᒐᒋ ᒥᒋᑐᑎᒪᐧᒄ
\r ᒪᕐᒃ 9.42-48; ᓗᒃ 17.1,2
\p
\v 6 “ᐊᓐ ᐊᐛᓐ ᒐ ‍ ᐃᑐᑐᐛᒂ ᒐᒋ ᒥᒋᑐᑎᒥᔨᒋ ᐸᐃᒄ ᐅᔭ ᐊᐛᓴ ᑲ ‍ ᑕᑈᔭᔨᒥᔨᒋ ᐃᐛᒃ ᒋᑭ ‍ ᒥᔽᔪᐤ ᒐᒋ ᒪᑯᐱᑕᑭᓄᔨᒋ ᐊ ‍ ᒥᒐᐱᔅᒋᓯᔨᒋ ᐊᓯᓂᔭ ᐅᑯᔭᒡ ᑭᔭ ᒐᒋ ᓂᔅᑕᐸᐛᑦ ᐊᓐᑕ ᐊ ‍ ᒋᔅᑲᑎᒥᔨᒡ ᐎᓂᐸᑯᒡ᙮
\v 7 ᑕᑈ ᒪᔭᑎᓇ ᒐᒂᔪᐛ ᐊ ᐃᓯ ‍ ᑎᒂᒋ ᐅᑕ ᐊᔅᒋᒡ ᐊᓐᑕ ᒐᒋ ᐅᒋ ‍ ᒥᒋᑐᑕᒡ ᐊᐛᓐᒋ᙮ ᒧᔅ ᒋᑭ ‍ ᑎᑯᓂᔪᐛ ᒐᒂᔪᐛ ᒐ ‍ ᑯᒂᒋᐃᑯᒡ ᐊᐛᓐᒋ ᒐᒋ ᒥᒋᑐᑕᒡ, ᒥᒄ ᒪᒃ ᒋᓴᒪᓂᑐᐤ ᒋᑭ ‍ ᐛᐛᓯᐊᐤ ᐊᓂᔭ ᑲ ‍ ᐃᑐᑐᐛᔨᒋ ᑯᑎᑲ ᐊᐛᔪᐛ ᒐᒋ ᒥᒋᑐᑎᒥᔨᒋ᙮”
\p
\v 8 “ᐃᑐᑕᑯᔨᓇ ᐸᐃᒄ ᔅᑎᒋᔾ ᑭᔭ ᒪᒃ ᒋᓯᑦ ᒐᒋ ᐅᓂᑐᑎᒥᓐ, ᒥᓂᓴ, ᒐ ‍ ᐛᐱᓂᒥᓐ᙮ ᐃᐛᒃ ᒥᔽᐤ ᒐᒋ ᐱᒐᔨᓐ ᐱᒪᑎᓯᐅᓂᒡ ᐊ ‍ ᒪᔅᒋᐱᔨᓐ ᑭᔭ ᒪᒃ ᐊ ‍ ᒪᔅᒋᓯᔨᓐ ᐃᔅᐱᔅ ᐎ ᒐᒋ ᐊᔭᔨᓐ ᓂᓱ ᒥᑎᒋᔭ ᑭᔭ ᓂᓱ ᒥᓯᑕ ᒐ ᐃᓯ ‍ ᐛᐱᓂᑯᔨᓐ ᒪᒃ ᐊᓐᑕ ᐃᔅ ᐊᓐ ᐃᔅᑯᑕᐤ ᒐ ᐊᑲ ‍ ᓂᑕ ᐊᔅᑐᐛᒡ᙮
\v 9 ᒪᒃ ᑭᔭ ᐃᑐᑕᑯᔨᓇ ᐸᐃᒄ ᒋᔅᒋᓯᒄ ᒐᒋ ᒥᒋᑐᑎᒥᓐ ᑯᐃᑯᐱᑕ, ᒐ ‍ ᐛᐱᓂᒥᓐ ᐊᓐ ᒋᔅᒋᓯᒄ᙮ ᐃᐛᒃ ᒥᔽᓱᐤ ᒐᒋ ᐱᒐᔨᓐ ᐱᒪᑎᓯᐅᓂᒡ ᐊ ‍ ᓂᐱᑕᔭᐱᔨᓐ, ᐃᔅᐱᔅ ᐎ ᑕᐱᔅᑯᓐ ᒋᔅᒋᓯᒂ ᒐᒋ ᐊᔭᔨᓐ ᒥᒋ ‍ ᐃᔅᑯᑕᒡ ᐊ ᐃᓯ ‍ ᐛᐱᓂᑯᔨᓐ᙮”
\s1 ᒋᔅᑯᑎᒪᒐᐤ ᑎᐸᒋᒧᐅᓐ ᑲ ‍ ᐅᓂᓯᐧᒃ ᒪᔭᑕᓂᔅ ᑲ ‍ ᐊᔨᒧᒪᑭᓄᐅᑦ
\r ᓗᒃ 15.3-7
\p
\v 10 “ᐃᔭᒂᒥᒄ ᒪᒃ ᒐ ᐊᑲ ᒋ ᐊᑐᐛᔨᒪᑯᒡ ᐅᒡ ᐊᐛᓯᒡ, ᐛᔅ ᒋ ‍ ᐎᑎᒪᑎᓇᐛᐤ, ᐅᑦ ᐊᓐᒋᓂᒧᐛᐛ ᒋᒋᒋᓯᑯᒡ ᐊ ‍ ᑕᔨᒋ ᒧᔅ ᐃᔨᒥᔅᑎᒪᑯᐅᒡ ᐊ ‍ ᐅᑎᔅᑯᑲᐳᔅᑐᐛᔨᒋ ᓄᑕᐎᔭ ᒋᒋᒋᓯᑯᒡ ᐊ ‍ ᑕᔨᒋ᙮
\v 11 ᐸᒋ ‍ ᓇᓂᑐᐛᐱᒪᐤ ᐃᔪᐤ ᐅᑯᓯᓴᓐ ᐊᓂᔭᔪᐛ ᐊᐛᔪᐛ ᑲ ‍ ᐅᓂᓯᓂᔨᒋ ᒐᒋ ᐱᒪᒋᐊᑦ᙮”
\p
\v 12 “ᒪᒥᑐᓇᔨᑎᒧᒄ ᒪ ᐅ, ᓇᐸᐤ ᐊᓐ ᐊᔭᐛᑦ ᐸᐃᑯ ᒥᑕᓯᒥᑎᓄᐤ ᒪᔭᑕᓂᓴ ᐸᐃᒄ ᒪᒃ ᐊᓂᔭ ᐅᓂᓯᓂᔨᒋ᙮ ᒋᑭ ‍ ᓂᑭᑕᐤ ᐊᓂᔭ ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᐊᓐᑕ ᐊ ‍ ᐱᔅᑯᑕᐅᐧᑲᔨᒡ, ᒐ ‍ ᓇᓂᑐᐛᐱᒪᑦ ᐊᓂᔭ ᐸᐃᒄ ᑲ ‍ ᐅᓂᓯᓂᔨᒋ ᒪᔭᑕᓂᓴ᙮
\v 13 ᐃᔅᐱ ᒪᒃ ᒪᔅᑯᐛᑦ, ᒋ ‍ ᐎᑎᒪᑎᓇᐛᐤ ᐅᔅᑕ ᒥᔽᔨᑎᒻ ᐅᔭ ᐸᐃᒄ ᐅᒪᔭᑕᓂᓯᒪ ᑲ ‍ ᐅᓂᓯᓂᔨᒋ ᐊ ‍ ᒥᔅᑯᐛᑦ ᐃᔅᐱᔅ ᐎ ᐊᒋ ‍ ᐊᔭᐛᑦ ᐊᓂᔭ ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒪᔭᑕᓂᓴ ᐊᑲ ᐅᒋ ᐅᓂᓯᓂᔨᒋ᙮
\v 14 ᐊᐅᑯᓐ ᒪᒃ ᒧᔭᒻ ᑭᔭ ᓄᑕᐎᔾ ᒋᒋᒋᓯᑯᒡ ᐊ ‍ ᑕᑦ ᐊ ‍ ᐃᑎᑦ, ᓇᒪ ᓂᑐᐛᔨᒪᐤ ᐛᐛᒡ ᐸᐃᒄ ᐅᔭ ᐊᐛᓴ ᒐᒋ ᐅᓂᓯᓂᔨᒋ᙮”
\s1 ᑕᓐ ᒐ ‍ ᐃᑐᑐᐅᑦ ᒋᐧᑲᓂᔅ ᐊ ‍ ᐅᓂᑐᑕᔅᒃ
\s2 Matthew 18.15-20 (Proper-18 Year A)
\p
\v 15 “ᐅᓂᑐᑕᔅᒐ ᒋᐧᑲᓂᔅ, ᓂᑐᐛᐱᒻ ᒐ ‍ ᐎᑎᒧᐅᑦ ᑕᓐ ᐊ ᐃᓯ ‍ ᐅᓂᑐᑕᔅᒃ, ᒥᒄ ᒋᔨᐛᐤ ᐊ ‍ ᓂᓯᔭᒄ ᒐ ‍ ᐎᑎᒧᐅᑦ ᐅᔭ᙮ ᓂᑐᑕᔅᒐ ᒪᒃ, ᐊᑯ ᑭᑈ ᒥᓐ ᒐ ‍ ᒥᔪᐱᔭᒄ ᐊ ‍ ᐎᐧᑲᓂᓯᑕᑐᔭᒄ᙮
\v 16 ᐊᑲ ᒪᒃ ᓂᑐᑕᔅᒐ ᐊᑯ ᒥᓐ ᑯᑎᒃ ᐊᐛᓐ ᑭᔭ ᒪᒃ ᓂᓱ ᐊᐛᓐᒋ ᒐ ‍ ᐎᓴᒥᑥᐤ ᒐᒋ ᐎᒐᐅᔅᒡ ᒐᒋ ᐸᑕᔅᒡ ᑕᓐ ᐊ ᐃᓯ ‍ ᐃᔨᒥᐃᒥᑎ, ᐊᑯ ᑭᔭ ᐎᔨᐛᐤ ᒐᒋ ᐃᔨᒪᐊᒡ᙮ ᐛᔅ ᒥᓯᐛ ᑕᓐ ᐊᑎᔅᑕᒡ ᐊᓐᑕ ᒥᓯᓇᐃᑭᓂᒡ ᒥᓯᐛ ᒐᒂᓐ ᐊᑯᓐ ᒐ ‍ ᐃᓯᓇᒂᒡ ᑕᓐ ᐊᓂᔭ ᑲ ‍ ᐃᔅᒋᔄᒡ ᐊᓐᒡ ᓂᓱ ᑭᔭ ᒪᒃ ᓂᔅᑐ ᑲ ‍ ᐎᓴᒪᑭᓄᐎᒡ ᒐᒋ ᓂᑐᑐᐛᒡ᙮
\v 17 ᐊᑲ ᒪᒃ ᓂᑐᑕᒐ ᑭᔭ ᐊᑲ ᓂᑐᑐᐛᒐ ᐊᓂᔭ ᑯᑎᑲ ᐊᐛᔪᐛ, ᐊᑯ ᒐ ‍ ᐎᑎᒧᒥᑎ ᐅᒪᒧᐊᔭᒥᐊᐛ ᑕᓐ ᑲ ᐃᓯ ‍ ᒥᒋᑐᑕᔅᒃ, ᐊᑲ ᒪᒃ ᓂᑐᑐᐛᒐ ᑭᔭ ᐊᓂᔭ ᐅᒪᒧᐊᔭᒥᐊᐛ ᐊᑲ ᐎ ᒋᑭ ᐅᒋ ‍ ᐊᐱᑕᔨᒪᑭᓄᐤ ᒧᔭᒻ ᐊᐛᓐ ᐊᑲ ᒋᔅᒐᔨᒪᑦ ᒋᓴᒪᓂᑐᐛ ᐊᑯᓐ ᒐ ᐃᓯ ‍ ᑭᓄᐛᐱᒪᑭᓄᐅᑦ ᑭᔭ ᒪᒃ ᐊᐛᓐ ᐊᑲ ᐎ ᒂᔅᑲᑎᓯᑦ ᐊᑯᓐ ᒐ ᐃᓯ ‍ ᑭᓄᐛᐱᒪᑭᓄᐅᑦ᙮”
\p
\v 18 “ᐛᔅ ᑕᑈ ᒋ ‍ ᐎᑎᒪᑎᓇᐛᐤ, ᐊᓐ ᒐᒂᓐ ᒐ ‍ ᒪᑯᐱᑎᒧᐎᓇ ᐅᑕ ᐊᔅᒋᒡ ᒋᑭ ‍ ᒪᑯᐱᑕᑭᓄᐤ ᐊᓐᑕ ᒋᒋᒋᓯᑯᒡ, ᑭᔭ ᐊᓐ ᒐᒂᓐ ᒐ ‍ ᐊᐱᐧᑯᓂᒧᐎᓇ ᐅᑕ ᐊᔅᒋᒡ ᒋᑭ ‍ ᐊᐱᐧᑯᓇᑭᓄᐤ ᐊᓐᑕ ᒋᒋᒋᓯᑯᒡ᙮”
\p
\v 19 “ᒥᓐ ᒋ ‍ ᐎᑎᒪᑎᓇᐛᐤ, ᓂᓱ ᐊᐛᓐᒋ ᑕᐱᔅᑯᓐ ᐊ ‍ ᐃᑕᔨᑎᒥᐃᑯᒡ ᒐᒂᔪᐤ ᑕᓐ ᐊ ᐃᓯ ‍ ᓂᑐᑎᒪᒡ ᐊᐅᑯᓐ ᐊᓐ ᒐ ᐃᓯ ‍ ᐃᑐᑎᒪᑯᒡ ᓄᑕᐎᔭ ᒋᒋᒋᓯᑯᒡ ᐊ ‍ ᑕᔨᒋ᙮
\v 20 ᐛᔅ ᐊᑎ ᒥᒄ ᓂᓱ ᑭᔭ ᒪᒃ ᓂᔅᑐ ᐊᐛᓐᒋ ᒪᐅᒋᐃᑐᑥᐛ ᓂᑦ ᐃᓯᓂᐧᑲᓱᐅᓂᒡ ᐅᒋ, ᐊᑯᑕ ᑭᔭ ᓂᔾ ᒐ ‍ ᑕᔭᓐ᙮”
\s1 ᒋᓴᔅ ᑲ ‍ ᑎᐸᒋᒪᑦ ᐊᐱᒋᐊᑭᓇ ᐊᑲ ᐎ ᐛᐸᔨᑎᒧᐛᔨᒋ ᐎᒋ ‍ ᐊᐱᒋᐊᑭᓂᔪᐛ
\s2 Matthew 18.21-35 (Proper-19 Year A)
\p
\v 21 ᐊᑯ ᐱᑕᕐ ᒂ ᐸᒋ ‍ ᓂᑐᐛᐱᒪᑦ ᒋᓴᓴ ᒋ ‍ ᐃᑕᐤ, “ᐅᑎᐸᔨᒋᒐᐤ, ᓂᐧᑲᓂᔅ ᒪᒃ ᐎᔾ ᐊᑲ ᐳᓂᒐ ᐊ ᐸᒋ ‍ ᐅᓂᑐᑐᐅᑦ, ᑕᓐ ᑕᑥᐤ ᒐ ‍ ᐛᐸᔨᑎᒧᐅᒃ, ᓂᔄᐅᑕᒡ ᑕᑥᐤ ᐊ ?”
\p
\v 22 ᐊᑯ ᒋᓴᔅ ᐊᑕᑦ, “ᓇᒪ ᓂᔄᐅᑕᒡ ᑕᑥᐤ, ᒥᒄ ᒋᑦ ᐃᑎᓐ ᒪᒃ, ᓂᔄᐅᑕᒡ ᑕᑐᔪᐤ ᐊᓱ ᓂᔄᐅᑕᒡ ᑕᑥᐤ ᒋᐸ ‍ ᐛᐸᔨᑎᒧᐛᐤ ᑕᓐ ᐊ ᐃᓯ ‍ ᐅᓂᑐᑕᔅᒃ᙮”
\p
\v 23 “ᐛᔅ ᒪᐅ ᐊ ‍ ᐃᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒧᔭᒻ ᒋᓴᐅᒋᒪᐤ ᐊᒋ ‍ ᓂᑐᐛᔨᒪᑦ ᐅᑦ ᐊᐱᒋᐊᑭᓇ ᑲ ‍ ᒥᓯᓇᐊᒪᑯᑦ ᒐᒋ ᐱᑯᓯᓇᐃᒐᔨᒋ,
\v 24 ᐊᓂᔭ ᒪᒃ ᑲ ᐎ ‍ ᐃᑐᑕᐧᒃ ᒥᓯᐛ ᒋ ‍ ᐎᓴᒪᐤ ᐊᓂᔭ ᑲ ‍ ᒥᓯᓇᐊᒪᑯᑦ ᐅᑦ ᐊᐱᒋᐊᑭᓇ᙮ ᐊᑯ ᒂ ᐅᒋ ‍ ᐸᓱᐛᑭᓄᔨᒋ ᐸᐃᒄ ᐊᓂᔭ ᐅᑦ ᐊᐱᒋᐊᑭᓇ ᐸᐃᑯᔪᐤ ᑕᑥᐤ ᒐᓯᐱᔪᐤ ᑲ ᐃᔅᐱᔅ ‍ ᒥᓯᓇᐊᒪᑯᑦ᙮
\v 25 ᐊᓂᔭ ᒪᒃ ᐅᑦ ᐊᐱᒋᐊᑭᓇ ᐊᑲ ᐅᒋ ᐃᔅᐱᔅ ᐊᔭᔨᒋ ᓱᓇᔭᔪᐤ ᒐᒋ ᐱᑯᓯᓇᐊᒪᑯᑦ ᐊᓂᔭ ᑲ ‍ ᒥᓯᓇᐊᒪᑯᑦ, ᐊᑯ ᒂ ‍ ᐃᑎᓱᐛᑦ ᐊᓐ ᒋᓴᐅᒋᒪᐤ ᒐᒋ ᐊᑕᐛᒐᓄᔨᒋ ᐊᓂᔭ ᐅᑦ ᐊᐱᒋᐊᑭᓇ ᑭᔭ ᒥᓯᐛ ᑕᓐ ᐊ ᐃᓯ ‍ ᑎᐱᔨᐛᐅᓯᔨᒋ ᑭᔭ ᐅᑦ ᐊᐛᓯᒥᔪᐛ ᑭᔭ ᐎᒋᒪᑭᓂᔪᐛ ᐊᓐᑕ ᑯᑎᑲ ᐊᐛᔪᐛ ᒐᒋ ᐅᑎᓂᑯᔨᒋ ᒐᒋ ᐅᑦ ᐊᐱᒋᐊᑭᓂᑐᑕᑯᔨᒋ᙮ ᐊᑯᑕ ᒋᐸ ᐅᒋ ‍ ᐱᑯᓯᓇᐃᒐᔪᐛ ᐊᓂᔭ ᓱᓇᔭᔪᐤ ᑕᓐ ᑲ ‍ ᐃᔅᐱᔅ ‍ ᒥᓯᓇᐊᒪᑯᑦ ᐊᓐ ᒋᓴᐅᒋᒪᐤ᙮”
\p
\v 26 “ᐊᑯ ᐊᓂᔭ ᐅᑦ ᐊᐱᒋᐊᑭᓇ ᒂ ‍ ᐅᒋᒋᐧᑯᓂᐱᔪᐅᔨᒋ ᐊᓐᑕ ᐅᑎᔅᑯᐤ ᐊᑕᑦ ᒋᓴᐅᒋᒪᐤ, ᐊᑯ ᒂ ‍ ᐃᑎᑯᑦ, ‘ᐅᒋᒪᐤ ᐊᑲᐎᔾ ᐸᑎᒪ ᐸᒋ ‍ ᒋᔄᓯᔅᑐᐎ ᐊᓱᐛᐱᒥ ᒪ, ᒥᓐ ᐛᐃᐱᔅᒋᔅ ᐊᑯ ᒥᓯᐛ ᒐ ‍ ᐱᑯᓯᓇᒪᑕᓐ ᑕᓐ ᐊᔅᐱᔅ ᒥᓯᓇᐊᒥᑕᓐ ᒐᒂᓐ᙮’ ”
\v 27 ᐊᑯ ᐊᓐ ᒋᓴᐅᒋᒪᐤ ᒋ ‍ ᒋᔅᑎᒪᒐᔨᒪᐤ ᐊᓂᔭ ᐅᑦ ᐊᐱᒋᐊᑭᓇ ᑭᔭ ᒋ ‍ ᐃᑕᐤ ᐊᑲ ᐊᑯᔅ ᒐ ‍ ᐱᑯᓯᓇᐊᒪᑯᑦ ᐊᓂᔭ ᑕᓐ ᑲ ᐃᔅᐱᔅ ‍ ᒥᓯᓇᐊᒪᑯᑦ, ᐊᑯ ᑭᔭ ᒂ ‍ ᐱᔅᑎᓇᑦ᙮
\p
\v 28 ᐊᑯ ᐊᓐ ᐊᐱᒋᐊᑭᓐ ᒂ ‍ ᔅᑐᑕᑦ, ᒂ ‍ ᓂᒋᔅᑯᐛᑦ ᐎᒋ ‍ ᐊᐱᒋᐊᑭᓇ ᐊᒋ ‍ ᒥᓯᓇᐊᒪᑯᑦ ᐊᐱᓯᔅ ᓱᓇᔭᔪᐤ᙮ ᐊᑯ ᒂ ‍ ᒪᑯᓇᑦ ᐊ ᐎ ‍ ᒋᐳᑕᒥᓇᑦ ᒂ ‍ ᐃᑕᑦ, “ᒪᒋ ᐸᒋ ‍ ᒋᐛ ‍ ᒥᔾ ᐊᓐ ᓱᓇᔭᐤ ᑕᓐ ᑲ ᐃᔅᐱᔅ ‍ ᒥᓯᓇᐊᒧᔨᓐ᙮”
\p
\v 29 ᐊᑯ ᐊᓂᔭ ᐎᒋ ‍ ᐊᐱᒋᐊᑭᓇ ᒋ ‍ ᐅᒋᒋᐧᑯᓂᐱᔪᐅᔪᐛ ᐅᑎᔅᑯᐤ ᐊ ‍ ᑕᑦ ᐊ ‍ ᐃᑎᑯᑦ, “ᐊᑲᐎᔾ ᐸᑎᒪ ᐸᒋ ‍ ᒋᔄᓯᔅᑐᐎ ᐊᓱᐛᐱᒥ ᒪ, ᒥᓐ ᐛᐃᐱᔅᒋᔅ ᒐᒋ ᒋᐛᒥᔨᑕᓐ ᐊᓐ ᑕᓐ ᑲ ᐃᔅᐱᔅ ‍ ᒥᓯᓇᐊᒪᑕᓐ᙮”
\p
\v 30 ᒥᒄ ᒪᒃ ᓇᒪ ᐅᒋ ᓂᑐᑐᐛᐤ ᐊᓂᔭ ᐎᒋ ‍ ᐊᐱᒋᐊᑭᓇ, ᐊᑯ ᒂ ‍ ᐃᑎᓱᐛᑕᑦ ᒐᒋ ᒪᑯᓇᑭᓄᔨᒋ ᐸᑐᔅ ᒋ ‍ ᐱᑯᓯᓇᐊᒪᑯᒐ ᑕᓐ ᐊᓂᔭ ᑲ ᐃᔅᐱᔅ ‍ ᒥᓯᓇᐊᒪᑯᑦ᙮
\v 31 ᐃᔅᐱ ᒪᒃ ᐊᓐᒡ ᑯᑎᑭᒡ ᐊᐱᒋᐊᑭᓐᒡ ᐎᔭᐸᑕᒡ ᐅᔭ ᐊ ‍ ᐃᔅᐱᔨᒡ, ᓇᔅᒡ ᒋ ‍ ᒥᑯᔅᑲᑕᔨᑎᒥᐃᑯᐅᒡ ᐊᑯ ᒂ ‍ ᐎᑎᒧᐛᒡ ᐊᓂᔭ ᒋᓴᐅᒋᒪᐛ ᒥᓯᐛ ᑕᓐ ᑲ ‍ ᐃᔅᐱᔨᒡ᙮
\p
\v 32 ᐊᑯ ᐊᓐ ᒋᓴᐅᒋᒪᐤ ᒂ ‍ ᐎᓴᒪᑦ ᐊᓂᔭ ᐅᑦ ᐊᐱᒋᐊᑭᓇ, ᒂ ‍ ᐃᑕᑦ, “ᒋᔾ ᐊᐱᒋᐊᑭᓐ ᑕᑈ ᒋᒥᒋᑐᑕᓐ, ᓇᒪ ᓇᔅᒡ ᒋ ᐅᒋ ‍ ᒋᐛ ᓂᑐᐛᔨᑎᒪᑎᓐ ᐛᔅ ᒋᔾ ᔅᒋ ‍ ᐱᑯᓴᔨᒥᓐ ᒐᒋ ᒋᔅᑎᒪᒐᔨᒥᑕᓐ᙮
\v 33 ᓇᒪᐎᔾ ᐊ ᒪᒃ ᒋᐸ ᐅᒋ ‍ ᒋᔅᑎᒪᒐᔨᒪᐤ ᐊᓐ ᐊᐱᒋᐊᑭᓐ ᒧᔭᒻ ᓂᔾ ᑲ ᐃᓯ ‍ ᒋᔅᑎᒪᒐᔨᒥᑕᓐ ?” ᐊᔪᐅᒄ ᐅᔭ ᑲ ‍ ᐃᑕᑦ ᒋᓴᐅᒋᒪᐤ ᐊᓂᔭ ᐅᑦ ᐊᐱᒋᐊᑭᓇ᙮
\v 34 ᓇᔅᒡ ᒪᒃ ᒋ ‍ ᒋᔄᓯᔪᐛ ᒋᓴᐅᒋᒪᐛ ᐊᑯ ᒂ ‍ ᐃᑎᓱᐛᔨᒋ ᒐᒋ ᒪᑯᓇᑭᓄᐅᑦ ᐊᐱᒋᐊᑭᓐ ᒐᒋ ᓂᓇᐧᑲᒋᐊᑭᓄᐅᑦ ᐸᑐᔅ ᒥᓯᐛ ᒋ ‍ ᐱᑯᓯᓇᐃᒐᒐ ᑕᓐ ᒥᓯᐛ ᑲ ᐃᓯ ‍ ᒥᓯᓇᐃᒐᑦ᙮
\p
\v 35 ᐊᑯ ᒋᓴᔅ ᒥᓐ ᒂ ‍ ᐃᔅᒋᔄᑦ, “ᐊᐅᑯᓐ ᒪᒃ ᒧᔭᒻ ᒐ ‍ ᐃᑐᑕᑕᐧᒄ ᓄᑕᐎᔾ ᒋᒋᒋᓯᑯᒡ ᐊ ‍ ᑕᑦ, ᐊᑲ ᐛᐸᔨᑎᒧᐛᒂᓂᒋ ᒋᐧᑲᓂᓱᐛᐅᒡ ᒋᑕᐃᐛᒡ ᐅᒡ᙮”
\c 19
\s1 ᒋᓴᔅ ᑲ ‍ ᐊᔨᒧᑕᐧᒃ ᐊ ‍ ᐛᐱᓂᑐᓇᓄᐎᒡ
\r ᒪᕐᒃ 10.1-12
\p
\v 1 ᐃᔅᐱ ᒪᒃ ᒋᓴᔅ ᑲᒋ ‍ ᐎᑕᐧᒃ ᐅᔭ ᒋ ‍ ᔅᑐᑕᐤ ᐊᓐᑕ ᑲᓕᓕᒡ ᐅᒋ, ᐊᑯ ᐊᓐᑕ ᒍᑎᔭ ᐊᔅᒋᒡ ᒂ ‍ ᐃᑐᑕᑦ ᒂᔅᑕᒐᑲᒻ ᐊᓂᔭ ᒠᕐᑕᓐ ᓯᐱᔪᐤ᙮
\v 2 ᒋ ‍ ᒥᒐᑎᔪᐛ ᒪᒃ ᐃᔪᐛ ᐊ ‍ ᓇᓴᐅᑯᑦ, ᐊᑯᑕ ᐊᓐᑕ ᑲ ‍ ᒥᓏᒋᐊᑦ᙮
\p
\v 3 ᐱᔅᒐ ᒪᒃ ᐸᕆᓯᐊ ᒋ ᐸᒋ ‍ ᓂᑐᐛᐱᒥᑯᐤ ᐊ ᐎ ‍ ᑯᒂᒋᐃᑯᑦ᙮ ᒋ ‍ ᐃᑎᑯᐤ ᒪᒃ, “ᐎᑎᒧᐅᓇᓐ ᒪ, ᐃᑎᔅᑕᐤ ᐊ ᐎᓱᐛᐅᓂᒡ ᒐ ‍ ᐱᔅᑎᓇᑭᓄᐅᑦ ᓇᐸᐤ ᒐᒋ ᐛᐱᓇᑦ ᐎᐛ ?”
\p
\v 4 ᐊᑯ ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᓇᒪᐎᔾ ᐊ ᒋ ᐅᒋ ‍ ᐃᔨᒥᑕᓇᐛᐤ ᒥᓯᓇᐃᑭᓂᒡ ᐊᓐᑕ ᑲ ‍ ᐃᑎᔅᑕᒡ, ᓂᔅᑎᒻ ᐃᔪᐛ ᑲ ‍ ᐅᓯᐊᑦ ᒋᓴᒪᓂᑐᐤ, ᓇᐸᐛ ᑭᔭ ᐃᔎᐛ ᒋ ‍ ᐅᓯᐊᐤ᙮
\v 5 ᒋ ‍ ᐃᔅᒋᔄᐤ ᒪᒃ ᒋᓴᒪᓂᑐᐤ, ‘ᐅ ᐅᒋ, ᓇᐸᐤ ᒋᑭ ‍ ᓂᑭᑕᐤ ᐅᓂᒋᐃᒂ ᒐ ‍ ᐎᒋᒪᑦ ᐎᐛ ᑭᔭ ᒐ ‍ ᐸᐃᑯᐎᔭᓯᒡ᙮’ ᐊᔪᐅᒄ ᐅᔭ ᑲ ‍ ᐃᔅᒋᔄᒂ ᒋᓴᒪᓂᑐᐤ᙮
\v 6 ᓇᒪ ᓴᔅ ᐊ ‍ ᓂᓯᒡ ᐊᐛᓐᒋ ᒋᑭ ᐅᒋ ‍ ᐃᓯᓇᑯᓱᐅᒡ, ᒪᒃ ᒥᒄ ᐊ ‍ ᐸᐃᑯᓯᑦ ᐊᐛᓐ ᒋᑭ ‍ ᐃᓯᓇᑯᓱᐅᒡ᙮ ᐊᓂᔭ ᒪᒃ ᐊᐛᔪᐛ ᒋᓴᒪᓂᑐᐤ ᑲ ‍ ᐸᐃᒂᐊᑦ, ᓇᒪ ᐊᐛᓐ ᒋᐸ ᐅᒋ ‍ ᑕᑎᐸᓇᐤ᙮”
\p
\v 7 ᐊᑯ ᒂ ‍ ᐃᑎᑯᑦ ᐊᓂᔭ ᐸᕆᓯᐊ, “ᒐᒂᔪᐤ ᒪᒃ ᐛᒋ ‍ ᐎᔅᑕᑦ ᐅᔭ ᐎᓱᐛᐅᓂᔪᐤ ᒧᓱᔅ ᐊ ‍ ᐃᑎᔅᑕᔨᒡ, ‘ᓇᐸᐤ ᐎ ‍ ᐛᐱᓇᒐ ᐎᐛ ᔭᐃᑕᔾ ᓂᑲᓐ ᒋᑭ ‍ ᐎᑎᒧᐛᐤ ᒥᓯᓇᐃᑭᓂᔪᐤ ᐊ ‍ ᒥᔭᑦ, ᐊᑯ ᐃᔭᒄ ᒐ ‍ ᓂᑭᑕᑦ’ ?”
\p
\v 8 ᐊᑯ ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᒧᓱᔅ ᔅᒋ ‍ ᐱᔅᑎᓂᑯᐛᐤ ᒐᒋ ᐛᐱᓂᒪᑯ ᒋᐅᐛᐛ ᐛᔅ ᒋ ‍ ᒋᔅᒐᔨᑎᒻ ᐊ ‍ ᓯᐱᑎᒺᒄ᙮ ᓇᒪ ᒪᒃ ᐎᔾ ᒋᓴᒪᓂᑐᐤ ᐅᒋ ᓂᑐᐛᔨᑎᒻ ᒐᒋ ᐃᓯᓇᑯᓂᔨᒡ ᐅᔅᑭᒡ ᐛᓯᐊᑦ ᓇᐸᐛ ᑭᔭ ᐃᔎᐛ᙮
\v 9 ᒋ ‍ ᐎᑎᒪᑎᓇᐛᐤ ᒪᒃ, ᓇᐸᐤ ᐛᐱᓇᒐ ᐎᐛ ᐊᑲ ᒪᒃ ᐅᒋ ᐱᓯᒂᑎᓯᔨᒋ ᐊᓂᔭ ᐎᐛ, ᐊᓐ ᒪᒃ ᓇᐸᐤ ᐎᒋᒪᒐ ᑯᑎᑲ ᐃᔎᐛ ᐱᓯᒂᑎᓯᐤ ᐊᓐ ᓇᐸᐤ᙮”
\p
\v 10 ᐊᑯ ᒂ ‍ ᐃᑎᑯᑦ ᐅᒋᔅᒋᓄᐊᒧᐛᑭᓇ, “ᐅ ᐊ ‍ ᐃᔅᐱᔪᐛᒂ ᓇᐸᐤ ᐎᐛ, ᐊᑯᔅ ᒥᔽᓱᐤ ᒐ ᐊᑲ ᒋ ᓂᐳᐅᓇᓄᐅᒡ᙮”
\p
\v 11 ᐊᑯ ᒋᓴᔅ ᒂ ‍ ᐃᑕᑦ, “ᓇᒪ ᒥᓯᐛ ᐊᐛᓐ ᒋᑭ ᐅᒋ ‍ ᓂᔅᑐᑎᒻ ᐅᔭᔪᐤ ᒋᔅᑯᑎᒪᒐᐅᓂᔪᐤ, ᒥᒄ ᐊᓂᔭ ᐊᐛᔪᐛ ᒋᓴᒪᓂᑐᐤ ᑲ ‍ ᒥᔭᑦ ᒐᒋ ᓂᔅᑐᑎᒥᔨᒋ᙮
\v 12 ᐱᔅᒐ ᒪᒃ ᐊᐛᓐᒋ ᓇᒪ ᒋᑭ ᒋ ‍ ᓂᐳᐅᒡ ᐛᔅ ᐊᐅᑯᓐ ᑲ ᐃᓯ ‍ ᐱᒪᑎᓯᒡ ᐊᑲ ᒪᒥᑐᓇᔨᑎᒥᐃᑯᒡ ᒐᒋ ᓂᐳᐅᒡ, ᐊᑯ ᑯᑎᑭᒡ ᓇᒪ ᐱᔅᑎᓇᑭᓄᐎᒡ ᒐᒋ ᓂᐳᐅᒡ ᐊᑯ ᑯᑎᑭᒡ ᐎᔨᐛᐤ ᐃᑕᔨᑎᒧᒡ ᒐ ᐊᑲ ‍ ᓂᐳᐅᒡ ᐛᔅ ᐃᑕᔨᑎᒧᒡ ᐃᐛᒃ ᒐᒋ ᐊᑐᔅᒐᔅᑕᒡ ᒋᒋᒋᓯᒄ ᐅᒋᒪᐅᓂᔪᐤ ᒥᒄ ᐊ ‍ ᐸᐃᑯᓯᒡ᙮ ᐊᓐ ᒪᒃ ᐊᐛᓐ ᑲ ‍ ᓂᔅᑐᑕᐧᒃ ᐅᔭ ᐊᑯᔅ ᒋᑭ ‍ ᐃᑐᑎᒻ᙮”
\s1 ᒋᓴᔅ ᑲ ‍ ᓱᐛᔨᒪᑦ ᐊᐛᓴ
\r ᒪᕐᒃ 10.13-16; ᓗᒃ 18.15-17
\p
\v 13 ᒋ ‍ ᐸᓱᐛᐅᒡ ᒪᒃ ᐊᐛᓐᒋ ᐅᑦ ᐊᐛᓯᒧᐛᐛ ᐊᓐᑕ ᒋᓴᓴ ᐊ ‍ ᑕᔨᒋ ᐊᒋ ‍ ᓂᑐᐛᔨᒪᒡ ᒐᒋ ᑕᒋᓇᔨᒋ ᒐᒋ ᐊᔭᒥᐊᔅᑎᒧᐛᔨᒋ ᒪᒃ, ᒥᒄ ᒪᒃ ᐊᓐᒡ ᒋᔅᒋᓄᐊᒧᐛᑭᓐᒡ ᒋ ‍ ᒋᑕᐊᒧᐛᐅᒡ ᐊᓂᔭ ᐃᔪᐛ᙮
\v 14 ᐊᑯ ᒋᓴᔅ ᒂ ‍ ᐃᑕᑦ, “ᐱᔅᑎᓇᐧᑯᒡ ᐊᐛᓯᒡ ᒐᒋ ᐸᒋ ‍ ᓇᓯᒡ ᐊᑲᐎᔾ ᐅᒋ ᒋᑕᐊᒧᐛᐧᑯᒡ, ᐛᔅ ᐅᔭ ᑲ ‍ ᐃᑕᔨᑕᑯᓯᒡ ᐊᐛᓐᒋ ᒋᒋᒋᓯᒄ ᐅᒋᒪᐅᓂᒡ ᐃᓯ ᑎᐸᔨᑕᑯᓱᐅᒡ᙮”
\p
\v 15 ᒋᓴᔅ ᒂ ‍ ᑕᒋᓇᑦ ᐊᓂᔭ ᐊᐛᓴ ᐊᑯ ᒂ ‍ ᔅᑐᑕᑦ᙮
\s1 ᑲ ‍ ᐛᔪᑎᓯᑦ ᓇᐸᐤ
\r ᒪᕐᒃ 10.17-31; ᓗᒃ 18.18-30
\p
\v 16 ᐸᐃᒂᐤ ᓇᐸᐤ ᒋ ᐸᒋ ‍ ᓂᑐᐛᐱᒪᐤ ᒋᓴᓴ ᐊ ‍ ᐃᑕᑦ, “ᒋᔅᑯᑎᒪᒐᓱᐤ, ᒐᒂᓐ ᒐᒋ ᐃᑐᑎᒪᓐ ᐊ ‍ ᒥᔽᓯᒡ ᒐᒋ ᐅᒋ ‍ ᐊᔭᔭᓐ ᑲᒋᒡ ᐱᒪᑎᓯᐅᓐ ?”
\p
\v 17 ᐊᑯ ᒋᓴᔅ ᒂ ‍ ᐃᑕᑦ, “ᒐᒂᓐ ᐛᒋ ‍ ᑯᒂᒋᒥᔨᓐ ᒐᒋ ᐎᑎᒪᑕᓐ ᒐᒂᓐ ᒪᔽᓯᒡ ? ᓇᒪ ᐊᐛᓐ ᑕᐤ ᓇᔅᒡ ᒐᒋ ᒥᔪ ‍ ᐃᑎᑦ, ᒥᒄ ᒋᓴᒪᓂᑐᐤ᙮ ᐛ ᐃᔭᐅᓇ ᑲᒋᒡ ᐱᒪᑎᓯᐅᓐ ᒥᓯᐛ ᓂᓇᐃᑕ ᐎᓱᐛᐅᓇ᙮”
\p
\v 18 ᐊᑯ ᐊᓐ ᓇᐸᐤ ᒂ ‍ ᐃᑕᑦ, “ᒐᒄ ᐎᓱᐛᐅᓇ ?” ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ,
\q “ ‘ᐊᑲᐎᔾ ᓂᐸᐃ ᐊᐛᓐ, ᐊᑲᐎᔾ ᐱᓯᒂᑎᓯ, ᐊᑲᐎᔾ ᒋᒧᑎ, ᐊᑲᐎᔾ ᒋᑭ ‍ ᓂᑎᔭᒋᒪᐤ ᐊᐛᓐ,
\v 19 ᒋᔅᑕᔨᒻ ᒍᑕᐎᔾ ᑭᔭ ᒋᑲᐎᔾ,’
\m ᑭᔭ
\q ‘ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ‍ ᓴᒋᐃᓱᔨᓐ᙮’ ”
\p
\v 20 ᐊᑯ ᐊᓐ ᓇᐸᐤ ᒂ ‍ ᐃᔅᒋᔄᑦ, “ᑲ ᐸᒋ ‍ ᐊᐛᓯᐅᔭᓐ ᓴᔅ ᓂᒋ ‍ ᓂᓇᐃᑕᓐ ᐅᔭ ᐎᓱᐛᐅᓇ᙮ ᒐᒂᓐ ᒪᒃ ᐃᔭᐱᒡ ᐊᔅᒄ ᓂᐸ ‍ ᐃᑐᑕᓐ ?”
\p
\v 21 ᐊᑯ ᒋᓴᔅ ᒂ ‍ ᐃᑕᑦ, “ᓇᔅᒡ ᒥᓯᐛ ᒐᒂᓐ ᐛ ᐃᑐᑎᒧᐎᓇ ᒐᒋ ᑯᐃᔅᑯᑕᑎᓯᔨᓐ, ᐊᑕᐛᒐ ᒥᓯᐛ ᑕᓐ ᐊ ᐃᓯ ‍ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ‍ ᒋᔅᑎᒪᑎᓯᒡ ᒐ ‍ ᒥᔨᑥᐤ᙮ ᐊᑯ ᒪᒃ ᒐ ‍ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᑲ ‍ ᑎᒂᒡ᙮ ᒋ ‍ ᐃᑐᑎᒥᓇ ᒪᒃ ᐅ ᐊᑯ ᒐ ‍ ᐸᑐᑕᔨᓐ ᒐ ᐸᒋ ‍ ᓇᓴᐎᔨᓐ᙮”
\p
\v 22 ᐃᔅᐱ ᒪᒃ ᐱᔭᑕᐧᒃ ᐊᓐ ᓇᐸᐤ ᐅᔭᔪᐤ ᓇᔅᒡ ᑕᑈ ᒋ ‍ ᒥᒐᔨᑎᒻ ᐛᔅ ᓇᔅᒡ ᒋ ‍ ᐛᔪᑎᓯᐤ᙮
\p
\v 23 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᑕᑈ ᒋ ‍ ᐎᑎᒪᑎᓇᐛᐤ, ᐊᐛᓐ ᑲ ‍ ᐛᔪᑎᓯᑦ ᑕᑈ ᒋᑭ ‍ ᐊᔨᒥᓂᔪᐤ ᒐᒋ ᐱᒐᑦ ᒋᒋᒋᓯᒄ ᒋᓴᐅᒋᒪᐅᓂᒡ᙮
\v 24 ᒥᓐ ᐸᐃᒂᐤ ᓂᑭ ‍ ᐃᔅᒋᔄᓐ, ᐊᑐᐎᔅ ᐊᔨᒥᓂᔪᐤ ᐊᐛᓐ ᑲ ‍ ᐛᔪᑎᓯᑦ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐃᔅᐱᔅ ᐊᓐ ᐊᐛᓯᔅ ᑲ ᒥᔅᑎ ‍ ᐱᔎᐅᑯᓇᑦ ᒐᒋ ᓴᐳᔅᑲᐧᒃ ᐅᔅᑲᒋᐧᑯᔪᐤ ᐊᓐᑕ ᐊ ‍ ᐱᑯᓇᔭᐱᔅᑲᔨᒡ᙮”
\p
\v 25 ᐃᔅᐱ ᒪᒃ ᐱᔭᑕᒡ ᐊᓐᒡ ᒋᔅᒋᓄᐊᒧᐛᑭᓐᒡ ᐅᔭ, ᓇᔅᒡ ᒋ ‍ ᓯᔅᒋᑯᒋᐃᑯᐅᒡ, ᐊᑯ ᒂ ‍ ᐃᔅᒋᔄᒡ, “ᐊᐛᓐ ᒪᒃ ᐊᑯ ᒐᒋ ᐱᒪᒋᐅᑦ ?”
\p
\v 26 ᐊᑯ ᒋᓴᔅ ᑯᐃᔅᒄ ᑲ ‍ ᑭᓄᐛᐱᒪᑦ ᐊ ‍ ᐃᑕᑦ, “ᑕᓐ ᐊᓂᔭᔪᐛ ᒐ ᐊᑲ ᒋ ᐃᑐᑕᐧᒃ ᐃᔪᐤ ᐎᔾ ᒋᓴᒪᓂᑐᐤ ᒋᑭ ᒋ ‍ ᐃᑐᑎᒻ᙮”
\p
\v 27 ᐊᑯ ᐱᑕᕐ ᒂ ‍ ᐃᔅᒋᔄᑦ, “ᑭᓄᐛᐸᑕ ᒪ᙮ ᓴᔅ ᒥᓯᐛ ᒐᒂᓐ ᓂᒋ ‍ ᓂᑭᑕᓇᓐ ᒐᒋ ᓇᓴᐅᑕᒡ᙮ ᐅ ᒪᒃ ᑲ ᐃᓯ ‍ ᐃᑐᑎᒪᒡ ᒐᒂᔪᐤ ᒪᒃ ᒐ ‍ ᒥᔨᒥᑦ ᒋᓴᒪᓂᑐᐤ ?”
\p
\v 28 ᐊᑯ ᒋᓴᔅ ᒂ ‍ ᐃᑕᑦ, “ᒋᑭ ‍ ᒐᔅᑎᓇᐅᓇᐛᐤ, ᐃᔅᐱ ᐃᔪᐤ ᐅᑯᓯᓴᓐ ᐊᐱᒐ ᒋᓴᐅᒋᒪᐤ ᑕᑎᐳᐛᑭᓂᒡ ᒥᓐ ᐅᔅᑲᒐ ᐊᔅᒋᔾ, ᐊᑯ ᑭᔭ ᒋᔨᐛᐤ ᓂᒋᔅᒋᓄᐊᒧᐛᑭᓂᑎᒄ ᒐ ‍ ᐊᐱᔭᒄ ᓂᓱᓴᑉ ᐅᒋᒪᐤ ᑕᑎᐳᐛᑭᓇ, ᒐ ‍ ᑎᐸᔅᑯᓇᑯᒡ ᓂᓱᓴᑉ ᑲ ‍ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮
\v 29 ᒥᓯᐛ ᐊᐛᓐ ᑲ ‍ ᓂᑭᑕᐧᒃ ᐎᒡ ᑭᔭ ᑲ ‍ ᓂᑭᑕᑦ ᐎᐧᑲᓂᓴ, ᐅᓂᒋᐃᒂ ᑭᔭ ᐅᑦ ᐊᐛᓯᒪ ᑭᔭ ᒪᒃ ᑲ ‍ ᓂᑭᑕᐧᒃ ᐅᑦ ᐊᔅᒋᔾ ᓂᔾ ᐅᒋ, ᐅᔅᑕ ᐸᐃᒄ ᒥᑕᓯᒥᑎᓄᐤ ᒋᑭ ‍ ᒋᐛᒥᔭᑭᓄᐤ ᑭᔭ ᑲᒋᒡ ᐱᒪᑎᓯᐅᓂᔪᐤ ᒋᑭ ‍ ᒥᔭᑭᓄᐤ᙮
\v 30 ᒥᒄ ᒪᒃ ᒥᒐᑦ ᐊᓐᒡ ᐊ ‍ ᒋᔅᑕᔨᑕᑯᓯᒡ ᑲ ‍ ᐃᑕᔨᒪᑭᓄᐎᒡ ᓇᒪ ᒋᑭ ᐅᒋ ‍ ᒋᔅᑕᔨᑕᑯᓱᐅᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᑭᔭ ᒥᒐᑦ ᐊᓐᒡ ᑲ ‍ ᐃᑕᔨᒪᑭᓄᐎᒡ ᐊ ᐊᑲ ‍ ᒋᔅᑕᔨᑕᑯᓯᒡ ᒋᑭ ‍ ᒋᔅᑕᔨᑕᑯᓱᐅᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮”
\c 20
\s1 ᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ ᑲ ‍ ᐊᑐᔅᒐᒡ
\s2 Matthew 20.1-16 (Proper-20 Year A)
\p
\v 1 “ᒪᐅ ᐊᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒋ ‍ ᑕᐤ ᐸᐃᒂᐤ ᐅᒋᒪᐤ ᐊ ‍ ᑎᐱᔨᐛᐅᓯᑦ ᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᔪᐤ᙮ ᐸᐃᒂᐤ ᒪᒃ ᐎᐱᒡ ᐊ ‍ ᒐᒋᓴᐸᔭᔨᒡ ᒋ ‍ ᐎᐎᔪᐤ ᐊ ‍ ᓇᓂᑐᐛᔨᒪᑦ ᐊᐛᔪᐛ ᒐᒋ ᐅᑎᓇᑦ, ᒐᒋ ᐊᑐᔅᒐᔨᒋ ᐊᓐᑕ ᐅᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮
\v 2 ᒋ ‍ ᐃᑕᐤ ᑭᑈ ᐊᓐ ᐅᒋᒪᐤ ᒐᒋ ᒋᓯᐧᑯᐛᑦ ᐊᓂᔭ ᑲ ‍ ᐅᑎᓇᑦ, ᐸᐃᒄ ᓱᓇᔭᐱᔎ ᒐ ‍ ᒋᓯᐧᑯᐛᑦ ᐸᐃᒄ ᒋᓯᑲᐛ ᒪᒃ ᐊᔅᐱᔅ ᐊᑐᔅᒐᔨᒋ᙮ ᒋ ‍ ᓂᔅᑯᒧᔪᐛ ᒪᒃ, ᐊᑯ ᒂ ‍ ᐃᑎᓴᐛᑦ ᒐᒋ ᐊᑐᔅᒐᔨᒋ ᐊᓐᑕ ᐅᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮”
\p
\v 3 “ᐊᑯ ᒥᓐ ᒂ ‍ ᔅᑐᑕᑦ ᓴᓯᑲᓐ ᐸᐃᑯᔅᑕᐤ ᐊᔅᐱᔨᒋ ᐊ ‍ ᒐᒋᓴᐸᔭᔨᒡ, ᒂ ‍ ᐛᐱᒪᑦ ᐊᓐᑕ ᓇᐸᐛ ᒥᒄ ᐊ ‍ ᓇᓂᐳᔨᒋ ᐊᑲ ᐎᔭᔅ ᐃᑕᐱᑎᓯᔨᒋ ᐊᓐᑕ ᐊ ‍ ᒪᒧᐎᒡ ᐊᐛᓐᒋ᙮
\v 4 ᐊᑯ ᐊᑕᑦ, ‘ᐃᑐᑕᒄ ᑭᔭ ᒋᔨᐛᐤ ᐊᓐᑕ ᓂᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮ ᒥᓯᐛ ᐛᔅ ᒋᑭ ᒥᔪ ‍ ᒋᓯᐧᑲᑎᓇᐛᐤ ᐊᑐᔅᑯᔭᒂ᙮’ ᐊᑯ ᒪᒃ ᒂ ‍ ᐃᑐᑕᔨᒋ ᒐᒋ ᐊᑐᔅᒐᔨᒋ ᐊᓐᑕ ᐅᓂᑕᐅᒋᑕᑭᓐ ᐊᔅᒋᒡ᙮”
\p
\v 5 “ᐃᔭᐱᑕᒋᓯᑲᔨᒡ ᒪᒃ, ᑭᔭ ᒥᓐ ᓂᔅᑐ ᐊ ‍ ᐃᔅᐱᔨᒋ ᑲᒋ ‍ ᐊᐱᑕᒋᓯᑲᔨᒡ, ᐅᒋᒪᐤ ᒥᓐ ᒋ ‍ ᐃᑐᑕᐤ ᐊᓐᑕ ᐊ ‍ ᒪᒧᐎᔨᒋ ᐊᐛᔪᐛ ᒥᓐ ᑯᑎᑲ ᐊᐛᔪᐛ ᒐᒋ ᐅᑎᓇᑦ᙮ ᐃᔭᐱᒡ ᑭᑈ ᐊᑯᓐ ᐊᑕᑦ, ᒐ ᒥᔪ ‍ ᒋᓯᐧᑯᐛᑦ᙮”
\p
\v 6 “ᒐᑲᑦ ᒪᒃ ᐱᑕᑕᒡ ᒋ ‍ ᐃᔅᐱᔨᒐ ᐊᑯ ᒥᓐ ᒂ ‍ ᐃᑐᑕᑦ ᐊᓐᑕ ᐊ ‍ ᒪᒧᐎᔨᒋ ᐊᐛᔪᐛ ᒥᓐ ᒪᒃ ᒋ ‍ ᐛᐱᒪᐤ ᓇᐸᓴ ᐊᓐᑕ ᐊ ‍ ᓇᓂᐳᔨᒋ, ᐊᑯ ᐊᑕᑦ, ‘ᒐᒂᓐ ᐛᒡ ᒥᒄ ᓇᓂᐳᐅᔭᒄ ᐅᑕ ᐃᔅᑭᓐ ᒋᓯᑲᐛ ᐊᑲ ᒐᒂᓐ ᐃᑐᑎᒪᒄ ?’ ”
\p
\v 7 ᐊᑯ ᐊᑎᑯᑦ, “ᓇᒪ ᐊᐛᓐ ᐊᔅᒄ ᓂ ᐅᒋ ‍ ᐅᑎᓂᑯᓇᓐ᙮” ᐊᑯ ᐊᑕᑦ, “ᑭᔭ ᒋᔨᐛᐤ ᒪ ᐊᑐᔅᒐᒄ ᐊᓐᑕ ᓂᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮”
\p
\v 8 ᐃᔅᐱ ᒪᒃ ᐛᑕᑯᓯᔨᒡ, ᐅᒋᒪᐤ ᒋ ‍ ᐃᑕᐤ ᐊᓂᔭ ᑲ ‍ ᓂᓇᑭᑐᐛᔨᒪᔨᒋ ᐊᓂᔭ ᑲ ‍ ᐊᑐᔅᒐᓯᔨᒋ, “ᐎᓴᒥᒡ ᐊᓐᒡ ᑲ ‍ ᐊᐱᒋᐃᒂᐤ, ᒥᓯᐛ ᒐ ‍ ᒋᓯᐧᑯᐅᑥᐤ ᐊᓐᒡ ᑲ ‍ ᐊᑐᔅᒐᒡ᙮ ᒪᔅᑕᔾ ᐊᓐᒡ ᑲ ‍ ᐅᑎᓇᑭᓄᐅᒡ ᓂᔅᑎᒻ ᒐ ‍ ᒋᓯᐧᑯᐅᑥᐤ, ᐊᑯ ᒥᓐ ᐊᓐᒡ ᑯᑎᑭᒡ ᑕᓐ ᒥᒄ ᑲ ᐊᑎ ‍ ᐃᑎᔅᑲᑐᒡ ᐊ ‍ ᐅᑎᓇᑭᓄᐅᒡ, ᒐ ᐊᑎ ‍ ᐅᑎᑕᐅᑥᐤ ᐊᓐᒡ ᓂᔅᑎᒻ ᑲ ‍ ᐅᑎᓇᑭᓄᐅᒡ᙮ ᐊᐅᑯᓐᒡ ᐅᒡ ᓂᔅᑎᒻ ᑲ ‍ ᐅᑎᓇᑭᓄᐅᒡ ᒪᔅᑕᔾ ᒐ ‍ ᒋᓯᐧᑯᐅᑥᐤ᙮”
\p
\v 9 ᐊᓐᒡ ᒪᒃ ᓇᐸᐅᒡ ᐱᑕᑕᒡ ᑲ ‍ ᐃᔅᐱᔨᒋ ᑲ ‍ ᐅᑎᓇᑭᓄᐅᒡ ᐊᐅᑯᓐᒡ ᓂᔅᑎᒻ ᑲ ‍ ᒋᓯᐧᑯᐛᑭᓄᐅᐅᒡ᙮ ᐸᐃᒄ ᓱᓇᔭᐱᔎ ᒋ ‍ ᒥᔭᑭᓄᐎᒡ᙮ ᐊᐅᑯᓐ ᒪᒃ ᑲ ᐃᔅᐱᔅ ‍ ᒋᓯᐧᑯᐛᑭᓄᐅᒡ ᒥᓯᐛ ᐊᓐᒡ ᑲ ‍ ᐅᑎᓇᑭᓄᐅᒡ ᐊᓂᔭ ᒐᓯᑲᔨᒡ, ᑭᔭ ᐊᓐᒡ ᓂᔅᑎᒻ ᑲ ‍ ᐅᑎᓇᑭᓄᐅᒡ᙮
\v 10 ᐃᔅᐱ ᒪᒃ ᑲ ‍ ᒋᓯᐧᑯᐛᑭᓄᐅᒡ ᐊᓐᒡ ᓂᔅᑎᒻ ᑲ ‍ ᐅᑎᓇᑭᓄᐅᒡ, ᒋ ‍ ᐃᑕᔨᑎᒧᒡ ᐎᔨᐛᐤ ᐊᑐᐎᔅ ᒥᔅᑎ ᒐ ‍ ᒋᓯᐧᑯᐛᑭᓄᐅᒡ, ᒥᒄ ᒪᒃ ᐃᔭᐱᒡ ᐸᐃᒄ ᓱᓇᔭᐱᔎ ᒋ ‍ ᐃᔅᐱᔅ ᒋᓯᐧᑯᐛᑭᓄᐅᒡ᙮
\p
\v 11 ᒋ ‍ ᐅᑎᓇᐅᒡ ᑭᑈ ᐊᓂᔭ ᓱᓇᔭᐱᔎ ᑲ ‍ ᒥᔭᑭᓄᐅᒡ, ᓇᒪ ᒥᒄ ᓇᔅᒡ ᐅᒋ ᐎ ᒥᔪ ‍ ᐊᔨᒧᒪᐅᒡ ᑕᓐ ᑲ ᐃᓯ ‍ ᐃᔭᔨᒺᐛᐃᑯᒡ ᐊᓂᔭ ᑲ ‍ ᑎᐱᔨᐛᐅᓯᔨᒋ ᓂᑕᐅᒋᑕᑭᓐ ᐊᔅᒋᔪᐤ᙮
\v 12 ᒋ ‍ ᐃᑕᐅᒡ, “ᐊᓐᒡ ᒪᔅᑕᔾ ᑲ ‍ ᐅᑎᓇᑭᓄᐎᒡ ᒐᒋ ᐊᑐᔅᒐᒡ ᒥᒄ ᐸᐃᒄ ᑎᐸᐃᑭᓇ ᒋ ‍ ᐊᑐᔅᒐᐅᒡ, ᓂᔭᓐ ᒪᒃ ᐎ ᐃᔅᑭᓐ ᒋᓯᑲᐛ ᓂᒋ ‍ ᐊᑐᔅᒐᓇᓐ ᐊᑎ ᒪᒂᒡ ᑲ ‍ ᒋᓯᑕᒡ ᐃᔭᐱᒡ ᒪᒃ ᐸᐃᑯᓄᒡ ᒥᓯᐛ ᐊ ᐃᔅᐱᔅ ‍ ᒋᓯᐧᑯᐅᔭᒡ᙮”
\p
\v 13 ᐊᓐ ᒪᒃ ᑲ ‍ ᑎᐱᔨᐛᐅᓯᑦ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ ᒋ ‍ ᐃᑕᐤ ᐊᓂᔭ ᐸᐃᒄ, “ᓂᐎᒐᐛᑭᓐ, ᓇᒪ ᒋ ‍ ᒋᒧᑎᒪᑎᓐ, ᐛᔅ ᔅᒋ ‍ ᐃᑎᑎᓐ ᐸᐃᒄ ᓱᓇᔭᐱᔅᒄ ᒐ ᐃᔅᐱᔅ ‍ ᒋᓯᐧᑲᑕᓐ ᐸᐃᒄ ᒋᓯᑲᐛ ᐃᔅᐱᔅ ᐊᐱᒋᔨᑕᓇ ? ᔅᒋ ‍ ᓂᔅᑯᒧᓐ ᒪᒃ᙮
\v 14 ᓴᔅ ᔅᒋ ‍ ᒋᓯᐧᑲᑎᓐ᙮ ᔅᑐᑕ ᒪᒃ᙮ ᐛᔅ ᐅ ᑲ ‍ ᐅᑎᓂᑎᑯᒡ ᒥᓯᐛ ᑕᐱᑐᐤ ᔅᒋ ᐎ ‍ ᐃᔅᐱᔅ ᒋᓯᐧᑲᑎᓇᐛᐤ᙮
\v 15 ᓇᒪᐎᔾ ᐊ ᒋ ‍ ᒋᔅᒐᔨᑕᓐ ᒥᒄ ᐛ ᐃᑐᑎᒪᓐ ᓂᓱᓇᔭᓂᒻ ᓂᑭ ‍ ᑐᑕᓐ ? ᓇᒪᐎᔾ ᒋ ‍ ᓇᐊᔨᑎᒥᐃᑎᓐ ᐊ ᐊ ‍ ᒥᔪᑥᔭᓐ ?”
\p
\v 16 ᐊᑯ ᒋᓴᔅ ᒂ ᐊᑎ ‍ ᐃᔅᒋᔄᑦ, “ᐊᐅᒄ ᒪᒃ ᒐ ᐅᒋ ‍ ᐅᑕᒡ ᐃᓯ ᐱᔅᑎᓇᑭᓄᐅᒡ ᐊᓐᒡ ᓂᑲᓄᒡ ᑲ ‍ ᐃᑕᐃᓱᒡ ᐊᑯ ᐊᓐᒡ ᒪᔅᑕᔾ ᑲ ᐃᓯ ‍ ᐱᔅᑎᓂᓱᒡ ᓂᑲᓄᒡ ᒋᑭ ᐃᓯ ‍ ᐱᔅᑎᓇᑭᓄᐅᒡ᙮ ᒥᒐᑦ ᒪᒃ ᑕᑈᑕᑭᓄᐎᒡ, ᒥᒄ ᓇᒪ ᒥᒐᑐᐅᒡ ᐛᑎᓇᑭᓄᐎᒡ᙮”
\s1 ᒋᓴᔅ ᒥᓐ ᑲ ‍ ᐊᔨᒧᑕᐧᒃ ᒐ ‍ ᓂᐱᑦ
\r ᒪᕐᒃ 10.32-34; ᓗᒃ 18.31-34
\p
\v 17 ᒪᒂᒡ ᒪᒃ ᒋᓴᔅ ᒋᕈᓯᓕᒥᒡ ᐊ ‍ ᐃᑐᑕᑦ ᒋ ‍ ᐱᔅᒐᑕᐊᐤ ᐊᓂᔭ ᑲ ‍ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᐊᓐᑕ ᑎᐸᓐ ᒐᒋ ᐃᑕᒡ, ᐊᑯ ᒂ ‍ ᐃᑕᑦ ᐊᓂᔭ ᐊ ᐊᑎ ‍ ᐱᒧᑕᒡ,
\v 18 “ᓂᑐᑎᒧᒄ ᒪ,” ᒋ ‍ ᐃᑕᐤ, “ᒋᕈᓯᓕᒥᒡ ᒋᑦ ᐃᑐᑕᓇᓄᐤ, ᐊᑯᑕ ᐅᑕ ᒐ ‍ ᒪᑯᓇᑭᓄᐅᑦ ᐃᔪᐤ ᐅᑯᓯᓴᓐ ᐊᓐᑕ ᒐᒋ ᐃᓯ ‍ ᐱᔅᑎᓇᑭᓄᐅᑦ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᐊ ‍ ᑕᔨᒋ ᑭᔭ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ ᐊ ‍ ᑕᔨᒋ ᒐᒋ ᑎᐸᔅᑯᓂᑯᑦ᙮ ᐊᐅᑯᓐᒡ ᐅᒡ ᒐ ‍ ᐃᑎᓱᐛᒡ ᒐᒋ ᓂᐸᐊᑭᓄᔨᒋ᙮
\v 19 ᐊᑯ ᒪᒃ ᒥᓐ ᐊᓐᑕ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ‍ ᑕᔨᒋ ᒐ ‍ ᐃᑐᑕᐊᒡ ᒐᒋ ᒪᔭᔨᒪᑭᓄᔨᒋ ᑭᔭ ᒐᒋ ᐸᐱᓯᔅᑕᐛᑭᓄᔨᒋ ᑭᔭ ᒐᒋ ᒋᔅᑕᔎᑕᑭᓄᔨᒋ᙮ ᒥᒄ ᒪᒃ ᒋ ‍ ᓂᔅᑐ ᒋᓯᑲᔨᒐ ᑲᐤ ᒋᑭ ‍ ᐅᓂᐤ᙮”
\s1 ᑕᓐ ᑲ ᐃᓯ ‍ ᑯᒂᒋᒪᑦ ᐸᐃᒄ ᐅᑲᐎᒪᐤ ᒋᓴᓴ ᒐᒋ ᐃᑐᑎᒪᑯᑦ
\r ᒪᕐᒃ 10.35-45
\p
\v 20 ᓴᐱᑎ ᒪᒃ ᐎᐛ ᒋ ᐸᒋ ‍ ᐎᒐᐛᐤ ᐅᑯᓴ, ᒂ ᐸᒋ ‍ ᓂᑐᐛᐱᒪᒡ ᒋᓴᓴ ᐊᑯ ᐊᓐ ᐃᔎᐤ ᒂ ᐊᑎ ‍ ᐅᒋᒋᐧᑯᓂᐱᔨᔅᑐᐛᑦ ᒋᓴᓴ ᐊ ᐎ ‍ ᓂᑐᐛᔨᑎᒧᐛᑦ ᒐᒂᔪᐤ᙮
\p
\v 21 ᐊᑯ ᒋᓴᔅ ᒂ ‍ ᐃᑕᑦ, “ᒐᒂᓐ ᓇᑐᐛᔨᑎᒥᓐ ?” ᒋ ‍ ᐃᑎᑯᐤ ᒪᒃ, “ᐅᒡ ᑕᐱᔅᑯᓐ ᓂᑯᓯᒡ ᒐᒋ ᐎᑎᐱᒥᔅᒡ ᐃᔅᐱ ᒋᓴᐅᒋᒪᐎᔨᓇ, ᐸᐃᒄ ᐊᓐᑕ ᒋᒥᔪᐅᓂᒡ ᒐᒋ ᐊᐱᑦ ᐊᑯ ᐊᓐ ᑯᑎᒃ ᐊᓐᑕ ᒋᓂᔅᐸᒋᐅᓂᒡ᙮”
\p
\v 22 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᐅᑯᓯᔪᐛ, “ᓇᒪ ᒋ ‍ ᒋᔅᒐᔨᑕᓇᐛᐤ ᐊᓐ ᒐᒂᓐ ᑲ ᐃᓯ ‍ ᓂᑐᑎᒪᔭᒄ᙮ ᒋᑭ ᒋ ‍ ᑎᓇᐛᐤ ᐊ ᒐᒋ ᒥᓂᔭᒄ ᑕᓐ ᐊ ᐃᓯ ‍ ᑎᒂᒡ ᓂᒥᓂᒂᑭᓂᒡ ᒐ ‍ ᒥᓂᔭᓐ ᐊᓄᒡ᙮ ᒋᑭ ᒋ ‍ ᑎᓇᐛᐤ ᐊ ᒐᒋ ᓯᑲᐃᑕᑯᔭᒄ ᒧᔭᒻ ᓂᔾ ᑕᓐ ᒐ ᐃᓯ ‍ ᓯᑲᐃᑕᑯᔭᓐ ?” ᐊᑯ ᒂ ‍ ᐃᑎᑯᑦ, “ᓂᐦᐃ, ᓂᑭ ᒋ ‍ ᑎᓇᓐ᙮”
\p
\v 23 ᐊᑯ ᒋᓴᔅ ᒂ ‍ ᐃᑕᑦ, “ᓂᐦᐃ, ᑕᑈ, ᐊᓐ ᒐ ᐃᓯ ‍ ᒥᓂᔭᓐ ᐊᐅᑯᓐ ᑭᔭ ᒋᔨᐛᐤ ᒐ ᐃᓯ ‍ ᒥᓂᔭᒄ, ᒋᑭ ‍ ᐸᐃᑯᑕᓇᓄᐤ ᐊᓐ ᒥᓂᒂᑭᓐ᙮ ᑭᔭ ᐊᓐ ᓯᑲᐃᑕᒐᐅᓐ ᒐ ‍ ᓯᑲᐃᑕᑯᔭᓐ ᐊᐅᑯᓐ ᐊᓐ ᑭᔭ ᒋᔨᐛᐤ ᒐ ‍ ᓯᑲᐃᑕᑯᔭᒄ᙮ ᒥᒄ ᒪᒃ ᓇᒪ ᓂᔾ ᓂᑭ ᒋ ‍ ᐅᑎᓇᐤ ᐊᐛᓐ ᒐ ‍ ᐎᑎᐱᒥᑦ ᐊᓐᑕ ᓂᒥᔪᐅᓂᒡ ᒪᒃ ᐊᓐᑕ ᓂᓂᔅᐸᒋᐅᓂᒡ᙮ ᐛᔅ ᐎᔾ ᓄᑕᐎᔾ ᒋ ‍ ᐅᑎᓇᐤ ᐊᓂᔭ ᐊᐛᔪᐛ ᐊᓐᑕ ᒐ ‍ ᐊᐱᔨᒋ᙮”
\p
\v 24 ᐃᔅᐱ ᒪᒃ ᐊᓐᒡ ᑯᑎᑭᒡ ᐸᐃᑯᔪᐤ ᒋᔅᒋᓄᐊᒧᐛᑭᓐᒡ ᐱᔭᑕᒡ ᐅᔭ, ᒋ ‍ ᒋᔄᐃᑯᐅᒡ ᐊᓂᔭ ᓂᓱ ᑲ ‍ ᐎᐧᑲᓂᓯᑕᑐᔨᒋ᙮
\v 25 ᒋᓴᔅ ᒂ ‍ ᐎᓴᒪᑦ ᒥᓯᐛ ᐊᑯ ᒂ ‍ ᐃᑕᑦ, “ᒋ ‍ ᒋᔅᒐᔨᒪᐛᐅᒡ ᐊᓐᒡ ᑲ ‍ ᓂᑲᓂᔅᑯᐛᒡ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐛ ᐃᓯ ‍ ᑎᑎᐸᔨᒪᒡ ᐊᓂᔭᔪᐛ ᐃᔪᐛ᙮ ᑭᔭ ᐎᔨᐛᐤ ᒪᒃ ᐊ ‍ ᑕᔨᒋ ᐊᓂᔭᔪᐛ ᓇᑲᓂᔅᑲᑯᒡ᙮
\v 26 ᒥᒄ ᒪᒃ ᐊᑲᐎᔾ ᒋᑭ ᐅᒋ ‍ ᐃᓯᓇᑯᓯᓇᐛᐤ ᒋᔨᐛᐤ᙮ ᐊᓐ ᐊᐛᓐ ᐊᓐᑕ ᐊ ‍ ᑎᓯᔭᒄ ᓇᑐᐛᔨᑎᒧᒂ ᒋᒋᐛ ᒐᒋ ᐃᑕᔨᑕᑯᓯᑦ ᐊᑯᔅ ᒋᑭ ‍ ᐃᑐᑎᒻ ᒐᒋ ᐊᑐᔅᒐᔅᑕᒄ᙮
\v 27 ᐊᑯ ᐊᓐ ᐊᐛᓐ ᑲ ᐎ ‍ ᓂᑲᓂᐱᐃᓱᑦ ᐊᐅᒄ ᒥᓯᐛ ᐊ ‍ ᑎᓯᔭᒄ ᒐ ‍ ᐅᑦ ᐊᐱᒋᐊᑭᓂᔭᒄ᙮
\v 28 ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ‍ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ‍ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ‍ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”
\s1 ᒋᓴᔅ ᑲ ‍ ᒥᓏᒋᐊᑦ ᓂᓱ ᓇᐸᐛ ᐊᑲ ᐅᒋ ᐛᐸᑎᒥᔨᒋ
\r ᒪᕐᒃ 10.46-52; ᓗᒃ 18.35-43
\p
\v 29 ᐊᓂᔭ ᒪᒃ ᐊ ᐊᑎ ‍ ᓂᑭᑕᒡ ᒐᕆᑯᐤ ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ, ᒥᒐᑦ ᐊᐛᔪᐛ ᒋ ‍ ᓇᓴᐅᑯᐅᒡ᙮
\v 30 ᓂᓱ ᒪᒃ ᓇᐸᐅᒡ ᐊᑲ ᐛᐸᑕᒡ ᐊᓐᑕ ᐅᐱᒪᔅᑭᓇᒡ ᐊ ‍ ᐊᐱᒡ, ᒋ ‍ ᐸᑎᒧᒡ ᐊ ‍ ᐃᓇᓄᐎᒡ ᒋᓴᓴ ᐊ ‍ ᐱᒧᑕᔨᒋ, ᐊᑯ ᒂ ‍ ᑕᑈᒡ ᐊ ‍ ᐃᔅᒋᔄᒡ, “ᐅᑎᐸᔨᒋᒐᐤ, ᒋᔾ ᑎᐱᑦ ᑲ ‍ ᐅᑯᓯᑐᑕᔅᒃ, ᓇᒪᐎᔾ ᐊ ᒋᔅᑎᒪᓯᓄᐅᓇᓐ ?”
\p
\v 31 ᐊᓐᒡ ᒪᒃ ᐃᔪᒡ ᐛᔅᑲ ᐊᓐᑕ ᑲ ‍ ᑕᒡ ᒋ ‍ ᒋᑕᐊᒧᐛᐅᒡ ᐊᓂᔭ ᓇᐸᐛ, ᐊ ‍ ᐃᑕᒡ, “ᐊᑲ ᒪ ᒋᔅᑐᒄ᙮” ᐊᑯ ᒥᒄ ᐊᑐᐎᔅ ᓱᒃ ᒂ ‍ ᑕᑈᒡ ᐊᓐᒡ ᓇᐸᐅᒡ ᐊ ‍ ᐃᔅᒋᔄᒡ, “ᐅᑎᐸᔨᒋᒐᐤ, ᑎᐱᑦ ᑲ ‍ ᐅᑯᓯᑐᑕᔅᒃ, ᓇᒪᐎᔾ ᐊ ᒋᔅᑎᒪᓯᓄᐅᓇᓐ ?”
\p
\v 32 ᒋᓴᔅ ᒪᒃ ᒋ ‍ ᒋᐱᒋᑲᐳᐤ, ᒂ ‍ ᐎᓴᒪᑦ ᐊᓂᔭ ᓇᐸᐛ, ᒂ ‍ ᐃᑕᑦ, “ᒐᒂᓐ ᓇᑐᐛᔨᑎᒪᒄ ᒐᒋ ᐃᑐᑎᒪᑎᑯᒡ ?”
\p
\v 33 ᒋ ‍ ᐃᑕᐅᒡ ᒪᒃ, “ᐅᑎᐸᔨᒋᒐᐤ, ᐃᑐᑐᐅᓇᓐ ᒪ ᒐᒋ ᐛᐸᑎᒪᒡ᙮”
\p
\v 34 ᒋᓴᔅ ᒪᒃ ᒋ ‍ ᒋᔅᑎᒪᒐᔨᒪᐤ, ᒂ ‍ ᑕᒋᓂᒺᑦ ᐅᔅᒋᓯᑯᔪᐛ, ᑎᐛᒡ ᒪᒃ ᒋ ‍ ᐛᐸᑎᒥᔪᐛ, ᐊᑯ ᒂ ᐊᑎ ‍ ᓇᓴᐅᑯᑦ᙮
\c 21
\s1 ᒋᓴᔅ ᑲ ‍ ᐱᒐᑦ ᒋᕈᓯᓕᒥᒡ
\r ᒪᕐᒃ 11.1-11; ᓗᒃ 19.28-40; ᒠᓐ 12.12-19
\p
\v 1 ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᐊᓐᑕ ᒋᕈᓯᓕᒥᒡ ᒋ ᐎ ‍ ᐃᑐᑕᐅᒡ᙮ ᐃᔅᐱ ᐊ ᐊᑎ ‍ ᐸᓱᐛᐸᑕᒡ ᒋ ‍ ᐅᑎᑎᒧᒡ ᐊᓂᔭ ᐅᑕᓇᔪᐤ ᐸᑦᐸᐃᒡ ᑲ ‍ ᐃᓯᓂᐧᑲᑕᔨᒡ᙮ ᐊᓐᑕ ᐱᔅᑯᑎᓇᐤ ᐊᓕᐱᔅ ᑲ ‍ ᐃᓯᓂᐧᑲᑕᒡ ᐊᑯᑕ ᐊ ‍ ᑎᒂᒡ ᐅ ᐅᑕᓇᐤ᙮ ᐊᑯᑕ ᒪᒃ ᐅᑕ ᒋᓴᔅ ᑲ ‍ ᓂᑲᓂᑎᓴᐛᑦ ᓂᓱ ᐅᒋᔅᒋᓄᐊᒧᐛᑭᓇ ᐊ ‍ ᐃᑕᑦ,
\v 2 “ᐃᑐᑕᒄ ᐊᓐᑕ ᐊᓐ ᐅᑕᓇᐤ, ᐃᔅᐱ ᒪᒃ ᐅᑎᑎᒪᒂ ᒋᑭ ‍ ᐛᐱᒪᐛᐤ ᐅᐧᑲᓐ ᒧᔭᒻ ᐊ ‍ ᐊᐱᓯᓯᑦ ᑲᐸᐃᑭᔎᐤ ᑲ ‍ ᐃᓯᓇᑯᓯᑦ, ᐅᐧᑲᓂᓴ ᐊ ‍ ᐎᒋᑲᐳᔅᑕᑯᑦ᙮ ᐊᐱᐧᑯᓇᑯᒡ ᑭᔭ ᑕᐱᔅᑯᓐ ᒐ ‍ ᐸᓱᐛᑯᒡ ᐊᓐᒡ ᐊᐛᓯᓯᒡ᙮
\v 3 ᐊᑯ ᑯᒂᒋᒥᑕᒂ ᐊᐛᓐ ᒐᒂᔪᐤ ᐛᒋ ‍ ᐊᐱᐧᑯᓇᑯᒡ ᐊᓐᒡ, ᒐ ‍ ᐃᑕᒄ, ‘ᐅᑎᐸᔨᒋᒐᐤ ᓂᑐᐛᔨᒪᐤ᙮’ ᑎᐛᒡ ᒪᒃ ᒋᑭ ‍ ᐱᔅᑎᓂᑯᐛᐤ ᒐᒋ ᐅᑎᓇᑯᒡ᙮”
\p
\v 4 ᐛᔅ ᐊᓐ ᐸᐃᒄ ᐅᒋᔅᒋᐛᐃᒐᓱᐤ ᑲ ‍ ᐃᔅᒋᔄᑯᐱᓇ ᐅᔭ ᒐ ‍ ᐃᔅᐱᔨᒡ, ᒋ ‍ ᑕᑈᑯᐱᓇ ᐅᔭ ᑲ ‍ ᐃᔅᒋᔄᑦ,
\q
\v 5 ᐎᑎᒧᐛᐧᑯᒡ ᐊᓐᒡ ᐃᔪᒡ ᐊᓐᑕ ᓴᐃᔭᓂᒡ ᑲ ‍ ᐅᒋᒡ,
\q ᑭᓄᐛᐱᒪᒄ ᒪ ᒋᒋᓴᐅᒋᒪᒧᐛᐤ,
\q ᒋ ᐸᒋ ‍ ᓂᑐᐛᐱᒥᑯᐛᐤ ᐊ ‍ ᑎᐱᑕᔨᒥᓱᑦ,
\q ᐅᐧᑲᓇ ᒧᔭᒻ ᑲ ‍ ᐊᐱᓯᓯᔨᒋ ᑲᐸᐃᑭᔎᐛ ᑲ ‍ ᐃᓯᓇᑯᓯᔨᒋ ᐊ ‍ ᑕᑎᐱᑦ᙮
\m ᐊᔪᐅᒄ ᐅᔭ ᑲ ‍ ᐃᔅᒋᔄᑯᐱᓇ ᐊᓂᔭ ᐸᐃᒄ ᐅᒋᔅᒋᐛᐃᒐᓱᐤ᙮
\p
\v 6 ᐊᑯ ᒪᒃ ᐊᓐᒡ ᓂᓱ ᒋᔅᒋᓄᐊᒧᐛᑭᓐᒡ ᒂ ‍ ᐃᑐᑕᒡ ᐊᓐᑕ ᐅᑕᓇᒡ, ᒂ ‍ ᑐᑕᒡ ᐊᓂᔭ ᑲ ‍ ᐃᑎᓱᒥᑯᒡ ᒋᓴᓴ᙮
\v 7 ᒋ ‍ ᐸᓱᐛᐅᒡ ᐊᓂᔭ ᐅᐧᑲᓇ ᑭᔭ ᐊᓂᔭᔪᐛ ᐅᐧᑲᓂᓯᔪᐛ, ᒂ ‍ ᐊᑯᓄᐛᐊᒺᒡ ᐅᑦ ᐊᑯᐳᐛᐛ ᐊᓐᑕ ᐅᔅᐱᔅᑯᓂᔨᒡ, ᐊᑯᑕ ᒪᒃ ᑲ ‍ ᑕᑎᐱᑦ ᒋᓴᔅ᙮
\v 8 ᒥᒐᑦ ᒪᒃ ᐊᓐᒡ ᐃᔪᒡ ᒋ ‍ ᓴᑥᑭᔅᑕᐅᒡ ᐅᑦ ᐊᑯᐳᐛᐛ ᐊᓐᑕ ᒐ ‍ ᐱᒧᑕᐃᑯᔨᒋ ᐊᓂᔭ ᐊᐛᓯᓴ ᑭᔭ ᑯᑎᑭᒡ ᓂᐱᓯᔭᑎᒂ ᒋ ‍ ᓇᑥᓂᒧᒡ ᒂ ‍ ᐱᒪᔅᑯᔅᑕᒡ ᐊᓐᑕ ᒪᔅᑭᓇᒡ ᐊᑯᑕ ᒪᒃ ᒂ ᐊᑎ ‍ ᐱᒧᑕᔨᒋ ᐊᓂᔭ ᐊᐛᓯᓴ᙮
\v 9 ᐊᓐᒡ ᒪᒃ ᐃᔪᒡ ᐊᓐᑕ ᓂᑲᓄᒡ ᑲ ‍ ᐱᒧᑕᒡ ᐊᓂᔭ ᒋᓴᓴ ᐊ ‍ ᑕᔨᒋ ᑭᔭ ᐊᓐᒡ ᐊᓐᑕ ᐅᑕᒡ ᑲ ‍ ᐱᒧᑕᐛᒡ ᒋ ᒋᒋ ‍ ᒪᒥᒋᒪᐅᒡ ᒋᓴᒪᓂᑐᐛ ᐊ ‍ ᒋᔄᐛᒡ ᐊ ‍ ᐃᔅᒋᔄᒡ,
\q “ᒋᔅᑕᔨᑕᑯᐊᒄ ᐊᓐ ᑲ ‍ ᐅᑯᓯᑐᑕᑯᑦ ᑎᐱᑕ,
\q ᓱᐛᔨᑕᑯᓱᐤ ᐅ ᑲ ᐸᒋ ‍ ᐃᑎᓴᐅᑯᑦ ᐅᑎᐸᔨᒋᒐᐛ᙮
\q ᒪᒥᒋᒪᑕᐤ ᒋᓴᒪᓂᑐᐤ ᐎᔾ ᓇᔅᒡ ᐊ ‍ ᒋᔅᑕᔨᑕᑯᓯᑦ᙮”
\p
\v 10 ᐃᔅᐱ ᒪᒃ ᒋᓴᔅ ᑕᑯᓯᐧᒃ ᐊᓐᑕ ᒋᕈᓯᓕᒥᒡ ᒥᓯᐛ ᐊᓐᒡ ᐃᔪᒡ ᐊᓐᑕ ᐅᑕᓇᒡ ᑲ ‍ ᑕᒡ ᒋ ‍ ᑯᔅᑯᐱᔪᒡ ᐊ ‍ ᐃᔅᒋᔄᒡ, “ᐊᐛᓐ ᐅ ᑲ ‍ ᑎᑯᓯᐧᒃ ?”
\p
\v 11 ᐊᑯ ᒂ ‍ ᐃᑎᑯᒡ ᐊᓂᔭ ᐃᔪᐛ ᑲ ‍ ᐎᒐᐛᔨᒋ ᒋᓴᓴ, “ᒋᓴᔅ ᐊᓐ᙮ ᐊᐅᑯᓐ ᐅ ᐅᒋᔅᒋᐛᐃᒐᓱᐤ ᐊᓐᑕ ᓇᓴᕆᑎᒡ, ᑲᓕᓕ ᐊᔅᒋᒡ, ᑲ ‍ ᐅᒋᑦ᙮”
\s1 ᒋᓴᔅ ᑲ ‍ ᐎᐎᑎᓴᐛᑦ ᐊᓂᔭᔪᐛ ᑲ ‍ ᐊᑕᐛᔨᒋ ᐊᐛᓯᓴ ᒋᓴᐊᔭᒥᐊᐅᒋᐛᐱᒡ
\r ᒪᕐᒃ 11.15-19; ᓗᒃ 19.45-48; ᒠᓐ 2.13-22
\p
\v 12 ᐊᑯ ᒋᓴᔅ ᒂ ‍ ᐱᒐᑦ ᒋᓴᐊᔭᒥᐊᐅᒋᐛᐱᔪᐤ᙮ ᒋ ‍ ᐛᐱᒪᐤ ᒪᒃ ᐊᓂᔭ ᑲ ‍ ᐊᑕᐛᔨᒋ ᑭᔭ ᐊᓂᔭ ᑲ ‍ ᐅᑎᓇᓱᔨᒋ ᐊᓐᑕ ᐱᑎᑭᒥᒡ, ᐊᑯ ᒂ ‍ ᐎᐎᑎᓴᐛᑦ᙮ ᒋ ‍ ᒂᑎᐱᐛᐱᓂᒺᐤ ᒪᒃ ᐅᒥᒋᓱᐛᑭᓇᑎᑯᔪᐤ ᐊᓂᔭ ᑲ ‍ ᒥᔅᑯᑐᓇᔨᒋ ᓱᓇᔭᐱᔎ ᑭᔭ ᐅᑕᑎᐳᐛᑭᓂᔪᐛ ᒋ ‍ ᒂᑎᐱᐛᐱᓂᒺᐤ ᐊᓂᔭ ᑲ ‍ ᐊᑕᐛᔨᒋ ᐱᔭᓯᓴ᙮
\v 13 ᐊᑯ ᒋᓴᔅ ᒂ ‍ ᐃᑕᑦ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ‘ᐊᔭᒥᐊᐅᒋᐛᑉ ᒋᑭ ‍ ᐃᓯᓂᐧᑲᑕᐤ ᓂᒡ᙮’ ᒥᒄ ᒪᒃ ᒋᔨᐛᐤ ᑲᒋᒧᑎᒡ ᐎᒋᐛᐤ ᐊᐅᑯᓐ ᐊ ‍ ᑕᐱᒋᑕᔭᒄ ᐅ ᒋᓴᐊᔭᒥᐊᐅᒋᐛᑉ᙮” ᐊᐅᑯᓐ ᒪᒃ ᐅᔭ ᑲ ᐃᓯ ‍ ᐎᑎᒧᐛᑦ ᒋᓴᔅ ᐊᓂᔭ ᑲ ‍ ᐊᑕᐛᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮
\p
\v 14 ᒋ ᐸᒋ ‍ ᓂᑐᐛᐱᒥᑯᐤ ᒪᒃ ᐊᓂᔭ ᐊᑲ ᐛᐸᑎᒥᔨᒋ ᑭᔭ ᐊᓂᔭ ᑲ ‍ ᒪᔅᒋᓂᑕᐅᒋᔨᒋ ᐊᐛᔪᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒪᒂᒡ ᐊ ‍ ᑕᑦ, ᒋ ‍ ᒥᓏᒋᐊᐤ ᒪᒃ᙮
\v 15 ᐊᓐᒡ ᒪᒃ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ‍ ᒋᔄᐃᑯᐅᒡ ᐊᓂᔭ ᒋᓴᓴ ᐊ ‍ ᐛᐱᒪᒡ ᒥᓯᐛ ᐊᓂᔭ ᒪᒥᔅᑲᒡ ᒐᒂᔪᐤ ᐊ ‍ ᐃᑐᑎᒥᔨᒋ᙮ ᑭᔭ ᒋ ‍ ᐛᐧᑲᒥᑯᐅᒡ ᐊᓂᔭ ᐊᐛᓴ ᐊ ᐃᓯ ‍ ᑕᑈᔨᒋ ᐊᓐᑕ ᐱᑎᑭᒥᒡ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ, “ᒪᒥᒋᒪᑕᐤ ᒋᓴᔅ ᑎᐱᑦ ᐅᑯᓴ,” ᐊ ‍ ᐃᔅᒋᔄᔨᒋ᙮
\v 16 ᐊᑯ ᒂ ‍ ᐃᑕᒡ ᐊᓂᔭ ᒋᓴᓴ, “ᒋ ‍ ᐸᑐᐛᐅᒡ ᐊ ᑕᓐ ᐊ ‍ ᐃᔅᒋᔄᒡ ?”
\p ᒋᓴᔅ ᒂ ‍ ᐃᑕᑦ, “ᓂ ‍ ᐸᑐᐛᐅᒡ, ᓇᒪᐎᔾ ᐊ ᓂᑕ ᒋ ᐅᒋ ‍ ᐃᔨᒥᑕᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᓐᑕ ᑲ ‍ ᐃᑎᔅᑕᒡ,
\q ᒋᓴᒪᓂᑐᐤ ᒋ ‍ ᐃᑐᑐᐛᐤ ᐊᐛᓴ ᑭᔭ ᐅᔅᒋᐛᓴ ᒐᒋ ᒥᔪ ‍ ᒪᒥᒋᒥᑯᑦ” ?
\p
\v 17 ᐊᑯ ᒋᓴᔅ ᒂ ‍ ᓂᑭᑕᑦ, ᒂ ‍ ᔅᑐᑕᑦ ᐊᓐᑕ ᐊᓂᔭ ᐅᑕᓇᔪᐤ ᐊᑯ ᐊᓐᑕ ᐸᑕᓂᒡ ᐅᑕᓇᒡ ᒂ ‍ ᐃᑐᑕᑦ, ᐊᑯᑕ ᐊᓐᑕ ᑲ ‍ ᑕᑦ ᐸᐃᒄ ᑎᐱᔅᑲᐛ᙮
\s1 ᐛᐱᒥᓇᑎᒄ ᑲ ‍ ᓂᐱᑦ
\r ᒪᕐᒃ 11.12-14,20-24
\p
\v 18 ᐎᐱᒡ ᒪᒃ ᒋᔭᒋᓴᐸᔭᔨᒡ ᒋᓴᔅ ᒥᓐ ᑲᐤ ᒋ ‍ ᒋᐛᐤ ᐊᓐᑕ ᒋᕈᓯᓕᒥᒡ, ᒋ ‍ ᓯᐛᔪᐤ ᒪᒃ᙮
\v 19 ᐊᑯ ᒂ ‍ ᐛᐱᒪᑦ ᒥᓯᓱᒥᓇᑎᒂ ᐊᓐᑕ ᐅᐱᒪᔅᑭᓇᒡ, ᒂ ‍ ᓂᑐᐛᐱᒪᑦ, ᓇᒪ ᒪᒃ ᒐᒂᔪᐤ ᐅᒋ ᒥᔅᑭᒻ ᒐᒋ ᒥᒋᑦ ᐊᓐᑕ ᒥᔅᑎᑯᒡ ᒥᒄ ᓂᐱᔭ ᒋ ‍ ᓂᑕᐅᒋᓂᔪᐛ ᐊᓐᑕ᙮ ᐊᑯ ᒂ ‍ ᐃᑕᑦ ᐊᓂᔭ ᒥᔅᑎᒂ, “ᓇᒪ ᓂᑕ ᒥᓐ ᒋᑭ ᐅᒋ ‍ ᓂᑕᐅᒍᐅᒡ ᐛᐱᒥᓂᒡ ᐊᓐᑕ ᐊ ‍ ᑕᔨᓐ᙮” ᑎᐛᒡ ᒪᒃ ᒋ ‍ ᓂᐱᔪᐛ ᐊᓂᔭ ᒥᓯᓱᒥᓇᑎᒂ᙮
\p
\v 20 ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ‍ ᐛᐸᑎᒧᒡ ᐅᔭ ᑲ ‍ ᐃᔅᐱᔨᒡ, ᒋ ‍ ᒥᔅᑲᑕᔨᑎᒧᒡ ᒪᒃ ᐊ ‍ ᐃᔅᒋᔄᒡ, “ᑕᓐᑕ ᓇᔅᒡ ᐎᐱᒡ ᐛᒋ ‍ ᓂᐱᑦ ᐊᓐ ᒥᓯᓱᒥᓇᑎᒄ ?”
\p
\v 21 ᐊᑯ ᒋᓴᔅ ᐊᑕᑦ, “ᒋ ‍ ᐎᑎᒪᑎᓇᐛᐤ, ᐊᑲ ᓇᔅᒡ ᒐ ᐅᒋ ‍ ᐊᓏᑎᒧᐛᒂ ᑭᔭ ᓇᔅᒡ ᒐ ‍ ᑕᑈᑎᒧᐛᒂ, ᒋᑭ ᒋ ‍ ᐃᑐᑐᐛᐛᐤ ᑭᔭ ᒋᔨᐛᐤ ᑕᓐ ᑲ ‍ ᐃᑐᑐᐅᒃ ᐅ ᒥᓯᓱᒥᓇᑎᒄ᙮ ᓇᒪᐎᔾ ᒥᒄ ᐊᓐ ᒐᒂᓐ ᒐᒋ ᐃᑐᑎᒪᒄ ᑭᔭ ᒋᑭ ᒋ ‍ ᐃᑎᓱᐛᑕᓐ ᐱᔅᑯᑎᓇᐤ, ‘ᐃᓯ ‍ ᐛᐱᓂᓱᐤ ᐊᓐᑕ ᐎᓂᐸᑯᒡ᙮’ ᒋᑭ ‍ ᐱᓯᒋᐃᑯᓐ ᒪᒃ᙮
\v 22 ᒥᒄ ᑕᓐ ᒐ ᐃᓯ ‍ ᓂᑐᑎᒪᔭᒄ ᐊ ‍ ᐊᔭᒥᐊᔭᒄ, ᑕᑈᑎᒧᒄ ᓴᔅ ᐊ ‍ ᐊᔭᔭᒄ ᑭᔭ ᒐ ‍ ᒥᔨᑯᐅᔭᒄ ᐊᓐ ᑲ ᐃᓯ ‍ ᓂᑐᑎᒪᔭᒄ᙮”
\s1 ᒋᓴᔅ ᑲ ‍ ᑯᒂᒋᒪᑭᓄᐅᑦ ᐊᐛᔪᐛ ᑲ ‍ ᒥᔨᑯᑦ ᒐᒋ ᐃᑐᑕᐧᒃ ᐊᓂᔭᔪᐛ ᒐᒂᔪᐛ ᑲ ‍ ᐃᑐᑕᐧᒃ
\r ᒪᕐᒃ 11.27-33; ᓗᒃ 20.1-8
\s2 Matthew 21.23-32 (Proper-21 Year A)
\p
\v 23 ᐃᔅᐱ ᒪᒃ ᒋᓴᔅ ᑲ ‍ ᐱᒐᑦ ᐊᓂᔭ ᒍᐤ ᒋᓴᐊᔭᒥᐊᐅᒋᐛᐱᔪᐤ, ᒪᒂᒡ ᒪᒃ ᐊ ‍ ᒋᔅᑯᑎᒪᒐᑦ, ᒋ ᐸᒋ ‍ ᓇᑎᑯᐤ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐃᔪᐛ ᑭᔭ ᒋ ‍ ᐃᑎᑯᐤ, “ᐊᐛᓐ ᑲ ‍ ᒥᔨᔅᒃ ᒐᒋ ᐃᑐᑎᒥᓐ ᐅ ? ᐊᐛᓐ ᑲ ‍ ᐃᑎᓱᒥᔅᒃ ᐅᔭ ᒐᒋ ᐃᑐᑎᒧᑦ ?”
\p
\v 24 ᐊᑯ ᒋᓴᔅ ᐊᑕᑦ, “ᒋᑭ ‍ ᑯᒂᒋᒥᑎᓇᐛᐤ ᒐᒂᓐ, ᒋ ᐸᒋ ‍ ᐎᑎᒧᐎᔭᒂ ᒪᒃ, ᐊᑯ ᑭᔭ ᒐ ‍ ᐎᑎᒪᑎᑯᒡ ᑕᓐᑕ ᐛᒋᐱᔨᒡ ᐅ ᑎᐸᔨᒋᒐᐅᓐ ᑲ ‍ ᐊᔭᔭᓐ ᒐᒋ ᐃᑐᑎᒪᓐ ᐅᔭ ᒐᒂᔪᐛ᙮
\v 25 ᐸᒋ ‍ ᐎᑎᒧᐅᒄ, ᐊᐛᔪᐛ ᑲ ‍ ᐃᑎᓱᒥᑯᑦ ᒠᓐ ᒐᒋ ᓯᑲᐃᑐᐛᑦ ᐊᐛᔪᐛ ? ᒋᓴᒪᓂᑐᐛ ᐊ ᑭᔭ ᒪᒃ ᐃᔪᐛ ?”
\p ᒋ ‍ ᐃᔨᒥᑐᐅᒡ ᒪᒃ ᐊᓐᑕ ᐎᔨᐛᐤ ᐊ ‍ ᐃᔅᒋᔄᒡ, “ᐃᔅᒋᔄᔭᒂ, ‘ᒋᓴᒪᓂᑐᐛ ᒋ ‍ ᐃᑎᑯᐤ,’ ᒋᑭ ‍ ᐃᑎᑯᓄᐤ, ‘ᒐᒂᓐ ᒪᒃ ᐛᒋ ᐊᑲ ᐅᒋ ᑕᑈᑐᐛᒄ ?’
\v 26 ᒪᒃ ᐃᔅᒋᔄᔭᒂ ‘ᐃᔪᐛ ᒋ ‍ ᐃᑎᑯᐤ,’ ᒋᑭ ᐎ ‍ ᐃᔭᒂᒥᔅᑐᐛᓄᐅᒡ ᑕᓐ ᒐ ‍ ᐃᑐᑕᑕᐧᑯᒡ ᐊᓐᒡ ᐃᔪᒡ᙮ ᐛᔅ ᒥᓯᐛ ᑕᑈᑎᒧᒡ ᒠᓇ ᐊᒋ ‍ ᐅᒋᔅᒋᐛᐃᒐᓱᔨᒋ᙮”
\v 27 ᐊᑯ ᒪᒃ ᐊᑕᒡ ᒋᓴᓴ, “ᓇᒪ ᓂ ‍ ᒋᔅᒐᔨᒪᓇᓐ ᐊᐛᔪᐛ ᑲ ‍ ᐃᑎᓱᒥᑯᑦ ᒠᓐ ᒐᒋ ᓯᑲᐃᑐᐛᑦ ᐊᐛᔪᐛ᙮” ᒋᓴᔅ ᒂ ‍ ᐃᑕᑦ, “ᓂᔾ ᑭᔭ ᓇᒪ ᒋᑭ ᐅᒋ ‍ ᐎᑎᒪᑎᓇᐛᐤ ᐊᐛᓐ ᑲ ᐸᒋ ‍ ᐃᑎᓱᒥᑦ ᐅ ᒐᒋ ᐃᑐᑎᒪᓐ᙮”
\s1 ᓇᐸᐤ ᐊ ‍ ᓂᓯᔨᒋ ᐅᑯᓴ ᑲ ‍ ᑎᐸᒋᒪᑭᓄᐅᑦ
\p
\v 28 “ᒋᑭ ‍ ᑎᐸᒋᒧᔅᑕᑎᓇᐛᐤ ᒐ ‍ ᒪᒥᑐᓇᔨᑎᒪᒄ ᒪᒃ᙮ ᒋ ‍ ᑕᐤ ᐸᐃᒂᐤ ᓇᐸᐤ ᑲ ‍ ᓂᓯᔨᒋ ᐅᑯᓴ᙮ ᐊᑯ ᒂ ‍ ᓂᑐᐛᐱᒪᑦ ᐊᓂᔭ ᐛᔅᑕᓯᒪᐎᔨᒋ ᐊᑯ ᒂ ‍ ᐃᑕᑦ, ‘ᓂᑯᓴ, ᐃᑐᑕᒪ ᑭᔭ ᐊᓄᒡ ᓂᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ ᑭᔭ ᒐ ‍ ᐊᑐᔅᒐᔨᓐ᙮’ ”
\p
\v 29 “ᐊᑯ ᒂ ‍ ᐃᑎᑯᑦ ᐊᓂᔭ ᐅᑯᓴ, ‘ᓇᒪ ᓂᑭ ‍ ᐃᑐᑕᓐ᙮’ ᐸᑎᒪ ᒪᒃ ᒋ ‍ ᒂᔅᒐᔨᑎᒻ ᑭᔭ ᒋ ‍ ᐃᑐᑕᐤ ᒐᒋ ᐊᑐᔅᒐᑦ᙮”
\p
\v 30 “ᐊᑯ ᐅᑕᐎᒪᐤ ᒂ ‍ ᓂᑐᐛᐱᒪᑦ ᐊᓂᔭ ᑯᑎᑲ ᐅᑯᓴ, ᒥᓐ ᐊᐅᑯᓐ ᐊᑕᑦ ᒐᒋ ᐊᑐᔅᒐᔨᒋ ᐊᓐᑕ ᓂᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮ ᐊᑯ ᐊᑎᑯᑦ ᐊᓂᔭ ᐅᑯᓴ, ‘ᓂᐦᐃ, ᓂᑭ ‍ ᐃᑐᑕᓐ᙮’ ᓇᒪ ᒪᒃ ᐅᒋ ᐃᑐᑕᔪᐛ᙮”
\p
\v 31 “ᑕᓐ ᒪᒃ ᐊᓐᒡ ᐊ ‍ ᓂᓯᒡ ᓇᐸᓯᒡ ᑲ ‍ ᓂᓇᐃᑐᐛᑦ ᐅᑕᐎᐛᐛ ?” ᐊᑯ ᒋᓴᔅ ᐊᑎᑯᑦ ᐊᓂᔭ ᑲ ‍ ᑯᒂᒋᒪᑦ, “ᐊᓐ ᐅᔅᑕᓯᒪᐤ᙮”
\p ᐊᑯ ᒋᓴᔅ ᐊᑕᑦ, “ᒋ ‍ ᐎᑎᒪᑎᓇᐛᐤ, ᐊᓐᒡ ᓂᑎᒥᒄ ᑲ ‍ ᐃᑎᒡ ᒋᓴᐅᒋᒪᐛ ᐊ ‍ ᐊᐱᒋᐃᑯᒡ ᒐᒋ ᒪᒧᓴᒋᓂᒺᒡ ᐅᓱᓇᔭᓂᒥᔪᐤ ᑭᔭ ᐊᓐᒡ ᐱᓯᒂᑎᓯᔎᐅᒡ ᐊᐅᑯᓐᒡ ᐊᓐᒡ ᓂᔅᑎᒻ ᒐ ‍ ᐱᒐᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐊᔅᒄ ᐊᑲ ᒋᔨᐛᐤ ᐱᒐᔭᒄ᙮
\v 32 ᐛᔅ ᒠᓐ ᑲ ‍ ᓯᑲᐃᑕᒐᑦ ᔅᒋ ᐸᒋ ‍ ᓂᑐᐛᐱᒥᑯᐛᐤ ᐊᒋ ᐎ ‍ ᐛᐸᑎᔨᑕᒄ ᑯᐃᔅᑯᑕᑎᓯᐅᓂᔪᐤ, ᓇᒪ ᒪᒃ ᒋ ᐅᒋ ‍ ᑕᑈᑐᐛᐛᐤ᙮ ᒥᒄ ᒪᒃ ᐊᓐᒡ ᒋᓴᐅᒋᒪᐛ ᑲ ‍ ᐊᐱᒋᐃᑯᒡ ᐊ ‍ ᒪᒧᓴᒋᓂᒺᒡ ᐅᓱᓇᔭᓂᒥᔪᐤ ᑭᔭ ᐊᓐᒡ ᐱᓯᒂᑎᓯᔎᐅᒡ ᒋ ‍ ᑕᑈᑐᐛᐅᒡ ᑕᓐ ᑲ ᐃᓯ ‍ ᐊᔨᒧᑎᒪᑯᒡ ᑯᐃᔅᑯᑕᑎᓯᐅᓂᔪᐤ᙮ ᐊᑎ ᐃᔅᐱᔅ ᐛᐱᒪᑯᒡ ᐊ ‍ ᑕᑈᑕᒡ ᐅᒡ, ᓇᒪ ᐃᔭᐱᒡ ᒋ ᐅᒋ ‍ ᒂᔅᑲᑎᓯᓇᐛᐤ ᓇᒪ ᐃᔭᐱᒡ ᒋ ᐅᒋ ‍ ᑕᑈᑕᓇᐛᐤ᙮”
\s1 ᑲ ‍ ᓂᑕᐅᒋᑕᒡ ᑲ ‍ ᑎᐸᒋᒪᑭᓄᐎᒡ
\r ᒪᕐᒃ 12.1-12; ᓗᒃ 20.9-19
\s2 Matthew 21.33-46 (Proper-22 Year A)
\p
\v 33 ᐊᑯ ᒋᓴᔅ ᐊᑕᑦ, “ᓂᑐᑎᒧᒄ ᒥᓐ ᐅ ᑯᑎᒡ ᒋᔅᑯᑎᒪᒐᐤ ᑎᐸᒋᒧᐅᓐ᙮ ᒋ ‍ ᑕᐤ ᐸᐃᒂᐤ ᐅᒋᒪᐤ ᐊ ‍ ᓂᑕᐅᒋᑕᑦ ᒥᓂᓴ ᒐᒋ ᐅᒋ ‍ ᐅᓯᑕᑦ ᓱᒥᓇᐳᔪᐤ᙮ ᒋ ‍ ᒋᐸᐊᒻ ᒪᒃ ᒥᓯᐛ ᐛᔅᑲ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ᙮ ᑭᔭ ᒋ ‍ ᒧᓇᐊᒻ ᑕᓐᑕ ᒐ ‍ ᐱᒋᔅᒋᔅᑲᑭᓄᔨᒋ ᐊᓂᔭ ᒥᓂᓴ᙮ ᒋ ‍ ᐅᓯᑕᐤ ᑭᔭ ᐊᓱᐛᐳᐅᒋᐛᐱᔪᐤ ᐊᓐᑕ ᒐ ᐅᒋ ‍ ᓂᓇᑭᑐᐛᔨᑕᑭᓄᔨᒋ ᐊᓂᔭ ᐅᓂᑕᐅᒋᑕᑭᓇ᙮ ᐃᔅᐱ ᒪᒃ ᑲᒋ ‍ ᐃᑎᑦ ᒋ ‍ ᓇᓂᑐᐛᐱᒪᐤ ᐊᐛᔪᐛ ᒐᒋ ᓂᓇᑭᑐᐛᔨᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒂ ‍ ᔅᑐᑕᑦ, ᐛᔪᐤ ᐊ ‍ ᑎᑯᓂᔨᒡ ᐊᔅᒋᔪᐤ ᒋ ‍ ᐃᑐᑕᐤ᙮
\v 34 ᐃᔅᐱ ᒪᒃ ᐛᑎᒋᐱᔨᒡ ᒐ ‍ ᒪᒧᓴᒋᓂᑭᓄᔨᒋ ᐊᓂᔭ ᒥᓂᓴ ᐊᓐᑕ ᒥᔅᑎᑯᒡ ᑲ ‍ ᓂᑕᐅᒋᒋ ᒋ ‍ ᐃᑎᓴᐛᐤ ᐅᑦ ᐊᐱᒋᐊᑭᓇ ᒐᒋ ᓂᑐᐛᐱᒪᔨᒋ ᐊᓂᔭ ᑲ ‍ ᓂᓇᑭᑐᐛᔨᑎᒥᔨᒋ ᐊᓂᔭ ᐅᑦ ᐊᔅᒋᔾ ᒐᒋ ᒥᔨᑯᑦ ᐎᔾ ᑕᓐ ᒋᐸ ᐃᓯ ‍ ᐊᔭᐤ᙮
\p
\v 35 ᐊᑯ ᐊᓐᒡ ᑲ ‍ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓂᔪᐤ ᒋ ‍ ᒪᓯᐧᑯᐛᐅᒡ ᐸᐃᒄ ᐊᓂᔭ ᐊᐱᒋᐊᑭᓇ ᑲ ‍ ᐸᑎᓴᐛᑭᓄᔨᒋ ᐊᑯ ᑯᑎᑲ ᒂ ‍ ᓂᐸᐊᒡ ᐊᑯ ᒥᓐ ᐊᓂᔭ ᑯᑎᑲ ᒋ ‍ ᓂᐸᐊᐅᒡ ᐊᒋ ‍ ᐸᐱᒧᓯᓇᑕᐛᒡ᙮
\v 36 ᐊᑯ ᒪᒃ ᐊᓐ ᐅᒋᒪᐤ ᒥᓐ ᒋ ‍ ᐃᑎᓴᐛᐤ ᑯᑎᑲ ᐊᐱᒋᐊᑭᓇ, ᐊᑐᐎᔅ ᐊ ‍ ᒥᒐᑎᔨᒋ᙮ ᒥᒄ ᒪᒃ ᐊᓐᒡ ᑲ ‍ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓂᔪᐤ ᐃᔭᐱᒡ ᐊᐅᑯᓐ ᑲ ‍ ᐃᑐᑐᐛᒡ ᐊᓂᔭ ᐊᐱᒋᐊᑭᓇ᙮
\v 37 ᐊᑯ ᒐᒃ ᐊᓂᔭ ᐅᑯᓴ ᒂ ‍ ᐃᑎᓴᐛᑦ ᐊᓐ ᐅᒋᒪᐤ ᐊ ‍ ᐃᔅᒋᔄᑦ, ‘ᒋᑭ ‍ ᒋᔅᑕᔨᒪᐅᒡ ᐅᔭ ᓂᑯᓴ᙮’
\p
\v 38 ᒥᒄ ᒪᒃ ᐊᓐᒡ ᑲ ‍ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓂᔪᐤ ᐃᔅᐱ ᐎᔭᐱᒪᒡ ᐊᓂᔭ ᐅᒋᒪᒧᐛᐛᐤ ᐅᑯᓯᔪᐛ ᒋ ‍ ᐃᑎᑐᐅᒡ, ‘ᐊᐅᑯᓂ ᐅᔭ ᐊᓐ ᒋᐅᒋᒪᒥᓄᐤ ᑎᐱᔨᐛ ᐅᑯᓴ᙮ ᐎᔾ ᒋᑭ ‍ ᐊᓱᐤ ᒥᔭᑭᓄᐤ ᐅᔭ ᓂᑕᐅᒋᑕᑭᓐ ᐊᔅᒋᔪᐤ᙮ ᓇᐸᐊᑕᐤ᙮ ᐊᑯ ᒪᒃ ᒋᔭᓄᐤ ᒐ ‍ ᑎᐱᔨᐛᐅᓯᐛᐧᒄ ᐅᔭ ᐅᑦ ᐊᔅᒋᔾ᙮’
\v 39 ᐊᑯ ᒂ ‍ ᒪᑯᓇᒡ, ᒂ ‍ ᐎᐎᑎᓯᓇᒡ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐅᒋ ᐊᑯ ᓇᐸᐊᒡ᙮”
\p
\v 40 ᐊᑯ ᒋᓴᔅ ᐊᑕᑦ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭ ᐸᕆᓯᐊ ᑲ ‍ ᑎᐸᒋᒧᔅᑐᐛᑦ, “ᑕᓐ ᒪᒃ ᐊ ‍ ᐃᑕᔨᒪᒄ ᒐ ‍ ᐃᑐᑐᐛᑦ ᐊᓐ ᐅᒋᒪᐤ ᐊᓂᔭ ᑲ ‍ ᓂᓇᑭᑐᐛᔨᑎᒥᔨᒋ ᐅᓂᑕᐅᒋᑕᑭᓇ ᐃᔅᐱ ᑎᑯᓯᒐ ?”
\p
\v 41 ᐊᑯ ᐊ ‍ ᑎᑯᑦ ᐊᓂᔭ ᑲ ‍ ᑎᐸᒋᒧᔅᑐᐛᑦ ᐃᔪᐛ, “ᑎᑯᓯᒐ ᐊᓐ ᐅᒋᒪᐤ ᒋᑭ ‍ ᓂᐸᐊᐤ ᐊᓂᔭᔪᐛ ᒥᒋ ‍ ᐊᐱᒋᐊᑭᓇ ᐊᑯ ᒐ ‍ ᒥᔭᑦ ᑯᑎᑲ ᐊᐛᔪᐛ ᒐᒋ ᓂᓇᑭᑐᐛᔨᑎᒥᔨᒋ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ, ᐊᐅᒄ ᒪᒃ ᐅᔭ ᒐ ‍ ᒥᔨᑯᑦ ᐎᔾ ᑕᓐ ᐊ ᐃᓯ ‍ ᑎᐱᔨᐛᐅᓯᑦ ᐃᔅᐱ ᒋ ᐃᓯ ‍ ᓂᑕᐅᒋᓂᒂᐛ ᐊᓂᔭ ᐅᓂᑕᐅᒋᑕᑭᓇ᙮”
\p
\v 42 ᐊᑯ ᒋᓴᔅ ᐊᑕᑦ, “ᓇᒪᐎᔾ ᐊ ᒋ ᐅᒋ ‍ ᐃᔨᒥᑕᓇᐛᐤ ᑲ ‍ ᐃᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒋ ‍ ᐊᑐᐛᔨᒪᐅᒡ ᑲ ‍ ᒥᒋᐛᐱᒐᒡ ᐊᓂᔭ ᐊᓯᓂᔭ ᒋᒋᐛ ᐊ ‍ ᐊᐱᑎᓯᔨᒋ ᐊ ‍ ᒋᒐᔭᔨᒡ᙮
\q ᐊᔪᐅᒄ ᐅᔭ ᐅᑎᐸᔨᒋᒐᐤ ᐅᑦ ᐃᑐᐅᓇ, ᐊᔪᐛᒡ ᒥᔅᑲᓯᓇᑯᓂᔪᐛ ᐊ ‍ ᑭᓄᐛᐸᑕᑭᓄᔨᒋ ?”
\p
\v 43 ᐊᑯ ᒋᓴᔅ ᒂ ᐊᑎ ‍ ᐃᑕᑦ, “ᐅ ᒪᒃ ᒋ ᐎ ᐃᓯ ‍ ᐎᑎᒪᑎᓇᐛᐤ, ᒋᓴᒪᓂᑐᐤ ᐅᒋᓴᐅᒋᒪᐅᓐ ᒋᑭ ‍ ᒥᔅᑭᒥᑯᓇᐛᐤ, ᐊᑯ ᒐ ‍ ᐊᓱᒥᔭᑭᓄᐎᒡ ᐊᓐᒡ ᑕᑈ ᒐ ‍ ᓄᑯᑕᐛᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐅᐱᒪᑎᓯᐅᓄᐛᒡ᙮
\v 44 ᐛᔅ ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ‘ᓇᔅᒡ ᒋᑭ ‍ ᐱᑯᓯᓐ ᐊᐛᓐ ᐊ ‍ ᐸᒋᓯᒥᑯᑦ ᐊᓂᔭ ᐊᓯᓂᔭ, ᑭᔭ ᓇᔅᒡ ᒋᑭ ‍ ᐱᑯᔅᑲᑯᐤ ᒪᒋᑯᔅᑲᑯᒐ ᐊᓂᔭ ᐊᓯᓂᔭ᙮’ ”
\p
\v 45 ᐊᓐᒡ ᒪᒃ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐸᕆᓯᔨᒡ ᒋ ‍ ᐸᑐᐛᐅᒡ ᒋᓴᓴ ᐊ ‍ ᐎᑎᒥᔨᒋ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ, ᒋ ‍ ᒋᔅᒐᔨᑎᒧᒡ ᒪᒃ ᐎᔨᐛᐤ ᐊ ‍ ᐊᔨᒧᒥᑯᒡ᙮
\v 46 ᒋ ᐎ ‍ ᒪᑯᓇᐅᒡ ᒪᒃ ᐊᓂᔭ ᒋᓴᓴ, ᒥᒄ ᒋ ‍ ᑯᔅᑕᐅᒡ ᐊᓂᔭ ᐃᔪᐛ ᑕᓐ ᒐ ‍ ᐃᑎᔨᒋ ᐛᔅ ᐊᓐᒡ ᐃᔪᒡ ᓇᔅᒡ ᒋ ‍ ᒐᔅᑎᓇᑕᔨᑎᒧᒡ ᒋᓴᓴ ᐊ ‍ ᒋᔅᒋᐛᐃᒐᓯᐅᔨᒋ᙮
\c 22
\s1 ᐊ ‍ ᓂᐳᐅᐤ ᒥᑯᓴᓄᐅᒡ ᑲ ‍ ᐊᔨᒧᑕᒡ
\r ᓗᒃ 14.15-24
\s2 Matthew 22.1-14 (Proper-23 Year A)
\p
\v 1 ᐊᑯ ᒋᓴᔅ ᒥᓐ ᒂ ‍ ᐃᔨᒪᐊᑦ ᐊᓂᔭ ᐃᔪᐛ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ‍ ᐊᐱᒋᑕᑦ᙮
\v 2 “ᒋᑭ ‍ ᐎᑎᒪᑎᓇᐛᐤ ᑕᓐ ᐊ ‍ ᐃᑕᔨᑕᒂᒡ ᒋᒋᒋᓯᒄ ᒋᓴᐅᒋᒪᐅᓐ᙮ ᒧᔭᒻ ᒋᓴᐅᒋᒪᐤ ᐊᒋ ‍ ᐊᔭᔅᑯᐅᔅᑕᑦ ᐊ ‍ ᒥᓴᔨᒡ ᒥᑯᓴᓂᔪᐤ, ᐅᑯᓴ ᐊ ‍ ᒥᑯᓴᐊᑦ ᐊᒋ ‍ ᓂᐳᔨᒋ᙮
\v 3 ᒋ ‍ ᐃᑎᓴᐛᐤ ᒪᒃ ᐊᐱᒋᐊᑭᓇ ᒐᒋ ᓂᑐᐛᐱᒪᔨᒋ ᐊᓂᔭ ᐊᐛᔪᐛ ᑲ ‍ ᐎᓴᒪᑭᓄᔨᒋ᙮ ᐊᑯ ᓇᒪ ᐅᒋ ᐎ ᑎᑯᓯᓂᔪᐛ ᐊᓂᔭ ᑲ ‍ ᐎᓴᒪᑭᓄᔨᒋ᙮”
\p
\v 4 “ᐊᑯ ᒥᓐ ᑯᑎᑲ ᐊᐱᒋᐊᑭᓇ ᒂ ‍ ᐃᑎᓴᐛᑦ ᐃᔭᐱᒡ ᒐᒋ ᐎᓴᒪᔨᒋ ᐊᐛᔪᐛ᙮ ᒪᐅᔭᔪᐤ ᑲ ‍ ᐃᑎᓱᒪᑦ ᒐᒋ ᐃᔅᒋᔄᔨᒋ, ‘ᓴᔅ ᓂᒋ ᐃᓯ ‍ ᐃᑎᓐ ᒐ ‍ ᒥᑯᓴᔭᓐ᙮ ᓴᔅ ᒋ ‍ ᓂᐸᐊᑭᓄᐎᒡ ᒥᔅᑐᓯᒡ ᑭᔭ ᒥᔅᑐᓯᓯᒡ ᒐ ‍ ᒥᑯᓴᓄᐅᒡ ᑭᔭ ᓴᔅ ᒋ ᐃᓯ ‍ ᐎᔅᑕᓱᓇᓄᐤ᙮ ᐸᒋ ‍ ᑎᑯᓯᓂᒄ ᒪᒃ᙮’ ”
\p
\v 5 “ᒥᒄ ᒪᒃ ᐊᓐᒡ ᑲ ‍ ᐎᓴᒪᑭᓄᐎᒡ ᓇᒪ ᐅᒋ ᐊᔭᐱᓯᑎᒧᒡ, ᐃᔭᒡ ᒋ ᐃᓯ ‍ ᔅᑐᑕᐅᒡ᙮ ᐸᐃᒄ ᐊᓐ ᐊᓐᑕ ᐅᓂᑕᐅᒋᑕᑭᓐ ᐊ ‍ ᑎᑯᓂᔨᒡ ᒋ ‍ ᐃᑐᑕᐤ᙮ ᐊᑯ ᒥᓐ ᑯᑎᒃ ᒋ ‍ ᐃᔭᑯᐱᓇ ᑕᓐ ᐊ ᐃᓯ ‍ ᐊᑕᐛᑦ᙮ ᐊᑯᑕ ᑲ ‍ ᐃᑐᑕᑦ ᐎᔾ᙮
\v 6 ᐊᑯ ᐊᓐᒡ ᑯᑎᑭᒡ ᒂ ‍ ᒪᑯᓇᒡ ᐊᓂᔭ ᒋᓴᐅᒋᒪᐛ ᐅᑦ ᐊᐱᒋᐊᑭᓂᔪᐛ ᐊᑯ ᒂ ‍ ᒪᓯᐧᑯᐛᒡ, ᒂ ᐊᑎ ‍ ᓂᐸᐊᒡ᙮
\v 7 ᐃᔅᐱ ᒪᒃ ᐊᓐ ᒋᓴᐅᒋᒪᐤ ᒐᔅᒐᔨᑕᐧᒃ ᐅᔭ ᐊᒋ ‍ ᐃᑎᓇᓄᐎᒡ ᒋ ᒥᔅᑎ ‍ ᒋᔄᓱᐤ᙮ ᐊᑯ ᒂ ‍ ᐃᑎᓴᐛᑦ ᐅᑦ ᐊᓯᒪᑭᓂᓯᒪ ᒐᒋ ᓂᐸᐊᔨᒋ ᐊᓂᔭ ᑲ ‍ ᓂᐸᐊᔨᒋ ᐅᑦ ᐊᐱᒋᐊᑭᓇ ᐊᑯ ᑭᔭ ᒂ ᐊᑎ ‍ ᐃᔎᓯᒺᑦ ᐊᓂᔭ ᐅᑦ ᐃᑕᐅᓂᔪᐤ᙮”
\p
\v 8 “ᐊᑯ ᒥᓐ ᒂ ‍ ᐎᓴᒪᑦ ᑯᑎᑲ ᐅᑦ ᐊᐱᒋᐊᑭᓇ, ᒂ ‍ ᐃᑕᑦ, ‘ᓴᔅ ᐛᔅ ᐊᔭᔅᑯᔅᑕᐤ ᐊᓐ ᓂᐳᐅᐤ ᒥᑯᓴᓐ᙮ ᐊᓐᒡ ᒪᒃ ᑲ ‍ ᐎᓴᒥᒂᐤ ᓇᒪ ᐅᒋ ᐎ ‍ ᑎᑯᓯᓄᐅᒡ ᑭᔭ ᓇᒪ ᒋᔅᑕᔨᑕᑯᓱᐅᒡ ᐊᓐᑕ ᒐᒋ ᑕᒡ᙮
\v 9 ᒪᒋᒄ ᒪᒃ ᐃᑐᑕᒄ ᐊᓐᑕ ᒪᔅᑭᓇᒡ ᐊᓐᑕ ᐊ ‍ ᐛᔪᑎᓯᒡ ᐃᔪᒡ ᒥᒄ ᑕᑐᐤ ᐊᐛᓐᒋ ᒐ ‍ ᐛᐱᒪᑯᒡ ᒐ ‍ ᐎᓴᒪᑯᒡ ᒐᒋ ᐸᒋ ᓇᒋ ‍ ᒥᑯᓴᒡ᙮’
\v 10 ᐊᑯ ᐊᓐᒡ ᐊᐱᒋᐊᑭᓐᒡ ᒂ ‍ ᐃᑐᑕᒡ ᐊᓐᑕ ᒪᔅᑭᓇᒡ, ᐊᑯᑕ ᒪᒃ ᑲ ‍ ᐛᐱᒪᒡ ᒥᓯᐛ ᐊ ‍ ᐃᑕᔨᑕᑯᓯᔨᒋ ᐊᐛᔪᐛ, ᑲ ‍ ᒥᒋᑥᔨᒋ ᑭᔭ ᑲ ‍ ᑯᐃᔅᑯᑕᑎᓯᔨᒋ᙮ ᐊᔪᐅᒄ ᐅᔭ ᑲ ‍ ᐛᐎᓴᒪᒡ᙮ ᐊᑯ ᒪᒃ ᓇᔅᒡ ᑲ ᐊᑎ ‍ ᓴᑭᔅᒋᓇᓄᐎᒡ ᐊᓐᑕ ᐊᓂᔭ ᑲ ‍ ᒥᑯᓴᓄᐎᒡ᙮”
\p
\v 11 “ᐃᔅᐱ ᒪᒃ ᐊᓐ ᒋᓴᐅᒋᒪᐤ ᐱᔭᒋ ‍ ᐱᒐᑦ ᒐᒋ ᐛᐱᒪᑦ ᐊᓂᔭ ᐊᐛᔪᐛ ᑲ ‍ ᑎᑯᓯᓂᔨᒋ, ᒋ ‍ ᐛᐱᒪᐤ ᐸᐃᒄ ᐊᓐᑕ ᓇᐸᐛ ᐊᑲ ᒧᔭᒻ ᐃᑕᔅᐱᓱᔨᒋ ᑕᓐ ᒋᐸ ‍ ᐃᑕᔅᐱᓱᔪᐛ ᐊ ‍ ᓂᐳᐅᓇᓄᐎᒡ᙮
\v 12 ᐊᑯ ᒂ ‍ ᐃᑕᑦ ᐊᓂᔭ ᓇᐸᐛ, ‘ᓂᐎᒐᐛᑭᓐ ᑕᓐᑕ ᑲ ᐅᒋ ‍ ᐱᒐᔨᓐ ᐅᑕ ᐅ ᐊ ‍ ᒥᑯᓴᔭᓐ ᐊᑲ ᒪᒃ ᒧᔭᒻ ᐃᑕᔅᐱᓱᔨᓐ ?’ ᓇᒪ ᒪᒃ ᐅᒋ ᒋᔅᑐᐤ ᐊᓐ ᓇᐸᐤ᙮”
\p
\v 13 “ᐊᑯ ᐊᓐ ᒋᓴᐅᒋᒪᐤ ᒂ ‍ ᐃᑕᑦ ᐊᓂᔭ ᐅᑯᐸᓇᒪ, ‘ᒪᑯᐱᑎᒺᐧᒄ ᐅᓯᑕ ᑭᔭ ᐅᑎᒋᔭ, ᒐ ᐃᓯ ‍ ᐛᐱᓇᒄ ᒪᒃ ᐎᐎᑎᒥᒡ ᐊ ᐃᓯ ‍ ᑭᔅᑎᐱᔅᑲᔨᒡ, ᐊᑯᑕ ᒐ ‍ ᑎᒂᒡ ᒪᐅᓐ ᑭᔭ ᒐ ‍ ᒪᒥᑥᔭᐱᑕᓯᓇᓄᐅᒡ᙮’ ”
\p
\v 14 ᐊᑯ ᒋᓴᔅ ᒂ ᐊᑎ ‍ ᐃᔅᒋᔄᑦ, “ᒥᒐᑦ ᐊᐛᓐᒋ ᑕᑈᑕᑭᓄᐎᒡ, ᒥᒄ ᒪᒃ ᓇᒪ ᒥᒐᑦ ᐅᑎᓇᑭᓄᐎᒡ᙮”
\s1 ᒋᓴᐅᒋᒪᐤ ᓱᓇᔭᐤ ᐊ ‍ ᒋᓯᐧᑲᓱᓇᓄᐅᒡ
\r ᒪᕐᒃ 12.13-17; ᓗᒃ 20.20-26
\s2 Matthew 22.15-22 (Proper-24 Year A)
\p
\v 15 ᐊᑯ ᒂ ‍ ᔅᑐᑕᒡ ᐊᓐᒡ ᐸᕆᓯᔨᒡ, ᒋ ‍ ᐃᔨᒥᑐᐅᒡ ᑕᓐᑕ ᒐᒋ ᐅᒋ ‍ ᐎᔭᓴᐊᒡ ᒋᓴᓴ ᐊ ‍ ᑯᒂᒋᒪᒡ ᒐᒂᔪᐤ᙮
\v 16 ᒋ ‍ ᐃᑎᓴᐛᐅᒡ ᒪᒃ ᐅᒋᔅᒋᓄᐊᒧᐛᑭᓄᐛᐛ ᑭᔭ ᐊᕈᑕ ᐅᑦ ᐊᐱᒋᐊᑭᓂᔪᐛ ᐊᓐᑕ ᒋᓴᓴ ᐊ ‍ ᑕᔨᒋ᙮ ᐊᑯ ᐊ ‍ ᑕᒡ ᐊᓂᔭ ᒋᓴᓴ, “ᒋᔅᑯᑎᒪᒐᓱᐤ, ᒋ ‍ ᒋᔅᒐᔨᒥᑎᓇᓐ ᑕᑈ ᐊ ‍ ᑕᑈᒥᑲᒡ ᑕᓐ ᐊ ᐃᓯ ‍ ᒋᔅᑯᑎᒪᒐᔨᓐ ᑭᔭ ᒥᓯᐛ ᐸᐃᑯᓄᒡ ᐊ ᐃᓯ ‍ ᒋᔅᑯᑎᒧᐅᑥᐤ ᐊᐛᓐᒋ ᑕᓐ ᐊ ᐃᓯ ‍ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ‍ ᐱᒪᑎᓯᒡ᙮ ᓇᒪ ᓇᔅᒡ ᒐᒂᓐ ᒋᑦ ᐃᑕᔨᑎᒥᐃᑯᓐ ᑕᓐ ᒐ ᐊᑎ ‍ ᐃᑕᔨᑎᒥᐃᑯᒡ ᐊᐛᓐᒋ ᑕᓐ ᐊ ᐃᓯ ‍ ᒋᔅᑯᑎᒪᒐᐅᑦ, ᑭᔭ ᒥᓯᐛ ᐸᐃᑯᓄᒡ ᒋᑦ ᐃᑕᔨᒪᐅᒡ ᐊᐛᓐᒋ᙮
\v 17 ᐊᑯ ᐎᑎᒧᐅᓇᓐ ᒪᒃ, ᑕᓐ ᐊᑕᔨᑎᒥᓐ, ᐃᑎᔅᑕᐤ ᐊ ᐎᓱᐛᐅᓂᒡ ᒐᒋ ᒥᔭᑭᓄᐅᑦ ᓯᓴᕐ ᕈᒻ ᒋᓴᐅᒋᒪᐤ ᐊᓂᔭ ᑎᐸᔨᒋᒐᐤ ᓱᓇᔭᔪᐤ ᑲ ‍ ᒋᓯᐧᑲᓱᔨᒋ ᐊᐛᔪᐛ ?”
\p
\v 18 ᒪᒃ ᒋᓴᔅ ᒋ ‍ ᒋᔅᒐᔨᑎᒺᐤ ᓂᑎᒥᒄ ᐊᒋ ‍ ᐎᔨᑎᑯᑦ, ᐊᑯ ᐊᑕᑦ, “ᒋᔨᐛᐤ ᑲ ‍ ᐊᔭᒥᐊᐧᑲᓱᔭᒄ, ᒐᒂᓐ ᐛᒋ ᐎ ᐸᒋ ‍ ᑯᒂᒋᐃᔭᒄ ?
\v 19 ᐸᒋ ‍ ᐛᐸᑎᔨᒄ ᒪ ᓱᓇᔭᐱᔅᒄ ᒋᓴᐅᒋᒪᐤ ᐊ ‍ ᐸᒂᓂᒧᐛᑭᓄᐅᑦ᙮” ᐊᑯ ᒪᔨᑯᑦ ᓱᓇᔭᐱᔅᑯᔪᐤ᙮
\v 20 ᐊᑯ ᐊᑕᑦ, “ᐊᐛᓐ ᒪᒃ ᐅᑕᔅᑎᒥᐧᒄ ᓄᑯᓂᔨᒡ ᐅᑕ ᑭᔭ ᐊᐛᓐ ᐅᔭ ᐅᑦ ᐃᓯᓂᐧᑲᓱᐅᓐ ᒪᓯᓇᑕᔨᒡ ?”
\p
\v 21 ᐊᑯ ᐊ ‍ ᑎᑯᑦ, “ᓯᓴᕐ, ᕈᒻ ᒋᓴᐅᒋᒪᐤ ᐊᓂᔭ ᐅᑕᔅᑎᒥᐧᒄ ᑭᔭ ᐎᔾ ᐊᓐᑕ ᒥᓯᓇᑕᐛᑭᓄᐤ᙮” ᐊᑯ ᒋᓴᔅ ᐊᑕᑦ, “ᒥᔭᐧᒄ ᓯᓴᕐ ᐊᓂᔭ ᑕᐱᔨᐛᐅᓯᑦ ᓯᓴᕐ, ᑭᔭ ᒥᔭᐧᒄ ᒋᓴᒪᓂᑐᐤ ᐊᓂᔭ ᑕᐱᔨᐛᐅᓯᑦ ᒋᓴᒪᓂᑐᐤ᙮”
\p
\v 22 ᐃᔅᐱ ᒪᒃ ᐱᔭᑐᐛᒡ ᐊᓐᒡ ᑲ ᐸᒋ ‍ ᐃᑎᓴᐛᑭᓄᐎᒡ ᐅᔭ ᐊ ‍ ᐃᑎᑯᒡ, ᓇᔅᒡ ᒋ ‍ ᒥᔅᑲᑕᔨᑎᒥᐃᑯᐅᒡ ᑕᓐ ᑲ ᐃᓯ ‍ ᐎᑎᒪᑯᒡ, ᒂ ‍ ᓂᑭᑕᒡ ᒪᒃ ᑭᔭ ᒋ ‍ ᔅᑐᑕᐅᒡ᙮
\s1 ᒋᓴᔅ ᑲ ‍ ᐃᔭᔨᒺᐛᐃᑯᑦ ᑲᐤ ᒐ ‍ ᐱᒪᑎᓯᓇᓄᐎᒡ
\r ᒪᕐᒃ 12.18-27; ᓗᒃ 20.27-40
\p
\v 23 ᐊᓂᔭ ᒪᒃ ᐊ ‍ ᐸᐃᑯᓂᔨᒡ ᐊ ‍ ᒋᓯᑲᔨᒡ ᓴᑎᔪᓯᐊ ᒋ ᐸᒋ ‍ ᓂᑐᐛᐱᒥᑯᐤ ᒋᓴᔅ᙮ ᐊᐅᑯᓐ ᐊᓂᔭ ᑲ ‍ ᐃᔅᒋᔄᔨᒋ ᒧᔭᒻ ᐊ ‍ ᐳᓂᐱᒪᑎᓯᔨᒋ ᐊᐛᔪᐛ ᐅᑕ ᐊᔅᒋᒡ ᐊᑲ ᒥᓐ ᒐ ᐅᒋ ‍ ᐅᓂᔅᑲᔨᒋ᙮
\v 24 ᒋ ‍ ᐃᑎᑯᐤ ᐊᓂᔭ ᓴᑎᔪᓯᐊ, “ᒋᔅᑯᑎᒪᒐᓱᐤ, ᒧᓱᔅ ᒋ ‍ ᒥᓯᓇᐊᒻ ᐅᔭ ᐎᓱᐛᐅᓂᔪᐤ᙮ ᐃᑎᔅᑕᔪᐤ ᒪᒃ, ‘ᓂᐱᒐ ᓇᐸᐤ, ᐊᑲ ᒪᒃ ᐅᒋ ᐊᔭᐛᒂ ᐊᐛᓴ, ᐊᓂᔭ ᐎᐧᑲᓂᓴ ᐊᓐ ᓇᐸᐤ ᑲ ‍ ᓂᐱᑦ ᒋᐸ ‍ ᐎᒋᒪᔪᐛ ᐊᓂᔭ ᐎᐛ᙮ ᐊᑯ ᒪᒃ ᒋᐸ ‍ ᐊᔭᐛᐅᒡ ᐊᐛᓴ ᐊᓂᔭ ᐅᔅᑕᓴ ᒐᒋ ᓂᑕᐅᒋᑎᒧᐛᑦ᙮’ ”
\p
\v 25 ᐊᑯ ᐅᔭ ᒂ ᐃᓯ ‍ ᑎᐸᒋᒧᔅᑐᐛᒡ ᒋᓴᓴ ᐊᓐᒡ ᓴᑎᔪᓯᒡ, “ᒋ ‍ ᑕᐅᒡ ᐸᐃᒂᐤ ᓂᔄᐅᑕᒡ ᓇᐸᐅᒡ ᐊᒋ ‍ ᐎᐧᑲᓂᓯᑕᑐᒡ᙮ ᐊᑯ ᐊᓐ ᑲ ‍ ᐅᔅᑕᓯᒪᐅᑦ ᒂ ‍ ᓂᐳᑦ᙮ ᒋ ‍ ᐳᓂᐱᒪᑎᓯᐤ ᒪᒃ ᐊᑲ ᐅᒋ ᐊᔭᐛᒡ ᐊᐛᓴ᙮ ᐊᑯ ᐊᓂᔭ ᐎᐧᑲᓂᓴ ᑲ ᐅᒋ ‍ ᑕᒋᔅᑲᑯᑦ ᒂ ‍ ᐎᒋᒪᔨᒋ ᐊᓂᔭ ᐎᐛ᙮
\v 26 ᒐᒃ ᒪᒃ ᑭᔭ ᐎᔾ ᐊᓐ ᐎᐧᑲᓂᓯᒪᐤ ᑲ ‍ ᐎᒋᒪᑦ ᐊᓂᔭ ᐎᐧᑲᓂᓴ ᐎᐎᔪᐛ ᒂ ‍ ᐳᓂᐱᒪᑎᓯᑦ᙮ ᓇᒪ ᑭᔭ ᐎᔾ ᐅᒋ ᐊᔭᐛᐤ ᐊᐛᓴ᙮ ᐊᑯ ᒥᓐ ᐊᓂᔭᔪᐛ ᐛᒋ ‍ ᑕᒋᔅᑲᑯᑦ ᐊᓐ ᐊᓄᒡ ᑲ ‍ ᐳᓂᐱᒪᑎᓯᑦ ᒂ ‍ ᐎᒋᒪᔨᒋ ᐊᓂᔭ ᐃᔎᐛ᙮ ᐊᐅᑯᓐ ᒧᔭᒻ ᑲ ᐊᑎ ‍ ᐃᔅᐱᔨᑦ ᑭᔭ ᐎᔾ ᐅ᙮ ᒋ ‍ ᐳᓂᐱᒪᑎᓯᐤ ᐊᑲ ᐛᐛᒡ ᐅᒋ ᐊᔭᐛᑦ ᐊᐛᓴ᙮ ᒐᒃ ᒥᓯᐛ ᐊᐅᑯᓐ ᒂ ᐊᑎ ‍ ᐃᓯᓇᑯᓯᒡ ᐊᓐᒡ ᓂᔄᐅᑕᒡ ᐎᐧᑲᓂᓯᒪᐅᒡ᙮ ᒥᓯᐛ ᒋ ‍ ᐎᒋᒪᐅᒡ ᐊᓂᔭᔪᐛ ᐃᔎᐛ ᑭᔭ ᒥᓯᐛ ᒋ ᐊᑎ ‍ ᐳᓂᐱᒪᑎᓱᐅᒡ ᐊᑲ ᐅᒋ ᐊᔭᐛᒡ ᐊᐛᓴ᙮
\v 27 ᒐᒃ ᑭᔭ ᐎᔾ ᐊᓐ ᐃᔎᐤ ᒂ ‍ ᐳᓂᐱᒪᑎᓯᑦ᙮”
\p
\v 28 ᐃᔅᐱ ᒪᒃ ᑲᒋ ᐃᓯ ‍ ᑎᐸᒋᒧᔅᑐᐛᒡ ᒋᓴᓴ ᐊᓐᒡ ᓴᑎᔪᓯᒡ ᐊᑯ ᒂ ‍ ᑯᒂᒋᒪᒡ, “ᐃᔅᐱ ᐅᑎᒋᐱᔨᒐ ᒐᒋ ᐅᓂᔅᑲᒡ ᐊᓐᒡ ᑲ ‍ ᐳᓂᐱᒪᑎᓯᒡ ᐊᐛᓐ ᒐ ‍ ᐎᐅᑦ ᐊᓂᔭ ᐃᔎᐛ, ᐛᔅ ᒥᓯᐛ ᐊᓐᒡ ᓂᔄᐅᑕᒡ ᐎᐧᑲᓂᓯᒪᐅᒡ ᒋ ‍ ᐎᒋᒪᐅᒡ ᐊᓂᔭ ᐃᔎᐛ ?”
\p
\v 29 ᐊᑯ ᒋᓴᔅ ᐊᑕᑦ, “ᒋ ‍ ᐅᓂᐱᔨᓇᐛᐤ᙮ ᓇᒪ ᒋ ‍ ᒋᔅᒐᔨᑕᓇᐛᐤ ᑕᓐ ᐊ ‍ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᓇᒪ ᒋ ‍ ᒋᔅᒐᔨᑎᒺᓇᐛᐤ ᒋᓴᒪᓂᑐᐤ ᐅᒥᔅᑯᓯᐅᓐ ᐅ ᑲ ᐃᓯ ‍ ᑯᒂᒋᒥᔭᒄ᙮
\v 30 ᐛᔅ ᐃᔅᐱ ᐅᑎᒋᐱᔨᒐ ᒐ ‍ ᐅᓂᔅᑲᒡ ᐊᓐᒡ ᑲ ‍ ᐳᓂᐱᒪᑎᓯᒡ, ᑕᐸ ᒋᑭ ᐅᒋ ‍ ᓂᐳᐅᒡ ᑭᔭ ᓇᒪ ᒋᑭ ᐅᒋ ‍ ᓂᐳᐊᑭᓄᐅᒡ, ᐛᔅ ᐊᓂᔭ ᐊ ‍ ᐃᑕᔨᑕᑯᓯᔨᒋ ᒋᓴᒪᓂᑐᐤ ᐅᑦ ᐊᓐᒋᓂᒪ ᒋᒋᒋᓯᑯᒡ ᐊ ‍ ᑕᔨᒋ ᐊᐅᑯᓐ ᒧᔭᒻ ᒐ ‍ ᐃᑕᔨᑕᑯᓯᒡ᙮
\v 31 ᐊᑯ ᒪᒃ ᐊᓐ ᐎ ᒐ ‍ ᐅᓂᔅᑲᒡ ᐊᓐᒡ ᑲ ‍ ᓂᐱᒡ, ᓇᒪᐎᔾ ᐊ ᒋ ᐅᒋ ‍ ᐃᔨᒥᑕᓇᐛᐤ ᑲ ‍ ᐃᑎᑕᒄ ᒋᓴᒪᓂᑐᐤ, ᒥᓐ ᒐ ‍ ᐅᓂᔅᑲᔨᒋ ᒥᓯᐛ ᐊᓂᔭ ᑲ ‍ ᐳᓂᐱᒪᑎᓯᔨᒋ᙮
\v 32 ᒋ ‍ ᐃᑕᐤ, ‘ᐊᐅᒄ ᓂᔾ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮’ ᓇᒪ ᐅᒋᓴᒪᓂᑐᒥᑐᑕᑯᐤ ᒋᓴᒪᓂᑐᐤ ᐊᓂᔭ ᑲ ‍ ᓂᐱᔨᒋ ᒥᒄ ᐊᓂᔭ ᑲ ‍ ᐱᒪᑎᓯᔨᒋ᙮”
\p
\v 33 ᐃᔅᐱ ᒪᒃ ᐊᓐᒡ ᐃᔪᒡ ᐱᔭᑐᐛᒡ ᐅᔭ ᐊ ‍ ᐃᔅᒋᔄᔨᒋ, ᒋ ‍ ᒥᔅᑲᑕᔨᑎᒥᐃᑯᐅᒡ ᐊᓂᔭ ᐊ ᐃᓯ ‍ ᒋᔅᑯᑎᒪᒐᔨᒋ᙮
\s1 ᐊᓐ ᒪᐅᒡ ᒐᔅᑕᔨᑕᒂᒡ ᐃᑎᓱᐛᐅᓐ
\r ᒪᕐᒃ 12.28-34; ᓗᒃ 10.25-28
\s2 Matthew 22.34-46 (Proper-25 Year A)
\p
\v 34 ᐃᔅᐱ ᒪᒃ ᐊᓐᒡ ᐸᕆᓯᔨᒡ ᐱᔭᑕᒡ ᐊᒋ ‍ ᒋᐳᑐᓇᐛᔨᒋ ᒋᓴᓴ ᐊᓂᔭ ᓴᑎᔪᓯᐊ, ᐊᑯ ᒂ ‍ ᒪᒧᐎᒡ ᒪᒧᐤ ᒂ ‍ ᓂᑐᐛᐱᒪᒡ ᒋᓴᓴ᙮
\v 35 ᐸᐃᒄ ᒪᒃ ᐊᓐᑕ ᐊ ‍ ᑎᓯᒡ ᐊᓐᒡ ᐸᕆᓯᔨᒡ, ᑲ ‍ ᒋᔅᑯᑎᒪᒐᑦ ᐎᓱᐛᐅᓂᔪᐤ ᐊ ‍ ᐃᑕᐱᑎᓯᑦ, ᒋ ᐎ ‍ ᓇᓂᑐᐤ ᐎᔭᓴᐊᐤ ᒋᓴᓴ, ᐊ ‍ ᑯᒂᒋᒪᑦ ᒐᒂᔪᐤ᙮
\v 36 ᒋ ‍ ᐃᑕᐤ ᒪᒃ, “ᐊ ‍ ᑕᑎᒋ ᐃᑎᓱᐛᐅᓇ ᒋᓴᒪᓂᑐᐤ ᑲ ‍ ᐎᔅᑕᑦ, ᑕᓐ ᒪᐅᒡ ᐊ ‍ ᒋᔅᑕᔨᑕᒂᒡ ?”
\p
\v 37 ᐊᑯ ᒋᓴᔅ ᐊᑕᑦ, “ ‘ᓴᒋᐃ ᐅᑎᐸᔨᒋᒐᐤ ᒋᒋᓴᒪᓂᑐᒻ, ᒥᓯᐛ ᒋᑕᐃᒡ, ᑭᔭ ᒥᓯᐛ ᒋᑦ ᐊᒐᐧᑯᒡ ᑭᔭ ᒥᓯᐛ ᒋᒥᑐᓇᔨᒋᑭᓂᒡ᙮’
\v 38 ᐊᐅᒄ ᐅ ᒪᐅᒡ ᓇᑲᓇᔨᑕᒂᒡ ᑭᔭ ᒪᐅᒡ ᒐᔅᑕᔨᑕᒂᒡ ᐃᑎᓱᐛᐅᓐ᙮
\v 39 ᐊᓐ ᒪᒃ ᐃᑎᓱᐛᐅᓐ ᒥᓐ ᒪᐅᒡ ᒐᔅᑕᔨᑕᒂᒡ ᐊᐅᒄ ᐅ ᑲ ‍ ᐃᔅᒋᔄᒥᑲᒡ, ‘ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ‍ ᐃᔅᐱᔅ ᓴᒋᐃᓱᔨᓐ᙮’
\v 40 ᐊᐅᒄ ᒪᒃ ᐅᔭ ᓂᓱ ᐃᑎᓱᐛᐅᓇ ᐊᓐᑕ ᒐᒋ ᐅᒋ ‍ ᓂᓇᑭᑐᐛᔨᑎᒥᐃᑯᐛᒄ ᐊᓂᔭ ᒧᓱᔅ ᐃᑎᓱᐛᐅᓂᔪᐤ ᑲ ‍ ᒥᔭᑭᓄᐅᑦ ᑭᔭ ᑕᓐ ᑲ ᐃᓯ ‍ ᒋᔅᑯᑎᒪᒐᒡ ᐅᒋᔅᒋᐛᐃᒐᓱᒡ᙮”
\s1 ᐊᐛᓐ ᐅ ᙭
\r ᒪᕐᒃ 12.35-37; ᓗᒃ 20.41-44
\p
\v 41 ᒪᒂᒡ ᒪᒃ ᒪᒧᐤ ᐊ ᐸᒋ ‍ ᑕᔨᒋ ᐊᓂᔭᔪᐛ ᐸᕆᓯᐊ, ᒋᓴᔅ ᒋ ‍ ᑯᒂᒋᒪᐤ,
\v 42 “ᑕᓐ ᐊ ‍ ᐃᑕᔨᒪᒄ ᙭ ? ᐊᐛᓐ ᐊᓂᔭ ᐅᑯᓴ ? ᐊᐛᔪᐛ ᐊ ‍ ᑕᔨᒋ ᑲ ᐅᒋ ᐊᓂᔅᒐ ‍ ᐱᒪᑎᓯᑦ ?” ᐊᑯ ᒂ ‍ ᐃᑎᑯᑦ, “ᑎᐱᑦ ᐊ ‍ ᑕᔨᒋ ᒋ ᐅᒋ ᐊᓂᔅᒐ ‍ ᐱᒪᑎᓯᐤ᙮”
\p
\v 43 ᐊᑯ ᒋᓴᔅ ᐊᑕᑦ, “ᒐᒂᔪᐤ ᒪᒃ ᐅᑎᐸᔨᒋᒐᐤ ᐛᒋ ‍ ᐃᓯᓂᐧᑲᑎᑯᑦ ᑎᐱᑕ ? ᐛᔅ ᑎᐱᑦ, ᑲ ‍ ᐸᔭᒋᓯᔨᒋ ᐊᒐᒂ ᒋ ‍ ᒥᔨᑯᐤ ᒐᒋ ᐃᔅᒋᔄᑦ,
\q
\v 44 ᐅᑎᐸᔨᒋᒐᐤ ᒋ ‍ ᐃᑕᐤ ᓂᑎᐸᔨᒋᒐᓯᒪ,
\q ᐅᑕ ᐸᒋ ‍ ᐊᐱᔾ ᓂᒥᔪᐅᓂᒡ ᐸᑐᔅ ᒋ ‍ ᓴᐧᑯᒋᐃᒂᐛ ᐊᓐᒡ ᑲ ‍ ᐅᐧᑲᑎᔅᒡ᙮
\m
\v 45 ᐊᑯ ᒪᒃ ᑎᐱᑦ ‘ᓂᑎᐸᔨᒋᒐᓯᒻ’ ᐊᒋ ‍ ᐃᓯᓂᐧᑲᑕᑦ ᐊᓂᔭᔪᐛ ᙭ᑕ, ᑕᓐᑕ ᒐᒋ ᐅᒋ ‍ ᐅᑯᓯᑐᑐᐛᑦ ?”
\v 46 ᓇᒪ ᒪᒃ ᐊᐛᔪᐛ ᐅᒋ ᐎᑎᒪᑯᐤ ᒋᓴᔅ᙮ ᐊᓐᑕ ᒪᒃ ᐅᒋ ᐊᓂᔭ ᑲ ‍ ᒋᓯᑲᔨᒡ ᓇᒪ ᒥᓐ ᐊᐛᔪᐛ ᐅᒋ ᑯᒋᑕᔪᐛ ᒐᒋ ᑯᒂᒋᒥᑯᑦ ᒐᒂᔪᐤ᙮
\c 23
\s1 ᒋᓴᔅ ᑲ ‍ ᐊᔨᒧᒪᑦ ᐊᓂᔭ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ ᑭᔭ ᐸᕆᓯᐊ
\r ᒪᕐᒃ 12.38-40; ᓗᒃ 11.39-44,46,52; 20.45-47
\s2 Matthew 23.1-12 (Proper-26 Year A)
\p
\v 1 ᐊᑯ ᒋᓴᔅ ᒂ ‍ ᐃᔨᒪᐊᑦ ᐊᓂᔭ ᐃᔪᐛ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ᙮
\v 2 ᒋ ‍ ᐃᑕᐤ ᒪᒃ, “ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐊᓐᒡ ᐸᕆᓯᔨᒡ ᒋᔅᑯᑎᒪᒐᐅᒡ ᒧᓱᓴ ᐅᐎᓱᐛᐅᓂᔪᐤ, ᒋᓴᒪᓂᑐᐛ ᑲ ‍ ᒥᔨᑯᔨᒋ᙮
\v 3 ᐊᐅᒄ ᒪᒃ ᐅ ᐅᒋ, ᓂᓇᐃᑎᒺᐧᒄ ᒥᓯᐛ ᑕᓐ ᐊ ᐃᓯ ‍ ᐎᑎᒪᑕᑯᒡ᙮ ᒥᒄ ᒪᒃ ᐊᑲᐎᔾ ᒋᑭ ᐅᒋ ‍ ᒋᔅᒋᓄᐛᐱᒪᐛᐅᒡ ᑕᓐ ᐊ ‍ ᐃᑕᑎᓯᒡ, ᐛᔅ ᑕᐸ ᐃᑐᑎᒧᒡ ᐊᓂᔭ ᑕᓐ ᐊ ᐃᓯ ‍ ᑭᒐᔅᒋᒧᒡ᙮
\v 4 ᐱᑯᓴᔨᒪᐅᒡ ᐊᐛᔪᐛ ᒐᒋ ᓂᓇᐊᔨᑎᒥᔨᒋ ᐊᓂᔭ ᑕᓐ ᐊ ᐃᓯ ‍ ᑭᒐᔅᒋᒧᒡ᙮ ᐊᔨᐧᑭᒥᐊᐅᒡ ᐊᐛᔪᐛ ᐊ ‍ ᑯᓯᑯᓂᔨᒋ ᒐᒂᔪᐛ ᒐᒋ ᐱᒧᑕᔨᒋ᙮ ᐊᔨᒥᐃᑯᔪᐛ ᒪᒃ ᐅᔭ ᒐᒋ ᐱᒧᑕᔨᒋ᙮ ᓇᒪ ᒪᒃ ᓇᔅᒡ ᐎ ᐎᒋᐊᐅᒡ ᐊᓂᔭ ᑕᓐ ᐊ ᐃᓯ ‍ ᐊᔨᒥᐃᑯᔨᒋ᙮”
\p
\v 5 ᒥᓯᐛ ᒐᒂᔪᐤ ᑲ ‍ ᑐᑕᒡ ᐅᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐸᕆᓯᔨᒡ ᐱᑯᓴᔨᑎᒧᒡ ᒥᓯᐛ ᐊᐛᔪᐛ ᒐᒋ ᐛᐱᒥᑯᒡ᙮ ᐊᓂᔭ ᐊ ‍ ᐃᑕᔅᐱᓱᒡ ᑭᔭ ᐊ ‍ ᑕᐱᔅᑲᒡ ᒥᐅᑎᓯᔪᐤ ᒋ ‍ ᐱᑯᓴᔨᒧᐅᒡ ᒐᒋ ᐃᑕᔨᒥᑯᒡ ᐊᐛᔪᐛ ᓇᔅᒡ ᐊ ‍ ᐊᔭᒥᐊᐛᑎᓯᒡ᙮
\p
\v 6 “ᓂᑐᐛᔨᑎᒧᒡ ᐊᓐᑕ ᒪᐅᒡ ᐊ ‍ ᒋᔅᑕᔨᑕᑯᓂᔨᒡ ᒐᒋ ᐊᔭᑭᓄᐎᒡ ᐊᔭᒥᐊᐅᒋᐛᐱᒡ, ᑭᔭ ᐊ ‍ ᒥᒋᓱᓇᓄᐎᒡ ᒐᒋ ᐊᔭᑭᓄᐎᒡ ᐊᓐᑕ ᐊ ‍ ᐅᒋᒪᐅᐱᓇᓄᐎᒡ᙮
\v 7 ᓂᑐᐛᔨᑎᒧᒡ ᔭᐃᑕᔾ ᒧᔅ ᒐᒋ ᐊᑎᒥᔅᑯᐛᑭᓄᐎᒡ ᐊᓐᑕ ᐊ ‍ ᒥᒐᑎᓇᓄᐎᒡ ᑭᔭ ᓂᑐᐛᔨᒪᐅᒡ ᐊᐛᔪᐛ ‘ᒋᔅᑯᑎᒪᒐᓱᐤ’ ᒐᒋ ᐃᓯᓂᐧᑲᑎᑯᒡ᙮”
\p
\v 8 “ᐊᑲᐎᔾ ᒪᒃ ᐎ ᒋᔨᐛᐤ ᓂᑐᐛᔨᑎᒧᒄ ‘ᒋᔅᑯᑎᒪᒐᓱᐤ’ ᒐᒋ ᐃᓯᓂᐧᑲᑎᑯᐅᔭᒄ, ᐛᔅ ᒥᓯᐛ ᒋ ‍ ᐎᐧᑲᓂᓯᑕᑐᓇᐛᐤ, ᑭᔭ ᒥᒄ ᐸᐃᑯᓱᐤ ᒋ ‍ ᒋᔅᑯᑎᒪᒐᓯᒧᐛᐤ᙮
\v 9 ᐊᑲᐎᔾ ᑭᔭ ᒋᑭ ᐅᒋ ‍ ᐃᓯᓂᐧᑲᑕᐛᐤ ᐊᐛᓐ ᐅᑕ ᐊᔅᒋᒡ, ‘ᓄᑕᐎᓇᓐ,’ ᐛᔅ ᒥᒄ ᐸᐃᑯᓱᐤ ᒍᑕᐎᐛᐤ ᐊᐅᒄ ᐊᓐ ᒋᒋᒋᓯᑯᒡ ᐊ ‍ ᑕᑦ᙮
\v 10 ᐊᑲᐎᔾ ᓂᑐᐛᔨᑎᒧᒄ, ‘ᐅᒋᒪᐤ’ ᒐᒋ ᐃᓯᓂᐧᑲᑎᑯᐅᔭᒄ, ᐛᔅ ᐸᐃᑯᓱᐤ ᒥᒄ ᒋᐅᒋᒪᒧᐛᐤ, ᐊᐅᒄ ᙭᙮
\v 11 ᐊᐛᓐ ᐊ ‍ ᓂᑲᓇᔨᑕᑯᓯᑦ ᐊᓐᑕ ᐊ ‍ ᑎᓯᔭᒄ, ᐊᑯᔅ ᒥᒄ ᐊᐱᒋᐊᑭᓐ ᒋᑭ ᐃᓯ ‍ ᑭᓄᐛᐱᒥᓱᐤ᙮
\v 12 ᐛᔅ ᐊᐛᓐ ᒥᔅᑎ ᑲ ᐎ ‍ ᐃᑕᔨᒥᑯᓯᑦ ᒋᑭ ‍ ᑎᑯᓂᔪᐤ ᑕᓐ ᒐ ‍ ᐃᑐᑐᐛᑭᓄᐅᑦ ᐊᓐᑕ ᒐᒋ ᐅᒋ ‍ ᓂᑕᔨᒥᑎᓱᑦ᙮ ᐊᓐ ᒪᒃ ᑲ ‍ ᑎᐱᑕᔨᒥᑎᓱᑦ ᐊᐅᑯᓐ ᐊᓐ ᒥᔅᑎ ᒐ ‍ ᐃᑕᔨᑕᑯᐃᑯᑦ ᒋᓴᒪᓂᑐᐛ᙮”
\p
\v 13 “ᒐᒂᓐ ᒋᑭ ᐃᓯ ‍ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ‍ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ‍ ᐊᔭᒥᐊᐧᑲᓱᔭᒄ, ᒋᔨᐛᐤ ᑲ ‍ ᑭᒋᐱᔅᑯᐛᑯᒡ ᐊᐛᓐᒋ ᒐᒋ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ, ᐊᑲ ᒪᒃ ᐛᐛᒡ ᒐᒋ ᐱᒐᔭᒄ ᒋᔨᐛᐤ᙮ ᓇᒪ ᒋ ‍ ᐱᔅᑎᓇᐛᐅᒡ ᐊᓐᒡ ᑲ ᐎ ‍ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ ᒐᒋ ᐱᒐᒡ᙮
\v 14 ᒐᒂᓐ ᒋᑭ ᐃᓯ ‍ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ‍ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ‍ ᐊᔭᒥᐊᐧᑲᓱᔭᒄ᙮ ᓇᔅᒡ ᒋ ᐎ ‍ ᑯᐃᔅᑯᓇᑯᐃᓱᓇᐛᐤ ᐊᓐ ᐅᒋ ᓇᐅᔅ ᐊ ‍ ᐊᔭᒥᐊᔭᒄ, ᒥᒄ ᒪᒃ ᐊᓐᑕ ᐊ ‍ ᐅᑎᓂᒺᒄ ᒪᓐ ᑲ ‍ ᐸᐃᑯᓯᒡ ᐃᔎᐅᒡ ᑕᓐ ᐊ ᐃᓯ ‍ ᑎᐱᔨᐛᐅᓯᒡ ᐊᑯᑕ ᐊ ‍ ᓄᒂᒡ ᒋᒋᐛ ᑕᓐ ᐊ ‍ ᐃᑕᔨᑕᑯᓯᔭᒄ᙮ ᐅ ᒪᒃ ᑲ ᐃᓯ ‍ ᐃᑐᑎᒪᒄ ᐊᑐᐎᔅ ᒋᔨᐛᐤ ᒋᑭ ‍ ᐛᐛᓯᐃᑯᓇᐛᐤ᙮”
\p
\v 15 “ᒐᒂᓐ ᒋᑭ ᐃᓯ ‍ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ‍ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ ᒥᒄ ᑲ ‍ ᐊᔭᒥᐊᐧᑲᓱᔭᒄ᙮ ᒥᓯᐛ ᐊ ‍ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᒋ ‍ ᐃᑐᑕᓇᐛᐤ ᐸᐃᒄ ᐊᐛᓐ ᒐᒋ ᐃᑐᑐᐛᒄ ᒐᒋ ᑕᑈᑕᑕᒄ ᒪᒃ ᒐᒋ ᐃᑐᑕᐧᒃ ᑕᓐ ᐊ ᐃᓯ ‍ ᒋᔅᑯᑎᒪᒐᐛᒄ᙮ ᐃᔅᐱ ᒪᒃ ᑲ ‍ ᓴᑯᑕᔅᑯᓇᒄ ᒋ ‍ ᐃᑐᑐᐛᐛᐤ ᐅᔅᑕ ᐎᔾ ᒐᒋ ᒥᒐᑎᓯᑦ ᐃᔅᐱᔅ ᒋᔨᐛᐤ᙮ ᓂᔄᐤ ᒋ ‍ ᑕᐧᑯᑎᔅᑕᐛᓇᐛᐤ ᑕᓐ ᐊ ‍ ᐃᑕᔨᑕᑯᓯᑦ ᒐᒋ ᐅᒋ ‍ ᐃᑐᑕᑦ ᒥᒋ ‍ ᐃᔅᑯᑕᒡ᙮”
\p
\v 16 “ᒐᒂᓐ ᒋᑭ ᐃᓯ ‍ ᒥᒋᐱᔨᓇᐛᐤ ᒋᔨᐛᐤ ᒧᔭᒻ ᐊᑲ ᐛᐸᑎᒪᒄ ᑲ ‍ ᐃᓯᓇᑯᓯᔭᒄ ᐃᔭᐱᒡ ᒪᒃ ᑲ ᐎ ‍ ᒋᔅᒋᓄᑕᐊᑯᒡ ᐊᐛᓐᒋ᙮ ᒋᑦ ᐃᔅᒋᔄᓇᐛᐤ, ‘ᐊᐛᓐ ᓇᔅᒡ ᐊ ᐎ ‍ ᑕᑕᑈᑦ ᒐ ‍ ᐃᑐᑎᒧᐛᑦ ᒋᓴᒪᓂᑐᐛ ᒐᒂᔪᐤ, ᐊᓐᑕ ᒪᒃ ᒋᓴᐊᔭᒥᐊᐅᒋᐛᐱᒡ ᐊ ᐃᓯ ‍ ᑕᑈᑦ ᐊᓂᔭ, ᓇᒪ ᓂᑐᐛᔨᑕᑯᓱᐤ ᔭᐃᑕᔾ ᒐᒋ ᐃᑐᑕᐧᒃ ᐊᓂᔭ ᑕᓐ ᑲ ‍ ᐃᔅᒋᔄᑦ ᒐ ‍ ᐃᑐᑕᐧᒃ᙮ ᐊᑯ ᐊᐛᓐ ᓇᔅᒡ ᐊ ᐎ ‍ ᑕᑕᑈᑦ ᒐ ‍ ᐃᑐᑎᒧᐛᑦ ᒋᓴᒪᓂᑐᐛ ᒐᒂᔪᐤ ᐊᓐᑕ ᒪᒃ ᐊᓂᔭᔪᐛ ᐎᔄᐅᓱᓇᔭᐱᔎ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ‍ ᑕᔨᒋ ᐃᓯ ᑕᑈᒐ ᐅᔭ ᑲ ‍ ᐃᔅᒋᔄᑦ, ᐃᑕᔨᑕᑯᓂᔪᐤ ᔭᐃᑕᔾ ᒐᒋ ᐃᑐᑕᐧᒃ ᐊᓂᔭ ᑕᓐ ᑲ ‍ ᐃᔅᒋᔄᑦ᙮’
\v 17 ᒋᔨᐛᐤ ᐊᑲ ᐛᐸᑎᒪᒄ ᑲ ‍ ᐃᓯᓇᑯᓯᔭᒄ, ᑕᑈ ᓇᒪ ᔅᒋ ‍ ᓂᔅᑐᑕᓇᐛᐤ ! ᑕᓐ ᐅᔅᑕ ᒐᔅᑕᔨᑕᒂᒡ, ᐊᓐ ᐎᔄᐅᓱᓇᔭᐱᔅᒄ ᒪᒃ ᐊᓐ ᒋᓴᐊᔭᒥᐊᐅᒋᐛᑉ ᐊᓐᑕ ᐛᒋ ‍ ᐱᔭᒐᔨᑕᑯᓯᑦ ᐊᓐ ᐎᔄᐅᓱᓇᔭᐱᔅᒄ ?
\v 18 ᒋᑦ ᐃᔅᒋᔄᓇᐛᐤ ᑭᔭ ᐊᐛᓐ ᓇᔅᒡ ᐊ ᐎ ‍ ᑕᑕᑈᑦ ᒐ ‍ ᐃᑐᑎᒧᐛᑦ ᒋᓴᒪᓂᑐᐛ ᒐᒂᔪᐤ ᐊᓂᔭᔪᐤ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᐊᔭᒥᐊᐅᒋᐛᐱᒡ ᐅᒋ, ᓇᒪ ᓂᑐᐛᔨᑕᑯᓱᐤ ᔭᐃᑕᔾ ᒐᒋ ᐃᑐᑕᐧᒃ ᐊᓂᔭ ᑲ ‍ ᐃᔅᒋᔄᑦ ᒐ ‍ ᐃᑐᑕᐧᒃ᙮ ᑭᔭ ᒋᑦ ᐃᔅᒋᔄᓇᐛᐤ, ᐊᓐ ᐊᐛᓐ ᓇᔅᒡ ᐊ ᐎ ‍ ᑕᑕᑈᑦ ᒐ ‍ ᐃᑐᑎᒧᐛᑦ ᒋᓴᒪᓂᑐᐛ ᒐᒂᔪᐤ ᐊᓐᑕ ᐊᓂᔭ ᒥᔨᐛᐅᓂᔪᐤ ᐊᓐᑕ ᐱᔅᑎᓂᒐᐅᓇᐱᔅᑯᒡ ᑲ ‍ ᐊᔅᑕᑭᓄᐎᒡ ᐃᓯ ᑕᑈᑕ ᐃᑕᔨᑕᑯᓂᔪᐤ ᔭᐃᑕᔾ ᒐᒋ ᐃᑐᑕᐧᒃ ᐊᓂᔭ ᑕᓐ ᑲ ‍ ᐃᔅᒋᔄᑦ ᒐ ‍ ᐃᑐᑕᐧᒃ᙮
\v 19 ᒋᔨᐛᐤ ᐊᑲ ᐛᐸᑎᒪᒄ ᑲ ‍ ᐃᓯᓇᑯᓯᔭᒄ, ᑕᓐ ᐅᔅᑕ ᒐᔅᑕᔨᑕᒂᒡ, ᐊᓐ ᐊ ᒥᔨᐛᐅᓐ ᑭᔭ ᒪᒃ ᐊᓐ ᐱᔅᑎᓂᒐᐅᓇᐱᔅᒄ ? ᐛᔅ ᐊ ‍ ᐊᔅᑕᑭᓄᐅᒡ ᒥᔨᐛᐅᓐ ᐊᓐᑕ ᐊᓐ ᑲᒋ ‍ ᐱᔅᑎᓂᒧᐛᑭᓄᐅᑦ ᒋᓴᒪᓂᑐᐤ ᒐᒂᔪᐤ ᐊᑯᑕ ᒥᒄ ᐛᒋ ‍ ᒋᔅᑕᔨᑕᒂᒡ ᐊᓐ ᒥᔨᐛᐅᓐ᙮
\v 20 ᓇᒪᐎᔾ ᐊ ᒋ ‍ ᓂᔅᑐᑕᓇᐛᐤ᙮ ᐊᐛᓐ ᓇᔅᒡ ᐊ ᐎ ‍ ᑕᑕᑈᑦ ᒐ ‍ ᐃᑐᑎᒧᐛᑦ ᒋᓴᒪᓂᑐᐛ ᒐᒂᔪᐤ ᐊᓐᑕ ᐃᓯ ᐱᔅᑎᓂᒐᐅᓇᐱᔅᑯᒡ, ᒥᓯᐛ ᑕᓐ ᐊ ᐃᓯ ‍ ᐊᔅᑕᔨᒡ ᐊᓐᑕ ᐊᑯᑕ ᑭᔭ ᓇᔅᒡ ᐊ ᐎ ‍ ᑕᑕᑈᑦ᙮
\v 21 ᐊᑯ ᐊᓐ ᐊᐛᓐ ᓇᔅᒡ ᐊ ᐎ ‍ ᑕᑕᑈᑦ ᒋᓴᐊᔭᒥᐊᐅᒋᐛᐱᒡ ᐃᔅ, ᒋᓴᒪᓂᑐᐛ ᐊ ‍ ᑕᔨᒋ ᐎ ᐃᓯ ‍ ᑕᑕᑈᐤ, ᐊᓂᔭ ᐊ ‍ ᑕᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮
\v 22 ᐊᓐ ᐊᐛᓐ ᑲ ᐎ ‍ ᑕᑕᑈᑦ ᒋᒋᒋᓯᑯᒡ ᐃᔅ, ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ ᐎ ᐃᓯ ‍ ᑕᑕᑈᐤ ᑭᔭ ᐊᓂᔭᔪᐛ ᐊᓐᑕ ᐊ ‍ ᑕᑎᐱᔨᒋ ᐊᑯᑕ ᐊ ᐃᓯ ‍ ᑕᑕᑈᑦ᙮”
\p
\v 23 “ᒐᒂᓐ ᒋᑭ ᐃᓯ ‍ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ‍ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ᙮ ᐊᐅᒄ ᒋᔨᐛᐤ ᑲ ‍ ᐊᔭᒥᐊᐧᑲᓱᔭᒄ᙮ ᓇᔅᒡ ᐃᔭᒂ ᒋ ‍ ᓂᓇᑭᑐᐛᔨᑕᓇᐛᐤ ᐊ ᐃᓯ ‍ ᐸᒂᓂᒧᐛᒄ ᒋᓴᒪᓂᑐᐤ ᓂᓇᐧᑯᐤ ᓂᑕᐅᒋᑕᑭᓂᓴ ᑲ ‍ ᓂᑕᐅᒋᑕᔭᒄ ᒧᔭᒻ ᐊᓂᔭ ᒥᓐᑦ, ᑎᓪ ᑭᔭ ᑯᒥᓐ ᑲ ‍ ᐃᓯᓂᐧᑲᑕᒋ᙮ ᒥᔽᐤ ᑭᑈ ᐅ ᐊ ‍ ᐃᑐᑎᒪᒄ᙮ ᒥᒄ ᒪᒃ ᓇᒪ ᓇᔅᒡ ᒋᑦ ᐊᐱᑕᔨᑎᒥᐃᑯᓇᐛᐤ ᐊᓂᔭᔪᐛ ᒋᒋᐛ ᑲ ‍ ᐃᑕᔨᑕᒂᒋ ᒋᔅᑯᑎᒪᒐᐅᓇ ᐊᓐᑕ ᐎᓱᐛᐅᓂᒡ ᑲ ‍ ᐊᔨᒧᑕᒋ, ᒧᔭᒻ ᑯᐃᔅᒄ ᑎᐸᔅᑯᓂᒐᐅᓐ, ᓱᐛᔨᒋᒐᐅᓐ ᑭᔭ ᑕᑈᑎᒧᐅᓐ᙮ ᐊᔪᑯᓐ ᐅᔭ ᓂᔅᑎᒻ ᔭᐃᑕᔾ ᒋᐸ ᐎ ᐃᓯ ‍ ᓂᓇᑭᑐᐛᔨᑎᒥᐃᑯᓇᐛᐤ ᒐᒋ ᐃᑐᑎᒪᒄ ᒥᒄ ᒪᒃ ᐊᑲᐎᔾ ᒋᑭ ᐅᒋ ‍ ᐅᓂᒋᔅᒋᓯᑕᓇᐛᐤ ᑭᔭ ᒐᒋ ᐸᒂᓂᒧᐛᒄ ᒋᓴᒪᓂᑐᐤ᙮
\v 24 ᒋᔨᐛᐤ ᐊᑲ ᐛᐸᑕᒡ ᑲ ‍ ᐃᓯᓇᑯᓯᔭᒄ, ᐊᑲ ᓇᔅᒡ ᓂᔅᑐᑎᒪᒄ, ᐃᔭᐱᒡ ᐊ ᐎ ‍ ᒋᔅᒋᓄᑕᐊᑯᒡ ᐊᐛᓐᒋ᙮ ᓇᔅᒡ ᐃᔭᒂ ᒋ ᐎᓯ ‍ ᓂᓇᑭᑐᐛᔨᑕᓇᐛᐤ ᑕᓐ ᐊ ᐃᓯ ‍ ᓂᐃᑕᑭᓄᐅᒋ ᐊᓂᔭ ᐎᓱᐛᐅᓇ ᐊᑲ ᓇᔅᒡ ᒋᔅᑕᔨᑕᒂᒋ ᐊᑯ ᐊᓂᔭ ᑲ ‍ ᒋᔅᑕᔨᑕᒋ ᓇᒪ ᒋ ‍ ᐃᔅᐱᔅ ᓂᓇᑭᑐᐛᔨᑎᒥᐃᑯᓇᐛᐤ, ᒧᔭᒻ ᐊᐛᓐ ᓇᔅᒡ ᐃᔭᒂ ᑲ ‍ ᐃᑎᑦ ᒐᒋ ᓴᐳᐱᔨᐊᑦ ᒥᓐᑐᓯᓴ ᒥᒄ ᒪᒃ ᒧᔅ ᑲ ‍ ᓴᐳᑐᐛᐱᔨᐃᑯᑦ ᐊᑯᓐ ᐊ ‍ ᐃᓯᓇᑯᓯᔭᒄ᙮”
\p
\v 25 “ᒐᒂᓐ ᒋᑭ ᐃᓯ ‍ ᒥᒋᐱᔨᓇᐛᐤ ᒋᔨᐛᐤ ᑲ ‍ ᒋᔅᑯᑎᒪᒐᔭᒄ ᐎᓱᐛᐅᓐ ᑭᔭ ᒋᔨᐛᐤ ᐸᕆᓯᔨᒡ ᑲ ‍ ᐊᔭᒥᐊᐧᑲᓱᔭᒄ᙮ ᓇᔅᒡ ᐃᔭᒂ ᐊ ᐃᓯ ‍ ᐸᔭᒋᑕᔭᒄ ᐅᔅᒡ ᒋᐎᔭᑭᓄᐛᐤ ᑭᔭ ᒋᒥᓂᒂᑭᓄᐛᐤ ᐊᑲ ᒪᒃ ᐸᔭᒋᑕᔭᒄ ᐊᓐᑕ ᐱᒡ᙮ ᐊᑯᓐ ᐊ ‍ ᐃᓯᓇᑯᐃᓱᔭᒄ ᑭᔭ ᒋᔨᐛᐤ ᓇᔅᒡ ᐊ ‍ ᒥᔪᓇᑯᐃᓱᔭᒄ ᐊᓐᑕ ᐅᔅᒡ ᒥᒄ ᒪᒃ ᐊᓐᑕ ᐱᒡ ᒋᑦ ᐃᑕᑎᓯᐅᓄᐛᒡ ᓇᒪ ᒋ ‍ ᒥᔪᓇᑯᓯᓇᐛᐤ ᐊ ‍ ᐃᔅᐱᔅ ᐛᓴ ᐛᔪᒋᐱᔨᒡ ᑕᓐ ᐛ ᐃᓯ ‍ ᓂᓇᑭᑐᐛᔨᒥᓱᔭᒄ᙮
\v 26 ᒋᔨᐛᐤ ᐸᕆᓯᔨᒡ ᐊ ‍ ᒋᔅᒋᓄᑕᐊᑯᒡ ᐊᓐᒡ ᐊᑲ ᐛᐸᑕᒡ ᑲ ‍ ᐃᓯᓇᑯᓯᔭᒄ, ᓂᔅᑎᒻ ᐊᓐᑕ ᐱᒡ ᒋᐸ ‍ ᐸᔭᒋᑕᓇᐛᐤ ᐊᓂᔭ ᒋᒥᓂᒂᑭᓄᐛᐛ, ᑭᔭ ᐃᔭᒄ ᓇᔅᒡ ᒐ ‍ ᒥᔽᐱᔅᑲᒋ᙮”
\p
\v 27 “ᒐᒂᓐ ᒋᑭ ᐃᓯ ‍ ᒥᒋᐱᔨᓇᐛᐤ ᒋᔨᐛᐤ ᑲ ‍ ᒋᔅᑯᑎᒪᒐᔭᒄ ᐎᓱᐛᐅᓐ ᑭᔭ ᒋᔨᐛᐤ ᐸᕆᓯᔨᒡ ᒥᒄ ᑲ ‍ ᐊᔭᒥᐊᐧᑲᓱᔭᒄ᙮ ᒧᔭᒻ ᒋᐱᐃᒋᐛᑉ ᐊᓐᑕ ᐅᔅᒡ ᓇᔅᒡ ᐊ ‍ ᒥᔪᓇᑯᑕᑭᓄᐅᒡ ᐊᑯ ᒥᒄ ᐊᓐᑕ ᐱᒡ ᐱᓯᒄ ᓂᐳᐅᓐ ᑭᔭ ᐊ ‍ ᐎᓇᒡ ᒐᒂᓐ ᐊ ‍ ᐃᓯᓇᒂᒡ ᐊᑯᓐ ᐊ ‍ ᐃᑕᔨᑕᑯᓯᔭᒄ ᒋᐱᒪᑎᓯᐅᓄᐛᒡ᙮
\v 28 ᐊᑯᓐ ᑕᑈ ᒧᔭᒻ ᐊ ‍ ᐃᓯᓇᑯᓯᔭᒄ᙮ ᓇᔅᒡ ᒋ ‍ ᒥᔪᓇᑯᓯᓇᐛᐤ ᐅᔅᒡ ᐊᓐᑕ ᐊ ‍ ᑭᓄᐛᐱᒥᑯᐅᔭᒄ ᒥᒄ ᐱᒡ ᐊᓐᑕ ᒋᔭᐛᒡ ᐱᓯᒄ ᐊᔭᒥᐊᐧᑲᓱᐅᓐ ᑭᔭ ᒥᒋᑐᑎᒧᐅᓐ ᒋᑦ ᐃᓯᓇᑯᓯᓇᐛᐤ᙮”
\s1 ᒋᓴᔅ ᑲ ‍ ᓂᑲᓐ ᐎᑕᐧᒃ ᑕᓐ ᒐ ᐃᓯ ‍ ᐛᐛᓯᐊᑭᓄᔨᒋ ᐸᕆᓯᐊ ᑭᔭ ᐊᓂᔭᔪᐛ ᒍᐤ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ
\r ᓗᒃ 11.47-51
\p
\v 29 “ᒐᒂᓐ ᒋᑭ ᐃᓯ ‍ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ‍ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ‍ ᐊᔭᒥᐊᐧᑲᓱᔭᒄ᙮ ᓇᔅᒡ ᔅᒋ ‍ ᒥᔪᑕᓇᐛᐤ ᐊᓐᑕ ᑲ ‍ ᓂᒂᔅᑲᑕᑭᓄᐅᒡ ᐊᓐᒡ ᐅᒋᔅᒋᐛᐃᒐᓱᒡ, ᑭᔭ ᔅᒋ ‍ ᐛᐛᓯᑕᐛᓇᐛᐤ ᐅᒋᐱᐃᒋᐛᐳᐛᐤ ᐊᓐᒡ ᑯᐃᔅᒄ ᑲ ᐃᓯ ‍ ᐱᒪᑎᓯᒡ᙮
\v 30 ᑭᔭ ᒋᑦ ᐃᔅᒋᔄᓇᐛᐤ, ᒋ ‍ ᐱᒪᑎᓯᔭᒡ ᒪᒂᒡ ᑲ ‍ ᐱᒪᑎᓯᒡ ᐊᓂᔭᐧᑲ ᐊᓂᔅᒐ ᓂᐛᐧᑯᒪᑭᓇᓂᒡ, ᓇᒪ ᓂᐸ ᐅᒋ ‍ ᐃᑎᓇᓐ ᐊᓂᔭ ᑲ ‍ ᐃᑐᐛᒂ, ᑲ ‍ ᓂᐸᐊᒡ ᐊᓂᔭᐧᑲ ᐅᒋᔅᒋᐛᐃᒐᓱᐛ᙮
\v 31 ᐊᑯᑕ ᒪᒃ ᓇᔅᒡ ᑕᐸᒋᒥᓱᔭᒄ ᑕᑈ ᐊᒋ ᐊᓂᔅᒐ ‍ ᐱᒪᑎᓯᔭᒄ ᐊᓐᑕ ᐅᒋ ᐊᓂᔭᐧᑲ ᑲ ‍ ᓂᐸᐊᒡ ᐊᓂᔭ ᐅᒋᔅᒋᐛᐃᒐᓱᐛ᙮
\v 32 ᐊᑯᓐ ᑭᑈ ᒐ ᐎ ‍ ᐃᑎᔭᒄ, ᒋᔅᑕᐛᒄ ᐊᓂᔭ ᑕᓐ ᑲ ᐃᓯ ‍ ᒋᒋᐱᔨᑕᒡ ᐊᓂᔭᐧᑲ ᐊᓂᔅᒐ ᒋᐛᐧᑯᒪᑭᓄᐛᐅᒡ᙮”
\p
\v 33 “ᒋᔨᐛᐤ ᒋᓇᐱᑯᒡ ᑭᔭ ᑲ ‍ ᐅᑯᓯᑐᑕᑕᑯᒡ ᒋᓇᐱᑯᒡ ᓇᔅᒡ ᑲ ‍ ᑭᔅᒋᐅᔭᒄ ᓂᑎᒥᒄ ᐊ ᐃᓯ ‍ ᐎᔭᓯᒪᑯᒡ ᐊᐛᓐᒋ, ᑕᓐᑕ ᒐᒋ ᐅᒋ ‍ ᐎᐧᑯᒋᐅᔭᒄ ᒐ ᐊᑲ ᒋ ᐃᑐᑕᔭᒄ ᒥᒋ ‍ ᐃᔅᑯᑕᒡ ?”
\v 34 ᐊᑯ ᒋᓴᔅ ᒂ ‍ ᐃᑕᑦ, “ᐊᐅᒄ ᒪᒃ ᐅ ᐛᒋ ‍ ᐃᑎᑎᑯᒡ, ᓂᑭ ᐸᒋ ‍ ᐃᑎᓴᐛᐅᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᐊᓐᒡ ᑲ ‍ ᑭᒐᑕᐛᔨᑕᒡ ᑭᔭ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ᙮ ᐃᔭᐱᒡ ᒪᒃ ᐛᔅ ᐊᑯᓐ ᒐ ‍ ᐃᓯᓇᑯᓯᔭᒄ ᐊ ‍ ᓂᓂᐸᐊᑯᒡ ᐱᔅᒐ, ᑯᑎᑭᒡ ᐊ ‍ ᒋᔅᑕᔎᑕᑯᒡ ᒋᐱᔭᑎᑯᒡ ᑭᔭ ᑯᑎᑭᒡ ᐊ ‍ ᐸᐱᓯᔅᑕᐛᑯᒡ ᐊᓐᑕ ᒋᒋᓴᐊᔭᒥᐊᐅᒋᐛᐳᐛᒡ, ᑭᔭ ᓂᓇᐧᑯᐤ ᐅᑕᓇᒡ ᐊ ‍ ᐃᑕᒧᒐᔭᒄ᙮
\v 35 ᒋᔨᐛᐤ ᒪᒃ ᒋᑭ ‍ ᐊᓂᔅᒐ ᒪᑎᑯᔅᑲᑯᓇᐛᐤ ᑕᓐ ᒐ ᐃᓯ ‍ ᐛᐛᓯᐊᑭᓄᐎᒡ ᐊᓐᒡ ᑲ ‍ ᓂᐸᐊᒡ ᒥᓯᐛ ᐊᓂᔭ ᑲ ‍ ᑯᐃᔅᑯᑕᑎᓯᔨᒋ ᐊᐛᔪᐛ, ᐊᐳᓪ ᐊ ‍ ᑕᑦ ᐅᒋ ᐊᓐᑕ ᒪᒃ ᐃᔅ ᓴᑲᕋᔭ, ᐸᕋᑲᔭ ᐅᑯᓴ᙮ ᓴᑲᕋᔭ ᒪᒃ ᑎᔅᑐᐎᒡ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒪᒃ ᒪᐅᒡ ᐊ ‍ ᐸᔭᒐᔨᑕᒂᒡ ᒋᓴᐊᔭᒥᐊᐅᒋᐛᑉ ᐊᑯᑕ ᑲ ‍ ᓂᐸᐊᑭᓄᐅᑦ᙮
\v 36 ᓂᐦᐃ, ᒋ ‍ ᐎᑎᒪᑎᓇᐛᐤ, ᑭᔭ ᒋᔨᐛᐤ ᐊᓄᒡ ᑲ ‍ ᐱᒪᑎᓯᔭᒄ ᒋᑭ ‍ ᐊᓂᔅᒐ ᒪᑎᑯᔅᑲᑯᓇᐛᐤ ᑕᓐ ᒐ ᐃᓯ ‍ ᐛᐛᓯᐊᑭᓄᐎᒡ ᐅᒡ᙮”
\s1 ᑕᓐ ᑲ ‍ ᐃᔅᐱᔅ ᒋ ‍ ᓴᒋᑕᑦ ᒋᓴᔅ ᒋᕈᓯᓕᒥᔪᐤ
\r ᓗᒃ 13.34,35
\p
\v 37 “ᒋᔨᐛᐤ ᒋᕈᓯᓕᒥᒡ ᑲ ‍ ᑕᔭᒄ, ᑲ ‍ ᓂᐸᐊᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᑲ ‍ ᐸᐱᒧᓯᓇᑕᐛᑯᒡ ᐊᓂᔭ ᒋᓴᒪᓂᑐᐤ ᑲ ᐸᒋ ‍ ᐃᑎᓴᐊᒪᑕᒄ, ᑕᓐ ᑕᑥᐤ ᑲ ᐎ ‍ ᒪᐅᓱᑯᐱᑎᑎᑯᒡ ᐊᓐᑕ ᐃᔅ ᐊ ‍ ᑕᔭᓐ, ᒧᔭᒻ ᐱᑲᒂᓐ ᐊ ‍ ᐃᑐᑐᐛᑦ ᐅᐱᑲᒂᓂᒥᓴ, ᓯᐸ ᐅᑎᑎᑭᓂᒡ ᐊ ᐃᓯ ‍ ᒪᐅᓱᑯᓇᑦ ᐊ ᐎ ‍ ᓂᓇᑭᑐᐛᔨᒪᑦ᙮ ᐊᐅᑯᓐ ᒪᒃ ᒧᔭᒻ ᑲ ᐎ ‍ ᐃᑐᑕᑎᑯᒡ᙮ ᒥᒄ ᓇᒪ ᒋ ᐅᒋ ‍ ᐱᔅᑎᓇᐛᐤ ᐅ ᒐᒋ ᐃᑐᑕᑎᑯᒡ᙮
\v 38 ᓂᑐᑎᒧᒄ ᒪ ᒋᑭ ‍ ᓂᑭᑎᒪᑯᓇᐛᐤ ᒋᒋᐛᐛ ᓇᔅᒡ ᐊ ‍ ᐱᓯᒂᒋ ᑭᔭ ᐊ ‍ ᓂᓱᐅᓇᑎᔨᒋ᙮
\v 39 ᐛᔅ ᒋ ‍ ᐎᑎᒪᑎᓇᐛᐤ ᓇᒪ ᒥᓐ ᒋᑭ ᐅᒋ ‍ ᐛᐱᒥᓇᐛᐤ ᐸᑐᔅ ᐅᑎᒋᐱᔨᒐ ᒐ ‍ ᐃᔅᒋᔄᔭᒄ,
\q ᓱᐛᔨᑕᑯᓱᐤ ᐊᓐ ᑲ ᐸᒋ ‍ ᑎᑯᓯᐧᒃ ᐅᑎᐸᔨᒋᒐᐛ ᐅᑦ ᐃᓯᓂᐧᑲᓱᐅᓂᔨᒡ᙮”
\c 24
\s1 ᒋᓴᐊᔭᒥᐊᐅᒋᐛᑉ ᒐ ‍ ᓂᓱᐅᓇᒋᑕᑭᓄᐅᒡ
\r ᒪᕐᒃ 13.1,2; ᓗᒃ 21.5,6
\p
\v 1 ᐃᔅᐱ ᒪᒃ ᒋᓴᔅ ᐊ ᐊᑎ ‍ ᔅᑐᑕᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐅᒋ, ᒋ ᐸᒋ ‍ ᓂᑐᐛᐱᒥᑯᐤ ᐅᒋᔅᒋᓄᐊᒧᐛᑭᓇ ᐊ ᐎ ‍ ᐛᐸᑎᔨᑯᑦ ᑕᓐ ᑲ ‍ ᐅᓯᑕᑭᓄᔨᒋ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ ᑭᔭ ᐊᓂᔭ ᑯᑎᑲ ᒥᒋᐛᐸ ᐛᔅᑲ ᐊᓐᑕ ᑲ ‍ ᑎᑯᓂᔨᒋ᙮
\v 2 ᒋ ‍ ᐃᑕᐤ ᒪᒃ, “ᒋ ‍ ᒥᔪᓇᓇᐛᐤ ᑕᓐ ᑲ ‍ ᐅᓯᑕᑭᓄᐅᒋ ᐅᔭ ᒥᒋᐛᐸ ? ᒥᒄ ᒪᒃ ᒋ ‍ ᐎᑎᒪᑎᓇᐛᐤ, ᒋᑭ ‍ ᐅᑎᒋᐱᔪᐤ ᐊᓐᑕ ᒥᓯᐛ ᒐ ‍ ᓂᓱᐅᓇᒋᑕᑭᓄᐅᒋ᙮ ᓇᒪ ᐛᒋ ‍ ᐸᐃᒄ ᐊᓯᓂᔾ ᒋᑭ ᐅᒋ ‍ ᐊᑯᑐᐳᐤ ᑯᑎᑲ ᐊᓯᓂᔭ ᑕᓐ ᐊᓂᔭ ᑲ ‍ ᐃᑕᔭᐊᑭᓄᐅᑦ᙮ ᒥᓯᐛ ᐊᓯᓂᔨᒡ ᑲ ᐃᓯ ‍ ᐊᐱᒋᐊᑭᓄᐎᒡ ᑲ ‍ ᐅᓯᑕᑭᓄᐅᒋ ᐅᔭ ᒥᒋᐛᐸ ᒋᑭ ‍ ᓂᑎᒋᐛᐱᓇᑭᓄᐎᒡ᙮”
\s1 ᑕᓐ ᒐ ᐃᓯ ‍ ᐊᔨᒥᐱᔨᒡ
\r ᒪᕐᒃ 13.3-13; ᓗᒃ 21.7-19
\p
\v 3 ᒪᒂᒡ ᒪᒃ ᒋᓴᔅ ᐊ ‍ ᐊᐱᑦ ᐊᓐᑕ ᐊ ‍ ᐃᔅᐸᑕᐅᐧᑲᔨᒡ ᐊᓂᔭ ᐱᔅᑯᑎᓇᔪᐤ ᐊᓕᐱᔅ ᑲ ‍ ᐃᓯᓂᐧᑲᑕᔨᒡ, ᐃᔅᐱ ᐊᑲ ᑕᔨᒋ ᐊᓂᔭ ᐃᔪᐛ, ᒋ ᐸᒋ ‍ ᓂᑐᐛᐱᒥᑯᐤ ᐅᒋᔅᒋᓄᐊᒧᐛᑭᓇ ᐊᑯ ᒂ ‍ ᐃᑎᑯᑦ, “ᐸᒋ ‍ ᐎᑎᒧᐅᓇᓐ ᒪ, ᑕᐃᔅᐱ ᒐ ‍ ᐃᔅᐱᔨᒋ ᐅᔭ ᒐᒂᔪᐛ᙮ ᑕᓐᑕ ᒐ ᐅᒋ ‍ ᒋᔅᒐᔨᑎᒪᒡ ᐅᑎᒋᐱᔨᒐ ᒥᓐ ᒐ ‍ ᑎᑯᓯᓂᔨᓐ ? ᐊᑯ ᒪᒃ ᑕᓐᑕ ᒐ ᐅᒋ ‍ ᒋᔅᒐᔨᑎᒪᒡ ᒐ ‍ ᐃᔎᐱᔨᒡ ᐊᔅᒋᔾ ?”
\p
\v 4 ᒋᓴᔅ ᒪᒃ ᒋ ‍ ᐃᑕᐤ, “ᐃᔭᒂᒥᒄ, ᐊᑲ ᐊᐛᓐ ᒐᒋ ᐎᔭᓯᒥᑕᒄ᙮
\v 5 ᐛᔅ ᒋᑭ ‍ ᒥᒐᑐᐅᒡ ᐊᐛᓐᒋ ᐊ ‍ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ‍ ᐊᐱᒋᑕᒡ ᐊ ‍ ᐃᔅᒋᔄᒡ, ‘ᐊᐅᒄ ᓂᔾ ᙭᙮’ ᒥᒐᑦ ᒪᒃ ᐊᐛᔪᐛ ᒋᑭ ‍ ᐎᔭᓯᒪᐅᒡ᙮
\v 6 ᐊᑲᐎᔾ ᑭᔭ ᒋᑭ ᐅᒋ ‍ ᒥᑯᔅᑲᑕᔨᑎᒥᐃᑯᐅᓇᐛᐤ ᐸᑎᒪᒂ ᐊ ‍ ᓂᑐᐱᔨᓇᓄᐅᒡ ᒥᒋᒪ ᐊᓐᑕ ᐊ ‍ ᑕᔭᒄ ᑭᔭ ᐸᑎᒪᒂ ᐊ ‍ ᑎᐸᑕᑭᓄᐅᒡ ᐊ ‍ ᓇᓂᑐᐱᔨᓇᓄᐅᒡ ᐊᓐᑕ ᐛᔪᐤ᙮ ᐊᐅᒄ ᐛᓱᐤ ᓂᔅᑎᒻ ᓇᑐᐛᔨᑕᒂᒡ ᒐᒋ ᐃᔅᐱᔨᒡ, ᒥᒄ ᒪᒃ ᓇᒪ ᐊᔅᒄ ᒋᑭ ᐅᒋ ‍ ᐃᔎᐱᔪᐤ᙮
\v 7 ᐸᐃᑯᓄᒡ ᑲ ‍ ᐃᑎᔅᑲᓇᓯᒡ ᐊᐛᓐᒋ ᒋᑭ ‍ ᒪᓯᐧᑲᑐᐅᒡ ᐊᓂᔭᔪᐛ ᑯᑎᑲ ᐊᐛᔪᐛ ᐃᔭᒡ ᑲ ‍ ᐃᑎᔅᑲᓇᓯᔨᒋ᙮ ᑭᔭ ᐊᓐᒡ ᑲ ‍ ᐅᒋᒪᐅᒡ ᒋᑭ ‍ ᓂᑐᐱᔨᑐᐛᐅᒡ ᐊᓂᔭ ᑯᑎᑲ ᑲ ‍ ᐅᒋᒪᐎᔨᒋ᙮ ᒋᑭ ‍ ᑎᑯᓐ ᐊ ‍ ᑯᐃᒂᒡ ᑭᔭ ᐊ ‍ ᑯᐅᐧᑭᑕᓄᐅᒡ᙮
\v 8 ᐃᔅᐱ ᒪᒃ ᒋᒋᐱᔨᒐ ᐊ ‍ ᐃᔅᐱᔨᒋ ᒥᓯᐛ ᐅᔭ ᒐᒂᔪᐛ ᐊᐅᒄ ᐱᒐᐃᒃ ᐊ ‍ ᒋᒋᐱᔨᒡ ᓂᓇᐧᑲᑕᔨᒧᐅᓐ, ᒧᔭᒻ ᐃᔎᐤ ᐊ ‍ ᒋᒋ ᒧᓯᐅᑦ ᒐ ‍ ᐊᐧᑯᓯᑦ᙮”
\p
\v 9 “ᑭᔭ ᒐ ‍ ᒪᑯᓂᑯᔭᒄ ᑭᔭ ᒋᑭ ‍ ᓂᓇᐧᑲᒋᐃᑯᓇᐛᐤ᙮ ᐛᐛᒡ ᒋᑭ ‍ ᓂᐸᐃᑯᓇᐛᐤ᙮ ᒥᓯᐛ ᐊ ‍ ᐃᑎᔅᑲᓇᓯᒡ ᐊᐛᓐᒋ ᒋᑭ ‍ ᐛᐧᑲᑎᑯᐛᐅᒡ ᐊ ‍ ᓇᓴᐅᔭᒄ᙮
\v 10 ᒥᒐᑦ ᒪᒃ ᒋᑭ ‍ ᐳᓂᐅᒡ ᐊ ‍ ᑕᑈᔭᔨᒥᒡ ᑭᔭ ᒋᑭ ‍ ᒪᒥᓯᒥᑐᐅᒡ ᑭᔭ ᒋᑭ ‍ ᐛᐧᑲᑎᑐᐅᒡ᙮
\v 11 ᒥᒐᑦ ᒥᒋ ‍ ᐅᒋᔅᒋᐛᐃᒐᓱᒡ ᒋᑭ ‍ ᑎᑯᓯᓄᐅᒡ ᒐ ‍ ᐎᔭᓯᐊᒡ ᐊᐛᔪᐛ, ᒥᒐᑦ ᒪᒃ ᐊᐛᔪᐛ ᒋᑭ ‍ ᐃᑐᑐᐛᐅᒡ ᒐᒋ ᐳᓂᔨᒋ ᐊ ‍ ᑕᑈᑎᒥᔨᒋ᙮
\v 12 ᒐ ‍ ᐃᔅᐱᔅ ᒪᒃ ᐊᔭᔅᒃ ᐛᔪᑎᒡ ᒥᒐᑎᓯᐅᓐ, ᒥᒐᑦ ᐊᐛᓐᒋ ᐅᓴᒋᐃᐛᐅᓄᐛᐛ ᓇᒪ ᒋᑭ ᐅᒋ ‍ ᑕᑈᐱᔪᐛ᙮
\v 13 ᒥᒄ ᒪᒃ ᐊᓐ ᐊᐛᓐ ᒐ ‍ ᐊᔨᒋᑲᐳᐅᒂ ᒐ ᐃᔅᐱᔅ ‍ ᐱᒪᑎᓯᒂ ᐊᐅᒄ ᒐ ‍ ᐱᒪᒋᐊᑭᓄᐅᑦ᙮
\v 14 ᐅ ᒪᒃ ᒥᔽᒋᒧᐅᓐ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑲ ‍ ᑎᐸᑐᑕᔨᒡ ᒋᑭ ‍ ᑭᒐᔅᒋᒧᓇᓄᐤ ᐅᑕ ᒥᓯᐛ ᐊᔅᒋᒡ ᒥᓯᐛ ᐊᐛᓐ ᒐᒋ ᐸᑕᐧᒃ, ᑭᔭ ᐃᔭᒄ ᒐ ‍ ᐃᔎᐱᔨᒡ᙮”
\s1 ᐊᓐ ᒪᐅᒡ ᑲ ‍ ᐛᐧᑲᑕᔨᑕᑯᓯᑦ ᐊ ‍ ᐊᔨᒧᒪᑭᓄᐅᑦ
\r ᒪᕐᒃ 13.14-23; ᓗᒃ 21.20-24
\p
\v 15 “ᐃᔅᐱ ᒪᒃ ᐛᐱᒪᒂ ᐊᓐ ᐊᐛᓐ ᒪᐅᒡ ᑲ ‍ ᐛᐧᑲᑕᔨᑕᑯᓯᑦ ᐊ ‍ ᓂᐳᐅᑦ ᐊᓐᑕ ᒪᐅᒡ ᑲ ‍ ᐸᔭᐧᑭᓂᔨᒡ ᐊ ‍ ᒪᔭᔨᒪᑦ ᒋᓴᒪᓂᑐᐛ, ᐃᔭᒂᒥᒄ᙮ ᓴᔅ ᒋᑭ ‍ ᐸᓱᓇᑯᓐ ᒐ ‍ ᐃᔎᐱᔨᒡ ᐊᔅᒋᔾ᙮ ᐊᐅᑯᓐ ᐅᔭ ᐊᓂᔭ ᐅᒋᔅᒋᐛᐃᒐᓱᐤ ᑕᓂᔭᓪ ᑲ ‍ ᐊᔨᒧᒪᑦ᙮ ᒋᔨᐛᐤ ᑲ ‍ ᐃᔨᒥᑕᔭᒄ ᐅ ᓱᒃ ᐎ ᓂᔅᑐᑎᒧᒄ ᑕᓐ ᐊ ‍ ᐃᔅᒋᔄᒥᑲᒡ᙮
\v 16 ᐛᐸᑎᒪᒂ ᒪᒃ ᐅ ᐊ ‍ ᐃᔅᐱᔨᒡ, ᐊᓐᒡ ᐃᔪᒡ ᐊᓐᑕ ᒍᑎᔭ ᐊᔅᒋᒡ ᑲ ‍ ᑕᒡ, ᐊᑯᔅ ᐱᔅᑎᓇᐧᑯᒡ ᐊᓐᑕ ᐊ ‍ ᐅᒋᒍᐅᓂᔨᒡ ᒐᒋ ᐃᑎᓯᒧᒡ᙮
\v 17 ᑭᔭ ᐊᓐ ᐊᐛᓐ ᑕᐧᑯᒡ ᐎᒋᒡ ᑲ ‍ ᑕᑦ ᐊᑲᐎᔾ ᐱᔅᑎᓇᐧᒄ ᒐᒋ ᐱᒐᑦ ᐎᒡ ᒐᒋ ᓂᑐᐛᐸᑕᐧᒃ ᒐᒂᔪᐤ᙮
\v 18 ᑭᔭ ᐊᓐ ᐊᐛᓐ ᓂᑕᐅᒋᑕᑭᓐ ᐊᔅᒋᒡ ᑲ ‍ ᑕᑦ ᐊᑲᐎᔾ ᐱᔅᑎᓇᐧᒄ ᒐᒋ ᒋᐛᑦ ᐅᑦ ᐊᑯᑉ ᐊ ᐎ ‍ ᓂᑐᐛᐸᑕᐧᒃ᙮
\v 19 ᑕᑈ ᒋᑭ ‍ ᐊᔨᒥᐅᐅᒡ ᐊᓐᒡ ᒪᒂᒡ ᑲ ‍ ᑭᓄᐛᔨᒪᐅᓱᒡ ᑭᔭ ᐊᓐᒡ ᑲ ‍ ᓄᓴᓂᐊᐅᓱᒡ ᐊᓂᔭᔪᐤ ᐊ ‍ ᒋᓯᑲᔨᒡ᙮
\v 20 ᐊᔭᒥᐊᒄ ᐊᑲ ᐊ ‍ ᒪᒂᐱᐳᒡ ᒐᒋ ᐃᔅᐱᔨᒡ ᐅ ᒪᒃ ᐊᑲ ᐊᓐ ᐊᓐᑕ ᐊ ‍ ᐊᔽᐳᒋᓯᑲᒡ ᒐᒋ ᐃᔅᐱᔨᒡ ᐅ ᐎ ᒋᑎᓯᒧᔭᒂ᙮
\v 21 ᐛᔅ ᐊᑯᑕ ᒪᐅᒡ ᒐ ᐃᓯ ‍ ᓂᓇᐧᑲᑕᔨᒧᓇᓄᐅᒡ ᐊᑲ ᓂᑕ ᐅᒋ ᐃᔅᐱᔅ ᓂᓇᐧᑲᑕᔨᒧᓇᓄᐅᒡ ᐅᑕ ᐊᔅᒋᒡ ᑭᔭ ᓇᒪ ᒥᓐ ᓂᑕ ᒋᑭ ᐅᒋ ‍ ᐃᑕᔨᑕᑯᓐ ᑕᓐ ᐊᓐ ᒐ ‍ ᐃᑕᔨᑕᒂᒡ ᐅ ᓂᓇᐧᑲᑕᔨᒧᓇᓄᐅᒐ᙮
\v 22 ᒋᓴᒪᓂᑐᐤ ᒪᒃ ᒋ ‍ ᐛᑕᔨᑎᒻ ᒐ ‍ ᐊᒍᓇᐧᒃ ᐊᓂᔭ ᐊ ‍ ᒋᓯᑲᔨᒡ ᐊᓐᑕ ᒋᐸ ‍ ᓂᓇᐧᑲᑕᔨᒧᓇᓄᔪᐤ᙮ ᐊᑲ ᐅᒋ ᐃᑐᑎᒧᑯᐱᓇ ᐅᔭ ᓇᒪ ᐊᐛᓐ ᒋᐸ ᐅᒋ ‍ ᓴᐳᔅᑭᒻ᙮ ᒥᒄ ᒪᒃ ᐊ ‍ ᒋᔅᒋᓯᑐᑐᐛᑦ ᐊᓂᔭ ᑲ ‍ ᐅᑎᓇᑦ ᐅᑦ ᐃᔨᒪ ᒋᓴᒪᓂᑐᐤ ᐊᐅᑯᓐ ᐊᓂᔪᐤ ᒐ ᐅᒋ ‍ ᐊᒍᓇᐧᒃ ᐊᓂᔭᔪᐤ ᐊ ‍ ᒋᓯᑲᔨᒡ᙮”
\p
\v 23 “ᐊᑯᑕ ᒪᒃ ᐊᓐ ᒪᒂᒡ, ᒧᔭᒻ ᐊᐛᓐ ᐃᑎᑯᔭᒂ, ‘ᐃᑕᐱᒄ ᒪ, ᐊᐅᒄ ᐛᔅ ᐅ ᙭,’ ᒪᒃ ᐃᑎᑯᔭᒂ, ‘ᒪᓐ ᙭,’ ᐊᑲᐎᔾ ᒋᑭ ᐅᒋ ‍ ᑕᑈᑐᐛᐛᐤ᙮
\v 24 ᒋᑭ ‍ ᑕᐅᒡ ᐊᐛᓐᒋ ᐊ ‍ ᐎᔭᓯᐃᐛᒡ ᐊ ‍ ᐃᔅᒋᔄᒡ ᓂᔾ ᙭᙮ ᒋᑭ ‍ ᑕᐅᒡ ᑭᔭ ᒥᒋ ‍ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ‍ ᐛᐸᑎᔨᐛᒡ ᑭᔭ ᒋᑭ ‍ ᐃᑐᑎᒧᒡ ᐊ ‍ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ‍ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ‍ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ‍ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ‍ ᐎᔭᓯᐊᒡ᙮
\v 25 ᓂᑐᑐᐅᒄ ᒪᒃ, ᐛᔅ ᓴᔅ ᓂᑲᓐ ᒋ ‍ ᐎᑎᒪᑎᓇᐛᐤ ᒐ ‍ ᐃᔅᐱᔨᒋ ᐅᔭ ᒐᒂᔪᐛ᙮”
\p
\v 26 “ᒋᑭ ‍ ᐃᑎᑯᐛᐅᒡ ᒪᒃ ᐊᐛᓐᒋ, ‘ᑭᓄᐛᐱᒪᒄ ᒪ ᙭, ᓇᑕ ᐸᐧᑯᑎᔅᑭᒥᑲᒡ ᐊᑯᑕ ᐊ ‍ ᑕᑦ,’ ᐊᑲᐎᔾ ᐃᑐᑕᐛᐧᒄ ᐊᓐᑕ᙮ ᒪᒃ ᒋᑭ ‍ ᐃᑎᑯᓇᐛᐤ, ‘ᑭᓄᐛᐱᒪᒄ ᒪ, ᒪᐅᑕ ᐱᑎᑭᒥᒡ ᐊ ‍ ᑕᑦ,’ ᐊᑲᐎᔾ ᑕᑈᑐᐛᐧᑯᒡ᙮
\v 27 ᐛᔅ ᐃᔅᐱ ᐃᔪᐤ ᐅᑯᓯᓴᓐ ᑎᑯᓯᒐ ᒥᓯᐛ ᐊᐛᔪᐛ ᒋᑭ ‍ ᐛᐱᒥᑯᐤ᙮ ᒧᔭᒻ ᐊ ᐃᔅᐱᔅ ‍ ᒋᐧᑲᓇᒂᒡ ᐊ ‍ ᐛᔅᑕᐱᔨᒡ ᐊᓐᑕ ᒋᓯᑯᒡ, ᐊᓐᑕ ᐛᐱᓄᑕᒡ ᐊ ᐅᒋ ‍ ᓄᒂᒡ ᐊᓐᑕ ᒪᒃ ᐊᑎᒪᐱᓯᒧᑕᒡ ᐊ ᐃᓯ ‍ ᐸᓯᑯᓇᒂᒡ, ᐊᑯᓐ ᒐ ‍ ᐃᓯᓇᑯᓂᔨᒡ ᑎᑯᓯᒐ ᐃᔪᐤ ᐅᑯᓯᓴᓐ᙮”
\p
\v 28 “ᐃᔅᐱ ᒪᒃ ᐛᐸᑎᒪᒂ ᐊ ‍ ᐃᔅᐱᔨᒋ ᐅᔭ ᒐᒂᔪᐛ ᑲ ‍ ᐊᔨᒧᑎᒪᑎᑯᒡ ᐊᑯ ᒐ ‍ ᒋᔅᒐᔨᑎᒪᒄ ᐊ ‍ ᐸᓱᓇᒂᒡ ᒐ ‍ ᐃᔎᐱᔨᒡ ᐊᔅᒋᔾ, ᒧᔭᒻ ᐊᓐᑕ ᐊ ‍ ᓄᑯᓯᒡ ᒥᒋᓱᐅᒡ ᐊ ‍ ᒥᒐᑎᒡ ᒋᔅᒐᔨᑕᑯᓂᔪᐤ ᐊ ‍ ᑎᑯᓂᔨᒡ ᒐᒂᔪᐤ ᐊ ‍ ᓂᐱᒥᑭᓂᔨᒡ ᐊᓐᑕ᙮”
\s1 ᒥᓐ ᑎᑯᓯᒐ ᒋᓴᔅ
\r ᒪᕐᒃ 13.24-27; ᓗᒃ 21.25-28
\p
\v 29 “ᐃᔅᐱ ᒪᒃ ᐅᑎᒋᐱᔨᒐ ᑕᓐ ᒐ ᐃᔅᐱᔅ ‍ ᐊᔨᒪᒡ ᐊᓂᔭᔪᐛ ᒪᒃ ᐊᑎ ‍ ᒋᓯᑲᒋ, ᐊᐅᒄ ᑎᐛᒡ ᒐ ᐊᑎ ‍ ᐃᔅᐱᔨᒋ,
\q ᐱᓯᒻ ᒋᑭ ‍ ᑎᐱᔅᒋᐱᔪᐤ, ᑭᔭ ᑎᐱᔅᑲᐤ ᐱᓯᒻ ᓇᒪ ᒋᑭ ᐅᒋ ‍ ᒋᐧᑲᔭᔅᑐᐛᐤ,
\q ᐅᒐᑭᑕᐧᑯᒡ ᒋᓯᑯᒡ ᒋᑭ ᐅᒋ ‍ ᐸᐸᒋᓯᓄᐅᒡ ᑭᔭ ᒥᓯᐛ ᑕᓐ ᐊ ᐃᓯ ‍ ᑎᒂᒡ ᐃᔅᐱᒥᒡ ᒋᑭ ‍ ᓂᓇᒥᐱᔪᐤ᙮”
\p
\v 30 “ᐊᑯ ᒪᒃ ᒐ ‍ ᓄᑯᓂᔨᒡ ᐊᓐᑕ ᒋᓯᑯᒡ ᓴᔅ ᐊ ᐸᒋ ‍ ᑎᑯᓯᐧᒃ ᐃᔪᐤ ᐅᑯᓯᓴᓐ᙮ ᒥᓯᐛ ᐊ ‍ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᑲ ‍ ᑕᒡ ᒋᑭ ‍ ᒪᐅᒡ᙮ ᒋᑭ ‍ ᐛᐱᒪᐅᒡ ᒪᒃ ᐃᔪᐤ ᐅᑯᓯᓴᓇ ᐊ ᐸᒋ ‍ ᔭᓯᔨᒋ ᑭᔅᑯᐅᓂᔅᑯᒡ, ᓇᔅᒡ ᐊ ‍ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮
\v 31 ᐃᔅᐱ ᒪᒃ ᐸᑕᒂᒐ ᑲ ‍ ᒋᔄᐛᒥᑲᒡ ᐳᑕᒋᑭᓐ ᐊᑯ ᒐ ‍ ᐃᑎᓴᐛᑦ ᒋᓴᒪᓂᑐᐤ ᐅᑦ ᐊᓐᒋᓂᒪ ᒐᒋ ᒪᒧᓇᔨᒋ ᐊᓂᔭ ᐊᐛᔪᐛ ᑲ ‍ ᐅᑎᓇᑦ ᓇᐅᐎᔨᒡ ᐊ ‍ ᐅᑎᓂᔨᒡ ᑲ ‍ ᐅᒋᔨᒋ᙮ ᓇᔅᒡ ᐊ ‍ ᐃᔎᔭᔨᒡ ᐊᔅᒋᔪᐤ ᐊᓐᑕ ᒪᒃ ᑭᔭ ᓇᔅᒡ ᐊ ‍ ᐃᔎᔨᒡ ᒋᒋᒋᓯᑯᔪᐤ ᒋᑭ ‍ ᐅᑎᓇᔪᐛ᙮”
\s1 ᒋᓴᔅ ᐛᐱᒥᓇᑎᒂ ᑲ ‍ ᐊᐱᒋᐊᑦ ᐊ ‍ ᒋᔅᑯᑎᒪᒐᑦ
\r ᒪᕐᒃ 13.28-31; ᓗᒃ 21.29-33
\p
\v 32 “ᑎᑯᓐ ᒐᒂᓐ ᒐᒋ ᒋᔅᑯᑎᒪᓱᔭᒄ ᒥᓯᓱᒥᓇᑎᒄ ᐊ ‍ ᑭᓄᐛᐱᒪᒄ᙮ ᐃᔅᐱ ᐊ ᐊᑎ ‍ ᐅᔅᒋᓂᑕᐅᒋᓂᔨᒋ ᐅᑎᐧᑯᓇ ᑭᔭ ᐊ ‍ ᓂᐱᓱᐅᑦ, ᒋ ‍ ᒋᔅᒐᔨᑕᓇᐛᐤ ᓴᔅ ᐎᐱᒡ ᒐ ‍ ᓂᐱᒡ᙮
\v 33 ᐅᔭ ᒪᒃ ᒐᒂᔪᐛ ᑲ ‍ ᐊᔨᒧᑎᒪᑎᑯᒡ ᒐ ‍ ᐃᔅᐱᔨᒋ ᐃᔅᐱ ᐃᔅᐱᔨᒂᐛ ᐊᑯᑕ ᒐ ᐅᒋ ‍ ᒋᔅᒐᔨᑎᒪᒄ ᓴᔅ ᐊ ‍ ᐸᓱᓇᑯᓂᔨᒡ ᐃᔪᐤ ᐅᑯᓯᓴᓐ ᒐ ‍ ᑎᑯᓯᐧᒃ, ᒧᔭᒻ ᓴᔅ ᒋᐱᔎᒡ ᐊ ᐸᒋ ‍ ᓂᐳᐅᑦ ᐊ ‍ ᐃᓯᓇᑯᓯᑦ᙮
\v 34 ᑯᐃᔅᒄ ᒋ ‍ ᐎᑎᒪᑎᓇᐛᐤ, ᐊᓐᒡ ᑲ ‍ ᐱᒪᑎᓯᒡ ᐊᓄᒡ ᓇᒪ ᒋᑭ ᐅᒋ ᒪᒋ ‍ ᓂᐳᐅᒡ ᐊᔅᒄ ᐊᑲ ᑎᐱᐱᔨᒐ ᒥᓯᐛ ᑕᓐ ᒋᐸ ‍ ᐃᔅᐱᔪᐤ᙮
\v 35 ᒋᒋᒋᓯᒄ ᑭᔭ ᐊᔅᒋᔾ ᒋᑭ ‍ ᐃᔎᐱᔪᐛ ᒥᒄ ᒪᒃ ᓂᑦ ᐃᔨᒧᐅᓐ ᓇᒪ ᓂᑕ ᒋᑭ ᐅᒋ ‍ ᐃᔎᐱᔪᐤ᙮”
\s1 ᒐ ᐎ ‍ ᐊᔭᔅᑯᐎᔭᒄ
\r ᒪᕐᒃ 13.32-37; ᓗᒃ 17.26-30,34-36
\s2 Matthew 24.36-44 (Advent-1 Year A)
\p
\v 36 “ᐛᔅ ᓇᒪ ᐊᐛᓐ ᒋᔅᒐᔨᑎᒻ ᐊᓂᔭᔪᐤ ᐊ ‍ ᒋᓯᑲᔨᒡ ᒪᒃ ᐊᓂᔭᔪᐤ ᑎᐸᐃᑭᓂᔪᐤ ᒐ ‍ ᐃᔅᐱᔨᑯᒡ ᐅᔭ ᒐᒂᔪᐛ᙮ ᓇᒪ ᑭᔭ ᐊᓐᒋᓐᒡ ᒋᔅᒐᔨᑎᒧᒡ, ᑭᔭ ᐅᑯᓯᓯᒪᐤ, ᒥᒄ ᐅᑕᐎᒪᐤ ᒋᔅᒐᔨᑎᒻ᙮
\v 37 ᒧᔭᒻ ᒪᒃ ᑕᓐ ᑲ ‍ ᐃᑕᔨᑕᑯᓂᔨᒡ ᐊᓐᑕ ᒪᒂᒡ ᑲ ‍ ᐱᒪᑎᓯᑦ ᐊᓂᔭ ᓄᐛ, ᐊᐅᑯᓐ ᒐ ‍ ᐃᑕᔨᑕᒂᒡ ᒥᓐ ᑎᑯᓯᒐ ᐃᔪᐤ ᐅᑯᓯᓴᓐ᙮
\v 38 ᐊᔅᒄ ᐊᑲ ᐅᒋ ᐃᔅᒋᐳᑕᒡ ᐊᔅᒋᔾ ᒥᒄ ᐛ ‍ ᐃᑎᒡ ᒋ ‍ ᐃᑐᐅᒡ ᐊᓐᒡ ᐃᔪᒡ, ᒋ ‍ ᒥᒋᓱᐅᒡ, ᒋ ‍ ᒥᓄᐅᒡ, ᑭᔭ ᒋ ‍ ᓂᐳᐅᒡ ᐱᐃᒻ ᑲ ‍ ᐅᑎᒋᐱᔨᒡ ᒐ ‍ ᐱᒐᑦ ᓄᐛ ᐅᑦ ᐅᐤᑦ᙮
\v 39 ᓇᒪ ᒪᒃ ᐅᒋ ᒋᔅᒐᔨᑎᒧᒡ ᑕᓐ ᒐ ‍ ᐃᔅᐱᔨᒡ ᐸᑐᔅ ᑲ ‍ ᐃᔅᒋᐳᑕᔨᒡ ᐊᔅᒋᔪᐤ, ᒥᓯᐛ ᒪᒃ ᒋ ‍ ᐅᓇᒋᔨᑯᐅᒡ᙮ ᐊᐅᑯᓐ ᒪᒃ ᒧᔭᒻ ᒐ ‍ ᐃᔅᐱᔨᒡ ᐃᔅᐱ ᐸᒋ ‍ ᓄᑯᓯᒐ ᐃᔪᐤ ᐅᑯᓯᓴᓐ᙮
\v 40 ᐊᓐᑕ ᒪᒃ ᒪᒂᒡ, ᓂᓱ ᓇᐸᐅᒡ ᒋᑭ ‍ ᑕᐅᒡ ᐊᓐᑕ ᓄᒋᒥᒡ᙮ ᐸᐃᒄ ᐊᓐ ᒋᑭ ‍ ᐅᑎᓇᑭᓄᐤ ᐊᑯ ᐊᓐ ᑯᑎᒃ ᒐ ‍ ᓂᑭᑕᑭᓄᐅᑦ᙮
\v 41 ᒋᑭ ‍ ᓂᓱᐅᒡ ᐃᔎᐅᒡ ᐊ ‍ ᐱᒥᓄᐛᒡ, ᐸᐃᒄ ᐊᓐ ᒋᑭ ‍ ᐅᑎᓇᑭᓄᐤ ᐊᑯ ᐊᓐ ᑯᑎᒃ ᒐ ‍ ᓂᑭᑕᑭᓄᐅᑦ᙮”
\p
\v 42 “ᐃᔭᒂᒥᒄ ᒪᒃ ᐛᔅ ᓇᒪ ᒋ ‍ ᒋᔅᒐᔨᑕᓇᐛᐤ ᑕᐃᔅᐱ ᒐ ‍ ᑎᑯᓯᐧᒃ ᒋᑎᐸᔨᒋᒐᓯᒧᐛᐤ᙮
\v 43 ᐎ ᓂᔅᑐᑎᒧᒄ ᒪᒃ ᐅ᙮ ᒧᔭᒻ ᐊᐛᓐ ᐎᒋᒡ ᐊ ‍ ᑕᑦ ᒋᔅᒐᔨᒪᑦ ᑲᓂᑕᐅᒋᒧᑎᔨᒋ ᒐ ᐸᒋ ‍ ᑎᑯᓯᓂᔨᒋ, ᒋᐸ ‍ ᐊᔭᔅᑯᐎᔅᑐᐛᐤ᙮ ᐊᑐᒡ ᐎ ᒋᐸ ᐅᒋ ‍ ᐱᔅᑎᓇᐤ ᒥᒄ ᒐᒋ ᐃᓯ ‍ ᑭᒐᒧᑎᔨᒋ ᐊᓐᑕ ᐎᒋᒡ᙮
\v 44 ᐊᐅᒄ ᒪᒃ ᐅ ᐅᒋ ᑭᔭ ᒋᔨᐛᐤ ᒧᔅ ᒋᐸ ‍ ᐊᔭᔅᑯᐎᓇᐛᐤ᙮ ᐛᔅ ᐃᔪᐤ ᐅᑯᓯᓴᓐ ᒋᑭ ‍ ᑎᑯᓯᓐ ᐊᓐᑕ ᐊᑲ ᓇᔅᒡ ᐸᓱᐛᔨᒪᒂ ᒐᒋ ᑎᑯᓯᐧᒃ᙮”
\s1 ᐊᐱᒋᐊᑭᓐᒡ ᐊ ‍ ᐊᓱᐛᐱᒪᒡ ᐅᒋᒪᒧᐛᐛ
\r ᓗᒃ 12.41-48
\p
\v 45 “ᐊᐱᒋᐊᑭᓐ ᑯᐃᔅᒄ ᑲ ‍ ᐃᑐᑕᐧᒃ ᐅᑦ ᐊᑐᔅᒐᐅᓐ ᑭᔭ ᑲ ‍ ᐃᑈᐧᑲᑦ ᐊᐅᒄ ᒐ ‍ ᐅᑎᓂᑯᑦ ᐅᒋᒪᒪ ᐎᔾ ᒐᒋ ᐅᒋᒪᒥᑕᑯᑦ ᒥᓯᐛ ᐊᓂᔭ ᑯᑎᑲ ᐊᐱᒋᐊᑭᓇ ᑭᔭ ᒐᒋ ᓂᓇᑭᑐᐛᔨᑕᒺᑦ ᐊᓂᔭ ᒐᒋ ᐃᓯ ‍ ᐊᓯᒪᑭᓄᔨᒋ ᐃᔅᐱ ᐅᑎᒋᐱᔨᒐ ᒐ ‍ ᐊᓯᒪᑭᓄᔨᒋ᙮
\v 46 ᒋᑭ ‍ ᓱᐛᔨᒪᑭᓄᐤ ᐊᓐ ᐊᐱᒋᐊᑭᓐ ᒥᔅᑯᐛᑭᓄᒐ ᑯᐃᔅᒄ ᐊ ‍ ᐃᑐᑕᐧᒃ ᐊᓂᔭ ᐅᑦ ᐊᑐᔅᒐᐅᓐ ᐃᔅᐱ ᑎᑯᓯᓂᔨᒐᓂ ᐅᒋᒪᒪ᙮
\v 47 ᑕᑈ ᒋᑦ ᐃᑎᓇᐛᐤ, ᒋᑭ ‍ ᒥᔨᑯᐤ ᐊᓂᔭ ᐅᒋᒪᒪ ᒥᓯᐛ ᒐᒋ ᓂᓇᑭᑐᐛᔨᑕᒺᑦ ᑕᓐ ᐊ ᐃᓯ ‍ ᑎᐱᔨᐛᐅᓯᔨᒋ᙮
\v 48 ᒥᒄ ᒪᒃ ᒥᒋ ‍ ᐊᐱᒋᐊᑭᓐ ᐃᑕᔨᑕᒐ, ᐊᔅᒄ ᓇᐅᔅ ᒐ ᐃᔅᐱᔅ ‍ ᑎᑯᓯᐧᒃ ᒥᓐ ᓄᒋᒪᒻ᙮
\v 49 ᐊᑯ ᒪᒃ ᓇᔅᒡ ᓂᓇᐧᑲᒋᐊᒐ ᐊᓂᔭ ᐎᒋ ‍ ᐊᐱᒋᐊᑭᓇ ᑲ ‍ ᓂᑲᓂᔅᑯᐛᑦ ᐊ ‍ ᐅᑎᑕᒪᐛᑦ ᑭᔭ ᒥᒄ ᒥᒋᓱᒐ ᒪᒃ ᒋᔎᐸᒐ,
\v 50 ᐃᔅᐱ ᒪᒃ ᐅᒋᒪᒪ ᑎᑯᓯᓂᔨᒐᓂ ᐊᓐᑕ ᐊᑲ ᓇᔅᒡ ᐸᓱᐛᔨᒪᑦ ᑭᔭ ᐊᑲ ᓇᔅᒡ ᒋᔅᒐᔨᑕᐧᒃ,
\v 51 ᐊᑯ ᒐ ‍ ᐛᐛᓯᐊᑭᓄᐅᑦ ᓇᔅᒡ ᒐᒋ ᐛᐎᓯᒐᔨᑕᐧᒃ᙮ ᐊᑯ ᒪᒃ ᒐ ᐃᓯ ‍ ᐱᔅᑎᓇᑭᓄᐅᑦ ᐊᓐᑕ ᑲ ‍ ᐊᔭᒥᐊᐧᑲᓱᔨᒋ ᐊ ‍ ᑕᔨᒋ ᒐᒋ ᓂᓇᐧᑲᑕᔨᒧᑦ᙮ ᐊᑯᑕ ᐊᓐᑕ ᒐ ‍ ᒪᒡ ᑭᔭ ᒐ ‍ ᒪᒥᑕᔭᐱᑕᓯᒡ ᒐ ᐃᔅᐱᔅ ‍ ᓂᓇᐧᑲᑕᔨᒧᒡ᙮”
\c 25
\s1 ᑲ ‍ ᐸᐃᑯᔪᐛᓯᒡ ᐃᔎᓯᒡ ᑲ ‍ ᑎᐸᒋᒪᑭᓄᐎᒡ
\s2 Matthew 25.1-13 (Proper-27 Year A)
\p
\v 1 “ᒋᑭ ‍ ᐎᑎᒪᑎᓇᐛᐤ ᑕᓐ ᒐ ‍ ᐃᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ ᐃᔅᐱ ᐃᔪᐤ ᐅᑯᓯᓴᓐ ᑎᑯᓯᒐ ᒐ ‍ ᒋᓴᐅᒋᒪᐅᑦ᙮ ᒧᔭᒻ ᐸᐃᑯᔪᐤ ᐅᔅᒋᓂᒋᔎᓯᒡ ᐊ ‍ ᑕᐧᑯᓇᒡ ᐅᐛᔅᑕᓂᐱᒪᑭᓄᐛᐛ, ᐊ ‍ ᓂᑐᐤ ᓂᒋᔅᑯᐛᒡ ᐅᔅᒋᓂᐳᐛᓇ᙮
\v 2 ᐱᑕᑕᒡ ᒪᒃ ᐅᒡ ᓇᒪ ᓇᔅᒡ ᐅᒋ ᐃᑈᐧᑲᐅᒡ, ᐊᑯ ᐊᓐᒡ ᑯᑎᑭᒡ ᐱᑕᑕᒡ ᒋ ‍ ᐃᑈᐧᑲᐅᒡ ᐎᔨᐛᐤ᙮
\v 3 ᐊᓐᒡ ᒪᒃ ᐊᑲ ᓇᔅᒡ ᐃᑈᐧᑲᒡ ᒋ ‍ ᔅᑐᑕᐅᒡ ᐅᐛᔅᑕᓂᐱᒪᑭᓄᐛᐛ ᒥᒄ ᒪᒃ ᓇᒪ ᐊᔪᐛᒡ ᐅᒋ ᐊᔭᐛᐅᒡ ᐱᒥᔭ᙮
\v 4 ᐊᑯ ᐊᓐᒡ ᑲ ‍ ᐃᑈᐧᑲᒡ ᐊᔪᐛᒡ ᒋ ‍ ᔅᑐᑕᐅᒡ ᐎᔨᐛᐤ ᐱᒥᔭ ᒐ ‍ ᐱᒋᐱᒪᒡ ᐊᓂᔭᔪᐛ ᐅᐛᔅᑕᓂᐱᒪᑭᓄᐛᐛ᙮
\v 5 ᓇᒪ ᒪᒃ ᑎᐛᒡ ᐅᒋ ᑎᑯᓯᓄᐤ ᐊᓐ ᐅᔅᒋᓂᐳᐛᓐ᙮ ᒐᒃ ᒂ ‍ ᐎᓂᐸᒡ ᐊᓐᒡ ᐅᔅᒋᓂᒋᔎᓯᒡ, ᐊᑯ ᒐᒃ ᑲ ‍ ᑯᐎᐧᑯᓯᒡ᙮”
\p
\v 6 “ᓴᔅ ᒪᒃ ᒋ ‍ ᐊᐱᑕᑎᐱᔅᑲᔪᐤ, ᒂ ‍ ᑕᑈᑦ ᐊᐛᓐ ᐊ ‍ ᐃᔅᒋᔄᑦ, ‘ᓴᔅ ᑎᑯᓯᓄᐤ ᐅᔅᒋᓂᐳᐛᓐ, ᐸᒋ ‍ ᓂᒋᔅᑯᐛᐧᒄ᙮’
\v 7 ᑭᑈ ᒂ ‍ ᐅᓂᒡ ᐊᓐᒡ ᐸᐃᑯᔪᐤ ᐅᔅᒋᓂᒋᔎᓯᒡ, ᒂ ‍ ᐛᐛᓯᑕᒡ ᐅᐛᔅᑕᓂᐱᒪᑭᓄᐛᐛ᙮
\v 8 ᐊᑯ ᐊᓐᒡ ᐊᑲ ᓇᔅᒡ ᐃᑈᐧᑲᒡ ᐅᔅᒋᓂᒋᔎᓯᒡ ᒂ ‍ ᐃᑕᒡ ᐊᓂᔭ ᑲ ‍ ᐃᑈᐧᑲᔨᒋ ᐅᔅᒋᓂᒋᔎᓴ, ‘ᐸᒋ ‍ ᒥᔨᓇᓐ ᒪ ᐊᐱᓯᔅ ᒋᐱᒥᒧᐛᐤ᙮ ᓴᔅ ᒐᑲᑦ ᐊᔅᑐᐛᐅᒡ ᓂᐛᔅᑕᓂᐱᒪᑭᓇᓐᒡ᙮’ ”
\p
\v 9 “ᐊᑯ ᐊᓐᒡ ᑲ ‍ ᐃᑈᐧᑲᒡ ᐅᔅᒋᓂᒋᔎᓯᒡ ᒂ ‍ ᐃᑕᒡ ᐊᓂᔭ, ‘ᓇᒪ, ᓇᒪ ᒋᑭ ᐅᒋ ‍ ᐃᔅᐱᔨᓇᓄᐤ ᑕᐱᔅᑯᓐ ᒐᒋ ᐊᐱᒋᑕᔭᒄ ᐅ ᐱᒥᔾ᙮ ᐊᑕᐛᐅᒋᐛᐱᒡ ᐅᑎᓂᒪᓱᒄ ᐱᒥᔾ᙮’
\v 10 ᐊᑯ ᐊᓐᒡ ᐊᑲ ᓇᔅᒡ ᐃᑈᐧᑲᒡ  ᐅᔅᒋᓂᒋᔎᓯᒡ ᑲ ‍ ᐅᑎᓂᒐᒡ ᐱᒥᔪᐤ᙮ ᒪᒂᒡ ᒪᒃ ᐊ ᐃᔅᐱᔅ ᐊᑲ ᑕᒡ, ᒋ ‍ ᑎᑯᓯᓂᔪᐛ ᐊᓂᔭ ᐅᔅᒋᓂᐳᐛᓇ᙮ ᐊᓐᒡ ᒪᒃ ᐅᔅᒋᓂᒋᔎᓯᒡ ᑲ ‍ ᐊᔭᔅᑯᐎᒡ ᒋ ᐊᑎ ‍ ᐎᒐᐛᐅᒡ ᐊ ᐊᑎ ‍ ᐱᒐᔨᒋ ᐊᓐᑕ ᐊ ‍ ᒥᒋᓱᓇᓄᐎᒡ, ᐊᑯ ᒂ ‍ ᒋᐸᐛᑭᓄᐅᑦ ᐊᓐ ᔅᑐᐧᑭᓐ᙮”
\p
\v 11 “ᐸᑎᒪ ᒪᒃ ᒂ ᐅᒋ ‍ ᑎᑯᓯᒡ ᐊᓐᒡ ᑯᑎᑭᒡ ᐅᔅᒋᓂᒋᔎᓯᒡ, ᐊᑯ ᒂ ‍ ᐃᔅᒋᔄᒡ, ‘ᐅᑎᐸᔨᒋᒐᐤ, ᐸᒋ ‍ ᐱᑎᑲᐃᓇᓐ᙮’
\v 12 ᐊᑯ ᒂ ‍ ᐃᑎᑯᒡ ᐊᓂᔭ ᐅᔅᒋᓂᐳᐛᓇ, ‘ᑕᑈ ᒋᑦ ᐃᑎᓇᐛᐤ, ᓇᒪ ᒋ ‍ ᒋᔅᒐᔨᒥᑎᓇᐛᐤ᙮’ ”
\p
\v 13 ᐊᑯ ᒋᓴᔅ ᒂ ᐊᑎ ‍ ᐃᔅᒋᔄᑦ, “ᐊᐅᒄ ᒪᒃ ᐅ ᐅᒋ ᑭᔭ ᒋᔨᐛᐤ ᒧᔅ ᒋᐸ ‍ ᐊᔭᔅᑯᐎᓇᐛᐤ ᐛᔅ ᓇᒪ ᒋ ‍ ᒋᔅᒐᔨᑕᓇᐛᐤ ᐊᓂᒪ ᐊ ‍ ᒋᓯᑲᒡ ᑭᔭ ᒪᒃ ᑎᐸᐃᑭᓐ ᐱᓯᒧᐧᑲᓂᒡ ᒪᒂᒡ ᒐ ᐸᒋ ‍ ᑎᑯᓯᐧᒃ ᐃᔪᐤ ᐅᑯᓯᓴᓐ᙮”
\s1 ᐅᒋᒪᐤ ᑲ ‍ ᐎᓴᒪᑦ ᓂᔅᑐ ᐅᑦ ᐊᐱᒋᐊᑭᓇ ᒐ ‍ ᓂᓇᑭᑐᐛᐸᑎᒥᔨᒋ ᐊᓂᔭ ᐊ ᐃᓯ ‍ ᑎᐱᔨᐛᐅᓯᑦ
\r ᓗᒃ 19.11-27
\s2 Matthew 25.14-30 (Proper-28 Year A)
\p
\v 14 “ᒥᓐ ᒪᐅ ᒐ ‍ ᐃᓯᓇᒂᒡ ᒋᒋᒋᓯᒄ ᒋᓴᐅᒋᒪᐅᓐ ᑎᑯᓯᒐ ᐃᔪᐤ ᐅᑯᓯᓴᓐ᙮ ᒧᔭᒻ ᓇᐸᐤ ᐛᔪᐤ ᐊᔅᒋᒡ ᐊ ‍ ᐃᑐᑕᑦ, ᐊ ‍ ᐎᓴᒪᑦ ᒪᒃ ᐅᑦ ᐊᐱᒋᐊᑭᓇ ᐊᑯ ᐊᑕᑦ ᒐ ‍ ᓂᓇᑭᑐᐛᐸᑎᒥᔨᒋ ᐊᓂᔭ ᐊ ᐃᓯ ‍ ᑎᐱᔨᐛᐅᓯᑦ᙮
\v 15 ᒋ ‍ ᒥᔭᐤ ᒪᒃ ᓱᓇᔭᔪᐤ ᐊ ‍ ᐱᑯᓴᔨᒪᑦ ᐊᔪᐛᒃ ᒐᒋ ᐅᓯᑎᒪᑯᑦ ᒐ ᐃᔅᐱᔅ ᐊᑲ ᑕᑦ᙮ ᒋ ‍ ᒪᑎᓂᒧᐛᐤ ᐊᓂᔭ ᐅᓱᓇᔭᓂᒻ ᒥᒄ ᐊᓂᔭ ᐊ ᐃᓯ ‍ ᐃᑕᔨᒪᑦ ᒐ ᐃᓯ ‍ ᑭᔅᒋᐅᔨᒋ ᐊ ‍ ᑭᓄᐛᔨᑎᒥᔨᒋ᙮ ᐸᐃᒄ ᒪᒃ ᐊᓂᔭ ᐊᐱᒋᐊᑭᓇ ᐱᑕᑕᒡ ᒐᓯᐱᔪᐤ ᓱᓇᔭᐱᔎ ᒋ ‍ ᒥᔭᐤ, ᐊᑯ ᐊᓂᔭ ᑯᑎᑲ ᓂᔄᐤ ᒐᓯᐱᔪᐤ, ᐊᑯ ᐊᓂᔭ ᑯᑎᑲ ᐸᐃᒂᐤ ᒐᓯᐱᔪᐤ ᒋ ‍ ᒥᔭᐤ᙮ ᐊᑯ ᒪᒃ ᒐ ‍ ᑐᑕᑦ᙮
\v 16 ᐊᓐ ᒪᒃ ᐊᐱᒋᐊᑭᓐ ᐱᑕᑕᒡ ᒐᓯᐱᔪᐤ ᑲ ‍ ᒥᔭᑭᓄᐅᑦ, ᒋ ᒋᒋᒡ ᐊᑐᔅᒐᐛᒐᐤ ᐊᓂᔭ ᐅᓱᓇᔭᓂᒥᔪᐤ ᐊᑐᐎᔅ ᒐᒋ ᒪᐅᒋᑕᑦ᙮ ᒥᓐ ᒪᒃ ᐱᑕᑕᒡ ᒐᓯᐱᔪᐤ ᒋ ‍ ᒪᐅᒋᑕᐤ ᐊᓂᔭ ᓱᓇᔭᔪᐤ᙮
\v 17 ᑭᔭ ᐊᓐ ᓂᔄᐤ ᒐᓯᐱᔪᐤ ᑲ ‍ ᒥᔭᑭᓄᐅᑦ, ᒥᓐ ᓂᔄᐤ ᒐᓯᐱᔪᐤ ᒋ ‍ ᒪᐅᒋᑕᐤ ᐊᓂᔭ ᓱᓇᔭᔪᐤ᙮
\v 18 ᐊᓐ ᒪᒃ ᐊᐱᒋᐊᑭᓐ ᐸᐃᒂᐤ ᒐᓯᐱᔪᐤ ᑲ ‍ ᒥᔭᑭᓄᐅᑦ, ᒋ ‍ ᒧᓇᐊᒻ ᐊᓐᑕ ᐊᔅᒋᒡ ᐊᑯᑕ ᑲ ‍ ᑲᑕᑦ ᐊᓂᔭ ᐅᒋᒪᒪ ᐅᓱᓇᔭᓂᒥᔪᐤ᙮”
\p
\v 19 “ᓇᐅᔅ ᒪᒃ ᓇᒪ ᐅᒋ ᑕᔪᐛ ᐊᓂᔭ ᐅᒋᒪᒧᐛᐛ ᐊᓐᒡ ᐊᐱᒋᐊᑭᓐᒡ ᒐᒃ ᒂ ᐸᒋ ‍ ᒋᐛᔨᒋ ᐊᑯ ᒂ ‍ ᑯᒂᒋᒧᑯᒡ ᑕᓐ ᑲ ‍ ᑐᑕᒡ ᐊᓂᔭ ᓱᓇᔭᔪᐤ ᑲ ‍ ᒥᔨᑯᒡ᙮
\v 20 ᐊᓐ ᒪᒃ ᐊᐱᒋᐊᑭᓐ ᐱᑕᑕᒡ ᒐᓯᐱᔪᐤ ᑲ ‍ ᒥᔭᑭᓄᐅᑦ ᓱᓇᔭᔪᐤ ᒋ ᐸᒋ ‍ ᐱᒐᐤ, ᒂ ‍ ᒥᔭᑦ ᐊᓂᔭ ᐅᒋᒪᒪ ᐊᓂᔭ ᐱᑕᑕᒡ ᒐᓯᐱᔪᐤ ᓱᓇᔭᔪᐤ ᐊᑐᐎᔅ ᑲ ‍ ᒪᐅᒋᑕᑦ᙮ ᒋ ‍ ᐃᑕᐤ ᒪᒃ ᐊᓂᔭ ᐅᒋᒪᒧᐛᐛ, ‘ᐱᑕᑕᒡ ᒐᓯᐱᔪᐤ ᔅᒋ ‍ ᒥᔨᓐ ᓱᓇᔭᐤ, ᒥᓐ ᒪᒃ ᐱᑕᑕᒡ ᒐᓯᐱᔪᐤ ᐊᑐᐎᔅ ᓂᒋ ‍ ᒪᐅᒋᐊᐤ᙮’ ”
\p
\v 21 “ ‘ᑕᑈ ᒋ ‍ ᒥᔪᑐᑕᓐ ᑭᔭ ᑕᑈ ᒋ ᒥᔪ ‍ ᐊᐱᑎᓯᓐ,’ ᒋ ‍ ᐃᑎᑯᐤ ᐊᓂᔭ ᐅᒋᒪᒪ᙮ ‘ᑯᐃᔅᒄ ᐊᒋ ᐃᓯ ‍ ᐊᑐᔅᒐᔅᑎᒥᓐ ᐊᓐ ᐊ ‍ ᐊᐱᓴᓯᒡ ᑕᓐ ᑲ ᐃᓯ ‍ ᐱᑯᓴᔨᒥᑯᔨᓐ ᐊᑯ ᐊᑐᐎᔅ ᐊ ‍ ᒥᓴᒋ ᒐᒂᔪᐛ ᒐ ‍ ᐱᔅᑎᓂᒪᑯᔨᓐ ᒐᒋ ᐅᒋᒪᐧᑲᑎᒥᓐ᙮ ᐊᔅᑎᒻ ᐸᒋ ‍ ᐱᒐ, ᒐ ᐸᒋ ‍ ᐎᒋᐃᔨᓐ ᑕᓐ ᐊ ᐃᓯ ‍ ᒥᔽᔨᑎᒪᓐ᙮’ ”
\p
\v 22 “ᐊᑯ ᐊᓐ ᓂᔄᐤ ᒐᓯᐱᔪᐤ ᑲ ‍ ᒥᔭᑭᓄᐅᑦ ᓱᓇᔭᔪᐤ ᒋ ᐸᒋ ‍ ᐱᒐᐤ ᒂ ‍ ᐃᑕᑦ ᐊᓂᔭ ᐅᒋᒪᒪ, ‘ᓂᔄᐤ ᒐᓯᐱᔪᐤ ᔅᒋ ᐸᒋ ‍ ᒥᔨᓐ, ᒥᓐ ᒪᒃ ᓂᔄᐤ ᒐᓯᐱᔪᐤ ᐊᑐᐎᔅ ᓂᒋ ‍ ᒪᐅᒋᑕᓐ᙮’
\v 23 ‘ᑕᑈ ᒋ ‍ ᒥᔪᑐᑕᓐ ᑭᔭ ᐊᔪᐛᒡ ᑲ ᒥᔪ ‍ ᐊᐱᑎᓯᔨᓐ’ ᒋ ‍ ᐃᑎᑯᐤ ᐊᓂᔭ ᐅᒋᒪᒪ᙮ ‘ᑯᐃᔅᒄ ᐊᒋ ᐃᓯ ‍ ᐊᑐᔅᒐᔅᑎᒥᓐ ᐊᓐ ᐊ ‍ ᐊᐱᓴᓯᒡ ᑕᓐ ᑲ ᐃᓯ ‍ ᐱᑯᓴᔨᒥᑯᔨᓐ, ᐊᑐᐎᔅ ᐊ ‍ ᒥᓴᒋ ᒐᒂᔪᐛ ᒋᑭ ‍ ᐱᔅᑎᓂᒪᑯᐅᓐ ᒐᒋ ᐅᒋᒪᐧᑲᑎᒥᓐ᙮ ᐊᔅᑎᒻ ᐸᒋ ‍ ᐱᒐ, ᒐ ᐸᒋ ‍ ᐎᒋᐃᔨᓐ ᑕᓐ ᐊ ᐃᓯ ‍ ᒥᔽᔨᑎᒪᓐ᙮’ ”
\p
\v 24 “ᐊᑯ ᐊᓐ ᐊᐱᒋᐊᑭᓐ ᐸᐃᒂᐤ ᒐᓯᐱᔪᐤ ᑲ ‍ ᒥᔭᑭᓄᐅᑦ ᒂ ᐸᒋ ‍ ᐱᒐᑦ, ᒂ ‍ ᐃᑕᑦ ᐊᓂᔭ ᐅᒋᒪᒪ, ‘ᐅᑎᐸᔨᒋᒐᐤ, ᒋ ‍ ᒋᔅᒐᔨᒥᑎᓐ ᐊᔨᒥᓯᐎ ᐃᔪᐎᓐ, ᑭᔭ ᐅᔅᑕ ᒥᔅᑎ ᐊ ‍ ᓂᑐᐛᔨᑎᒥᓐ ᐃᔅᐱᔅ ᐎ ᑕᓐ ᐊᔅᐱᔅ ᒥᔨᐛᔨᓐ᙮
\v 25 ᔅᒋ ‍ ᑯᔅᑎᑎᓐ, ᐊᑯ ᑭᔭ ᑲ ᓂᑐ ‍ ᑲᑕᔭᓐ ᐊᓐ ᒋᓱᓇᔭᓂᒻ ᐊᓐᑕ ᐊᔅᒋᒡ᙮ ᒪᐅ ᒪᒃ ᒋᓱᓇᔭᓂᒻ ᑲ ᐸᒋ ‍ ᒥᔨᓐ᙮’ ”
\p
\v 26 “ᐊᑯ ᒂ ‍ ᐃᑎᑯᑦ ᐊᓂᔭ ᐅᒋᒪᒪ, ‘ᑕᑈ ᑲ ‍ ᓄᑕᓯᔨᓐ ᑭᔭ ᑕᑈ ᑲ ‍ ᒥᒋᑯᐸᓇᐎᔨᓐ᙮ ᔅᒋ ‍ ᒋᔅᒐᔨᑕᓐ ᐅᔅᑕ ᒥᔅᑎ ᓇᑐᐛᔨᑎᒪᓐ ᐃᔅᐱᔅ ᐎ ᑕᓐ ᐊᔅᐱᔅ ᒥᔨᐛᔭᓐ᙮
\v 27 ᒐᒂᓐ ᒪᒃ ᐛᒋ ᐊᑲ ᐅᒋ ᐊᔅᑕᔨᓐ ᐊᓐ ᓱᓇᔭᐤ ᐊᓐᑕ ᓱᓇᔭᐅᒋᐛᐱᒡ ᒐᒋ ᒪᐅᑕᐱᔨᒡ ? ᐊᑯ ᒪᒃ ᐃᔅᐱ ᒥᓐ ᑎᑯᓯᓂᔭᓐ ᓂᐸ ‍ ᒥᔅᑲᓐ ᑕᓐ ᑲ ᐃᔅᐱᔅ ‍ ᒪᐅᑕᐱᔨᒂ ᐊᓐ ᓂᓱᓇᔭᓂᒻ᙮’ ”
\p
\v 28 “ᐊᑯ ᐊᓐ ᐅᒋᒪᐤ ᒂ ‍ ᐃᔅᒋᔄᑦ, ‘ᐅᑎᓂᒺᐧᒄ ᐊᓂᔭᔪᐤ ᐅᓱᓇᔭᐱᔅᑯᒪ, ᒐ ‍ ᒥᔭᒄ ᐊᓐ ᐊᐱᒋᐊᑭᓐ ᐸᐃᑯᔪᐤ ᑕᑥᐤ ᒐᓯᐱᔪᐤ ᑲ ‍ ᑕᑎᓯᔨᒋ ᐅᓱᓇᔭᐱᔅᑯᒪ᙮
\v 29 ᒥᓯᐛ ᐊᐛᓐ ᑲ ‍ ᐊᔭᑦ ᒐᒂᔪᐤ ᐊᑐᐎᔅ ᒋᑭ ‍ ᑎᑯᓂᔪᐤ ᒐ ᐃᓯ ‍ ᒥᔭᑭᓄᐅᑦ᙮ ᒋᑭ ‍ ᐛᔪᑎᓯᔪᐤ ᒪᒃ᙮ ᐊᑯ ᐊᓐ ᐊᐛᓐ ᐊᑲ ᓇᔅᒡ ᐊᔭᑦ ᒐᒂᔪᐤ ᐛᐛᒡ ᐊᓂᔭ ᑕᓐ ᐊ ᐃᓯ ‍ ᐊᐱᓯᔅ ᐊᔭᑦ ᒋᑭ ‍ ᐅᑎᓇᑭᓄᐅᔪᐤ᙮
\v 30 ᐅ ᒪᒃ ᐊᐱᒋᐊᑭᓐ ᐊᑲ ᐎᔭᔅ ᐃᑕᐱᑎᓯᑦ ᐊᓐᑕ ᐅᓂᑎᐱᔅᒋᓯᐅᓂᒡ ᐃᓯ ᐛᐱᓇᐧᒄ᙮ ᐊᑯᑕ ᐊᓐᑕ ᒐ ‍ ᒪᓄᐅᒡ ᑭᔭ ᒐ ‍ ᒪᒥᑥᔭᐱᑕᓯᓇᓄᐅᒡ ᒐ ᐃᔅᐱᔅ ‍ ᐎᓯᒐᔨᑕᑭᓄᐅᒡ᙮’ ”
\s1 ᑕᓐ ᒐ ᐃᓯ ‍ ᑎᐸᔅᑯᓇᑦ ᒥᓯᐛ ᐊᐛᔪᐛ ᐃᔪᐤ ᐅᑯᓯᓴᓐ
\s2 Matthew 25.31-46 (Proper-29 Year A; New Years Day Year B, C)
\p
\v 31 “ᐊᓐᑕ ᒪᒃ ᓂᑲᓐ ᐃᔅᐱ ᐃᔪᐤ ᐅᑯᓯᓴᓐ ᑎᑯᓯᓐᒐ ᓇᔅᒡ ᐊ ‍ ᒋᔅᑕᔨᑕᑯᓯᑦ ᑭᔭ ᐊ ‍ ᓱᒐᔨᑕᑯᓯᑦ ᒥᓯᐛ ᐊᓐᒋᓇ ᐊ ᐸᒋ ‍ ᐎᒐᐛᑦ, ᐊᑯ ᒐ ‍ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᓐᑕ ᒐᒋ ᐅᒋ ‍ ᑎᐸᔅᑯᓇᑦ ᐊᐛᔪᐛ᙮
\p
\v 32 ᐊᑯ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ ᒐ ‍ ᒪᒧᔨᒋ ᐊᓐᑕ ᐊ ‍ ᑕᑦ᙮ ᐊᑯ ᒐ ‍ ᑎᐸᓇᐊᑦ ᐅᔭ, ᒧᔭᒻ ᒪᔭᑕᓂᓯᐅ-ᐃᔪᐤ ᑲᒋ ‍ ᐃᑐᑐᐛᑦ ᒪᔭᑕᓂᓴ ᑭᔭ ᐊᓂᔭ ᑲ ‍ ᐊᐱᓯᓯᔨᒋ ᐊᐛᓯᓴ ᑲ ‍ ᐅᑦ ᐊᔅᑭᓂᓯᔨᒋ᙮
\v 33 ᐅᒥᔪᐅᓂᒡ ᒋᑭ ‍ ᐊᔭᐤ ᐊᓂᔭ ᒪᔭᑕᓂᓴ ᐊᑯ ᐊᓂᔭ ᑯᑎᑲ ᑲ ‍ ᐅᑦ ᐊᔅᑭᓂᓯᔨᒋ ᑲ ‍ ᐊᐱᓯᓯᔨᒋ ᐊᐛᓯᓴ ᐊᓐᑕ ᐅᓂᔅᐸᒋᐅᓂᒡ ᒐ ‍ ᐊᔭᑦ᙮
\p
\v 34 ᐊᑯ ᒐ ‍ ᐃᑕᑦ ᐊᓐ ᒋᓴᐅᒋᒪᐤ ᐊᓂᔭ ᐃᔪᐛ ᐊᓐᑕ ᐅᒥᔪᐅᓂᒡ ᐊ ‍ ᑕᔨᒋ, ‘ᐊᔅᑎᒧᒄ ᒋᔨᐛᐤ ᑲ ‍ ᓱᐛᔨᒥᑕᒄ ᓄᑕᐎᔾ᙮ ᐊᔅᑎᒧᒄ, ᐅᑎᓂᒧᒄ ᐊᓐ ᒋᓴᐅᒋᒪᐅᓐ ᐊᓐ ᑲ ‍ ᐊᓱᑎᒪᑯᐅᔭᒄ ᐃᔅᐱ ᒪᐅᒡ ᓂᔅᑎᒻ ᑲ ‍ ᐅᓯᑕᑭᓄᐅᒡ ᐅ ᐊᔅᒋᔾ᙮
\v 35 ᐛᔅ ᑲ ‍ ᓯᐛᔨᔭᓐ, ᔅᒋ ‍ ᐊᓯᒥᓇᐛᐤ, ᑭᔭ ᑲ ᐎ ‍ ᒥᓂᔭᓐ, ᔅᒋ ‍ ᒥᓇᐃᓇᐛᐤ, ᑲ ‍ ᒪᓐᑕᐅᔭᓐ ᔅᒋ ‍ ᐱᑎᑲᐃᓇᐛᐤ᙮
\v 36 ᐊᑲ ᐅᒋ ᐅᑦ ᐊᐱᒋᑕᐅᓂᔭᓐ, ᔅᒋ ‍ ᐛᑕᔅᐱᓯᓇᐛᐤ, ᑲ ‍ ᐊᐧᑯᓯᔭᓐ, ᔅᒋ ‍ ᑭᓄᐛᔨᒥᓇᐛᐤ, ᑭᔭ ᑲᒪᑯᓄᐛᓯᐅᒋᐛᐱᒡ ᑲ ‍ ᑕᔭᓐ ᔅᒋ ‍ ᒧᐱᔅᑐᐅᓇᐛᐤ᙮’
\p
\v 37 ᐊᑯ ᒪᒃ ᒐ ‍ ᐃᑎᑯᑦ ᐊᓂᔭ ᑲ ‍ ᑯᐃᔅᑯᑕᑎᓯᔨᒋ, ‘ᐅᑎᐸᔨᒋᒐᐤ ᓇᒪ ᓂᑕ ᒋ ᐅᒋ ‍ ᐛᐱᒥᑎᓇᓐ ᐊ ‍ ᓯᐛᔨᓐ, ᒐᒋ ᐊᓯᒥᑕᒡ, ᒪᒃ ᐊ ᐎ ‍ ᒥᓂᔨᓐ, ᒐᒋ ᒥᓇᐃᑕᒡ᙮
\v 38 ᑭᔭ ᓇᒪ ᓂᑕ ᒋ ᐅᒋ ‍ ᐛᐱᒥᑎᓇᓐ ᐊ ‍ ᒪᓐᑕᐎᔨᓐ, ᒐᒋ ᐱᑎᑲᐃᑕᒡ, ᒪᒃ ᐊᑲ ᐅᑦ ᐊᐱᒋᑕᐅᓂᔨᓐ, ᒐᒋ ᐛᑕᔅᐱᑕᒡ᙮
\v 39 ᑭᔭ ᓇᒪ ᓂᑕ ᒋ ᐅᒋ ‍ ᐛᐱᒥᑎᓇᓐ ᐊ ‍ ᐊᐧᑯᓯᔨᓐ ᒪᒃ ᐊ ‍ ᒋᐸᐅᑯᔨᓐ, ᒐᒋ ᓇᒋ ‍ ᒧᐱᔅᑕᑕᒡ᙮’
\p
\v 40 ᐊᑯ ᒋᓴᐅᒋᒪᐤ ᒐ ‍ ᐃᑕᑦ, ‘ᒋ ‍ ᐎᑎᒪᑎᓇᐛᐤ, ᐊᓂᔭᔪᐤ ᑕᓐ ᑲ ᐃᓯ ‍ ᐃᑐᑐᐛᒄ ᐸᐃᒄ ᐊᓐ ᓂᐧᑲᓂᔅ ᐊᑲ ᓇᔅᒡ ᐊᐱᑕᔨᑕᑯᓯᑦ ᑲ ‍ ᐃᑕᔨᒪᑭᓄᐅᑦ, ᓂᔾ ᔅᒋ ‍ ᐃᑐᑐᓇᐛᐤ᙮’
\p
\v 41 ᐊᑯ ᒐ ‍ ᐃᑕᑦ ᐊᓂᔭᔪᐛ ᐅᓂᔅᐸᒋᐅᓂᒡ ᑲ ‍ ᑕᔨᒋ ᐊᓂᔭ ᑲ ‍ ᒥᒐᑎᓯᔨᒋ, ‘ᐊᐅᓯᒄ ᓇᑕ ᒋᔨᐛᐤ ᒋᓴᒪᓂᑐᐤ ᒐ ‍ ᐛᐛᓯᐃᑕᒄ ᐊᓐᑕ ᐃᔅ ᑲᒋᒡ ᒥᒋ ‍ ᐃᔅᑯᑕᒡ ᐊᓂᔭᔪᐤ ᑲ ᐃᓯ ‍ ᐊᔭᔅᑯᔅᑎᒧᐛᑭᓄᔨᒋ ᒥᒋᒥᓂᑐᐛ ᑭᔭ ᐅᑦ ᐊᐱᒋᐊᑭᓂᔪᐛ᙮
\v 42 ᐛᔅ ᓂᒋ ‍ ᓯᐛᔨᓐ ᓇᒪ ᒪᒃ ᒋ ᐅᒋ ‍ ᐊᓯᒥᓇᐛᐤ, ᓂᒋ ᐎ ‍ ᒥᓐ ᓇᒪ ᒋ ᐅᒋ ‍ ᒥᓇᐃᓇᐛᐤ᙮
\v 43 ᓂᒋ ‍ ᒪᓐᑕᐅᓐ, ᓇᒪ ᒋ ᐅᒋ ‍ ᐱᑎᑲᐃᓇᐛᐤ ᒋᒋᐛᐛᒡ, ᓇᒪ ᓂ ᐅᒋ ‍ ᐅᑦ ᐊᐱᒋᑕᐅᓐ, ᓇᒪ ᒋ ᐅᒋ ‍ ᐛᑕᔅᐱᓯᓇᐛᐤ᙮ ᓂᒋ ‍ ᐊᐧᑯᓯᓐ ᑭᔭ ᓂᒋ ‍ ᒋᐸᐅᑯᓐ ᓇᒪ ᒪᒃ ᒋ ᐅᒋ ‍ ᒧᐱᔅᑐᐅᓇᐛᐤ᙮’
\p
\v 44 ᐊᑯ ᒪᒃ ᒐ ‍ ᐃᑕᒡ, ᐊ ᐃᓯ ‍ ᐎᑎᒧᐛᒡ, ‘ᐅᑎᐸᔨᒋᒐᐤ ᓇᒪ ᓂᑕ ᒋ ᐅᒋ ‍ ᐛᐱᒥᑎᓇᓐ ᐊ ‍ ᓯᐛᔨᓐ ᒪᒃ ᐊ ᐎ ‍ ᒥᓂᔨᓐ ᑭᔭ ᐊ ‍ ᒪᓐᑕᐎᔨᓐ ᑭᔭ ᐊᑲ ᐅᑦ ᐊᐱᒋᑕᐅᓂᔨᓐ, ᒪᒃ ᐊ ‍ ᐊᐧᑯᓯᔨᓐ ᑭᔭ ᐊ ‍ ᒋᐸᐅᑯᔨᓐ, ᐊᑲ ᒪᒃ ᐅᒋ ᐎᒋᐃᑕᒡ᙮’
\v 45 ᐊᑯ ᒪᒃ ᒐ ‍ ᐃᑎᑯᒡ ᐅᑎᐸᔨᒋᒐᐛ, ‘ᑕᑈ ᒋ ‍ ᐎᑎᒪᑎᓇᐛᐤ ᐊᓐ ᐊᑲ ᐅᒋ ᐎᒋᐊᒄ ᐸᐃᒄ ᓂᐧᑲᓂᔅ ᐊᓐ ᐊᑲ ᓇᔅᒡ ᐊᐱᑕᔨᑕᑯᔅᑦ ᑲ ‍ ᐃᑕᔨᒪᑭᓄᐅᑦ, ᓂᔾ ᑭᔭ ᓇᒪ ᒋ ᐅᒋ ‍ ᐎᒋᐃᓇᐛᐤ᙮’
\v 46 ᐊᐅᒄ ᒪᒃ ᐅᒡ ᑲ ‍ ᒥᒐᑎᓯᒡ ᒐ ‍ ᐃᑎᓴᐛᑭᓄᐎᒡ ᐊᓐᑕ ᑲᒋᒡ ᒐ ᐃᓯ ‍ ᓂᓇᐧᑲᑕᔨᒧᒡ, ᐊᑯ ᐊᓐᒡ ᑲ ‍ ᑯᐃᔅᑯᑕᑎᓯᒡ ᐊᓐᑕ ᑲᒋᒡ ᐱᒪᑎᓯᐅᓂᒡ ᒐ ‍ ᐃᑎᓴᐛᑭᓄᐎᒡ᙮”
\c 26
\s1 ᑲ ‍ ᐊᔨᒧᑕᑭᓄᐎᒡ ᒐᒋ ᒪᑯᓇᑭᓄᐅᑦ ᒋᓴᔅ
\r ᒪᕐᒃ 14.1,2; ᓗᒃ 22.1,2; ᒠᓐ 11.45-53
\p
\v 1 ᐃᔅᐱ ᒪᒃ ᑲᒋ ᐃᓯ ‍ ᒋᔅᑯᑎᒪᒐᑦ ᒋᓴᔅ, ᒋ ‍ ᐃᑕᐤ ᐊᓂᔭ ᐅᒋᔅᒋᓄᐊᒧᐛᑭᓇ,
\v 2 “ᒋ ‍ ᒋᔅᒐᔨᑕᓇᐛᐤ ᓂᓱ ᒋᓯᑲᐛ ᐃᔅᐱᔅ ᐊᑯ ᒐ ‍ ᒋᒋᐱᔨᒡ ᐎᒪᔅᑲᒐᐅ-ᒥᑯᓴᐅᓐ᙮ ᐊᑯᑕ ᒪᒃ ᐊᓐ ᒪᒂᒡ ᐃᔅᐱᔨᒐ ᒐ ‍ ᐱᔅᑎᓇᑭᓄᐅᑦ ᐃᔪᐤ ᐅᑯᓯᓴᓐ ᒐᒋ ᒋᔅᑕᔎᑕᑭᓄᐅᑦ᙮”
\p
\v 3 ᐊᑯ ᐊᓐᒡ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ‍ ᓂᑲᓂᔅᑯᐛᒡ ᐃᔪᐛ ᑲ ‍ ᒪᒧᐎᒡ ᐊᓐᑕ ᒋᓴᐊᔭᒥᐊᐅᒋᒪᐛ ᑲᔭᐸᓴ ᐅᒋᓴᐅᒋᒪᐅᒋᐛᐱᒡ᙮
\v 4 ᐊᑯ ᒂ ‍ ᐛᑕᔨᑕᒡ ᒋᒧᑦ ᒐᒋ ᒪᑯᓇᒡ ᒋᓴᓴ ᑭᔭ ᒐᒋ ᓂᐸᐊᒡ᙮
\v 5 ᒋ ‍ ᐃᑕᐅᒡ ᒪᒃ, “ᓇᒪ ᐎ ᒪᒂᒡ ᐅ ᒥᑯᓴᓄᐅᒐ ᒋᑭ ᒋ ‍ ᒪᑯᓇᓄᐤ, ᐛᔅ ᒂᔄᓐ ᒋᑭ ᒥᔅᑎ ‍ ᒋᔄᓱᐅᒡ ᐃᔪᒡ ᒋᑭ ᒋ ‍ ᐃᓯᓇᑯᓐ ᒋᒋᐛ ᒐᒋ ᒥᒋᐱᔨᓇᓄᐅᒡ᙮”
\s1 ᑲ ‍ ᓂᑲᓐ ᑐᒥᔅᑯᓇᑭᓄᐅᑦ ᒋᓴᔅ
\r ᒪᕐᒃ 14.3-9; ᒠᓐ 12.1-8
\p
\v 6 ᐸᑕᓂᒡ ᒋ ‍ ᑕᐤ ᒋᓴᔅ, ᐊᓐᑕ ᓴᐃᒥᓇ ᐎᒋᔨᒡ᙮ ᐅ ᓴᐃᒥᓐ ᐊ ‍ ᒪᔭᑎᓂᔨᒡ ᐊᐧᑯᓱᐅᓂᔪᐤ ᐅᓯᑲᒡ ᐛᔅᑭᒡ ᒋ ‍ ᐃᑕᐧᑯᓱᐤ᙮
\v 7 ᒪᒂᒡ ᒪᒃ ᒋᓴᔅ ᐊ ‍ ᒥᒋᓱᑦ, ᒋ ᐅᒋ ‍ ᐱᒐᔪᐛ ᐃᔎᐛ ᐊ ᐸᒋ ‍ ᑕᐧᑯᓂᒥᔨᒋ ᓇᔅᒡ ᐊ ‍ ᒥᔽᓯᔨᒡ ᐳᑕᔪᐤ ᐊ ‍ ᐱᒋᑎᓂᔨᒡ ᐊᓐᑕ ᒪᐅᒡ ᑲ ‍ ᓱᓇᔭᐎᔨᒡ ᐊ ‍ ᐎᒋᒪᑯᓯᔨᒡ ᑐᒥᓂᑭᓂᔪᐤ᙮ ᒋᓴᓴ ᒪᒃ ᐅᔅᑎᒂᓂᔨᒡ ᐅᔭ ᒋ ‍ ᑯᑎᐱᓂᒺᐤ᙮
\p
\v 8 ᐃᔅᐱ ᒪᒃ ᐊᓐᒡ ᒋᔅᒋᓄᐊᒧᐛᑭᓐᒡ ᐎᔭᐱᒪᒡ ᐅᔭ ᐊ ‍ ᐃᑎᔨᒋ, ᒋ ‍ ᒋᔄᐃᑯᐅᒡ, ᐊ ‍ ᐃᔅᒋᔄᒡ, “ᑕᑈ ᐃᔭᔪᑕᐤ ᐊᓂᔭ ᐊ ‍ ᐎᒋᒪᑯᓯᔨᒡ ᑐᒥᓂᑭᓂᔪᐤ᙮
\v 9 ᒋ ᐸᒋ ‍ ᐊᑕᐛᒐᓄᔪᐤ ᐊᓂᔭ ᐊ ‍ ᐎᒋᒪᑯᓯᔨᒡ ᑐᒥᓂᑭᓂᔪᐤ ᑭᔭ ᒋ ᐸᒋ ‍ ᒥᔭᑭᓄᐎᒡ ᐊᓂᔭ ᓱᓇᔭᔪᐤ ᐊᓐᒡ ᐊᐛᓐᒋ ᑲ ‍ ᒋᔅᑎᒪᑎᓯᒡ᙮”
\p
\v 10 ᒋᓴᔅ ᒪᒃ ᒋ ‍ ᒋᔅᒐᔨᒪᐤ ᑕᓐ ᐊ ‍ ᐃᑎᑐᔨᒋ, ᐊᑯ ᐊᑕᑦ, “ᒐᒂᓐ ᐛᒋ ‍ ᐊᔨᒪᔨᑎᒪᒄ ? ᒥᔅᑎ ᒥᔽᓯᔪᐤ ᐊᓂᔭ ᐊᒋ ‍ ᐃᑐᑐᐅᑦ᙮
\v 11 ᒧᓯᓇᐤ ᒋᑭ ‍ ᑕᐅᒡ ᑲ ‍ ᒋᔅᑎᒪᑎᓯᒡ ᐅᑕ ᐊ ‍ ᑕᔭᒄ, ᓂᔾ ᒪᒃ ᓇᒪ ᒧᔅ ᓂᑭ ᐅᒋ ᑕᓐ ᐅᑕ ᐊ ‍ ᑕᔭᒄ᙮
\v 12 ᐅᔭ ᑲ ᐃᓯ ᐸᒋ ‍ ᐃᑐᑐᐅᑦ ᑲ ᐸᒋ ‍ ᑯᑎᐱᓇᐧᒃ ᐊ ‍ ᐎᒋᒪᑯᓯᔨᒡ ᑐᒥᓂᑭᓂᔪᐤ ᐅᑕ ᐊ ‍ ᑕᐅᒡ, ᒧᔭᒻ ᐊ ‍ ᐊᔭᔅᑯᐎᐧᑲᐧᒃ ᐊᓂᔭᔪᐤ ᒐ ‍ ᓇᐅᔅᑕᑭᓄᐎᒡ ᐊᑯᓐ ᐊ ‍ ᐃᓯᓇᑯᓂᔨᒡ ᐅᔭ ᑲ ‍ ᐃᑎᑦ᙮
\v 13 ᑕᑈ ᒋᑦ ᐃᑎᓇᐛᐤ, ᑕᓐᑕ ᒥᒄ ᒐ ‍ ᑭᒐᔅᒋᒧᓇᓄᐅᒂ ᐊ ‍ ᐛᐎᑕᑭᓄᐅᒡ ᒥᔽᒋᒧᐅᓐ ᒥᓯᐛ ᐊ ‍ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᒋᑭ ‍ ᐎᑕᑭᓄᐅᔪᐤ ᐅᔭ ᑕᓐ ᑲ ‍ ᐃᑎᑦ ᐊ ‍ ᒋᔅᒋᓯᑐᐛᑭᓄᐅᑦ ᐅ ᐃᔎᐤ᙮”
\s1 ᒍᑎᔅ ᑲ ‍ ᓂᔅᑯᒧᑦ ᒐᒋ ᐎᔭᓯᐱᔅᑎᓇᑦ ᒋᓴᓴ
\r ᒪᕐᒃ 14.10,11; ᓗᒃ 22.3-6
\p
\v 14 ᐊᑯ ᐸᐃᒄ ᐊᓐᑕ ᐊ ‍ ᓂᓱᓴᐳᒡ ᐊᓐᒡ ᒋᔅᒋᓄᐊᒧᐛᑭᓐᒡ ᒍᑎᔅ ᐃᔅᑲᕆᔭᑦ ᑲ ‍ ᐃᓯᓂᐧᑲᓱᑦ ᒋ ‍ ᓂᑐᐛᐱᒪᐤ ᐊᓂᔭ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ᙮
\v 15 ᐊᑯ ᒂ ‍ ᐃᑕᑦ, “ᒐᒂᓐ ᒐ ‍ ᒥᔨᔭᒄ ᐎᒋᐃᑎᑯᒐ ᒐᒋ ᒪᑯᓇᒄ ᒋᓴᔅ ?” ᓂᔅᑐᔪᐤ ᒪᒃ ᓱᓇᔭᐱᔎ ᒋ ‍ ᐛᐸᑎᔨᑯᐤ ᐊᑯ ᒂ ‍ ᐃᑎᑯᑦ, ᒪᐅ ᓱᓇᔭᐤ ᒐ ‍ ᒥᔨᑕᒡ᙮
\v 16 ᐊᑯᑕ ᒪᒃ ᐊᓐᑕ ᐃᔅᐱ ᒧᔅ ᑲ ‍ ᓇᓂᑐᐛᔨᑎᒺᑦ ᒍᑎᔅ ᑕᓐᑕ ᒐᒋ ᓇᐃᐱᔨᒡ ᒐᒋ ᐱᔅᑎᓇᑦ ᒋᓴᓴ ᒐᒋ ᒪᑯᓇᑭᓄᔨᒋ᙮
\s1 ᒋᓴᔅ ᑲ ‍ ᐎᒋᒥᒋᓱᒪᑦ ᐅᒋᔅᒋᓄᐊᒧᐛᑭᓇ
\r ᒪᕐᒃ 14.12-21; ᓗᒃ 22.7-13,21-23; ᒠᓐ 13.21-30
\p
\v 17 ᐊᓐ ᒪᒃ ᓂᔅᑎᒻ ᐊ ‍ ᒋᓯᑲᒡ ᐊᓐᑕ ᐊᓂᔭᔪᐛ ᐊ ᐊᑎ ‍ ᒋᓯᑲᒋ ᐊᑲ ᐅᐱᔨᑦ ᐸᒂᓯᑭᓐ ᑲᒋ ‍ ᒧᐛᑭᓄᐅᑦ, ᒋᓴᔅ ᒋ ᐸᒋ ‍ ᓂᑐᐛᐱᒥᑯᐤ ᐅᒋᔅᒋᓄᐊᒧᐛᑭᓇ ᐊᑯ ᒂ ‍ ᐃᑎᑯᑦ, “ᑕᓐᑕ ᓇᑐᐛᔨᒥᔭᒡ ᒐᒋ ᐊᔭᔅᑯᔅᑎᒪᑕᒡ ᐎᒪᔅᑲᒐᐅ-ᒥᑯᓴᓐ ᒐᒋ ᒥᒋᔨᓐ ?”
\p
\v 18 ᒋ ‍ ᐃᑕᐤ ᒪᒃ, “ᐃᑐᑕᒄ ᐊᓐᑕ ᐅᑕᓇᒡ, ᒐ ‍ ᓂᑐᐛᐱᒪᒄ ᐸᐃᒄ ᓇᐸᐤ ᐊᑯ ᒐ ‍ ᐃᑕᒄ, ‘ᐃᔅᒋᔄᐤ ᒋᔅᑯᑎᒪᒐᓱᐤ, ᓴᔅ ᐎᐱᒡ ᒋᑭ ‍ ᐅᑎᒋᐱᔪᐤ ᒐ ‍ ᓂᑭᑎᒪᓐ ᐅ ᐊᔅᒋᔾ᙮ ᐊᓐᑕ ᒋᒋᒡ ᓂᒋᔅᒋᓄᐊᒧᐛᑭᓐᒡ ᓂᑭ ᐸᒋ ‍ ᒥᑯᓴᓇᓐ ᐊᓐ ᐎᒪᔅᑲᒐᐅ-ᒥᑯᓴᓐ᙮’ ”
\p
\v 19 ᐅᒋᔅᒋᓄᐊᒧᐛᑭᓇ ᒪᒃ ᒋ ‍ ᐃᑐᑎᒥᔪᐛ ᐊᓂᔭ ᑕᓐ ᑲ ‍ ᐃᑎᓱᒪᑦ, ᑭᔭ ᒋ ‍ ᐊᔭᔅᑯᔅᑕᔪᐛ ᐊᓂᔭ ᒥᑯᓴᓂᔪᐤ᙮
\p
\v 20 ᐊᓂᔭ ᒪᒃ ᐛᑕᑯᓯᔨᒡ, ᒋᓴᔅ ᑭᔭ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᒋ ‍ ᐃᑐᑕᐅᒡ ᐊᓐᑕ ᒐ ‍ ᒥᑯᓴᒡ᙮
\v 21 ᒪᒂᒡ ᒪᒃ ᐊ ‍ ᒥᒋᓱᒡ, ᒋᓴᔅ ᒋ ‍ ᐃᑕᐤ, “ᑕᑈ ᒋᑦ ᐃᑎᓇᐛᐤ, ᐸᐃᒄ ᐅᑕ ᐊ ‍ ᑎᓯᔭᒄ ᓂᑭ ‍ ᐎᔭᓯᐱᔅᑎᓂᒄ᙮”
\p
\v 22 ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ‍ ᒥᓯᒪᔨᑎᒧᒡ ᐊᓂᔭ ᐊ ‍ ᐃᔅᒋᔄᔨᒋ ᐊᑯ ᐸᐸᐃᒄ ᒂ ‍ ᐃᑕᒡ, “ᐅᑎᐸᔨᒋᒐᐤ, ᓂᔾ ᐊ ᑲ ‍ ᐃᓯᔨᓐ ?”
\p
\v 23 ᐊᑯ ᒋᓴᔅ ᐊᑕᑦ, “ᐊᓐ ᐊᐛᓐ ᒐ ‍ ᐸᐃᑯᑕᐛᐛᒐ ᐎᔭᑭᓐ ᐊ ‍ ᐊᑯᒋᒥᒋᒡ ᓂᐸᒂᓯᑭᓂᒥᓇᓐ ᐊᐅᑯᓐ ᐊᓐ ᒐ ‍ ᐎᔭᓯᐱᔅᑎᓂᑦ᙮
\v 24 ᒋᑭ ‍ ᓂᐸᐊᑭᓄᐤ ᐃᔪᐤ ᐅᑯᓯᓴᓐ ᐊᓂᔭ ᐊᓐ ᑕᓐ ᑲ ᐃᓯ ᐸᒋ ‍ ᒥᓯᓇᐃᑭᓄᐎᒡ ᒥᓯᓇᐃᑭᓂᒡ ᐊᓐᑕ ᐅᑕᒡ᙮ ᒥᒄ ᒪᒃ ᑕᑈ ᒋᑭ ‍ ᐊᒂᒡ ᒥᒋᐱᔪᐤ ᐊᓐ ᐊᐛᓐ ᒐ ‍ ᐎᔭᓯᐱᒋᔅᑎᓇᑦ ᐃᔪᐤ ᐅᑯᓯᓴᓇ᙮ ᐃᐛᒃ ᒋᐸ ‍ ᒥᔽᔨᑯᐱᓇ ᐊᓐ ᐊᐛᓐ ᐊᑲ ᐛᐛᒡ ᐅᒋ ᐱᒪᑎᓯᑯᐱᓇ᙮”
\p
\v 25 ᐊᑯ ᒍᑎᔅ ᐊᓐ ᒐ ‍ ᐎᔭᓯᐱᔅᑎᓇᑯᐱᓇ ᒋᓴᓴ ᒂ ‍ ᐃᔅᒋᔄᑦ, “ᓂᔾ ᐊ ᑲ ‍ ᐃᓯᔨᓐ ?” ᐊᑯ ᒋᓴᔅ ᐊᑕᑦ, “ᓂᐦᐃ, ᐊᐅᑯᓐ ᐛᔅ ᑭᑈ ᐊ ‍ ᐃᔅᒋᔄᔨᓐ᙮”
\s1 ᒋᓴᔅ ᒪᔅᑕᔾ ᑲ ‍ ᐎᒋᒥᒋᓱᒪᑦ ᐅᒋᔅᒋᓄᐊᒧᐛᑭᓇ
\r ᒪᕐᒃ 14.22-26; ᓗᒃ 22.14-20; 1 ᑯᕆᓐᑎᔭᓇ 11.23-25
\p
\v 26 ᐊᓂᔭ ᒪᒃ ᐊ ‍ ᒥᒋᓱᒡ, ᒋᓴᔅ ᒋ ‍ ᐅᑎᓇᐤ ᐸᒂᓯᑭᓇ ᐊᑯ ᒂ ‍ ᓂᓇᔅᑯᒪᑦ ᒋᓴᒪᓂᑐᐛ᙮ ᐃᔅᐱ ᒪᒃ ᑲ ‍ ᓂᓇᔅᑯᒧᑦ ᐊᑯ ᒂ ‍ ᐸᒂᓇᑦ ᐊᓂᔭ ᐸᒂᓯᑭᓇ ᐊᑯ ᒂ ‍ ᒥᔭᑦ ᐅᒋᔅᒋᓄᐊᒧᐛᑭᓇ ᐊ ‍ ᐃᑕᑦ, “ᐅᑎᓇᐧᒄ ᐅ, ᒧᐛᐧᒄ, ᐊᐅᒄ ᐅ ᓂᔪᐤ᙮”
\p
\v 27 ᐊᑯ ᐊᓂᔭ ᒥᓂᒂᑭᓂᔪᐤ ᒂ ‍ ᐅᑎᓇᐧᒃ, ᒂ ‍ ᓂᓇᔅᑯᒪᑦ ᒋᓴᒪᓂᑐᐛ, ᐊᑯ ᒂ ‍ ᒥᔭᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ‍ ᐃᑕᑦ, “ᐊᑎ ‍ ᒪᒥᔨᑐᒄ ᐅ ᒐᒋ ᒥᓂᔭᒄ ᒥᓯᐛ ᐊ ‍ ᑎᓯᔭᒄ᙮
\v 28 ᐛᔅ ᐊᐅᑯᓐ ᐅ ᓂᒥᐧᒄ ᒐ ᐅᒋ ‍ ᐅᔅᒋᑕᑭᓄᐅᒡ ᓂᔅᑯᒧᐅᓐ, ᐊᐅᒄ ᓂᒥᐧᒄ ᒐ ‍ ᓯᒋᓂᑲᑕᒡ ᒐᒋ ᐅᒋ ‍ ᐛᐸᔨᑎᒧᐛᑭᓄᐎᒡ ᒥᒐᑦ ᐊᐛᓐᒋ ᐅᒥᒋᑥᐅᓄᐛᐛ᙮
\v 29 ᒋ ‍ ᐎᑎᒪᑎᓇᐛᐤ ᒪᒃ ᓇᒪ ᒥᓐ ᓂᑭ ᐅᒋ ‍ ᒥᓐ ᓱᒥᓇᐳᔾ ᐅᑕ ᐎ ᐸᑐᔅ ᐊᓐᑕ ᓄᑕᐎᔾ ᐅᒋᓴᐅᒋᒪᐅᓂᒡ ᒥᓐ ᒪᒧᐤ ᒥᓂᔭᒂ᙮”
\p
\v 30 ᐃᔅᐱ ᒪᒃ ᑲ ‍ ᓂᑭᒧᒡ ᐊᔭᒥᐊᐅ-ᓂᑭᒧᐅᓂᔪᐤ ᐊᑯ ᒂ ‍ ᐃᑐᑕᒡ ᐊᓐᑕ ᐊᓕᐱᔅ ᑲ ‍ ᐃᓯᓂᐧᑲᑕᔨᒡ ᐱᔅᑯᑎᓇᔪᐤ᙮
\s1 ᒋᓴᔅ ᑲ ‍ ᓂᑲᓂᐎᑕᐧᒃ ᑕᓐ ᒐ ‍ ᐃᑎᔨᒋ ᐱᑕᕋ
\r ᒪᕐᒃ 14.27-31; ᓗᒃ 22.31-34; ᒠᓐ 13.36-38
\p
\v 31 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐅ ᐊᓄᒡ ᒐ ‍ ᑎᐱᔅᑲᒡ ᒥᓯᐛ ᐊ ‍ ᑎᓯᔭᒄ ᒋᑭ ‍ ᓇᑭᓯᓇᐛᐤ, ᐊᓐ ᐅᒋ ᑕᓐ ᒐ ‍ ᐃᑐᑕᑯᔭᓐ, ᐛᔅ ᐃᑎᔅᑕᔪᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᓂᑭ ‍ ᓂᑕᐛᐤ ᐊᓐ ᒪᔭᑕᓂᓯᐅ-ᐃᔪᐤ, ᐊᑯ ᐊᓐᒡ ᒪᔭᑕᓂᓯᒡ ᒐ ‍ ᐃᒐᔭᒧᒐᓄᐎᒡ᙮”
\p
\v 32 ᐊᑯ ᒋᓴᔅ ᒥᓐ ᑲ ᐊᑎ ‍ ᐃᑕᑦ, “ᐃᔅᐱ ᒪᒃ ᒋ ‍ ᐅᓂᔅᑲᓂᑯᐅᔭᓇ ᓂᐳᐅᓂᒡ ᐅᒡ ᐊᓐᑕ ᑲᓕᓕᒡ ᓂᑭ ‍ ᐃᑐᑕᓐ᙮ ᐊᑯᑕ ᐊᓐᑕ ᒐ ‍ ᐊᓱᐛᐱᒥᑎᑯᒡ᙮”
\p
\v 33 ᐱᑕᕐ ᒪᒃ ᒋ ‍ ᐃᑕᐤ, “ᐊᑎ ᒥᓯᐛ ᐊᐛᓐ ᓂᑭᑎᔅᒐ ᐊᓐ ᒐ ‍ ᐃᑐᑕᑯᔨᓐ ᓇᒪ ᐎ ᓂᔾ ᓂᑕ ᒋᑭ ᐅᒋ ‍ ᓂᑭᑎᑎᓐ᙮”
\p
\v 34 ᒋᓴᔅ ᒂ ‍ ᐃᑕᑦ ᐊᓂᔭ ᐱᑕᕋ, “ᒋᒋᐛ ᒋᑦ ᐃᑎᓐ᙮ ᐊᓄᒡ ᐅ ᒐ ‍ ᑎᐱᔅᑲᒡ ᓂᔍᐤ ᒋᑭ ‍ ᐃᔅᒋᔄᓐ ᐊᑲ ᒋᔅᒐᔨᒥᔨᓐ ᐊᔅᒄ ᐊᑲ ᒋᔅᑐᑦ ᓇᐸ ᐱᑲᒂᓐ᙮”
\p
\v 35 ᐱᑕᕐ ᒪᒃ ᒋ ‍ ᐃᑕᐤ, “ᐊᑎ ᑭᔭ ᓂᔾ ᐎ ᓂᐸᐃᑯᔭᓇ ᐃᔅᐱ ᓂᐸᐃᑯᔨᓇ ᓇᒪ ᐃᔭᐱᒡ ᓂᑭ ᐅᒋ ‍ ᐃᔅᒋᔄᓐ ᐊᑲ ᒋᔅᒐᔨᒥᑕᓐ᙮” ᐊᑯ ᐊᓐᒡ ᑯᑎᑭᒡ ᒋᔅᒋᓄᐊᒧᐛᑭᓐᒡ ᐊᑯᓐ ᑭᔭ ᐎᔨᐛᐤ ᑲ ‍ ᐃᔅᒋᔄᒡ ᐊᓂᔭ ᑲ ‍ ᐃᔅᒋᔄᔨᒋ ᐱᑕᕋ᙮
\s1 ᒋᓴᔅ ᑲ ‍ ᐊᔭᒥᐊᑦ ᐊᓐᑕ ᑲᑦᓴᒪᓂᒡ
\r ᒪᕐᒃ 14.32-42; ᓗᒃ 22.39-46
\p
\v 36 ᐊᑯ ᒋᓴᔅ ᒂ ‍ ᐎᒐᐛᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊᓐᑕ ᓂᑕᐅᒋᑕᑭᓐ ᐊᔅᒋᔪᐤ ᑲᑦᓴᒪᓂ ᑲ ‍ ᐃᓯᓂᐧᑲᑕᔨᒡ ᐊᑯᑕ ᑲ ‍ ᐃᑐᑕᒡ, ᐊᑯ ᐊᓂᔭ ᐱᑕᕋ ᑭᔭ ᓂᓱ ᐊᓂᔭ ᓴᐱᑎ ᐅᑯᓯᔪᐛ ᐅᔅᑕᓯᔅ ᐊᓐᑕ ᑎᐸᓐ ᑲ ‍ ᐃᑐᑕᐊᑦ ᐊᑯ ᒂ ‍ ᐃᑕᑦ, “ᐊᑯᑕ ᐅᑕ ᐊᐱᒄ, ᓇᑕ ᓂᑭ ‍ ᐃᑐᑕᓐ, ᓂᑭ ᓇᒋ ‍ ᐊᔭᒥᐊᓐ᙮”
\v 37 ᓇᔅᒡ ᒪᒃ ᒋ ‍ ᒥᓯᒪᔨᑎᒻ ᒋᓴᔅ ᑭᔭ ᓇᔅᒡ ᒋ ‍ ᑯᓯᑯᑕᐊᐤ᙮
\v 38 ᐊᑯ ᒂ ‍ ᐃᑕᑦ ᐊᓂᔭ ᑲ ‍ ᐎᒐᐛᑦ, “ᓇᔅᒡ ᑕᑈ ᒥᓯᒪᔨᑎᒻ ᓂᑦ ᐊᒐᐧᒄ, ᒧᔭᒻ ᐊ ‍ ᓂᐱᔭᓐ ᓂᑦ ᐃᑎᒪᒋᔪᓐ, ᐊᑯᑕ ᐅᑕ ᑕᒄ ᒥᒄ ᒪᒃ ᐊᑲᐎᔾ ᓂᐸᒄ ᐊ ‍ ᐊᓱᐛᐱᒥᔭᒄ᙮”
\p
\v 39 ᐊᑯ ᐊᓐᑕ ᐛᔪᐎᔅ ᐎᔾ ᒂ ‍ ᐃᑐᑕᑦ, ᒋ ‍ ᐅᒋᒋᐧᑯᓂᐳᐤ ᒪᒃ, ᒂ ‍ ᐊᔭᒥᐊᑦ ᐊ ‍ ᐃᔅᒋᔄᑦ, “ᓄᑕ, ᒐᒋ ᐃᓯᓇᑯᓂᒂ ᐸᒋ ‍ ᐃᒐᓂᒧᐎ ᐅ ᑕᓐ ᒐ ᐃᓯ ‍ ᐛᐎᓯᒐᔨᑎᒪᓐ, ᒥᒄ ᒪᒃ ᒋᔾ ᒋᑦ ᐃᑕᔨᑎᒧᐅᓐ ᒋᑭ ‍ ᐃᑐᑕᑭᓄᐤ, ᓇᒪᐎᔾ ᓂᔾ ᓂᑦ ᐃᑕᔨᑎᒧᐅᓐ᙮”
\p
\v 40 ᒋ ‍ ᐱᓯᑯᐤ ᒪᒃ ᑲᒋ ᐃᓯ ‍ ᐊᔭᒥᐊᑦ, ᑲᐤ ᒂ ‍ ᓂᑐᐛᐱᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ ᑲ ‍ ᐊᓱᐛᐱᒥᑯᑦ, ᐛᑎᑕᑦ ᒪᒃ ᒐᒂᔪᐤ ᑲ ‍ ᓂᐸᔨᒋ, ᐊᑯ ᒂ ‍ ᐃᑕᑦ ᐊᓂᔭ ᐱᑕᕋ, “ᑕᓐ ᐊ ‍ ᐃᑎᔭᒄ ᐛᒋ ᐊᑲ ᐛᐛᒡ ᐸᐃᑯ ᑎᐸᐃᑭᓇ ᐅᒋ ᐃᔅᐱᔅ ᐊᓱᐛᐱᒥᔭᒄ ?
\v 41 ᐃᔭᒂᒥᒄ ᑭᔭ ᐊᔭᒥᐊᒄ ᒐ ᐊᑲ ᒋ ᓴᐧᑯᒋᐃᑯᔭᒄ ᑯᒂᒋᐃᐛᐅᓐ᙮ ᐛᔅ ᒋᑦ ᐊᒐᐧᑯᐛᒡ ᓇᔅᒡ ᑕᑈ ᑯᐃᔅᒄ ᒋ ᐎ ‍ ᐃᑎᓇᐛᐤ ᒥᒄ ᒪᒃ ᒋᔭᓱᐛᒡ ᓇᒪ ᓇᔅᒡ ᒋᓴᐱᓯᓇᐛᐤ᙮”
\p
\v 42 ᐊᑯ ᒥᓐ ᒂ ‍ ᐊᔭᒥᐊᑦ ᒋᓴᔅ ᒂ ‍ ᐃᔅᒋᔄᑦ, “ᓄᑕ ᒐ ᐊᑲ ᒋ ᐃᒐᓂᑭᓄᐅᒂ ᐅ ᒐ ᐃᓯ ‍ ᐎᓯᒐᔨᑎᒪᓐ ᐊᐅᑯᓐ ᑭᑈ ᒐ ᐃᓯ ‍ ᐃᑐᑎᒪᓐ, ᒋᔾ ᒋᑦ ᐃᑕᔨᑎᒧᐅᓐ ᒐᒋ ᐃᑐᑕᑭᓄᐅᒡ᙮”
\p
\v 43 ᒥᓐ ᒂ ᓂᑐ ‍ ᒋᔅᒐᔨᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ, ᒐᒂᔪᐤ ᐊᔅᒄ ᓂᐸᔪᐛ, ᐛᔅ ᓴᔅ ᓇᒪ ᐅᒋ ᐃᑎᔪᐛ ᒐ ᐊᑲ ᒋ ᓂᐸᔨᒋ᙮
\v 44 ᒋᓴᔅ ᒂ ‍ ᓂᑭᑕᑦ, ᒥᓐ ᒂ ‍ ᐊᔭᒥᐊᑦ᙮ ᐊᐅᑯᐤ ᓂᔍᐤ ᑲ ‍ ᐸᐃᑯᓂᔨᒡ ᐊᓂᔭ ᐊ ᐃᓯ ‍ ᐊᔭᒥᐊᑦ᙮
\p
\v 45 ᐊᑯ ᒥᓐ ᑲᐤ ᒂ ‍ ᓂᑐᐛᐱᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ, ᒂ ‍ ᐃᑕᑦ, “ᐊᔅᒄ ᐊ ᒋ ‍ ᓂᐸᓇᐛᐤ ? ᐊᔅᒄ ᐊ ᒋᑦ ᐊᔅᑕᔭᔅᑯᓯᓇᐛᐤ ? ᐃᑕᐱᒄ ᒪ, ᓴᔅ ᐅᑎᒋᐱᔪᐤ ᐊᓐ ᑎᐸᐃᑭᓐ ᐃᔪᐤ ᐅᑯᓯᓴᓐ ᒐ ‍ ᐎᔭᓯᐱᔅᑎᓇᑭᓄᐅᑦ ᐅᒥᒋᑥᐛ ᐅᑎᒋᔨᒡ᙮
\v 46 ᐅᓂᒄ, ᒪᒋᑕᐤ ᐊᑯ, ᐛᔅ ᓴᔅ ᑎᑯᓯᓄᐤ ᐊᓐ ᓇᐸᐤ ᒐ ‍ ᐎᔭᓯᐱᔅᑎᓂᑦ᙮”
\s1 ᒋᓴᔅ ᑲ ‍ ᒪᑯᓇᑭᓄᐅᑦ
\r ᒪᕐᒃ 14.43-50; ᓗᒃ 22.47-53; ᒠᓐ 18.3-12
\p
\v 47 ᐊᔅᒄ ᒪᒃ ᒪᒂᒡ ᐊ ‍ ᐃᔨᒥᑦ ᒋᓴᔅ ᒋ ᐅᒋ ‍ ᑎᑯᓯᓂᔪᐛ ᐸᐃᒄ ᐊᓂᔭ ᑲ ‍ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᒍᑎᔅ ᑲ ‍ ᐃᓯᓂᐧᑲᓱᔨᒋ᙮ ᒋ ᐸᒋ ‍ ᐎᒐᐅᑯᔪᐛ ᒥᒐᑦ ᐊᐛᔪᐛ ᐊᒋ ᐸᒋ ‍ ᐃᑎᓴᐅᑯᔨᒋ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐃᔪᐛ ᑲ ‍ ᓂᑲᓂᔅᑯᐛᔨᒋ᙮ ᒋ ᐸᒋ ‍ ᑕᐧᑯᓂᒧᒡ ᒪᒃ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒥᐃᑭᓇᑎᒂ᙮
\p
\v 48 ᐊᓐ ᒐ ‍ ᐎᔭᓯᐱᔅᑎᓇᑦ ᒋᓴᓴ ᓂᑲᓐ ᒋ ‍ ᐎᑎᒧᐛᐤ ᐊᓂᔭᔪᐛ ᑲ ‍ ᐎᒐᐅᑯᑦ ᑕᓐ ᒐ ‍ ᐃᑎᑦ᙮ ᐊ ‍ ᐃᔅᒋᔄᑦ, “ᐊᓐ ᒐ ‍ ᓱᐛᔨᒥᒃ ᐊᐅᑯᓐ ᐊᓐ ᓇᐸᐤ ᓇᑐᐛᔨᒪᒄ᙮ ᐊᐅᑯᓐ ᐊᓐ ᒐ ‍ ᒪᑯᓇᒄ᙮”
\v 49 ᒍᑎᔅ ᒪᒃ ᑯᐃᔅᒄ ᒋ ‍ ᓂᑐᐛᐱᒪᐤ ᐊᓂᔭ ᒋᓴᓴ, ᐊᑯ ᒂ ‍ ᐃᑕᑦ, “ᐛᒋᔭ, ᒋᔅᑯᑎᒪᒐᓱᐤ᙮” ᐊᑯ ᒂ ‍ ᓱᐛᔨᒪᑦ᙮
\p
\v 50 ᐊᑯ ᒋᓴᔅ ᒂ ‍ ᐃᑕᑦ, “ᓂᐎᒐᐛᑭᓐ, ᐃᑐᑕ ᑭᑈ ᑕᓐ ᑲ ᐎ ‍ ᐃᑎᔨᓐ᙮” ᐊᑯ ᐊᓐᒡ ᐃᔪᒡ ᒂ ‍ ᒪᑯᓇᒡ ᒋᓴᓴ ᐊᑯ ᒂ ‍ ᐃᑐᑐᐛᒡ ᑕᓐ ᑲ ᐎ ‍ ᐃᑐᑐᐛᒡ᙮
\p
\v 51 ᐸᐃᒄ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᒋ ᐅᒋ ‍ ᔭᔨᔅᒋᐱᑎᒥᔪᐛ ᐊᓯᒪᑭᓂᓯᔪᐤ ᒧᐧᑯᒪᓂᔪᐤ ᒂ ‍ ᒋᒥᑐᑭᔭᔄᑦ ᒋᓴᐊᔭᒥᐊᐅᒋᒪᐛ ᐅᑦ ᐊᐱᒋᐊᑭᓂᔪᐛ᙮
\p
\v 52 ᐊᑯ ᒋᓴᔅ ᒂ ‍ ᐃᑕᑦ, “ᓇᐅᔅᑕ ᐊᓐ ᒋᓂᑐᐱᔪᐅ-ᒧᐧᑯᒪᓐ, ᐛᔅ ᒥᓯᐛ ᐊᐛᓐ ᑲ ‍ ᐊᐱᒋᑕᑦ ᓂᑐᐱᔪᐅ-ᒧᐧᑯᒪᓂᔪᐤ ᒐᒋ ᓂᐸᐊᑦ ᐊᐛᔪᐛ ᐊᔪᐅᒄ ᐅᔭ ᒐ ‍ ᐊᐱᑎᓂᔨᒡ ᓂᐸᐊᑭᓄᐅᒐ ᑭᔭ ᐎᔾ᙮
\v 53 ᓇᒪᐎᔾ ᐊ ᒋ ‍ ᒋᔅᒐᔨᑕᓇᐛᐤ ᓂ ᐸᒋ ‍ ᓂᑐᑎᒧᐛᐤ ᓄᑕᐎᔾ ᒐᒋ ᓇᑕᒧᐅᑦ, ᑎᐛᒡ ᒪᒃ ᒋᐸ ᒋ ᐸᒋ ‍ ᐃᑎᓴᐛᐤ ᐅᔅᑕ ᒥᒐᑥᐤ ᒐᓯᐱᔪᐤ ᐊᓐᒋᓇ ᒐᒋ ᐸᒋ ‍ ᓇᑕᒧᔨᒋ ?
\v 54 ᒥᒄ ᒪᒃ ᐊᓐ ᐃᑎᔭᓇ, ᑕᓐᑕ ᒐᒋ ᐅᒋ ‍ ᐃᔅᐱᔨᒡ ᐊᓐ ᑲ ‍ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᓐ ᒋᐸ ‍ ᐃᔅᐱᔪᐤ ?”
\v 55 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᐃᔪᐛ, “ᒧᔭᒻ ᑕᑈ ᑲ ‍ ᐊᒂᑎᓯᑦ ᑲᒋᒧᑎᑦ ᐊ ‍ ᐃᑐᑐᔭᒄ ᐊ ᐸᒋ ‍ ᓂᑐᐛᐱᒥᔭᒄ ᐊ ‍ ᑕᐧᑯᓂᒪᒄ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒪᐃᑭᓇᑎᒂ᙮ ᐛᔅ ᓴᔅ ᒋ ᐸᒋ ‍ ᒪᑯᓇᐛᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲᒋ ‍ ᑕᔭᐧᒄ ᐊᓯᑯᒻ ᒋᓯᑲᐛ ᐊ ‍ ᒋᔅᑯᑎᒪᒐᔭᓐ, ᓇᒪ ᒪᒃ ᓂᑕ ᒋ ᐅᒋ ‍ ᑯᒂᑕᔨᑕᓇᐛᐤ ᒐᒋ ᒪᑯᓂᔭᒄ᙮”
\p
\v 56 ᒥᒄ ᒪᒃ ᐛᔅ ᒥᓯᐛ ᑎᐱᐱᔪᐤ ᑕᓐ ᑲ ᐃᓯ ‍ ᒥᓯᓇᐊᒡ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮ ᐃᔅᐱ ᒪᒃ ᐅᔭ ᑲ ‍ ᐃᑕᑦ ᐊᑯ ᒥᓯᐛ ᐅᒋᔅᒋᓄᐊᒧᐛᑭᓇ ᒂ ‍ ᒋᑎᓯᒧᔨᒋ ᐊ ‍ ᓂᑭᑎᑯᑦ᙮
\s1 ᒋᓴᔅ ᑲ ‍ ᐅᑎᔅᑯᑲᐳᔅᑐᐛᑦ ᒋᓴᐊᔭᒥᐊᐅᒋᒪᐛ
\r ᒪᕐᒃ 14.53-65; ᓗᒃ 22.54,55,63-71; ᒠᓐ 18.13,14,19-24
\p
\v 57 ᐊᓐᒡ ᒪᒃ ᑲ ‍ ᒪᑯᓇᒡ ᒋᓴᓴ ᒋ ‍ ᐃᑐᑕᐊᐅᒡ ᐊᓐᑕ ᒋᓴᐊᔭᒥᐊᐅᒋᒪᐛ ᑲᔭᐸᔅ ᐊ ‍ ᑕᔨᒋ᙮ ᓴᔅ ᒪᒃ ᒋ ‍ ᒪᒧᐎᔪᐛ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ ᑭᔭ ᐊᓂᔭ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ ᐊᓐᑕ ᐊᓂᔭ ᒋᓴᐊᔭᒥᐊᐅᒋᒪᐛ ᐎᒋᔨᒡ᙮
\p
\v 58 ᐱᑕᕐ ᒪᒃ ᐛᔪᐤ ᐊᓐᑕ ᒋ ᐅᒋ ‍ ᓇᓴᐛᐤ ᐊᓂᔭ ᑲ ‍ ᒪᑯᓇᔨᒋ ᒋᓴᓴ, ᐱᐃᒻ ᑲ ‍ ᐅᑎᑕᒡ ᒋᓴᐊᔭᒥᐊᐅᒋᒪᐛ ᐎᒋᔪᐤ᙮ ᐊᓐᑕ ᒪᒃ ᐎᐎᑎᒥᒡ ᐊᑯᑕ ᑲ ‍ ᑕᑦ ᐎᔾ ᐱᑕᕐ, ᒂ ‍ ᐎᑎᐱᒪᑦ ᐊᓂᔭ ᑲ ‍ ᓂᓇᑭᑐᐛᐸᑎᒥᔨᒋ ᒋᓴᐊᔭᒥᐊᐅᒋᒪᐛ ᐎᒋᔪᐤ ᐊ ᐎ ‍ ᐛᐸᑕᐧᒃ ᑕᓐ ᒐ ‍ ᐃᑎᓇᓄᔨᒂ᙮
\p
\v 59 ᐊᓐᒡ ᒪᒃ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ‍ ᓂᑲᓂᔅᑯᐛᒡ ᒍᐤ ᐃᔪᐛ ᒋ ᐎ ‍ ᓇᓂᑐᐤ ᐅᑎᓂᒧᒡ ᑕᓐ ᒐᒋ ᐃᓯ ‍ ᑭᑭᒋᔭᐅᐛᑕᒋᒪᒡ ᒋᓴᓴ ᒐᒋ ᐅᒋ ‍ ᓂᐸᐊᑭᓄᔨᒋ᙮
\v 60 ᒥᒄ ᒪᒃ ᓇᒪ ᐅᒋ ᒥᔅᑯᒺᐅᒡ ᒐᒂᔪᐤ ᐊᒋ ‍ ᐃᑎᔨᒋ ᐊᓐᑕ ᒐᒋ ᐅᒋ ‍ ᐱᔅᑎᓱᐛᑎᑯᒡ ᐎᓱᐛᐅᓂᔪᐤ ᒐᒋ ᓂᐸᐊᒡ ᒋᓴᓴ, ᐊᑎ ᒥᒐᑦ ᐊᒋ ‍ ᑎᑯᓯᓂᒡ ᐊ ‍ ᑭᑭᒋᔭᐅᐛᑕᒋᒪᒡ᙮ ᒐᒃ ᒪᒃ ᓂᓱ ᓇᐸᐅᒡ ᒂ ‍ ᑎᑯᓯᒡ᙮
\v 61 ᐊᑯ ᒂ ‍ ᐃᔅᒋᔄᒡ, “ᐅ ᓇᐸᐤ ᒋᓴᔅ ᓂᒋ ‍ ᐸᑐᐛᓇᓐ ᐊ ‍ ᐃᔅᒋᔄᑦ, ‘ᓂᑭ ᒋ ‍ ᓂᓱᐅᓇᒋᑕᐛᓐ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ, ᒥᒄ ᒪᒃ ᓂᔅᑐ ᒋᓯᑲᐛ ᐃᔅᐱᔅ ᓴᔅ ᒥᓐ ᓂᑭ ᒋ ‍ ᐎᔨᑲᐳᐅᑕᐛᓐ᙮’ ”
\v 62 ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᒂ ‍ ᐱᓯᑯᑦ, ᒂ ‍ ᐃᑕᑦ ᐊᓂᔭ ᒋᓴᓴ, “ᑕᓐ ᒪᒃ ᒐᒋ ᐃᔅᒋᔄᔨᓐ ᑲ ‍ ᐃᑕᒋᒥᑯᔨᓐ ?”
\p
\v 63 ᒋᓴᔅ ᒪᒃ ᓇᒪ ᐅᒋ ᒋᔅᑐᐤ᙮ ᐊᑯ ᒥᓐ ᒂ ‍ ᐃᑎᑯᑦ ᐊᓂᔭ ᒋᓴᐊᔭᒥᐊᐅᒋᒪᐛ, “ᑯᐃᔅᒄ ᒪ ᐸᒋ ‍ ᐎᑎᒧᐅᓇᓐ ᐊ ‍ ᐸᑕᔅᒃ ᐊᓐ ᐸᒪᑎᓯᑦ ᒋᓴᒪᓂᑐᐤ, ᐊᐅᒄ ᐊ ᒋᔾ ᑕᑈ ᙭, ᒋᓴᒪᓂᑐᐤ ᐅᑯᓴ ?”
\v 64 ᒋᓴᔅ ᒋ ‍ ᐃᑕᐤ, “ᐊᐅᑯᓐ ᐊ ‍ ᐃᔅᒋᔄᔨᓐ᙮ ᒥᒄ ᒪᒃ ᒋ ‍ ᐎᑎᒪᑎᓇᐛᐤ ᒋᑭ ‍ ᐛᐱᒪᐛᐤ ᐃᔪᐤ ᐅᑯᓯᓴᓐ ᐊ ‍ ᐊᐱᑦ ᐊᓐᑕ ᑲ ‍ ᓱᐧᑲᑎᓯᔨᒋ ᐅᒥᔪᓂᔨᒡ ᐃᑕᒐ ᐊ ‍ ᑕᔨᒋ᙮ ᑭᔭ ᒋᑭ ‍ ᐛᐱᒪᐛᐤ ᐸᒋ ‍ ᑎᑯᓯᓂᒐ ᒋᒋᒋᓯᒄ ᑭᔅᑯᐅᓂᔅᑯᒡ ᐊ ᐅᒋ ‍ ᓄᑯᓯᑦ᙮”
\p
\v 65 ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᒂ ‍ ᐱᑯᐱᑕᐧᒃ ᐅᑦ ᐊᐱᒋᑕᐅᓇ ᐊ ‍ ᐃᔅᒋᔄᑦ, “ᐊᑯᓐ ᐊᑯ ᒐ ‍ ᐃᔅᐱᔅ ᐊᑐᐎᔅ ᐃᔅᒋᔄᑦ᙮ ᓇᒪ ᒋ ‍ ᓂᑐᐛᔨᑎᒺᓇᓄᐤ ᐊᑐᐎᔅ ᒐᒋ ᑎᐸᒋᒪᑭᓄᐅᑦ᙮ ᐛᔅ ᒋᔭᓄᐤ ᓴᔅ ᓇᔅᒡ ᔅᒋ ‍ ᐸᑐᐛᓄᐤ ᑕᓐ ᐊᔅᐱᔅ ᐸᔅᑕᒧᑦ᙮
\v 66 ᑕᓐ ᐊ ‍ ᐃᑕᔨᑎᒥᐃᑯᔭᒄ ᐊᓂᔭ ᑲ ᐃᓯ ‍ ᐸᑐᐛᒄ ?” ᐊᑯ ᒂ ‍ ᐃᔅᒋᔄᒡ, “ᑎᑯᓂᔪᐤ ᑭᑈ ᑕᓐ ᐊ ᐃᓯ ‍ ᐅᓂᑐᑕᐧᒃ ᐃᑕᔨᑕᑯᓂᔪᐤ ᒪᒃ ᒐᒋ ᓂᐸᐊᑭᓄᐅᑦ᙮”
\v 67 ᒋ ‍ ᓯᔅᑎᒂᑕᐅᒡ ᐅᑕᔅᑎᒥᐧᑯᔨᒡ ᐊᔪᐤ ᒋ ‍ ᐅᑕᒪᐛᐅᒡ ᑭᔭ ᒋ ‍ ᐅᑎᑕᒥᒂᐛᐅᒡ᙮
\v 68 ᒋ ‍ ᒪᔭᔨᒪᐅᒡ ᐊ ‍ ᐃᑕᒡ, “᙭, ᒋᔅᒋᐛᐃᒐ ᒪ, ᐎᑎᒧᐅᓇᓐ ᒪ ᐊᐛᓐ ᑲ ‍ ᐅᑕᒧᐅᔅᒃ ?”
\s1 ᐱᑕᕐ ᑲ ‍ ᑭᑭᒋᔭᑦ ᐊ ‍ ᐃᔅᒋᔄᑦ ᐊᑲ ᒋᔅᒐᔨᒪᑦ ᒋᓴᓴ
\r ᒪᕐᒃ 14.66-72; ᓗᒃ 22.56-62; ᒠᓐ 18.15-18,25-27
\p
\v 69 ᒪᒂᒡ ᒪᒃ ᐊ ‍ ᒪᔭᔨᒪᑭᓄᔨᒋ ᒋᓴᓴ, ᐱᑕᕐ ᒋ ‍ ᐊᐳᐤ ᐊᓐᑕ ᐊ ᐅᒋ ‍ ᐱᒐᓄᐎᒡ ᐊᓂᔭᔪᐛ ᒋᓴᐊᔭᒥᐊᐅᒋᒪᐛ ᐎᒋᔪᐤ, ᐸᐃᒄ ᒪᒃ ᐊᓂᔭ ᒋᓴᐊᔭᒥᐊᐅᒋᒪᐛ ᐅᑯᐸᓇᔎᒥᔪᐛ ᒋ ᐸᒋ ‍ ᓂᑐᐛᐱᒥᑯᐤ ᒂ ‍ ᐃᑎᑯᑦ, “ᒋᔾ ᑭᔭ ᔅᒋ ‍ ᐱᐸᐎᒐᐛᐤ ᒋᓴᔅ ᐊᓐ ᓇᐸᐤ ᑲᓕᓕ ᐊᔅᒋᒡ ᑲ ‍ ᐅᒋᑦ᙮”
\p
\v 70 ᐱᑕᕐ ᒪᒃ ᒋ ‍ ᑭᑭᒋᔭᐤ ᐊ ‍ ᐃᔅᒋᔄᑦ, ᐊ ‍ ᐸᑕᑯᑦ ᒥᓯᐛ ᐊᓐᑕ ᑲ ‍ ᑕᔨᒋ, “ᓇᒪ ᓂ ‍ ᒋᔅᒐᔨᑕᓐ ᒐᒂᓐ ᑲ ‍ ᐊᔨᒧᑎᒥᓐ᙮”
\p
\v 71 ᐊᑯ ᒂ ᐊᑎ ‍ ᐎᐎᑦ ᐊᓐᑕ ᐊ ᐅᒋ ‍ ᐱᒐᓄᐎᒡ ᐊᓐᑕ ᐊᓂᔭ ᑲ ‍ ᐃᑕᓄᐎᒡ᙮ ᐊᑯ ᒥᓐ ᑯᑎᑲ ᑯᐸᓇᔎᓴ ᒂ ‍ ᐛᐱᒥᑯᑦ, ᐊᑯ ᐊᓐ ᐃᔎᔅ ᒂ ‍ ᐃᑕᑦ ᐊᓂᔭ ᓇᐸᐛ ᐊᓐᑕ ᑲ ‍ ᑕᔨᒋ, “ᐅ ᓇᐸᐤ ᑭᔭ ᐎᔾ ᒋ ‍ ᐱᐸᐎᒐᐛᐤ ᒋᓴᓴ, ᓇᓴᕆᑎᒡ ᑲ ‍ ᐅᒋᔨᒋ᙮”
\v 72 ᒥᓐ ᒪᒃ ᒋ ‍ ᑭᑭᒋᔭᐤ ᐱᑕᕐ ᐊ ‍ ᐃᔅᒋᔄᑦ, “ᓂ ‍ ᑕᑈᓐ ᐊ ‍ ᐃᔅᒋᔄᔭᓐ ᓇᒪ ᓂ ‍ ᒋᔅᒐᔨᒪᐤ ᐊᓐ ᓇᐸᐤ᙮”
\p
\v 73 ᓇᓇᒐᓯᔅ ᒪᒃ ᐊᓐᒡ ᐃᔪᒡ ᐊᓐᑕ ᑲ ‍ ᓇᓂᐳᐅᒡ ᒋ ᐸᒋ ‍ ᓂᑐᐛᐱᒪᐅᒡ ᐊᓂᔭ ᐱᑕᕋ ᒂ ‍ ᐃᑕᒡ, “ᓇᔅᒡ ᐊ ‍ ᒐᔅᑎᓇᐅᔭᒡ ᑭᔭ ᒋᔾ ᐊᑯᑕ ᑲ ‍ ᐎᒋᐃᐛᔨᓐ, ᐛᔅ ᐊᑯᓐ ᒧᔭᒻ ᐊ ‍ ᐃᑎᑕᑯᓯᔨᓐ ᑭᔭ ᒋᔾ ᐊ ‍ ᐊᔨᒥᔨᓐ᙮”
\p
\v 74 ᐱᑕᕐ ᒪᒃ ᒋ ‍ ᐃᑕᐤ, “ᑕᑈ ᐛᔅ ᐊᓐ, ᓇᒪ ᓂ ‍ ᒋᔅᒐᔨᒪᐤ ᐊᓐ ᓇᐸᐤ᙮ ᐊᑯᔅ ᓂᑭ ‍ ᐛᐛᓯᐃᒄ ᒋᓴᒪᓂᑐᐤ ᓂᑎᒥᒄ ᐊ ‍ ᐃᔅᒋᔄᐛᓇ᙮” ᐊᑯᑕ ᒪᒃ ᐊᓐᑕ ᑎᐛᒡ ᒂ ᐅᒋ ‍ ᒋᔅᑐᑦ ᓇᐸ ᐱᑲᒂᓐ᙮
\p
\v 75 ᐊᑯ ᐱᑕᕐ ᒂ ‍ ᒋᔅᒋᓯᑦ ᑕᓐ ᑲ ‍ ᐃᑎᑯᑦ ᒋᓴᓴ, “ᐊᔅᒄ ᐊᑲ ᒋᔅᑐᑦ ᓇᐸ ᐱᑲᒂᓐ ᐊᓄᒡ ᑲ ‍ ᒋᓯᑲᒡ ᓂᔍᐤ ᒋᑭ ‍ ᐃᔅᒋᔄᓐ ᐊᑲ ᒋᔅᒐᔨᒥᔨᓐ᙮” ᐊᑯ ᒪᒃ ᒂ ‍ ᐎᐎᑦ ᒂ ‍ ᒪᑦ, ᓱᒃ ᐊ ‍ ᒪᑦ᙮
\c 27
\s1 ᒋᓴᔅ ᑲ ‍ ᐃᑐᑕᐊᑭᓄᐅᑦ ᑈᓚᑕ ᐊ ‍ ᑕᔨᒋ
\r ᒪᕐᒃ 15.1; ᓗᒃ 23.1,2; ᒠᓐ 18.28-32
\p
\v 1 ᐎᐱᒡ ᒪᒃ ᒋᔭᒋᓴᐸᔭᔨᒡ ᒥᓯᐛ ᐊᓐᒡ ᑲ ‍ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᑭᔭ ᐊᓐᒡ ᑲ ‍ ᓂᑲᓂᔅᑯᐛᒡ ᒍᐤ ᐃᔪᐛ ᒋ ‍ ᒪᒧᐎᔪᐅᒡ ᒐᒋ ᐎᔭᔨᑕᒡ ᑕᓐᑕ ᒐᒋ ᐅᒋ ‍ ᓂᐸᐊᑭᓄᔨᒋ ᒋᓴᓴ᙮
\v 2 ᐃᔅᐱ ᒪᒃ ᑲ ‍ ᒥᒪᒋᒂᐱᐧᑲᑕᒺᒡ ᐅᑎᒋᔪᐛ, ᐊᑯ ᒂ ‍ ᔅᑐᑕᐊᒡ᙮ ᐊᓐᑕ ᒪᒃ ᐊᓂᔭ ᕈᒻ ᒋᓴᐅᒋᒪᐤ ᐊᐱᒋᐊᑭᓇ ᑈᓚᑦ ᑲ ‍ ᐃᓯᓂᐧᑲᓱᔨᒋ ᐊ ‍ ᑕᔨᒋ ᐊᑯᑕ ᑲ ‍ ᐃᑐᑕᐊᒡ᙮
\s1 ᒍᑎᔅ ᑲ ‍ ᓂᐸᐃᓱᑦ
\r ᐊᑈᔅᑕᓇᒡ 1.18,19
\p
\v 3 ᒍᑎᔅ ᒪᒃ ᐊᓐ ᑲ ‍ ᐎᔭᓯᐱᔅᑎᓇᑦ ᒋᓴᓴ; ᐃᔅᐱ ᒐ ‍ ᒋᔅᒐᔨᑕᐧᒃ ᑕᑈ ᒐ ‍ ᓂᐸᐊᑭᓄᔨᒋ ᒋᓴᓴ ᓇᔅᒡ ᒋ ‍ ᒥᑕᒋᔨᐛᓱᐤ ᐊᑯ ᑲᐤ ᑲ ‍ ᐃᑐᑐᐛᑦ ᐊᓂᔭ ᒋᓴᐊᔭᒥᐊᐅᒋᒪᓴ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ ᐊᓂᔭᔪᐛ ᓂᔅᑐᔪᐤ ᓱᓇᔭᐱᔅᑯᓴ ᑲ ‍ ᒥᔭᑭᓄᐅᑦ,
\v 4 ᐊᑯ ᒂ ‍ ᐃᑕᑦ, “ᑕᑈ ᓇᔅᒡ ᓂ ‍ ᐅᓂᑐᑕᓐ ᑕᓐ ᑲ ᐃᓯ ‍ ᐎᔭᓯᐱᔅᑎᓂᒃ ᓇᐸᐤ ᐊᑲ ᐛᒡ ‍ ᒥᒋᑐᑕᐧᒃ᙮” ᐊᑯ ᒂ ‍ ᐃᑎᑯᑦ ᐊᓂᔭᔪᐛ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ, “ᑕᐸ ᒐᒂᓐ ᓂᑭ ᒋ ‍ ᐃᑎᓇᓐ ᓂᔭᓐ ? ᒋᔾ ᐊᓐ ᒋᑭ ᐎ ‍ ᒥᔪᐱᔨᑥᓱᓐ᙮”
\p
\v 5 ᐊᑯ ᒍᑎᔅ ᐊᓐᑕ ᐱᐱᒋᑎᑯᒡ ᒂ ᐃᓯ ‍ ᐛᐱᓇᑦ ᐊᓂᔭᔪᐛ ᓱᓇᔭᐱᔎ ᐊᓐᑕ ᐊᔭᒥᐊᐅᒋᐛᐱᒡ᙮ ᒋ ᐊᑎ ‍ ᐎᐎᐤ ᒪᒃ ᐊᑯ ᒂ ‍ ᐊᑯᐎᓱᑦ᙮
\p
\v 6 ᐊᑯ ᐊᓐᒡ ᑲ ‍ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᒂ ‍ ᐅᑎᓇᒡ ᐊᓂᔭᔪᐤ ᓱᓇᔭᔪᐤ ᐊᑯ ᒂ ‍ ᐃᔅᒋᔄᒡ, “ᓇᒪ ᒋᑭ ᒋ ‍ ᑭᓄᐛᔨᑕᓇᓄᐤ ᐅ ᓱᓇᔭᐤ ᐅᑕ ᒋᓴᐊᔭᒥᐊᐅᒋᐛᐱᒡ, ᐛᔅ ᒋ ‍ ᐊᐱᑎᓐ ᐊ ‍ ᒋᓯᐧᑯᐛᑭᓄᐅᑦ ᐊᐛᓐ ᒐᒋ ᓂᐸᐊᑭᓄᐅᑦ ᓇᐸᐤ᙮”
\v 7 ᐸᑎᒪ ᒪᒃ ᒋ ‍ ᐃᔭᔨᒧᑎᒧᒡ ᐅᔭᔪᐤ᙮ ᐊᑯ ᒐᒃ ᒂ ‍ ᓂᔅᑯᒧᒡ ᒐᒋ ᐅᑎᓇᒡ ᐊᔅᒋᔪᐤ ᐊᓐᑕ ᑲᒋ ‍ ᐅᑎᓇᑭᓄᐅᑦ ᐊᓯᔅᒍᐤ ᓂᓇᐧᑯᐤ ᒐᒂᔪᐛ ᐊ ‍ ᐅᓯᑕᑭᓄᐅᒋ᙮ ᐊᐅᒄ ᒪᒃ ᐊᓂᔭ ᐊᔅᒋᔪᐤ ᑲ ᐊᑎ ‍ ᐃᑕᐱᒋᑕᒡ ᐊ ‍ ᐃᑐᑐᐛᒡ ᒪᓐᑕᐛ ᐊ ‍ ᐳᓂᐱᒪᑎᓯᔨᒋ᙮
\v 8 ᐊᐅᒄ ᒪᒃ ᐛᒋ ᐊᑎ ‍ ᐃᓯᓂᐧᑲᑕᒡ ᐊᓐ ᐊᔅᒋᔾ, “ᒥᐧᒄ ᐊᔅᒋᔾ᙮” ᐊᐅᑯᓐ ᒪᒃ ᐊᔅᒄ ᐊ ‍ ᐃᓯᓂᐧᑲᑕᒡ ᐊᓐ ᐊᔅᒋᔾ ᐊᓄᒡ᙮
\p
\v 9 ᐊᑯ ᒪᒃ ᑲ ‍ ᑎᐱᐱᔨᒡ ᑕᓐ ᑲ ‍ ᐃᔅᒋᔄᑦ ᐊᓂᔭ ᒐᕆᒪᔭ ᑲ ‍ ᐃᓯᓂᐧᑲᓱᑦ ᐅᒋᔅᒋᐛᐃᒐᓱᐤ ᑲ ‍ ᐃᔅᒋᔄᑦ,
\q ᒋ ‍ ᐅᑎᓇᐅᒡ ᐊᓂᔭ ᓂᔅᑐᔪᐤ ᓱᓇᔭᐱᔎ ᑕᓐ ᑲ ᐃᓯ ‍ ᓂᔅᑯᒧᒡ ᐱᔅᒐ ᐃᔅᕋᐃᓪ ᐃᔪᒡ ᒐ ᐃᔅᐱᔅ ‍ ᒋᓯᐧᑲᓱᒡ ᐊᓂᔭ ᑲ ‍ ᐃᑕᒋᒪᑭᓄᔨᒋ᙮
\q
\v 10 ᐊᑯ ᒪᒃ ᒂ ‍ ᐱᔅᑎᓇᒡ ᐊᓂᔭ ᓱᓇᔭᔪᐤ ᒐᒋ ᐅᑎᓇᑭᓄᐎᒡ ᐊᓂᔭ ᐊᔅᒋᔪᐤ ᐊᓐᑕ ᑲᒋ ‍ ᐅᑎᓇᑭᓄᐅᑦ ᐊᓯᔅᒍᐤ ᓂᓇᐧᑯᐤ ᒐᒂᔪᐛ ᐊ ‍ ᐅᓯᑕᑭᓄᐅᒋ ᐊᓐᑕ ᐅᒋ᙮ ᐛᔅ ᐊᔪᐅᒄ ᐅᔭ ᑲ ‍ ᐃᑎᓱᒥᑦ ᐅᑎᐸᔨᒋᒐᐤ ᒐ ‍ ᐃᑐᐅᒡ᙮
\m ᐊᔪᐅᒄ ᐅᔭ ᒋ ‍ ᐃᔅᒋᔄᒐ ᒐᕆᒪᔭ᙮
\s1 ᑈᓚᑦ ᑲ ᐃᓯ ‍ ᑯᒂᒋᒪᑦ ᒋᓴᓴ
\r ᒪᕐᒃ 15.2-5; ᓗᒃ 23.3-5; ᒠᓐ 18.33-38
\s2 Matthew 27.11-54 (Palm Sunday Year A)
\p
\v 11 ᒋᓴᔅ ᒪᒃ ᒋ ‍ ᐅᑎᔅᑯᑲᐳᔅᑐᐛᐤ ᑈᓚᑕ ᐊᓂᔭᔪᐛ ᕈᒻ ᒋᓴᐅᒋᒪᐤ ᐊᐱᒋᐊᑭᓇ᙮ ᐊᑯ ᒂ ‍ ᑯᒂᒋᒥᑯᑦ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒪᒃ ᒋ ‍ ᐃᑕᐤ, “ᐊᐅᑯᓐ ᐊ ‍ ᐃᔅᒋᔄᔨᓐ᙮”
\v 12 ᐊᑯ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ ᓂᓇᐧᑯᐤ ᒋ ᐃᓯ ‍ ᒪᒥᒐᒋᒥᑯᐤ᙮ ᓇᒪ ᒪᒃ ᐅᒋ ᒋᔅᑐᐤ ᒋᓴᔅ᙮
\p
\v 13 ᐊᑯ ᒂ ‍ ᐃᑎᑯᑦ ᐊᓂᔭ ᑈᓚᑕ, “ᓇᒪᐎᔾ ᐊ ᒋ ‍ ᐸᑐᐛᐅᒡ ᑕᓐ ᐊ ᐃᓯ ‍ ᓂᓇᐧᑯᐤ ᐃᑕᒋᒥᔅᒡ ?”
\p
\v 14 ᓇᒪ ᒪᒃ ᐃᔭᐱᒡ ᐅᒋ ᒋᔅᑐᐤ ᒋᓴᔅ᙮ ᐊᑯ ᐊᓂᔭ ᕈᒻ ᒋᓴᐅᒋᒪᐤ ᐊᐱᒋᐊᑭᓇ ᓇᔅᒡ ᒂ ‍ ᒥᔅᑲᑕᔨᒥᑯᑦ᙮
\s1 ᑲ ‍ ᐃᑎᓱᐛᓄᐅᒡ ᒋᓴᔅ ᒐᒋ ᓂᐸᐊᑭᓄᐅᑦ
\r ᒪᕐᒃ 15.6-15; ᓗᒃ 23.13-25; ᒠᓐ 18.39-19.16
\p
\v 15 ᐊᓯᑯᒻ ᐱᐳᓇ ᒪᒃ ᐃᔅᐱ ᐛᑎᒋᐱᔨᒋ ᐊᓐ ᐎᒪᔅᑲᒐᐅ-ᒥᑯᓴᐅᓐ ᑈᓚᑦ ᒋ ‍ ᐱᔅᑎᓇᐤ ᒪᓐ ᐸᐃᒄ ᐊᐛᔪᐛ ᐊᒋ ‍ ᒋᐸᐛᑭᓄᔨᒋ ᐊᒋ ‍ ᐅᓂᐱᓱᔨᒋ ᐅᒡ᙮ ᒥᒄ ᐊᓂᔭ ᓇᑐᐛᔨᒪᔨᒋ ᐊᓂᔭᔪᐛ ᐃᔪᐛ ᒐᒋ ᐱᔅᑎᓇᑭᓄᔨᒋ ᐊᐅᑯᓂ ᐊᓂᔭ ᑲᒋ ‍ ᐱᔅᑎᓇᑦ᙮
\v 16 ᒪᒂᒡ ᒪᒃ ᒋ ‍ ᑕᐤ ᓇᐸᐤ ᐊᓐᑕ ᑲᒪᑯᓄᐛᓯᐅᒋᐛᐱᒡ ᓇᔅᒡ ᐊ ᒥᔪ ‍ ᒋᔅᒐᔨᒪᑭᓄᐅᑦ ᑕᓐ ᑲ ᐃᓯ ‍ ᓂᓇᐧᑯᐤ ᒪᒋᐱᐃᓱᑦ, ᐸᕋᐸᔅ ᐊ ‍ ᐃᓯᓂᐧᑲᓱᑦ᙮
\v 17 ᐃᔅᐱ ᒪᒃ ᒥᔭᒧᐎᔨᒋ ᐊᓂᔭ ᐃᔪᐛ, ᑈᓚᑦ ᒋ ‍ ᑯᒂᒋᒪᐤ, “ᐊᐛᓐ ᓇᑐᐛᔨᒥᔭᒄ ᒐᒋ ᐱᔅᑎᓂᒪᑎᑯᒡ, ᐸᕋᐸᔅ ᐊ ᑭᔭ ᒪᒃ ᒋᓴᔅ ᐊᓐ ᙭ ᑲ ‍ ᐃᓯᓂᐧᑲᑕᑭᓄᐅᑦ ?”
\v 18 ᒋ ‍ ᒋᔅᒐᔨᒪᐤ ᑈᓚᑦ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ ᐊ ‍ ᐅᑕᔨᒪᔨᒋ ᒋᓴᓴ ᐊᔪᐅᒄ ᐊᓂᔭ ᐛᒋ ‍ ᐱᔅᑎᓱᐛᑎᒪᑯᑦ᙮
\p
\v 19 ᒪᒂᒡ ᒪᒃ ᑈᓚᑦ ᐊ ‍ ᐊᐱᑦ ᐊᓐᑕ ᑎᐸᔅᑯᓂᒐᐅᒋᐛᐱᒡ ᐎᐛ ᒋ ᐸᒋ ‍ ᐃᑎᓴᐛᔪᐛ ᐊᐛᔪᐛ ᒐᒋ ᐃᑎᑯᑦ, “ᐊᑲᐎᔾ ᐎᔭᔅᑐᑐᐤ ᐊᓐ ᑲ ‍ ᑯᐃᔅᑯᑕᑎᓯᑦ ᓇᐸᐤ᙮ ᐛᔅ ᐊᓐ ᓇᔅᒡ ᓂ ‍ ᒥᑯᔅᑲᑕᔨᑎᒥᐃᑯᐛᓐ ᑕᓐ ᑲ ᐃᓯ ‍ ᐳᐛᑎᒃ ᑕᐱᔅᑲᔨᒡ᙮”
\p
\v 20 ᐊᓐᒡ ᒪᒃ ᑲ ‍ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᑭᔭ ᐊᓐᒡ ᑲ ‍ ᓂᑲᓂᔅᑯᐛᒡ ᒍᐤ ᐃᔪᐛ ᒋ ‍ ᓴᐧᑯᒋᒪᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ‍ ᑕᔨᒋ ᒐᒋ ᑯᒂᒋᒪᔨᒋ ᑈᓚᑕ ᐸᕋᐸᓴ ᒐᒋ ᐱᔅᑎᓇᔨᒋ ᐊᑯ ᒋᓴᓴ ᒐᒋ ᓂᐸᐊᑭᓄᔨᒋ᙮
\p
\v 21 ᐊᑯ ᑈᓚᑦ ᒥᓐ ᑲ ‍ ᑯᒂᒋᒪᑦ ᐊᓂᔭ ᐃᔪᐛ, “ᑕᓐ ᐊᓐ ᒪᒃ ᓇᑐᐛᔨᒥᔭᒄ ᒐᒋ ᐱᔅᑎᓂᒪᑎᑯᒡ ᐅᒡ ᐊ ‍ ᓂᓯᒡ ?” ᐊᑯ ᐊᓐᒡ ᐃᔪᒡ ᒂ ‍ ᐃᔅᒋᔄᒡ, “ᐸᕋᐸᔅ᙮”
\p
\v 22 ᐊᑯ ᑈᓚᑦ ᒂ ‍ ᐃᑕᑦ, “ᑕᓐ ᒪᒃ ᒐ ‍ ᐃᑐᑐᐅᒃ ᐅ ᒋᓴᔅ, ᐊᓐ ᙭ ᑲ ‍ ᐃᓯᓂᐧᑲᑕᑭᓄᐅᑦ ?” ᐊᑯ ᒥᓯᐛ ᐊᓐᒡ ᐃᔪᒡ ᒂ ‍ ᐃᔅᒋᔄᒡ, “ᒋᔅᑕᔎᑕᐧᒄ ᒋᐱᔭᑎᑯᒡ᙮”
\p
\v 23 ᐊᑯ ᑈᓚᑦ ᒂ ‍ ᐃᑕᑦ, “ᒐᒂᔪᐤ ᒪᒃ ? ᑕᓐ ᑲ ᐃᓯ ‍ ᒥᒋᑐᑕᐧᒃ ?” ᐊᑯ ᐊᓐᑕ ᑲ ‍ ᐊᓯᒂᒡ ᐊᓐᒡ ᐃᔪᒡ, “ᒋᔅᑕᔎᑕᐧᒄ ᒋᐱᔭᑎᑯᒡ,” ᐊ ᐃᓯ ‍ ᑕᑈᒡ᙮
\p
\v 24 ᐃᔅᐱ ᒪᒃ ᒐᔅᒐᔨᑕᐧᒃ ᑈᓚᑦ ᒐ ᐊᑲ ᒋ ᓴᐧᑯᒋᒪᑦ ᐊᓂᔭᔪᐛ ᐃᔪᐛ ᑭᔭ ᑎᐛᒡ ᐊ ᐊᑎ ᒋᒋ ‍ ᒥᒋᐱᔨᓇᓄᐎᒡ ᒋ ‍ ᑲᓯᑎᒐᐤ ᐅᑎᔅᑯᐤ ᐊᓂᔭᔪᐛ ᐃᔪᐛ ᐊ ‍ ᑕᔨᒋ᙮ ᐊᑯ ᒂ ‍ ᐃᑕᑦ, “ᓇᒪ ᐎ ᓂᔾ ᓂᑭ ᐅᒋ ‍ ᐊᑕᒪᔨᑕᑯᓯᓐ ᒐ ‍ ᓂᐸᐊᑭᓄᐅᑦ ᐅ ᓇᐸᐤ᙮ ᒋᔨᐛᐤ ᐅ ᑲ ‍ ᐃᑎᔭᒄ᙮”
\p
\v 25 ᐊᑯ ᐊᓐᒡ ᐃᔪᒡ ᒂ ‍ ᐃᔅᒋᔄᒡ, “ᐊᑯᔅ ᓂᔭᓐ ᑭᔭ ᓂᑦ ᐊᐛᓯᒥᓇᓂᒡ ᓂᑭ ‍ ᒪᑎᑯᔅᑲᑯᐛᓇᓐ ᑕᓐ ᒐ ᐃᓯ ‍ ᓂᐸᐊᑭᓄᐅᑦ᙮”
\p
\v 26 ᐊᑯ ᑈᓚᑦ ᒂ ‍ ᐃᑎᓱᐛᑦ ᒐᒋ ᐱᔅᑎᓇᑭᓄᔨᒋ ᐸᕋᐸᓴ᙮ ᐃᔅᐱ ᒪᒃ ᑲ ‍ ᐃᑎᓱᐛᑦ ᒐᒋ ᐱᓯᔅᑕᐛᑭᓄᔨᒋ ᒋᓴᓴ, ᐊᑯ ᒂ ‍ ᐱᔅᑎᓱᐛᑕᑦ ᒐᒋ ᒋᔅᑕᔎᑕᑭᓄᔨᒋ ᒋᐱᔭᑎᑯᒡ᙮
\s1 ᐊᓯᒪᑭᓂᓯᒡ ᑲ ‍ ᒪᔭᔨᒪᒡ ᒋᓴᓴ
\r ᒪᕐᒃ 15.16-20; ᒠᓐ 19.2,3
\p
\v 27 ᐊᑯ ᑈᓚᑦ ᐅᑦ ᐊᓯᒪᑭᓂᓯᒪ ᒂ ‍ ᐃᑐᑕᐊᔨᒋ ᒋᓴᓴ ᐊᓐᑕ ᐊᓂᔭᔪᐛ ᒋᓴᐅᒋᒪᐤ ᐊᐱᒋᐊᑭᓇ ᐎᒋᔨᒡ᙮ ᒥᓯᐛ ᒪᒃ ᐊᓐᒡ ᐊᓯᒪᑭᓂᓯᒡ ᐊᓐᑕ ᑲ ‍ ᑕᒡ ᒋ ‍ ᐛᔅᑲᑲᐳᔅᑐᐛᐅᒡ ᒋᓴᓴ᙮
\v 28 ᒋ ‍ ᒥᓂᒺᐅᒡ ᒪᒃ ᐅᑦ ᐊᐱᒋᑕᐅᓂᔪᐛ᙮ ᐊᑯ ᐊ ‍ ᒥᒂᑭᓂᔨᒡ ᐊᑯᐱᔪᐤ ᒂ ‍ ᐳᔅᑎᔅᑭᒧᑎᔭᒡ ᒧᔭᒻ ᒋᓴᐅᒋᒪᐛ ᐊ ‍ ᐃᑕᔅᐱᑕᒡ᙮
\v 29 ᐊᑯ ᒂ ‍ ᐅᓯᑕᐛᒡ ᒋᓴᐅᒋᒪᐅᑯᓂᔎᐅᓂᔪᐤ, ᑲ ‍ ᑲᓱᑕᐛᔨᒋ ᓂᐱᓯᔭᑎᒂ ᐊᒋ ‍ ᐊᐱᒋᑕᐛᒡ᙮ ᐊᔪᐅᒄ ᐊᓂᔭ ᑲ ᐊᑎ ‍ ᐳᔅᑯᒧᑎᔭᒡ᙮ ᑭᔭ ᒋ ‍ ᒥᔭᐅᒡ ᒥᔅᑎᑯᔪᐤ ᒐᒋ ᑕᐧᑯᓂᒥᔨᒋ᙮ ᐊᑯ ᒂ ‍ ᓂᐱᔅᑯᐳᐛᒡ ᐅᑎᔅᑯᐤ ᐊᓐᑕ ᐊ ‍ ᑕᔨᒋ᙮ ᒋ ‍ ᒪᔭᔨᒪᐅᒡ ᒧᔭᒻ ᐊ ‍ ᒪᒥᒋᒪᒡ ᐊ ‍ ᐃᑕᒡ, “ᐊᐅᒄ ᒋᔾ ᒍᐤ ᐃᔪᒡ ᐅᒋᓴᐅᒋᒪᒧᐛᐛ᙮”
\v 30 ᒋ ‍ ᓯᔅᑎᒂᑕᐅᒡ ᒪᒃ᙮ ᐊᑯ ᒂ ‍ ᐅᑎᑕᒥᔅᑎᒂᓇᐛᒡ ᐊᓂᔭ ᒥᔅᑎᑯᔪᐤ ᑲ ‍ ᑕᐧᑯᓂᒥᔨᒋ᙮
\v 31 ᐃᔅᐱ ᒪᒃ ᑲᒋ ᐃᓯ ‍ ᒪᔭᔨᒪᒡ ᐊᑯ ᒂ ‍ ᒥᓂᒺᒡ ᐊᓂᔭ ᐊᑯᐱᔪᐤ ᑲ ‍ ᒋᔅᑭᒥᔨᒋ ᐊᑯ ᐎᔾ ᐅᑦ ᐊᐱᒋᑕᐅᓂᔪᐛ ᒂ ‍ ᐳᔅᑎᔅᑭᒧᑎᔭᒡ᙮ ᐊᑯ ᒂ ‍ ᐎᐎᑕᐊᒡ ᒐᒋ ᒋᔅᑕᔎᑕᒡ ᒋᐱᔭᑎᑯᒡ᙮
\s1 ᒋᓴᔅ ᑲ ‍ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ
\r ᒪᕐᒃ 15.21-32; ᓗᒃ 23.26-43; ᒠᓐ 19.17-27
\p
\v 32 ᒪᒂᒡ ᒪᒃ ᐊ ᐊᑎ ‍ ᐎᐎᒡ ᐊᓂᔭ ᐅᑕᓇᔪᐤ, ᒋ ‍ ᓂᒐᐊᐅᒡ ᓇᐸᐛ ᓴᐃᒥᓐ ᐊ ‍ ᐃᓯᓂᐧᑲᓱᔨᒋ ᓴᐃᕆᓐ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊ ‍ ᐅᒋᔨᒋ᙮ ᐊᔪᐅᒄ ᐅᔭ ᑲ ‍ ᐊᔨᐧᑭᒥᐊᒡ ᒐᒋ ᐅᓂᑲᑎᐛᔨᒋ ᒋᓴᓴ ᐅᒋᐱᔭᑎᑯᒥᔪᐛ᙮
\v 33 ᑯᓪᑯᑕ ᑲ ‍ ᐃᓯᓂᐧᑲᑕᔨᒡ ᐊᑯᑕ ᑲ ‍ ᐃᑐᑕᐊᒡ ᒋᓴᓴ᙮ ᐅ ᑯᓪᑯᑕ ᐊ ‍ ᐃᓇᓄᐅᒡ, ᐊᓐᑕ ᐊ ‍ ᑎᒂᒡ ᒋᐱᔅᑎᒂᓐ ᐃᓯ ᐃᔅᒋᔄᒥᑭᓐ᙮
\v 34 ᐃᔅᐱ ᒪᒃ ᐛᑎᑕᒡ ᐊᓂᔭ ᑯᓪᑯᑕ ᑲ ‍ ᐃᓯᓂᐧᑲᑕᔨᒡ ᐊᑯᑕ ᑲ ᐎ ‍ ᒥᓂᐊᑭᓄᐅᑦ ᒋᓴᔅ ᓱᒥᓇᐳᔪᐤ ᐊ ‍ ᒪᒧᐱᔨᒡ ᒐᒂᔪᐤ ᐊ ‍ ᐎᓯᑭᓂᔨᒡ ᐊᒋ ‍ ᐱᔅᑎᓇᑭᓄᐎᒡ ᐊᓐᑕ᙮ ᒥᒄ ᒪᒃ ᐃᔅᐱ ᑲ ‍ ᑯᒋᔅᑕᐧᒃ ᐊᓂᔭ ᒋᓴᔅ ᓇᒪ ᐅᒋ ᐎ ᒥᓄᐤ᙮
\v 35 ᐃᔅᐱ ᒪᒃ ᑲ ‍ ᒋᔅᑕᔎᑕᒡ ᒋᓴᓴ, ᒋ ‍ ᑕᑕᐅᓂᒪᑐᐛᐅᒡ ᐅᑦ ᐊᐱᒋᑕᐅᓂᔪᐛ᙮ ᒋ ‍ ᐛᐱᓂᒐᐅᒡ, ᐊᑯᑕ ᑲ ᐅᒋ ‍ ᐎᔭᔨᑕᒡ ᐊᐛᔪᐛ ᒐ ‍ ᐊᔭᔨᒋ ᐊᓂᔭᔪᐛ ᐅᑦ ᐊᐱᒋᑕᐅᓂᔪᐛ᙮ ᐅᔭ ᒪᒃ ᑲ ‍ ᐃᑎᒡ ᐊᑯᑕ ᑲ ‍ ᑎᐱᐱᔨᒡ ᑕᓐ ᑲ ‍ ᐃᔅᒋᔄᔨᒋ ᐊᓂᔭ ᐅᒋᔅᒋᐛᐃᒐᓱᐛ, ᒋ ‍ ᒥᒪᑎᓂᒪᑐᐅᒡ ᓂᑦ ᐊᐱᒋᑕᐅᓇ ᑭᔭ ᒋ ‍ ᑕᐛᒐᓄᐤ ᓂᑦ ᐊᑯᑉ᙮
\v 36 ᐊᑯ ᒪᒃ ᒂ ‍ ᐛᐛᔨᐱᒡ ᐊ ‍ ᓂᓇᑭᑐᐛᔨᒪᒡ᙮
\v 37 ᐃᔅᐱᒥᓯᔅ ᒪᒃ ᐊᓐᑕ ᐅᔅᑎᒂᓂᒡ ᒋ ‍ ᐊᑯᑕᐃᑭᓄᐅᔪᐤ ᐊ ‍ ᒥᓯᓇᑕᔨᒡ ᑕᓐ ᑲ ᐃᓯ ‍ ᐊᑕᒪᔨᒪᑭᓄᐅᑦ᙮ ᒋ ‍ ᐃᑎᔅᑕᔪᐤ, “ᐊᐅᒄ ᐅ ᒋᓴᔅ, ᒍᐤ ᐃᔪᒡ ᐅᒋᓴᐅᒋᒪᒧᐛᐛ᙮”
\v 38 ᓂᓱ ᒪᒃ ᑲᒥᒋᑐᑕᒡ ᒋ ‍ ᒋᔅᑕᔎᑕᑭᓄᐅᒡ ᑭᔭ, ᐸᐃᒄ ᐊᓐᑕ ᒋᓴᓴ ᐅᒥᔪᓂᔨᒡ ᐃᑕᒐ ᒋ ‍ ᐊᑯᒋᓄᐤ ᐊᑯ ᐊᓐ ᑯᑎᒃ ᐊᓐᑕ ᐅᓂᔅᐸᒋᐅᓂᔨᒡ ᐃᑕᒐ᙮
\v 39 ᐊ ‍ ᐱᒧᑕᒡ ᒪᒃ ᐊᐛᓐᒋ ᐊᓐᑕ ᒋ ‍ ᐛᐛᐱᔎᔪᐅᒡ ᑭᔭ ᒋ ‍ ᒪᔭᔨᒪᐅᒡ ᒋᓴᓴ᙮
\v 40 ᒋ ‍ ᐃᑕᐅᒡ, “ᒋᔾ ᑲ ‍ ᐃᔅᒋᔄᔨᓐ ᒐᒋ ᓂᓱᐅᓇᒋᑕᔨᓐ ᒋᓴᐊᔭᒥᐊᐅᒋᐛᑉ ᑭᔭ ᓂᔅᑐ ᒋᓯᑲᐛ ᐃᔅᐱᔅ ᑲᐤ ᒐᒋ ᐎᑲᐳᐎᑕᔨᓐ, ᑕᑈ ᐊ ‍ ᐊᐎᓇ ᒋᓴᒪᓂᑐᐤ ᐅᑯᓴ, ᐎᒋᐃᓱᐤ ᐸᒋ ‍ ᓂᑎᒋᐛ ᐊᓐᑕ ᒋᒋᐱᔭᑎᑯᒥᒡ᙮”
\p
\v 41 ᐊᐅᑯᓐ ᑭᔭ ᑲ ᐃᓯ ‍ ᒪᔭᔨᒪᒡ ᐊᓐᒡ ᑲ ‍ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᑭᔭ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐊᓐᒡ ᑲ ‍ ᓂᑲᓂᔅᑯᐛᒡ ᒍᐤ ᐃᔪᐛ᙮ ᒋ ‍ ᐃᔅᒋᔄᐅᒡ,
\v 42 “ᒋ ‍ ᐱᒪᒋᐊᐤ ᑯᑎᑲ ᐊᐛᔪᐛ᙮ ᓇᒪ ᒪᒃ ᐛᐛᒡ ᐎᔾ ᒋ ‍ ᐱᒪᒋᐃᓱᐤ᙮ ᓇᒪᐎᔾ ᐊ ᒪᒃ ᐅ ᐃᔅᕋᐃᓪ ᐃᔪᒡ ᐅᒋᓴᐅᒋᒪᒧᐛᐛ᙮ ᒐᒋ ᐎᐧᑯᒋᐃᓱᒂ ᒪᒃ ᒋᐱᔭᑎᑯᒡ ᐅᒡ, ᐊᑯ ᒐ ‍ ᑕᑈᔭᔨᒪᐧᒄ᙮
\v 43 ᑕᑈᔭᔨᒪᐤ ᒋᓴᒪᓂᑐᐛ ᑕᑈ ᒪᒃ ᓇᔅᒡ ᒐ ᐎ ‍ ᐎᒋᐃᑯᒂ ᒋᓴᒪᓂᑐᐛ ᐊᓄᒡ᙮ ᐛᔅ ᒋ ‍ ᐃᔅᒋᔄᐤ, ‘ᓂᔾ ᒋᓴᒪᓂᑐᐤ ᐅᑯᓴ᙮’ ”
\p
\v 44 ᑭᔭ ᐊᓂᔭᔪᐛ ᑲ ‍ ᐊᒂᑕᔨᑕᑯᓯᔨᒋ ᑲ ‍ ᒥᒋᑐᑎᒥᔨᒋ ᑲ ‍ ᐊᓯᒡ ᒋᔅᑕᔎᑕᑭᓄᔨᒋ ᐊᐅᑯᓐ ᑲ ᐃᓯ ‍ ᒪᔭᔨᒥᑯᑦ᙮
\s1 ᒋᓴᔅ ᑲ ‍ ᓂᐱᑦ
\r ᒪᕐᒃ 15.33-41; ᓗᒃ 23.44-49; ᒠᓐ 19.28-30
\p
\v 45 ᑲ ‍ ᐊᐱᑕᒋᓯᑲᒡ ᒪᒃ ᐊᑯᑕ ᓇᔅᒡ ᒋ ‍ ᑭᔅᒋᑎᐱᔅᑲᐤ ᒥᓯᐛ ᐊ ‍ ᐃᔅᐱᓴᒡ ᐊᔅᒋᔾ ᐃᔅᐱᔅ ᓂᔅᑐ ᑎᐸᐃᑭᓇ ᐊᔅᐱᔨᒡ᙮
\v 46 ᓴᓯᑲᓐ ᒪᒃ ᓂᔅᑐ ᐊ ‍ ᐃᔅᐱᔨᒡ, ᒋᓴᔅ ᒋ ‍ ᑕᑈᐤ ᐊ ‍ ᐃᔅᒋᔄᑦ, “ᐃᐧᓚᐃ, ᐃᐧᓚᐃ, ᓚᒪ ᓴᐸᒃᑕᓂ ?” ᒪᐅ ᐊ ᐃᓯ ‍ ᐱᔭᑭᔅᒋᑕᑯᓯᓇᓄᐅᒡ ᐅ, “ᓂᒋᓴᒪᓂᑐᒻ, ᓂᒋᓴᒪᓂᑐᒻ, ᑕᓇᒡ ᐛᒋ ‍ ᐛᐱᓂᔨᓐ ?”
\p
\v 47 ᐱᔅᒐ ᒪᒃ ᐊᓐᒡ ᐊᓐᑕ ᑲ ‍ ᓇᓂᐳᐅᒡ ᒋ ‍ ᐸᑐᐛᐅᒡ ᐊᓂᔭ ᑲ ‍ ᐃᔅᒋᔄᔨᒋ᙮ ᐊᑯ ᒂ ‍ ᐃᑕᒡ “ᐃᓚᐃᒐᔨᒋ ᐊᓐ ᑕᑈᑕᐤ᙮”
\v 48 ᑎᐛᒡ ᒪᒃ ᐸᐃᒄ ᐊᓐᑕ ᐊ ‍ ᑎᓯᒡ ᒋ ᐅᒋ ‍ ᐅᑎᓂᒻ ᒐᒂᔪᐤ ᐅᐱᓂᒡ ᐊ ‍ ᐃᑕᔨᑕᑯᓂᔨᒡ ᒂ ‍ ᒋᑕᓇᐧᒃ ᐊᓐᑕ ᐊᒋ ‍ ᐎᓯᑲᐧᑭᒥᑎᓂᔨᒡ ᓱᒥᓇᐳᔪᐤ᙮ ᐊᑯ ᐊ ‍ ᐅᓂᔎᔅᑯᓂᔨᒡ ᒥᔅᑎᑯᒡ ᒂ ‍ ᒋᑭᒧᑕᑦ᙮ ᐊᑯ ᐊᓐᑕ ᒋᓴᓴ ᐅᑐᓂᔨᒡ ᒂ ‍ ᐃᑎᓇᐧᒃ ᐊ ᐎ ‍ ᒥᓇᐊᑦ᙮
\p
\v 49 ᒥᒄ ᒪᒃ ᐊᓐᒡ ᑯᑎᑭᒡ ᐊᐛᓐᒋ ᒋ ‍ ᐃᔅᒋᔄᐅᒡ, “ᐊᑲ ᐸᑎᒪ ᐃᑐᑕ᙮ ᐊᓱᐛᐱᒪᑕᐤ ᒪ ᒐ ᐸᒋ ‍ ᐎᒋᐃᑯᒂ ᐊᓂᔭ ᐃᓚᐃᒐᔨᒋ᙮”
\p
\v 50 ᒋᓴᔅ ᒪᒃ ᒥᓐ ᒋ ‍ ᑕᑈᐤ ᐊ ‍ ᒋᔄᐛᑦ᙮ ᐊᑯ ᒂ ‍ ᓂᐱᑦ᙮
\p
\v 51 ᐃᔅᐱ ᒪᒃ ᓇᐱᑦ, ᐊᓐ ᐊᑯᐛᑲᐃᑭᓐ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ‍ ᑎᒂᒡ ᓇᔅᒡ ᒋ ‍ ᑕᑕᐤ ᑕᔅᒋᐱᔪᐤ᙮ ᓇᔅᒡ ᐊ ‍ ᐃᔎᑲᒡ ᒋ ᐃᓯ ‍ ᑕᔅᒋᐱᔪᐤ᙮ ᐊᔅᒋᔾ ᑭᔭ ᒋ ‍ ᐊᔭᒋᐱᔪᐤ᙮ ᑭᔭ ᐊᓯᓂᔨᒡ ᒋ ‍ ᑕᔅᒋᐱᔪᐅᒡ᙮
\v 52 ᒋᐱᐃᒋᐛᐸ ᒋ ‍ ᔪᑕᐱᔪᐛ᙮ ᒥᒐᑦ ᒪᒃ ᒋᓴᒪᓂᑐᐤ ᐅᑦ ᐃᔨᒪ ᑲ ‍ ᓂᐱᔨᒋ ᒋ ‍ ᐅᓂᔅᑲᓇᑭᓄᐅᔪᐛ᙮
\v 53 ᒋ ‍ ᔅᑐᑕᐅᒡ ᒪᒃ ᐊᓐᑕ ᒋᐱᐃᒋᐛᐱᒡ ᐅᒡ ᐊᓐᒡ ᑲ ‍ ᐅᓂᔅᑲᓇᑭᓄᐎᒡ᙮ ᐃᔅᐱ ᒪᒃ ᑲ ‍ ᐅᓂᔅᑲᔨᒋ ᒋᓴᓴ ᓂᐳᐅᓂᒡ ᐅᒡ ᐊᑯ ᐊᓐᑕ ᒋᕈᓯᓕᒥᒡ ᑲ ‍ ᐃᑐᑕᒡ᙮ ᐊᑯᑕ ᒪᒃ ᒥᒐᑦ ᐊᐛᔪᐛ ᑲ ‍ ᐛᐱᒥᑯᒡ᙮
\p
\v 54 ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᑭᔭ ᐊᓂᔭᔪᐛ ᐅᑦ ᐊᓯᒪᑭᓂᓯᒪ ᑲ ‍ ᓂᓇᑭᑐᐛᔨᒪᔨᒋ ᒋᓴᓴ ᐃᔅᐱ ᐎᔭᐸᑕᒡ ᐊ ‍ ᑯᐃᐧᑯᓂᔨᒡ ᑭᔭ ᒥᓯᐛ ᐊᓂᔭ ᑕᓐ ᑲ ‍ ᐃᔅᐱᔨᒡ ᒋ ‍ ᓴᒋᓱᐅᒡ᙮ ᐊᑯ ᒂ ‍ ᐃᔅᒋᔄᒡ, “ᑕᑈ ᐊᔪᐅᒄ ᐅᔭ ᒋᓴᒪᓂᑐᐤ ᐅᑯᓴ᙮”
\p
\v 55 ᒋ ‍ ᒥᒐᑐᐅᒡ ᒪᒃ ᐃᔎᐅᒡ ᐊᓐᑕ᙮ ᐊᐅᑯᓐᒡ ᐅᒡ ᐊᓐᑕ ᑲᓕᓕ ᐊᔅᒋᒡ ᑲ ᐅᒋ ‍ ᐎᒐᐛᒡ ᒋᓴᓴ ᑭᔭ ᑲᒋ ‍ ᐛᐎᒋᐊᒡ᙮ ᐛᔪᐤ ᐊᓐᑕ ᒋ ‍ ᐅᒋᑲᐳᐎᒡ ᐊ ‍ ᑭᓄᐛᐱᒡ ᑕᓐ ᐊ ‍ ᐃᑎᓇᓄᐎᒡ᙮
\v 56 ᐊᑯᑕ ᑲ ‍ ᑕᒡ ᒪᕆ ᒪᒃᑕᓕᓐ ᑭᔭ ᒪᕆ, ᒋᒥᔅ ᑭᔭ ᒍᓯᑉ ᐅᑲᐎᐛᐛ, ᑭᔭ ᓴᐱᑎ ᐅᑯᓴ ᐅᑲᐎᐛᐛ᙮
\s1 ᒋᓴᔅ ᐎᔪᐤ ᑲ ‍ ᓇᐃᐧᑲᑭᓄᐎᒡ
\r ᒪᕐᒃ 15.42-47; ᓗᒃ 23.50-56; ᒠᓐ 19.38-42
\p
\v 57 ᐃᔅᐱ ᒪᒃ ᐊ ᐊᑎ ‍ ᐅᑕᑯᓯᔨᒡ ᒋ ‍ ᑎᑯᓯᓄᐤ ᓇᐸᐤ ᒍᓯᑉ ᐊ ‍ ᐃᓯᓂᐧᑲᓱᑦ᙮ ᓇᔅᒡ ᒋ ‍ ᐛᔪᑎᓯᐤ ᐅ ᓇᐸᐤ᙮ ᐊᓐᑕ ᒪᒃ ᐅᑕᓇᔪᐤ ᐊᕆᒪᑎᔭ ᑲ ‍ ᐃᓯᓂᐧᑲᑕᔨᒡ ᐊᑯᑕ ᑲ ‍ ᐅᒋᑦ᙮ ᒋ ‍ ᓇᓴᐛᐤ ᑭᔭ ᐎᔾ ᒋᓴᓴ᙮
\v 58 ᒋ ‍ ᓂᑐᐛᐱᒪᐤ ᒪᒃ ᑈᓚᑕ᙮ ᐊᑯ ᑲ ‍ ᑯᒂᒋᒪᑦ ᒐᒋ ᐱᔅᑎᓂᒪᑯᑦ ᒋᓴᓴ ᐎᔭᔪᐤ᙮ ᑈᓚᑦ ᒪᒃ ᒋ ‍ ᐃᑎᓱᐛᐤ ᒐᒋ ᒥᔭᑭᓄᔨᒋ ᒍᓯᐸ ᐊᓂᔭ ᒥᔭᔪᐤ᙮
\v 59 ᐊᑯ ᒍᓯᑉ ᒂ ‍ ᓂᑎᓂᒺᑦ ᒋᓴᓴ ᐎᔭᔪᐤ ᐊᓐᑕ ᒋᐱᔭᑎᑯᒡ ᐅᒡ᙮ ᒋ ᐊᑎ ‍ ᐎᔎᔭᒋᓂᒻ ᒪᒃ ᓇᔅᒡ ᐊ ‍ ᐸᔭᐧᑭᓂᔨᒡ ᐱᒍᐎᔭᓂᓯᔪᐤ᙮
\v 60 ᐊᓐᑕ ᒪᒃ ᐊᒋ ‍ ᐛᑎᒂᐱᔅᑲᐊᒧᑯᐱᓇ ᐊᑲ ᐛᔅᑭᒡ ᐅᒋ ᐊᐱᒋᑕᑯᐱᓇ ᐊᑯᑕ ᑲ ‍ ᐱᑎᑲᐊᑦ᙮ ᐎᔾ ᒪᒃ ᒋᐸ ‍ ᐊᔭᐊᑭᓄᐤ ᐊᓐᑕ ᐃᔅᐱ ᐳᓂᐱᒪᑎᓯᒐ᙮ ᐊᑯ ᐊ ‍ ᒥᒐᐱᔅᒋᓯᔨᒋ ᐊᓯᓂᔭ ᒂ ‍ ᑎᑎᐱᓇᑦ ᐊᓐᑕ ᐊ ‍ ᐃᔎᑕᒧᓂᔨᒡ ᐊᓂᔭ ᒋᐱᐃᒋᐛᐱᔪᐤ ᑲ ‍ ᒋᐱᒥᓯᒪᑦ᙮ ᐊᑯ ᒂ ‍ ᔅᑐᑕᑦ᙮
\v 61 ᐊᑯᑕ ᒪᒃ ᑲ ‍ ᑕᒡ ᒪᕆ ᒪᒃᑕᓕᓐ ᑭᔭ ᐊᓐ ᑯᑎᒃ ᒪᕆ ᐊ ‍ ᐸᑕᔅᑎᒥᐱᔅᑕᒡ ᐊᓂᔭ ᑲ ‍ ᐛᑎᒂᐱᔅᑲᐃᑭᓄᐎᒡ᙮
\s1 ᑲ ‍ ᓂᓇᑭᑐᐛᔨᑕᑭᓄᐅᒡ ᒋᐱᐃᒋᐛᑉ
\p
\v 62 ᐊᓐ ᒪᒃ ᒥᓐ ᐎᔭᐸᒡ ᐊᔪᐅᒄ ᐅᔭ ᒍᐤ ᐃᔪᒡ ᐅᑦ ᐊᔅᑕᔭᔅᑯᓯᐤ ᒋᓯᑲᒧᐛᐤ᙮ ᐊᓐᒡ ᒪᒃ ᒋᓴᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐸᕆᓯᔨᒡ ᒋ ‍ ᓂᒋᔅᑯᐛᐅᒡ ᑈᓚᑕ᙮
\v 63 ᐊᑯ ᒂ ‍ ᐃᑕᒡ, “ᐅᒋᒪᐤ, ᓂ ‍ ᒋᔅᒋᓯᓇᓐ ᐊᔅᒄ ᐊᒋ ‍ ᐱᒪᑎᓯᑦ ᐊᓐ ᑲ ‍ ᑭᑭᒋᔭᑦ ᐊᒋ ‍ ᐃᔅᒋᔄᑦ, ‘ᓂᔅᑐ ᒋᓯᑲᐛ ᐃᔅᐱᔅ ᐊᑯ ᒐ ‍ ᐅᓂᔅᑲᓂᑯᐅᔭᓐ ᓂᐳᐅᓂᒡ ᐅᒡ᙮’
\v 64 ᐃᑎᓱᐛ ᒪ ᐃᔭᒂ ᒐᒋ ᓂᓇᑭᑐᐛᔨᑕᑭᓄᐅᒡ ᐊᓐ ᒋᐱᐃᒋᐛᑉ ᐸᑐᔅ ᒋ ‍ ᓂᔅᑐᒋᓯᑲᒐ᙮ ᐛᔅ ᒋᑭ ᒋ ᐸᒋ ‍ ᒋᒧᑎᔪᐛ ᐅᒋᔅᒋᓄᐊᒧᐛᑭᓇ ᐊᓂᔭ ᐎᔪᐤ ᒐᒋ ᑭᑭᒋᔭᒪᔨᒋ ᐊᐛᔪᐛ ᐊ ‍ ᐃᑕᒡ ᐊᒋ ‍ ᐅᓂᔅᑲᔨᒋ ᓂᐳᐅᓂᒡ ᐅᒡ᙮ ᐊᑯ ᐊᓐ ᑭᑭᒋᔭᐅᓐ ᐅᔅᑕ ᓇᒪ ᒋᑭ ᐅᒋ ‍ ᒋᐧᑲᐛᑕᑯᓐ ᐃᔅᐱᔅ ᐊᓐ ᓂᔅᑎᒻ ᑭᑭᒋᔭᐅᓐ᙮”
\p
\v 65 ᐊᑯ ᑈᓚᑦ ᒂ ‍ ᐃᑕᑦ, “ᐅᑎᓇᐧᑯᒡ ᐊᓯᒪᑭᓂᓯᒡ᙮ ᒐ ᐎ ‍ ᐊᔨᒋᑕᔭᒄ ᐊᓐ ᒋᐱᐃᒋᐛᑉ ᒥᒄ ᒐᒋ ᐃᔅᐱᔅ ᐊᔨᒋᑕᔭᒄ᙮”
\p
\v 66 ᐊᑯ ᒪᒃ ᒂ ‍ ᔅᑐᑕᒡ᙮ ᒋ ‍ ᒋᔅᒋᓄᐛᒋᐊᐅᒡ ᐊᓂᔭᔪᐛ ᐊᓯᓂᔭ ᑲ ‍ ᒋᐱᓯᒪᑭᓄᔨᒋ ᐊᓐᑕ ᒋᐱᐃᒋᐛᐱᒡ ᐊᑲ ᐊᐛᔪᐛ ᒐᒋ ᐱᒪᔨᒪᔨᒋ᙮ ᐊᑯ ᒂ ‍ ᐃᑕᒡ ᐊᓯᒪᑭᓂᓴ ᒐᒋ ᓂᓇᑭᑐᐛᐸᑎᒥᔨᒋ ᐊᓂᔭ ᒋᐱᐃᒋᐛᐱᔪᐤ᙮
\c 28
\s1 ᒋᓴᔅ ᑲ ‍ ᐅᓂᔅᑲᑦ ᓂᐳᐅᓂᒡ ᐅᒡ
\r ᒪᕐᒃ 16.1-10; ᓗᒃ 24.1-12; ᒠᓐ 20.1-10
\s2 Matthew 28.1-10 (Easter Sunday Year A)
\p
\v 1 ᐃᔅᐱ ᒪᒃ ᑲ ‍ ᐎᒪᐱᔨᒡ ᐊᓂᔭ ᐊ ‍ ᐊᔭᒥᐊᐅᒋᓯᑲᔨᒡ, ᐊᓐ ᒪᒃ ᐊᑎ ᐸᑕᐸᒡ ᒪᕆ ᒪᒃᑕᓕᓐ ᑭᔭ ᒪᕆ ᒋ ‍ ᓂᑐᐛᐸᑎᒧᒡ ᐊᓂᔭ ᒋᐱᐃᒋᐛᐱᔪᐤ᙮
\v 2 ᓯᔅᒋᑯᒡ ᒪᒃ ᒋ ᒥᔅᑎ ‍ ᑯᐃᐧᑯᓐ, ᐊᑯ ᐅᑎᐸᔨᒋᒐᐤ ᐅᑦ ᐊᓐᒋᓇᒪ ᒂ ᐸᒋ ‍ ᔭᓯᔨᒋ ᒋᒋᒋᓯᑯᒡ ᐅᒡ, ᒂ ‍ ᐃᒐᑎᑎᐱᓇᔨᒋ ᐊᓂᔭ ᐊᓯᓂᔭ ᐊᓐᑕ ᐃᔎᑕᒥᒡ ᐅᒡ ᒂ ᐊᑎ ‍ ᑕᑎᐱᔨᒋ ᐊᓐᑕ᙮
\v 3 ᒧᔭᒻ ᒪᒃ ᐊ ‍ ᐛᔅᑕᐱᔨᒡ ᑲ ᐃᔅᐱᔅ ‍ ᒋᐧᑲᔭᔅᑐᐛᒡ ᐊᐅᑯᓐ ᑲ ‍ ᐃᓯᓇᑯᓯᑦ ᐊᓐ ᐊᓐᒋᓐ ᐃᔅᐱ ᐛᒋ ‍ ᓄᑯᓯᑦ, ᑭᔭ ᐅᑦ ᐊᐱᒋᑕᐅᓇ ᑕᐱᔅᑯᓐ ᑯᓐ ᑲ ᐃᔅᐱᔅ ‍ ᐛᐱᓯᑦ ᐊᐅᑯᓐ ᑲ ‍ ᐃᓯᓇᑯᓂᔨᒋ᙮
\v 4 ᐊᓐᒡ ᒪᒃ ᐊᓯᒪᑭᓂᓯᒡ ᑲ ‍ ᓂᓇᑭᑐᐛᔨᑕᒡ ᐊᓂᔭ ᒋᐱᐃᒋᐛᐱᔪᐤ ᐊ ᐃᔅᐱᔅ ‍ ᑯᔅᑕᒋᒡ, ᒋ ‍ ᓇᓇᒥᐱᔪᒡ ᒋ ‍ ᐸᒋᓯᓄᐅᒡ ᒪᒃ ᐊᑯ ᒧᔭᒻ ᐊ ‍ ᓂᐱᒡ ᑲ ‍ ᐃᓯᓇᑯᓯᒡ᙮
\p
\v 5 ᐊᑯ ᐊᓐ ᐊᓐᒋᓐ ᒂ ‍ ᐃᑕᑦ ᐊᓂᔭ ᐃᔎᐛ, “ᐊᑲᐎᔾ ᑯᔅᑕᒋᒄ, ᒋ ‍ ᒋᔅᒐᔨᒥᑎᓇᐛᐤ ᐊ ‍ ᓇᓂᑐᐛᔨᒪᒄ ᒋᓴᔅ ᐊᓐ ᑲ ‍ ᒋᔅᑕᔎᑕᑭᓄᐅᑦ᙮
\v 6 ᓇᒪ ᑕᐤ ᐅᑕ, ᐛᔅ ᒋ ‍ ᐅᓂᔅᑲᐤ ᒧᔭᒻ ᑕᓐ ᑲ ‍ ᐃᔅᒋᔄᑦ ᒐ ‍ ᐃᑎᑦ᙮ ᐸᑐᑕᒄ ᐸᒋ ‍ ᑭᓄᐛᐸᑎᒺᐧᒄ ᐊᓐᑕ ᑲ ‍ ᐱᒥᓯᒪᑭᓄᐅᑦ᙮
\v 7 ᐎ ᒋᓯᐱᔨᒄ ᒪᒃ ᐎᑎᒧᒪᐧᑯ ᐅᒋᔅᒋᓄᐊᒧᐛᑭᓇ, ᐊᒋ ‍ ᐅᓂᔅᑲᑦ ᓂᐳᐅᓂᒡ ᐅᒡ, ᐊᓄᒡ ᒪᒃ ᓂᑲᓐ ᐃᑐᑕᐤ ᑲᓕᓕᒡ ᐊᑯᑕ ᐊᓐᑕ ᒐ ‍ ᐛᐱᒪᒄ᙮ ᐎ ᒋᔅᒋᓯᒄ ᒪᒃ ᐅ ᑲ ‍ ᐃᑎᑎᑯᒡ᙮”
\p
\v 8 ᐊᓐᒡ ᒪᒃ ᐃᔎᐅᒡ ᒋ ‍ ᐎᐎᐸᔨᑐᐅᒡ ᐊᓐᑕ ᒋᐱᐃᒋᐛᐱᒡ ᐅᒋ ᐊ ‍ ᓴᒋᓯᒡ ᑭᔭ ᐊ ‍ ᒧᒋᒐᔨᑕᒡ, ᒂ ‍ ᐎᑎᒧᐛᒡ ᐊᓂᔭ ᒋᔅᒋᓄᐊᒧᐛᑭᓇ᙮
\p
\v 9 ᓯᔅᒋᑯᒡ ᒪᒃ ᒋ ᐅᒋ ‍ ᓂᒋᔅᑯᐛᐅᒡ ᒋᓴᓴ ᐊᑯ ᒂ ‍ ᐃᑎᑯᒡ, “ᐎ ᒋᔭᒪᔨᑎᒧᒄ᙮” ᐊᑯ ᒂ ‍ ᐅᒋᒋᐧᑯᓂᐱᔪᐅᒡ ᐊ ‍ ᑕᔨᒋ ᒂ ‍ ᒪᑯᓂᒺᒡ ᐅᓯᑎᔪᐛ ᐊᑯ ᒂ ‍ ᓄᒋᔅᑐᐛᒡ᙮
\v 10 ᐊᑯ ᒋᓴᔅ ᒂ ‍ ᐃᑕᑦ, “ᐊᑲᐎᔾ ᑯᔅᑕᒋᒄ, ᐎᑎᒪᐧᑯᒡ ᓂᐧᑲᓂᓯᒡ ᑲᓕᓕᒡ ᒐᒋ ᐃᑐᑕᒡ, ᐊᑯᑕ ᐊᓐᑕ ᒐ ‍ ᐛᐱᒥᒡ᙮”
\s1 ᑕᓐ ᑲ ‍ ᐃᑎᓱᒪᑭᓄᐎᒡ ᐊᓐᒡ ᒋᐱᐃᒋᐛᐱᔪᐤ ᑲ ‍ ᓂᓇᑭᑐᐛᔨᑕᒡ
\p
\v 11 ᒪᒂᒡ ᒪᒃ ᐊᓐᒡ ᐃᔎᐅᒡ ᐊ ‍ ᐃᔅᐱᓯᒡ ᐊ ᐎ ‍ ᐎᑎᒧᐛᒡ ᐊᓂᔭ ᒋᔅᒋᓄᐊᒧᐛᑭᓇ, ᐱᔅᒐ ᐊᓐᒡ ᐊᓯᒪᑭᓂᓯᒡ ᑲ ‍ ᓂᓇᑭᑐᐛᔨᑕᒡ ᐊᓂᔭ ᒋᐱᐃᒋᐛᐱᔪᐤ ᒋ ‍ ᐃᑐᑕᐅᒡ ᐊᓐᑕ ᐅᑕᓇᒡ, ᒂ ‍ ᐎᑎᒧᐛᒡ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᒥᓯᐛ ᑕᓐ ᑲ ᐃᓯ ‍ ᐛᐸᑕᒡ ᐊ ‍ ᐃᔅᐱᔨᒡ᙮
\v 12 ᐊᑯ ᐊᓐᒡ ᑲ ‍ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᑭᔭ ᐊᓐᒡ ᑲ ‍ ᓂᑲᓂᔅᑯᐛᒡ ᐃᔪᐛ ᒂ ‍ ᒪᒧᐎᒡ ᐊᑯ ᒂ ‍ ᐎᔭᔨᑕᒡ ᑕᓐ ᒐ ‍ ᐃᑎᒡ᙮ ᒋ ᒥᔅᑎ ‍ ᒥᔭᐅᒡ ᒪᒃ ᓱᓇᔭᔪᐤ ᐊᓂᔭ ᐊᓯᒪᑭᓂᓴ᙮
\v 13 ᐊᑯ ᐊᓐᒡ ᑲ ‍ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᒂ ‍ ᐃᑕᒡ ᐊᓂᔭ ᐊᓯᒪᑭᓂᓴ, “ᒐ ‍ ᐃᑕᑯᒡ ᐊᐛᓐᒋ, ᑕᐱᔅᑲᒡ ᒪᒂᒡ ᑲ ‍ ᓂᐸᔭᒡ ᐅᒋᔅᒋᓄᐊᒧᐛᑭᓐᒡ ᒋᒧᑦ ᒋ ᐸᒋ ‍ ᓂᑐᐛᐸᑎᒧᐛᐅᒡ ᐊᓂᔭ ᐎᔭᔪᐤ, ᐊᑯ ᒂ ‍ ᔅᑐᑕᐛᒡ᙮
\v 14 ᐸᑕᒐ ᒪᒃ ᐅᔭ ᐊᓐ ᒋᓴᐅᒋᒪᐤ, ᓂᑭ ‍ ᓴᐧᑯᒋᒪᓇᓐ ᐊᑲ ᒋᔨᐛᐤ ᒐᒋ ᐊᑕᒪᔨᒥᑯᐅᔭᒄ, ᒋᑭ ‍ ᒥᔪᐱᔨᐃᑎᓇᓐ ᐊᑲ ᒐᒂᓐ ᒐᒋ ᐃᑐᑕᑯᐅᔭᒄ᙮”
\p
\v 15 ᐊᑯ ᐊᓐᒡ ᐊᓯᒪᑭᓂᓯᒡ ᒂ ‍ ᐅᑎᓇᒡ ᐊᓂᔭ ᓱᓇᔭᔪᐤ, ᐊᐅᑯᓐ ᒪᒃ ᒂ ‍ ᐃᑎᒡ ᐊᓂᔭ ᑲ ‍ ᐃᑎᓱᒪᑭᓄᐎᒡ᙮ ᐅ ᒪᒃ ᑎᐸᒋᒧᐅᓐ ᐊᐅᑯᓐ ᑲ ᐃᓯ ‍ ᑎᐸᒋᒧᔅᑐᐛᑭᓄᐎᒡ ᒍᐤ ᐃᔪᒡ ᐅ ᒪᒂᒡ ᑭᔭ ᐊᓄᒡ ᑲ ‍ ᒋᓯᑲᒡ ᐊᔅᒄ ᐊᐅᑯᓐ ᐊ ‍ ᐃᑕᑭᓄᐎᒡ᙮
\s1 ᒋᓴᔅ ᑲ ‍ ᐛᑎᓱᒪᑦ ᒥᓯᐛ ᐅᒋᔅᒋᓄᐊᒧᐛᑭᓇ
\r ᒪᕐᒃ 16.14-18; ᓗᒃ 24.36-49; ᒠᓐ 20.19-23; ᐊᑈᔅᑕᓇᒡ 1.6-8
\s2 Matthew 28.16-20 (Trinity Year A)
\p
\v 16 ᐊᑯ ᐊᓐᒡ ᐸᐃᑯᓴᑉ ᒋᔅᒋᓄᐊᒧᐛᑭᓐᒡ ᒂ ‍ ᐃᑐᑕᒡ ᐊᓐᑕ ᐊᓂᔭ ᐱᔅᑯᑎᓇᔪᐤ ᑲᓕᓕᒡ ᑲ ‍ ᑎᑯᓂᔨᒡ ᐊᓐᑕ ᑲ ‍ ᐃᑎᑯᒡ ᒋᓴᓴ ᒐ ‍ ᐃᑐᑕᒡ᙮
\v 17 ᐃᔅᐱ ᒪᒃ ᐎᔭᐱᒪᒡ, ᒋ ‍ ᐊᔭᒥᐊᔅᑐᐛᐅᒡ ᐊᑎ ᐱᔅᒐ ᐊᓐᑕ ᐊ ‍ ᑎᓯᒡ ᐊᒋ ‍ ᐊᓏᑕᒡ᙮
\v 18 ᐊᑯ ᒂ ‍ ᓇᑎᑯᒡ ᒋᓴᓴ ᒂ ‍ ᐃᑎᑯᒡ, “ᓂᒋ ‍ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮
\v 19 ᐅ ᒪᒃ ᐅᒋ ᒪᒋᒄ ᓂᑐᐛᐱᒪᐧᑯᒡ ᒥᓯᐛ ᐊ ‍ ᐃᑎᔅᑲᓇᓯᒡ ᐊᐛᓐᒋ ᒐ ‍ ᐃᑐᑐᐛᑯᒡ ᒐᒋ ᐅᒋᔅᒋᓄᐊᒧᐛᑭᓂᔭᓐ, ᒐ ‍ ᓯᑲᐃᑐᐛᑯᒡ ᐅᑦ ᐃᓯᓂᐧᑲᓱᐅᓂᔪᐤ ᐅᑕᐎᒪᐛ ᑭᔭ ᐅᑯᓯᓯᒪᐛ ᑭᔭ ᑲ ‍ ᐸᔭᒋᓯᔨᒋ ᐊᒐᒂ᙮
\v 20 ᑭᔭ ᒐ ‍ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ‍ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ‍ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”
\id MRK Adapted from ECree-S to Naskapi, 02 Jun 2003; Typeset export from CBS 8 May 2007
\h ᒪᕐᒃ
\toc3 ᒪᕐᒃ
\toc2 ᒪᕐᒃ
\toc1 ᒥᔽᒋᒧᐅᓂᔪᐤ ᑲ ‍ ᒥᓯᓇᐊᐧᒃ ᒪᕐᒃ
\mt2 ᒥᔽᒋᒧᐅᓂᔪᐤ ᑲ ‍ ᒥᓯᓇᐊᐧᒃ
\mt1 ᒪᕐᒃ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᒪᕐᒃ ᐊᓐ ᑲ ‍ ᒥᓯᓇᐊᐧᒃ ᐅᔭ ᒥᔽᒋᒧᐅᓂᔪᐤ᙮ ᒂᔄᓐ ᐊᐅᒄ ᐊᐛᓐ ᒪᐅᒡ ᓂᔅᑎᒻ ᑲ ‍ ᒥᓯᓇᐊᐧᒃ ᑕᓐ ᑲ ‍ ᐃᑎᔨᒋ ᒋᓴᓴ ᒪᒂᒡ ᐅᑕ ᐊᔅᒋᒡ ᑲ ‍ ᑕᔨᒋ᙮ ᒂᔄᓐ ᑭᔭ ᐊᐅᒄ ᐅ ᐊᓐ ᐊᐛᓐ ᒥᒐᑐᐳᓇ ᑲ ᐎᒋ ‍ ᐊᑐᔅᒐᒪᑦ ᑈᓚ ᑭᔭ ᐸᕐᓇᐸᓴ ᐊ ‍ ᐱᐸᒧᑕᔨᒋ ᒥᔽᒋᒧᐅᓂᔪᐤ᙮ ᒋ ‍ ᒥᓯᓇᐊᒻ ᐅᔭ ᒥᔽᒋᒧᐅᓂᔪᐤ ᒪᕐᒃ ᐊ ᐎ ‍ ᒋᔅᒐᔨᑎᒥᐊᑦ ᐊᓂᔭᔪᐛ ᓂᔅᑎᒻ ᑲ ᐊᑎ ‍ ᑕᑈᑎᒥᔨᒋ ᒥᔽᒋᒧᐅᓂᔪᐤ ᑕᓐ ᑲ ‍ ᐃᑕᔨᑕᑯᓯᔨᒋ ᒋᓴᓴ ᑭᔭ ᒐᒂᔪᐤ ᐛᒋ ‍ ᓂᑐᐛᔨᑕᑯᓯᔨᒋ ᒐᒋ ᓂᐱᔨᒋ᙮ ᐛᐸᑎᔨᐛᐤ ᒧᔅ ᐊᒋ ‍ ᑎᑯᓂᔨᒡ ᒐᒂᔪᐤ ᐊ ‍ ᐃᑐᑎᒥᔨᒋ ᒋᓴᓴ ᑭᔭ ᑕᑈ ᐊᒋ ‍ ᐊᔭᔨᒋ ᒐᒋ ᐃᑎᔨᒋ ᑕᓐ ᑲ ‍ ᐃᑎᔨᒋ ᑭᔭ ᒐᒋ ᐃᑐᑎᒥᔨᒋ ᑕᓐ ᑲ ‍ ᐃᑐᑎᒥᔨᒋ᙮ ᐅᔅᑕ ᐊᐱᑐᐤ ᐊ ‍ ᐃᔎᔨᒡ ᐊᓂᔭ ᐅᒥᓯᓇᐃᑭᓐ ᐊᓐᑕ ᐊ ᐊᑎ ‍ ᐃᔎᐱᔨᒡ ᐎᑎᒻ ᑕᓐ ᑲ ‍ ᐃᔅᐱᔨᒡ ᐊᓂᔭ ᒪᔅᑕᔾ ᐊ ‍ ᒥᓇᔅᑕᑭᓄᐎᒡ ᒋᓴᓴ ᑲ ‍ ᑕᔨᒋ ᐅᑕ ᐊᔅᒋᒡ᙮ ᐊᑯᑕ ᐊ ᐊᑎ ‍ ᐎᑕᐧᒃ ᑲ ‍ ᓂᐱᔨᒋ ᒋᐱᔭᑎᑯᒡ ᑭᔭ ᑲᐤ ᑲ ‍ ᐅᓂᔅᑲᔨᒋ ᓂᔅᑐ ᒋᓯᑲᐛ ᐸᑎᒪ᙮
\c 1
\s1 ᒠᓐ ᐅᓯᑲᐃᑕᒐᐤ ᑲ ᐃᓯ ‍ ᑭᒐᔅᒋᒧᑦ
\r ᒪᑎᔪᐤ 3.1-12; ᓗᒃ 3.1-18; ᒠᓐ 1.19-28
\s2 Mark 1.1-8 (Advent-2 Year B)
\p
\v 1 ᐊᑯᑕ ᐅᑕ ᒐᒋᐱᔨᒡ ᒥᔽᒋᒧᐅᓐ ᐊ ‍ ᐊᔨᒧᒪᑭᓄᐅᑦ ᒋᓴᔅ ᙭ ᒋᓴᒪᓂᑐᐤ ᐅᑯᓴ᙮
\v 2 ᒋ ‍ ᒥᓯᓇᐊᑕᐊᒻ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ‍ ᐃᓯᓂᐧᑲᓱᑦ ᐅᔭ ᐊᒋ ‍ ᐃᔅᒋᔄᔨᒋ ᒋᓴᒪᓂᑐᐛ,
\q ᓂ ‍ ᓂᑲᓂᑎᓴᐛᐤ ᓂᑦ ᐃᔨᒥᔅᑎᒪᒐᓯᒻ, ᒐ ‍ ᓂᑲᓐ ᐃᑐᑐᐛᑦ ᐊᐛᔪᐛ ᐊᔅᒋᒡ ᐊ ‍ ᑕᔨᒋ ᒐᒋ ᐊᔭᔅᑯᐎᔅᑕᔅᒋᔨᔅᒋ᙮
\q
\v 3 ᐊᓐ ᐊᐛᓐ ᒐ ᐸᒋ ‍ ᓂᑲᓂᑎᓴᐅᒃ ᐊᓐᑕ ᐸᐧᑯᑎᔅᑭᒥᑲᒡ ᒋᑭ ‍ ᑕᑈᐤ ᐊ ‍ ᐃᔅᒋᔄᑦ, “ᐊᔭᔅᑯᐎᔅᑕᒺᐧᒄ ᐅᑎᐸᔨᒋᒐᐤ ᐅᒪᔅᑭᓇᒻ ᐊᓐᑕ ᒐ ‍ ᐱᒧᑕᑦ, ᑯᐃᔅᑯᒧᑕᐛᐧᒄ᙮”
\s2 Mark 1.4-11 (Epiphany-1 Year B)
\p
\v 4 ᐊᐅᒄ ᒪᒃ ᐅ ᒠᓐ ᐅᓯᑲᐃᑕᒐᐤ ᑲ ‍ ᐊᔨᒧᒪᑭᓄᐅᑦ᙮ ᐊᓐᑕ ᒪᒃ ᐸᐧᑯᑎᔅᑭᒥᑲᒡ ᒋ ‍ ᑕᐤ ᐊ ‍ ᓯᑲᐃᑐᐛᑦ ᐊᐛᔪᐛ ᑭᔭ ᐊ ‍ ᑭᒐᔅᒋᒪᑦ᙮ ᒋ ‍ ᑭᒐᔅᒋᒪᐤ ᐊᐛᔪᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᓯᑲᐃᑐᐛᑭᓄᔨᒋ ᐊᑯ ᒪᒃ ᒋᓴᒪᓂᑐᐛ ᒐ ‍ ᐛᐸᔨᑎᒪᑯᒡ ᐅᒥᒋᑥᐅᓄᐛᐛ᙮
\v 5 ᒥᒐᑦ ᐊᐛᔪᐛ ᐊᓐᑕ ᒍᑎᔭ ᐊᔅᒋᒡ ᑭᔭ ᒋᕈᓯᓕᒻ ᑲ ‍ ᑕᔨᒋ ᒋ ᐸᒋ ‍ ᓂᑐᑕᑯᐤ᙮ ᒧᓴ ᒋ ‍ ᐎᑎᒧᒡ ᑕᓐ ᑲ ᐃᓯ ‍ ᒥᒋᑐᑎᒧᐛᒂ ᑭᔭ ᒂ ‍ ᓯᑲᐃᑕᑯᒡ ᒠᓇ ᐊᓐᑕ ᒠᕐᑕᓐ ᓯᐱᒡ᙮
\v 6 ᑲ ᒥᔅᑎ ‍ ᐱᔎᐅᑭᓇᔨᒋ ᐊᐛᓯᓴ ᐅᐱᐛᔪᐛ ᒋ ᐅᒋ ‍ ᐅᓯᑕᑭᓄᐅᔪᐛ ᒠᓐ ᐅᑦ ᐊᐱᒋᑕᐅᓇ, ᑭᔭ ᐱᓴᑭᓇᔭᐱᔪᐤ ᒋ ‍ ᐃᑕᔨᑕᑯᓂᔪᐤ ᐊᓂᔭ ᒐᒂᔪᐤ ᑲ ‍ ᐅᐱᒂᑕᐅᓂᑦ; ᑭᔭ ᒂᔅᑯᑎᓯᓴ ᑭᔭ ᑲᓯᐛᓯᐛᐳᔪᐤ ᐊᒧᐎᒋᔅᑐᓂᔨᒡ ᑲ ‍ ᑎᑯᓂᔨᒡ ᐊᔪᐅᒄ ᐅᔭ ᑲ ‍ ᐅᒥᒋᒥᑦ᙮
\v 7 ᐊᐅᒄ ᒪᒃ ᐅᔭ ᑲ ᐃᓯ ‍ ᑭᒐᔅᒋᒪᑦ ᐊᐛᔪᐛ, “ᒋᑭ ‍ ᑎᑯᓯᓐ ᐊᐛᓐ ᐃᐛᒃ ᐊ ‍ ᒋᔅᑕᔨᑕᑯᓯᑦ ᐃᔅᐱᔅ ᓂᔾ, ᓇᒪ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᓂᔾ ᒐᒋ ᓄᐛᐱᔪᐅᔭᓐ ᒐᒋ ᐊᐱᐧᑯᓂᒧᒡ ᐅᒥᔅᒋᓇᔭᐱᔭ᙮
\v 8 ᓂᐱᔾ ᓂᑦ ᐊᐱᒋᑕᓐ ᐊ ‍ ᓯᑲᐃᑕᑎᑯᒡ, ᐎᔾ ᒪᒃ ᑲ ‍ ᐸᔭᒋᓯᔨᒋ ᐊᒐᒂ ᒋᑭ ‍ ᓯᑲᐃᑕᑯᐛᐤ᙮”
\s1 ᒋᓴᔅ ᑲ ‍ ᓯᑲᐃᑐᐛᑭᓄᐅᑦ
\r ᒪᑎᔪᐤ 3.13-4.11; ᓗᒃ 3.21,22; 4.1-13
\s2 Mark 1.9-15 (Lent-1 Year B)
\p
\v 9 ᒋᓴᔅ ᒪᒃ ᒋ ‍ ᑎᑯᓯᓐ ᒠᕐᑕᓐ ᓯᐱᒡ ᐊᓐᑕ ᓇᓴᕆᑎᒡ ᐊ ‍ ᐅᑐᑕᑦ ᐊᓐᑕ ᑲᓕᓕ ᐊᔅᒋᒡ ᑲ ‍ ᑎᑯᓂᔨᒡ᙮ ᒠᓇ ᒪᒃ ᒋ ‍ ᓯᑲᐃᑕᑯᐤ ᐊᓐᑕ ᒠᕐᑕᓐ ᓯᐱᒡ᙮
\v 10 ᐃᔅᐱ ᒪᒃ ᑲ ‍ ᑭᐸᑦ ᒋᓴᔅ ᑎᐛᒡ ᒋ ‍ ᐛᐸᑎᒻ ᒋᒋᒋᓯᑯᔪᐤ ᐊ ᐅᒋ ‍ ᔪᑕᐱᔨᒡ ᑭᔭ ᑲ ‍ ᐸᔭᒋᓯᔨᒋ ᐊᒐᒂ ᐊ ᐸᒋ ‍ ᔭᓯᔅᑕᑯᑦ ᒧᔭᒻ ᐅᒥᒥᐤ ᐊ ‍ ᐃᓯᓇᑯᓯᔨᒋ᙮
\v 11 ᒋᒋᒋᓯᑯᒡ ᒪᒃ ᒋ ᐅᒋ ‍ ᐸᑕᑯᓱᐤ ᐊᐛᓐ ᐊ ‍ ᐃᔅᒋᔄᑦ, “ᐊᐅᒄ ᒋᔾ ᓂᑯᔅ ᓇᔅᒡ ᑲ ‍ ᓴᒋᐃᑕᓐ᙮ ᓇᔅᒡ ᑕᑈ ᒋ ‍ ᓇᐊᔨᑎᒥᐃᔨᓐ᙮”
\s1 ᒋᓴᔅ ᑲ ‍ ᑯᒂᒋᐃᑯᑦ ᒥᒋᒥᓂᑐᐛ
\p
\v 12 ᑎᐛᒡ ᒪᒃ ᐊᒐᒂ ᐸᐧᑯᑎᔅᑭᒥᑲᒡ ᒋ ‍ ᐃᑎᓴᐅᑯᐤ ᒋᓴᔅ᙮
\v 13 ᐊᑯᑕ ᑲ ‍ ᑕᑦ ᓇᐎᔪᐛ ᒋᓯᑲᐛ ᐊ ‍ ᑯᒂᒋᐃᑯᑦ ᒥᒋᒥᓂᑐᐛ᙮ ᒋ ‍ ᑕᔪᐛ ᐊᓐᑕ ᐊ ‍ ᑯᔅᑕᑎᑯᓯᔨᒋ ᐊᐛᓯᓴ, ᒥᒄ ᒪᒃ ᐊᓐᒋᓇ ᒋ ᐸᒋ ‍ ᐎᒋᐃᑯᐤ᙮
\s1 ᐊᓂᔭᔪᐛ ᓂᔅᑎᒻ ᓇᐸᐛ ᒋᓴᔅ ᑲ ‍ ᐅᑎᓇᑦ ᒐ ‍ ᐅᒋᔅᒋᓄᐊᒧᐛᑭᓂᑦ
\r ᒪᑎᔪᐤ 4.12-22; ᓗᒃ 4.14,15; 5.1-11
\s2 Mark 1.14-20 (Epiphany-3 Year B)
\p
\v 14 ᐸᑎᒪ ᒪᒃ ᒪᒂᒡ ᒠᓐ ᐅᓯᑲᐃᑕᒐᐤ ᑲᒪᑯᓄᐛᓯᐅᒋᐛᐱᒡ ᑲ ‍ ᑕᑦ ᒋᓴᔅ ᒋ ‍ ᐃᑐᑕᐤ ᐊᓐᑕ ᑲᓕᓕᒡ᙮ ᐊᑯᑕ ᐊᓐᑕ ᑲ ‍ ᑭᒐᔅᒋᒧᑦ ᐊ ‍ ᐛᐎᑕᐧᒃ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ᙮
\v 15 ᐊ ‍ ᐃᔅᒋᔄᑦ, “ᐊᐅᑯᐤ ᐛᑎᒋᐱᔨᒡ ᐊᓐ ᐊ ‍ ᒋᓯᑲᒡ ᐊ ‍ ᐸᓱᓇᑯᓂᔨᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᒂᔅᑲᑎᓯᒄ, ᓂᑭᑎᒥᒄ ᒋᒥᒋᑥᐅᓄᐛᐛ, ᑕᑈᑎᒧᒄ ᒥᔽᒋᒧᐅᓐ᙮”
\p
\v 16 ᐊ ᐊᑎ ‍ ᐱᒧᑕᑦ ᒪᒃ ᒋᓴᔅ ᐊᓐᑕ ᓯᓱᒡ ᑲᓕᓕ ᓴᑲᐃᑭᓂᒡ ᒋ ‍ ᐛᐱᒪᐤ ᑲ ‍ ᓄᑎᒪᓴᔨᒋ ᓴᐃᒥᓇ ᑭᔭ ᐊᓂᔭ ᐎᐧᑲᓂᓯᔪᐛ ᐊᓐᑎᕈᐊ᙮ ᒪᒂᒡ ᒋ ‍ ᓄᑎᒪᓴᔪᐛ ᐊᐃᐱᔭ ᐊ ‍ ᐊᐱᒋᐊᔨᒋ᙮
\v 17 ᒋᓴᔅ ᒋ ‍ ᐃᑕᐤ ᐅᔭ ᓇᐸᐛ, “ᐸᑐᑕᒄ ᐸᒋ ‍ ᓇᓴᐅᒄ᙮ ᒋᑭ ‍ ᐃᑐᑕᑎᓇᐛᐤ ᐃᔪᒡ ᒐᒋ ᐱᑕᐅᔭᔭᒄ ᒧᔭᒻ ᐊ ᐃᓯ ‍ ᐱᑕᐅᔭᔭᒄ ᓂᒪᓯᒡ᙮”
\v 18 ᑎᐛᒡ ᒪᒃ ᒋ ‍ ᓂᑭᑕᐅᒡ ᐅᑦ ᐊᐃᐱᐛᐛ ᐊᑯ ᒂ ᐊᑎ ‍ ᐎᒐᐛᒡ ᒋᓴᓴ᙮
\p
\v 19 ᐊᓂᔭ ᒪᒃ ᐊ ᐊᑎ ‍ ᐱᒧᑕᒡ ᒋᓴᔅ ᒋ ‍ ᐛᐱᒪᐤ ᒋᒥᓴ ᑭᔭ ᐎᐧᑲᓂᓯᔪᐛ ᒠᓇ, ᐊᓂᔭᔪᐛ ᓴᐱᑎᔨᒋ ᐅᑯᓯᔪᐛ, ᒪᒂᒡ ᐅᑦ ᐅᐤᑎᔨᒡ ᐊ ‍ ᑕᔨᒋ ᐊ ‍ ᐛᑎᓇᐃᐸᔨᒋ᙮
\v 20 ᑎᐛᒡ ᒋ ‍ ᑕᑈᑕᐤ ᐎᔭᐱᒪᑦ᙮ ᐊᑯᑕ ᒪᒃ ᐊᓐᑕ ᐅᐤᑎᒡ ᑲ ᐅᒋ ‍ ᓂᑭᑕᒡ ᐅᑕᐎᐛᐛ ᓴᐱᑎᔨᒋ ᑭᔭ ᐊᓂᔭ ᐅᑦ ᐊᐱᒋᐊᑭᓄᐛᐛ ᐊᑯ ᒂ ‍ ᓇᓴᐛᒡ ᒋᓴᓴ᙮
\s1 ᓇᐸᐤ ᑲ ‍ ᐱᒋᔅᑲᑯᑦ ᒥᒋ ‍ ᐊᒐᒂ
\r ᓗᒃ 4.31-37
\s2 Mark 1.21-28 (Epiphany-4 Year B)
\p
\v 21 ᐊᓐᑕ ᑲᐳᕐᓇᐊᒻ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ‍ ᐃᑐᑕᒡ, ᐃᔅᐱ ᒪᒃ ᒥᓐ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ ᒋᓴᔅ ᒋ ‍ ᐱᒐᐤ ᐊᓐᑕ ᐊᔭᒥᐊᐅᒋᐛᐱᒡ ᐊᑯ ᒂ ‍ ᒋᔅᑯᑎᒪᒐᑦ᙮
\v 22 ᒋ ‍ ᒪᒥᔅᑲᑕᔨᑎᒥᐃᑯᐅᒡ ᒪᒃ ᐊᓂᔭ ᑕᓐ ᑲ ᐃᓯ ‍ ᒋᔅᑯᑎᒪᒐᔨᒋ, ᐛᔅ ᐊᐛᓐ ᓇᔅᒡ ᑲ ‍ ᐅᒋᒪᐛᔨᑕᑯᓯᑦ ᒋ ‍ ᐃᑎᑕᑯᓱᐤ᙮ ᓇᒪ ᐅᒋ ᐃᑎᑕᑯᓯᔪᐛ ᒧᔭᒻ ᐊᓂᔭ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ᙮
\p
\v 23 ᓯᔅᒋᑯᒡ ᒪᒃ ᒋ ᐅᒋ ‍ ᐱᒐᐤ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᓇᐸᐤ ᒥᒋ ‍ ᐊᒐᒂ ᐊ ‍ ᐱᒋᔅᑲᑯᑦ ᐊ ‍ ᑕᑈᑦ᙮
\v 24 ᒋ ‍ ᐃᔅᒋᔄᐤ, “ᐊᑲᐎᔾ ᐎᔭᔅᑐᑐᐅᓇᓐ, ᒋᔾ ᒋᓴᔅ ᓇᓴᕆᑎᒡ ᑲ ‍ ᐅᒋᔨᓐ᙮ ᒋ ᐸᒋ ‍ ᑎᑯᓯᓐ ᐊ ᒐᒋ ᓂᓱᐅᓇᒋᐃᔭᒡ ? ᒋ ‍ ᒋᔅᒐᔨᒥᑎᓐ ᐊᐛᓐ ᒋᔾ, ᐊᐅᒄ ᒋᔾ ᑲ ‍ ᐸᔭᒋᓯᑦ ᒋᓴᒪᓂᑐᐤ ᑲ ᐸᒋ ‍ ᐃᑎᓴᐛᑦ᙮”
\v 25 ᒋᓴᔅ ᒪᒃ ᒋ ‍ ᐎᑎᒧᐛᐤ ᐊ ‍ ᐃᑕᑦ, “ᐊᑯᔅ ᐊᑲ ᒋᔅᑐᐤ᙮ ᒪᒋ ᐸᒋ ‍ ᐎᐎᔾ ᒪᒃ ᐎᔭᒡ ᐅᒡ᙮”
\p
\v 26 ᐊᓐ ᒪᒃ ᒥᒋ ‍ ᐊᒐᐧᒄ ᒋ ‍ ᐃᑐᑐᐛᐤ ᐊᓂᔭ ᓇᐸᐛ ᒐᒋ ᒥᔅᑎ ᐅᒋᐱᑎᑯᔨᒋ ᑭᔭ ᒋ ᒥᔅᑎ ‍ ᐊᓯᒂᔪᐛ ᐊᑯ ᒂ ‍ ᓂᑭᑕᑦ᙮
\v 27 ᒥᓯᐛ ᒪᒃ ᐊᐛᓐ ᒋ ‍ ᒥᔅᑲᑕᔨᑎᒥᐃᑯᐤ ᐅᔭ ᑲ ‍ ᐃᔅᐱᔨᒡ ᐊᑯ ᒂ ‍ ᑯᒂᒋᒥᑐᒡ, “ᒐᒂᓐ ᒪᒃ ᐅ ? ᐅᔅᒋ ᒋᔅᑯᑎᒪᒐᐅᓐ ᐊ ? ᐊ ‍ ᐊᔭᑦ ᐅ ᓇᐸᐤ ᑎᐸᔨᒋᒐᐅᓂᔪᐤ ! ᐛᐛᒡ ᒥᒋ ‍ ᐊᒐᒂ ᑕᑈᑕᑯᐤ ᐊ ‍ ᐛᑎᓱᒪᑦ᙮”
\p
\v 28 ᐊᑯᑕ ᒪᒃ ᑲ ᐊᑎ ‍ ᒥᓯᑕᐱᔨᒡ ᐊ ᐃᓯ ‍ ᐊᔨᒧᒪᑭᓄᐅᑦ ᒋᓴᔅ ᒥᓯᐛ ᐊᓐᑕ ᑲᓕᓕ ᐊᔅᒋᒡ ᐃᑕᒐ᙮
\s1 ᒥᒐᑦ ᐊᐛᔪᐛ ᑲ ‍ ᒥᓏᒋᐊᑦ ᒋᓴᔅ
\r ᒪᑎᔪᐤ 8.14-17; ᓗᒃ 4.38-41
\s2 Mark 1.29-39 (Epiphany-5 Year B)
\p
\v 29 ᑎᐛᒡ ᒪᒃ ᒋ ‍ ᐎᐎᐤ ᐊᓂᔭ ᒍᐤ ᐊᔭᒥᐊᐅᒋᐛᐱᔪᐤ ᐊᑯ ᐊᓐᑕ ᓴᐃᒥᓇ ᑭᔭ ᐊᓐᑎᕈᐊ ᐎᒋᐛᔨᒡ ᒂ ‍ ᐃᑐᑕᑦ᙮ ᒋᒥᓴ ᑭᔭ ᒠᓇ ᒋ ‍ ᐎᒐᐅᑯᐤ᙮
\v 30 ᐊᓂᔭ ᒪᒃ ᒪᒂᒡ ᓴᐃᒥᓐ ᐅᓯᑯᓴ ᒋ ‍ ᐊᐧᑯᓯᔪᐛ ᐊᒋ ‍ ᒋᓯᑕᐅᐱᔨᒋ᙮ ᐃᔅᐱ ᒋᓴᔅ ᑕᑯᓯᐧᒃ ᑎᐛᒡ ᒪᒃ ᐅᔭ ᒋ ‍ ᐎᑎᒧᐛᑭᓄᐤ᙮
\v 31 ᒂ ‍ ᓂᑐᐛᐱᒪᑦ ᐊᓂᔭ ᐃᔎᐛ ᒂ ‍ ᐅᑎᓂᒺᑦ ᐅᑎᒋᔪᐤ, ᐊᑯ ᒂ ‍ ᐎᒋᐊᑦ ᐊᑎ ᓯᒥᑕᐱᔨᒋ᙮ ᒋ ‍ ᓂᑭᑎᑯᐤ ᒪᒃ ᐊᓐ ᐃᔎᐤ ᐊᓂᔭ ᑲ ‍ ᒋᓯᑕᐅᐱᔨᑦ᙮ ᒂ ‍ ᐱᓯᑯᑦ ᐊᑯ ᒂ ᐊᑎ ‍ ᐊᑐᔅᒐᑦ ᐊ ‍ ᒪᒥᔪᑐᑐᐛᑦ ᒋᓴᓴ᙮
\p
\v 32 ᐃᔅᐱ ᒪᒃ ᐊᑎ ᐅᑕᑯᓯᔨᒡ ᑲᒋ ‍ ᐸᒋᓯᒧᑦ ᐱᓯᒻ, ᒋ ‍ ᐸᑐᐛᑭᓄᐤ ᒋᓴᔅ ᑲ ‍ ᐊᐧᑯᓯᔨᒋ ᐊᐛᔪᐛ ᑭᔭ ᐊᓂᔭ ᒥᒋ ‍ ᐊᒐᒂ ᑲ ‍ ᐱᒋᔅᑲᑯᔨᒋ᙮
\v 33 ᒥᓯᐛ ᐊᐛᓐᒋ ᐊᓐᑕ ᐅᑕᓇᒡ ᑲ ‍ ᑕᒡ ᒋ ᐸᒋ ‍ ᒪᒧᐎᐅᒡ ᐊᓐᑕ ᐎᐎᑎᒥᒡ ᐊᓂᔭ ᒥᒋᐛᐱᔪᐤ᙮
\v 34 ᒥᒐᑦ ᒪᒃ ᐅᔭ ᑲ ‍ ᐊᐧᑯᓯᔨᒋ ᒋ ‍ ᒥᓏᒋᐊᐤ ᒋᓴᔅ, ᒥᓯᐛ ᓂᓇᐧᑯᐤ ᑲ ‍ ᐃᑕᐧᑯᓯᔨᒋ ᑭᔭ ᒋ ‍ ᐎᐎᑎᓴᐛᐤ ᒥᒋ ‍ ᐊᒐᒂ᙮ ᓇᒪ ᐅᒋ ᐱᔅᑎᓇᐤ ᐅᔭ ᒥᒋ ‍ ᐊᒐᒂ ᒐᒋ ᐃᔨᒥᔨᒋ, ᐛᔅ ᒋ ‍ ᒋᔅᒐᔨᒥᑯᐤ᙮
\s1 ᒋᓴᔅ ᑲ ‍ ᑭᒐᔅᒋᒧᑦ ᑲᓕᓕᒡ
\r ᓗᒃ 4.42-44
\p
\v 35 ᐎᐱᒡ ᒪᒃ ᒋᔭᒋᓴᐸᔭᒡ ᒋ ‍ ᐅᓂᐤ ᐊᑯ ᐊᓐᑕ ᐊᑲ ᐃᑕᓄᐎᒡ ᒂ ‍ ᐃᑐᑕᑦ, ᐊᑯᑕ ᐊᓐᑕ ᑲ ‍ ᐊᔭᒥᐊᑦ᙮
\v 36 ᓴᐃᒥᓐ ᑭᔭ ᐅᐎᒐᐛᑭᓇ ᒋ ‍ ᓇᓂᑐᐛᐱᒪᐅᒡ ᒋᓴᓴ᙮
\v 37 ᐃᔅᐱ ᒪᒃ ᒪᔅᑯᐛᒡ ᒋ ‍ ᐃᑕᐅᒡ, “ᒥᓯᐛ ᐊᐛᓐ ᒋ ‍ ᓇᓂᑐᐛᔨᒧᒄ᙮”
\v 38 ᒋ ‍ ᐃᑎᑯᐅᒡ ᒪᒃ, “ᑯᑎᑲ ᑭᔭ ᐅᑕᓇᐛ ᓇᑕᑕᐤ ᐊᓐᑕ ᒐᒋ ᑭᒐᔅᒋᒧᔭᓐ, ᐛᔅ ᐊᐅᒄ ᐛᒋ ‍ ᐸᒋ ‍ ᑎᑯᓯᓂᔭᓐ᙮”
\p
\v 39 ᐊᑯ ᒪᒃ ᒥᓯᐛ ᒂ ‍ ᐃᑐᑕᑦ ᐊᓂᔭ ᑲᓕᓕ ᐊᔅᒋᔪᐤ ᐊ ‍ ᑭᒐᔅᒋᒧᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ᙮ ᑭᔭ ᒋ ‍ ᐎᐎᑎᓴᐛᐤ ᓂᓇᐧᑯᐤ ᒥᒋ ‍ ᐊᒐᒂ ᒥᒐᑦ ᐊᐛᔪᐛ ᑲ ‍ ᐱᒋᔅᑯᐛᔨᒋ᙮
\s1 ᒋᓴᔅ ᑲ ‍ ᒥᓏᒋᐊᑦ ᓇᐸᐛ ᑲ ‍ ᐅᒥᒋᐛᔅᐱᓇᔨᒋ
\r ᒪᑎᔪᐤ 8.1-4; ᓗᒃ 5.12-16
\s2 Mark 1.40-45 (Epiphany-6 Year B)
\p
\v 40 ᒋ ᐸᒋ ‍ ᓇᑎᑯᐤ ᒋᓴᔅ ᓇᐸᐛ ᐊ ‍ ᐊᔭᔨᒋ ᐊ ‍ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ᙮ ᒋ ‍ ᐅᒋᒋᐧᑯᓂᐱᔪᐅᔪᐛ ᐊᓐᑕ ᐊ ‍ ᑕᑦ ᐊᑯ ᒂ ‍ ᓂᑐᑎᒪᑯᑦ ᒐᒋ ᒥᓏᒋᐊᑦ᙮ ᒋ ‍ ᐃᑎᑯᐤ, “ᐎ ᐸᒋ ᐎᒋᐃᓇ ᒋᑭ ᒋ ‍ ᐃᑐᑕᓐ ᒐᒋ ᐸᔭᒋᓯᔭᓐ᙮”
\p
\v 41 ᒋᓴᔅ ᒪᒃ ᓇᔅᒡ ᒋ ‍ ᒋᔅᑎᒪᒐᔨᒪᐤ ᐊᑯ ᒂ ‍ ᓴᑐᐱᔨᑕᑦ ᐅᔅᐱᑐᓐ ᒂ ‍ ᑕᒋᓇᑦ ᐊ ‍ ᐃᑕᑦ, “ᒋ ᐎ ‍ ᐎᒋᐃᑎᓐ᙮ ᐸᔭᒋᓯ ᒪᒃ᙮”
\v 42 ᑎᐛᒡ ᒪᒃ ᒋ ᐅᒋ ‍ ᒥᔪᓇᑯᓱᐤ ᐊᓐ ᓇᐸᐤ ᐊᒋ ‍ ᒥᓏᒋᐊᑭᓄᐅᑦ ᐊᓂᔭ ᑕᓐ ᑲ ‍ ᐃᑕᔅᐱᓇᑦ᙮
\p
\v 43 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᓇᐸᐛ ᓱᒃ ᐊ ‍ ᐃᔨᒪᐊᑦ,
\v 44 “ᓂᑐᑐᐎ ᒪ ᒐ ‍ ᐃᑎᑕᓐ, ᐊᑲᐎᔾ ᐊᐛᓐ ᒋᑭ ᐅᒋ ‍ ᐎᑎᒧᐛᐤ ᑕᓐ ᑲ ‍ ᐃᔅᐱᔨᓐ᙮ ᑎᐛᒡ ᓂᑐᐛᐱᒻ ᐊᔭᒥᐊᐅᒋᒪᐤ ᓇᔅᒡ ᒐ ᓂᑐ ‍ ᒋᔅᒐᔨᒥᔅᒃ᙮ ᐊᑯ ᒐ ‍ ᐱᔅᑎᓂᒥᓐ ᐊᓐ ᒋᐸ ‍ ᐱᔅᑎᓇᓐ ᐊᓂᔭ ᒧᓱᔅ ᑲ ‍ ᐃᑎᓱᐛᑦ ᒋᐸ ‍ ᐱᔅᑎᓇᑭᓄᐅᔪᐤ᙮ ᐊᑯᑕ ᒐ ᐅᒋ ‍ ᐛᐸᑎᔨᐛᔨᓐ ᑕᑈ ᐊ ‍ ᐸᔭᒋᓯᔨᓐ᙮” ᐊᑯ ᒂ ‍ ᒋᑎᓴᐛᑦ ᐅᔭ ᓇᐸᐛ᙮
\v 45 ᒂ ‍ ᔅᑐᑕᑦ ᐅ ᓇᐸᐤ᙮ ᒥᒄ ᒪᒃ ᐃᔭᐱᒡ ᒋ ‍ ᐛᐎᑎᒧᐛᐤ ᒥᓯᐛ ᐊᐛᔪᐛ᙮ ᐅᔭ ᒪᒃ ᐊᒋ ‍ ᐃᑎᑦ ᓇᒪ ᐛᐛᒡ ᐅᒋ ᐱᒐᔪᐛ ᒋᓴᓴ ᐅᑕᓇᒡ ᐊᑲ ᒧᓯᐊᑭᓄᔨᒋ᙮ ᐊᑯ ᐊᓐᑕ ᐎᐎᑎᒥᒡ ᐊᓂᔭ ᐅᑕᓇᔪᐤ ᐊᑯᑕ ᒥᒄ ᑲ ‍ ᑕᑦ ᒋᓴᔅ ᐊᓐᑕ ᐊᑲ ᐃᑕᓄᐎᒡ᙮ ᐃᔭᐱᒡ ᒪᒃ ᒋ ᐸᒋ ‍ ᓂᑐᐛᐱᒥᑯᐤ ᐊᐛᔪᐛ ᓂᓇᐧᑯᐤ ᐊ ‍ ᐅᑐᑕᔨᒋ᙮
\c 2
\s1 ᒋᓴᔅ ᑲ ‍ ᒥᓏᒋᐊᑦ ᓇᐸᐛ ᐊᑲ ᐅᒋ ᐊᒋᔨᒋ
\r ᒪᑎᔪᐤ 9.1-8; ᓗᒃ 5.17-26
\s2 Mark 2.1-12 (Epiphany-7 Year B)
\p
\v 1 ᓇᒪ ᒥᒐᑐᐤ ᒋᓯᑲᐛ ᐅᒋ ᐎᒪᐱᔪᐛ ᐊᑯ ᒋᓴᔅ ᒥᓐ ᒂ ‍ ᐱᒐᑦ ᐊᓂᔭ ᐅᑕᓇᔪᐤ ᑲᐳᕐᓇᐊᒻ ᑲ ‍ ᐃᓯᓂᐧᑲᑕᔨᒡ᙮ ᐃᔅᐱ ᒪᒃ ᐃᔪᒡ ᑲ ‍ ᐸᑕᒡ ᒥᓐ ᐊᒋ ᐸᒋ ‍ ᒋᐛᔨᒋ ᐊᑯ ᒂ ‍ ᒥᓯᑕᔭᒋᒧᓇᓄᐎᒡ ᒥᓐ ᐊ ‍ ᑕᑦ᙮
\v 2 ᑎᐛᒡ ᒪᒃ ᒥᒐᑦ ᐊᐛᔪᐛ ᒋ ᐸᒋ ‍ ᑎᑯᓯᓂᔪᐛ, ᒐᒃ ᓇᒪ ᐅᒋ ᑕᐱᔅᑲᑐᔪᐛ ᐊᓂᔭ ᒥᒋᐛᐱᔪᐤ, ᐛᐛᒡ ᐊᓐᑕ ᐎᐎᑎᒥᒡ ᒋᐱᔎᒡ ᒐᒋ ᑐᐛᔨᒡ᙮ ᒋᓴᔅ ᒪᒃ ᒋ ‍ ᑭᒐᔅᒋᒪᐤ ᐊᓂᔭᔪᐛ ᑲ ‍ ᑎᑯᓯᓂᔨᒋ, ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊ ‍ ᐊᔨᒧᑎᒧᐛᑦ᙮
\v 3 ᐅᔭ ᒪᒃ ᒪᒂᒡ, ᓇᐤ ᓇᐸᐅᒡ ᒋ ᐅᒋ ‍ ᐸᓱᐛᐅᒡ ᐎᑕᐸᐛᐛ ᐊᑲ ᓂᔅᑐᓯᔨᒋ ᐅᑦ ᐊᔅᐱᓯᒧᓂᔨᒡ ᐊ ‍ ᐱᒥᓯᓂᔨᒋ᙮
\v 4 ᐊᓂᔭ ᒪᒃ ᑲ ‍ ᐃᔅᐱᔅ ᒋ ‍ ᒥᒐᑎᓇᓄᐎᒡ ᓇᒪ ᒥᒋᒪ ᐅᒋ ᓇᑕᐅᒡ ᒋᓴᓴ᙮ ᐊᑯ ᒂ ‍ ᐱᑯᓇᐱᑕᒡ ᐊᓐᑕ ᑕᐧᑯᒡ ᐊᓂᔭ ᒥᒋᐛᐱᔪᐤ ᐊᓐᑕ ᑎᐱᔅᑯᒡ ᑲ ‍ ᓂᐳᔨᒋ ᒋᓴᓴ᙮ ᐊᑯᑕ ᑲ ᐅᒋ ‍ ᐱᔅᑕᐱᒐᓇᒡ ᐊᓂᔭ ᓇᐸᐛ ᐊᔅᐱᓯᒧᓂᒡ ᐊ ‍ ᐱᒥᓯᓂᔨᒋ᙮
\v 5 ᒋᓴᔅ ᒪᒃ ᒋ ‍ ᐛᐸᑎᒺᐤ ᐅᔭ ᓇᐸᐛ ᐊᔅᐱᔅ ᑕᑈᑎᒥᔨᒋ ᐊᑯ ᐊᑕᑦ ᐊᓂᔭ ᓇᐸᐛ ᐊᑲ ᓂᔅᑐᓯᔨᒋ, “ᓂᑯᓴ, ᒋ ‍ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮”
\p
\v 6 ᒋ ‍ ᑕᐅᒡ ᐊᓐᑕ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ, ᐊ ᐃᓯ ‍ ᒪᒥᑐᓇᔨᑕᒡ,
\v 7 “ᒐᒂᔪᐤ ᐅᔭ ᐛᒋ ᐃᓯ ‍ ᐃᔨᒥᑦ ᐅ ᓇᐸᐤ ? ᐸᔅᑕᒧᐤ ᐅᔭ ᑲ ‍ ᐃᔅᒋᔄᑦ᙮ ᓇᒪ ᐎ ᓇᐸᐤ ᒋᑭ ᒋ ‍ ᐛᐸᔨᑎᒪᒐᐤ ᒥᒋᑥᐅᓇ, ᒥᒄ ᒋᓴᒪᓂᑐᐤ ᒋᑭ ᒋ ‍ ᐛᐸᔨᑎᒪᒐᐤ᙮”
\p
\v 8 ᒋᓴᔅ ᒪᒃ ᑎᐛᒡ ᒋ ‍ ᒧᓯᑕᐤ ᐅᑦ ᐊᒐᐧᑯᒡ ᐅᔭ ᐊ ᐃᓯ ‍ ᒪᒥᑐᓇᔨᑎᒥᔨᒋ ᐊᑯ ᐊᑕᑦ, “ᒐᒂᓐ ᐊᓐ ᐛᒋ ᐃᓯ ‍ ᒪᒥᑐᓇᔨᑎᒪᒄ ?
\v 9 ᑕᓐ ᐃᐛᒃ ᐎᔭᑎᒡ ᒐᒋ ᐃᑕᑭᓄᐅᑦ ᐅ ᓇᐸᐤ ᐊᑲ ᓂᔅᑐᓯᑦ, ‘ᒋ ‍ ᐛᐸᔨᑎᒪᑯᐅᓐ ᒋᒥᒋᑥᐅᓇ,’ ᑭᔭ ᒪᒃ ᐃᑕᑭᓄᐅᑦ ‘ᐅᓂᔾ, ᐅᑎᓇ ᒋᑦ ᐊᔅᐱᓯᒧᓐ ᒐ ᐊᑎ ‍ ᐱᒧᑕᔨᓐ’ ?
\v 10 ᒋᑭ ‍ ᐛᐸᑎᔨᑎᓇᐛᐤ ᐃᔪᐤ ᐅᑯᓯᓴᓐ ᑕᑈ ᐎᔾ ᐊ ‍ ᐊᔭᑦ ᑎᐸᔨᒋᒐᐅᓂᔪᐤ ᐅᑕ ᐊᔅᒋᒡ ᒐᒋ ᐛᐸᔨᑎᒪᒐᑦ ᒥᒋᑥᐅᓇ᙮” ᐊᑯ ᐊᑕᑦ ᐊᓂᔭ ᓇᐸᐛ ᐊᑲ ᓂᔅᑐᓯᔨᒋ,
\v 11 “ᒋᑦ ᐃᑎᓐ, ᐱᓯᑯ, ᐅᑎᓇ ᒋᑦ ᐊᔅᐱᓯᒧᓐ, ᒐ ‍ ᒋᐛᔨᓐ᙮”
\p
\v 12 ᑎᐛᒡ ᒪᒃ ᒋ ᐅᒋ ‍ ᐱᓯᑯᐤ ᐊᓐ ᓇᐸᐤ ᓇᔅᒡ ᐊᓐᑕ ᐊ ‍ ᒥᒐᑎᓇᓄᐎᒡ, ᒂ ᐊᑎ ‍ ᐅᑎᓇᐧᒃ ᐊᓂᔭᔪᐤ ᐅᑦ ᐊᔅᐱᓯᒧᓐ ᐊᑯ ᒂ ᐊᑎ ‍ ᔅᑐᑕᑦ᙮ ᒥᓯᐛ ᒪᒃ ᐊᓐᒡ ᐊᓐᑕ ᑲ ‍ ᑕᒡ ᒋ ‍ ᒥᔅᑲᑕᔨᑎᒥᐃᑯᐅᒡ ᐅᔭ ᑲ ‍ ᐃᔅᐱᔨᒡ ᑭᔭ ᒋ ‍ ᒪᒥᒋᒪᐅᒡ ᒋᓴᒪᓂᑐᐛ ᐊ ‍ ᐃᔅᒋᔄᒡ, ᓇᒪ ᓂᑕ ᓂ ᐅᒋ ‍ ᐛᐸᑕᓇᓐ ᐅ ᐊ ‍ ᐃᔅᐱᔨᒡ᙮
\s1 ᒋᓴᔅ ᑲ ‍ ᐎᓴᒪᑦ ᓕᐸᐃᔨᒋ ᒐᒋ ᓇᓴᐅᑯᑦ
\r ᒪᑎᔪᐤ 9.9-13; ᓗᒃ 5.27-32
\p
\v 13 ᒋᓴᔅ ᒪᒃ ᑲᐤ ᒋ ‍ ᓇᓯᐸᐤ ᐊᓂᔭ ᑲᓕᓕ ᓴᑲᐃᑭᓂᔪᐤ᙮ ᒋ ‍ ᒥᒐᑎᔪᐛ ᐊᐛᔪᐛ ᐊ ᐸᒋ ‍ ᓂᑐᐛᐱᒥᑯᑦ ᐊᑯ ᒂ ‍ ᒋᔅᑯᑎᒧᐛᑦ᙮
\v 14 ᐊᓂᔭ ᒪᒃ ᐊ ᐊᑎ ‍ ᐱᒧᑕᑦ ᒋ ‍ ᐅᑎᑕᐤ ᓇᐸᐛ ᒋᓴᐅᒋᒪᐤ ᓱᓇᔭᔪᐤ ᑲ ‍ ᒪᒧᓴᒋᓂᒥᔨᒋ ᐊ ‍ ᐃᑕᐱᑎᓯᔨᒋ᙮ ᓕᐸᐃ ᒋ ‍ ᐃᓯᓂᐧᑲᓱᔪᐛ᙮ ᐊᓪᐱᔭᔅ ᒋ ‍ ᐃᓯᓂᐧᑲᓱᔪᐛ ᐅᑕᐎᔪᐛ᙮ ᒪᒂᒡ ᐊᓐᑕ ᐅᒥᓯᓇᐃᑭᓂᒋᐛᐱᒡ ᒋ ‍ ᐊᐳᐤ ᐅ ᓕᐸᐃ᙮ ᐊᑯ ᒂ ‍ ᐃᑕᑦ ᒋᓴᔅ, “ᐸᒋ ‍ ᐱᐸᐎᒐᐎ᙮” ᒋ ‍ ᐱᓯᑯᐤ ᒪᒃ ᓕᐸᐃ ᒂ ᐊᑎ ‍ ᐎᒐᐛᑦ ᒋᓴᓴ᙮
\p
\v 15 ᐸᑎᒪ ᒪᒃ ᒋᓴᔅ ᑭᔭ ᒥᒐᑦ ᐅᒋᔅᒋᓄᐊᒧᐛᑭᓇ ᐊ ᐸᒋ ‍ ᐎᒐᐅᑯᔨᒋ ᒋ ‍ ᒥᒋᓱᐅᒡ ᐊᓐᑕ ᓕᐸᐃᔨᒋ ᐎᒋᔨᒡ᙮ ᐊᑯᑕ ᑲ ‍ ᑕᔨᒋ ᑭᔭ ᒥᒐᑦ ᐊᓂᔭᔪᐛ ᒋᓴᐅᒋᒪᐤ ᓱᓇᔭᔪᐤ ᑲ ‍ ᒪᒧᓴᒋᓂᒥᔨᒋ ᑲ ‍ ᐃᑕᐱᑎᓯᔨᒋ ᑭᔭ ᐊᑯᑕ ᑲ ‍ ᑕᔨᒋ ᐊᓂᔭᔪᐛ ᑯᑎᑲ ᐊᐛᔪᐛ ᑲ ‍ ᒥᒐᑎᓯᔨᒋ᙮
\v 16 ᐊᑯ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᐊᓂᔭᔪᐛ ᐸᕆᓯᐊ ᑲ ‍ ᐊᐱᒋᐃᑯᒡ ᒋ ‍ ᐛᐱᒪᐅᒡ ᒋᓴᓴ ᐊ ‍ ᐎᒋᒥᒋᓱᒪᔨᒋ ᐊᓂᔭᔪᐛ ᒋᓴᐅᒋᒪᐤ ᓱᓇᔭᔪᐤ ᑲ ‍ ᒪᒧᓴᒋᓂᒥᔨᒋ ᑲ ‍ ᐃᑕᐱᑎᓯᔨᒋ ᑭᔭ ᑯᑎᑲ ᐊᐛᔪᐛ ᑲ ‍ ᒥᒐᑎᓯᔨᒋ᙮ ᒋ ‍ ᑯᒂᒋᒪᐅᒡ ᐅᒋᔅᒋᓄᐊᒧᐛᑭᓂᔪᐛ ᐊ ‍ ᐃᑕᒡ, “ᒐᒂᓐ ᐛᒋ ‍ ᐎᒋᒥᒋᓱᒪᑦ ᐅᔭ ᑲ ‍ ᐃᑕᔨᑕᑯᓯᔨᒋ ?”
\p
\v 17 ᒋᓴᔅ ᒪᒃ ᒋ ‍ ᐸᑐᐛᐤ ᐅᔭ ᐊ ‍ ᐃᔅᒋᔄᔨᒋ ᐊᑯ ᒂ ‍ ᐃᑕᑦ, “ᓇᒪ ᓂᑐᐛᔨᒪᐅᒡ ᓂᑐᐧᑯᐃᔨᓴ ᐊᓐᒡ ᐊᐛᓐᒋ ᐊᑲ ᐊᐧᑯᓯᒡ, ᒥᒄ ᐊᓐᒡ ᑲ ‍ ᐊᐧᑯᓯᒡ ᐊᐅᑯᓐᒡ ᓇᑐᐛᔨᒪᒡ ᓂᑐᐧᑯᐃᔨᓴ᙮ ᓇᒪᔭᐤ ᐅᒡ ᑲ ‍ ᑯᐃᔅᑯᑕᑎᓯᒡ ᐛᒋ ‍ ᑎᑯᓯᓂᔭᓐ᙮ ᓂᒋ ‍ ᑎᑯᓯᓐ ᒐᒋ ᓂᑐᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”
\s1 ᐊ ‍ ᐊᔨᒧᑕᒡ ᐊᑲ ᒥᒋᓱᐅᑦ ᐊᐛᓐ ᒥᒄ ᒐᒋ ᐊᔭᒥᐊᑦ
\r ᒪᑎᔪᐤ 9.14-17; ᓗᒃ 5.33-39
\p
\v 18 ᐸᐃᒂᐤ ᒪᒂᒡ ᒠᓐ ᐅᓯᑲᐃᑕᒐᐤ ᐅᒋᔅᒋᓄᐊᒧᐛᑭᓇ ᑭᔭ ᐊᓐᒡ ᐸᕆᓯᔨᒡ ᐅᒋᔅᒋᓄᐊᒧᐛᑭᓄᐛᐛ ᐊ ᐊᑲ ‍ ᒥᒋᓱᒡ, ᒋ ‍ ᑕᔪᐛ ᐊᐛᔪᐛ ᐊ ᐃᓯ ‍ ᑯᒂᒋᒥᑯᑦ ᒋᓴᔅ, “ᒐᒂᓐ ᐛᒋ ᐊᑲ ᒥᒋᓱᔨᒋ ᒠᓐ ᐅᒋᔅᒋᓄᐊᒧᐛᑭᓇ ᑭᔭ ᐊᓐᒡ ᐊᔭᒥᐊᐅ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᐅᒋᔅᒋᓄᐊᒧᐛᑭᓄᐛᐛ ? ᒋᔾ ᒪᒃ ᒋᒋᔅᒋᓄᐊᒧᐛᑭᓐᒡ ᓇᒪ ᐃᑐᐅᒡ ᐎᔨᐛᐤ ᐊᑲ ᒥᒋᓱᒡ᙮”
\p
\v 19 ᒋᓴᔅ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᒧᔭᒻ ᐊᓐᑕ ᒪᒂᒡ ᐊ ‍ ᓂᐳᐅᓇᓄᐅᒡ ᒋᑭ ᒋ ‍ ᐃᑐᐅᒡ ᐊ ᒐ ᐊᑲ ᒋ ᒥᒋᓱᒡ ᐊᓐᒡ ᑲ ‍ ᐎᓴᒪᑭᓄᐅᒡ ᐊ ‍ ᒥᑯᓴᓄᐎᒡ ? ᓇᒪ ᒂᔄᓐ᙮ ᐛᔅ ᒧᔭᒻ ᐊ ‍ ᑕᔨᒋ ᐊᓐᑕ ᐊ ‍ ᑕᒡ ᐊᓂᔭ ᐅᔅᒋᓂᒋᓱᐛ ᓇᒪ ᐛᐛᒡ ᒋᑭ ᐅᒋ ‍ ᐃᑕᔨᑎᒧᒡ ᒐ ᐊᑲ ᒋ ᒥᒋᓱᒡ᙮
\v 20 ᐸᑎᒪ ᒋᑭ ‍ ᐅᑎᒋᐱᔪᐤ ᐊᓐ ᐊ ‍ ᒋᓯᑲᒡ ᒐ ᐸᒋ ‍ ᐅᑎᓇᑭᓄᐅᑦ ᐊᓐ ᐅᔅᒋᓂᒋᓱᐤ ᐊᑯᑕ ᒪᒃ ᐃᔭᒄ ᐊᓐ ᐊ ‍ ᒋᓯᑲᒡ ᒐ ᐊᑲ ᐅᒋ ‍ ᒥᒋᓱᒡ᙮”
\p
\v 21 “ᓇᒪ ᐊᐛᓐ ᐊᐱᒋᑕᐤ ᐱᒍᐎᔭᓂᓯᔪᐤ ᐊᑲ ᐅᒋ ᐅᒋᐱᔨᒡ ᐊ ᐎ ‍ ᒥᓴᐊᒃ ᐊᑯᐱᔅᒋᓯᔪᐤ᙮ ᐛᔅ ᐅᔭ ᒥᓯᐃᑲᒐᒐ ᐅᒋᐱᔨᒐ ᒪᒃ ᐊᑐᐎᔅ ᒋᑭ ‍ ᐱᑯᐱᔪᐤ ᐊᓐ ᐊᑯᑉ ᑕᓐᑕ ᐊᓐᑕ ᑲ ‍ ᐱᑯᐱᔨᒡ᙮
\v 22 ᑭᔭ ᓇᒪ ᐊᐛᓐ ᐱᑕᐸᐅᑕᐤ ᐊ ‍ ᐅᔅᑲᑭᒥᔨᒡ ᓱᒥᓇᐳᔪᐤ ᐊᓐᑕ ᒋᔭᔅ ᐅᓯᑭᔾ ᐳᑕᒡ᙮ ᐛᔅ ᐅᔭ ᑎᒐ ᓇᔅᒡ ᒋᑭ ‍ ᐸᐧᑲᐱᔪᐛ ᐊᓂᔭ ᐅᓯᑭᔾ ᐳᑎᔭ, ᑭᔭ ᒥᓯᐛ ᒐ ‍ ᐃᔭᔪᐛᒡ ᐊᓐ ᓱᒥᓇᐳᔾ ᑭᔭ ᐊᓂᔭᔪᐛ ᐅᓯᑭᔾ ᐳᑎᔭ᙮ ᓇᒪ ᒪᒃ ᒥᓐ ᒋᑭ ᒋ ‍ ᐊᐱᑎᓇ᙮ ᓇᒪ ᐊᐛᓐ ᐅᔭ ᐃᑐᐤ ᐛᔅ ᐊ ‍ ᐅᔅᑲᑭᒥᒡ ᓱᒥᓇᐳᔾ ᐊᓐᑕ ᐊ ‍ ᐅᔅᑲᒡ ᐅᓯᑭᔾ ᐳᑕᒡ ᐱᑕᐸᐅᑕᑭᓄᐤ᙮”
\s1 ᒋᓴᔅ ᑲ ‍ ᐊᔨᒧᑕᐧᒃ ᐊ ‍ ᐊᔭᒥᐊᐅᒋᓯᑲᔨᒡ
\r ᒪᑎᔪᐤ 12.1-8; ᓗᒃ 6.1-5
\p
\v 23 ᐸᐃᒂᐤ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ ᒋᓴᔅ ᒋ ‍ ᐱᒧᑕᐤ ᐊᓐᑕ ᐸᒂᓯᑭᓂᒥᓇᑎᒂ ᐊ ‍ ᓂᑕᐅᒋᑕᑭᓄᔨᒋ᙮ ᐅᒋᔅᒋᓄᐊᒧᐛᑭᓇ ᒋ ‍ ᐎᒐᐅᑯᐤ᙮ ᐊᓂᔭ ᒪᒃ ᐊ ᐊᑎ ‍ ᐱᒧᑕᔨᒋ ᒋ ‍ ᓂᓇᑥᓂᒥᔪᐛ ᐊᓐᑕ ᐊ ‍ ᐅᓂᔎᔅᑯᓂᔨᒋ ᐅᔭ ᐸᒂᓯᑭᓂᒥᓇᑎᒂ᙮
\v 24 ᐊᑯ ᐸᕆᓯᔨᒡ ᒂ ‍ ᐃᑕᒡ ᒋᓴᓴ, “ᒐᒂᓐ ᐛᒋ ‍ ᐃᑐᑎᒪᒄ ᐊᓐ ᒐᒂᓐ ᐊᑐᒡ ᒋᐸ ᐅᒋ ‍ ᐃᑐᑕᑭᓄᐤ ᐊ ‍ ᐊᔭᒥᐊᐅᒋᓯᑲᒡ ?”
\p
\v 25 ᒋᓴᔅ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᔅᒋ ‍ ᐃᔨᒥᑕᓇᐛᒐ ᒥᓯᓇᐃᑭᓂᒡ ᐊᓐᑕ ᑕᐸᒋᒪᑭᓄᐅᑦ ᐊᓂᔭᐧᑲ ᒋᓴᐅᒋᒪᐤ ᑎᐱᑦ, ᑭᔭ ᒥᓯᐛ ᐊᓂᔭᔪᐛ ᑲ ‍ ᐎᒐᐅᑯᑦ ᑕᓐ ᑲ ‍ ᐃᑎᒡ ᐃᔅᐱ ᑲ ᐎ ‍ ᒥᒋᓱᒡ ?
\v 26 ᒋ ‍ ᐱᒐᐅᒡ ᒋᓴᒪᓂᑐᐛ ᐎᒋᔨᒡ ᐊᑯ ᑎᐱᑦ ᒂ ‍ ᒧᐛᑦ ᐊᓂᔭ ᑲ ‍ ᐸᔭᒋᓯᔨᒋ ᐸᒂᓯᑭᓇ, ᐊᑯ ᒂ ‍ ᐊᓯᒪᑦ ᐊᓂᔭᔪᐛ ᐎᒐᐛᑭᓇ᙮ ᒪᒂᒡ ᐊᐱᐊᑕᕐ ᒋ ‍ ᒋᓴᐊᔭᒥᐊᐅᒋᒪᐎᒐ ᐅᔭ᙮ ᒥᒄ ᒪᒃ ᐊᔭᒥᐊᐅᒋᒪᐅᒡ ᐃᑕᔨᑕᑯᓱᐅᒡ ᒐᒋ ᒧᐛᒡ ᐅᔭ ᐸᒂᓯᑭᓇ, ᐛᔅ ᐊᐅᑯᓐ ᐊᑎᔅᑕᒡ ᐊᔭᒥᐊᐅ ᐎᓱᐛᐅᒥᓯᓇᐃᑭᓂᒡ᙮”
\p
\v 27 ᐊᑯ ᐅᔭ ᒪᔅᑕᔾ ᒂ ᐊᑎ ‍ ᐃᔅᒋᔄᑦ ᒋᓴᔅ, “ᒋᓴᒪᓂᑐᐤ ᒋ ‍ ᐅᓯᑕᐤ ᐊ ‍ ᐊᔭᒥᐊᐅᒋᓯᑲᔨᒡ ᒐ ‍ ᐎᒋᐃᑯᔨᒋ ᓇᐸᐛ, ᓇᒪ ᐅᒋ ᐅᓯᐊᐤ ᓇᐸᐛ ᒥᒄ ᐊᔭᒥᐊᐅᒋᓯᑲᐤ ᐎᓱᐛᐅᓇ ᒐᒋ ᓂᓇᑭᑐᐛᔨᑎᒥᔨᒋ᙮
\v 28 ᐃᔪᐤ ᐅᑯᓯᓴᓐ ᒪᒃ, ᐛᐛᒡ ᐊ ‍ ᐊᔭᒥᐊᐅᒋᓯᑲᔨᒡ ᑎᐸᔨᑎᒻ᙮”
\c 3
\s1 ᓇᐸᐤ ᑲ ‍ ᒪᔅᑲᔨᒡ ᐅᑎᒋᔾ
\r ᒪᑎᔪᐤ 12.9-14; ᓗᒃ 6.6-11
\p
\v 1 ᐸᐃᒂᐤ ᒥᓐ ᒋᓴᔅ ᐊ ‍ ᐱᒐᑦ ᒍᐤ ᐊᔭᒥᐊᐅᒋᐛᐱᒡ ᒋ ‍ ᑕᔪᐛ ᐊᓐᑕ ᓇᐸᐛ ᐊ ‍ ᒪᔅᑲᔨᒡ ᐅᑎᒋᔪᐤ᙮
\v 2 ᒋ ‍ ᑕᔪᐛ ᑭᔭ ᐊᓐᑕ ᐊᐛᔪᐛ ᐊ ᐎ ‍ ᓇᓂᑐᐤ ᒪᒥᓯᒥᑯᑦ ᒋᓴᔅ ᐊᑯ ᓇᔅᒡ ᑲ ‍ ᓂᓇᑭᑐᐛᔨᒥᑯᑦ ᒐᒋ ᒥᓏᒋᐃᐛᒂ ᐊ ‍ ᐊᔭᒥᐊᐅᒋᓯᑲᔨᒡ᙮
\v 3 ᒋᓴᔅ ᒋ ‍ ᐃᑕᐤ ᐊᓂᔭ ᓇᐸᐛ ᑲ ‍ ᒪᔅᑲᔨᒡ ᐅᑎᒋᔪᐤ, “ᐊᔅᑎᒻ ᐅᑕ ᓂᑲᓄᒡ᙮”
\p
\v 4 ᐊᑯ ᒋᓴᔅ ᒂ ‍ ᑯᒂᒋᒪᑦ ᐊᓂᔭ ᐃᔪᐛ ᐊᓐᑕ ᐊ ‍ ᑕᔨᒋ, “ᑕᓐ ᐊᑎᔅᑕᒡ ᐎᓱᐛᐅᓂᒡ ᒐᒋ ᐃᑐᑎᒪᒄ ᐊ ‍ ᒍᐤ ᐊᔭᒥᐊᐅᒋᓯᑲᒡ ? ᑕᓐ ᒪᐅᒡ ᒪᔽᓯᒡ ᒐᒋ ᐃᑐᑎᒥᓐ ᒐᒂᓐ ? ᐊ ‍ ᒥᔪᑐᑎᒥᓐ ᒪᒃ ᐊ ‍ ᒥᒋᑐᑎᒥᓐ, ᐊ ‍ ᐱᒪᒋᑕᔨᓐ ᒪᒃ ᐊ ‍ ᓂᓱᐅᓇᒋᑕᔨᓐ ?” ᐊᓐᒡ ᒪᒃ ᐊᓐᑕ ᑲ ‍ ᑕᒡ ᓇᒪ ᓇᔅᒡ ᐅᒋ ᒋᑐᒡ᙮
\p
\v 5 ᒋᓴᔅ ᒋ ‍ ᒋᔄᓱᐤ ᐊ ‍ ᑭᓄᐛᐱᒪᑦ ᑭᔭ ᒋ ‍ ᒥᓯᒥᑕᐃᔅᑲᑯᐤ ᐊᓂᔭ ᐊ ‍ ᓯᐱᑎᒥᔨᒋ᙮ ᐊᑯ ᒂ ‍ ᐃᑕᑦ ᐊᓂᔭ ᓇᐸᐛ ᑲ ‍ ᒪᔅᑲᔨᒡ ᐅᑎᒋᔪᐤ, “ᓴᑐᐱᔨᑕ ᔅᑎᒋᔾ᙮” ᒋ ‍ ᓴᑐᐱᔨᑕᐤ ᒪᒃ ᐊᓐ ᓇᐸᐤ ᐊᓂᔭ ᐅᑎᒋᔾ, ᑭᔭ ᑲ ‍ ᒥᓏᒋᑕᑭᓄᐎᒡ ᐊᓂᔭ ᐅᑎᒋᔾ, ᒧᔭᒻ ᐊᓂᔭ ᑯᑎᒋᔪᐤ ᐅᑎᒋᔾ ᑲ ᐃᓯ ‍ ᒥᔽᔨᒡ ᐊᐅᑯᓐ ᑲ ‍ ᐃᓯᓇᑯᓂᔨᒡ ᐊᓂᔭ ᐅᑎᒋᔾ ᑲ ‍ ᒪᔅᑲᔨᒡ᙮
\p
\v 6 ᐊᑯ ᐊᓐᒡ ᐸᕆᓯᔨᒡ ᒋ ᐊᑎ ‍ ᐎᐎᔪᒡ ᐊᓐᑕ ᒍᐤ ᐊᔭᒥᐊᐅᒋᐛᐱᒡ᙮ ᐊᑯ ᑎᐛᒡ ᑲ ‍ ᓂᑐᐛᐱᒪᒡ ᐊᓂᔭᔪᐛ ᐊᐛᔪᐛ ᐊᕈᑕ ᐅᑦ ᐊᐱᒋᐊᑭᓂᔪᐛ ᐊᑯ ᒂ ‍ ᒪᒧᐎᒡ᙮ ᒋ ‍ ᐊᔨᒧᑎᒧᒡ ᑕᓐ ᒋᐸ ᒋ ‍ ᐃᑐᐅᒡ ᒐᒋ ᓂᐸᐊᒡ ᒋᓴᓴ᙮
\s1 ᓯᓱᒡ ᓴᑲᐃᑭᓂᒡ ᑲ ‍ ᒥᒐᑎᓇᓄᐎᒡ ᒋᓴᔅ ᐊ ‍ ᓂᑐᑐᐛᑭᓄᐅᑦ
\p
\v 7 ᒋᓴᔅ ᒋ ‍ ᔅᑐᑕᐤ ᐊ ‍ ᐎᒐᐅᑯᑦ ᐅᒋᔅᒋᓄᐊᒧᐛᑭᓇ, ᐊᑯ ᐊᓐᑕ ᑲᓕᓕ ᓴᑲᐃᑭᓂᒡ ᑲ ‍ ᐃᑐᑕᒡ᙮ ᒥᒐᑦ ᒪᒃ ᐊᐛᔪᐛ ᒋ ‍ ᓇᓴᐅᑯᐅᒡ᙮ ᓂᓇᐧᑯᐤ ᒋ ‍ ᐅᑐᑕᔪᐛ, ᑲᓕᓕᒡ ᒋ ‍ ᐅᑐᑕᔪᐛ ᑭᔭ ᒍᑎᔭᒡ,
\v 8 ᑭᔭ ᒋᕈᓯᓕᒥᒡ, ᐃᑐᒥᔭᒡ, ᑭᔭ ᐊᑲᒥᒡ ᐊᓂᔭ ᒠᕐᑕᓐ ᓯᐱᔪᐤ ᒋ ‍ ᐅᑐᑕᔪᐛ᙮ ᑭᔭ ᑕᐃᕋ ᑭᔭ ᓴᐃᑐᓐ ᑲ ‍ ᐃᓯᓂᐧᑲᑕᔨᒋ ᐅᑕᓇᐛ ᒋ ‍ ᐅᑐᑕᔪᐛ᙮ ᒋ ‍ ᐸᑎᒧᒡ ᐅᒡ ᐊᐛᓐᒋ ᒥᓯᐛ ᑕᓐ ᑲ ‍ ᐃᑎᔨᒋ ᒋᓴᓴ ᐊᑯ ᒂ ᐎ ᐸᒋ ‍ ᓂᑐᑐᐛᒡ᙮
\v 9 ᒋᓴᔅ ᒋ ‍ ᐃᑕᐤ ᐅᒋᔅᒋᓄᐊᒧᐛᑭᓇ ᒐᒋ ᐊᔭᔅᑯᔅᑕᔨᒋ ᐅᐤᑎᔪᐤ ᒐᒃ ᓂᑐᐛᔨᑕᑯᓂᔨᒐ ᒐᒋ ᐳᓯᑦ ᐛᓴ ᓯᑎᔅᑲᑯᒐ ᐊᐛᔪᐛ᙮
\v 10 ᐛᔅ ᐊᓂᔭ ᒥᒐᑦ ᐊᐛᔪᐛ ᐊᒋ ‍ ᒥᓏᒋᐊᑦ ᐊᑯ ᒥᒐᑦ ᑯᑎᑲ ᐊᐛᔪᐛ ᓂᓇᐧᑯᐤ ᐊ ‍ ᐃᑕᔅᐱᓇᔨᒋ ᒂ ᐸᒋ ‍ ᑯᐧᑯᓂᑐᔨᒋ ᐊ ᐎ ‍ ᑕᒋᓂᑯᑦ᙮
\v 11 ᒥᒋ ‍ ᐊᒐᐧᑯᒡ ᒪᒃ ᐛᔅ ᒧᔭᒻ ᐎᔭᐱᒪᒡ ᒋᓴᓴ ᒋ ‍ ᐃᑐᑐᐛᐅᒡ ᐊᓂᔭᔪᐛ ᐊᐛᔪᐛ ᑲ ‍ ᐱᒋᔅᑯᐛᒡ ᒐᒋ ᐸᒋᓯᓂᔨᒋ ᐅᑎᔅᑯᐤ ᒋᓴᓴ ᐊ ‍ ᑕᔨᒋ ᐊᑯ ᒂ ᐅᒋ ‍ ᑕᑈᒡ ᐊᓐᒡ ᒥᒋ ‍ ᐊᒐᐧᑯᒡ ᐊ ‍ ᐃᔅᒋᔄᒡ, “ᐊᐅᒄ ᒋᔾ ᒋᓴᒪᓂᑐᐤ ᐅᑯᓴ᙮”
\v 12 ᒋᓴᔅ ᒪᒃ ᓱᒃ ᒋ ‍ ᐃᔨᒪᐊᐤ ᐊ ‍ ᐃᑕᑦ ᒐ ᐊᑲ ‍ ᐎᑎᒧᐛᔨᒋ ᐊᐛᔪᐛ ᐊᐛᓐ ᐊ ‍ ᐊᐎᑦ᙮
\s1 ᒋᓴᔅ ᑲ ‍ ᐅᑎᓇᑦ ᓂᓱᓴᑉ ᐊᑈᔅᑕᓇ
\r ᒪᑎᔪᐤ 10.1-4; ᓗᒃ 6.12-16
\p
\v 13 ᐊᑯ ᒋᓴᔅ ᑲ ‍ ᓴᑭᒋᐛᑦ ᐱᔅᑯᑎᓇᔪᐤ᙮ ᐊᑯᑕ ᑲ ‍ ᐎᓴᒪᑦ ᐊᓂᔭ ᑲ ‍ ᐅᑎᓇᑦ᙮ ᒋ ‍ ᓇᑎᑯᐤ ᒪᒃ᙮
\v 14 ᐊᑯ ᓂᓱᓴᑉ ᐛᑎᓇᑦ ᒐᒋ ᐱᐸᐎᒐᐅᑯᑦ ᑭᔭ ᒐᒋ ᒋᑎᓴᐛᑭᓄᔨᒋ ᒐᒋ ᑭᒐᔅᒋᒧᔨᒋ᙮
\v 15 ᑭᔭ ᒋ ‍ ᒥᔭᐤ ᑎᐸᔨᒋᒐᐅᓂᔪᐤ ᒐᒋ ᐎᐎᑎᓴᐛᔨᒋ ᒥᒋ ‍ ᐊᒐᒂ᙮
\v 16 ᒪᐅᔭᔪᐛ ᑲ ‍ ᐅᑎᓇᑦ, ᓴᐃᒥᓐ, ᐊᐅᑯᓐ ᐅᔭ ᐱᑕᕐ ᑲ ‍ ᐃᓯᓂᐧᑲᑕᑦ ᒋᓴᔅ,
\v 17 ᐊᑯ ᒥᓐ ᒋᒥᔅ, ᓴᐱᑎ ᐅᑯᓯᔪᐛ, ᑭᔭ ᒠᓇ, ᒋᒥᔅ ᐎᐧᑲᓂᓴ᙮ ᐅᔭ ᒋᒥᓴ ᑭᔭ ᒠᓇ ᑈᓇᕐᒋᔅ ᒋ ᐃᓯ ‍ ᓂᔅᐱᐎᐊᐤ ᒋᓴᔅ᙮ ᐅᔭ ᒪᒃ ᑲ ᐃᓯ ‍ ᓂᔅᐱᐎᐊᑦ ᓂᒥᔅᒍᐅᒡ ᐅᑯᓱᐛᐛ ᐃᓯ ᐱᔭᑭᔅᒋᑕᑯᑕᑭᓄᐅᔪᐤ᙮
\v 18 ᐊᑯ ᒥᓐ ᐅᔭ ᐛᑎᓇᑦ, ᐊᓐᑎᕈ, ᐱᓕᑉ, ᐸᕐᑥᓚᒥᔪ, ᒪᑎᔪᐤ, ᑥᒥᔅ, ᑭᔭ ᒋᒥᔅ᙮ ᐅ ᒪᒃ ᒋᒥᔅ, ᐊᓪᐱᔭᔅ ᒋ ‍ ᐃᓯᓂᐧᑲᓱᔪᐛ ᐅᑕᐎᔭ᙮ ᑕᑎᔭᔅ ᒋ ‍ ᐃᓯᓂᐧᑲᓱᐤ ᒥᓐ ᑲ ‍ ᐅᑎᓇᑭᓄᐅᑦ, ᐊᑯ ᒥᓐ ᑯᑎᒃ ᓴᐃᒥᓐ ᑲ ‍ ᐊᔭᒥᐊᐛᑎᓯᑦ ᑲ ‍ ᐃᓯᓂᐧᑲᑕᑭᓄᐅᑦ,
\v 19 ᐊᑯ ᒪᒃ ᒍᑎᔅ ᐃᔅᑲᕆᔭᑦ ᐊᓐ ᒐ ‍ ᐎᔭᓯᐱᔅᑎᓇᑦ ᒋᓴᓴ, ᐊᐅᑯᔪᐤ ᐅᔭ ᒥᓐ ᑲ ‍ ᐅᑎᓇᑦ᙮
\s1 ᑕᓐᑕ ᑲ ‍ ᐅᑎᓇᐧᒃ ᒋᓴᔅ ᐅᒥᔅᑯᓯᐅᓐ
\r ᒪᑎᔪᐤ 12.22-32; ᓗᒃ 11.14-23; 12.10
\p
\v 20 ᐊᑯ ᒂ ‍ ᒋᐛᑦ ᒋᓴᔅ ᑕᓐᑕ ᐊᓂᔭ ᒪᒂᒡ ᑲ ‍ ᑕᑦ᙮ ᐊᑯ ᒥᓐ ᒂ ‍ ᒥᒐᑎᔨᒋ ᐊᐛᔪᐛ ᐊ ᐸᒋ ‍ ᒪᒧᐎᔨᒋ᙮ ᒐᒃ ᓇᒪ ᐛᐛᒡ ᐅᒋ ᐃᔅᐱᓯᔪᒡ ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒐᒋ ᒥᒋᓱᒡ᙮
\v 21 ᐃᔅᐱ ᒪᒃ ᐊᓂᔭᔪᐛ ᑲ ‍ ᐎᐧᑲᓂᓯᑦ ᐱᔭᑎᒥᔨᒋ ᐅᔭ ᒋ ‍ ᓂᑐᐛᐱᒥᑯᐤ ᒐᒋ ᔅᑐᑕᐃᑯᑦ ᐊᓐᑕ ᐅᒋ ᐛᔅ ᒋ ‍ ᐃᑕᔨᒥᑯᐤ ᐊᐛᔪᐛ ᐊᑲ ᑯᐃᔅᑯᑯᑕᔨᒡ ᐅᒥᑐᓇᔨᒋᑭᓐ᙮
\p
\v 22 ᑭᔭ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᒪᒂᒡ ᒋ ‍ ᑕᐅᒡ ᐊᓐᑕ᙮ ᒋᕈᓯᓕᒥᒡ ᒋ ‍ ᐅᑐᑕᐅᒡ᙮ ᒋ ‍ ᐃᑕᐅᒡ ᒪᒃ, “ᐸᐃᓪᓯᐳᓪ, ᒥᒋ ‍ ᐊᒐᐧᑯᒡ ᐅᒋᒪᒧᐛᐛ ᐱᒋᔅᑲᑯᐤ᙮ ᐊᐅᑯᓂ ᐊᓂᔭᔪᐛ ᒪᔨᑯᑦ ᒥᑕᐅᓂᔪᐤ ᒐᒋ ᐎᐎᑎᓴᐛᑦ ᒥᒋ ‍ ᐊᒐᒂ᙮”
\p
\v 23 ᐊᑯ ᒋᓴᔅ ᒂ ‍ ᐎᓴᒪᑦ ᐊᑯ ᒂ ‍ ᐃᔨᒪᐊᑦ ᒋᔅᑯᑎᒪᒐᐤ ᑎᐸᒋᒧᐅᓇ ᐊ ‍ ᐊᐱᒋᑕᑦ, “ᑕᓐᑕ ᒐᒋ ᐅᒋ ‍ ᐎᐎᑎᓴᐛᑦ ᒥᒋᒥᓂᑐᐤ ᒥᒋᒥᓂᑐᐛ ?
\v 24 ᐛᔅ ᒧᔭᒻ ᐊᐛᓐᒋ ᐸᐃᒄ ᐊᔅᒋᔪᐤ ᑲ ‍ ᐅᒋᒡ ᒥᒋᐱᔨᑐᑥᐛ ᓇᒪ ᓇᔅᒡ ᒋᑭ ᐅᒋ ‍ ᒥᔪᐱᔪᐅᒡ ᐊᓐᑕ ᐅᑦ ᐊᔅᒋᐛᒡ᙮
\v 25 ᒪᒃ ᐸᐃᒄ ᐅᑕᓇᐤ ᐊᐛᓐᒋ ᒥᒋᐱᔨᑐᑥᐛ ᓇᒪ ᓇᔅᒡ ᒋᑭ ᐅᒋ ‍ ᒥᔪᐱᔪᐅᒡ᙮
\v 26 ᒥᒋᒥᓂᑐᐤ ᒪᒃ ᒧᔭᒻ ᐊ ‍ ᓂᔅᑯᔅᑕᓱᑦ ᐃᓯᓇᑯᓯᒐ, ᓇᔅᒡ ᐊ ‍ ᑕᑎᐸᓂᐃᓱᑦ ᓇᒪ ᒋᑭ ᒋ ‍ ᐃᓯᑲᐳᐤ᙮ ᒋᑭ ‍ ᐱᑯᐱᔪᐤ ᐅᒋᒪᐅᓐ᙮
\v 27 ᓇᒪ ᒥᒄ ᒋᑭ ᒋ ᐃᓯ ‍ ᐱᒐᐛᐤ ᐊᐛᓐ ᐊ ‍ ᓱᓯᔨᒋ ᓇᐸᐛ ᐎᒋᔨᒡ ᒐᒋ ᓂᑐ ‍ ᑭᒐᒧᑎᒧᐛᑦ, ᐸᑐᔅ ᒪᑯᐱᑕᒐ ᐊᑯ ᐃᔭᒄ ᒐᒋ ᐅᑎᓂᒺᑦ ᑕᓐ ᐊ ᐃᓯ ‍ ᑎᐱᔨᐛᐅᓯᔨᒋ᙮”
\p
\v 28 “ᑕᑈ ᐛᔅ ᐊᓐ ᒋᑦ ᐃᑎᓇᐛᐤ, ᒋᑭ ‍ ᐛᐸᔨᑎᒧᐛᑭᓄᐎᒡ ᐊᐛᓐᒋ ᒥᓯᐛ ᐅᒥᒋᑥᐅᓄᐛᐛ ᑭᔭ ᑕᓐ ᐊ ᐃᓯ ᒥᒋ ‍ ᐊᔨᒧᒪᒡ ᐊᐛᔪᐛ᙮
\v 29 ᒥᒄ ᒪᒃ ᐊᓐ ᐊᐛᓐ ᒐ ‍ ᐸᔅᑕᒪᒂ ᑲ ‍ ᐸᔭᒋᓯᔨᒋ ᐊᒐᒂ ᓇᒪ ᓂᑕ ᒋᑭ ᐅᒋ ‍ ᐛᐸᔨᑎᒧᐛᑭᓄᐤ᙮ ᑲᒋᒡ ᒋᑭ ‍ ᓂᓱᐅᓇᒋᒪᑭᓄᐤ ᐅᔭ ᐊ ᐃᓯ ‍ ᒥᒋᑐᑕᐧᒃ᙮”
\p
\v 30 ᐊᔪᐅᒄ ᐅᔭ ᑲ ᐃᓯ ‍ ᐎᑎᒧᐛᑦ ᒋᓴᔅ ᐊᓂᔭᔪᐛ ᐊᔭᒥᐊᐅ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ ᐛᔅ ᒋ ‍ ᐃᑎᑯᐤ ᐊ ‍ ᐱᒋᔅᑲᑯᑦ ᒥᒋ ‍ ᐊᒐᒂ᙮
\s1 ᐊᐛᔪᐛ ᒋᓴᔅ ᐊ ‍ ᐅᑲᐎᔨᑦ ᑭᔭ ᐊᐛᔪᐛ ᐊ ‍ ᐎᐧᑲᓂᓯᑦ
\r ᒪᑎᔪᐤ 12.46-50; ᓗᒃ 8.19-21
\p
\v 31 ᒋ ᐅᒋ ‍ ᑎᑯᓯᓂᔪᐛ ᒋᓴᔅ ᐅᑲᐎᔭ ᑭᔭ ᐎᐧᑲᓂᓴ᙮ ᐎᐎᑎᒥᒡ ᐊᓐᑕ ᒋ ‍ ᓂᐳᔪᐛ ᐊᑯ ᒂ ‍ ᐱᑕᑎᓴᐛᔨᒋ ᐊᐛᔪᐛ ᒐᒋ ᐎᓴᒪᔨᒋ ᒋᓴᓴ᙮
\v 32 ᒋ ‍ ᒥᒐᑎᔪᐛ ᐊᐛᔪᐛ ᐊ ‍ ᐛᔅᑲᐱᔅᑕᑯᑦ ᒋᓴᔅ᙮ ᐊᑯ ᒂ ‍ ᐃᑎᑯᑦ, “ᐎᐎᑎᒥᒡ ᐅᑕ ᐃᑕᐅᒡ ᒋᑲᐎᔾ ᑭᔭ ᒋᐧᑲᓂᓯᒡ, ᒋ ‍ ᐎᓴᒥᑯᒡ᙮”
\p
\v 33 ᐊᑯ ᒋᓴᔅ ᒂ ‍ ᐃᔅᒋᔄᑦ, “ᐊᐛᓐ ᒪᒃ ᓂᑲᐎᔾ ᑭᔭ ᐊᐛᓐᒋ ᓂᐧᑲᓂᓯᒡ ?”
\v 34 ᒥᓯᐛ ᒋ ‍ ᐃᑕᐳᐤ ᐊ ‍ ᑭᓄᐛᐱᒪᑦ ᐊᓂᔭ ᐊᐛᔪᐛ ᑲ ‍ ᐛᔅᑲᐱᔅᑕᑯᑦ ᐊᑯ ᒂ ‍ ᐃᔅᒋᔄᑦ, “ᒪᐅᒋ ᓂᐧᑲᓂᓯᒡ ᑭᔭ ᐊᐅᒄ ᓂᑲᐎᔾ᙮
\v 35 ᐊᓐ ᐊᐛᓐ ᒐ ‍ ᐃᑐᑎᒧᒂ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᐊᐅᑯᓐ ᐊᓐ ᐛᐧᑲᓂᓯᔭᓐ ᑭᔭ ᐊᐅᑯᓐ ᐊᓐ ᐛᑲᐎᔭᓐ᙮”
\c 4
\s1 ᒋᔅᑯᑎᒪᒐᐤ ᑎᐸᒋᒧᐅᓐ ᐊᓐᑕ ᑲ ‍ ᐊᔨᒧᒪᑭᓄᐅᑦ ᓇᐸᐤ ᑲ ‍ ᐊᓯᒋᐛᐱᓇᐧᒃ ᓂᑕᐅᒋᑕᑭᓇ
\r ᒪᑎᔪᐤ 13.1-9; ᓗᒃ 8.4-8
\p
\v 1 ᐸᐃᒂᐤ ᒥᓐ ᐊ ‍ ᒋᔅᑯᑎᒪᒐᑦ ᒋᓴᔅ ᓯᓱᒡ ᑲᓕᓕ ᓴᑲᐃᑭᓂᒡ, ᒐᒃ ᒋ ᐊᑎ ‍ ᒥᒐᑎᔪᐛ ᐊᐛᔪᐛ ᐊ ᐸᒋ ‍ ᓂᑐᑕᑯᑦ᙮ ᐊᑯ ᒂ ‍ ᐳᓯᑦ ᐅᐤᑎᔪᐤ, ᑲ ‍ ᐊᑯᒧᑦ ᐊᓐᑕ ᓴᑲᐃᑭᓂᒡ᙮ ᐊᑯ ᐊᓂᔭ ᒥᒐᑦ ᐊᐛᔪᐛ ᒂ ᐸᒋ ‍ ᑎᑯᓯᓂᔨᒋ ᐊ ᐎ ‍ ᓂᑐᑕᑯᑦ ᐊᓐᑕ ᓯᓱᒡ ᒋ ‍ ᑕᔪᐛ᙮
\v 2 ᒥᔅᑎ ᒪᒃ ᒋ ‍ ᒋᔅᑯᑎᒧᐛᐤ ᒋᔅᑯᑎᒪᒐᐤ ᑎᐸᒋᒧᐅᓇ ᐊ ‍ ᐊᐱᒋᑕᑦ᙮ ᒋ ‍ ᐃᑕᐤ ᒪᒃ,
\v 3 “ᓂᑐᑎᒧᒄ ᒪ, ᐸᐃᒂᐤ ᓇᐸᐤ ᒋ ‍ ᓂᑕᐅᒋᑕᐤ ᐊᓐᑕ ᐅᓂᑕᐅᒋᑕᑭᓐ ᐊᔅᒋᒡ᙮
\v 4 ᐊᓂᔭ ᒪᒃ ᐊ ‍ ᐊᓯᒋᐛᐱᓇᐧᒃ ᓂᑕᐅᒋᑕᑭᓇ ᐱᔅᒐ ᐊᓐᑕ ᐱᑎᑕᔅᑭᓄᐤ ᒋ ‍ ᐸᐸᒋᑎᓂᔪᐛ, ᐊᑯ ᐱᔭᓯᓴ ᒥᓯᐛ ᒂ ‍ ᒥᒋᔨᒋ᙮
\v 5 ᑯᑎᑲ ᓂᑕᐅᒋᑕᑭᓇ ᐊ ‍ ᐊᓯᓂᐅᔨᒡ ᒋ ‍ ᐸᐸᒋᑎᓂᔪᐛ, ᐊᓐᑕ ᐊᑲ ᒥᒂᒡ ᐊᔅᒋᔪᐎᒡ, ᐎᐱᒡ ᒪᒃ ᒋ ‍ ᓴᒋᓂᑕᐅᒋᓂᔪᐛ ᐛᔅ ᑕᐸ ᐅᒋ ᒋᔅᐱᑲᐤ ᐊᓐᑕ ᐊᔅᒋᔾ᙮
\v 6 ᐃᔅᐱ ᒪᒃ ᓯᔭᑲᔅᑐᐛᑦ ᐱᓯᒻ ᒋ ‍ ᐃᔎᑕᐛ ᐊᓂᔭᔪᐛ ᓂᑕᐅᒋᑕᑭᓇ᙮ ᒐᒃ ᒋ ᐊᑎ ‍ ᓂᐱᒥᑭᓇ ᐛᔅ ᑕᐸ ᐅᒋ ᐅᑎᐱᒥᑭᓇ᙮
\v 7 ᐊᑯ ᐊᓂᔭ ᓂᑕᐅᒋᑕᑭᓇ ᑲ ‍ ᐸᐸᒋᑎᒋ ᐊᓐᑕ ᑲ ‍ ᑲᓱᑕᐛᔅᑯᒋ ᓂᐱᓯᔭᑎᒂ ᐊ ‍ ᑎᑯᓂᔨᒋ, ᐊᑯᑕ ᐊᓐᑕ ᒐᒃ ᑲ ᐊᑎ ‍ ᐊᓯᒡ ᓂᑕᐅᒋᒋ᙮ ᒐᒃ ᒪᒃ ᓇᒪ ᐅᒋ ᒥᔪ ‍ ᓂᑕᐅᒋᓇ ᐊᓂᔭ ᑲ ‍ ᓂᑕᐅᒋᑕᑭᓄᐅᒋ ᐊᒋ ‍ ᒋᐱᔅᑲᑐᒥᑲᒋ ᐊᓂᔭ ᑲ ‍ ᑲᐛᔎᒋ ᓂᐱᓯᔭᑎᒂ᙮ ᓇᒪ ᒪᒃ ᐅᒋ ᒥᓂᓱᐅᐛ᙮
\v 8 ᐱᔅᒐ ᒪᒃ ᐊᓂᔭ ᓂᑕᐅᒋᑕᑭᓇ ᐊ ‍ ᒥᔪᔅᑭᒥᑲᔨᒡ ᐊᑯᑕ ᑲ ᐃᓯ ‍ ᐸᐸᒋᑎᓂᔨᒋ, ᒋ ᒥᔪ ‍ ᓂᑕᐅᒋᓇ ᐅᔭ ᑭᔭ ᒂ ᒥᔪ ‍ ᒥᓂᓱᔨᒋ᙮ ᐱᔅᒐ ᐅᔭ ᓂᑕᐅᒋᑕᑭᓇ ᓂᔅᑐᔪᐤ ᓂᑕᐅᒋᑕᑭᓇ ᒋ ᐅᒋ ‍ ᓂᑕᐅᒋᓇ ᐊᓐᑕ ᐅᒋ, ᐊᑯ ᐱᔅᒐ ᐊᓱᑕᒡ ‍ ᑕᑐᔪᐤ ᒋ ᐅᒋ ‍ ᓂᑕᐅᒋᓇ, ᐊᑯ ᑯᑎᑲ ᐸᐃᑯ ᒥᑕᓯᒥᑎᓄᐤ᙮” ᐊᔪᐅᒄ ᐅᔭ ᑎᐸᒋᒧᐅᓂᔪᐤ ᑲ ‍ ᐎᑕᐧᒃ ᒋᓴᔅ᙮
\p
\v 9 ᒋ ‍ ᐃᑕᐤ ᒪᒃ, “ᐊᓐ ᐊᐛᓐ ᑲ ‍ ᐎᑐᐅᑲᑦ ᐊ ‍ ᓂᓇᐃᑕᐧᒃ ᒪᒃ, ᐃᔭᒂ ᒋᑭ ᐎ ‍ ᓂᑐᑎᒻ᙮”
\s1 ᐊ ‍ ᐃᑎᑕᒂᒋ ᒋᔅᑯᑎᒪᒐᐤ ᑎᐸᒋᒧᐅᓇ
\r ᒪᑎᔪᐤ 13.10-17; ᓗᒃ 8.9,10
\p
\v 10 ᐃᔅᐱ ᒪᒃ ᒥᓐ ᒥᒄ ᐎᔨᐛᐤ ᐊ ‍ ᑕᒡ ᒋᓴᔅ, ᐱᔅᒐ ᐊᐛᔪᐛ ᑭᔭ ᐊᓂᔭᔪᐛ ᓂᓱᓴᑉ ᐅᒋᔅᒋᓄᐊᒧᐛᑭᓇ, ᒋ ‍ ᑯᒂᒋᒥᑯᐤ ᑕᓐ ᐊ ᐃᓯ ‍ ᐎᑎᒪᒐᒥᑭᓂᔨᒡ ᐊᓂᔭ ᑲ ᐃᓯ ‍ ᑎᐸᒋᒧᑦ᙮
\v 11 ᐊᑯ ᒂ ‍ ᐃᑕᑦ, “ᔅᒋ ‍ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒥᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᑯᑎᑭᒡ ᐊᐛᓐᒋ ᐊ ‍ ᐊᔨᒧᑎᒧᐛᑭᓄᐎᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᒋᔅᑯᑎᒪᒐᐤ ᑎᐸᒋᒧᐅᓇ ᐎᑎᒧᐛᑭᓄᐎᒡ ᒐᒋ ᑎᐱᐱᔨᒡ ᐅ ᑲ ‍ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q
\v 12 ᐊᑎ ᐊ ‍ ᐛᐸᑕᒡ ᓇᒪ ᒋ ‍ ᓂᔅᑐᓂᒧᒡ ᑭᔭ ᓱᒃ ᐊ ‍ ᓂᑐᑐᐛᒡ ᓇᒪ ᒋ ‍ ᓂᔅᑐᑎᒧᒡ᙮
\q ᐛᔅ ᒋ ‍ ᓂᔅᑐᓂᒧᐛᐛᒂ ᑭᔭ ᒋ ‍ ᓂᔅᑐᑎᒧᐛᐛᒂ, ᓂᐸ ᐸᒋ ᒋᐛ ‍ ᓇᑎᑯᒡ ᒐᒋ ᐛᐸᔨᑎᒧᐅᒂᐤ᙮”
\s1 ᒋᓴᔅ ᑲ ‍ ᐊᔨᒧᑕᐧᒃ ᓂᑕᐅᒋᑕᑭᓂᔪᐤ
\r ᒪᑎᔪᐤ 13.18-23; ᓗᒃ 8.11-15
\p
\v 13 ᐊᑯ ᒋᓴᔅ ᒥᓐ ᒂ ᐊᑎ ‍ ᐃᔅᒋᔄᑦ, “ᓇᒪᐎᔾ ᐊ ᒋ ‍ ᓂᔅᑐᑕᓇᐛᐤ ᒋᔨᐛᐤ ᐊ ᐃᓯ ‍ ᐎᑎᒪᒐᒥᑲᒡ ᐅ ᑎᐸᒋᒧᐅᓐ ? ᑕᓐᑕ ᒪᒃ ᒐᒋ ᐅᒋ ‍ ᓂᔅᑐᑎᒪᒄ ᐊᓂᔭᔪᐛ ᑯᑎᑲ ᑎᐸᒋᒧᐅᓇ ?
\v 14 ᐊᓐ ᐊᐛᓐ ᑲ ‍ ᐛᐎᑕᐧᒃ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ ᒧᔭᒻ ᓂᑕᐅᒋᒐᓱᐤ ᓂᑕᐅᒋᑕᑭᓇ ᑲ ‍ ᐊᓯᒋᐛᐱᓇᐧᒃ ᐃᓯᓇᑯᓱᐤ᙮
\v 15 ᐊᓂᔭ ᒪᒃ ᓂᑕᐅᒋᑕᑭᓇ ᐱᑎᑕᔅᑭᓄᐤ ᑲ ‍ ᐸᒋᑎᒋ, ᐊᐅᑯᓐᒡ ᐅᒡ ᐊᐛᓐᒋ ᐃᔅᐱ ᐱᔭᑕᒡ ᒥᔽᒋᒧᐅᓂᔪᐤ, ᑎᐛᒡ ᒥᒋᒥᓂᑐᐛ ᑎᑯᓯᓂᔪᐛ ᐊ ᐊᑎ ‍ ᐅᑎᓂᒥᔨᒋ ᐊᓂᔭ ᒋᐸ ᐃᓯ ‍ ᓂᑕᐅᒋᓂᔪᐤ ᐅᑕᐃᐛᒡ᙮
\v 16 ᐊᑯ ᐊᓂᔭ ᐊᓐᑕ ᐊ ‍ ᐊᓯᓂᐅᔨᒡ ᑲ ‍ ᐸᒋᑎᒋ ᐊᐅᑯᓐᒡ ᐅᒡ ᐊᐛᓐᒋ ᑎᐛᒡ ᒥᒄ ᑲ ᐃᓯ ‍ ᐅᑎᓇᒡ ᐅᔅᑭᒡ ᐱᔭᑕᒡ ᒥᔽᒋᒧᐅᓂᔪᐤ ᓇᔅᒡ ᐊ ‍ ᒧᒋᒐᔨᑎᒥᐃᑯᒡ᙮
\v 17 ᒥᒄ ᒪᒃ ᓇᒪ ᑎᑯᓂᔪᐤ ᑕᓐᑕ ᒐᒋ ᐅᒋ ‍ ᔭᐃᒡ ᓂᑕᐅᒋᒡ ᑭᔭ ᓇᒪ ᓇᐅᔅ ᒋ ‍ ᐃᓯᑲᐳᐎᒡ᙮ ᐃᔅᐱ ᓇᒋᔅᑲᒡ ᐊ ‍ ᐊᔨᒥᓂᔨᒡ ᒪᒃ ᐊ ‍ ᒪᔭᔨᒪᑭᓄᐅᒡ ᐊᓂᔭ ᐃᔨᒧᐅᓂᔪᐤ ᐅᒋ ᐊᑯᑕ ᑎᐛᒡ ᒂ ‍ ᒋᐛᑲᐳᐅᒡ᙮
\v 18 ᐊᑯ ᑯᑎᑭᒡ ᐊᐛᓐᒋ ᒧᔭᒻ ᐊᓂᔭ ᓂᑕᐅᒋᑕᑭᓇ ᑲ ‍ ᐸᒋᑎᒋ ᐊᓐᑕ ᑲ ‍ ᑲᓱᑕᐛᐧᑲᒡ ᒪᔅᑯᓱᐛ ᐊ ‍ ᑎᒂᒋ ᐊᐅᑯᓐ ᐊ ‍ ᐃᓯᓇᑯᓯᒡ᙮ ᐊᐅᑯᓐᒡ ᐅᒡ ᑲ ‍ ᐸᑕᒡ ᒥᔽᒋᒧᐅᓂᔪᐤ,
\v 19 ᒥᒄ ᒪᒃ ᐊᓂᔭ ᓇᔅᒡ ᐊ ‍ ᒥᑯᔅᑲᒋᑕᒡ ᐊᔅᒋᔪᐤ ᒐᒂᔪᐛ ᑭᔭ ᓇᔅᒡ ᒥᒄ ᐊ ᐎ ‍ ᐅᓱᓇᔭᓂᒥᒡ ᐊ ‍ ᐃᑎᒡ ᑭᔭ ᐱᓯᒄ ᐊ ‍ ᒧᔅᑕᓇᒡ ᒐᒂᔪᐛ ᒐᒋ ᐊᔭᒡ ᐊᔪᐅᒄ ᐅᔭ ᒐᒃ ᐛᒋ ‍ ᓂᓱᐅᓇᑎᓂᔨᒡ ᐅᑕᑈᑎᒧᐅᓄᐛᐤ᙮ ᐊᑯ ᒪᒃ ᓇᒪ ᒋ ‍ ᒥᓂᓱᐅᒡ ᐅᐱᒪᑎᓯᐅᓄᐛᒡ᙮
\v 20 ᐊᑯ ᑯᑎᑭᒡ ᐊᐛᓐᒋ ᒧᔭᒻ ᐊᓂᔭ ᓂᑕᐅᒋᑕᑭᓇ ᑲ ‍ ᐸᒋᑎᒋ ᐊᓐᑕ ᐊ ‍ ᒥᔪᔅᑭᒥᑲᒡ ᐊᑯᓐ ᐊ ‍ ᐃᓯᓇᑯᓯᒡ᙮ ᐃᔅᐱ ᐱᔭᑕᒡ ᒥᔽᒋᒧᐅᓂᔪᐤ ᑎᐛᒡ ᐅᑎᓂᒧᒡ ᑭᔭ ᓄᑯᓂᔪᐤ ᐅᐱᒪᑎᓯᐅᓄᐛᒡ ᒧᔭᒻ ᐊ ᐊᑎ ‍ ᒥᓂᓱᐅᒡ ᐊ ‍ ᐃᓯᓇᑯᓯᒡ᙮ ᒧᔭᒻ ᓂᑕᐅᒋᑕᑭᓇ ᐊ ᒥᔅᑎ ‍ ᒥᓂᓱᐅᒋ ᒐᒃ ᐊᑯᓐ ᐊ ᐊᑎ ‍ ᐃᓯᓇᑯᓯᒡ ᐅᒡ᙮ ᑯᑎᑭᒡ ᓂᔅᑐᔪᐤ ᒥᓂᓴ ᒋ ‍ ᓂᑕᐅᒋᓂᔪᐛ ᐊᓐᑕ ᐅᒋ ᐊ ‍ ᑕᒡ, ᐊᑯ ᑯᑎᑭᒡ ᐊᓱᑕᒡ ‍ ᑕᑐᔪᐤ, ᐊᑯ ᑯᑎᑭᒡ ᐸᐃᑯ ᒥᑕᓯᒥᑎᓄᐤ᙮” ᐊᔪᐅᒄ ᐅᔭ ᑲ ‍ ᐃᑕᑦ ᒋᓴᔅ ᐊᓂᔭ ᑲ ‍ ᑕᑈᔭᔨᒥᑯᑦ᙮
\s1 ᐛᔅᑕᐅᓐ ᐊ ‍ ᐊᔨᒧᑕᒡ
\r ᓗᒃ 8.16-18
\p
\v 21 ᒥᓐ ᒂ ᐊᑎ ‍ ᐃᔅᒋᔄᑦ ᒋᓴᔅ, “ᐃᑐᐤ ᐊ ᐊᐛᓐ ᐊᒋ ‍ ᓯᔅᑲᐊᒃ ᐛᔅᑕᓂᐱᒪᑭᓂᔪᐤ ᓯᐸ ᓂᐸᐅᓂᒡ ᒐᒋ ᐊᔅᑕᑦ, ᑭᔭ ᒪᒃ ᒐᒋ ᐊᔅᑕᑦ ᐛᔅᑕᓂᐱᒪᑭᓇᑎᑯᒡ ᐛᔅᑕᓂᐱᒪᑭᓂᒡ ? ᓇᒪᐎᔾ ᐊ ᓴᓯᑲᓐ ᐊᓐᑕ ᓇᐸᒥᔅᑕᐤ ?
\v 22 ᒥᓯᐛ ᒐᒂᓐ ᐊᑲ ᓄᑯᑕᑭᓄᐅᒡ ᒋᑭ ‍ ᓄᑯᑕᑭᓄᐤ, ᐊᑯ ᐊᓐ ᑲ ‍ ᐊᑯᓇᐃᑭᓄᐅᒡ ᒋᑭ ‍ ᒧᓴᔅᑕᐤ᙮
\v 23 ᓂᑐᑎᒧᒄ ᒪᒃ, ᐊᓐ ᐊᐛᓐ ᑲ ‍ ᐎᑐᐅᑲᑦ ᐊ ‍ ᓂᓇᐃᑕᐧᒃ ᒪᒃ ᐃᔭᒂ ᒋᑭ ᐎ ‍ ᓂᑐᑎᒻ᙮”
\p
\v 24 ᒋᓴᔅ ᑭᔭ ᒋ ‍ ᐃᔅᒋᔄᐤ, “ᓂᓇᑭᑐᐛᔨᑎᒧᒄ ᓱᒃ ᒐᒋ ᓂᑐᑎᒪᒄ᙮ ᒥᒄ ᑕᓐ ᒐ ᐃᔅᐱᔅ ‍ ᒥᔨᐛᐛᒂ ᐊᑯᓐ ᒐ ᐃᔅᐱᔅ ‍ ᒥᔨᑯᔭᒄ ᑭᔭ ᒋᔨᐛᐤ᙮ ᐊᑐᐎᔅ ᒪᒃ ᒥᔅᑎ ᒋᑭ ‍ ᒥᔨᑯᓇᐛᐤ᙮
\v 25 ᐊᓐ ᒪᒃ ᐊᐛᓐ ᑲ ‍ ᐊᔭᑦ ᒐᒂᔪᐤ ᐊᑐᐎᔅ ᒋᑭ ‍ ᒥᔭᑭᓄᐤ᙮ ᐊᑯ ᐊᓐ ᐊᑲ ᐊᔭᑦ ᒐᒂᔪᐤ ᐊᑎ ᐊᓂᔭ ᑕᓐ ᐊ ᐃᓯ ‍ ᐊᐱᓯᔅ ᐊᔭᑦ ᒋᑭ ‍ ᐅᑎᓇᑭᓄᐅᔪᐤ᙮”
\s1 ᓂᑕᐅᒋᑕᑭᓐ ᑲ ‍ ᓂᑕᐅᒋᑕᑭᓄᐅᒡ ᑲ ‍ ᑎᐸᑐᑕᒡ
\p
\v 26 ᒋᓴᔅ ᑭᔭ ᒥᓐ ᒋ ᐊᑎ ‍ ᐃᔅᒋᔄᐤ, “ᒧᔭᒻ ᓇᐸᐤ ᑲ ‍ ᐊᓯᒐᐛᐱᓇᑦ ᓂᑕᐅᒋᑕᑭᓇ ᐅᓂᑕᐅᒋᑕᑭᓐ ᐊᔅᒋᒡ ᐊᐅᑯᓐ ᐊ ‍ ᐃᑕᔨᑕᑯᓂᔨᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮
\v 27 ᐊᓐ ᓇᐸᐤ ᓂᐸᐤ ᐊ ‍ ᑎᐱᔅᑲᔨᒡ ᐊᑯ ᐃᔅᐱ ᐱᔭᑕᐱᓂᔨᒋ ᐛᓂᑦ᙮ ᓂᑕᐅᒋᓂᔪᐛ ᒪᒃ ᐊᓂᔭᔪᐛ ᓂᑕᐅᒋᑕᑭᓇ ᑲ ‍ ᓂᑕᐅᒋᑕᑦ ᒥᒄ ᓇᒪ ᒋᔅᒐᔨᑎᒻ ᑕᓐᑕ ᐛᒋ ‍ ᓂᑕᐅᒋᓂᔨᒋ᙮
\v 28 ᐛᔅ ᐊᔅᒋᔾ ᓂᑕᐅᒋᐃᐛᒥᑭᓐ ᑭᔭ ᓇᑕᐅᒋᔨᒋ ᐊᓂᔭ ᓂᑕᐅᒋᑕᑭᓇ᙮ ᓂᔅᑎᒻ ᓴᒋᓂᑕᐅᒋᓇ ᐊᓐᑕ ᐊ ‍ ᓂᐱᓯᐅᒋ ᒐᒃ ᒂ ᐊᑎ ᒋ ᐃᓯ ‍ ᓂᑕᐅᒋᒋ ᑭᔭ ᒂ ᐊᑎ ‍ ᒥᓂᓱᐅᒋ᙮
\v 29 ᐅᑎᒋᐱᔨᒐ ᒪᒃ ᒐ ‍ ᒥᓂᓯᑲᓄᐅᒋ, ᐃᔅᐱ ᒥᓂᓱᓂᒂᐛ ᐊᓂᔭᔪᐛ ᓂᑕᐅᒋᑕᑭᓇ ᐊᑯ ᒐ ‍ ᐊᑐᔅᒐᑦ ᐊᓐ ᓇᐸᐤ ᐊ ‍ ᒪᒥᓂᓴᐧᒃ ᐊᓂᔭᔪᐛ ᐅᓂᑕᐅᒋᑕᑭᓇ, ᒥᔅᑯᓯ ‍ ᒧᐧᑯᒪᓂᔪᐤ ᐊ ‍ ᐊᐱᒋᑕᑦ᙮”
\s1 ᓂᑕᐅᒋᑕᑭᓐ ᒪᐅᒡ ᑲ ‍ ᐊᐱᓴᓯᒡ ᑲ ‍ ᑎᐸᑐᑕᒡ
\r ᒪᑎᔪᐤ 13.31,32,34; ᓗᒃ 13.18,19
\p
\v 30 ᐊᑯ ᐅᔭ ᒂ ᐊᑎ ‍ ᐃᔅᒋᔄᑦ ᒋᓴᔅ, “ᒐᒂᓐ ᒪᒃ ᒐᒋ ᐎᑎᒪᐧᒄ ᒐᒋ ᐃᔅᒋᔄᔭᐧᒄ ᐊᑯᓐ ᐊ ‍ ᐃᑕᔨᑕᑯᓂᔨᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ? ᒐᒄ ᒋᔅᑯᑎᒪᒐᐤ ᑎᐸᒋᒧᐅᓐ ᒐᒋ ᐎᑎᒪᐧᒄ ᒐᒋ ᐅᒋ ‍ ᒋᔅᒐᔨᑕᒂᒡ ?
\v 31 ᒧᔭᒻ ᐊᓐ ᓂᑕᐅᒋᑕᑭᓐ ᒪᐅᒡ ᑲ ‍ ᐊᐱᓯᓯᑦ ᐅᑕ ᐊᔅᒋᒡ ᒪᔅᑎᕐᑦ ᑲ ‍ ᐃᓯᓂᐧᑲᑕᑭᓄᐅᑦ ᐊᐅᑯᓐ ᐊ ‍ ᐃᓯᓇᒂᒡ ᒋᒋᒋᓯᒄ ᐅᒋᒪᐅᓐ᙮ ᓇᐸᐤ ᐅᑎᓇᐤ ᐅᔭ ᓂᑕᐅᒋᑕᑭᓇ ᐊᑯ ᐊᔅᒋᒡ ᐊ ‍ ᐱᔅᑎᓇᑦ ᒐᒋ ᓂᑕᐅᒋᔨᒋ᙮
\v 32 ᒐᒃ ᒪᒃ ᐊ ᐊᑎ ‍ ᓂᑕᐅᒋᔨᒋ᙮ ᐃᔅᐱ ᒪᒃ ᑲᒋ ᐃᓯ ‍ ᓂᑕᐅᒋᔨᒋ ᐊᔪᐅᒄ ᐅᔭ ᒪᐅᒡ ᒐᓏᔅᑯᓂᔨᒡ ᐊ ‍ ᐃᑕᑎᓂᔨᒋ ᑯᑎᑲ ᓂᑕᐅᒋᑕᑭᓇ᙮ ᐊ ‍ ᐃᔅᐱᔅ ᐱᒂᓯᑦ ᐅ ᒥᔅᑎᑯᔅ ᐱᔭᓯᓯᒡ ᐅᐎᒋᔅᑐᓂᐧᑲᓱᐅᒡ ᐊᓐᑕ ᐅᑎᐧᑯᓂᒡ ᐊᓐᑕ ᐊ ‍ ᐅᑲᔅᑕᔭᔎᔭᔨᒡ᙮”
\p
\v 33 ᒥᒐᑥᐤ ᒋ ‍ ᑎᐸᒋᒧᐤ ᒋᓴᔅ ᐅᔭ ᐊ ‍ ᐃᑕᔨᑕᑯᓂᔨᒋ ᑎᐸᒋᒧᐅᓇ ᐊ ‍ ᐛᐎᑎᒧᐛᑦ᙮ ᐊᔪᐅᒄ ᐅᔭ ᑲ ‍ ᐊᐱᒋᑕᑦ ᐊ ‍ ᐛᐎᑎᒧᐛᑦ ᒥᔽᒋᒧᐅᓂᔪᐤ᙮ ᒥᒄ ᑕᓐ ᒐᒋ ᐃᔅᐱᔅ ᓂᔅᑐᑎᒥᔨᒋ ᐊᑯᓐ ᑲ ᐃᓯ ‍ ᐎᑎᒧᐛᑦ᙮
\v 34 ᐊᔪᐅᒄ ᐅᔭ ᐱᓯᒄ ᑲ ‍ ᐊᐱᒋᑕᑦ ᐊ ‍ ᐃᔨᒪᐊᑦ ᐊᐛᔪᐛ᙮ ᒥᒄ ᒪᒃ ᐃᔅᐱ ᒥᒄ ᐎᔨᐛᐤ ᐊ ‍ ᑕᒡ ᐅᒋᔅᒋᓄᐊᒧᐛᑭᓇ ᐊᑯᑕ ᑲᒋ ‍ ᐛᐎᑎᒧᐛᑦ ᑕᓐ ᐊ ᐃᓯ ‍ ᐃᔅᒋᔄᒥᑭᓂᔨᒋ ᐅᔭ ᑎᐸᒋᒧᐅᓇ᙮
\s1 ᑲ ‍ ᒥᔅᑎᔪᑎᒡ
\r ᒪᑎᔪᐤ 8.23-27; ᓗᒃ 8.22-25
\s2 Mark 4.35-41 (Proper-7 Year B)
\p
\v 35 ᐊᓂᔭ ᐛᑕᑯᓯᔨᒡ, ᒋᓴᔅ ᒋ ‍ ᐃᑕᐤ ᐅᒋᔅᒋᓄᐊᒧᐛᑭᓇ, “ᓇᑕ ᐊᑲᒥᒡ ᐃᔅᒋᒪᑕᐤ᙮”
\v 36 ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ‍ ᓂᑭᑕᒡ ᐊᓂᔭᔪᐛ ᐊᐛᔪᐛ ᑲ ‍ ᒥᒐᑎᔨᒋ ᐊᑯ ᒂ ‍ ᐳᓯᒡ ᐊᓂᔭ ᐅᐤᑎᔪᐤ ᐊᓐᑕ ᑲ ‍ ᑕᔨᒋ ᒋᓴᓴ, ᐊᑯ ᒂ ‍ ᒋᒋᒪᒡ ᒋᓴᓴ ᐊ ‍ ᐳᓯᐊᒡ᙮ ᒋ ‍ ᑎᑯᓇ ᑭᔭ ᑯᑎᑲ ᐊ ‍ ᒥᓴᔨᒋ ᐅᐤᑕ ᐊ ᐊᑎ ‍ ᒧᓴᐅᐱᔨᒋ᙮
\v 37 ᒐᒃ ᒋ ᐅᒋ ᒥᔅᑎ ‍ ᔪᑎᓂᔪᐤ᙮ ᐊᓂᔭ ᒪᒃ ᐊ ‍ ᐳᓯᐸᔨᑐᔨᒋ ᑭᔅᑭᓇ ᐅᑦ ᐅᐤᑐᐛᒡ, ᒐᑲᑦ ᒋ ‍ ᓴᑭᔅᒋᓇᐸᔪᐤ ᐅᑦ ᐅᐤᑐᐛᐤ᙮
\v 38 ᐊᓐᑕ ᒪᒃ ᑕᐧᑯᐃᑭᓂᒡ ᒋ ‍ ᑕᐤ ᒋᓴᔅ ᐊ ‍ ᓂᐸᑦ ᐊ ‍ ᐊᔎᓯᒧᑦ ᐊᔎᓯᒧᓂᔪᐤ᙮ ᒋᔅᒋᓄᐊᒧᐛᑭᓐᒡ ᒪᒃ ᒋ ‍ ᐸᑯᓄᐅᒡ ᐊ ‍ ᐃᑕᒡ, “ᒋᔅᑯᑎᒪᒐᓱᐤ, ᓇᒪᐎᔾ ᐊ ᒐᒂᓐ ᒋᑭ ᐅᒋ ‍ ᐃᑕᔨᑕᓐ ᓂᔅᑕᐸᐛᔭᒐ ?”
\p
\v 39 ᒂ ‍ ᐅᓂᑦ ᒋᓴᔅ, ᐊᑯ ᒂ ‍ ᐃᑎᓱᐛᑕᐧᒃ ᐊᓂᔭ ᑲ ‍ ᔪᑎᓂᔨᒡ ᒐᒋ ᐳᓂᐱᔨᒡ, ᐊᑯ ᐊᓂᔭ ᑭᔅᑭᓇ ᒂ ‍ ᐃᑕᑦ, “ᒋᔭᒥᓯᒄ, ᐊᑯᓐ ᐊᑯ᙮” ᒋ ‍ ᒋᒥᔅᑎᓂᔪᐤ ᑭᔭ ᒂ ᐅᒋ ‍ ᐃᔽᔅᑎᓂᔨᒡ᙮
\p
\v 40 ᒋ ‍ ᐃᑕᐤ ᒪᒃ ᒋᓴᔅ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᒐᒂᓐ ᐛᒋ ‍ ᑯᔅᑕᒋᔭᒄ ? ᑕᓐᑕ ᐊᓂᔭ ᒋᑕᑈᑎᒧᐅᓄᐛᐤ ?”
\v 41 ᒋ ᒥᔅᑎ ‍ ᒥᔅᑲᑕᔨᑎᒧᒡ ᒪᒃ ᐊᓐᒡ ᒋᔅᒋᓄᐊᒧᐛᑭᓐᒡ ᑕᓐ ᑲ ᐃᓯ ‍ ᐛᐸᑕᒡ ᐊ ‍ ᐃᔅᐱᔨᒡ ᐊᑯ ᑲ ‍ ᐃᔅᒋᔄᒡ, “ᐊᐛᓐ ᐅ ᐛᐛᒡ ᐊ ‍ ᔪᑎᓂᔨᒡ ᑭᔭ ᑭᔅᑭᓇ ᐊ ‍ ᐱᓯᒋᐃᑯᑦ ?”
\c 5
\s1 ᒋᓴᔅ ᑲ ‍ ᒥᓏᒋᐊᑦ ᓇᐸᐛ ᒥᒋ ‍ ᐊᒐᒂ ᑲ ‍ ᐱᒋᔅᑲᑯᔨᒋ
\r ᒪᑎᔪᐤ 8.28-34; ᓗᒃ 8.26-39
\p
\v 1 ᒐᒃ ᒋ ‍ ᒥᓯᑲᐅᒡ ᓇᑕ ᐊᑲᒥᒡ, ᑲᕋᓯᓐ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ᙮
\v 2 ᒋᓴᔅ ᒪᒃ ᑲ ‍ ᑭᐸᑦ ᑎᐛᒡ ᒋ ᐸᒋ ‍ ᓂᒋᔅᑲᑯᐤ ᓇᐸᐛ ᒥᒋ ‍ ᐊᒐᒂ ᐊ ‍ ᐱᒋᔅᑲᑯᔨᒋ ᒋᐱ ᐊᔅᒋᒡ ᐊ ‍ ᐅᑐᑕᔨᒋ᙮
\v 3 ᐊᑯᑕ ᐊᓐᑕ ᒋᐱ ᐊᔅᒋᒡ ᑲ ‍ ᐎᒋᑦ ᐅ ᓇᐸᐤ᙮ ᓇᒪ ᓴᔅ ᐅᒋ ᐃᑕᐱᐧᑲᓱᐤ ᐊᑎ ᐃᓴᒂᔭᐱᔾ ᐊ ‍ ᐊᐱᑎᓂᔨᒋ ᐊ ‍ ᒪᑯᐱᑕᑭᓄᐅᑦ᙮
\v 4 ᒥᒐᑥᐤ ᒋ ‍ ᒪᑯᐱᑕᑭᓄᔨᒐᓂ ᐅᑎᒋᔭ ᐃᓴᒂᔭᐱᔭ ᐊ ‍ ᐊᐱᑎᓂᔨᒋ ᑭᔭ ᐅᓯᑕ ᒋ ‍ ᒥᒪᒋᒪᐱᔅᑲᐃᑭᓄᐅᔪᐛ᙮ ᐃᔭᐱᒡ ᒪᒃ ᒋ ‍ ᐱᔅᒋᐱᑎᒻ ᐊᓂᔭ ᐃᓴᒂᔭᐱᔪᐤ ᑭᔭ ᒋ ‍ ᐱᑯᒋᑕᐤ ᐊᓂᔭ ᐃᓴᒂ ᐅᓯᑎᒡ ᑲ ‍ ᒋᑭᒧᔨᒋ᙮ ᓇᔅᒡ ᒋ ‍ ᓴᐧᑯᐊᐤ ᐊᐛᔪᐛ ᐊ ᐎ ‍ ᒥᒪᒋᑯᓂᑯᑦ᙮
\v 5 ᐊᓯᑯᒻ ᑎᐱᔅᑲᐛ ᑭᔭ ᐊᓯᑯᒻ ᒋᓯᑲᐛ ᒋ ‍ ᐱᐸᒧᑕᐤ ᐊᓐᑕ ᒋᐱ-ᐊᔅᒋᒡ ᑭᔭ ᐱᔅᑯᑎᓇᒡ ᐱᓯᒄ ᐊ ‍ ᐱᐸᑕᑯᓯᑦ ᑭᔭ ᐊ ‍ ᒥᒪᑎᓱᓱᑦ ᐊᓯᓂᔭ ᐊ ‍ ᐊᐱᒋᐊᑦ᙮
\p
\v 6 ᐛᔪᐎᔅ ᒪᒃ ᒋ ‍ ᐃᑕᐤ ᒂ ᐅᒋ ‍ ᐛᐱᒪᑦ ᒋᓴᓴ᙮ ᐃᔅᐱ ᒪᒃ ᐎᔭᐱᒪᑦ ᐊᑯ ᒂ ᐊᑎ ᐸᒋ ‍ ᒋᒋᐸᑕᑦ, ᒂ ᐊᑎ ‍ ᐅᒋᒋᐧᑯᓂᐱᔪᐅᑦ ᒋᓴᓴ ᐅᓯᑎᔨᒡ,
\v 7 ᐊᑯ ᒂ ‍ ᑕᑈᑦ ᐊ ‍ ᒋᔄᐛᑦ ᐊ ‍ ᐃᔅᒋᔄᑦ, “ᒋᓴᔅ, ᒋᔾ ᑲ ‍ ᐅᑯᓯᑐᑕᔅᒃ ᒋᓴᒪᓂᑐᐤ ᒪᐅᒡ ᑲ ‍ ᐃᔅᐸᔨᑕᑯᓯᑦ, ᑕᓐ ᐛ ᐃᓯᐧᑯᔨᓐ ? ᒋᑦ ᐃᑎᓐ ᐊ ‍ ᐸᑐᐅᑦ ᒋᓴᒪᓂᑐᐤ, ᐊᑲᐎᔾ ᓂᓇᐧᑲᑕᔨᒧᐃ !”
\v 8 ᐊᔪᐅᒄ ᐅᔭ ᑲ ‍ ᐃᔅᒋᔄᑦ ᐛᔅ ᒋ ‍ ᐃᑎᑯᐤ ᒋᓴᓴ, “ᒋᔾ ᒥᒋ ‍ ᐊᒐᐧᒄ, ᒪᒋ ᐎᐎᔾ ᐊᓐᑕ ᐊᓐ ᓇᐸᐤ ᑲ ‍ ᐱᒋᔅᑯᐎᑦ᙮”
\p
\v 9 ᐊᑯ ᒋᓴᔅ ᒂ ‍ ᐃᑕᑦ, “ᑕᓐ ᐊ ‍ ᐃᓯᓂᐧᑲᓱᔨᓐ ?” ᒋ ‍ ᐃᑎᑯᐤ ᒪᒃ, “ᑲ ‍ ᒥᒐᑎᒡ ᓂᑦ ᐃᓯᓂᐧᑲᓱᓐ, ᐛᔅ ᓇᔅᒡ ᑕᑈ ᓂ ‍ ᒥᒐᑎᓇᓐ᙮”
\v 10 ᐊᑯ ᓇᔅᒡ ᑲ ᐎ ‍ ᐊᔨᐧᑭᒥᐊᑦ ᒋᓴᓴ ᒐ ᐊᑲ ᒋ ᐃᑎᓴᐛᑦ ᐊᓂᔭ ᒥᒋ ‍ ᐊᒐᒂ ᐊᓐᑕ ᐎᐎᑎᒥᒡ ᐊᓂᔭ ᐊᔅᒋᔪᐤ᙮
\p
\v 11 ᒥᒋᒪ ᒪᒃ ᐊᓐᑕ ᒋ ‍ ᑕᐅᒡ ᑯᐧᑯᓯᒡ, ᐊ ‍ ᒥᒋᓱᒡ ᐊᓐᑕ ᐊᓂᔭ ᐱᔅᑯᑎᓇᔪᐤ᙮
\v 12 ᐊᓐᒡ ᒪᒃ ᒥᒋ ‍ ᐊᒐᐧᑯᒡ ᒋ ‍ ᐊᔨᐧᑭᒥᐊᐅᒡ ᒋᓴᓴ ᐊ ‍ ᐃᑕᒡ, “ᐊᓐᑕ ᐸᒋ ‍ ᐃᑎᓴᐅᓇᓐ ᐊᓐᒡ ᑯᐧᑯᓯᒡ ᐊ ‍ ᑕᒡ ᒐᒋ ᐱᒋᔅᑯᐅᒋᒡ᙮”
\v 13 ᐊᐅᑯᓐ ᒪᒃ ᒂ ‍ ᐃᑐᑐᐛᑦ ᒋᓴᔅ ᐊᓂᔭ ᑲ ‍ ᐃᔅᒋᔄᔨᒋ᙮ ᐊᓐᒡ ᒪᒃ ᒥᒋ ‍ ᐊᒐᐧᑯᒡ, ᐃᔅᐱ ᑲ ‍ ᐎᐎᔅᑯᐛᒡ ᐊᓂᔭ ᓇᐸᐛ, ᐊᑯ ᐊᓂᔭ ᑯᐧᑯᓴ ᑲ ‍ ᐊᓱᐱᒋᔅᑯᐛᒡ᙮ ᐊᑯ ᐊᓐᒡ ᑯᐧᑯᓯᒡ ᑲ ‍ ᔭᒥᑕᐅᒋᐸᔨᑐᒡ ᐊᓐᑕ ᐃᔅ ᓴᑲᐃᑭᓂᒡ, ᑲ ‍ ᓂᔅᑕᐸᐛᒡ᙮ ᓴᓯᑲᓐ ᒪᒃ ᓂᔄᐤ ᒐᓯᐱᔪᐤ ᒋ ‍ ᑕᑎᓯᒐᓂᒋ ᐅᒡ ᑯᐧᑯᓯᒡ᙮
\p
\v 14 ᐊᓐᒡ ᒪᒃ ᓇᐸᐅᒡ ᑲ ‍ ᑭᓄᐛᔨᒪᒡ ᐅᔭ ᑯᐧᑯᓴ ᒋ ‍ ᒋᑎᓯᒧᒡ ᒂ ‍ ᐛᐎᑕᒡ ᐊᓐᑕ ᐅᑕᓇᒡ ᑭᔭ ᓂᑕᐅᒋᑕᑭᓐ ᐊᔅᒋᒡ ᐅᔭ ᑲ ‍ ᐃᔅᐱᔨᒡ᙮ ᒋ ‍ ᐃᔅᐸᔨᑐᐅᒡ ᒪᒃ ᐊᐛᓐᒋ ᐊᓐᑕ ᐊ ᐎ ‍ ᐛᐸᑕᒡ ᑕᓐ ᑲ ‍ ᐃᔅᐱᔨᒡ᙮
\v 15 ᐃᔅᐱ ᐛᑎᑕᒡ ᒋᓴᓴ ᒋ ‍ ᐛᐱᒪᐅᒡ ᐊᓂᔭ ᓇᐸᐛ ᒥᒐᑦ ᒥᒋ ‍ ᐊᒐᒂ ᑲᒋ ‍ ᐱᒋᔅᑲᑯᔨᒋ ᐊ ‍ ᐊᐱᔨᒋ ᐊᓐᑕ ᐊᒋ ‍ ᐛᑕᔅᐱᓱᐎᒂᓂ ᑭᔭ ᐊ ‍ ᒋᔭᒪᔨᑕᑯᓯᔨᒋ᙮ ᒋ ‍ ᑯᔅᑕᒍᐅᒡ ᒪᒃ ᐃᔅᐱ ᐎᔭᐱᒪᒡ ᐅᔭ ᓇᐸᐛ᙮
\v 16 ᒋ ‍ ᑎᐸᒋᒧᐅᒡ ᐊᓐᒡ ᑲ ‍ ᐛᐸᑕᒡ ᑕᓐ ᑲ ‍ ᐃᔅᐱᔨᒡ ᐊᓂᔭ ᓇᐸᐛ ᒥᒋ ‍ ᐊᒐᒂ ᑲᒋ ‍ ᐱᒋᔅᑲᑯᔨᒋ, ᑭᔭ ᒋ ‍ ᐎᑎᒧᒡ ᑕᓐ ᑲ ‍ ᐃᔅᐱᔨᒋ ᐊᓂᔭᔪᐛ ᑯᐧᑯᓴ᙮
\v 17 ᐊᑯ ᑲ ‍ ᐊᔨᐧᑭᒥᐊᒡ ᒋᓴᓴ ᒐᒋ ᓂᑭᑎᒥᔨᒋ ᐊᓂᔭ ᐅᑦ ᐊᔅᒋᐛᐤ᙮
\p
\v 18 ᒋᓴᔅ ᒪᒃ ᐊ ᐊᑎ ‍ ᐳᓯᑦ ᐅᐤᑎᔪᐤ, ᐊᓐ ᓇᐸᐤ ᑲᒋ ‍ ᐱᒋᔅᑲᑯᑦ ᒥᒋ ‍ ᐊᒐᒂ ᓇᔅᒡ ᒋ ᐎ ‍ ᐎᒐᐛᐤ ᒋᓴᓴ᙮
\v 19 ᓇᒪ ᒪᒃ ᐅᒋ ᓇᐃᒥᑯᐤ ᒋᓴᓴ ᒐᒋ ᐎᒐᐛᑦ᙮ ᒋ ‍ ᐃᑎᑯᐤ, “ᒪᒋ ᒋᐛ, ᓂᑐᐛᐱᒥᒡ ᒋᐎᒐᐛᑭᓂᒡ ᑭᔭ ᒋᐛᐧᑯᒪᑭᓂᒡ, ᒐ ‍ ᐎᑎᒧᑥᐤ ᑕᓐ ᑲ ᐃᓯ ‍ ᒥᔪᑐᑎᒪᔅᒃ ᒋᓴᒪᓂᑐᐤ, ᑭᔭ ᑕᓐ ᑲ ᐃᓯ ‍ ᒋᔅᑎᒪᒐᔨᒥᔅᒃ᙮”
\p
\v 20 ᐊᑯ ᐊᓐ ᓇᐸᐤ ᒂ ‍ ᔅᑐᑕᑦ ᒥᓯᐛ ᑲ ‍ ᐱᐸᔨᑐᑕᑦ ᐊᓂᔭ ᐊᔅᒋᔪᐤ ᐸᐃᑯᔪᐤ ᐅᑕᓇᐛ ᑲ ‍ ᐃᓯᓂᐧᑲᑕᔨᒋ ᐊ ‍ ᐛᐎᑕᐧᒃ ᑕᓐ ᑲ ‍ ᐃᑐᑎᒪᑯᑦ ᒋᓴᓴ᙮ ᒥᓯᐛ ᒪᒃ ᐊᐛᔪᐛ ᑲ ‍ ᐸᑕᑯᑦ ᑕᓐ ᑲ ᐃᓯ ‍ ᐎᑕᐧᒃ ᒋ ‍ ᒥᔅᑲᓯᑎᒥᔪᐛ᙮
\s1 ᒐᐃᕋᔅ ᐅᑕᓂᓴ ᑭᔭ ᐊᓐ ᐃᔎᐤ ᑲ ‍ ᑕᒋᓂᒺᑦ ᒋᓴᓴ ᐅᑦ ᐊᑯᐱᔪᐤ
\r ᒪᑎᔪᐤ 9.18-26; ᓗᒃ 8.40-56
\s2 Mark 5.21-43 (Proper-8 Year B)
\p
\v 21 ᐊᑯ ᒥᓐ ᒂ ‍ ᐊᓱᐊᐧᒃ ᒋᓴᔅ ᐊᓂᔭ ᓴᑲᐃᑭᓂᔪᐤ᙮ ᐃᔅᐱ ᒪᒃ ᒪᓯᑲᑦ ᓇᑕ ᐊᑲᒥᒡ ᒋ ᒥᔅᑎ ‍ ᒥᒐᑎᔪᐛ ᐊᐛᔪᐛ ᐊ ᐸᒋ ‍ ᓇᓯᐸᑕᑯᑦ᙮
\v 22 ᐸᐃᒄ ᓇᐸᐤ ᒐᐃᕋᔅ ᐊ ‍ ᐃᓯᓂᐧᑲᓱᑦ ᒋ ᐸᒋ ‍ ᐅᑎᑕᒧᓂᐱᔪᐤ ᒋᓴᓴ ᐅᓯᑎᔨᒡ᙮ ᐊᐅᒄ ᐸᐃᒄ ᓇᐸᐤ ᑲᓂᑲᓂᔅᑲᐧᒃ ᐊᔭᒥᐊᐅᒋᐛᐱᔪᐤ᙮
\v 23 ᒋ ‍ ᓂᑐᑎᒧᐛᐤ ᒋᓴᓴ ᐊ ‍ ᐃᑕᑦ, “ᓴᔅ ᒐᑲᑦ ᓂᐳᐤ ᓂᑕᓂᔅ᙮ ᒋ ‍ ᐎᓴᒥᑎᓐ ᒐᒋ ᐸᒋ ‍ ᓴᒥᓂᑦ ᒐᒋ ᒥᓏᑎᓯᑦ ᑭᔭ ᓇᒪ ᒋᑭ ᐅᒋ ‍ ᓂᐳᐤ᙮”
\v 24 ᒋᓴᔅ ᒪᒃ ᒋ ‍ ᐎᒐᐛᐤ ᐅᔭ ᓇᐸᐛ᙮
\p ᒥᒐᑦ ᐊᐛᔪᐛ ᒋ ‍ ᐎᒐᐅᑯᐤ ᐊ ‍ ᓯᓯᑐᐅᔅᑲᑯᑦ ᐊ ᐃᔅᐱᔅ ‍ ᒥᒐᑎᔨᒋ᙮
\v 25 ᒋ ‍ ᑕᐤ ᐊᓐᑕ ᐸᐃᒄ ᐃᔎᐤ ᓴᔅ ᓂᓱᓴᑉ ᐱᐳᓇ ᐊᒋ ‍ ᐃᑕᐧᑯᓯᒂ ᐊ ‍ ᐅᓂᑕᑦ ᒪᓐ ᒥᐧᑯᔪᐤ᙮
\v 26 ᐊᑎ ᐊᒋ ‍ ᓂᑐᐛᐱᒪᑦ ᓂᓇᐧᑯᐤ ᓂᑐᐧᑯᐃᔨᓴ ᒐᒋ ᐎᒋᐃᑯᑦ ᐃᔭᐱᒡ ᒋ ‍ ᓂᓇᐧᑲᑕᔨᒧᐃᑯᐤ ᐅᔭ ᑲ ‍ ᐃᑕᔅᐱᓇᑦ᙮ ᒐᒃ ᒪᒃ ᒋ ‍ ᒪᔅᑎᓂᒻ ᒥᓯᐛ ᐅᓱᓇᔭᓂᒻ ᐊ ‍ ᒋᓯᐧᑯᐛᑦ ᐅᔭ ᓂᑐᐧᑯᐃᔨᓴ᙮ ᐃᔭᐱᒡ ᒪᒃ ᐊᐅᑯᓐ ᑲ ‍ ᐃᑎᑦ ᐊ ‍ ᐅᓂᑕᑦ ᒪᓐ ᒥᐧᑯᔪᐤ᙮ ᐊᑐᐎᔅ ᑭᔭ ᒋ ᐊᑎ ‍ ᐊᐧᑯᓱᐤ᙮
\v 27 ᒋ ‍ ᐸᑎᒧᑯᐱᓇ ᑕᓐ ᑲ ‍ ᐃᑕᒋᒪᑭᓄᔨᒋ ᒋᓴᓴ ᐊᑯ ᐊᓂᔭ ᐊ ᐸᒋ ‍ ᐎᒋᐃᐛᑦ ᐊᓐᑕ ᐊ ‍ ᒥᒐᑎᓇᓄᐎᒡ ᒋ ᐎ ‍ ᐸᓱᐛᐱᒪᐤ ᒋᓴᓴ ᐊ ‍ ᐃᑕᔨᑕᐧᒃ,
\v 28 “ᐊᑎ ᒥᒄ ᑕᒋᓂᒧᒐ ᐅᑦ ᐊᐱᒋᑕᐅᓇ ᓂᑭ ᒋ ‍ ᒥᓏᑎᓯᓐ᙮”
\p
\v 29 ᒋ ‍ ᑕᒋᓂᒺᐤ ᐅᑦ ᐊᑯᐱᔪᐤ ᐊᑯ ᑎᐛᒡ ᒂ ‍ ᒋᐱᒋᑯᐎᔨᒡ ᐅᒥᐧᒄ᙮ ᑭᔭ ᒋ ‍ ᒧᓯᑕᐤ ᐱᒋᔪᐤ ᑕᑈ ᐊ ‍ ᒥᓏᒋᐊᑭᓄᐅᑦ ᐊᓂᔭ ᑲ ‍ ᐃᑕᔅᐱᓇᑦ᙮
\v 30 ᒋᓴᔅ ᒪᒃ ᑎᐛᒡ ᒋ ‍ ᒋᔅᒐᔨᑎᒻ ᒥᓏᒋᐃᐛᐤ ᓱᐧᑲᑎᓯᐅᓂᔪᐤ ᐊᒋ ‍ ᐎᐎᐱᔨᒡ ᐊᓐᑕ ᐊ ‍ ᑕᑦ ᐅᒡ᙮ ᒂ ‍ ᑭᓄᐛᐱᒪᑦ ᒥᓯᐛ ᐊᓂᔭ ᐊᐛᔪᐛ ᐊᑯ ᒂ ‍ ᐃᑕᑦ, “ᐊᐛᓐ ᑲ ᐸᒋ ‍ ᑕᒋᓇᐧᒃ ᓂᑦ ᐊᑯᐱᔪᐤ ?”
\v 31 ᐅᒋᔅᒋᓄᐊᒧᐛᑭᓇ ᒪᒃ ᒋ ‍ ᐃᑎᑯᐤ, “ᒋᐛᐱᒪᐅᒡ ᐊ ᐃᔅᐱᔅ ‍ ᒥᒐᑎᒡ ᐊᐛᓐᒋ ᐊᓐᑕ ᐛᔅᑲ ᐊ ‍ ᑕᔨᓐ ᐃᔭᐱᒡ ᒪᒃ ᐊ ‍ ᐃᔅᒋᔄᔨᓐ ᐊᐛᓐ ᑲ ᐸᒋ ‍ ᑕᒋᓂᑦ ?”
\p
\v 32 ᐊᑯ ᒂ ‍ ᐃᑕᐱᑦ ᒋᓴᔅ ᐊ ‍ ᓇᓂᑐᐛᐱᒪᑦ ᐊᓂᔭ ᐊᐛᔪᐛ ᑲ ‍ ᑕᒋᓂᑯᑦ᙮
\v 33 ᐊᑯ ᒪᒃ ᐊᓐ ᐃᔎᐤ ᐊ ‍ ᒋᔅᒐᔨᑕᐧᒃ ᑕᓐ ᑲ ‍ ᐃᑐᑎᒧᐛᑭᓄᐅᑦ, ᒋ ᐸᒋ ‍ ᐅᑎᑕᒧᓂᐱᔪᐤ ᒋᓴᓴ ᐊ ‍ ᑕᔨᒋ ᐊ ‍ ᓂᓇᒥᐱᔨᑦ ᐊ ᐃᔅᐱᔅ ‍ ᓴᒋᓯᑦ᙮ ᐊᑯ ᒂ ‍ ᐎᑎᒧᐛᑦ ᐎᔾ ᐊᒋ ‍ ᑕᒋᓇᑦ᙮
\v 34 ᐊᑯ ᒋᓴᔅ ᒂ ‍ ᐃᑕᑦ ᐅᔭ ᐃᔎᐛ, “ᓂᑕᓂᔅ, ᒋᑕᑈᑎᒧᐅᓐ ᒋ ‍ ᒥᓏᒋᐃᑯᓐ᙮ ᒪᒋ ᒪᒃ ᒋᔭᒪᔨᑎᒧᐅᓐ ᐊᔭ᙮ ᐛᔅ ᓴᔅ ᑕᑈ ᒋ ‍ ᒥᓏᑎᓯᓐ᙮”
\p
\v 35 ᒪᒂᒡ ᒪᒃ ᐊᔅᒄ ᐊ ‍ ᐃᔨᒥᑦ ᒋᓴᔅ ᒋ ᐅᒋ ‍ ᑎᑯᓯᓂᔪᐛ ᐊᐛᔪᐛ ᐊᓐᑕ ᒐᐃᕋᓴ ᐊ ‍ ᑕᔨᒋ ᐊ ‍ ᐅᑐᑕᔨᒋ ᒐᒋ ᐸᒋ ‍ ᐎᑎᒧᐛᒡ ᒐᐃᕋᓴ ᓴᔅ ᐊᑲ ᐱᒪᑎᓯᔨᒋ ᐅᑕᓂᓯᔪᐛ᙮ ᒋ ‍ ᐃᑕᐅᒡ ᒪᒃ ᐊᑲ ᐃᑕᔨᑕᑯᓂᔨᒡ ᐊᑐᐎᔅ ᒐᒋ ᐅᑎᒪᐊᔨᒋ ᒋᔅᑯᑎᒪᒐᓱᐛ᙮
\p
\v 36 ᒋᓴᔅ ᒪᒃ ᓇᒪ ᐅᒋ ᐊᐱᓯᑐᐛᐤ ᐅᔭ ᐊᑯ ᒂ ‍ ᐃᑕᑦ ᐊᓂᔭ ᒐᐃᕋᓴ, “ᐊᑲᐎᔾ ᑯᔅᑕᒋ, ᒥᒄ ᑕᑈᑕ᙮”
\v 37 ᐊᑯ ᒋᓴᔅ ᓇᒪ ᐅᒋ ᐱᔅᑎᓇᐤ ᐊᐛᔪᐛ ᒐᒋ ᓇᓴᐅᑯᑦ ᒥᒄ ᐱᑕᕋ, ᒋᒥᓴ ᑭᔭ ᐊᓂᔭ ᐎᐧᑲᓂᓯᔪᐛ ᒠᓇ᙮
\v 38 ᐃᔅᐱ ᐛᑎᑎᒺᒡ ᒐᐃᕋᓴ ᐎᒋᔪᐤ ᒋ ‍ ᐛᐱᒪᐅᒡ ᐊᓂᔭ ᐊᐛᔪᐛ ᐊᓐᑕ ᑲ ‍ ᑕᔨᒋ ᓇᔅᒡ ᐊ ‍ ᐃᑎᑕᑯᓯᔨᒋ, ᐊ ‍ ᐅᒋᑯᐛᐱᔨᒋ ᑭᔭ ᐊ ‍ ᐊᓯᒂᒪᔨᒋ᙮
\v 39 ᐃᔅᐱ ᒋᓴᔅ ᑲ ‍ ᐱᒐᑦ ᐊᓂᔭ ᒥᒋᐛᐱᔪᐤ ᒋ ‍ ᐃᔅᒋᔄᐤ, “ᒐᒂᓐ ᐛᒋ ᓇᔅᒡ ᐃᑎᑕᑯᓯᔭᒄ ? ᒐᒂᓐ ᐛᒋ ‍ ᐅᒋᑯᐛᐱᔭᒄ ? ᑕᐸ ᓂᐳᐤ ᐅ ᐃᔎᔅ ᒥᒄ ᐛᔅ ᐊᓐ ᓂᐸᐤ᙮”
\p
\v 40 ᑎᐛᒡ ᒥᒄ ᒋ ‍ ᐅᓯᓇᑯᐤ ᐅᔭ ᑲ ‍ ᐃᑕᑦ᙮ ᐊᑯ ᒥᓯᐛ ᒂ ‍ ᐎᐎᑎᓴᐛᑦ᙮ ᐊᑯ ᐊᓐ ᐊᐛᔅ ᐅᑲᐎᔭ, ᑭᔭ ᐅᑕᐎᔭ ᑭᔭ ᐊᓂᔭ ᒋᓴᔅ ᑲ ‍ ᐎᓴᒪᑦ ᐊᐅᑯᓂ ᒥᒄ ᐅᔭ ᑲ ‍ ᓇᐊᔨᒪᑦ ᒐᒋ ᐱᒐᔨᒋ ᐊᓐᑕ ᐊ ‍ ᑕᔨᒋ ᐊᓂᔭ ᐊᐛᓴ᙮
\v 41 ᒂ ‍ ᐅᑎᓂᒺᑦ ᐅᑎᒋᔪᐤ ᐊᓂᔭ ᐊᐛᓴ, ᒂ ‍ ᐃᑕᑦ, “ᑕᓕᑕ, ᑯᒻ᙮” ᐊᐅᑯᐤ ᐊ ᐃᓯ ‍ ᐃᔅᒋᔄᒥᑲᒡ ᐅ, “ᐃᔎᔅ, ᐅᓂᔾ ᒋᑦ ᐃᑎᓐ᙮”
\p
\v 42 ᑎᐛᒡ ᒪᒃ ᒋ ‍ ᐅᓂᐤ ᐊᓐ ᐃᔎᔅ ᑲ ᐊᑎ ‍ ᐱᐸᒧᑕᑦ᙮ ᓴᓯᑲᓐ ᒋ ‍ ᓂᓱᓴᐳᓇᓯᒐ ᐅ ᐃᔎᔅ᙮ ᒥᓯᐛ ᒪᒃ ᐊᓐᒡ ᐊᓐᑕ ᑲ ‍ ᑕᒡ ᓇᔅᒡ ᒋ ‍ ᒥᔅᑲᑕᔨᑎᒥᐃᑯᐅᒡ ᑲ ‍ ᐛᐸᑕᒡ ᑕᓐ ᑲ ‍ ᐃᔅᐱᔨᒡ᙮
\v 43 ᒋᓴᔅ ᒪᒃ ᒋ ‍ ᐃᑎᓱᒪᐤ ᒐ ᐊᑲ ᒋ ᐎᑎᒧᐛᔨᒋ ᑯᑎᑲ ᐊᐛᔪᐛ ᑕᓐ ᑲ ‍ ᐃᔅᐱᔨᒡ᙮ ᐊᑯ ᒂ ‍ ᐃᑕᑦ ᒐᒋ ᒥᔭᑭᓄᔨᒋ ᐊᓂᔭ ᐃᔎᓴ ᒐᒂᔪᐤ ᒐᒋ ᒥᒋᔨᒋ᙮
\c 6
\s1 ᒋᓴᔅ ᑲ ‍ ᐊᑐᐛᔨᒪᑭᓄᐅᑦ ᑎᐱᔨᐛ ᐅᑕᓇᒥᒡ
\r ᒪᑎᔪᐤ 13.53-58; ᓗᒃ 4.16-30
\s2 Mark 6.1-13 (Proper-9 Year B)
\p
\v 1 ᒋ ‍ ᓂᑭᑎᒻ ᒋᓴᔅ ᐊᓂᔭ ᐊᓐᑕ ᑲ ‍ ᑕᑦ ᐊᑯ ᒂ ‍ ᐃᑐᑕᑦ ᐊᓐᑕ ᐊᓂᔭ ᐅᑕᓇᔪᐤ ᑲ ‍ ᓂᑕᐅᒋᓇᑭᓄᐅᑦ, ᓇᓴᕆᑦ ᑲ ‍ ᐃᓯᓂᐧᑲᑕᔨᒡ᙮ ᒋ ‍ ᐎᒐᐅᑯᐤ ᒪᒃ ᐅᒋᔅᒋᓄᐊᒧᐛᑭᓇ᙮
\v 2 ᐊᓂᔭ ᒪᒃ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ ᒋ ‍ ᒋᔅᑯᑎᒪᒐᐤ ᐊᓐᑕ ᐊᔭᒥᐊᐅᒋᐛᐱᒡ᙮ ᒋ ‍ ᒥᒐᑎᔪᐛ ᐊᐛᔪᐛ ᐊᓐᑕ ᑲ ‍ ᑕᔨᒋ ᐊ ‍ ᓂᑐᑕᑯᑦ᙮ ᒥᓯᐛ ᒪᒃ ᐊᓐᒡ ᐃᔪᒡ ᒋ ‍ ᒥᔅᑲᓯᑐᐛᐅᒡ ᑕᓐ ᑲ ‍ ᐃᔅᒋᔄᔨᒋ᙮
\p “ᑕᓐᑕ ᐛᑎᓇᐧᒃ ᐅᔭ ᑲ ‍ ᐃᔅᒋᔄᑦ ?” ᒋ ‍ ᐃᑎᑐᐅᒡ᙮ ᑭᔭ ᒋ ‍ ᐃᔅᒋᔄᐅᒡ, “ᑕᑈ ᑭᒐᑕᐛᔨᑎᒧᑕᑯᓱᐤ᙮” ᒋ ‍ ᐃᔅᒋᔄᐅᒡ ᑭᔭ, “ᑕᓐᑕ ᐛᒋ ‍ ᐃᑐᑕᐧᒃ ᐅᔭ ᒪᒥᔅᑲᒡ ᒐᒂᔪᐛ ?
\v 3 ᓇᒪᐎᔾ ᐊ ᐅᔭ ᑲ ‍ ᒥᔅᑎᑯᓇᐸᐎᔨᒋ ᒪᕆ ᐅᑯᓴ ? ᓇᒪᐎᔾ ᐊ ᐅᔭ ᐎᐧᑲᓂᓱᐛᐛ ᒋᒥᔅ, ᒍᓯᔅ, ᒍᑎᔅ ᑭᔭ ᓴᐃᒥᓐ ? ᓇᒪᐎᔾ ᐊ ᐅᑕ ᐎᒡ ᐃᔪᐛ ᑭᔭ ᐅᓯᒪ ?” ᐊᔪᐅᒄ ᐅᔭ ᑲ ᐃᓯ ‍ ᑯᒂᒋᒥᑐᒡ ᐛᔅ ᑕᐸ ᐅᒋ ᓇᐃᔅᑲᑯᐅᒡ ᑕᓐ ᑲ ‍ ᐃᑎᔨᒋ ᒋᓴᓴ᙮
\p
\v 4 ᐊᑯ ᒋᓴᔅ ᒂ ‍ ᐃᑕᑦ, “ᐊᓐ ᐊᐛᓐ ᑲ ‍ ᐅᒋᔅᒋᐛᐃᒐᓱᐅᑦ ᒋᔅᑕᔨᒪᑭᓄᐤ ᐊᐃᒡ ᐅᑕᓇᒡ ᐊᑯ ᐊᓐᑕ ᑎᐱᔨᐛ ᐅᑦ ᐊᔅᒋᒡ ᐊ ‍ ᑕᑦ ᓇᒪ ᐊᐱᑕᔨᒪᑭᓄᐤ᙮ ᓇᒪ ᐛᐛᒡ ᒋᔅᑕᔨᒥᑯᐤ ᐎᐧᑲᓂᓴ ᑭᔭ ᐊᓂᔭᔪᐛ ᐊᓐᑕ ᐊ ‍ ᐸᐃᑯᔅᑲᓇᓯᑦ ᑲ ‍ ᑕᔨᒋ᙮”
\v 5 ᐊᓂᔭ ᒪᒃ ᐊᑲ ᐅᒋ ᑕᑈᑎᒥᔨᒋ ᓇᒪ ᐅᒋ ᐃᑐᑎᒻ ᒪᒥᔅᑲᒡ ᒐᒂᔪᐛ ᐊᓐᑕ, ᒥᒄ ᐱᔅᒐ ᐊᓂᔭᔪᐛ ᑲ ‍ ᐊᐧᑯᓯᔨᒋ ᒋ ‍ ᓴᒥᓇᐤ, ᒋ ‍ ᒥᓏᒋᐊᐤ ᒪᒃ᙮
\v 6 ᒋ ‍ ᒪᒥᔅᑲᑕᔨᒪᐤ ᒪᒃ ᐊᓂᔭ ᐊ ‍ ᐃᔅᐱᔅ ᐊᑲ ᑕᑈᔭᔨᒥᑯᑦ᙮
\s1 ᒋᓴᔅ ᑲ ‍ ᒋᑎᓴᐛᑦ ᐅᒋᔅᒋᓄᐊᒧᐛᑭᓇ
\r ᒪᑎᔪᐤ 10.5-15; ᓗᒃ 9.1-6
\p ᒋ ‍ ᐊᒋᓇᔅᑭᒻ ᒪᒃ ᐊᓂᔭᔪᐛ ᐃᑕᐅᓂᓴ ᐊ ᐱᐸ ‍ ᒋᔅᑯᑎᒪᒐᑦ᙮
\v 7 ᒋ ‍ ᐎᓴᒪᐤ ᐊᓂᔭ ᓂᓱᓴᑉ ᐅᒋᔅᒋᓄᐊᒧᐛᑭᓇ ᐊᑯ ᑲ ‍ ᒋᑎᓴᐛᑦ ᐊ ‍ ᓇᓂᓱᑕᔨᒋ᙮ ᒋ ‍ ᒥᔭᐤ ᑎᐸᔨᒋᒐᐅᓂᔪᐤ ᑭᔭ ᓱᐧᑲᑎᓯᐅᓂᔪᐤ ᒐᒋ ᑎᐸᔨᒪᔨᒋ ᒥᒋ ‍ ᐊᒐᒂ᙮
\p
\v 8 ᒋ ‍ ᐃᑎᓱᒪᐤ ᒪᒃ ᐊᑲ ᓇᔅᒡ ᒐᒂᔪᐤ ᒐᒋ ᑕᐧᑯᓂᒥᔨᒋ, ᒥᒄ ᓯᔅᑲᐅᓂᔪᐤ ᒐᒋ ᑕᐧᑯᓂᒥᔨᒋ᙮ ᒋ ‍ ᐃᑎᓱᒪᐤ ᐊᑲ ᐛᐛᒡ ᒥᒋᒥᔪᐤ ᒐᒋ ᑕᐧᑯᓂᒥᔨᒋ, ᒪᒃ ᓂᒪᐅᑕᓂᔪᐤ ᒐᒋ ᑕᐧᑯᓂᒥᔨᒋ ᑭᔭ ᐊᑲ ᐛᐛᒡ ᒐᒋ ᓂᒥᓱᓇᔭᐛᔨᒋ᙮
\v 9 ᒋ ‍ ᐃᑕᐤ ᒥᒄ ᐊᓂᔭ ᒥᔅᒋᓇ ᑲ ‍ ᒋᔅᑭᒥᔨᒋ ᒐ ‍ ᑕᐧᑯᓂᒥᔨᒋ᙮ ᑭᔭ ᐊᑲ ᑯᑎᒋᔪᐤ ᐱᒍᐎᔭᓂᔪᐤ ᒐᒋ ᑕᐧᑯᓂᒥᔨᒋ᙮
\v 10 ᒋ ‍ ᐃᑕᐤ ᑭᔭ, “ᐊᓐᑕ ᒐ ‍ ᐱᑎᑲᐃᑯᐛᒂ ᒥᒋᐛᑉ ᐊᑯᑕ ᐊᓐᑕ ᑕᒄ ᐸᑐᔅ ᓂᑭᑎᒪᒂ ᐊᓐ ᐅᑕᓇᐤ᙮
\v 11 ᐊᑲ ᒪᒃ ᐎ ᐱᑎᑲᐃᑯᔭᒂ ᒪᒃ ᐊᑲ ᐎ ᓂᑐᑕᑯᐅᔭᒂ, ᓂᑭᑎᒪᒂ ᐊᓐ ᐅᑕᓇᐤ ᒐ ‍ ᐸᐳᓯᑕᓯᒧᔭᒄ᙮ ᐊᐅᒄ ᒐ ‍ ᐃᑎᔭᒄ ᐊ ‍ ᓄᑯᑕᔭᒄ ᐊ ‍ ᐃᔭᒂᒥᒪᑯᒡ ᐊᓐᒡ ᐃᔪᒡ ᐊᓐᑕ ᑲ ‍ ᑕᒡ᙮”
\p
\v 12 ᐊᑯ ᒪᒃ ᒂ ‍ ᔅᑐᑕᒡ ᐊᓐᒡ ᒋᔅᒋᓄᐊᒧᐛᑭᓐᒡ ᑲ ‍ ᑭᒐᔅᒋᒪᒡ ᐊᐛᔪᐛ ᒐᒋ ᒂᔅᑲᑎᓯᔨᒋ᙮
\v 13 ᒋ ‍ ᐎᐎᑎᓴᐛᐅᒡ ᒥᒋ ‍ ᐊᒐᒂ ᑲ ‍ ᐱᒋᔅᑯᐛᔨᒋ ᐊᐛᔪᐛ ᑭᔭ ᒋ ‍ ᑐᒥᓇᐅᒡ ᒥᒐᑦ ᐊᐛᔪᐛ ᑲ ‍ ᐊᐧᑯᓯᔨᒋ, ᒋ ‍ ᒥᓏᑎᓯᔪᐛ ᒪᒃ᙮
\s1 ᒠᓐ ᐅᓯᑲᐃᑕᒐᐤ ᑲ ‍ ᓂᐸᐊᑭᓄᐅᑦ
\r ᒪᑎᔪᐤ 14.1-12; ᓗᒃ 9.7-9
\s2 Mark 6.14-29 (Proper-10 Year B)
\p
\v 14 ᒋᓴᐅᒋᒪᐤ ᐊᕈᑦ ᒪᒃ ᒋ ‍ ᐸᑎᒻ ᑕᓐ ᑲ ‍ ᐃᔅᐱᔨᒡ, ᐛᔅ ᒋ ‍ ᒥᓯᑕᐱᔪᐤ ᑕᓐ ᐊ ‍ ᐃᑕᒋᒪᑭᓄᐅᑦ ᒋᓴᔅ᙮ ᐱᔅᒐ ᐊᐛᓐᒋ ᒋ ‍ ᐃᔅᒋᔄᐅᒡ, “ᐊᐎᒐ ᐅ ᒠᓐ ᐅᓯᑲᐃᑕᒐᐤ, ᒋ ‍ ᐅᓂᔅᑲᒐ ᓂᐳᐅᓂᒡ ᐅᒡ᙮ ᐊᔪᐅᒄ ᐅᔭ ᐛᒋ ‍ ᐃᑎᑦ ᐅᔭ ᒪᒥᔅᑲᒡ ᒐᒂᔪᐛ ᒐᒋ ᐃᑐᑕᐧᒃ᙮”
\v 15 ᐊᑯ ᑯᑎᑭᒡ ᐊᐛᓐᒋ ᒂ ‍ ᐃᔅᒋᔄᒡ, “ᐃᓚᐃᒐ ᐅ᙮” ᐊᑯ ᒥᓐ ᑯᑎᑭᒡ ᒂ ‍ ᐃᔅᒋᔄᒡ, “ᐊᐅᒄ ᐸᐃᒄ ᐅᒋᔅᒋᐛᐃᒐᓱᐤ ᐊᓐᑕ ᐛᔅᑭᒡ ᑲᒋ ‍ ᒋᔅᒋᐛᐃᒐᑦ᙮”
\p
\v 16 ᐊᕈᑦ ᒪᒃ ᐱᔭᑕᐧᒃ ᐅᔭ ᐊ ‍ ᐃᓇᓄᐎᒡ ᒋ ‍ ᐃᔅᒋᔄᐤ, “ᒠᓐ ᐅᓯᑲᐃᑕᒐᐤ ᐅ᙮ ᐊᐅᒄ ᑲ ‍ ᒋᒥᔅᑎᒂᓇᐅᒃ, ᒥᓐ ᑲᐤ ᐱᒪᑎᓯᐤ᙮”
\v 17 ᐎᔾ ᐊᕈᑦ ᒋ ‍ ᐃᑎᓱᐛᒐ ᒐᒋ ᒪᑯᓇᑭᓄᔨᒋ ᒠᓇ ᑭᔭ ᒐᒋ ᒪᑯᐱᑕᑭᓄᔨᒋ ᑭᔭ ᑲᒪᑯᓄᐛᓯᐅᒋᐛᐱᒡ ᒐᒋ ᒋᐸᐛᑭᓄᔨᒋ᙮ ᐎᐛ ᐊᕈᑎᔭᓴ ᒋ ‍ ᐃᑐᑎᒧᐛᐤ ᐅᔭ ᐛᒋ ‍ ᐃᑐᑐᐛᑦ ᒠᓇ᙮ ᐅᔭ ᐃᔎᐛ ᑲ ‍ ᐎᒋᒪᑦ ᐊᕈᑦ ᐎᐧᑲᓂᓴ ᐱᓕᐸ ᐊᓂᔭ ᒋ ‍ ᐎᐎᔪᐛ᙮
\v 18 ᒠᓐ ᒋ ‍ ᐃᑕᒐ ᐊᓂᔭ ᐊᕈᑕ, “ᒋ ‍ ᐱᑯᓇᓐ ᐎᓱᐛᐅᓐ ᐊ ‍ ᐎᐎᔨᓐ ᒋᐧᑲᓂᔅ ᐎᐛ᙮”
\p
\v 19 ᐊᑯ ᐊᓐ ᐊᕈᑎᔭᔅ ᓇᒪ ᐅᒋ ᓇᐃᔅᑲᑯᒐ ᐊᓂᔭ ᑕᓐ ᑲ ‍ ᐃᔅᒋᔄᔨᒋ ᒠᓇ ᐊᑯ ᒂ ‍ ᓂᑐᐛᔨᒪᑦ ᒐᒋ ᓂᐸᐊᑭᓄᔨᒋ᙮ ᒥᒄ ᒪᒃ ᓇᒪ ᐅᒋ ᐃᑐᑎᒻ ᐅᔭ,
\v 20 ᐛᔅ ᐊᕈᑦ ᒋ ‍ ᑯᔅᑕᐤ ᐊᓂᔭ ᒠᓇ, ᐊᒋ ‍ ᒋᔅᒐᔨᒪᑦ ᐊ ‍ ᑯᐃᔅᑯᑕᑎᓯᔨᒋ ᑭᔭ ᐊ ‍ ᐸᔭᒋᓯᔨᒋ᙮ ᐊᐅᒄ ᒪᒃ ᐅᔭ ᐛᒡ ᐊᑲ ᐅᒋ ᐎ ᐱᒪᔨᒪᑦ᙮ ᒋ ‍ ᒥᔽᔨᒪᐤ ᐊ ‍ ᓂᑐᑐᐛᑦ ᐊᑎ ᒧᔅ ᐊᒋ ‍ ᒥᑯᔅᑲᑕᔨᑎᒥᐃᑯᐛᑦ ᑕᓐ ᑲ ‍ ᐃᔅᒋᔄᔨᒋ ᑕᑥᐤ ᐊ ‍ ᓂᑐᑐᐛᑦ᙮
\p
\v 21 ᒐᒃ ᒪᒃ ᒋ ‍ ᓇᐃᐱᔪᐤ ᐊᕈᑎᔭᔅ ᒐᒋ ᐃᑎᑦ ᑕᓐ ᑲ ᐎ ‍ ᐃᑎᑦ᙮ ᐊᕈᑦ ᒋ ‍ ᐅᒋᓯᑯᒧᐤ᙮ ᒋ ‍ ᐎᓴᒪᐤ ᒥᓯᐛ ᐊᐛᔪᐛ ᒪᐅᒡ ᓂᑲᓐ ᑲ ‍ ᐃᑕᔨᑕᑯᓯᔨᒋ ᐊ ‍ ᒋᓴᐅᒋᒪᐤ ᐊᑐᔅᒐᔨᒋ᙮ ᒋ ‍ ᐎᓴᒪᐤ ᑭᔭ ᓂᑐᐱᔪᐅ-ᐅᒋᒪᐛ, ᑭᔭ ᓇᐸᐛ ᑲ ‍ ᐅᒋᒪᐛᔨᑕᑯᓯᔨᒋ ᐊᓐᑕ ᑲᓕᓕ ᐊᔅᒋᒡ ᑲ ‍ ᑕᔨᒋ᙮
\v 22 ᐊᓂᔭ ᒪᒃ ᐊᕈᑎᔭᔅ ᐅᑕᓂᓴ ᒋ ᐸᒋ ‍ ᓂᒥᔪᐛ ᐊᑯ ᓇᔅᒡ ᑲ ‍ ᒥᔽᔨᑎᒥᔨᒋ ᐊᕈᑕ ᑭᔭ ᒥᓯᐛ ᐊᓂᔭ ᐊᐛᔪᐛ ᑲ ‍ ᐎᓴᒪᑭᓄᔨᒋ᙮ ᐊᑯ ᒋᓴᐅᒋᒪᐤ ᐊᕈᑦ ᒂ ‍ ᐃᑕᑦ ᐊᓂᔭ ᐃᔎᓴ, “ᐸᒋ ‍ ᐎᑎᒧᐎ ᒐᒂᓐ ᒋᐸ ‍ ᒥᔽᔨᑕᓐ ᒥᔨᑕᓐ᙮ ᒥᒄ ᒐ ᐃᓯ ‍ ᓂᑐᐛᔨᑎᒧᐎᓇ ᐊᐅᑯᓐ ᐊᓐ ᒐ ‍ ᒥᔨᑕᓐ᙮”
\v 23 ᒋ ‍ ᐃᔅᒋᔄᐤ ᑭᔭ ᒐᔅᑎᓇᔅ ᒐ ‍ ᐃᑐᑎᒧᐛᑦ ᒐ ᐃᓯ ‍ ᓂᑐᐛᔨᑎᒥᒂᓂ᙮ ᒋ ‍ ᐃᑕᐤ, “ᒥᒄ ᒐᒂᓐ ᒐ ‍ ᓂᑐᐛᔨᑎᒧᐎᓇ ᒋᑭ ‍ ᒥᔨᑎᓐ, ᐊᑎ ᐊᐱᑐᐤ ᐊᓐ ᐊᔅᒋᔾ ᐊᓐᑕ ᐛᒋᒪᐎᔭᓐ ᓂᑐᐛᔨᑎᒥᓇ ᐃᔭᐱᒡ ᒋᑭ ‍ ᒥᔨᑎᓐ᙮”
\p
\v 24 ᐊᑯ ᒂ ‍ ᐎᐎᑦ ᐊᓐ ᐃᔎᔅ ᒂ ‍ ᑯᒂᒋᒪᑦ ᐅᑲᐎᔭ ᐊ ‍ ᐃᑕᑦ, “ᒐᒂᓐ ᒐ ‍ ᓂᑐᐛᔨᑎᒪᓐ ?” ᐊᑯ ᒂ ‍ ᐃᑎᑯᑦ, “ᒠᓐ ᐅᓯᑲᐃᑕᒐᐤ ᐅᔅᑎᒂᓐ᙮”
\v 25 ᐊᑯ ᐊᓐ ᐃᔎᔅ ᑎᐛᒡ ᑲ ‍ ᐃᔅᐸᑕᑦ ᐊᓐᑕ ᐊᓂᔭ ᒋᓴᐅᒋᒪᐛ ᐊᕈᑕ ᐊ ‍ ᑕᔨᒋ ᒂ ‍ ᐃᑕᑦ, “ᐊᓄᒡ ᓂᑐᐛᔨᑎᒺᓐ ᒠᓐ ᐅᓯᑲᐃᑕᒐᐤ ᐅᔅᑎᒂᓐ ᒐᒋ ᐸᑕᑭᓄᔨᒡ ᐎᔭᑭᓂᒡ ᐊ ‍ ᐊᔅᑕᔨᒡ᙮”
\p
\v 26 ᒋᒋᐛ ᒋ ‍ ᒥᒐᔨᑎᒻ ᐊᓐ ᒋᓴᐅᒋᒪᐤ ᐅᔭ ᑲ ᐃᓯ ‍ ᑯᒂᒋᒐᔨᒧᔨᒋ, ᐛᐛᒡ ᐎᔾ ᓴᔅ ᐊᒋ ‍ ᐃᑕᑦ ᒐᔅᑎᓇᔅ ᒐ ‍ ᐃᑐᑎᒧᐛᑦ ᒥᒄ ᑕᓐ ᒐ ᐃᓯ ‍ ᓂᑐᐛᔨᑎᒥᒂᓂ ᑭᔭ ᐊᓂᔭ ᐊᒋ ‍ ᒥᒐᑎᓇᓄᐎᒡ ᐊᓐᑕ ᒪᒂᒡ ᐅᔭ ᑲ ‍ ᐃᑕᑦ ᑭᑈ ᓇᒪ ᐅᒋ ᐎ ᐱᑯᓂᒻ ᐊᓂᔭ ᑕᓐ ᑲ ‍ ᐃᑕᑦ᙮
\v 27 ᑎᐛᒡ ᒂ ‍ ᒋᑎᓴᐛᑦ ᐊᓯᒪᑭᓂᓴ ᐊᒋ ‍ ᐃᑎᓱᒪᑦ ᒐᒋ ᐸᑕᔨᒋ ᒠᓇ ᐅᔅᑎᒂᓂᔪᐤ᙮ ᐊᑯ ᐊᓐ ᐊᓯᒪᑭᓂᔅ ᒂ ‍ ᐃᑐᑕᑦ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐊᓐᑕ ᒠᓇ ᑲ ‍ ᑕᔨᒋ ᒂ ‍ ᒋᒥᔅᑎᒂᓇᔄᑦ᙮
\v 28 ᐎᔭᑭᓂᒡ ᒂ ‍ ᐊᔅᑕᐛᑦ ᐊᓂᔭ ᐅᔅᑎᒂᓂᔪᐤ ᐊᑯ ᒂ ‍ ᒥᔭᑦ ᐊᓂᔭ ᐃᔎᓴ ᐊᑯ ᐊᓐ ᐃᔎᔅ ᐅᑲᐎᔭ ᒂ ‍ ᒥᔭᑦ᙮
\v 29 ᒠᓐ ᒪᒃ ᐅᒋᔅᒋᓄᐊᒧᐛᑭᓇ ᐃᔅᐱ ᐱᔭᑎᒥᔨᒋ ᐅᔭ ᒋ ‍ ᓂᑐᐛᐸᑎᒺᐅᒡ ᐎᔭᔪᐤ ᐊᑯ ᒂ ‍ ᓇᐃᐧᑭᒺᒡ᙮
\s1 ᒋᓴᔅ ᑲ ‍ ᐊᓯᒪᑦ ᐱᑕᑕᒡ ᒐᓯᐱᔪᐤ ᐊᐛᔪᐛ
\r ᒪᑎᔪᐤ 14.13-21; ᓗᒃ 9.10-17; ᒠᓐ 6.1-14
\s2 Mark 6.30-34,53-56 (Proper-11 Year B)
\p
\v 30 ᒋᓴᔅ ᐅᑦ ᐊᑈᔅᑕᓂᒪ ᒥᓐ ᐎᔭᐱᒥᑯᑦ ᒋ ‍ ᐎᑎᒪᑯᐤ ᒥᓯᐛ ᑕᓐ ᑲ ‍ ᐊᐃᑎᔨᒋ ᑭᔭ ᑕᓐ ᑲ ᐃᓯ ‍ ᒋᔅᑯᑎᒪᒐᔨᒋ᙮
\v 31 ᓇᔅᒡ ᒪᒃ ᒋ ‍ ᒥᒐᑎᔪᐛ ᐊᐛᔪᐛ ᐊ ‍ ᑎᑯᓯᓂᔨᒋ ᐊ ᐸᒋ ‍ ᓂᑐᐛᐱᒥᑯᒡ ᐊᑯ ᓇᒪ ᐛᐛᒡ ᐅᒋ ᐃᔅᐱᓯᔪᐅᒡ ᒐᒋ ᒥᒋᓱᒡ᙮ ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐊᔅᑎᒧᒄ ᒥᒄ ᒋᔨᐛᐤ ᐊᓐᑕ ᐊᑲ ᑕᓄᐅᒡ, ᒐ ‍ ᐊᔅᑕᔭᔅᑯᓯᔭᒄ᙮”
\v 32 ᐊᑯ ᒂ ‍ ᐊᓱᐊᒡ, ᐊᓐᑕ ᒂ ᐊᑎ ‍ ᐃᔅᒋᒪᒡ ᐊᑲ ᐃᑕᓄᐎᒡ᙮
\p
\v 33 ᒥᒐᑦ ᒪᒃ ᐊᐛᔪᐛ ᒋ ‍ ᐛᐱᒥᑯᐅᒡ ᑭᔭ ᑎᐛᒡ ᒋ ‍ ᓂᔅᑐᓇᑯᐅᒡ ᑲ ‍ ᐛᐱᒥᑯᒡ᙮ ᓂᓇᐧᑯᐤ ᒪᒃ ᐅᑕᓇᒡ ᒋ ‍ ᐅᒋᐸᔨᑐᐅᒡ ᐊ ᐎ ‍ ᐅᑎᑕᒡ ᐊᓐᑕ ᑲ ᐎ ‍ ᐃᔅᒋᒪᔨᒋ ᒋᓴᓴ ᑭᔭ ᐊᓂᔭᔪᐛ ᐅᒋᔅᒋᓄᐊᒧᐛᑭᓂᔪᐛ᙮ ᐊᓐᒡ ᒪᒃ ᐃᔪᒡ ᒋ ᐎ ‍ ᐊᑎᔅᑯᐛᐅᒡ ᓇᑕ ᒐ ‍ ᓇᑎᑭᒪᒥᔨᒋ᙮
\v 34 ᐃᔅᐱ ᒋᓴᔅ ᑲᐸᑦ ᐊᓂᔭ ᐅᐤᑎᔪᐤ ᒋ ‍ ᐛᐱᒪᐤ ᐊᓂᔭ ᐃᔪᐛ ᐊ ‍ ᒥᒐᑎᔨᒋ᙮ ᓇᔅᒡ ᒪᒃ ᒋ ‍ ᒧᓯᑕᐤ ᐊ ‍ ᒋᔅᑎᒪᒐᔨᒪᑦ ᒧᔭᒻ ᒪᔭᑕᓂᓯᒡ ᐊᑲ ᐊᔭᐛᒡ ᒪᔭᑕᓂᓯᐅ-ᐃᔪᐛ ᒐ ‍ ᓂᓇᑭᑐᐛᔨᒥᑯᒡ ᐊ ‍ ᐃᓯᓇᑯᓯᒡ᙮ ᐊᑯ ᒂ ‍ ᒋᔅᑯᑎᒧᐛᑦ ᒥᒐᑦ ᒐᒂᔪᐛ᙮
\v 35 ᐊᓂᔭ ᒪᒃ ᐊ ᐊᑎ ‍ ᐅᑕᑯᓯᔨᒡ ᐊᓐᒡ ᒋᔅᒋᓄᐊᒧᐛᑭᓐᒡ ᒋ ‍ ᓇᑕᐅᒡ ᒋᓴᓴ ᐊᑯ ᒂ ‍ ᐃᑕᒡ, “ᓴᔅ ᒋᒋᐛ ᐅᑕᑯᓯᐤ ᑭᔭ ᓇᒪ ᑎᑯᓐ ᐅᑕᓇᐤ ᐅᑕ ᐅ ᑲ ‍ ᐃᑕᔭᐧᒄ᙮
\v 36 ᐃᒐᑎᓴᐅᒡ ᐅᒡ ᐃᔪᒡ ᒐᒋ ᐅᑎᓂᒐᒡ ᒐᒂᔪᐤ ᒐ ‍ ᒥᒋᒡ ᐊᓐᑕ ᐊᓂᔭᔪᐛ ᐅᑕᓇᐛ ᒥᒋᒪ ᐅᑕ ᐛᔅᑲ ᑲ ‍ ᑎᑯᓂᔨᒋ᙮”
\p
\v 37 ᒋᓴᔅ ᒪᒃ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᒋᔨᐛᐤ ᒥᔭᐧᑯᒡ ᒐᒂᔪᐤ ᒐ ‍ ᒥᒋᒡ᙮” ᒂ ‍ ᑯᒂᒋᒪᒡ ᐊ ‍ ᐃᑕᒡ, “ᓂᔭᓐ ᐊ ᒋ ‍ ᓂᑐᐛᔨᒥᓇᓐ ᓂᓱ ᒥᑕᓯᒥᑎᓄᐤ ᓱᓇᔭᐱᔅᑯᓯᒡ ᒐᒋ ᐃᔅᐱᔅ ᐊᐱᒋᐃᒋᒡ ᐊ ‍ ᐅᑎᓂᒋᑦ ᐸᒂᓯᑭᓐ ᒐᒋ ᒥᒋᓱᒡ ᐅᒡ ᐃᔪᒡ ?”
\v 38 ᐊᑯ ᒋᓴᔅ ᒂ ‍ ᐃᑕᑦ, “ᑕᓐ ᒪᒃ ᐊ ᐃᔅᐱᔅ ‍ ᐊᔭᐛᒄ ᐸᒂᓯᑭᓐ ? ᒪᒋᒄ ᓂᑐ ‍ ᒋᔅᒐᔨᑎᒧᒄ᙮” ᐃᔅᐱ ᒪᒃ ᑲ ᓂᑐ ‍ ᒋᔅᒐᔨᑕᒡ ᐊᑯ ᒂ ‍ ᐎᑎᒧᐛᒡ ᒋᓴᓴ, “ᐱᑕᑕᒡ ᐸᒂᓯᑭᓐᒡ ᑭᔭ ᓂᓱ ᓂᒪᓯᒡ ᑕᐅᒡ᙮”
\p
\v 39 ᐊᑯ ᒪᒃ ᒋᓴᔅ ᒂ ‍ ᐃᑕᑦ ᐅᒋᔅᒋᓄᐊᒧᐛᑭᓇ ᒐᒋ ᐃᑕᔨᒋ ᐊᓂᔭᔪᐛ ᐃᔪᐛ ᒐᒋ ᒪᒥᓇᐱᔨᒋ ᐊᓐᑕ ᒥᔅᑯᓯᒡ᙮
\v 40 ᒂ ᐊᑎ ‍ ᐛᐛᔨᐱᐃᓱᒡ ᐊᓐᒡ ᐃᔪᒡ, ᐊ ‍ ᐸᐸᐃᑯᒥᑕᓯᒥᑎᓄᐛᐱᒡ ᑭᔭ ᐊ ‍ ᐸᐱᑕᑕᑐᔪᐛᐱᒡ᙮
\v 41 ᐊᑯ ᒋᓴᔅ ᐛᑎᓇᑦ ᐊᓂᔭ ᐱᑕᑕᒡ ᐸᒂᓯᑭᓇ ᑭᔭ ᐊᓂᔭ ᓂᓱ ᓂᒪᓴ, ᐃᔅᐱᒥᒡ ᒂ ᐃᓯ ‍ ᑎᔅᑎᓴᐱᑦ ᐊ ‍ ᓂᓇᔅᑯᒪᑦ ᒋᓴᒪᓂᑐᐛ᙮ ᒋ ‍ ᐸᐱᑯᐱᑕᐤ ᒥᓯᐛ ᐊᓂᔭᔪᐛ ᐸᒂᓯᑭᓇ, ᐊᑯ ᒂ ‍ ᒥᔭᑦ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓄᐛᔨᒋ᙮ ᑭᔭ ᐊᓂᔭᔪᐛ ᓂᓱ ᓂᒪᓴ ᒋ ‍ ᒪᑎᓂᒧᐛᐤ ᒐᒋ ᒪᑎᓂᒧᐛᔨᒋ ᒥᓯᐛ ᐊᐛᔪᐛ ᐊᓐᑕ ᑲ ‍ ᑕᔨᒋ ᒐᒋ ᒥᒋᓱᔨᒋ᙮
\v 42 ᒥᓯᐛ ᒪᒃ ᐊᐛᓐ ᒋ ‍ ᒥᒋᓱᐤ ᑭᔭ ᒋ ‍ ᑕᐱᔅᑯᔪᐤ᙮
\v 43 ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ‍ ᒪᒧᓴᒋᓇᒡ ᐃᔅᑯᔅᑐᐛᓂᔪᐤ᙮ ᓂᓱᓴᑉ ᒪᒃ ᐅᑎᐱᐅᑕ ᒋ ‍ ᓴᑭᔅᒋᓂᑕᐅᒡ ᐊᓂᔭ ᑲ ᐃᔅᐱᔅ ‍ ᐃᔅᑯᐳᐛᑭᓄᔨᒋ ᐸᒂᓯᑭᓇ ᑭᔭ ᓂᒪᓴ᙮
\v 44 ᐱᑕᑕᒡ ᒐᓯᐱᔪᐤ ᒪᒃ ᒋ ‍ ᐃᑕᑎᓯᒐᓂᒋ ᓇᐸᐅᒡ ᑲ ‍ ᐊᓯᒪᑭᓄᐎᒡ᙮
\s1 ᒋᓴᔅ ᓂᐱᒡ ᑲ ‍ ᐱᒧᑕᑦ
\r ᒪᑎᔪᐤ 14.22-33; ᒠᓐ 6.15-21
\p
\v 45 ᒋᓴᔅ ᒪᒃ ᑎᐛᒡ ᒋ ‍ ᐃᑎᓱᒪᐤ ᐅᒋᔅᒋᓄᐊᒧᐛᑭᓇ ᒐᒋ ᐳᓯᔨᒋ, ᓂᑲᓐ ᒐᒋ ᐃᔅᒋᒪᔨᒋ ᓇᑕ ᐊᓂᔭ ᐅᑕᓇᔪᐤ ᐊᑲᒥᒡ ᑲ ‍ ᑎᑯᓂᔨᒡ, ᐸᑦᓴᐃᑕ ᑲ ‍ ᐃᓯᓂᐧᑲᑕᔨᒡ᙮ ᐊᑯᑕ ᐎᔾ ᑲ ‍ ᑕᑦ, ᒂ ‍ ᐃᑕᑦ ᐊᓂᔭᔪᐛ ᐃᔪᐛ ᐊᓐᑕ ᑲ ‍ ᑕᔨᒋ ᒐᒋ ᒋᐛᔨᒋ᙮
\v 46 ᐃᔅᐱ ᒪᒃ ᑲ ‍ ᐛᒋᔭᒪᑦ ᐊᓂᔭᔪᐛ ᐃᔪᐛ ᐊᑯ ᐱᔅᑯᑎᓇᔪᐤ ᒂ ‍ ᓴᑭᒋᐛᑦ ᒋᓴᔅ, ᒂ ‍ ᐊᔭᒥᐊᑦ ᐊᓐᑕ᙮
\p
\v 47 ᐊ ᐊᑎ ‍ ᐅᑕᑯᓯᔨᒡ ᒪᒃ ᑕᑕᐅᑲᒻ ᒋ ‍ ᑕᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᒪᒂᒡ ᐃᔭᒡ ᒋ ‍ ᑕᐤ ᐎᔾ ᒋᓴᔅ᙮
\v 48 ᒋ ‍ ᐛᐱᒪᐤ ᐅᒋᔅᒋᓄᐊᒧᐛᑭᓇ ᓇᔅᒡ ᐊ ᒥᔅᑎ ‍ ᐱᒥᔅᑲᔨᒋ, ᐛᔅ ᒋ ‍ ᓇᑲᔭᓯᔪᐛ᙮ ᐊᑯ ᒪᒃ ᐊᔅᒄ ᐊ ‍ ᑎᐱᔅᑲᓯᔨᒡ ᓴᓯᑲᓐ ᓂᔅᑐ ᑭᔭ ᐊᓱᑕᒡ ᐊ ‍ ᐃᔅᐱᔨᒡ, ᒋᓴᔅ ᒋ ‍ ᓇᑕᐤ ᐅᒋᔅᒋᓄᐊᒧᐛᑭᓇ ᓂᐱᒡ ᐊ ‍ ᐱᒧᑕᑦ᙮ ᒋᐸ ᐊᑎ ‍ ᐎᒪᔅᑲᐛᐤ ᑭᑈ,
\v 49 ᒥᒄ ᒪᒃ ᒋ ‍ ᐛᐱᒥᑯᐤ ᐊᓐᑕ ᓂᐱᒡ ᐊ ‍ ᐱᒧᑕᑦ᙮ ᒋᐱᔾ ᒋ ‍ ᐃᑕᔨᒥᑯᐤ, ᐊᑯ ᒂ ‍ ᐊᓯᒂᔨᒋ᙮
\v 50 ᒥᓯᐛ ᒋ ‍ ᓴᒋᓱᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ ᐃᔅᐱ ᐎᔭᐱᒪᒡ ᒋᓴᓴ᙮
\p ᒋᓴᔅ ᒪᒃ ᑎᐛᒡ ᒋ ‍ ᐃᔨᒪᐊᐤ ᐊ ‍ ᐃᑕᑦ, “ᒋᔭᒪᔨᑎᒧᒄ, ᐊᐅᒄ ᐛᔅ ᐊᓐ ᓂᔾ᙮ ᐊᑲᐎᔾ ᑯᔅᑕᒋᒄ᙮”
\v 51 ᒂ ‍ ᐳᓯᑐᐛᑦ᙮ ᐊᓂᔭ ᒪᒃ ᐊ ᐊᑎ ‍ ᐳᓯᑐᐛᑦ ᐊᑯ ᑎᐛᒡ ᒂ ᐊᑎ ‍ ᒋᒥᔅᑎᓂᔨᒡ᙮ ᐊᔪᐛᒡ ᒪᒃ ᒋ ‍ ᒥᔅᑲᑕᔨᑎᒧᒡ ᐊᓐᒡ ᒋᔅᒋᓄᐊᒧᐛᑭᓐᒡ ᐅᔭ ᐊ ‍ ᐃᔅᐱᔨᒡ᙮
\v 52 ᐛᔅ ᑕᐸ ᐅᒋ ᓂᔅᑐᑎᒧᒡ ᑕᓐ ᐊ ᐃᓯ ‍ ᐎᑎᒪᒐᒥᑭᓂᔨᒡ ᐊᓂᔭ ᐸᒂᓯᑭᓇ ᑲ ‍ ᐊᓯᒪᑭᓄᔨᒋ ᐱᑕᑕᒡ ᒐᓯᐱᔪᐤ ᐃᔪᐛ᙮ ᓇᒪ ᐅᒋ ᓂᔅᑐᑎᒧᒡ ᐛᓴ ᐊᒋ ‍ ᒥᔅᑯᑕᐊᒡ᙮
\s1 ᒋᓴᔅ ᑲ ‍ ᒥᓏᒋᐃᐛᑦ ᐊᓐᑕ ᑲᓇᓴᕆᑎᒡ
\r ᒪᑎᔪᐤ 14.34-36
\s2 Mark 6.30-34,53-56 (Proper-11 Year B)
\p
\v 53 ᒋ ‍ ᐊᓱᐊᒧᒡ ᐊᓂᔭ ᓴᑲᐃᑭᓂᔪᐤ ᒐᒃ ᑲ ‍ ᒥᓯᑲᒡ ᓇᑕ ᑲᓇᓴᕋᑦ ᑲ ‍ ᐃᓯᓂᐧᑲᑕᔨᒡ᙮ ᒂ ‍ ᒪᑯᐱᑕᒡ ᐊᓂᔭ ᐅᑦ ᐅᐤᑐᐛᐤ᙮
\v 54 ᐊ ᐊᑎ ‍ ᓂᑭᑕᒡ ᒪᒃ ᐊᓂᔭ ᐅᑦ ᐅᐤᑐᐛᐤ ᑎᐛᒡ ᒋ ‍ ᓂᔅᑐᓇᑯᐤ ᒋᓴᔅ ᐊᐛᔪᐛ᙮
\v 55 ᐊᑯ ᐊᓐᒡ ᐃᔪᒡ ᒥᓯᐛ ᑲ ‍ ᐃᔅᐸᔨᑐᒡ ᐊᓂᔭ ᐅᑕᓇᔪᐤ ᐊ ‍ ᐃᔅᐱᓴᔨᒡ ᑭᔭ ᐊᓐᑕ ᐎᐎᑎᒥᒡ ᐊ ‍ ᐛᐎᑎᒧᐛᒡ ᐊᐛᔪᐛ ᑕᓐᑕ ᐊ ‍ ᑕᔨᒋ ᒋᓴᓴ᙮ ᑕᓐᑕ ᒪᒃ ᑲ ᐊᑎ ‍ ᑕᔨᒋ ᒋᓴᓴ ᐊᑯᑕ ᑲ ‍ ᐸᓱᐛᒡ ᐅᑦ ᐊᐧᑯᓯᐎᒧᐛᐛ ᑕᑕᒋᓂᑭᓂᒡ ᐊ ‍ ᐱᒥᓯᓂᔨᒋ᙮
\v 56 ᒥᓯᐛ ᒪᒃ ᐊᓐᑕ ᑲ ᐊᑎ ‍ ᐃᑐᑕᑦ ᒋᓴᔅ ᐅᑕᓇᒡ ᑭᔭ ᐊ ‍ ᐅᑕᓇᐎᔨᒡ, ᒪᒃ ᓂᑕᐅᒋᑕᑭᓐ ᐊᔅᒋᒡ, ᐊᓐᒡ ᐃᔪᒡ ᐊᓐᑕ ᑲ ‍ ᑕᒡ ᒋ ‍ ᐃᑐᑕᐊᐅᒡ ᐅᑦ ᐊᐧᑯᓯᐎᒧᐛᐛ ᐊᓐᑕ ᒧᔅ ᑲᒋ ‍ ᒪᒧᐎᓇᓄᐎᒡ ᐊ ‍ ᐊᑕᐛᓄᐎᔨᒋ ᒐᒂᔪᐛ᙮ ᐊᑯ ᐊᓐᒡ ᑲ ‍ ᐊᐧᑯᓯᒡ ᒂ ‍ ᓂᑐᑎᒧᐛᒡ ᒋᓴᓴ ᒐᒋ ᓇᐊᔨᒥᑯᒡ ᒥᒄ ᒐᒋ ᑕᒋᓂᒺᒡ ᐊ ‍ ᐅᓂᔎᑭᓂᔨᒡ ᐅᑦ ᐊᑯᐱᔪᐤ᙮ ᒥᓯᐛ ᒪᒃ ᐊᐛᔪᐛ ᑲ ‍ ᑕᒋᓂᒥᔨᒋ ᐅᑦ ᐊᑯᑉ ᒋ ‍ ᒥᓏᑎᓯᔪᐛ᙮
\c 7
\s1 ᑕᓐ ᒧᔅ ᑲ ᐸᒋ ‍ ᐃᑎᒡ ᐸᕆᓯᔨᒡ
\r ᒪᑎᔪᐤ 15.1-9
\s2 Mark 7.1-8,14-15,21-23 (Proper-17 Year B)
\p
\v 1 ᐱᔅᒐ ᐸᕆᓯᔨᒡ ᑭᔭ ᐱᔅᒐ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᒋᕈᓯᓕᒥᒡ ᑲ ‍ ᐅᑐᑕᒡ ᒋ ᐸᒋ ‍ ᒪᐅᓱᑯᑲᐳᐅᒡ ᐊᓐᑕ ᒋᓴᓴ ᐊ ‍ ᑕᔨᒋ᙮
\v 2 ᓇᔅᒡ ᒋ ‍ ᒋᐧᑲᔭᐱᒪᐅᒡ ᐊᓂᔭ ᒋᔅᒋᓄᐊᒧᐛᑭᓇ ᐊᓂᔭ ᐊᑲ ᐅᒋ ᑲᓯᑎᒐᔨᒋ ᐊᔅᒄ ᐊᑲ ᒥᒋᓱᔨᒋ᙮ ᐊᒋ ᒪᒃ ᐃᑎᓱᐛᔨᒋ ᐸᕆᓯᐊ ᒐᒋ ᑲᓯᑎᒐᔨᒋ ᐊᐛᔪᐛ ᐊᔅᒄ ᐊᑲ ᒥᒋᓱᔨᒋ᙮
\p
\v 3 ᐛᔅ ᐸᕆᓯᔨᒡ ᑭᔭ ᒥᓯᐛ ᒍᐤ ᐃᔪᒡ ᓇᔅᒡ ᐃᔭᒂ ᒋ ‍ ᓂᓇᑭᑐᐛᔨᑎᒧᒡ ᒐᒋ ᐃᑐᑕᒡ ᑭᔭ ᐎᔨᐛᐤ ᑕᓐ ᑲᒋ ᐸᒋ ‍ ᐃᑐᑎᒥᔨᒋ ᐊᓂᔭᐧᑲ ᐅᑕᐎᐛᐛ᙮ ᓇᒪ ᐅᒋ ᒥᒋᓱᐅᒡ ᐸᑐᔅ ᑲ ‍ ᑐᑕᒡ ᐊᓂᔭ ᑕᓐ ᒋᐸ ‍ ᐃᑐᐅᒡ ᐊ ‍ ᒋᔅᑕᐸᐅᑕᒡ ᐅᑎᒋᐛᐛ᙮
\v 4 ᓇᒪ ᑭᔭ ᐅᒋ ᒥᒍᐅᒡ ᒐᒂᔪᐤ ᐊᓐᑕ ᐊ ‍ ᐊᑕᒥᑐᓇᓄᐎᒡ ᐊᒋ ‍ ᐅᑎᓇᑭᓄᐎᒡ ᐸᑐᔅ ᑲᒋ ‍ ᒋᔅᑕᐸᐅᑕᒡ᙮ ᓂᓇᐧᑯᐤ ᑭᔭ ᑎᑯᓂᔪᐛ ᑯᑎᑲ ᐃᑎᓱᐛᐅᓇ ᐊ ‍ ᓂᓇᑭᑐᐛᔨᑕᒡ ᒐᒋ ᐃᑐᑕᒡ ᐊᓂᔭᔪᐛ ᑕᓐ ᑲ ᐃᓯ ‍ ᒥᔭᑭᓄᐎᒡ ᒐᒋ ᓂᓇᐃᑕᒡ, ᒧᔭᒻ ᐊᓂᔭ ᑕᓐ ᐊᓐ ᒋᐸ ‍ ᐃᑐᐅᒡ ᐊ ‍ ᒋᔅᑕᐸᐅᑕᒡ ᐅᒥᓂᒂᑭᓄᐛᐛ ᑭᔭ ᐅᑦ ᐃᓴᑯᐎᔭᑭᓄᐛᐛ᙮ ᑭᔭ ᑕᓐ ᒋᐸ ‍ ᐃᑐᐅᒡ ᐊ ‍ ᒋᔅᑕᐸᐅᑕᒡ ᐅᑦ ᐊᔅᒋᐧᑯᐛᐛ᙮
\p
\v 5 ᐊᑯ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᒂ ‍ ᑯᒂᒋᒪᒡ ᒋᓴᓴ ᐊ ‍ ᐃᑕᒡ, “ᐅᒡ ᒪ ᒋᒋᔅᒋᓄᐊᒧᐛᑭᓐᒡ, ᒐᒂᔪᐤ ᐛᒋ ᐊᑲ ᐃᑐᑕᒡ ᑕᓐ ᑲ ᐃᓯ ᐸᒋ ‍ ᐊᓱᐤ ᓂᓇᑭᑐᐛᔨᑕᒡ ᒍᑕᐎᓄᐅᒡ ᒐᒋ ᐃᓯ ‍ ᓂᓇᑭᑐᐛᔨᑕᑭᓄᔨᒋ᙮ ᒥᒄ ᐃᓯ ‍ ᒥᒋᓱᐅᒡ ᐊᑲ ᐛᐛᒡ ᐃᑐᑕᒡ ᐊᓂᔭ ᒋᐸ ‍ ᐃᑐᐅᒡ ᐊ ‍ ᒋᔅᑕᐸᐅᑕᒡ ᐅᑎᒋᐛᐛ ?”
\p
\v 6 ᒋᓴᔅ ᒪᒃ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᒋ ‍ ᑕᑈᑯᐱᓇ ᐊᓂᔭ ᐊᐃᓴᔭ ᑲ ‍ ᐎᑕᐧᒃ ᑕᓐ ᑲ ᐃᓯ ‍ ᐎᑎᒪᑯᑦ ᒋᓴᒪᓂᑐᐛ ᒐᒋ ᐃᓯ ‍ ᐎᑕᐧᒃ᙮ ᒋᔨᐛᐤ ᑲ ‍ ᐊᔭᒥᐊᐧᑲᓱᔭᒄ ᔅᒋ ‍ ᐊᔨᒧᒥᑯᐛᐤ ᒋᓴᒪᓂᑐᐤ ᑲ ‍ ᐃᔅᒋᔄᑦ,
\q ᐅᒡ ᐃᔪᒡ ᐅᑐᓂᐛᒡ ᓂ ᐅᒋ ‍ ᒋᔅᑕᒋᒥᑯᒡ, ᒥᒄ ᒪᒃ ᓇᒪ ᓇᔅᒡ ᓂᑦ ᐊᐱᑕᔨᒥᑯᒡ ᐅᑕᐃᐛᒡ᙮
\q
\v 7 ᓇᒪ ᐊᐱᑎᓂᔪᐤ ᐊᓂᔭ ᐊ ᐸᒋ ‍ ᐊᔭᒥᐊᔅᑐᐅᒡ ᐛᔅ ᐃᔭᐱᒡ ᐎᔨᐛᐤ ᐅᐎᓱᐛᐅᓄᐛᐛ ᒋᔅᑯᑎᒪᒐᐅᒡ, ᓇᒪ ᐎ ᐊᓂᔭᔪᐛ ᒋᓴᒪᓂᑐᐛ ᑲ ᐸᒋ ‍ ᐱᔅᑎᓂᒥᔨᒋ᙮
\m ᐊᔪᐅᒄ ᐅᔭ ᑲ ‍ ᐃᑎᓯᓇᐊᐧᒃ ᐊᓂᔭᐧᑲ ᐊᐃᓴᔭ᙮”
\v 8 ᒋᓴᔅ ᒋ ‍ ᐃᔅᒋᔄᐤ, “ᐊᐅᑯᓐ ᒪᒃ ᐊ ‍ ᐃᑎᔭᒄ ᒋᔨᐛᐤ᙮ ᓇᒪ ᒋᑦ ᐊᐱᑕᔨᑎᒺᓇᐛᐤ ᑕᓐ ᐊ ‍ ᐃᑎᓱᐛᑦ ᒋᓴᒪᓂᑐᐤ ᐊᑯ ᐊᓂᔭ ᑕᓐ ᐊ ᐃᓯ ‍ ᒋᔅᑯᑎᒪᒐᑦ ᓇᐸᐤ ᐊᐅᑯᓐ ᐊᓐ ᐃᔭᐱᒡ ᓂᔭᐃᑎᒪᒄ᙮”
\p
\v 9 ᒋ ᐊᑎ ‍ ᐃᔅᒋᔄᐤ ᒥᓐ ᒋᓴᔅ, “ᑕᑈ ᒋ ‍ ᑭᔅᒋᐅᓇᐛᐤ ᐊᓐ ᐊ ‍ ᐃᑎᔭᒄ ᐊᑲ ᐊᐱᑕᔨᑎᒺᒄ ᐊᓂᔭ ᑕᓐ ᑲ ‍ ᐃᑎᓱᐛᑦ ᒋᓴᒪᓂᑐᐤ ᒋᔨᐛᐤ ᑕᓐ ᐊ ᐃᓯ ‍ ᒋᔅᑯᑎᒪᒐᔭᒄ ᐃᔭᐱᒡ ᒐᒋ ᒋᔅᑕᔨᑎᒥᐃᑯᔭᒄ᙮
\v 10 ᐛᔅ ᒋ ‍ ᐃᔅᒋᔄᐤ ᐊᓂᔭ ᒧᓱᔅ,
\q ᒋᔅᑕᔨᒻ ᒍᑕᐎᔾ ᑭᔭ ᒋᑲᐎᔾ ᑭᔭ ᒋ ‍ ᐃᑎᓱᐛᐤ, ᐊᓐ ᐊᐛᓐ ᒐ ‍ ᒪᔭᔨᒪᒂ ᐅᑕᐎᔭ ᒪᒃ ᐅᑲᐎᔭ ᐊᑯᔅ ᒋᑭ ‍ ᓂᐳᐤ᙮”
\p
\v 11 ᐊᑯ ᒥᓐ ᒂ ᐊᑎ ‍ ᐃᔅᒋᔄᑦ ᒋᓴᔅ, “ᒋᔨᐛᐤ ᒪᒃ ᒋ ᐊᑎ ᐃᓯ ‍ ᒋᔅᑯᑎᒪᒐᓇᐛᐤ ᐊᑲ ᐅᓂᐱᔨᑦ ᐊᐛᓐ ᐊᓂᔭ ᐊᑲ ᒋᔅᐸᐛᑕᑦ ᐅᓂᒋᐃᒂ ᐃᔭᐱᒡ ᒪᒃ ᒧᔅ ‍ ᐃᑕᒐ, ‘ᓂ ‍ ᒥᑕᒋᔨᐛᓯᓐ, ᑕᐸ ᔅᒋ ‍ ᐎᒋᐃᑎᓇᐛᐤ ᐛᔅ ᓴᔅ ᒋᓴᒪᓂᑐᐤ ᓂᒋ ‍ ᒥᔭᐤ ᑕᓐ ᒋᐸ ᐃᓯ ‍ ᒥᔨᑎᓇᐛᐤ ᒋᔨᐛᐤ᙮’
\v 12 ᓇᒪ ᐅᓂᐱᔪᐤ ᒋᑦ ᐃᑕᐛᐤ ᐅᔭ ᐊ ‍ ᐃᑎᑦ᙮
\v 13 ᐅ ᒪᒃ ᐊ ᐃᓯ ‍ ᐊᓱᐤ ᒋᔅᑯᑎᒪᒐᔭᒄ ᒋ ‍ ᐱᑯᓂᒺᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑎᑯᓐ ᒪᒃ ᒥᒐᑦ ᑯᑎᑲ ᒐᒂᔪᐛ ᐊ ‍ ᐃᑎᔭᒄ ᐊᑲ ᑯᐃᔅᒄ ᐃᓯᓇᒂᒋ᙮”
\s1 ᐊᓂᔭᔪᐛ ᒐᒂᔪᐛ ᐊ ‍ ᐃᑐᑕᑯᑦ ᐊᐛᓐ ᒐᒋ ᒥᒋᑐᑕᐧᒃ
\r ᒪᑎᔪᐤ 15.10-20
\s2 Mark 7.1-8,14-15,21-23 (Proper-17 Year B)
\p
\v 14 ᐊᑯ ᒋᓴᔅ ᒥᓐ ᒂ ‍ ᐎᓴᒪᑦ ᐊᓂᔭ ᐃᔪᐛ ᒐᒋ ᐸᒋ ‍ ᐃᑐᑕᔨᒋ ᐊᑯ ᒂ ‍ ᐃᑕᑦ, “ᓂᑐᑐᐅᒄ ᒪ, ᒥᓯᐛ ᐊ ‍ ᑎᓯᔭᒄ, ᑭᔭ ᐎ ᓂᔅᑐᑐᐅᒄ ᑕᓐ ᒐ ‍ ᐃᔅᒋᔄᔭᓐ᙮
\v 15 ᓇᒪ ᐎ ᒐᒂᔪᐤ ᐊ ‍ ᒥᒋᑦ ᒪᒃ ᐊ ‍ ᒥᓂᑦ ᐊᐛᓐ ᒋᑭ ᒋ ‍ ᐃᑐᑕᑯᐤ ᒐᒋ ᒥᒐᑎᓯᑦ᙮ ᐊᓂᔭ ᑕᓐ ᐊ ᐃᓯ ᒥᒋ ‍ ᐃᔨᒥᑦ ᒪᒃ ᐊ ᐃᓯ ‍ ᒥᒋᒪᒥᑐᓇᔨᑕᐧᒃ ᐊᔪᐅᒄ ᐊᓂᔭ ᒐ ‍ ᐃᑐᑕᑯᑦ ᒐᒋ ᒥᒋᑐᑕᐧᒃ᙮
\v 16 ᒧᔭᒻ ᒪᒃ ᐊᐛᓐ ᐱᔭᑎᒧᒂ ᐊᑯᔅ ᒋᑭ ‍ ᓂᑐᑎᒻ᙮”
\p
\v 17 ᐃᔅᐱ ᒪᒃ ᓇᑭᑕᑦ ᐊᓂᔭ ᑲ ᐸᒋ ‍ ᒪᒧᑲᐳᔅᑕᑯᑦ ᒋ ‍ ᐱᒐᐤ ᐊᓐᑕ ᒥᒋᐛᐱᒡ᙮ ᐊᑯ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᒂ ‍ ᑯᒂᒋᒥᑯᑦ ᒐᒋ ᐎᑎᒧᐛᑦ ᑕᓐ ᐊ ᐃᓯ ‍ ᐎᑎᒪᒐᒥᑭᓂᔨᒡ ᐊᓂᔭ ᑲ ‍ ᐃᔅᒋᔄᑦ᙮
\v 18 ᒋᓴᔅ ᒪᒃ ᒋ ‍ ᐃᔅᒋᔄᐤ, “ᓇᒪᐎᔾ ᐊ ᒋ ‍ ᓂᔅᑐᑕᓇᐛᐤ ᑭᔭ ᒋᔨᐛᐤ ? ᓇᒪᐎᔾ ᐊ ᒋ ‍ ᒋᔅᒐᔨᑕᓇᐛᐤ ᑕᐸ ᓇᒪᔭᔪᐤ ᒥᒋᒥᔪᐤ ᑲ ‍ ᐃᑐᑕᑯᑦ ᐊᐛᓐ ᐛᒋ ‍ ᒥᒋᑐᑕᐧᒃ ?
\v 19 ᐛᔅ ᑕᐸ ᐅᑕᐃᒡ ᐱᒋᐱᔪᐤ ᐊᓂᔭ ᒥᒋᒥᔪᐤ ᐊᓐᑕ ᐅᔅᑭᑕᒡ ᐊᑯᑕ ᐊ ‍ ᐃᔅᐱᔨᒡ ᑭᔭ ᐛᐎᐱᔨᑕᑦ᙮” ᐅᔭ ᑲ ‍ ᐃᔅᒋᔄᑦ ᒋᓴᔅ ᒋ ‍ ᐎᑎᒻ ᒥᓯᐛ ᐊ ‍ ᐃᓯᓇᑯᓂᔨᒡ ᒥᒋᒥᔪᐤ ᐊ ‍ ᐸᔭᐧᑭᓂᔨᒡ ᒐᒋ ᒥᒋᓇᓄᐎᒡ᙮
\v 20 ᒋᓴᔅ ᒥᓐ ᒋ ᐊᑎ ‍ ᐃᔅᒋᔄᐤ, “ᐊᓂᔭ ᑕᓐ ᐊ ᐃᓯ ‍ ᑭᓄᐛᔨᑕᐧᒃ ᐊᐛᓐ ᐅᑕᐃᒡ ᐊᔪᐅᒄ ᐊᓂᔭ ᒐ ‍ ᐃᑐᑕᑯᑦ ᒐᒋ ᒥᒋᑐᑕᐧᒃ ᒪᒃ ᒐᒋ ᒥᒋ ‍ ᐃᔨᒥᑦ᙮”
\s2 Mark 7.1-8,14-15,21-23 (Proper-17 Year B)
\p
\v 21 “ᐛᔅ ᐊᓐᑕ ᐅᑕᐃᒡ ᐊᑯᑕ ᐊᐛᓐ ᓇᔅᒡ ᓂᑎᒥᒄ ᒐᒋ ᐃᑕᔨᑕᐧᒃ ᑭᔭ ᓂᑎᒥᒄ ᒐᒋ ᐃᑎᑦ, ᒪᒃ ᒐᒋ ᑭᒐᒧᑎᑦ, ᒐᒋ ᓂᐸᐃᐛᑦ,
\v 22 ᒪᒃ ᒐ ‍ ᐱᓯᒂᑎᓯᑦ, ᒪᒃ ᒐᒋ ᒧᔅᑕᓂᒧᐛᑦ ᐊᐛᔪᐛ ᒐᒂᔪᐤ ᐊ ᐃᓯ ‍ ᐊᔭᔨᒋ, ᒪᒃ ᒐᒋ ᒥᒋᑥᑦ, ᒪᒃ ᒐᒋ ᐎᔭᓯᐃᐛᑦ, ᒪᒃ ᒐᒋ ᐎᓂᓱᐛᑎᓯᑦ, ᒪᒃ ᒐᒋ ᐅᑕᔨᑕᐧᒃ, ᑭᔭ ᒐᒋ ᒥᒋ ‍ ᐊᔨᒧᒪᑦ ᐊᐛᔪᐛ, ᒪᒃ ᓇᔅᒡ ᒋᒋᐛ ᒐᒋ ᐃᑕᔨᒥᓱᑦ, ᑭᔭ ᒐᒋ ᒋᔎᐤ ᐱᒪᑎᓯᑦ᙮
\v 23 ᒥᓯᐛ ᒪᒃ ᐅᔭ ᐊ ᐃᓯ ‍ ᒥᒋᑐᑕᐧᒃ ᐊᐛᓐ ᐱᒡ ᐊᓐᑕ ᐊ ‍ ᑕᑦ ᐅᒋᐱᔪᐤ, ᐊᔪᐅᒄ ᒪᒃ ᐅᔭ ᒪᒋᓇᑯᐃᑯᑦ᙮”
\s1 ᐅᑕᑈᑎᒧᐅᓐ ᐃᔎᐤ ᐳᓂᓯᔭ ᑲ ‍ ᐅᒋᑦ
\r ᒪᑎᔪᐤ 15.21-28
\s2 Mark 7.24-37 (Proper-18 Year B)
\p
\v 24 ᒋᓴᔅ ᒪᒃ ᒋ ‍ ᔅᑐᑕᐤ᙮ ᐊᓐᑕ ᐊᓂᔭ ᐊᔅᒋᔪᐤ ᒥᒋᒪ ᓴᐃᑐᓐ ᑭᔭ ᑕᐃᕋ ᑲ ‍ ᑎᑯᓂᔨᒡ ᐊᑯᑕ ᑲ ‍ ᐃᑐᑕᑦ᙮ ᑕᑯᓯᓂᑦ ᒪᒃ ᒋ ‍ ᐱᒐᐤ ᒥᒋᐛᐱᔪᐤ ᐊᑯ ᒂ ‍ ᐃᑎᓱᐛᑦ ᒐ ᐊᑲ ᒋ ᐎᑎᒧᐛᑭᓄᔨᒋ ᐊᐛᔪᐛ ᐊᓐᑕ ᐊ ‍ ᑕᑦ᙮ ᒥᒄ ᒪᒃ ᓇᒪ ᓇᐅᔅ ᐅᒋ ᐃᓯᓇᑯᓂᔪᐤ ᐅᔭ ᑲ ᐃᓯ ‍ ᓂᑐᐛᔨᑕᐧᒃ᙮
\v 25 ᒋ ‍ ᑕᔪᐛ ᐃᔎᐛ ᐊᒋ ‍ ᐸᑎᒥᔨᒋ ᐊᓐᑕ ᐊ ‍ ᑕᑦ ᐊᑯ ᑎᐛᒡ ᒂ ‍ ᓂᑐᐛᐱᒥᑯᑦ ᐊ ᐸᒋ ‍ ᐸᒋᓯᒥᐱᔪᐅᔨᒋ ᐊᓐᑕ ᐅᓯᑎᒡ ᐃᔅ᙮ ᐛᔅ ᐅ ᐃᔎᐤ ᒋ ‍ ᑕᔪᐛ ᐅᑕᓂᓴ ᐊ ‍ ᐱᒋᔅᑲᑯᔨᒋ ᒥᒋ ‍ ᐊᒐᒂ᙮
\v 26 ᐅ ᒪᒃ ᐃᔎᐤ ᑯᕆᒃ ᒋ ‍ ᐃᑎᔅᑲᓇᓱᐤ, ᐊᓐᑕ ᐳᓂᓯᔭ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᐃᑕᒐ ᓯᕆᔭ ᐊᔅᒋᒡ ᑲ ‍ ᑎᑯᓂᔨᒡ, ᐊᑯᑕ ᒋ ‍ ᐱᒪᑎᓯᒐ᙮ ᓇᔅᒡ ᒋ ‍ ᐊᔨᐧᑭᒥᓯᔪᐤ ᐊ ‍ ᓂᑐᑎᒧᐛᑦ ᒋᓴᓴ ᒐᒋ ᐎᐎᑎᓴᐛᔨᒋ ᐊᓂᔭ ᒥᒋ ‍ ᐊᒐᒂ ᑲ ‍ ᐱᒋᔅᑲᑯᔨᒋ ᐅᑕᓂᓴ᙮
\p
\v 27 ᒋᓴᔅ ᒪᒃ ᒋ ‍ ᐃᑕᐤ, “ᓂᔅᑎᒻ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ ᓂᐸ ‍ ᐎᒋᐊᐅᒡ᙮ ᓇᒪ ᑯᐃᔅᒄ ᐃᓯᓇᑯᓐ ᐊᑎᒧᒡ ᒐᒋ ᐃᓯ ‍ ᐛᐱᓂᒧᐛᑭᓄᐎᒡ ᐊᐛᓴ ᐅᒥᒋᒥᔪᐤ᙮”
\p
\v 28 ᐊᑯ ᒂ ‍ ᐃᔅᒋᔄᑦ ᐊᓐ ᐃᔎᐤ, “ᓂᐦᐃ, ᒋ ‍ ᑕᑈᓐ, ᑎᐸᔨᒋᒐᓱᐤ᙮ ᒥᒄ ᒪᒃ ᐛᐛᒡ ᐊᓐᒡ ᐊᑎᒧᒡ ᓯᐸ ᒥᒋᓱᐛᑭᓇᑎᑯᒡ ᑲ ‍ ᑕᒡ ᒪᒧᓯᐧᑲᑎᒺᐅᒡ ᑕᓐ ᐊ ᐃᓯ ‍ ᐱᐅᑐᐛᔨᒋ ᐊᓂᔭ ᐊᐛᓴ᙮”
\p
\v 29 ᐊᑯ ᒋᓴᔅ ᒂ ‍ ᐃᑕᑦ, “ᐊᓐ ᐊᒋ ᐃᓯ ‍ ᐎᑎᒧᐎᔨᓐ, ᒪᒋ, ᓇᒪ ᓴᔅ ᐱᒋᔅᑲᑯᐤ ᒋᑕᓂᔅ ᐊᓂᔭ ᒥᒋ ‍ ᐊᒐᒂ᙮”
\v 30 ᒋ ‍ ᒋᐛᐤ ᒪᒃ ᐊᓐ ᐃᔎᐤ ᒂ ‍ ᐛᐱᒪᑦ ᐊᓂᔭ ᐅᑕᓂᓴ ᐅᓂᐸᐅᓂᔨᒡ ᐊ ‍ ᐱᒥᓯᓂᔨᒋ, ᑕᑈ ᐊᒋ ‍ ᓂᑭᑎᑯᐎᒂᓂ ᐊᓂᔭ ᒥᒋ ‍ ᐊᒐᒂ᙮
\s1 ᒋᓴᔅ ᑲ ‍ ᒥᓏᒋᐊᑦ ᓇᐸᐛ ᐊᑲ ᐅᒋ ᐸᑎᒥᔨᒋ ᑭᔭ ᐊᑲ ᐅᒋ ᓂᑕᐛᔨᒋ
\p
\v 31 ᒋᓴᔅ ᒪᒃ ᒋ ‍ ᔅᑐᑕᐤ ᐊᓐᑕ ᑕᐃᕋᒡ ᐅᒡ᙮ ᐃᔅᐱ ᐛᑎᑕᐧᒃ ᓴᐃᑐᓐ ᒥᒄ ᒋ ‍ ᓴᐳᑐᐛᔅᑭᒻ᙮ ᐊᑯ ᐊᓐᑕ ᐊᓂᔭ ᐊᔅᒋᔪᐤ ᐸᐃᑯᔪᐤ ᐅᑕᓇᐛ ᑲ ‍ ᑎᑯᓂᔨᒋ ᒂ ᐃᓯ ‍ ᐱᒧᑕᑦ ᒐᒃ ᒂ ‍ ᐅᑎᑕᐧᒃ ᑲᓕᓕ ᓴᑲᐃᑭᓂᔪᐤ᙮
\v 32 ᐊᑯᑕ ᒪᒃ ᐊᓐᑕ ᑲ ‍ ᑕᔨᒋ ᐊᐛᔪᐛ ᐊ ‍ ᐸᑥᑯᑦ ᓇᐸᐛ ᐊᑲ ᐸᑎᒥᔨᒋ ᑭᔭ ᐊᑲ ᓂᑕᐛᔨᒋ᙮ ᓱᒃ ᒪᒃ ᒋ ᐎ ‍ ᐊᔨᐧᑭᒥᐊᐅᒡ ᒋᓴᓴ ᒐᒋ ᑕᒋᓇᔨᒋ ᐊᓂᔭᔪᐛ ᓇᐸᐛ᙮
\p
\v 33 ᐊᑯ ᒋᓴᔅ ᒂ ‍ ᒋᑐᑕᐊᑦ ᐊᓂᔭᔪᐛ ᓇᐸᐛ ᒥᒄ ᐎᔨᐛᐤ ᒐᒋ ᓂᓯᒡ, ᐊᑯ ᒂ ‍ ᐳᒋᔅᑐᑭᔭᓇᑦ, ᑭᔭ ᒋ ‍ ᓯᔅᑎᑯᐤ ᐊᑯ ᒂ ‍ ᑕᒋᓂᒺᑦ ᐅᑕᔨᔪᐤ᙮
\v 34 ᐃᔅᐱᒥᒡ ᒪᒃ ᒋ ᐃᓯ ‍ ᑎᔅᑎᓴᐳᐤ ᒋᓴᔅ ᐊ ‍ ᔭᐧᑭᑕᒧᑦ, ᐊᑯ ᒂ ‍ ᐃᑕᑦ ᐊᓂᔭ ᓇᐸᐛ, “ᐃᐸᑕ᙮” ᐅᔭ ᒪᒃ ᑲ ‍ ᐃᔅᒋᔄᑦ, “ᓴᓂᐱᔨ,” ᐃᓯ ᐃᔅᒋᔄᒥᑭᓐ᙮
\v 35 ᒋ ‍ ᓴᓂᐱᔪᐛ ᐎᑐᑭᔭ ᐊᓐ ᓇᐸᐤ᙮ ᑭᔭ ᐊᓂᔭ ᐅᑕᔨᔾ ᒂ ‍ ᐊᐱᐧᑯᐱᔨᒡ ᐊᑯ ᓇᔅᒡ ᒂ ᐅᒋ ‍ ᒥᔪ ‍ ᐃᔨᒥᑦ᙮
\p
\v 36 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭᔪᐛ ᐃᔪᐛ ᒐ ᐊᑲ ‍ ᐎᑎᒧᐛᔨᒋ ᑯᑎᑲ ᐊᐛᔪᐛ ᐅᔭ ᐊᒋ ‍ ᐃᔅᐱᔨᒡ᙮ ᒥᒄ ᒪᒃ ᐊᑎᓱᐧᒄ ᐊᒋ ‍ ᒋᑕᐊᒧᐛᑦ, ᐊᑐᐎᔅ ᒋ ‍ ᐱᐸᒪᒋᒧᔪᐛ ᐊ ‍ ᐛᐎᑎᒧᐛᔨᒋ ᐊᐛᔪᐛ᙮
\v 37 ᒥᓯᐛ ᒪᒃ ᐊᐛᔪᐛ ᑲ ‍ ᐸᑎᒥᔨᒋ ᐅᔭ ᓇᔅᒡ ᒋ ‍ ᒥᔅᑲᑕᔨᑎᒥᐃᑯᔪᐛ᙮ ᒋ ‍ ᐃᔅᒋᔄᔪᐛ ᒪᒃ, “ᒥᓯᐛ ᒐᒂᔪᐤ ᒋ ‍ ᒥᔪᑐᑎᒻ᙮ ᐛᐛᒡ ᒋ ‍ ᐃᑐᑎᒧᐛᐤ ᐊᑲ ᐸᑎᒥᔨᒋ ᒐᒋ ᐸᑎᒥᔨᒋ ᑭᔭ ᐊᓂᔭᔪᐛ ᐊᑲ ᓂᑕᐛᔨᒋ ᒐᒋ ᓂᑕᐛᔨᒋ᙮”
\c 8
\s1 ᒋᓴᔅ ᑲ ‍ ᐊᓯᒪᑦ ᓇᐛᐤ ᒐᓯᐱᔪᐤ ᐊᐛᔪᐛ
\r ᒪᑎᔪᐤ 15.32-39
\p
\v 1 ᓇᒪ ᓇᐅᔅ ᐊᓐᑕ ᐃᔅ ᐊᑯ ᒥᓐ ᒥᒐᑦ ᐊᐛᓐᒋ ᒂ ᐸᒋ ‍ ᒪᒧᐎᒡ᙮ ᐃᔅᐱ ᒪᒃ ᐊᑲ ᑎᑯᓂᔨᒡ ᒐᒂᔪᐤ ᒐ ‍ ᒥᒋᒡ ᒋᓴᔅ ᒋ ‍ ᐎᓴᒪᐤ ᐅᒋᔅᒋᓄᐊᒧᐛᑭᓇ ᐊᑯ ᒂ ‍ ᐃᑕᑦ,
\v 2 “ᓂ ‍ ᒋᔅᑎᒪᒐᔨᒪᐅᒡ ᐅᒡ ᐃᔪᒡ᙮ ᓴᔅ ᓂᔅᑐ ᒋᓯᑲᐛ ᑲ ᐃᔅᐱᔅ ‍ ᑕᒡ ᐅᑕ ᐊ ‍ ᑕᐅᒡ ᓇᒪ ᒪᒃ ᓴᔅ ᑎᑯᓂᔪᐤ ᒐᒂᔪᐤ ᒐ ‍ ᒥᒋᒡ᙮
\v 3 ᒋᐛᑎᓴᐅᒂᐛ ᐊᑲ ᐛᐛᒡ ᐊᓯᒥᒂᐤ ᒋᑭ ‍ ᐃᓯᓇᑯᓂᔪᐤ ᒐᒋ ᓄᑕᐧᑭᑕᒡ ᒪᒂᒡ ᐊ ‍ ᐱᒧᑕᒡ ᐛᔅ ᐱᔅᒐ ᐅᒡ ᐃᔪᒡ ᒋᒋᐛ ᐛᔪᐤ ᒋ ‍ ᐅᑐᑕᐅᒡ᙮”
\p
\v 4 ᐊᑯ ᒂ ‍ ᑯᒂᒋᒥᑯᑦ ᐅᒋᔅᒋᓄᐊᒧᐛᑭᓇ, “ᑕᓐᑕ ᒪᒃ ᒐᒋ ᐅᑎᓇᐧᒃ ᐊᐛᓐ ᒥᒋᒥᔪᐤ ᐅᑕ ᐅ ᐊ ‍ ᐸᐧᑯᑎᔅᑭᒥᑲᒡ ᒥᓯᐛ ᐅᒡ ᐃᔪᒡ ᒐᒋ ᐊᓯᒪᑭᓄᐅᒡ ?”
\v 5 ᒋᓴᔅ ᒪᒃ ᒋ ‍ ᐃᑕᐤ, “ᑕᓐ ᑕᑐᐤ ᐸᒂᓯᑭᓐᒡ ᐊ ‍ ᐊᔭᐛᑯᒡ ?” “ᓂᔄᐅᑕᒡ ᐃᑕᑎᓱᐅᒡ,” ᒋ ‍ ᐃᑕᐅᒡ᙮
\p
\v 6 ᐊᑯ ᒋᓴᔅ ᒂ ‍ ᐃᑎᓱᐛᑕᑦ ᐊᓂᔭᔪᐛ ᐃᔪᐛ ᒐᒋ ᐛᐛᔨᐱᐃᓱᔨᒋ ᐊᓐᑕ ᒧᔅᑎᔅᑭᒥᒡ᙮ ᒂ ‍ ᐅᑎᓇᑦ ᐊᓂᔭ ᓂᔄᐅᑕᒡ ᐸᒂᓯᑭᓇ, ᒂ ‍ ᓂᓇᔅᑯᒪᑦ ᒋᓴᒪᓂᑐᐛ, ᐊᑯ ᒂ ‍ ᐸᒂᓇᑦ ᐊᓂᔭ ᐸᒂᓯᑭᓇ, ᒂ ‍ ᒪᒥᔭᑦ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓄᐛᔨᒋ᙮ ᐊᐅᑯᓐ ᒪᒃ ᑲ ‍ ᐃᑎᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮
\v 7 ᒋ ‍ ᐊᔭᐛᐅᒡ ᐊᓯᒡ ᓂᒪᓴ ᐊᔭᐱᓯᓯᔨᒋ, ᓇᒪ ᐅᒋ ᒥᒐᑎᔪᐛ᙮ ᒋᓴᔅ ᒋ ‍ ᓂᓇᔅᑯᒧᐤ, ᒋ ‍ ᐅᑎᓄᐤ ᐅᔭ ᓂᒪᓴ ᐊᑯ ᒂ ‍ ᐃᑎᓱᐛᑕᑦ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓄᐛᔨᒋ ᑭᔭ ᐅᔭ᙮
\v 8 ᒥᓯᐛ ᑲ ‍ ᑎᓯᒡ ᒋ ‍ ᒥᒋᓱᐅᒡ ᑭᔭ ᒋ ‍ ᑕᐱᔅᑯᔪᒡ᙮ ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ‍ ᒪᒧᓴᒋᓇᒡ ᐊᓂᔭ ᐃᔅᑯᔅᑐᐛᓂᔪᐤ᙮ ᓂᔄᐅᑕᒡ ᒪᒃ ᐅᑎᐱᐅᑕ ᒋ ‍ ᓴᑭᔅᒋᓂᑕᐅᒡ᙮
\v 9 ᓴᓯᑲᓐ ᒪᒃ ᓇᐛᐤ ᒐᓯᐱᔪᐤ ᒋ ‍ ᑕᑎᓯᓇᓄᐅᔪᐤ ᐊᓐᑕ᙮
\v 10 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭᔪᐛ ᐃᔪᐛ ᒥᓯᐛ ᒐᒋ ᒋᐛᔨᒋ᙮ ᐊᑯ ᒂ ᐊᑎ ‍ ᐎᒋᐳᓯᒪᑦ ᐅᒋᔅᒋᓄᐊᒧᐛᑭᓇ ᓇᑕ ᑕᓪᒪᓄᑕᒡ ᑲ ‍ ᐃᔅᒋᒪᒡ᙮
\s1 ᐸᕆᓯᔨᒡ ᑲ ‍ ᑯᒂᒋᒐᒧᒡ ᒐᒋ ᐛᐸᑎᔭᑭᓄᐎᒡ ᒪᒥᔅᑲᒡ ᐃᑐᐅᓂᔪᐤ
\r ᒪᑎᔪᐤ 16.1-4
\p
\v 11 ᒋ ‍ ᑕᐅᒡ ᐱᔅᒐ ᐸᕆᓯᔨᒡ ᐊ ᐸᒋ ‍ ᓂᑐᐛᐱᒪᒡ ᒋᓴᓴ ᐊ ᐸᒋ ‍ ᒥᒋᑕᑯᓯᒡ᙮ ᒋ ‍ ᓇᓂᔎᐅᓯᐊᐅᒡ ᐊ ᐎ ‍ ᓇᓂᑐᐤ ᑯᒂᒋᐊᒡ, ᐊᑯ ᒂ ‍ ᐃᑕᒡ ᒐᒋ ᐛᐸᑎᔨᑯᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ ᒋᒋᒋᓯᑯᒡ ᐊ ‍ ᐅᒋᒥᑭᓂᔨᒡ᙮
\v 12 ᒋᓴᔅ ᒪᒃ ᒋ ‍ ᔭᐧᑭᑕᒧᐤ ᐅᑦ ᐊᒐᐧᑯᒡ ᐊᑯ ᒂ ‍ ᐃᔅᒋᔄᑦ, “ᒐᒂᓐ ᐛᒋ ‍ ᓂᑐᐛᔨᑕᒡ ᐃᔪᒡ ᐊᓄᒡ ᒐᓯᑲᔨᒡ ᒐᒋ ᐛᐸᑎᔭᑭᓄᐎᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ᙮ ᑯᐃᔅᒄ ᒋ ‍ ᐎᑎᒪᑎᓇᐛᐤ, ᓇᒪ ᒋᑭ ᐅᒋ ‍ ᐛᐸᑎᔨᑯᓇᐛᐤ ᒪᒥᔅᑲᒡ ᐛᐸᑎᔨᐛᐅᓐ ᒋᔨᐛᐤ ᐃᔪᒡ ᐊᓄᒡ ᑲ ‍ ᐱᒪᑎᓯᔭᒄ ?”
\v 13 ᒋ ‍ ᓂᑭᑕᐤ ᐊᓂᔭ ᐸᕆᓯᐊ ᐊᑯ ᒂ ‍ ᐳᓯᑦ ᒥᓐ ᐅᐤᑎᒡ ᐊᑯ ᓇᑕ ᐊᑲᒥᒡ ᐊᓂᔭ ᓴᑲᐃᑭᓂᔪᐤ ᒂ ‍ ᐃᔅᒋᒪᑦ᙮
\s1 ᐸᕆᓯᔨᒡ ᑭᔭ ᒋᓴᐅᒋᒪᐤ ᐊᕈᑦ ᐅᐱᓯᑲᓂᒧᐛᐤ
\r ᒪᑎᔪᐤ 16.5-12
\p
\v 14 ᐊᓐᒡ ᒋᔅᒋᓄᐊᒧᐛᑭᓐᒡ ᒥᒄ ᐸᐃᒄ ᐸᒂᓯᑭᓇ ᒋ ᐸᒋ ‍ ᓂᒪᓯᐱᓐᒡ ᐊᒋ ‍ ᐅᓂᒋᔅᒋᓱᐛᒂ ᐊᔪᐛᒃ ᒐᒋ ᐊᔭᐛᒡ᙮
\v 15 ᒋᓴᓴ ᒋ ᐃᓯ ‍ ᐃᔭᒂᒥᒥᑯᐅᒡ, “ᐃᔭᒂᒄ, ᐃᔭᒂᒥᔅᑎᒧᐛᑯ ᐅᐱᓯᑲᓂᒧᐛᐤ ᐸᕆᓯᔨᒡ ᑭᔭ ᒪᒃ ᐊᕈᑦ ᐅᐱᓯᑲᓂᒪ᙮”
\v 16 ᒋ ‍ ᐃᔭᔨᒧᑎᒧᒡ ᐊᓂᔭ ᑲ ‍ ᐃᑎᑯᒡ ᒋᓴᓴ ᐊ ‍ ᐃᔅᒋᔄᒡ, “ᐊᑲ ᐅᒋ ᐸᓱᒪᐧᑯ ᐸᒂᓯᑭᓇ ᐊᔪᐅᒄ ᐅᔭ ᐛᒋ ‍ ᐃᔅᒋᔄᑦ᙮”
\p
\v 17 ᒋᓴᔅ ᒪᒃ ᒋ ‍ ᒋᔅᒐᔨᒪᐤ ᑕᓐ ᐊ ‍ ᐃᔅᒋᔄᔨᒋ ᐊᑯ ᒂ ‍ ᑯᒂᒋᒪᑦ, “ᒐᒂᓐ ᐛᒋ ‍ ᐊᔨᒧᑎᒪᒄ ᐊᓐ ᐊᑲ ᐊᔭᐛᒄ ᐸᒂᓯᑭᓐ ? ᓇᒪᐎᔾ ᐊ ᐊᔅᒄ ᒋ ‍ ᓂᔅᑐᑕᓇᐛᐤ ? ᒋ ‍ ᒥᔅᑯᑕᐊᓇᐛᐤ ᐊ ᑭᔭ ᒋᔨᐛᐤ ?
\v 18 ᒋ ‍ ᑭᓄᐛᔨᑕᓇᐛᐤ ᒥᔅᒋᓯᒂ, ᓇᒪᐎᔾ ᐊ ᒪᒃ ᒋ ‍ ᐛᐸᑕᓇᐛᐤ᙮ ᑭᔭ ᒥᑐᑭᔭ ᒋ ‍ ᑭᓄᐛᔨᑕᓇᐛᐤ, ᓇᒪᐎᔾ ᐊ ᒪᒃ ᒋ ‍ ᐸᑕᓇᐛᐤ ? ᓇᒪᐎᔾ ᐊ ᒋ ‍ ᒋᔅᒋᓯᓇᐛᐤ ?
\v 19 ᑲ ‍ ᐸᒂᓂᒂᐤ ᐱᑕᑕᒡ ᐸᒂᓯᑭᓐᒡ ᒐᒋ ᒥᒋᓱᒡ ᐊᓐᒡ ᐃᔪᒡ ᐱᑕᑕᒡ ᒐᓯᐱᔪᐤ ᑲ ‍ ᐃᑕᑎᓯᒡ᙮ ᑕᓐ ᒪᒃ ᑲ ‍ ᑕᑎᒋ ᐅᑎᐱᐅᑕ ᑲ ‍ ᓴᑭᔅᒋᓂᑕᔭᒄ ᐃᔅᑯᔅᑐᐛᓐ ᑲ ‍ ᒪᒧᓴᒋᓂᒪᒄ ?” “ᓂᓱᓴᑉ,” ᒋ ‍ ᐃᑕᐅᒡ᙮
\p
\v 20 ᐊᑯ ᒋᓴᔅ ᒂ ‍ ᐃᔅᒋᔄᑦ, “ᐃᔅᐱ ᒪᒃ ᑲ ‍ ᐸᐧᑲᓂᒂᐤ ᐊᓐᒡ ᓂᔄᐅᑕᒡ ᐸᒂᓯᑭᓐᒡ ᒐᒋ ᒥᒋᓱᒡ ᐊᓐᒡ ᓇᐛᐤ ᒐᓯᐱᔪᐤ ᐃᔪᒡ ᑕᓐ ᑲ ‍ ᐃᔅᐱᓴᒡ ᒪᒃ ᐃᔅᑯᔅᑐᐛᓐ ᐊᓐᑕ ?” “ᓂᔄᐅᑕᒡ ᐅᑎᐱᐅᑕ,” ᒋ ‍ ᐃᔅᒋᔄᐅᒡ᙮
\v 21 ᒋᓴᔅ ᒪᒃ ᒋ ‍ ᐃᑕᐤ, “ᑕᓐᑕ ᐛᒋ ᐊᑲ ᒋ ‍ ᓂᔅᑐᑎᒪᒄ ?”
\s1 ᒋᓴᔅ ᑲ ‍ ᒥᓏᒋᐊᑦ ᓇᐸᐛ ᐊᑲ ᐛᐸᑎᒥᔨᒋ ᐸᑦᓴᐃᑕᒡ ᑲ ‍ ᐅᒋᔨᒋ
\p
\v 22 ᐃᔅᐱ ᐛᑎᑕᐊᒡ ᐸᑦᓴᐃᑕ ᒋ ‍ ᑕᐅᒡ ᐊᐛᓐᒋ ᐊ ‍ ᐸᓱᐛᒡ ᓇᐸᐛ ᐊᑲ ᐛᐸᑎᒥᔨᒋ᙮ ᓇᔅᒡ ᒋ ‍ ᓂᑐᐛᔨᒪᐅᒡ ᒋᓴᓴ ᒐᒋ ᑕᒋᓇᔨᒋ ᐊᓂᔭᔪᐛ ᓇᐸᐛ᙮
\v 23 ᐊᑯ ᒋᓴᔅ ᒂ ‍ ᐅᑎᓂᒺᑦ ᐅᑎᒋᔪᐤ ᐊᓂᔭᔪᐛ ᓇᐸᐛ ᐊᑯ ᒂ ‍ ᐎᐎᑕᐊᑦ ᐊᓐᑕ ᐊᓂᔭ ᐅᑕᓇᔪᐤ᙮ ᐃᔅᐱ ᒪᒃ ᑲ ‍ ᓯᔅᑎᒂᑎᒺᑦ ᐅᔅᒋᓯᑯᔪᐛ ᒋ ‍ ᑕᒋᓇᐤ ᐊᑯ ᒂ ‍ ᐃᑕᑦ, “ᒋ ‍ ᐛᐸᑕᓐ ᐊ ᒐᒂᓐ ?”
\p
\v 24 ᒋ ‍ ᑎᔅᑎᓴᐳᐤ ᐊᓐ ᓇᐸᐤ ᐊ ‍ ᐃᔅᒋᔄᑦ, “ᓂᐦᐃ, ᓂ ‍ ᐛᐱᒪᐅᒡ ᐊᐛᓐᒋ, ᒥᒄ ᒪᒃ ᒧᔭᒻ ᒥᔅᑎᑯᒡ ᐊ ‍ ᐱᐸᒧᑕᒡ ᐊᑯᓐ ᐊ ‍ ᐃᓯᓇᐅᒂᐤ᙮”
\p
\v 25 ᒋᓴᔅ ᒥᓐ ᒂ ‍ ᑕᒋᓂᒺᑦ ᐅᔅᒋᓯᑯᔪᐛ᙮ ᐊᔪᐅᒄ ᐊᑯ ᑲ ‍ ᓴᓂᐱᔨᒋ ᓇᔅᒡ ᐊ ‍ ᒥᓏᒋᑕᑭᓄᔨᒋ, ᒥᓯᐛ ᒐᒂᔪᐤ ᒋ ‍ ᐱᔭᑭᔅᒋᓂᒻ᙮
\v 26 ᐊᑯ ᒋᓴᔅ ᑲ ‍ ᒋᐛᑎᓴᐛᑦ ᐅᔭ ᐊ ‍ ᐃᑕᑦ, “ᐊᑲᐎᔾ ᐃᑐᑕ ᐊᓐᑕ ᐅᑕᓇᒡ᙮”
\s1 ᐱᑕᕐ ᑲ ‍ ᐎᑕᐧᒃ ᐊᐛᔪᐛ ᐊ ‍ ᐊᐎᔨᒋ ᒋᓴᓴ
\r ᒪᑎᔪᐤ 16.13-20; ᓗᒃ 9.18-21
\s2 Mark 8.27-38 (Proper-19 Year B)
\p
\v 27 ᐊᑯ ᒋᓴᔅ ᑭᔭ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᒂ ‍ ᐃᑐᑕᒡ ᐊᓐᑕ ᐊᓂᔭ ᐅᑕᓇᐛ ᒥᒋᒪ ᓯᓴᕆᔭ ᐱᓕᐸᐃ ᑲ ‍ ᑎᑯᓂᔨᒋ᙮ ᐊ ᐊᑎ ‍ ᐱᒧᑕᒡ ᒪᒃ ᒋ ‍ ᑯᒂᒋᒪᐤ, “ᑕᓐ ᐊ ᐃᓯ ‍ ᐊᔭᐛᔨᒥᒡ ᐃᔪᒡ ?”
\p
\v 28 ᒋ ‍ ᐃᑕᐅᒡ ᒪᒃ, “ᐱᔅᒐ ᐊᐛᓐᒋ ᐃᔅᒋᔄᐅᒡ ᒠᓐ ᐅᓯᑲᐃᑕᒐᐤ ᐊ ‍ ᐊᐎᔨᓐ, ᐊᑯ ᑯᑎᑭᒡ ᐃᔅᒋᔄᐅᒡ ᐃᓚᐃᒐ ᐊ ‍ ᐊᐎᔨᓐ, ᐊᑯ ᒥᓐ ᑯᑎᑭᒡ ᐸᐃᒄ ᐅᒋᔅᒋᐛᐃᒐᓱᐤ ᒋᑦ ᐃᑕᔨᒥᑯᒡ᙮”
\p
\v 29 ᐊᑯ ᒋᓴᔅ ᐊᑕᑦ, “ᒋᔨᐛᐤ ᒪᒃ ᐎ, ᐊᐛᓐ ᓂᔾ ᐊ ‍ ᐃᑕᔨᒥᔭᒄ ?” ᐱᑕᕐ ᒋ ‍ ᐃᑕᐤ, “ᐊᐅᒄ ᒋᔾ ᙭᙮”
\p
\v 30 ᐊᑯ ᒋᓴᔅ ᒂ ‍ ᐃᑎᓱᒪᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᒐ ᐊᑲ ᒋ ᐎᑎᒧᐛᔨᒋ ᑯᑎᑲ ᐊᐛᔪᐛ ᐅᔭ᙮
\s1 ᒋᓴᔅ ᑲ ‍ ᐊᔨᒧᑕᐧᒃ ᒐ ᐃᓯ ‍ ᐎᓯᒐᔨᑕᐧᒃ ᑭᔭ ᒐ ‍ ᓂᐱᑦ
\r ᒪᑎᔪᐤ 16.21-28; ᓗᒃ 9.22-27
\s2 Mark 8.31-38 (Lent-2 Year B)
\p
\v 31 ᐊᑯ ᒋᓴᔅ ᒂ ‍ ᒋᒋᐱᔨᑦ ᐊ ‍ ᒋᔅᑯᑎᒧᐛᑦ ᐅᒋᔅᒋᓄᐊᒧᐛᑭᓇ ᐊ ‍ ᐃᑕᑦ, “ᓂᑐᐛᔨᑕᑯᓂᔪᐤ ᐃᔪᐤ ᐅᑯᓯᓴᓐ ᒐᒋ ᒥᔅᑎ ᐎᓯᒐᔨᑎᒥᐊᑭᓄᐅᑦ ᑭᔭ ᓇᒪ ᒋᑭ ᐅᒋ ‍ ᐊᐱᑕᔨᒥᑯᐤ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ ᑭᔭ ᐊᓂᔭᔪᐛ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ᙮ ᒋᑭ ‍ ᓂᐸᐊᑭᓄᐤ, ᒥᒄ ᒪᒃ ᐃᔅᐱ ᓂᔅᑐ ᒋᓯᑲᐛ ᐅᑎᒋᐱᔨᒐ ᒋᑭ ‍ ᐅᓂᐤ ᓂᐳᐅᓂᒡ ᐅᒡ᙮”
\v 32 ᐅᔭ ᒪᒃ ᑲ ᐃᓯ ‍ ᐃᔨᒪᐊᑦ ᓇᔅᒡ ᒋ ‍ ᐱᔭᑭᔅᒋᑕᑯᑕᐛᐤ ᒐᒋ ᓂᔅᑐᑎᒥᔨᒋ᙮ ᐊᑯ ᐱᑕᕐ ᑎᐸᓐ ᒂ ‍ ᐃᑐᑕᐊᑦ ᒋᓴᓴ, ᑲ ‍ ᒋᑕᐊᒧᐛᑦ ᐊᓂᔭ ᑲ ‍ ᐃᔅᒋᔄᔨᒋ ᐊ ‍ ᐃᑕᑦ, “ᐊᑲᐎᔾ ᐃᔅᒋᔄ ᐊᓐ ᑲ ‍ ᐃᔅᒋᔄᔨᓐ᙮”
\p
\v 33 ᒋᓴᔅ ᒪᒃ ᒋ ‍ ᒂᔅᒋᑲᐳᐤ ᒂ ‍ ᐸᑕᔅᑎᒥᑲᐳᔅᑐᐛᑦ ᐅᒋᔅᒋᓄᐊᒧᐛᑭᓇ ᐊᑯ ᒂ ‍ ᐊᓏᔨᒪᑦ ᐱᑕᕋ ᐊ ‍ ᐃᑕᑦ, “ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᐊᓐ ᑕᓐ ᐊ ‍ ᐃᑕᔨᑎᒥᐃᑯᔨᓐ ᒐᒂᔪᐛ ᑕᐸ ᒋᓴᒪᓂᑐᐤ ᐊ ‍ ᑕᑦ ᐅᒋᐱᔪᐛ, ᐃᔪᐤ ᐊ ‍ ᑕᑦ ᐅᒋᐱᔪᐛ᙮”
\p
\v 34 ᐊᑯ ᒋᓴᔅ ᒂ ‍ ᐎᓴᒪᑦ ᒥᒋᒪ ᒐᒋ ᐸᒋ ‍ ᓇᒋᑲᐳᔨᒋ ᐊᓂᔭ ᐊᓐᑕ ᑲ ‍ ᒪᒧᔨᒋ ᐊᐛᔪᐛ ᑭᔭ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᐊᑯ ᐊᑕᑦ, “ᐊᐛᓐ ᐛ ‍ ᓇᓴᐅᒂ ᐊᑯᔅ ᒋᐸ ‍ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ‍ ᓂᓇᐊᔨᑎᒥᐃᓱᑦ, ᒋᐸ ‍ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᐸ ᐸᒋ ‍ ᓇᓴᐅᒄ᙮
\v 35 ᐛᔅ ᐊᓐ ᐊᐛᓐ ᑲ ᐎ ‍ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ ᒋᑭ ‍ ᐅᓂᑕᐤ᙮ ᐊᓐ ᒪᒃ ᐊᐛᓐ ᒐ ‍ ᐱᔅᑎᓂᒧᒂ ᒥᓯᐛ ᒐᒂᔪᐤ ᑕᓐ ᑲ ᐎ ‍ ᐃᑐᑕᐧᒃ ᐛᐛᒡ ᑭᔭ ᐅᐱᒪᑎᓯᐅᓐ ᐊ ᐎ ᐸᒋ ‍ ᓇᓴᐅᑦ ᑭᔭ ᒥᔽᒋᒧᐅᓂᔪᐤ ᐅᒋ ᐊᐅᑯᓐ ᐅ ᒐ ‍ ᒥᔭᑭᓄᐅᑦ ᐱᒪᑎᓯᐅᓂᔪᐤ᙮
\v 36 ᑕᓐ ᒪᒃ ᒐᒋ ᐃᓯ ‍ ᐎᒋᐃᑯᑦ ᐊᐛᓐ ᐊᑎ ᒥᓯᐛ ᒐᒂᔪᐤ ᒋ ‍ ᐎᐧᑯᒋᑎᒪᓱᒐ ᐅᑕ ᐊᔅᒋᒡ ᑕᓐ ᐊ ᐃᓯ ‍ ᓂᑐᐛᔨᑕᐧᒃ ᒐ ‍ ᐅᓂᑕᒂ ᒪᒃ ᐅᐱᒪᑎᓯᐅᓐ ?
\v 37 ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐱᔅᑎᓇᐧᒃ ᑲᐤ ᒐᒋ ᒥᔭᑭᓄᐅᑦ ᐅᐱᒪᑎᓯᐅᓐ᙮
\v 38 ᐊᓐ ᐊᐛᓐ ᒐ ‍ ᓴᒂᔨᒧᑐᐅᒂ ᑭᔭ ᒐ ‍ ᓴᒂᔨᒧᐃᑯᒂ ᐊᓂᔭ ᓂᒋᔅᑯᑎᒪᒐᐅᓇ ᐊᓄᒡ ᐅᔭ ᒪᒂᒡ ᐊᔅᐱᔅ ᐊᑲ ᑯᐃᔅᒄ ᐃᑎᒡ ᐊᐛᓐᒋ ᑭᔭ ᐊᔅᐱᔅ ᒥᒐᑎᓯᒡ, ᑭᔭ ᐎᔾ ᐃᔪᐤ ᐅᑯᓯᓴᓇ ᒋᑭ ‍ ᓴᒂᔨᒧᐃᑯᐤ ᐃᔅᐱ ᑎᑯᓯᓂᔨᒐᓂ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔨᒡ ᐸᔭᒋ ᐊᓐᒋᓇ ᐊ ᐸᒋ ‍ ᐎᒐᐅᑯᔨᒋ᙮”
\c 9
\p
\v 1 ᐊᑯ ᒋᓴᔅ ᐅᔭ ᒥᓐ ᒂ ᐊᑎ ‍ ᐃᑕᑦ, “ᒋ ‍ ᐎᑎᒪᑎᓇᐛᐤ, ᐃᑕᐅᒡ ᐱᔅᒐ ᐅᑕ ᒪᒂᒡ ᐊᐛᓐᒋ ᒐ ᐊᑲ ᐅᒋ ‍ ᓂᐱᒡ ᐸᑐᔅ ᐛᐸᑎᒺᑥᐛ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐸᒋ ‍ ᓄᑯᓂᔨᒡ ᓱᐧᑲᑎᓯᐅᓂᒡ᙮”
\s1 ᒋᓴᔅ ᑲ ‍ ᒂᔅᒋᓇᑯᓯᑦ
\r ᒪᑎᔪᐤ 17.1-13; ᓗᒃ 9.28-36
\s2 Mark 9.2-9 (Transfiguration Year B)
\p
\v 2 ᐊᓱᑕᒡ ᑕᑐᐤ ᒋᓯᑲᐛ ᒪᒃ ᐸᑎᒪ ᐊᑯ ᒋᓴᔅ ᒂ ‍ ᐃᑐᑕᐊᑦ ᐱᑕᕋ, ᒋᒥᓴ ᑭᔭ ᒠᓇ ᐊᓐᑕ ᐊ ‍ ᐃᔅᐱᑎᓇᔨᒡ ᐱᔅᑯᑎᓇᔪᐤ ᒥᒄ ᐎᔨᐛᐤ ᒐᒋ ᑕᒡ᙮ ᐊᑯᑕ ᐅᑕ ᑲ ‍ ᒂᔅᒋᓇᑯᓯᑦ ᒋᓴᔅ ᐅᑎᔅᑯᐤ ᐊᓐᑕ ᐊ ‍ ᑕᔨᒋ᙮
\v 3 ᐅᑦ ᐊᐱᒋᑕᐅᓇ ᒪᒃ ᓇᔅᒡ ᒋ ‍ ᐛᔅᑕᔪᐛ, ᓇᔅᒡ ᐊ ‍ ᐸᔭᐧᑭᔅᒡ ᐛᐸᔨᒋ᙮ ᓇᒪ ᑕᐤ ᐊᐛᓐ ᐅᑕ ᐊᔅᒋᒡ ᒐᒋ ᐃᔅᐱᔅ ᐛᐸᔨᒋ ᒐᒂᔪᐛ ᐊ ‍ ᒋᔅᑕᐸᐅᑕᑦ᙮
\v 4 ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ᐅᒋ ‍ ᐛᐱᒪᐅᒡ ᐃᓚᐃᒐᔨᒋ ᑭᔭ ᒧᓱᓴ ᐊ ‍ ᐃᔨᒪᐊᔨᒋ ᒋᓴᓴ᙮
\p
\v 5 ᐊᑯ ᐱᑕᕐ ᐊᑕᑦ ᒋᓴᓴ, “ᒋᔅᑯᑎᒪᒐᓱᐤ, ᐊᔪᐛᒡ ᒥᔽᔨᑕᑯᓐ ᐅᑕ ᒐᒋ ᐃᑕᐛᐅᒐ᙮ ᓇᐃᒥᓇᓐ ᒐᒋ ᐅᓯᑕᔭᒡ ᓂᔅᑐ ᒥᒋᐛᐸ, ᐸᐸᐃᒄ ᒐ ‍ ᐊᔭᔭᒄ, ᒋᔾ, ᒧᓱᔅ ᑭᔭ ᐃᓚᐃᒐ᙮”
\v 6 ᐊᔪᐅᒄ ᐅᔭ ᑲ ‍ ᐃᔅᒋᔄᑦ ᐱᑕᕐ ᐊᑲ ᐅᒋ ᒋᔅᒐᔨᑕᐧᒃ ᑕᓐ ᒐ ‍ ᐃᔅᒋᔄᑦ ᐛᔅ ᓇᔅᒡ ᑕᑈ ᒋ ‍ ᓴᒋᓱᐤ᙮ ᒋᒥᔅ ᑭᔭ ᒠᓐ ᓇᔅᒡ ᑕᑈ ᑭᔭ ᐎᔨᐛᐤ ᒋ ‍ ᓴᒋᓱᐅᒡ᙮
\p
\v 7 ᐊᑯ ᒐᒃ ᑭᔅᑯᐅᓇ ᒂ ᐅᒋ ‍ ᐅᑲᔅᑕᔅᑲᑯᒡ᙮ ᐊᑯᑕ ᒂ ᐅᒋ ‍ ᐸᑐᐛᒡ ᐊᐛᔪᐛ ᐊ ‍ ᐃᔅᒋᔄᔨᒋ, “ᐊᐅᒄ ᐅ ᓂᔾ ᑎᐱᔨᐛ ᓂᑯᔅ ᑲ ‍ ᓴᒋᐃᒃ᙮ ᓂᑐᑐᐛᐧᒄ᙮”
\v 8 ᐊ ‍ ᑎᔅᑎᓴᐱᒡ ᒪᒃ, ᐛᔅᑲ ᐊᓐᑕ ᐊ ‍ ᑕᒡ ᑎᐛᒡ ᒋ ‍ ᐃᑕᐳᐅᒡ ᐊ ‍ ᓇᓂᑐᐛᐱᒪᒡ ᑯᑎᑲ ᐊᐛᔪᐛ ᐊ ‍ ᑕᔨᒂᓂ ᐊᓐᑕ ᐊ ‍ ᑕᒡ, ᓇᒪ ᒪᒃ ᐅᒋ ᑕᔪᐛ ᑯᑎᑲ ᐊᐛᔪᐛ ᒥᒄ ᒋᓴᓴ ᒋ ‍ ᑕᔪᐛ᙮
\p
\v 9 ᐊᓂᔭ ᒪᒃ ᐊ ᐊᑎ ‍ ᓂᑎᒋᐛᒡ ᐱᔅᑯᑎᓇᔪᐤ ᒋᓴᓴ ᒋ ‍ ᐃᑎᓱᒥᑯᐅᒡ, “ᐊᑲᐎᔾ ᐊᐛᓐ ᐅᒋ ᐎᑎᒧᐛᐧᒄ ᐅ ᑲ ‍ ᐃᔅᐱᔨᒡ ᐸᑐᔅ ᒋ ‍ ᐅᓂᔅᑲᒐ ᐃᔪᐤ ᐅᑯᓯᓴᓐ ᓂᐳᐅᓂᒡ ᐅᒡ᙮”
\v 10 ᒋ ‍ ᑕᑈᑐᐛᐅᒡ ᒪᒃ ᑕᓐ ᑲ ᐃᓯ ‍ ᒋᑕᐊᒪᑯᒡ ᒥᒄ ᒪᒃ ᐊᓐᑕ ᐎᔨᐛᐤ ᒋ ‍ ᐃᔭᔨᒧᑎᒧᒡ ᐅᔭ ᑕᓐ ᑲ ‍ ᐃᔅᐱᔨᒡ ᐊ ‍ ᐃᔅᒋᔄᒡ, “ᒐᒂᓐ ᐅ ᑲ ‍ ᐃᓇᓄᐅᒡ ᐊ ‍ ᐅᓂᔅᑲᑦ ᐊᐛᓐ ᓂᐳᐅᓂᒡ ᐅᒡ᙮”
\p
\v 11 ᐊᑯ ᒂ ‍ ᐃᑕᒡ ᒋᓴᓴ, “ᒐᒂᔪᐤ ᐛᒋ ‍ ᐃᔅᒋᔄᒡ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᔭᐃᑕᔾ ᓂᔅᑎᒻ ᐃᓚᐃᒐᔨᒋ ᒐ ‍ ᑎᑯᓯᓂᔨᒋ ?”
\p
\v 12 ᐊᑯ ᒂ ᐃᓯ ‍ ᐎᑎᒪᑯᒡ, “ᑕᑈ ᑭᑈ ᐃᓚᐃᒐ ᓂᔅᑎᒻ ᒋᑭ ‍ ᑎᑯᓯᓐ ᒐᒋ ᐊᔭᔅᑯᔅᑕᑦ ᒥᓯᐛ ᒐᒂᔪᐤ᙮ ᒐᒂᓐ ᒪᒃ ᐛᒋ ‍ ᐃᑎᔅᑕᒡ ᒋᓴᒪᓂᑐᐤ ᐅᒥᓯᓇᐃᑭᓂᒡ ᐃᔪᐤ ᐅᑯᓯᓴᓐ ᒥᔅᑎ ᒐ ‍ ᓂᓇᐧᑲᑕᔨᒧᑦ ᑭᔭ ᒐ ᐊᑲ ‍ ᐅᒋ ‍ ᐊᐱᑕᔨᒪᑭᓄᐅᑦ ?
\v 13 ᒥᒄ ᒪᒃ, ᒋ ‍ ᐎᑎᒪᑎᓇᐛᐤ, ᓴᔅ ᒋ ‍ ᑎᑯᓯᓐ ᐃᓚᐃᒐ᙮ ᒥᒄ ᒪᒃ ᑕᓐ ᐛ ᐃᑐᑕᑯᑦ ᐊᐛᔪᐛ ᐊᐅᑯᓐ ᑲ ‍ ᐃᑐᑕᑯᑦ᙮ ᐛᔅ ᐊᐅᑯᓐ ᑲ ‍ ᐃᑎᔅᑕᔨᒡ ᒋᓴᒪᓂᑐᐤ ᐅᒥᓯᓇᐃᑭᓂᒡ ᒐ ‍ ᐃᑐᑐᐛᐛᑯᐱᓇ᙮”
\s1 ᒋᓴᔅ ᑲ ‍ ᒥᓏᒋᐊᑦ ᓇᐸᓴ ᒥᒋ ‍ ᐊᒐᒂ ᐊᒋ ‍ ᐱᒋᔅᑲᑯᔨᒋ
\r ᒪᑎᔪᐤ 17.14-21; ᓗᒃ 9.37-43
\p
\v 14 ᐃᔅᐱ ᒪᒃ ᒥᓐ ᓇᑐᐛᐱᒪᒡ ᐊᓂᔭᔪᐛ ᑯᑎᑲ ᒋᔅᒋᓄᐊᒧᐛᑭᓇ, ᒋ ‍ ᐛᐱᒪᐅᒡ ᒥᒐᑦ ᐊᐛᔪᐛ ᐊ ‍ ᐛᔅᑲᑲᐳᔅᑕᑯᔨᒋ᙮ ᐊᓂᔭᔪᐛ ᒪᒃ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ ᐊᐅᑯᓂ ᐊᓂᔭᔪᐛ ᓇᔅᒡ ᑲ ᒥᔅᑎ ‍ ᐃᔨᒥᐃᑯᔨᒋ᙮
\v 15 ᐊᓐᒡ ᒪᒃ ᐃᔪᒡ ᐃᔅᐱ ᐎᔭᐱᒪᒡ ᒋᓴᓴ, ᓇᔅᒡ ᑕᑈ ᒋ ‍ ᓯᔅᒋᑯᒋᐃᑯᐅᒡ, ᒂ ‍ ᒋᒋᓇᒡ ᒐᒋ ᐛᒋᔭᒪᒡ᙮
\p
\v 16 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᒐᒂᓐ ᐊᓐ ᓇᔅᒡ ᑲ ‍ ᒥᔅᑎ ‍ ᐃᔭᔨᒧᑎᒪᒄ ?”
\p
\v 17 ᒋ ᐅᒋ ‍ ᐃᔨᒧᐤ ᐸᐃᒄ ᓇᐸᐤ ᐊᓐᑕ ᒪᒂᒡ ᐊ ‍ ᒥᒐᑎᓇᓄᐎᒡ ᐊ ‍ ᐃᔅᒋᔄᑦ, “ᒋᔅᑯᑎᒪᒐᓱᐤ, ᔅᒋ ‍ ᐸᑥᑎᓐ ᓂᑯᔅ᙮ ᓇᒪ ᒋ ‍ ᐃᔨᒧᐤ ᐛᔅ ᒥᒋ ‍ ᐊᒐᒂ ᐱᒋᔅᑲᑯᐤ᙮
\v 18 ᐃᔅᐱ ᒥᔭᓯᐧᑲᐧᑯᒋ ᐅᔭ ᒥᒋ ‍ ᐊᒐᒂ, ᓇᔅᒡ ᐛᔅ ᒋᑭ ‍ ᓂᒋᐛᐸᐅᑯᐤ, ᑭᔭ ᒋ ‍ ᐱᔅᑕᐅᑕᑎᒻ, ᑭᔭ ᐛᔅ ᒋᑭ ‍ ᒥᑥᔭᐱᑕᓯᓐ, ᑭᔭ ᓇᔅᒡ ᒋᑭ ‍ ᒋᑐᐛᔅᑯᐱᔪᐤ᙮ ᐊᓐᒡ ᒪᒃ ᒋᒋᔅᒋᓄᐊᒧᐛᑭᓐᒡ ᓂᒋ ‍ ᑯᒂᒋᒪᐅᒡ ᒐᒋ ᐎᐎᑎᓴᐛᒡ ᐊᓂᔭᔪᐛ ᒥᒋ ‍ ᐊᒐᒂ ᓇᒪ ᒪᒃ ᐅᒋ ᐃᑐᐅᒡ᙮”
\p
\v 19 ᒋᓴᔅ ᒪᒃ ᒋ ‍ ᐃᑕᐤ ᐊᓂᔭᔪᐛ ᐊᓐᑕ ᑲ ‍ ᑕᔨᒋ, “ᒋᔨᐛᐤ ᐃᔪᒡ ᐊᓄᒡ ᑲ ‍ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ, ᑕᓐ ᒐ ᐃᔅᐱᔅ ‍ ᑕᔭᓐ ᐅᑕ ᐊ ‍ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ‍ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ᙮ ᐸᓱᐛᐧᒄ ᐊᓐ ᓇᐸᔅ ?”
\v 20 ᐊᑯ ᒂ ‍ ᐸᓱᐛᒡ ᐊᓂᔭ ᓇᐸᓴ ᐊᓐᑕ ᒋᓴᓴ ᐊ ‍ ᑕᔨᒋ᙮
\p ᐃᔅᐱ ᐊᓐ ᒥᒋ ‍ ᐊᒐᐧᒄ ᐎᔭᐱᒪᑦ ᒋᓴᓴ ᑎᐛᒡ ᒋ ‍ ᐃᑐᑐᐛᐤ ᐊᓂᔭ ᓇᐸᓴ ᒐᒋ ᐅᒋᐱᑎᑯᔨᒋ, ᓇᔅᒡ ᐊᓐᑕ ᐊᔅᒋᒡ ᐊᒋ ᐃᓯ ‍ ᐸᒋᓯᓂᔨᒋ᙮ ᐊᑯ ᑲ ‍ ᑯᒂᑎᐱᔪᐅᑦ ᐊᓐᑕ ᐊᓐ ᓇᐸᔅ ᐊ ‍ ᐱᔅᑕᐅᑕᑕᐧᒃ᙮
\p
\v 21 ᒋᓴᔅ ᒂ ‍ ᑯᒂᒋᒪᑦ ᐊᓂᔭᔪᐛ ᐅᑕᐎᒪᐛ, “ᓴᔅ ᐊ ᐛᔅᑭᒡ ᐅᔭ ᑲ ‍ ᐃᓯᓇᑯᓯᑦ ?” “ᐱᐃᒻ ᑲ ‍ ᐊᐛᓯᐅᑦ ᓴᔅ ᐊᐅᑯᓐ ᑲ ‍ ᐃᔅᐱᔨᑦ,” ᒋ ‍ ᐃᑕᐤ ᐊᓐ ᐅᑕᐎᒪᐤ᙮
\v 22 ᑭᔭ ᒋ ‍ ᐃᑕᐤ, “ᓴᔅ ᒥᒐᑥᐤ ᒋ ᐎ ‍ ᓂᐸᐃᑯᐤ ᐊᓂᔭ ᒥᒋ ‍ ᐊᒐᒂ ᐃᔅᑯᑕᒡ ᒪᒃ ᑭᔭ ᓂᐱᒡ ᐊ ᐃᓯ ‍ ᐛᐱᓂᑯᑦ᙮ ᒋᔅᑎᒪᒐᔨᒥᓇᓐ ᒪ, ᐎᒋᐃᓇᓐ, ᒐᒋ ᐎ ᐎᒋᐃᐛᐛᒐ᙮”
\p
\v 23 ᒋ ‍ ᐃᑕᐤ ᒪᒃ ᒋᓴᔅ, “ᒐᒂᓐ ᐛᒋ ‍ ᐃᔅᒋᔄᔨᓐ ‘ᒐᒋ ᐎ ᐎᒋᐃᐛᐛᒐ’ ? ᐛᔅ ᐊᐛᓐ ᑲ ‍ ᑕᑈᑕᐧᒃ ᒥᓯᐛ ᑕᓐ ᐛ ᐃᑎᑦ ᒋᑭ ᒋ ‍ ᐃᑐᑎᒻ᙮”
\v 24 ᑎᐛᒡ ᒂ ᐅᒋ ‍ ᐊᓯᒂᑦ ᐊᓐ ᐅᑕᐎᒪᐤ, “ᓂ ‍ ᑕᑈᑕᓐ ᒥᒄ ᒪᒃ ᓇᒪ ᓇᔅᒡ ᓂ ‍ ᑭᓄᐛᔨᑕᓐ ᑕᑈᑎᒧᐅᓐ᙮ ᐎᒋᐃ ᐊᑐᐎᔅ ᒐᒋ ᐊᔭᔭᓐ ᑕᑈᑎᒧᐅᓐ᙮”
\p
\v 25 ᒋᓴᔅ ᒪᒃ ᒋ ‍ ᐛᐱᒪᐤ ᐊᓂᔭ ᐃᔪᐛ ᑲ ᐸᒋ ‍ ᒪᒧᑲᐳᔨᒋ ᐊ ᐊᑎ ‍ ᓯᑎᔅᑲᑐᔨᒋ ᐊᑯ ᒂ ‍ ᒋᑕᐊᒧᐛᑦ ᐊᓂᔭ ᒥᒋ ‍ ᐊᒐᒂ ᐊ ‍ ᐃᑕᑦ, “ᒋᔾ ᐊᒐᐧᒄ ᐊᑲ ᐸᑎᒥᓐ ᑭᔭ ᐊᑲ ᓂᑕᐛᔨᓐ, ᒪᒋ ᐎᐎᔾ ᐊᓐᑕ ᐅ ᓇᐸᔅ ᐊ ‍ ᑕᑦ ᐅᒡ᙮ ᐊᑲᐎᔾ ᒥᓐ ᒋᑭ ᐅᒋ ‍ ᐱᒋᔅᑯᐛᐤ᙮”
\p
\v 26 ᐊᑯ ᐊᓐ ᒥᒋ ‍ ᐊᒐᐧᒄ ᒂ ᐅᒋ ‍ ᐊᓯᒂᑦ, ᒂ ‍ ᐃᑐᑐᐛᑦ ᐊᓂᔭ ᓇᐸᓴ ᒐᒋ ᐅᒋᐱᑎᑯᔨᒋ ᐊᑯ ᒂ ‍ ᓂᑭᑕᑦ᙮ ᐊᓐ ᒪᒃ ᓇᐸᔅ ᒧᔭᒻ ᐊ ‍ ᓂᐱᑦ ᐊᐅᑯᓐ ᑲ ‍ ᐃᓯᓇᑯᓯᑦ ᐊᓐᑕ ᐊ ‍ ᐱᒥᓯᐧᒃ᙮ ᐊᑯ ᒥᓯᐛ ᐊᐛᓐ ᒂ ‍ ᐃᔅᒋᔄᑦ, “ᓇᒪ ᐱᒪᑎᓯᐤ᙮”
\v 27 ᒋᓴᔅ ᒋ ‍ ᐅᑎᓂᒺᐤ ᐅᑎᒋᔪᐤ ᐊᓂᔭ ᓇᐸᓴ ᐊᑯ ᒂ ‍ ᐎᒋᐊᑦ ᒂ ᐊᑎ ‍ ᐅᓂᔨᒋ᙮ ᒂ ‍ ᐱᓯᑯᑦ ᐊᓐ ᓇᐸᔅ᙮
\p
\v 28 ᒂ ᐊᑎ ‍ ᔅᑐᑕᑦ ᒋᓴᔅ ᐊᑯ ᒂ ‍ ᐱᒐᑦ ᒥᒋᐛᐱᔪᐤ᙮ ᐅᒋᔅᒋᓄᐊᒧᐛᑭᓇ ᒪᒃ ᒋ ‍ ᑯᒂᒋᒥᑯᐤ ᒥᒄ ᐎᔨᐛᐤ ᐊ ‍ ᑕᒡ, “ᒐᒂᓐ ᐛᒋ ᐊᑲ ‍ ᐅᒋ ‍ ᐃᑐᑐᐅᒋᒡ ᓂᔭᓐ ᒥᒋ ‍ ᐊᒐᐧᒄ ᒐᒋ ᐎᐎᑦ ᐊᓐᑕ ᐊᓂᔭ ᐊᐛᔪᐛ ᑲ ‍ ᐱᒋᔅᑯᐛᑦ ?”
\v 29 ᒋ ᐃᓯ ‍ ᐎᑎᒪᑯᐅᒡ ᒪᒃ ᒋᓴᓴ, “ᒥᒄ ᐊᔭᒪᐛᑎᓯᒐ ᑭᔭ ᐊᑲ ᐅᑎᓇᒐ ᐊᐛᓐ ᒥᒋᒥᔪᐤ, ᐊᑯᑕ ᒥᒄ ᒐᒋ ᐎᐎᔨᒋ ᐅᔭ ᑲ ‍ ᐃᑕᔨᑕᑯᓯᔨᒋ ᒥᒋ ‍ ᐊᒐᒂ᙮ ᓇᒪ ᒥᓐ ᑎᑯᓂᔪᐤ ᑕᓐ ᒐᒋ ᐃᑎᑦ ᐊᐛᓐ᙮”
\s1 ᒥᓐ ᑲ ‍ ᐊᔨᒧᑕᐧᒃ ᒋᓴᔅ ᒐ ‍ ᓂᐱᑦ
\r ᒪᑎᔪᐤ 17.22,23; ᓗᒃ 9.43-45
\s2 Mark 9.30-37 (Proper-20 Year B)
\p
\v 30 ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒋ ‍ ᔅᑐᑕᐅᒡ ᐊᓐᑕ ᐅᒋ ᐊᑯ ᒥᒄ ᒂ ‍ ᓴᐳᑐᐛᔅᑲᒡ ᑲᓕᓕ ᐊᔅᒋᔪᐤ ᐃᔅᐱ ᐊᓐᑕ ᑲ ‍ ᑕᒡ᙮ ᒋᓴᔅ ᒪᒃ ᓇᒪ ᐅᒋ ᓂᑐᐛᔨᒪᐤ ᒐᒋ ᒋᔅᒐᔨᒥᑯᑦ ᐊᐛᔪᐛ ᐊᓐᑕ ᐊ ‍ ᑕᑦ,
\v 31 ᐛᔅ ᒪᒂᒡ ᒋ ‍ ᒋᔅᑯᑎᒧᐛᐤ ᐅᒋᔅᒋᓄᐊᒧᐛᑭᓇ᙮ ᒋ ‍ ᐃᑕᐤ, “ᓇᐸᐛ ᐊ ‍ ᑕᔨᒋ ᒋᑭ ᐃᓯ ‍ ᐱᔅᑎᓇᑭᓄᐤ ᐃᔪᐤ ᐅᑯᓯᓴᓐ ᒐᒋ ᓂᐸᐃᑯᑦ᙮ ᒥᒄ ᒪᒃ ᓂᔅᑐ ᒋᓯᑲᐛ ᐃᔅᐱᔅ ᐊᑯ ᒐ ‍ ᐅᓂᔅᑲᑦ ᓂᐳᐅᓂᒡ ᐅᒡ᙮”
\v 32 ᐊᓐᒡ ᒋᔅᒋᓄᐊᒧᐛᑭᓐᒡ ᓇᒪ ᐅᒋ ᓂᔅᑐᑎᒧᒡ ᑕᓐ ᐊ ᐃᓯ ‍ ᐎᑎᒪᒐᒥᑭᓂᔨᒡ ᐅᔭ ᑲ ‍ ᐃᔅᒋᔄᔨᒋ, ᒋ ‍ ᓴᒋᓱᐅᒡ ᑭᔭ ᒐᒋ ᑯᒂᒋᒪᒡ᙮
\s1 ᐊᐛᓐ ᒪᐅᒡ ᓂᑲᓐ ᐊ ‍ ᐃᑕᔨᑕᑯᓯᑦ
\r ᒪᑎᔪᐤ 18.1-5; ᓗᒃ 9.46-48
\p
\v 33 ᒋ ‍ ᐅᑎᑎᒧᒡ ᑲᐳᕐᓇᐊᒻ, ᐃᔅᐱ ᒪᒃ ᐱᑎᑭᒥᒡ ᐊ ‍ ᑕᒡ ᐊᓂᔭ ᒥᒋᐛᐱᔪᐤ ᒐ ‍ ᑕᒡ ᐊᑯ ᒋᓴᔅ ᒂ ‍ ᑯᒂᒋᒪᑦ ᐅᒋᔅᒋᓄᐊᒧᐛᑭᓇ, “ᒐᒂᓐ ᐊᓐ ᓇᔅᒡ ᑲ ᒥᔅᑎ ‍ ᐃᔭᔨᒧᑎᒪᒄ ᐊᓐᑕ ᑲ ᐸᒋ ‍ ᐱᒧᑕᔭᐧᒄ ?”
\v 34 ᓇᒪ ᐅᒋ ᒋ ‍ ᔅᑐᑎᑯᐤ, ᐛᔅ ᐊᓂᔭ ᒪᒂᒡ ᑲ ‍ ᐱᒧᑕᒡ ᒋ ‍ ᒥᒋᐱᔪᒡ ᐊᐛᓐ ᐊᓐᑕ ᐊ ‍ ᑎᓯᒡ ᒪᐅᒡ ᒐ ‍ ᒋᔅᑕᔨᑕᑯᓯᑦ᙮
\p
\v 35 ᒋ ‍ ᐛᐛᔨᐳᐤ ᒋᓴᔅ, ᒂ ‍ ᐎᓴᒪᑦ ᐊᓂᔭ ᓂᓱᓴᑉ ᐅᒋᔅᒋᓄᐊᒧᐛᑭᓇ ᐊᑯ ᒂ ‍ ᐃᑕᑦ, “ᐊᓐ ᐊᐛᓐ ᓇᑐᐛᔨᑎᒧᒂ ᐎᔾ ᓇᔅᒡ ᓂᑲᓐ ᒐᒋ ᐃᑕᔨᑕᑯᓯᑦ, ᑭᑈ ᒪᔅᑕᔾ ᒋᐸ ᐃᓯ ‍ ᐱᔅᑎᓂᓱᐤ ᑭᔭ ᒥᓯᐛ ᐊᐛᔪᐛ ᒋᐸ ᒥᔪ ‍ ᐊᑐᔅᑯᐛᐤ᙮”
\p
\v 36 ᐊᑯ ᐛᑎᓇᑦ ᐊᐛᓴ ᒂ ‍ ᐅᑎᔅᑯᑲᐳᐊᑦ ᐊᓐᑕ ᒪᒂᒡ ᐊ ‍ ᑕᒡ᙮ ᒂ ‍ ᐛᐅᒋᑯᔪᐛᓇᑦ ᐊᑯ ᒂ ‍ ᐃᑕᑦ ᐅᒋᔅᒋᓄᐊᒧᐛᑭᓇ,
\v 37 “ᐊᐛᓐ ᐊ ‍ ᐅᑎᓇᑦ ᐸᐃᒄ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ‍ ᐅᑎᓂᑦ ᐊᐅᑯᓐ ᐊ ‍ ᐃᓯᓇᑯᓂᔨᒡ᙮ ᐊᓐ ᒪᒃ ᐊᐛᓐ ᑲ ‍ ᐅᑎᓂᑦ ᓇᒪᔭᐤ ᓂᔾ ᐛᑎᓂᑦ, ᐊᓂᔭᔪᐛ ᑲ ᐸᒋ ‍ ᐃᑎᓴᐅᔨᒋ ᐊᐅᑯᓂ ᐊᓂᔭ ᐛᑎᓇᑦ᙮”
\s1 ᐊᓐ ᐊᐛᓐ ᐊᑲ ᓂᔅᑯᔅᑕᑕᐧᒄ ᒋ ‍ ᐎᒋᐃᑯᓄᐤ
\r ᓗᒃ 9.49,50
\s2 Mark 9.38-50 (Proper-21 Year B)
\p
\v 38 ᒠᓐ ᒪᒃ ᒋ ‍ ᐃᑕᐤ ᒋᓴᓴ, “ᒋᔅᑯᑎᒪᒐᓱᐤ, ᓂᒋ ‍ ᐛᐱᒪᓇᓐ ᓇᐸᐤ ᐊ ‍ ᐎᐎᑎᓴᐛᑦ ᒥᒋ ‍ ᐊᒐᒂ ᒋᑦ ᐃᓯᓂᐧᑲᓱᐅᓂᔪᐤ ᐊ ‍ ᐊᐱᒋᑕᑦ, ᐊᑯ ᒂ ‍ ᒋᑕᐊᒧᐎᒋᑦ, ᐛᔅ ᐊᓐ ᑕᐸ ᐅᑕ ᒋᔭᓄᐤ ᐊ ‍ ᑕᐛᐧᒄ ᐃᓯ ᐎᒋᐃᐛᐤ᙮”
\p
\v 39 ᐊᑯ ᒂ ‍ ᐃᑎᑯᒡ ᒋᓴᓴ, “ᐊᑲᐎᔾ ᒋᑕᐊᒧᐛᐧᒄ, ᑕᐸ ᐛᔅ ᐊᓐ ᓂᑭ ᐅᒋ ᐎ ᒥᒋ ‍ ᐊᔨᒧᒥᒄ ᐊᑯ ᐊᐛᓐ ᐛᔅ ᒧᔭᒻ ᒋ ‍ ᐃᑐᑕᒐ ᒪᒥᔅᑲᒡ ᐃᑐᐅᓂᔪᐤ ᓂᑦ ᐃᓯᓂᐧᑲᓱᐅᓂᔪᐤ ᐊᒋ ‍ ᐊᐱᒋᑕᑦ᙮
\v 40 ᐛᔅ ᐊᓐ ᐊᐛᓐ ᐊᑲ ᓂᔅᑯᔅᑕᑕᐧᒄ ᒋ ‍ ᐎᒋᐃᑯᓄᐤ᙮
\v 41 ᒋᒋᐛ ᒪᒃ ᒋᑦ ᐃᑎᓇᐛᐤ, ᐊᓐ ᐊᐛᓐ ᒐ ‍ ᒥᓇᐃᑕᒄ ᓂᐱᔪᐤ ᐊᓂᔭ ᐅᒋ ᙭ ᐊ ‍ ᐎᒐᐛᒄ, ᒐᔅᑎᓇᔅ ᒋᑭ ‍ ᒥᔭᑭᓄᐤ ᐅᑎᐸᐊᒪᑯᓯᐅᓐ᙮”
\s1 ᐊ ‍ ᑎᒂᒡ ᓂᓇᐧᑯᐤ ᑯᒂᒋᐃᐛᐅᓐ
\r ᒪᑎᔪᐤ 18.6-9; ᓗᒃ 17.1,2
\p
\v 42 ᒋᓴᔅ ᒋ ᐊᑎ ‍ ᐃᑕᐤ, “ᐊᓐ ᐊᐛᓐ ᒐ ‍ ᐃᑐᑐᐛᒂ ᒐᒋ ᒥᒋᑐᑎᒥᔨᒋ ᐸᐃᒄ ᐅᔭ ᐊᐛᓴ ᑲ ‍ ᑕᑈᔭᔨᒥᔨᒋ ᐃᐛᒃ ᒋᑭ ‍ ᒥᔽᔪᐤ ᒐᒋ ᒪᑯᐱᑕᑭᓄᔨᒋ ᐊ ‍ ᒥᒐᐱᔅᒋᓯᔨᒋ ᐊᓯᓂᔭ ᐅᑯᔭᒡ ᑭᔭ ᒐᒋ ᐱᑭᔅᑐᐛᐱᓇᑭᓄᐅᑦ ᐊᓐᑕ ᐎᓂᐸᑯᒡ᙮
\v 43 ᐛᔅ ᒧᔭᒻ ᒪᒃ ᑐᑕᑯᔨᓇ ᔅᑎᒋᔾ ᒐᒋ ᒥᒋᑐᑎᒥᓐ, ᐊᑯᔅ ᒐ ‍ ᒥᓯᒥᓐ ᐊᓐ ᔅᑎᒋᔾ᙮ ᐃᐛᒃ ᒋᑭ ‍ ᒥᔽᐤ ᒐᒋ ᐱᒐᔨᓐ ᐱᒪᑎᓯᐅᓂᒡ ᐊᑲ ᑎᒂᒡ ᐸᐃᒄ ᔅᑎᒋᔾ ᐃᔅᐱᔅ ᑕᐱᔅᑯᓐ ᔅᑎᒋᔭ ᒐᒋ ᐊᔭᔨᓐ ᒥᒋ ‍ ᐃᔅᑯᑕᒡ ᒪᒃ ᒐᒋ ᐃᑐᑕᔨᓐ, ᐊᓐᑕ ᒐ ᐊᑲ ᓂᑕ ᐊᔅᑐᐛᒡ ᐊᓐ ᐃᔅᑯᑕᐤ᙮
\v 44 ᐛᔅ ᐊᑯᑕ ᐅᑕ ᒥᒋ ‍ ᐃᔅᑯᑕᒡ ᓇᒪ ᓂᑕ ᒋᑭ ᐅᒋ ‍ ᓂᐱᔪᐛ ᐊᓂᔭᔪᐛ ᒥᓐᑐᓴ ᒐ ‍ ᒧᐅᑯᒡ ᐊᓐᒡ ᐊᓐᑕ ᑲ ‍ ᑕᒡ᙮ ᑭᔭ ᓇᒪ ᓂᑕ ᒋᑭ ᐅᒋ ‍ ᐊᔅᑐᐛᔪᐤ ᐊᓂᔭ ᐃᔅᑯᑕᔪᐤ ᒐ ‍ ᐃᔎᓱᑯᒡ᙮
\v 45 ᒪᒃ ᒋᓯᑦ ᑐᑕᑯᔨᓇ ᒐᒋ ᒥᒋᑐᑎᒥᓐ, ᒐ ‍ ᒋᒥᓯᒥᓐ ᐊᓐ ᒋᓯᑦ᙮ ᐃᐛᒃ ᒋᑭ ‍ ᒥᔽᐤ ᒐᒋ ᐱᒐᔨᓐ ᐱᒪᑎᓯᐅᓂᒡ ᐊ ‍ ᒪᔅᒋᐱᔨᓐ ᐃᔅᐱᔅ ᐊ ‍ ᐊᔭᔨᓐ ᑕᐱᔅᑯᓐ ᒋᓯᑕ ᒥᒋ ‍ ᐃᔅᑯᑕᒡ ᒪᒃ ᒐ ᐃᓯ ‍ ᐛᐱᓂᑯᔨᓐ, ᐊᓐᑕ ᒐ ᐊᑲ ᓂᑕ ‍ ᐊᔅᑐᐛᒡ ᐃᔅᑯᑕᐤ,
\v 46 ‘ᐛᔅ ᐊᑯᑕ ᐅᑕ ᒥᒋ ‍ ᐃᔅᑯᑕᒡ ᓇᒪ ᓂᑕ ᒋᑭ ᐅᒋ ‍ ᓂᐱᔪᐛ ᐊᓂᔭᔪᐛ ᒥᓐᑐᓴ ᒐ ‍ ᒧᐅᑯᒡ ᐊᓐᒡ ᐊᓐᑕ ᑲ ‍ ᑕᒡ᙮ ᑭᔭ ᓇᒪ ᓂᑕ ᒋᑭ ᐅᒋ ‍ ᐊᔅᑐᐛᔪᐤ ᐊᓂᔭ ᐃᔅᑯᑕᔪᐤ ᒐ ‍ ᐃᔎᓱᑯᒡ᙮’
\v 47 ᒪᒃ ᒋᔅᒋᓯᒄ ᑐᑕᑯᔨᓇ ᒐᒋ ᒥᒋᑐᑎᒥᓐ, ᐊᑯᔅ ᑯᐃᑯᐱᑕ ᐊᓐ ᒋᔅᒋᓯᒄ᙮ ᐃᐛᒃ ᒋᑭ ‍ ᒥᔽᐤ ᒐᒋ ᐱᒐᔨᓐ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᒥᒄ ᐊ ‍ ᓂᐱᑕᔭᐱᔨᓐ ᐃᔅᐱᔅ ᐎ ᑕᐱᔅᑯᓐ ᒐᒋ ᑭᓄᐛᔨᑎᒥᓐ ᒋᔅᒋᓯᒂ ᒥᒋ ‍ ᐃᔅᑯᑕᒡ ᒪᒃ ᒐᒋ ᐃᑐᑕᔨᓐ᙮
\q
\v 48 ᐛᔅ ᐊᑯᑕ ᐅᑕ ᒥᒋ ‍ ᐃᔅᑯᑕᒡ ᓇᒪ ᓂᑕ ᒋᑭ ᐅᒋ ‍ ᓂᐱᔪᐛ ᐊᓂᔭᔪᐛ ᒥᓐᑐᓴ ᒐ ‍ ᒧᐅᑯᒡ ᐊᓐᒡ ᐊᓐᑕ ᑲ ‍ ᑕᒡ᙮ ᑭᔭ ᓇᒪ ᓂᑕ ᒋᑭ ᐅᒋ ‍ ᐊᔅᑐᐛᔪᐤ ᐊᓂᔭ ᐃᔅᑯᑕᔪᐤ ᒐ ‍ ᐃᔎᓱᑯᒡ᙮”
\p
\v 49 “ᒥᓯᐛ ᐊᐛᓐ ᐃᔅᑯᑕᔪᐤ ᒋᑭ ‍ ᐊᐱᑎᓂᔪᐤ ᐊ ᐎ ‍ ᒥᔪᓇᑯᑕᑭᓄᐎᒡ ᐅᐱᒪᑎᓯᐅᓐ ᒧᔭᒻ ᑕᓐ ᐊ ‍ ᐃᑕᐱᑎᒡ ᓯᐅᑕᑭᓐ, ᒥᒋᒥᒡ ᐊ ‍ ᐊᔅᑕᑭᓄᐅᒡ ᒐ ᐊᑲ ᒋ ᐃᔭᔪᐛᒡ ᐊᓐ ᒥᒋᒻ᙮
\v 50 ᒥᔪ ‍ ᐊᐱᑎᓐ ᓯᐅᑕᑭᓐ, ᒥᒄ ᒪᒃ ᐛᔅ ᒧᔭᒻ ᐊᑲ ᓴᐱᔅᐳᑯᒐ ᑕᓐ ᒐᒋ ᐃᑐᑎᒥᓐ ᒥᓐ ᒐᒋ ᒥᔽᒡ᙮ ᐊᑯ ᒪᒃ ᒋᔨᐛᐤ ᐊᓐᑕ ᐊ ‍ ᑕᔭᒄ ᒧᔭᒻ ᐊᒋ ‍ ᓯᐅᐃᑯᔭᒄ ᒋᐸ ‍ ᐃᑕᔨᑕᑯᓯᓇᐛᐤ ᑭᔭ ᒋᐸ ‍ ᒋᔭᒪᔨᑕᑯᓐ ᐊᓐᑕ ᐊ ‍ ᑕᔭᒄ᙮”
\c 10
\s1 ᒋᓴᔅ ᑲ ‍ ᐊᔨᒧᑕᐧᒃ ᐊ ‍ ᐛᐱᓂᑐᓇᓄᐎᒡ
\r ᒪᑎᔪᐤ 19.1-12; ᓗᒃ 16.18
\p
\v 1 ᒋᓴᔅ ᒪᒃ ᒋ ‍ ᔅᑐᑕᐤ ᐊᓐᑕ ᐊᓂᔭ ᑲ ‍ ᑕᑦ, ᐊᑯ ᐊᓐᑕ ᒍᑎᔭ ᐊᔅᒋᒡ ᒂ ᐊᑎ ‍ ᐃᑐᑕᑦ ᒂᔅᑕᒐᑲᒻ ᒠᕐᑕᓐ ᓯᐱᒡ᙮ ᐊᑯᓐ ᑲ ‍ ᐃᑐᑕᑯᑦ ᑭᔭ ᐊᓐᑕ ᐊᐛᔪᐛ, ᒋ ‍ ᒥᒐᑎᔪᐛ ᐊ ᐸᒋ ‍ ᓂᑐᐛᐱᒥᑯᑦ᙮ ᐊᑯ ᒂ ‍ ᐃᑐᑐᐛᑦ ᑕᓐ ᑲᒋ ‍ ᐃᑐᑐᐛᑦ ᒪᓐ ᐊᐛᔪᐛ ᐊ ‍ ᓂᑐᐛᐱᒥᑯᑦ, ᒋ ‍ ᒋᔅᑯᑎᒧᐛᐤ᙮
\s2 Mark 10.2-16 (Proper-22 Year B)
\p
\v 2 ᒋ ‍ ᑎᑯᓯᓂᔪᐛ ᐸᕆᓯᐊ ᐊᒋ ᐎ ‍ ᓇᓂᑐᐤ ᐎᔭᓯᐃᑯᑦ ᐊᑲ ᑯᐃᔅᒄ ᒐᒋ ᐃᓯ ‍ ᐎᑕᐧᒃ ᒐᒂᔪᐤ᙮ ᒋ ᐃᓯ ‍ ᑯᒂᒋᒥᑯᐤ ᒪᒃ, “ᐎᑎᒧᐅᓇᓐ ᒪ, ᐃᑎᔅᑕᐤ ᐊ ᐎᓱᐛᐅᓂᒡ ᒐ ‍ ᐱᔅᑎᓇᑭᓄᐅᑦ ᓇᐸᐤ ᒐᒋ ᐛᐱᓇᑦ ᐎᐛ ?”
\p
\v 3 ᒋᓴᔅ ᒋ ᐃᓯ ‍ ᐎᑎᒧᐛᐤ ᐅᔭ ᐊ ᐃᓯ ‍ ᑯᒂᒋᒪᑦ, “ᑕᓐ ᑲ ‍ ᐃᑎᓱᒥᑕᒄ ᒪᒃ ᒧᓱᔅ ?”
\p
\v 4 ᐊᑯ ᒂ ‍ ᐃᔅᒋᔄᒡ, “ᒧᓱᔅ ᒋ ‍ ᐱᔅᑎᓇᐤ ᓇᐸᐛ ᒐᒋ ᐅᓯᑕᔨᒋ ᐛᐱᓂᑐᐤ ᒥᓯᓇᐃᑭᓂᔪᐤ ᑭᔭ ᐃᔭᒄ ᒐᒋ ᐛᐱᓂᔨᒋ ᐎᐎᔪᐛ᙮”
\p
\v 5 ᐊᑯ ᒋᓴᔅ ᒂ ‍ ᐃᑕᑦ, “ᓇᔅᒡ ᑕᑈ ᒋ ‍ ᓯᐱᑕᓇᐛᐤ ᐊᔪᐅᒄ ᐅᔭ ᐛᒋ ‍ ᒥᓯᓇᐊᐧᒃ ᒧᓱᔅ ᐅᔭ ᐃᑎᓱᐛᐅᓂᔪᐤ᙮
\v 6 ᒥᒄ ᒪᒃ ᐅᔅᑭᒡ ᑲ ‍ ᐅᓯᑕᑭᓄᐅᒡ ᐅ ᐊᔅᒋᔾ ᒋ ‍ ᓂᔅᑐᓇᑯᓂᔪᐤ ᑕᓐ ᑲ ᐎ ‍ ᐃᑎᑦ ᒋᓴᒪᓂᑐᐤ ᐛᔅ ᒪᐅ ᐊᑎᔅᑕᒡ ᒋᓴᒪᓂᑐᐤ ᐅᒥᓯᓇᐃᑭᓂᒡ, ᑕᐱᔅᑯᓐ ᓇᐸᐛ ᑭᔭ ᐃᔎᐛ ᒋ ‍ ᐅᓯᐊᐤ᙮
\q
\v 7 ᐊᐅᒄ ᒪᒃ ᐅᔭ ᒐ ᐅᒋ ‍ ᓂᑭᑕᑦ ᓇᐸᐤ ᐅᓂᒋᐃᒂ ᐎᐛ ᒐᒋ ᐎᒋᒪᑦ᙮
\v 8 ᐊᑯ ᒪᒃ ᐊ ‍ ᓂᓯᒡ ᐊᓂᔭᔪᐛ ᐎᐛ ᐸᐃᒄ ᒥᔪᐤ ᒐ ‍ ᐃᓯᓇᑯᓯᒡ᙮
\m ᓇᒪ ᒪᒃ ᐊᑯ ᑕᐱᔅᑯᓐ ᑎᐸᓂᐱᒪᑎᓱᐅᒡ, ᒧᔭᒻ ᐸᐃᒄ ᒥᔪᐤ ᐊᐅᑯᓐ ᐊ ‍ ᐃᓯᓇᑯᓯᒡ ᐊᑯ᙮
\v 9 ᐊᓂᔭᔪᐛ ᐊᐛᔪᐛ ᒋᓴᒪᓂᑐᐤ ᐊᒋ ‍ ᐃᑐᑐᐛᑦ ᒐᒋ ᐎᒋᒥᑐᔨᒋ ᐊᑲᐎᔾ ᐊᐛᓐ ᒋᑭ ᐅᒋ ‍ ᐃᑐᑐᐛᐤ ᒐᒋ ᓂᑭᑎᑐᔨᒋ᙮”
\p
\v 10 ᐃᔅᐱ ᒪᒃ ᐸᒐᒡ ᒥᒋᐛᐱᔪᐤ ᒋᓴᔅ ᐅᒋᔅᒋᓄᐊᒧᐛᑭᓇ ᒋ ‍ ᑯᒂᒋᒥᑯᐤ ᐊᓂᔭ ᑕᓐ ᑲ ᐃᓯ ‍ ᐊᔨᒧᑎᒥᔨᒋ᙮
\v 11 ᒋᓴᔅ ᒪᒃ ᒋ ‍ ᐃᑕᐤ, “ᐊᓐ ᐊᐛᓐ ᒐ ‍ ᐛᐱᓇᒂ ᐎᐛ, ᒥᓐ ᒪᒃ ᓂᐳᐅᒐ, ᑯᑎᒂ ᐃᔎᐛ ᐎᒋᒪᒐ, ᓇᒪ ᑯᐃᔅᒄ ᐃᑐᑐᐛᐤ ᐊᓂᔭ ᓂᔅᑎᒻ ᐃᔎᐛ ᑲ ‍ ᐎᒋᒪᑦ, ᐱᓯᒂᑎᓯᐤ ᐅᔭ ᐊ ‍ ᐃᑎᑦ᙮
\v 12 ᒪᒃ ᐃᔎᐤ ᐛᐱᓇᒐ ᐅᓇᐸᒪ ᒥᓐ ᒪᒃ ᓂᐳᐅᒐ, ᑯᑎᑲ ᓇᐸᐛ ᐎᒋᒪᒐ, ᓇᒪ ᑯᐃᔅᒄ ᐃᑐᑐᐛᐤ ᐊᓂᔭᔪᐛ ᓂᔅᑎᒻ ᐅᓇᐸᒪ, ᐱᓯᒂᑎᓯᐤ ᐅᔭ ᐊ ‍ ᐃᑎᑦ᙮”
\s1 ᒋᓴᔅ ᑲ ‍ ᑕᒋᓇᑦ ᐊᐛᓴ
\r ᒪᑎᔪᐤ 19.13-15; ᓗᒃ 18.15-17
\p
\v 13 ᒋ ‍ ᐸᓱᐛᐅᒡ ᒪᒃ ᐊᐛᓐᒋ ᐊᐛᓴ ᒋᓴᓴ ᐊ ‍ ᑕᔨᒋ, ᐊ ‍ ᓂᑐᐛᔨᒪᒡ ᒐᒋ ᑕᒋᓇᔨᒋ᙮ ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ‍ ᒋᑕᐊᒧᐛᐅᒡ ᐊᓂᔭᔪᐛ ᐊᐛᔪᐛ ᐅᔭ ᐊ ‍ ᐃᑎᔨᒋ᙮
\v 14 ᐃᔅᐱ ᒋᓴᔅ ᐎᔭᐱᒪᑦ ᐅᔭ ᐊ ‍ ᐃᑎᔨᒋ ᐊᓂᔭᔪᐛ ᒋᔅᒋᓄᐊᒧᐛᑭᓇ ᓇᒪ ᓇᔅᒡ ᐅᒋ ᓇᐊᔨᑎᒥᐃᑯᐤ ᐊᑯ ᒂ ‍ ᐃᑕᑦ, “ᐱᔅᑎᓇᐧᑯᒡ ᐊᐛᓯᒡ ᒐᒋ ᐸᒋ ‍ ᓇᓯᒡ, ᐊᑲᐎᔾ ᐅᒋ ᒋᑕᐊᒧᐛᐧᑯᒡ, ᐛᔅ ᐅᔭ ᑲ ‍ ᐃᑕᔨᑕᑯᓯᒡ ᐊᐛᓐᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᐃᓯ ᑎᐸᔨᑕᑯᓱᐅᒡ᙮
\v 15 ᑕᑈ ᒋᑦ ᐃᑎᓇᐛᐤ, ᐛᔅ ᒧᔭᒻ ᐊᐛᓐ ᒐ ᐊᑲ ‍ ᑕᑈᐅᒐᔨᑎᒥᒂ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐃᓯ ‍ ᑕᑈᐅᒐᔨᑎᒥᔨᒋ ᐊᐛᓴ, ᓇᒪ ᒋᑭ ᒋ ‍ ᐱᒐᐤ ᐊᓐᑕ ᐛᒋᒪᐎᔨᒋ ᒋᓴᒪᓂᑐᐛ᙮”
\v 16 ᒋ ‍ ᐅᑎᓇᐤ ᐸᐸᐃᒄ ᐊᓂᔭᔪᐛ ᐊᐛᓴ ᐊᑯ ᒂ ‍ ᑕᒋᓇᑦ ᑭᔭ ᒋ ‍ ᓱᐛᔨᒪᐤ ᐊ ‍ ᒥᔽᒋᒪᑦ᙮
\s1 ᓇᐸᐤ ᑲ ‍ ᐛᔪᑎᓯᑦ
\r ᒪᑎᔪᐤ 19.16-30; ᓗᒃ 18.18-30
\s2 Mark 10.17-31 (Proper-23 Year B)
\p
\v 17 ᒪᒂᒡ ᒪᒃ ᐊ ‍ ᐱᒧᑕᑦ ᒋᓴᔅ ᒪᔅᑭᓇᒡ, ᓇᐸᐛ ᒋ ᐅᒋ ‍ ᐸᐸᑕᔪᐛ ᒂ ᐊᑎ ‍ ᐅᒋᒋᐧᑯᓂᐱᔪᐅᔨᒋ ᐊᓐᑕ ᐊ ‍ ᑕᑦ ᐊᑯ ᐊᑎᑯᑦ, “ᒋᔅᑯᑎᒪᒐᓱᐤ, ᑲ ‍ ᒥᔽᔨᑕᑯᓯᔨᓐ, ᑕᓐ ᒐ ‍ ᐃᑎᔭᓐ ᒐᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?”
\v 18 ᐊᑯ ᒋᓴᔅ ᐊᑕᑦ, “ᒐᒂᓐ ᐛᒋ ‍ ᐃᓯᓂᐧᑲᓯᔨᓐ ᑲ ‍ ᒥᔽᔨᑕᑯᓯᔨᓐ ? ᓇᒪ ᐊᐛᓐ ᑕᐤ ᓇᔅᒡ ᒐᒋ ᒥᔽᔨᑕᑯᓯᑦ, ᒥᒄ ᒋᓴᒪᓂᑐᐤ᙮
\v 19 ᒋ ‍ ᒋᔅᒐᔨᑕᓐ ᐅᔭ ᐎᓱᐛᐅᓇ,
\q ‘ᐊᑲᐎᔾ ᓂᐸᐃ ᐊᐛᓐ, ᐊᑲᐎᔾ ᐱᓯᒂᑎᓯ, ᐊᑲᐎᔾ ᒋᒧᑎ, ᐊᑲᐎᔾ ᒋᑭ ‍ ᓂᑎᔭᒋᒪᐤ ᐊᐛᓐ, ᐊᑲᐎᔾ ᐎᔭᓯᐃᐛ, ᒋᔅᑕᔨᒻ ᒍᑕᐎᔾ ᑭᔭ ᒋᑲᐎᔾ᙮’ ”
\p
\v 20 ᐊᑯ ᐊᓐ ᓇᐸᐤ ᒂ ‍ ᐃᔅᒋᔄᑦ, “ᒋᔅᑯᑎᒪᒐᓱᐤ, ᑲ ᐸᒋ ‍ ᐊᐛᓯᐅᔭᓐ ᓴᔅ ᓂᒋ ‍ ᓂᓇᐃᑕᓐ ᐅᔭ ᐎᓱᐛᐅᓇ᙮”
\p
\v 21 ᒋᓴᔅ ᒋ ‍ ᑭᓄᐛᐱᒪᐤ ᐊ ‍ ᓴᒋᐊᑦ ᐊᑯ ᐊᑕᑦ, “ᐸᐃᒄ ᒐᒂᓐ ᐊᔅᒄ ᓇᒪ ᒋ ‍ ᑭᓄᐛᔨᑕᓐ᙮ ᒪᒋ ᐊᑕᐛ ᒥᓯᐛ ᑕᓐ ᐊ ᐃᓯ ‍ ᐊᔭᔨᓐ ᐊᑯ ᐊᓐ ᓱᓇᔭᐤ ᑲ ‍ ᒋᔅᑎᒪᑎᓯᒡ ᒐ ‍ ᒥᔨᑥᐤ, ᐊᑯ ᒐ ‍ ᐊᔭᔨᓐ ᐛᔪᑎᓯᐅᓐ ᐊᓐᑕ ᒋᒋᒋᓯᑯᒡ᙮ ᒋ ‍ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ‍ ᓇᓴᐎᔨᓐ᙮”
\p
\v 22 ᐊᓐ ᒪᒃ ᓇᐸᐤ ᐃᔅᐱ ᐱᔭᑕᐧᒃ ᐅᔭ ᓇᔅᒡ ᒋ ᐅᒋ ‍ ᒥᒐᔨᑎᒧᐅᓇᑯᓱᐤ ᐊᑯ ᒂ ‍ ᔅᑐᑕᑦ ᐊ ‍ ᒥᒐᔨᑕᐧᒃ ᐛᔅ ᓇᔅᒡ ᑕᑈ ᒋ ‍ ᐛᔪᑎᓯᐤ᙮
\p
\v 23 ᐊᑯ ᒋᓴᔅ ᒥᓯᐛ ᒂ ‍ ᐃᑕᐱᑦ ᐊ ‍ ᑭᓄᐛᐱᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᐊᑕᑦ, “ᑕᑈ ᐊᔪᐛᒡ ᒋᑭ ‍ ᐊᔨᒥᓂᔪᐤ ᐊᓐᒡ ᑲ ‍ ᐛᔪᑎᓯᒡ ᒐᒋ ᐱᒐᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮”
\p
\v 24 ᒋ ‍ ᑯᔅᑯᐛᔨᑎᒥᐃᑯᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ ᑕᓐ ᑲ ᐃᓯ ‍ ᐊᔨᒧᑎᒥᔨᒋ ᒋᓴᓴ ᒥᒄ ᒪᒃ ᐃᔭᐱᒡ ᒋ ᐊᑎ ‍ ᐃᔨᒧᐤ ᒋᓴᔅ ᐊ ‍ ᐃᔅᒋᔄᑦ, “ᓂᑦ ᐊᐛᓯᒥᑎᒄ, ᑕᑈ ᐊᔪᐛᒃ ᐊᔨᒥᓂᔪᐤ ᐊᐛᓐ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮
\v 25 ᐊᑐᐎᔅ ᐊᔨᒥᓂᔪᐤ ᐊᐛᓐ ᑲ ‍ ᐛᔪᑎᓯᑦ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐃᔅᐱᔅ ᐊᓐ ᐊᐛᓯᔅ ᑲ ᒥᔅᑎ ‍ ᐱᔎᐅᑯᓇᑦ ᒐᒋ ᓴᐳᔅᑲᐧᒃ ᐅᔅᑲᒋᐧᑯᔪᐤ ᐊᓐᑕ ᐊ ‍ ᐱᑯᓇᔭᐱᔅᑲᔨᒡ᙮”
\p
\v 26 ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᐊᔪᐛᒃ ᒋ ‍ ᑯᔅᑯᐛᔨᑎᒥᐃᑯᐅᒡ ᐅᔭ ᐊ ‍ ᐃᔅᒋᔄᔨᒋ ᐊᑯ ᐊᑕᒡ, “ᐊᐛᓐ ᒪᒃ ᐊᑯ ᒐᒋ ᐱᒪᒋᐊᑭᓄᐅᑦ ?”
\v 27 ᒋᓴᔅ ᒪᒃ ᑯᐃᔅᒄ ᒋ ‍ ᑭᓄᐛᐱᒪᐤ ᐊ ‍ ᐃᑕᑦ, “ᐊᔨᒥᓂᔪᐤ ᓇᐸᐤ ᐅᔭ ᒐᒋ ᐃᑎᑦ ᒥᒄ ᒪᒃ ᓇᒪ ᐊᔨᒥᐃᑯᐤ ᐎᔾ ᒋᓴᒪᓂᑐᐤ᙮ ᓇᒪ ᑎᑯᓂᔪᐤ ᒐᒂᔪᐤ ᒋᓴᒪᓂᑐᐤ ᒐ ᐊᑲ ᒋ ᐃᑐᑕᐧᒃ᙮”
\v 28 ᐱᑕᕐ ᒋ ᐅᒋ ‍ ᐃᔨᒧᐤ ᐊ ‍ ᐃᔅᒋᔄᑦ, “ᑭᓄᐛᐸᑕ ᒪ, ᒥᓯᐛ ᒐᒂᓐ ᓂᒋ ‍ ᓂᑭᑕᓇᓐ ᒐᒋ ᓇᓴᐅᑕᒡ᙮”
\p
\v 29 “ᓂᐦᐃ, ᑕᑈ,” ᒋ ‍ ᐃᑎᑯᐤ ᒋᓴᓴ, “ᒋ ‍ ᐎᑎᒪᑎᓇᐛᐤ ᒪᒃ, ᐊᓐ ᐊᐛᓐ ᒐ ‍ ᓂᑭᑎᒥᒂ ᐎᒡ, ᒪᒃ ᒐ ‍ ᓂᑭᑕᒂ ᐎᐧᑲᓂᓴ, ᒪᒃ ᐅᑲᐎᔭ, ᐅᑕᐎᔭ, ᒪᒃ ᐅᑦ ᐊᐛᓯᒪ ᒪᒃ ᒐ ‍ ᓂᑭᑎᒥᒂ ᐅᓂᑕᐅᒋᑕᑭᓐ ᐊᔅᒋᔾ, ᓂᔾ ᐅᒋ ᑭᔭ ᒥᔽᒋᒧᐅᓂᔪᐤ ᐅᒋ,
\v 30 ᐊᑐᐎᔅ ᒋᑭ ᐃᓯ ‍ ᐊᔭᐤ ᐊᓐᑕ ᓂᔅᑕᒥᒡ ᐊᔅᒄ ᐅᑕ ᐊᔅᒋᒡ ᐊ ‍ ᑕᑦ ᑭᔭ ᑲᒋᒡ ᐱᒪᑎᓯᐅᓂᔪᐤ ᒋᑭ ‍ ᐊᔭᐤ᙮ ᐅᔭ ᐃᑎᒐ ᐸᐃᑯ ᒥᑕᓯᒥᑎᓄᐤ ᐊᔪᐛᒃ ᒋᑭ ‍ ᐃᔅᐱᔅ ᒥᔭᑭᓄᐤ ᒥᒋᐛᐸ, ᑭᔭ ᐸᐃᑯ ᒥᑕᓯᒥᑎᓄᐤ ᐊᔪᐛᒃ ᒋᑭ ‍ ᐃᔅᐱᔅ ᒥᔭᑭᓄᐤ ᐊᐛᔪᐛ ᒐ ‍ ᐎᐧᑲᓂᓯᑦ ᑭᔭ ᒐ ‍ ᐅᑲᐎᑦ, ᑭᔭ ᒐ ‍ ᐅᑦ ᐊᐛᓯᒥᑦ᙮ ᑭᔭ ᐸᐃᑯ ᒥᑕᓯᒥᑎᓄᐤ ᐊᔪᐛᒃ ᒋᑭ ‍ ᐃᔅᐱᔅ ᒥᔭᑭᓄᐤ ᐊᔅᒋᔪᐤ᙮ ᒥᒄ ᒪᒃ ᒋᑭ ‍ ᓂᒋᔅᑭᒻ ᐊ ‍ ᓂᓇᐧᑲᒋᐊᑭᓄᐅᑦ᙮
\v 31 ᒥᒐᑦ ᐊᐛᓐᒋ ᓂᑲᓐ ᑲ ‍ ᐃᑕᔨᑕᑯᓯᒡ ᐊᓄᒡ ᒪᔅᑕᔾ ᒋᑭ ᐃᓯ ‍ ᐱᔅᑎᓇᑭᓄᐎᒡ, ᐊᑯ ᐊᓐᒡ ᒪᔅᑕᔾ ᑲ ‍ ᑕᒡ ᐊᓄᒡ ᐎᔨᐛᐤ ᓂᔅᑎᒻ ᒋᑭ ᐃᓯ ‍ ᐱᔅᑎᓇᑭᓄᐎᒡ᙮”
\s1 ᒋᓴᔅ ᐊᐅᑯᐤ ᓂᔍᐤ ᑲ ‍ ᐊᔨᒧᑕᐧᒃ ᒐ ‍ ᓂᐱᑦ
\r ᒪᑎᔪᐤ 20.17-19; ᓗᒃ 18.31-34
\p
\v 32 ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒋᕈᓯᓕᒥᒡ ᒋ ‍ ᐃᑐᑕᐅᒡ, ᐊᓂᔭ ᒪᒃ ᐊ ᐊᑎ ‍ ᐱᒧᑕᒡ ᒋᓴᔅ ᒋ ᐊᑎ ‍ ᓂᑲᓄᑕᐤ᙮ ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ‍ ᒥᔅᑲᑕᔨᒪᐅᒡ ᒋᓴᓴ ᒋᕈᓯᓕᒥᒡ ᐊ ᐎ ‍ ᐃᑐᑕᔨᒋ ᑭᔭ ᐊᓐᒡ ᐊᓐᑕ ᐅᑕᒡ ᑲ ᐸᒋ ‍ ᐱᒧᑕᒡ ᒋ ‍ ᓴᒋᓱᐅᒡ ᐊᓐᑕ ᒐᒋ ᐃᑐᑕᒡ᙮ ᐊᑯ ᒋᓴᔅ ᐃᔭᒡ ᒂ ‍ ᐃᑐᑕᐊᑦ ᐅᒋᔅᒋᓄᐊᒧᐛᑭᓇ ᐊᑯ ᒂ ‍ ᐛᐎᑎᒧᐛᑦ ᑕᓐ ᒐ ‍ ᐃᔅᐱᔨᑦ᙮
\v 33 “ᓂᑐᑎᒧᒄ ᒪ,” ᒋ ‍ ᐃᑕᐤ, “ᒋᕈᓯᓕᒥᒡ ᒋᑦ ᐃᑐᑕᓇᓄᐤ, ᐊᑯᑕ ᐅᑕ ᒐ ‍ ᒪᑯᓇᑭᓄᐅᑦ ᐃᔪᐤ ᐅᑯᓯᓴᓐ ᐊᓐᑕ ᒐᒋ ᐃᓯ ‍ ᐱᔅᑎᓇᑭᓄᐅᑦ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᐊ ‍ ᑕᔨᒋ ᑭᔭ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ ᐊ ‍ ᑕᔨᒋ ᒐᒋ ᑎᐸᔅᑯᓂᑯᑦ᙮ ᐊᐅᑯᓐᒡ ᐅᒡ ᒐ ‍ ᐃᑎᓱᐛᒡ ᒐᒋ ᓂᐸᐊᑭᓄᔨᒋ ᑭᔭ ᐊᓐᑕ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐊ ‍ ᑕᔨᒋ ᐊᑯᑕ ᒐ ᐃᓯ ‍ ᐱᔅᑎᓇᒡ᙮
\v 34 ᐊᐅᑯᓐᒡ ᐅᒡ ᒐ ‍ ᒪᔭᔨᒪᒡ ᑭᔭ ᒐ ‍ ᓯᔅᑎᒂᑕᒡ, ᑭᔭ ᒐ ‍ ᐱᓯᔅᑕᐛᒡ, ᑭᔭ ᒐ ‍ ᓂᐸᐊᒡ᙮ ᓂᔅᑐ ᒋᓯᑲᐛ ᒪᒃ ᒋ ‍ ᐅᑎᒋᐱᔨᒐ ᑲᐤ ᒋᑭ ‍ ᐅᓂᔅᑲᐤ᙮”
\s1 ᑲ ᐃᓯ ‍ ᑯᒂᒋᒐᒧᒡ ᒋᒥᔅ ᑭᔭ ᒠᓐ
\r ᒪᑎᔪᐤ 20.20-28
\s2 Mark 10.35-45 (Proper-24 Year B)
\p
\v 35 ᐃᔅᐱ ᐅᔭ ᑲ ‍ ᐃᔅᒋᔄᑦ ᒋᓴᔅ, ᒋ ᐸᒋ ‍ ᓇᑎᑯᐤ ᒋᒥᓴ ᑭᔭ ᒠᓇ, ᐊᓂᔭ ᓴᐱᑎᔨᒋ ᐅᑯᓯᔪᐛ ᐊᑯ ᒂ ‍ ᐃᑎᑯᑦ, “ᒋᔅᑯᑎᒪᒐᓱᐤ, ᒋ ‍ ᓂᑐᐛᔨᒥᑎᓇᓐ ᒐᒋ ᐃᑐᑎᒧᐅᔭᒡ ᑕᓐ ᐊ ᐃᓯ ‍ ᐱᑯᓴᔨᒥᑕᒡ᙮”
\p
\v 36 ᒋ ‍ ᐃᑎᑯᐅᒡ ᒋᓴᓴ, “ᒐᒂᓐ ᒪᒃ ᐊᓐ ᓇᑐᐛᔨᑎᒪᒄ ᒐᒋ ᐃᑐᑎᒪᑎᑯᒡ ?”
\p
\v 37 ᒂ ‍ ᐃᑕᒡ, “ᓇᐃᒥᓇᓐ ᒪ ᐊᓐᑕ ᑲ ‍ ᒋᔅᑕᔨᑕᒂᒡ ᒋᐅᒋᒪᐅᓂᒡ ᐃᑕᔭᒐ ᐃᑐᐤ ᐊᓐᑕ ᐊ ‍ ᑕᔨᓐ ᒐᒋ ᐊᐱᔭᒡ, ᐸᐃᒄ ᒋᒥᔪᐅᓂᒡ ᑭᔭ ᐸᐃᒄ ᐊᓐᑕ ᒋᓂᔅᐸᒋᐅᓂᒡ᙮”
\p
\v 38 ᒥᒄ ᒪᒃ ᒋᓴᓴ ᒋ ‍ ᐃᑎᑯᐅᒡ, “ᓇᒪ ᒋ ‍ ᒋᔅᒐᔨᑕᓇᐛᐤ ᐅ ᒐᒂᓐ ᑲ ‍ ᓂᑐᐛᔨᑎᒪᒄ᙮ ᒋᑭ ᒋ ‍ ᐃᑎᓇᐛᐤ ᐊ ᒐᒋ ᒥᓂᔭᒄ ᑕᓐ ᐊ ᐃᓯ ‍ ᑎᒂᒡ ᓂᒥᓂᒂᑭᓂᒡ ᒐ ‍ ᒥᓂᔭᓐ ᐊᓄᒡ᙮ ᒋᑭ ᒋ ‍ ᐃᑎᓇᐛᐤ ᐊ ᒐᒋ ᓯᑲᐃᑕᑯᐅᔭᒄ ᒧᔭᒻ ᓂᔾ ᑕᓐ ᒐ ᐃᓯ ‍ ᓯᑲᐃᑕᑯᐅᔭᓐ ?”
\v 39 ᒋ ‍ ᐃᑕᐅᒡ ᒪᒃ, “ᓂᑭ ᒋ ‍ ᐃᑎᓇᓐ᙮”
\p ᐊᑯ ᒋᓴᓴ ᒂ ‍ ᐃᑎᑯᒡ, “ᐊᓐ ᒐ ᐃᓯ ‍ ᒥᓂᔭᓐ ᐊᐅᑯᓐ ᑭᔭ ᒋᔨᐛᐤ ᒐ ᐃᓯ ‍ ᒥᓂᔭᒄ, ᒋᑭ ‍ ᐸᐃᑯᑕᓇᓄᐤ ᐊᓐ ᒥᓂᒂᑭᓐ᙮ ᑭᔭ ᐊᓐ ᓯᑲᐃᑕᒐᐅᓐ ᒐ ‍ ᓯᑲᐃᑕᑯᐅᔭᓐ ᐊᐅᑯᓐ ᐊᓐ ᑭᔭ ᒋᔨᐛᐤ ᒐ ‍ ᓯᑲᐃᑕᑯᐅᔭᒄ᙮
\v 40 ᒥᒄ ᒪᒃ ᓇᒪ ᓂᔾ ᓂᑭ ᒋ ‍ ᐅᑎᓇᐤ ᐊᐛᓐ ᒐ ‍ ᐊᐱᑦ ᐊᓐᑕ ᓂᒥᔪᐅᓂᒡ ᒪᒃ ᐊᓐᑕ ᓂᓂᔅᐸᒋᐅᓂᒡ ᐛᔅ ᓴᔅ ᒋ ‍ ᐎᔭᔨᒪᑭᓄᐎᒡ ᐊᐛᓐᒋ ᒐ ‍ ᐊᐱᒡ ᐊᓐᑕ᙮”
\p
\v 41 ᐃᔅᐱ ᒪᒃ ᐊᓐᒡ ᑯᑎᑭᒡ ᐸᐃᑯᔪᐤ ᒋᔅᒋᓄᐊᒧᐛᑭᓐᒡ ᐱᔭᑐᐛᒡ ᐅᔭ ᐊ ᐃᓯ ‍ ᑯᒂᒋᒐᒧᔨᒋ ᒋᒥᓴ ᑭᔭ ᒠᓇ, ᒋ ‍ ᒋᔄᐃᑯᐅᒡ᙮
\v 42 ᐊᑯ ᒋᓴᔅ ᒥᓯᐛ ᒂ ‍ ᐎᓴᒪᑦ ᒂ ‍ ᐃᑕᑦ, “ᐊᓐᒡ ᑲ ‍ ᐅᒋᒪᐅᒡ ᑲ ‍ ᐃᑕᔨᒪᑭᓄᐎᒡ ᓇᔅᒡ ᐎ ᑎᑎᐸᔨᒪᐅᒡ ᐊᓂᔭ ᐃᔪᐛ ᑲ ‍ ᓂᑲᓂᔅᑯᐛᒡ᙮ ᐅᒡ ᒪᒃ ᑲ ‍ ᐅᒋᒪᐛᔨᒪᑭᓄᐎᒡ ᑕᔪᐛ ᐅᒋᒪᒧᐛᐛ ᓇᔅᒡ ᐊ ‍ ᓱᒐᔨᑕᑯᓯᔨᒋ ᐊ ‍ ᓂᑲᓂᔅᑲᒐᔨᒋ, ᓇᔅᒡ ᐊ ᐎ ‍ ᐎᓱᐛᑎᑯᒡ᙮
\v 43 ᒥᒄ ᒪᒃ ᐊᑲᐎᔾ ᒋᑭ ᐅᒋ ‍ ᐃᓯᓇᑯᓯᓇᐛᐤ ᒋᔨᐛᐤ᙮ ᐊᓐ ᐊᐛᓐ ᐊᓐᑕ ᐊ ‍ ᑎᓯᔭᒄ ᓇᑐᐛᔨᑎᒧᒂ ᒋᒋᐛ ᒐᒋ ᐃᑕᔨᑕᑯᓯᑦ ᐊᑯᔅ ᒋᑭ ‍ ᐃᑐᑎᒻ ᒐᒋ ᐊᑐᔅᑲᔅᑕᒄ᙮
\v 44 ᐊᑯ ᐊᓐ ᐊᐛᓐ ᑲ ᐎ ‍ ᓂᑲᓂᐱᐃᓱᑦ ᐊᐅᒄ ᒥᓯᐛ ᐊ ‍ ᑎᓯᔭᒄ ᒐ ‍ ᐅᑦ ᐊᐱᒋᐊᑭᓂᔭᒄ᙮
\v 45 ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ‍ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ‍ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ‍ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”
\s1 ᐸᕐᑎᒪᔭᔅ ᑲ ‍ ᒥᓏᒋᐊᑭᓄᐅᑦ ᐊᑲ ᐅᒋ ᐛᐸᑕᐧᒃ
\r ᒪᑎᔪᐤ 20.29-34; ᓗᒃ 18.35-43
\s2 Mark 10.46-52 (Proper-25 Year B)
\p
\v 46 ᒋ ‍ ᐅᑎᑎᒧᒡ ᐅᑕᓇᔪᐤ ᒐᕆᑯᐤ ᑲ ‍ ᐃᓯᓂᐧᑲᑕᔨᒡ᙮ ᐊᓂᔭ ᒪᒃ ᐊ ᐊᑎ ‍ ᐎᐎᒡ ᐊᓂᔭ ᐅᑕᓇᔪᐤ ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᑭᔭ ᑯᑎᑭᒡ ᐊᐛᓐᒋ ᐊ ‍ ᒥᒐᑎᒡ, ᒋ ‍ ᐅᑎᑕᐅᒡ ᓇᐸᐛ ᐊᓐᑕ ᐱᑎᑕᔅᑭᓄᐤ ᐊ ‍ ᐊᐱᔨᒋ᙮ ᐅ ᒪᒃ ᓇᐸᐤ ᓇᒪ ᐅᒋ ᐛᐸᑎᒻ ᑭᔭ ᒋ ‍ ᓂᑐᑎᒪᐤ ᓱᓇᔭᔪᐤ ᐊᓐᑕ ᐊᓂᔭ ᐊ ‍ ᐊᐱᑦ᙮ ᐸᕐᑎᒪᔭᔅ ᒋ ‍ ᐃᓯᓂᐧᑲᓱᐤ᙮ ᑎᒪᔭᔅ ᒋ ‍ ᐃᓯᓂᐧᑲᓱᔪᐛ ᐅᑕᐎᔭ᙮
\v 47 ᐃᔅᐱ ᐱᔭᑕᐧᒃ ᒋᓴᓴ ᐊ ‍ ᑎᑯᓯᓂᔨᒋ, ᐊᓂᔭ ᓇᓴᕆᑎᒡ ᑲ ‍ ᐅᒋᔨᒋ, ᒋ ‍ ᑕᑈᐤ ᐊ ‍ ᐃᔅᒋᔄᑦ, “ᒋᓴᔅ, ᑎᐱᑦ ᑲ ‍ ᐅᑯᓯᑐᑕᔅᒃ, ᐸᒋ ‍ ᒋᔅᑎᒪᒐᔨᒥ᙮”
\p
\v 48 ᒥᒐᑦ ᒪᒃ ᐊᐛᔪᐛ ᒋ ‍ ᒋᑕᐊᒪᑯᐤ ᐊ ‍ ᐃᑎᑯᑦ ᒐ ᐊᑲ ‍ ᒋᔅᑐᑦ᙮ ᑎᐛᒡ ᒪᒃ ᐊᑐᐎᔅ ᒋ ᐃᓯ ‍ ᑕᑈᐤ, “ᒋᓴᔅ, ᑎᐱᑦ ᑲ ‍ ᐅᑯᓯᑐᑕᔅᒃ, ᐸᒋ ‍ ᒋᔅᑎᒪᒐᔨᒥ᙮”
\p
\v 49 ᒋᓴᔅ ᒪᒃ ᒋ ‍ ᒋᐱᒋᑲᐳᐤ ᐊᑯ ᒂ ‍ ᐃᔅᒋᔄᑦ, “ᐎᓴᒥᐧᒄ᙮” ᐊᑯ ᒂ ‍ ᑕᑈᑕᒡ ᐊᓂᔭ ᓇᐸᐛ ᐊᑲ ᐛᐸᑎᒥᔨᒋ ᐊ ‍ ᐃᑕᒡ, “ᒥᔽᔨᑕ, ᐱᓯᑯᐤ, ᐛᔅ ᐊᓐ ᒋ ‍ ᑕᑈᑎᒄ᙮”
\v 50 ᒋ ‍ ᒥᓂᐛᐱᓂᒻ ᐊᓂᔭ ᐅᑦ ᐊᑯᑉ ᐊᑯ ᒂ ‍ ᐱᓯᑯᓯᐸᑕᑦ ᒂ ‍ ᓂᑐᐛᐱᒪᑦ ᒋᓴᓴ᙮
\v 51 ᐊᑯ ᒋᓴᔅ ᒂ ‍ ᐃᑕᑦ ᐅᔭ ᓇᐸᐛ, “ᑕᓐ ᐊ ᐃᓯ ‍ ᓂᑐᐛᔨᑎᒥᓐ ᒐᒋ ᐃᑐᑎᒪᑕᓐ ?” ᐊᑯ ᐊᓐ ᓇᐸᐤ ᒂ ‍ ᐃᔅᒋᔄᑦ, “ᐅᑎᐸᔨᒋᒐᐤ, ᒥᔨ ᒐᒋ ᐛᐸᑎᒪᓐ᙮”
\p
\v 52 ᒋᓴᔅ ᒪᒃ ᒋ ‍ ᐃᑕᐤ, “ᒪᒋ, ᒋᑕᑈᑎᒧᐅᓐ ᒋ ‍ ᒥᓏᒋᐃᑯᓐ᙮” ᐊᓐ ᒪᒃ ᓇᐸᐤ ᑎᐛᒡ ᒋ ᐅᒋ ‍ ᐛᐸᑎᒻ ᐊᑯ ᒂ ‍ ᓇᓴᐛᑦ ᒋᓴᓴ ᐊᓂᔭ ᐊ ᐊᑎ ‍ ᐱᒧᑕᔨᒋ᙮
\c 11
\s1 ᒋᕈᓯᓕᒥᒡ ᑲ ‍ ᐱᒐᑦ ᒋᓴᔅ ᐊ ‍ ᒪᒥᒋᒪᑭᓄᐅᑦ
\r ᒪᑎᔪᐤ 21.1-11; ᓗᒃ 19.28-40; ᒠᓐ 12.12-19
\p
\v 1 ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᐊᓐᑕ ᒋᕈᓯᓕᒥᒡ ᒋ ᐎ ‍ ᐃᑐᑕᐅᒡ᙮ ᐃᔅᐱ ᐊ ᐊᑎ ‍ ᐸᓱᐛᐸᑕᒡ ᒋ ‍ ᐅᑎᑎᒧᒡ ᐊᓂᔭᔪᐛ ᐅᑕᓇᐛ ᐸᑕᓂ ᑭᔭ ᐸᑦᐸᐃᒡ ᑲ ‍ ᐃᓯᓂᐧᑲᑕᔨᒋ᙮ ᐊᓐᑕ ᐊᓕᐱᔅ ᐱᔅᑯᑎᓇᒡ ᐊᑯᑕ ᑲ ‍ ᑎᒂᒋ ᐅᔭ ᐅᑕᓇᐛ᙮ ᐊᑯᑕ ᒪᒃ ᐅᑕ ᒋᓴᔅ ᑲ ‍ ᓂᑲᓂᑎᓴᐛᑦ ᓂᓱ ᐅᒋᔅᒋᓄᐊᒧᐛᑭᓇ ᐊ ‍ ᐃᑕᑦ,
\v 2 “ᓇᑕ ᐃᑐᑕᒄ ᐊᓐ ᐅᑕᓇᐤ᙮ ᑎᑯᓯᓂᔭᒂ ᓇᑕ ᒋᑭ ‍ ᐛᐱᒪᐛᐤ ᐅᐧᑲᓂᔅ ᒧᔭᒻ ᐊ ‍ ᐊᐱᓯᓯᑦ ᑲᐸᐃᑭᔎᐤ ᑲ ‍ ᐃᓯᓇᑯᓯᑦ, ᐊᑲ ᓂᑕ ᐊᔅᒄ ᐅᒋ ᑕᑎᐱᔨᒋ ᐊᐛᔪᐛ ᐅᔅᐱᔅᑯᓂᒡ᙮ ᒐ ‍ ᐊᐱᐧᑯᓇᒄ ᐊᑯ ᒐ ‍ ᐸᓱᐛᒄ ᐅᑕ᙮
\v 3 ᑯᒂᒋᒥᑕᒂ ᐊᐛᓐ ᒐᒂᔪᐤ ᐛᒋ ‍ ᐊᐱᐧᑯᓂᒪᑯ, ᐊᑯ ᒐ ‍ ᐃᑕᒄ, ‘ᐅᑎᐸᔨᒋᒐᐤ ᓂᑐᐛᔨᒪᐤ᙮ ᑎᐛᒡ ᒪᒃ ᒋᑭ ‍ ᐱᔅᑎᓂᑯᐛᐤ ᒐᒋ ᐅᑎᓂᒪᑯ᙮’ ”
\p
\v 4 ᐊᑯ ᒂ ‍ ᔅᑐᑕᒡ ᒂ ‍ ᒥᔅᑯᐛᒡ ᐊᓂᔭᔪᐛ ᐅᐧᑲᓇ ᒧᔭᒻ ᐊ ‍ ᐊᐱᓯᓯᑦ ᑲᐸᐃᑭᔎᐛ ᑲ ‍ ᐃᓯᓇᑯᓯᔨᒋ ᐊᓐᑕ ᒪᔅᑭᓇᒡ᙮ ᐎᐎᑎᒥᒡ ᒥᒋᐛᐱᔪᐤ ᐊ ‍ ᒋᓯᑲᐱᐧᑲᓱᔨᒋ᙮
\v 5 ᐊᓂᔭ ᒪᒃ ᒪᒂᒡ ᐊ ‍ ᐊᐱᐧᑯᓇᒡ ᐊᓂᔭ ᐅᐧᑲᓇ ᒋ ᐸᒋ ‍ ᓇᓂᐳᔪᐛ ᐊᐛᔪᐛ ᐊ ‍ ᑭᓄᐛᐱᒥᑯᒡ ᐊᑯ ᒂ ‍ ᐃᑎᑯᒡ, “ᑕᓐ ᐊ ‍ ᐃᑎᔭᒄ ᐛᒋ ‍ ᐊᐱᐧᑯᓇᒄ ᐊᓐ ᐅᐧᑲᓐ ?”
\v 6 ᐊᑯ ᒂ ‍ ᐃᑕᒡ ᐊᓂᔭ ᑕᓐ ᑲ ‍ ᐃᑎᑯᒡ ᒋᓴᓴ ᒐ ᐃᓯ ‍ ᐎᑎᒧᐛᒡ ᐊᑯ ᒂ ‍ ᐱᔅᑎᓂᑯᒡ ᐊᓂᔭᔪᐛ ᓇᐸᐛ ᒐᒋ ᔅᑐᑕᐊᒡ ᐊᓂᔭ ᐅᐧᑲᓇ᙮
\v 7 ᐊᑯ ᐊᓐᑕ ᒋᓴᓴ ᐊ ‍ ᑕᔨᒋ ᐊᑯᑕ ᑲ ‍ ᐃᑐᑕᐊᒡ ᐅᔭ ᐅᐧᑲᓇ ᒂ ‍ ᓴᑥᑭᔅᑕᒡ ᐅᑦ ᐊᑯᐳᐛᐛ ᐊᓐᑕ ᐅᔅᐱᔅᑯᓂᔨᒡ ᐊᓂᔭ ᐅᐧᑲᓇ ᐊᑯ ᒋᓴᔅ ᒂ ‍ ᑕᑎᐳᐛᑦ ᐅᔅᐱᔅᑯᓂᔨᒡ᙮
\v 8 ᒥᒐᑦ ᒪᒃ ᐊᐛᓐᒋ ᐊᓐᑕ ᒪᔅᑭᓇᒡ ᒋ ᐃᓯ ‍ ᓴᑥᑭᔅᑕᐅᒡ ᐅᑦ ᐊᑯᐳᐛᐛ ᑕᓐᑕ ᒐ ᐊᑎ ‍ ᐱᒧᑕᐃᑯᔨᒋ ᒋᓴᓴ ᐊᓂᔭ ᐅᐧᑲᓇ, ᐊᑯ ᑯᑎᑭᒡ ᓂᐱᓯᔭᑎᒂ ᒋ ‍ ᓇᓇᑥᓂᒧᒡ ᐊᑯ ᐊᓐᑕ ᒪᔅᑭᓇᒡ ᑲ ‍ ᐊᔅᑕᒡ᙮
\v 9 ᐊᓐᒡ ᒪᒃ ᐊᐛᓐᒋ ᓂᑲᓄᒡ ᑭᔭ ᐊᓐᒡ ᐅᑕᒡ ᑲ ᐸᒋ ‍ ᐱᒧᑕᒡ ᒋ ‍ ᑕᑈᐅᒡ ᐊ ‍ ᐃᔅᒋᔄᒡ,
\q “ᒋᔅᑕᔨᑕᑯᓱᐤ ᒋᓴᒪᓂᑐᐤ᙮
\q ᓱᐛᔨᑕᑯᓱᐤ ᐊᓐ ᑲ ᐸᒋ ‍ ᐃᑎᓴᐅᑯᑦ ᐅᑎᐸᔨᒋᒐᐛ᙮
\q
\v 10 ᓱᐛᔨᑕᑯᓱᐤ ᐊᓐ ᑕᐸᔨᒋᒐᑦ, ᐊᓐ ᐊᓂᔭᐧᑲ ᒋᑦ ᐊᓂᔅᒐ ᒋᒧᓱᒥᓄᐤ ᑎᐱᑦ ᐊ ‍ ᑕᔨᒋ ᑲ ᐅᒋ ᐊᓂᔅᒐ ‍ ᐱᒪᑎᓯᑦ᙮
\q ᒪᒥᒋᒪᑕᐤ ᒋᓴᒪᓂᑐᐤ ᒪᐅᒡ ᑲ ‍ ᐃᔅᐸᔨᑕᑯᓯᑦ᙮”
\p
\v 11 ᐃᔅᐱ ᒪᒃ ᒋᓴᔅ ᑕᑯᓯᐧᒃ ᐊᓐᑕ ᒋᕈᓯᓕᒥᒡ ᒋ ‍ ᐱᒐᐤ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ, ᒥᓯᐛ ᐊᓐᑕ ᐛᔅᑲ ᑲ ‍ ᐃᑕᐱᑦ ᐊ ‍ ᑭᑭᓄᐛᐸᑕᐧᒃ ᒐᒂᔪᐛ᙮ ᓴᔅ ᒪᒃ ᒋ ᐊᑎ ‍ ᐅᑕᑯᓯᔪᐤ ᐊᑯ ᐊᓐᑕ ᐸᑕᓂᒡ ᒂ ‍ ᐃᑐᑕᑦ ᐊᓂᔭᔪᐛ ᑲ ‍ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᐊ ‍ ᐎᒐᐅᑯᑦ᙮
\s1 ᒋᓴᔅ ᑲ ‍ ᐊᓏᔨᒪᑦ ᒥᔅᑎᒂ
\r ᒪᑎᔪᐤ 21.18,19
\p
\v 12 ᒥᓐ ᐎᔭᐱᓂᔨᒡ ᒪᒂᒡ ᐊ ‍ ᐱᒧᑕᒡ ᐸᑕᓂᒡ ᐊ ‍ ᐅᑐᑕᒡ ᐊᑯ ᒂ ᐎ ‍ ᒥᒋᓱᑦ ᒋᓴᔅ᙮
\v 13 ᒋ ‍ ᐛᐱᒪᐤ ᓇᑕ ᐛᔪᐎᔅ ᐊ ‍ ᒋᒥᓱᔨᒋ ᒥᓯᓱᒥᓇᑎᒂ ᐊ ‍ ᓂᐱᓱᔨᒋ᙮ ᒂ ‍ ᓇᑕᑦ ᐊ ᐎ ᓂᑐ ‍ ᒋᔅᒐᔨᒪᑦ ᐊ ‍ ᒥᓂᓱᔨᒂᓂ᙮ ᐃᔅᐱ ᒪᒃ ᐛᑎᑕᑦ ᒥᒄ ᓂᐱᔭ ᒋ ‍ ᐛᐸᑎᒻ ᐛᔅ ᑕᐸ ᐊᔅᒄ ᐅᒋ ᐅᑎᒋᐱᔪᐤ ᐊᓐᑕ ᑲᒋ ‍ ᒥᓂᓱᔨᒋ᙮
\v 14 ᒋ ‍ ᐃᔨᒪᐊᐤ ᐊᓂᔭᔪᐛ ᒥᔅᑎᒂ ᒂ ‍ ᐃᑕᑦ, “ᐊᑯᓐ ᒐ ‍ ᐃᓯᓇᑯᓯᔨᓐ, ᓇᒪ ᒥᓐ ᓂᑕ ᒋᑭ ᐅᒋ ‍ ᓂᑕᐅᒋᓇ ᒥᓂᓴ ᐊᓐᑕ ᐊ ‍ ᑕᔨᓐ ᒐᒋ ᒥᒋᒡ ᐊᐛᓐᒋ᙮” ᒋ ‍ ᐸᑕᑯᐤ ᒪᒃ ᐅᒋᔅᒋᓄᐊᒧᐛᑭᓇ ᐅᔭ ᑲ ᐃᓯ ‍ ᐃᔨᒪᐊᔨᒋ ᐊᓂᔭᔪᐛ ᒥᔅᑎᒂ᙮
\s1 ᒋᓴᔅ ᑲ ‍ ᐎᐎᑎᓴᐛᑦ ᐊᐛᔪᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ
\r ᒪᑎᔪᐤ 21.12-17; ᓗᒃ 19.45-48; ᒠᓐ 2.13-22
\p
\v 15 ᐃᔅᐱ ᒋᕈᓯᓕᒥᒡ ᑕᑯᓯᓂᒡ ᐊᑯ ᒋᓴᔅ ᒂ ‍ ᐱᒐᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᒂ ᐊᑎ ‍ ᐎᐎᑎᓴᐛᑦ ᐊᓂᔭ ᐊᑕᐛᓱᐛ ᑭᔭ ᐊᓂᔭᔪᐛ ᑲ ‍ ᐅᑎᓇᓱᔨᒋ ᐊᓐᑕ ᐱᑎᑭᒥᒡ ᑲ ‍ ᑕᔨᒋ᙮ ᒋ ‍ ᑯᑎᐳᐛᐱᓂᒺᐤ ᐅᒥᒋᓱᐛᑭᓇᑎᑯᔪᐛ ᐊᓂᔭᔪᐛ ᓱᓇᔭᔪᐤ ᑲ ‍ ᒥᔅᑯᑐᓇᔨᒋ ᑭᔭ ᐊᑯᓐ ᑲ ‍ ᐃᑐᑎᒺᑦ ᐅᑕᑎᐳᐛᑭᓂᔪᐛ ᐊᓂᔭᔪᐛ ᐅᒥᒥᐅᐛ ᑲ ‍ ᐊᑕᐛᔨᒋ᙮
\v 16 ᒋ ‍ ᓂᑲᓇᐤ ᑭᔭ ᐊᐛᔪᐛ ᒐᒋ ᓴᐳᑐᐛᑎᑕᔨᒋ ᒐᒂᔪᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮
\v 17 ᒋ ‍ ᒋᔅᑯᑎᒪᒐᐤ ᒪᒃ, ᐊ ‍ ᐃᔅᒋᔄᑦ, “ᓇᒪᐎᔾ ᐊ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ,
\q ᐊᔭᒥᐊᐅᒋᐛᑉ ᒋᑭ ‍ ᐃᓯᓂᐧᑲᑕᐤ ᓂᒡ, ᐊᓐᑕ ᒥᓯᐛ ᐊᐛᓐ ᐊ ‍ ᐃᑎᔅᑲᓇᓯᑦ ᒐᒋ ᐊᔭᒥᐊᑦ ?
\m ᒋᔨᐛᐤ ᒪᒃ ᒧᔭᒻ ᑲᒋᒧᑎᒡ ᐅᐛᑎᑯᐛᐤ ᐊᑯᓐ ᐊ ‍ ᐃᓯᓇᑯᑕᐛᒄ ᒋᓴᒪᓂᑐᐤ ᐎᒡ᙮”
\v 18 ᐊᓐᒡ ᒪᒃ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᒋ ‍ ᐸᑎᒧᒡ ᐅᔭ ᐊᒋ ‍ ᐃᔅᒋᔄᔨᒂᓂ᙮ ᐊᓂᔭ ᒪᒃ ᒥᓯᐛ ᐊᐛᔪᐛ ᐊ ‍ ᒥᔅᑲᓯᑎᒥᔨᒋ ᑕᓐ ᑲ ᐃᓯ ‍ ᒋᔅᑯᑎᒪᒐᔨᒋ ᒋᓴᓴ ᒋ ‍ ᓴᒋᓱᐅᒡ ᐅᒡ ᒋᓴᐊᔭᒥᐊᐅᒋᒪᐅᒡ ᑭᔭ ᐊᓐᒡ ᒥᓯᓇᐃᒐᓱᐅᒡ ᐊᑯ ᑲ ᓇᓂᑐ ‍ ᒋᔅᒐᔨᑕᒡ ᑕᓐ ᒐᒋ ᐃᑎᒡ ᒐᒋ ᓂᐸᐊᑭᓄᔨᒋ ᒋᓴᓴ᙮
\v 19 ᐃᔅᐱ ᒪᒃ ᐛᑕᑯᓯᔨᒡ ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒋ ‍ ᓂᑭᑎᒧᒡ ᐊᓂᔭ ᐅᑕᓇᔪᐤ᙮
\s1 ᑕᑈᑎᒧᐅᓐ ᑭᔭ ᐊᔭᒥᐊᔅᑎᒪᒐᐅᓐ
\r ᒪᑎᔪᐤ 21.20-22
\p
\v 20 ᐎᐱᒡ ᒥᓐ ᐎᔭᐱᓂᔨᒡ ᒪᒂᒡ ᐊ ‍ ᐱᒧᑕᒡ ᒪᔅᑭᓇᒡ ᒋ ‍ ᐛᐱᒪᐅᒡ ᐊᓂᔭ ᒥᓯᓱᒥᓇᑎᒂ ᓇᔅᒡ ᐊ ‍ ᓂᐱᔨᒋ, ᐛᐛᒡ ᐊᓂᔭᔪᐛ ᐅᑎᐱᔭ ᐊ ‍ ᓂᐱᒥᑭᓂᔨᒋ᙮
\v 21 ᐱᑕᕐ ᒪᒃ ᒋ ᐅᒋ ‍ ᒋᔅᒋᓱᐤ ᐊᓂᔭ ᑕᓐ ᑲ ‍ ᐃᔅᐱᔨᒡ ᐊᑯ ᒂ ‍ ᐃᑕᑦ ᒋᓴᓴ, “ᒋᔅᑯᑎᒪᒐᓱᐤ, ᐃᑕᐱ ᒪ᙮ ᐅ ᒥᓯᓱᒥᓇᑎᒄ ᑲ ‍ ᐊᓏᔨᒥᑦ ᓇᔅᒡ ᐸᓱᐤ᙮”
\p
\v 22 ᒋᓴᔅ ᒋ ‍ ᐃᑕᐤ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᑕᑈᐅᒐᔨᒪᒄ ᒋᓴᒪᓂᑐᐤ᙮
\v 23 ᑯᐃᔅᒄ ᒋ ‍ ᐎᑎᒪᑎᓇᐛᐤ, ᐊᐛᓐ ᒐᒋ ᐃᑎᓱᐛᑕᒧᒂ ᐅᔭ ᐱᔅᑯᑎᓇᔪᐤ, ‘ᐱᐧᑯᒋ, ᐊᑯ ᐊᓐᑕ ᐎᓂᐸᑯᒡ ᒐ ᐃᓯ ‍ ᐛᐱᓂᓱᔨᓐ,’ ᐊᑲ ᒪᒃ ᓇᔅᒡ ᐊᓏᑕᒐ ᒐᒋ ᐃᔅᐱᔨᒡ ᐅᔭᔪᐤ, ᓇᔅᒡ ᑕᑈᑕᒐ ᐊᓂᔭ ᑲ ‍ ᐃᔅᒋᔄᑦ ᒐ ‍ ᐃᔅᐱᔨᒡ, ᐊᑯᓐ ᒐ ‍ ᐃᑐᑎᒧᐛᑭᓄᐅᑦ ᑕᓐ ᑲ ᐃᓯ ‍ ᓂᑐᐛᔨᑕᐧᒃ᙮
\v 24 ᐊᑯ ᒪᒃ ᐊ ‍ ᐃᑎᑎᑯᒡ, ᒥᒄ ᑕᓐ ᒐ ᐃᓯ ‍ ᓂᑐᑎᒪᔭᒄ ᐊ ‍ ᐊᔭᒥᐊᔭᒄ, ᑕᑈᑎᒧᒄ ᓴᔅ ᐊ ‍ ᐊᔭᔭᒄ ᑭᔭ ᒐ ‍ ᒥᔨᑯᔭᒄ ᐊᓐ ᑲ ᐃᓯ ‍ ᓂᑐᑎᒪᔭᒄ᙮
\v 25 ᑭᔭ ᑕᑥᐤ ᓂᐳᔨᓇ ᐊ ‍ ᐊᔭᒥᐊᔨᓐ, ᐛᐸᔨᑎᒧᐤ ᐊᓐ ᐊᐛᓐ ᑲ ‍ ᐅᓂᑐᑕᔅᒃ, ᑭᔭ ᒍᑕᐎᔾ ᒋᒋᒋᓯᑯᒡ ᐊ ‍ ᑕᑦ ᑭᔭ ᐎᔾ ᒐ ‍ ᐛᐸᔨᑎᒪᔅᒃ ᒋᒥᒋᑥᐅᓇ᙮
\v 26 ᐊᑲ ᐛᐸᔨᑎᒪᒐᔨᓇ ᓇᒪ ᑭᔭ ᐎᔾ ᒍᑕᐎᔾ ᒋᒋᒋᓯᑯᒡ ᐊ ‍ ᑕᑦ ᒋᑭ ᐅᒋ ‍ ᐛᐸᔨᑎᒪᒄ ᒋᒥᒋᑥᐅᓇ᙮”
\s1 ᒋᓴᔅ ᑲ ‍ ᑯᒂᒋᒪᑭᓄᐅᑦ ᐊᐛᔪᐛ ᑲ ‍ ᒥᔨᑯᑦ ᒐᒋ ᐃᑎᑦ ᑕᓐ ᑲ ‍ ᐃᑎᑦ
\r ᒪᑎᔪᐤ 21.23-27; ᓗᒃ 20.1-8
\p
\v 27 ᒥᓐ ᑲᐤ ᒋ ‍ ᐃᑐᑕᐅᒡ ᒋᕈᓯᓕᒥᒡ᙮ ᐊ ‍ ᐱᒧᑕᑦ ᒪᒃ ᒋᓴᔅ ᐊᓐᑕ ᐊ ‍ ᑎᑯᓂᔨᒡ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ ᒋ ‍ ᓂᑐᐛᐱᒥᑯᐤ ᐊᓂᔭᔪᐛ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ,
\v 28 ᐊᑯ ᒂ ‍ ᐃᑎᑯᑦ, “ᑕᓐ ᐊ ‍ ᐃᑎᔨᓐ ᐅ ? ᐊᐛᓐ ᑲ ‍ ᐃᑎᓱᒥᔅᒃ ᒐᒋ ᐃᑐᑎᒥᓐ ᐅᔭ ᒐᒂᔪᐛ ?”
\p
\v 29 ᒋᓴᔅ ᒋ ‍ ᐃᑕᐤ, “ᒋᑭ ‍ ᑯᒂᒋᒥᑎᓇᐛᐤ ᒐᒂᓐ, ᒐ ᐸᒋ ‍ ᐎᑎᒧᐅᔭᒄ ᑭᔭ ᒐ ‍ ᐎᑎᒪᑎᑯᒡ ᑕᓐᑕ ᐛᒋᐱᔨᒡ ᐅ ᑎᐸᔨᒋᒐᐅᓐ ᑲ ‍ ᐊᔭᔭᓐ ᐅᔭ ᒐᒋ ᐃᑐᑎᒪᓐ᙮
\v 30 ᒠᓐ ᒪ ᑲ ‍ ᓯᑲᐃᑐᐛᑦ ᐊᐛᔪᐛ, ᐊᐛᔪᐛ ᑲ ‍ ᐃᑎᓱᒥᑯᑦ ᒐᒋ ᓯᑲᐃᑕᒐᑦ, ᒋᓴᒪᓂᑐᐛ ᐊ, ᑭᔭ ᒪᒃ ᓇᐸᐛ ? ᐎᑎᒧᐅᒄ ᒪᒃ᙮”
\v 31 ᒋ ‍ ᒥᒋᐱᔪᒡ ᒪᒃ ᐊᓐᑕ ᐎᔨᐛᐤ ᐊ ‍ ᐃᔅᒋᔄᒡ, “ᐃᔅᒋᔄᔭᒂ, ‘ᒋᓴᒪᓂᑐᐛ ᒋ ‍ ᐃᑎᑯᐤ,’ ᒋᑭ ‍ ᐃᑎᑯᓄᐤ, ‘ᒐᒂᓐ ᒪᒃ ᐛᒋ ᐊᑲ ᐅᒋ ‍ ᑕᑈᑐᐛᒄ ?’
\v 32 ᒋᑭ ‍ ᐃᑕᓄᐤ ᐊ ᒪᒃ, ‘ᓇᐸᐛ ᑲ ‍ ᐃᑎᑯᑦ᙮’ ” ᒋ ‍ ᐛᐛᓇᔨᑎᒧᒡ ᑕᓐ ᒐᒋ ᐃᓯ ‍ ᐎᑎᒧᐛᒡ ᐊᒋ ‍ ᑯᔅᑕᒡ ᐊᓂᔭᔪᐛ ᐃᔪᐛ ᐊᓐᑕ ᑲ ‍ ᑕᔨᒋ᙮ ᐛᔅ ᒥᓯᐛ ᒋ ‍ ᑕᑈᑎᒥᔪᐛ ᑕᑈ ᐊᒋ ‍ ᐅᒋᔅᒋᐛᐃᒐᓱᔨᒋ ᐊᓂᔭᐧᑲ ᒠᓇ᙮
\p
\v 33 ᐊᑯ ᒂ ‍ ᐃᑕᒡ ᒋᓴᓴ, “ᓇᒪ ᓂ ‍ ᒋᔅᒐᔨᒪᓇᓐ ᐊᐛᔪᐛ ᑲ ‍ ᐃᑎᓱᒥᑯᑦ ᒠᓐ ᒐᒋ ᓯᑲᐃᑐᐛᑦ ᐊᐛᔪᐛ᙮” ᒋᓴᔅ ᒋ ‍ ᐃᑕᐤ, “ᑭᔭ ᓂᔾ ᓇᒪ ᒋᑭ ᐅᒋ ‍ ᐎᑎᒪᑎᓇᐛᐤ ᐊᐛᓐ ᑲ ᐸᒋ ‍ ᐃᑎᓱᒥᑦ ᐅ ᒐᒋ ᐃᑐᑎᒪᓐ᙮”
\c 12
\s1 ᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᔪᐤ ᑲ ‍ ᓂᓇᑭᑐᐛᔨᑕᒡ ᑲ ‍ ᑎᐸᒋᒪᑭᓄᐎᒡ
\r ᒪᑎᔪᐤ 21.33-46; ᓗᒃ 20.9-19
\p
\v 1 ᒋᓴᔅ ᐊᑐᐎᔅ ᒋ ᐊᑎ ‍ ᐃᔨᒪᐊᐤ ᐊᓂᔭᔪᐛ ᓂᑲᓐ ᐊᔭᒥᐊᐅᒋᒪᐛ ᑭᔭ ᒥᓯᓇᐃᒐᓱᐛ ᐊ ‍ ᐎᑎᒧᐛᑦ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒋ ‍ ᐃᑕᐤ, “ᒋ ‍ ᑕᐤ ᓇᐸᐤ ᓱᒥᓇᑎᒂ ᐊᒋ ‍ ᓂᑕᐅᒋᐊᑦ ᐊᓐᑕ ᓂᑕᐅᒋᑕᑭᓐ ᐊᔅᒋᒡ᙮ ᒋ ‍ ᒋᐸᐊᒻ ᒪᒃ ᒥᓯᐛ ᐛᔅᑲ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ᙮ ᑭᔭ ᒋ ‍ ᒧᓇᐊᒻ ᑕᓐᑕ ᒐ ‍ ᐱᒋᔅᒋᔅᑲᑭᓄᔨᒋ ᐊᓂᔭ ᒥᓂᓴ᙮ ᒋ ‍ ᐅᓯᑕᐤ ᑭᔭ ᐊᓱᐛᐳᐅᒋᐛᐱᔪᐤ ᐊᓐᑕ ᒐ ᐅᒋ ‍ ᓂᓇᑭᑐᐛᔨᑕᑭᓄᔨᒋ ᐊᓂᔭ ᐅᓂᑕᐅᒋᑕᑭᓇ᙮ ᐃᔅᐱ ᒪᒃ ᑲᒋ ‍ ᐊᐃᑎᑦ ᒋ ‍ ᓇᓂᑐᐛᐱᒪᐤ ᐊᐛᔪᐛ ᒐᒋ ᓂᓇᑭᑐᐛᐸᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒂ ‍ ᔅᑐᑕᑦ, ᐛᔪᐤ ᐊ ‍ ᑎᑯᓂᔨᒡ ᐊᔅᒋᔪᐤ ᒂ ‍ ᐃᑐᑕᑦ᙮
\v 2 ᐃᔅᐱ ᒪᒃ ᐛᑎᒋᐱᔨᒡ ᒐ ‍ ᒪᒧᓴᒋᓂᑭᓄᔨᒋ ᐊᓂᔭᔪᐛ ᒥᓂᓴ ᐊᓐᑕ ᒥᔅᑎᑯᒡ ᑲ ‍ ᓂᑕᐅᒋᓂᔨᒋ ᒋ ‍ ᐃᑎᓴᐛᐤ ᐸᐃᒄ ᐅᑦ ᐊᐱᒋᐊᑭᓇ ᒐᒋ ᓂᑐᐛᐱᒪᔨᒋ ᐊᓂᔭᔪᐛ ᑲ ‍ ᓂᓇᑭᑐᐛᔨᑎᒥᔨᒋ ᐊᓂᔭ ᐅᑦ ᐊᔅᒋᔾ ᒐᒋ ᒥᔨᑯᑦ ᐎᔾ ᑕᓐ ᒋᐸ ᐃᓯ ‍ ᐊᔭᐤ᙮
\v 3 ᐊᓐᒡ ᒪᒃ ᑲ ‍ ᓂᓇᑭᑐᐛᔨᑕᒡ ᐊᓂᔭ ᐊᔅᒋᔪᐤ ᐱᑯᓄᐤ ᒋ ‍ ᒪᑯᓇᐅᒡ ᐅᔭ ᐊᐱᒋᐊᑭᓇ ᐊᑯ ᒂ ‍ ᒪᓯᐧᑯᐛᒡ, ᒂ ᐊᑎ ‍ ᒋᑎᓴᐛᒡ ᐊᑲ ᒐᒂᔪᐤ ᒥᔭᒡ᙮
\v 4 ᐊᑯ ᐊᓐ ᐅᒋᒪᐤ ᒥᓐ ᑯᑎᑲ ᐊᐱᒋᐊᑭᓇ ᒂ ‍ ᐃᑎᓴᐛᑦ ᐊᓐᑕ᙮ ᐊᑯ ᒂ ‍ ᒥᔄᑭᓂᐧᑲᑕᑭᓄᔨᒋ ᐅᔭ ᓇᐸᐛ ᐅᔅᑎᒂᓂᔨᒡ ᐊᒋ ‍ ᐎᔭᔅᑐᑐᐛᑭᓄᔨᒋ, ᑭᔭ ᒋ ‍ ᒪᔭᔨᒪᑭᓄᐅᔪᐛ᙮
\v 5 ᒥᓐ ᑯᑎᑲ ᐊᐱᒋᐊᑭᓇ ᒂ ‍ ᐃᑎᓴᐛᑦ ᐊᓐᑕ ᐊᓐ ᐅᒋᒪᐤ, ᐊᐅᑯᓐ ᐅᔭ ᑲ ‍ ᓂᐸᐊᑭᓄᔨᒋ᙮ ᐊᐅᑯᓐ ᑲ ‍ ᐃᑐᑐᐛᒡ ᒥᓯᐛ ᐊᓂᔭᔪᐛ ᑲ ‍ ᐃᑎᓴᐛᑭᓄᔨᒋ ᐊᓐᑕ ᐊ ‍ ᑕᒡ, ᐱᔅᒐ ᒋ ‍ ᒪᓯᐧᑯᐛᐅᒡ ᐊᑯ ᐱᔅᒐ ᑲ ‍ ᓂᐸᐊᒡ᙮”
\p
\v 6 “ᒐᒃ ᒥᒄ ᐸᐃᒄ ᓇᐸᐛ ᒂ ‍ ᑕᔨᒋ ᐊᓐᑕ ᐊ ‍ ᑕᑦ ᐊᓐ ᐅᒋᒪᐤ, ᐊᔪᐅᒄ ᐅᔭ ᑎᐱᔨᐛ ᐅᑯᓴ᙮ ᐊᔪᐅᒄ ᐅᔭ ᒂ ‍ ᐃᑎᓴᐛᑦ, ᒐᒃ ᐊ ‍ ᐃᑕᔨᑕᐧᒃ, ‘ᒋᑭ ‍ ᒋᔅᑕᔨᒪᐅᒡ ᐅᔭ ᓂᑯᓴ᙮’ ”
\p
\v 7 “ᒥᒄ ᒪᒃ ᐊᓐᒡ ᑲ ‍ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ ᒋ ‍ ᐃᑎᑐᒡ, ‘ᐊᐅᒄ ᒐ ‍ ᐊᓱᐤ ᒥᔭᑭᓄᐅᑦ ᐊᔅᒄ ᐅᔭ ᐊᔅᒋᔪᐤ, ᐊᔅᑎᒧᒄ, ᓂᐸᐊᑕᐤ, ᒋᔭᓄᐤ ᒥᔅᑯᒡ ᒐ ‍ ᐊᓱᐤ ᒥᔨᑯᐅᔭᐧᒄ ᐅ ᐊᔅᒋᔾ᙮’
\v 8 ᒋ ‍ ᒪᑯᓇᐅᒡ ᐊᓂᔭ ᓇᐸᐛ ᐊᑯ ᒂ ‍ ᓂᐸᐊᒡ, ᒂ ‍ ᐎᐛᐱᓇᒡ ᐊᓐᑕ ᓂᑕᐅᒋᑕᑭᓐ ᐊᔅᒋᒡ᙮”
\p
\v 9 “ᑕᓐ ᒪᒃ ᒐ ‍ ᐃᑎᑦ ᐊᓐ ᑲ ‍ ᑎᐱᔨᐛᐅᓯᑦ ᐅᔭ ᓂᑕᐅᒋᑕᑭᓐ ᐊᔅᒋᔪᐤ ? ᒋᑭ ‍ ᓂᑐᐛᐱᒪᐤ ᐊᓂᔭᔪᐛ ᑲ ‍ ᓂᓇᑭᑐᐛᐸᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒐ ‍ ᓂᐸᐊᑦ᙮ ᑯᑎᑲ ᐊᐛᔪᐛ ᒐ ‍ ᒥᔭᑦ ᐅᔭ ᐅᑦ ᐊᔅᒋᔾ ᒐ ‍ ᓂᓇᑭᑐᐛᐸᑎᒥᔨᒋ᙮
\v 10 ᓇᒪᐎᔾ ᐊ ᒋ ᐅᒋ ‍ ᐃᔨᒥᑕᓇᐛᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ‍ ᐃᑎᔅᑕᒡ,
\q ᒋ ‍ ᐊᑐᐛᔨᒪᐅᒡ ᑲ ‍ ᒥᒋᐛᐱᒐᒡ ᐊᓂᔭ ᐊᓯᓂᔭ ᒋᒋᐛ ᐊ ‍ ᐊᐱᑎᓯᔨᒋ ᐊ ‍ ᒋᒐᔭᔨᒡ᙮
\q
\v 11 ᐊᔪᐅᒄ ᐅᔭ ᐅᑎᐸᔨᒋᒐᐤ ᐅᑦ ᐃᑐᐅᓐ, ᐊᔪᐛᒡ ᒥᔅᑲᓯᓇᑯᓂᔪᐤ ᐊ ‍ ᑭᓄᐛᐸᑕᑭᓄᐎᒡ ?”
\p
\v 12 ᐊᓂᔭ ᒪᒃ ᐊᐛᔪᐛ ᑲ ‍ ᐃᔨᒪᐊᑦ ᒋᓴᔅ ᒋ ᐎ ‍ ᒪᑯᓂᑯᐤ ᐛᔅ ᒋ ‍ ᒋᔅᒐᔨᒥᑯᐤ ᐎᔨᐛᐤ ᐊ ᐎ ‍ ᑲᔅᑕᐅᑯᒡ ᐛᒋ ‍ ᐎᑎᒥᔨᒋ ᐅᔭ ᑎᐸᒋᒧᐅᓂᔪᐤ᙮ ᒥᒄ ᒪᒃ ᒋ ‍ ᑯᔅᑕᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ‍ ᑕᔨᒋ ᐛᔅ ᒋ ‍ ᒥᒐᑎᔪᐛ᙮ ᐊᑯ ᓂᑕᐛᒡ ᒂ ‍ ᔅᑐᑕᒡ᙮
\s1 ᐊ ‍ ᒋᓯᐧᑲᓱᓇᓄᐅᒡ
\r ᒪᑎᔪᐤ 22.15-22; ᓗᒃ 20.20-26
\p
\v 13 ᒋ ‍ ᐃᑎᓴᐛᑭᓄᐎᒡ ᐱᔅᒐ ᐸᕆᓯᔨᒡ ᑭᔭ ᐱᔅᒐ ᐊᓐᒡ ᐊᕈᑦ ᐅᑦ ᐊᐱᒋᐊᑭᓇ ᐊᓐᑕ ᒋᓴᓴ ᐊ ‍ ᑕᔨᒋ ᒐᒋ ᓇᓂᑐᐤ ᐎᔭᓴᐊᒡ ᐊᑲ ᒧᔭᒻ ᒐᒋ ᐃᔅᒋᔄᔨᒋ ᒐᒂᔪᐤ᙮ ᓂᓇᐧᑯᐤ ᒐᒂᔪᐤ ᒋ ᐃᓯ ‍ ᑯᒂᒋᒪᐅᒡ᙮
\v 14 ᒋ ᐸᒋ ‍ ᓂᑐᐛᐱᒪᐅᒡ ᒪᒃ ᐊᑯ ᒂ ‍ ᐃᑕᒡ, “ᒋᔅᑯᑎᒪᒐᓱᐤ, ᒋ ‍ ᒋᔅᒐᔨᒥᑎᓇᓐ ᒧᔅ ᐊ ‍ ᑕᑈᔨᓐ ᑕᓐ ᐊ ‍ ᐃᔅᒋᔄᔨᓐ᙮ ᓇᒪ ᐎᔭᓯᓐ ᐊᐛᓐ ᐊᓐ ᑲ ‍ ᐃᔨᒥᐃᑦ ᐛᔅ ᒥᓯᐛ ᐊᐛᓐ ᐸᐃᑯᓄᒡ ᒋᑦ ᐃᑕᔨᒪᐤ᙮ ᓇᒪ ᒋ ‍ ᑭᓄᐛᐸᑎᒺᓐ ᑕᓐ ᐊ ᐃᓯ ‍ ᒋᔅᑕᔨᑕᑯᓯᑦ ᐊᐛᓐ᙮ ᑯᐃᔅᒄ ᑭᔭ ᒋ ‍ ᒋᔅᑯᑎᒧᐛᐅᒡ ᐊᐛᓐᒋ ᑕᓐ ᐊ ᐃᓯ ‍ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ‍ ᐱᒪᑎᓯᒡ᙮ ᐃᑎᔅᑕᐤ ᐊ ᐎᓱᐛᐅᓂᒡ ᓯᓴᕐ ᕈᒻ ᒋᓴᐅᒋᒪᐤ ᒐᒋ ᒥᔭᑭᓄᐅᑦ ᐊᓂᔭ ᓱᓇᔭᔪᐤ ᒐᓯᐧᑲᓱᔨᒋ ᐊᐛᔪᐛ ?
\v 15 ᓂᐸ ‍ ᒋᓯᐧᑲᓱᓇᓐ ᐊ ᑭᔭ ᒪᒃ ᓇᒪᐎᔾ ?”
\p ᒋᓴᔅ ᒪᒃ ᒋ ‍ ᒋᔅᒐᔨᒪᐤ ᐊ ᐎ ‍ ᐎᔭᓯᐃᑯᑦ ᐅᔭ ᐊ ᐃᓯ ‍ ᑯᒂᒋᒥᑯᑦ ᐊᑯ ᒂ ‍ ᐃᑕᑦ, “ᒐᒂᓐ ᐛᒋ ᐎ ᐸᒋ ‍ ᑯᒂᒋᐃᔭᒄ ? ᐸᓱᐛᐧᒄ ᒪ ᓱᓇᔭᐱᔅᑯᔅ, ᒐ ‍ ᑭᓄᐛᐱᒥᒃ᙮”
\v 16 ᒂ ‍ ᒥᔭᒡ ᐸᐃᒄ᙮ ᐊᑯ ᒂ ‍ ᐃᑕᑦ, “ᐊᐛᓐ ᒪᒃ ᐅᑕᔅᑎᒥᐧᒄ ᐊ ‍ ᓄᑯᓂᔨᒡ ᐅᑕ ᑭᔭ ᐊᐛᓐ ᐅᔭ ᐅᑦ ᐃᓯᓂᐧᑲᓱᐅᓐ ᑲ ‍ ᒥᓯᓇᑕᔨᒡ ?” ᒋ ‍ ᐃᑕᐅᒡ, “ᒋᓴᐅᒋᒪᐤ ᓯᓴᕐ ᐊᓂᔭ ᐅᑕᔅᑎᒥᐧᒄ ᑭᔭ ᐎᔾ ᐊᓐᑕ ᒥᓯᓇᓱᐤ᙮”
\v 17 ᒋᓴᔅ ᒋ ‍ ᐃᑕᐤ, “ᒥᔭᐧᒄ ᒋᓴᐅᒋᒪᐤ ᓯᓴᕐ ᑕᓐ ᐊᓂᔭᔪᐛ ᐎᔾ ᑕᐱᔨᐛᐅᓯᑦ, ᑭᔭ ᒥᔭᐧᒄ ᒋᓴᒪᓂᑐᐤ ᑕᓐ ᐊᓂᔭ ᐎᔾ ᑕᐱᔨᐛᐅᓯᑦ᙮” ᐊᔪᐛᒡ ᒪᒃ ᒋ ‍ ᒪᒥᔅᑲᓯᑐᐛᐅᒡ ᐅᔭ ᑲ ᐃᓯ ‍ ᐃᔨᒥᐃᑯᒡ᙮
\s1 ᒋᓴᔅ ᑲ ‍ ᐊᔨᒧᑕᐧᒃ ᐅᓂᔅᑲᓄᔨᒐ ᓂᐳᐅᓂᒡ ᐅᒡ
\r ᒪᑎᔪᐤ 22.23-33; ᓗᒃ 20.27-40
\p
\v 18 ᓴᑎᔪᓯᐊ ᑭᔭ ᒋ ᐸᒋ ‍ ᓂᑐᐛᐱᒥᑯᐤ ᒋᓴᔅ᙮ ᐊᐅᑯᓐᒡ ᐅᒡ ᐊᑲ ᐅᒋ ᑕᑈᑕᒡ ᒐ ‍ ᐅᓂᔅᑲᓇᑭᓄᔨᒋ ᐊᔅᒄ ᐊᐛᔪᐛ ᑲ ‍ ᓂᐱᔨᒋ᙮ ᒋ ‍ ᑯᒂᒋᒪᐅᒡ ᒋᓴᓴ ᐊ ‍ ᐃᑕᒡ,
\v 19 “ᒋᔅᑯᑎᒪᒐᓱᐤ, ᒧᓱᔅ ᒋ ‍ ᒥᓯᓇᐊᒻ ᑕᓐ ᒐ ᐃᓯ ‍ ᓂᓇᑭᑐᐛᔨᑎᒪᒡ᙮ ᒋ ‍ ᐃᑎᔅᑕᐤ ᐊᓐᑕ, ‘ᓂᐱᒐ ᓇᐸᐤ ᐊᒋ ᒪᒃ ‍ ᐎᐅᑦ ᐊᑲ ᒪᒃ ᐅᒋ ᐅᑦ ᐊᐛᓯᒧᐛᒂ, ᐊᓂᔭ ᑲ ᐅᒋ ‍ ᑕᒋᔅᑲᑯᑦ ᐎᐧᑲᓂᓴ ᐊᐅᑯᓂ ᐊᓂᔭ ᒋᐸ ‍ ᐎᒋᒪᔪᐛ ᐊᓂᔭ ᐎᐛ᙮ ᐊᑯ ᒪᒃ ᒋᐸ ‍ ᐊᔭᐛᐅᒡ ᐊᐛᓴ ᐊᓂᔭ ᐅᔅᑕᓴ ᐊᓐ ᓇᐸᐤ ᒐᒋ ᓂᑕᐅᒋᑎᒧᐛᑦ᙮’
\v 20 ᓂᔄᐅᑕᒡ ᒪᒃ ᒋ ‍ ᐃᑕᑎᓱᐅᒡ ᓇᐸᐅᒡ ᐊᒋ ‍ ᐎᐧᑲᓂᓯᑕᑐᒡ᙮ ᐊᓐ ᐅᔅᑕᓯᒪᐤ ᒋ ‍ ᓂᐳᐅᐤ᙮ ᐸᑎᒪ ᒪᒃ ᒋ ‍ ᐳᓂᐱᒪᑎᓯᐤ᙮ ᓇᒪ ᐅᒋ ᐊᔭᐛᐅᒡ ᐊᐛᓴ ᐊᓂᔭ ᐎᐛ᙮
\v 21 ᐊᑯ ᐊᓂᔭ ᐎᐧᑲᓂᓴ ᑲ ᐅᒋ ‍ ᑕᒋᔅᑲᑯᑦ ᒂ ‍ ᐎᒋᒪᔨᒋ ᐊᓂᔭ ᐎᐛ᙮ ᑭᔭ ᐎᔾ ᒪᒃ ᐅ ᓇᐸᐤ ᒐᒃ ᒋ ‍ ᐳᓂᐱᒪᑎᓯᐤ᙮ ᓇᒪ ᐅᒋ ᐊᔭᐛᐅᒡ ᐊᐛᓴ ᑭᔭ ᐎᔨᐛᐤ᙮ ᐊᐅᑯᓐ ᒧᔭᒻ ᑲ ‍ ᐃᔅᐱᔨᑦ ᑭᔭ ᐊᓐ ᑯᑎᒃ ᐎᐧᑲᓂᓯᒪᐤ᙮
\v 22 ᒐᒃ ᒥᓯᐛ ᐊᓐᒡ ᓂᔄᐅᑕᒡ ᐎᐧᑲᓂᓯᒪᐅᒡ ᒂ ‍ ᐎᒋᒪᒡ ᐊᓂᔭ ᐃᔎᐛ᙮ ᒥᓯᐛ ᐊᒋ ‍ ᓂᐱᒡ ᐊᑲ ᐅᒋ ᐊᔭᐛᒡ ᐊᐛᓴ᙮ ᒐᒃ ᒪᒃ ᒋ ‍ ᐳᓂᐱᒪᑎᓯᐤ ᑭᔭ ᐎᔾ ᐊᓐ ᐃᔎᐤ᙮
\v 23 ᑕᓐ ᐊᓂᔭᔪᐛ ᒪᒃ ᐊᓂᔭ ᒋᒋᐛ ᒐ ‍ ᐎᐅᑕᑯᑦ ᐅ ᐃᔎᐤ ᐃᔅᐱ ᐅᓂᔅᑲᔨᒐ ᐊᐛᔪᐛ ᑲ ‍ ᓂᐱᔨᒋ ? ᐛᔅ ᒥᓯᐛ ᐊᓐᒡ ᓂᔄᐅᑕᒡ ᓇᐸᐅᒡ ᒋ ‍ ᐎᒋᒪᐅᒡ ᐅᔭ ᐃᔎᐛ᙮”
\p
\v 24 ᐊᑯ ᒋᓴᔅ ᒂ ‍ ᐃᑕᑦ, “ᓇᒪ ᒋ ‍ ᒋᔅᒐᔨᑕᓇᐛᐤ ᑕᓐ ᐊ ‍ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᓇᒪ ᒋ ‍ ᒋᔅᒐᔨᑎᒺᓇᐛᐤ ᒋᓴᒪᓂᑐᐤ ᐅᒥᔅᑯᓯᐅᓐ ᐅ ᑲ ᐃᓯ ‍ ᑯᒂᒋᒥᔭᒄ᙮
\v 25 ᐛᔅ ᐅᐱᔨᑥᐛ ᐊᓐᒡ ᑲ ‍ ᓂᐱᒡ, ᑕᐸ ᒋᑭ ᐅᒋ ‍ ᓂᐳᐅᒡ ᑭᔭ ᓇᒪ ᒋᑭ ᐅᒋ ‍ ᓂᐳᐊᑭᓄᐅᒡ, ᐛᔅ ᐊᓂᔭ ᐊ ‍ ᐃᑕᔨᑕᑯᓯᔨᒋ ᐊᓐᒋᓇ ᒋᒋᒋᓯᑯᒡ ᐊ ‍ ᑕᔨᒋ ᐊᐅᑯᓐ ᒧᔭᒻ ᒐ ‍ ᐃᑕᔨᑕᑯᓯᒡ᙮
\v 26 ᐊᓐ ᒪᒃ ᓇᑐᐤ ᒋᔅᒐᔨᑎᒧᐛᒂ ᒐ ‍ ᐅᐱᐱᔪᐛᒂ ᑲ ‍ ᓂᐱᒡ, ᓇᒪᐎᔾ ᐊ ᒋ ᐅᒋ ‍ ᐃᔨᒥᑕᐛᓇᐛᐤ ᒧᓱᔅ ᑕᓐ ᑲ ‍ ᐃᑎᓯᓇᐊᐧᒃ ᐅᒥᓯᓇᐃᑭᓂᒡ, ᐊᓐᑕ ᑲ ‍ ᑎᐸᑕᐧᒃ ᐊ ‍ ᐱᔅᑯᑯᐸᔨᒡ ᑲ ᐅᒋ ‍ ᐃᔨᒥᐃᑯᑦ ᒋᓴᒪᓂᑐᐛ, ᐊᒋ ‍ ᐃᑎᑯᒂ, ‘ᐊᐅᒄ ᓂᔾ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ’ ?
\v 27 ᓇᒪ ᐅᒋᓴᒪᓂᑐᒥᑕᑯᐤ ᒋᓴᒪᓂᑐᐤ ᐊᓂᔭ ᑲ ‍ ᓂᐱᔨᒋ ᒥᒄ ᐊᓂᔭ ᑲ ‍ ᐱᒪᑎᓯᔨᒋ ᐅᒋᓴᒪᓂᑐᒥᑕᑯᐤ᙮ ᑕᑈ ᒋ ‍ ᐅᓂᐱᔨᓇᐛᐤ ᒋᔨᐛᐤ ᑕᓐ ᐊ ᐃᓯ ‍ ᑕᑈᑎᒪᒄ᙮”
\s1 ᒪᐅᒡ ᓂᑲᓐ ᑲ ‍ ᐃᑕᔨᑕᒂᒡ ᐃᑎᓱᐛᐅᓐ
\r ᒪᑎᔪᐤ 22.34-40; ᓗᒃ 10.25-28
\s2 Mark 12.28-34 (Proper-26 Year B)
\p
\v 28 ᐸᐃᒄ ᒪᒃ ᓇᐸᐤ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᑦ ᒋ ᐸᒋ ‍ ᓇᒋᑲᐳᐤ, ᐊᒋ ‍ ᐸᑐᐛᑦ ᐊᓂᔭ ᑲ ‍ ᐃᔨᒥᐃᑐᔨᒋ᙮ ᒋ ‍ ᐸᑐᐛᐤ ᒪᒃ ᒋᓴᓴ ᑕᓐ ᑲ ᐃᓯ ‍ ᑯᐃᔅᒄ ᐎᑎᒧᐛᔨᒋ ᐊᓂᔭᔪᐛ ᓴᑎᔪᓯᐊ᙮ ᐊᑯ ᒂ ‍ ᑯᒂᒋᒪᑦ, “ᒐᒄ ᐃᑎᓱᐛᐅᓐ ᒪᐅᒡ ᓂᑲᓐ ᐊ ‍ ᐃᑕᔨᑕᒂᒡ ?”
\v 29 ᒋᓴᔅ ᒋ ‍ ᐃᑕᐤ, “ᐎᑕᑭᓄᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ ᐊᓐ ᒪᐅᒡ ᓂᑲᓐ ᐊ ‍ ᐃᑕᔨᑕᒂᒡ ᐃᑎᓱᐛᐅᓐ᙮ ᒂ ‍ ᐃᑎᔅᑕᒡ,
\q ᓂᑐᑎᒧᒄ, ᒋᔨᐛᐤ ᐃᔅᕋᐃᓪ ᐅᑦ ᐃᔨᒪ, ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᐊᐅᒄ ᒥᒄ ᐊ ‍ ᐸᐃᑯᓯᑦ ᐊ ‍ ᑎᐸᔨᒋᒐᐅᑦ᙮
\q
\v 30 ᓴᒋᐃ ᐅᑎᐸᔨᒋᒐᐤ ᒋᒋᓴᒪᓂᑐᒻ ᒥᓯᐛ ᒋᑕᐃᒡ ᑭᔭ ᒥᓯᐛ ᒋᑦ ᐊᒐᐧᑯᒡ ᑭᔭ ᒥᓯᐛ ᒋᒥᑐᓇᔨᒋᑭᓂᒡ ᑭᔭ ᒥᓯᐛ ᒋᒥᔅᑯᓯᐅᓂᒡ᙮”
\p
\v 31 ᒋ ‍ ᐃᑕᐤ ᒥᓐ ᒋᓴᔅ, “ᐊᓐ ᒥᓐ ᑯᑎᒡ ᐃᑎᓱᐛᐅᓐ ᒋᒋᐛ ᐊ ‍ ᐃᑕᔨᑕᒂᒡ ᐊᐅᒄ ᐊᑎᔅᑕᒡ,
\q ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ‍ ᓴᒋᐃᓱᔨᓐ᙮
\m ᐊ ‍ ᑕᑎᒋ ᐃᑎᔄᐅᓇ ᐊᔪᐅᒄ ᐅᔭ ᓂᓱ ᐃᑎᔄᐅᓇ ᒪᐅᒡ ᐊ ‍ ᐃᑕᔨᑕᒂᒋ᙮”
\p
\v 32 ᒋ ‍ ᐃᑎᑯᐤ ᐊᓂᔭ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ, “ᒋᔅᑯᑎᒪᒐᓱᐤ, ᒋ ‍ ᑕᑈᓐ᙮ ᒋ ‍ ᑕᑈᓐ ᐊ ‍ ᐃᔅᒋᔄᔨᓐ ᒥᒄ ᐊ ‍ ᐸᐃᑯᓯᑦ ᒋᓴᒪᓂᑐᐤ, ᓇᒪ ᑕᐤ ᑯᑎᒃ᙮
\v 33 ᑭᔭ ᒋ ‍ ᑕᑈᓐ ᐊ ‍ ᐃᔅᒋᔄᔨᓐ᙮ ᒐᒋ ᓴᒋᐊᑭᓄᐅᑦ ᒋᓴᒪᓂᑐᐤ ᒥᓯᐛ ᒥᑕᐃᒡ, ᑭᔭ ᒥᓯᐛ ᒥᑐᓇᔨᒋᑭᓂᒡ, ᑭᔭ ᒥᓯᐛ ᐊᒐᐧᑯᐅᓂᒡ ᑭᔭ ᒥᓯᐛ ᒥᔅᑯᓯᐅᓂᒡ᙮ ᑭᔭ ᒐᒋ ᓴᒋᐊᑦ ᒋᒡ ᐃᔪᐤ ᒧᔭᒻ ᐎᔾ ᐊ ᐃᔅᐱᔅ ‍ ᓴᒋᐃᓱᑦ᙮ ᐅᔭ ᒐᒋ ᐃᔅᐱᔅ ᓴᒋᐃᐛᑦ ᐊᐛᓐ ᐊᑐᐎᔅ ᐃᑕᔨᑕᑯᓂᔪᐤ ᐃᔅᐱᔅ ᐎ ᐊ ‍ ᒥᑐᔅᑕᐊᒧᐛᑭᓄᐅᑦ ᒋᓴᒪᓂᑐᐤ ᒥᔨᐛᐅᓇ ᒪᒃ ᐊᐛᓯᓴ ᐊᒋ ‍ ᓂᐸᐊᑭᓄᔨᒋ ᒐᒋ ᒥᑐᔅᑕᐊᒧᐛᑭᓄᐅᑦ᙮”
\v 34 ᒋᓴᔅ ᒪᒃ ᐱᔭᑐᐛᑦ ᐅᔭ ᐊ ᐃᓯ ‍ ᑭᒐᑕᐛᔨᑎᒧᑕᑯᓯᔨᒋ ᒋ ‍ ᐃᑕᐤ, “ᓇᒪ ᒋ ‍ ᐛᔪᐛᐸᑎᒺᓐ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮” ᓇᒪ ᒪᒃ ᐅᒋ ᑕᐤ ᐊᐛᓐ ᐊ ‍ ᑕᐸᔨᒧᑦ ᐊᑐᐎᔅ ᒐᒋ ᐃᓯ ‍ ᑯᒂᒋᒪᑦ ᒐᒂᔪᐤ᙮
\s1 ᐊᐛᔪᐛ ᐛᑯᓯᑕᑯᑦ ᙭
\r ᒪᑎᔪᐤ 22.41-46; ᓗᒃ 20.41-44
\p
\v 35 ᒪᒂᒡ ᒋᓴᔅ ᐊ ‍ ᒋᔅᑯᑎᒪᒐᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒋ ‍ ᑯᒂᒋᒪᐤ ᐊᓂᔭᔪᐛ ᐊᓐᑕ ᑲ ‍ ᑕᔨᒋ, “ᑕᓐᑕ ᒐᒋ ᐅᒋ ‍ ᐃᔅᒋᔄᒡ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᑎᐱᑕ ᐊ ‍ ᑕᔨᒋ ᒐ ᐅᒋ ᐊᓂᔅᒐ ‍ ᐱᒪᑎᓯᔨᒋ ᙭ᑕ ?
\v 36 ᑲ ‍ ᐸᔭᒋᓯᔨᒋ ᐊᒐᒂ ᒋ ‍ ᐃᑐᑕᑯᐤ ᐊᓂᔭ ᑎᐱᑦ ᒐᒋ ᐃᔅᒋᔄᑦ,
\q ᐅᑎᐸᔨᒋᒐᐤ ᒋ ‍ ᐃᑕᐤ ᓂᑎᐸᔨᒋᒐᓯᒪ,
\q ᐅᑕ ᐸᒋ ‍ ᐊᐱᔾ ᓂᒥᔪᐅᓂᒡ ᐸᑐᔅ ᒋ ‍ ᓴᐧᑯᒋᐃᒂᐛ ᐊᓐᒡ ᑲ ‍ ᐛᐧᑲᑎᔅᒡ᙮
\m
\v 37 ᐛᐛᒡ ᑎᐱᑦ ᓂᑎᐸᔨᒋᒐᓯᒻ ᐊᒋ ‍ ᐃᓯᓂᐧᑲᑕᑦ ᐅᑎᐸᔨᒋᒐᐛ᙮ ᑕᓐᑕ ᒪᒃ ᒐᒋ ᐅᒋ ‍ ᐅᑯᓯᑐᐛᑦ ?” ᐊᓂᔭ ᒪᒃ ᐊᐛᔪᐛ ᑲ ᒥᔅᑎ ‍ ᒥᒐᑎᔨᒋ ᑲ ‍ ᓂᑐᑕᑯᑦ ᒋᓴᔅ ᐊᔪᐛᒡ ᒋ ‍ ᒥᔪᑕᑯᐤ᙮
\s1 ᐃᔭᒂᒥᔅᑐᐛᐧᑯᒡ ᐊᓐᒡ ᐊᔭᒥᐊᐅ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ
\r ᒪᑎᔪᐤ 23.1-36; ᓗᒃ 20.45-47
\s2 Mark 12.38-44 (Proper-27 Year B)
\p
\v 38 ᒪᒂᒡ ᒪᒃ ᒥᓐ ᐊ ‍ ᒋᔅᑯᑎᒧᐛᑦ ᒋ ‍ ᐃᑕᐤ, “ᐃᔭᒂᒥᔅᑐᐛᐧᑯᒡ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ, ᐛᔅ ᓂᑐᐛᔨᑎᒧᒡ ᒐᒋ ᒋᔅᑕᔨᒪᑭᓄᐎᒡ᙮ ᒥᔽᔨᑎᒧᒡ ᐊ ‍ ᐳᔅᑎᔅᑲᒡ ᑲ ‍ ᒋᓏᑭᓂᔨᒋ ᐊᑯᐸ, ᑭᔭ ᒥᔽᔨᑎᒧᒡ ᐊ ‍ ᐊᑎᒥᔅᑯᐛᑭᓄᐎᒡ ᐊᓐᑕ ᐊ ‍ ᒥᒐᑎᓇᓄᐎᒡ᙮
\v 39 ᑭᔭ ᓂᑐᐛᔨᑎᒧᒡ ᐊᓐᑕ ᒪᐅᒡ ᐊ ‍ ᐸᐃᑕᐱᔨᒋ ᒐᒋ ᐊᔭᑭᓄᐎᒡ ᐊᔭᒥᐊᐅᒋᐛᐱᒡ, ᑭᔭ ᐊ ‍ ᒥᑯᓴᓄᐎᒡ ᒐᒋ ᐊᔭᑭᓄᐎᒡ ᐊᓐᑕ ᐊ ‍ ᐅᒋᒪᐅᐱᓇᓄᐎᒡ᙮
\v 40 ᐅᑎᓂᒺᐅᒡ ᑭᔭ ᒥᓯᐛ ᑕᓐ ᐊ ᐃᓯ ‍ ᑎᐱᔨᐛᐅᓯᔨᒋ ᑲ ‍ ᐸᐸᐃᑯᓯᔨᒋ ᐃᔎᐛ ᑭᔭ ᐊ ‍ ᐊᔭᒥᐊᒡ ᓇᐅᔅ ᐊᔭᒥᐊᐅᒡ, ᐊᔭᒥᐊᐧᑲᓱᐅᒡ ᒪᒃ ᒥᒄ ᐅᔭ ᐊ ‍ ᐃᑎᒡ᙮ ᐊᐅᑯᓐᒡ ᒪᒃ ᐅᒡ ᐅᔅᑕ ᒐ ‍ ᐊᒂᑕᔨᑕᑯᓂᔨᒡ ᑕᓐ ᒐ ᐃᓯ ‍ ᑎᐸᔅᑯᓂᑯᒡ ᒋᓴᒪᓂᑐᐛ᙮”
\s1 ᑲ ‍ ᐸᐃᑯᓯᑦ ᐃᔎᐤ ᐅᐱᔅᑎᓂᒐᐅᓐ
\r ᓗᒃ 21.1-4
\p
\v 41 ᒋᓴᔅ ᒪᒃ ᑎᐱᔅᑯᒡ ᐊᓐᑕ ᐊ ‍ ᐱᔅᑎᓂᒐᓄᐎᒡ ᐊᑯᑕ ᑲ ‍ ᐊᐱᑦ᙮ ᒋ ‍ ᒥᒐᑎᓇᓄᔪᐤ ᐊᓐᑕ ᐊ ‍ ᐱᔅᑎᓂᒐᓄᐎᒡ᙮ ᒋ ‍ ᑭᓄᐛᐱᒪᐤ ᒪᒃ ᐊᐛᔪᐛ ᐊ ᐸᒋ ‍ ᐱᔅᑎᓂᒐᔨᒋ᙮ ᒥᒐᑦ ᐊᓂᔭᔪᐛ ᑲ ‍ ᐛᔪᑎᓯᔨᒋ ᐊᐛᔪᐛ ᒥᔅᑎ ᒋ ‍ ᐱᔅᑎᓂᒐᔪᐛ᙮
\v 42 ᒐᒃ ᒋ ᐅᒋ ‍ ᑎᑯᓯᓐ ᐊ ‍ ᐸᐃᑯᓯᑦ ᐃᔎᐤ, ᐊ ‍ ᒋᔅᑎᒪᑎᓯᑦ, ᓂᓱ ᐊ ‍ ᐎᐸᐱᔅᒋᓯᔨᒋ ᓱᓇᔭᐱᔅᑯᓴ ᒋ ‍ ᐱᔅᑎᓂᒐᐤ᙮ ᐅᔭ ᑕᐱᔅᑯᓐ ᓱᓇᔭᐱᔅᑯᓴ ᑲ ‍ ᐱᔅᑎᓂᒐᑦ ᒥᒄ ᐸᐃᒄ ᓱᒪᓐᒋᔅ ᒋ ‍ ᐃᔅᐱᑕᔨᑕᑯᓯᔪᐛ᙮
\p
\v 43 ᐊᑯ ᒋᓴᔅ ᒂ ‍ ᐃᔨᒪᐊᑦ ᐅᒋᔅᒋᓄᐊᒧᐛᑭᓇ᙮ ᒋ ‍ ᐃᑕᐤ ᒪᒃ, “ᑕᑈ ᒋᑦ ᐃᑎᓇᐛᐤ, ᑲ ᐃᔅᐱᔅ ‍ ᐱᔅᑎᓂᒐᑦ ᐊᓐ ᑲ ‍ ᐸᐃᑯᓯᑦ ᐃᔎᐤ ᑲ ‍ ᒋᔅᑎᒪᑎᓯᑦ ᐊᑐᐎᔅ ᐎᔾ ᒥᓴᔪᐤ ᐅᐱᔅᑎᓂᒐᐅᓐ ᐃᔅᐱᔅ ᐊᓐᒡ ᑯᑎᑭᒡ ᑲ ‍ ᐱᔅᑎᓂᒐᒡ᙮
\v 44 ᐛᔅ ᐊᓐᒡ ᑯᑎᑭᒡ ᑲ ‍ ᐱᔅᑎᓂᒐᒡ ᐊᔪᐱᔨᒡ ᐊᓂᔭ ᓱᓇᔭᔪᐤ ᑲ ‍ ᐱᔅᑎᓇᒡ, ᐅ ᒪᒃ ᑲ ‍ ᐸᐃᑯᓯᑦ ᐃᔎᐤ, ᐊᑎ ‍ ᒋᔅᑎᒪᑎᓯᑦ ᒋ ‍ ᐱᔅᑎᓂᒻ ᒥᓯᐛ ᐊᓂᔭ ᐅᓱᓇᔭᓂᒻ ᐊᓂᔭ ᒋᐸ ᐅᒋ ‍ ᐱᒪᒋᐃᓱᐤ᙮”
\c 13
\s1 ᒋᓴᔅ ᑲ ‍ ᐊᔨᒧᑕᐧᒃ ᒐ ‍ ᓂᓱᐅᓇᒋᑕᑭᓄᐎᒡ ᒋᓴᐊᔭᒥᐊᐅᒋᐛᐱᔪᐤ
\r ᒪᑎᔪᐤ 24.1,2; ᓗᒃ 21.5,6
\s2 Mark 13.1-8 (Proper-28 Year B)
\p
\v 1 ᒋᓴᔅ ᒪᒃ ᐊ ᐊᑎ ‍ ᐎᐎᑦ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ, ᐸᐃᒄ ᐅᒋᔅᒋᓄᐊᒧᐛᑭᓇ ᒋ ‍ ᐃᑎᑯᐤ, “ᒋᔅᑯᑎᒪᒐᓱᐤ, ᐃᑕᐱ ᒪ᙮ ᐊᔪᐛᒡ ᒥᔪᓯᐅᒡ ᐅᒡ ᐊᓯᓂᔨᒡ ᐅᑕ ᒥᒋᐛᐱᒡ ᑲ ‍ ᒋᑭᒧᒡ ᑭᔭ ᐅᔭ ᒥᒋᐛᐸ ᐊᔪᐛᒡ ᒥᔽᓱᐛ᙮”
\p
\v 2 ᒋ ‍ ᐃᑕᐤ ᒪᒃ ᒋᓴᔅ, “ᒋ ‍ ᐛᐸᑕᓇᐛᐤ ᐊ ᐅᔭ ᒥᒋᐛᐸ ᑲ ‍ ᒪᒥᓴᒋ ? ᓇᒪ ᐛᐛᒡ ᐸᐃᒄ ᐊᓯᓂᔾ ᒋᑭ ᐅᒋ ‍ ᐊᑯᑐᐳᐤ ᑯᑎᑲ ᐊᓯᓂᔭ ᑕᓐ ᐊᓂᔭ ᑲ ‍ ᐃᑕᐊᑭᓄᐅᑦ᙮ ᒥᓯᐛ ᐊᓯᓂᔨᒡ ᑲ ᐃᓯ ‍ ᐊᐱᒋᐊᑭᓄᐎᒡ ᑲ ‍ ᐅᓯᑕᑭᓄᐅᒋ ᐅᔭ ᒥᒋᐛᐸ ᒋᑭ ‍ ᓂᑎᒋᐛᐱᓇᑭᓄᐎᒡ᙮”
\s1 ᑕᓐ ᒐ ᐃᓯ ‍ ᐊᔨᒥᐅᓇᓄᐅᒡ ᑭᔭ ᒐ ᐃᓯ ‍ ᓂᓇᐧᑲᑕᔨᒧᓇᓄᐅᒡ
\r ᒪᑎᔪᐤ 24.3-14; ᓗᒃ 21.7-19
\p
\v 3 ᒪᒂᒡ ᒪᒃ ᐊ ‍ ᐊᐱᑦ ᐊᓐᑕ ᐊᓕᐱᔅ ᐱᔅᑯᑎᓇᒡ ᑎᐱᔅᑯᒡ ᐊᓐᑕ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ ᑲ ‍ ᑎᑯᓂᔨᒡ, ᒋ ‍ ᓇᑎᑯᐤ ᐱᑕᕋ, ᒋᒥᓴ, ᒠᓇ ᑭᔭ ᐊᓐᑎᕈᐊ ᒐᒋ ᑯᒂᒋᒥᑯᑦ ᒪᒂᒡ ᒥᒄ ᐎᔨᐛᐤ ᐊ ‍ ᑕᒡ᙮
\v 4 ᒋ ‍ ᐃᑎᑯᐤ, “ᐎᑎᒧᐅᓇᓐ ᒪ ᑕᐃᔅᐱ ᒐ ‍ ᐃᔅᐱᔨᒡ ᐅ᙮ ᒐᒂᓐ ᒐ ‍ ᐃᔅᐱᔨᒡ ᒐᒋ ᐅᒋ ‍ ᒋᔅᒐᔨᑕᒂᒡ ᐊ ‍ ᐅᑎᒋᐱᔨᒡ ᐊᔅᒄ ᒐ ‍ ᐃᔅᐱᔨᒋ ᐅᔭ ᒐᒂᔪᐛ ?”
\p
\v 5 ᒋᓴᔅ ᒪᒃ ᒋ ‍ ᐃᑕᐤ, “ᐃᔭᒂᒥᒄ ᐊᑲ ᐊᐛᓐ ᒐᒋ ᐎᔭᓯᒥᑕᒄ᙮
\v 6 ᐛᔅ ᒋᑭ ‍ ᒥᒐᑐᐅᒡ ᐊᐛᓐᒋ ᐊ ‍ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ‍ ᐊᐱᒋᑕᒡ ᐊ ‍ ᐃᔅᒋᔄᒡ, ‘ᐊᐅᒄ ᓂᔾ ᙭᙮’ ᒥᒐᑦ ᒪᒃ ᐊᐛᔪᐛ ᒋᑭ ‍ ᐎᔭᓯᒪᐅᒡ᙮
\v 7 ᐊᑲᐎᔾ ᑭᔭ ᒋᑭ ᐅᒋ ‍ ᒥᑯᔅᑲᑕᔨᑎᒥᐃᑯᐅᓇᐛᐤ ᐸᑎᒪᒂ ᐊ ‍ ᓂᑐᐱᔨᓇᓄᐅᒡ ᒥᒋᒪ ᐊᓐᑕ ᐊ ‍ ᑕᔭᒄ ᑭᔭ ᐸᑎᒪᒂ ᐊ ‍ ᑎᐸᑕᑭᓄᐅᒡ ᐊ ‍ ᓇᓂᑐᐱᔨᓇᓄᐅᒡ ᐊᓐᑕ ᐛᔪᐤ᙮ ᐊᐅᒄ ᐛᔅ ᐅ ᓂᔅᑎᒻ ᓇᑐᐛᔨᑕᒂᒡ ᒐᒋ ᐃᔅᐱᔨᒡ, ᒥᒄ ᒪᒃ ᓇᒪ ᐊᔅᒄ ᒋᑭ ᐅᒋ ‍ ᐃᔎᐱᔪᐤ᙮
\v 8 ᐸᐃᑯᓄᒡ ᑲ ‍ ᐃᑎᔅᑲᓇᓯᒡ ᐊᐛᓐᒋ ᒋᑭ ‍ ᒪᓯᐧᑲᑐᐅᒡ ᐊᓂᔭᔪᐛ ᑯᑎᑲ ᐊᐛᔪᐛ ᐃᔭᒡ ᑲ ‍ ᐃᑎᔅᑲᓇᓯᔨᒋ᙮ ᑭᔭ ᐊᓐᒡ ᑲ ‍ ᐅᒋᒪᐅᒡ ᒋᑭ ‍ ᓂᑐᐱᔨᑐᐛᐅᒡ ᐊᓂᔭ ᑯᑎᑲ ᑲ ‍ ᐅᒋᒪᐎᔨᒋ᙮ ᑭᔭ ᓂᓇᐧᑯᐤ ᐊᓐᑕ ᐃᔭᒡ ᐊᓐᑕ ᒋᑭ ‍ ᑭᐃᐧᑯᓐ᙮ ᑭᔭ ᒋᑭ ‍ ᑎᑯᓐ ᐊ ‍ ᑯᐧᑭᑕᓄᐅᒡ᙮ ᐅ ᒪᒃ ᓂᓇᐧᑯᐤ ᒐ ‍ ᐃᔅᐱᔨᒡ, ᐊᐅᒄ ᐱᒐᐃᒃ ᐊ ‍ ᒋᒋᐱᔨᒡ ᓂᓇᐧᑲᑕᔨᒧᐅᓐ, ᒧᔭᒻ ᐃᔎᐤ ᐊ ‍ ᒋᒋᐱᔨᒡ ᐊ ‍ ᒧᓯᐅᑦ ᒐ ‍ ᐊᐧᑯᓯᑦ᙮”
\p
\v 9 “ᐃᔭᒂᒥᒄ ᐛᔅ ᒋᑭ ‍ ᑕᐅᒡ ᐊᓐᒡ ᒐ ‍ ᒪᑯᓂᑕᑯᒡ ᐊᑯ ᐊᓐᑕ ᑲ ‍ ᓂᑲᓂᔅᑲᒐᔨᒋ ᐊ ‍ ᑕᔨᒋ ᒐ ‍ ᐃᑐᑕᐃᑕᑯᒡ ᒐᒋ ᑎᐸᔅᑯᓂᑯᔭᒄ᙮ ᑭᔭ ᐊᓐᑕ ᐊᔭᒥᐊᐅᒋᐛᐱᒡ ᐊᑯᑕ ᒐ ‍ ᐸᐱᓯᔅᑕᐅᑯᔭᒄ᙮ ᒋᑭ ‍ ᐃᑐᑕᐃᑯᓇᐛᐤ ᒥᒋᒪ ᑭᔭ ᒋᓴᐅᒋᒪᐅᒡ ᐊ ‍ ᑕᒡ ᒐᒋ ᑎᐸᔅᑯᓂᑕᑯᒡ ᐊᓐ ᐅᒋ ᐊ ‍ ᓇᓴᐅᔭᒄ᙮ ᒋᑭ ‍ ᓂᑐᐛᔨᑕᑯᓯᓇᐛᐤ ᑯᐃᔅᒄ ᒐᒋ ᐃᓯ ‍ ᐊᔨᒧᒥᔭᒄ᙮
\v 10 ᐊᔅᒄ ᒪᒃ ᐊᑲ ᐃᔅᐱᔭᒂ ᐅ, ᓂᔅᑎᒻ ᒋᐸ ‍ ᑭᒐᔅᒋᒪᑭᓄᐎᒡ ᒥᓯᐛ ᐊ ‍ ᐃᑎᔅᑲᓇᓯᒡ ᐊᐛᓐᒋ ᐊ ‍ ᐛᐎᑎᒧᐛᑭᓄᐎᒡ ᒥᔽᒋᒧᐅᓂᔪᐤ᙮
\v 11 ᐃᔅᐱ ᒪᒃ ᒪᑯᓂᑯᔭᒂ ᑭᔭ ᐃᑐᑕᐃᑯᔭᒂ ᐊᓐᑕ ᒐ ‍ ᑎᐸᔅᑯᓂᑯᔭᒄ ᐊᑲᐎᔾ ᓂᑲᓐ ᒋᑭ ᐅᒋ ‍ ᐊᔨᒪᔨᑎᒥᐃᑯᓇᐛᐤ ᑕᓐ ᒐ ‍ ᐃᔅᒋᔄᔭᒄ, ᒥᒄ ᑕᓐ ᒐ ᐃᓯ ‍ ᒥᔨᑯᐛᒂ ᒐ ‍ ᐃᔅᒋᔄᔭᒄ ᒪᒂᒡ ᐊᓐᑕ ᑕᔭᒂ ᐊᑯᓐ ᐊᓐ ᐃᔅᒋᔄᒄ᙮ ᐛᔅ ᑕᐸ ᒋᔨᐛᐤ ᒋᑭ ᐅᒋ ‍ ᐃᔨᒥᓇᐛᐤ ᐊᓐᑕ ᒪᒂᒡ ᐃᔨᒥᔭᒂ, ᑲ ‍ ᐸᔭᒋᓯᔨᒡ ᐊᒐᐧᒄ ᐊᐅᒄ ᒐ ‍ ᐃᔨᒥᑦ᙮”
\p
\v 12 “ᒪᐅ ᑭᔭ ᒐ ‍ ᐃᔅᐱᔨᒡ᙮ ᐎᐧᑲᓂᓯᒪᐤ ᒋᑭ ‍ ᐎᔭᓯᐱᔅᑎᓇᐤ ᑎᐱᔨᐛ ᐎᐧᑲᓂᓴ ᒐᒋ ᓂᐸᐊᑭᓄᔨᒋ᙮ ᐅᑕᐎᒪᐤ ᑭᔭ ᐊᑯᓐ ᒐ ‍ ᐃᑐᑐᐛᑦ ᐅᑦ ᐊᐛᓯᒪ᙮ ᐊᐛᓯᒡ ᑭᔭ ᒋᑭ ‍ ᒋᔄᐃᑯᐅᒡ ᐅᓂᒋᐃᑯᐛᐛ ᐊᑯ ᒐ ‍ ᐃᑐᑐᐛᒡ ᒐᒋ ᓂᐸᐊᑭᓄᔨᒋ᙮
\v 13 ᒥᓯᐛ ᐊᐛᓐ ᒋᑭ ‍ ᐛᐧᑲᑎᑯᐛᐤ ᐊ ‍ ᓇᓴᐎᔭᒄ᙮ ᒥᒄ ᒪᒃ ᐊᓐ ᐊᐛᓐ ᒐ ‍ ᐊᔨᒋᑲᐳᒂ ᒐ ᐃᔅᐱᔅ ‍ ᐱᒪᑎᓯᒂ ᐊᐅᒄ ᒐ ‍ ᐱᒪᒋᐊᑭᓄᐅᑦ᙮”
\s1 ᐊᓐ ᒪᐅᒡ ᑲ ‍ ᐛᐧᑲᑕᔨᑕᑯᓯᑦ ᑲ ‍ ᐊᔨᒧᒪᑭᓄᐅᑦ
\r ᒪᑎᔪᐤ 24.15-28; ᓗᒃ 21.20-24
\p
\v 14 “ᐃᔅᐱ ᒪᒃ ᐛᐱᒪᒂ ᐊᓐ ᐊᐛᓐ ᒪᐅᒡ ᑲ ‍ ᐛᐧᑲᑕᔨᑕᑯᓯᑦ ᐊ ‍ ᓂᐳᐅᑦ ᐊᓐᑕ ᐊᑐᒡ ᒋᐸ ᐅᒋ ‍ ᓂᐳᐅᐤ” (ᐊᓐ ᐊᐛᓐ ᑲ ‍ ᐃᔨᒥᑕᑦ ᐅᔭ ᒋᑭ ᐎ ‍ ᓂᔅᑐᑎᒻ), “ᐊᑯᔅ ᐱᔅᑎᓇᐧᑯᒡ ᐊᓐᒡ ᒍᑎᔭ ᑲ ‍ ᑕᒡ ᐊᓐᑕ ᐊ ‍ ᐅᒋᒍᐅᓂᔨᒡ ᒐᒋ ᐃᑎᓯᒧᒡ᙮ ᐊᐅᑯᓐ ᐅᔭ ᐊᓂᔭ ᐅᒋᔅᒋᐛᐃᒐᓱᐤ ᑕᓂᔭᓪ ᑲ ‍ ᐊᔨᒧᒪᑦ᙮
\v 15 ᑭᔭ ᐊᓐ ᐊᐛᓐ ᑕᐧᑯᒡ ᐎᒋᒡ ᑲ ‍ ᑕᑦ ᐊᑲᐎᔾ ᐱᔅᑎᓇᐧᒄ ᒐᒋ ᐱᒐᑦ ᐎᒡ ᒐᒋ ᓂᑐᐛᐸᑕᐧᒃ ᒐᒂᔪᐤ᙮
\v 16 ᑭᔭ ᐊᓐ ᐊᐛᓐ ᓂᑕᐅᒋᑕᑭᓐ ᐊᔅᒋᒡ ᑲ ‍ ᑕᑦ ᐊᑲᐎᔾ ᐱᔅᑎᓇᐧᒄ ᒐᒋ ᒋᐛᑦ ᐅᑦ ᐊᑯᑉ ᐊ ᐎ ‍ ᓂᑐᐛᐸᑕᐧᒃ᙮
\v 17 ᑕᑈ ᒋᑭ ‍ ᐊᔨᒥᐅᐅᒡ ᐊᓐᒡ ᒪᒂᒡ ᑲ ‍ ᑭᓄᐛᔨᒪᓱᒡ ᑭᔭ ᐊᓐᒡ ᑲ ‍ ᓄᓴᓂᐊᐅᓱᒡ ᐊᓂᔭᔪᐛ ᐊ ‍ ᒋᓯᑲᔨᒋ᙮
\v 18 ᐊᔭᒥᐊᒄ ᐊᑲ ᐊ ‍ ᒪᒂᐱᐳᒡ ᒐᒋ ᐃᔅᐱᔨᒡ ᐅ᙮
\v 19 ᐛᔅ ᐅᔭ ᐊ ‍ ᒋᓯᑲᒋ ᐅᑎᒋᐱᔨᒂᐛ ᐊᔪᐛᒡ ᒋᑭ ‍ ᑎᑯᓐ ᐊ ‍ ᓂᓇᐧᑲᑕᔨᒧᒡ ᐊᐛᓐᒋ᙮ ᑲ ᐃᔅᐱᔅ ‍ ᑎᒂᒡ ᐅ ᐊᔅᒋᔾ, ᒋᓴᒪᓂᑐᐤ ᑲ ‍ ᐅᓯᑕᑦ, ᓇᒪ ᓂᑕ ᐅᒋ ᐃᑕᔨᑕᑯᓐ ᑕᓐ ᒐ ‍ ᐃᑕᔨᑕᒂᒡ ᐅ ᓂᓇᐧᑲᑕᔨᒧᐅᓐ᙮ ᑭᔭ ᓇᒪ ᒥᓐ ᓂᑕ ᒋᑭ ᐅᒋ ‍ ᑎᑯᓐ ᐅ ᐊ ‍ ᐃᑕᔨᑕᒂᒡ ᓂᓇᐧᑲᑕᔨᒧᐅᓐ ᐃᔅᐱ ᒋ ‍ ᐅᑎᒋᐱᔨᒐ᙮
\v 20 ᐊᑲ ᐅᒋ ᓇᑲᐊᒧᒂ ᒋᓴᒪᓂᑐᐤ ᐊᑐᐎᔅ ᓇᐅᔅ ᒐᒋ ᑎᑯᓂᔨᒡ ᓂᓇᐧᑲᑕᔨᒧᐅᓂᔪᐤ ᓇᒪ ᒋᐸ ‍ ᐅᒋ ‍ ᑕᐤ ᐊᐛᓐ ᐊ ‍ ᐱᒪᑎᓯᑦ᙮”
\p
\v 21 “ᑭᔭ ᐃᑎᑕᒂ ᐊᐛᓐ, ‘ᐃᑕᐱᒄ ᒪ, ᐊᐅᒄ ᐛᔅ ᐅ ᙭,’ ᒪᒃ ᐃᑎᑯᐅᔭᒂ, ‘ᒪᓇ ᙭,’ ᐊᑲᐎᔾ ᒋᑭ ᐅᒋ ‍ ᑕᑈᑕᓇᐛᐤ᙮
\v 22 ᒋᑭ ‍ ᑕᐅᒡ ᐊᐛᓐᒋ ᐊ ‍ ᐎᔭᓯᐃᐛᒡ ᐊ ‍ ᐃᔅᒋᔄᒡ ᓂᔾ ᙭᙮ ᒋᑭ ‍ ᑕᐅᒡ ᑭᔭ ᒥᒋ ‍ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ‍ ᐛᐸᑎᔨᐛᒡ ᑭᔭ ᒋᑭ ‍ ᐃᑐᑎᒧᒡ ᐊ ‍ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ‍ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ‍ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ‍ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ‍ ᐎᔭᓯᐊᒡ᙮
\v 23 ᐃᔭᒂᒥᒄ ᒪᒃ᙮ ᓴᔅ ᓂᑲᓐ ᔅᒋ ‍ ᐎᑎᒪᑎᓇᐛᐤ ᒐ ‍ ᐃᔅᐱᔨᒋ ᐅᔭ ᒐᒂᔪᐛ᙮”
\s1 ᒥᓐ ᑎᑯᓯᒐ ᒋᓴᔅ
\r ᒪᑎᔪᐤ 24.29-31; ᓗᒃ 21.25-28
\s2 Mark 13.24-37 (Advent-1 Year B)
\p
\v 24 “ᐃᔅᐱ ᒋ ᐎ ‍ ᒪᐱᔨᒐ ᐊ ‍ ᓂᓇᐧᑲᑕᔨᒧᓇᓄᐅᒡ,
\q ᐱᓯᒻ ᒋᑭ ‍ ᑎᐱᔅᒋᐱᔪᐤ, ᑭᔭ ᑎᐱᔅᑲᐤ ᐱᓯᒻ ᓇᒪ ᒋᑭ ᐅᒋ ‍ ᒋᐧᑲᔭᔅᑐᐛᐤ,
\q
\v 25 ᐅᒐᑭᑕᐧᑯᒡ ᒋᓯᑯᒡ ᒋᑭ ᐅᒋ ‍ ᐸᐸᒋᓯᓄᐅᒡ ᑭᔭ ᒥᓯᐛ ᑕᓐ ᐊ ᐃᓯ ‍ ᑎᒂᒡ ᐃᔅᐱᒥᒡ ᒋᑭ ‍ ᓇᓇᒥᐱᔪᐤ᙮”
\p
\v 26 “ᐊᑯ ᒪᒃ ᒐ ‍ ᐛᐱᒪᑭᓄᐅᑦ ᐃᔪᐤ ᐅᑯᓯᓴᓐ ᐊ ᐸᒋ ‍ ᔭᓯᑦ ᑭᔅᑯᐅᓂᔅᑯᒡ, ᓇᔅᒡ ᐊ ‍ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮
\v 27 ᐊᑯ ᒐ ‍ ᐃᑎᓴᐛᑦ ᐊᓐᒋᓇ ᒐᒋ ᒪᒧᓇᔨᒋ ᐊᓂᔭ ᐊᐛᔪᐛ ᑲ ‍ ᐎᔭᔨᒪᑦ ᐊᓐᑕ ᓇᐎᔨᒡ ᐊ ‍ ᐅᔅᑎᓂᔨᒡ ᑲ ‍ ᐅᒋᔨᒋ᙮ ᓇᔅᒡ ᐊ ‍ ᐃᔎᔭᔨᒡ ᐊᔅᒋᔪᐤ ᐊᓐᑕ ᒪᒃ ᐃᓯ ᓇᔅᒡ ᐊ ‍ ᐃᔎᔭᔨᒡ ᒋᒋᒋᓯᑯᔪᐤ ᒋᑭ ‍ ᐅᑎᓇᔪᐛ᙮”
\s1 ᒋᓴᔅ ᒥᓯᓱᒥᓇᑎᒄ ᑲ ‍ ᐊᐱᒋᐊᑦ ᐊ ‍ ᒋᔅᑯᑎᒪᒐᑦ
\r ᒪᑎᔪᐤ 24.32-35; ᓗᒃ 21.29-33
\p
\v 28 “ᑎᑯᓐ ᒐᒂᓐ ᒐᒋ ᒋᔅᑯᑎᒪᓱᔭᒄ ᒥᓯᓱᒥᓇᑎᒄ ᐊ ‍ ᑭᓄᐛᐱᒪᒄ᙮ ᐃᔅᐱ ᐊ ᐊᑎ ‍ ᐅᔅᒋᓂᑕᐅᒋᓂᔨᒋ ᐅᑎᐧᑯᓇ ᑭᔭ ᐊ ᐊᑎ ‍ ᓂᐱᓱᐅᑦ, ᒋ ‍ ᒋᔅᒐᔨᑕᓇᐛᐤ ᓴᔅ ᐎᐱᒡ ᒐ ‍ ᓂᐱᒡ᙮
\v 29 ᐅᔭ ᒪᒃ ᒐᒂᔪᐛ ᑲ ‍ ᐊᔨᒧᑎᒪᑎᑯᒡ ᒐ ‍ ᐃᔅᐱᔨᒋ ᐃᔅᐱ ᐃᔅᐱᔨᒂᐛ ᐊᑯᑕ ᒐ ᐅᒋ ‍ ᒋᔅᒐᔨᑎᒪᒄ ᓴᔅ ᐊ ‍ ᐸᓱᓇᑯᓂᔨᒡ ᐃᔪᐤ ᐅᑯᓯᓴᓐ ᒐ ‍ ᑎᑯᓯᐧᒃ, ᒧᔭᒻ ᓴᔅ ᒋᐱᔎᒡ ᐊ ᐸᒋ ‍ ᓂᐳᐅᑦ ᒂ ‍ ᐃᓯᓇᑯᓯᑦ᙮
\v 30 ᑯᐃᔅᒄ ᒋ ‍ ᐎᑎᒪᑎᓇᐛᐤ, ᐊᓐᒡ ᐸᒪᑎᓯᒡ ᐊᓄᒡ, ᓇᒪ ᒋᑭ ᐅᒋ ᒪᒋ ‍ ᓂᐳᐅᒡ ᐊᔅᒄ ᐊᑲ ᐅᑎᒋᐱᔨᒐ ᒥᓯᐛ ᑕᓐ ᒋᐸ ‍ ᐃᔅᐱᔪᐤ᙮
\v 31 ᒋᒋᒋᓯᒄ ᑭᔭ ᐊᔅᒋᔾ ᒋᑭ ‍ ᐃᔎᐱᔪᐛ ᒥᒄ ᒪᒃ ᓂᑦ ᐃᔨᒧᐅᓇ ᓇᒪ ᓂᑕ ᒋᑭ ᐅᒋ ‍ ᐃᔎᐱᔪᐛ᙮”
\s1 ᒐ ᐎ ‍ ᐊᔭᔅᑯᔭᐧᒄ
\r ᒪᑎᔪᐤ 24.36-44
\p
\v 32 “ᒥᒄ ᒪᒃ ᓇᒪ ᐊᐛᓐ ᒋᔅᒐᔨᑎᒻ ᐊᓂᔭ ᐊ ‍ ᒋᓯᑲᔨᒡ ᒪᒃ ᐊᓂᔭ ᑎᐸᐃᑭᓂᔪᐤ ᐱᓯᒧᐧᑲᓂᒡ ᒐ ‍ ᐃᔅᐱᔨᒋ ᐅᔭ ᒐᒂᔪᐛ᙮ ᓇᒪ ᐛᐛᒡ ᐊᓐᒋᓐᒡ ᒋᔅᒐᔨᑎᒧᒡ, ᐛᐛᒡ ᐅᑯᓯᓯᒪᐤ, ᒥᒄ ᐅᑕᐎᒪᐤ ᒋᔅᒐᔨᑎᒻ᙮
\v 33 ᐃᔭᒂᒥᒄ, ᒧᔅ ᐸᒋ ‍ ᐊᔭᔅᑯᐎᔅᑐᐛᐧᒄ᙮ ᐛᔅ ᑕᐸ ᒋ ‍ ᒋᔅᒐᔨᑕᓇᐛᐤ ᑕᐃᔅᐱ ᐅ ᒐ ‍ ᐃᔅᐱᔨᒡ᙮
\v 34 ᐊᑯᓐ ᒧᔭᒻ ᐊ ‍ ᐃᓯᓇᒂᒡ ᐃᔪᐤ ᐛᔪᐤ ᐊ ᐎ ‍ ᐃᑐᑕᑦ᙮ ᐃᔅᐱ ᒐ ‍ ᓂᑭᑕᐧᒃ ᐎᒡ ᐅᑦ ᐊᐱᒋᐊᑭᓇ ᒥᔭᐤ ᒐ ‍ ᐅᒋᒪᐎᔨᒋ ᒪᒂᒡ ᐊᑲ ᑕᒐ᙮ ᒥᓯᐛ ᐸᐸᐃᒄ ᐎᑎᒧᐛᐤ ᒐ ‍ ᐃᑕᐱᑎᓯᔨᒋ᙮ ᑭᔭ ᐊᓂᔭᔪᐛ ᑲ ‍ ᑭᓄᔎᑎᐛᔨᒋ ᐃᑎᓱᒪᐤ ᐃᔭᒂ ᒐᒋ ᓂᓇᑭᑐᐛᐸᑎᒥᔨᒋ ᐃᔎᑕᒥᔪᐤ᙮”
\p
\v 35 “ᐃᔭᒂᒥᒄ ᐛᔅ ᑕᐸ ᒋ ‍ ᒋᔅᒐᔨᑕᓇᐛᐤ ᑕᐃᔅᐱ ᒐ ‍ ᑎᑯᓯᐧᒃ ᒋᐅᒋᒪᒧᐛᐤ ᑲ ‍ ᓂᓇᑭᑐᐛᔨᑕᒺᒄ ᐎᒡ, ᐊ ‍ ᐅᑕᑯᓯᔨᒡ ᒐ ‍ ᑎᑯᓯᓂᒂ, ᑭᔭ ᒪᒃ ᐊᐱᑕᑎᐱᔅᑲᔨᒐ ᑭᔭ ᒪᒃ ᐸᑕᐱᓂᔨᒐ, ᑭᔭ ᒪᒃ ᐸᑐᔅ ᐊ ‍ ᐛᐸᓂᔨᒐ ᒐ ‍ ᑎᑯᓯᓂᒂ᙮
\v 36 ᐃᔭᒂᒥᒄ ᒪᒃ, ᐃᔭᒂ ᒐᔅᑲᑯᐅᔭᒂ ᐊ ‍ ᓂᐸᔭᒄ ᓯᔅᒋᑯᒡ ᑎᑯᓯᒐ᙮
\v 37 ᐅ ᒐ ‍ ᐃᑎᑎᑯᒡ, ᓂᑦ ᐃᑕᐅᒡ ᑭᔭ ᑯᑎᑭᒡ ᐊᐛᓐᒋ, ᐊᔭᔅᑯᐎᔅᑐᐛᐧᒄ᙮”
\c 14
\s1 ᒋᓴᔅ ᑲ ᐎ ‍ ᐎᔭᔅᑐᑐᐛᑭᓄᐅᑦ
\r ᒪᑎᔪᐤ 26.1-5; ᓗᒃ 22.1,2; ᒠᓐ 11.45-53
\s2 Mark 14.1-15.47 (Palm Sunday Year B)
\p
\v 1 ᓂᓱ ᒋᓯᑲᐛ ᒋ ‍ ᐃᔅᐱᓯᓇᑯᓐ ᒐ ‍ ᐎᒪᔅᑲᒐᐅ-ᒥᑯᓴᓄᐅᒡ ᑭᔭ ᒐ ‍ ᒋᒋᐱᔨᒡ ᐸᒂᓯᑭᓐ ᐊᑲ ᐅᐱᔨᑦ ᑲᒋ ‍ ᒧᐛᑭᓄᐅᑦ᙮ ᐊᓐᒡ ᒪᒃ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᒋ ‍ ᓇᓂᑐᐤ ᒥᔅᑭᒧᒡ ᑕᓐᑕ ᒐᒋ ᐅᒋ ‍ ᒋᒧᑦ ᒪᑯᓇᒡ ᒋᓴᓴ ᒐᒋ ᓂᐸᐊᒡ᙮
\v 2 ᒋ ‍ ᐃᑎᑐᒡ ᒪᒃ, “ᓇᒪ ᐎ ᒪᒂᒡ ᒥᑯᓴᓄᒐ ᒋᑭ ᒋ ‍ ᒪᑯᓇᓄᐤ, ᒋᑭ ‍ ᒥᒋᐱᔨᐃᑯᓄᐅᒡ ᐊᓐᒡ ᐃᔪᒡ ᒋᔄᐃᒂᐛ᙮”
\s1 ᑲ ‍ ᓂᑲᓐ ᑐᒥᔅᑯᓇᑭᓄᐅᑦ ᒋᓴᔅ
\r ᒪᑎᔪᐤ 26.6-13; ᒠᓐ 12.1-8
\p
\v 3 ᐸᑕᓂᒡ ᒪᒂᒡ ᑲ ‍ ᑕᑦ ᒋᓴᔅ, ᓴᐃᒥᓇ ᑲ ‍ ᐅᒥᒋᐛᔅᐱᓇᔨᒋ ᐊᓐᑕ ᐎᒋᔨᒡ ᐊᑯᑕ ᑲ ‍ ᑕᑦ᙮ ᒥᒋᓱᐛᑭᓇᑎᑯᒡ ᒪᒂᒡ ᒋ ‍ ᐊᐳᐅᒡ ᐊ ‍ ᒥᒋᓱᒡ ᑲ ᐅᒋ ‍ ᐱᒐᔨᒋ ᐃᔎᐛ ᐊ ‍ ᑕᐧᑯᓂᒥᔨᒋ ᓇᔅᒡ ᐊ ‍ ᒥᔽᓯᔨᒡ ᐳᑕᔪᐤ ᐊᓯᓂᐅᐎᔨᒡ᙮ ᐊ ᒥᔅᑎ ‍ ᓱᓇᔭᐎᔨᒡ ᑐᒥᓂᑭᓂᔪᐤ ᐊ ‍ ᐎᒋᒪᑯᓯᔨᒡ ᐊᓐᑕ ᒋ ‍ ᐱᒋᑎᓂᔪᐤ᙮ ᒋ ‍ ᒧᔅᑕᑭᒥᔪᐤ ᒪᒃ ᐅᔭ ᑐᒥᓂᑭᓂᔪᐤ, ᓇᕐᑦ ᒋ ‍ ᐃᓯᓂᐧᑲᑕᔪᐤ᙮ ᒋ ‍ ᐱᑯᓂᒻ ᐊᓂᔭ ᐳᑕᔪᐤ, ᐊᑯ ᒂ ‍ ᑯᑎᐱᓇᐧᒃ ᐊᓂᔭ ᑐᒥᓂᑭᓂᔪᐤ ᐊᓐᑕ ᒋᓴᓴ ᐅᔅᑎᒂᓂᔨᒡ᙮
\p
\v 4 ᐱᔅᒐ ᐊᓐᒡ ᐊᐛᓐᒋ ᐊᓐᑕ ᑲ ‍ ᑕᒡ ᒋ ‍ ᒋᔄᐃᑯᐅᒡ ᐅᔭ ᐊ ‍ ᐃᑎᔨᒋ ᐊᑯ ᒂ ‍ ᐃᔅᒋᔄᒡ, “ᒐᒂᔪᐤ ᐛᒋ ‍ ᐃᔭᔪᑕᑦ ᐅᔭ ᑲ ‍ ᐎᒋᒪᑯᓯᔨᒡ ᑐᒥᓂᑭᓂᔪᐤ ?
\v 5 ᐛᔅ ᒋ ᐸᒋ ‍ ᐊᑕᐛᒐᓄᐎᐱᓐ ᐅ ᑐᒥᓂᑭᓐ ᐅᔅᑕ ᓂᔅᑐ ᒥᑕᓯᒥᑎᓄᐤ ᓱᓇᔭᐱᔎ ᐃᔅᐱᔅ᙮ ᐊᓐ ᒪᒃ ᓱᓇᔭᐤ ᑲ ‍ ᒋᔅᑎᒪᑎᓯᒡ ᐊᐛᓐᒋ ᒋᐸ ᒋ ‍ ᒥᔭᑭᓄᐎᐱᓐᒡ᙮” ᐊᑯ ᒂ ‍ ᐊᓏᔨᒪᒡ ᐊᓂᔭᔪᐛ ᐃᔎᐛ᙮
\p
\v 6 ᒋᓴᔅ ᒪᒃ ᒋ ‍ ᐃᑕᐤ, “ᐊᑲ ᐃᑐᑕᐛᐧᒄ᙮ ᑕᓇᒡ ᐛᒋ ‍ ᒥᑯᔅᑲᒐᐊᒄ ? ᒥᔽᓯᔪᐤ ᐊᓂᔭ ᒐᒂᔪᐤ ᑲ ‍ ᐃᑐᑐᐅᑦ᙮
\v 7 ᒧᔅ ᒋᑭ ‍ ᑕᐅᒡ ᑲ ‍ ᒋᔅᑎᒪᑎᓯᒡ ᐅᑕ ᐊ ‍ ᑕᔭᒄ, ᒋᑭ ᒋ ‍ ᒥᔪᑐᑐᐛᐛᐅᒡ ᑕᓐᑕ ᒥᒄ ᒐ ‍ ᓇᐃᐱᔨᒂ ᒐᒋ ᒥᔪᑐᑐᐛᑯᒡ, ᓂᔾ ᒪᒃ ᓇᒪ ᒧᔅ ᓂᑭ ‍ ᐅᒋ ‍ ᑕᓐ ᐅᑕ ᐊ ‍ ᑕᔭᒄ᙮
\v 8 ᐅ ᐃᔎᐤ ᒋ ‍ ᐃᑐᑎᒻ ᐎᔾ ᐃᔅᐱᔅ ᐊ ‍ ᑭᔅᒋᑕᑦ᙮ ᓂᑲᓐ ᒋ ‍ ᑐᒥᓂᒻ ᐊᓂᔭᔪᐤ ᐊ ‍ ᐊᔭᔅᑯᐎᐧᑲᐧᒃ ᒐᒋ ᓇᐃᐧᑲᑭᓄᐎᒡ᙮
\v 9 ᑕᑈ ᒋᑦ ᐃᑎᓇᐛᐤ, ᑕᓐᑕ ᒥᒄ ᒐ ‍ ᑭᒐᔅᒋᒧᓇᓄᐅᒂ ᐊ ‍ ᐛᐎᑕᑭᓄᐅᒡ ᒥᔽᒋᒧᐅᓐ ᒥᓯᐛ ᐊ ‍ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᐊᑯᑕ ᑭᔭ ᐅ ᐃᔎᐤ ᑲ ‍ ᐃᑐᑕᐧᒃ ᒐ ‍ ᐊᔨᒧᑕᑭᓄᐎᒡ ᒐᒋ ᒋᔅᒋᓯᑐᐛᑭᓄᐅᑦ᙮”
\s1 ᒍᑎᔅ ᑲ ‍ ᓂᔅᑯᒧᑦ ᒐᒋ ᐎᔭᓯᐱᔅᑎᓇᑦ ᒋᓴᓴ
\r ᒪᑎᔪᐤ 26.14-16; ᓗᒃ 22.3-6
\p
\v 10 ᐸᐃᒄ ᐊᓐ ᑲ ‍ ᓂᓱᓴᐳᒡ ᒋᔅᒋᓄᐊᒧᐛᑭᓐᒡ ᒍᑎᔅ ᐃᔅᑲᕆᔭᑦ ᑲ ‍ ᐃᓯᓂᐧᑲᓱᑦ, ᒋ ‍ ᓂᑐᐛᐱᒪᐤ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᒐᒋ ᐎᔭᓯᐱᔅᑎᓂᒧᐛᑦ ᒋᓴᓴ᙮
\v 11 ᐃᔅᐱ ᒪᒃ ᐱᔭᑐᐛᒡ ᐊᔭᒥᐊᐅᒋᒪᐅᒡ ᒋ ‍ ᓯᒋᔭᐃᑯᐅᒡ ᐅᔭ ᐊ ‍ ᐃᔅᒋᔄᔨᒋ ᒋ ‍ ᐊᓱᑎᒧᐛᐅᒡ ᒐᒋ ᒥᔭᒡ ᓱᓇᔭᔪᐤ᙮ ᐊᑯ ᒍᑎᔅ ᒂ ‍ ᓂᓇᑭᑐᐛᔨᑕᐧᒃ ᑕᓐᑕ ᒐ ‍ ᓇᐃᐱᔨᒂ ᒐᒋ ᐎᔭᓯᐱᔅᑎᓇᑦ ᒋᓴᓴ᙮
\s1 ᑲ ‍ ᐊᔭᔅᑯᔅᑕᑭᓄᐅᒡ ᐎᒪᔅᑲᒐᐅ-ᒥᑯᓴᓐ
\r ᒪᑎᔪᐤ 26.17-25; ᓗᒃ 22.7-14,21-23; ᒠᓐ 13.21-30
\p
\v 12 ᐊᓐ ᒪᒃ ᓂᔅᑎᒻ ᐊ ‍ ᒋᓯᑲᒡ ᐊᑲ ᐅᐱᔨᑦ ᐸᒂᓯᑭᓐ ᐊᐱᒋᐊᑭᓄᐅᑦ, ᐃᔅᐱ ᒪᒃ ᑲ ‍ ᓂᐸᐊᒡ ᐎᒪᔅᑲᒐᐤ ᒪᔭᑕᓂᓴ ᒋᓴᔅ ᒋ ‍ ᐃᑎᑯᐤ ᐅᒋᔅᒋᓄᐊᒧᐛᑭᓇ, “ᑕᓐᑕ ᓇᑐᐛᔨᒥᔭᒡ ᒐᒋ ᐊᔭᔅᑯᔅᑎᒪᑕᒡ ᒐᒋ ᒥᒋᔨᓐ ᐎᒪᔅᑲᒐᐅ-ᒥᑯᓴᓐ ?”
\p
\v 13 ᒋ ‍ ᐃᑎᓴᐛᐤ ᒪᒃ ᓂᓱ ᐅᒋᔅᒋᓄᐊᒧᐛᑭᓇ ᐊ ‍ ᐃᑕᑦ, “ᐃᑐᑕᐧᒃ ᐅᑕᓇᒡ᙮ ᐊᑯᑕ ᒐ ‍ ᓂᒋᔅᑯᐛᒄ ᓇᐸᐤ ᐊ ‍ ᐱᒧᐅᑕᑦ ᒂᐱᒂᑭᓂᔪᐤ ᐊ ‍ ᓴᑭᔅᒋᓇᐸᔨᒡ ᓂᐱᔪᐤ᙮ ᐊᐅᒄ ᒐ ‍ ᓇᓴᐛᒄ᙮
\v 14 ᑕᓐᑕ ᒥᒄ ᒐ ‍ ᐱᒐᒂ ᒐ ‍ ᑯᒂᒋᒪᒄ ᐊᓐ ᑕᐱᔨᐛᐅᓯᑦ ᐊᓂᔭ ᒥᒋᐛᐱᔪᐤ, ‘ᐃᔅᒋᔄᐤ ᒋᔅᑯᑎᒪᒐᓱᐤ, ᑕᓐᑕ ᐊ ‍ ᑎᒂᒡ ᐊᓐ ᐊ ‍ ᐱᔅᒋᒐᔭᒡ ᐊᓐᑕ ᒐ ‍ ᒥᒋᔭᓐ ᐎᒪᔅᑲᒐᐅ-ᒥᑯᓴᐅᓐ ᑭᔭ ᓂᒋᔅᒋᓄᐊᒧᐛᑭᓐᒡ ?’
\v 15 ᒋᑭ ‍ ᐛᐸᑎᔨᑯᐛᐤ ᒪᒃ ᐊᓐᑕ ᐃᔅᐱᒥᑎᑯᒡ ᐊ ‍ ᒥᓴᔨᒡ ᐊ ‍ ᐱᔅᒋᒐᔭᔨᒡ ᓇᔅᒡ ᐊ ᐃᓯ ‍ ᐊᔭᔅᑯᔅᑕᔨᒡ, ᓴᔅ ᒥᓯᐛ ᒐᒂᔪᐤ ᐊ ‍ ᑎᑯᓂᔨᒡ ᐊᓐᑕ ᒐ ᐃᓯ ‍ ᓂᑐᐛᔨᑕᑯᓂᔨᒡ᙮ ᐊᑯᑕ ᒪᒃ ᒐ ‍ ᐊᔭᔅᑯᔅᑕᔭᒄ ᐅ ᒥᑯᓴᓐ᙮”
\p
\v 16 ᒋᔅᒋᓄᐊᒧᐛᑭᓐᒡ ᒪᒃ ᒋ ‍ ᔅᑐᑕᐅᒡ ᐊᓐᑕ ᐅᑕᓇᒡ ᒋ ‍ ᐃᑐᑕᐅᒡ᙮ ᓇᐊᐤ ᒪᒃ ᑕᓐ ᑲ ᐃᓯ ‍ ᐎᑎᒪᑯᒡ ᐊᐅᑯᓐ ᑲ ‍ ᐃᔅᐱᔨᒡ᙮ ᐊᑯ ᒂ ‍ ᐊᔭᔅᑯᔅᑕᒡ ᐊᓂᔭ ᐎᒪᔅᑲᒐᐅ-ᒥᑯᓴᓂᔪᐤ᙮
\p
\v 17 ᐃᔅᐱ ᒪᒃ ᐛᑕᑯᓯᔨᒡ ᒋ ‍ ᑎᑯᓯᓐ ᒋᓴᔅ ᐊ ‍ ᐎᒐᐅᑯᑦ ᐊᓂᔭ ᓂᓱᓴᑉ ᐅᒋᔅᒋᓄᐊᒧᐛᑭᓇ᙮
\v 18 ᒪᒂᒡ ᒪᒃ ᐊᐱᒡ ᐊ ‍ ᒥᒋᓱᒡ ᒋᓴᔅ ᒋ ‍ ᐃᔅᒋᔄᐤ, “ᑕᑈ ᒋᑦ ᐃᑎᓇᐛᐤ, ᐸᐃᒄ ᐅᑕ ᐊ ‍ ᑎᓯᔭᒄ ᑲ ‍ ᐎᒋᒥᒋᓱᒥᔭᒄ ᓂᑭ ‍ ᐎᔭᓯᐱᔅᑎᓂᒄ᙮”
\p
\v 19 ᐊᑯ ᒥᓯᐛ ᐊᓐᒡ ᒋᔅᒋᓄᐊᒧᐛᑭᓐᒡ ᒋ ‍ ᒥᓯᒪᔨᑎᒥᐃᑯᐅᒡ ᐅᔭ ᑲ ‍ ᐃᔅᒋᔄᔨᒋ ᐊᑯ ᐸᐸᐃᒄ ᒂ ‍ ᑯᒂᒋᒪᒡ, “ᓂᔾ ᐊ ᐊᓐ ᐊᐛᓐ ?”
\v 20 ᒋᓴᔅ ᒪᒃ ᒋ ‍ ᐃᑕᐤ, “ᐊᐅᑯᐤ ᐸᐃᒄ ᐊ ‍ ᓂᓱᓴᐳᔭᒄ᙮ ᑲ ‍ ᑯᒋᒪᑦ ᐅᐸᒂᓯᑭᓂᒪ ᐊᓯᒡ ᓂᔾ᙮
\v 21 ᒋᑭ ‍ ᓂᐸᐊᑭᓄᐤ ᐃᔪᐤ ᐅᑯᓯᓴᓐ ᐊᓂᔭ ᐊᓐᑕ ᐅᑕᒡ ᑕᓐ ᑲ ᐃᓯ ᐸᒋ ‍ ᒥᓯᓇᐃᑭᓄᐎᒡ ᒥᓯᓇᐃᑭᓂᒡ᙮ ᒥᒄ ᒪᒃ ᑕᑈ ᒋᑭ ‍ ᐊᒂᒡ ᒥᒋᐱᔪᐤ ᐊᓐ ᐊᐛᓐ ᒐ ‍ ᐎᔭᓯᐱᔅᑎᓇᑦ ᐃᔪᐤ ᐅᑯᓯᓴᓇ᙮ ᐃᐛᒃ ᒋᐸ ‍ ᒥᔽᓯᐱᓐ ᐊᓐ ᐊᐛᓐ ᐊᑲ ᐛᐛᒡ ᐅᒋ ᐱᒪᑎᓯᑕᒂ᙮”
\s1 ᒋᓴᔅ ᒪᔅᑕᔾ ᑲ ‍ ᐎᒋᒥᒋᓱᒪᑦ ᐅᒋᔅᒋᓄᐊᒧᐛᑭᓇ
\r ᒪᑎᔪᐤ 26.26-30; ᓗᒃ 22.14-20; 1 ᑯᕆᓐᑎᔭᓇ 11.23-25
\p
\v 22 ᒪᒂᒡ ᒪᒃ ᐊ ‍ ᒥᒋᓱᒡ, ᒋᓴᔅ ᒋ ‍ ᐅᑎᓇᐤ ᐸᒂᓯᑭᓇ ᐊᑯ ᒂ ‍ ᓂᓇᔅᑯᒪᑦ ᒋᓴᒪᓂᑐᐛ᙮ ᐃᔅᐱ ᑲ ‍ ᓂᓇᔅᑯᒧᑦ ᒂ ‍ ᐸᒂᓇᑦ, ᐊᑯ ᒂ ‍ ᒥᔭᑦ ᒥᓯᐛ ᐅᒋᔅᒋᓄᐊᒧᐛᑭᓇ ᐊ ‍ ᐃᑕᑦ, “ᐅᑎᓂᐧᒄ, ᒧᐛᐧᒄ, ᐊᐅᒄ ᐅ ᓂᔪᐤ᙮”
\p
\v 23 ᐊᑯ ᐛᑎᓇᐧᒃ ᒥᓂᒂᑭᓂᔪᐤ, ᒂ ‍ ᓂᓇᔅᑯᒪᑦ ᒋᓴᒪᓂᑐᐛ, ᐊᑯ ᒪᔭᑦ ᐅᒋᔅᒋᓄᐊᒧᐛᑭᓐ᙮ ᒥᓯᐛ ᐊ ‍ ᑎᓯᒡ ᒪᒃ ᒋ ‍ ᒥᓄᐅᒡ᙮
\p
\v 24 ᒋ ‍ ᐃᑕᐤ ᒪᒃ, “ᐊᐅᒄ ᐅ ᓂᒥᐧᒄ, ᐊᓐᑕ ᐛᒋᐱᔨᒡ ᐅᔅᒋ ᓂᔅᑯᒥᑐᐅᓐ, ᒥᒐᑦ ᑲ ᐅᒋ ‍ ᐅᒋᑯᐎᑕᑭᓄᐎᒡ᙮
\v 25 ᑕᑈ ᒋᑦ ᐃᑎᓇᐛᐤ, ᓇᒪ ᒥᓐ ᓂᑭ ᐅᒋ ‍ ᒥᓐ ᓱᒥᓇᐳᔾ ᐸᑐᔅ ᐅᔅᒋ ᓱᒥᓇᐳᔾ ᒥᓂᔭᓇ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮”
\p
\v 26 ᐃᔅᐱ ᒪᒃ ᑲᒋ ‍ ᓂᑭᒧᒡ ᐊᔭᒥᐊᐅ-ᓂᑭᒧᐅᓂᔪᐤ, ᐊᑯ ᐊᓐᑕ ᐊᓕᐱᔅ ᐱᔅᑯᑎᓇᔪᐤ ᑲ ‍ ᐃᓯᓂᐧᑲᑕᔨᒡ ᐊ ‍ ᑐᑕᒡ᙮
\s1 ᒋᓴᔅ ᑲ ‍ ᓂᑲᓐ ᐎᑕᐧᒃ ᒐ ‍ ᐃᔅᒋᔄᔨᒋ ᐱᑕᕋ ᐊᑲ ᒋᔅᒐᔨᒥᑯᑦ
\r ᒪᑎᔪᐤ 26.31-35; ᓗᒃ 22.31-34; ᒠᓐ 13.36-38
\p
\v 27 ᐊᑯ ᒋᓴᔅ ᐊᑕᑦ ᐅᒋᔅᒋᓄᐊᒧᐛᑭᓇ, “ᐊᓄᒡ ᒐ ‍ ᑎᐱᔅᑲᒡ ᒥᓯᐛ ᐊ ‍ ᑎᓯᔭᒄ ᒋᑭ ‍ ᓇᑭᓯᓇᐛᐤ, ᐊᓐ ᒐ ‍ ᐃᑐᑕᑯᐅᔭᓐ ᐅᒋ, ᐛᔅ ᐃᑎᔅᑕᔪᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᓂᑭ ‍ ᓂᑕᐛᐤ ᐊᓐ ᒪᔭᑕᓂᓯᐅ-ᐃᔪᐤ, ᐊᑯ ᐊᓐᒡ ᒪᔭᑕᓂᓯᒡ ᒐ ‍ ᐃᒐᔭᒧᒐᓄᐎᒡ᙮
\m
\v 28 ᐃᔅᐱ ᒪᒃ ᒋ ‍ ᐅᓂᔅᑲᓂᑯᐅᔭᓇ ᓂᐳᐅᓂᒡ ᐅᒡ ᑲᓕᓕᒡ ᐊᓐᑕ ᓂᑭ ‍ ᐃᑐᑕᓐ᙮ ᐊᑯᑕ ᐊᓐᑕ ᒐ ‍ ᐊᓱᐛᐱᒥᑎᑯᒡ᙮”
\v 29 ᐱᑕᕐ ᒪᒃ ᒋ ‍ ᐃᑕᐤ, “ᓇᒪ ᓂᑕ ᓂᔾ ᒋᑭ ᐅᒋ ‍ ᓂᑭᑎᑎᓐ ᐊᑎ ᒥᓯᐛ ᓂᑭᑎᔎᐛ᙮”
\p
\v 30 ᐊᑯ ᒋᓴᔅ ᐊᑕᑦ, “ᑕᑈ ᒋᑦ ᐃᑎᓐ, ᐊᔅᒄ ᐊᑲ ᐛᐛᒡ ᓂᔄᐤ ᐸᑕᑯᓯᑦ ᓇᐸ ᐱᑲᒂᓐ ᒐ ‍ ᐅᑕᑯᓯᒡ ᓂᔍᐤ ᒋᑭ ‍ ᐊᓏᑕᓐ ᐊ ‍ ᒋᔅᒐᔨᒥᔨᓐ᙮”
\p
\v 31 ᐱᑕᕐ ᓇᔅᒡ ᒋ ᐎ ‍ ᑕᑈᐤ ᐊ ‍ ᐃᑕᑦ, “ᐊᑎ ᐎᒋ ‍ ᓂᐱᒥᑕᓇ, ᓇᒪ ᓂᑕ ᓂᑭ ‍ ᐅᒋ ‍ ᐊᓏᑕᓐ ᐊ ‍ ᒋᔅᒐᔨᒥᑕᓐ᙮” ᐊᐅᑯᓐ ᑭᔭ ᑲ ‍ ᐃᔅᒋᔄᒡ ᐊᓐᒡ ᑯᑎᑭᒡ ᒋᔅᒋᓄᐊᒧᐛᑭᓐᒡ᙮
\s1 ᒋᓴᔅ ᑲ ‍ ᐊᔭᒥᐊᑦ ᑲᑦᓴᒪᓂᒡ
\r ᒪᑎᔪᐤ 26.36-46; ᓗᒃ 22.39-46
\p
\v 32 ᒋ ᐸᒋ ‍ ᐃᑐᑕᐅᒡ ᒪᒃ ᐊᓐᑕ ᑲᑦᓴᒪᓂ ᑲ ‍ ᐃᓯᓂᐧᑲᑕᔨᒡ ᓂᑕᐅᒋᑕᑭᓐ ᐊᔅᒋᔪᐤ᙮ ᐊᑯ ᒋᓴᔅ ᐊᑕᑦ ᐅᒋᔅᒋᓄᐊᒧᐛᑭᓇ, “ᐊᐱᒄ ᐅᑕ ᒋᔨᐛᐤ, ᒪᒂᒡ ᓂᑭ ‍ ᐊᔭᒥᐊᓐ᙮”
\v 33 ᐱᑕᕋ, ᒋᒥᓴ ᑭᔭ ᒠᓇ ᒪᒃ ᒋ ‍ ᔅᑐᑕᐊᐤ, ᓇᔅᒡ ᒪᒃ ᒋ ‍ ᒥᓯᒥᔅᑲᑯᐤ ᒥᓯᒪᔨᑎᒧᐅᓂᔪᐤ ᑭᔭ ᓇᔅᒡ ᒋ ‍ ᑯᓯᑯᒪᒋᐅᐤ᙮
\v 34 ᐊᑯ ᐊᑕᑦ, “ᓇᔅᒡ ᑕᑈ ᒥᓯᒪᔨᑎᒻ ᓂᑦ ᐊᒐᐧᒄ, ᒧᔭᒻ ᐊ ‍ ᓂᐱᔭᓐ ᓂᑦ ᐃᑎᒪᒋᔪᐅᓐ, ᑕᒄ ᐅᑕ, ᐊᓱᐛᐱᒄ ᒪᒃ᙮”
\p
\v 35 ᐛᔪᐎᔅ ᒪᒃ ᒋ ‍ ᐃᑐᑕᐤ ᒋᓴᔅ, ᐊᔅᒋᒡ ᒂ ᐃᓯ ‍ ᐅᒋᒋᐧᑯᓂᐱᔪᐅᑦ᙮ ᒋ ‍ ᐊᔭᒥᐊᐤ ᒪᒃ ᐊ ‍ ᓂᑐᑎᒪᑦ ᒐᒋ ᓇᐃᐱᔨᒡ ᐊᑯᔅ ᒐ ᐊᑲ ᒋ ᓂᒋᔅᑲᐧᒃ ᑕᓐ ᒋᐸ ᐃᓯ ‍ ᓂᒋᔅᑭᒻ ᒪᒂᒡ ᐊᓂᔭ ᑎᐸᐃᑭᓂᔪᐤ᙮
\v 36 ᒋ ‍ ᐃᔅᒋᔄᐤ ᒪᒃ, “ᓄᑕ, ᓄᑕᐎᔾ, ᒥᓯᐛ ᒐᒂᓐ ᒋ ‍ ᑭᔅᒋᑕᓐ, ᐃᒐᓂᒧᐎ ᐅᒪ ᒥᓂᒂᑭᓐ, ᐊᔪᐛᒃ ᒪᒃ, ᓇᒪᐎᔾ ᓂᔾ ᐊ ‍ ᐃᑕᔨᑎᒪᓐ, ᒥᒄ ᒋᔾ ᐊ ‍ ᐃᑕᔨᑎᒥᓐ᙮”
\p
\v 37 ᑲᐤ ᒪᒃ ᒋ ‍ ᓂᑐᐛᐱᒪᐤ ᐅᒋᔅᒋᓄᐊᒧᐛᑭᓇ, ᒋ ‍ ᒥᔅᑯᐛᐤ ᒪᒃ ᐊ ‍ ᓂᐸᔨᒋ᙮ ᒋ ‍ ᐃᑕᐤ ᐊᓂᔭ ᐱᑕᕋ, “ᓴᐃᒥᓐ, ᒋ ‍ ᓂᐸᓐ ᐊ ? ᓇᒪ ᒋ ‍ ᑭᔅᒋᑕᓐ ᐊ ᐸᐃᒄ ᑎᐸᐃᑭᓇ ᐃᔅᐱᔅ ᐱᓯᒧᐧᑲᓂᒡ ᒐᒋ ᐊᓱᐛᐱᔨᓐ ?
\v 38 ᐊᓱᐛᐱᒄ ᑭᔭ ᐊᔭᒥᐊᒄ ᒐ ᐊᑲ ᒋ ᐃᓯ ‍ ᐸᒋᓯᓂᔭᒄ ᑯᒂᒋᐃᐛᐅᓂᒡ᙮ ᐛᔅ ᐊᒐᐧᒄ ᒥᔅᑯᐛᔨᑎᒻ ᒪᒃ ᐎᔭᔅ ᐃᔨᔨᒥᓯᒥᑭᓐ᙮”
\p
\v 39 ᐊᑯ ᒥᓐ ᓇᑭᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ᙮ ᐸᐃᑯᑕᐤ ᑲ ᐃᓯ ‍ ᐊᔭᒥᐊᑦ ᒥᓐ ᒋᓴᒪᓂᑐᐛ, ᐊᐅᑯᓐ ᐃᔭᐱᒡ ᒂ ᐃᓯ ‍ ᐊᔭᒥᐊᑦ ᐊᓂᔭ ᓂᔅᑎᒻ ᑕᓐ ᑲ ᐃᓯ ‍ ᐊᔭᒥᐊᑦ᙮
\v 40 ᐃᔅᐱ ᒪᒃ ᓂᔭᑕᑦ ᐅᒋᔅᒋᓄᐊᒧᐛᑭᓇ ᒥᓐ ᒋ ‍ ᒥᔅᑯᐛᐤ ᐊ ‍ ᓂᐸᔨᒋ᙮ ᐛᔅ ᒋ ‍ ᑯᓯᑯᒪᒋᑕᐅᒡ ᐅᔅᒋᓯᑯᐛᐛ᙮ ᓇᒪ ᐅᒋ ᒋᔅᒐᔨᑎᒧᒡ ᑕᓐ ᒐ ‍ ᐃᑕᒡ ᒋᓴᓴ᙮
\p
\v 41 ᐃᔅᐱ ᒪᒃ ᓂᔍᐤ ᓂᔭᑕᑦ ᐊᑯ ᐊᑕᑦ, “ᐊᔅᒄ ᐊ ᒋ ‍ ᓂᐸᓇᐛᐤ ? ᐊᔅᒄ ᐊ ᒋᑦ ᐊᔅᑕᔭᔅᑯᓯᓇᐛᐤ ? ᐊᑯᓐ ᐊᑯ, ᓴᔅ ᐅᑎᒋᐱᔪᐤ ᐊᓐ ᑎᐸᐃᑭᓐ ᐃᔪᐤ ᐅᑯᓯᓴᓐ ᒐ ‍ ᐎᔭᓯᐱᔅᑎᓇᑭᓄᐅᑦ ᐅᒥᒋᑥᐛ ᐅᑎᒋᔨᒡ᙮
\v 42 ᐅᓂᒄ᙮ ᔅᑐᑕᑕᐤ᙮ ᐊᓐ ᒐ ‍ ᐎᔭᓯᐱᔅᑎᓂᑦ ᓴᔅ ᐸᓱᓇᑯᓱᐤ᙮”
\s1 ᒋᓴᔅ ᑲ ‍ ᒪᑯᓇᑭᓄᐅᑦ
\r ᒪᑎᔪᐤ 26.47-56; ᓗᒃ 22.47-53; ᒠᓐ 18.3-12
\p
\v 43 ᑎᐛᒡ ᒪᒃ, ᐊᔅᒄ ᒪᒂᒡ ᐊ ‍ ᐃᔨᒥᑦ ᒋᓴᔅ, ᒍᑎᔅ ᒋ ‍ ᑎᑯᓯᓐ, ᐸᐃᒄ ᐊᓂᔭ ᑲ ‍ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ᙮ ᐊ ‍ ᐎᒐᐅᑯᑦ ᒥᒐᑦ ᐊᐛᔪᐛ, ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒥᐃᑭᓇᑎᒂ ᐊ ‍ ᑕᐧᑯᓂᒥᔨᒋ, ᑲ ᐸᒋ ‍ ᐃᑎᓴᐅᑯᔨᒋ ᑲ ‍ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ ᑭᔭ ᐊᓂᔭ ᑲ ‍ ᓂᑲᓂᔨᑕᑯᓯᔨᒋ᙮
\v 44 ᐊᓐ ᒐ ‍ ᐎᔭᓯᐱᔅᑎᓇᑦ ᒋᓴᓴ ᓂᑲᓐ ᒋ ‍ ᐎᑎᒧᐛᓯᐱᓐ ᐊᓂᔭᔪᐛ ᑲ ‍ ᐎᒐᐅᑯᑦ ᑕᓐ ᒐ ‍ ᐃᑎᑦ᙮ ᐊ ‍ ᐃᔅᒋᔄᑦ, “ᐊᓐ ᒐ ‍ ᓱᐛᔨᒥᒃ ᐊᐅᑯᓐ ᐊᓐ ᓇᐸᐤ ᓇᑐᐛᔨᒪᒄ᙮ ᐊᐅᑯᓐ ᐊᓐ ᒐ ‍ ᒪᑯᓇᒄ, ᒐ ‍ ᔅᑐᑕᐊᒄ᙮”
\p
\v 45 ᐃᔅᐱ ᒪᒃ ᑲ ‍ ᑎᑯᓯᐧᒃ ᒍᑎᔅ, ᑎᐛᒡ ᒋ ‍ ᓇᑕᐤ ᒋᓴᓴ ᐊᑯ ᐊᑕᑦ, “ᒋᔅᑯᑎᒪᒐᓱᐤ᙮” ᐊᑯ ᓴᐛᔨᒪᑦ᙮
\v 46 ᐊᑯ ᒥᔭᑯᓇᒡ ᒋᓴᓴ ᑭᔭ ᓱᒃ ᒥᔭᒪᒋᑯᓇᒡ᙮
\v 47 ᐸᐃᒄ ᒪᒃ ᐊᓐ ᒥᒋᒪ ᑲ ‍ ᓂᐳᐅᒡ ᒋᔭᔨᔅᒋᐱᑎᒻ ᐅᓂᑐᐱᔪᐅ-ᒧᐧᑯᒪᓐ, ᒋ ‍ ᐅᑕᒪᐅᒺᐤ ᒪᒃ ᐊᓂᔭᔪᐛ ᒋᓴᐊᔭᒥᐊᐅᒋᒪᐛ ᐅᑦ ᐊᐱᒋᐊᑭᓂᔪᐛ ᑭᔭ ᒋ ‍ ᒋᒥᑐᑭᔭᔄᐤ ᒪᒃ᙮
\p
\v 48 ᒋᓴᔅ ᒪᒃ ᒋ ‍ ᐃᔨᒧᐤ, ᒋ ‍ ᐃᑕᐤ ᐊᓂᔭᔪᐛ ᑲ ᐸᒋ ‍ ᓂᑐᐛᐱᒥᑯᑦ, “ᒋ ᐸᒋ ‍ ᐃᑐᑕᓇᐛᐤ ᐊ ᑕᐱᔅᑯᓐ ᐊ ‍ ᓇᑎᒄ ᑲᓂᑕᐅᒋᒧᑎᑦ ᐊ ‍ ᑕᐧᑯᓂᒪᒄ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒪᐃᑭᓇᑎᒂ ᐊ ᐎ ‍ ᐅᑎᓂᔭᒄ᙮
\v 49 ᑕᑥᐤ ᑲ ‍ ᒋᓯᑲᒋ ᓂᒋ ‍ ᑕᓐ ᐊᓐᑕ ᐊ ‍ ᑕᔭᒄ ᐊ ‍ ᒋᔅᑯᑎᒪᒐᔭᓐ ᒋᓴᐊᔭᒥᐊᐅᒋᐛᐱᒡ, ᓇᒪ ᒪᒃ ᒋ ᐅᒋ ‍ ᐅᑎᓇᐛᐤ᙮ ᒥᒄ ᒪᒃ ᒋᒋᒥᓯᓇᐃᒐᐅᓇ ᒋᑭ ‍ ᑎᐱᐱᔪᐛ᙮”
\p
\v 50 ᐊᑯ ᒥᓯᐛ ᒋᔅᒋᓄᐊᒧᐛᑭᓐᒡ ᓇᑭᑕᒡ ᑭᔭ ᒐᑎᓯᒧᒡ᙮
\p
\v 51 ᒋ ‍ ᑕᐤ ᐅᔅᒋᓂᒋᓱᐤ ᐊᓇᓴᐛᑦ ᒋᓴᓴ᙮ ᐊ ‍ ᑎᑎᐸᔭᒋᑦ ᐱᒍᐎᔭᓇᒋᔪᐤ ᐊ ‍ ᐳᓴᐅᔅᑲᐧᒃ᙮ ᐊᑯ ᐱᔅᒐ ᓇᐸᐛ ᐊᓐᑕ ᑲ ‍ ᑕᔨᒋ ᒂ ‍ ᒪᑯᓂᑯᑦ,
\v 52 ᒥᒄ ᒪᒃ ᒋ ‍ ᑎᒋᔅᒋᐱᔪᐤ ᐊᑯ ᒂ ‍ ᒋᑎᓯᒧᑦ ᐊᓐ ᓇᐸᔅ ᐊ ᐊᑎ ‍ ᒧᓴᔅᑭᑕᐸᑕᑦ ᐊᒋ ‍ ᒥᓂᐱᑕᑭᓄᐎᒡ ᐊᓂᔭ ᑲ ‍ ᑎᑎᐸᔭᒋᔅᑲᐧᒃ ᐱᒍᐎᔭᓂᓯᔪᐤ᙮
\s1 ᒋᓴᔅ ᑲ ‍ ᐅᑎᔅᑯᑲᐳᔅᑐᐛᑦ ᒋᓴᐊᔭᒥᐊᐅᒋᒪᐛ
\r ᒪᑎᔪᐤ 26.57-68; ᓗᒃ 22.54,55,63-71; ᒠᓐ 18.13,14,19-24
\p
\v 53 ᐊᑯ ᒂ ‍ ᐃᑐᑕᐊᒡ ᒋᓴᓴ ᐊᓐᑕ ᒋᓴᐊᔭᒥᐊᐅᒋᒪᐛ ᐊ ‍ ᑕᔨᒋ᙮ ᐊᑯᑕ ᒪᒃ ᑲ ‍ ᒪᒧᐎᒡ ᒥᓯᐛ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ‍ ᓂᑲᓇᔨᑕᑯᓯᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ᙮
\v 54 ᐱᑕᕐ ᒪᒃ ᐛᔪᐎᔅ ᐊᓐᑕ ᒋ ᐅᒋ ‍ ᐱᒧᑕᐤ᙮ ᑲ ᐊᑎ ‍ ᐃᑐᑕᑦ ᐊᓐᑕ ᒋᓴᐊᔭᒥᐊᐅᒋᒪᐛ ᐎᒋᔪᐤ ᐊ ‍ ᑎᑯᓂᔨᒡ᙮ ᒋ ‍ ᐎᑎᐱᒪᐤ ᐊᐱᒋᐊᑭᓇ ᑭᔭ ᒋ ‍ ᑎᐅᓱᐤ ᐃᔅᑯᑕᒡ᙮
\p
\v 55 ᑲ ‍ ᓂᑲᓇᔨᑕᑯᓯᒡ ᐊᔭᒥᐊᐅᒋᒪᐅᒡ ᒪᒃ ᒥᓯᐛ ᐊᓂᔭ ᑲ ‍ ᐎᑎᐱᒥᑯᒡ ᑲ ‍ ᐎᔭᔨᑎᒥᔨᒋ ᒐᒂᔪᐤ ᒋ ‍ ᓇᓂᑐᐤ ᒥᔅᑭᒧᒡ ᒐ ᐃᓯ ‍ ᒪᒥᓯᒪᒡ ᒋᓴᓴ ᒐᒋ ᓂᐸᐊᑭᓄᔨᒋ᙮ ᒥᒄ ᒪᒃ ᓇᒪ ᐅᒋ ᒥᔅᑭᒧᒡ᙮
\v 56 ᐛᔅ ᒥᒐᑦ ᒋ ᒥᒋ ‍ ᑎᐸᒋᒪᐅᒡ ᒥᒄ ᒪᒃ ᐅᑎᐸᒋᒧᐅᓄᐛᐛ ᓇᒪ ᐅᒋ ᓇᐊᔨᐱᔪᐛ᙮
\p
\v 57 ᐊᑯ ᐱᔅᒐ ᒂ ᐅᒋ ‍ ᐱᓯᑯᒡ ᑭᔭ ᒋ ‍ ᑭᑭᒋᔭᐛᑕᒋᒪᐅᒡ ᐊ ‍ ᐃᔅᒋᔄᒡ,
\v 58 “ᓂᒋ ‍ ᐸᑐᐛᓇᓐ ᐊ ‍ ᐃᔅᒋᔄᑦ, ‘ᓂᑭ ‍ ᐃᔭᔪᐎᑕᓐ ᐅ ᒋᓴᐊᔭᒥᐊᐅᒋᐛᑉ ᐃᔪᐤ ᑲ ‍ ᐅᓯᑕᑦ, ᒋ ‍ ᓂᔅᑐ ᒋᓯᑲᒐ ᒪᒃ ᐃᔅᐱᔅ, ᒥᓐ ᑯᑎᒡ ᓂᑭ ‍ ᒋᒥᑕᓐ ᐊᑲ ᐃᔪᐤ ᐅᒋ ᐅᓯᑕᑦ᙮’ ”
\v 59 ᓇᒪ ᐛᐛᒡ ᑭᔭ ᐎᔨᐛᐤ ᐅᒋ ᓇᐊᔨᐱᔪᐛ ᐅᑎᐸᒋᒧᐅᓄᐛᐛ᙮
\p
\v 60 ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᒂ ᐅᒋ ‍ ᐱᓯᑯᑦ ᐊ ‍ ᐅᑎᔅᑯᑲᐳᔅᑐᐛᑦ ᐊᓂᔭ ᐊᓐᑕ ᑲ ‍ ᑕᔨᒋ, ᐊᑯ ᒂ ‍ ᑯᒂᒋᒪᑦ ᒋᓴᓴ ᐊ ‍ ᐃᑕᑦ, “ᓇᒪ ᑎᑯᓐ ᐊ ᒐᒂᓐ ᐊ ᐎ ‍ ᐃᔅᒋᔄᔨᓐ ᐅᔭ ᐊ ‍ ᐃᑕᒋᒥᔅᒡ ᐅᒡ ?”
\v 61 ᒥᒄ ᓇᒪ ᐅᒋ ᒋᔅᑐᐤ ᒋᓴᔅ, ᓇᒪ ᒐᒂᔪᐤ ᐅᒋ ᐃᔅᒋᔄᐤ᙮ ᒥᓐ ᒂ ‍ ᑯᒂᒋᒥᑯᑦ ᒋᓴᐊᔭᒥᐊᐅᒋᒪᐛ, “ᒋᔾ ᐊ ᙭, ᑲ ‍ ᓱᐛᔨᑕᑯᓯᑦ ᒋᓴᒪᓂᑐᐤ ᐅᑯᓴ ?”
\v 62 ᒋᓴᔅ ᒪᒃ ᒋ ‍ ᐃᑕᐤ, “ᓂᐦᐃ, ᐊᐅᒄ ᓂᔾ᙮ ᒋᑭ ‍ ᐛᐱᒪᐛᐤ ᒪᒃ ᐃᔪᐤ ᐅᑯᓯᓴᓐ ᐊ ‍ ᐊᐱᑦ ᐅᒥᔪᓂᔨᒡ ᐃᑕᒐ ᑲ ‍ ᓱᐧᑲᑎᓯᔨᒋ ᑭᔭ ᒋᑭ ‍ ᐛᐱᒪᐛᐤ ᒋᒋᒋᓯᒄ ᑭᔅᑯᐅᓂᔅᑯᒡ ᐸᒋ ‍ ᑎᑯᓯᓐᒐ᙮”
\p
\v 63 ᐊᑯ ᒋᓴᐊᔭᒥᐊᐅᒋᒪᐤ ᒋ ‍ ᐱᑯᐱᑎᒻ ᐅᑦ ᐊᐱᒋᑕᐅᓇ ᐊ ‍ ᐃᔅᒋᔄᑦ, “ᒐᒂᓐ ᒪᒃ ᐛᒋ ‍ ᓂᑐᐛᔨᒪᐧᑯᒡ ᑯᑎᑭᒡ ᒐ ‍ ᑎᐸᒋᒧᒡ ?
\v 64 ᔅᒋ ‍ ᐸᑎᒺᓇᓄᐤ ᐅᐸᔅᑕᒧᐅᓐ᙮ ᑕᓐ ᒪᒃ ᐊᑕᔨᑎᒪᒄ ?” ᒥᓯᐛ ᒪᒃ ᐊ ‍ ᑎᓯᒡ ᒋ ‍ ᓂᓱᐅᓇᒋᒪᐅᒡ ᐊᓯᓇᑯᓂᔨᒡ ᒐᒋ ᓂᐸᐊᑭᓄᔨᒋ᙮
\p
\v 65 ᐱᔅᒐ ᒪᒃ ᒋ ‍ ᓯᔅᑎᒂᑕᐅᒡ ᑭᔭ ᒋ ‍ ᐊᑯᓇᒂᐛᐅᒡ ᐊᑯ ᐛᑕᒪᐛᒡ ᐊ ‍ ᐃᑕᒡ, “ᐎ ‍ ᒋᔅᒐᔨᒻ ᐊᐛᓐ ᐛᑕᒧᐅᔅᒃ᙮” ᑲᒪᑯᓄᐛᓯᒡ ᑲ ‍ ᓇᑭᑐᐛᔨᑕᒡ ᐊᓂᔭ ᒥᒋᐛᐱᔪᐤ ᐛᑎᓇᒡ ᒋᓴᓴ ᑭᔭ ᐛᑎᑕᒥᒂᐛᒡ᙮
\s1 ᐱᑕᕐ ᑲ ‍ ᐃᔅᒋᔄᑦ ᐊᑲ ᒋᔅᒐᔨᒪᑦ ᒋᓴᓴ
\r ᒪᑎᔪᐤ 26.69-75; ᓗᒃ 22.56-62; ᒠᓐ 18.15-18,25-27
\p
\v 66 ᒪᒂᒡ ᐱᑕᕐ ᐊ ‍ ᑕᑦ ᐊᓐᑕ ᐎᐎᑎᒥᒡ, ᒂ ᐅᒋ ‍ ᐱᒧᑕᔨᒋ ᐸᐃᒄ ᐊᓂᔭ ᒋᓴᐊᔭᒥᐊᐅᒋᒪᐤ ᐅᑯᐸᓇᔎᒪ᙮
\v 67 ᐃᔅᐱ ᒪᒃ ᐎᔭᐱᒪᑦ ᐱᑕᕋ ᑎᐅᓱᔨᒋ, ᑯᐃᔅᒄ ᒋ ‍ ᑭᓄᐛᐱᒪᐤ ᐊᑯ ᐊᑕᑦ, “ᒋᔾ ᑭᔭ ᔅᒋ ‍ ᐎᒐᐛᐤ ᒋᓴᔅ, ᓇᓴᕆᑎᒡ ᑲ ‍ ᐅᒋᑦ᙮”
\p
\v 68 ᐱᑕᕐ ᒪᒃ ᒋ ‍ ᐊᓏᑎᒻ, ᐊ ‍ ᐃᔅᒋᔄᑦ, “ᓇᒪ ᓂ ‍ ᒋᔅᒐᔨᑕᓐ ᑭᔭ ᓇᒪ ᓂᔅᑐᑕᓐ ᒐᒂᓐ ᐃᔭᔨᒧᑎᒥᓐ᙮” ᐊᑯ ᐸᓯᑯᑦ, ᐊᑯ ᐊᓐᑕ ᐊ ‍ ᒋᐱᔎᐎᒡ ᐊᓂᔭ ᒥᒋᐛᐱᔪᐤ ᐊᑐᑕᑦ᙮ ᐛᒋ ‍ ᐸᑕᑯᓯᔨᒋ ᓇᐸ ᐱᑲᒂᓇ᙮
\p
\v 69 ᑯᐸᓇᔎᐤ ᒪᒃ ᒥᓐ ᒋ ‍ ᐛᐱᒪᐤ ᐱᑕᕋ ᐊᑯ ᐊᑕᑦ ᐊᓂᔭ ᐊᐛᔪᐛ ᐊᓐᑕ ᑲ ‍ ᓇᓂᐳᔨᒋ, “ᐊᐅᑯᐤ ᐅ ᐸᐃᒄ ᐊᑎᓯᒡ᙮”
\p
\v 70 ᒥᒄ ᒪᒃ ᐱᑕᕐ ᒋ ‍ ᐊᓏᑎᒻ᙮ ᓇᓇᒐ ᒪᒃ ᐊᓐᒡ ᐊᓐᑕ ᑲ ‍ ᓇᓂᐳᐅᒡ ᒥᓐ ᒋ ‍ ᐃᑕᐅᒡ ᐱᑕᕋ, “ᓇᒪ ᒋᑭ ᒋ ‍ ᐃᔅᒋᔄᓐ ᐊᑲ ᐅᒋ ᐛᐎᒐᐅᑦ, ᐛᔅ ᒋ ‍ ᓂᔅᑐᑕᑯᓯᓐ ᑲᓕᓕᒡ ᐊ ‍ ᐅᒋᔨᓐ᙮”
\p
\v 71 ᐊᑯ ᐱᑕᕐ ᐊᑕᑦ, “ᐊᑯᔅ ᓂᑭ ‍ ᐛᐛᓯᐃᒄ ᒋᓴᒪᓂᑐᐤ ᐎ ᑭᑭᒋᔭᔭᓇ,” ᑭᔭ ᓇᔅᒡ ᒋ ᐎ ‍ ᑕᑈᐤ ᐊ ‍ ᐃᔅᒋᔄᑦ, “ᓇᒪ ᓂ ‍ ᒋᔅᒐᔨᒪᐤ ᐅ ᓇᐸᐤ ᐃᔭᔨᒧᒪᒄ᙮”
\p
\v 72 ᑎᐛᒡ ᒪᒃ ᒥᓐ ᒋ ᐅᒋ ‍ ᐸᑕᑯᓱᐤ ᓇᐸ ᐱᑲᒂᓐ, ᐊᑯ ᐱᑕᕐ ᒂ ‍ ᒋᔅᒋᑦ ᑲ ‍ ᐃᑎᑯᑦ ᒋᓴᓴ, “ᐊᒺᔭ ᓂᔄᐤ ᐸᑕᑯᓯᑦ ᓇᐸ ᐱᑲᒂᓐ ᓂᔍᐤ ᒋᑭ ‍ ᐊᓏᑕᓐ ᐊ ‍ ᒋᔅᒐᔨᒥᔨᓐ᙮” ᐃᔅᐱ ᒪᒃ ᒥᔭᒥᑐᓇᔨᑕᐧᒃ ᐅᔭ, ᐊᑯ ᒥᔭᑦ ᐊ ‍ ᓂᓇᐧᑲᒋᒧᑦ᙮
\c 15
\s1 ᒋᓴᔅ ᑲ ‍ ᐅᑎᔅᑯᑲᐳᔅᑐᐛᑦ ᑈᓚᑕ
\r ᒪᑎᔪᐤ 27.1,2,11-14; ᓗᒃ 23.1-5; ᒠᓐ 18.28-38
\p
\v 1 ᑎᐛᒡ ᒪᒃ ᒋᔭᒋᓴᐸᔭᔨᒡ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒋ ‍ ᓂᔅᑐᐅᓇᐅᒡ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐃᔪᐛ ᑭᔭ ᐊᓂᔭᔪᐛ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ ᑭᔭ ᒥᓯᐛ ᐊᓂᔭ ᑲ ‍ ᒪᒧᐱᔅᑎᒥᔨᒋ ᐊ ‍ ᐎᔭᔨᑕᑭᓄᐎᒡ ᒐᒂᔪᐤ, ᐊᑯ ᒂ ‍ ᐎᔭᔨᑕᒡ ᑕᓐ ᒐ ‍ ᐃᑎᒡ᙮ ᒋ ‍ ᒪᑯᐱᑕᐅᒡ ᒋᓴᓴ ᑭᔭ ᒋ ‍ ᔅᑐᑕᐅᒡ᙮ ᑈᓚᑕ ᒪᒃ ᒋ ‍ ᐱᔅᑎᓂᒧᐛᐅᒡ᙮
\p
\v 2 ᐊᑯ ᑈᓚᑦ ᒂ ‍ ᑯᒂᒋᒪᑦ ᒋᓴᓴ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒋ ‍ ᐃᑕᐤ, “ᐊᐅᑯᓐ ᐊᔅᒋᔄᔨᓐ᙮”
\p
\v 3 ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒪᒃ ᒥᒐᑦ ᒐᒂᔪᐤ ᒋ ‍ ᐊᑕᒪᔨᒪᐅᒡ ᒋᓴᓴ᙮
\v 4 ᐊᑯ ᑈᓚᑦ ᒥᓐ ᒂ ‍ ᑯᒂᒋᒪᑦ ᒋᓴᓴ ᐊ ‍ ᐃᑕᑦ, “ᓇᒪ ᓇ ᐎᔭᔅ ᒋᑭ ‍ ᐃᑕᐅᒡ ? ᓂᑐᑐᐅᒡ ᒪ ᐊ ᐃᓯ ‍ ᓂᓇᐧᑯᐤ ᒐᒂᔪᐤ ᐊᑕᒪᔨᒥᔅᒡ᙮”
\v 5 ᒥᒄ ᒋᓴᔅ ᐃᔭᐱᒡ ᓇᒪ ᐅᒋ ᐃᔅᒋᔄᐤ ᒐᒂᔪᐤ᙮ ᒋ ‍ ᒥᔅᑲᑕᔨᑎᒻ ᒪᒃ ᑈᓚᑦ᙮
\s1 ᒋᓴᔅ ᒐ ‍ ᓂᐸᐊᑭᓄᐅᑦ
\r ᒪᑎᔪᐤ 27.15-26; ᓗᒃ 23.13-25; ᒠᓐ 18.39-19.16
\p
\v 6 ᐊᐅᑯᓐ ᑲ ‍ ᐃᑎᓇᓄᐅᒡ ᒪᓐ ᑕᑥᐤ ᐛᑎᒋᐱᔨᒋ ᒐ ‍ ᒥᒋᓇᓄᐅᒡ ᐎᒪᔅᑲᒐᐅ-ᒥᑯᓴᐅᓐ, ᑈᓚᑦ ᒋ ‍ ᐱᔅᑎᓇᐤ ᐸᐃᒄ ᑲ ‍ ᒪᑯᓇᑭᓄᓯᔨᒋ ᒥᒄ ᑕᓐ ᐊᓂᔭᔪᐛ ᓇᑐᐛᔨᒪᔨᒋ ᐃᔪᐛ ᒐᒋ ᐱᔅᑎᓂᒧᐛᑭᓄᔨᒋ᙮
\v 7 ᒋ ‍ ᑕᐤ ᒪᒃ ᓇᐸᐤ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐸᕋᐸᔅ ᐊ ‍ ᐃᓯᓂᐧᑲᓱᑦ᙮ ᐊᓯᒡ ᐊᓂᔭ ᑲ ‍ ᐎᒋᐃᑯᑦ ᐊ ‍ ᒥᒋᐱᔨᐧᑲᑐᐛᑦ ᒋᓴᐅᒋᒪᐛ, ᐊᒋ ‍ ᓂᐸᐊᑦ ᐊᐛᔪᐛ ᒪᒂᒡ ᐅᔭ ᑲ ‍ ᐃᑎᒡ᙮
\v 8 ᐊᑯ ᐊᓐᒡ ᑲ ‍ ᒥᒐᑎᒡ ᐃᔪᒡ ᒋ ‍ ᓇᑕᐅᒡ ᑈᓚᑕ ᐊᑯ ᐊᑕᒡ ᒐᒋ ᐃᑐᑎᒪᑯᒡ ᐊᓂᔭ ᑲᒋ ‍ ᐃᑐᑎᒪᑯᒡ ᐊᓯᑯᒻ ᐱᐳᓇ ᐎᒪᔅᑲᒐᐤ ᒪᑯᓴᓄᔨᒋ᙮
\p
\v 9 ᐊᑯ ᑈᓚᑦ ᐊᑕᑦ, “ᒋ ‍ ᓂᑐᐛᔨᒥᓇᐛᐤ ᐊ ᒐᒋ ᐱᔅᑎᓂᒪᑎᑯᒡ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?”
\v 10 ᐛᔅ ᒋ ‍ ᒋᔅᒐᔨᒪᐤ ᐊᓂᔭᔪᐛ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᐊᒋ ‍ ᐅᑕᔨᒪᔨᒋ ᒋᓴᓴ ᐛᒋ ‍ ᒋ ‍ ᐱᔅᑎᓂᒪᑯᑦ᙮
\p
\v 11 ᒥᒄ ᐊᓐᒡ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒋ ‍ ᓯᒋᒪᐅᒡ ᐃᔪᐛ ᒐᒋ ᐃᑕᔨᒋ ᑈᓚᑕ ᒐᒋ ᐱᔅᑎᓂᒪᑯᒡ ᐸᕋᐸᓴ᙮
\v 12 ᐊᑯ ᑈᓚᑦ ᒥᓐ ᒂ ‍ ᑯᒂᒋᒪᑦ ᐃᔪᐛ, “ᒐᒂᓐ ᒪᒃ ᓇᑐᐛᔨᒥᔭᒄ ᒐᒋ ᐃᑐᑐᐅᒃ ᐊᓐ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ᑲ ‍ ᐃᓯᓂᐧᑲᑕᒄ ?”
\v 13 ᒥᓐ ᒪᒃ ᒋ ‍ ᑕᑈᐅᒡ, “ᒋᔅᑕᔎᐤ ᒋᐱᔭᑎᑯᒡ᙮”
\p
\v 14 ᐊᑯ ᑈᓚᑦ ᐊᑕᑦ, “ᒐᒂᔪᐤ ᒪᒃ, ᑕᓐ ᑲ ᐃᓯ ‍ ᒥᒋᑐᑕᐧᒃ ?” ᐊᑎᑐᐤ ᒪᒃ ᒋ ‍ ᒋᐧᑲᐛᐅᒡ ᐊ ‍ ᑕᑈᒡ ᐃᔪᒡ, “ᒋᔅᑕᔎᑕᐧᒄ ᒋᐱᔭᑎᑯᒡ᙮”
\p
\v 15 ᐊᑯ ᒪᒃ ᑈᓚᑦ ᐊ ᐎ ‍ ᒥᔽᔨᑎᒪᐊᑦ ᐃᔪᐛ, ᐸᕋᐸᓴ ᒋ ‍ ᐱᔅᑎᓂᒧᐛᐤ᙮ ᐃᔅᐱ ᒪᒃ ᑲᒋ ‍ ᐃᑎᓱᐛᑦ ᒐᒋ ᐱᓯᔅᑕᐛᑭᓄᔨᒋ ᒋᓴᓴ᙮ ᐊᑯ ᒂ ‍ ᐱᔅᑎᓂᒧᐛᑦ ᓂᑐᐱᔪᐅ-ᐃᔪᐛ ᒐᒋ ᒋᔅᑕᔎᐛᔨᒋ ᒋᐱᔭᑎᑯᒡ᙮
\s1 ᐊᓯᒪᑭᓂᓯᒡ ᑲ ‍ ᒪᔭᔨᒪᒡ ᒋᓴᓴ
\r ᒪᑎᔪᐤ 27.27-31; ᒠᓐ 19.2,3
\p
\v 16 ᐊᓯᒪᑭᓂᓯᒡ ᒪᒃ ᒋ ‍ ᐃᑐᑕᐅᒡ ᒋᓴᓴ ᐊᓐᑕ ᒋᓴᐅᒋᒪᐅᒋᐛᐱᒡ᙮ ᐊᑯ ᐛᓴᒪᒡ ᒥᓯᐛ ᑯᑎᑲ ᐊᓯᒪᑭᓂᓴ᙮
\v 17 ᐊᑯ ᒂ ‍ ᐳᔅᑎᔅᑭᒧᑎᔭᒡ ᒥᒂᒋᓂᔪᐤ ᑭᔭ ᒋ ‍ ᐅᓯᑕᐅᒡ ᒋᓴᐅᒋᒪᐅᑯᓂᔎᐅᓂᔪᐤ ᒥᓯᑲᐎᒥᓇᑯᓯᔭ ᐅᒡ᙮ ᐊᐅᒄ ᐅᔭ ᑲ ‍ ᐳᔅᑎᑯᓂᔎᐅᓇᐊᒡ᙮
\v 18 ᒋ ᒥᒋ ‍ ᐊᑎᒥᔅᑯᐛᐅᒡ ᒪᒃ, “ᐊᐅᒄ ᒋᔾ ᒍᐤ ᐃᔪᒡ ᐅᒋᓴᐅᒋᒪᒧᐛᐛ !”
\v 19 ᒥᔅᑎᑯᔪᐤ ᒋ ‍ ᐅᑎᑕᒥᔅᑎᒂᓇᐛᐅᒡ, ᒋ ‍ ᓯᔅᑎᒂᑕᐅᒡ ᑭᔭ ᒋ ‍ ᐅᒋᒋᐧᑯᓂᐱᔅᑐᐛᐅᒡ ᒧᔭᒻ ᐊ ‍ ᒋᔅᑕᔨᒪᒡ ᒋ ‍ ᐃᑐᑐᐛᐅᒡ᙮
\v 20 ᐃᔅᐱ ᒪᒃ ᑲᒋ ᐃᓯ ‍ ᒪᔭᔨᒪᒡ ᒂ ‍ ᒥᓂᒺᒡ ᒥᒂᒋᓂᔪᐤ, ᑎᐱᔨᐛ ᒪᒃ ᐅᑦ ᐊᐱᒋᑕᐅᓂᔪᐛ ᑈᔅᑭᒧᑎᔭᒡ᙮ ᐊᑯ ᒪᒃ ᒐ ‍ ᑐᑕᐊᒡ ᒐᒋ ᒋᔅᑕᔎᑕᒡ᙮
\s1 ᒋᓴᔅ ᑲ ‍ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ
\r ᒪᑎᔪᐤ 27.32-44; ᓗᒃ 23.26-43; ᒠᓐ 19.17-27
\p
\v 21 ᒋ ᐸᒋ ‍ ᐱᒧᑕᐤ ᒪᒃ ᓴᐃᒥᓐ ᓴᐃᕆᓐ ᐊᔅᒋᒡ ᐊ ‍ ᐅᒋᑦ, ᐎᐎᑎᒥᒡ ᐊᓐᑕ ᐊᓂᔭ ᐅᑕᓇᔪᐤ ᐊ ‍ ᐅᑐᑕᑦ᙮ ᐊᓕᒃᓴᓐᑕᕐ ᑭᔭ ᕈᐸᔅ ᐅᑕᐎᐛᐛ᙮ ᐊᓯᒪᑭᓂᓯᒡ ᒪᒃ ᒋ ‍ ᓯᒋᒪᐅᒡ ᐅᔭ ᓇᐸᐛ ᒐᒋ ᐱᒧᑕᐊᔨᒋ ᒋᓴᓴ ᐅᒋᐱᔭᑎᑯᒥᔪᐛ᙮
\v 22 ᑯᓪᑯᑕ ᑲ ‍ ᐃᓯᓂᐧᑲᑕᔨᒡ ᐊᑯᑕ ᑲ ‍ ᐃᑐᑕᐊᒡ ᒋᓴᓴ᙮ ᐅ ᑯᓪᑯᑕ ᑲ ‍ ᐃᓇᓄᐅᒡ, ᐊᓐᑕ ᐊ ‍ ᑎᒂᒡ ᒋᐱᔅᑎᒂᓐ ᐃᓯ ᐃᔅᒋᔄᒥᑭᓐ᙮
\v 23 ᒋ ᐎ ‍ ᒥᓇᐊᐅᒡ ᒪᒃ ᓱᒥᓇᐳᔪᐤ ᑐᒥᓂᑭᓂᔪᐤ ᑲᐎᒋᒪᑯᓯᔨᒡ ᐊᒋ ‍ ᒪᒧᐱᑕᑭᓄᐎᒡ ᐊᓐᑕ᙮ ᒥᒄ ᒪᒃ ᓇᒪ ᐅᒋ ᐎ ᒥᓄᐤ ᒋᓴᔅ ᐅᔭ᙮
\v 24 ᐃᔅᐱ ᒪᒃ ᑲᒋ ‍ ᒋᔅᑕᔎᑕᒡ ᒋᐱᔭᑎᑯᒡ᙮ ᒋ ‍ ᒪᑎᓂᒪᑐᐛᐅᒡ ᐅᑦ ᐊᐱᒋᑕᐅᓂᔪᐛ, ᒋ ‍ ᒪᐃᑭᓇᑎᑯᒐᐅᒡ ᒐᒂᔪᐤ ᐊᐛᓐ ᒐ ‍ ᐅᑎᓂᒧᒂ᙮
\p
\v 25 ᐸᐃᑯᔅᑕᐤ ᒋ ‍ ᐃᔅᐱᔪᐤ ᐊ ‍ ᒐᒋᓴᐸᔭᔨᒡ ᑲ ‍ ᒋᔅᑕᔎᑕᒡ ᒋᓴᓴ ᒋᐱᔭᑎᑯᒡ᙮
\v 26 ᒋ ‍ ᒥᓯᓇᑕᔪᐤ ᒪᒃ ᐊᓐᑕ ᐃᔅᐱᒥᓯᔅ ᐅᒋᐱᔭᑎᑯᒥᒡ ᑕᓐ ᑲ ᐃᓯ ‍ ᐊᑕᒪᔨᒪᒡ᙮ ᐊ ‍ ᐃᑎᔅᑕᔨᒡ, “ᒍᐤ ᐃᔪᒡ ᐅᒋᓴᐅᒋᒪᒧᐛᐛ᙮”
\v 27 ᑭᔭ ᓂᓱ ᑲᓂᑕᐅᒋᒧᑎᔨᒋ ᒋ ‍ ᒋᔅᑕᔎᑕᐅᒡ, ᐸᐃᒄ ᐊᓐᑕ ᒋᓴᓴ ᐅᒥᔪᓂᔨᒡ ᐃᑕᒐ ᒋ ‍ ᐊᑯᒋᓄᐤ, ᐊᑯ ᑯᑎᒃ ᐅᓂᔅᐸᒋᐅᓂᔨᒡ ᐃᑕᒐ᙮
\v 28 ᒋ ‍ ᑎᐱᐱᔪᐤ ᒪᒃ ᐊᓐ ᒋᒋᒥᓯᓇᐃᒐᐅᓐ,
\q ᒋ ‍ ᐊᔅᑎᓇᑭᓄᐤ ᐊᓐᑕ ᐊᐛᔪᐛ ᑲ ‍ ᐱᑯᓂᒥᔨᒋ ᐎᓱᐛᐅᓇ᙮
\p
\v 29 ᐊᓂᔭ ᒪᒃ ᐊᐛᔪᐛ ᑲ ᐸᒋ ‍ ᐱᒧᑕᔨᒋ ᐊᓐᑕ ᐊ ‍ ᑕᑦ ᒋ ‍ ᒪᔭᔨᒥᑯᐤ᙮ ᒋ ‍ ᐛᐛᐱᔎᔪᐛ, ᐊ ‍ ᐃᔅᒋᔄᔨᒋ, “ᑕᑈ ᑭᑈ᙮ ᒋᔾ ᑲ ‍ ᐃᔅᒋᔄᔨᓐ ᒐᒋ ᓂᓱᐅᓇᒋᑕᔨᓐ ᒋᓴᐊᔭᒥᐊᐅᒋᐛᑉ ᑭᔭ ᒋ ‍ ᓂᔅᑐ ᒋᓯᑲᒐ ᐃᔅᐱᔅ ᑲᐤ ᒐ ‍ ᐎᑲᐳᐅᑕᔨᓐ,
\v 30 ᐱᒪᒋᐃᓱᐤ ᒪᒃ, ᐸᒋ ‍ ᓂᑎᒋᐛ ᒋᐱᔭᑎᑯᒡ ᐅᒡ᙮”
\v 31 ᐊᑯ ᑭᔭ ᐎᔨᐛᐤ ᐊᓐᒡ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᒋ ‍ ᒪᔭᔨᒪᐅᒡ ᐊ ‍ ᐃᔨᒥᐃᑐᒡ ᐊ ‍ ᐃᔅᒋᔄᒡ, “ᒋ ‍ ᐱᒪᒋᐊᐤ ᐊᐛᔪᐛ, ᐎᔾ ᐛᐛᒡ ᓇᒪ ᒋ ‍ ᐱᒪᒋᐃᑎᓱᐤ᙮
\v 32 ᐅ ᙭, ᐃᔅᕋᐃᓪ ᐃᔪᒡ ᐅᒋᓴᐅᒋᒪᒧᐛᐛ, ᒋᐸ ‍ ᓂᑎᒋᐛᐤ ᒋᐱᔭᑎᒂ ᐅᒋ ᒐᒋ ᐛᐱᑎᒪᐧᒄ, ᑭᔭ ᑕᑈᑎᒪᐧᒄ᙮” ᐊᓐᒡ ᒪᒃ ᑯᑎᑭᒡ ᑲ ‍ ᒋᔅᑕᔎᑕᑭᓄᐎᒡ ᒋ ‍ ᒪᔭᔨᒪᐅᒡ ᑭᔭ ᐎᔨᐛᐤ ᒋᓴᓴ᙮
\s1 ᒋᓴᔅ ᑲ ‍ ᓂᐱᑦ
\r ᒪᑎᔪᐤ 27.45-56; ᓗᒃ 23.44-49; ᒠᓐ 19.28-30
\p
\v 33 ᐃᔅᐱ ᒪᒃ ᐊ ‍ ᐊᐱᑕᒋᓯᑲᒡ ᐊᑯᑕ ᓇᔅᒡ ᑲ ‍ ᑭᔅᒋᑎᐱᔅᑲᒡ ᒥᓯᐛ ᐊ ‍ ᐃᔅᐱᓴᒡ ᐊᔅᒋᔾ ᐃᔅᐱᔅ ᓂᔅᑐ ᑎᐸᐃᑭᓐ ᐊᔅᐱᔨᑦ᙮
\v 34 ᓂᔅᑐ ᒪᒃ ᐊ ‍ ᐃᔅᐱᔨᒡ ᒋᓴᔅ ᒋ ᐅᒋ ‍ ᑕᑈᐤ ᐊ ‍ ᐃᔅᒋᔄᑦ,
\q “ᐃᐧᓚᐃ, ᐃᐧᓚᐃ, ᓚᒪ ᓴᐸᒃᑕᓂ ?” ᒪᐅ ᐊ ᐃᓯ ‍ ᐱᔭᑭᔅᒋᑕᑯᓯᓇᓄᐅᒡ ᐅ, “ᓂᒋᓴᒪᓂᑐᒻ, ᓂᒋᓴᒪᓂᑐᒻ, ᑕᓇᒡ ᐛᒋ ‍ ᐛᐱᓂᔨᓐ ?”
\p
\v 35 ᐱᔅᒐ ᒪᒃ ᐊᓐᒡ ᐊᓐᑕ ᒥᒋᒪ ᑲ ‍ ᓇᓂᐳᐅᒡ ᐃᔅᐱ ᐱᔭᑐᐛᒡ ᐅᔭ ᐊ ‍ ᐃᔅᒋᔄᔨᒋ ᒋ ‍ ᐃᔅᒋᔄᐅᒡ, “ᓂᑐᑐᐛᐧᒄ ᒪ, ᐃᓚᐃᒐᔨᒋ ᐊᓂᔭ ᑕᑈᑕᐤ᙮”
\v 36 ᐊᑯ ᐸᐃᒄ ᐊᓐ ᒋ ‍ ᐃᔅᐸᑕᐤ ᒐᒋ ᐊᑯᑕᑦ ᐅᐱᓂᓯᔪᐤ ᓯᐎᐧᑲᐳᒡ, ᐊᑯ ᒥᔅᑎᑯᒡ ᒂ ‍ ᐊᒂᐱᐧᑲᑕᐧᒃ, ᐊᑯ ᒪᔭᑦ ᒐᒋ ᒥᓂᔨᒋ᙮ ᒋ ‍ ᐃᑕᐤ ᒪᒃ, “ᐊᓱᐛᐸᑕᑕᐤ, ᓂᓇᑭᑐᐛᔨᒪᑕᐤ ᐊᓐ ᑕᑈ ᒐ ᐸᒋ ‍ ᓂᑎᓂᑯᒂ ᐃᓚᐃᒐᔨᒋ᙮”
\p
\v 37 ᒋᓴᔅ ᒪᒃ ᒋ ‍ ᑕᑈᐤ ᐊ ‍ ᒋᔄᐛᑦ, ᐊᑯ ᓇᐱᑦ᙮
\p
\v 38 ᐊᑯ ᐊᓐ ᐊᑯᐛᑲᐃᑭᓐ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ‍ ᑎᒂᒡ ᓇᔅᒡ ᑕᑕᐅᒡ ᒋ ‍ ᑕᔅᒋᐱᔪᐤ᙮
\v 39 ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᑲ ‍ ᐅᑎᔅᑯᑲᐳᔅᑐᐛᑦ ᒋᓴᓴ ᐃᔅᐱ ᐎᔭᐱᒪᑦ ᓴᔅ ᓇᐱᔨᒋ, ᒋ ‍ ᐃᔅᒋᔄᐤ, “ᐊᔪᐅᒄ ᐅᔭ ᑕᑈ ᒋᓴᒪᓂᑐᐤ ᐅᑯᓴ᙮”
\p
\v 40 ᒋ ‍ ᑕᐅᒡ ᑭᔭ ᐃᔎᐅᒡ ᓇᑕ ᐛᔪᐎᔅ ᐊ ᐅᒋ ‍ ᑭᓄᐛᐱᒡ᙮ ᐊᐅᑯᓐᒡ ᐅᒡ ᒪᕆ ᒪᒃᑕᓕᓐ, ᑭᔭ ᒪᕆ, ᒋᒥᔅ ᑲ ‍ ᐊᐛᓯᐅᑦ ᑭᔭ ᒍᓯᔅ ᐅᑲᐎᐛᐛ, ᑭᔭ ᓴᓗᒥ᙮
\v 41 ᐊᐅᑯᓐᒡ ᐅᒡ ᐃᔎᐅᒡ ᑲ ‍ ᓇᓴᐛᒡ ᒋᓴᓴ ᒪᒂᒡ ᐊᔅᒄ ᑲᓕᓕᒡ ᐊᒋ ‍ ᑕᔨᒋ ᑭᔭ ᑲ ‍ ᐛᐎᒋᐊᒡ᙮ ᒥᒐᑦ ᑭᔭ ᑯᑎᑭᒡ ᐃᔎᐅᒡ ᒋ ‍ ᑕᐅᒡ ᐊᓐᑕ ᐊᓐᒡ ᑲ ‍ ᐎᒐᐛᒡ ᒋᓴᓴ ᒋᕈᓯᓕᒥᒡ ᑲ ‍ ᐃᑐᑕᔨᒋ᙮
\s1 ᒋᓴᔅ ᐎᔪᐤ ᑲ ‍ ᓇᐃᐧᑲᑭᓄᐎᒡ
\p
\v 42 ᓴᔅ ᒋ ‍ ᐅᑕᑯᓯᔪᐤ ᑲ ‍ ᑎᑯᓯᐧᒃ ᓇᐸᐤ ᒍᓯᑉ ᐊ ‍ ᐃᓯᓂᐧᑲᓱᑦ᙮ ᐊᕆᒪᑎᔭ ᒋ ‍ ᐃᓯᓂᐧᑲᑕᔪᐤ ᐊᓐᑕ ᑲ ‍ ᐅᒋᑦ᙮ ᓇᔅᒡ ᒋ ‍ ᒋᔅᑕᔨᒥᑯᐤ ᐎᒋ ‍ ᐅᒋᒪᐛ ᑲ ‍ ᒪᒧᐱᔨᒋ᙮ ᑭᔭ ᐎᔾ ᒋ ‍ ᓇᓂᑐᐛᐸᑎᒺᐤ ᒋᓴᒪᓂᑐᐛ ᐅᒋᒪᐅᓂᔪᐤ᙮
\v 43 ᐊᓂᔭ ᒪᒃ ᐊ ‍ ᒋᓯᑲᔨᒡ ᐊᑯᑕ ᑲᒋ ‍ ᐊᔭᔅᑯᐎᔅᑕᑭᓄᐅᒡ ᐎᒪᔅᑲᒐᐅ-ᒥᑯᓴᐅᓐ ᐊᑯ ᐊᓐ ᒥᓐ ᐊ ‍ ᒋᓯᑲᒡ ᐊᐅᒄ ᐊᓂᔭ ᐅᑦ ᐊᔭᒥᐊᐅᒋᓯᑲᒧᐛᐤ ᒍᐤ ᐃᔪᒡ᙮ ᐊᑯ ᒍᓯᑉ, ᐊᕆᒪᑎᔭᒡ ᑲ ‍ ᐅᒋᑦ, ᐊᓐ ᓇᐸᐤ ᑲ ‍ ᐊᓯᓄᐛᑕᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᒂ ᐊᑎ ‍ ᓂᑐᐛᐱᒪᑦ ᑈᓚᑕ ᐊᑲ ᓇᔅᒡ ᑯᔅᑕᒋᑦ, ᒂ ‍ ᑯᒂᒋᒪᑦ ᒐᒋ ᒥᔭᑭᓄᐅᑦ ᒋᓴᓴ ᐎᔭᔪᐤ᙮
\v 44 ᑈᓚᑦ ᒪᒃ ᒋ ‍ ᒥᔅᑲᑕᔨᑎᒡ ᐊ ‍ ᐸᑕᐧᒃ ᓴᔅ ᐊᒋ ‍ ᓂᐱᔨᒋ ᒋᓴᓴ᙮ ᒋ ‍ ᐎᓴᒪᐤ ᐊᓂᔭ ᐊᓯᒪᑭᓂᓯᐤ ᐅᒋᒪᐛ ᐊᑯ ᒂ ‍ ᑯᒂᒋᒪᑦ ᓴᔅ ᑲ ‍ ᓂᐱᒂᓂ ᒋᓴᓴ᙮
\v 45 ᐃᔅᐱ ᒪᒃ ᐛᑎᒪᑯᑦ ᐊᓂᔭ ᐊᓯᒪᑭᓂᓯᐤ ᐅᒋᒪᐛ ᓴᔅ ᐊᒋ ‍ ᓂᐱᔨᒋ ᒋᓴᓴ, ᐊᑯ ᑈᓚᑦ ᒂ ‍ ᓂᔅᑯᒪᑦ ᒍᓯᐸ ᒐᒋ ᐅᑎᓂᒥᔨᒋ ᒋᓴᓴ ᐎᔭᔪᐤ᙮
\v 46 ᐊᑯ ᒍᓯᑉ ᒂ ‍ ᐃᔭᑦ ᐊ ‍ ᒥᔪᐛᑭᓯᔨᒡ ᐱᒍᐎᔭᓂᓯᔪᐤ ᐊ ‍ ᐛᐸᑭᓂᔨᒡ, ᐊᑯ ᒂ ‍ ᓂᑎᓂᒺᑦ ᒋᓴᓴ ᐎᔭᔪᐤ᙮ ᐊᑯᑕ ᐊᓐᑕ ᐱᒍᐎᔭᓂᒡ ᒂ ‍ ᑎᑎᐱᔭᑎᓂᒺᑦ ᐊᓂᔭ ᐎᔭᔪᐤ, ᐊᑯ ᒋᐱᐃᒋᐛᐱᒡ ᒂ ‍ ᓇᐅᔅᑕᑦ᙮ ᐊᑯ ᒂ ‍ ᑎᑎᐱᓇᑦ ᐊᓯᓂᔭ ᐊᓐᑕ ᐊ ‍ ᐱᑯᓇᔭᔨᒡ ᐊᓂᔭ ᒋᐱᐃᒋᐛᐱᔪᐤ, ᐊᑯᑕ ᑲ ‍ ᒋᐱᓯᒪᑦ᙮
\v 47 ᒪᕆ ᒪᒃᑕᓕᓐ ᑭᔭ ᒪᕆ, ᒍᓯᔅ ᐅᑲᐎᔭ ᐊᑯᑕ ᑲ ‍ ᑕᒡ, ᒋ ‍ ᐛᐸᑎᒺᐅᒡ ᑕᓐᑕ ᑲ ‍ ᐱᒥᓯᒪᑭᓄᔨᒋ ᒋᓴᓴ᙮
\c 16
\s1 ᒋᓴᔅ ᑲ ‍ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒡ
\r ᒪᑎᔪᐤ 28.1-8; ᓗᒃ 24.1-12; ᒠᓐ 20.1-10
\s2 Mark 16.1-8 (Easter Sunday Year B)
\p
\v 1 ᐃᔅᐱ ᑲ ‍ ᐎᒪᐱᔨᒡ ᒍᐤ ᐃᔪᒡ ᐅᑦ ᐊᔭᒥᐊᐅᒋᓯᑲᒧᐛᐤ, ᒪᕆ ᒪᒃᑕᓕᓐ, ᑭᔭ ᒪᕆ ᒋᒥᔅ ᐅᑲᐎᔭ, ᑭᔭ ᓴᓗᒥ ᒋ ‍ ᐅᑎᓂᒧᒡ ᓂᓇᐧᑯᐤ ᐊ ‍ ᐃᓯᓇᑯᓂᔨᒋ ᐊ ‍ ᐎᒋᒪᑯᓂᔨᒋ ᑐᒥᓂᑭᓇ ᒐᒋ ᑐᒥᓂᒺᒡ ᒋᓴᓴ ᐎᔭᔪᐤ᙮
\v 2 ᐎᐱᒡ ᒪᒃ ᒋᔭᒋᓴᐸᔭᔨᒡ, ᓂᔅᑎᒻ ᐊ ‍ ᒋᓯᑲᔨᒡ ᐊᓂᔭᔪᐤ ᒥᓐ ᒐ ᐊᑎ ‍ ᒥᓇᔅᑕᑭᓄᐎᒡ, ᐃᔅᐱ ᐱᔭᒋ ‍ ᓴᑲᔅᑐᐛᔨᒋ ᐱᓯᒺ, ᒋ ‍ ᐃᑐᑕᐅᒡ ᐊᓐᑕ ᑲ ‍ ᐛᑎᒂᐱᔅᑲᐃᑭᓄᐎᒡ᙮
\v 3 ᐊᓂᔭ ᒪᒃ ᐊ ᐊᑎ ‍ ᐱᒧᑕᒡ ᒋ ‍ ᐃᑎᑐᐅᒡ, “ᐊᐛᓐ ᒐ ‍ ᐃᒐᑎᑎᐱᓂᒪᑕᐧᒄ ᐊᓂᔭ ᐊᓯᓂᔭ ᑲ ‍ ᒋᐱᓯᒪᑭᓄᔨᒋ ᐊᓐᑕ ᐊ ‍ ᐱᑯᓇᔭᔨᒡ ?”
\p
\v 4 ᐃᔅᐱ ᒪᒃ ᐊᑕᐱᒡ, ᒋ ‍ ᐛᐸᑎᒧᒡ ᐊᓯᓂᔭ ᐊ ‍ ᐃᒐᑎᑎᐱᓇᑭᓄᔨᒂᓂ, ᐛᔅ ᓇᔅᒡ ᒋᒥᒐᐱᔅᒋᓯᔪᐛ ᐊᓂᔭ ᐊᓯᓂᔭ᙮
\v 5 ᒂ ‍ ᐱᒐᒡ ᐊᓂᔭ ᑲ ‍ ᐛᑎᒂᐱᔅᑲᐃᑭᓄᐎᒡ᙮ ᒋ ‍ ᐛᐱᒪᐅᒡ ᐅᔅᒋᓂᒋᓱᐛ ᐊᐱᔨᒋ ᒥᔪᓂᒡ ᐃᑕᒐ, ᐊ ‍ ᒋᔅᑭᒥᔨᒋ ᐊ ‍ ᐛᐸᔨᒡ ᐊ ‍ ᒋᓏᑭᓂᔨᒡ ᐊᑯᐱᔪᐤ, ᒋ ‍ ᓴᒋᓱᐅᒡ ᒪᒃ᙮
\p
\v 6 ᒋ ‍ ᐃᑎᑯᐅᒡ ᒪᒃ, “ᐊᑲᐎᔾ ᓴᒋᓯᒄ᙮ ᒋ ‍ ᓇᓂᑐᐛᔨᒪᐛᐤ ᒋᓴᔅ ᓇᓴᕆᑎᒡ ᑲ ‍ ᐅᒋᑦ, ᐊᓐ ᑲ ‍ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ᙮ ᒋ ‍ ᐅᓂᔅᑲᐤ, ᓇᒪ ᑕᐤ ᐅᑕ᙮ ᑭᓄᐛᐸᑎᒺᐧᒄ ᒪ ᐊᓐᑕ ᑲ ‍ ᐱᒥᓯᒪᑭᓄᐅᑦ᙮
\v 7 ᒪᒋᒄ ᒪᒃ, ᐎᑎᒧᒪᐧᑯ ᐅᒋᔅᒋᓄᐊᒧᐛᑭᓇ ᑭᔭ ᐱᑕᕐ ᐎᑎᒧᐛᐧᒄ, ᐊ ‍ ᓂᑲᓄᑕᔨᒋ ᒋᓴᓴ ᑲᓕᓕᒡ ᐊ ‍ ᐃᑐᑕᔨᒋ᙮ ᐊᑯᑕ ᐊᓐᑕ ᒐ ‍ ᐛᐱᒪᒄ, ᒧᔭᒻ ᑲ ‍ ᐃᑎᑕᒄ᙮”
\p
\v 8 ᐊᑯ ᒂ ‍ ᐎᐎᐸᔨᑐᒡ ᐊᓐᒡ ᐃᔎᐅᒡ ᐊᓂᔭ ᑲ ‍ ᐛᑎᒂᐱᔅᑲᐃᑭᓄᐎᒡ ᐊ ‍ ᓂᓇᒥᐱᔨᒡ ᑭᔭ ᐊ ‍ ᓴᒋᓯᒡ᙮ ᓇᒪ ᐊᐛᔪᐛ ᐅᒋ ᐃᔨᒥᐊᐅᒡ ᑲ ‍ ᐃᔅᐱᔅ ᒋ ‍ ᑯᔅᑕᒋᒡ᙮
\s1 ᒋᓴᔅ ᑲ ‍ ᓄᑯᓯᔅᑐᐛᑦ ᒪᕆ ᒪᒃᑕᓕᓇ
\r ᒪᑎᔪᐤ 28.9,10; ᒠᓐ 20.11-18
\p
\v 9 ᐃᔅᐱ ᒋᓴᔅ ᑲ ‍ ᐅᓂᔅᑲᑦ ᓂᐳᐅᓂᒡ ᐅᒡ ᐎᐱᒡ ᐊ ‍ ᒐᒋᓴᐸᔭᔨᒡ ᐊᓂᔭ ᓂᔅᑎᒻ ᐊ ‍ ᒋᓯᑲᔨᒡ ᒥᓐ ᒐ ᐊᑎ ‍ ᐱᒥᐱᔨᒡ ᒪᕆ ᒪᒃᑕᓕᓇ ᓂᔅᑎᒻ ᒋ ‍ ᓄᑯᓯᔅᑐᐛᐤ᙮ ᐊᔪᐅᒄ ᐅᔭ ᐃᔎᐛ ᑲ ‍ ᐎᐎᑎᓴᐅᒪᑦ ᓂᔄᐅᑕᒡ ᒥᒋ ‍ ᐊᒐᒂ ᐊᒋ ‍ ᐱᒋᔅᑲᑯᔨᒋ᙮
\v 10 ᒪᕆ ᒪᒃᑕᓕᓐ ᒪᒃ ᒋ ‍ ᐎᑎᒧᐛᐤ ᐊᓂᔭ ᐊᐛᔪᐛ ᑲᒋ ‍ ᐛᐎᒐᐛᔨᒋ ᒋᓴᓴ᙮ ᒋ ‍ ᓇᐧᑲᒋᒧᔪᐛ ᑭᔭ ᒋ ‍ ᒪᔪᐛ ᒋ ‍ ᑯᓯᑯᑕᔪᐛ ᑲ ‍ ᐅᑎᑕᑦ᙮
\v 11 ᐃᔅᐱ ᒪᒃ ᐱᔭᑐᐛᒡ ᐅᔭ ᐃᔎᐛ ᐊ ‍ ᐃᔅᒋᔄᔨᒋ ᐊ ‍ ᐱᒪᑎᓯᔨᒋ ᒋᓴᓴ ᑭᔭ ᐊᒋ ‍ ᐛᐱᒪᔨᒋ ᓇᒪ ᐅᒋ ᐎ ᑕᑈᑐᐛᐅᒡ᙮
\s1 ᒋᓴᔅ ᑲ ‍ ᓄᑯᓯᔅᑐᐛᑦ ᓂᓱ ᐅᒋᔅᒋᓄᐊᒧᐛᑭᓇ
\r ᓗᒃ 24.13-35
\p
\v 12 ᐸᑎᒪ ᒪᒃ ᒋᓴᔅ ᒋ ‍ ᓄᑯᓯᔅᑐᐛᐤ ᓂᓱ ᐅᒋᔅᒋᓄᐊᒧᐛᑭᓇ ᒪᒂᒡ ᐊ ‍ ᐱᒧᑕᔨᒋ ᐎᐎᑎᒥᒡ ᐊᓂᔭ ᒋᕈᓯᓕᒥᔪᐤ᙮ ᐃᔭᒡ ᒋ ‍ ᐃᓯᓇᑯᓱᐤ ᐊᓂᔭ ᑲ ‍ ᓄᑯᓯᔅᑐᐛᑦ᙮
\v 13 ᐃᔅᐱ ᑲ ‍ ᒋᐛᒡ, ᐊᑯ ᒂ ‍ ᐎᑎᒧᐛᒡ ᐊᓂᔭ ᑯᑎᑲ ᒋᔅᒋᓄᐊᒧᐛᑭᓇ ᒥᒄ ᒪᒃ ᓇᒪ ᐅᒋ ᐎ ᑕᑈᑕᑯᐅᒡ᙮
\s1 ᒋᓴᔅ ᑲ ‍ ᓄᑯᓯᔅᑐᐛᑦ ᐊᓂᔭᔪᐛ ᐸᐃᑯᓴᑉ ᐅᒋᔅᒋᓄᐊᒧᐛᑭᓇ
\r ᒪᑎᔪᐤ 28.16-20; ᓗᒃ 24.36-49; ᒠᓐ 20.19-23; ᐊᑈᔅᑕᓇᒡ 1.6-8
\p
\v 14 ᐸᑎᒪ ᒪᒃ, ᒋᓴᔅ ᒋ ‍ ᓄᑯᓯᔅᑐᐛᐤ ᐊᓂᔭ ᐸᐃᑯᓴᑉ ᒪᒂᒡ ᐊ ‍ ᒪᒧᒥᒋᓱᔨᒋ ᒥᒋᓱᐛᑭᓇᑎᑯᒡ᙮ ᒋ ‍ ᐊᓏᔨᒪᐤ ᒪᒃ ᐊᓂᔭ ᐊ ‍ ᐊᓏᑎᒥᔨᒋ ᑭᔭ ᐊ ‍ ᒥᔅᑯᐅᑕᐊᔨᒋ, ᐊᑲ ᐅᒋ ᐎ ᑕᑈᑐᐛᔨᒋ ᐊᓂᔭ ᒋᔅᒋᓄᐊᒧᐛᑭᓇ ᐊᓂᔭᔪᐛ ᑲ ‍ ᐛᐱᒥᑯᔨᒋ ᐸᑎᒪ ᑲ ‍ ᐅᓂᔅᑲᓇᑭᓄᐅᑦ᙮
\v 15 ᐊᑯ ᒂ ‍ ᐃᑕᑦ, “ᒪᒋᒄ ᒥᓯᐛ ᐊ ‍ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᒐ ‍ ᑭᒐᔅᒋᒧᔭᒄ ᐊ ‍ ᐛᐎᑎᒪᒄ ᐅ ᒥᔽᒋᒧᐅᓐ ᒥᓯᐛ ᐊᐛᓐ ᒐᒋ ᐸᑕᐧᒃ᙮
\v 16 ᐊᓐ ᐊᐛᓐ ᒐ ‍ ᑕᑈᑎᒧᒂ ᑭᔭ ᓯᑲᐃᑐᐛᑭᓄᒐ ᒋᑭ ‍ ᐱᒪᒋᐊᑭᓄᐤ, ᐊᑯ ᐊᓐ ᐊᐛᓐ ᒐ ᐊᑲ ‍ ᑕᑈᑎᒧᒂ ᒋᑭ ‍ ᓂᓱᐅᓇᒋᒪᑭᓄᐤ᙮
\v 17 ᑲ ‍ ᑕᑈᑕᒡ ᒋᑭ ‍ ᒥᔭᑭᓄᐎᒡ ᓱᐧᑲᑎᓯᐅᓂᔪᐤ ᒐᒋ ᐃᑐᑕᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ᙮ ᒥᒋ ‍ ᐊᒐᒂ ᒋᑭ ‍ ᐎᐎᑎᓴᐛᐅᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ‍ ᐊᐱᒋᑕᒡ ᑭᔭ ᓂᓇᐧᑯᐤ ᐃᔨᒧᐅᓇ ᒋᑭ ᐃᓯ ‍ ᐃᔨᒧᐅᒡ᙮
\v 18 ᐅᑎᓇᑥᐛ ᒋᓇᐱᒂ, ᒪᒃ ᒥᓂᑥᐛ ᒐᒂᔪᐤ ᐊ ‍ ᒥᒋᓂᑐᐧᑯᓄᐎᒡ ᓇᒪ ᒋᑭ ᐅᒋ ‍ ᐎᔭᔅᑐᑕᑯᐅᒡ᙮ ᑲ ‍ ᐊᐧᑯᓯᔨᒋ ᐊᐛᔪᐛ ᒋᑭ ‍ ᓴᒥᓇᐅᒡ ᑭᔭ ᒐ ‍ ᒥᓏᑎᓯᔨᒋ᙮”
\s1 ᒋᓴᔅ ᑲ ‍ ᐅᐱᔨᑦ
\r ᓗᒃ 24.50-53; ᐊᑈᔅᑕᓇᒡ 1.9-11
\p
\v 19 ᐸᑎᒪ ᒪᒃ ᒋᓴᔅ ᑲᒋ ᐃᓯ ‍ ᐃᔨᒪᐊᑦ ᐅᒋᔅᒋᓄᐊᒧᐛᑭᓇ, ᒋᒋᒋᓯᑯᒡ ᒋ ᐃᓯ ‍ ᐅᐱᔪᐤ᙮ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᑯᑕ ᑲ ᐃᓯ ‍ ᐛᐛᔨᐱᑦ᙮
\v 20 ᐊᑯ ᒪᒃ ᒋᔅᒋᓄᐊᒧᐛᑭᓐᒡ ᒥᓯᐛ ᒋ ‍ ᐃᑐᑕᐅᒡ ᐊ ‍ ᑭᒐᔅᒋᒧᒡ᙮ ᐅᑎᐸᔨᒋᒐᐛ ᒋ ‍ ᐎᒋᐃᑯᐅᒡ ᑭᔭ ᒋ ‍ ᐛᐸᑎᔨᐛᔪᐛ ᐊ ‍ ᑕᑈᒥᑭᓂᔨᒡ ᑕᓐ ᐊ ᐃᓯ ‍ ᑭᒐᔅᒋᒧᒡ ᐊᓂᔭ ᐅᒋ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᐊᒋ ‍ ᐃᑐᑕᒡ᙮ ᐊᒥᓐ᙮
\id LUK Adapted from ECree-S to Naskapi, 30 Nov 2004; Typeset export from CBS 8 May 2007
\h ᓗᒃ
\toc3 ᓗᒃ
\toc2 ᓗᒃ
\toc1 ᒥᔽᒋᒧᐅᓂᔪᐤ ᑲ ‍ ᒥᓯᓇᐊᐧᒃ ᓗᒃ
\mt2 ᒥᔽᒋᒧᐅᓂᔪᐤ ᑲ ‍ ᒥᓯᓇᐊᐧᒃ
\mt1 ᓗᒃ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᓗᒃ ᐊᓐ ᑲ ‍ ᒥᓯᓇᐊᐧᒃ ᐅᔭ ᒥᔽᒋᒧᐅᓂᔪᐤ ᒋ ‍ ᐎᒐᐛᐤ ᑈᓚ ᐊ ‍ ᐱᐸᒧᑕᔨᒋ ᒥᔽᒋᒧᐅᓂᔪᐤ᙮ ᒋ ‍ ᓂᑐᐧᑯᐃᓱᐤ ᐅ ᓗᒃ᙮ ᐊᓐᑕ ᐊᓂᔭ ᓂᔅᑎᒻ ᓇᐤ ᐊ ‍ ᐃᔨᒥᑕᑭᓄᔨᒋ ᐊ ‍ ᒋᒋᐱᔨᒡ ᐅ ᒥᔽᒋᒧᐅᓐ ᐎᑎᒻ ᓗᒃ ᐊᒋ ‍ ᒥᓯᓇᐊᐧᒃ ᐅᔭ ᒥᔽᒋᒧᐅᓂᔪᐤ ᒐᒋ ᒋᔅᒐᔨᑎᒪᐧᒄ ᑕᓐ ᐊᓐ ᑲ ‍ ᐃᑎᑦ ᑭᔭ ᑕᓐ ᑲ ‍ ᐃᔅᒋᔄᑦ ᒋᓴᔅ ᒪᒂᒡ ᑲ ‍ ᑕᑦ ᐊᓐᑕ ᐃᔅᕋᐃᓪ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ᙮ ᐊᑯᑕ ᐅ ᐊᑐᐎᔅ ᐛᑕᑭᓄᔨᒋ ᑕᓐ ᑲ ‍ ᐃᑎᑦ ᒋᓴᔅ ᑭᔭ ᑕᓐ ᑲ ᐊᑎ ‍ ᐃᑎᔅᑲᑐᒥᑭᓂᔨᒡ ᑕᓐ ᑲ ‍ ᐃᑎᑦ ᑭᔭ ᑕᓐ ᑲ ‍ ᐃᔅᒋᔄᑦ᙮ ᐊᔨᒧᑕᔪᐤ ᑭᔭ ᒋᓴᔅ ᑕᓐ ᐊᔅᐱᔅ ᓴᒋᐊᑦ ᒥᓯᐛ ᐊ ‍ ᐃᑎᔅᑲᓇᓯᔨᒋ ᑭᔭ ᒥᓯᐛ ᐊ ᐃᓯ ‍ ᐃᔨᒥᔨᒋ ᐊᐛᔪᐛ᙮ ᓇᒪ ᒥᒄ ᐊᓂᔭᔪᐛ ᑲ ‍ ᐛᔪᑎᓯᔨᒋ ᒪᒃ ᑲ ‍ ᒋᔅᑕᔨᑕᑯᓯᔨᒋ ᐅᒋ ᓴᒋᐊᐤ ᒋᓴᔅ᙮ ᐊᔪᐤ ᐊᓂᔭᔪᐛ ᑲ ‍ ᒋᔅᑎᒪᑎᓯᔨᒋ ᑭᔭ ᐊᑲ ᒥᔪ ‍ ᒋᔅᒐᔨᒪᑭᓄᔨᒋ ᒋ ‍ ᓴᒋᐊᐤ᙮
\c 1
\s1 ᐊ ‍ ᒋᒋᐱᔨᑕᑭᓄᐅᒡ
\p
\v 1 ᒋᔾ ᑎᔪᐱᓚᔅ, ᒋᑭ ‍ ᐊᔨᒧᑎᒪᑎᓐ ᐊᓐ ᒥᔽᒋᒧᐅᓐ ᑕᓐ ᑲ ᐃᓯ ‍ ᐱᒪᑎᓯᑦ ᒋᓴᔅ ᐅᑕ ᐊᔅᒋᒡ ᒪᒂᒡ ᐊ ‍ ᑕᔭᒡ ᑲ ‍ ᑕᑦ᙮ ᒥᒐᑦ ᐊᐛᓐᒋ ᒋ ‍ ᑯᒋᑕᐅᒡ ᒐᒋ ᒥᓯᓇᐊᒡ ᐊᓂᔭ ᑕᓐ ᑲ ᐃᓯ ‍ ᐱᒪᑎᓯᔨᒋ ᒋᓴᓴ᙮
\v 2 ᐊᔪᐅᒄ ᐅᔭ ᑲ ᐃᓯ ‍ ᐎᑎᒧᐎᒥᒡ ᐊᓐᒡ ᐊᐛᓐᒋ ᓂᔅᑎᒻ ᑲ ‍ ᐛᐱᒪᒡ ᑭᔭ ᑲ ‍ ᐸᑐᐛᒡ ᒋᓴᓴ᙮ ᐊᐅᑯᓐᒡ ᐊᓐᒡ ᑲ ‍ ᐎᑕᒡ ᒥᔽᒋᒧᐅᓂᔪᐤ᙮
\v 3 ᐊᑯ ᒪᒃ ᓇᔅᒡ ᐃᔭᒂ ᑲ ᓂᑐ ‍ ᑭᒐᔅᒐᔨᑎᒪᓐ ᐅᔭ ᒥᓯᐛ ᒐᒂᔪᐤ ᑕᓐ ᐊᓐ ᑲ ᐊᑎ ‍ ᐃᔅᐱᔨᒋ ᐅᔅᑭᒡ ᒐᒋᐱᔨᒋ᙮ ᐊᑯ ᒪᒃ ᑲ ‍ ᐃᑕᔨᑎᒥᐃᑯᔭᓐ ᒐ ‍ ᒥᔽᒂ ᑭᔭ ᓂᔾ ᒐᒋ ᒥᓯᓇᐊᒪᓐ ᐊ ‍ ᐎᑎᒪᑕᓐ ᒥᓯᐛ ᑕᓐ ᐊᓐ ᑲ ᐊᑎ ‍ ᐃᔅᐱᔨᒡ ᑭᔭ ᒐᒋ ᐃᑎᓴᐊᒪᑕᓐ ᓂᒥᓯᓇᐃᑭᓐ, ᒋᔾ ᑎᔪᐱᓚᔅ ᒪᐅᒡ ᒐᔅᑕᔨᑕᑯᓯᔨᓐ᙮
\v 4 ᐅ ᒪᒃ ᓂ ‍ ᐃᑐᑕᓐ ᒐᒋ ᒋᔅᒐᔨᑎᒥᓐ ᐊ ‍ ᑕᑈᒥᑲᒡ ᑕᓐ ᑲ ᐃᓯ ‍ ᒋᔅᑯᑎᒪᑯᔨᓐ ᐊᓐᑕ ᐅᑕᒡ᙮
\s1 ᐃᔅᐱ ᒠᓐ ᐅᓯᑲᐃᑕᒐᐤ ᒐ ‍ ᐱᒪᑎᓯᑦ
\p
\v 5 ᒪᒂᒡ ᐊᕈᑦ ᑲ ‍ ᒋᓴᐅᒋᒪᐅᑦ ᐊᓐᑕ ᒍᑎᔭ ᐊᔅᒋᒡ, ᒋ ‍ ᑕᐤ ᒍᐤ ᐊᔭᒥᐊᐅᒋᒪᐤ ᓴᑲᕋᔭ ᐊᒋ ‍ ᐃᓯᓂᐧᑲᓱᑦ᙮ ᐊᓂᔭ ᐊᐸᐃᒐ ᑲ ‍ ᐃᓯᓂᐧᑲᓱᔨᒋ ᐊᔭᒥᐊᐅᒋᒪᐛ ᐊ ‍ ᑕᔨᒋ ᐊᑯᑕ ᑲ ‍ ᐅᒋᑦ ᓴᑲᕋᔭ᙮ ᒋ ᐸᒋ ‍ ᒪᒥᔅᑯᒋᔅᑲᑐᐅᒡ ᐊᔭᒥᐊᐅ10 ᒋᒪᐅᒡ ᐊᓐᒡ ᐊᐸᐃᒐ ᐊ ‍ ᑕᔨᒋ ᑲ ‍ ᐅᒋᒡ᙮ ᐎᐛ ᒪᒃ ᐃᓕᓴᐸᑦ ᒋ ‍ ᐃᓯᓂᐧᑲᓱᔪᐛ᙮ ᐅ ᒪᒃ ᐃᓕᓴᐸᑦ ᐊᓐᑕ ᐊᕋᓐ ᑲ ‍ ᐃᓯᓂᐧᑲᓱᔨᒋ ᐊᔭᒥᐊᐅᒋᒪᐛ ᐊ ‍ ᑕᔨᒋ ᒋ ᐅᒋ ᐊᓂᔅᒐ ‍ ᐱᒪᑎᓯᐤ᙮
\v 6 ᓴᑲᕋᔭ ᑭᔭ ᐃᓕᓴᐸᑦ ᒋ ‍ ᑯᐃᔅᑯᑕᑎᓯᐅᒡ᙮ ᓇᔅᒡ ᒋ ‍ ᓂᓇᐃᑎᒺᐅᒡ ᐅᑎᐸᔨᒋᒐᐛ ᐅᑭᒐᔅᒋᒧᐅᓂᔪᐛ ᑭᔭ ᐅᑦ ᐃᑎᓱᐛᐅᓂᔪᐛ᙮ ᑭᔭ ᓇᔅᒡ ᒋ ‍ ᓇᐊᔨᑎᒥᐊᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᓯ ‍ ᐱᒪᑎᓯᒡ᙮
\v 7 ᓇᒪ ᒪᒃ ᐅᒋ ᐊᔭᐛᐅᒡ ᐊᐛᓴ ᐛᔅ ᐃᓕᓴᐸᑦ ᓇᒪ ᐅᒋ ᐊᔭᐛᐤ ᐊᐛᓴ, ᑭᔭ ᓴᔅ ᑕᐱᔅᑯᓐ ᒋ ‍ ᒋᓴᐃᔪᐅᒡ᙮
\p
\v 8 ᐊᓐᒡ ᒪᒃ ᐊᔭᒥᐊᐅᒋᒪᐅᒡ ᒪᒥᔅᑯᒡ ᒋ ‍ ᐊᑐᔅᒐᐅᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᐸᐃᒂᐤ ᒪᒃ ᒪᒂᒡ ᐊᓐᑕ ᐊᒋ ‍ ᐅᑎᒋᐱᔨᒡ ᐎᔾ ᓴᑲᕋᔭ ᒂᔅᒋᐱᓐ ᒐᒋ ᐊᑐᔅᒐᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮
\v 9 ᒋ ‍ ᐅᑎᓇᑭᓄᐤ ᒐᒋ ᓯᔅᑲᐊᒃ ᑲ ‍ ᐎᒋᒪᔅᑕᔨᒋ ᒐᒂᔪᐛ ᐊᓐᑕ ᑲᒋ ‍ ᒥᑐᔅᑕᐊᒪᓄᐎᒡ, ᐛᔅ ᐊᐅᑯᓐ ᑲᒋ ᐃᓯ ‍ ᓂᓇᑭᑐᐛᔨᑕᒡ ᐊᔭᒥᐊᐅᒋᒪᐅᒡ᙮ ᐊᑯ ᒪᒃ ᒂ ‍ ᐱᒐᑦ ᐊᓐᑕ ᐅᑎᐸᔨᒋᒐᐛ ᐅᒋᓴᐊᔭᒥᐊᐅᒋᐛᐱᒡ ᒐᒋ ᓯᔅᑲᐊᒃ ᑲ ‍ ᐎᒋᒪᔅᑕᔨᒋ᙮
\v 10 ᒪᒂᒡ ᒪᒃ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ‍ ᑕᑦ ᓴᑲᕋᔭ, ᐎᐎᑎᒥᒡ ᐊᓐᑕ ᒋ ‍ ᑕᐅᒡ ᐊᓐᒡ ᐃᔪᒡ ᐊ ‍ ᒪᒧᐤ ᐊᔭᒥᐊᒡ᙮
\p
\v 11 ᓴᑲᕋᔭ ᒪᒃ ᒋ ‍ ᓄᑯᓯᔅᑕᑯᐤ ᐅᑎᐸᔨᒋᒐᐛ ᐅᑦ ᐊᓐᒋᓂᒥᔪᐛ, ᐊᓐᑕ ᐅᒥᔪᐅᓂᒡ ᐊᓐᑕ ᐊᓂᔭ ᐱᔅᑎᓂᒐᐅᓇᐱᔅᑯᒡ ᐊᓐᑕ ᑲᒋ ‍ ᐃᔎᓯᑭᓄᐎᒡ ᑲᐎᒋᒪᑯᓯᔨᒡ ᐊᑯᑕ ᑲ ‍ ᓂᐳᔨᒋ᙮
\v 12 ᐃᔅᐱ ᒪᒃ ᓴᑲᕋᔭ ᐎᔭᐱᒪᑦ ᐊᓂᔭ ᐊᓐᒋᓇ ᒋ ‍ ᑯᔅᑯᐱᔪᐤ ᑭᔭ ᓇᔅᒡ ᒋ ‍ ᓴᒋᓱᐤ᙮
\v 13 ᐊᑯ ᒂ ‍ ᐃᑎᑯᑦ ᐊᓂᔭ ᐊᓐᒋᓇ, “ᐊᑲᐎᔾ ᓴᒋᓯ, ᓴᑲᕋᔭ, ᐛᔅ ᔅᒋ ‍ ᐸᑕᒄ ᒋᓴᒪᓂᑐᐤ ᑕᓐ ᑲ ᐃᓯ ‍ ᓂᑐᑎᒧᐅᑦ᙮ ᒋᐅ ᐃᓕᓴᐸᑦ ᒋᑭ ‍ ᐊᔭᐛᐤ ᐊᐛᓴ, ᒋᑭ ‍ ᓇᐸᓯᐎᔪᐛ᙮ ᒠᓐ ᒪᒃ ᒋᑭ ‍ ᐃᓯᓂᐧᑲᑕᐤ ᐊᓐ ᐊᐛᔅ᙮
\v 14 ᓇᔅᒡ ᒪᒃ ᒋᑭ ‍ ᒥᔽᔨᑕᓇᐛᐤ ᑭᔭ ᓇᔅᒡ ᒋᑭ ‍ ᓯᒋᔭᔨᑕᓇᐛᐤ᙮ ᒥᒐᑦ ᑭᔭ ᐊᐛᓐᒋ ᒋᑭ ‍ ᒥᔽᔨᑎᒧᒡ ᐃᔅᐱ ᐱᒪᑎᓯᔨᒐᓂ᙮
\v 15 ᐅᑎᐸᔨᒋᒐᐛ ᒋ ‍ ᐅᑎᓂᑯᐤ ᐊᓐ ᐊᐛᔅ ᐛᔅ ᒋᔅᑕᔨᑕᑯᓂᔪᐤ ᑕᓐ ᐛ ᐃᑕᐱᒋᐃᑯᑦ᙮ ᓇᒪ ᓂᑕ ᒋᑭ ᐅᒋ ‍ ᒥᓄᐤ ᓱᒥᓇᐳᔪᐤ ᑭᔭ ᐃᔅᑯᑕᐛᐳᔪᐤ᙮ ᐛᔅ ᑲ ‍ ᐸᔭᒋᓯᔨᒋ ᐊᒐᒂ ᓇᔅᒡ ᒋᑭ ‍ ᐱᒥᐱᔨᐃᑯᐤ ᐊᑎ ᐊᔅᒄ ᒪᒂᒡ ᐅᑲᐎᔭ ᑭᓄᐛᔨᒥᑯᒐ ᐅᔅᐱᔭᔨᒡ᙮
\v 16 ᒥᒐᑦ ᒪᒃ ᐃᔅᕋᐃᓪ ᐃᔪᐛ ᒋᑭ ‍ ᐃᑐᑐᐛᐤ ᒐᒋ ᒂᔅᑲᑎᓯᔨᒋ, ᑲᐤ ᒐᒋ ᓂᓇᐃᑐᐛᔨᒋ ᐅᑎᐸᔨᒋᒐᐛ, ᐅᒋᓴᒪᓂᑐᒥᔪᐛ᙮
\v 17 ᒠᓐ ᒪᒃ ᒋᑭ ‍ ᓂᑲᓂᑎᓯᐛᑭᓄᐤ ᒐᒋ ᐎᒋᐊᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᒐᒋ ᐊᔭᔅᑯᐎᔨᒋ ᑎᑯᓯᓂᔨᒐ ᐅᑎᐸᔨᒋᒐᐛ᙮ ᒋᑭ ‍ ᐊᔭᐛᐤ ᐊᓂᔭ ᐊᒐᒂ ᑲ ‍ ᐱᒥᐱᔨᐃᑯᔨᒋ ᐊᓂᔭᐧᑲ ᐃᓚᐃᒐ ᑲ ‍ ᐃᓯᓂᐧᑲᓱᔨᒋ ᒋᓴᒪᓂᑐᐛ ᑲᒋ ‍ ᐊᔨᒥᔅᑎᒧᐛᔨᒋ ᑭᔭ ᐊᓂᔭ ᓱᐧᑲᑎᓯᐅᓂᔪᐤ ᑕᓐ ᑲ ᐃᓯ ‍ ᐊᔭᔨᒋ, ᐊᐅᑯᓐ ᑭᔭ ᐎᔾ ᒐ ᐃᓯ ‍ ᐊᔭᑦ᙮ ᒋᑭ ‍ ᐃᑐᑐᐛᐤ ᐅᑕᐎᒪᐛ ᑲ ‍ ᒥᒋᐱᔨᐃᑐᔨᒋ ᐅᑦ ᐊᐛᓯᒥᔪᐛ ᒥᓐ ᑲᐤ ᒐᒋ ᓴᒋᐃᑐᔨᒋ᙮ ᑭᔭ ᐊᓂᔭ ᐊᑲ ᑯᐃᔅᑯᑕᑎᓯᔨᒋ ᒋᑭ ‍ ᐃᑐᑐᐛᐤ ᒐᒋ ᐃᓯ ‍ ᑭᒐᑕᐛᔨᑎᒥᔨᒋ ᑕᐱᔅᑯᓐ ᐊᓂᔭ ᑲ ‍ ᑯᐃᔅᑯᑕᑎᓯᔨᒋ᙮ ᐊᔪᐅᒄ ᐅᔭ ᒐ ‍ ᐊᐃᑎᑦ ᒠᓐ ᒐᒋ ᐊᔭᔅᑯᐎᐊᑦ ᐊᐛᔪᐛ ᒐᒋ ᓂᒋᐊᔨᒋ ᐅᑎᐸᔨᒋᒐᐛ᙮” ᐊᐅᒄ ᒪᒃ ᐅᔭᔪᐤ ᑲ ᐃᓯ ‍ ᐎᑎᒪᑯᑦ ᓴᑲᕋᔭ ᐊᓂᔭᔪᐛ ᐊᓐᒋᓇ᙮
\p
\v 18 ᓴᑲᕋᔭ ᒪᒃ ᒋ ‍ ᐃᑕᐤ ᐊᓂᔭ ᐊᓐᒋᓇ, “ᑕᓐᑕ ᒪᒃ ᒐᒋ ᐅᒋ ‍ ᒐᔅᑎᓇᐅᔭᓐ ᐊ ‍ ᑕᑈᒥᑲᒡ ᐅ ᑲ ᐃᓯ ‍ ᐎᑎᒧᔨᓐ, ᓴᔅ ᒪᒃ ᐊ ‍ ᒋᓴᐃᔪᐎᔭᓐ ᑭᔭ ᓂᐅ ᓴᔅ ᐊ ‍ ᒋᓴᐃᔎᐅᑦ ?”
\p
\v 19 ᐊᑯ ᐊᓂᔭ ᐊᓐᒋᓇ ᒂ ‍ ᐃᔨᒥᔨᒋ, ᐊ ‍ ᐃᑎᑯᑦ, “ᐊᐅᒄ ᓂᔾ ᑲᑉᕆᔭᓪ, ᐅᑎᔅᑯᐤ ᒋᓴᒪᓂᑐᐤ ᐊ ‍ ᑕᑦ ᓂ ‍ ᓂᐳᐅᓐ ᐊ ‍ ᐊᑐᔅᑯᐅᒃ᙮ ᓂᒋ ᐸᒋ ‍ ᐃᑎᓴᐅᒄ ᒐᒋ ᐎᑎᒪᑕᓐ ᐅ ᒥᔽᒋᒧᐅᓐ᙮
\v 20 ᐊᑯ ᒪᒃ ᓂᑐᑕ, ᓇᒪ ᒋᑭ ᒋ ‍ ᐃᔨᒥᓐ ᐸᑐᔅ ᒋ ‍ ᐃᔅᐱᔨᒐ ᑕᓐ ᑲ ᐃᓯ ‍ ᐎᑎᒪᑕᓐ᙮ ᐊᐅᒄ ᐅ ᒐ ‍ ᐃᔅᐱᔨᓐ ᐊᑲ ᐅᒋ ᑕᑈᑐᐎᔨᓐ ᑕᓐ ᑲ ᐃᓯ ‍ ᐎᑎᒪᑕᓐ᙮”
\p
\v 21 ᐊᓐᒡ ᒪᒃ ᐃᔪᒡ ᒋ ‍ ᐊᓱᐛᐱᒪᐅᒡ ᓴᑲᕋᔭᔨᒋ ᒐ ‍ ᐃᔅᐱᔅ ᐸᒋ ‍ ᐎᐎᔨᒋ᙮ ᐊᑯ ᑲ ‍ ᒪᒥᑐᓇᔨᑎᒥᐃᑯᒡ ᒐᒂᔪᐤ ᐛᒋ ‍ ᓇᔅᒡ ᓇᐅᔅ ᑕᔨᒋ ᐊᓐᑕ ᐱᑎᑭᒥᒡ᙮
\v 22 ᐃᔅᐱ ᒪᒃ ᐱᔭᒋ ‍ ᐎᐎᑦ ᓴᑲᕋᔭ ᓇᒪ ᐅᒋ ᐃᔨᒧᐤ᙮ ᐊᑯ ᐊᓐᒡ ᐃᔪᒡ ᑲ ‍ ᒋᔅᒐᔨᑕᒡ ᐛᐸᑎᔨᐛᐅᓂᔪᐤ ᐊᒋ ‍ ᐛᐸᑎᔭᑭᓄᔨᒋ ᐱᑎᑭᒥᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᒥᒄ ᒋ ‍ ᐃᓯᓂᔅᒐᐱᔪᐤ ᓴᑲᕋᔭ ᒐᒂᔪᐤ ᐊ ᐎ ‍ ᐃᔅᒋᔄᑦ ᐊᑲ ᑲ ᐅᒋ ‍ ᐃᔨᒥᑦ᙮
\p
\v 23 ᐃᔅᐱ ᒪᒃ ᑲᒋ ᐃᓯ ‍ ᐊᑐᔅᒐᑦ ᓴᑲᕋᔭ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊᑯ ᒂ ‍ ᒋᐛᑦ᙮
\v 24 ᐎᐱᒡ ᒪᒃ ᑕᑈ ᒋ ‍ ᑭᓄᐛᔨᒪᐅᓱᔪᐛ ᐊᓂᔭ ᐎᐛ ᐃᓕᓴᐸᑕ᙮ ᐱᑕᑕᒡ ᑕᑐᐤ ᐱᓯᒺ ᒪᒃ ᒋ ‍ ᑲᓱᔅᑎᐛᔪᐛ ᐃᔪᐛ᙮
\v 25 ᐊᑯ ᐃᓕᓴᐸᑦ ᒂ ‍ ᐃᔅᒋᔄᑦ, “ᓂᒋ ‍ ᓴᒂᔨᒧᓐ ᐊᑲ ᐅᒋ ᐊᔪᐛᒃ ᐊᐛᔅ, ᒥᒄ ᒪᒃ ᓂᒋ ‍ ᐃᑐᑎᒪᒄ ᐅᑎᐸᔨᒋᒐᐤ ᒐᒋ ᐊᔭᐅᒥᒋ ᐊᐛᓴ, ᑭᔭ ᓇᒪ ᓂᑭ ᐅᒋ ‍ ᓴᒂᔨᒧᓐ᙮”
\s1 ᒪᕆ ᑲ ‍ ᓄᑯᓯᔅᑕᑯᑦ ᐊᓐᒋᓇ
\s2 Luke 1.26-38 (Advent-4 Year B)
\p
\v 26 ᐃᔅᐱ ᒪᒃ ᐊᓱᑕᒡ ᑕᑐᐤ ᐱᓯᒺ ᑲ ‍ ᐃᔅᐱᔅ ᑭᓄᐛᔨᒪᐅᓱᑦ ᐃᓕᓴᐸᑦ, ᒋᓴᒪᓂᑐᐤ ᒋ ‍ ᐃᑎᓴᐛᐤ ᐊᓂᔭ ᐊᓐᒋᓇ ᑲᑉᕆᔭᓪ ᑲ ‍ ᐃᓯᓂᐧᑲᓱᔨᒋ ᐊᓐᑕ ᑲᓕᓕ ᐊᔅᒋᒡ, ᐊᓐᑕ ᓇᓴᕆᑦ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ᙮
\v 27 ᐊᓐ ᐊᓐᒋᓐ ᒋ ‍ ᐃᑎᓴᐛᑭᓄᐤ ᒐᒋ ᓂᑐᐛᐱᒪᑦ ᐅᔅᒋᓂᒋᔎᐛ ᒪᕆ ᐊ ‍ ᐃᓯᓂᐧᑲᓱᔨᒋ᙮ ᒪᕆ ᒪᒃ ᒋᐸ ‍ ᓂᐳᐅᐤ ᐊᓂᔭ ᒍᓯᑉ ᑲ ‍ ᐃᓯᓂᐧᑲᓱᔨᒋ ᓇᐸᐛ ᒐᒋ ᐎᒋᒪᑦ᙮ ᐅ ᒪᒃ ᒍᓯᑉ, ᒋ ‍ ᐊᓂᔅᒐ ᐅᒧᓱᒧᐤ ᐊᓂᔭ ᒋᓴᐅᒋᒪᐛ ᑎᐱᑦ ᑲ ‍ ᐃᓯᓂᐧᑲᓱᔨᒋ᙮
\v 28 ᒋ ‍ ᓂᑐᐛᐱᒥᑯᐤ ᒪᒃ ᒪᕆ ᐊᓂᔭ ᐊᓐᒋᓇ ᐊᑯ ᒂ ‍ ᐃᑎᑯᑦ, “ᒋᔭᒪᔨᑕ, ᐛᔅ ᐅᑎᐸᔨᒋᒐᐤ ᒋ ‍ ᐎᒐᐅᒄ᙮ ᒋᓴᒪᓂᑐᐤ ᒥᔅᑎ ᒋ ‍ ᓱᐛᔨᒧᒄ᙮”
\p
\v 29 ᒪᕆ ᒪᒃ ᒋ ‍ ᓴᒋᓱᐤ ᑭᔭ ᒋ ‍ ᒥᔅᑲᑕᔨᑎᒥᐃᑯᐤ ᐅᔭ ᑕᓐ ᑲ ‍ ᐃᑕᑭᓄᐅᑦ ᑭᔭ ᒋ ‍ ᒪᒥᑐᓇᔨᑎᒥᐃᑯᐤ ᐊᓂᔭ ᑕᓐ ᑲ ᐃᓯ ‍ ᐎᑎᒪᑯᑦ ᐊᓂᔭᔪᐛ ᐊᓐᒋᓇ᙮
\v 30 ᒋ ‍ ᐃᑎᑯᐤ ᐊᓂᔭ ᐊᓐᒋᓇ, “ᐊᑲᐎᔾ ᓴᒋᓯ ᒪᕆ, ᐛᔅ ᒋᓴᒪᓂᑐᐤ ᒋᒋᐛ ᒋ ‍ ᓱᐛᔨᒧᒄ᙮
\v 31 ᒋᑭ ‍ ᑭᓄᐛᔨᒪᐅᓱᓐ, ᓇᐸᔅ ᒋᑭ ‍ ᐊᔭᐛᐤ᙮ ᒋᓴᔅ ᒋᑭ ‍ ᐃᓯᓂᐧᑲᑕᐤ᙮
\v 32 ᓇᔅᒡ ᑕᑈ ᒋᑭ ‍ ᒋᔅᑕᔨᑕᑯᓱᐤ᙮ ᒋᓴᒪᓂᑐᐤ ᒪᐅᒡ ᑲ ‍ ᐃᔅᐸᔨᑕᑯᓯᑦ ᐅᑯᓴ, ᐊᑯᓐ ᒐ ‍ ᐃᓯᓂᐧᑲᑕᑭᓄᐅᑦ᙮ ᐛᔅ ᐅᑎᐸᔨᒋᒐᐛ ᒋᓴᒪᓂᑐᐛ ᒋᑭ ‍ ᒋᓴᐅᒋᒪᐅᐃᑯᐤ ᐊᓐᑕ ᐃᔅᕋᐃᓪ ᐊᔅᒋᒡ ᒧᔭᒻ ᑲ ᐃᓯ ‍ ᒋᓴᐅᒋᒪᐅᐊᑭᓄᔨᒋ ᐊᓂᔭᐧᑲ ᐅᑦ ᐊᓂᔅᒐ ᐅᒧᓱᒪ ᑎᐱᑦ ᑲ ‍ ᐃᓯᓂᐧᑲᓱᔨᒋ᙮
\v 33 ᓇᓂᑎᒻ ᒋᑭ ‍ ᐊᔭᐤ ᑎᐸᔨᒋᒐᐅᓂᔪᐤ ᐃᔅᕋᐃᓪ ᐃᔪᐛ ᒐᒋ ᒋᓴᐅᒋᒪᐅᑐᑐᐛᑦ᙮ ᐊᑯ ᒪᒃ ᐊᓂᔭ ᐊ ‍ ᑎᐸᔨᒋᒐᑦ ᓇᒪ ᓂᑕ ᒋᑭ ᐅᒋ ‍ ᐃᔎᐱᔨᔪᐤ᙮”
\p
\v 34 ᐊᑯ ᒪᕆ ᒂ ‍ ᐃᑕᑦ ᐊᓂᔭ ᐊᓐᒋᓇ, “ᑕᓐᑕ ᒐᒋ ᐅᒋ ‍ ᐃᔅᐱᔨᒡ ᐅ, ᐊᑲ ᒪᒃ ᓂᑕ ᐅᒋ ᐸᓱᐛᐱᒥᒃ ᓇᐸᐤ ?”
\p
\v 35 ᐊᑯ ᒂ ‍ ᐃᑎᑯᑦ ᐊᓂᔭ ᐊᓐᒋᓇ, “ᑲ ‍ ᐸᔭᒋᓯᑦ ᐊᒐᐧᒄ ᒋᑭ ‍ ᐅᑎᑎᒄ, ᒋᓴᒪᓂᑐᐤ ᒪᐅᒡ ᐊ ‍ ᐃᔅᐸᔨᑕᑯᓯᑦ, ᐅᓱᐧᑲᑎᓯᐅᓂᒡ ᐊᑯᑕ ᒐ ᐅᒋ ‍ ᑭᓄᐛᔨᒪᐅᓱᔨᓐ᙮ ᐊᐅᒄ ᒪᒃ ᒐ ᐅᒋ ‍ ᐃᓯᓂᐧᑲᑕᑭᓄᐅᑦ ᐊᓐ ᐊᐛᔅ ᒐ ‍ ᐱᒪᑎᓯᑦ ᑲ ‍ ᐸᔭᒋᓯᑦ, ᒋᓴᒪᓂᑐᐤ ᐅᑯᓴ ᒋᑭ ‍ ᐃᓯᓂᐧᑲᑕᑭᓄᐤ᙮”
\v 36 ᑭᔭ ᒋ ‍ ᐃᑎᑯᐤ ᒪᕆ ᐊᓂᔭ ᐊᓐᒋᓇ, “ᐛᐛᒡ ᒋᐧᑲᓂᔅ ᐃᓕᓴᐸᑦ, ᓇᒪ ᒋᑭ ᒋ ‍ ᐊᔭᐛᐤ ᐊᐛᓴ ᑲ ‍ ᐃᑕᑭᓄᐅᑦ, ᓴᔅ ᐊᓱᑕᒡ ᑕᑐᐤ ᐱᓯᒺ ᑭᓄᐛᔨᒪᐅᓱᐤ, ᐊᑎ ᒪᒃ ᓴᔅ ᐊ ‍ ᒋᓴᐃᔎᐅᑦ᙮
\v 37 ᓇᒪ ᑎᑯᓂᔪᐤ ᒐᒂᔪᐤ ᒋᓴᒪᓂᑐᐤ ᒐ ᐊᑲ ᒋ ᐃᑐᑕᐧᒃ᙮”
\p
\v 38 ᐊᑯ ᒪᕆ ᒂ ‍ ᐃᑕᑦ ᐊᓂᔭ ᐊᓐᒋᓇ, “ᓴᔅ ᓂᑭ ‍ ᐊᔭᔅᑯᐎᔨᓐ ᑕᓐ ᒐ ‍ ᐃᑕᐱᒋᐃᑦ ᐅᑎᐸᔨᒋᒐᐤ᙮ ᒋᑭ ‍ ᐃᔅᐱᔪᐤ ᐊᓐ ᑲ ‍ ᐃᔅᒋᔄᔨᓐ᙮” ᐊᑯ ᒪᒃ ᒂ ‍ ᓂᑭᑎᑯᑦ ᐊᓂᔭ ᐊᓐᒋᓇ᙮
\s1 ᒪᕆ ᑲ ‍ ᒧᐱᔅᑐᐛᑦ ᐎᐧᑲᓂᓴ ᐃᓕᓴᐸᑕ
\s2 Luke 1.39-55 (Advent-4 Year C)
\p
\v 39 ᐸᑎᒪ ᒪᒃ, ᒪᕆ ᒋ ‍ ᐃᑐᑕᐤ ᐊ ᐎ ‍ ᒋᓯᐱᔨᑦ ᐊᓐᑕ ᐊᓂᔭ ᐅᑕᓇᔪᐤ ᐊᓐᑕ ᐊ ‍ ᐛᐛᑭᑕᐅᐧᑲᔨᒡ ᒍᑎᔭ ᐊᔅᒋᒡ ᑲ ‍ ᑎᑯᓂᔨᒡ᙮
\v 40 ᓴᑲᕋᔭ ᐎᒋᔨᒡ ᒋ ‍ ᐱᒐᐤ ᐊᑯ ᒂ ‍ ᐛᒋᔭᒪᑦ ᐊᓂᔭ ᐃᓕᓴᐸᑕ᙮
\v 41 ᐃᔅᐱ ᒪᒃ ᐃᓕᓴᐸᑦ ᑲ ‍ ᐛᒋᔭᒥᑯᑦ ᒪᕆᔨᒋ ᒋ ‍ ᒧᓯᐊᐤ ᐊ ᐅᒋ ‍ ᔭᔭᒋᔨᒋ ᐅᑦ ᐊᐛᓯᒪ᙮ ᐊᑯ ᐃᓕᓴᐸᑦ ᑲ ‍ ᓴᑭᔅᒋᓇᔅᑲᑯᑦ ᑲ ‍ ᐸᔭᒋᓯᔨᒋ ᐊᒐᒂ᙮
\v 42 ᒂ ‍ ᐃᑕᑦ ᐊᓂᔭ ᒪᕆᔨᒋ ᐊ ‍ ᒋᔄᐛᑦ, “ᒋᔾ ᒪᐅᒡ ᒋ ‍ ᓱᐛᔨᒧᒄ ᒋᓴᒪᓂᑐᐤ ᐊ ‍ ᑎᓯᒡ ᐃᔎᐅᒡ, ᑭᔭ ᓇᔅᒡ ᑕᑈ ᓱᐛᔨᑕᑯᓱᐤ ᐊᓐ ᐊᐛᔅ ᒐ ‍ ᐊᔭᐅᑦ᙮
\v 43 ᓂ ‍ ᒥᔅᑲᑕᔨᑕᓐ ᒪᒃ ᒐᒂᓐ ᓂᔾ ᐛᒋ ‍ ᐸᒋ ‍ ᒧᐱᔅᑐᐎᓐ ᓂᑎᐸᔨᒋᒐᓯᒻ ᐅᑲᐎᔭ ?
\v 44 ᐃᔅᐱ ᑲ ᐸᒋ ‍ ᐛᒋᔭᒥᔨᓐ ᐊᓐ ᓂᑦ ᐊᐛᓯᒻ ᒋ ᐅᒋ ‍ ᐊᔭᒋᐤ ᐊ ‍ ᒥᔽᔨᑕᐧᒃ᙮
\v 45 ᑕᓐ ᒋᑦ ᐃᔅᐱᔅ ᓱᐛᔨᑕᑯᓯᓇᒐ ᐛᔅ ᓇᔅᒡ ᔅᒋ ‍ ᑕᑈᑎᒺᓐ ᑕᓐ ᑲ ᐃᓯ ‍ ᐎᑎᒪᔅᒃ ᐅᑎᐸᔨᒋᒐᐤ ᐅᑦ ᐊᓐᒋᓇᒪ ᒐ ‍ ᐃᔅᐱᔨᒡ᙮”
\s1 ᒪᕆ ᑲ ‍ ᒪᒥᒋᒪᑦ ᒋᓴᒪᓂᑐᐛ
\s2 Luke 1.46-55 (Advent-4 Year B)
\p
\v 46 ᐊᑯ ᒪᕆ ᒂ ‍ ᐃᔅᒋᔄᑦ,
\q “ᓂ ‍ ᒪᒥᒋᒪᐤ ᐅᑎᐸᔨᒋᒐᐤ ᓂᑦ ᐊᒐᐧᑯᒡ,
\q
\v 47 ᑭᔭ ᓇᔅᒡ ᑕᑈ ᓂ ‍ ᓯᒋᔭᓯᓐ ᐊ ‍ ᒪᒥᑐᓇᔨᑎᒥᐃᑯᐅᒡ ᐊᓂᔭᔪᐛ ᑕᓐ ᑲ ᐃᓯ ‍ ᐃᑐᑎᒧᐅᑦ ᒋᓴᒪᓂᑐᐤ ᓂᐱᒪᒋᐃᐛᒻ᙮
\q
\v 48 ᐛᔅ ᒋ ‍ ᓂᓇᑭᑐᐛᐸᑎᒧᐛᐤ ᐅᑦ ᐊᐱᒋᐊᑭᓂᔎᒪ ᐅᑎᐱᑕᔨᑕᑯᓱᐅᓂᔪᐤ᙮ ᑕᓐ ᒐ ᐃᔅᐱᔅ ᐊᓂᔅᒐ ‍ ᐱᒪᑎᓯᐛᒂ ᐃᔪᒡ ᐊᓐᑕ ᐃᔅ ᓂᔅᑕᒥᒡ ᒋᑭ ‍ ᐊᔨᒧᑎᒧᒡ ᑕᓐ ᑲ ᐃᔅᐱᔅ ‍ ᓱᐛᔨᒥᑯᐎᒡ᙮
\q
\v 49 ᐛᔅ ᒋᓴᒪᓂᑐᐤ ᑲ ‍ ᓱᐧᑲᑎᓯᑦ ᒪᒥᔅᑲᒡ ᓂᒋ ᐃᓯ ‍ ᒥᔪᑐᑎᒪᒄ ᑭᔭ ᒋᔅᑕᔨᑕᑯᓂᔪᐤ ᐅᑦ ᐃᓯᓂᐧᑲᓱᐅᓐ᙮
\q
\v 50 ᒧᔅ ᓱᐛᔨᒪᐤ ᐊᓂᔭ ᐊᐛᔪᐛ ᑲ ‍ ᓇᓂᒋᔅᑕᑯᑦ, ᐊᐅᑯᓐ ᒧᔅ ᑲ ᐸᒋ ‍ ᐃᑎᑦ ᑭᔭ ᐊᐅᑯᓐ ᒧᔅ ᒐ ‍ ᐃᑎᑦ᙮
\q
\v 51 ᒋ ‍ ᐛᐸᑎᔨᐛᐤ ᑕᓐ ᐊᔅᐱᔅ ᓱᐧᑲᑎᓯᑦ᙮ ᑭᔭ ᒋ ‍ ᐃᒐᑎᓴᐛᐤ ᐊᓂᔭᔪᐛ ᐊᐛᔪᐛ ᓇᔅᒡ ᑲ ‍ ᒋᔅᑕᔨᒥᓱᔨᒋ ᑭᔭ ᓇᒪ ᐅᒋ ᐃᑐᑎᒥᔪᐛ ᐊᓂᔭᔪᐛ ᒐᒂᔪᐛ ᑲ ‍ ᐃᑕᔨᑎᒥᐃᑯᔨᒋ ᒐᒋ ᐃᑐᑎᒥᔨᒋ᙮
\q
\v 52 ᐅᑦ ᐊᐳᐅᓂᔨᒡ ᒋ ᐅᒋ ‍ ᓂᑎᓇᐤ ᐊᓂᔭ ᓇᔅᒡ ᑲ ‍ ᐅᒋᒪᐛᔨᑕᑯᓯᔨᒋ ᒋᓴᐅᒋᒪᐛ ᐊᑯ ᑲ ‍ ᒋᔅᑕᔨᑕᑯᐊᑦ ᐊᓂᔭ ᑲ ‍ ᑎᐱᑕᔨᑕᑯᓯᔨᒋ᙮
\q
\v 53 ᒋ ‍ ᐛᔪᒡ ᒥᔭᐤ ᑕᓐ ᐊ ᐃᓯ ‍ ᓂᑐᐛᔨᑎᒥᔨᒋ ᐊᓂᔭ ᑲ ‍ ᒋᔅᑎᒪᑎᓱᔨᒋ ᐊᑯ ᐊᓂᔭᔪᐛ ᑲ ‍ ᐛᔪᑎᓯᔨᒋ ᒋ ‍ ᐃᒐᑎᓴᐛᐤ ᐊᑲ ᒐᒂᔪᐤ ᐊᔭᔨᒋ᙮
\q
\v 54 ᒋ ‍ ᐎᒋᐊᐤ ᐃᔅᕋᐃᓪ ᐃᔪᐛ, ᒧᔅ ᐊᒋ ‍ ᒋᔅᒋᓯᑦ ᑕᓐ ᐊ ᐃᓯ ‍ ᒋᔅᑎᒪᒐᔨᒪᑦ᙮
\q
\v 55 ᒋ ‍ ᒋᔅᒋᓱᐤ ᑕᓐ ᒐ ᐃᓯ ‍ ᑲᒋᒡ ᒋᔅᑎᒪᒐᔨᒪᑦ ᐊᑉᕋᐊᒪ ᑭᔭ ᐊᓂᔅᒐ ᐅᑦ ᐊᐛᓯᒥᔪᐛ᙮”
\m
\v 56 ᐊᐅᒄ ᒪᒃ ᐅᔭ ᒥᓯᐛ ᑲ ‍ ᐃᔅᒋᔄᑦ ᒪᕆ᙮
\p ᐊᑯ ᒪᒃ ᐊᑯᑕ ᑲ ‍ ᑕᑦ ᐊᓐᑕ ᐃᓕᓴᐸᑕ ᐎᒋᔨᒡ᙮ ᓂᔅᑐ ᐱᓯᒺ ᒋ ‍ ᐎᒋᒪᐤ, ᐊᑯ ᒂ ‍ ᒋᐛᑦ᙮
\s1 ᑲ ‍ ᐱᒪᑎᓯᑦ ᒠᓐ ᐅᓯᑲᐃᑕᒐᐤ
\p
\v 57 ᒐᒃ ᒋ ‍ ᐅᑎᒋᐱᔪᐤ ᐃᓕᓴᐸᑦ ᒐ ‍ ᐱᒪᑎᓯᔨᒋ ᐊᓂᔭ ᐅᑦ ᐊᐛᓯᒪ, ᒋ ‍ ᓇᐸᓯᐎᔪᐛ ᒪᒃ᙮
\v 58 ᐃᔅᐱ ᒪᒃ ᐱᔭᑎᒥᔨᒋ ᐎᐧᑲᓂᓱᐛᐛ ᑭᔭ ᒥᓯᐛ ᐃᔪᐛ ᐊᓐᑕ ᒥᒋᒪ ᑲ ‍ ᑕᔨᒋ, ᓇᔅᒡ ᑕᑈ ᒋ ‍ ᒥᔽᔨᑎᒥᔪᐛ ᐊᒋ ‍ ᐸᑎᒥᔨᒋ ᑕᓐ ᑲ ᐃᓯ ‍ ᒥᔪᑐᑎᒪᑯᑦ ᐅᑎᐸᔨᒋᒐᐛ᙮
\p
\v 59 ᐃᔅᐱ ᒪᒃ ᔭᓇᐤ ᑕᑐᐤ ᒋᓯᑲᐛ ᑲ ᐃᔅᐱᔅ ‍ ᐱᒪᑎᓯᑦ ᐊᓐ ᐊᐛᔅ ᒥᓯᐛ ᐎᐧᑲᓂᓱᐛᐛ ᑭᔭ ᐅᐎᒐᐛᑭᓄᐛᐛ ᒋ ᐸᒋ ‍ ᑎᑯᓯᓂᔪᐛ ᒐᒋ ᐃᑐᑐᐛᑭᓄᔨᒋ ᑕᓐ ᑲᒋ ‍ ᐃᑐᑐᐛᒡ ᒍᐤ ᐃᔪᒡ ᐅᑦ ᐊᐛᓯᒧᐛᐛ ᐊ ‍ ᓇᐸᓯᐎᔨᒋ, ᒋ ‍ ᒋᔅᒋᓄᐛᒋᔄᐅᒡ᙮ ᐎᐧᑲᓂᓱᐛᐛ ᒪᒃ, ᓴᑲᕋᔭ ᒋ ᐎ ‍ ᐃᓯᓂᐧᑲᑕᐅᒡ ᐅᔭ ᐊᐛᓴ ᒐᒋ ᐎᒋᓱᒪᔨᒋ ᐅᑕᐎᔪᐛ᙮
\v 60 ᐅᑲᐎᔭ ᒪᒃ ᒋ ‍ ᐃᔅᒋᔄᔪᐛ, “ᓇᒪ, ᒠᓐ ᒋᑭ ‍ ᐃᓯᓂᐧᑲᓱᐤ᙮”
\v 61 ᐊᑯ ᒪᒃ ᒂ ‍ ᐃᑕᒡ, “ᓇᒪ ᑕᐅᒡ ᒋᐧᑲᓂᓱᐛᐅᒡ ᒠᓐ ᐊ ‍ ᐃᓯᓂᐧᑲᓱᒡ ᒐᒋ ᐃᓯ ‍ ᐎᒋᓱᒪᒄ ᐊᓐ ᒋᑦ ᐊᐛᓯᒧᐛᐤ, ᐛᔅ ᒋᐸ ‍ ᐎᒋᓱᒪᔪᐛ ᐎᐧᑲᓂᓱᐛᐛ, ᐊᐅᑯᓐ ᑲᒋ ‍ ᐃᑎᓇᓄᐅᒡ᙮”
\p
\v 62 ᐊᑯ ᒪᒃ ᑲ ᐃᓯ ‍ ᐅᐛᔅᑕᐃᒐᒡ ᐊᓂᔭ ᐅᑕᐎᔪᐛ ᐊ ‍ ᑕᔨᒋ ᐊ ‍ ᑯᒂᒋᒪᒡ ᑕᓐ ᒐ ‍ ᐃᓯᓂᐧᑲᓱᑦ ᐅ ᐊᐛᔅ᙮
\p
\v 63 ᓴᑲᕋᔭ ᒋ ᐃᓯ ‍ ᐅᐛᔅᑕᐃᒐᐤ ᐊ ‍ ᓂᑐᐛᔨᑕᐧᒃ ᒐᒂᔪᐤ ᐊᓐᑕ ᒐᒋ ᒥᓯᓇᐃᒐᑦ᙮ “ᒠᓐ ᒋᑭ ‍ ᐃᓯᓂᐧᑲᓱᐤ” ᒋ ‍ ᐃᑎᓯᓇᐃᒐᐤ᙮ ᒥᓯᐛ ᒪᒃ ᒋ ‍ ᓯᔅᒋᑯᒋᐃᑯᐅᒡ ᐅᔭ ᑲ ‍ ᐃᑎᔅᑕᔨᒋ᙮
\v 64 ᐊᓂᔭ ᒪᒃ ᒪᒂᒡ ᑎᐛᒡ ᒋ ᐅᒋ ‍ ᒥᔪᐱᔪᐤ ᒥᓐ ᒐᒋ ᐃᔨᒥᑦ ᓴᑲᕋᔭ, ᐊᑯ ᒂ ‍ ᒪᒥᒋᒪᑦ ᒋᓴᒪᓂᑐᐛ᙮
\v 65 ᐊᑯ ᐊᓐᒡ ᒥᒋᒪ ᐊᓐᑕ ᑲ ‍ ᑕᒡ ᑭᔭ ᐊᓐᒡ ᐃᔪᒡ ᐛᔅᑲ ᐊᓐᑕ ᒍᑎᔭ ᑲ ‍ ᑕᒡ ᓇᔅᒡ ᑕᑈ ᒋ ‍ ᓴᒋᓱᐅᒡ ᐃᔅᐱ ᑲ ‍ ᐸᑕᒡ ᑕᓐ ᑲ ‍ ᐃᔅᐱᔨᒂ᙮
\v 66 ᒥᓯᐛ ᒪᒃ ᑕᑐᐤ ᐊᐛᓐᒋ ᑲ ‍ ᐸᑕᒡ ᓇᔅᒡ ᒋ ‍ ᒪᒥᑐᓇᔨᑎᒧᒡ ᐊ ‍ ᐃᑕᔨᑕᒡ, ᐃᔅ ᒪ ᒋᑭ ‍ ᐃᑕᔨᑕᑯᓱᐤ ᐅ ᐊᐛᔅ᙮ ᐛᔅ ᓇᔅᒡ ᒋ ‍ ᒋᔅᒐᔨᑕᑯᓐ ᓴᔅ ᐅᑎᐸᔨᒋᒐᐛ ᐊ ‍ ᐎᓱᐛᑎᑯᑦ ᐅ ᐊᐛᔅ᙮
\s1 ᒋᓴᒪᓂᑐᐛ ᑲ ᐃᓯ ‍ ᒥᔨᑯᑦ ᒐ ᐃᓯ ‍ ᐃᔨᒥᑦ ᓴᑲᕋᔭ
\p
\v 67 ᓴᑲᕋᔭ ᒪᒃ ᒋ ‍ ᓴᑭᔅᒋᓇᔅᑲᑯᐤ ᑲ ‍ ᐸᔭᒋᓯᔨᒋ ᐊᒐᒂ᙮ ᐊᐅᒄ ᒪᒃ ᐅᔭ ᒋᓴᒪᓂᑐᐛ ᑲ ‍ ᒥᔨᑯᑦ ᒐᒋ ᐃᔅᒋᔄᑦ,
\s2 Luke 1.68-79 (Advent-2 Year C)
\q
\v 68 “ᒋᑭ ‍ ᒥᔽᒋᒪᑭᓄᐤ ᑎᐸᔨᒋᒐᓱᐤ, ᐃᔅᕋᐃᓪ ᐅᒋᓴᒪᓂᑐᒪ, ᐛᔅ ᒋ ᐸᒋ ‍ ᓂᑐᐛᐱᒪᐤ ᐅᑦ ᐃᔨᒪ ᑭᔭ ᒋ ‍ ᐃᑐᑎᒻ ᒐᒋ ᐱᐧᑯᐅᔨᒋ᙮
\q
\v 69 ᑭᔭ ᔅᒋ ‍ ᐅᑎᓂᒪᑯᓄᐤ ᐊ ‍ ᓱᒋᔨᒋ ᐱᒪᒋᐃᐛᓱᐛ ᐊᓐᑕ ᐅᑦ ᐊᑐᔅᒐᔭᑭᓂᒪ ᑎᐱᑕ ᐅᑦ ᐃᔨᒥᔨᒡ ᐅᒋ᙮
\q
\v 70 ᒧᔭᒻ ᑲ ‍ ᐃᔨᑯᐱᓇ ᐊ ‍ ᐃᔨᒥᐛᒐᐛᑦ ᐅᑐᓂᔨᐛ ᐅᐸᔭᒋ ‍ ᒋᔅᒋᐛᐃᒐᓯᒪ ᒧᔅ ᑕᒡ ᑲ ᐸᒋ ‍ ᑕᔨᒋ ᑲ ᐃᔅᐱ ‍ ᐊᔅᒋᐎᔨᒡ᙮
\q
\v 71 ᒐᒋ ᐱᐧᑯᐅᐛᐧᒄ, ᐊᓂᔭᔪᐛ ᓇᔅᑯᔅᑕᑎᔨᑕᐧᑯ ᐅᒋ, ᑭᔭ ᐅᑭᔅᒋᐅᐎᓂᔨᒡ ᐅᒋ ᒥᓯᐛ ᐛᐧᑲᑎᔨᑕᐧᑯ᙮
\q
\v 72 ᐊ ‍ ᒋᓴᐛᑐᑐᐛᑦ ᒍᑕᐎᓄᐛ ᑭᔭ ᐊ ‍ ᒋᔅᒋᑦ ᐅᐸᔭᒋ ‍ ᓂᔅᑯᒧᐅᓐ᙮
\q
\v 73 ᐊᓂᔭᔪᐤ ᑲ ᐃᓯ ᒋᒋ ‍ ᓂᔅᑯᒪᑦ ᒍᑕᐎᓄᐛ ᐊᑉᕋᐊᒪ᙮
\q
\v 74 ᒐ ‍ ᒥᔨᑕᐧᒄ ᐅᑦ, ᓴᔅ ᐊ ‍ ᐱᐧᑯᐅᐛᐧᒄ ᐊᓂᔭᔪᐛ ᓇᔅᑯᔅᑕᑎᔨᑕᐧᑯ ᐅᑭᔅᒋᐅᐎᓂᔨᒡ ᐅᒋ, ᒐᒋ ᐊᑐᔅᑯᐛᐧᒄ ᓴᔅ ᐊ ᐊᑲ ‍ ᑯᔅᑕᒋᔭᐧᒄ᙮
\q
\v 75 ᐸᔭᒋᓯᐅᓂᒡ ᑭᔭ ᑯᐃᔅᑯᑕᑎᓯᐅᓂᒡ ᒥᓯᐛ ᑕᑐᐤ ᒋᓯᑲᐛ ᒐ ᐃᔅᐱᔅ ‍ ᐱᒪᑎᓯᔭᐧᒄ᙮
\q
\v 76 ᐊᐦᐊ, ᒋᔾ ᒪᒃ ᐊᐛᔅ, ᒪᐅᒡ ᑲ ‍ ᐃᔅᐸᔨᑕᑯᓯᑦ ᐅᒋᔅᒋᐛᐃᒐᓯᒪ ᒋᑭ ‍ ᐃᑎᑯᐅᓐ; ᐛᔅ ᒋᑭ ‍ ᓂᑲᓄᑐᐛᐤ ᑎᐸᔨᒋᒐᓱᐤ ᒐ ‍ ᐛᐛᓯᑕᐅᑦ ᐊᓐᑕ ᒐ ‍ ᐃᑐᑕᑦ᙮
\q
\v 77 ᒐ ‍ ᒋᔅᒐᔨᑎᒥᐃᒥᑎ ᐅᑦ ᐃᔨᒪ ᐊᓂᔭᔪᐤ ᐊ ‍ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ ᐊ ‍ ᐊᐅᓂᔨᒡ ᐱᒪᒋᐃᐛᐅᓂᔪᐤ᙮
\q
\v 78 ᒋᒋᓴᒪᓂᑐᒥᓄᐛ ᐅᓱᐎᑕᐊᑕᒐᐅᓂᔨᒡ ᐊ ‍ ᐅᒋᐱᔨᒡ, ᐊᓐᑕ ᒐ ᐅᒋ ‍ ᐸᑕᐸᒡ ᐃᔅᐱᒥᒡ ᐅᒋ ᐅᑕ ᐊ ‍ ᑕᐛᐧᒄ᙮
\q
\v 79 ᒐᒋ ᐛᔅᑕᔨᒡ ᐊᑕᒡ ᐊᓐᒡ ᐛᑲᔅᑕᐱᒡ, ᑭᔭ ᑕᑲᔅᑕᔅᑲᑯᒡ ᓂᐳᐅᓂᔪᐤ; ᑭᔭ ᒐᒋ ᒋᔅᒋᓄᑕᐃᑯᔭᐧᒄ ᒋᔭᒪᐛᔨᑎᒧᐅᓂᒡ ᐃᔅ᙮”
\p
\v 80 ᐅ ᒪᒃ ᐊᐛᔅ ᒠᓐ ᒋ ᐊᑎ ‍ ᓱᒋᓂᑕᐅᒍᐤ ᐎᔭᒡ ᑭᔭ ᐅᑦ ᐊᒐᐧᑯᒡ᙮ ᐊᑯ ᒪᒃ ᐃᔅᐱ ᑲᒋ ᐃᓯ ‍ ᓂᑕᐅᒋᑦ ᐊᑯ ᒧᔅ ᑎᐸᓐ ᒂ ‍ ᐎᒋᑦ, ᐸᑐᔅ ᐛᑎᒋᐱᔨᒡ ᒐ ‍ ᑭᒐᔅᒋᒪᑦ ᐃᔅᕋᐃᓪ ᐃᔪᐛ᙮ ᐊᓐᑕ ᒪᒃ ᒋ ‍ ᐃᑕᐤ ᐸᐧᑯᑎᔅᑭᒥᑲᒡ ᐊᓐᑕ ᐊᑲ ᓂᑕᐅᒋᓂᔨᒡ ᒐᒂᔪᐤ᙮
\c 2
\s1 ᒋᓴᔅ ᑲ ‍ ᐱᒪᑎᓯᑦ
\r ᒪᑎᔪᐤ 1.18-25
\s2 Luke 2.1-14 (Christmas Year C)
\p
\v 1 ᒪᒂᒡ ᒪᒃ ᓯᓴᕐ ᐊᑲᔅᑕᔅ ᐊᒋ ‍ ᒋᓴᐅᒋᒪᐅᑦ, ᒋ ‍ ᐃᑎᓱᐛᐤ ᒥᓯᐛ ᐃᔪᐛ ᐊᓐᑕ ᕈᒻ ᐊᔅᒋᒡ ᑲ ‍ ᑕᔨᒋ ᒐᒋ ᑎᐱᒋᒪᑭᓄᔨᒋ ᑭᔭ ᒐᒋ ᒥᓯᓇᐛᑭᓄᔨᒋ᙮
\v 2 ᐊᔪᐅᒄ ᐅᔭ ᒪᐅᒡ ᓂᔅᑎᒻ ᑲ ‍ ᑎᐱᒋᒪᑭᓄᐎᒡ ᐅᒡ ᐃᔪᒡ, ᒪᒂᒡ ᒪᒃ ᑯᐎᕆᓂᔭᔅ ᒋ ‍ ᐅᒋᒪᐤ ᐊᓐᑕ ᐊᔅᒋᒡ ᓯᕆᔭ ᑲ ‍ ᐃᓯᓂᐧᑲᑕᔨᒡ᙮
\v 3 ᒥᓯᐛ ᒪᒃ ᐊᐛᓐᒋ ᒋ ‍ ᐃᑐᑕᐅᒡ ᐊᓐᑕ ᐅᑦ ᐃᑕᐅᓄᐛᒡ ᐊᓐᑕ ᑲ ‍ ᐱᒪᑎᓯᔨᒋ ᐅᓂᒋᐃᑯᐛᐛ ᑭᔭ ᐎᐧᑲᓂᓱᐛᐛ ᒐᒋ ᒥᓯᓇᐛᑭᓄᐎᒡ᙮
\p
\v 4 ᒍᓯᑉ ᒪᒃ ᐊᓐᑕ ᒋ ᐅᒋ ‍ ᔅᑐᑕᐤ ᓇᓴᕆᑦ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᑲᓕᓕ ᐊᔅᒋᒡ ᑲ ‍ ᑎᑯᓂᔨᒡ, ᐸᑦᓕᔭᒥᒡ ᒂ ‍ ᐃᑐᑕᑦ, ᐊᓐᑕ ᒍᑎᔭ ᐊᔅᒋᒡ᙮ ᐛᔅ ᐊᔪᐅᒄ ᐅᔭ ᐅᑕᓇᔪᐤ ᐊᓐᑕ ᑲ ‍ ᐱᒪᑎᓯᔨᒂᓂ ᐊᓂᔭ ᐅᑦ ᐊᓂᔅᒐ ᐅᒧᓱᒪ ᒋᓴᐅᒋᒪᐛ ᑎᐱᑦ ᑲ ‍ ᐃᓯᓂᐧᑲᓱᔨᒋ᙮
\p
\v 5 ᒍᓯᑉ ᒪᒃ ᒋ ‍ ᐎᒐᐅᑯᐤ ᒪᕆᔨᒋ ᐊᓂᔭ ᒐ ‍ ᐎᐅᑦ, ᒐᒋ ᒥᓯᓇᐛᑭᓄᐎᒡ᙮ ᒪᒂᒡ ᒪᒃ ᒋ ‍ ᑭᓄᐛᔨᒪᐅᓱᐤ ᒪᕆ᙮
\v 6 ᒪᒂᒡ ᒪᒃ ᐊᓐᑕ ᐸᑦᓕᔭᒥᒡ ᐊ ‍ ᑕᒡ ᓴᔅ ᒋ ‍ ᐸᓱᐛᐸᑎᒻ ᒐ ‍ ᐛᐱᒪᐅᓱᑦ ᒪᕆ᙮
\v 7 ᑲᐃᐱᓇᓄᐎᒡ ᒪᒃ ᓇᔅᒡ ᒋ ‍ ᓴᑭᔅᒋᓇᓄᔪᐤ ᐊᑯ ᐊᓐᑕ ᐅᐧᑲᓂᒋᐛᐱᒡ ᑲ ‍ ᑕᒡ᙮ ᐊᑯᑕ ᐊᓐᑕ ᑲ ‍ ᐱᒪᑎᓯᔨᒋ ᐊᓂᔭ ᐅᓂᔅᑎᒧᓴᓇ ᒪᕆ, ᐊᒋ ‍ ᓇᐸᓯᐎᔨᒋ᙮ ᒂ ‍ ᐎᔎᔭᒋᓇᑦ ᐱᒍᐎᔭᓂᒡ, ᐊᑯ ᒂ ‍ ᐱᒥᓯᒪᑦ ᐊᓐᑕ ᐊᐛᓯᓴ ᑲᒋ ᐅᒋ ‍ ᒥᒋᓱᔨᒋ᙮
\s1 ᐊᓐᒋᓐ ᑲ ‍ ᓄᑯᓯᔅᑐᐛᑦ ᒪᔭᑕᓂᓯᐅ-ᐃᔪᐛ
\s2 Luke 2.8-20 (Christmas Year B)
\p
\v 8 ᐊᓐ ᒪᒃ ᑕᐱᔅᑲᒡ, ᒥᒋᒪ ᐊᓐᑕ ᐊᓐ ᐅᑕᓇᐤ, ᒋ ‍ ᑕᐅᒡ ᒪᔭᑕᓂᓯᐅ-ᐃᔪᒡ ᐊ ‍ ᓂᓇᑭᑐᐛᔨᒪᒡ ᒪᔭᑕᓂᓴ᙮
\v 9 ᐅᑎᐸᔨᒋᒐᐛ ᒪᒃ ᐅᑦ ᐊᓐᒋᓂᒥᔪᐛ ᒋ ‍ ᓄᑯᓯᔅᑕᑯᐅᒡ᙮ ᓇᔅᒡ ᒪᒃ ᒋ ‍ ᒋᐧᑲᔭᔅᑕᔪᐤ ᐊᓐᑕ ᐛᔅᑲ ᐊ ‍ ᑕᒡ, ᐅᑎᐸᔨᒋᒐᐛ ᐊ ‍ ᑕᔨᒋ ᐊ ᐅᒋ ‍ ᐛᔅᑐᐛᔨᒡ᙮ ᓇᔅᒡ ᒪᒃ ᒋ ‍ ᓴᒋᓱᐅᒡ᙮
\v 10 ᐊᑯ ᒂ ‍ ᐃᑎᑯᒡ ᐊᓂᔭ ᐊᓐᒋᓇ, “ᐊᑲᐎᔾ ᓴᒋᓯᒄ᙮ ᐛᔅ ᒋ ᐎ ‍ ᐎᑎᒪᑎᓇᐛᐤ ᒥᔽᒋᒧᐅᓐ, ᒥᓯᐛ ᐊᐛᓐ ᐸᑕᒐ ᒐᒋ ᒥᔽᔨᑕᐧᒃ᙮
\v 11 ᐊᓐᑕ ᐅᑕᓇᒡ ᑲ ‍ ᐅᒋᑦ ᐊᓂᔭ ᒋᓴᐅᒋᒪᐤ ᑎᐱᑦ, ᒋᔨᐛᐤ ᒋ ‍ ᐱᒪᑎᓯᔅᑎᒪᑯᓇᐛᐤ ᐊᐛᔅ, ᐊᐅᑯᓐ ᐅᑎᐸᔨᒋᒐᐤ ᙭᙮
\v 12 ᒋᑭ ‍ ᐛᐸᑕᓇᐛᐤ ᓇᔅᒡ ᐊ ‍ ᑕᑈᔭᓐ, ᒋᑭ ‍ ᒥᔅᑯᐛᐛᐤ ᐅᔅᒋᐛᔅ ᐊ ‍ ᐎᔎᔭᒋᓇᑭᓄᐅᑦ ᐱᒍᐎᔭᓂᒡ ᐊᓐᑕ ᐊᐛᓯᓴ ᑲᒋ ᐅᒋ ‍ ᒥᒋᓱᔨᒋ ᐊ ‍ ᐱᒥᓯᐧᒃ᙮”
\p
\v 13 ᓯᔅᒋᑯᒡ ᒪᒃ ᒋ ᐅᒋ ‍ ᒥᒐᑐᐅᒡ ᑯᑎᑭᒡ ᐊᓐᒋᓐᒡ ᒋᒋᒋᓯᑯᒡ ᐊ ᐅᒋ ‍ ᓄᑯᓯᒡ ᐊ ‍ ᒪᒥᒋᒪᒡ ᒋᓴᒪᓂᑐᐛ ᐊ ‍ ᐃᔅᒋᔄᒡ,
\q
\v 14 “ᒋᔅᑕᔨᒪᐧᒄ ᒋᓴᒪᓂᑐᐤ ᒪᐅᒡ ᐃᔅᐱᒥᒡ ᐊ ‍ ᑕᑦ᙮ ᒋᑭ ‍ ᒥᔭᑭᓄᐎᒡ ᒋᔭᒪᔨᑎᒧᐅᓂᔪᐤ ᐊᓐᒡ ᑲ ‍ ᓂᓇᐊᔨᑎᒥᐊᒡ ᒋᓴᒪᓂᑐᐛ ᐅᑕ ᐊᔅᒋᒡ᙮”
\p
\v 15 ᐃᔅᐱ ᒪᒃ ᐊᓐᒡ ᐊᓐᒋᓐᒡ ᑲ ‍ ᒋᐛᐱᔨᒡ ᒋᒋᒋᓯᑯᒡ ᐃᔅ, ᐊᓐᒡ ᒪᔭᑕᓂᓯᐅ-ᐃᔪᒡ ᒋ ‍ ᐃᑎᑐᒡ, “ᐃᑐᑕᑕᐤ ᐸᑦᓕᔭᒥᒡ, ᒐ ‍ ᐛᐸᑎᒪᐧᒄ ᑕᓐ ᑲ ‍ ᐃᔅᐱᔨᒡ, ᑕᓐ ᑲ ᐃᓯ ᐸᒋ ‍ ᐎᑎᒪᑕᐧᒄ ᐅᑎᐸᔨᒋᒐᐤ ᐅᑦ ᐊᓐᒋᓇᒪ᙮”
\p
\v 16 ᒋ ᐎ ‍ ᒋᓯᐱᔪᐅᒡ ᐸᑦᓕᔭᒥᒡ ᐊ ‍ ᐃᑐᑕᒡ, ᐊᑯᑕ ᒪᒃ ᑲ ‍ ᒥᔅᑯᐛᒡ ᒪᕆᔨᒋ ᑭᔭ ᒍᓯᐸ ᑭᔭ ᐊᓂᔭ ᐅᔅᒋᐛᓴ᙮ ᐊᓐ ᒪᒃ ᐅᔅᒋᐛᔅ ᒋ ‍ ᐱᒥᓯᓐ ᐊᓐᑕ ᐊᐛᓯᓴ ᑲᒋ ᐅᒋ ‍ ᒥᒋᓱᔨᒋ᙮
\v 17 ᐃᔅᐱ ᒪᒃ ᐊᓐᒡ ᒪᔭᑕᓂᓯᐅ-ᐃᔪᒡ ᐎᔭᐱᒪᒡ ᐊᓂᔭ ᐊᐛᓴ ᒋ ‍ ᐛᐎᑎᒧᒡ ᑕᓐ ᑲ ᐃᓯ ‍ ᐸᑐᐛᒡ ᐊᓐᒋᓇ ᐊ ᐃᓯ ‍ ᐊᔨᒧᒪᔨᒋ ᐊᓂᔭ ᐊᐛᓴ᙮
\v 18 ᒥᓯᐛ ᒪᒃ ᐊᐛᓐᒋ ᑲ ‍ ᐸᑐᐛᒡ ᐊᓂᔭ ᒪᔭᑕᓂᓯᐅ-ᐃᔪᐛ ᐊᓂᔭ ᑲ ‍ ᐃᑕᒋᒧᔨᒋ ᓇᔅᒡ ᑕᑈ ᒋ ‍ ᒥᔅᑲᑕᔨᑎᒥᐃᑯᐅᒡ᙮
\v 19 ᒪᕆ ᒪᒃ ᒋ ‍ ᑭᓄᐛᔨᑎᒻ ᐅᑕᐃᒡ ᒥᓯᐛ ᐅᔭ ᒐᒂᔪᐤ, ᑕᓐ ᑲ ‍ ᐃᑕᒋᒪᑭᓄᔨᒋ, ᐊᔪᐤ ᓇᔅᒡ ᒋ ‍ ᒪᒥᑐᓇᔨᑎᒥᐃᑯᐤ᙮
\v 20 ᐊᑯ ᒪᒃ ᐊᓐᒡ ᒪᔭᑕᓂᓯᐅ-ᐃᔪᒡ ᒋ ‍ ᒋᐛᐅᒡ ᐊ ‍ ᒋᔅᑕᒋᒪᒡ ᑭᔭ ᐊ ‍ ᒪᒥᒋᒪᒡ ᒋᓴᒪᓂᑐᐛ᙮ ᒋ ‍ ᒪᒥᒋᒪᐅᒡ ᐊᓂᔭ ᑕᓐ ᑲ ᐃᓯ ‍ ᐸᑕᒡ ᑭᔭ ᑕᓐ ᑲ ᐃᓯ ‍ ᐛᐸᑕᒡ ᐛᔅ ᐊᐅᑯᓐ ᒧᔭᒻ ᑲ ‍ ᐃᔅᐱᔨᒡ ᐊᓂᔭ ᐅᒋ ᑕᓐ ᑲ ᐃᓯ ‍ ᐎᑎᒪᑯᒡ ᐊᓂᔭ ᐊᓐᒋᓇ᙮
\s1 ᑲ ‍ ᐎᔭᑭᓄᐅᑦ ᒐ ‍ ᐃᓯᓂᐧᑲᓱᑦ ᒋᓴᔅ ᑭᔭ ᑲ ‍ ᒋᔅᒋᓄᐛᒋᔄᑭᓄᐅᑦ
\p
\v 21 ᐃᔅᐱ ᐊᓐ ᐊᐛᔅ ᔭᓇᐤ ᑕᑐᐤ ᒋᓯᑲᐛ ᑲ ᐃᔅᐱᔅ ‍ ᐱᒪᑎᓯᑦ, ᒋ ᐃᓯ ‍ ᒋᔅᒋᓄᐛᒋᔄᑭᓄᐤ ᑭᔭ ᒋᓴᔅ ᒋ ‍ ᐃᓯᓂᐧᑲᑕᑭᓄᐤ᙮ ᐊᐅᑯᓐ ᑲ ‍ ᐃᓯᓂᐧᑲᑎᑯᑦ ᐊᓐᒋᓇ ᐊᔅᒄ ᐊᑲ ᐅᒋ ᐊᔭᐅᑯᑦ ᐅᑲᐎᔭ ᐊᓐᑕ ᐅᔅᐱᔭᔨᒡ᙮
\s2 Luke 2.22-40 (Christmas-1 Year B)
\p
\v 22 ᐃᔅᐱ ᒪᒃ ᐛᑎᒋᐱᔨᒡ ᒐᒋ ᐸᔭᒋᐊᑭᓄᔨᒋ ᒋᓴᔅ ᐅᓂᒋᐃᒂ, ᐊᓐᑕ ᒋᕈᓯᓕᒥᒡ ᒋ ‍ ᐃᑐᑕᐅᒡ ᐛᔅ ᐊᔪᐅᒄ ᐅᔭ ᑲ ᐃᓯ ‍ ᐎᔅᑕᔨᒋ ᐊᓐᑕ ᒧᓱᓴ ᐅᐎᓱᐛᐅᓂᒡ ᒐ ‍ ᐃᑎᓇᓄᐃᑯᐱᓇ᙮ ᑭᔭ ᒋ ‍ ᐸᓱᐛᐅᒡ ᒋᓴᓴ ᐊᓐᑕ ᒋᓴᐊᔭᒥᐊᐅᒋᐛᐱᒡ, ᐅᑎᐸᔨᒋᒐᐛ ᐊ ‍ ᑕᔨᒋ ᒐᒋ ᐃᓯ ‍ ᒋᔅᒋᓄᐛᒋᐊᑭᓄᔨᒋ᙮
\v 23 ᐛᔅ ᐃᑎᔅᑕᔪᐤ ᐊᓐᑕ ᐅᑎᐸᔨᒋᒐᐤ ᐅᐎᓱᐛᐅᓂᒡ,
\q ᐃᔎᐤ ᐅᓂᔅᑎᒧᓴᓇ ᓇᐸᓯᐎᔨᒐᓂ ᒋᓴᒪᓂᑐᐛ ᐊ ‍ ᑕᔨᒋ ᒋᑭ ᐃᓯ ‍ ᐱᔅᑎᓇᑭᓄᐤ ᒐᒋ ᐊᐱᒋᐃᑯᑦ᙮
\q
\v 24 ᑭᔭ ᓂᓱ ᐅᒥᒥᔪᐛ ᒋ ‍ ᓂᑐᐛᔨᑕᑯᓱᐅᒡ ᐅᓂᒋᐃᑯᒪᐅᒡ ᒐᒋ ᒥᔭᒡ ᐊᔭᒥᐊᐅᒋᒪᐛ ᒐᒋ ᒥᑐᔅᑕᐊᒪᑯᒡ,
\m ᐛᔅ ᐊᐅᒄ ᑲ ᐃᓯ ‍ ᐎᑕᑭᓄᐎᒡ ᐊᓐᑕ ᐅᑎᐸᔨᒋᒐᐤ ᐅᐎᓱᐛᐅᓂᒡ ᒐ ‍ ᐃᑥᑯᐱᓇ᙮
\p
\v 25 ᒪᒂᒡ ᒪᒃ ᐊᓐᑕ ᒋᕈᓯᓕᒥᒡ ᒋ ‍ ᑕᐤ ᓇᐸᐤ, ᓯᒥᐅᓐ ᐊ ‍ ᐃᓯᓂᐧᑲᓱᑦ᙮ ᒋ ‍ ᑯᐃᔅᑯᐱᒪᑎᓯᐤ ᑭᔭ ᒋ ‍ ᐊᔭᒥᐊᐛᑎᓯᐤ᙮ ᑭᔭ ᒋ ‍ ᐸᓱᐛᔨᒪᐤ ᐊᓂᔭ ᑲ ‍ ᐸᑕᒋᒪᑭᓄᔨᒋ ᐅᐱᒪᒋᐃᐛᐛ ᒐᒋ ᐱᒪᒋᐊᔨᒋ ᐃᔅᕋᐃᓪ ᐃᔪᐛ᙮ ᑭᔭ ᑲ ‍ ᐸᔭᒋᓯᔨᒋ ᐊᒐᒂ ᒋ ‍ ᒋᔅᑲᑯᐤ᙮
\v 26 ᒋ ‍ ᐃᑎᑯᑯᐱᓇ ᒪᒃ ᑲ ‍ ᐸᔭᒋᓯᔨᒋ ᐊᒐᒂ ᒐ ᐊᑲ ᐅᒋ ‍ ᓂᐱᑦ ᐸᑐᔅ ᒋ ‍ ᐛᐱᒪᒐ ᐅᔭᔪᐛ ᒋᓴᒪᓂᑐᐛ ᑲ ᐸᒋ ‍ ᐃᑎᓴᐛᔨᒋ, ᐊᓂᔭ ᑲ ‍ ᐅᑎᓇᑦ ᐅᑎᐸᔨᒋᒐᐤ, ᙭ᑕ ᒐ ‍ ᐃᑎᐱᔨᒋ᙮
\v 27 ᑲ ‍ ᐸᔭᒋᓯᔨᒋ ᐊᒐᒂ ᒪᒃ ᒋ ᐊᑎ ‍ ᒋᔅᒋᓄᑕᐃᑯᐤ ᓯᒥᐅᓐ ᒐᒋ ᐱᒐᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᒋᓴᔅ ᒪᒃ ᐅᓂᒋᐃᒂ ᒋ ‍ ᐸᓱᐅᑯᐤ ᐊᓐᑕ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ᙮ ᐛᔅ ᒋ ᐎ ‍ ᐃᑐᑎᒧᒡ ᑕᓐ ᑲ ᐃᓯ ‍ ᐎᔅᑕᔨᒡ ᐊᔭᒥᐊᐅ ᐎᓱᐛᐅᒥᓯᓇᐃᑭᓂᔪᐤ ᐊᓐ ᒋᐸ ‍ ᐃᑐᑕᑭᓄᐎᐱᓐ᙮
\v 28 ᓯᒥᐅᓐ ᒪᒃ ᒋ ‍ ᐅᑎᓇᐤ ᐊᓂᔭ ᐊᐛᓴ, ᒂ ‍ ᑕᐧᑯᓇᑦ, ᐊᑯ ᒂ ‍ ᒪᒥᒋᒪᑦ ᒋᓴᒪᓂᑐᐛ, ᐊ ‍ ᐃᔅᒋᔄᑦ,
\q
\v 29 “ᐅᑎᐸᔨᒋᒐᐤ, ᐊᑯ ᒐ ‍ ᓇᐊᔨᒥᔨᓐ, ᓂᔾ ᒋᑦ ᐊᑐᔅᒐᔭᑭᓐ, ᒋᔭᒪᔨᑎᒧᐅᓂᒡ ᒐ ‍ ᐃᒐᐎᔭᓐ ᒧᔭᒻ ᑲ ‍ ᐃᔪᐸᓇ᙮
\q
\v 30 ᐛᔅ ᓂᔅᒋᓯᑯᒡ ᓇᐃᔪᐤ ᓴᔅ ᓂᒋ ‍ ᐛᐸᑕᓐ ᐊᓐ ᒐ ᐅᒋ ‍ ᐱᒪᒋᐃᐛᔨᓐ,
\q
\v 31 ᑲ ‍ ᐊᔭᔅᑯᔅᑕᔨᓐ ᒐ ‍ ᐛᐸᑕᒡ ᒥᓯᐛ ᐃᔅ ᐃᔪᒡ᙮
\q
\v 32 ᐛᔅᑕᐅᓐ ᒐ ‍ ᐛᔅᑕᓂᒪᑯᒡ ᒐᓐᑕᐃᓚᒡ (ᐊᑲ ᒍᐤ ᐃᑎᔅᑲᓇᓯᒡ ᐃᔪᒡ), ᑭᔭ ᐊᓂᔭᔪᐤ ᒐ ᐅᒋ ‍ ᒋᔅᑕᔨᑕᑯᓯᒡ ᒋᑦ ᐃᔨᒥᒡ ᐃᔅᕋᐃᓪ᙮”
\m ᐊᔪᐅᒄ ᐅᔭ ᑲ ‍ ᐃᔅᒋᔄᑦ ᓯᒥᐅᓐ᙮
\p
\v 33 ᒋ ‍ ᒥᔅᑲᓯᑎᒥᔪᐛ ᒪᒃ ᐊᓂᔭ ᐅᓂᒋᐃᒂ ᒋᓴᔅ ᑕᓐ ᑲ ᐃᓯ ‍ ᐸᑎᒥᔨᒋ ᐊ ᐃᓯ ‍ ᐊᔨᒧᒪᑭᓄᐅᑦ᙮
\v 34 ᐊᑯ ᐊᓐ ᒋᓴᐃᔪᐤ ᓯᒥᐅᓐ ᒥᓯᐛ ᑲ ‍ ᓱᐛᔨᒪᑦ, ᐊᑯ ᒂ ‍ ᐃᑕᑦ ᐊᓂᔭ ᒪᕆᔨᒋ, ᒋᓴᓴ ᐅᑲᐎᔪᐛ, “ᐅ ᐊᐛᔅ ᒋ ‍ ᐅᑎᓂᑯᐤ ᒋᓴᒪᓂᑐᐛ, ᒋᑭ ‍ ᐃᑐᑐᐛᐤ ᐊᓂᔭ ᐃᔅᕋᐃᓪ ᐃᔪᐛ ᒐᒋ ᐸᒋᓯᓂᔨᒋ, ᐊᑯ ᐊᓂᔭᔪᐛ ᑲ ‍ ᑕᑈᔭᔨᒥᑯᑦ ᒋᑭ ‍ ᐅᐱᑲᐳᐛᐤ᙮ ᐅ ᐊᐛᔅ ᒋᑭ ‍ ᐛᐸᑎᔨᐛᐤ ᒋᓴᒪᓂᑐᐛ ᐅᐱᒪᒋᐃᑯᓯᐅᓂᔪᐤ, ᒥᒄ ᒪᒃ ᒥᒐᑦ ᐊᐛᔪᐛ ᒋᑭ ‍ ᓂᔅᑯᔅᑕᑯᐤ᙮
\v 35 ᐊᑯᑕ ᒪᒃ ᒐ ‍ ᓄᑯᓂᔨᒡ ᑕᓐ ᐊᓐ ᐊ ‍ ᐃᓯᓇᑯᓂᔨᒋ ᐅᑕᑈᑎᒧᐅᓄᐛᐛ ᐊᐛᓐᒋ᙮ ᐊᑯ ᒪᒃ ᒋᔾ ᒪᕆ, ᒥᔅᑎ ᒋᑭ ‍ ᒥᓯᒪᔨᑎᒥᐃᑯᓐ ᒐ ‍ ᐃᑐᑐᐛᑭᓄᐅᑦ, ᒧᔭᒻ ᒧᐧᑯᒪᓐ ᐊ ‍ ᑕᐧᑲᒥᑯᔨᓐ ᒋᑦ ᐊᒐᐧᑯᒡ ᒋᑭ ‍ ᐃᑎᒪᒋᐅᓐ᙮”
\s1 ᐊᓇ ᑲ ‍ ᐃᓯᓂᐧᑲᓱᑦ ᒋᓴᐃᔎᔅ ᑲ ‍ ᐅᒋᔅᒋᐛᐃᒐᓱᐅᑦ
\p
\v 36 ᒋ ‍ ᑕᐤ ᐊᓐᑕ ᐊᔭᒥᐊᐅᒋᐛᐱᒡ ᒋᓴᐃᔎᐤ ᐊᓇ ᐊ ‍ ᐃᓯᓂᐧᑲᓱᑦ ᐊᒋ ‍ ᐅᒋᔅᒋᐛᐃᒐᓱᐅᑦ᙮ ᐸᓄᐃᓪ ᒋ ‍ ᐃᓯᓂᐧᑲᓱᔪᐛ ᐅᑕᐎᔭ, ᐊᓱᕐ ᑲ ‍ ᐃᑎᔅᑲᓇᓯᔨᒋ ᐊᑯᑕ ᑲ ‍ ᐅᒋᔨᒋ᙮ ᓴᔅ ᒪᒃ ᓇᔅᒡ ᒋ ‍ ᒋᓴᐃᔎᐅᐤ ᐊᓇ᙮ ᔭᓇᐤ ᑕᑐᔪᐤ ᐊᓱ ᓇᐤ ᒋ ‍ ᐃᑕᑐᐳᓇᓱᐤ᙮ ᒥᒄ ᓂᔄᐅᑕᒡ ᑕᑐᐤ ᐱᐳᓇ ᒋ ‍ ᐎᒋᒥᑐᐎᒐᓂᒋ ᐅᓇᐸᒪ, ᐊᑯ ᑲ ‍ ᐳᓂᐱᒪᑎᓯᔨᒋ᙮ ᓇᒪ ᒪᒃ ᒥᓐ ᐅᒋ ᐅᓇᐸᒧᐤ᙮
\v 37 ᓇᓂᑎᒻ ᒪᒃ ᒋ ‍ ᑕᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ‍ ᒋᓯᑲᔨᒡ ᑭᔭ ᐊ ‍ ᑎᐱᔅᑲᔨᒡ, ᐊ ‍ ᐊᔭᒥᐊᑦ ᐊᑲ ᐊᓯᑯᒻ ᒥᒋᓱᑦ᙮
\v 38 ᒪᒂᒡ ᒪᒃ ᐊᓐᑕ ᐊ ‍ ᑕᔨᒋ ᒋᓴᓴ ᐅᓂᒋᐃᑯᔪᐛ ᒋ ᐅᒋ ‍ ᐱᒐᐤ ᐅ ᒋᓴᐃᔎᔅ᙮ ᒋ ‍ ᓂᓇᔅᑯᒪᐤ ᒋᓴᒪᓂᑐᐛ ᐃᔅᐱ ᐎᔭᐱᒪᑦ ᐊᓂᔭ ᐊᐛᓴ᙮ ᐊᑯ ᒂ ‍ ᐊᔨᒧᑎᒧᐛᑦ ᐊᓂᔭ ᐊᐛᓴ ᐊᓂᔭᔪᐛ ᐃᔪᐛ ᐊᓐᑕ ᒋᕈᓯᓕᒥᒡ ᑲ ‍ ᑕᔨᒋ, ᐊᓂᔭ ᑲ ‍ ᐊᓱᐛᐱᒪᔨᒋ ᐅᐱᒪᒋᐃᐛᐤ ᒐᒋ ᐱᒪᒋᐊᔨᒋ ᐃᔅᕋᐃᓪ ᐃᔪᐛ᙮
\p
\v 39 ᐃᔅᐱ ᒪᒃ ᒋᓴᔅ ᐅᓂᒋᐃᒂ ᑲ ᐃᓯ ‍ ᐃᑐᑕᒡ ᒥᓯᐛ ᑲ ᐃᓯ ‍ ᐎᔅᑕᑭᓄᔨᒋ ᐊᓐᑕ ᐅᑎᐸᔨᒋᒐᐛ ᐅᑦ ᐊᔭᒥᐊᐅ ᐎᓱᐛᐅᒥᓯᓇᐃᑭᓂᔪᐤ, ᑲᐤ ᒋ ‍ ᒋᐛᐅᒡ ᐊᓐᑕ ᑲ ‍ ᐅᒋᒡ, ᓇᓴᕆᑦ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᑲᓕᓕ ᐊᔅᒋᒡ᙮
\v 40 ᒋᓴᔅ ᒪᒃ ᒋ ᐊᑎ ‍ ᒥᔪ ‍ ᓂᑕᐅᒍᐤ ᑭᔭ ᒋ ᒥᔅᑎ ‍ ᑭᒐᑕᐛᔨᑎᒻ᙮ ᓇᔅᒡ ᒪᒃ ᒋ ‍ ᓱᐛᔨᒥᑯᐤ ᒋᓴᒪᓂᑐᐛ᙮
\s1 ᒋᓴᔅ ᑲ ‍ ᒥᔅᑲᑯᑦ ᐅᓂᒋᐃᒂ ᒋᓴᐊᔭᒥᐊᐅᒋᐛᐱᒡ
\s2 Luke 2.41-52 (Christmas-1 Year C)
\p
\v 41 ᐊᓯᑯᒻ ᐱᐳᓇ ᒋᓴᔅ ᐅᓂᒋᐃᒂ ᒋ ‍ ᐃᑐᑕᔪᐛ ᒋᕈᓯᓕᒥᒡ ᐃᔅᐱ ᐛᑎᒋᐱᔨᒋ ᐎᒪᔅᑲᒐᐅ-ᒥᑯᓴᐅᓐ ᑲ ‍ ᐃᓯᓂᐧᑲᑕᔨᒡ᙮
\v 42 ᒋᓴᔅ ᒪᒃ ᑲ ‍ ᓂᓱᓴᐳᓇᓯᑦ ᒋ ‍ ᐎᒐᒐᐤ ᐊᓐᑕ ᐊ ‍ ᐃᑐᑕᓄᐎᒡ᙮
\v 43 ᐃᔅᐱ ᒪᒃ ᑲᒋ ᐃᓯ ‍ ᒥᑯᓴᓄᐎᒡ ᑲᐤ ᒋ ‍ ᒋᐛᐅᒡ, ᒥᒄ ᒪᒃ ᒋᓴᔅ ᐊᑯᑕ ᑲ ‍ ᑕᑦ ᐊᓐᑕ ᒋᕈᓯᓕᒥᒡ ᐊᑲ ᒋᔅᒐᔨᒥᑯᑦ ᐅᓂᒋᐃᒂ᙮
\v 44 ᒋ ‍ ᐃᑕᔨᒥᑯᐤ ᒪᒃ ᐊ ᐸᒋ ‍ ᐎᒐᒐᑦ ᐊᓐᑕ ᐊᓂᔭ ᐊ ‍ ᒪᒧᐱᒧᑕᓄᐎᒡ᙮ ᐸᐃᒄ ᒋᓯᑲᐛ ᒪᒃ ᒋ ᐃᔅᐱᔅ ‍ ᐱᒧᑕᐅᒡ ᐊᑯ ᒂ ‍ ᓇᓂᑐᐛᐱᒪᒡ ᐊᓂᔭ ᒋᓴᓴ ᐊᓐᑕ ᐊᑎ ‍ ᐃᑕᔨᒋ ᐎᐧᑲᓂᓱᐛᐛ ᐊᔪᐤ ᐅᐎᒐᐛᑭᓄᐛᐛ ᐊ ‍ ᑕᔨᒋ᙮
\v 45 ᓇᒪ ᒪᒃ ᐅᒋ ᒥᔅᑯᐛᐅᒡ, ᑭᔭ ᑲᐤ ᒂ ‍ ᐃᑐᑕᒡ ᐊᓐᑕ ᒋᕈᓯᓕᒥᒡ ᐊ ‍ ᓇᓂᑐᐛᐱᒪᒡ᙮
\v 46 ᓂᔅᑐ ᒋᓯᑲᐛ ᒪᒃ ᑲ ᐃᔅᐱᔅ ‍ ᓇᓂᑐᐛᐱᒪᒡ ᐊᑯ ᒂ ‍ ᒥᔅᑯᐛᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᒋ ‍ ᐎᑎᐱᒪᔪᐛ ᑲ ‍ ᒋᔅᑯᑎᒪᒐᔨᒋ ᐊ ‍ ᓂᑐᑕᑯᔨᒋ ᑭᔭ ᐊ ‍ ᑯᒂᒋᒪᔨᒋ ᒐᒂᔪᐛ᙮
\v 47 ᒥᓯᐛ ᒪᒃ ᐊᐛᔪᐛ ᑲ ‍ ᐸᑕᑯᑦ ᓇᔅᒡ ᒋ ‍ ᒪᒥᔅᑲᑕᔨᑎᒥᐃᑯᔪᐛ ᐅᑭᒐᑕᐛᔨᑎᒧᐅᓐ ᑭᔭ ᐊᓂᔭ ᓇᔅᒡ ᐊ ‍ ᑭᔅᒋᐅᑦ ᐊ ᐃᓯ ‍ ᐎᑎᒪᒐᑦ ᒐᒂᔪᐤ ᐊ ‍ ᑯᒂᒋᒪᑭᓄᐅᑦ᙮
\v 48 ᐊᓂᔭᔪᐛ ᒪᒃ ᐅᓂᒋᐃᒂ ᑲ ‍ ᐛᐱᒥᑯᑦ ᒋ ‍ ᑯᔅᑯᐱᔪᐛ ᐊᓐᑕ ᐊ ‍ ᒥᔅᑲᑯᑦ᙮ ᐊᓂᔭ ᒪᒃ ᐅᑲᐎᔭ ᒋ ‍ ᐃᑎᑯᐤ, “ᓂᑯᓴ, ᒐᒂᓐ ᐛᒋ ‍ ᓇᔅᒡ ᐊᔨᒪᔨᑎᒥᐃᔭᒡ, ᔅᒋ ᒥᔅᑎ ‍ ᓇᓂᑐᐛᐱᒥᑎᓇᓐ ᒍᑕᐎᔾ ᐊ ‍ ᓂᓯᔭᒡ ?”
\p
\v 49 ᐊᑯ ᒋᓴᔅ ᒂ ‍ ᐃᑕᑦ, “ᒐᒂᓐ ᐛᒋ ‍ ᓇᓂᑐᐛᐱᒥᔭᒄ ? ᓇᒪᐎᔾ ᐊ ᒋ ‍ ᒋᔅᒐᔨᑕᓇᐛᐤ ᐊ ‍ ᐃᑕᔨᑕᑯᓯᔭᓐ ᒐᒋ ᐃᑐᑎᒧᒡ ᓄᑕᐎᔾ ᐅᑦ ᐊᑐᔅᒐᐅᓐ ?”
\v 50 ᓇᒪ ᒪᒃ ᐅᒋ ᓂᔅᑐᑎᒥᔪᐛ ᐊᓂᔭᔪᐛ ᐅᓂᒋᐃᒂ ᒐᒂᔪᐤ ᐊᓂᔭ ᐛᒋ ‍ ᐃᔅᒋᔄᑦ᙮
\p
\v 51 ᐊᑯ ᒂ ‍ ᐎᒐᐛᑦ ᐊ ‍ ᒋᐛᔨᒋ ᐊᓐᑕ ᓇᓴᕆᑎᒡ, ᒋ ‍ ᐱᓯᒋᐊᐤ ᒪᒃ ᒐᒂᔪᐤ ᐊ ‍ ᐃᑎᓱᒥᑯᑦ᙮ ᐅᑲᐎᔭ ᒪᒃ ᒋ ‍ ᑭᓄᐛᔨᑎᒥᔪᐛ ᐅᑕᐃᒡ ᒥᓯᐛ ᑕᓐ ᑲ ‍ ᐃᔅᐱᔨᒡ᙮
\v 52 ᒋᓴᔅ ᒪᒃ ᒋ ᐊᑎ ‍ ᓂᑕᐅᒍᐤ ᐊᔪᐤ ᐊᔭᔅᒃ ᒋ ᐊᑎ ‍ ᑭᒐᑕᐛᔨᑎᒻ᙮ ᓇᔅᒡ ᒪᒃ ᒋ ‍ ᓇᐊᔨᑎᒥᔪᐛ ᒋᓴᒪᓂᑐᐛ ᑭᔭ ᐃᔪᐛ, ᐊᓂᔭ ᑕᓐ ᑲ ᐃᓯ ‍ ᐱᒪᑎᓯᑦ᙮
\c 3
\s1 ᒠᓐ ᐅᓯᑲᐃᑕᒐᐤ ᑲ ‍ ᑭᒐᔅᒋᒧᑦ
\r ᒪᑎᔪᐤ 3.1-12; ᒪᕐᒃ 1.1-8; ᒠᓐ 1.19-28
\s2 Luke 3.1-6 (Advent-2 Year C)
\p
\v 1 ᐊᓂᔭ ᐸᐳᓂᔨᒡ ᐱᑕᑕᒡ ᑕᑐᓴᑉ ᐱᐳᓇ ᑲ ᐃᔅᐱᔅ ‍ ᒋᓴᐅᒋᒪᐅᑦ ᑕᐃᐱᕆᔭᔅ ᓯᓴᕐ ᑲ ‍ ᐃᓯᓂᐧᑲᓱᑦ, ᑈᓐᑎᔭᔅ ᑈᓚᑦ ᒪᒂᒡ ᒋ ‍ ᓂᑲᓂᔅᑲᒐᐤ ᐊᓐᑕ ᒍᑎᔭ ᐊᔅᒋᒡ ᐊᑯ ᐊᕈᑦ ᐊᓐᑕ ᑲᓕᓕ ᐊᔅᒋᒡ ᑲ ‍ ᓂᑲᓂᔅᑲᒐᑦ, ᐊᑯ ᐎᐧᑲᓂᓴ ᐊᕈᑦ, ᐱᓕᑉ ᑲ ‍ ᐃᓯᓂᐧᑲᓱᔨᒋ ᐊᓐᑕ ᒋ ‍ ᓂᑲᓂᔅᑲᒐᔪᐛ ᐃᑐᕆᔭ ᑭᔭ ᑐᕋᑯᓇᐃᑎᔅ ᑲ ‍ ᐃᓯᓂᐧᑲᑕᔨᒋ ᐊᔅᒋᔭ᙮ ᐊᑯ ᓚᐃᓴᓂᔭᔅ ᑲ ‍ ᓂᑲᓂᔅᑲᒐᑦ ᐊᓐᑕ ᐊᐱᓕᓐ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ᙮
\v 2 ᒪᒂᒡ ᒪᒃ ᑭᔭ ᐊᓇᔅ ᑭᔭ ᑲᔭᐸᔅ ᒋ ‍ ᒋᓴᐊᔭᒥᐊᐅᒋᒪᐅᒡ᙮ ᐊᐅᒄ ᒪᒃ ᐅᔭᔪᐤ ᒪᒂᒡ ᒠᓐ, ᓴᑲᕋᔭ ᐅᑯᓴ ᐊᓐᑕ ᐸᐧᑯᑎᔅᑭᒥᑲᒡ ᒋ ‍ ᑕᐤ᙮ ᐊᑯᑕ ᒪᒃ ᐊᓐᑕ ᑲ ‍ ᐎᑎᒪᑯᑦ ᒋᓴᒪᓂᑐᐛ ᑕᓐ ᒋᐸ ᐃᓯ ‍ ᑭᒐᔅᒋᒧᐤ᙮
\v 3 ᒠᓐ ᒪᒃ ᒥᓯᐛ ᒋ ‍ ᐃᑐᑕᐤ ᐊᓂᔭ ᐊᔅᒋᔪᐤ ᒥᒋᒪ ᒠᕐᑕᓐ ᓯᐱᒡ ᑲ ‍ ᑎᑯᓂᔨᒡ ᐊ ‍ ᑭᒐᔅᒋᒪᑦ ᐊᐛᔪᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᓯᑲᐃᑐᐛᑭᓄᔨᒋ ᒋᓴᒪᓂᑐᐛ ᒐᒋ ᐛᐸᔨᑎᒪᑯᒡ ᐅᒥᒋᑥᐅᓄᐛᐛ᙮
\v 4 ᐛᔅ ᐊᐃᓴᔭ, ᐊᓂᔭ ᐅᒋᔅᒋᐛᐃᒐᓱᐤ ᒋ ‍ ᐃᑎᓯᓇᐊᒧᑯᐱᓇ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ,
\q ᑕᐤ ᐊᐛᓐ ᐊ ‍ ᑕᑈᑦ ᐊᓐᑕ ᐸᐧᑯᑎᔅᑭᒥᑲᒡ ᐊ ‍ ᐃᔅᒋᔄᑦ,
\q “ᐊᔭᔅᑯᐎᔅᑕᒺᐧᒄ ᐅᑎᐸᔨᒋᒐᐤ ᒪᔅᑭᓇᔪᐤ ᒐ ‍ ᐱᒧᑕᑦ ᑭᔭ ᑯᐃᔅᑯᒧᑕᐛᐧᒄ᙮
\q
\v 5 ᐊᓐ ᒪᒃ ᒪᔅᑭᓄᐤ ᐊᓐᑕ ᒐ ᐊᑎ ‍ ᐅᐛᔭᒡ, ᒋᐸ ‍ ᒥᔪᒧᑕᑭᓄᐤ, ᑭᔭ ᐊᓐᑕ ᐱᔅᑯᑎᓇᒡ ᐊ ‍ ᐃᑎᒧᒡ ᐊᓐ ᒪᔅᑭᓄᐤ ᒋᐸ ‍ ᑕᐱᔅᑯᒐᐃᑭᓄᐤ ᐊᓐ ᐱᔅᑯᑎᓇᐤ ᒐᒋ ᐅᒋ ‍ ᒥᔪᒧᒡ ᐊᓐ ᒪᔅᑭᓄᐤ᙮
\q ᐊᑯ ᒪᒃ ᐊᓐᑕ ᐊ ‍ ᐛᐛᒋᓯᒧᒡ ᐊᓐ ᒪᔅᑭᓄᐤ, ᒋᐸ ‍ ᑯᐃᔅᑯᒧᑕᑭᓄᐤ ᑭᔭ ᐊᓐᑕ ᐊ ‍ ᒥᒋᒡ, ᒋᐸ ‍ ᒥᔪᑕᑭᓄᐤ᙮
\q
\v 6 ᐊᑯ ᒪᒃ ᒥᓯᐛ ᐃᔪᒡ ᒐ ‍ ᐛᐱᒪᒡ ᐅᐱᒪᒋᐃᐛᐛ, ᐊᓂᔭ ᒋᓴᒪᓂᑐᐤ ᑲ ᐸᒋ ‍ ᐃᑎᓴᐛᑦ᙮”
\m ᐊᔪᐅᒄ ᐅᔭ ᑲ ‍ ᐃᑎᓯᓇᐊᒧᑯᐱᓇ ᐊᓂᔭ ᐊᐃᓴᔭ᙮
\s2 Luke 3.7-18 (Advent-3 Year C)
\p
\v 7 ᒥᒐᑦ ᒪᒃ ᐃᔪᒡ ᒋ ‍ ᓂᑐᐛᐱᒪᐅᒡ ᒠᓇ ᒐᒋ ᓯᑲᐃᑕᑯᒡ ᐊᑯ ᒂ ‍ ᐃᑎᑯᒡ, “ᒧᔭᒻ ᑕᑈ ᒋᓇᐱᑯᒡ ᐊ ‍ ᐃᑕᔨᑕᑯᓯᔭᒄ᙮ ᒋᑦ ᐃᑕᔨᑕᓇᐛᐤ ᐊ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᓂᑲᓐ ᐅᑦ ᐊᐧᑯᔪᐛᓱᐅᓐ, ᐊ ‍ ᓯᑲᐃᑕᑯᔭᒄ ᐊᑲ ᒪᒃ ᐎ ᒂᔅᑲᑎᓯᔭᒄ᙮
\v 8 ᒋᐸ ‍ ᒂᔅᑲᑎᓯᓇᐛᐤ ᑭᔭ ᒐ ‍ ᓄᒂᒡ ᑕᑈ ᓇᔅᒡ ᐊ ‍ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮ ᑭᔭ ᐊᑲᐎᔾ ᐃᑕᔨᑎᒧᒄ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ᒥᒄ ᐊᓂᔭ ᐊᑉᕋᐊᒻ ᐊ ‍ ᑕᑦ ᐊ ‍ ᐅᒋᔭᒄ᙮ ᒋ ‍ ᐎᑎᒪᑎᓇᐛᐤ, ᒋᓴᒪᓂᑐᐤ ᒋᑭ ᒋ ‍ ᐃᑐᑐᐛᐤ ᐅᔭᔪᐛ ᐊᓯᓂᔭ ᑲ ‍ ᐃᑎᐱᔨᒋ ᒐᒋ ᐅᒋ ‍ ᐅᓯᐊᑦ ᐊᑉᕋᐊᒪ ᐅᑦ ᐊᐛᓯᒥᔪᐛ᙮
\v 9 ᐛᔅ ᒧᔭᒻ ᓴᔅ ᐊ ‍ ᐊᔭᔅᑯᔅᑕᒡ ᐊᑭᑕᔅᒄ ᐊᐅᒄ ᒐ ‍ ᐃᓯᓇᒂᒡ ᒐ ‍ ᓇᑥᑲᐛᑭᓄᐅᑦ ᐊᓐ ᒥᔅᑎᒄ ᐊᓐᑕ ᐊ ‍ ᐅᑎᐱᐅᑦ᙮ ᐛᔅ ᑕᑐᐤ ᒥᔅᑎᒄ ᐊᑲ ᒥᔪ ‍ ᒥᓂᓱᐅᑦ ᒋᑭ ‍ ᓇᑥᑲᐛᑭᓄᐤ ᑭᔭ ᒋᑭ ‍ ᒥᑐᔅᑕᐛᐱᓇᑭᓄᐤ ᐃᔅᑯᑕᒡ᙮” ᐊᔪᐅᒄ ᐅᔭ ᑲ ‍ ᐃᔅᒋᔄᑦ ᒠᓐ᙮
\p
\v 10 ᐊᑯ ᒪᒃ ᐊᓐᒡ ᐃᔪᒡ ᒋ ‍ ᑯᒂᒋᒪᐅᒡ ᒠᓇ ᐊ ‍ ᐃᑕᒡ, “ᑕᓐ ᒪᒃ ᒐ ‍ ᐃᑎᔭᒡ ?”
\v 11 ᒂ ‍ ᐃᑕᑦ, “ᐊᐛᓐ ᐊ ‍ ᓂᓯᓂᔨᒋ ᐅᑦ ᐊᑯᐸ ᐸᐃᒄ ᐊᓂᔭ ᒋᐸ ‍ ᒥᔭᐤ ᐊᐛᔪᐛ ᐊᑲ ᐊᔭᔨᒋ, ᒪᒃ ᑭᔭ ᒥᒋᒥᔪᐤ ᐊ ‍ ᐃᔭᒂ ᒋᐸ ‍ ᐊᓯᒪᐤ ᐊᐛᔪᐛ ᐊᑲ ᐅᒥᒋᒥᔨᒋ᙮”
\p
\v 12 ᐊᑯ ᒪᒃ ᐊᓐᒡ ᑲ ‍ ᒪᒧᓴᒋᓇᒡ ᒋᓴᐅᒋᒪᐤ ᓱᓇᔭᔪᐤ ᑲ ‍ ᐃᑕᐱᑎᓯᒡ, ᒋ ᐸᒋ ‍ ᐃᑐᑕᐅᒡ ᒐᒋ ᓯᑲᐃᑐᐛᑭᓄᐅᒡ, ᐊᑯ ᒂ ‍ ᐃᑕᒡ ᒠᓇ, “ᒋᔅᑯᑎᒪᒐᓱᐤ, ᑕᓐ ᓂᐸ ‍ ᑎᓇᓐ ᓂᔭᓐ ?”
\v 13 ᒋ ‍ ᐃᑕᐤ ᒪᒃ, “ᐊᑐᒡ ᐎ ᐃᐛᒃ ᒋᐸ ᐅᒋ ‍ ᐅᑎᓇᓇᐛᐤ ᓱᓇᔭᐤ ᒥᒄ ᐊᓐ ᑕᓐ ᐊᔅᐱᔅ ᓂᑐᐛᔨᑕᑭᓄᐅᒡ᙮”
\p
\v 14 ᐊᑯ ᒪᒃ ᐊᓯᒪᑭᓂᓯᒡ ᑭᔭ ᐊᐅᑯᓐ ᑲ ᐃᓯ ‍ ᑯᒂᒋᒐᒧᒡ, “ᓂᔭᓐ ᒪᒃ ᐎ ᑕᓐ ᓂᐸ ‍ ᑎᓇᓐ ?” ᒠᓐ ᒋ ‍ ᐃᑕᐤ, “ᐊᑲᐎᔾ ᐊᔨᐧᑭᒥᐃ ᐊᐛᓐ ᒐᒋ ᒥᔨᔅᒃ ᓱᓇᔭᔪᐤ ᑭᔭ ᐊᑲᐎᔾ ᓂᑐᐎᔾ ᐃᓯ ᒪᒥᓯᒻ ᐊᐛᓐ᙮ ᒋᐸ ‍ ᓇᐊᔨᑕᓇᐛᐤ ᐊᓐ ᐊ ᐃᔅᐱᔅ ‍ ᒋᓯᐧᑲᑯᐅᔭᒄ᙮”
\s2 Luke 3.15-17,21-22 (Epiphany-1 Year C)
\p
\v 15 ᐊ ‍ ᐸᑐᐛᒡ ᒪᒃ ᒠᓇ ᐊ ‍ ᑭᒐᔅᒋᒧᔨᒋ ᐊᓐᒡ ᐃᔪᒡ, ᓴᔅ ᓇᔅᒡ ᒋ ‍ ᐸᓱᐛᔨᒪᐅᒡ ᙭ᑕ ᒐ ‍ ᑎᑯᓯᓂᔨᒋ, ᐊᑯ ᒂ ‍ ᒪᒥᑐᓇᔨᒪᒡ ᒠᓇ ᐊ ‍ ᔭᐅᒂᓂ ᐊᓂᔭ᙮
\v 16 ᐊᑯ ᒠᓐ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᒥᓯᐛ ᐊ ‍ ᑎᓯᔭᒄ ᓂᐱᒡ ᓂᔾ ᒋ ‍ ᓯᑲᐃᑕᑎᓇᐛᐤ, ᒥᒄ ᒪᒃ ᑯᑎᒃ ᐊᐛᓐ ᒋᑭ ‍ ᑎᑯᓯᓐ ᐃᐛᒃ ᐊ ‍ ᒋᔅᑕᔨᑕᑯᓯᑦ ᐃᔅᐱᔅ ᓂᔾ᙮ ᐎᔾ ᒪᒃ ᒋᑭ ‍ ᓯᑲᐃᑕᑯᐛᐤ ᑲ ‍ ᐸᔭᒋᓯᔨᒋ ᐊᒐᒂ, ᑭᔭ ᐃᔅᑯᑕᔪᐤ᙮ ᓇᒪ ᒪᒃ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᒐᒋ ᐊᐱᐧᑯᓂᒧᒡ ᐅᒥᔅᒋᓇ᙮
\v 17 ᐅ ᒐ ‍ ᑎᑯᓯᐧᒃ ᒧᔭᒻ ᓇᐸᐤ ᑲ ‍ ᐸᔭᒋᑕᑦ ᐸᒂᓯᑭᓂᒥᓇᑎᒂ ᒋᑭ ‍ ᐃᑕᔨᑕᑯᓱᐤ᙮ ᐊᓂᔭ ᐸᒂᓯᑭᓂᒥᓇᑎᒂ ᐊᓐᑕ ᐊᔅᑕᓱᐅᒋᐛᐱᒡ ᒋᑭ ᐃᓯ ‍ ᒪᐅᒋᑕᐤ᙮ ᐊᑯ ᐊᓂᔭᔪᐛ ᐊᓐᑕ ᑲ ‍ ᐱᐱᐅᔅᑕᔨᒋ ᐊᑲ ᐎᔭᔅ ᒋ ‍ ᐃᑕᐱᑎᓂᔨᒋ ᒋᑭ ‍ ᐃᔎᓯᒻ, ᐊᓐᑕ ᒐ ᐊᑲ ‍ ᓂᑕ ᐊᔅᑐᐛᔨᒡ ᐃᔅᑯᑕᔪᐤ᙮”
\p
\v 18 ᒠᓐ ᒪᒃ ᓂᓇᐧᑯᐤ ᒥᓐ ᒋ ᐃᓯ ‍ ᐃᔭᒂᒥᒪᐤ ᐃᔪᐛ ᐊᔪᐤ ᐊ ‍ ᑭᒐᔅᒋᒪᑦ ᒥᔽᒋᒧᐅᓂᔪᐤ᙮
\s1 ᒠᓐ ᑲ ‍ ᒋᐸᐛᑭᓄᐅᑦ
\p
\v 19 ᒥᒄ ᒪᒃ ᒠᓐ ᐃᔅᐱ ᑲ ‍ ᐊᓏᔨᒪᑦ ᐊᓂᔭ ᒋᓴᐅᒋᒪᐤ ᐊᕈᑕ ᐊᓂᔭ ᐊ ‍ ᐎᒋᒪᔨᒋ ᐎᐧᑲᓂᓴ ᐎᐎᔪᐛ, ᐊᕈᑎᔭᔅ ᑲ ‍ ᐃᓯᓂᐧᑲᓱᔨᒋ, ᑭᔭ ᑲ ‍ ᐊᔨᒧᑎᒺᑦ ᒥᓯᐛ ᒐᒂᔪᐤ ᑕᓐ ᑲ ᐃᓯ ‍ ᒥᒋᑐᑎᒥᔨᒋ,
\v 20 ᐊᕈᑦ ᒋ ‍ ᐃᑎᓱᐛᐤ ᒐᒋ ᒋᐸᐛᑭᓄᔨᒋ ᒠᓇ᙮ ᐅᔭᔪᐤ ᒪᒃ ᑲ ‍ ᐃᑎᑦ, ᐊᑐᐎᔅ ᒋ ‍ ᐅᓯᑎᒪᓱᐤ ᐊᓂᔭ ᑕᓐ ᓴᔅ ᑲ ᐃᓯ ‍ ᒥᒋᑐᑎᒧᐛᒂ᙮
\s1 ᑲ ‍ ᓯᑲᐃᑐᐛᑭᓄᐅᑦ ᒋᓴᔅ
\r ᒪᑎᔪᐤ 3.13-17; ᒪᕐᒃ 1.9-11
\s2 Luke 3.15-17,21-22 (Epiphany-1 Year C)
\p
\v 21 ᐃᔅᐱ ᒪᒃ ᒥᓯᐛ ᐊᓐᒡ ᐃᔪᒡ ᑲ ‍ ᓯᑲᐃᑐᐛᑭᓄᐅᒡ, ᐊᑯ ᑭᔭ ᐎᔾ ᒋᓴᔅ ᒂ ‍ ᓯᑲᐃᑐᐛᑭᓄᐅᑦ᙮ ᒪᒂᒡ ᒪᒃ ᐊ ‍ ᐊᔭᒥᐊᑦ ᒋ ᐅᒋ ‍ ᔪᑕᐱᔪᐤ ᒋᒋᒋᓯᒄ,
\v 22 ᑲ ‍ ᐸᔭᒋᓯᔨᒋ ᐊᒐᒂ ᑲ ᐅᒋ ‍ ᔭᓯᔅᑕᑯᑦ ᒋᓴᔅ ᒧᔭᒻ ᐅᒥᒥᐤ ᐊ ‍ ᐃᓯᓇᑯᓯᔨᒋ᙮ ᐊᑯ ᒂ ᐅᒋ ‍ ᐸᑕᑯᓯᑦ ᐊᐛᓐ ᐊᓐᑕ ᐅᒋ ᒋᒋᒋᓯᑯᒡ ᐊ ‍ ᐃᔅᒋᔄᑦ, “ᐊᐅᒄ ᐅ ᒋᔾ ᓂᑯᔅ ᑲ ‍ ᓴᒋᐃᑕᓐ ᑭᔭ ᓇᔅᒡ ᑲ ‍ ᓂᓇᐊᔨᑎᒥᐃᔨᓐ᙮”
\s1 ᒋᓴᔅ ᑕᓐᑕ ᑲ ‍ ᐃᑎᔅᑲᓇᓯᑦ
\r ᒪᑎᔪᐤ 1.1-17
\p
\v 23 ᒋᓴᔅ ᒪᒃ ᓴᓯᑲᓐ ᒋ ‍ ᓂᔅᑐᔪᐛᐳᓇᓱᐤ ᐃᔅᐱ ᑲ ‍ ᒋᒋᐱᔨᑦ ᑕᓐ ᑲ ᐎ ‍ ᐃᑕᐱᒋᐃᑯᑦ ᒋᓴᒪᓂᑐᐛ᙮ ᒋ ‍ ᐃᑕᔨᒥᑯᐤ ᒪᒃ ᐊᐛᔪᐛ ᐊᐅᑯᓐ ᐊᓂᔭ ᑎᐱᔨᐛ ᐅᑕᐎᔭ ᐊᓂᔭ ᒍᓯᐸ᙮ ᐅ ᒪᒃ ᒍᓯᑉ, ᐃᓚᐃ ᒋ ‍ ᐃᓯᓂᐧᑲᓱᔪᐛ ᐅᑕᐎᔭ᙮
\li1
\v 24 ᐃᓚᐃ ᒪᒃ ᒪᑕᑕ ᒋ ‍ ᐅᑕᐎᔪᐤ, ᐊᑯ ᒪᑕᑦ, ᓕᐸᐃᔨᒋ ᒋ ‍ ᐅᑕᐎᔪᐤ, ᓕᐸᐃ ᒪᒃ ᒪᓪᑭᔨᒋ ᒋ ‍ ᐅᑕᐎᔪᐤ, ᐊᑯ ᒪᓪᑭ, ᒐᓇᐃᔨᒋ ᒋ ‍ ᐅᑕᐎᔪᐤ, ᒐᓇᐃ ᒪᒃ ᒍᓯᐸ ᒋ ‍ ᐅᑕᐎᔪᐤ᙮
\li1
\v 25 ᒍᓯᑉ ᒪᒃ ᒪᑕᑕᔭᓴ ᒋ ‍ ᐅᑕᐎᔪᐤ, ᐊᑯ ᒪᑕᑕᔭᔅ, ᐊᒥᓴ ᒋ ‍ ᐅᑕᐎᔪᐤ, ᐊᒥᔅ ᒪᒃ ᓇᐅᒪ ᒋ ‍ ᐅᑕᐎᔪᐤ, ᐊᑯ ᓇᐅᒻ, ᐃᔅᓕᔨᒋ ᒋ ‍ ᐅᑕᐎᔪᐤ, ᐃᔅᓕ ᒪᒃ ᓇᑲᐃᔨᒋ ᒋ ‍ ᐅᑕᐎᔪᐤ᙮
\li1
\v 26 ᓇᑲᐃ ᒪᒃ ᒪᑕ ᒋ ‍ ᐅᑕᐎᔪᐤ, ᑭᔭ ᒪᑦ, ᒪᑕᑕᔭᓴ ᒋ ‍ ᐅᑕᐎᔪᐤ, ᒪᑕᑕᔭᔅ ᒪᒃ ᓴᐃᒥᓇ ᒋ ‍ ᐅᑕᐎᔪᐤ, ᓴᐃᒥᓐ ᒪᒃ ᒍᓴᑲ ᒋ ‍ ᐅᑕᐎᔪᐤ, ᑭᔭ ᒍᓴᒃ, ᒍᑕᔨᒋ ᒋ ‍ ᐅᑕᐎᔪᐤ᙮
\li1
\v 27 ᒍᑕ ᒪᒃ ᒍᐛᓇᓇ ᒋ ‍ ᐅᑕᐎᔪᐤ, ᐊᑯ ᒍᐛᓇᓐ, ᕋᓴᔨᒋ ᒋ ‍ ᐅᑕᐎᔪᐤ, ᕋᓴ ᒪᒃ ᓯᕈᐸᐸᓚ ᒋ ‍ ᐅᑕᐎᔪᐤ, ᑭᔭ ᓯᕈᐸᐸᓪ, ᓴᓪᑎᔭᓚ ᒋ ‍ ᐅᑕᐎᔪᐤ, ᓴᓪᑎᔭᓪ ᒪᒃ ᓇᕆᔨᒋ ᒋ ‍ ᐅᑕᐎᔪᐤ᙮
\li1
\v 28 ᓇᕆ ᒪᒃ ᒪᓪᑭᔨᒋ ᒋ ‍ ᐅᑕᐎᔪᐤ, ᑭᔭ ᒪᓪᑭ, ᐊᑎᔨᒋ ᒋ ‍ ᐅᑕᐎᔪᐤ, ᐊᑎ ᒪᒃ, ᑯᓴᒪ ᒋ ‍ ᐅᑕᐎᔪᐤ, ᑭᔭ ᑯᓴᒻ ᐊᓪᒪᑕᒪ ᒋ ‍ ᐅᑕᐎᔪᐤ, ᐊᓪᒪᑕᒻ ᒪᒃ, ᐊᕋ ᒋ ‍ ᐅᑕᐎᔪᐤ᙮
\li1
\v 29 ᐊᑯ ᒪᒃ ᐊᕐ, ᒐᓱᐛᔨᒋ ᒋ ‍ ᐅᑕᐎᔪᐤ, ᒐᓱᐛ ᒪᒃ ᐃᓕᐃᓴᕋ ᒋ ‍ ᐅᑕᐎᔪᐤ, ᐊᑯ ᐃᓕᐃᓴᕐ, ᒠᕆᒪ ᒋ ‍ ᐅᑕᐎᔪᐤ, ᒠᕆᒻ ᒪᒃ ᒪᑕᑕ ᒋ ‍ ᐅᑕᐎᔪᐤ, ᐊᑯ ᒪᑕᑦ, ᓕᐸᐃᔨᒋ ᒋ ‍ ᐅᑕᐎᔪᐤ᙮
\li1
\v 30 ᓕᐸᐃ ᒪᒃ ᓯᒥᐅᓇ ᒋ ‍ ᐅᑕᐎᔪᐤ, ᑭᔭ ᓯᒥᐅᓐ, ᒍᑕᔨᒋ ᒋ ‍ ᐅᑕᐎᔪᐤ, ᒍᑕ ᒪᒃ ᒍᓯᐸ ᒋ ‍ ᐅᑕᐎᔪᐤ, ᑭᔭ ᒍᓯᑉ, ᒠᓇᒪ ᒋ ‍ ᐅᑕᐎᔪᐤ, ᐊᑯ ᒠᓇᒻ, ᐃᓚᔭᑭᒪ ᒋ ‍ ᐅᑕᐎᔪᐤ᙮
\li1
\v 31 ᐃᓚᔭᑭᒻ ᒪᒃ ᒪᓕᔭᔨᒋ ᒋ ‍ ᐅᑕᐎᔪᐤ, ᑭᔭ ᒪᓕᔭ, ᒪᓇᔨᒋ ᒋ ‍ ᐅᑕᐎᔪᐤ, ᒪᓇ ᒪᒃ ᒪᑕᑕᔨᒋ ᒋ ‍ ᐅᑕᐎᔪᐤ, ᑭᔭ ᒪᑕᑕ, ᓇᐃᑕᓇ ᒋ ‍ ᐅᑕᐎᔪᐤ, ᓇᐃᑕᓐ ᒪᒃ ᑎᐱᑕ ᒋ ‍ ᐅᑕᐎᔪᐤ᙮
\li1
\v 32 ᑎᐱᑦ ᒪᒃ ᒐᓯᔨᒋ ᒋ ‍ ᐅᑕᐎᔪᐤ, ᑭᔭ ᒐᓯᔾ, ᐅᐸᑕ ᒋ ‍ ᐅᑕᐎᔪᐤ, ᐅᐸᑦ ᒪᒃ ᐳᐊᓴ ᒋ ‍ ᐅᑕᐎᔪᐤ, ᑭᔭ ᐳᐊᔅ, ᓴᓪᒧᓇ ᒋ ‍ ᐅᑕᐎᔪᐤ, ᐊᑯ ᒪᒃ ᓴᓪᒧᓐ, ᓇᓱᓇ ᒋ ‍ ᐅᑕᐎᔪᐤ᙮
\li1
\v 33 ᓇᓱᓐ ᒪᒃ ᐊᒥᓂᑕᐸ ᒋ ‍ ᐅᑕᐎᔪᐤ, ᐊᑯ ᐊᒥᓂᑕᑉ, ᐊᑦᒥᓇ ᒋ ‍ ᐅᑕᐎᔪᐤ, ᐊᑦᒥᓐ ᒪᒃ ᐊᕐᓂᔨᒋ ᒋ ‍ ᐅᑕᐎᔪᐤ, ᑭᔭ ᐊᕐᓂ, ᐊᔅᕈᓇ ᒋ ‍ ᐅᑕᐎᔪᐤ, ᐊᔅᕈᓐ ᒪᒃ ᐸᕋᓴ ᒋ ‍ ᐅᑕᐎᔪᐤ᙮
\li1
\v 34 ᐸᕋᔅ ᒪᒃ ᒍᑕᔨᒋ ᒋ ‍ ᐅᑕᐎᔪᐤ, ᑭᔭ ᒍᑕ, ᒐᑭᐸ ᒋ ‍ ᐅᑕᐎᔪᐤ, ᒐᑭᑉ ᒪᒃ ᐊᐃᓯᑲ ᒋ ‍ ᐅᑕᐎᔪᐤ᙮ ᐊᐃᓯᒃ ᒪᒃ ᐊᑉᕋᐊᒪ ᒋ ‍ ᐅᑕᐎᔪᐤ, ᑭᔭ ᐊᑉᕋᐊᒻ, ᑕᕋᔨᒋ ᒋ ‍ ᐅᑕᐎᔪᐤ, ᑕᕋ ᒪᒃ ᓇᐅᕋ ᒋ ‍ ᐅᑕᐎᔪᐤ᙮
\li1
\v 35 ᓇᐅᕐ ᒪᒃ ᓴᕈᑲ ᒋ ‍ ᐅᑕᐎᔪᐤ, ᐊᑯ ᒪᒃ ᓴᕈᒃ, ᕆᐅᐊ ᒋ ‍ ᐅᑕᐎᔪᐤ, ᕆᐅ ᒪᒃ ᐸᓚᑲ ᒋ ‍ ᐅᑕᐎᔪᐤ, ᑭᔭ ᐸᓚᒃ, ᐃᐳᕋ ᒋ ‍ ᐅᑕᐎᔪᐤ, ᑭᔭ ᐃᐳᕐ, ᓯᓚᔨᒋ ᒋ ‍ ᐅᑕᐎᔪᐤ᙮
\li1
\v 36 ᓯᓚ ᒪᒃ ᑲᐃᓇᓇ ᒋ ‍ ᐅᑕᐎᔪᐤ, ᑭᔭ ᑲᐃᓇᓐ, ᐊᕐᐸᑭᓴᑕ ᒋ ‍ ᐅᑕᐎᔪᐤ ᐊᕐᐸᑭᓴᑦ ᒪᒃ ᓴᒪ ᒋ ‍ ᐅᑕᐎᔪᐤ, ᑭᔭ ᓴᒻ, ᓄᐛᔨᒋ ᒋ ‍ ᐅᑕᐎᔪᐤ, ᓄᐛ ᒪᒃ ᓚᒪᑲ ᒋ ‍ ᐅᑕᐎᔪᐤ᙮
\li1
\v 37 ᓚᒪᒃ ᒪᒃ ᒪᑐᓯᓚᔨᒋ ᒋ ‍ ᐅᑕᐎᔪᐤ, ᑭᔭ ᒪᑐᓯᓚ, ᐃᓄᑲ ᒋ ‍ ᐅᑕᐎᔪᐤ, ᐃᓄᒃ ᒪᒃ ᒐᕋᑕ ᒋ ‍ ᐅᑕᐎᔪᐤ, ᒐᕋᑦ ᒪᒃ ᒪᐊᓚᓕᓚ ᒋ ‍ ᐅᑕᐎᔪᐤ, ᒪᐊᓚᓕᓪ ᒪᒃ ᑲᐃᓇᓇ ᒋ ‍ ᐅᑕᐎᔪᐤ᙮
\li1
\v 38 ᑲᐃᓇᓐ ᒪᒃ ᐃᓄᓴ ᒋ ‍ ᐅᑕᐎᔪᐤ, ᑭᔭ ᐃᓄᔅ, ᓴᑕ ᒋ ‍ ᐅᑕᐎᔪᐤ, ᓴᑦ ᒪᒃ ᐊᑕᒪ ᒋ ‍ ᐅᑕᐎᔪᐤ᙮ ᐊᑯ ᒪᒃ ᐊᑕᒻ, ᒋᓴᒪᓂᑐᐛ ᒋ ‍ ᐅᑕᐎᔪᐤ᙮
\c 4
\s1 ᒋᓴᔅ ᑲ ‍ ᑯᒂᒋᐊᑭᓄᐅᑦ
\r ᒪᑎᔪᐤ 4.1-11; ᒪᕐᒃ 1.12,13
\s2 Luke 4.1-13 (Lent-1 Year C)
\p
\v 1 ᐊᓐᑕ ᒪᒃ ᒋᓴᔅ ᑲ ‍ ᐅᑐᑕᑦ ᒠᕐᑕᓐ ᓯᐱᒡ, ᒋ ‍ ᓴᑭᔅᒋᓇᔅᑲᑯᐤ ᑲ ‍ ᐸᔭᒋᓯᔨᒋ ᐊᒐᒂ, ᐊᑯ ᒂ ‍ ᐃᑐᑕᐃᑯᑦ ᐊᓐᑕ ᐸᐧᑯᑎᔅᑭᒥᑲᒡ᙮
\v 2 ᐊᑯᑕ ᒪᒃ ᓇᐎᔪᐛᒋᓯᑲᐛ ᑲ ‍ ᑯᒂᒋᐃᑯᑦ ᒥᒋᒥᓂᑐᐛ᙮ ᐊᓂᔭ ᒪᒃ ᒪᒂᒡ ᑲ ᐃᔅᐱᔅ ‍ ᑕᑦ ᐊᓐᑕ ᓇᒪ ᐅᒋ ᒥᒍᐤ ᒐᒂᔪᐤ ᒋᓴᔅ᙮ ᒋ ‍ ᓯᐛᔪᐤ ᒪᒃ ᐃᔅᐱᔅ ᓇᐎᔪᐛᒋᓯᑲᐛ ᑲ ‍ ᑕᑦ ᐊᓐᑕ᙮
\p
\v 3 ᒥᒋᒥᓂᑐᐛ ᒋ ‍ ᐃᑎᑯᐤ, “ᑕᑈ ᐊᓐ ᐊ ‍ ᐊᐎᓇ ᒋᓴᒪᓂᑐᐤ ᐅᑯᓴ, ᐃᑎᓱᐛ ᐅ ᐊᓯᓂᔾ ᒐᒋ ᐸᒂᓯᑭᓄᐅᑦ᙮”
\p
\v 4 ᒋᓴᔅ ᒪᒃ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᒋᓴᒪᓂᑐᐤ ᐅᑦ ᐃᔨᒧᐅᓐ ᐃᑎᔅᑕᔪᐤ,
\q ᓇᒪ ᒥᒄ ᐸᒂᓯᑭᓂᒡ ᒋᑭ ᒋ ᐅᒋ ‍ ᐱᒪᑎᓯᐤ ᐊᐛᓐ᙮”
\p
\v 5 ᐊᑯ ᒥᒋᒥᓂᑐᐤ ᒂ ‍ ᐃᑐᑕᐊᑦ ᒋᓴᓴ ᐊᓐᑕ ᐊ ‍ ᐃᔅᐱᑎᓇᔨᒡ ᐱᔅᑯᑎᓇᔪᐤ, ᓯᔅᒋᑯᒡ ᒥᓯᐛ ᐅᒋᓴᐅᒋᒪᐅᓇ ᐊ ‍ ᐃᑕᑎᓂᔨᒋ ᒂ ‍ ᐛᐸᑎᔭᑦ ᐅᑕ ᐊᔅᒋᒡ ᐊ ᐃᓯ ‍ ᑎᑯᓂᔨᒋ᙮
\v 6 ᐊᑯ ᒂ ‍ ᐃᑕᑦ, “ᒥᓯᐛ ᒋᑭ ‍ ᐱᔅᑎᓂᒪᑎᓐ ᒐᒋ ᑎᐸᔨᒋᒐᔨᓐ ᐅᑕ ᐅᔭ ᒋᓴᐅᒋᒪᐅᓇ ᑭᔭ ᒥᓯᐛ ᐊᓐ ᐛᔪᑎᓯᐅᓐ ᒐᒋ ᑎᐸᔨᑎᒥᓐ᙮ ᓂᔾ ᒥᓯᐛ ᓂᒋ ‍ ᐱᔅᑎᓂᒪᑯᐅᓐ, ᑭᔭ ᒥᒄ ᐊᐛᓐ ᐛ ‍ ᒥᔨᒃ ᓂᑭ ᒋ ‍ ᒥᔭᐤ᙮
\v 7 ᐊᐅᒄ ᒪᒃ ᐅ ᒥᓯᐛ ᒐ ᐃᓯ ‍ ᑎᐱᔨᐛᐅᓯᔨᓐ ᐸᒋ ‍ ᐊᔭᒥᐊᔅᑐᔨᓇ ᒧᔭᒻ ᐊ ᐃᓯ ‍ ᐊᔭᒥᐊᔅᑐᐅᑦ ᒋᓴᒪᓂᑐᐤ᙮”
\p
\v 8 ᐊᑯ ᒋᓴᔅ ᐊᑕᑦ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”
\p
\v 9 ᐊᑯ ᒪᒃ ᒥᒋᒥᓂᑐᐤ ᒂ ‍ ᐃᑐᑕᐊᑦ ᒋᓴᓴ ᒋᕈᓯᓕᒥᒡ ᐊᑯ ᒂ ‍ ᐊᑯᓯᑕᐊᑦ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ, ᐊᓐᑕ ᓇᔅᒡ ᐊ ‍ ᐃᔅᐸᓇᔨᒡ ᐊᑐᑕᐊᑦ᙮ ᐊᑯ ᐊᑕᑦ, “ᑕᑈ ᒋᓴᒪᓂᑐᐤ ᐛᑯᓯᓯᒥᑐᑕᔎ, ᐊᒥᒂᔅᑯᑎ,
\v 10 ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒋᓴᒪᓂᑐᐤ ᒋᑭ ‍ ᐃᑎᓱᐛᑕᐤ ᐅᑦ ᐊᓐᒋᓇᒪ ᒐᒋ ᒥᔪ ‍ ᑭᓄᐛᔨᒥᔅᒋᔨᔅᒋ᙮
\q
\v 11 ᐊᓐᒋᓐᒡ ᒋᑭ ‍ ᑕᐧᑯᓂᑯᒡ ᐊᑲ ᐛᐛᒡ ᒐ ᐊᑲ ᒋ ᐅᓯᑯᑕᔨᓐ ᒋᓯᑦ᙮”
\m ᐊᔪᐅᒄ ᐅᔭ ᑲ ‍ ᐃᑕᑦ ᒥᒋᒥᓂᑐᐤ ᐊᓂᔭ ᒋᓴᓴ᙮
\p
\v 12 ᒋᓴᔅ ᒪᒃ ᒋ ᐃᓯ ‍ ᐎᑎᒧᐛᐤ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᓇᒪ ᒋᐸ ᐅᒋ ‍ ᑯᒂᒋᐊᐤ ᐅᑎᐸᔨᒋᒐᐤ ᒋᒋᓴᒪᓂᑐᒻ᙮”
\p
\v 13 ᐃᔅᐱ ᒪᒃ ᒥᒋᒥᓂᑐᐤ ᒥᓯᐛ ᑲ ᐃᓯ ‍ ᑯᒂᒋᐊᑦ ᒋᓴᓴ ᐛᐃᐱᔅᒋᔅ ᒋ ‍ ᓂᑭᑕᐤ᙮
\s1 ᒋᓴᔅ ᑲ ‍ ᒋᒋᐱᔨᑦ ᐊ ‍ ᑭᒐᔅᒋᒧᑦ ᑲᓕᓕᒡ
\r ᒪᑎᔪᐤ 4.12-17; ᒪᕐᒃ 1.14,15
\s2 Luke 4.14-21 (Epiphany-3 Year C)
\p
\v 14 ᐊᑯ ᒋᓴᔅ ᑲᐤ ᒂ ᐃᓯ ‍ ᒋᐛᑦ ᐊᓐᑕ ᑲᓕᓕ ᐊᔅᒋᒡ ᐊᒐᐧᑯ ᓱᐧᑲᑎᓯᐅᓂᔪᐤ ᐊ ‍ ᓴᑭᔅᒋᓇᔅᑲᑯᑦ᙮ ᒋ ‍ ᑭᑎᐸᒋᒪᑭᓄᐤ ᒪᒃ ᒥᓯᐛ ᐊ ‍ ᐃᔅᐱᑎᔅᑭᒥᑲᔨᒡ ᐊᓐᑕ ᐃᑕᒐ᙮
\v 15 ᒋ ‍ ᒋᔅᑯᑎᒪᒐᐤ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᒡ, ᒥᓯᐛ ᒪᒃ ᐊᐛᔪᐛ ᒋ ‍ ᒋᔅᑕᒋᒥᑯᐤ᙮
\s1 ᒋᓴᔅ ᑲ ‍ ᐊᑐᐛᔨᒪᑭᓄᐅᑦ ᐊᓐᑕ ᓇᓴᕆᑎᒡ
\r ᒪᑎᔪᐤ 13.53-58; ᒪᕐᒃ 6.1-6
\p
\v 16 ᐊᑯ ᒋᓴᔅ ᒂ ‍ ᐅᑎᑕᐧᒃ ᐊᓂᔭ ᐅᑕᓇᔪᐤ ᓇᓴᕆᑦ ᑲ ‍ ᐃᓯᓂᐧᑲᑕᔨᒡ ᐊᓐᑕ ᑲ ‍ ᓂᑕᐅᒋᓇᑭᓄᐅᑦ᙮ ᐊᓂᔭ ᒪᒃ ᒍᐤ ᐊᔭᒥᐊᐅᒋᐛᐱᔪᐤ ᑲᒋ ‍ ᐃᑐᑕᑦ ᒪᓐ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ, ᐊᑯᑕ ᒂ ‍ ᐱᒐᑦ᙮ ᒋ ‍ ᐱᓯᑯᐤ ᒐᒋ ᐃᔨᒥᑕᑦ ᒥᓯᓇᐃᑭᓂᔪᐤ᙮
\v 17 ᐊᑯ ᑲ ‍ ᒥᔭᑭᓄᐅᑦ ᐊᓂᔭ ᒥᓯᓇᐃᑭᓂᔪᐤ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ‍ ᐅᓯᑕᒂ᙮ ᒋ ‍ ᐸᔅᒐᔪᒋᓂᒻ ᐊᑯ ᒂ ‍ ᐃᔨᒥᑕᑦ ᐊᓐᑕ ᐊᑎᔅᑕᔨᒡ,
\q
\v 18 “ᐅᑎᐸᔨᒋᒐᐤ ᐅᑦ ᐊᒐᒂ ᓂ ‍ ᐱᒋᔅᑲᑯᔪᐛ, ᐛᔅ ᐎᔾ ᓂᒋ ‍ ᐅᑎᓂᒄ ᒐᒋ ᐎᑎᒧᐅᒂᐤ ᑲ ‍ ᒋᔅᑎᒪᑎᓯᒡ ᒥᔽᒋᒧᐅᓂᔪᐤ᙮
\q ᓂᒋ ᐸᒋ ‍ ᐃᑎᓴᐅᒄ ᒐᒋ ᐎᑎᒧᐅᒂᐤ ᑲ ‍ ᒪᒋᒂᐱᐧᑲᓱᒡ ᒐᒋ ᐊᐱᐧᑯᓇᑭᓄᐎᒡ ᑭᔭ ᐊᓐᒡ ᐊᑲ ᐛᐸᑕᒡ ᒐ ‍ ᐛᐸᑕᒡ᙮
\q ᑭᔭ ᐊᓐᒡ ᑲ ‍ ᓂᓇᐧᑲᑕᔨᒧᐊᑭᓄᒡ ᒐᒋ ᐱᔅᑎᓇᑭᓄᐅᒡ᙮
\q
\v 19 ᑭᔭ ᓂᒋ ᐸᒋ ‍ ᐃᑎᓴᐅᑯᐅᓐ ᒐᒋ ᐎᑎᒪᓐ ᐊᓂᔭ ᐊ ‍ ᐱᐳᓂᔨᒡ ᐅᑎᐸᔨᒋᒐᐤ ᒐ ‍ ᐱᒪᒋᐊᑦ ᐅᑦ ᐃᔨᒪ᙮”
\p
\v 20 ᐊᑯ ᒋᓴᔅ ᒂ ᐊᑎ ‍ ᒋᐸᐊᐧᒃ ᐊᓂᔭ ᒥᓯᓇᐃᑭᓂᔪᐤ, ᒂ ‍ ᒥᔭᑦ ᐊᓂᔭ ᐸᐃᒄ ᓇᐸᐛ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᑲ ‍ ᐛᐎᒋᐃᐛᔨᒋ᙮ ᒂ ᐊᑎ ‍ ᓇᐊᐃᐱᑦ᙮ ᒥᓯᐛ ᒪᒃ ᐊᓐᒡ ᐃᔪᒡ ᐊᓐᑕ ᐊᔭᒥᐊᐅᒋᐛᐱᒡ ᑲ ‍ ᑕᒡ ᓇᔅᒡ ᒋ ‍ ᑭᓄᐛᐱᒪᐅᒡ ᐊᓂᔭ ᒋᓴᓴ᙮
\s2 Luke 4.21-30 (Epiphany-4 Year C)
\p
\v 21 ᐊᑯ ᐊᑕᑦ, “ᐅ ᑲ ᐃᓯ ‍ ᐸᑎᒪᒄ ᐊ ‍ ᐃᔨᒥᑕᔭᓐ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐅᑎᒋᐱᔪᐤ ᐊᓄᒡ ᒐᓯᑲᒡ᙮”
\v 22 ᒥᓯᐛ ᐊᐛᓐᒋ ᒋ ‍ ᒥᔪᑎᒧᒡ ᑕᓐ ᑲ ᐃᓯ ‍ ᐃᔨᒥᔨᒋ ᒋᓴᓴ᙮ ᐊᑯ ᒋ ‍ ᒥᔅᑲᑕᔨᑎᒧᒡ ᐊ ᐃᔅᐱᔅ ‍ ᑭᔅᒋᐅᑕᑯᓯᔨᒋ, ᐊᑯ ᒂ ‍ ᐃᔅᒋᔄᒡ, ᑕᓐᑕ ᐛᑎᓇᐧᒃ ᐅᔭ ᑲ ‍ ᐃᑎᑕᑯᓯᑦ, “ᓇᒪᔭᔪᐛ ᐊ ᐅᔭ ᒍᓯᑉ ᐅᑯᓴ ?”
\p
\v 23 ᐊᑯ ᒋᓴᔅ ᐊᑕᑦ, “ᒐᔅᑎᓇᔅ ᒋᑭ ᐸᒋ ‍ ᐃᓯᓇᐛᐤ ᐊᓐ ᑲᒋ ‍ ᐃᓇᓄᐅᒡ, ‘ᓂᑐᐧᑯᐃᔨᔅ, ᒥᓏᒋᐃᓱᐤ,’ ᑭᔭ ᒋᑭ ᐸᒋ ‍ ᐃᓯᓇᐛᐤ, ‘ᑕᓐ ᑲ ᐃᓯ ‍ ᐸᑎᒪᒡ ᐊ ‍ ᒪᒥᔅᑲᒡ ᐃᑎᔨᓐ ᐊᓐᑕ ᑲᐳᕐᓇᐊᒻ ᑲ ‍ ᐃᓯᓂᐧᑲᑕᒡ ᐅᑕᓇᐤ, ᐃᑐᑕ ᑭᔭ ᐅᑕ ᐅ ᐅᑕᓇᐤ ᑲ ‍ ᐅᒋᔨᓐ᙮’ ”
\p
\v 24 “ᒥᒄ ᒪᒃ ᒋᑦ ᐃᑎᓇᐛᐤ, ᐊᓐ ᐊᐛᓐ ᑲ ‍ ᐅᒋᔅᒋᐛᐃᒐᓱᐅᑦ, ᓇᒪ ᐊᐱᑕᔨᒪᑭᓄᐤ ᐊᓐᑕ ᐊᓂᔭ ᐅᑕᓇᔪᐤ ᑲ ‍ ᓂᑕᐅᒋᑦ᙮
\v 25 ᓂᑐᑎᒧᒄ ᒪ᙮ ᑕᑈᒥᑭᓐ ᐅ ᒐ ᐃᓯ ‍ ᐎᑎᒪᑎᑯᒡ᙮ ᒪᒂᒡ ᐊᓂᔭ ᐃᓚᐃᒐ ᑲ ‍ ᐱᒪᑎᓯᑦ ᒋ ‍ ᐱᒥᐱᔪᐤ ᐊ ‍ ᑯᐅᐧᑭᑕᓄᐅᒡ ᐊᓐᑕ ᐃᔅᕋᐃᓪ ᐊᔅᒋᒡ ᐊᑲ ᐅᒋ ᒋᒺᒡ ᓂᔅᑐᐳᓇ ᒪᒃ ᐳᔅᒄ ᐃᔅᐱᔅ᙮ ᒋ ‍ ᑕᐅᒡ ᒪᒃ ᐊᓐᑕ ᒥᒐᑦ ᐃᔎᐅᒡ ᐊ ‍ ᐸᐃᑯᓯᒡ᙮ ᓇᒪ ᒪᒃ ᐅᒋ ᐃᑎᓴᐛᑭᓄᐤ ᐃᓚᐃᒐ ᐛᐛᒡ ᐸᐃᒄ ᒐᒋ ᓂᑐᐛᐱᒪᑦ ᐅᔭ ᐃᔎᐛ ᒐᒋ ᐎᒋᐊᑦ᙮
\v 26 ᐊᓐᑕ ᒪᒃ ᓴᕆᐸᑦ ᑲ ‍ ᐃᓯᓂᐧᑲᑕᒡ ᐅᑕᓇᐤ ᐊᓐᑕ ᓴᐃᑐᓐ ᐊᔅᒋᒡ ᑲ ‍ ᑎᒂᒡ, ᒋ ‍ ᑕᐤ ᐊᓐᑕ ᐃᔎᐤ ᐊ ‍ ᐸᐃᑯᓯᑦ᙮ ᐊᑯᑕ ᑲ ‍ ᐃᑎᓴᐛᑭᓄᐅᑦ ᐃᓚᐃᒐ ᐊᓂᔭ ᐃᔎᐛ ᒐᒋ ᐎᒋᐊᑦ᙮
\v 27 ᑭᔭ ᒪᒂᒡ ᐊᔅᒄ ᐊᒋ ‍ ᐱᒪᑎᓯᑦ ᐊᓂᔭ ᐅᒋᔅᒋᐛᐃᒐᓱᐤ ᐃᓚᐃᓴ, ᒋ ‍ ᑕᐅᒡ ᒥᒐᑦ ᐊᐛᓐᒋ ᐊᓐᑕ ᐃᔅᕋᐃᓪ ᐊᔅᒋᒡ, ᑲ ‍ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ‍ ᐊᔭᒡ᙮ ᓇᒪ ᒪᒃ ᐛᐛᒡ ᐸᐃᒄ ᐅᒋ ᒥᓏᒋᐊᑭᓄᐅᒡ ᐅᒡ ᒐᒋ ᐸᔭᒋᓯᒡ, ᒥᒄ ᐊᓐ ᓇᐸᐤ ᓇᐃᒪᓐ ᑲ ‍ ᐃᓯᓂᐧᑲᓱᑦ ᒋ ‍ ᒥᓏᒋᐊᑭᓄᐤ, ᐊᓐᑕ ᒪᒃ ᓯᕆᔭ ᐊᔅᒋᒡ ᐊᑯᑕ ᑲ ‍ ᐅᒋᑦ᙮”
\p ᐊᔪᐅᒄ ᐅᔭ ᑲ ‍ ᐃᑕᑦ ᒋᓴᔅ ᐊᓂᔭ ᐃᔪᐛ ᑲ ‍ ᓂᑐᑕᑯᑦ᙮
\p
\v 28 ᐊᓐᒡ ᒪᒃ ᐃᔪᒡ ᐊᓐᑕ ᐊᓂᔭ ᐊᔭᒥᐊᐅᒋᐛᐱᔪᐤ ᑲ ‍ ᑕᒡ ᐃᔅᐱ ᐱᔭᑐᐛᒡ ᒋᓴᓴ ᐅᔭ ᐊ ‍ ᐃᔅᒋᔄᔨᒋ, ᒋ ᒥᔅᑎ ‍ ᒋᔄᓱᐅᒡ᙮
\v 29 ᐊᑯ ᒂ ‍ ᐱᓯᑯᒡ ᒂ ‍ ᐎᐎᑎᓴᐛᒡ ᒋᓴᓴ ᐊᓐᑕ ᐅᑦ ᐃᑕᐅᓄᐛᒡ ᐅᒡ᙮ ᐊᓐᑕ ᒪᒃ ᒥᒋᒪ ᐊᓂᔭ ᐅᑕᓇᒧᐛᐤ ᒋ ‍ ᑎᑯᓂᔪᐤ ᐊ ‍ ᒋᔅᒐᑲᔨᒡ᙮ ᐊᑯᑕ ᒪᒃ ᑲ ‍ ᐃᑐᑕᐊᒡ ᐊᒋ ᐎ ‍ ᐊᒧᐛᐱᓇᒡ᙮
\v 30 ᒥᒄ ᒪᒃ ᒋᓴᔅ ᒋ ‍ ᔅᑐᑕᐤ ᐊ ᐊᑎ ‍ ᓴᐳᑐᐛᔅᑯᐛᑦ ᐊᓂᔭᔪᐛ ᐃᔪᐛ᙮
\s1 ᒋᓴᔅ ᑲ ‍ ᐎᐎᑎᓴᐛᑦ ᒥᒋ ‍ ᐊᒐᒂ
\r ᒪᕐᒃ 1.21-28
\p
\v 31 ᐊᑯ ᒋᓴᔅ ᒂ ‍ ᐃᑐᑕᑦ ᐊᓐᑕ ᑲᐳᕐᓇᐊᒻ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᑲᓕᓕ ᐊᔅᒋᒡ ᑲ ‍ ᑎᑯᓂᔨᒡ, ᒂ ‍ ᒋᔅᑯᑎᒧᐛᑦ ᐊᐛᔪᐛ ᒪᒂᒡ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ᙮
\v 32 ᒥᓯᐛ ᒋ ‍ ᒥᔅᑲᓯᑎᒧᒡ ᐊᓐᒡ ᐃᔪᒡ ᐊᓂᔭ ᑲ ᐃᓯ ‍ ᒋᔅᑯᑎᒪᒐᔨᒋ ᑲ ᐃᔅᐱᔅ ‍ ᓱᒐᔨᑕᑯᓂᔨᒡ ᐅᑦ ᐃᔨᒧᐅᓂᔪᐤ᙮
\v 33 ᒋ ‍ ᑕᐤ ᒪᒃ ᐊᓐᑕ ᐊᔭᒥᐊᐅᒋᐛᐱᒡ ᓇᐸᐤ ᐊ ‍ ᐱᒋᔅᑲᑯᑦ ᒥᒋ ‍ ᐊᒐᒂ, ᒋ ᐃᓯ ‍ ᑕᑈᐤ ᒪᒃ,
\v 34 “ᑕᓐ ᐛ ᐃᓯᐧᑯᔭᒡ ᒋᔾ ᒋᓴᔅ ᓇᓴᕆᑎᒡ ᑲ ‍ ᐅᒋᔨᓐ ? ᒋ ᐎ ‍ ᓂᓱᐅᓇᒋᐃᓇᓐ ᐊ ᐛᒋ ‍ ᑎᑯᓯᓂᔨᓐ ? ᒋ ‍ ᒋᔅᒐᔨᒥᑎᓇᓐ ᐊᐛᓐ ᒋᔾ᙮ ᒋᔾ ᑲ ‍ ᑎᐸᓇᐃᔅᒃ ᒋᓴᒪᓂᑐᐤ ᒐᒋ ᐊᐱᒋᐃᔅᒃ᙮”
\p
\v 35 ᒋᓴᔅ ᒂ ‍ ᐎᑎᒧᐛᑦ ᐊᓂᔭ ᐊᒐᒂ ᐊ ‍ ᐃᑕᑦ, “ᐊᑲ ᒋᔅᑐ ! ᐎᐎᔅᑯᐤ ᐊᓐ ᓇᐸᐤ !” ᐊᑯ ᐊᓐ ᐊᒐᐧᒄ ᑲ ‍ ᐃᑐᑐᐛᑦ ᐊᓂᔭ ᓇᐸᐛ ᐊᓐᑕ ᒐᒋ ᐃᓯ ‍ ᐸᒋᓯᓂᔨᒋ ᐊ ‍ ᒥᒐᑎᓇᓄᐎᒡ᙮ ᐊᑯ ᒂ ‍ ᐎᐎᔅᑯᐛᑦ ᐊᓂᔭ ᓇᐸᐛ ᐊᑲ ᐅᒋ ᒪᑕᒄ ᐃᑐᑐᐛᑦ ᒐᒋ ᐊᐧᑯᐊᑦ᙮
\p
\v 36 ᑕᑈ ᒪᒃ ᒋ ‍ ᒥᔅᑲᑕᔨᑎᒧᒡ ᒥᓯᐛ ᐊᓐᒡ ᑲ ‍ ᑭᓄᐛᐱᒡ ᐊ ‍ ᐃᔅᒋᔄᒡ, “ᒐᒄ ᐃᔨᒧᐅᓂᔪᐤ ᐅᔭᔪᐤ ᑲ ‍ ᐊᐱᒋᑕᑦ ? ᑕᑈ ᓱᒋᐱᔪᐤ ᐅᑦ ᐃᔨᒧᐅᓐ ᑭᔭ ᑕᑈ ᐊᔪᐛᒃ ᐅᒋᒪᐛᔨᑕᑯᓱᐤ ᒥᒄ ᐊ ᐃᓯ ‍ ᐎᐎᔨᒋ ᒥᒋ ‍ ᐊᒐᒂ ᐊ ‍ ᐎᐎᑎᓴᐛᑦ᙮”
\v 37 ᐊᑯ ᒪᒃ ᒂ ᐊᑎ ‍ ᑎᑎᐸᒋᒪᒡ ᒋᓴᓴ ᐊᓐᑕ ᐊᓂᔭ ᐊᔅᒋᔪᐤ᙮
\s1 ᒥᒐᑦ ᐃᔪᐛ ᑲ ‍ ᒥᓏᒋᐊᑦ ᒋᓴᔅ
\r ᒪᑎᔪᐤ 8.14-17; ᒪᕐᒃ 1.29-34
\p
\v 38 ᒋᓴᔅ ᒂ ‍ ᐎᐎᑦ ᐊᓂᔭ ᐊᔭᒥᐊᐅᒋᐛᐱᔪᐤ, ᐊᑯ ᐊᓐᑕ ᓴᐃᒥᓐ ᐱᑕᕋ ᐎᒋᔨᒡ ᒂ ‍ ᐃᑐᑕᑦ᙮ ᓴᐃᒥᓐ ᐱᑕᕐ ᒪᒃ ᐅᓯᑯᓴ ᒋ ‍ ᐊᐧᑯᓯᔪᐛ ᑲ ‍ ᒋᓯᑕᐅᐱᐃᓇᓄᐎᒡ ᐊᒋ ‍ ᐊᔭᔨᒋ᙮ ᒋ ‍ ᓂᑐᑎᒧᐛᐅᒡ ᒋᓴᓴ ᒐᒋ ᒥᓏᒋᐊᔨᒋ᙮
\v 39 ᒋᓴᔅ ᒪᒃ ᒋ ‍ ᓄᐛᑲᐳᐤ ᐊᓐᑕ ᐃᔅ ᐊ ‍ ᑕᔨᒋ ᐊᓂᔭ ᐃᔎᐛ, ᐊᑯ ᒂ ‍ ᐃᑎᓱᐛᑕᐧᒃ ᐊᓂᔭ ᑲ ‍ ᒋᓯᑕᐅᐱᐃᓇᓄᐎᒡ ᒐᒋ ᓂᑭᑎᑯᔨᒋ᙮ ᑎᐛᒡ ᒪᒃ ᒋ ‍ ᓂᑭᑎᑯᔪᐛ, ᒂ ‍ ᐅᓂᑦ ᐊᓐ ᐃᔎᐤ ᒂ ᐊᑎ ‍ ᐱᐱᒥᓄᐅᑕᑦ ᐊᐛᔪᐛ᙮
\p
\v 40 ᐃᔅᐱ ᒪᒃ ᑲ ‍ ᐸᒋᓯᒧᔨᒋ ᐱᓯᒺ, ᐊᐛᓐᒋ ᒋ ‍ ᐸᑐᐛᐅᒡ ᒋᓴᓴ ᒥᓯᐛ ᐊᐛᔪᐛ ᐊ ‍ ᐊᐧᑯᓯᔨᒋ, ᓂᓇᐧᑯᐤ ᐊ ‍ ᐃᑕᔅᐱᓇᔨᒋ᙮ ᒋᓴᔅ ᒪᒃ ᒋ ‍ ᓴᒥᓇᐤ ᒥᓯᐛ ᐊᓂᔭ ᑲ ‍ ᐊᐧᑯᓯᔨᒋ, ᒂ ‍ ᒥᓏᒋᐊᑦ᙮
\v 41 ᒥᒐᑦ ᒪᒃ ᐃᔪᒡ ᒋ ‍ ᐎᐎᔅᑲᑯᐅᒡ ᒥᒋ ‍ ᐊᒐᒂ ᐊ ᐃᓯ ‍ ᑕᑈᔨᒋ, “ᒋᔾ ᑕᑈ ᙭, ᒋᓴᒪᓂᑐᐤ ᐅᑯᓴ᙮” ᒋᓴᔅ ᒪᒃ ᒋ ‍ ᒋᑕᐊᒧᐛᐤ ᐊᓂᔭ ᒥᒋ ‍ ᐊᒐᒂ ᒐᒋ ᐃᔨᒥᔨᒋ, ᐛᔅ ᒋ ‍ ᒋᔅᒐᔨᒥᑯᐤ ᐎᔾ ᐊ ‍ ᐊᐎᑦ ᙭᙮
\s1 ᒋᓴᔅ ᑲ ‍ ᑭᒐᔅᒋᒧᑦ ᒍᑎᔭᒡ
\r ᒪᕐᒃ 1.35-39
\p
\v 42 ᐃᔅᐱ ᒪᒃ ᐱᔭᑕᐱᓂᔨᒡ ᒋᓴᔅ ᒋ ‍ ᐃᑐᑕᐤ ᐊᓐᑕ ᐊᑲ ᐃᑕᓄᐎᒡ᙮ ᒋ ‍ ᑕᐅᒡ ᒪᒃ ᐊᐛᓐᒋ ᐊ ‍ ᓇᓂᑐᐛᐱᒪᒡ ᒋᓴᓴ᙮ ᐃᔅᐱ ᒪᒃ ᑲ ‍ ᒥᔅᑯᐛᒡ ᒋ ᐎ ‍ ᓯᒋᒪᐅᒡ ᒐ ᐊᑲ ᒋ ᓂᑭᑎᑯᒡ᙮
\v 43 ᒋ ‍ ᐃᑕᐤ ᒪᒃ ᐊᓂᔭ ᐃᔪᐛ, “ᐛᔅ ᐊᓐ ᓂᐸ ‍ ᑭᒐᔅᒋᒧᓐ ᑭᔭ ᐊᓐᑕ ᑯᑎᑲ ᐅᑕᓇᐛ ᐅ ᒥᔽᒋᒧᐅᓐ ᐊ ‍ ᐛᐎᑎᒪᓐ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᐛᔅ ᐊᔪᐅᒄ ᐅᔭ ᐛᒋ ‍ ᐸᒋ ‍ ᐃᑎᓴᐅᑦ ᒋᓴᒪᓂᑐᐤ᙮”
\p
\v 44 ᒋ ‍ ᑭᒐᔅᒋᒧᐤ ᒪᒃ ᓂᓇᐧᑯᐤ ᐊᔭᒥᐊᐅᒋᐛᐱᒡ ᒥᓯᐛ ᐊᓐᑕ ᒍᑎᔭ ᐊᔅᒋᒡ ᑲ ‍ ᑎᑯᓂᔨᒋ᙮
\c 5
\s1 ᑲ ‍ ᒥᔅᑎᐱᑕᐅᔭᒡ ᐊᓐᒡ ᓂᔅᑎᒻ ᑲ ‍ ᐅᑎᓇᑭᓄᐎᒡ ᒋᔅᒋᓄᐊᒧᐛᑭᓐᒡ
\r ᒪᑎᔪᐤ 4.18-22; ᒪᕐᒃ 1.16-20
\s2 Luke 5.1-11 (Epiphany-5 Year C)
\p
\v 1 ᐸᐃᒂᐤ ᒋᓴᔅ ᒪᒂᒡ ᐊ ‍ ᓂᐳᐅᑦ ᓯᓱᒡ ᓴᑲᐃᑭᓂᒡ ᑲᓇᓴᕆᑦ ᐊ ‍ ᐃᓯᓂᐧᑲᑕᔨᒡ, ᒥᒐᑦ ᒪᒃ ᐃᔪᐛ ᐊ ‍ ᐛᔅᑲᑲᐳᔅᑕᑯᑦ ᐊ ‍ ᓂᑐᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ,
\v 2 ᒋ ᐅᒋ ‍ ᐛᐸᑎᒻ ᓂᓱ ᐊ ‍ ᒥᓴᔨᒋ ᐅᐤᑕ ᐊᓐᑕ ᓯᓱᒡ, ᐊᒋ ‍ ᓂᑭᑎᒥᒂᓂ ᑲ ‍ ᓄᑎᒪᓴᔨᒋ ᒐᒋ ᒋᔅᑕᐸᐅᔭᔨᒋ ᐅᑦ ᐊᐃᐱᔨᐛ᙮
\v 3 ᒋ ‍ ᐳᓱᐤ ᒪᒃ ᒋᓴᔅ ᐸᐃᒄ ᐅᐤᑎᔪᐤ, ᐊᓂᔭ ᓴᐃᒥᓐ ᐱᑕᕋ ᑲ ‍ ᑎᐱᔨᐛᐅᓯᔨᒋ᙮ ᒂ ‍ ᑯᒂᒋᒪᑦ ᓴᐃᒥᓐ ᐱᑕᕋ ᒐᒋ ᐊᐱᓯᔅ ᒧᓴᐅᐊᒥᔨᒋ᙮ ᐊᑯ ᒪᒃ ᒂ ‍ ᐛᐛᔨᐱᑦ ᒋᓴᔅ ᑲ ‍ ᒋᔅᑯᑎᒪᒐᑦ ᐊᓐᑕ ᐊ ‍ ᒥᓴᔨᒡ ᐅᐤᑎᒡ ᐅᒡ᙮
\p
\v 4 ᐃᔅᐱ ᒪᒃ ᑲᒋ ᐃᓯ ‍ ᐃᔨᒥᑦ ᒋᓴᔅ ᒋ ‍ ᐃᑕᐤ ᐊᓂᔭ ᓴᐃᒥᓇ, “ᒧᓴᐅᐊᒧᒄ ᐊᓐᑕ ᐊ ‍ ᒋᔅᑲᔪᐛᒡ ᒐ ‍ ᐱᑭᔅᑐᐛᐊᑯᒡ ᒋᑦ ᐊᐃᐱᐛᐅᒡ᙮”
\p
\v 5 ᓴᐃᒥᓐ ᒪᒃ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᒋᔅᑯᑎᒪᒐᓱᐤ, ᐃᔅᑭᓐ ᑎᐱᔅᑲᐛ ᓂᒋ ‍ ᓄᑎᒪᓴᓇᓐ, ᓇᒪ ᒪᒃ ᓂ ᐅᒋ ‍ ᐱᑕᐅᔭᓇᓐ᙮ ᐊᔪᐛᒡ ᒪᒃ ᓂᑭ ‍ ᐱᑭᔅᑐᐛᐛᓇᓂᒡ ᓂᑦ ᐊᐃᐱᓇᓐᒡ ᐛᔅ ᐊᐅᑯᓐ ᐊ ‍ ᐃᓯᔭᒡ ᒐᒋ ᑎᔭᒡ᙮”
\p
\v 6 ᐃᔅᐱ ᒪᒃ ᑲ ‍ ᐱᑭᔅᑐᐛᐛᒡ ᐅᑦ ᐊᐃᐱᐛᐛ ᒋ ᐊᑎ ‍ ᐱᑯᐱᔪᐛ ᐅᑦ ᐊᐃᐱᐛᐛ ᑲ ‍ ᐃᔅᐱᔅ ᒋ ‍ ᒥᔅᑎᐱᑕᐅᔭᒡ᙮
\v 7 ᐊᑯ ᒂ ‍ ᐛᔅᑕᒧᐛᒡ ᐎᒋᓄᑎᒪᓴᐛ, ᑯᑎᒋᔪᐤ ᐅᐤᑎᔪᐤ ᑲ ‍ ᑕᔨᒋ ᒐᒋ ᐸᒋ ‍ ᐎᒋᐃᑯᒡ, ᐊᑯ ᒂ ᐸᒋ ‍ ᐃᔅᒋᒪᔨᒋ᙮ ᑕᐱᔅᑯᓐ ᒪᒃ ᐊᓂᔭᔪᐛ ᐊ ‍ ᒥᓴᔨᒋ ᐅᐤᑕ ᒋ ᐎ ‍ ᑯᓴᐸᐛ ᑲ ᐃᔅᐱᔅ ‍ ᓴᑭᔅᒋᓇᒡ ᓂᒪᓯᒡ᙮
\v 8 ᐃᔅᐱ ᒪᒃ ᓴᐃᒥᓐ ᐱᑕᕐ ᐎᔭᐸᑕᐧᒃ ᐊ ‍ ᐃᔅᐱᔨᒡ ᒋ ‍ ᐅᒋᒋᐧᑯᓂᐱᔪᐤ ᐅᑎᔅᑯᐤ ᒋᓴᓴ ᐊ ‍ ᑕᔨᒋ, ᐊ ‍ ᐃᔅᒋᔄᑦ, “ᓇᑭᓯ, ᐅᑎᐸᔨᒋᒐᐤ, ᐛᔅ ᓂ ‍ ᒥᒐᑎᓯᓐ᙮”
\p
\v 9 ᒋ ‍ ᒥᔅᑲᑕᔨᑎᒧᒡ ᓴᐃᒥᓐ ᑭᔭ ᐊᓂᔭ ᐎᒋᓄᑎᒪᓴᐛ ᐊᓂᔭ ᑲ ‍ ᐃᔅᐱᔅ ᒋ ᒥᔅᑎ ‍ ᐱᑕᐅᔭᒡ᙮
\v 10 ᑭᔭ ᐊᓂᔭ ᐎᒋᓄᑎᒪᓴᐛ ᒋᒥᓴ ᑭᔭ ᒠᓇ, ᓴᐱᑎ ᐅᑯᓴ ᒋ ‍ ᒥᔅᑲᑕᔨᑎᒧᒡ ᑭᔭ ᐎᔨᐛᐤ᙮ ᒋᓴᔅ ᒪᒃ ᒋ ‍ ᐃᑕᐤ ᐊᓂᔭ ᓴᐃᒥᓇ, “ᐊᑲᐎᔾ ᓴᒋᓯ᙮ ᐛᔅ ᒧᔭᒻ ᐃᔪᒡ ᐊ ‍ ᐱᑕᐅᔭᔭᒄ ᐊᐅᑯᓐ ᒐ ‍ ᐃᑎᔭᒄ ᐊᑯ ᒐ ᐊᑎ ‍ ᑭᒐᔅᒋᒪᑯᒡ᙮”
\p
\v 11 ᒋ ‍ ᓴᔅᒋᐱᑎᒧᒡ ᒪᒃ ᐅᑦ ᐅᐤᑐᐛᐛ ᒂ ‍ ᓂᑭᑕᒡ ᐊᓐᑕ ᒥᓯᐛ ᒐᒂᔪᐤ, ᐊᑯ ᒂ ‍ ᐎᒐᐛᒡ ᒋᓴᓴ᙮
\s1 ᑲ ‍ ᒥᓏᒋᐊᑭᓄᐅᑦ ᓇᐸᐤ ᑲ ‍ ᐊᐧᑯᓯᑦ ᐅᓯᑲᒡ
\r ᒪᑎᔪᐤ 8.1-4; ᒪᕐᒃ 1.40-45
\p
\v 12 ᒪᒂᒡ ᒪᒃ ᒋᓴᔅ ᐊ ‍ ᑕᑦ ᐊᓐᑕ ᐸᐃᒄ ᐊᓂᔭ ᐅᑕᓇᔪᐤ ᒋ ‍ ᑕᐤ ᓇᐸᐤ ᐊᓐᑕ ᐅᒥᒋᐛᔅᐱᓇᐅᓂᔪᐤ ᐊ ‍ ᒪᔭᑎᓂᔨᒡ ᐊ ‍ ᐊᔭᑦ ᒥᓯᐛ ᐊ ‍ ᐃᔅᐱᑎᑦ᙮ ᐃᔅᐱ ᒪᒃ ᐎᔭᐱᒪᑦ ᒋᓴᓴ ᒋ ‍ ᐅᑎᑎᐱᔪᐤ ᐊᓐᑕ ᐊ ‍ ᑕᔨᒡ, ᐊᑯ ᓇᔅᒡ ᒂ ‍ ᓂᑐᐛᔨᒪᑦ ᒐᒋ ᐎᒋᐃᑯᑦ, ᐊ ‍ ᐃᑕᑦ, “ᐅᑎᐸᔨᒋᒐᐤ, ᐎ ᐸᒋ ‍ ᐎᒋᐃᓇ ᒋᑭ ᒋ ‍ ᐃᑐᑕᓐ ᒐᒋ ᐸᔭᒋᓯᔭᓐ᙮”
\p
\v 13 ᒋᓴᔅ ᒪᒃ ᒋ ‍ ᓱᐅᓂᔅᒐᔪᐤ ᒂ ‍ ᑕᒋᓇᑦ ᐊ ‍ ᐃᑕᑦ, “ᒋ ᐎ ‍ ᐎᒋᐃᑎᓐ᙮ ᐸᔭᒋᓯ ᒪᒃ᙮” ᑎᐛᒡ ᒪᒃ ᒋ ‍ ᒥᓏᑎᓯᐤ ᐊᓂᔭ ᑲ ‍ ᐃᑕᔅᐱᓇᑦ ᐊᓐ ᓇᐸᐤ᙮
\p
\v 14 ᒋᓴᔅ ᒪᒃ ᒋ ‍ ᐃᑎᓱᒪᐤ ᐊ ‍ ᐃᑕᑦ, “ᐊᑲᐎᔾ ᐎᑎᒧᐤ ᐊᐛᓐ ᑕᓐ ᑲ ‍ ᐃᔅᐱᔨᓐ᙮ ᒪᒋ, ᓄᑯᐃᓱᐤ ᐊᓄᒡ ᒍᐤ ᐊᔭᒥᐊᐅᒋᒪᐤ ᐊ ‍ ᑕᑦ ᒐ ‍ ᐛᐱᒥᔅᒃ ᐊᒋ ‍ ᒥᓏᒋᐃᑯᔨᓐ᙮ ᑭᔭ ᒐ ‍ ᐱᔅᑎᓂᒐᔨᓐ ᐊᓐ ᒐᒂᓐ ᐊᓂᔭ ᒧᓱᔅ ᑲ ‍ ᐃᑎᓱᐛᑦ ᒐ ‍ ᐱᔅᑎᓂᑲᓄᐎᒡ᙮ ᐅ ᒪᒃ ᐃᑎᔨᓇ ᒥᓯᐛ ᐊᐛᓐ ᒋᑭ ‍ ᒋᔅᒐᔨᑎᒻ ᑕᑈ ᓇᔅᒡ ᐊᒋ ‍ ᐸᔭᒋᐃᑯᔨᓐ᙮”
\p
\v 15 ᒋ ‍ ᒥᓯᑕᐱᔪᐤ ᒪᒃ ᒋᓴᔅ ᐊ ‍ ᐃᑕᒋᒪᑭᓄᐅᑦ᙮ ᒥᒐᑦ ᒪᒃ ᐊᐛᔪᐛ ᒋ ᐸᒋ ‍ ᓂᑐᐛᐱᒥᑯᐤ ᐊ ᐎ ‍ ᓂᑐᑕᑯᑦ ᑭᔭ ᐊ ᐎ ‍ ᒥᓏᒋᐃᑯᓯᔨᒋ᙮
\v 16 ᒋ ‍ ᐃᑐᑕᐤ ᒪᒃ ᒪᓐ ᒋᓴᔅ ᐊᓐᑕ ᐸᐧᑯᑎᔅᑭᒥᑲᒡ ᐊᑯ ᑲᒋ ‍ ᐊᔭᒥᐊᑦ᙮
\s1 ᑲ ‍ ᒥᓏᒋᐊᑭᓄᐅᑦ ᓇᐸᐤ ᐊᑲ ᐅᒋ ᐊᑎᓂᓱᑦ
\r ᒪᑎᔪᐤ 9.1-8; ᒪᕐᒃ 2.1-12
\p
\v 17 ᐸᐃᒂᐤ ᒋᓴᔅ ᐊ ‍ ᒋᔅᑯᑎᒪᒐᑦ ᒋ ‍ ᑕᔪᐛ ᐊᓐᑕ ᐸᕆᓯᐊ ᑭᔭ ᐊᓂᔭ ᑲ ‍ ᒋᔅᑯᑎᒪᒐᔨᒋ ᐊᔭᒥᐊᐅ ᐎᓱᐛᐅᓂᔪᐤ᙮ ᐅᒡ ᒪᒃ ᓇᐸᐅᒡ ᒥᓯᐛ ᐅᑕᓇᒡ ᒋ ‍ ᐅᑐᑕᐅᒡ, ᐊᓐᑕ ᑲᓕᓕᒡ ᑭᔭ ᒍᑎᔭ ᐊᔅᒋᒡ ᑲ ‍ ᑎᑯᓂᔨᒋ ᑭᔭ ᐊᓐᑕ ᐅᑕᓇᒡ ᒋᕈᓯᓕᒥᒡ ᒋ ‍ ᐅᑐᑕᐅᒡ᙮ ᒋᓴᔅ ᒪᒃ ᒋ ‍ ᐊᔭᐛᐤ ᒋᓴᒪᓂᑐᐛ ᐅᑭᔅᒋᐅᓂᔪᐤ ᒐᒋ ᒥᓏᒋᐃᐛᑦ᙮
\v 18 ᒪᒂᒡ ᒪᒃ ᐊ ‍ ᒋᔅᑯᑎᒪᒐᑦ ᒋᓴᔅ ᒋ ᐅᒋ ‍ ᐸᓱᐛᐅᒡ ᓇᐸᐅᒡ ᐎᑕᐸᐛᐛ ᐊᑲ ᓂᔅᑐᓯᔨᒋ ᐊᔅᐱᓯᒧᓂᒡ ᐊ ‍ ᐱᒥᓯᓂᔨᒋ᙮ ᒋ ᐎ ‍ ᐱᑎᑲᐊᐅᒡ ᐊᓐᑕ ᒥᒋᐛᐱᒡ ᐊᒋ ᐎ ‍ ᐱᒥᓯᒪᒡ ᑎᐱᔅᑯᒡ ᒋᓴᓴ ᐊ ‍ ᑕᔨᒋ᙮
\v 19 ᓇᒪ ᒪᒃ ᐅᒋ ᐱᑎᑲᐊᐅᒡ ᐛᓴ ᐊᒋ ‍ ᒥᒐᑎᓇᓄᐎᒡ ᐱᑎᑭᒥᒡ᙮ ᐊᑯ ᒪᒃ ᑲ ‍ ᐊᑯᓯᑕᐊᒡ ᐊᓂᔭ ᒥᒋᐛᐱᔪᐤ, ᒂ ‍ ᐱᑯᓇᐱᑕᒡ ᐸᐧᑯᔪᐤ ᐊᓐᑕ ᑕᐧᑯᒡ ᐊᓐᑕ ᑲ ᐅᒋ ‍ ᐱᔅᑕᐱᒐᓇᒡ ᐊᓂᔭ ᓇᐸᐛ, ᐊᓐᑕ ᑕᑕᐅᒡ ᓇᑕ ᐊ ‍ ᑕᓄᐎᒡ, ᑎᐱᔅᑯᒡ ᒋᓴᓴ ᐊ ‍ ᑕᔨᒋ ᒂ ‍ ᐱᔅᑎᓇᒡ᙮
\p
\v 20 ᐃᔅᐱ ᒪᒃ ᒋᓴᔅ ᐎᔭᐸᑎᒺᑦ ᐅᑕᑈᑎᒧᐅᓂᔪᐤ ᐊᓂᔭᔪᐛ ᓇᐸᐛ ᐊᑯ ᒂ ‍ ᐃᑕᑦ ᐊᓂᔭ ᓇᐸᐛ ᑲ ‍ ᐱᒥᓯᓂᔨᒋ, “ᓂᐎᒐᐛᑭᓐ, ᒋ ‍ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮”
\p
\v 21 ᐊᑯ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᒂ ᐊᑎ ‍ ᐊᔨᒧᑎᒺᒡ ᐅᔭ ᑲ ‍ ᐃᔅᒋᔄᔨᒋ ᐊ ‍ ᐃᔅᒋᔄᒡ᙮ “ᐸᔅᑕᒧᐤ ᐅ ᓇᐸᐤ ᐊ ‍ ᐃᔅᒋᔄᑦ, ‘ᒋ ‍ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮’ ᓇᒪ ᐊᐛᓐ ᒋᑭ ᒋ ‍ ᐛᐸᔨᑎᒧᐛᐤ ᐊᐛᔪᐛ ᐅᒥᒋᑥᐅᓂᔪᐛ, ᒥᒄ ᒋᓴᒪᓂᑐᐤ᙮”
\p
\v 22 ᐃᔅᐱ ᒋᓴᔅ ᒐᔅᒐᔨᒪᑦ ᐊ ᐃᓯ ‍ ᐃᔨᒥᐃᑐᔨᒋ ᒋ ‍ ᐃᑕᐤ, “ᒐᒂᓐ ᐛᒋ ‍ ᒪᒥᑐᓇᔨᑎᒥᐃᑯᔭᒄ ᐊᓐ ᑲ ‍ ᐃᔅᒋᔄᔭᓐ ?
\v 23 ᑕᓐ ᒪᒃ ᐃᐛᒃ ᐎᔭᑎᓂᔨᒡ ᒐᒋ ᐃᑕᑭᓄᐅᑦ, ‘ᒋ ‍ ᐛᐸᔨᑎᒪᑯᐅᓐ ᒋᒥᒋᑥᐅᓇ,’ ᑭᔭ ᒪᒃ ᒐᒋ ᐃᑕᑭᓄᐅᑦ, ‘ᐅᓂᔾ, ᑭᔭ ᐱᒧᑕ’ ?
\v 24 ᒋᑭ ‍ ᐛᐸᑎᔨᑎᓇᐛᐤ ᐃᔪᐤ ᐅᑯᓯᓴᓐ ᑕᑈ ᐎᔾ ᐊ ‍ ᐊᔭᑦ ᑎᐸᔨᒋᒐᐅᓂᔪᐤ ᐅᑕ ᐊᔅᒋᒡ ᒐᒋ ᐛᐸᔨᑎᒪᒐᑦ ᒥᒋᑥᐅᓇ᙮” ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᓇᐸᐛ ᐊᑲ ᐅᒋ ᓂᔅᑐᓯᔨᒋ, “ᐱᓯᑯ, ᐅᑎᓇ ᒋᑦ ᐊᔅᐱᓯᒧᓐ, ᒐ ‍ ᒋᐛᔨᓐ᙮”
\p
\v 25 ᑎᐛᒡ ᒪᒃ ᒋ ‍ ᐱᓯᑯᐤ ᐊᓐ ᓇᐸᐤ ᒪᒂᒡ ᐊᓐᑕ ᐊ ‍ ᒥᒐᑎᓇᓄᐎᒡ, ᒂ ᐊᑎ ‍ ᐅᑎᓇᐧᒃ ᐊᓂᔭᔪᐤ ᐅᑦ ᐊᔅᐱᓯᒧᓐ ᐊᑯ ᒂ ᐊᑎ ‍ ᒋᐛᑦ ᐊ ‍ ᒪᒥᒋᒪᑦ ᒋᓴᒪᓂᑐᐛ᙮
\v 26 ᒥᓯᐛ ᒪᒃ ᐊᓐᒡ ᑲ ‍ ᐛᐸᑕᒡ ᑕᓐ ᑲ ‍ ᐃᔅᐱᔨᒡ ᒋ ‍ ᒥᔅᑲᑕᔨᑎᒥᐃᑯᐅᒡ ᑭᔭ ᒋ ‍ ᓴᒋᓱᐅᒡ᙮ ᒋ ‍ ᒋᔅᑕᒋᒪᐅᒡ ᒋᓴᒪᓂᑐᐛ ᐊ ‍ ᐃᔅᒋᔄᒡ, “ᑕᑈ ᒪᒥᔅᑲᒡ ᒋ ᐊᑎ ᐃᓯ ‍ ᐛᐸᑕᓇᓄᐤ ᒐᒂᓐ ᐊᓄᒡ ᐊ ‍ ᐃᔅᐱᔨᒡ᙮”
\s1 ᓕᐸᐃ ᑲ ‍ ᑎᐸᒋᒪᑭᓄᐅᑦ
\r ᒪᑎᔪᐤ 9.9-13; ᒪᕐᒃ 2.13-17
\p
\v 27 ᐃᔅᐱ ᒪᒃ ᑲ ‍ ᒋᔅᐱᔨᒡ ᐅ ᒋ ‍ ᐎᐎᐤ ᒋᓴᔅ ᐊᓂᔭ ᒥᒋᐛᐱᔪᐤ ᐊᑯ ᒂ ‍ ᔅᑐᑕᑦ᙮ ᒋ ‍ ᐛᐱᒪᐤ ᒪᒃ ᓇᐸᐛ ᐊ ‍ ᐊᐱᔨᒋ ᐅᒥᓯᓇᐃᒐᐅᒋᐛᐱᒡ, ᓕᐸᐃ ᐊ ‍ ᐃᓯᓂᐧᑲᓱᔨᒋ, ᑲ ‍ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᐊ ‍ ᐃᑕᐱᑎᓯᔨᒋ᙮ ᐊᑯ ᒋᓴᔅ ᒂ ‍ ᐃᑕᑦ, “ᐸᒋ ‍ ᐛᐎᒐᐎ᙮”
\v 28 ᒂ ‍ ᐱᓯᑯᑦ ᓕᐸᐃ ᒂ ‍ ᓂᑭᑕᐧᒃ ᒥᓯᐛ ᒐᒂᔪᐤ ᑲ ᐃᓯ ‍ ᐊᔭᑦ ᐊᑯ ᒂ ‍ ᐛᐎᒐᐛᑦ ᒋᓴᓴ᙮
\p
\v 29 ᐸᑎᒪ ᒪᒃ ᒋ ‍ ᒥᑯᓴᐊᐤ ᒋᓴᓴ ᐊᓐᑕ ᐎᒋᒡ᙮ ᒋ ‍ ᒥᒐᑎᔪᐛ ᒪᒃ ᑯᑎᑲ ᑲ ‍ ᒪᒧᓴᒋᓂᒥᔨᒋ ᒋᓴᐅᒋᒪᐤ ᓱᓇᔭᔪᐤ ᐊ ‍ ᐃᑕᐱᑎᓯᔨᒋ ᑭᔭ ᑯᑎᑲ ᐊᐛᔪᐛ ᒋ ‍ ᑕᔪᐛ ᐊᒋ ‍ ᐎᒋᒥᒋᓱᒥᑯᒡ᙮
\v 30 ᐊᑯ ᒪᒃ ᐸᕆᓯᔨᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᒂ ‍ ᐃᔨᒪᐊᒡ ᒋᓴᓴ ᐅᒋᔅᒋᓄᐊᒧᐛᑭᓂᔪᐛ ᐊ ‍ ᐃᑕᒡ, “ᒐᒂᓐ ᐛᒋ ‍ ᐎᒋᒥᒋᓱᒪᑯᒡ ᐊᓐᒡ ᑲ ‍ ᒪᒧᓴᒋᓇᒡ ᒋᓴᐅᒋᒪᐤ ᓱᓇᔭᔪᐤ ᑲ ‍ ᐃᑕᐱᑎᓯᒡ ᑭᔭ ᐊᓐᒡ ᑯᑎᑭᒡ ᐅᒥᒋᑥᐅᒡ ?”
\p
\v 31 ᒋᓴᔅ ᒪᒃ ᒋ ‍ ᐎᑎᒪᐛᐤ ᐊ ‍ ᐃᔅᒋᔄᑦ, “ᓇᒪ ᓂᑐᐛᔨᒪᐅᒡ ᓂᑐᐧᑯᐃᔨᓴ ᐊᓐᒡ ᐊᐛᓐᒋ ᐊᑲ ᐊᐧᑯᓯᒡ, ᒥᒄ ᐊᓐᒡ ᑲ ‍ ᐊᐧᑯᓯᒡ ᐊᐅᑯᓐᒡ ᓇᑐᐛᔨᒪᒡ ᓂᑐᐧᑯᐃᔨᓴ᙮
\v 32 ᓇᒪᔭᐤ ᐊᓐᒡ ᑲ ‍ ᑯᐃᔅᑯᑕᑎᓯᒡ ᐛᒋ ‍ ᑎᑯᓯᓂᔭᓐ᙮ ᓂᒋ ‍ ᑎᑯᓯᓐ ᒐᒋ ᓂᑐᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”
\s1 ᐊᑲ ᐊᓯᑯᒻ ᒥᒋᓱᓇᓄᐅᒡ ᐊ ‍ ᐊᔨᒧᑕᒡ
\r ᒪᑎᔪᐤ 9.14-17; ᒪᕐᒃ 2.18-22
\p
\v 33 ᐸᕆᓯᔨᒡ ᒪᒃ ᒋ ‍ ᐃᑕᐅᒡ ᒋᓴᓴ, “ᒐᒂᔪᐤ ᐛᒋ ‍ ᒥᒐᑥᐤ ᐃᑐᑎᒥᔨᒋ ᒠᓐ ᐅᒋᔅᒋᓄᐊᒧᐛᑭᓇ ᐊᑲ ᐊᓯᑯᒻ ᒥᒋᓱᔨᒋ ᒥᒄ ᒐᒋ ᐊᔭᒥᐊᔨᒋ᙮ ᑭᔭ ᓂᔭᓐ ᓂᒋᔅᒋᓄᐊᒧᐛᑭᓇᓐᒡ ᐊᐅᒄ ᐊ ‍ ᐃᑎᒡ᙮ ᒋᔾ ᒪᒃ ᒋᒋᔅᒋᓄᐊᒧᐛᑭᓐᒡ ᓇᒪ ᐃᑐᐅᒡ᙮”
\p
\v 34 ᒋᓴᔅ ᒪᒃ ᒋ ‍ ᐃᔅᒋᔄᐤ, “ᒧᔭᒻ ᐊ ‍ ᓂᐳᐅᓇᓄᐅᒡ, ᒋᑭ ᒋ ‍ ᐃᑐᐅᒡ ᐊ ᒐ ᐊᑲ ᒋ ᒥᒋᓱᒡ ᐊᓐᒡ ᑲ ‍ ᐎᓴᒪᑭᓄᐎᒡ ᐊ ‍ ᒥᑯᓴᓄᐎᒡ ? ᓇᒪ ᒂᔄᓐ᙮ ᐛᔅ ᒧᔭᒻ ᐊ ‍ ᑕᔨᒋ ᐊᓐᑕ ᐊ ‍ ᑕᒡ ᐊᓂᔭ ᐅᔅᒋᓂᒋᓱᐛ ᓇᒪ ᐛᐛᒡ ᒋᑭ ᐅᒋ ‍ ᐃᑕᔨᑎᒧᒡ ᒐ ᐊᑲ ᒋ ᒥᒋᓱᒡ᙮
\v 35 ᐃᔅᐱ ᒪᒃ ᐅᑎᒋᐱᔨᒐ ᒐ ᐸᒋ ‍ ᒥᔅᑭᒪᑭᓄᐎᒡ ᐅᔅᒋᓂᒋᓱᐛ ᑭᔭ ᐃᔭᒄ ᓇᒪ ᒋᑭ ᐅᒋ ‍ ᒥᒋᓱᐅᒡ᙮”
\p
\v 36 ᐊᑯ ᒋᓴᔅ ᒂ ‍ ᐎᑎᒧᐛᑦ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ‍ ᐃᑕᑦ, “ᓇᒪ ᐊᐛᓐ ᒋᐸ ᒋ ᐅᒋ ‍ ᐱᑯᐱᑎᒻ ᐊ ‍ ᐅᔅᑲᔨᒡ ᐅᑦ ᐊᑯᑉ ᒐᒋ ᒥᓴᐊᒃ ᐛᔅᑭᒡ ᐊᑯᐱᔅᒋᓯᔪᐤ᙮ ᐛᔅ ᐅᔭᔪᐤ ᐃᑐᑕᒐ, ᒋᑭ ‍ ᓂᓱᐅᓇᒋᑕᐤ ᐊᓂᔭ ᑲ ‍ ᐅᔅᑲᔨᒡ ᐅᑦ ᐊᑯᑉ᙮ ᐊᓐ ᒪᒃ ᑲ ‍ ᐅᔅᑲᒡ ᒥᓴᐃᑭᓐ, ᓇᒪ ᒋᑭ ᐅᒋ ‍ ᓂᐃᔅᑲᒐᒥᑭᓐ ᐊᓐᑕ ᐛᔅᑭᒡ ᐊᑯᐱᔅᒋᓯᒡ᙮
\v 37 ᓇᒪ ᑭᔭ ᐊᐛᓐ ᐱᑕᐸᐅᑕᐤ ᐊ ‍ ᐅᔅᑲᑭᒥᔨᒡ ᓱᒥᓇᐳᔪᐤ ᐊᓐᑕ ᐃᓯ ᐊ ‍ ᐛᔅᑭᒍᓂᔨᒡ ᐅᓯᑭᔾ ᐳᑕᒡ᙮ ᐛᔅ ᐊᓐᑕ ᐃᔅ ᐱᑕᐸᐅᑕᒐ ᐃᔅᐱ ᒪᒃ ᐅᓯᐅᒥᑭᓂᔨᒐ, ᓇᔅᒡ ᒋᑭ ‍ ᑕᑐᐱᔪᐤ ᐊᓂᔭ ᐅᓯᑭᔾ ᐳᑕᔪᐤ᙮ ᐊᑯ ᒪᒃ ᓇᒪ ᒋᑭ ᐅᒋ ‍ ᐊᔭᐤ ᓱᒥᓇᐳᔪᐤ ᑭᔭ ᐊᓂᔭ ᐅᓯᑭᔾ ᐳᑕᔪᐤ ᓇᒪ ᓴᔅ ᒋᑭ ᐅᒋ ‍ ᐃᓯᓇᑯᓂᔪᐤ ᒥᓐ ᒐᒋ ᐊᐱᑎᓂᔨᒡ᙮
\v 38 ᐊ ‍ ᐅᔅᑲᑭᒥᔨᒡ ᓱᒥᓇᐳᔪᐤ ᐊᓐᑕ ᐊ ‍ ᐅᔅᑲᔨᒡ ᐅᓯᑭᔾ ᐳᑕᒡ ᒋᐸ ᐃᓯ ‍ ᐱᑕᐸᐅᑕᐤ᙮
\v 39 ᐊᐛᓐ ᓴᔅ ᐊᒋ ‍ ᑯᒋᔅᑕᐧᒃ ᐛᔅᑭᒡ ᓱᒥᓇᐳᔪᐤ ᓇᒪ ᒋᑭ ᐅᒋ ᐎ ‍ ᒥᓄᐤ ᐊ ‍ ᐅᔅᑲᑭᒥᔨᒡ ᓱᒥᓇᐳᔪᐤ᙮ ᐛᔅ ᐊᓂᔭ ᐛᔅᑭᒡ ᓱᒥᓇᐳᔪᐤ ᐃᐛᒃ ᒋᑭ ‍ ᐎᔅᑎᒻ᙮”
\c 6
\s1 ᒋᓴᔅ ᑲ ‍ ᐊᔨᒧᑕᐧᒃ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ
\r ᒪᑎᔪᐤ 12.1-8; ᒪᕐᒃ 2.23-28
\p
\v 1 ᐸᐃᒂᐤ ᒪᒃ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ, ᒋᓴᔅ ᒋ ‍ ᐎᒐᐛᐤ ᐅᒋᔅᒋᓄᐊᒧᐛᑭᓇ, ᐊ ‍ ᐱᒧᑕᒡ ᐊᓐᑕ ᑲᒋ ‍ ᓂᑕᐅᒋᓂᔨᒋ ᐸᒂᓯᑭᓂᒥᓇᑎᒂ᙮ ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒋ ‍ ᑭᒐᒥᐱᑎᒧᒡ ᐊᓂᔭ ᐸᒂᓯᑭᓂᒥᓇᑎᒂ, ᐊ ‍ ᐱᒋᔅᒋᐱᔨᒋ ᐅᑎᒋᐛᐛᒡ ᐊ ‍ ᒥᒋᒡ᙮
\v 2 ᒋ ᐸᒋ ‍ ᓇᑎᑯᐅᒡ ᒪᒃ ᐸᕆᓯᐊ ᐊ ‍ ᐃᑎᑯᒡ, “ᒋᑦ ᐊᔭᔅᑯᐎᐧᑲᓇᐛᐤ ᐊ ᒋᒥᒋᒧᐛᐤ ᐊ ‍ ᐊᔭᒥᐊᐅᒋᓯᑲᒡ᙮ ᒐᒂᓐ ᐛᒋ ‍ ᐃᑐᑎᒪᒄ ᐊᓐ ᒐᒂᓐ ᐊᑐᒡ ᒋᐸ ᐅᒋ ‍ ᐃᑐᑕᑭᓄᐤ ᐊ ‍ ᐊᔭᒥᐊᐅᒋᓯᑲᒡ ?”
\p
\v 3 ᒋᓴᔅ ᒪᒃ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᔅᒋ ‍ ᐃᔨᒥᑕᓇᐛᒐ ᒥᓯᓇᐃᑭᓂᒡ ᑲ ‍ ᑎᐸᒋᒪᑭᓄᐅᑦ ᐊᓂᔭ ᒋᓴᐅᒋᒪᐤ ᑎᐱᑦ, ᒥᓯᐛ ᑭᔭ ᐊᓂᔭ ᑲ ‍ ᐎᒐᐅᑯᑦ ᐃᔅᐱ ᑲ ᐎ ‍ ᒥᒋᓱᒡ᙮
\v 4 ᒋ ‍ ᐱᒐᐅᒡ ᒋᓴᒪᓂᑐᐛ ᐎᒋᔨᒡ ᐊᑯ ᑎᐱᑦ ᒂ ‍ ᒧᐛᑦ ᐊᓂᔭ ᑲ ‍ ᐸᔭᒋᓯᔨᒋ ᐸᒂᓯᑭᓇ, ᐊᑯ ᑲ ‍ ᐊᓯᒪᑦ ᐅᐎᒐᐛᑭᓇ᙮ ᒥᒄ ᒪᒃ ᐊᔭᒥᐊᐅᒋᒪᐅᒡ ᒋ ‍ ᐃᑕᔨᑕᑯᓱᐅᒡ ᒐᒋ ᒧᐛᒡ ᐅᔭ ᐸᒂᓯᑭᓇ, ᐛᔅ ᐊᐅᑯᓐ ᑲ ‍ ᐃᑎᔅᑕᔨᒡ ᐊᔭᒥᐊᐅ ᐎᓱᐛᐅᒥᓯᓇᐃᑭᓂᒡ᙮ ᑎᐱᑦ ᒪᒃ ᓇᒪ ᐅᒋ ᐛᐛᓯᐊᑭᓄᐤ᙮”
\v 5 ᒋ ‍ ᐃᔅᒋᔄᐤ ᑭᔭ ᒋᓴᔅ, “ᐃᔪᐤ ᐅᑯᓯᓴᓐ ᒪᒃ ᐛᐛᒡ ᐊ ‍ ᐊᔭᒥᐊᐅᒋᓯᑲᔨᒡ ᑎᐸᔨᑎᒻ᙮”
\s1 ᒋᓴᔅ ᑲ ‍ ᒥᓏᒋᐊᑦ ᓇᐸᐛ ᐊ ‍ ᐊᔭᒥᐊᐅᒋᓯᑲᔨᒡ
\r ᒪᑎᔪᐤ 12.9-14; ᒪᕐᒃ 3.1-6
\p
\v 6 ᐸᐃᒂᐤ ᒪᒂᒡ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ, ᒋᓴᔅ ᒋ ‍ ᐱᒐᐤ ᐊᔭᒥᐊᐅᒋᐛᐱᒡ ᒐᒋ ᒋᔅᑯᑎᒪᒐᑦ᙮ ᒋ ‍ ᑕᐤ ᒪᒃ ᐊᓐᑕ ᓇᐸᐤ ᐅᒥᔪᐅᓐ ᐊ ‍ ᒪᔅᑲᔨᒡ᙮
\v 7 ᐊᓐᒡ ᒪᒃ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᑭᔭ ᐸᕆᓯᔨᒡ ᐃᔭᒂ ᒋ ‍ ᓂᓇᑭᑐᐛᔨᒪᐅᒡ ᒋᓴᓴ ᒐᒋ ᒥᓏᒋᐃᐛᔨᒂᓂ ᐃᔪᐛ ᒪᒂᒡ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ᙮ ᒋ ᐎ ‍ ᓇᓂᑐᒥᔅᑭᒧᒡ ᑕᓐᑕ ᒐᒋ ᐅᒋ ‍ ᒪᒥᓯᒪᒡ ᒋᓴᓴ᙮
\v 8 ᒋᓴᔅ ᒪᒃ ᒋ ‍ ᒋᔅᒐᔨᒪᐤ ᑕᓐ ᐊ ᐃᓯ ‍ ᒪᒥᑐᓇᔨᑎᒥᔨᒋ᙮ ᒋ ‍ ᐃᑕᐤ ᒪᒃ ᐊᓂᔭ ᓇᐸᐛ ᐅᑎᒋᔪᐤ ᑲ ‍ ᒪᔅᑲᔨᒡ, “ᐱᓯᑯ, ᐅᑕ ᑕᑕᐅᒡ ᐸᒋ ‍ ᓂᐳᐎ᙮” ᒋ ‍ ᐱᓯᑯᐤ ᐊᓐ ᓇᐸᐤ, ᒂ ‍ ᐃᑐᑕᑦ ᐊᓐᑕ ᑕᑕᐅᒡ᙮
\p
\v 9 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᑲ ᐎ ‍ ᒪᒥᓯᒥᑯᑦ, “ᒋᑭ ‍ ᑯᒂᒋᒥᑎᓇᐛᐤ, ᑕᓐ ᐊ ᐃᓯ ‍ ᐱᑯᓴᔨᒥᑯᔭᐧᒄ ᐎᓱᐛᐅᓐ ᒐᒋ ᐃᑐᑎᒧᐛᒂ ᐊ ‍ ᒍᐤ ᐊᔭᒥᐊᐅᒋᓯᑲᒡ᙮ ᑕᓐ ᒪᐅᒡ ᒪᔽᓯᒡ ᒐᒋ ᐃᑐᑎᒥᓐ ᒐᒂᓐ᙮ ᐊ ‍ ᒥᔪᑐᑎᒥᓐ ᑭᔭ ᒪᒃ ᐊ ‍ ᒥᒋᑐᑎᒥᓐ, ᐊ ‍ ᐱᒪᒋᑕᔨᓐ ᑭᔭ ᒪᒃ ᐊ ‍ ᓂᓱᐅᓇᒋᑕᔨᓐ ?”
\p
\v 10 ᐊᑯ ᒪᒃ ᒋᓴᔅ ᑲ ‍ ᑭᓄᐛᐱᒪᑦ ᒥᓯᐛ ᐊᑯ ᒂ ‍ ᐃᑕᑦ ᐊᓂᔭ ᓇᐸᐛ ᑲ ‍ ᒪᔅᑲᔨᒡ ᐅᑎᒋᔪᐤ, “ᓴᑐᐱᔨᑕ ᔅᑎᒋᔾ᙮” ᒋ ‍ ᓴᑐᐱᔨᑕᐤ ᒪᒃ ᐊᓐ ᓇᐸᐤ ᐊᓂᔭ ᐅᑎᒋᔾ ᑭᔭ ᒂ ‍ ᒥᓏᒋᑕᑭᓄᐎᒡ, ᒧᔭᒻ ᐊᓂᔭ ᑯᑎᒋᔪᐤ ᐅᑎᒋᔾ ᑲ ᐃᓯ ‍ ᒥᔽᔨᒡ ᐊᐅᑯᓐ ᑲ ‍ ᐃᓯᓇᑯᓂᔨᒡ ᐊᓂᔭ ᐅᑎᒋᔾ ᑲ ‍ ᒪᔅᑲᔨᒡ᙮
\v 11 ᐊᑯ ᒪᒃ ᑲ ᒥᔅᑎ ‍ ᒋᔄᓯᒡ ᐊᓐᒡ ᑲ ᐎ ‍ ᒪᒥᓯᒪᒡ ᒋᓴᓴ, ᐊᑯ ᒂ ‍ ᐃᔭᔨᒺᐛᐃᑯᒡ ᑕᓐ ᒐᒋ ᐃᑐᑐᐛᒡ᙮
\s1 ᒋᓴᔅ ᑲ ‍ ᐅᑎᓇᑦ ᓂᓱᓴᑉ ᐊᑈᔅᑕᓇ
\r ᒪᑎᔪᐤ 10.1-4; ᒪᕐᒃ 3.13-19
\p
\v 12 ᐸᐃᒂᐤ ᐊ ‍ ᒋᓯᑲᔨᒡ ᒋᓴᔅ ᒋ ‍ ᐃᑐᑕᐤ ᐱᔅᑯᑎᓇᒡ, ᒐᒋ ᐊᔭᒥᐊᑦ᙮ ᐊᑯᑕ ᑲ ‍ ᑕᑦ ᐃᔅᑭᓐ ᑎᐱᔅᑲᐛ ᐊ ‍ ᐊᔭᒥᐊᔅᑐᐛᑦ ᒋᓴᒪᓂᑐᐛ᙮
\v 13 ᐃᔅᐱ ᒪᒃ ᐎᔭᐱᓂᔨᒡ ᒋ ‍ ᓂᔅᑐᓇᐤ ᐊᓂᔭ ᐊᐛᔪᐛ ᑲ ‍ ᓇᓴᐅᑯᑦ, ᐊᑯ ᐛᑎᓇᑦ ᐊᓂᔭ ᓂᓱᓴᑉ ᐅᒋᔅᒋᓄᐊᒧᐛᑭᓇ ᐊᑈᔅᑕᓇ ᒐᒋ ᐃᑎᐱᔨᒋ᙮ ᐊᐅᑯᓐᒡ ᐅᒡ ᑲ ‍ ᐱᐸᒥᑎᓯᐛᑭᓄᐎᒡ ᒥᔽᒋᒧᐅᓂᔪᐤ ᒐᒋ ᐛᐎᑕᒡ᙮
\v 14 ᐊᐅᑯᓐᒡ ᒪᒃ ᐅᒡ, ᓴᐃᒥᓐ ᐊᓂᔭ ᒋᓴᔅ ᐱᑕᕐ ᑲ ‍ ᐃᓯᓂᐧᑲᑕᑦ, ᑭᔭ ᐱᑕᕐ ᐅᓯᒪ ᐊᓐᑎᕈᐊ, ᑭᔭ ᒋᒥᔅ ᑭᔭ ᒠᓐ, ᐱᓕᑉ ᑭᔭ ᐸᕐᑕᓚᒥᔪᐤ᙮
\v 15 ᒪᑎᔪᐤ ᒪᒃ, ᐊᑯ ᒥᓐ ᑥᒥᔅ, ᒋᒥᔅ, ᐊᓪᐱᔭᔅ ᐅᑯᓴ᙮ ᑭᔭ ᓴᐃᒥᓐ ᑲ ‍ ᐊᔭᒥᐊᐛᑎᓯᑦ ᑲ ‍ ᐃᓯᓂᐧᑲᑕᑭᓄᐅᑦ᙮
\v 16 ᒍᑎᔅ ᒪᒃ ᑭᔭ ᒋ ‍ ᐅᑎᓇᑭᓄᐤ, ᒋᒥᔅ ᐅᑯᓴ᙮ ᑭᔭ ᒍᑎᔅ ᐃᔅᑲᕆᔭᑦ, ᐊᐅᑯᓐ ᐅ ᒐ ‍ ᐎᔭᓯᐱᔅᑎᓇᑦ ᒋᓴᓴ᙮
\s1 ᒋᓴᔅ ᑲ ‍ ᒋᔅᑯᑎᒪᒐᑦ ᑭᔭ ᑲ ‍ ᒥᓏᒋᐃᐛᑦ
\r ᒪᑎᔪᐤ 4.23-25
\s2 Luke 6.17-26 (Epiphany-6 Year C)
\p
\v 17 ᐃᔅᐱ ᒪᒃ ᒋᓴᔅ ᑲ ‍ ᓂᑎᒋᐛᒡ ᐱᔅᑯᑎᓇᒡ, ᐊ ‍ ᑕᐱᑐᐛᔨᒡ ᐊᓐᑕ ᒋ ‍ ᐃᑐᑕᐅᒡ᙮ ᒥᒐᑦ ᒂ ‍ ᓇᓴᑯᑦ ᐃᔪᐛ ᒋ ‍ ᑕᔪᐛ ᐊᓐᑕ ᑭᔭ ᒋ ‍ ᒥᒐᑎᔪᐛ ᑯᑎᑲ ᐊᐛᔪᐛ, ᓂᓇᐧᑯᐤ ᐊᒋ ‍ ᐅᑐᑕᔨᒋ ᐊᓂᔭ ᒍᑎᔭ ᐊᔅᒋᔪᐤ ᐊ ‍ ᐃᔅᐱᓴᔨᒡ᙮ ᒋᕈᓯᓕᒥᒡ ᑭᔭ ᑯᑎᑭᒡ ᒋ ‍ ᐅᑐᑕᐅᒡ, ᐊᑯ ᑯᑎᑭᒡ ᓯᓱᒡ ᐎᓂᐸᑯᒡ ᑲ ‍ ᑎᑯᓂᔨᒋ ᐅᑕᓇᐛ ᑕᐃᕋ ᑭᔭ ᓴᐃᑐᓐ ᑲ ‍ ᐃᓯᓂᐧᑲᑕᔨᒋ ᐊᑯᑕ ᑲ ‍ ᐅᑐᑕᒡ᙮
\v 18 ᒋ ‍ ᑎᑯᓯᓄᐅᒡ ᒐᒋ ᐸᒋ ‍ ᓂᑐᑐᐛᒡ ᒋᓴᓴ, ᑭᔭ ᒐᒋ ᒥᓏᒋᐃᑯᒡ ᒥᓯᐛ ᓂᓇᐧᑯᐤ ᐅᑦ ᐃᑕᔅᐱᓇᐅᓄᐛᐛ᙮ ᒋ ‍ ᑎᑯᓯᓄᐅᒡ ᑭᔭ ᐊᓐᒡ ᐊᐛᓐᒋ ᑲ ‍ ᒥᑯᔅᑲᒋᐃᑯᒡ ᒥᒋ ‍ ᐊᒐᒂ, ᒋ ‍ ᒥᓏᒋᐊᑭᓄᐅᒡ ᒪᒃ᙮
\v 19 ᒥᓯᐛ ᒪᒃ ᐊᐛᓐ ᒋ ᐎ ‍ ᑕᒋᓇᐤ ᒋᓴᓴ, ᐛᔅ ᒥᓏᒋᐃᐛᐤ ᓱᐧᑲᑎᓯᐅᓂᔪᐤ ᒋ ‍ ᐅᒋᐱᔪᐤ ᐊ ‍ ᑕᔨᒋ᙮ ᑕᑐᐤ ᒪᒃ ᐊᐛᓐ ᑲ ‍ ᑕᒋᓇᑦ ᒋ ‍ ᒥᓏᒋᐊᑭᓄᐤ᙮
\s1 ᒋᓴᔅ ᑲ ‍ ᐊᔨᒧᑕᐧᒃ ᒥᔽᔨᑎᒧᐅᓂᔪᐤ ᑭᔭ ᒥᓯᒪᔨᑎᒧᐅᓂᔪᐤ
\r ᒪᑎᔪᐤ 5.1-12
\p
\v 20 ᒋᓴᔅ ᒋ ‍ ᑭᓄᐛᐱᒪᐤ ᐊᓂᔭ ᑲ ‍ ᓇᓴᐅᑯᑦ, ᐊᑯ ᐊᑕᑦ,
\q “ᒋ ‍ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ‍ ᒋᔅᑎᒪᑎᓯᔭᒄ ᐊᓄᒡ, ᐛᔅ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᒋ ‍ ᒥᓯᓇᓱᓇᐛᐤ᙮
\q
\v 21 ᒋ ‍ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ‍ ᓄᑕᐧᑭᑕᔭᒄ ᐊᓄᒡ, ᐛᔅ ᒋᑭ ‍ ᒋᔅᐳᐃᑯᓇᐛᐤ᙮
\q ᒋ ‍ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ‍ ᒪᔭᒄ ᐊᓄᒡ, ᐛᔅ ᒋᑭ ‍ ᐸᐱᓇᐛᐤ᙮
\q
\v 22 ᒋ ‍ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ‍ ᐛᐧᑲᑎᑯᐅᔭᒄ, ᐊᑲ ᐱᔅᑲᑎᑯᐅᔭᒄ, ᐊ ‍ ᒪᔭᔨᒥᑯᐅᔭᒄ ᑭᔭ ᐊ ᒥᒋ ‍ ᐊᔨᒧᒥᑯᐅᔭᒄ ᓂᔾ ᐅᒋ ᐊ ‍ ᓇᓴᐅᔭᒄ, ᐃᔪᐤ ᐅᑯᓯᓴᓐ᙮”
\p
\v 23 “ᒥᔽᔨᑎᒧᒄ ᒪᒃ ᐅ ᐃᑐᑕᑯᐅᔭᒂ, ᑭᔭ ᒂᔅᑯᑎᒄ ᐊ ᐃᔅᐱᔅ ‍ ᒥᔽᔨᑎᒪᒄ᙮ ᐛᔅ ᑭᓄᐛᔨᑕᑯᓐ ᐊ ‍ ᒥᓴᒡ ᒋᑎᐸᐊᒪᑯᓯᐅᓄᐛᐤ ᒋᒋᒋᓯᑯᒡ᙮ ᐛᔅ ᐊᓐᒡ ᑲ ‍ ᐃᑐᑕᑕᑯᒡ ᐊᓂᔭᐧᑲ ᒪᒃ ᐅᑕᐎᐛᐛ ᐊᐅᑯᓐ ᒧᔭᒻ ᑲ ‍ ᐃᑐᑐᐛᔨᒋ ᐊᓂᔭᐧᑲ ᐅᒋᔅᒋᐛᐃᒐᓱᐛ᙮
\q
\v 24 ᐃᔭᒂ ᒋᔨᐛᐤ ᑲ ‍ ᐛᔪᑎᓯᔭᒄ ᐊᓄᒡ, ᐛᔅ ᓇᔅᒡ ᓴᔅ ᒋ ‍ ᑭᓄᐛᔨᑕᓇᐛᐤ ᐊ ‍ ᐎᔭᔨᑕᒂᒡ ᐱᒪᑎᓯᐅᓐ᙮
\q
\v 25 ᐃᔭᒂ ᒋᔨᐛᐤ ᑲ ‍ ᑕᐱᒥᒋᓱᔭᒄ ᐊᓄᒡ, ᐛᔅ ᒋᑭ ‍ ᓄᑕᐧᑭᑕᓇᐛᐤ᙮
\q ᐃᔭᒂ ᒋᔨᐛᐤ ᑲ ‍ ᐸᐱᔭᒄ ᐊᓄᒡ, ᐛᔅ ᒋᑭ ‍ ᒪᓇᐛᐤ᙮
\q
\v 26 ᐃᔭᒂ ᒋᔨᐛᐤ ᑲ ‍ ᒥᔽᒋᒥᑯᐅᔭᒄ, ᐛᔅ ᐊᓐᒡ ᑲ ‍ ᒥᔽᒋᒥᑕᑯᒡ, ᐊᓂᔭᐧᑲ ᒪᒃ ᐅᑕᐎᐛᐛ, ᐊᐅᑯᓐ ᒧᔭᒻ ᑲ ᐃᓯ ‍ ᒥᔽᒋᒪᔨᒋ ᒥᒋ ‍ ᐅᒋᔅᒋᐛᐃᒐᓱᐛ᙮”
\s1 ᒋᓴᔅ ᑲ ‍ ᐃᔅᒋᔄᑦ ᒐᒋ ᓴᒋᐊᐧᑯᒡ ᐊᓐᒡ ᑲ ‍ ᒥᒐᔨᒥᑕᑯᒡ
\r ᒪᑎᔪᐤ 5.38-48; 7.12
\p
\v 27 “ᐅ ᒪ ᒋᑦ ᐃᑎᓇᐛᐤ ᒋᔨᐛᐤ ᑲ ‍ ᓂᑐᑎᒪᒄ᙮ ᓴᒋᐊᐧᑯᒡ ᐊᓐᒡ ᑲ ‍ ᒥᒐᔨᒥᑕᑯᒡ, ᒥᔪᑐᑐᐛᐧᑯᒡ ᐊᓐᒡ ᑲ ‍ ᐛᐧᑲᑎᑕᑯᒡ᙮
\v 28 ᐊᔭᒥᐊᔅᑎᒧᐛᐧᑯᒡ ᒐᒋ ᓱᐛᔨᒥᑯᒡ ᒋᓴᒪᓂᑐᐛ ᑕᓐ ᐊᓐᒡ ᑲ ‍ ᒥᒐᒋᒥᑕᑯᒡ ᑭᔭ ᐊᔭᒥᐊᔅᑎᒧᐛᐧᑯᒡ ᐊᓐᒡ ᐊᑲ ᒧᔭᒻ ᐃᑐᑕᑕᑯᒡ᙮
\v 29 ᒪᒃ ᐊᐛᓐ ᐅᑕᒪᐅᔅᒐ ᓂᐱᑕ ᒋᑕᒥᐧᑭᓂᒡ, ᐊᑯᔅ ᒥᔾ ᒐᒋ ᐅᑕᒪᐅᔅᒃ ᒂᔅᑕᒥᐧᑭᓐ, ᒪᒃ ᐊᐛᓐ ᐅᑎᓇᒐ ᒋᑦ ᐊᑯᐱᔪᐤ ᐊᑯᔅ ᒥᔾ ᒐᒋ ᐊᔭᑦ ᑭᔭ ᐊᓂᔭ ᒋᐱᒍᐎᔭᓂᔪᐤ ᐛ ᐅᑎᓂᒧᒂ᙮
\v 30 ᒥᔾ ᑕᑐᐤ ᐊᐛᓐ ᑕᓐ ᐊ ᐃᓯ ‍ ᓂᑐᐛᔨᑎᒪᔅᒃ ᒐᒂᔪᐤ᙮ ᐊᑯ ᒪᒃ ᐊᐛᓐ ᐅᑎᓇᒐ ᒐᒂᔪᐤ ᐊ ‍ ᑎᐱᔨᐛᐅᓯᐅᑦ, ᐊᑲᐎᔾ ᒥᓐ ᑲᐤ ᓂᑐᐛᔨᑎᒧᐤ᙮
\v 31 ᐃᑐᑐᐅᒡ ᐊᐛᓐᒋ ᒧᔭᒻ ᑕᓐ ᐊ ᐃᓯ ‍ ᐱᑯᓴᔨᒥᑥᐤ ᒐᒋ ᐃᑐᑕᔅᒡ ᑭᔭ ᒋᔾ᙮”
\p
\v 32 “ᒐᒂᓐ ᒪᒃ ᓇᔅᒡ ᒋᐸ ‍ ᐃᓯᓇᑯᓐ ᒥᒄ ᐊᓐᒡ ᐊᐛᓐᒋ ᑲ ‍ ᓴᒋᐃᔅᒡ ᓴᒋᐃᑥᐤ, ᐛᔅ ᐊᐅᑯᓐ ᐊ ‍ ᐃᑎᒡ ᑭᔭ ᐎᔨᐛᐤ ᐅᒥᒋᑥᐅᒡ ᒥᒄ ᐊᓂᔭ ᐊᐛᔪᐛ ᑲ ‍ ᓴᒋᐃᑯᒡ ᓴᒋᐊᐅᒡ !
\v 33 ᒐᒂᓐ ᒪᒃ ᓇᔅᒡ ᒋᐸ ‍ ᐃᓯᓇᑯᓐ ᒥᒄ ᒥᔪᑐᑐᐅᑥᐤ ᐊᓐᒡ ᑲ ‍ ᒥᔪᑐᑕᔅᒡ ? ᐛᔅ ᐃᔭᐱᒡ ᐊᐅᑯᓐ ᐊ ‍ ᐃᑎᒡ ᐅᒥᒋᑥᐅᒡ, ᒥᔪᑐᑎᐛᐅᒡ ᐊᓂᔪᐛ ᑲ ‍ ᒥᔪᑐᑕᑯᒡ᙮
\v 34 ᒐᒂᓐ ᒪᒃ ᓇᔅᒡ ᒋᐸ ‍ ᐃᓯᓇᑯᓐ ᒥᒄ ᐊᓐᒡ ᐅᐛᐊᓱᑥᐤ ᒐᒂᔪᐤ, ᐊᓐᒡ ᐊ ‍ ᐱᑯᓴᔨᒥᑥᐤ ᒥᓐ ᒐᒋ ᒋᐛᒥᔨᔅᒡ ? ᐛᔅ ᐊᐅᑯᓐ ᐊ ‍ ᐃᑎᒡ ᐅᒥᒋᑥᐅᒡ ᐊᐱᒋᑕᐅᒡ ᑭᔭ ᐎᔨᐛᐤ ᒐᒂᔪᐛ᙮ ᑭᔭ ᐃᑕᔨᑎᒧᒡ ᒥᓐ ᑲᐤ ᒐᒋ ᒋᐛᒋᓯᐧᑯᐛᒋᓄᐅᒡ ᑕᓐ ᑲ ᐃᓯ ‍ ᐅᐛᐊᑥᐤ ᐊᐛᔪᐛ᙮
\v 35 ᒪᐅᑕ ᒋᐸ ‍ ᐃᑎᓐ, ᒋᐸ ‍ ᓴᒋᐊᐅᒡ ᐊᓐᒡ ᑲ ‍ ᒥᒐᔨᒥᔅᒡ, ᑭᔭ ᒋᐸ ‍ ᒥᔪᑐᑐᐛᐅᒡ, ᒋᐸ ‍ ᒥᔭᐅᒡ ᑭᔭ ᒐᒂᔪᐤ ᐊ ᐃᓯ ‍ ᓂᑐᐛᔨᑎᒪᔅᒡ᙮ ᓇᒪ ᒋᐸ ᐅᒋ ‍ ᐱᑯᓴᔨᑕᓐ ᒥᓐ ᒐᒋ ᒋᐛᒥᔨᑯᔨᓐ, ᒐ ‍ ᒥᓴᒡ ᒪᒃ ᒋᑎᐸᐊᒪᑯᓯᐅᓐ᙮ ᑭᔭ ᐅ ᐃᑐᑎᒥᓇ ᒋᑭ ‍ ᓄᑯᓐ ᐊ ‍ ᐅᑦ ᐊᐛᓯᒥᑐᑕᔅᒃ ᒋᓴᒪᓂᑐᐤ, ᒪᐅᒡ ᑲ ‍ ᐃᔅᐸᔨᑕᑯᓯᑦ᙮ ᐛᔅ ᒥᔪᑐᑐᐛᐤ ᒥᓯᐛ ᐊᐛᔪᐛ ᐊᑎ ᐊᓂᔭ ᐊᑲ ᓂᓇᔅᑯᒧᔨᒋ ᑭᔭ ᐊᓂᔭ ᑲ ‍ ᒥᒋᑥᔨᒋ᙮
\v 36 ᒋᔅᑎᒪᒐᔨᒧᐛ ᑭᔭ ᒋᔾ ᒧᔭᒻ ᒍᑕᐎᔾ ᒋᒋᒋᓯᑯᒡ ᐊ ‍ ᑕᑦ ᑲ ᐃᔅᐱᔅ ‍ ᒋᔅᑎᒪᒐᔨᒧᐛᑦ᙮”
\s1 ᒋᓴᔅ ᑲ ‍ ᐃᔅᒋᔄᑦ ᒐ ᐊᑲ ᒋ ᐊᑐᐛᔨᒥᑦ ᑯᑎᒃ ᐊᐛᓐ
\r ᒪᑎᔪᐤ 7.1-5
\p
\v 37 “ᐊᑲᐎᔾ ᑎᐸᔅᑯᓂᒐᒄ, ᑭᔭ ᓇᒪ ᒋᑭ ᐅᒋ ‍ ᑎᐸᔅᑯᓂᑯᐛᐤ ᒋᓴᒪᓂᑐᐤ᙮ ᐊᑲᐎᔾ ᓂᓱᐅᓇᒋᒧᐛᒄ ᑭᔭ ᓇᒪ ᒋᑭ ᐅᒋ ‍ ᓂᓱᐅᓇᒋᒥᑯᐛᐤ ᒋᓴᒪᓂᑐᐤ᙮ ᐛᐸᔨᑎᒪᒐᒄ ᐊᑯ ᑭᔭ ᒋᔨᐛᐤ ᒐ ‍ ᐛᐸᔨᑎᒪᑕᒄ ᒋᓴᒪᓂᑐᐤ᙮
\v 38 ᒥᔨᐛᒄ, ᑭᔭ ᒐ ‍ ᒋᐛᒥᔨᑯᐅᔭᒄ᙮ ᒥᔅᑎ ᒋᑭ ‍ ᒥᔨᑯᓇᐛᐤ᙮ ᑕᓐ ᐊᔅᐱᔅ ᒥᔨᐛᑦ ᐊᐛᓐ ᒐᒂᔪᐤ ᐊᐅᑯᓐ ᒧᔭᒻ ᒐ ᐃᔅᐱᔅ ‍ ᒥᔭᑭᓄᐅᑦ᙮”
\p
\v 39 ᒋᓴᔅ ᒪᒃ ᒋ ‍ ᐎᑎᒧᐛᐤ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ‍ ᐃᑕᑦ, “ᐊ ᐊᑲ ‍ ᐛᐸᑕᐧᒃ ᐊᐛᓐ ᒋᑭ ᒋ ‍ ᐊ ᒋᔅᒋᓄᑕᐊᐤ ᑯᑎᑲ ᐊᐛᔪᐛ ᐊ ᐊᑲ ‍ ᐛᐸᑎᒥᔨᒋ ? ᓇᒪ ᑭᑈ᙮ ᐛᔅ ᑕᐱᔅᑯᓐ ᒋᑭ ‍ ᐳᒋᐱᔪᐅᒡ ᐊ ‍ ᒂᐃᑕᐛᐧᑲᔨᒡ᙮
\v 40 ᐊᓐ ᑲ ‍ ᒋᔅᑯᑎᒧᐛᑭᓄᐅᑦ ᐊᐛᓐ ᓇᒪᐎᔾ ᐅᔅᑕ ᐃᑕᔨᑕᑯᓱᐤ ᐊ ‍ ᐃᑕᔨᑕᑯᓯᔨᒋ ᐊᓂᔭ ᑲ ‍ ᒋᔅᑯᑎᒪᑯᑦ᙮ ᐛᔅ ᐃᔅᐱ ᒋ ᐃᓯ ‍ ᒋᔅᑯᑎᒧᐛᑭᓄᒐ ᐊᐅᑯᓐ ᒐ ‍ ᐃᑕᔨᑕᑯᓯᑦ ᒧᔭᒻ ᐊᓂᔭ ᑲ ‍ ᒋᔅᑯᑎᒪᑯᑦ᙮”
\p
\v 41 “ᒐᒂᓐ ᐛᒋ ᓇᔅᒡ ᓂᓇᑭᑐᐛᔨᑎᒧᑦ ᒋᐧᑲᓂᔅ ᐊ ‍ ᐊᐱᓴᓯᔨᒡ ᐅᐱᓯᓄᐅᓐ ᐊᑲ ᒪᒃ ᓂᓇᑭᑐᐛᔨᑎᒥᐃᑯᔨᓐ ᒋᔾ ᐊ ‍ ᐱᓯᓂᔨᓐ ᐊ ‍ ᒥᒐᔎᒡ ᒥᔅᑎᒄ ?
\v 42 ᑕᓐᑕ ᒐᒋ ᐅᒋ ‍ ᐃᑎᑦ ᒋᐧᑲᓂᔅ, ‘ᓂᑭ ‍ ᐎᐧᑯᒋᑕᓐ ᒋᐱᓯᓄᐅᓐ, ᐊᑲ ᒪᒃ ᐛᐛᒡ ᒋ ‍ ᐛᐸᑎᒥᓐ ᐊᓐ ᒥᔅᑎᒄ ᐊᓐᑕ ᒋᔾ ᒋᔅᒋᓯᑯᒡ ᑲ ‍ ᑎᒂᒡ’ ? ᒋᑦ ᐃᑕᔨᒪᐅᒡ ᐊᐛᓐᒋ ᒐᒋ ᐃᑕᔨᒥᔅᒡ ᐊ ‍ ᑯᐃᔅᑯᑕᑎᓯᔨᓐ ᐊᑲ ᒪᒃ ᑯᐃᔅᑯᑕᑎᓯᔨᓐ᙮ ᒋᔾ ᑲ ‍ ᐊᔭᒥᐊᐧᑲᓱᔨᓐ, ᓂᔅᑎᒻ ᐎᐧᑯᒋᑕ ᐊᓐ ᒥᔅᑎᒄ ᒋᔅᒋᓯᑯᒡ ᑲ ‍ ᑎᒂᒡ, ᑭᔭ ᒐᒋ ᓇᐃᐱᔨᓐ᙮ ᐊᑯ ᒪᒃ ᒐ ‍ ᐎᐧᑯᒋᑕᐅᑦ ᒋᐧᑲᓂᔅ ᐅᐱᓯᓄᐅᓐ᙮”
\s1 ᒥᔅᑎᒄ ᑕᓐ ᐊ ᐃᓯ ‍ ᒥᓂᓱᐅᑦ
\r ᒪᑎᔪᐤ 7.16-20; 12.33-35
\p
\v 43 “ᐛᔅ ᒥᔪᒥᓇᑎᑯᒡ ᓇᒪ ᓂᑕᐅᒋᓇ ᐊᓐᑕ ᒥᒋᒥᓇ, ᒪᒃ ᒥᔅᑎᒄ ᐊᑲ ᒥᔪ ‍ ᓂᑕᐅᒋᑦ ᓇᒪ ᒋᑭ ᒋ ‍ ᓂᑕᐅᒋᓂᔪᐛ ᐊᓐᑕ ᐊ ‍ ᒥᔽᓯᔨᒋ ᒥᓂᓴ᙮
\v 44 ᐊᓂᔭ ᑕᓐ ᐊ ᐃᓯ ‍ ᓂᑕᐅᒋᑕᑦ ᒥᔅᑎᒄ ᒥᓂᓴ ᐊᑯᑕ ᐛᒋ ‍ ᓂᔅᑐᓄᐛᑭᓄᐅᑦ ᒐᒄ ᒥᔅᑎᒄ ᐊᓐ᙮ ᒧᔭᒻ ᐃᔨᒥᓇ ᓇᒪ ᓂᑕᐅᒋᓇ ᐊ ‍ ᑲᓱᑕᐛᒡ ᒥᔅᑯᓱᐅᒡ ᒪᒃ ᔪᔎᐛᓂᒡ ᓇᒪ ᓂᑕᐅᒍᐅᒡ ᐅᑐᔅᐱᔭᑎᑯᒡ᙮
\v 45 ᐛᔅ ᐊᐛᓐ ᑲ ‍ ᑯᐃᔅᑯᑕᑎᓯᑦ, ᑕᓐ ᐊ ᐃᓯ ᒥᔪ ‍ ᐊᔭᑦ ᐅᑕᐃᒡ ᒋᑭ ‍ ᒋᔅᒐᔨᑕᑯᓂᔪᐤ ᐅᐱᒪᑎᓯᐅᓂᒡ, ᑭᔭ ᐊᐛᓐ ᐊ ‍ ᒥᒐᑎᓯᑦ, ᑕᓐ ᐊ ᐃᓯ ‍ ᒪᔭᒡ ᐊᔭᑦ ᐅᑕᐃᒡ ᒋᑭ ‍ ᒋᔅᒐᔨᑕᑯᓂᔪᐤ ᐅᐱᒪᑎᓯᐅᓂᒡ᙮ ᐛᔅ ᐊ ᐃᓯ ‍ ᐃᔨᒥᑦ ᐊᐛᓐ ᐊᑯᑕ ᐛᒋ ‍ ᒋᔅᒐᔨᑕᑯᓯᑦ ᑕᓐ ᐊ ᐃᓯ ‍ ᑕᐊᑦ᙮”
\s1 ᒋᓴᔅ ᑲ ‍ ᐎᑕᐧᒃ ᑎᐸᒋᒧᐅᓂᔪᐤ ᑲ ‍ ᓂᓯᔨᒋ ᓇᐸᐛ ᑲ ‍ ᒥᒋᐛᐱᒐᔨᒋ
\r ᒪᑎᔪᐤ 7.24-27
\p
\v 46 “ᒐᒂᓐ ᒪᒃ ᐛᒋ ‍ ᐃᓯᓂᐧᑲᓯᔭᒄ ᐅᑎᐸᔨᒋᒐᐤ, ᐊᑲ ᒪᒃ ᐃᑐᑎᒪᒄ ᑕᓐ ᐊ ᐃᓯ ‍ ᐎᑎᒪᑎᑯᒡ ᒐᒋ ᐃᑐᑎᒪᒄ ?
\v 47 ᐊᑯ ᒪᒃ ᒐ ‍ ᐎᑎᒪᑎᑯᒡ ᑕᓐ ᐊ ‍ ᐃᓯᓇᑯᓯᑦ ᐊᐛᓐ ᑲ ᐸᒋ ‍ ᓇᓯᑦ ᑭᔭ ᑲ ‍ ᐸᑕᐧᒃ ᑕᓐ ᐊ ‍ ᐃᔅᒋᔄᐅᒡ, ᐊ ‍ ᐃᑐᑕᐧᒃ ᒪᒃ ᐊᓂᔭ ᒐᒂᔪᐤ ᐊ ‍ ᐃᑎᒃ᙮ ᒋᑭ ‍ ᐎᑎᒪᑎᓇᐛᐤ ᐊᐛᔪᐛ ᓇᔅᐱᑐᐛᑦ᙮
\v 48 ᒧᔭᒻ ᐊᐛᓐ ᐊ ᐎ ‍ ᐎᔨᑲᐳᐅᑕᑦ ᒥᒋᐛᐱᔪᐤ, ᓂᔅᑎᒻ ᑕᒥᒡ ᐃᓯ ᒧᓇᐃᒐᐤ, ᐸᑎᒪ ᐛᑎᑕᐛᑦ ᐊᓯᓂᔭ᙮ ᐊᑯᑕ ᒪᒃ ᐊᓐᑕ ᐊ ‍ ᐸᐸᒋᐱᔅᑲᔨᒡ ᐛᔨᑲᐳᐅᑕᑦ ᐊᓂᔭ ᒥᒋᐛᐱᔪᐤ᙮ ᐃᔅᐱ ᐃᔅᒋᐳᑕᔨᒐ ᐊᓐᑕ ᐛᔅᑲ ᐊᓂᔭ ᐎᒡ, ᓇᒪ ᐛᐛᒡ ᒋᑭ ᐅᒋ ‍ ᐊᒋᑲᐳᐅᔪᐤ, ᐛᔅ ᓇᔅᒡ ᑕᑈ ᒋ ᒥᔪ ‍ ᐊᔨᒋᑲᐳᐅᑕᐤ᙮ ᐊᐅᑯᓐ ᐊ ‍ ᐃᓯᓇᑯᓯᑦ ᐊᐛᓐ ᑲ ‍ ᑎᓯᐧᑲᒺᑦ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮
\v 49 ᐊᐛᓐ ᒪᒃ ᑲ ‍ ᐸᑕᐧᒃ ᐊ ‍ ᐃᔅᒋᔄᐅᒡ ᐊᑲ ᒪᒃ ᐃᑐᑕᐧᒃ ᐊᐅᑯᓐ ᐊ ‍ ᐃᓯᓇᑯᓯᑦ ᒧᔭᒻ ᐊᐛᓐ ᐊᓐᑕ ᐊᔅᒋᒡ ᑲ ‍ ᐎᔨᑲᐳᐅᑕᑦ ᒥᒋᐛᐱᔪᐤ ᐊᑲ ᐸᑎᒪ ᐅᓯᑕᑦ ᐊ ‍ ᔭᐃᑎᓂᔨᒡ ᐊᓐᑕ ᒐ ‍ ᒋᒥᑕᔨᒡ᙮ ᐃᔅᐱ ᒪᒃ ᐃᔅᒋᐳᑕᔨᒐ ᐊᓂᔭ ᐎᒡ, ᑎᐛᒡ ᑲ ‍ ᐅᐱᔪᐤ ᑭᔭ ᓇᔅᒡ ᑭᑈ ᓇᓱᓇᑎᓂᔨᒡ ᐊᓂᔭ ᐎᒡ᙮ ᐊᐅᑯᓐ ᐊ ‍ ᐃᓯᓇᑯᓯᑦ ᐊᐛᓐ ᐊᑲ ᓂᓇᐃᑎᒺᑦ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮”
\c 7
\s1 ᒋᓴᔅ ᑲ ‍ ᒥᓏᒋᐃᒪᑦ ᓂᑐᐱᔪᐅ-ᐅᒋᒪᐛ ᐅᑦ ᐊᐱᒋᐊᑭᓂᔪᐛ
\r ᒪᑎᔪᐤ 8.5-13
\p
\v 1 ᐃᔅᐱᔅ ᒋᓴᔅ ᑲᒋ ᐃᓯ ‍ ᐊᔨᒧᑕᐧᒃ ᐅᔭ ᒐᒂᔪᐛ ᐊ ‍ ᐸᑕᑯᑦ ᐃᔪᐛ ᐊᑯ ᒂ ‍ ᐃᑐᑕᑦ ᐊᓐᑕ ᑲᐳᕐᓇᐊᒻ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ᙮
\v 2 ᒋ ‍ ᑕᐤ ᒪᒃ ᐊᓐᑕ ᐸᐃᒄ ᓂᑐᐱᔪᐅ-ᐅᒋᒪᐤ ᓇᔅᒡ ᐊᒋ ‍ ᓴᒋᐊᑦ ᐅᑦ ᐊᐱᒋᐊᑭᓇ᙮ ᒪᒂᒡ ᒪᒃ ᓇᔅᒡ ᒋ ‍ ᐊᐧᑯᓯᔪᐛ ᐊᓂᔭ ᐅᑦ ᐊᐱᒋᐊᑭᓇ ᒐᑲᑦ ᐊ ‍ ᐳᓂᐱᒪᑎᓯᔨᒋ᙮
\v 3 ᐊᑯ ᒪᒃ ᐅ ᓂᑐᐱᔪᐅ-ᐅᒋᒪᐤ ᐃᔅᐱ ᑲ ‍ ᐸᑕᐧᒃ ᑕᓐ ᐊ ‍ ᐃᑕᒋᒪᑭᓄᔨᒋ ᒋᓴᓴ ᒋ ‍ ᐃᑎᓴᐛᐤ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ ᐊᓐᑕ ᒋᓴᓴ ᐊ ‍ ᑕᔨᒋ ᒐᒋ ᓂᑐᑎᒧᐛᔨᒋ ᒐᒋ ᐸᒋ ‍ ᒥᓏᒋᐊᔨᒋ ᐊᓂᔭ ᐅᑦ ᐊᐱᒋᐊᑭᓇ᙮
\v 4 ᐃᔅᐱ ᒪᒃ ᐅᒡ ᓇᐸᐅᒡ ᐛᑎᑕᒡ ᒋᓴᓴ ᓇᔅᒡ ᑕᑈ ᓱᒃ ᒋ ‍ ᐊᔨᐧᑭᒥᐊᐅᒡ ᒐᒋ ᐃᑐᑎᒥᔨᒋ ᐅᔭᔪᐤ ᐊ ‍ ᐃᑕᒡ, “ᓇᔅᒡ ᑕᑈ ᓱᒃ ᐱᑯᓴᔨᑎᒥᐃᑯᐤ ᒐᒋ ᒥᓏᒋᐊᑭᓄᔨᒋ ᐅᑦ ᐊᐱᒋᐊᑭᓇ ᐅ ᓂᑐᐱᔪᐅ-ᐅᒋᒪᐤ᙮ ᐃᑕᔨᑕᑯᓱᐤ ᒪᒃ ᒐᒋ ᐃᑐᑎᒧᐛᑭᓄᐅᑦ ᐅᔭᔪᐤ,
\v 5 ᐛᔅ ᓴᒋᐊᐤ ᓂᑦ ᐃᔨᒥᓇᓇ ᑭᔭ ᓂᒋ ‍ ᐅᓯᑥᑯᓇᓐ ᐊᔭᒥᐊᐅᒋᐛᐱᔪᐤ᙮”
\v 6 ᐊᑯ ᒋᓴᔅ ᒂ ‍ ᐎᒐᐛᑦ᙮
\p ᐃᔅᐱ ᒪᒃ ᐱᔭᓱᐛᐸᑎᒧᐛᒡ ᐊᓂᔭ ᐎᒋᔪᐤ ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ‍ ᐃᑎᓴᐛᑦ ᐅᐎᒐᐛᑭᓇ ᒋᓴᓴ ᐊ ‍ ᑕᔨᒋ ᒐᒋ ᑕᔨᒋ, “ᐅᑎᐸᔨᒋᒐᐤ, ᐊᑲᐎᔾ ᐊᔨᒥᐃᓱᐤ, ᐛᔅ ᓇᒪ ᓂ ‍ ᒋᔅᑕᔨᑕᑯᓯᓐ ᒐᒋ ᐸᒋ ‍ ᐱᒐᔨᓐ ᓂᒋᒡ,
\v 7 ᑭᔭ ᓇᒪ ᓂ ‍ ᒋᔅᑕᔨᑕᑯᓯᓐ ᒐᒋ ᓂᒋᔅᑲᑕᓐ᙮ ᒥᒄ ᒪᒃ ᐃᔭᐱᒡ ᒪᒃ ᒧᔅ ‍ ᐃᔅᒋᔄᔨᓇ ᒐᒋ ᒥᓏᑎᓯᑦ ᓂᑦ ᐊᐱᒋᐊᑭᓐ ᒋᑭ ‍ ᒥᓏᑎᓯᐤ᙮
\v 8 ᐛᔅ ᑭᔭ ᓂᔾ ᐃᑕᐅᒡ ᓄᒋᒪᒥᒡ ᐊ ‍ ᐱᓯᒋᐃᒂᐤ ᑭᔭ ᐃᑕᐅᒡ ᐊᓯᒪᑭᓂᓯᒡ ᐊ ‍ ᐎᓱᒥᒂᐤ᙮ ᐊ ‍ ᐃᑎᒃ ᐸᐃᒄ ᐊᓯᒪᑭᓂᔅ ‘ᐊᓐᑕ ᐃᑐᑕ,’ ᑎᐛᒡ ᐊᑯᑕ ᐊᓐᑕ ᐊ ‍ ᐃᑐᑕᑦ᙮ ᐊᑯ ᑯᑎᒃ ᐊ ‍ ᐃᑎᒃ, ‘ᐊᔅᑎᒻ,’ ᑎᐛᒡ ᑎᑯᓯᓄᐤ᙮ ᐊᑯ ᑭᔭ ᑯᑎᒃ ᐊ ‍ ᐃᑎᒃ ᓂᑦ ᐊᐱᒋᐊᑭᓐ, ‘ᐅ ᒪ ᐃᑐᑕ,’ ᐊᔪᐅᒄ ᐊᓂᔭ ᐊ ‍ ᐃᑐᑕᐧᒃ᙮”
\p
\v 9 ᐃᔅᐱᔅ ᒋᓴᔅ ᐱᔭᑕᐧᒃ ᐅᔭ ᓇᔅᒡ ᑕᑈ ᒋ ‍ ᒪᒥᒋᐃᑯᐤ ᐅᑕᑈᑎᒧᐅᓂᔪᐤ᙮ ᐊᑯ ᒂ ‍ ᒂᔅᒋᑲᐳᔅᑐᐛᑦ ᐊᓂᔭ ᑲ ‍ ᓇᓴᐅᑯᑦ ᒂ ‍ ᐃᑕᑦ, “ᒋᑦ ᐃᑎᓇᐛᐤ, ᓇᒪ ᐛᐛᒡ ᐅᑕ ᐃᔅᕋᐃᓕᒡ ᐊᔅᒄ ᓂ ᐅᒋ ‍ ᐛᐱᒪᐤ ᐊᐛᓐ ᐊ ᐃᔅᐱᔅ ‍ ᓱᒋᑕᑈᑕᐧᒃ᙮”
\p
\v 10 ᐃᔅᐱ ᒪᒃ ᒥᓐ ᑲᐤ ᒂ ‍ ᒋᐛᒡ ᐊᓐᒡ ᑲ ‍ ᐃᑎᓴᐛᑭᓄᐎᒡ ᒋᓴᓴ ᐊ ‍ ᑕᔨᒡ, ᒋ ‍ ᐛᐱᒪᐅᒡ ᐊᓂᔭ ᐊᐱᒋᐊᑭᓇ ᑲ ‍ ᐊᐧᑯᓯᔨᒋ ᐊ ᒥᔪ ‍ ᐊᔭᔨᒋ᙮
\s1 ᐅᔅᒋᓂᒋᓱᐤ ᑲ ‍ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒡ
\p
\v 11 ᐸᑎᒪ ᒪᒃ ᒋᓴᔅ ᒋ ‍ ᐃᑐᑕᐤ ᐅᑕᓇᒡ ᓇᐃᓐ ᐊ ‍ ᐃᓯᓂᐧᑲᑕᔨᒡ᙮ ᒥᒐᑦ ᐊᐛᔪᐛ ᑭᔭ ᐅᒋᔅᒋᓄᐊᒧᐛᑭᓇ ᒋ ‍ ᐎᒐᐅᑯᐤ᙮
\v 12 ᐃᔅᐱ ᑲ ‍ ᐅᑎᑕᒡ ᐊᓐᑕ ᐊ ᐅᒋ ‍ ᐱᒐᓄᐎᒡ ᐊᓂᔭ ᐅᑕᓇᔪᐤ ᒋ ‍ ᓂᒋᔅᑯᐛᐅᒡ ᐃᔪᐛ ᐊ ᐅᒋ ‍ ᐱᒧᑕᐊᔨᒋ ᐊᒋ ‍ ᐳᓂᐱᒪᑎᓯᔨᒋ ᓇᐸᐛ, ᒐ ‍ ᓇᐅᔅᑕᒡ᙮ ᐅᑲᐎᔭ ᒪᒃ ᐊᓂᔭ ᓇᐸᐤ ᒋ ‍ ᐸᐃᑯᓯᔪᐛ᙮ ᐊᐅᒄ ᒪᒃ ᐊᓂᔭ ᒥᒄ ᑲ ‍ ᐸᐃᑯᓯᑯᐱᓇᓂ ᐅᑯᓴ ᐊᓐ ᐃᔎᐤ᙮ ᒋ ‍ ᒥᒐᑎᔪᐛ ᒪᒃ ᐊᐛᔪᐛ ᐊᒋ ‍ ᐎᒐᐅᑯᑦ ᐊ ‍ ᐱᒥᓯᒪᑭᓄᔨᒋ ᐊᓂᔭ ᐅᑯᓴ᙮
\v 13 ᐃᔅᐱ ᒪᒃ ᐅᑎᐸᔨᒋᒐᐤ ᐎᔭᐱᒪᑦ ᐊᓂᔭ ᐃᔎᐛ, ᓇᔅᒡ ᒋ ‍ ᒋᔅᑎᒪᒐᔨᒪᐤ ᐊᑯ ᒂ ‍ ᐃᑕᑦ, “ᐊᑲᐎᔾ ᒪᒄ᙮”
\p
\v 14 ᒋ ‍ ᓇᑎᒻ ᐊᓂᔭ ᑕᑎᓂᑭᓂᔪᐤ ᒂ ‍ ᑕᒋᓇᐧᒃ ᑭᔭ ᐊᓐᒡ ᑲ ‍ ᑕᐧᑯᓇᒡ ᐊᓂᔭ ᒋ ‍ ᒋᐱᒋᑲᐳᐅᒡ᙮ ᐊᑯ ᒋᓴᔅ ᒂ ‍ ᐃᔅᒋᔄᑦ, “ᐅᓂᔾ ᐅᔅᒋᓂᒋᓱᐤ᙮”
\v 15 ᐊᑯ ᐊᓐ ᑲ ‍ ᓂᐱᑦ ᓇᐸᐤ ᒂ ᐅᒋ ‍ ᐊᓯᒥᑎᐱᑦ, ᒂ ᐅᒋ ‍ ᐃᔨᒥᑦ ᐊᑯ ᒋᓴᔅ ᑲᐤ ᒂ ‍ ᒥᔭᑦ ᐊᓂᔭ ᐃᔎᐛ ᐊᓂᔭ ᐅᑯᓯᔪᐛ᙮
\p
\v 16 ᒥᓯᐛ ᒪᒃ ᐊᓐᑕ ᑲ ‍ ᑎᓯᒡ ᐊᐛᓐᒋ ᒋ ‍ ᓴᒋᓱᐅᒡ ᐊᑯ ᒂ ‍ ᒋᔅᑕᒋᒪᒡ ᒋᓴᒪᓂᑐᐛ ᐊ ‍ ᐃᔅᒋᔄᒡ, “ᔅᒋ ‍ ᐅᑎᑎᑯᓄᐤ ᐊ ‍ ᒋᔅᑕᔨᑕᑯᓯᑦ ᐅᒋᔅᒋᐛᐃᒐᓱᐤ᙮ ᑭᔭ ᒋ ‍ ᐃᔅᒋᔄᐅᒡ, ᒋᓴᒪᓂᑐᐤ ᐸᒋ ‍ ᐎᒋᐊᐤ ᐅᑦ ᐃᔨᒪ᙮”
\v 17 ᒥᓯᐛ ᒪᒃ ᐊ ‍ ᐃᔅᐱᑎᔅᑭᒥᑲᔨᒡ ᒍᑎᔭ ᐊᔅᒋᔪᐤ ᐊᓐᑕ ᒪᒃ ᐛᔅᑲ ᒋ ‍ ᐸᑕᑯᓂᔪᐤ ᒋᓴᔅ ᑕᓐ ᑲ ‍ ᐃᑎᑦ᙮
\s1 ᒋᓴᔅ ᑲ ‍ ᐊᔨᒧᒪᑦ ᒠᓐ ᐅᓯᑲᐃᑕᒐᐛ
\r ᒪᑎᔪᐤ 11.2-19
\p
\v 18 ᒠᓐ ᐅᓯᑲᐃᑕᒐᐤ ᐅᒋᔅᒋᓄᐊᒧᐛᑭᓇ ᒋ ‍ ᐎᑎᒪᑯᐤ ᒥᓯᐛ ᒐᒂᔪᐤ ᑕᓐ ᑲ ᐃᓯ ‍ ᐃᑐᑎᒥᔨᒋ ᒋᓴᓴ᙮ ᐊᑯ ᒠᓐ ᒂ ‍ ᐎᓴᒪᑦ ᓂᓱ ᐅᒋᔅᒋᓄᐊᒧᐛᑭᓇ᙮
\v 19 ᒂ ‍ ᐃᑎᓴᐛᑦ ᐅᔭ ᒐᒋ ᐃᓯ ‍ ᑯᒂᒋᒪᔨᒋ ᐅᑎᐸᔨᒋᒐᐛ, “ᐊᐅᒄ ᐊ ᒋᔾ ᙭ ᐊᓐ ᒋᐸ ‍ ᑎᑯᓯᓂᑯᐱᓇ ᑭᔭ ᒪᒃ ᐊᔅᒄ ᒐ ‍ ᐊᓱᐛᐱᒪᒋᑦ ᑯᑎᒃ ᒐᒋ ᑎᑯᓯᐧᒃ ?”
\p
\v 20 ᐊᑯ ᒪᒃ ᐃᔅᐱ ᐛᑎᑕᒡ ᒋᓴᓴ ᒋ ‍ ᐃᑕᐅᒡ, “ᒠᓐ ᐅᓯᑲᐃᑕᒐᐤ ᓂ ᐸᒋ ‍ ᐃᑎᓴᐅᑯᓇᓐ ᒐᒋ ᑯᒂᒋᒥᑕᒡ, ᐊᐅᒄ ᐊ ᒋᔾ ᙭ ᐊᓐ ᒋᐸ ᐸᒋ ‍ ᐃᑎᓴᐛᑭᓄᐤ ᑭᔭ ᒪᒃ ᐊᔅᒄ ᒐ ‍ ᐊᓱᐛᐱᒪᒋᑦ ᑯᑎᒃ ᒐᒋ ᑎᑯᓯᐧᒃ ?”
\p
\v 21 ᒪᒂᒡ ᒪᒃ ᐊᓂᔭᔪᐤ ᒋᓴᔅ ᒋ ‍ ᒥᓏᒋᐊᐤ ᒥᒐᑦ ᐊᐛᔪᐛ, ᓂᓇᐧᑯᐤ ᐊ ‍ ᐃᑕᔅᐱᓇᔨᒋ, ᑭᔭ ᒥᒋ ‍ ᐊᒐᒂ ᐊᒋ ‍ ᐎᐎᑎᓴᐛᑦ ᑭᔭ ᐊᒋ ‍ ᐃᑐᑐᐛᑦ ᐊᓂᔭᔪᐛ ᐊᑲ ᐛᐸᑎᒥᔨᒋ ᒐᒋ ᐛᐸᑎᒥᔨᒋ᙮
\v 22 ᐊᑯ ᒋᓴᔅ ᐊ ‍ ᐎᑎᒧᐛᑦ ᒋ ‍ ᐃᑕᐤ, “ᒋᐛᒄ, ᒐ ‍ ᐎᑎᒧᐛᐧᒄ ᒠᓐ ᑕᓐ ᑲ ᐃᓯ ‍ ᐛᐸᑎᒪᒄ ᑭᔭ ᑕᓐ ᑲ ᐃᓯ ‍ ᐸᑎᒪᒄ᙮ ᐎᑎᒧᐛᐧᒄ ᐊ ‍ ᐛᐸᑎᒥᔨᒋ ᐊᓂᔭ ᐊᑲ ᐅᒋ ᐛᐸᑎᒥᔨᒋ, ᐊ ‍ ᐱᒧᑕᔨᒋ ᐊᓂᔭ ᐊᑲ ᐅᒋ ᐱᒧᑕᔨᒋ, ᑭᔭ ᐊ ‍ ᐸᔭᒋᓯᔨᒋ ᐊᓂᔭ ᑲ ‍ ᐊᔭᔨᒋ ᐊ ‍ ᒪᔭᑎᓂᔨᒡ ᐊ ‍ ᐅᒥᒋᓇᓄᐎᒡ᙮ ᑭᔭ ᐊ ‍ ᐸᑎᒥᔨᒋ ᐊᓂᔭ ᐊᑲ ᐅᒋ ᐸᑎᒥᔨᒋ᙮ ᑭᔭ ᒥᓐ ᑲᐤ ᐊ ‍ ᐅᓂᔅᑲᔨᒋ ᐊᓂᔭ ᑲ ‍ ᓂᐱᔨᒋ᙮ ᑭᔭ ᒥᔽᒋᒧᐅᓂᔪᐤ ᐊ ‍ ᐛᐎᑎᒧᐛᑭᓄᔨᒋ ᐊᓂᔭ ᑲ ‍ ᒋᔅᑎᒪᑎᓯᔨᒋ᙮
\v 23 ᓱᐛᔨᑕᑯᓱᐤ ᐊᓐ ᐊᐛᓐ ᒐ ᐊᑲ ‍ ᐊᑐᐛᔨᒥᒂ᙮”
\p
\v 24 ᐃᔅᐱ ᒪᒃ ᑲ ‍ ᔅᑐᑕᔨᒋ ᐊᓂᔭ ᒠᓐ ᑲ ‍ ᐃᑎᓴᐛᑦ ᒋᓴᓴ ᐊ ‍ ᑕᔨᒋ ᐊᑯ ᒋᓴᔅ ᒂ ‍ ᐊᔨᒧᒪᑦ ᒠᓇ ᐊᓐᑕ ᐊ ‍ ᒥᒐᑎᓇᓄᐎᒡ ᐊ ‍ ᐃᔅᒋᔄᑦ, “ᐊᐛᓐ ᑲ ‍ ᐃᑕᔨᒪᒄ ᒐ ‍ ᐛᐱᒪᒄ ᐃᔅᐱ ᑲ ‍ ᓂᑐᐛᐱᒪᒄ ᒠᓐ ᓇᑕ ᐸᐧᑯᑎᔅᑭᒥᑲᒡ ? ᒧᔭᒻ ᒥᔅᑯᓯ ᑕᓐ ᐊ ‍ ᐃᑕᔅᑎᒡ ᒥᒄ ᐊᓐᑕ ᐊ ᐃᓯ ‍ ᔪᑎᒡ ᐊ ᐃᓯ ‍ ᓄᐛᔭᔅᑎᒡ ᐊᐅᑯᓐ ᐊ ‍ ᐃᑕᔨᑕᑯᓯᑦ ᐊᐛᓐ ᓇᔅᒡ ᐊ ‍ ᓂᓱᐅᓇᒋᒪᑭᓄᐅᑦ ? ᐊᐅᑯᓐ ᐊ ᑲ ‍ ᐃᑕᔨᒪᒄ ᒠᓐ ᐊ ‍ ᐃᑕᔨᑕᑯᓯᑦ ?
\v 25 ᐊᐛᓐ ᒪᒃ ᑲ ‍ ᐃᑕᔨᒪᒄ ᒐ ‍ ᐛᐱᒪᒄ ? ᓇᒪ ᒂᔄᓐ ᐎᔾ ᐊᐛᓐ ᐊ ‍ ᒥᔽᔅᐱᓱᑦ᙮ ᐛᔅ ᐊᓐᒡ ᑲ ‍ ᒥᔽᔅᐱᓱᒡ ᓇᔅᒡ ᑕᑈ ᐛᔪᑎᓯᐅᒡ, ᐊᓐᑕ ᒪᒃ ᒋᓴᐅᒋᒪᐛ ᐎᒋᔨᒡ ᐊᑯᑕ ᐊ ‍ ᑕᒡ᙮
\v 26 ᐊᐛᓐ ᒪᒃ ᐅ ᐊᓐᑕ ᑲ ‍ ᓂᑐᐛᐱᒪᒄ ? ᐊᐛᓐ ᐊ ᐊ ‍ ᐅᒋᔅᒋᐛᐃᒐᓱᐅᑦ ? ᓂᐦᐃ, ᒋ ‍ ᐎᑎᒪᑎᓇᐛᐤ ᐊᐅᒄ ᐅᒋᔅᒋᐛᐃᒐᓱᐤ ᒠᓐ, ᐎᔾ ᐃᐛᒃ ᐃᑕᔨᑕᑯᓱᐤ ᐃᔅᐱᔅ ᑯᑎᒃ ᐊᐛᓐ ᑲ ‍ ᐅᒋᔅᒋᐛᐃᒐᓯᐅᑦ᙮
\v 27 ᐊᐅᒄ ᐅ ᒠᓐ ᑲ ‍ ᐊᔨᒧᒪᑭᓄᐅᑦ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ‍ ᐃᑎᔅᑕᒡ,
\q ᓂᑭ ‍ ᓂᑲᓂᑎᓯᐛᐤ ᐊᐛᓐ ᒐᒋ ᐊᔭᔅᑯᐎᐧᑲᐧᒃ ᐊᓂᔭ ᒪᔅᑭᓇᔪᐤ ᐊᓐᑕ ᒐ ‍ ᐱᒧᑕᐅᑦ᙮”
\m
\v 28 ᒋᓴᔅ ᒪᒃ ᒋ ‍ ᐃᑕᐤ, “ᒋ ‍ ᐎᑎᒪᑎᓇᐛᐤ, ᑕᑐᐤ ᐅᒋᔅᒋᐛᐃᒐᓱᒡ ᑲ ‍ ᐱᒪᑎᓯᒡ ᓇᒪ ᐃᐛᒃ ᐃᑕᔨᑕᑯᓱᐅᒡ ᑕᓐ ᐊ ‍ ᐃᑕᔨᑕᑯᓯᔨᒋ ᒠᓐ ᐅᓯᑲᐃᑕᒐᐛ᙮ ᐃᔭᐱᒡ ᒪᒃ ᐊᓐ ᐊᐛᓐ ᒪᐅᒡ ᔭᓯᒄ ᑲ ‍ ᐃᑕᔨᑕᑯᓯᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐃᐛᒃ ᐎᔾ ᒋᔅᑕᔨᑕᑯᓱᐤ ᐃᔅᐱᔅ ᒠᓇ᙮”
\p
\v 29 ᒥᓯᐛ ᒪᒃ ᐊᐛᔪᐛ ᒋ ‍ ᓂᑐᑕᑯᐤ ᒋᓴᔅ ᐛᐛᒡ ᐊᓂᔭ ᒪᐅᒡ ᑲ ‍ ᒥᒐᑎᓯᔨᒋ ᑲ ‍ ᐃᑕᔨᒪᑭᓄᔨᒋ, ᐊᓂᔭ ᑭᑈ ᑲ ‍ ᒪᒧᓴᒋᓂᒥᔨᒋ ᒋᓴᐅᒋᒪᐤ ᓱᓇᔭᔪᐤ ᑲ ‍ ᐃᑕᐱᑎᓯᔨᒋ᙮ ᐊᐅᑯᓐᒡ ᐅᒡ ᑲ ‍ ᓂᓇᐃᑎᒧᐛᒂ ᐊᓂᔭᔪᐤ ᑕᓐ ᑲ ᐃᓯ ‍ ᓂᑐᐛᔨᑎᒥᔨᒋ ᒋᓴᒪᓂᑐᐛ, ᒋ ‍ ᓯᑲᐃᑕᑯᐛᑯᓯᐱᓐᒡ ᒠᓇ᙮
\v 30 ᐊᑯ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᑲ ‍ ᒋᔅᑯᑎᒪᒐᒡ ᐊᔭᒥᐊᐅ ᐎᓱᐛᐅᓂᔪᐤ ᒋ ‍ ᐊᑐᐛᔨᑎᒧᐛᐅᒡ ᐊᓂᔭ ᑕᓐ ᑲ ‍ ᐃᑎᓱᒧᐛᔨᒋ ᒋᓴᒪᓂᑐᐛ᙮ ᓇᒪ ᐅᒋ ᓂᑐᐛᔨᑎᒧᒡ ᒐᒋ ᓯᑲᐃᑕᑯᒡ ᒠᓇ᙮
\p
\v 31 ᐊᑯ ᒪᒃ ᒋᓴᔅ ᒂ ‍ ᐃᔅᒋᔄᑦ, “ᑕᓐ ᐊ ‍ ᐃᑕᔨᑕᑯᓯᒡ ᐊᓄᒡ ᐊᐛᓐᒋ ᐊᓄᒡ ᑲ ‍ ᐱᒪᑎᓯᒡ ?
\v 32 ᒪᐅ ᐊ ‍ ᐃᑕᔨᑕᑯᓯᒡ᙮ ᒧᔭᒻ ᐊᐛᓯᒡ ᐊᓐᑕ ᐊ ‍ ᒪᑐᐛᒡ ᐎᐎᑎᒥᒡ ᐊᑲ ᒪᒃ ᒋ ‍ ᓂᓇᐊᔨᑎᒥᐃᑐᒡ ᑕᓐ ᐛ ᐃᓯ ‍ ᒪᑐᐛᒡ᙮ ᐊ ‍ ᑕᑈᑎᑐᒡ, ᐊ ‍ ᐃᔅᒋᔄᒡ,
\q ‘ᐊ ‍ ᓂᐳᐅᓇᓄᐅᒡ ᓂᒋ ᐎ ᐃᓯ ‍ ᒪᑐᐛᓇᓐ, ᐊ ‍ ᒋᔍᐛᐱᒐᔭᒡ ᐊ ‍ ᑎᔭᒡ, ᓇᒪ ᒪᒃ ᒋ ᐅᒋ ‍ ᓂᒥᓇᐤ,
\q ᑭᔭ ᓂᒋ ‍ ᓂᑭᒧᓇᓐ ᐊ ‍ ᒋᔅᑎᒪᒋᑕᒂᒋ ᓂᑭᒧᐅᓇ ᓇᒪ ᒪᒃ ᒋ ᐅᒋ ‍ ᒪᓇᐛᐤ᙮’
\m
\v 33 ᐃᔅᐱ ᒪᒃ ᒠᓐ ᐅᓯᑲᐃᑕᒐᐤ ᑲ ‍ ᑎᑯᓯᐧᒃ ᓇᒪ ᐊᓯᑯᒻ ᐅᒋ ᒥᒋᓱᐤ, ᓇᒪ ᑭᔭ ᐅᒋ ᒥᓄᐤ ᓱᒥᓇᐳᔪᐤ, ᔅᒋ ‍ ᐃᑕᐛᐤ ᒪᒃ ᒥᒋ ‍ ᐊᒐᒂ ᐊ ‍ ᐱᒋᔅᑲᑯᑦ᙮
\v 34 ᒋ ᐸᒋ ‍ ᑎᑯᓯᓄᐤ ᐃᔪᐤ ᐅᑯᓯᓴᓐ ᐊ ‍ ᒥᒋᓱᑦ ᑭᔭ ᐊ ‍ ᒥᓐᑦ᙮ ᔅᒋ ‍ ᐃᔅᒋᔄᓇᐛᐤ ᒪᒃ, ‘ᑭᓄᐛᐱᒪᐧᒄ ᒪ ᐅ ᓇᐸᐤ, ᐊᔪᐛᒃ ᑲ ‍ ᐅᑲᓯᒋᒥᑦ ᑭᔭ ᒋᒋᐛ ᐎᒋᐸᐤ, ᐊ ‍ ᐎᒐᐛᑭᓂᑦ ᐅᒥᒐᑎᓯᐛ, ᑭᔭ ᐊᓂᔭᔪᐛ ᑲ ‍ ᒪᒧᓴᒋᓂᒥᔨᒋ ᒋᓴᐅᒋᒪᐤ ᓱᓇᔭᔪᐤ ᑲ ‍ ᐃᑕᐱᑎᓯᔨᒋ᙮’
\v 35 ᐊᓐᒡ ᑲ ‍ ᑕᑈᑎᒺᒡ ᒋᓴᒪᓂᑐᐛ ᐅᑭᒐᑕᐛᔨᑎᒧᐅᓂᔪᐤ ᒋᑭ ‍ ᓄᑯᑕᐅᒡ ᐅᐱᒪᑎᓯᐅᓄᐛᒡ ᑕᑈ ᐊ ‍ ᒐᔅᑎᓇᑕᔨᑕᑯᓂᔨᒡ ᒋᓴᒪᓂᑐᐛ ᐅᑭᒐᑕᐛᔨᑎᒧᐅᓂᔪᐤ᙮”
\s1 ᒋᓴᔅ ᑲ ‍ ᑐᒥᓂᒥᔨᒋ ᐅᓯᑕ ᑲ ‍ ᒥᒐᑎᓯᔨᒋ ᐃᔎᐛ
\s2 Luke 7.36-8.3 (Proper-6 Year C)
\p
\v 36 ᒋᓴᔅ ᐸᐃᒂᐤ ᒋ ‍ ᐎᓴᒥᑯᐤ ᐸᕆᓯᐊ ᓴᐃᒥᓐ ᐊ ‍ ᐃᓯᓂᐧᑲᓱᔨᒋ ᒐᒋ ᐎᒋᒥᒋᓱᒪᑦ, ᑭᔭ ᒂ ‍ ᐃᑐᑕᑦ ᐊᓐᑕ ᐎᒋᔨᒡ ᐊᑯ ᒂ ‍ ᐛᐛᔨᐱᑦ᙮
\v 37 ᐊᓐᑕ ᒪᒃ ᐊᓂᔭ ᐅᑕᓇᔪᐤ ᒋ ‍ ᑕᐤ ᐃᔎᐤ ᓇᔅᒡ ᐊ ‍ ᒥᒐᑎᓯᑦ᙮ ᐃᔅᐱ ᒪᒃ ᐊᓐ ᐃᔎᐤ ᐱᔭᑕᐧᒃ ᒋᓴᓴ ᐊᒋ ‍ ᐎᓴᒪᑭᓄᔨᒋ ᐊᓐᑕ ᐊᓂᔭᔪᐛ ᐸᕆᓯᐊ ᐎᒋᔨᒡ ᒐᒋ ᒥᒋᓱᔨᒋ, ᒋ ‍ ᐃᑐᑕᐤ ᐊᓐᑕ, ᐊ ‍ ᐃᑐᑕᑦ ᐊ ‍ ᒥᔽᓯᔨᒡ ᐳᑕᔪᐤ ᐊ ‍ ᐊᓯᓂᐅᔨᒡ, ᐊ ‍ ᐎᒋᒪᑯᓯᔨᒡ ᑐᒥᓂᑭᓂᔪᐤ ᐊᓐᑕ ᐊ ‍ ᐱᒋᔅᑎᓂᔨᒡ᙮
\v 38 ᒪᒂᒡ ᒪᒃ ᒋᓴᔅ ᐊ ‍ ᐅᐱᒪᓯᐧᒃ ᐊᓐᑕ ᐊ ‍ ᒥᒋᓱᒡ, ᐊᓐ ᐃᔎᐤ ᒋ ‍ ᓂᐳᐤ ᐊᓐᑕ ᐃᑕᒐ ᒋᓴᓴ ᐅᓯᑎᔨᒡ, ᐊ ‍ ᒪᑦ᙮ ᐊᓂᔭ ᒪᒃ ᐊ ‍ ᐅᒋᐧᑯᐛᐱᑦ ᒋ ‍ ᓂᐱᐎᑕᐛᐤ ᒋᓴᓴ ᐅᓯᑎᔪᐛ᙮ ᐊᑯ ᒂ ‍ ᐅᒋᒋᐧᑯᓂᐱᑦ ᐅᐱᔎᐅᓐ ᐊ ‍ ᐊᐱᒋᑕᑦ ᐊ ‍ ᐸᒂᓯᑕᓇᑦ᙮ ᑭᔭ ᐊ ‍ ᓱᐛᔨᑎᒺᑦ ᑭᔭ ᐊ ‍ ᑐᒥᓂᒺᑦ ᐊᓂᔭ ᐊ ‍ ᐎᒋᒪᑯᓯᔨᒡ ᑐᒥᓂᑭᓂᔪᐤ᙮
\p
\v 39 ᐊᓐ ᒪᒃ ᐸᕆᓯ ᑲ ‍ ᐎᓴᒪᑦ ᒋᓴᓴ, ᐃᔅᐱ ᐎᔭᐱᒪᑦ ᐊᓂᔭ ᐃᔎᐛ ᐊᓂᔭ ᐊ ‍ ᐃᑎᔨᒋ ᒋ ‍ ᐃᑕᔨᒪᐤ, “ᒋᐸ ‍ ᒋᔅᒐᔨᒪᐤ ᐅᔭ ᐃᔎᐛ ᐊᔅᐱᔅ ᒥᒐᑎᓯᔨᒋ ᑲ ‍ ᑕᒋᓂᑯᑦ ᑕᑈ ᐊ ‍ ᐅᒋᔅᒋᐛᐃᒐᓱᐅᒂ᙮”
\p
\v 40 ᒋᓴᓴ ᒂ ‍ ᐃᔨᒥᐃᑯᑦ ᐊ ‍ ᐃᑎᑯᑦ, “ᓴᐃᒥᓐ, ᒋ ᐎ ‍ ᐃᑎᑎᓐ ᒐᒂᓐ᙮” ᓴᐃᒥᓐ ᒂ ‍ ᐃᔅᒋᔄᑦ, “ᒋᔅᑯᑎᒪᒐᓱᐤ, ᐸᒋ ‍ ᐎᑎᒧᐎ ᒐᒂᓐ ᐊᓐ᙮”
\p
\v 41 ᐊᑯ ᒋᓴᔅ ᒂ ‍ ᑎᐸᒋᒧᔅᑐᐛᑦ ᐊ ‍ ᐃᑕᑦ, “ᒋ ‍ ᓂᓱᒡ ᓇᐸᐅᒡ ᐊᒋ ‍ ᒥᓯᓇᐊᒧᐛᒡ ᓇᐸᐛ ᓱᓇᔭᔪᐤ᙮ ᐸᐃᒄ ᐊᓐ ᐱᑕᑕᒡ ‍ ᑕᑐᐤ ᒥᑕᓯᒥᑎᓄᐤ ᒋ ‍ ᒥᓯᓇᐊᒧᐛᐤ ᐊᑯ ᐊᓐ ᑯᑎᒃ ᐱᑕᑕᒡ ‍ ᑕᑐᔪᐤ᙮
\v 42 ᓇᒪ ᒪᒃ ᐅᒋ ᒋᓯᐧᑲᑯᐤ ᑕᐱᔅᑯᓐ ᐊᓂᔭ ᓇᐸᐛ ᐊᑯ ᒂ ‍ ᑲᓯᓯᓇᐊᒧᐛᑦ ᐊᓂᔭ ᑕᓐ ᒋᐸ ‍ ᐃᔅᐱᔅ ᒋᓯᐧᑲᑯᐤ᙮ ᑕᓐ ᒪᒃ ᐊᓂᔭᔪᐛ ᐊ ‍ ᓂᓯᔨᒋ ᓇᐸᐛ ᐃᐛᒃ ᒐ ‍ ᓴᒋᐃᑯᑦ ?”
\p
\v 43 ᓴᐃᒥᓐ ᒪᒃ ᒋ ‍ ᐃᑕᐤ, “ᑭᑈ ᐊᓂᔭ ᒪᐅᒡ ᒥᔅᑎ ᑲ ‍ ᒥᓯᓇᐊᒪᑯᑦ ᐊᐅᑯᓂ ᐊᓂᔭ ᒪᐅᒡ ᒐ ‍ ᓴᒋᐃᑯᑦ᙮” ᒋᓴᔅ ᒂ ‍ ᐃᑕᑦ, “ᓂᐦᐃ, ᒋ ‍ ᑕᑈᓐ᙮”
\p
\v 44 ᐊᑯ ᐊᓂᔭ ᐃᔎᐛ ᒂ ‍ ᑭᓄᐛᐱᒪᑦ ᒋᓴᔅ ᐊᑯ ᒂ ‍ ᐃᑕᑦ ᐊᓂᔭ ᓴᐃᒥᓇ, “ᒋ ‍ ᐛᐱᒪᐤ ᐊ ᐅ ᐃᔎᐤ ᑕᓐ ᐊ ‍ ᐃᑎᑦ ? ᑲ ᐸᒋ ‍ ᐱᒐᔭᓐ ᐅᑕ ᒋᒋᒡ ᓇᒪ ᐛᐛᒡ ᒋ ᐅᒋ ᐸᒋ ‍ ᒥᔨᓐ ᓂᐱᔾ ᒐᒋ ᒋᔅᑕᐸᐅᑕᔭᓐ ᓂᓯᑕ᙮ ᐎᔾ ᒪᒃ ᒋ ‍ ᒋᔅᑕᐸᐅᑕᐤ ᓂᓯᑕ ᐅᒋᑯᐛᐳᐅᓂᒡ ᐅᒋ, ᑭᔭ ᒋ ‍ ᑲᓯᐊᒻ ᓂᓯᑕ ᐅᐱᔎᐅᓐ ᐊ ‍ ᐊᐱᒋᑕᑦ᙮
\v 45 ᑲ ᐸᒋ ‍ ᐱᒐᔭᓐ ᐅᑕ ᓇᒪ ᒋ ᐅᒋ ᐸᒋ ‍ ᓱᐛᔨᒥᓐ, ᐎᔾ ᒪᒃ ᓇᒪ ᐊᔅᒄ ᐅᒋ ᐳᓂᐤ ᐊ ‍ ᓱᐛᔨᑕᐧᒃ ᓂᓯᑕ ᑲ ‍ ᐃᔅᐱᔅ ᐸᒋ ‍ ᐱᒐᐅᒡ᙮
\v 46 ᓇᒪ ᑭᔭ ᒋ ᐅᒋ ‍ ᑐᒥᔅᑯᓇᓐ ᓂᔅᑎᒂᓐ, ᐎᔾ ᒪᒃ ᒋ ᐸᒋ ‍ ᑐᒥᓂᒻ ᓂᓯᑕ ᐊ ‍ ᐎᒋᒪᑯᓯᔨᒡ ᑐᒥᓂᑭᓂᔪᐤ᙮
\v 47 ᒋ ‍ ᐎᑎᒪᑎᓐ, ᐊᓂᔭ ᓇᔅᒡ ᐊ ‍ ᓴᒋᐃᐛᑦ ᐊᑯᑕ ᐛᒋ ‍ ᓄᑯᓂᔨᒡ ᒥᒐᑦ ᐅᒥᒋᑥᐅᓇ ᐊᒋ ‍ ᐛᐸᔨᑎᒧᐛᑭᓄᐅᑦ᙮ ᐊᐛᓐ ᐊᐱᓯᔅ ᑲ ‍ ᐛᐸᔨᑎᒧᐛᑭᓄᐅᑦ ᐊᐱᓯᔅ ᓴᒋᐃᐛᐤ᙮”
\p
\v 48 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᐃᔎᐛ, “ᒋ ‍ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮”
\p
\v 49 ᐊᓐᒡ ᒪᒃ ᑯᑎᑭᒡ ᐊᐛᓐᒋ ᐊᓐᑕ ᑲ ‍ ᐊᐱᒡ, ᒋ ‍ ᒪᒥᑐᓇᔨᑎᒧᒡ ᐅᔭᔪᐤ ᐊ ‍ ᐃᔅᒋᔄᒡ, “ᒐᒄ ᓇᐸᐤ ᐅ ᐛᐛᒡ ᒐᒋ ᐛᐸᔨᑎᒪᒐᑦ ᒥᒋᑥᐅᓇ ?”
\p
\v 50 ᒋᓴᔅ ᒪᒃ ᒋ ‍ ᐃᑕᐤ ᐊᓂᔭ ᐃᔎᐛ, “ᒋᑕᑈᑎᒧᐅᓇ ᒋ ‍ ᐱᒪᒋᐃᑯᓐ᙮ ᒪᒋ ᒪᒃ ᒋᔭᒪᔨᑎᒧᐅᓐ ᒐ ‍ ᐊᔭᔨᓐ᙮”
\c 8
\s1 ᐊᓐᒡ ᐃᔎᐅᒡ ᒋᓴᓴ ᑲᒋ ‍ ᐱᐸᐎᒐᐛᒡ
\p
\v 1 ᐃᔅᐱ ᒪᒃ ᑲᒋ ‍ ᐃᔅᐱᔨᒡ ᐅᔭ ᐊᑯ ᒋᓴᔅ ᒂ ‍ ᐱᐸᔨᑐᑕᑦ ᐊᓐᑕ ᓂᓇᐧᑯᐤ ᐅᑕᓇᒡ ᐊ ‍ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ‍ ᑎᐸᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᒐ ‍ ᐅᑎᒋᐱᔨᒡ᙮ ᒋ ‍ ᐎᒐᐅᑯᐤ ᐊᓂᔭᔪᐛ ᓂᓱᓴᑉ ᐅᒋᔅᒋᓄᐊᒧᐛᑭᓇ᙮
\v 2 ᐃᔎᐅᒡ ᑭᔭ ᒋ ‍ ᐱᐸᐎᒐᐛᐅᒡ, ᐊᓐᒡ ᒥᒋ ‍ ᐊᒐᒂ ᑲ ‍ ᐎᐎᑎᓴᐛᑭᓄᔨᒋ ᐊᓐᑕ ᐊ ‍ ᑕᒡ ᐅᒡ᙮ ᑭᔭ ᐊᓐᒡ ᐊᒋ ‍ ᒥᓏᒋᐊᑭᓄᐎᒡ ᓂᓇᐧᑯᐤ ᐃᑕᔅᐱᓇᐅᓇ᙮ ᐊᐅᒄ ᐸᐃᒄ ᒪᕆ ᒪᒃᑕᓕᓐ, ᐊᓐ ᐃᔎᐤ ᓂᔄᐅᑕᒡ ᒥᒋ ‍ ᐊᒐᒂ ᑲ ‍ ᐎᐎᑎᓴᐛᑭᓄᔨᒋ ᐊᓐᑕ ᐊ ‍ ᑕᑦ ᐅᒡ᙮
\v 3 ᑭᔭ ᒍᐛᓇ ᒋ ‍ ᐎᒋᐃᐛᐤ᙮ ᐅ ᐃᔎᐤ ᒍᓴ ᒋ ‍ ᐃᓯᓂᐧᑲᓱᔪᐛ ᐅᓇᐸᒪ, ᒋ ‍ ᑎᐸᔨᒪᐤ ᑲ ‍ ᐊᑐᔅᒐᔅᒋᔨᒋ, ᒋᓴᐅᒋᒪᐛ ᐊᕈᑕ ᒋ ‍ ᐊᑐᔅᑯᐛᔪᐛ᙮ ᑭᔭ ᓱᓴᓇ ᒋ ‍ ᐎᒋᐃᐛᐤ᙮ ᒥᒐᑦ ᒪᒃ ᒥᓐ ᑯᑎᑭᒡ ᐃᔎᐅᒡ ᒋ ‍ ᐎᒐᐛᐅᒡ ᒋᓴᓴ᙮ ᑎᐱᔨᐛ ᒪᒃ ᐅᓱᓇᔭᓂᒧᐛᐤ ᒋ ‍ ᐊᐱᒋᑕᐅᒡ ᐅᒡ ᐃᔎᐅᒡ ᐊ ‍ ᐎᒋᐊᒡ ᒋᓴᓴ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓂᔪᐛ᙮
\s1 ᓇᐸᐤ ᑲᓂᑕᐅᒋᑕᑭᓂᒐᑦ
\r ᒪᑎᔪᐤ 13.1-9; ᒪᕐᒃ 4.1-9
\p
\v 4 ᐊᑯ ᒋᓴᔅ ᒂ ‍ ᐎᑎᒪᒐᑦ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒥᒐᑦ ᒪᒃ ᐊᐛᔪᐛ ᓂᓇᐧᑯᐤ ᐅᑕᓇᒡ ᐊᒋ ‍ ᐅᑐᑕᔨᒋ ᒋ ᐸᒋ ‍ ᓂᔅᑎᐎᔪᐛ ᒐᒋ ᓂᑐᑕᑯᑦ᙮ ᐊᐅᒄ ᒪᒃ ᐅᔭ ᑲ ᐃᓯ ‍ ᐎᑎᒧᐛᑦ᙮
\v 5 “ᐸᐃᒂᐤ ᒋ ‍ ᑕᐤ ᑲᓂᑕᐅᒋᑕᑭᓂᒐᑦ ᐊ ‍ ᐊᓯᒋᐛᐱᓇᐧᒃ ᓂᑕᐅᒋᑕᑭᓇ᙮ ᐱᔅᒐ ᒪᒃ ᐊᓐᑕ ᒪᔅᑭᓇᒡ ᒋ ‍ ᐸᐸᒋᑎᓂᔪᐛ ᐊ ᐊᑎ ‍ ᑕᑕᐧᑯᔅᑲᑕᑭᓄᔨᒋ ᑭᔭ ᐱᔭᓯᓴ ᐊ ᐊᑎ ‍ ᒥᒋᔨᒋ ᐊᓂᔭ ᓂᑕᐅᒋᑕᑭᓇ ᑲ ‍ ᐅᔄᐛᐱᓇᐧᒃ᙮”
\p
\v 6 “ᐊᑯ ᐱᔅᒐ ᑲ ‍ ᐸᐸᒋᑎᓂᒡ ᐊᓐᑕ ᐊ ‍ ᐊᓯᓂᐅᔨᒋ᙮ ᐃᔅᐱ ᒪᒃ ᓇᓇᒐ ᑲ ‍ ᓂᑕᐅᒋᒋ ᒐᒃ ᒋ ᐊᑎ ‍ ᐸᔅᑕᐛ ᐛᔅ ᓇᒪ ᓱᒃ ᐅᒋ ᓂᐱᐅᔅᑭᒥᑲᐤ ᐊᓐᑕ ᑲ ‍ ᐸᒋᑎᒋ᙮
\v 7 ᐊᑯ ᐊᓂᔭ ᓂᑕᐅᒋᑕᑭᓇ ᑲ ‍ ᐸᐸᒋᑎᒋ ᐊᓐᑕ ᑲ ‍ ᑲᓱᑕᐛᔅᑯᑲᒡ ᓂᐱᓯᔭᑎᒂ ᐊ ‍ ᑎᑯᓂᔨᒋ, ᐊᑯᑕ ᐊᓐᑕ ᒐᒃ ᑲ ᐊᑎ ‍ ᐊᓯᒡ ᓂᑕᐅᒋᒋ᙮ ᒐᒃ ᒪᒃ ᓇᒪ ᐅᒋ ᒥᔪ ‍ ᓂᑕᐅᒋᓇ ᐊᓂᔭ ᑲ ‍ ᓂᑕᐅᒋᑕᑭᓄᐅᒋ ᐊᒋ ‍ ᒋᐱᔅᑲᑐᒥᑲᒋ ᐊᓂᔭ ᑲ ‍ ᑲᓱᑲᐛᔅᑯᒂᒋ ᓂᐱᓯᔭᑎᒂ᙮
\v 8 ᐱᔅᒐ ᐊᓐᑕ ᐊ ‍ ᒥᔪᔅᑭᒥᑲᔨᒡ ᐊᑯᑕ ᑲ ‍ ᐸᐸᒋᑎᓂᔨᒋ, ᐅᔭ ᒪᒃ ᓇᔅᒡ ᒋ ᒥᔪ ‍ ᓂᑕᐅᒋᓂᔪᐛ, ᑭᔭ ᒥᔅᑎ ᒥᒋᒥᔪᐤ ᑲ ‍ ᓂᑕᐅᒋᓂᔨᒡ ᐊᓐᑕ ᓱᒥᓂᒡ ᐅᒋ, ᑕᓐ ᐊᓂᔭᔪᐛ ᑲ ᐎ ‍ ᐃᔅᐱᔅ ᓂᑕᐅᒋᑕᑦ᙮ ᐊᓐ ᐊᐛᓐ ᑲ ‍ ᐎᑐᐅᑲᑦ ᐊ ‍ ᓂᓇᐃᑕᐧᒃ ᒪᒃ, ᐃᔭᒂ ᒋᑭ ᐎ ‍ ᓂᔅᑐᑎᒻ᙮”
\s1 ᐊ ‍ ᐃᑎᑕᒂᒡ ᒋᔅᑯᑎᒪᒐᐤ ᑎᐸᒋᒧᐅᓐ
\r ᒪᑎᔪᐤ 13.10-17; ᒪᕐᒃ 4.10-12
\p
\v 9 ᐊᑯ ᒋᓴᔅ ᐅᒋᔅᒋᓄᐊᒧᐛᑭᓇ ᒂ ‍ ᑯᒂᒋᒥᑯᑦ ᑕᓐ ᐊ ᐃᓯ ‍ ᐎᑎᒪᒐᒥᑭᓂᔨᒡ ᐅᔭ ᑎᐸᒋᒧᐅᓂᔪᐤ᙮
\v 10 ᐊᑯ ᒂ ‍ ᐃᑕᑦ, “ᔅᒋ ‍ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒪᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᐅᒡ ᐊᐛᓐᒋ, ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊᐱᑎᓂᔪᐤ ᐊ ‍ ᐊᔨᒧᑎᒧᐛᑭᓄᐎᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮
\q ᐊᑎ ᐊ ‍ ᐛᐸᑕᒡ ᓇᒪ ᒋ ‍ ᓂᔅᑐᓂᒧᒡ, ᑭᔭ ᐊ ‍ ᐸᑕᒡ ᓇᒪ ᒋ ‍ ᓂᔅᑐᑎᒧᒡ᙮”
\s1 ᐊ ᐃᓯ ‍ ᐎᑎᒪᒐᒥᑲᒡ ᐅ ᑎᐸᒋᒧᐅᓐ
\r ᒪᑎᔪᐤ 13.18-23; ᒪᕐᒃ 4.13-20
\p
\v 11 “ᒋᑭ ‍ ᐎᑎᒪᑎᓇᐛᐤ ᑕᓐ ᐊ ᐃᓯ ‍ ᐎᑎᒪᒐᒥᑲᒡ ᐅ ᑎᐸᒋᒧᐅᓐ ᑲ ‍ ᐎᑎᒪᑎᑯᒡ᙮ ᒧᔭᒻ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᐅᑯᓐ ᐊ ‍ ᐃᑕᔨᑕᑯᓯᑦ ᐊᓐ ᓂᑕᐅᒋᑕᑭᓐ᙮
\v 12 ᐊᓐ ᓂᑕᐅᒋᑕᑭᓐ ᐊᓐᑕ ᐅᐱᒪᔅᑭᓄᐤ ᑲ ‍ ᐸᒋᓯᐧᒃ ᒧᔭᒻ ᐊᐅᒄ ᐊ ‍ ᐃᓯᓇᑯᓯᒡ ᐊᓐᒡ ᑲ ‍ ᐸᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᒥᒋᒥᓂᑐᐛ ᑕᑯᓯᓂᔨᒋ ᒪᔅᑭᒥᑯᒡ ᐊᓂᔭ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑕᓐ ᐊᓂᔭᔪᐛ ᑲ ᐃᓯ ‍ ᐸᑕᒡ ᐊ ‍ ᐃᑕᔨᒥᑯᒡ ᒐ ᐊᑲ ᒋ ᑕᑈᑕᒡ ᑭᔭ ᒐ ᐊᑲ ᒋ ᐱᒪᒋᐅᒡ᙮
\v 13 ᐊᑯ ᐊᓐ ᓂᑕᐅᒋᑕᑭᓐ ᐊᓐᑕ ᐊ ‍ ᐊᓯᓂᐅᔨᒡ ᑲ ‍ ᐸᒋᓯᐧᒃ ᒧᔭᒻ ᐊᐅᒄ ᐊ ‍ ᐃᓯᓇᑯᓯᒡ ᐊᐛᓐᒋ ᑲ ‍ ᐸᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊ ‍ ᑕᑈᑕᒡ ᑭᔭ ᓇᔅᒡ ᐊ ‍ ᒥᔽᔨᑎᒥᐃᑯᒡ᙮ ᒧᔭᒻ ᒪᒃ ᐊᓐ ᓂᑕᐅᒋᑕᑭᓇ ᐊᑲ ᔭᐃᒡ ᓂᑕᐅᒋᓂᔨᒋ ᐅᑎᐱᔭ ᐊᐅᒄ ᐊ ‍ ᐃᓯᓇᑯᓯᒡ ᐊᓐᒡ ᐊᑎ ᐛᐃᐱᔅᒋᔅ ᑲ ‍ ᑕᑈᑕᒡ᙮ ᐃᔅᐱᔅ ᑯᒂᒋᐃᐛᐅᓂᔪᐤ ᓇᒋᔅᑲᒡ ᐊᑯᑕ ᓴᔅ ᐱᔭᒋᓯᒡ᙮
\v 14 ᐊᑯ ᒪᒃ ᐊᓐ ᑯᑎᒃ ᓂᑕᐅᒋᑕᑭᓐ ᑲ ‍ ᐸᒋᓯᐧᒃ ᐊᓐᑕ ᐊ ‍ ᑲᓱᑕᐛᔨᒋ ᒥᔅᑯᓯᔭ ᐊ ‍ ᑎᑯᓂᔨᒋ ᒧᔭᒻ ᐊᐅᒄ ᐊ ‍ ᐃᓯᓇᑯᓯᒡ ᐊᐛᓐᒋ ᑲ ‍ ᓂᑐᑎᒧᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᒥᒄ ᒪᒃ ᐊᓂᔭ ᐅᑕᑈᑎᒧᐅᓄᐛᐤ ᒐᒃ ᓂᓱᐅᓇᒋᑕᑭᓄᐅᔪᐤ ᐛᓴ ᐊ ‍ ᐊᔨᒪᔨᑎᒥᐃᑯᒡ ᐊ ‍ ᐃᔅᐱᔨᒡ ᐅᐱᒪᑎᓯᐅᓄᐛᒡ ᑭᔭ ᐛᔪᑎᓯᐅᓂᔪᐤ ᐊ ‍ ᒪᒥᑐᓇᔨᑎᒥᐃᑯᒡ, ᑭᔭ ᒥᒄ ᐊᔅᒋᔪᐤ ᒐᒂᔪᐛ ᐊ ‍ ᒪᒥᑐᓇᔨᑎᒥᐃᑯᒡ ᒐᒋ ᐅᒋ ‍ ᒥᔽᔨᑕᒡ᙮ ᐊᑯ ᒪᒃ ᓇᒪ ᒋ ᐃᓯ ‍ ᓂᑕᐅᒍᐅᒡ ᑕᓐ ᐊᓂᔭᔪᐤ ᒋᐸ ᐃᓯ ‍ ᓂᑕᐅᒍᐅᒡ᙮
\v 15 ᐊᓐ ᒪᒃ ᓂᑕᐅᒋᑕᑭᓐ ᑲ ᒥᔪ ‍ ᓂᑕᐅᒋᑦ ᐊ ‍ ᒥᔪᔅᑭᒥᑲᔨᒡ ᐊᔅᒋᒡ ᒧᔭᒻ ᐊᐅᒄ ᐊ ‍ ᐃᓯᓇᑯᓯᒡ ᐊᓐᒡ ᐊᐛᓐᒋ ᑲ ‍ ᓂᑐᑐᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓂᓇᐃᑎᒧᒡ, ᑭᔭ ᑭᓄᐛᔨᑎᒧᒡ᙮ ᒧᓯᓇᐤ ᑕᑈᑎᒧᒡ ᐊ ‍ ᓯᐱᔪᐛᓯᒡ ᑭᔭ ᒐᒃ ᐊ ᒥᔪ ‍ ᒥᓂᓱᐅᒡ ᐅᐱᒪᑎᓯᐅᓄᐛᒡ᙮”
\s1 ᐛᔅᑕᐤ ᑎᐸᒋᒧᐅᓐ
\r ᒪᕐᒃ 4.21-25
\p
\v 16 “ᓇᒪ ᐊᐛᓐ ᐊᑯᓇᐊᒻ ᐛᔅᑕᓂᐱᒪᑭᓂᔪᐤ ᐊᒋ ‍ ᓯᔅᑲᐊᐧᒃ ᒪᒃ ᓯᐸ ᓂᐸᐅᓂᒡ ᒐᒋ ᐊᔅᑕᑦ᙮ ᓇᐸᒥᔅᑕᐤ ᐊᓂᔭ ᐛᔅᑕᓂᐱᒪᑭᓂᔪᐤ ᑭᔭ ᒥᓯᐛ ᐊᐛᓐ ᐊ ᐸᒋ ‍ ᐱᒐᑦ ᐛᐸᑕᑎᒻ ᐊᓂᔭ ᐊ ‍ ᐛᔅᑕᔨᒡ᙮
\v 17 ᒥᓯᐛ ᒐᒂᓐ ᐊᑲ ᓄᑯᑕᑭᓄᐅᒡ ᒋᑭ ‍ ᓄᑯᑕᑭᓄᐤ, ᐊᑯ ᐊᓐ ᑲ ‍ ᐊᑯᓇᐃᑭᓄᐅᒡ ᒋᑭ ‍ ᒧᓴᔅᑕᐤ᙮ ᐊᓂᔭᔪᐛ ᒐᒂᔪᐛ ᐊᔅᒄ ᐊᑲ ᐅᒋ ᒋᔅᒐᔨᑕᑭᓄᐅᒋ ᐊᔅᒄ ᒋᑭ ‍ ᒋᔅᒐᔨᑕᑭᓄᐛ᙮
\v 18 ᐃᔭᒂᒥ ᒪᒃ ᑕᓐ ᐊ ᐃᓯ ‍ ᓂᑐᑎᒥᓐ, ᐛᔅ ᐊᓐ ᐊᐛᓐ ᐃᔭᒂ ᑲ ‍ ᐸᑕᐧᒃ ᐊᑐᐎᔅ ᒋᑭ ‍ ᓂᔅᑐᑎᒻ᙮ ᐊᑯ ᐊᓐ ᐊᐛᓐ ᐊᑲ ᐃᔭᒂ ᑲ ‍ ᐸᑕᐧᒃ ᒋᑭ ‍ ᐅᓂᒋᔅᒋᓱᐤ ᐃᔭᐱᒡ ᑕᓐ ᐊᓂᔭᔪᐛ ᑲ ‍ ᐃᑕᔨᑕᐧᒃ ᐊ ‍ ᓂᔅᑐᑕᐧᒃ᙮”
\s1 ᒋᓴᔅ ᐅᑐᑕᒪ
\r ᒪᑎᔪᐤ 12.46-50; ᒪᕐᒃ 3.31-35
\p
\v 19 ᐸᐃᒂᐤ ᒋᓴᔅ ᐅᑲᐎᔭ ᑭᔭ ᐎᐧᑲᓂᓴ ᒋ ᐎ ‍ ᐛᐱᒥᑯᐤ, ᓇᒪ ᒪᒃ ᐅᒋ ᓇᑎᑯᐤ, ᐛᓴ ᐊᓐᑕ ᐊᒋ ‍ ᒥᒐᑎᓇᓄᐎᒡ᙮
\v 20 ᒐᒃ ᒪᒃ ᒂ ‍ ᐃᑎᑯᑦ ᐊᐛᔪᐛ ᒋᓴᔅ, “ᒋᑲᐎᔾ ᑭᔭ ᒋᐧᑲᓂᓯᒡ ᐎᐎᑎᒥᒡ ᐊᓐᑕ ᓂᐳᐅᒡ ᐊ ᐎ ‍ ᐛᐱᒥᔅᒡ᙮”
\p
\v 21 ᒋᓴᔅ ᒪᒃ ᒋ ‍ ᐃᑕᐤ, “ᒧᔭᒻ ᓂᑲᐎᔾ ᑭᔭ ᓂᐧᑲᓂᓯᒡ ᓂᑦ ᐃᑕᔨᒪᐅᒡ ᐊᓐᒡ ᑲ ‍ ᓂᑐᑐᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑭᔭ ᑲ ‍ ᐃᑐᑎᒺᒡ᙮”
\s1 ᒋᓴᔅ ᑲ ‍ ᒋᑕᐊᒧᐛᑦ ᔪᑎᓂᓱᐛ ᑭᔭ ᑭᔅᑭᓇ
\r ᒪᑎᔪᐤ 8.23-27; ᒪᕐᒃ 4.35-41
\p
\v 22 ᐸᐃᒂᐤ ᒋᓴᔅ ᒋ ‍ ᐃᑕᐤ ᐅᒋᔅᒋᓄᐊᒧᐛᑭᓇ, “ᓇᑕ ᒪ ᐃᓯ ᐊᓱᐊᑕᐤ ᐊᑲᒥᒡ᙮” ᐊᑯ ᒂ ‍ ᒧᓴᐛᐊᒡ᙮
\v 23 ᓇᓇᒐ ᒪᒃ ᑲ ‍ ᒧᓴᐛᔭᓯᒡ ᐊᑯ ᒂ ‍ ᓂᐸᑦ ᒋᓴᔅ᙮ ᒐᒃ ᓯᔅᒋᑯᒡ ᒂ ‍ ᔪᑎᓂᔨᒡ ᐊᓐᑕ ᓴᑲᐃᑭᓂᒡ᙮ ᐊ ‍ ᒪᒥᓯᑎᔨᒋ ᑭᔅᑭᓇ ᒋ ‍ ᐳᓯᐸᔨᑐᔪᐛ ᐅᑦ ᐅᐤᑐᐛᒡ᙮ ᒐᒃ ᓇᔅᒡ ᒂ ‍ ᑯᔅᑕᑎᑯᓂᔨᒡ ᐊᓐᑕ ᐊ ‍ ᑕᒡ᙮
\p
\v 24 ᒐᒃ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ‍ ᐸᑯᓇᒡ ᒋᓴᓴ ᐊ ‍ ᐃᑕᒡ, “ᒋᔅᑯᑎᒪᒐᓱᐤ, ᒋᔅᑯᑎᒪᒐᓱᐤ, ᒋᑭ ‍ ᓂᔅᑕᐸᐛᓇᓄᐤ᙮” ᒋᓴᔅ ᒪᒃ ᒋ ‍ ᐅᓂᐤ, ᒂ ‍ ᐃᔅᒋᔄᑦ ᐊᓂᔭ ᐊ ‍ ᔪᑎᓂᔨᒡ ᒐᒋ ᐳᓂᐱᔨᒡ ᑭᔭ ᐊᓂᔭ ᑭᔅᑭᓇ ᒂ ‍ ᐃᑕᑦ, “ᒋᔭᒥᓯᒄ᙮” ᑎᐛᒡ ᒪᒃ ᒋ ‍ ᐃᔽᔅᑎᓂᔪᐤ᙮
\v 25 ᐊᑯ ᒂ ‍ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᑕᓐᑕ ᒋᑕᑈᑎᒧᐅᓄᐛᐤ ?” ᒋ ‍ ᑯᔅᑕᒍᐅᒡ ᒪᒃ ᐊᔪᐤ ᒋ ‍ ᒥᔅᑲᑕᔨᑎᒧᒡ ᐊ ‍ ᐃᔅᒋᔄᒡ, “ᐊᐛᓐ ᐅ ᐛᐛᒡ ᔪᑎᓂᓱᐛ ᑭᔭ ᑭᔅᑭᓇ ᐊ ‍ ᐱᓯᒋᐃᑯᑦ ᐊ ‍ ᒋᑕᐊᒧᐛᑦ ?”
\s1 ᒋᓴᔅ ᑲ ‍ ᒥᓏᒋᐊᑦ ᓇᐸᐛ ᑲ ‍ ᐱᒋᔅᑲᑯᔨᒋ ᒥᒋ ‍ ᐊᒐᒂ
\r ᒪᑎᔪᐤ 8.28-34; ᒪᕐᒃ 5.1-20
\s2 Luke 8.26-39 (Proper-7 Year C)
\p
\v 26 ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒋ ‍ ᐊᓱᐊᒧᒡ ᐊᓐᑕ ᐃᔅ ᑲᕋᓯᓐ ᐃᔪᐛ ᐅᑦ ᐊᔅᒋᔨᒡ, ᑲᑕᕆᓐ ᐊᔅᒋᒡ ᑲ ‍ ᐃᓯᓂᐧᑲᑕᔨᒡ᙮ ᒂᔅᑕᒐᑲᒻ ᑲᓕᓕ ᐊᔅᒋᒡ ᑎᑯᓐ ᐅ ᐊᔅᒋᔾ᙮
\v 27 ᐃᔅᐱ ᒪᒃ ᑲ ‍ ᑭᐸᑦ ᒋᓴᔅ ᒋ ‍ ᓂᒋᔅᑯᐛᐤ ᓇᐸᐛ ᐊᓐᑕ ᐅᑕᓇᒡ ᐊ ‍ ᐅᒋᔨᒋ, ᐊ ‍ ᐱᒋᔅᑲᑯᔨᒋ ᒥᒋ ‍ ᐊᒐᒂ᙮ ᓴᔅ ᒪᒃ ᐛᔅᑭᒡ ᐊᓐᑕ ᓇᒪ ᐅᒋ ᒋᔅᑭᒻ ᐅᑦ ᐊᐱᒋᑕᐅᓇ ᐅ ᓇᐸᐤ᙮ ᓇᒪ ᒥᒋᐛᐱᒡ ᐅᒋ ᑕᐤ ᒥᒄ ᐊᓐᑕ ᒋᐱ ᐊᔅᒋᒡ ᒧᔅ ᒋ ‍ ᑕᐤ᙮
\v 28 ᐅ ᒪᒃ ᓇᐸᐤ ᐃᔅᐱ ᐎᔭᐱᒪᑦ ᐊᓂᔭ ᒋᓴᓴ, ᒋ ‍ ᐊᔭᓯᒂᐤ ᒂ ᐊᑎ ‍ ᐸᒋᓯᐧᒃ ᐅᑎᔅᑯᐤ ᐊᓐᑕ ᐊ ‍ ᑕᔨᒋ᙮ ᐊᑯ ᑲ ‍ ᑕᑈᑦ ᐊ ‍ ᐃᔅᒋᔄᑦ, “ᒋᓴᔅ, ᒋᔾ ᑲ ‍ ᐅᑯᓯᑐᑕᔅᒃ ᒋᓴᒪᓂᑐᐤ ᒪᐅᒡ ᑲ ‍ ᐃᔅᐸᔨᑕᑯᓯᑦ, ᑕᓐ ᐛ ᐃᓯᐧᑯᔨᓐ ? ᐊᑲᐎᔾ ᐸᒋ ‍ ᓂᓇᐧᑲᑕᔨᒧᐃ ᒋ ᐎ ‍ ᐃᑎᑎᓐ᙮”
\v 29 ᐊᔪᐅᒄ ᐅᔭ ᑲ ᐃᓯ ‍ ᑕᑈᑦ ᐅ ᓇᐸᐤ ᐛᔅ ᒋᓴᔅ ᒋ ‍ ᐃᔅᒋᔄᑯᐱᓇ ᐊᓂᔭ ᒥᒋ ‍ ᐊᒐᒂ ᒐᒋ ᐎᐎᔨᒋ ᐊᓐᑕ ᐊᓂᔭ ᓇᐸᐛ ᐊ ‍ ᑕᔨᒋ ᐅᒋ᙮ ᐅ ᒪᒃ ᓇᐸᐤ ᒥᒐᑥᐤ ᒋ ‍ ᑎᐸᔨᒥᑯᑯᐱᓇ ᐊᓂᔭ ᒥᒋ ‍ ᐊᒐᒂ᙮ ᒧᔅ ᒪᒃ ᒋ ‍ ᓂᓇᑭᑐᐛᔨᒪᑭᓄᐤ ᐊᓐ ᓇᐸᐤ᙮ ᐊᑎ ᒪᒃ ᑭᔭ ᐊ ‍ ᒪᑯᐱᑕᔨᒋ ᐅᓯᑕ ᑭᔭ ᐅᑎᒋᔭ ᐃᔭᐱᒡ ᒋ ‍ ᐱᔅᒋᐱᑎᒻ ᒪᓐ ᐊᓂᔭ ᐊᒋ ‍ ᒥᒪᒋᒪᐱᔅᑲᐃᑭᓄᔨᒋ ᐃᓴᒂᔭᐱᔪᐤ᙮ ᒋ ‍ ᐃᑐᑕᑯᐤ ᒪᒃ ᐊᓂᔭ ᒥᒋ ‍ ᐊᒐᒂ ᒐᒋ ᐃᑐᑕᑦ ᐊᓐᑕ ᐸᐧᑯᑎᔅᑭᒥᑲᒡ᙮
\p
\v 30 ᒋᓴᔅ ᒪᒃ ᒋ ‍ ᑯᒂᒋᒪᐤ, “ᑕᓐ ᐊ ‍ ᐃᓯᓂᐧᑲᓱᔨᓐ ?” ᒂ ‍ ᐃᑎᑯᑦ, “ᑲ ‍ ᒥᒐᑎᒡ᙮” ᐛᔅ ᒋ ‍ ᒥᒐᑎᔪᐛ ᒥᒋ ‍ ᐊᒐᒂ ᐊ ‍ ᐱᒋᔅᑲᑯᑦ ᐊᓐ ᓇᐸᐤ᙮
\v 31 ᐊᑯ ᒪᒃ ᒂ ‍ ᑯᒂᒋᒪᒡ ᒋᓴᓴ ᒐ ᐊᑲ ᒋ ᐃᑎᓴᐅᑯᒡ ᐊᓐᑕ ᒥᒋ ‍ ᐃᔅᑯᑕᒡ᙮
\p
\v 32 ᒋ ‍ ᑕᐅᒡ ᒪᒃ ᑯᐧᑯᓯᒡ ᐊ ‍ ᒥᒋᓱᒡ ᐊᓐᑕ ᐊ ‍ ᐱᔅᑯᑕᐅᐧᑲᔨᒡ᙮ ᐊᓐᒡ ᒪᒃ ᒥᒋ ‍ ᐊᒐᐧᑯᒡ ᒋ ‍ ᑯᒂᒋᒪᐅᒡ ᒋᓴᓴ ᒐᒋ ᐃᑎᓴᐅᑯᒡ ᐊᓐᑕ ᒐᒋ ᐱᒋᔅᑯᐛᒡ ᐊᓂᔭᔪᐛ ᑯᐧᑯᓴ᙮ ᐊᐅᑯᓐ ᒪᒃ ᑲ ᐃᓯ ‍ ᐃᑐᑐᐛᑦ ᒋᓴᔅ᙮
\v 33 ᐊᓐᒡ ᒪᒃ ᒥᒋ ‍ ᐊᒐᐧᑯᒡ, ᐃᔅᐱ ᑲ ‍ ᐎᐎᔅᑯᐛᒡ ᐊᓂᔭ ᓇᐸᐛ ᐊᑯ ᐊᓂᔭ ᑯᐧᑯᓴ ᑲ ‍ ᐊᓱᐱᒋᔅᑯᐛᒡ᙮ ᐊᑯ ᐊᓐᒡ ᑯᐧᑯᓯᒡ ᑲ ‍ ᔭᒥᑕᐅᒋᐸᔨᑐᒡ ᐊᓐᑕ ᐃᔅ ᓴᑲᐃᑭᓂᒡ, ᒂ ‍ ᓂᔅᑕᐸᐛᒡ᙮
\p
\v 34 ᐃᔅᐱ ᒪᒃ ᐊᓐᒡ ᑲ ‍ ᓂᓇᑭᑐᐛᔨᒪᒡ ᑯᐧᑯᓴ ᑲ ‍ ᐛᐸᑕᒡ ᑕᓐ ᑲ ‍ ᐃᔅᐱᔨᒡ ᒋ ‍ ᒋᑎᓯᒧᐅᒡ, ᒂ ‍ ᐎᑕᒡ ᐊᓐᑕ ᐅᑕᓇᒡ ᑭᔭ ᐊᓐᑕ ᐛᔅᑲ ᐎᐎᑎᒥᒡ ᐊᓂᔭ ᐅᑕᓇᔪᐤ᙮
\v 35 ᒋ ‍ ᑎᑯᓯᓄᐅᒡ ᒪᒃ ᐃᔪᒡ ᐊᒋ ᐸᒋ ᓇᒋ ‍ ᐛᐸᑕᒡ ᑕᓐ ᑲ ‍ ᐃᔅᐱᔨᒡ᙮ ᐃᔅᐱ ᐛᑎᑕᒡ ᒋᓴᓴ ᒋ ‍ ᐛᐱᒪᐅᒡ ᐊᓂᔭ ᓇᐸᐛ ᑲ ‍ ᐱᒋᔅᑲᑯᔨᒋ ᒥᒋ ‍ ᐊᒐᒂ ᐊ ‍ ᐊᐱᔨᒋ ᒥᒋᒪ ᐊᓐᑕ ᒋᓴᓴ ᐅᓯᑎᔨᒡ᙮ ᐊᒋ ‍ ᐛᑕᐱᓱᐎᒂᓂ ᑭᔭ ᐊ ‍ ᒋᔭᒪᔨᑕᑯᓯᔨᒋ᙮ ᒋ ‍ ᑯᔅᑕᒍᐅᒡ ᒪᒃ ᐎᔭᐱᒪᒡ ᐅᔭ ᓇᐸᐛ᙮
\v 36 ᐊᓐᒡ ᒪᒃ ᑲ ‍ ᐛᐸᑕᒡ ᑕᓐ ᑲ ‍ ᐃᔅᐱᔨᒡ ᒋ ‍ ᑎᐸᒋᒧᔅᑐᐛᐅᒡ ᐃᔪᐛ ᐊ ‍ ᑎᑯᓯᓂᔨᒋ ᑕᓐᑕ ᑲ ᐅᒋ ‍ ᒥᓏᑎᓯᔨᒋ ᐅᔭ ᓇᐸᐛ ᒥᒋ ‍ ᐊᒐᒂ ᑲᒋ ‍ ᐱᒋᔅᑲᑯᔨᒋ᙮
\v 37 ᐊᓐᒡ ᒪᒃ ᐃᔪᒡ ᐊᓐᑕ ᑲᕋᓯᓐ ᐊᔅᒋᒡ ᑲ ‍ ᐅᒋᒡ ᒋ ‍ ᓴᒋᓱᐅᒡ ᐅᔭᔪᐤ ᐅᒋ ᑲ ‍ ᐃᔅᐱᔨᒡ ᐊᑯ ᒂ ‍ ᑯᒂᒋᒪᒡ ᒋᓴᓴ ᒐᒋ ᓂᑭᑎᑯᒡ᙮ ᐊᑯ ᒋᓴᔅ ᒂ ‍ ᐳᓯᑦ ᐅᑦ ᐅᐤᑐᐛᐤ ᐊᑯ ᒂ ᐊᑎ ‍ ᒋᐛᐅᑦ᙮
\p
\v 38 ᐊᓐ ᒪᒃ ᓇᐸᐤ ᑲᒋ ‍ ᐱᒋᔅᑲᑯᑦ ᒥᒋ ‍ ᐊᒐᒂ ᓇᔅᒡ ᒋ ᐎ ‍ ᐎᒐᐛᐤ ᒋᓴᓴ᙮ ᒋᓴᔅ ᒪᒃ ᒋ ‍ ᒋᑎᓴᐛᐤ ᐊᒋ ‍ ᐃᑕᑦ,
\v 39 “ᒪᒋ, ᒋᐛ᙮ ᒐ ‍ ᓄᑯᑕᔨᓐ ᑕᓐ ᑲ ᐃᓯ ‍ ᐃᑐᑎᒪᔅᒃ ᒋᓴᒪᓂᑐᐤ᙮” ᐊᐅᒄ ᒪᒃ ᑲ ‍ ᐃᑎᑦ ᐊᓐ ᓇᐸᐤ᙮ ᒥᓯᐛ ᐊᓐᑕ ᐅᑕᓇᒡ ᒋ ‍ ᑎᑎᐸᒋᒧᐤ ᑕᓐ ᑲ ‍ ᐃᑐᑎᒪᑯᑦ ᒋᓴᓴ᙮
\s1 ᒐᐃᕋᔅ ᐅᑕᓂᓴ ᑭᔭ ᐊᓐ ᐃᔎᐤ ᒋᓴᓴ ᐅᑦ ᐊᑯᐱᔪᐤ ᑲ ‍ ᑕᒋᓂᒺᑦ
\r ᒪᑎᔪᐤ 9.18-26; ᒪᕐᒃ 5.21-43
\p
\v 40 ᐃᔅᐱ ᒥᓐ ᑲᐤ ᑲ ‍ ᒥᓯᑲᑦ ᒋᓴᔅ ᐊᓐᑕ ᒂᔅᑕᒐᑲᒻ ᓴᑲᐃᑭᓂᒡ ᒋ ‍ ᒥᔽᔨᑎᒥᔪᐛ ᒥᒐᑦ ᐊᐛᔪᐛ, ᐛᔅ ᒥᓯᐛ ᒋ ‍ ᐊᓱᐛᐱᒥᑯᐤ᙮
\v 41 ᐊᑯ ᑲ ‍ ᑎᑯᓯᐧᒃ ᓇᐸᐤ ᒐᐃᕋᔅ ᐊ ‍ ᐃᓯᓂᐧᑲᓱᑦ, ᐊ ‍ ᐅᒋᒪᐧᑲᑕᐧᒃ ᒍᐤ ᐊᔭᒥᐊᐅᒋᐛᐱᔪᐤ, ᑲ ᐸᒋ ‍ ᐅᒋᒋᐧᑯᓂᐱᔪᐅᑦ ᒥᒋᒪ ᒋᓴᓴ ᐅᓯᑎᔨᒡ ᓇᔅᒡ ᐊ ‍ ᓂᑐᐛᔨᒪᑦ ᒐᒋ ᑎᑯᓯᓂᔨᒋ ᐊᓐᑕ ᐎᒋᒡ,
\v 42 ᐛᔅ ᐊᓂᔭ ᑲ ‍ ᐸᐃᑯᓯᔨᒋ ᐅᑕᓂᓴ ᑲ ‍ ᓂᓱᓴᐳᓇᓯᔨᒋ, ᒐᑲᑦ ᒋ ‍ ᐳᓂᐱᒪᑎᓯᔪᐛ᙮
\p ᒪᒂᒡ ᒪᒃ ᐊᓂᔭ ᐊ ᐊᑎ ‍ ᐱᒧᑕᑦ ᒋᓴᔅ ᒥᒐᑦ ᐊᐛᔪᐛ ᒋ ‍ ᓯᑎᔅᑲᑯᐤ᙮
\v 43 ᒋ ‍ ᑕᐤ ᒪᒃ ᑭᔭ ᐊᓐᑕ ᐃᔎᐤ ᓂᓱᓴᐳᓇ ᐊᒋ ‍ ᐅᓂᑕᑦ ᐅᒥᐧᒄ᙮ ᒥᓯᐛ ᒐᒂᔪᐤ ᑕᓐ ᑲ ᐃᓯ ‍ ᐊᔭᑦ ᒋ ‍ ᒥᔭᓯᐱᓐ ᓂᑐᐧᑯᐃᔨᓴ ᐊ ‍ ᒋᓯᐧᑯᐛᑦ ᒐᒋ ᐎᒋᐃᑯᑦ, ᓇᒪ ᒪᒃ ᐛᐛᒡ ᐸᐃᒂᐤ ᐅᒋ ᐎᒋᐃᑯᐤ᙮
\v 44 ᐅᔅᐱᔅᑯᓂᔨᒡ ᒂ ᐅᒋ ‍ ᐸᒋ ‍ ᓇᑕᑦ ᒋᓴᓴ, ᒂ ‍ ᑕᒋᓂᒺᑦ ᐊᓐᑕ ᐊ ‍ ᐎᓂᔎᑭᓂᔨᒡ ᐊᓂᔭ ᐅᑦ ᐊᑯᐱᔪᐤ᙮ ᑎᐛᒡ ᒪᒃ ᒋ ‍ ᒋᒋᒥᑯᔪᐤ ᐅᒥᐧᒄ᙮
\p
\v 45 ᐊᑯ ᒋᓴᔅ ᒂ ‍ ᐃᔅᒋᔄᑦ, ᐊᐛᓐ ᑲ ᐸᒋ ‍ ᑕᒋᓂᑦ ? ᓇᒪ ᒪᒃ ᐊᐛᓐ ᐅᒋ ᒋᔅᑐᐤ ᐊᑯ ᐱᑕᕐ ᒂ ‍ ᐃᑕᑦ, “ᒋᔅᑯᑎᒪᒐᓱᐤ, ᒥᒐᑐᐅᒡ ᐊᐛᓐᒋ ᐊ ‍ ᓯᑎᔅᑲᔅᒡ᙮ ᐃᔭᐱᒡ ᒪᒃ ᐊ ‍ ᐃᔅᒋᔄᔨᓐ ᐊᐛᓐ ᑲ ᐸᒋ ‍ ᑕᒋᓂᑦ ?”
\p
\v 46 ᒋᓴᔅ ᒪᒃ ᒋ ‍ ᐃᔅᒋᔄᐤ, “ᓂ ‍ ᒋᔅᒐᔨᑕᓐ ᐊᐛᓐ ᐊᒋ ᐸᒋ ‍ ᑕᒋᓂᑦ᙮ ᐛᔅ ᓂᒋ ‍ ᒧᓯᑕᓐ ᒥᔅᑯᓯᐅᓐ ᐊ ‍ ᐎᐎᐱᔨᒡ ᐅᑕ ᐊ ‍ ᑕᔭᓐ᙮”
\p
\v 47 ᐃᔅᐱ ᒪᒃ ᑲ ‍ ᒋᔅᒐᔨᑕᐧᒃ ᐊᓐ ᐃᔎᐤ ᐊ ‍ ᒋᔅᒐᔨᒪᑭᓄᐅᑦ ᑕᓐ ᑲ ‍ ᐃᑎᑦ ᐊᑯ ᑲ ᐸᒋ ‍ ᐃᑐᑕᑦ ᐊᓐᑕ ᓂᑲᓄᒡ᙮ ᒂ ᐊᑎ ‍ ᐅᒋᒋᐧᑯᓂᐱᔪᐅᑦ ᐅᑎᔅᑯᐤ ᐊᓐᑕ ᒋᓴᓴ ᐊ ‍ ᑕᔨᒋ ᐊ ‍ ᓂᓇᒥᐱᔨᑦ ᐊ ‍ ᐃᔅᐱᔅ ᓴᒋᓯᑦ᙮ ᐊᑯᑕ ᒪᒃ ᐊᓐᑕ ᐅᑎᔅᑯᐤ ᒥᓯᐛ ᐊᐛᔪᐛ ᐊ ‍ ᑕᔨᒋ ᑲ ‍ ᐎᑕᐧᒃ ᒐᒂᔪᐤ ᐛᒋ ‍ ᑕᒋᓇᑦ ᑭᔭ ᑎᐛᒡ ᐊᒋ ‍ ᒥᓏᒋᐊᑭᓄᐅᑦ᙮
\v 48 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᐃᔎᐛ, “ᐃᔎᐤ, ᒋᑕᑈᑎᒧᐅᓐ ᒋ ‍ ᒥᓏᒋᐃᑯᓐ᙮ ᒪᒋ ᒋᔭᒪᔨᑎᒧᐅᓂᒡ ᐃᔅ᙮”
\p
\v 49 ᒪᒂᒡ ᒪᒃ ᐊ ‍ ᐃᔨᒥᑦ ᒋᓴᔅ, ᒋ ‍ ᑎᑯᓯᓄᐤ ᓇᐸᐤ ᒐᐃᕋᔅ ᐊ ‍ ᑕᔨᒋ ᐊ ‍ ᐅᑐᑕᑦ ᒐᒋ ᐸᒋ ‍ ᐃᑕᑦ ᐊᓂᔭ ᒐᐃᕋᓴ, “ᓴᔅ ᓇᒪ ᐱᒪᑎᓯᐤ ᒋᑕᓂᔅ᙮ ᐊᑲᐎᔾ ᒪᒃ ᐊᑯᔅ ᐅᑎᒥᐃ ᒋᔅᑯᑎᒪᒐᓱᐤ᙮”
\p
\v 50 ᐃᔅᐱ ᒪᒃ ᐱᔭᑕᐧᒃ ᐅᔭ ᒋᓴᔅ ᒋ ‍ ᐃᑕᐤ ᐊᓂᔭ ᒐᐃᕋᓴ, “ᐊᑲᐎᔾ ᐊᔨᒪᔨᑕ᙮ ᒥᒄ ᑕᑈᑕ, ᐛᔅ ᒋᑭ ᒥᔪ ‍ ᐱᒪᑎᓯᐤ ᒋᑕᓂᔅ᙮”
\p
\v 51 ᐊᑯ ᒂ ‍ ᐃᑐᑕᒡ ᒐᐃᕋᓴ ᐎᒋᔨᒡ᙮ ᐃᔅᐱ ᑲ ‍ ᐅᑎᑕᒡ ᐊᓂᔭ ᒥᒋᐛᐱᔪᐤ, ᓇᒪ ᑯᑎᑲ ᐊᐛᔪᐛ ᐅᒋ ᐱᔅᑎᓇᐤ ᒋᓴᔅ ᒐᒋ ᐎᒐᐅᑯᑦ ᐊ ‍ ᐱᒐᑦ, ᒥᒄ ᐱᑕᕋ, ᒠᓇ, ᒋᒥᓴ ᑭᔭ ᐊᓂᔭ ᐅᓂᒋᐃᑯᔪᐛ ᐊᓂᔭ ᐃᔎᓴ᙮
\v 52 ᒥᓯᐛ ᐊᐛᓐᒋ ᐊᓐᑕ ᑲ ‍ ᑕᒡ ᒋ ‍ ᒪᐅᒡ ᐊ ‍ ᒥᑕᑕᒡ ᐊᓂᔭ ᐃᔎᓴ᙮ ᐊᑯ ᒋᓴᓴ ᒂ ‍ ᐃᑎᑯᒡ, “ᒋᒺᒄ ᐊ ‍ ᒪᔭᒄ᙮ ᑕᐸ ᐛᔅ ᐊᓐ ᓂᐳᐤ, ᒥᒄ ᓂᐸᐤ᙮”
\p
\v 53 ᐊᑯ ᒂ ‍ ᐅᓯᓄᐛᒡ ᐛᔅ ᒋ ‍ ᒋᔅᒐᔨᒪᐅᒡ ᑕᑈ ᐊ ‍ ᓂᐱᔨᒋ ᐊᓂᔭ ᐃᔎᓴ᙮
\p
\v 54 ᒂ ‍ ᐱᒐᒡ ᒋᓴᔅ ᐊᓐᑕ ᒥᒋᐛᐱᒡ, ᒂ ‍ ᓂᑐᐛᐱᒪᑦ ᐊᓂᔭ ᐃᔎᓴ, ᒂ ‍ ᐅᑎᓂᒺᑦ ᐅᑎᒋᔪᐤ ᐊ ‍ ᐃᑕᑦ, “ᐃᔎᔅ ᐅᓂᔾ᙮”
\v 55 ᐊᑯ ᒪᒃ ᑲᐤ ᒂ ‍ ᐱᒋᔅᑲᑯᑦ ᐅᑦ ᐊᒐᒂ ᐊᓐ ᐃᔎᔅ, ᒂ ᐅᒋ ‍ ᐅᓂᑦ᙮ ᐊᑯ ᒋᓴᔅ ᒂ ‍ ᐃᑎᓱᐛᑦ ᒐᒋ ᐊᓯᒪᑭᓄᔨᒋ᙮
\v 56 ᐊᓂᔭ ᒪᒃ ᐅᓂᒋᐃᑯᔪᐛ ᓇᔅᒡ ᒋ ‍ ᑯᔅᑯᐱᔪᐛ᙮ ᐊᑯ ᒂ ‍ ᐃᑎᑯᒡ ᒋᓴᓴ ᒐ ᐊᑲ ᒋ ᐎᑎᒧᐛᒡ ᐊᐛᔪᐛ ᑕᓐ ᑲ ‍ ᐃᔅᐱᔨᒡ᙮
\c 9
\s1 ᒋᓴᔅ ᑲ ‍ ᒋᑎᓴᐛᑦ ᑲ ‍ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ
\r ᒪᑎᔪᐤ 10.5-15; ᒪᕐᒃ 6.7-13
\p
\v 1 ᒋᓴᔅ ᒋ ᒪᒧᐤ ‍ ᐎᓴᒪᐤ ᑲ ‍ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ᙮ ᒂ ‍ ᒥᔭᑦ ᓱᐧᑲᑎᓯᐅᓂᔪᐤ ᑭᔭ ᑎᐸᔨᒋᒐᐅᓂᔪᐤ ᒐᒋ ᐎᐎᑎᓴᐛᔨᒋ ᒥᒋ ‍ ᐊᒐᒂ ᑭᔭ ᒐᒋ ᒥᓏᒋᐊᔨᒋ ᓂᓇᐧᑯᐤ ᐊ ‍ ᐃᑕᔅᐱᓇᔨᒋ ᐊᐛᔪᐛ᙮
\v 2 ᐊᑯ ᒂ ‍ ᒋᑎᓴᐛᑦ ᒐᒋ ᑭᒐᔅᒋᒧᔨᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ‍ ᐛᐎᑎᒥᔨᒋ ᐊᔪᐤ ᒐᒋ ᒥᓏᒋᐊᔨᒋ ᐊᐛᔪᐛ ᑲ ‍ ᐊᐧᑯᓯᔨᒋ᙮
\p
\v 3 ᒋ ‍ ᐃᑎᓱᒪᐤ ᒪᒃ, “ᐅ ᒐ ‍ ᔅᑐᑕᔭᒄ ᐊᑲᐎᔾ ᒋᑭ ᐅᒋ ‍ ᑕᐧᑯᓇᓇᐛᐤ ᒐᒂᓐ᙮ ᐊᑲᐎᔾ ᐊᔭᒄ ᓯᔅᑲᐅᓐ, ᓂᒪᐅᑦ, ᒥᒋᒻ, ᓱᓇᔭᐤ ᐛᐛᒡ ᑭᔭ ᐊᔪᐛᒃ ᒋᑦ ᐊᐱᒋᑕᐅᓄᐛᐛ ᐊ ‍ ᒋᔅᑭᒪᒄ᙮
\v 4 ᑭᔭ ᐊᓐ ᒥᒋᐛᑉ ᑕᓐᑕ ᒐ ‍ ᐱᑎᑲᐃᑯᐛᒂ, ᐊᑯᑕ ᐊᓐᑕ ᒐ ‍ ᑕᔭᒄ ᐸᑐᔅ ᓂᑭᑎᒪᒂ ᐊᓐ ᐅᑕᓇᐤ᙮
\v 5 ᐅᑎᑎᒪᒂ ᒪᒃ ᐅᑕᓇᐤ ᐊᑲ ᒪᒃ ᐎ ᐱᑎᑲᐃᑯᔭᒂ, ᓂᑭᑎᒥᒄ ᐊᓐ ᐅᑕᓇᐤ᙮ ᒐ ‍ ᐸᐳᓯᑕᓯᒧᔭᒄ, ᐊ ‍ ᓄᑯᑕᔭᒄ ᐊ ‍ ᐃᔭᒂᒥᒪᑯᒡ ᐊᑲ ᐅᒋ ᐎ ᐅᑎᓇᒡ ᒥᔽᒋᒧᐅᓂᔪᐤ᙮”
\v 6 ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ‍ ᔅᑐᑕᒡ ᐊᓐᑕ ᓂᓇᐧᑯᐤ ᐅᑕᓇᒡ ᒂ ‍ ᐃᑐᑕᒡ ᐊ ‍ ᐛᐎᑕᒡ ᒥᔽᒋᒧᐅᓂᔪᐤ ᑭᔭ ᐊ ‍ ᒥᓏᒋᐊᒡ ᑲ ‍ ᐊᐧᑯᓯᔨᒋ᙮
\s1 ᐊᕈᑦ ᑕᓐ ᑲ ᐃᓯ ‍ ᐛᐛᓇᔨᑕᐧᒃ
\r ᒪᑎᔪᐤ 14.1-12; ᒪᕐᒃ 6.14-29
\p
\v 7 ᐃᔅᐱ ᒪᒃ ᒋᓴᐅᒋᒪᐤ ᐊᕈᑦ ᐱᔭᑕᐧᒃ ᑕᓐ ᐊ ‍ ᐃᑎᔨᒋ ᒋᓴᓴ, ᓇᔅᒡ ᑕᑈ ᒋ ‍ ᐛᐛᓇᔨᑎᒥᐃᑯᐤ ᐛᔅ ᒋ ‍ ᑕᐅᒡ ᐃᔪᒡ ᐊ ‍ ᐱᐸᒪᒋᒧᒡ ᐊ ‍ ᐃᔅᒋᔄᒡ, ᒠᓐ ᐅᓯᑲᐃᑕᒐᐤ ᐅ, ᒥᓐ ᑲᐤ ᐱᒪᑎᓯᐤ᙮
\v 8 ᒋ ‍ ᑕᐅᒡ ᒥᓐ ᑯᑎᑭᒡ ᐊ ‍ ᐃᔅᒋᔄᒡ, “ᐊᐅᒄ ᐅ ᐃᓚᐃᒐ, ᒥᓐ ᑲᐤ ᐱᒪᑎᓯᐤ᙮” ᐃᔭᐱᒡ ᒪᒃ ᒥᓐ ᒋ ‍ ᑕᐅᒡ ᑯᑎᑭᒡ ᐊᐛᓐᒋ ᐊ ‍ ᐃᔅᒋᔄᒡ, “ᐊᐅᒄ ᐅ ᐸᐃᒄ ᐛᔅᑭᒡ ᐅᒋᔅᒋᐛᐃᒐᓱᐤ ᒥᓐ ᑲᐤ ᐱᒪᑎᓯᐤ᙮”
\v 9 ᐊᕈᑦ ᒪᒃ ᒋ ‍ ᐃᔅᒋᔄᐤ, “ᐊᐛᓐ ᐅ ᑲ ᐃᓯ ‍ ᒪᒥᔅᑲᒡ ᐃᑕᒋᒪᑭᓄᐅᑦ ? ᓇᒪᐎᔾ ᒂᔄᓐ ᒠᓐ, ᓂ ‍ ᒐᔅᑎᓇᐅᓐ ᐊᒋ ‍ ᒋᒥᔅᑎᒂᓇᐛᑭᓄᐅᑦ ᐎᔾ ᒠᓐ᙮” ᐊᑯ ᓇᔅᒡ ᑲ ᐎ ‍ ᐛᐱᒪᑦ ᐊᓂᔭᔪᐛ ᒋᓴᓴ᙮
\s1 ᒋᓴᔅ ᑲ ‍ ᐊᓯᒪᑦ ᐱᑕᑕᒡ ᒐᓯᐱᔪᐤ ᐃᔪᐛ
\r ᒪᑎᔪᐤ 14.13-21; ᒪᕐᒃ 6.30-44; ᒠᓐ 6.1-14
\p
\v 10 ᐃᔅᐱ ᑕᑯᓯᓂᒡ ᐊᓐᒡ ᐊᑈᔅᑕᓇᒡ ᑲ ‍ ᒋᑎᓴᐛᑭᓄᐎᒡ ᐊᑯ ᒂ ‍ ᐎᑎᒧᐛᒡ ᒋᓴᓴ ᑕᓐ ᑲ ‍ ᐃᑎᒡ ᑲ ᐃᔅᐱᔅ ᐊᑲ ‍ ᑕᒡ᙮ ᐊᑯ ᒂ ‍ ᓂᑭᑕᒡ ᐊᓂᔭ ᑲ ‍ ᒥᒐᑎᔨᒋ ᐃᔪᐛ, ᑎᐸᓐ ᑲ ‍ ᐃᑐᑕᒡ ᐊ ‍ ᐎᒐᐛᒡ ᒋᓴᓴ ᐊᓐᑕ ᐸᑦᓴᐃᑕᒡ ᐊ ‍ ᐃᑐᑕᔨᒋ᙮
\v 11 ᐃᔅᐱ ᒪᒃ ᒥᒐᑦ ᐊᐛᓐᒋ ᑲ ‍ ᐸᑕᒡ ᐊᒋ ‍ ᔅᑐᑕᔨᒋ ᐊᑯ ᒂ ‍ ᓄᓱᔅᑯᐛᒡ᙮ ᒋᓴᔅ ᒪᒃ ᒋ ‍ ᒥᔽᔨᑎᒻ ᐊ ‍ ᑎᑯᓯᓂᔨᒋ᙮ ᒋ ‍ ᐛᐎᑎᒧᐛᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ‍ ᐃᑕᔨᑕᑯᓂᔨᒡ ᑭᔭ ᒋ ‍ ᒥᓏᒋᐊᐤ ᐊᓂᔭᔪᐛ ᐊᐛᔪᐛ ᑲ ‍ ᓂᑐᐛᔨᑎᒥᔨᒋ ᒐᒋ ᒥᓏᒋᐊᑭᓄᔨᒋ᙮
\p
\v 12 ᓴᔅ ᒪᒃ ᒋ ᐊᑎ ‍ ᐅᑕᑯᓯᔪᐤ ᐊᑯ ᐊᓐᒡ ᓂᓱᓴᑉ ᒋᔅᒋᓄᐊᒧᐛᑭᓐᒡ ᒂ ‍ ᐃᑕᒡ ᒋᓴᓴ, “ᐃᒐᑎᓴᐅᒡ ᒪ ᐊᑯ ᐊᓐᒡ ᐃᔪᒡ ᒐ ‍ ᓇᓂᑐᐛᔨᑕᒡ ᒐᒂᔪᐤ ᒐ ‍ ᒥᒋᒡ ᑭᔭ ᐊᓐᑕ ᒐ ‍ ᒥᔽᔨᒧᒡ ᒐ ‍ ᑎᐱᔅᑲᔨᒡ᙮ ᑕᐸ ᑎᑯᓐ ᒐᒂᓐ ᐅᑕ ᐎ᙮”
\p
\v 13 ᐊᑯ ᒋᓴᔅ ᒂ ‍ ᐃᑕᑦ, “ᒋᔨᐛᐤ ᒥᔭᐧᑯᒡ ᒐᒂᔪᐤ ᒐ ‍ ᒥᒋᒡ᙮” ᒋᔅᒋᓄᐊᒧᐛᑭᓐᒡ ᒪᒃ ᒋ ‍ ᐃᑕᐅᒡ, “ᒥᒄ ᐱᑕᑕᒡ ᐸᒂᓯᑭᓐᒡ ᓂᓱ ᒪᒃ ᓂᒪᓯᒡ ᐊᑯᓐ ᐊ ᐃᔅᐱᔅ ‍ ᑎᒂᒡ ᒐᒂᓐ᙮ ᒥᒄ ᑭᑈ ᓂᔭᓐ ᐅᑎᓂᒪᒐ ᒥᒋᒻ ᒐᒋ ᒥᒋᓱᒡ ᐅᒡ ᐊ ‍ ᑎᓯᒡ ᐊᐛᓐᒋ᙮”
\v 14 ᓴᓯᑲᓐ ᐱᑕᑕᒡ ᒐᓯᐱᔪᐤ ᒋ ‍ ᑎᓯᒐᓂᒋ ᓇᐸᐅᒡ ᐊᓐᑕ ᐊ ‍ ᐃᑎᓯᓇᓄᐅᒡ᙮ ᒋᓴᔅ ᒂ ‍ ᐃᑕᑦ ᐊᓂᔭ ᒋᔅᒋᓄᐊᒧᐛᑭᓇ, “ᐃᑕᐧᑯᒡ ᐊᓐᒡ ᐃᔪᒡ, ᒐᒋ ᐸᐱᑕᑕᑐᔪᐛᐱᒡ ᐸᐃᒂ ᐊᓂᔭ ᐊ ‍ ᒥᓇᐱᒡ᙮”
\p
\v 15 ᒋᔅᒋᓄᐊᒧᐛᑭᓐᒡ ᒪᒃ ᒋ ‍ ᐃᑐᑎᒧᒡ ᐊᓂᔭ ᑲ ‍ ᐃᑎᓱᒪᑭᓄᐎᒡ ᐊᑯ ᒥᓯᐛ ᐊᐛᓐ ᑲ ‍ ᐛᐛᔨᐱᑦ᙮
\v 16 ᐊᑯ ᒋᓴᔅ ᐛᑎᓇᑦ ᐊᓂᔭ ᐱᑕᑕᒡ ᐸᒂᓯᑭᓇ ᑭᔭ ᐊᓂᔭ ᓂᓱ ᓂᒪᓴ, ᐃᔅᐱᒥᒡ ᒂ ‍ ᐃᑕᐱᑦ ᐊ ‍ ᓂᓇᔅᑯᒪᑦ ᒋᓴᒪᓂᑐᐛ᙮ ᒂ ‍ ᐸᒂᓇᑦ ᐊᓂᔭᔪᐛ ᐸᒂᓯᑭᓇ ᐊᑯ ᒂ ‍ ᒥᔭᑦ ᐊᓂᔭ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓂᒧᐛᔨᒋ ᐊᓂᔭ ᐃᔪᐛ᙮
\v 17 ᒥᓯᐛ ᒪᒃ ᐊᐛᓐ ᒋ ‍ ᒥᒋᓱᐤ ᑭᔭ ᒋ ‍ ᑕᐱᔅᑯᔪᐤ, ᐊᑯ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᑲ ‍ ᒪᒧᓴᒋᓂᒥᔨᒋ ᐊᓂᔭ ᐃᔅᑯᔅᑐᐛᓂᔪᐤ᙮ ᓂᓱᓴᑉ ᒪᒃ ᐅᑎᐱᐅᑕ ᒋ ‍ ᓴᑭᔅᒋᓂᑕᐅᒡ᙮
\s1 ᐱᑕᕐ ᑲ ‍ ᓂᔅᑐᓄᐛᑦ ᒋᓴᓴ ᐊ ‍ ᐊᐎᔨᒡ ᙭ᑕ
\r ᒪᑎᔪᐤ 16.13-19; ᒪᕐᒃ 8.27-29
\p
\v 18 ᐸᐃᒂᐤ, ᒋᓴᔅ ᒋ ‍ ᐊᔭᒥᐊᐤ ᒥᒄ ᐊ ‍ ᐸᐃᑯᓯᑦ, ᐅᒋᔅᒋᓄᐊᒧᐛᑭᓇ ᒪᒃ ᒥᒋᒪ ᒋ ‍ ᑕᔪᐛ ᐊᑯ ᒂ ‍ ᑯᒂᒋᒪᑦ ᐊ ‍ ᐃᑕᑦ, “ᐊᐛᓐ ᓂᔾ ᐊ ‍ ᐃᑕᔨᒥᒡ ᐊᐛᓐᒋ ?”
\v 19 ᒂ ‍ ᐃᑎᑯᑦ, “ᑯᑎᑭᒡ ᐊᐛᓐᒋ ᒠᓐ ᐅᓯᑲᐃᑕᒐᐤ ᒋᑦ ᐃᑕᔨᒥᑯᒡ, ᐊᑯ ᑯᑎᑭᒡ ᐊᓂᔭᐧᑲ ᐸᐃᒄ ᐅᒋᔅᒋᐛᐃᒐᓱᐤ ᐃᓚᐃᒐ ᑲ ‍ ᐃᓯᓂᐧᑲᓱᑦ ᒋᑦ ᐃᑕᔨᒥᑯᒡ, ᐊᑯ ᒥᓐ ᑯᑎᑭᒡ ᐊ ‍ ᐃᔅᒋᔄᒡ ᐛᔅᑭᒡ ᐅᒋᔅᒋᐛᐃᒐᓱᐤ ᒥᓐ ᑲᐤ ᐊ ‍ ᐱᒪᑎᓯᑦ ᐊ ‍ ᐃᑕᔨᒥᔅᒡ᙮”
\v 20 ᐊᑯ ᒋᓴᔅ ᒥᓐ ᒂ ‍ ᑯᒂᒋᒪᑦ, “ᒋᔨᐛᐤ ᒪᒃ ᐎ, ᐊᐛᓐ ᓂᔾ ᐊ ‍ ᐃᑕᔨᒥᔭᒄ ?” ᐱᑕᕐ ᒋ ᐃᓯ ‍ ᐎᑎᒧᐛᐤ, “᙭ ᒋᔾ, ᐊᐅᒄ ᒋᔾ ᒋᓴᒪᓂᑐᐤ ᑲ ‍ ᐃᔅᒋᔄᑦ ᒐ ᐸᒋ ‍ ᐃᑎᓴᐛᑦ᙮”
\s1 ᒋᓴᔅ ᑲ ‍ ᐊᔨᒧᑕᐧᒃ ᒐ ᐃᓯ ‍ ᐎᓯᒐᔨᑕᐧᒃ ᑭᔭ ᒐ ‍ ᓂᐱᑦ
\r ᒪᑎᔪᐤ 16.20-28; ᒪᕐᒃ 8.30-9.1
\p
\v 21 ᐊᑯ ᒋᓴᔅ ᒂ ‍ ᐃᑎᓱᒪᑦ ᐅᒋᔅᒋᓄᐊᒧᐛᑭᓇ ᒐ ᐊᑲ ᐊᓂᔭ ᐎᑎᒧᐛᔨᒋ ᑯᑎᑲ ᐊᐛᔪᐛ᙮
\v 22 ᐊᑯ ᒂ ‍ ᐃᑕᑦ, “ᐃᔪᐤ ᐅᑯᓯᓴᓐ ᐃᑕᔨᑕᑯᓂᔪᐤ ᒐᒋ ᒥᔅᑎ ᐛᐎᓯᒐᔨᑎᒥᐃᑯᑦ ᑭᔭ ᒐᒋ ᐊᑐᐛᔨᒥᑯᑦ ᐊᓂᔭᔪᐛ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ, ᑭᔭ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐃᔪᐛ, ᑭᔭ ᐊᓂᔭᔪᐛ ᑲ ‍ ᒋᔅᑯᑎᒪᒐᔨᒋ ᐎᓱᐛᐅᓂᔪᐤ᙮ ᒋᑭ ‍ ᓂᐸᐊᑭᓄᐤ ᑭᔭ, ᒥᒄ ᒪᒃ ᓂᔅᑐ ᒋᓯᑲᐤ ᐃᔅᐱᔅ ᑲᐤ ᒋᑭ ‍ ᐱᒪᑎᓯᐤ᙮”
\s1 ᐊ ‍ ᓇᓴᐛᑭᓄᐅᑦ ᒋᓴᔅ
\p
\v 23 ᐊᑯ ᒥᓯᐛ ᒂ ‍ ᐃᑕᑦ, “ᐊᐛᓐ ᐛ ᓇᓴᐅᒂ ᐊᑯᔅ ᒋᐸ ‍ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ‍ ᓂᓇᐊᔨᑎᒥᐃᓱᑦ, ᐊᓯᑯᒻ ᒋᓯᑲᐛ ᒋᐸ ‍ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᐸ ᐸᒋ ‍ ᓇᓴᐅᒄ᙮
\v 24 ᐛᔅ ᐊᐛᓐ ᑲ ᐎ ‍ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ ᒋᑭ ‍ ᐅᓂᑕᐤ᙮ ᐊᓐ ᒪᒃ ᐊᐛᓐ ᑲ ᐎ ‍ ᐱᔅᑎᓇᐧᒃ ᒥᓯᐛ ᒐᒂᔪᐤ ᑕᓐ ᑲ ᐎ ‍ ᐃᑐᑕᐧᒃ ᐛᐛᒡ ᑭᔭ ᐅᐱᒪᑎᓯᐅᓐ ᐊ ᐎ ᐸᒋ ‍ ᓇᓴᐅᑦ ᐊᐅᑯᓐ ᐊᓐ ᒐ ‍ ᒥᔭᑭᓄᐅᑦ ᐱᒪᑎᓯᐅᓂᔪᐤ᙮
\v 25 ᐊᑯ ᒪᒃ ᐊᓐ ᐊᐛᓐ ᑲ ᐎ ‍ ᑭᓄᐛᔨᑕᐧᒃ ᐅᐱᒪᑎᓯᐅᓐ, ᓂᐱᒐ ᒪᒃ ᑕᓐᑕ ᒐᒋ ᐅᒋ ‍ ᐎᒋᐃᑯᑦ ᐊᑎ ᒋ ‍ ᐎᐧᑯᒋᑎᒪᓱᒐ ᒥᓯᐛ ᒐᒂᔪᐤ ᐅᑕ ᐊᔅᒋᒡ ᐎᔾ ᑕᓐ ᑲ ᐃᓯ ‍ ᓂᑐᐛᔨᑕᐧᒃ ᒐᒋ ᐃᓯ ‍ ᐊᔭᑦ ?
\v 26 ᐊᐛᓐ ᒪᒃ ᓴᒂᔨᒧᒐ ᓂᔾ ᐅᒋ ᑭᔭ ᓂᑦ ᐃᔨᒧᐅᓂᔪᐤ ᐅᒋ ᐊᐅᒄ ᒐ ‍ ᓴᒂᔨᒧᐊᑦ ᐃᔪᐤ ᐅᑯᓯᓴᓐ ᐃᔅᐱ ᒥᓐ ᑎᑯᓯᓂᔨᒐᓂ ᐅᒋᔅᑕᔨᑕᑯᓱᐅᓂᔨᒡ᙮ ᐊᑯᑕ ᒐ ‍ ᒋᔅᒐᔨᑕᒡ ᐊᐛᓐᒋ ᐊ ᐃᔅᐱᔅ ‍ ᒋᔅᑕᔨᑕᑯᓯᔨᒋ ᐃᔪᐤ ᐅᑯᓯᓴᓇ ᐛᔅ ᒋᑭ ‍ ᐛᐸᑎᔨᐛᐅᒡ ᐅᑕᐎᒪᐤ ᑭᔭ ᑲ ‍ ᐸᔭᒋᓯᒡ ᐊᓐᒋᓐᒡ ᐊ ᐃᔅᐱᔅ ‍ ᒋᔅᑕᔨᑕᑯᓯᔨᒋ᙮
\v 27 ᑕᑈ ᒋᑦ ᐃᑎᓇᐛᐤ, ᑕᑈ ᐊ ‍ ᑕᒡ ᐅᑕ ᐊᐛᓐᒋ ᒐ ‍ ᐛᐸᑕᒡ ᒋᓴᒪᓂᑐᐤ ᐅᒋᓴᐅᒋᒪᐅᓂᔪᐤ ᒪᒂᒡ ᐊᔅᒄ ᐊ ‍ ᐱᒪᑎᓯᒡ ᐅᑕ ᐊᔅᒋᒡ᙮”
\s1 ᒋᓴᔅ ᑲ ‍ ᒂᔅᒋᓇᑯᓯᑦ
\r ᒪᑎᔪᐤ 17.1-8; ᒪᕐᒃ 9.2-8
\s2 Luke 9.28-36 (Transfiguration Year C)
\p
\v 28 ᓴᓯᑲᓐ ᔭᓇᐤ ᑕᑐᐤ ᒋᓯᑲᐛ ᒋᓴᔅ ᐅᔭᔪᐤ ᑲ ᐃᔅᐱᔅ ‍ ᐊᔨᒧᑕᐧᒃ ᒋ ‍ ᔅᑐᑕᐊᐤ ᐱᑕᕋ, ᒠᓇ ᑭᔭ ᒋᒥᓴ ᐊᒋ ‍ ᐎᒐᐛᑦ ᐱᔅᑯᑎᓇᒡ ᐊᓐᑕ ᒐᒋ ᐊᔭᒥᐊᒡ᙮
\v 29 ᒪᒂᒡ ᒪᒃ ᐊᓂᔭ ᐊ ‍ ᐊᔭᒥᐊᑦ ᐅᑕᔅᑎᒥᐧᒄ ᒋ ‍ ᒂᔅᒋᓇᑯᓂᔪᐤ ᑭᔭ ᐅᑦ ᐊᐱᒋᑕᐅᓇ ᓇᔅᒡ ᑕᑈ ᒋ ‍ ᐱᔭᑭᔅᒡ ᐛᐸᔪᐛ ᓇᔅᒡ ᐊᒋᐧᑲᔭᔅᑐᐛᔨᒋ᙮
\v 30 ᓯᔅᒋᑯᒡ ᒪᒃ ᒋ ᐅᒋ ‍ ᓂᓯᔨᐛ ᓇᐸᐛ ᐊ ‍ ᐃᔨᒥᐃᑯᑦ ᒋᓴᔅ᙮ ᐊᐅᑯᓐᒡ ᐊᓂᔭᐧᑲ ᒧᓱᔅ ᑭᔭ ᐃᓚᐃᒐ᙮
\v 31 ᐊᑯ ᒂ ‍ ᐊᔨᒧᑎᒧᐛᒡ ᒋᓴᓴ ᓴᔅ ᐊ ‍ ᐸᓱᓇᑯᓂᔨᒡ ᒐ ‍ ᓂᐱᔨᒋ ᐊᓐᑕ ᒋᕈᓯᓕᒥᒡ, ᐊᓂᔭ ᒋᓴᒪᓂᑐᐛ ᑲ ᐃᓯ ‍ ᐎᔅᑕᔨᒋ ᒐ ‍ ᐃᔅᐱᔨᒡ᙮ ᓇᔅᒡ ᒪᒃ ᐊ ‍ ᒥᔽᔅᑕᔨᒡ ᒋᒋᒋᓯᒄ ᐛᔅᑕᐅᓂᔪᐤ ᒋ ‍ ᐛᔅᑕᔪᐤ ᐊᓐᑕ ᐛᔅᑲ ᐊ ‍ ᑕᒡ᙮
\p
\v 32 ᐱᑕᕐ ᑭᔭ ᐊᓐᒡ ᑯᑎᑭᒡ ᐊᐛᓐᒋ ᒋᓴᓴ ᑲᒋ ‍ ᐎᒐᐛᒡ ᒋ ‍ ᑯᐎᑯᓱᐅᒡ᙮ ᒋ ‍ ᐸᑯᐱᔪᒡ ᐃᔅᐱ ᒪᒃ ᐊᔭᐱᓯᐧᑯᓯᒡ ᒋ ‍ ᐛᐸᑎᒧᒡ ᐛᔅᑕᐅᓂᔪᐤ ᐛᔅᑲ ᒋᓴᓴ ᐊ ‍ ᑕᔨᒋ ᑭᔭ ᒋ ‍ ᐛᐱᒪᐅᒡ ᐊᓂᔭ ᓂᓱ ᓇᐸᐛ ᐊ ‍ ᐎᒋᑲᐳᔅᑕᑯᔨᒋ᙮
\v 33 ᐃᔅᐱ ᒪᒃ ᐊᓐᒡ ᓇᐸᐅᒡ ᐛ ᓂᑭᑕᒡ ᒋᓴᓴ, ᐱᑕᕐ ᒋ ‍ ᐃᑕᐤ, “ᒋᔅᑯᑎᒪᒐᓱᐤ ᐊᔪᐛᒡ ᒥᔽᔨᑕᑯᓐ ᐅᑕ ᒐᒋ ᐃᑕᐛᐅᒐ᙮ ᓇᐃᒥᓇᓐ ᒪ ᒐᒋ ᐅᓯᑕᔭᒡ ᓂᔅᑐ ᒥᒋᐛᐸ, ᐸᐸᐃᒄ ᒐ ‍ ᐊᔭᔭᒄ, ᒋᔾ, ᒧᓱᔅ ᑭᔭ ᐃᓚᐃᒐ᙮” ᐱᑕᕐ ᒪᒃ ᓇᒪ ᓇᔅᒡ ᐅᒋ ᒋᔅᒐᔨᑎᒻ ᒐᒂᔪᐤ ᐅᔭᔪᐤ ᐛᒋ ‍ ᐃᔅᒋᔄᑦ᙮
\v 34 ᒪᒂᒡ ᒪᒃ ᐊᔅᒄ ᐊ ‍ ᐃᔨᒥᑦ, ᑭᔅᑯᐅᓂᔎ ᒋ ᐅᒋ ‍ ᓄᑯᓯᔪᐛ ᓇᔅᒡ ᐊ ‍ ᐅᑲᔅᑕᔅᑲᑯᒡ᙮ ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᓇᔅᒡ ᑕᑈ ᒋ ‍ ᓴᒋᓱᐅᒡ ᐃᔅᐱ ᓇᔅᒡ ᐊ ‍ ᐊᑯᓇᐅᑯᒡ ᐊᓂᔭ ᑭᔅᑯᐅᓂᔎ᙮
\v 35 ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ‍ ᐸᑎᒧᒡ ᐸᑕᑯᓱᐅᓂᔪᐤ, ᐊᐛᔪᐛ ᐊ ‍ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ‍ ᓴᒋᐊᒃ᙮ ᓂᑐᑐᐛᐧᒄ᙮”
\v 36 ᐃᔅᐱ ᒪᒃ ᑲᒋ ᐃᓯ ‍ ᐃᔨᒥᑦ ᐊᓐ ᐊᐛᓐ, ᒋ ‍ ᐛᐱᒪᐅᒡ ᒋᓴᓴ ᐊ ‍ ᐸᐃᑯᑲᐳᔨᒋ᙮ ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᓇᒪ ᐅᒋ ᑎᐸᒋᒧᐅᒡ ᐅᔭᔪᐤ ᑕᓐ ᑲ ᐃᓯ ‍ ᐛᐸᑕᒡ ᐊ ‍ ᐃᔅᐱᔨᒡ ᒪᒂᒡ ᐊᓐᑕ᙮
\s1 ᒋᓴᔅ ᑲ ‍ ᒥᓏᒋᐊᑦ ᓇᐸᓴ ᒥᒋ ‍ ᐊᒐᒂ ᐊᒋ ‍ ᐱᒋᔅᑲᑯᔨᒋ
\r ᒪᑎᔪᐤ 17.14-18; ᒪᕐᒃ 9.14-27
\p
\v 37 ᒥᓐ ᒪᒃ ᐎᔭᐱᓂᔨᒡ ᒋ ‍ ᓂᑎᒋᐛᐅᒡ ᐊᓂᔭ ᐱᔅᑯᑎᓇᔪᐤ, ᒋ ‍ ᒥᒐᑎᔪᐛ ᒪᒃ ᐊᐛᔪᐛ ᐊ ᐸᒋ ‍ ᓂᒋᐃᑯᑦ ᒋᓴᔅ᙮
\v 38 ᐊᓐᑕ ᒪᒃ ᒪᒂᒡ ᐊ ‍ ᒥᒐᑎᓇᓄᐅᒡ ᒋ ‍ ᑕᑈᐤ ᐸᐃᒄ ᓇᐸᐤ ᐊ ‍ ᐃᑕᑦ ᐊᓂᔭ ᒋᓴᓴ, “ᒋᔅᑯᑎᒪᒐᓱᐤ, ᒋ ‍ ᐱᑯᓴᔨᒥᑎᓐ ᒐᒋ ᐎᒋᐃᑦ ᓂᑯᔅ, ᐛᔅ ᐊᐅᒄ ᒥᒄ ᐅ ᐊ ‍ ᐸᐃᑯᓯᑦ ᓂᑦ ᐊᐛᓯᒻ᙮
\v 39 ᒪᓯᐃᑯᐤ ᓇᓂᑯᑎᓂᔾ ᒥᒋ ‍ ᐊᒐᒂ ᐊ ‍ ᐃᑐᑕᑯᑦ ᓯᔅᒋᑯᒡ ᒐᒋ ᐊᓯᒂᑦ᙮ ᐊᑯ ᒪᒃ ᑭᔭ ᐊ ‍ ᐅᒋᐱᑎᑯᑦ ᒪᓐ ᓇᔅᒡ ᐛᔅ ᒋ ‍ ᐱᔅᑕᐅᑕᑎᒻ᙮ ᓇᔅᒡ ᓂᓇᐧᑲᑕᔨᑎᒥᐃᑯᐤ ᐅᔭ ᒥᒋ ‍ ᐊᒐᒂ ᐊᑲ ᒪᒃ ᐎ ᓂᑭᑎᑯᑦ᙮
\v 40 ᐊᑎ ᒪᒃ ᓂᒋ ‍ ᑯᒂᒋᒪᐅᒡ ᒋᒋᔅᒋᓄᐊᒧᐛᑭᓐᒡ ᒐᒋ ᐎᐎᑎᓴᐛᒡ ᐅᔭ ᒥᒋ ‍ ᐊᒐᒂ, ᓇᒪ ᒪᒃ ᐅᒋ ᐃᑐᑎᒧᒡ᙮”
\p
\v 41 ᒋᓴᔅ ᒪᒃ ᒋ ‍ ᐃᑕᐤ ᐊᓂᔭ ᐃᔪᐛ ᐊᓐᑕ ᑲ ‍ ᑕᔨᒋ, “ᒋᔨᐛᐤ ᐊᓄᒡ ᑲ ‍ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ ᑭᔭ ᐊᑲ ᒂᔅᑲᑎᓯᔭᒄ, ᓇᒪ ᑭᔭ ᑯᐃᔅᒄ ᒋ ᐊᑎ ᐃᓯ ‍ ᐱᒪᑎᓯᓇᐛᐤ᙮ ᑕᓐ ᒐ ᐃᔅᐱᔅ ‍ ᑕᔭᓐ ᐅᑕ ᐊ ‍ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ‍ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ ? ᐸᓱᐛᐧᒄ ᐊᓐ ᓇᐸᔅ᙮”
\p
\v 42 ᒪᒂᒡ ᒪᒃ ᐊ ᐸᒋ ‍ ᓇᑕᑦ ᐊᓂᔭ ᒋᓴᓴ ᐊᓐ ᓇᐸᔅ, ᒥᒋ ‍ ᐊᒐᒂ ᓇᔅᒡ ᒋ ‍ ᐛᐱᓂᑯᐤ ᐊᑯ ᒂ ‍ ᐃᑐᑕᑯᑦ ᒐᒋ ᐅᒋᐱᑎᑯᑦ᙮ ᒋᓴᔅ ᒪᒃ ᒋ ‍ ᒋᑕᐊᒧᐛᐤ ᐊᓂᔭ ᒥᒋ ‍ ᐊᒐᒂ ᒂ ‍ ᐃᑕᑦ ᒐᒋ ᓂᑭᑕᔨᒋ ᐊᓂᔭ ᓇᐸᓴ᙮ ᐊᑯᑕ ᒪᒃ ᑲ ᐊᑎ ‍ ᒥᓏᑎᓯᑦ ᐊᓐ ᓇᐸᔅ᙮ ᐊᑯ ᒋᓴᔅ ᒂ ‍ ᒋᐛᒥᔭᑦ ᐊᓂᔭ ᓇᐸᐛ ᐊᓂᔭᔪᐛ ᐅᑯᓯᔪᐛ᙮
\v 43 ᒥᓯᐛ ᒪᒃ ᐊᓐᒡ ᐃᔪᒡ ᒋ ‍ ᒪᒥᔅᑲᑕᔨᑎᒥᐃᑯᐅᒡ ᒋᓴᒪᓂᑐᐛ ᐅᓱᐧᑲᑎᓯᐅᓂᔪᐤ᙮
\s1 ᒋᓴᔅ ᒥᓐ ᑲ ‍ ᐊᔨᒧᑕᐧᒃ ᒐ ‍ ᓂᐸᐊᑭᓄᐅᑦ
\r ᒪᑎᔪᐤ 17.22-23; ᒪᕐᒃ 9.30-32
\p ᒪᒂᒡ ᒪᒃ ᐊ ‍ ᒪᒥᔅᑲᑕᔨᑎᒥᐃᑯᒡ ᑕᓐ ᑲ ᐃᓯ ‍ ᐃᑐᑎᒥᔨᒋ ᒋᓴᓴ, ᒋᓴᔅ ᒋ ‍ ᐃᔨᒪᐊᐤ ᐅᒋᔅᒋᓄᐊᒧᐛᑭᓇ ᐊ ‍ ᐃᑕᑦ,
\v 44 “ᒋᔅᒋᓯᒄ ᔭᐃᑕᔾ ᑕᓐ ᒐ ‍ ᐃᑎᑎᑯᒡ᙮ ᒋᑭ ‍ ᐱᔅᑎᓇᑭᓄᐎᒡ ᐃᔪᒡ ᒐᒋ ᐃᑐᑐᐛᒡ ᑕᓐ ᐛ ᐃᑐᑐᐛᒡ ᐃᔪᐤ ᐅᑯᓯᓴᓇ᙮”
\v 45 ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᓇᒪ ᐅᒋ ᓂᔅᑐᑎᒧᒡ᙮ ᓇᒪ ᐅᒋ ᒋᔅᒐᔨᑎᒧᒡ ᑕᓐ ᑲ ᐎ ᐃᓯ ‍ ᐎᑎᒪᑯᒡ ᒋᓴᓴ, ᐛᔅ ᐊᔅᒄ ᓇᒪ ᐅᒋ ᒥᔭᑭᓄᐎᒡ ᒐᒋ ᓂᔅᑐᑕᒡ᙮ ᒋ ‍ ᓴᒋᓱᐅᒡ ᒪᒃ ᒐᒋ ᑯᒂᒋᒐᒧᒡ ᒐᒂᔪᐤ ᐅᔭ ᑲ ‍ ᐃᔅᒋᔄᔨᒋ᙮
\s1 ᐊᓐ ᐊᐛᓐ ᒪᐅᒡ ᒐ ‍ ᒋᔅᑕᔨᑕᑯᓯᑦ ᐊᓐᑕ ᐊ ‍ ᑎᓯᒡ
\r ᒪᑎᔪᐤ 18.1-5; ᒪᕐᒃ 9.33-37
\p
\v 46 ᒋᔅᒋᓄᐊᒧᐛᑭᓐᒡ ᒪᒃ ᒋ ‍ ᒥᒋᐱᔪᒡ ᐊ ‍ ᒋᐧᑲᒥᑐᒡ ᐊᐛᓐ ᐊᓐᑕ ᐊ ‍ ᑎᓯᒡ ᒪᐅᒡ ᒐ ‍ ᒋᔅᑕᔨᑕᑯᓯᑦ᙮
\v 47 ᒋᓴᔅ ᒪᒃ ᒋ ‍ ᒋᔅᒐᔨᒪᐤ ᑕᓐ ᐊ ᐃᓯ ‍ ᒪᒥᑐᓇᔨᑎᒥᔨᒋ, ᐊᑯ ᐛᑎᓇᑦ ᐊᐛᓴ ᐊ ‍ ᐊᐱᓯᓯᔨᒋ ᐊᑯ ᒂ ‍ ᓂᐳᐊᑦ ᐊᓐᑕ ᐅᐱᒪ ᐊ ‍ ᑕᑦ᙮ ᒂ ‍ ᐃᑕᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ,
\v 48 “ᐊᐛᓐ ᐊ ‍ ᐅᑎᓇᑦ ᐸᐃᒄ ᐅᔭ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ‍ ᐅᑎᓂᑦ ᐊᑯᓐ ᐊ ‍ ᐃᓯᓇᑯᓂᔨᒡ᙮ ᐊᓐ ᒪᒃ ᐊᐛᓐ ᑲ ‍ ᐅᑎᓂᑦ ᓇᒪᔭᔪᐤ ᓂᔾ ᑲ ‍ ᐅᑎᓂᑦ, ᐊᓂᔭᔪᐛ ᑲ ᐸᒋ ‍ ᐃᑎᓴᐅᔨᒋ ᐊᐅᒄ ᐊᓂᔭ ᐛᑎᓇᑦ᙮ ᐛᔅ ᐊᓐ ᐊᐛᓐ ᒪᐅᒡ ᔭᓯᒄ ᑲ ‍ ᐃᑕᔨᑕᑯᓯᑦ ᐊᓐᑕ ᐊ ‍ ᑎᓯᔭᒄ ᐊᐅᑯᓐ ᐊᓐ ᒪᐅᒡ ᒐᔅᑕᔨᑕᑯᓯᑦ᙮”
\s1 ᐊᓐ ᐊᐛᓐ ᐊᑲ ᓂᔅᑯᔅᑕᑕᐧᒄ ᒋ ‍ ᐎᒋᐃᑯᓄᐤ
\r ᒪᕐᒃ 9.38-40
\p
\v 49 ᐊᑯ ᒠᓐ ᒂ ‍ ᐃᑕᑦ, “ᒋᔅᑯᑎᒪᒐᓱᐤ, ᓂᒋ ‍ ᐛᐱᒪᓇᓐ ᓇᐸᐤ ᐊ ‍ ᐎᐎᑎᓴᐛᑦ ᒥᒋ ‍ ᐊᒐᒂ ᒋᑦ ᐃᓯᓂᐧᑲᓱᐅᓂᔪᐤ ᐊ ‍ ᐊᐱᒋᑕᑦ, ᐊᑯ ᒂ ‍ ᒋᑕᐊᒧᐎᒋᑦ, ᐛᔅ ᐊᓐ ᑕᐸ ᐅᑕ ᒋᔭᓄᐤ ᐊ ‍ ᑕᐛᐧᒄ ᐃᓯ ᐎᒋᐃᐛᐤ᙮”
\p
\v 50 ᒋᓴᔅ ᒂ ‍ ᐃᑕᑦ, “ᐊᑲᐎᔾ ᒋᑕᐊᒧᐛᐧᒄ᙮ ᐛᔅ ᐊᓐ ᐊᐛᓐ ᐊᑲ ᓂᔅᑯᔅᑕᑕᐧᒄ ᒋ ‍ ᐎᒋᐃᑯᓄᐤ᙮”
\s1 ᒋᓴᔅ ᑲ ‍ ᐃᑐᑕᑦ ᒋᕈᓯᓕᒥᒡ
\s2 Luke 9.51-62 (Proper-8 Year C)
\p
\v 51 ᐊᔭᔅᒃ ᒪᒃ ᒋ ᐊᑎ ‍ ᐸᓱᓇᑯᓂᔪᐤ ᒋᓴᔅ ᒋᒋᒋᓯᑯᒡ ᒐ ᐃᓯ ‍ ᐅᑎᓇᑭᓄᐅᑦ ᐊᑯ ᓇᔅᒡ ᑲ ‍ ᐃᑕᔨᑎᒥᐃᑯᑦ ᔭᐃᑕᔾ ᒐᒋ ᐃᑐᑕᑦ ᒋᕈᓯᓕᒥᒡ᙮ ᐊᑯ ᒪᒃ ᒂ ‍ ᔅᑐᑕᑦ᙮
\v 52 ᒪᒂᒡ ᒪᒃ ᐊᓂᔭ ᐊ ᐊᑎ ‍ ᐱᒧᑕᑦ ᒋ ‍ ᓂᑲᓂᑎᓴᐛᐤ ᐊᐛᔪᐛ ᐊᓐᑕ ᐊᓂᔭ ᐅᑕᓇᔪᐤ ᓴᒪᕆᔭ ᐃᔪᐛ ᑲ ‍ ᑕᔨᒋ, ᒐᒋ ᐊᔭᔅᑯᔅᑕᔨᒋ ᑕᓐᑕ ᒐᒋ ᑕᑦ ᐊᓂᔭ ᒐ ‍ ᑎᐱᔅᑲᔨᒡ᙮
\v 53 ᒥᒄ ᒪᒃ ᐊᓂᔭᔪᐛ ᐃᔪᐛ ᐊᓐᑕ ᑲ ‍ ᑕᔨᒋ ᓇᒪ ᐅᒋ ᐎ ᐱᑎᑲᐃᑯᐤ ᐛᔅ ᒋ ‍ ᒋᔅᒐᔨᒥᑯᐤ ᒋᕈᓯᓕᒥᒡ ᐊ ᐎ ‍ ᐃᑐᑕᑦ᙮
\v 54 ᐃᔅᐱ ᒪᒃ ᐊᓐᒡ ᒋᔅᒋᓄᐊᒧᐛᑭᓐᒡ ᒋᒥᔅ ᑭᔭ ᒠᓐ ᑲ ‍ ᐸᑕᒡ ᐅᔭ ᒋ ‍ ᐃᑕᐅᒡ ᐊᓂᔭ ᒋᓴᓴ, “ᐅᑎᐸᔨᒋᒐᐤ, ᒋ ‍ ᓂᑐᐛᔨᒥᓇᓐ ᐊ ᒐᒋ ᓂᑐᐛᔨᑎᒪᒡ ᐃᔅᑯᑕᐤ ᒋᒋᒋᓯᑯᒡ ᒐᒋ ᐅᒋᐱᔨᒡ ᒐᒋ ᓂᓱᐅᓇᒋᐃᑯᒡ ᐊᓐᒡ ᐃᔪᒡ ᒧᔭᒻ ᐊᓂᔭ ᐃᓚᐃᒐ ᑲ ‍ ᐃᑐᑕᐧᒃ ?”
\v 55 ᒋᓴᔅ ᒪᒃ ᒋ ‍ ᒂᔅᒋᑲᐳᔅᑎᐛᐤ ᒂ ‍ ᒋᑕᐊᒧᐛᑦ ᐅᔭ ᐊ ᐃᓯ ‍ ᐃᔨᒥᔨᒋ᙮ ᒋ ‍ ᐃᑕᐤ, “ᐅ ᐊ ‍ ᐃᑕᔨᑎᒪᒄ ᓇᒪ ᒋᓴᒪᓂᑐᐤ ᐊ ‍ ᑕᑦ ᐅᒋᐱᔪᐤ,
\v 56 ᐛᔅ ᐃᔪᐤ ᐅᑯᓯᓴᓐ ᓇᒪ ᐅᒋ ᑎᑯᓯᓐ ᒐᒋ ᓂᓱᐅᓇᒋᑕᐛᑦ ᐊᐛᔪᐛ ᐅᐱᒪᑎᓯᐅᓂᔪᐤ, ᒋ ‍ ᑎᑯᓯᓐ ᒐᒋ ᐱᒪᒋᐃᐛᑦ᙮” ᐊᑯ ᐊᓐᑕ ᑯᑎᒋᔪᐤ ᐅᑕᓇᔪᐤ ᒂ ‍ ᐃᑐᑕᒡ᙮
\s1 ᑕᓐ ᐊ ‍ ᐃᑕᔨᑕᒂᒡ ᐊ ‍ ᓇᓴᐛᑭᓄᐅᑦ ᒋᓴᔅ
\r ᒪᑎᔪᐤ 8.19-22
\p
\v 57 ᒪᒂᒡ ᒪᒃ ᐊᓂᔭ ᐊ ‍ ᐱᒧᑕᒡ ᒋ ‍ ᓂᒋᔅᑲᑯᐅᒡ ᓇᐸᐛ᙮ ᐊᑯ ᐊᓐ ᓇᐸᐤ ᒂ ‍ ᐃᑕᑦ ᐊᓂᔭ ᒋᓴᓴ, “ᒋᑭ ‍ ᐱᐸᐎᒐᐅᑎᓐ ᑕᓐᑕ ᒐ ‍ ᐃᑐᑕᐅᓇ᙮”
\p
\v 58 ᐊᑯ ᒋᓴᔅ ᒂ ‍ ᐃᑕᑦ, “ᒪᒐᓱᐅᒡ ᑎᑯᓂᔪᐛ ᐅᐛᑎᑯᐛᐛ, ᐱᔭᓯᓯᒡ ᑭᔭ ᑎᑯᓂᔪᐛ ᐅᐎᒋᔅᑐᓄᐛᐛ, ᒥᒄ ᒪᒃ ᐃᔪᐤ ᐅᑯᓯᓴᓐ, ᓇᒪ ᐊᔭᐤ ᐊᓐᑕ ᒐᒋ ᐛᐛᔨᓯᓐᑦ ᒐᒋ ᐊᔅᑕᔭᔅᑯᓯᑦ᙮”
\p
\v 59 ᐊᑯ ᒋᓴᔅ ᒂ ‍ ᐃᑕᑦ ᑯᑎᑲ ᓇᐸᐛ, “ᐸᒋ ‍ ᐎᒐᐎ᙮” ᐊᑯ ᐊᓐ ᓇᐸᐤ ᒂ ‍ ᐃᑕᑦ ᒋᓴᓴ, “ᐅᑎᐸᔨᒋᒐᐤ, ᐱᔅᑎᓂ ᐸᑎᒪ ᒐᒋ ᓇᐃᐧᑯᐅᒃ ᓄᑕᐎᔾ ᑲ ‍ ᐳᓂᐱᒪᑎᓯᑦ ᑭᔭ ᐃᔭᒄ ᒐ ‍ ᐎᒐᐅᑕᓐ᙮”
\p
\v 60 ᐊᑯ ᒋᓴᓴ ᒂ ‍ ᐃᑎᑯᑦ, “ᐊᓐᒡ ᒧᔭᒻ ᑲ ‍ ᓂᐱᒡ ᑲ ‍ ᐃᑕᔨᑕᑯᓯᒡ ᐃᔪᒡ ᐊᑯᔅ ᒋᑭ ‍ ᓇᐃᐧᑯᐛᐅᒡ ᐊᓂᔭ ᐅᑦ ᐃᔨᒧᐛᐛ ᑲ ‍ ᓂᐱᔨᒋ᙮ ᒋᔾ ᒪᒃ, ᒪᒋ ᒐ ‍ ᐛᐎᑎᒧᑦ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮”
\p
\v 61 ᒥᓐ ᑯᑎᒃ ᓇᐸᐤ ᒋ ‍ ᐃᑕᐤ ᐊᓂᔭ ᒋᓴᓴ, “ᐅᑎᐸᔨᒋᒐᐤ, ᒋᑭ ‍ ᐱᐸᐎᒐᐅᑎᓐ, ᒥᒄ ᒪᒃ ᓂᔅᑎᒻ ᓂᑭ ‍ ᒋᐛᓐ ᐊᑯ ᒐ ‍ ᐛᒋᔭᒥᒂᐤ ᓂᒋᐃᑯᒡ ᑭᔭ ᓂᐧᑲᓂᓯᒡ᙮”
\p
\v 62 ᐊᑯ ᒋᓴᔅ ᒂ ‍ ᐃᑕᑦ, “ᐊᐛᓐ ᓴᔅ ᐊ ‍ ᒋᒋᐱᔨᑕᑦ ᐊ ‍ ᐊᑐᔅᑯᐛᑦ ᒋᓴᒪᓂᑐᐛ, ᒧᔅ ᒪᒃ ᐊ ‍ ᒋᐛᒪᒥᑐᓇᔨᑕᐧᒃ ᐛᔅᑭᒡ ᐅᑦ ᐃᑕᑎᓯᐅᓐ ᓇᒪ ᐃᑕᔨᑕᑯᓱᐤ ᒐᒋ ᐊᑐᔅᒐᔅᑎᒺᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮”
\c 10
\s1 ᒋᓴᔅ ᑲ ‍ ᒋᑎᓴᐛᑦ ᓂᔄᐅᑕᒡ ᑕᑐᔪᐤ ᐊᓱ ᓂᓱ ᐅᒋᔅᒋᓄᐊᒧᐛᑭᓇ
\s2 Luke 10.1-11,16-20 (Proper-9 Year C)
\p
\v 1 ᐃᔅᐱ ᑲᒋ ‍ ᐃᔅᐱᔨᒡ ᐊᓐ ᑕᓐ ᑲ ‍ ᐃᔅᐱᔨᒡ ᐅᑎᐸᔨᒋᒐᐤ ᒋ ‍ ᐅᑎᓇᐤ ᓂᔄᐅᑕᒡ ᑕᑐᔪᐤ ᐊᓱ ᓂᓱ ᑯᑎᑲ ᐊᐛᔪᐛ ᒐ ‍ ᐅᒋᔅᒋᓄᐊᒧᐛᑭᓐᑦ ᐊᑯ ᒂ ‍ ᓂᑲᓂᑎᓴᐛᑦ ᐊ ‍ ᓇᓂᓱᑕᔨᒋ᙮ ᒋ ‍ ᐃᑕᐤ ᒥᓯᐛ ᐅᑕᓇᒡ ᒐᒋ ᐃᑐᑕᔨᒋ ᒥᓯᐛ ᐊᓐᑕ ᒐ ‍ ᐃᑐᑕᒂ, ᑭᔭ ᒥᓯᐛ ᐊᓐᑕ ᐊ ᐊᑎ ‍ ᐃᑕᔨᒋ ᐊᐛᔪᐛ᙮
\v 2 ᒋ ‍ ᐃᑕᐤ ᒪᒃ, “ᒥᒐᓇ ᓂᑕᐅᒋᑕᑭᓇ ᓴᔅ ᐊ ‍ ᐃᓯᓇᒂᒋ ᒐᒋ ᒪᒧᓴᒋᓂᑭᓄᐅᒋ ᒥᒄ ᒪᒃ ᓇᒪ ᒥᒐᑐᐅᒡ ᑲ ‍ ᐊᑐᔅᒐᒡ ᒐᒋ ᒪᒧᓴᒋᓇᒡ᙮ ᒋᐸ ‍ ᐃᔨᒪᐊᐛᐤ ᐅᑎᐸᔨᒋᒐᐤ, ᐊᓐ ᑲ ‍ ᑎᐱᔨᐛᐅᓯᑦ ᒥᓯᐛ ᒐᒂᔪᐤ ᐊ ‍ ᓂᑕᐅᒋᓂᔨᒡ, ᒐᒋ ᐃᑎᓴᐛᑦ ᒥᒐᑦ ᐊᐛᔪᐛ ᒐ ‍ ᒪᒧᓴᒋᓂᒥᔨᒋ ᐊᓂᔭ ᓂᑕᐅᒋᑕᑭᓇ᙮
\v 3 ᒪᒋᒄ ᒪᒃ, ᒋᑦ ᐃᑎᓴᐅᑎᓇᐛᐤ ᐊᓐᑕ ᒧᔭᒻ ᒪᔭᑕᓂᓯᒡ ᐊ ‍ ᐃᑎᓴᐛᑭᓄᐎᒡ ᐊᓐᑕ ᒥᐃᐧᑭᓇ ᐊ ‍ ᑕᔨᒋ᙮
\v 4 ᐊᑲᐎᔾ ᐊᔭᒄ ᓱᓇᔭᐅᑦ, ᑭᔭ ᒥᐅᑦ ᒪᒃ ᒥᔅᒋᓇ ᑭᔭ ᐊᑲᐎᔾ ᒋᐱᒋᑲᐳᐅᒄ ᒐᒋ ᐃᔨᒪᐊᒄ ᐊᐛᓐ ᒪᒂᒡ ᐊ ‍ ᐱᒧᑕᔭᒄ᙮”
\p
\v 5 “ᑕᓐᑕ ᐊᓐ ᒐ ‍ ᐱᑎᑲᐃᑯᐛᒂ ᒥᒋᐛᐱᒡ ᓂᔅᑎᒻ ᒋᑭ ‍ ᐃᑕᐛᐅᒡ ᐊᓐᒡ ᐊᓐᑕ ᐊ ‍ ᑕᒡ ᒐ ᐎ ‍ ᑎᒂᒡ ᒋᔭᒪᔨᑎᒧᐅᓐ ᐊᓐᑕ᙮
\v 6 ᐊᑯ ᒪᒃ ᐊᓐᒡ ᐊᓐᑕ ᐊ ‍ ᑕᒡ ᒪᔽᔨᑎᒧᐛᒂ ᒋᔭᒪᔨᑎᒧᐅᓂᔪᐤ ᒋᑭ ‍ ᐊᔭᐅᒡ᙮ ᐊᑯ ᒪᒃ ᐊᑲ ᒪᔽᔨᑎᒧᐛᒂ ᒋᔭᒪᔨᑎᒧᐅᓂᔪᐤ ᓇᒪ ᒋᑭ ᐅᒋ ‍ ᐊᔭᐅᒡ᙮
\v 7 ᐊᑯᑕ ᒪᒃ ᒐ ‍ ᑕᔭᒄ ᐊᓐᑕ ᐊᓐ ᒥᒋᐛᑉ ᐊ ‍ ᑕᒡ ᐊᓐᒡ ᐊ ᐎ ‍ ᐊᔭᒡ ᒋᔭᒪᔨᑎᒧᐅᓂᔪᐤ᙮ ᐊᑯᑕ ᒐ ‍ ᒥᒋᓱᔭᒄ ᑭᔭ ᒐ ‍ ᒥᓂᔭᒄ ᑕᓐ ᒐ ᐃᓯ ‍ ᒥᔨᑯᐅᔭᒄ, ᐛᔅ ᐊᐛᓐ ᑲ ‍ ᐊᑐᔅᒐᑦ ᑕᑈ ᐃᑕᔨᑕᑯᓱᐤ ᒐᒋ ᑎᐸᐊᒧᐛᑭᓄᐅᑦ᙮ ᐊᑲᐎᔾ ᐊᓱᐱᒐᒄ ᒥᒋᐛᑉ, ᐊᑯᑕ ᒥᒄ ᑕᒄ ᐊᓐᑕ ᑲ ‍ ᐱᑎᑲᐃᑯᐅᔭᒄ᙮”
\p
\v 8 “ᑭᔭ ᐅᑎᑎᒪᒂ ᐅᑕᓇᐤ ᐊ ‍ ᐱᑎᑲᐃᑯᐅᔭᒄ, ᐊᑯᑕ ᐊᓐᑕ ᑕᒄ᙮ ᒥᒋᒄ ᑕᓐ ᐊ ᐃᓯ ‍ ᐎᔍᑯᐅᔭᒄ᙮
\v 9 ᑭᔭ ᒥᓏᒋᐊᐧᑯᒡ ᐊᓐᒡ ᑲ ‍ ᐊᐧᑯᓯᒡ ᑭᔭ ᒐ ‍ ᐃᑕᑯᒡ ᐊᓐᑕ ᐊᓂᔭ ᐅᑕᓇᔪᐤ ᐊ ‍ ᑕᒡ, ‘ᓇᔅᒡ ᑕᑈ ᒋ ‍ ᐸᓱᐛᐱᒥᑯᐛᓇᐛᐤ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮’
\v 10 ᐊᑯ ᒪᒃ ᐅᑎᑎᒪᒂ ᐅᑕᓇᐤ ᐊᑲ ᓂᑐᐛᔨᒥᑯᐅᔭᒄ ᒐᒋ ᑕᔭᒄ ᒐ ᐃᓯ ‍ ᐃᔭᒂᒥᒪᑯᒡ ᐊᓐᒡ ᐃᔪᒡ ᐊ ‍ ᐃᑕᑯᒡ,
\v 11 ‘ᓇᔅᒡ ᓂᑲᓯᑎᑕᓇᓐ ᓂᓯᑎᓇᓇ ᑕᓐ ᑲ ᐃᔅᐱᔅ ‍ ᐱᐸᒧᑕᔭᒡ ᐅᑕ ᒋᐅᑕᓇᒧᐛᒡ᙮ ᐊᐅᒄ ᐅ ᐊ ‍ ᓄᑯᑕᔭᒡ ᐊᒋ ‍ ᐊᑐᐛᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᒥᒄ ᒪᒃ ᒋ ᐎ ‍ ᐎᑎᒪᑎᓇᓐ ᒐᔅᑎᓇᔅ ᒐᒋ ᓂᔅᑐᑎᒪᒄ ᐊᒋ ‍ ᐸᓱᓇᑯᓂᔨᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ᐊᓐᑕ ᐊ ‍ ᑕᔭᒄ᙮’ ”
\v 12 ᐊᑯ ᒋᓴᔅ ᒥᓐ ᒂ ‍ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᒋ ‍ ᐎᑎᒪᑎᓇᐛᐤ ᐃᔅᐱ ᐅᑎᒋᐱᔨᒐ ᑎᐸᔅᑯᓂᒐᐅ ᒋᓯᑲᒐ ᐅᒡ ᐃᔪᒡ ᐊᑲ ᐊᔭᐱᓯᑕᑕᑯᒡ ᐊᑐᐎᔅ ᒋᑭ ‍ ᐃᑕᔨᑕᑯᓂᔪᐤ ᐛᔅᑭᒡ ᑕᓐ ᑲ ᐃᓯ ‍ ᐛᐛᓯᐊᑭᓄᐎᒡ ᐎᔨᐛᐤ ᐊᓂᔭᐧᑲ ᓇᔅᒡ ᐊᒋ ‍ ᒥᒐᑎᓯᒡ ᐃᔪᒡ ᓱᑕᒻ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᑲ ‍ ᑕᒡ᙮ ᒋ ‍ ᓂᓱᐅᓇᒋᑕᐤ ᒋᓴᒪᓂᑐᐤ ᐊᓂᔭᔪᐤ ᐅᑕᓇᔪᐤ᙮”
\s1 ᐊᓂᔭᔪᐤ ᐅᑕᓇᔪᐤ ᑲ ‍ ᑕᒡ ᐃᔪᒡ ᐊᑲ ᐎ ‍ ᑕᑈᑕᒡ ᒥᔽᒋᒧᐅᓂᔪᐤ
\r ᒪᑎᔪᐤ 11.20-24
\p
\v 13 ᐊᑯ ᒋᓴᔅ ᒂ ‍ ᐃᔅᒋᔄᑦ, “ᒋᔨᐛᐤ ᐊ ‍ ᑕᔭᒄ ᐊᓐᑕ ᐅᑕᓇᒡ ᑯᕋᓯᓐ ᑲ ‍ ᐃᓯᓂᐧᑲᑕᒡ ᐊᔪᐛᒃ ᒋᑭ ‍ ᒥᒋᐱᔨᓇᐛᐤ, ᑭᔭ ᐊᓐᑕ ᐸᑦᓴᐃᑕᒡ ᐊ ‍ ᑕᒡ ᐊᐅᑯᓐ ᒧᔭᒻ ᒐ ‍ ᐃᔅᐱᔨᒡ᙮ ᐛᔅ ᐊᓂᔭᔪᐛ ᒪᒥᔅᑲᒡ ᒐᒂᔪᐤ ᑲ ‍ ᐃᑐᑎᒪᑯᐅᔭᒄ ᒋ ‍ ᐃᑐᑕᑭᓄᐛᑯᐱᓇᓂ ᐊᓐᑕ ᐛᔅᑭᒡ ᑕᐃᕋ ᑭᔭ ᓴᐃᑐᓐ ᑲ ‍ ᐃᓯᓂᐧᑲᑕᑲᒋ ᐅᑕᓇᐛ ᓴᔅ ᐛᔅᑭᒡ ᒋᐸ ‍ ᒂᔅᑲᑎᓱᐅᒡ ᐎᔨᐛᐤ ᐊᓐᒡ ᐃᔪᒡ᙮ ᐊᑯ ᒪᒃ ᐊ ‍ ᓄᑯᑕᒡ ᐊ ᐃᔅᐱᔅ ‍ ᒥᑕᒋᔨᐛᓯᒡ ᐅᒥᒋᑥᐅᓄᐛᐛ ᒋᐸ ‍ ᐱᔎᔭᑭᐳᐅᒡ ᐊ ‍ ᑲᐛᑭᓂᔨᒋ ᐊᐱᒋᑕᐅᓇ, ᐊᓐᑕ ᒪᒃ ᐃᔎᔅᒐᒡ ᒋᐸ ‍ ᐊᐳᐅᒡ᙮
\v 14 ᐃᔅᐱ ᐅᑎᒋᐱᔨᒐ ᑎᐸᔅᑯᓂᒐᐅ ᒋᓯᑲᔨᒐ, ᒋᓴᒪᓂᑐᐤ ᒋᑭ ‍ ᐛᐛᓯᐊᐤ ᐊᓂᔭ ᑕᐃᕋᒡ ᑭᔭ ᓴᐃᑐᓂᒡ ᐊ ‍ ᑕᔨᒋ᙮ ᐊᑐᐎᔅ ᒪᒃ ᒋᔨᐛᐤ ᒋᑭ ‍ ᐛᐛᓯᐃᑯᓇᐛᐤ᙮
\v 15 ᐊᑯ ᒪᒃ ᒋᔨᐛᐤ ᐊᓐᑕ ᑲᐳᕐᓇᐊᒥᒡ ᐊ ‍ ᑕᔭᒄ ᓇᔅᒡ ᑕᑈ ᒋ ᐎ ‍ ᐊᔅᐸᔨᒧᓇᐛᐤ ᐊᓐᑕ ᒋᒋᒋᓯᑯᒡ ᒐᒋ ᐃᓯ ‍ ᐅᑎᓂᑯᔭᒄ᙮ ᓇᒪ ᒪᒃ, ᒥᒋ ‍ ᐃᔅᑯᑕᒡ ᐊᑯᑕ ᒐ ᐃᓯ ‍ ᐛᐱᓂᑯᔭᒄ᙮”
\s2 Luke 10.1-11,16-20 (Proper-9 Year C)
\p
\v 16 ᐊᑯ ᒋᓴᔅ ᒂ ‍ ᐃᑕᑦ ᐅᒋᔅᒋᓄᐊᒧᐛᑭᓇ, “ᐊᐛᓐ ᑲ ‍ ᓂᑐᑕᑕᒄ ᒧᔭᒻ ᓂᔾ ᐊ ᐸᒋ ‍ ᓂᑐᑐᐅᑦ ᐊᐅᑯᓐ ᐊ ‍ ᐃᓯᓇᑯᓯᑦ᙮ ᐊᐛᓐ ᒪᒃ ᑲ ‍ ᐊᑐᐛᔨᒥᑕᒄ ᒧᔭᒻ ᓂᔾ ᐊ ‍ ᐊᑐᐛᔨᒥᑦ ᐊᐅᑯᓐ ᐊ ‍ ᐃᓯᓇᑯᓯᑦ᙮ ᐊᑯ ᐊᐛᓐ ᑲ ‍ ᐊᑐᐛᔨᒥᑦ ᒧᔭᒻ ᐊ ‍ ᐊᑐᐛᔨᒪᑦ ᒋᓴᒪᓂᑐᐛ, ᐊᓂᔭ ᑲ ᐸᒋ ‍ ᐃᑎᓴᐅᔨᒋ, ᐊᐅᑯᓐ ᐊ ‍ ᐃᓯᓇᑯᓯᑦ᙮”
\p
\v 17 ᐃᔅᐱ ᒪᒃ ᑲᐤ ᑕᑯᓯᓂᒡ ᐊᓐᒡ ᓂᔄᐅᑕᒡ ᑕᑐᔪᐤ ᐊᓱ ᓂᓱ ᒋᔅᒋᓄᐊᒧᐛᑭᓐᒡ ᓇᔅᒡ ᑕᑈ ᒋ ‍ ᒥᔽᔨᑎᒧᒡ ᐊ ‍ ᐃᔅᒋᔄᒡ, “ᐅᑎᐸᔨᒋᒐᐤ, ᐛᐛᒡ ᒥᒋ ‍ ᐊᒐᐧᑯᒡ ᐊ ‍ ᓂᓇᐃᑐᔨᒥᒡ ᑕᓐ ᐊ ‍ ᐃᑎᓱᒥᒋᒡ, ᒋᑦ ᐃᓯᓂᐧᑲᓱᐅᓐ ᐊ ‍ ᐊᐱᒋᑕᔭᒡ᙮”
\p
\v 18 ᐊᑯ ᒋᓴᔅ ᒂ ‍ ᐃᑕᑦ, “ᓂᒋ ‍ ᐛᐱᒪᐤ ᒥᒋᒥᓂᑐᐤ ᐊ ᐅᒋ ‍ ᐸᒋᓯᐧᒃ ᒋᒋᒋᓯᑯᒡ, ᒧᔭᒻ ᑕᑈ ᐊ ‍ ᐛᔅᑕᐱᔨᒡ ᐊᐅᑯᓐ ᑲ ‍ ᐃᓯᓇᑯᓯᑦ᙮
\v 19 ᓂᑐᑎᒧᒄ ᒪᒃ, ᔅᒋ ‍ ᒥᔨᑎᓇᐛᐤ ᑎᐸᔨᒋᒐᐅᓐ ᒐᒋ ᓴᐧᑯᒋᐊᒄ ᒥᒋᒥᓂᑐᐤ, ᑭᔭ ᒐᒋ ᑕᑕᐧᑯᔅᑲᑕᑯᒡ ᑲ ‍ ᐱᒋᐳᔪᐛᒡ ᒥᒋ ‍ ᒋᓇᐱᑯᒡ, ᑭᔭ ᑲ ‍ ᐱᒋᐳᔪᐛᒡ ᒥᔅᑎᐃᐱᒐᓱᒡ᙮ ᓇᒪ ᑎᑯᓐ ᒐᒂᓐ ᒐᒋ ᐊᐧᑯᐃᑯᔭᒄ᙮
\v 20 ᐊᑲᐎᔾ ᒥᔽᔨᑎᒧᒄ ᒥᒄ ᐊᒋ ‍ ᓴᐧᑯᒋᐊᑯᒡ ᒥᒋ ‍ ᐊᒐᐧᑯᒡ, ᐃᐛᒃ ᒥᔽᔨᑎᒧᒄ ᒋᑦ ᐃᓯᓂᐧᑲᓱᐅᓄᐛᐛ ᐊ ‍ ᒥᓯᓇᑕᔨᒋ ᒋᒋᒋᓯᑯᒡ᙮”
\s1 ᒐᒂᔪᐤ ᐛᒋ ‍ ᒥᔽᔨᑕᐧᒃ ᒋᓴᔅ
\r ᒪᑎᔪᐤ 11.25-27; 13.16,17
\p
\v 21 ᐊᑯᑕ ᒪᒃ ᒋᓴᔅ ᓇᔅᒡ ᑕᑈ ᑲ ‍ ᒧᒋᒐᔨᑎᒥᔅᑲᑯᑦ ᑲ ‍ ᐸᔭᒋᓯᔨᒋ ᐊᒐᒂ᙮ ᒋ ‍ ᐃᔅᒋᔄᐤ ᒪᒃ, “ᓄᑕ, ᒋᔾ ᑲ ‍ ᑎᐸᔨᑎᒥᓐ ᒋᒋᒋᓯᒄ ᑭᔭ ᐊᔅᒋᔾ ᒋ ‍ ᓂᓇᔅᑯᒥᑎᓐ, ᐛᔅ ᒋᓂᑲᐊᒧᐛᐅᒡ ᐊᓐᒡ ᑲ ‍ ᑭᒐᑕᐛᔨᑕᒡ ᒐ ᐊᑲ ᒋ ᓂᔅᑐᑎᒧᐛᒂ ᐅᔭ ᒐᒂᔪᐤ᙮ ᐊᑯ ᐊᓐᒡ ᐊᑲ ᓇᔅᒡ ᑲ ‍ ᑭᒐᑕᐛᔨᑕᒡ ᔅᒋ ‍ ᐃᑐᑐᐛᐅᒡ ᐎᔨᐛᐤ ᒐᒋ ᓂᔅᑐᑕᒡ᙮ ᓂᐦᐃ, ᓄᑕ ᐊᐅᑯᓐ ᐅ ᑲ ᐃᓯ ‍ ᓇᐊᔨᑎᒥᐃᑯᔨᓐ ᒐᒋ ᐃᑐᑎᒥᓐ᙮”
\p
\v 22 ᐊᑯ ᒋᓴᔅ ᐃᔅᐱ ᑲᒋ ᐃᓯ ‍ ᐊᔭᒥᐊᑦ ᒂ ‍ ᐃᑕᑦ ᐊᓂᔭ ᐊᓐᑕ ᐊ ‍ ᑕᔨᒋ, “ᓄᑕᐎᔾ ᒥᓯᐛ ᒐᒂᔪᐤ ᓂᒋ ‍ ᒥᔨᒄ ᒐᒋ ᓂᓇᑭᑐᐛᔨᑎᒪᓐ᙮ ᐛᔅ ᓇᒪ ᐊᐛᓐ ᒋᔅᒐᔨᒪᐤ ᐊᐛᔪᐛ ᐅᑯᓯᓯᒪᐛ, ᒥᒄ ᐅᑕᐎᒪᐤ ᒋᔅᒐᔨᒪᐤ᙮ ᑭᔭ ᓇᒪ ᐊᐛᓐ ᒋᔅᒐᔨᒪᐤ ᐊᐛᔪᐛ ᐅᑕᐎᒪᐛ, ᒥᒄ ᐅᑯᓯᓯᒪᐤ, ᑭᔭ ᐎᔾ ᐅᑯᓯᓯᒪᐤ ᒋᑭ ‍ ᐅᑎᓇᐤ ᐊᐛᔪᐛ ᐊᓂᔭᔪᐛ ᒐᒋ ᒋᔅᒐᔨᒪᔨᒋ ᐅᑕᐎᒪᐛ᙮”
\p
\v 23 ᐊᑯ ᒂ ‍ ᐃᔨᒪᐊᑦ ᒥᒄ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, ᒂ ‍ ᐃᑕᑦ, “ᑕᑈ ᒋ ‍ ᓱᐛᔨᑕᑯᓯᓇᐛᐤ ᒋᔨᐛᐤ ᑕᓐ ᐊ ᐃᓯ ‍ ᐛᐸᑎᒪᒄ ᐊᓄᒡ᙮
\v 24 ᐛᔅ ᒋ ‍ ᐎᑎᒪᑎᓇᐛᐤ, ᒋ ‍ ᒥᒐᑐᐅᒡ ᐅᒋᔅᒋᐛᐃᒐᓱᒡ ᑭᔭ ᒋᓴᐅᒋᒪᐅᒡ ᐊᒋ ‍ ᐱᑯᓴᔨᑕᒡ ᒐᒋ ᐛᐸᑕᒡ ᑕᓐ ᑲ ᐃᓯ ‍ ᐛᐸᑎᒪᒄ᙮ ᓇᒪ ᒪᒃ ᐅᒋ ᐛᐸᑎᒧᒡ᙮ ᒋ ᐎ ‍ ᐸᑎᒧᒡ ᑕᓐ ᑲ ᐃᓯ ‍ ᐸᑎᒪᒄ, ᓇᒪ ᒪᒃ ᐅᒋ ᐸᑎᒧᒡ᙮”
\s1 ᓇᐸᐤ ᑲ ‍ ᐎᒋᐊᑦ ᓇᐸᐛ ᐊᒋ ‍ ᒥᔄᑭᓂᐧᑲᑕᑭᓄᔨᒋ
\s2 Luke 10.25-37 (Proper-10 Year C)
\p
\v 25 ᐸᐃᒂᐤ ᒪᒃ ᓇᐸᐤ ᑲ ‍ ᒋᔅᑯᑎᒪᒐᑦ ᐊᔭᒥᐊᐅ ᐎᓱᐛᐅᓂᔪᐤ ᐊ ‍ ᐃᑕᐱᑎᓯᑦ ᒋ ‍ ᓇᑕᐤ ᒋᓴᓴ ᐊ ᐎ ‍ ᑯᒂᒋᐊᑦ, ᐊ ‍ ᐃᑕᑦ, “ᑕᓐ ᒐ ‍ ᐃᑎᔭᓐ ᒐᒋ ᐅᒋ ‍ ᐊᔭᔭᓐ ᑲᒋᒡ ᐱᒪᑎᓯᐅᓐ ?”
\v 26 ᒋᓴᓴ ᒋ ‍ ᐃᑎᑯᐤ, “ᑕᓐ ᒪᒃ ᐊ ᐃᓯ ‍ ᓂᔅᑐᑎᒥᓐ ᐊᓐ ᐊᔭᒥᐊᐅ-ᐎᓱᐛᐅᒥᓯᓇᐃᑭᓐ ᐊ ‍ ᐃᔨᒥᑕᔨᓐ ? ᑕᓐ ᐊᑎᔅᑕᒡ ᒪᒃ ?”
\v 27 ᐊᑯ ᐊᓐ ᓇᐸᐤ ᒋ ‍ ᐃᑕᐤ,
\q “ ‘ᓴᒋᐃ ᐅᑎᐸᔨᒋᒐᐤ ᒋᒋᓴᒪᓂᑐᒻ, ᒥᓯᐛ ᒋᑕᐃᒡ, ᑭᔭ ᒥᓯᐛ ᒋᑦ ᐊᒐᐧᑯᒡ ᑭᔭ ᒥᓯᐛ ᒋᒥᔅᑯᓯᐅᓂᒡ ᑭᔭ ᒥᓯᐛ ᒋᒥᑐᓇᔨᒋᑭᓂᒡ,’ ᑭᔭ ‘ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ‍ ᓴᒋᐃᓱᔨᓐ᙮’ ”
\p
\v 28 ᒋᓴᓴ ᒪᒃ ᒋ ‍ ᐃᑎᑯᐤ, “ᒋ ‍ ᑕᑈᓐ ᐊᓐ ᑲ ‍ ᐃᔅᒋᔄᔨᓐ᙮ ᒥᓯᐛ ᐊᓐ ᐃᑐᑎᒥᓇ ᒋᑭ ‍ ᐊᔭᓐ ᑲᒋᒡ ᐱᒪᑎᓯᐅᓐ᙮”
\p
\v 29 ᓇᔅᒡ ᒪᒃ ᒧᔭᒻ ᐊ ‍ ᒥᔪᑐᑕᐧᒃ ᒋ ᐎ ‍ ᐃᑎᑕᑯᐃᓱᐤ ᐊ ᐃᓯ ‍ ᑯᒂᒋᒪᑦ ᒋᓴᓴ ᐊ ‍ ᐃᑕᑦ, “ᐊᐛᓐ ᐊᓐ ᓂᒡ ᐃᔪᐤ ᓂᐸ ‍ ᓴᒋᐊᐤ ᒧᔭᒻ ᓂᔾ ᐊ ᐃᔅᐱᔅ ‍ ᓴᒋᐃᓱᔭᓐ ?”
\p
\v 30 ᒋᓴᔅ ᒪᒃ ᒋ ‍ ᓂᑐᐛᔨᒪᐤ ᒐᒋ ᓂᔅᑐᑎᒥᔨᒋ ᐊᑯ ᒂ ‍ ᐎᑎᒧᐛᑦ ᑎᐸᒋᒧᐅᓂᔪᐤ᙮ “ᐸᐃᒂᐤ ᓇᐸᐤ ᒋᕈᓯᓕᒥᒡ ᐊ ‍ ᐅᒋᑦ ᐊᓐᑕ ᒐᕆᑯᐎᒡ ᒋ ᐎ ‍ ᐃᑐᑕᐤ᙮ ᒪᒂᒡ ᒪᒃ ᐊᓂᔭ ᐊ ‍ ᐱᒧᑕᑦ ᒋ ‍ ᓇᒋᒂᔅᑯᑕᑯᐤ ᑲᓂᑕᐅᒋᒧᑎᔨᒋ ᐊᑯ ᒂ ‍ ᒪᓯᐧᑲᑯᑦ, ᒂ ‍ ᐅᑎᓂᒥᔨᒋ ᒥᓯᐛ ᐅᑦ ᐊᐱᒋᑕᐅᓇ᙮ ᒋ ‍ ᓂᑭᑎᑯᐤ ᒪᒃ ᐊᓐᑕ ᒪᔅᑭᓇᒡ ᐊ ‍ ᒥᔄᑭᓄᐅᑦ᙮
\p
\v 31 ᐊᑯ ᒍᐤ ᐊᔭᒥᐊᐅᒋᒪᐤ ᒋ ᐸᒋ ‍ ᐱᒧᑕᐤ ᐊᓂᔭ ᒪᔅᑭᓇᔪᐤ, ᐃᔅᐱ ᒪᒃ ᐎᔭᐱᒪᑦ ᐊᓂᔭ ᓇᐸᐛ ᓇᒪ ᐅᒋ ᐎ ‍ ᐎᒋᐊᐤ, ᐊᑯ ᐊᓐᑕ ᒂᔅᑕᒐᔅᑭᓄᐤ ᒂ ‍ ᐱᒧᑕᑦ ᒥᒄ ᐊᒋ ᐃᓯ ‍ ᐎᒪᔅᑯᐛᑦ᙮
\p
\v 32 ᒐᒃ ᒥᓐ ᑯᑎᒃ ᓇᐸᐤ ᒋ ᐸᒋ ‍ ᐱᒧᑕᐤ, ᓕᐸᐃ ᐃᔪᐤ ᐊ ‍ ᐃᑎᔅᑲᓇᓯᑦ᙮ ᒋ ‍ ᐛᐱᒪᐤ ᑭᔭ ᐎᔾ ᐊᓂᔭ ᓇᐸᐛ ᑲ ‍ ᒥᔄᑭᓂᐧᑲᑕᑭᓄᔨᒋ ᑭᔭ ᐎᔾ ᒪᒃ ᓇᒪ ᐅᒋ ᐎ ‍ ᐎᒐᐊᐤ, ᐊᑯ ᒥᒄ ᒂ ᐃᓯ ‍ ᐎᒪᔅᑯᐛᑦ ᓇᑕ ᒂᔅᑕᒐᔅᑭᓄᐤ ᐊ ‍ ᐱᒧᑕᑦ᙮
\v 33 ᒥᓐ ᑯᑎᒃ ᓇᐸᐤ, ᓴᒪᕆᔭ ᐊᔅᒋᒡ ᐊ ‍ ᐅᒋᑦ ᒋ ‍ ᐅᑎᑕᐤ ᐊᓂᔭ ᓇᐸᐛ, ᐊᑯ ᓇᔅᒡ ᒂ ‍ ᒋᔅᑎᒪᒐᔨᒪᑦ᙮
\v 34 ᒂ ‍ ᓇᑕᑦ ᐊᑯ ᒂ ‍ ᓂᑐᐧᑯᐊᑦ ᐊ ‍ ᑯᑎᐱᓂᒧᐛᑦ ᑐᒥᓂᑭᓂᔪᐤ ᐊ ‍ ᓂᑐᐧᑯᐃᓄᓂᔨᒡ ᑭᔭ ᓱᒥᓇᐳᔪᐤ ᐊᓐᑕ ᑲ ‍ ᒥᔄᑭᓂᐧᑲᑕᑭᓄᔨᒋ ᑭᔭ ᒋ ‍ ᐎᔎᔭᐱᐧᑲᑕᒺᐤ᙮ ᐊᑯ ᒂ ‍ ᑕᑎᐊᑦ ᐊᓐᑕ ᐅᑦ ᐊᐛᓯᓯᒪ ᐅᔅᐱᔅᑯᓂᔨᒡ, ᒂ ‍ ᐃᑐᑕᐊᑦ ᐊᓐᑕ ᑲᐃᐱᓇᓄᐎᒡ ᐊ ‍ ᑎᑯᓂᔨᒡ ᐊᑯᑕ ᒪᒃ ᑲ ‍ ᓂᓇᑭᑐᐛᔨᒪᑦ᙮
\v 35 ᒥᓐ ᒋᔭᒋᓴᐸᔭᔨᒡ, ᒂ ‍ ᒥᔭᑦ ᓱᓇᔭᔪᐤ ᐊᓂᔭ ᑲ ‍ ᓂᓇᑭᑐᐛᐸᑎᒥᔨᒋ ᐊᓂᔭ ᑲᐃᐱᓇᓄᐎᒡ, ᐊᑯ ᒂ ‍ ᐃᑕᑦ, ‘ᓂᓇᑭᑐᐛᔨᒻ ᐅ ᓇᐸᐤ᙮ ᒋᑭ ‍ ᒋᓯᐧᑲᑎᓐ ᑕᓐ ᐊᓐ ᒐ ᐃᔅᐱᔅ ‍ ᒥᓯᓇᐊᒪᑕᓐ ᐃᔅᐱ ᒥᓐ ᐱᒧᑕᔭᓇ ᐅᑕ᙮’ ”
\p
\v 36 ᐊᔪᐅᒄ ᐅᔭ ᑎᐸᒋᒧᐅᓂᔪᐤ ᑲ ‍ ᐎᑎᒧᐛᑦ ᒋᓴᔅ ᐊᓂᔭ ᓇᐸᐛ ᑲ ‍ ᒋᔅᑯᑎᒪᒐᔨᒋ ᐊᔭᒥᐊᐅ ᐎᓱᐛᐅᓂᔪᐤ᙮ ᐊᑯ ᒂ ‍ ᐃᑕᑦ, “ᑕᓐ ᐊᓐ ᐊᐅᒄ ᐊᓐᒡ ᐊ ‍ ᓂᔅᑎᒡ ᓇᐸᐅᒡ ᒧᔭᒻ ᐎᒡ ᐃᔪᐛ ᑲ ‍ ᐃᑐᑐᐛᑦ ᐊᓂᔭ ᓇᐸᐛ ᑲ ‍ ᒥᔄᑭᓂᐧᑲᑕᑭᓄᔨᒋ ?”
\p
\v 37 ᐊᑯ ᒂ ‍ ᐃᔅᒋᔄᔨᒋ ᐊᓂᔭᔪᐛ ᓇᐸᐛ, “ᐊᓐ ᑭᑈ ᓇᐸᐤ ᑲ ‍ ᐎᒋᐊᑦ ᑲ ‍ ᓄᑯᑕᑦ ᐊ ‍ ᒋᔅᑎᒪᒐᔨᒪᑦ᙮” ᒋᓴᔅ ᒂ ‍ ᐃᑕᑦ, “ᒪᒋ ᒪᒃ, ᐊᐅᑯᓐ ᒪᒃ ᐅ ᒧᔭᒻ ᒐ ‍ ᐃᑐᑎᒥᓐ ᑭᔭ ᒋᔾ᙮”
\s1 ᒋᓴᔅ ᑲ ‍ ᑕᑦ ᐊᓐᑕ ᒪᕐᑕᔨᒋ ᑭᔭ ᒪᕆᔨᒋ ᐎᒋᔨᒡ
\s2 Luke 10.38-42 (Proper-11 Year C)
\p
\v 38 ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒪᒂᒡ ᐊ ‍ ᐱᒧᑕᒡ ᒋ ‍ ᐅᑎᑎᒧᒡ ᐅᑕᓇᔪᐤ᙮ ᒋ ‍ ᑕᐤ ᒪᒃ ᐊᓐᑕ ᐃᔎᐤ ᒪᕐᑕ ᐊ ‍ ᐃᓯᓂᐧᑲᓱᑦ, ᐊᐅᒄ ᒪᒃ ᐊᓂᔭ ᑲ ‍ ᐱᑎᑲᐃᑯᒡ᙮
\v 39 ᒪᕐᑕ ᒪᒃ ᒋ ‍ ᑕᔪᐛ ᐎᐧᑲᓂᓴ, ᒪᕆ ᐊ ‍ ᐃᓯᓂᐧᑲᓱᔨᒋ᙮ ᒋ ‍ ᐛᐛᔨᐱᔪᐤ ᒪᒃ ᐊᓐᑕ ᒋᓴᓴ ᐅᓯᑎᔨᒡ ᐊ ‍ ᓂᑐᑐᐛᑦ ᐊ ‍ ᐃᔨᒥᔨᒋ᙮
\v 40 ᒪᕐᑕ ᒪᒃ ᓇᔅᒡ ᑕᑈ ᒋ ‍ ᐅᑎᒪᔨᑎᒥᐃᑯᐤ ᐊ ᒥᔅᑎ ‍ ᐊᑐᔅᒐᑦ, ᐊᑯ ᒂ ‍ ᓇᒋᑲᐳᔅᑐᐛᑦ ᒋᓴᓴ ᐊᑯ ᒂ ‍ ᐃᑕᑦ, “ᐅᑎᐸᔨᒋᒐᐤ, ᓇᒪᐎᔾ ᐊ ᒐᒂᓐ ᒋᑦ ᐃᑕᔨᒪᐤ ᐅ ᓂᐧᑲᓂᔅ, ᓂᔾ ᒥᒄ ᐊ ‍ ᐃᑕᔨᒥᑦ ᒐᒋ ᐊᑐᔅᒐᐅᒡ ? ᒐ ‍ ᐃᑎᑦ ᒪ ᒐᒋ ᐸᒋ ‍ ᐎᒋᐃᑦ᙮”
\p
\v 41 ᐅᑎᐸᔨᒋᒐᐛ ᒋ ‍ ᐃᑎᑯᐤ, “ᒪᕐᑕ, ᒪᕐᑕ, ᓇᔅᒡ ᐊ ‍ ᒥᑯᔅᑲᑕᔨᑎᒥᐃᑯᔨᓐ ᒥᒐᑦ ᒐᒂᔪᐛ᙮
\v 42 ᐸᐃᒄ ᐛᔅ ᐊᓐ ᒐᒂᓐ ᓇᔅᒡ ᓂᑐᐛᔨᑕᑯᓐ, ᒪᕆ ᒪᒃ ᓴᔅ ᒋ ‍ ᐎᔭᐸᑎᒪᓱᐤ ᐊᓂᔭ ᒐᒂᔪᐤ ᓇᔅᒡ ᐊ ‍ ᒥᔽᓯᔨᒡ ᐊ ‍ ᓂᑐᐛᔨᑕᑯᓂᔨᒡ᙮ ᓇᒪ ᒪᒃ ᐊᐛᔪᐛ ᒋᑭ ᒋ ‍ ᒥᔅᑭᒥᑯᐤ ᐊᓂᔭᔪᐤ᙮”
\c 11
\s1 ᒋᓴᔅ ᑲ ‍ ᒋᔅᑯᑎᒪᒐᑦ ᑕᓐ ᒐ ᐃᓯ ‍ ᐊᔭᒥᐊᓄᐎᒡ
\r ᒪᑎᔪᐤ 6.9-13; 7.7-11
\s2 Luke 11.1-13 (Proper-12 Year C)
\p
\v 1 ᐸᐃᒂᐤ ᐃᔅᐱ ᒋᓴᔅ ᑲᒋ ᐃᓯ ‍ ᐊᔭᒥᐊᑦ, ᐸᐃᒄ ᐊᓂᔭ ᐅᒋᔅᒋᓄᐊᒧᐛᑭᓇ ᒋ ‍ ᐃᑎᑯᐤ, “ᐅᑎᐸᔨᒋᒐᐤ, ᐸᒋ ‍ ᒋᔅᑯᑎᒧᐅᓇᓐ ᒪ ᑭᔭ ᓂᔭᓐ ᑕᓐ ᒐ ᐃᓯ ‍ ᐊᔭᒥᐊᔭᒡ ᒧᔭᒻ ᒠᓐ ᑲ ‍ ᐃᑐᑐᐛᑦ ᐅᒋᔅᒋᓄᐊᒧᐛᑭᓇ᙮”
\p
\v 2 ᒋᓴᔅ ᒋ ‍ ᐃᑕᐤ, “ᒪᐅ ᒐ ᐃᓯ ‍ ᐊᔭᒥᐊᔭᒄ,
\q ‘ᓄᑕᐎᓇᓐ, ᒋᒋᒋᓯᑯᒡ ᐊ ‍ ᑕᔨᓐ, ᓂᑦ ᐊᔭᒥᐊᓇᓐ ᒋᑦ ᐃᓯᓂᐧᑲᓱᐅᓐ ᐊ ‍ ᐸᔭᒋᓯᒥᑲᒡ ᒐᒋ ᒋᔅᑕᔨᑕᑯᑕᑭᓄᐅᒡ᙮
\q ᒋᒋᓴᐅᒋᒪᐅᓐ ᒋᑭ ᐎ ‍ ᐅᑎᒋᐱᔪᐤ᙮ ᒋᑦ ᐃᑕᔨᑎᒧᐅᓐ ᒋᑭ ᐎ ‍ ᐃᑐᑕᑭᓄᐤ ᐅᑕ ᐊᔅᒋᒡ, ᒧᔭᒻ ᒋᒋᒋᓯᑯᒡ᙮
\q
\v 3 ᒥᔨᓇᓐ ᑕᑥᐤ ᐊ ‍ ᒋᓯᑲᒡ ᐸᒂᓯᑭᓐ ᒐ ᐅᒋ ‍ ᐱᒪᑎᓯᔭᒡ᙮
\q
\v 4 ᐛᐸᔨᑎᒧᐅᓇᓐ ᓂᒥᒋᑥᐅᓇᓇ, ᐛᔅ ᑭᔭ ᓂᔭᓐ ᓂ ‍ ᐛᐸᔨᑎᒧᐅᓇᓐ ᒥᓯᐛ ᐊᐛᓐ ᑲ ‍ ᒥᒋᑐᑐᔨᒥᑦ᙮
\q ᐊᑲᐎᔾ ᒪᒃ ᐃᑐᑕᐃᓇᓐ ᐊᓐᑕ ᒐᒋ ᐃᓯ ‍ ᑯᒂᒋᐃᑯᐅᔭᒡ, ᒥᒄ ᐸᒋ ᒥᑕᒂᓇᒧᐅᓇᓐ ᐊᓐ ᑲ ‍ ᒪᔭᑎᒡ᙮’ ”
\p
\v 5 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓐ, “ᐊᒋ ‍ ᓂᑐᐛᐱᒥᑦ ᐊᓐ ᒋᐎᒐᐛᑭᓐ ᐊ ‍ ᐊᐱᑕᑎᐱᔅᑲᔨᒡ ᐊᒋ ᓂᑐ ‍ ᐅᐛᐊᓱᐅᑦ ᒐᒂᔪᐤ, ᑭᔭ ᒂ ‍ ᐃᑕᑦ ᐊᓐ ᒋᐎᒐᐛᑭᓐ, ‘ᐸᒋ ‍ ᐅᐎ ᒪ ᓂᔅᑐ ᐸᒂᓯᑭᓐᒡ ᐛᔅ ᓂᐎᒐᐛᑭᓐ ᓂ ᐸᒋ ‍ ᐅᑎᑎᒄ
\v 6 ᐊᑯᑕ ᐊ ‍ ᑕᐅᒡ ᒐ ‍ ᓂᐸᑦ᙮ ᓇᒪ ᓂ ‍ ᑭᓄᐛᔨᑎᒺᓐ ᒐᒂᔪᐤ ᒐ ‍ ᐊᓯᒥᒃ᙮’ ”
\p
\v 7 “ᐊᑯ ᒪᒃ ᐃᑎᔅᒃ ᒋᔾ ᐊᓐ ᒋᐎᒐᐛᑭᓐ ᑲ ‍ ᓂᑐᐛᐱᒥᔅᒃ, ‘ᐊᑲᐎᔾ ᐸᒋ ‍ ᒥᑯᔅᑲᒋᐃ ᐛᔅ ᓴᔅ ᓂᒋ ‍ ᒋᐸᐛᐤ ᔅᑐᐧᑭᓐ ᑭᔭ ᓂᑦ ᐊᐛᓯᒥᒡ ᓂᐎᐸᒥᑯᒡ, ᓇᒪ ᓂᑭ ᒋ ‍ ᐅᓂᓐ ᒐᒋ ᒥᔨᑕᓐ᙮’
\v 8 ᒋ ‍ ᐎᑎᒪᑎᓇᐛᐤ, ᐊᑲ ᐎ ᐅᓂᒐ ᒐᒋ ᒥᔨᔅᒃ ᐊᓂᔭ ᐸᒂᓯᑭᓇ ᐊᑎ ᐊᒋ ᒥᔪ ‍ ᐎᒐᐛᑭᓂᑕᔅᒃ ᐃᔭᐱᒡ ᒪᒃ ᒐᒃ ᒋᑭ ‍ ᐅᓂᐤ ᒐᒋ ᒥᔨᔅᒃ ᑕᓐ ᐊ ᐃᓯ ‍ ᓂᑐᐛᔨᑎᒧᑦ, ᐊᑲ ᐳᓂᐃᑕ ᐊ ‍ ᓂᑐᐛᔨᑎᒧᑦ᙮”
\p
\v 9 “ᐛᔅ ᒋᑦ ᐃᑎᓇᐛᐤ, ᓂᑐᑎᒪᒄ ᑕᓐ ᐊ ᐃᓯ ‍ ᓂᑐᐛᔨᑎᒪᒄ, ᒋᑭ ‍ ᒥᔨᑯᓇᐛᐤ ᒪᒃ, ᓇᓂᑐᐛᔨᒻ ᒋᓴᒪᓂᑐᐤ ᑭᔭ ᒐ ‍ ᒥᔅᑭᐎᑦ᙮ ᑎᑥᐛᐃᒐ ᔅᑐᐧᑭᓐ ᑭᔭ ᒐ ‍ ᔪᑕᓂᒪᑯᔨᓐ᙮
\v 10 ᐛᔅ ᑕᑐᐤ ᐊᐛᓐ ᑲ ‍ ᓂᑐᑎᒪᑦ ᒋᑭ ‍ ᒥᔭᑭᓄᐤ᙮ ᑭᔭ ᑕᑐᐤ ᐊᐛᓐ ᑲ ‍ ᓇᓂᑐᐛᔨᒪᑦ ᒋᓴᒪᓂᑐᐛ ᒋᑭ ‍ ᒥᔅᑯᐛᐤ, ᑭᔭ ᑕᑐᐤ ᐊᐛᓐ ᑲ ‍ ᑎᑥᐛᐃᒐᑦ ᒋᑭ ‍ ᔪᑕᓂᒧᐛᑭᓄᐤ᙮”
\p
\v 11 “ᒋᔨᐛᐤ ᐅᑕᐎᒪᐅᒡ, ᓂᑐᐛᔨᑎᒪᔅᒃ ᐊᓐ ᒋᑯᔅ ᓂᒪᓴ ᒋᐸ ᒋ ‍ ᐃᑎᓐ ᐊ ᒐᒋ ᒥᔨᑦ ᒋᓇᐱᒂ ?
\v 12 ᒪᒃ ᓂᑐᐛᔨᑎᒪᔅᒃ ᐛᐎᔪᐤ, ᒋᐸ ᒋ ‍ ᐃᑎᓐ ᐊ ᒐᒋ ᒥᔨᑦ ᒥᓐᑐᓴ ᐊ ‍ ᐱᒋᔅᑲᐛᔨᒋ ?
\v 13 ᐊᑎ ᐊ ‍ ᒥᒐᑎᓯᔭᒄ ᐃᔭᐱᒡ ᒋ ‍ ᒋᔅᒐᔨᑕᓇᐛᐤ ᒐᒋ ᒥᔪ ‍ ᒥᔭᑯᒡ ᒋᑦ ᐊᐛᓯᒧᐛᐅᒡ᙮ ᐊᑐᐎᔅ ᒪᒃ ᒍᑕᐎᐛᐤ ᒋᒋᒋᓯᑯᒡ ᐊ ‍ ᑕᑦ ᒋᔅᒐᔨᑎᒻ ᒐᒋ ᒥᔪ ‍ ᒥᔨᐛᑦ᙮ ᒥᔽᔨᑎᒻ ᐊ ‍ ᒥᔭᑦ ᐊᐛᔪᐛ ᑲ ‍ ᐸᔭᒋᓯᔨᒋ ᐊᒐᒂ ᐊᓂᔭ ᑲ ‍ ᓂᑐᑎᒪᑯᑦ᙮”
\s1 ᑕᓐᑕ ᑲ ‍ ᐅᑎᓇᐧᒃ ᒋᓴᔅ ᐅᒥᔅᑯᓯᐅᓐ
\r ᒪᑎᔪᐤ 12.22-30; ᒪᕐᒃ 3.20-27
\p
\v 14 ᒋ ‍ ᑕᐤ ᓇᐸᐤ ᓇᔅᒡ ᐊᒋ ‍ ᐃᑐᑕᑯᑦ ᒥᒋ ‍ ᐊᒐᐧᒄ ᒐ ᐊᑲ ᒋ ᑭᔅᒋᐅᑦ ᐊ ‍ ᐃᔨᒥᑦ᙮ ᐃᔅᐱ ᒪᒃ ᒋᓴᔅ ᑲ ‍ ᐎᐎᑎᓴᐛᑦ ᐊᓂᔭ ᒥᒋ ‍ ᐊᒐᒂ, ᐊᑯ ᒂ ᐅᒋ ‍ ᓂᑕᐛᑦ ᐊᓐ ᓇᐸᐤ᙮ ᐊᑯ ᐊᓐᒡ ᐃᔪᒡ ᓇᔅᒡ ᑕᑈ ᒋ ‍ ᒪᒥᔅᑲᑕᔨᑎᒥᐃᑯᐅᒡ ᐅᔭᔪᐤ᙮
\v 15 ᐊᑯ ᐱᔅᒐ ᒋ ‍ ᐃᑕᐅᒡ, “ᐊᓂᔭ ᒥᒋ ‍ ᐊᒐᐧᒄ ᐅᒋᒪᐛ ᐸᐃᓪᓯᐳᓪ ᐊᐅᑯᓐ ᐊᓂᔭ ᑲ ‍ ᒥᔨᑯᑦ ᒥᑕᐅᓂᔪᐤ ᒐᒋ ᐎᐎᑎᓴᐛᑦ ᒥᒋ ‍ ᐊᒐᒂ᙮”
\p
\v 16 ᑯᑎᑭᒡ ᒪᒃ ᒋ ᐎ ‍ ᑯᒂᒋᐊᐅᒡ ᒋᓴᓴ ᐊ ᐎ ᓇᓂᑐ ᒋᔅᒐᔨᑎᒺᒡ ᑕᓐᑕ ᐛᒋᐱᔨᒡ ᐊᓂᔭ ᐅᒥᔅᑯᓯᐅᓂᔪᐤ᙮ ᐊᑯ ᒂ ‍ ᐃᑕᒡ ᒐᒋ ᐛᐸᑎᔨᑯᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ ᒋᓴᒪᓂᑐᐛ ᐊ ‍ ᑕᔨᒋ ᐊ ‍ ᐅᒋᐱᔨᒡ᙮
\p
\v 17 ᒋᓴᔅ ᒪᒃ ᒋ ‍ ᒋᔅᒐᔨᒪᐤ ᑕᓐ ᐊ ᐃᓯ ‍ ᒪᒥᑐᓇᔨᑎᒥᔨᒋ, ᐊᑯ ᒂ ‍ ᐃᑕᑦ, “ᒪᓯᐃᑐᑥᐛ ᐊᐛᓐᒋ ᐊᓐᑕ ᐊ ‍ ᒥᓴᒡ ᐊᔅᒋᒡ ᑲ ‍ ᑕᒡ ᒋᑭ ‍ ᓂᓱᐅᓇᒋᐃᑐᐅᒡ᙮ ᒧᔭᒻ ᑕᓐ ᐊ ‍ ᐃᓯᓇᒂᒡ ᐸᐃᒄ ᐅᑕᓇᐤ ᐊᐛᓐᒋ ᐊ ‍ ᒥᒋᐱᔨᒡ ᓇᒪ ᒋᑭ ᐅᒋ ‍ ᒋᐧᑲᐛᒋᐱᔪᒡ ᑭᔭ ᒋᑭ ᒋ ‍ ᓂᓱᐅᓇᒋᐃᑐᐅᒡ᙮
\v 18 ᐊᓐᒡ ᒪᒃ ᑲ ‍ ᓇᓴᐛᒡ ᒥᒋᒥᓂᑐᐛ, ᒪᓯᐧᑲᑐᑥᐛ ᒪᒃ, ᒥᒋᒥᓂᑐᐤ ᐅᒋᓴᐅᒋᒪᐅᓐ ᒋᑭ ‍ ᓂᓱᐅᓇᒋᑕᑭᓄᐅᔪᐤ᙮ ᐊᐅᒄ ᒪᒃ ᒋᐸ ‍ ᐃᔅᐱᔪᐤ ᑕᑈ ᐸᐃᓪᓯᐳᓪ ᐸᒋ ‍ ᒥᔨᑦ ᒥᑕᐅᓂᔪᐤ ᒐᒋ ᐊᐱᒋᑕᐅᒡ ᒐᒋ ᐎᐎᑎᓴᐅᒂᐤ ᒥᒋ ‍ ᐊᒐᐧᑯᒡ᙮
\v 19 ᑕᑈ ᐸᐃᓪᓯᐳᓪ ᐅᒥᑕᐅᓐ ᐊᐱᒋᑕᐛᐅᒐ ᐊ ‍ ᐎᐎᑎᓴᐅᒂᐤ ᒥᒋ ‍ ᐊᒐᐧᑯᒡ, ᑭᔭ ᒋᑦ ᐃᔨᒧᐛᐅᒡ ᐊ ‍ ᐎᐎᑎᓴᐛᒡ ᒥᒋ ‍ ᐊᒐᒂ, ᐊᐛᔪᐛ ᒪᒃ ᑲ ‍ ᐎᒋᐃᑯᒡ ᐎᔨᐛᐤ ᐅᔭ ᒐᒋ ᐃᑎᒡ᙮ ᒋᑭ ᒋ ‍ ᐎᑎᒪᑯᐛᐅᒡ ᑕᑈ ᐊ ‍ ᑭᑭᒋᔭᔭᒄ ᐊᓐ ᐊ ‍ ᐃᔅᒋᔄᔭᒄ ᒥᒋᒥᓂᑐᐤ ᐊ ‍ ᐎᒋᐊᑦ ᐊᐛᔪᐛ ᒐᒋ ᐎᐎᑎᓴᐛᔨᒋ ᒥᒋ ‍ ᐊᒐᒂ᙮
\v 20 ᐛᔅ ᓇᒪᔭᐤ ᐊᓐ ᑲ ‍ ᓂᑲᓂᔅᑯᐛᑦ ᒥᒋ ‍ ᐊᒐᒂ ᒪᔨᑦ ᒐᒋ ᐎᐎᑎᓴᐅᒂᐤ ᒥᒋ ‍ ᐊᒐᐧᑯᒡ᙮ ᒋᓴᒪᓂᑐᐤ ᐊᐅᒄ ᑲ ᐸᒋ ‍ ᒥᔨᑦ ᑭᔅᒋᐅᓂᔪᐤ ᒐᒋ ᐎᐎᑎᓴᐅᒥᒋ ᒥᒋ ‍ ᐊᒐᒂ᙮ ᐊᑯᑕ ᒪᒃ ᐛᒋ ‍ ᐛᐸᑎᔨᑯᔭᒄ ᑕᑈ ᒋᓴᒪᓂᑐᐤ ᐅᒋᓴᐅᒋᒪᐅᓐ ᓴᔅ ᓇᔅᒡ ᐊ ‍ ᐅᑎᑕᐅᑯᐛᒄ᙮”
\p
\v 21 “ᐊ ‍ ᓱᒋᓯᑦ ᓇᐸᐤ ᒥᓯᐛ ᐃᓯ ᐊᔭᔅᑯᔅᑕᔪᐛ ᐅᓂᑐᐱᔪᐅ-ᐊᐱᒋᑕᐅᓇ ᐊ ‍ ᓂᓇᑭᑐᐛᔨᑕᐧᒃ ᐎᒡ ᑭᔭ ᒥᓯᐛ ᐊ ᐃᓯ ‍ ᑎᐱᔨᐛᐅᓯᑦ, ᓇᒪ ᐊᐛᔪᐛ ᒋᑭ ᒋ ‍ ᐱᔅᒐᔨᑎᒥᔪᐛ ᐊᓂᔭᔪᐛ ᐅᑦ ᐊᐱᒋᑕᐅᓇ᙮
\v 22 ᐅᑎᑎᑯᑦ ᒪᒃ ᐊᐛᔪᐛ ᐅᔅᑕ ᐊ ‍ ᓱᒋᓯᔨᒋ ᐃᔅᐱᔅ ᐎᔾ ᒋᑭ ᒋ ‍ ᓴᐧᑯᒋᐃᑯᐤ᙮ ᐊᑯ ᒪᒃ ᒥᓯᐛ ᒐ ‍ ᐅᑎᓂᒥᔨᒋ ᐊᓂᔭᔪᐛ ᐅᓂᑐᐱᔪᐅ-ᐊᐱᒋᑕᐅᓇ ᐊᓂᔭ ᑲ ᐎ ᐃᓯ ‍ ᒪᒥᓯᑐᑕᐧᒃ ᒐᒋ ᐅᒋ ‍ ᑭᓄᐛᔨᒥᑎᓱᑦ᙮ ᐊᑯ ᒪᒃ ᒥᓯᐛ ᐊᓂᔭ ᑕᓐ ᑲ ᐃᓯ ‍ ᐊᔭᑦ, ᒥᓯᐛ ᒋᑭ ᐃᓯ ‍ ᒪᑎᓄᐛᐱᔨᑕᔪᐛ᙮”
\p
\v 23 ᒋᓴᔅ ᒥᓐ ᒋ ‍ ᐃᔅᒋᔄᐤ, “ᐊᓐ ᐊᐛᓐ ᐊᑲ ᐸᒋ ‍ ᐎᒋᐃᑦ, ᓂ ‍ ᓂᔅᑯᔅᑕᒄ᙮ ᐊᐛᓐ ᐊᑲ ᐎᒋᐃᑦ ᐊ ‍ ᒪᒧᓴᒋᓂᒐᐅᒡ ᐃᒐᑎᓴᐃᒐᐤ ᐃᓯᓇᑯᓱᐤ᙮”
\s1 ᑲ ᐸᒋ ‍ ᒋᐛᑦ ᒥᒋ ‍ ᐊᒐᐧᒄ
\r ᒪᑎᔪᐤ 12.43-45
\p
\v 24 ᐊᑯ ᒋᓴᔅ ᒥᓐ ᒂ ‍ ᐃᔅᒋᔄᑦ, “ᐃᔅᐱ ᐊᒋ ‍ ᐎᐎᑦ ᒥᒋ ‍ ᐊᒐᐧᒄ ᐱᒡ ᐊᐛᔪᐛ ᐊ ‍ ᑕᔨᒋ ᐅᒋ ᐊᓐᑕ ᐊ ‍ ᐸᒂᔨᒡ ᐱᐸᑕᐤ ᐊ ‍ ᓇᓂᑐᐛᐸᑕᐧᒃ ᑕᓐᑕ ᒐᒋ ᐊᔅᑕᔭᔅᑯᓯᑦ᙮ ᐊᑲ ᒪᒃ ᒪᔅᑲᐧᒃ ᐊᑯ ᐊ ‍ ᐃᑎᓱᑦ, ‘ᓂᑭ ‍ ᒋᐛ ᓇᓂᑐᐛᐱᒪᐤ ᐊᓐ ᓇᐸᐤ ᑲ ‍ ᓂᑭᑎᒃ᙮ ᐊᓂᔭ ᒪᒃ ᓇᐸᐛ ᒧᔭᒻ ᒥᒋᐛᑉ ᐊᐅᒄ ᐊ ‍ ᐃᓯᓇᑯᓯᔨᒋ᙮’
\v 25 ᑭᑈ ᑲᐤ ᐊ ᐃᓯ ‍ ᒋᐛᑦ ᐊᓐ ᒥᒋ ‍ ᐊᒐᐧᒄ ᐊ ‍ ᓇᓂᑐᐛᔨᑕᐧᒃ ᐊᓐᑕ ᑲ ᐅᒋ ‍ ᐎᐎᑦ ᒥᒋᐛᐱᔪᐤ᙮ ᐃᔅᐱ ᒪᒃ ᐸᒐᑦ ᐊᑯ ᒪᔅᑲᐧᒃ ᓇᔅᒡ ᐊ ‍ ᐸᔭᒋᓇᑯᓂᔨᒡ ᑭᔭ ᓇᔅᒡ ᐊ ‍ ᒥᔪᓇᑯᓂᔨᒡ᙮
\v 26 ᐅᔭ ᒪᒃ ᐎᔭᐸᑕᐧᒃ ᐊ ‍ ᐃᓯᓇᑯᓂᔨᒡ ᐊᑯ ᒐ ‍ ᔅᑐᑕᑦ, ᓂᔭᓂᑐᐛᔨᒪᑦ ᓂᔄᐅᑕᒡ ᒥᒋ ‍ ᐊᒐᒂ ᐅᔅᑕ ᐊ ‍ ᐃᑕᔨᑕᑯᓯᔨᒋ ᐊ ‍ ᐃᑕᔨᑕᑯᓯᑦ ᐎᔾ ᒐᒋ ᐎᒋᒥᑯᑦ ᐊᓐᑕ ᐊᓂᔭ ᓇᐸᐛ ᐱᒡ ᐊ ‍ ᑕᔨᒋ᙮ ᐊᑯ ᒪᒃ ᐊᓐ ᓇᐸᐤ ᐊᑐᐎᔅ ᒋᑭ ‍ ᐃᑕᔨᑕᑯᐃᑯᐤ ᐊᓂᔭ ᓂᔄᐅᑕᒡ ᒥᒋ ‍ ᐊᒐᒂ ᑕᓐ ᑲ ‍ ᐃᑕᔨᑕᑯᐃᑯᑦ ᓂᔅᑎᒻ, ᒥᒄ ᐊᒋ ‍ ᐸᐃᑯᓯᔨᒋ᙮”
\s1 ᐃᔎᐤ ᑲ ‍ ᐊᔨᒧᒪᑦ ᒋᓴᓴ ᐅᑲᐎᔪᐛ
\p
\v 27 ᒪᒂᒡ ᐅᔭ ᐊ ‍ ᐃᔨᒥᑦ ᒋᓴᔅ, ᐃᔎᐤ ᐊᓐᑕ ᐊ ‍ ᑕᑦ ᐊᓂᔭ ᐊ ‍ ᒥᒐᑎᓇᓄᐎᒡ ᒋ ᐅᒋ ‍ ᑕᑈᐤ ᐊ ‍ ᐃᔅᒋᔄᑦ, “ᑕᑈ ᓱᐛᔨᑕᑯᓱᐤ ᐊᓐ ᐃᔎᐤ ᐊᓐᑕ ᐊ ‍ ᑕᑦ ᑲ ᐅᒋ ‍ ᓂᑕᐅᒋᔨᓐ ᑭᔭ ᑲ ‍ ᓄᓴᓂᐃᔅᒃ᙮”
\p
\v 28 ᐊᑯ ᒋᓴᔅ ᒂ ‍ ᐃᑕᑦ, “ᓂᐦᐃ, ᑕᑈ, ᒥᒄ ᒪᒃ ᐅᔅᑕ ᓱᐛᔨᑕᑯᓱᐅᒡ ᐊᓐᒡ ᑲ ‍ ᐸᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᔪᐤ ᑭᔭ ᑲ ‍ ᓂᓇᐃᑎᒧᐛᒡ᙮”
\s1 ᐃᔪᒡ ᑲ ‍ ᓂᑐᐛᔨᑕᒡ ᒧᔅ ᒐᒋ ᐛᐸᑎᔭᑭᓄᐎᒡ ᒪᒥᔅᑲᒡ ᒐᒂᔪᐛ
\r ᒪᑎᔪᐤ 12.38-42
\p
\v 29 ᐊᑯ ᒪᒃ ᐊᑐᐎᔅ ᒥᒐᑦ ᐊᐛᔪᐛ ᑲ ᐸᒋ ‍ ᓂᑐᑕᑯᑦ ᒋᓴᔅ᙮ ᒂ ‍ ᐃᑕᑦ, “ᐊᓄᒡ ᐃᔪᒡ ᑲ ‍ ᐱᒪᑎᓯᒡ ᓇᔅᒡ ᑕᑈ ᒥᒐᑎᓯᐅᒡ᙮ ᑯᒂᒋᒐᒧᐅᒡ ᒐᒋ ᐛᐸᑎᔭᑭᓄᐎᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ᙮ ᓇᒪ ᒪᒃ ᒋᑭ ᐅᒋ ‍ ᐛᐸᑎᔭᑭᓄᐎᒡ᙮ ᒥᒄ ᐊᓂᔭᔪᐛ ᑕᓐ ᑲ ᐃᓯ ‍ ᒪᒥᔅᑲᒡ ᐃᔅᐱᔨᒋ ᐊᓂᔭ ᐅᒋᔅᒋᐛᐃᒐᓱᐛ ᒍᓇᔨᒋ ᐊᐅᒄ ᒥᒄ ᐊᓂᔭ ᒐ ‍ ᐛᐸᑎᔭᑭᓄᐎᒡ᙮
\v 30 ᒍᓇ ᒋ ‍ ᐃᑎᓴᐅᑯᐤ ᒋᓴᒪᓂᑐᐛ ᐊᓐᑕ ᓂᓇᐸ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᒐᒋ ᐃᔭᒂᒥᒪᑦ ᐊᓂᔭᔪᐛ ᐃᔪᐛ ᐊᓐᑕ ᑲ ‍ ᑕᔨᒋ ᒐᒋ ᒂᔅᑲᑎᓯᔨᒋ᙮ ᐊᐅᑯᓐ ᒪᒃ ᒧᔭᒻ ᑭᔭ ᐃᔪᐤ ᐅᑯᓯᓴᓐ ᐛᒋ ‍ ᐃᑎᓴᐛᑭᓄᐅᑦ ᐊᓐᑕ ᐊᓄᒡ ᑲ ‍ ᐱᒪᑎᓯᔨᒋ ᐃᔪᐛ ᐊ ‍ ᑕᔨᒋ᙮
\v 31 ᐃᔅᐱ ᒪᒃ ᑎᐸᔅᑯᓂᒐᐅ ᒋᓯᒄ ᐅᑎᒋᐱᔨᒐ, ᐊᓂᔭ ᒋᓴᐅᒋᒪᔎᐤ ᓴᐅᓄᑕᒡ ᑲ ‍ ᑎᐸᔨᒋᒐᑦ ᒋᑭ ᐅᒋ ‍ ᐱᓯᑯᐤ ᒐ ‍ ᓂᓱᐅᓇᒋᒪᑦ ᐊᓂᔭ ᐃᔪᐛ ᐊᓄᒡ ᑲ ‍ ᐱᒪᑎᓯᔨᒋ᙮ ᐛᔅ ᐎᔾ ᓇᔅᒡ ᑕᑈ ᐛᔪᐤ ᒋ ‍ ᐅᑐᑕᐤ ᒥᒄ ᒐᒋ ᓂᑐᑎᒺᑦ ᐊᓂᔭ ᒋᓴᐅᒋᒪᐛ ᓴᓚᒥᓇ ᐅᑭᒐᑕᐛᔨᑎᒧᐅᓂᔪᐤ᙮ ᑕᐤ ᒪᒃ ᐅᑕ ᐊᐛᓐ ᐅᔅᑕ ᐊ ‍ ᐃᑕᔨᑕᑯᓯᑦ ᐃᔅᐱᔅ ᓴᓚᒥᓇ, ᓇᒪ ᒪᒃ ᐊᐱᓯᑐᐛᑭᓄᐤ᙮
\p
\v 32 ᐃᔅᐱ ᒪᒃ ᑎᐸᔅᑯᓂᒐᐅ ᒋᓯᑲᒐ, ᐊᓂᔭᐧᑲ ᐃᔪᒡ ᐊᓐᑕ ᓂᓇᐸᒡ ᑲᒋ ‍ ᑕᒡ ᒋᑭ ‍ ᐅᐱᑲᐳᐅᒡ ᒐ ‍ ᐃᔅᒋᔄᒡ ᒐᒋ ᐛᐛᓯᐃᑯᐛᒄ ᒋᔨᐛᐤ ᐊᓄᒡ ᑲ ‍ ᐱᒪᑎᓯᔭᒄ᙮ ᐛᔅ ᐊᑯᑕ ᑲ ᐅᒋ ‍ ᒂᔅᑲᑎᓯᒡ ᐃᔅᐱᔅ ᑲ ‍ ᐸᑐᐛᒡ ᒍᓇᔨᒋ ᐊ ‍ ᑭᒐᔅᒋᒧᔨᒋ᙮ ᑕᐤ ᒪᒃ ᐊᐛᓐ ᐅᑕ ᐅᔅᑕ ᐊ ‍ ᐃᑕᔨᑕᑯᓯᑦ ᐃᔅᐱᔅ ᒍᓇᔨᒋ᙮”
\s1 ᐛᔅᑕᓂᐱᒪᑭᓐ
\r ᒪᑎᔪᐤ 5.15; 6.22,23
\p
\v 33 “ᓇᒪ ᐊᐛᓐ ᓯᔅᑲᐊᒻ ᐛᔅᑕᓂᐱᒪᑭᓂᔪᐤ ᑭᔭ ᒐᒋ ᑲᑕᑦ, ᒪᒃ ᓂᑎᒥᒄ ᒐᒋ ᐊᑯᓇᐊᐧᒃ᙮ ᐊᔅᑕᐤ ᐊᓐᑕ ᒥᓯᐛ ᐊᐛᓐ ᐊ ᐸᒋ ‍ ᐱᒐᑦ ᒐᒋ ᐛᐸᑕᐧᒃ ᐊ ‍ ᐛᔅᑕᔨᒡ᙮
\v 34 ᒋᔅᒋᓯᒂ ᐊᔪᐅᒄ ᐅᔭ ᐅᐛᔅᑕᓂᐱᒪᑭᓇ ᒋᔪᐤ᙮ ᐊ ‍ ᒥᔽᒡ ᒋᔅᒋᓯᒄ ᓇᔅᒡ ᐛᔅᑕᐤ ᒋᔭᒡ ᒥᒄ ᒪᒃ ᐊᑲ ᒥᔽᒐ ᒋᔅᒋᓯᒄ ᓇᔅᒡ ᑕᑈ ᐅᑲᔅᑕᔭᐤ ᒋᔭᒡ᙮
\v 35 ᐃᔭᒂᒥ ᒐ ᐊᑲ ᒋ ᑎᒂᒡ ᒋᐱᒪᑎᓯᐅᓂᒡ ᐅᓂᑎᐱᔅᒋᓯᐅᓐ, ᐊᓐᑕ ᒋᐸ ‍ ᑎᒂᓐ ᐛᔅᑕᐅᓐ᙮
\v 36 ᐊᐛᓐ ᒪᒃ ᓇᔅᒡ ᐎᔭᔅᑐᐛᒂ ᐊᑲ ᓇᔅᒡ ᐃᔭᒂ ᐅᓂᑎᐱᔅᒋᓯᐅᓂᔪᐤ ᐅᐱᒪᑎᓯᐅᓂᒡ, ᑕᑈ ᓇᔅᒡ ᒋᑭ ‍ ᐛᔅᑐᐛᐤ, ᒧᔭᒻ ᑲᒋ ‍ ᐃᓯᓇᑯᓯᑦ ᐊᐛᓐ ᐛᔅᑕᓂᐱᒪᑭᓂᔪᐤ ᐊ ‍ ᒋᐧᑲᓱᑯᑦ᙮”
\s1 ᒋᓴᔅ ᑲ ᐃᓯ ‍ ᐊᓏᔨᒪᑦ ᐸᕆᓯᐊ ᑭᔭ ᐊᓂᔭᔪᐛ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᔨᒋ
\r ᒪᑎᔪᐤ 23.1-36; ᒪᕐᒃ 12.38-40
\p
\v 37 ᐃᔅᐱ ᑲᒋ ᐃᓯ ‍ ᐃᔨᒥᑦ ᒋᓴᔅ, ᐸᐃᒄ ᐸᕆᓯᐊ ᒋ ‍ ᐎᓴᒥᑯᐤ ᒐᒋ ᐎᒋᒥᒋᓱᒪᑦ᙮ ᐊᑯ ᒋᓴᔅ ᒂ ‍ ᐃᑐᑕᑦ ᐊᓐᑕ, ᑲ ‍ ᐎᒋᒥᒋᓱᒪᑦ ᐊᓂᔭ ᐸᕆᓯᐊ᙮
\v 38 ᒋ ‍ ᒥᔅᑲᑕᔨᑎᒻ ᐊᓐ ᐸᕆᓯ ᐊᑲ ᐅᒋ ᑲᓯᑎᒐᔨᒋ ᒋᓴᓴ ᐊᔅᒄ ᐊᑲ ᒥᒋᓱᔨᒋ᙮ ᐛᔅ ᐊᐅᑯᓐ ᑲᒋ ‍ ᐃᑎᓇᓄᐎᒡ ᒪᓐ᙮
\p
\v 39 ᐊᑯ ᒋᓴᔅ ᒂ ‍ ᐃᑕᑦ, “ᒋᔨᐛᐤ ᐸᕆᓯᔨᒡ, ᓇᔅᒡ ᐃᔭᒂ ᐊ ‍ ᐃᑕᔨᑎᒥᐃᑯᔭᒄ ᒋᐎᔭᑭᓄᐛᐛ ᑭᔭ ᒋᒥᓂᒂᑭᓄᐛᐛ ᒐᒋ ᐸᔭᐧᑲᒋ᙮ ᒥᒄ ᒪᒃ ᐊᐅᑯᓐ ᒋᒋᐛ ᐊ ‍ ᐃᑕᔨᑕᑯᓯᔭᒄ ᓇᔅᒡ ᐊ ‍ ᒥᒐᑎᓯᔭᒄ ᑭᔭ ᓇᔅᒡ ᐊ ‍ ᒥᒋᑐᑎᒪᒄ᙮
\v 40 ᓇᒪᐎᔾ ᐊ ᒋ ‍ ᓂᔅᑐᑕᓇᐛᐤ, ᒋᓴᒪᓂᑐᐤ ᑲ ‍ ᐅᓯᑕᑦ ᒥᔭᔪᐤ ᒋ ‍ ᐅᓯᑕᐤ ᑭᔭ ᐊᓂᔭ ᐱᒡ ᑕᓐ ᐊ ‍ ᐃᓯᓇᑯᓂᔨᒡ᙮
\v 41 ᒂᔅᑲᑎᓯᒄ, ᐳᓂᒄ ᐊᓐ ᐊ ‍ ᐃᑎᔭᒄ ᒥᒄ ᒋᔨᐛᐤ ᐊ ᐎ ‍ ᐊᔭᔭᒄ ᒐᒂᓐ᙮ ᒥᔭᐧᑯᒡ ᐊᓐᒡ ᑲ ‍ ᒋᔅᑎᒪᑎᓯᒡ ᑕᓐ ᐊ ᐃᓯ ‍ ᓂᑐᐛᔨᑕᒡ᙮ ᐊᑯ ᒪᒃ ᒐ ‍ ᐸᔭᒋᓇᒂᒋ ᒋᐱᒪᑎᓯᐅᓄᐛᐤ᙮”
\p
\v 42 “ᒐᒂᓐ ᒋᑭ ᐃᓯ ‍ ᒥᒋᐱᔨᓇᐛᐤ ᒋᔨᐛᐤ ᐸᕆᓯᔨᒡ, ᓇᔅᒡ ᐃᔭᒂ ᒋ ‍ ᓂᓇᑭᑐᐛᔨᑕᓇᐛᐤ ᐊ ᐃᓯ ‍ ᐸᒂᓂᒺᒄ ᒋᓴᒪᓂᑐᐤ ᑕᓐ ᐊ ᐃᓯ ‍ ᓂᑕᐅᒋᑕᔭᒄ ᓂᑕᐅᒋᑕᑭᓂᓴ᙮ ᒥᔽᐤ ᑭᑈ ᐊᓐ ᐊ ‍ ᐃᑐᑎᒪᒄ᙮ ᒥᒄ ᒪᒃ ᓇᒪ ᒥᔽᐤ ᐊᑲ ᑯᐃᔅᒄ ᐃᑐᑐᐛᑯᒡ ᑯᑎᑭᒡ ᐊᐛᓐᒋ ᑭᔭ ᐊᑲ ᓴᒋᐊᒄ ᒋᓴᒪᓂᑐᐤ᙮
\v 43 ᒐᒂᓐ ᒋᑭ ᐃᓯ ‍ ᒥᒋᐱᔨᓇᐛᐤ ᒋᔨᐛᐤ ᐸᕆᓯᔨᒡ᙮ ᐛᔅ ᓇᔅᒡ ᐊᓐᑕ ᐊ ‍ ᒋᔅᑕᔨᑕᒂᒡ ᒍᐤ ᐊᔭᒥᐊᐅᒋᐛᐱᒡ ᐊᑯᑕ ᐛ ᐊᐃᓱᔭᒄ ᑭᔭ ᓇᔅᒡ ᐊ ‍ ᓂᑐᐛᔨᑎᒪᒄ ᒐᒋ ᒋᔅᑕᔨᒥᑯᔭᒄ ᐊ ‍ ᐛᒋᔭᒥᑯᔭᒄ ᐸᐸᒧᑕᔭᑯ ᐊᓐᑕ ᑲᒋ ‍ ᒥᒐᑎᓇᓄᐅᒡ ᐊ ‍ ᐊᑕᐛᓄᐅᒡ᙮”
\p
\v 44 “ᒐᒂᓐ ᒋᑭ ᐃᓯ ‍ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ‍ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ‍ ᐊᔭᒥᐊᐧᑲᓱᔭᒄ, ᐛᔅ ᐊᐅᑯᓐ ᐊ ‍ ᐃᓯᓇᑯᓯᔭᒄ ᒧᔭᒻ ᓂᒂᔅᑲᓐ ᐊᑲ ᐅᒋ ᒋᔅᒋᓄᐛᒋᑕᑭᓄᐅᒡ᙮ ᐃᔪᒡ ᑕᐧᑯᔅᑲᑕᒧᒡ ᐊᑲ ᒋᔅᒐᔨᑕᒡ ᒐᒂᔪᐤ ᐊᓐᑕ ᑕᒥᒡ ᐊ ‍ ᑎᑯᓂᔨᒡ᙮”
\p
\v 45 ᐸᐃᒄ ᑲ ‍ ᒋᔅᑯᑎᒪᒐᑦ ᐊᔭᒥᐊᐅ ᐎᓱᐛᐅᓂᔪᐤ ᒋ ‍ ᐃᑕᐤ, “ᒋᔅᑯᑎᒪᒐᓱᐤ, ᐅ ᐊ ‍ ᐃᔅᒋᔄᔨᓐ, ᒋ ‍ ᒪᔭᔨᒥᓇᓐ ᑭᔭ ᓂᔭᓐ᙮”
\p
\v 46 ᒋᓴᔅ ᒋ ‍ ᐃᑕᐤ, “ᒐᒂᓐ ᒋᑭ ᐃᓯ ‍ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ‍ ᒋᔅᑯᑎᒪᒐᔭᒄ, ᒋ ‍ ᐱᑯᓴᔨᒪᐛᐅᒡ ᐃᔪᒡ ᒐᒋ ᓂᓇᐃᑕᒡ ᐊᓂᔭ ᐊᔭᒥᐊᐅ ᐎᓱᐛᐅᓇ ᒋᔨᐛᐤ ᑲ ‍ ᐅᓯᑕᔭᒄ, ᓇᔅᒡ ᑲ ‍ ᐊᔨᒥᐃᑯᒡ ᒐᒋ ᓂᓇᐃᑕᒡ᙮ ᒥᓯᒥᔅᑲᑯᐅᒡ ᐊᑲ ᒪᒃ ᐛᐛᒡ ᐎ ᐎᒋᐊᑯᒡ᙮”
\p
\v 47 “ᒐᒂᓐ ᒋᑭ ᐃᓯ ‍ ᒥᒋᐱᔨᓇᐛᐤ᙮ ᓇᔅᒡ ᔅᒋ ‍ ᒥᔪᑕᓇᐛᐤ ᐊᓐᑕ ᑲ ‍ ᓂᒂᔅᑲᑕᑭᓄᐅᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮ ᐊᓂᔭᐧᑲ ᒪᒃ ᒍᑕᐎᐛᐅᒡ ᐊᒋ ‍ ᓂᐸᐊᒡ ᐅᔭ᙮
\v 48 ᒋ ‍ ᐛᐸᑎᔨᐛᓇᐛᐤ ᒪᒃ ᐊ ‍ ᓇᐊᔨᑎᒺᒄ ᐅᔭ ᐊᒋ ‍ ᐃᑎᒡ ᒍᑕᐎᐛᐅᒡ᙮ ᐎᔨᐛᐤ ᒋ ‍ ᓂᐸᐊᐅᒡ ᐅᔭ ᐅᒋᔅᒋᐛᐃᒐᓱᐛ ᒋᔨᐛᐤ ᒪᒃ ᔅᒋ ‍ ᒥᔪᓇᑯᑕᓇᐛᐤ ᐊᓐᑕ ᑲ ‍ ᓂᒂᔅᑲᑕᑭᓄᐅᒡ᙮
\v 49 ᐊᐅᒄ ᒪᒃ ᐛᒋ ‍ ᐃᔅᒋᔄᑦ ᑲ ‍ ᑭᒐᑕᐛᔨᑕᐧᒃ ᒋᓴᒪᓂᑐᐤ, ‘ᓂᑭ ‍ ᐃᑎᓴᐊᒧᐛᐅᒡ ᐊᓐᒡ ᐃᔪᒡ ᐅᒋᔅᒋᐛᐃᒐᓱᐛ, ᑭᔭ ᐊᑈᔅᑕᓇ᙮ ᒥᒄ ᒪᒃ ᐱᔅᒐ ᒋᑭ ‍ ᓂᐸᐊᐅᒡ, ᑭᔭ ᑯᑎᑲ ᒋᑭ ‍ ᓂᓇᐧᑲᒋᐊᐅᒡ᙮’ ᐊᐅᒄ ᒪᒃ ᑲ ‍ ᐃᔅᐱᔨᒡ ᐅᔭ ᑲ ‍ ᐃᔅᒋᔄᑦ ᒋᓴᒪᓂᑐᐤ᙮
\v 50 ᐊᑯ ᒪᒃ ᐊᓐᒡ ᐃᔪᒡ ᐊᓄᒡ ᑲ ‍ ᐱᒪᑎᓯᒡ, ᐎᔨᐛᐤ ᒋᑭ ‍ ᑎᐸᔅᑯᓇᑭᓄᐎᒡ ᑕᓐ ᑲ ‍ ᐃᔅᐱᔅ ᐸᒋ ‍ ᓂᐸᐊᑭᓄᔨᒋ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑲ ᐃᔅᐱᔅ ‍ ᑎᒂᒡ ᐅ ᐊᔅᒋᔾ,
\v 51 ᐊᓐᑕ ᐊᓂᔭ ᐅᒋᔅᒋᐛᐃᒐᓱᐤ ᐊᐳᓪ ᑲ ‍ ᐃᓯᓂᐧᑲᓱᑦ ᐊ ᐅᒋ ‍ ᒋᒋᐱᔨᒡ ᐊᓐᑕ ᒪᒃ ᐃᔅ ᐊᓂᔭ ᓴᑲᕋᔭ ᑕᓐ ᑲ ᐃᓯ ‍ ᓂᐸᐊᑭᓄᐅᑦ᙮ ᐱᑎᑭᒥᒡ ᒋᓴᐊᔭᒥᐊᐅᒋᐛᐱᒡ ᒋ ‍ ᓂᐸᐊᑭᓄᐤ ᓴᑲᕋᔭ ᑎᔅᑐᐎᒡ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒪᒃ ᒪᐅᒡ ᐊ ‍ ᐸᔭᒐᔨᑕᒂᒡ ᒋᓴᐊᔭᒥᐊᐅᒋᐛᑉ᙮ ᓂᐦᐃ, ᑕᑈ ᒋᑦ ᐃᑎᓇᐛᐤ, ᐊᓐᒡ ᐃᔪᒡ ᑲ ‍ ᐱᒪᑎᓯᒡ ᐊᓄᒡ ᐎᔨᐛᐤ ᒋᑭ ‍ ᐊᓂᔅᒐ ᒪᑎᑯᔅᑲᑯᒡ ᒥᓯᐛ ᐊᓂᔭ ᑕᓐ ᑲ ᐃᓯ ‍ ᐅᓂᑐᑐᐛᑭᓄᐎᒡ᙮”
\p
\v 52 “ᒐᒂᓐ ᒋᑭ ᐃᓯ ‍ ᒥᒋᐱᔨᓇᐛᐤ ᒋᔨᐛᐤ ᑲ ‍ ᒋᔅᑯᑎᒪᒐᔭᒄ ᐎᓱᐛᐅᓐ᙮ ᒋ ‍ ᓂᑲᐛᐛᐅᒡ ᐊᐛᓐᒋ ᒐᒋ ᒋᔅᒐᔨᒪᒡ ᑭᔭ ᒐᒋ ᑕᑈᔭᔨᒪᒡ ᒋᓴᒪᓂᑐᐛ᙮ ᒋᔨᐛᐤ ᓇᒪ ᒋ ᐎ ‍ ᐱᒐᓇᐛᐤ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑭᔭ ᒋ ‍ ᓂᑲᐛᐛᐅᒡ ᐊᓐᒡ ᐊᐛᓐᒋ ᑲ ᐎ ‍ ᐱᒐᒡ᙮ ᒧᔭᒻ ᐊᐛᓐ ᐊ ‍ ᐅᑎᓇᐧᒃ ᐊᓂᔭ ᐊᐸᐃᑭᓂᔪᐤ ᒐ ᐊᑲ ᒋ ᐱᒐᔨᒋ ᐊᐛᔪᐛ ᐊᓐᑕ ᒋᓴᒪᓂᑐᐛ ᐊ ‍ ᐅᒋᒪᐎᔨᒋ ᐊᐅᒄ ᐊ ‍ ᐃᓯᓇᑯᓯᔭᒄ᙮”
\p
\v 53 ᐃᔅᐱ ᒪᒃ ᐊ ᐊᑎ ‍ ᔅᑐᑕᑦ ᒋᓴᔅ ᐊᓐᑕ, ᐊᑯ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐊᓐᒡ ᐸᕆᓯᔨᒡ ᒋ ‍ ᒋᔄᐃᑯᐅᒡ᙮ ᓇᔅᒡ ᒪᒃ ᓱᒃ ᐃᔭᐱᒡ ᒋ ‍ ᑯᒂᒋᒪᐅᒡ ᑯᑎᑲ ᒐᒂᔪᐛ
\v 54 ᐊ ᐎ ‍ ᓇᓂᑐᐤ ᑯᒋᐊᒡ ᒐᒂᔪᐤ ᒐᒋ ᐅᓂᐃᔅᒋᔄᔨᒋ ᒐᒋ ᐅᒋ ‍ ᒪᒥᓯᒪᒡ᙮
\c 12
\s1 ᒋᓴᔅ ᑲ ‍ ᐃᔭᒂᒥᒪᑦ ᐅᒋᔅᒋᓄᐊᒧᐛᑭᓇ ᐸᕆᓯᐊ ᐅᑦ ᐊᔭᒥᐊᐧᑲᓱᐅᓂᔪᐤ
\r ᒪᑎᔪᐤ 10.26,27
\p
\v 1 ᒪᒂᒡ ᒪᒃ ᐊᓐ ᐊ ‍ ᐃᑎᓇᓄᐅᒡ, ᒥᒐᑥᐤ ᒐᓯᐱᔪᐤ ᐃᔪᒡ ᒋ ‍ ᐛᔅᑲᑲᐳᐅᒡ ᐊ ‍ ᓂᑐᑐᐛᒡ ᒋᓴᓴ᙮ ᐊᓂᔭ ᐊ ᐃᔅᐱᔅ ‍ ᒥᒐᑎᒡ ᓇᔅᒡ ᒋ ‍ ᑎᑎᑯᐃᔅᑕᔅᑲᑐᒡ᙮ ᓂᔅᑎᒻ ᒪᒃ ᒋᓴᔅ ᒋ ‍ ᐃᑕᐤ ᐅᒋᔅᒋᓄᐊᒧᐛᑭᓇ, “ᐃᔭᒂᒥᔅᑐᐛᐧᑯᒡ ᐸᕆᓯᔨᒡ ᐊᓂᔭ ᐊ ‍ ᐃᑕᔨᑕᑯᓯᒡ ᐛᔅ ᐊᔭᒥᐊᐧᑲᓱᒡ᙮ ᒧᔭᒻ ᐸᒂᓯᑭᓐ ᑲᐅᐱᔨᒡ ᑲ ‍ ᐃᑕᔨᑕᒂᒡ ᐊᑯᓐ ᐊ ‍ ᐃᑕᔨᑕᑯᓂᔨᒡ ᐊᓂᔭ ᐊ ‍ ᐃᑎᒡ᙮
\v 2 ᐛᔅ ᐊᓐ ᒐᒂᓐ ᐊᑲ ᓄᒂᒡ ᒋᑭ ‍ ᓄᑯᑕᑭᓄᐤ ᐊᓐᑕ ᐊ ‍ ᐛᔅᑕᒡ᙮ ᒥᓯᐛ ᒐᒂᓐ ᒋᒧᑦ ᑲ ‍ ᐃᑐᑕᑭᓄᐅᒡ ᒋᑭ ‍ ᒋᔅᒐᔨᑕᑯᓐ᙮
\v 3 ᐊᓐ ᑕᓐ ᑲ ᐃᓯ ‍ ᒋᒧᑦ ᐃᔨᒥᒡ ᐊᐛᓐᒋ ᐊ ‍ ᑎᐱᔅᑲᒡ ᐊᔅᒄ ᒋᑭ ‍ ᐸᑕᑯᓐ ᐊ ‍ ᒋᓯᑲᒡ᙮ ᐊᓐ ᑕᓐ ᑲ ᐃᓯ ‍ ᒋᒧᑦ ᐃᔨᒥᔨᓐ ᐊᔅᒄ ᒥᓯᐛ ᒋᑭ ‍ ᐎᑕᑭᓄᐤ ᒥᓯᐛ ᐊᐛᓐ ᒐᒋ ᒋᔅᒐᔨᑕᐧᒃ᙮”
\s1 ᐊᓐ ᐊᐛᓐ ᒋᐸ ‍ ᑯᔅᑕᓄᐤ
\r ᒪᑎᔪᐤ 10.28-31
\p
\v 4 “ᒋ ‍ ᐎᑎᒪᑎᓇᐛᐤ ᓂᐎᒐᐛᑭᓂᑎᒄ, ᐊᑲᐎᔾ ᑯᔅᑕᒄ ᐊᐛᓐ ᑲ ‍ ᓂᐸᐊᑦ ᐊᐛᔪᐛ ᐛᔅ ᑕᐸ ᒐᒂᔪᐤ ᒋᑭ ᒋ ‍ ᐃᑐᑐᐛᐤ ᐊᒐᒂ᙮
\v 5 ᒋ ᐸᒋ ‍ ᐎᑎᒪᑎᓇᐛᐤ ᐊᐛᓐ ᐊᓐ ᐊᐅᒄ ᒋᐸ ‍ ᑯᔅᑕᐛᐤ᙮ ᒋᓴᒪᓂᑐᐤ ᐊᐅᒄ ᐊ ‍ ᐃᑕᔨᑕᑯᓯᑦ ᒐᒋ ᑯᔅᑕᒄ ᐛᔅ ᐎᔾ ᐊᔭᐤ ᑎᐸᔨᒋᒐᐅᓂᔪᐤ ᒐᒋ ᐃᓯ ‍ ᐛᐱᓇᑕᒄ ᒥᒋ ‍ ᐃᔅᑯᑕᒡ ᐃᔅᐱ ᓂᐱᔭᒂ᙮ ᓂᐦᐃ, ᓂᑐᑐᐅᒄ ᐊᐅᒄ ᐅ ᑕᑈ ᒋᓴᒪᓂᑐᐤ ᒋᐸ ‍ ᑯᔅᑕᐛᐤ᙮”
\s1 ᒋᓴᒪᓂᑐᐤ ᒋ ‍ ᓂᓇᑭᑐᐛᔨᒥᑯᓄᐤ
\p
\v 6 ᐊᑯ ᒋᓴᔅ ᒂ ‍ ᐃᔅᒋᔄᑦ, “ᓇᒪᐎᔾ ᓇᔅᒡ ᐊᐱᑕᔨᑕᑯᓱᐅᒡ ᐊ ‍ ᐊᔭᐱᓯᓯᒡ ᐱᔭᓯᓯᒡ, ᒥᒄ ᓂᓱ ᓱᒪᓂᒋᓴ ᐃᔅᐱᑕᔨᑕᑯᓱᐅᒡ ᐱᑕᑕᒡ ᐊ ‍ ᐅᑎᓇᑭᓄᐎᒡ, ᐃᔭᐱᒡ ᒪᒃ ᓇᒪ ᐛᒡ ᐸᐃᒄ ᐅᓂᔅᒋᔅᒋᓯᑕᑯᒡ ᒋᓴᒪᓂᑐᐛ᙮
\v 7 ᒋᔨᐛᐤ ᒪᒃ ᐅᔅᑕ ᒋᑦ ᐃᑕᔨᒥᑯᐛᐤ ᒋᓴᒪᓂᑐᐤ ᐃᔅᐱᔅ ᐊᓂᔭ ᐱᔭᓯᓴ ᐊ ‍ ᐃᑕᔨᒪᑦ, ᐛᐛᒡ ᒋᐱᔎᐅᓄᐛᐛ ᒋ ‍ ᐊᒋᑕᑭᓄᐛ ᐊ ‍ ᑕᑥᐸᑲᒋ᙮ ᐊᑲᐎᔾ ᒪᒃ ᑯᔅᑕᒋᒄ ᐛᔅ ᐃᔭᐱᒡ ᒋᔨᐛᐤ ᐅᔅᑕ ᒋᑦ ᐃᑕᔨᑕᑯᓯᓇᐛᐤ ᐊ ‍ ᑭᓄᐛᐱᒥᑕᒄ ᒋᓴᒪᓂᑐᐤ ᐃᔅᐱᔅ ᐊ ‍ ᒥᒐᑎᒡ ᐱᔭᓯᓯᒡ᙮”
\s1 ᐊ ‍ ᐛᐎᑎᒪᒄ ᐊ ‍ ᒋᔅᒐᔨᒪᒄ ᒋᓴᔅ ᙭
\r ᒪᑎᔪᐤ 10.32,33; 12.32; 10.19,20
\p
\v 8 “ᐊᐛᓐ ᐎᑎᒧᐛᒐ ᑯᑎᑲ ᐊᐛᔪᐛ ᐊ ‍ ᑕᑈᔭᔨᒥᑦ, ᐃᔪᐤ ᐅᑯᓯᓴᓇ ᑭᔭ ᒋᑭ ‍ ᐃᔅᒋᔄᔪᐛ ᐊ ‍ ᐅᑦ ᐃᔨᒥᑐᑕᑯᑦ ᐊᓐᑕ ᒋᓴᒪᓂᑐᐤ ᐅᑦ ᐊᓐᒋᓂᒪ ᐊ ‍ ᑕᔨᒋ᙮
\v 9 ᐊᑯ ᒪᒃ ᐃᑕᒐ ᐊᐛᓐ ᐊ ‍ ᐃᑕᑦ ᐊᐛᔪᐛ ᐊᑲ ᑕᑈᔭᔨᒥᑦ, ᓂᑭ ‍ ᐃᑎᒪᔪᐛ ᑭᔭ ᒋᓴᒪᓂᑐᐤ ᐅᑦ ᐊᓐᒋᓇᒪ, ‘ᓇᒪᐎᔾ ᐊᓐ ᓂᑦ ᐃᔨᒻ᙮’
\v 10 ᒥᓯᐛ ᐊᐛᓐ ᑲ ᒥᒋ ‍ ᐊᔨᒧᒪᑦ ᐃᔪᐤ ᐅᑯᓯᓴᓐ ᒋᑭ ᒋ ‍ ᐛᐸᔨᑎᒧᐛᑭᓄᐤ᙮ ᐊᑯ ᒪᒃ ᐊᓐ ᐊᐛᓐ ᑲ ‍ ᐸᔅᑕᒪᑦ ᑲ ‍ ᐸᔭᒋᓯᔨᒋ ᐊᒐᒂ ᓇᒪ ᒋᑭ ᐅᒋ ‍ ᐛᐸᔨᑎᒧᐎᑭᓄᐤ᙮”
\p
\v 11 ᐊᑯ ᒋᓴᔅ ᒂ ‍ ᐃᔅᒋᔄᑦ, “ᒧᔭᒻ ᑎᐸᔅᑯᓂᒐᐅᒋᐛᐱᒡ ᐃᑐᑕᐃᑯᔨᓇ ᑭᔭ ᒍᐤ ᐊᔭᒥᐊᐅᒋᐛᐱᒡ ᑭᔭ ᒋᓴᐅᒋᒪᐛ ᐊ ‍ ᑕᔨᒋ ᒐᒋ ᑎᐸᔅᑯᓂᑯᔨᓐ ᐊᑲᐎᔾ ᒥᑯᔅᑲᑕᔨᑕ ᑕᓐ ᒐ ‍ ᐃᔅᒋᔄᔨᓐ ᑭᔭ ᑕᓐ ᒐ ᐃᓯ ‍ ᓂᔎᐅᓯᑥᔨᓐ ᒐᒋ ᐅᒋ ‍ ᐎᒋᐃᓱᔨᓐ᙮
\v 12 ᐛᔅ ᑲ ‍ ᐸᔭᒋᓯᑦ ᐊᒐᐧᒄ ᒋᑭ ‍ ᒋᔅᑯᑎᒪᒄ ᑕᓐ ᐊᓐ ᒋᐸ ‍ ᐃᔅᒋᔄᓐ ᐊᓐ ᒪᒂᒡ ᐃᓯ ᓂᒋᔅᑭᒥᓇ᙮”
\s1 ᑲ ‍ ᐛᔪᑎᓯᑦ ᓇᐸᐤ
\s2 Luke 12.13-21 (Proper-13 Year C)
\p
\v 13 ᐊᑯ ᐸᐃᒄ ᐊᓐᑕ ᓇᐸᐤ ᑲ ‍ ᓂᑐᑐᐛᑦ ᒋᓴᓴ, ᒋ ‍ ᐃᑕᐤ, “ᒋᔅᑯᑎᒪᒐᓱᐤ, ᐃᔨᒥᐃ ᒪ ᓂᐧᑲᓂᔅ ᒐᒋ ᑕᑕᐅᓂᒧᐅᑦ ᐊᓐ ᑲ ᐃᓯ ‍ ᓂᑭᑕᒧᐅᔨᒥᑦ ᐊᓂᔭ ᓄᑕᐎᓇᓐ᙮”
\p
\v 14 ᐊᑯ ᒋᓴᔅ ᒂ ‍ ᐃᑕᑦ, “ᑕᐸ ᓇᒪᐎᔾ ᓂᔾ ᑲ ‍ ᐎᔭᔨᑕᐧᒃ ᑕᓐᑕ ᒐ ᐃᓯ ‍ ᑕᑕᐅᓂᑭᓄᔨᒋ ᐊᐛᓐ ᐅᑦ ᐊᐱᒋᑕᐅᓇ ᒪᒃ ᑲ ‍ ᐸᐱᔅᑎᓂᒧᐛᑦ ᐊᐛᔪᐛ ᐅᑦ ᐊᐱᒋᑕᐅᓂᔪᐛ᙮”
\v 15 ᐊᑯ ᒋᓴᔅ ᒥᓯᐛ ᑲ ‍ ᐃᑕᑦ ᐅᔭ, “ᐃᔭᒂᒥᒄ, ᒐ ᐊᑲ ᒋ ᒧᔅᑕᓇᔨᑎᒪᒐᔭᒄ ᐊ ‍ ᐃᔅᐱᔅ ᐎ ᐊᔭᔭᒄ ᒐᒂᓐ᙮ ᐛᔅ ᑕᐸ ᐊᓂᔭ ᐊ ᐃᓯ ‍ ᐛᔪᑎᓯᑦ ᐊᐛᓐ ᒪᒃ ᓇᔅᒡ ᐊ ‍ ᐛᔪᑎᓯᒂ, ᓇᒪᔭᔪᐤ ᐊᓂᔭ ᒐ ‍ ᐃᑐᑕᑯᑦ ᒐᒋ ᐅᒋ ‍ ᐊᔭᑦ ᑲᒋᒡ ᐱᒪᑎᓯᐅᓂᔪᐤ᙮”
\p
\v 16 ᐊᑯ ᒋᓴᔅ ᒂ ‍ ᐎᑎᒧᐛᑦ ᐅᔭ ᒋᔅᒋᓄᐊᒪᒐᐤ ᑎᐸᒋᒧᐅᓂᔪᐤ ᐊ ‍ ᐃᑕᑦ, “ᐸᐃᒂᐤ ᒋ ‍ ᑕᐤ ᐊ ‍ ᐛᔪᑎᓯᑦ ᓇᐸᐤ, ᐊᒋ ‍ ᐊᔭᑦ ᓂᑕᐅᒋᑕᑭᓐ ᐊᔅᒋᔪᐤ ᓇᔅᒡ ᐊ ᒥᔪ ‍ ᓂᑕᐅᒋᓂᔨᒋ ᐅᓂᑕᐅᒋᑕᑭᓇ᙮
\v 17 ᐊᑯ ᒂ ‍ ᐃᑕᔨᑕᐧᒃ, ‘ᓴᔅ ᓇᒪ ᓂᑕᐱᔅᒋᓂᑕᓐ ᑕᓐᑕ ᒥᓯᐛ ᒐ ‍ ᓇᐅᔅᑕᔭᓐ ᐅᔭ ᑲ ‍ ᓂᑕᐅᒋᑕᔭᓐ ᓂᑕᐅᒋᑕᑭᓇ᙮’ ᐊᑯ ᑲ ‍ ᒪᒥᑐᓇᔨᑎᒥᐃᑯᑦ ᑕᓐ ᒐ ‍ ᐃᑎᑦ᙮
\v 18 ‘ᐅ ᒪᒃ ᓂᑭ ‍ ᐃᑎᓐ,’ ᒋ ‍ ᐃᔅᒋᔄᐤ, ‘ᓂᑭ ‍ ᐱᒂᐊᓐ ᐊᓂᔭ ᒥᓯᐛ ᓂᑦ ᐊᔅᑕᓱᐅᒋᐛᐸ ᐊᑯ ᒐ ‍ ᐅᓯᑕᔭᓐ ᐊᑐᐎᔅ ᐊ ‍ ᒥᓴᒋ ᒐᒋ ᓇᐅᔅᑕᔭᓐ ᒥᓯᐛ ᑲ ᐃᓯ ‍ ᓂᑕᐅᒋᑕᔭᓐ ᑭᔭ ᒥᓯᐛ ᓂᑦ ᐊᐱᒋᑕᐅᓇ᙮
\v 19 ᐊᑯ ᒪᒃ ᒐ ‍ ᐃᑎᓱᔭᓐ, ᐊᔪᐛᒡ ᓂ ‍ ᐛᔪᒋᑕᓐ ᒐᒂᔪᐛ ᐊᓐᑕ ᓂᑦ ᐊᔅᑕᓱᐅᒋᐛᐱᒡ ᒥᒐᑐᐤ ᐱᐳᓇ ᒐᒋ ᐅᒋ ‍ ᐃᔅᐱᔭᓐ᙮ ᐊᑯ ᒪᒃ ᓇᒪ ᓂᑭ ᐅᒋ ‍ ᐊᑐᔅᒐᓐ᙮ ᓴᔅ ᓂᑭ ‍ ᐛᔪᒋᑕᓐ ᒥᒋᒻ ᑭᔭ ᐊ ‍ ᒥᓂᔭᓐ ᒐᒂᓐ ᑭᔭ ᒐ ‍ ᒧᒋᒐᔨᑎᒪᓐ᙮’ ”
\p
\v 20 “ᐊᑯ ᒋᓴᒪᓂᑐᐛ ᒂ ‍ ᐃᑎᑯᑦ, ‘ᑕᑈ ᒋᐎᔭᓯᒥᑎᓱᓐ, ᐊᓄᒡ ᐅ ᒐ ‍ ᑎᐱᔅᑲᒡ ᒋᐱᒪᑎᓯᐅᓐ ᒋᑭ ‍ ᐅᑎᓇᑭᓄᐤ᙮ ᐊᐛᓐ ᒪᒃ ᒐ ‍ ᐊᔭᑦ ᒥᓯᐛ ᐊᓂᔭ ᑲ ‍ ᓇᐅᔅᑕᒪᓱᔨᓐ ᒐᒂᔪᐛ ?’ ”
\p
\v 21 ᒋᓴᔅ ᒂ ‍ ᐃᔅᒋᔄᑦ, “ᐊᐅᑯᓐ ᒪᒃ ᒧᔭᒻ ᐊ ‍ ᐃᓯᓇᒂᒡ ᐊᐛᓐ ᐎᔾ ᑲ ‍ ᒪᐅᒋᑎᒪᓱᑦ ᒐᒂᔪᐤ᙮ ᓇᒪ ᐛᔪᑎᓯᐤ ᐃᑕᔨᒥᑯᐤ ᒋᓴᒪᓂᑐᐛ ᐊ ‍ ᑭᓄᐛᐱᒥᑯᑦ᙮”
\s1 ᐊ ‍ ᐃᔅᐸᔨᒧᑐᐛᐧᒄ ᒋᓴᒪᓂᑐᐤ
\r ᒪᑎᔪᐤ 6.25-34
\p
\v 22 ᐊᑯ ᒋᓴᔅ ᐊᑕᑦ ᐅᒋᔅᒋᓄᐊᒧᐛᑭᓇ, “ᐊᐅᒄ ᒪᒃ ᐅ ᐛᒋ ‍ ᐃᑎᑎᑯᒡ ᒐ ᐊᑲ ᒋ ᒥᑯᔅᑲᑕᔨᑎᒪᒄ ᒥᒋᒻ ᑕᓐ ᓇᑐᐛᔨᑎᒪᒄ ᒐᒋ ᐅᒋ ‍ ᐱᒪᑎᓯᔭᒄ ᒪᒃ ᑭᔭ ᒐᒂᓐ ᒐ ‍ ᒋᔅᑭᒪᒄ᙮
\v 23 ᐛᔅ ᐱᒪᑎᓯᐅᓐ ᐅᔅᑕ ᒋᔅᑕᔨᑕᑯᓐ ᐃᔅᐱᔅ ᒥᒋᒻ, ᑭᔭ ᒥᔪᐤ ᐅᔅᑕ ᒋᔅᑕᔨᑕᑯᓐ ᐃᔅᐱᔅ ᐊ ‍ ᒋᔅᑭᒥᓐ ᒐᒂᓐ᙮
\v 24 ᒪᒥᑐᓇᔨᒥᒡ ᒪ ᑲᐧᑲᒍᐅᒡ, ᓇᒪ ᓂᑕᐅᒋᑕᐅᒡ ᒐᒂᔪᐤ ᑭᔭ ᓇᒪ ᒪᐅᒋᑕᐅᒡ ᒥᒋᒥᔪᐤ, ᓇᒪ ᐅᓯᑕᐅᒡ ᐊᔅᑕᓱᐅᒋᐛᐸ ᒪᒃ ᑕᓯᐱᑕᑭᓇ ᐊᓐᑕ ᒐ ‍ ᐊᔅᑕᒡ ᐅᒥᒋᒧᐛᐤ ᐃᔭᐱᒡ ᒪᒃ ᒋᓴᒪᓂᑐᐛ ᐊᓯᒥᑯᐅᒡ᙮ ᒋᔨᐛᐤ ᒪᒃ ᐊᑐᐎᔅ ᒥᔅᑎ ᒋᑦ ᐃᑕᔨᑕᑯᓯᓇᐛᐤ ᐃᔅᐱᔅ ᐊᓐᒡ ᐱᔭᓯᓯᒡ᙮
\v 25 ᒐᒂᓐ ᐛᒋ ‍ ᓇᔅᒡ ᐊᔨᒪᔨᑎᒥᐃᑯᔭᒄ ᒐᒂᓐ ᐊᑲ ᒪᒃ ᐊᑐᐎᔅ ᒋ ‍ ᒋᓄᑕᔭᒄ ᒋᐱᒪᑎᓯᐅᓄᐛᐛ ?
\v 26 ᐊᑲ ᒋ ‍ ᐃᑐᑎᒪᒂ ᐊᑐᐎᔅ ᓇᐅᓴᓯᔅ ᒐᒋ ᐱᒪᑎᓯᔭᒄ ᐊ ‍ ᒥᑯᔅᑲᑕᔨᑎᒪᒄ ᐅᒋ, ᒐᒂᓐ ᒪᒃ ᒐ ᐅᒋ ‍ ᒥᑯᔅᑲᑕᔨᑎᒥᐃᑯᔭᒄ ᐅᔭ ᒐᒂᔪᐛ ?”
\p
\v 27 “ᒪᒥᑐᓇᔨᑎᒧᒄ ᒪ ᐛᐳᑯᓂᓴ ᑕᓐᑕ ᐛᒋ ‍ ᓂᑕᐅᒋᒋ, ᓇᒪ ᐊᑐᔅᒐᒥᑭᓇ, ᐃᔭᐱᒡ ᒪᒃ ᓇᔅᒡ ᒥᔽᓱᐛ ᐊ ‍ ᑭᓄᐛᐸᑕᑭᓄᐅᒋ᙮ ᒋ ‍ ᐎᑎᒪᑎᓇᐛᐤ, ᐊᑎ ᐊᓂᔭ ᐊᒋ ‍ ᐃᔅᐱᔅ ᐛᔪᑎᓯᑦ ᐊᓂᔭᐧᑲ ᒋᓴᐅᒋᒪᐤ ᓴᓚᒥᓐ ᓇᒪ ᐃᔭᐱᒡ ᐅᒋ ᐃᔅᐱᔅ ᒥᔽᓯᔪᐛ ᐅᑦ ᐊᐱᒋᑕᐅᓇ ᐊ ‍ ᐃᓯᓇᑯᓂᔨᒋ ᐛᐱᑯᓇ᙮
\v 28 ᐛᔅ ᒋᓴᒪᓂᑐᐤ ᓂᑕᐅᒋᑕᐤ ᒥᔅᑯᓱᐛ ᒐ ‍ ᒥᔪᓇᒂᒡ ᐊᔅᒋᔾ᙮ ᐊᓐ ᒥᔅᑯᓱᐛ ᐊ ‍ ᒥᔪᓇᒂᒡ ᐊᓄᒡ ᒐᓯᑲᒡ, ᐛᐸᒐ ᓴᔅ ᒋᑭ ᒋ ‍ ᐸᔅᑕᐛ᙮ ᐊᑯ ᒪᒃ ᑕᑈ ᒋᓴᒪᓂᑐᐤ ᓇᑕᐅᒋᑕᒂ ᒥᔅᑯᓱᐛ ᒐᒋ ᐅᒋ ‍ ᒥᔽᓯᒡ ᐊᔅᒋᔾ ᒐᔅᑎᓇᔅ ᒋᑭ ᒋ ‍ ᐃᑐᑎᒪᑯᐛᐤ ᒐᒋ ᒥᔨᑕᒄ ᒐᒂᔪᐤ ᒐ ‍ ᒋᔅᑭᒺᒄ᙮ ᑕᑈ ᑲ ‍ ᐊᐱᓴᓯᒡ ᒋᑕᑈᑎᒧᐅᓄᐛᐤ᙮”
\p
\v 29 “ᐊᑲᐎᔾ ᒪᒃ ᒧᔅ ᒋᑭ ᐅᒋ ‍ ᒪᒥᑐᓇᔨᑎᒥᐃᑯᓇᐛᐤ ᒐᒂᓐ ᒐ ‍ ᒥᒋᔭᒄ ᑭᔭ ᒐᒂᓐ ᒐ ‍ ᒥᓂᔭᒄ᙮
\v 30 ᒥᓯᐛ ᐊᐛᓐ ᐊ ‍ ᐃᑎᔅᑲᓇᓯᑦ ᐅᑕ ᐊᔅᒋᒡ ᐊᑲ ᑕᑈᔭᔨᒪᑦ ᒋᓴᒪᓂᑐᐛ ᒧᔅ ᒪᒥᑐᓇᔨᑎᒥᐃᑯᐤ ᐅᔭ ᒐᒂᔪᐤ᙮ ᒍᑕᐎᐛᐤ ᒪᒃ ᒋᔅᒐᔨᑎᒻ ᒥᓯᐛ ᑕᓐ ᐊ ᐃᓯ ‍ ᓂᑐᐛᔨᑎᒪᒄ᙮
\v 31 ᐃᐛᒃ ᐃᑕᔨᑕᑯᓐ ᓂᔅᑎᒻ ᒐᒋ ᓇᓂᑐ ᒋᔅᒐᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑭᔭ ᒐ ‍ ᐃᑐᑎᒪᒄ ᑕᓐ ᐊ ᐃᓯ ‍ ᓂᑐᐛᔨᑕᐧᒃ ᒋᓴᒪᓂᑐᐤ ᑭᔭ ᒥᒄ ᒐ ᐃᓯ ‍ ᒥᔨᑕᒄ ᐊᓂᔭ ᒐᒂᔪᐛ ᑲ ‍ ᓄᑕᐱᔨᔭᒄ᙮”
\s1 ᐛᔪᑎᓯᐅᓐ ᒋᒋᒋᓯᑯᒡ ᐊ ‍ ᑎᒂᒡ
\r ᒪᑎᔪᐤ 6.19-21
\s2 Luke 12.32-40 (Proper-14 Year C)
\p
\v 32 “ᐊᑲᐎᔾ ᓴᒋᓯᒄ, ᐊᑎ ᐊᑲ ᒥᒐᑎᔭᒄ, ᐛᔅ ᒍᑕᐎᐛᐤ ᒋᒋᒋᓯᑯᒡ ᐊ ‍ ᑕᑦ ᓇᔅᒡ ᑕᑈ ᓇᐊᔨᑎᒥᐃᑯᐤ ᒐᒋ ᒥᔨᑕᒄ ᐅᒋᓴᐅᒋᒪᐅᓐ᙮
\v 33 ᐊᑕᐛᒐᒄ ᐊᓂᔭ ᒐᒂᔪᐛ ᐊ ᐃᓯ ‍ ᑎᐱᔨᐛᐅᓯᔭᒄ ᐊᑯ ᒐ ‍ ᒥᔭᑯᒡ ᑲ ‍ ᒋᔅᑎᒪᑎᓯᒡ ᐊᓂᔭ ᓱᓇᔭᔪᐤ᙮ ᐛᔅ ᐅ ᐃᓯ ᐃᑐᑎᒪᒂ ᒋᓴᒪᓂᑐᐤ ᒋᑭ ‍ ᑎᐸᐊᒪᑯᐛᐤ ᐊᓐᑕ ᒋᒋᒋᓯᑯᒡ᙮ ᐛᔅ ᑕᓐ ᒐ ᐃᓯ ‍ ᑎᐸᐊᒪᑕᒄ ᒋᓴᒪᓂᑐᐤ ᓇᒪ ᓂᑕ ᒋᑭ ᐅᒋ ‍ ᐃᔎᐱᔪᐤ ᐛᔅ ᓇᒪ ᓂᑕ ᒋᑭ ᒋ ‍ ᑭᒐᒧᑎᒪᑯᓇᐛᐤ ᑭᔭ ᒥᓐᑐᓯᒡ ᓇᒪ ᒋᑭ ᒋ ‍ ᓂᓱᐅᓇᒋᑕᐅᒡ᙮
\v 34 ᐊᓐᑕ ᐊ ‍ ᑎᒂᒡ ᒋᐛᔪᑎᓯᐅᓄᐛᐤ ᐊᑯᑕ ᒧᔅ ᒐ ᐃᓯ ‍ ᒪᒥᑐᓇᔨᑎᒪᒄ᙮”
\s1 ᒋᓴᔅ ᑲ ‍ ᐊᔨᒧᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ
\p
\v 35 “ᐊᔭᔅᑯᐎᒄ ᐊ ‍ ᐊᓱᐛᐱᒪᒄ ᐅᑎᐸᔨᒋᒐᐤ, ᓇᔅᒡ ᒋᐸ ‍ ᐃᑕᔅᐱᓱᓇᐛᐤ ᑭᔭ ᒋᐛᔅᑕᓂᐱᒪᑭᓄᐛᐛ ᒋᐸ ‍ ᓯᔅᑲᐊᓇᐛᐤ᙮
\v 36 ᒧᔭᒻ ᐊᐱᒋᐊᑭᓐᒡ ᒋᐸ ‍ ᐃᓯᓇᑯᓯᓇᐛᐤ ᐊ ‍ ᐊᓱᐛᐱᒪᒡ ᐅᒋᒪᒧᐛᐛ ᒐᒋ ᐸᒋ ‍ ᒋᐛᔨᒋ ᐊᒋ ᓇᒋ ‍ ᒥᑯᓴᔨᒋ ᐊ ‍ ᓂᐳᐅᓇᓄᐎᒡ᙮ ᑎᑯᓯᓂᔨᒐᓂ ᑎᐛᒡ ᒋᑭ ‍ ᔪᑕᓂᒧᐛᐅᒡ᙮
\v 37 ᒋᑭ ‍ ᓱᐛᔨᑕᑯᓱᐅᒡ ᒪᒃ ᐊᓐᒡ ᐊᐱᒋᐊᑭᓐᒡ ᒥᔅᑲᑯᑥᐛ ᐊᓂᔭ ᐅᒋᒪᒧᐛᐛ ᐊᒋ ‍ ᐊᔭᔅᑯᐎᔅᑐᐛᒡ᙮ ᒋ ‍ ᐎᑎᒪᑎᓇᐛᐤ ᒪᒃ, ᐊᓐ ᐅᒋᒪᐤ ᒋᑭ ‍ ᐊᔭᔅᑯᐎᔪᐤ ᐎᔾ ᒂᔅᒋᐱᓐ ᒐᒋ ᐃᑐᑎᒧᐛᑦ ᑕᓐ ᑲ ᐃᓯ ‍ ᐃᑐᑎᒪᑯᑦ ᑭᔭ ᒐ ‍ ᐎᓴᒪᑦ ᒐᒋ ᒥᒋᓱᔨᒋ, ᐛᐛᒡ ᐎᔾ ᒋᑭ ‍ ᐎᔅᑐᐛᐤ᙮
\v 38 ᒋᑭ ‍ ᓱᐛᔨᑕᑯᓱᐅᒡ ᐊᓐᒡ ᐊᐱᒋᐊᑭᓐᒡ ᐊᔭᔅᑯᐎᑥᐛ ᐃᔅᐱ ᑎᑯᓯᓂᔨᒐᓂ ᐅᒋᒪᒧᐛᐛ ᐊᑎ ᐊᐱᑕᑎᐱᔅᑲᔨᒐ ᑭᔭ ᒪᒃ ᓯᔅᒋᑯᒡ ᑎᑯᓯᓂᔨᒐᓂ᙮”
\p
\v 39 “ᐎ ᓂᔅᑐᑎᒧᒄ ᐅ᙮ ᒧᔭᒻ ᐊᐛᓐ ᐎᒋᒡ ᐊ ‍ ᑕᑦ ᒋᔅᒐᔨᒪᑦ ᒪᒃ ᑲᓂᑕᐅᒋᒧᑎᔨᒋ ᒐ ᐸᒋ ‍ ᑎᑯᓯᓂᔨᒋ, ᒋᐸ ‍ ᐊᔭᔅᑯᐎᔅᑐᐛᐤ᙮ ᐊᑐᒡ ᐎ ᒋᐸ ᐅᒋ ‍ ᐱᔅᑎᓇᐤ ᒥᒄ ᒐᒋ ᐃᓯ ‍ ᑭᒐᒧᑎᔨᒋ ᐊᓐᑕ ᐎᒋᒡ᙮
\v 40 ᐊᐅᒄ ᒪᒃ ᐅ ᐛᒋ ‍ ᐃᓯᓇᒂᒡ ᑭᔭ ᒋᔨᐛᐤ ᒧᔅ ᒐᒋ ᐊᔭᔅᑯᐎᔭᒄ᙮ ᐛᔅ ᐃᔪᐤ ᐅᑯᓯᓴᓐ ᒋᑭ ‍ ᑎᑯᓯᓐ ᐊᓐᑕ ᐊᑲ ᓇᔅᒡ ᐸᓱᐛᔨᒪᒂ ᒐᒋ ᑎᑯᓯᐧᒃ᙮”
\s1 ᐊᐱᒋᐊᑭᓐ ᑲ ‍ ᐃᑈᐧᑲᑦ ᑭᔭ ᐊᓐ ᐊᐱᒋᐊᑭᓐ ᐊᑲ ᐃᑈᐧᑲᑦ
\r ᒪᑎᔪᐤ 24.45-51
\p
\v 41 ᐱᑕᕐ ᒋ ‍ ᐃᔅᒋᔄᐤ, “ᐅᑎᐸᔨᒋᒐᐤ, ᓂᔭᓐ ᐊ ᒥᒄ ᒋᑦ ᐃᔨᒥᐃᓇᓐ ᐅ ᑎᐸᒋᒧᐅᓐ ᑲ ‍ ᐎᑎᒥᓐ ᑭᔭ ᒪᒃ ᒥᓯᐛ ᐊᐛᓐ ᐊ ‍ ᐃᔨᒪᐊᐅᑕ ?”
\p
\v 42 ᐅᑎᐸᔨᒋᒐᐤ ᒋ ‍ ᐃᔅᒋᔄᐤ, “ᐊᐱᒋᐊᑭᓐ ᑯᐃᔅᒄ ᑲ ‍ ᐃᑐᑕᐧᒃ ᐅᑦ ᐊᑐᔅᒐᐅᓐ ᑭᔭ ᑲ ‍ ᐃᑈᐧᑲᑦ ᐊᐅᒄ ᒐ ‍ ᐅᑎᓂᑯᑦ ᐅᒋᒪᒪ ᐎᔾ ᒐᒋ ᐅᒋᒪᐧᑲᑐᐛᑦ ᒥᓯᐛ ᐊᓂᔭ ᑯᑎᑲ ᐊᐱᒋᐊᑭᓇ ᑭᔭ ᒐᒋ ᓂᓇᑭᑐᐛᔨᑕᒺᑦ ᐊᓂᔭ ᒐᒋ ᐃᓯ ‍ ᐊᓯᒪᑭᓄᔨᒋ ᐃᔅᐱ ᐅᑎᒋᐱᔨᒐ ᒐ ‍ ᐊᓯᒪᑭᓄᔨᒋ᙮
\v 43 ᒋᑭ ‍ ᓱᐛᔨᒪᑭᓄᐤ ᐊᓐ ᐊᐱᒋᐊᑭᓐ ᒥᔅᑯᐛᑭᓄᒐ ᑯᐃᔅᒄ ᐊ ‍ ᐃᑐᑕᐧᒃ ᐊᓂᔭ ᐅᑦ ᐊᑐᔅᒐᐅᓐ ᐃᔅᐱᔅ ᑎᑯᓯᓂᔨᒐᓂ ᐅᒋᒪᒪ᙮
\v 44 ᑕᑈ ᒋᑦ ᐃᑎᓇᐛᐤ, ᒋᑭ ‍ ᒥᔨᑯᐤ ᐊᓂᔭ ᐅᒋᒪᒪ ᒥᓯᐛ ᒐᒋ ᓂᓇᑭᑐᐛᔨᑕᒺᑦ ᑕᓐ ᐊ ᐃᓯ ‍ ᑎᐱᔨᐛᐅᓯᔨᒋ᙮
\v 45 ᒥᒄ ᒪᒃ ᐃᓯ ᒪᒥᑐᓇᔨᑕᒐ ᐊᓐ ᐊᐱᒋᐊᑭᓐ, ᐊᔅᒄ ᓇᐅᔅ ᒐ ᐃᔅᐱᔅ ‍ ᑎᑯᓯᐧᒃ ᒥᓐ ᓄᒋᒪᒻ, ᐃᑕᔨᑕᒐ᙮ ᐊᑯ ᒪᒃ ᓇᔅᒡ ᓂᓇᐧᑲᒋᐊᒐ ᐊᓂᔭ ᐎᒋ ‍ ᐊᐱᒋᐊᑭᓇ ᑲ ‍ ᐅᒋᒪᐧᑲᑐᐛᑦ ᐊ ‍ ᐅᑎᑕᒪᐛᑦ ᑭᔭ ᒥᒄ ᒥᒋᓱᒐ ᒪᒃ ᒋᔎᐸᒐ,
\v 46 ᐃᔅᐱᔅ ᐅᒋᒪᒪ ᑎᑯᓯᓂᔨᒐᓂ ᐊᑲ ᐸᓱᐛᔨᒪᑦ ᑭᔭ ᐊᑲ ᒋᔅᒐᔨᑕᐧᒃ, ᐊᑯ ᒐ ‍ ᐛᐛᓯᐊᑭᓄᐅᑦ ᓇᔅᒡ ᒐᒋ ᐛᐎᓯᒐᔨᑕᐧᒃ᙮ ᐊᑯ ᒪᒃ ᐊᓐᑕ ᒐ ‍ ᐃᑎᓴᐛᑭᓄᐅᑦ ᐊᑲ ᑕᑈᑎᒥᔨᒋ ᐊ ‍ ᑕᔨᒋ ᒐᒋ ᐃᓯ ‍ ᓂᓇᐧᑲᑕᔨᒧᑦ᙮”
\p
\v 47 ᒋᓴᔅ ᒥᓐ ᒂ ᐊᑎ ‍ ᐎᑎᒧᐛᑦ, “ᐊᐱᒋᐊᑭᓐ ᑲ ‍ ᒋᔅᒐᔨᑕᐧᒃ ᑕᓐ ᐊ ᐃᓯ ‍ ᓂᑐᐛᔨᑎᒥᔨᒋ ᐅᒋᒪᒪ ᒐᒋ ᐃᑐᑕᐧᒃ ᐊᑲ ᒪᒃ ᐊᔭᔅᑯᐎᐃᑎᓱᒐ ᒐᒋ ᐃᑐᑕᐧᒃ ᐊᓂᔭ ᑲ ‍ ᐃᑎᓱᒪᑭᓄᐅᑦ ᒋᑭ ᒥᔅᑎ ‍ ᐸᐱᓯᔅᑕᐛᑭᓄᐤ ᐊ ‍ ᐛᐛᓯᐊᑭᓄᐅᑦ᙮
\v 48 ᐊᑯ ᐊᓐ ᐊᐱᒋᐊᑭᓐ ᐊᑲ ᒋᔅᒐᔨᑕᐧᒃ ᑕᓐ ᐊᓐ ᑲ ᐃᓯ ‍ ᓂᑐᐛᔨᒥᑯᑦ ᐅᒋᒪᒪ ᒐᒋ ᐃᓯ ‍ ᐃᑐᑕᐧᒃ ᑭᔭ ᐊ ᐃᓯ ‍ ᐃᑐᑕᐧᒃ ᒐᒂᔪᐤ ᐊᓂᔭ ᐊᑲ ᒋᐸ ᐃᓯ ‍ ᐃᑐᑎᒧᑯᐱᓇ ᒋᑭ ‍ ᐛᐛᓯᐊᑭᓄᐤ ᑭᔭ ᐎᔾ, ᒥᒄ ᒪᒃ ᐊᐱᓯᔅ ᒥᒄ ᒋᑭ ‍ ᐱᓯᔅᑕᐛᑭᓄᐤ᙮ ᐛᔅ ᒋ ‍ ᐅᓂᐱᔪᐤ ᐊᑲ ᐅᒋ ᒋᔅᒐᔨᑕᐧᒃ ᐊᒋ ‍ ᐅᓂᐱᔨᑦ᙮ ᐊᓐ ᐊᐛᓐ ᒥᔅᑎ ᑲ ‍ ᒥᔭᑭᓄᐅᑦ, ᒥᔅᑎ ᒋᑭ ‍ ᓂᑐᐛᔨᑎᒪᑯᐤ ᒋᓴᒪᓂᑐᐛ ᑭᔭ ᐊᓐ ᐊᑐᐎᔅ ᒥᔅᑎ ᑲ ‍ ᒥᔭᑭᓄᐅᑦ ᐊᑐᐎᔅ ᒥᔅᑎ ᒋᑭ ‍ ᓂᑐᐛᔨᑎᒪᑯᐤ ᒋᓴᒪᓂᑐᐛ ᒐᒋ ᐃᑐᑕᐧᒃ᙮”
\s1 ᒋᓴᔅ ᐅᒋ ᐊᐅᒄ ᒐ ᐅᒋ ‍ ᑎᐸᓂᐱᔨᓇᓄᐅᒡ
\r ᒪᑎᔪᐤ 10.34-36
\s2 Luke 12.49-56 (Proper-15 Year C)
\p
\v 49 ᒋᓴᔅ ᒋ ‍ ᐃᔅᒋᔄᐤ, “ᐊᐅᒄ ᐅ ᐛᒋ ‍ ᑎᑯᓯᓂᔭᓐ ᒧᔭᒻ ᐊ ᐸᒋ ‍ ᐃᔎᓯᒪᓐ ᐅ ᐊᔅᒋᔾ ᒐᒋ ᐃᓯᓇᑯᓯᔭᓐ᙮ ᑭᒪ ᒪᒃ ᓴᔅ ᒋ ‍ ᐛᔭᑕᑯᓄᑯᐱᓇ᙮
\v 50 ᐛᔅ ᓇᔅᒡ ᑕᑈ ᒋᑭ ‍ ᐊᔨᒥᓐ ᒐᒂᓐ ᒐ ᐃᓯ ‍ ᓂᒋᔅᑭᒪᓐ ᐊᔪᐛᒡ ᒪᒃ ᓂ ‍ ᒥᑯᔅᑲᑕᔨᑕᓐ ᑭᒪ ᓴᔅ ᐅᑎᒋᐱᔨᒡ ᐊ ‍ ᐃᑕᔨᑎᒪᓐ᙮
\v 51 ᒋᑦ ᐃᑕᔨᑕᓐ ᐊ ᐊᒋ ‍ ᑎᑯᓯᓂᔭᓐ ᐅᑕ ᐊᔅᒋᒡ ᒋᔭᒪᔨᑎᒧᐅᓐ ᒐᒋ ᑎᒂᒡ ? ᓇᒪ, ᒋ ‍ ᐎᑎᒪᑎᓇᐛᐤ ᓂᒋ ᐸᒋ ‍ ᑎᑯᓯᓐ ᒐᒋ ᑎᐸᓂᐱᔨᓇᓄᐅᒡ᙮
\v 52 ᐊᑯ ᒪᒃ ᒪᐅ ᒐ ‍ ᐃᔅᐱᔨᒡ ᓂᔾ ᐅᒋ, ᒧᔭᒻ ᐸᐃᒄ ᐅᑕᓇᐤ ᐱᑕᑕᒡ ᐃᔪᒡ ᓇᒪ ᒋᑭ ᐅᒋ ‍ ᓂᐃᔅᑲᑐᐅᒡ᙮ ᓂᔅᑐ ᐊᓐᒡ ᓇᒪ ᒋᑭ ᐅᒋ ‍ ᓂᓇᐃᑐᐛᐅᒡ ᐊᓂᔭ ᓂᓱ ᑕᓐ ᐊ ‍ ᐃᔅᒋᔄᔨᒋ᙮ ᑭᔭ ᐊᓐᒡ ᓂᓱ ᓇᒪ ᒋᑭ ᐅᒋ ‍ ᓇᐊᔨᑎᒺᐅᒡ ᐊᓂᔭ ᓂᔅᑐ ᑕᓐ ᐊ ‍ ᐃᔅᒋᔄᔨᒋ᙮
\v 53 ᐅᑕᐎᒪᐤ ᓇᒪ ᒋᑭ ᐅᒋ ‍ ᓂᐃᔅᑲᑐᐅᒡ ᐅᑯᓴ, ᑭᔭ ᐅᑲᐎᒪᐤ ᓇᒪ ᒋᑭ ᐅᒋ ‍ ᓂᐃᔅᑲᑐᐅᒡ ᐅᑕᓂᓴ᙮ ᑭᔭ ᐅᓯᑯᓯᒪᐤ, ᐊᓂᔭ ᒪᒃ ᐅᓇᐊᑭᓂᔎᒪ ᓇᒪ ᒋᑭ ᐅᒋ ‍ ᓂᐃᔅᑲᑐᐅᒡ᙮”
\s1 ᐎ ᒋᔅᒐᔨᑎᒧᒄ ᑕᓐ ᐊ ᐃᓯ ‍ ᐃᑐᑕᐧᒃ ᒋᓴᒪᓂᑐᐤ ᐊᓄᒡ ᒐᓯᑲᔨᒡ
\r ᒪᑎᔪᐤ 16.2,3
\p
\v 54 ᒋᓴᔅ ᐊᔪᐤ ᒂ ᐊᑎ ‍ ᐃᑕᑦ ᐊᓂᔭ ᐃᔪᐛ, “ᐊ ‍ ᐛᐱᒪᒄ ᑭᔅᑯᐅᓐ ᐊᓐᑕ ᐊᑎᒪᐱᓯᒧᑕᒡ ᐃᑕᒐ ᑎᐛᒡ ᒋᑦ ᐃᔅᒋᔄᓇᐛᐤ ᒐ ‍ ᒋᒺᒡ ᑕᑈ ᒪᒃ ᒋᒧᓐ᙮
\v 55 ᑭᔭ ᐊ ‍ ᒧᓯᑕᔭᒄ ᐊ ‍ ᓴᐅᓄᐊᒡ ᒋᑦ ᐃᔅᒋᔄᓇᐛᐤ ᒐ ‍ ᒋᓯᑕᒡ, ᒋᓯᑕᐤ ᒪᒃ᙮
\v 56 ᒋᔨᐛᐤ ᑲ ‍ ᐊᔭᒥᐊᐧᑲᓱᔭᒄ ᒋ ‍ ᒋᔅᒐᔨᑕᓇᐛᐤ ᑕᓐ ᒐ ‍ ᐃᔅᐱᔨᒡ ᒥᒄ ᐊ ‍ ᑭᓄᐛᐸᑎᒪᒄ ᐊᔅᒋᔾ ᑭᔭ ᒋᓯᒄ᙮ ᑕᓐᑕ ᒪᒃ ᐛᒋ ᐊᑲ ᒋ ‍ ᓂᔅᑐᓂᒪᒄ ᑕᓐ ᐊᓐ ᐊ ᐃᓯ ‍ ᐃᑐᑕᐧᒃ ᒋᓴᒪᓂᑐᐤ ᐊᓄᒡ ᒐᓯᑲᔨᒡ ?”
\s1 ᐃᔨᒥᐃ ᐊᓐ ᑲ ‍ ᐊᑕᒪᔨᒥᔅᒃ ᒐᒋ ᐅᒋ ‍ ᒥᔪᐱᔭᒄ
\r ᒪᑎᔪᐤ 5.25,26
\p
\v 57 “ᒐᒂᓐ ᐛᒋ ᐊᑲ ᒋ ‍ ᐎᔭᔨᑎᒪᓱᔭᒄ ᑕᓐ ᐊᓐ ᑯᐃᔅᒄ ᒐᒂᓐ ᒐᒋ ᐃᓯ ‍ ᐃᑐᑎᒧᐛᐛᒂ ?
\v 58 ᓇᐸᐤ ᒪᒃ ᒪᒥᓯᒥᔅᒃ ᒐᒂᓐ ᐊᒋ ᐃᓯ ‍ ᐅᓂᑐᑎᒥᓐ, ᐃᑐᑕᔅᒐ ᒪᒃ ᒐᒋ ᐃᑐᑕᐃᔅᒃ ᑎᐸᔅᑯᓂᒐᐅᒋᐛᐱᒡ, ᒋᐸ ‍ ᑯᒋᐊᐤ ᐸᑎᒪ ᓂᔅᑎᒻ ᒐᒋ ᒥᔪ ‍ ᐃᔨᒥᐃᑦ ᒐ ᐊᑲ ᒋ ᐃᑐᑕᐃᔅᒃ ᐊᓐᑕ᙮ ᐊᑯᑕ ᒪᒃ ᒐᒋ ᐅᒋ ‍ ᓇᑲᐎᔨᑦ ᐊᓐᑕ ᐊ ᐎ ‍ ᐃᑐᑕᐃᔅᒃ᙮ ᐊᑲ ᒪᒃ ᐃᑐᑎᒥᓇ ᐅ ᐊᑯ ᐊᓐ ᑲ ‍ ᑎᐸᔅᑯᓂᒐᑦ ᒐ ‍ ᐱᔅᑎᓂᔅᒃ ᐊᓐᑕ ᐃᓯ ᑲᒪᑯᓄᐛᓯᔨᒋ ᐊ ‍ ᑕᔨᒋ᙮ ᒐ ‍ ᒋᐸᐅᔅᒡ ᐊᓐᒡ ᑲᒪᑯᓄᐛᓯᒡ᙮
\v 59 ᐅ ᒪᒃ ᐃᔅᐱᔨᒐ ᒋ ‍ ᐎᑎᒪᑎᓐ ᑕᐸ ᒋᑭ ᒋ ‍ ᐎᐎᔨᓐ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐸᑐᔅ ᓇᔅᒡ ᒋ ‍ ᒋᓯᐧᑭᒥᓇ ᑕᓐ ᐊᓐ ᒋᐸ ᐃᓯ ‍ ᒋᓯᐧᑲᓱᓐ᙮”
\c 13
\s1 ᐳᓂ ᐊ ‍ ᒥᒋᑐᑎᒥᓐ
\s2 Luke 13.1-9 (Lent-3 Year C)
\p
\v 1 ᐊᓐᑕ ᒪᒃ ᒪᒂᒡ ᒋ ‍ ᑕᐅᒡ ᐊᓐᑕ ᐃᔪᒡ ᐊᒋ ‍ ᐎᑎᒧᐛᒡ ᒋᓴᓴ ᑕᓐ ᑲ ‍ ᐃᑐᑐᐛᑭᓄᔨᒋ ᐱᔅᒐ ᐃᔪᐛ ᑲᓕᓕ ᐊᔅᒋᒡ ᑲ ‍ ᐅᒋᔨᒋ᙮ ᒋᓴᐅᒋᒪᐅᑯᐸᓇᐛ ᑈᓚᑦ ᐊ ‍ ᐃᓯᓂᐧᑲᓱᔨᒋ ᐊᒋ ‍ ᓂᐸᐊᔨᒋ ᐊᓂᔭ ᐃᔪᐛ ᒪᒂᒡ ᐊᒋ ᐎ ‍ ᒥᑐᔅᑕᐊᒧᐛᒡ ᒋᓴᒪᓂᑐᐛ ᐊᓐᒡ ᐃᔪᒡ ᐊᓂᔭ ᐊᐛᓯᓴ ᑲ ‍ ᓂᐸᐊᒡ᙮
\v 2 ᐊᑯ ᒋᓴᔅ ᒂ ‍ ᐃᑕᑦ, “ᒋᑦ ᐃᑕᔨᑕᓇᐛᐤ ᐊ ᐊᓂᔭ ᐊᒋ ‍ ᓂᐸᐊᑭᓄᐎᒡ ᐊ ‍ ᓄᑯᓂᔨᒡ ᐅᔅᑕ ᐎᔨᐛᐤ ᐊᒋ ‍ ᒥᒋᑐᑎᒧᐛᑯᐱᓇ ᐃᔅᐱᔅ ᑯᑎᑭᒡ ᐃᔪᒡ ᐅᑕ ᑲᓕᓕᒡ ?
\v 3 ᓇᒪ, ᓂᑐᑎᒧᒄ ᒪ ᒐ ‍ ᐃᑎᑎᑯᒡ, ᒧᔭᒻ ᐊᑲ ᒂᔅᑲᑎᓯᔭᒂ ᐊᐅᑯᓐ ᒧᔭᒻ ᑭᔭ ᒋᔨᐛᐤ ᒐ ᐃᓯ ‍ ᓂᓱᐅᓇᒋᐃᑯᐅᔭᒄ᙮
\v 4 ᒋ ‍ ᒋᔅᒋᓯᓇᐛᐤ ᐊ ᔭᓇᐤ ᑕᑐᓴᑉ ᐃᔪᒡ ᐊᓐᑕ ᐅᑕᓇᒡ ᓴᐃᓗᐊᒻ ᑲ ‍ ᐃᓯᓂᐧᑲᑕᔨᒡ ᑲ ‍ ᓂᐱᒡ ᐊᒋ ‍ ᐱᑎᔅᑕᐅᑯᒡ ᑲ ‍ ᐃᔅᐸᓇᔨᒡ ᐊᓱᐛᐳᐅᒋᐛᐱᔪᐤ ? ᒋᑦ ᐃᑕᔨᑕᓇᐛᐤ ᐊ ᐊᒋ ‍ ᓄᑯᓂᔨᒡ ᐎᔨᐛᐤ ᐅᔅᑕ ᐊᒋ ‍ ᒥᒐᑎᓯᒡ ᐃᔅᐱᔅ ᑯᑎᑭᒡ ᐊᐛᓐᒋ ᐊᓐᑕ ᒋᕈᓯᓕᒥᒡ ᑲ ‍ ᑕᒡ᙮
\v 5 ᓇᒪ, ᓂᑐᑎᒧᒄ ᒪ, ᒧᔭᒻ ᐊᑲ ᒂᔅᑲᑎᓯᔭᒂ ᑭᔭ ᒋᔨᐛᐤ ᒋᑭ ‍ ᓂᓱᐅᓇᑎᓯᓇᐛᐤ᙮”
\s1 ᒥᔅᑎᒄ ᐊᑲ ᒥᓂᓱᐅᑦ
\p
\v 6 ᐊᑯ ᒋᓴᔅ ᒂ ‍ ᐎᑎᒧᐛᑦ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒋ ‍ ᐃᑕᐤ, “ᒋ ‍ ᑕᐤ ᓇᐸᐤ ᐊᒋ ‍ ᐊᔭᐛᑦ ᒥᓯᓱᒥᓇᑎᒂ ᐊ ‍ ᓂᑕᐅᒋᔨᒋ ᐊᓐᑕ ᐅᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮ ᐊᑯ ᐸᐃᒂᐤ ᐊ ‍ ᒋᓯᑲᔨᒡ ᒋ ᓂᑐ ‍ ᒋᔅᒐᔨᒪᐤ ᒐ ‍ ᒥᓂᓱᐎᒂᓂ ᐊᓂᔭ ᒥᔅᑎᒂ᙮ ᓇᒪ ᒪᒃ ᒐᒂᔪᐤ ᐅᒋ ᒥᓂᓱᐅᔪᐤ᙮
\v 7 ᐊᑯ ᐊᑕᑦ ᐊᓂᔭ ᓇᐸᐛ ᑲ ‍ ᓂᓇᑭᑐᐛᐸᑎᒥᔨᒋ ᐊᓂᔭᔪᐤ ᐅᓂᑕᐅᒋᑕᑭᓇ, ‘ᑭᓄᐛᐸᑕ ᒪ, ᐊᓯᑯᒻ ᐱᐳᓇ ᓂᒋ ‍ ᑎᑯᓯᓐ ᐅᑕ, ᓂᔅᑐ ᐱᐳᓇ ᐃᔅᐱᔅ, ᒐᒋ ᓂᑐ ‍ ᒋᔅᒐᔨᒥᒃ ᐅ ᒥᓯᓱᒥᓇᑎᒄ ᐊ ‍ ᒥᓂᓱᐅᒂ᙮ ᓇᒪ ᒪᒃ ᒐᒂᓐ ᓂ ‍ ᒥᔅᑲᓐ ᒐᒋ ᓂᑕᐅᒋᒡ ᐊᓐᑕ, ᓇᑥᑲᐅᐤ ᐊᑯᔅ, ᒐᔅᑲ ᑲ ‍ ᒋᒥᓱᑦ ᐊᓐᑕ ᐊᔅᒋᒡ ?’ ”
\p
\v 8 “ᐊᑯ ᒪᒃ ᐊᓐ ᑲ ‍ ᓂᓇᑭᑐᐛᔨᑕᐧᒃ ᐊᓂᔭᔪᐤ ᓂᑕᐅᒋᑕᑭᓇ ᒋ ‍ ᐃᑕᐤ, ‘ᐊᑲᐎᔾ ᐸᑎᒪ ᐱᔅᒐᔨᒻ, ᒥᓐ ᐸᐃᒄ ᐱᐳᓇ ᒋᑭ ‍ ᐃᓯᑲᐳᐤ᙮ ᓂᑭ ‍ ᒧᓇᐛᐤ ᐊᓐᑕ ᐛᔅᑲ, ᐊᑯ ᒐ ‍ ᐊᔅᑕᔭᓐ ᐊᓐᑕ ᒐᒂᓐ ᒐᒋ ᐅᒋ ‍ ᒥᔪ ‍ ᓂᑕᐅᒋᑦ᙮
\v 9 ᒐᒃ ᒪᒃ ᒥᓂᓱᐅᒐ ᒥᓐ ᐱᐳᓂᔨᒐ ᒋᑭ ‍ ᒥᔽᔨᑕᓇᓄᐤ᙮ ᐊᑲ ᒪᒃ ᒥᓂᓱᐅᒐ, ᐊᑯᔅ ᒋᑭ ‍ ᓇᑥᑲᐛᑭᓄᐤ᙮’ ”
\s1 ᒋᓴᔅ ᑲ ‍ ᒥᓏᒋᐊᑦ ᑲ ‍ ᒪᔅᒋᓯᔨᒋ ᐃᔎᐛ ᐊ ‍ ᐊᔭᒥᐊᐅᒋᓯᑲᔨᒡ
\s2 Luke 13.10-17 (Proper-16 Year C)
\p
\v 10 ᐸᐃᒂᐤ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ, ᒋᓴᔅ ᒋ ‍ ᒋᔅᑯᑎᒪᒐᐤ ᐊᓐᑕ ᐊᔭᒥᐊᐅᒋᐛᐱᒡ᙮
\v 11 ᐃᔎᐤ ᒪᒃ ᐊᓐᑕ ᒋ ‍ ᑕᐤ ᒥᒋ ‍ ᐊᒐᒂ ᐊᒋ ‍ ᐱᒋᔅᑲᑯᑦ ᐊᒋ ‍ ᐃᑐᑕᑯᑦ ᔭᓇᐤ ᑕᑐᓴᑉ ᐱᐳᓇ ᒐᒋ ᐃᔅᐱᔅ ᐊᐧᑯᓯᑦ ᐊᒋ ‍ ᒪᔅᑲᒋᐱᔅᑯᓇᑦ ᐊᑲ ᐅᒋ ᑯᐃᔅᑯᑲᐳᐅᑦ᙮
\v 12 ᐃᔅᐱ ᒋᓴᔅ ᐎᔭᐱᒪᑦ ᐊᓂᔭ ᐃᔎᐛ ᒋ ‍ ᐎᓴᒪᐤ ᐊᑯ ᒂ ‍ ᐃᑕᑦ, “ᐃᔎᐤ, ᓴᔅ ᓇᔅᒡ ᒋ ‍ ᒥᓏᒋᐃᑯᓐ ᑕᓐ ᑲ ‍ ᐃᑕᔅᐱᓇᔨᓐ᙮”
\v 13 ᒂ ‍ ᑕᒋᓇᑦ᙮ ᑎᐛᒡ ᒪᒃ ᒋ ᐅᒋ ‍ ᑯᐃᔅᑯᑲᐳᐤ ᐊᓐ ᐃᔎᐤ ᐊ ‍ ᒪᒥᒋᒪᑦ ᒋᓴᒪᓂᑐᐛ᙮
\p
\v 14 ᐊᑯ ᒪᒃ ᐊᓐ ᑲᓂᑲᓂᔅᑲᐧᒃ ᐊᓂᔭ ᐊᔭᒥᐊᐅᒋᐛᐱᔪᐤ ᓇᔅᒡ ᑕᑈ ᒋ ‍ ᒋᔄᓱᐤ ᒋᓴᓴ ᐊᒋ ‍ ᒥᓏᒋᐊᔨᒋ ᐊᐛᔪᐛ ᒪᒂᒡ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ᙮ ᐊᑯ ᒂ ‍ ᐃᑕᑦ ᐊᓂᔭ ᑯᑎᑲ ᐃᔪᐛ ᐊᓐᑕ ᑲ ‍ ᑕᔨᒋ, “ᐊᓱᑕᒡ ᑕᑐᐤ ᒋᓯᑲᐛ ᑎᑯᓇ ᒐᒋ ᐊᑐᔅᒐᓇᓄᐅᒡ, ᐊᑯᑕ ᒋᐸ ᐸᒋ ‍ ᑎᑯᓯᓇᐛᐤ ᒪᒂᒡ ᐊᓂᔭ ᐊ ‍ ᒋᓯᑲᔨᒋ ᒐᒋ ᒥᓏᒋᐃᑯᐅᔭᒄ ᓇᒪ ᐎ ᒪᒂᒡ ᐊ ‍ ᒍᐤ ᐊᔭᒥᐊᐅᒋᓯᑲᒡ᙮”
\p
\v 15 ᐅᑎᐸᔨᒋᒐᐤ ᒂ ‍ ᐎᑎᒧᐛᑦ ᐊᓂᔭ ᑲ ‍ ᓂᑲᓂᔅᑭᒥᔨᒡ ᐊᓂᔭ ᐊᔭᒥᐊᐅᒋᐛᐱᔪᐤ ᐊ ‍ ᐃᑕᑦ, “ᒋᔾ ᑲ ‍ ᐊᔭᒥᐊᐧᑲᓱᔨᓐ, ᐊᑎ ᐊ ‍ ᒍᐤ ᐊᔭᒥᐊᐅᒋᓯᑲᒡ ᓇᒪᐎᔾ ᐊ ᐃᔭᐱᒡ ᒋᑦ ᐊᐱᐧᑯᓇᐤ ᒋᑦ ᐊᐛᓯᓯᒻ ᒪᒃ ᒋᒥᔅᑐᓯᒻ ᒐᒋ ᐃᑐᑕᐃᑦ ᐊᓐᑕ ᒐ ‍ ᒥᓐᑦ ?
\v 16 ᐊᑯ ᒪᒃ ᐅ ᒍᐤ ᐃᔎᐤ ᔭᓇᐤ ᑕᑐᓴᑉ ᐱᐳᓇ ᒋᑦ ᐃᔅᐱᔅ ᒪᑯᐱᑎᑯᐤ ᒥᒋᒥᓂᑐᐛ, ᓇᒪᐎᔾ ᐊ ᐃᓯᓇᑯᓂᔪᐤ ᒐᒋ ᐊᐱᐧᑯᓇᑭᓄᐅᑦ ᐊᑎ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ ?”
\p
\v 17 ᐊᑯ ᒪᒃ ᒥᓯᐛ ᐊᓂᔭ ᑲ ‍ ᐊᓏᔨᒥᑯᑦ ᐊᒋ ‍ ᒥᓏᒋᐊᑦ ᐊᓂᔭ ᐃᔎᐛ ᒪᒂᒡ ᐊ ‍ ᐊᔭᒥᐊᐅᒋᓯᑲᔨᒡ ᓇᔅᒡ ᑕᑈ ᒋ ‍ ᓯᓴᒂᔨᒧᔪᐛ᙮ ᐊᑯ ᐊᓐᒡ ᑯᑎᑭᒡ ᐃᔪᒡ ᒋ ‍ ᒥᔽᔨᑎᒧᒡ ᒥᓯᐛ ᐊᓂᔭ ᑲ ᐃᓯ ‍ ᒪᒥᔅᑲᒡ ᐃᑐᑎᒥᔨᒋ ᒋᓴᓴ᙮
\s1 ᑲ ‍ ᐊᐱᓯᓯᑦ ᓂᑕᐅᒋᑕᑭᓐ ᑭᔭ ᑲᐅᐱᔨᒡ
\r ᒪᑎᔪᐤ 13.31-33; ᒪᕐᒃ 4.30-32
\p
\v 18 ᐊᑯ ᒋᓴᔅ ᑲ ‍ ᑯᒂᒋᒪᑦ ᐊᓂᔭ ᐊᓐᑕ ᑲ ‍ ᑕᔨᒋ, “ᑕᓐ ᐊ ‍ ᐃᑕᔨᑕᑯᓂᔨᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ? ᑕᓐᑕ ᒐᒋ ᐅᒋ ‍ ᐎᑎᒪᑎᑯᒡ ᑕᓐ ᐊᓐ ᐊ ‍ ᐃᑕᔨᑕᑯᓂᔨᒡ ?
\v 19 ᒧᔭᒻ ᐊᓐ ᓂᑕᐅᒋᑕᑭᓐ ᑲ ‍ ᐊᐱᓯᓯᑦ ᒪᔅᑎᕐᑦ ᑲ ‍ ᐃᓯᓂᐧᑲᑕᑭᓄᐅᑦ ᐊᐅᑯᓐ ᐊ ‍ ᐃᓯᓇᒂᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᐊᐅᒄ ᐅᔭ ᓂᑕᐅᒋᑕᑭᓇ ᐛᑎᓇᑦ ᓇᐸᐤ ᐊ ‍ ᓂᑕᐅᒋᑕᑦ ᐊᓐᑕ ᐅᓂᑕᐅᒋᑕᑭᓐ ᐊᔅᒋᒡ᙮ ᒐᒃ ᓇᑕᐅᒋᔨᒋ, ᒥᔅᑎᒄ ᓇᓂᑯᑎᓂᔾ ᐊᔪᐛᒡ ᐱᐱᔅᒐᓂᑕᐅᒋᔪᐛ ᐊᓐᑕ ᐊᓐ ᓂᑕᐅᒋᑕᑭᓐ ᐅᒡ᙮ ᐱᔭᓯᓯᒡ ᒪᒃ ᐊᑯᑕ ᐛᒋᔅᑐᓂᐧᑲᓱᒡ ᐊᓐᑕ ᐊ ‍ ᐎᑎᐧᑯᓄᔨᒋ ᐊᓂᔭ ᒥᔅᑎᒂ᙮”
\p
\v 20 ᒥᓐ ᒪᒃ ᒋ ᐃᓯ ‍ ᑯᒂᒋᒪᐤ, “ᑕᓐ ᐊ ‍ ᐃᑕᔨᑕᒂᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ?
\v 21 ᒧᔭᒻ ᐸᒂᓯᑭᓐ ᑲᐅᐱᔨᒡ ᐊᐅᑯᓐ ᐊ ‍ ᐃᑕᔨᑕᒂᒡ, ᐊ ‍ ᒪᒧᐱᔭᑦ ᐃᔎᐤ ᐸᒂᓯᑭᓇ ᑲᐅᐱᔨᒋ ᒥᔅᑎ ᐸᒂᓯᑭᓂᒡ, ᒥᓯᐛ ᒪᒃ ᐅᐱᔪᐛ ᐊᓂᔭᔪᐛ ᐸᒂᓯᑭᓇ᙮”
\s1 ᑲ ‍ ᓴᑯᐊᒡ ᐃᔎᑕᒻ
\r ᒪᑎᔪᐤ 7.13,14,21-23
\p
\v 22 ᒋᓴᔅ ᒋ ᐊᑎ ‍ ᒋᔅᑯᑎᒪᒐᐤ ᐊᓐᑕ ᑲ ᐊᑎ ‍ ᐛᐅᑎᑕᐧᒃ ᐊ ‍ ᐅᑕᓇᐅᓂᔨᒡ ᑭᔭ ᐊ ᐊᑎ ‍ ᑎᑯᓂᔨᒋ ᐅᑕᓇᓴ ᐊᔅᒄ ᐊᑲ ᐅᒋ ᐅᑎᑕᐧᒃ ᒋᕈᓯᓕᒥᔪᐤ ᐊᓐᑕ ᑲ ᐎ ‍ ᐃᑐᑕᑦ᙮
\v 23 ᒋ ‍ ᑯᒂᒋᒥᑯᐤ ᒪᒃ ᒋᓴᔅ ᐊᐛᔪᐛ ᐊ ‍ ᐃᑎᑯᑦ, “ᐅᑎᐸᔨᒋᒐᐤ, ᒥᒄ ᐊ ᐱᔅᒐ ᐊᐛᓐᒋ ᒋᑭ ‍ ᐱᒪᒋᐊᑭᓄᐅᒡ ?”
\p ᒋ ‍ ᐃᑕᐤ ᒪᒃ ᒋᓴᔅ,
\v 24 “ᒥᒐᑦ ᐊᐛᓐᒋ ᒋᑭ ‍ ᑯᒋᑕᐅᒡ ᒐᒋ ᐱᒐᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ, ᓇᒪ ᒪᒃ ᒋᑭ ᒋ ‍ ᐃᑐᐅᒡ᙮ ᒋᔨᐛᐤ ᒪᒃ ᓱᒃ ᑯᒋᑕᒄ ᒐᒋ ᐱᒐᔭᒄ ᐊᓐᑕ ᐅᒋ ᐊᓐ ᑲ ‍ ᓴᑯᐛᒡ ᒋᐱᔎᐤ᙮
\v 25 ᐊᑲ ᒪᒃ ᐛᒋ ‍ ᐱᒐᐛᐛᒂ, ᐃᔅᐱ ᒋᐸᐊᒐ ᒋᐱᔎᔪᐤ ᐊᓐ ᑲ ‍ ᑎᐸᔨᑕᐧᒃ ᐊᓂᔭ ᒥᒋᐛᐱᔪᐤ, ᐎᐎᑎᒥᒡ ᓂᐳᔭᒂ ᐊ ‍ ᑎᑥᐛᐃᒐᔭᒄ ᒋᑭ ‍ ᐃᔅᒋᔄᓇᐛᐤ, ‘ᐅᑎᐸᔨᒋᒐᐤ, ᐸᒋ ‍ ᔪᑕᓂᒧᐅᓇᓐ᙮’ ᑭᔭ ᒐ ᐃᓯ ‍ ᐎᑎᒪᑕᒄ, ‘ᓇᒪ ᒋᑭ ᐅᒋ ‍ ᓴᓂᒪᑎᓇᐛᐤ ᐛᔅ ᓇᒪ ᒋ ‍ ᒋᔅᒐᔨᒥᑎᓇᐛᐤ, ᓇᒪ ᑭᔭ ᓂ ‍ ᒋᔅᒐᔨᑕᓐ ᑕᓐᑕ ᐛᒋᔭᒄ᙮’ ”
\p
\v 26 “ᐊᑯ ᒪᒃ ᒐ ᐃᓯ ‍ ᓂᔎᐅᓯᐊᒄ, ‘ᔅᒋ ‍ ᐎᒋᒥᒋᓱᒥᑎᓇᓐ, ᔅᒋ ‍ ᐎᒋᒥᓂᒥᑎᓇᓐ ᑭᔭ ᔅᒋ ‍ ᑕᓐ ᓂᑦ ᐃᑕᐅᓇᒡ ᐊ ‍ ᒋᔅᑯᑎᒪᒐᔨᓐ᙮’ ”
\p
\v 27 “ᒥᓐ ᒪᒃ ᐃᔭᐱᒡ ᒋᑭ ‍ ᐃᑎᑯᐛᐤ, ‘ᓇᒪ ᓂ ‍ ᒋᔅᒐᔨᑕᓐ ᑕᓐᑕ ᐛᒋᔭᒄ, ᐃᒐᑕᒄ ᓇᑕ ᒥᓯᐛ, ᒋᔨᐛᐤ ᑲ ‍ ᒥᒋᑐᑎᒪᒄ᙮’ ”
\p
\v 28 “ᓇᔅᒡ ᑕᑈ ᓱᒃ ᒋᑭ ‍ ᒪᓇᐛᐤ ᑭᔭ ᒋᑭ ‍ ᒪᒥᑥᔭᐱᑕᓯᓇᐛᐤ ᐃᔅᐱ ᐛᐱᒪᒂᐛ ᐊᑉᕋᐊᒻ, ᐊᐃᓯᒃ, ᒐᑭᑉ, ᑭᔭ ᒥᓯᐛ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊ ‍ ᑕᒡ ᐎᔨᐛᐤ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ, ᒋᔨᐛᐤ ᒪᒃ ᐎᐎᐛᐱᓂᑯᐅᔭᒂ᙮
\v 29 ᒋᑭ ‍ ᑎᑯᓯᓄᐅᒡ ᐊᐛᓐᒋ ᐛᐱᓄᑕᒡ, ᐊᑎᒪᐱᓯᒧᒡ, ᒋᐛᑎᓄᒡ ᑭᔭ ᓴᐅᓄᒡ ᐊ ‍ ᐅᒋᒡ ᒐ ᐸᒋ ‍ ᒥᒋᓱᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮
\v 30 ᐛᔅ ᐊᓐᒡ ᑲ ‍ ᐃᑕᔨᒪᑭᓄᐎᒡ ᐊᑲ ᒋᔅᑕᔨᑕᑯᓯᒡ ᒋᑭ ‍ ᒋᔅᑕᔨᑕᑯᓱᐅᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ, ᑭᔭ, ᐊᓐᒡ ᐊ ‍ ᒋᔅᑕᔨᑕᑯᓯᒡ ᑲ ‍ ᐃᑕᔨᒪᑭᓄᐎᒡ ᓇᒪ ᒋᑭ ᐅᒋ ‍ ᒋᔅᑕᔨᑕᑯᓱᐅᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮”
\s1 ᒋᓴᔅ ᑕᓐ ᑲ ᐃᔅᐱᔅ ‍ ᓴᒋᑕᑦ ᒋᕈᓯᓕᒥᔪᐤ
\r ᒪᑎᔪᐤ 23.37-39
\s2 Luke 13.31-35 (Lent-2 Year C)
\p
\v 31 ᐊᓂᔭ ᒪᒃ ᒪᒂᒡ ᒋ ‍ ᑕᐅᒡ ᐸᕆᓯᔨᒡ ᐊ ᐸᒋ ‍ ᓂᑐᐛᐱᒪᒡ ᒋᓴᓴ᙮ ᒋ ‍ ᐃᑕᐅᒡ ᒪᒃ, “ᒪᒋ ᐃᒐᑕ ᐅᑕ ᐅᑕᓇᒡ, ᐃᔭᒡ ᓇᑕ ᐃᑐᑕ, ᐛᔅ ᐊᓐ ᒋᓴᐅᒋᒪᐤ ᐊᕈᑦ ᒋ ᐎ ‍ ᓂᐸᐃᒄ᙮”
\v 32 ᒋ ‍ ᐃᑕᐤ ᒪᒃ ᒋᓴᔅ, “ᐎᑎᒧᐛᐧᒄ ᐊᓐ ᒪᒐᓱᐤ ᐊᕈᑦ, ᓂ ‍ ᐎᐎᑎᓴᐅᒪᐛ ᒥᒋ ‍ ᐊᒐᒂ ᑭᔭ ᓂ ‍ ᒥᓏᒋᐃᒪᐛ ᐃᔪᐛ ᐊᓄᒡ ᒐᓯᑲᔨᒡ ᑭᔭ ᐛᐸᒐ ᐊᐅᑯᓐ ᒐ ‍ ᐃᑎᔭᓐ᙮ ᒋ ᓂᔅᑐ ‍ ᒋᓯᑲᒐ, ᐊᑯ ᒐ ‍ ᒋᔅᑕᔭᓐ᙮”
\p
\v 33 “ᐃᔭᐱᒡ ᓂᑭ ‍ ᐃᑐᑕᓐ ᑕᓐᑕ ᐛ ᐃᑐᑕᔭᓐ ᐊᓄᒡ ᒐᓯᑲᒡ ᒥᓐ ᐛᐸᒐ ᑭᔭ ᐅᓱᐛᐸᒐ ᓴᔅ ᓂᑭ ‍ ᑕᓐ ᐊᓐᑕ ᐛ ᐃᑐᑕᔭᓐ᙮ ᐛᔅ ᒥᓯᐛ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑲ ‍ ᓂᐸᐊᑭᓄᐎᒡ ᐊᑯᑕ ᐊᓐᑕ ᒋᕈᓯᓕᒥᒡ ᑲ ‍ ᓂᓱᐅᓇᒋᐊᑭᓄᐎᒡ᙮ ᐊᐅᒄ ᒪᒃ ᐅ ᒐ ᐅᒋ ‍ ᐃᑐᑕᔭᓐ ᒋᕈᓯᓕᒥᒡ᙮”
\p
\v 34 “ᒋᔨᐛᐤ ᒋᕈᓯᓕᒥᒡ ᑲ ‍ ᑕᔭᒄ, ᑲ ‍ ᓂᐸᐊᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᑲ ‍ ᐸᐱᐳᒧᓯᓇᑕᐛᑯᒡ ᐊᓂᔭᔪᐛ ᒋᓴᒪᓂᑐᐤ ᑲ ᐸᒋ ‍ ᐃᑎᓴᐊᒪᑕᒄ, ᑕᓐ ᑕᑥᐤ ᑲ ᐎ ‍ ᒪᐅᓯᑯᐱᑎᑎᑯᒡ ᐊᓐᑕ ᐃᔅ ᐊ ‍ ᑕᔭᓐ, ᒧᔭᒻ ᐱᑲᒂᓐ ᐊ ‍ ᐃᑐᑐᐛᑦ ᐅᐱᑲᒂᓂᓯᒪ, ᓯᐸ ᐅᑎᑎᑭᓂᒡ ᐊ ᐃᓯ ‍ ᒪᐅᓯᑯᓇᑦ ᐊ ᐎ ‍ ᓂᓇᑭᑐᐛᔨᒪᑦ᙮ ᐊᐅᑯᓐ ᒪᒃ ᒧᔭᒻ ᑲ ᐎ ‍ ᐃᑐᑕᑎᑯᒡ᙮ ᒥᒄ ᓇᒪ ᒋ ᐅᒋ ‍ ᐱᔅᑎᓇᐛᐤ ᐅ ᒐᒋ ᐃᑐᑕᑎᑯᒡ᙮
\v 35 ᒋᑭ ‍ ᓂᑭᑎᒪᑯᓇᐛᐤ ᒋᒋᐛᐛ ᓇᔅᒡ ᐊ ‍ ᓂᓱᐅᓇᑎᔨᒋ᙮ ᒋ ‍ ᐎᑎᒪᑎᓇᐛᐤ ᓇᒪ ᒋᑭ ᐅᒋ ‍ ᐛᐱᒥᓇᐛᐤ ᐸᑐᔅ ᐅᑎᒋᐱᔨᒐ ᒐᒋ ᐃᔅᒋᔄᔭᒄ,
\q ᓱᐛᔨᑕᑯᓱᐤ ᐊᓐ ᑲ ᐸᒋ ‍ ᐃᑐᑕᑦ ᐅᑎᐸᔨᒋᒐᐛ ᐅᑦ ᐃᓯᓂᐧᑲᓱᓂᔨᒡ᙮”
\c 14
\s1 ᒋᓴᔅ ᑲ ‍ ᒥᓏᒋᐊᑦ ᑲ ‍ ᐊᐧᑯᓯᔨᒋ ᓇᐸᐛ ᐊ ‍ ᐊᔭᒥᐊᐅᒋᓯᑲᔨᒡ
\s2 Luke 14.1,7-14 (Proper-17 Year C)
\p
\v 1 ᐸᐃᒂᐤ ᒪᒃ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ ᒋᓴᔅ ᒋ ‍ ᐃᑐᑕᐤ ᒐᒋ ᒥᒋᓱᐛᑦ ᐊᓐᑕ ᐎᒋᔨᒡ ᐊᓂᔭ ᐸᐃᒄ ᑲ ‍ ᓂᑲᓇᔨᑕᑯᓯᔨᒋ ᐸᕆᓯᐊ᙮ ᐊᑯ ᒪᒃ ᒋ ‍ ᑕᐅᒡ ᐊᓐᑕ ᐃᔪᒡ ᓇᔅᒡ ᐊ ‍ ᓂᓇᑭᑐᐛᔨᒪᒡ ᒋᓴᓴ ᒐ ‍ ᐃᑎᒂᓂ᙮
\v 2 ᒋ ‍ ᑕᔪᐛ ᐊᓐᑕ ᓇᐸᐛ ᐊ ‍ ᐸᑕᔅᑎᐱᔅᑕᑯᑦ ᒋᓴᔅ᙮ ᐊᓐ ᒪᒃ ᓇᐸᐤ ᒋ ‍ ᑎᑯᓂᔪᐤ ᐊ ‍ ᐃᑕᔅᐱᓇᑦ᙮ ᐅᔅᐱᑐᓇ ᑭᔭ ᐅᔅᑲᑕ ᒋ ‍ ᐸᒋᐱᔪᐛ᙮
\v 3 ᒋᓴᔅ ᒋ ‍ ᑯᒂᒋᒪᐤ ᐊᓂᔭ ᐸᕆᓯᐊ ᑭᔭ ᐊᓂᔭ ᑲ ‍ ᒋᔅᑯᑎᒪᒐᔨᒋ ᐊᔭᒥᐊᐅ-ᐎᓱᐛᐅᓂᔪᐤ, “ᐃᑎᔅᑕᐤ ᐊ ᐊᔭᒥᐊᐅ-ᐎᓱᐛᐅᒥᓯᓇᐃᑭᓂᒡ ᐊ ‍ ᑯᐃᔅᑯᓇᒂᒡ ᒐᒋ ᒥᓏᒋᐃᐛᓄᐅᒡ ᐊ ‍ ᒍᐤ ᐊᔭᒥᐊᐅᒋᓯᑲᒡ ᑭᔭ ᒪᒃ ᐊᑲ ᑯᐃᔅᑯᓇᒂᒡ ?”
\v 4 ᓇᒪ ᒪᒃ ᐅᒋ ᐎ ᒋ ‍ ᔅᑐᑎᑯᐤ᙮ ᐊᑯ ᒋᓴᔅ ᒂ ‍ ᐅᑎᓂᒺᑦ ᐅᑎᒋᔪᐤ ᐊᓂᔭ ᓇᐸᐛ, ᑲ ‍ ᒥᓏᒋᐊᑦ ᐊᑯ ᒂ ‍ ᐃᑕᑦ ᒐᒋ ᔅᑐᑕᔨᒋ᙮
\p
\v 5 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᐸᕆᓯ, “ᐅᑕ ᐊ ‍ ᑎᓯᔭᒄ, ᐊᐛᓐ ᐅᑯᓴ ᑭᔭ ᒪᒃ ᐅᒥᔅᑐᓯᒪ, ᐳᒋᐱᔨᒐ ᐊᓐᑕ ᐊ ‍ ᐛᐅᔭᔭᔨᒡ, ᐱᓯᒄ ᓂᐱᔪᐤ ᐊ ‍ ᑎᑯᓂᔨᒡ, ᓇᒪᐎᔾ ᐊ ᒋᐸ ‍ ᐎᐧᑯᒋᐊᐤ ᐊᑎ ᒪᒂᒡ ᒍᐤ ᐊᔭᒥᐊᐅᒋᓯᑲᔨᒡ ?”
\v 6 ᓇᔅᒡ ᒪᒃ ᒋ ‍ ᒋᐳᑐᓇᐛᐤ ᐅᔭ ᑲ ‍ ᐃᑕᑦ᙮
\s1 ᒋᓴᒪᓂᑐᐤ ᒋᔅᑕᔨᒪᐤ ᐊᓂᔭ ᐊᐛᔪᐛ ᑲ ‍ ᑎᐱᑕᔨᒥᑎᓱᔨᒋ
\s2 Luke 14.1,7-14 (Proper-17 Year C)
\p
\v 7 ᒋᓴᔅ ᒪᒃ ᒋ ‍ ᐛᐱᒪᐤ ᐱᔅᒐ ᐊᓂᔭ ᐊᐛᔪᐛ ᑲ ‍ ᐎᓴᒪᑭᓄᔨᒋ ᐊ ‍ ᐛᐛᔨᐱᔨᒋ ᐊᓐᑕ ᒪᐅᒡ ᐊ ‍ ᐅᒋᒪᐛᔨᑕᑯᓂᔨᒡ ᐊᑯ ᒂ ‍ ᐎᑎᒧᐛᑦ ᐅᔭ ᒋᔅᒋᓄᐊᒪᒐᐤ ᑎᐸᒋᒧᐅᓂᔪᐤ᙮
\v 8 “ᐊᐛᓐ ᐎᓴᒥᔅᒐ ᐊ ‍ ᒥᑯᓴᓄᐎᒡ ᒧᔭᒻ ᐊᒋ ‍ ᓂᐳᐅᓇᓄᐅᒡ ᐊᑲᐎᔾ ᐛᐛᔨᐱᐃᓱᐤ ᐊᓐᑕ ᐊ ‍ ᐅᒋᒪᐅᐱᓇᓄᐅᒡ, ᐛᔅ ᒋᑭ ᒋ ‍ ᐃᓯᓇᑯᓐ ᒐᒋ ᑕᑦ ᐊᓐᑕ ᐊᐛᓐ ᐅᔅᑕ ᐊ ‍ ᒋᔅᑕᔨᑕᑯᓯᑦ ᐃᔅᐱᔅ ᒋᔾ᙮
\v 9 ᒋᑭ ᒋ ᐸᒋ ‍ ᓂᑐᐛᐱᒧᒄ ᐊᓐ ᐊᐛᓐ ᑕᐱᔅᑯᓐ ᑲ ‍ ᐎᓴᒥᑕᒄ, ᒐᒋ ᐃᑎᔅᒃ, ‘ᐃᒐᑕ ᐊᓐᑕ, ᐊᑯ ᐊᓐ ᐅᔅᑕ ᑲ ‍ ᒋᔅᑕᔨᑕᑯᓯᑦ ᒐ ‍ ᐊᔭᑭᓄᐅᑦ ᐊᓐᑕ ᐊ ‍ ᐅᒋᒪᐅᐱᓇᓄᐎᒡ ᐊᓐᑕ ᑲ ‍ ᐊᐳᐅᑦ᙮’ ᑭᔭ ᒐ ‍ ᓴᒂᔨᒧᔨᓐ ᐊᑎᐱᔨᓇ᙮
\v 10 ᐅ ᒪᒃ ᒋᐸ ᐃᓯ ‍ ᐃᑐᑕᓐ, ᐊᐛᓐ ᐎᓴᒥᔅᒐ ᐊ ‍ ᒥᑯᓴᑦ ᐊᓐᑕ ᓂᑐᐎᔾ ᒋᐸ ‍ ᐅᐛᑕᔨᑎᓱᓐ, ᑭᔭ ᐊᓐ ᐊᐛᓐ ᑲ ‍ ᒥᑯᓴᑦ ᒋᑭ ᒋ ‍ ᐃᑎᒄ, ‘ᓂᐎᒐᐛᑭᓐ, ᐊᔅᑎᒻ ᐅᑕ ᐊᑯᑕ ᐸᒋ ‍ ᐊᐱᔾ ᐊ ‍ ᐅᒋᒪᐅᐱᓇᓄᐅᒡ᙮’ ᑭᔭ ᒥᓯᐛ ᐊᓐᒡ ᐊᐛᓐᒋ ᑲ ‍ ᐎᓴᒪᑭᓄᐎᒡ ᒐ ‍ ᒋᔅᒐᔨᒥᔅᒡ ᐊ ‍ ᒋᔅᑕᔨᑕᑯᓯᔨᓐ᙮
\v 11 ᐛᔅ ᐊᐛᓐ ᒥᔅᑎ ᑲ ᐎ ‍ ᐃᑕᔨᒥᑯᓯᑦ ᒋᓴᒪᓂᑐᐛ ᒋᑭ ‍ ᑎᐱᑕᔨᒧᐃᑯᐤ᙮ ᐊᓐ ᒪᒃ ᑲ ‍ ᑎᐱᑕᔨᒥᑎᓱᑦ ᐊᐅᒄ ᐊᓐ ᒐ ‍ ᒋᔅᑕᔨᑕᑯᐃᑯᑦ ᒋᓴᒪᓂᑐᐛ᙮”
\p
\v 12 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᓇᐸᐛ ᑲ ‍ ᐎᓴᒥᑯᑦ ᐊ ‍ ᒥᑯᓴᔨᒋ, “ᐊ ‍ ᒥᑯᓴᔨᓐ ᒪ, ᐊᑲᐎᔾ ᒥᒄ ᒋᐎᒐᐛᑭᓐᒡ ᐎᓴᒥᒡ ᑭᔭ ᒪᒃ ᒋᐧᑲᓂᓯᒡ ᑭᔭ ᒪᒃ ᒋᐛᐧᑯᒪᑭᓂᒡ ᑭᔭ ᒪᒃ ᐊ ‍ ᐛᔪᑎᓯᒡ ᐊᐛᓐᒋ ᐊᓐᑕ ᒥᒋᒪ ᐊ ‍ ᐎᒋᒥᔅᒡ, ᐛᔅ ᒋᑭ ᒋ ‍ ᐃᓯᓇᑯᓂᔪᐤ ᑭᔭ ᒋᔾ ᐊᔅᒄ ᒐᒋ ᐎᓴᒥᔅᒡ, ᒐᒋ ᐃᑐᑕᔅᒡ ᑭᔭ ᒋᔾ ᑕᓐ ᐊᓂᔭ ᑲ ᐃᓯ ‍ ᐃᑐᑐᐅᑥᐤ᙮
\v 13 ᐃᔭᐱᒡ, ᐊᓐᒡ ᐊᐛᓐᒋ ᑲ ‍ ᒋᔅᑎᒪᑎᓯᒡ ᐎᓴᒥᒡ, ᑭᔭ ᐊᓐᒡ ᑲ ‍ ᒪᔅᒋᓂᑕᐅᒋᒡ ᑭᔭ ᐊᓐᒡ ᐊᑲ ᓂᑕᐅᑕᒡ, ᑭᔭ ᐊᓐᒡ ᐊᑲ ᐛᐸᑕᒡ᙮
\v 14 ᐊᑯ ᒪᒃ ᒐ ‍ ᓱᐛᔨᒥᑯᔨᓐ ᐅᒋ ᐊᒋ ‍ ᐎᓴᒪᑥᐤ, ᐛᔅ ᑕᐸ ᒋᑭ ᒋ ‍ ᒋᐛ ᐃᑐᑕᑯᒡ ᑕᓐ ᐊᓂᔭᔪᐤ ᑲ ᐃᓯ ‍ ᐃᑐᑐᐅᑥᐤ᙮ ᒋᓴᒪᓂᑐᐤ ᒋᑭ ‍ ᑎᐸᐊᒪᒄ ᐃᔅᐱ ᐅᓂᔅᑲᑥᐛ ᓂᐳᐅᓂᒡ ᐅᒡ ᐊᓐᒡ ᑲ ‍ ᒂᔅᑲᑎᓯᒡ᙮”
\s1 ᒋᔅᒋᓄᐊᒪᒐᐤ ᑎᐸᒋᒧᐅᓐ ᒋᒋ ‍ ᒥᑯᓴᐅᓐ ᐊ ‍ ᑎᐸᑕᑭᓄᐅᒡ
\r ᒪᑎᔪᐤ 22.1-10
\p
\v 15 ᒋ ‍ ᑕᔪᐛ ᓇᐸᐛ ᐊ ‍ ᐎᑎᐱᒥᑯᑦ ᐅᑎᐸᔨᒋᒐᐤ ᐊᓐᑕ ᒥᒋᓱᐛᑭᓇᑎᑯᒡ᙮ ᐸᐃᒄ ᒪᒃ ᐊᓂᔭ ᓇᐸᐛ, ᐃᔅᐱ ᐱᔭᑎᒥᔨᒋ ᐊᓂᔭ ᑲ ‍ ᐃᔅᒋᔄᑦ, ᒋ ‍ ᐃᑎᑯᐤ, “ᐊᔪᐛᒡ ᓱᐛᔨᑕᑯᓱᐅᒡ ᐊᓐᒡ ᒐ ‍ ᒥᒋᓱᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᒥᑯᓴᓄᔨᒐ᙮”
\p
\v 16 ᒋᓴᔅ ᒂ ‍ ᐎᑎᒧᐛᑦ ᐊᓂᔭ ᓇᐸᐛ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ, “ᐸᐃᒂᐤ ᓇᐸᐤ ᐊᒋ ‍ ᐊᔭᔅᑯᔅᑕᑦ ᐊ ‍ ᒥᓴᔨᒡ ᒥᑯᓴᓂᔪᐤ, ᒥᒐᑦ ᐊᐛᔪᐛ ᒋ ‍ ᐎᓴᒪᐤ᙮
\v 17 ᐃᔅᐱ ᒪᒃ ᐛᑎᒋᐱᔨᒡ ᒐ ‍ ᒥᒋᓱᓇᓄᐎᒡ ᒋ ‍ ᐃᑎᓴᐛᐤ ᐊᓂᔭ ᐅᑦ ᐊᐱᒋᐊᑭᓇ ᒐᒋ ᐃᑕᔨᒋ ᐊᓂᔭ ᑲ ‍ ᐎᓴᒪᑭᓄᔨᒋ, ‘ᐸᒋ ‍ ᑎᑯᓯᓂᒄ ᔅᑎᑯᓇᐛᐤ, ᓴᔅ ᒥᓯᐛ ᒐᒂᓐ ᐊᔭᔅᑯᔅᑕᐤ᙮’ ”
\p
\v 18 “ᒥᓯᐛ ᒪᒃ ᐊ ‍ ᑎᓯᒡ ᒋ ‍ ᐃᔅᒋᔄᐅᒡ ᒐ ᐊᑲ ᒋ ᑎᑯᓯᓂᒡ᙮ ᐊᓐ ᓇᐸᐤ ᓂᔅᑎᒻ ᑲ ‍ ᓂᑐᐛᐱᒪᑭᓄᐅᑦ ᒋ ‍ ᐃᔅᒋᔄᐤ, ‘ᓂ ‍ ᒥᑕᒋᔨᐛᓯᓐ ᐊᑲ ᒋ ‍ ᐃᑐᑕᔭᓐ ᐛᔅ ᓂᒋ ‍ ᐅᑎᓇᓐ ᓂᑕᐅᒋᑕᑭᓐ ᐊᔅᒋᔾ, ᐸᑎᒪ ᒪᒃ ᓂᑭ ‍ ᑭᓄᐛᐸᑕᓐ᙮’ ”
\p
\v 19 “ᐊᓐ ᑯᑎᒃ ᓇᐸᐤ ᒋ ‍ ᐃᔅᒋᔄᐤ, ‘ᓂ ‍ ᒥᑕᒋᔨᐛᓯᓐ ᐊᑲ ᒋ ‍ ᐃᑐᑕᔭᓐ, ᐊᓄᒡ ᐛᔅ ᐊᓐ ᐸᐃᑯᔪᐤ ᒥᔅᑐᓯᒡ ᑲᒋ ‍ ᐅᑕᐸᒡ ᓂᒋ ‍ ᐅᑎᓇᐅᒡ᙮ ᐸᑎᒪ ᒪᒃ ᓂᑭ ‍ ᐎᐧᑯᒋᐊᐅᒡ᙮ ᓇᒪ ᒪᒃ ᓂᑦ ᐃᔅᐱᓯᓐ ᒐᒋ ᐃᑐᑕᔭᓐ᙮’ ”
\p
\v 20 “ᒥᓐ ᑯᑎᒃ ᓇᐸᐤ ᒋ ‍ ᐃᑕᐤ, ‘ᐊᓄᒡ ᐛᓱᐤ ᓂᒋ ‍ ᓂᐳᐅᓐ, ᐊᐅᒄ ᒪᒃ ᐅ ᐛᒋ ᐊᑲ ᒋ ‍ ᑎᑯᓯᓂᔭᓐ᙮’ ”
\p
\v 21 “ᐊᓐ ᒪᒃ ᐊᐱᒋᐊᑭᓐ ᒋ ‍ ᐎᑎᒧᐛᐤ ᐅᒋᒪᒪ ᑕᓐ ᑲ ‍ ᐃᔅᒋᔄᔨᒡ ᐅᔭ᙮ ᐊᑯ ᒪᒃ ᐊᓐ ᐅᒋᒪᐤ ᑲ ᐎ ‍ ᒥᑯᓴᑦ ᓇᔅᒡ ᑕᑈ ᒋ ‍ ᒋᔄᓱᐤ᙮ ᒂ ‍ ᐃᑕᑦ ᐊᓂᔭ ᐅᑦ ᐊᐱᒋᐊᑭᓇ, ‘ᒋᐱᔾ, ᒪᒋ ᒥᓯᐛ ᐃᑐᑕ ᐅᑕ ᐅᑕᓇᒡ, ᒐ ‍ ᐸᓱᐅᑥᐤ ᐊᓐᒡ ᑲ ‍ ᒋᔅᑎᒪᑎᓯᒡ, ᑲ ‍ ᒪᔅᒋᓂᑕᐅᒋᒡ ᐊᑲ ᐛᐸᑕᒡ ᑭᔭ ᐊᓐᒡ ᐊᑲ ᒋ ‍ ᐊᑎᓂᓱᒡ᙮’ ”
\p
\v 22 “ᐎᐱᒡ ᒪᒃ ᒋ ‍ ᑎᑯᓯᓐ ᐊᓐ ᐊᐱᒋᐊᑭᓐ ᐊᑯ ᒂ ‍ ᐃᑕᑦ ᐊᓂᔭ ᐅᒋᒪᒪ, ‘ᓴᔅ ᓂᒋ ‍ ᐃᑐᑕᓐ ᑕᓐ ᑲ ᐃᓯ ‍ ᓂᑐᐛᔨᒥᔨᓐ ᒐᒋ ᐃᑐᑎᒪᓐ ᐊᔅᒄ ᒪᒃ ᒥᔅᑎ ᑐᐛᐤ ᐊᑐᐎᔅ ᑯᑎᑭᒡ ᒐᒋ ᑎᑯᓯᓂᒡ᙮’ ”
\p
\v 23 “ᒂ ‍ ᐃᑎᑯᑦ ᐅᒋᒪᒪ, ‘ᐊᓐᑕ ᐃᑐᑕ ᒪᔅᑭᓇᒡ ᑭᔭ ᐊᓐᑕ ᓄᒋᒥᒡ ᒐ ‍ ᓯᒋᒥᑥᐤ ᐃᔪᒡ ᒐᒋ ᑎᑯᓯᒡ ᒐᒋ ᐅᒋ ‍ ᓴᑭᔅᒋᓇᒡ ᐅᑕ ᓂᒋᒡ᙮
\v 24 ᒋ ‍ ᐎᑎᒪᑎᓐ, ᓇᒪ ᐛᐛᒡ ᐸᐃᒄ ᐊᓐᒡ ᓂᔅᑎᒻ ᑲ ‍ ᐎᓴᒥᒂᐤ ᒋᑭ ᐅᒋ ‍ ᑯᒋᔅᑎᒧᒡ ᐅᔭᔪᐤ ᓂᒥᑯᓴᓂᔪᐤ᙮’ ”
\s1 ᑕᓐ ᐊᓐ ᐊ ‍ ᐃᑕᔨᑕᒂᒡ ᐊ ᐎ ‍ ᓇᓴᐛᑭᓄᐅᑦ ᒋᓴᔅ
\r ᒪᑎᔪᐤ 10.37,38
\s2 Luke 14.25-33 (Proper-18 Year C)
\p
\v 25 ᒋ ‍ ᒥᒐᑎᔪᐛ ᒪᒃ ᐊᐛᔪᐛ ᐊ ‍ ᐱᐸᐎᒐᐅᑯᑦ ᒋᓴᔅ, ᒋ ‍ ᑭᓄᐛᐱᒪᐤ ᒪᒃ ᐊᑯ ᒂ ‍ ᐃᑕᑦ,
\v 26 “ᐊᐛᓐ ᐛ ᓇᓴᐅᒂ ᑕᓐ ᐊ ᐃᓯ ‍ ᐱᒪᑎᓯᔭᓐ, ᓂᔾ ᐊᑐᐎᔅ ᓂᑭ ‍ ᓴᒋᐃᒄ ᐊᔅᐱᔅ ‍ ᓴᒋᐊᑦ ᐅᑕᐎᔭ ᑭᔭ ᐅᑲᐎᔭ, ᐎᐛ, ᐅᑦ ᐊᐛᓯᒪ ᑭᔭ ᑎᐱᔨᐛ ᐎᐧᑲᓂᓴ᙮ ᓂᔾ ᐅᔅᑕ ᓂᑭ ‍ ᓴᒋᐃᒄ ᐃᔅᐱᔅ ᐎᔾ ᐊ ᐃᔅᐱᔅ ‍ ᓴᒋᑕᑦ ᑎᐱᔨᐛ ᐅᐱᒪᑎᓯᐅᓐ᙮ ᐊᑲ ᒪᒃ ᒋ ‍ ᑎᒐ ᓇᒪ ᓂᑭ ᒋ ‍ ᐅᒋᔅᒋᓄᐊᒧᐛᑭᓂᑐᑐᐛᐤ᙮
\v 27 ᐊᐛᓐ ᐊᑲ ᐱᒪᐅᔭᒐ ᐅᒋᐱᔭᑎᑯᒪ ᐊ ᐸᒋ ‍ ᓇᓴᐅᑦ ᓇᒪ ᓂᑭ ᒋ ‍ ᐅᒋᔅᒋᓄᐊᒧᐛᑭᓂᑐᑐᐛᐤ᙮”
\p
\v 28 “ᒧᔭᒻ ᐊ ‍ ᐃᓯᓇᑯᓯᑦ ᐊᐛᓐ ᐊ ᐎ ‍ ᐎᔨᑲᐳᐅᑕᑦ ᐊᓱᐛᐳᐅᒋᐛᐱᔪᐤ, ᓂᔅᑎᒻ ᒋᑭ ‍ ᐎᔭᔨᑎᒻ ᑕᓐ ᓴᓯᑲᓐ ᒐ ᐃᔅᐱᔅ ‍ ᐃᔅᐱᔨᐃᑯᑦ, ᑭᔭ ᑕᑈ ᑎᑉ ᐊ ᐃᔅᐱᔅ ‍ ᐃᔭᒂ ᓱᓇᔭᔪᐤ ᒐᒋ ᒋᔅᑕᑦ᙮
\v 29 ᐊᑲ ᒪᒃ ᓂᔅᑎᒻ ᓂᑐ ‍ ᒋᔅᒐᔨᑕᒐ ᑕᓐ ᒐ ᐃᔅᐱᔅ ‍ ᐃᔅᐱᔨᒡ ᒋᑭ ᒋ ‍ ᐃᓯᓇᑯᓱᐤ ᒐᒋ ᓄᑕᐱᔨᑦ ᓱᓇᔭᐤ ᑭᔭ ᓇᒪ ᒋᑭ ᒋ ‍ ᒋᔅᑕᐤ ᐊᓂᔭ ᑲ ‍ ᐅᓯᑕᑦ᙮ ᐛᐸᑎᒥᔨᒐ ᒪᒃ ᐊᐛᔪᐛ ᐊᓂᔭ ᐊ ‍ ᐃᔅᐱᔨᑦ ᒋᑭ ‍ ᒪᔭᔨᒥᑯᐤ᙮
\v 30 ᒋᑭ ‍ ᐃᑎᑯᐤ, ‘ᐅ ᓇᐸᐤ ᒋ ‍ ᒋᒋᐱᔨᑕᐤ ᐊ ‍ ᐎᔨᑲᐳᐅᑕᑦ ᒥᒋᐛᐱᔪᐤ, ᓇᒪ ᒪᒃ ᒋ ‍ ᒋᔅᑕᐤ᙮’ ”
\p
\v 31 ᐊᑯ ᒥᓐ ᐅᔭ ᑲ ᐊᑎ ‍ ᐃᔅᒋᔄᑦ ᒋᓴᔅ, “ᑭᔭ ᒧᔭᒻ ᐊ ‍ ᐃᓯᓇᑯᓯᑦ ᒋᓴᐅᒋᒪᐤ ᐸᐃᑯᔪᐤ ᑕᑥᐤ ᒐᓯᐱᔪᐤ ᐊ ‍ ᑕᑎᓯᔨᒋ ᐅᑦ ᐊᓯᒪᑭᓂᓯᒪ, ᐊ ᐎ ‍ ᓂᑐᐱᔨᑐᐛᑦ ᒪᒃ ᑯᑎᑲ ᒋᓴᐅᒋᒪᐛ ᓂᓱᔪᐤ ᑕᑥᐤ ᒐᓯᐱᔪᐤ ᐊ ‍ ᑕᑎᓯᔨᒋ ᐅᑦ ᐊᓯᒪᑭᓂᓯᒥᔪᐛ, ᐸᑎᒪ ᒋᑭ ‍ ᒪᒥᑐᓇᔨᑎᒥᐃᑯᐤ ᑕᑈ ᒐᒋ ᓴᒂᐊᒂ᙮
\v 32 ᐊ ‍ ᐃᑕᔨᑎᒧᒂ ᒪᒃ ᒐ ‍ ᓴᑯᐃᑯᑦ ᐊᓂᔭ ᑯᑎᑲ ᒋᓴᐅᒋᒪᐛ ᒋᑭ ‍ ᐃᑎᓴᐛᐤ ᐱᔅᒐ ᓇᐸᐛ ᒐᒋ ᓂᒋᔅᑯᐛᔨᒋ ᐊᓂᔭ ᒋᓴᐅᒋᒪᐛ ᐊᔅᒄ ᐊ ‍ ᐊᔭᐅᓇᑯᓯᔨᒋ, ᐊᑯ ᒐ ‍ ᑯᒂᒋᒪᒡ ᑕᓐᑕ ᒐᒋ ᐃᑎᒡ ᒐ ᐊᑲ ᒋ ᓂᑐᐱᔨᑕᑐᒡ᙮
\v 33 ᐊᑯ ᒋᓴᔅ ᒥᓐ ᒂ ᐊᑎ ‍ ᐃᔅᒋᔄᑦ, ᐊᐅᑯᓐ ᒪᒃ ᒧᔭᒻ ᐊ ‍ ᐃᓯᓇᑯᓂᔨᒡ ᐊᐛᓐ ᑲ ‍ ᓂᑐᐛᔨᑕᐧᒃ ᒐᒋ ᐅᒋᔅᒋᓄᐊᒧᐛᑭᓂᑐᑐᐅᒃ, ᐸᑐᔅ ᒋᑭ ‍ ᐱᔅᑎᓂᒻ ᒥᓯᐛ ᒐᒂᔪᐤ ᐊ ᐃᓯ ‍ ᐊᔭᑦ᙮”
\s1 ᐊ ‍ ᐃᑕᔨᑕᒂᒡ ᓯᐅᑕᑭᓐ ᐊ ‍ ᐃᔭᔪᐛᒡ
\r ᒪᑎᔪᐤ 5.13; ᒪᕐᒃ 9.50
\p
\v 34 ᐊᑯ ᒪᒃ ᒥᓐ ᒋᓴᔅ ᐊᑐᐎᔅ ᒂ ᐊᑎ ‍ ᒋᔅᑯᑎᒧᐛᑦ ᐅᔭᔪᐤ ᑎᐸᒋᒧᐅᓂᔪᐤ ᐅᒋ, ᐊ ‍ ᐃᔅᒋᔄᑦ, “ᒥᔽᐤ ᓯᐅᑕᑭᓐ᙮ ᒥᒄ ᒪᒃ ᐊᑲ ᐎᔭᐱᒋᔅᐱᒂᒐ ᐊᓐ ᓯᐅᑕᑭᓐ ᓇᒪ ᑎᑯᓐ ᑕᓐᑕ ᒐᒋ ᐃᑐᑕᑭᓄᐅᒡ ᓯᐅᑕᑭᓐ ᒐᒋ ᐃᔅᐱᒂᒡ ?
\v 35 ᐊᑯ ᒪᒃ ᓇᒪ ᓇᔅᒡ ᒋᑭ ᒋ ‍ ᐎᔭᔅ ᐃᑕᐱᑎᓐ ᐛᐛᒡ ᑭᔭ ᐊᓐᑕ ᓂᑕᐅᒋᑕᑭᓐ ᐊᔅᒋᒡ᙮ ᐊᑯᔅ ᒪᒃ ᓂᑕᒡ ᒋᑭ ‍ ᐛᐱᓇᑭᓄᐤ᙮ ᐃᔭᒂ ᓂᑐᑕ ᒐᒋ ᓂᔅᑐᑎᒥᓐ ᑕᓐ ᐊᓐ ᐛ ᐃᓯ ‍ ᐎᑎᒪᑕᓐ᙮”
\c 15
\s1 ᑲ ‍ ᐅᓂᓯᐧᒃ ᒪᔭᑕᓂᔅ
\r ᒪᑎᔪᐤ 18.12-14
\s2 Luke 15.1-3, 11-32 (Lent-4 Year C)
\s2 Luke 15.1-10 (Proper-19 Year C)
\p
\v 1 ᐸᐃᒂᐤ ᐊᓐᒡ ᑲ ‍ ᒪᒧᓴᒋᓇᒡ ᒋᓴᐅᒋᒪᐤ ᓱᓇᔭᔪᐤ ᑲ ‍ ᐃᑕᐱᑎᓯᒡ ᒋ ᐸᒋ ‍ ᓂᑐᑐᐛᐅᒡ ᒋᓴᓴ ᐊ ᐸᒋ ‍ ᒥᒐᑎᒡ᙮ ᑭᔭ ᑯᑎᑭᒡ ᐃᔪᒡ ᐊ ‍ ᒋᔅᒐᔨᒪᑭᓄᐎᒡ ᐊ ‍ ᒥᒐᑎᓯᒡ ᒋ ᐸᒋ ‍ ᑎᑯᓯᓄᐅᒡ᙮
\v 2 ᐸᕆᓯᔨᒡ, ᑭᔭ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ‍ ᐊᔨᒧᒪᐅᒡ ᒋᓴᓴ ᐊ ‍ ᐃᔅᒋᔄᒡ, “ᐅ ᓇᐸᐤ ᐎᒐᐛᑭᓂᑐᐛᐤ ᐊᓂᔭ ᑲ ‍ ᒥᒐᑎᓯᔨᒋ ᑭᔭ ᐎᒋ ‍ ᒥᒋᓱᒪᐤ᙮”
\p
\v 3 ᐊᑯ ᒋᓴᔅ ᒂ ‍ ᐎᑎᒧᐛᑦ ᐅᔭ ᑎᐸᒋᒧᐅᓂᔪᐤ᙮
\v 4 “ᐃᓯᓇᑯᓯᑦ ᐊᐛᓐ ᐸᐃᑯ ᒥᑕᓯᒥᑎᓄᐤ ᐊᒋ ‍ ᐊᔭᐛᑦ ᒪᔭᑕᓂᓴ, ᐸᐃᒄ ᒪᒃ ᐊᓂᔭ ᐅᓂᓯᓂᔨᒋ, ᑕᓐ ᒋᐸ ‍ ᐃᑐᐤ ? ᓇᒪᐎᔾ ᐊ ᒋᐸ ᐅᒋ ‍ ᓂᑭᑕᐤ ᐊᓂᔭ ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒪᔭᑕᓂᓴ ᒐᒋ ᓇᓂᑐᐛᐱᒪᑦ ᐊᓂᔭ ᑲ ‍ ᐅᓂᓯᓂᔨᒋ, ᐸᑐᔅ ᒥᔅᑯᐛᒐ ?
\v 5 ᐃᔅᐱ ᒪᒃ ᒥᔅᑯᐛᒐ ᓇᔅᒡ ᑕᑈ ᒋᑭ ‍ ᒥᔽᔨᑎᒻ, ᐊᑯ ᐅᑎᑎᒥᓂᒡ ᐊᑯᑕ ᒐ ‍ ᑕᑕᔭᑦ, ᒐ ‍ ᒋᐛᑕᐊᑦ᙮
\v 6 ᐊᑯ ᒐ ‍ ᐎᓴᒪᑦ ᐎᒐᐛᑭᓇ ᒐ ‍ ᐃᑕᑦ, ‘ᐎᒋ ‍ ᒥᔽᔨᑎᒧᒥᒄ ᐛᔅ ᓂ ‍ ᒥᔅᑯᐛᐤ ᐊᓐ ᓂᒪᔭᑕᓂᓯᒻ ᑲ ‍ ᐅᓂᐃᒃ᙮’ ”
\v 7 ᒂ ‍ ᐃᔅᒋᔄᑦ ᒥᓐ ᒋᓴᔅ, “ᒋ ‍ ᐎᑎᒪᑎᓇᐛᐤ, ᒧᔭᒻ ᐊᐅᑯᓐ ᐊ ‍ ᐃᑕᔨᑕᒂᒡ ᒧᒋᒐᔨᑎᒧᐅᓐ ᐊᓐᑕ ᒋᒋᒋᓯᑯᒡ ᐃᔅᐱ ᐸᐃᒄ ᐅᒥᒋᑥᐤ ᐊ ‍ ᓇᑕᑦ ᒋᓴᒪᓂᑐᐛ ᐊ ᐎ ‍ ᒂᔅᑲᑎᓯᑦ, ᐅᔅᑕ ᐎᔾ ᒧᒋᒐᔨᑎᒥᐃᐛᐤ ᐃᔅᐱᔅ ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᑲ ‍ ᑯᐃᔅᑯᑕᑎᓯᒡ ᐊᐛᓐᒋ ᓴᔅ ᐊ ‍ ᒂᔅᑲᑎᓯᒡ᙮”
\s1 ᑲ ‍ ᐅᓂᓯᐧᒃ ᓱᓇᔭᐤ
\p
\v 8 ᐊᑯ ᒋᓴᔅ ᒂ ‍ ᐎᑎᒧᐛᑦ ᑯᑎᒋᔪᐤ ᒋᔅᒋᓄᐊᒪᒐᐤ ᑎᐸᒋᒧᐅᓂᔪᐤ ᐊ ‍ ᐃᑕᑦ, “ᑕᓐ ᐊ ‍ ᐃᑎᑦ ᐃᔎᐤ ᐊ ‍ ᐊᔭᐛᑦ ᐸᐃᑯᔪᐤ ᓱᓇᔭᐱᔎ, ᐸᐃᒄ ᒪᒃ ᐊᓂᔭ ᐅᓇᐊᑦ ? ᓯᔅᑲᐊᒻ ᐛᔅᑕᓂᐱᒪᑭᓂᔪᐤ, ᐛᔭᓯᐃᒐᑦ ᑭᔭ ᐊᓐᑕ ᐎᒋᒡ, ᓇᔅᒡ ᓇᓂᑐᐛᐱᒪᐤ ᐸᑐᔅ ᒪᔅᑯᐛᑦ᙮
\v 9 ᐃᔅᐱ ᒪᒃ ᒪᔅᑯᐛᑦ, ᐊᑯ ᒪᒧᐤ ᐛᓴᒪᑦ ᐎᒐᐛᑭᓇ ᑭᔭ ᐎᐧᑲᓂᓴ ᐊ ‍ ᐃᑕᑦ, ‘ᓇᔅᒡ ᑕᑈ ᓂ ‍ ᒥᔽᔨᑕᓐ ᐊᒋ ‍ ᒥᔅᑯᐅᒃ ᐊᓐ ᓱᓇᔭᐱᔅᒄ ᑲ ‍ ᐅᓂᐃᒃ᙮ ᐎᒋ ‍ ᒥᔽᔨᑎᒧᒥᒄ ᒪ᙮’ ”
\v 10 ᐊᑯ ᒥᓐ ᒋᓴᔅ ᒂ ‍ ᐃᔅᒋᔄᑦ, “ᐊᓂᔭ ᒪᒃ ᑲ ᐃᔅᐱᔅ ‍ ᒥᔽᔨᑕᐧᒃ ᐊᓐ ᐃᔎᐤ ᐊᒋ ‍ ᒥᔅᑯᐛᑦ ᐊᓂᔭ ᑲ ‍ ᐅᓇᐊᑦ ᐅᓱᓇᔭᓂᒪ ᐊᐅᑯᓐ ᐊ ‍ ᐃᓯᓇᑯᓯᔨᒋ ᒋᓴᒪᓂᑐᐤ ᐅᑦ ᐊᓐᒋᓇᒪ, ᒥᔽᔨᑎᒥᔪᐛ ᐃᔅᐱᔅ ᐸᐃᒄ ᐅᒥᒋᑥᐛ ᐊ ‍ ᒂᔅᑲᑎᓯᔨᒋ᙮”
\s1 ᓇᐸᔅ ᑲ ‍ ᓂᑭᑕᑦ ᐅᑕᐎᔭ
\s2 Luke 15.1-3, 11-32 (Lent-4 Year C)
\p
\v 11 ᒋᓴᔅ ᒪᒃ ᒥᓐ ᒋ ‍ ᐎᑎᒻ ᑯᑎᒋᔪᐤ ᑎᐸᒋᒧᐅᓂᔪᐤ, ᐊ ‍ ᐃᔅᒋᔄᑦ, “ᒋ ‍ ᑕᐤ ᓇᐸᐤ ᐊᒋ ‍ ᓂᓯᔨᒋ ᐅᑯᓴ᙮
\v 12 ᐊᓐ ᒪᒃ ᐅᓯᒥᒪᐤ ᒋ ‍ ᐃᑕᐤ ᐅᑕᐎᔭ, ‘ᓄᑕ, ᐸᒋ ‍ ᒥᔾ ᐊᓄᒡ ᐊᓂᔭᔪᐛ ᒐᒂᔪᐛ ᐊᓂᔅᒐ ᒐ ‍ ᑎᐱᔨᐛᐅᓯᔭᓐ᙮’ ᐊᑯ ᐅᑕᐎᐛᐛ ᒂ ‍ ᑕᑕᐅᓂᒪᑯᒡ ᒥᓯᐛ ᑕᓐ ᑲ ᐃᓯ ‍ ᑎᐱᔨᐛᐅᓯᔨᒋ᙮
\p
\v 13 ᓇᒪ ᓇᐅᔅ ᒂ ᐊᑎ ‍ ᑎᒪᒋᓇᐧᒃ ᒥᓯᐛ ᑕᓐ ᑲ ᐃᓯ ‍ ᑎᐱᔨᐛᐅᓯᑦ ᐊᓐ ᐅᓯᒥᒪᐤ ᐊᑯ ᐊᓐᑕ ᐛᔪᐤ ᐊᔅᒋᒡ ᒂ ‍ ᐃᑐᑕᑦ᙮ ᐊᑯᑕ ᐊᓐᑕ ᑲ ‍ ᒪᔅᑎᓇᐧᒃ ᐅᓱᓇᔭᓂᒻ ᐊ ‍ ᒋᔎᐱᒪᑎᓯᑦ᙮
\v 14 ᐃᔅᐱ ᒪᒃ ᒥᓯᐛ ᑲ ‍ ᒪᔅᑎᓇᐧᒃ ᐅᓱᓇᔭᓂᒻ ᐊᓐᑕ ᐊᓂᔭ ᐊᔅᒋᔪᐤ ᑲ ‍ ᑕᑦ ᒋ ‍ ᐱᒥᐱᔪᐤ ᐊ ‍ ᐛᐛᓇᐧᑭᑕᓄᐅᒡ᙮ ᒐᒃ ᑲ ‍ ᐛᐛᓇᐧᑭᑕᑦ ᑭᔭ ᐎᔾ᙮
\v 15 ᐊᑯ ᒂ ‍ ᐊᑐᔅᑯᐛᑦ ᐸᐃᒄ ᓇᐸᐛ ᐊᓐᑕ ᐊ ‍ ᐅᒋᔨᒋ ᐊᓂᔭ ᐅᑕᓇᔪᐤ, ᒂ ‍ ᐃᑎᓴᐅᑯᑦ ᒐᒋ ᑭᓄᐛᔨᒪᑦ ᐅᑯᐧᑯᓯᒥᔪᐛ᙮
\v 16 ᐊᔅᐱᔅ ᓯᐛᔨᑦ ᒪᒃ ᒐᒃ ᓇᔅᒡ ᒋ ‍ ᒧᔅᑕᓇᔨᑎᒻ ᒐᒋ ᒋᔅᐳᐃᓱᑦ ᐊᓂᔭ ᑯᐧᑯᓴ ᐅᒥᒋᒥᔪᐤ, ᓇᒪ ᒪᒃ ᐊᐛᔪᐛ ᐅᒋ ᐊᓯᒥᑯᐤ ᒐᒂᔪᐤ᙮
\p
\v 17 ᒐᒃ ᒪᒃ ᐃᔅᐱ ᑲ ‍ ᑯᐃᔅᑯᑯᑕᔨᒡ ᐅᒥᑐᓇᔨᒋᑭᓐ, ᒋ ‍ ᐃᑕᔨᑎᒻ, ‘ᐊᑎ ᐊ ‍ ᑕᑎᓯᔨᒋ ᓄᑕᐎᔾ ᐅᑦ ᐊᐱᒋᐊᑭᓇ ᒥᓯᐛ ᐊ ‍ ᑕᐱᔅᑯᔨᒋ ᐃᔭᐱᒡ ᐊᔪᐱᔨᒡ ᒥᒋᒥᔪᐤ, ᓂᔾ ᒪᒃ ᒐᑲᑦ ᓂ ‍ ᑯᐧᑭᑕᓐ᙮
\v 18 ᓂᑭ ‍ ᔅᑐᑕᓐ ᒐ ‍ ᓂᑐᐛᐱᒥᒃ ᓄᑕᐎᔾ ᒐ ‍ ᐃᑎᒃ, “ᓄᑕ, ᓂᒋ ‍ ᒥᒋᑐᑐᐛᐤ ᒋᓴᒪᓂᑐᐤ ᑭᔭ ᒋᔾ ᔅᒋ ‍ ᒥᒋᑐᑕᑎᓐ᙮
\v 19 ᓇᒪ ᓂ ‍ ᒋᔅᑕᔨᑕᑯᓯᓐ ᒐᒋ ᐅᑯᓯᑐᑐᐎᔨᓐ, ᐸᒋ ‍ ᐊᐱᒋᐃ ᒪᒃ ᒧᔭᒻ ᐊ ᐃᓯ ‍ ᐊᐱᒋᐃᑥᐤ ᒋᑦ ᐊᐱᒋᐊᑭᓐᒡ᙮” ’
\v 20 ᑭᔭ ᒂ ‍ ᐱᓯᑯᑦ ᑲᐤ ᒐ ‍ ᓂᑐᐛᐱᒪᑦ ᐅᑕᐎᔭ᙮
\p ᐊᑯ ᒪᒃ ᐊᔅᒄ ᐊ ‍ ᐊᔭᐅᓇᑯᓂᔨᒡ ᒐ ᐃᔅᐱᔅ ‍ ᑎᑯᓯᐧᒃ ᐊᓐᑕ ᐊ ‍ ᑕᒡ, ᒋ ‍ ᐛᐱᒥᑯᐤ ᐅᑕᐎᔭ ᐊᑯ ᓇᔅᒡ ᑲ ‍ ᒋᔅᑎᒪᒐᔨᒥᑯᑦ ᐊᑯ ᒂ ‍ ᐊᑈᔅᑲᑯᑦ, ᒂ ‍ ᐛᐛᐅᒋᐱᑎᑯᑦ ᒂ ‍ ᓱᐛᔨᒥᑯᑦ᙮
\p
\v 21 ᒂ ‍ ᐃᑕᑦ ᐊᓐ ᐅᑯᓯᓯᒪᐤ ᐊᓂᔭ ᐅᑕᐎᔭ, ‘ᓄᑕ, ᓂᒋ ‍ ᒥᒋᑐᑐᐛᐤ ᒋᓴᒪᓂᑐᐤ ᑭᔭ ᒋᔾ ᔅᒋ ‍ ᒥᒋᑐᑕᑎᓐ᙮ ᓇᒪ ᓂ ‍ ᒋᔅᑕᔨᑕᑯᓯᓐ ᒐᒋ ᐅᑯᓯᑐᑐᐎᔨᓐ᙮’
\p
\v 22 ᒥᒄ ᒪᒃ ᐊᓂᔭ ᐅᑕᐎᔭ ᑎᐛᒡ ᒋ ‍ ᐎᓴᒪᔪᐛ ᐅᑦ ᐊᐱᒋᐊᑭᓂᔪᐛ ᐊᑯ ᒂ ‍ ᐃᑕᔨᒋ, ‘ᐎ ᒋᐱᔨᒄ ᒐ ‍ ᐸᑕᔭᒄ ᐊᓐ ᓇᔅᒡ ᑲ ‍ ᒥᔽᓯᒡ ᐊᑯᑉ ᒐ ‍ ᐳᔅᑎᔅᑭᒧᑎᔭᒄ᙮ ᑭᔭ ᑕᐱᒋᒐᐱᓱᓇ ᒐ ‍ ᐳᔅᑎᔅᑭᒧᑎᔭᒄ ᑭᔭ ᒥᔅᒋᓇ᙮
\v 23 ᑭᔭ ᒐ ‍ ᓂᐸᐊᒄ ᐊᓐ ᑲ ‍ ᑕᒋᐳᐊᑭᓄᐅᑦ ᒥᔅᑐᔅ, ᒐ ‍ ᒥᔪᐧᑯᐛᒄ ᑭᔭ ᒐ ‍ ᒥᑯᓴᔭᐧᒄ᙮
\v 24 ᐛᔅ ᐅ ᓂᑯᔅ ᒧᔭᒻ ᐊᒋ ‍ ᓂᐱᑦ ᒋ ‍ ᐃᓯᓇᑯᓱᐤ ᐊᑯ ᒧᔭᒻ ᒥᓐ ᐊ ‍ ᐱᒪᑎᓯᑦ ᐊᐅᒄ ᐊ ‍ ᐃᓯᓇᑯᓯᑦ, ᒧᔭᒻ ᐊᒋ ‍ ᐅᓂᓯᓂᑦ ᑭᔭ ᒥᓐ ᐊ ‍ ᒥᔅᑯᐛᑭᓄᐅᑦ᙮’ ᑭᔭ ᒂ ‍ ᒧᒋᒐᔨᑕᒡ᙮
\p
\v 25 ᐊᓐ ᒪᒃ ᐅᔅᑕᓯᒪᐤ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᒪᒂᒡ ᒋ ‍ ᑕᐤ᙮ ᐃᔅᐱ ᑲ ‍ ᐸᔄᐸᑕᐧᒃ ᐎᒋᐛᐤ ᒋ ‍ ᐸᑎᒻ ᐊ ‍ ᒋᔍᐛᐱᒐᓄᐎᒡ ᑭᔭ ᐊ ‍ ᓂᒥᓇᓄᐎᒡ᙮
\v 26 ᒂ ‍ ᐎᓴᒪᑦ ᐸᐃᒄ ᐊᓂᔭ ᐊᐱᒋᐊᑭᓇ ᐊᑯ ᒂ ‍ ᑯᒂᒋᒪᑦ, ‘ᑕᓐ ᐊ ‍ ᐃᑎᓇᓄᐅᒡ ?’
\v 27 ᐊᑯ ᒂ ‍ ᐃᑎᑯᑦ ᐊᓂᔭ ᐊᐱᒋᐊᑭᓇ, ‘ᒋᓯᒻ ᑲᐤ ᒋ ‍ ᑎᑯᓯᓄᐤ ᐊ ᒥᔪ ‍ ᐱᒪᑎᓯᑦ ᐊᑯ ᒍᑕᐎᔾ ᒂ ‍ ᐃᑎᓱᐛᑦ ᒐᒋ ᓂᐸᐊᑭᓄᔨᒋ ᐊᓂᔭᔪᐛ ᒥᔅᑐᓴ ᑲ ‍ ᑕᒋᐳᐊᑭᓄᔨᒋ ᒐᒋ ᒥᑯᓴᐊᑭᓄᐅᑦ ᐊᓐ ᒋᓯᒻ᙮’
\p
\v 28 ᐃᔅᐱ ᒪᒃ ᐱᔭᑕᐧᒃ ᐅᔭ ᐊᓐ ᐅᔅᑕᓯᒪᐤ ᒋ ‍ ᒋᔄᓱᐤ, ᐊᑯ ᓇᒪ ᐅᒋ ᐎ ‍ ᐱᒐᐤ᙮ ᐅᑕᐎᔭ ᒂ ᐸᒋ ‍ ᓂᑐᐛᐱᒥᑯᑦ, ᒂ ‍ ᓯᒋᒥᑯᑦ ᒐᒋ ᐱᒐᑦ᙮
\v 29 ᐊᑯ ᒂ ‍ ᐃᑕᑦ ᐅᑕᐎᔭ, ‘ᑭᓄᐛᐸᑕ ᒪ, ᒥᒐᑐᐱᐳᓇ ᐊᑯ ᑲ ᐃᔅᐱᔅ ‍ ᐊᑐᔅᑲᑕᓐ ᓇᒪ ᒪᒃ ᓂᑕ ᓂ ᐅᒋ ‍ ᐃᑎᓐ ᒐ ᐊᑲ ᒋ ᓂᓇᐃᑎᒪᓐ ᑕᓐ ᑲ ‍ ᐃᑎᓱᐛᔨᓐ᙮ ᒐᒂᓐ ᒪᒃ ᐛᒡ ᐊᑲ ᐸᒋ ‍ ᒥᔨᓐ ᓂᔾ ᒐᒋ ᐅᒋ ‍ ᐎᒋᒥᑯᓴᒥᒂᐤ ᓂᐎᒐᐛᑭᓂᒡ᙮
\v 30 ᐅ ᒋᑯᔅ ᑲ ‍ ᒋᔎᐱᒪᑎᓯᐛᒐᑦ ᒋᓱᓇᔭᓂᒥᔪᐤ ᐃᔎᐛ ᐊᒋ ‍ ᒪᔭᔨᒪᑦ, ᐊᓄᒡ ᒋ ‍ ᑎᑯᓯᓄᐤ ᑭᔭ ᒋᑦ ᐃᑎᓱᐛᑎᒪᐛ ᒪᒃ ᒐᒋ ᓂᐸᐊᑭᓄᔨᒋ ᐊᓂᔭᔪᐛ ᑲ ‍ ᑕᒋᐳᐊᑭᓄᔨᒋ ᒥᔅᑐᓴ ᒐᒋ ᒥᑯᓴᐊᑭᓄᐅᑦ᙮’
\p
\v 31 ᐅᑕᐎᔭ ᒪᒃ ᒋ ‍ ᐃᑎᑯᐤ, ‘ᓂᑯᓴ, ᒧᔅ ᐊ ‍ ᑕᔭᓐ ᒋ ‍ ᑕᓐ, ᒥᓯᐛ ᐊ ᐃᓯ ‍ ᐊᔭᔭᓐ ᒋ ‍ ᑎᐱᔨᐛᐅᓯᓐ ᑭᔭ ᒋᔾ᙮
\v 32 ᐃᓯᓇᑯᓐ ᑕᑈ ᒐᒋ ᒧᒋᒐᔨᑎᒪᐧᒄ ᐛᔅ ᒋᐧᑲᓂᔅ ᒧᔭᒻ ᐊᒋ ‍ ᓂᐱᑦ ᒋ ‍ ᐃᓯᓇᑯᓱᐤ ᑭᔭ ᐊᓄᒡ ᒧᔭᒻ ᒥᓐ ᐊ ‍ ᐱᒪᑎᓯᑦ ᐊᐅᑯᓐ ᐊ ‍ ᐃᓯᓇᑯᓯᑦ᙮ ᒧᔭᒻ ᐊᒋ ‍ ᐅᓂᓯᓂᑦ ᒋ ‍ ᐃᓯᓇᑯᓱᐤ ᑭᔭ ᒥᓐ ᐊ ‍ ᒥᔅᑯᐛᑭᓄᐅᑦ ᐊᐅᑯᓐ ᐊ ‍ ᐃᓯᓇᑯᓯᑦ᙮’ ”
\c 16
\s1 ᑲ ‍ ᐃᑈᐧᑲᑦ ᐅᒋᒪᔅ
\s2 Luke 16.1-13 (Proper-20 Year C)
\p
\v 1 ᒋᓴᔅ ᒋ ‍ ᐎᑎᒧᐛᐤ ᐅᒋᔅᒋᓄᐊᒧᐛᑭᓇ ᐅᔭᔪᐤ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ, ᐊ ‍ ᐃᑕᑦ, “ᒋ ‍ ᑕᐤ ᐊ ‍ ᐛᔪᑎᓯᑦ ᓇᐸᐤ ᐊᒋ ‍ ᑭᓄᐛᔨᒪᑦ ᐅᒋᒪᓴ᙮ ᐊᓐ ᒪᒃ ᐅᒋᒪᔅ ᒋ ‍ ᓂᓇᑭᑐᐛᔨᑎᒧᐛᐤ ᒥᓯᐛ ᑕᓐ ᑲ ᐃᓯ ‍ ᐊᔭᔨᒋ ᐊᓂᔭᔪᐛ ᓇᐸᐛ᙮ ᒋ ‍ ᐸᑎᒥᔪᐛ ᒪᒃ ᐊᓂᔭ ᐅᒋᒪᒻ ᓂᑎᒥᒄ ᐊᒋ ‍ ᐃᑕᐱᒋᑕᐛᑦ ᐅᓱᓇᔭᓂᒥᔪᐤ᙮
\v 2 ᐊᑯ ᒂ ‍ ᐎᓴᒥᑯᑦ, ᒂ ‍ ᐃᑎᑯᑦ, ‘ᓂᐸᑕᓐ ᐊ ‍ ᐃᑕᒋᒥᑯᔨᓐ ᓂᑎᒥᒄ ᐊ ‍ ᐃᑕᐱᒋᑕᔨᓐ ᓂᓱᓇᔭᓂᒻ᙮ ᒧᓴ ᐎᑎᒧᐎ ᑕᓐ ᐊᓐ ᑲ ‍ ᐃᑕᐱᒋᑕᔨᓐ ? ᓴᔅ ᓇᒪ ᒋᑭ ᐅᒋ ‍ ᑭᓄᐛᔨᑕᓐ ᐊᓐ ᒋᑦ ᐊᑐᔅᒐᐅᓐ᙮’ ”
\p
\v 3 “ᐊᓐ ᒪᒃ ᐅᒋᒪᔅ ᒋ ‍ ᒪᒥᑐᓇᔨᑎᒻ, ‘ᑕᓐ ᒐ ‍ ᐃᑎᔭᓐ ᒪᒃ ᐊᑯ ᒐᒋ ᐅᒋ ‍ ᐱᒪᒋᐃᓱᔭᓐ, ᐊ ‍ ᐃᑕᔨᑕᐧᒃ, ᓴᔅ ᓂᑎᓯᓂᒄ ᓄᒋᒪᒻ ? ᓇᒪ ᓂ ‍ ᒥᔅᑯᓯᓐ ᐊ ‍ ᒧᓇᐃᒐᔭᓐ ᒐᒋ ᐃᑕᐱᑎᓯᔭᓐ ᑭᔭ ᓂ ‍ ᓴᒂᔨᒧᓐ ᒐᒋ ᓇᓂᑐᐛᔨᑎᒪᓐ ᓱᓇᔭᐤ᙮
\v 4 ᓂ ‍ ᒋᔅᒐᔨᑕᓐ ᑕᓐ ᒐ ‍ ᐃᑎᔭᓐ ᒐᒋ ᐅᒋ ‍ ᐎᒐᐛᑭᓂᔭᓐ᙮ ᐊᑯ ᒪᒃ ᐊᑲ ᐊᔭᔭᓇ ᐊᑐᔅᒐᐅᓐ ᐎᔨᐛᐤ ᒐ ᐸᒋ ‍ ᓂᓇᑭᑐᐛᔨᒥᒡ᙮’ ”
\p
\v 5 “ᐊᑯ ᒂ ‍ ᐎᓴᒪᑦ ᑕᑐᐤ ᑲ ‍ ᐃᑎᓯᔨᒋ ᐊᓂᔭ ᑲ ‍ ᒥᓯᓇᐊᒧᐛᔨᒋ ᐅᒋᒪᒪ ᒐᒋ ᐸᒋ ‍ ᓂᑐᐛᐱᒥᑯᑦ᙮ ᐊᑯ ᐊᓂᔭ ᓂᔅᑎᒻ ᑲ ‍ ᑎᑯᓯᓂᔨᒋ ᑲ ᐃᓯ ‍ ᑯᒂᒋᒪᑦ, ‘ᑕᓐ ᐊᔅᐱᔅ ᒥᓯᓇᐊᒧᑦ ᓄᒋᒪᒻ ?’ ”
\p “ᐊᑯ ᒂ ‍ ᐃᑎᑯᑦ,
\v 6 ‘ᐸᐃᑯ ᒥᑕᓯᒥᑎᓄᐤ ᒥᔅᑎᒄ ᐱᒥᔭ᙮’ ᐊᑯ ᐊᓐ ᐅᒋᒪᔅ ᒂ ‍ ᐃᑕᑦ, ‘ᐅᑎᓇ ᐊᓂᔭ ᒋᒥᓯᓇᐃᑭᓇ, ᒋᐱᔾ, ᒥᔅᑯᑎᓯᓇᐊ, ᒥᒄ ᐱᑕᑕᒡ ᑕᑐᔪᐤ ᐃᑎᓯᓇᐊ᙮’ ”
\p
\v 7 “ᐊᑯ ᐊᓂᔭ ᑯᑎᑲ ᓇᐸᐛ ᒂ ‍ ᐃᑕᑦ, ‘ᑕᓐ ᐊ ᐃᔅᐱᔅ ‍ ᒥᓯᓇᐊᒧᑦ ᒋᔾ ᓄᒋᒪᒻ ?’ ᐊᑯ ᒂ ‍ ᐃᑎᑯᑦ, ‘ᐸᐃᒂᐤ ᒐᓯᐱᔪᐤ ᐎᒂᔭᐤ ᐊᔪᔅᑲᐛᓂᒡ᙮’ ᐊᑯ ᒂ ‍ ᐃᑕᑦ, ‘ᒪᐅᔭᔪᐛ ᒋᒥᓯᓇᐃᑭᓇ, ᒥᔅᑯᑎᓯᓇᐊ, ᒥᒄ ᔭᓇᐤ ᑕᑐᐤ ᒥᑕᓯᒥᑎᓄᐤ ᐃᑎᓯᓇᐊ᙮’ ”
\p
\v 8 “ᐃᔅᐱ ᐊᓐ ᐅᒋᒪᐤ ᐱᔭᑕᐧᒃ ᑕᓐ ᑲ ‍ ᐃᑎᔨᒋ ᐊᓂᔭ ᐅᒋᒪᓯᒪ ᒋ ‍ ᒪᒥᒋᐃᑯᐤ, ᐃᑈᐧᑲᐤ ᐊ ‍ ᐃᑕᔨᒪᑦ ᐊᑲ ᒪᒃ ᑯᐃᔅᒄ ᐅᒋ ᑎᔨᒋ᙮ ᐛᔅ ᐊᓐᒡ ᐊᑲ ᑯᐃᔅᑯᑕᑎᓯᒡ ᐅᑕ ᐊᔅᒋᒡ ᓇᔅᒡ ᑕᑈ ᑭᔅᒋᐅᐎᒡ ᐊ ‍ ᐎᐧᑯᒋᑎᒪᓱᒡ ᒐᒂᔪᐤ ᐃᔅᐱᔅ ᐎ ᐊᓐᒡ ᑲ ‍ ᑯᐃᔅᑯᑕᑎᓯᒡ᙮”
\p
\v 9 ᐊᑯ ᒋᓴᔅ ᒥᓐ ᒂ ᐊᑎ ‍ ᐃᑕᑦ, “ᒋ ‍ ᐎᑎᒪᑎᓇᐛᐤ, ᐊᐱᒋᑕᒄ ᑕᓐ ᐊ ᐃᓯ ‍ ᐊᔭᔭᒄ ᒐᒋ ᒥᔪᑐᑎᒪᒄ ᑭᔭ ᒐᒋ ᐎᒐᐛᑭᓂᔭᒄ᙮ ᐃᔅᐱ ᒪᒃ ᐳᓂᐱᒪᑎᓯᔭᒂ ᐊᑯ ᒐ ‍ ᐱᑎᑲᐃᑯᔭᒄ ᐊᓐᑕ ᑲᒋᒡ ᒐ ‍ ᐎᒋᔭᒄ᙮”
\p
\v 10 “ᐊᐛᓐ ᑲ ‍ ᑕᑈᐅᒐᔨᑕᑯᓯᑦ ᑯᐃᔅᒄ ᒐᒋ ᐃᓯ ‍ ᓂᓇᑭᑐᐛᔨᑕᐧᒃ ᐊ ‍ ᐊᐱᓴᓯᔨᒡ ᒐᒂᔪᐤ ᒋᑭ ‍ ᑕᑈᐅᒐᔨᑕᑯᓱᐤ ᒐᒋ ᒥᔪᓂᓇᑭᑐᐛᔨᑕᐧᒃ ᐊ ‍ ᒥᓴᔨᒡ ᒐᒂᔪᐤ᙮ ᐊᑯ ᒪᒃ ᐊᐛᓐ ᐊᑲ ᑯᐃᔅᒄ ᐃᑐᑕᒐ ᐊᓂᔭ ᐊ ‍ ᓂᓇᑭᑐᐛᔨᑕᐧᒃ ᓇᔅᒡ ᐊ ‍ ᐊᐱᓴᓯᔨᒡ ᒐᒂᔪᐤ, ᓇᒪ ᑯᐃᔅᒄ ᒋᑭ ᒋ ‍ ᐃᑐᑎᒻ ᐊ ‍ ᓂᓇᑭᑐᐛᔨᑕᐧᒃ ᒐᒂᔪᐤ ᐊ ‍ ᒥᓴᔨᒡ᙮
\v 11 ᐊᑲ ᒪᒃ ᑕᑈᐅᒐᔨᒥᑯᔨᓇ ᑯᐃᔅᒄ ᒐᒋ ᐃᓯ ‍ ᓂᓇᑭᑐᐛᔨᑕᒥᓐ ᐅ ᐛᔪᑎᓯᐅᓐ ᐅᑕ ᐊᔅᒋᒡ ᑲ ‍ ᑎᒂᒡ, ᓇᒪ ᒋᑭ ᐅᒋ ‍ ᑕᑈᐅᒐᔨᒥᑯᐅᓐ ᒋᒋᐛ ᐛᔪᑎᓯᐅᓐ ᒐᒋ ᓂᓇᑭᑐᐛᔨᑕᒥᓐ᙮
\v 12 ᑭᔭ ᐊᑲ ᑕᑈᐅᒐᔨᒥᑯᔨᓇ ᑯᐃᔅᒄ ᒐᒋ ᐃᑐᑎᒧᑦ ᑯᑎᒃ ᐊᐛᓐ ᑕᓐ ᐊ ᐃᓯ ‍ ᑎᐱᔨᐛᐅᓯᑦ, ᐊᐛᓐ ᒪᒃ ᒐ ‍ ᑕᑈᐅᒐᔨᒥᔅᒃ ᒐᒋ ᒥᔨᔅᒃ ᒐᒂᔪᐤ ᒋᔾ ᒐᒋ ᑎᐱᔨᐛᐅᓯᐅᑦ ?”
\p
\v 13 “ᓇᒪ ᐊᐛᓐ ᒋᑭ ᒋ ‍ ᐊᑐᔅᑯᐛᐤ ᓂᓱ ᐅᒋᒪᐛ ᐊᑲ ᓇᐊᔨᒥᑐᔨᒋ, ᐛᔅ ᐸᐃᒄ ᐊᓂᔭ ᒋᑭ ‍ ᐛᐧᑲᑕᐤ, ᐊᑯ ᐊᓂᔭ ᑯᑎᑲ ᒋᑭ ‍ ᓴᒋᐊᐤ᙮ ᐊᓂᔭ ᐸᐃᒄ ᓱᒃ ᒋᑭ ‍ ᐊᑐᔅᑯᐛᐤ, ᐊᑯ ᐊᓂᔭ ᑯᑎᑲ ᓇᒪ ᒋᑭ ᐅᒋ ‍ ᓇᐊᔨᒪᐤ ᒐᒋ ᐊᑐᔅᑯᐛᑦ᙮ ᓇᒪ ᒋᑭ ᒋ ‍ ᐊᑐᔅᑯᐛᐛᐤ ᒋᓴᒪᓂᑐᐤ ᒧᔅ ᐊ ‍ ᒪᒥᑐᓇᔨᑎᒪᒄ ᒐᒋ ᐛᔪᑎᓯᔭᒄ᙮”
\s1 ᑯᑎᑲ ᒐᒂᔪᐛ ᑲ ᐃᓯ ‍ ᐎᑕᐧᒃ ᒋᓴᔅ
\r ᒪᑎᔪᐤ 11.12,13; 5.31,32; ᒪᕐᒃ 10.11,12
\p
\v 14 ᐃᔅᐱ ᒪᒃ ᐸᕆᓯᔨᒡ ᐱᔭᑕᒡ ᐅᔭᔪᐤ ᒋ ‍ ᒪᔭᔨᒪᐅᒡ ᒋᓴᓴ, ᐛᔅ ᒋ ‍ ᓴᒋᑕᐅᒡ ᓱᓇᔭᔪᐤ᙮
\v 15 ᒋᓴᔅ ᒪᒃ ᒋ ‍ ᐃᑕᐤ, “ᒋᑦ ᐃᓯᓇᑯᐃᑎᓱᓇᐛᐤ ᒧᔭᒻ ᐊ ‍ ᑯᐃᔅᑯᑕᑎᓯᔭᒄ ᐊᓐᑕ ᐅᑎᔅᑯᐤ ᐃᔪᒡ ᐊ ‍ ᑕᒡ, ᒥᒄ ᒪᒃ ᒋᓴᒪᓂᑐᐤ ᒋᔅᒐᔨᑎᒻ ᑕᓐ ᒋᒋᐛ ᐊ ‍ ᐃᑕᔨᑕᑯᓯᔭᒄ᙮ ᐛᔅ ᐊᓂᔭᔪᐛ ᒐᒂᔪᐛ ᒋᒋᐛ ᑲ ‍ ᐃᑕᔨᑎᒥᐃᑯᒡ ᐊᐛᓐᒋ ᒋᓴᒪᓂᑐᐤ ᐛᐧᑲᑎᒻ ᐊᓂᔭᔪᐛ᙮”
\p
\v 16 “ᐊᔅᒄ ᐊᑲ ᐅᒋ ᑎᑯᓯᐧᒃ ᒠᓐ ᐅᓯᑲᐃᑕᒐᐤ ᒥᒄ ᐊᓂᔭ ᒧᓱᔅ ᑲ ‍ ᒥᓯᓇᐊᐧᒃ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑭᔭ ᐊᓂᔭ ᑕᓐ ᑲ ᐃᓯ ‍ ᐎᑎᒧᐛᒂ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᐅᑯᓐ ᐊᓂᔭᔪᐛ ᒥᒄ ᑲ ‍ ᐊᐱᑕᒡ ᐊ ‍ ᒋᔅᑯᑎᒪᒐᒡ᙮ ᐊᑯ ᒪᒃ ᑲ ᐃᔅᐱᔅ ‍ ᑕᑦ ᒠᓐ ᐊᑯ ᒥᔽᒋᒧᐅᓐ ᑲ ‍ ᐛᐎᑕᑭᓄᐅᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ᐊ ‍ ᐊᔨᒧᑕᑭᓄᐎᒡ᙮ ᓱᒃ ᒪᒃ ᒥᒐᑦ ᐊᐛᓐ ᐊᔨᐧᑭᒻ ᐎᔾ ᐱᒐᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮
\v 17 ᐊᑲᐎᔾ ᐃᑕᔨᑎᒧᒄ ᐊ ᐊᑲ ᓴᔅ ‍ ᓂᑐᐛᔨᑕᒂᒡ ᒐᒋ ᓂᓇᐃᑕᑭᓄᐎᒡ ᒋᓴᒪᓂᑐᐤ ᐅᐎᓱᐛᐅᓐ᙮ ᐊᑎ ᐊᓂᔭ ᓇᔅᒡ ᐊᑲ ᐃᑕᔨᑕᑯᓂᔨᒡ ᑲ ‍ ᐃᑕᔨᑕᑭᓄᐎᒡ ᐃᔭᐱᒡ ᐃᑕᔨᑎᒥᐃᑯᐤ ᒋᓴᒪᓂᑐᐤ ᒐᒋ ᓂᓇᐃᑕᑭᓄᔨᒋ ᒐ ᐃᔅᐱᔅ ‍ ᑎᑯᓂᔨᒡ ᐅᔭ ᐊᔅᒋᔪᐤ ᑭᔭ ᒋᒋᒋᓯᑯᔪᐤ᙮”
\p
\v 18 “ᒧᔭᒻ ᓇᐸᐤ ᐛᐱᓇᑦ ᐎᐛ ᑯᑎᑲ ᒪᒃ ᐃᔎᐛ ᐎᒋᒪᑦ, ᐱᓯᒂᑎᓯᐤ ᐅᔭ ᐊ ‍ ᐃᑎᑦ᙮ ᐊᑯ ᐊᓐ ᓇᐸᐤ ᒐ ‍ ᐎᒋᒪᒂ ᐊᓂᔭᔪᐛ ᐃᔎᐛ ᐊᒋ ‍ ᐛᐱᓂᑯᔨᒋ ᐅᓇᐸᒥᔪᐛ, ᐱᓯᒂᑎᓯᐤ ᑭᔭ ᐎᔾ᙮”
\s1 ᑲ ‍ ᐛᔪᑎᓯᑦ ᓇᐸᐤ ᑭᔭ ᓚᓴᕋᔅ
\s2 Luke 16.19-31 (Proper-21 Year C)
\p
\v 19 ᒋᓴᔅ ᒋ ‍ ᐎᑎᒻ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ‍ ᐃᔅᒋᔄᑦ, “ᐸᐃᒂᐤ ᒋ ‍ ᑕᐤ ᐊ ‍ ᐛᔪᑎᓯᑦ ᓇᐸᐤ ᓇᔅᒡ ᐊ ‍ ᓱᓇᔭᐎᔨᒋ ᐅᑦ ᐊᐱᒋᑕᐅᓇ, ᓇᔅᒡ ᐊᒋ ‍ ᐛᔪᑎᓯᔪᐱᒪᑎᓯᑦ᙮
\v 20 ᒋ ‍ ᑕᐤ ᒥᓐ ᑯᑎᒃ ᓇᐸᐤ ᓚᓴᕋᔅ ᐊᒋ ‍ ᐃᓯᓂᐧᑲᓱᑦ ᓇᔅᒡ ᐊ ‍ ᒋᔅᑎᒪᑎᓯᑦ ᐱᓯᒄ ᐊ ‍ ᐸᐱᑯᓯᔪᐛᑦ᙮ ᐅᒥᒋᐅᓂᔪᐤ ᐊᒋ ‍ ᐊᔭᑦ ᒥᓯᐛ ᐊ ‍ ᐃᔅᐱᑎᑦ᙮ ᐎᐎᑎᒥᒡ ᒪᒃ ᐊᓐᑕ ᐎᒋᔨᒡ ᐊᓂᔭ ᑲ ‍ ᐛᔪᑎᓯᔨᒋ ᓇᐸᐛ ᐊᑯᑕ ᑲ ‍ ᐱᒥᓯᐧᒃ,
\v 21 ᐊ ‍ ᐱᑯᓴᔨᑕᐧᒃ ᒐᒋ ᐅᒋ ‍ ᐊᓯᒪᑭᓄᐅᑦ ᑕᓐ ᐊᓂᔭᔪᐛ ᑲ ᐃᓯ ‍ ᐃᔅᑯᔅᑐᐛᓄᐎᒡ᙮ ᑭᔭ ᐛᐛᒡ ᐊᑎᒺ ᒋ ‍ ᑎᑯᓯᓂᔪᐛ ᐊ ᐸᒋ ‍ ᓇᓄᒂᑎᒥᔨᒋ ᐊᓂᔭᔪᐤ ᐅᒥᒋ᙮”
\p
\v 22 “ᐊᓐ ᑲ ‍ ᒋᔅᑎᒪᑎᓯᑦ ᓇᐸᐤ ᒐᒃ ᒋ ‍ ᓂᐳᐤ, ᒋ ᐸᒋ ‍ ᐅᑎᓂᑯᐤ ᐊᓐᒋᓇ, ᐊᓐᑕ ᒪᒃ ᐅᐱᒪ ᐊᑉᕋᐊᒪ ᐊ ‍ ᑕᔨᒋ ᐊᑯᑕ ᑲ ‍ ᐱᔅᑎᓂᑯᑦ᙮ ᒐᒃ ᑭᔭ ᐊᓐ ᑲ ‍ ᐛᔪᑎᓯᑦ ᓇᐸᐤ ᒂ ‍ ᓂᐱᑦ, ᒋ ‍ ᓇᐃᐧᑯᐛᑭᓄᐤ ᒪᒃ᙮
\v 23 ᒥᒋ ‍ ᐃᔅᑯᑕᒡ ᒪᒃ ᐊ ‍ ᑕᑦ ᓇᔅᒡ ᐊ ‍ ᐎᓯᑲᐧᑭᓱᑦ, ᒋ ‍ ᑎᔅᑎᓴᐳᐤ, ᒂ ‍ ᐛᐱᒪᑦ ᐊᑉᕋᐊᒪ ᐊ ‍ ᐊᔭᐅᓇᑯᓯᔨᒋ ᓚᓴᕋᓴ ᐊ ‍ ᐎᒋᑲᐳᔅᑐᐛᔨᒋ᙮
\v 24 ᒋ ᐃᓯ ‍ ᑕᑈᐤ ᒪᒃ, ‘ᐊᑉᕋᐊᒻ, ᓄᑕ, ᐸᒋ ‍ ᒋᔅᑎᒪᒐᔨᒥ᙮ ᐸᒋ ‍ ᐃᑎᓴᐅᐤ ᒪ ᓚᓴᕋᔅ ᒐᒋ ᑕᐧᑲᑭᒥᓇᐧᒃ ᐊᑕᒋᑭᒥᔨᒡ ᓂᐱᔪᐤ ᒐᒋ ᐸᒋ ‍ ᑕᒋᓇᐧᒃ ᓂᑕᔨᔪᐤ, ᒐᒋ ᐅᒋ ‍ ᑕᒋᐱᔨᒡ᙮ ᐛᔅ ᓂ ‍ ᓂᓇᐧᑲᑕᔨᒧᓐ ᐅᑕ ᐊ ‍ ᐎᐃᑕᒡ ᐃᔅᑯᑕᒡ᙮’ ”
\p
\v 25 “ᐊᑯ ᐊᑉᕋᐊᒻ ᒂ ‍ ᐃᑕᑦ, ‘ᒋ ‍ ᒋᔅᒋᓯᓐ ᐊ, ᓂᑯᓴ, ᒪᒂᒡ ᑲ ‍ ᐱᒪᑎᓯᔨᓐ ᐊᓐᑕ ᐊᔅᒋᒡ ᒥᔪ ‍ ᒐᒂᓐ ᔅᒋ ‍ ᐊᔭᓐ, ᓚᓴᕋᔅ ᒪᒃ ᓇᒪ ᐅᒋ ᒥᔪ ‍ ᐊᔭᐤ ᒐᒂᔪᐤ᙮ ᐊᑯ ᒪᒃ ᐊᓄᒡ ᒥᔽᔨᒧᐤ ᐎᔾ ᐅᑕ, ᒋᔾ ᒪᒃ ᒋ ‍ ᓂᓇᐧᑲᑕᔨᒧᓐ᙮
\v 26 ᑭᔭ ᑎᑯᓐ ᐅᑕ ᑎᔅᑐᐎᒡ ᐊ ‍ ᑕᔭᐧᒄ ᐊ ‍ ᐊᑎᑲᒪᓯᓇᓄᐅᒡ ᐊᑲ ᓇᔅᒡ ᒋ ‍ ᐃᓯᓇᒂᒡ ᒐᒋ ᐊᓱᐅᑕᑦ ᐊᐛᓐ ᓇᑕ ᐃᔅ ᐊ ‍ ᑕᔨᓐ ᑭᔭ ᓇᑕ ᐅᒋ ᒐᒋ ᐸᒋ ‍ ᐊᓱᐅᑕᑦ ᐊᐛᓐ᙮’ ”
\p
\v 27 “ᐊᑯ ᐊᓐ ᑲ ‍ ᐛᔪᑎᓯᑦ ᓇᐸᐤ ᒋ ‍ ᐃᑕᐤ, ‘ᒋ ‍ ᓂᑐᑎᒪᑎᓐ ᒪᒃ, ᓄᑕ, ᐊᑉᕋᐊᒻ, ᒐᒋ ᐃᑎᓴᐅᑦ ᓚᓴᕋᔅ ᐊᓐᑕ ᓄᑕᐎᔭ ᐎᒋᔨᒡ,
\v 28 ᐱᑕᑕᒡ ᑕᑎᓯᐅᒡ ᓂᐧᑲᓂᓯᒡ ᐊᓐᑕ ᒋᐸ ‍ ᐃᔭᒂᒥᒪᐤ ᒐ ᐊᑲ ᒋ ᐃᓯᓇᑯᓂᔨᒡ ᐊᔅᒄ ᒐᒋ ᑕᔨᒋ ᐅᑕ ᐅᔭᔪᐤ ᐊ ᐃᔅᐱᔅ ‍ ᓂᓇᐧᑲᑕᔨᒧᓇᓄᐎᒡ᙮’ ”
\p
\v 29 “ᐊᑯ ᐊᓐ ᑲ ‍ ᐛᔪᑎᓯᑦ ᓇᐸᐤ ᒂ ‍ ᐃᑎᑯᑦ ᐊᑉᕋᐊᒪ, ‘ᒋᐧᑲᓂᓯᒡ ᒋᑭ ᒋ ‍ ᐃᔨᒥᑕᐅᒡ ᒧᓱᓴ ᑭᔭ ᐊᓂᔭ ᐅᒋᔅᒋᐛᐃᒐᓱᐛ ᑕᓐ ᑲ ᐃᓯ ‍ ᒥᓯᓇᐊᒥᔨᒋ ᒥᓯᓇᐃᑭᓂᒡ ᐊ ᐃᓯ ‍ ᐃᔭᒂᒥᒪᒡ ᐊᐛᔪᐛ᙮ ᐊᔪᐅᒄ ᐅᔭ ᒋᐸ ‍ ᓂᓇᐃᑎᒧᒡ ᐊᓐᒡ ᒋᐧᑲᓂᓯᒡ᙮’ ”
\p
\v 30 “ᐊᓐ ᒪᒃ ᑲ ‍ ᐛᔪᑎᓯᑦ ᓇᐸᐤ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, ‘ᓇᒪ ᒋᑭ ᐅᒋ ‍ ᑕᑈᑎᒧᒡ ᐸᑐᔅ ᐊᐛᔪᐛ ᑲᐤ ᒋ ‍ ᐅᓂᔅᑲᔨᒐ ᓂᐳᐅᓂᒡ ᐅᒡ, ᒐᒋ ᓂᑐᐛᐱᒥᑯᒡ ᐊᓐᑕ ᒐᒋ ᐅᒋ ‍ ᒂᔅᑲᑎᓯᒡ᙮’ ”
\p
\v 31 ᐊᑯ ᒪᒃ ᐊᑉᕋᐊᒻ ᒂ ‍ ᐃᑕᑦ, “ᒐ ᐊᑲ ᐅᒋ ‍ ᐃᑐᑎᒧᐛᒂ ᒧᓱᓴ ᒪᒃ ᐊᓂᔭ ᐅᒋᔅᒋᐛᐃᒐᓱᐛ ᑕᓐ ᑲ ᐃᓯ ‍ ᒥᓯᓇᐊᒥᔨᒋ ᓇᒪ ᒋᑭ ᐅᒋ ‍ ᑯᒂᑕᔨᑎᒥᐃᑯᐅᒡ ᒐᒋ ᓂᑐᑐᐛᒡ ᐊᐛᔪᐛ ᐸᒋ ‍ ᓂᑐᐛᐱᒥᑯᑥᐛ ᐊᑎ ᐊᒋ ‍ ᐅᓂᔅᑲᔨᒋ ᓂᐳᐅᓂᒡ ᐅᒡ᙮”
\c 17
\s1 ᒋᓴᔅ ᑲ ‍ ᐃᔭᔨᒺᐛᐃᑯᑦ ᐅᓂᑐᑎᒧᐅᓂᔪᐤ
\r ᒪᑎᔪᐤ 18.6,7,21,22; ᒪᕐᒃ 9.42
\p
\v 1 ᒋᓴᔅ ᒋ ‍ ᐃᑕᐤ ᐅᒋᔅᒋᓄᐊᒧᐛᑭᓇ, “ᒧᔅ ᑕᑈ ᒋᑭ ‍ ᑎᑯᓂᔪᐤ ᒐᒂᔪᐤ ᒐ ‍ ᐃᑐᑕᑯᒡ ᐃᔪᒡ ᒐᒋ ᒥᒋᑐᑕᒡ᙮ ᒥᒄ ᒪᒃ ᒋᑭ ᒋ ‍ ᒥᒋᐱᔪᒡ ᐊᓐᒡ ᑲ ‍ ᐃᑐᑐᐛᒡ ᐊᐛᔪᐛ ᒐᒋ ᒥᒋᑐᑎᒥᔨᒋ᙮
\v 2 ᐃᐛᒃ ᒋᐸ ‍ ᒥᔽᔪᐤ ᐊᓐ ᐊᐛᓐ ᒐᒋ ᐳᓂᓯᓇᐸᑕᑭᓄᐅᑦ ᐊᓐᑕ ᐎᓂᐸᑯᒡ, ᑲ ‍ ᐃᑐᑐᐛᒂ ᒐᒋ ᒥᒋᑐᑎᒥᔨᒡ ᐊᐛᔪᐛ ᒧᔭᒻ ᐊᓂᔭ ᐊᑲ ᓇᔅᒡ ᑲ ‍ ᓱᒋᑲᐳᔨᒋ ᑕᑈᑎᒧᐅᓂᒡ, ᒥᒄ ᒪᒃ ᐊᔅᒄ ᐊᑐᐎᔅ ᒋᑭ ᒋ ‍ ᒥᒋᐱᔪᐤ ᑕᓐ ᒐ ᐃᓯ ‍ ᐛᐛᓯᐊᑭᓄᐅᑦ᙮
\v 3 ᐃᔭᒂᒥᒄ ᒐ ᐊᑲ ᒋ ᐃᑐᑐᐛᒄ ᐊᐛᓐ ᒐᒋ ᒥᒋᑐᑕᐧᒃ᙮”
\p “ᒋᐧᑲᓂᔅ ᐅᓂᑐᑕᔅᒐ ᐎᑎᒧᐤ ᑕᓐ ᐊ ᐃᓯ ‍ ᐅᓂᑐᑕᔅᒃ᙮ ᒥᑕᒋᔨᐛᓯᒐ ᒪᒃ, ᒐ ‍ ᐛᐸᔨᑎᒧᑦ᙮
\v 4 ᒧᔭᒻ ᒪᒃ ᓂᔄᐅᑕᒡ ᑕᑥᐤ ᒥᒋᑐᑕᔅᒐ ᐸᐃᒄ ᒋᓯᑲᐛ, ᑭᔭ ᑕᑥᐤ ᐸᒋ ‍ ᓂᑐᐛᐱᒥᔅᒐ ᐊ ‍ ᐃᑎᔅᒃ, ‘ᓂ ‍ ᒥᑕᒋᔨᐛᓯᓐ ᑕᓐ ᑲ ᐃᓯ ‍ ᒥᒋᑐᑕᑕᓐ,’ ᐃᔭᐱᒡ ᐛᐸᔨᑎᒧᐤ᙮”
\s1 ᒋᓴᔅ ᑲ ‍ ᐊᔨᒧᑎᒧᐛᑦ ᐅᒋᔅᒋᓄᐊᒧᐛᑭᓇ ᐅᑕᑈᑎᒧᐅᓂᔪᐤ
\s2 Luke 17.5-10 (Proper-22 Year C)
\p
\v 5 ᒋᓴᔅ ᐅᑦ ᐊᑈᔅᑕᓂᒪ ᒋ ‍ ᐃᑎᑯᐤ, “ᐅᑎᐸᔨᒋᒐᐤ, ᑐᑕ ᒪ ᓂᑕᑈᑎᒧᐅᓇᓇ ᐊᑐᐎᔅ ᒐᒋ ᓱᒐᔨᑕᒂᒋ᙮”
\p
\v 6 ᐊᑯ ᐅᑎᐸᔨᒋᒐᐤ ᒂ ‍ ᐃᑕᑦ, “ᐊᑎ ᓇᔅᒡ ᐊᐱᓴᓯᒐ ᒋᑕᑈᑎᒧᐅᓄᐛᐛ ᒧᔭᒻ ᓇᔅᒡ ᐊ ᐃᔅᐱᔅ ‍ ᐊᐱᓯᓯᑦ ᓂᑕᐅᒋᑕᑭᓐ ᒪᔅᑎᕐᑦ ᑲ ‍ ᐃᓯᓂᐧᑲᓱᑦ ᑲ ‍ ᐃᔅᐱᑎᑦ ᐃᔅᐱᓴᒐ, ᒥᔅᑎᒄ ᒋᑭ ᒋ ‍ ᐃᑕᐤ, ‘ᐱᐧᑯᒋᐱᑎᓂᑎᓱᐤ ᐊᓐᑕ ᑲ ‍ ᓂᑕᐅᒋᔨᓐ ᐊᑯ ᐊᓐᑕ ᒐ ᐃᓯ ‍ ᐛᐱᓂᓱᔨᓐ ᐎᓂᐸᑯᒡ,’ ᒋᑭ ‍ ᑕᑈᑕᒄ᙮”
\p
\v 7 ᒋᓴᔅ ᒥᓐ ᒂ ‍ ᐊᑎ ‍ ᐃᔅᒋᔄᑦ, “ᒧᔭᒻ ᐊᓐ ᐊᓐᑕ ᐊᑐᔅᒐᔭᑭᓐ ᐊ ‍ ᓂᑕᐅᒋᑕᑦ ᒐᒂᔪᐤ ᒪᒃ ᒪᔭᑕᓂᓴ ᓂᓇᑭᑐᐛᔨᒪᑦ, ᐃᔅᐱ ᒪᒃ ᒋ ‍ ᒋᐛᒐ ᐊᒋ ᐃᓯ ‍ ᐊᑐᔅᒐᑦ ᒋᑭ ‍ ᐃᑎᑯᐤ ᐊ ᐅᒋᒪᒪ, ‘ᐊᔅᑎᒻ, ᐸᒋ ‍ ᐱᒐ, ᐸᒋ ‍ ᒥᒋᓱᐤ’ ?
\v 8 ᓇᒪ, ᒋᑭ ‍ ᐃᑎᑯᐤ, ‘ᐸᒋ ‍ ᐎᔅᑐᐎ ᑭᔭ ᒋ ᐃᓯ ‍ ᒥᒋᓱᔭᓇ, ᐊᑯ ᒋᔾ ᒐ ‍ ᒥᒋᓱᔨᓐ᙮’
\v 9 ᓇᒪ ᐊ ᒋᑭ ᐅᒋ ‍ ᓂᓇᔅᑯᒪᐤ ᐊᓂᔭ ᐅᑦ ᐊᐱᒋᐊᑭᓇ ᐊᒋ ‍ ᐃᑐᑎᒥᔨᒋ ᑕᓐ ᐊᓂᔭ ᑲ ᐎ ‍ ᐃᑕᐱᒋᐊᑦ ?”
\p
\v 10 “ᒋᔨᐛᐤ ᒪᒃ ᐃᔅᐱ ᑲ ‍ ᒋᔅᑕᔭᒄ ᒥᓯᐛ ᒐᒂᓐ ᑲ ‍ ᐃᑎᓱᒥᑯᐅᔭᒄ ᒐᒋ ᐃᑐᑎᒪᒄ, ᒋᐸ ‍ ᐃᔅᒋᔄᓇᐛᐤ, ‘ᐛᔅ ᒥᒄ ᐊᐱᒋᐊᑭᓐᒡ ᓂᔭᓐ᙮ ᓂᒋ ‍ ᐃᑐᑕᓇᓐ ᑕᓐ ᐊᓐ ᑲ ‍ ᐃᑎᓱᒥᑯᐅᔭᒡ ᒐᒋ ᐃᑐᑎᒪᒡ᙮’ ”
\s1 ᒋᓴᔅ ᒂ ‍ ᓂᒋᔅᑯᐛᑦ ᐸᐃᑯᔪᐤ ᓇᐸᐛ ᐊ ‍ ᐅᒥᒋᔨᒋ
\s2 Luke 17.11-19 (Proper-23 Year C)
\p
\v 11 ᒪᒂᒡ ᒋᓴᔅ ᑲ ‍ ᐃᑐᑕᑦ ᐊᓐᑕ ᒋᕈᓯᓕᒥᒡ ᒋ ‍ ᐱᒧᑕᐤ ᐊᓐᑕ ᐊ ᐅᒋ ‍ ᑕᒋᔅᑲᑐᒥᑲᓂᔨᒋ ᓴᒪᕆᔭ ᐊᔅᒋᔪᐤ ᑭᔭ ᑲᓕᓕ ᐊᔅᒋᔪᐤ᙮
\v 12 ᒧᔭᒻ ᒪᒃ ᐊ ᐊᑎ ‍ ᐅᑎᑕᐧᒃ ᐅᑕᓇᔪᐤ ᐸᐃᑯᔪᐤ ᓇᐸᐛ ᒋ ‍ ᓂᒋᐃᑯᐤ ᓇᔅᒡ ᐊ ‍ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊ ‍ ᐊᔭᔨᒋ᙮
\v 13 ᐊᑲ ᒪᒃ ᐅᒋ ᐸᓱᒋᑲᐳᔅᑕᑯᑦ᙮ ᐊᑯ ᒂ ‍ ᑕᑈᑕᒡ ᒋᓴᓴ ᐊ ‍ ᐃᔅᒋᔄᒡ, “ᒋᔅᑯᑎᒪᒐᓱᐤ, ᐸᒋ ‍ ᒋᔅᑎᒪᒐᔨᒥᓇᓐ ᐅ ᐊ ‍ ᐃᓯᓇᑯᓯᔭᒡ᙮”
\v 14 ᒋᓴᔅ ᒪᒃ ᐃᔅᐱ ᐎᔭᐱᒪᑦ ᒋ ‍ ᐃᑕᐤ, “ᒪᒋᒄ, ᓂᑐᐛᐱᒪᐧᒄ ᐊᔭᒥᐊᐅᒋᒪᐤ, ᒐᒋ ᒋᔅᒐᔨᒥᑕᒄ ᑕᑈ ᐊ ‍ ᒥᓏᑎᓯᔭᒄ᙮” ᒪᒂᒡ ᒪᒃ ᐊ ‍ ᐃᔅᐱᓯᐱᔨᒡ ᐊ ‍ ᓂᑐᐛᐱᒪᒡ ᐊᔭᒥᐊᐅᒋᒪᐛ, ᒋ ‍ ᒥᓏᑎᓯᐅᒡ᙮
\p
\v 15 ᐃᔅᐱ ᒪᒃ ᐊᓐ ᐸᐃᒄ ᓇᐸᐤ ᒐᔅᒐᔨᑕᐧᒃ ᐊᒋ ‍ ᒥᓏᒋᐊᑭᓄᐅᑦ, ᒋ ‍ ᒋᐛᐤ ᒂ ‍ ᓂᑐᐛᐱᒪᑦ ᒋᓴᓴ, ᐊ ‍ ᒋᔄᐛᑦ ᐊ ‍ ᒪᒥᒋᒪᑦ ᒋᓴᒪᓂᑐᐛ᙮
\v 16 ᐃᔅᐱ ᒪᒃ ᑕᑯᓯᐧᒃ ᒋ ‍ ᐅᒋᒋᐧᑯᓂᐱᔪᐤ ᐅᑎᔅᑯᐤ ᒋᓴᓴ ᐊ ‍ ᑕᔨᒋ ᐊ ‍ ᓂᓇᔅᑯᒪᑦ᙮ ᐅ ᒪᒃ ᓇᐸᐤ ᓴᒪᕆᔭ ᐊᔅᒋᒡ ᒋ ‍ ᐅᒋᐤ᙮
\p
\v 17 ᒋᓴᔅ ᒪᒃ ᒋ ‍ ᐃᑕᐤ, “ᒋ ‍ ᐸᐃᑯᔪᐛᓱᒡ ᐊᓐᒡ ᑲ ‍ ᒥᓏᒋᐊᑭᓄᐎᒡ ? ᑕᓐᑕ ᐊᓂᔭᐧᑲ ᐸᐃᑯᔅᑕᐤ ?
\v 18 ᒥᒄ ᐅ ᐸᐃᒄ ᓇᐸᐤ ᐊᑲ ᒍᐤ ᐃᑎᔅᑲᓇᓯᑦ ᐊ ᐸᒋ ‍ ᓂᓇᔅᑯᒪᑦ ᒋᓴᒪᓂᑐᐛ ?”
\v 19 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᓇᐸᐛ, “ᐱᓯᑯ, ᑭᔭ ᒐ ‍ ᒋᐛᔨᓐ, ᐛᔅ ᒋᑕᑈᑎᒧᐅᓐ ᒋ ‍ ᒥᓏᒋᐃᑯᓐ᙮”
\s1 ᒋᓴᔅ ᑲ ‍ ᐊᔨᒧᑕᐧᒃ ᒐ ‍ ᐅᑎᒋᐱᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ
\r ᒪᑎᔪᐤ 24.23-28,37-41
\p
\v 20 ᐸᐃᒂᐤ ᐸᕆᓯᔨᒡ ᒋ ‍ ᑯᒂᒋᒪᐅᒡ ᒋᓴᓴ ᐊ ‍ ᐃᑕᒡ, “ᑕᐃᔅᐱ ᒐ ‍ ᓄᑯᓂᔨᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ?” ᐊᑯ ᒋᓴᔅ ᐊᑕᑦ, “ᒋᓴᒪᓂᑐᐤ ᐅᒋᓴᐅᒋᒪᐅᓐ ᓇᒪ ᒧᓴ ᓄᑯᓂᔪᐤ᙮
\v 21 ᓇᒪ ᐊᐛᓐ ᒋᑭ ᒋ ‍ ᐃᔅᒋᔄᐤ, ᐸᒋ ‍ ᑭᓄᐛᐸᑕ ᒪ᙮ ᒪᐅᑕ ᒋᓴᒪᓂᑐᐤ ᐅᒋᓴᐅᒋᒪᐅᓐ ᐊ ‍ ᑎᑯᓂᔨᒡ᙮ ᐛᔅ ᒋᓴᒪᓂᑐᐤ ᐅᒋᓴᐅᒋᒪᐅᓐ ᓴᔅ ᑎᑯᓂᔪᐤ ᐅᑕ ᒪᒂᒡ ᐊ ‍ ᑕᔭᒄ᙮”
\p
\v 22 ᐊᑯ ᒪᒃ ᒂ ‍ ᐃᑕᑦ ᐅᒋᔅᒋᓄᐊᒧᐛᑭᓇ, “ᐊᔅᒄ ᐊᓐᑕ ᓂᔅᑕᒥᒡ ᒋᑭ ‍ ᐅᑎᒋᐱᔪᐤ ᓇᔅᒡ ᒐ ‍ ᐃᑕᔨᑎᒥᐃᑯᔭᒄ ᒥᓐ ᑲᐤ ᒐᒋ ᐛᐱᒪᒄ ᐃᔪᐤ ᐅᑯᓯᓴᓐ, ᓇᒪ ᒪᒃ ᒋᑭ ᒋ ‍ ᐛᐱᒪᐛᐤ ᐊᓐᑕ ᐊᓐ ᒪᒂᒡ ᐎ ᐛᐱᒪᒂ᙮
\v 23 ᒋᑭ ‍ ᑕᐅᒡ ᒪᒃ ᐊᐛᓐᒋ ᒐ ‍ ᐃᑎᑕᑯᒡ, ‘ᒪᐅᑦ ᐊ ‍ ᑕᑦ ᐃᔪᐤ ᐅᑯᓯᓴᓐ,’ ᒪᒃ, ‘ᒪ ᓇᑕ ᐊ ‍ ᑕᑦ ᐃᔪᐤ ᐅᑯᓯᓴᓐ᙮’ ᒥᒄ ᒪᒃ ᐊᑲᐎᔾ ᒋᑭ ᐅᒋ ‍ ᓇᓂᑐᐛᐱᒥᓇᐛᐤ ᐊᓐᑕ᙮
\v 24 ᐛᔅ ᐃᔪᐤ ᐅᑯᓯᓴᓐ ᐊᓐ ᒋᓯᑲᒐ ᑲᐤ ᒐ ‍ ᑎᑯᓯᓂᔨᒋ ᑕᐱᔅᑯᓐ ᐊ ‍ ᐛᔅᑕᐱᔨᒡ ᑲᒋ ‍ ᐃᓯᓇᒂᒡ ᒥᓯᐛ ᑲᒋ ‍ ᐛᔅᑐᐛᒡ ᒋᓯᒄ, ᐊᐅᑯᓐ ᒧᔭᒻ ᒐ ‍ ᐃᓯᓇᒂᒡ᙮
\v 25 ᒥᒄ ᒪᒃ ᐊᔅᒄ ᐊᑲ ᐅᑎᒋᐱᔨᒐ ᐅ ᐊᓐᒡ ᐊᐛᓐᒋ ᒪᒂᒡ ᐊᓄᒡ ᑲ ‍ ᐱᒪᑎᓯᒡ ᓇᔅᒡ ᓂᑭ ‍ ᐎᓯᒐᔨᑎᒥᐃᑯᒡ ᑭᔭ ᓂᑭ ‍ ᐊᑐᐛᔨᒥᑯᒡ᙮”
\p
\v 26 “ᒧᔭᒻ ᒪᒃ ᑕᓐ ᑲ ‍ ᐃᑕᔨᑕᑯᓂᔨᒡ ᐊᓐᑕ ᒪᒂᒡ ᑲ ‍ ᐱᒪᑎᓯᑦ ᐊᓂᔭᐧᑲ ᓄᐛ, ᐊᐅᑯᓐ ᒐ ‍ ᐃᑕᔨᑕᒂᒡ ᒥᓐ ᑎᑯᓯᒐ ᐃᔪᐤ ᐅᑯᓯᓴᓐ᙮
\v 27 ᒥᒄ ᐛ ‍ ᐃᑎᒡ ᒋ ‍ ᐃᑐᐅᒡ ᐊᓂᔭᐧᑲ ᐃᔪᒡ, ᒋ ‍ ᒥᒋᓱᐅᒡ, ᒋ ‍ ᒥᓂᐅᒡ, ᒋ ‍ ᓂᐳᐎᒡ ᐱᐃᒻ ᑲ ‍ ᐅᑎᒋᐱᔨᒡ ᒐ ‍ ᐱᒐᑦ ᓄᐛ ᐅᑦ ᐅᐤᑦ᙮ ᐊᑯ ᑲ ‍ ᐃᔅᒋᐳᑕᒡ ᐊᔅᒋᔾ, ᒥᓯᐛ ᒂ ‍ ᓂᓱᐅᓇᑎᓯᒡ ᐊ ‍ ᑎᓯᒡ ᐊᓐᒡ ᐃᔪᒡ᙮”
\p
\v 28 “ᐊᐅᑯᓐ ᒪᒃ ᑕᐱᔅᑯᓐ ᑲ ‍ ᐃᑕᔨᑕᑯᓂᔨᒡ ᑭᔭ ᐊᔅᒄ ᐊᓂᔭ ᓗᑦ ᐊᒋ ‍ ᐱᒪᑎᓯᑦ᙮ ᒥᓯᐛ ᐊᐛᓐᒋ ᒥᒄ ᐛ ‍ ᐃᑎᒡ ᒋ ‍ ᐃᑐᐅᒡ᙮ ᐊ ‍ ᒥᒋᓱᒡ, ᐊ ‍ ᒥᓂᒡ, ᐊ ‍ ᐅᑎᓐᒐᒡ, ᐊ ‍ ᐊᑕᐛᒡ, ᐊ ‍ ᓂᑕᐅᒋᑕᒡ, ᐊᔪᐤ ᐊ ‍ ᒪᓂᒐᒡ᙮
\v 29 ᐊᓂᔭᔪᐤ ᐊ ‍ ᒋᓯᑲᔨᒡ ᒐ ‍ ᓂᑭᑕᐧᒃ ᓗᑦ ᐊᓂᔭᔪᐤ ᐅᑕᓇᔪᐤ ᓱᑕᒻ ᑲ ‍ ᐃᓯᓂᐧᑲᑕᔨᒡ, ᒋ ‍ ᒋᒧᓂᐸᒋᑎᓐ ᐃᔅᑯᑕᐤ ᑭᔭ ᐊ ‍ ᐃᔅᑯᑕᐅᒡ ᐊᓯᓂᔨᒡ ᒋ ‍ ᐸᐸᒋᓯᓄᒡ᙮ ᐊᑯ ᒪᒃ ᒥᓯᐛ ᐊᐛᓐᒋ ᐊᓐᑕ ᐊᓂᔭ ᐅᑕᓇᔪᐤ ᑲ ‍ ᑕᒡ ᒋ ‍ ᓂᓱᐅᓇᒋᐃᑯᐅᒡ ᐅᔭᔪᐤ ᑲ ‍ ᐃᔅᐱᔨᒡ᙮”
\p
\v 30 ᐊᑯ ᒋᓴᔅ ᒂ ‍ ᐃᔅᒋᔄᑦ, “ᐊᐅᑯᓐ ᒧᔭᒻ ᒐ ‍ ᐃᑕᑎᓯᓇᓄᐅᒡ ᐊᓐ ᐊ ‍ ᒋᓯᑲᒡ ᐸᒋ ‍ ᓄᑯᓯᒐ ᐃᔪᐤ ᐅᑯᓯᓴᓐ᙮”
\p
\v 31 “ᐅ ᒪᒃ ᐊ ‍ ᒋᓯᑲᒡ ᐅᑎᒋᐱᔨᒐ ᐊᓐ ᐊᐛᓐ ᐎᐎᑎᒥᒡ ᑲ ‍ ᑕᑦ ᐊᑲᐎᔾ ᒋᑭ ᐅᒋ ‍ ᐱᒐᐤ ᐎᒋᒡ, ᒪᒃ ᐊᐛᓐ ᐊᓐᑕ ᓄᒋᒥᒡ ᑲ ‍ ᑕᑦ ᐊᑲᐎᔾ ᒋᑭ ᐅᒋ ‍ ᒋᐛᐤ ᒐᒋ ᒪᒧᓴᒋᓇᐧᒃ ᐅᑦ ᐊᐱᒋᑕᐅᓇ᙮
\v 32 ᒋᔅᒋᓯ ᒪᒃ ᑕᓐ ᑲ ‍ ᐃᔅᐱᔨᒋ ᓗᑦ ᐎᐛ, ᐊᒋ ‍ ᒋᐛᐊᐱᓴᐱᔨᒋ, ᐊᑯᑕ ᑲ ᐊᑎ ‍ ᓂᓱᐅᓇᑎᓯᔨᒋ᙮
\v 33 ᐊᐛᓐ ᐊ ᐎ ‍ ᑭᓄᐛᔨᑕᐧᒃ ᐅᐱᒪᑎᓯᐅᓐ ᒋᑭ ‍ ᐅᓂᑕᐤ᙮ ᐊᓐ ᒪᒃ ᐊᐛᓐ ᑲ ‍ ᐱᔅᑕᔨᑕᐧᒃ ᐅᐱᒪᑎᓯᐅᓐ ᐊᐅᑯᓐ ᐊᓐ ᒐ ‍ ᑭᓄᐛᔨᑕᑭᓄᐎᒡ ᐅᐱᒪᑎᓯᐅᓐ᙮
\v 34 ᒋ ‍ ᐎᑎᒪᑎᓇᐛᐤ ᑕᓐ ᒐ ‍ ᐃᔅᐱᔨᒡ ᒥᓐ ᑎᑯᓯᓂᒐ ᐃᔪᐤ ᐅᑯᓯᓴᓐ᙮ ᐊᓐ ᑎᐱᔅᑲᒐ ᑎᑯᓯᓂᔭᓇ ᒋᑭ ‍ ᓂᓱᓯᓄᐅᒡ ᐊᐛᓐᒋ ᓂᐸᐅᓂᒡ᙮ ᐸᐃᒄ ᒪᒃ ᒋᓴᒪᓂᑐᐛ ᒋᑭ ‍ ᐅᑎᓂᑯᐤ ᐊᑯ ᐊᓐ ᑯᑎᒃ ᒐ ‍ ᓂᑭᑕᑭᓄᐅᑦ᙮
\v 35 ᑭᔭ ᒋᑭ ‍ ᓂᓱᐅᒡ ᐃᔎᐅᒡ ᐊ ‍ ᐱᒥᓄᐛᒡ᙮ ᐸᐃᒄ ᐊᓐ ᒋᑭ ‍ ᐅᑎᓇᑭᓄᐤ ᐊᑯ ᐊᓐ ᑯᑎᒃ ᒐ ‍ ᓂᑭᑕᑭᓄᐅᑦ᙮
\v 36 ᑭᔭ ᓂᓱ ᓇᐸᐅᒡ ᒋᑭ ‍ ᑕᐅᒡ ᓄᒋᒥᒡ᙮ ᐸᐃᒄ ᐊᓐ ᒋᑭ ‍ ᐅᑎᓇᑭᓄᐤ ᐊᑯ ᐊᓐ ᑯᑎᒃ ᒐ ‍ ᓂᑭᑕᑭᓄᐅᑦ᙮”
\p
\v 37 ᒋᓴᔅ ᐅᒋᔅᒋᓄᐊᒧᐛᑭᓇ ᒋ ‍ ᑯᒂᒋᒥᑯᐤ ᐊ ‍ ᐃᑎᑯᑦ, “ᐅᑎᐸᔨᒋᒐᐤ, ᑕᓐᑕ ᐅ ᒐ ‍ ᐃᔅᐱᔨᒡ ?” ᒋ ‍ ᐃᑕᐤ ᒪᒃ ᒋᓴᔅ, “ᓇᔅᒡ ᒋᑭ ‍ ᒋᔅᒐᔨᑕᓇᐛᐤ ᐃᔅᐱᔨᒐ ᐅ᙮ ᒧᔭᒻ ᐊᓐᑕ ᐊ ‍ ᓄᑯᓯᒡ ᒥᒋᓱᐅᒡ ᐊ ‍ ᒥᒐᑎᒡ ᒋᔅᒐᔨᑕᑯᓂᔪᐤ ᐊ ‍ ᑎᑯᓂᔨᒡ ᒐᒂᔪᐤ ᐊ ‍ ᓂᐱᒥᑭᓂᔨᒡ ᐊᓐᑕ᙮”
\c 18
\s1 ᑲ ‍ ᑎᐸᒋᒪᑭᓄᐅᑦ ᑲ ‍ ᐸᐃᑯᓯᑦ ᐃᔎᐤ ᑭᔭ ᑎᐸᔅᑯᓂᒐᓱᐤ
\s2 Luke 18.1-8 (Proper-24 Year C)
\p
\v 1 ᒋᓴᔅ ᒋ ‍ ᐎᑎᒧᐛᐤ ᐅᒋᔅᒋᓄᐊᒧᐛᑭᓇ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒐᒋ ᐅᒋ ‍ ᒋᔅᒐᔨᑎᒥᔨᒋ ᒧᔅ ᒐᒋ ᐊᔭᒥᐊᔨᒋ, ᑭᔭ ᒐ ᐊᑲ ᒋ ᑕᔅᑎᑲᒋᔨᒋ᙮
\v 2 ᒋ ‍ ᐃᑕᐤ, “ᒋ ‍ ᑕᐤ ᑎᐸᔅᑯᓂᒐᓱᐤ ᐅᑕᓇᒡ ᐊᑲ ᐅᒋ ᓇᓂᒋᔅᑐᐛᑦ ᒋᓴᒪᓂᑐᐛ ᑭᔭ ᐊᑲ ᐅᒋ ᐊᐱᑕᔨᒪᑦ ᐃᔪᐛ᙮
\v 3 ᐊᓐᑕ ᒪᒃ ᐊᓐ ᐅᑕᓇᐤ ᒋ ‍ ᑕᐤ ᐊ ‍ ᐸᐃᑯᓯᑦ ᐃᔎᐤ᙮ ᒧᔅ ᒪᒃ ᒋ ‍ ᓂᑐᐛᐱᒪᐤ ᐊᓂᔭ ᑎᐸᔅᑯᓂᒐᓱᐛ ᐊ ‍ ᐃᑕᑦ, ‘ᒋ ‍ ᓂᑐᑎᒪᑎᓐ ᒐᒋ ᐎᒋᐃᔨᓐ ᑯᐃᔅᒄ ᒐᒋ ᐃᓯ ‍ ᑎᐸᔅᑯᓇᑭᓄᐅᑦ ᐊᓐ ᑲ ᐸᒋ ‍ ᐅᓂᑐᑕᐅᑦ᙮’ ”
\p
\v 4 “ᓇᐅᔅ ᒪᒃ ᐊᓐ ᑎᐸᔅᑯᓂᒐᓱᐤ ᓇᒪ ᐅᒋ ᐎ ‍ ᐎᒐᐊᐤ ᐊᓂᔭ ᐃᔎᐛ᙮ ᐊᑯ ᒐᒃ ᑲ ᐃᓯ ‍ ᒪᒥᑐᓇᔨᑕᐧᒃ, ‘ᓇᒪ ᓇᓂᒋᔅᑐᐛᐤ ᒋᓴᒪᓂᑐᐤ ᑭᔭ ᓇᒪ ᓂᑦ ᐊᐱᑕᔨᒪᐅᒡ ᐃᔪᒡ᙮
\v 5 ᐅ ᒪᒃ ᑲ ‍ ᐸᐃᑯᓯᑦ ᐃᔎᐤ ᓴᔅ ᓂ ‍ ᐱᔅᑲᒋᐃᒄ ᑲ ‍ ᐃᔅᐱᔅ ᒧᔅ ᐸᒋ ‍ ᒥᑯᔅᑲᒋᐃᑦ, ᐊ ‍ ᓂᑐᐛᔨᑕᐧᒃ ᒐᒋ ᐎᒋᐃᒃ᙮ ᐎᐱᒡ ᑭᑈ ᒂᔄᓐ ᓂᑭ ‍ ᐎᒋᐊᐤ, ᐊᑲ ᐊᑐᐎᔅ ᒐᒋ ᐱᔅᑲᒋᐃᑦ᙮’ ”
\p
\v 6 ᐊᑯ ᐅᑎᐸᔨᒋᒐᐤ ᐅᔭᔪᐤ ᒥᓐ ᒂ ‍ ᐃᔅᒋᔄᑦ, “ᑭᓄᐛᐸᑎᒥᒄ ᒪ᙮ ᒐᒃ ᒋ ‍ ᐎᒋᐊᐤ ᐊᓐ ᒥᒋ ‍ ᑎᐸᔅᑯᓂᒐᓱᐤ ᐊᓂᔭ ᑲ ‍ ᐸᐃᑯᓯᔨᒋ ᐃᔎᐛ, ᐛᔅ ᓇᒪ ᐅᒋ ᐳᓂᐃᑯᐤ ᐊ ‍ ᓂᑐᑎᒪᑯᑦ ᒐᒋ ᐎᒋᐊᑦ᙮
\v 7 ᓇᒪᐎᔾ ᐊ ᒪᒃ ᐊᑐᐎᔅ ᒋᓴᒪᓂᑐᐤ ᐎᐱᒡ ᒋᑭ ‍ ᐎᒋᐊᐤ ᐊᓂᔭ ᐅᑦ ᐃᔨᒪ ᒧᓯᓇᐤ ᑲ ‍ ᐊᔭᒥᐊᔨᒋ ᐊ ‍ ᒋᓯᑲᔨᒡ ᑭᔭ ᐊ ‍ ᑎᐱᔅᑲᔨᒡ ᐊ ‍ ᓂᑐᑎᒪᑯᑦ ᒐᒋ ᒋᔅᐸᐛᑕᑦ ? ᑕᐸ ᒋᑭ ᐅᒋ ‍ ᑕᔅᑎᑲᒋᐤ ᒐᒋ ᒋᔅᐸᐛᑕᑦ᙮
\v 8 ᒋ ‍ ᐎᑎᒪᑎᓇᐛᐤ, ᒐᔅᑎᓇᑕᔨᑕᑯᓂᔪᐤ ᐎᐱᒡ ᒐ ‍ ᒋᔅᐸᐛᑕᑦ᙮ ᐊᑯ ᒪᒃ, ᐃᔪᐤ ᐅᑯᓯᓴᓐ ᒋᑭ ‍ ᒥᔅᑯᐛᐤ ᑲᑭᔭ ᐊᐛᔪᐛ ᐊ ‍ ᑕᑈᔭᔨᒥᑯᑦ ᐃᔅᐱ ᒥᓐ ᑎᑯᓯᓂᒐ ᐅᑕ ᐊᔅᒋᒡ ?”
\s1 ᐸᕆᓯ ᑭᔭ ᐊᓐ ᓇᐸᐤ ᒪᐅᒡ ᑲ ‍ ᒥᒐᑎᓯᑦ ᑲ ‍ ᐃᑕᔨᒥᑯᑦ ᐃᔪᐛ
\s2 Luke 18.9-14 (Proper-25 Year C)
\p
\v 9 ᒋᓴᔅ ᒥᓐ ᒂ ᐃᓯ ‍ ᐎᑎᒧᐛᑦ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊᓂᔭᔪᐛ ᑲ ‍ ᒪᒥᓯᑐᑕᓱᔨᒋ ᓂᑯᐃᔅᑯᑕᑎᓯᓇᓐ ᐊ ‍ ᐃᑕᔨᒥᓱᔨᒋ ᒥᒄ ᒪᒃ ᑲ ‍ ᒥᒐᔨᒪᔨᒋ ᑯᑎᑲ ᐊᐛᔪᐛ᙮ ᐊᔪᐅᒄ ᐅᔭ ᒋᓴᔅ ᑲ ‍ ᐃᑕᑦ,
\v 10 “ᐸᐃᒂᐤ ᓂᓱ ᓇᐸᐅᒡ ᒋ ‍ ᐱᒐᐅᒡ ᒋᓴᐊᔭᒥᐊᐅᒋᐛᐱᒡ ᒐᒋ ᐊᔭᒥᐊᒡ᙮ ᐸᕆᓯ ᐊᓐ ᐸᐃᒄ᙮ ᐊᑯ ᐊᓐ ᑯᑎᒃ ᑲ ‍ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᒋ ‍ ᐃᑕᐱᑎᓯᐤ᙮ ᐅᒡ ᐅᔭ ᑲ ‍ ᐃᑕᐱᑎᓯᒡ ᐊᐅᑯᓐᒡ ᒪᐅᒡ ᑲ ‍ ᒥᒐᑎᓯᒡ ᒋ ‍ ᐃᑕᔨᒥᑯᐅᒡ ᐊᐛᔪᐛ᙮
\v 11 ᐊᑯ ᐊᓐ ᐸᕆᓯ ᒋ ‍ ᐸᐃᑯᑲᐳᐤ ᐊ ᐃᓯ ‍ ᐊᔭᒥᐊᑦ, ‘ᒋᓴᒪᓂᑐᐤ, ᒋ ‍ ᓂᓇᔅᑯᒥᑎᓐ ᐊᑲ ᐃᓯᓇᑯᓯᔭᓐ ᑯᑎᑭᒡ ᐊ ‍ ᐃᓯᓇᑯᓯᒡ ᐊᐛᓐᒋ ᑭᔭ ᐊᑲ ᒥᔅᑎᒪᐅᒋᑎᒪᓱᔭᓐ ᓱᓇᔭᐤ ᑭᔭ ᐊᑲ ᓂᑎᒥᒄ ᐃᑐᑐᐅᒂᐤ ᐊᐛᓐᒋ ᑭᔭ ᐊᑲ ᐱᓯᒂᑎᓯᔭᓐ᙮ ᒋ ‍ ᓂᓇᔅᑯᒥᑎᓐ ᐊᑲ ᐃᓯᓇᑯᓯᔭᓐ ᑕᓐ ᐊ ‍ ᐃᓯᓇᑯᓯᑦ ᐊᓇ ᑲ ‍ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᑲ ‍ ᐃᑕᐱᑎᓯᑦ᙮
\v 12 ᓂᔾ ᒪᒃ ᐊᓯᑯᒻ ᒥᓇᔅᑕᑭᓇ, ᓂᓱ ᒋᓯᑲᐛ ᓇᒪ ᓂ ‍ ᒥᒋᓱᓐ ᑭᔭ ᓂ ‍ ᐱᔅᑎᓂᒐᓐ ᐸᐃᒂᐱᔅᒡ ᐊᓯᑯᒻ ᐸᐃᑯᔪᐛᐱᔅᒡ ᐊ ‍ ᐊᔭᔭᓐ᙮’ ᐊᔪᐅᒄ ᐅᔭ ᑲ ᐃᓯ ‍ ᐊᔭᒥᐊᑦ ᐎᔾ ᐊᓐ ᐸᕆᓯ᙮”
\p
\v 13 “ᐊᑯ ᒪᒃ ᐊᓐ ᓇᐸᐤ ᑲ ‍ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᑲ ‍ ᐃᑕᐱᑎᓯᑦ, ᐃᔅᐱ ᐊ ‍ ᐊᔭᒥᐊᑦ ᐛᔪᐎᔅ ᐊᓐᑕ ᒋ ‍ ᐅᒋᑲᐳᐤ ᐊᓐᑕ ᑲ ‍ ᓂᐳᔨᒋ ᐊᓂᔭ ᐸᕆᓯᐊ ᓇᒪ ᑭᔭ ᐛᐛᒡ ᐅᒋ ᑎᔅᑎᓴᐳᐤ ᒋᒋᒋᓯᑯᒡ ᐛᔅ ᒋ ‍ ᑯᓯᑯᑕᐊᐤ᙮ ᒋ ‍ ᐃᔅᒋᔄᐤ, ‘ᒋᓴᒪᓂᑐᐤ ᐸᒋ ‍ ᒋᔅᑎᒪᒐᔨᒥ ᐊ ‍ ᒥᒋᑐᑎᒪᓐ᙮’ ” ᐊᑯ ᒋᓴᔅ ᒥᓐ ᒂ ᐊᑎ ‍ ᐃᔅᒋᔄᑦ ᐃᔅᐱ ᑲᒋ ᐃᓯ ‍ ᑎᐸᒋᒧᑦ᙮
\p
\v 14 “ᒋ ‍ ᐎᑎᒪᑎᓇᐛᐤ ᒪᒃ, ᐅ ᓇᐸᐤ ᒋ ‍ ᒋᐛᐤ ᑕᑈ ᐊ ‍ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐊ ‍ ᑭᓄᐛᐱᒥᑯᑦ᙮ ᓇᒪᐎᔾ ᐊᓐ ᐸᕆᓯ᙮ ᐊᓐ ᐊᐛᓐ ᒥᔅᑎ ᑲ ‍ ᐃᑕᔨᒥᓱᑦ ᒋᑭ ‍ ᑎᐱᑕᔨᑕᑯᐃᑯᐤ ᒋᓴᒪᓂᑐᐛ ᐊᑯ ᐊᓐ ᑲ ‍ ᑎᐱᑕᔨᒥᑎᓱᑦ ᐊᐛᓐ ᐊᐅᒄ ᒐ ‍ ᒋᔅᑕᔨᑕᑯᐊᑭᓄᐅᑦ᙮”
\s1 ᒋᓴᔅ ᑲ ‍ ᐸᑐᑐᐛᑭᓄᐅᑦ ᐊᐛᓴ
\r ᒪᑎᔪᐤ 19.13-15; ᒪᕐᒃ 10.13-16
\p
\v 15 ᒋ ‍ ᐸᑐᑐᐛᐅᒡ ᒪᒃ ᐊᐛᓐᒋ ᒋᓴᓴ ᑲ ‍ ᐊᐱᓯᓯᔨᒋ ᐅᑦ ᐊᐛᓯᒧᐛᐛ, ᐊᒋ ‍ ᓂᑐᐛᔨᒪᔨᒡ ᒐᒋ ᑕᒋᓇᔨᒋ᙮ ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᐃᔅᐱ ᐎᔭᐱᒪᒡ ᐅᔭ ᐊ ‍ ᐃᑎᔨᒋ ᒋ ‍ ᒋᑕᐊᒧᐛᐅᒡ᙮
\v 16 ᒋᓴᔅ ᒋ ‍ ᐎᓴᒪᐤ ᐊᐛᓴ ᐊ ‍ ᐃᔅᒋᔄᑦ, “ᐱᔅᑎᓇᐧᑯᒡ ᐊᐛᓯᒡ ᒐᒋ ᐸᒋ ‍ ᓇᓯᒡ, ᐊᑲᐎᔾ ᐅᒋ ᒋᑕᐊᒧᐛᐧᑯᒡ, ᐛᔅ ᐅᔭ ᑲ ‍ ᐃᑕᔨᑕᑯᓯᒡ ᐊᐛᓐᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᐃᓯ ᑎᐸᔨᑕᑯᓱᐅᒡ᙮
\v 17 ᑕᑈ ᒋ ‍ ᐎᑎᒪᑎᓇᐛᐤ, ᒧᔭᒻ ᐊ ᐃᓯ ‍ ᑕᑈᑕᐧᒃ ᐊᐛᔅ ᑕᓐ ᐊ ᐃᓯ ‍ ᐎᑎᒧᐛᑭᓄᐅᑦ ᐊᐅᑯᓐ ᑭᔭ ᒋᔨᐛᐤ ᒋᐸ ᐃᓯ ‍ ᑕᑈᑕᓇᐛᐤ ᑕᓐ ᐊ ᐃᓯ ‍ ᐎᑎᒪᑯᔭᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑭᔭ ᒐᒋ ᐱᒐᔭᒄ ᐊᓐᑕ᙮”
\s1 ᑲ ‍ ᐛᔪᑎᓯᑦ ᓇᐸᐤ
\r ᒪᑎᔪᐤ 19.16-30; ᒪᕐᒃ 10.17-31
\p
\v 18 ᐊᑯ ᐸᐃᒂᐤ ᒍᐤ ᐃᔪᒡ ᐅᒋᒪᒧᐛᐛ ᒋ ᐃᓯ ‍ ᑯᒂᒋᒪᐤ ᐊᓂᔭ ᒋᓴᓴ, “ᒋᔅᑯᑎᒪᒐᓱᐤ, ᑲ ‍ ᒥᔪᑥᔨᓐ ᑕᓐ ᒐ ‍ ᐃᑎᔭᓐ ᒐᒋ ᐅᒋ ‍ ᐊᔭᔭᓐ ᑲᒋᒡ ᐱᒪᑎᓯᐅᓐ ?”
\p
\v 19 ᒋᓴᔅ ᒪᒃ ᒋ ‍ ᐃᑕᐤ, “ᒐᒂᓐ ᐛᒋ ‍ ᐃᓯᓂᐧᑲᓯᔨᓐ ᑲ ‍ ᒥᔪᑥᑦ ? ᓇᒪ ᐊᐛᓐ ᑕᐤ ᓇᔅᒡ ᒐᒋ ᒥᔪᑥᑦ, ᒥᒄ ᒋᓴᒪᓂᑐᐤ᙮
\v 20 ᒋ ‍ ᒋᔅᒐᔨᑕᓐ ᐅᔭ ᐎᓱᐛᐅᓇ,
\q ‘ᐊᑲᐎᔾ ᓂᐸᐃ ᐊᐛᓐ, ᐊᑲᐎᔾ ᐱᓯᒂᑎᓯ, ᐊᑲᐎᔾ ᒋᒧᑎ, ᐊᑲᐎᔾ ᒋᑭ ‍ ᓂᑎᔭᒋᒪᐤ ᐊᐛᓐ, ᒋᔅᑕᔨᒻ ᒍᑕᐎᔾ ᑭᔭ ᒋᑲᐎᔾ᙮’ ”
\p
\v 21 ᐊᑯ ᐊᓐ ᓇᐸᐤ ᒂ ‍ ᐃᔅᒋᔄᑦ, “ᑲ ᐸᒋ ‍ ᐊᐛᓯᐅᔭᓐ ᓴᔅ ᓂᒋ ‍ ᓂᓇᐃᑕᓐ ᐅᔭ ᐎᓱᐛᐅᓇ᙮”
\p
\v 22 ᐃᔅᐱ ᒪᒃ ᒋᓴᔅ ᐱᔭᑐᐛᑦ ᐅᔭ ᐊ ‍ ᐃᔅᒋᔄᔨᒋ ᒋ ‍ ᐃᑕᐤ, “ᐊᔅᒄ ᒪᒃ ᐸᐃᒄ ᒐᒂᓐ ᒥᓐ ᓂᑐᐛᔨᑕᑯᓐ ᒐᒋ ᐃᑐᑎᒥᓐ᙮ ᐊᑕᐛ ᒥᓯᐛ ᑕᓐ ᐊ ᐃᓯ ‍ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ‍ ᒋᔅᑎᒪᑎᓯᒡ ᒐ ‍ ᒥᔨᑥᐤ᙮ ᐊᑯ ᒪᒃ ᒐ ‍ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᐊ ‍ ᑎᒂᒡ᙮ ᒋ ‍ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ‍ ᓇᓴᐎᔨᓐ᙮”
\p
\v 23 ᐃᔅᐱ ᒪᒃ ᐱᔭᑕᐧᒃ ᐊᓐ ᓇᐸᐤ ᐅᔭᔪᐤ, ᓇᔅᒡ ᑕᑈ ᒋ ‍ ᒥᒐᔨᑎᒻ ᐛᔅ ᓇᔅᒡ ᑕᑈ ᒋ ‍ ᐛᔪᑎᓯᐤ᙮
\p
\v 24 ᐃᔅᐱ ᒪᒃ ᒋᓴᔅ ᐎᔭᐸᑎᒧᐛᑦ ᑕᓐ ᐊᔅᐱᔅ ᒥᒐᔨᑎᒧᓇᑯᓯᔨᒋ ᒋ ‍ ᐃᑕᐤ, “ᐊᔪᐛᒡ ᐊᔨᒥᓐ ᐊᐛᓐ ᐊ ‍ ᐛᔪᑎᓯᑦ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ᙮
\v 25 ᐊᑐᐎᔅ ᐊᔨᒥᓂᔪᐤ ᐊᐛᓐ ᑲ ‍ ᐛᔪᑎᓯᑦ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᐃᔅᐱᔅ ᐊᓐ ᐊᐛᓯᔅ ᑲ ᒥᔅᑎ ‍ ᐱᔎᐅᑯᓇᑦ ᒐᒋ ᓴᐳᔅᑲᐧᒃ ᐅᔅᑲᒋᐧᑯᔪᐤ ᐊᓐᑕ ᐸᑯᓇᔭᐱᔅᑲᔨᒡ᙮”
\p
\v 26 ᐊᓐᒡ ᒪᒃ ᐃᔪᒡ ᑲ ‍ ᐸᑐᐛᒡ ᒋᓴᓴ, ᒋ ‍ ᑯᒂᒋᒪᐅᒡ, “ᐊᐛᓐ ᒪᒃ ᐊᑯ ᒐᒋ ᐱᒪᒋᐅᑦ ?”
\p
\v 27 ᒋᓴᔅ ᒪᒃ ᒋ ‍ ᐃᑕᐤ, “ᑕᓐ ᐊᓂᔭᔪᐛ ᐊᑲ ᑲᒋ ‍ ᐃᑐᑕᐧᒃ ᐃᔪᐤ ᒋᑭ ᒋ ‍ ᐃᑐᑎᒻ ᐎᔾ ᒋᓴᒪᓂᑐᐤ᙮”
\p
\v 28 ᐊᑯ ᐱᑕᕐ ᒂ ‍ ᐃᔅᒋᔄᑦ, “ᑭᓄᐛᐸᑕ ᒪ᙮ ᓴᔅ ᒥᓯᐛ ᓂᒋ ‍ ᓂᑭᑕᓇᓐ ᓂᒋᓇᓇ ᒐᒋ ᓇᓴᐅᑕᒡ᙮”
\p
\v 29 “ᓂᐦᐃ, ᑕᑈ,” ᒋ ‍ ᐃᑕᐤ ᒋᓴᔅ, “ᒥᓯᐛ ᐊᐛᓐ ᑲ ‍ ᓂᑭᑕᐧᒃ ᐎᒡ ᑭᔭ ᑲ ‍ ᓂᑭᑕᑦ ᐎᐛ ᑭᔭ ᐎᐧᑲᓂᓴ ᑭᔭ ᐅᓂᒋᐃᒂ ᑭᔭ ᐅᑦ ᐊᐛᓯᒪ, ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐅᒋ ᒋᑭ ‍ ᒐᔅᑎᓇᑕᔨᑕᓇᐛᐤ,
\v 30 ᐊᑐᐎᔅ ᒐ ‍ ᒥᔭᑭᓄᐅᑦ ᐃᔅᐱᔅ ᐊᓂᔭ ᑲ ᐃᓯ ‍ ᓂᑭᑕᐧᒃ ᐊᓄᒡ ᒪᒂᒡ ᐊ ‍ ᐱᒪᑎᓯᑦ, ᑭᔭ ᑲᒋᒡ ᐱᒪᑎᓯᐅᓂᔪᐤ ᒐ ‍ ᐊᔭᑦ ᐊᓐᑕ ᐊᔅᒄ ᓂᑲᓄᒡ᙮”
\s1 ᒋᓴᔅ ᑲ ‍ ᐊᔨᒧᑕᐧᒃ ᑕᓐ ᒐ ᐃᓯ ‍ ᓂᐱᑦ
\r ᒪᑎᔪᐤ 20.17-19; ᒪᕐᒃ 10.32-34
\p
\v 31 ᐊᑯ ᒋᓴᔅ ᒂ ‍ ᔅᑐᑕᐊᑦ ᐊᓂᔭ ᑲ ‍ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᐊᓐᑕ ᑎᐸᓐ ᒐᒋ ᐃᑕᒡ, ᐊᑯ ᒂ ‍ ᐃᑕᑦ, “ᒋᕈᓯᓕᒥᒡ ᒋᑭ ‍ ᐃᑐᑕᓇᓄᐤ᙮ ᐊᑯᑕ ᐊᓐᑕ ᒥᓯᐛ ᒐ ‍ ᑎᐱᐱᔨᒡ ᐊᓂᔭ ᑲ ‍ ᐃᑕᔨᒪᑭᓄᐅᑦ ᒐ ‍ ᐃᔅᐱᔨᑦ ᐃᔪᐤ ᐅᑯᓯᓴᓐ ᐊᓂᔭ ᑕᓐ ᑲ ᐃᓯ ‍ ᒥᓯᓇᐊᒧᐛᒂ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮
\v 32 ᒋᑭ ‍ ᐱᔅᑎᓂᒧᐛᑭᓄᐎᒡ ᐊᓐᒡ ᐃᔪᒡ ᐊᑲ ᒍᐤ ᐃᑎᔅᑲᓇᓯᒡ, ᒐᒋ ᒪᔭᔨᒪᒡ ᑭᔭ ᒐᒋ ᔭᐃᑲᐊᒡ ᓂᑎᒥᒄ ᐊ ‍ ᐃᔅᒋᔄᑕᒡ ᑭᔭ ᒐᒋ ᓯᔅᑎᒂᑕᒡ᙮
\v 33 ᑭᔭ ᒐᒋ ᐱᓯᔅᑕᐛᒡ, ᑭᔭ ᒐ ‍ ᓂᐸᐊᒡ᙮ ᒥᒄ ᒪᒃ ᒋ ‍ ᓂᔅᑐᒋᓯᑲᔨᒐ ᒥᓐ ᑲᐤ ᒋᑭ ‍ ᐅᓂᐤ᙮”
\p
\v 34 ᒋᔅᒋᓄᐊᒧᐛᑭᓐᒡ ᒪᒃ ᓇᒪ ᐛᒡ ᐸᐃᒄ ᐅᒋ ᓂᔅᑐᑎᒧᒡ ᐊᓂᔭ ᑕᓐ ᑲ ᐃᓯ ‍ ᐊᔨᒧᑎᒥᔨᒋ᙮
\s1 ᓇᐸᐤ ᐊᑲ ᐛᐸᑕᐧᒃ ᒐᕆᑯᐎᒡ ᑲ ‍ ᐅᒋᑦ
\r ᒪᑎᔪᐤ 20.29-34; ᒪᕐᒃ 10.46-52
\p
\v 35 ᐃᔅᐱ ᒪᒃ ᐊ ᐊᑎ ‍ ᐸᓱᐛᐸᑕᒡ ᐊᓂᔭ ᐅᑕᓇᔪᐤ ᒐᕆᑯᐤ ᑲ ‍ ᐃᓯᓂᐧᑲᑕᔨᒡ ᓇᐸᐤ ᐊᑲ ᐛᐸᑕᐧᒃ ᐊᓐᑕ ᐅᐱᒪᔅᑭᓄᐤ ᒋ ‍ ᐊᐳᐤ ᐊ ‍ ᓂᑐᑎᒪᑦ ᓱᓇᔭᔪᐤ᙮
\v 36 ᐃᔅᐱ ᒪᒃ ᐱᔭᑐᐛᑦ ᒥᒐᑦ ᐊᐛᔪᐛ ᐊ ‍ ᐛᐎᒪᔅᑲᑯᑦ ᒋ ‍ ᑯᒂᒋᒪᐤ ᑕᓐ ᐊ ‍ ᐃᑎᓇᓄᐎᒡ᙮
\v 37 “ᒋᓴᔅ, ᓇᓴᕆᑎᒡ ᑲ ‍ ᐅᒋᑦ ᒪᒂᒡ ᐱᒧᑕᐤ,” ᒋ ‍ ᐃᑕᑭᓄᐤ᙮
\p
\v 38 ᐊᑯ ᑲ ‍ ᑕᑈᑦ ᐊ ‍ ᐃᔅᒋᔄᑦ, “ᒋᓴᔅ, ᑎᐱᑦ ᑲ ‍ ᐅᑯᓯᑐᑕᔅᒃ, ᐸᒋ ‍ ᒋᔅᑎᒪᒐᔨᒥ᙮”
\p
\v 39 ᐊᓐᒡ ᒪᒃ ᐃᔪᒡ ᑲ ‍ ᓂᑲᓄᑕᒡ ᒋ ‍ ᒋᑕᐊᒧᐛᐅᒡ ᐊ ‍ ᐃᑕᒡ, “ᐊᑲ ᒪ ᒋᔅᑐ᙮” ᓇᔅᒡ ᒪᒃ ᐊᑐᐎᔅ ᓱᒃ ᒋ ‍ ᑕᑈᐤ ᐊ ‍ ᐃᔅᒋᔄᑦ, “ᑎᐱᑦ ᐛᑯᓯᓯᒥᑐᑕᔅᒃ, ᐸᒋ ‍ ᒋᔅᑎᒪᒐᔨᒥ᙮”
\p
\v 40 ᒋᓴᔅ ᒋ ‍ ᒋᐱᒋᑲᐳᐤ ᒂ ‍ ᐃᑎᓱᐛᑦ ᒐᒋ ᐸᑐᑐᐛᑭᓄᐅᑦ ᐊᓂᔭ ᐊᑲ ᐛᐸᑎᒥᔨᒋ ᓇᐸᐛ᙮ ᐃᔅᐱ ᒪᒃ ᐊᓐ ᓇᐸᐤ ᐊᑲ ᐛᐸᑕᐧᒃ ᐊ ᐊᑎ ‍ ᐸᓱᐛᐱᒪᑦ ᒋᓴᓴ, ᒋ ‍ ᑯᒂᒋᒥᑯᐤ,
\v 41 “ᑕᓐ ᐊ ᐃᓯ ‍ ᓂᑐᐛᔨᑎᒥᓐ ᒐᒋ ᐃᑐᑎᒪᑕᓐ ?”
\p ᐊᓐ ᓇᐸᐤ ᒋ ‍ ᐃᑕᐤ, “ᐅᑎᐸᔨᒋᒐᐤ, ᐃᑐᑐᐎ ᒐᒋ ᐛᐸᑎᒪᓐ᙮”
\p
\v 42 ᒋᓴᔅ ᒪᒃ ᒋ ‍ ᐃᑕᐤ, “ᐛᐸᑕ, ᒋᑕᑈᑎᒧᐅᓐ ᒋ ‍ ᒥᓏᒋᐃᑯᓐ᙮”
\v 43 ᑎᐛᒡ ᒪᒃ ᓇᔅᒡ ᒋ ‍ ᐛᐸᑎᒻ, ᒂ ᐊᑎ ‍ ᓇᓴᐛᑦ ᒋᓴᔅ ᐊ ‍ ᒪᒥᒋᒪᑦ ᒋᓴᒪᓂᑐᐛ᙮ ᐃᔅᐱ ᒪᒃ ᒥᓯᐛ ᐊᐛᓐ ᐎᔭᐸᑕᐧᒃ ᐅᔭ ᐊ ‍ ᐃᔅᐱᔨᒡ, ᑭᔭ ᐎᔨᐛᐤ ᒋ ‍ ᒪᒥᒋᒪᐅᒡ ᒋᓴᒪᓂᑐᐛ᙮
\c 19
\s1 ᒋᓴᔅ ᑭᔭ ᓴᑭᔭᔅ
\s2 Luke 19.1-10 (Proper-26 Year C)
\p
\v 1 ᒋᓴᔅ ᒋ ‍ ᐅᑎᑎᒻ ᐅᑕᓇᔪᐤ ᒐᕆᑯᐤ ᐊ ‍ ᐃᓯᓂᐧᑲᑕᔨᒡ, ᒂ ‍ ᐱᒐᑦ ᐊᓐᑕ᙮
\v 2 ᒋ ‍ ᑕᐤ ᒪᒃ ᓇᐸᐤ ᐊᓐᑕ ᐅᑕᓇᒡ, ᓴᑭᔭᔅ ᐊ ‍ ᐃᓯᓂᐧᑲᓱᑦ᙮ ᒋ ‍ ᓂᑲᓂᔅᑯᐛᐤ ᑲ ‍ ᒪᒧᓴᒋᓂᒥᔨᒋ ᒋᓴᐅᒋᒪᐤ ᓱᓇᔭᔪᐤ ᑲ ‍ ᐃᑕᐱᑎᓯᔨᒋ᙮ ᓇᔅᒡ ᒪᒃ ᒋ ‍ ᐛᔪᑎᓯᐤ ᐅ ᓇᐸᐤ᙮
\v 3 ᒋ ᐎ ‍ ᐛᐱᒪᐤ ᒪᒃ ᐊᐛᔪᐛ ᐊᓂᔭ ᒋᓴᔅ ᑲ ‍ ᐃᓯᓂᐧᑲᓱᔨᒋ᙮ ᒥᒄ ᒪᒃ ᒋ ‍ ᑕᐧᑯᑲᐳᐤ ᐊᑯ ᓇᒪ ᐅᒋ ᐛᐱᒪᐤ, ᑭᔭ ᒋ ‍ ᒥᒐᑎᔪᐛ ᐊᐛᔪᐛ ᐊ ‍ ᐊᑯᔅᑲᑯᑦ᙮
\v 4 ᐊᑯ ᒂ ‍ ᓂᑲᓂᐸᑕᑦ ᒂ ‍ ᓴᑭᒋᐛᑦ ᒥᔅᑎᒂ, ᒐᒋ ᐛᐱᒪᑦ ᒋᓴᓴ ᐃᔅᐱ ᐱᒧᑕᔨᒐ᙮
\p
\v 5 ᐃᔅᐱ ᒪᒃ ᒋᓴᔅ ᐛᑎᑕᑦ ᐊᓂᔭ ᒥᔅᑎᒂ ᒋ ‍ ᑎᔅᑎᓴᐳᐤ ᒂ ‍ ᐃᑕᑦ ᐊᓂᔭ ᓴᑭᔭᓴ, “ᒋᐱᔾ ᐸᒋ ‍ ᓂᑎᒋᐛ ᓴᑭᔭᔅ, ᐊ ‍ ᑕᔨᓐ ᓂᑭ ‍ ᑕᓐ ᐊᓄᒡ ᒐ ‍ ᒋᓯᑲᒡ᙮”
\v 6 ᓴᑭᔭᔅ ᒪᒃ ᑎᐛᒡ ᒋ ᐊᑎ ‍ ᓂᑎᒋᐛᐸᑕᐤ ᐊ ‍ ᒥᔽᔨᑕᐧᒃ ᒐ ‍ ᐱᑎᑲᐊᑦ ᒋᓴᓴ᙮ ᓇᔅᒡ ᒋ ‍ ᒥᔽᔨᑎᒻ ᐊ ‍ ᐃᑐᑕᐊᑦ ᐊᓐᑕ ᐎᒋᒡ᙮
\p
\v 7 ᒥᓯᐛ ᒪᒃ ᐊᓐᒡ ᐃᔪᒡ ᑲ ‍ ᐛᐱᒪᒡ ᒋᓴᓴ ᐊ ‍ ᐱᑎᑲᐃᑯᔨᒋ ᓴᑭᔭᓴ ᒪᒪᒡ ᒋ ‍ ᐃᑕᐅᒡ ᐊ ‍ ᐃᔅᒋᔄᒡ, “ᐅ ᓇᐸᐤ ᐊ ‍ ᐃᑐᑕᑦ ᐊᓐᑕ ᐅᒥᒋᑥᐛ ᐎᒋᔨᒡ᙮”
\p
\v 8 ᓴᑭᔭᔅ ᒪᒃ ᒋ ‍ ᐱᓯᑯᐤ ᐊᑯ ᒂ ‍ ᐃᑕᑦ ᐅᑎᐸᔨᒋᒐᐛ, “ᓂᑐᑐᐎ ᒪ ᐅᑎᐸᔨᒋᒐᐤ᙮ ᐊᐱᑐᐤ ᓂᑭ ‍ ᒥᔭᐅᒡ ᐊᔅᐱᔅ ᑭᓄᐛᔨᑎᒪᓐ ᒐᒂᓐ ᐊᓐᒡ ᑲ ‍ ᒋᔅᑎᒪᑎᓯᒡ᙮ ᑲ ‍ ᒋᒧᑎᒧᐛᐅᒐ ᐊᐛᓐ ᐊᑐᐎᔅ ᓇᐛᐤ ᓂᑭ ‍ ᑕᐱᒥᔭᐤ᙮”
\p
\v 9 ᒋᓴᔅ ᒪᒃ ᒋ ‍ ᐃᑕᐤ, “ᐊᓄᒡ ᐅ ᒐᓯᑲᒡ ᒥᓯᐛ ᐃᔪᒡ ᑲ ‍ ᐎᒋᒡ ᐅᑕ ᒋᒋᒡ ᐱᒪᒋᐊᑭᓄᐅᒡ᙮ ᒋᔾ ᒪᒃ ᓴᑭᔭᔅ ᑭᔭ ᒋᔾ ᒋᑦ ᐃᑎᔅᑲᓇᓯᓐ ᐊᓐᑕ ᐊᑉᕋᐊᒻ ᐊ ‍ ᑕᑦ᙮
\v 10 ᐃᔪᐤ ᐅᑯᓯᓴᓐ ᒋ ᐸᒋ ‍ ᑎᑯᓯᓐ ᒐᒋ ᓇᓂᑐᐛᐱᒪᑦ ᑭᔭ ᒐᒋ ᐱᒪᒋᐊᑦ ᐊᓂᔭᔪᐛ ᐃᔪᐛ ᑲ ‍ ᐅᓂᓯᓂᔨᒋ᙮”
\s1 ᓱᓇᔭᐤ ᑲ ‍ ᒥᔨᐛᓄᐅᒡ ᑎᐸᒋᒧᐅᓐ
\r ᒪᑎᔪᐤ 25.14-30
\p
\v 11 ᐊᔭᔅᒃ ᒪᒃ ᒋ ᐊᑎ ‍ ᐸᓱᐛᐸᑎᒧᒡ ᒋᕈᓯᓕᒥᔪᐤ ᐊᓐᒡ ᐃᔪᒡ ᐊ ‍ ᓇᓴᐛᒡ ᒋᓴᓴ᙮ ᐊᓂᔭ ᒪᒃ ᑕᓐ ᑲ ᐃᓯ ‍ ᐛᐎᑎᒪᑯᒡ ᒋᓴᓴ ᒋ ‍ ᐃᑕᔨᑎᒧᒡ ᑕᑈ ᓴᔅ ᑎᐛᒡ ᒐ ‍ ᓄᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᐊᑯ ᒪᒃ ᒋᓴᔅ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᑲ ‍ ᐎᑎᒧᐛᑦ ᒪᒂᒡ ᐊ ᐊᑎ ‍ ᐱᒧᑕᒡ᙮ ᒋ ‍ ᐃᔅᒋᔄᐤ ᒪᒃ,
\v 12 “ᓇᐸᐤ ᓇᔅᒡ ᐊ ‍ ᒋᔅᑕᔨᑕᑯᓯᑦ, ᒋ ‍ ᐃᑐᑕᐤ ᐊᓐᑕ ᐛᔪᐤ ᐊᔅᒋᒡ ᒐᒋ ᒋᓴᐅᒋᒪᐅᐊᑭᓄᐅᑦ ᑭᔭ ᒥᓐ ᑲᐤ ᑲ ᐸᒋ ‍ ᒋᐛᑦ᙮
\v 13 ᒥᒄ ᒪᒃ ᐊᔅᒄ ᐊᑲ ᐅᒋ ᔅᑐᑕᑦ ᒋ ‍ ᐎᓴᒪᐤ ᐸᐃᑯᔪᐤ ᐊᓂᔭ ᐅᑦ ᐊᐱᒋᐊᑭᓇ ᐸᐸᐃᒄ ᒂ ‍ ᒥᔭᑦ ᓱᓇᔭᔪᐤ ᐊᑯ ᒂ ‍ ᐃᑕᑦ, ‘ᑕᐧᑯᒡ ᐎ ᐅᓯᑕᒄ ᓱᓇᔭᐤ ᐅ ᐅᒋ ᓱᓇᔭᐤ ᒐ ‍ ᐃᔅᐱᔅ ᐊᑲ ᑕᔭᓐ᙮’
\p
\v 14 ᐊᓂᔭᔪᐛ ᒪᒃ ᐃᔪᐛ ᑲ ‍ ᐅᒋᒪᐧᑲᑐᐛᑦ ᒋ ‍ ᐛᐧᑲᑎᑯᐤ᙮ ᐃᔅᐱ ᑲ ‍ ᔅᑐᑕᑦ, ᐊᓂᔭ ᐅᑦ ᐃᔨᒪ ᒋ ‍ ᐃᑎᓴᐛᔪᐛ ᐊᐛᔪᐛ ᒐᒋ ᐳᑯᓄᒥᑯᑦ ᐊᓐᑕ ᐊᓂᔭ ᒐ ‍ ᐃᑐᑕᑦ ᒐᒋ ᐃᔅᒋᔄᔨᒋ ᐊᑲ ᓂᑐᐛᔨᒥᑯᑦ ᒐᒋ ᒋᓴᐅᒋᒪᐅᐊᑭᓄᐅᑦ᙮”
\p
\v 15 “ᒥᒄ ᒪᒃ ᐃᔭᐱᒡ ᒋ ‍ ᒋᓴᐅᒋᒪᐅᐊᑭᓄᐤ ᐊᑯ ᒥᓐ ᑲᐤ ᑲ ‍ ᒋᐛᑦ᙮ ᐊᑯ ᒂ ‍ ᐎᓴᒪᑦ ᐊᓂᔭ ᐅᑦ ᐊᐱᒋᐊᑭᓇ ᐊ ᓂᑐ ‍ ᒋᔅᒐᔨᒪᑦ ᑕᓐ ᑲ ᐃᔅᐱᔅ ‍ ᐅᓯᑕᔨᒋ ᐊᓂᔭ ᓱᓇᔭᔪᐤ ᑲ ‍ ᒥᔭᑦ᙮”
\p
\v 16 “ᐊᓐ ᓂᔅᑎᒻ ᑲ ‍ ᑎᑯᓯᐧᒃ ᓇᐸᐤ ᒋ ‍ ᐃᑕᐤ, ‘ᓄᒋᒪᒻ, ᐸᐃᒄ ᔅᒋ ᐸᒋ ‍ ᒥᔨᓐ ᓱᓇᔭᐱᔅᒄ ᑭᔭ ᐸᐃᑯᔪᐤ ᓱᓇᔭᐱᔅᑯᒡ ᓂᒋ ‍ ᐅᓯᐊᐅᒡ ᐊᓐᑕ ᐅᒡ᙮’ ”
\p
\v 17 “ ‘ᒋ ‍ ᒥᔪᑐᑕᓐ, ᒋ ᒥᔪ ‍ ᐊᑐᔅᒐᓐ,’ ᒋ ‍ ᐃᑎᑯᐤ ᐅᒋᒪᒪ᙮ ‘ᐊᒋ ‍ ᓄᑯᑕᔨᓐ ᐊ ‍ ᑕᑈᐅᒐᔨᑕᑯᓯᔨᓐ ᑯᐃᔅᒄ ᒐᒋ ᐃᓯ ‍ ᐊᑐᔅᒐᔅᑎᒥᓐ ᒐᒂᓐ ᐊ ‍ ᐊᐱᓴᓯᒡ ᒥᔅᑯᒡ ᒋᑭ ‍ ᒥᔨᑯᓐ ᐸᐃᑯᔪᐤ ᐅᑕᓇᐛ ᒐᒋ ᓂᑲᓂᔅᑭᒥᓐ᙮’ ”
\p
\v 18 “ᒥᓐ ᑯᑎᒃ ᑲ ‍ ᑎᑯᓯᐧᒃ ᒂ ‍ ᐃᔅᒋᔄᑦ, ‘ᓄᒋᒪᒻ, ᔅᒋ ᐸᒋ ‍ ᒥᔨᓐ ᐸᐃᒄ ᓱᓇᔭᐱᔅᒄ ᑭᔭ ᐱᑕᑕᒡ ᓱᓇᔭᐱᔅᑯᒡ ᐊ ‍ ᐅᓯᐃᒂᐤ᙮’ ”
\p
\v 19 “ᒋ ‍ ᐃᑎᑯᐤ ᒪᒃ ᐊᓂᔭ ᐅᒋᒪᐛ, ‘ᒋᑭ ‍ ᐅᒋᒪᐅᓐ ᐱᑕᑕᒡ ᐅᑕᓇᐛ᙮’ ”
\p
\v 20 “ᐊᑯ ᒥᓐ ᑯᑎᒃ ᐊᐱᒋᐊᑭᓐ ᒂ ‍ ᑎᑯᓯᐧᒃ ᐊᑯ ᒂ ‍ ᐃᔅᒋᔄᑦ, ‘ᒪᐅ ᒋᓱᓇᔭᐱᔅᑯᒻ, ᓂᒋ ‍ ᒪᑯᐱᑕᐤ ᐱᒍᐎᔭᓂᒡ᙮
\v 21 ᔅᒋ ‍ ᑯᔅᑎᑎᓐ ᐛᔅ ᐊᓐ, ᐅᓴᒻ ᒋ ‍ ᒥᒋᑥᓐ᙮ ᒋ ‍ ᐅᑎᓇᓐ ᒐᒂᓐ ᐊ ᐊᑲ ‍ ᑎᐸᔨᑎᒥᓐ ᑭᔭ ᒋ ‍ ᒪᒧᓴᒋᓇᓐ ᓂᑕᐅᒋᑕᑭᓇ ᐊᑲ ᒋᔾ ᐅᒋ ᓂᑕᐅᒋᑕᔨᓐ᙮’ ”
\p
\v 22 “ᐊᑯ ᐊᓂᔭ ᐅᒋᒪᒪ ᒋ ‍ ᐃᑎᑯᐤ, ‘ᒋᔾ ᑲ ‍ ᒥᒋᑯᐸᓇᐎᔨᓐ, ᓂᑭ ‍ ᐊᐱᒋᑕᓐ ᐊᓐ ᑲ ‍ ᐃᔅᒋᔄᔨᓐ ᐊ ‍ ᓂᓱᐅᓇᒋᒥᑕᓐ᙮ ᒋᑦ ᐃᑕᔨᒥᓐ ᐊ ‍ ᒥᒋᑥᔭᓐ, ᐊ ‍ ᐅᑎᓂᒪᓐ ᒐᒂᓐ ᐊᑲ ᑎᐸᔨᑎᒪᓐ ᑭᔭ ᐊ ‍ ᒪᒧᓴᒋᓂᒪᓐ ᒐᒂᓐ ᐊᑲ ᓂᔾ ᐅᒋ ᓂᑕᐅᒋᑕᔭᓐ ?
\v 23 ᐊ ‍ ᐃᑕᔨᒧᐅᓇ ᒪᒃ ᐅ ᐊ ‍ ᐃᑕᔨᑕᑯᓯᔭᓐ, ᒐᒂᓐ ᐛᒋ ᐊᑲ ᐅᒋ ᐊᔅᑕᔨᓐ ᓂᓱᓇᔭᓂᒻ ᐊᓐᑕ ᓱᓇᔭᐅᒋᐛᐱᒡ ᒐᒋ ᐅᓯᑕᐱᔨᒡ ? ᐊᑯ ᒪᒃ ᐊᓄᒡ ᑕᑯᓯᓂᔭᓐ ᓂᐸ ‍ ᒥᔅᑲᓐ ᑕᓐ ᑲ ᐃᔅᐱᔅ ‍ ᐅᓯᑕᐱᔨᒂ᙮’ ”
\p
\v 24 “ᐊᑯ ᒂ ‍ ᐃᑕᑦ ᐊᓂᔭ ᑯᑎᑲ ᐊᓐᑕ ᑲ ‍ ᓇᓂᐳᔨᒋ, ‘ᐅ ᓱᓇᔭᐱᔅᒄ ᒥᔭᐧᒄ ᐊᓐ ᐊᐱᒋᐊᑭᓐ ᑲ ‍ ᐸᐃᑯᔪᐛᓯᔨᒋ ᓱᓇᔭᐱᔎ᙮’ ”
\p
\v 25 “ᒋ ‍ ᐃᑕᐅᒡ ᒪᒃ ᐅᒋᒪᒧᐛᐛ, ‘ᓴᔅ ᐸᐃᑯᔪᐛᓯᔪᐛ ᐎᔾ ᐊ ‍ ᐊᔭᐛᑦ᙮’ ”
\p
\v 26 “ᐊᑯ ᐊᓐ ᐅᒋᒪᐤ ᒂ ‍ ᐃᔅᒋᔄᑦ, ‘ᒋᑦ ᐃᑎᓇᐛᐤ ᒪᒃ ᓂᔾ, ᒥᓯᐛ ᐊᐛᓐ ᑲ ‍ ᐅᓯᑕᑦ ᒐᒂᔪᐤ ᐊᑐᐎᔅ ᒋᑭ ‍ ᑎᑯᓂᔪᐤ ᒐ ᐃᓯ ‍ ᒥᔭᑭᓄᐅᑦ᙮ ᐊᑯ ᐊᓐ ᐊᐛᓐ ᐊᑲ ᓇᔅᒡ ᑲ ‍ ᐊᔭᑦ ᒐᒂᔪᐤ ᐛᐛᒡ ᐊᓂᔭ ᑕᓐ ᐊ ᐃᓯ ‍ ᐊᐱᓯᔅ ᐊᔭᑦ ᒋᑭ ‍ ᐅᑎᓇᑭᓄᐅᔪᐤ᙮
\v 27 ᐊᑯ ᒪᒃ ᐸᓱᐛᐧᑯᒡ ᐊᓐᒡ ᑲ ‍ ᐛᐧᑲᓯᒡ ᐊᓐᒡ ᐊᑲ ᓂᑐᐛᔨᒥᒡ ᒐᒋ ᒋᓴᐅᒋᒪᐅᒡ, ᒐᒋ ᓂᐸᐊᑭᓄᐅᒡ ᐅᑕ ᐊ ‍ ᑕᐅᒡ᙮’ ” ᐊᔪᐅᒄ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒋᓴᔅ ᑲ ‍ ᐎᑕᐧᒃ ᒪᒂᒡ ᐊ ᐊᑎ ‍ ᐱᒧᑕᒡ ᒋᕈᓯᓕᒥᒡ ᐃᔅ᙮
\s1 ᒋᓴᔅ ᑲ ‍ ᐱᒐᑦ ᒋᕈᓯᓕᒥᒡ
\r ᒪᑎᔪᐤ 21.1-11; ᒪᕐᒃ 11.1-11; ᒠᓐ 12.12-19
\s2 Luke 19.28-40 (Palm Sunday Year C)
\p
\v 28 ᐃᔅᐱ ᒪᒃ ᒋᓴᔅ ᑲᒋ ‍ ᑎᐸᒋᒧᑦ, ᐊᑯ ᒋᕈᓯᓕᒥᒡ ᒂ ‍ ᐃᑐᑕᒡ, ᐊ ᐊᑎ ‍ ᓂᑲᓄᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ‍ ᑕᔨᒋ᙮
\v 29 ᐃᔅᐱ ᒪᒃ ᐱᔭᓱᐛᐸᑕᒡ ᐊᓂᔭᔪᐛ ᐅᑕᓇᐛ ᐸᑦᐸᐃᒡ ᑭᔭ ᐸᑕᓂ ᑲ ‍ ᐃᓯᓂᐧᑲᑕᔨᒋ ᐊᓐᑕ ᐱᔅᑯᑎᓇᔪᐤ ᐊᓕᐱᔅ ᑲ ‍ ᐃᓯᓂᐧᑲᑕᔨᒡ ᑲ ‍ ᑎᑯᓂᔨᒡ ᐊᑯ ᑲ ‍ ᓂᑲᓂᑎᓴᐛᑦ ᓂᓱ ᐅᒋᔅᒋᓄᐊᒧᐛᑭᓇ ᐊ ‍ ᐃᑕᑦ,
\v 30 “ᓇᑕ ᐃᑐᑕᒄ ᐊᓇ ᐅᑕᓇᐤ᙮ ᑎᑯᓯᓂᔭᒂ ᓇᑕ ᒋᑭ ‍ ᐛᐱᒪᐛᐤ ᐅᐧᑲᓂᔅ ᒧᔭᒻ ᐊ ‍ ᐊᐱᓯᓯᑦ ᑲᐸᐃᑭᔎᐤ ᑲ ‍ ᐃᓯᓇᑯᓯᑦ, ᐊᑲ ᓂᑕ ᐊᔅᒄ ᐅᒋ ᑕᑎᐱᔨᒋ ᐊᐛᔪᐛ ᐅᔅᐱᔅᑯᓂᒡ᙮ ᒐ ‍ ᐊᐱᐧᑯᓇᒄ ᐊᑯ ᒐ ‍ ᐸᓱᐛᒄ ᐅᑕ᙮
\v 31 ᑯᒂᒋᒥᑯᑕᒂ ᐊᐛᓐ ᒐᒂᔪᐤ ᐛᒋ ‍ ᐊᐱᐧᑯᓂᒪᑯ ᐊᑯ ᒐ ‍ ᐃᑕᒄ, ‘ᐅᑎᐸᔨᒋᒐᐤ ᓂᑐᐛᔨᒪᐤ᙮’ ”
\p
\v 32 ᐊᑯ ᒪᒃ ᒂ ‍ ᐃᑐᑕᒡ ᐊᓐᑕ ᐅᑕᓇᒡ᙮ ᒥᓯᐛ ᒪᒃ ᐊᐅᑯᓐ ᑲ ‍ ᐃᔅᐱᔨᒡ ᑕᓐ ᑲ ‍ ᐃᑎᑯᒡ ᒋᓴᓴ᙮
\v 33 ᒪᒂᒡ ᒪᒃ ᐊ ‍ ᐊᐱᐧᑯᓇᒡ ᐊᓂᔭ ᐅᐧᑲᓂᓴ ᒧᔭᒻ ᑲᐸᐃᑭᔎᐤ ᐊ ‍ ᐃᓯᓇᑯᓯᔨᒋ, ᐊᓂᔭ ᑲ ‍ ᑎᐸᔨᒪᔨᒋ ᐊᓂᔭ ᐅᐧᑲᓇ ᒋ ‍ ᐃᑎᑯᐅᒡ, “ᒐᒂᓐ ᐛᒋ ‍ ᐊᐱᐧᑯᓇᒄ ᐊᓐ ?”
\p
\v 34 “ᐅᑎᐸᔨᒋᒐᐤ ᓂᑐᐛᔨᒪᐤ,” ᒋ ‍ ᐃᑕᐅᒡ᙮
\p
\v 35 ᐊᑯ ᒋᓴᓴ ᐊ ‍ ᑕᔨᒋ ᒂ ‍ ᐃᑐᑕᐊᒡ᙮ ᐊᑯ ᒂ ‍ ᐊᑯᓇᐛᒡ ᐅᔅᐱᔅᑯᓂᔨᒡ ᐊᓂᔭ ᐅᐧᑲᓂᓴ ᐅᑦ ᐊᑯᐳᐛᐛ ᐊ ‍ ᐊᐱᒋᑕᒡ ᐊᑯ ᒂ ‍ ᐎᒋᐊᒡ ᒋᓴᓴ ᐊ ‍ ᑕᑕᐃᓱᔨᒋ ᐊᓐᑕ᙮
\v 36 ᐃᔅᐱ ᒪᒃ ᐸᒧᑕᐃᑯᑦ ᒋᓴᔅ ᑭᔭ ᐊᓂᔭ ᐅᐧᑲᓂᓴ ᒋ ‍ ᓴᑥᑭᔅᑕᐅᒡ ᐊᓐᒡ ᐃᔪᒡ ᐅᑦ ᐊᑯᐳᐛᐛ ᐊᓐᑕ ᒐ ‍ ᐱᒧᑕᐃᑯᔨᒋ ᒋᓴᓴ ᐊᓂᔭ ᐅᐧᑲᓂᓴ᙮
\p
\v 37 ᐃᔅᐱ ᒪᒃ ᐱᔭᓱᐛᐸᑕᐧᒃ ᒋᕈᓯᓕᒥᔪᐤ ᒋᓴᔅ, ᐊ ᐊᑎ ‍ ᓂᑎᒋᐛᒡ ᐊᓂᔭ ᐱᔅᑯᑎᓇᔪᐤ ᐊᓕᐱᔅ ᑲ ‍ ᐃᓯᓂᐧᑲᑕᔨᒡ ᒪᔅᑭᓇᒡ ᐊ ‍ ᐱᒧᑕᒡ, ᒥᓯᐛ ᐊᓂᔭ ᐊᐛᔪᐛ ᑲ ‍ ᓇᓴᐅᑯᑦ ᒋ ᐅᒋ ‍ ᒪᒥᒋᒪᐅᒡ ᒋᓴᒪᓂᑐᐛ ᐊ ‍ ᒋᔄᐛᒡ ᑭᔭ ᐊ ‍ ᒧᒋᒐᔨᑎᒥᐃᑯᒡ ᒥᓯᐛ ᐊᓂᔭ ᑕᓐ ᑲ ᐃᓯ ‍ ᐛᐸᑕᒡ ᒋᓴᓴ ᐊ ‍ ᒪᒥᔅᑲᒡ ᐃᑎᔨᒋ᙮
\v 38 ᐊᐅᒄ ᒪᒃ ᐅᔭ ᑲ ‍ ᐃᔅᒋᔄᒡ ᐊ ‍ ᒪᒥᒋᒪᒡ ᒋᓴᒪᓂᑐᐛ,
\q “ᓱᐛᔨᑕᑯᓱᐤ ᐅ ᒋᓴᐅᒋᒪᐤ ᑲ ᐸᒋ ‍ ᐃᑎᓴᐅᑯᑦ ᐅᑎᐸᔨᒋᒐᐛ, ᒐᒋ ᐃᑐᑕᐧᒃ ᐊᓂᔭ ᑲ ‍ ᐃᑎᓱᒪᑭᓄᐅᑦ᙮
\q ᑎᑯᓐ ᒋᔭᒪᔨᑎᒧᐅᓐ ᒋᒋᒋᓯᑯᒡ᙮ ᑭᔭ ᒋᑭ ‍ ᒪᒥᒋᒪᑭᓄᐤ ᒋᓴᒪᓂᑐᐤ ᒪᐅᒡ ᑲ ‍ ᒋᔅᑕᔨᑕᑯᓯᑦ᙮”
\p
\v 39 ᐱᔅᒐ ᒪᒃ ᐸᕆᓯᔨᒡ ᐊᓐᑕ ᑲ ‍ ᑕᒡ ᒋ ‍ ᐃᑕᐅᒡ ᐊᓂᔭ ᒋᓴᓴ, “ᒋᔅᑯᑎᒪᒐᓱᐤ, ᒋᑕᐊᒧᐅᒡ ᒪ ᐅᒡ ᒋᒋᔅᒋᓄᐊᒧᐛᑭᓐᒡ᙮ ᐃᓯᒡ ᒐᒋ ᒋᒺᒡ᙮”
\p
\v 40 ᒋᓴᔅ ᒋ ‍ ᐃᑕᐤ, “ᒋ ‍ ᐎᑎᒪᑎᓇᐛᐤ, ᒋᒺᑥᐛ ᐅᒡ ᐃᔪᒡ, ᒋᐸ ᒋ ‍ ᐃᓯᓇᑯᓐ ᐅᒡ ᐊᓯᓂᔨᒡ ᒐᒋ ᒪᒥᒋᒥᒡ᙮”
\s1 ᒋᓴᔅ ᒋ ‍ ᒪᑎᒻ ᒋᕈᓯᓕᒥᔪᐤ
\p
\v 41 ᐊᔭᔅᒃ ᒪᒃ ᒋ ᐊᑎ ‍ ᐸᓱᐛᐸᑎᒻ ᒋᓴᔅ ᒋᕈᓯᓕᒥᔪᐤ, ᐃᔅᐱ ᒪᒃ ᐎᔭᐸᑕᐧᒃ ᒋ ‍ ᒪᑎᒻ᙮
\v 42 ᐊᑯ ᐅᔭ ᑲ ‍ ᐃᑕᑦ ᐊᓂᔭ ᐃᔪᐛ ᐊᓐᑕ ᑲ ‍ ᐅᒋᔨᒋ ᒋᕈᓯᓕᒥᒡ, “ᑭᒪ ᒋᔅᒐᔨᑎᒪᒄ ᑕᓐᑕ ᒐᒋ ᐅᒋ ‍ ᐊᔭᐛᑯᐱᓇ ᒋᔭᒪᔨᑎᒧᐅᓐ᙮ ᒥᒄ ᒪᒃ ᓇᒪ ᓇᔅᒡ ᒋ ‍ ᓂᔅᑐᑕᓇᐛᐤ᙮
\v 43 ᒋᑭ ‍ ᐅᑎᒋᐱᔪᐤ ᐊᓐᒡ ᑲ ‍ ᐛᐧᑲᑎᑕᑯᒡ ᒐ ‍ ᒋᐸᐅᑕᑯᒡ ᐊᓐᑕ ᐊᓐ ᐅᑕᓇᐤ ᑲ ‍ ᑕᔭᒄ, ᒋᑭ ‍ ᒋᐱᑲᐳᔅᑕᑯᐛᐅᒡ ᒐ ᐊᑲ ᒋ ᐎᐎᔭᒄ᙮
\v 44 ᒥᓯᐛ ᐊᐛᓐ ᐊᓐᑕ ᒋᐅᑕᓇᒧᐛᒡ ᒋᑭ ‍ ᓂᓱᐅᓇᒋᐊᑭᓄᐤ ᑭᔭ ᐊᓐ ᒋᐅᑕᓇᒧᐛᐤ ᒋᑭ ‍ ᓂᓱᐅᓇᒋᑕᑭᓄᐤ᙮ ᓇᒪ ᐛᒋ ‍ ᐸᐃᒄ ᐊᓯᓂᔾ ᒧᔭᒻ ᒋᑭ ᐅᒋ ‍ ᐃᑎᒧᐤ ᐊᓐᑕ ᒋᒋᐛᐛᒡ᙮ ᐛᔅ ᓇᒪ ᒋ ᐅᒋ ‍ ᒧᓯᑕᓇᐛᐤ ᐊᓐᑕ ᑲ ‍ ᐅᑎᒋᔨᐱᒂ ᒋᓴᒪᓂᑐᐤ ᑲ ᐎ ‍ ᐱᒪᒋᐃᑕᒄ᙮”
\s1 ᒋᓴᔅ ᑲ ‍ ᐎᐛᐱᓇᑦ ᑲ ‍ ᐊᑕᐛᔨᒋ ᐊᔭᒥᐊᐅᒋᐛᐱᒡ
\r ᒪᑎᔪᐤ 21.12-17; ᒪᕐᒃ 11.15-19; ᒠᓐ 2.13-22
\p
\v 45 ᒋᓴᔅ ᒪᒃ ᒋ ‍ ᐱᒐᐤ ᒋᓴᐊᔭᒥᐊᐅᒋᐛᐱᒡ, ᒂ ᐊᑎ ‍ ᐛᐎᐎᑎᓴᐛᑦ ᐊᓂᔭ ᑲ ‍ ᐊᑕᐛᔨᒋ ᑭᔭ ᐊᓂᔭᔪᐛ ᑲ ‍ ᐅᑎᓂᒐᔨᒋ ᐊᓐᑕ ᐱᑎᑭᒥᒡ ᑲ ‍ ᑕᔨᒋ᙮
\v 46 ᐊᑯ ᒂ ‍ ᐃᑕᑦ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ‍ ᐃᔅᒋᔄᒂ ᒋᓴᒪᓂᑐᐤ,
\q ᓂᒡ ᐊ ‍ ᐊᔭᒥᐊᓄᐅᒡ ᒋᑭ ‍ ᐃᑕᐱᑎᓐ᙮
\m ᒥᒄ ᒪᒃ ᒧᔭᒻ ᑲᒋᒧᑎᒡ ᐅᐛᑎᑯᐛᐤ ᐊᐅᒄ ᐊ ‍ ᐃᓯᓇᑯᑕᔭᒄ᙮”
\p
\v 47 ᐊᓯᑯᒻ ᒋᓯᑲᐛ ᒪᒃ ᒋ ‍ ᒋᔅᑯᑎᒪᒐᐤ ᒋᓴᔅ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᐊᓂᔭᔪᐛ ᒪᒃ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ‍ ᒋᔅᑯᑎᒪᒐᔨᒋ ᐎᓱᐛᐅᓂᔪᐤ ᑭᔭ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐃᔪᐛ ᒋ ᐎ ‍ ᓂᐸᐃᑯᐤ᙮
\v 48 ᒥᒄ ᒪᒃ ᓇᒪ ᐅᒋ ᒋᔅᒐᔨᑎᒧᒡ ᑕᓐ ᒐ ‍ ᐃᑎᒡ ᒐᒋ ᓂᐸᐊᒡ ᐛᔅ ᒥᓯᐛ ᐊᓂᔭ ᐃᔪᐛ ᓇᔅᒡ ᐃᔭᒂ ᒋ ‍ ᓂᑐᑐᐛᔪᐛ ᒥᓯᐛ ᐊᒋ ᐎ ‍ ᐸᑎᒥᔨᒋ ᑕᓐ ᐊ ‍ ᐃᔅᒋᔄᔨᒋ ᒋᓴᓴ᙮
\c 20
\s1 ᑕᓐ ᑲ ᐃᓯ ‍ ᑯᒂᒋᒪᑭᓄᐅᑦ ᒋᓴᔅ
\r ᒪᑎᔪᐤ 21.23-27; ᒪᕐᒃ 11.27-33
\p
\v 1 ᐸᐃᒂᐤ ᒋᓴᔅ ᐊ ‍ ᒋᔅᒋᓄᐊᒧᐛᑦ ᐊᓂᔭᔪᐛ ᐃᔪᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᐊ ‍ ᐛᐎᑕᐧᒃ ᒥᔽᒋᒧᐅᓂᔪᐤ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ‍ ᒋᔅᑯᑎᒪᒐᔨᒋ ᐎᓱᐛᐅᓂᔪᐤ ᑭᔭ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐃᔪᐛ ᒋ ᐸᒋ ‍ ᓂᑐᐛᐱᒥᑯᐤ,
\v 2 ᐊᑯ ᒂ ‍ ᐃᑎᑯᑦ, “ᐎᑎᒧᐅᓇᓐ ᒪ, ᒐᒂᓐ ᐛᒋ ‍ ᐃᑐᑎᒥᓐ ᐅ ᑲ ‍ ᐃᑐᑎᒥᓐ ? ᐊᐛᓐ ᑲ ‍ ᐃᑎᓱᒥᔅᒃ ᐅ ᒐᒋ ᐃᑐᑎᒥᓐ ?”
\p
\v 3 ᒋᓴᔅ ᒪᒃ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᒋᑭ ‍ ᑯᒂᒋᒥᑎᓇᐛᐤ ᒐᒂᓐ᙮ ᐎᑎᒧᐅᒃ ᒪᒃ᙮
\v 4 ᐊᐛᓐ ᑲ ‍ ᐃᑎᓱᒪᑦ ᒠᓐ ᐅᓯᑲᐃᑕᒐᐛ ᒐᒋ ᓯᑲᐃᑐᐛᔨᒋ ᐊᐛᔪᐛ, ᒋᓴᒪᓂᑐᐤ ᐊ ᑭᔭ ᒪᒃ ᓇᐸᐤ ?”
\p
\v 5 ᒋ ‍ ᒥᒋᐱᔪᒡ ᒪᒃ ᐊᓐᑕ ᐎᔨᐛᐤ ᐊ ‍ ᐃᔅᒋᔄᒡ, “ᐃᔅᒋᔄᔭᒂ, ‘ᒋᓴᒪᓂᑐᐛ ᒋ ‍ ᐃᑎᑯᐤ,’ ᒋᑭ ‍ ᐃᑎᑯᓄᐤ, ‘ᒐᒂᓐ ᒪᒃ ᐛᒋ ᐊᑲ ᐅᒋ ᑕᑈᑐᐛᒄ ?’
\v 6 ᒪᒃ ᐃᔅᒋᔄᔭᒂ, ‘ᓇᐸᐛ ᑲ ‍ ᐃᑎᓱᒥᑯᑦ ᐊᓂᔭ ᑲ ‍ ᐃᑎᑦ,’ ᐊᑯ ᐅᒡ ᐃᔪᒡ ᐅᑕ ᑲ ‍ ᑕᒡ ᒋᑭ ‍ ᓂᐸᐃᑯᓄᒡ ᐊ ‍ ᐸᐱᒧᓯᓇᑕᐅᑕᐧᑯᒡ᙮ ᐛᔅ ᓇᔅᒡ ᑕᑈᔭᔨᒪᐅᒡ ᒠᓇ ᐊᒋ ‍ ᐅᒋᔅᒋᐛᐃᒐᓱᔨᒋ᙮”
\p
\v 7 ᒂ ᐃᓯ ‍ ᐎᑎᒧᐛᒡ ᒋᓴᓴ ᐊ ‍ ᐃᔅᒋᔄᒡ, “ᓇᒪ ᓂ ‍ ᒋᔅᒐᔨᒪᓇᓐ ᐊᐛᔪᐛ ᑲ ‍ ᐃᑎᓱᒥᑯᑦ ᒠᓐ ᒐᒋ ᓯᑲᐃᑐᐛᑦ ᐊᐛᔪᐛ᙮”
\p
\v 8 ᒋᓴᔅ ᒂ ‍ ᐃᑕᑦ, “ᑭᔭ ᓂᔾ ᓇᒪ ᒋᑭ ᐅᒋ ‍ ᐎᑎᒪᑎᓇᐛᐤ ᐊᐛᓐ ᑲ ᐸᒋ ‍ ᐃᑎᓱᒥᑦ ᐅ ᒐᒋ ᐃᑐᑎᒪᓐ᙮”
\s1 ᑲ ‍ ᓂᑕᐅᒋᑕᒡ ᑲ ‍ ᑎᐸᒋᒪᑭᓄᐎᒡ
\r ᒪᑎᔪᐤ 21.33-46; ᒪᕐᒃ 12.1-12
\p
\v 9 ᒋᓴᔅ ᑭᔭ ᒋ ‍ ᐎᑎᒧᐛᐤ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ‍ ᐃᑕᑦ, “ᓇᐸᐤ ᒋ ‍ ᐅᓯᑕᐤ ᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᔪᐤ, ᐊᑯ ᐸᑎᒪ ᒂ ‍ ᐱᔅᑎᓱᐛᑕᐧᒃ ᐊᐛᔪᐛ ᒐᒋ ᓂᓇᑭᑐᐛᔨᑎᒪᑯᑦ᙮ ᐊᑯ ᒂ ‍ ᔅᑐᑕᑦ, ᐛᔪᐤ ᐊ ‍ ᑎᑯᓂᔨᒡ ᐊᔅᒋᔪᐤ ᒂ ‍ ᐃᑐᑕᑦ᙮ ᓇᐅᔅ ᓇᒪ ᒪᒃ ᐅᒋ ᑕᐤ᙮
\v 10 ᐃᔅᐱ ᒪᒃ ᐛᑎᒋᐱᔨᒡ ᒐ ‍ ᒪᒧᓴᒋᓂᑭᓄᔨᒋ ᐊᓂᔭᔪᐛ ᒥᓂᓴ ᐊᓐᑕ ᒥᔅᑎᑯᒡ ᑲ ‍ ᓂᑕᐅᒋᓂᔨᒋ ᒋ ‍ ᐃᑎᓴᐛᐤ ᐸᐃᒄ ᐅᑦ ᐊᐸᒐᐊᑭᓇ ᒐᒋ ᓂᑐᐛᐱᒪᔨᒋ ᐊᓂᔭᔪᐛ ᑲ ‍ ᓂᓇᑭᑐᐛᔨᑎᒥᔨᒋ ᐊᓂᔭ ᐅᑦ ᐊᔅᒋᔾ ᒐᒋ ᒥᔨᑯᑦ ᐎᔾ ᑕᓐ ᒋᐸ ᐃᓯ ‍ ᐊᔭᐤ᙮ ᒥᒄ ᒪᒃ ᐊᓐᒡ ᑲ ‍ ᓂᓇᑭᑐᐛᔨᑕᒡ ᐊᓂᔭᔪᐛ ᓂᑕᐅᒋᑕᑭᓇ ᒋ ‍ ᒪᓯᐧᑯᐛᐅᒡ ᐊᓂᔭ ᐊᐱᒋᐊᑭᓇ ᑲᐤ ᒂ ‍ ᒋᐛᑎᓯᐛᒡ ᐊ ‍ ᐱᓯᑯᑕᔨᒋ᙮
\v 11 ᐊᑯ ᐊᓐ ᑲ ‍ ᑎᐱᔨᐛᐅᓯᑦ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ ᒥᓐ ᑯᑎᑲ ᐊᐱᒋᐊᑭᓇ ᒋ ‍ ᐃᑎᓴᐛᐤ᙮ ᒥᒄ ᒪᒃ ᐊᓐᒡ ᑲ ‍ ᓂᓇᑭᑐᐛᔨᑕᒡ ᐊᓂᔭᔪᐛ ᓂᑕᐅᒋᑕᑭᓇ ᐃᔭᐱᒡ ᐊᓂᔭ ᒋ ‍ ᒪᓯᐧᑯᐛᐅᒡ, ᑭᔭ ᒋ ‍ ᒪᔭᔨᒪᐅᒡ ᐊᑯ ᒂ ‍ ᒋᐛᑎᓯᐛᒡ ᐊ ‍ ᐱᓯᑯᑕᔨᒋ᙮
\v 12 ᐊᑯ ᐊᓐ ᑲ ‍ ᑎᐱᔨᐛᐅᓯᑦ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ ᒥᓐ ᑯᑎᑲ ᐊᐱᒋᐊᑭᓇ ᒂ ‍ ᐃᑎᓴᐛᑦ᙮ ᐊᓐᒡ ᒪᒃ ᑲ ‍ ᓂᓇᑭᑐᐛᔨᑕᒡ ᐊᔪᑯᓐ ᐊᑯ ᐅᔭ ᑲ ‍ ᒥᔄᑭᓂᐧᑲᑕᒡ, ᑭᔭ ᑲ ‍ ᐎᐛᐱᓇᒡ᙮”
\p
\v 13 “ᐊᑯ ᐊᓐ ᑲ ‍ ᑎᐱᔨᐛᐅᓯᑦ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ ᒋ ‍ ᒪᒥᑐᓇᔨᑎᒻ ᑕᓐ ᒋᐸ ᒋ ‍ ᐃᑐᐤ᙮ ‘ᒐᒃ ᒂ ‍ ᐃᑕᔨᑕᐧᒃ ? ᓂᑭ ‍ ᐃᑎᓴᐛᐤ ᓂᔾ ᑎᐱᔨᐛ ᓂᑯᔅ ᑲ ‍ ᓴᒋᐊᒃ᙮ ᒋᑭ ‍ ᒋᔅᑕᔨᒪᐅᒡ ᐛᐱᒪᑥᐛ᙮’ ”
\p
\v 14 “ᐊᔪᐅᒄ ᒪᒃ ᒂ ‍ ᐃᑎᑦ᙮ ᐊᓐᒡ ᑲ ‍ ᓂᓇᑭᑐᐛᔨᑕᒡ ᐃᔅᐱ ᐎᔭᐱᒪᒡ ᒋ ‍ ᐃᑎᑐᒡ, ‘ᐊᔪᐅᒄ ᐅᔭ ᐊᓐ ᒋᐅᒋᒪᒥᓄᐤ ᐅᑯᓴ᙮ ᐅᔭ ᓂᑕᐅᒋᑕᑭᓐ ᐊᔅᒋᔪᐤ ᐎᔾ ᒋᑭ ‍ ᐊᓱᒥᔭᑭᓄᐤ᙮ ᓂᐸᐊᑕᐤ᙮ ᐊᑯ ᒪᒃ ᐅᔭ ᐅᑦ ᐊᔅᒋᔾ ᒋᔭᓄᐤ ᒐ ‍ ᑎᐸᔨᑎᒺᐧᒄ᙮’
\v 15 ᐊᑯ ᒪᒃ ᒂ ‍ ᐎᐎᑎᓯᓇᒡ ᐊᓐᑕ ᐅᒋ ᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ ᒂ ‍ ᓂᐸᐊᒡ᙮”
\p ᐊᑯ ᒋᓴᔅ ᒂ ‍ ᑯᒂᒋᒪᑦ ᐊᓂᔭᔪᐛ ᑲ ‍ ᑎᐸᒋᒧᔅᑐᐛᑦ, “ᑕᓐ ᒪᒃ ᒐ ‍ ᐃᑐᑐᐛᑦ ᐊᓐ ᐅᒋᒪᐤ ᐊᓂᔭ ᑲ ‍ ᓂᓇᑭᑐᐛᐸᑎᒥᔨᒋ ᐅᓂᑕᐅᒋᑕᑭᓇ ?
\v 16 ᑭᑈ ᒐ ‍ ᒋᐛᑦ ᐊᓐ ᐅᒋᒪᐤ ᒐ ‍ ᓂᐸᐊᑦ ᐊᓂᔭᔪᐛ ᓇᐸᐛ ᐊᑯ ᒐ ‍ ᒥᔭᑦ ᑯᑎᑲ ᐊᐛᔪᐛ ᒐᒋ ᓂᓇᑭᑐᐛᐸᑎᒥᔨᒋ ᐊᓂᔭ ᓂᑕᐅᒋᑕᑭᓇ᙮” ᐃᔅᐱ ᒪᒃ ᐊᓐᒡ ᐃᔪᒡ ᐱᔭᑕᒡ ᐅᔭ, ᒋ ‍ ᐃᑕᐅᒡ, “ᑭᒪ ᐊᑲ ᓂᑕ ᒋᑦ ᐃᔅᐱᔨᒡ ᐅ᙮”
\p
\v 17 ᒋ ‍ ᑭᓄᐛᐱᒪᐤ ᒪᒃ ᐊᑯ ᒂ ‍ ᐃᑕᑦ, “ᑕᓐ ᐊ ‍ ᐃᔅᒋᔄᒥᑲᒡ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ‍ ᐃᑎᔅᑕᒡ,
\q ᒋ ‍ ᐊᑐᐛᔨᒪᐅᒡ ᑲ ‍ ᒥᒋᐛᐱᒐᒡ ᐊᓂᔭ ᐊᓯᓂᔭ ᒋᒋᐛ ᐊ ‍ ᐊᐱᑎᓯᔨᒋ ᐊ ‍ ᒋᒐᔭᔨᒡ᙮”
\m
\v 18 ᒂ ᐊᑎ ‍ ᐃᔅᒋᔄᑦ ᒥᓐ ᒋᓴᔅ, “ᐊᐛᓐ ᒪᒃ ᑕᐧᑯᒋᐱᔨᒐ ᐊᓂᔭ ᐊᓯᓂᔭ ᒋᑭ ‍ ᐱᑯᓯᓐ, ᑭᔭ ᐊᓐ ᐊᓯᓂᔾ ᐸᒋᓯᓂᒐ ᐊᐛᔪᐛ ᐊ ‍ ᑕᔨᒋ ᓇᔅᒡ ᒋᑭ ‍ ᐱᓯᔅᑯᐛᐤ ᒧᔭᒻ ᐃᔭᑲᐤ ᒐ ‍ ᐃᓯᓇᑯᓯᔨᒋ᙮”
\s1 ᒋᐸ ‍ ᒋᓯᐧᑯᐛᑭᓄᐤ ᐊ ᒋᓴᐅᒋᒪᐤ
\r ᒪᑎᔪᐤ 22.15-22; ᒪᕐᒃ 12.13-17
\p
\v 19 ᐊᓐᒡ ᒪᒃ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐊᓐᒡ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑎᐛᒡ ᒋ ᐎ ‍ ᒪᑯᓇᐅᒡ ᒋᓴᓴ᙮ ᐛᔅ ᒋ ‍ ᒋᔅᒐᔨᒪᐅᒡ ᐎᔨᐛᐤ ᐊᒋ ‍ ᐊᔨᒧᒥᑯᒡ ᑲ ‍ ᐎᑎᒥᔨᒋ ᐊᓂᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒥᒄ ᒪᒃ ᓇᒪ ᐅᒋ ᒪᑯᓇᐅᒡ ᐊᒋ ‍ ᑯᔅᑕᒡ ᐊᓂᔭ ᐃᔪᐛ᙮
\p
\v 20 ᐊᑯ ᒥᒄ ᑲ ‍ ᓂᓇᑭᑐᐛᔨᑕᒡ ᒐ ᐃᔅᐱᔅ ‍ ᒥᔪᐱᔨᒡ ᒐᒋ ᒪᑯᓇᒡ᙮ ᒋ ‍ ᐃᑎᓴᐛᐅᒡ ᒪᒃ ᓇᐸᐛ ᐊᓐᑕ ᒋᓴᔅ ᐊ ‍ ᑕᔨᒋ ᒪᒪᒡ ᒐᒋ ᐃᓯ ‍ ᑯᒂᒋᒪᔨᒋ, ᐊ ᐎ ‍ ᓇᓂᑐᒥᔅᑯᒺᒡ ᒐᒋ ᐃᔅᒋᔄᔨᒋ ᒐᒂᔪᐤ ᒐᒋ ᐅᒋ ‍ ᒪᑯᓇᒡ᙮ ᐊᑯ ᒪᒃ ᒋ ‍ ᒪᑯᓇᑥᐛ ᐊᑯ ᐊᓐᑕ ᒋᐸ ‍ ᐃᑐᑕᐊᐅᒡ ᕈᒻ ᒋᓴᐅᒋᒪᐛ ᐊ ‍ ᑕᔨᒋ, ᐊᓂᔭ ᒋᐸ ‍ ᑎᐸᔅᑯᓂᑯᔪᐛ᙮
\v 21 ᐊᑯ ᒪᒃ ᐅᒡ ᓇᐸᐅᒡ ᒂ ‍ ᑯᒂᒋᒪᒡ ᒋᓴᓴ ᐊ ‍ ᐃᑕᒡ, “ᒋᔅᑯᑎᒪᒐᓱᐤ, ᒋ ‍ ᒋᔅᒐᔨᒥᑎᓇᓐ ᒐᒂᓐ ᐊ ‍ ᐃᔅᒋᔄᔨᓐ ᑭᔭ ᑕᓐ ᐊ ᐃᓯ ‍ ᒋᔅᑯᑎᒪᒐᔨᓐ ᐊ ‍ ᑕᑈᒥᑲᒡ᙮ ᑭᔭ ᒋ ‍ ᒋᔅᒐᔨᒥᑎᓇᓐ ᒥᓯᐛ ᐸᐃᑯᓄᒡ ᐊ ‍ ᐃᑕᔨᒥᔅᒡ ᐊᐛᓐᒋ, ᑭᔭ ᒥᓯᐛ ᐸᐃᑯᓄᒡ ᑕᑈ ᐊ ᐃᓯ ‍ ᒋᔅᑯᑎᒧᐅᑥᐤ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᒐᒋ ᐃᓯ ‍ ᐱᒪᑎᓯᒡ᙮
\v 22 ᐊᑯ ᒪᒃ ᓇᑐᐛᔨᒥᑕᒡ ᒐᒋ ᐎᑎᒧᐅᔭᒡ, ᐃᑎᔅᑕᐤ ᐊ, ᐎᓱᐛᐅᓂᒡ ᕈᒻ ᒋᓴᐅᒋᒪᐤ ᒐᒋ ᒥᔭᑭᓄᐅᑦ ᐊᓂᔭ ᓱᓇᔭᔪᐤ ᑲ ‍ ᒋᓯᐧᑲᓱᔨᒋ ᐊᐛᔪᐛ ?”
\p
\v 23 ᒋᓴᔅ ᒪᒃ ᒋ ‍ ᒋᔅᒐᔨᒪᐤ ᐊ ᐎ ‍ ᑯᒂᒋᐃᑯᑦ, ᐊᑯ ᒂ ‍ ᐃᑕᑦ, “ᒐᒂᓐ ᐛᒋ ᐎ ᐸᒋ ‍ ᑯᒂᒋᐃᔭᒄ ?
\v 24 ᐸᒋ ‍ ᐛᐸᑎᔨᒄ ᓱᓇᔭᐱᔅᒄ᙮ ᐊᐛᓐ ᒪᒃ ᐅᑕᔅᑎᒥᐧᒄ ᐊ ‍ ᓄᑯᓂᔨᒡ ᐊᓐᑕ ᑭᔭ ᐊᐛᓐ ᐊᓂᔭ ᐅᑦ ᐃᓯᓂᐧᑲᓱᓐ ᑲ ‍ ᒥᓯᓇᑕᔨᒡ ?” ᐊᑯ ᒪᒃ ᒂ ‍ ᐃᔅᒋᔄᒡ, “ᕈᒻ ᒋᓴᐅᒋᒪᐤ ᓯᓴᕐ ᐊᓂᔭ ᐅᑕᔅᑎᒥᐧᒄ ᑭᔭ ᐎᔾ ᐊᓐᑕ ᒥᓯᓇᓱᐤ᙮”
\p
\v 25 ᒋᓴᔅ ᒋ ‍ ᐃᑕᐤ, “ᒥᔭᐧᒄ ᒋᓴᐅᒋᒪᐤ ᓯᓴᕐ ᑕᓐ ᐊᓂᔭ ᐎᔾ ᑕᐱᔨᐛᐅᓯᑦ, ᑭᔭ ᒥᔭᒄ ᒋᓴᒪᓂᑐᐤ ᑕᓐ ᐊᓂᔭ ᐎᔾ ᑕᐱᔨᐛᐅᓯᑦ᙮”
\v 26 ᐊᓐᑕ ᒪᒃ ᐊ ‍ ᐛᐱᒥᑯᒡ ᐃᔪᐛ, ᓇᒪ ᐅᒋ ᐃᑐᑐᐛᐅᒡ ᒐᒋ ᐅᓂᐱᔨᒋ ᒐᒂᔪᐤ ᐊ ‍ ᐃᔅᒋᔄᔨᒋ ᐊᓐᑕ ᒐᒋ ᐅᒋ ‍ ᒪᑯᓇᒡ᙮ ᓇᔅᒡ ᒋ ‍ ᒥᔅᑲᑕᔨᑎᒥᐃᑯᐅᒡ ᑕᓐ ᑲ ᐃᓯ ‍ ᐎᑎᒪᑯᒡ, ᐊᑯ ᓇᒪ ᒥᓐ ᐅᒋ ᒋ ‍ ᔅᑐᑎᑯᐤ ᒋᓴᔅ᙮
\s1 ᒋᓴᔅ ᑲ ‍ ᑯᒂᒋᒪᑭᓄᐅᑦ ᐊ ‍ ᐅᓂᔅᑲᓄᐎᒡ ᓂᐳᐅᓂᒡ ᐅᒡ
\r ᒪᑎᔪᐤ 22.23-33; ᒪᕐᒃ 12.18-27
\s2 Luke 20.27-38 (Proper-27 Year C)
\p
\v 27 ᒋ ᐸᒋ ‍ ᓇᑎᑯᐤ ᒪᒃ ᒋᓴᔅ ᓴᑎᔪᓯᐊ᙮ ᐊᐅᑯᓐᒡ ᐅᒡ ᐊᑲ ᐅᒋ ᑕᑈᑕᒡ ᒐ ‍ ᐅᓂᔅᑲᓇᑭᓄᔨᒋ ᐊᔅᒄ ᐊᓂᔭ ᑲ ‍ ᓂᐱᔨᒋ᙮ ᐊᑯ ᒪᒃ ᑲ ᐎ ᓇᓂᑐ ᑭᒐᔅᒐᔨᑕᒡ ᑕᓐ ᐊ ‍ ᐃᑕᔨᑎᒥᔨᒋ ᒋᓴᓴ ᐅᔭᔪᐤ,
\v 28 ᒂ ‍ ᐃᑕᒡ, “ᒋᔅᑯᑎᒪᒐᓱᐤ, ᒧᓱᔅ ᒋ ‍ ᒥᓯᓇᐊᒻ ᐅᔭ ᐎᓱᐛᐅᓂᔪᐤ ᑲ ‍ ᐃᑎᔅᑕᔨᒡ, ‘ᓂᐱᒐ ᓇᐸᐤ, ᐊ ‍ ᑕᔨᒋ ᒪᒃ ᐎᐛ, ᐊᑲ ᒪᒃ ᐅᒋ ᐊᔭᐛᐛᒂ ᐊᐛᓴ, ᐊᓐ ᓇᐸᐤ ᐎᐧᑲᓂᓴ ᒋᐸ ‍ ᐎᒋᒪᔪᐛ ᐊᓂᔭᔪᐛ ᐎᐛ᙮ ᐊᑯ ᒪᒃ ᐊᔭᐛᔨᒐ ᐊᐛᓴ ᒧᔭᒻ ᐎᔾ ᐊᓂᔭ ᓇᐸᐤ ᐊ ‍ ᐅᑦ ᐊᐛᓯᒥᑦ ᒋᐸ ‍ ᐃᓯᓇᑯᓂᔪᐤ᙮’ ”
\v 29 ᐊᑯ ᒥᓐ ᐅᔭ ᒂ ᐃᓯ ‍ ᐎᑎᒧᐛᒡ ᒋᓴᓴ ᐊᓐᒡ ᓇᐸᐅᒡ, “ᐸᐃᒂᐤ ᐊᒋ ‍ ᑕᒡ ᓂᔄᐅᑕᒡ ᓇᐸᐅᒡ, ᐊᒋ ‍ ᐎᐧᑲᓂᓯᑕᑐᒡ᙮ ᐊᑯ ᐊᓐ ᒪᐅᒡ ᒐᓴᐃᔪᑦ ᒂ ‍ ᓂᐳᐅᑦ, ᒐᒃ ᒂ ‍ ᐳᓂᐱᒪᑎᓯᑦ ᐊᑲ ᐅᒋ ᐊᔭᐛᑦ ᐊᐛᓴ᙮
\v 30 ᐊᑯ ᒪᒃ ᐊᓐ ᑲ ᐅᒋ ‍ ᑕᒋᔅᑯᐛᑦ ᐊᓂᔭ ᐅᔅᑕᓴ ᐊᐅᒄ ᐊᓐ ᒥᓐ ᒂ ‍ ᐎᒋᒪᑦ ᐊᓂᔭᐧᑲ ᐅᔅᑕᓴ ᐎᐎᔪᐛ᙮ ᑭᔭ ᐎᔾ ᒐᒃ ᒋ ‍ ᐳᓂᐱᒪᑎᓯᐤ ᐊᑲ ᐅᒋ ᐊᔭᐛᑦ ᐊᐛᓴ᙮
\v 31 ᐊᑯ ᒥᓐ ᐊᓐ ᐊ ᐅᒋ ‍ ᑕᒋᔅᑯᐛᑦ ᑲ ‍ ᐎᒋᒪᑦ ᐊᓂᔭ ᐎᐧᑲᓂᓴ ᐎᐎᔪᐛ᙮ ᑭᔭ ᐎᔾ ᒐᒃ ᒋ ‍ ᐳᓂᐱᒪᑎᓯᐤ ᐊᑲ ᐅᒋ ᐊᔭᐛᑦ ᐊᐛᓴ᙮ ᐊᐅᑯᓐ ᐱᓯᒄ ᑲ ‍ ᐃᔅᐱᔨᒡ ᐅᒡ ᓂᔄᐅᑕᒡ ᐎᐧᑲᓂᓯᒪᐅᒡ, ᐸᑐᔅ ᒥᓯᐛ ᓂᔄᐅᑕᒡ ᐊ ‍ ᑎᓯᒡ ᑲ ‍ ᐎᒋᒪᒡ ᐊᓂᔭ ᐸᐃᒄ ᐃᔎᐛ, ᓇᒪ ᒪᒃ ᐛᐛᒡ ᐸᐃᒄ ᐅᒋ ᑭᓄᐛᔨᒪᐅᒡ ᐊᐛᓴ᙮
\v 32 ᐊᑯ ᒐᒃ ᐊᓐ ᐃᔎᐤ ᒂ ‍ ᓂᐱᑦ᙮
\v 33 ᐊᑯ ᒪᒃ ᐃᔅᐱ ᐅᑎᒋᐱᔨᒐ ᒐᒋ ᐅᓂᔅᑲᒡ ᐊᓐᒡ ᑲ ᓂᐱᒡ, ᐊᐛᓐ ᒐ ‍ ᐎᐅᑦ ᐊᓂᔭ ᐃᔎᐛ, ᐛᔅ ᒥᓯᐛ ᒋ ‍ ᐅᓇᐸᒧᐤ ᐊᓂᔭ ᓂᔄᐅᑕᒡ ᓇᐸᐛ ?”
\p
\v 34 ᐊᑯ ᒋᓴᔅ ᒂ ‍ ᐃᑕᑦ, “ᒪᒂᒡ ᐊᓄᒡ ᐊ ‍ ᐱᒪᑎᓯᓇᓄᐅᒡ, ᓇᐸᐤ ᑭᔭ ᐃᔎᐤ ᓂᐳᐅᒡ ᒪᒃ ᓂᐳᐊᑭᓄᐅᒡ,
\v 35 ᒥᒄ ᒪᒃ ᐊᓐᑕ ᓂᔅᑕᒥᒡ ᐃᔅᐱ ᐅᑎᒋᐱᔨᒐ ᒐ ‍ ᐅᓂᔅᑲᓇᑭᓄᐎᒡ ᐊᓐᒡ ᑲ ‍ ᑕᑈᐅᒐᔨᑕᑯᓯᒡ ᒥᓐ ᒐᒋ ᐱᒪᑎᓯᒡ, ᓇᒪ ᒋᑭ ᐅᒋ ‍ ᑎᑯᓐ ᐊ ‍ ᓂᐳᐅᓇᓄᐅᒡ ᑭᔭ ᐊ ‍ ᓂᐳᐃᐛᓄᐅᒡ᙮
\v 36 ᐛᔅ ᒧᔭᒻ ᐊᓐᒋᓐᒡ ᒋᑭ ‍ ᐃᑕᔨᑕᑯᓱᐅᒡ ᐅᒡ ᓇᒪ ᓂᑕ ᒋᑭ ᒋ ‍ ᐳᓂᐱᒪᑎᓱᐅᒡ᙮ ᒋᓴᒪᓂᑐᐛ ᐅᑦ ᐊᐛᓯᒥᑐᑕᑯᐅᒡ ᐊᓐᒡ ᒐ ‍ ᐅᓂᔅᑲᒡ᙮
\v 37 ᒧᓱᔅ ᒋ ‍ ᐛᐸᑎᔨᐛᐤ ᐊ ‍ ᑕᑈᑕᐧᒃ ᒥᓐ ᐊ ‍ ᐱᒪᑎᓯᔨᒋ ᑲ ‍ ᓂᐱᔨᒋ᙮ ᐎᑕᑭᓄᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒧᓱᔅ ᑲ ‍ ᐛᐸᑕᐧᒃ ᒧᔭᒻ ᐊ ‍ ᐃᔎᑕᔨᒡ ᓂᐱᓯᔭᑎᑯᒡ᙮ ᐊᑯᑕ ᐛᑕᒂᒡ ᑭᔭ ᒧᓱᔅ ᐊᒋ ‍ ᐃᓯᓂᐧᑲᑕᑦ ᐅᑎᐸᔨᒋᒐᐛ,
\q ᐊᑉᕋᐊᒻ ᐅᒋᓴᒪᓂᑐᒪ, ᐊᐅᑯᓐ ᐊᓂᔭ ᐃᔭᐱᒡ ᐅᒋᓴᒪᓂᑐᒧᐛᐛ ᐊᐃᓯᒃ ᑭᔭ ᒐᑭᑉ᙮
\m ᐅᔭ ᒪᒃ ᓇᐸᐤ ᓴᔅ ᓇᒪ ᐅᒋ ᐱᒪᑎᓯᐤ ᐅᔭ ᒪᒂᒡ ᑲ ‍ ᐃᔅᒋᔄᑦ ᒧᓱᔅ᙮
\v 38 ᓇᒪ ᐅᒋᓴᒪᓂᑐᒥᑐᑕᑯᐤ ᒋᓴᒪᓂᑐᐤ ᐊᓂᔭ ᑲ ‍ ᓂᐱᔨᒋ ᐊᐛᔪᐛ ᒥᒄ ᐊᓂᔭ ᑲ ‍ ᐱᒪᑎᓯᔨᒋ᙮ ᒥᓯᐛ ᐱᒪᑎᓯᐤ ᐃᑕᔨᒪᐤ ᒋᓴᒪᓂᑐᐤ ᐊᐛᔪᐛ, ᐊᓂᔭ ᐊᔅᒄ ᑲ ‍ ᐱᒪᑎᓯᔨᒋ ᐅᑕ ᐊᔅᒋᒡ ᑭᔭ ᐊᓂᔭ ᓴᔅ ᑲ ‍ ᓂᐱᔨᒋ᙮”
\p
\v 39 ᐱᔅᒐ ᒪᒃ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ‍ ᐃᔅᒋᔄᐅᒡ, “ᒋᔅᑯᑎᒪᒐᓱᐤ, ᒥᔽᐤ ᐊᓐ ᑲ ‍ ᐃᔅᒋᔄᔨᓐ᙮”
\v 40 ᓇᒪ ᒪᒃ ᒥᓐ ᐊᐛᓐ ᐅᒋ ᑯᒋᑕᐤ ᒐᒋ ᑯᒂᒋᒪᑦ ᒋᓴᓴ ᒐᒂᔪᐤ᙮
\s1 ᐊᐛᔪᐛ ᐊ ‍ ᐅᑯᓯᑐᑕᑯᑦ ᙭, ᒋᓴᒪᓂᑐᐛ ᑭᔭ ᒪᒃ ᒋᓴᐅᒋᒪᐛ ᑎᐱᑕ
\r ᒪᑎᔪᐤ 22.41-46; ᒪᕐᒃ 12.35-37
\p
\v 41 ᒋ ‍ ᐃᔅᒋᔄᐤ ᒪᒃ ᒋᓴᔅ, “ᒐᒂᔪᐤ ᐛᒋ ‍ ᐃᔅᒋᔄᒡ ᐊᐛᓐᒋ ᐊᓂᔭᔪᐛ ᙭ᑕ ᒐ ᐸᒋ ‍ ᐃᑎᓴᐛᑦ ᒋᓴᒪᓂᑐᐤ ᐊᓐᑕ ᒐ ‍ ᐃᑎᔅᑲᓇᓯᔨᒋ ᑎᐱᑕ ᐊ ‍ ᑕᔨᒋ ?
\v 42 ᑎᐱᑦ ᒪᒃ ᐅᔭ ᐊᒋ ᐃᓯ ‍ ᒥᓯᓇᐊᒧᒂ ᐊᓐᑕ ᐅᓂᑭᒧᐅᓂᒡ,
\q ᐅᑎᐸᔨᒋᒐᐤ ᒋ ‍ ᐃᑕᐤ ᓂᑎᐸᔨᒋᒐᓯᒪ,
\q ᐅᑕ ᐸᒋ ‍ ᐊᐱᔾ ᓂᒥᔪᐅᓂᒡ,
\v 43 ᐸᑐᔅ ᒋ ‍ ᓴᐧᑯᒋᐃᒂᐛ ᐊᓐᒡ ᑲ ‍ ᐛᐧᑲᑎᔅᒡ᙮
\m
\v 44 ᐛᐛᒡ ᑎᐱᑦ ‘ᓂᑎᐸᔨᒋᒐᓯᒻ’ ᒋ ‍ ᐃᓯᓂᐧᑲᑕᐤ ᐅᑎᐸᔨᒋᒐᐛ᙮ ᑕᓐᑕ ᒪᒃ ᒐᒋ ᐅᒋ ‍ ᐅᑯᓯᑐᑐᐛᑦ ?”
\s1 ᐃᔭᒂᒥᔅᑐᐛᐧᑯᒡ ᐊᓐᒡ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ
\r ᒪᑎᔪᐤ 23.1-36; ᒪᕐᒃ 12.38-40
\p
\v 45 ᒪᒂᒡ ᒪᒃ ᐊ ‍ ᐸᑕᑯᑦ ᒥᓯᐛ ᐊᓂᔭ ᐃᔪᐛ, ᒋᓴᔅ ᒋ ‍ ᐃᑕᐤ ᐊᓂᔭ ᐅᒋᔅᒋᓄᐊᒧᐛᑭᓇ,
\v 46 “ᐃᔭᒂᒥᔅᑐᐛᐧᑯᒡ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᐛᔅ ᓂᑐᐛᔨᑎᒧᒡ ᒐᒋ ᒋᔅᑕᔨᒪᑭᓄᐎᒡ᙮ ᒥᔽᔨᑎᒧᒡ ᐊ ‍ ᐳᔅᑎᔅᑲᒡ ᑲ ‍ ᒋᓏᑭᓂᔨᒋ ᐊᑯᐸ, ᑭᔭ ᒥᔽᔨᑎᒧᒡ ᐊ ‍ ᐊᑎᒥᔅᑯᐛᑭᓄᐎᒡ ᐊᓐᑕ ᐊ ‍ ᒥᒐᑎᓇᓄᐎᒡ᙮ ᑭᔭ ᓂᑐᐛᔨᑎᒧᒡ ᐊᓐᑕ ᒪᐅᒡ ᐊ ‍ ᓇᐸᒥᐱᒡ ᒐᒋ ᐛᐱᐊᑭᓄᐎᒡ ᐊᔭᒥᐊᐅᒋᐛᐱᒡ, ᑭᔭ ᐊ ‍ ᒥᑯᓴᓄᐎᒡ ᒐᒋ ᐊᔭᑭᓄᐎᒡ ᐊᓐᑕ ᐊ ‍ ᐅᒋᒪᐅᐱᓇᓄᐎᒡ᙮
\v 47 ᐅᑎᓂᒧᐛᐅᒡ ᑭᔭ ᒥᓯᐛ ᑕᓐ ᐊ ᐃᓯ ‍ ᑎᐱᔨᐛᐅᓯᔨᒋ ᑲ ‍ ᐸᐸᐃᑯᓯᔨᒋ ᐃᔎᐛ ᑭᔭ ᐊ ‍ ᐊᔭᒥᐊᒡ ᓇᐅᔅ ᐊᔭᒥᐊᐅᒡ, ᒥᒄ ᒪᒃ ᐊᔭᒥᐊᐧᑲᓱᒡ ᐅᔭ ᐊ ‍ ᐃᑎᒡ᙮ ᐊᐅᑯᓐᒡ ᒪᒃ ᐅᒡ ᐃᐛᒃ ᒐ ‍ ᐊᒂᑕᔨᑕᑯᓂᔨᒡ ᑕᓐ ᒐ ᐃᓯ ‍ ᑎᐸᔅᑯᓂᑯᒡ ᒋᓴᒪᓂᑐᐛ᙮”
\c 21
\s1 ᑲ ‍ ᐸᐃᑯᓯᑦ ᐃᔎᐤ ᐅᐱᔅᑎᓂᒐᐅᓐ
\r ᒪᕐᒃ 12.41-44
\p
\v 1 ᒪᒂᒡ ᒪᒃ ᒋᓴᔅ ᐊ ‍ ᐃᑕᐱᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ, ᒋ ‍ ᐛᐱᒪᐤ ᐊ ‍ ᐛᔪᑎᓯᔨᒋ ᐊᐛᔪᐛ ᐊ ‍ ᐱᔅᑎᓂᒥᔨᒋ ᓱᓇᔭᔪᐤ ᐊᓐᑕ ᑲᒋ ‍ ᐱᔅᑎᓂᑭᓄᐎᒡ ᓱᓇᔭᔪᐤ᙮
\v 2 ᐊᑯ ᑭᔭ ᒂ ‍ ᐛᐱᒪᑦ ᐊ ‍ ᐸᐃᑯᓯᔨᒋ ᐃᔎᐛ ᐊ ‍ ᒋᔅᑎᒪᑎᓯᔨᒋ ᐊ ‍ ᐱᔅᑎᓇᔨᒋ ᓂᓱ ᓱᓇᔭᐱᔅᑯᓴ᙮
\v 3 ᒋ ‍ ᐃᑕᐤ ᒪᒃ, “ᑕᑈ ᒋᑦ ᐃᑎᓇᐛᐤ, ᐊᓂᔭ ᑲ ᐃᔅᐱᔅ ‍ ᐱᔅᑎᓂᒐᑦ ᐊᓐ ᑲ ‍ ᐸᐃᑯᓯᑦ ᐃᔎᐤ ᑲ ‍ ᒋᔅᑎᒪᑎᓯᑦ ᐊᑐᐎᔅ ᒥᓴᔪᐤ ᐎᔾ ᐅᐱᔅᑎᓂᒐᐅᓐ ᐃᔅᐱᔅ ᐊᓐᒡ ᑯᑎᑭᒡ ᑲ ‍ ᐱᔅᑎᓂᒐᒡ᙮
\v 4 ᐛᔅ ᐊᓐᒡ ᑯᑎᑭᒡ ᑲ ‍ ᐱᔅᑎᓇᒡ ᐊᔪᐱᔪᐅᒡ ᐊᓂᔭ ᓱᓇᔭᔪᐤ ᐱᔅᑎᓂᒧᒡ᙮ ᐅ ᒪᒃ ᑲ ‍ ᐸᐃᑯᓯᑦ ᐃᔎᐤ, ᐊᑎ ᐊ ‍ ᒋᔅᑎᒪᑎᓯᑦ ᒋ ‍ ᐱᔅᑎᓂᒻ ᒥᓯᐛ ᐊᓂᔭ ᐅᓱᓇᔭᓂᒻ ᐊᓂᔭ ᒋᐸ ᐅᒋ ‍ ᐱᒪᒋᐃᓱᐤ᙮”
\s1 ᒋᓴᔅ ᑲ ‍ ᐊᔨᒧᑕᐧᒃ ᒐ ‍ ᓂᓱᐅᓇᑎᓂᔨᒡ ᒋᓴᐊᔭᒥᐊᐅᒋᐛᐱᔪᐤ
\r ᒪᑎᔪᐤ 24.1,2; ᒪᕐᒃ 13.1,2
\s2 Luke 21.5-19 (Proper-28 Year C)
\p
\v 5 ᐱᔅᒐ ᐊᓐᒡ ᒋᔅᒋᓄᐊᒧᐛᑭᓐᒡ ᒋ ‍ ᐊᔨᒧᑎᒧᒡ ᐊᔅᐱᔅ ᒥᔽᓯᔨᒡ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ ᐊ ‍ ᒥᔪᓯᔨᒋ ᐊᓯᓂᔭ ᐊᒋ ‍ ᐊᐱᒋᐊᑭᓄᔨᒋ, ᑭᔭ ᐊᓂᔭ ᑲ ᐃᓯ ‍ ᒥᔽᓯᔨᒋ ᒥᔨᐛᐅᓇ ᐃᔪᒡ ᑲ ‍ ᐱᔅᑎᓂᒧᐛᒡ ᒋᓴᒪᓂᑐᐛ᙮
\v 6 ᒋᓴᔅ ᒪᒃ ᒋ ‍ ᐃᔅᒋᔄᐤ, “ᐅᔭ ᑲ ‍ ᐛᐸᑎᒪᒄ ᒐᒂᔪᐛ ᐊᔅᒄ ᒋᑭ ‍ ᐅᑎᒋᐱᔪᐤ ᒥᓯᐛ ᒐ ‍ ᓂᓱᐅᓇᑎᒋ᙮ ᓇᒪ ᐛᐛᒡ ᐸᐃᒄ ᐊᓯᓂᔾ ᒋᑭ ᐅᒋ ‍ ᐊᑯᑐᐳᐤ ᑯᑎᑲ ᐊᓯᓂᔭ ᐊᓂᔭ ᑕᓐ ᑲ ‍ ᐃᑕᐊᑭᓄᐅᑦ᙮ ᒥᓯᐛ ᐊᓯᓂᔨᒡ ᑲ ᐃᓯ ‍ ᐊᐱᒋᐊᑭᓄᐎᒡ ᑲ ‍ ᐅᓯᑕᑭᓄᐅᒋ ᐅᔭ ᒥᒋᐛᐸ ᒋᑭ ‍ ᓂᑎᒋᐛᐱᓇᑭᓄᐎᒡ᙮”
\s1 ᑕᓐ ᒐ ᐃᓯ ‍ ᒥᒋᐱᔨᒡ
\r ᒪᑎᔪᐤ 24.3-14; ᒪᕐᒃ 13.3-13
\p
\v 7 ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ‍ ᑯᒂᒋᒪᐅᒡ ᒋᓴᓴ ᐊ ‍ ᐃᑕᒡ, “ᒋᔅᑯᑎᒪᒐᓱᐤ, ᑕᐃᔅᐱ ᒐ ‍ ᐃᔅᐱᔨᒡ ᐅ᙮ ᑕᓐᑕ ᒐᒋ ᐅᒋ ‍ ᒋᔅᒐᔨᑎᒪᒡ ᓴᔅ ᐊ ‍ ᐅᑎᒋᐱᔨᒡ ᐊ ‍ ᐃᔅᐱᔨᒡ ᐅ ?”
\p
\v 8 ᒋᓴᔅ ᒪᒃ ᒋ ‍ ᐃᑕᐤ, “ᐃᔭᒂᒥᒄ ᐊᑲ ᐊᐛᓐ ᒐᒋ ᐎᔭᓯᒥᑕᒄ᙮ ᐛᔅ ᒋᑭ ‍ ᒥᒐᑐᐅᒡ ᐊᐛᓐᒋ ᐊ ‍ ᑎᑯᓯᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ‍ ᐊᐱᒋᑕᒡ ᐊ ‍ ᐃᔅᒋᔄᒡ, ᐊᐅᒄ ᓂᔾ ᙭᙮ ᒥᒐᑦ ᒪᒃ ᐊᐛᔪᐛ ᒋᑭ ‍ ᐎᔭᓯᒪᐅᒡ᙮ ᑭᔭ ᒋᑭ ‍ ᐃᔅᒋᔄᐅᒡ, ᓴᔅ ᐸᓱᓇᑯᓐ ᒐ ‍ ᐃᔅᐱᔨᒋ ᐅᔭ ᒐᒂᔪᐛ᙮ ᐊᑲᐎᔾ ᒪᒃ ᒋᑭ ᐅᒋ ‍ ᓇᓴᐛᐛᐅᒡ ᐅᒡ᙮
\v 9 ᐸᑎᒪᒂ ᐊ ‍ ᓂᑐᐱᔨᓇᓄᐅᒡ, ᒪᒃ ᐊ ‍ ᒪᓯᐧᑲᑐᓇᓄᐅᒡ ᐊᑲᐎᔾ ᒋᑭ ᐅᒋ ‍ ᓴᒋᓯᓇᐛᐤ᙮ ᐛᔅ ᐊᐅᒄ ᔭᐃᑕᔾ ᓂᔅᑎᒻ ᒐ ‍ ᐃᔅᐱᔨᒡ, ᒥᒄ ᒪᒃ ᓇᒪ ᐊᔅᒄ ᒋᑭ ᐅᒋ ‍ ᐅᑎᒋᐱᔪᐤ ᐊ ‍ ᐃᔎᐱᔨᒡ᙮”
\p
\v 10 ᒥᓐ ᒂ ᐊᑎ ‍ ᐃᔅᒋᔄᑦ, “ᐸᐃᑯᓄᒡ ᑲ ‍ ᐃᑎᔅᑲᓇᓯᒡ ᐊᐛᓐᒋ ᒋᑭ ‍ ᒪᓯᐧᑲᑐᐅᒡ ᐊᓂᔭᔪᐛ ᑯᑎᑲ ᐊᐛᔪᐛ ᐃᔭᒡ ᑲ ‍ ᐃᑎᔅᑲᓇᓯᔨᒋ᙮ ᑭᔭ ᐊᓐᒡ ᑲ ‍ ᐅᒋᒪᐅᒡ ᒋᑭ ‍ ᓂᑐᐱᔨᑐᐛᐅᒡ ᐊᓂᔭ ᑯᑎᑲ ᑲ ‍ ᐅᒋᒪᐎᔨᒋ᙮
\v 11 ᑭᔭ ᒥᓯᐛ ᐊ ‍ ᐃᔅᐱᑎᔅᑭᒥᑲᒡ ᐅ ᐊᔅᒋᔾ, ᓂᓇᐧᑯᐤ ᐊᓐᑕ ᒋᑭ ‍ ᑯᐃᐧᑯᓐ ᑭᔭ ᒋᑭ ‍ ᑯᐧᑭᑕᓄᐤ, ᑭᔭ ᒥᔅᑎ ᐊ ‍ ᒪᔭᑎᒡ ᐊᐧᑯᓱᐅᓐ ᒋᑭ ‍ ᑎᑯᓐ᙮ ᑭᔭ ᒋᑭ ‍ ᓄᑯᓇ ᒋᔅᒋᓄᐛᐸᑎᔨᐛᐅᓇ ᐊ ‍ ᑯᔅᑕᑎᒂᒋ ᐊᓐᑕ ᒋᓯᑯᒡ᙮”
\p
\v 12 “ᐊᔅᒄ ᒪᒃ ᐊᑲ ᐃᔅᐱᔨᒋ ᐅᔭ ᒐᒂᔪᐛ, ᒋᑭ ‍ ᒪᑯᓂᑯᓇᐛᐤ ᐊᑯ ᒐ ‍ ᓂᓇᐧᑲᒋᐃᑯᐅᔭᒄ᙮ ᒋᑭ ‍ ᐃᑐᑕᐃᑯᐛᐅᒡ ᐅᑦ ᐊᔭᒥᐊᐅᒋᐛᐳᐛᒡ ᒐ ‍ ᑎᐸᔅᑯᓂᑕᑯᒡ, ᐊᑯ ᒐ ‍ ᒋᐸᐅᑕᑯᒡ᙮ ᑭᔭ ᒋᑭ ‍ ᐃᑐᑕᐃᑯᐛᐅᒡ ᒋᓴᐅᒋᒪᐛ ᑭᔭ ᒋᓴᐅᒋᒪᓴ ᒐᒋ ᑎᐸᔅᑯᓂᑕᑯᒡ ᓂᔾ ᐅᒋ ᐊ ᐸᒋ ‍ ᓇᓴᐎᔭᒄ᙮
\v 13 ᐅ ᒪᒃ ᐃᑐᑕᑯᐅᔭᒂ, ᐊᑯᑕ ᒐ ᐅᒋ ‍ ᒥᔪᐱᔭᒄ ᒐᒋ ᐎᑎᒧᐛᑯᒡ ᒥᔽᒋᒧᐅᓂᔪᐤ ᐊᓐᒡ ᐅᒋᒪᐅᒡ᙮
\v 14 ᓂᑲᓐ ᒋᐸ ‍ ᐎᔭᔨᑕᓇᐛᐤ ᒐ ᐊᑲ ᐅᒋ ‍ ᐊᔨᒪᔨᑎᒪᒄ ᑕᓐ ᒐ ᐃᓯ ‍ ᐎᑎᒧᐛᑯᒡ᙮
\v 15 ᐛᔅ ᒋᑭ ‍ ᐎᑎᒪᑎᓇᐛᐤ ᑕᓐ ᒐ ‍ ᐃᔅᒋᔄᔭᒄ ᑭᔭ ᑭᒐᑕᐛᔨᑎᒧᐅᓐ ᒋᑭ ‍ ᒥᔨᑎᓇᐛᐤ ᒐᒋ ᑭᒐᑕᐛᔨᑎᒧᑕᑯᓯᔭᒄ ᐃᔨᒥᔭᒂ, ᑭᔭ ᐊᓐᒡ ᑲ ‍ ᐛᐧᑲᑎᑕᑯᒡ ᓇᒪ ᒋᑭ ᒋ ‍ ᐊᓏᑎᒧᒡ ᒐ ‍ ᐃᔅᒋᔄᐛᒄ᙮
\v 16 ᐛᐛᒡ ᒋᓂᒋᐃᑯᐛᐅᒡ, ᒋᐧᑲᓂᓱᐛᐅᒡ ᒋᐛᐧᑯᒪᑭᓄᐛᐅᒡ, ᑭᔭ ᒋᐎᒐᐛᑭᓄᐛᐅᒡ ᒋᑭ ‍ ᐃᑐᑕᐃᑯᐛᐅᒡ ᑎᐸᔅᑯᓂᒐᐅᒋᐛᐱᒡ, ᒋᑭ ‍ ᑐᑕᑯᐛᐅᒡ ᐱᔅᒐ ᐊᓐᑕ ᐊ ‍ ᑎᓯᔭᒄ ᒐᒋ ᓂᐸᐃᑯᐛᒄ᙮
\v 17 ᒥᓯᐛ ᐊᐛᓐ ᒋᑭ ‍ ᐛᐧᑲᑎᑯᐛᐤ ᐊ ‍ ᓇᓴᐎᔭᒄ᙮
\v 18 ᒥᒄ ᒪᒃ ᐃᔭᐱᒡ ᒋᑭ ‍ ᒥᔪᐱᔨᓇᐛᐤ, ᓇᒪ ᐛᐛᒡ ᐸᐃᒂᐸᒡ ᒋᐱᔎᐅᓄᐛᐛ ᒋᑭ ᐅᒋ ‍ ᐅᓂᑕᓇᐛᐤ᙮
\v 19 ᒋᑭ ‍ ᐊᔭᓇᐛᐤ ᒋᒋᐛ ᐱᒪᑎᓯᐅᓐ ᐊᑲ ᓄᑎᐳᓂᔭᒂ ᐊ ‍ ᓇᓴᐎᔭᒄ᙮”
\s1 ᒋᓴᔅ ᑲ ‍ ᐊᔨᒧᑕᐧᒃ ᒋᕈᓯᓕᒥᔪᐤ ᒐ ‍ ᓂᓱᐅᓇᒋᑕᑭᓄᐎᒡ
\r ᒪᑎᔪᐤ 24.15-21; ᒪᕐᒃ 13.14-19
\p
\v 20 “ᐃᔅᐱ ᒪᒃ ᐛᐱᒪᒂᐛ ᐊᓯᒪᑭᓂᓯᒡ ᐊ ‍ ᐛᔅᑲᑲᐳᔅᑕᒡ ᒋᕈᓯᓕᒥᔪᐤ, ᐊᑯ ᒐ ‍ ᒋᔅᒐᔨᑎᒪᒄ ᓴᔅ ᐊ ‍ ᐸᓱᓇᒂᒡ ᒐ ‍ ᓂᓱᐅᓇᒋᑕᑭᓄᐎᒡ᙮
\v 21 ᐊᑯ ᒪᒃ ᐊᓐᒡ ᐃᔪᒡ ᑲ ‍ ᑕᒡ ᐊᓐᑕ ᒍᑎᔭ ᐊᔅᒋᒡ, ᐊᓐᑕ ᐱᔅᑯᑎᓇᒡ ᒋᑭ ‍ ᐃᑎᓯᒧᒡ᙮ ᐊᑯ ᐊᓐᒡ ᐊᓐᑕ ᒋᕈᓯᓕᒥᒡ ᑲ ‍ ᑕᒡ ᒐᔅᑎᓄᐤ ᒋᑭ ᐎ ‍ ᓂᑭᑎᒧᒡ ᐊᓂᔭ ᐅᑕᓇᔪᐤ᙮ ᐊᑯ ᐊᓐᒡ ᐊᑲ ᒪᒂᒡ ᐃᑕᑥᐛ ᐊᓐᑕ ᐊᓂᔭ ᐅᑕᓇᔪᐤ, ᐊᑲᐎᔾ ᒥᓐ ᒋᑭ ᐅᒋ ‍ ᐃᑐᑕᐅᒡ ᐊᓐᑕ᙮
\v 22 ᐊᐅᒄ ᒪᒃ ᐅ ᒐ ‍ ᐅᑎᒋᐱᔨᒡ ᐃᔪᒡ ᒐ ‍ ᐛᐛᓯᐊᑭᓄᐎᒡ ᐊᓂᔭ ᑲ ᐃᓯ ‍ ᒥᒋᑐᑕᒡ ᐛᔅ ᐊᐅᒄ ᑲ ᐃᓯ ‍ ᓂᑲᓐ ᐎᑕᒂᒡ ᒐ ᐃᓯ ‍ ᑎᐱᐱᔨᒡ᙮
\v 23 ᑕᑈ ᒋᑭ ‍ ᐊᔨᒥᐅᐅᒡ ᐊᓐᒡ ᒪᒂᒡ ᑲ ‍ ᑭᓄᐛᔨᒪᓱᒡ ᑭᔭ ᐊᓐᒡ ᑲ ‍ ᓄᓴᓂᐊᐅᓱᒡ ᐊᓂᔭᔪᐛ ᐊ ‍ ᒋᓯᑲᔨᒋ᙮ ᒋᒋᐛ ᒋᑭ ‍ ᐊᔨᒥᓂᔪᐤ ᐊᓐᒡ ᐃᔪᒡ ᐅᑕ ᐊᔅᒋᒡ ᐊ ‍ ᑕᒡ᙮ ᐛᔅ ᒋᓴᒪᓂᑐᐛ ᐅᑦ ᐊᐧᑯᔪᐛᓱᐅᓂᔪᐤ ᓇᔅᒡ ᒋᑭ ‍ ᒪᑎᑯᔅᑲᑯᒡ᙮
\v 24 ᐱᔅᒐ ᐊᐛᓐᒋ ᓂᑐᐱᔪᐅ-ᒧᐧᑯᒪᓂᔪᐤ ᒋᑭ ‍ ᐊᐱᑎᓂᔪᐤ ᐊ ‍ ᓂᐸᐊᑭᓄᐎᒡ᙮ ᐊᑯ ᑯᑎᑭᒡ ᒐ ‍ ᒪᑯᓇᑭᓄᐎᒡ, ᓂᓇᐧᑯᐤ ᐊᔅᒋᒡ ᒐ ‍ ᐃᑐᑕᐊᑭᓄᐎᒡ᙮ ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᓇᔅᒡ ᒋᑭ ᐎ ‍ ᓂᓱᐅᓇᒋᑕᐅᒡ ᒋᕈᓯᓕᒥᔪᐤ, ᐸᑐᔅ ᒋᓴᒪᓂᑐᐛ ᒋᑕᐊᒪᑯᑥᐛ᙮”
\s1 ᒋᓴᔅ ᒥᓐ ᒐ ‍ ᑎᑯᓯᐧᒃ
\r ᒪᑎᔪᐤ 24.29-31; ᒪᕐᒃ 13.24-27
\s2 Luke 21.25-36 (Advent-1 Year C)
\p
\v 25 “ᒋᑭ ‍ ᓄᑯᓇ ᒋᔅᒋᓄᐛᐸᑎᔨᐛᐅᓇ ᐊᓐᑕ ᐱᓯᒧᒡ, ᑎᐱᔅᑲᐤ ᐱᓯᒧᒡ, ᑭᔭ ᐊᓐᑕ ᐅᒐᑭᑕᐧᑯᒡ, ᐊ ‍ ᐎᑎᒪᑯᔭᒄ ᒐᒂᓐ ᒐ ‍ ᐃᔅᐱᔨᒡ ᒐᒋ ᐃᔭᒂᒥᔭᒄ᙮ ᒥᓯᐛ ᐊ ‍ ᐃᑎᔅᑲᓇᓯᑦ ᐊᐛᓐ ᐅᑕ ᐊᔅᒋᒡ ᒋᑭ ‍ ᓴᒋᓱᐤ᙮ ᒋᑭ ‍ ᓴᒋᐃᑯᐅᒡ ᑕᓐ ᒐ ‍ ᐃᑎᑕᑯᓂᔨᒡ ᐎᓂᐸᑯᔪᐤ᙮
\v 26 ᒋᑭ ‍ ᐊᒂᑕᔨᑎᒧᒡ ᐃᔪᒡ ᐊ ᐃᔅᐱᔅ ‍ ᑯᔅᑕᒋᒡ ᐊ ‍ ᒪᒥᑐᓇᔨᑕᒡ ᑕᓐ ᐊᔅᒄ ᒐ ‍ ᐃᔅᐱᔨᒡ ᐅᔭᔪᐤ ᐊᔅᒋᔪᐤ᙮ ᑭᔭ ᒥᓯᐛ ᒐᒂᓐ ᐊᓐᑕ ᒋᓯᑯᒡ ᐊ ‍ ᑎᒂᒡ ᒋᑭ ‍ ᐊᒋᐱᔪᐤ᙮
\v 27 ᐊᑯ ᒪᒃ ᒐ ‍ ᐛᐱᒪᑭᓄᐅᑦ ᐃᔪᐤ ᐅᑯᓯᓴᓐ ᐊ ᐸᒋ ‍ ᔭᓯᑦ ᑭᔅᑯᐅᓂᔅᑯᒡ, ᓇᔅᒡ ᐊ ‍ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮
\v 28 ᐃᔅᐱ ᒪᒃ ᒋᒋᐱᔨᒐ ᐊ ‍ ᐃᔅᐱᔨᒋ ᐅᔭ ᒐᒂᔪᐛ, ᓱᒃ ᐃᔅᐱᒥᒡ ᐃᑕᐱᒄ, ᐛᔅ ᓴᔅ ᐸᓱᓇᑯᓐ ᒐ ‍ ᐱᒪᒋᐃᑯᐅᔭᒄ᙮”
\s1 ᒋᓴᔅ ᒥᔅᑎᒂ ᑲ ‍ ᐊᐱᒋᐊᑦ ᐊ ‍ ᒋᔅᑯᑎᒪᒐᑦ
\r ᒪᑎᔪᐤ 24.32-35; ᒪᕐᒃ 13.28-31
\p
\v 29 ᐊᑯ ᒋᓴᔅ ᒂ ‍ ᐎᑎᒧᐛᑦ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ‍ ᐃᔅᒋᔄᑦ, “ᒪᒥᑐᓇᔨᒪᐧᒄ ᒪ ᐅ ᒥᓯᓱᒥᓇᑎᒄ, ᑭᔭ ᒥᓯᐛ ᓂᓇᐧᑯᐤ ᒥᔅᑎᒄ᙮
\v 30 ᐃᔅᐱ ᐎᔭᐸᑎᒪᑯ ᓂᐱᓴ ᐊ ‍ ᓂᑕᐅᒋᒋ, ᒋ ‍ ᒋᔅᒐᔨᑕᓇᐛᐤ ᓴᔅ ᐊ ‍ ᐸᓱᓇᒂᒡ ᒐ ‍ ᓂᐱᒡ᙮
\v 31 ᐊᐅᑯᓐ ᒧᔭᒻ ᐊ ‍ ᐃᓯᓇᒂᒋ ᐅᔭ ᒐᒂᔪᐛ ᑲ ‍ ᐊᔨᒧᑎᒪᑎᑯᒡ᙮ ᐃᔅᐱ ᐛᐸᑎᒪᒂ ᐅᔭ ᒐᒂᔪᐛ ᐊ ‍ ᐃᔅᐱᔨᒋ ᒋᑭ ‍ ᒋᔅᒐᔨᑕᓇᐛᐤ ᒋᓴᒪᓂᑐᐤ ᐅᒋᓴᐅᒋᒪᐅᓐ ᓇᔅᒡ ᑕᑈ ᐊ ‍ ᐸᓱᓇᑯᓂᔨᒡ᙮”
\p
\v 32 “ᑯᐃᔅᒄ ᒋ ‍ ᐎᑎᒪᑎᓇᐛᐤ, ᐊᓐᒡ ᑲ ‍ ᐱᒪᑎᓯᒡ ᐊᓄᒡ ᓇᒪ ᒋᑭ ᐅᒋ ‍ ᒥᓯᐛ ᓂᐳᐅᒡ ᐊᔅᒄ ᐊᑲ ᑎᐱᐱᔨᒡ ᒥᓯᐛ ᑕᓐ ᒋᐸ ‍ ᐃᔅᐱᔪᐤ᙮
\v 33 ᒋᒋᒋᓯᒄ ᑭᔭ ᐊᔅᒋᔾ ᒋᑭ ‍ ᐃᔎᐱᔪᐛ ᒥᒄ ᒪᒃ ᓂᑦ ᐃᔨᒧᐅᓇ ᓇᒪ ᓂᑕ ᒋᑭ ᐅᒋ ‍ ᐃᔎᐱᔪᐛ᙮”
\s1 ᐃᔭᒂᒥᒄ ᒧᔅ ᑕᓐ ᐊ ᐃᓯ ‍ ᐱᒪᑎᓯᔭᒄ
\p
\v 34 “ᐃᔭᒂᒥᒄ ᑕᓐ ᐊ ᐃᓯ ‍ ᐱᒪᑎᓯᔭᒄ᙮ ᐊᑲᐎᔾ ᐱᔅᑎᓂᑎᓱᒄ ᐱᓯᒄ ᒐᒋ ᒥᓂᔭᒄ ᒪᒃ ᐱᓯᒄ ᒐᒋ ᒥᒋᓱᔭᒄ ᒪᒃ ᐱᓯᒄ ᒐᒋ ᐊᔨᒪᔨᑎᒪᒄ ᑕᓐ ᐊ ᐃᓯ ‍ ᐱᒪᑎᓯᓇᓄᐅᒡ, ᐛᔅ ᐊᔪᐅᒄ ᐊ ‍ ᐃᑎᒡ ᑯᑎᑭᒡ ᐊᐛᓐᒋ᙮ ᐊᓐ ᑎᔭᒂ ᒋᑭ ᒋ ‍ ᐃᓯᓇᑯᓐ ᓯᔅᒋᑯᒡ ᒐᒋ ᑎᑯᓯᓂᔭᓐ ᒪᒂᒡ ᐊᓐᑕ ᐊᑲ ᐃᑕᔨᑎᒪᒄ᙮ ᐊᓐ ᒪᒃ ᓯᔅᒋᑯᒡ ᑎᑯᓯᓂᔭᓇ, ᒧᔭᒻ ᑕᐱᒂᓐ ᐊᑲ ᐸᓱᐛᔨᑕᐧᒃ ᐊᐛᓯᔅ ᒐ ‍ ᑕᐱᒂᓱᑦ ᐊᐅᑯᓐ ᒐ ‍ ᐃᑕᔨᑕᒂᒡ᙮
\v 35 ᒥᓯᐛ ᐊᐛᓐ ᐅᑕ ᐊᔅᒋᒡ ᑲ ‍ ᑕᑦ ᐊᑲ ᐊᔭᔅᑯᐎᒐ ᒋᑭ ‍ ᐎᔭᓯᐃᑯᐤ ᑎᑯᓯᓂᔭᓇ᙮ ᐃᔭᒂᒥᒄ ᒪᒃ ᐊᑲ ᑭᔭ ᒋᔨᐛᐤ ᒐᒋ ᐎᔭᓯᐃᑯᔭᒄ ᑎᑯᓯᓂᔭᓇ᙮
\v 36 ᐃᔭᒂᒥᒄ᙮ ᐊᑲᐎᔾ ᐳᓂᒄ ᐊ ‍ ᐊᔭᒥᐊᔭᒄ ᐊ ‍ ᓂᑐᑎᒪᔭᒄ ᒐᒋ ᐊᔨᒋᑲᐳᐅᔭᒄ ᑭᔭ ᒐᒋ ᓴᐳᔅᑭᒪᒄ ᒥᓯᐛ ᑕᓐ ᒐ ‍ ᐃᔅᐱᔨᒡ᙮ ᑭᔭ ᒐ ᐊᑲ ᒋ ᐊᑐᐛᔨᒥᑕᒄ ᐃᔪᐤ ᐅᑯᓯᓴᓐ ᐃᔅᐱ ᐸᑕᔅᑎᒥᑲᐳᔅᑐᐛᒂ᙮” ᐊᐅᒄ ᒪᒃ ᐅᔭ ᑲ ᐃᓯ ‍ ᐎᑎᒧᐛᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ᙮
\p
\v 37 ᐊᓯᑯᒻ ᒋᓯᑲᐛ ᒪᒃ ᒋ ‍ ᒋᔅᑯᑎᒪᒐᐤ ᒋᓴᔅ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᐊᑯ ᒪᒃ ᐊ ᐊᑎ ‍ ᐅᑕᑯᓯᔨᒋ ᐊᓐᑕ ᐊᓂᔭ ᐱᔅᑯᑎᓇᔪᐤ ᐊᓕᐱᔅ ᑲ ‍ ᐃᓯᓂᐧᑲᑕᔨᒡ ᐊᑯᑕ ᑲᒋ ‍ ᐃᑐᑕᑦ, ᒐᒋ ᑕᑦ ᐊᓂᔭ ᒐ ‍ ᑎᐱᔅᑲᔨᒡ᙮
\v 38 ᐎᐱᒡ ᒪᒃ ᒋᔭᒋᓴᐸᔭᔨᒋ, ᒥᓯᐛ ᐃᔪᒡ ᒋ ‍ ᐃᑐᑕᐅᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒐᒋ ᓂᑐᑐᐛᒡ ᒋᓴᓴ᙮
\c 22
\s1 ᒍᑎᔅ ᑲ ‍ ᓇᓂᑐᐛᔨᑕᐧᒃ ᑕᓐᑕ ᒐᒋ ᐅᒋ ‍ ᒪᑯᓇᑭᓄᔨᒋ ᒋᓴᓴ
\r ᒪᑎᔪᐤ 26.1-5,14-16; ᒪᕐᒃ 14.1,2,10,11; ᒠᓐ 11.45-53
\p
\v 1 ᒋ ‍ ᐸᓱᓇᑯᓐ ᒪᒃ ᐊᓐᑕ ᐊ ‍ ᒥᑯᓴᐅᒋᓯᑲᒡ ᑲᒋ ‍ ᒧᐛᑭᓄᐅᑦ ᐊᑲ ᐅᐱᔨᑦ ᐸᒂᓯᑭᓐ᙮ ᐊᐅᑯᓐ ᐊᓐ ᐎᒪᔅᑲᒐᐅ-ᒥᑯᓴᓐ ᒋᓯᑲᐤ ᑲ ‍ ᐃᓯᓂᐧᑲᑕᒡ᙮
\v 2 ᐊᓐᒡ ᒪᒃ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋᒧᑦ ᑲ ᐎ ‍ ᓇᓂᑐᐤ ᒥᔅᑲᒡ ᑕᓐᑕ ᒐᒋ ᐅᒋ ‍ ᓂᐸᐊᑭᓄᔨᒋ ᒋᓴᓴ, ᐛᔅ ᒋ ‍ ᑯᔅᑕᐅᒡ ᐃᔪᐛ ᒐᒋ ᐎᔭᔅ ᐃᑐᑕᑯᒡ ᒥᒄ ᐎ ᐃᓯ ‍ ᒪᑯᓇᑥᐛ ᐊᓂᔭ ᒋᓴᓴ᙮
\p
\v 3 ᐊᑯ ᒪᒃ ᐊᓂᔭᔪᐛ ᐸᐃᒄ ᑲ ‍ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᒋᓴᔅ, ᒍᑎᔅ ᐃᔅᑲᕆᔭᑦ ᑲ ‍ ᐃᓯᓂᐧᑲᓱᔨᒋ ᒋ ‍ ᐱᒋᔅᑲᑯᔪᐛ ᒥᒋᒥᓂᑐᐛ᙮
\v 4 ᒍᑎᔅ ᒪᒃ ᒋ ‍ ᓂᑭᑕᐤ ᒋᓴᓴ ᐊᑯ ᒂ ‍ ᓂᑐᐛᐱᒪᑦ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭ ᑲ ‍ ᓂᓇᑭᑐᐛᐸᑎᒥᔨᒋ ᒍᐤ ᒋᓴᐊᔭᒥᐊᐅᒋᐛᐱᔪᐤ ᒂ ‍ ᐊᔨᒧᑎᒧᐛᑦ ᑕᓐᑕ ᒐᒋ ᐅᒋ ‍ ᐎᔭᓯᐱᔅᑎᓂᒧᐛᑦ ᒋᓴᓴ᙮
\v 5 ᐊᔪᐛᒡ ᑭᑈ ᒋ ‍ ᓯᒋᔭᐃᑯᐅᒡ ᐊᓐᒡ ᐊᔭᒥᐊᐅᒋᒪᐅᒡ ᐊᓂᔭ ᒍᑎᓴ ᑭᔭ ᒋ ‍ ᓂᔅᑯᒧᐅᒡ ᒐᒋ ᒋᓯᐧᑯᐛᒡ ᓱᓇᔭᔪᐤ᙮
\v 6 ᐊᑯ ᒍᑎᔅ ᒂ ‍ ᓂᔅᑯᒧᑦ ᐊᓂᔭ ᑲ ᐎ ‍ ᐃᑕᐱᒋᐊᑭᓄᐅᑦ᙮ ᐊᑯ ᒪᒃ ᒧᔅ ᒂ ‍ ᓇᓂᑐᐛᔨᑕᐧᒃ ᒐᒂᔪᐤ ᒐᒋ ᐅᒋ ‍ ᒪᑯᓇᑭᓄᔨᒋ ᒋᓴᓴ᙮ ᐊᓐᑕ ᒪᒃ ᐊᑲ ᒥᒐᑦ ᐊᐛᔪᐛ ᒐᒋ ᒋᔅᒐᔨᑎᒥᔨᒋ ᐊ ‍ ᒪᑯᓇᑭᓄᔨᒋ ᐊᑯᑕ ᑲ ‍ ᐃᑕᔨᑎᒥᐃᑯᒡ ᒐᒋ ᒪᑯᓇᑭᓄᔨᒋ᙮
\s1 ᒋᓴᔅ ᑲ ‍ ᒋᑎᓴᐛᑦ ᐅᒋᔅᒋᓄᐊᒧᐛᑭᓇ ᒐ ‍ ᐊᔭᔅᑯᔅᑕᔨᒋ ᐎᒪᔅᑲᒐᐅ-ᒥᑯᓴᓂᔪᐤ
\r ᒪᑎᔪᐤ 26.17-25; ᒪᕐᒃ 14.12-21; ᒠᓐ 13.21-30
\p
\v 7 ᐊᑯ ᒂ ‍ ᐅᑎᒋᐱᔨᒡ ᐊᓐ ᐊ ᐃᓯ ‍ ᒋᓯᑲᒡ ᒍᐤ ᐃᔪᒡ ᑲᒋ ‍ ᓂᐸᐊᒡ ᒪᔭᑕᓂᓴ ᒐ ‍ ᒥᑯᓴᐛᒐᒡ᙮ ᑭᔭ ᐸᒂᓯᑭᓇ ᐊᑲ ᐅᐱᔨᒋ ᒋ ‍ ᐊᓯᒋᒧᐛᐅᒡ᙮ ᐅ ᒪᒃ ᑲ ‍ ᐃᑎᓇᓄᐅᒡ ᐎᒪᔅᑲᒐᐅ-ᒥᑯᓴᓐ ᒋ ‍ ᐃᓯᓂᐧᑲᑕᑭᓄᐤ᙮
\v 8 ᒋᓴᔅ ᒋ ‍ ᒋᑎᓴᐛᐤ ᐱᑕᕋ ᑭᔭ ᒠᓇ ᐊ ‍ ᐃᑕᑦ, “ᒪᒋᒄ ᐊᔭᔅᑯᔅᑕᒄ ᐎᒪᔅᑲᒐᐅ-ᒥᑯᓴᓐ᙮”
\p
\v 9 ᒋ ‍ ᐃᑎᑯᐤ ᒪᒃ, “ᑕᓐᑕ ᓇᑐᐛᔨᑎᒥᓐ ᒐᒋ ᐊᔭᔅᑯᔅᑕᔭᒡ ?”
\p
\v 10 ᒋᓴᔅ ᒪᒃ ᒋ ‍ ᐃᑕᐤ, “ᐃᔅᐱ ᐅᑎᑎᒪᒂ ᐊᓐ ᐅᑕᓇᐤ, ᓇᐸᐤ ᒋᑭ ‍ ᓂᒋᔅᑯᐛᐛᐤ ᐊᒋ ‍ ᒂᐱᒐᑦ᙮ ᐊᐅᒄ ᒐ ‍ ᓇᓴᐛᒄ ᑕᓐᑕ ᐊᓂᔭ ᒥᒋᐛᐱᔪᐤ ᒐ ‍ ᐱᒐᒂ᙮
\v 11 ᐊᑯ ᒐ ‍ ᐃᑕᒄ ᐊᓐ ᓇᐸᐤ ᑲ ‍ ᑎᐱᔨᐛᐅᓯᑦ ᐊᓂᔭ ᒥᒋᐛᐱᔪᐤ, ‘ᐃᔅᒋᔄᐤ ᓂᒋᔅᑯᑎᒪᒐᓯᒥᓇᓐ, ᑕᓐᑕ ᐊ ‍ ᑎᒂᒡ ᐊᓐ ᐊ ‍ ᐱᔅᒋᒐᔭᒡ ᐊᓐᑕ ᓂᐸ ‍ ᐎᒋᒥᑯᓴᒪᐅᒡ ᓂᒋᔅᒋᓄᐊᒧᐛᑭᓐᒡ ᐎᒪᔅᑲᒐᐅ-ᒥᑯᓴᓂᔪᐤ ?’
\v 12 ᐊᑯ ᒐ ‍ ᐛᐸᑎᔨᑕᒄ ᐊᓐᑕ ᐃᔅᐱᒥᑎᑯᒡ ᐊ ‍ ᒥᓴᔨᒡ ᐊ ‍ ᐱᔅᒋᒐᔭᔨᒡ ᓴᔅ ᒥᓯᐛ ᒐᒂᔪᐤ ᐊ ‍ ᑎᑯᓂᔨᒡ ᐊᓐᑕ ᒐ ᐃᓯ ‍ ᓂᑐᐛᔨᑕᑯᓂᔨᒡ᙮ ᐊᑯᑕ ᒪᒃ ᐊᓐᑕ ᒐ ‍ ᐊᔭᔅᑯᔅᑕᔭᒄ ᐊᓐ ᒥᑯᓴᓐ᙮”
\p
\v 13 ᒋ ‍ ᐃᑐᑕᔪᐛ ᒪᒃ ᐅᒋᔅᒋᓄᐊᒧᐛᑭᓇ ᐊᓐᑕ ᑭᔭ ᒋ ‍ ᒥᔅᑭᒧᒡ ᒥᓯᐛ ᑕᓐ ᑲ ᐃᓯ ‍ ᐎᑎᒪᑯᒡ ᒋᓴᓴ᙮ ᐊᑯᑕ ᒪᒃ ᑲ ‍ ᐊᔭᔅᑯᔅᑕᒡ ᐊᓂᔭ ᐎᒪᔅᑲᒐᐅ-ᒥᑯᓴᓂᔪᐤ᙮
\s1 ᒋᓴᔅ ᒪᔅᑕᔾ ᑲ ‍ ᐎᒋᒥᒋᓱᒪᑦ ᐅᒋᔅᒋᓄᐊᒧᐛᑭᓇ
\r ᒪᑎᔪᐤ 26.26-30; ᒪᕐᒃ 14.22-26; 1 ᑯᕆᓐᑎᔭᓇ 11.23-25
\p
\v 14 ᐃᔅᐱ ᒪᒃ ᐛᑎᒋᐱᔨᒡ ᒐ ‍ ᒥᒋᓱᒡ ᒋᓴᔅ ᑭᔭ ᐅᑦ ᐊᑈᔅᑕᓂᒪ ᐊᑯ ᒂ ‍ ᐛᐛᔨᐱᒡ᙮
\v 15 ᒋ ‍ ᐃᑕᐤ ᒪᒃ ᒋᓴᔅ, “ᓇᔅᒡ ᑕᑈ ᓂᒋ ‍ ᐱᑯᓴᔨᑎᒥᐃᑯᓐ ᒐᒋ ᐎᒋᒥᒋᓱᒥᑎᑯᒡ ᐎᒪᔅᑲᒐᐅ-ᒥᑯᓴᓐ ᐊᔅᒄ ᐊᑲ ᐅᑎᒋᐱᔨᒡ ᒐ ᐃᓯ ‍ ᐛᐎᓯᒐᔨᑎᒥᐃᑯᔭᓐ᙮
\v 16 ᒋᑦ ᐃᑎᓇᐛᐤ ᒪᒃ, ᓇᒪ ᒥᓐ ᓂᑭ ᐅᒋ ‍ ᒥᒋᓐ ᐅ ᒥᑯᓴᓐ ᐸᑐᔅ ᐅᑎᒋᐱᔨᒐ ᑕᓐ ᐊ ᐃᓯ ‍ ᓂᔅᑐᑕᑭᓄᐅᒡ ᐊ ᐃᓯ ‍ ᐎᑎᒪᒐᒥᑲᒡ ᐅ ᒥᑯᓴᐅᓐ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮”
\p
\v 17 ᒋ ‍ ᐅᑎᓂᒻ ᒥᓂᒂᑭᓂᔪᐤ, ᒂ ‍ ᓂᓇᔅᑯᒪᑦ ᒋᓴᒪᓂᑐᐛ ᐊᑯ ᒂ ‍ ᐃᑕᑦ ᐅᒋᔅᒋᓄᐊᒧᐛᑭᓇ, “ᐅᑎᓂᒧᒄ ᐅ, ᒥᓂᒄ ᒥᓯᐛ ᐊ ‍ ᑎᓯᔭᒄ᙮
\v 18 ᐛᔅ ᒋᑦ ᐃᑎᓇᐛᐤ ᓇᒪ ᒥᓐ ᓂᑭ ᐅᒋ ‍ ᒥᓐ ᓱᒥᓇᐳᔾ ᐸᑐᔅ ᐅᑎᒋᐱᔨᒐ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮”
\p
\v 19 ᒋ ‍ ᐅᑎᓇᐤ ᒪᒃ ᐸᒂᓯᑭᓇ, ᒋ ‍ ᓂᓇᔅᑯᒧᐤ ᒪᒃ ᑭᔭ ᒋ ‍ ᐸᒂᓇᐤ ᐊᑯ ᒂ ‍ ᒪᒥᔭᑦ, ᐊ ‍ ᐃᑕᑦ, “ᐊᐅᒄ ᐅ ᓂᔪᐤ ᐊ ᐃᓯ ‍ ᒥᔨᐛᓄᒡ ᒋᔨᐛᐤ ᐅᒋ, ᒧᐛᒄ ᐅ ᐸᒂᓯᑭᓐ, ᐅ ᒪᒃ ᐃᑐᑎᒧᒄ ᐊ ‍ ᒋᔅᒋᓯᑐᑐᐎᔭᒄ᙮”
\p
\v 20 ᐊᐅᑯᓐ ᐃᔭᐱᒡ ᑲ ‍ ᐃᑐᑕᐧᒃ ᐊ ‍ ᐅᑎᓇᐧᒃ ᐊᓂᔭ ᒥᓂᒂᑭᓂᔪᐤ, ᐃᔅᐱ ᑲᒋ ᐃᓯ ‍ ᒥᒋᓱᒡ᙮ ᒋ ‍ ᐃᑕᐤ, “ᐅ ᓱᒥᓇᐳᔾ ᐊᐅᒄ ᓂᒥᐧᒄ, ᒋᔨᐛᐤ ᐅᒋ ᒐ ᐃᓯ ‍ ᓯᒋᓂᑲᑕᒡ ᒐᒋ ᐅᒋ ‍ ᒥᔨᑯᔭᒄ ᐊ ‍ ᐅᔅᑲᒡ ᓂᔅᑯᒧᐅᓐ᙮”
\p
\v 21 “ᐃᑕᐱᒄ ᒪ, ᐊᐛᓐ ᒐ ‍ ᐎᔭᓯᐱᔅᑎᓂᑦ ᐊᑯᑕ ᐅᑕ ᐛᑎᐱᒥᑕᐧᒄ ᒥᒋᓱᐛᑭᓇᑎᑯᒡ᙮
\v 22 ᒋᑭ ‍ ᓂᐸᐊᑭᓄᐤ ᐃᔪᐤ ᐅᑯᓯᓴᓐ ᐊᓂᔭ ᑕᓐ ᑲ ᐃᓯ ‍ ᐎᔅᑕᑦ ᒋᓴᒪᓂᑐᐤ ᒐ ‍ ᐃᑐᑐᐛᑭᓄᔨᒋ᙮ ᒥᒄ ᒪᒃ ᑕᑈ ᒋᑭ ‍ ᐊᒂᒡ ᒥᒋᐱᔪᐤ ᐊᓐ ᐊᐛᓐ ᒐ ‍ ᐎᔭᓯᐱᔅᑎᓇᑦ ᐃᔪᐤ ᐅᑯᓯᓴᓇ᙮”
\v 23 ᐊᑯ ᐅᒋᔅᒋᓄᐊᒧᐛᑭᓇ ᒋ ‍ ᑯᒂᒋᒥᑐᔪᐛ, “ᐊᐛᓐ ᒪᒃ ᐅᑕ ᐊ ‍ ᑎᓯᔭᐧᒄ ᒋᐸ ᐎ ‍ ᐃᑐᑎᒻ ᐅᔭᔪᐤ᙮”
\s1 ᑲ ‍ ᐊᔨᒧᑕᑭᓄᐅᒡ ᐊᐛᓐ ᐃᐛᒃ ᒐ ‍ ᐃᔅᐸᔨᑕᑯᓯᑦ
\p
\v 24 ᒋ ‍ ᐃᔨᒥᐃᑐᐅᒡ ᒪᒃ ᒋᔅᒋᓄᐊᒧᐛᑭᓐᒡ, ᐊᐛᓐ ᐊᓐᑕ ᐊ ‍ ᑎᓯᒡ ᐃᐛᒃ ᐊ ‍ ᐃᔅᐸᔨᑕᑯᓯᑦ᙮
\v 25 ᒋᓴᔅ ᒪᒃ ᒋ ‍ ᐃᑕᐤ, “ᐊᓐᒡ ᑲ ‍ ᓂᑲᓂᔅᑯᐛᒡ ᐊᑲ ᒍᐤ ᐃᑎᔅᑲᓇᓯᔨᒋ ᓇᔅᒡ ᐎ ᑎᑎᐸᔨᒪᐅᒡ ᐅᔭ ᐃᔪᐛ᙮ ᐅᒡ ᒪᒃ ᑲ ‍ ᓂᑲᓂᔅᑯᐛᒡ ᐅᔭ ᐃᔪᐛ, ᑲ ᒥᔪ ‍ ᑭᓄᐛᔨᒧᐛᒡ ᐃᓯᓂᐧᑲᑕᑭᓄᐎᒡ᙮
\v 26 ᒋᔨᐛᐤ ᒪᒃ ᐊᓐᑕ ᐊ ‍ ᑎᓯᔭᒄ ᐃᔭᒡ ᐛᔅ ᒋᐸ ‍ ᐃᑕᔨᑕᑯᓯᓇᐛᐤ᙮ ᐊᐛᓐ ᐛ ᐃᔅᐸᔨᑕᑯᓯᒂ ᐊᓐᑕ ᐊ ‍ ᑎᓯᔭᒄ, ᐊᑯᔅ ᐊᓐ ᐊᐛᓐ ᓇᔅᒡ ᐊᑲ ᐅᒋᒪᐛᔨᑕᑯᓯᑦ ᒋᐸ ‍ ᐃᑕᐃᓱᐤ᙮ ᐊᑯ ᐊᓐ ᑕᓐ ᐛ ᓂᑲᓂᔅᑲᒐᒂ ᐊᑯᔅ ᒋᑭ ᐎ ‍ ᑯᐸᓇᐛᔨᑕᑯᐃᓱᐤ᙮
\v 27 ᐛᔅ ᐊᓐ ᑲ ‍ ᐊᐱᑦ ᐊᓐᑕ ᒥᒋᓱᐛᑭᓇᑎᑯᒡ ᐃᐛᒃ ᐃᔅᐸᔨᑕᑯᓱᐤ ᐃᑕᔨᒪᑭᓄᐤ ᐃᔅᐱᔅ ᐊᓐ ᑲ ‍ ᐊᐱᒋᐊᑭᓄᐅᑦ᙮ ᓂᔾ ᒪᒃ ᓂᒋ ‍ ᐱᐸᐃᑕᓐ ᐅᑕ ᐊ ‍ ᑕᔭᒄ ᒧᔭᒻ ᑕᑈ ᐊᐱᒋᐊᑭᓐ ᐊᒋ ‍ ᐱᐸᐃᓯᓇᑯᓯᔭᓐ᙮”
\p
\v 28 “ᒋᔨᐛᐤ ᒪᒃ ᒧᔅ ᐊᑯᑕ ᑲ ᐃᓯ ᐸᒋ ‍ ᐱᐸᐎᒐᐎᔭᒄ ᐊᑎ ᐊᓐᑕ ᒪᒂᒡ ᑲᒋ ‍ ᐊᔨᒥᐅᔭᓐ᙮
\v 29 ᓄᑕᐎᔾ ᓂᒋ ‍ ᐱᔅᑎᓂᒪᒄ ᑎᐸᔨᒋᒐᐅᓂᔪᐤ ᐊᓐᑕ ᐅᒋᓴᐅᒋᒪᐅᓂᒡ, ᑭᔭ ᓂᔾ ᒐ ‍ ᐱᔅᑎᓂᒪᑎᑯᒡ
\v 30 ᒐᒋ ᐎᒋᒥᒋᓱᒥᔭᒄ ᑭᔭ ᒐᒋ ᐎᒋᒥᓂᒥᔭᒄ ᓂᒥᒋᓱᐛᑭᓇᑎᑯᒡ ᐊᓐᑕ ᓄᒋᒪᐅᓂᒡ᙮ ᒋᑭ ‍ ᐊᐱᓇᐛᐤ ᑭᔭ ᒋᔨᐛᐤ ᒋᓴᐅᒋᒪᐤ ᑕᑎᐳᐛᑭᓇ ᐊᓐᑕ ᒐ ᐅᒋ ‍ ᑎᐸᔅᑯᓇᑯᒡ ᓂᓱᓴᑉ ᑲ ‍ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮”
\s1 ᒋᓴᔅ ᑲ ‍ ᓂᑲᓐ ᐎᑕᐧᒃ ᒐ ‍ ᐃᔅᒋᔄᔨᒋ ᐱᑕᕋ ᐊᑲ ᒋᔅᒐᔨᒥᑯᑦ
\r ᒪᑎᔪᐤ 26.31-35; ᒪᕐᒃ 14.27-31; ᒠᓐ 13.36-38
\p
\v 31 ᐊᑯ ᒪᒃ ᒋᓴᔅ ᑲ ‍ ᒂᔅᒋᑲᐳᔅᑐᐛᑦ ᓴᐃᒥᓐ ᐱᑕᕋ ᒂ ‍ ᐃᑕᑦ, “ᓴᐃᒥᓐ, ᓴᐃᒥᓐ, ᒥᒋᒥᓂᑐᐤ ᓇᔅᒡ ᒋ ᐎ ‍ ᑎᐸᔨᒧᒄ᙮ ᒋ ‍ ᑯᒂᑕᔨᒧᐤ ᒐᒋ ᑯᒂᒋᐃᔅᒃ ᒧᔭᒻ ᐊ ‍ ᓴᐳᐱᔨᐃᔅᒃ ᒐᒋ ᐃᑐᑕᔅᒃ᙮ ᒋ ᐎ ‍ ᐃᑐᑕᒄ ᑕᐱᔅᑯᓐ ᑲᒋ ‍ ᐃᑐᑐᐛᑦ ᑲᓂᑕᐅᒐᐊᔨᒋ ᐸᒂᓯᑭᓇ ᐊ ‍ ᓴᐳᐱᔨᐊᑦ᙮
\v 32 ᔅᒋ ‍ ᐊᔭᒥᐊᔅᑎᒪᑎᓐ ᒪᒃ ᒋᔾ ᒐ ᐊᑲ ᒋ ᐳᓂᔨᓐ ᐊ ‍ ᑕᑈᑎᒥᓐ᙮ ᐃᔅᐱ ᒪᒃ ᒋ ‍ ᑯᒂᒋᐃᔅᒐ ᒥᒋᒥᓂᑐᐤ ᒥᓐ ᒪᒃ ᑲᐤ ᒐ ᐸᒋ ‍ ᓇᓯᔨᓐ ᒐ ‍ ᐊᔨᒋᑲᐳᐃᑥᐤ ᒋᐧᑲᓂᓯᒡ ᑕᑈᑎᒧᐅᓂᒡ ᐃᔅ᙮”
\p
\v 33 ᐱᑕᕐ ᒋ ‍ ᐃᑕᐤ, “ᐅᑎᐸᔨᒋᒐᐤ, ᓇᔅᒡ ᓂᑦ ᐊᔭᔅᑯᐎᓐ ᒐᒋ ᐎᒐᐅᑕᓐ ᑲᒪᑯᓄᐛᓯᐅᒋᐛᐱᒡ ᒪᒃ ᒐᒋ ᓂᐱᔭᓐ ᑭᔭ ᓂᔾ ᓂᐸᐃᑯᔨᓇ᙮”
\p
\v 34 ᒋᓴᔅ ᒪᒃ ᒋ ‍ ᐃᑕᐤ, “ᒋ ‍ ᐎᑎᒪᑎᓐ ᐱᑕᕐ, ᐊᔅᒄ ᐊᑲ ᒋᔅᑐᑦ ᓇᐸ ᐱᑲᒂᓐ ᐊᓄᒡ ᒐ ‍ ᒋᓯᑲᒡ ᓴᔅ ᓂᔍᐤ ᒋᑭ ‍ ᑭᑭᒋᔭᓐ ᐊ ‍ ᐃᔅᒋᔄᔨᓐ ᐊᑲ ᒋᔅᒐᔨᒥᔨᓐ᙮”
\p
\v 35 ᒋ ‍ ᐃᑕᐤ ᒪᒃ ᒋᓴᔅ, “ᐃᔅᐱ ᑲᒋ ‍ ᒋᑎᓴᐅᑎᑯᒡ ᓇᒪ ᒋ ᐅᒋ ‍ ᑭᓄᐛᔨᑕᓇᐛᐤ ᓱᓇᔭᐅᑦ ᒪᒃ ᒥᐅᑦ ᒪᒃ ᒥᔅᒋᓇ᙮ ᒐᒂᓐ ᒪᒃ ᑲ ‍ ᓄᑕᐱᔭᒄ ?” ᒋ ‍ ᐃᑕᐅᒡ ᒪᒃ, “ᓇᒪ ᒐᒂᓐ᙮”
\p
\v 36 ᐊᑯ ᒥᓐ ᒂ ‍ ᐃᑕᑦ, “ᐊᓄᒡ ᒪᒃ ᐊᑯ ᓇᑐᐛᔨᑕᑯᒡ ᔭᐃᑕᔾ ᒐᒋ ᐊᔭᔭᒄ ᓱᓇᔭᐅᑦ ᑭᔭ ᒥᐅᑦ ᑭᔭ ᐊᐛᓐ ᐊᑲ ᐊᔭᒐ ᓂᑐᐱᔪᐅ-ᒧᐧᑯᒪᓂᔪᐤ, ᒐ ‍ ᐊᑕᐛᑦ ᐅᑦ ᐊᑯᑉ ᒐᒋ ᐅᒋ ‍ ᐅᑎᓇᐧᒃ ᓂᑐᐱᔪᐅ-ᒧᐧᑯᒪᓂᔪᐤ᙮
\v 37 ᐛᔅ ᐅ ᐛᒋ ‍ ᐃᑎᑎᑯᒡ ᒋᑭ ‍ ᑎᐱᐱᔪᐤ ᑕᓐ ᑲ ᐃᓯ ‍ ᓂᑲᓐ ᐊᔨᒧᒥᑯᔭᓐ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ‍ ᐃᑎᔅᑕᒡ,
\q ᒋ ‍ ᐊᔅᑎᒋᒪᑭᓄᐤ ᐊᓐᑕ ᐊ ‍ ᓂᑕᐅᒋᒧᑎᓇᓄᐎᒡ᙮
\m ᐅ ᒪᒃ ᑲ ᐃᓯ ‍ ᑎᐸᒋᒥᑯᔭᓐ ᑕᑈ ᒋᑭ ‍ ᐃᔅᐱᔪᐤ᙮”
\p
\v 38 ᐊᑯ ᒪᒃ ᒂ ‍ ᐃᑕᒡ ᒋᓴᓴ, “ᐅᑎᐸᔨᒋᒐᐤ, ᓂ ‍ ᑭᓄᐛᔨᑕᓇᓐ ᓂᓱ ᓂᑐᐱᔪᐅ-ᒧᐧᑯᒪᓇ᙮” ᒋᓴᔅ ᒂ ‍ ᐃᑕᑦ, “ᐊᑯᓐ᙮”
\s1 ᒋᓴᔅ ᑲ ‍ ᐊᔭᒥᐊᑦ ᐊᓐᑕ ᐊᓕᐱᔅ ᐱᔅᑯᑎᓇᒡ
\r ᒪᑎᔪᐤ 26.36-46; ᒪᕐᒃ 14.32-42
\p
\v 39 ᒋ ‍ ᓂᑭᑎᒻ ᒪᒃ ᒋᓴᔅ ᐊᓂᔭ ᐅᑕᓇᔪᐤ ᐊᑯ ᐊᓐᑕ ᐊᓕᐱᔅ ᐱᔅᑯᑎᓇᒡ ᒂ ‍ ᐃᑐᑕᑦ᙮ ᐊᔪᐅᒄ ᐅᔭ ᑲᒋ ‍ ᐃᑎᑦ ᒪᓐ᙮ ᐅᒋᔅᒋᓄᐊᒧᐛᑭᓇ ᒪᒃ ᒋ ‍ ᐎᒐᐅᑯᐤ᙮
\v 40 ᐃᔅᐱ ᒪᒃ ᑕᑯᓯᓂᒡ ᐊᓐᑕ ᒋᓴᔅ ᒋ ‍ ᐃᑕᐤ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᐊᔭᒥᐊᒄ ᒐ ᐊᑲ ᒋ ᓴᐧᑯᒋᐃᑯᔭᒄ ᑯᒂᒋᐃᐛᐅᓐ᙮”
\v 41 ᒋ ‍ ᓂᑭᑕᐤ ᒪᒃ ᐊᑯ ᐊᓐᑕ ᒂ ‍ ᐃᑐᑕᑦ ᓂᑐᐎᔾ ᐊ ‍ ᐛᐱᓇᑭᓄᐅᑦ ᐊᓯᓂᔾ ᐊ ‍ ᐃᔅᐱᓯᓇᑯᓂᔨᒡ᙮ ᑲ ‍ ᐅᒋᒋᐧᑯᓂᐱᑦ ᐊᓐᑕ ᐊ ‍ ᐊᔭᒥᐊᑦ᙮
\v 42 ᒂ ‍ ᐃᔅᒋᔄᑦ, “ᓄᑕ, ᐸᒋ ‍ ᐃᒐᓂᒧᐎ ᐅ ᑕᓐ ᓂᐸ ᐃᓯ ‍ ᐛᐎᓯᒐᔨᑕᓐ, ᒥᒄ ᒪᒃ ᒋᔾ ᒋᑦ ᐃᑕᔨᑎᒧᐅᓐ ᒋᑭ ‍ ᐃᑐᑕᑭᓄᐤ, ᓇᒪᔭᐤ ᓂᔾ ᓂᑦ ᐃᑕᔨᑎᒧᐅᓐ᙮”
\v 43 ᐊᑯ ᐊᓐᒋᓇ ᒂ ‍ ᓄᑯᓯᔅᑕᑯᑦ ᒋᒋᒋᓯᑯᒡ ᐊ ‍ ᐅᑐᑕᔨᒋ ᑲ ‍ ᐛᐎᒋᐃᑯᑦ ᒐᒋ ᓴᑯᑕᑦ ᐊᓂᔭ ᒐ ᐃᓯ ‍ ᓂᒋᔅᑲᐧᒃ᙮
\v 44 ᓇᔅᒡ ᑕᑈ ᒋ ‍ ᑯᓯᑯᑕᐊᔅᑲᑯᐤ ᒐ ᐃᓯ ‍ ᓂᒋᔅᑲᐧᒃ᙮ ᐊᑯ ᒪᒃ ᐊᑐᐎᔅ ᓱᒃ ᑲ ‍ ᐊᔭᒥᐊᑦ᙮ ᐊᓂᔭ ᒪᒃ ᐊ ‍ ᐃᔅᐱᔅ ᓱᒃ ᐊᔭᒥᐊᑦ ᒐᒃ ᒋ ‍ ᑈᓱᐤ᙮ ᒐᒃ ᒧᔭᒻ ᒥᐧᑯᔪᐤ ᐊ ‍ ᐸ ᐱᒋᑯᐎᔨᒡ ᐊᓐᑕ ᐃᔅ ᐊᔅᒋᒡ ᐊᑯᓐ ᑲ ‍ ᐃᓯᓇᑯᓂᔨᒡ ᐊᓂᔭ ᐊ ‍ ᑈᓯᑦ᙮
\p
\v 45 ᒋ ‍ ᐱᓯᑯᐤ ᒪᒃ ᐃᔅᐱ ᑲᒋ ᐃᓯ ‍ ᐊᔭᒥᐊᑦ᙮ ᒥᓐ ᑲᐤ ᒂ ‍ ᓇᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, ᒐᒂᔪᐤ ᑲ ‍ ᓂᐸᔨᒋ ᓇᔅᒡ ᐊᒋ ‍ ᓴᑯᐃᑯᔨᒋ ᐅᒥᓯᒪᔨᑎᒧᐅᓂᔪᐤ᙮
\v 46 ᒋᓴᔅ ᒪᒃ ᒋ ‍ ᐃᑕᐤ, “ᑕᓐ ᐊ ‍ ᐃᑎᔭᒄ ᐛᒋ ‍ ᓂᐸᔭᒄ ? ᐅᓂᐧᒄ ᒐ ‍ ᐊᔭᒥᐊᔭᒄ ᒐ ᐊᑲ ᒋ ᓴᐧᑯᒋᐃᑯᔭᒄ ᑯᒂᒋᐃᐛᐅᓐ᙮”
\s1 ᒋᓴᔅ ᑲ ‍ ᒪᑯᓇᑭᓄᐅᑦ
\r ᒪᑎᔪᐤ 26.47-56; ᒪᕐᒃ 14.43-50; ᒠᓐ 18.3-11
\p
\v 47 ᒪᒂᒡ ᒪᒃ ᐊ ‍ ᐃᔨᒥᑦ ᒋᓴᔅ ᒋ ᐅᒋ ‍ ᑎᑯᓯᓂᔪᐛ ᐊᐛᔪᐛ ᐊ ‍ ᒥᒐᑐᑕᔨᒋ᙮ ᐸᐃᒄ ᒪᒃ ᐊᓂᔭᔪᐛ ᑲ ‍ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ, ᒍᑎᔅ ᑲ ‍ ᐃᓯᓂᐧᑲᓱᔨᒋ, ᒋ ᐸᒋ ‍ ᓂᑲᓄᑕᔪᐛ ᒂ ‍ ᓇᑎᑯᑦ ᐊᑯ ᒂ ‍ ᓱᐛᔨᒥᑯᑦ᙮
\v 48 ᒋᓴᔅ ᒪᒃ ᒋ ‍ ᐃᑕᐤ ᐊᓂᔭ ᒍᑎᓴ, “ᐊᑯᑕ ᐊ ᒐ ᐅᒋ ‍ ᐎᔭᓯᐱᔅᑎᓂᑦ ᐃᔪᐤ ᐅᑯᓯᓴᓐ ᐊ ‍ ᓱᐛᔨᒥᑦ ?”
\p
\v 49 ᒧᔭᒻ ᒪᒃ ᒋᓴᔅ ᐅᒋᔅᒋᓄᐊᒧᐛᑭᓇ ᑲ ‍ ᐛᐸᑎᒥᔨᒋ ᑕᓐ ᒐ ‍ ᐃᔅᐱᔨᒡ ᒋ ‍ ᐃᑕᐅᒡ, “ᐅᑎᐸᔨᒋᒐᐤ, ᐊᑯ ᐊ ᒐ ‍ ᐊᐱᒋᑕᔭᒡ ᓂᓂᑐᐱᔪᐅ-ᒧᐧᑯᒪᓇᓐ ?”
\v 50 ᐸᐃᒄ ᒪᒃ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᒋ ‍ ᓇᑕᔪᐛ ᐊᓂᔭ ᒋᓴᐊᔭᒥᐊᐅᒋᒪᐛ ᐅᑦ ᐊᐱᒋᐊᑭᓂᔪᐛ ᒂ ‍ ᒥᓂᓯᒧᐛᑦ ᐅᒥᔪᐅᓂᒡ ᐅᑐᐅᑭᔪᐤ᙮
\p
\v 51 ᒋᓴᔅ ᒪᒃ ᒋ ‍ ᐃᑕᐤ, “ᐊᑯᓐ᙮” ᐊᑯ ᒪᒃ ᑲ ‍ ᑕᒋᓂᒧᐛᑦ ᐅᑐᐅᑭᔪᐤ ᐊᓂᔭᔪᐛ ᐊᐱᒋᐊᑭᓇ, ᒂ ‍ ᒥᓏᒋᑕᐛᑦ᙮
\p
\v 52 ᒋᓴᔅ ᒂ ‍ ᐃᑕᑦ ᐊᓂᔭᔪᐛ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑲ ‍ ᓂᑐᐛᐱᒥᑯᑦ, ᑭᔭ ᑲᒪᑯᓄᐛᓯᔨᒋ ᑲ ‍ ᐊᑐᔅᒐᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ, ᑭᔭ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐃᔪᐛ, “ᒐᒂᓐ ᐛᒋ ‍ ᐸᒋ ‍ ᓂᑐᐛᐱᒥᔭᒄ ᑕᐱᔅᑯᓐ ᑲᒋᒧᑎᑦ ᑲᒋ ‍ ᐃᑐᑐᐛᑭᓄᐅᑦ ᐊ ‍ ᓂᑐᐛᐱᒪᑭᓄᐅᑦ ᐊ ᐸᒋ ‍ ᐊᔭᔭᒄ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒪᐃᑭᓇᔎ ?
\v 53 ᐊᑎ ᐊᓯᑯᒻ ᒋᓯᑲᐛ ᐊᒋ ‍ ᑕᔭᓐ ᒋᓴᐊᔭᒥᐊᐅᒋᐛᐱᒡ ᓇᒪ ᓂᑕ ᒋ ᐅᒋ ‍ ᑯᒋᑕᓇᐛᐤ ᒐᒋ ᒪᑯᓂᔭᒄ᙮ ᐊᑯ ᒪᒃ ᐛᑎᒋᐱᔨᒡ ᒐᒋ ᐃᑐᑎᒪᒄ ᑕᓐ ᐛ ᐃᑐᑎᒪᒄ ᒪᒂᒡ ᐊ ‍ ᓱᒐᔨᑕᒂᒡ ᐅᓂᑎᐱᔅᒋᓯᐅᓐ᙮”
\s1 ᐱᑕᕐ ᑲ ‍ ᑭᑭᒋᔭᑦ ᐊ ‍ ᐃᔅᒋᔄᑦ ᐊᑲ ᒋᔅᒐᔨᒪᑦ ᒋᓴᓴ
\r ᒪᑎᔪᐤ 26.57,58,69-75; ᒪᕐᒃ 14.53,54,66-72; ᒠᓐ 18.12-18,25-27
\p
\v 54 ᐊᑯ ᒪᒃ ᒂ ‍ ᒪᑯᓇᒡ ᒋᓴᓴ ᒂ ‍ ᐃᑐᑕᐊᒡ ᐊᓐᑕ ᒋᓴᐊᔭᒥᐊᐅᒋᒪᐛ ᐎᒋᔨᒡ᙮ ᐱᑕᕐ ᒪᒃ ᐛᔪᐎᔅ ᐊᓐᑕ ᐅᑕᒡ ᒋ ᐸᒋ ‍ ᐎᒐᒐᐤ᙮
\v 55 ᒋ ‍ ᑯᑐᐛᓄᔪᐤ ᒪᒃ ᐊᓐᑕ ᐎᐎᑎᒥᒡ ᐊᓂᔭ ᒥᒋᐛᐱᔪᐤ, ᐊᑯᑕ ᑲ ‍ ᓇᐃᐱᒡ ᐊᓐᒡ ᑲ ‍ ᐎᒐᒐᒡ᙮ ᐱᑕᕐ ᒪᒃ ᒋ ‍ ᓇᑕᐤ ᐊᓂᔭᔪᐛ ᐊᑯ ᒂ ‍ ᐎᑎᐱᒪᑦ᙮
\v 56 ᑯᐸᓇᔎᐤ ᒪᒃ ᐊᓐᑕ ᐊ ‍ ᑕᑦ ᒋ ‍ ᐛᐱᒪᐤ ᐱᑕᕋ ᐊ ‍ ᐊᐱᔨᒋ ᐊᓐᑕ ᐊ ᐃᓯ ‍ ᐛᔅᑐᐛᔨᒡ ᐊᓂᔭ ᐃᔅᑯᑕᔪᐤ᙮ ᐃᔭᒂ ᒪᒃ ᒋ ‍ ᑭᓄᐛᐱᒪᐤ ᐊᓂᔭᔪᐛ ᐱᑕᕋ, ᐊᑯ ᒂ ‍ ᐃᔅᒋᔄᑦ, “ᐅ ᒪ ᓇᐸᐤ ᒋ ‍ ᐎᒐᐛᐤ ᑭᔭ ᐎᔾ ᒋᓴᓴ᙮”
\p
\v 57 ᐱᑕᕐ ᒪᒃ ᒋ ‍ ᐃᑕᐤ ᐊ ‍ ᑭᑭᒋᔭᑦ, “ᓇᒪ ᒋ ‍ ᑕᑈᓐ᙮ ᓇᒪ ᓂ ‍ ᒋᔅᒐᔨᒪᐤ ᐊᓐ ᓇᐸᐤ᙮”
\p
\v 58 ᐸᑎᒪ ᒪᒃ ᑯᑎᑲ ᐊᐛᔪᐛ ᒋ ‍ ᐛᐱᒥᑯᐤ ᐱᑕᕐ ᐊᓐᑕ ᐊ ‍ ᐊᐱᑦ, ᐊᑯ ᒂ ‍ ᐃᑎᑯᑦ ᐊᓂᔭ ᐊᐛᔪᐛ, “ᐊᑯᑕ ᑭᔭ ᒋᔾ ᑲ ‍ ᐎᒋᐃᐛᔨᓐ ᐊᓐᒡ ᑲ ‍ ᐎᒐᐛᒡ ᒋᓴᓴ᙮” “ᓇᒪᔭᐤ ᓂᔾ,” ᒋ ‍ ᐃᑕᐤ ᐱᑕᕐ ᐊᓂᔭᔪᐛ ᓇᐸᐛ, “ᓇᒪ ᓂ ‍ ᒋᔅᒐᔨᑕᓐ ᒐᒂᓐ ᐊᓐ ᑲ ‍ ᐊᔨᒧᑎᒥᓐ᙮”
\p
\v 59 ᐊᑯ ᒪᒃ ᓴᓯᑲᓐ ᐸᐃᒄ ᑎᐸᐃᑭᓇ ᐃᔅᐱᔅ ᒥᓐ ᑯᑎᒃ ᐊᐛᓐ ᒋ ‍ ᐃᔅᒋᔄᐤ, “ᓇᔅᒡ ᓂ ‍ ᒐᔅᑎᓇᐅᓐ ᐅ ᓇᐸᐤ ᑭᔭ ᐎᔾ ᐊᒋ ‍ ᐎᒐᐛᑦ ᒋᓴᓴ ᐛᔅ ᑲᓕᓕᒡ ᑭᔭ ᐎᔾ ᐅᒋᐤ᙮”
\p
\v 60 ᐱᑕᕐ ᒪᒃ ᒋ ‍ ᐃᑕᐤ ᐊᓂᔭᔪᐛ ᓇᐸᐛ, “ᓇᒪ ᓂ ‍ ᒋᔅᒐᔨᑕᓐ ᒐᒂᓐ ᐊᓐ ᑲ ‍ ᐊᔨᒧᑎᒥᓐ᙮” ᐊᑯ ᒪᒃ ᒪᒂᒡ ᐊ ‍ ᐃᔨᒥᑦ ᒋ ᐅᒋ ‍ ᒋᔅᑐᔪᐛ ᓇᐸ ᐱᑲᒂᓇ᙮
\v 61 ᐅᑎᐸᔨᒋᒐᐛ ᒪᒃ ᒋ ‍ ᒂᔅᒋᑲᐳᔪᐛ ᑯᐃᔅᒄ ᒂ ‍ ᑭᓄᐛᐱᒥᑯᑦ ᐱᑕᕐ᙮ ᐊᑯ ᒪᒃ ᐱᑕᕐ ᒂ ᐅᒋ ‍ ᒋᔅᒋᓯᑦ ᑕᓐ ᑲ ‍ ᐃᑎᑯᑦ ᐅᑎᐸᔨᒋᒐᐛ, “ᐊᔅᒄ ᐊᑲ ᒋᔅᑐᑦ ᓇᐸ ᐱᑲᒂᓐ ᐊᓄᒡ ᒐᓯᑲᒡ ᓂᔍᐤ ᒋᑭ ‍ ᐃᔅᒋᔄᓐ ᐊᑲ ᒋᔅᒐᔨᒥᓐ᙮”
\v 62 ᒂ ‍ ᐎᐎᑦ ᐱᑕᕐ ᒂ ‍ ᒪᑦ, ᒋ ᒥᔅᑎ ‍ ᒪᐤ ᒪᒃ᙮
\s1 ᒋᓴᔅ ᑲ ᐃᓯ ‍ ᒪᔭᔨᒪᑭᓄᐅᑦ
\r ᒪᑎᔪᐤ 26.67-68; ᒪᕐᒃ 14.65
\p
\v 63 ᐊᑯ ᒪᒃ ᐊᓐᒡ ᑲᒪᑯᓄᐛᓯᒡ ᑲ ‍ ᓂᓇᑭᑐᐛᔨᒪᒡ ᒋᓴᓴ ᒋ ‍ ᒪᔭᔨᒪᐅᒡ ᑭᔭ ᒋ ‍ ᐅᑕᒪᐛᐅᒡ᙮
\v 64 ᒋ ‍ ᐊᑯᒂᐱᑕᐅᒡ ᒂ ‍ ᐃᑕᒡ, “ᐎᑎᒧᐅᓇᓐ, ᐊᐛᓐ ᑲ ‍ ᐅᑕᒪᐅᔅᒃ ?”
\v 65 ᓂᓇᐧᑯᐤ ᒋ ᐃᓯ ‍ ᐱᐸᔅᑕᒪᐅᒡ᙮
\s1 ᒋᓴᔅ ᑲ ‍ ᐅᑎᔅᑯᑲᐳᔅᑐᐛᑦ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐅᒋᒪᐛ
\r ᒪᑎᔪᐤ 26.59-66; ᒪᕐᒃ 14.55-64; ᒠᓐ 18.19-24
\p
\v 66 ᐃᔅᐱ ᒪᒃ ᐱᔭᑕᐱᓂᔨᒡ ᐊᓐᒡ ᑲ ‍ ᓂᑲᓂᔅᑯᐛᒡ ᐃᔪᐛ ᑭᔭ ᐊᓐᒡ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ‍ ᒪᒧᐎᐅᒡ᙮ ᐊᑯᑕ ᒪᒃ ᐊᓐᑕ ᑲ ‍ ᐃᑐᑕᐊᑭᓄᐅᑦ ᒋᓴᔅ ᒐ ᓂᑐ ‍ ᒋᔅᒐᔨᒪᑭᓄᐅᑦ ᑕᓐ ᒐᒋ ᐃᓯ ‍ ᑎᐸᔅᑯᓇᑭᓄᐅᑦ᙮
\v 67 ᒋ ‍ ᐃᑎᑯᐤ ᒪᒃ, “ᐸᒋ ‍ ᐎᑎᒧᐅᓇᓐ ᒪ, ᐊᐅᒄ ᐊ ᒋᔾ ᙭᙮” ᒋᓴᔅ ᒪᒃ ᒋ ᐃᓯ ‍ ᐎᑎᒧᐛᐤ, “ᐊᑎ ᐎᑎᒪᑎᑯᒡ ᓇᒪ ᒋᐸ ᐅᒋ ‍ ᑕᑈᑐᐅᓇᐛᐤ᙮
\v 68 ᑭᔭ ᒋᔨᐛᐤ ᑯᒂᒋᒥᑎᑯᒡ ᐊᐛᓐ ᓂᔾ, ᓇᒪ ᒋᐸ ᐅᒋ ‍ ᐎᑎᒧᐅᓇᐛᐤ᙮
\v 69 ᒥᒄ ᒪᒃ ᐊᑯ ᐛᑎᒋᐱᔨᒡ ᐃᔪᐤ ᐅᑯᓯᓴᓐ ᒐ ‍ ᐊᐱᑦ ᒋᓴᒪᓂᑐᐛ ᒪᐅᒡ ᑲ ‍ ᒋᔅᑕᔨᑕᑯᓯᔨᒋ ᐅᒥᔪᓂᔨᒡ ᐃᑕᒐ᙮”
\p
\v 70 ᐊᑯ ᒪᒃ ᒥᓯᐛ ᒂ ‍ ᑯᒂᒋᒥᑯᑦ, “ᐊᐅᒄ ᐊ ᒪᒃ ᒋᔾ ᒋᓴᒪᓂᑐᐤ ᐅᑯᓴ ?” ᒋ ᐃᓯ ‍ ᐎᑎᒧᐛᐤ ᒪᒃ ᐊ ‍ ᐃᑕᑦ, “ᒋᑦ ᐃᔅᒋᔄᓇᐛᐤ ᐊ ‍ ᐊᐎᔭᓐ ᒋᓴᒪᓂᑐᐤ ᐅᑯᓴ᙮”
\v 71 ᒋ ‍ ᐃᑎᑐᒡ ᒪᒃ, “ᐊᑯᓐ ᐊᑯ, ᓴᔅ ᓇᔅᒡ ᔅᒋ ‍ ᐸᑐᐛᓄᐤ ᑕᓐ ᐊ ‍ ᐃᑕᒋᒥᑎᓱᑦ᙮ ᓇᒪ ᓴᔅ ᓂᑐᐛᔨᑕᑯᓐ ᐊᑐᐎᔅ ᒐᒋ ᓇᓂᑐ ᒋᔅᒐᔨᒪᑭᓄᐅᑦ᙮”
\c 23
\s1 ᑕᓐ ᑲ ᐃᓯ ‍ ᑯᒂᒋᒥᑯᑦ ᒋᓴᔅ ᑈᓚᑕ
\r ᒪᑎᔪᐤ 27.1,2,11-14; ᒪᕐᒃ 15.1-5; ᒠᓐ 18.28-38
\s2 Luke 23.1-49 (Palm Sunday Year C)
\p
\v 1 ᒥᓯᐛ ᒪᒃ ᒪᒧᐤ ᐊ ‍ ᑎᓯᒡ ᒋ ‍ ᐃᑐᑕᐊᐅᒡ ᒋᓴᓴ ᐊᓐᑕ ᕈᒻ ᒋᓴᐅᒋᒪᐛ ᐊ ‍ ᑕᔨᒋ, ᑈᓚᑦ ᑲ ‍ ᐃᓯᓂᐧᑲᓱᔨᒋ᙮
\v 2 ᐊᑯ ᓂᑎᒥᒄ ᑲ ᐃᓯ ‍ ᒪᒥᓯᒪᒡ ᐊ ‍ ᐃᔅᒋᔄᒡ, “ᐅ ᒪ ᓇᐸᐤ ᓂ ‍ ᒥᔅᑯᐛᓇᓐ ᐊ ‍ ᒥᒋᑭᒐᔅᒋᒪᑦ ᓂᑦ ᐃᔨᒥᓇᓇ, ᐊ ‍ ᒋᑕᐊᒧᐛᑦ ᒐᒋ ᒋᓯᐧᑯᐛᔨᒋ ᓱᓇᔭᔪᐤ ᕈᒻ ᒋᓴᐅᒋᒪᐛ ᓯᓴᕋ, ᑭᔭ ᐊ ‍ ᐎᑎᒧᐛᑦ ᐎᔾ ᐊ ‍ ᐊᐎᑦ ᙭, ᒋᓴᐅᒋᒪᐤ ᐊ ‍ ᐃᑕᐃᓱᑦ᙮”
\p
\v 3 ᑈᓚᑦ ᒪᒃ ᒋ ‍ ᑯᒂᒋᒪᐤ ᐊ ‍ ᐃᑕᑦ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒪᒃ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᐊᐅᑯᓐ ᐊ ‍ ᐃᔅᒋᔄᔨᓐ᙮”
\p
\v 4 ᐊᑯ ᑈᓚᑦ ᒂ ‍ ᐃᑕᑦ ᐊᓂᔭᔪᐛ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐃᔪᐛ ᐊᓐᑕ ᑲ ‍ ᒪᒧᐱᔨᒋ, “ᓇᒪ ᓇᔅᒡ ᓂ ‍ ᒥᔅᑭᒺᓐ ᒥᒋᑥᐅᓂᔪᐤ ᒐᒋ ᐊᔭᑦ ᐅ ᓇᐸᐤ᙮”
\p
\v 5 ᐊᑯᑕ ᐊᑐᐎᔅ ᓱᒃ ᑲ ᐎ ‍ ᑕᑈᒡ ᐊ ‍ ᐃᔅᒋᔄᒡ, “ᐅ ᓇᐸᐤ ᒥᒋᐱᔨᑕᐤ ᑕᓐ ᐊ ᐃᓯ ‍ ᒋᔅᑯᑎᒪᒐᑦ ᒥᓯᐛ ᐊ ‍ ᐃᔅᐱᓴᔨᒡ ᒍᑎᔭ ᐊᔅᒋᔪᐤ᙮ ᑲᓕᓕᒡ ᒋ ᐅᒋ ‍ ᒋᒋᐱᔨᑕᐤ ᐊ ‍ ᒋᔅᑯᑎᒪᒐᑦ ᐅᑕ ᒪᒃ ᒋ ᐃᓯ ‍ ᒋᔅᑯᑎᒪᒐᐤ ᒋᕈᓯᓕᒥᒡ᙮”
\s1 ᒋᓴᔅ ᑲ ‍ ᐃᑐᑕᐊᑭᓄᐅᑦ ᐊᕈᑕ ᐊ ‍ ᑕᔨᒋ
\p
\v 6 ᐃᔅᐱ ᒪᒃ ᑲ ‍ ᐸᑕᐧᒃ ᐊᓂᔭᔪᐤ ᑈᓚᑦ, ᒋ ‍ ᑯᒂᒋᒪᐤ, “ᑲᓕᓕᒡ ᐊ ᐅᒋᐤ ᐅ ᓇᐸᐤ ?”
\v 7 ᐃᔅᐱ ᒪᒃ ᒐᔅᒐᔨᑕᐧᒃ ᑈᓚᑦ ᑲᓕᓕᒡ ᐊ ‍ ᐅᒋᔨᒋ ᒋᓴᓴ ᐊᑯ ᑲ ‍ ᐃᑎᓴᐛᑦ ᐊᕈᑕ ᐊ ‍ ᑕᔨᒋ ᐛᔅ ᑲᓕᓕ ᐊᔅᒋᒡ ᒋ ‍ ᒋᓴᐅᒋᒪᐎᔪᐛ᙮ ᒪᒂᒡ ᒪᒃ ᐊᓐᑕ ᒋᕈᓯᓕᒥᒡ ᒋ ‍ ᑕᐤ ᐊᕈᑦ᙮
\p
\v 8 ᐃᔅᐱ ᒪᒃ ᐊᕈᑦ ᐎᔭᐱᒪᑦ ᒋᓴᓴ ᓇᔅᒡ ᑕᑈ ᒋ ‍ ᓯᒋᔭᓱᐤ ᐛᔅ ᒋ ‍ ᐸᑎᒻ ᓂᓇᐧᑯᐤ ᐊ ᐃᓯ ‍ ᑎᐸᒋᒪᑭᓄᔨᒋ ᑭᔭ ᓴᔅ ᓇᔅᒡ ᑕᑈ ᐛᔅᑭᒡ ᒋ ᐎ ‍ ᐛᐱᒪᓯᐱᓐ᙮ ᒋ ‍ ᐱᑯᓴᔨᑎᒻ ᑭᔭ ᒐᒋ ᐛᐱᒪᑦ ᒋᓴᓴ ᐊ ‍ ᐃᑐᑎᒥᔨᒋ ᒪᒥᔅᑲᒡ ᒐᒂᔪᐛ᙮
\v 9 ᐃᔅᐱ ᐱᔭᓱᐛᑭᓄᔨᒋ ᒋᓴᓴ, ᐊᕈᑦ ᓇᐅᔅ ᒪᒪᒡ ᒋ ᐃᓯ ‍ ᑯᒂᒋᒪᐤ᙮ ᓇᒪ ᒪᒃ ᒐᒂᔪᐤ ᐅᒋ ᐃᓯ ᐎᑎᒪᑯᐤ᙮
\v 10 ᐊᓐᒡ ᒪᒃ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ‍ ᓂᐳᐎᒡ ᐊᓐᑕ ᓱᒃ ᐊ ‍ ᐃᔨᒥᒡ ᓂᓇᐧᑯᐤ ᒐᒂᔪᐛ ᐊ ᐃᓯ ‍ ᒪᒥᓯᒪᒡ ᒋᓴᓴ᙮
\v 11 ᐊᑯ ᒪᒃ ᐊᕈᑦ ᑭᔭ ᐅᑦ ᐊᓯᒪᑭᓂᓯᒪ ᒋ ‍ ᐎᔭᐅᒡ ᒋᓴᓴ ᐊ ‍ ᒪᔭᔨᒪᒡ ᑭᔭ ᐊᔭᒡ ᐊ ‍ ᐃᑐᑐᐛᒡ ᐊ ‍ ᐳᔅᑎᔅᑭᒧᑎᔭᒡ ᐊᑯᐱᔪᐤ ᐊ ‍ ᒥᔽᓯᔨᒡ᙮ ᐊᑯ ᒪᒃ ᐊᕈᑦ ᑲᐤ ᒂ ‍ ᒋᐛᑎᓴᐛᑦ ᒋᓴᓴ, ᑈᓚᑕ ᐊ ‍ ᑕᔨᒋ᙮
\v 12 ᐊᑯᑕ ᒪᒃ ᐊᓐᑕ ᒂ ᐅᒋ ‍ ᐎᒐᐛᑭᓂᑐᑕᑐᒡ ᐊᕈᑦ ᑭᔭ ᑈᓚᑦ ᐛᔅ ᐊᓐᑕ ᐅᑕᒡ ᒋ ‍ ᐛᐧᑲᑎᑐᐅᒡ᙮
\s1 ᒋᓴᔅ ᑲ ‍ ᑎᐸᔅᑯᓇᑭᓄᐅᑦ
\r ᒪᑎᔪᐤ 27.15-26; ᒪᕐᒃ 15.6-15; ᒠᓐ 18.39-19.16
\p
\v 13 ᑈᓚᑦ ᒋ ‍ ᓂᔅᑐᐅᓇᐤ ᐊᓂᔭᔪᐛ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ, ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ ᑭᔭ ᐊᓂᔭᔪᐛ ᐃᔪᐛ ᐊᓐᑕ ᑲ ‍ ᑕᔨᒋ ᒐᒋ ᐃᔨᒪᐊᑦ᙮
\v 14 ᐊᑯ ᒂ ‍ ᐃᑕᑦ, “ᔅᒋ ‍ ᐸᓱᐛᐛᐤ ᐅ ᓇᐸᐤ ᐅᑕ ᐊ ‍ ᑕᔭᓐ ᐊ ‍ ᐃᑕᒄ ᐊᒋ ‍ ᒥᒋᑭᒐᔅᒋᒪᑦ ᐃᔪᐛ ᐊ ‍ ᐃᑕᑦ ᒐᒋ ᓂᔅᑯᔅᑐᐛᔨᒋ ᒋᓴᐅᒋᒪᐛ᙮ ᓂᒋ ᓂᑐ ‍ ᒋᔅᒐᔨᒪᐤ ᐅᑕ ᐅᑎᔅᑯᐤ ᐊ ‍ ᑕᔭᒄ ᓇᒪ ᒪᒃ ᓂ ‍ ᒥᔅᑭᒺᓐ ᑕᓐ ᑲ ᐃᓯ ‍ ᒥᒋᑐᑎᒧᒂ᙮
\v 15 ᐊᕈᑦ ᑭᔭ ᓇᒪ ᐅᒋ ᒥᔅᑭᒺᐤ ᑲ ‍ ᒥᒋᑐᑎᒥᒂᓂ, ᐛᔅ ᒥᓐ ᑲᐤ ᒋ ᐸᒋ ‍ ᒋᐛᑎᓴᐛᐤ᙮ ᐅ ᓇᐸᐤ ᓇᒪ ᒐᒂᔪᐤ ᐅᒋ ᒥᒋᑐᑎᒻ ᒐᒋ ᐅᒋ ‍ ᐃᑕᔨᑕᑯᓂᔨᒡ ᒐᒋ ᓂᐸᐊᑭᓄᐅᑦ᙮
\v 16 ᐊᑯ ᒪᒃ ᓂᑭ ‍ ᐃᑎᓱᐛᓐ ᒐᒋ ᐸᐱᓯᔅᑕᐛᑭᓄᐅᑦ ᑭᔭ ᒐ ‍ ᐱᔅᑎᓂᒃ,” ᐊᐅᑯᓐ ᑲ ‍ ᐃᔅᒋᔄᑦ ᑈᓚᑦ᙮
\v 17 ᐊᓯᑯᒻ ᐱᐳᓇ ᒪᒃ ᐃᔅᐱ ᐛᑎᒋᐱᒋ ᐎᒪᔅᑲᒐᐅ-ᒥᑯᓴᐅᓐ ᑲ ‍ ᐃᓯᓂᐧᑲᑕᒡ, ᑈᓚᑦ ᒋᐸ ‍ ᐱᔅᑎᓇᐱᓐ ᐸᐃᒄ ᐊᐛᔪᐛ ᐊᒋ ‍ ᒋᐸᐛᑭᓄᔨᒋ᙮
\p
\v 18 ᐊᑯ ᐊᓐᒡ ᐃᔪᒡ ᑲ ᐃᓯ ‍ ᒪᒧᐤ ᑕᑈᒡ, “ᓂᐸᐊᐧᒄ ᒋᓴᔅ᙮ ᐸᕋᐸᔅ ᐊᐅᒄ ᐱᔅᑎᓇᐧᒄ᙮”
\v 19 ᐅ ᒪᒃ ᓇᐸᐤ ᐸᕋᐸᔅ ᒋ ‍ ᒋᐸᐛᑭᓄᐤ ᐛᔅ ᒋ ‍ ᒋᒋᐱᔨᑕᓯᐱᓐ ᐊ ‍ ᒥᒋᐱᔭᐊᑭᓄᔨᒋ ᒋᓴᐅᒋᒪᐛ ᐊᓐᑕ ᒋᕈᓯᓕᒥᒡ᙮ ᑭᔭ ᒋ ‍ ᓂᐸᐊᓯᐱᓐ ᐊᐛᔪᐛ᙮
\p
\v 20 ᑈᓚᑦ ᒪᒃ ᒋ ᐎ ‍ ᐱᔅᑎᓇᐤ ᐊᓂᔭ ᒋᓴᓴ ᐊᑯ ᒥᓐ ᒂ ‍ ᑯᒂᒋᒪᑦ ᐊᓂᔭᔪᐛ ᐃᔪᐛ ᒐᒋ ᐱᔅᑎᓇᑦ ᒋᓴᓴ᙮
\v 21 ᐊᑯ ᒪᒃ ᒂ ᐃᓯ ᒥᔅᑎ ‍ ᑕᑈᒡ, “ᒋᔅᑕᔎᑕᐧᒄ, ᒋᔅᑕᔎᑕᐧᒄ !”
\p
\v 22 ᐊᐅᒄ ᐊᑯ ᓂᔍᐤ ᑈᓚᑦ ᑲ ‍ ᐃᑕᑦ, “ᒐᒄ ᒥᒋᑐᑎᒧᐅᓂᔪᐤ ᒪᒃ ᑲ ‍ ᐃᑐᑕᐧᒃ ᐅ ᓇᐸᐤ ᐊᓂᔭ ᒐ ᐅᒋ ‍ ᓂᐸᐊᑭᓄᐅᑦ ? ᓂᑭ ‍ ᐃᑎᓱᐛᓐ ᒐᒋ ᐸᐱᓯᔅᑕᐛᑭᓄᐅᑦ ᐊᑯ ᒐ ‍ ᐱᔅᑎᓂᒃ᙮”
\p
\v 23 ᐊᑯ ᐊᓐᒡ ᐃᔪᒡ ᐃᔭᐱᒡ ᒂ ᐃᓯ ‍ ᑕᑈᒡ ᓇᔅᒡ ᓱᒃ ᐊ ‍ ᓂᑐᐛᔨᒪᒡ ᒋᓴᓴ ᒐᒋ ᒋᔅᑕᔎᑕᑭᓄᔨᒋ᙮ ᒋ ‍ ᓴᐧᑯᒋᒪᐅᒡ ᒪᒃ᙮
\v 24 ᐊᑯ ᑈᓚᑦ ᑭᑈ ᒂ ‍ ᐃᔅᒋᔄᑦ ᒐᒋ ᐃᑐᑕᑭᓄᐎᒡ ᐅᔭ ᑲ ᐃᓯ ‍ ᓂᑐᐛᔨᑎᒥᔨᒋ᙮
\v 25 ᒂ ‍ ᐱᔅᑎᓇᑦ ᐊᓂᔭ ᓇᐸᐛ ᐸᕋᐸᔅ ᑲ ‍ ᐃᓯᓂᐧᑲᓱᔨᒋ ᐊᓐ ᑲ ‍ ᒋᒋᐱᔨᑕᒂ ᐊ ‍ ᒥᒋᐱᔭᐊᑭᓄᔨᒋ ᒋᓴᐅᒋᒪᐛ ᑭᔭ ᐊᒋ ‍ ᓂᐸᐃᐛᒂ᙮ ᐊᑯ ᐊᓐᒡ ᐃᔪᒡ ᒂ ‍ ᐱᔅᑎᓂᒧᐛᑭᓄᐎᒡ ᒐᒋ ᐃᑐᑐᐛᒡ ᒋᓴᓴ ᑕᓐ ᑲ ᐎ ‍ ᐃᑐᑐᐛᒡ᙮
\s1 ᒋᓴᔅ ᑲ ‍ ᒋᔅᑕᔎᑕᑭᓄᐅᑦ
\r ᒪᑎᔪᐤ 27.32-44; ᒪᕐᒃ 15.21-32; ᒠᓐ 19.17-27
\p
\v 26 ᒪᒂᒡ ᒪᒃ ᐊ ᐊᑎ ‍ ᐱᒧᑕᐊᒡ ᒋᓴᓴ ᐊᓐᑕ ᒐ ‍ ᒋᔅᑕᔎᑕᑭᓄᔨᒋ, ᒋ ‍ ᓂᒋᔅᑯᐛᐅᒡ ᓇᐸᐛ ᓴᐃᒥᓐ ᐊ ‍ ᐃᓯᓂᐧᑲᓱᔨᒋ, ᓴᐃᕆᓐ ᐅᑕᓇᒡ ᐊ ‍ ᐅᒋᔨᒋ, ᒪᒂᒡ ᐅᑕᓇᒡ ᐊ ᐎ ᐸᒋ ‍ ᐃᑐᑕᔨᒋ᙮ ᒋ ‍ ᒪᑯᓇᐅᒡ ᒪᒃ ᒂ ‍ ᒥᔭᒡ ᐊᓂᔭ ᒋᐱᔭᑎᒂ ᒐᒋ ᐅᓂᑲᑕᐛᔨᒋ, ᐊᑯ ᒂ ᐊᑎ ‍ ᓇᓴᐛᔨᒋ ᒋᓴᓴ᙮
\v 27 ᒥᒐᑦ ᒪᒃ ᐊᐛᔪᐛ ᒋ ‍ ᓇᓴᐅᑯᐤ ᒋᓴᔅ ᑭᔭ ᐃᔎᐛ ᒋ ‍ ᒪᑕᑯᐤ ᑭᔭ ᒋ ‍ ᒧᔅᑯᐛᑎᑯᐤ᙮
\v 28 ᐊᑯ ᒋᓴᔅ ᒂ ‍ ᒂᔅᒋᑲᐳᔅᑐᐛᑦ ᐊᓂᔭ ᐃᔎᐛ ᒂ ‍ ᐃᑕᑦ, “ᒋᔨᐛᐤ ᐃᔎᑐᒄ ᒋᕈᓯᓕᒥᒡ ᑲ ‍ ᐅᒋᔭᒄ, ᐊᑲᐎᔾ ᒧᔅᑯᐛᓯᒄ, ᒋᔨᐛᐤ ᒧᔅᑯᐛᑎᓱᒄ, ᑭᔭ ᒋᑦ ᐊᐛᓯᒧᐛᐅᒡ ᒧᔅᑯᐛᑕᐧᑯᒡ᙮
\v 29 ᐛᔅ ᐊᔅᒄ ᐊᑐᐎᔅ ᒋᑭ ‍ ᐊᔨᒥᓐ ᐊᑯᑕ ᒪᒃ ᒐ ‍ ᐃᓇᓄᐅᒡ, ‘ᓱᐛᔨᑕᑯᓱᐅᒡ ᐊᓐᒡ ᐃᔎᐅᒡ ᐊᑲ ᓂᑕ ᐅᒋ ᐊᔭᐛᒡ ᐊᐛᓴ, ᐊᓐᒡ ᐊᑲ ᓂᑕ ᐅᒋ ᓄᓴᓇᐊᐅᓱᒡ᙮’
\q
\v 30 ᒐ ᐃᔅᐱᔅ ‍ ᐊᔨᒪᒡ ᒪᒃ ᐅ ᒐ ‍ ᓂᓇᐧᑲᑕᔨᒧᓇᓄᐅᒡ ᒋᑭ ‍ ᓂᑐᐛᔨᑎᒧᒡ ᐊᐛᓐᒋ ᐃᔭᐱᒡ ᒐᒋ ᐱᑎᔅᑕᐅᑯᒡ ᐱᔅᑯᑎᓇᐛ ᒪᒃ ᒐᒋ ᐊᑯᓇᐅᑯᒡ ᐱᔅᑯᑎᓇᓴ ᐃᔅᐱᔅ ᐎ ᒐᒋ ᐛᐎᓯᒐᔨᑕᒡ᙮
\m
\v 31 ᐛᔅ ᐅ ᐊ ᐃᔅᐱᔅ ‍ ᑎᒂᒡ ᓂᓇᐧᑲᑕᔨᒧᐅᓐ ᒪᒂᒡ ᐊ ‍ ᐊᔅᑲᔅᑯᐅᑦ ᒥᔅᑎᒄ ᑕᓐ ᒐ ᐃᔅᐱᔅ ‍ ᑎᒂᒡ ᓂᓇᐧᑲᑕᔨᒧᐅᓐ ᐸᒂᑎᑯᐅᒐ ?” ᐊᐅᑯᓐ ᑲ ‍ ᐃᑕᑦ ᒋᓴᔅ ᐊᓂᔭᔪᐛ ᐃᔎᐛ ᑲ ‍ ᒧᔅᑯᐛᑎᑯᑦ᙮
\p
\v 32 ᒋ ‍ ᓂᓱᐅᒡ ᒪᒃ ᑲᒋᒧᑎᒡ ᑭᔭ ᐎᔨᐛᐤ ᐊ ‍ ᐃᑐᑕᐊᑭᓄᐎᒡ ᐊᓐᑕ ᒐ ‍ ᐊᓯᒋᓂᐸᐊᑭᓄᐎᒡ ᒋᓴᓴ ᓂᐸᐊᑭᓄᔨᒐᓂ᙮
\s2 Luke 23.33-43 (Proper-29 Year C)
\p
\v 33 ᐃᔅᐱ ᒪᒃ ᐛᑎᑕᒡ ᐊᓂᔭ ᐱᔅᑯᑎᓇᔪᐤ, ᐅᔅᑎᒂᓂᑭᓐ ᑲ ‍ ᐃᓯᓂᐧᑲᑕᔨᒡ, ᐊᑯᑕ ᑲ ‍ ᒋᔅᑕᔎᑕᒡ ᒋᓴᓴ ᒋᐱᔭᑎᑯᒡ᙮ ᐊᑯ ᐊᓂᔭᔪᐛ ᓂᓱ ᑲᓂᑕᐅᒋᒧᑎᔨᒋ ᐅᐱᒪ ᐊᓐᑕ ᐃᑐᐤ ᐊ ‍ ᑕᑦ ᒋ ‍ ᐊᑯᒋᓂᔪᐛ᙮
\v 34 ᐊᑯ ᒋᓴᔅ ᒂ ‍ ᐃᔅᒋᔄᑦ, “ᓄᑕ, ᐛᐸᔨᑎᒧᐅᒡ, ᐛᔅ ᓇᒪ ᒋᔅᒐᔨᑎᒧᒡ ᑕᓐ ᐊ ‍ ᐃᑎᒡ᙮” ᐊᑯ ᐊᓐᒡ ᐊᓯᒪᑭᓂᓯᒡ ᒂ ‍ ᐎᐅᑕᐅᑐᒡ, ᐊᑯᑕ ᑲ ᐅᒋ ‍ ᐎᔭᔨᑕᒡ ᐊᐛᔪᐛ ᒐ ‍ ᐊᔭᔨᒋ ᐊᓂᔭᔪᐛ ᐅᑦ ᐊᐱᒋᑕᐅᓂᔪᐛ᙮
\p
\v 35 ᒋ ‍ ᓇᓂᐳᐅᒡ ᐊᓐᑕ ᐊᐛᓐᒋ ᐊ ‍ ᑭᓄᐛᐱᒡ ᐊ ‍ ᒪᔭᔨᒥᑯᔨᒋ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ ᐊ ‍ ᐃᔅᒋᔄᔨᒋ, “ᒋ ‍ ᐎᒋᐊᐤ ᑯᑎᑲ ᐊᐛᔪᐛ, ᒋᑭ ‍ ᐎᒋᐃᓱᐤ ᒪᒃ ᑕᑈ ᙭ ᐊ ‍ ᔭᐅᒂ, ᐊᓂᔭ ᒋᓴᒪᓂᑐᐤ ᑲ ‍ ᐅᑎᓇᑦ᙮”
\p
\v 36 ᐊᓯᒪᑭᓂᓯᒡ ᑭᔭ ᒋ ‍ ᒪᔭᔨᒪᐅᒡ ᒋᓴᓴ, ᐊᑯ ᒂ ‍ ᓇᑕᒡ ᒥᒋᒪ ᒂ ᐎ ‍ ᒥᓇᐊᒡ ᐊ ‍ ᐎᓯᑲᐧᑭᒥᔨᒡ ᓱᒥᓇᐳᔪᐤ᙮
\v 37 ᒋ ‍ ᐃᑕᐅᒡ ᑭᔭ, “ᐎᒋᐃᓱᐤ ᒪᒃ ᑕᑈ ᐊ ‍ ᐊᐎᓇ ᒍᐤ ᐅᒋᓴᐅᒋᒪᒧᐛᐛ᙮”
\p
\v 38 ᒋ ‍ ᒋᑭᒧᑕᑭᓄᐎᔪᐤ ᒪᒃ ᒥᓯᓇᐃᑭᓂᔪᐤ ᐃᑉᕈᐤ, ᓚᑎᓐ ᑭᔭ ᑯᕆᒃ ᐊ ᐃᓯ ‍ ᐃᔨᒥᓇᓄᐅᒡ, ᐅᒋᐱᔭᑎᑯᒥᒡ ᐊᓐᑕ ᐃᔅᐱᒥᓯᔅ ᒋᓴᔅ ᐅᔅᑎᒂᓂᒡ ᐊᑎᔅᑕᔨᒡ, “ᐊᔪᑯᓐ ᐅᔭ ᒍᐤ ᐃᔪᒡ ᐅᒋᓴᐅᒋᒪᒧᐛᐛ᙮”
\p
\v 39 ᐸᐃᒄ ᐊᓐ ᑲᒋᒧᑎᑦ ᐊᓐᑕ ᑲ ‍ ᒋᔅᑕᔎᑕᑭᓄᐅᑦ ᑭᔭ ᐎᔾ ᒋ ‍ ᒪᔭᔨᒪᐤ ᒋᓴᓴ ᐊ ‍ ᐃᑕᑦ, “ᓇᒪᔭᐤ ᐊ ᒪᒃ ᒋᔾ ᙭ ? ᐎᒋᐃᓱᐤ, ᑭᔭ ᓂᔭᓐ ᐎᒋᐃᓇᓐ᙮”
\p
\v 40 ᐊᓐ ᒪᒃ ᑯᑎᒃ ᑲᒋᒧᑎᑦ ᒂ ‍ ᐎᑎᒧᐛᑦ ᐊᓂᔭ ᐎᒋ ‍ ᒋᒧᑐᐛ ᐊ ‍ ᐃᑕᑦ, “ᓇᒪᐎᔾ ᐊ ᒋ ‍ ᑯᔅᑕᐤ ᒋᓴᒪᓂᑐᐤ ? ᔅᒋ ᐃᓯ ‍ ᑎᐸᔅᑯᓂᑯᓇᓄᐤ ᑕᐱᔅᑯᓐ ᐎᔾ ᐊ ᐃᓯ ‍ ᑎᐸᔅᑯᓇᑭᓄᐅᑦ᙮
\v 41 ᒋᔭᓄᐤ ᒪᒃ ᐃᓯᓇᑯᓐ ᒐᒋ ᒋᔅᑕᔎᑎᑯᐅᔭᐧᒄ ᑕᓐ ᑲ ᐃᓯ ‍ ᒥᒋᑐᑎᒪᐧᒄ᙮ ᐅ ᒪᒃ ᓇᐸᐤ ᓇᒪ ᐅᒋ ᒥᒋᑐᑎᒻ᙮”
\p
\v 42 ᐊᓐ ᒪᒃ ᑲᒋᒧᑎᑦ ᒋ ‍ ᐃᑕᐤ ᐊᓂᔭ ᒋᓴᓴ, “ᒐ ‍ ᒋᔅᒋᓯᑐᐎᓐ ᐃᔅᐱ ᑎᑯᓯᓂᔨᓇ ᐊ ‍ ᒋᓴᐅᒋᒪᐎᔨᓐ᙮”
\p
\v 43 ᒋᓴᔅ ᒂ ‍ ᐃᑕᑦ, “ᒋᒋᐛ ᒋᑦ ᐃᑎᓐ, ᐊᓄᒡ ᒋᑭ ‍ ᑕᓇᓄᐤ ᐸᕋᑕᐃᓯᒡ, ᐊᓐᑕ ᐊ ‍ ᒥᔽᔨᑕᒂᒡ ᐊ ‍ ᑕᓄᐅᒡ᙮”
\s1 ᒋᓴᔅ ᑲ ‍ ᓂᐱᑦ
\p
\v 44 ᓴᓯᑲᓐ ᒪᒃ ᐊ ‍ ᐊᐱᑕᒋᓯᑲᒡ ᐊᑯ ᒂ ‍ ᑎᐱᔅᒋᐱᔨᒡ ᒂ ᐊᑎ ‍ ᐅᑲᔅᑕᔭᒡ ᒥᓯᐛ ᐊᓐ ᐊᔅᒋᔾ᙮ ᐸᑐᔅ ᓂᔅᑐ ᑲ ‍ ᐃᔅᐱᔨᒡ ᐊᑯ ᒥᓐ ᒂ ᐊᑎ ‍ ᐛᓴᔭᒡ᙮
\v 45 ᐊᓐᑕ ᒪᒃ ᒋᓴᐊᔭᒥᐊᐅᒋᐛᐱᒡ ᑲ ‍ ᐊᑯᑕᒡ ᐊᑯᐛᑲᐃᑭᓐ ᓇᔅᒡ ᒋ ‍ ᑕᔅᒋᐱᔪᐤ᙮
\v 46 ᒋᓴᔅ ᒪᒃ ᒋ ᐃᓯ ‍ ᑕᑈᐤ, “ᓄᑕ, ᒋᔾ ᐊ ‍ ᑕᔨᓐ ᓂ ‍ ᐱᔅᑎᓇᐤ ᓂᑦ ᐊᒐᐧᒄ ᒐᒋ ᑭᓄᐛᔨᒥᑦ᙮” ᐃᔅᐱ ᒪᒃ ᐅᔭᔪᐤ ᑲ ‍ ᐃᔅᒋᔄᑦ ᐊᑯ ᒂ ‍ ᓂᐱᑦ᙮
\p
\v 47 ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᐃᔅᐱ ᑲ ‍ ᐛᐸᑕᐧᒃ ᑕᓐ ᑲ ‍ ᐃᔅᐱᔨᒡ, ᒋ ‍ ᒋᔅᑕᒋᒪᐤ ᒋᓴᒪᓂᑐᐛ ᑭᔭ ᒋ ‍ ᐃᔅᒋᔄᐤ, “ᒐᔅᑎᓇᔅ ᑕᑈ ᒋ ‍ ᑯᐃᔅᑯᑕᑎᓯᒐ ᐅ ᓇᐸᐤ᙮”
\v 48 ᐃᔅᐱ ᒪᒃ ᐊᓐᒡ ᐃᔪᒡ ᑲ ᐸᒋ ‍ ᑭᓄᐛᐱᒡ ᑲ ‍ ᐛᐸᑕᒡ ᑕᓐ ᑲ ‍ ᐃᔅᐱᔨᒡ, ᒋ ‍ ᒋᐛᐅᒡ ᐊ ‍ ᐅᑎᑕᒪᔅᒋᑭᓇᐅᓱᒡ ᐊ ‍ ᐛᐸᑎᔨᐛᒡ ᐊᔅᐱᔅ ᒥᓯᒪᔨᑕᒡ᙮
\v 49 ᒥᓯᐛ ᒪᒃ ᐊᓐᒡ ᐃᔪᒡ ᑲ ᒥᔪ ‍ ᒋᔅᒐᔨᒪᒡ ᒋᓴᓴ ᑭᔭ ᐊᓐᒡ ᐃᔎᐅᒡ ᑲ ‍ ᐱᐸᐎᒐᐛᒡ ᒋᓴᓴ ᑲᓕᓕᒡ ᐅᒋ, ᐛᔪᐎᔅ ᐊᓐᑕ ᒋ ‍ ᓂᐳᐅᒡ ᐊ ‍ ᑭᓄᐛᐱᒡ᙮
\s1 ᒋᓴᔅ ᑲ ‍ ᓇᐛᐊᑭᓄᐅᑦ
\p
\v 50 ᒋ ‍ ᑕᐤ ᒪᒃ ᐊᓐᑕ ᓇᐸᐤ ᒍᓯᑉ ᐊ ‍ ᐃᓯᓂᐧᑲᓱᑦ ᒍᑎᔭ ᐊᔅᒋᒡ, ᐊᕆᒪᑎᔭ ᐊ ‍ ᐃᓯᓂᐧᑲᑕᔨᒡ ᒍᐤ ᐅᑕᓇᔪᐤ ᐊᒋ ‍ ᐅᒋᑦ᙮ ᒋ ‍ ᑯᐃᔅᑯᐱᒪᑎᓯᐤ ᑭᔭ ᓇᔅᒡ ᒋ ‍ ᒥᔽᔨᑕᑯᓱᐤ ᐅ ᓇᐸᐤ,
\v 51 ᑭᔭ ᐎᔾ ᒋ ‍ ᐊᓱᐛᐸᑎᒻ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᒐᒋ ᐅᑎᒋᐱᔨᒡ ᑭᔭ ᒋ ‍ ᐎᒋᐃᐛᐤ ᒍᐤ ᐃᔪᐛ ᐊ ‍ ᓂᑲᓂᔅᑯᐛᑭᓄᔨᒋ᙮ ᓇᒪ ᒪᒃ ᐅᒋ ᓇᐊᔨᑎᒻ ᑕᓐ ᑲ ᐃᓯ ‍ ᐃᑕᔨᑎᒥᔨᒋ ᒐ ‍ ᐃᑐᑐᐛᔨᒋ ᒋᓴᓴ ᑭᔭ ᓇᒪ ᐅᒋ ᓂᔅᑯᒧᐤ ᒐᒋ ᐃᑐᑐᐛᑭᓄᔨᒋ ᐊᓂᔭ ᑕᓐ ᑲ ‍ ᐃᑐᑐᐛᑭᓄᔨᒋ᙮
\v 52 ᒋ ‍ ᓂᑐᐛᐱᒪᐤ ᑈᓚᑕ ᒂ ‍ ᓂᑐᑎᒧᐛᑦ ᒋᓴᓴ ᐎᔭᔪᐤ᙮
\v 53 ᐊᑯ ᒪᒃ ᒂ ‍ ᐅᑎᓇᐧᒃ ᐊᓂᔭ ᒥᔭᔪᐤ ᒋᐱᔭᑎᑯᒡ ᐅᒋ, ᒂ ‍ ᐎᔎᔭᒋᓇᐧᒃ ᐱᒍᐎᔭᓂᒡ ᑭᔭ ᒂ ‍ ᓇᐅᔅᑕᑦ ᐊᓐᑕ ᐊᒋ ‍ ᐛᑎᒂᐱᔅᑲᐃᑭᓄᐎᒡ᙮ ᓇᒪ ᒪᒃ ᓂᑕ ᐅᒋ ᐊᐱᑎᓂᔪᐤ ᐊᓂᔭ ᑲ ‍ ᐛᑎᒂᐱᔅᑲᐃᑭᓄᐎᒡ ᐊᓐᑕ ᑲ ‍ ᐊᔅᑕᐛᑦ ᒋᓴᓴ ᐎᔭᔪᐤ᙮
\v 54 ᐊᐅᒄ ᐅ ᐊ ‍ ᒋᓯᑲᒡ ᑲᒋ ‍ ᐊᔭᔅᑯᐎᔅᑕᑭᓄᐅᒡ ᐎᒪᔅᑲᒐᐅ-ᒥᑯᓴᐅᓐ ᑭᔭ ᒪᒃ ᓴᔅ ᒋ ‍ ᐸᓱᓇᑯᓐ ᐊ ᒍᐤ ‍ ᐊᔭᒥᐊᐅᒋᓯᑲᒡ᙮
\p
\v 55 ᐊᓐᒡ ᒪᒃ ᐃᔎᐅᒡ ᑲᓕᓕᒡ ᑲ ᐅᒋ ‍ ᐎᒐᐛᒡ ᒋᓴᓴ ᒋ ‍ ᐎᒐᐛᐅᒡ ᐊᓂᔭᔪᐛ ᒍᓯᐸ᙮ ᒋ ‍ ᐛᐸᑎᒧᒡ ᒪᒃ ᐊᓂᔭ ᒋᐱᐃᒋᐛᐱᔪᐤ ᑭᔭ ᑕᓐ ᑲ ‍ ᐃᑎᔅᑕᑭᓄᐎᒡ ᒋᓴᓴ ᐎᔭᔪᐤ ᐊᓐᑕ᙮
\v 56 ᐊᑯ ᒪᒃ ᒂ ‍ ᒋᐛᒡ ᒂ ‍ ᐊᔭᔅᑯᔅᑕᒡ ᐊᓂᔭ ᑲ ‍ ᐎᒋᒪᑯᓯᔨᒋ ᒥᔅᑯᓱᐛ ᑭᔭ ᑐᒥᓂᑭᓇ ᐊᓂᔭᔪᐛ ᒐ ‍ ᐊᐱᒋᑕᒡ ᐊ ‍ ᒥᔪᐧᑲᒡ ᐊᓂᔭ ᒥᔭᔪᐤ᙮ ᐊᓂᔭ ᒪᒃ ᒍᐤ ᐅᑦ ᐊᔭᒥᐊᐅᒋᓯᑲᒥᔪᐤ ᒋ ‍ ᐊᔅᑕᔭᔅᑯᓯᐅᒡ ᐛᔅ ᐊᑯᓐ ᑲ ᐃᓯ ‍ ᐃᑎᓱᐛᑕᑭᓄᐎᒡ ᒋᓴᒪᓂᑐᐛ ᐅᐎᓱᐛᐅᓂᒡ ᒐ ‍ ᐃᑐᐛᒂ᙮
\c 24
\s1 ᒋᓴᔅ ᑲ ‍ ᐅᓂᔅᑲᑦ
\r ᒪᑎᔪᐤ 28.1-10; ᒪᕐᒃ 16.1-8; ᒠᓐ 20.1-10
\p
\v 1 ᓂᔅᑎᒻ ᒪᒃ ᐊ ‍ ᒋᓯᑲᔨᒡ ᐊᓂᔭ ᐊ ‍ ᒥᓇᔅᑕᑭᓂᔨᒡ ᓇᔅᒡ ᒪᒃ ᐎᐱᒡ ᐊ ‍ ᒐᒋᓴᐸᔭᔨᒡ ᐊᓐᒡ ᐃᔎᐅᒡ ᒋ ‍ ᐃᑐᑕᐅᒡ ᐊᓐᑕ ᑲ ‍ ᐛᑎᒂᐱᔅᑲᐃᑭᓄᐎᒡ ᐊᓂᔭ ᑲ ‍ ᐊᔭᔅᑯᔅᑕᒡ ᐊ ‍ ᐎᒋᒪᑯᓯᔨᒋ ᒐᒂᔪᐛ ᒐᒋ ᑐᒥᓇᒡ ᐊᓂᔭ ᒥᔭᔪᐤ᙮
\v 2 ᒂ ‍ ᑎᑯᓯᒡ ᒪᒃ ᐊᓐᑕ ᑲ ‍ ᐛᑎᒂᐱᔅᑲᐃᑭᓄᐎᒡ ᓴᔅ ᒋ ‍ ᐃᒐᑎᑎᐱᓇᑭᓄᐎᓯᐱᓂ ᐊᓂᔭ ᐊᓯᓂᔭ ᐊᓐᑕ ᑲ ‍ ᒋᐱᓯᒪᑭᓄᔨᒋ ᒋᐱᔎᒡ᙮
\v 3 ᒂ ‍ ᐱᒐᒡ ᐊᓐᑕ ᓇᒪ ᒪᒃ ᐅᒋ ᒥᔅᑯᒧᐛᐅᒡ ᐅᑎᐸᔨᒋᒐᐛ ᒋᓴᓴ ᐎᔭᔪᐤ᙮
\v 4 ᒪᒂᒡ ᒪᒃ ᐊ ‍ ᒪᒥᑐᓇᔨᑎᒥᐃᑯᒡ ᐅᔭᔪᐤ ᓯᔅᒋᑯᒡ ᒋ ᐅᒋ ‍ ᓂᓯᔪᐛ ᓇᐸᐛ ᐊ ‍ ᐛᔅᑐᐛᔨᒡ ᐅᑦ ᐊᐱᒋᑕᐅᓂᔪᐛ᙮
\v 5 ᐊᑯ ᓇᔅᒡ ᒂ ‍ ᓴᒋᓯᒡ ᒂ ᐊᑎ ‍ ᐅᑎᑎᐱᔪᐅᒡ ᐊᓐᑕ ᐃᔅ ᐊᔅᒋᒡ, ᒂ ‍ ᐃᑎᑯᒡ ᐊᓂᔭ ᓇᐸᐛ, “ᒐᒂᓐ ᐛᒋ ‍ ᓇᓂᑐᐛᐱᒪᒄ ᐊᓐ ᑲ ‍ ᐱᒪᑎᓯᑦ ᐅᑕ ᑲ ‍ ᓂᐱᔨᒋ ᐊ ‍ ᑕᔨᒋ ?
\v 6 ᓇᒪ ᑕᐤ ᐅᑕ᙮ ᐛᔅ ᒋ ‍ ᐅᓂᐤ᙮ ᒋ ‍ ᒋᔅᒋᓯᓇᐛᐤ ᐊ ᑕᓐ ᑲ ‍ ᐃᑎᑕᒄ ᒪᒂᒡ ᑲᓕᓕᒡ ᑲ ‍ ᑕᑦ,
\v 7 ᐊᒋ ᐃᓯ ‍ ᓂᑲᓐ ᐃᑕᒋᒥᑎᓱᑦ, ‘ᒋᑭ ‍ ᐱᔅᑎᓇᑭᓄᐎᒡ ᐅᒥᒋᑥᐅᒡ ᐃᔪᐤ ᐅᑯᓯᓴᓐ ᒐᒋ ᒋᔅᑕᔎᑕᒡ, ᑭᔭ ᒋ ‍ ᓂᔅᑐ ᒋᓯᑲᔨᒐ ᒥᓐ ᒋᑭ ‍ ᐅᓂᐤ᙮’ ”
\v 8 ᐊᑯ ᒪᒃ ᐊᓐᒡ ᐃᔎᐅᒡ ᒂ ᐅᒋ ‍ ᒋᔅᒋᓯᒡ ᑕᓐ ᑲ ‍ ᐃᔅᒋᔄᔨᒋ ᒋᓴᓴ᙮
\p
\v 9 ᒋ ‍ ᓂᑭᑎᒧᒡ ᒪᒃ ᐊᓐᒡ ᐃᔎᐅᒡ ᐊᓂᔭᔪᐤ ᒂ ‍ ᐛᑎᒂᐱᔅᑲᐃᑭᓄᐎᒡ, ᒂ ‍ ᒋᐛᒡ ᐊᑯ ᒂ ‍ ᐛᐎᑎᒧᐛᒡ ᐊᓂᔭᔪᐛ ᑲ ‍ ᐸᐃᑯᓴᐳᔨᒋ ᒋᔅᒋᓄᐊᒧᐛᑭᓇ ᑭᔭ ᒥᓯᐛ ᐊᓂᔭᔪᐛ ᑯᑎᑲ ᐊᐛᔪᐛ ᑲᒋ ‍ ᐛᐎᒐᐛᔨᒋ ᒋᓴᓴ ᒥᓯᐛ ᑕᓐ ᑲ ‍ ᐃᔅᐱᔨᒋ᙮
\v 10 ᐊᐅᑯᓐᒡ ᐅᒡ ᐃᔎᐅᒡ ᐅᔭ ᑲ ᐃᓯ ‍ ᐛᐎᑎᒧᐛᒡ ᐊᓂᔭ ᐊᑈᔅᑕᓇᒡ, ᒪᕆ ᒪᒃᑕᓕᓐ ᑭᔭ ᒍᐛᓇ, ᑭᔭ ᑯᑎᒃ ᒪᕆ, ᐊᓂᔭ ᒋᒥᔅ ᐅᑲᐎᔭ ᑭᔭ ᑯᑎᑲ ᐃᔎᐛ ᐊᓂᔭᔪᐛ ᑲ ‍ ᐎᒐᐅᑯᒡ ᐊᓐᑕ ᑲ ‍ ᐃᑐᑕᒡ᙮
\v 11 ᐊᑯ ᒥᒄ ᐊᓐᒡ ᐊᑈᔅᑕᓇᒡ ᓇᒪ ᐅᒋ ᑕᑈᑐᐛᐅᒡ ᐊᓂᔭᔪᐛ ᐃᔎᐛ, ᑭᑭᒋᔭᐛᒋᒧᐅᒡ, ᐊᒋ ‍ ᐃᑕᔨᒪᒡ᙮
\v 12 ᐱᑕᕐ ᒪᒃ ᒋ ‍ ᐃᔅᐸᑕᐤ ᐊᓐᑕ ᑲ ‍ ᐛᑎᒂᐱᔅᑲᐃᑭᓄᐎᒡ ᐊᑯ ᒂ ‍ ᓄᐛᑲᐳᑦ ᒐᒋ ᐊᑯᓯᒂᔭᐸᑕᐧᒃ᙮ ᒥᒄ ᒪᒃ ᐊᓂᔭᔪᐛ ᐊᐱᒋᑕᐅᓇ ᑲ ‍ ᐎᔎᔭᒋᓇᑭᓄᔨᒋ ᒋ ‍ ᐛᐸᑎᒻ᙮ ᐊ ᐊᑎ ‍ ᒋᐛᑦ ᒪᒃ ᒋ ‍ ᒪᒥᑐᓇᔨᑎᒥᐃᑯᐤ ᑕᓐ ᑲ ‍ ᐃᔅᐱᔨᒡ᙮
\s1 ᓂᓱ ᒋᔅᒋᓄᐊᒧᐛᑭᓐᒡ ᐃᒪᔭᔅ ᑲ ‍ ᐃᑐᑕᒡ
\r ᒪᕐᒃ 16.12,13
\s2 Luke 24.13-35 (Easter-3 Year A)
\p
\v 13 ᐊᑯ ᒪᒃ ᐊ ‍ ᐸᐃᒂᒡ ᐊᓐ ᐊ ‍ ᒋᓯᑲᒡ ᓂᓱ ᒋᔅᒋᓄᐊᒧᐛᑭᓐᒡ ᒋ ‍ ᐃᑐᑕᐅᒡ ᐊᓐᑕ ᐅᑕᓇᔪᐤ ᐃᒪᔭᔅ ᑲ ‍ ᐃᓯᓂᐧᑲᑕᔨᒡ᙮ ᓴᓯᑲᓐ ᒪᒃ ᓂᔄᐅᑕᒡ ᒋ ‍ ᐃᔅᐱᓯᓇᑯᓂᔪᐤ ᒋᕈᓯᓕᒥᒡ ᐅᒡ᙮
\v 14 ᒋ ‍ ᐊᔨᒧᑎᒧᒡ ᒪᒃ ᒪᒂᒡ ᐊ ‍ ᐱᒧᑕᒡ ᒥᓯᐛ ᒐᒂᔪᐤ ᑕᓐ ᑲ ᐸᒋ ‍ ᐃᔅᐱᔨᒡ᙮
\v 15 ᒪᒂᒡ ᒪᒃ ᐊ ‍ ᐃᔨᒥᐃᑐᒡ ᒋ ‍ ᐅᑎᑎᑯᒡ ᒋᓴᓴ ᒂ ᐊᑎ ‍ ᐎᒐᐅᑯᒡ᙮
\v 16 ᓇᒪ ᒪᒃ ᐅᒋ ᒥᔭᑭᓄᐎᒡ ᒐᒋ ᓂᔅᑐᐅᓄᐛᒡ ᐊᐛᔪᐛ ᐊᓂᔭ᙮
\p
\v 17 ᐊᑯ ᒂ ‍ ᑯᒂᒋᒥᑯᒡ, “ᒐᒂᓐ ᐅ ᑲ ‍ ᐊᔨᒧᑎᒪᒄ ᒪᒂᒡ ᐊ ‍ ᐱᒧᑕᔭᒄ ?”
\p ᒋ ‍ ᒋᐱᒋᑲᐳᐅᒡ ᒪᒃ ᓇᔅᒡ ᐊ ‍ ᒥᒐᔨᑎᒧᐅᓇᑯᓯᒡ᙮
\v 18 ᐊᑯ ᐊᓐ ᐸᐃᒄ ᑲᓕᐅᐸᔅ ᐊ ‍ ᐃᓯᓂᐧᑲᓱᑦ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᐊᐅᒄ ᐊ ᒋᔾ ᒥᒄ ᐱᔭᐃᑯᓯᔨᓐ ᐊᓐᑕ ᒋᕈᓯᓕᒥᒡ ᐊᑲ ᒋᔅᒐᔨᑎᒥᓐ ᐅᔭ ᒐᒂᔪᐛ ᑕᓐ ᑲ ‍ ᐃᔅᐱᔨᒋ ᓇᒪ ᓇᔅᒡ ᐛᔅᑭᒡ ?”
\p
\v 19 ᐊᑯ ᑲ ‍ ᑯᒂᒋᒥᑯᒡ, “ᒐᒂᔪᐛ ᒪᒃ ᐊᓂᔭ ᑲ ‍ ᐃᔅᐱᔨᒋ ?” ᐊᑯ ᒂ ‍ ᑎᐸᒋᒧᔅᑐᐛᒡ, “ᒥᓯᐛ ᑕᓐ ᑲ ‍ ᐃᑐᑐᐛᑭᓄᔨᒋ ᒋᓴᓴ, ᓇᓴᕆᑎᒡ ᑲ ‍ ᐅᒋᔨᒋ,” ᐊ ‍ ᐃᑕᒡ᙮ “ᐅ ᒋᓴᔅ ᒋ ‍ ᐅᒋᔅᒋᐛᐃᒐᓱᐤ᙮ ᒋᓴᒪᓂᑐᐛ ᑭᔭ ᐊᓂᔭ ᐃᔪᐛ ᒋ ‍ ᐃᑕᔨᑎᒥᔪᐛ ᒥᓯᐛ ᐊᓂᔭ ᒐᒂᔪᐛ ᑲ ‍ ᐃᑐᑕᐧᒃ ᑭᔭ ᐊᓂᔭ ᑲ ᐃᓯ ‍ ᐎᑕᐧᒃ ᓇᔅᒡ ᐊᒋ ‍ ᓱᒐᔨᑕᑯᓂᔨᒋ᙮
\v 20 ᒋ ‍ ᐱᔅᑎᓂᑯᐤ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐃᔪᐛ ᒐᒋ ᓂᓱᐅᓇᒋᒪᑭᓄᐅᑦ᙮ ᒂ ‍ ᓂᔅᑯᒧᒡ ᒐᒋ ᓂᐸᐊᑭᓄᔨᒋ ᑭᔭ ᒂ ‍ ᒋᔅᑕᔎᑕᒡ᙮
\v 21 ᓂᒋ ‍ ᐱᑯᓴᔨᒪᓇᓐ ᒪᒃ ᐎᔾ ᒐᒋ ᐱᒪᒋᐊᑦ ᐃᔅᕋᐃᓪ ᐃᔪᐛ᙮ ᐊᐅᒄ ᒪᒃ ᐅ ᐊᓄᒡ ᓂᔅᑐ ᒋᓯᑲᐛ ᒥᓯᐛ ᑲ ᐃᔅᐱᔅ ‍ ᐃᔅᐱᔨᒡ ᐅ᙮
\v 22 ᐊᑯ ᒪᒃ ᐅᑕ ᒥᓐ ᐱᔅᒐ ᐊᓐᒡ ᐃᔎᐅᒡ ᐊᓐᑕ ᐊ ‍ ᑎᓯᔭᒡ ᒋ ‍ ᒥᔅᑲᓯᑕᑯᓱᐅᒡ ᑕᓐ ᑲ ‍ ᐃᑕᒋᒧᒡ, ᐎᐱᒡ ᒐᒋᓴᑉ ᒋ ‍ ᐃᑐᑕᐅᒡ ᐊᓐᑕ ᑲ ‍ ᐱᒥᓯᒪᑭᓄᔨᒋ ᒋᓴᓴ᙮
\v 23 ᓇᒪ ᒪᒃ ᐅᒋ ᒥᔅᑭᒺᐅᒡ ᐎᔭᔪᐤ᙮ ᑲ ‍ ᑎᑯᓯᓂᒡ ᒋ ‍ ᐃᔅᒋᔄᐅᒡ ᐊᒋ ‍ ᓄᑯᓯᔅᑕᑯᐅᒡ ᐊᓐᒋᓇ ᐊ ‍ ᐃᑎᑯᒡ, ‘ᐱᒪᑎᓯᐤ ᐛᔅ ᐊᓐ᙮’
\v 24 ᐊᑯ ᐱᔅᒐ ᐊᓐᑕ ᐊ ‍ ᑎᓯᔭᒡ ᒋ ‍ ᐃᑐᑕᐅᒡ ᓇᑕ ᑲ ‍ ᐱᒥᓯᒪᑭᓄᔨᒋ᙮ ᑕᑈ ᒪᒃ ᐊᑯᓐ ᑲ ‍ ᐃᓯᓇᑯᓂᔨᒡ ᑕᓐ ᑲ ‍ ᐃᑕᒋᒧᔨᒋ ᐊᓂᔭ ᐃᔎᐛ᙮ ᓇᒪ ᐅᒋ ᑕᔪᐛ ᐊᓐᑕ ᒋᓴᓴ᙮”
\p
\v 25 ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ‍ ᐃᑎᑯᒡ ᒋᓴᓴ, “ᒋᔨᐛᐤ ᓇᐸᑐᒄ, ᑕᑈ ᐊᑲ ᐃᑕᔨᑎᒪᒄ, ᑕᓐᑕ ᐛᒋ ᐊᑲ ᐅᒋ ᑕᑈᑐᐛᑯᒡ ᑕᓐ ᑲ ᐃᓯ ‍ ᓂᑲᓐ ᐎᑕᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮
\v 26 ᑕᑈ ᐊᐅᑯᓐ ᑲ ᐃᓯ ‍ ᓂᑐᐛᔨᑕᒂᒡ ᒐᒋ ᐃᔅᐱᔨᒡ, ᐊᐅᒄ ᐅ ᙭ ᒐᒋ ᐎᓯᒐᔨᑎᒧᒂ ᑭᔭ ᐊᓐᑕ ᒐᒋ ᐅᒋ ‍ ᒋᔅᑕᔨᑕᑯᓯᑦ᙮”
\v 27 ᐊᑯ ᒋᓴᔅ ᒂ ᒋᒋ ‍ ᐛᐎᑎᒧᐛᑦ ᐊᓂᔭᔪᐛ ᓇᐸᐛ ᒥᓯᐛ ᑕᓐ ᑲ ‍ ᐃᑎᓯᓇᐃᑭᓄᐎᒡ ᐊ ‍ ᐊᔨᒧᒪᑭᓄᐅᑦ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮ ᒧᓱᔅ ᑕᓐ ᑲ ‍ ᐃᑎᔅᑕᔨᒡ ᐊ ‍ ᐊᔨᒧᒥᑯᑦ ᒋ ᐅᒋ ‍ ᒋᒋᐱᔨᑕᐤ ᒐᒃ ᒂ ‍ ᐅᑎᑕᐊᐧᒃ ᑕᓐ ᑲ ᐃᓯ ‍ ᒥᓯᓇᐊᒥᔨᒋ ᐊ ‍ ᐊᔨᒧᒥᑯᑦ ᐊᓂᔭᐧᑲ ᐅᒋᔅᒋᐛᐃᒐᓱᐛ᙮
\p
\v 28 ᐃᔅᐱ ᐊ ᐊᑎ ‍ ᐸᓱᐛᐸᑕᒡ ᐊᓂᔭ ᐅᑕᓇᔪᐤ ᐃᒪᔭᔅ ᑲ ᐎ ‍ ᐃᑐᑕᒡ ᐊᑯ ᒂ ‍ ᐃᓯᓇᑯᓯᑦ ᒋᓴᔅ ᒧᔭᒻ ᒐ ᐊᑎ ‍ ᓴᐳᑐᐛᑕᑦ᙮
\v 29 ᒋ ‍ ᐊᔨᐧᑭᒥᐊᐅᒡ ᒪᒃ ᒋᓴᓴ ᐊᑲ ᐊᑐᐎᔅ ᒐᒋ ᔅᑐᑕᔨᒋ, ᐊ ‍ ᐃᑕᒡ, “ᐊᑯᑕ ᐅᑕ ᐃᑕ, ᐛᔅ ᓴᔅ ᐅᑕᑯᓯᐤ, ᓴᔅ ᐎᐱᒡ ᒋᑭ ‍ ᑎᐱᔅᑲᐤ᙮” ᐊᑯ ᒋᓴᔅ ᒂ ᐊᑎ ‍ ᐎᒐᐛᑦ ᐊ ‍ ᒋᐛᔨᒋ᙮
\p
\v 30 ᐃᔅᐱ ᒪᒃ ᐛᒋᒥᒋᓱᒪᑦ ᒋ ‍ ᐅᑎᓇᐤ ᐸᒂᓯᑭᓇ, ᒋ ‍ ᓂᓇᔅᑯᒧᐤ ᑭᔭ ᒋ ‍ ᐸᒂᓇᐤ ᐊᑯ ᒂ ‍ ᒪᑎᓂᒧᐛᑦ᙮
\v 31 ᐊᑯ ᒪᒃ ᒧᔭᒻ ᐊ ‍ ᓴᓂᐱᔨᒋ ᐅᔅᒋᓯᑯᐛᐤ ᒂ ‍ ᐃᑕᔨᑕᒡ᙮ ᐊᑯ ᒂ ‍ ᓂᔅᑐᓄᐛᒡ ᒋᓴᓴ᙮ ᓯᔅᒋᑯᒡ ᒪᒃ ᓇᒪ ᐅᒋ ᐛᐱᒪᐅᒡ᙮
\v 32 ᐊᑯ ᒪᒃ ᒂ ‍ ᐃᔅᒋᔄᒡ, “ᑕᑈ ᔅᒋ ‍ ᒥᔽᔨᑕᓇᓄᐤ ᒋᑕᐃᓇᒡ ᐊ ᐊᑎ ‍ ᓂᔅᑐᑎᒪᐧᒄ ᑕᓐᑕ ᑲ ‍ ᐃᔅᒋᔄᒥᑭᓂᔨᒂ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓐᑕ ᑲ ‍ ᐊᔨᒧᒪᑭᓄᐅᑦ ᑭᔭ ᑕᓐ ᑲ ᐃᓯ ‍ ᐎᑎᒪᑕᐧᒄ ᒪᒂᒡ ᑲ ‍ ᐱᒧᑕᔭᐧᒄ ᐊᓐᑕ ᒪᔅᑭᓇᒡ ?”
\p
\v 33 ᒋ ‍ ᐱᓯᑯᐅᒡ ᐊᑯ ᑎᐛᒡ ᑲᐤ ᒂ ‍ ᐃᑐᑕᒡ ᐊᓐᑕ ᒋᕈᓯᓕᒥᒡ ᒐᒋ ᐎᑎᒧᐛᒡ ᒋᔅᒋᓄᐊᒧᐛᑭᓇ᙮ ᒂ ‍ ᒥᔅᑯᐛᒡ ᐊᓂᔭ ᑲ ‍ ᐸᐃᑯᓴᐳᔨᒋ ᒋᔅᒋᓄᐊᒧᐛᑭᓇ ᑭᔭ ᑯᑎᑲ ᐊᐛᔪᐛ ᐊᒋ ‍ ᒪᒧᐎᒂᓂ᙮
\v 34 ᐊᑯ ᒂ ‍ ᐃᑎᑯᒡ, “ᑕᑈ ᐛᔅ ᐊᓐ ᒋ ‍ ᐅᓂᐤ ᐅᑎᐸᔨᒋᒐᐤ, ᐛᔅ ᒋ ‍ ᓄᑯᓯᔅᑕᑯᐤ ᓴᐃᒥᓇ᙮”
\v 35 ᐊᑯ ᒂ ‍ ᐎᑕᒡ ᐎᔨᐛᐤ ᑕᓐ ᑲ ‍ ᐃᔅᐱᔨᒡ ᒪᒂᒡ ᐊᓐᑕ ᑲ ‍ ᐱᒧᑕᒡ ᒪᔅᑭᓇᒡ ᑭᔭ ᐊᓂᔭ ᑲ ‍ ᐸᒂᓇᔨᒋ ᐸᒂᓯᑭᓇ ᐊᓐᑕ ᑲ ᐅᒋ ‍ ᒋᔅᒐᔨᒪᒡ ᐊ ‍ ᐊᐎᔨᒋ ᒋᓴᓴ᙮
\s1 ᒋᓴᔅ ᑲ ‍ ᓄᑯᓯᔅᑐᐛᑦ ᐅᒋᔅᒋᓄᐊᒧᐛᑭᓇ
\r ᒪᑎᔪᐤ 28.16-20; ᒪᕐᒃ 16.14-18; ᒠᓐ 20.19-23; ᐊᑈᔅᑕᓇᒡ 1.6-8
\s2 Luke 24.36b-48 (Easter-3 Year B)
\p
\v 36 ᒪᒂᒡ ᒪᒃ ᐊ ‍ ᐊᔨᒧᒪᒡ ᒋᓴᓴ, ᒋ ᐅᒋ ‍ ᓄᑯᓯᔪᐛ ᒪᒂᒡ ᐊᓐᑕ ᐊ ‍ ᑕᒡ᙮ ᐊᑯ ᒂ ‍ ᐃᑎᑯᒡ, “ᒋᔭᒪᔨᑎᒧᒄ᙮”
\p
\v 37 ᐊᑯ ᓇᔅᒡ ᑲ ‍ ᑯᔅᑯᐱᔨᒡ ᑭᔭ ᒋ ‍ ᓴᒋᓱᐅᒡ, ᒋᐱᔾ ᐅ ᓂ ‍ ᐛᐱᒪᓇᓐ ᒋ ‍ ᐃᑕᔨᑎᒧᒡ᙮
\v 38 ᐊᑯ ᒂ ‍ ᐃᑎᑯᒡ ᒋᓴᓴ, “ᒐᒂᓐ ᐛᒋ ‍ ᓇᔅᒡ ᒥᑯᔅᑲᑕᔨᑎᒪᒄ ᑭᔭ ᐛᒋ ᒥᔅᑎ ‍ ᐊᓏᑎᒪᒄ ?
\v 39 ᐸᒋ ‍ ᑭᓄᐛᐸᑎᒧᒄ ᒪ ᓂᑎᒋᔭ ᑭᔭ ᓂᓯᑕ ᒐᒋ ᐅᒋ ‍ ᒐᔅᑎᓇᐅᔭᒄ ᓇᔅᒡ ᑕᑈ ᓂᔾ ᐊ ‍ ᐊᐎᔭᓐ᙮ ᐸᒋ ‍ ᑕᒋᓂᒄ ᐛᔅ ᒋᐱᔾ ᑕᐸ ᐊᔭᐤ ᐎᔭᓯᔪᐤ ᒪᒃ ᐅᔅᑭᓇ ᑕᓐ ᐊ ᐃᓯ ‍ ᐛᐱᒥᔭᒄ ᓂᔾ ᐊ ᐃᓯ ‍ ᐊᔭᔭᓐ᙮”
\p
\v 40 ᐃᔅᐱ ᒋᓴᔅ ᑲᒋ ᐃᓯ ‍ ᐃᔨᒥᑦ ᒋ ‍ ᐛᐸᑎᔭᐤ ᐅᑎᒋᔭ ᑭᔭ ᐅᓯᑕ᙮
\v 41 ᐃᔭᐱᒡ ᒪᒃ ᓇᒪ ᑕᑈ ᐅᒋ ᑕᑈᑎᒧᒡ ᒋᓴᓴ ᐊ ‍ ᐊᐎᔨᒋ, ᑲ ᐃᔅᐱᔅ ‍ ᒥᔽᔨᑕᒡ ᑭᔭ ᑲ ᐃᔅᐱᔅ ‍ ᒥᒥᑯᔅᑲᑕᔨᑕᒡ᙮ ᐊᑯ ᒂ ‍ ᑯᒂᒋᒥᑯᒡ, “ᑎᑯᓐ ᐊ ᒐᒂᓐ ᐊ ‍ ᒥᒋᓇᓄᐅᒡ ?”
\v 42 ᒂ ‍ ᒥᔭᒡ ᓂᒪᓴ ᐊᒋ ‍ ᑎᑭᓱᔨᒋ᙮
\v 43 ᒂ ‍ ᓂᓇᑭᑐᐛᐱᒪᒡ ᒪᒂᒡ ᐊ ‍ ᒥᒋᓱᔨᒋ᙮
\p
\v 44 ᐊᑯ ᒋᓴᔅ ᒂ ‍ ᐃᑎᑯᒡ, “ᐊᐅᒄ ᒪᒃ ᐅ ᑲ ᐃᓯ ‍ ᐛᐎᑎᒪᑎᑯᒡ ᐊᔅᒄ ᒪᒂᒡ ᐊᒋ ‍ ᐎᒐᐅᑎᑯᒡ ᑲ ‍ ᐃᔅᒋᔄᔭᓐ, ᒐᔅᑎᓇᔅ ᒋᑭ ‍ ᑎᐱᐱᔪᐤ ᒥᓯᐛ ᐊ ᐃᓯ ‍ ᐊᔨᒧᒥᑯᐅᔭᓐ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᐊᓐᑕ ᐅᒥᓯᓇᐃᑭᓂᐛᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᑭᔭ ᑎᐱᑦ ᐅᓂᑭᒧᐅᓂᒡ᙮”
\s1 ᒋᓴᔅ ᒪᔅᑕᔾ ᑲ ᐃᓯ ‍ ᒋᔅᑯᑎᒪᒐᑦ
\p
\v 45 ᐊᑯ ᐅᔭ ᒂ ᐃᓯ ‍ ᐎᑎᒧᐛᑦ ᒐᒋ ᐱᔭᑭᔅᒡ ᓂᔅᑐᑎᒥᔨᒋ ᑕᓐ ᐊ ᐃᓯ ‍ ᐎᑎᒪᒐᒥᑭᓂᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮
\v 46 ᐊ ‍ ᐃᑕᑦ, “ᐃᑎᔅᑕᐤ ᙭ ᔭᐃᑕᔾ ᒐ ‍ ᐎᓯᒐᔨᑕᐧᒃ, ᑭᔭ ᑲᐤ ᒐ ‍ ᐅᓂᔅᑲᑦ ᓂᐳᐅᓂᒡ ᐅᒡ ᒋ ‍ ᓂᔅᑐᒋᓯᑲᔨᒐ᙮
\v 47 ᐊᑯ ᒪᒃ ᒋᐸ ‍ ᐛᐎᑎᒧᐛᑭᓄᐎᒡ ᒥᓯᐛ ᐊ ‍ ᐃᑎᔅᑲᓇᓯᒡ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ ᓂᔾ ᐸᒋ ‍ ᓇᓯᑥᐛ᙮ ᒋᕈᓯᓕᒥᒡ ᒪᒃ ᓂᔅᑎᒻ ᒋᑭ ᐅᒋ ‍ ᒥᓯᑕᐱᔪᐤ ᐅ ᒐ ᐃᓯ ‍ ᐛᐎᑕᑭᓄᐅᒡ᙮
\v 48 ᒋᔨᐛᐤ ᒪᒃ ᔅᒋ ‍ ᐛᐸᑕᓇᐛᐤ ᑕᓐ ᑲ ‍ ᐃᔅᐱᔨᒡ, ᒐᒋ ᐎᑎᒧᐛᑯᒡ ᑯᑎᑭᒡ ᐊᐛᓐᒋ᙮
\v 49 ᐊᑯ ᒪᒃ ᒐ ᐸᒋ ‍ ᐃᑎᓴᐊᒪᑎᑯᒡ ᐊᓐ ᑲ ‍ ᐸᔭᒋᓯᑦ ᐊᒐᐧᒄ ᐊᓂᔭᔪᐛ ᓄᑕᐎᔾ ᑲ ‍ ᐃᔅᒋᔄᑦ ᒐᔅᑎᓇᔅ ᒐ ᐸᒋ ‍ ᐃᑎᓴᐛᑦ᙮ ᐊᓱᐛᐱᒄ ᒪᒃ ᐊᓐᑕ ᒋᕈᓯᓕᒥᒡ ᐸᑐᔅ ᒋ ‍ ᐅᑎᑕᐅᑯᔭᒂ ᓱᒐᔨᑕᑯᓱᐅᓐ ᒋᒋᒋᓯᑯᒡ ᑲ ‍ ᐅᒋᐱᔨᒡ᙮”
\s1 ᒋᓴᔅ ᒋᒋᒋᓯᑯᒡ ᑲ ᐃᓯ ‍ ᐅᐱᔨᑦ
\r ᒪᕐᒃ 16.19,20; ᐊᑈᔅᑕᓇᒡ 1.9-11
\p
\v 50 ᐃᔅᐱ ᒪᒃ ᑲ ᐃᓯ ‍ ᒋᔅᒋᓄᑕᐊᑦ ᒥᒋᒪ ᐊᓐᑕ ᐅᑕᓇᔪᐤ ᐸᑕᓂ ᑲ ‍ ᐃᓯᓂᐧᑲᑕᔨᒡ, ᐊᑯ ᒂ ‍ ᐅᐱᓂᔅᒐᔨᑦ ᐊ ‍ ᓱᐛᔨᒪᑦ᙮
\v 51 ᐊᔅᒄ ᒪᒃ ᒪᒂᒡ ᐊ ‍ ᓱᐛᔨᒪᑦ ᐊᑯᑕ ᒂ ᐅᒋ ‍ ᓂᑭᑕᑦ, ᒋᒋᒋᓯᑯᒡ ᒂ ᐃᓯ ‍ ᐅᐱᔨᑦ᙮
\v 52 ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒋ ‍ ᐊᔭᒥᐊᔅᑐᐛᐅᒡ ᐅᑎᐸᔨᒋᒐᐛ ᐊᑯ ᑲᐤ ᒂ ‍ ᒋᐛᒡ ᒋᕈᓯᓕᒥᒡ ᓇᔅᒡ ᐊ ‍ ᒥᔽᔨᑕᒡ᙮
\v 53 ᑭᔭ ᒧᓯᓇᐤ ᒋ ‍ ᑕᐅᒡ ᒋᓴᐊᔭᒥᐊᐅᒋᐛᐱᒡ ᐊ ‍ ᒪᒥᒋᒪᒡ ᑭᔭ ᐊ ‍ ᒋᔅᑕᒋᒪᒡ ᒋᓴᒪᓂᑐᐛ᙮ ᐊᒥᓐ᙮
\id JHN Adapted from ECree-S to Naskapi, 05 Jan 2003; Typeset export from CBS 8 May 2007
\h ᒠᓐ
\toc3 ᒠᓐ
\toc2 ᒠᓐ
\toc1 ᒥᔽᒋᒧᐅᓂᔪᐤ ᑲ ‍ ᒥᓯᓇᐊᐧᒃ ᒠᓐ
\mt2 ᒥᔽᒋᒧᐅᓂᔪᐤ ᑲ ‍ ᒥᓯᓇᐊᐧᒃ
\mt1 ᒠᓐ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐊᐅᒄ ᐅᔭ ᒥᓯᓇᐃᑭᓂᔪᐤ ᐸᐃᒄ ᐊᓂᔭᔪᐛ ᑲ ‍ ᓂᓱᓴᐳᔨᒋ ᒋᓴᔅ ᐅᒋᔅᒋᓄᐊᒧᐛᑭᓇ ᑲ ‍ ᒥᓯᓇᐊᒥᔨᒋ᙮ ᐊᐅᒄ ᐅᔭ ᒠᓐ ᑲ ‍ ᐃᓯᓂᐧᑲᓱᔨᒋ᙮ ᐊᓂᔭᔪᐛ ᒋᔅᒋᓄᐊᒧᐛᑭᓇ ᒋᓴᔅ ᑲ ‍ ᓴᒋᐊᑦ ᒋ ‍ ᐃᓯᓂᐧᑲᑕᑭᓄᐤ ᐅ ᒠᓐ᙮ ᒋ ‍ ᒥᓯᓇᐊᒻ ᒠᓐ ᐅᔭ ᒥᔽᒋᒧᐅᓂᔪᐤ ᒐᒋ ᐅᒋ ‍ ᑕᑈᑎᒥᔨᒋ ᐊᐛᔪᐛ ᒋᓴᓴ ᐊᐅᒄ ᙭ ᒋᓴᒪᓂᑐᐤ ᐅᑯᓴ ᑭᔭ ᑕᑈᑎᒥᔨᒐ ᒐᒋ ᐊᔭᔨᒋ ᐱᒪᑎᓯᐅᓂᔪᐤ᙮ ᒋ ᐎ ‍ ᐛᐸᑎᔨᐛᐤ ᒠᓐ ᐊᓂᔭ ᒥᓯᐛ ᑕᓐ ᑲ ‍ ᐃᔅᒋᔄᔨᒋ ᒋᓴᓴ ᑭᔭ ᐊᓂᔭ ᒥᓯᐛ ᑕᓐ ᑲ ᐃᓯ ‍ ᐃᑐᑎᒥᔨᒋ ᓂᓇᐧᑯᐤ ᒪᒥᔅᑲᒡ ᒐᒂᔪᐛ ᐊᑯᑕ ᑲ ᐅᒋ ‍ ᒋᔅᒐᔨᑕᑯᓂᔨᒡ ᑕᑈ ᐊ ‍ ᒋᓴᒪᓂᑐᐅᑦ᙮ ᒋ ᐎ ‍ ᐛᐸᑎᔨᐛᐤ ᑕᓐ ᑲ ᐃᔅᐱᔅ ‍ ᓱᐧᑲᑎᓯᔨᒋ ᒋᓴᓴ᙮ ᐊᔪᐤ ᒪᒃ ᐊᒋ ‍ ᓇᐸᐎᔨᒋ ᒧᔭᒻ ᒋᔭᓄᐤ᙮ ᒋ ‍ ᐎᑎᒻ ᓇᓂᑯᑎᓂᔾ ᐊᒋ ‍ ᐊᔭᔅᑯᓯᔨᒋ ᑭᔭ ᓇᓂᑯᑎᓂᔾ ᐊᒋ ‍ ᓯᐛᔨᒋ ᑭᔭ ᐊᒋ ‍ ᒥᒐᔨᑎᒥᔨᒋ ᒧᔭᒻ ᒋᔭᓄᐤ ᐊ ‍ ᐃᑎᔭᒄ ᒪᓐ᙮
\c 1
\s1 ᙭ ᑲ ‍ ᑎᐸᒋᒪᑭᓄᐅᑦ ᒐ ‍ ᑎᑯᓯᐧᒃ
\s2 John 1.1-18 (Christmas-2 Year B)
\p
\v 1 
ᐊᓐᑕ ᒪᐅᒡ ᓂᔅᑎᒻ, ᐊᔅᒄ ᐊᑲ ᐅᒋ ᑎᒂᒡ ᒐᒂᓐ ᓴᔅ ᒋ ‍ ᑕᐤ ᐃᔨᒧᐅᓐ᙮ ᒋ ‍ ᐎᒐᐛᐤ ᒋᓴᒪᓂᑐᐛ ᑭᔭ ᐎᔾ ᒋ ‍ ᐊᐤ ᒋᓴᒪᓂᑐᐤ ᐊᓐ ᐃᔨᒧᐅᓐ᙮
\v 2 ᒧᔅ ᒋ ‍ ᑕᐤ ᒋᓴᒪᓂᑐᐤ ᐊᓐ ᒪᒃ ᐃᔨᒧᐅᓐ ᑲ ‍ ᐃᓯᓂᐧᑲᓱᑦ ᓴᔅ ᒋ ‍ ᑕᐤ ᑭᔭ ᒋ ‍ ᐎᒐᐛᐤ ᒋᓴᒪᓂᑐᐛ᙮
\p
\v 3 ᐃᔨᒧᐅᓂᒡ ᐊᑯᑕ ᒥᓯᐛ ᒐᒂᓐ ᑲ ᐅᒋ ‍ ᐅᓯᑕᑭᓄᐅᒡ᙮ ᓇᒪ ᒐᒂᓐ ᐅᒋ ᐅᓯᑕᑭᓄᐤ ᐊᑲ ᐎᔾ ᐅᒋ ᐅᓯᑕᑦ ᐃᔨᒧᐅᓐ᙮
\v 4 ᐎᔾ ᐊ ‍ ᑕᑦ ᐅᒋᐱᔪᐤ ᐱᒪᑎᓯᐅᓂᔪᐤ, ᐱᒪᑎᓯᐅᓂᒡ ᒪᒃ ᐊᑯᑕ ᑲ ᐅᒋ ‍ ᐛᐸᑕᒡ ᐊᐛᓐᒋ ᐛᔅᑕᐅᓂᔪᐤ᙮
\v 5 ᐊᓐ ᐛᔅᑕᐅᓐ ᒋᐧᑲᔭᔅᑕᐤ ᐊᓐᑕ ᐅᓂᑎᐱᔅᒋᓯᐅᓂᒡ, ᐅᓂᑎᐱᔅᒋᓯᐅᓐ ᒪᒃ ᓇᒪ ᒋ ‍ ᐊᔅᑐᐛᐊᒻ ᐊᓂᔭ ᐛᔅᑕᐅᓂᔪᐤ᙮
\s2 John 1.6-8,19-28 (Advent-3 Year B)
\p
\v 6 ᒋ ‍ ᑕᐤ ᓇᐸᐤ ᒋᓴᒪᓂᑐᐛ ᐊᒋ ᐸᒋ ‍ ᐃᑎᓴᐅᑯᑦ ᒠᓐ ᐊ ‍ ᐃᓯᓂᐧᑲᓱᑦ᙮
\v 7 ᐅ ᒪᒃ ᒠᓐ ᒋ ᐸᒋ ‍ ᑎᑯᓯᓄᐤ ᒐᒋ ᑎᐸᑕᐧᒃ ᐛᔅᑕᐅᓂᔪᐤ ᑭᔭ ᒥᓯᐛ ᐊᐛᔪᐛ ᐸᑎᒥᔨᒐᓂ ᐅᔭ ᒥᔽᒋᒧᐅᓂᔪᐤ ᒐᒋ ᑕᑈᑎᒥᔨᒋ᙮
\p
\v 8 ᓇᒪᔭᐤ ᒪᒃ ᐎᔾ ᒠᓐ ᐅ ᐛᔅᑕᐅᓐ ᑲ ‍ ᐊᔨᒧᑕᒡ ᒥᒄ ᒪᒃ ᐎᔾ ᒋ ᐸᒋ ‍ ᐃᑎᓴᐛᑭᓄᐤ ᒐᒋ ᑎᐸᑕᐧᒃ ᐛᔅᑕᐅᓂᔪᐤ᙮
\v 9 ᐅ ᐛᔅᑕᐅᓐ ᒋ ᐸᒋ ‍ ᑎᑯᓯᓄᐤ ᐅᑕ ᐊᔅᒋᒡ ᒥᓯᐛ ᐊᐛᔪᐛ ᒐᒋ ᐛᔅᑕᓂᒧᐛᑦ᙮
\p
\v 10 ᐅᑕ ᐊᔅᒋᒡ ᒋ ‍ ᑕᐤ ᐃᔨᒧᐅᓐ᙮ ᐊᑎ ᐎᔾ ᐊᒋ ‍ ᐅᓯᑕᑦ ᐅᔭ ᐊᔅᒋᔪᐤ ᐃᔭᐱᒡ ᓇᒪ ᐅᒋ ᒋᔅᒐᔨᒥᑯᐤ ᐊᐛᔪᐛ ᐃᔅᐱ ᑲ ‍ ᑎᑯᓯᐧᒃ᙮
\v 11 ᑲ ‍ ᑎᑯᓯᐧᒃ ᐅᑕ ᐊᔅᒋᒡ ᐎᔾ ᑎᐱᔨᐛ ᐅᑦ ᐃᔨᒪ ᒋ ᐸᒋ ‍ ᓂᑐᐛᐱᒪᐤ, ᒥᒄ ᒪᒃ ᓇᒪ ᐅᒋ ᐊᐱᑕᔨᒥᑯᐤ᙮
\v 12 ᐊᓂᔭ ᒪᒃ ᐊᐛᔪᐛ ᑲ ‍ ᐅᑎᓂᑯᑦ ᑭᔭ ᑲ ‍ ᑕᑈᔭᔨᒥᑯᑦ ᒋ ‍ ᒥᔭᐤ ᓱᐧᑲᑎᓯᐅᓂᔪᐤ ᒐᒋ ᐅᑦ ᐊᐛᓯᒥᑐᑕᑯᔨᒋ ᒋᓴᒪᓂᑐᐛ᙮
\v 13 ᐊᓂᔭᔪᐛ ᒪᒃ ᑲ ‍ ᑕᑈᔭᔨᒥᑯᑦ ᐅᔅᒋ ᐱᒪᑎᓯᔪᐛ ᒋᓴᒪᓂᑐᐛ ᐊ ‍ ᑕᔨᒋ ᐅᒋ, ᓇᒪ ᐎ ᑭᔭ ᐃᔎᐛ ᑭᔭ ᓇᐸᐛ ᐊ ‍ ᑕᔨᒋ ᐅᒋ ᐱᒪᑎᓯᐅᒡ ᓇᒪ ᑭᔭ ᐃᔪᐤ ᐅᑦ ᐃᑕᔨᑎᒧᐅᓂᔨᒡ ᐅᒡ᙮ ᑕᑈ ᒋᓴᒪᓂᑐᐛ ᐊ ‍ ᑕᔨᒋ ᒋ ᐅᒋ ‍ ᐅᔅᒋ ᐱᒪᑎᓯᐅᒡ᙮
\p
\v 14 ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ‍ ᐃᓯᓇᑯᐊᑭᓄᐤ᙮ ᐊᓐ ᑲ ‍ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ‍ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ‍ ᐛᐱᒪᓄᐤ ᒪᒃ ᐊ ‍ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ‍ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ‍ ᐅᑯᓯᑐᑕᑯᑦ ᒋᓴᒪᓂᑐᐛ᙮
\p
\v 15 ᒠᓐ ᒋ ‍ ᐎᑎᒻ ᐊᐛᔪᐛ ᐊᓂᔭ ᒋᓴᓴ ᐊ ‍ ᐊᐎᔨᒋ᙮ ᐊᔪᐤ ᒪᒃ ᒋ ‍ ᐎᑎᒻ ᐊ ‍ ᐃᔅᒋᔄᑦ, “ᒋ ‍ ᒋᔅᒋᓯᓇᐛᐤ ᐊᓐ ᑲ ‍ ᐊᔨᒧᒥᒃ ᐊᐛᓐ ᑲ ‍ ᐃᔅᒋᔄᔭᓐ, ‘ᒋᑭ ᐸᒋ ‍ ᑎᑯᓯᓄᐤ ᐊᔅᒄ ᐊᐛᓐ ᐊᑐᐎᔅ ᐊ ‍ ᒋᔅᑕᔨᑕᑯᓯᑦ ᐃᔅᐱᔅ ᓂᔾ᙮ ᐊᐅᒄ ᐅ ᒋᓴᔅ ᑲ ‍ ᐊᔨᒧᒥᒃ ᐊᓐ ᑲ ‍ ᑕᑦ ᐊᔅᒄ ᐊᑲ ᐅᒋ ᐱᒪᑎᓯᔭᓐ ᓂᔾ᙮’ ”
\p
\v 16 ᐊᓂᔭ ᐊ ‍ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᒥᓯᐛ ᐊ ‍ ᑎᓯᔭᐧᒄ ᓇᔅᒡ ᑕᑈ ᒋ ‍ ᓱᐛᔨᒥᑯᓄᐤ, ᓇᒪ ᒪᒃ ᓂᑕ ᒋᑭ ᐅᒋ ‍ ᐳᓂᐱᔪᐤ ᐊ ‍ ᓱᐛᔨᒥᑕᐧᒄ᙮
\v 17 ᒋᓴᒪᓂᑐᐤ ᒋ ‍ ᐊᐱᒋᐊᐤ ᐊᓂᔭᐧᑲ ᒧᓱᓴ ᒐᒋ ᐎᑎᒧᐛᔨᒋ ᐃᔪᐛ ᐅᐎᓱᐛᐅᓇ᙮ ᑭᔭ ᒋᓴᔅ ᙭ᑕ ᒋ ‍ ᐊᐱᒋᐊᐤ ᒐᒋ ᓄᑯᑕᔨᒋ ᐅᑕᑈᐅᓐ ᑭᔭ ᐅᒋᓴᐛᑎᓯᐅᓐ᙮
\v 18 ᓇᒪ ᓂᑕ ᐊᐛᓐ ᐅᒋ ᐛᐱᒪᐤ ᒋᓴᒪᓂᑐᐛ, ᒥᒄ ᐊᓂᔭ ᑲ ‍ ᐸᐃᑯᓯᔨᒋ ᐅᑯᓴ ᑲ ‍ ᓴᒋᐊᑦ ᒋ ‍ ᐃᑐᑕᑯᐤ ᒐᒋ ᒋᔅᒐᔨᒪᑭᓄᐅᑦ᙮
\s1 ᑕᓐ ᑲ ‍ ᐃᑕᒋᒧᑦ ᒠᓐ ᐅᓯᑲᐃᑕᒐᐤ
\r ᒪᑎᔪᐤ 3.1-12; ᒪᕐᒃ 1.1-8; ᓗᒃ 3.1-18
\s2 John 1.6-8,19-28 (Advent-3 Year B)
\p
\v 19 ᒍᐤ ᑎᐸᔨᒋᒐᓱᐅᒡ ᒋ ‍ ᐃᑎᓴᐛᐅᒡ ᒍᐤ ᐊ ‍ ᐃᑎᔅᑲᓇᓯᔨᒋ ᐊᔭᒥᐊᐅᒋᒪᐛ ᑭᔭ ᐊ ‍ ᐊᔭᒥᐊᐛᑎᓯᔨᒋ ᓕᐸᐃ ᐃᔪᐛ ᒋᕈᓯᓕᒥᒡ ᐊ ‍ ᐅᒋᔨᒋ ᐊᓐᑕ ᒠᓇ ᐊ ‍ ᑕᔨᒋ ᒐᒋ ᓂᑐ ‍ ᒋᔅᒐᔨᒥᑯᑦ ᐎᔾ ᐊ ‍ ᔭᐅᒂ ᐊᓐ ᙭ ᒋᓴᒪᓂᑐᐤ ᑲ ᐸᒋ ‍ ᐃᑎᓴᐛᑦ ᒐᒋ ᐱᒪᒋᐊᔨᒋ ᐊᐛᔪᐛ᙮
\p
\v 20 ᒠᓐ ᒪᒃ ᑯᐃᔅᒄ ᒋ ‍ ᐎᑎᒧᐛᐤ ᐊ ‍ ᐃᑕᑦ, “ᓇᒪ, ᓇᒪᔭᐤ ᓂᔾ ᙭᙮”
\p
\v 21 ᐊᑯ ᑲ ‍ ᑯᒂᒋᒥᑯᑦ ᐊ ‍ ᐃᑎᑯᑦ, “ᐊᐛᓐ ᒪᒃ ᒋᔾ᙮ ᐃᓚᐃᒐ ᐊ ?” “ᓇᒪ᙮ ᓇᒪᔭᐤ ᓂᔾ ᐃᓚᐃᒐ,” ᒋ ‍ ᐃᑕᐤ ᒠᓐ᙮ “ᐊᐅᒄ ᐊ ᒋᔾ ᐊᓐ ᐅᒋᔅᒋᐛᐃᒐᓱᐤ ᓂᐸ ᐸᒋ ‍ ᐃᑎᓴᐊᒪᑯᐅᓇᓐ ?” ᒋ ‍ ᐃᑎᑯᐤ᙮ “ᓇᒪ,” ᒋ ‍ ᐃᑕᐤ ᒠᓐ᙮
\p
\v 22 ᐊᑯ ᒥᓐ ᒂ ‍ ᐃᑕᒡ, “ᐸᒋ ‍ ᐎᑎᒧᐅᓇᓐ ᒪ ᐊᐛᓐ ᒋᔾ, ᒐᒋ ᐎᑎᒧᐅᒋᒡ ᐊᓐᒡ ᑲ ᐸᒋ ‍ ᐃᑎᓴᐅᔨᒥᒡ ᐊ ᐎ ‍ ᒋᔅᒐᔨᒥᔅᒡ ᐊᐛᓐ ᐊ ‍ ᐊᐎᔨᓐ᙮”
\p
\v 23 ᐊᑯ ᒠᓐ ᒂ ‍ ᐃᔅᒋᔄᑦ, “ᐊᐅᒄ ᐊᓐ ᓂᔾ ᑲᒋ ‍ ᑎᐸᒋᒥᑦ ᐊᓂᔭᐧᑲ ᐅᒋᔅᒋᐛᐃᒐᓱᐤ ᐊᐃᓴᔭ᙮ ᒋ ‍ ᐃᔅᒋᔄᐤ,
\q ᒋᑭ ‍ ᑎᑯᓯᓄᐤ ᐊᐛᓐ ᐊᓐᑕ ᐸᐧᑯᑎᔅᑭᒥᑲᒡ ᐊ ‍ ᐅᑐᑕᑦ ᐊ ᐃᓯ ‍ ᑕᑈᑦ, ᐊᔭᔅᑯᐎᔅᑕᒺᐧᒄ ᐅᑎᐸᔨᒋᒐᐤ ᐅᒪᔅᑭᓇᒻ ᐊᓐᑕ ᒐ ‍ ᐱᒧᑕᑦ, ᑯᐃᔅᑯᒧᑕᐛᐧᒄ᙮”
\p
\v 24 ᐊᓐᒡ ᒪᒃ ᐸᕆᓯᐊ ᑲ ᐸᒋ ‍ ᐃᑎᓴᐅᑯᒡ ᒋ ‍ ᑯᒂᒋᒪᐅᒡ ᒠᓇ,
\v 25 “ᒐᒂᓐ ᒪᒃ ᐛᒋ ‍ ᓯᑲᐃᑕᒐᔨᓐ ᐊᑲ ᐊ ‍ ᐊᐎᓇ ᙭ ᑭᔭ ᒪᒃ ᐃᓚᐃᒐ ᑭᔭ ᒪᒃ ᐊᓐ ᐅᒋᔅᒋᐛᐃᒐᓱᐤ ?”
\p
\v 26 ᐊᑯ ᒠᓐ ᒂ ‍ ᐃᑕᑦ, “ᒋ ‍ ᓯᑲᐃᑕᑎᓇᐛᐤ ᓂᐱᒡ, ᒋ ‍ ᐎᒋᑲᐳᔅᑕᑯᐛᐤ ᒪᒃ ᐊᓐᑕ ᐊᐛᓐ ᐊᑲ ᒋᔅᒐᔨᒪᒄ᙮
\v 27 ᐅ ᒪᒃ ᐊᔅᒄ ᒐ ‍ ᑎᑯᓯᐧᒃ ᐎᔾ ᐅᔅᑕ ᒋᔅᑕᔨᑕᑯᓱᐤ ᐃᔅᐱᔅ ᓂᔾ, ᓇᒪ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᒐᒋ ᐊᐱᐧᑯᓂᒧᒡ ᐅᒥᔅᒋᓇᔭᐱᔾ᙮”
\p
\v 28 ᐊᓐᑕ ᒪᒃ ᐸᑕᓂ ᑲ ‍ ᐃᓯᓂᐧᑲᑕᒡ ᐅᑕᓇᐤ, ᐊᑯᑕ ᐅ ᑲ ‍ ᐃᔅᐱᔨᒡ, ᐊᓐᑕ ᐃᑕᒐ ᐛᐱᓄᑕᒡ ᐊᓐ ᒠᕐᑕᓐ ᓯᐱᔾ ᐊᓐᑕ ᑲ ‍ ᓯᑲᐃᑕᒐᑦ ᒠᓐ᙮
\s1 ᒋᓴᔅ ᐊᐅᒄ ᒋᓴᒪᓂᑐᐤ ᐅᒪᔭᑕᓂᓯᒪ
\p
\v 29 ᒥᓐ ᒪᒃ ᐊᓂᔭ ᐎᔭᐱᓂᔨᒡ ᒠᓐ ᒋ ‍ ᐛᐱᒪᐤ ᒋᓴᓴ ᐊ ᐸᒋ ‍ ᓇᑎᑯᑦ, ᐊᑯ ᒂ ‍ ᐃᔅᒋᔄᑦ, “ᑭᓄᐛᐱᒪᐧᒄ ᒪ ᐅ ᓇᐸᐤ, ᐊᐅᒄ ᐅᔭ ᒋᓴᒪᓂᑐᐤ ᐅᒪᔭᑕᓂᓯᒪ ᑲ ᐸᒋ ‍ ᐃᑎᓴᐛᑦ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮
\v 30 ᐊᐅᒄ ᒪᒃ ᐅ ᑲ ‍ ᐊᔨᒧᑎᒪᑎᑯᒡ ᑲ ‍ ᐃᑎᑎᑯᒡ, ‘ᒋᑭ ‍ ᑎᑯᓯᓄᐤ ᓇᐸᐤ, ᐎᔾ ᒪᒃ ᐊᑐᐎᔅ ᒋᑭ ‍ ᒋᔅᑕᔨᑕᑯᓱᐤ ᐃᔅᐱᔅ ᓂᔾ ᐛᔅ ᐊᔅᒄ ᓇᒪ ᓂ ᐅᒋ ‍ ᐱᒪᑎᓯᐛᓐ ᓴᔅ ᒋ ‍ ᑕᐤ ᐎᔾ᙮’
\v 31 ᓇᒪ ᓂ ᐅᒋ ‍ ᒋᔅᒐᔨᒪᐤ ᐊᐛᓐ ᐊᓐ, ᒥᒄ ᒪᒃ ᓂᒋ ᐸᒋ ‍ ᑎᑯᓯᓐ ᒐᒋ ᓯᑲᐃᑕᒐᔭᓐ ᓂᐱᒡ ᒐᒋ ᐅᒋ ‍ ᒋᔅᒐᔨᒥᑯᑦ ᒋᓴᔅ ᐃᔅᕋᐃᓪ ᐃᔪᐛ᙮”
\p
\v 32 ᒠᓐ ᒪᒃ ᒋ ‍ ᐎᑎᒻ ᑕᓐ ᑲ ᐃᓯ ‍ ᐛᐸᑕᐧᒃ ᐊ ‍ ᐃᔅᒋᔄᑦ, “ᓂᒋ ‍ ᐛᐱᒪᐤ ᑲ ‍ ᐸᔭᒋᓯᑦ ᐊᒐᐧᒄ ᒧᔭᒻ ᑲ ‍ ᐛᐱᓯᑦ ᐱᔭᓯᔅ ᒋ ‍ ᐃᓯᓇᑯᓱᐤ ᒋᒋᒋᓯᑯᒡ ᐊ ᐅᒋ ‍ ᐸᒋ ‍ ᔭᓯᔅᑕᑯᑦ, ᐊᑯ ᑲ ‍ ᑥᐅᑕᑯᑦ ᐊᓐᑕ ᐊ ‍ ᑕᑦ᙮
\v 33 ᓇᒪ ᓂ ᐅᒋ ‍ ᒋᔅᒐᔨᒪᐤ, ᒥᒄ ᒪᒃ ᒋᓴᒪᓂᑐᐤ ᐊᓐ ᑲ ᐸᒋ ‍ ᐃᑎᓴᐅᑦ ᒐᒋ ᓯᑲᐃᑕᒐᐅᒡ ᓂᐱᒡ, ᓂᒋ ‍ ᐃᑎᒄ, ‘ᐊᓐ ᓇᐸᐤ ᒐ ‍ ᐛᐱᒥᑦ ᐊᒐᒂ ᐊ ᐸᒋ ‍ ᔭᓯᔅᑕᑯᑦ ᐊᓐᑕ ᒪᒃ ᐊ ‍ ᑕᑦ ᐊ ‍ ᑕᔨᒋ, ᐊᐅᒄ ᐊᓐ ᒐ ‍ ᓯᑲᐃᑕᒐᑦ ᑲ ‍ ᐸᔭᒋᓯᔨᒋ ᐊᒐᒂ᙮’
\v 34 ᓂᒋ ‍ ᐛᐸᑕᓐ ᐅ ᑲ ‍ ᐃᔅᐱᔨᒡ ᑭᔭ ᒋ ‍ ᐎᑎᒪᑎᓇᐛᐤ ᐊᔪᑯᓂ ᐊᓂᔭ ᒋᓴᒪᓂᑐᐤ ᐅᑯᓴ,” ᒋ ‍ ᐃᑕᐤ ᒠᓐ᙮
\s1 ᐊᓂᔭᔪᐛ ᒋᔅᒋᓄᐊᒧᐛᑭᓇ ᓂᔅᑎᒻ ᑲ ‍ ᐅᑎᓇᑦ ᒋᓴᔅ
\p
\v 35 ᒥᓐ ᒪᒃ ᐊᓂᔭ ᐊ ‍ ᒋᓯᑲᔨᒡ ᒥᓐ ᐊᓐᑕ ᒋ ‍ ᑕᐤ ᒠᓐ ᑭᔭ ᐊᓂᔭ ᓂᓱ ᐅᒋᔅᒋᓄᐊᒧᐛᑭᓇ᙮
\v 36 ᐃᔅᐱ ᒪᒃ ᐎᔭᐱᒪᑦ ᒋᓴᓴ ᐊᓐᑕ ᐊ ‍ ᐱᒧᑕᔨᒋ, ᒋ ‍ ᐃᑕᐤ, “ᒪᐅᔭᔪᐛ ᒪᒃ ᒋᓴᒪᓂᑐᐤ ᐅᒪᔭᑕᓂᓯᒪ᙮”
\p
\v 37 ᐊᓂᔭᔪᐛ ᒪᒃ ᓂᓱ ᐅᒋᔅᒋᓄᐊᒧᐛᑭᓇ ᐱᔭᑕᑯᑦ ᐅᔭ ᐊ ‍ ᐃᔅᒋᔄᑦ, ᒋ ᐊᑎ ‍ ᐎᒐᐛᐅᒡ ᒋᓴᓴ᙮
\v 38 ᒋᓴᔅ ᒪᒃ ᒋ ‍ ᒋᐱᒋᑲᐳᐤ, ᒂ ‍ ᐊᐱᓴᐱᑦ ᒂ ‍ ᐛᐱᒪᑦ ᐊᓂᔭ ᐊ ‍ ᓇᓴᐅᑯᑦ, ᐊᑯ ᒂ ‍ ᐃᑕᑦ, “ᒐᒂᓐ ᓂᔭᓂᑐᐛᐸᑎᒪᒄ ?” ᐊᑯ ᒂ ‍ ᐃᑕᒡ, “ᒋᔅᑯᑎᒪᒐᓱᐤ ᑕᓐᑕ ᐛᒋᔨᓐ ?”
\p
\v 39 ᒋ ‍ ᐃᑕᐤ ᒪᒃ, “ᐊᔅᑎᒧᒄ ᐸᒋ ‍ ᐛᐸᑎᒧᒄ᙮” ᐊᑯ ᒂ ‍ ᐎᒐᐛᒡ, ᒂ ‍ ᐛᐸᑎᒺᒡ ᑕᓐᑕ ᐛᒋᔨᒋ᙮ ᓴᓯᑲᓐ ᒪᒃ ᓇᐤ ᒋ ‍ ᐃᔅᐱᔨᒐ ᑲᒋ ‍ ᐊᐱᑕᒋᓯᑲᔨᒡ᙮ ᐊᑯᑕ ᒪᒃ ᑲ ‍ ᑕᐛᒡ ᐊᓐᑕ ᐊ ‍ ᑕᔨᒋ ᐃᔅᑭᓐ ᒋᓯᑲᐛ᙮
\p
\v 40 ᓴᐃᒥᓐ ᐱᑕᕐ ᒪᒃ ᐎᐧᑲᓂᓴ, ᐊᓐᑎᕈ ᑲ ‍ ᐃᓯᓂᐧᑲᓱᔨᒋ ᐊᐅᒄ ᐊᓐ ᐸᐃᒄ ᑲ ‍ ᐸᑐᐛᑦ ᒠᓇ ᐊᓂᔭ ᐊ ‍ ᐃᔅᒋᔄᔨᒋ ᑭᔭ ᐎᔾ ᒪᒃ ᒋ ᐊᑎ ‍ ᐎᒐᐛᐤ ᒋᓴᓴ᙮
\v 41 ᑎᐛᒡ ᒪᒃ ᐊᓐᑎᕈ ᒋ ‍ ᓇᓂᑐᐛᔨᒪᐤ ᐊᓂᔭ ᐎᐧᑲᓂᓴ ᓴᐃᒥᓇ ᐊᑯ ᒂ ‍ ᐃᑕᑦ, “ᓂᒋ ‍ ᒥᔅᑯᐛᓇᓐ ᐊᓐ ᒪᓴᔭ᙮” ᒪᓴᔭ ᐊ ‍ ᐃᓇᓄᐅᒡ ᙭ ᐃᓇᓄᐤ ᐊ ‍ ᐱᔭᑭᔅᒋᑕᑯᓯᓇᓄᐅᒡ᙮
\v 42 ᐊᑯ ᒂ ‍ ᐃᑐᑕᐊᑦ ᓴᐃᒥᓇ ᐊᓐᑕ ᒋᓴᓴ ᐊ ‍ ᑕᔨᒋ᙮ ᒋᓴᔅ ᒪᒃ ᒋ ‍ ᑭᓄᐛᐱᒪᐤ ᐊᓂᔭ ᓴᐃᒥᓇ ᐊᑯ ᒂ ‍ ᐃᑕᑦ, “ᒋᔾ ᓴᐃᒥᓐ, ᒠᓐ ᐅᑯᓴ, ᓯᐸᔅ ᒋᑭ ‍ ᐃᓯᓂᐧᑲᓱᓐ᙮” ᓯᐸᔅ ᐊ ‍ ᐱᔭᑭᔅᒋᑕᑯᓯᓇᓄᐅᒡ ᐱᑕᕐ ᒪᒃ ᐊᓯᓂᔾ ᐃᓇᓄᐤ᙮
\s1 ᒋᓴᔅ ᑲ ‍ ᐎᓴᒪᑦ ᐱᓕᐸ ᑭᔭ ᓇᑕᓂᔭᓚ
\s2 John 1.43-51 (Epiphany-2 Year B)
\p
\v 43 ᒥᓐ ᐊᓂᔭ ᐊ ᐊᑎ ‍ ᒋᓯᑲᔨᒡ ᒋᓴᔅ ᒋ ‍ ᐃᑕᔨᑎᒻ ᑲᓕᓕ ᐊᔅᒋᒡ ᒐᒋ ᐃᑐᑕᑦ᙮ ᐊᑯᑕ ᐊᓐᑕ ᑲ ‍ ᒥᔅᑯᐛᑦ ᐱᓕᐸ ᐊᑯ ᐊᑕᑦ, “ᐸᒋ ‍ ᐎᒐᐎ᙮”
\p
\v 44 ᐱᓕᑉ ᒪᒃ ᐊᓐᑕ ᐸᑦᓴᐃᑕᒡ ᒋ ‍ ᐅᒋᐤ ᐊᓐᑕ ᐊᓂᔭ ᐅᑕᓇᔪᐤ ᐊᓐᑎᕈ ᑭᔭ ᐱᑕᕐ ᑲ ‍ ᐅᒋᒡ᙮
\v 45 ᐱᓕᑉ ᒪᒃ ᒋ ‍ ᓇᓂᑐᐛᐱᒪᐤ ᓇᑕᓂᔭᓚ ᐊᑯ ᒂ ‍ ᐃᑕᑦ ᐃᔅᐱ ᑲ ‍ ᒥᔅᑯᐛᑦ, “ᓂᒋ ‍ ᒥᔅᑯᐛᓇᓐ ᐊᓂᔭ ᒧᓱᔅ ᑲ ‍ ᐊᔨᒧᒪᑦ ᐊᓐᑕ ᐎᓱᐛᐅᓂᒡ, ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᑲ ‍ ᐊᔨᒧᒪᒡ᙮ ᐊᐅᒄ ᒋᓴᔅ, ᒍᓯᑉ ᐅᑯᓴ, ᐊᓐᑕ ᓇᓴᕆᑎᒡ ᑲ ‍ ᐅᒋᑦ᙮”
\p
\v 46 ᐊᑯ ᓇᑕᓂᔭᓪ ᒂ ‍ ᐃᑕᑦ, “ᒋᑭ ᒋ ‍ ᐅᒋᐤ ᐊ ᐊᐛᓐ ᐊ ‍ ᒋᔅᑕᔨᑕᑯᓯᑦ ᐊᓐᑕ ᓇᓴᕆᑎᒡ ?” ᐊᑯ ᐱᓕᑉ ᒂ ‍ ᐃᑕᑦ, “ᐊᔅᑎᒻ, ᐸᒋ ‍ ᓂᑐᐛᐱᒻ᙮”
\p
\v 47 ᐃᔅᐱ ᒪᒃ ᒋᓴᔅ ᐎᔭᐱᒪᑦ ᓇᑕᓂᔭᓚ ᐊ ‍ ᐸᑕᔅᑎᒧᑕᔨᒋ ᒋ ‍ ᐃᑕᐤ, “ᐊᐅᒄ ᒋᒋᐛ ᐃᔅᕋᐃᓪ ᐃᔪᐤ, ᓇᔅᒡ ᑕᑈ ᑯᐃᔅᑯᑕᑎᓯᐤ᙮”
\p
\v 48 ᓇᑕᓂᔭᓪ ᒪᒃ ᒋ ‍ ᐃᑕᐤ, “ᑕᓐᑕ ᑲ ᐅᒋ ‍ ᒋᔅᒐᔨᒥᔨᓐ ?” ᐊᑯ ᒋᓴᔅ ᒂ ᐃᓯ ‍ ᐎᑎᒧᐛᑦ, “ᔅᒋ ‍ ᐛᐱᒥᑎᓐ ᐊ ‍ ᐊᐱᔨᓐ ᓯᐸ ᒥᓯᓱᒥᓇᑎᑯᒡ ᐊᔅᒄ ᐊᑲ ᐅᒋ ᓂᑐᐛᐱᒥᔅᒃ ᐱᓕᑉ᙮”
\p
\v 49 ᓇᑕᓂᔭᓪ ᒂ ‍ ᐃᑕᑦ, “ᒋᔅᑯᑎᒪᒐᓱᐤ, ᐊᐅᒄ ᒋᔾ ᑕᑈ ᒋᓴᒪᓂᑐᐤ ᐅᑯᓴ, ᐊᐅᒄ ᒋᔾ ᒋᓴᐅᒋᒪᐤ ᐅᑕ ᐃᔅᕋᐃᓕᒡ᙮”
\p
\v 50 ᐊᑯ ᒋᓴᔅ ᒂ ‍ ᐃᑕᑦ, “ᒋ ‍ ᑕᑈᑕᓐ ᐊ, ᐊᓐ ᒥᒄ ᐊᒋ ‍ ᐎᑎᒪᑕᓐ ᐊᒋ ‍ ᐛᐱᒥᑕᓐ ᓯᐸ ᒥᓯᓱᒥᓇᑎᑯᒡ ? ᐊᑐᐎᔅ ᒪᒃ ᐊᔅᒄ ᒋᑭ ‍ ᐛᐸᑕᓐ ᒪᒥᔅᑲᒡ ᒐᒂᔪᐛ !”
\v 51 ᐊᑯ ᒥᓐ ᒂ ᐊᑎ ‍ ᐃᔅᒋᔄᑦ, “ᑯᐃᔅᒄ ᒋ ‍ ᐎᑎᒪᑎᓇᐛᐤ, ᒋᑭ ‍ ᐛᐸᑕᓇᐛᐤ ᒋᒋᒋᓯᒄ ᐊ ‍ ᔪᑕᐱᔨᒡ, ᑭᔭ ᒋᓴᒪᓂᑐᐤ ᐅᑦ ᐊᓐᒋᓂᒪ ᐊ ‍ ᐅᐱᔨᒋ ᑭᔭ ᐊ ᐸᒋ ‍ ᔭᓯᑐᑐᐛᒡ ᐃᔪᐤ ᐅᑯᓯᓴᓇ᙮”
\c 2
\s1 ᑲᐃᓇᒡ ᑲ ‍ ᓂᐳᐅᓇᓄᒡ
\s2 John 2.1-11 (Epiphany-2 Year C)
\p
\v 1 ᑲᒋ ᓂᓱ ‍ ᒋᓯᑲᒡ ᒪᒃ ᒋ ‍ ᓂᐳᐅᓇᓄᐤ ᐊᓐᑕ ᐊᓐ ᐅᑕᓇᐤ ᑲᐃᓇ ᑲ ‍ ᐃᓯᓂᐧᑲᑕᒡ ᐊᓐᑕ ᑲᓕᓕ ᐊᔅᒋᒡ ᑲ ‍ ᑎᒂᒡ᙮ ᐊᑯᑕ ᐊᓐᑕ ᑲ ‍ ᑕᔨᒋ ᒋᓴᔅ ᐅᑲᐎᔭ᙮
\v 2 ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᑭᔭ ᐎᔨᐛᐤ ᒋ ‍ ᐎᓴᒪᐊᑭᓄᐅᒡ ᐊᓂᔭ ᐊ ‍ ᓂᐳᐅᓇᓄᐎᒡ,
\v 3 ᐃᔅᐱ ᒪᒃ ᒥᓯᐛ ᑲ ‍ ᒋᔅᑕᑭᓄᐅᒡ ᐊᓐ ᓱᒥᓇᐳᔾ, ᒋᓴᔅ ᒋ ‍ ᐃᑎᑯᐤ ᐅᑲᐎᔭ, “ᓴᔅ ᓄᑕᐱᔪᒡ ᓱᒥᓇᐳᔪᐤ᙮”
\p
\v 4 ᒋᓴᔅ ᒪᒃ ᒋ ‍ ᐃᑕᐤ, “ᐃᔎᐤ, ᒐᒂᓐ ᐛᒋ ‍ ᐎᑎᒧᔨᓐ ᐊᓐ ? ᑕᐸ ᐊᔅᒄ ᐅᑎᒋᐱᔪᐤ ᐊᓐ ᓂᑎᐸᐃᑭᓐ ᐊᓐᑕ ᒐ ‍ ᒋᔅᒐᔨᒥᑯᐅᔭᓐ ᐊᐛᓐ ᐊ ‍ ᐊᐎᔭᓐ᙮”
\p
\v 5 ᐊᑯ ᒋᓴᔅ ᐅᑲᐎᔭ ᒂ ‍ ᐃᑕᑦ ᐊᓂᔭ ᐊᐱᒋᐊᑭᓇ, “ᒥᒄ ᑕᓐ ᒐ ‍ ᐃᑎᓱᒥᑕᒂ ᐊᐅᒄ ᐊᓂᔭ ᐃᑐᑎᒺᐧᒄ᙮”
\p
\v 6 ᒋ ‍ ᑎᑯᓇ ᒪᒃ ᐊᓐᑕ ᐊᓱᑕᒡ ᐊᓯᓂᔪᐤ ᐳᑎᔭ᙮ ᐸᐸᐃᒄ ᒪᒃ ᐅᔭ ᐳᑎᔭ ᓴᓯᑲᓐ ᓂᓱᔪᐤ ᑭᔭ ᒪᒃ ᓂᔅᑐᔪᐤ ᑕᑐᔭᓇᑭᓐ ᒐᒋ ᐃᔅᐱᓯᐸᔭᒡ ᓂᐱᔾ ᒋ ‍ ᐊᔭᔅᐱᓴᐛ᙮ ᒍᐤ ᐃᔪᒡ ᒪᒃ ᐊ ‍ ᒋᔅᑕᐸᐅᐛᒐᒡ ᐃᑕᐱᒋᑕᐅᒡ ᐅᔭ ᓂᐱᔪᐤ ᐊ ‍ ᐃᑐᑕᒡ ᑕᓐ ᐊ ‍ ᐃᑎᓱᒥᑯᒡ ᐅᑦ ᐊᔭᒥᐊᐅ ᐎᓱᐛᐅᓄᐛᐤ᙮
\p
\v 7 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᐊᐱᒋᐊᑭᓇ, “ᓴᑭᔅᒋᓇᐱᑕᒄ ᓂᐱᔾ ᐅᑕ ᐅᔭ ᐳᑎᔭ᙮” ᓇᔅᒡ ᒪᒃ ᒋ ‍ ᓴᑭᔅᒋᓇᐱᑕᔪᐛ᙮
\p
\v 8 ᐊᑯ ᒥᓐ ᒂ ‍ ᐃᑕᑦ, “ᒂᐸᐊᒥᒄ ᐊᐱᓯᔅ ᒐ ‍ ᐃᑐᑐᐛᒄ ᐊᓐ ᒥᑯᓴᐅᒋᒪᐤ᙮”
\p ᐊᐅᑯᓐ ᑭᑈ ᑲ ‍ ᐃᑎᔨᒋ᙮
\v 9 ᒋ ‍ ᑯᒋᔅᑎᒻ ᐊᓐ ᒥᑯᓴᐅᒋᒪᐤ ᐊᓂᔭ ᓂᐱᔪᐤ, ᓴᔅ ᒪᒃ ᓱᒥᓇᐳᒡ ᒋ ‍ ᐃᑕᑭᒥᔪᐤ᙮ ᓇᒪ ᐅᒋ ᒋᔅᒐᔨᑎᒻ ᑕᓐᑕ ᑲ ‍ ᐅᒋᐱᔨᒡ ᐊᓂᔭ ᓱᒥᓇᐳᔪᐤ᙮ ᐊᓐᒡ ᒪᒃ ᐎ ᐊᐱᒋᐊᑭᓐᒡ ᐊᓂᔭ ᓂᐱᔪᐤ ᑲ ‍ ᒂᐸᐊᒡ ᒋ ‍ ᒋᔅᒐᔨᑎᒧᒡ ᐎᔨᐛᐤ ᑕᓐᑕ ᑲ ‍ ᐅᒋᐱᔨᒡ ᐊᓂᔭ ᓱᒥᓇᐳᔪᐤ᙮ ᐊᑯ ᐊᓐ ᒥᑯᓴᐅᒋᒪᐤ ᒂ ‍ ᐎᓴᒪᑦ ᐊᓂᔭ ᐅᔅᒋᓂᐳᐛᓇ,
\v 10 ᒂ ‍ ᐃᑕᑦ, “ᒥᓯᐛ ᐊᐛᓐ ᐊ ‍ ᒥᑯᓴᑦ, ᐊᓂᔭ ᒪᐅᒡ ᐊ ‍ ᒥᔽᔨᒡ ᓱᒥᓇᐳᔪᐤ ᓂᔅᑎᒻ ᐱᒥᐱᔨᑕᐤ, ᐊᑯ ᐃᔅᐱ ᐊ ᐊᑎ ‍ ᒥᔪᐧᑭᓱᔨᒋ ᐊᓂᔭ ᑲ ‍ ᐎᓴᒪᑦ, ᐊᑯ ᐊᓂᔭ ᐊᑲ ᐎᐧᑭᓂᔨᒡ ᓱᒥᓇᐳᔪᐤ ᐸᒥᐱᔨᑕᑦ᙮ ᒋᔾ ᒪᒃ ᒐᒂᓐ ᐛᒋ ‍ ᒪᔅᑕᔾ ᐱᒥᐱᔨᑕᔨᓐ ᐊᓐ ᑲ ‍ ᒥᔽᒡ ᓱᒥᓇᐳᔾ᙮”
\p
\v 11 ᐊᑯᑕ ᒪᒃ ᐊᓐᑕ ᑲᐃᓇᒡ ᐊᓐᑕ ᑲᓕᓕ ᐊᔅᒋᒡ, ᓂᔅᑎᒻ ᑲ ‍ ᒪᒥᔅᑲᒡ ᐃᑎᑦ ᒋᓴᔅ, ᐊᑯᑕ ᑲ ‍ ᓄᑯᓂᔨᒡ ᐅᒋᔅᑕᔨᑕᑯᓱᐅᓐ᙮ ᐊᑯᑕ ᒪᒃ ᑲ ᐅᒋ ‍ ᑕᑈᔭᔨᒥᑯᑦ ᐅᒋᔅᒋᓄᐊᒧᐛᑭᓇ᙮
\p
\v 12 ᐊᑯ ᒋᓴᔅ ᑭᔭ ᐅᑲᐎᔭ ᑭᔭ ᐎᐧᑲᓂᓴ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᒋ ‍ ᐃᑐᑕᐅᒡ ᐊᓐᑕ ᐅᑕᓇᔪᐤ ᑲᐳᕐᓇᐊᒻ ᑲ ‍ ᐃᓯᓂᐧᑲᑕᔨᒡ, ᐊᑯᑕ ᐊᓐᑕ ᑲ ‍ ᑕᒡ᙮ ᓇᒪ ᒥᒄ ᓇᔅᒡ ᒥᒐᑐᐤ ᒋᓯᑲᐛ ᐅᒋ ᑕᐅᒡ ᐊᓐᑕ᙮
\s1 ᒋᓴᐊᔭᒥᐊᐅᒋᐛᐱᒡ ᑲ ‍ ᐃᑐᑕᑦ ᒋᓴᔅ
\r ᒪᑎᔪᐤ 21.12,13; ᒪᕐᒃ 11.15-17; ᓗᒃ 19.45,46
\s2 John 2.13-22 (Lent-3 Year B)
\p
\v 13 ᓴᔅ ᒪᒃ ᒋ ‍ ᐸᓱᓇᑯᓂᔪᐤ ᒍᐤ ᐃᔪᒡ ᑲᒋ ‍ ᒥᑯᓴᒡ, ᐎᒪᔅᑲᒐᐅ-ᒥᑯᓴᐅᓐ ᑲ ‍ ᐃᓯᓂᐧᑲᑕᔨᒡ, ᐊᑯ ᐊᓐᑕ ᒋᕈᓯᓕᒥᒡ ᒂ ‍ ᐃᑐᑕᑦ ᒋᓴᔅ᙮
\v 14 ᐊᓐᑕ ᒪᒃ ᒋᓴᐊᔭᒥᐊᐅᒋᐛᐱᒡ ᒐ ᐊᑎ ‍ ᐱᒐᑦ, ᒋ ‍ ᐛᐱᒪᐤ ᓇᐸᐛ ᐊ ‍ ᐊᑕᐛᔨᒋ ᒥᔅᑐᓴ ᑭᔭ ᒪᔭᑕᓂᓴ ᑭᔭ ᐱᔭᓯᓴ, ᑭᔭ ᐊᓂᔭ ᑲ ‍ ᒥᔅᑯᑐᓇᔨᒋ ᓱᓇᔭᔪᐤ ᐊ ‍ ᐊᐱᔨᒋ ᐊᓐᑕ᙮
\v 15 ᐊᑯ ᒂ ‍ ᐅᓯᑕᑦ ᐱᓯᔅᑕᐃᑭᓂᔪᐤ ᐊᐱᓯᔪᐤ ᐊ ‍ ᐊᐱᒋᑕᑦ, ᐊᑯ ᒂ ‍ ᐎᐎᑎᓴᐛᑦ ᐊᓂᔭᔪᐛ ᑲ ‍ ᐊᑕᐛᔨᒋ ᑭᔭ ᐊᓂᔭ ᐊᐛᓯᓴ ᐊᓐᑕ ᒋᓴᐊᔭᒥᐊᐅᒋᐛᐱᒡ, ᑕᐱᔅᑯᓐ ᐊᓂᔭ ᒪᔭᑕᓂᓴ ᑭᔭ ᐊᓂᔭ ᒥᔅᑐᓴ᙮ ᒋ ‍ ᒂᑎᐱᐛᐱᓂᒺᐤ ᑭᔭ ᐅᒥᒋᓱᐛᑭᓇᑎᑯᔪᐛ ᐊᓂᔭ ᑲ ‍ ᒥᔅᑯᑐᓂᒥᔨᒋ ᓱᓇᔭᔪᐤ, ᒂ ‍ ᐃᒐᐛᐱᓂᒺᑦ ᐊᓂᔭ ᐅᓱᓇᔭᓂᒥᔪᐤ᙮
\v 16 ᒋ ‍ ᐃᑕᐤ ᒪᒃ ᐊᓂᔭ ᐱᔭᓯᓴ ᑲ ‍ ᐊᑕᐛᒐᔨᒋ, “ᒪᒋᒄ ᓇᑕ ᐎᐎᑕᐊᐧᑯᒡ ᐊᓐᒡ᙮ ᓄᑕᐎᔾ ᐅᔭ ᐎᒡ, ᓇᒪᔭᐤ ᐅ ᐊᑕᐛᐅᒋᐛᑉ᙮ ᐊᑯᓐ ᐊᑯ ᐃᔅᐱᔅ ᐊ ‍ ᑕᐛᒄ ᒐᒂᓐ ᐅᑕ᙮”
\p
\v 17 ᐅᒋᔅᒋᓄᐊᒧᐛᑭᓇ ᒪᒃ ᒋ ᐅᒋ ‍ ᒋᔅᒋᓯᔪᐛ ᐊᓐᑕ ᒥᓯᓇᐃᑭᓂᒡ ᑲ ‍ ᐃᑎᔅᑕᔨᒡ,
\q ᓇᔅᒡ ᓂᑭ ‍ ᓴᐧᑯᒋᐃᑯᓐ ᓇᔅᒡ ᐊ ‍ ᓴᒋᑕᔭᓐ ᒋᒡ᙮
\p
\v 18 ᐊᑯ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ ᒂ ᐸᒋ ‍ ᓂᑐᐛᐱᒥᑯᑦ, ᒂ ‍ ᐃᑎᑯᑦ, “ᐊᐛᓐ ᑲ ‍ ᐃᑎᓱᒥᔅᒃ ᐊᓐ ᑲ ‍ ᐃᑐᑎᒥᓐ, ᒐᒄ ᒪᒥᔅᑲᒡ ᐃᑐᐅᓐ ᒐᒋ ᐛᐸᑎᔨᔭᒡ ᑕᑈ ᒋᓴᒪᓂᑐᐤ ᐊᒋ ‍ ᐃᑎᓱᒥᔅᒃ ᒐᒋ ᐃᑐᑎᒥᓐ ᐊᓐ ᑲ ‍ ᐃᑐᑎᒥᓐ ?”
\p
\v 19 ᐊᑯ ᒋᓴᔅ ᒂ ᐃᓯ ‍ ᐎᑎᒧᐛᑦ, “ᓂᓱᐅᓇᒋᑕᒄ ᐅ ᒋᓴᐊᔭᒥᐊᐅᒋᐛᑉ, ᓂᔅᑐ ᒋᓯᑲᐛ ᒪᒃ ᐃᔅᐱᔅ ᒥᓐ ᑯᑎᒡ ᓂᑭ ‍ ᐎᔨᑲᐳᐅᑕᓐ᙮”
\p
\v 20 ᐊᑯ ᒂ ‍ ᐃᑕᒡ, “ᓂᔅᑐ ᒋᓯᑲᐛ ᐊ ᐃᔅᐱᔅ ᓴᔅ ᒥᓐ ᒋᑭ ᒋ ‍ ᐎᔨᑲᐳᐅᑕᓐ ? ᓇᐎᔪᐤ ᐊᓱ ᐊᓱᑕᒡ ᑕᑐᐤ ᐱᐳᓇ ᒋ ‍ ᑎᓯᐧᑲᑭᓄᐤ ᐅ ᒋᓴᐊᔭᒥᐊᐅᒋᐛᑉ ᑲ ‍ ᐎᔨᑲᐳᐅᑕᑭᓄᐅᒡ᙮”
\v 21 ᐎᔪᐤ ᐊᓂᔭ ᑲ ‍ ᐊᔨᒧᑕᐧᒃ ᒋᓴᔅ ᐊᓂᔭ ᑲ ‍ ᐃᔅᒋᔄᑦ ᒐᒋ ᐎᔨᑲᐳᐅᑕᑦ ᐊᔭᒥᐊᐅᒋᐛᐱᔪᐤ ᓂᔅᑐ ᒋᓯᑲᐛ ᐃᔅᐱᔅ᙮
\v 22 ᐃᔅᐱ ᒪᒃ ᑲ ‍ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒡ, ᐊᑯ ᒂ ‍ ᒋᔅᒋᓯᔨᒋ ᐊᓂᔭ ᐅᒋᔅᒋᓄᐊᒧᐛᑭᓇ ᐅᔭ ᑲ ‍ ᐃᔅᒋᔄᑦ᙮ ᒋ ‍ ᑕᑈᑎᒧᒡ ᒪᒃ ᑕᓐ ᐊ ‍ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ ᑭᔭ ᑕᓐ ᑲ ‍ ᐃᔅᒋᔄᔨᒋ ᒋᓴᓴ᙮
\s1 ᒋᓴᔅ ᓇᔅᒡ ᒋᔅᒐᔨᒪᐤ ᑕᓐ ᐊ ‍ ᐃᑕᔨᑕᑯᓯᔨᒋ ᐊᐛᔪᐛ
\p
\v 23 ᒪᒂᒡ ᒪᒃ ᒋᓴᔅ ᑲ ‍ ᑕᑦ ᐊᓐᑕ ᒋᕈᓯᓕᒥᒡ ᐊᓂᔭ ᒪᒂᒡ ᑲ ‍ ᒥᑯᓴᓄᐎᒡ ᐎᒪᔅᑲᒐᐅ-ᒥᑯᓴᓂᔪᐤ, ᒥᒐᑦ ᐊᐛᔪᐛ ᒋ ‍ ᑕᑈᔭᔨᒥᑯᐤ ᐎᔾ ᑕᑈ ᐊ ‍ ᐊᐎᑦ ᙭ ᐃᔅᐱ ᑲ ‍ ᐛᐱᒥᑯᑦ ᐊ ‍ ᒪᒥᔅᑲᒡ ᐃᑎᑦ᙮
\v 24 ᒋᓴᔅ ᒪᒃ ᓇᒪ ᐅᒋ ᑕᑈᐅᒐᔨᒪᐤ ᐛᔅ ᒥᓯᐛ ᐊᐛᔪᐛ ᒋ ‍ ᒋᔅᒐᔨᒪᐤ ᑕᓐ ᐊᓐ ᐊ ‍ ᐃᑕᔨᑕᑯᓯᔨᒋ᙮
\v 25 ᓇᒪ ᑭᔭ ᐅᒋ ᓂᑐᐛᔨᑎᒻ ᒐᒋ ᐎᑎᒪᑯᑦ ᐊᐛᔪᐛ ᑕᓐ ᐊ ‍ ᐃᑕᔨᑕᑯᓯᔨᒋ ᐊᐛᔪᐛ ᐛᔅ ᒋ ‍ ᒋᔅᒐᔨᒪᐤ ᑕᓐ ᐊᓐ ᐊ ‍ ᐃᑕᔨᑕᑯᓯᔨᒋ᙮
\c 3
\s1 ᒋᓴᔅ ᑭᔭ ᓂᑯᑎᒪᔅ
\p
\v 1 ᒋ ‍ ᑕᐤ ᓇᐸᐤ ᓂᑯᑎᒪᔅ ᐊ ‍ ᐃᓯᓂᐧᑲᓱᑦ, ᐸᕆᓯ ᒋ ‍ ᐃᑎᐳᐤ ᑭᔭ ᐊᐅᑯᓐ ᐊᓐ ᐸᐃᒄ ᑲ ‍ ᓂᑲᓂᔅᑯᐛᑦ ᒍᐤ ᐃᔪᐛ᙮
\v 2 ᐸᐃᒂᐤ ᒪᒃ ᐊ ‍ ᑎᐱᔅᑲᔨᒡ ᒋ ‍ ᓂᑐᐛᐱᒪᐤ ᒋᓴᓴ ᐊᑯ ᒂ ‍ ᐃᑕᑦ, “ᒋᔅᑯᑎᒪᒐᓱᐤ, ᒋ ‍ ᒋᔅᒐᔨᒥᑎᓇᓐ ᒋᔾ ᒋᔅᑯᑎᒪᒐᓱᐤ ᐊᒋ ᐸᒋ ‍ ᐃᑎᓴᐅᔅᒃ ᒋᓴᒪᓂᑐᐤ᙮ ᐛᔅ ᓇᒪ ᐊᐛᓐ ᒋᑭ ᒋ ‍ ᐃᑐᑎᒻ ᐊᓂᔭ ᒪᒥᔅᑲᒡ ᐃᑐᐅᓇ ᒋᔾ ᑲ ‍ ᐃᑐᑎᒥᓐ ᐊᑲ ᐎᒋᐃᑯᒐ ᒋᓴᒪᓂᑐᐛ᙮”
\s1 ᐊ ‍ ᓂᑐᐛᔨᑕᒂᒡ ᒥᓐ ᒐᒋ ᐱᒪᑎᓯᑦ ᐊᐛᓐ
\p
\v 3 ᒋᓴᔅ ᒂ ‍ ᐃᑕᑦ, “ᑯᐃᔅᒄ ᒋ ‍ ᐎᑎᒪᑎᓐ, ᓇᒪ ᐊᐛᓐ ᒋᑭ ᒋ ‍ ᐛᐸᑎᒺᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐸᑐᔅ ᒥᓐ ᐱᒪᑎᓯᒐ᙮”
\p
\v 4 ᐊᑯ ᓂᑯᑎᒪᔅ ᒂ ‍ ᐃᑕᑦ, “ᑕᓐᑕ ᒥᓐ ᒐᒋ ᐅᒋ ‍ ᐱᒪᑎᓯᑦ ᐊᐛᓐ ᓴᔅ ᐊᒋ ᐃᓯ ‍ ᓂᑕᐅᒋᑦ ? ᓇᒪ ᒥᓐ ᒋᑭ ᒋ ‍ ᐱᒐᐛᐤ ᐅᑲᐎᔭ ᐅᔅᐱᔭᔨᒡ ᒥᓐ ᒐᒋ ᐱᒪᑎᓯᑦ᙮”
\p
\v 5 ᒋᓴᔅ ᒂ ‍ ᐃᑕᑦ, “ᑯᐃᔅᒄ ᒋ ‍ ᐎᑎᒪᑎᓐ, ᓇᒪ ᐊᐛᓐ ᒋᑭ ᒋ ‍ ᐱᒐᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐸᑐᔅ ᓂᐱᒡ ᑭᔭ ᐊᒐᐧᑯᐅᓂᒡ ᐅᒋ ᐱᒪᑎᓯᒐ᙮
\v 6 ᒥᓯᐛ ᒋᓂᒋᐃᑯᓄᐅᒡ ᐊ ‍ ᑕᒡ ᔅᒋ ᐅᒋ ‍ ᐊᔭᓇᓄᐤ ᐅ ᐎᔭᔅ ᐱᒪᑎᓯᐅᓐ᙮ ᒥᒄ ᒪᒃ ᑲ ‍ ᐸᔭᒋᓯᑦ ᐊᒐᐧᒄ ᐊ ‍ ᑕᑦ ᐅᒋ ᐊᑯᑕ ᐛᒋ ‍ ᐊᔭᔭᐧᒄ ᐊᒐᐧᒄ ᐱᒪᑎᓯᐅᓐ᙮
\v 7 ᐊᑲᐎᔾ ᒪᒥᔅᑲᑕᔨᑎᒥᐃᑯᐤ ᐅ ᐊ ‍ ᐃᑎᑕᓐ ᐊ ‍ ᓂᑐᐛᔨᑕᑯᓯᔨᓐ ᒥᓐ ᒐᒋ ᐱᒪᑎᓯᔨᓐ᙮
\v 8 ᐊ ‍ ᔪᑎᒡ, ᒥᒄ ᐊᓐᑕ ᐛ ᐃᓯ ‍ ᔪᑎᒡ ᐊᑯᑕ ᐊ ᐃᓯ ‍ ᔪᑎᒡ᙮ ᐸᑕᑯᓐ ᐊ ‍ ᔪᑎᒡ ᓇᒪ ᒥᒄ ᒋᔅᒐᔨᑕᑯᓐ ᑕᓐᑕ ᐊᓐ ᐛᒋᐱᔨᒡ ᑭᔭ ᑕᓐᑕ ᐊ ‍ ᐃᔅᐱᔨᒡ ᐊᓐ ᐊ ‍ ᔪᑎᒡ᙮ ᐊᐅᑯᓐ ᒪᒃ ᒧᔭᒻ ᐊ ‍ ᐃᓯᓇᑯᓯᑦ ᑲ ‍ ᐸᔭᒋᓯᑦ ᐊᒐᐧᒄ, ᓇᒪ ᒋ ‍ ᒋᔅᒐᔨᒪᓄᐤ ᐊᐛᔪᐛ ᒥᓐ ᒐ ‍ ᒥᔭᑦ ᐱᒪᑎᓯᐅᓂᔪᐤ᙮”
\p
\v 9 ᓂᑯᑎᒪᔅ ᒪᒃ ᒋ ‍ ᐃᑕᐤ, “ᑕᓐᑕ ᒪᒃ ᒐᒋ ᐅᒋ ‍ ᐃᔅᐱᔨᒡ ᐅ ?”
\p
\v 10 ᐊᑯ ᒋᓴᔅ ᒂ ‍ ᐃᑕᑦ, “ᒋᔾ ᐊᐅᒄ ᐸᐃᒄ ᑲ ‍ ᒋᔅᑕᔨᒪᑭᓄᐅᑦ ᒋᔅᑯᑎᒪᒐᓱᐤ ᐅᑕ ᐃᔅᕋᐃᓕᒡ, ᐃᔭᐱᒡ ᐊ ᓇᒪ ᒋ ‍ ᓂᔅᑐᑐᐅᓐ ᐅ ᑲ ‍ ᐃᔅᒋᔄᔭᓐ ?
\v 11 ᑯᐃᔅᒄ ᒋ ‍ ᐎᑎᒪᑎᓐ᙮ ᓂᑦ ᐊᔨᒧᑕᓇᓐ ᑕᓐ ᐊ ᐃᓯ ‍ ᒋᔅᒐᔨᑎᒪᒡ ᑭᔭ ᑕᓐ ᑲ ᐃᓯ ‍ ᐛᐸᑎᒪᒡ ᓇᒪ ᒪᒃ ᐃᔭᐱᒡ ᐛᐛᒡ ᐸᐃᒄ ᒋ ᐎ ‍ ᑕᑈᑐᐅᓇᓐ᙮
\v 12 ᓇᒪ ᒋ ‍ ᑕᑈᑐᐅᓇᐛᐤ ᐊ ‍ ᐎᑎᒪᑎᑯᒡ ᑕᓐ ᐊ ‍ ᐃᔅᐱᔨᒡ ᐅᑕ ᐊᔅᒋᒡ᙮ ᑕᓐᑕ ᒪᒃ ᒐᒋ ᐅᒋ ‍ ᑕᑈᑎᒪᒄ ᐎᑎᒪᑎᑯᒐ ᑕᓐ ᐊ ‍ ᐃᑕᔨᑕᒂᒡ ᐊᓐᑕ ᒋᒋᒋᓯᑯᒡ ?
\v 13 ᓇᒪ ᒪᒃ ᐊᐛᓐ ᐅᒋ ᐅᐱᔪᐤ ᒋᒋᒋᓯᑯᒡ ᐃᔅ ᒥᒄ ᐃᔪᐤ ᐅᑯᓯᓴᓐ ᒋᒋᒋᓯᑯᒡ ᑲ ‍ ᐅᑐᑕᑦ᙮”
\s1 ᑕᓐᑕ ᒐᒋ ᐅᒋ ‍ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ
\s2 John 3.14-21 (Lent-4 Year B)
\p
\v 14 ᒧᔭᒻ ᐊᓂᔭ ᑲ ‍ ᐃᑎᑦ ᒧᓱᔅ ᒪᒂᒡ ᐸᐧᑯᑎᔅᑭᒥᑲᒡ ᑲ ‍ ᑕᒡ ᑲ ‍ ᒋᑭᒺᐊᑦ ᒋᓇᐱᑯᐧᑲᓇ ᒥᔅᑎᑯᒡ ᒥᓯᐛ ᐊᐛᔪᐛ ᒐᒋ ᐛᐱᒪᔨᒋ, ᐊᐅᑯᓐ ᒧᔭᒻ ᒐ ‍ ᐃᑐᑐᐛᑭᓄᐅᑦ ᐃᔪᐤ ᐅᑯᓯᓴᓐ᙮
\v 15 ᐊᑯ ᒪᒃ ᒥᓯᐛ ᐊᐛᓐ ᑲ ‍ ᑕᑈᔭᔨᒪᑦ ᒐ ‍ ᐊᔭᑦ ᑲᒋᒡ ᐱᒪᑎᓯᐅᓂᔪᐤ᙮
\p
\v 16 ᐛᔅ ᒋᓴᒪᓂᑐᐤ ᐊ ‍ ᐃᔅᐱᔅ ᒋ ‍ ᓴᒋᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ‍ ᒥᔨᐛᐤ ᑲ ‍ ᐸᐃᑯᓯᔨᒋ ᐅᑯᓴ, ᒥᓯᐛ ᐊᐛᔪᐛ ᑲ ‍ ᑕᑈᔭᔨᒪᔨᒋ ᒐ ᐊᑲ ᒋ ᓂᓱᐅᓇᑎᓯᔨᒋ ᒪᒃ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮
\v 17 ᐛᔅ ᒋᓴᒪᓂᑐᐤ ᒋ ᐸᒋ ‍ ᐃᑎᓴᐛᐤ ᐅᑯᓴ ᐅᑕ ᐊᔅᒋᒡ ᒐᒋ ᐱᒪᒋᐊᔨᒋ ᐊᐛᔪᐛ ᓇᒪ ᐎ ᒐᒋ ᐸᒋ ‍ ᓂᓱᐅᓇᒋᒪᔨᒋ᙮
\p
\v 18 ᐊᓐ ᒪᒃ ᐊᐛᓐ ᒐ ‍ ᑕᑈᔭᔨᒪᒂ ᐅᑯᓯᓯᒪᐛ ᓇᒪ ᒋᑭ ᐅᒋ ‍ ᓂᓱᐅᓇᒋᒪᑭᓄᐤ, ᐊᓐ ᒪᒃ ᐊᐛᓐ ᒐ ᐊᑲ ‍ ᑕᑈᔭᔨᒪᒂ ᓴᔅ ᓂᓱᐅᓇᒋᒪᑭᓄᐤ ᐛᔅ ᓇᒪ ᑕᑈᔭᔨᒪᐤ ᐊᓂᔭ ᒋᓴᒪᓂᑐᐛ ᑲ ‍ ᐸᐃᑯᓯᔨᒋ ᐅᑯᓯᔪᐛ᙮
\v 19 ᐛᔅᑕᐅᓐ ᒋ ᐸᒋ ‍ ᐱᔅᑎᓇᑭᓄᐤ ᐅᑕ ᐊᔅᒋᒡ ᒥᒄ ᒪᒃ ᐃᐛᒃ ᒋ ‍ ᐃᑕᔨᑎᒧᒡ ᐊᐛᓐᒋ ᐅᓂᑎᐱᔅᒋᓯᐅᓂᒡ ᒐᒋ ᐃᓯ ‍ ᐱᒪᑎᓯᒡ ᐃᔅᐱᔅ ᐎ ᐛᔅᑕᐅᓂᒡ ᒐᒋ ᐃᓯ ‍ ᐱᒪᑎᓯᒡ, ᐛᔅ ᒋ ‍ ᒥᒐᑎᓯᐅᒡ᙮ ᐊᔪᐅᒄ ᒪᒃ ᐅᔭ ᒐ ᐅᒋ ‍ ᑎᐸᔅᑯᓇᑭᓄᐎᒡ᙮
\v 20 ᐊᓐ ᒪᒃ ᐊᐛᓐ ᑲ ‍ ᒥᒐᑎᓯᑦ ᐛᐧᑲᑎᒻ ᐊᓂᔭ ᐛᔅᑕᐅᓂᔪᐤ ᓇᒪ ᐎ ‍ ᓇᑎᒻ ᐛᔅ ᓇᒪ ᓂᑐᐛᔨᑎᒻ ᒐᒋ ᓄᑯᓂᔨᒡ ᐅᒥᒐᑎᓯᐅᓐ ᐊᓐᑕ ᐊ ‍ ᐛᔅᑕᔨᒡ᙮
\v 21 ᒥᒄ ᒪᒃ ᐊᓐ ᐊᐛᓐ ᑕᑈᐅᓂᒡ ᑲ ᐃᓯ ‍ ᐱᒪᑎᓯᑦ ᐊᓐᑕ ᐊ ‍ ᐛᔅᑕᔨᒡ ᑕᐤ ᑭᔭ ᐊ ‍ ᓄᑯᓂᔨᒡ ᑕᓐ ᐊ ᐃᓯ ‍ ᓂᓇᐃᑐᐛᑦ ᒋᓴᒪᓂᑐᐛ᙮
\s1 ᒠᓐ ᐅᓯᑲᐃᑕᒐᐤ ᑲ ‍ ᐎᑕᐧᒃ ᒋᓴᓴ ᐊ ‍ ᐊᐎᔨᒋ ᙭ᑕ
\p
\v 22 ᐊᓐᑕ ᒍᑎᔭ ᐊᔅᒋᒡ ᒋ ‍ ᐃᑐᑕᐤ ᒋᓴᔅ ᐅᒋᔅᒋᓄᐊᒧᐛᑭᓐ ᐊ ‍ ᐎᒐᐅᑯᑦ᙮ ᐊᑯᑕ ᐊᓐᑕ ᑲ ‍ ᑕᒡ, ᒋᓴᔅ ᒪᒃ ᒋ ‍ ᓯᑲᐃᑕᒐᐤ᙮
\v 23 ᑭᔭ ᐎᔾ ᒠᓐ ᒋ ‍ ᓯᑲᐃᑕᒐᐤ ᐊᓐᑕ ᐊᐃᓄᓐ, ᓇᒪ ᐛᔪᐤ ᐊᓐᑕ ᐅᒋ ᓴᓕᒥᒡ ᐛᔅ ᓇᔅᒡ ᒋ ‍ ᒥᓴᔪᐤ ᓂᐱᔪᐤ ᐊᓐᑕ᙮ ᒧᔅ ᒋ ‍ ᓂᑐᐛᐱᒥᑯᐤ ᐊᐛᔪᐛ ᐊ ‍ ᓂᑐᐛᔨᑎᒥᔨᒋ ᒐᒋ ᓯᑲᐃᑐᐛᑦ, ᒋ ‍ ᓯᑲᐃᑐᐛᐤ ᒪᒃ᙮
\v 24 ᐊᐅᒄ ᐅᔭ ᑲ ‍ ᐃᑎᑦ ᒠᓐ ᐊᔅᒄ ᐊᑲ ᐅᒋ ᒪᑯᓇᑭᓄᐅᑦ᙮
\p
\v 25 ᐱᔅᒐ ᒪᒃ ᐊᓂᔭᔪᐛ ᒠᓐ ᐅᒋᔅᒋᓄᐊᒧᐛᑭᓇ ᑭᔭ ᑯᑎᑭᒡ ᒍᐤ ᐃᔪᒡ ᒋ ‍ ᒥᒋᐱᔪᒡ ᐊ ‍ ᐊᔨᒧᑕᒡ ᐊᔭᒥᐊᐅ ᐸᔭᒋᐃᐛᐅᓂᔪᐤ᙮
\v 26 ᒋ ‍ ᓂᑐᐛᐱᒪᐅᒡ ᒠᓇ ᐊᑯ ᒂ ‍ ᐃᑕᒡ, “ᒋᔅᑯᑎᒪᒐᓱᐤ, ᐊᓐ ᓇᐸᐤ ᑕᐱᔅᑯᓐ ᑲ ‍ ᑕᔭᒄ ᐊᓐᑕ ᐛᐱᓄᑕᒡ ᐊᓐ ᒠᕐᑕᓐ ᓯᐱᔾ, ᐊᓐ ᑲ ‍ ᐊᔨᒧᒥᑦ, ᐊᓄᒡ ᑭᔭ ᐎᔾ ᓯᑲᐃᑕᒐᐤ ᑭᔭ ᒥᓯᐛ ᐊᐛᔪᐛ ᓂᑐᐛᐱᒥᑯᐤ᙮”
\p
\v 27 ᒠᓐ ᒪᒃ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᓇᒪ ᐊᐛᓐ ᒋᑭ ᒋ ‍ ᐃᑐᑎᒻ ᒐᒂᔪᐤ ᐸᑐᔅ ᒋᓴᒪᓂᑐᐛ ᐃᑕᔨᒥᑯᒐ ᒐᒋ ᐃᑐᑕᐧᒃ᙮
\v 28 ᒋᔨᐛᐤ ᒪᒃ ᔅᒋ ‍ ᐸᑐᐅᓇᐛᐤ ᐅ ᑲ ‍ ᐃᔅᒋᔄᔭᓐ, ‘ᓇᒪᔭᐤ ᓂᔾ ᐊᓐ ᙭ ᒥᒄ ᒪᒃ ᓂᒋ ᐸᒋ ‍ ᓂᑲᓂᑎᓯᐅᑯᓐ ᓂᔾ ᒐᒋ ᐊᔨᒧᒥᒃ᙮’
\v 29 ᒧᔭᒻ ᐅᔅᒋᓂᐳᐛᓐ ᐎᔾ ᑎᐸᔨᒪᐤ ᐊᓂᔭ ᐅᔅᒋᐃᔎᐛ᙮ ᐊᓂᔭ ᒪᒃ ᐅᐎᒐᐛᑭᓇ ᐊᓐ ᐅᔅᒋᓂᐳᐛᓐ, ᐊᓂᔭ ᑲ ‍ ᐎᒋᐃᐛᔨᒋ ᐊᓱᐛᐱᒥᑯᐤ ᒐ ᐃᔅᐱᔅ ‍ ᑎᑯᓯᐧᒃ ᑭᔭ ᒥᔽᔨᑎᒥᔪᐛ ᐃᔅᐱ ᐱᔭᑕᑯᑦ᙮ ᐊᐅᑯᓐ ᒪᒃ ᒧᔭᒻ ᑭᔭ ᓂᔾ ᐊ ᐃᔅᐱᔅ ‍ ᒥᔽᔨᑎᒪᓐ ᓴᔅ ᐊ ‍ ᑕᑦ ᐊᓐ ᑲ ᐸᒋ ‍ ᐃᑎᓴᐅᑯᑦ ᒋᓴᒪᓂᑐᐛ᙮
\v 30 ᐃᑕᔨᑕᑯᓂᔪᐤ ᒪᒃ ᐎᔾ ᐊᑐᐎᔅ ᒐᒋ ᐊᑎ ‍ ᒋᔅᑕᔨᒪᑭᓄᐅᑦ ᐊᑯ ᓂᔾ ᐊᔭᔅᒃ ᒐ ᐊᑲ ᒋ ᐃᔅᐱᔅ ᒋᔅᑕᔨᒥᑯᔭᓐ᙮”
\s1 ᐊᓐ ᒋᒋᒋᓯᑯᒡ ᑲ ‍ ᐅᒋᑦ
\p
\v 31 ᐛᔅ ᐊᓐ ᐃᔅᐱᒥᒡ ᑲ ‍ ᐅᑐᑕᑦ ᐊᐅᒄ ᐊᓐ ᐊᑐᐎᔅ ᐊ ‍ ᐃᔅᐸᔨᑕᑯᓯᑦ᙮ ᐊᓐ ᐊᔅᒋᒡ ᑲ ‍ ᐅᒋᑦ, ᐊᔅᒋᒡ ᐃᓯ ᐱᒪᑎᓯᐤ, ᑭᔭ ᐊᔅᒋᔪᐤ ᐊᔨᒧᑎᒻ᙮ ᐊᓐ ᐊᐛᓐ ᒋᒋᒋᓯᑯᒡ ᑲ ‍ ᐅᒋᑦ ᐎᔾ ᓇᔅᒡ ᐃᔅᐸᔨᑕᑯᓱᐤ᙮
\v 32 ᐎᑎᒻ ᑕᓐ ᑲ ᐃᓯ ‍ ᐛᐸᑕᐧᒃ ᑭᔭ ᑕᓐ ᑲ ᐃᓯ ‍ ᐸᑕᐧᒃ ᐊᓐᑕ ᒋᒋᒋᓯᑯᒡ ᒥᒄ ᒪᒃ ᓇᒪ ᐊᐛᔪᐛ ᑕᑈᑕᑯᐤ᙮
\v 33 ᐊᓐ ᐊᐛᓐ ᑲ ‍ ᐅᑎᓂᒺᑦ ᑕᓐ ᐊ ‍ ᐃᔅᒋᔄᔨᒋ ᐊᑯᑕ ᐊ ‍ ᓄᑯᓂᔨᒡ ᐊ ‍ ᑕᑈᑕᐧᒃ ᒋᓴᒪᓂᑐᐛ ᐊ ‍ ᑕᑈᐅᒐᔨᑕᑯᓯᔨᒋ᙮
\v 34 ᐊᓐ ᑲ ᐸᒋ ‍ ᐃᑎᓴᐅᑯᑦ ᒋᓴᒪᓂᑐᐛ ᐃᔅᒋᔄᐤ ᑕᓐ ᐊ ᐃᓯ ‍ ᒥᔨᑯᑦ ᒋᓴᒪᓂᑐᐛ ᒐᒋ ᐃᔅᒋᔄᑦ ᑭᔭ ᓇᔅᒡ ᐱᒋᔅᑲᑯᐤ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮
\v 35 ᐅᑕᐎᒪᐤ ᓴᒋᐊᐤ ᐅᑯᓯᓯᒪᐛ᙮ ᒋ ‍ ᒥᔭᐤ ᒥᓯᐛ ᒐᒂᔪᐤ ᒐᒋ ᐎᓱᑎᒥᔨᒋ᙮
\v 36 ᐊᓐ ᒪᒃ ᐊᐛᓐ ᑲ ‍ ᑕᑈᔭᔨᒪᑦ ᐅᑯᓯᓯᒪᐛ ᐊᔭᐤ ᑲᒋᒡ ᐱᒪᑎᓯᐅᓂᔪᐤ, ᐊᑯ ᐊᓐ ᐊᐛᓐ ᐊᑲ ᓂᓇᐃᑐᐛᑦ ᐅᑯᓯᓯᒪᐛ ᓇᒪ ᒋᑭ ᐅᒋ ‍ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮ ᒋᓴᒪᓂᑐᐛ ᐅᑦ ᐊᐧᑯᔪᐛᓱᐅᓂᔪᐤ ᒋᑭ ‍ ᒪᑎᑯᔅᑲᑯᐤ᙮
\c 4
\s1 ᒋᓴᔅ ᑲ ‍ ᐃᔨᒪᐊᑦ ᐃᔎᐛ ᓴᒪᕆᔭᐃᒡ ᑲ ‍ ᐅᒋᔨᒋ
\p
\v 1 ᐸᕆᓯᔨᒡ ᒋ ‍ ᐸᑎᒧᒡ ᐊᑐᐎᔅ ᐊ ‍ ᒥᒐᑎᔨᒋ ᐊᐛᔪᐛ ᐊ ‍ ᓇᓴᐛᔨᒋ ᒋᓴᓴ ᐊᔪᐤ ᒪᒃ ᐊᑐᐎᔅ ᐎᔾ ᐊ ‍ ᒥᒐᑎᔨᒋ ᐊᐛᔪᐛ ᐊ ‍ ᓯᑲᐃᑐᐛᑦ ᐃᔅᐱᔅ ᒠᓇ᙮
\v 2 ᒥᒄ ᒪᒃ ᓇᒪᔭᐤ ᐎᔾ ᒋᓴᔅ ᑲ ‍ ᓯᑲᐃᑕᒐᑦ, ᐅᒋᔅᒋᓄᐊᒧᐛᑭᓇ ᐊᓂᔭ ᒋ ‍ ᓯᑲᐃᑕᒐᔪᐛ᙮
\v 3 ᐃᔅᐱ ᐱᔭᑕᐧᒃ ᒋᓴᔅ ᐊ ‍ ᐊᔨᒧᒪᑭᓄᐅᑦ, ᒋ ‍ ᓂᑭᑎᒻ ᒍᑎᔭ ᐊᔅᒋᔪᐤ ᐊᑯ ᑲᓕᓕ ᐊᔅᒋᒡ ᒥᓐ ᒂ ‍ ᐃᑐᑕᑦ᙮
\p
\v 4 ᒋᐸ ‍ ᓴᐳᑐᐛᔅᑭᒻ ᒪᒃ ᓴᒪᕆᔭ ᐊᔅᒋᔪᐤ ᐊᓐᑕ ᑲᓕᓕᒡ ᐊ ᐎ ‍ ᐃᑐᑕᑦ᙮
\p
\v 5 ᐃᔅᐱ ᒪᒃ ᐊᓐᑕ ᓴᒪᕆᔭ ᐊᔅᒋᒡ ᐊ ‍ ᑕᑦ, ᒋ ‍ ᐅᑎᑎᒻ ᐅᑕᓇᔪᐤ ᓴᐃᑲᕐ ᐊ ‍ ᐃᓯᓂᐧᑲᑕᔨᒡ᙮ ᒥᒋᒪ ᒪᒃ ᐅᑕ ᐅᔭ ᐅᑕᓇᔪᐤ ᐊᑯᑕ ᑲ ‍ ᑎᑯᓂᔨᒡ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ ᐊᓂᔭ ᒐᑭᑉ ᑲ ‍ ᒥᔭᑦ ᐅᑯᓴ ᒍᓯᐸ᙮
\v 6 ᒋ ‍ ᑎᑯᓐ ᐊᓐᑕ ᐅᑕᐃᐸᓐ, ᒐᑭᑉ ᐅᑕᐃᐸᓐ ᒋ ‍ ᐃᓯᓂᐧᑲᑕᐤ᙮ ᓇᔅᒡ ᒪᒃ ᒋ ‍ ᐊᔭᔅᑯᑕᐤ ᒋᓴᔅ, ᒂ ᐊᑎ ‍ ᐛᐛᔨᐱᑦ ᒥᒋᒪ ᐊᓐᑕ ᐅᑕᐃᐸᓂᒡ᙮ ᓴᓯᑲᓐ ᒋ ‍ ᐊᐱᑕᒋᓯᑲᔨᒐ᙮
\p
\v 7 ᓇᓇᒐᓯᔅ ᒪᒃ, ᐃᔎᐤ, ᓴᒪᕆᔭ ᐊᔅᒋᒡ ᐊ ‍ ᐅᒋᑦ ᒋ ᐸᒋ ‍ ᒂᐱᒐᐤ᙮ ᒋᓴᔅ ᒂ ‍ ᐃᑕᑦ ᐊᓂᔭ ᐃᔎᐛ, “ᐸᒋ ‍ ᒥᔾ ᒪ ᓂᐱᔾ ᒐᒋ ᒥᓂᔭᓐ᙮”
\v 8 ᓇᒪ ᒪᒂᒡ ᐅᒋ ᑕᔪᐛ ᒋᓴᔅ ᐅᒋᔅᒋᓄᐊᒧᐛᑭᓇ ᐊᓂᔭ ᐛᔅ ᐊᓐᑕ ᐅᑕᓇᒡ ᒋ ‍ ᐃᑐᑕᔪᐛ ᒥᒋᒥᔪᐤ ᒐᒋ ᐅᑎᓂᒥᔨᒋ᙮
\p
\v 9 ᓇᔅᒡ ᒪᒃ ᒋ ‍ ᑯᔅᑯᐱᔪᐤ ᐊᓐ ᐃᔎᐤ ᐊᓂᔭ ᑲ ‍ ᐃᑎᑯᑦ ᒋᓴᓴ ᐊᑯ ᒂ ‍ ᐃᑕᑦ, “ᒍᐤ ᓇᐸᐤ ᒋᔾ᙮ ᓂᔾ ᒪᒃ ᓴᒪᕆᔭ ᐃᔎᐤ᙮ ᒐᒂᓐ ᐛᒋ ‍ ᓂᑐᐛᔨᑎᒥᓐ ᒐᒋ ᒥᓇᐃᑕᓐ ?” ᓇᒪ ᓇᔅᒡ ᐅᒋ ᐅᑐᑕᒥᑐᐛᐅᒡ ᒍᐤ ᐃᔪᒡ ᐊᓂᔭ ᐃᔪᐛ ᐊᓐᑕ ᓴᒪᕆᔭ ᐊᔅᒋᒡ ᑲ ‍ ᐅᒋᔨᒋ, ᐊᐅᒄ ᐅᔭ ᐛᒋ ‍ ᐃᔅᒋᔄᑦ ᐅᔭ ᐊᓐ ᐃᔎᐤ᙮
\p
\v 10 ᒋ ‍ ᐃᑕᐤ ᒪᒃ ᒋᓴᔅ ᐊᓂᔭᔪᐛ ᐃᔎᐛ, “ᒋᔅᒐᔨᑎᒧᐱᓇ ᒐᒂᔪᐤ ᐊ ᐎ ‍ ᒥᔨᐛᑦ ᒋᓴᒪᓂᑐᐤ ᑭᔭ ᒋᔅᒐᔨᒥᔨᓐ ᐊᐛᓐ ᐊ ‍ ᐊᐎᔭᓐ, ᒋᔾ ᒋᐸ ‍ ᑯᒂᒋᒥᓐ ᒐᒋ ᒥᓇᐃᑕᓐ᙮ ᐊᓐ ᒪᒃ ᑲ ‍ ᐱᒪᒋᐃᐛᒥᑲᒡ ᓂᐱᔾ ᐊᐅᑯᓐ ᐊᓐ ᒋᐸ ‍ ᒥᓇᐃᑎᓐ᙮”
\p
\v 11 ᐊᑯ ᐊᓐ ᐃᔎᐤ ᒂ ‍ ᐃᔅᒋᔄᑦ, “ᓇᒪ ᒋ ‍ ᑭᓄᐛᔨᑕᓐ ᐊᔅᒋᐧᒄ ᒐᒋ ᒂᐸᐃᑲᒐᔨᓐ ᑭᔭ ᐊᓐ ᓂᐱᔾ ᒥᔅᑎ ᔭᐅᓇᑯᓐ ᐊᓐᑕ ᓂᑕᒡ, ᑕᓐᑕ ᒪᒃ ᒐ ᐅᒋ ‍ ᒂᐸᐊᒥᓐ ᐊᓐ ᓂᐱᔾ ᑲ ‍ ᐱᒪᒋᐃᐛᒥᑲᒡ ?
\v 12 ᐛᔅᑭᒡ ᐊᓐᑕ ᐅᑕᒡ ᒋᑦ ᐊᓂᔅᒐ ᐛᐧᑯᒪᑭᓄᐤ ᒐᑭᑉ ᔅᒋ ‍ ᒥᔨᑯᓄᐤ ᐅᔭ ᐅᑕᐃᐸᓂᔪᐤ᙮ ᒋ ‍ ᒥᓄᐤ ᐅᔭ ᓂᐱᔪᐤ ᑭᔭ ᐅᑯᓴ ᑭᔭ ᐅᒪᔭᑕᓂᓯᒪ ᐊᑯᑕ ᑲ ᐅᒋ ‍ ᒥᓂᔨᒋ᙮ ᐃᐛᒃ ᐊ ᒋᔾ ᒋᑦ ᐃᑕᔨᒥᓱᓐ ᐃᔅᐱᔅ ᐎᔾ ᐊᓂᔭ ᒋᑦ ᐊᓂᔅᒐ ᐛᐧᑯᒪᑭᓄᐤ ᒐᑭᑉ ?”
\p
\v 13 ᒋᓴᔅ ᒪᒃ ᒋ ‍ ᐃᑕᐤ, “ᐊᐛᓐ ᑲ ‍ ᒥᓐᑦ ᐅᑕ ᐅᔭ ᓂᐱᔪᐤ, ᒥᓐ ᒋᑭ ‍ ᐸᐧᑯᑕᑎᒻ᙮
\v 14 ᐊᐛᓐ ᒪᒃ ᒐ ‍ ᒥᓐᑦ ᐊᓂᔭ ᓂᐱᔪᐤ ᒐ ‍ ᒥᔨᒃ ᒐᒋ ᒥᓐᑦ, ᓇᒪ ᓂᑕ ᒥᓐ ᒋᑭ ᐅᒋ ‍ ᐸᐧᑯᑕᑎᒻ᙮ ᐛᔅ ᐊᓂᔭ ᓂᐱᔪᐤ ᒐ ‍ ᒥᔨᒃ ᒋᑭ ‍ ᐱᒋᔅᑲᑯᐤ ᒧᔭᒻ ᐊ ᐅᒋ ‍ ᒧᔅᒋᒍᐅᓂᔨᒡ ᒋᑭ ‍ ᐃᓯᓇᑯᓂᔪᐤ, ᐊᐅᒄ ᒪᒃ ᐅ ᑲ ‍ ᐱᒪᒋᐃᐛᒥᑲᒡ ᓂᐱᔾ ᐊᓐᑕ ᒐᒋ ᐅᒋ ‍ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ ᒥᓂᒐ᙮”
\p
\v 15 ᒂ ‍ ᐃᑕᑦ ᐊᓐ ᐃᔎᐤ, “ᐸᒋ ‍ ᒥᔾ ᐅ ᓂᐱᔾ, ᑭᔭ ᓇᒪ ᒥᓐ ᓂᑕ ᓂᑭ ᐅᒋ ‍ ᐸᒂᑕᑕᓐ ᑭᔭ ᓇᒪ ᒥᓐ ᓂᑕ ᓂᑭ ᐅᒋ ᐸᒋ ‍ ᑎᑯᓯᓐ ᐅᑕ ᒐᒋ ᐸᒋ ‍ ᒂᐱᒐᔭᓐ᙮”
\p
\v 16 ᒋᓴᔅ ᒂ ‍ ᐃᑕᑦ ᐊᓂᔭ ᐃᔎᐛ, “ᒪᒋ, ᓂᑐᐛᐱᒻ ᒋᓇᐸᒻ᙮ ᐸᓱᐤ ᐅᑕ᙮”
\p
\v 17 ᒂ ‍ ᐃᔅᒋᔄᑦ ᐊᓐ ᐃᔎᐤ, “ᓇᒪ ᓄᓇᐸᒥᓐ᙮” ᐊᑯ ᒋᓴᔅ ᒂ ‍ ᐃᑕᑦ, “ᒋ ‍ ᑕᑈᓐ ᐊᓐ ᑲ ‍ ᐃᔅᒋᔄᔨᓐ ᐊᑲ ᐅᓇᐸᒥᔨᓐ᙮
\v 18 ᐱᑕᑕᒡ ᓇᐸᐅᒡ ᓴᔅ ᔅᒋ ‍ ᐎᒋᒪᐅᒡ ᑭᔭ ᐊᓐ ᓇᐸᐤ ᐊᓄᒡ ᑲ ‍ ᐎᒋᒥᑦ, ᐃᔭᐱᒡ ᓇᒪᔭᐤ ᐊᓐ ᒋᓇᐸᒻ᙮ ᑯᐃᔅᒄ ᒋᑦ ᐃᔅᒋᔄᓐ ᐊᓐ ᑲ ‍ ᐃᔅᒋᔄᔨᓐ᙮”
\p
\v 19 ᐊᑯ ᐊᓐ ᐃᔎᐤ ᒂ ‍ ᐃᑕᑦ, “ᒧᔭᒻ ᒋᔾ ᐅᒋᔅᒋᐛᐃᒐᓱᐤ ᐊᐅᑯᓐ ᐊ ‍ ᐃᑕᔨᒥᑕᓐ᙮
\v 20 ᐊᓂᔅᒐ ᒋ ‍ ᐛᐧᑯᒪᐊᑭᓄᐅᒡ ᒋ ‍ ᑎᑯᓯᓄᐅᒡ ᐊ ᐸᒋ ‍ ᐊᔭᒥᐊᔅᑐᐛᒡ ᒋᓴᒪᓂᑐᐛ ᐅᑕ ᐱᔅᑯᑎᓇᒡ᙮ ᒋᔨᐛᐤ ᒪᒃ ᒍᐤ ᐃᔪᒡ ᒧᔅ ᐊᐅᑯᓐ ᐊ ‍ ᐃᔅᒋᔄᔭᒄ, ᒥᒄ ᐊᓐᑕ ᒋᕈᓯᓕᒥᒡ ᐊᑯᑕ ᒐᒋ ᐊᔭᒥᐊᔅᑐᐛᑭᓄᐅᑦ ᒋᓴᒪᓂᑐᐤ᙮”
\p
\v 21 ᒋᓴᔅ ᒂ ‍ ᐃᑕᑦ, “ᑕᑈᑐᐎ, ᒋᑭ ‍ ᐃᔅᐱᔪᐤ ᐊᔅᒄ ᒍᑕᐎᓄᐤ ᒐ ᐊᑲ ᐅᒋ ‍ ᐊᔭᒥᐊᔅᑐᐛᑭᓄᐅᑦ ᐅᑕ ᐱᔅᑯᑎᓇᒡ ᑭᔭ ᒪᒃ ᐊᓐᑕ ᒋᕈᓯᓕᒥᒡ᙮
\v 22 ᒋᔨᐛᐤ ᓴᒪᕆᔭ ᑲ ‍ ᐅᒋᔭᒄ, ᒋ ‍ ᓄᒋᔅᑐᐛᐛᐤ ᒋᓴᒪᓂᑐᐤ ᐊᑎ ᒪᒃ ᐊᑲ ᒋᔅᒐᔨᒪᒄ᙮ ᓂᔭᓐ ᒍᐤ ᐃᔪᒡ, ᓂ ‍ ᒋᔅᒐᔨᒪᓇᓐ ᒋᓴᒪᓂᑐᐤ ᐊᓐ ᑲ ‍ ᐊᔭᒥᐊᔅᑐᐎᒋᑦ᙮ ᐛᔅ ᐊᓐᑕ ᒍᐤ ᐃᔪᒡ ᐊᑯᑕ ᒐ ‍ ᐅᒋᐱᔨᒡ ᒥᓯᐛ ᐊᐛᓐ ᒐᒋ ᐱᒪᒋᐊᑭᓄᐅᑦ᙮
\v 23 ᐛᔅ ᓴᔅ ᐸᓱᓇᑯᓐ, ᑭᔭ ᐊᐅᑯᓐ ᓴᔅ ᐊ ‍ ᐃᔅᐱᔨᒡ, ᐊᓐᒡ ᒋᒋᐛ ᑲ ‍ ᐊᔭᒥᐊᔅᑐᐛᒡ ᐅᑕᐎᒪᐛ, ᐊᒐᐧᑯᒡ ᑭᔭ ᑕᑈᐅᓂᒡ ᐃᓯ ‍ ᐊᔭᒥᐊᔅᑐᐛᐅᒡ᙮ ᐊᐅᒄ ᐅᔭ ᐊ ᐃᓯ ‍ ᓂᑐᐛᔨᒪᑦ ᐊᐛᔪᐛ ᒐᒋ ᐃᓯ ‍ ᐊᔭᒥᐊᔅᑕᑯᑦ ᒍᑕᐎᓄᐤ᙮
\v 24 ᐊᒐᐧᑯᐤ ᒋᓴᒪᓂᑐᐤ ᐊᑯ ᐊᓐᒡ ᑲ ‍ ᐊᔭᒥᐊᔅᑐᐛᒡ ᔭᐃᑕᔾ ᐊᒐᐧᑯᒡ ᑭᔭ ᑕᑈᐅᓂᒡ ᒋᐸ ᐃᓯ ‍ ᐊᔭᒥᐊᔅᑐᐛᐅᒡ᙮”
\p
\v 25 ᐊᑯ ᐊᓐ ᐃᔎᐤ ᒂ ‍ ᐃᑕᑦ ᐊᓂᔭᔪᐛ ᒋᓴᓴ, “ᓂ ‍ ᒋᔅᒐᔨᑕᓐ ᐊᓂᔭᔪᐛ ᒋᓴᒪᓂᑐᐤ ᒐ ᐸᒋ ‍ ᐃᑎᓴᐛᑦ ᑎᑯᓯᓂᔨᒐ᙮ ᙭ ᐃᓯᓂᐧᑲᓱᔪᐛ᙮ ᑎᑯᓯᓂᔨᒐ ᒪᒃ ᒥᓯᐛ ᒐᒂᔪᐤ ᒋᑭ ‍ ᐎᑎᒪᑭᓄᐤ᙮”
\p
\v 26 ᐊᑯ ᒋᓴᔅ ᒂ ᐃᓯ ‍ ᐎᑎᒧᐛᑦ, “ᐊᐅᑯᓐ ᓂᔾ, ᓂᔾ ᑲ ‍ ᐃᔨᒥᐃᑕᓐ᙮”
\p
\v 27 ᐊᑯᑕ ᒂ ᐅᒋ ‍ ᑎᑯᓯᓂᔨᒋ ᒋᓴᔅ ᐅᒋᔅᒋᓄᐊᒧᐛᑭᓇ, ᓇᔅᒡ ᒪᒃ ᒋ ‍ ᓯᔅᒋᑯᒋᐃᑯᐅᒡ ᐊ ‍ ᐛᐱᒪᒡ ᒋᓴᓴ ᐊ ‍ ᐃᔨᒪᐊᔨᒋ ᐊᓂᔭ ᐃᔎᐛ᙮ ᐃᔭᐱᒡ ᒪᒃ ᓇᒪ ᐛᐛᒡ ᐸᐃᒄ ᐅᒋ ᑯᒂᒋᒪᐅᒡ ᒐᒂᔪᐤ ᐛᒋ ‍ ᐃᔨᒪᐊᔨᒋ ᐊᓂᔭ ᐃᔎᐛ ᑭᔭ ᓇᒪ ᐅᒋ ᑯᒂᒋᒪᐅᒡ ᒐᒂᔪᐤ ᑲ ‍ ᐊᔨᒧᑎᒥᔨᒋ᙮
\p
\v 28 ᐊᑯ ᐊᓐ ᐃᔎᐤ ᒂ ‍ ᓂᑭᑕᐧᒃ ᐊᓂᔭ ᐅᒂᐱᑲᑭᓐ, ᒂ ‍ ᒋᐛᑦ ᐊᓐᑕ ᐅᑦ ᐃᑕᐅᓂᒡ ᐊᑯ ᒂ ‍ ᐃᑕᑦ ᐊᓂᔭ ᐃᔪᐛ ᐊᓐᑕ ᐊ ‍ ᑕᔨᒋ᙮
\v 29 “ᐊᔅᑎᒧᒄ᙮ ᒐ ‍ ᐛᐱᒪᒄ ᐊᓐ ᓇᐸᐤ ᑲ ᐸᒋ ‍ ᐎᑎᒧᐅᑦ ᒥᓯᐛ ᑕᓐ ᑲ ‍ ᐃᑐᐅᒡ᙮ ᓇᒪᔭᐤ ᑲᑭᔭ ᐊᐅᒄ ᙭ ᐊᓂᔭ ᒋᐸ ᐸᒋ ‍ ᐃᑎᓴᐛᐤ ᒋᓴᒪᓂᑐᐤ ?”
\v 30 ᐊᑯ ᐊᓐᒡ ᐃᔪᒡ ᒂ ‍ ᐎᐎᒡ ᐊᓐᑕ ᐅᑕᓇᒡ ᒂ ‍ ᓂᑐᐛᐱᒪᒡ ᒋᓴᓴ᙮
\p
\v 31 ᒪᒂᒡ ᒪᒃ ᐅ, ᒋᓴᔅ ᐅᒋᔅᒋᓄᐊᒧᐛᑭᓇ ᒋ ᐎ ‍ ᐊᔨᐧᑭᒥᐃᑯᐤ, “ᒋᔅᑯᑎᒪᒐᓱᐤ, ᒥᒋᓱᐤ,” ᐊ ‍ ᐃᑎᑯᑦ᙮
\p
\v 32 ᒋᓴᔅ ᒂ ‍ ᐃᑕᑦ, “ᓂ ‍ ᑭᓄᐛᔨᑕᓐ ᐛᔅ ᐊᓐ ᒥᒋᒻ ᐊᑲ ᒋᔅᒐᔨᑎᒪᒄ᙮”
\p
\v 33 ᐊᑯ ᒂ ‍ ᑯᒂᒋᒥᑐᒡ, “ᒋ ‍ ᐸᑐᑐᐛᐤ ᑲᑭᔭ ᐊᐛᓐ ᒐᒂᔪᐤ ᒐᒋ ᒥᒋᔨᒋ ?”
\p
\v 34 ᒋᓴᔅ ᒂ ‍ ᐃᑕᑦ, “ᒐᒋ ᐃᑐᑎᒧᒡ ᐅᑦ ᐃᑕᔨᑎᒧᐅᓐ ᐊᓐ ᑲ ᐸᒋ ‍ ᐃᑎᓴᐅᑦ ᑭᔭ ᒐᒋ ᒋᔅᑕᐅᒡ ᐊᓂᔭ ᑲ ᐃᓯ ‍ ᓂᑐᐛᔨᒥᑦ ᒐᒋ ᐃᑐᑎᒧᒡ ᐊᐅᑯᓐ ᐊᓐ ᒧᔭᒻ ᓂᒥᒋᒻ ᐊ ‍ ᐃᑕᔨᑎᒪᓐ᙮
\v 35 ᒋᑦ ᐃᔅᒋᔄᓇᐛᐤ, ‘ᓇᐤ ᐱᓯᒺ ᐊᑯ ᐃᔭᒄ ᒐᒋ ᒪᒧᓴᒋᓂᑭᓄᐅᒋ ᓂᑕᐅᒋᑕᑭᓇ᙮’ ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᓇᑕ ᒪ ᐃᔭᒂ ᐃᑕᐱᒄ᙮ ᒧᔭᒻ ᐊ ‍ ᐃᓯᓇᒂᒡ ᐊᓐᑕ ᑲ ‍ ᓂᑕᐅᒋᑕᑭᓄᐅᒡ ᓴᔅ ᐊᒋ ᐃᓯ ‍ ᓂᑕᐅᒋᒋ ᐊᓂᔭᔪᐛ ᓂᑕᐅᒋᑕᑭᓇ ᑭᔭ ᒥᒄ ᒐ ‍ ᒪᒧᓴᒋᓂᑭᓄᐅᒋ, ᐊᐅᑯᓐ ᒧᔭᒻ ᒐ ‍ ᐃᓯᓇᑯᓯᒡ ᐊᓐᒡ ᐊᐛᓐᒋ ᒐ ‍ ᑕᑈᑕᒡ ᒥᔽᒋᒧᐅᓂᔪᐤ ᐸᑕᒂᐛ᙮
\v 36 ᐊᓐ ᑲ ‍ ᒪᒧᓴᒋᓇᐧᒃ ᐊᓂᔭ ᓂᑕᐅᒋᑕᑭᓇ ᒋᓯᐧᑯᐛᑭᓄᐤ᙮ ᒧᔭᒻ ᐊᓐ ᐊᐛᓐ ᑲ ‍ ᐎᒋᐊᑦ ᐊᐛᔪᐛ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᐅᑯᓐ ᐊ ‍ ᐃᓯᓇᑯᓯᑦ᙮ ᐊᑯ ᒪᒃ ᐊᓐ ᑲ ‍ ᓂᑕᐅᒋᑕᑦ ᑭᔭ ᐊᓐ ᑲ ‍ ᒪᒧᓴᒋᓇᐧᒃ ᐊᓂᔭ ᓂᑕᐅᒋᑕᑭᓇ ᑕᐱᔅᑯᓐ ᒐ ‍ ᒥᔽᔨᑕᒡ ᐛᔅ ᑕᐱᔅᑯᓐ ᒋ ‍ ᐊᑐᔅᒐᐅᒡ᙮
\v 37 ᑕᑈᓄᐤ ᑲ ‍ ᐃᓇᓄᐅᒡ, ‘ᐸᐃᒄ ᒋᑭ ‍ ᓂᑕᐅᒋᑕᐤ ᐊᑯ ᐊᓐ ᑯᑎᒃ ᒐ ‍ ᒪᒧᓴᒋᓇᐧᒃ ᐊᓂᔭ ᓂᑕᐅᒋᑕᑭᓇ᙮’
\v 38 ᓴᔅ ᑯᑎᑭᒡ ᒋ ‍ ᓂᑕᐅᒋᑕᐅᒡ ᑭᔭ ᒋ ᒥᔅᑎ ‍ ᐊᑐᔅᒐᐅᒡ ᐊᓐᑕ ᑲ ‍ ᓂᑕᐅᒋᑕᑲᓄᐎᒡ᙮ ᐊᑯ ᒪᒃ ᐊ ‍ ᐃᑎᓴᐅᑎᑯᒡ ᒐᒋ ᒪᒧᓴᒋᓂᒪᒄ ᐊᓂᔭ ᓂᑕᐅᒋᑕᑭᓇ᙮ ᓇᒪᔭᐤ ᒋᔾ ᑲ ‍ ᓂᑕᐅᒋᑕᔨᓐ ᒥᒄ ᒪᒃ ᐃᔭᐱᒡ ᒋ ‍ ᐎᒋᐃᑯᐛᓐ ᐊᓂᔭ ᑲ ‍ ᐃᑕᐱᑎᓯᒡ᙮” ᐊᐅᑯᓐ ᑲ ‍ ᐃᑕᑦ ᒋᓴᔅ ᐅᒋᔅᒋᓄᐊᒧᐛᑭᓇ᙮
\p
\v 39 ᒥᒐᑦ ᓴᒪᕆᔭ ᐃᔪᒡ ᐊᓐᑕ ᐊᓂᔭ ᐅᑕᓇᔪᐤ ᑲ ‍ ᐅᒋᒡ ᒋ ‍ ᑕᑈᔭᔨᒪᐅᒡ ᒋᓴᓴ᙮ ᐛᔅ ᒋ ‍ ᐃᑕᐤ ᐊᓐ ᐃᔎᐤ, “ᒥᓯᐛ ᓂᒋ ‍ ᐎᑎᒪᒄ ᑕᓐ ᑲ ᐸᒋ ‍ ᐃᑐᐅᒡ᙮”
\v 40 ᐃᔅᐱ ᐊᓐᒡ ᐃᔪᒡ ᐊᓐᑕ ᓴᒪᕆᔭ ᐊᔅᒋᒡ ᑲ ‍ ᐅᒋᒡ ᑲ ᐸᒋ ‍ ᓂᑐᐛᐱᒪᒡ ᒋᓴᓴ ᐊᓐᑕ ᐅᑕᐃᐸᓂᒡ, ᒋ ‍ ᐊᔨᐧᑭᒥᐊᐅᒡ ᒐᒋ ᑕᔨᒋ ᐊᓐᑕ ᐊ ‍ ᑕᒡ᙮ ᓂᓱ ᒋᓯᑲᐛ ᒪᒃ ᐊᓐᑕ ᒋ ‍ ᑕᐤ ᒋᓴᔅ᙮
\p
\v 41 ᒥᒐᑦ ᒪᒃ ᐊᐛᓐᒋ ᒋ ‍ ᑕᑈᔭᔨᒪᐅᒡ ᒋᓴᓴ, ᐃᔅᐱ ᐱᔭᑐᐛᒡ ᑕᓐ ᑲ ‍ ᐃᔅᒋᔄᔨᒋ᙮
\p
\v 42 ᒂ ‍ ᐃᑕᒡ ᐊᓂᔭ ᐃᔎᐛ, “ᐊᑯ ᑎᔭᑈᑎᒪᒡ, ᓂᔭᓐ ᐛᒋᒡ ᐊᒋ ‍ ᐸᑐᐅᒋᑦ, ᓇᒪ ᒥᒄ ᒋᔾ ᐊᒋ ‍ ᐃᔅᒋᔄᔨᓐ᙮ ᐊᑯ ᒪᒃ ᒋᔭᔅᑎᓇᑕᔨᑎᒪᒡ ᐎᔾ ᐊᐅᒄ ᒐᒋ ᐱᒪᒋᐊᑦ ᒥᓯᐛ ᐊᐛᔪᐛ᙮”
\s1 ᒋᓴᔅ ᑲ ‍ ᒥᓏᒋᐊᑦ ᒋᓴᐅᒋᒪᐤ ᐊᐱᒋᐊᑭᓇ ᐅᑯᓯᔪᐛ
\p
\v 43 ᐃᔅᐱ ᒪᒃ ᓂᓱ ᒋᓯᑲᐛ ᑲ ‍ ᑕᑦ ᒋᓴᔅ ᐊᓐᑕ ᓴᒪᕆᔭ ᐊᔅᒋᒡ, ᐊᑯ ᐊᓐᑕ ᑲᓕᓕ ᐊᔅᒋᒡ ᒂ ‍ ᐃᑐᑕᑦ᙮
\v 44 ᐛᔅ ᒋ ‍ ᐃᔅᒋᔄᒐ ᒋᓴᔅ, “ᓇᒪ ᒋᔅᑕᔨᒪᑭᓄᐤ ᐅᒋᔅᒋᐛᐃᒐᓱᐤ ᐊᓐᑕ ᐊᓂᔭ ᐊᔅᒋᔪᐤ ᑲ ‍ ᐅᒋᑦ᙮”
\v 45 ᐃᔅᐱ ᒪᒃ ᑲ ‍ ᑎᑯᓯᐧᒃ ᐊᓐᑕ ᑲᓕᓕ ᐊᔅᒋᒡ, ᐊᓐᒡ ᐃᔪᒡ ᐊᓐᑕ ᑲ ‍ ᐎᒋᒡ ᓇᔅᒡ ᒋ ‍ ᒥᔽᔨᑎᒧᒡ ᐊ ‍ ᐛᐱᒪᒡ᙮ ᑭᔭ ᐎᔨᐛᐤ ᒋ ‍ ᐃᑐᑕᐛᑯᐱᓇᓂᒡ ᒋᕈᓯᓕᒥᒡ ᒪᒂᒡ ᐊᓐᑕ ᑲ ‍ ᒥᑯᓴᓄᐎᒡ, ᒥᓯᐛ ᒪᒃ ᒋ ‍ ᐛᐸᑎᒧᐛᐅᒡ ᑕᓐ ᑲ ‍ ᐃᑎᔨᒋ ᐊᓐᑕ᙮
\p
\v 46 ᐊᑯ ᒥᓐ ᑲᐤ ᒂ ‍ ᐃᑐᑕᑦ ᐊᓐᑕ ᑲᐃᓇᒡ ᑲᓕᓕ ᐊᔅᒋᒡ ᑲ ‍ ᑎᒂᒡ ᐅᑕᓇᐤ, ᐊᓐᑕ ᑲ ‍ ᐃᑐᑕᐧᒃ ᓂᐱᔪᐤ ᒐᒋ ᓱᒥᓇᐳᓂᔨᒡ᙮ ᐊᑯᑕ ᑲ ‍ ᑕᑦ ᓇᐸᐤ ᐊ ‍ ᐅᒋᒪᐅᑦ᙮ ᐊᓐ ᐅᒋᒪᐤ ᒋ ‍ ᑕᔪᐛ ᐅᑯᓴ, ᐊ ‍ ᐊᐧᑯᓯᔨᒋ, ᐊᓐᑕ ᒪᒃ ᑲᐳᕐᓇᐊᒻ ᐅᑕᓇᒡ ᒋ ‍ ᑕᔪᐛ ᒪᒂᒡ᙮
\v 47 ᐃᔅᐱ ᐱᔭᑕᐧᒃ ᐊᓐ ᐅᒋᒪᐤ ᐊᒋ ‍ ᑎᑯᓯᓂᔨᒋ ᒋᓴᓴ ᐊᓐᑕ ᑲᓕᓕ ᐊᔅᒋᒡ, ᐊᓐᑕ ᒍᑎᔭ ᐊᔅᒋᒡ ᐊ ‍ ᐅᑐᑕᑦ, ᒋ ‍ ᓂᑐᐛᐱᒪᐤ ᐊᑯ ᒂ ‍ ᐊᔨᐧᑭᒥᐊᑦ ᒐᒋ ᐃᑐᑕᔨᒋ ᐊᓐᑕ ᑲᐳᕐᓇᐊᒥᒡ, ᒐᒋ ᒥᓏᒋᐊᔨᒋ ᐊᓂᔭ ᐅᑯᓴ, ᐛᔅ ᓴᔅ ᒐᑲᑦ ᓇᒪ ᐅᒋ ᐱᒪᑎᓯᔪᐛ᙮
\v 48 ᒋ ‍ ᐃᑎᑯᐤ ᒪᒃ ᒋᓴᓴ, “ᓇᒪ ᓂᑕ ᒋᑭ ᐅᒋ ᐎ ‍ ᑕᑈᑕᓇᐛᐤ ᐸᑐᔅ ᐛᐱᒥᔭᒂ ᒪᒥᔅᑲᒡ ᐛᐸᑎᔨᐛᐅᓇ ᐊ ‍ ᐛᐸᑎᔨᐛᔭᓐ ᑭᔭ ᐊ ‍ ᐃᑐᑎᒪᓐ ᐊ ‍ ᒪᒥᔅᑲᑕᔨᑕᒂᒋ ᒐᒂᔪᐛ᙮”
\p
\v 49 ᐊᑯ ᐊᓐ ᓇᐸᐤ ᒂ ᐃᓯ ‍ ᐎᑎᒧᐛᑦ, “ᐅᑎᐸᔨᒋᒐᐤ, ᐊᔅᑎᒻ ᒪ ᐸᒋ ‍ ᐃᑐᑕ ᓂᒋᒡ ᐊᔅᒄ ᐊᑲ ᐳᓂᐱᒪᑎᓯᑦ ᓂᑯᔅ᙮”
\p
\v 50 ᐊᑯ ᒋᓴᔅ ᒂ ᐃᓯ ‍ ᐎᑎᒧᐛᑦ, “ᒪᒋ ᒋᐛ, ᒋᑭ ‍ ᐱᒪᑎᓯᐤ ᐛᔅ ᐊᓐ ᒋᑯᔅ᙮” ᒋ ‍ ᑕᑈᑎᒻ ᒪᒃ ᑕᓐ ᑲ ‍ ᐃᑕᑭᓄᐅᑦ ᐊᓐ ᓇᐸᐤ, ᐊᑯ ᒂ ‍ ᒋᐛᑦ᙮
\v 51 ᒪᒂᒡ ᒪᒃ ᐊ ‍ ᐃᔅᐱᓯᐱᔨᑦ ᐊ ‍ ᒋᐛᑦ, ᒋ ‍ ᓂᒋᐃᑯᐤ ᐊᓂᔭ ᐅᑦ ᐊᐱᒋᐊᑭᓇ ᐊᑯ ᒂ ‍ ᐃᑎᑯᑦ, “ᓴᔅ ᒥᔪ ‍ ᐱᒪᑎᓯᐤ ᒋᑯᔅ᙮”
\p
\v 52 ᐊᑯ ᐊᓐ ᓇᐸᐤ ᒂ ‍ ᑯᒂᒋᒐᒧᑦ ᑕᓐ ᑲ ‍ ᐃᔅᐱᓯᒋᓯᑲᔨᒡ ᐊᓐᑕ ᑲ ᐅᒋ ᒥᔪ ‍ ᐱᒪᑎᓯᔨᒋ ᐊᓂᔭ ᐅᑯᓴ᙮ ᐊᑯ ᒂ ‍ ᐃᑕᑭᓄᐅᑦ, “ᐅᑕᑯᓯᒡ, ᐊ ‍ ᐃᔎᐱᑕᒋᓯᑲᔨᒡ ᐊᑯᑕ ᑲ ‍ ᐳᓂᐱᔨᒡ ᐊ ‍ ᒋᓯᑕᐅᐱᔨᑦ᙮”
\p
\v 53 ᐊᑯ ᐊᓐ ᓇᐸᐤ ᒂ ‍ ᒋᔅᒋᓯᑦ ᐊᐅᑯᓐ ᐊᓐ ᑲ ‍ ᐃᔅᐱᓯᒋᓯᑲᔨᒡ ᑲ ‍ ᐃᑎᑯᑦ ᒋᓴᓴ, “ᒋᑭ ‍ ᐱᒪᑎᓯᐤ ᐛᔅ ᐊᓐ ᒋᑯᔅ᙮” ᐊᑯᑕ ᒪᒃ ᑲ ᐅᒋ ‍ ᑕᑈᑕᐧᒃ ᑭᔭ ᒥᓯᐛ ᐊᐛᔪᐛ ᐊᓐᑕ ᐊ ‍ ᐸᐃᑯᔅᑲᓇᓯᑦ ᐊᑯᑕ ᒂ ᐅᒋ ‍ ᑕᑈᑎᒥᔨᒋ᙮
\p
\v 54 ᐊᐅᒄ ᒪᒃ ᐅᔭ ᓂᔄᐤ ᑲ ‍ ᒪᒥᔅᑲᒡ ᐃᑎᑦ ᒋᓴᔅ ᐊ ‍ ᑎᑯᓯᐧᒃ ᐊᓐᑕ ᑲᓕᓕ ᐊᔅᒋᒡ, ᐊᓐᑕ ᒍᑎᔭ ᐊᔅᒋᒡ ᐊ ‍ ᐅᑐᑕᑦ᙮
\c 5
\s1 ᒋᓴᔅ ᑲ ‍ ᒥᓏᒋᐊᑦ ᓇᐸᐛ ᐊᑲ ᐅᒋ ᓂᔅᑐᓯᔨᒋ
\p
\v 1 ᒋ ‍ ᐅᑎᒋᐱᔪᐤ ᒐᒃ ᐊᓐᑕ ᑲᒋ ‍ ᒥᑯᓴᒡ ᒍᐤ ᐃᔪᒡ ᐊᓐᑕ ᒋᕈᓯᓕᒥᒡ, ᐊᑯᑕ ᒪᒃ ᐊᓐᑕ ᑲ ‍ ᐃᑐᑕᑦ ᒋᓴᔅ᙮
\v 2 ᐊᓐᑕ ᒪᒃ ᒋᕈᓯᓕᒥᒡ ᒋ ‍ ᑎᑯᓐ ᐊᓐᑕ ᐊ ᐅᒋ ‍ ᐱᒐᓄᐅᒡ ᒪᔭᑕᓂᔅ ᒋᐱᔎᐤ ᐊ ‍ ᐃᓯᓂᐧᑲᑕᒡ᙮ ᒥᒋᒪ ᒪᒃ ᐊᓐᑕ ᒋ ‍ ᑎᑯᓐ ᐊ ‍ ᐱᑲᓯᒧᓇᓄᐅᒡ, ᐸᑎᔅᑕ ᒋ ‍ ᐃᓯᓂᐧᑲᑕᐤ ᐃᑉᕈᐤ ᐊ ᐃᓯ ‍ ᐃᔨᒥᓇᓄᐅᒡ᙮ ᐱᑕᑕᒡ ᒋ ‍ ᑕᑎᓇ ᐱᑐᔎᐛ ᐊ ‍ ᑎᒂᒋ ᐊᓐᑕ᙮
\v 3 ᒥᒐᑦ ᐊᐛᓐᒋ ᑲ ‍ ᐊᐧᑯᓯᒡ ᐊᑯᑕ ᐊᓐᑕ ᐱᑐᔎᒡ ᑲ ‍ ᐱᒥᓯᓂᒡ, ᐊᓐᒡ ᐊᑲ ᐛᐸᑕᒡ, ᑭᔭ ᐊᓐᒡ ᐊᑲ ᒋ ‍ ᐱᒧᑕᒡ ᑭᔭ ᐊᓐᒡ ᐊᑲ ᓂᔅᑐᓯᒡ ᐎᔭᐛᒡ, ᐊ ‍ ᐊᓱᐛᐸᑕᒡ ᐊᓂᔭ ᓂᐱᔪᐤ ᒐ ᐃᔅᐱᔅ ‍ ᐊᑕᑭᒥᐱᔨᒡ᙮
\v 4 ᐛᔅ ᒋᓴᒪᓂᑐᐤ ᒋ ᐸᒋ ‍ ᐃᑎᓴᐛᐤ ᐅᑦ ᐊᓐᒋᓂᒪ ᒐᒋ ᐃᑕᑭᒥᐊᒥᔨᒋ ᐊᓂᔭ ᓂᐱᔪᐤ ᒐᒋ ᐊᑕᑭᒥᐱᔨᒡ᙮ ᐅᔭ ᒪᒃ ᐊ ‍ ᐃᔅᐱᔨᒋ ᐊᓂᔭ ᓂᐱᔪᐤ, ᐊᓐ ᐊᐛᓐ ᑕᓐ ᒥᒄ ᐊ ‍ ᐃᑕᔅᐱᓇᒂ ᓂᔅᑎᒻ ᐊ ‍ ᐱᑭᔅᑐᐛᑕᑦ ᒋ ‍ ᒥᓏᒋᐊᑭᓄᐤ᙮
\v 5 ᒋ ‍ ᑕᐤ ᒪᒃ ᓇᐸᐤ ᓂᔅᑐᔪᐤ ᐊᓱ ᔭᓇᐤ ᑕᑐᐳᓇ ᐊᒋ ‍ ᐃᔅᐱᔅ ᐊᐧᑯᓯᑦ᙮
\v 6 ᐃᔅᐱ ᒋᓴᔅ ᐎᔭᐱᒪᑦ ᐊᓂᔭ ᓇᐸᐛ ᐊᓐᑕ ᐊ ‍ ᐱᒥᓯᓂᔨᒋ, ᒋ ‍ ᒋᔅᒐᔨᒪᐤ ᓴᔅ ᐛᔅᑭᒡ ᐊᒋ ‍ ᐊᐧᑯᓯᔨᒋ, ᐊᑯ ᑲ ‍ ᑯᒂᒋᒪᑦ ᐊ ‍ ᐃᑕᑦ, “ᒋ ᐎ ‍ ᒥᓏᒋᐃᑯᓯᓐ ᐊ ?”
\p
\v 7 ᐊᑯ ᐊᓐ ᓇᐸᐤ ᑲ ‍ ᐊᐧᑯᓯᑦ ᒂ ‍ ᐃᔅᒋᔄᑦ, “ᓇᒪ ᑕᐤ ᐊᐛᓐ ᒐᒋ ᐸᒋ ‍ ᐃᑐᑕᐃᑦ ᐊᓐᑕ ᒪᒂᒡ ᐊ ‍ ᐊᑕᑭᒥᐱᔨᒡ ᐊᓂᔭ ᓂᐱᔪᐤ᙮ ᒪᒂᒡ ᐊ ‍ ᐃᔅᐱᓯᐧᑲᓱᔭᓐ ᐊᓐᑕ ᐊ ᐎ ‍ ᐃᑐᑕᔭᓐ ᓴᔅ ᑕᐤ ᒪᓐ ᐊᐛᓐ ᐊ ᐸᒋ ‍ ᐊᑯᔅᑯᐅᑦ᙮”
\p
\v 8 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᓇᐸᐛ, “ᐱᓯᑯ, ᐅᑎᓇ ᒋᑦ ᐊᔅᐱᓯᒧᓐ ᒐ ‍ ᐱᒧᑕᔨᓐ᙮”
\v 9 ᑎᐛᒡ ᒪᒃ ᒋ ᐅᒋ ‍ ᒥᓏᑎᓯᐤ ᐊᓐ ᓇᐸᐤ᙮ ᒋ ‍ ᐅᑎᓂᒻ ᐅᑦ ᐊᔅᐱᓯᒧᓐ ᐊᑯ ᒂ ‍ ᔅᑐᑕᑦ᙮ ᒋ ‍ ᐊᔭᒥᐊᐅᒋᓯᑲᐤ ᒪᒃ ᐅ ᑲ ‍ ᐃᔅᐱᔨᒡ᙮
\v 10 ᐊᑯ ᐊᓐᒡ ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᒂ ‍ ᐃᑕᒡ ᐊᓂᔭ ᓇᐸᐛ ᑲ ‍ ᒥᓏᒋᐊᑭᓄᔨᒋ, “ᐊᔭᒥᐊᐅᒋᓯᑲᐤ ᐊᓄᒡ ᓇᒪ ᐃᑎᔅᑕᐤ ᓂᐎᓱᐛᐅᓇᒡ ᒐᒋ ᑕᐧᑯᓂᒥᓐ ᒋᑦ ᐊᔅᐱᓯᒧᓐ ᐊ ‍ ᐊᔭᒥᐊᐅᒋᓯᑲᒡ᙮”
\p
\v 11 ᐊᑯ ᐊᓐ ᓇᐸᐤ ᑲ ‍ ᒥᓏᒋᐊᑭᓄᐅᑦ ᒂ ‍ ᐃᔅᒋᔄᑦ, “ᐊᓐ ᐊᐛᓐ ᑲ ᐸᒋ ‍ ᒥᓏᒋᐃᑦ, ᐊᐅᒄ ᐊᓐ ᑲ ᐸᒋ ‍ ᐃᓯᑦ, ‘ᐅᑎᓇ ᒋᑦ ᐊᔅᐱᓯᒧᓐ ᑭᔭ ᐱᒧᑕ᙮’ ”
\p
\v 12 ᐊᓐᒡ ᒪᒃ ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᒋ ‍ ᑯᒂᒋᒪᐅᒡ ᐊᓂᔭᔪᐛ ᓇᐸᐛ ᐊ ‍ ᐃᑕᒡ, “ᒐᒄ ᓇᐸᐤ ᐅ ᑲ ‍ ᐃᑎᔅᒃ ᒐᒋ ᐅᑎᓂᒧᑦ ᒋᑦ ᐊᔅᐱᓯᒧᓂᔪᐤ ᑭᔭ ᒐᒋ ᐱᒧᑕᐅᑦ ?”
\p
\v 13 ᐊᑯ ᐊᓐ ᓇᐸᐤ ᓇᒪ ᐅᒋ ᒋᔅᒐᔨᒪᐤ ᐊᐛᔪᐛ ᐊᓂᔭ ᑲ ‍ ᒥᓏᒋᐃᑯᑦ ᐛᔅ ᓴᔅ ᒋ ‍ ᔅᑐᑕᔪᐛ ᒋᓴᓴ ᐛᔅ ᐊᒋ ‍ ᒥᒐᑎᓇᓄᐎᒡ ᐊᓐᑕ᙮
\p
\v 14 ᐸᑎᒪ ᒪᒃ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒋᓴᔅ ᒋ ‍ ᓂᒋᔅᑯᐛᐤ ᐊᓂᔭ ᓇᐸᐛ ᑲ ‍ ᒥᓏᒋᐊᑦ ᐊᑯ ᒂ ‍ ᐃᑕᑦ, “ᓂᑐᑐᐎ, ᓴᔅ ᒋ ‍ ᒥᓏᑎᓯᓐ᙮ ᐊᑲᐎᔾ ᒥᓐ ᒥᒋᑐᑕ, ᐊᑲ ᓇᑐᐛᔨᑎᒧᐎᓇ ᐊᑐᐎᔅ ᐊ ‍ ᒪᔭᑎᒡ ᒐᒂᓐ ᒐᒋ ᐃᔅᐱᔨᓐ᙮”
\p
\v 15 ᐊᓐ ᒪᒃ ᓇᐸᐤ ᑲ ‍ ᒥᓏᒋᐊᑭᓄᐅᑦ ᒋ ‍ ᔅᑐᑕᐤ ᐊ ‍ ᐎᑎᒧᐛᑦ ᐊᓂᔭᔪᐛ ᒍᐤ ᑲ ‍ ᓂᑲᓂᔅᑯᐛᔨᒋ ᒋᓴᓴ ᐊᒋ ‍ ᒥᓏᒋᐃᑯᑦ᙮
\v 16 ᐊᓐᒡ ᒪᒃ ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᐊᑯᑕ ᒂ ᐅᒋ ‍ ᒋᒋᐱᔨᒡ ᐊ ‍ ᒪᔭᔨᒪᒡ ᒋᓴᓴ ᐊᓂᔭ ᐅᒋ ᐊᒋ ‍ ᒥᓏᒋᐊᔨᒋ ᐊᓂᔭ ᓇᐸᐛ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ᙮
\v 17 ᐊᑯ ᒂ ‍ ᐃᑎᑯᒡ ᒋᓴᓴ, “ᓄᑕᐎᔾ ᒧᔅ ᒥᔪᑐᑎᒻ ᐊᑎ ᐊ ‍ ᐊᔭᒥᐊᐅᒋᓯᑲᔨᒡ, ᑭᔭ ᓂᔾ ᒪᒃ ᐊᐅᑯᓐ ᒐ ᐎ ‍ ᐃᑎᔭᓐ᙮”
\p
\v 18 ᐅᔭ ᒋᓴᓴ ᑲ ‍ ᐃᔅᒋᔄᔨᒋ, ᐊᓐᒡ ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᒋ ‍ ᐃᑕᐅᒡ, “ᓂᔅᑎᒻ ᓇᒪ ᐅᒋ ᒋᔅᑕᔨᑎᒻ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ ᐊᑯ ᒥᓐ ᒂ ‍ ᐃᔅᒋᔄᑦ ᒋᓴᒪᓂᑐᐛ ᐊ ‍ ᐅᑕᐎᑦ᙮ ᑭᔭ ᒧᔭᒻ ᑕᓐ ᐊᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᐅᑯᓐ ᒂ ‍ ᐃᑕᔨᒥᓱᑦ᙮ ᐊᐅᒄ ᒪᒃ ᐅᔭ ᐛᒋ ‍ ᐊᑐᐎᔅ ᓂᑐᐛᔨᒪᒡ ᒐᒋ ᓂᐸᐊᑭᓄᔨᒋ᙮”
\s1 ᒋᓴᔅ ᑲ ‍ ᐊᔨᒧᒪᑦ ᐅᑕᐎᔭ
\p
\v 19 ᒋᓴᔅ ᒪᒃ ᒋ ‍ ᐃᑕᐤ, “ᑯᐃᔅᒄ ᒋ ‍ ᐎᑎᒪᑎᓇᐛᐤ, ᐅᑯᓯᓯᒪᐤ ᓇᒪ ᒥᒄ ᐎᔾ ᒋᑭ ᒋ ‍ ᐃᑐᑎᒻ ᒐᒂᔪᐤ᙮ ᐅᑕᐎᒪᐛ ᑭᓄᐛᐱᒪᐤ ᒐᒂᔪᐤ ᐊ ‍ ᐃᑎᔨᒋ ᑭᔭ ᐎᔾ ᒪᒃ ᐊᐅᑯᓐ ᐊ ᐊᑎ ‍ ᐃᑎᑦ᙮ ᒥᒄ ᑕᓐ ᐊ ‍ ᐃᑎᔨᒋ ᐅᑕᐎᔭ ᐊᐅᑯᓐ ᐊ ‍ ᐃᑎᑦ ᑭᔭ ᐎᔾ ᐅᑯᓯᓯᒪᐤ᙮
\v 20 ᐛᔅ ᐅᑕᐎᒪᐤ ᓴᒋᐊᐤ ᐅᑯᓯᓯᒪᐛ ᑭᔭ ᐛᐸᑎᔭᐤ ᒥᓯᐛ ᑕᓐ ᐊ ‍ ᐃᑎᑦ᙮ ᒋᑭ ‍ ᐎᒋᐊᐤ ᐊᑐᐎᔅ ᒐᒋ ᒪᒥᔅᑲᒡ ᐃᑎᔨᒋ᙮ ᐊᑯ ᒪᒃ ᒐ ‍ ᒪᒥᔅᑲᑕᔨᑎᒪᒄ᙮
\v 21 ᐅᑕᐎᒪᐤ ᐅᓂᔅᑲᓇᐤ ᐊᐛᔪᐛ ᓂᐳᐅᓂᒡ ᐅᒡ ᑭᔭ ᒪᔭᑦ ᐱᒪᑎᓯᐅᓂᔪᐤ, ᐊᐅᑯᓐ ᑭᔭ ᐊᓐ ᐊ ‍ ᐃᑎᑦ ᐅᑯᓯᓯᒪᐤ, ᒥᔭᐤ ᐊᐛᔪᐛ ᐱᒪᑎᓯᐅᓂᔪᐤ ᐊᓂᔭ ᐛ ᒥᔭᑦ᙮
\v 22 ᐅᑕᐎᒪᐤ ᓇᒪ ᑎᐸᔅᑯᓇᐤ ᐊᐛᔪᐛ᙮ ᐎᔾ ᓇᔅᒡ ᒋ ‍ ᒥᔭᐤ ᐅᑯᓯᓯᒪᐛ ᒐᒋ ᑎᐸᔅᑯᓂᒐᔨᒋ᙮
\v 23 ᐊᑯ ᒪᒃ ᒥᓯᐛ ᐊᐛᓐ ᒐ ‍ ᒋᔅᑕᔨᒪᑦ ᐅᑯᓯᓯᒪᐛ ᒧᔭᒻ ᐊ ᐃᓯ ‍ ᒋᔅᑕᔨᒪᑦ ᐅᑕᐎᒪᐛ᙮ ᐊᓐ ᐊᐛᓐ ᐊᑲ ᒋᔅᑕᔨᒪᑦ ᐅᑯᓯᓯᒪᐛ ᓇᒪ ᒋᔅᑕᔨᒪᐤ ᑭᔭ ᐅᑕᐎᒪᐛ ᐊᓂᔭ ᑲ ᐸᒋ ‍ ᐃᑎᓴᐅᑯᔨᒋ᙮”
\p
\v 24 “ᑯᐃᔅᒄ ᒋ ‍ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐸᒋ ‍ ᓂᑐᑎᒧᒂ ᑕᓐ ᐊ ‍ ᐃᔅᒋᔄᐅᒡ ᑭᔭ ᑕᑈᑐᐛᒐ ᐊᓂᔭ ᑲ ᐸᒋ ‍ ᐃᑎᓴᐅᔨᒋ ᑲᒋᒡ ᒋᑭ ‍ ᐱᒪᑎᓯᐤ᙮ ᓇᒪ ᒋᑭ ᐅᒋ ‍ ᑎᐸᔅᑯᓇᑭᓄᐤ ᐛᔅ ᓂᐳᐅᓂᒡ ᒋ ᐅᒋ ‍ ᐅᑎᓇᑭᓄᐤ ᐊᑯ ᐱᒪᑎᓯᐅᓂᒡ ᑲ ᐃᓯ ‍ ᐱᔅᑎᓇᑭᓄᐅᑦ᙮
\v 25 ᑯᐃᔅᒄ ᒋ ‍ ᐎᑎᒪᑎᓇᐛᐤ ᓴᔅ ᐊ ‍ ᐅᑎᒋᐱᔨᒡ ᐊᓐ ᑎᐸᐃᑭᓐ ᐅ ᒐ ‍ ᐃᔅᐱᔨᒡ, ᓴᔅ ᒪᒃ ᐃᔅᐱᔪᐤ, ᐊᓐᒡ ᑲ ‍ ᓂᐱᒡ ᒋᑭ ‍ ᐸᑎᒺᐅᒡ ᒋᓴᒪᓂᑐᐛ ᐅᑯᓯᔪᐛ ᐅᐸᑕᑯᓱᐅᓂᔪᐤ᙮ ᐊᓐᒡ ᒪᒃ ᑲ ‍ ᐸᑎᒺᒡ ᒋᑭ ‍ ᐱᒪᑎᓯᐅᒡ᙮
\v 26 ᐛᔅ ᐎᔾ ᐅᑕᐎᒪᐤ ᐊ ‍ ᑕᑦ ᐅᒋᐱᔪᐤ ᐱᒪᑎᓯᐅᓂᔪᐤ, ᒥᔭᐤ ᒪᒃ ᐅᑯᓯᓯᒪᐛ ᑭᔭ ᐎᔾ ᐊ ‍ ᑕᔨᒋ ᒐᒋ ᐅᒋᐱᔨᒡ ᐱᒪᑎᓯᐅᓂᔪᐤ᙮
\v 27 ᒋ ‍ ᒥᔭᐤ ᑭᔭ ᐅᑯᓯᓯᒪᐛ ᑎᐸᔨᒋᒐᐅᓂᔪᐤ ᒐᒋ ᑎᐸᔅᑯᓂᒐᔨᒋ ᐛᔅ ᐎᔾ ᐊᐅᒄ ᐃᔪᐤ ᐅᑯᓯᓴᓐ᙮”
\p
\v 28 “ᐊᑲᐎᔾ ᑯᔅᑯᐱᔨᒄ, ᐛᔅ ᓴᔅ ᐸᓱᓇᑯᓐ ᒥᓯᐛ ᐊᓐᒡ ᑲ ‍ ᓂᒂᔅᑲᑕᑭᓄᐅᒡ ᒐᒋ ᐸᑎᒺᒡ ᐅᑯᓯᓯᒪᐛ ᐅᐸᑕᑯᓱᐅᓂᔪᐤ,
\v 29 ᐊᑯ ᒪᒃ ᒐ ‍ ᐅᓂᔅᑲᒡ ᓂᐳᐅᓂᒡ ᐅᒡ᙮ ᐊᑯ ᐊᓐᒡ ᑲ ‍ ᑯᐃᔅᑯᑕᑎᓯᒡ ᑲᒋᒡ ᒋᑭ ‍ ᐱᒪᑎᓯᐅᒡ᙮ ᐊᑯ ᐊᓐᒡ ᑲ ‍ ᒥᒐᑎᓯᒡ ᒋᑭ ‍ ᐅᓂᔅᑲᓇᐊᑭᓄᐎᒡ ᓂᐳᐅᓂᒡ ᐅᒡ ᒐᒋ ᑎᐸᔅᑯᓇᑭᓄᐎᒡ᙮”
\s1 ᒋᓴᔅ ᐊᑐᐎᔅ ᐊ ᐃᓯ ‍ ᐊᔨᒧᒥᓱᑦ
\p
\v 30 “ᓂᔾ ᒪᒃ, ᓇᒪ ᓂ ᐅᒋ ‍ ᒥᔨᑯᐅᓐ ᓂᔾ ᐛ ᐃᑎᔭᓐ ᒐᒋ ᐃᑎᔭᓐ, ᐃᔅᐱ ᐊ ‍ ᑎᐸᔅᑯᓂᒐᔭᓐ ᑕᓐ ᐊ ‍ ᐃᑎᓱᒥᑦ ᒋᓴᒪᓂᑐᐤ ᐊᐅᑯᓐ ᐊ ‍ ᐃᑎᔭᓐ᙮ ᑯᐃᔅᑯᓇᑯᓐ ᒪᒃ ᐊᓐ ᐊ ‍ ᑎᐸᔅᑯᓂᒐᔭᓐ ᐛᔅ ᑕᓐ ᐊ ‍ ᐃᑎᓱᒥᑦ ᐊᓐ ᑲ ᐸᒋ ‍ ᐃᑎᓴᐅᑦ ᐊᐅᑯᓐ ᐊᓐ ᐛ ᐃᑎᔭᓐ᙮”
\p
\v 31 “ᓂᔾ ᒪᒃ ᒥᒄ ᑎᐸᒋᒥᓱᔭᓐ ᐊ ‍ ᐃᔅᒋᔄᔭᓐ ᐊ ‍ ᐊᐎᔭᓐ ᙭ ᓇᒪ ᓂᐸ ᐅᒋ ‍ ᑕᑈᑕᑯᐅᓐ᙮
\v 32 ᑯᑎᒃ ᐊᐛᓐ ᑕᐤ ᐊ ᐸᒋ ‍ ᑎᐸᒋᒥᑦ ᐊ ‍ ᐃᔅᒋᔄᑦ ᐊ ‍ ᐊᐎᐅᒡ ᙭ᑕ, ᓂ ‍ ᒋᔅᒐᔨᑕᓐ ᒪᒃ ᐊ ‍ ᑕᑈᒥᑭᓂᔨᒡ ᐊᓂᔭ ᑲ ‍ ᐃᑕᒋᒥᑦ᙮”
\p
\v 33 “ᔅᒋ ‍ ᐃᑎᓴᐛᐛᐅᒡ ᐊᐛᓐᒋ ᐊᓐᑕ ᒠᓇ ᐊ ‍ ᑕᔨᒋ ᒐᒋ ᓂᑐ ‍ ᒋᔅᒐᔨᒥᒡ ᑕᑈ ᐊ ‍ ᐊᐎᔭᓐ ᙭᙮ ᒋ ‍ ᑕᑈᐤ ᒪᒃ ᑕᓐ ᑲ ᐃᓯ ‍ ᑎᐸᒋᒥᑦ ᒠᓐ ᑲ ‍ ᐃᔅᒋᔄᑦ ᐊ ‍ ᐊᐎᐅᒡ ᐊᓂᔭᔪᐛ ᑲ ᐸᒋ ‍ ᐃᑎᓴᐛᑦ ᒋᓴᒪᓂᑐᐤ᙮
\v 34 ᓇᒪ ᐃᑕᔨᑕᑯᓐ ᒐᒋ ᐸᒋ ‍ ᐎᑎᒧᐅᑦ ᐊᐛᓐ ᙭ ᐊ ‍ ᐊᐎᔭᓐ, ᐛᔅ ᓂ ‍ ᒋᔅᒐᔨᒥᓱᓐ ᐊᐛᓐ ᓂᔾ᙮ ᒥᒄ ᐊᐅᑯᓐ ᐅ ᐊ ‍ ᐃᔅᒋᔄᔭᓐ ᒐᒋ ᐱᒪᒋᐅᔭᒄ᙮
\v 35 ᒧᔭᒻ ᐛᔅᑕᓂᐱᒪᑭᓐ ᐊ ‍ ᒋᐧᑲᔭᔅᑐᐛᑦ ᐊᐅᒄ ᑲ ‍ ᐃᓯᓇᑯᓯᑦ ᒠᓐ ᑕᐸᒋᒥᑦ᙮ ᔅᒋ ‍ ᓇᐊᔨᑕᓇᐛᐤ ᒥᒄ ᐛᐃᐱᔅᒋᔅ ᒐᒋ ᒧᒋᒐᔨᑎᒪᒄ ᐊᓐᑕ ᐅᐛᔅᑐᐛᐅᓂᒡ᙮”
\p
\v 36 “ᒋ ‍ ᑕᑈᐤ ᒠᓐ ᑕᓐ ᑲ ‍ ᐃᑕᒋᒥᑦ, ᒥᒄ ᒪᒃ ᓂᔾ ᑕᓐ ᐊ ᐃᓯ ‍ ᒪᒥᔅᑲᒡ ᐃᑎᔭᓐ ᐊᔭᔅᒃ ᒋᐧᑲᓇᑯᓂᔪᐤ ᓄᑕᐎᔾ ᐊᒋ ᐸᒋ ‍ ᐃᑎᓴᐅᑦ᙮ ᐛᔅ ᓄᑕᐎᔾ ᓂᒋ ‍ ᒥᔨᒄ ᓱᐧᑲᑎᓯᐅᓂᔪᐤ ᒐᒋ ᒪᒥᔅᑲᒡ ᐃᑐᐅᒡ ᒐᒋ ᐅᒋ ‍ ᒋᔅᒐᔨᒥᑯᐅᔭᓐ ᓂᔾ ᐊ ‍ ᐊᐎᔭᓐ ᙭, ᐎᔾ ᓄᑕᐎᔾ ᐊᒋ ᐸᒋ ‍ ᐃᑎᓴᐅᑦ᙮
\v 37 ᐅᑕᐎᒪᐤ ᐊᓐ ᑲ ᐸᒋ ‍ ᐃᑎᓴᐅᑦ ᑭᔭ ᐎᔾ ᓂ ᐸᒋ ‍ ᑎᐸᒋᒥᒄ᙮ ᓇᒪ ᒪᒃ ᓂᑕ ᒋ ᐅᒋ ‍ ᐸᑎᒺᓇᐛᐤ ᐅᐸᑕᑯᓱᐅᓐ ᑭᔭ ᓇᒪ ᓂᑕ ᒋ ᐅᒋ ‍ ᐛᐱᒪᐛᐤ᙮
\v 38 ᐊᓂᔭ ᐅᑦ ᐃᔨᒧᐅᓐ ᓇᒪ ᒋ ᐎ ‍ ᑭᓄᐛᔨᑎᒺᓇᐛᐤ ᒋᑕᐃᐛᒡ ᐛᔅ ᓇᒪ ᒋ ‍ ᑕᑈᑕᓇᐛᐤ ᐎᔾ ᐊᒋ ᐸᒋ ‍ ᐃᑎᓴᐅᑦ᙮
\v 39 ᐃᔭᒂ ᒋ ᓇᓂᑐ ‍ ᒋᔅᒐᔨᑕᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊ ‍ ᐃᑕᔨᑎᒪᒄ ᐊᑯᑕ ᐊᓐᑕ ᒐᒋ ᐅᒋ ‍ ᒋᔅᒐᔨᑎᒪᒄ ᑕᓐᑕ ᒐᒋ ᐅᒋ ‍ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑯᑕ ᑕᐸᒋᒥᑯᐅᔭᓐ ᓂᔾ ᐊ ‍ ᐊᐎᔭᓐ ᙭᙮
\v 40 ᒥᒄ ᒪᒃ ᓇᒪ ᒋ ᐎ ᐸᒋ ‍ ᓇᓯᓇᐛᐤ ᒐᒋ ᐅᒋ ‍ ᐊᔭᔭᒄ ᐱᒪᑎᓯᐅᓐ᙮”
\p
\v 41 “ᓇᒪ ᓂ ‍ ᐃᑐᑕᓐ ᒐᒂᓐ ᓇᐸᐤ ᒐᒋ ᐅᒋ ‍ ᐸᒋ ‍ ᒋᔅᑕᔨᒥᑦ᙮
\v 42 ᐛᔅ ᒋ ‍ ᒋᔅᒐᔨᒥᑎᓇᐛᐤ ᑕᓐ ᐊ ‍ ᐃᑕᔨᑕᑯᓯᔭᒄ᙮ ᓇᒪ ᒋᓴᒋᐊᐛᐤ ᒋᓴᒪᓂᑐᐤ ᐊᓐᑕ ᒋᑕᐃᐛᒡ᙮
\v 43 ᓂᒋ ‍ ᑎᑯᓯᓐ ᐅᑕ ᐊᔅᒋᒡ ᓄᑕᐎᔾ ᐊᒋ ᐸᒋ ‍ ᐃᑎᓴᐅᑦ ᐃᔭᐱᒡ ᒪᒃ ᓇᒪ ᒋᑦ ᐊᐱᑕᔨᒥᓇᐛᐤ᙮ ᑯᑎᒃ ᐊᐛᓐ ᒋ ‍ ᑎᑯᓯᓂᑦ ᐊᑲ ᒋᓴᒪᓂᑐᐤ ᐅᒋ ᐸᒋ ‍ ᐃᑎᓴᐛᑦ ᐎᔾ ᒋᐸ ‍ ᓂᑐᑐᐛᐛᐤ᙮
\v 44 ᑕᓐᑕ ᒐᒋ ᐅᒋ ‍ ᑕᑈᑎᒪᒄ ᒥᒄ ᓇᐸᐤ ᐊ ᐎ ‍ ᓂᓇᐃᑎᒪᐊᒄ ᐊᑲ ᐎ ᓂᓇᐃᑎᒪᐊᒄ ᒋᓴᒪᓂᑐᐤ ?”
\p
\v 45 “ᐊᑲᐎᔾ ᐃᑕᔨᑎᒧᒄ ᒐ ‍ ᒪᒥᓯᒥᑎᑯᒡ ᐊᓐᑕ ᐅᑕᐎᒪᐤ ᐊ ‍ ᑕᑦ᙮ ᒧᓱᔅ ᐊᐅᒄ ᒐ ‍ ᒪᒥᓯᒥᑕᒄ ᐊᑎ ᐊ ‍ ᐃᑕᔨᑎᒪᒄ ᓂᒥᔪᑐᑕᓇᓐ ᒥᒄ ᒧᓱᔅ ᐅᐎᓱᐛᐅᓐ ᐊ ‍ ᓂᓇᐃᑎᒺᒄ᙮
\v 46 ᑕᑈ ᑲ ‍ ᑕᑈᑐᐛᐛᒂ ᒧᓱᔅ ᑭᔭ ᓂᔾ ᒋᐸ ᐸᒋ ‍ ᑕᑈᑐᐅᓇᐛᐤ ᐛᔅ ᓂᔾ ᐊᓂᔭ ᑲ ᐸᒋ ‍ ᑎᐸᒋᒥᑦ ᑲ ‍ ᒥᓯᓇᐃᒐᑦ᙮
\v 47 ᐊᑯ ᒪᒃ ᐊᑲ ᑎᔭᑈᑎᒧᐛᒂ ᐊᓂᔭ ᒧᓱᔅ ᑲ ‍ ᐃᑎᓯᓇᐃᒐᑦ, ᑕᓐᑕ ᒐᒋ ᐅᒋ ‍ ᑕᑈᑎᒪᒄ ᓂᔾ ᓂᑦ ᐃᔨᒧᐅᓐ ?”
\c 6
\s1 ᐱᑕᑕᒡ ᒐᓯᐱᔪᐤ ᐃᔪᐛ ᑲ ‍ ᐊᓯᒪᑦ ᒋᓴᔅ
\r ᒪᑎᔪᐤ 14.13-21; ᒪᕐᒃ 6.30-44; ᓗᒃ 9.10-17
\s2 John 6.1-21 (Proper-12 Year B)
\p
\v 1 ᐸᑎᒪ ᐊᓐᑕ ᒋᓴᔅ ᒋ ‍ ᐊᓱᐊᒻ ᑲᓕᓕ ᓴᑲᐃᑭᓂᔪᐤ᙮ ᑕᐃᐱᕆᔭᔅ ᓴᑲᐃᑭᓐ ᒋ ‍ ᐃᓯᓂᐧᑲᑕᑭᓄᐤ ᑭᔭ ᐅ ᑲᓕᓕ ᓴᑲᐃᑭᓐ᙮
\v 2 ᒋ ‍ ᒥᒐᑎᔪᐛ ᒪᒃ ᐊᐛᔪᐛ ᑲ ‍ ᓇᓴᐅᑯᑦ ᐛᔅ ᒋ ᐎ ‍ ᐛᐱᒥᑯᐤ ᐊ ‍ ᒪᒥᔅᑲᒡ ᐃᑎᑦ ᐊ ‍ ᒥᓏᒋᐊᑦ ᐊᐛᔪᐛ ᐊ ‍ ᐊᐧᑯᓯᔨᒋ᙮
\v 3 ᒋᓴᔅ ᒪᒃ ᒋ ‍ ᓴᑭᒋᐛᐤ ᐱᔅᑯᑎᓇᔪᐤ ᐊᑯᑕ ᐊᓐᑕ ᑲ ‍ ᐛᐛᔨᐱᑦ ᐅᒋᔅᒋᓄᐊᒧᐛᑭᓇ ᐊ ‍ ᐎᑎᐱᒪᑦ᙮
\v 4 ᓴᔅ ᒋ ‍ ᐸᓱᓇᑯᓂᔪᐤ ᐊᓂᔭ ᒍᐤ ᐃᔪᒡ ᑲᒋ ‍ ᒥᑯᓴᒡ ᐎᒪᔅᑲᒐᐅ-ᒥᑯᓴᐅᓐ ᑲ ‍ ᐃᓯᓂᐧᑲᑕᔨᒡ᙮
\p
\v 5 ᒋᓴᔅ ᒪᒃ ᒋ ‍ ᐃᑕᐳᐤ ᒂ ‍ ᐛᐱᒪᑦ ᒥᒐᑦ ᐊᐛᔪᐛ ᐊ ᐸᒋ ‍ ᓂᑐᐛᐱᒥᑯᑦ, ᐊᑯ ᒂ ‍ ᐃᑕᑦ ᐊᓂᔭ ᐱᓕᐸ, “ᑕᓐᑕ ᒐᒋ ᐅᑎᓇᐧᒃ ᐸᒂᓯᑭᓐ ᒥᓯᐛ ᒐᒋ ᐊᓯᒪᐧᑯᒡ ᐅᒡ ᐃᔪᒡ ?”
\v 6 ᐊᐅᒄ ᐅᔭ ᑲ ᐃᓯ ‍ ᑯᒂᒋᒪᑦ ᐱᓕᐸ ᒥᒄ ᐊᒋ ᐎ ᓂᑐ ‍ ᒋᔅᒐᔨᒪᑦ ᑕᓐ ᒐ ‍ ᐃᔅᒋᔄᔨᒂᓂ ᐊᑎ ᓴᔅ ᐊᒋ ‍ ᒋᔅᒐᔨᑕᐧᒃ ᒋᓴᔅ ᑕᓐ ᒐ ‍ ᐃᑎᑦ᙮
\p
\v 7 ᐱᓕᑉ ᒂ ‍ ᐃᑕᑦ, “ᐊᑎ ᒥᒄ ᐊᐱᓯᔅ ᐊᓯᒪᐧᒄ ᐸᐸᐃᒄ ᐊᐛᓐ, ᐃᔭᐱᒡ ᐃᐛᒃ ᓂᓱ ᒥᑕᓯᒥᑎᓄᐤ ᒋᐸ ‍ ᐃᔅᐱᔪᐤ ᓱᓇᔭᐤ ᐸᒂᓯᑭᓐ ᐅᑎᓇᑭᓄᐅᑦ᙮”
\p
\v 8 ᐊᑯ ᐸᐃᒄ ᐊᓂᔭ ᑯᑎᑲ ᐅᒋᔅᒋᓄᐊᒧᐛᑭᓇ ᐊᓐᑎᕈᐊ, ᐊᓂᔭ ᓴᐃᒥᓐ ᐱᑕᕐ ᐎᐧᑲᓂᓴ ᒋ ‍ ᐃᑕᔪᐛ,
\v 9 “ᑕᐤ ᐅᑕ ᓇᐸᔅ ᐱᑕᑕᒡ ᐸᒂᓯᑭᓇ ᑭᔭ ᓂᓱ ᓂᒪᓴ ᐊ ‍ ᐊᔭᐛᑦ᙮ ᒋᑭ ᒋ ‍ ᐊ ᒪᒃ ᐃᔅᐱᔪᐤ ᐅ ᒥᒋᒻ ᐊ ‍ ᐃᔅᐱᒐᑎᒡ ᐅᒡ ᐃᔪᒡ ?”
\p
\v 10 ᐊᑯ ᒋᓴᔅ ᒂ ‍ ᐃᑕᑦ, “ᐃᑕᐧᑯᒡ ᐊᓐᒡ ᐃᔪᒡ ᒐᒋ ᐊᐱᒡ᙮” ᓇᔅᒡ ᒋ ‍ ᒥᔅᑯᓯᐅᔪᐤ ᐊᓐᑕ ᐊᓂᔭ ᑲ ‍ ᑕᒡ᙮ ᐊᑯ ᒥᓯᐛ ᐊᓐᒡ ᐃᔪᒡ ᒂ ‍ ᐊᐱᒡ, ᓴᓯᑲᓐ ᐱᑕᑕᒡ ᒐᓯᐱᔪᐤ ᒋ ‍ ᐃᑎᓱᐅᒡ ᓇᐸᐅᒡ᙮
\v 11 ᐊᑯ ᒋᓴᔅ ᐛᑎᓇᑦ ᐊᓂᔭ ᐸᒂᓯᑭᓇ, ᒂ ‍ ᓂᓇᔅᑯᒪᑦ ᒋᓴᒪᓂᑐᐛ ᒂ ᐊᑎ ‍ ᒪᒪᑎᓂᒧᐛᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ᐊᑎ ‍ ᒪᑎᓄᐛᔨᒋ᙮ ᐊᐅᑯᓐ ᑲ ‍ ᐃᑐᑐᐛᑦ ᑭᔭ ᐊᓂᔭ ᓂᒪᓴ᙮ ᒥᓯᐛ ᒪᒃ ᒥᒄ ᐛ ᐃᔅᐱᔅ ᒥᒋᓱᒡ ᒋ ‍ ᐃᔅᐱᔅ ᒥᒋᓱᐅᒡ᙮
\p
\v 12 ᐃᔅᐱ ᒪᒃ ᒥᓯᐛ ᐊᐛᓐ ᑲ ‍ ᑕᐱᔅᑯᔨᑦ, ᐊᑯ ᒋᓴᔅ ᐊᑕᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᒪᒧᓴᒋᓂᒧᒄ ᒥᓯᐛ ᑕᓐ ᐊᔅᐱᔅ ᐃᔅᑯᐱᔨᒡ, ᐊᑲᐎᔾ ᓇᔅᒡ ᐃᔭᔪᑕᑕᐤ ᒐᒂᓐ᙮”
\v 13 ᐊᑯ ᑭᑈ ᒂ ‍ ᒪᒧᓴᒋᓇᒡ, ᓂᓱᓴᑉ ᒪᒃ ᐅᑎᐱᐅᑕ ᒋ ‍ ᓴᑭᔅᒋᓂᑕᐅᒡ ᐊᒋ ‍ ᐃᔅᑯᐳᐛᑭᓄᔨᒋ ᐸᒂᓯᑭᓇ᙮
\p
\v 14 ᐊᓐᒡ ᒪᒃ ᐃᔪᒡ ᐊᓐᑕ ᑲ ‍ ᑕᒡ, ᐊᓐᒡ ᑲ ‍ ᐛᐱᒪᒡ ᒋᓴᓴ ᐊᓂᔭ ᒪᒥᔅᑲᒡ ᐃᑐᐅᓂᔪᐤ ᐊ ‍ ᐃᑐᑎᒥᔨᒋ ᒋ ‍ ᐃᑕᐅᒡ, “ᒐᔅᑎᓇᔅ ᐊᐅᒄ ᐅ ᐅᒋᔅᒋᐛᐃᒐᓱᐤ ᐊᓐ ᑲ ‍ ᐊᓱᐛᐱᒪᐧᒄ ᒐᒋ ᐸᒋ ‍ ᐃᑎᓴᐛᑭᓄᐅᑦ ᐅᑕ ᐊᔅᒋᒡ᙮”
\v 15 ᒋᓴᔅ ᒪᒃ ᒋ ‍ ᒋᔅᒐᔨᒪᐤ ᐊᑯ ᒐ ᐸᒋ ‍ ᓂᑐᐛᐱᒥᑯᑦ ᐊᔨᐧᑭᒻ ᒐ ᐎ ‍ ᒋᓴᐅᒋᒪᐧᑲᑎᑯᑦ, ᐊᑯ ᒂ ‍ ᔅᑐᑕᑦ, ᒥᒄ ᐎᔾ ᒐᒋ ᐸᐃᑯᓯᑦ᙮
\s1 ᓂᐱᒡ ᑲ ‍ ᐱᒧᑕᑦ ᒋᓴᔅ
\r ᒪᑎᔪᐤ 14.22-33; ᒪᕐᒃ 6.45-52
\p
\v 16 ᐃᔅᐱ ᒪᒃ ᐊ ᐊᑎ ‍ ᐅᑕᑯᓯᔨᒡ ᒋᓴᔅ ᐅᒋᔅᒋᓄᐊᒧᐛᑭᓇ ᒋ ‍ ᓇᓯᐸᔪᐛ᙮
\v 17 ᒋ ‍ ᐳᓱᐅᒡ ᒪᒃ ᐅᐤᑎᔪᐤ ᐊᒋ ᐎ ‍ ᐊᓱᐊᒡ, ᓇᑕ ᑲᐳᕐᓇᐊᒥᒡ ᐊᒋ ᐎ ‍ ᐃᔅᒋᒪᒡ᙮ ᓴᔅ ᒪᒃ ᒋ ᐊᑎ ‍ ᐊᒋᑲᔪᐤ ᐊᔅᒄ ᐊᑲ ᐅᒋ ᓂᒋᐃᑯᒡ ᒋᓴᓴ᙮
\v 18 ᒐᒃ ᒋ ᒥᔅᑎ ‍ ᔪᑎᓂᔪᐤ ᑭᔭ ᒋ ‍ ᒪᒥᐧᑲᐊᓂᔪᐤ᙮
\v 19 ᓂᔅᑐ ᒪᒃ ᓇᐤ ᐊᔅᐱᓴᔨᒡ ᒋ ‍ ᐃᔅᐱᔅ ᐱᒥᔅᑲᒐᓂᒋ, ᐊᑯ ᒂ ‍ ᐛᐱᒪᒡ ᒋᓴᓴ᙮ ᒋ ᐸᒋ ‍ ᓇᑎᑯᐅᒡ ᐊᓐᑕ ᐅᐤᑎᒡ ᐊ ‍ ᑕᒡ ᓂᐱᒡ ᐊ ‍ ᐱᒧᑕᔨᒋ᙮ ᓇᔅᒡ ᒪᒃ ᒋ ‍ ᑯᔅᑕᒍᐅᒡ᙮
\v 20 ᒋ ‍ ᐃᑎᑯᐅᒡ ᒪᒃ ᒋᓴᓴ, “ᐊᑲᐎᔾ ᑯᔅᑕᒋᒄ, ᐊᐅᒄ ᐛᔅ ᓂᔾ᙮”
\v 21 ᐊᑯ ᒪᒃ ᒂ ‍ ᐱᔅᑎᓇᒡ ᒐᒋ ᐎᒋ ‍ ᐳᓯᒥᑯᒡ᙮ ᓇᒪ ᒪᒃ ᓇᐅᒡ ᓴᔅ ᒂ ‍ ᒥᓯᑲᒡ ᓇᑕ ᑲ ᐎ ‍ ᐃᔅᒋᒪᒡ᙮
\s1 ᒥᒐᑦ ᐊᐛᓐᒋ ᑲ ᐎ ‍ ᐛᐱᒪᒡ ᒋᓴᓴ
\p
\v 22 ᒥᓐ ᐎᔭᐱᓂᔨᒡ ᒥᒐᑦ ᐊᐛᓐᒋ ᐊᔅᒄ ᒋ ‍ ᑕᐅᒡ ᐊᓐᑕ ᒂᔅᑕᒐᑲᒻ ᐊᓂᔭ ᓴᑲᐃᑭᓂᔪᐤ ᐊᓐᑕ ᒋᓴᔅ ᑲ ‍ ᐊᓯᒪᑦ ᒥᒐᑦ ᐊᐛᔪᐛ᙮ ᒋ ‍ ᒋᔅᒋᓱᒡ ᒪᒃ ᐊᓐᒡ ᐃᔪᒡ ᒥᒄ ᐊᒋ ‍ ᐸᐃᑯᓯᔨᒡ ᐅᐤᑎᔪᐤ ᐊᒋ ‍ ᐊᐱᒋᑕᔨᒋ ᒋᔅᒋᓄᐊᒧᐛᑭᓇ ᑭᔭ ᐊᑲ ᐅᒋ ᐳᓯᔨᒋ ᐊᓐᑕ ᒋᓴᓴ᙮
\v 23 ᑯᑎᑲ ᒪᒃ ᐅᐤᑕ ᒋ ᐸᒋ ‍ ᓇᑎᑭᒪᐱᔪᐛ ᐊᓐᑕ ᑕᐃᐱᕆᔭᔅ ᐊ ‍ ᐅᒋᐱᔨᒋ᙮
\s2 John 6.24-35 (Proper-13 Year B)
\p
\v 24 ᓇᒪ ᒪᒃ ᐅᒋ ᐛᐱᒪᐅᒡ ᒋᓴᓴ ᑭᔭ ᐅᒋᔅᒋᓄᐊᒧᐛᑭᓂᔪᐛ ᒐᒋ ᑕᔨᒋ ᐊᓐᑕ ᐊᑯ ᒂ ‍ ᐳᓯᒡ ᐅᐤᑎᔪᐤ ᐊᓐᑕ ᑲᐳᕐᓇᐊᒥᒡ ᒂ ‍ ᐃᔅᒋᒪᒡ ᒐ ‍ ᓇᓂᑐᐛᐱᒪᒡ ᒋᓴᓴ᙮
\s1 ᒋᓴᔅ ᐊᐅᒄ ᐱᒪᒋᐃᐛᐤ ᐸᒂᓯᑭᓐ
\p
\v 25 ᐃᔅᐱ ᒪᔅᑯᐛᒡ ᒋᓴᓴ ᐊᓐᑕ ᒂᔅᑕᒐᑲᒻ ᐊᓂᔭ ᓴᑲᐃᑭᓂᔪᐤ ᒋ ‍ ᐃᑕᐅᒡ, “ᒋᔅᑯᑎᒪᒐᓱᐤ ᑕᐃᔅᐱ ᑲ ‍ ᑎᑯᓯᓂᔨᓐ ᐅᑕ ?”
\p
\v 26 ᒋᓴᔅ ᒂ ‍ ᐃᑕᑦ, “ᑯᐃᔅᒄ ᒋ ‍ ᐎᑎᒪᑎᓇᐛᐤ, ᓇᒪ ᒥᒄ ᐊᓐ ᐊᒋ ‍ ᐛᐱᒥᔭᒄ ᒪᒥᔅᑲᒡ ᐛᐸᑎᔨᐛᐅᓇ ᐊ ‍ ᐃᑐᑎᒪᓐ ᐛᒋ ‍ ᐸᒋ ‍ ᓇᓂᑐᐛᐱᒥᔭᒄ᙮ ᐊᓐ ᐊᒋ ‍ ᒧᐛᒄ ᐸᒂᓯᑭᓐ ᑭᔭ ᐊᒋ ‍ ᒋᔅᐳᔭᒄ ᐊᐅᒄ ᐛᒋ ‍ ᓇᓂᑐᐛᐱᒥᔭᒄ᙮
\v 27 ᐊᑲᐎᔾ ᐊᑐᔅᒐᒄ ᒥᒄ ᐊ ᐎ ‍ ᐱᐧᑯᑎᒪᓱᔭᒄ ᒥᒋᒻ ᐊᓐ ᒐ ‍ ᐃᔭᔪᐛᒡ, ᐃᔭᐱᒡ ᐎ ᐱᐧᑯᑎᒪᓱᒃ ᐊᓐ ᒥᒋᒻ ᑲᒋᒡ ᒐ ‍ ᑎᒂᒡ᙮ ᐃᔪᐤ ᐅᑯᓯᓴᓐ ᒋᑭ ‍ ᒥᔨᑯᐛᐤ ᒥᒋᒥᔪᐤ ᒐ ᐊᑲ ‍ ᓂᑕ ᐅᒋ ‍ ᔭᔪᓂᔨᒡ᙮ ᐛᔅ ᒋᓴᒪᓂᑐᐤ ᐅᑕᐎᒪᐤ ᒋ ‍ ᓄᑯᑕᐤ ᑕᑈ ᐊ ‍ ᓇᐊᔨᒪᑦ᙮”
\p
\v 28 ᐊᑯ ᒂ ‍ ᑯᒂᒋᒪᒡ, “ᑕᓐ ᒪᒃ ᒐ ‍ ᑎᔭᒡ ᒐᒋ ᐊᑐᔅᑯᐅᒋᑦ ᒋᓴᒪᓂᑐᐤ ?”
\p
\v 29 ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᐊᐅᒄ ᐅᔭ ᐊ ᐃᓯ ‍ ᓂᑐᐛᔨᑕᐧᒃ ᒋᓴᒪᓂᑐᐤ ᒐᒋ ᐃᓯ ‍ ᐊᑐᔅᑯᐛᑭᓄᐅᑦ, ᒐᒋ ᑕᑈᔭᔨᒪᑯ ᐊᓂᔭ ᑲ ᐸᒋ ‍ ᐃᑎᓴᐛᑦ᙮”
\p
\v 30 ᐊᑯ ᒂ ‍ ᐃᑕᒡ ᐊᓂᔭ ᒋᓴᓴ, “ᑕᓐ ᒐᒋ ᐃᓯ ‍ ᒪᒥᔅᑲᒡ ᐃᑎᔨᓐ ᒐᒋ ᐅᒋ ‍ ᑕᑈᔭᔨᒥᑕᒡ ?
\v 31 ᐊᓐᑕ ᐛᔅᑭᒡ ᐊᓂᔭᐧᑲ ᓂᐛᐧᑯᒪᑭᓇᓂᒡ ᒋ ‍ ᒧᐛᐅᒡ ᐊᓂᔭ ᐸᒂᓯᑭᓇ ᑲ ‍ ᒥᔭᑭᓄᐎᒡ ᒪᒂᒡ ᐊᓐᑕ ᐸᐧᑯᑎᔅᑭᒥᑲᒡ ᑲ ‍ ᑕᒡ᙮ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ,
\q ᒋ ‍ ᒥᔭᑭᓄᐎᒡ ᐸᒂᓯᑭᓇ ᒋᒋᒋᓯᑯᒡ ᐅᒡ᙮”
\p
\v 32 ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᑯᐃᔅᒄ ᒋ ‍ ᐎᑎᒪᑎᓇᐛᐤ, ᐊᓂᔭ ᐸᒂᓯᑭᓇ ᒧᓱᔅ ᑲ ‍ ᒥᔨᑕᒄ ᓇᒪ ᐊᓐᑕ ᒋᒋᒋᓯᑯᒡ ᐅᒡ ᐅᒋᐱᔪᐛ᙮ ᒋᓴᒪᓂᑐᐤ, ᓄᑕᐎᔾ ᐊᐅᒄ ᐊᓐ ᒪᔨᑕᒄ ᐊᓂᔭ ᒋᒋᐛ ᐸᒂᓯᑭᓇ ᒋᒋᒋᓯᑯᒡ ᑲ ‍ ᐅᒋᐱᔨᒋ᙮
\v 33 ᐊᓐ ᒪᒃ ᐸᒂᓯᑭᓇ ᒋᓴᒪᓂᑐᐤ ᑲ ‍ ᒥᔨᐛᑦ ᐊᐅᑯᓐ ᐊᓐ ᒋᒋᒋᓯᑯᒡ ᑲ ‍ ᐅᒋᐱᔨᑦ, ᑭᔭ ᐊᐅᒄ ᑲ ‍ ᒥᔭᑦ ᐊᐛᔪᐛ ᐅᑕ ᐊᔅᒋᒡ ᑲ ‍ ᑕᔨᒋ ᐱᒪᑎᓯᐅᓂᔪᐤ,” ᒋ ‍ ᐃᑕᐤ ᒋᓴᔅ᙮
\p
\v 34 ᐊᑯ ᒂ ‍ ᐃᑕᒡ ᐊᓂᔭ ᒋᓴᓴ, “ᐅᑎᐸᔨᒋᒐᐤ, ᒧᔅ ᒪ ᐸᒋ ‍ ᒥᔨᓇᓐ ᐊᓐ ᐸᒂᓯᑭᓐ᙮”
\s2 John 6.35,41-51 (Proper-14 Year B)
\p
\v 35 ᒋᓴᔅ ᒪᒃ ᒋ ‍ ᐃᑕᐤ, “ᓂᔾ ᐊᐅᒄ ᐊᓐ ᐸᒂᓯᑭᓐ ᐊᓐᑕ ᒐᒋ ᐅᒋ ‍ ᐱᒪᑎᓯᑦ ᐊᐛᓐ᙮ ᐊᐛᓐ ᒪᒃ ᒐ ᐸᒋ ‍ ᓇᓯᒂ ᑭᔭ ᒐ ᐸᒋ ‍ ᑕᑈᔭᔨᒥᒂ, ᓇᒪ ᓂᑕ ᒥᓐ ᒋᑭ ᐅᒋ ‍ ᓯᐛᔪᐤ ᑭᔭ ᓇᒪ ᓂᑕ ᒥᓐ ᒋᑭ ᐅᒋ ‍ ᓄᑕᔭᐸᒂᐤ᙮
\v 36 ᓴᔅ ᒪᒃ ᔅᒋ ‍ ᐎᑎᒪᑎᓇᐛᐤ, ᓴᔅ ᔅᒋ ‍ ᐛᐱᒥᓇᐛᐤ ᐃᔭᐱᒡ ᒪᒃ ᓇᒪ ᒋ ᐅᒋ ᐎ ‍ ᑕᑈᔭᔨᒥᓇᐛᐤ᙮
\v 37 ᒥᓯᐛ ᐊᓂᔭ ᐊᐛᔪᐛ ᐅᑕᐎᒪᐤ ᑲ ᐸᒋ ‍ ᒥᔨᑦ ᓂᑭ ᐸᒋ ‍ ᓇᑎᑯᒡ᙮ ᐊᓐ ᒪᒃ ᐊᐛᓐ ᒐ ᐸᒋ ‍ ᓇᓯᑦ ᓇᒪ ᓂᑕ ᓂᑭ ᐅᒋ ‍ ᐃᒐᓇᐤ᙮
\v 38 ᐛᔅ ᓂᒋ ‍ ᑎᑯᓯᓐ ᒋᒋᒋᓯᑯᒡ ᐊ ‍ ᐅᑐᑕᔭᓐ ᒐᒋ ᐃᑐᑎᒧᒡ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᐊᓐ ᑲ ᐸᒋ ‍ ᐃᑎᓴᐅᑦ᙮ ᓇᒪ ᓂ ᐅᒋ ‍ ᑎᑯᓯᓐ ᐅᑕ ᐊᔅᒋᒡ ᒥᒄ ᓂᔾ ᓂᑦ ᐃᑕᔨᑎᒧᐅᓐ ᒐᒋ ᐃᑐᑎᒪᓐ᙮
\v 39 ᐊᔪᐅᒄ ᒪᒃ ᐅᔭ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ ᐊᓐ ᑲ ᐸᒋ ‍ ᐃᑎᓴᐅᑦ, ᒐ ᐊᑲ ᒋ ᐅᓂᐃᒥᒋ ᐛᐛᒡ ᐸᐃᒄ ᐊᓂᔭ ᐊᐛᔪᐛ ᑲ ᐸᒋ ‍ ᒥᔨᑦ, ᒪᒃ ᒐᒋ ᐅᓂᔅᑲᓂᒥᒋ ᒪᔅᑕᔾ ᒋᓯᑲᔨᒐ ᑲᒋᒡ ᒐᒋ ᐱᒪᑎᓯᔨᒋ᙮
\v 40 ᐛᔅ ᐊᐅᒄ ᐅᔭ ᓄᑕᐎᔾ ᐅᑦ ᐃᑕᔨᑎᒧᐅᓐ, ᒥᓯᐛ ᐊᐛᔪᐛ ᑲ ‍ ᐛᐱᒪᔨᒋ ᑭᔭ ᑲ ‍ ᑕᑈᔭᔨᒪᔨᒋ ᐅᑯᓯᓯᒪᐛ ᑲᒋᒡ ᐱᒪᑎᓯᐅᓂᔪᐤ ᒐᒋ ᐊᔭᔨᒋ᙮ ᓂᔾ ᒪᒃ ᒐ ‍ ᐅᓂᔅᑲᓂᒥᒋ ᒪᔅᑕᔾ ᒋᓯᑲᒐ᙮”
\s1 ᑕᓐᑕ ᒐᒋ ᐅᒋ ‍ ᒋᔅᒐᔨᒪᒄ ᒋᓴᔅ
\s2 John 6.35,41-51 (Proper-14 Year B)
\p
\v 41 ᐃᔅᐱ ᑲᒋ ᐃᓯ ‍ ᐃᔨᒥᑦ ᒋᓴᔅ, ᐊᓐᒡ ᒍᐤ ᐃᔪᒡ ᒐᒂᔪᐤ ᒋ ‍ ᐃᑕᔨᒪᐅᒡ ᐅᔭ ᐊᒋ ‍ ᐃᔅᒋᔄᔨᒋ, “ᓂᔾ ᐊᐅᒄ ᐊᓐ ᐸᒂᓯᑭᓐ ᒋᒋᒋᓯᑯᒡ ᑲ ᐅᒋ ‍ ᐱᔅᑎᓇᑭᓄᐅᑦ᙮”
\v 42 ᐊᑯ ᒂ ‍ ᐃᔅᒋᔄᒡ, “ᓇᒪᔭᐤ ᐊ ᐅ ᒋᓴᔅ, ᒍᓯᑉ ᐅᑯᓴ ? ᓂ ‍ ᒋᔅᒐᔨᒪᓇᓂ ᐅᑕᐎᔭ ᑭᔭ ᐅᑲᐎᔭ᙮ ᒐᒂᔪᐤ ᒪᒃ ᐛᒋ ‍ ᐃᔅᒋᔄᑦ ᒋᒋᒋᓯᑯᒡ ᐊ ‍ ᐅᒋᑦ ?”
\p
\v 43 ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᐊᑯᓐ ᐃᔅᐱᔅ ᐳᑯᓄᒧᐛᒄ᙮
\v 44 ᓇᒪ ᓂᑭ ᒋ ᐸᒋ ‍ ᓇᑎᒄ ᐊᐛᓐ ᐊᑲ ᓄᑕᐎᔭ ᐃᑐᑕᑯᒐ ᒐᒋ ᐸᒋ ‍ ᓇᓯᑦ᙮ ᒪᔅᑕᔾ ᒋᓯᑲᒐ ᒥᓯᐛ ᐊᐛᓐ ᐊᒋ ᐸᒋ ‍ ᓇᓯᑦ ᓂᑭ ‍ ᐅᓂᔅᑲᓇᐤ᙮
\v 45 ᒪᐅᔭ ᑲ ‍ ᐃᑎᓯᓇᐃᒐᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ,
\q ᒋᓴᒪᓂᑐᐤ ᒋᑭ ‍ ᒋᔅᑯᑎᒧᐛᐤ ᒥᓯᐛ ᐊᐛᔪᐛ᙮
\m ᒥᓯᐛ ᒪᒃ ᐊᓐᒡ ᑲ ‍ ᐸᑐᐛᒡ ᑭᔭ ᑲ ‍ ᒋᔅᑯᑎᒪᑯᒡ ᓄᑕᐎᔭ ᓂᑭ ᐸᒋ ‍ ᓇᑎᑯᒡ᙮
\v 46 ᓇᒪ ᐊᐛᓐ ᐅᒋ ᐛᐱᒪᐤ ᐅᑕᐎᒪᐛ ᒥᒄ ᐊᓂᔭᔪᐛ ᒋᓴᒪᓂᑐᐤ ᑲ ᐸᒋ ‍ ᐃᑎᓴᐛᑦ ᐊᐅᑯᓐ ᐊᓐ ᑲ ‍ ᐛᐱᒪᑦ ᐅᑕᐎᒪᐛ᙮
\v 47 ᑯᐃᔅᒄ ᒋ ‍ ᐎᑎᒪᑎᓇᐛᐤ, ᐊᓐ ᐊᐛᓐ ᑲ ᐸᒋ ‍ ᑕᑈᔭᔨᒥᑦ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮
\v 48 ᓂᔾ ᐊᐅᒄ ᐸᒂᓯᑭᓐ ᑲ ‍ ᒥᔨᐛᑦ ᐱᒪᑎᓯᐅᓂᔪᐤ᙮
\v 49 ᐊᓐᑕ ᐛᔅᑭᒡ ᒋ ‍ ᐛᐧᑯᒪᐊᑭᓄᐅᒡ ᒋ ‍ ᒧᐛᐅᒡ ᐊᓂᔭᔪᐛ ᐸᒂᓯᑭᓇ ᒪᓇ ᐊᒋ ‍ ᐃᓯᓂᐧᑲᑕᑭᓄᔨᒋ, ᒪᒂᒡ ᐊᓐᑕ ᐸᐧᑯᑎᔅᑭᒥᑲᒡ ᑲ ‍ ᑕᒡ᙮ ᐃᔭᐱᒡ ᒪᒃ ᒋ ‍ ᓂᐳᐅᒡ᙮
\v 50 ᒥᒄ ᒪᒃ ᐊᓐ ᐊᐛᓐ ᒐ ‍ ᒧᐛᒂ ᐊᓂᔭ ᐸᒂᓯᑭᓇ ᐊᓐᑕ ᒋᒋᒋᓯᑯᒡ ᑲ ᐅᒋ ‍ ᐱᔅᑎᓇᑭᓄᔨᒋ, ᓇᒪ ᓂᑕ ᒋᑭ ᐅᒋ ‍ ᓂᐳᐤ᙮”
\s2 John 6.51-58 (Proper-15 Year B)
\p
\v 51 “ᓂᔾ ᒪᒃ ᐊᓐ ᐱᒪᒋᐃᐛᐤ ᐸᒂᓯᑭᓐ ᒋᒋᒋᓯᑯᒡ ᑲ ᐅᒋ ‍ ᐱᔅᑎᓇᑭᓄᐅᑦ᙮ ᐊᐛᓐ ᒪᒃ ᒐ ‍ ᒧᐛᒂ ᐅᔭ ᐸᒂᓯᑭᓇ ᑲᒋᒡ ᐱᒪᑎᓯᐅᓂᔪᐤ ᒋᑭ ‍ ᐊᔭᐤ᙮ ᐊᓐ ᒪᒃ ᐸᒂᓯᑭᓐ ᒐ ‍ ᒥᔨᐛᔭᓐ ᐊᐅᒄ ᐅ ᓂᔭᔅ ᐊᓐᑕ ᒐᒋ ᐅᒋ ‍ ᐊᔭᒡ ᐊᐛᓐᒋ ᐱᒪᑎᓯᐅᓂᔪᐤ᙮” ᐊᔪᐅᒄ ᐅᔭ ᒋᓴᔅ ᑲ ‍ ᐃᔅᒋᔄᑦ᙮
\p
\v 52 ᐊᑯ ᐊᓐᒡ ᒍᐤ ᐃᔪᒡ ᒋ ‍ ᒥᒋᐱᔪᒡ ᐊ ‍ ᐃᔅᒋᔄᒡ, “ᑕᓐᑕ ᒐᒋ ᐅᒋ ‍ ᒥᔨᐛᑦ ᐅ ᓇᐸᐤ ᐎᔭᔅ ᒐᒋ ᐅᒋ ‍ ᒥᒋᓇᓄᐎᒡ ?”
\p
\v 53 ᒋᓴᔅ ᒂ ‍ ᐃᑕᑦ, “ᑯᐃᔅᒄ ᒋᑦ ᐃᑎᓇᐛᐤ, ᓇᒪ ᒋᑭ ᒋ ‍ ᐊᔭᓇᐛᐤ ᑲᒋᒡ ᐱᒪᑎᓯᐅᓐ ᐊᑲ ᒥᒍᐛᒂ ᐃᔪᐤ ᐅᑯᓯᓴᓐ ᐎᔭᔅ ᑭᔭ ᐊᑲ ᒥᓂᐛᒂ ᐅᒥᐧᒄ᙮
\v 54 ᐊᓐ ᒪᒃ ᐊᐛᓐ ᒐ ‍ ᒥᒋᒂ ᓂᔭᓯᔪᐤ ᑭᔭ ᒐ ‍ ᒥᓂᒂ ᓂᒥᐧᑯᔪᐤ ᐊᔭᐤ ᑲᒋᒡ ᐱᒪᑎᓯᐅᓂᔪᐤ, ᑭᔭ ᓂᔾ ᓂᑭ ‍ ᐅᓂᔅᑲᓇᐤ ᒪᔅᑕᔾ ᒋᓯᑲᔨᒐ᙮
\v 55 ᐛᔅ ᓂᔭᔅ ᐊᐅᒄ ᒋᒋᐛ ᒥᒋᒻ ᑭᔭ ᓂᒥᐧᒄ ᒋᒋᐛ ᒥᓂᒂᐅᓄᐅᓐ᙮”
\s2 John 6.56-69 (Proper-16 Year B)
\p
\v 56 “ᐊᓐ ᒪᒃ ᐊᐛᓐ ᒐ ‍ ᒥᒋᒂ ᓂᔭᓯᔪᐤ ᑭᔭ ᒐ ‍ ᒥᓂᒂ ᓂᒥᐧᑯᔪᐤ, ᓂ ‍ ᐱᒋᔅᑲᒄ ᑭᔭ ᓂᔾ ᒪᒃ ᓂ ‍ ᐱᒋᔅᑯᐛᐤ᙮
\v 57 ᓄᑕᐎᔾ ᐊᓐ ᑲ ‍ ᒥᔨᐛᑦ ᐱᒪᑎᓯᐅᓂᔪᐤ ᓂᒋ ᐸᒋ ‍ ᐃᑎᓴᐅᒄ ᑭᔭ ᓂ ‍ ᒥᔨᒄ ᐱᒪᑎᓯᐅᓂᔪᐤ᙮ ᐊᐅᑯᓐ ᒪᒃ ᒧᔭᒻ ᑭᔭ ᐎᔾ ᐊᓐ ᐊᐛᓐ ᑲ ‍ ᒥᒋᑦ ᓂᔭᓯᔪᐤ, ᓂᑭ ‍ ᒥᔭᐤ ᒐᒋ ᐱᒪᑎᓯᑦ᙮
\v 58 ᐊᐅᒄ ᐅ ᐸᒂᓯᑭᓐ ᒋᒋᒋᓯᑯᒡ ᑲ ᐅᒋ ‍ ᐱᔅᑎᓇᑭᓄᐅᑦ᙮ ᐊᐛᓐ ᒪᒃ ᒐ ‍ ᒧᐛᒂ ᐅᔭ ᐸᒂᓯᑭᓇ ᑲᒋᒡ ᐱᒪᑎᓯᐤ᙮ ᓇᒪᔭᔪᐤ ᐊᓂᔭ ᐸᒂᓯᑭᓇ ᐊᓂᔅᒐ ᒋ ‍ ᐛᐧᑯᒪᐊᑭᓄᐅᒡ ᑲ ‍ ᒧᐛᒡ ᐊᓐᑕ ᐛᔅᑭᒡ, ᐊᑎ ᐊᒋ ‍ ᒧᐛᒡ ᐊᓂᔭ ᐸᒂᓯᑭᓇ ᐃᔭᐱᒡ ᒋ ‍ ᓂᐳᐅᒡ᙮”
\p
\v 59 ᐊᐅᒄ ᐅᔭ ᒐᒂᔪᐤ ᑲ ‍ ᐊᔨᒧᑕᐧᒃ ᒋᓴᔅ ᑲ ‍ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᓐᑕ ᑲᐳᕐᓇᐊᒻ ᐅᑕᓇᒡ ᑲ ‍ ᑕᑦ᙮
\s1 ᒋᓴᔅ ᐅᑦ ᐃᔨᒧᐅᓂᒡ ᐊᑯᑕ ᒐ ᐅᒋ ‍ ᐱᒪᑎᓯᑦ ᐊᐛᓐ
\p
\v 60 ᐃᔅᐱ ᒪᒃ ᑲ ‍ ᐸᑕᑯᑦ ᒥᒐᑦ ᐊᓂᔭ ᑲ ‍ ᓇᓴᐅᑯᑦ ᐊᓂᔭ ᐊ ‍ ᐃᔅᒋᔄᑦ, ᒋ ‍ ᐃᔅᒋᔄᔪᐛ, “ᑕᑈ ᐊᔨᒥᓂᔪᐤ ᐊᓂᔭ ᑲ ‍ ᐃᔅᒋᔄᑦ, ᐊᐛᓐ ᒐᒋ ᓂᔅᑐᑕᐧᒃ ?”
\p
\v 61 ᒋᓴᔅ ᒪᒃ ᒋ ‍ ᒋᔅᒐᔨᒪᐤ, ᐊᑎ ᐊᑲ ᐅᒋ ᐎᑎᒧᐛᑭᓄᐅᑦ, ᑕᓐ ᐊ ‍ ᐃᑎᑐᔨᒋ ᐊᑯ ᒂ ‍ ᐃᑕᑦ, “ᒋᐅᔅᑐᐛᔨᑎᒥᐃᑯᓇᐛᐤ ᐊ ᐅ ᑲ ‍ ᐃᔅᒋᔄᔭᓐ ?
\v 62 ᑕᓐ ᒪᒃ ᒐ ‍ ᐃᑕᔨᑎᒪᒄ ᐛᐱᒪᒂ ᐃᔪᐤ ᐅᑯᓯᓴᓐ ᐊ ‍ ᐅᐱᔨᑦ ᐊᓐᑕ ᐃᔅ ᑲᒋ ‍ ᑕᑦ ᐊᔅᒄ ᐊᑲ ᐅᒋ ᐸᒋ ‍ ᐃᑎᓴᐛᑭᓄᐅᑦ ᐅᑕ ᐊᔅᒋᒡ᙮
\v 63 ᒥᒄ ᑲ ‍ ᐸᔭᒋᓯᑦ ᐊᒐᐧᒄ ᒥᔨᐛᐤ ᑲᒋᒡ ᐱᒪᑎᓯᐅᓂᔪᐤ, ᓇᒪ ᐎ ᓇᐸᐤ ᒋᑭ ᒋ ‍ ᐃᑐᑎᒻ ᐅᔭ᙮ ᔅᒋ ‍ ᐎᑎᒪᑎᓇᐛᐤ ᒪᒃ ᑕᓐᑕ ᒐᒋ ᐅᒋ ‍ ᐊᔭᔭᒄ ᐅ ᐊᒐᐧᒄ ᐱᒪᑎᓯᐅᓐ᙮
\v 64 ᐱᔅᒐ ᒪᒃ ᐅᑕ ᐊ ‍ ᑎᓯᔭᒄ ᓇᒪ ᒋ ‍ ᑕᑈᔨᑕᓇᐛᐤ᙮” ᓴᔅ ᒋ ‍ ᒋᔅᒐᔨᑎᒻ ᒋᓴᔅ ᐊᐛᔪᐛ ᒐ ᐊᑲ ᐅᒋ ‍ ᑕᑈᑎᒥᔨᒋ ᑭᔭ ᒋ ‍ ᒋᔅᒐᔨᒪᐤ ᐊᓂᔭ ᐊᐛᔪᐛ ᒐ ‍ ᐎᔭᓯᐱᔅᑎᓂᑯᑦ᙮
\v 65 ᐊᑯ ᒂ ‍ ᐃᔅᒋᔄᑦ, “ᐊᐅᒄ ᒪᒃ ᐛᒋ ‍ ᐃᑎᑎᑯᒡ ᓇᒪ ᐊᐛᓐ ᓂᑭ ᒋ ᐸᒋ ‍ ᓇᑎᒄ ᐸᑐᔅ ᐅᑕᐎᒪᐛ ᒥᔨᑯᒐ ᒐᒋ ᓇᓯᑦ᙮”
\p
\v 66 ᐃᔅᐱ ᒪᒃ ᑲ ‍ ᐃᔅᒋᔄᑦ ᐅᔭ ᒥᒐᑦ ᐊᓂᔭᔪᐛ ᑲ ‍ ᓇᓴᐅᑯᑦ ᒋ ‍ ᓂᑭᑎᑯᐤ ᑭᔭ ᓇᒪ ᐅᒋ ᐎ ᐎᒐᐅᑯᐤ᙮
\v 67 ᐊᑯ ᒋᓴᔅ ᒂ ‍ ᑯᒂᒋᒪᑦ ᐊᓂᔭ ᓂᓱᓴᑉ ᐅᒋᔅᒋᓄᐊᒧᐛᑭᓇ ᐊ ‍ ᐃᑕᑦ, “ᑭᔭ ᐊ ᒋᔨᐛᐤ ᒋ ᐎ ‍ ᓂᑭᓯᓇᐛᐤ ?”
\p
\v 68 ᒂ ᐃᓯ ‍ ᐎᑎᒪᑯᑦ ᓴᐃᒥᓐ ᐱᑕᕋ ᐊ ‍ ᐃᑎᑯᑦ, “ᐅᑎᐸᔨᒋᒐᐤ, ᐊᐛᓐ ᒪᒃ ᒐ ‍ ᓂᑐᐛᐱᒥᒋᒡ ? ᒋᑦ ᐃᔨᒧᐅᓂᒡ ᐊᑯᑕ ᐛᒋ ‍ ᑎᒂᒡ ᑲᒋᒡ ᐱᒪᑎᓯᐅᓐ᙮
\v 69 ᓂ ‍ ᑕᑈᑕᓇᓐ ᒪᒃ ᑭᔭ ᓂ ‍ ᒋᔅᒐᔨᑕᓇᓐ ᒋᔾ ᐊ ‍ ᐊᐎᔨᓐ ᑲ ‍ ᐸᔭᒋᓯᑦ, ᐊᓐ ᑲ ᐸᒋ ‍ ᐃᑎᓴᐅᑯᑦ ᒋᓴᒪᓂᑐᐛ᙮”
\p
\v 70 ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᓇᒪᐎᔾ ᐊ ᓂᔾ ᒋ ᐅᒋ ‍ ᐅᑎᓂᑎᓇᐛᐤ ᐊ ‍ ᓂᓱᓴᐳᔭᒄ ? ᐸᐃᒄ ᒪᒃ ᐊᓐᑕ ᐊ ‍ ᑎᓯᔭᒄ ᒥᒋᒥᓂᑐᐤ᙮”
\v 71 ᒍᑎᔅ, ᓴᐃᒥᓐ ᐃᔅᑲᕆᔭᑦ ᐅᑯᓯᔪᐛ ᐊᐅᑯᓂ ᐊᓂᔭ ᑲ ‍ ᐊᔨᒧᒪᑦ ᐛᔅ ᐊᐅᒄ ᐊᓐ ᐸᐃᒄ ᐊᓐᑕ ᐊ ‍ ᓂᓱᓴᐳᒡ ᒐ ‍ ᐎᔭᓯᐱᔅᑎᓇᑯᐱᓇ ᐊᓂᔭ ᒋᓴᓴ᙮
\c 7
\s1 ᒋᓴᔅ ᑭᔭ ᐎᐧᑲᓂᓴ
\p
\v 1 ᒥᓐ ᐸᑎᒪ ᐊᑯ ᒋᓴᔅ ᒂ ‍ ᐃᑐᑕᑦ ᐊᓐᑕ ᑲᓕᓕ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ, ᓇᒪ ᐎ ᐊᓐᑕ ᒍᑎᔭ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᐃᑕᒐ ᐅᒋ ᐎ ᐃᑐᑕᐤ ᐛᔅ ᒋ ‍ ᒋᔅᒐᔨᑎᒻ ᐊᒋ ᐎ ‍ ᓂᐸᐃᑯᑦ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ᙮
\v 2 ᓴᔅ ᒪᒃ ᒋ ‍ ᐸᓱᓇᑯᓂᔪᐤ ᑲᒋ ‍ ᒥᑯᓴᒡ ᒍᐤ ᐃᔪᒡ᙮ ᐊᑯᑕ ᐅᔭ ᒪᒂᒡ ᒋ ‍ ᑎᑯᓂᔪᐤ ᑕᓐ ᑲᒋ ‍ ᐃᑎᒡ ᒪᓐ ᑭᔭ ᒥᒋᐛᐱᒡ ᒋ ‍ ᑕᐅᒡ᙮
\v 3 ᐊᑯ ᒋᓴᔅ ᐎᐧᑲᓂᓴ ᒂ ‍ ᐃᑎᑯᑦ, “ᔅᑐᑕ ᒪ, ᓇᑕ ᒍᑎᔭᒡ ᒐ ‍ ᐃᑐᑕᔨᓐ, ᒐ ‍ ᐛᐸᑕᒡ ᐊᓐᒡ ᑲ ‍ ᓇᓴᐅᔅᒡ ᑕᓐ ᐊ ᐃᓯ ‍ ᒪᒥᔅᑲᒡ ᐃᑐᐅᑦ᙮
\v 4 ᓇᒪ ᐊᐛᓐ ᑲ ‍ ᑕᐤ ᑕᓐ ᒐᒋ ᐃᓯ ‍ ᐃᑐᑕᐧᒃ ᓇᑐᐛᔨᑎᒧᒂ ᒐᒋ ᒥᔪ ‍ ᒋᔅᒐᔨᒪᑭᓄᐅᑦ᙮ ᐊ ‍ ᐃᑐᑎᒧᐎᓇ ᒪᒃ ᒪᒥᔅᑲᒡ ᐃᑐᐅᓐ, ᐱᔅᑎᓂᓱᐤ ᒐᒋ ᒋᔅᒐᔨᒥᑯᔨᓐ ᑕᓐ ᒐᒋ ᐃᓯ ‍ ᐃᑐᑎᒥᓐ᙮”
\v 5 ᐛᔅ ᐛᐛᒡ ᑎᐱᔨᐛ ᐎᐧᑲᓂᓴ ᓇᒪ ᐅᒋ ᑕᑈᔭᔨᒥᑯᐤ ᒋᓴᔅ᙮
\p
\v 6 ᐊᑯ ᒋᓴᔅ ᒂ ‍ ᐃᑕᑦ, “ᑕᐸ ᐊᔅᒄ ᐅᑎᒋᐱᔪᐤ ᒐᒋ ᔅᑐᑕᔭᓐ, ᒋᔨᐛᐤ ᒪᒃ ᒥᒄ ᐛ ᐃᔅᐱᔅ ᐃᑐᑕᔭᒄ ᒋᑭ ᒋ ‍ ᐃᑐᑕᓇᐛᐤ᙮
\v 7 ᑕᐸ ᑎᑯᓂᔪᐤ ᒐᒂᔪᐤ ᒐᒋ ᐅᒋ ‍ ᐛᐧᑲᑎᑕᑯᒡ ᐊᐛᓐᒋ ᐅᑕ ᐊᔅᒋᒡ ᑲ ‍ ᑕᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᒥᒄ ᒪᒃ ᓂ ‍ ᐛᐧᑲᑎᑯᒡ ᓂᔾ ᐛᔅ ᓂ ‍ ᐎᑕᓐ ᑕᓐ ᐊᔅᐱᔅ ᒥᒐᑎᓯᓇᓄᐅᒡ᙮
\v 8 ᒪᒋᒄ ᒋᔨᐛᐤ ᐃᑐᑕᒄ ᓇᑕ ᐊ ‍ ᒥᑯᓴᓄᒡ, ᑕᐸ ᐊᔅᒄ ᐅᑎᒋᐱᔪᐤ ᓂᔾ ᐊᓐᑕ ᒐᒋ ᐃᑐᑕᔭᓐ᙮”
\v 9 ᐃᔅᐱ ᒪᒃ ᒋᓴᔅ ᑲ ‍ ᐃᔅᒋᔄᑦ ᐅᔭ ᐊᑯᑕ ᐃᔭᐱᒡ ᐊᓐᑕ ᑲᓕᓕᒡ ᑲ ‍ ᑕᑦ᙮
\s1 ᒋᓴᔅ ᑲ ‍ ᐃᑐᑕᑦ ᐊᓐᑕ ᐊᓂᔭ ᑲ ‍ ᒥᑯᓴᓄᐎᒡ
\p
\v 10 ᐃᔅᐱ ᒪᒃ ᑲ ‍ ᔅᑐᑕᔨᒋ ᐊᓂᔭ ᒋᓴᔅ ᐎᐧᑲᓂᓴ ᐊᓐᑕ ᐊᓂᔭ ᐊ ‍ ᒥᑯᓴᓄᐎᒡ ᐊ ‍ ᐃᑐᑕᔨᒋ, ᑭᔭ ᐎᔾ ᒋ ‍ ᐃᑐᑕᐤ ᐊᓐᑕ ᐊᑲ ᒋᔅᒐᔨᒥᑯᑦ ᐛᔅ ᓇᒪ ᐅᒋ ᓂᑐᐛᔨᒪᐤ ᒐᒋ ᒋᔅᒐᔨᒥᑯᑦ ᐊᐛᔪᐛ ᐊᓐᑕ ᐊ ‍ ᑕᑦ᙮
\v 11 ᐊᓂᔭᔪᐛ ᒪᒃ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ ᒋ ‍ ᓇᓂᑐᐛᔨᒥᑯᐤ ᐊᓐᑕ ᐊ ‍ ᒥᑯᓴᓄᐎᒡ᙮ ᒋ ‍ ᓇᓂᑐᐤ ᑯᒂᒋᒐᒧᔪᐛ ᑕᓐᑕ ᐊ ‍ ᑕᑦ᙮
\p
\v 12 ᒥᒐᑦ ᒪᒃ ᐊᐛᔪᐛ ᒋ ‍ ᐊᔨᒧᒥᑯᐤ ᐊᓐᑕ ᑲ ‍ ᑕᔨᒋ᙮ ᐱᔅᒐ ᐊ ‍ ᐃᔅᒋᔄᔨᒋ, “ᓇᔅᒡ ᑕᑈ ᒥᔽᔨᑕᑯᓱᐤ ᐅ ᓇᐸᐤ᙮” ᐊᑯ ᑯᑎᑲ ᐊ ‍ ᐃᔅᒋᔄᔨᒋ, “ᓇᒪ ᒥᔽᔨᑕᑯᓱᐤ, ᐎᔭᓯᒪᐤ ᐊᐛᔪᐛ᙮”
\v 13 ᓇᒪ ᒪᒃ ᐅᒋ ᒋᔄᐛᐅᒡ ᐊ ‍ ᐊᔨᒧᒪᒡ ᒋᓴᓴ ᐛᔅ ᒋ ‍ ᑯᔅᑕᐅᒡ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ᙮
\p
\v 14 ᓴᔅ ᒪᒃ ᓴᓯᑲᓐ ᐊᐱᑐᐤ ᒋ ‍ ᐃᔅᐱᔅ ᒋ ᐃᓯ ‍ ᒥᑯᓴᓄᔪᐤ, ᐊᑯ ᒋᓴᔅ ᒂ ‍ ᐃᑐᑕᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊᑯ ᒂ ‍ ᒋᔅᑯᑎᒪᒐᑦ᙮
\v 15 ᐊᓐᒡ ᒪᒃ ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᓇᔅᒡ ᒋ ‍ ᒥᔅᑲᑕᔨᑎᒥᐃᑯᐅᒡ ᐊ ᐃᔅᐱᔅ ‍ ᒥᔪᑕᑯᓯᔨᒋ ᐊ ‍ ᒋᔅᑯᑎᒪᒐᔨᒋ ᐊᑯ ᒂ ‍ ᐃᔅᒋᔄᒡ, “ᑕᓐᑕ ᐛᒋ ‍ ᓇᔅᒡ ᒥᔅᑎ ᒋᔅᒐᔨᑕᐧᒃ ᒥᓯᓇᐃᑭᓂᔪᐤ ᐊᑲ ᒪᒃ ᓂᑕ ᐅᒋ ᒋᔅᑯᑎᒧᐛᑭᓄᐅᑦ ?”
\p
\v 16 ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᐊᓐ ᑲ ᐃᓯ ‍ ᒋᔅᑯᑎᒪᒐᔭᓐ ᓇᒪᔭᐤ ᓂᔾ ᐊᓐ ᓂᒋᔅᑯᑎᒪᒐᐅᓐ, ᒋᓴᒪᓂᑐᐤ ᐊᓂᔭ ᐅᒋᔅᑯᑎᒪᒐᐅᓐ, ᐊᓐ ᑲ ᐸᒋ ‍ ᐃᑎᓴᐅᑦ᙮
\v 17 ᐊᓐ ᒪᒃ ᐊᐛᓐ ᓱᒃ ᐎ ᐃᑐᑎᒧᐛᒐ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ, ᐊᓂᔭ ᑕᓐ ᐊ ᐃᓯ ‍ ᒋᔅᑯᑎᒪᒐᐅᒡ ᐊᑯᑕ ᒐ ᐅᒋ ‍ ᒋᔅᒐᔨᑕᐧᒃ ᒋᓴᒪᓂᑐᐛ ᑲ ᐸᒋ ‍ ᐃᑎᓱᒥᒂᓂ ᐊᓂᔭ ᒐᒋ ᐃᓯ ‍ ᒋᔅᑯᑎᒪᒐᐅᒡ ᑭᔭ ᒪᒃ ᒥᒄ ᓂᔾ ᓂᑦ ᐃᑕᔨᑎᒧᐅᓂᒡ ᐛᒋᐱᔨᒂ᙮
\v 18 ᐊᓐ ᐊᐛᓐ ᒥᒄ ᐎᔾ ᑕᓐ ᐊ ‍ ᐃᑕᔨᑕᐧᒃ ᑲ ᐃᓯ ‍ ᐎᑕᐧᒃ ᒐᒂᔪᐤ, ᓂᑐᐛᔨᑎᒻ ᐎᔾ ᒐᒋ ᒋᔅᑕᔨᒪᑭᓄᐅᑦ᙮ ᐊᑯ ᐊᓐ ᐊᐛᓐ ᑲ ‍ ᓂᑐᐛᔨᑕᐧᒃ ᒐᒋ ᒋᔅᑕᔨᒪᑭᓄᔨᒋ ᐊᓂᔭ ᑲ ᐸᒋ ‍ ᐃᑎᓴᐅᑯᑦ ᑯᐃᔅᒄ ᐃᑐᐤ ᑭᔭ ᓇᒪ ᓇᔅᒡ ᑎᑯᓂᔪᐤ ᐎᔭᓯᐃᐛᐅᓂᔪᐤ ᐊᓐᑕ ᐊ ‍ ᑕᑦ᙮
\v 19 ᓇᒪᐎᔾ ᐊ ᒧᓱᔅ ᒋ ᐅᒋ ‍ ᒥᔨᑯᐛᐤ ᐊᓂᔭ ᐎᓱᐛᐅᓂᔪᐤ ᑲ ‍ ᐊᔭᐛᒄ᙮ ᓇᒪ ᒪᒃ ᐛᐛᒡ ᐸᐃᒄ ᐊᓐᑕ ᐊ ‍ ᑎᓯᔭᒄ ᒋ ‍ ᓂᓇᐃᑕᓇᐛᐤ ᐊᓐ ᐎᓱᐛᐅᓐ᙮ ᒐᒂᓐ ᒪᒃ ᐛᒋ ᐎ ᐸᒋ ‍ ᓂᐸᐃᔭᒄ ?”
\p
\v 20 ᐊᑯ ᐊᓐᒡ ᐃᔪᒡ ᑲ ᐃᓯ ‍ ᐎᑎᒧᐛᒡ ᒋᓴᓴ ᐊ ‍ ᐃᑕᒡ, “ᒥᒋ ‍ ᐊᒐᐧᒄ ᒋ ‍ ᐱᒋᔅᑲᒄ᙮ ᐊᐛᓐ ᒪᒃ ᐅ ᐛ ᓂᐸᐃᔅᒃ ?”
\p
\v 21 ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᐸᐃᒄ ᒪᒥᔅᑲᒡ ᐃᑐᐅᓐ ᓂᒋ ‍ ᐃᑐᑕᓐ, ᔅᒋ ‍ ᒥᔅᑲᑕᔨᑎᒥᐃᑯᓇᐛᐤ ᒪᒃ ᐊ ‍ ᐊᔭᒥᐊᐅᒋᓯᑲᒡ ᐊᓐ ᐊᒋ ‍ ᐃᑐᑎᒪᓐ᙮
\v 22 ᒧᓱᔅ ᒋ ‍ ᐃᑎᓱᐛᒐ ᒐᒋ ᐃᑐᑕᑭᓄᐎᒡ ᐊᓂᔭ ᐎᓱᐛᐅᓂᔪᐤ ᑲ ‍ ᐃᑎᔅᑕᔨᒡ ᒐᒋ ᒋᔅᒋᓄᐛᒋᔄᑭᓄᔨᒋ ᓇᐸᓴ ᒪᒂᒡ ᐊ ‍ ᐊᐱᓯᓯᔨᒋ᙮ ᓇᒪᔭᐤ ᒪᒃ ᒧᓱᔅ ᓂᔅᑎᒻ ᑲ ‍ ᐱᔅᑎᓇᐧᒃ ᐊᓂᔭ ᐎᓱᐛᐅᓂᔪᐤ, ᓴᔅ ᐊᓐᑕ ᐛᔅᑭᒡ ᒋ ‍ ᐛᐧᑯᒪᐊᑭᓄᐅᒡ ᐊᔪᐅᒄ ᐅᔭ ᐎᓱᐛᐅᓂᔪᐤ ᑲ ‍ ᐊᔭᒡ᙮ ᐃᔭᐱᒡ ᒪᒃ ᒋ ‍ ᒋᔅᒋᓄᐛᒋᔄᐛᐅᒡ ᓇᐸᓯᒡ ᐊ ‍ ᐅᑎᒋᐱᔨᒋ ᐅᔭ ᒐᒋ ᐃᑐᑐᐛᑭᓄᐅᒡ ᐊᑎ ᒪᒂᒡ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ᙮
\v 23 ᐊᑎ ᐊ ‍ ᒍᐤ ᐊᔭᒥᐊᐅᒋᓯᑲᒡ ᐃᔭᐱᒡ ᒋ ‍ ᒋᔅᒋᓄᐛᒋᔄᐛᐅᒡ ᓇᐸᓯᒡ ᐊ ‍ ᐃᔅᐱᔅ ᐎ ᑭᓄᐛᔨᑎᒺᒄ ᒧᓱᔅ ᐅᐎᓱᐛᐅᓐ, ᒐᒂᓐ ᒪᒃ ᐛᒋ ‍ ᒋᔄᓯᔅᑐᔭᒄ ᓇᔅᒡ ᐊᒋ ‍ ᒥᓏᒋᐃᒃ ᐊᓐ ᓇᐸᐤ ᐊ ‍ ᐊᔭᒥᐊᐅᒋᓯᑲᔨᒡ ?
\v 24 ᑯᐃᔅᒄ ᒪ ᒪᒥᑐᓇᔨᑎᒧᒄ ᐊᓐ ᑲ ‍ ᐃᑐᑎᒪᓐ᙮ ᐊᑲᐎᔾ ᐊᑕᒪᔨᒥᒄ ᒐᒂᓐ ᐊᑲ ᓂᔅᑎᒻ ᓇᔅᒡ ᓂᑐ ‍ ᒋᔅᒐᔨᑎᒪᒄ ᒐᒂᓐ ᐛᒋ ‍ ᐃᑐᑎᒪᓐ ᐊᓐ ᑲ ‍ ᐃᑐᑎᒪᓐ,” ᒋ ‍ ᐃᑕᐤ ᒋᓴᔅ᙮
\s1 ᐃᔪᒡ ᑲ ᐎ ‍ ᒋᔅᒐᔨᑕᒡ ᑕᑈ ᙭ ᐊ ‍ ᔭᐅᒂᓂ ᒋᓴᓴ
\p
\v 25 ᐱᔅᒐ ᐃᔪᒡ ᒋᕈᓯᓕᒥᒡ ᑲ ‍ ᐅᒋᒡ ᒋ ‍ ᐃᑕᐅᒡ, “ᐊᔪᑯᓐ ᐊ ᐅᔭ ᓇᐸᐛ ᑲ ᐎ ‍ ᓂᐸᐊᒡ ?
\v 26 ᑭᓄᐛᐱᒪᐧᒄ ᒪ᙮ ᓇᒪ ᐅᒋ ᒐᒂᔪᐤ ᐃᑕᑭᓄᐤ ᐊᓐᑕ ᒪᒂᒡ ᐊ ‍ ᒋᔅᑯᑎᒪᒐᑦ᙮ ᓇᒪ ᑲᑭᔭ ᒋᔅᒐᔨᒪᐅᒡ ᐊᓐᒡ ᑲ ‍ ᓂᑲᓂᔅᑯᐛᒡ ᒍᐤ ᐃᔪᐛ ᑕᑈ ᐊ ‍ ᔭᐅᒂᓂ ᙭ᑕ, ᐊᓂᔭ ᒋᓴᒪᓂᑐᐛ ᑲ ᐸᒋ ‍ ᐃᑎᓴᐛᔨᒋ ?
\v 27 ᐃᓇᓄᐤ ᒪᒃ ᒐ ᐊᑲ ᐅᒋ ‍ ᒋᔅᒐᔨᒪᑭᓄᐅᑦ ᑕᓐᑕ ᒐ ‍ ᐅᒋᑦ ᙭ ᑎᑯᓯᒐ᙮ ᐅ ᒪᒃ ᐎᔾ ᓇᐸᐤ ᒋ ‍ ᒋᔅᒐᔨᒪᓄᐤ ᑕᓐᑕ ᐛᒋᑦ᙮”
\p
\v 28 ᒪᒂᒡ ᒋᓴᔅ ᐊ ‍ ᒋᔅᑯᑎᒪᒐᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ, ᒋ ‍ ᒋᔄᐛᐤ ᐊ ‍ ᐃᔅᒋᔄᑦ, “ᑕᑈ ᐊ ᒋ ‍ ᒋᔅᒐᔨᒥᓇᐛᐤ ᐊᐛᓐ ᓂᔾ᙮ ᑕᑈ ᐊ ᒋ ‍ ᒋᔅᒐᔨᑕᓇᐛᐤ ᑕᓐᑕ ᐛᒋᔭᓐ᙮ ᓇᒪ ᓂ ᐅᒋ ‍ ᑎᑯᓯᓐ ᓂᔾ ᒥᒄ ᐊᒋ ‍ ᐃᑕᔨᑎᒪᓐ ᒐᒋ ᑎᑯᓯᓂᔭᓐ᙮ ᐊᓐ ᒧᔅ ᑯᐃᔅᒄ ᑲ ‍ ᐃᑎᑦ ᐊᐅᑯᓐ ᐊᓐ ᑲ ᐸᒋ ‍ ᐃᑎᓴᐅᑦ, ᓇᒪ ᒪᒃ ᒋ ‍ ᒋᔅᒐᔨᒪᐛᐤ ᒋᔨᐛᐤ ᐅ ᐊᐛᓐ᙮
\v 29 ᒥᒄ ᒪᒃ ᓂ ‍ ᒋᔅᒐᔨᒪᐤ ᓂᔾ ᐛᔅ ᐎᔾ ᐊ ‍ ᑕᑦ ᓂ ‍ ᐅᒋᐛᓐ ᑭᔭ ᐎᔾ ᓂᒋ ᐸᒋ ‍ ᐃᑎᓴᐅᒄ᙮”
\p
\v 30 ᐊᑯᑕ ᑲ ᐎ ‍ ᒪᑯᓇᒡ ᒋᓴᓴ ᒥᒄ ᒪᒃ ᓇᒪ ᐅᒋ ᐱᐃᔨᒪᐅᒡ, ᐛᔅ ᐊᔅᒄ ᓇᒪ ᐅᒋ ᐅᑎᒋᐱᔪᐤ ᐊᓐᑕ ᒋᐸ ‍ ᒪᑯᓇᑭᓄᐤ᙮
\v 31 ᒥᒐᑦ ᒪᒃ ᐊᐛᔪᐛ ᒋ ‍ ᑕᑈᔭᔨᒥᑯᐤ ᐊ ‍ ᐃᔅᒋᔄᔨᒋ, “ᒥᔅᑎ ᒋ ᐃᓯ ‍ ᒪᒥᔅᑲᒡ ᐃᑐᐤ ᐅ ᓇᐸᐤ᙮ ᐸᒋ ‍ ᐃᑎᓴᐛᒐ ᒪᒃ ᒋᓴᒪᓂᑐᐤ ᐊᓂᔭᔪᐛ ᙭ᑕ, ᐊᑐᐎᔅ ᐊ ᒋᑭ ᐃᓯ ‍ ᒪᒥᔅᑲᒡ ᐃᑐᑎᒥᔪᐛ ᑕᓐ ᐊ ᐃᓯ ‍ ᐃᑐᑎᒥᔨᒋ ᐅᔭ ᓇᐸᐛ ?”
\s1 ᑲ ‍ ᓂᓇᑭᑐᐛᔨᑕᒡ ᒋᓴᐊᔭᒥᐊᐅᒋᐛᐱᔪᐤ ᑲ ‍ ᐃᑎᓴᐛᑭᓄᐅᒡ ᒐᒋ ᒪᑯᓇᒡ ᒋᓴᓴ
\p
\v 32 ᐊᑯ ᐊᓐᒡ ᐸᕆᓯᔨᒡ ᑲ ‍ ᐸᑐᐛᒡ ᐊᓂᔭᔪᐛ ᐃᔪᐛ ᑕᓐ ᑲ ᐃᓯ ‍ ᒋᒧᑦ ᐊᔨᒧᒪᔨᒋ ᒋᓴᓴ᙮ ᐊᓐᒡ ᒪᒃ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐸᕆᓯᔨᒡ ᒋ ‍ ᐃᑎᓴᐛᐅᒡ ᐊᓂᔭᔪᐛ ᑲᒪᑯᓄᐛᓯᔨᒋ ᑲ ‍ ᓇᑭᑐᐛᐸᑎᒥᔨᒋ ᒋᓴᐊᔭᒥᐊᐅᒋᐛᐱᔪᐤ ᒐᒋ ᒪᑯᓇᔨᒋ ᒋᓴᓴ᙮
\p
\v 33 ᒋᓴᔅ ᒪᒃ ᒋ ‍ ᐃᑕᐤ, “ᐊᔅᒄ ᐛᐃᐱᔅᒋᔅ ᓂᑭ ‍ ᑕᓐ ᐅᑕ ᐊ ‍ ᑕᔭᒄ᙮ ᒥᒄ ᒪᒃ ᓴᔅ ᐎᐱᒡ ᓂᑭ ‍ ᐃᑐᑕᓐ ᐊᓐᑕ ᓄᑕᐎᔾ ᐊ ‍ ᑕᑦ, ᐊᓐ ᑲ ᐸᒋ ‍ ᐃᑎᓴᐅᑦ᙮
\v 34 ᒋᑭ ᐸᒋ ‍ ᓇᓂᑐᐛᐱᒥᓇᐛᐤ ᒪᒃ, ᓇᒪ ᒥᒄ ᒋᑭ ᐅᒋ ‍ ᒥᔅᑯᐅᓇᐛᐤ, ᐛᔅ ᐊᓐᑕ ᒐ ‍ ᐃᑐᑕᔭᓐ ᓇᒪ ᒋᑭ ᒋ ‍ ᐃᑐᑕᓇᐛᐤ ᒋᔨᐛᐤ᙮”
\p
\v 35 ᐊᑯ ᐊᓐᒡ ᒍᐤ ᑲ ‍ ᓂᑲᓂᔅᑯᐛᒡ ᑲ ‍ ᑯᒂᒋᒥᑐᒡ, “ᑕᓐᑕ ᒐ ‍ ᐃᑐᑕᑦ ᒐ ᐅᒋ ᐊᑲ ‍ ᒥᔅᑯᐛᐧᒄ ? ᒂᔄᓐ ᑯᒂᑕᔨᑎᒧᒐ ᐊᓐᑕ ᑯᑎᑲ ᒍᐤ ᐊ ‍ ᑕᔨᒋ ᒐᒋ ᐃᑐᑕᑦ ᒐᒋ ᒋᔅᑯᑎᒧᐛᑦ ᐊᓂᔭ ᑯᕆᒃ ᑲ ‍ ᐃᑎᔅᑲᓇᓯᔨᒋ᙮
\v 36 ᑕᓐ ᐊ ‍ ᐃᔅᒋᔄᐛᒥᑭᓂᔨᒡ ᐊᓂᔭ ᑲ ‍ ᐃᔅᒋᔄᑦ, ‘ᒋᑭ ‍ ᓇᓂᑐᐛᐱᒥᓇᐛᐤ ᒥᒄ ᒪᒃ ᓇᒪ ᒋᑭ ᐅᒋ ‍ ᒥᔅᑯᐅᓇᐛᐤ’ ? ᑭᔭ ᑲ ‍ ᐃᔅᒋᔄᑦ, ‘ᓇᒪ ᒋᑭ ᒋ ‍ ᐃᑐᑕᓇᐛᐤ ᐊᓐᑕ ᒐ ‍ ᐃᑐᑕᔭᓐ᙮’ ᑕᓐ ᐊ ‍ ᐃᔅᒋᔄᐛᑦ ᐊᓂᔭ ᑲ ‍ ᐃᔅᒋᔄᑦ, ᐊᑯᓐ ᑲ ᐃᓯ ‍ ᐃᔨᒥᐃᑐᒡ ?”
\s1 ᓂᐱᔾ ᑲ ‍ ᐱᒪᒋᐃᐛᒥᑲᒡ
\s2 John 7.37-39 (Pentecost Year A)
\p
\v 37 ᐊᓐ ᒪᔅᑕᔾ ᐊ ‍ ᒋᓯᑲᒡ ᐊᓐ ᑲ ‍ ᒥᒋᓱᓇᓄᐅᒡ ᐊᐅᒄ ᓂᑲᓐ ᑲ ‍ ᒋᔅᑕᔨᑕᒂᒡ᙮ ᐊᐅᒄ ᒪᒃ ᐊᓂᔭ ᐊ ‍ ᒋᓯᑲᔨᒡ ᒋᓴᔅ ᑲ ‍ ᐱᓯᑯᑦ ᐊ ‍ ᒋᔄᐛᑦ ᐊ ‍ ᐃᔅᒋᔄᑦ, “ᐊᐛᓐ ᐊ ‍ ᓄᑕᔭᐸᒂᒂ ᓂᑭ ᐸᒋ ‍ ᓂᑐᐛᐱᒧᒄ ᑭᔭ ᒐ ‍ ᒥᓇᐃᒃ᙮
\v 38 ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ‘ᐊᓐ ᐊᐛᓐ ᒐ ᐸᒋ ‍ ᑕᑈᔭᔨᒥᒂ, ᐅᑕᐃᒡ ᒋᑭ ‍ ᐅᒋᒍᐅᓂᔪᐤ ᐊᓂᔭ ᓂᐱᔪᐤ ᑲ ‍ ᐱᒪᒋᐃᐛᒥᑭᓂᔨᒡ᙮’ ”
\v 39 ᐊᔪᐅᒄ ᐅᔭ ᑲ ‍ ᐃᔅᒋᔄᑦ ᒋᓴᔅ ᐊ ‍ ᐊᔨᒧᒪᑦ ᑲ ‍ ᐸᔭᒋᓯᔨᒋ ᐊᒐᒂ, ᐊᓂᔭ ᒥᓯᐛ ᐊᐛᓐ ᑲ ‍ ᑕᑈᑕᐧᒃ ᒐ ‍ ᐊᔭᐛᑦ᙮ ᐊᓐᒡ ᑲ ‍ ᑕᑈᑕᒡ ᐊᔅᒄ ᓇᒪ ᐅᒋ ᒥᔭᑭᓄᐎᒡ ᐊᓂᔭᔪᐛ ᑲ ‍ ᐸᔭᒋᓯᔨᒋ ᐊᒐᒂ ᐛᔅ ᐊᔅᒄ ᓇᒪ ᐅᒋ ᓂᑐᐛᐱᒪᐤ ᒋᓴᔅ ᐅᑕᐎᒪᐛ ᒐᒋ ᒋᔅᑕᔨᑕᑯᐊᑭᓄᐅᑦ᙮
\s1 ᐃᔪᒡ ᑲ ‍ ᐛᐛᓇᔨᑕᒡ ᐊᐛᔪᐛ ᐊ ‍ ᐎᔨᒋ ᒋᓴᓴ
\p
\v 40 ᐱᔅᒐ ᒪᒃ ᐊᓐᒡ ᐊᐛᓐᒋ ᑲ ‍ ᐸᑐᐛᒡ ᐅᔭ ᐊ ‍ ᐃᔅᒋᔄᔨᒋ, ᒋ ‍ ᐃᑕᐅᒡ, “ᐊᐅᑯᓐ ᐅ ᑕᑈ ᐅᒋᔅᒋᐛᐃᒐᓱᐤ ᑲ ᐸᒋ ‍ ᐃᑎᓴᐛᑭᓄᐅᑦ ᐅᑕ ᐊ ‍ ᑕᔭᐧᒄ᙮”
\p
\v 41 ᑯᑎᑭᒡ ᒪᒃ ᒋ ‍ ᐃᑕᐅᒡ, “ᐊᐅᒄ ᐅ ᙭᙮” ᑯᑎᑭᒡ ᒋ ‍ ᐃᑕᐅᒡ, “ᓇᒪᔭᒐ ᐅ ᙭, ᐛᔅ ᓇᒪ ᐊᓐᑕ ᑲᓕᓕᒡ ᒋᐸ ᐅᒋ ‍ ᐅᒋᐤ ᐊᓐ ᙭᙮
\v 42 ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ‘ᐊᓐᑕ ᑎᐱᑕ ᐊ ‍ ᑕᔨᒋ ᒋᑭ ᐅᒋ ᐊᓂᔅᒐ ‍ ᐱᒪᑎᓯᐤ ᐊᓐ ᙭, ᐊᓐᑕ ᒪᒃ ᐸᑦᓕᔭᒥᒡ ᐊᓂᔭᐧᑲ ᑎᐱᑦ ᑲ ‍ ᐅᒋᑦ ᐊᑯᑕ ᒋᐸ ‍ ᐱᒪᑎᓯᐤ᙮’ ”
\v 43 ᐊᑯ ᒂ ‍ ᑎᐸᓂᐱᔪᒡ ᐊᓐᒡ ᐃᔪᒡ ᐊᓂᔭ ᐅᒋ ᐊᑲ ᐸᐃᑯᓄᒡ ᐃᑕᔨᒪᒡ ᒋᓴᓴ᙮
\v 44 ᐱᔅᒐ ᐊᐛᓐᒋ ᒋ ᐎ ‍ ᒪᑯᓇᐅᒡ ᒥᒄ ᓇᒪ ᐊᐛᓐ ᐅᒋ ᐱᐃᔨᒪᐤ᙮
\s1 ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᐊᑲ ᑲ ᐎ ‍ ᑕᑈᔭᔨᒪᒡ ᒋᓴᓴ
\p
\v 45 ᐊᓐᒡ ᒪᒃ ᑲᒪᑯᓄᐛᓯᒡ ᑲᐤ ᒋ ‍ ᓂᑐᐛᐱᒪᐅᒡ ᐊᓂᔭᔪᐛ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐸᕆᓯᐊ᙮ ᒋ ‍ ᐃᑎᑯᐅᒡ ᒪᒃ, “ᒐᒂᓐ ᐛᒋ ᐊᑲ ᐅᒋ ᐸᓱᐛᒄ ?”
\p
\v 46 ᐊᑯ ᐊᓐᒡ ᑲᒪᑯᓄᐛᓯᒡ ᑲ ᐃᓯ ‍ ᐎᑎᒧᐛᒡ ᐊᓂᔭᔪᐛ ᐊ ‍ ᐃᑕᒡ, “ᓇᒪ ᓂᑕ ᐊᐛᓐ ᐅᒋ ᐃᔅᐱᔅ ᒥᔪ ‍ ᒋᔅᑯᑎᒪᒐᐤ ᐊ ‍ ᐃᔅᐱᔅ ᒥᔪ ‍ ᒋᔅᑯᑎᒪᒐᑦ ᐅ ᓇᐸᐤ᙮”
\p
\v 47 ᐊᑯ ᐊᓐᒡ ᐸᕆᓯᔨᒡ ᒂ ‍ ᐃᔅᒋᔄᒡ, “ᑭᔭ ᐊ ᒋᔨᐛᐤ ᔅᒋ ‍ ᐎᔭᓯᐃᑯᐛᐤ ?
\v 48 ᓇᒪ ᓂᑕ ᐊᐛᓐ ᐊ ‍ ᓂᑲᓂᔅᑲᒐᑦ ᒪᒃ ᐊᓐᒡ ᐸᕆᓯᔨᒡ ᐅᒡ ᑕᑈᑎᒧᒡ ᒋᓴᓴ ᐊ ‍ ᐊᐎᔨᒋ ᙭ᑕ᙮ ᓇᒪ ᑭᔭ ᓂᔭᓐ ᓂ ‍ ᑕᑈᑕᓇᓐ᙮
\v 49 ᒥᒄ ᐊᓐᒡ ᐃᔪᒡ ᐊᑲ ᒋᔅᒐᔨᑕᒡ ᒧᓱᓴ ᐅᐎᓱᐛᐅᓂᔪᐤ ᐊᐅᑯᓐᒡ ᐅᒡ ᐛ ᑕᑈᔭᔨᒪᒡ ᒋᓴᓴ ᐊ ‍ ᐊᐎᔨᒋ ᙭ᑕ, ᓂᓱᐅᓇᒋᒥᑯᐅᒡ ᒪᒃ ᒋᓴᒪᓂᑐᐛ ᐅᔭ ᐊ ‍ ᐃᑎᒡ,” ᒋ ‍ ᐃᑕᐅᒡ ᐊᓐᒡ ᐸᕆᓯᔨᒡ᙮
\p
\v 50 ᐸᐃᒄ ᐊᓐ ᐸᕆᓯ ᐊᓐ ᐸᐃᒂᐤ ᑲ ‍ ᓂᑐᐛᐱᒪᒂ ᒋᓴᓴ, ᓂᑯᑎᒪᔅ ᑲ ‍ ᐃᓯᓂᐧᑲᓱᑦ, ᒋ ‍ ᐃᑕᐤ ᐊᓂᔭ ᐎᒋ ‍ ᐸᕆᓯᐊ,
\v 51 “ᐃᑎᔅᑕᐤ ᐊ ᒋᐎᓱᐛᐅᓄᐤ, ᓇᒪ ᒋᐸ ᐅᒋ ‍ ᑎᐸᔅᑯᓇᓄᐤ ᐊᐛᓐ ᐊᔅᒄ ᐊᑲ ᐛᐛᒡ ᐅᒋ ᓂᑐᑐᐛᐧᒄ ᐊ ‍ ᐃᔨᒥᑦ, ᑭᔭ ᐊᔅᒄ ᐊᑲ ᒋᔅᒐᔨᒪᐧᒄ ᑕᓐ ᑲ ‍ ᐃᑎᑦ ?”
\p
\v 52 ᒋ ᐃᓯ ‍ ᐎᑎᒧᐊᐅᒡ ᒪᒃ ᐊ ‍ ᐃᑕᒡ, “ᑭᔭ ᒋᔾ ᐊ ᑲᓕᓕ ᐊᔅᒋᒡ ᒋ ‍ ᐅᒋᓐ ? ᐃᔨᒥᑕᔨᓇ ᒋᓴᒪᓂᑐᐤ ᐅᑦ ᐃᔨᒧᐅᓐ ᒋᑭ ‍ ᒋᔅᒐᔨᑕᓐ ᐊᑲ ᓂᑕ ᐅᒋ ᐅᒋᑦ ᐊᐛᓐ ᐊ ‍ ᐅᒋᔅᒋᐛᐃᒐᓱᐅᑦ ᐊᓐᑕ ᑲᓕᓕ ᐊᔅᒋᒡ᙮”
\p
\v 53 ᐊᑯ ᒥᓯᐛ ᒂ ‍ ᒋᐛᒡ᙮
\c 8
\s1 ᐃᔎᐤ ᑲ ‍ ᐱᓯᒂᑎᓯᑦ
\p
\v 1 ᐊᓐᑕ ᒪᒃ ᐊᓕᐱᔅ ᑲ ‍ ᐃᓯᓂᐧᑲᑕᒡ ᐱᔅᑯᑎᓇᐤ ᐊᑯᑕ ᑲ ‍ ᐃᑐᑕᑦ ᐎᔾ ᒋᓴᔅ᙮
\v 2 ᐎᐱᒡ ᒥᓐ ᐎᔭᐱᓂᔨᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒥᓐ ᒋ ‍ ᐃᑐᑕᐤ᙮ ᒥᓯᐛ ᒪᒃ ᐊᓂᔭᔪᐛ ᐃᔪᐛ ᒋ ᐸᒋ ‍ ᓂᑐᐛᐱᒥᑯᐤ᙮ ᑲ ‍ ᐛᐛᔨᐱᑦ ᐊᑯ ᒂ ‍ ᒋᔅᑯᑎᒧᐛᑦ᙮
\v 3 ᐊᓐᒡ ᒪᒃ ᐎᓱᐛᐅᓂᔪᐤ ᑲ ‍ ᒋᔅᑯᑎᒪᒐᒡ ᑭᔭ ᐊᓐᒡ ᐸᕆᓯᔨᒡ ᒋ ‍ ᐸᓱᐛᐅᒡ ᐃᔎᐛ ᐊᒋ ᐎᒋ ‍ ᐱᓯᒂᑎᓯᒪᔨᒋ ᓇᐸᐛ᙮ ᐊᑯᑕ ᐊᓐᑕ ᐊ ‍ ᒥᒐᑎᓇᓄᐎᒡ ᑲ ‍ ᐸᓱᐛᒡ ᐊᓂᔭ ᐃᔎᐛ᙮
\v 4 ᐊᑯ ᒂ ‍ ᐃᑕᒡ ᐊᓂᔭ ᒋᓴᓴ, “ᒋᔅᑯᑎᒪᒐᓱᐤ, ᒋ ‍ ᒐᔅᑯᐛᑭᓄᐤ ᐅ ᐃᔎᐤ ᒪᒂᒡ ᐊᒋ ᐎᒋ ‍ ᐱᓯᒂᑎᓯᒪᑦ ᓇᐸᐛ᙮
\v 5 ᐃᑎᔅᑕᐤ ᐊᓐᑕ ᒧᓱᔅ ᐅᐎᓱᐛᐅᓂᒡ ᒐᒋ ᓂᐸᐊᑭᓄᐅᑦ ᐊ ‍ ᐸᐱᒧᓯᓇᑎᐛᑭᓄᐅᑦ ᐃᔎᐤ ᐊ ‍ ᒐᔅᑯᐛᑭᓄᐅᑦ ᑯᑎᑲ ᓇᐸᐛ ᓂᑐᐎᔾ ᐊ ᐃᓯ ‍ ᐎᒐᐛᑦ᙮ ᑕᓐ ᒪᒃ ᐊ ‍ ᐃᑕᔨᑎᒥᓐ ᒋᔾ ?”
\v 6 ᐊᐅᒄ ᐅᔭ ᑲ ‍ ᐃᑕᒡ ᐊᒋ ᐎ ‍ ᓇᓂᑐᐤ ᑯᒂᒋᐊᒡ ᒐ ‍ ᐱᑯᓂᒥᒂᓂ ᐅᔭ ᐎᓱᐛᐅᓂᔪᐤ, ᑭᔭ ᐱᑯᓂᒥᒐᓂ ᒋᐸ ‍ ᑎᑯᓂᔪᐤ ᒐ ᐃᓯ ‍ ᒪᒥᓯᒪᒡ᙮
\p ᒥᒄ ᒪᒃ ᐊᓐᑕ ᐊᔅᒋᒡ ᒋ ᐃᓯ ‍ ᓄᐛᐱᔪᐤ ᒋᓴᔅ, ᒂ ‍ ᒥᓯᓇᐃᒐᑦ ᐊᓐᑕ ᐃᔭᑲᒡ ᐅᑎᒋᔾ ᐊ ‍ ᐊᐱᒋᑕᑦ᙮
\v 7 ᒪᒂᒡ ᒪᒃ ᐊᓐᑕ ᐊ ‍ ᓂᐳᐅᒡ ᐊ ‍ ᐊᔨᐧᑭᒥᐊᒡ ᒐᒋ ᐃᓯ ‍ ᐎᑎᒪᑯᒡ ᑕᓐ ᑲ ᐃᓯ ‍ ᑯᒂᒋᒪᒡ, ᒋ ‍ ᓴᑐᑲᐳᐤ ᒋᓴᔅ ᐊᑯ ᒂ ‍ ᐃᑕᑦ, “ᑕᓐ ᐊᓐ ᐊᐛᓐ ᐊᓐᑕ ᐊ ‍ ᑎᓯᔭᒄ ᐊᑲ ᓂᑕ ᐅᒋ ᒥᒋᑐᑕᐧᒃ ᐎᔾ ᓂᔅᑎᒻ ᒋᑭ ‍ ᐱᒧᓯᓇᑕᐛᐤ ᐊᓂᔭ ᐃᔎᐛ᙮”
\v 8 ᒥᓐ ᒂ ‍ ᓄᐛᑲᐳᐅᑦ ᐊᑯ ᒥᓐ ᒂ ‍ ᒥᓯᓇᐃᒐᑦ ᐊᓐᑕ ᐃᔭᑲᒡ᙮
\p
\v 9 ᐃᔅᐱ ᑲ ‍ ᐸᑐᐛᒡ ᐅᔭ ᐊ ‍ ᐃᔅᒋᔄᔨᒋ, ᐸᐸᐃᒄ ᒋ ᐊᑎ ‍ ᔅᑐᑕᐅᒡ, ᓂᔅᑎᒻ ᐊᓐᒡ ᑲ ‍ ᒋᓴᐃᔪᒡ᙮ ᒐᒃ ᒥᒄ ᐎᔾ ᒋᓴᔅ ᒋ ‍ ᑕᐤ ᐊᓐᑕ ᑭᔭ ᐊᓂᔭᔪᐛ ᐃᔎᐛ᙮
\v 10 ᒂ ‍ ᓴᑐᑲᐳᐅᑦ ᒋᓴᔅ ᐊᑯ ᒂ ‍ ᐃᑕᑦ ᐊᓂᔭᔪᐛ ᐃᔎᐛ, “ᐃᔎᐤ, ᑕᓐᑕ ᐊ ‍ ᑕᒡ ᐊᓐᒡ ᑲ ‍ ᒪᒥᓯᒥᔅᒡ ? ᓇᒪᐎᔾ ᐊ ᑕᐤ ᐊᐛᓐ ᐊᒋ ‍ ᓂᓱᐅᓇᒋᒥᔅᒃ ?”
\p
\v 11 ᐊᑯ ᐊᓐ ᐃᔎᐤ ᒂ ‍ ᐎᑎᒧᐛᑦ ᒋᓴᓴ ᐊ ‍ ᐃᑕᑦ, “ᓇᒪ, ᐅᑎᐸᔨᒋᒐᐤ᙮” ᒋᓴᔅ ᒪᒃ ᒋ ‍ ᐃᑕᐤ, “ᓇᒪ ᑭᔭ ᓂᔾ ᒋ ‍ ᓂᓱᐅᓇᒋᒥᑎᓐ᙮ ᒪᒋ, ᐊᑲᐎᔾ ᒥᓐ ᒥᒋᑐᑕ᙮”
\s1 ᒋᓴᔅ ᒥᔨᐛᐤ ᐛᔅᑕᐅᓂᔪᐤ ᐅᑕ ᐊᔅᒋᒡ
\p
\v 12 ᐃᔅᐱᔅ ᒋᓴᔅ ᒥᓐ ᐊ ‍ ᐃᔨᒪᐊᑦ ᐊᓂᔭ ᐃᔪᐛ ᒋ ‍ ᐃᑕᐤ, “ᓂᔾ ᐊᐅᒄ ᑲ ‍ ᒥᔨᒂᐤ ᐃᔪᒡ ᐛᔅᑕᐅᓂᔪᐤ ᐅᑕ ᐊᔅᒋᒡ᙮ ᐊᓐ ᐊᐛᓐ ᑲ ‍ ᓇᓴᐅᑦ ᒋᑭ ‍ ᐊᔭᐤ ᐱᒪᑎᓯᐅᓂᔪᐤ ᐛᔅᑕᐅᓂᒡ ᐅᒡ ᑭᔭ ᓇᒪ ᒋᑭ ᐅᒋ ‍ ᐱᒧᑕᐤ ᐅᓂᑎᐱᔅᒋᓯᐅᓂᒡ᙮”
\p
\v 13 ᐊᑯ ᐊᓐᒡ ᐸᕆᓯᔨᒡ ᒂ ‍ ᐃᑕᒡ, “ᒥᒄ ᒋᔾ ᒋ ‍ ᑎᐸᒋᒥᑎᓱᓐ, ᓇᒪ ᑕᑈᒥᑭᓐ ᐊᓐ ᑲ ‍ ᐃᔅᒋᔄᔨᓐ᙮”
\p
\v 14 ᒋᓴᔅ ᒂ ‍ ᐃᑕᑦ, “ᐊᑎ ᒥᒄ ᓂᔾ ᐊ ‍ ᑎᐸᒋᒥᓱᔭᓐ ᑕᑈᒥᑭᓐ ᑕᓐ ᐊ ‍ ᐃᔅᒋᔄᔭᓐ᙮ ᐛᔅ ᓂ ‍ ᒋᔅᒐᔨᑕᓐ ᑕᓐᑕ ᐛᒋᔭᓐ ᑭᔭ ᑕᓐᑕ ᒐ ‍ ᐃᑐᑕᔭᓐ᙮ ᒋᔨᐛᐤ ᒪᒃ ᓇᒪ ᒋ ‍ ᒋᔅᒐᔨᒥᓇᐛᐤ ᑕᓐᑕ ᐛᒋᔭᓐ ᑭᔭ ᑕᓐᑕ ᒐ ‍ ᐃᑐᑕᔭᓐ᙮
\v 15 ᒥᒄ ᑕᓐ ᐊ ‍ ᐃᓯᓄᐛᒄ ᐊᐛᓐ ᐊᐅᑯᓐ ᐊᓂᔭ ᐊ ᐃᓯ ‍ ᑎᐸᔅᑯᓇᒄ, ᓂᔾ ᒪᒃ ᓇᒪ ᓂ ‍ ᑎᐸᔅᑯᓇᐤ ᐊᐛᓐ᙮
\v 16 ᑎᐸᔅᑯᓂᒐᔭᓇ ᒪᒃ ᒋᑭ ‍ ᑕᑈᒥᑭᓐ ᐊᓐ ᑕᓐ ᒐ ᐃᓯ ‍ ᑎᐸᔅᑯᓂᒐᔭᓐ᙮ ᐛᔅ ᓇᒪ ᓂ ‍ ᐸᐃᑯᓯᓐ ᐊ ‍ ᑎᐸᔅᑯᓂᒐᔭᓐ, ᓄᑕᐎᔾ ᐊᓐ ᑲ ᐸᒋ ‍ ᐃᑎᓴᐅᑦ ᐊᐅᑯᓐ ᐊᓐ ᐛᒋᐃᑦ᙮
\v 17 ᐃᑎᔅᑕᐤ ᐊᓐᑕ ᒋᐎᓱᐛᐅᓄᐛᒡ ᓂᓱ ᐊᐛᓐᒋ ᐸᐃᑯᓄᒡ ᐊ ‍ ᐃᑎᑕᑯᓯᒡ ᐊ ‍ ᐎᑕᒡ ᑕᓐ ᑲ ᐃᓯ ‍ ᐛᐸᑕᒡ ᐊ ‍ ᐃᔅᐱᔨᒡ ᒐᒂᔪᐤ, ᑕᑈᒥᑭᓂᔪᐤ ᐊᓂᔭ ᑕᓐ ᐊ ‍ ᐃᔅᒋᔄᒡ᙮
\v 18 ᓂ ‍ ᑕᑈᓐ ᑕᓐ ᐊ ‍ ᐃᑕᒋᒥᓱᔭᓐ ᑭᔭ ᐅᑕᐎᒪᐤ ᐊᓐ ᑲ ᐸᒋ ‍ ᐃᑎᓴᐅᑦ ᐎᑎᒻ ᐊ ‍ ᑕᑈᐅᒡ᙮”
\p
\v 19 ᐊᑯ ᒂ ‍ ᐃᑕᒡ, “ᑕᓐᑕ ᐊ ‍ ᑕᑦ ᒍᑕᐎᔾ ?” ᒋᓴᔅ ᒂ ᐃᓯ ‍ ᐎᑎᒧᐛᑦ, “ᓇᒪ ᑕᑈ ᒋ ‍ ᒋᔅᒐᔨᒥᓇᐛᐤ ᑭᔭ ᓄᑕᐎᔾ ᓇᒪ ᒋ ‍ ᒋᔅᒐᔨᒪᐛᐤ᙮ ᐛᔅ ᒋᔅᒐᔨᒥᔭᒄ ᓄᑕᐎᔾ ᑭᔭ ᒋᐸ ‍ ᒋᔅᒐᔨᒪᐛᐤ᙮”
\p
\v 20 ᐊᐅᒄ ᐅᔭ ᑲ ‍ ᐃᔅᒋᔄᑦ ᒋᓴᔅ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ‍ ᒋᔅᑯᑎᒪᒐᑦ ᐊᓐᑕ ᑲᒋ ‍ ᑭᓄᐛᔨᑕᑭᓄᔨᒋ ᐱᔅᑎᓂᒐᐅᓇ᙮ ᓇᒪ ᒪᒃ ᐊᐛᔪᐛ ᐅᒋ ᒪᑯᓂᑯᐤ ᐛᔅ ᓇᒪ ᐊᔅᒄ ᐅᒋ ᐅᑎᒋᐱᔪᐤ ᐊᓐᑕ ᒋᐸ ‍ ᒪᑯᓇᑭᓄᐤ᙮
\s1 ᓇᒪ ᒋᑭ ᒋ ‍ ᐃᑐᑕᓇᐛᐤ ᑕᓐᑕ ᒐ ‍ ᐃᑐᑕᔭᓐ
\p
\v 21 ᐊᑯ ᒥᓐ ᒂ ‍ ᐃᑕᑦ ᒋᓴᔅ, “ᓂᑭ ‍ ᔅᑐᑕᓐ, ᒋᑭ ᐸᒋ ‍ ᓇᓂᑐᐛᐱᒥᓇᐛᐤ ᒥᒄ ᒪᒃ ᐊᐅᑯᓐ ᒐ ᐃᓯ ‍ ᓂᐱᔭᒄ ᐊ ‍ ᒋᔅᑭᒪᒄ ᒋᒥᒐᑎᓯᐅᓄᐛᐛ᙮ ᓇᒪ ᒪᒃ ᒋᑭ ᒋ ‍ ᐃᑐᑕᓇᐛᐤ ᐊᓐᑕ ᒐ ‍ ᐃᑐᑕᔭᓐ᙮”
\p
\v 22 ᐊᑯ ᐊᓐᒡ ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᒂ ‍ ᐃᔅᒋᔄᒡ, “ᐊᓂᔭ ᒪ ᑲ ‍ ᐃᔅᒋᔄᑦ, ᓇᒪ ᒋᑭ ᒋ ‍ ᐃᑐᑕᓇᐛᐤ ᐊᓐᑕ ᒐ ‍ ᐃᑐᑕᔭᓐ᙮ ᒋᑭ ‍ ᓂᐸᐃᓱᐤ ᑲᑭᔭ ᐊᓂᔭ ᐛᒋ ‍ ᐃᔅᒋᔄᑦ ?”
\p
\v 23 ᒋᓴᔅ ᒪᒃ ᒋ ‍ ᐃᑕᐤ, “ᓂᑕᒡ ᒋ ‍ ᐅᒋᓇᐛᐤ ᒋᔨᐛᐤ ᓂᔾ ᒪᒃ ᐊᓐᑕ ᐃᔅᐱᒥᒡ ᓂ ‍ ᐅᒋᓐ᙮ ᐅᑕ ᐊᔅᒋᒡ ᒋ ‍ ᐅᒋᓇᐛᐤ ᒋᔨᐛᐤ, ᓂᔾ ᒪᒃ ᐎ ᓇᒪ ᐅᑕ ᐊᔅᒋᒡ ᓂ ‍ ᐅᒋᓐ᙮
\v 24 ᔅᒋ ‍ ᐎᑎᒪᑎᓇᐛᐤ ᒐ ‍ ᓂᐱᔭᒄ ᐊ ‍ ᒋᔅᑭᒪᒄ ᒋᒥᒐᑎᓯᐅᓄᐛᐛ᙮ ᐊᐅᑯᓐ ᒪᒃ ᑕᑈ ᒐ ᐃᓯ ‍ ᓂᐱᔭᒄ ᐊ ‍ ᒋᔅᑭᒪᒄ ᒋᒥᒐᑎᓯᐅᓄᐛᐛ, ᐊᑲ ᑕᑈᑎᒪᒂ ᐊᐅᑯᓐ ᐊᓐ ᓂᔾ ᑕᑈ ᐊ ‍ ᐊᐎᔭᓐ᙮”
\p
\v 25 ᐊᑯ ᒂ ‍ ᑯᒂᒋᒪᒡ ᒋᓴᔅ ᐊ ‍ ᐃᑕᒡ, “ᐊᐛᓐ ᒪᒃ ᒋᔾ ?” ᒋᓴᔅ ᒂ ᐃᓯ ‍ ᐎᑎᒧᐛᑦ, “ᐊᓐᑕ ᐅᔅᑭᒡ ᑲ ‍ ᒋᒋᐱᔨᔭᓐ ᐊ ‍ ᒋᔅᑯᑎᒪᒐᔭᓐ ᐊᑯᑕ ᓴᔅ ᑲ ‍ ᐎᑎᒪᑎᑯᒡ ᐊᐛᓐ ᐊ ‍ ᐊᐎᔭᓐ᙮
\v 26 ᒥᒐᓇ ᒐᒂᔪᐛ ᒐᒋ ᐎᑎᒪᓐ ᒐᒋ ᐅᒋ ‍ ᑎᐸᔅᑯᓂᑯᐅᔭᒄ᙮ ᒥᒄ ᒪᒃ ᓂᑭ ‍ ᐎᑎᒧᐛᐅᒡ ᐃᔪᒡ ᐅᑕ ᐊᔅᒋᒡ ᐊᓂᔭ ᑕᓐ ᑲ ᐃᓯ ‍ ᐸᑐᐅᒃ ᐊ ‍ ᐊᔨᒧᑕᐧᒃ ᐊᓐ ᑲ ᐸᒋ ‍ ᐃᑎᓴᐅᑦ, ᐛᔅ ᒧᔅ ᐎᔾ ᑕᑈᐅᒐᔨᑕᑯᓱᐤ᙮”
\p
\v 27 ᐊᓐᒡ ᒪᒃ ᐃᔪᒡ ᐊᓐᑕ ᑲ ‍ ᑕᒡ ᓇᒪ ᐅᒋ ᓂᔅᑐᑐᐛᐅᒡ ᒋᓴᓴ ᐅᑕᐎᒪᐛ ᐊᓂᔭᔪᐛ ᑲ ‍ ᐊᔨᒧᒪᔨᒋ᙮
\v 28 ᐊᑯ ᒋᓴᔅ ᒂ ‍ ᐃᑕᑦ, “ᐃᔅᐱ ᒋᔅᑕᔎᑕᒂ ᐃᔪᐤ ᐅᑯᓯᓴᓐ ᐊᑯ ᒐ ‍ ᒋᔅᒐᔨᒥᔭᒄ ᐊᐅᒄ ᓂᔾ ᐊ ‍ ᐊᐎᔭᓐ᙮ ᒋᑭ ‍ ᒋᔅᒐᔨᑕᓇᐛᐤ ᑭᔭ ᐊᑲ ᐃᑐᑎᒪᓐ ᒐᒂᓐ ᐸᑐᔅ ᑲ ‍ ᐃᑎᓱᒥᑦ ᓄᑕᐎᔾ ᒐᒋ ᐃᑐᑎᒪᓐ᙮ ᒥᒄ ᐊᓂᔭ ᑕᓐ ᐊ ‍ ᐃᑎᓱᒥᑦ ᐅᑕᐎᒪᐤ ᒐᒋ ᐎᑎᒧᒡ ᐊᔪᐅᒄ ᐊᓂᔭ ᒐ ‍ ᐎᑎᒧᒡ᙮
\v 29 ᐊᓐ ᒪᒃ ᑲ ᐸᒋ ‍ ᐃᑎᓴᐅᑦ, ᓂ ‍ ᐎᒐᐅᒄ, ᓇᒪ ᓂ ᐅᒋ ‍ ᓂᑭᑎᒄ ᒥᒄ ᒐᒋ ᐸᐃᑯᓱᐅᒡ ᐛᔅ ᒧᔅ ᓂ ‍ ᐃᑐᑎᒺᓐ ᐎᔾ ᑕᓐ ᐊ ᐃᓯ ‍ ᓇᐊᔨᑎᒥᐃᑯᑦ᙮”
\p
\v 30 ᒥᒐᑦ ᒪᒃ ᐊᓐᒡ ᐊᐛᓐᒋ ᑲ ‍ ᐸᑐᐛᒡ ᒋᓴᓴ ᐅᔭ ᐊ ‍ ᐃᔅᒋᔄᔨᒋ ᒋ ‍ ᑕᑈᔭᔨᒪᐅᒡ᙮
\s1 ᒋᓴᔅ ᑲ ‍ ᐊᔨᒧᑕᐧᒃ ᑕᓐᑕ ᒐᒋ ᐅᒋ ‍ ᐊᐱᐧᑯᓇᑭᓄᔨᒋ ᐊᐛᔪᐛ ᒥᒋᑥᐅᓂᒡ ᐅᒋ
\p
\v 31 ᒋᓴᔅ ᒪᒃ ᒋ ‍ ᐃᑕᐤ ᐊᓂᔭᔪᐛ ᒍᐤ ᐃᔪᐛ ᑲ ‍ ᑕᑈᔭᔨᒥᑯᑦ, “ᒧᔅ ᓂᓇᐃᑎᒪᒂ ᓂᒋᔅᑯᑎᒪᒐᐅᓇ, ᒋᔨᐛᐤ ᐊᐅᒄ ᑕᑈ ᓂᒋᔅᒋᓄᐊᒧᐛᑭᓐᒡ᙮
\v 32 ᒋᑭ ‍ ᒋᔅᒐᔨᑕᓇᐛᐤ ᑕᑈᐅᓐ ᑭᔭ ᒋᑭ ‍ ᐊᐱᐧᑯᓂᑯᓇᐛᐤ ᐊᓐ ᑕᑈᐅᓐ᙮”
\p
\v 33 ᐊᑯ ᒂ ‍ ᐃᑕᒡ, “ᐊᓂᔭ ᐊᑉᕋᐊᒻ ᐊ ‍ ᑕᑦ ᓂᒋ ᐅᒋ ᐊᓂᔅᒐ ‍ ᐱᒪᑎᓯᓇᓐ, ᓇᒪ ᓂᑕ ᓂ ᐅᒋ ‍ ᐊᐱᒋᐊᑭᓂᑐᑕᑯᓇᓐ ᐊᐛᓐ᙮ ᒐᒂᓐ ᒪᒃ ᐛᒋ ‍ ᐃᔅᒋᔄᔨᓐ ᒋᑭ ‍ ᐊᐱᐧᑯᓂᑯᓇᐛᐤ ?”
\p
\v 34 ᒋᓴᔅ ᒂ ᐃᓯ ‍ ᐎᑎᒧᐛᑦ ᐊ ‍ ᐃᑕᑦ, “ᑯᐃᔅᒄ ᒋ ‍ ᐎᑎᒪᑎᓇᐛᐤ, ᒥᓯᐛ ᐊᐛᓐ ᑲ ‍ ᒥᒋᑐᑕᐧᒃ ᑎᐸᔨᒥᑯᐤ ᐊᓂᔭ ᑕᓐ ᐊ ᐃᓯ ‍ ᒥᒋᑐᑕᐧᒃ᙮
\v 35 ᐊ ‍ ᐅᑦ ᐊᐱᒋᐊᑭᓂᑐᑕᐛᑭᓄᐅᑦ ᐊᐛᓐ ᓇᒪ ᒧᔅ ᐎᒍᐤ ᐊᓐᑕ ᐅᒋᒪᒪ ᐊ ‍ ᑕᔨᒋ ᒥᒄ ᐊᓐ ᐅᑯᓯᓯᒪᐤ ᐊᐅᒄ ᐊᓐ ᒋᒋᐛ ᐛᒋᑦ ᐊᓐᑕ᙮
\v 36 ᐊᐱᐧᑯᓂᑕᒂ ᒪᒃ ᐅᑯᓯᓯᒪᐤ ᒥᒋᑥᐅᓂᒡ ᐅᒡ ᑕᑈ ᒋᑭ ‍ ᐊᐱᐧᑯᓂᑯᓇᐛᐤ᙮
\v 37 ᒋ ‍ ᒋᔅᒐᔨᒥᑎᓇᐛᐤ ᐊᑉᕋᐊᒻ ᐊ ‍ ᑕᑦ ᐊᒋ ᐅᒋ ᐊᓂᔅᒐ ‍ ᐱᒪᑎᓯᔭᒄ, ᒥᒄ ᒪᒃ ᐃᔭᐱᒡ ᒋ ᐎ ‍ ᓂᐸᐃᓇᐛᐤ ᐊᑲ ᐎ ᓂᑐᑎᒪᒄ ᑕᓐ ᐊ ᐃᓯ ‍ ᒋᔅᑯᑎᒪᒐᔭᓐ᙮
\v 38 ᓂᑦ ᐊᔨᒧᑕᓐ ᑕᓐ ᑲ ᐃᓯ ‍ ᐛᐸᑎᔨᑦ ᓄᑕᐎᔾ᙮ ᒋᔨᐛᐤ ᒪᒃ ᑭᔭ ᐊᓂᔭ ᑕᓐ ᐊ ‍ ᐃᑎᓱᒥᑕᒄ ᒍᑕᐎᐛᐤ ᐊᐅᒄ ᐊᓂᔭ ᐊ ‍ ᐃᑐᑎᒺᒄ᙮”
\p
\v 39 ᐊᑯ ᐊᓐᒡ ᒍᐤ ᐃᔪᒡ ᒂ ᐃᓯ ‍ ᐎᑎᒧᐛᒡ ᐊ ‍ ᐃᑕᒡ, “ᐊᑉᕋᐊᒻ ᓄᑕᐎᓇᓐ᙮” ᐊᑯ ᒋᓴᔅ ᒂ ‍ ᐃᑕᑦ, “ᑕᑈ ᐊᑉᕋᐊᒻ ᐊ ‍ ᑕᑦ ᑲ ᐅᒋ ᐊᓂᔅᒐ ‍ ᐱᒪᑎᓯᐛᒂ ᐊᓂᔭ ᑕᓐ ᑲ ‍ ᐃᑎᑦ ᐊᑉᕋᐊᒻ ᐊᐅᑯᓐ ᒋᐸ ‍ ᐃᑎᓇᐛᐤ᙮
\v 40 ᔅᒋ ‍ ᐎᑎᒪᑎᓇᐛᐤ ᐊᓐ ᑕᑈᐅᓐ ᑕᓐ ᑲ ᐃᓯ ‍ ᐸᑎᒪᓐ ᐊᓐᑕ ᒋᓴᒪᓂᑐᐤ ᐊ ‍ ᑕᑦ ᐅᒋ, ᒥᒄ ᒪᒃ ᐃᔭᐱᒡ ᒋ ᐎ ᐸᒋ ‍ ᓂᐸᐃᓇᐛᐤ᙮ ᐊᓂᔭ ᐎᔾ ᐊᑉᕋᐊᒻ ᓇᒪ ᓂᑕ ᒋᐸ ᐅᒋ ‍ ᐃᑐᑎᒻ ᐅᔭ᙮
\v 41 ᐊᐅᑯᓐ ᐊ ‍ ᐃᑎᔭᒄ ᑕᓐ ᐊ ‍ ᐃᑎᑦ ᒍᑕᐎᐛᐤ᙮” ᐊᑯ ᒥᓐ ᒂ ᐃᓯ ‍ ᐎᑎᒧᐛᒡ ᐊ ‍ ᐃᑕᒡ, “ᒋᓴᒪᓂᑐᐤ ᐊᐅᒄ ᒥᒄ ᐊ ‍ ᐸᐃᑯᓯᑦ ᐊ ‍ ᐅᑕᐎᔭᒡ᙮ ᓇᒪ ᓂᑐᐎᔾ ᓂ ‍ ᐅᒋᓇᓐ᙮”
\p
\v 42 ᐊᑯ ᒋᓴᔅ ᒂ ‍ ᐃᑕᑦ, “ᑕᑈ ᒋᓴᒪᓂᑐᐤ ᐛᑕᐎᐛᒂ, ᒋᐸ ‍ ᓴᒋᐃᓇᐛᐤ ᐛᔅ ᒋᓴᒪᓂᑐᐤ ᐊ ‍ ᑕᑦ ᓂ ‍ ᐅᒋᓐ ᑭᔭ ᐅᑕ ᐱᔭᒋ ‍ ᑕᔭᓐ᙮ ᓇᒪ ᓂᔾ ᓂ ᐅᒋ ᐸᒋ ‍ ᐃᑎᓴᐅᓱᓐ, ᐎᔾ ᒋᓴᒪᓂᑐᐤ ᓂᒋ ᐸᒋ ‍ ᐃᑎᓴᐅᒄ᙮
\v 43 ᒐᒂᓐ ᐛᒋ ᐊᑲ ᒋ ‍ ᓂᔅᑐᑎᒪᒄ ᑕᓐ ᐊ ‍ ᐃᔅᒋᔄᔭᓐ ? ᓇᒪ ᒋ ᐎ ‍ ᓂᓇᐃᑕᓇᐛᐤ ᑕᓐ ᐊ ᐃᓯ ‍ ᒋᔅᑯᑎᒪᒐᔭᓐ ᐊᐅᑯᓐ ᐛᒋ ᐊᑲ ‍ ᓂᔅᑐᑎᒪᒄ᙮
\v 44 ᒥᒋᒥᓂᑐᐤ ᐊᐅᒄ ᐛᑕᐎᔭᒄ, ᐊᓂᔭ ᐊ ᐃᓯ ‍ ᓂᑐᐛᔨᒥᑕᒄ ᒐᒋ ᐃᓯ ‍ ᒥᒋᑐᑎᒺᒄ ᐊᐅᑯᓐ ᒥᒄ ᐛ ᐃᑐᑎᒪᒄ᙮ ᒧᔅ ᒋ ‍ ᓂᐸᐃᐛᐤ ᑲ ᐃᔅᐱᔅ ‍ ᑎᑯᓂᔨᒡ ᐅᔭ ᐊᔅᒋᔪᐤ᙮ ᓇᒪ ᓂᑕ ᐅᒋ ᓂᑐᐛᔨᑎᒻ ᑯᐃᔅᒄ ᒐᒋ ᐃᓯ ‍ ᐎᑕᑭᓄᐎᒡ ᒐᒂᔪᐤ ᐛᔅ ᓇᒪ ᓇᔅᒡ ᑎᑯᓂᔪᐤ ᑕᑈᐅᓂᔪᐤ ᐊᓐᑕ ᐊ ‍ ᑕᑦ᙮ ᒧᔅ ᑭᑭᒋᔭᐤ ᐛᔅ ᐊᐅᑯᓐ ᒋᒋᐛ ᐊ ‍ ᐃᑕᑎᓯᑦ, ᐊᐅᒄ ᒪᒃ ᐊᓐ ᑕᑈ ᐛᐅᑕᐎᑐᑕᑯᑦ ᐊᓂᔭᔪᐛ ᑲ ‍ ᑭᑭᒋᔭᔨᒋ᙮
\v 45 ᓂᔾ ᒪᒃ ᒧᔅ ᑯᐃᔅᒄ ᓂᑦ ᐃᔅᒋᔄᓐ ᐊᐅᒄ ᒪᒃ ᐊᓐ ᐛᒋ ᐊᑲ ‍ ᑕᑈᑐᐅᔭᒄ᙮
\v 46 ᓇᒪ ᐛᐛᒡ ᐸᐃᒄ ᐊᓐᑕ ᐊ ‍ ᑎᓯᔭᒄ ᒋᑭ ᒋ ‍ ᐎᑕᓇᐛᐤ ᑲ ‍ ᒥᒋᑐᑎᒧᐛᓇ᙮ ᑯᐃᔅᒄ ᒪᒃ ᒧᔅ ᐊ ‍ ᐃᔅᒋᔄᔭᓐ ᒐᒂᓐ᙮ ᒐᒂᓐ ᒪᒃ ᐛᒋ ᐊᑲ ᒋ ‍ ᑕᑈᑐᐅᔭᒄ ?
\v 47 ᐊᓐ ᐊᐛᓐ ᒋᓴᒪᓂᑐᐛ ᐊ ‍ ᑕᔨᒋ ᑲ ‍ ᐅᒋᑦ ᓂᑐᑎᒻ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᒋᔨᐛᐤ ᒪᒃ ᓇᒪ ᒋᓴᒪᓂᑐᐤ ᐊ ‍ ᑕᑦ ᒋ ‍ ᐅᒋᓇᐛᐤ ᐊᐅᑯᓐ ᐛᒋ ᐊᑲ ‍ ᓂᑐᑎᒪᒄ᙮” ᐊᔪᐅᒄ ᐅᔭ ᑲ ‍ ᐃᔅᒋᔄᑦ ᒋᓴᔅ᙮
\s1 ᒋᓴᔅ ᑲ ‍ ᐎᑕᐧᒃ ᓴᔅ ᐊᒋ ‍ ᑕᑦ ᐊᔅᒄ ᐊᑲ ᐅᒋ ᐱᒪᑎᓯᔨᒋ ᐊᑉᕋᐊᒪ
\p
\v 48 ᐊᓐᒡ ᒪᒃ ᒍᐤ ᐃᔪᒡ ᒋ ‍ ᐃᑕᐅᒡ ᐊᓂᔭ ᒋᓴᓴ, “ᓂᒋ ‍ ᑕᑈᓇᓐ ᑲ ‍ ᐃᔅᒋᔄᔭᒡ ᓴᒪᕆᔭ ᐊ ‍ ᐅᒋᔨᓐ ᑭᔭ ᐊ ‍ ᐱᒋᔅᑲᔅᒃ ᒥᒋ ‍ ᐊᒐᐧᒄ ?”
\p
\v 49 ᒋᓴᔅ ᒪᒃ ᒋ ‍ ᐃᑕᐤ, “ᓇᒪ ᓂ ‍ ᐱᒋᔅᑲᒄ ᒥᒋ ‍ ᐊᒐᐧᒄ᙮ ᓂ ‍ ᒋᔅᑕᔨᒪᐤ ᓄᑕᐎᔾ ᒥᒄ ᒪᒃ ᒋᔨᐛᐤ ᓇᒪ ᒋ ‍ ᒋᔅᑕᔨᒥᓇᐛᐤ ᓂᔾ᙮
\v 50 ᓇᒪ ᓂ ‍ ᓇᓂᑐᐛᔨᑕᓐ ᑕᓐᑕ ᒐᒋ ᐅᒋ ‍ ᒋᔅᑕᔨᒥᑯᔭᓐ᙮ ᒥᒄ ᒪᒃ ᑕᐤ ᐊᐛᓐ ᐊ ‍ ᓂᑐᐛᔨᑕᐧᒃ ᒐᒋ ᒋᔅᑕᔨᒥᑯᐅᒡ, ᐎᔾ ᒪᒃ ᐊᐅᒄ ᑕᐸᔅᑯᓇᑦ ᐊᓂᔭ ᐊᐛᔪᐛ ᐊᑲ ᒋᔅᑕᔨᒥᔨᒋ᙮
\v 51 ᑯᐃᔅᒄ ᒋ ‍ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ‍ ᓂᓇᐃᑎᒧᒂ ᑕᓐ ᐊ ‍ ᐃᔅᒋᔄᐅᒡ ᓇᒪ ᓂᑕ ᒋᑭ ᐅᒋ ‍ ᓂᐳᐤ᙮”
\p
\v 52 ᐊᑯ ᐊᓂᔭᔪᐛ ᒍᐤ ᐃᔪᐛ ᑲ ‍ ᐃᑎᑯᑦ, “ᑭᔭ ᒋᔭᔅᑎᓇᐅᔭᒡ, ᑕᑈ ᐊ ‍ ᐱᒋᔅᑲᔅᒃ ᒥᒋ ‍ ᐊᒐᐧᒄ᙮ ᐊᑉᕋᐊᒻ ᒋ ‍ ᓂᐳᐤ ᒪᒃ ᐊᓐᒡ ᐅᒋᔅᒋᐛᐃᒐᓱᒡ ᒋ ‍ ᓂᐳᐅᒡ᙮ ᒋᔾ ᒪᒃ ᐊ ‍ ᐃᔅᒋᔄᔨᓐ ᐊᓐ ᐊᐛᓐ ᒐ ‍ ᓂᓇᐃᑎᒧᒂ ᑕᓐ ᐊ ‍ ᐃᔅᒋᔄᐅᒡ ᓇᒪ ᓂᑕ ᒋᑭ ᐅᒋ ‍ ᓂᐳᐤ᙮
\v 53 ᒋᑦ ᐃᑕᔨᑕᓐ ᐊ ᒋᔾ ᒪᐅᒡ ᐊ ‍ ᒋᔅᑕᔨᑕᑯᓯᔨᓐ ᐃᔅᐱᔅ ᐊᑉᕋᐊᒻ ? ᐊᑉᕋᐊᒻ ᒋ ‍ ᓂᐳᐤ ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᒋ ‍ ᓂᐳᐅᒡ, ᐊᐛᓐ ᒪᒃ ᒋᔾ ᐊ ‍ ᐃᑕᔨᒥᓱᔨᓐ ?”
\p
\v 54 ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᓂᔾ ᒐᔅᑕᔨᑕᑯᐃᑎᓱᔭᓇ ᓇᒪ ᓇᔅᒡ ᒐᒂᓐ ᒋᑭ ᐅᒋ ‍ ᐃᓯᓇᑯᓐ ᐊᓐ ᐊ ‍ ᒋᔅᑕᔨᑕᑯᐃᑎᓱᔭᓐ᙮ ᓄᑕᐎᔾ ᐊᐅᒄ ᒐᔅᑕᔨᑕᑯᐃᑦ, ᐊᓐ ᑲ ‍ ᐃᔅᒋᔄᔭᒄ ᐊ ‍ ᐅᒋᓴᒪᓂᑐᒥᔭᒄ᙮
\v 55 ᓇᒪ ᓂᑕ ᒋ ᐅᒋ ‍ ᒋᔅᒐᔨᒪᐛᐤ ᒥᒄ ᒪᒃ ᓂᔾ ᓂ ‍ ᒋᔅᒐᔨᒪᐤ᙮ ᐃᔅᒋᔄᔭᓇ ᒪᒃ ᐊᑲ ᒋᔅᒐᔨᒥᒃ, ᓂᑭ ‍ ᑭᑭᒋᔭᓐ ᒧᔭᒻ ᒋᔨᐛᐤ ᐊ ᐃᓯ ‍ ᑭᑭᒋᔭᔭᒄ᙮ ᒥᒄ ᒪᒃ ᓂ ‍ ᒋᔅᒐᔨᒪᐤ ᑭᔭ ᓂᓇᐃᑎᒺᓐ ᐅᑦ ᐃᔨᒧᐅᓐ᙮
\v 56 ᐊᓂᔭ ᒍᑕᐎᓄᐤ ᐊᑉᕋᐊᒻ ᒋ ‍ ᒧᒋᒐᔨᑎᒻ ᐊᒋ ‍ ᒋᔅᒐᔨᑕᐧᒃ ᒐ ‍ ᐛᐸᑕᐧᒃ ᓂᒋᓯᑲᒥᔪᐤ᙮ ᒋ ‍ ᐛᐸᑎᒻ, ᒋ ‍ ᒥᔽᔨᑎᒻ ᒪᒃ᙮”
\p
\v 57 ᐊᑯ ᐊᓐᒡ ᒍᐤ ᐃᔪᒡ ᒂ ‍ ᐃᑕᒡ, “ᓇᒪ ᐛᐛᒡ ᐱᑕᑕᒡ ᒋ ‍ ᑕᑐᔪᐛ ᐳᓇᓯᓐ, ᑕᑈ ᐊ ᔅᒋ ‍ ᐛᐱᒪᐤ ᐊᑉᕋᐊᒻ ?”
\p
\v 58 ᒋᓴᔅ ᒂ ‍ ᐃᑕᑦ, “ᑯᐃᔅᒄ ᒋ ‍ ᐎᑎᒪᑎᓇᐛᐤ, ᐊᔅᒄ ᐊᑲ ᐅᒋ ᐱᒪᑎᓯᑦ ᐊᑉᕋᐊᒻ, ᓴᔅ ᓂᒋ ‍ ᑕᓐ᙮”
\p
\v 59 ᐊᑯ ᑲ ‍ ᒪᒧᓴᒋᓇᒡ ᐊᓯᓂᔭ ᒐ ‍ ᐸᐱᒧᓯᓇᑕᐛᒡ᙮ ᒥᒄ ᒪᒃ ᒋᓴᔅ ᒋ ‍ ᑲᓱᔅᑐᐛᐤ ᐊᑯ ᑲ ‍ ᐎᐎᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮
\c 9
\s1 ᒋᓴᔅ ᑲ ‍ ᒥᓏᒋᐊᑦ ᓇᐸᐛ ᐊᑲ ᐅᒋ ᐛᐸᑎᒥᔨᒋ ᑲ ‍ ᐃᔅᐱᔅ ᐸᒋ ‍ ᐱᒪᑎᓯᔨᒋ
\p
\v 1 ᒪᒂᒡ ᒋᓴᔅ ᐊ ‍ ᐱᒧᑕᑦ ᐅᒋᔅᒋᓄᐊᒧᐛᑭᓇ ᐊ ‍ ᐎᒐᐛᑦ ᒋ ‍ ᐛᐱᒪᐤ ᓇᐸᐛ ᐊᑲ ᐅᒋ ᐛᐸᑎᒥᔨᒋ ᑲ ‍ ᐃᔅᐱᔅ ᐸᒋ ‍ ᐱᒪᑎᓯᔨᒋ᙮
\v 2 ᐊᑯ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᑲ ‍ ᑯᒂᒋᒥᑯᑦ, “ᒋᔅᑯᑎᒪᒐᓱᐤ ᒐᒂᔪᐤ ᐛᒋ ‍ ᐃᓯᓇᑯᓯᑦ ᐅ ᓇᐸᐤ ᒋᒋᐛ ᐊᑲ ᐛᐸᑕᐧᒃ ? ᐎᔾ ᐊ ᐊᒋ ‍ ᒥᒋᑐᑕᐧᒃ ᑭᔭ ᒪᒃ ᐊᓂᔭᔪᐛ ᐅᓂᒋᐃᒂ ᐊᒋ ‍ ᒥᒋᑐᑎᒥᔨᒋ ?”
\p
\v 3 ᒋᓴᔅ ᒂ ‍ ᐎᑎᒧᐛᑦ, “ᓇᒪᔭᔪᐤ ᐎᔾ ᐅᒥᒋᑥᐅᓐ ᑭᔭ ᒪᒃ ᐅᓂᒋᐃᒂ ᐅᒥᒋᑐᑎᒧᐅᓂᔪᐤ ᑲ ‍ ᐃᑐᑕᑯᑦ ᐛᒋ ᐊᑲ ᒋ ‍ ᐛᐸᑕᐧᒃ᙮ ᒐᒋ ᐛᐸᑕᑭᓄᐎᔨᒡ ᒋᓴᒪᓂᑐᐤ ᐅᓱᐧᑲᑎᓯᐅᓐ ᐊᐅᑯᓐ ᐛᒋ ᐊᑲ ᒋ ‍ ᐛᐸᑕᐧᒃ ᐅ ᓇᐸᐤ᙮
\v 4 ᒋᐸ ‍ ᐊᑐᔅᑯᐛᓄᐤ ᐊᓐ ᑲ ᐸᒋ ‍ ᐃᑎᓴᐅᑦ ᒪᒂᒡ ᐊ ‍ ᒋᓯᑲᒡ ᐛᔅ ᓴᔅ ᐎᐱᒡ ᒋᑭ ‍ ᑎᐱᔅᑲᐤ᙮ ᑕᐸ ᐊᑐᔅᒐᓄᐤ ᐊ ‍ ᑎᐱᔅᑲᒡ᙮
\v 5 ᒪᒂᒡ ᐅᑕ ᐊ ‍ ᑕᔭᓐ ᐊᔅᒋᒡ ᐊᐅᒄ ᓂᔾ ᐃᔪᒡ ᐅᐛᔅᑕᐅᓄᐛᐤ᙮”
\p
\v 6 ᐃᔅᐱ ᐅᔭ ᑲ ‍ ᐃᔅᒋᔄᑦ ᒋᓴᔅ ᒋ ‍ ᓯᔅᑎᑯᐤ ᐊᓐᑕ ᐊᔅᒋᒡ ᐊᑯ ᒂ ‍ ᐊᓯᔅᒍᐛᒐᑦ ᐊᓂᔭ ᐅᓯᔅᑎᑯᐅᓐ ᐊ ‍ ᐊᐱᒋᑕᑦ᙮ ᐊᑯ ᒂ ‍ ᐊᓱᓱᓂᒺᑦ ᐅᔅᒋᓯᑯᔪᐛ ᐊᓂᔭᔪᐛ ᐊᑲ ᐛᐸᑎᒥᔨᒋ ᓇᐸᐛ ᐊᓂᔭ ᐊᓯᔅᒍᐛ ᐊ ‍ ᐊᐱᒋᐊᑦ᙮
\v 7 ᐊᑯ ᒂ ‍ ᐃᑕᑦ ᐊᓂᔭᔪᐛ ᓇᐸᐛ, “ᒪᒋ ᒋᔅᑕᐸᐅᑕᒪ ᓇᑕ ᑲᐱᑲᓯᒧᓇᓄᐅᒡ ᓴᐃᓗᐊᒻ ᑲ ‍ ᐃᓯᓂᐧᑲᑕᒡ᙮” ᐊᓐ ᓴᐃᓗᐊᒻ ᐊ ‍ ᐃᓇᓄᐅᒡ “ᑲ ‍ ᐃᑎᓴᐛᑭᓄᐅᑦ” ᐅ ᐃᔅᒋᔄᒥᑭᓐ᙮ ᐊᑯ ᒂ ‍ ᒋᔅᑕᐸᐅᑕᑦ ᐊᓐ ᓇᐸᐤ ᐊᑲ ᐛᐸᑕᐧᒃ, ᒋ ‍ ᐛᐸᑎᒻ ᒪᒃ ᐃᔅᐱ ᒥᓐ ᑕᑯᓯᓂᑦ᙮
\p
\v 8 ᐊᑯ ᒂ ‍ ᐃᔅᒋᔄᔨᒋ ᐊᓂᔭᔪᐛ ᐃᔪᐛ ᑲ ‍ ᒋᔅᒐᔨᒥᑯᑦ ᑭᔭ ᐊᓂᔭ ᑲᒋ ‍ ᐛᐱᒥᑯᑦ ᐊ ‍ ᓂᑐᑎᒪᑦ ᓱᓇᔭᔪᐤ, “ᐊᐅᒄ ᐊ ᐅ ᓇᐸᐤ ᑲᒋ ‍ ᐊᐱᑦ ᐊ ‍ ᓂᑐᑎᒪᑦ ᓱᓇᔭᔪᐤ ?”
\p
\v 9 ᐱᔅᒐ ᐊᓐᒡ ᐃᔪᒡ ᒋ ‍ ᐃᑕᐅᒡ, “ᐊᐅᑯᓐ ᐊᓐ ᓇᐸᐤ᙮ ᐊᑯ ᑯᑎᑭᒡ ᑲ ‍ ᐃᔅᒋᔄᒡ, ᓇᒪᔭᐤ ᐊᓐ ᒥᒄ ᐊᐅᑯᓐ ᒐᑲᑦ ᐊ ‍ ᐃᓯᓇᑯᓯᑦ᙮” ᐊᑯ ᐊᓐ ᓇᐸᐤ ᑲ ‍ ᒥᓏᒋᐊᑭᓄᐅᑦ ᒂ ‍ ᐃᔅᒋᔄᑦ, “ᐊᐅᒄ ᐛᔅ ᐊᓐ ᓂᔾ᙮”
\p
\v 10 ᐊᑯ ᒂ ‍ ᑯᒂᒋᒪᒡ ᐊ ‍ ᐃᑕᒡ, “ᑕᓐᑕ ᐊᑯ ᑲ ᐅᒋ ‍ ᐃᔅᐱᔨᒡ ᒐᒋ ᐛᐸᑎᒥᓐ ?”
\p
\v 11 ᐊᑯ ᐊᓐ ᓇᐸᐤ ᒂ ‍ ᐃᔅᒋᔄᑦ, “ᐊᓐ ᓇᐸᐤ ᒋᓴᔅ ᑲ ‍ ᐃᓯᓂᐧᑲᓱᑦ ᓂᒋ ‍ ᒥᓏᒋᐃᒄ᙮ ᐊᓯᔅᒍᐛ ᒋ ᐸᒋ ‍ ᐊᓱᓇᐤ ᓂᔅᒋᓯᑯᒡ, ᐊᑯ ᒂ ‍ ᐃᓯᑦ ᒐᒋ ᒋᔅᑕᐸᐅᑕᐅᒡ ᐊᓐᑕ ᓴᐃᓗᐊᒻ ᑲ ‍ ᐃᓯᓂᐧᑲᑕᒡ ᑲᐱᑲᓯᒧᓇᓄᐅᒡ᙮ ᐊᑯᑕ ᑲ ‍ ᐃᑐᑕᔭᓐ᙮ ᐃᔅᐱ ᒪᒃ ᑲᒋ ᐃᓯ ‍ ᒋᔅᑕᐸᐅᑕᔭᓐ ᑎᐛᒡ ᓂᒋ ᐅᒋ ‍ ᐛᐸᑕᓐ᙮”
\p
\v 12 ᐊᑯ ᒂ ‍ ᑯᒂᒋᒪᒡ ᐊᓂᔭᔪᐛ ᓇᐸᐛ, “ᑕᓐᑕ ᑲ ‍ ᐃᑐᑕᑦ ᐊᓐ ᓇᐸᐤ ᑲ ‍ ᒥᓏᒋᐃᔅᒃ ?” ᐊᑯ ᒂ ‍ ᐃᔅᒋᔄᑦ ᐊᓐ ᓇᐸᐤ, “ᓇᒪ ᓂ ‍ ᒋᔅᒐᔨᒪᐤ ᑕᓐᑕ ᑲ ‍ ᐃᑐᑕᑦ᙮”
\s1 ᐸᕆᓯᔨᒡ ᑲ ᓇᓂᑐ ᒋᔅᒐᔨᑕᒡ ᑕᓐᑕ ᑲ ᐅᒋ ‍ ᒥᓏᒋᐊᑭᓄᔨᒋ ᐊᓂᔭᔪᐛ ᓇᐸᐛ ᐊᑲ ᐅᒋ ᐛᐸᑎᒥᔨᒋ
\p
\v 13 ᐊᑯ ᒂ ‍ ᐃᑐᑕᐊᒡ ᐊᓂᔭᔪᐛ ᓇᐸᐛ ᐊᑲ ᐅᒋ ᐛᐸᑎᒥᔨᒋ ᐊᓐᑕ ᐸᕆᓯᐊ ᐊ ‍ ᑕᔨᒋ᙮
\v 14 ᒋ ‍ ᒍᐤ ᐊᔭᒥᐊᐅᒋᓯᑲᔪᐤ ᒪᒃ ᐊᓂᔭ ᒋᓴᔅ ᑲ ‍ ᐅᓯᐊᑦ ᐊᓯᔅᒍᐛ ᑭᔭ ᑲ ‍ ᒥᓏᒋᐊᑦ ᐊᓂᔭᔪᐛ ᓇᐸᐛ ᐊᑲ ᐅᒋ ᐛᐸᑎᒥᔨᒋ᙮
\v 15 ᐊᑯ ᐊᓐᒡ ᐸᕆᓯᔨᒡ ᒥᓐ ᒂ ‍ ᑯᒂᒋᒪᒡ ᐊᓂᔭ ᓇᐸᐛ ᑕᓐᑕ ᐊᑯ ᐛᒋ ‍ ᐛᐸᑎᒥᔨᒋ᙮ ᒂ ‍ ᐃᑎᑯᒡ ᐊᓂᔭᔪᐛ ᓇᐸᐛ, “ᐊᓯᔅᒍᐛ ᒋ ‍ ᐊᓱᓇᐤ ᓂᔅᒋᓯᑯᒡ ᐊᑯ ᒂ ‍ ᒋᔅᑕᐸᐅᑕᔭᓐ ᐊᑯᑕ ᑲ ᐅᒋ ‍ ᐛᐸᑎᒪᓐ᙮”
\p
\v 16 ᐱᔅᒐ ᒪᒃ ᐊᓐᒡ ᐸᕆᓯᔨᒡ ᒋ ‍ ᐃᑕᐅᒡ, “ᐅ ᓇᐸᐤ ᒋᓴᔅ ᓇᒪ ᒋᓴᒪᓂᑐᐛ ᐊ ‍ ᑕᔨᒋ ᐅᒋᐤ, ᑕᐸ ᐊᐱᑕᔨᑎᒻ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ᙮” ᑯᑎᑭᒡ ᒪᒃ ᒋ ‍ ᐃᑕᐅᒡ, “ᑕᓐᑕ ᒐᒋ ᐅᒋ ‍ ᒪᒥᔅᑲᒡ ᐃᑎᑦ ᐊᐛᓐ ᐊ ‍ ᒥᒋᑐᑎᒧᒂ᙮ ᒋ ‍ ᑎᐸᓂᐱᔪᒡ ᒪᒃ ᐅᔭ ᐅᒋ ?”
\p
\v 17 ᐊᑯ ᐊᓐᒡ ᐸᕆᓯᔨᒡ ᒥᓐ ᒂ ‍ ᑯᒂᒋᒪᒡ ᐊᓂᔭᔪᐛ ᓇᐸᐛ ᑲ ‍ ᒥᓏᒋᐊᑭᓄᔨᒋ ᐊ ‍ ᐃᑕᒡ, “ᑕᓐ ᐊ ‍ ᐃᑕᔨᒥᑦ ᒪᒃ ᒋᔾ ᐊᓐ ᓇᐸᐤ ᑲ ‍ ᒥᓏᒋᐃᔅᒃ ?” ᐊᑯ ᐊᓐ ᓇᐸᐤ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᐅᒋᔅᒋᐛᐃᒐᓱᐤ ᓂᑦ ᐃᑕᔨᒪᐤ᙮”
\p
\v 18 ᓇᒪ ᐅᒋ ᐎ ᑕᑈᑎᒧᒡ ᐊᓐᒡ ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᒋᒋᐛ ᐊᑲ ᐅᒋ ᐛᐸᑎᒥᔨᒋ ᐊᓂᔭᔪᐛ ᓇᐸᐛ ᑭᔭ ᐊ ‍ ᐛᐸᑎᒥᔨᒋ ᐊᑯ᙮ ᐊᑯ ᒂ ‍ ᐎᓴᒪᒡ ᐊᓂᔭᔪᐛ ᓇᐸᐛ ᐅᓂᒋᐃᑯᔪᐛ,
\v 19 ᒂ ‍ ᑯᒂᒋᒪᒡ ᐊ ‍ ᐃᑕᒡ, “ᐊᐅᒄ ᐊ ᐅ ᒋᑯᓱᐛᐤ ᑲ ‍ ᐃᔅᒋᔄᔭᒄ ᐃᔅᐱ ᑲ ᐸᒋ ‍ ᐱᒪᑎᓯᑦ ᓴᔅ ᐊᑲ ᐅᒋ ᐛᐸᑕᐧᒃ ? ᑕᓐ ᑲ ‍ ᐃᔅᐱᔨᑦ ᒪᒃ ᐛᒋ ‍ ᐛᐸᑕᐧᒃ ᐊᓄᒡ ?”
\p
\v 20 ᐅᓂᒋᐃᒂ ᒂ ᐃᓯ ‍ ᐎᑎᒥᔨᒋ, “ᓂ ‍ ᒋᔅᒐᔨᑕᓇᓐ ᐊᐅᑯᓐ ᐊᓐ ᑕᑈ ᓂᑯᓯᓇᓐ, ᑭᔭ ᓴᔅ ᐊᑲ ᐅᒋ ᐛᐸᑕᐧᒃ ᑲ ‍ ᐱᒪᑎᓯᑦ᙮
\v 21 ᓇᒪ ᒪᒃ ᓂ ‍ ᒋᔅᒐᔨᒪᓇᓐ ᑕᓐᑕ ᐛᒋ ‍ ᐛᐸᑕᐧᒃ ᐊᓄᒡ, ᑭᔭ ᓇᒪ ᓂ ‍ ᒋᔅᒐᔨᒪᓇᓐ ᐊᐛᓐ ᑲ ‍ ᐃᑐᑐᐛᑦ ᒐᒋ ᐛᐸᑎᒥᔨᒋ᙮ ᑯᒂᒋᒪᒄ ᐊᐛᔪᐛ ᑲ ‍ ᒥᓏᒋᐃᑯᑦ, ᐃᔅᐱᑎᓯᐤ ᐛᔅ ᐊᓐ ᒐᒋ ᐎᑕᐧᒃ᙮”
\v 22 ᒋ ‍ ᑯᔅᑕᐅᒡ ᐊᓂᔭ ᒍᐤ ᐃᔪᐛ ᐅᔭ ᐛᒋ ‍ ᐃᔅᒋᔄᒡ ᐅᒡ ᐅᓂᒋᐃᑯᒪᐅᒡ᙮ ᐛᔅ ᒋ ‍ ᒋᔅᒐᔨᒪᐅᒡ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ ᒐ ‍ ᐎᐎᑎᓴᐛᔨᒋ ᐊᓐᑕ ᐊᔭᒥᐊᐅᒋᐛᐱᒡ ᐊᐛᔪᐛ ᒐ ‍ ᐃᔅᒋᔄᔨᒂᓂ ᙭ᑕ ᐊ ‍ ᐊᐎᔨᒋ ᐊᓂᔭᔪᐛ ᒋᓴᓴ᙮
\v 23 ᐊᔪᐅᒄ ᐊᓂᔭ ᑭᔭ ᐛᒋ ‍ ᐃᔅᒋᔄᒡ “ᑯᒂᒋᒪᐧᒃ, ᐃᔅᐱᑎᓯᐤ ᐛᔅ ᐊᓐ ᒐᒋ ᐎᑎᒪᑕᒄ᙮”
\p
\v 24 ᐊᑯ ᐊᓐᒡ ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᒥᓐ ᑲᐤ ᒂ ‍ ᐎᓴᒪᒡ ᐊᓂᔭᔪᐛ ᓇᐸᐛ ᐊᑲ ᐅᒋ ᐛᐸᑎᒥᔨᒋ ᐊᑯ ᒂ ‍ ᑯᒂᒋᒪᒡ, “ᒋᓴᒪᓂᑐᐤ ᐊᐅᒄ ᒪᒥᒋᒻ᙮ ᓂ ‍ ᒋᔅᒐᔨᒪᓇᓐ ᐅ ᓇᐸᐤ ᒋᓴᔅ ᐊ ‍ ᒥᒐᑎᓯᑦ᙮”
\p
\v 25 ᐊᑯ ᒂ ‍ ᐃᔅᒋᔄᑦ ᐊᓐ ᓇᐸᐤ, “ᑕᐸ ᓂ ‍ ᒋᔅᒐᔨᒪᐤ ᐊ ‍ ᒥᒐᑎᓯᒂ ᑭᔭ ᒪᒃ ᐊᑲ ᒥᒐᑎᓯᒂ ᐅ ᓇᐸᐤ ᒥᒄ ᓂ ‍ ᒋᔅᒐᔨᑕᓐ ᐊᑲ ᐅᒋ ᐛᐸᑎᒪᓐ ᑭᔭ ᐊᓄᒡ ᐊ ‍ ᐛᐸᑎᒪᓐ᙮”
\p
\v 26 ᒂ ‍ ᑯᒂᒋᒪᒡ ᐊ ‍ ᐃᑕᒡ, “ᑕᓐ ᒪᒃ ᑲ ‍ ᐃᑐᑕᔅᒃ ? ᑕᓐ ᑲ ‍ ᐃᑐᑕᐧᒃ ᒋᔅᒋᓯᒂ ᒐᒋ ᓴᓂᐱᔨᒋ ?”
\p
\v 27 ᐊᑯ ᒂ ‍ ᐃᑕᑦ, “ᓴᔅ ᔅᒋ ‍ ᐎᑎᒪᑎᓇᐛᐤ ᒥᒄ ᒪᒃ ᓇᒪ ᒋ ᐎ ‍ ᓂᑐᑕᓇᐛᐤ᙮ ᒐᒂᓐ ᐛᒋ ‍ ᓂᑐᐛᔨᒥᔭᒄ ᒥᓐ ᒐᒋ ᐃᔅᒋᔄᔭᓐ ? ᓇᒪᐎᔾ ᐊ ᒥᒄ ᑭᔭ ᒋᔨᐛᐤ ᐊ ᐎ ‍ ᓇᓴᐛᒄ᙮”
\p
\v 28 ᐊᑯ ᒂ ‍ ᒪᔭᔨᒪᒡ ᐊᓂᔭᔪᐛ ᓇᐸᐛ ᐊ ‍ ᐃᑕᒡ, “ᐊᐅᒄ ᒋᔾ ᐸᐃᒄ ᐅᒋᔅᒋᓄᐊᒧᐛᑭᓇ ᐊᓐ ᓇᐸᐤ, ᓂᔭᓐ ᐎ ᒧᓱᔅ ᐊᐅᒄ ᐛᐅᒋᔅᒋᓄᐊᒧᐛᑭᓂᑐᐎᔨᒥᑦ᙮
\v 29 ᓂ ‍ ᒋᔅᒐᔨᑕᓇᓐ ᒧᓱᔅ ᐊᒋ ‍ ᐃᔨᒥᐃᑯᑦ ᒋᓴᒪᓂᑐᐛ, ᒥᒄ ᒪᒃ ᓇᒪ ᓂ ‍ ᒋᔅᒐᔨᒪᓇᓐ ᐅ ᓇᐸᐤ ᐎᔾ ᑕᓐᑕ ᐛᒋᒂ᙮”
\p
\v 30 ᐊᑯ ᐊᓐ ᓇᐸᐤ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᑕᑈ ᑭᑈ ᒥᔅᑲᑕᔨᑕᑯᓐ, ᐊᑲ ᐛᐛᒡ ᒋᔅᒐᔨᒪᒄ ᑕᓐᑕ ᐛᒋᑦ, ᒥᒄ ᒪᒃ ᑕᑈ ᐛᔅ ᐊᓐ ᓂᒋ ‍ ᐃᑐᑕᒄ ᒐᒋ ᐛᐸᑎᒧᒡ᙮
\v 31 ᒋ ‍ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐊᑲ ᓂᑐᑐᐛᑦ ᑲ ‍ ᒥᒐᑎᓯᔨᒋ, ᓂᑐᑐᐛᐤ ᒪᒃ ᐎᔾ ᐊᓂᔭ ᐊᐛᔪᐛ ᑲ ‍ ᐅᒋᒋᐧᑯᓂᐱᔅᑕᑯᑦ ᑭᔭ ᑲ ‍ ᐃᑐᑎᒥᔨᒋ ᑕᓐ ᐊ ᐃᓯ ‍ ᓂᑐᐛᔨᒪᑦ ᒐᒋ ᐃᑐᑎᒥᔨᒋ᙮
\v 32 ᑲ ᐃᔅᐱᔅ ‍ ᑎᒂᒡ ᐅ ᐊᔅᒋᔾ, ᓇᒪ ᓂᑕ ᐅᒋ ᐸᑕᑯᓐ ᐊᐛᓐ ᒐᒋ ᐃᑐᑐᐛᑦ ᐊᐛᔪᐛ ᐊᑲ ᐛᐸᑎᒥᔨᒋ ᒐᒋ ᐛᐸᑎᒥᔨᒋ᙮
\v 33 ᐊᓐ ᓇᐸᐤ ᑲ ‍ ᐃᑐᑐᐅᑦ ᒐᒋ ᐛᐸᑎᒪᓐ ᓇᒪ ᓂ ᐸᒋ ‍ ᐃᑐᑕᒄ ᒐᒋ ᐛᐸᑎᒧᒡ ᐊᑲ ᒋᓴᒪᓂᑐᐛ ᐊ ‍ ᑕᔨᒋ ᐅᒋ ᐅᒋᑯᐱᓇ᙮”
\p
\v 34 ᐊᑯ ᐊᓐᒡ ᑲ ‍ ᓂᑲᓂᔅᑯᐛᒡ ᒍᐤ ᐃᔪᐛ ᑲ ᐃᓯ ‍ ᐎᑎᒧᐛᒡ ᐊᓂᔭᔪᐛ ᓇᐸᐛ ᐊ ‍ ᐃᑕᒡ, “ᒥᒐᑎᓯᐅᓂᒡ ᔅᒋ ᐅᒋ ‍ ᐱᒪᑎᓯᓐ ᑭᔭ ᐊᓐᑕ ᒥᒐᑎᓯᐅᓂᒡ ᐊᑯᑕ ᑲ ᐃᓯ ‍ ᓂᑕᐅᒋᓂᑯᔨᓐ, ᐊ ‍ ᐃᑕᔨᑎᒥᓐ ᒪᒃ ᐃᔭᐱᒡ ᒐᒋ ᒋᔅᑯᑎᒧᐅᔭᒡ᙮” ᐊᑯ ᒂ ‍ ᐎᐎᑎᓴᐛᒡ ᒋᒋᐛ ᐊᓐᑕ ᐊᔭᒥᐊᐅᒋᐛᐱᒡ ᐊᓂᔭᔪᐛ ᓇᐸᐛ᙮
\s1 ᒋᓴᔅ ᑲ ‍ ᐎᑕᐧᒃ ᐊᐛᔪᐛ ᐊᓂᔭᔪᐛ ᒋᒋᐛ ᐊᑲ ᐎᔭᐸᑎᒥᔨᒋ
\p
\v 35 ᒋᓴᔅ ᒪᒃ ᒋ ‍ ᐸᑎᒻ ᐊᒋ ‍ ᐎᐎᑎᓴᐛᑭᓄᔨᒋ ᐊᓂᔭ ᓇᐸᐛ ᐊᑯ ᒂ ‍ ᓇᓂᑐᐛᐱᒪᑦ᙮ ᒋ ‍ ᒥᔅᑯᐛᐤ ᒪᒃ ᐊᑯ ᒂ ‍ ᐃᑕᑦ, “ᒋ ‍ ᑕᑈᔭᔨᒪᐤ ᐊ ᐃᔪᐤ ᐅᑯᓯᓴᓐ ?”
\p
\v 36 ᐊᓐ ᓇᐸᐤ ᒂ ‍ ᐎᑎᒧᐛᑦ ᒋᓴᓴ ᐊ ‍ ᐃᑕᑦ, “ᐸᒋ ‍ ᐎᑎᒧᐎ ᐊᐛᓐ ᐊᓐ ᑭᔭ ᒐ ‍ ᑕᑈᔭᔨᒥᒃ᙮”
\p
\v 37 ᒋᓴᔅ ᒂ ‍ ᐃᑕᑦ, “ᐅ ᑲ ‍ ᑭᓄᐛᐱᒥᑦ ᑲ ‍ ᐃᔨᒥᐃᔅᒃ, ᐊᐅᒄ ᐛᔅ ᐊᓐ᙮”
\p
\v 38 ᒂ ‍ ᐃᔅᒋᔄᑦ ᐊᓐ ᓇᐸᐤ, “ᒋ ‍ ᑕᑈᑕᑎᓐ ᐅᑎᐸᔨᒋᒐᐤ᙮” ᑲ ᐊᑎ ‍ ᐅᒋᒋᐧᑯᓂᐱᑦ ᐊ ‍ ᐊᔭᒥᐊᔅᑐᐛᑦ᙮
\p
\v 39 ᒋᓴᔅ ᒂ ‍ ᐃᑕᑦ, “ᓂᒋ ᐸᒋ ‍ ᑎᑯᓯᓐ ᐅᑕ ᐊᔅᒋᒡ ᒐᒋ ᑎᐸᔅᑯᓂᒐᔭᓐ ᐊᓐᑕ ᒐᒋ ᐅᒋ ‍ ᐛᐸᑕᒡ ᐊᓐᒡ ᐊᑲ ᐛᐸᑕᒡ, ᐊᑯ ᐊᓐᒡ ᑲ ‍ ᐛᐸᑕᒡ ᒐ ᐊᑲ ᒋ ᐛᐸᑕᒡ᙮”
\p
\v 40 ᐱᔅᒐ ᒪᒃ ᐊᓐᒡ ᐸᕆᓯᔨᒡ ᒋ ‍ ᑕᐅᒡ ᐊᓐᑕ ᑭᔭ ᒋ ‍ ᐸᑐᐛᐅᒡ ᐊᓂᔭ ᑲ ‍ ᐃᔅᒋᔄᔨᒋ ᐊᑯ ᑲ ‍ ᑯᒂᒋᒪᒡ ᐊ ‍ ᐃᑕᒡ, “ᒋᑦ ᐃᔅᒋᔄᓐ ᐊ ᑭᔭ ᓂᔭᓐ ᐊᑲ ᐛᐸᑎᒪᒡ ?”
\p
\v 41 ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᐊᑲ ᐛᐸᑎᒪᒄ ᓇᒪ ᒋᐸ ᐅᒋ ‍ ᐃᑎᑯᓇᐛᐤ ᐊ ‍ ᒥᒋᑐᑎᒪᒄ, ᒥᒄ ᒪᒃ ᐊ ‍ ᐃᔅᒋᔄᔭᒄ ᓂ ‍ ᐛᐸᑕᓇᓐ, ᐊᑯᑕ ᐛᒋ ‍ ᒋᔅᒐᔨᑕᑯᓯᔭᒄ ᐊ ‍ ᒥᒋᑐᑎᒪᒄ᙮”
\c 10
\s1 ᒪᔭᑕᓂᓯᐅ-ᐃᔪᐤ ᑲ ᒥᔪ ‍ ᑭᓄᐛᔨᒪᑦ ᐅᒪᔭᑕᓂᓯᒪ
\s2 John 10.1-10 (Easter-4 Year A)
\p
\v 1 “ᑯᐃᔅᒄ ᒋ ‍ ᐎᑎᒪᑎᓇᐛᐤ, ᐊᐛᓐ ᐊ ᐎ ‍ ᒋᒧᑎᑦ ᓇᒪ ᐊᓐᑕ ᐊ ‍ ᐃᔎᑕᒧᐅᓂᔨᒡ ᒪᔭᑕᓂᓯᐅᒋᐛᐱᔪᐤ ᐅᒋ ᐱᒐᐤ᙮ ᐃᔭᒡ ᐊᓐᑕ ᐅᒋ ᐸᔅᑕᑎᐛᐱᔪᐤ ᐊ ᐎ ‍ ᐱᒐᑦ᙮
\v 2 ᐊᑯ ᐊᓐ ᐊᓐᑕ ᐊ ‍ ᐃᔎᑕᒧᐅᓂᔨᒡ ᒪᔭᑕᓂᓯᐅᒋᐛᐱᔪᐤ ᑲ ᐅᒋ ‍ ᐱᒐᑦ ᐊᐅᑯᓐ ᐅᔭ ᐅᒪᔭᑕᓂᓯᐤ ᐅᑦ ᐃᔨᒧᐛᐛ ᐊᓐᒡ ᒪᔭᑕᓂᓯᒡ᙮
\v 3 ᓴᓂᒪᑯᐤ ᒪᒃ ᐊᓂᔭᔪᐤ ᑲ ‍ ᑭᓄᔎᑐᐛᔨᒋ ᐊᓐᑕ ᒪᔭᑕᓂᓯᐅᒋᐛᐱᒡ᙮ ᐊᓂᔭ ᒪᒃ ᒪᔭᑕᓂᓴ ᓂᔅᑐᑎᒥᔪᐛ ᐅᐸᑕᑯᓱᐅᓐ ᐃᔅᐱ ᑎᔭᑈᑕᒋ ᐛᔅ ᐎᔾ ᐊᓂᔭᔪᐛ ᐅᒪᔭᑕᓂᓯᒪ᙮ ᐊᑯ ᒪᒃ ᐱᔭᒋ ‍ ᐎᐎᔨᒋ ᐊᑯ ᐊ ᐊᑎ ‍ ᓇᓴᐅᑯᑦ᙮
\v 4 ᐊᓂᔭ ᒪᒃ ᐊ ᐊᑎ ‍ ᐎᐎᑕᐊᑦ ᐎᔾ ᓂᑲᓄᑕᐤ᙮ ᓇᓴᐅᑯᐤ ᒪᒃ ᐊᓂᔭᔪᐛ ᒪᔭᑕᓂᓴ ᐛᔅ ᓂᔅᑐᑎᒥᔪᐛ ᐅᐸᑕᑯᓱᐅᓐ᙮
\v 5 ᑯᑎᑲ ᐊᐛᔪᐛ ᓇᒪ ᒋᑭ ᐅᒋ ‍ ᓇᓴᐛᐅᒡ ᐊᓐᒡ ᒪᔭᑕᓂᓯᒡ᙮ ᒋᑭ ‍ ᒋᑎᓯᒪᐅᒡ, ᐛᔅ ᑕᐸ ᓂᔅᑐᑎᒧᐛᐅᒡ ᒪᓐᑕᐛ ᐅᐸᑕᑯᓱᐅᓂᔪᐤ᙮”
\p
\v 6 ᒋᓴᔅ ᒋ ‍ ᐎᑎᒧᐛᐤ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒥᒄ ᒪᒃ ᓇᒪ ᐅᒋ ᓂᔅᑐᑕᑯᐤ ᐊᓂᔭ ᑕᓐ ᑲ ᐃᓯ ‍ ᐊᔨᒧᑎᒧᐛᑦ᙮
\p
\v 7 ᐊᑯ ᒪᒃ ᒋᓴᔅ ᒥᓐ ᒂ ‍ ᐃᑕᑦ, “ᑯᐃᔅᒄ ᒋ ‍ ᐎᑎᒪᑎᓇᐛᐤ, ᓂᔾ ᐊᐅᒄ ᒋᐱᔎᐤ ᐊᓐᑕ ᐛᒋ ‍ ᐱᒐᒡ ᑭᔭ ᐊᓐᑕ ᐛᒋ ‍ ᐎᐎᒡ ᐊᓐᒡ ᒪᔭᑕᓂᓯᒡ᙮
\v 8 ᒥᓯᐛ ᑯᑎᑭᒡ ᑲ ‍ ᑎᑯᓯᒡ ᐊ ᐎ ‍ ᐎᐎᑕᐊᒡ ᐊᓂᔭ ᒪᔭᑕᓂᓴ ᐊᔅᒄ ᐊᑲ ᐅᒋ ᑎᑯᓯᓄᐅᒡ ᒋ ‍ ᒋᒧᑐᐅᒡ ᐎᔨᐛᐤ᙮ ᒥᒄ ᒪᒃ ᓇᒪ ᐅᒋ ᓂᑐᑕᑯᐅᒡ ᐎᔨᐛᐤ ᐊᓂᔭᔪᐛ ᒪᔭᑕᓂᓴ᙮
\v 9 ᓂᔾ ᐊᐅᒄ ᒋᐱᔎᐤ᙮ ᐊᓐ ᐊᐛᓐ ᓂᔾ ᐊ ‍ ᑕᐅᒡ ᑲ ᐅᒋ ‍ ᐱᒐᑦ ᒋᑭ ‍ ᐱᒪᒋᐅᐤ᙮ ᑕᑈ ᒋᑭ ‍ ᐎᐧᑯᒋᐅᐤ ᐊᓐ ᐊᐛᓐ ᑭᔭ ᑕᑈ ᒋᑭ ‍ ᒥᔽᔨᒧᐤ᙮
\v 10 ᑲᒋᒧᑎᑦ ᑎᑯᓯᓄᐤ ᒥᒄ ᒐᒋ ᒋᒧᑎᑦ ᒪᒃ ᒐᒋ ᓂᐸᐃᐛᑦ ᒪᒃ ᒐᒋ ᓂᓱᐅᓇᒋᐃᐛᑦ᙮ ᓂᔾ ᒪᒃ ᐎ ᓂᒋ ‍ ᑎᑯᓯᓐ ᒐᒋ ᒥᔨᐛᔭᓐ ᐊᓐ ᐱᒪᑎᓯᐅᓐ ᐊᓐᑕ ᐊᑲ ᓂᑕ ᓄᑕᐱᔨᒡ ᒐᒂᓐ᙮”
\s2 John 10.11-18 (Easter-4 Year B)
\p
\v 11 “ᓂᔾ ᐊᐅᒄ ᒪᔭᑕᓂᓯᐅ-ᐃᔪᐤ ᑲ ᒥᔪ ‍ ᑭᓄᐛᔨᒪᑦ ᐅᒪᔭᑕᓂᓯᒪ᙮ ᐊᓐ ᐊᐛᓐ ᑲ ᒥᔪ ‍ ᑭᓄᐛᔨᒪᑦ ᐅᒪᔭᑕᓂᓯᒪ ᒋᑭ ‍ ᐱᔅᑎᓂᒻ ᐅᐱᒪᑎᓯᐅᓐ ᐊᓂᔭ ᐅᒪᔭᑕᓂᓯᒪ ᒐᒋ ᐅᒋ ‍ ᐱᒪᒋᐅᔨᒋ᙮
\v 12 ᐊᑯ ᐊᓐ ᒥᒄ ᑲ ‍ ᐅᑎᓇᑭᓄᐅᑦ ᒐᒋ ᑭᓄᐛᔨᒪᑦ ᐊᓂᔭ ᒪᔭᑕᓂᓴ ᐊᑲ ᒪᒃ ᒋᒋᐛ ᒪᔭᑕᓂᓯᐅ-ᐃᔪᐅᑦ, ᐊᑲ ᑎᐱᔨᐛᐅᓯᑦ ᐊᓂᔭ ᒪᔭᑕᓂᓴ ᒋᑎᓯᒧᐤ ᐃᔅᐱ ᐎᔭᐱᒪᒋ ᒥᐃᐧᑭᓇ ᐊ ‍ ᑎᑯᓯᓂᔨᒋ᙮ ᐊᑯ ᐊᓂᔭᔪᐛ ᒥᐃᐧᑭᓇ ᐛᔭᔅᑐᑐᐛᔨᒋ ᐸᐃᒄ ᐊᓂᔭᔪᐛ ᒪᔭᑕᓂᓴ ᐊᑯ ᐊ ‍ ᐃᒐᐸᔨᑐᔨᒋ ᐊ ‍ ᒋᑎᓯᒧᔨᒋ ᐊᓂᔭᔪᐛ ᑯᑎᑲ ᒪᔭᑕᓂᓴ᙮
\v 13 ᒋᑎᓯᒧᐤ, ᐛᔅ ᒥᒄ ᒋ ‍ ᐅᑎᓇᑭᓄᐤ᙮ ᓇᒪ ᒋᒋᐛ ᐊᐱᑕᔨᒪᐤ ᐊᓂᔭᔪᐛ ᒪᔭᑕᓂᓴ᙮
\v 14 ᓂᔾ ᐊᐅᒄ ᒪᔭᑕᓂᓯᐅ-ᐃᔪᐤ ᑲ ᒥᔪ ‍ ᑭᓄᐛᔨᒪᑦ ᐅᒪᔭᑕᓂᓯᒪ᙮ ᓂ ‍ ᒋᔅᒐᔨᒪᐅᒡ ᓂᒪᔭᑕᓂᓯᒥᒡ ᐊᓐᒡ ᑲ ‍ ᑎᐱᔨᐛᐅᓯᔭᓐ ᑭᔭ ᐎᔨᐛᐤ ᓂ ‍ ᒋᔅᒐᔨᒥᑯᒡ,
\v 15 ᒧᔭᒻ ᐊ ᐃᓯ ‍ ᒋᔅᒐᔨᒥᑦ ᐅᑕᐎᒪᐤ ᑭᔭ ᓂᔾ ᐊ ᐃᓯ ‍ ᒋᔅᒐᔨᒥᒃ᙮ ᓇᔅᒡ ᒪᒃ ᓂᑦ ᐃᑕᔨᑎᒥᐃᑯᐛᓐ ᒐᒋ ᐱᔅᑎᓂᓱᐅᒡ ᒐᒋ ᓂᐸᐃᑯᐅᒡ ᐎᔨᐛᐤ ᐅᒋ ᐊᓐᒡ ᓂᒪᔭᑕᓂᓯᒥᒡ᙮
\v 16 ᑯᑎᑭᒡ ᒪᔭᑕᓂᓯᒡ ᓂ ‍ ᑭᓄᐛᔨᒪᐅᒡ ᐊᑲ ᐅᒋᒡ ᐅᑕ ᐅᔭ ᒪᔭᑕᓂᓯᐅᒋᐛᐱᔪᐤ᙮ ᑭᔭ ᐎᔨᐛᐤ ᒪᒃ ᔭᐃᑕᔾ ᓂᑭ ‍ ᐸᓱᐛᐅᒡ᙮ ᒋᑭ ‍ ᓂᔅᑐᑎᒧᒡ ᑭᔭ ᐎᔨᐛᐤ ᓂᐸᑕᑯᓱᐅᓂᔪᐤ ᑭᔭ ᒐ ‍ ᐸᐃᒂᒡ ᒪᔭᑕᓂᓯᐅᒋᐛᑉ ᑭᔭ ᒋᑭ ‍ ᐸᐃᑯᓱᐤ ᐊᓐ ᒪᔭᑕᓂᓯᐅ-ᐃᔪᐤ᙮”
\p
\v 17 “ᐊᐅᒄ ᐅᔭ ᐛᒋ ‍ ᓇᔅᒡ ᓴᒋᐃᑦ ᐅᑕᐎᒪᐤ ᓇᔅᒡ ᐊ ‍ ᐱᔅᑎᓂᓱᐅᒡ ᒐᒋ ᓂᐸᐃᑯᐅᒡ ᒐᒋ ᐅᒋ ‍ ᒥᓐ ᐱᒪᑎᓯᐅᒡ᙮
\v 18 ᓇᒪ ᐊᐛᓐ ᓂᑭ ᒋ ‍ ᓂᐸᐃᒄ ᒧᔭᒻ ᐊᔅᒄ ᐊᑲ ᐅᑎᒋᐱᔨᒡ ᑕᓐᑕ ᒐ ‍ ᐱᔅᑎᓂᓱᐅᒡ ᒐᒋ ᓂᐸᐃᑯᐅᒡ᙮ ᓂᒋ ‍ ᒥᔨᑯᐅᓐ ᓱᐧᑲᑎᓯᐅᓐ ᒐᒋ ᐱᔅᑎᓂᓱᔭᓐ ᒐᒋ ᓂᐸᐃᑯᐅᔭᓐ ᑭᔭ ᓂᒋ ‍ ᒥᔨᑯᐅᓐ ᓱᐧᑲᑎᓯᐅᓐ ᒥᓐ ᒐᒋ ᐱᒪᑎᓯᔭᓐ᙮ ᓄᑕᐎᔾ ᐅᔭ ᑲ ‍ ᐃᑎᓱᒥᑦ ᒐᒋ ᐃᑐᐅᒡ᙮”
\p
\v 19 ᐊᑯ ᒥᓐ ᒂ ‍ ᑎᐸᓂᐱᔪᔨᒋ ᐊᓂᔭᔪᐛ ᒍᐤ ᐃᔪᐛ ᐃᔅᐱ ᐱᔭᑕᑯᑦ ᐅᔭ ᐊ ‍ ᐃᔅᒋᔄᑦ᙮
\v 20 ᒥᒐᑦ ᒪᒃ ᐊᓐᒡ ᒍᐤ ᐃᔪᒡ ᒋ ‍ ᐃᑕᐅᒡ, “ᒥᒋ ‍ ᐊᒐᒂ ᐱᒋᔅᑲᑯᐤ᙮ ᒋᔎᐤ᙮ ᒐᒂᓐ ᐛᒋ ‍ ᓂᑐᑐᐛᒄ ?”
\p
\v 21 ᑯᑎᑭᒡ ᒋ ‍ ᐃᔅᒋᔄᐅᒡ, “ᓇᒪ ᒋᐸ ᐅᒋ ‍ ᐃᔅᐱᔅ ᒥᔪᑕᑯᓱᐤ ᐊᐛᓐ ᐊ ‍ ᐃᔨᒥᑦ ᐊ ‍ ᐱᒋᔅᑲᑯᑦ ᒥᒋ ‍ ᐊᒐᒂ ᐊ ᐃᔅᐱᔅ ‍ ᒥᔪᑕᑯᓯᑦ ᐅ ᓇᐸᐤ ᐊ ‍ ᐃᔨᒥᑦ᙮ ᑕᓐᑕ ᒋᐸ ᒋ ᐅᒋ ‍ ᐃᓯᓇᑯᓂᔪᐤ ᐊᐛᓐ ᐊ ‍ ᐱᒋᔅᑲᑯᑦ ᒥᒋ ‍ ᐊᒐᒂ ᒐᒋ ᐃᑐᑐᐛᑦ ᐊᐛᔪᐛ ᐊᑲ ᐛᐸᑎᒥᔨᒋ ᒐᒋ ᐛᐸᑎᒥᔨᒋ ᐊᑯ ?”
\s1 ᒋᓴᔅ ᐊᑲ ᑕᑈᔭᔨᒥᑯᑦ ᐊᓂᔭᔪᐛ ᒍᐤ ᐃᔪᐛ ᐊ ‍ ᐊᐎᔨᑦ ᙭
\s2 John 10.22-30 (Easter-4 Year C)
\p
\v 22 ᒪᒂᒡ ᒋ ‍ ᐱᐳᓐ ᐊᓐᑕ ᒋᕈᓯᓕᒥᒡ, ᒋ ᐊᑎ ‍ ᐅᑎᒋᐱᔪᐤ ᒪᒃ ᐊᓐᑕ ᐊᓯᑯᒻ ᐱᐳᓇ ᑲᒋ ‍ ᒥᑯᓴᒡ ᐊ ‍ ᒋᔅᒋᓯᒡ ᐊᓐᒡ ᒍᐤ ᐃᔪᒡ ᐊᓐᑕ ᑲ ‍ ᒋᔅᒋᓄᐛᒋᑕᑭᓄᔨᒡ ᐅᒋᓴᐊᔭᒥᐊᐅᒋᐛᐳᐛᐤ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᒋᔅᒋᓄᐛᒋᐃᐛᐤ ᒥᑯᓴᐅᓐ ᒋ ‍ ᐃᓯᓂᐧᑲᑕᒧᒡ ᐅᔭ ᐊ ‍ ᒥᑯᓴᒡ᙮
\v 23 ᒋᓴᔅ ᒪᒃ ᒪᒂᒡ ᒋ ‍ ᐱᐸᒧᑕᐤ ᐊᓐᑕ ᐱᑐᔎᒡ, ᓴᓚᒥᓐ ᐅᐱᑐᔎᒡ ᑲ ‍ ᐃᓯᓂᐧᑲᑕᔨᒡ᙮
\v 24 ᐊᑯ ᒂ ᐸᒋ ‍ ᐛᔅᑲᑲᐳᔅᑕᑯᑦ ᒍᐤ ᐃᔪᐛ᙮ ᐊᑯ ᒂ ‍ ᐃᑎᑯᑦ, “ᑕᐃᔅᐱ ᐊᑯ ᒐ ‍ ᒥᔨᔭᒡ ᒐᒋ ᒋᔅᒐᔨᒥᑕᒡ ᐊᐛᓐ ᒋᔾ ? ᑯᐃᔅᒄ ᒪ ᐸᒋ ‍ ᐎᑎᒧᐅᓇᓐ, ᐊᐛ ᒋᔾ ᙭ ᐊᓐ ᒋᓴᒪᓂᑐᐛ ᑲ ᐸᒋ ‍ ᐃᑎᓴᐅᑯᑦ ?”
\p
\v 25 ᐊᑯ ᒋᓴᔅ ᓇᔎᐅᓯᐊᑦ, “ᓴᔅ ᑯᐃᔅᒄ ᔅᒋ ‍ ᐎᑎᒪᑎᓇᐛᐤ ᓇᒪ ᒪᒃ ᒋ ᐅᒋ ᐎ ‍ ᑕᑈᑐᐅᓇᐛᐤ᙮ ᐊᓂᔭ ᒥᓯᐛ ᑲ ᐃᓯ ᐸᒋ ‍ ᒥᔨᑦ ᓄᑕᐎᔾ ᒐᒋ ᐃᓯ ‍ ᒪᒥᔅᑲᒡ ᐃᑐᒡ ᓇᓂᑎᒻ ᐅᑕ ᐊ ‍ ᑕᔭᒄ ᐊᑯᑕ ᐊ ‍ ᓄᒂᒡ ᐊᐛᓐ ᐊ ‍ ᐊᐎᔭᓐ᙮
\v 26 ᒋᔨᐛᐤ ᒪᒃ ᐎ ᓇᒪ ᒋᑭ ᐅᒋ ‍ ᑕᑈᑐᐅᓇᐛᐤ ᐛᔅ ᑕᐸ ᐊᓐᑕ ᓂᒪᔭᑕᓂᓯᒥᒡ ᐊ ‍ ᑕᒡ ᒋ ᐊᑎ ᐃᓯ ‍ ᐎᒋᐃᐛᓇᐛᐤ᙮
\v 27 ᓂᑐᑎᒧᒡ ᓂᐸᑕᑯᓱᐅᓂᔪᐤ ᓂᒪᔭᑕᓂᓯᒥᒡ᙮ ᑭᔭ ᓂ ‍ ᒋᔅᒐᔨᒪᐅᒡ, ᑭᔭ ᐱᔭᒋ ‍ ᓇᓴᐅᒡ᙮
\v 28 ᓂ ‍ ᒥᔭᐅᒡ ᑲᒋᒡ ᐱᒪᑎᓯᐅᓂᔪᐤ, ᓇᒪ ᒪᒃ ᓂᑕ ᒋᑭ ᐅᒋ ‍ ᓂᓱᐅᓇᑎᓯᐅᒡ᙮ ᑭᔭ ᓇᒪ ᐊᐛᓐ ᓂᑭ ᒋ ‍ ᒥᔅᑭᒧᒄ ᐊ ‍ ᑕᐧᑯᓂᒥᒋ᙮
\v 29 ᓄᑕᐎᔾ, ᐊᓐ ᑲ ᐸᒋ ‍ ᒥᔨᑦ ᐅᔭ ᒪᔭᑕᓂᓴ, ᐊᐅᒄ ᒪᐅᒡ ᒐᔅᑕᔨᑕᑯᓯᑦ᙮ ᓇᒪ ᒪᒃ ᐊᐛᔪᐛ ᑕᔪᐛ ᒐᒋ ᒥᔅᑭᒥᑯᑦ ᐅᔭ ᒪᔭᑕᓂᓴ ᐊ ‍ ᑕᐧᑯᓇᑦ᙮
\v 30 ᓂᔾ ᑭᔭ ᓄᑕᐎᔾ ᓂ ‍ ᐸᐃᑯᐅᓇᓐ᙮”
\p
\v 31 ᐊᑯ ᐊᓐᒡ ᒍᐤ ᐃᔪᒡ ᑲ ᐅᒋ ‍ ᐅᑎᓇᒡ ᐊᓯᓂᔭ ᒥᓐ ᐊ ᐎ ‍ ᐱᒧᓯᓇᑕᐛᒡ ᒋᓴᓴ ᐊ ᐎ ‍ ᓂᐸᐊᒡ᙮
\v 32 ᐊᑯ ᒋᓴᔅ ᒂ ‍ ᐃᑕᑦ, “ᒥᒐᑥᐤ ᔅᒋ ‍ ᐛᐸᑕᓇᐛᐤ ᑕᓐ ᑲ ᐃᔅᐱᔅ ‍ ᒋ ‍ ᒥᔪᑐᑎᒪᑎᑯᒡ᙮ ᓂᓇᐧᑯᐤ ᔅᒋ ‍ ᓄᑯᑥᑎᓇᐛᐤ ᒥᔪᑐᑎᒪᒐᐅᓇ ᒋᓴᒪᓂᑐᐤ ᐊᒋ ᐸᒋ ‍ ᒥᔨᑦ ᒐᒋ ᐛᐸᑎᔨᑎᑯᒡ᙮ ᑕᓐ ᐊᓐ ᑲ ‍ ᐃᑐᑎᒪᓐ ᐛᒋ ᐎ ‍ ᐱᒧᓯᓇᑕᐅᔭᒄ ?”
\p
\v 33 ᒋ ‍ ᐃᑎᑯᐤ ᒪᒃ ᐊ ᐃᓯ ‍ ᐎᑎᒪᑯᑦ, “ᓇᒪᔭᐤ ᐎ ᒥᔪᑐᑎᒪᒐᐅᓐ ᐛᒋ ᐎ ‍ ᐱᒧᓯᓇᑕᐅᑕᒡ, ᒋ ‍ ᐸᔅᑕᒧᓐ ᐊᐅᒄ ᐛᒋ ᐎ ‍ ᓂᐸᐃᑕᒡ᙮ ᒋᑦ ᐃᔅᒋᔄᓐ ᐊ ‍ ᒋᓴᒪᓂᑐᐎᔨᓐ ᒥᒄ ᒪᒃ ᐊ ‍ ᓇᐸᐎᔨᓐ᙮”
\p
\v 34 ᐊᑯ ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ‍ ᐃᑕᑯᐱᓇ ᒋᓴᒪᓂᑐᐤ ᐊᓂᔭ ᑲ ‍ ᒥᔭᑦ ᒐᒋ ᑎᐸᔅᑯᓂᒐᔨᒋ,
\q ᓂᒋ ‍ ᐃᔅᒋᔄᓐ, ‘ᒥᓂᑐᐅᒡ ᒋᔨᐛᐤ᙮’
\m
\v 35 ᒋ ‍ ᒋᔅᒐᔨᑕᓇᓄᐤ ᑲᒋᒡ ᐊ ‍ ᑕᑈᒥᑲᒡ ᑕᓐ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮ ᒥᓂᑐᐅᒡ ᒋ ‍ ᐃᓯᓂᐧᑲᑕᐤ ᒋᓴᒪᓂᑐᐤ ᐊᓂᔭᔪᐛ ᑲ ‍ ᒥᔭᑭᓄᔨᒋ ᐅᑦ ᐃᔨᒧᐅᓐ᙮
\v 36 ᓂᔾ ᒪᒃ, ᐅᑕᐎᒪᐤ ᓂᒋ ‍ ᐅᑎᓂᒄ ᑭᔭ ᓂᒋ ᐸᒋ ‍ ᐃᑎᓴᐅᒄ ᐅᑕ ᐊᔅᒋᒡ᙮ ᑕᓐᑕ ᒐᒋ ᐅᒋ ‍ ᐃᔅᒋᔄᔭᒄ ᐊ ‍ ᐸᔅᑕᒧᔭᓐ ᐊ ‍ ᐃᔅᒋᔄᔭᓐ, ᐊᐅᒄ ᓂᔾ ᒋᓴᒪᓂᑐᐤ ᐅᑯᓴ ?
\v 37 ᐊᑲ ᐊ ‍ ᐃᑐᑎᒧᐛᐅᒐ ᐊᓂᔭ ᑲ ᐃᓯ ‍ ᓂᑐᐛᔨᒥᑦ ᓄᑕᐎᔾ ᒐᒋ ᐃᑐᑎᒧᒡ ᐊᑯ ᑭᑈ ᓇᒪ ᑎᑯᓐ ᒐᒋ ᑕᑈᔭᔨᒥᔭᒄ ᒋᓴᒪᓂᑐᐤ ᐅᑯᓴ ᐊ ‍ ᐊᐎᔭᓐ᙮
\v 38 ᐊᑎ ᐊᑲ ᐎ ᑕᑈᔭᔨᒥᔭᒄ ᐊ ‍ ᐃᔅᒋᔄᔭᓐ ᒋᓴᒪᓂᑐᐤ ᐅᑯᓴ ᐊ ‍ ᐊᐎᔭᓐ ᓇᔅᒡ ᒋᐸ ‍ ᒐᔅᑎᓇᑕᔨᑎᒥᐃᑯᓇᐛᐤ ᐊ ‍ ᐱᒋᔅᑯᐅᑦ ᐅᑕᐎᒪᐤ ᑭᔭ ᓂᔾ ᒪᒃ ᐊ ‍ ᐱᒋᔅᑯᐅᒃ ᐊᓐ ᐅᒋ ᐊ ‍ ᒪᒥᔅᑲᒡ ᐃᑎᔭᓐ᙮”
\p
\v 39 ᐃᔅᐱ ᒪᒃ ᑲ ‍ ᐃᔅᒋᔄᑦ ᒋᓴᔅ ᐅᔭ ᐊᑯ ᒥᓐ ᒂ ᐎ ‍ ᒪᑯᓂᑯᑦ ᐊᓂᔭ ᒍᐤ ᐃᔪᐛ, ᒥᒄ ᒪᒃ ᓴᔅ ᒋ ‍ ᔅᑐᑕᐤ᙮
\p
\v 40 ᐊᑯ ᒋᓴᔅ ᒥᓐ ᑲᐤ ᒂ ‍ ᐊᓱᑲᒪᐊᐧᒃ ᐊᓂᔭ ᒠᕐᑕᓐ ᓯᐱᔪᐤ᙮ ᐊᓐᑕ ᑲᒋ ‍ ᓯᑲᐃᑕᒐᔨᒡ ᒠᓇ ᐊᑯᑕ ᑲ ‍ ᐃᑐᑕᑦ᙮ ᐊᑯᑕ ᐊᓐᑕ ᑲ ‍ ᑕᑦ᙮
\v 41 ᒥᒐᑐᐤ ᒪᒃ ᐊᐛᔪᐛ ᒋ ᐸᒋ ‍ ᓂᑐᐛᐱᒥᑯᐤ ᑲ ‍ ᐃᔅᒋᔄᔨᒋ, “ᓇᒪ ᓂᑕ ᐅᒋ ᒪᒥᔅᑲᒡ ᐃᑐᑎᒻ ᒠᓐ, ᒥᒄ ᒪᒃ ᒥᓯᐛ ᑕᑈᒥᑭᓂᔪᐤ ᑕᓐ ᑲ ‍ ᐃᑕᒋᒪᑦ ᐅᔭ ᓇᐸᐛ᙮”
\v 42 ᒥᒐᑐᐤ ᒪᒃ ᐊᐛᔪᐛ ᒋ ‍ ᑕᑈᔭᔨᒥᑯᐤ ᒋᓴᔅ ᐊᓐᑕ ᑲ ‍ ᑕᔨᒋ᙮
\c 11
\s1 ᓚᓴᕋᔅ ᑲ ‍ ᐳᓂᐱᒪᑎᓯᑦ
\s2 John 11.1-45 (Lent-5 Year A)
\p
\v 1 ᒋ ‍ ᑕᐤ ᓇᐸᐤ ᓚᓴᕋᔅ ᐊ ‍ ᐃᓯᓂᐧᑲᓱᑦ, ᐊᒋ ᒥᔅᑎ ‍ ᐊᐧᑯᓯᑦ᙮ ᐊᓐᑕ ᐸᑕᓂ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ‍ ᐎᒍᐤ᙮ ᐎᐧᑲᓂᓴ ᒪᕆᒋ ᑭᔭ ᒪᕐᑕᔨᒋ ᒋ ‍ ᐎᒋᒥᑯᐤ᙮
\v 2 ᐊᐅᑯᐤ ᒪᕆ ᑲ ‍ ᑯᑎᐱᓂᒺᑦ ᑲ ‍ ᐎᒋᒪᑯᐅᓂᔨᒡ ᐅᑎᐸᔨᒋᒐᐛ ᐅᓯᑎᔨᒡ ᑭᔭ ᐅᐱᔎᐅᓇ ᑲ ‍ ᐊᐱᒋᑕᑦ ᐊ ‍ ᑲᓯᐊᒺᑦ ᐅᓯᑎᔪᐛ᙮ ᐊᐅᑯᐤ ᐃᔎᐤ ᐎᐧᑲᓂᓴ ᓚᓴᕋᓴ ᑲ ‍ ᐊᐧᑯᓯᔨᒋ᙮
\v 3 ᓚᓴᕋᔅ ᒪᒃ ᐎᐧᑲᓂᓴ ᒋ ‍ ᓂᑐᐛᔨᑎᒥᔪᐛ ᒐᒋ ᐎᑎᒧᐛᑭᓄᔨᒋ ᒋᓴᓴ ᐊ ‍ ᐊᐧᑯᓯᔨᒋ ᐊᓂᔭᔪᐛ ᐅᐎᒐᐛᑭᓇ ᑲ ‍ ᓴᒋᐊᑦ᙮
\p
\v 4 ᐃᔅᐱ ᒪᒃ ᒋᓴᔅ ᐱᔭᑕᐧᒃ ᐅᔭ ᒋ ‍ ᐃᑕᐤ, “ᐊᑎ ᐊᓂᔭ ᓇᔅᒡ ᐊ ‍ ᐊᐧᑯᓯᑦ ᓇᒪ ᒋᑭ ᐅᒋ ‍ ᐳᓂᐱᒪᑎᓯᐤ᙮ ᐃᔅᐱᔪᐤ ᐅ ᒐᒋ ᓄᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᑭᔭ ᐊᑯᑕ ᒐ ᐅᒋ ‍ ᒋᔅᑕᔨᑕᑯᐊᑭᓄᔨᒋ ᒋᓴᒪᓂᑐᐤ ᐅᑯᓴ᙮”
\p
\v 5 ᒋᓴᔅ ᒋ ‍ ᓴᒋᐊᐤ ᐊᓂᔭ ᒪᕐᑕᔨᒋ ᑭᔭ ᐊᓂᔭᔪᐛ ᐎᐧᑲᓂᓯᔪᐛ ᑭᔭ ᐊᓂᔭᔪᐛ ᓚᓴᕋᓴ᙮
\v 6 ᐃᔅᐱ ᒪᒃ ᑲ ‍ ᐎᑎᒧᐛᑭᓄᐅᑦ ᐊ ‍ ᐊᐧᑯᓯᔨᒋ ᓚᓴᕋᓴ ᐃᔭᐱᒡ ᒥᓐ ᓂᓱ ᒋᓯᑲᐛ ᒋ ‍ ᑕᐤ ᐊᓐᑕ ᐊᓂᔭ ᐅᑕᓇᔪᐤ ᑲ ‍ ᑕᑦ᙮
\v 7 ᐊᑯ ᒂ ‍ ᐃᑕᑦ ᐅᒋᔅᒋᓄᐊᒧᐛᑭᓇ, “ᐃᑐᑕᑕᐤ ᒥᓐ ᓇᑕ ᒍᑎᔭ ᐊᔅᒋᒡ᙮”
\p
\v 8 ᒋ ‍ ᐃᑎᑯᐤ ᒪᒃ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᒋᔅᑯᑎᒪᒐᓱᐤ, ᓇᒪ ᐛᔅᑭᒡ ᑲ ᐎ ‍ ᓂᐸᐃᔅᒡ ᐊ ᐎ ‍ ᐸᐱᐳᒧᓯᓇᑕᐅᔅᒡ ᐊᓐᒡ ᒍᐤ ᐃᔪᒡ ᐃᔭᐱᒡ ᒪᒃ ᒥᓐ ᑲᐤ ᒋ ᐎ ‍ ᐃᑐᑕᓐ ᐊᓐᑕ᙮”
\p
\v 9 ᐊᑯ ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᓂᓱᓴᑉ ᑎᐸᐃᑭᓇ ᑎᑯᓐ ᐸᐃᒂᐤ ᐊ ‍ ᒋᓯᑲᒡ᙮ ᐊᐛᓐ ᐱᒧᑕᒐ ᐊ ‍ ᒋᓯᑲᔨᒡ ᓇᒪ ᒋᑭ ᐅᒋ ‍ ᐸᒋᓯᓄᐤ ᐛᔅ ᐛᐸᑎᒻ ᐊᓂᔭ ᐛᔅᑕᐅᓂᔪᐤ ᐅᑕ ᐊᔅᒋᒡ ᑲ ‍ ᑎᑯᓂᔨᒡ᙮
\v 10 ᐱᒧᑕᒐ ᐊᐛᓐ ᐊ ‍ ᑎᐱᔅᑲᔨᒡ ᒋᑭ ‍ ᐸᒋᓯᓄᐤ ᐛᔅ ᓇᒪ ᑎᑯᓂᔪᐤ ᐛᔅᑕᐅᓂᔪᐤ ᐊᓐᑕ ᐊ ‍ ᑕᑦ᙮”
\v 11 ᐊᐅᒄ ᐅᔭ ᑲ ‍ ᐃᔅᒋᔄᑦ ᒋᓴᔅ ᐊᑯ ᒥᓐ ᒂ ᐊᑎ ‍ ᐃᔅᒋᔄᑦ, “ᓴᔅ ᓂᐸᐤ ᒋ ‍ ᐎᒐᐛᑭᓄᐤ ᓚᓴᕋᔅ᙮ ᓂᑭ ‍ ᐸᑯᓇᐤ᙮”
\p
\v 12 ᒋ ‍ ᐃᑎᑯᐤ ᒪᒃ ᐅᒋᔅᒋᓄᐊᒧᐛᑭᓇ, “ᐅᑎᐸᔨᒋᒐᐤ, ᓇᐸᒂ, ᒥᓐ ᐛᔅ ᐊᓐ ᒋᑭ ᒥᔪ ‍ ᐱᒪᑎᓯᐤ᙮”
\p
\v 13 ᒋᓴᔅ ᒪᒃ ᓴᔅ ᒋ ‍ ᒋᔅᒐᔨᑎᒻ ᓚᓴᕋᓴ ᐊᒋ ‍ ᐳᓂᐱᒪᑎᓯᔨᒋ ᒥᒄ ᒪᒃ ᐅᒋᔅᒋᓄᐊᒧᐛᑭᓇ ᓇᒪ ᐅᒋ ᒋᔅᒐᔨᑎᒥᔪᐛ ᐅᔭ ᐊᑯ ᒂ ‍ ᐃᑕᔨᒪᒡ ᒋᓴᓴ ᓂᐸᐤ ᐊ ‍ ᐃᑕᔨᒪᔨᒋ ᐊᓂᔭᔪᐛ ᓚᓴᕋᓴ᙮
\v 14 ᐊᑯ ᒋᓴᔅ ᑯᐃᔅᒄ ᒂ ‍ ᐎᑎᒺᑦ ᐊ ‍ ᐃᑕᑦ, “ᓴᔅ ᓇᒪ ᐱᒪᑎᓯᐤ ᓚᓴᕋᔅ᙮
\v 15 ᓂ ‍ ᒥᔽᔨᑕᓐ ᐊᑲ ᐅᒋ ᑕᔭᓐ ᒪᒂᒡ ᐊᑲ ᒥᔪᐱᔨᑦ ᓚᓴᕋᔅ ᑭᔭ ᒐ ‍ ᓇᐃᐱᔨᒡ ᒐᒋ ᑕᑈᔭᔨᒥᔭᒄ᙮ ᒪᒋᒄ ᔅᑐᑕᑕᐤ ᓂᑐᐛᐱᒪᑕᐤ᙮”
\p
\v 16 ᑥᒥᔅ, ᐸᐃᒄ ᐊᓐ ᑲ ‍ ᓂᓯᒡ ᐎᐧᑲᓂᓴ ᑲ ‍ ᐃᓯᓂᐧᑲᑕᑭᓄᐅᑦ, ᒋ ‍ ᐃᑕᐤ ᐊᓂᔭᔪᐤ ᐎᒋ ‍ ᒋᔅᒋᓄᐊᒧᐛᑭᓇ, “ᒥᓯᐛ ᐊᑯᔅ ᐊ ‍ ᑎᓯᔭᐧᒄ ᐎᒐᐛᑕᐤ ᒋᓴᔅ ᑭᔭ ᒋᔭᓄᐤ ᒐᒋ ᓂᐸᐃᑯᐅᔭᐧᒄ ᓂᐸᐊᑭᓄᒐ᙮”
\s1 ᒋᓴᔅ ᐊᐅᒄ ᐅᓂᔅᑲᓄᐛᐤ ᓂᐳᐅᓂᒡ ᐅᒡ ᑭᔭ ᐎᔾ ᐊᐅᒄ ᐅᐱᒪᒋᐃᐛᐤ
\p
\v 17 ᐃᔅᐱ ᒪᒃ ᒋᓴᔅ ᑕᑯᓯᓐᑦ ᐊᓐᑕ ᒋ ‍ ᐎᑎᒧᐛᑭᓄᐤ ᓴᔅ ᓇᐤ ᒋᓯᑲᐛ ᐊᒋ ‍ ᐃᔅᐱᔅ ᐊᐃᐧᑯᐛᑭᓄᔨᒋ ᓚᓴᕋᓴ᙮
\v 18 ᐊᓐ ᒪᒃ ᐅᑕᓇᐤ ᐸᑕᓂ ᑲ ‍ ᐃᓯᓂᐧᑲᑕᒡ ᒥᒋᒪ ᒋᕈᓯᓕᒥᒡ ᒋ ‍ ᑎᑯᓐ, ᓴᓯᑲᓐ ᓂᓱ ᐊᔅᐱᓴᒡ ᒋ ‍ ᐃᔅᐱᓯᓇᑯᓐ ᐊᓐᑕ ᒋᕈᓯᓕᒥᒡ ᐅᒡ᙮
\v 19 ᒥᒐᑦ ᒪᒃ ᒍᐤ ᐃᔪᒡ ᒋ ᐸᒋ ‍ ᓂᑐᐛᐱᒪᐅᒡ ᒪᕐᑕᔨᒋ ᑭᔭ ᒪᕆᔨᒋ ᐊ ᐸᒋ ‍ ᒥᔽᔨᒧᐛᐊᒡ ᐊᓂᔭ ᐎᐧᑲᓂᓯᔪᐛ ᐊᒋ ‍ ᐳᓂᐱᒪᑎᓯᔨᒋ᙮
\p
\v 20 ᐃᔅᐱ ᒪᒃ ᒪᕐᑕ ᐱᔭᑕᐧᒃ ᒋᓴᓴ ᐊ ‍ ᑎᑯᓯᓂᔨᒋ ᒋ ‍ ᐎᐎᔪᐤ ᒐᒋ ᓂᒋᔅᑯᐛᑦ, ᐊᑯ ᐎᔾ ᒪᕆ ᐊᑯᑕ ᐊᓐᑕ ᐊ ‍ ᑕᒡ ᑲ ‍ ᑕᑦ᙮
\v 21 ᐊᑯ ᒪᕐᑕ ᒂ ‍ ᐃᑕᑦ ᐊᓂᔭᔪᐛ ᒋᓴᓴ, “ᐅᑎᐸᔨᒋᒐᐤ, ᓴᔅ ᐅᑕ ᒋ ‍ ᑕᔨᓇᒂ ᓇᒪ ᒋᐸ ᐅᒋ ‍ ᐳᓂᐱᒪᑎᓯᐱᓐ ᓂᐧᑲᓂᔅ᙮
\v 22 ᒥᒄ ᒪᒃ ᓂ ‍ ᒋᔅᒐᔨᑕᓐ ᒋᓴᒪᓂᑐᐤ ᒐ ‍ ᐃᑐᑎᒪᔅᒃ ᒥᒄ ᑕᓐ ᒐ ᐃᓯ ‍ ᓂᑐᑎᒧᐛᐅᑕ᙮”
\v 23 ᒋᓴᔅ ᒪᒃ ᒋ ‍ ᐃᑕᐤ ᐊᓂᔭᔪᐛ ᒪᕐᑕᔨᒋ, “ᒥᓐ ᒋᑭ ‍ ᐱᒪᑎᓯᐤ ᒋᐧᑲᓂᔅ᙮”
\p
\v 24 “ᓂ ‍ ᒋᔅᒐᔨᑕᓐ ᑕᑈ ᒥᓐ ᒐ ‍ ᐅᓂᔅᑲᑦ ᒪᔅᑕᔾ ᒋᓯᑲᔨᒐ,” ᒋ ‍ ᐃᑕᐤ ᒪᕐᑕ᙮
\p
\v 25 ᒋᓴᔅ ᒂ ‍ ᐃᑕᑦ, “ᐊᐅᒄ ᓂᔾ ᑲ ‍ ᐅᓂᔅᑲᓇᑦ ᐊᐛᔪᐛ ᐊᒋ ‍ ᓂᐱᔨᒋ ᑭᔭ ᑲ ‍ ᒥᔨᐛᑦ ᐱᒪᑎᓯᐅᓂᔪᐤ᙮ ᐊᐛᓐ ᒐ ᐸᒋ ‍ ᑕᑈᔭᔨᒧᒂ ᒋᑭ ‍ ᐱᒪᑎᓯᐤ ᐊᑎ ᐊᒋ ‍ ᓂᐱᑦ᙮
\v 26 ᐊᓐ ᐊᐛᓐ ᑲ ‍ ᐱᒪᑎᓯᑦ ᐊ ᐸᒋ ‍ ᑕᑈᔭᔨᒥᑦ ᓇᒪ ᓂᑕ ᒋᑭ ‍ ᐳᓂᐱᒪᑎᓯᐤ᙮ ᒋ ‍ ᑕᑈᑕᓐ ᐊ ᐅ ᑲ ‍ ᐃᑎᑕᓐ ?”
\p
\v 27 “ᓂᐦᐃ, ᐅᑎᐸᔨᒋᒐᐤ,” ᒋ ‍ ᐃᑕᐤ ᒪᕐᑕ᙮ “ᓂ ‍ ᑕᑈᑕᓐ ᒋᔾ ᐊ ‍ ᐊᐎᔨᓐ ᐊᓂᔭ ᒋᓴᒪᓂᑐᐤ ᑲ ᐸᒋ ‍ ᐃᑎᓴᐛᑦ, ᑭᔭ ᒋᔾ ᐊ ‍ ᐊᐎᔨᓐ ᒋᓴᒪᓂᑐᐤ ᐅᑯᓴ, ᐊᓂᔭ ᑲ ‍ ᐃᔅᒋᔄᑦ ᒐᔅᑎᓇᔅ ᒐ ‍ ᑎᑯᓯᓂᔨᒋ ᐅᑕ ᐊᔅᒋᒡ᙮”
\s1 ᒋᓴᔅ ᑭᔭ ᐎᔾ ᑲ ‍ ᒪᑦ
\p
\v 28 ᐃᔅᐱ ᒪᕐᑕ ᑲ ‍ ᐃᔅᒋᔄᑦ ᐅᔭ ᒋ ‍ ᓂᑐᐛᐱᒪᐤ ᐎᐧᑲᓂᓴ ᒪᕆᔨᒋ ᐊᑯ ᒂ ‍ ᐃᑕᑦ ᐸᐧᑲᒡ ᐊ ‍ ᐃᔨᒥᑦ, “ᒋᔅᑯᑎᒪᒐᓱᐤ ᑕᐤ ᐅᑕ᙮ ᒋ ‍ ᐎᓴᒧᒄ᙮”
\v 29 ᐃᔅᐱ ᐱᔭᑕᐧᒃ ᒪᕆ ᐅᔭ ᒋ ‍ ᐱᓯᑯᓯᐱᑕᐤ ᐊᑯ ᒂ ‍ ᐎᐎᑦ ᒐᒋ ᓂᒋᔅᑯᐛᑦ ᒋᓴᓴ᙮
\v 30 ᒥᒄ ᒪᒃ ᐊᔅᒄ ᓇᒪ ᐅᒋ ᑎᑯᓯᓄᐤ ᒋᓴᔅ ᐊᓐᑕ ᐊᓂᔭ ᐅᑕᓇᔪᐤ, ᐊᓐᑕ ᑲ ‍ ᓂᒋᐃᑯᑦ ᒪᕐᑕᔨᒋ ᐊᔅᒄ ᐊᑯᑕ ᑲ ᐸᒋ ‍ ᑕᑦ ᒋᓴᔅ᙮
\v 31 ᐊᓐᒡ ᒪᒃ ᒍᐤ ᐃᔪᒡ ᑲ ‍ ᐎᑎᐱᒪᒡ ᒪᕆᔨᒋ ᐊ ᐎ ‍ ᒥᔽᔨᒧᐛᐊᒡ ᒋ ‍ ᓇᓴᐛᐅᒡ ᐃᔅᐱ ᐎᔭᐱᒪᒡ ᓇᔅᒡ ᐊ ‍ ᔭᓯᒋᐱᔪᐅᔨᒋ ᐊ ᐊᑎ ‍ ᐎᐎᔨᒋ ᐛᔅ ᒋ ‍ ᐃᑕᔨᑎᒧᒡ ᐊᓐᑕ ᐊᓂᔭ ᑲ ‍ ᐱᒥᓯᒪᑭᓄᔨᒋ ᐎᐧᑲᓂᓯᔪᐛ ᐊᑯᑕ ᐊ ‍ ᐃᑐᑕᔨᒋ ᒐᒋ ᒪᔨᒋ᙮
\p
\v 32 ᐃᔅᐱ ᒪᒃ ᒪᕆ ᑕᑯᓯᐧᒃ ᐊᓐᑕ ᒋᓴᓴ ᑲ ‍ ᑕᔨᒋ ᐎᔭᐱᒪᑦ ᒪᒃ ᒋ ‍ ᐅᒋᒋᐧᑯᓂᐱᔪᐤ ᐊᓐᑕ ᐅᓯᑎᔨᒡ, ᐊ ‍ ᐃᑕᑦ, “ᐅᑎᐸᔨᒋᒐᐤ, ᓴᔅ ᒋ ‍ ᑕᔨᓇᒂ ᓇᒪ ᒋᐸ ᐅᒋ ‍ ᐳᓂᐱᒪᑎᓯᐱᓐ ᓂᐧᑲᓂᔅ᙮”
\p
\v 33 ᐃᔅᐱ ᒋᓴᔅ ᐎᔭᐱᒪᑦ ᒪᕆᔨᒋ ᐊ ‍ ᒪᔨᒋ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ᐸᒋ ‍ ᐎᒐᐅᑯᔨᒋ ᐊ ‍ ᒪᔨᒋ ᓇᔅᒡ ᒋ ‍ ᒋᔅᑎᒪᓯᑐᐛᐤ ᐊᔪᐤ ᒪᒃ ᓇᔅᒡ ᒋ ‍ ᒥᓯᒥᑕᐊᐤ᙮
\v 34 ᐊᑯ ᒂ ‍ ᐃᔅᒋᔄᑦ, “ᑕᓐᑕ ᑲ ‍ ᓇᐃᐧᑯᐛᑭᓄᐅᑦ ?” “ᐊᔅᑎᒻ ᐅᑎᐸᔨᒋᒐᐤ ᐸᒋ ‍ ᐛᐸᑕ,” ᒋ ‍ ᐃᑎᑯᐤ᙮
\p
\v 35 ᒋ ‍ ᒪᐤ ᒋᓴᔅ᙮
\v 36 ᐊᑯ ᐊᓐᒡ ᒍᐤ ᐃᔪᒡ ᒂ ‍ ᐃᔅᒋᔄᒡ, “ᑕᑈ ᒋ ‍ ᓴᒋᐊᑯᐱᓐ ᐊᓂᔭᔪᐛ ᓚᓴᕋᓴ᙮”
\p
\v 37 ᒋ ‍ ᑕᐅᒡ ᒪᒃ ᐸᔅᒐ ᐊ ‍ ᐃᔅᒋᔄᒡ, “ᒋ ‍ ᐃᑐᑐᐛᐤ ᐊᓂᔭ ᐊᑲ ᐛᐸᑎᒥᔨᒋ ᓇᐸᐛ ᒐᒋ ᐛᐸᑎᒥᔨᒋ᙮ ᑕᓐᑕ ᐛᒋ ᐊᑲ ᐅᒋ ᐃᑐᑐᐛᑦ ᓚᓴᕋᓴ ᒐ ᐊᑲ ᒋ ᓂᐱᔨᒋ ?”
\s1 ᒋᓴᔅ ᑲ ‍ ᐅᓂᔅᑲᓇᑦ ᓚᓴᕋᓴ ᓂᐳᐅᓂᒡ ᐅᒋ
\p
\v 38 ᒋᓴᔅ ᒪᒃ ᒥᓐ ᒋ ‍ ᒧᓯᑕᐤ ᓇᔅᒡ ᐊ ‍ ᒥᓯᒥᑕᐊᑦ᙮ ᐊᑯ ᒂ ‍ ᐃᑐᑕᑦ ᐊᓐᑕ ᐊᓂᔭ ᑲ ‍ ᐛᑎᒂᐱᔅᑲᐃᑭᓄᐎᒡ ᐊᓐᑕ ᑲ ‍ ᐱᒥᓯᒪᑭᓄᔨᒋ ᓚᓴᕋᓴ, ᒋ ‍ ᒋᐱᑲᐳᐊᑭᓄᐃᑯᐱᓇᓂ ᐊ ‍ ᒥᓯᑎᔨᒋ ᐊᓯᓂᔾ ᐊᓐᑕ ᐊ ᐅᒋ ‍ ᐱᒐᓄᐎᒡ᙮
\v 39 ᒋ ‍ ᐃᔅᒋᔄᐤ ᒋᓴᔅ, “ᐃᒐᑎᑎᐱᓇᐧᒄ ᐊᓐ ᐊᓯᓂᔾ᙮” ᐊᑯ ᒂ ‍ ᐃᔅᒋᔄᑦ ᒪᕐᑕ ᐊᓂᔭ ᓚᓴᕋᔅ ᐎᐧᑲᓂᓴ, “ᐅᑎᐸᔨᒋᒐᐤ, ᓴᔅ ᒋᑭ ‍ ᒥᔭᑯᓐ, ᐛᔅ ᓴᔅ ᓇᐤ ᒋᓯᑲᐛ ᑲ ᐃᔅᐱᔅ ‍ ᓂᐱᑦ᙮”
\p
\v 40 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭ ᒪᕐᑕᔨᒋ, “ᓇᒪᐎᔾ ᐊ ᓴᔅ ᒋ ᐅᒋ ‍ ᐎᑎᒪᑎᓐ, ᑕᑈᑎᒥᓇ ᒐ ‍ ᐛᐸᑎᒧᑦ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ?”
\p
\v 41 ᐊᑯ ᒂ ‍ ᐃᒐᑕᐊᒡ ᐊᓂᔭ ᐊᓯᓂᔭ᙮ ᒋᓴᔅ ᒪᒃ ᐊ ‍ ᑎᔅᑎᓴᐱᑦ ᒋ ‍ ᐃᔅᒋᔄᐤ, “ᓄᑕ, ᒋ ‍ ᓂᓇᔅᑯᒥᑎᓐ ᐊ ᐸᒋ ‍ ᓂᑐᑐᔨᓐ᙮
\v 42 ᓂ ‍ ᒋᔅᒐᔨᑕᓐ ᒧᔅ ᐊ ᐸᒋ ‍ ᓂᑐᑐᔨᓐ, ᒥᒄ ᒪᒃ ᓂᑦ ᐃᔅᒋᔄᓐ ᐅ ᒐᒋ ᑕᑈᑕᒡ ᐅᒡ ᐃᔪᒡ ᒋᔾ ᐊᒋ ᐸᒋ ‍ ᐃᑎᓴᐎᔨᓐ᙮”
\p
\v 43 ᐃᔅᐱ ᒪᒃ ᐅᔭ ᑲ ‍ ᐃᔅᒋᔄᑦ ᒋᓴᔅ ᒋ ‍ ᒋᔄᐛᐤ ᐊ ‍ ᐃᔅᒋᔄᑦ, “ᓚᓴᕋᔅ, ᐸᒋ ‍ ᐎᐎᔾ !”
\v 44 ᒋ ᐸᒋ ‍ ᐎᐎᔪᐤ ᐊᓐ ᓇᐸᐤ ᑲ ‍ ᓂᐱᑦ, ᐅᑎᒋᔭ ᑭᔭ ᐅᓯᑕ ᐊ ‍ ᐎᔎᔭᐸᐧᑲᑕᔨᒋ ᐱᒍᐎᔭᓂᓯᔪᐤ ᑭᔭ ᐊ ‍ ᒪᑯᐱᑕᔨᒡ ᐅᑕᔅᑎᒥᐧᒄ᙮ ᐊᑯ ᒋᓴᔅ ᒂ ‍ ᐃᑕᑦ, “ᐊᐱᐧᑯᓇᐧᒄ, ᒐ ‍ ᐱᔅᑎᓇᒄ᙮”
\s1 ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᑲ ‍ ᐊᔨᒧᑕᒡ ᒐᒋ ᓂᐸᐊᑭᓄᔨᒋ ᒋᓴᓴ᙮
\r ᒪᑎᔪᐤ 26.1-5; ᒪᕐᒃ 14.1,2; ᓗᒃ 22.1,2
\p
\v 45 ᒥᒐᑦ ᒪᒃ ᒍᐤ ᐃᔪᒡ ᑲ ᐸᒋ ‍ ᒧᐱᔅᑐᐛᒡ ᒪᕆᔨᒋ ᒋ ‍ ᐛᐸᑎᒧᒡ ᑕᓐ ᑲ ‍ ᐃᑎᔨᒋ ᒋᓴᓴ ᑭᔭ ᒋ ‍ ᑕᑈᔭᔨᒪᐅᒡ᙮
\v 46 ᐃᔭᐱᒡ ᒪᒃ ᐱᔅᒐ ᒋ ‍ ᓂᑐᐛᐱᒪᐅᒡ ᐊᓂᔭᔪᐛ ᐸᕆᓯᐊ ᐊ ‍ ᐎᑎᒧᐛᒡ ᑕᓐ ᑲ ‍ ᐃᑎᔨᒋ ᒋᓴᓴ᙮
\p
\v 47 ᐊᑯ ᐊᓐᒡ ᐸᕆᓯᔨᒡ ᑭᔭ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᒋ ‍ ᒪᒧᓇᐅᒡ ᑲ ‍ ᐅᒋᒪᐎᔨᒋ ᑲ ‍ ᓂᑲᓂᔅᑯᐛᔨᒋ ᐃᔪᐛ ᐊ ‍ ᐃᑕᒡ, “ᑕᓐ ᒐ ‍ ᐃᑎᔭᐧᒄ ? ᓇᔅᒡ ᒥᒐᑦ ᒪᒥᔅᑲᒡ ᒐᒂᔪᐛ ᐊ ᐃᓯ ‍ ᐃᑐᑕᐧᒃ ᐅ ᓇᐸᐤ᙮
\v 48 ᐱᔅᑎᓂᒂ ᒐᒋ ᐃᑎᑦ ᐅᔭ ᑕᓐ ᐊ ‍ ᐃᑎᑦ ᒥᓯᐛ ᐊᐛᔪᐛ ᒐᒃ ᒋᑭ ‍ ᑕᑈᔭᔨᒥᑯᐤ ᑭᔭ ᐊᓐᒡ ᕈᒻ ᑎᐸᔨᒋᒐᓱᐅᒡ ᒋᑭ ‍ ᓂᓱᐅᓇᒋᑕᐅᒡ ᐊᓐᑕ ᐊᓂᔭ ᒪᐅᒡ ᑲ ‍ ᐸᔭᐧᑭᓂᔨᒡ ᒋᒋᓴᐊᔭᒥᐊᐅᒋᐛᐱᓇᓂᔪᐤ ᑭᔭ ᒥᓯᐛ ᒋᔭᓄᐤ ᒍᐤ ᑲ ‍ ᐃᑎᔅᑲᓇᓯᔭᐧᒄ ᒋᑭ ‍ ᓂᓱᐅᓇᒋᐃᑯᓄᐅᒡ᙮”
\p
\v 49 ᐸᐃᒄ ᒪᒃ ᐊᓐ ᐊᔭᒥᐊᐅᒋᒪᐤ ᑲᔭᐸᔅ ᑲ ‍ ᐃᓯᓂᐧᑲᓱᑦ ᒪᒂᒡ ᑲ ‍ ᒋᓴᐊᔭᒥᐊᐅᒋᒪᐅᑦ ᐊᓂᔭ ᑲ ‍ ᐱᐳᓂᔨᒡ ᒋ ‍ ᐃᑕᐤ, “ᑕᑈ ᓇᒪ ᒋ ‍ ᒋᔅᒐᔨᑕᓇᐛᐤ ᒐᒂᓐ᙮
\v 50 ᓇᒪᐎᔾ ᐊ ᔅᒋ ‍ ᓂᔅᑐᑕᓇᐛᐤ ᐅᔅᑕ ᒐ ‍ ᒥᔪᐱᔭᒄ ᐸᐃᒄ ᓇᐸᐤ ᒐᒋ ᓂᐱᔅᑎᒧᐛᑦ ᐃᔪᐛ ᐃᔅᐱᔅ ᐎᔾ ᒥᓯᐛ ᒋᔭᓄᐤ ᒍᐤ ᑲ ‍ ᐃᑎᔅᑲᓇᓯᔭᐧᒄ ᒐᒋ ᓂᓱᐅᓇᒋᐃᑯᔭᐧᒄ᙮”
\p
\v 51 ᐎᔾ ᒪᒂᒡ ᑲᔭᐸᔅ ᐊᒋ ‍ ᒋᓴᐊᔭᒥᐊᐅᒋᒪᐅᑦ ᐊᓂᔭ ᑲ ‍ ᐱᐳᓂᔨᒡ ᐊᐅᒄ ᐅᔭ ᐛᒋ ‍ ᒥᔨᑯᑦ ᒋᓴᒪᓂᑐᐛ ᐅᔭ ᒐᒋ ᐃᔅᒋᔄᑦ ᐊ ‍ ᒋᔅᒋᐛᐃᒐᑦ, ᒋ ‍ ᐃᑕᐤ ᒋᓴᓴ ᒐ ‍ ᓂᐱᔅᑎᒧᐛᔨᒋ ᒍᐤ ᑲ ‍ ᐃᑎᔅᑲᓇᓯᔨᒋ ᐃᔪᐛ᙮
\v 52 ᒥᒄ ᒪᒃ ᓇᒪ ᒥᒄ ᒍᐤ ᐃᔪᐛ ᒐ ‍ ᓂᐱᔅᑎᒧᐛᔨᒋ, ᒥᓯᐛ ᑭᔭ ᐊᓂᔭᔪᐛ ᒋᓴᒪᓂᑐᐛ ᐅᑦ ᐃᔨᒥᔪᐛ ᑕᑎᐸᓐ ᑲ ‍ ᑕᔨᒋ ᒐ ‍ ᒪᒧᓇᔨᒋ, ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ᙮
\p
\v 53 ᐊᓂᔭ ᒪᒃ ᑲ ‍ ᒋᓯᑲᔨᒡ ᐊᑯᑕ ᑲ ᐅᒋ ‍ ᒋᒋᐱᔨᑕᒡ ᐊ ᓇᓂᑐ  ᒋᔅᒐᔨᑕᒡ ᑕᓐ ᒐ ‍ ᐃᑎᒡ ᒐᒋ ᓂᐸᐊᒡ ᒋᓴᓴ᙮
\p
\v 54 ᐊᔪᐅᒄ ᒪᒃ ᐅᔭ ᐛᒋ ᐊᑲ ᐅᒋ ᑕᑦ ᒋᓴᔅ ᐊᓐᑕ ᐊ ‍ ᒥᒐᑎᓇᓄᐎᒡ ᐊᓐᑕ ᒍᑎᔭ ᐊᔅᒋᒡ, ᒋ ‍ ᔅᑐᑕᐤ ᐊᑯ ᐊᓐᑕ ᐸᐧᑯᑎᔅᑭᒥᑲᒡ ᒥᒋᒪ ᑲ ‍ ᑎᑯᓂᔨᒡ ᐅᑕᓇᔪᐤ ᐃᑉᕋᐃᒻ ᑲ ‍ ᐃᓯᓂᐧᑲᑕᔨᒡ ᐊᑯᑕ ᐊᓐᑕ ᑲ ‍ ᑕᑦ ᑭᔭ ᐅᒋᔅᒋᓄᐊᒧᐛᑭᓐ ᐊᑯᑕ ᑲ ‍ ᑕᔨᒋ᙮
\p
\v 55 ᒋ ‍ ᐸᓱᓇᑯᓐ ᒪᒃ ᐊᓐ ᒍᐤ ᐎᒪᔅᑲᒐᐅ-ᒥᑯᓴᐅᓐ᙮ ᒥᒐᑦ ᐊᐛᓐᒋ ᒋ ᐸᒋ ‍ ᐃᑐᑕᐅᒡ ᒋᕈᓯᓕᒥᒡ ᓂᓇᐧᑯᐤ ᐅᑕᓇᒡ ᐊ ‍ ᐅᑐᑕᒡ ᐊ ᐸᒋ ‍ ᑎᑯᓯᒡ ᒐᒋ ᐃᑐᑕᒡ ᑕᓐ ᑲ ᐃᓯ ‍ ᐎᔅᑕᔨᒡ ᐊᔭᒥᐊᐅ ᐎᓱᐛᐅᓂᒡ ᒋᐸ ‍ ᐃᑐᐅᒡ ᒐᒋ ᐸᔭᒋᓯᒡ᙮
\v 56 ᒥᒐᑦ ᒪᒃ ᐅᒡ ᐃᔪᒡ ᒋ ‍ ᓇᓂᑐᐛᐱᒪᐅᒡ ᒋᓴᓴ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ‍ ᒪᒧᐎᒡ ᐊ ᐃᓯ ‍ ᑯᒂᒋᒥᑐᒡ, “ᑕᓐ ᐊ ‍ ᐃᑕᔨᑎᒥᓐ ᒋᔾ ? ᒋᑭ ᐸᒋ ‍ ᓇᒋ ‍ ᒥᑯᓴᐛ ᐊ ᒋᑦ ᐃᑕᔨᒪᐤ ?”
\v 57 ᐊᓐᒡ ᒪᒃ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐸᕆᓯᔨᒡ ᒋ ‍ ᐃᑎᓱᐛᐅᒡ ᔭᐃᑕᔾ ᐊᐛᔪᐛ ᒐ ‍ ᐎᑎᒥᔨᒋ ᒋᔅᒐᔨᒪᔨᒐ ᑕᓐᑕ ᐊ ‍ ᑕᔨᒋ ᒋᓴᓴ ᒐᒋ ᒪᑯᓇᑭᓄᔨᒋ᙮
\c 12
\s1 ᒋᓴᔅ ᑲ ‍ ᑐᒥᓯᑕᓇᑭᓄᐅᑦ ᐊᓐᑕ ᐸᑕᓂᒡ
\r ᒪᑎᔪᐤ 26.6-13; ᒪᕐᒃ 14.3-9
\s2 John 12.1-8 (Lent-5 Year C)
\p
\v 1 ᐊᓱᑕᒡ ᑕᑐᐤ ᒋᓯᑲᐛ ᒋ ‍ ᐃᔅᐱᓯᓇᑯᓂᔪᐤ ᐎᒪᔅᑲᒐᐅ-ᒥᑯᓴᐅᓂᔪᐤ, ᒋᓴᔅ ᑲ ‍ ᑎᑯᓯᐧᒃ ᐊᓐᑕ ᐸᑕᓂᒡ ᐊᓐᑕ ᓚᓴᕋᓴ ᐎᒋᔨᒡ᙮ ᐊᑯᑕ ᐅᔭ ᑲ ‍ ᐅᓂᔅᑲᓇᑦ ᓂᐳᐅᓂᒡ ᐅᒡ᙮
\v 2 ᒋ ‍ ᒥᑯᓴᐊᑭᓄᐤ ᒪᒃ ᒋᓴᔅ ᐊᓐᑕ, ᒪᕐᑕ ᒋ ‍ ᐎᒋᐃᐛᐤ ᐊ ‍ ᒪᑎᓄᐛᓄᐎᒡ, ᐊᑯ ᓚᓴᕋᔅ ᒂ ‍ ᐎᑎᐱᒪᑦ ᒋᓴᔅ ᐊᓐᑕ ᒥᒋᓱᐛᑭᓇᑎᑯᒡ᙮
\v 3 ᒪᕆ ᒋ ᐅᒋ ‍ ᐅᑎᓂᒻ ᐳᑕᔪᐤ, ᐊ ‍ ᐱᒋᑎᓂᔨᒡ ᐊᓐᑕ ᑲ ‍ ᐎᒋᒪᑯᓯᔨᒡ ᑐᒥᓂᑭᓂᔪᐤ ᓇᔅᒡ ᐊ ‍ ᓱᓇᔭᐎᔨᒡ᙮ ᑲ ‍ ᑯᑎᐱᓂᒺᑦ ᐊᓐᑕ ᒋᓴᓴ ᐅᓯᑎᔨᒡ, ᐊᑯ ᒂ ‍ ᐸᒂᓯᑕᓇᑦ ᐅᐱᔎᐅᓇ ᐊ ‍ ᐊᐱᒋᑕᑦ᙮ ᒥᓯᐛ ᒪᒃ ᐊᓐᑕ ᐱᑎᑭᒥᒡ ᐊᓂᔭ ᒥᒋᐛᐱᔪᐤ ᒋ ‍ ᒥᔭᑯᓂᔪᐤ ᐊᓂᔭ ᑲ ‍ ᐎᒋᒪᑯᓂᔨᒡ᙮
\p
\v 4 ᒍᑎᔅ ᐃᔅᑲᕆᔭᑦ ᒪᒃ, ᐸᐃᒄ ᐊᓂᔭ ᒋᓴᔅ ᐅᒋᔅᒋᓄᐊᒧᐛᑭᓇ, ᐊᓂᔭ ᒐ ‍ ᐎᔭᓯᐱᔅᑎᓂᑯᑦ, ᒋ ‍ ᐃᔅᒋᔄᐤ,
\v 5 “ᓂᔅᑐ ᒥᑕᓯᒥᑎᓄᐤ ᒋᐸ ‍ ᐃᑎᒋᑕᑭᓄᐤ ᒋ ‍ ᐊᑕᐛᓄᑯᐱᓇ ᐊᓐ ᑲᐎᒋᒪᒂᒡ᙮ ᐊᑯ ᐊᓐ ᓱᓇᔭᐤ ᑲ ‍ ᒋᔅᑎᒪᑎᓯᒡ ᒋᐸ ‍ ᒥᔭᑭᓄᐎᐱᓐᒡ᙮”
\v 6 ᓇᒪᔭᔪᐤ ᐊ ‍ ᒋᔅᑎᒪᒐᔨᒪᑦ ᐊᓂᔭ ᑲ ‍ ᒋᔅᑎᒪᑎᓯᔨᒋ ᐊᓂᔭ ᐛᒋ ‍ ᐃᔅᒋᔄᑦ, ᐎᔾ ᒋ ᐎ ‍ ᐅᑎᓂᒪᓱᐤ ᐊᓂᔭ ᓱᓇᔭᔪᐤ ᐛᔅ ᐊᐅᑯᓐ ᑲᒋ ‍ ᐃᑎᑦ ᒪᓐ ᐊᑎ ᐎᔾ ᐊᒋ ‍ ᓂᓇᑭᑐᐛᔨᑕᐧᒃ ᐊᓂᔭ ᓱᓇᔭᔪᐤ ᑲᒋ ‍ ᒥᔭᑭᓄᔨᒋ ᒋᓴᓴ ᑭᔭ ᐅᒋᔅᒋᓄᐊᒧᐛᑭᓂᔪᐛ᙮
\p
\v 7 ᒥᒄ ᒪᒃ ᒍᑎᔅ ᒋ ‍ ᐃᑎᑯᐤ ᒋᓴᓴ, “ᐊᑲᐎᔾ ᐱᒪᐃᒻ, ᐛᔅ ᐊᓂᔭ ᑲ ‍ ᐃᑐᑕᐧᒃ ᒧᔭᒻ ᐊ ‍ ᐊᔭᔅᑯᐎᐧᑯᐅᑦ ᒐᒋ ᓇᐃᐧᑲᑯᐅᒡ ᐊᐅᑯᓐ ᐊ ‍ ᐃᓯᓇᑯᓂᔨᒡ᙮
\v 8 ᒧᔅ ᒋᑭ ‍ ᑕᐅᒡ ᑲ ‍ ᒋᔅᑎᒪᑎᓯᒡ ᐅᑕ ᐊ ‍ ᑕᔭᒄ, ᓂᔾ ᒪᒃ ᓇᒪ ᒧᔅ ᓂᑭ ᐅᒋ ‍ ᑕᓐ ᐅᑕ ᐊ ‍ ᑕᔭᒄ᙮”
\s1 ᐊᓐᒡ ᑲ ‍ ᓂᑲᓂᔅᑯᐛᒡ ᒍᐤ ᐃᔪᐛ ᑲ ‍ ᐃᔭᔨᒺᐛᐃᑯᒡ ᒐᒋ ᓂᐸᐊᒡ ᓚᓴᕋᓴ
\p
\v 9 ᒥᒐᑦ ᒪᒃ ᐊᓐᒡ ᒍᐤ ᐃᔪᒡ ᒋ ‍ ᐸᑎᒧᒡ ᐊᓐᑕ ᐸᑕᓂᒡ ᐊᒋ ‍ ᑕᔨᒋ ᒋᓴᓴ, ᐊᑯ ᒂ ‍ ᐃᑐᑕᒡ ᐊᓐᑕ ᒐᒋ ᓂᑐᐛᐱᒪᒡ ᑭᔭ ᐊᓂᔭᔪᐛ ᓚᓴᕋᓴ ᒋ ᐎ ‍ ᐛᐱᒪᐅᒡ, ᐊᓂᔭᔪᐛ ᒋᓴᓴ ᑲ ‍ ᐅᓂᔅᑲᓇᔨᒋ ᓂᐳᐅᓂᒡ ᐅᒡ᙮
\v 10 ᒋ ‍ ᐛᑕᔨᑎᒧᒡ ᒪᒃ ᐊᓐᒡ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓂᔭᔪᐛ ᓚᓴᕋᓴ ᒐᒋ ᓂᐸᐊᒡ᙮
\v 11 ᐛᔅ ᐊᓂᔭᔪᐛ ᓚᓴᕋᓴ ᐅᒋ ᐊᐅᒄ ᐛᒋ ‍ ᓂᑭᑎᑯᒡ ᒥᒐᑦ ᒍᐤ ᐃᔪᐛ ᑭᔭ ᒋᓴᓴ ᐊᔪᑯᓐ ᑲ ‍ ᑕᑈᔭᔨᒪᔨᒋ᙮
\s1 ᐃᔪᒡ ᒋᕈᓯᓕᒥᒡ ᑲ ‍ ᑕᒡ ᑲ ‍ ᒪᒥᒋᒪᒡ ᒋᓴᓴ ᑲ ‍ ᑎᑯᓯᓂᔨᒋ
\r ᒪᑎᔪᐤ 21.1-11; ᒪᕐᒃ 11.1-11; ᓗᒃ 19.28-40
\p
\v 12 ᒥᓐ ᐎᔭᐱᓂᔨᒡ ᒥᒐᑦ ᐊᓐᒡ ᑲ ‍ ᑎᑯᓯᒡ ᐊᓐᑕ ᐊ ‍ ᒥᑯᓴᓄᐎᒡ ᒋ ‍ ᐸᑎᒧᒡ ᒋᓴᓴ ᒐ ‍ ᑎᑯᓯᓂᔨᒋ ᒋᕈᓯᓕᒥᒡ᙮
\v 13 ᐊᑯ ᒂ ‍ ᓇᑥᓇᒡ ᓂᐱᓯᔭᑎᒂ ᑲ ᐊᑎ ‍ ᐎᐎᒡ ᐊᓐᑕ ᒋᕈᓯᓕᒥᒡ ᒐᒋ ᓂᒋᐊᒡ, ᐅᔭ ᐊ ‍ ᐃᔅᒋᔄᒡ ᐊ ‍ ᒋᔄᐛᒡ,
\q “ᒪᒥᒋᒪᑕᐤ ᒋᓴᒪᓂᑐᐤ, ᓱᐛᔨᑕᑯᓱᐤ ᐊᓐ ᒋᓴᒪᓂᑐᐛ ᑲ ᐸᒋ ‍ ᐃᑎᓴᐅᑯᑦ, ᐃᔅᕋᐃᓪ ᐃᔪᒡ ᐅᒋᓴᐅᒋᒪᒧᐛᐛ᙮”
\p
\v 14 ᒋᓴᔅ ᒪᒃ ᒋ ‍ ᑕᑎᐳᐤ ᐅᐧᑲᓇ ᒧᔭᒻ ᐊ ‍ ᐊᐱᓯᓯᔨᒋ ᑲᐸᐃᑭᔎᐛ ᑲ ‍ ᐃᓯᓇᑯᓯᔨᒋ, ᐊᒋ ‍ ᒥᔅᑯᐛᑯᐱᓇ᙮ ᐊᐅᒄ ᐅᔭ ᑲ ‍ ᐃᑎᑦ ᒧᔭᒻ ᑕᓐ ᑲ ‍ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒐ ‍ ᐃᑎᑯᐱᓇ᙮ ᒋ ‍ ᐃᑎᔅᑕᔪᐤ,
\q
\v 15 ᐊᑲᐎᔾ ᑯᔅᑕᒋᒄ ᒋᔨᐛᐤ ᓴᐃᔭᓐ ᑲ ‍ ᐅᒋᔭᒄ ᐛᔅ ᒋᒋᓴᐅᒋᒪᒧᐛᐤ ᑎᑯᓯᓄᐤ ᐊ ‍ ᑕᑎᐱᑦ ᐅᐧᑲᓂᓴ ᒧᔭᒻ ᐊ ‍ ᐊᐱᓯᓯᔨᒋ ᑲᐸᐃᑭᔎᐛ ᑲ ‍ ᐃᓯᓇᑯᓯᔨᒋ᙮
\p
\v 16 ᐊᓐᑕ ᒪᒃ ᐊᓂᔭ ᒪᒂᒡ ᓇᒪ ᐅᒋ ᓂᔅᑐᑎᒥᔪᐛ ᐅᒋᔅᒋᓄᐊᒧᐛᑭᓇ ᐊᓂᔭ ᑕᓐ ᑲ ‍ ᐃᔅᐱᔨᒡ ᓴᔅ ᐊᓐᑕ ᓂᑲᓐ ᐊᒋ ‍ ᐎᑕᑭᓄᐎᑯᐱᓇ ᒐ ‍ ᑎᐱᐱᔨᒡ ᐅᔭ᙮ ᐸᑎᒪ ᒪᒃ ᐃᔅᐱ ᑲ ‍ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ ᑭᔭ ᒋᒋᒋᓯᑯᒡ ᑲ ᐃᓯ ‍ ᐅᑎᓇᑭᓄᔨᒋ ᐊᑯ ᒂ ‍ ᒋᔅᒋᓯᒡ ᑕᓐ ᑲ ᐃᓯ ‍ ᓂᑲᓐ ᐊᔨᒧᒪᑭᓄᐎᒋ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒐ ‍ ᐃᔅᐱᔨᑯᐱᓇ᙮
\p
\v 17 ᐊᓐᒡ ᒪᒃ ᐊᐛᓐᒋ ᑲ ‍ ᑕᒡ ᐊᓐᑕ ᒋᓴᔅ ᑲ ‍ ᑕᑈᑕᔨᒋ ᓚᓴᕋᓴ ᒐᒋ ᐸᒋ ‍ ᐎᐎᔨᒋ ᐊᓐᑕ ᐅᒋ ᑲ ‍ ᐱᒥᓯᒪᑭᓄᔨᒋ ᑭᔭ ᑲ ‍ ᐅᓂᔅᑲᔨᒋ ᓂᐳᐅᓂᒡ ᐅᒡ, ᒋ ‍ ᐎᑎᒧᒡ ᐊᓐᑕ ᒋᕈᓯᓕᒥᒡ ᑕᓐ ᑲ ᐃᓯ ‍ ᐛᐸᑕᒡ ᐊ ‍ ᐃᔅᐱᔨᒡ᙮
\v 18 ᐊᐅᒄ ᒪᒃ ᐊᓂᔭ ᐛᒋ ‍ ᓂᒋᐊᒡ ᒋᓴᓴ ᒥᒐᑦ ᐊᐛᓐᒋ ᐃᔅᐱ ᑕᑯᓯᓂᔨᒋ ᐊᓐᑕ ᒋᕈᓯᓕᒥᒡ, ᐊᓂᔭ ᐊᒋ ‍ ᐸᑕᒡ ᑕᓐ ᑲ ᐃᓯ ‍ ᒪᒥᔅᑲᒡ ᑎᔨᒋ᙮
\v 19 ᐊᑯ ᐊᓐᒡ ᐸᕆᓯᔨᒡ ᑲ ‍ ᐃᔅᒋᔄᒡ, “ᓇᒪ ᔅᒋ ‍ ᐃᑐᑐᐛᓄᐤ ᒐ ᐊᑲ ᒋ ᓇᓴᐅᑯᑦ ᐊᐛᔪᐛ, ᑭᓄᐛᐱᒪᒄ ᒪ, ᒥᓯᐛ ᐊᐛᔪᐛ ᐎᔾ ᓇᓴᐅᑯᐤ᙮”
\s1 ᑯᕆᒃ ᐊ ‍ ᐃᑎᔅᑲᓇᓯᒡ ᐊᐛᓐᒋ ᑲ ᐎ ‍ ᐛᐱᒪᒡ ᒋᓴᓴ
\s2 John 12.20-33 (Lent-5 Year B)
\p
\v 20 ᒋ ‍ ᐎᒐᒐᐅᒡ ᒪᒃ ᑯᕆᒃ ᐃᔪᒡ ᐊ ‍ ᐃᑐᑕᓄᐎᒡ ᐊᓐᑕ ᒋᕈᓯᓕᒥᒡ ᐊ ‍ ᐊᔭᒥᐊᔅᑐᐛᑭᓄᔨᒋ ᒋᓴᒪᓂᑐᐛ ᒪᒂᒡ ᐊᓂᔭ ᑲᒋ ‍ ᐊᔭᒥᐊᐤ ᒥᑯᓴᓄᐎᒡ᙮
\v 21 ᐊᐅᑯᓐᒡ ᒪᒃ ᐅᒡ ᑲ ᐸᒋ ‍ ᓂᑐᐛᐱᒪᒡ ᐱᓕᐸ, ᐊᓂᔭ ᐊᓐᑕ ᐸᑦᓴᐃᑕ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᑲ ‍ ᐅᒋᔨᒋ ᐊᓐᑕ ᑲᓕᓕ ᐊᔅᒋᒡ ᑲ ‍ ᑎᑯᓂᔨᒡ, ᐊᑯ ᒂ ‍ ᐃᑕᒡ, “ᓂ ᐎ ‍ ᐛᐱᒪᓇᓐ ᒋᓴᔅ᙮”
\p
\v 22 ᐱᓕᑉ ᒪᒃ ᒋ ‍ ᐎᑎᒧᐛᐤ ᐊᓐᑎᕈᐛ ᐊᑯ ᑕᐱᔅᑯᓐ ᑲ ‍ ᐎᑎᒧᐛᒡ ᒋᓴᓴ ᐊ ᐎ ‍ ᐛᐱᒥᑯᔨᒋ ᐊᓂᔭᔪᐛ ᑯᕆᒃ ᐃᔪᐛ᙮
\p
\v 23 ᐊᑯ ᒋᓴᔅ ᒂ ‍ ᐃᑕᑦ, “ᓴᔅ ᐅᑎᒋᐱᔪᐤ ᒋᓴᒪᓂᑐᐤ ᒐᒋ ᐛᐸᑎᔨᐛᑦ ᐊ ‍ ᒋᔅᑕᔨᑕᑯᓯᔨᒋ ᐃᔪᐤ ᐅᑯᓯᓴᓇ᙮
\v 24 ᑯᐃᔅᒄ ᒋ ‍ ᐎᑎᒪᑎᓇᐛᐤ ᒧᔭᒻ ᐊᑲ ᐊᓐᑕ ᐊᔅᒋᒡ ᐊᔅᑕᑭᓄᒐ ᐸᐃᑯᒥᓐ ᓂᑕᐅᒋᑕᑭᓐ ᓇᒪ ᒋᑭ ᐅᒋ ‍ ᓂᑕᐅᒋᓐ ᒥᒄ ᒪᒃ ᐊᔅᑕᑭᓄᒐ ᐊᓐᑕ ᐊᔅᒋᒡ ᐊᑎ ᓂᐱᒥᑲᒐ ᒪᒃ ᐊᑯᑕ ᒐ ᐅᒋ ‍ ᓂᑕᐅᒋᒋ ᒥᒐᑦ ᓂᑕᐅᒋᑕᑭᓇ᙮
\v 25 ᐊᓐ ᐊᐛᓐ ᑲ ‍ ᓴᒋᑕᑦ ᐅᐱᒪᑎᓯᐅᓐ ᒋᑭ ‍ ᐅᓂᑕᐤ᙮ ᐊᓐ ᐊᐛᓐ ᑲ ‍ ᐛᐧᑲᑕᐧᒃ ᐅᐱᒪᑎᓯᐅᓐ ᐅᑕ ᐊᔅᒋᒡ ᑲᒋᒡ ᐱᒪᑎᓯᐅᓂᔪᐤ ᒋᑭ ‍ ᐊᔭᐤ᙮
\v 26 ᐊᓐ ᒪᒃ ᐊᐛᓐ ᓂᔾ ᑲ ‍ ᐊᑐᔅᑯᐅᑦ ᓂᑭ ᐸᒋ ‍ ᓇᓴᐅᒄ᙮ ᐊᑯ ᒪᒃ ᒐ ‍ ᑕᑦ ᓂᑦ ᐊᐱᒋᐊᑭᓐ ᐊᓐᑕ ᒐ ᐊᑎ ‍ ᐃᑕᐅᒡ᙮ ᒋᑭ ‍ ᒋᔅᑕᔨᒥᑯᐤ ᓄᑕᐎᔭ ᐊᓐ ᐊᐛᓐ ᒐ ‍ ᐊᑐᔅᑯᐅᒂ᙮”
\s1 ᒋᓴᔅ ᓂᑲᓐ ᑲ ‍ ᐎᑕᐧᒃ ᒐ ‍ ᓂᐱᑦ
\p
\v 27 “ᓇᔅᒡ ᒥᓯᒪᔨᑎᒻ ᓂᑦ ᐊᒐᐧᒄ, ᑕᓐ ᒪᒃ ᒐᒋ ᐃᑎᒃ ᓄᑕᐎᔾ᙮ ᓂᑭ ‍ ᐃᑕᐤ ᐊ, ᓄᑕ, ᐊᑲᐎᔾ ᐸᒋ ‍ ᐱᔅᑎᓂᒧᐎ ᒐᒋ ᓂᓇᐧᑲᑕᔨᒧᔭᓐ ? ᓇᒪ, ᓇᒪ ᓂᑭ ᐅᒋ ‍ ᐃᑕᐤ ᐅᔭ ᐛᔅ ᐊᐅᑯᓐ ᐛᒋ ‍ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᓂᓇᐧᑲᑕᔨᒧᔭᓐ᙮”
\v 28 ᐃᔭᐱᒡ ᓂᑭ ‍ ᐃᑕᐤ, “ᓄᑕ, ᒥᒄ ᐊᓐᑕ ᒐᒋ ᐅᒋ ‍ ᒋᔅᑕᔨᑕᑯᓯᔨᓐ, ᐊᐅᑯᓐ ᐛ ᐃᓯ ‍ ᐃᑐᑎᒪᓐ !”
\p ᐊᑯ ᒂ ᐅᒋ ‍ ᐸᑕᑯᓂᔨᒡ ᒋᓴᒪᓂᑐᐤ ᐅᐸᑕᑯᓱᐅᓐ ᐊᓐᑕ ᒋᒋᒋᓯᑯᒡ ᐅᒡ ᐊ ‍ ᐃᔅᒋᔄᑦ, “ᓴᔅ ᓂᒋ ‍ ᒋᔅᑕᔨᑕᑯᑕᓐ ᓂᑦ ᐃᓯᓂᐧᑲᓱᐅᓐ ᒥᓐ ᒪᒃ ᐃᔭᐱᒡ ᐊᐅᑯᓐ ᒐ ‍ ᐃᑐᑎᒪᓐ᙮”
\p
\v 29 ᐊᓐᒡ ᒪᒃ ᐊᐛᓐᒋ ᑲ ‍ ᓂᐳᐅᒡ ᐊᓐᑕ ᒋ ‍ ᐸᑎᒧᒡ ᐊᓂᔭ ᐸᑕᑯᓱᐅᓂᔪᐤ ᐊᑯ ᒂ ‍ ᐃᔅᒋᔄᒡ, “ᓂᒥᔅᒍᐅᒡ ᐸᑕᑯᓱᐅᒡ᙮” ᐊᑯ ᑯᑎᑭᒡ ᒂ ‍ ᐃᔅᒋᔄᒡ, “ᐊᓐᒋᓇ ᒋ ‍ ᐃᔨᒥᐃᑯᐤ᙮”
\p
\v 30 ᒋᓴᓴ ᒪᒃ ᒋ ‍ ᐃᑎᑯᐅᒡ, “ᒋᔨᐛᐤ ᐛᒋ ‍ ᐸᑕᒂᒡ ᐅ ᐸᑕᑯᓱᐅᓐ, ᓇᒪᐎᔾ ᓂᔾ᙮
\v 31 ᐊᓄᒡ ᐅᑎᒋᐱᔪᐤ ᒐᒋ ᑎᐸᔅᑯᓇᑭᓄᐎᒡ ᐊᐛᓐᒋ ᐅᑕ ᐊᔅᒋᒡ ᑲ ‍ ᑕᒡ ᑭᔭ ᐊᓄᒡ ᐊᑯ ᐛᑎᒋᐱᔨᒡ ᒐᒋ ᐃᔅᐱᓯᐊᑭᓄᐅᑦ ᒥᒋᒥᓂᑐᐤ, ᐊᓐ ᑲ ‍ ᑎᐸᔨᒐᑦ ᐅᑕ ᐊᔅᒋᒡ᙮
\v 32 ᐃᔅᐱ ᐅᐱᓂᑯᐅᔭᓇ ᐅᑕ ᐊᔅᒋᒡ ᐅᒋ, ᒥᓯᐛ ᐊᐛᓐ ᓂᑭ ‍ ᐃᑐᑐᐛᐤ ᒐᒋ ᐸᒋ ‍ ᓇᓯᑦ,” ᒋ ‍ ᐃᔅᒋᔄᐤ ᒋᓴᔅ᙮
\v 33 ᐅᔭ ᒪᒃ ᑲ ‍ ᐃᔅᒋᔄᑦ ᒋ ‍ ᐎᑎᒻ ᑕᓐ ᒐ ᐃᓯ ‍ ᓂᐸᐊᑭᓄᐅᑦ ᒋᐱᔭᑎᑯᒡ ᒐ ‍ ᐅᐸᔎᐛᑭᓄᐅᑦ᙮
\p
\v 34 ᐊᑯ ᐊᓐᒡ ᐊᐛᓐᒋ ᑲ ‍ ᑕᒡ ᐊᓐᑕ ᒋ ᐃᓯ ‍ ᐎᑎᒧᐊᐅᒡ ᐊ ‍ ᐃᑕᒡ, “ᓂ ‍ ᐎᑎᒪᑯᐅᓇᓐ ᐊᓐᑕ ᓂᐎᓱᐛᐅᓇᒡ ᙭ ᑲᒋᒡ ᒐ ‍ ᐱᒪᑎᓯᑦ᙮ ᒐᒂᓐ ᒪᒃ ᐛᒋ ‍ ᐃᔅᒋᔄᔨᓐ, ᐃᔪᐤ ᐅᑯᓯᓴᓐ ᒐ ‍ ᓂᐸᐊᑭᓄᐅᑦ ? ᐊᐛᓐ ᐊᓐ ᐃᔪᐤ ᐅᑯᓯᓴᓐ ᑲ ‍ ᐃᓯᓂᐧᑲᑕᑭᓄᐅᑦ ?”
\p
\v 35 ᒋᓴᔅ ᒂ ‍ ᐃᑕᑦ, “ᐛᐃᐱᔅᒋᔅ ᒥᓐ ᒋᑭ ‍ ᑎᑯᓐ ᐛᔅᑕᐅᓐ ᐅᑕ ᐊ ‍ ᑕᔭᒄ᙮ ᓱᒃ ᒪᒃ ᐱᒧᑕᒄ ᐊᔅᒄ ᐊ ‍ ᐊᔭᔭᒄ ᐛᔅᑕᐅᓐ ᑭᔭ ᓇᒪ ᐅᓂᑎᐱᔅᒋᓯᐅᓂᒡ ᒋᑭ ᐅᒋ ‍ ᑕᓇᐛᐤ᙮ ᐊᐛᓐ ᐊ ‍ ᐱᒧᑕᑦ ᐊᓐᑕ ᐅᓂᑎᐱᔅᒋᓯᐅᓂᒡ ᓇᒪ ᒋᔅᒐᔨᑎᒻ ᑕᓐᑕ ᐊ ‍ ᐃᑐᑕᑦ᙮
\v 36 ᑕᑈᐅᒐᔨᒪᐧᒄ ᐊᓐ ᐊᐛᓐ ᑲ ‍ ᒥᔨᐛᑦ ᐛᔅᑕᐅᓂᔪᐤ ᐊᔅᒄ ᐊ ‍ ᑕᑦ ᐅᑕ ᐊ ‍ ᑕᔭᒄ, ᑭᔭ ᐊᓐᑕ ᐛᔅᑕᐅᓂᒡ ᒐ ‍ ᑕᔭᒄ᙮” ᐅᔭ ᒪᒃ ᑲ ‍ ᐃᔅᒋᔄᑦ ᒋᓴᔅ ᐊᑯ ᒂ ‍ ᓂᑭᑕᑦ, ᐊᓐᑕ ᒐ ᐊᑲ ᐅᒋ ‍ ᒥᔅᑲᑯᑦ ᐊᑯᑕ ᑲ ‍ ᑕᑦ᙮
\s1 ᒍᐤ ᐃᔪᒡ ᐊᑲ ᐎ ᑕᑈᔭᔨᒪᒡ ᒋᓴᓴ
\p
\v 37 ᐊᑎ ᒪᒃ ᒥᒐᑥᐤ ᓇᔅᒡ ᐊ ‍ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ ᐊᒋ ‍ ᐃᑐᑕᐧᒃ ᐊᓐᑕ ᒍᐤ ᐊ ‍ ᑕᔨᒋ ᐃᔭᐱᒡ ᓇᒪ ᐅᒋ ᐎ ᑕᑈᔭᔨᒥᑯᐤ ᐎᔾ ᐊ ‍ ᐊᐎᑦ ᙭᙮
\v 38 ᐊᐅᑯᓐ ᑕᑈ ᑲ ‍ ᐃᔅᐱᔨᒡ ᑕᓐ ᑲ ᐃᓯ ‍ ᓂᑲᓐ ᐎᑎᒧᑯᐱᓇ ᐊᓂᔭᐧᑲ ᐅᒋᔅᒋᐛᐃᒐᓱᐤ ᐊᐃᓴᔭ ᐊᒋ ‍ ᐃᔅᒋᔄᑯᐱᓇ,
\q ᐅᑎᐸᔨᒋᒐᐤ, ᐊᐛᓐ ᑎᔭᑈᑐᐎᔨᒥᑦ ᑕᓐ ᑲ ᐃᓯ ‍ ᐎᑎᒪᒡ ? ᐊᐛᔪᐛ ᑲ ‍ ᐛᐸᑎᔭᑦ ᐅᑎᐸᔨᒋᒐᐤ ᐅᓱᐧᑲᑎᓯᐅᓐ ?
\p
\v 39 ᐊᓂᔭ ᒪᒃ ᐊᐃᓴᔭ ᒋ ‍ ᓂᑲᓐ ᐎᑎᒧᑯᐱᓐ ᒐᒂᔪᐤ ᒐ ᐅᒋ ᐊᑲ ‍ ᑕᑈᑎᒥᔨᒋ ᐊᒋ ‍ ᐃᔅᒋᔄᑯᐱᓇ,
\q
\v 40 ᒋᓴᒪᓂᑐᐛ ᒋ ‍ ᐃᑐᑕᑯᐅᒡ ᒐ ᐊᑲ ᒋ ᐛᐸᑕᒡ ᑭᔭ ᒐ ᐊᑲ ᒋ ᓂᔅᑐᑕᒡ, ᑭᔭ ᓇᒪ ᐛᐸᑎᒧᒡ ᑭᔭ ᓇᒪ ᓂᔅᑐᑎᒧᒡ᙮
\q ᓇᒪ ᒪᒃ ᓂ ᐎ ᐸᒋ ‍ ᓂᑐᐛᐱᒥᑯᒡ ᒐᒋ ᒥᓏᒋᐃᒂᐤ, ᐃᑕᐤ ᒋᓴᒪᓂᑐᐤ᙮
\m
\v 41 ᐊᐃᓴᔭ ᒋ ‍ ᐃᑕᐤ ᐅᔭ ᐛᔅ ᒋ ‍ ᐛᐸᑎᒺᐤ ᒋᓴᓴ ᐅᒋᔅᑕᔨᑕᑯᓱᐅᓂᔪᐤ, ᑭᔭ ᑲ ‍ ᐊᔨᒧᒪᑦ᙮
\p
\v 42 ᒥᒐᑦ ᒪᒃ ᐃᔭᐱᒡ ᐊᓐᒡ ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᒋ ‍ ᑕᑈᔭᔨᒪᐅᒡ ᒋᓴᓴ ᒥᒄ ᒪᒃ ᓇᒪ ᐅᒋ ᐊᔨᒧᑎᒧᒡ ᐊᓐᑕ ᐊ ‍ ᐸᑐᐛᑭᓄᐎᒡ ᐛᔅ ᒋ ‍ ᑯᔅᑕᐅᒡ ᐊᓂᔭ ᐸᕆᓯᐊ ᑭᔭ ᓇᒪ ᐅᒋ ᓂᑐᐛᔨᑎᒧᒡ ᒋᒋᐛ ᒐᒋ ᐎᐎᑎᓴᐛᑭᓄᐎᒡ ᐊᓐᑕ ᐅᑦ ᐊᔭᒥᐊᐅᒋᐛᐳᐛᒡ᙮
\v 43 ᐛᔅ ᐃᐛᒃ ᒋ ‍ ᐃᑕᔨᒪᐅᒡ ᐃᔪᐛ ᒐᒋ ᓇᐊᔨᑎᒪᐊᒡ ᐃᔅᐱᔅ ᐎᔾ ᒋᓴᒪᓂᑐᐛ ᒐᒋ ᓇᐊᔨᑎᒪᐊᒡ᙮
\s1 ᑕᓐ ᐊ ᐃᓯ ‍ ᑎᐸᔅᑯᓂᑯᑦ ᐊᐛᓐ ᒋᓴᓴ ᐅᑦ ᐃᔨᒧᐅᓂᔪᐤ
\p
\v 44 ᒋᓴᔅ ᒪᒃ ᒋ ‍ ᐃᔅᒋᔄᐤ ᐊ ‍ ᒋᔄᐛᑦ, “ᐊᐛᓐ ᑎᔭᑈᔭᔨᒥᒂ ᓇᒪ ᒥᒄ ᓂᔾ ᓂ ᐸᒋ ‍ ᑕᑈᐅᔭᔨᒥᒄ ᑭᔭ ᑕᑈᔭᔨᒪᐤ ᐊᓂᔭᔪᐛ ᑲ ᐸᒋ ‍ ᐃᑎᓴᐅᔨᒋ᙮
\v 45 ᐊᓐ ᐊᐛᓐ ᑲ ᐸᒋ ‍ ᐛᐱᒥᑦ, ᐛᐱᒪᐤ ᑭᔭ ᐊᓂᔭᔪᐛ ᑲ ᐸᒋ ‍ ᐃᑎᓴᐅᔨᒋ᙮
\v 46 ᓂᒋ ‍ ᑎᑯᓯᓐ ᐅᑕ ᐊᔅᒋᒡ ᒐᒋ ᒥᔨᐛᔭᓐ ᐛᔅᑕᐅᓐ᙮ ᐊᑯ ᒪᒃ ᐊᓐ ᐊᐛᓐ ᒐ ᐸᒋ ‍ ᑕᑈᔭᔨᒥᒂ ᓇᒪ ᒋᑭ ᐅᒋ ‍ ᑕᐤ ᐊᓐᑕ ᐅᓂᑎᐱᔅᑲᐅᓂᒡ᙮”
\p
\v 47 “ᐊᓐ ᐊᐛᓐ ᐱᔭᑎᒧᒂ ᑕᓐ ᑲ ᐃᓯ ‍ ᐎᑎᒪᓐ ᐊᑲ ᒪᒃ ᓂᓇᐃᑎᒧᒂ, ᓇᒪ ᓂ ‍ ᑎᐸᔅᑯᓇᐤ᙮ ᓂᒋ ‍ ᑎᑯᓯᓐ ᐅᑕ ᐊᔅᒋᒡ ᓇᒪᔭᐤ ᒐᒋ ᑎᐸᔅᑯᓂᒐᔭᓐ ᒪᒃ ᓂᒋ ‍ ᑎᑯᓯᓐ ᒐᒋ ᐱᒪᒋᐃᐛᔭᓐ᙮
\v 48 ᐊᓐ ᐊᐛᓐ ᔭᑐᐛᔨᒥᒂ, ᑭᔭ ᐊᑲ ᓂᓇᐃᑎᒧᒂ ᓂᒥᔽᒋᒧᐅᓂᔪᐤ, ᒋᑭ ‍ ᑎᐸᔅᑯᓇᑭᓄᐤ᙮ ᐊᓂᔭ ᐅᒋ ᑕᓐ ᑲ ‍ ᐃᔅᒋᔄᔭᓐ ᐊᔪᐅᒄ ᐊᓂᔭ ᒐ ᐅᒋ ‍ ᑎᐸᔅᑯᓇᑭᓄᐅᑦ ᒪᔅᑕᔾ ᒋᓯᑲᔨᒐ᙮
\v 49 ᓇᒪ ᒥᒄ ᓂᔾ ᐊ ‍ ᐃᑕᔨᑎᒪᓐ ᓂ ᐅᒋ ᐃᓯ ‍ ᐃᔨᒥᓐ᙮ ᐊᓐ ᐅᑕᐎᒪᐤ ᑲ ᐸᒋ ‍ ᐃᑎᓴᐅᑦ ᐎᔾ ᓂᒋ ‍ ᐎᑎᒪᒄ ᑕᓐ ᒐ ‍ ᐃᔅᒋᔄᐅᒡ ᐊᐅᑯᓐ ᒪᒃ ᒥᒄ ᑲ ᐃᓯ ‍ ᐎᑎᒪᓐ᙮
\v 50 ᓂ ‍ ᒋᔅᒐᔨᑎᒺᓐ ᒪᒃ ᐎᔾ ᐅᑦ ᐃᑎᓱᐛᐅᓐ ᒋᑭ ‍ ᐃᑐᑕᑯᐛᓇᐛᐤ ᒐᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᑕᓐ ᐊ ᐃᓯ ‍ ᒥᔨᑦ ᒐᒋ ᐃᑎᑎᑯᒡ ᐊᐅᑯᓐ ᐊ ᐃᓯ ‍ ᐎᑎᒪᓐ᙮”
\c 13
\s1 ᒋᓴᔅ ᑲ ‍ ᒋᔅᑕᐸᐅᑕᐛᑦ ᐅᒋᔅᒋᓄᐊᒧᐛᑭᓇ ᐅᓯᑎᔪᐛ
\p
\v 1 ᐊᔅᒄ ᐊᑲ ᐅᒋ ᐅᑎᒋᐱᔨᒡ ᐎᒪᔅᑲᒐᐅ-ᒥᑯᓴᐅᓂᔪᐤ, ᓴᔅ ᒋ ‍ ᒋᔅᒐᔨᑎᒻ ᒋᓴᔅ ᐊ ‍ ᐅᑎᒋᐱᔨᒡ ᒐ ‍ ᓂᑭᑕᐧᒃ ᐅᔭ ᐊᔅᒋᔪᐤ ᑭᔭ ᒐ ‍ ᓂᑐᐛᐱᒪᑦ ᐅᑕᐎᒪᐛ᙮ ᒧᔅ ᒋ ‍ ᓴᒋᐊᐤ ᒥᓯᐛ ᐊᓂᔭ ᑲ ‍ ᑕᑈᔭᔨᒥᑯᑦ ᐅᑕ ᐊᔅᒋᒡ ᑲ ‍ ᑕᔨᒋ ᑭᔭ ᒐ ‍ ᐅᑎᒋᐱᔨᒡ ᒐᒋ ᐛᐸᑎᔭᑦ ᑕᓐ ᐊᔅᐱᔅ ᓴᒋᐊᑦ᙮
\p
\v 2 ᒪᒂᒡ ᒪᒃ ᒋ ‍ ᐅᑕᑯᓯᐅᒥᒋᓱᐅᒡ ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ᙮ ᐸᐃᒄ ᒪᒃ ᐊᓐ ᒋᔅᒋᓄᐊᒧᐛᑭᓐ ᒍᑎᔅ ᑲ ‍ ᐃᓯᓂᐧᑲᓱᑦ, ᓴᐃᒥᓐ ᐃᔅᑲᕆᔭᑦ ᐅᑯᓴ, ᓴᔅ ᐊᓐᑕ ᒋ ‍ ᐃᑐᑕᑯ ᒥᒋᒥᓂᑐᐛ ᒐᒋ ᐃᑕᔨᑕᐧᒃ ᒐᒋ ᐎᔭᓯᐱᔅᑎᓇᑦ ᒋᓴᓴ ᐊᓂᔭ ᒐ ‍ ᑎᐱᔅᑲᔨᒡ᙮
\v 3 ᒋᓴᔅ ᒋ ‍ ᒋᔅᒐᔨᑎᒻ ᐅᑕᐎᒪᐛ ᐊᒋ ‍ ᒥᔨᑯᑦ ᓱᐧᑲᑎᓯᐅᓂᔪᐤ ᒥᓯᐛ ᒐᒂᔪᐤ ᒐᒋ ᐃᑐᑕᐧᒃ, ᑭᔭ ᒋ ‍ ᒋᔅᒐᔨᑎᒻ ᒋᓴᒪᓂᑐᐛ ᐊ ‍ ᑕᔨᒋ ᐊ ‍ ᐅᒋᑦ ᑭᔭ ᒥᓐ ᑲᐤ ᐊᓐᑕ ᒋᓴᒪᓂᑐᐛ ᐊ ‍ ᑕᔨᒋ ᒐ ‍ ᐃᑐᑕᑦ᙮
\v 4 ᐊᑯ ᒂ ‍ ᐱᓯᑯᑦ ᐊᓐᑕ ᒥᒋᓱᐛᑭᓇᑎᑯᒡ ᐅᒋ, ᒂ ‍ ᒥᓇᐧᒃ ᐊᓂᔭ ᐅᑦ ᐊᑯᑉ ᐅᔅᒡ ᑲ ‍ ᒋᔅᑲᐧᒃ ᒂ ‍ ᐅᑎᓇᐧᒃ ᑲᓯᒂᐅᓂᔪᐤ ᑲ ‍ ᐱᒂᑕᐛᒐᑦ᙮
\v 5 ᒂ ‍ ᑯᑎᐱᓇᐧᒃ ᓂᐱᔪᐤ ᐛᐸᑲᐎᐅᓱᔭᑭᓂᒡ ᐊᑯ ᒂ ‍ ᒋᔅᑕᐸᐅᒋᓯᑕᓇᑦ ᐅᒋᔅᒋᓄᐊᒧᐛᑭᓇ ᑭᔭ ᒂ ‍ ᐸᒂᐊᒺᑦ ᐅᓯᑎᔪᐛ ᐊᓂᔭ ᑲᓯᒂᓂᔪᐤ ᑲ ‍ ᐱᒂᑕᐛᒐᑦ ᐊ ‍ ᐊᐱᒋᐊᑦ᙮
\p
\v 6 ᒋ ‍ ᓇᑕᐤ ᓴᐃᒥᓐ ᐱᑕᕋ ᐊᑯ ᒂ ‍ ᐃᑎᑯᑦ, “ᐅᑎᐸᔨᒋᒐᐤ, ᒋᑭ ‍ ᒋᔅᑕᐸᐅᒋᓯᑕᓐ ᐊ ?”
\p
\v 7 ᒋᓴᔅ ᒂ ‍ ᐃᑕᑦ, “ᓇᒪ ᒋ ‍ ᓂᔅᑐᑕᓐ ᐊᓄᒡ ᑕᓐ ᐊ ‍ ᐃᑎᔭᓐ, ᒥᒄ ᒪᒃ ᐊᔅᒄ ᒋᑭ ‍ ᓂᔅᑐᑕᓐ᙮”
\p
\v 8 ᐊᑯ ᐱᑕᕐ ᒂ ᐃᓯ ‍ ᐎᑎᒧᐛᑦ ᐊ ‍ ᐃᑕᑦ, “ᓇᒪ ᓂᑕ ᒋᑭ ᐅᒋ ‍ ᒋᔅᑕᐸᐅᑕᓐ ᓂᓯᑕ᙮” ᒋ ‍ ᐃᑎᑯᐤ ᒪᒃ ᒋᓴᓴ, “ᐊᑲ ᒋᔅᑕᐸᐅᑕᔭᓇ ᒋᓯᑕ ᓇᒪ ᒋᑭ ᐅᒋ ‍ ᐅᒋᔅᒋᓄᐊᒧᐛᑭᓂᑐᑕᑎᓐ᙮”
\p
\v 9 ᓴᐃᒥᓐ ᐱᑕᕐ ᒂ ‍ ᐃᑕᑦ, “ᐅᑎᐸᔨᒋᒐᐤ, ᐊᑲᐎᔾ ᒪ ᒥᒄ ᓂᓯᑕ ᒋᔅᑕᐸᐅᑕ, ᒋᔅᑕᐸᐅᑕ ᑭᔭ ᓂᔅᑎᒂᓐ ᑭᔭ ᓂᑎᒋᔭ᙮”
\p
\v 10 ᒋᓴᔅ ᒂ ‍ ᐃᑕᑦ, “ᐊᐛᓐ ᓴᔅ ᐊᒋ ‍ ᐱᑲᓯᒧᑦ ᓇᒪ ᓂᑐᐛᔨᑎᒻ ᒥᓐ ᒐᒋ ᐱᑲᓯᒧᑦ ᒥᒄ ᐅᓯᑕ ᒋᐸ ‍ ᒋᔅᑕᐸᐅᑕᑭᓄᐅᔪᐛ᙮ ᒥᓯᐛ ᒪᒃ ᐊ ‍ ᑎᓯᔭᒄ ᓴᔅ ᒋ ‍ ᐸᔭᒋᓯᓇᐛᐤ, ᒥᒄ ᐸᐃᒄ ᐊᓐᑕ ᐊ ‍ ᑎᓯᔭᒄ ᓇᒪ ᐸᔭᒋᓯᔪᐤ᙮”
\v 11 ᓴᔅ ᒋ ‍ ᒋᔅᒐᔨᑎᒻ ᒋᓴᔅ ᑕᓐ ᐊᓂᔭᔪᐛ ᐊᓂᔭ ᒐ ‍ ᐎᔭᓯᐱᔅᑎᓂᑯᑦ ᐛᒋ ‍ ᐃᔅᒋᔄᑦ ᐅᔭ᙮ ᓴᔅ ᒥᓯᐛ ᒋ ‍ ᐸᔭᒋᓯᓇᐛᐤ “ᒥᒄ ᐸᐃᒄ ᐊᓐᑕ ᐊ ‍ ᑎᓯᔭᒄ ᓇᒪ ᐸᔭᒋᓯᔪᐤ᙮”
\p
\v 12 ᐃᔅᐱ ᒪᒃ ᑲ ‍ ᒋᔅᑕᐸᐅᒋᓯᑕᓇᑦ, ᐊᑯ ᒥᓐ ᑲ ‍ ᐳᔅᑎᔅᑲᐧᒃ ᐊᓂᔭ ᐅᑦ ᐊᑯᑉ ᑲ ‍ ᒥᓇᐧᒃ ᐊᑯ ᒥᓐ ᑲ ‍ ᐛᐛᔨᐱᑦ᙮ ᒂ ‍ ᑯᒂᒋᒪᑦ ᐊ ‍ ᐃᑕᑦ, “ᒋ ‍ ᒋᔅᒐᔨᑕᓇᐛᐤ ᐊ ᒐᒂᓐ ᐛᒋ ‍ ᐃᑐᑕᑎᑯᒡ ᐅ ?
\v 13 ᒋᔅᑯᑎᒪᒐᓱᐤ ᑭᔭ ᐅᑎᐸᔨᒋᒐᐤ ᒋᑦ ᐃᓯᓂᐧᑲᓯᓇᐛᐤ, ᐊᐅᑯᓐ ᒪᒃ ᑕᑈ ᓂᐸ ‍ ᐃᓯᓂᐧᑲᑎᑯᐅᓐ ᐛᔅ ᑕᑈ ᐊᐅᒄ ᓂᔾ ᐊ ‍ ᐊᐎᔭᓐ᙮
\v 14 ᓂᔾ ᐊᐅᒄ ᒋᑎᐸᔨᒋᒐᓯᒧᐛᐤ ᑭᔭ ᒋ ‍ ᒋᔅᑯᑎᒪᒐᓯᒧᐛᐤ, ᐃᔭᐱᒡ ᒪᒃ ᓂᔾ ᔅᒋ ‍ ᒋᔅᑕᐸᐅᒋᓯᑕᓂᑎᓇᐛᐤ᙮ ᑭᔭ ᒋᔨᐛᐤ ᒪᒃ ᒋᐸ ‍ ᒋᔅᑕᐸᐅᒋᓯᑕᓂᑐᓇᐛᐤ᙮
\v 15 ᔅᒋ ‍ ᐛᐸᑎᔨᑎᓇᐛᐤ ᑕᓐ ᒐᒋ ᐃᓯ ‍ ᒋᔅᒋᓄᐛᐱᒥᔭᒄ ᐊᓐ ᑕᓐ ᑲ ‍ ᐃᑐᑕᑎᑯᒡ᙮
\v 16 ᑯᐃᔅᒄ ᒋ ‍ ᐎᑎᒪᑎᓇᐛᐤ, ᐊᐱᒋᐊᑭᓐ ᓇᒪ ᐎᔾ ᐅᔅᑕ ᐃᑕᔨᑕᑯᓱᐤ ᐊ ‍ ᐃᑕᔨᑕᑯᓯᔨᒋ ᐅᒋᒪᒪ ᑭᔭ ᐊᐛᓐ ᑲ ‍ ᒋᑎᓴᐛᑭᓄᐅᑦ ᒐᒋ ᐛᐎᑕᐧᒃ ᒐᒂᔪᐤ ᓇᒪ ᐎᔾ ᐅᔅᑕ ᐃᑕᔨᑕᑯᓱᐤ ᐊ ‍ ᐃᑕᔨᑕᑯᓯᔨᒋ ᐊᓂᔭᔪᐛ ᑲᒋ ‍ ᒋᑎᓴᐅᑯᑦ᙮
\v 17 ᓂᔅᑐᑎᒪᒂ ᒪᒃ ᐅᔭ ᒐᒂᔪᐛ ᑭᔭ ᐃᑐᑎᒪᒂ ᒋᑭ ‍ ᓱᐛᔨᒥᑯᐅᓇᐛᐤ᙮”
\p
\v 18 “ᓇᒪ ᒪᒃ ᒥᓯᐛ ᒋᑦ ᐊᔨᒧᒥᑎᓇᐛᐤ, ᓂ ᒥᔪ ‍ ᒋᔅᒐᔨᒪᐅᒡ ᐊᓐᒡ ᓂᔾ ᑲ ‍ ᐅᑎᓂᒂᐤ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᐊᓐ ᓇᐸᐤ ᑲ ‍ ᐎᒋᒥᒋᓱᒥᑦ ᓂᑭ ‍ ᐎᔭᓯᐱᔅᑎᓂᒄ᙮ ᐊᐅᑯᓐ ᒪᒃ ᐅ ᓴᔅ ᐎᐱᒡ ᒋᐸ ‍ ᐃᔅᐱᔪᐤ᙮
\m
\v 19 ᐊᐅᑯᓐ ᒪᒃ ᐅ ᐊ ‍ ᐃᑎᑎᑯᒡ ᐊᔅᒄ ᐊᑲ ᐃᔅᐱᔨᒡ, ᑭᔭ ᐃᔅᐱ ᑕᑈ ᐃᔅᐱᔨᒐ, ᐊᑯ ᒐ ‍ ᑕᑈᑎᒪᒄ ᓂᔾ ᐊᐅᒄ ᑕᑈ ᐊ ‍ ᐊᐎᔭᓐ᙮
\v 20 ᑯᐃᔅᒄ ᒋ ‍ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ‍ ᐱᓯᒋᐊᒂ ᐊᓂᔭ ᐊᐛᔪᐛ ᒐ ‍ ᐃᑎᓴᐅᒥᒋ ᓂᐱᓯᒋᐃᒄ ᑭᔭ ᓂᔾ᙮ ᐊᓐ ᒪᒃ ᐊᐛᓐ ᑲ ‍ ᐱᓯᒋᐃᑦ ᐱᓯᒋᐊᐤ ᐊᓂᔭ ᐊᐛᔪᐛ ᑲ ᐸᒋ ‍ ᐃᑎᓴᐅᔨᒋ᙮”
\s1 ᒋᓴᔅ ᑲ ‍ ᓂᑲᓐ ᑲ ‍ ᐎᑕᐧᒃ ᒐ ‍ ᐎᔭᓯᐱᔅᑎᓇᑭᓄᐅᑦ
\r ᒪᑎᔪᐤ 26.20-25; ᒪᕐᒃ 14.17-21; ᓗᒃ 22.21-23
\p
\v 21 ᐃᔅᐱ ᒋᓴᔅ ᑲ ‍ ᐃᔅᒋᔄᑦ ᐅᔭ, ᓇᔅᒡ ᒋ ‍ ᒥᓯᒥᑕᐊᐤ ᐊᑯ ᑯᐃᔅᒄ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᑕᑈ ᒋᑦ ᐃᑎᓇᐛᐤ, ᐸᐃᒄ ᐅᑕ ᐊ ‍ ᑎᓯᔭᒄ ᓂᑭ ‍ ᐎᔭᓯᐱᔅᑎᓂᒄ᙮”
\p
\v 22 ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ‍ ᑭᓄᐛᐱᒥᑐᒡ ᓇᔅᒡ ᐊ ‍ ᑯᔅᑯᐱᔨᒡ ᑭᔭ ᐊ ‍ ᐛᐛᓇᔨᑕᒡ, ᐊᑲ ᒋᔅᒐᔨᑕᒡ ᐊᐛᔪᐛ ᐊᓂᔭ ᑲ ‍ ᐊᔨᒧᒪᑭᓄᔨᒋ᙮
\v 23 ᐊᓐ ᒪᒃ ᐸᐃᒄ ᒋᔅᒋᓄᐊᒧᐛᑭᓐ, ᐊᓂᔭ ᒋᓴᔅ ᓇᔅᒡ ᑲ ‍ ᓴᒋᐊᑦ, ᐅᐱᒪ ᐊᓐᑕ ᐊ ‍ ᑕᑦ ᒋ ‍ ᐊᐱᔪᐛ᙮
\v 24 ᓴᐃᒥᓐ ᐱᑕᕐ ᒂ ‍ ᓇᒥᔅᑯᐛᔨᔅᑐᐛᑦ ᐊᓂᔭ ᒋᔅᒋᓄᐊᒧᐛᑭᓇ ᒂ ‍ ᐃᑕᑦ ᒐᒋ ᑯᒂᒋᒪᔨᒋ ᐊᐛᔪᐛ ᐊᓂᔭ ᑲ ‍ ᐊᔨᒧᒪᔨᒋ᙮
\p
\v 25 ᐊᑯ ᐊᓐ ᒋᔅᒋᓄᐊᒧᐛᑭᓐ ᒋᓴᓴ ᐊ ‍ ᑕᔨᒋ ᒂ ‍ ᐃᔅᐱᔪᐅᑦ ᐊᑯ ᒂ ‍ ᐃᑕᑦ, “ᐅᑎᐸᔨᒋᒐᐤ, ᐊᐛᓐ ᐊᓐ ᑲ ‍ ᐊᔨᒧᒥᑦ ?”
\p
\v 26 ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᓂᑭ ‍ ᑯᒋᒪᐤ ᐅ ᐸᒂᓯᑭᓐ ᐊᓐᑕ ᒥᓂᒂᑭᓂᒡ ᐊᑯ ᒐ ‍ ᒥᔨᒃ ᐊᓐ ᐊᐛᓐ᙮” ᒂ ‍ ᐊᑯᒋᒪᑦ ᐊᓂᔭ ᐸᒂᓯᑭᓇ ᐊᑯ ᒂ ‍ ᒥᔭᑦ ᐊᓂᔭ ᒍᑎᓴ, ᓴᐃᒥᓐ ᐃᔅᑲᕆᔭᑕ ᐅᑯᓯᔪᐛ᙮
\v 27 ᒍᑎᔅ ᐛᑎᓇᑦ ᐊᓂᔭ ᐸᒂᓯᑭᓇ ᑲ ‍ ᒥᔨᑯᑦ ᒋᓴᓴ, ᐊᑯ ᑎᐛᒡ ᑲ ᐊᑎ ‍ ᐱᒋᔅᑲᑯᑦ ᒥᒋᒥᓂᑐᐛ᙮ ᐊᑯ ᒋᓴᓴ ᒂ ‍ ᐃᑎᑯᑦ, “ᒋᐱᔾ ᑐᑕ ᐊᓐ ᑕᓐ ᒋᐸ ‍ ᑐᑕᓐ᙮”
\v 28 ᓇᒪ ᒪᒃ ᐛᐛᒡ ᐸᐃᒄ ᐅᒋ ᓂᔅᑐᑎᒧᒡ ᐊᓐᒡ ᒋᔅᒋᓄᐊᒧᐛᑭᓐᒡ ᒐᒂᔪᐤ ᐊᓂᔭ ᐛᒋ ‍ ᐃᑕᑭᓄᔨᒋ᙮
\v 29 ᒋ ‍ ᐃᑕᔨᑎᒧᒡ ᐊ ‍ ᐃᑕᑭᓄᔨᒋ ᒐᒋ ᐅᑎᓂᒥᔨᒋ ᒥᑯᓴᓂᔪᐤ ᒪᒃ ᒐᒋ ᐅᑎᓂᒺᔨᒋ ᒐᒂᔪᐤ ᐊᓂᔭ ᑲ ‍ ᒋᔅᑎᒪᑎᓯᔨᒋ, ᐛᔅ ᐎᔾ ᒍᑎᔅ ᒋ ‍ ᓂᓇᑭᑐᐛᔨᑎᒻ ᐊᓂᔭ ᓱᓇᔭᐅᑎᔪᐤ᙮
\p
\v 30 ᐃᔅᐱ ᒪᒃ ᒍᑎᔅ ᑲ ‍ ᐅᑎᓇᑦ ᐊᓂᔭ ᐸᒂᓯᑭᓇ ᑎᐛᒡ ᒋ ᐊᑎ ‍ ᐎᐎᔪᐤ, ᒋ ‍ ᑎᐱᔅᑲᔪᐤ ᒪᒃ᙮
\s1 ᑲ ‍ ᐅᔅᑲᒡ ᐃᑎᓱᐛᐅᓐ
\s2 John 13.31-35 (Easter-5 Year C)
\p
\v 31 ᐃᔅᐱ ᒪᒃ ᑲ ‍ ᐎᐎᑦ ᒍᑎᔅ, ᒋᓴᔅ ᒋ ‍ ᐃᑕᐤ, “ᐊᓄᒡ ᐊᐅᒄ ᐃᔪᐤ ᐅᑯᓯᓴᓇ ᒐᔅᑕᔨᑕᑯᐊᑭᓄᔨᒋ ᐊᑯ ᑭᔭ ᒋᓴᒪᓂᑐᐤ ᒐᔅᑕᔨᑕᑯᐊᑭᓄᐅᑦ ᐃᔪᐤ ᐅᑯᓯᓴᓇ ᐅᒡ᙮
\v 32 ᐊᑯ ᒪᒃ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᐊ ‍ ᓄᑯᑕᑭᓄᔨᒡ ᐅᑯᓯᓯᒪᐛ ᐊ ‍ ᑕᔨᒋ ᐅᒋ, ᐊᑯ ᐎᔾ ᒋᓴᒪᓂᑐᐤ ᒐ ‍ ᐛᐸᑎᔭᑦ ᐃᔪᐛ ᑕᓐ ᐊᔅᐱᔅ ᒋᔅᑕᔨᑕᑯᓯᔨᒋ ᐅᑯᓯᓯᒪᐛ᙮”
\p
\v 33 “ᓂᑦ ᐊᐛᓯᒥᑎᒄ, ᓴᔅ ᓇᒪ ᓇᐅᔅ ᓂᑭ ᐅᒋ ‍ ᑕᓐ ᐅᑕ ᐊ ‍ ᑕᔭᒄ᙮ ᒋᑭ ᐸᒋ ‍ ᓇᓂᑐᐛᐱᒥᓇᐛᐤ, ᒥᒄ ᒪᒃ ᒋᑭ ‍ ᐎᑎᒪᑎᓇᐛᐤ ᑕᓐ ᑲ ᐃᓯ ‍ ᐎᑎᒧᐅᒂᐤ ᐊᓐᒡ ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ, ᓇᒪ ᒋᑭ ᒋ ‍ ᐃᑐᑕᓇᐛᐤ ᐊᓐᑕ ᒐ ‍ ᐃᑐᑕᔭᓐ᙮”
\p
\v 34 “ᐊ ‍ ᐅᔅᑲᒡ ᐃᑎᓱᐛᐅᓐ ᒋ ‍ ᒥᔨᑎᓇᐛᐤ ᐊᐅᒄ ᐅ ᒐᒋ ᓴᒋᐃᑐᔭᒄ᙮ ᒧᔭᒻ ᑕᓐ ᐊᔅᐱᔅ ᓴᒋᐃᑎᑯᒡ ᐊᐅᑯᓐ ᒋᐸ ‍ ᐃᔅᐱᔅ ᓴᒋᐃᑐᓇᐛᐤ᙮
\v 35 ᓴᒋᐃᑐᔭᒂ ᒪᒃ ᐊᑯᑕ ᒐ ᐅᒋ ‍ ᒋᔅᒐᔨᒥᑯᐅᔭᒄ ᐊ ‍ ᐅᒋᔅᒋᓄᐊᒧᐛᑭᓂᑐᑕᑎᑯᒡ᙮”
\s1 ᒋᓴᔅ ᓂᑲᓐ ᑲ ‍ ᐎᑕᐧᒃ ᐱᑕᕋ ᒐ ‍ ᐃᔅᒋᔄᔨᒋ ᐊᑲ ᒋᔅᒐᔨᒥᑯᑦ
\r ᒪᑎᔪᐤ 26.31-35; ᒪᕐᒃ 14.27-31; ᓗᒃ 22.31-34
\p
\v 36 ᓴᐃᒥᓐ ᐱᑕᕐ ᒋ ‍ ᑯᒂᒋᒪᐤ ᐊ ‍ ᐃᑕᑦ, “ᐅᑎᐸᔨᒋᒐᐤ, ᑕᓐᑕ ᒐ ‍ ᐃᑐᑕᔨᓐ ?” ᒋᓴᔅ ᒂ ‍ ᐃᑕᑦ, “ᓇᒪ ᒋᑭ ᒋ ‍ ᐎᒐᐅᓐ ᐊᓐᑕ ᒐ ‍ ᐃᑐᑕᔭᓐ, ᐊᔅᒄ ᐊᓐᑕ ᐸᑎᒪ ᐊᑯ ᒐᒋ ᐎᒐᐎᔨᓐ᙮”
\p
\v 37 ᐱᑕᕐ ᒥᓐ ᒂ ‍ ᑯᒂᒋᒪᑦ ᐊ ‍ ᐃᑕᑦ, “ᐅᑎᐸᔨᒋᒐᐤ, ᒐᒂᓐ ᒐ ᐅᒋ ᐊᑲ ᒋ ‍ ᐎᒐᐅᑕᓐ ᐊᓄᒡ ? ᓇᒪ ᓂᑭ ᐅᒋ ‍ ᐳᓂᓐ ᐊ ‍ ᓇᓴᐅᑕᓐ ᐊᑎ ᐎ ᓂᐸᐃᑯᐅᔭᓇ᙮”
\p
\v 38 ᒋᓴᔅ ᒂ ‍ ᐃᑕᑦ, “ᑕᑈ ᐊ ᓴᔅ ᒋᑦ ᐊᔭᔅᑯᐎᓐ ᒐᒋ ᐱᔅᑎᓂᒥᓐ ᒋᐱᒪᑎᓯᐅᓐ ᓂᔾ ᐅᒡ ? ᑕᑈ ᒋᑦ ᐃᑎᓐ, ᐊᔅᒄ ᐊᑲ ᐛᐛᒡ ᐸᑕᑯᓯᑦ ᓇᐸ ᐱᑲᒂᓐ, ᓴᔅ ᓂᔍᐤ ᒋᑭ ‍ ᑭᑭᒋᔭᓐ ᐊ ‍ ᐃᔅᒋᔄᔨᓐ ᐊᑲ ᒋᔅᒐᔨᒥᔨᓐ᙮”
\c 14
\s1 ᐅᑕᐎᒪᐤ ᐎᒋᒡ
\s2 John 14.1-14 (Easter-5 Year A)
\p
\v 1 “ᐊᑲᐎᔾ ᒥᑯᔅᑲᑕᔨᑎᒧᒄ᙮ ᑕᑈᐅᒐᔨᒪᐧᒄ ᒋᓴᒪᓂᑐᐤ, ᓂᔾ ᑭᔭ ᑕᑈᐅᒐᔨᒥᒄ᙮
\v 2 ᐊᓐᑕ ᓄᑕᐎᔾ ᐎᒋᒡ ᒥᔅᑎ ᒥᒐᓇ ᐊ ‍ ᐱᔅᒋᒐᔭᒋ᙮ ᓂᑭ ‍ ᐃᑐᑕᓐ ᓇᑕ ᒐᒋ ᐊᔭᔅᑯᔍᑎᑯᒡ ᐊᓐᑕ ᒐ ‍ ᑕᔭᒄ᙮ ᓇᒪ ᒋᐸ ᐅᒋ ‍ ᐃᑎᑎᓇᐛᐤ ᐅ ᐊᑲ ᐅᒋ ᑕᑈᒥᑲᒡ᙮
\v 3 ᒋᔅᑕᔭᓇ ᒪᒃ ᐊᓐᑕ ᒐ ‍ ᑕᔭᒄ, ᐊᑯ ᒐ ᐸᒋ ‍ ᓂᑐᐛᐱᒥᑎᑯᒡ ᐊᑯ ᒐ ‍ ᔅᑐᑕᐃᑎᑯᒡ ᐛᔅ ᒋ ‍ ᓂᑐᐛᔨᒥᑎᓇᐛᐤ ᒐᒋ ᑕᔭᒄ ᐊᓐᑕ ᐊ ‍ ᑕᔭᓐ᙮
\v 4 ᒋ ‍ ᒋᔅᒐᔨᑕᓇᐛᐤ ᒪᒃ ᑕᓐᑕ ᐊ ‍ ᐃᑐᑕᔭᓐ ᑭᔭ ᑕᓐᑕ ᒐᒋ ᐅᒋ ‍ ᐃᑐᑕᓄᐅᒡ ᐊᓐᑕ᙮”
\s1 ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ
\p
\v 5 ᑥᒥᔅ ᒪᒃ ᒋ ‍ ᐃᑕᐤ, “ᐅᑎᐸᔨᒋᒐᐤ, ᓇᒪ ᓂ ‍ ᒋᔅᒐᔨᑕᓇᓐ ᑕᓐᑕ ᒐ ‍ ᐃᑐᑕᔨᓐ, ᑕᓐᑕ ᒐᒋ ᐅᒋ ‍ ᒋᔅᒐᔨᑎᒪᒡ ᑕᓐᑕ ᒐᒋ ᐅᒋ ‍ ᐃᑐᑕᔭᒡ ᐊᓐᑕ ?”
\p
\v 6 ᒋᓴᔅ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ‍ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮
\v 7 ᓴᔅ ᒪᒃ ᐊ ‍ ᒋᔅᒐᔨᒥᔭᒄ ᓴᔅ ᒋᐸ ‍ ᒋᔅᒐᔨᒪᐛᐤ ᑭᔭ ᓄᑕᐎᔾ᙮ ᐊᓄᒡ ᒪᒃ ᓴᔅ ᒋ ‍ ᒋᔅᒐᔨᒪᐛᐤ ᑭᔭ ᓴᔅ ᔅᒋ ‍ ᐛᐱᒪᐛᐤ᙮”
\s2 John 14.8-17 (Pentecost Year C)
\p
\v 8 ᐱᓕᑉ ᒋ ‍ ᐃᑕᐤ, “ᐅᑎᐸᔨᒋᒐᐤ, ᐛᐸᑎᔨᓇᓐ ᒪ ᐅᑕᐎᒪᐤ, ᐊᐅᑯᓐ ᒥᒄ ᐊ ᐃᓯ ‍ ᓂᑐᐛᔨᑎᒪᑕᒡ᙮”
\p
\v 9 ᒋᓴᔅ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᐱᓕᑉ, ᓴᔅ ᐛᔅᑭᒡ ᑲ ‍ ᑕᔭᓐ ᐅᑕ ᐊ ‍ ᑕᔭᒄ ᐃᔭᐱᒡ ᒪᒃ ᓇᒪ ᒋᔅᒐᔨᒥᓐ ? ᐊᓐ ᐊᐛᓐ ᑲ ‍ ᐛᐱᒥᑦ ᓴᔅ ᒋ ‍ ᐛᐱᒪᐤ ᐅᑕᐎᒪᐛ᙮ ᒐᒂᓐ ᒪᒃ ᐛᒋ ‍ ᑯᒂᒋᒥᔨᓐ ᒐᒋ ᐛᐸᑎᔨᑕᓐ ᐅᑕᐎᒪᐤ ?
\v 10 ᐱᓕᑉ, ᓇᒪᐎᔾ ᐊ ᒋ ‍ ᑕᑈᑕᓐ ᐊ ‍ ᐱᒋᔅᑯᐅᒃ ᐅᑕᐎᒪᐤ ᑭᔭ ᐅᑕᐎᒪᐤ ᐊ ‍ ᐱᒋᔅᑯᐅᑦ ? ᓂ ‍ ᐸᐃᑯᓯᓇᓐ᙮”
\p ᐊᑯ ᒋᓴᔅ ᐊᑕᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᐅ ᑲ ᐃᓯ ‍ ᐃᔨᒥᐃᑎᑯᒡ ᒋᓴᒪᓂᑐᐤ ᓂᒋ ‍ ᐃᑎᓱᒥᒄ ᒐᒋ ᐃᔅᒋᔄᐅᒡ᙮ ᐅᑕᐎᒪᐤ ᐊᓐ ᑲ ‍ ᐱᒋᔅᑯᐅᑦ ᐃᑐᑎᒻ ᒪᒥᔅᑲᒡ ᐃᑐᐅᓇ ᓂᔾ ᐅᒋ᙮
\v 11 ᐸᒋ ᑕᑈᑐᐅᒄ ᐅ ᐊ ‍ ᐃᑎᑎᑯᒡ ᐊ ‍ ᐱᒋᔅᑯᐅᒃ ᐅᑕᐎᒪᐤ ᑭᔭ ᐅᑕᐎᒪᐤ ᐊ ‍ ᐱᒋᔅᑯᐅᑦ᙮ ᐊᑲ ᒋ ‍ ᑕᑈᑎᒧᐛᒂ ᐅ ᐊ ‍ ᐃᑎᑎᑯᒡ, ᑕᑈᑐᐅᒄ ᐊᓐ ᐅᒋ ᑕᓐ ᑲ ᐃᓯ ‍ ᓂᓇᐧᑯᐤ ᒪᒥᔅᑲᒡ ᐃᑐᑎᒪᓐ᙮
\v 12 ᑯᐃᔅᒄ ᒋ ‍ ᐎᑎᒪᑎᓇᐛᐤ, ᐊᓐ ᐊᐛᓐ ᑲ ᐸᒋ ‍ ᑕᑈᔭᔨᒥᑦ ᒋᑭ ‍ ᐃᑐᑎᒻ ᑕᓐ ᐊ ᐃᓯ ‍ ᐃᑐᑎᒧᒡ ᑭᔭ ᐊᑐᐎᔅ ᒪᒥᔅᑲᒡ ᒐᒂᔪᐛ ᒋᑭ ‍ ᐃᑐᑎᒻ ᐛᔅ ᐊᓐᑕ ᓄᑕᐎᔾ ᐊ ‍ ᑕᑦ ᓂᔾ ᑭᔭ ᓂᑭ ‍ ᑕᓐ᙮
\v 13 ᓂᑭ ‍ ᑐᑕᓐ ᑕᓐ ᐊ ᐃᓯ ‍ ᓂᑐᑎᒪᔭᒄ ᓂᑦ ᐃᓯᓂᐧᑲᓱᐅᓐ ᐊᐱᒋᑕᔭᒂ, ᐊᑯ ᒪᒃ ᒐ ‍ ᓄᒂᒡ ᐊ ᐃᔅᐱᔅ ‍ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᐊ ᐃᓯ ‍ ᐃᑐᑎᒥᔨᒋ ᐅᑯᓴ᙮
\v 14 ᒥᒄ ᑕᓐ ᒐ ᐃᓯ ‍ ᓂᑐᑎᒪᔭᒄ ᓂᑦ ᐃᓯᓂᐧᑲᓱᐅᓐ ᐊ ‍ ᐊᐱᒋᑕᔭᒄ ᓂᑭ ‍ ᑐᑕᓐ᙮”
\s1 ᒋᓴᔅ ᑲ ‍ ᐃᔅᒋᔄᑦ ᒐᔅᑎᓇᔅ ᒐ ‍ ᒥᔭᑭᓄᔨᒋ ᐅᒋᔅᒋᓄᐊᒧᐛᑭᓇ ᑲ ‍ ᐸᔭᒋᓯᔨᒋ ᐊᒐᒂ
\s2 John 14.15-21 (Easter-6 Year A)
\p
\v 15 “ᒧᔭᒻ ᓯᔭᒋᐃᐛᒂ ᒪᒃ ᒋᑭ ‍ ᓂᓇᐃᑕᓇᐛᐤ ᐛᔅ ᑕᓐ ᑲ ‍ ᐃᑎᓯᒥᑎᑯᒡ ᒐᒋ ᐃᑎᔭᒄ᙮
\v 16 ᓂᑭ ‍ ᐊᔭᒥᐊᓐ ᐊ ‍ ᓂᑐᑎᒧᐅᒃ ᓄᑕᐎᔾ ᒐᒋ ᐃᑎᓴᐊᒪᑕᒄ ᒥᓐ ᑯᑎᑲ ᐊᐛᔪᐛ ᒐᒋ ᐎᒋᐃᑎᑕᑯ ᑭᔭ ᒧᔅ ᑲᒋᒡ ᒐᒋ ᑕᑦ ᐊᓐᑕ ᐊ ‍ ᑕᔭᒄ᙮
\v 17 ᐊᐅᒄ ᒪᒃ ᐊᓐ ᑲ ‍ ᐸᔭᒋᓯᑦ ᐊᒐᐧᒄ, ᐊᓐ ᑲ ‍ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ᙮ ᐊᓐᒡ ᐊᐛᓐᒋ ᐊᑲ ᑕᑈᔭᔨᒪᒡ ᐅᑕᐎᒪᐛ ᓇᒪ ᒋᑭ ᒋ ‍ ᐱᑎᑲᐊᐅᒡ ᐅᐱᒪᑎᓯᐅᓄᐛᒡ ᑲ ‍ ᐸᔭᒋᓯᔨᒋ ᐊᒐᒂ, ᐛᔅ ᓇᒪ ᐛᐱᒪᐅᒡ ᑭᔭ ᓇᒪ ᒋᔅᒐᔨᒪᐅᒡ᙮ ᒥᒄ ᒪᒃ ᒋᔨᐛᐤ ᒋ ‍ ᒋᔅᒐᔨᒪᐛᐤ ᐛᔅ ᒋ ‍ ᐎᒐᐅᑯᐛᐤ ᑭᔭ ᒋᑭ ‍ ᐱᒋᔅᑲᑯᐛᐤ᙮”
\p
\v 18 “ᓇᒪ ᓇᐅᔅ ᒋᑭ ᐅᒋ ‍ ᓂᑭᑎᑎᓇᐛᐤ ᐅᑕ ᐊᔅᒋᒡ᙮ ᒥᓐ ᒋᑭ ᐸᒋ ‍ ᓂᑐᐛᐱᒥᑎᓇᐛᐤ᙮
\v 19 ᓇᒪ ᓇᔅᒡ ᓇᐅᔅ ᓂᑭ ᐅᒋ ‍ ᐛᐱᒥᑯᒡ ᐃᔪᒡ ᐅᑕ ᐊᔅᒋᒡ, ᒥᒄ ᒋᔨᐛᐤ ᒋᑭ ‍ ᐛᐱᒥᓇᐛᐤ᙮ ᒋᑭ ‍ ᐱᒪᑎᓯᓇᐛᐤ ᑭᔭ ᒋᔨᐛᐤ, ᐛᔅ ᓂᔾ ᓂ ‍ ᐱᒪᑎᓯᓐ᙮
\v 20 ᐃᔅᐱ ᒪᒃ ᐅᑎᒋᐱᔨᒐ ᐊᓐᑕ ᒐ ᐸᒋ ‍ ᓂᑐᐛᐱᒥᑎᑯᒡ ᐊᑯᑕ ᒐ ‍ ᓂᔅᑐᑎᒪᒄ ᐊ ‍ ᐱᒋᔅᑯᐅᒃ ᓄᑕᐎᔾ ᑭᔭ ᐊ ‍ ᐱᒋᔅᑯᐅᔭᒄ, ᑭᔭ ᐊ ‍ ᐱᒋᔅᑲᑎᑯᒡ᙮”
\p
\v 21 “ᐊᓐ ᐊᐛᓐ ᒐ ‍ ᑕᑈᑎᒧᒂ ᑭᔭ ᒐ ‍ ᓂᓇᐃᑎᒧᒂ ᑕᓐ ᐊ ‍ ᐃᑎᓱᐛᔭᓐ ᐊᐅᒄ ᐊᓐ ᐊᐛᓐ ᑲ ‍ ᓴᒋᐃᑦ᙮ ᒋᑭ ‍ ᓴᒋᐊᐤ ᓄᑕᐎᔾ ᐊᓂᔭ ᐊᐛᔪᐛ ᑲ ‍ ᓴᒋᐃᔨᒋ, ᑭᔭ ᓂᔾ ᒪᒃ ᓂᑭ ‍ ᓴᒋᐊᐤ ᐊᓐ ᐊᐛᓐ ᑭᔭ ᓂᑭ ‍ ᐃᑐᑐᐛᐤ ᒐᒋ ᒥᔪ ‍ ᒋᔅᒐᔨᒥᑦ᙮”
\p
\v 22 ᒍᑎᔅ, ᓇᒪᔭᐤ ᐊᓐ ᐃᔅᑲᕆᔭᑦ ᑲ ‍ ᐃᓯᓂᐧᑲᓱᑦ, ᒋ ‍ ᐃᑕᐤ, “ᐅᑎᐸᔨᒋᒐᐤ, ᒐᒂᓐ ᐛᒋ ᐎ ‍ ᐃᑐᑐᐅᔭᒡ ᓂᔭᓐ ᒐᒋ ᒥᔪ ‍ ᒋᔅᒐᔨᒥᑕᒡ, ᐊᑲ ᒪᒃ ᐎ ᐃᑐᑐᐅᑥᐤ ᑯᑎᑭᒡ ᐊᐛᓐᒋ ᒐᒋ ᒥᔪ ‍ ᒋᔅᒐᔨᒥᔅᒡ ?”
\s2 John 14.23-29 (Easter-6 Year C)
\p
\v 23 ᒋᓴᔅ ᒋ ᐃᓯ ‍ ᐎᑎᒧᐛᐤ ᐊ ‍ ᐃᑕᑦ, “ᐊᓐ ᐊᐛᓐ ᑲ ‍ ᓴᒋᐃᑦ ᒋᑭ ‍ ᓂᓇᐃᑎᒻ ᓂᑦ ᐃᔨᒧᐅᓂᔪᐤ᙮ ᓄᑕᐎᔭ ᒋᑭ ‍ ᓴᒋᐃᑯᐤ᙮ ᑕᐱᔅᑯᓐ ᓄᑕᐎᔾ ᑭᔭ ᓂᔾ ᓂᑭ ‍ ᓂᑐᐛᐱᒪᓇᓐ ᑭᔭ ᒐ ‍ ᐎᒋᒥᒋᑦ᙮
\v 24 ᐊᓐ ᐊᐛᓐ ᐊᑲ ᐸᒋ ‍ ᓴᒋᐃᑦ ᓇᒪ ᓂᓇᐃᑎᒻ ᓂᑦ ᐃᔨᒧᐅᓂᔪᐤ᙮ ᐅ ᑲ ᐃᓯ ‍ ᐸᑎᒪᒄ ᓇᒪ ᓂᔾ ᐊ ‍ ᑕᔭᓐ ᐅᒋᐱᔪᐤ ᒪᒃ ᓄᑕᐎᔾ ᐊ ‍ ᑕᑦ ᐅᒋᐱᔪᐤ, ᐊᓐ ᑲ ᐸᒋ ‍ ᐃᑎᓴᐅᑦ᙮”
\p
\v 25 “ᐊᐅᒄ ᐅ ᐊ ᐃᓯ ‍ ᐎᑎᒪᑎᑯᒡ ᐊᔅᒄ ᒪᒂᒡ ᐊ ‍ ᑕᔭᓐ ᐅᑕ ᐊ ‍ ᑕᔭᒄ᙮
\v 26 ᐊᓂᔭ ᑲ ‍ ᐸᔭᒋᓯᔨᒋ ᐊᒐᒂ ᓄᑕᐎᔾ ᒐ ᐸᒋ ‍ ᐃᑎᓴᐊᒪᑕᒄ ᓂᑦ ᐃᓯᓂᐧᑲᓱᐅᓂᒡ ᐅᒡ ᐊᐅᑯᓐ ᐊᓐ ᒥᓯᐛ ᒐᒂᔪᐤ ᒐ ‍ ᒋᔅᑯᑎᒪᑕᒄ ᑭᔭ ᒋᑭ ‍ ᒋᔅᒋᒥᑯᐛᐤ ᒥᓯᐛ ᒐᒂᔪᐤ ᑲ ᐃᓯ ‍ ᐎᑎᒪᑎᑯᒡ᙮”
\p
\v 27 “ᒋ ‍ ᓂᑭᑎᒪᑎᓇᐛᐤ ᒋᔭᒪᔨᑎᒧᐅᓐ᙮ ᓂᔾ ᓂᒋᔭᒪᔨᑎᒧᐅᓐ ᒋ ‍ ᒥᔨᑎᓇᐛᐤ᙮ ᓇᒪ ᐅᑕ ᐊᔅᒋᒡ ᐊ ‍ ᐃᑕᔨᑕᒂᒡ ᒋᔭᒪᔨᑎᒧᐅᓐ ᒋ ‍ ᒥᔨᑎᓇᐛᐤ᙮ ᐊᑲᐎᔾ ᒪᒃ ᒥᑯᔅᑲᑕᔨᑎᒧᒄ ᑭᔭ ᐊᑲᐎᔾ ᑯᔅᑕᒋᒄ᙮”
\p
\v 28 “ᔅᒋ ‍ ᐸᑐᐅᓇᐛᐤ ᑲ ‍ ᐃᑎᑎᑯᒡ, ‘ᒋᑭ ‍ ᓂᑭᑎᑎᓇᐛᐤ ᒥᒄ ᒪᒃ ᒥᓐ ᑲᐤ ᓂᑭ ᐸᒋ ‍ ᑎᑯᓯᓐ᙮’ ᒋ ‍ ᓴᒋᐃᔭᒄ ᒪᒃ ᒋᐸ ‍ ᒥᔽᔨᑕᓇᐛᐤ ᓄᑕᐎᔾ ᐊ ‍ ᑕᑦ ᐊ ‍ ᐃᑐᑕᔭᓐ, ᐛᔅ ᐎᔾ ᐃᐛᒃ ᓱᒐᔨᑕᑯᓱᐤ ᐃᔅᐱᔅ ᓂᔾ᙮
\v 29 ᒥᓯᐛ ᒋ ‍ ᐎᑎᒪᑎᓇᐛᐤ ᐅ ᐊᔅᒄ ᐊᑲ ᐃᔅᐱᔨᒡ, ᑭᔭ ᐃᔅᐱ ᐃᔅᐱᔨᒐ ᒐ ‍ ᑕᑈᑎᒪᒄ᙮
\v 30 ᓇᒪ ᓴᔅ ᓇᔅᒡ ᓇᐅᔅ ᒋᑭ ᒋ ‍ ᐃᔨᒥᐃᑎᓇᐛᐤ, ᐛᔅ ᒥᒋᒥᓂᑐᐤ, ᐊᓐ ᑲ ‍ ᑎᐸᔨᒋᒐᑦ ᐅᑕ ᐊᔅᒋᒡ ᓴᔅ ᐸᒋ ‍ ᑎᑯᓯᓄᐤ᙮ ᒥᒄ ᒪᒃ ᓇᒪ ᓇᔅᒡ ᓂᑭ ᒋ ‍ ᐅᒋᒪᐧᑲᑎᒄ᙮
\v 31 ᒥᒄ ᒪᒃ ᐃᔪᒡ ᐅᑕ ᐊᔅᒋᒡ ᒋᐸ ‍ ᒋᔅᒐᔨᑎᒧᒡ ᐊ ‍ ᓴᒋᐃᒥᒋ ᐅᑕᐎᒪᐛ ᐊᐅᑯᓐ ᒪᒃ ᒧᔅ ᐛᒋ ‍ ᓂᓇᐃᑐᐅᒃ ᒥᓯᐛ ᑕᓐ ᐊ ‍ ᐃᑎᓱᒥᑦ᙮ ᐊᔅᑎᒧᒄ ᒪᒃ ᔅᑐᑕᑕᐤ᙮”
\c 15
\s1 ᒋᓴᔅ ᐊᐅᒄ ᒋᒋᐛ ᓱᒥᓇᑎᒄ
\s2 John 15.1-8 (Easter-5 Year B)
\p
\v 1 ᒋᓴᔅ ᒋ ‍ ᐃᑕᐤ ᐅᒋᔅᒋᓄᐊᒧᐛᑭᓇ, “ᓂᔾ ᐊᐅᒄ ᒋᒋᐛ ᓱᒥᓇᑎᒄ ᐊᑯ ᓄᑕᐎᔾ ᒋᒋᐛ ᑲ ‍ ᓂᑕᐅᒋᔨᐛᑦ᙮
\v 2 ᒥᓯᐛ ᐅᑎᐧᑯᓇ ᓂᔾ ᐊ ‍ ᑕᔭᓐ ᑲ ‍ ᑎᒂᒋ ᐊᑲ ᒥᓂᓱᔨᒋ ᓄᑕᐎᔾ ᒪᓂᓯᒻ᙮ ᐊᑯ ᐊᓂᔭᔪᐛ ᐅᑎᐧᑯᓇ ᑲ ‍ ᒥᓂᓱᔨᒋ ᒥᓯᐛ ᐛᐛᓯᑕᐤ ᐊᑐᐎᔅ ᒐᒋ ᒥᓂᓱᔨᒋ᙮
\v 3 ᒋᔨᐛᐤ ᒪᒃ ᓴᔅ ᔅᒋ ‍ ᐸᔭᒋᐃᑯᓇᐛᐤ ᐊᓐ ᑕᓐ ᑲ ᐃᓯ ‍ ᐎᑎᒪᑎᑯᒡ᙮
\v 4 ᓂᔾ ᐊ ‍ ᑕᔭᓐ ᒧᔅ ᐃᓯ ᐱᒪᑎᓯᒄ ᐊᑯ ᑭᔭ ᓂᔾ ᒧᔅ ᒐ ‍ ᑕᔭᓐ ᐊᓐᑕ ᐊ ‍ ᑕᔭᒄ᙮ ᒧᔭᒻ ᐊ ‍ ᐃᓯᓇᒂᒡ ᐅᑎᐧᑯᓐ ᓇᒪ ᒋᑭ ᒋ ‍ ᒥᓂᓱᐤ ᐊᑲ ᐊᓐᑕ ᓱᒥᓇᑎᑯᒡ ᐅᒋ ᓂᑕᐅᒋᒐ᙮ ᐊᐅᑯᓐ ᒪᒃ ᒧᔭᒻ ᐊ ‍ ᐃᓯᓇᑯᓯᔭᒄ᙮ ᓇᒪ ᒋᑭ ᒋ ‍ ᓂᑕᐅᒋᐃᓱᓇᐛᐤ ᒐᒋ ᒥᓂᓱᐅᔭᒄ ᒧᔭᒻ ᐊᑲ ᐱᒋᔅᑯᐅᔭᒂ᙮”
\p
\v 5 “ᓂᔾ ᐊᐅᒄ ᓱᒥᓇᑎᒄ ᐊᑯ ᒋᔨᐛᐤ ᐅᑎᐧᑯᓇ᙮ ᐊᓐ ᐊᐛᓐ ᒧᔅ ᓂᔾ ᐊ ‍ ᑕᔭᓐ ᐃᓯ ᐱᒪᑎᓯᒐ ᐊᐅᑯᓐ ᐊᓐ ᒐ ‍ ᐱᒋᔅᑯᐅᒃ ᑭᔭ ᐊᐅᑯᓐ ᐊᓐ ᒐ ᒥᔪ ‍ ᒥᓂᓱᐅᑦ ᐛᔅ ᑕᐸ ᓇᔅᒡ ᒐᒂᓐ ᒋᑭ ᒋ ‍ ᐃᑐᑕᓇᐛᐤ ᐊᑲ ᐱᒋᔅᑯᐅᔭᒂ᙮
\v 6 ᐊᐛᓐ ᐊᑲ ᓂᔾ ᐊ ‍ ᑕᔭᓐ ᑲ ᐃᓯ ‍ ᐱᒪᑎᓯᑦ ᐛᐱᓇᑭᓄᐤ ᒧᔭᒻ ᑕᓐ ᐊ ‍ ᐃᑐᑕᑭᓄᐅᒡ ᐅᑎᐧᑯᓐ, ᒐᒃ ᓂᐳᐤ ᒪᒃ᙮ ᐊᓂᔭ ᒪᒃ ᐅᑎᐧᑯᓇ ᑲ ‍ ᐛᐱᓇᑭᓄᐅᒋ ᒪᒧᓴᒋᓂᑭᓄᐛ ᐊᑯ ᒪᑐᔅᑕᐛᐱᓇᑭᓄᐅᒋ ᑭᔭ ᐊ ᐊᑎ ‍ ᐃᔎᑕᒋ᙮
\v 7 ᓂᔾ ᒪᒃ ᐊ ‍ ᑕᔭᓐ ᒧᔅ ᐃᓯ ᐱᒪᑎᓯᔭᒂ ᑭᔭ ᓂᑦ ᐃᔅᒋᔄᐅᓇ ᐱᒋᔅᑲᑯᔭᒂ ᒥᒄ ᑕᓐ ᒐ ᐃᓯ ‍ ᓂᑐᑎᒪᔭᒄ ᒐᒂᓐ ᐊᐅᑯᓐ ᐊᓐ ᒐ ‍ ᐃᑐᑎᒪᑯᐅᔭᒄ᙮
\v 8 ᐊ ᒥᔪ ‍ ᒥᓂᓱᐅᔭᒄ ᐊᑯᑕ ᐛᒋ ‍ ᒋᔅᑕᒋᒪᑭᓄᐅᑦ ᓄᑕᐎᔾ, ᑭᔭ ᐊᑯᑕ ᒋᔭᔅᑎᓇᑕᔨᑕᒂᒡ ᐊ ‍ ᐅᒋᔅᒋᓄᐊᒧᐛᑭᓂᑐᑕᑎᑯᒡ᙮”
\s2 John 15.9-17 (Easter-6 Year B)
\p
\v 9 “ᒧᔭᒻ ᑲ ᐃᔅᐱᔅ ‍ ᓴᒋᐃᑦ ᐅᑕᐎᒪᐤ ᐊᐅᑯᓐ ᒧᔭᒻ ᐊ ᐃᔅᐱᔅ ‍ ᓴᒋᐃᑎᑯᒡ ᑭᔭ ᒋᔨᐛᐤ᙮ ᒧᔅ ᓂᔾ ᐊ ‍ ᑕᔭᓐ ᐃᓯ ᐱᒪᑎᓯᒄ ᑭᔭ ᒧᔅ ᒐ ‍ ᒋᔅᒐᔨᑎᒪᒄ ᐊ ‍ ᓴᒋᐃᑎᑯᒡ᙮
\v 10 ᐛᔅ ᓂᓇᐃᑎᒪᒂ ᓂᑦ ᐃᑎᓱᐛᐅᓇ ᒧᔅ ᒋᑭ ‍ ᒋᔅᒐᔨᑕᓇᐛᐤ ᐊ ‍ ᓴᒋᐃᑎᑯᒡ ᒧᔭᒻ ᓂᔾ ᑲ ᐃᓯ ‍ ᓂᓇᐃᑐᐅᒃ ᓄᑕᐎᔾ ᑕᓐ ᑲ ‍ ᐃᑎᓱᒥᑦ ᓂ ‍ ᒋᔅᒐᔨᑎᒺᓐ ᐊ ‍ ᓴᒋᐃᑦ᙮”
\p
\v 11 “ᔅᒋ ‍ ᐎᑎᒪᑎᓇᐛᐤ ᒪᒃ ᐅᔭ ᒐᒂᔪᐛ ᓂᒧᒋᒐᔨᑎᒧᐅᓐ ᒐᒋ ᐱᒋᔅᑲᑯᔭᒄ ᓇᔅᒡ ᒐᒋ ᓴᑭᔅᒋᓇᔅᑲᑯᔭᒄ ᐊ ‍ ᒧᒋᒐᔨᑎᒪᒄ᙮
\v 12 ᒋᑦ ᐃᑎᓱᒥᑎᓇᐛᐤ ᒪᒃ ᒐᒋ ᓴᒋᐃᑐᔭᒄ ᒧᔭᒻ ᓂᔾ ᐊ ᐃᔅᐱᔅ ‍ ᓴᒋᐃᑎᑯᒡ᙮
\v 13 ᓇᒪ ᑕᐤ ᐊᐛᓐ ᐅᔭ ᒐᒋ ᐃᔅᐱᔅ ᓴᒋᐃᐛᑦ, ᓇᔅᒡ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᐎᒐᐛᑭᓇ ᒐᒋ ᐱᒪᑎᓯᔨᒋ᙮
\v 14 ᒋᔨᐛᐤ ᒪᒃ ᒋᑭ ‍ ᐎᒐᐛᑭᓂᑕᑎᓇᐛᐤ ᐃᑐᑎᒪᒂ ᑕᓐ ᐊ ‍ ᐃᑎᓱᒥᑎᑯᒡ᙮
\v 15 ᓇᒪ ᐊᑯ ᐊᐱᒋᐊᑭᓐᒡ ᒋᑭ ᐅᒋ ‍ ᐃᓯᓂᐧᑲᑎᑎᓇᐛᐤ ᐛᔅ ᐊᐱᒋᐊᑭᓐ ᓇᒪ ᒋᔅᒐᔨᑎᒻ ᑕᓐ ᐊ ‍ ᐃᑎᔨᒋ ᐅᒋᒪᒪ᙮ ᓂᔾ ᒪᒃ ᐎ ᓂᐎᒐᐛᑭᓂᒡ ᔅᒋ ‍ ᐃᓯᓂᐧᑲᑎᑎᓇᐛᐤ ᐛᔅ ᒥᓯᐛ ᒐᒂᔪᐛ ᑲ ᐃᓯ ‍ ᐎᑎᒧᐅᑦ ᓄᑕᐎᔾ ᔅᒋ ‍ ᐎᑎᒪᑎᓇᐛᐤ᙮
\v 16 ᓇᒪ ᒋᔨᐛᐤ ᒋ ᐅᒋ ‍ ᐎᔭᐱᒥᓇᐛᐤ, ᓂᔾ ᐊᐅᒄ ᑲ ‍ ᐅᑎᓂᑎᑯᒡ᙮ ᐊᓐ ᒪᒃ ᐊᒋ ‍ ᐅᑎᓂᑎᑯᒡ ᒋᑦ ᐃᑕᔨᒥᑎᓇᐛᐤ ᒐᒋ ᒥᔪ ‍ ᒥᓂᓱᐅᔭᒄ ᑭᔭ ᒧᔅ ᒐᒋ ᒥᔪ ‍ ᒥᓂᓱᐅᔭᒄ᙮ ᐊᑯ ᒪᒃ ᐅᑕᐎᒪᐤ ᒐ ‍ ᒥᔨᑕᒄ ᑕᓐ ᒥᒄ ᒐ ᐃᓯ ‍ ᓂᑐᑎᒧᐛᒄ ᓂᑦ ᐃᓯᓂᐧᑲᓱᐅᓐ ᐊ ‍ ᐊᐱᒋᑕᔭᒄ᙮
\v 17 ᒋᑦ ᐃᑎᓱᒥᑎᓇᐛᐤ ᒪᒃ ᐅ, ᐊᐅᒄ ᒐᒋ ᓴᒋᐃᑐᔭᒄ᙮”
\s1 ᒋᓴᔅ ᐅᒋᔅᒋᓄᐊᒧᐛᑭᓇ ᑲ ‍ ᐛᐧᑲᑎᑯᔨᒋ ᐊᐛᔪᐛ ᐅᑕ ᐊᔅᒋᒡ
\p
\v 18 “ᐛᐧᑲᑎᑕᒂᐛ ᐊᓐᒡ ᐊᑲ ᐎ ᓂᓇᐃᑐᐛᒡ ᒋᓴᒪᓂᑐᐛ ᒐ ‍ ᒋᔅᒋᓯᔭᒄ ᓂᔾ ᓂᔅᑎᒻ ᐊᒋ ‍ ᐛᐧᑲᓯᒡ ᐊᔅᒄ ᐊᑲ ᒋᔨᐛᐤ ᐅᒋ ᐛᐧᑲᑎᑕᑯᒡ᙮
\v 19 ᐃᑕᔨᑕᑯᓯᔭᒄ ᒪᒃ ᑕᓐ ᐊ ‍ ᐃᑕᔨᑕᑯᓯᒡ ᒋᐸ ‍ ᓴᒋᐃᑯᐛᐅᒡ ᒧᔭᒻ ᐊ ᐃᓯ ‍ ᓯᓴᒋᐃᑐᒡ ᐎᔨᐛᐤ᙮ ᒥᒄ ᒪᒃ ᐊᒋ ‍ ᐅᑎᓂᑎᑯᒡ ᐊᐅᒄ ᐛᒋ ‍ ᐛᐧᑲᑎᑕᑯᒡ, ᐛᔅ ᑕᐸ ᐊᓐᑕ ᐊ ‍ ᑕᒡ ᐊᑯ ᒋ ᐊᑎ ᐃᓯ ‍ ᐎᒋᐃᐛᓇᐛᐤ᙮
\v 20 ᒐ ‍ ᒋᔅᒋᓯᔭᒄ ᑕᓐ ᑲ ‍ ᐃᑎᑎᑯᒡ, ‘ᓇᒪ ᑕᐤ ᐊᐱᒋᐊᑭᓐ ᐃᐛᒃ ᐊ ‍ ᐅᒋᒪᐛᔨᑕᑯᓯᑦ ᐊ ‍ ᐃᑕᔨᑕᑯᓯᔨᒋ ᐅᒋᒪᒪ᙮’ ᒧᔭᒻ ᑲ ‍ ᓂᓇᐧᑲᒋᐃᐛᒂ ᑭᔭ ᒋᔨᐛᐤ ᒋᑭ ‍ ᓂᓇᐧᑲᒋᐃᑯᐛᐅᒡ᙮ ᑲ ‍ ᓂᓇᐃᑎᒧᐛᒂ ᑕᓐ ᑲ ᐃᓯ ‍ ᐊᔨᒧᑎᒧᐅᒂᐤ ᒋᑭ ‍ ᓂᓇᐃᑎᒧᒡ ᑭᔭ ᒋᔨᐛᐤ ᑕᓐ ᒐ ᐃᓯ ‍ ᐊᔨᒧᑎᒧᐛᑯᒡ᙮
\v 21 ᒥᓯᐛ ᐅ ᑲ ᐃᓯ ‍ ᐊᔨᒧᑎᒪᑎᑯᒡ ᒐ ‍ ᐃᑐᑕᑕᑯᒡ ᓂᔾ ᐊᓂᔭᔪᐤ ᒐ ᐅᒋ ‍ ᐃᑐᑕᑕᑯᒡ ᐛᔅ ᑕᐸ ᐅᒋ ᒋᔅᒐᔨᒪᐅᒡ ᐊᓂᔭ ᑲ ᐸᒋ ‍ ᐃᑎᓴᐅᔨᒋ᙮
\v 22 ᐊᑲ ᐅᒋ ᐸᒋ ‍ ᐃᔨᒥᐃᒂᐤ ᓇᒪ ᒋᐸ ᐅᒋ ‍ ᐊᑕᒪᔨᑕᑯᓱᐅᒡ ᒥᒋᑥᐅᓂᔪᐤ᙮ ᐊᓄᒡ ᒪᒃ ᑕᑈ ᐊᒋ ᐸᒋ ‍ ᐃᔨᒥᐃᒂᐤ ᑭᑈ ᐊ ‍ ᐊᑕᒪᔨᑕᑯᓯᒡ ᐊᒋ ‍ ᒥᒋᑐᑕᒡ᙮
\v 23 ᐛᔅ ᐊᓐ ᐊᐛᓐ ᑲ ‍ ᐛᐧᑲᓯᑦ, ᓄᑕᐎᔭ ᑭᔭ ᐛᐧᑲᑕᐤ᙮
\v 24 ᓇᒪ ᒋᐸ ᐅᒋ ‍ ᐊᑕᒪᔨᑕᑯᓱᐅᒡ ᒥᒋᑥᐅᓂᔪᐤ ᐊᑲ ᐅᒋ ᐃᑐᑎᒧᒡ ᒪᒥᔅᑲᒡ ᐃᑐᐅᓇ ᓇᓂᑎᒻ ᐊᓐᑕ ᐊ ‍ ᑕᒡ᙮ ᓂᒋ ‍ ᐃᑐᑕᓐ ᒐᒂᔪᐛ ᐊᑲ ᓂᑕ ᑯᑎᒃ ᐊᐛᓐ ᐅᒋ ᐃᑐᑕᐧᒃ᙮ ᒥᓯᐛ ᒪᒃ ᒋ ‍ ᐛᐸᑎᒧᒡ᙮ ᐃᔭᐱᒡ ᒪᒃ ᓂᒋ ‍ ᐛᐧᑲᑎᑯᒡ᙮ ᓄᑕᐎᔭ ᑭᔭ ᒋ ‍ ᐛᐧᑲᑕᐅᒡ ᐊᓂᔭ ᐊ ‍ ᐛᐧᑲᓯᒡ᙮
\v 25 ᐅᔭ ᒪᒃ ᑲ ‍ ᐃᑐᑐᐅᒡ ᐛᔅ ᐊᐅᑯᓐ ᑲ ‍ ᐃᑎᔅᑕᔨᒡ ᐅᐎᓱᐛᐅᓄᐛᒡ ᒐ ‍ ᐃᑐᑐᐅᒡ᙮ ᒋ ‍ ᓂᑲᓐ ᐎᑕᑯᓂᔪᐤ ᐊᓐᑕ ᑲ ‍ ᐃᑎᔅᑕᔨᒡ,
\q ᓴᔎᒡ ᓂᒋ ‍ ᐛᐧᑲᑎᑯᒡ᙮”
\s2 John 15.26-27; 16.4b-15 (Pentecost Year B)
\p
\v 26 “ᒋᑭ ᐸᒋ ‍ ᑎᑯᓯᓐ ᐊᓐ ᐊᐛᓐ ᒐ ‍ ᐎᒋᐃᑕᐧᒄ, ᐊᐅᒄ ᑲ ‍ ᐸᔭᒋᓯᑦ ᐊᒐᐧᒄ᙮ ᓂᔾ ᓂᑭ ᐸᒋ ‍ ᐃᑎᓴᐛᐤ ᐊᓐᑕ ᐅᒋ ᐅᑕᐎᒪᐤ ᐊ ‍ ᑕᑦ᙮ ᒋᑭ ‍ ᐎᑎᒻ ᑕᑈᐅᓂᔪᐤ᙮ ᓂᔾ ᒪᒃ ᓂᑭ ‍ ᐊᔨᒧᒥᒄ᙮
\v 27 ᑭᔭ ᒋᔨᐛᐤ ᒪᒃ ᒋᑭ ‍ ᐊᔨᒧᒥᓇᐛᐤ ᐛᔅ ᐊᓐᑕ ᐅᔅᑭᒡ ᑲ ᐅᒋ ᒋᒋ ‍ ᒋᔅᑯᑎᒪᒐᔭᓐ ᐊᑯᑕ ᓴᔅ ᑲ ᐅᒋ ‍ ᐛᐎᒐᐎᔭᒄ᙮”
\c 16
\p
\v 1 “ᒥᓯᐛ ᐅ ᑲ ᐃᓯ ‍ ᐎᑎᒪᑎᑯᒡ ᔅᒋ ‍ ᐎᑎᒪᑎᓇᐛᐤ ᒐ ᐊᑲ ᒋ ᐃᓯᓇᑯᓯᔭᒄ ᒐᒋ ᐎ ᐊᑎ ᐳᓂᔭᒄ ᐊ ‍ ᑕᑈᔭᔨᒥᔭᒄ᙮
\v 2 ᐅᒡ ᒍᐤ ᐃᔪᒡ ᒋᑭ ‍ ᐎᐎᑎᓴᐅᑯᐛᐅᒡ ᐅᑦ ᐊᔭᒥᐊᐅᒋᐛᐳᐛᒡ᙮ ᓂᐦᐃ, ᒐᒃ ᑕᑈ ᒋᑭ ‍ ᐅᑎᒋᐱᔪᐤ ᐊᐛᓐ ᓂᐸᐃᑕᒂ ᒐ ‍ ᐃᑕᔨᑕᐧᒃ ᒋᓴᒪᓂᑐᐛ ᐊ ‍ ᐎᒋᐊᑦ᙮
\v 3 ᐊᐅᒄ ᐅᔭ ᒐ ‍ ᐃᑐᑕᑕᑯᒡ ᐛᔅ ᓇᒪ ᓂᑕ ᐅᒋ ᒋᔅᒐᔨᒪᐅᒡ ᐅᑕᐎᒪᐛ ᑭᔭ ᓂᔾ ᓇᒪ ᓂ ᐅᒋ ‍ ᒋᔅᒐᔨᒥᑯᒡ᙮”
\s2 John 15.26-27; 16.4b-15 (Pentecost Year B)
\p
\v 4 “ᒥᒄ ᒪᒃ ᒋ ᐎ ‍ ᐎᑎᒪᑎᓇᐛᐤ ᐅ ᒐᒋ ᒋᔅᒋᓯᔭᒄ ᑕᓐ ᑲ ᐃᓯ ‍ ᐊᔨᒧᒥᒂᐤ ᐃᔅᐱ ᐅᑎᒋᐱᔨᒐ ᐅᔭ ᒐᒂᔪᐛ ᒐᒋ ᐃᑐᑕᑕᑯᒡ᙮ ᓇᒪ ᒋ ᐅᒋ ‍ ᐎᑎᒪᑎᓇᐛᐤ ᐅᔭ ᐅᔅᑭᒡ ᐊᓐᑕ ᑲ ᐸᒋ ‍ ᒋᔅᑯᑎᒪᑎᑯᒡ ᐛᔅ ᐊᑯᑕ ᑲ ‍ ᑕᔭᓐ ᐊᓐᑕ ᐊ ‍ ᑕᔭᒄ᙮”
\s1 ᑕᓐ ᐊ ‍ ᐃᑕᐱᑎᓯᑦ ᑲ ‍ ᐸᔭᒋᓯᑦ ᐊᒐᐧᒄ
\p
\v 5 “ᐊᓄᒡ ᒪᒃ ᐎ ᐊᑯ ᒐ ‍ ᓂᑐᐛᐱᒥᒃ ᐊᓐ ᑲ ᐸᒋ ‍ ᐃᑎᓴᐅᑦ᙮ ᓇᒪ ᒪᒃ ᐛᐛᒡ ᐸᐃᒄ ᐊ ‍ ᑎᓯᔭᒄ ᒋ ‍ ᑯᒂᒋᒥᓇᐛᐤ ᑕᓐᑕ ᐊ ‍ ᐃᑐᑕᔭᓐ᙮
\v 6 ᐊᓄᒡ ᒪᒃ ᐊᒋ ‍ ᐎᑎᒪᑎᑯᒡ ᐊᑯ ᓇᔅᒡ ᐊ ‍ ᒥᓯᒪᔨᑎᒪᒄ᙮
\v 7 ᒥᒄ ᒪᒃ ᑯᐃᔅᒄ ᐊ ‍ ᐎᑎᒪᑎᑯᒡ ᐃᐛᒃ ᐛᔅ ᐊᓐ ᒋᑭ ‍ ᐎᒋᐃᑯᓇᐛᐤ ᐊ ‍ ᔅᑐᑕᔭᓐ, ᐛᔅ ᐊᑲ ᔅᑐᑕᔭᓇ ᓇᒪ ᒋᑭ ᐅᒋ ᐸᒋ ‍ ᓂᑐᐛᐱᒥᑯᐛᐤ ᐊᓐ ᒐ ‍ ᐎᒋᐃᑕᒄ, ᔅᑐᑕᔭᓇ ᒪᒃ ᐊᐅᑯᓐ ᐊᓐ ᒐ ᐸᒋ ‍ ᐃᑎᓴᐊᒪᑎᑯᒡ᙮
\v 8 ᑎᑯᓯᒐ ᒪᒃ ᒋᑭ ‍ ᐃᑐᑐᐛᐤ ᐊᐛᔪᐛ ᒐᒋ ᓂᔅᑐᑎᒥᔨᒋ ᐊ ‍ ᐅᓂᐱᔨᒋ ᑕᓐ ᐊ ᐃᓯ ‍ ᑭᓄᐛᐸᑎᒥᔨᒋ ᒥᒋᑥᐅᓂᔪᐤ, ᑯᐃᔅᑯᑕᑎᓯᐅᓂᔪᐤ ᑭᔭ ᒋᓴᒪᓂᑐᐛ ᐅᑎᐸᔅᑯᓂᒐᐅᓂᔪᐤ᙮
\v 9 ᐎᓂᐱᔪᒡ ᑕᓐ ᐊ ᐃᓯ ‍ ᑭᓄᐛᐸᑕᒡ ᒥᒋᑥᐅᓂᔪᐤ ᐛᔅ ᓇᒪ ᓂ ‍ ᑕᑈᔭᔨᒥᑯᒡ᙮
\v 10 ᐎᓂᐱᔪᒡ ᑕᓐ ᐊ ᐃᓯ ‍ ᑭᓄᐛᐸᑕᒡ ᑯᐃᔅᑯᑕᑎᓯᐅᓂᔪᐤ, ᐛᔅ ᐅᑕᐎᒪᐤ ᐊ ‍ ᑕᑦ ᐊᑯᑕ ᐊ ‍ ᐃᑐᑕᔭᓐ, ᓇᒪ ᒪᒃ ᒥᓐ ᒋᑭ ᐅᒋ ‍ ᐛᐱᒥᓇᐛᐤ᙮
\v 11 ᐎᓂᐱᔪᒡ ᑕᓐ ᐊ ᐃᓯ ‍ ᑭᓄᐛᐸᑕᒡ ᒋᓴᒪᓂᑐᐛ ᐅᑎᐸᔅᑯᓂᒐᐅᓂᔪᐤ ᐛᔅ ᒥᒋᒥᓂᑐᐤ ᓴᔅ ᒋ ‍ ᑎᐸᔅᑯᓂᑯᐤ ᒋᓴᒪᓂᑐᐛ᙮”
\s2 John 16.12-15 (Trinity Year C)
\p
\v 12 “ᐊᔅᒄ ᐊᑐᐎᔅ ᒥᔅᑎ ᑎᑯᓐ ᒐᒋ ᐃᑎᑎᑯᒡ ᒥᒄ ᒪᒃ ᓇᒪ ᒋᑭ ᐅᒋ ‍ ᓂᔅᑐᑕᓇᐛᐤ ᐊᓄᒡ᙮
\v 13 ᒥᒄ ᒪᒃ ᐃᔅᐱ ᑎᑯᓯᒐ ᐅ ᐊᒐᐧᒄ ᑲ ‍ ᒋᔅᒐᔨᑎᒥᐃᐛᑦ ᑕᑈᐅᓂᔪᐤ, ᐊᐅᒄ ᒐ ‍ ᒋᔅᒐᔨᑎᒥᐃᑕᒄ ᒥᓯᐛ ᑕᑈᐅᓂᔪᐤ ᒋᓴᒪᓂᑐᐛ ᐊ ‍ ᑕᔨᒋ ᐛᒋᐱᔨᒡ᙮ ᓇᒪ ᒋᑭ ᐅᒋ ‍ ᐃᔅᒋᔄᐤ ᒐᒂᔪᐤ ᐸᑐᔅ ᒋᓴᒪᓂᑐᐛ ᐃᑎᓱᒥᑯᒐ ᒐᒋ ᐃᔅᒋᔄᑦ᙮ ᐊᓂᔭ ᒪᒃ ᑕᓐ ᒐ ᐃᓯ ‍ ᐸᑐᐛᑦ ᐊ ‍ ᐃᔅᒋᔄᔨᒋ ᐊᔪᐅᒄ ᐅᔭ ᒐ ᐃᓯ ‍ ᐛᐎᑕᐧᒃ᙮ ᒋᑭ ‍ ᐛᐎᑎᒪᑯᐛᐤ ᐊᓂᔭᔪᐛ ᒐᒂᔪᐛ ᒐ ᐊᑎ ‍ ᐃᔅᐱᔨᒋ᙮
\v 14 ᓂᑭ ‍ ᒋᔅᑕᔨᑕᑯᐃᒄ ᐛᔅ ᑕᓐ ᒐ ᐃᓯ ‍ ᐊᔨᒧᑎᒧᒡ ᐊᐅᒄ ᐅᔭ ᒐ ᐃᓯ ‍ ᐊᓱᐤ ᐛᐎᑎᒪᑕᒄ᙮
\v 15 ᒥᓯᐛ ᑕᓐ ᑲ ᐃᓯ ‍ ᒥᔨᑦ ᐅᑕᐎᒪᐤ ᓂ ‍ ᑎᐱᔨᐛᐅᓯᓐ᙮ ᐊᐅᑯᓐ ᐛᒋ ‍ ᐃᑎᑎᑯᒡ ᒐ ‍ ᐊᓱᐤ ᐛᐎᑎᒪᑕᒄ ᐅ ᐊᒐᐧᒄ ᑕᓐ ᐊᓂᔭᔪᐛ ᑲ ᐃᓯ ‍ ᐊᔨᒧᑎᒧᒡ᙮”
\s1 ᐊᓐᑕ ᒐ ‍ ᒥᔽᔨᑕᒡ ᑭᔭ ᐊᓐᑕ ᒐ ‍ ᒥᒐᔨᑕᒡ ᒋᔅᒋᓄᐊᒧᐛᑭᓐᒡ
\p
\v 16 “ᐛᐃᐱᔅᒋᔅ ᒪᒃ ᓇᒪ ᒋᑭ ᐅᒋ ‍ ᐛᐱᒥᓇᐛᐤ᙮ ᒥᓐ ᒪᒃ ᐛᐃᐱᔅᒋᔅ ᐊᑯ ᒥᓐ ᒐ ‍ ᐛᐱᒥᔭᒄ᙮”
\p
\v 17 ᐊᑯ ᐱᔅᒐ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᒂ ‍ ᐃᑎᑐᔨᒋ, “ᒐᒂᔪᐤ ᐅᔭ ᑲ ‍ ᐃᑎᑕᒄ ᐊᔅᒄ ᒥᓐ ᐛᐃᐱᔅᒋᔅ ᒐ ‍ ᐎᒐᐛᐧᒄ ᐊᑯ ᒥᓐ ᒐ ᐊᑲ ᐅᒋ ‍ ᐛᐱᒪᐧᒄ ᑭᔭ ᐊᓂᔭ ᑲ ‍ ᐃᔅᒋᔄᑦ ᒥᓐ ᐛᐃᐱᔅᒋᔅ ᐊᑯ ᒐ ‍ ᐛᐱᒪᐧᒄ ? ᑭᔭ ᐊᓂᔭ ᐊ ‍ ᐃᔅᒋᔄᑦ, ‘ᐅᑕᐎᒪᐛ ᐊ ‍ ᓂᑐᐛᐱᒪᑦ’ ?
\v 18 ᒐᒂᔪᐤ ᐅᔭ ᐛᐃᐱᔅᒋᔅ ᑲ ‍ ᐃᔅᒋᔄᑦ ? ᓇᒪ ᒋ ‍ ᒋᔅᒐᔨᑎᒺᓇᓄᐤ ᒐᒂᔪᐤ ᐊᓂᔭ ᐛᒋ ‍ ᐃᔅᒋᔄᑦ, ‘ᐛᐃᐱᔅᒋᔅ᙮’ ”
\p
\v 19 ᒋᓴᔅ ᒋ ‍ ᒋᔅᒐᔨᒪᐤ ᐊ ᐎ ‍ ᑯᒂᒋᒥᑯᑦ ᐅᔭ᙮ ᐊᑯ ᒂ ‍ ᐃᑕᑦ, “ᐊᓐ ᑲ ‍ ᐃᔅᒋᔄᔭᓐ, ᓴᔅ ᐎᐱᒡ ᓇᒪ ᒋᑭ ᐅᒋ ‍ ᐎᒐᐅᑎᓇᐛᐤ᙮ ᒥᓐ ᒪᒃ ᐛᐃᐱᔅᒋᔅ ᐊᑯ ᒥᓐ ᒐ ‍ ᐛᐱᒥᔭᒄ᙮ ᐅ ᐛ ᓂᑐ ‍ ᒋᔅᒐᔨᑎᒪᒄ ᒐᒂᓐ ᐊᓐ ᑲ ‍ ᐊᔨᒧᑎᒪᓐ ?
\v 20 ᑯᐃᔅᒄ ᐊ ‍ ᐎᑎᒪᑎᑯᒡ ᒋᑭ ‍ ᒪᓇᐛᐤ ᑭᔭ ᒋᑭ ‍ ᓂᓇᐧᑲᑕᔨᒧᓇᐛᐤ᙮ ᐊᐅᑯᓐᒡ ᐅᒡ ᐅᑕ ᐊᔅᒋᒡ ᑲ ‍ ᑕᒡ ᐊᑲ ᓂᓇᑭᑐᐛᔨᒪᒡ ᒋᓴᒪᓂᑐᐛ ᐅᐱᒪᑎᓯᐅᓄᐛᒡ ᒋᑭ ‍ ᓯᒋᔭᓱᐅᒡ᙮ ᒋᑭ ‍ ᒥᓯᒪᔨᑕᓇᐛᐤ ᒋᔨᐛᐤ᙮ ᒥᒄ ᒪᒃ ᐊᓐ ᐊ ‍ ᒥᓯᒪᔨᑎᒪᒄ ᒋᑭ ‍ ᒂᔅᒋᐱᔪᐤ ᐃᔭᐱᒡ ᒐᒋ ᒧᒋᒐᔨᑎᒪᒄ᙮
\v 21 ᐃᔅᐱ ᒐ ‍ ᐛᐱᒪᐅᓱᑦ ᐃᔎᐤ ᒥᓯᒪᔨᑎᒻ ᐛᔅ ᐅᑎᒋᐱᔪᐤ ᐊᑯ ᒐ ‍ ᐎᓯᒐᔨᑕᐧᒃ᙮ ᐃᔅᐱ ᒪᒃ ᑲ ‍ ᐱᒪᑎᓯᔨᒋ ᐊᓂᔭᔪᐛ ᐅᑦ ᐊᐛᓯᒪ ᐅᓂᒋᔅᒋᓯᑐᑎᒻ ᑕᓐ ᑲ ᐃᓯ ‍ ᐎᓯᒐᔨᑕᐧᒃ ᐛᔅ ᓇᔅᒡ ᑕᑈ ᒥᔽᔨᑎᒻ ᐊ ‍ ᒋᔅᒐᔨᑕᐧᒃ ᐊᐛᓴ ᐊᒋ ‍ ᐱᒪᑎᓯᔨᒋ ᐅᑕ ᐊᔅᒋᒡ᙮
\v 22 ᐊᐅᑯᓐ ᒪᒃ ᒧᔭᒻ ᑭᔭ ᒋᔨᐛᐤ, ᐊᓄᒡ ᒋ ‍ ᒥᓯᒪᔨᑕᓇᐛᐤ᙮ ᒥᒄ ᒪᒃ ᐃᔅᐱᔅ ᒥᓐ ᐛᐱᒥᑎᑯᒐ ᓇᔅᒡ ᑕᑈ ᒋᑭ ‍ ᒥᔽᔨᑕᓇᐛᐤ᙮ ᓇᒪ ᒪᒃ ᐊᐛᓐ ᒋᑭ ᐅᒋ ‍ ᐃᑐᑕᑯᐛᐤ ᒐᒋ ᒥᔅᑭᒥᑕᒄ ᒋᒧᒋᒐᔨᑎᒧᐅᓄᐛᔪᐤ᙮”
\p
\v 23 “ᐅᑎᒋᐱᔨᒐ ᒪᒃ ᐅ ᑲ ᐃᓯ ‍ ᐊᔨᒧᑎᒪᑎᑯᒡ ᓇᒪ ᒐᒂᓐ ᒋᑭ ᐅᒋ ‍ ᓂᑐᑎᒧᓇᐛᐤ᙮ ᑯᐃᔅᒄ ᐊ ‍ ᐎᑎᒪᑎᑯᒡ ᒥᒄ ᑕᓐ ᒐ ᐃᓯ ‍ ᓂᑐᐛᔨᑎᒧᐛᒄ ᐅᑕᐎᒪᐤ ᓂᑦ ᐃᓯᓂᐧᑲᓱᐅᓐ ᐊ ‍ ᐊᐱᒋᑕᔭᒄ ᒋᑭ ‍ ᒥᔨᑯᐛᐤ᙮
\v 24 ᓇᒪ ᐊᔅᒄ ᒋ ᐅᒋ ‍ ᓂᑐᑎᒧᓇᐛᐤ ᒐᒂᓐ ᓂᑦ ᐃᓯᓂᐧᑲᓱᐅᓂᒡ ᐅᒡ᙮ ᓂᑐᑎᒪᒄ ᑭᔭ ᒐ ‍ ᒥᔨᑯᐅᔭᒄ, ᑭᔭ ᓇᔅᒡ ᒐ ‍ ᒥᔽᔨᑎᒪᒄ᙮”
\s1 ᒋᓴᔅ ᑲ ‍ ᐊᔨᒧᑕᐧᒃ ᐊ ‍ ᓴᐧᑯᒋᑕᑭᓄᐎᒡ ᐊᔅᒋᔪᐤ
\p
\v 25 “ᐅᔭ ᒐᒂᔪᐛ ᑲ ‍ ᐎᑎᒪᑎᑯᒡ ᓇᔅᒡ ᑕᑈ ᐊᔨᒥᓐ ᒐᒋ ᓂᔅᑐᑕᒂᒋ᙮ ᒪᒃ ᒋᑭ ‍ ᐅᑎᒋᐱᔪᐤ ᒐᒃ ᐊᓐᑕ ᒐ ‍ ᐱᔭᑭᔅᒡ ᓂᔅᑐᑎᒪᒄ ᐊᔨᒧᑎᒪᑎᑯᒐ ᐅᑕᐎᒪᐤ᙮
\v 26 ᐅᑎᒋᐱᔨᒐ ᒪᒃ ᐊᓐ, ᒋᔨᐛᐤ ᐊᑯ ᒐ ‍ ᓂᑐᑎᒧᐛᒄ ᒋᓴᒪᓂᑐᐤ ᓂᑦ ᐃᓯᓂᐧᑲᓱᐅᓂᒡ ᐅᒡ᙮ ᒋᑦ ᐃᑎᓇᐛᐤ ᒪᒃ, ᓇᒪ ᒋᑭ ᐅᒋ ‍ ᓂᑐᐛᔨᑕᑯᓐ ᒐᒋ ᐊᔭᒥᐊᔭᓐ ᐊ ‍ ᓂᑐᑎᒧᒃ ᒋᓴᒪᓂᑐᐤ ᒐᒋ ᒥᔨᑕᒄ ᑕᓐ ᐊ ᐃᓯ ‍ ᓂᑐᐛᔨᑎᒪᒄ᙮
\v 27 ᐛᔅ ᒋᓴᒋᐃᑯᐛᐤ ᐅᑕᐎᒪᐤ ᐊᒋ ‍ ᓴᒋᐃᔭᒄ ᑭᔭ ᐊᒋ ‍ ᑕᑈᑎᒪᒄ ᐅᑕᐎᒪᐤ ᐊ ‍ ᑕᑦ ᐊᒋ ‍ ᐅᑐᑕᔭᓐ᙮
\v 28 ᑕᑈ ᒪᒃ ᐅᑕᐎᒪᐤ ᐊ ‍ ᑕᑦ ᓂᒋ ‍ ᐅᑐᑕᓐ ᑲ ᐸᒋ ‍ ᑎᑯᓯᓂᔭᓐ ᐅᑕ ᐊᔅᒋᒡ ᒥᓐ ᒪᒃ ᑲᐤ ᓂᑭ ‍ ᔅᑐᑕᓐ ᓄᑕᐎᔾ ᐊ ‍ ᑕᑦ ᓂᑭ ‍ ᐃᑐᑕᓐ᙮”
\p
\v 29 ᐊᑯ ᒂ ‍ ᐃᑎᑯᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐊᑯ ᒪᒃ ᐃᔭᒄ ᓇᔅᑐᑕᑯᓯᔨᓐ ᑕᓐ ᐊ ‍ ᐃᔅᒋᔄᔨᓐ᙮ ᓇᒪ ᐊᔨᒥᓐ ᒐᒋ ᓂᔅᑐᑕᒂᒡ ᑕᓐ ᐊ ᐃᓯ ‍ ᐊᔨᒧᑎᒥᓐ᙮
\v 30 ᓂ ‍ ᒋᔅᒐᔨᑕᓇᓐ ᒪᒃ ᒥᓯᐛ ᒐᒂᓐ ᐊ ‍ ᒋᔅᒐᔨᑎᒥᓐ, ᓇᒪ ᓂᑐᐛᔨᑕᑯᓱᐤ ᐊᐛᓐ ᒐᒋ ᑯᒂᒋᒥᔅᒃ ᒐᒂᔪᐤ, ᐊᐅᒄ ᒪᒃ ᐅ ᐛᒋ ‍ ᑕᑈᑎᒪᒡ ᒋᓴᒪᓂᑐᐤ ᐊ ‍ ᑕᑦ ᐊᒋ ‍ ᐅᑐᑕᔨᓐ᙮”
\p
\v 31 ᐊᑯ ᒋᓴᔅ ᒂ ‍ ᐃᑕᑦ, “ᒋ ‍ ᑕᑈᑕᓇᐛᐤ ᐊ ᐊᓄᒡ ?
\v 32 ᒋᑭ ‍ ᐅᑎᒋᐱᔪᐤ, ᓴᔅ ᒪᒃ ᑕᑈ ᐅᑎᒋᐱᔪᐤ ᐊᓐᑕ ᒥᓯᐛ ᐸᐸᐃᒄ ᒐ ‍ ᑕᔭᒄ, ᑕᑎᐸᓐ ᒐ ‍ ᑕᔭᒄ ᑎᐱᔨᐛ ᒋᒋᐛᐛᒡ᙮ ᐊᑯ ᓂᔾ ᒐ ‍ ᐸᐃᑯᓯᔭᓐ ᐊᑲ ᐊᐱᑕᔨᒥᔭᒄ᙮ ᓇᒪ ᒥᒄ ᒋᒋᐛ ᓂᑭ ᐅᒋ ‍ ᐸᐃᑯᓯᓐ ᐛᔅ ᓄᑕᐎᔾ ᑕᐤ ᐅᑕ ᐊ ‍ ᑕᔭᓐ᙮
\v 33 ᔅᒋ ‍ ᐎᑎᒪᑎᓇᐛᐤ ᐅ ᒐᒋ ᐅᒋ ‍ ᐊᔭᔭᒄ ᒋᔭᒪᔨᑎᒧᐅᓐ ᐊᓐᑕ ᓂᔾ ᐊ ‍ ᑕᔭᓐ᙮ ᒋᑭ ‍ ᓂᓇᐧᑲᑕᔨᒧᐃᑯᓇᐛᐤ ᐅᑕ ᐊᔅᒋᒡ᙮ ᓱᒃ ᐎ ᓱᒋᑕᐊᒄ, ᐛᔅ ᓴᔅ ᓂᒋ ‍ ᓴᐧᑯᒋᐊᐤ ᐊᓐ ᑲ ‍ ᑎᐸᔨᒪᑦ ᐊᓂᔭ ᐊᐛᔪᐛ ᐊᑲ ᐊᐱᑕᔨᒪᔨᒋ ᒋᓴᒪᓂᑐᐛ᙮”
\c 17
\s1 ᒋᓴᔅ ᐎᔾ ᑲ ‍ ᐊᔭᒥᐊᔅᑎᒪᓱᑦ
\s2 John 17.1-11 (Easter-7 Year A)
\p
\v 1 ᐃᔅᐱ ᒪᒃ ᒋᓴᔅ ᑲᒋ ᐃᓯ ‍ ᐃᔭᒥᑦ, ᒋ ‍ ᑎᔅᑎᓴᐳᐤ ᒋᒋᒋᓯᑯᒡ ᐃᔅ ᐊᑯ ᒂ ‍ ᐃᔅᒋᔄᑦ,
\q “ᓄᑕ, ᐊᑯ ᐛᑎᒋᐱᔨᒡ ᑎᐸᐃᑭᓐ᙮ ᐛᐸᑎᔨᐛ ᑕᓐ ᐊᔅᐱᔅ ᒋᔅᑕᔨᑕᑯᓯᑦ ᒋᑯᔅ ᐊᑯ ᒪᒃ ᒐ ‍ ᐛᐸᑎᔨᐛᑦ ᒋᔾ ᑕᓐ ᐊᔅᐱᔅ ᒋᔅᑕᔨᑕᑯᓱᐅᑦ᙮
\v 2 ᐛᔅ ᔅᒋ ‍ ᒥᔭᐤ ᑎᐸᔨᒋᒐᐅᓂᔪᐤ ᒥᓯᐛ ᐊᐛᔪᐛ ᒐᒋ ᑎᐸᔨᒪᑦ᙮ ᐊᑯ ᒪᒃ ᑲᒋᒡ ᐱᒪᑎᓯᐅᓂᔪᐤ ᒐᒋ ᒥᔭᑦ ᒥᓯᐛ ᐊᓂᔭ ᐊᐛᔪᐛ ᑲ ‍ ᒥᔨᑦ᙮
\v 3 ᒪᐅᑕ ᒪᒃ ᒐᒋ ᐅᒋ ‍ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ, ᒋᔅᒐᔨᒥᔅᒐ ᒋᔾ ᒥᒄ ᐊ ‍ ᐸᐃᑯᓯᔨᓐ ᐊ ‍ ᒋᓴᒪᓂᑐᐎᔨᓐ, ᑭᔭ ᒋᔅᒐᔨᒪᒐ ᒋᓴᔅ ᙭ᑕ, ᐊᓂᔭ ᑲ ᐸᒋ ‍ ᐃᑎᓴᐅᒥᑎ᙮
\v 4 ᓂᒋ ‍ ᐛᐸᑎᔨᐛᓐ ᐅᑕ ᐊᔅᒋᒡ ᑕᓐ ᐊᔅᐱᔅ ᒋᔅᑕᔨᑕᑯᓯᔨᓐ, ᐊᒋ ‍ ᒋᔅᑕᔭᓐ ᐊᓐ ᐊᑐᔅᒐᐅᓐ ᑲ ᐸᒋ ‍ ᒥᔨᓐ ᒐ ‍ ᐃᑐᑎᒪᓐ᙮
\v 5 ᓄᑕ, ᒋᔅᑕᔨᑕᑯᐃ ᒧᔭᒻ ᐊᓐ ᑲ ᐃᔅᐱᔅ ‍ ᒋᔅᑕᔨᑕᑯᓯᔭᓐ ᐊᔅᒄ ᐊᒋ ‍ ᑕᔭᓐ ᐊᓐᑕ ᐊ ‍ ᑕᔨᓐ, ᐊᔅᒄ ᐊᑲ ᐅᒋ ᐅᓯᑕᔨᓐ ᐅ ᐊᔅᒋᔾ᙮”
\s1 ᒋᓴᔅ ᑲ ‍ ᐊᔭᒥᐊᔅᑎᒧᐛᑦ ᐅᒋᔅᒋᓄᐊᒧᐛᑭᓇ
\s2 John 17.6-19 (Easter-7 Year B)
\q
\v 6 “ᓂᒋ ‍ ᐃᑐᑐᐛᐅᒡ ᐅᒡ ᓇᐸᐅᒡ ᑲ ᐸᒋ ‍ ᒥᔨᓐ ᐅᑕ ᐊᔅᒋᒡ ᐅᒡ ᒐᒋ ᒋᔅᒐᔨᒥᔅᒡ᙮ ᒋᔾ ᔅᒋ ‍ ᑎᐱᔨᐛᐅᓯᓐ ᐊᑯ ᒪᒃ ᑲ ᐸᒋ ‍ ᒥᔨᓐ᙮ ᒋ ‍ ᓂᓇᐃᑎᒧᒡ ᒪᒃ ᒋᑦ ᐃᔨᒧᐅᓂᔪᐤ᙮
\v 7 ᐊᓄᒡ ᒪᒃ ᒋᔅᒐᔨᑎᒧᒡ ᒥᓯᐛ ᐊᓂᔭᔪᐛ ᒐᒂᔪᐛ ᑲ ‍ ᒥᔨᓐ ᑕᑈ ᒋᔾ ᐊ ‍ ᑕᔨᓐ ᐊ ‍ ᐅᒋᐱᔨᒋ᙮
\v 8 ᓂᒋ ‍ ᐎᑎᒧᐛᐅᒡ ᑕᓐ ᑲ ᐃᓯ ‍ ᒥᔨᓐ ᒐᒋ ᐎᑎᒧᐅᒂᐤ᙮ ᒋ ‍ ᐅᑎᓂᒧᒡ ᒪᒃ ᑕᓐ ᑲ ᐃᓯ ‍ ᐎᑎᒧᐅᒂᐤ᙮ ᒋᔅᒐᔨᑎᒧᒡ ᑕᑈ ᒋᔾ ᐊᒋ ᐸᒋ ‍ ᐃᑎᓴᐎᔨᓐ ᑕᑈᑎᒧᒡ ᑭᔭ ᐅᔭ᙮”
\q
\v 9 “ᓂᑦ ᐊᔭᒥᐊᔅᑎᒧᐛᐅᒡ, ᓇᒪ ᐎ ᐊᓐᒡ ᐊᑲ ᒋᔅᒐᔨᒥᔅᒡ ᐅᐱᒪᑎᓯᐅᓄᐛᒡ ᓂᑦ ᐊᔭᒥᐊᔅᑎᒧᐛᐅᒡ᙮ ᐅᒡ ᐊᐅᒄ ᑲ ᐸᒋ ‍ ᒥᔨᓐ ᓂᑦ ᐊᔭᒥᐊᔅᑎᒧᐛᐅᒡ ᐛᔅ ᒋᔾ ᒋ ‍ ᑎᐱᔨᐛᐅᓯᓐ ᐅᒡ ᑲ ᐸᒋ ‍ ᒥᔨᓐ᙮
\v 10 ᒥᓯᐛ ᐅᒡ ᑲ ‍ ᑎᐱᔨᐛᐅᓯᔨᓐ ᑭᔭ ᓂᔾ ᓂ ‍ ᑎᐱᔨᐛᐅᓯᓐ᙮ ᒥᓯᐛ ᐊᓐᒡ ᑲ ‍ ᑎᐱᔨᐛᐅᓯᔭᓐ ᑭᔭ ᒋᔾ ᒋ ‍ ᑎᐱᔨᐛᐅᓯᓐ᙮ ᓂᒋ ‍ ᒋᔅᑕᔨᑕᑯᐃᑯᐅᓐ ᒪᒃ ᐎᔨᐛᐤ ᐅᒡ᙮
\v 11 ᐊᑯ ᒪᒃ ᒐ ‍ ᓂᑐᐛᐱᒥᑕᓐ᙮ ᓴᔅ ᐎᐱᒡ ᓇᒪ ᓂᑭ ᐅᒋ ‍ ᑕᓐ ᐅᑕ ᐊᔅᒋᒡ᙮ ᐎᔨᐛᐤ ᒪᒃ ᐊᔅᒄ ᐅᑕ ᐊᔅᒋᒡ ᒋᑭ ‍ ᑕᐅᒡ᙮ ᓄᑕ, ᒋᔾ ᑲ ‍ ᐸᔭᒋᓯᔨᓐ, ᒪᒧᐤ ᑭᓄᐛᔨᒥᒡ ᑕᓐ ᐊ ᐃᓯ ‍ ᓱᒋᑭᓄᐛᔨᒧᒥᑭᓂᔨᒡ ᒋᑦ ᐃᓯᓂᐧᑲᓱᐅᓂᔪᐤ ᐅᒡ ᑲ ᐸᒋ ‍ ᒥᔨᓐ ᐊᓐᑕ ᒐᒋ ᐅᒋ ‍ ᐸᐃᑯᒡ ᒧᔭᒻ ᒋᔭᓄᐤ ᐊ ᐃᓯ ‍ ᐸᐃᑯᔭᐧᒄ᙮”
\q
\v 12 “ᒪᒂᒡ ᑲ ‍ ᐎᒐᐅᒂᐤ ᓂᒋ ‍ ᑭᓄᐛᔨᒪᐅᒡ ᐊᓂᔭ ᐃᓯᓂᐧᑲᓱᐅᓂᔪᐤ ᑲ ᐸᒋ ‍ ᒥᔪᐅᑦ ᐅᒡ᙮ ᓂᒋ ‍ ᑭᓄᐛᔨᒪᐅᒡ, ᓇᒪ ᒪᒃ ᐛᒋ ‍ ᐸᐃᒄ ᐅᒋ ᐅᓂᓯᓄᐅᒡ ᒥᒄ ᐊᓐ ᑲ ‍ ᐃᑕᔨᑕᑯᓂᑯᐱᓇ ᒐ ‍ ᐅᓂᓯᐧᒃ ᒋ ‍ ᐅᓂᓯᓄᐤ᙮ ᒥᓯᐛ ᐅ ᑲ ‍ ᐃᔅᐱᔨᒡ ᒋ ‍ ᐃᔅᐱᔪᐤ ᒐᒋ ᑎᐱᐱᔨᒡ ᑕᓐ ᐊᑎᔅᑕᒡ ᒋᑦ ᐃᔨᒧᐅᓂᒡ᙮”
\q
\v 13 “ᐊᓄᒡ ᒪᒃ ᒋ ᐸᒋ ‍ ᓇᑎᑎᓐ, ᐅᔭ ᒪᒃ ᒐᒂᔪᐛ ᓂ ᐎ ‍ ᑕᓐ ᐅᑕ ᐊᔅᒋᒡ ᒐᒋ ᓴᑭᔅᒋᓇᔅᑲᑯᒡ ᓂᒧᒋᒐᔨᑎᒧᐅᓂᔪᐤ᙮
\v 14 ᓂᒋ ‍ ᐎᑎᒧᐛᐅᒡ ᑕᓐ ᑲ ᐃᓯ ‍ ᒥᔨᓐ ᒐᒋ ᐎᑎᒧᐅᒂᐤ᙮ ᒋ ‍ ᐛᐧᑲᑎᑯᐅᒡ ᒪᒃ ᐊᐛᔪᐛ ᐅᑕ ᐊᔅᒋᒡ ᑲ ‍ ᑕᔨᒋ ᐛᔅ ᑕᐸ ᐅᑕ ᐊᔅᒋᒡ ᐃᓯ ᑎᐸᔨᑕᑯᓱᐅᒡ ᒧᔭᒻ ᓂᔾ ᐊ ᐃᓯ ᐊᑲ ‍ ᑎᐸᔨᑕᑯᓯᔭᓐ ᐅᑕ ᐊᔅᒋᒡ᙮
\v 15 ᓇᒪ ᐎ ᒋ ‍ ᓂᑐᑎᒪᑎᓐ ᒐᒋ ᐅᑎᓂᑥᐤ ᐅᑕ ᐊᔅᒋᒡ ᐅᒋ, ᒋ ‍ ᓂᑐᑎᒪᑎᓐ ᒐᒋ ᑭᓄᐛᔨᒥᑥᐤ ᒐ ᐊᑲ ᒋ ᐱᔅᒐᔨᒥᑯᒡ ᒥᒋᒥᓂᑐᐛ᙮
\v 16 ᒧᔭᒻ ᐊ ᐃᓯ ᐊᑲ ‍ ᑎᐸᔨᑕᑯᓱᐅᒡ ᐅᑕ ᐊᔅᒋᒡ ᐊᑯᓐ ᒧᔭᒻ ᑭᔭ ᐎᔨᐛᐤ ᐊ ‍ ᐃᓯᓇᑯᓯᒡ᙮ ᓇᒪ ᑭᔭ ᐎᔨᐛᐤ ᐅᑕ ᐊᔅᒋᒡ ᑎᐸᔨᑕᑯᓱᐅᒡ᙮
\v 17 ᐸᔭᒋᐃᒡ ᒋᑕᑈᐅᓂᒡ ᐃᔅ᙮ ᒋᑦ ᐃᔨᒧᐅᓐ ᐊᐅᒄ ᑕᑈᐅᓐ᙮
\v 18 ᓂᔾ ᐊᑯ ᐊ ‍ ᐃᑎᓴᐅᒂᐤ ᐅᑕ ᐊᔅᒋᒡ ᒧᔭᒻ ᒋᔾ ᑲ ᐃᓯ ᐸᒋ ‍ ᐃᑎᓴᐎᔨᓐ ᐅᑕ ᐊᔅᒋᒡ᙮
\v 19 ᒋᔾ ᐊ ‍ ᑕᔨᓐ ᓂᑦ ᐃᓯ ‍ ᐱᔅᑕᔨᒥᓱᓐ ᒐᒋ ᐅᒋ ‍ ᓇᔅᒡ ᐱᔅᑕᔨᒥᓱᔅᑕᔅᒡ ᑭᔭ ᐎᔨᐛᐤ᙮”
\s1 ᒋᓴᔅ ᑲ ‍ ᐊᔭᒥᐊᔅᑎᒧᐛᑦ ᒥᓯᐛ ᐊᓂᔭᔪᐛ ᑲ ‍ ᓇᓴᐅᑯᑦ
\s2 John 17.20-26 (Easter-7 Year C)
\q
\v 20 “ᓇᒪ ᒥᒄ ᐅᒡ ᐅᑕ ᐊ ‍ ᑕᒡ ᓂᑦ ᐊᔭᒥᐊᔅᑎᒧᐛᐅᒡ᙮ ᓂᑦ ᐊᔭᒥᐊᔅᑎᒧᐛᐅᒡ ᑭᔭ ᐊᓐᒡ ᑲ ‍ ᑕᑈᔭᔨᒥᒡ ᐊᓂᔭ ᐅᒋ ᑕᓐ ᑲ ᐃᓯ ᐸᒋ ‍ ᐊᔨᒧᒥᔨᒋ ᐅᔭ᙮
\v 21 ᑭᒪ ᐃᓯᓇᑯᓱᒡ ᐅᒡ ᒐᒋ ᐸᐃᑯᒡ᙮ ᓄᑕ, ᒋ ‍ ᓂᑐᑎᒪᑎᓐ ᒐᒋ ᐱᒋᔅᑲᑕᐧᑯᒡ ᒧᔭᒻ ᒋᔾ ᐊ ᐃᓯ ‍ ᐱᒋᔅᑯᐎᔨᓐ ᑭᔭ ᒐᒋ ᐅᒋ ‍ ᑕᑈᑕᒡ ᐊᐛᓐᒋ ᐅᑕ ᐊᔅᒋᒡ ᐊ ‍ ᑕᒡ ᑕᑈ ᒋᔾ ᐊᒋ ᐸᒋ ‍ ᐃᑎᓴᐎᔨᓐ᙮
\v 22 ᓂᒋ ‍ ᐃᑐᑐᐛᐅᒡ ᒐᒋ ᒋᔅᑕᔨᑕᑯᓯᒡ ᒧᔭᒻ ᒋᔾ ᑲ ᐃᓯ ‍ ᐃᑐᑐᐎᔨᓐ ᒐᒋ ᒋᔅᑕᔨᑕᑯᓯᔭᓐ ᐊᓐᑕ ᒐᒋ ᐅᒋ ‍ ᐸᐃᑯᒡ ᒧᔭᒻ ᒋᔭᓄᐤ ᐊ ᐃᓯ ‍ ᐸᐃᑯᔭᐧᒄ᙮
\v 23 ᓂᔾ ᐊ ‍ ᐱᒋᔅᑯᐅᒂᐤ ᑭᔭ ᒋᔾ ᐊ ᐸᒋ ‍ ᐱᒋᔅᑯᐎᔨᓐ ᐊᑯᑕ ᒐᒋ ᐅᒋ ‍ ᓇᔅᒡ ᐸᐃᑯᒡ᙮ ᐊᑯᑕ ᒪᒃ ᒐᒋ ᐅᒋ ‍ ᑕᑈᑕᒡ ᐊᐛᓐᒋ ᐅᑕ ᐊᔅᒋᒡ ᐊ ‍ ᑕᒡ ᒋᔾ ᑕᑈ ᐊᒋ ᐸᒋ ‍ ᐃᑎᓴᐎᔨᓐ ᑭᔭ ᑕᑈ ᐊ ‍ ᓴᒋᐃᑥᐤ ᒧᔭᒻ ᓂᔾ ᐊ ᐃᔅᐱᔅ ‍ ᓴᒋᐃᔨᓐ᙮”
\q
\v 24 “ᓄᑕ, ᒋᔾ ᔅᒋ ᐸᒋ ‍ ᒥᔨᓐ ᐅᒡ, ᒋ ‍ ᓂᑐᑎᒪᑎᓐ ᒪᒃ ᑭᔭ ᐎᔨᐛᐤ ᐊᔅᒄ ᒐᒋ ᑕᒡ ᐊᓐᑕ ᒐ ‍ ᑕᐅᒡ᙮ ᐊᑯ ᒪᒃ ᒐ ‍ ᐛᐸᑕᒡ ᓂᒋᔅᑕᔨᑕᑯᓱᐅᓂᔪᐤ, ᐊᓂᔭ ᒋᔅᑕᔨᑕᑯᓱᐅᓂᔪᐤ ᑲ ᐸᒋ ‍ ᒥᔨᓐ ᐛᔅ ᔅᒋ ‍ ᓴᒋᐃᓐ ᐊᔅᒄ ᐊᑲ ᐅᒋ ᐅᓯᑕᔨᓐ ᐅ ᐊᔅᒋᔾ᙮”
\q
\v 25 “ᓄᑕ, ᒋᔾ ᒧᔅ ᑲ ‍ ᑯᐃᔅᒄ ᐃᑎᔨᓐ, ᓇᒪ ᒋ ‍ ᒋᔅᒐᔨᒥᑯᒡ ᐊᓐᒡ ᐊᐛᓐᒋ ᐊᑲ ᐊᐱᑕᔨᒥᔅᒡ ᐅᑕ ᐊᔅᒋᒡ, ᓂᔾ ᒪᒃ ᐎ ᒋ ‍ ᒋᔅᒐᔨᒥᑎᓐ᙮ ᐅᒡ ᒪᒃ ᑭᔭ ᑲ ᐸᒋ ‍ ᒥᔨᓐ ᒋᔅᒐᔨᑎᒧᒡ ᑕᑈ ᒋᔾ ᐊᒋ ᐸᒋ ‍ ᐃᑎᓴᐎᔨᓐ᙮
\v 26 ᓂᒋ ‍ ᐃᑐᑐᐛᐅᒡ ᒐᒋ ᒋᔅᒐᔨᒥᔅᒡ ᑭᔭ ᓇᒪ ᓂᑭ ᐅᒋ ‍ ᐳᓂᐛᓐ ᐊᓂᔭ ᐊ ‍ ᐃᑐᑐᐅᒂᐤ᙮ ᐊᑯ ᐊᓐ ᑕᓐ ᐊᔅᐱᔅ ᓴᒋᐃᔨᓐ ᑭᔭ ᐎᔨᐛᐤ ᒐᒋ ᐱᒋᔅᑲᑯᒡ᙮ ᐊᑯ ᒪᒃ ᑭᔭ ᓂᔾ ᒐ ‍ ᐱᒋᔅᑯᐅᒂᐤ᙮”
\c 18
\s1 ᒋᓴᔅ ᑲ ‍ ᒪᑯᓇᑭᓄᐅᑦ
\r ᒪᑎᔪᐤ 26.47-56; ᒪᕐᒃ 14.43-50; ᓗᒃ 22.47-53
\p
\v 1 ᐃᔅᐱ ᒋᓴᔅ ᑲᒋ ᐃᓯ ‍ ᐊᔭᒥᐊᑦ ᐊᑯ ᒂ ‍ ᔅᑐᑕᒡ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ‍ ᐎᒐᐅᑯᑦ᙮ ᐊᑯ ᒂ ‍ ᐊᓱᐅᑕᒡ ᐊᓂᔭ ᓯᐱᓯᔪᐤ ᑭᑦᕈᓐ ᑲ ‍ ᐃᓯᓂᐧᑲᑕᔨᒡ᙮ ᒋ ‍ ᑎᑯᓂᔪᐤ ᒪᒃ ᐊᓐᑕ ᓂᑕᐅᒋᑕᑭᓐ ᐊᔅᒋᔪᐤ ᐊᑯᑕ ᑲ ‍ ᐃᑐᑕᒡ᙮
\p
\v 2 ᒍᑎᔅ ᒪᒃ ᐊᓐ ᒐ ‍ ᐎᔭᓯᐱᔅᑎᓇᑦ ᒋᓴᓴ ᒋ ‍ ᒋᔅᒐᔨᑎᒻ ᑕᓐᑕ ᑲ ‍ ᑎᑯᓂᔨᒡ ᐊᓂᔭᔪᐤ ᐛᔅ ᒥᒐᑥᐤ ᒋ ‍ ᒪᒧᐎᐅᒡ ᐊᓐᑕ ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ᙮
\v 3 ᒍᑎᔅ ᒪᒃ ᒋ ‍ ᐃᑐᑕᐤ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊ ‍ ᐎᒐᐅᑯᑦ ᕈᒻ ᐊᓯᒪᑭᓂᓴ ᑭᔭ ᐊᓂᔭᔪᐛ ᑲᒪᑯᓄᐛᓯᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ‍ ᐊᑐᔅᒐᔨᒋ᙮ ᐊᓂᔭᔪᐛ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭ ᐸᕆᓯᐊ ᒋ ‍ ᐃᑎᓴᐅᑯᒡ ᒐᒋ ᓇᓂᑐᐛᐱᒪᒡ ᒋᓴᓴ᙮ ᒋ ᐸᒋ ‍ ᑕᐧᑯᓇᐅᒡ ᒪᒃ ᐛᔅᑕᓂᐱᒪᑭᓇ ᑭᔭ ᐃᔅᑯᑕᐤ ᐛᔅᑕᓂᐱᒪᑭᓇ ᑭᔭ ᓂᑐᐱᔪᐅ-ᒧᐧᑯᒪᓇ᙮
\p
\v 4 ᒋ ‍ ᒋᔅᒐᔨᑎᒻ ᒪᒃ ᒋᓴᔅ ᒥᓯᐛ ᑕᓐ ᒐ ‍ ᐃᔅᐱᔨᑦ ᐊᑯ ᒂ ᐸᒋ ‍ ᓂᒥᑕᐛᑲᐳᑦ ᒂ ‍ ᐃᑕᑦ, “ᐊᐛᓐ ᑲ ‍ ᓇᓂᑐᐛᐱᒪᒄ ?”
\p
\v 5 ᒋ ‍ ᐃᑕᐅᒡ, “ᒋᓴᔅ ᓇᓴᕆᑎᒡ ᑲ ‍ ᐅᒋᑦ ᓂ ‍ ᓇᓂᑐᐛᐱᒪᓇᓐ᙮” “ᐊᐅᒄ ᓂᔾ,” ᒂ ‍ ᐃᑕᑦ ᒋᓴᔅ᙮ ᒍᑎᔅ ᒪᒃ, ᐊᓐ ᒐ ‍ ᐎᔭᓯᐱᔅᑎᓇᑦ ᒋᓴᓴ ᐊᑯᑕ ᑲ ‍ ᓂᐳᐅᑦ ᐊ ‍ ᐎᒋᑲᐳᔅᑐᐛᑦ ᐊᓂᔭᔪᐛ ᑲ ᐸᒋ ‍ ᐎᒐᐅᑯᔨᒋ᙮
\v 6 ᐃᔅᐱ ᒪᒃ ᒋᓴᓴ ᑲ ‍ ᐃᑎᑯᒡ, “ᐊᐅᒄ ᓂᔾ,” ᒋ ‍ ᐊᓴᑲᐳᐅᒡ ᒂ ᐊᑎ ‍ ᐸᒋᓯᒡ ᐊᓐᑕ ᐃᔅ ᐊᔅᒋᒡ᙮
\p
\v 7 ᒋᓴᔅ ᒥᓐ ᒂ ‍ ᑯᒂᒋᒪᑦ, “ᐊᐛᓐ ᑲ ‍ ᓇᓂᑐᐛᔨᒪᒄ ?” “ᒋᓴᔅ, ᓇᓴᕆᑎᒡ ᑲ ‍ ᐅᒋᑦ,” ᒋ ‍ ᐃᑕᐅᒡ᙮
\p
\v 8 ᒋᓴᔅ ᒂ ‍ ᐃᑕᑦ, “ᓴᔅ ᔅᒋ ‍ ᐎᑎᒪᑎᓇᐛᐤ ᐊᐅᒄ ᐊᓐ ᓂᔾ᙮ ᓂᔾ ᓂᔭᓂᑐᐛᐱᒧᐛᒂ ᐱᔅᑎᓇᐧᑯᒡ ᐅᒡ ᑯᑎᑭᒡ᙮”
\v 9 ᐊᐅᒄ ᐅᔭ ᑲ ‍ ᐃᔅᒋᔄᑦ ᒐᒋ ᑎᐱᐱᔨᒡ ᐊᓂᔭ ᓴᔅ ᐊᓐᑕ ᑲ ‍ ᐃᔅᒋᔄᑯᐱᓇ, “ᓄᑕ, ᓇᒪ ᓂ ᐅᒋ ‍ ᐅᓇᐊᐅᒡ ᐛᒋ ‍ ᐸᐃᒄ ᐊᓐᒡ ᑲ ᐸᒋ ‍ ᒥᔨᓐ᙮”
\p
\v 10 ᓴᐃᒥᓐ ᐱᑕᕐ ᒪᒃ ᒋ ‍ ᑯᐃᑯᓂᒻ ᐅᓂᑐᐱᔪᐅ-ᒧᐧᑯᒪᓐ ᑲ ‍ ᒥᓂᓯᒺᑦ ᐅᒥᔪᐅᓂᒡ ᐎᑐᑲᔪᐤ ᐊᓂᔭᔪᐛ ᐸᐃᒄ ᒋᓴᐊᔭᒥᐊᐅᒋᒪᐛ ᐅᑦ ᐊᐱᒋᐊᑭᓂᔪᐛ, ᒪᓪᑲᔅ ᑲ ‍ ᐃᓯᓂᐧᑲᓱᔨᒋ᙮
\p
\v 11 ᐊᑯ ᒋᓴᔅ ᒂ ‍ ᐃᑕᑦ ᐊᓂᔭᔪᐛ ᐱᑕᕋ, “ᓇᐅᔅᑕ ᐊᓐ ᒋᓂᑐᐱᔪᐅ-ᒧᐧᑯᒪᓐ ! ᒋᑦ ᐃᑕᔨᑕᓐ ᐊ ᒐ ᐊᑲ ᐅᒋ ‍ ᓴᐳᔅᑭᒪᓐ ᐅ ᐎᓯᒐᔨᑕᒧᐅᓐ ᓄᑕᐎᔾ ᑲ ᐸᒋ ‍ ᒥᔨᑦ ?”
\s1 ᒋᓴᔅ ᑲ ‍ ᐃᑐᑕᐊᑭᓄᐅᑦ ᐊᓇᓴ ᐊ ‍ ᑕᔨᒋ
\p
\v 12 ᐊᓐᒡ ᒪᒃ ᐊᓯᒪᑭᓂᓯᒡ ᑭᔭ ᐊᓂᔭ ᐅᒋᒪᒧᐛᐛ ᑭᔭ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ ᑲᒪᑯᓄᐛᓯᒡ ᒋᓴᐊᔭᒥᐊᐅᒋᐛᐱᒡ, ᒋ ‍ ᒪᑯᓇᐅᒡ ᐊᓂᔭᔪᐛ ᒋᓴᓴ ᑭᔭ ᒋ ‍ ᒪᑯᐱᑕᐅᒡ᙮
\v 13 ᐊᓐᑕ ᓂᔅᑎᒻ ᐊᓇᓴ ᐊ ‍ ᑕᔨᒋ ᒋ ‍ ᐃᑐᑕᐊᐅᒡ, ᑲᔭᐸᔅ ᒪᒃ ᐅᔭ ᐅᓴ᙮ ᐅ ᑲᔭᐸᔅ ᐎᔾ ᒋ ‍ ᒋᓴᐊᔭᒥᐊᐅᒋᒪᐅᐤ ᐊᓂᔭ ᑲ ‍ ᐱᐳᓂᔨᒡ᙮
\v 14 ᐊᐅᒄ ᑲᔭᐸᔅ ᑲ ‍ ᐃᑕᑯᐱᓇ ᐊᓂᔭᔪᐛ ᒍᐤ ᐃᔪᐛ ᐃᐛᒃ ᒋᐸ ‍ ᒥᔪᐱᔨᐧᑯᐱᓇ ᐸᐃᒄ ᓇᐸᐤ ᒐᒋ ᓂᐱᔅᑎᒧᐛᑦ ᒥᓯᐛ ᐊᐛᔪᐛ᙮
\s1 ᐱᑕᕐ ᑲ ‍ ᑭᑭᒋᔭᑦ ᑲ ‍ ᐃᔅᒋᔄᑦ ᐊᑲ ᒋᔅᒐᔨᒪᑦ ᐊᓂᔭᔪᐛ ᒋᓴᓴ
\r ᒪᑎᔪᐤ 26.69,70; ᒪᕐᒃ 14.66-68; ᓗᒃ 22.55-57
\p
\v 15 ᓴᐃᒥᓐ ᐱᑕᕐ ᑭᔭ ᒥᓐ ᑯᑎᒃ ᒋᔅᒋᓄᐊᒧᐛᑭᓐ ᒋ ‍ ᓇᓴᐛᐅᒡ ᒋᓴᓴ᙮ ᐊᓐ ᒪᒃ ᑯᑎᒃ ᒋᔅᒋᓄᐊᒧᐛᑭᓐ ᓇᔅᒡ ᒋ ᒥᔪ ‍ ᒋᔅᒐᔨᒥᑯᐤ ᒋᓴᐊᔭᒥᐊᐅᒋᒪᐛ᙮ ᐊᑯ ᒂ ‍ ᐎᒐᐛᑦ ᒋᓴᓴ ᐊᓐᑕ ᐊᓂᔭ ᒋᓴᐊᔭᒥᐊᐅᒋᒪᐛ ᐎᒋᔨᒡ ᐊ ‍ ᐱᒐᔨᒋ᙮
\v 16 ᐱᑕᕐ ᒪᒃ ᐎᐎᑎᒥᒡ ᐊᓐᑕ ᐎᔾ ᒋ ‍ ᑕᐤ᙮ ᐊᑯ ᐊᓐ ᑯᑎᒃ ᒋᔅᒋᓄᐊᒧᐛᑭᓐ ᐊᓐ ᑲ ᒥᔪ ‍ ᒋᔅᒐᔨᒥᑯᑦ ᐊᓂᔭ ᒋᓴᐊᔭᒥᐊᐅᒋᒪᐛ ᑲᐤ ᒋ ‍ ᐎᐎᔪᐤ, ᑲ ‍ ᐃᔨᒪᐊᑦ ᐊᓂᔭ ᐃᔎᓴ ᐊᓐᑕ ᒋᐱᔎᒡ ᑲ ‍ ᑕᔨᒋ ᒂ ‍ ᑯᒂᒋᒪᑦ ᒐᒋ ᐱᒐᔨᒋ ᐱᑕᕋ᙮ ᐊᑯ ᑲ ‍ ᐱᑎᑲᐊᑦ ᐊᓂᔭ ᐱᑕᕋ᙮
\p
\v 17 ᐊᓐ ᒪᒃ ᐃᔎᔅ ᐊᓐᑕ ᒋᐱᔎᒡ ᑲ ‍ ᑕᑦ ᒋ ‍ ᐃᑕᐤ ᐊᓂᔭ ᐱᑕᕋ, “ᓇᒪᔭᐤ ᐊ ᒋᔾ ᐸᐃᒄ ᒋᓴᔅ ᐅᒋᔅᒋᓄᐊᒧᐛᑭᓇ ?” ᐱᑕᕐ ᒪᒃ ᒂ ‍ ᐃᑕᑦ᙮ “ᓇᒪ᙮ ᓇᒪᔭᐤ ᓂᔾ᙮”
\p
\v 18 ᒋ ‍ ᑕᐧᑲᔭᔪᐤ ᒪᒃ᙮ ᐊᑯ ᐊᓐᒡ ᐊᐱᒋᐊᑭᓐᒡ ᐊᔪᐤ ᑲᒪᑯᓄᐛᓯᒡ ᒂ ‍ ᑯᑐᐛᒡ ᐊᑯ ᑲ ‍ ᐛᔅᑲᑲᐳᔅᑕᒡ ᐊᓂᔭ ᐃᔅᑯᑕᔪᐤ ᐊᓐᑕ ᐊ ᐅᒋ ‍ ᑎᐅᓱᒡ᙮ ᐱᑕᕐ ᒪᒃ ᑭᔭ ᐎᔾ ᒋ ᐸᒋ ‍ ᐎᒋᑲᐳᔅᑐᐛᐤ ᐊ ᐸᒋ ‍ ᑎᐅᓱᑦ᙮
\s1 ᒋᓴᔅ ᑲ ᓇᓂᑐ  ᒋᔅᒐᔨᒥᑯᑦ ᒋᓴᐊᔭᒥᐊᐅᒋᒪᐛ ᐊᐛᓐ ᐊᓐ ᐊ ‍ ᐊᐎᔨᑦ
\r ᒪᑎᔪᐤ 26.59-66; ᒪᕐᒃ 14.55-64; ᓗᒃ 22.66-71
\p
\v 19 ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᓂᓇᐧᑯᐤ ᑲ ᐃᓯ ‍ ᑯᒂᒋᒪᑦ ᒋᓴᓴ ᐊ ᐎ ᓂᑐ ‍ ᒋᔅᒐᔨᒪᑦ ᐊᓂᔭ ᐅᒋᔅᒋᓄᐊᒧᐛᑭᓂᔪᐛ ᑭᔭ ᑕᓐ ᓇᐊᐤ ᐊ ᐃᓯ ‍ ᒋᔅᑯᑎᒪᒐᔨᒋ ᒋᓴᓴ᙮
\p
\v 20 ᐊᑯ ᒋᓴᔅ ᒂ ‍ ᐃᑕᑦ, “ᒥᓯᐛ ᑕᓐ ᑲ ‍ ᐃᔅᒋᔄᔭᓐ ᒋ ‍ ᐸᑎᒧᒡ ᐊᐛᓐᒋ᙮ ᐊᓐ ᒪᒃ ᑕᓐ ᑲ ᐃᓯ ‍ ᒋᔅᑯᑎᒪᒐᔭᓐ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒋᓴᐊᔭᒥᐊᐅᒋᐛᐱᒡ ᐊᓐᑕ ᒥᓯᐛ ᒍᐤ ᐃᔪᒡ ᑲᒋ ᐸᒋ ‍ ᒪᒧᐎᒡ, ᓇᒪ ᓂᑕ ᓂ ᐅᒋ ‍ ᑲᑕᓐ ᒐᒂᓐ ᐊ ‍ ᐃᔅᒋᔄᔭᓐ᙮
\v 21 ᒐᒂᓐ ᒪᒃ ᐛᒡ ᐸᒋ ‍ ᑯᒂᒋᒥᔨᓐ ? ᑯᒂᒋᒥᒡ ᒪ ᐊᓐᒡ ᐃᔪᒡ ᑲᒋ ‍ ᐸᑐᐅᒡ᙮ ᑯᒂᒋᒥᒡ ᑕᓐ ᑲ ‍ ᐃᑎᒂᐤ, ᐛᔅ ᒋᔅᒐᔨᑎᒧᒡ ᑕᓐ ᑲ ‍ ᐃᔅᒋᔄᐅᒡ᙮”
\p
\v 22 ᐃᔅᐱ ᒪᒃ ᒋᓴᔅ ᑲ ‍ ᐃᔅᒋᔄᑦ ᐅᔭ, ᐸᐃᒄ ᐊᓂᔭ ᑲᒪᑯᓄᐛᓯᔨᒋ ᒋ ‍ ᐅᑕᒥᒂᐅᑯᐤ ᐊ ‍ ᐃᑎᑯᑦ, “ᓇᒪᐎᔾ ᐊ ᒋᑭ ᒋ ᐃᓯ ‍ ᐃᔨᒪᐊᐤ ᒋᓴᐊᔭᒥᐊᐅᒋᒪᐤ ?”
\p
\v 23 ᐊᑯ ᒋᓴᔅ ᒂ ‍ ᐃᑕᑦ, “ᐊᑲ ᒧᔭᒻ ᐛᒋ ‍ ᐃᔅᒋᔄᐛᓇ ᒐᒂᓐ, ᐎᑎᒧᒡ ᒥᓯᐛ ᐊᐛᓐᒋ ᐅᑕ ᑲ ‍ ᑕᒡ᙮ ᒥᒄ ᒪᒃ ᑲ ‍ ᑕᑈᐛᓇ ᒥᓯᐛ ᑲ ‍ ᐃᔅᒋᔄᔭᓐ, ᒐᒂᓐ ᐛᒋ ‍ ᐸᒋ ‍ ᐅᑕᒥᐅᔨᓐ ?”
\p
\v 24 ᐊᑯ ᐊᓇᔅ ᒂ ‍ ᐃᑎᓴᐛᑦ ᐊᓂᔭᔪᐛ ᒋᓴᓴ ᐊᓐᑕ ᑲᔭᐸᔅ ᒋᓴᐊᔭᒥᐊᐅᒋᒪᐤ ᐊ ‍ ᑕᔨᒋ ᐊᔅᒄ ᐊ ‍ ᒪᑯᐱᓱᔨᒋ᙮
\s1 ᐱᑕᕐ ᑲ ‍ ᐃᔅᒋᔄᑦ ᐊᑲ ᒋᔅᒐᔨᒪᑦ ᒋᓴᓴ
\r ᒪᑎᔪᐤ 26.71-75; ᒪᕐᒃ 14.69-72; ᓗᒃ 22.58-62
\p
\v 25 ᓴᐃᒥᓐ ᐱᑕᕐ ᒪᒃ ᐊᔅᒄ ᒪᒂᒡ ᒋ ‍ ᓂᐳᐅᐤ ᐊᓐᑕ ᐊ ‍ ᑎᐅᓱᑦ ᐊᑯ ᒂ ‍ ᐃᑎᑯᑦ ᐊᓂᔭ ᐊᓐᑕ ᑲ ‍ ᑕᔨᒋ, “ᓇᒪᔭᐤ ᐊ ᒋᔾ ᐸᐃᒄ ᐊᓂᔭ ᐅᒋᔅᒋᓄᐊᒧᐛᑭᓇ ᐊᓐ ᓇᐸᐤ ?” ᐱᑕᕐ ᒪᒃ ᒋ ‍ ᑭᑭᒋᔭᐤ, “ᓇᒪ᙮ ᓇᒪᔭᐤ ᓂᔾ,” ᒋ ‍ ᐃᑕᐤ᙮
\p
\v 26 ᐸᐃᒄ ᒪᒃ ᐊᓂᔭ ᒋᓴᐊᔭᒥᐊᐅᒋᒪᐤ ᐅᑦ ᐊᐱᒋᐊᑭᓇ ᒋ ‍ ᐎᐧᑲᓂᓯᔨᑯᐱᓐ ᐊᓂᔭᔪᐛ ᓇᐸᐛ ᐱᑕᕋ ᑲ ‍ ᒋᒥᑐᑭᔭᔄᔨᒋ᙮ ᒋ ‍ ᐃᑕᐤ ᒪᒃ ᐊᓂᔭ ᐱᑕᕋ, “ᓇᒪᐎᔾ ᐊ ᒋ ᐅᒋ ‍ ᐛᐱᒥᑎᓐ ᑭᔭ ᒋᔾ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐊ ‍ ᐸᐸᐎᒐᐅᑦ ᒋᓴᔅ ?”
\p
\v 27 ᒥᓐ ᒪᒃ ᐃᔭᐱᒡ ᐱᑕᕐ ᒋ ‍ ᑭᑭᒋᔭᐤ, “ᓇᒪᔭᐤ ᓂᔾ,” ᒋ ‍ ᐃᑕᐤ᙮ ᑎᐛᒡ ᒂ ᐅᒋ ‍ ᐸᑕᑯᓯᔨᒋ ᓇᐸ ᐱᑲᒂᓇ᙮
\s1 ᒋᓴᔅ ᑲ ‍ ᐃᑐᑕᐊᑭᓄᐅᑦ ᑈᓚᑕ ᐊ ‍ ᑕᔨᒋ
\r ᒪᑎᔪᐤ 27.1,2,11-14; ᒪᕐᒃ 15.1-5; ᓗᒃ 23.1-5
\p
\v 28 ᐎᐱᒡ ᐊᓂᔭ ᑲ ‍ ᒐᒋᓴᐸᔭᔨᒡ ᐊᓐᑕ ᑲᔭᐸᓴ ᐊ ‍ ᑕᔨᒋ ᒋ ᐅᒋ ‍ ᔅᑐᑕᐊᑭᓄᐤ ᒋᓴᔅ, ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ ᒂ ‍ ᐃᑐᑕᐊᑭᓄᐅᑦ᙮ ᑈᓚᑦ ᒋ ‍ ᐃᓯᓂᐧᑲᓱᐤ ᐊᓐ ᒋᓴᐅᒋᒪᐅᑯᐸᓇᐤ᙮ ᐊᓐᒡ ᒪᒃ ᒍᐤ ᐃᔪᒡ ᓇᒪ ᐅᒋ ᐎ ᐱᒐᐅᒡ ᐎᔨᐛᐤ ᐊᓐᑕ ᐛᔅ ᒋ ‍ ᐃᑎᔅᑕᔪᐤ ᒍᐤ ᐅᐎᓱᐛᐅᓄᐛᒡ ᒐ ᐊᑲ ᒋ ᐱᒐᒡ ᐎᒋᔨᒡ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᑭᔭ ᓇᒪ ᒋᐸ ᐅᒋ ‍ ᒥᒍᐅᒡ ᐎᒪᔅᑲᒐᐅ-ᒥᑯᓴᓂᔪᐤ ᒋ ‍ ᐱᒐᐅᐛᐅᒂ ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ᙮
\v 29 ᐊᐅᒄ ᒪᒃ ᐅᔭ ᐛᒋ ‍ ᐎᐎᑦ ᑈᓚᑦ, ᒂ ‍ ᓂᑐᐛᐱᒪᑦ ᐊᑯ ᒂ ‍ ᑯᒂᒋᒪᑦ, “ᑕᓐ ᐊ ᐃᓯ ‍ ᐊᑕᒪᔨᑕᑯᓯᑦ ᐅ ᓇᐸᐤ ?”
\p
\v 30 ᒂ ᐃᓯ ‍ ᐎᑎᒪᑯᑦ ᐊ ‍ ᐃᑎᑯᑦ, “ᓇᒪ ᓂᐸ ᐅᒋ ‍ ᐸᓱᐛᓇᓐ ᐅᑕ ᐊ ‍ ᑕᔨᓐ ᐊᑲ ᐅᒋ ᒥᒋᑐᑎᒧᑯᐱᓇ᙮”
\p
\v 31 ᐊᑯ ᑈᓚᑦ ᑲ ‍ ᐃᑕᑦ, “ᒋᔨᐛᐤ ᐅᑎᓇᐧᒄ ᐅ ᓇᐸᐤ ᒋᔨᐛᐤ ᒋᐎᓱᐛᐅᓄᐛᐤ ᒐ ‍ ᐊᐱᒋᑕᔭᒄ ᐊ ‍ ᑎᐸᔅᑯᓇᒄ᙮” ᐊᑯ ᐊᓐᒡ ᒍᐤ ᐃᔪᒡ ᒂ ‍ ᐃᔅᒋᔄᒡ, “ᓇᒪ ᓂ ‍ ᐱᔅᑎᓂᑯᓇᓐ ᓂᐎᓱᐛᐅᓇᓇ ᒐᒋ ᐃᔅᒋᔄᔭᒡ ᒐᒋ ᓂᐸᐊᑭᓄᐅᑦ ᐊᐛᓐ᙮”
\v 32 ᐊᐅᒄ ᒪᒃ ᐅ ᐛᒋ ‍ ᐃᔅᐱᔨᒡ ᐅ ᒐᒋ ᑎᐱᐱᔨᒡ ᑕᓐ ᐊᓐ ᑲ ᐃᓯ ‍ ᓂᑲᓐ ᐎᑕᐧᒃ ᒋᓴᔅ ᒐ ᐃᓯ ‍ ᓂᐱᑦ᙮
\s2 John 18.33-37 (Proper-29 Year B)
\p
\v 33 ᒥᓐ ᑲᐤ ᒂ ‍ ᐱᒐᑦ ᑈᓚᑦ ᐊᓂᔭ ᒋᓴᐅᒋᒪᐅᒋᐛᐱᔪᐤ ᐊ ‍ ᐎᓴᒪᑦ ᒋᓴᓴ, ᐊᑯ ᒂ ‍ ᑯᒂᒋᒪᑦ, “ᐊᐛ ᒋᔾ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?”
\p
\v 34 ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᔅᒋ ‍ ᐎᑎᒪᑯᒡ ᐊ ᐊᐛᓐᒋ ᓂᔾ ᐊᐅᒄ ᐅᒋᓴᐅᒋᒪᒧᐛᐛ ᒍᐤ ᐃᔪᒡ᙮ ᑭᔭ ᒪᒃ ᒋᔾ ᐅ ᒋᑦ ᐃᑕᔨᑎᒧᐅᓐ ᑲ ‍ ᐃᔅᒋᔄᔨᓐ ?”
\p
\v 35 ᐊᑯ ᑈᓚᑦ ᒂ ‍ ᐃᑕᑦ, “ᒍᐤ ᐃᔪᐤ ᐊ ᓂᔾ ᒋᑦ ᐃᑕᔨᒥᓐ ? ᒋᔾ ᑎᐱᔨᐛ ᒋᑦ ᐃᔨᒥᒡ ᑭᔭ ᐊᓐᒡ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᔅᒋ ᐸᒋ ‍ ᐃᑎᓴᐅᑯᒡ᙮ ᑕᓐ ᒪᒃ ᑲ ᐃᓯ ‍ ᐅᓂᑐᑎᒥᓐ ?”
\p
\v 36 ᐊᑯ ᒋᓴᔅ ᒂ ‍ ᐃᔅᒋᔄᑦ, “ᓇᒪ ᐅᑕ ᐊᔅᒋᒡ ᐅᒋᐱᔪᐤ ᓄᒋᒪᐅᐎᓐ᙮ ᐅᑕ ᒋ ‍ ᐅᒋᒥᑭᓂᑯᐱᓇ ᓄᒋᒪᐅᓐ ᐊᓐᒡ ᓂᑦ ᐊᐱᒋᐊᑭᓐᒡ ᓱᒃ ᒋᐸ ‍ ᒪᓯᒐᐅᒡ ᒐ ᐊᑲ ᒋ ᐱᔅᑎᓂᑯᐅᔭᓐ ᐊᓐᑕ ᒍᐤ ᐃᔪᒡ ᐊ ‍ ᑕᒡ᙮ ᓇᒪ ᐅᑕ ᐊᔅᒋᒡ ᐅᒋᐱᔪᐤ ᓄᒋᒪᐅᐎᓐ᙮”
\p
\v 37 ᐊᑯ ᑈᓚᑦ ᒂ ‍ ᐃᑕᑦ, “ᑕᑈ ᑭᑈ ᒋᒋᓴᐅᒋᒪᐅᓇᒐ᙮” ᒋᓴᔅ ᒪᒃ ᒋ ‍ ᐃᑕᐤ, “ᒋᑦ ᐃᔅᒋᔄᓐ ᐊ ‍ ᒋᓴᐅᒋᒪᐎᔭᓐ᙮ ᐊᐅᒄ ᐛᒋ ‍ ᐱᒪᑎᓯᔭᓐ ᑭᔭ ᐊᐅᒄ ᐛᒋ ‍ ᐸᒋ ‍ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᑎᐸᑐᑎᒪᓐ ᐊᓐ ᑕᑈᐅᓐ ᒋᓴᒪᓂᑐᐤ ᐊ ‍ ᑕᑦ ᑲ ‍ ᐅᒋᐱᔨᒡ᙮ ᑕᑐᐤ ᐊᐛᓐ ᑕᑈᐅᓂᒡ ᑲ ‍ ᑕᑦ ᐊᐅᒄ ᐊᓐ ᐱᔭᒋ ‍ ᓂᑐᑐᐅᑦ᙮”
\p
\v 38 ᑈᓚᑦ ᑲ ‍ ᑯᒂᒋᒪᑦ ᐊ ‍ ᐃᑕᑦ, “ᒐᒂᓐ ᐊᓐ ᑕᑈᐅᓐ ?”
\s1 ᒋᓴᔅ ᒐ ‍ ᓂᐸᐊᑭᓄᐅᑦ
\r ᒪᑎᔪᐤ 27.15-31; ᒪᕐᒃ 15.6-20; ᓗᒃ 23.13-25
\p ᐊᑯ ᒥᓐ ᑲᐤ ᒂ ‍ ᐎᐎᑦ ᒂ ‍ ᐃᑕᑦ ᐊᓂᔭᔪᐛ ᒍᐤ ᐃᔪᐛ, “ᓇᒪ ᓂ ‍ ᒋᔅᒐᔨᑎᒺᓐ ᒐᒂᔪᐤ ᑲ ‍ ᐅᓂᑐᑎᒧᒂ ᐊᓐᑕ ᒐᒋ ᐅᒋ ‍ ᑎᐸᔅᑯᓇᑭᓄᐅᑦ᙮
\v 39 ᑎᑯᓐ ᒪᒃ ᒍᐤ ᐃᑐᐅᓐ ᐸᐃᒄ ᐊᐛᓐ ᒐᒋ ᐱᔅᑎᓂᒪᑯᔭᒄ ᒪᒂᒡ ᐊ ‍ ᐎᒪᔅᑲᒐᐅ-ᒥᑯᓴᓄᐅᒡ᙮ ᒋ ‍ ᓂᑐᐛᔨᒪᐛᐤ ᐊ ᒐᒋ ᐱᔅᑎᓂᒪᑯᔭᒄ ᐅ ᒍᐤ ᐃᔪᒡ ᐅᒋᓴᐅᒋᒪᒧᐛᐤ ?”
\p
\v 40 ᐊᑯ ᒂ ‍ ᑕᑈᒡ ᐊ ‍ ᐃᔅᒋᔄᒡ, “ᓇᒪ ᐎ ᐊᓐ᙮ ᐸᕋᐸᔅ ᐊᐅᒄ ᓇᑐᐛᔨᒥᒋᒡ ᒐᒋ ᐱᔅᑎᓂᒪᑯᐅᔭᒡ᙮” ᐅ ᒪᒃ ᐸᕋᐸᔅ ᒋ ‍ ᒋᒧᑎᐃᔪᐤ᙮
\c 19
\s1 ᑈᓚᑦ ᒂ ‍ ᐱᔅᑎᓇᑦ ᒋᓴᓴ ᒐᒋ ᒋᔅᑕᔎᑕᑭᓄᐎᒋ ᒋᐱᔭᑎᑯᒡ
\p
\v 1 ᐊᑯ ᑈᓚᑦ ᒂ ‍ ᐃᑎᓱᐛᑕᑦ ᒋᓴᓴ ᒐᒋ ᔅᑐᑕᐊᑭᓄᔨᒋ ᑭᔭ ᒐᒋ ᐱᓯᔅᑕᐛᑭᓄᔨᒋ᙮
\v 2 ᐊᓐᒡ ᒪᒃ ᐊᓯᒪᑭᓂᓯᒡ ᒋ ‍ ᐅᓯᑕᐅᒡ ᐅᒋᒪᐤ ᐊᑯᓂᔎᐅᓂᔪᐤ ᑲ ‍ ᑲᓱᑕᐛᔨᒋ ᓂᐱᓯᔭᑎᒂ ᐊ ‍ ᐊᐱᒋᑕᒡ᙮ ᒂ ‍ ᐳᔅᑭᒧᑎᔭᒡ ᒋᓴᓴ ᐊᓂᔭ ᐊᑯᓂᔎᐅᓂᔪᐤ᙮ ᑭᔭ ᐊ ‍ ᒋᓏᑭᓂᔨᒡ ᐊᑯᐱᔪᐤ ᐊ ‍ ᒥᒂᑭᓂᔨᒡ ᒋ ‍ ᐳᔅᑭᒧᑎᔭᐅᒡ᙮
\v 3 ᒋ ‍ ᒪᔭᔨᒪᐅᒡ ᒧᔭᒻ ᐊ ‍ ᒪᒥᒋᒪᒡ ᐊ ‍ ᐃᑕᒡ, “ᐊᐅᒄ ᒋᔾ ᒍᐤ ᐃᔪᒡ ᐅᒋᓴᐅᒋᒪᒧᐛᐛ᙮” ᑭᔭ ᒋ ‍ ᐅᑕᒥᒂᐛᐅᒡ ᐅᑎᒋᐛᐛ ᐊ ‍ ᐊᐱᒋᑕᒡ᙮
\p
\v 4 ᒥᓐ ᑲ ‍ ᐎᐎᑦ ᑈᓚᑦ ᒂ ‍ ᐃᑕᑦ ᐊᓂᔭ ᒍᐤ ᐃᔪᐛ, “ᒥᓐ ᒋᑭ ᐸᒋ ‍ ᐎᐎᑕᐊᑭᓄᐤ ᐅ ᓇᐸᐤ ᒐᒋ ᐛᐸᑎᒪᒄ ᐊᑲ ᒥᔅᑭᒧᒡ ᑕᓐ ᒐᒋ ᐃᓯ ‍ ᓂᓱᐅᓇᒋᒥᒃ᙮”
\v 5 ᐊᑯ ᒋᓴᔅ ᑲ ᐸᒋ ‍ ᐎᐎᑦ ᐊᓐᑕ ᐊᓂᔭ ᒋᓴᐅᒋᒪᐅᒋᐛᐱᔪᐤ ᐊ ‍ ᒋᔅᑲᐧᒃ ᐊᓂᔭ ᐅᒋᒪᐤ ᐊᑯᓂᔎᐅᓂᔪᐤ ᑲ ‍ ᑲᓱᑕᐛᔨᒋ ᓂᐱᓯᔭᑎᑯᒡ ᑲ ᐅᒋ ‍ ᐅᓯᑕᑭᓄᔨᒡ ᑭᔭ ᐊᓂᔭ ᑲ ‍ ᒋᓏᑭᓂᔨᒡ ᐊᑯᐱᔪᐤ ᑲ ‍ ᒥᒂᑭᓂᔨᒡ ᐊ ‍ ᒋᔅᑲᐧᒃ᙮ ᐊᑯ ᑈᓚᑦ ᒂ ‍ ᐃᑕᑦ ᐊᓂᔭᔪᐛ ᒍᐤ ᐃᔪᐛ, “ᑭᓄᐛᐱᒪᐧᒄ ᒪ ᐅ ᓇᐸᐤ᙮”
\p
\v 6 ᐊᓐᒡ ᒪᒃ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᐃᔅᐱ ᐎᔭᐱᒪᒡ ᒋᓴᓴ, ᒋ ‍ ᑕᑈᐅᒡ ᐊ ‍ ᐃᔅᒋᔄᒡ, “ᒋᔅᑕᔎᑕᐧᒄ, ᒋᔅᑕᔎᑕᐧᒄ᙮” ᑈᓚᑦ ᒋ ‍ ᐃᑕᐤ, “ᒋᔨᐛᐤ ᒋᔅᑕᔎᑕᐧᒄ᙮ ᓇᒪ ᓂ ‍ ᒥᔅᑭᒺᓐ ᑕᓐ ᑲ ᐃᓯ ‍ ᒥᒋᑐᑎᒧᒂ᙮”
\p
\v 7 ᐊᑯ ᐊᓐᒡ ᒍᐤ ᐃᔪᒡ ᑲ ᐃᓯ ‍ ᐎᑎᒧᐛᒡ ᑈᓚᑕ ᐊ ‍ ᐃᑕᒡ, “ᓂ ‍ ᑭᓄᐛᔨᑕᓇᓐ ᐎᓱᐛᐅᓐ, ᐃᑎᔅᑕᐤ ᐊᓐᑕ ᓂᐎᓱᐛᐅᓇᒡ ᒐᒋ ᐃᑎᓱᐛᓄᐎᒡ ᒐᒋ ᓂᐸᐊᑭᓄᐅᑦ ᐊᓂᔭ ᐊᒋ ‍ ᐃᔅᒋᔄᑦ ᐎᔾ ᐊ ‍ ᐊᐎᑦ ᒋᓴᒪᓂᑐᐤ ᐅᑯᓴ᙮”
\p
\v 8 ᑈᓚᑦ ᒪᒃ ᑲ ‍ ᐸᑕᐧᒃ ᐅᔭ ᐊ ‍ ᐃᓇᓄᐎᒡ, ᐊᑐᐎᔅ ᒋ ‍ ᓴᒋᓱᐤ᙮
\v 9 ᐊᑯ ᒥᓐ ᑲᐤ ᒂ ‍ ᐱᒐᑦ ᐊᓐᑕ ᒋᓴᐅᒋᒪᐅᒋᐛᐱᒡ ᐊᑯ ᑲ ‍ ᑯᒂᒋᒪᑦ ᒋᓴᓴ, “ᑕᓐᑕ ᐛᒋᔨᓐ ?” ᓇᒪ ᐅᒋ ᒋᔅᑐᐤ ᒋᓴᔅ᙮
\v 10 ᐊᑯ ᑈᓚᑦ ᒂ ‍ ᐃᑕᑦ ᐊᓂᔭ ᒋᓴᓴ, “ᓇᒪᐎᔾ ᐊ ᒋ ᐎ ‍ ᐃᔨᒥᔨᓐ ? ᓇᒪᐎᔾ ᐊ ᒋ ‍ ᒋᔅᒐᔨᑕᓐ ᐊ ‍ ᐊᔭᔭᓐ ᑎᐸᔨᒋᒐᐅᓐ ᒐᒋ ᐃᑎᓱᐛᔭᓐ ᒐᒋ ᐱᔅᑎᓂᑯᔨᓐ ᒪᒃ ᒐᒋ ᒋᔅᑕᔎᑎᑯᐅᔨᓐ ?”
\p
\v 11 ᐊᑯ ᒋᓴᔅ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᒥᒄ ᒐᓱᐛᑦ ᒋᓴᒪᓂᑐᐤ ᐊᒋ ‍ ᒥᔨᔅᒃ ᐊᓂᔭ ᒐᒋ ᐃᑐᐅᑦ ᐊᐅᑯᓐ ᐛᒋ ‍ ᑎᒂᒡ ᐊᓐ ᒐᒋ ᐃᑎᔨᓐ᙮ ᐊᓐ ᒪᒃ ᐊᐛᓐ ᒋᔾ ᐊ ‍ ᑕᔨᓐ ᑲ ᐃᓯ ‍ ᐱᔅᑎᓱᐛᓯᑦ ᐊᐅᒄ ᐊᑐᐎᔅ ᒥᒋᑐᑕᐧᒃ᙮”
\p
\v 12 ᐅᔭ ᒪᒃ ᑲ ‍ ᐃᔅᒋᔄᔨᒋ ᒋᓴᓴ, ᑈᓚᑦ ᒋ ᐎ ‍ ᐱᔅᑕᓇᐤ᙮ ᐊᑯ ᒥᒄ ᐊᓐᒡ ᒍᐤ ᐃᔪᒡ ᒂ ‍ ᑕᑈᒡ ᐊ ‍ ᐃᔅᒋᔄᒡ, “ᐸᒋᔅᑎᓇᒂ ᒋᓴᔅ ᓇᒪ ᒋᐎᒐᐛᑭᓂᑐᐛᐛᐤ ᒋᓴᐅᒋᒪᐤ ᓯᓴᕐ᙮ ᐛᔅ ᐊᐛᓐ ᑲ ‍ ᒋᓴᐅᒋᒪᐅᐃᓱᑦ ᓇᒪ ᓂᓇᐃᑐᐛᐤ ᓯᓴᕋ᙮”
\p
\v 13 ᐃᔅᐱ ᒪᒃ ᑈᓚᑦ ᐱᔭᑕᐧᒃ ᐊᓂᔭ ᑲ ‍ ᐃᔅᒋᔄᔨᒋ ᐊᓂᔭ ᒍᐤ ᐃᔪᐛ ᐎᐎᑎᒥᒡ ᒋ ‍ ᐃᑐᑕᐊᐤ ᐊᓂᔭ ᒋᓴᓴ ᐊᑯ ᑲ ‍ ᐛᐛᔨᐱᑦ ᐊᓐᑕ ᑎᐸᔅᑯᓂᒐᓱᐤ ᑕᑎᐳᐛᑭᓂᒡ, ᐊᓐᑕ ᐊ ‍ ᐊᓯᓂᐧᑲᓄᐎᔨᒡ ᐊᒋ ‍ ᐊᔅᑕᔨᒡ᙮ ᐃᑉᕈᐤ ᐊ ᐃᓯ ‍ ᐃᔨᒥᓇᓄᐅᒡ ᑲᐸᑕ ᐃᓯᓂᐧᑲᑕᑭᓄᐤ ᐊᓐᑕ ᐊᓂᔭ ᑲ ‍ ᐊᓯᓂᐧᑲᓄᐎᔨᒡ᙮
\v 14 ᒪᒂᒡ ᒪᒃ ᐊᓐ ᐊ ‍ ᒋᓯᑲᒡ ᐎᒪᔅᑲᒐᐅ-ᒥᑯᓴᐅᓐ ᐊ ‍ ᐊᔭᔅᑯᔅᑕᑭᓄᐅᒡ ᒋ ᐃᓯ ‍ ᒋᓯᑲᐤ᙮ ᒐᑲᑦ ᒪᒃ ᒋ ‍ ᐊᐱᑕᒋᓯᑲᔪᐤ ᑈᓚᑦ ᑲ ‍ ᐃᑕᑦ ᐊᓂᔭ ᒍᐤ ᐃᔪᐛ, “ᑭᓄᐛᐱᒪᐧᒄ ᒪᒃ ᐅ ᒋᒋᓴᐅᒋᒪᒧᐛᐤ᙮”
\p
\v 15 ᒋ ᐃᓯ ‍ ᑕᑈᐅᒡ ᒪᒃ ᐊᓐᒡ ᒍᐤ ᐃᔪᒡ, “ᓂᐸᐊᐧᒄ, ᓂᐸᐊᐧᒄ, ᒋᔅᑕᔎᑕᐧᒄ,” ᐊ ‍ ᐃᔅᒋᔄᒡ᙮
\p ᐊᑯ ᑈᓚᑦ ᒂ ‍ ᐃᑕᑦ, “ᒋ ‍ ᓂᑐᐛᔨᒥᓇᐛᐤ ᐊ ᒐᒋ ᐱᔅᑎᓂᒃ ᒋᒋᓴᐅᒋᒪᒧᐛᐤ ᒐᒋ ᒋᔅᑕᔎᑕᑭᓄᐅᑦ ?”
\p ᐊᑯ ᐊᓂᔭᔪᐛ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᒋ ᐃᓯ ‍ ᐎᑎᒪᑯᐤ ᑈᓚᑦ ᐊ ‍ ᐃᑎᑯᑦ, “ᒥᒄ ᓯᓴᕐ ᓂ ‍ ᐅᒋᓴᐅᒋᒪᒥᓇᓐ ᓇᒪ ᑯᑎᒃ ᐊᐛᓐ᙮”
\p
\v 16 ᐊᑯ ᑈᓚᑦ ᒂ ‍ ᐱᔅᑎᓇᑦ ᒋᓴᓴ ᐊᓐᑕ ᐊᓂᔭ ᐊᓯᒪᑭᓂᓴ ᐊ ‍ ᑕᔨᒋ ᒐᒋ ᒋᔅᑕᔎᑕᒡ ᒋᐱᔭᑎᑯᒡ᙮ ᐊᑯ ᒂ ‍ ᔅᑐᑕᐊᒡ᙮
\s1 ᒋᓴᔅ ᑲ ‍ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ
\r ᒪᑎᔪᐤ 27.32-44; ᒪᕐᒃ 15.21-32; ᓗᒃ 23.26-43
\p
\v 17 ᒂ ‍ ᔅᑐᑕᐊᒡ ᐊᓂᔭ ᒋᓴᓴ ᐊ ‍ ᐱᒧᑕᐊᔨᒋ ᐅᒋᐱᔭᑎᑯᒥᔪᐛ ᐊᓐᑕ ᒂ ‍ ᐃᑐᑕᐊᒡ “ᒋᐱᔅᑎᒂᓐ ᑲ ‍ ᑎᒂᒡ” ᑲ ‍ ᐃᓯᓂᐧᑲᑕᔨᒡ᙮ ᐅ ᒪᒃ “ᒋᐱᔅᑎᒂᓐ ᑲ ‍ ᑎᒂᒡ” ᑲ ‍ ᐃᓯᓂᐧᑲᑕᒡ, ᐃᑉᕈᐤ ᐊ ᐃᓯ ‍ ᐃᔨᒥᓇᓄᐅᒡ “ᑯᓪᑯᑕ” ᐃᓇᓄᐤ᙮
\v 18 ᐊᑯᑕ ᒪᒃ ᐊᓐᑕ ᑲ ‍ ᒋᔅᑕᔎᑕᒡ ᑭᔭ ᓂᓱ ᓇᐸᐛ ᒋ ‍ ᒋᔅᑕᔎᑕᑭᓄᐅᔪᐛ ᑲ ‍ ᒋᒥᔭᑭᓄᔨᒋ ᐃᑐᐤ ᐊᓐᑕ ᐊ ‍ ᑕᑦ᙮
\p
\v 19 ᐊᑯ ᑈᓚᑦ ᒂ ‍ ᒥᓯᓇᐊᐧᒃ ᒥᓯᓇᐃᑭᓂᔪᐤ ᒐᒋ ᒋᑭᒧᑕᑭᓄᐎᒡ ᐊᓐᑕ ᐃᔅᐱᒥᒡ ᒋᓴᓴ ᐅᒋᐱᔭᑎᑯᒥᔨᒡ ᐊ ‍ ᐃᑎᔅᑕᔨᒡ, “ᒋᓴᔅ ᓇᓴᕆᑎᒡ ᑲ ‍ ᐅᒋᑦ ᐊᐅᑯᐤ ᐅᔭ ᒍᐤ ᐃᔪᒡ ᐅᒋᓴᐅᒋᒪᒧᐛᐛ᙮”
\v 20 ᒥᒐᑦ ᒍᐤ ᐃᔪᒡ ᒋ ᐸᒋ ‍ ᐃᔨᒥᑕᐅᒡ ᐊᓂᔭ ᒥᓯᓇᐃᑭᓂᔪᐤ ᐛᔅ ᓇᒪ ᐅᒋ ᔭᐅᓇᑯᓂᔪᐤ ᐊᓂᔭ ᐅᑕᓇᔪᐤ ᐊᓐᑕ ᑲ ‍ ᑕᒡ᙮ ᓂᔅᑐᔨᒡ ᒪᒃ ᐃᔨᒧᐅᓇ ᒋ ᐃᓯ ‍ ᒥᓯᓇᐃᒐᓄᐃᔪᐤ ᐊᓂᔭ ᒥᓯᓇᐃᑭᓂᔪᐤ ᐃᑉᕈᐤ ᐊ ᐃᓯ ‍ ᐃᔨᒥᓇᓄᐅᒡ, ᓚᑎᓐ ᑭᔭ ᑯᕆᒃ᙮
\v 21 ᐊᑯ ᐊᓐᒡ ᒍᐤ ᐃᔪᒡ ᐊᓂᔭᔪᐛ ᑲ ‍ ᓂᑲᓂᐱᔨᒋ ᐅᑦ ᐊᔭᒥᐊᐅᒋᒪᒧᐛᐛ ᒋ ‍ ᐃᑕᐅᒡ ᐊᓂᔭ ᑈᓚᑕ, “ᓇᒪ ᒋᐸ ᐅᒋ ‍ ᐃᑎᔅᑕᓐ ᐊᓐ ᒍᐤ ᐅᒋᓴᐅᒋᒪᒧᐛᐛ ᑲ ‍ ᐃᑎᔅᑕᔨᓐ᙮” ᐊᑎᔅᑕ ᐊᓐ ᐃᔭᐱᒡ ᒐᒋ ᐃᑎᔅᑕᒡ, “ᒋ ‍ ᐃᔅᒋᔄᐤ, ᓂᔾ ᒍᐤ ᐃᔪᒡ ᐅᒋᓴᐅᒋᒪᒧᐛᐛ᙮”
\p
\v 22 ᑈᓚᑦ ᒋ ‍ ᐃᑕᐤ, “ᑕᓐ ᑲ ‍ ᐃᑎᔅᑕᔭᓐ ᐊᐅᑯᓐ ᒐ ‍ ᐃᑎᔅᑕᒡ᙮”
\p
\v 23 ᐃᔅᐱ ᑲ ‍ ᒋᔅᑕᔎᑕᒡ ᒋᐱᔭᑎᑯᒡ ᐊᓐᒡ ᐊᓯᒪᑭᓂᓯᒡ ᐊᓂᔭ ᒋᓴᓴ ᐊᑯ ᐊᓂᔭ ᐅᑦ ᐊᐱᒋᑕᐅᓂᔪᐛ ᑲ ‍ ᒪᒪᑎᓂᒪᑐᒡ ᐊ ‍ ᓇᐅᒡ ᐸᐸᐃᒄ ᒋ ‍ ᐊᔭᐅᒡ ᐸᐃᒄ ᒐᒂᔪᐤ᙮ ᐊᓂᔭ ᒪᒃ ᐊᑯᐱᔪᐤ ᐅᔅᒡ ᑲᒋ ‍ ᒋᔅᑭᒥᔨᒋ ᐊ ‍ ᓴᔭᑭᓂᔨᒡ ᒋ ‍ ᐃᓯᓇᑯᓂᔪᐤ ᓇᒪ ᐅᒋ ᑎᑯᓂᔪᐤ ᐊᓐᑕ ᒐᒋ ᐱᒥᒂᑕᑭᓄᐎᒡ᙮
\p
\v 24 ᒋ ‍ ᐃᑎᑐᒡ ᒪᒃ ᐊᓐᒡ ᐊᓯᒪᑭᓂᓯᒡ, “ᐊᑯᔅ ᐊᑲ ᐅᒋ ᐱᑯᓯᒧᐛᑕᐤ ᐅᔭ ᐅᑦ ᐊᑯᑉ᙮ ᑯᒂᒋᐃᑐᑕᐤ ᐛᐱᓂᒐᑕᐤ ᐊᐛᓐ ᒐ ‍ ᑲᓂᔪᒂ ᐊᓂᔭ ᐊᑯᐱᔪᐤ᙮” ᐅᔭ ᒪᒃ ᑲ ‍ ᐃᑎᒡ ᐊᑯᑕ ᑲ ‍ ᑎᐱᔨᒡ ᑕᓐ ᑲ ‍ ᐃᑎᓯᓇᐃᑭᓄᐃᑯᐱᓇ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒋ ‍ ᒪᒪᑎᓂᒪᑐᐅᒡ ᓂᑦ ᐊᐱᒋᑕᐅᓇ ᑭᔭ ᒋ ‍ ᑕᐛᒐᓄᐤ ᓂᑦ ᐊᑯᑉ᙮
\p
\v 25 ᒋᓴᔅ ᒪᒃ ᐅᑲᐎᐊ ᒥᒋᒪ ᒋ ‍ ᓂᐳᐅᔪᐛ ᐊᓐᑕ ᒋᓴᓴ ᐅᒋᐱᔭᑎᑯᒥᔨᒡ ᑭᔭ ᐅᑲᐎᐊ ᐎᐧᑲᓂᓯᔪᐛ ᐊᑯᑕ ᑲ ‍ ᓂᐳᔨᒋ ᑭᔭ ᒪᕆ, ᑲᓗᐸᔅ ᐎᐛ ᑭᔭ ᒪᕆ ᒪᒃᑕᓕᓐ᙮
\v 26 ᒋᓴᔅ ᒋ ‍ ᐛᐱᒪᐤ ᐊᓂᔭ ᐅᑲᐎᔭ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᑲ ‍ ᓴᒋᐊᑦ ᐊ ‍ ᓂᐳᔨᒋ ᐊᓐᑕ, ᐊᑯ ᒂ ‍ ᐃᑕᑦ ᐊᓂᔭ ᐅᑲᐎᔭ, “ᐊᐅᑯᐤ ᒋᑯᔅ᙮”
\p
\v 27 ᐊᑯ ᒂ ‍ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ ᑲ ‍ ᓴᒋᐊᑦ, “ᐊᐅᑯᐤ ᒋᑲᐎᔾ᙮” ᐊᓐ ᒪᒃ ᒋᔅᒋᓄᐊᒧᐛᑭᓐ ᐊᑯᑕ ᑲ ᐅᒋ ᒋᒋ ‍ ᑭᓄᐛᔨᒪᑦ ᒋᓴᓴ ᐅᑲᐎᔪᐛ ᐊᓐᑕ ᐎᒋᒡ᙮
\s1 ᒋᓴᔅ ᑲ ‍ ᓂᐱᑦ
\r ᒪᑎᔪᐤ 27.45-56; ᒪᕐᒃ 15.33-41; ᓗᒃ 23.44-49
\p
\v 28 ᐸᑎᒪ ᒪᒃ ᒋᓴᔅ ᒋ ‍ ᒋᔅᒐᔨᑎᒻ ᓴᔅ ᒥᓯᐛ ᒐᒂᔪᐤ ᐊᒋ ‍ ᒋᔅᑕᐱᔨᒡ ᐊᑯ ᒂ ‍ ᐃᔅᒋᔄᑦ, “ᓂᐎ ᒥᓐ᙮” ᐊᐅᑯᐤ ᐅᔭ ᑲ ‍ ᐃᔅᒋᔄᑦ ᒐᒋ ᑎᐱᐱᔨᒡ ᑕᓐ ᑲ ᐃᓯ ‍ ᓂᑲᓐ ᐎᑕᑭᓄᐎᒡ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ ᒐ ‍ ᐃᔅᒋᔄᑯᐱᓇ᙮
\p
\v 29 ᒋ ‍ ᑎᑯᓐ ᒪᒃ ᐊᓐᑕ ᐎᔭᑭᓐ ᐊ ‍ ᓴᑭᔅᒋᓇᐸᒡ ᐊ ‍ ᐎᓯᑲᐧᑭᒥᒡ ᓱᒥᓇᐳᔾ, ᐊᑯᑕ ᐊᓐᑕ ᑲ ‍ ᐊᑯᑕᒡ ᐅᐱᓂᓯᔪᐤ ᑲ ‍ ᒪᑯᐱᑕᑭᓄᐎᒡ ᒥᔅᑎᑯᒡ ᐊᑯ ᐊᓐᑕ ᐅᑐᓂᔨᒡ ᑲ ᐃᓯ ‍ ᐃᑕᔅᑯᓂᒧᐛᒡ᙮
\v 30 ᐃᔅᐱ ᒋᓴᔅ ᑲ ‍ ᒥᓐᑦ ᐊᑯ ᒂ ‍ ᐃᔅᒋᔄᑦ, “ᓴᔅ ᒋᔅᑕᐱᔪᐤ᙮” ᐊᑯ ᒂ ᐊᑎ ‍ ᓂᔭᒥᔎᔨᑦ ᒂ ᐊᑎ ‍ ᐳᓂᐱᒪᑎᓯᑦ᙮
\s1 ᐅᔅᐱᑲᒡ ᑲ ‍ ᑕᐧᑭᒪᑭᓄᐅᑦ ᒋᓴᔅ
\p
\v 31 ᐊᓐᒡ ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᓇᒪ ᐅᒋ ᓂᑐᐛᔨᒪᐅᒡ ᐊᓂᔭᔪᐛ ᐊ ‍ ᓂᔅᑎᔨᒋ ᑲ ‍ ᒋᔅᑕᔎᑕᑭᓄᔨᒋ ᓇᐸᐛ ᐊᔅᒄ ᒐᒋ ᐃᑎᑯᒋᓂᔨᒋ ᐛᐸᓂᔨᒐ ᐛᔅ ᐊᐅᒄ ᐊᓂᔭ ᒐ ‍ ᒋᓴᐊᔭᒥᐊᐅᒋᓯᑲᔨᒡ, ᐊᑯ ᒂ ‍ ᐃᑕᒡ ᑈᓚᑕ ᒐᒋ ᐃᑎᓱᐛᔨᒋ ᒐᒋ ᓇᑥᑲᑕᐛᑭᓄᔨᒋ ᐊᓂᔭᔪᐛ ᓇᐸᐛ, ᑭᔭ ᒐᒋ ᓂᑎᓂᑲᓄᔨᒋ ᐎᔪᐛᐛ ᒐᒋ ᓇᐅᔅᑕᑭᓄᔨᒋ᙮
\v 32 ᐊᑯ ᐊᓐᒡ ᐊᓯᒪᑭᓂᓯᒡ ᑲ ‍ ᓇᑥᑲᑕᐛᒡ ᐊᓂᔭ ᓂᓱ ᓇᐸᐛ ᑲ ‍ ᒋᔅᑕᔎᑕᑭᓄᔨᒋ ᒋᓴᓴ ᑭᔭ ᑲ ‍ ᒋᔅᑕᔎᑕᑭᓄᔨᒋ᙮
\v 33 ᒋᓴᔅ ᒪᒃ ᐎᔾ ᓴᔅ ᒋ ‍ ᐳᓂᐱᒪᑎᓯᐤ ᐃᔅᐱ ᐛᑎᑕᒡ ᐊᓐᒡ ᐊᓯᒪᑭᓂᓯᒡ ᓇᒪ ᒪᒃ ᐅᒋ ᓇᑥᑲᑕᐛᐅᒡ᙮
\v 34 ᐸᐃᒄ ᒪᒃ ᐊᓐ ᐊᓯᒪᑭᓂᔅ ᒋ ‍ ᑕᐧᑭᒪᐤ ᐊᓂᔭ ᒋᓴᓴ ᐊᓐᑕ ᐅᔅᐱᑲᔨᒡ᙮ ᑎᐛᒡ ᒂ ᐅᒋ ‍ ᐎᐎᑯᔨᒡ ᐅᒥᐧᑯᔪᐤ ᑭᔭ ᓂᐱᔪᐤ ᐊᓐᑕ ᐅᒡ᙮
\v 35 ᐊᓐ ᐊᐛᓐ ᑎᐱᔨᐛ ᐅᔅᒋᓯᑯᒡ ᐊᒋ ᐅᒋ ‍ ᐛᐸᑕᐧᒃ ᐅᔭ ᑯᐃᔅᒄ ᐎᑎᒻ ᑕᓐ ᑲ ‍ ᐃᔅᐱᔨᒡ ᒐᒋ ᑕᑈᑎᒪᒄ ᑭᔭ ᒋᔨᐛᐤ ᐃᔨᒥᑕᔭᒂ᙮ ᒋᔅᒐᔨᑎᒻ ᐊ ‍ ᑕᑈᑦ ᑕᓐ ᐊ ᐃᓯ ‍ ᐎᑕᐧᒃ᙮
\v 36 ᒋ ‍ ᐃᔅᐱᔪᐤ ᐅ ᒐᒋ ᑎᐱᐱᔨᒡ ᑕᓐ ᑲ ᐃᓯ ‍ ᓂᑲᓐ ᐎᑕᑭᓄᑯᐱᓇ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒐ ‍ ᐃᔅᐱᔨᒡ, ᐃᑎᔅᑕᐤ,
\q ᓇᒪ ᐛᐛᒡ ᐸᐃᒄ ᐅᒋ ᓇᑥᐃᑭᓄᐎᔪᐤ ᐎᔾ ᐅᔅᑭᓇ᙮
\m
\v 37 ᑭᔭ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒋᑭ ‍ ᑭᓄᐛᐱᒪᐅᒡ ᐊᓂᔭ ᑲ ‍ ᑕᐧᑭᒪᒡ᙮
\s1 ᒋᓴᔅ ᐎᔪᐤ ᑲ ‍ ᓇᐃᐧᑲᑭᓄᐎᒡ
\r ᒪᑎᔪᐤ 27.57-61; ᒪᕐᒃ 15.42-47; ᓗᒃ 23.50-56
\p
\v 38 ᐸᑎᒪ ᒪᒃ ᒍᓯᑉ, ᐊᕆᒪᑎᔭᒡ ᑲ ‍ ᐅᒋᑦ ᓇᐸᐤ ᒋ ‍ ᓂᑐᐛᔨᑎᒧᐛᐤ ᑈᓚᑕ ᒋᓴᓴ ᐎᔭᔪᐤ ᒐᒋ ᓇᐅᔅᑕᐛᑦ᙮ ᒍᓯᑉ ᒪᒃ ᒋᒧᑦ ᒋ ‍ ᑕᑈᔭᔨᒪᐤ ᒋᓴᓴ ᐛᔅ ᒋ ‍ ᑯᔅᑕᐤ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ᙮ ᒋ ‍ ᓂᔅᑯᒧᐤ ᒪᒃ ᑈᓚᑦ ᑕᓐ ᑲ ᐃᓯ ‍ ᓂᑐᐛᔨᑎᒥᔨᒋ ᒍᓯᐸ᙮ ᐊᑯ ᒪᒃ ᒍᓯᑉ ᒂ ‍ ᐅᑎᓂᒺᑦ ᒋᓴᓴ ᐎᔭᔪᐤ ᒂ ‍ ᔅᑐᑕᐛᑦ᙮
\p
\v 39 ᓂᑯᑎᒪᓴ ᒪᒃ ᒋ ‍ ᐎᒐᐅᑯᐤ᙮ ᐊᐅᒄ ᓂᑯᑎᒪᔅ ᐊ ‍ ᑎᐱᔅᑲᔨᒡ ᒪᐅᒡ ᓂᔅᑎᒻ ᑲ ᐸᒋ ‍ ᓇᑕᑦ ᒋᓴᓴ᙮ ᒋ ‍ ᐊᔭᐤ ᒪᒃ ᑐᒥᓂᑭᓂᔪᐤ ᓂᐱᓯᔭ ᑐᒥᓂᑭᓂᔪᐤ ᑲᐎᒋᒪᑯᓯᔨᒡ ᑭᔭ ᐊᓗ ᑲ ‍ ᐃᓯᓂᐧᑲᑕᔨᒋ ᐊᒋ ᐅᒋ ‍ ᐅᓯᑕᑭᓄᔨᒋ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᑎᐸᐸᑲᐃᑭᓇ ᒋ ‍ ᐃᔅᐱᑎᓂᑯᓂᔪᐤ ᐅᔭ ᑐᒥᓂᑭᓂᔪᐤ᙮
\v 40 ᐊᐅᑯᓐᒡ ᐅᒡ ᓂᓱ ᓇᐸᐅᒡ ᓂᑯᑎᒪᔅ ᑭᔭ ᒍᓯᑉ ᒂ ‍ ᐅᑎᓂᒺᒡ ᒋᓴᓴ ᐎᔭᔪᐤ ᒂ ‍ ᑎᑎᐸᔭᒋᓂᒺᒡ ᐱᒍᐎᔭᓂᒡ ᑭᔭ ᒋ ‍ ᐎᒋᒪᑯᑕᐛᐅᒡ ᐛᔅ ᐊᐅᑯᓐ ᑲᒋ ‍ ᐃᑎᒡ ᒍᐤ ᐃᔪᒡ᙮
\v 41 ᐊᓐᑕ ᑲ ‍ ᒋᔅᑕᔎᑕᑭᓄᐅᑦ ᒋᓴᔅ ᒋ ‍ ᑎᑯᓐ ᓂᑕᐅᒋᑕᑭᓐ ᐊᔅᒋᔾ ᑭᔭ ᒋ ‍ ᑎᑯᓐ ᐊᓐᑕ ᐊᑲ ᓂᑕ ᐅᒋ ᐊᐱᑎᒡ ᒋᐱᐃᒋᐛᑉ᙮
\v 42 ᐊᓂᔭ ᒪᒃ ᐊᒋ ᐃᓯ ‍ ᒋᓯᑲᔨᒡ, ᐊ ‍ ᐊᔭᔅᑯᐎᔅᑕᑭᓄᐎᒡ ᐎᒪᔅᑲᒐᐅ-ᒥᑯᓴᐅᓂᔪᐤ, ᑭᔭ ᐊ ‍ ᐸᓱᓇᑯᓂᔨᒡ ᐊᓂᔭ ᒋᐱᐃᒋᐛᐱᔪᐤ, ᐊᑯᑕ ᐊᓐᑕ ᑲ ‍ ᐊᔅᑕᐛᒡ ᒋᓴᓴ ᐎᔭᔪᐤ᙮
\c 20
\s1 ᑲ ‍ ᐱᓯᒂᒡ ᒋᐱᐃᒋᐛᑉ
\r ᒪᑎᔪᐤ 28.1-8; ᒪᕐᒃ 16.1-8; ᓗᒃ 24.1-12
\s2 John 20.1-18 (Easter Sunday Year C)
\p
\v 1 ᐊᓐ ᑲ ‍ ᒋᓴᐊᔭᒥᐊᐅᒋᓯᑲᒡ ᐎᐱᒡ ᒪᒃ ᒥᓐ ᐊ ᐊᑎ ‍ ᐛᐸᒡ, ᐊᔅᒄ ᐊ ‍ ᐊᒋᑲᔅᑕᔭᒡ ᐊᓐᑕ ᒋᐱᐃᒋᐛᐱᒡ ᒋ ‍ ᐃᑐᑕᐤ ᒪᕆ ᒪᒃᑕᓕᓐ ᒂ ‍ ᐛᐱᒪᑦ ᐊᓂᔭ ᐊᓯᓂᔭ ᐊᒋ ‍ ᐃᒐᑕᐊᑭᓄᐃᒂᓂ ᐊᓐᑕ ᐊ ᐅᒋ ‍ ᐱᒐᓄᐎᒡ᙮
\v 2 ᒂ ‍ ᒋᒋᐸᑕᑦ ᒂ ‍ ᓂᑐᐛᐱᒪᑦ ᓴᐃᒥᓐ ᐱᑕᕋ ᑭᔭ ᐊᓂᔭ ᑯᑎᑲ ᒋᔅᒋᓄᐊᒧᐛᑭᓇ ᒋᓴᓴ ᑲ ‍ ᓴᒋᐊᔨᒋ ᐊᑯ ᒂ ‍ ᐃᑕᑦ ᐅᔭ, “ᒋ ‍ ᐅᑎᓂᒧᐛᐅᒡ ᐅᑎᐸᔨᒋᒐᐛ ᐎᔭᔪᐤ ᓇᒪ ᒪᒃ ᓂ ‍ ᒋᔅᒐᔨᑎᒺᓐ ᑕᓐᑕ ᑲ ‍ ᓇᐅᔅᑕᐛᒡ᙮”
\p
\v 3 ᐊᑯ ᐱᑕᕐ ᒂ ‍ ᐎᐎᑦ ᐃᔅᐱ ᑲ ‍ ᐃᔅᒋᔄᔨᒋ ᐅᔭ ᐊ ‍ ᐎᒐᐅᑯᑦ ᐊᓂᔭ ᑯᑎᑲ ᒋᔅᒋᓄᐊᒧᐛᑭᓇ᙮ ᐊᓐᑕ ᒋᐱᐃᒋᐛᐱᒡ ᐊᑯᑕ ᑲ ᐃᓯ ‍ ᔅᑐᑕᒡ᙮
\v 4 ᑕᐱᔅᑯᓐ ᒋ ‍ ᒋᒋᐸᑕᐅᒡ ᒥᒄ ᒪᒃ ᒋ ‍ ᐊᑯᔅᒋᐱᔨᔅᑕᑯᐤ ᐱᑕᕐ ᐊᓂᔭ ᑯᑎᑲ ᒋᔅᒋᓄᐊᒧᐛᑭᓇ ᐊᑯ ᐎᔾ ᓂᔅᑎᒻ ᑲ ‍ ᐸᐸᑕᔨᒋ ᐊᓐᑕ᙮
\v 5 ᐃᔅᐱ ᒪᒃ ᐱᔭᐸᑕᑦ ᐊᓐᑕ ᐊᓐ ᑯᑎᒃ ᒋᔅᒋᓄᐊᒧᐛᑭᓐ ᒋ ‍ ᓄᐛᑲᐳᐤ ᐊᓐᑕ ᐊ ‍ ᐊᑯᓯᒂᔭᐸᑕᐧᒃ ᐊᓂᔭ ᒋᐱᐃᒋᐛᐱᔪᐤ᙮ ᒥᒄ ᐱᒍᐎᔭᓂᓯᔪᐤ ᒋ ‍ ᐛᐸᑎᒻ ᐊᓐᑕ ᐊ ‍ ᐊᔅᑕᔨᒡ᙮ ᓇᒪ ᐅᒋ ᐱᒐᐤ᙮
\v 6 ᒐᒃ ᒂ ᐅᒋ ‍ ᐸᐸᑕᑦ ᓴᐃᒥᓐ ᐱᑕᕐ ᐊᑯ ᐎᔾ ᐊᓐᑕ ᒂ ‍ ᐱᒐᑦ᙮ ᒋ ‍ ᐛᐸᑎᒻ ᐊᓂᔭ ᐱᒍᐎᔭᓂᔪᐤ ᐊᓐᑕ ᐊ ‍ ᐊᔅᑕᔨᒡ᙮
\v 7 ᐊᑯ ᐊᓂᔭ ᑯᑎᒋᔪᐤ ᐱᒍᐎᔭᓂᓯᔪᐤ ᑲ ‍ ᐊᐱᑎᓂᔨᒡ ᒋᓴᓴ ᑲ ‍ ᐱᔎᔭᒋᓇᑭᓄᐎᒡ ᐅᔅᑎᒂᓂᔪᐤ ᑎᐸᓐ ᐊᓐᑕ ᒋ ‍ ᐊᔅᑕᔪᐤ ᐊᒋ ‍ ᒥᔽᒋᓂᑭᓄᐃᑯᐱᓇ᙮
\v 8 ᐊᓐ ᑯᑎᒃ ᒋᔅᒋᓄᐊᒧᐛᑭᓐ, ᐊᓐ ᓂᔅᑎᒻ ᑲ ‍ ᐸᐸᑕᑦ ᐊᓐᑕ, ᑭᔭ ᐎᔾ ᒋ ‍ ᐱᒐᐤ ᐊᓐᑕ, ᒂ ‍ ᐛᐸᑕᐧᒃ ᑭᔭ ᒂ ᐊᑎ ‍ ᑕᑈᑕᐧᒃ ᐊ ᒋ ‍ ᐅᓂᔅᑲᐃᒂᓂ᙮
\v 9 ᐅᔭ ᒪᒃ ᒪᒂᒡ ᐊᔅᒄ ᓇᒪ ᐅᒋ ᓂᔅᑐᑎᒧᒡ ᐊᓐᑕ ᐊᓂᔭ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ ᑲ ‍ ᐃᑎᔅᑕᔨᒡ ᒥᓐ ᒐ ‍ ᐅᓂᔅᑲᔨᒋ᙮
\v 10 ᐊᑯ ᒂ ‍ ᒋᐛᒡ ᐎᒋᐛᐛᒡ ᐅᒡ ᒋᔅᒋᓄᐊᒧᐛᑭᓐᒡ᙮
\s1 ᒋᓴᔅ ᑲ ‍ ᓄᑯᓯᔅᑐᐛᑦ ᒪᕆ ᒪᒃᑕᓕᓇ
\r ᒪᑎᔪᐤ 28.9,10; ᒪᕐᒃ 16.9-11
\p
\v 11 ᐊᑯᑕ ᐊᓐᑕ ᐎᐎᑎᒥᒡ ᐊᓂᔭ ᒋᐱᐃᒋᐛᐱᔪᐤ ᑲ ‍ ᓂᐳᐅᑦ ᒪᕆ ᐊ ‍ ᒪᑦ᙮ ᐊᓂᔭ ᒪᒃ ᐊ ‍ ᒪᑦ ᒋ ‍ ᓄᐛᑲᐳᐤ ᐊ ‍ ᐱᑕᔭᐸᑕᐧᒃ ᐊᓂᔭ ᒋᐱᐃᒋᐛᐱᔪᐤ᙮
\v 12 ᐊᑯᑕ ᒂ ‍ ᐛᐱᒪᑦ ᓂᓱ ᐊᓐᒋᓇ ᐊ ‍ ᐛᐸᔅᐱᓱᔨᒋ ᐊ ‍ ᐊᐱᔨᒋ ᐊᓐᑕ ᒋᓴᓴ ᑲ ‍ ᓇᐅᔅᑕᑭᓄᐎᒡ ᐎᔭᔪᐤ᙮ ᐸᐃᒄ ᐊᓐᑕ ᐊᒋ ᐃᓯ ‍ ᐅᔅᑎᒂᓄᔨᒋ ᒋ ‍ ᐊᐳᐤ ᐊᑯ ᐊᓐ ᑯᑎᒃ ᐊᓐᑕ ᐃᑕᒐ ᐊᒋ ᐃᓯ ‍ ᐅᓯᑎᒡ ᐊᑯᑕ ᑲ ‍ ᐊᐱᑦ᙮
\v 13 ᐊᑯ ᒂ ‍ ᐃᑎᑯᑦ ᐊᓂᔭ ᐊᓐᒋᓇ, “ᐃᔎᐤ, ᒐᒂᓐ ᐛᒋ ‍ ᒪᔨᓐ ?” ᐊᑯ ᒪᕆ ᒂ ‍ ᐃᑕᑦ, “ᒋ ‍ ᐅᑎᓇᐅᒡ ᓂᑎᐸᔨᒋᒐᓯᒪ ᓇᒪ ᒪᒃ ᓂ ‍ ᒋᔅᒐᔨᒪᐅᒡ ᑕᓐᑕ ᑲ ‍ ᐃᑐᑕᐊᒡ᙮”
\p
\v 14 ᐅᔭ ᒪᒃ ᑲ ‍ ᐃᔅᒋᔄᑦ ᒋ ‍ ᒋᐛᔎᔪᐤ ᒂ ‍ ᐛᐱᒪᑦ ᐊᐛᔪᐛ ᐊ ‍ ᓂᐳᔨᒋ ᐊᓐᑕ ᐅᔅᐱᔅᑯᓂᒡ, ᒋᓴᓴ ᒪᒃ ᐊᓂᔭ ᒥᒄ ᓇᒪ ᐅᒋ ᓂᔅᑐᐅᓄᐛᐤ᙮
\v 15 ᒋ ‍ ᐃᑎᑯᐤ ᒪᒃ, “ᐃᔎᐤ, ᒐᒂᓐ ᐛᒋ ‍ ᒪᔨᓐ ? ᐊᐛᓐ ᓇᓂᑐᐛᐱᒥᑦ ?” ᒂ ‍ ᑭᓄᐛᐱᒪᑦ ᒪᕆ ᐊᓂᔭ ᓂᑕᐅᒋᑕᑭᓇ ᑲ ‍ ᓇᑭᑐᐛᐸᑎᒥᔨᒋ ᐊ ‍ ᐃᑕᔨᒪᑦ, ᐊᑯ ᒂ ‍ ᐃᑕᑦ, “ᐸᒋ ‍ ᐎᑎᒧᐎ ᒪ ᑕᓐᑕ ᑲ ‍ ᐊᔨᑦ ᑭᔭ ᒐ ‍ ᓂᑐᐛᐱᒥᒃ᙮”
\p
\v 16 “ᒪᕆ,” ᒋ ‍ ᐃᑕᐤ ᒋᓴᔅ᙮ ᒋ ‍ ᒂᔅᒋᑲᐳᐤ ᒪᕆ ᐊᑯ ᑲ ‍ ᐃᑕᑦ ᐊᓂᔭ ᒋᓴᓴ ᐃᑉᕈᐤ ᐊ ᐃᓯ ‍ ᐃᔨᒥᑦ, “ᕋᐳᓇᐃ,” ᒋ ‍ ᐃᑕᐤ᙮ ᐅ ᒪᒃ ᕋᐳᓇᐃ ᑲ ‍ ᐃᓇᓄᐅᒡ ᐊ ‍ ᐱᔭᑭᔅᒋᑕᑯᓯᓇᓄᐅᒡ ᐅᑎᐸᔨᒋᒐᐤ ᐃᓇᓄᐤ᙮
\p
\v 17 ᒋᓴᔅ ᒂ ‍ ᐃᔅᒋᔄᑦ, “ᐊᑲᐎᔾ ᑕᒋᓂᔾ ᐛᔅ ᓇᒪ ᐊᔅᒄ ᓄᑕᐎᔾ ᐊ ‍ ᑕᑦ ᓂ ᐅᒋ ᐃᓯ ‍ ᐅᐱᔨᓐ᙮ ᓂᑐᐛᐱᒥᒡ ᓂᐧᑲᓂᓯᒡ ᒐ ‍ ᐎᑎᒧᐅᑥᐤ ᒐ ‍ ᐅᐱᔪᐅᒡ ᓄᑕᐎᔾ ᑭᔭ ᒋᔨᐛᐤ ᒍᑕᐎᐛᐤ ᐊ ‍ ᑕᑦ ᐃᔅ, ᓂᒋᓴᒪᓂᑐᒻ ᑭᔭ ᒋᔨᐛᐤ ᒋᒋᓴᒪᓂᑐᒧᐛᐤ᙮”
\p
\v 18 ᒪᕆ ᒪᒃᑕᓕᓐ ᒂ ‍ ᔅᑐᑕᑦ ᐊ ‍ ᓇᓂᑐᐛᐱᒪᑦ ᐊᓂᔭ ᒋᔅᒋᓄᐊᒧᐛᑭᓇ ᐊᑯ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᐅᑎᐸᔨᒋᒐᐤ ᓂᒋ ‍ ᐛᐱᒪᐤ᙮” ᒋ ‍ ᐎᑎᒧᐛᐤ ᑭᔭ ᐊᓂᔭ ᑕᓐ ᑲ ‍ ᐃᑎᑯᑦ ᒐ ‍ ᐃᑕᑦ᙮
\s1 ᒋᓴᔅ ᑲ ‍ ᓄᑯᓯᔅᑐᐛᑦ ᐅᒋᔅᒋᓄᐊᒧᐛᑭᓇ
\r ᒪᑎᔪᐤ 28.16-20; ᒪᕐᒃ 16.14-18; ᓗᒃ 24.36-49
\s2 John 20.19-31 (Easter-2 Year A, B, C)
\p
\v 19 ᐊᓂᔭ ᒪᒃ ᐊ ᐊᑎ ‍ ᐅᑕᑯᓯᔨᒡ ᐊᓂᔭ ᓂᔅᑎᒻ ᐊᑎ ‍ ᒋᓯᑲᔨᒡ ᒋ ‍ ᒪᒧᐎᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᒋ ‍ ᐊᑎᓴᑲᐎᓱᐅᒡ ᒪᒂᒡ ᐊᓂᔭ ᐊ ‍ ᒪᒧᐎᒡ ᐛᔅ ᒋ ‍ ᑯᔅᑕᐅᒡ ᐊᓂᔭ ᒍᐤ ᐅᒋᒪᐛ᙮ ᓯᔅᒋᑯᒡ ᒪᒃ ᒋ ᐅᒋ ‍ ᐛᐱᒪᐅᒡ ᒋᓴᓴ ᐊ ‍ ᓂᐳᔨᒋ ᐊᓐᑕ ᐊ ‍ ᑕᒡ᙮ ᒋ ‍ ᐃᑎᑯᐅᒡ ᒪᒃ, “ᒋᔭᒪᔨᑎᒧᒄ᙮”
\v 20 ᐃᔅᐱ ᒪᒃ ᑲᒋ ᐃᓯ ‍ ᐛᒋᔭᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ‍ ᐛᐸᑎᔭᑦ ᐅᑎᒋᔭ ᑭᔭ ᐅᔅᐱᑭᔾ᙮ ᒋᒋᐛ ᒪᒃ ᒋ ‍ ᓯᒋᔭᓱᐅᒡ ᐊᒋ ‍ ᐛᐱᒪᒡ ᐅᑎᐸᔨᒋᒐᓯᒧᐛᐛ᙮
\p
\v 21 ᒥᓐ ᒂ ‍ ᐃᔨᒪᐊᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ‍ ᐃᑕᑦ, “ᒋᔭᒪᔨᑎᒧᒄ᙮ ᒧᔭᒻ ᓄᑕᐎᔾ ᑲ ᐸᒋ ‍ ᐃᑎᓴᐅᑦ ᒋᔭᒪᔨᑎᒧᐅᓂᒡ ᐃᔅ, ᑭᔭ ᓂᔾ ᒋᑦ ᐃᑎᓴᐅᑎᓇᐛᐤ ᒋᔭᒪᔨᑎᒧᐅᓂᒡ ᐃᔅ᙮”
\v 22 ᐊᑯ ᐊᓐᑕ ᐊ ‍ ᑕᔨᒋ ᑲ ᐃᓯ ‍ ᐃᔭᔭᑦ ᒂ ‍ ᐃᑕᑦ, “ᐅᑎᓇᐧᒄ ᑲ ‍ ᐸᔭᒋᓯᑦ ᐊᒐᐧᒄ᙮
\v 23 ᐛᐸᔨᑎᒧᐛᒂ ᐊᐛᓐ ᒋᑭ ‍ ᐛᐸᔨᑎᒧᐛᑭᓄᐤ, ᐊᑲ ᐛᐸᔨᑎᒧᐛᒂ ᐊᐛᓐ ᓇᒪ ᒋᑭ ᐅᒋ ‍ ᐛᐸᔨᑎᒧᐛᑭᓄᐤ᙮”
\s1 ᒋᓴᔅ ᑭᔭ ᑥᒥᔅ
\p
\v 24 ᐊᓐ ᒪᒃ ᐸᐃᒄ ᒋᔅᒋᓄᐊᒧᐛᑭᓐ ᑥᒥᔅ ᑲ ‍ ᐃᓯᓂᐧᑲᓱᑦ ᐊᔭᒡ ᐊ ‍ ᐃᓯᓂᐧᑲᑕᑭᓄᐅᑦ ᐸᐃᒄ ᐊᓐ ᑲ ‍ ᓂᓯᒡ ᒋ ‍ ᐃᓯᓂᐧᑲᑕᑭᓄᐤ, ᓇᒪ ᐅᒋ ᑕᐤ ᐎᔾ ᒋᓴᓴ ᑲ ‍ ᑎᑯᓯᓂᔨᒋ᙮
\v 25 ᐊᓂᔭ ᒪᒃ ᐊ ‍ ᐎᑎᒪᑯᑦ ᐊᓂᔭᔪᐛ ᑯᑎᑲ ᒋᔅᒋᓄᐊᒧᐛᑭᓇ ᐊᒋ ‍ ᐛᐱᒪᔨᒋ ᒋᓴᓴ, ᓇᒪ ᐅᒋ ᑕᑈᑐᐛᐤ᙮ ᒋ ‍ ᐃᑕᐤ, “ᓇᒪ ᓂᑭ ᐅᒋ ‍ ᑕᑈᑕᓐ ᐸᑐᔅ ᒋ ‍ ᑕᒋᓂᒧᒐ ᐅᑎᒋᔭ ᐊᓐᑕ ᑲ ‍ ᒋᔅᑕᔎᑕᑭᓄᐅᑦ ᑭᔭ ᐸᑐᔅ ᒋ ‍ ᑕᒋᓂᒐ ᐊᓐᑕ ᐅᔅᐱᑲᒡ᙮”
\p
\v 26 ᔭᓇᐤ ᑕᑐᐤ ᒋᓯᑲᐛ ᒪᒃ ᐃᔅᐱᔅ ᐊᑯ ᒥᓐ ᑲ ‍ ᒪᒧᐎᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ ᑥᒥᔅ ᒪᒃ ᑭᔭ ᐎᔾ ᐊᑯᑕ ᑲ ‍ ᑕᑦ᙮ ᒋ ‍ ᐊᑎᓴᑲᐛᑭᓄᐎᒡ ᔅᑐᐧᑭᓐᒡ ᐃᔭᐱᒡ ᒪᒃ ᒋᓴᔅ ᒋ ᐸᒋ ‍ ᐱᒐᐤ ᒂ ᐸᒋ ‍ ᐅᑎᔅᑯᑲᐳᔅᑐᐛᑦ᙮
\v 27 ᒂ ‍ ᐃᑕᑦ ᐊᓂᔭ ᑥᒥᓴ, “ᑕᒋᓇ ᓂᑎᒋᔭ ᑭᔭ ᐅ ᓂᔅᐱᑭᔾ ᐸᒋ ‍ ᑕᒋᓇ, ᐊᑯᓐ ᐊᑯ ᐃᔅᐱᔅ ᐊᓏᑕ, ᑕᑈᑕ ᐊᑯ᙮”
\p
\v 28 ᐊᑯ ᑥᒥᔅ ᒂ ‍ ᐃᑕᑦ, “ᓂᑎᐸᔨᒋᒐᓯᒻ ᑭᔭ ᓂᒋᓴᒪᓂᑐᒻ᙮”
\p
\v 29 ᒋᓴᔅ ᒂ ‍ ᐃᑕᑦ, “ᒋ ‍ ᑕᑈᑕᓐ ᐊ ᒥᒄ ᐊ ᐸᒋ ‍ ᐛᐱᒥᔨᓐ᙮ ᓱᐛᔨᑕᑯᓱᐅᒡ ᐊᓐᒡ ᑲ ‍ ᑕᑈᑕᒡ ᐊᑎ ᐊᑲ ᐅᒋ ᐛᐱᒥᒡ᙮”
\s1 ᑕᓐ ᐊ ‍ ᐃᑕᐸᑎᒡ ᐅ ᒥᓯᓇᐃᑭᓐ
\p
\v 30 ᒋᓴᔅ ᐅᒋᔅᒋᓄᐊᒧᐛᑭᓇ ᒥᒐᑦ ᒋ ‍ ᐛᐱᒥᑯᐤ ᒪᒥᔅᑲᒡ ᒐᒂᔪᐤ ᐊ ‍ ᐃᑐᑕᐧᒃ ᐊᑲ ᐅᒋ ᒥᓯᓇᐃᑭᓄᐅᒋ ᐅᑕ ᒥᓯᓇᐃᑭᓂᒡ᙮
\v 31 ᐊᐅᒄ ᐅᔭ ᑲ ‍ ᒥᓯᓇᐃᑭᓄᐅᒋ ᒐᒋ ᑕᑈᑎᒪᒄ ᒋᓴᔅ ᑕᑈ ᐊ ‍ ᐊᐎᔨᒋ ᙭, ᒋᓴᒪᓂᑐᐤ ᐅᑯᓴ, ᑭᔭ ᑕᑈᔭᔨᒪᒂ ᐅᑦ ᐃᓯᓂᐧᑲᓱᐅᓐ ᒐ ‍ ᐊᔭᔭᒄ ᐱᒪᑎᓯᐅᓐ᙮
\c 21
\s1 ᒋᓴᔅ ᑲ ‍ ᓄᑯᓯᔅᑐᐛᑦ ᓂᔄᐅᑕᒡ ᐅᒋᔅᒋᓄᐊᒧᐛᑭᓇ
\s2 John 21.1-19 (Easter-3 Year C)
\p
\v 1 ᐸᑎᒪ ᒪᒃ ᐊᑯ ᒥᓐ ᒋᓴᔅ ᑲ ‍ ᓄᑯᓯᔅᑐᐛᑦ ᐅᒋᔅᒋᓄᐊᒧᐛᑭᓇ ᐊᓐᑕ ᐊᓂᔭ ᓴᑲᐃᑭᓂᔪᐤ ᑕᐃᐱᕆᔭᔅ ᑲ ‍ ᐃᓯᓂᐧᑲᑕᔨᒡ᙮ ᒪᐅᑕ ᒪᒃ ᑲ ᐃᓯ ‍ ᓄᑯᓯᔅᑐᐛᑦ᙮
\v 2 ᒪᒧᐤ ᒋ ‍ ᑕᐅᒡ ᐅᒡ ᒥᓯᐛ, ᓴᐃᒥᓐ ᐱᑕᕐ, ᑥᒥᔅ, ᐊᓐ ᑲ ‍ ᓂᓯᒡ ᑲ ‍ ᐃᓯᓂᐧᑲᑕᑭᓄᐅᑦ, ᓇᑕᓂᔭᓪ, ᐊᓐ ᑲᐃᓇᒡ ᑲ ‍ ᐅᒋᑦ ᐊᓐᑕ ᑲᓕᓕ ᐊᔅᒋᒡ ᑲ ‍ ᑎᑯᓂᔨᒡ, ᑭᔭ ᐊᓂᔭ ᓂᓱ ᓴᐱᑎ ᐅᑯᓴ ᑭᔭ ᓂᓱ ᑯᑎᑭᒡ ᒋᔅᒋᓄᐊᒧᐛᑭᓐᒡ᙮
\v 3 ᐊᑯ ᓴᐃᒥᓐ ᐱᑕᕐ ᒂ ‍ ᐃᑕᑦ ᐊᓂᔭ ᒋᔅᒋᓄᐊᒧᐛᑭᓐᒡ “ᓂᑭ ‍ ᓂᑐᓂᒪᓴᓐ᙮” ᒂ ‍ ᐃᑎᑯᑦ, “ᒋᑭ ‍ ᐎᒐᐅᑎᓇᓐ᙮” ᒂ ‍ ᐳᓯᒡ᙮ ᐃᔅᑭᓐ ᑎᐱᔅᑲᐛ ᒪᒃ ᒋ ‍ ᑕᐅᒡ ᐊᑲ ᐅᒋ ᐱᑕᐅᔭᒡ᙮
\p
\v 4 ᐃᔅᐱ ᒪᒃ ᐊ ᐊᑎ ‍ ᐸᑕᐱᓂᔨᒡ, ᒋᓴᔅ ᒋ ‍ ᓂᐳᐅᐤ ᐊᓐᑕ ᓯᓱᒡ, ᒥᒄ ᓇᒪ ᐅᒋ ᒋᔅᒐᔨᒪᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ ᒋᓴᓴ ᐊᓂᔭᔪᐛ᙮
\p
\v 5 ᒋ ‍ ᐃᑎᑯᐅᒡ ᒪᒃ, “ᐊᔅᒄ ᐊ ᓇᒪ ᒋ ‍ ᐱᑕᐅᔭᓇᐛᐤ ?” “ᓇᒪ,” ᒋ ‍ ᐃᑕᐅᒡ᙮
\p
\v 6 ᐊᑯ ᒂ ‍ ᐃᑕᑦ, “ᒋᑭ ‍ ᐱᑕᐅᔭᓇᐛᐤ ᐊᓐᑕ ᒋᒥᔪᓂᐛᒡ ᐃᑕᒐ ᐃᓯ ᐱᑭᔅᑐᐛᐊᒂ ᐊᓐ ᒋᑦ ᐊᐃᐱᐛᐤ᙮” ᑭᑈ ᑲ ‍ ᐱᑭᔅᑐᐛᐛᒡ ᐊᓂᔭ ᐅᑦ ᐊᐃᐱᐛᐛ᙮ ᓇᒪ ᐅᒋ ᓱᐳᑕᐅᒡ ᐊᓂᔭᔪᐛ ᐅᑦ ᐊᐃᐱᐛᐤ ᐃᔅᐱ ᐛᒋᐱᑕᒡ ᐊ ‍ ᐃᔅᐱᔅ ᒋ ‍ ᒥᒐᑎᔨᒋ ᐅᓂᒪᓯᒧᐛᐛ᙮
\p
\v 7 ᐊᓂᔭᔪᐛ ᒪᒃ ᒋᔅᒋᓄᐊᒧᐛᑭᓐ ᒋᓴᔅ ᑲ ‍ ᓴᒋᐊᑦ, ᒋ ‍ ᐃᑕᐤ ᐊᓂᔭ ᐱᑕᕋ, “ᐅᑎᐸᔨᒋᒐᐤ ᐊᓐ᙮” ᐃᔅᐱ ᒪᒃ ᓴᐃᒥᓐ ᐱᑕᕐ ᐱᔭᑕᐧᒃ ᐅᑎᐸᔨᒋᒐᐛ ᐊ ‍ ᐊᐎᔨᒋ ᐊᓂᔭᔪᐛ ᒋ ‍ ᐳᔅᑎᔅᑭᒻ ᐅᑦ ᐊᑯᑉ ᐊᓂᔭ ᑲ ‍ ᒥᓇᐧᒃ ᒐ ‍ ᐊᑐᔅᒐᑦ, ᐊᑯ ᑲ ‍ ᐱᑭᔅᑐᐛᒂᔅᑯᑎᑦ᙮
\v 8 ᐊᑯ ᐊᓐᒡ ᑯᑎᑭᒡ ᒋᔅᒋᓄᐊᒧᐛᑭᓐᒡ ᑲ ᐸᒋ ‍ ᓇᑎᑭᒪᐱᔨᒡ, ᐊ ‍ ᐅᑕᐸᒡ ᐊᓂᔭ ᐅᑦ ᐊᐃᐱᐛᐛ ᐊ ‍ ᓴᑭᔅᒋᓇᔨᒋ ᓂᒪᓴ᙮ ᓇᒪ ᒪᒃ ᓇᔅᒡ ᑕᐅᒡ ᐅᒋ ᐃᑕᐅᒡ, ᓴᓯᑲᓐ ᓂᔅᑐ ᒥᑕᓯᒥᑎᓄᐤ ᒥᓯᑦ ᒋ ‍ ᐃᔅᐱᓯᓇᑯᓂᔨᒐ ᐊᓐᑕ ᐅᒋ ᓯᓱᒡ᙮
\v 9 ᐃᔅᐱ ᒪᒃ ᑲ ‍ ᑭᐸᒡ ᒋ ‍ ᐛᐸᑎᒧᒡ ᐃᔅᑯᑕᔪᐤ ᓂᒪᓴ ᐊ ‍ ᑎᑭᔄᑭᓄᔨᒋ ᐊᓐᑕ ᑭᔭ ᐸᒂᓯᑭᓇ᙮
\p
\v 10 ᐊᑯ ᒋᓴᓴ ᒂ ‍ ᐃᑎᑯᒡ, “ᐸᓱᐛᐧᑯᒡ ᐊᓐᒡ ᐱᔅᒐ ᓂᒪᓯᒡ ᑲ ‍ ᐱᑕᐅᔭᔭᒄ᙮”
\p
\v 11 ᐊᑯ ᓴᐃᒥᓐ ᐱᑕᕐ ᒂ ‍ ᐊᒂᓯᐱᑕᑦ ᐊᓂᔭ ᐊᐃᐱᔭ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᒥᓐ ᐱᑕᑕᒡ ᑕᑐᔪᐤ ᐊᓱ ᓂᔅᑐ ᒋ ‍ ᑕᑎᓯᒐᓂᐃ ᐊᓂᔭᔪᐛ ᓂᒪᓴ᙮ ᐊᑎ ᒪᒃ ᐊᓂᔭ ᐊᒋ ‍ ᐃᔅᐱᔅ ᓴᑭᔅᒋᓇᔨᒋ ᓂᒪᓴ ᓇᒪ ᐃᔭᐱᒡ ᐅᒋ ᐱᑯᐱᔪᐛ ᐊᓂᔭ ᐅᑦ ᐊᐃᐱᐛᐛ᙮
\v 12 ᐊᑯ ᑲ ‍ ᐃᑎᑯᒡ ᒋᓴᓴ, “ᐊᔅᑎᒧᒄ, ᐸᒋ ‍ ᒥᒋᓱᒄ᙮” ᓇᒪ ᒪᒃ ᐛᐛᒡ ᐸᐃᒄ ᐊᓐᒡ ᒋᔅᒋᓄᐊᒧᐛᑭᓐᒡ ᐅᒋ ᐎ ᐃᑕᐅᒡ, “ᐊᐛᓐ ᒋᔾ ?” ᐛᔅ ᒋ ‍ ᒋᔅᒐᔨᒪᐅᒡ ᐅᑎᐸᔨᒋᒐᐛ ᐊᓂᔭᔪᐛ᙮
\v 13 ᒋᓴᔅ ᒪᒃ ᒋ ‍ ᓇᑕᐤ, ᒂ ‍ ᐅᑎᓇᑦ ᐊᓂᔭ ᐸᒂᓯᑭᓇ ᐊᑯ ᒂ ‍ ᒪᒪᑎᓂᒧᐛᑦ, ᑭᔭ ᐊᓂᔭ ᓂᒪᓴ ᐊᐅᑯᓐ ᑲ ‍ ᐃᑐᑐᐛᑦ᙮
\p
\v 14 ᐊᐅᒄ ᒪᒃ ᐅᔭ ᓂᔍᐤ ᑲ ‍ ᓄᑯᓯᔅᑐᐛᑦ ᒋᓴᔅ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᑲ ᐃᔅᐱᔅ ‍ ᐅᓂᔅᑲᑦ ᓂᐳᐅᓂᒡ ᐅᒡ᙮
\s1 ᒋᓴᔅ ᑭᔭ ᐱᑕᕐ
\p
\v 15 ᐃᔅᐱ ᒪᒃ ᑲᒋ ᐃᓯ ‍ ᒥᒋᓱᒡ, ᒋᓴᔅ ᒋ ‍ ᐃᑕᐤ ᓴᐃᒥᓐ ᐱᑕᕋ, “ᓴᐃᒥᓐ, ᒋᔾ ᑲ ‍ ᐅᑯᓯᑐᑕᔅᒃ ᒠᓐ, ᐅᔅᑕ ᐊ ᓂᔾ ᒋ ‍ ᓴᒋᐃᓐ ᐃᔅᐱᔅ ᐅᒡ ?”
\p ᐊᑯ ᓴᐃᒥᓐ ᐱᑕᕐ ᒂ ᐃᓯ ‍ ᐎᑎᒧᐛᑦ, “ᓂᐦᐃ, ᐅᑎᐸᔨᒋᒐᐤ, ᒋ ‍ ᒋᔅᒐᔨᑕᓐ ᐊ ‍ ᓴᒋᐃᑕᓐ᙮”
\p ᒋᓴᔅ ᒪᒃ ᒋ ‍ ᐃᑕᐤ, “ᓂᓇᑭᑐᐛᔨᒥᒡ ᓂᒪᔭᑕᓂᓯᒥᒡ᙮”
\p
\v 16 ᓂᔄᐤ ᒪᒃ ᒥᓐ ᒋᓴᔅ ᒋ ‍ ᐃᑕᐤ ᐊᓂᔭ ᓴᐃᒥᓐ ᐱᑕᕋ, “ᓴᐃᒥᓐ, ᒠᓐ ᑲ ‍ ᐅᑯᓯᑐᑕᔅᒃ, ᒋ ‍ ᓴᒋᐃᓐ ᐊ ?”
\p ᐊᑯ ᑲ ᐃᓯ ‍ ᐎᑎᒧᐛᑦ, “ᓂᐦᐃ, ᐅᑎᐸᔨᒋᒐᐤ, ᒋ ‍ ᒋᔅᒐᔨᑕᓐ ᐊ ‍ ᓴᒋᐃᑎᓐ᙮”
\p ᒋᓴᔅ ᒪᒃ ᒋ ‍ ᐃᑕᐤ, “ᓂᓇᑭᑐᐛᔨᒥᒡ ᓂᒪᔭᑕᓂᓯᒥᒡ᙮”
\p
\v 17 ᓂᔍᐤ ᒪᒃ ᒥᓐ ᒋᓴᔅ ᒋ ‍ ᐃᑕᐤ, “ᓴᐃᒥᓐ, ᒠᓐ ᑲ ‍ ᐅᑯᓯᑐᑕᔅᒃ, ᒋ ‍ ᓴᒋᐃᓐ ᐊ ?”
\p ᐊᑯ ᐱᑕᕐ ᓇᔅᒡ ᑲ ‍ ᒥᒐᔨᑕᐧᒃ ᐛᔅ ᐊᑯ ᓂᔍᐤ ᑲ ‍ ᑯᒂᒋᒥᑯᑦ ᒋᓴᓴ ᐊ ‍ ᐃᑎᑯᑦ, “ᒋ ‍ ᓴᒋᐃᓐ ᐊ ?” ᐊᑯ ᑲ ‍ ᐃᑕᑦ, “ᐅᑎᐸᔨᒋᒐᐤ, ᒥᓯᐛ ᒐᒂᓐ ᒋ ‍ ᒋᔅᒐᔨᑕᓐ, ᒋ ‍ ᒋᔅᒐᔨᑕᓐ ᐊ ‍ ᓴᒋᐃᑕᓐ᙮”
\p ᒋᓴᓴ ᒪᒃ ᒋ ‍ ᐃᑎᑯᐤ, “ᓂᓇᑭᑐᐛᔨᒥᒡ ᓂᒪᔭᑕᓂᓯᒥᒡ᙮
\v 18 ᑯᐃᔅᒄ ᒋ ‍ ᐎᑎᒪᑎᓐ, ᐊᔅᒄ ᐊᒋ ‍ ᐅᔅᒋᓂᒋᓱᐎᓐ ᒥᒄ ᑕᓐ ᐛ ᐊᐃᑎᔨᓐ ᔅᒋ ‍ ᐃᑎᓐ ᑭᔭ ᒥᒄ ᑕᓐᑕ ᐛ ᐃᑐᑕᔨᓐ ᐊᑯᑕ ᑲ ‍ ᐃᑐᑕᔨᓐ᙮ ᐃᔅᐱ ᒪᒃ ᒋᓴᐃᔪᔨᓇ, ᓱᐅᓂᔅᒐᔨᓇ ᒪᒃ ᒋᑭ ‍ ᒪᑯᐱᑕᑭᓄᐛ ᔅᑎᒋᔭ ᐊᑯ ᒐ ‍ ᐃᑐᑕᐃᑯᔨᓐ ᐊᓐᑕ ᐊᑲ ᐎ ᐃᑐᑕᔨᓐ᙮”
\v 19 ᐅᔭ ᒪᒃ ᒋᓴᔅ ᑲ ‍ ᐃᔅᒋᔄᑦ ᒋ ‍ ᓂᑐᐛᔨᒪᐤ ᒐᒋ ᒋᔅᒐᔨᑎᒥᔨᒋ ᑕᓐᑕ ᒐ ᐃᓯ ‍ ᓂᐱᔨᒋ ᒐᒋ ᐅᒋ ‍ ᒋᔅᑕᔨᒪᑭᓄᔨᒋ ᒋᓴᒪᓂᑐᐛ᙮ ᐊᑯ ᒋᓴᔅ ᐊᑕᑦ, “ᐸᒋ ‍ ᐱᐸᐎᒐᐎ᙮”
\s1 ᒋᓴᔅ ᑭᔭ ᐊᓐ ᑯᑎᒃ ᒋᔅᒋᓄᐊᒧᐛᑭᓐ
\p
\v 20 ᐱᑕᕐ ᒋ ‍ ᒂᔅᒋᑲᐳᐤ ᒂ ‍ ᐛᐱᒪᑦ ᐊᓂᔭ ᑯᑎᑲ ᒋᔅᒋᓄᐊᒧᐛᑭᓇ, ᐊᓂᔭ ᒋᓴᓴ ᑲ ‍ ᓴᒋᐊᔨᒋ᙮ ᐊᐅᑯᓐ ᐊᓂᔭ ᑲ ‍ ᐊᔅᐱᒋᓯᒧᔨᒋ ᒋᓴᓴ ᐊ ‍ ᑕᔨᒋ ᒪᒂᒡ ᑲ ‍ ᒥᒋᓱᒡ ᑭᔭ ᑲ ᐃᓯ ‍ ᑯᒂᒋᒪᑦ, “ᐅᑎᐸᔨᒋᒐᐤ, ᐊᐛᓐ ᒐ ‍ ᐎᔭᓯᐱᔅᑎᓂᔅᒃ ?”
\v 21 ᐃᔅᐱ ᐎᔭᐱᒪᑦ ᐱᑕᕐ ᐅᔭ ᓇᐸᐛ ᒋ ‍ ᑯᒂᒋᒪᐤ ᒋᓴᓴ, “ᐅᑎᐸᔨᒋᒐᐤ, ᐅ ᒪᒃ ᐎᔾ ᓇᐸᐤ ?”
\p
\v 22 ᒋᓴᓴ ᒋ ‍ ᐃᑎᑯᐤ, “ᓂᑐᐛᔨᒥᑲ ᒐᒋ ᐱᒪᑎᓯᑦ ᐸᑐᔅ ᒥᓐ ᑎᑯᓯᓄᒐ, ᑕᓐ ᒪᒃ ᒐ ‍ ᐃᑎᔨᓐ ᒋᔾ ? ᐸᒋ ‍ ᓇᓴᐎ ᒋᔾ᙮”
\p
\v 23 ᐊᑯ ᒂ ‍ ᒥᓯᑕᐱᔨᒡ ᑎᐸᒋᒧᐅᓐ ᐊᓐᑕ ᒥᓯᑕ ᐎᐧᑲᓂᓯᒪᐅᒡ ᐊ ‍ ᑕᒡ ᐊᓂᔭ ᒐ ᐊᑲ ᐅᒋ ‍ ᓂᐱᑦ ᐅ ᒋᔅᒋᓄᐊᒧᐛᑭᓐ᙮ ᒥᒄ ᒪᒃ ᓇᒪ ᐅᒋ ᐃᔅᒋᔄᑯᐱᓇ ᒋᓴᔅ ᒐ ᐊᑲ ᐅᒋ ‍ ᓂᐱᔨᒋ᙮ ᒋ ‍ ᐃᑕᐤ, “ᓇᑐᐛᔨᒪᐅᑕ ᐊᔅᒄ ᒐᒋ ᐱᒪᑎᓯᑦ ᑎᑯᓯᓄᒐ, ᑕᓐ ᒪᒃ ᒐ ‍ ᐃᑎᔨᓐ ᒋᔾ ?”
\p
\v 24 ᐊᐅᑯᓐ ᐅ ᒋᔅᒋᓄᐊᒧᐛᑭᓐ ᑲ ‍ ᑎᐸᑕᐧᒃ ᐅᔭ ᒐᒂᔪᐛ, ᑭᔭ ᑲ ‍ ᒥᓯᓇᐊᐧᒃ ᐅᔭ ᒐᒂᔪᐛ᙮ ᒋ ‍ ᒋᔅᒐᔨᒪᓄᐤ ᒪᒃ ᐊ ‍ ᑕᑈᒥᑭᓂᔨᒡ ᒥᓯᐛ ᑕᓐ ᑲ ᐃᓯ ‍ ᐎᑕᐧᒃ᙮
\s1 ᐊ ᐊᑎ ‍ ᒋᓯᐱᔨᒡ ᐅ ᒥᔽᒋᒧᐅᓐ
\p
\v 25 ᒥᒐᓂᔪᐤ ᒪᒃ ᐃᔭᐱᒡ ᑯᑎᒃ ᒐᒂᔪᐤ ᒋᓴᔅ ᐊᒋ ‍ ᐃᑐᑕᐧᒃ᙮ ᒥᓯᐛ ᐸᐸᐃᒄ ᐛᐎᑕᑭᓄᐅᒋ ᒐᒂᔪᐛ ᑕᓐ ᑲ ‍ ᐃᑎᑦ, ᓇᒪ ᒋᐸ ᐅᒋ ‍ ᑕᐱᔅᑕᐛ ᐅᑕ ᐊᔅᒋᒡ ᐅᓯᑕᑭᓄᐅᒋ ᒥᓯᓇᐃᑭᓇ᙮
\id ACT Adapted from ECree-S to Naskapi, 16 August 2001; Typeset export from CBS 8 May 2007
\h ᐊᑈᔅᑕᓇᒡ
\toc3 ᐊᑈᔅᑕᓇᒡ
\toc2 ᐊᑈᔅᑕᓇᒡ
\toc1 ᐊᑈᔅᑕᓇᒡ ᑕᓐ ᑲ ‍ ᐊᐃᑎᒡ
\mt1 ᐊᑈᔅᑕᓇᒡ
\mt2 ᑕᓐ ᑲ ‍ ᐊᐃᑎᒡ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐅ ᒥᓯᓇᐃᑭᓐ ᐊᑈᔅᑕᓇᒡ ᑲ ‍ ᐃᓯᓂᐧᑲᑕᒡ ᐊᔪᐅᒄ ᐅᔭ ᐊ ᐊᑎ ‍ ᐊᓂᔅᒐᐱᔨᑕᑦ ᓗᒃ ᐅᑎᐸᒋᒧᐅᓐ᙮ ᒋ ‍ ᒥᓯᓇᐃᑭᓄᐤ ᐅ ᒥᓯᓇᐃᑭᓐ ᒐᒋ ᒋᔅᒐᔨᑎᒪᐧᒄ ᑕᓐ ᑲ ‍ ᐃᑎᒡ ᐊᓐᒡ ᓂᔅᑎᒻ ᑲ ‍ ᑕᑈᑕᒡ ᒥᔽᒋᒧᐅᓂᔪᐤ ᑭᔭ ᑕᓐ ᑲ ‍ ᐃᔅᐱᔨᒡ ᐊᔭᔅᒃ ᒐᒋ ᐊᑎ ‍ ᒥᒐᑎᒡ᙮ ᐎᑎᒻ ᓗᒃ ᑕᓐ ᑲ ᐃᔅᐱᔅ ‍ ᒋᓯᐱᔨᒡ ᐊ ‍ ᒥᓯᑕᐱᔨᒡ ᒋᓴᔅ ᐅᒥᔽᒋᒧᐅᓐ᙮ ᐊᔨᒧᑕᐤ ᓂᔅᑎᒻ ᑲ ᐸᒋ ‍ ᐃᑎᓴᐛᑦ ᑲ ‍ ᐸᔭᒋᓯᑦ ᐊᒐᒂ ᑭᔭ ᑕᓐ ᑲ ᐃᓯ ‍ ᐊᐱᑎᓯᑦ ᐱᒪᑎᓯᐅᓂᒡ ᐊᓂᔭᔪᐛ ᐊᑈᔅᑕᓂᔨᒋ ᐅᒋ᙮ ᐊᓐᒡ ᐊᑈᔅᑕᓇᒡ ᑲ ‍ ᐃᓯᓂᐧᑲᑕᑭᓄᐅᒡ ᑎᐸᒋᒪᑭᓄᐅᒡ ᐅᑕ᙮ ᓂᓱ ᒪᒃ ᐊᓐᒡ, ᐊᐅᒄ ᐱᑕᕐ ᑭᔭ ᑈᓪ ᐊᐅᑯᓐᒡ ᒋᒋᐛ ᑕᐸᒋᒪᑭᓄᐅᒡ᙮ ᑎᐸᒋᒧᐤ ᑭᔭ ᓗᒃ ᑕᓐ ᑲ ᐃᓯ ‍ ᒪᒥᔅᑲᒡ ᐃᔅᐱᔨᒡ ᑲ ‍ ᐱᐸᐎᒐᐛᑦ ᑈᓚ᙮ ᐊᑯᑕ ᐅ ᐛᑕᒂᒡ ᑲ ‍ ᐊᓂᔅᒐ ᐎᑎᒧᐛᑭᓄᐅᒡ ᐊᓐᒡ ᐊᑲ ᒍᐤ ᑲ ‍ ᐃᑎᔅᑲᓇᓯᒡ ᒥᔽᒋᒧᐅᓂᔪᐤ ᐃᔅᐱᔅ ᐊᑲ ᐛ ᐅᑎᓂᒥᔨᒋ ᐊᓂᔭ ᒍᐤ ᐃᔪᐛ᙮
\c 1
\p
\v 1 ᒋᔾ ᑎᔪᐱᓚᔅ ᒋ ‍ ᒥᓯᓇᐊᒪᑎᓐ᙮ ᓂᔅᑎᒻ ᒥᓯᓇᐃᑭᓐ ᑲ ‍ ᒥᓯᓇᐊᒪᒐᔭᓐ ᐊᑯᑕ ᑲ ‍ ᐎᑎᒪᓐ ᒥᓯᐛ ᑕᓐ ᑲ ‍ ᐃᑎᑦ ᒋᓴᔅ ᑭᔭ ᑕᓐ ᑲ ᐃᓯ ‍ ᒋᔅᑯᑎᒪᒐᑦ ᐅᔅᑭᒡ ᑲ ‍ ᒋᒋᐱᔨᑕᑦ ᐅᑦ ᐊᑐᔅᒐᐅᓐ ᐱᐃᒻ ᒪᒃ ᑲ ᐸᒋ ‍ ᐅᑎᓇᑭᓄᐅᑦ ᒋᒋᒋᓯᑯᒡ ᐃᔅ᙮
\v 2 ᐊᔅᒄ ᒪᒃ ᐊᑲ ᐅᒋ ᓂᑭᑕᐧᒃ ᐅᔭ ᐊᔅᒋᔪᐤ ᒋᓴᔅ ᑲ ‍ ᐸᔭᒋᓯᔨᒋ ᐊᒐᒂ ᐅᒋ ᒋ ‍ ᐛᑎᓱᒪᐤ ᐊᑈᔅᑕᓇ ᐊ ‍ ᐎᑎᒧᐛᑦ ᑕᓐ ᒐ ‍ ᐃᑎᔨᒋ᙮
\v 3 ᐃᔅᐱ ᑲᒋ ᐃᓯ ‍ ᓂᓇᐧᑲᑕᔨᒧᑦ ᒋᓴᔅ ᒋᐱᔭᑎᑯᒡ ᑲ ‍ ᓂᐱᑦ ᒥᒐᑦ ᒋ ‍ ᓄᑯᓯᔅᑐᐛᐤ ᐊᓂᔭᔪᐛ ᐊᑈᔅᑕᓇ ᓇᐎᔪᐛ ᒋᓯᑲᐤ ᐃᔅᐱᔅ, ᐊ ᐎ ‍ ᒐᔅᑎᓇᑕᔨᑎᒥᐊᑦ ᑕᑈ ᒥᓐ ᑲᐤ ᐊ ‍ ᐱᒪᑎᓯᑦ, ᑭᔭ ᒋ ‍ ᐊᔨᒧᑎᒧᐛᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮
\p
\v 4 ᐃᔅᐱ ᒪᒃ ᑲ ‍ ᒪᒧᐎᒡ ᒋᓴᔅ ᒋ ‍ ᐃᑕᐤ ᐊᓂᔭᔪᐛ ᐊᑈᔅᑕᓇ, “ᐊᑲᐎᔾ ᓂᑭᑎᒥᒄ ᒋᕈᓯᓕᒻ᙮ ᐊᓱᐛᐸᑎᒺᐧᒄ ᐊᓂᔭᔪᐤ ᒥᔨᐛᐅᓂᔪᐤ ᓄᑕᐎᔾ ᒐᔅᑎᓇᔅ ᑲ ‍ ᐃᔅᒋᔄᑦ ᒐ ‍ ᒥᔨᑕᒄ, ᐊᐅᒄ ᐅ ᓴᔅ ᑲ ᐸᒋ ‍ ᐊᔨᒧᑎᒪᑎᑯᒡ᙮
\v 5 ᐛᔅ ᒠᓐ ᒋ ‍ ᓯᑲᐃᑕᒐᐤ ᓂᐱᔪᐤ ᐊ ‍ ᐊᐱᒋᑕᑦ᙮ ᐊᑯ ᒪᒃ ᓴᔅ ᐎᐱᒡ ᒋᑭ ‍ ᓯᑲᐃᑕᑯᓇᐛᐤ ᑲ ‍ ᐸᔭᒋᓯᑦ ᐊᒐᐧᒄ᙮”
\s1 ᒋᓴᔅ ᒋᒋᒋᓯᑯᒡ ᑲ ᐃᓯ ‍ ᐅᑎᓇᑭᓄᐅᑦ
\s2 Acts 1.6-14 (Easter-7 Year A)
\p
\v 6 ᐊᑯ ᒪᒃ ᒥᓐ ᐸᐃᒂᐤ ᐊ ‍ ᒪᒧᐎᒡ ᐊᓐᒡ ᐊᑈᔅᑕᓇᒡ ᒋ ‍ ᑯᒂᒋᒪᐅᒡ ᒋᓴᓴ ᐊ ‍ ᐃᑕᒡ, “ᐅᑎᐸᔨᒋᒐᐤ, ᓴᔅ ᐊ ᐅᑎᒋᐱᔪᐤ ᒐ ‍ ᒥᔨᑥᐤ ᒍᐤ ᐃᔪᒡ ᐎᔨᐛᐤ ᒥᓐ ᒐᒋ ᐱᒥᐱᔨᑥᓱᒡ ᒥᓯᐛ ᒐᒂᔪᐤ ᐊᓐᑕ ᐅᑦ ᐊᔅᒋᐛᒡ ?”
\p
\v 7 ᒋᓴᔅ ᒪᒃ ᒋ ‍ ᐃᑕᐤ, “ᓇᒪ ᒋᔨᐛᐤ ᒋᐸ ᐅᒋ ᓇᓂᑐ ‍ ᑭᒐᔅᒐᔨᑕᓇᐛᐤ ᑕᓐ ᒐ ‍ ᐃᔅᐱᔨᒡ ᐊᓐᑕ ᓂᔅᑕᒥᒡ᙮ ᐊᓂᔭᔪᐤ ᐊ ‍ ᑎᐸᔨᒋᒐᑦ ᓄᑕᐎᔾ ᓴᔅ ᒋ ‍ ᐎᔭᔨᑎᒻ ᑕᓐ ᒐ ᐃᔅᐱᔅ ‍ ᐅᑎᒋᐱᔨᒡ ᐅᔭ᙮
\v 8 ᒋᑭ ‍ ᓴᑭᔅᒋᓇᔅᑲᑯᓇᐛᐤ ᓱᐧᑲᑎᓯᐅᓐ, ᐃᔅᐱ ᑲ ‍ ᐸᔭᒋᓯᑦ ᐊᒐᐧᒄ ᒋ ‍ ᐅᑎᑎᑕᒂ᙮ ᐊᑯ ᒪᒃ ᒐ ‍ ᐱᐸᒪᒋᒥᔭᒄ ᐊᓐᑕ ᒋᕈᓯᓕᒥᒡ, ᒥᓯᐛ ᒍᑎᔭ ᐊᔅᒋᒡ, ᓴᒪᕆᔭᐃᒡ ᑭᔭ ᒥᓯᐛ ᐊ ‍ ᐃᔅᐱᑎᔅᑭᒥᑲᒡ ᐊᔅᒋᔾ᙮”
\p
\v 9 ᐃᔅᐱ ᒋᓴᔅ ᐅᔭ ᑲ ‍ ᐃᑕᑦ ᐊᓂᔭᔪᐛ ᐊᑈᔅᑕᓇ ᒪᒂᒡ ᐊ ‍ ᑭᓄᐛᐱᒥᑯᑦ ᐃᔅᐱᒥᒡ ᒋ ᐃᓯ ‍ ᐅᐱᐱᔪᐤ᙮ ᑭᔅᑯᐅᓂᔎ ᒂ ‍ ᐊᑯᐛᐊᑯᑦ ᐊᑯ ᓇᒪ ᐅᒋ ᐛᐱᒥᑯᐤ᙮
\p
\v 10 ᒪᒂᒡ ᒪᒃ ᐊᓐᑕ ᐃᔅᐱᒥᒡ ᐊ ‍ ᐃᑕᐱᒡ ᐊ ᐎ ‍ ᑭᓄᐛᐱᒪᒡ ᐊ ᐊᑎ ‍ ᐅᐱᔨᒋ, ᓯᔅᒋᑯᒡ ᒋ ᐅᒋ ‍ ᐎᒋᑲᐳᔅᑕᑯᐅᒡ ᓂᓱ ᓇᐸᐛ ᐊ ‍ ᐛᐸᔅᐱᓱᔨᒋ᙮
\v 11 ᐊᑯ ᒂ ‍ ᐃᑎᑯᒡ, “ᒋᔨᐛᐤ ᓇᐸᑐᒄ ᑲᓕᓕᒡ ᑲ ‍ ᐅᒋᔭᒄ, ᒐᒂᓐ ᐛᒋ ‍ ᓂᐳᐅᔭᒄ ᐅᑕ, ᐃᔅᐱᒥᒡ ᐊ ‍ ᐃᑕᐱᔭᒄ ? ᐅ ᒋᓴᔅ ᑕᓐ ᑲ ᐃᓯ ᐸᒋ ‍ ᐅᑎᓇᑭᓄᐅᑦ ᒋᒋᒋᓯᑯᒡ ᐃᔅ, ᑲ ᐃᓯ ‍ ᐛᐱᒪᒄ ᐊ ‍ ᐃᑐᑕᑦ ᒋᒋᒋᓯᑯᒡ ᐊᐅᑯᓐ ᒧᔭᒻ ᒐ ‍ ᐃᓯᓇᑯᓯᑦ ᒥᓐ ᑎᑯᓯᒐ᙮”
\s1 ᒪᑎᔭᔅ ᑲ ‍ ᒥᔅᑯᑎᔅᑯᐛᑦ ᒍᑎᓴ
\p
\v 12 ᐊᑯ ᐊᓐᒡ ᐊᑈᔅᑕᓇᒡ ᒂ ‍ ᔅᑐᑕᒡ ᐊᓐᑕ ᐊᓂᔭᔪᐤ ᐱᔅᑯᑎᓇᒡ ᐊᓕᐱᔅ ᑲ ‍ ᐃᓯᓂᐧᑲᑕᔨᒡ ᑲᐤ ᒂ ‍ ᒋᐛᒡ ᐊᓐᑕ ᒋᕈᓯᓕᒥᒡ᙮ ᓴᓯᑲᓐ ᐳᔅᑯᑎᐸᐃᑭᓇ ᐊᐱᒥᑕᓄᐅᒡ ᒋ ‍ ᐃᔅᐱᓯᓇᑯᓂᔨᒐ ᐅᔭ ᐃᑕᐅᓂᔪᐤ ᐊᓐᑕ ᑲ ᐅᒋ ‍ ᔅᑐᑕᒡ᙮
\v 13 ᐃᔅᐱ ᒪᒃ ᑕᑯᓯᓂᒡ ᐊᓐᑕ ᒋᕈᓯᓕᒥᒡ ᒋ ‍ ᐱᒐᐅᒡ ᐊᓂᔭᔪᐤ ᒥᒋᐛᐱᔪᐤ ᒐ ‍ ᑕᒡ᙮ ᒋ ‍ ᑎᑯᓂᔪᐤ ᐊ ‍ ᐱᔅᒋᒐᔭᔨᒡ ᐃᔅᐱᒥᑎᑯᒡ ᐊᓂᔭᔪᐤ ᒥᒋᐛᐱᔪᐤ᙮ ᐊᑯᑕ ᑲ ᐃᓯ ‍ ᑯᔅᐸᑐᐛᒡ᙮ ᐊᐅᑯᓐᒡ ᐅᒡ ᑲ ‍ ᑕᒡ, ᐱᑕᕐ, ᒠᓐ, ᒋᒥᔅ, ᐊᓐᑎᕈ, ᐱᓕᑉ, ᑥᒥᔅ, ᐸᕐᑥᓚᒥᔪ, ᒪᑎᔪᐤ, ᒋᒥᔅ ᐊᓪᐱᔭᔅ ᐅᑯᓯᓴ, ᓴᐃᒥᓐ ᑲ ‍ ᐊᔭᒥᐊᐛᑎᓯᑦ ᑲ ‍ ᐃᓯᓂᐧᑲᑕᑭᓄᐅᑦ, ᑭᔭ ᒍᑎᔅ, ᒋᒥᔅ ᐅᑯᓯᓴ᙮
\v 14 ᒥᓯᐛ ᒪᒃ ᒋ ‍ ᓇᐊᔨᑎᒧᒡ ᒧᔅ ᒐᒋ ᐸᐃᑯᒪᒧᐎᒡ ᐊ ‍ ᒪᒧᐤ ᐊᔭᒥᐊᒡ᙮ ᐊᑯᑕ ᑲᒋ ‍ ᑕᒡ ᑭᔭ ᐊᓐᒡ ᐃᔎᐅᒡ, ᑭᔭ ᒪᕆ ᒋᓴᔅ ᐅᑲᐎᔭ, ᑭᔭ ᒋᓴᔅ ᐎᐧᑲᓂᓴ ᑲ ‍ ᓇᐸᐎᔨᒋ᙮
\s2 Acts 1.15-17,21-26 (Easter-7 Year B)
\p
\v 15 ᐸᐃᒂᐤ ᒪᒃ ᐊ ‍ ᒪᒧᐎᒡ ᐊᓐᒡ ᑲ ‍ ᑕᑈᑕᒡ, ᐱᑕᕐ ᒋ ‍ ᐱᓯᑯᐤ ᐊᑯ ᒂ ‍ ᐃᔨᒪᐊᑦ ᐊᓂᔭᔪᐛ ᑲ ᐸᒋ ‍ ᒪᒧᐎᔨᒋ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᒥᓐ ᓂᓱᔪᐤ ᒋ ‍ ᑕᑎᓯᒐᓂᒋ᙮
\v 16 ᐊᑯ ᒂ ‍ ᐃᑕᑦ, “ᓂᐧᑲᓂᓯᑐᒄ, ᐊᓐ ᑲ ᐃᓯ ‍ ᓂᑲᓐ ᐎᑕᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᔭᐃᑕᔾ ᒋ ‍ ᓂᑐᐛᔨᑕᑯᓐ ᒥᓯᐛ ᒐᒋ ᐃᔅᐱᔨᒡ᙮ ᐊᐅᒄ ᐅᔭ ᑲ ‍ ᐸᔭᒋᓯᑦ ᐊᒐᐧᒄ ᑲ ᐃᓯ ‍ ᒥᔭᑦ ᐊᓂᔭ ᑎᐱᑕ ᒐᒋ ᓂᑲᓐ ᐎᑎᒥᔨᒋ ᑕᓐ ᒐ ‍ ᐃᑎᔨᒂᓂ ᒍᑎᓴ᙮ ᐊᐅᒄ ᐅ ᒍᑎᔅ ᑲ ‍ ᐃᑐᑕᐊᑦ ᐊᓯᒪᑭᓂᓴ ᒋᓴᓴ ᐊ ‍ ᑕᔨᒋ ᒐᒋ ᒪᑯᓇᔨᒋ᙮
\v 17 ᔅᒋ ᐎᒋ ‍ ᐊᑐᔅᒐᒥᑯᓄᐤ ᒍᑎᔅ, ᐛᔅ ᒋᓴᓴ ᒋ ‍ ᐅᑎᓂᑯᐤ ᑭᔭ ᐎᔾ ᐊᑈᔅᑕᓐ ᒐᒋ ᐃᑕᐱᑎᓯᑦ᙮”
\p
\v 18 (ᐊᓂᔭᔪᐤ ᒪᒃ ᑲ ᐃᓯ ‍ ᒥᒋᑐᑕᐧᒃ ᒍᑎᔅ ᒋ ‍ ᒋᓯᐧᑯᐛᑭᓄᐤ ᓱᓇᔭᔪᐤ᙮ ᐊᑯ ᒂ ‍ ᐅᑎᓇᐧᒃ ᓂᑕᐅᒋᑕᑭᓐ ᐊᔅᒋᔪᐤ᙮ ᐊᑯᑕ ᐅᑕ ᑲ ‍ ᓂᐱᑦ, ᒋ ‍ ᐳᑯᒐᓯᓄᐤ ᐊ ‍ ᐸᒋᓯᓂᑦ ᓇᔅᒡ ᐊᒋ ‍ ᑯᐃᑯᑎᓂᔨᒋ ᐅᑎᓯᔭ᙮
\v 19 ᒥᓯᐛ ᒪᒃ ᐊᓐᑕ ᒋᕈᓯᓕᒥᒡ ᒋ ‍ ᒋᔅᒐᔨᑕᑭᓄᐅᔪᐤ ᑕᓐ ᑲ ‍ ᐃᔅᐱᔨᑦ ᒍᑎᔅ ᐊᑯ ᒥᐧᑯᐊᔅᒋᔾ ᒂ ᐊᑎ ‍ ᐃᓯᓂᐧᑲᑕᑭᓄᐎᒡ ᐊᓂᔭᔪᐤ ᓂᑕᐅᒋᑕᑭᓐ ᐊᔅᒋᔪᐤ ᐊᓐᑕ ᑲ ‍ ᒥᔅᑯᐛᑭᓄᐅᑦ᙮ ᐎᔨᐛᐤ ᒪᒃ ᐊ ᐃᓯ ‍ ᐃᔨᒥᒡ ᐊᑲᓕᑕᒪ ᒋ ‍ ᐃᓯᓂᐧᑲᑕᒧᒡ ᐅᔭ ᒥᐧᑯᐊᔅᒋᔪᐤ᙮)
\p
\v 20 “ᐛᔅ ᐃᑎᔅᑕᔪᐤ ᐊᓐᑕ ᐊᓂᔭ ᑎᐱᑦ ᐅᓂᑭᒧᐅᓂᒡ,
\q ᓇᒪ ᒋᑭ ᐅᒋ ‍ ᑕᓄᔪᐤ ᐊᓐᑕ ᑲᒋ ‍ ᑕᑦ, ᐊᑲᐎᔾ ᐊᐛᓐ ᒋᑭ ᐅᒋ ‍ ᐎᒍᐤ ᐊᓐᑕ᙮
\m ᐊᔪᐤ ᒪᒃ ᐃᑎᔅᑕᐤ,
\q ᑯᑎᑲ ᐊᐛᔪᐛ ᒋᑭ ‍ ᒥᔅᑯᑎᔅᑲᑯᐤ ᐊᓂᔭᔪᐤ ᑲᒋ ‍ ᐃᑕᐱᑎᓯᑦ᙮”
\s2 Acts 1.15-17,21-26 (Easter-7 Year B)
\p
\v 21 ᒂ ᐊᑎ ‍ ᐃᔅᒋᔄᑦ ᒥᓐ ᐱᑕᕐ, “ᐊᑯ ᒪᒃ ᒋᐸ ‍ ᐎᔭᔨᒪᓄᐤ ᐸᐃᒄ ᐊᐛᓐ ᒐ ‍ ᐎᒋᐃᑕᐧᒄ ᐊ ‍ ᐛᐎᑎᒧᐛᐧᑯᒡ ᐃᔪᒡ ᐅᑎᐸᔨᒋᒐᐛ ᒋᓴᓴ ᒥᓐ ᐊᒋ ‍ ᐅᓂᔅᑲᔨᒋ᙮
\v 22 ᐅ ᒪᒃ ᐊᐛᓐ ᒐ ‍ ᒥᔅᑯᑎᔅᑯᐛᑦ ᒍᑎᓴ ᐅᑕ ᐅ ᐊ ‍ ᐸᐃᑯᑕᐅᐱᑐᔭᐧᒄ ᒋᑭ ‍ ᐅᑎᓇᓄᐤ ᑭᔭ ᓴᔅ ᐊᓐᑕ ᐊᐛᓐ ᐊᒋ ᐅᒋ ‍ ᐎᒐᐅᑕᐧᒄ ᐅᔅᑭᒡ ᑲ ᒋᒋ ‍ ᐱᐸᐎᒐᐛᐧᒄ ᒋᓴᔅ᙮ ᑭᔭ ᐊᒋ ‍ ᐎᒐᐅᑕᐧᒄ ᐃᔅᐱ ᑲ ‍ ᓯᑲᐃᑕᑯᑦ ᒋᓴᔅ ᐊᓂᔭᔪᐛ ᒠᓇ, ᐱᐃᒻ ᒪᒃ ᒋᓴᔅ ᑲ ‍ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒡ᙮” ᐊᔪᐅᒄ ᐅᔭ ᑲ ‍ ᐃᔅᒋᔄᑦ ᐱᑕᕐ᙮
\p
\v 23 ᐊᑯ ᒪᒃ ᓂᓱ ᓇᐸᐛ ᑲ ‍ ᐎᐊᒡ᙮ ᐊᓐ ᐸᐃᒄ ᓇᐸᐤ ᒍᓯᑉ ᒋ ‍ ᐃᓯᓂᐧᑲᓱᐤ᙮ ᓇᓂᑯᑎᓂᔾ ᒐᔅᑕᔅ ᒪᒃ ᐸᕐᓴᐸᔅ ᒋ ‍ ᐃᓯᓂᐧᑲᑕᑭᓄᔨᒐ᙮ ᐊᑯ ᐊᓐ ᑯᑎᒃ ᓇᐸᐤ ᒪᑎᔭᔅ ᒋ ‍ ᐃᓯᓂᐧᑲᓱᐤ᙮
\v 24 ᐊᑯ ᑲ ‍ ᐊᔭᒥᐊᒡ ᐊ ‍ ᐃᔅᒋᔄᒡ, “ᐅᑎᐸᔨᒋᒐᐤ, ᒋ ‍ ᒋᔅᒐᔨᒪᐤ ᒥᓯᐛ ᐊᐛᓐ ᑕᓐ ᒋᒋᐛ ᐊ ‍ ᐃᑕᔨᑕᑯᓯᑦ᙮ ᐸᒋ ‍ ᐛᐸᑎᔨᓇᓐ ᑕᓐ ᐊᓐ ᐛᑎᓂᑦ ᐅᒡ ᓇᐸᐅᒡ ᐊ ‍ ᓂᓯᒡ,
\v 25 ᒐᒋ ᐅᑎᓇᐧᒃ ᐅᔭ ᐊᑐᔅᒐᐅᓂᔪᐤ ᐊᑈᔅᑕᓐ ᐊ ‍ ᐃᑕᐱᑎᓯᑦ, ᐊᓂᔭᔪᐤ ᒍᑎᔅ ᑲ ‍ ᓂᑭᑕᐧᒃ ᐃᔅᐱ ᑲ ‍ ᐃᑐᑕᑦ ᐊᓐᑕ ᐊᑲ ᐃᓯᓇᑯᓂᔨᒡ ᒐ ‍ ᐃᑐᑕᑯᐱᓇ᙮”
\p
\v 26 ᐊᑯ ᒂ ‍ ᐎᔭᔨᒪᒡ ᐊᓂᔭᔪᐛ ᐊ ‍ ᓂᓯᔨᒋ ᓇᐸᐛ ᑕᓐ ᐊᓂᔭᔪᐛ ᐊᐅᒄ ᒐ ‍ ᐅᑎᓇᒡ, ᐊ ‍ ᐅᑎᓂᒺᒡ ᐅᑦ ᐃᓯᓂᐧᑲᓱᐅᓂᔪᐤ᙮ ᐊᓐ ᒪᒃ ᐊᐛᓐ ᑲ ‍ ᑕᐅᓂᑭᓄᐎᒡ ᐅᑦ ᐃᓯᓂᐧᑲᓱᐅᓐ ᐊᐅᒄ ᒪᑎᔭᔅ᙮ ᐊᐅᒄ ᒪᒃ ᐊᓐ ᑲ ‍ ᐅᑎᓇᑭᓄᐅᑦ ᐊᑈᔅᑕᓐ ᒐᒋ ᐃᑕᐱᑎᓯᑦ᙮ ᐊᑯ ᒪᒃ ᒥᓐ ᑲ ‍ ᓂᓱᓴᐳᒡ ᐊᓐᒡ ᐊᑈᔅᑕᓇᒡ᙮
\c 2
\s1 ᑲ ‍ ᐸᔭᒋᓯᔨᒋ ᐊᒐᐧᑲ ᑲ ‍ ᐱᒋᔅᑲᑯᒡ ᑲ ‍ ᑕᑈᑕᒡ
\s2 Acts 2.1-21 (Pentecost Year A, B, C)
\p
\v 1 ᐃᔅᐱ ᒪᒃ ᐊᓐ ᐊ ‍ ᒋᓯᑲᒡ ᐸᓐᑎᑯᔅᑦ ᑲ ‍ ᐃᓯᓂᐧᑲᑕᒡ ᐛᑎᒋᐱᔨᒡ ᒥᓯᐛ ᒪᒧᐤ ᒋ ‍ ᑕᐅᒡ ᐊᓐᒡ ᑲ ‍ ᑕᑈᑕᒡ᙮
\v 2 ᓯᔅᒋᑯᒡ ᒋ ᐅᒋ ‍ ᐸᑎᒧᒡ ᒧᔭᒻ ᐊ ‍ ᒥᔅᑎᔪᑎᓂᔨᒡ ᐊ ‍ ᐃᑎᑕᑯᓂᔨᒡ ᐊᓐᑕ ᒋᒋᒋᓯᑯᒡ ᐅᒡ᙮ ᒥᓯᐛ ᐊ ‍ ᐃᔅᐱᓴᔨᒡ ᐱᑎᑭᒥᒡ ᐊᓂᔭᔪᐤ ᒥᒋᐛᐱᔪᐤ ᑲ ‍ ᑕᒡ ᒋ ‍ ᐸᑕᑯᓂᔪᐤ᙮
\p
\v 3 ᐊᑯ ᒂ ᐅᒋ ‍ ᓄᑯᓂᔨᒡ ᐃᔅᑯᑕᓯᓴ ᐊ ‍ ᑭᒐᒥᑕᔨᒋ ᐊ ‍ ᐃᓯᓇᑯᓂᔨᒋ ᐊ ᐊᑎ ‍ ᒪᑎᓄᐛᐱᔨᒋ, ᒥᓯᐛ ᐸᐸᐃᒄ ᐊᐛᓐ ᐊ ‍ ᑕᑦ ᐸᐃᒄ ᐅᔭ ᒋ ‍ ᑎᑯᓂᔪᐤ᙮
\v 4 ᒥᓯᐛ ᒪᒃ ᐊ ‍ ᑎᓯᒡ ᒋ ‍ ᓴᑭᔅᒋᓇᔅᑲᑯᐅᒡ ᑲ ‍ ᐸᔭᒋᓯᔨᒋ ᐊᒐᒂ᙮ ᒋ ᐅᒋ ‍ ᒂᔅᒋᐃᔨᒧᐅᒡ ᒪᒃ ᑯᑎᑲ ᐃᔨᒧᐅᓇ ᐊ ᐃᓯ ‍ ᒥᔨᑯᒡ ᐊᒐᒂ ᒐᒋ ᐃᓯ ‍ ᐃᔨᒥᒡ᙮
\p
\v 5 ᒋ ‍ ᑕᐅᒡ ᒪᒃ ᒍᐤ ᐃᔪᒡ ᐊᓐᑕ ᒋᕈᓯᓕᒥᒡ ᓇᔅᒡ ᐊ ‍ ᐊᔭᒥᐊᐛᑎᓯᒡ ᒥᓯᐛ ᓂᓇᐧᑯᐤ ᐊᔅᒋᒡ ᐊᒋ ‍ ᐅᑐᑕᒡ᙮
\p
\v 6 ᐃᔅᐱ ᒪᒃ ᐱᔭᑕᒡ ᐅᔭ ᐊ ‍ ᐃᑎᑕᑯᓂᔨᒡ ᒥᒐᑦ ᐊᐛᓐᒋ ᒋ ‍ ᐃᔅᐸᔨᑐᐅᒡ ᐊᓐᑕ᙮ ᒋ ‍ ᑯᔅᑯᐱᔪᒡ ᒪᒃ ᐛᔅ ᒋ ‍ ᐸᑐᐛᐅᒡ ᐊᓂᔭᔪᐛ ᑲ ‍ ᑕᑈᑎᒥᔨᒋ ᒥᓯᐛ ᐊᓂᔭᔪᐤ ᐎᔨᐛᐤ ᑕᓐ ᐊ ᐃᓯ ‍ ᐃᔨᒥᒡ ᐊ ᐃᓯ ‍ ᐃᔨᒥᔨᒋ᙮
\v 7 ᓇᔅᒡ ᒪᒃ ᒋ ‍ ᒥᔅᑲᓯᑐᐛᐅᒡ ᑲ ‍ ᐸᑐᐛᒡ ᐊᑯ ᒂ ‍ ᐃᔅᒋᔄᒡ, “ᓇᒪ ᐊ ᑲᓕᓕᒡ ᐅᒋᐅᒡ ᐅᒡ ᑲ ‍ ᐃᔨᒥᒡ ?
\v 8 ᑕᓐᑕ ᒪᒃ ᐛᒋ ᐃᓯ ‍ ᐃᔨᒥᒡ ᒋᔭᓄᐤ ᐊ ᐃᓯ ‍ ᐃᔨᒥᐛᐧᒄ ?
\v 9 ᐊᓐᑕ ᒪᒃ ᒥᓯᐛ ᓂᓇᐧᑯᐤ ᐊᔅᒋᔾ ᐊ ‍ ᐅᒋᔭᐧᒄ ᐊᓐᑕ ᐸᕐᑎᔭ ᑭᔭ ᒥᑎᔭ, ᐃᓕᒻ, ᒪᓴᐳᑕᐃᒥᔭ, ᒍᑎᔭ ᑭᔭ ᑲᐸᑐᓯᔭ, ᑈᓐᑕᔅ, ᐊᐃᓴ,
\v 10 ᐳᕆᒋᔭ, ᐸᒻᐱᓕᔭ, ᐃᒋᑉᑦ, ᑭᔭ ᓕᐱᔭ ᒥᒋᒪ ᐊᓐᑕ ᓴᐃᕆᓐ ᑲ ‍ ᑎᒂᒡ ᐅᑕᓇᐤ᙮ ᑭᔭ ᐱᔅᒐ ᐅᑕ ᐊ ‍ ᑎᓯᔭᐧᒄ ᕈᒻ ᒋ ‍ ᐅᒋᓇᓄᐤ᙮
\v 11 ᒋ ‍ ᑕᓇᓄᐤ ᑭᔭ ᐅᑕ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐊ ‍ ᐃᑎᔅᑲᓇᓯᔭᐧᒄ ᐊᒋ ‍ ᐎᔭᔨᑎᒪᐧᒄ ᒋᔭᓄᐤ ᒐᒋ ᑕᑈᑎᒪᐧᒄ ᑕᓐ ᐊ ᐃᓯ ‍ ᑕᑈᑕᒡ ᒍᐤ ᐃᔪᒡ᙮ ᐱᔅᒐ ᑭᔭ ᐊᓐᑕ ᑯᕆᑦ ᑭᔭ ᐊᕋᐱᔭ ᒋ ‍ ᐅᒋᓇᓄᐤ᙮ ᐃᔭᐱᒡ ᒪᒃ ᒥᓯᐛ ᐊ ‍ ᑎᓯᔭᐧᒄ ᒋ ‍ ᐸᑐᐛᓄᐅᒡ ᒋᔭᓄᐤ ᐊ ᐃᓯ ‍ ᐃᔨᒥᔭᐧᒄ ᐊ ᐃᓯ ‍ ᐃᔨᒥᒡ᙮ ᐛᐎᑎᒧᒡ ᑕᓐ ᐊ ᐃᓯ ‍ ᒪᒥᔅᑲᒡ ᑎᔨᒋ ᒋᓴᒪᓂᑐᐛ !”
\v 12 ᒥᓯᐛ ᒪᒃ ᒋ ‍ ᒥᔅᑲᑕᔨᑎᒥᐃᑯᐅᒡ ᐅᔭ ᑲ ‍ ᐃᔅᐱᔨᒡ ᑭᔭ ᒋ ‍ ᐛᐛᓇᔨᑎᒥᐃᑯᐅᒡ᙮ ᒋ ‍ ᑯᒂᒋᒥᑐᐅᒡ ᒪᒃ ᐊ ‍ ᐃᑎᑐᒡ, “ᒐᒂᓐ ᐅ ᑲ ‍ ᐃᔅᐱᔨᒡ, ᑕᓐ ᐊ ‍ ᐃᑎᓇᓄᐅᒡ ᐅ ?”
\p
\v 13 ᑯᑎᑭᒡ ᒪᒃ ᒋ ‍ ᒪᔭᔨᒪᐅᒡ ᐊᓂᔭᔪᐛ ᑲ ‍ ᑕᑈᑎᒥᔨᒋ ᐊ ‍ ᐃᑕᒡ, “ᒋᔎᐸᐅᒡ ᐅᒡ ᓇᐸᐅᒡ !”
\s1 ᐱᑕᕐ ᐅᑭᒐᔅᒋᒧᐛᐅᓐ
\s2 Acts 2.14a, 22-32 (Easter-2 Year A)
\s2 Acts 2.14a, 36-41 (Easter-3 Year A)
\p
\v 14 ᐱᑕᕐ ᒪᒃ ᒋ ‍ ᐎᒋᑲᐳᔅᑐᐛᐤ ᐊᓂᔭ ᑲ ‍ ᐸᐃᑯᓴᐳᔨᒋ ᐊᑈᔅᑕᓇ᙮ ᒂ ‍ ᐅᑎᔅᑯᑲᐳᔅᑐᐛᒡ ᐊᓂᔭᔪᐛ ᐃᔪᐛ᙮ ᐊᑯ ᐱᑕᕐ ᒂ ‍ ᐃᔨᒪᐊᑦ ᐊᓂᔭᔪᐛ ᐃᔪᐛ ᐊ ‍ ᒋᔄᐛᑦ ᐊ ‍ ᐃᔅᒋᔄᑦ, “ᒋᔭᓄᐤ ᒍᐤ ᑲ ‍ ᐃᑎᔅᑲᓇᓯᔭᐧᒄ ᑭᔭ ᒥᓯᐛ ᒋᔨᐛᐤ ᐊ ‍ ᑎᓯᔭᒄ ᐅᑕ ᒋᕈᓯᓕᒥᒡ ᑲ ‍ ᐎᒋᔭᒄ ᐃᔭᒂᐤ ᐸᒋ ‍ ᓂᑐᑐᐅᒄ ᑕᓐ ᒐ ᐃᓯ ‍ ᐎᑎᒪᑎᑯᒡ᙮ ᒋᑭ ‍ ᐎᑎᒪᑎᓇᐛᐤ ᐅ ᒐᒂᓐ ᑲ ‍ ᐃᔅᐱᔨᒡ᙮
\v 15 ᓇᒪ ᒋᔎᐸᐅᒡ ᐅᒡ ᓇᐸᐅᒡ ᒋᔎᐸᐅᒡ ᑲ ‍ ᐃᑕᔨᒪᑯᒡ᙮ ᐛᔅ ᐱᒐᐃᒃ ᐸᐃᑯᔅᑕᐤ ᐃᔅᐱᔪᐤ ᐊ ‍ ᒐᒋᓴᐸᔭᒡ᙮
\v 16 ᐅ ᑲ ‍ ᐃᔅᐱᔨᒡ ᐊᐅᑯᔪᐤ ᐊᓂᔭ ᐅᒋᔅᒋᐛᐃᒐᓱᐤ ᒍᐃᓪ ᑲ ‍ ᐎᑎᒧᑯᐱᓇ ᒐ ‍ ᐃᔅᐱᔨᒡ, ᑲ ‍ ᐃᔅᒋᔄᑦ,
\q
\v 17 ᐃᔅᐱ ᒪᔅᑕᔾ ᐊᑎ ᒋᓯᑲᒐ ᒪᐅ ᒐ ‍ ᐃᑐᑎᒪᓐ ᒋ ‍ ᐃᔅᒋᔄᐤ ᒋᓴᒪᓂᑐᐤ, ᒥᓯᐛ ᐊᐛᓐ ᓂᑭ ‍ ᓯᒋᓂᒧᐛᐤ ᓂᑦ ᐊᒐᒂ, ᒋᑯᓱᐛᐅᒡ ᑭᔭ ᒋᑕᓂᓱᐛᐅᒡ ᒋᑭ ‍ ᒋᔅᒋᐛᐃᒐᐅᒡ᙮ ᐅᔅᒋᓂᒋᓱᐅᒡ ᒋᑭ ‍ ᐛᐸᑎᒧᒡ ᐛᐸᑎᔨᐛᐅᓇ ᐊᑯ ᒋᓴᐃᔪᒡ ᓂᓇᐧᑯᐤ ᒋᑭ ᐃᓯ ‍ ᐳᐛᒧᐅᒡ᙮
\q
\v 18 ᑭᔭ ᑕᐱᔅᑯᓐ ᓂᑯᐸᓇᒥᒡ ᑭᔭ ᓂᑯᐸᓇᔎᒥᒡ ᓂᑭ ‍ ᒥᔭᐅᒡ ᓂᑦ ᐊᒐᒂ ᐊᓂᔭᔪᐤ ᐊ ‍ ᒋᓯᑲᔨᒡ, ᐊᑯ ᒐ ‍ ᒋᔅᒋᐛᐃᒐᒡ᙮
\q
\v 19 ᓂᑭ ‍ ᐛᐸᑎᔨᐛᓐ ᒪᒥᔅᑲᒡ ᒐᒂᔪᐛ ᐊᓐᑕ ᒋᓯᑯᒡ ᑭᔭ ᐅᑕ ᐊᔅᒋᒡ᙮ ᒋᑭ ‍ ᑎᑯᓐ ᒥᐧᒄ ᑭᔭ ᐃᔅᑯᑕᐤ ᑭᔭ ᐊᒂᐸᑕᒡ᙮
\q
\v 20 ᐱᓯᒻ ᒋᑭ ‍ ᑎᐱᔅᒋᐱᔪᐤ ᑭᔭ ᑎᐱᔅᑲᐤ ᐱᓯᒻ ᒋᑭ ‍ ᒥᐧᑯᓯᐤ ᒧᔭᒻ ᒥᐧᒄ ᐊ ᐃᓯ ‍ ᒥᒂᒡ ᐊᐅᑯᓐ ᒐ ‍ ᐃᓯᓇᑯᓯᑦ ᐊᔅᒄ ᐊᑲ ᑎᑯᓯᐧᒃ ᐅᑎᐸᔨᒋᒐᐤ᙮ ᓇᔅᒡ ᑕᑈ ᒋᑭ ‍ ᒋᔅᑕᔨᑕᑯᓐ ᐊᓐ ᐊ ‍ ᒋᓯᑲᒡ ᑭᔭ ᓄᐛᒡ ᒋᑭ ‍ ᑎᑯᓐ ᐊ ‍ ᓴᒋᓯᓇᓄᐅᒡ᙮
\q
\v 21 ᐊᑯ ᒪᒃ ᑕᑐᐤ ᐊᐛᓐ ᒐ ‍ ᑕᑈᑎᒧᒂ ᐅᑎᐸᔨᒋᒐᐛ ᐅᑦ ᐃᓯᓂᐧᑲᓱᐅᓂᔪᐤ, ᒋᑭ ‍ ᐱᒪᒋᐊᑭᓄᐤ᙮”
\s2 Acts 2.14a, 22-32 (Easter-2 Year A)
\p
\v 22 ᒂ ᐊᑎ ‍ ᐃᔅᒋᔄᑦ ᒥᓐ ᐱᑕᕐ, “ᒋᔨᐛᐤ ᐃᔅᕋᐃᓕᒡ ᑲ ‍ ᐅᒋᔭᒄ ᓂᑐᑐᐅᒄ ᑕᓐ ᒐ ᐃᓯ ‍ ᐊᔨᒧᒥᒃ ᒋᓴᔅ ᓇᓴᕆᑎᒡ ᑲ ‍ ᐅᒋᑦ᙮ ᓇᔅᒡ ᒋ ‍ ᓄᑯᓂᔪᐤ ᑕᑈ ᒋᓴᒪᓂᑐᐛ ᐊᒋ ᐸᒋ ‍ ᐃᑎᓴᐅᑯᑦ ᐊᓂᔭ ᐊᒋ ‍ ᒪᒥᔅᑲᒡ ᐃᑎᑦ ᑭᔭ ᐊᒋ ‍ ᒪᒥᔅᑲᒡ ᐛᐸᑎᔨᐛᑦ ᓂᓇᐧᑯᐤ ᒐᒂᔪᐛ ᑭᔭ ᐊᒋ ‍ ᐛᐸᑎᔨᐛᑦ ᒋᔅᒋᓄᐛᒡ ᐛᐸᑎᔨᐛᐅᓇ᙮ ᒋᔨᐛᐤ ᒋ ‍ ᒋᔅᒐᔨᑕᓇᐛᐤ ᐅ ᐛᔅ ᐊᑯᑕ ᐅᑕ ᒪᒂᒡ ᐊ ‍ ᑕᔭᒄ ᑲ ‍ ᐃᑐᑕᐧᒃ ᐅᔭ ᒐᒂᔪᐛ ᒋᓴᒪᓂᑐᐛ ᐊᒋ ‍ ᒥᔨᑯᑦ ᑭᔅᒋᐅᓂᔪᐤ᙮
\v 23 ᓴᔅ ᐊᓐᑕ ᒋ ‍ ᐎᔭᔨᑎᒻ ᒋᓴᒪᓂᑐᐤ ᒋᔨᐛᐤ ᐊ ‍ ᑕᐛᒄ ᒐ ᐃᓯ ‍ ᐱᔅᑎᓇᑦ ᒋᓴᓴ, ᒋᔨᐛᐤ ᒪᒃ ᔅᒋ ‍ ᓂᐸᐊᐛᐤ ᐊᒋ ‍ ᐱᔅᑎᓇᑯᒡ ᓇᐸᐅᒡ ᐊ ‍ ᒥᒐᑎᓯᒡ ᒐᒋ ᒋᔅᑕᔎᐛᒡ ᒋᐱᔭᑎᑯᒡ᙮
\v 24 ᒥᒄ ᒪᒃ ᒋᓴᒪᓂᑐᐤ ᒋ ‍ ᐅᓂᔅᑲᓇᐤ ᓂᐳᐅᓂᒡ ᐅᒡ᙮ ᒋ ‍ ᐎᐧᑯᒋᐊᐤ ᓂᐳᐤ ᐎᓯᒐᔨᑎᒧᐅᓂᒡ ᐅᒡ ᐛᔅ ᓇᒪ ᐅᒋ ᒥᒋᒥᓂᑯᐤ ᓂᐳᐅᓂᔪᐤ ᒋᓴᔅ᙮
\v 25 ᐊᓂᔭ ᒪᒃ ᒋᓴᐅᒋᒪᐤ ᑎᐱᑦ ᒋ ‍ ᓂᑲᓐ ᐊᔨᒧᒪᑯᐱᓇ ᒋᓴᓴ ᑲ ‍ ᐃᔅᒋᔄᑦ,
\q ᒧᔅ ᓂ ‍ ᐛᐱᒪᐤ ᐅᑎᐸᔨᒋᒐᐤ ᐅᑎᔅᑯᐤ ᐅᑕ ᐊ ‍ ᑕᔭᓐ᙮ ᒥᒋᒪ ᐊ ‍ ᑕᔭᓐ ᑕᐤ ᓇᒪ ᒪᒃ ᓂᑭ ᐅᒋ ‍ ᒥᑯᔅᑲᑕᔨᑕᓐ᙮
\q
\v 26 ᐊᐅᒄ ᒪᒃ ᐛᒋ ‍ ᓇᔅᒡ ᒥᔽᔨᑎᒪᓐ ᓂᑕᐃᒡ ᑭᔭ ᓂ ‍ ᒧᒋᒐᔨᑕᓐ ᐊ ‍ ᐃᔨᒥᔭᓐ᙮ ᐊᑎ ᒪᒃ ᒐ ‍ ᓂᐱᔭᓐ, ᓇᒪ ᓂᑦ ᐊᔨᒪᔨᑕᓐ ᐛᔅ ᓂᑦ ᐊᔅᐸᔨᒧᓐ,
\q
\v 27 ᒐ ᐊᑲ ᐅᒋ ‍ ᓂᑭᑎᑦ ᓂᑦ ᐊᒐᐧᒄ ᐊᓐᑕ ᑲ ‍ ᓂᐱᒡ ᐊ ‍ ᑕᒡ, ᓇᒪ ᒋᑭ ᐅᒋ ‍ ᐱᔅᑎᓇᐤ ᑲ ‍ ᐸᔭᒋᓯᑦ ᒋᑦ ᐊᐱᒋᐊᑭᓐ ᒐᒋ ᐎᓂᓯᓂᑦ ᐊᓐᑕ ᑲ ‍ ᓇᐃᐧᑯᐛᑭᓄᐅᑦ᙮
\q
\v 28 ᔅᒋ ‍ ᒋᔅᒐᔨᑎᒥᔨᓐ ᑕᓐ ᓂᐸ ᐃᓯ ‍ ᐱᒪᑎᓯᓐ, ᐊᑯ ᒪᒃ ᐊᓐᑕ ᐊ ‍ ᑕᔨᓐ ᑕᔭᓇ ᒋᑭ ‍ ᐃᑐᑐᐅᓐ ᓇᔅᒡ ᒐᒋ ᒧᒋᒐᔨᑎᒪᓐ᙮”
\p ᐊᐅᒄ ᐅᔭ ᑲ ᐃᓯ ‍ ᐎᑕᐧᒃ ᐱᑕᕐ ᐊᒋ ᐃᓯ ‍ ᓂᑲᓐ ᐊᔨᒧᑎᒥᔨᒋ ᐊᓂᔭ ᒋᓴᐅᒋᒪᐛ ᑎᐱᑕ ᒐ ‍ ᐃᑐᑐᐛᑭᓄᔨᒋ ᙭ᑕ᙮
\p
\v 29 ᐊᑯ ᐱᑕᕐ ᒥᓐ ᒂ ᐊᑎ ‍ ᐃᔅᒋᔄᑦ, “ᓂᐧᑲᓂᓯᑐᒄ, ᓂ ‍ ᒐᔅᑎᓇᐅᓐ ᐊᓂᔭ ᒋᓴᐅᒋᒪᐤ ᑎᐱᑦ ᓇᒪ ᐎᔾ ᐅᒋ ᐊᔨᒧᒥᓱᐤ ᐅᔭ ᑲ ᐃᓯ ‍ ᐃᔨᒥᑦ, ᐛᔅ ᒋ ‍ ᓂᐳᐤ ᐎᔾ ᑭᔭ ᒋ ‍ ᓇᐃᐧᑯᐛᑭᓄᐤ᙮ ᐊᓂᔭ ᒪᒃ ᐊᓐᑕ ᑲᒋ ‍ ᓇᐃᐧᑯᐛᑭᓄᐅᑦ ᐊᔅᒄ ᒋ ‍ ᒋᔅᒐᔨᑎᒺᓇᓄᐤ ᑕᓐᑕ ᐊ ‍ ᑎᑯᓂᔨᒡ᙮
\v 30 ᐊᓂᔭ ᒪᒃ ᒋᑦ ᐊᓂᔅᒐ ᒋᒧᓱᒥᓄᐤ ᒋᓴᐅᒋᒪᐤ ᑎᐱᑦ ᒋ ‍ ᐅᒋᔅᒋᐛᐃᒐᓱᐅ᙮ ᒋ ‍ ᐃᔅᒋᔄᑯᐱᓐ ᒪᒃ ᒋᓴᒪᓂᑐᐤ ᒐᔅᑎᓇᔅ ᐸᐃᒄ ᐊᓐᑕ ᐊᓂᔅᒐ ᐅᑦ ᐊᐛᓯᒥᔪᐛ ᐊᓂᔭ ᑎᐱᑕ ᒐ ‍ ᒋᓴᐅᒋᒪᐎᔨᒋ ᒧᔭᒻ ᐊᓂᔭ ᑎᐱᑕ ᑲ ᐃᓯ ‍ ᒋᓴᐅᒋᒪᐎᔨᒋ᙮
\v 31 ᑎᐱᑦ ᒪᒃ ᒋ ‍ ᐛᐸᑎᔭᑭᓄᐤ ᑕᓐ ᒐ ‍ ᐃᑎᔨᒋ ᒋᓴᒪᓂᑐᐛ ᐊᓐᑕ ᐃᔅ ᓂᑲᓄᒡ, ᐊᑯ ᒪᒃ ᑲ ‍ ᓂᑲᓐ ᐊᔨᒧᑕᐧᒃ ᑲᐤ ᒐ ‍ ᐅᓂᔅᑲᔨᒋ ᙭ᑕ ᓂᐳᐅᓂᒡ ᐅᒡ᙮ ᒋ ‍ ᐃᔅᒋᔄᐤ ᒪᒃ, ᓇᒪ ᓇᐅᔅ ᐅᒋ ᐱᔅᑎᓇᑭᓄᐤ ᐊᓐᑕ ᑲ ‍ ᓂᐱᔨᒋ ᐊ ‍ ᑕᔨᒋ ᒐᒋ ᑕᑦ, ᑭᔭ ᓇᒪ ᐅᒋ ᐃᔭᔪᓂᔨᔪᐤ ᐎᔪᐤ᙮” ᐊᐅᒄ ᐅᔭ ᑲ ᐃᓯ ‍ ᐎᑕᐧᒃ ᐱᑕᕐ ᐊᒋ ‍ ᐃᔅᒋᔄᔨᒂᓂ ᒋᓴᐅᒋᒪᐛ ᑎᐱᑕ᙮
\v 32 ᐊᑯ ᐱᑕᕐ ᒥᓐ ᒂ ᐊᑎ ‍ ᐃᔅᒋᔄᑦ, “ᒋᓴᒪᓂᑐᐤ ᒋ ‍ ᐅᓂᔅᑲᓇᐤ ᐅᔭ ᒋᓴᓴ ᓂᐳᐅᓂᒡ ᐅᒡ᙮ ᓂ ‍ ᒋᔅᒐᔨᑕᓇᓐ ᐅ ᐛᔅ ᓂᒋ ‍ ᐛᐱᒪᓇᓐ᙮”
\p
\v 33 “ᒋ ‍ ᐊᔭᑭᓄᐤ ᒋᓴᔅ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊ ‍ ᒋᔅᑕᔨᑕᑯᐊᑭᓄᐅᑦ᙮ ᐊᑯ ᐅᑕᐎᔭ ᒋᓴᒪᓂᑐᐛ ᑲ ‍ ᒥᔨᑯᑦ ᐊᓂᔭᔪᐤ ᒥᔨᐛᐅᓂᔪᐤ ᑲ ‍ ᐃᔅᒋᔄᔨᒋ ᒐᔅᑎᓇᔅ ᒐ ‍ ᒥᔨᐛᔨᒋ ᐊᐅᑯᓐ ᐊᓂᔭᔪᐛ ᑲ ‍ ᐸᔭᒋᓯᔨᒋ ᐊᒐᒂ᙮ ᐅ ᒪᒃ ᐊᓄᒡ ᑲ ᐃᓯ ‍ ᐛᐱᒥᔭᒡ ᐊ ‍ ᑎᔭᒡ ᑭᔭ ᑲ ᐃᓯ ‍ ᐸᑐᐅᔭᒡ ᐊ ᐃᓯ ‍ ᐃᔨᒥᔭᒡ ᒋᓴᔅ ᓂ ‍ ᓯᒋᓂᒪᑯᓇᓐ ᑲ ‍ ᐸᔭᒋᓯᔨᒋ ᐊᒐᒂ ᐅ ᒐᒋ ᑎᔭᒡ᙮ ᐎᔾ ᒋᓴᔅ ᐊᔭᐤ ᒋᓴᐅᒋᒪᐅᓂᔪᐤ ᐅᔭ ᒐᒋ ᐃᑎᑦ᙮
\v 34 ᐛᔅ ᐊᓂᔭ ᑎᐱᑦ ᓇᒪ ᐅᒋ ᐅᐱᐱᔪᐤ ᐎᔾ ᐊᓐᑕ ᒋᒋᒋᓯᑯᒡ ᐃᔭᐱᒡ ᒪᒃ ᒋ ‍ ᐃᔅᒋᔄᐤ,
\q ᐅᑎᐸᔨᒋᒐᐤ ᒋᓴᒪᓂᑐᐤ ᒋ ‍ ᐃᑕᐤ ᐊᓂᔭᔪᐛ ᓂᑎᐸᔨᒋᒐᓯᒪ ᙭ᑕ,
\q ᐅᑕ ᓂᒥᔪᐅᓂᒡ ᐸᒋ ‍ ᐊᐱᔾ,
\v 35 ᐸᑐᔅ ᒋ ‍ ᓴᐧᑯᒋᐃᒂᐛ ᐊᓐᒡ ᑲ ‍ ᐛᐧᑲᑎᔅᒡ᙮”
\s2 Acts 2.14a, 36-41 (Easter-3 Year A)
\p
\v 36 ᒂ ᐊᑎ ‍ ᐃᔅᒋᔄᑦ ᒥᓐ ᐱᑕᕐ, “ᒥᓯᐛ ᒋᔨᐛᐤ ᐃᔪᒡ ᐅᑕ ᐃᔅᕋᐃᓕᒡ ᒋᑭ ‍ ᒐᔅᑎᓇᐅᓇᐛᐤ ᐅ ᒋᓴᔅ ᑲ ‍ ᒋᔅᑕᔎᐛᒄ ᒋᐱᔭᑎᑯᒡ ᐊᐅᒄ ᐅᔭ ᒋᓴᒪᓂᑐᐤ ᑲ ‍ ᐅᑎᓇᑦ ᒐᒋ ᐅᑎᐸᔨᒋᒐᐎᔨᒋ ᑭᔭ ᙭ᑕ ᒐᒋ ᐃᑎᐱᔨᒋ᙮”
\p
\v 37 ᐃᔅᐱ ᒪᒃ ᐊᓐᒡ ᐃᔪᒡ, ᐱᔭᑕᒡ ᐅᔭ ᓇᔅᒡ ᒋ ‍ ᒥᓯᒪᔨᑎᒧᒡ ᐊᑯ ᒂ ‍ ᐃᑕᒡ ᐱᑕᕋ ᑭᔭ ᐊᓂᔭᔪᐛ ᑯᑎᑲ ᐊᑈᔅᑕᓇ᙮ “ᓂᐧᑲᓂᓯᑐᒄ, ᑕᓐ ᒪᒃ ᒐᒋ ᐃᑎᔭᒡ ?”
\p
\v 38 ᐊᑯ ᐱᑕᕐ ᒂ ‍ ᐃᑕᑦ, “ᒂᔅᑲᑎᓯᒄ ᒥᓯᐛ ᐸᐸᐃᒄ ᐊ ‍ ᑎᓯᔭᒄ᙮ ᓂᑭᑎᒥᒄ ᒋᒥᒋᑥᐅᓄᐛᐛ ᐊᑯ ᒪᒃ ᒐ ‍ ᓯᑲᐃᑕᑯᐅᔭᒄ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᒐᒋ ᐅᒋ ‍ ᐛᐸᔨᑎᒪᑯᐅᔭᒄ ᒋᒥᒋᑥᐅᓄᐛᐛ᙮ ᒋᑭ ‍ ᒥᔨᑯᐛᐤ ᒪᒃ ᒋᓴᒪᓂᑐᐤ ᐅᒥᔨᐛᐅᓐ, ᐊᐅᒄ ᐅᔭ ᑲ ‍ ᐸᔭᒋᓯᔨᒋ ᐊᒐᒂ᙮
\v 39 ᐛᔅ ᐅᔭ ᒋᓴᒪᓂᑐᐤ ᑲ ‍ ᐃᔅᒋᔄᑦ ᒐᔅᑎᓇᔅ ᒐ ‍ ᒥᔨᐛᑦ ᒋᔨᐛᐤ ᔅᒋ ‍ ᐃᑕᔨᒥᑯᐛᐤ ᒐᒋ ᐊᔭᐅᒪᑯ ᑭᔭ ᒋᑦ ᐊᐛᓯᒧᐛᐛ ᒐᒋ ᐊᔭᐛᔨᒋ ᑭᔭ ᒥᓯᐛ ᐊᓂᔭ ᐊᐛᔪᐛ ᐛᔪᐤ ᑲ ‍ ᑕᔨᒋ᙮ ᒥᓯᐛ ᐊᓐᒡ ᒐ ‍ ᑕᑈᑎᑯᒡ ᐅᑎᐸᔨᒋᒐᐛ ᒋᓴᒪᓂᑐᐛ ᒋᑭ ‍ ᒥᔭᑭᓄᐅᒡ ᐅᔭ ᒥᔨᐛᐅᓂᔪᐤ᙮”
\p
\v 40 ᓇᐅᔅ ᒋ ‍ ᐃᔨᒪᐊᐤ ᐱᑕᕐ ᐊᓂᔭᔪᐛ ᐃᔪᐛ᙮ ᒋ ‍ ᐃᔭᒂᒥᒪᐤ, ᐊ ‍ ᐃᑕᑦ, “ᐎᐧᑯᒋᐃᓱᒄ ᒐ ᐊᑲ ᒋ ᐛᐛᓯᐃᑯᐅᔭᒄ ᒋᔨᐛᐤ ᑕᓐ ᒐ ᐃᓯ ‍ ᐛᐛᓯᐊᑭᓄᐅᒡ ᐅᒡ ᑲ ‍ ᒥᒐᑎᓯᒡ᙮”
\v 41 ᒥᒐᑦ ᒪᒃ ᒋ ‍ ᑕᑈᑐᐛᐅᒡ ᐊᓂᔭᔪᐤ ᑲ ‍ ᐃᑎᑯᒡ᙮ ᐊᑯ ᒂ ‍ ᓯᑲᐃᑐᐛᑭᓄᐅᒡ᙮ ᐊᓐ ᒪᒃ ᑲ ‍ ᒋᓯᑲᒡ ᓴᓯᑲᓐ ᓂᔍᐤ ᒐᓯᐱᔪᐤ ᐊᔪᐛᒃ ᒋ ‍ ᐃᑕᑎᓱᐅᒡ ᐃᔪᒡ ᐊ ‍ ᑕᑈᔭᔨᒪᒡ ᒋᓴᓴ ᐊᓐᑕ ᐊᓂᔭᔪᐤ ᐊ ‍ ᐸᐃᑯᒪᒧᐎᒡ᙮
\s2 Acts 2.42-47 (Easter-4 Year A)
\p
\v 42 ᒥᓯᐛ ᒪᒃ ᐊᑯᑕ ᒧᔅ ᑲ ‍ ᑕᒡ ᐊ ‍ ᒋᔅᑯᑎᒪᒐᔨᒋ ᐊᓂᔭᔪᐛ ᐊᑈᔅᑕᓇ ᑭᔭ ᒋ ‍ ᐸᒂᓇᐅᒡ ᐸᒂᓯᑭᓇ ᑭᔭ ᒋ ‍ ᒪᒧᐤ ᐊᔭᒥᐊᐅᒡ᙮
\s1 ᑕᓐ ᑲ ᐃᓯ ‍ ᐎᒋᐃᑐᒡ ᑲ ‍ ᑕᑈᑕᒡ
\p
\v 43 ᒥᒐᑦ ᒪᒃ ᒪᒥᔅᑲᒡ ᐃᑐᐅᓇ ᑭᔭ ᒪᒥᔅᑲᒡ ᐛᐸᑎᔨᐛᐅᓇ ᒋ ‍ ᐃᑐᑎᒧᒡ ᐊᓐᒡ ᐊᑈᔅᑕᓇᒡ᙮ ᒥᓯᐛ ᐊᐛᓐᒋ ᒋ ‍ ᒥᔅᑲᑕᔨᑎᒥᐃᑯᐅᒡ ᐎᔭᐸᑕᒡ ᐅᔭ ᒐᒂᔪᐤ ᐊ ‍ ᐃᔅᐱᔨᒡ᙮
\v 44 ᒥᓯᐛ ᒪᒃ ᐊᓐᒡ ᑲ ‍ ᑕᑈᑕᒡ ᒧᔅ ᒋ ‍ ᒪᒧᐤ ᐊᔭᒥᐊᐅᒡ ᑭᔭ ᐅᒐᒂᓂᒧᐛᐛ ᒧᔅ ᒋ ‍ ᒪᒧᐤ ᐊᐱᒋᑕᐅᒡ᙮
\v 45 ᒋ ‍ ᐊᑕᐛᐅᒡ ᑕᓐ ᐊ ᐃᓯ ‍ ᑎᐱᔨᐛᐅᓯᒡ ᐊᑯ ᒂ ‍ ᒪᑎᓂᒪᑐᒡ ᐊᓂᔭᔪᐤ ᓱᓇᔭᔪᐤ ᒥᓯᐛ ᐊᓐᑕ ᐊ ‍ ᑎᓯᒡ᙮ ᒥᒄ ᑕᓐ ᐊ ᐃᓯ ‍ ᓄᑕᐱᔨᑦ ᐊᐛᓐ ᐊᐅᑯᓐ ᑲ ᐃᓯ ‍ ᒥᔭᑭᓄᐅᑦ᙮
\v 46 ᐊᓯᑯᒻ ᒋᓯᑲᐛ ᒪᒃ ᒋ ‍ ᒪᒧᐎᐅᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᒋ ‍ ᒪᒧᐤ ᒥᒋᓱᐅᒡ ᐎᒋᐛᐛᒡ, ᐊ ‍ ᒥᔽᔨᑕᒡ ᐅᑕᐃᐛᒡ ᐊ ‍ ᒥᔨᑐᒡ ᑕᓐ ᐊ ᐃᓯ ‍ ᐊᔭᒡ᙮
\v 47 ᒧᔅ ᒋ ‍ ᒪᒥᒋᒪᐅᒡ ᐅᑎᐸᔨᒋᒐᐛ᙮ ᒥᓯᐛ ᒪᒃ ᐊᐛᔪᐛ ᒋ ‍ ᒥᔽᔨᒥᑯᐅᒡ᙮ ᐊᓯᑯᒻ ᒋᓯᑲᐛ ᒪᒃ ᒋ ᐊᑎ ‍ ᒥᒐᑎᔪᐛ ᐊᐛᔪᐛ ᒋᓴᒪᓂᑐᐤ ᐊ ‍ ᐱᒪᒋᐊᑦ᙮
\c 3
\s1 ᐊᑲ ᒋᐱᒧᑕᑦ ᓇᐸᐤ ᑲ ‍ ᒥᓏᒋᑭᓄᐅᑦ
\p
\v 1 ᐸᐃᒂᐤ ᐱᑕᕐ ᑭᔭ ᒠᓐ ᒋ ‍ ᐃᑐᑕᐅᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᓂᔅᑐ ᑎᐸᐃᑭᓐ ᐊ ‍ ᐃᔅᐱᔨᒋ ᐊᒋ ᐃᓯ ‍ ᐊᐱᑕᒋᓯᑲᔨᒡ, ᐊᓐᑕ ᐊ ‍ ᐅᑎᒋᐱᔨᒡ ᑲᒋ ‍ ᐊᔭᒥᐊᓄᐎᒡ᙮
\v 2 ᓇᔅᒡ ᒋ ‍ ᒥᓯᑐᐤ ᐊᓐ ᔅᑐᐧᑭᓐ ᐊᓐᑕ ᐊ ᐅᒋ ‍ ᐱᑐᒐᓄᒡ ᐊᓐ ᒋᓴᐊᔭᒥᐊᐅᒋᐛᑉ ᑲ ‍ ᒥᔽᓯᒡ ᒋᐱᔎᐤ ᒋ ‍ ᐃᓯᓂᐧᑲᑕᑭᓄᐤ, ᐊᑯᑕ ᑲ ‍ ᐊᐱᑦ ᓇᐸᐤ ᐊᑲ ᐅᒋ ᓂᑕᐅᑕᑦ᙮ ᐊᓯᑯᒻ ᒋᓯᑲᐛ ᐊᒋ ‍ ᐃᑐᑕᐊᑭᓄᐅᑦ ᐊᓐᑕ, ᒐᒋ ᓂᑐᑎᒧᐛᑦ ᐊᐛᔪᐤ ᓱᓇᔭᔪᐤ ᐊᓐᑕ ᐊᔭᒥᐊᐅᒋᐛᐱᒡ ᐊ ‍ ᐃᑐᑕᔨᒋ᙮
\v 3 ᐃᔅᐱ ᒪᒃ ᐊᓐ ᓇᐸᐤ ᐎᔭᐱᒪᑦ ᐊᓂᔭᔪᐛ ᐱᑕᕋ ᑭᔭ ᒠᓇ ᒐ ᐊᑎ ‍ ᐱᒐᔨᒋ ᐊᓂᔭᔪᐛ ᒋᓴᐊᔭᒥᐊᐅᒋᐛᐱᔪᐤ ᒋ ‍ ᓂᑐᐛᔨᑎᒧᐛᐤ ᓱᓇᔭᔪᐤ᙮
\v 4 ᑯᐃᔅᒄ ᒪᒃ ᒋ ‍ ᑭᓄᐛᐱᒪᐅᒡ ᐊᓂᔭᔪᐛ ᓇᐸᐛ, ᐊᑯ ᐱᑕᕐ ᒂ ‍ ᐃᑕᑦ, “ᐸᒋ ‍ ᑭᓄᐛᐱᒥᓇᓐ ᒪ᙮”
\v 5 ᐊᑯ ᒂ ‍ ᑭᓄᐛᐱᒥᑯᒡ ᐊᓂᔭᔪᐛ ᓇᐸᐛ, ᐊ ‍ ᐱᑯᓴᔨᒥᑯᒡ ᒐᒂᔪᐤ ᒐᒋ ᒥᔭᒡ᙮
\p
\v 6 ᐊᑯ ᐱᑕᕐ ᒂ ‍ ᐃᑕᑦ, “ᓇᒪ ᓇᔅᒡ ᓂ ‍ ᑭᓄᐛᔨᑕᓐ ᓱᓇᔭᐤ ᒐᒋ ᒥᔨᑕᓐ, ᒥᒄ ᒪᒃ ᒋᑭ ‍ ᐎᒋᐃᑎᓐ ᒐᒋ ᒥᓏᑎᓯᔨᓐ᙮ ᐅᑦ ᐃᓯᓂᐧᑲᓱᐅᓂᒡ ᐅᒡ ᒋᓴᔅ ᙭ ᓇᓴᕆᑎᒡ ᑲ ‍ ᐅᒋᑦ, ᐱᓯᑯ ᒐ ‍ ᐱᒧᑕᔨᓐ᙮”
\v 7 ᐊᑯ ᐱᑕᕐ ᑲ ‍ ᐅᑎᓂᒺᑦ ᐊᓂᔭᔪᐤ ᐅᒥᔪᓂᑎᒋᔪᐤ ᒂ ‍ ᐎᒋᐊᑦ ᐊ ‍ ᐱᓯᑯᔨᒋ᙮ ᑎᐛᒡ ᒪᒃ ᐊᓐ ᓇᐸᐤ, ᐅᓯᑕ ᑭᔭ ᐛᐧᑯᓇ ᒋ ᐅᒋ ‍ ᓴᐱᒥᑭᓂᔪᐛ᙮
\v 8 ᒋ ‍ ᐱᓯᑯᓯᐱᑕᐤ ᒪᒃ, ᒂ ‍ ᓂᐳᐅᑦ, ᒂ ᐊᑎ ‍ ᐱᐸᒧᑕᑦ᙮ ᒂ ‍ ᐎᒐᐛᑦ ᐊᓂᔭᔪᐛ ᐱᑕᕋ ᑭᔭ ᒠᓇ ᐊ ‍ ᐱᒐᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ, ᐊ ‍ ᐱᒧᑕᑦ, ᐊ ‍ ᒂᔎᔅᑯᑎᑦ, ᐊ ‍ ᒪᒥᒋᒪᑦ ᒋᓴᒪᓂᑐᐛ᙮
\v 9 ᒥᓯᐛ ᒪᒃ ᐊᐛᔪᐤ ᐊᓐᑕ ᑲ ‍ ᑕᔨᒋ ᒋ ‍ ᐛᐱᒥᑯᐤ ᐊ ‍ ᐱᒧᑕᑦ ᑭᔭ ᐊ ‍ ᒪᒥᒋᒪᑦ ᒋᓴᒪᓂᑐᐛ᙮
\v 10 ᒋ ‍ ᓂᔅᑐᓄᐛᐅᒡ ᒪᒃ ᐊᐅᒄ ᐊᓂᔭᔪᐛ ᐊᐎᔨᒋ ᓇᐸᐛ ᑲᒋ ‍ ᐊᐱᔨᒋ ᐊ ‍ ᐱᑯᓴᔨᒧᔨᒋ ᐊᓐᑕ ᑲ ‍ ᒥᔽᓯᔨᒡ ᒋᐱᔎᐤ ᑲ ‍ ᐃᓯᓂᐧᑲᑕᔨᒡ᙮ ᒥᓯᐛ ᒪᒃ ᒋ ‍ ᑯᔅᑯᐱᔪᒡ ᑭᔭ ᒋ ‍ ᒥᔅᑲᑕᔨᑎᒧᒡ ᑕᓐ ᑲ ‍ ᐃᔅᐱᔨᒡ᙮
\s1 ᑕᓐ ᑲ ᐃᓯ ‍ ᐎᑕᐧᒃ ᐱᑕᕐ ᐊᓐᑕ ᒋᓴᐊᔭᒥᐊᐅᒋᐛᐱᒡ
\p
\v 11 ᐊᓐ ᒪᒃ ᓇᐸᐤ ᐊᑲ ᐅᒋ ᓂᑕᐅᑕᑦ ᒋ ‍ ᒪᒪᒋᑯᓇᐤ ᐊᓂᔭᔪᐛ ᐱᑕᕋ ᑭᔭ ᒠᓇ, ᐊᑯ ᒥᓯᐛ ᐊᐛᓐᒋ ᑲ ‍ ᐃᔅᐸᔨᑐᒡ ᐊᓐᑕ ᐊ ‍ ᓂᐳᔨᒋ ᐊᓐᑕ ᓴᓚᒥᓐ ᐅᒋᐱᔎᒻ ᑲ ‍ ᐃᓯᓂᐧᑲᑕᔨᒡ, ᒥᓯᐛ ᓇᔅᒡ ᒋ ‍ ᑯᔅᑯᓴᐱᒧᐅᒡ᙮
\s2 Acts 3.12-19 (Easter-3 Year B)
\p
\v 12 ᐃᔅᐱ ᒪᒃ ᐱᑕᕐ ᐛᔭᐱᒪᑦ ᐊᓂᔭᔪᐛ ᐃᔪᐛ, ᒋ ‍ ᐃᑕᐤ, “ᒋᔨᐛᐤ ᐃᔅᕋᐃᓕᒡ ᑲ ‍ ᐅᒋᔭᒄ, ᒐᒂᓐ ᐛᒋ ‍ ᓇᔅᒡ ᑯᔅᑯᓴᐱᒧᔭᒄ ᐅ, ᑭᔭ ᒐᒂᓐ ᓇᔅᒡ ᐛᒡ ᒥᔅᑲᓯᓄᐅᔭᒡ ? ᒋᑦ ᐃᑕᔨᑕᓇᐛᐤ ᐊ ᓂᔭᓐ ᑎᐱᔨᐛ ᓂᒥᔅᑯᓯᐅᓇᒡ ᒪᒃ ᓂᑦ ᐊᔭᒥᐊᐛᑎᓯᐅᓇᒡ ᐛᒋ ‍ ᐱᒧᑕᑦ ᐅ ᓇᐸᐤ ?
\v 13 ᐊᓂᔭᔪᐛ ᒋᓴᒪᓂᑐᐛ ᑲ ‍ ᐊᑐᔅᑯᐛᒡ ᐊᓂᔭᐧᑲ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ ᑭᔭ ᐅᑕᒡ ᒍᑕᐎᓄᒡ ᒋᔅᑕᔨᑕᑯᐊᐤ ᐊᓂᔭᔪᐛ ᐅᑦ ᐊᐱᒋᐊᑭᓇ, ᐊᐅᒄ ᐅᔭ ᒋᓴᓴ᙮ ᒋᔨᐛᐤ ᒪᒃ ᔅᒋ ‍ ᐃᑐᑐᐛᐛᐤ ᒐᒋ ᐱᔅᑎᓇᑭᓄᐅᑦ ᐊᓐᑕ ᕈᒻ ᒋᓴᐅᒋᒪᐤ ᐊ ‍ ᑕᔨᒋ᙮ ᐊᒋ ‍ ᐊᑐᐛᔨᒪᒄ ᐅᑎᔅᑯᐤ ᑈᓚᑕ ᐊ ‍ ᑕᔨᒋ, ᐊᑎ ᐃᔅᐱᔅ ᑈᓚᑦ ᑲ ᐎ ‍ ᐱᔅᑎᓇᑦ᙮
\v 14 ᐃᔭᐱᒡ ᒋᔨᐛᐤ ᔅᒋ ‍ ᐊᑐᐛᔨᒪᐛᐤ ᐊᓐ ᑲ ‍ ᐸᔭᒋᓯᑦ ᑭᔭ ᑲ ‍ ᑯᐃᔅᑯᑕᑎᓯᑦ ᑭᔭ ᐊᒋ ‍ ᐃᔅᒋᔄᔭᒄ ᑲ ‍ ᓂᐸᐃᐛᑦ ᓇᐸᐤ ᐃᔭᐱᒡ ᒐᒋ ᐱᔅᑎᓂᒪᑯᐅᔭᒄ᙮
\v 15 ᑭᔭ ᔅᒋ ‍ ᐃᑐᑐᐛᐛᐤ ᒋᓴᔅ ᒐᒋ ᓂᐸᐊᑭᓄᐅᑦ ᐊᓐ ᑲ ‍ ᒥᔭᑦ ᐊᐛᔪᐤ ᐱᒪᑎᓯᐅᓂᔪᐤ᙮ ᒥᒄ ᒪᒃ ᒋᓴᒪᓂᑐᐤ ᒋ ‍ ᐃᑐᑐᐛᐤ ᒥᓐ ᑲᐤ ᒐᒋ ᐱᒪᑎᓯᔨᒋ᙮ ᐛᔅ ᓂᒋ ‍ ᐛᐱᒥᓇᓐ ᒥᓐ ᑲᐤ ᑲ ‍ ᐅᓂᔅᑲᑦ ᒋᓴᔅ᙮ ᓂ ‍ ᒋᔅᒐᔨᑕᓇᓐ ᒪᒃ ᐊ ‍ ᑕᑈᒥᑲᒡ ᐅ᙮
\v 16 ᐊᓂᔭᔪᐤ ᐊ ‍ ᓱᒐᔨᑕᑯᓂᔨᒡ ᒋᓴᔅ ᐅᑦ ᐃᓯᓂᐧᑲᓱᐅᓐ ᐊᐅᒄ ᐅᔭ ᐛᒋ ‍ ᒥᓏᑎᓯᑦ ᐅ ᓇᐸᐤ᙮ ᔅᒋ ‍ ᒋᔅᒐᔨᒪᐛᐤ ᑭᔭ ᔅᒋ ‍ ᐛᐱᒪᐛᐤ ᑕᓐ ᑲ ‍ ᐃᓯᓇᑯᓯᑦ᙮ ᔅᒋ ‍ ᐛᐱᒪᐛᐤ ᒪᒃ ᐊᓐᑕ ᐅᑎᔅᑯᐤ ᐊ ‍ ᑕᔭᒄ ᑲ ‍ ᒥᓏᒋᐊᑭᓄᐅᑦ ᐊᓂᔭᔪᐤ ᐊ ‍ ᑕᑈᔭᔨᒪᑦ ᒋᓴᓴ ᐅᒡ᙮”
\p
\v 17 “ᐊᑯ ᒪᒃ ᓂᐧᑲᓂᓯᑐᒄ, ᓂ ‍ ᒋᔅᒐᔨᑕᓐ ᒋᔨᐛᐤ ᑭᔭ ᐊᓐᒡ ᑲ ‍ ᓂᑲᓂᔅᑲᑕᑯᒡ ᐊᑲ ᐅᒋ ᒋᔅᒐᔨᑎᒪᒄ ᑕᓐ ᐊᓐ ᐊ ‍ ᐃᑎᔭᒄ ᐊᓂᔭᔪᐤ ᑲ ‍ ᐃᑐᑐᐛᒄ ᒋᓴᔅ᙮
\v 18 ᒋᓴᒪᓂᑐᐤ ᒋ ‍ ᒥᔭᐤ ᐊᓂᔭᔪᐛ ᐅᒋᔅᒋᐛᐃᒐᓱᐛ ᒐᒋ ᓂᑲᓐ ᐎᑎᒥᔨᒋ ᒐ ‍ ᐛᐎᓯᒐᔨᑎᒥᔨᒋ ᙭ᑕ ᐊᓂᔭᔪᐛ ᑲ ‍ ᐅᑎᓇᑦ᙮ ᒋᓴᒪᓂᑐᐤ ᒪᒃ ᒋ ‍ ᑎᐱᐱᔨᑕᐤ ᐅᔭ᙮
\v 19 ᒂᔅᑲᑎᓯᒄ, ᒥᑕᒋᔨᐛᔨᑎᒧᒄ ᑕᓐ ᑲ ᐃᓯ ‍ ᒥᒋᑐᑎᒪᒄ᙮ ᓇᑎᐧᒄ ᒋᓴᒪᓂᑐᐤ ᒐᒋ ᐛᐸᔨᑎᒪᑕᒄ ᒋᒥᒋᑥᐅᓄᐛᐛ᙮ ᐊᑯ ᒪᒃ ᐅᑎᐸᔨᒋᒐᐤ ᒐ ‍ ᐃᑐᑕᑕᒄ ᒥᓐ ᒐᒋ ᓯᑭᒪᒋᐅᔭᒄ ᒋᑦ ᐊᒐᐧᑯᐛᒡ᙮
\v 20 ᑭᔭ ᒋᑭ ᐸᒋ ‍ ᐃᑎᓴᐛᐤ ᒋᓴᔅ ᙭ᑕ, ᐊᓂᔭᔪᐛ ᓴᔅ ᑲ ‍ ᐅᑎᓇᑦ ᒐ ‍ ᐃᑎᓴᐊᒪᑕᒄ᙮
\v 21 ᐊᑯᑕ ᒪᒃ ᐊᓐᑕ ᒋᒋᒋᓯᑯᒡ ᒐ ‍ ᑕᑦ ᐸᑐᔅ ᒥᓯᐛ ᒐᒂᔪᐤ ᐅᔅᒋᑕᑭᓄᔨᒐ ᐊᓂᔭᔪᐤ ᑕᓐ ᑲ ᐃᓯ ‍ ᓂᑲᓐ ᐎᑕᒡ ᒐ ‍ ᐃᔅᐱᔨᒡ ᐊᓂᔭᐧᑲ ᐛᔅᑭᒡ ᑲ ‍ ᐸᔭᒋᓯᒡ ᐅᒋᔅᒋᐛᐃᒐᓱᒡ᙮
\v 22 ᐛᔅ ᐊᓂᔭ ᒧᓱᔅ ᒋ ‍ ᐃᔅᒋᔄᐤ ᐛᔅᑭᒡ ᐊ ‍ ᐊᔨᒧᒪᑦ ᒋᓴᓴ,
\q ᒋᓴᒪᓂᑐᐤ, ᒋᑭ ‍ ᐊᐱᒋᐊᐤ ᐊᐛᔪᐛ ᐊᓐᑕ ᓂᑲᓄᒡ ᒐ ‍ ᒋᔅᒋᐛᐃᒐᔨᒋ, ᒧᔭᒻ ᓂᔾ ᐊ ᐃᓯ ‍ ᐊᐱᒋᐃᑦ ᐊ ‍ ᒋᔅᒋᐛᐃᒐᔭᓐ᙮ ᐊᓐᑕ ᒋᔨᐛᐤ ᐊ ‍ ᐃᑎᔅᑲᓇᓯᔭᒄ, ᐊᑯᑕ ᒐ ‍ ᐅᒋᔨᒋ᙮ ᒋᑭ ‍ ᓂᑐᑐᐛᐛᐤ ᑭᔭ ᒋᑭ ‍ ᓂᓇᐃᑐᐛᐛᐤ ᑕᓐ ᒐ ‍ ᐃᑎᑕᒄ᙮
\v 23 ᐊᓐ ᒪᒃ ᐊᐛᓐ ᒐ ᐊᑲ ‍ ᓂᑐᑐᐛᒂ ᐅᔭ ᒐ ‍ ᐅᒋᔅᒋᐛᐃᒐᓱᔨᒋ, ᒋᑭ ‍ ᐃᒐᓇᑭᓄᐤ ᐊᓐᑕ ᐅᒋ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊ ‍ ᑕᔨᒋ, ᐊᑯ ᒪᒃ ᒐ ‍ ᓂᓱᐅᓇᒋᐊᑭᓄᐅᑦ᙮”
\m ᐊᐅᒄ ᐅᔭ ᑲ ‍ ᐎᑕᐧᒃ ᐱᑕᕐ ᐊᒋ ‍ ᐃᔅᒋᔄᔨᒂᓂ ᐊᓂᔭ ᒧᓱᓴ᙮
\p ᐊᑯ ᒥᓐ ᒂ ᐊᑎ ‍ ᐃᔅᒋᔄᑦ ᐱᑕᕐ,
\v 24 “ᓴᒻᔪᐃᓪ ᐊᑯ ᒪᒃ ᐊᓐᒡ ᑯᑎᑭᒡ ᐅᒋᔅᒋᐛᐃᒐᓱᒡ ᒋ ‍ ᓂᑲᓐ ᐎᑎᒧᒡ ᐅᔭ ᑕᓐ ᒐ ‍ ᐃᔅᐱᔨᒋ ᐊᓄᒡ ᒐᓯᑲᒋ᙮
\v 25 ᒋᑦ ᐊᓂᔅᒐ ᐎᐧᑲᓂᓯᓇᐛᐤ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᐊᓂᔭᔪᐤ ᒪᒃ ᓂᔅᑯᒧᐅᓂᔪᐤ ᑕᓐ ᑲ ᐃᓯ ‍ ᒥᔨᑯᒡ ᒋᓴᒪᓂᑐᐛ ᑭᔭ ᒋᔨᐛᐤ ᐊᓐᑕ ᒋᑦ ᐊᔅᑎᓯᓇᓱᓇᐛᐤ᙮ ᐛᔅ ᒋᓴᒪᓂᑐᐤ ᒋ ‍ ᐃᑕᐤ ᐊᓂᔭ ᐊᑉᕋᐊᒪ,
\q ᐊᓐᑕ ᓂᔅᑕᒥᒡ ᒋᑦ ᐊᐛᓯᒥᒡ ᓂᑭ ᐅᒋ ‍ ᐅᑎᓇᐤ ᐸᐃᒄ ᐊᐛᓐ ᐊᓐᑕ ᐅᒋ ᒐᒋ ᐅᒋ ‍ ᓱᐛᔨᒥᒂᐤ ᒥᓯᐛ ᐊᐛᓐᒋ ᐅᑕ ᐊᔅᒋᒡ᙮
\m
\v 26 ᒋ ‍ ᐅᑎᓇᐤ ᒪᒃ ᒋᓴᒪᓂᑐᐤ ᐅᔭ ᐅᑦ ᐊᐱᒋᐊᑭᓇ ᒋᔨᐛᐤ ᒪᐅᒡ ᓂᔅᑎᒻ ᒐᒋ ᐃᑎᓴᐊᒪᑕᒄ᙮ ᒋᑭ ‍ ᓱᐛᔨᒥᑯᐛᐤ ᐊ ‍ ᐃᑐᑕᑯᐅᔭᒄ ᒥᓯᐛ ᐊ ‍ ᑎᓯᔭᒄ ᒐᒋ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮”
\c 4
\s1 ᐱᑕᕐ ᑭᔭ ᒠᓐ ᑲ ‍ ᐃᔨᒪᐊᒡ ᐊᓂᔭ ᑲ ‍ ᓂᑲᓂᔅᑭᒥᔨᒡ ᒋᓴᐊᔭᒥᐊᐅᒋᐛᐱᔪᐤ
\p
\v 1 ᐊᔅᒄ ᒪᒃ ᒪᒂᒡ ᐊ ‍ ᐃᔨᒪᐊᒡ ᐊᓂᔭᔪᐛ ᐃᔪᐛ, ᐱᑕᕐ ᑭᔭ ᒠᓐ ᒋ ᐸᒋ ‍ ᓇᑎᑯᐅᒡ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐅᒋᒪᒧᐛᐛ ᐊᓐᒡ ᐊᓯᒪᑭᓂᓯᒡ ᑲ ‍ ᓂᓇᑭᑐᐛᔨᑕᒡ ᒋᓴᐊᔭᒥᐊᐅᒋᐛᐱᔪᐤ, ᑭᔭ ᐊᓂᔭᔪᐛ ᓴᑎᔪᓯᐊ᙮
\v 2 ᓇᒪ ᐅᒋ ᓇᐊᔨᑎᒥᔪᐛ ᐊ ‍ ᒋᔅᑯᑎᒧᐛᒡ ᐊᓂᔭᔪᐛ ᐃᔪᐛ ᐊ ‍ ᐃᑕᒡ ᑲᐤ ᐊᒋ ‍ ᐅᓂᔅᑲᔨᒋ ᒋᓴᓴ ᓂᐳᐅᓂᒡ ᐅᒡ ᑭᔭ ᐊ ‍ ᐃᑕᒡ ᒐ ‍ ᐅᓂᔅᑲᔨᒋ ᐊᐛᔪᐛ ᐊᑎ ᐊᒋ ‍ ᓂᐱᔨᒋ᙮
\v 3 ᓴᔅ ᒪᒃ ᒋ ‍ ᐅᑕᑯᓯᔪᐤ ᑲ ‍ ᒪᑯᓇᑭᓄᐎᒡ ᐱᑕᕐ ᑭᔭ ᒠᓐ᙮ ᑲᒪᑯᓄᐛᓯᐅᒋᐛᐱᒡ ᒪᒂᒡ ᑲ ‍ ᑭᓄᐛᔨᒪᑭᓄᐎᒡ ᐊᓂᔭᔪᐤ ᑕᐱᔅᑲᔨᒡ᙮
\v 4 ᐃᔭᐱᒡ ᒪᒃ ᒥᒐᑦ ᐊᐛᓐᒋ ᒋ ‍ ᑕᑈᑎᒧᐛᐅᒡ ᑕᓐ ᑲ ᐃᓯ ‍ ᐎᑎᒥᔨᒋ ᐊᓂᔭᔪᐛ ᐊᑈᔅᑕᓇ᙮ ᓴᓯᑲᓐ ᐱᑕᑕᒡ ᒐᓯᐱᔪᐤ ᓇᐸᐅᒡ ᒋ ‍ ᑕᑎᓯᒐᓂᒋ ᐊ ‍ ᑕᑈᑕᒡ᙮
\s2 Acts 4.5-12 (Easter-4 Year B)
\p
\v 5 ᐎᔭᐱᓂᔨᒡ ᒪᒃ ᐊᓐᒡ ᑲ ‍ ᓂᑲᓂᐱᒡ ᒍᐤ ᐃᔪᒡ ᑭᔭ ᐊᓐᒡ ᑲ ‍ ᓂᑲᓇᔨᑕᑯᓯᒡ ᑭᔭ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ‍ ᓂᔅᑲᑐᐅᒡ ᐊᓐᑕ ᒋᕈᓯᓕᒥᒡ᙮
\v 6 ᒋᓴᐊᔭᒥᐊᐅᒋᒪᐛ ᐊᓇᔅ ᑲ ‍ ᐃᓯᓂᐧᑲᓱᔨᒋ ᒋ ‍ ᓂᒋᔅᑯᐛᐅᒡ ᑭᔭ ᐊᓂᔭ ᑲᔭᐸᓴ, ᒠᓇ, ᑭᔭ ᐊᓕᒃᓴᓐᑕᕋ ᑭᔭ ᒥᒄ ᐊ ‍ ᐸᐃᑯᔅᑲᓇᓯᔨᒋ ᒋᓴᐊᔭᒥᐊᐅᒋᒪᐛ᙮
\v 7 ᒋ ‍ ᐸᓱᐛᑭᓄᐅᔪᐛ ᒪᒃ ᐊᓂᔭ ᐊᑈᔅᑕᓇ ᒐᒋ ᐅᑎᔅᑯᑲᐳᔅᑕᑯᒡ ᐊᑯ ᐊᑕᒡ, “ᒐᒄ ᓱᐧᑲᑎᓯᐅᓐ ᑭᔭ ᒐᒄ ᐃᓯᓂᐧᑲᓱᐅᓐ ᑲ ᐅᒋ ‍ ᐃᑐᑎᒪᒄ ᐅ ?”
\p
\v 8 ᐊᑯ ᒪᒃ ᐱᑕᕐ ᐊ ‍ ᓴᑭᔅᒋᓇᔅᑲᑯᑦ ᑲ ‍ ᐸᔭᒋᓯᔨᒋ ᐊᒐᒂ, ᒋ ‍ ᐃᑕᐤ, “ᒋᔨᐛᐤ ᑲ ‍ ᓂᑲᓂᔅᑯᐛᑯᒡ ᐃᔪᒡ, ᑭᔭ ᑲ ‍ ᓂᑲᓇᔨᑕᑯᓯᔭᒄ,
\v 9 ᒧᔭᒻ ᐊᓄᒡ ᒐᓯᑲᒡ ᐎ ᑯᒂᒋᐃᑯᐅᔭᒐ ᐊᓂᒪ ᑕᓐ ᑲ ᐃᓯ ‍ ᒥᔪᑐᑎᒧᐛᑭᓄᐅᑦ ᐊᓐ ᑲ ‍ ᒪᔅᒋᑦ ᐃᔪᐤ ᑭᔭ ᑕᓐᑕ ᐛᒋ ‍ ᒥᓏᑎᓯᑦ᙮
\v 10 ᒋᔅᒐᔨᑎᒥᒄ ᒥᓯᐛ ᐊᑎᓯᔭᒄ ᑭᔭ ᒥᓯᐛ ᐃᔅᕋᐃᓪ ᐃᔪᒡ ᐅᑦ ᐃᓯᓂᐧᑲᓱᐅᓐ ᐅᒋ ᐊᓐ ᒋᓴᔅ ᙭ ᓇᓴᕆᑎᒡ ᑲ ‍ ᐅᒋᑦ ᐊᓐ ᑲ ‍ ᒋᔅᑕᔎᑕᒄ ᒋᐱᔭᑎᑯᒡ ᑭᔭ ᒋᓴᒪᓂᑐᐤ ᑲ ‍ ᐅᓂᔅᑲᓇᑦ ᓂᐳᐅᓂᒡ ᐅᒡ, ᐊᐅᑯᐤ ᐅᒋ ᐅᐛ ᐃᔪᐤ ᒋᑦ ᐅᑎᔅᑯᑲᐳᔅᑕᑯᐛᐤ ᐊᒋ ‍ ᒥᓏᒋᐊᑭᓄᐅᑦ᙮
\v 11 ᐊᐅᑯᐤ,
\q ‘ᐅ ᐊᓯᓂᔾ ᒋᔨᐛᐤ ᑲ ‍ ᒪᓂᒐᓯᒡ ᑲᒋ ‍ ᐊᑐᐛᔨᒪᒄ ᑲ ‍ ᓂᑲᓂᐱᑦ ᐊ ‍ ᒋᒐᔭᔨᒡ᙮’
\m
\v 12 ᓇᒪᐎᔾ ᑯᑎᒃ ᐊᐛᓐ ᐊᔭᐤ ᐱᒪᒋᐃᐛᐅᓂᔪᐤ, ᐛᔅ ᓇᒪ ᑎᑯᓐ ᑯᑎᒃ ᐃᓯᓂᐧᑲᓱᐅᓐ ᓯᐸ ᒋᓯᑯᒡ ᑲ ‍ ᒥᔭᑭᓄᐅᒡ ᐃᔪᒡ ᒐᒋ ᐅᒋ ‍ ᐱᒪᒋᐃᑯᔭᐧᒄ᙮”
\p
\v 13 ᐊᓐᒡ ᒪᒃ ᑲ ‍ ᒪᒧᐎᒡ ᒋ ‍ ᒥᔅᑲᑕᔨᑎᒺᐅᒡ ᑕᓐ ᑲ ᐃᓯ ‍ ᐃᔨᒥᔨᒋ ᑭᔭ ᐊᓂᔭᔪᐤ ᐊ ᐃᔅᐱᔅ ‍ ᓱᒋᑕᐊᔨᒋ ᐱᑕᕋ ᑭᔭ ᒠᓇ ᐊ ‍ ᒋᔅᒐᔨᒪᒡ ᐊᑲ ᐅᒋ ᒋᔅᑯᑎᒧᐛᑭᓄᔨᒋ᙮ ᐊᑯᑕ ᒪᒃ ᑲ ᐅᒋ ‍ ᒋᔅᒐᔨᑕᒡ ᒋᓴᓴ ᐊᒋ ‍ ᐎᒐᐛᑭᓂᔨᒋ᙮
\v 14 ᒥᒄ ᒪᒃ ᓇᒪ ᒐᒂᔪᐤ ᐅᒋ ᐃᑕᐅᒡ ᒐᒋ ᐎᑎᒧᐛᒡ ᐛᔅ ᒋ ‍ ᐛᐱᒪᐅᒡ ᐊᓂᔭᔪᐛ ᓇᐸᐛ ᑲ ‍ ᒥᓏᒋᐊᑭᓄᔨᒋ ᐊ ‍ ᐎᒋᑲᐳᔅᑐᐛᔨᒋ ᐱᑕᕋ ᑭᔭ ᒠᓇ᙮
\v 15 ᐊᑯ ᒪᒃ ᒂ ‍ ᐃᑕᒡ ᐊᓂᔭᔪᐤ ᐱᑕᕋ ᑭᔭ ᒠᓇ ᒐᒋ ᐎᐎᔨᒋ ᐊᓐᑕ ᐊᓂᔭᔪᐤ ᐊ ‍ ᒪᒧᐱᒡ ᐊᑯ ᐎᔨᐛᐤ ᑲ ‍ ᐃᔨᒥᐃᑐᒡ᙮
\v 16 ᐊᑯ ᒂ ‍ ᐃᔅᒋᔄᒡ, “ᑕᓐ ᐊᑯ ᒐ ‍ ᐃᑐᑐᐛᐧᑯᒡ ᐅᒡ ᓇᐸᐅᒡ ? ᒥᓯᐛ ᐊᐛᓐ ᐅᑕ ᒋᕈᓯᓕᒥᒡ ᒋᔅᒐᔨᑎᒧᒡ ᐊᒋ ‍ ᒥᓏᒋᐊᑭᓄᐅᑦ ᐊᓐ ᓇᐸᐤ ᐎᔨᐛᐤ ᐅᒡ᙮ ᓇᒪ ᒋᑭ ᒋ ‍ ᐊᓏᑕᓇᓄᐤ᙮
\v 17 ᐊᑯ ᒪᒃ ᒐᒋ ᓂᑲᓂᒪᐧᒄ ᐊᑲ ᐊᑐᐎᔅ ᒐᒋ ᒥᓯᑕᐱᔨᒡ ᐊᓐᑕ ᐃᔪᒡ ᐊ ‍ ᑕᒡ ᐊᓂᔭᔪᐤ ᐊ ᐃᓯ ‍ ᐊᔨᒧᒪᑭᓄᐅᑦ ᒋᓴᔅ᙮ ᒋᑕᐊᒧᐛᑕᐅᓐᒋ ᐅᒡ ᓇᐸᐅᒡ ᒐ ᐊᑲ ᓂᑕ ᒥᓐ ᒋ ‍ ᐊᔨᒧᒪᒡ ᒋᓴᓴ᙮”
\p
\v 18 ᒥᓐ ᑲᐤ ᒂ ‍ ᐎᓴᒪᒡ ᐱᑕᕋ ᑭᔭ ᒠᓇ ᐊᓐᑕ ᐊ ‍ ᒪᒧᐎᒡ, ᐊᑯ ᑲ ‍ ᐃᑎᓱᐛᑕᒡ ᒐ ᐊᑲ ᓇᔅᒡ ᒋ ‍ ᐊᔨᒧᒪᔨᒋ ᒋᓴᓴ ᑭᔭ ᒐ ᐊᑲ ᒋ ᒋᔅᑯᑎᒪᒐᔨᒋ ᐅᑦ ᐃᓯᓂᐧᑲᓱᐅᓂᔪᐤ ᐊ ‍ ᐊᐱᒋᑕᔨᒋ᙮
\v 19 ᐱᑕᕐ ᑭᔭ ᒠᓐ ᒂ ᐃᓯ ‍ ᐎᑎᒧᐛᒡ ᐊ ‍ ᐃᑕᒡ, “ᐎᔭᔨᑎᒧᒄ ᒪ, ᑕᓐ ᐊᓂᔭᔪᐤ ᐊ ‍ ᑯᐃᔅᑯᓇᑯᓂᔨᒡ ᐊ ‍ ᐃᓯᓇᐧᒃ ᒋᓴᒪᓂᑐᐤ᙮ ᒋᔨᐛᐤ ᐊ ᒐᒋ ᑕᑈᑕᑕᒡ ᑭᔭ ᒪᒃ ᒋᓴᒪᓂᑐᐤ ᒐᒋ ᑕᑈᑐᐅᒋᒡ ?
\v 20 ᐛᔅ ᑕᐸ ᓂᑭ ᒋ ‍ ᐳᓂᓇᓐ ᐊ ‍ ᐛᐎᑎᒪᒡ ᑕᓐ ᑲ ᐃᓯ ‍ ᐛᐸᑎᒪᒡ ᑭᔭ ᑕᓐ ᑲ ᐃᓯ ‍ ᐸᑎᒪᒡ᙮”
\p
\v 21 ᐊᑯ ᒪᒃ ᐊᓐᒡ ᐊᓐᑕ ᑲ ‍ ᒪᒧᐎᒡ, ᒂ ‍ ᐃᑕᒡ ᒐ ‍ ᐛᓯᐊᒡ ᐊᑲ ᐳᓂᔨᒐ ᐊ ‍ ᐊᔨᒧᒪᔨᒋ ᒋᓴᓴ ᑭᔭ ᒂ ‍ ᐱᔅᑎᓇᒡ᙮ ᓇᒪ ᐅᒋ ᒥᔅᑭᒧᒡ ᒐᒂᔪᐤ ᒐᒋ ᐅᒋ ‍ ᐛᐛᓯᐊᒡ ᐛᔅ ᒥᓯᐛ ᐊᓐᒡ ᐃᔪᒡ ᒋ ‍ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭᔪᐤ ᐅᒋ ᑕᓐ ᑲ ‍ ᐃᔅᐱᔨᒡ᙮ ᓇᒪ ᐅᒋ ᐛᐛᓯᐊᐅᒡ ᐛᔅ ᒋ ‍ ᑯᔅᑕᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ‍ ᑕᔨᒋ᙮
\v 22 ᐊᓐ ᒪᒃ ᓇᐸᐤ ᑲ ‍ ᒪᒥᔅᑲᒡ ᒥᓏᒋᐊᑭᓄᐅᑦ, ᐅᔅᑕ ᓇᐎᔪᐤ ᒋ ‍ ᐃᑕᑐᐳᓇᓱᐤ᙮
\s1 ᑕᓐ ᑲ ᐃᓯ ‍ ᐊᔭᒥᐊᒡ ᐊᓐᒡ ᑲ ‍ ᑕᑈᑕᒡ
\p
\v 23 ᐃᔅᐱ ᒪᒃ ᑲ ‍ ᐱᔅᑎᓇᑭᓄᐎᒡ ᐱᑕᕐ ᑭᔭ ᒠᓐ, ᑲᐤ ᒋ ‍ ᓂᑐᐛᐱᒪᐅᒡ ᐅᐎᒐᐛᑭᓄᐛᐛ ᐊᑯ ᒂ ‍ ᐎᑎᒧᐛᒡ ᑕᓐ ᑲ ‍ ᐃᑎᑯᒡ ᐊᓂᔭᔪᐛ ᑲ ‍ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐃᔪᐛ᙮
\v 24 ᐃᔅᐱ ᑲ ‍ ᐎᑎᒧᐛᒡ ᐊᓂᔭᔪᐛ ᐅᐎᒐᐛᑭᓄᐛᐛ ᐊᑯ ᒪᒧᐤ ᒂ ‍ ᐊᔭᒥᐊᒡ ᒋᓴᒪᓂᑐᐛ᙮ ᐊᐅᒄ ᐅᔭ ᑲ ᐃᓯ ‍ ᐊᔭᒥᐊᒡ, “ᒪᐅᒡ ᑲ ‍ ᐃᔅᐸᔨᑕᑯᓯᔨᓐ ᐅᑎᐸᔨᒋᒐᐤ, ᒋᔾ ᑲ ‍ ᐅᓯᑕᔨᓐ ᒋᒋᒋᓯᒄ ᑭᔭ ᐊᔅᒋᔾ ᑭᔭ ᐎᓂᐸᒄ, ᒥᓯᐛ ᒪᒃ ᒐᒂᔪᐛ ᑕᓐ ᐊ ᐃᓯ ‍ ᑎᒂᒋ ᐊᓐᑕ᙮
\v 25 ᑲ ‍ ᐸᔭᒋᓯᑦ ᐊᒐᐧᒄ ᒋ ‍ ᐊᓱᐤ ᐎᑎᒧᐛᐤ ᑎᐱᑕ, ᒋᑦ ᐊᐱᒋᐊᑭᓇ ᐊᓂᔭᔪᐤ ᒋᔾ ᑕᓐ ᑲ ᐎ ‍ ᐃᔅᒋᔄᐅᑦ, ᒋ ‍ ᐃᔅᒋᔄᐤ ᒪᒃ,
\q ᒐᒂᔪᐤ ᐛᒋ ‍ ᒋᔄᓯᒡ ᐃᔪᒡ ᐊᑲ ᒍᐤ ᐃᑎᔅᑲᓇᓯᒡ᙮
\q ᒐᒂᔪᐤ ᐛᒋ ᐃᑕᔨᑕᒡ ᐊᐛᓐᒋ ᒐᒋ ᐃᑐᑕᒡ ᐊᓂᔭᔪᐤ ᒐᒂᔪᐛ ᐊᑲ ᐊᐱᑎᓂᔨᒋ᙮
\q
\v 26 ᐅᒋᒪᐅᒡ ᐅᑕ ᐊᔅᒋᒡ ᒋ ‍ ᐊᔭᔅᑯᐎᔪᒡ ᒐ ‍ ᓂᔅᑯᔅᑐᐛᒡ ᒋᓴᒪᓂᑐᐛ ᑭᔭ ᐊᓂᔭᔪᐛ ᑲ ‍ ᐛᔭᐱᒪᔨᒋ᙮
\m
\v 27 ᐊᐅᑯᓐ ᒪᒃ ᑕᑈ ᐊ ‍ ᐃᔅᐱᔨᒡ ᐊᓄᒡ ᐛᔅ ᒋᓴᐅᒋᒪᐤ ᐊᕈᑦ, ᑭᔭ ᐊᓐ ᐅᒋᒪᐤ ᑈᓐᑎᔭᔅ ᑈᓚᑦ, ᑭᔭ ᐊᓐᒡ ᒍᐤ ᐃᔪᒡ, ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒪᒧᐎᐅᒡ ᐊ ‍ ᓂᔅᑯᔅᑐᐛᒡ ᒋᓴᓴ, ᐊᓂᔭᔪᐛ ᑲ ‍ ᐛᔭᐱᒥᑎ ᑲ ‍ ᐸᔭᒋᓯᔨᒋ ᒋᑦ ᐊᐱᒋᐊᑭᓇ᙮
\v 28 ᒥᒄ ᒪᒃ ᐅᔭ ᑕᓐ ᑲ ᐃᓯ ‍ ᐃᑐᑕᒡ, ᒋᔾ ᓴᔅ ᐛᔅᑭᒡ ᔅᒋ ‍ ᐎᔭᔨᑕᓐ ᒐ ‍ ᐃᔅᐱᔨᒡ, ᒋᔾ ᒪᒃ ᔅᒋ ‍ ᐃᑐᑕᓐ ᒐᒋ ᑎᐱᐱᔨᒡ᙮
\v 29 ᐅᑎᐸᔨᒋᒐᐤ, ᑭᓄᐛᐱᒥᒡ ᒪ, ᑕᓐ ᐊ ᐃᓯ ‍ ᓇᓂᑐᐤ ᑯᔅᑕᒋᐃᔨᒥᒡ᙮ ᐎᒋᐃᓇᓐ ᓂᔭᓐ ᒋᑦ ᐊᐱᒋᐊᑭᓐᒡ ᒐᒋ ᓱᒋᑲᐳᐅᔭᒡ ᐊ ‍ ᐛᐎᑎᒪᒡ ᒋᒥᔽᒋᒧᐅᓐ, ᒐᒋ ᓱᒋᑕᐊᔭᒡ᙮
\v 30 ᐎᒋᐃᓇᓐ ᒪᒃ ᒐᒋ ᒥᓏᒋᐃᒋᒡ ᑲ ‍ ᐊᐧᑯᓯᒡ, ᑭᔭ ᑯᑎᑲ ᒪᒥᔅᑲᒡ ᐃᑐᐅᓇ ᒐᒋ ᐃᑐᑎᒪᒡ, ᒋᓴᔅ ᐊᓐ ᑲ ‍ ᐸᔭᒋᓯᑦ ᒋᑦ ᐊᐱᒋᐊᑭᓐ ᐅᑦ ᐃᓯᓂᐧᑲᓱᐅᓐ ᐊ ‍ ᐊᐱᒋᑕᐎᒋᑦ᙮”
\p
\v 31 ᐃᔅᐱ ᒪᒃ ᑲᒋ ᐃᓯ ‍ ᐊᔭᒥᐊᒡ, ᒋ ‍ ᐊᔭᒋᐱᔪᐤ ᐊᓂᔭᔪᐤ ᐊᓐᑕ ᑲ ‍ ᒪᒧᐎᒡ᙮ ᒥᓯᐛ ᒪᒃ ᒋ ‍ ᓴᑭᔅᒋᓇᔅᑲᑯᐅᒡ ᑲ ‍ ᐸᔭᒋᓯᔨᒋ ᐊᒐᒂ, ᐊᑯ ᒪᒃ ᑲ ‍ ᓱᒐᔨᒧᒡ ᑭᔭ ᓇᒪ ᐅᒋ ᑯᔅᑕᒍᐅᒡ ᐊ ‍ ᐛᐎᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮
\s1 ᑲ ‍ ᑕᑈᑕᒡ ᑕᓐ ᑲ ᐃᓯ ‍ ᐛᐎᒋᐃᑐᒡ
\s2 Acts 4.32-35 (Easter-2 Year B)
\p
\v 32 ᐊᑯ ᒪᒃ ᐊᓐᒡ ᑲ ‍ ᑕᑈᔭᔨᒪᒡ ᒋᓴᓴ, ᒋ ‍ ᐸᐃᑯ ᒥᑐᓇᔨᑎᒧᒡ ᑭᔭ ᐸᐃᑯᓄᒡ ᒋ ᐃᓯ ‍ ᐎᔭᔨᑎᒧᒡ᙮ ᑕᓐ ᑲ ᐃᓯ ‍ ᑎᐱᔨᐛᐅᓯᑦ ᐊᐛᓐ ᒐᒂᔪᐤ ᓇᒪ ᐅᒋ ᐃᑕᔨᑎᒻ ᒥᒄ ᐎᔾ ᐊ ‍ ᑎᐱᔨᐛᐅᓯᑦ, ᒥᓯᐛ ᐊᐛᔪᐛ ᒋ ‍ ᒪᒧᐤ ᐊᐱᒋᑕᔪᐛ ᑕᓐ ᑲ ᐃᓯ ‍ ᐊᔭᑦ᙮
\v 33 ᒋ ‍ ᓱᒋᑕᑯᓱᐅᒡ ᑭᔭ ᒋ ᒥᔅᑎ ‍ ᒥᔪᑕᑯᓱᐅᒡ ᐊᓐᒡ ᐊᑈᔅᑕᓇᒡ ᐊ ‍ ᐛᐎᑕᒡ ᑎᐸᔨᒋᒐᓱᐛ ᒋᓴᓴ ᑲᐤ ᑲ ‍ ᐅᓂᔅᑲᔨᒋ ᓂᐳᐅᓂᒡ ᐅᒋ, ᑭᔭ ᒋᓴᒪᓂᑐᐛ ᒋ ᒥᔅᑎ ‍ ᓱᐛᔨᒥᑯᐅᒡ ᒥᓯᐛ ᐊ ‍ ᑎᓯᒡ᙮
\v 34 ᓇᒪ ᒪᒃ ᐛᒋ ‍ ᐸᐃᒄ ᐊᓐᒡ ᑲ ‍ ᑕᑈᔭᔨᒪᒡ ᒋᓴᓴ ᐅᒋ ᒋᔅᑎᒪᑎᓯᐅᒡ᙮ ᐛᔅ ᑕᑐᐤ ᐊᐛᓐ ᑲ ‍ ᑎᐱᔨᐛᐅᓯᑦ ᐊᔅᒋᔪᐤ ᑭᔭ ᒥᒋᐛᐱᔪᐤ ᒋ ‍ ᐊᑕᐛᒐᐤ᙮ ᒋ ‍ ᐸᑕᐅᒡ ᒪᒃ ᐊᓂᔭᔪᐤ ᓱᓇᔭᔪᐤ ᑲ ‍ ᐃᔅᐱᑲ ‍ ᑕᑈᔭᔨᒪᒡ ᒋᓴᓴ ᔅ ᐅᓯᑕᒡ ᐊᓂᔭ ᒐᒂᓇ ᑲᒋ ‍ ᐊᑕᐛᒐᒡ᙮
\v 35 ᐊᑯ ᒂ ‍ ᒥᔭᒡ ᐊᓂᔭᔪᐛ ᐊᑈᔅᑕᓇ ᐊᓂᔭ ᓱᓇᔭᔪᐤ᙮ ᐊᑯ ᑲ ‍ ᒪᑎᓂᒧᐛᒡ ᐊᓂᔭᔪᐛ ᑕᑐᐤ ᐊᐛᔪᐛ ᑲ ‍ ᒋᔅᑎᒪᑎᓯᔨᒋ᙮
\p
\v 36 ᐊᐅᑯᓐ ᑲ ‍ ᐃᑎᑦ ᒍᓯᑉ, ᐊᓐ ᓕᐸᐃ ᐃᔪᐤ ᑲ ‍ ᐃᑎᔅᑲᓇᓯᑦ, ᓴᐃᐳᕋᔅ ᒥᓂᔅᑎᑯᒡ ᒋ ‍ ᐱᒪᑎᓯᒐ ᐅ ᓇᐸᐤ᙮ ᐊᓐᒡ ᒪᒃ ᐊᑈᔅᑕᓇᒡ ᐸᕐᓇᐸᔅ ᒋ ‍ ᐃᓯᓂᐧᑲᑕᐅᒡ ᐅᔭ ᒍᓯᑉ᙮ ᐊᓐ ᒪᒃ ᐃᓯᓂᐧᑲᓱᐅᓐ ᑲ ‍ ᓯᒋᒪᑦ ᐊᐛᔪᐛ ᒐᒋ ᓱᒋᑲᐳᔨᒋ ᐃᓯ ᐱᔭᑭᔅᒋᑕᑯᑕᑭᓄᐤ᙮
\v 37 ᒍᓯᑉ ᒪᒃ ᒋ ‍ ᐊᑕᐛᐤ ᐊᔅᒋᔪᐤ ᐊᒋ ‍ ᑎᐱᔨᐛᐅᓯᑦ, ᒂ ‍ ᐸᑕᑦ ᒥᓯᐛ ᐊᓂᔭᔪᐤ ᓱᓇᔭᔪᐤ, ᑲ ‍ ᒥᔭᑦ ᐊᓂᔭᔪᐛ ᐊᑈᔅᑕᓇ᙮
\c 5
\s1 ᑲ ‍ ᐊᔨᒧᒪᑭᓄᐅᑦ ᑕᓐ ᑲ ‍ ᐃᔅᐱᔨᑦ ᐊᓇᓇᔭᔅ ᑭᔭ ᐊᓂᔭᔪᐛ ᐎᐛ
\p
\v 1 ᒋ ‍ ᑕᐤ ᒪᒃ ᓇᐸᐤ ᐊᓇᓇᔭᔅ ᐊ ‍ ᐃᓯᓂᐧᑲᓱᑦ, ᐎᐛ ᒪᒃ ᓴᐸᐃᕋ ᒋ ‍ ᐃᓯᓂᐧᑲᓱᔪᐛ᙮ ᒋ ‍ ᐊᑕᐛᐤ ᒪᒃ ᐱᔅᒐ ᐊᓂᔭᔪᐤ ᐊᔅᒋᔪᐤ ᑕᓐ ᑲ ᐃᓯ ‍ ᑎᐱᔨᐛᐅᓯᒡ᙮
\v 2 ᑕᐱᔅᑯᓐ ᒋ ‍ ᓂᔅᑯᒧᐅᒡ ᒋᒧᑦ ᒐᒋ ᑭᓄᐛᔨᑎᒪᓱᒡ ᐱᔅᒐ ᐊᓂᔭᔪᐤ ᓱᓇᔭᔪᐤ ᐊᑯ ᒂ ‍ ᐃᑐᑐᐛᒡ ᐊᓂᔭᔪᐛ ᐊᑈᔅᑕᓇ ᐊᓂᔭ ᑲ ᐃᔅᐱᔅ ‍ ᐃᔅᑯᓇᒡ᙮
\v 3 ᐊᑯ ᐱᑕᕐ ᒂ ‍ ᐃᑕᑦ, “ᐊᓇᓇᔭᔅ, ᒐᒂᓐ ᐛᒋ ‍ ᐱᔅᑎᓂᑦ ᒥᒋᒥᓂᑐᐤ ᒐᒋ ᐱᒐᑦ ᒋᑕᐃᒡ, ᒐᒋ ᐃᑐᑕᔅᒃ ᒐᒋ ᑭᑭᒋᔭᒥᑦ ᑲ ‍ ᐸᔭᒋᓯᑦ ᐊᒐᐧᒄ, ᒋᒧᑦ ᐊ ‍ ᑭᓄᐛᔨᑎᒪᓱᔨᓐ ᐱᔅᒐ ᐊᓐ ᓱᓇᔭᐤ ᑕᓐ ᑲ ᐃᔅᐱᔅ ‍ ᑲᓂᔪᐅᔨᓐ ᑲ ‍ ᐊᑕᐛᔨᓐ ᐊᓐ ᑲ ᐃᓯ ‍ ᑎᐱᔨᐛᐅᓯᔨᓐ ?
\v 4 ᐊᔅᒄ ᐊᑲ ᐅᒋ ᐊᑕᐛᒐᔨᓐ ᒋᑦ ᐊᔅᒋᔾ ᒋᔾ ᔅᒋ ‍ ᑎᐱᔨᐛᐅᓯᓐ ᐃᔅᐱ ᒪᒃ ᑲ ‍ ᐊᑕᐛᒐᔨᓐ ᔅᒋ ‍ ᒥᔨᑯᐅᓐ ᒐᒋ ᐎᔭᔨᑎᒥᓐ ᑕᓐ ᒐ ‍ ᐃᑐᑎᒥᓐ ᐊᓐ ᓱᓇᔭᐤ᙮ ᒐᒂᓐ ᑲ ‍ ᒪᒥᑐᓇᔨᑎᒥᓐ ᐛᒋ ‍ ᐎᔭᔨᑎᒥᓐ ᐅ ᒐᒋ ᐃᑐᑎᒥᓐ᙮ ᓇᒪ ᓇᐸᐤ ᒋ ‍ ᑭᑭᒋᔭᒪᐤ, ᒋᓴᒪᓂᑐᐤ ᐊᐅᒄ ᑲᑭᒋᔭᒥᑦ᙮”
\p
\v 5 ᐃᔅᐱ ᒪᒃ ᐱᔭᑕᐧᒃ ᐊᓇᓇᔭᔅ ᐅᔭ ᐊ ‍ ᐃᑕᑭᓄᐅᑦ ᒋ ᐊᑎ ‍ ᐸᒋᓯᓄᐤ ᒂ ᐊᑎ ‍ ᐳᓂᐱᒪᑎᓯᑦ᙮ ᒥᓯᐛ ᒪᒃ ᐊᓐᒡ ᑲ ‍ ᐸᑕᐧᑲᐤ ᒋ ‍ ᓴᒋᓱᐅᒡ᙮
\v 6 ᐅᔅᒋᓂᒋᓱᐅᒡ ᒪᒃ ᒋ ᐸᒋ ‍ ᐱᒐᐅᒡ, ᒂ ‍ ᐎᔎᔭᒋᓂᒧᐛᒡ ᐊᓂᔭᔪᐤ ᐎᔭᔪᐤ, ᒂ ‍ ᐎᐎᑕᐊᒡ, ᑭᔭ ᒂ ‍ ᓇᐃᐧᑯᐛᒡ᙮
\p
\v 7 ᓂᔅᑐ ᑎᐸᐃᑭᓇ ᒪᒃ ᐃᔅᐱᔅ ᐎᐛ ᒂ ᐸᒋ ‍ ᐱᒐᔨᒋ, ᒥᒄ ᓇᒪ ᐅᒋ ᒋᔅᒐᔨᑎᒥᔪᐛ ᑕᓐ ᑲ ‍ ᐃᔅᐱᔨᒡ᙮
\v 8 ᐊᑯ ᐱᑕᕐ ᒂ ‍ ᐃᑕᑦ, “ᐸᒋ ‍ ᐎᑎᒧᐎ, ᐊᐅᒄ ᐊ ᐅ ᒥᓯᐛ ᑲ ‍ ᒥᔨᑯᐅᔭᒄ ᓱᓇᔭᐤ ᒋᓇᐸᒻ ᑲ ‍ ᐊᑕᐛᒐᔭᒄ ᒋᑦ ᐊᔅᒋᐛᐤ ?” ᒂ ‍ ᐃᔅᒋᔄᑦ ᐊᓐ ᐃᔎᐤ, “ᓂᐦᐃ, ᐊᐅᑯᓐ ᐊᓐ ᒥᓯᐛ᙮”
\p
\v 9 ᐊᑯ ᐱᑕᕐ ᒂ ᐊᑎ ‍ ᐃᑕᑦ, “ᒐᒂᓐ ᑕᐱᔅᑯᓐ ᒋᓇᐸᒻ ᐛᒋ ᒋ ‍ ᐃᑕᔨᑎᒥᐃᑯᔭᒄ ᒐᒋ ᑯᒂᒋᐃᒪᑯ ᐅᑎᐸᔨᒋᒐᐤ ᐅᑦ ᐊᒐᒂ ? ᐊᓐᒡ ᓇᐸᐅᒡ ᑲ ‍ ᓇᐃᐧᑯᐛᒡ ᒋᓇᐸᒪ ᓴᔅ ᒋ ‍ ᑎᑯᓯᓄᐅᒡ, ᓇᑕ ᒋᐱᔎᒡ ᓂᐳᐅᒡ᙮ ᑭᔭ ᒋᔾ ᒋᑭ ‍ ᐎᐎᑕᐃᑯᒡ ᒧᔭᒻ ᒋᓇᐸᒻ ᑲ ᐃᓯ ‍ ᐎᐎᑕᐊᑭᓄᐅᑦ᙮”
\v 10 ᐊᑯ ᐊᓐ ᐃᔎᐤ ᒂ ‍ ᐸᒋᓯᐧᒃ ᐊᓐᑕ ᐅᑎᔅᑯᐤ ᐊ ‍ ᑕᔨᒋ, ᐊ ‍ ᓂᐱᑦ᙮ ᐊᓐᒡ ᒪᒃ ᐅᔅᒋᓂᒋᓱᐅᒡ ᒋ ᐸᒋ ‍ ᐱᒐᐅᒡ, ᒂ ‍ ᐛᐱᑯᒡ ᒪᒡ ᐊ ‍ ᓂᐱᔨᒋ᙮ ᐊᑯ ᒂ ‍ ᐎᐎᑕᐊᒡ, ᒂ ‍ ᓇᐃᐧᑯᐛᒡ ᐊᓐᑕ ᐅᐱᒪ ᐅᓇᐸᒥᔪᐛ ᑲ ‍ ᐱᒥᓯᒪᑭᓄᔨᒋ᙮
\v 11 ᒥᓯᐛ ᒪᒃ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᑭᔭ ᑯᑎᑭᒡ ᐊᐛᓐᒋ ᑲ ‍ ᐸᑕᒡ ᐅᔭ ᐊᒋ ‍ ᐃᔅᐱᔨᒡ ᓇᔅᒡ ᑕᑈ ᒋ ‍ ᓴᒋᓱᐅᒡ᙮
\s1 ᐊᑈᔅᑕᓇᒡ ᑲ ‍ ᒥᓏᒋᐊᒡ ᒥᒐᑦ ᐊᐛᔪᐛ
\p
\v 12 ᒥᒐᑦ ᒪᒥᔅᑲᒡ ᐛᐸᑎᔨᐛᐅᓇ ᒋ ‍ ᐛᐸᑎᔨᐛᐅᒡ ᑭᔭ ᒋ ‍ ᐃᑐᑎᒧᒡ ᐊ ‍ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ ᐊᓐᒡ ᐊᑈᔅᑕᓇᒡ ᐊᓐᑕ ᐊᓂᔭᔪᐤ ᐃᔪᐛ ᐊ ‍ ᑕᔨᒋ᙮ ᒥᓯᐛ ᒪᒃ ᐊᓐᒡ ᒧᔅ ᑲ ‍ ᒪᒧᐊᔭᒥᐊᒡ ᒋ ‍ ᒪᒧᐎᐅᒡ ᒪᓐ ᐊᓐᑕ ᓴᓚᒥᓐ ᐅᒋᐱᔎᒻ ᑲ ‍ ᐃᓯᓂᐧᑲᑕᔨᒡ᙮
\v 13 ᑯᑎᑭᒡ ᒪᒃ ᐊᐛᓐᒋ ᒋ ‍ ᓴᒋᓱᐅᒡ ᒐᒋ ᐎᒐᐛᒡ ᒥᒄ ᒪᒃ ᐃᔭᐱᒡ ᓇᔅᒡ ᒋ ‍ ᒋᔅᑕᔨᒪᐅᒡ᙮
\v 14 ᐃᔭᐱᒡ ᒪᒃ ᐊᑐᐎᔅ ᒋ ᐊᑎ ‍ ᒥᒐᑐᐅᒡ ᐊᓂᔭᔪᐤ ᑲ ‍ ᑎᓯᒡ ᐊᓐᑕ ᐊᓂᔭᔪᐤ ᐊ ‍ ᐸᐃᑯᒪᒧᐎᒡ, ᑕᐱᔅᑯᓐ ᓇᐸᐅᒡ ᑭᔭ ᐃᔎᐅᒡ ᒋ ᐊᑎ ‍ ᑕᑈᔭᔨᒪᐅᒡ ᒋᓴᓴ᙮
\p
\v 15 ᐊᓐᒡ ᒪᒃ ᐃᔪᒡ ᐎᔭᐱᒪᒡ ᐊᓂᔭᔪᐛ ᐊᑈᔅᑕᓇ ᐊ ᐃᓯ ‍ ᒪᒥᔅᑲᒡ ᐃᑎᔨᒋ ᒋ ‍ ᐃᑐᑕᐊᐅᒡ ᐊᓂᔭᔪᐛ ᑲ ‍ ᐊᐧᑯᓯᔨᒋ ᐊᓐᑕ ᒪᔅᑭᓇᒡ ᐊᔅᐱᓯᒧᐅᓂᒡ ᑭᔭ ᑕᑎᔭᒋᓂᑭᓂᒡ ᐊ ‍ ᐱᒥᓯᓂᔨᒋ, ᐊ ‍ ᐃᑕᔨᑕᒡ ᐊᑎ ᒥᒄ ᑕᐅᐅᑯᑥᐛ ᐱᑕᕋ ᐊ ‍ ᑎᑲᔅᑕᓯᓂᔨᒋ ᒋᑭ ᒋ ‍ ᒥᓏᑎᓯᐅᒡ᙮
\v 16 ᒥᔅᑎ ᒥᒐᑦ ᒪᒃ ᐃᔪᒡ ᒋ ‍ ᑎᑯᓯᓄᐅᒡ, ᐊᓐᑕ ᓂᓇᐧᑯᐤ ᐅᑕᓇᒡ ᐊ ‍ ᐅᑐᑕᒡ ᐊᓐᑕ ᐛᔅᑲ ᒋᕈᓯᓕᒥᒡ, ᐊ ‍ ᐸᓱᐛᒡ ᐊᐛᔪᐛ ᑲ ‍ ᐊᐧᑯᓯᔨᒋ ᑭᔭ ᐊᓂᔭᔪᐛ ᐊᐛᔪᐛ ᑲ ‍ ᐱᒋᔅᑲᑯᔨᒋ ᒥᒋ ‍ ᐊᒐᒂ᙮ ᒥᓯᐛ ᒪᒃ ᒋ ‍ ᒥᓏᒋᐊᑭᓄᐅᔪᐛ᙮
\s1 ᐊᑈᔅᑕᓇᒡ ᑲ ‍ ᓂᓇᐧᑲᒋᐊᑭᓄᐎᒡ
\p
\v 17 ᐊᑯ ᐊᓐ ᒋᓴᐊᔭᒥᐊᐅᒋᒪᐤ, ᑭᔭ ᒥᓯᐛ ᐊᓂᔭᔪᐛ ᑲ ‍ ᐎᒋᐃᑯᑦ ᐊᓂᔭᔪᐛ ᓴᑎᔪᓯ ᑲ ‍ ᐃᓯᓂᐧᑲᑕᑭᓄᔨᒋ ᒋ ‍ ᐅᑕᔨᒪᐅᒡ ᐊᓂᔭᔪᐤ ᐊᑈᔅᑕᓇ ᐊᑯ ᑲ ‍ ᓇᓂᑐᐤ ᒥᔅᑲᒡ ᑕᓐᑕ ᒐᒋ ᐅᒋ ‍ ᒋᐱᒋᐊᒡ᙮
\v 18 ᒋ ‍ ᒪᑯᓇᐅᒡ ᐊᑯ ᒂ ‍ ᐱᑎᑲᐊᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮
\v 19 ᒥᒄ ᒪᒃ ᐊᓂᔭᔪᐤ ᐊ ᐊᑎ ‍ ᑎᐱᔅᑲᔨᒡ, ᐅᑎᐸᔨᒋᒐᐤ ᐅᑦ ᐊᓐᒋᓂᒪ, ᒋ ‍ ᓴᓇᔪᐛ ᔅᑐᐧᑭᓇ ᐊᓐᑕ ᑲᒪᑯᓄᐛᓯᐅᒋᐛᐱᒡ, ᐊᑯ ᒂ ‍ ᐎᐎᑕᐊᑦ ᐊᓂᔭᔪᐛ ᐊᑈᔅᑕᓇ ᒂ ‍ ᐃᑕᑦ,
\v 20 “ᒪᒋᒄ ᓇᑕ ᐃᑐᑕᒄ ᒋᓴᐊᔭᒥᐊᐅᒋᐛᐱᒡ, ᒐ ‍ ᐛᐎᑎᒧᐛᑯᒡ ᒥᓯᐛ ᐊᐛᓐᒋ ᐅᔭ ᑲ ‍ ᐅᔅᑲᔨᒡ ᐱᒪᑎᓯᐅᓂᔪᐤ᙮”
\p
\v 21 ᐊᓐᒡ ᒪᒃ ᐊᑈᔅᑕᓇᒡ ᒋ ‍ ᓇᐃᑐᐛᐅᒡ ᐅᔭ ᑲ ‍ ᐃᑎᑯᒡ᙮ ᐃᔅᐱ ᒪᒃ ᐊ ᐊᑎ ‍ ᐸᑕᐱᓂᔨᒡ ᒋ ‍ ᐱᒐᐅᒡ ᒋᓴᐊᔭᒥᐊᐅᒋᐛᐱᒡ, ᐊᑯ ᒂ ᒋᒋ ‍ ᒋᔅᑯᑎᒪᒐᒡ᙮
\p ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᑭᔭ ᐊᓂᔭᔪᐛ ᑲ ‍ ᐎᒋᐃᑯᑦ ᒋ ‍ ᐎᓴᒪᐅᒡ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ ᒥᓯᐛ ᒪᒧᐤ ᒐᒋ ᒪᒧᐎᒡ᙮ ᐊᑯ ᒂ ‍ ᐃᑎᓴᐛᒡ ᐊᐛᔪᐛ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒐᒋ ᐸᓱᐛᑭᓄᔨᒋ ᐊᓂᔭᔪᐛ ᐊᑈᔅᑕᓇ ᐊᓐᑕ ᐊ ‍ ᑕᒡ᙮
\v 22 ᒥᒄ ᒪᒃ ᐃᔅᐱ ᑕᑯᓯᓂᒡ ᐊᓐᒡ ᐊᓯᒪᑭᓂᓯᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ, ᓇᒪ ᐅᒋ ᒥᔅᑯᐛᐅᒡ ᐊᓂᔭᔪᐛ ᐊᑈᔅᑕᓇ ᐊᓐᑕ᙮ ᐊᑯ ᑲᐤ ᒂ ‍ ᒋᐛᒡ ᐊᓐᑕ ᑲ ‍ ᒪᒧᐎᓇᓄᐎᒡ, ᒂ ‍ ᐎᑕᒡ ᐊ ‍ ᐃᔅᒋᔄᒡ,
\v 23 “ᐃᔅᐱ ᑲ ‍ ᑎᑯᓯᓂᔭᒡ ᓇᑕ ᑲᒪᑯᓄᐛᓯᐅᒋᐛᐱᒡ, ᒥᓯᐛ ᓇᔅᒐ ᒋ ‍ ᐊᑎᓴᑲᐃᑭᓄᐤ, ᑭᔭ ᐊᓐᒡ ᐊᓯᒪᑭᓂᓯᒡ ᑲ ‍ ᓂᓇᑭᑐᐛᔨᑕᒡ ᒋ ‍ ᑕᐅᒡ ᐊᓐᑕ᙮ ᒥᒄ ᒪᒃ ᐃᔅᐱ ᑲ ‍ ᓴᓇᒋᒡ ᐊᓐᒡ ᔅᑐᐧᑭᓐᒡ, ᓇᒪ ᓂ ᐅᒋ ‍ ᒥᔅᑯᐛᓇᓐ ᐊᐛᓐ ᒐᒋ ᑕᑦ ᐊᓐᑕ ᐱᑎᑭᒥᒡ,” ᒋ ‍ ᐃᑕᐅᒡ᙮
\v 24 ᐃᔅᐱ ᒪᒃ ᐊᓐ ᑲ ‍ ᐅᒋᒪᐅᑦ ᐊᓂᔭᔪᐤ ᐊᓯᒪᑭᓂᓴ ᐊᓂᔭᔪᐤ ᒋᓴᐊᔭᒥᐊᐅᒋᐛᐱᔪᐤ ᑲ ‍ ᓂᓇᑭᑐᐛᔨᑎᒥᔨᒋ, ᑭᔭ ᐊᓐᒡ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᐱᔭᑕᒡ ᐅᔭ, ᒋ ‍ ᒥᔅᑲᑕᔨᑎᒥᐃᑯᐅᒡ ᑕᓐ ᑲ ‍ ᐃᔅᐱᔨᒋ ᐅᔭ ᐊᑈᔅᑕᓇ᙮
\p
\v 25 ᐊᑯ ᐸᐃᒄ ᐊᐛᔪᐛ ᑲ ᐸᒋ ‍ ᓂᑐᐛᐱᒥᑯᒡ ᐊ ‍ ᐃᑎᑯᒡ, “ᐊᓐᒡ ᓇᐸᐅᒡ ᑲ ‍ ᒪᑯᓇᑯᒡ, ᒪᒂᒡ ᒋᔅᑯᑎᒪᒐᐅᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ,” ᒋ ‍ ᐃᑕᐤ᙮
\v 26 ᐊᑯ ᒪᒃ ᐊᓐ ᐊᓯᒪᑭᓂᓴ ᑲ ‍ ᐅᒋᒪᐅᑦ, ᑭᔭ ᐊᓂᔭᔪᐛ ᐅᑦ ᐊᓯᒪᑭᓂᓯᒪ ᒂ ‍ ᓂᑐᐛᐱᒪᒡ ᐊᓂᔭᔪᐛ ᐊᑈᔅᑕᓇ ᒂ ‍ ᐸᓱᐛᒡ ᒥᓐ ᐊᓐᑕ ᑲ ‍ ᒪᒧᐎᓇᓄᐎᒡ᙮ ᒋᔭᒻ ᒋ ‍ ᐃᑐᑕᐊᐅᒡ ᐊᓐᑕ ᐊᓂᔭᔪᐛ ᐊᑈᔅᑕᓇ ᐛᔅ ᒋ ‍ ᑯᔅᑕᐅᒡ ᐊᓂᔭᔪᐛ ᐃᔪᐛ ᒐᒋ ᓂᐸᐃᑯᒡ ᐊ ‍ ᐱᐳᒧᓯᓇᑕᐅᑯᒡ᙮
\s2 Acts 5.27-32 (Easter-2 Year C)
\p
\v 27 ᒋ ‍ ᐸᓱᐛᐅᒡ ᐊᓂᔭᔪᐛ ᐊᑈᔅᑕᓇ ᒂ ‍ ᐅᑎᔅᑯᑲᐳᐊᒡ ᐊᓐᑕ ᑲ ‍ ᐊᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ‍ ᑕᔨᒋ᙮ ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᒂ ‍ ᐃᑕᑦ,
\v 28 “ᔅᒋ ‍ ᐃᑎᑎᓇᓐ ᔭᐃᑕᔾ ᒐ ᐊᑲ ᒥᓐ ᒋ ‍ ᒋᔅᑯᑎᒪᒐᔭᒄ ᒋᓴᔅ ᐅᑦ ᐃᓯᓂᐧᑲᓱᐅᓐ᙮ ᑕᓐ ᑲ ‍ ᐃᑎᔭᒄ ᒪᒃ᙮ ᒥᓯᐛ ᐊᓐᑕ ᒋᕈᓯᓕᒥᒡ ᔅᒋ ᐃᓯ ‍ ᒋᔅᑯᑎᒪᒐᓇᐛᐤ, ᑭᔭ ᒋ ᐎ ‍ ᐃᑐᑐᐅᓇᓐ ᓂᔭᓐ ᒐᒋ ᐊᑕᒪᔨᒥᑯᐅᔭᒡ ᒋᓴᔅ ᑲ ‍ ᓂᐸᐊᑭᓄᐅᑦ᙮”
\p
\v 29 ᐱᑕᕐ ᑭᔭ ᐊᓐᒡ ᑯᑎᑭᒡ ᐊᑈᔅᑕᓇᒡ ᒋ ᐃᓯ ‍ ᐎᑎᒧᐊᐅᒡ ᐊ ‍ ᐃᑕᒡ, “ᐊᔪᐛᒃ ᐃᑕᔨᑕᑯᓐ ᒋᓴᒪᓂᑐᐤ ᒐᒋ ᓂᓇᐃᑐᐎᒋᑦ ᐃᔅᐱᔅ ᑯᑎᒃ ᐊᐛᓐ᙮
\v 30 ᐊᓂᔭᔪᐛ ᒋᓴᒪᓂᑐᐛ ᑲ ‍ ᐊᑐᔅᑯᐛᒡ ᐊᓂᔭᐧᑲ ᐊᓂᔅᒐ ᒍᑕᐎᓄᒡ, ᐊᐅᒄ ᐅ ᑲ ‍ ᐅᓂᔅᑲᓇᑦ ᒋᓴᓴ ᐊᓐ ᑲ ‍ ᓂᐸᐊᒄ ᒋᐱᔭᑎᑯᒡ᙮
\v 31 ᒋᓴᒪᓂᑐᐤ ᒪᒃ ᒋ ‍ ᒋᔅᑕᔨᑕᑯᐊᐤ ᒋᓴᓴ ᐅᒥᔪᐅᓂᒡ ᐃᑕᒐ ᐊᒋ ‍ ᐊᔭᑦ, ᒐᒋ ᐅᒋᒪᐎᔨᒋ ᑭᔭ ᒐᒋ ᐱᒪᒋᐃᐛᔨᒋ, ᑭᔭ ᒐᒋ ᐃᑐᑐᐛᑦ ᐃᔅᕋᐃᓪ ᐃᔪᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮
\v 32 ᓂᔭᓐ ᒪᒃ ᓂ ‍ ᑎᐸᑐᑕᓇᓐ ᐛᔅ ᓂᒋ ‍ ᐛᐸᑕᓇᓐ ᐅᔭ ᑲ ‍ ᐃᔅᐱᔨᒋ, ᑭᔭ ᑲ ‍ ᐸᔭᒋᓯᑦ ᐊᒐᐧᒄ ᐊᓂᔭᔪᐛ ᒋᓴᒪᓂᑐᐤ ᑲ ‍ ᒥᔭᑦ ᐊᐛᔪᐛ ᑲ ‍ ᓂᓇᐃᑕᑯᑦ ᑭᔭ ᐎᔾ ᐎᑎᒪᒐᐤ ᐊ ‍ ᑕᑈᒥᑭᓂᔨᒡ ᐊᓂᔭᔪᐤ ᑲ ‍ ᐃᔅᐱᔨᒡ᙮”
\p
\v 33 ᐃᔅᐱ ᒪᒃ ᐱᔭᑕᒡ ᐅᔭ ᐊᓐᒡ ᑲ ‍ ᒪᒧᐎᒡ ᐊᓐ ᑲ ‍ ᓂᑲᓂᐱᑦ ᒋᓴᐊᔭᒥᐊᐅᒋᒪᐤ ᑭᔭ ᐊᓂᔭᔪᐛ ᑲ ‍ ᐎᒋᐃᑯᑦ ᒋ ᒥᔅᑎ ‍ ᒋᔄᓱᐅᒡ, ᐊᑯ ᒂ ‍ ᑯᒂᑕᔨᑕᒡ ᒐᒋ ᐃᔅᒋᔄᒡ ᒐᒋ ᓂᐸᐊᑭᓄᔨᒋ ᐅᔭ ᐊᑈᔅᑕᓇ᙮
\v 34 ᒋ ‍ ᑕᐤ ᐸᐃᒄ ᐸᕆᓯ, ᐊ ‍ ᐊᔅᑎᐱᑦ ᐊᓐᑕ ᐊ ‍ ᐊᐱᔅᑕᑭᓄᐎᒡ ᑎᐸᔅᑯᓂᒐᐅᓂᔪᐤ, ᑲᒪᓕᔭᓪ ᐊ ‍ ᐃᓯᓂᐧᑲᓱᑦ᙮ ᐅ ᓇᐸᐤ ᐊ ‍ ᒋᔅᑯᑎᒪᒐᑦ ᐊᔭᒥᐊᐅ ᐎᓱᐛᐅᓂᔪᐤ ᒋ ‍ ᐃᑕᐱᑎᓯᐤ, ᓇᔅᒡ ᒪᒃ ᒋ ‍ ᒋᔅᑕᔨᒪᑭᓄᐤ᙮ ᒋ ‍ ᐅᐱᑲᐳᐤ ᐊᓐᑕ ᐊᓂᔭᔪᐤ ᐊ ‍ ᒪᒧᐎᓇᓄᐎᒡ, ᒂ ‍ ᐃᑎᓱᐛᑕᑦ ᐊᓂᔭᔪᐛ ᐊᑈᔅᑕᓇ ᒐᒋ ᐎᐎᔨᒋ ᐸᑎᒪ᙮
\v 35 ᐊᑯ ᑲᒪᓕᔭᓪ ᒂ ‍ ᐃᑕᑦ ᐊᓂᔭᔪᐛ ᑲ ‍ ᒪᒧᐎᔨᒋ, “ᒋᔨᐛᐤ ᓇᐸᑐᒄ ᐅᑕ ᐃᔅᕋᐃᓪ ᑲ ‍ ᑕᔭᒄ, ᐃᔭᒂᒥᒄ ᑕᓐ ᐛ ᐃᑐᑐᐛᑯᒡ ᐅᒡ ᓇᐸᐅᒡ᙮
\v 36 ᒋ ‍ ᒋᔅᒋᓯᑐᑐᐛᐛᐤ ᐊ ᐛᔅᑭᒡ ᓇᐸᐤ ᑎᔪᑕᔅ ᑲ ‍ ᐃᓯᓂᐧᑲᓱᑦ ᑲ ‍ ᑎᑯᓯᐧᒃ ᐊ ‍ ᐃᔅᒋᔄᑦ ᓇᔅᒡ ᐊ ‍ ᒋᔅᑕᔨᑕᑯᓯᑦ ? ᒂᔄᓐ ᒪᒃ ᓇᐤ ᒥᑕᓯᒥᑎᓄᐤ ᓇᐸᐛ ᒋ ‍ ᓇᓴᐅᑯᐤ᙮ ᒥᒄ ᒪᒃ ᒋ ‍ ᓂᐸᐊᑭᓄᐤ, ᒥᓯᐛ ᒪᒃ ᐊᓂᔭᔪᐛ ᑲ ‍ ᓇᓴᐅᑯᑦ ᑕᑎᐸᓐ ᒋ ‍ ᑕᔪᐛ ᑭᔭ ᐊᓂᔭᔪᐤ ᑲ ‍ ᐃᑎᑦ ᓇᒪ ᓴᔅ ᐊᐱᑕᔨᑕᑭᓄᐅᔪᐤ᙮
\v 37 ᒪᒂᒡ ᒪᒃ ᒍᑎᔅ, ᐊᓐ ᑲᓕᓕ ᑲ ‍ ᐅᒋᑦ, ᒋ ‍ ᑎᑯᓯᓐ ᒪᒂᒡ ᑲ ‍ ᐊᒋᒪᑭᓄᔨᒋ ᐃᔪᐛ᙮ ᑭᔭ ᐎᔾ ᒪᒃ ᒋ ‍ ᒥᒐᑎᔪᐛ ᐊᐛᔪᐛ ᑲ ‍ ᓇᓴᐅᑯᑦ, ᒥᒄ ᒪᒃ ᑭᔭ ᐎᔾ ᒋ ‍ ᓂᐸᐊᑭᓄᐤ ᑭᔭ ᒋ ‍ ᐃᒐᔭᒧᒐᓄᐎᔪᐛ ᐊᓂᔭᔪᐛ ᑲ ‍ ᓇᓴᐅᑯᑦ᙮
\v 38 ᐅ ᒪᒃ ᒋ ᐎ ‍ ᐎᑎᒪᑎᓇᐛᐤ, ᐊᑲᐎᔾ ᒐᒂᔪᐤ ᐃᑐᑐᐛᐧᑯᒡ ᐅᒡ ᓇᐸᐅᒡ ᐊᑈᔅᑕᓇᒡ ᑲ ‍ ᐃᓯᓂᐧᑲᑕᑭᓄᐅᒡ, ᐛᔅ ᐅᒋᔅᑯᑎᒪᒐᐅᓄᐛᐤ ᑭᔭ ᐅᑦ ᐃᑐᓄᐛᐤ ᐎᔨᐛᐤ ᐊ ‍ ᑕᒡ ᐛᒋᒥᑭᓂᒂᓂ ᓇᒪ ᓇᐅᔅ ᒋᑭ ᐅᒋ ‍ ᐊᐱᑕᔨᑕᑭᓄᐅᔪᐤ᙮
\v 39 ᒥᒄ ᒪᒃ ᒋᓴᒪᓂᑐᐛ ᐊ ‍ ᑕᔨᒋ ᐛᒋᐱᔨᒂ ᓇᒪ ᒋᑭ ‍ ᒋᐱᒐᐊᐛᐅᒡ ᐛᔅ ᒧᔭᒻ ᐎᔾ ᒋᓴᒪᓂᑐᐤ ᐊ ‍ ᓂᔅᑯᔅᑐᐛᒄ ᐊᐅᑯᓐ ᒐ ‍ ᐃᓯᓇᑯᓯᔭᒄ᙮” ᐊᐅᑯᓐ ᒂ ‍ ᐃᔅᒋᔄᑦ ᑲᒪᓕᔭᓪ᙮
\p
\v 40 ᐊᓐᒡ ᒪᒃ ᓇᐸᐅᒡ ᑲ ‍ ᒪᒧᐎᒡ ᒋ ‍ ᑕᑈᑐᐛᐅᒡ ᐊᓂᔭᔪᐛ ᑲᒪᓕᔭᓚ ᐅᔭ ᑲ ‍ ᐃᔅᒋᔄᔨᒋ᙮ ᐊᑯ ᒂ ‍ ᐎᓴᒪᒡ ᐊᓂᔭᔪᐛ ᐊᑈᔅᑕᓇ, ᐊᑯ ᒂ ‍ ᐃᔅᒋᔄᒡ ᒐᒋ ᐸᐱᓯᔅᑕᐛᑭᓄᔨᒋ, ᑭᔭ ᒋ ‍ ᐃᑎᓱᒪᐅᒡ ᐊᑲ ᒥᓐ ᓂᑕ ᒐᒋ ᐛᐎᑎᒥᔨᒋ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ, ᐊᑯ ᒂ ‍ ᐱᔅᑎᓇᒡ᙮
\v 41 ᐊᓐᒡ ᒪᒃ ᐊᑈᔅᑕᓇᒡ ᒋ ‍ ᔅᑐᑕᐅᒡ ᐊᓐᑕ ᑲ ‍ ᒪᒧᐎᔨᒋ ᐊᓂᔭᔪᐛ ᑲ ‍ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ‍ ᓯᒋᔭᓯᒡ ᐊᒋ ‍ ᑕᐱᒐᔨᒥᑯᒡ ᒋᓴᒪᓂᑐᐛ ᒐᒋ ᓂᓇᐧᑲᑕᔨᒧᒡ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮
\p
\v 42 ᐊᑯ ᒪᒃ ᐊᓯᑯᒻ ᒋᓯᑲᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᐊᓐᑕ ᐊᐛᔪᐛ ᐎᒋᔨᒡ, ᐃᔭᐱᒡ ᒋ ‍ ᒋᔅᑯᑎᒪᒐᐅᒡ ᑭᔭ ᒋ ‍ ᑭᒐᔅᒋᒧᐅᒡ ᒋᓴᔅ ᙭ᑕ ᐊ ‍ ᐊᔨᒧᒪᒡ, ᐊᓂᔭᔪᐛ ᒋᓴᒪᓂᑐᐛ ᑲ ᐸᒋ ‍ ᐃᑎᓴᐛᔨᒋ᙮
\c 6
\s1 ᓂᔄᐅᑕᒡ ᓇᐸᐅᒡ ᑲ ‍ ᐎᔭᔨᒪᑭᓄᐎᒡ ᒐᒋ ᐎᒋᐃᐛᒡ ᐊᔭᒥᐊᐅᒋᐛᐱᒡ
\p
\v 1 ᐃᔅᐱ ᒪᒃ ᐊᑐᐎᔅ ᐊ ᐊᑎ ‍ ᒥᒐᑎᒡ ᐃᔪᒡ ᐊ ‍ ᑕᑈᔭᔨᒪᒡ ᒋᓴᓴ, ᐊᓐᒡ ᒍᐤ ᐃᔪᒡ ᑯᕆᒃ ᑲ ᐃᓯ ‍ ᐃᔨᒥᒡ ᒋ ‍ ᒥᒋᐱᔭᐊᐅᒡ ᐊᓂᔭᔪᐛ ᒍᐤ ᐃᔪᐛ ᐃᑉᕈᐤ ᑲ ᐃᓯ ‍ ᐃᔨᒥᔨᒋ ᐊᒋ ‍ ᐃᔅᒋᔄᒡ ᐊᓂᔭᔪᐛ ᑲ ‍ ᐸᐃᑯᓯᔨᒋ ᐃᔎᐛ ᐊᓐᑕ ᐊ ‍ ᑕᒡ ᐊᑲ ᐅᒋ ᐃᔅᐱᔅ ᐊᓯᒪᑭᓄᔨᒋ ᒥᒋᒥᔪᐤ ᐊᓂᔭ ᑲᒋ ‍ ᒪᑎᓂᒧᐛᑭᓄᔨᒋ ᑲ ‍ ᐸᐃᑯᓯᔨᒋ ᐃᔎᐛ ᐊᓯᑯᒻ ᒋᓯᑲᐛ᙮
\v 2 ᐊᑯ ᒪᒃ ᐊᓐᒡ ᓂᓱᓴᑉ ᐊᑈᔅᑕᓇᒡ ᒋ ‍ ᐎᓴᒪᐅᒡ ᒥᓯᐛ ᐊᓂᔭ ᐊᐛᔪᐛ ᑲ ‍ ᑕᑈᔭᔨᒪᔨᒋ ᒋᓴᓴ, ᐊᑯ ᒂ ‍ ᐃᑕᒡ, “ᓇᒪ ᑯᐃᔅᑯᓇᑯᓐ ᐊᑲ ᐃᔭᔅᐱᓯᔭᒡ ᒐᒋ ᑭᒐᔅᒋᒧᔭᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᓂᔭᓐ ᐊ ‍ ᓂᓇᑭᑐᐛᔨᑎᒪᒡ ᒐᒋ ᒥᔪ ‍ ᐊᓯᒪᑭᓄᐎᒡ ᐊᓐᒡ ᑲ ‍ ᐸᐃᑯᓯᒡ ᐃᔎᐅᒡ᙮
\v 3 ᒋᔨᐛᐤ ᓂᐧᑲᓂᓯᑐᒄ, ᐅᑎᓇᐧᑯᒡ ᓂᔄᐅᑕᒡ ᓇᐸᐅᒡ ᐊᓐᑕ ᐊ ‍ ᑎᓯᔭᒄ ᐊᓐᒡ ᐊ ‍ ᒥᔽᒋᒪᑭᓄᐎᒡ ᐊᓂᔭ ᐅᒋ ᐊ ‍ ᑯᐃᔅᑯᑕᑎᓯᒡ ᑭᔭ ᓇᔅᒡ ᐊ ‍ ᑭᒐᑕᐛᔨᑕᒡ ᑭᔭ ᐊ ‍ ᓴᑭᔅᒋᓇᔅᑲᑯᒡ ᑲ ‍ ᐸᔭᒋᓯᔨᒋ ᐊᒐᒂ᙮ ᐊᐅᑯᓐᒡ ᐅᒡ ᒐ ‍ ᒥᔭᑯᒡ ᐅᔭ ᐊᑐᔅᒐᐅᓂᔪᐤ ᐊ ‍ ᓂᓇᑭᑐᐛᔨᒪᒡ ᑲ ‍ ᐸᐸᐃᑯᓯᔨᒋ ᐃᔎᐛ᙮
\v 4 ᐊᑯ ᒪᒃ ᓂᔭᓐ ᒐ ‍ ᐃᔅᐱᓯᔭᒡ ᒐᒋ ᐊᔭᒥᐊᔭᒡ ᑭᔭ ᐊ ‍ ᑭᒐᔅᒋᒧᔭᒡ᙮”
\p
\v 5 ᒥᓯᐛ ᒪᒃ ᒋ ‍ ᓇᐊᔨᑎᒧᒡ ᐊᓐᑕ ᐊ ‍ ᑎᓯᒡ ᐊᓂᔭ ᑲ ‍ ᐃᔅᒋᔄᔨᒋ ᐊᓂᔭᔪᐛ ᐊᑈᔅᑕᓇ᙮ ᐊᑯ ᑲ ‍ ᐅᑎᓇᑭᓄᐅᑦ ᔅᑎᐱᓐ᙮ ᔅᑎᐱᓐ ᒪᒃ ᐅᑕᑈᑎᒧᐅᓐ ᓇᔅᒡ ᒋ ‍ ᓱᒐᔨᑕᑯᓂᔪᐤ, ᑭᔭ ᒋ ‍ ᓴᑭᔅᒋᓇᔅᑲᑯᐤ ᑲ ‍ ᐸᔭᒋᓯᔨᒋ ᐊᒐᒂ᙮ ᑭᔭ ᐱᓕᐸ ᒋ ‍ ᐅᑎᓇᐅᒡ ᑭᔭ ᐳᕈᑯᕋᓴ, ᑭᔭ ᓂᑲᓄᕋ, ᑭᔭ ᑎᒧᓇ, ᑭᔭ ᐸᕐᒪᓇᓴ, ᑭᔭ ᓂᑯᓚᓴ᙮ ᐅ ᓂᑯᓚᔅ ᐊᓐᑕ ᐊᓐᑎᔭᒃ ᐎᔾ ᒋ ‍ ᐅᒋᐤ, ᐊᑎ ᒪᒃ ᐊᑲ ᒍᐤ ᐅᒋ ᐃᑎᔅᑲᓇᓯᑦ ᐃᔭᐱᒡ ᒪᒃ ᒋ ‍ ᑕᑈᑎᒻ ᑕᓐ ᐊ ᐃᓯ ‍ ᑕᑈᑎᒥᔨᒋ ᒍᐤ ᐃᔪᐛ᙮
\v 6 ᐊᑯ ᒪᒃ ᐊᓐᒡ ᑲ ‍ ᑕᑈᑕᒡ ᒂ ‍ ᐃᑐᑕᐊᒡ ᐊᓂᔭᔪᐛ ᑲ ‍ ᐅᑎᓇᒡ ᓇᐸᐛ ᐊᓐᑕ ᐊᓂᔭᔪᐛ ᐊᑈᔅᑕᓇ ᐊ ‍ ᑕᔨᒋ᙮ ᐊᑯ ᒪᒃ ᐊᓐᒡ ᐊᑈᔅᑕᓇᒡ ᒂ ‍ ᑕᒋᓇᒡ ᑭᔭ ᑲ ‍ ᐊᔭᒥᐊᔅᑎᒧᐛᒡ ᐊᓂᔭᔪᐛ ᓇᐸᐛ᙮
\p
\v 7 ᒋᓴᒪᓂᑐᐤ ᒪᒃ ᐅᑦ ᐃᔨᒧᐅᓐ ᒋ ‍ ᒥᓯᑕᐱᔪᐤ᙮ ᐊᔭᔅᒃ ᒥᒐᑦ ᐃᔪᒡ ᐊᓐᑕ ᒋᕈᓯᓕᒥᒡ ᑲ ‍ ᑕᒡ ᒋ ‍ ᑕᑈᑎᒧᒡ, ᑭᔭ ᒥᒐᑦ ᐊᔭᒥᐊᐅᒋᒪᐅᒡ ᒋ ‍ ᑕᑈᑎᒧᒡ ᑭᔭ ᒋ ‍ ᓂᓇᐃᑎᒧᒡ ᒥᔽᒋᒧᐅᓂᔪᐤ᙮
\s1 ᔅᑎᐱᓐ ᑲ ‍ ᒪᑯᓇᑭᓄᐅᑦ
\p
\v 8 ᔅᑎᐱᓐ ᒪᒃ ᐊᓐ ᐊᐛᓐ ᑲ ‍ ᓴᒋᔅᒋᓇᔅᑲᑯᑦ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ ᑭᔭ ᐅᓱᐧᑲᑎᓯᐅᓂᔪᐤ ᒋ ‍ ᐃᑕᔨᑕᑯᓱᐤ, ᒋ ‍ ᐃᑐᑎᒻ ᒪᒃ ᓂᓇᐧᑯᐤ ᒪᒥᔅᑲᒡ ᒐᒂᔪᐛ ᑭᔭ ᓂᓇᐧᑯᐤ ᒋ ᐃᓯ ‍ ᒪᒥᔅᑲᒡ ᐛᐸᑎᔨᐛᐤ ᐊᓐᑕ ᐃᔪᐛ ᐊ ‍ ᑕᔨᒋ᙮
\v 9 ᒋ ‍ ᑕᐅᒡ ᓇᐸᐅᒡ ᐊᑲ ᐅᒋ ᓇᐊᔨᒪᒡ ᔅᑎᐱᓇ, ᐊᓐᒡ ᐊᓐᑕ ᑲᒋ ᐃᓯ ᓇᒋ ‍ ᐊᔭᒥᐊᒡ ᐊᓂᔭ ᒍᐤ ᐊᔭᒥᐊᐅᒋᐛᐱᔪᐤ ᑲ ‍ ᐊᐱᐧᑯᓇᑭᓄᐎᒡ ᓇᐸᐅᒡ, ᑲ ‍ ᐃᓯᓂᐧᑲᑕᔨᒡ᙮ ᓂᓇᐧᑯᐤ ᐃᑕᐅᓂᒡ ᒋ ‍ ᐅᒋᐅᒡ ᓴᐃᕆᓐ ᑭᔭ ᐊᓕᒃᓴᓐᑕᕆᔭ ᑲ ‍ ᐃᓯᓂᐧᑲᑕᔨᒋ᙮ ᑯᑎᑭᒡ ᒪᒃ ᐊᓐᑕ ᓯᓕᓯᔭ ᑭᔭ ᐊᐃᓴ ᐊᔅᒋᒡ ᒋ ‍ ᐅᒋᐅᒡ᙮ ᐊᐅᑯᓐ ᒪᒃ ᐅᔭ ᓇᐸᐛ ᑲ ‍ ᒥᒋᐱᔨᐃᑯᑦ ᔅᑎᐱᓐ᙮
\v 10 ᓇᒪ ᒪᒃ ᒐᒂᔪᐤ ᐅᒋ ᐃᑎᑯᐤ ᐅᔭ ᔅᑎᐱᓐ ᐛᔅ ᑲ ‍ ᐸᔭᒋᓯᔨᒋ ᐊᒐᒂ ᒋ ‍ ᒥᔨᑯᐤ ᑭᒐᑕᐛᔨᑎᒧᐅᓂᔪᐤ ᒐᒋ ᑭᔅᒋᐅᑦ ᐊ ‍ ᐃᔨᒥᑦ᙮
\p
\v 11 ᐊᑯ ᒪᒃ ᒋᒧᑦ ᑲ ‍ ᐊᐱᒋᐊᒡ ᓇᐸᐛ ᒐᒋ ᑭᑭᒋᔭᒪᔨᒋ ᔅᑎᐱᓇ ᐊ ‍ ᐃᔅᒋᔄᒡ, “ᓂᒋ ‍ ᐸᑐᐛᓇᓐ ᔅᑎᐱᓐ ᐊ ‍ ᒥᒐᒋᒪᑦ ᒧᓱᓴ ᑭᔭ ᒋᓴᒪᓂᑐᐛ᙮”
\p
\v 12 ᐅᔭ ᒪᒃ ᐊᒋ ‍ ᐃᑎᒡ ᒋ ‍ ᐃᑐᑐᐛᐅᒡ ᐊᓂᔭᔪᐛ ᑲ ‍ ᓂᑲᓂᐱᔨᒋ ᑭᔭ ᑲ ‍ ᒋᔅᑯᑎᒪᒐᔨᒋ ᐎᓱᐛᐅᓂᔪᐤ ᑭᔭ ᐃᔪᐛ ᒐᒋ ᒋᔄᐃᑯᒡ ᐊᓂᔭ ᔅᑎᐱᓇ᙮ ᐊᓐᒡ ᒪᒃ ᑲ ‍ ᓂᑲᓂᐱᒡ ᒋ ‍ ᐃᑎᓱᐛᐅᒡ ᒐᒋ ᒪᑯᓇᑭᓄᔨᒋ ᔅᑎᐱᓇ ᑭᔭ ᒐᒋ ᐃᑐᑕᐊᑭᓄᔨᒋ ᐊᓐᑕ ᐊ ‍ ᒪᒧᐎᔨᒋ ᐊᓂᔭᔪᐛ ᑲ ‍ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ᙮
\v 13 ᑭᔭ ᒋ ‍ ᐎᓴᒪᐅᒡ ᓇᐸᐛ ᒐᒋ ᓂᑐᐎ ᐃᑕᒋᒪᔨᒋ ᔅᑎᐱᓇ ᐊᓐᑕ ᐊ ‍ ᒪᒧᐎᓇᓄᐎᒡ᙮ ᒋ ‍ ᐃᔅᒋᔄᔪᐛ ᒪᒃ, “ᐅ ᓇᐸᐤ, ᓇᒪ ᒋᐱᑐᐛᐤ ᐊ ‍ ᒥᒪᔭᔨᑕᐧᒃ ᐅᔭ ᒪᐅᒡ ᑲ ‍ ᐸᔭᐧᑭᓂᔨᒡ ᑭᔭ ᐊᓂᔭ ᐎᓱᐛᐅᓂᔪᐤ ᒋᓴᒪᓂᑐᐛ ᑲ ‍ ᒥᔭᔨᒋ ᐊᓂᔭᐧᑲ ᒧᓱᓴ᙮
\v 14 ᐛᔅ ᓂᒋ ‍ ᐸᑐᐛᓇᓐ ᐊ ‍ ᐃᔅᒋᔄᑦ, ᐅᔭ ᒋᓴᓴ, ᓇᓴᕆᑦ ᑲ ‍ ᐅᒋᔨᒋ ᒐ ‍ ᓂᓱᐅᓇᒋᑕᔨᒋ ᐅᔭ ᒍᐤ ᐊᔭᒥᐊᐅᒋᐛᐱᔪᐤ, ᑭᔭ ᒐ ‍ ᒂᔅᑎᓇᐧᒃ ᐊᓂᔭᔪᐛ ᒍᐤ ᐃᔪᐤ ᐃᑐᐅᓇ ᐊᓂᔭᐧᑲ ᒧᓱᓴ ᑲ ‍ ᐃᑎᓱᐛᔨᒂᓂ ᒐ ‍ ᐃᑐᑕᑭᓄᔨᒋ᙮” ᐊᐅᒄ ᐅᔭ ᑲ ‍ ᐃᑕᒋᒧᒡ ᐊᓐᒡ ᓇᐸᐅᒡ᙮
\p
\v 15 ᒥᓯᐛ ᒪᒃ ᐊᓐᒡ ᐊᓐᑕ ᑲ ‍ ᒪᒧᐱᔅᑕᒡ ᑎᐸᔅᑯᓂᒐᐅᓂᔪᐤ ᓇᔅᒡ ᒋ ‍ ᑭᓄᐛᐱᒪᐅᒡ ᔅᑎᐱᓇ ᐊ ‍ ᐛᐸᑎᒺᒡ ᐅᑕᔅᑎᒥᐧᑯᔪᐤ ᒧᔭᒻ ᐊᓐᒋᓐ ᐅᑕᔅᑎᒥᐧᒄ ᐊ ‍ ᐃᓯᓇᑯᓂᔨᒡ᙮
\c 7
\s1 ᔅᑎᐱᓐ ᑲ ‍ ᐃᔨᒪᐊᑦ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ
\p
\v 1 ᐊᑯ ᒪᒃ ᐊᓐ ᒋᓴᐊᔭᒥᐊᐅᒋᒪᐤ ᒂ ‍ ᑯᒂᒋᒪᑦ ᔅᑎᐱᓇ ᐊ ‍ ᐃᑕᑦ, “ᑕᑈᐅᒡ ᐊ ᑕᓐ ᐊ ‍ ᐃᑕᒋᒥᔅᒡ ?”
\p
\v 2 ᐊᑯ ᔅᑎᐱᓐ ᒂ ‍ ᐃᑕᑦ, “ᓂᐧᑲᓂᓯᑐᒄ ᑭᔭ ᐅᑕᐎᒪᑐᒄ ᐸᒋ ‍ ᓂᑐᑐᐅᒄ, ᒋᓴᒪᓂᑐᐤ ᑲ ‍ ᒋᔅᑕᔨᑕᑯᓯᑦ ᒋ ‍ ᓄᑯᓯᔅᑐᐛᐤ ᐛᔅᑭᒡ ᐊᓂᔭᐧᑲ ᒍᑕᐎᓄᐛ ᐊᑉᕋᐊᒪ ᒪᒂᒡ ᑲ ‍ ᐎᒋᔨᒋ ᐊᓐᑕ ᒪᓴᐳᑕᐃᒥᔭ ᐊᔅᒋᒡ, ᐊᔅᒄ ᐊᑲ ᐦᐊᕋᓐ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐅᒋ ᐃᓯ ᐊᑐᒐᔨᒋ᙮
\v 3 ᒋ ‍ ᐃᑎᑯᐤ ᒪᒃ ᒋᓴᒪᓂᑐᐛ ᐊᓂᔭᐧᑲ ᐊᑉᕋᐊᒻ,
\q ᓂᑭᓯᒡ ᒋᐧᑲᓂᓯᒡ ᑭᔭ ᓂᑭᑕ ᐊᓐ ᐊᔅᒋᔾ ᐊᓐᑕ ᐛᒋᔨᓐ᙮ ᒐ ‍ ᐃᑐᑕᔨᓐ ᐊᓐᑕ ᐊᓐ ᐊᔅᒋᔾ ᒐ ‍ ᐛᐸᑎᔨᑕᓐ᙮”
\p
\v 4 “ᐊᑯ ᒪᒃ ᐊᓂᔭᐧᑲ ᐊᑉᕋᐊᒻ ᒂ ‍ ᓂᑭᑕᐧᒃ ᐊᓂᔭ ᐊᔅᒋᔪᐤ ᑲᓪᑎᔭ ᑲ ‍ ᐃᓯᓂᐧᑲᑕᔨᒡ ᐊᑯ ᒂ ‍ ᐎᒋᑦ ᐊᓐᑕ ᐦᐊᕋᓐ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ᙮ ᐃᔅᐱ ᒪᒃ ᑲ ‍ ᓂᐱᔨᒋ ᐊᓂᔭᐧᑲ ᐊᑉᕋᐊᒻ ᐅᑕᐎᔭ, ᒋᓴᒪᓂᑐᐛ ᒋ ‍ ᐃᑐᑕᑯᐤ ᐅᑕ ᒐᒋ ᐃᓯ ‍ ᐊᑐᒐᑦ ᐅᑕ ᐅ ᐊᓄᒡ ᐛᒋᔭᒄ᙮
\v 5 ᓇᒪ ᒪᒃ ᐅᒋ ᒥᔨᑯᐤ ᐊᓂᔭ ᐊᔅᒋᔪᐤ ᒐᒋ ᑎᐱᔨᐛᐅᓯᑦ, ᓇᒪ ᐛᐛᒡ ᐊᐱᓯᔅ ᐅᒋ ᒥᔨᑯᐤ ᒐᒋ ᑎᐱᔨᐛᐅᓯᑦ᙮ ᒥᒄ ᒪᒃ ᒋᓴᒪᓂᑐᐛ ᒋ ‍ ᐊᓱᑎᒪᑯᐤ ᐊᓂᔭ ᐊᔅᒋᔪᐤ ᐊᔅᒄ ᒐᒋ ᑎᐱᔨᐛᐅᓯᑦ ᑭᔭ ᐊᓂᔭᔪᐛ ᐊᓂᔅᒐ ᐅᑦ ᐊᐛᓯᒪ ᒐ ‍ ᑎᐱᔨᐛᐅᓯᔨᒋ᙮ ᐅᔭ ᒪᒃ ᑲ ᐃᓯ ‍ ᐊᓱᑎᒧᐛᑭᓄᐅᑦ ᐊᓂᔭᐧᑲ ᐊᑉᕋᐊᒻ ᐊᔅᒄ ᓇᒪ ᐅᒋ ᐊᔭᐛᐤ ᐊᐛᓴ᙮
\v 6 ᒪᐅᔭᔪᐤ ᒪᒃ ᑲ ‍ ᐃᑎᑯᑦ ᐊᑉᕋᐊᒻ ᒋᓴᒪᓂᑐᐛ,
\q ‘ᒋᑦ ᐊᐛᓯᒥᒡ ᑭᔭ ᐅᑦ ᐊᐛᓯᒧᐛᐤ ᒋᑭ ‍ ᐎᒍᐅᒡ ᐊᓐᑕ ᒪᓐᑕᐤ ᐊᔅᒋᔪᐤ ᐊᑯᑕ ᐊᓐᑕ ᒐ ‍ ᓂᓇᐧᑲᑕᔨᒧᒡ᙮ ᒋᑭ ‍ ᐊᐱᒋᐊᑭᓄᐅᒡ ᑭᔭ ᒋᑭ ‍ ᓂᓇᐧᑲᒋᐊᑭᓄᐅᒡ ᓇᐤ ᒥᑕᓯᒥᑎᓄᐤ ᐱᐳᓇ ᐃᔅᐱᔅ᙮
\v 7 ᒥᒄ ᒪᒃ ᐊᓂᔭ ᐃᔪᐛ ᑕᑎᐸᓐ ᐊ ‍ ᐃᑎᔅᑲᓇᓯᔨᒋ ᑲ ‍ ᐊᐱᒋᐃᑯᒡ ᓂᑭ ‍ ᐛᐛᓯᒪᔪᐛ᙮ ᐃᔅᐱ ᒪᒃ ᓇᐤ ᒥᑕᓯᒥᑎᓄᐤ ᐱᐳᓇ ᐅᑎᒋᐱᔨᒐ, ᒋᑭ ‍ ᓂᑭᑎᒧᒡ ᐊᓂᔭ ᐊᔅᒋᔪᐤ ᐊᓐᑕ ᑲ ‍ ᓂᓇᐧᑲᑕᔨᒧᒡ ᐊ ‍ ᐊᐱᒋᐊᑭᓄᐎᒡ ᐊᑯ ᒪᒃ ᒐ ᐸᒋ ‍ ᐊᔭᒥᐊᔅᑐᐅᒡ ᐅᑕ ᐅ ᐊᔅᒋᔾ ᒪᒂᒡ ᐊᓄᒡ ᑲ ‍ ᓂᐳᔨᓐ᙮’ ”
\m
\v 8 ᐊᑯ ᔅᑎᐱᓐ ᒥᓐ ᒂ ᐊᑎ ‍ ᐃᔅᒋᔄᑦ, “ᐊᑯ ᒪᒃ ᒋᓴᒪᓂᑐᐤ ᑲ ‍ ᐅᓯᑐᐛᑦ ᐊᓂᔭᐧᑲ ᐊᑉᕋᐊᒪ ᓂᔅᑯᒧᐅᓂᔪᐤ, ᐅ ᒪᒃ ᓂᔅᑯᒧᐅᓐ ᒐᒋ ᐅᒋ ‍ ᓄᑯᑕᑭᓄᐅᒡ, ᒐᒋ ᒋᔅᒋᓄᐛᒋᔄᑭᓄᐅᒡ ᓇᐸᓯᒡ᙮ ᐊᑯ ᒪᒃ ᐊᓂᔭᐧᑲ ᐊᑉᕋᐊᒻ ᑲᒋ ‍ ᒋᔅᒋᓄᐛᒋᔄᑦ ᐅᑯᓴ ᐊᐃᓯᑲ ᐃᔅᐱᔅ ᔭᓇᐤ ᒋᓯᑲᐛ ᑲ ᐃᔅᐱᔅ ‍ ᐱᒪᑎᓯᔨᒋ᙮ ᐊᐃᓯᒃ ᒪᒃ ᐊᐅᒄ ᐅᔭ ᒐᑭᐸ ᑲ ‍ ᐅᑕᐎᑦ᙮ ᒐᑭᑉ ᒪᒃ ᒋ ‍ ᓂᓱᓴᐳᔨᐛ ᐅᑯᓴ᙮ ᐊᐅᑯᓐᒡ ᐅᒡ ᓂᓱᓴᑉ ᑲ ‍ ᒋᔅᑕᔨᑕᑯᓯᒡ ᒋᑦ ᐊᓂᔅᒐ ᒍᑕᐎᓄᒡ᙮”
\p
\v 9 “ᐸᐃᒄ ᒪᒃ ᐊᓂᔭ ᒐᑭᑉ ᐅᑯᓴ ᒍᓯᑉ ᒋ ‍ ᐃᓯᓂᐧᑲᓱᔪᐛ᙮ ᐊᓂᔭ ᒪᒃ ᑯᑎᑲ ᐅᑯᓴ ᒐᑭᑉ, ᒋ ‍ ᐅᑕᔨᒪᐅᒡ ᐊᓂᔭᔪᐛ ᐎᐧᑲᓂᓱᐛᐛ ᒍᓯᐸ᙮ ᒋ ‍ ᐊᑕᐛᒐᐅᒡ ᐊᓂᔭᔪᐛ ᐎᐧᑲᓂᓱᐛᐛ ᒐᒋ ᐊᐱᒋᐊᑭᓄᔨᒋ ᐊᓐᑕ ᐃᒋᑉᑎᒡ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ᙮ ᒥᒄ ᒪᒃ ᒋᓴᒪᓂᑐᐛ ᒋ ‍ ᐎᒐᐅᑯᐤ ᒍᓯᑉ᙮
\v 10 ᒋ ‍ ᐎᒋᐃᑯᐤ ᒪᒃ ᐊᓐᑕ ᒪᒂᒡ ᓇᔅᒡ ᐊ ‍ ᐊᔨᒥᓂᔨᒡ ᐊ ‍ ᑕᑦ᙮ ᐃᔅᐱ ᒪᒃ ᒍᓯᑉ ᑲ ‍ ᐅᑎᔅᑯᑲᐳᔅᑐᐛᑦ ᐊᓂᔭ ᒋᓴᐅᒋᒪᐛ ᐸᕈᐤ ᑲ ‍ ᐃᓯᓂᐧᑲᑕᑭᓄᔨᒋ ᐊᓐᑕ ᐃᒋᑉᑎᒡ ᑲ ‍ ᑕᔨᒋ, ᒋᓴᒪᓂᑐᐛ ᒋ ‍ ᒥᔨᑯᐤ ᒍᓯᑉ ᑭᒐᑕᐛᔨᑎᒧᐅᓂᔪᐤ ᑭᔭ ᒋ ‍ ᐃᑐᑕᑯᐤ ᒐᒋ ᒥᔽᔨᑕᑯᓯᑦ᙮ ᒋ ‍ ᒥᔽᔨᒥᑯᐤ ᒪᒃ ᐸᕈᐛ, ᐊᑯ ᑲ ‍ ᐅᒋᒪᐅᐧᑲᑎᑯᑦ ᐊᓐᑕ ᐊᓂᔭ ᐅᑕᓇᔪᐤ ᐃᒋᑉᑎᒡ ᑲ ‍ ᐅᒋᒪᐅᔨᒋ ᑭᔭ ᐊᓂᔭ ᒥᓯᐛ ᑕᓐ ᐊ ᐃᓯ ‍ ᑎᐱᔨᐛᐅᓯᔨᒋ ᒋ ‍ ᒥᔨᑯᐤ ᒐᒋ ᓂᓇᑭᑐᐛᐸᑕᐧᒃ᙮”
\p
\v 11 “ᒐᒃ ᒪᒃ ᒋ ‍ ᓄᑕᐱᔪᐤ ᒥᒋᒻ ᒥᓯᐛ ᐊᓐᑕ ᐃᒋᑉᑎᒡ ᑭᔭ ᑲᐃᓇᓐ ᐊᔅᒋᒡ᙮ ᐊᓐᑕ ᒪᒃ ᑲᐃᓇᓐ ᐊᔅᒋᒡ ᐊᑯᑕ ᑲ ‍ ᑕᔨᒋ ᒍᓯᑉ ᐅᑕᐎᔭ ᑭᔭ ᐎᐧᑲᓂᓴ᙮ ᓇᔅᒡ ᐊᒋ ‍ ᓂᓇᐧᑲᑕᔨᒧᒡ ᐊᐛᓐᒋ᙮ ᒐᑭᑉ ᑭᔭ ᐊᓂᔭᔪᐛ ᐅᑯᓴ ᐊᓐᒡ ᒋᑦ ᐊᓂᔅᒐ ᒍᑕᐎᓄᒡ ᓇᒪ ᓇᔅᒡ ᐅᒋ ᒥᔅᑭᒧᒡ ᒥᒋᒥᔪᐤ᙮
\v 12 ᐃᔅᐱ ᒪᒃ ᐱᔭᑕᐧᒃ ᒐᑭᑉ ᐊ ‍ ᑎᑯᓂᔨᒡ ᒥᒋᒥᔪᐤ ᐊᓐᑕ ᐃᒋᑉᑎᒡ ᐊᒋ ‍ ᓇᐅᔅᑕᑭᓄᐎᒂ, ᒋ ‍ ᐃᑎᓴᐛᐤ ᐊᓐᑕ ᐊᓂᔭ ᐅᑯᓴ᙮ ᐊᐅᒄ ᐅᔭ ᓂᔅᑎᒻ ᑲ ‍ ᐃᑐᑕᒡ ᐊᓐᑕ᙮
\v 13 ᒥᓐ ᒪᒃ ᒂ ‍ ᐃᑐᑕᒡ ᐊᓐᑕ ᐃᒋᑉᑎᒡ ᐊᑯ ᒂ ‍ ᒋᔅᒐᔨᑕᑯᐅᑦ ᒍᓯᑉ ᐊᓂᔭᔪᐛ ᐎᐧᑲᓂᓴ ᐊ ‍ ᑕᔨᒋ᙮ ᐊᑯᑕ ᒪᒃ ᐸᕈᐛ ᒂ ᐅᒋ ‍ ᒋᔅᒐᔨᒪᑦ ᐊᓂᔭᔪᐛ ᒍᓯᐸ ᐎᐧᑲᓂᓯᔪᐛ᙮
\v 14 ᐊᑯ ᒍᓯᑉ ᒂ ‍ ᐎᓴᒪᑦ ᐊᓂᔭ ᐅᑕᐎᔭ ᑭᔭ ᒥᓯᐛ ᐎᐧᑲᓂᓯᔪᐛ ᒐᒋ ᐸᒋ ‍ ᑕᔨᒋ ᐊᓐᑕ ᐃᒋᑉᑎᒡ᙮ ᓂᔄᐅᑕᑕᑐᔪᐤ ᐊᓱ ᐱᑕᑕᒡ ᒋ ‍ ᐃᑕᑎᓯᔪᐛ ᒪᒃ ᐅᔭ ᐎᐧᑲᓂᓴ᙮
\v 15 ᐊᑯ ᒐᑭᑉ ᒂ ‍ ᐃᑐᑕᑦ ᐊᓐᑕ ᐃᒋᑉᑎᒡ, ᐊᑯᑕ ᒪᒃ ᒐᒃ ᒂ ‍ ᐳᓂᐱᒪᑎᓯᑦ ᑭᔭ ᐊᓂᔭᔪᐛ ᒥᓯᐛ ᐅᑯᓴ ᐊᑯᑕ ᑭᔭ ᐎᔨᐛᐤ ᒐᒃ ᑲ ‍ ᐳᓂᐱᒪᑎᓯᒡ᙮
\v 16 ᐃᔅᐱ ᒪᒃ ᑲ ‍ ᐳᓂᐱᒪᑎᓯᒡ, ᓴᑭᒻ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲᐤ ᑲ ‍ ᐃᑐᑕᑭᓄᔨᒋ ᐎᔪᐛᐛ᙮ ᐊᑯ ᐊᓐᑕ ᑲ ‍ ᓇᐅᔅᑕᑭᓄᔨᒋ ᐊᓐᑕ ᐊᓂᔭ ᒋᐱᐃᒋᐛᐱᒡ ᐊᓂᔭᐧᑲ ᐊᑉᕋᐊᒻ ᓴᔅ ᑲ ‍ ᐃᔭᒂ ᐊᓐᑕ ᐸᒋ ‍ ᐛᔅᑭᒡ᙮ ᐊᒧᕆ ᐅᑦ ᐃᔨᒥᔪᐛ ᐊᒋ ‍ ᐊᑕᒥᑯᑦ ᐅᔭ ᒋᐱᐃᒋᐛᐱᔪᐤ᙮”
\p
\v 17 “ᒐᒃ ᒪᒃ ᒋ ‍ ᐅᑎᒋᐱᔪᐤ ᒐᒋ ᐃᑐᑕᐧᒃ ᒋᓴᒪᓂᑐᐤ ᐊᓂᔭ ᑕᓐ ᑲ ‍ ᐃᑕᑦ ᐊᑉᕋᐊᒪ ᒐᔅᑎᓇᔅ ᒐ ‍ ᐃᑐᑎᒧᐛᑦ᙮ ᓴᔅ ᒪᒃ ᓇᔅᒡ ᒋ ‍ ᒥᒐᑐᐅᒡ ᐊᐛᓐᒋ ᐊᓐᑕ ᐃᒋᑉᑎᒡ ᐊᑉᕋᐊᒪ ᐊ ‍ ᑕᔨᒋ ᐊᒋ ᐅᒋ ᐊᓂᔅᒐ ‍ ᐱᒪᑎᓯᒡ᙮
\v 18 ᑯᑎᒃ ᒪᒃ ᒋᓴᐅᒋᒪᐤ ᒐᒃ ᒋ ‍ ᑎᐸᔨᒋᒐᐤ ᐊᓐᑕ ᐃᒋᑉᑎᒡ ᐊᑲ ᐅᒋ ᒋᔅᒐᔨᒪᒂ ᐊᓂᔭᔪᐛ ᒍᓯᐸ᙮
\v 19 ᐅ ᒪᒃ ᒋᓴᐅᒋᒪᐤ ᓇᔅᒡ ᒋ ‍ ᒪᔭᔨᒪᐤ ᐊᓂᔭᐧᑲ ᒋᐧᑲᓂᓯᓄᐛ, ᒋ ‍ ᐃᑐᑐᐛᐤ ᒥᔅᑎ ᒐᒋ ᓂᓇᐧᑲᒋᐊᑭᓄᔨᒋ ᑭᔭ ᒋ ‍ ᐃᑎᓱᐛᐤ ᐎᐎᑎᒥᒡ ᒐᒋ ᓂᑭᑕᑭᓄᔨᒋ ᐅᑦ ᐊᐛᓯᒥᔪᐛ ᒐᒋ ᓂᐱᔨᒋ ᐊᓐᑕ᙮”
\p
\v 20 “ᐊᑯᑕ ᒪᒃ ᐅ ᒪᒂᒡ ᐅ ᑲ ‍ ᐃᔅᐱᔨᒡ ᓇᐸᔅ ᒋ ‍ ᐱᒪᑎᓯᐤ ᒧᓱᔅ ᐊ ‍ ᐃᓯᓂᐧᑲᓱᑦ, ᓇᔅᒡ ᐊᒋ ‍ ᒥᔪᓇᑯᓯᑦ᙮ ᓂᔅᑐ ᐱᓯᒺ ᒪᒃ ᒋ ‍ ᐃᔅᐱᔅ ᑭᓄᐛᔨᒪᑭᓄᐤ ᐊᓐᑕ ᐅᑕᐎᔭ ᐊ ‍ ᑕᔨᒋ᙮
\v 21 ᐃᔅᐱ ᒪᒃ ᑲ ‍ ᑲᔭᑭᓄᐅᑦ ᒧᓱᔅ ᐊᓐᑕ ᐎᐎᑎᒥᒡ ᐸᕈᐤ ᐅᑕᓂᓯᔪᐛ ᒋ ‍ ᒥᔅᑲᑯᐤ, ᒋ ‍ ᐅᑎᓂᑯᐤ, ᐊᑯ ᑲ ‍ ᑭᓄᐛᔨᒥᑯᑦ ᐊᓂᔭ ᐃᔎᓴ ᑭᔭ ᑲ ‍ ᓂᑕᐅᒋᓂᑯᑦ ᒧᔭᒻ ᐎᔾ ᑎᐱᔨᐛ ᐅᑯᓴ ᐊᒋ ‍ ᐃᑐᑕᑯᑦ᙮
\v 22 ᒥᓯᐛ ᒪᒃ ᒋ ᐃᓯ ‍ ᒋᔅᑯᑎᒧᐛᑭᓄᐤ ᒧᓱᔅ ᐃᒋᑉᑦ ᐃᔪᐛ ᐅᑭᒐᑕᐛᔨᑎᒧᐅᓂᔪᐤ᙮ ᐛᐛᒡ ᓇᔅᒡ ᒋ ‍ ᑭᔅᒋᐅᐤ ᐊ ‍ ᐃᔨᒥᑦ ᑭᔭ ᒐᒂᔪᐤ ᐊ ‍ ᐃᑎᑦ᙮”
\p
\v 23 “ᐃᔅᐱ ᒪᒃ ᑲ ‍ ᓇᐎᔪᐛᐳᓇᓯᑦ ᒧᓱᔅ ᐊᑯ ᒂ ‍ ᐃᑕᔨᑕᐧᒃ ᒐᒋ ᓂᑐ ‍ ᒋᔅᒐᔨᒪᑦ ᑕᓐ ᐊ ‍ ᐃᑐᑐᐛᑭᓄᔨᒋ ᐎᒋ ‍ ᐃᔅᕋᐃᓪ ᐃᔪᐛ᙮
\v 24 ᒋ ‍ ᐛᐱᒪᐤ ᒪᒃ ᐸᐃᒄ ᐊᓂᔭ ᐃᔅᕋᐃᓪ ᐃᔪᐛ ᐊ ‍ ᓂᓇᐧᑲᒋᐃᑯᔨᒋ ᐃᒋᑉᑦ ᐃᔪᐛ᙮ ᐊᑯ ᑲ ‍ ᒋᔅᐸᐛᑕᑦ ᒂ ‍ ᓂᐸᐊᑦ ᐊᓂᔭ ᐃᒋᑉᑦ ᐃᔪᐛ᙮
\v 25 ᐅᔭ ᐊᒋ ‍ ᐃᑎᑦ ᒋ ‍ ᐃᑕᔨᑎᒻ ᐊᓂᔭ ᑎᐱᔨᐛ ᐅᑦ ᐃᔨᒻ ᒐ ‍ ᓂᔅᑐᑎᒥᔨᒋ ᒋᓴᒪᓂᑐᐛ ᒐ ‍ ᐊᐱᒋᐃᑯᑦ ᒐᒋ ᐎᐧᑯᒋᐊᑦ, ᒥᒄ ᒪᒃ ᓇᒪ ᐅᒋ ᓂᔅᑐᑎᒥᔪᐛ᙮
\v 26 ᒥᓐ ᒪᒃ ᐎᔭᐱᓂᔨᒡ, ᒧᓱᔅ ᒋ ‍ ᓇᑕᐤ ᓂᓱ ᐃᔅᕋᐃᓪ ᐃᔪᐛ ᐊ ‍ ᒪᓯᐧᑲᑐᔨᒋ, ᐊᑯ ᒂ ᐎ ‍ ᒋᐱᒋᐊᑦ᙮ ᐊᑯ ᒂ ‍ ᐃᑕᑦ, ‘ᓂᑐᑐᐅᒄ ᒪ, ᑕᐱᔅᑯᓐ ᒋ ‍ ᐎᐧᑲᓂᓯᓂᑐᓇᐛᐤ ᒐᒂᓐ ᐛᒋ ‍ ᒪᓯᐧᑲᑐᔭᒄ ?’ ”
\p
\v 27 “ᐊᓐ ᒪᒃ ᑲ ‍ ᒋᒋᐱᔨᑕᑦ ᐊ ‍ ᒪᓯᐧᑲᑐᒡ ᐊᓂᔭᔪᐛ ᐎᐧᑲᓂᓴ ᒋ ‍ ᑯᐧᑯᓇᐤ ᐊᓂᔭ ᒧᓱᓴ᙮ ᐊᑯ ᒂ ‍ ᐃᑕᑦ,
\q ‘ᐊᐛᓐ ᑲ ‍ ᐃᑕᐃᔅᒃ ᒐᒋ ᐅᒋᒪᒥᑕᑕᒡ ᑭᔭ ᒐᒋ ᑎᐸᔅᑯᓂᔭᒡ ?
\v 28 ᐊᑯᓐ ᐊ ᐛ ᐃᑐᑐᐎᔨᓐ ᑕᓐ ᑲ ᐃᓯ ‍ ᐃᑐᑐᐅᑦ ᐅᑕᑯᓯᔨᒡ ᐊᓐ ᐃᒋᑉᑦ ᐃᔪᐤ ᑲ ‍ ᓂᐸᐃᑦ ?’
\m
\v 29 ᐃᔅᐱ ᒪᒃ ᐱᔭᑕᐧᒃ ᐅᔭ ᒧᓱᔅ, ᒋ ‍ ᐅᓯᒧᐤ ᐊᓐᑕ ᐃᒋᑉᑎᒡ ᐅᒋ, ᐊᑯ ᐊᓐᑕ ᒥᑎᐊᓐ ᐊᔅᒋᒡ ᑲ ‍ ᑕᑦ ᐊ ‍ ᒪᓐᑕᐅᑦ᙮ ᐊᑯᑕ ᑲ ‍ ᐎᔪᑦ ᑭᔭ ᐊᑯᑕ ᑲ ‍ ᐱᒪᑎᓯᔨᒋ ᓂᓱ ᐅᑯᓴ᙮”
\p
\v 30 “ᐃᔅᐱ ᒪᒃ ᓇᐎᔪᐛ ᐱᐳᓇ ᑲ ‍ ᑕᑦ ᒧᓱᔅ ᐊᓐᑕ ᒥᑎᔭᓐ ᐊᔅᒋᒡ, ᐸᐃᒂᐤ ᐊ ‍ ᒋᓯᑲᔨᒡ ᒋ ‍ ᑕᐤ ᐊᓐᑕ ᐸᐧᑯᑎᔅᑭᒥᑲᒡ, ᒥᒋᒪ ᐊᓐᑕ ᐱᔅᑯᑎᓇᐤ ᓴᐃᓇᐃ ᑲ ‍ ᐃᓯᓂᐧᑲᑕᔨᒡ᙮ ᒋ ‍ ᐛᐸᑎᒻ ᐊ ‍ ᐱᔅᑯᑲᐳᐃᔨᒡ ᐊᓐᑕ ᐊ ‍ ᐃᔎᑕᐱᔨᒋ ᓂᐱᓯᔭᑎᒂ, ᐊᑯᑕ ᒪᒃ ᐊᓐᑕ ᒂ ᐅᒋ ‍ ᓄᑯᓯᔅᑕᑯᑦ ᐊᓐᒋᓇ᙮
\v 31 ᐃᔅᐱ ᒪᒃ ᒧᓱᔅ ᑲ ‍ ᐛᐸᑕᐧᒃ ᐅᔭ ᓇᔅᒡ ᒋ ‍ ᑯᔅᑯᓯᐤ᙮ ᐊᑯ ᒂ ‍ ᓇᑎᒃ ᐊᓂᔭᔪᐤ ᐊ ‍ ᐱᔅᑯᑲᐳᐃᔨᒋ ᓂᐱᓯᔭᑎᒂ ᒥᒋᒪ ᓇᑎᒻ ᒐᒋ ᐛᐸᑕᐧᒃ᙮ ᒋ ‍ ᐸᑐᐛᐤ ᐅᑎᐸᔨᒋᒐᐛ ᐊ ᐅᒋ ‍ ᐃᔨᒥᔨᒋ ᐊᓐᑕ ᐅᒋ ᐊ ‍ ᐃᔅᒋᔄᔨᒋ,
\v 32 ᐊᐅᒄ ᓂᔾ ᐅᒋᓴᒪᓂᑐᒧᐛᐛ ᐊᓂᔭᐧᑲ ᐊᓂᔅᒐ ᒋᐧᑲᓂᓱᐛᐅᒡ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮ ᐃᔅᐱ ᒧᓱᔅ ᐱᔭᑐᐛᑦ ᐅᔭ ᐊ ‍ ᐃᔅᒋᔄᔨᒋ ᒋ ‍ ᓂᓇᒥᐱᔪᐤ ᐊ ᐃᔅᐱᔅ ‍ ᓴᒋᓯᑦ, ᓇᒪ ᐅᒋ ᐎ ᑭᓄᐛᐸᑎᒻ ᐊᓂᔭ ᑲ ‍ ᐃᔎᑕᔨᒡ᙮”
\p
\v 33 “ᐊᑯ ᒂ ‍ ᐃᑎᑯᑦ ᒥᓐ ᐅᑎᐸᔨᒋᒐᐛ,
\q ‘ᒥᓇ ᒋᒥᔅᒋᓇ, ᐛᔅ ᐸᔭᐧᑭᓐ ᐊᓐ ᐊᔅᒋᔾ ᐊᓐᑕ ᑲ ‍ ᓂᐳᔨᓐ᙮
\v 34 ᓇᔅᒡ ᓂᒋ ‍ ᐛᐱᒪᐅᒡ ᑕᓐ ᐊᔅᐱᔅ ᓂᓇᐧᑲᑕᔨᒧᒡ ᓂᑦ ᐃᔨᒥᒡ ᐊᓐᑕ ᐃᒋᑉᑎᒡ᙮ ᓂ ‍ ᐸᑐᐛᐅᒡ ᐊ ‍ ᒪᒡ ᐊᑯ ᒪᒃ ᑕᑯᓯᓂᔭᓐ ᒐᒋ ᐎᐧᑯᒋᐃᒂᐤ᙮ ᐊᔅᑎᒻ ᒪᒃ, ᒥᓐ ᒋᑭ ‍ ᐃᑎᓴᐅᑎᓐ ᐊᓐᑕ ᐃᒋᑉᑎᒡ᙮’ ”
\p
\v 35 “ᒋ ‍ ᐊᑐᐛᔨᒪᐅᒡ ᒪᒃ ᐃᔅᕋᐃᓪ ᐃᔪᒡ ᐅᔭ ᒧᓱᓴ ᐊᒋ ‍ ᐃᑕᒡ, ‘ᐊᐛᓐ ᑲ ‍ ᐃᑕᐃᔅᒃ ᒐᒋ ᐅᒋᒪᒥᑕᑕᒡ ᑭᔭ ᒐᒋ ᑎᐸᔅᑯᓂᔭᒡ᙮’ ᐊᐅᒄ ᒪᒃ ᐅᔭ ᐃᔭᐱᒡ ᑲ ‍ ᐃᑎᓴᐛᑦ ᒋᓴᒪᓂᑐᐤ ᒐᒋ ᐅᒋᒪᒥᒡ ᑭᔭ ᒐᒋ ᐎᐧᑯᒋᐃᑯᒡ᙮ ᒋᓴᒪᓂᑐᐤ ᒋ ‍ ᐃᔨᒪᐊᐤ ᒧᓱᓴ ᐊᓂᔭ ᐊᓐᒋᓇ ᐊᒋ ‍ ᐊᐱᒋᐊᑦ ᐊᓐᑕ ᐅᒋ ᑲ ‍ ᐱᔅᑯᑲᐳᐃᔨᒋ ᓂᐱᓯᔭᑎᒂ ᑲ ‍ ᐃᔎᑕᔨᒡ᙮”
\p
\v 36 “ᐊᐅᒄ ᒪᒃ ᐅ ᒧᓱᔅ ᑲ ᐸᒋ ‍ ᐎᐎᑕᐊᑦ ᐊᓂᔭ ᐃᔪᐛ ᐊᓐᑕ ᐃᒋᑉᑎᒡ ᐅᒡ᙮ ᒋ ‍ ᒪᒥᔅᑲᒡ ᐃᑐᐤ ᒪᒃ ᐊᓐᑕ ᐃᒋᑉᑎᒡ ᑭᔭ ᐊᓐᑕ ᒥᒂᑭᒥ ᐎᓂᐸᒄ ᑭᔭ ᓇᐎᔪᐛ ᐱᐳᓇ ᒋ ‍ ᒪᒥᔅᑲᒡ ᐃᑐᐤ ᐊᓐᑕ ᐸᐧᑯᑎᔅᑭᒥᑲᒡ᙮”
\p
\v 37 “ᐊᐅᑯᐤ ᐅ ᒧᓱᔅ ᑲ ‍ ᐃᑕᒂ ᐊᓂᔭ ᐃᔪᐛ ᐊᓐᑕ ᐃᔅᕋᐃᓪ ᑲ ‍ ᐅᒋᔨᒋ,
\q ᒋᓴᒪᓂᑐᐤ ᒋᑭ ‍ ᐃᑎᓴᐊᒪᑯᐛᐤ ᐊᐛᔪᐛ ᒐ ‍ ᐅᒋᔅᒋᐛᐃᒐᓱᔨᒋ ‍ ᒧᔭᒻ ᓂᔾ ᑲ ᐃᓯ ᐸᒋ ‍ ᐃᑎᓴᐅᑦ, ᐅᑕ ᒪᒃ ᐊ ‍ ᐅᒋᔭᒄ ᒋᑭ ‍ ᐅᒋᔪᐛ᙮
\m
\v 38 ᐊᐅᒄ ᐅ ᒧᓱᔅ ᒋ ‍ ᑕᐤ ᒪᒧᐤ ᑭᔭ ᐎᔾ ᐊᓐᑕ ᐸᐧᑯᑎᔅᑭᒥᑲᒡ ᒪᒂᒡ ᑲ ‍ ᑕᒡ ᐊᓐᑕ ᐊᓐᒡ ᐛᔅᑭᒡ ᒋᑦ ᐃᔨᒥᓄᒡ᙮ ᑭᔭ ᒋ ‍ ᑕᐤ ᐊᓐᑕ ᓴᐃᓇᐃ ᐱᔅᑯᑎᓇᒡ ᐊᓐᑕ ᑲ ‍ ᐃᔨᒥᐃᑯᑦ ᐊᓐᒋᓇ᙮ ᐎᔾ ᒧᓱᔅ ᒋ ‍ ᒥᔭᑭᓄᐤ ᒐᒋ ᐊᓱᐎᑎᒪᑕᒄ ᒋᓴᒪᓂᑐᐤ ᐅᑦ ᐃᔨᒧᐅᓂᔪᐤ ᒐ ᐊᑲ ᓂᑕ ‍ ᐳᓂᐱᔨᒡ᙮”
\p
\v 39 “ᒥᒄ ᒪᒃ ᐊᓐᒡ ᐊᓂᔅᒐ ᒋᐧᑲᓂᓯᓄᐅᒡ ᐃᔭᐱᒡ ᓇᒪ ᐅᒋ ᓂᑐᑐᐛᐅᒡ ᑭᔭ ᓇᒪ ᐅᒋ ᐊᐱᑕᔨᒪᐅᒡ, ᐅᔅᑕ ᒋ ‍ ᐃᑕᔨᑎᒧᒡ ᒥᓐ ᑲᐤ ᒐᒋ ᒋᐛᒡ ᐊᓐᑕ ᐃᒋᑉᑎᒡ᙮
\v 40 ᒋ ‍ ᐃᑕᐅᒡ ᒪᒃ ᐊᓂᔭ ᐊᕋᓇ,
\q ᐅᓯᑎᒧᐅᓇᓐ ᒥᓂᑐᐧᑲᓐᒡ ᒐᒋ ᓂᑲᓄᑕᐊᑭᓄᐎᒡ ᐊᓐᑕ ᐊ ‍ ᐃᑐᑕᔭᒡ, ᐛᔅ ᓇᒪ ᓂ ‍ ᒋᔅᒐᔨᒪᓇᓐ ᑕᓐ ᐊ ‍ ᐃᔅᐱᔨᑦ ᒧᓱᔅ, ᐊᓐ ᑲ ‍ ᐎᐧᑯᒋᐃᔨᒥᑦ ᐊᓐᑕ ᐃᒋᑉᑎᒡ ᐅᒡ᙮
\m
\v 41 ᐊᑯᑕ ᒪᒃ ᑲ ᐊᑎ ‍ ᐅᓯᐊᒡ ᒥᓂᑐᐧᑲᓇ ᒧᔭᒻ ᒥᔅᑐᓯᓴ ᐊ ‍ ᐃᓯᓇᑯᓯᔨᒋ ᐊᑯ ᑲ ‍ ᒥᑐᔅᑕᐊᒧᐛᒡ ᐊᓂᔭ ᒥᓂᑐᐧᑲᓇ ᑭᔭ ᑲ ‍ ᒥᑯᓴᒡ ᐊᓂᔭ ᐅᒋ ᐊᒋ ‍ ᐅᓯᑕᒪᓱᒡ ᐊᓂᔭ ᒥᓂᑐᐧᑲᓇ᙮
\v 42 ᐊᑯ ᒪᒃ ᒋᓴᒪᓂᑐᐛ ᒂ ‍ ᓂᑭᑎᑯᒡ, ᒂ ‍ ᐱᔅᑎᓂᑯᒡ ᒐᒋ ᐅᒋᒋᐧᑯᓂᐱᔅᑐᐛᒡ ᐅᒐᑭᑕᒂ ᑭᔭ ᒋᓯᑲᐤ ᐱᓯᒺ ᑭᔭ ᑎᐱᔅᑲᐤ ᐱᓯᒺ᙮ ᒋ ‍ ᒥᓯᓇᐊᒧᒡ ᒋᓴᒪᓂᑐᐛ ᐅᒥᓯᓇᐃᑭᓂᔨᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᒋ ‍ ᐃᔅᒋᔄᒂᓂ ᒋᓴᒪᓂᑐᐛ,
\q ᒋᔨᐛᐤ ᐃᔅᕋᐃᓪ ᐃᔪᒡ, ᓇᐎᔪᐛ ᐱᐳᓇ ᔅᒋ ‍ ᓂᐸᐊᐛᐅᒡ ᐊᐛᓯᓯᒡ ᐊ ‍ ᒥᑐᔅᑕᐊᒧᔭᒄ, ᒪᒂᒡ ᐊᓐᑕ ᐸᐧᑯᑎᔅᑭᒥᑲᒡ ᑲ ‍ ᑕᔭᒄ, ᓇᒪᔭᐤ ᒪᒃ ᐅ ᓂᔾ ᑲ ‍ ᐃᑐᑎᒧᔭᒄ᙮
\v 43 ᔅᒋ ‍ ᐱᐸᒧᑕᐊᐛᐤ ᒋᒥᓂᑐᐧᑲᓄᐛᐤ ᒧᓚᒃ ᐅᐱᒍᐎᔭᓂᒋᐛᐱᒡ ᑭᔭ ᐊᓂᔭ ᐅᑦ ᐅᒐᑭᑕᐧᑯᒪ ᑲ ‍ ᐅᓯᑎᒧᐛᒄ ᐊᓐ ᒋᒥᓂᑐᐧᑲᓄᐛᐤ ᕆᐸᓐ᙮ ᐊᐅᑯᓐᒡ ᐅᒡ ᒥᓂᑐᐧᑲᓐᒡ ᑲ ‍ ᐅᓯᐊᑯᒡ ᒐᒋ ᐅᒋᒋᐧᑯᓂᐱᔅᑐᐛᑯᒡ᙮ ᐊᑯ ᒪᒃ ᒐ ‍ ᐃᑐᑕᑎᑯᒡ ᐸᓱᒡ ᐸᐱᓗᓂᒡ ᒐᒋ ᐃᑐᑕᐃᑯᔭᒄ ᐊᓐᑕ ᒐ ‍ ᒋᐸᐅᑯᔭᒄ᙮
\m ᐊᐅᒄ ᐅᔭ ᑲ ‍ ᐃᑎᓯᓇᐃᒐᒡ ᐅᒋᔅᒋᐛᐃᒐᓱᒡ ᐊᒋ ‍ ᐃᔅᒋᔄᔨᒋ ᒋᓴᒪᓂᑐᐛ᙮”
\p
\v 44 “ᐊᑯ ᐅ ᒥᓐ ᒐ ‍ ᐎᑎᒪᑎᑯᒡ, ᐊᓐᒡ ᐸᒋ ‍ ᐊᓂᔅᒐ ᒋᐧᑲᓂᓯᓄᐅᒡ ᐊᓐᑕ ᐸᐧᑯᑎᔅᑭᒥᑲᒡ ᑲᒋ ‍ ᑕᒡ, ᒋ ‍ ᐊᔭᐅᒡ ᐊᔭᒥᐊᐅ ᒥᒋᐛᐱᔪᐤ ᐊᓐᑕ ᐊ ‍ ᑕᔨᒋ ᒋᓴᒪᓂᑐᐛ᙮ ᐊᓐ ᒪᒃ ᐊᔭᒥᐊᐅ ᒥᒋᐛᑉ ᒧᔭᒻ ᑲ ‍ ᐃᑕᑦ ᒋᓴᒪᓂᑐᐤ ᒧᓱᓴ ᒐ ‍ ᐃᓯᑕᔨᒋ ᐊᑯᓐ ᑲ ‍ ᐅᓯᑕᑭᓄᐎᒡ᙮”
\p
\v 45 “ᒥᒐᑐᐤ ᐱᐳᓇ ᒪᒃ ᐊᓐᒡ ᐊᓂᔅᒐ ᒋᐧᑲᓂᓯᓄᐅᒡ ᒋ ‍ ᐊᔭᐅᒡ ᐊᓂᔭ ᐊᔭᒥᐊᐅ ᒥᒋᐛᐱᔪᐤ ᐊᒋ ‍ ᐊᓱᒥᔭᑭᓄᐎᒡ᙮ ᒋ ‍ ᐸᑕᐅᒡ ᐊᓂᔭ ᐊᔭᒥᐊᐅ ᒥᒋᐛᐱᔪᐤ ᐃᔅᐱᔅ ᑲ ‍ ᐎᒐᐛᒡ ᐊᓂᔭ ᒐᓱᐛᔨᒋ ᑲ ‍ ᐱᒐᒡ ᐊᓂᔭ ᐊᔅᒋᔪᐤ ᐊᓐᑕ ᒋᓴᒪᓂᑐᐤ ᑲ ᐅᒋ ‍ ᐃᑎᓴᐛᑦ ᐃᔪᐛ ᐊᓐᑕ ᑲ ‍ ᑕᔨᒋ᙮ ᓇᐅᔅ ᐊᓐᑕ ᐃᓯ ᓂᔅᑕᒥᒡ ᒋ ‍ ᑎᑯᓐ ᐊᓐ ᒥᒋᐛᑉ᙮ ᐊᔅᒄ ᒋ ‍ ᐊᐱᑎᓐ ᐅ ᐊᔭᒥᐊᐅ ᒥᒋᐛᑉ ᐅᔅᑭᒡ ᑲ ‍ ᒋᓴᐅᒋᒪᐅᑦ ᐊᓂᔭᐧᑲ ᑎᐱᑦ᙮
\v 46 ᒋᓴᒪᓂᑐᐤ ᒪᒃ ᒋ ‍ ᓇᐊᔨᑎᒻ ᑕᓐ ᑲ ᐃᓯ ‍ ᐱᒪᑎᓯᔨᒋ ᐊᓂᔭᐧᑲ ᒋᓴᐅᒋᒪᐤ ᑎᐱᑕ᙮ ᐅ ᒪᒃ ᑎᐱᑦ ᒋ ‍ ᑯᒂᒋᒪᐤ ᒋᓴᒪᓂᑐᐛ ᐊᒋ ‍ ᐃᑕᑦ, ᒋᑭ ‍ ᐱᔅᑎᓐ ᐊ ᒐᒋ ᐅᓯᑎᒪᑕᓐ ᐊᔭᒥᐊᐅᒋᐛᑉ, ᒋᔾ ᐊᓂᔭ ᒐᑭᑉ ᑲ ‍ ᐅᒋᓴᒪᓂᑐᒥᑕᔅᒃ᙮
\v 47 ᒥᒄ ᒪᒃ ᓇᒪᔭᐤ ᐊᓂᔭᐧᑲ ᒋᓴᐅᒋᒪᐤ ᑎᐱᑦ ᑲ ‍ ᒥᔭᑭᓄᐅᑦ ᒐᒋ ᐅᓯᑕᑦ ᐊᓂᔭ ᒋᓴᒪᓂᑐᐛ ᐅᑦ ᐊᔭᒥᐊᐅ ᒥᒋᐛᐱᔪᐤ, ᐊᓂᔭᐧᑲ ᒋᓴᐅᒋᒪᐤ ᓴᓚᒥᓐ ᐊᐅᒄ ᐊᓐ ᑲ ‍ ᐅᓯᑕᑦ᙮”
\p
\v 48 “ᒥᒄ ᒪᒃ ᒋᓴᒪᓂᑐᐤ ᒪᐅᒡ ᑲ ‍ ᒋᔅᑕᔨᑕᑯᓯᑦ ᓇᒪ ᐎᒋᐤ ᐊᓐᑕ ᐊᔭᒥᐊᐅᒋᐛᐱᒡ ᐃᔪᐛ ᐊᒋ ‍ ᐅᓯᑕᔨᒋ᙮ ᐊᐅᒄ ᐅᔭ ᑲ ‍ ᐃᑎᔅᑕᑦ ᐊᓐ ᐸᐃᒄ ᐅᒋᔅᒋᐛᐃᒐᓱᐤ ᐊᒋ ‍ ᐃᔅᒋᔄᔨᒂᓂ,
\v 49 ᐅᑎᐸᔨᒋᒐᐤ ᐃᑕᐤ,
\q ‘ᒋᒋᒋᓯᑯᒡ ᐊ ᐅᒋ ‍ ᐅᒋᒪᐎᔭᓐ, ᐅ ᒪᒃ ᐊᔅᒋᔾ ᒧᔭᒻ ᐊ ‍ ᐊᐱᓴᓯᒡ ᑕᑎᐳᐛᑭᓐ ᓂᑦ ᐃᑕᔨᑕᓐ ᐊᓐᑕ ᒐᒋ ᑕᑎᔅᑕᔭᓐ ᓂᓯᑕ᙮
\q ᑕᓐ ᒪᒃ ᒋᐸ ᒋ ‍ ᐃᓯᓇᑯᑕᓇᐛᐤ ᐊᔭᒥᐊᐅᒋᐛᑉ ᐊᓐᑕ ᒐᒋ ᐊᔅᑕᔭᔅᑯᓯᔭᓐ ?
\v 50 ᓇᒪᐎᔾ ᐊ ᓂᔾ ᓂ ᐅᒋ ‍ ᐅᓯᑕᓐ ᒥᓯᐛ ᒐᒂᓐ ?’
\q ᒋ ‍ ᐃᔅᒋᔄᐤ ᒋᓴᒪᓂᑐᐤ᙮”
\p
\v 51 ᔅᑎᐱᓐ ᐊᑐᐎᔅ ᑲ ᐊᑎ ‍ ᐃᔅᒋᔄᑦ, “ᒋᔅᒋᓯᑕᐤ ᒪ, ᐊᓂᔭ ᑕᓐ ᑲ ᐃᔅᐱᔅ ‍ ᓱᒋᔅᑎᒂᓇᒡ ᐊᓂᔭᐧᑲ ᐛᔅᑭᒡ ᒋᐧᑲᓂᓯᓄᐅᒡ ᐊᑯᓐ ᒧᔭᒻ ᑭᔭ ᒋᔨᐛᐤ ᐊ ᐃᔅᐱᔅ ‍ ᓱᒋᔅᑎᒂᓇᔭᒄ᙮ ᐊᑲ ᑕᑈᑎᒪᒄ ᐊᓐᑕ ᒋᑕᐃᐛᒡ, ᑭᔭ ᐊᑲ ᐎ ᓂᑐᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᒧᔭᒻ ᐊᓂᔭᐧᑲ ᒋᐧᑲᓂᓱᐛᐅᒡ ᐊ ‍ ᐃᑕᔨᑕᑯᓯᔭᒄ ᐊᑲ ᐅᒋ ᐎ ᓂᓇᐃᑐᐛᒡ ᑲ ‍ ᐸᔭᒋᓯᔨᒋ ᐊᒐᒂ᙮
\v 52 ᐊᓂᔭᐧᑲ ᐛᔅᑭᒡ ᒋᐧᑲᓂᓱᐛᐅᒡ, ᒥᓯᐛ ᐅᒋᔅᒋᐛᐃᒐᓱᐛ ᒋ ‍ ᓂᓇᐧᑲᒋᐊᐅᒡ᙮ ᑭᔭ ᒋ ‍ ᓂᐸᐊᐅᒡ ᐊᓂᔭᐧᑲ ᑲ ᐸᒋ ‍ ᓂᑲᓐ ᐎᑎᒥᒋ ᒐ ‍ ᑎᑯᓯᓂᔨᒋ ᐊᓂᔭ ᐅᑯᐃᔅᑯᑕᑎᓯᐤ ᑲ ‍ ᐃᓯᓂᐧᑲᓱᔨᒋ᙮ ᐊᐅᒄ ᒪᒃ ᐅ ᑲ ‍ ᐎᔭᓯᐱᔅᑎᓇᒄ ᑭᔭ ᑲ ‍ ᓂᐸᐊᒄ᙮
\v 53 ᐊᓐᒋᓐᒡ ᔅᒋ ‍ ᐸᑥᑯᐛᐅᒡ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒥᒄ ᒪᒃ ᓇᒪ ᐃᔭᐱᒡ ᒋ ᐅᒋ ‍ ᓂᓇᐃᑎᒺᓇᐛᐤ᙮”
\s1 ᔅᑎᐱᓐ ᑲ ‍ ᐸᐱᒧᓯᓇᑕᐛᑭᓄᐅᑦ
\p
\v 54 ᐃᔅᐱ ᒪᒃ ᐊᓐᒡ ᑲ ‍ ᒪᒧᐎᒡ ᑲ ‍ ᐸᑐᐛᒡ ᐊᓂᔭ ᔅᑎᐱᓇ ᐅᔭ ᐊ ‍ ᐃᔅᒋᔄᔨᒋ, ᒋ ‍ ᒥᔅᑎᒋᔄᐃᑯᒡ᙮
\s2 Acts 7.55-60 (Easter-5 Year A)
\p
\v 55 ᒥᒄ ᒪᒃ ᔅᑎᐱᓐ ᐊ ‍ ᓴᑭᔅᒋᓇᔅᑲᑯᑦ ᑲ ‍ ᐸᔭᒋᓯᔨᒋ ᐊᒐᒂ ᒋ ‍ ᑎᔅᑎᓴᐳᐤ ᐊᓐᑕ ᒋᒋᒋᓯᑯᒡ ᐃᔅ, ᐊᑯ ᒂ ‍ ᐛᐸᑎᒺᑦ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔪᐤ ᑭᔭ ᒂ ‍ ᐛᐱᒪᑦ ᒋᓴᓴ ᐊ ‍ ᓂᐳᔨᒋ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ᙮
\v 56 ᒋ ‍ ᐃᑕᐤ ᒪᒃ ᔅᑎᐱᓐ, “ᑭᓄᐛᐸᑎᒧᒄ ᒪ, ᓂ ‍ ᐛᐸᑕᓐ ᒋᒋᒋᓯᒄ ᐊ ‍ ᔪᑕᐱᔨᒡ ᑭᔭ ᓂ ‍ ᐛᐱᒪᐤ ᐃᔪᐤ ᐅᑯᓯᓴᓐ ᐊ ‍ ᓂᐳᐅᑦ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮”
\p
\v 57 ᒋ ‍ ᒋᐳᓂᒧᒡ ᐎᑐᑭᐛᐛ ᐊ ‍ ᐊᓯᒂᒡ ᐊᓐᒡ ᑲ ‍ ᐸᑐᐛᒡ ᐅᔭ ᐊ ‍ ᐃᔅᒋᔄᔨᒋ᙮ ᐊᑯ ᒥᓯᐛ ᒪᒧᐤ ᒂ ‍ ᐃᔅᐸᔨᑐᒡ ᐊᓐᑕ ᐊ ‍ ᑕᔨᒋ᙮
\v 58 ᐊᑯ ᒂ ‍ ᐎᐎᑎᓴᐛᒡ ᐊᓐᑕ ᐊᓂᔭ ᐅᑕᓇᔪᐤ ᐊᑯ ᒂ ᐎ ‍ ᓂᐸᐊᒡ ᐊ ‍ ᐸᐱᐳᒧᓯᓇᑕᐛᒡ᙮ ᐊᓐᒡ ᒪᒃ ᑲ ‍ ᐸᑐᐛᒡ ᑕᓐ ᑲ ‍ ᐃᔅᒋᔄᔨᒋ ᔅᑎᐱᓇ ᒋ ‍ ᓂᑭᑎᒧᒡ ᐅᑦ ᐊᑯᐳᐛᐛ ᒐᒋ ᓇᑭᑐᐛᐸᑎᒥᔨᒋ ᐅᔅᒋᓂᒋᓱᐛ ᓴᓪ ᐊ ‍ ᐃᓯᓂᐧᑲᓱᔨᒋ᙮
\p
\v 59 ᒋ ‍ ᐸᐱᐳᒧᓯᓇᑕᐛᐅᒡ ᒪᒃ ᐃᔭᐱᒡ ᐊᓂᔭ ᔅᑎᐱᓇ ᐊᑎ ᒪᒂᒡ ᐊ ‍ ᑕᑈᑕᔨᒋ ᐅᑎᐸᔨᒋᒐᐛ ᐊ ‍ ᐃᔅᒋᔄᔨᒋ, “ᐅᑎᐸᔨᒋᒐᐤ ᒋᓴᔅ, ᐅᑎᓐ ᓂᑦ ᐊᒐᐧᒄ᙮”
\v 60 ᔅᑎᐱᓐ ᒋ ‍ ᓂᐱᔅᑯᐳᐤ, ᐊ ‍ ᒋᔄᐛ ᑕᑈᑦ ᐊ ‍ ᐃᔅᒋᔄᑦ, “ᐅᑎᐸᔨᒋᒐᐤ, ᐛᐸᔨᑎᒧᐅᒡ ᐅᒥᒋᑥᐅᓄᐛᐤ᙮ ᐅᔭᔪᐤ ᑲ ‍ ᐃᑐᑐᐅᒡ ᐊᑲᐎᔾ ᒋᑭ ᐎ ‍ ᒪᑎᑯᔅᑲᑯᐅᒡ᙮” ᐊᐅᑯᐤ ᐅᔭ ᑲ ‍ ᐃᔅᒋᔄᑦ, ᐊᑯ ᒪᒃ ᒂ ‍ ᓂᐱᑦ᙮
\c 8
\p
\v 1 ᓴᓪ ᒪᒃ ᒋ ‍ ᒥᔽᔨᑎᒻ ᐊᒋ ‍ ᓂᐸᐊᑭᓄᔨᒋ ᔅᑎᐱᓇ᙮
\s1 ᓴᓪ ᑲ ‍ ᓂᓇᐧᑲᒋᐊᑦ ᐊᓂᔭ ᑲ ‍ ᑕᑈᑎᒥᔨᒋ
\p ᐊᓂᔭ ᒪᒃ ᐊ ‍ ᐸᐃᑯᓂᔨᒡ ᐊ ‍ ᒋᓯᑲᔨᒡ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᓐᑕ ᒋᕈᓯᓕᒥᒡ ᐊᑯᑕ ᑲ ᐅᒋ ᒋᒋ ‍ ᓂᓇᐧᑲᒋᐊᑭᓄᐎᒡ᙮ ᐊᔪᐅᒄ ᐅᔭ ᐛᒋ ‍ ᓂᑭᑕᒡ ᒋᕈᓯᓕᒥᔪᐤ ᐊᑯ ᐊᓐᑕ ᒍᑎᔭᒡ ᑭᔭ ᓴᒪᕆᔭᐃᒡ ᒂ ‍ ᐎᒋᒡ᙮ ᒥᒄ ᐊᓐᒡ ᐊᑈᔅᑕᓇᒡ ᐊᑯᑕ ᐃᔭᐱᒡ ᑲ ‍ ᑕᒡ ᐎᔨᐛᐤ ᐊᓐᑕ ᒋᕈᓯᓕᒥᒡ᙮
\v 2 ᐱᔅᒐ ᒪᒃ ᐊ ‍ ᐊᔭᒥᐊᐛᑎᓯᒡ ᓇᐸᐅᒡ ᒋ ‍ ᓇᐃᐧᑯᐛᐅᒡ ᔅᑎᐱᓇ, ᓱᒃ ᐊ ‍ ᒪᒡ᙮
\p
\v 3 ᓴᓪ ᒪᒃ ᒋ ᐎ ‍ ᓂᓱᐅᓇᒋᐊᐤ ᐅᒪᒧᐊᔭᒥᐊᐛ᙮ ᒥᓯᐛ ᒥᒋᐛᐸ ᒋ ‍ ᐱᒐᐤ, ᐊ ‍ ᐎᐎᔅᐱᒥᑕᑦ ᐊᓂᔭ ᑲ ‍ ᑕᑈᑎᒥᒋ, ᑕᐱᔅᑯᓐ ᐃᔎᐛ ᑭᔭ ᓇᐸᐛ, ᒐᒋ ᓂᐸᐊᑭᓄᔨᒋ᙮
\s1 ᐱᓕᑉ ᑲ ‍ ᑭᒐᔅᒋᒧᑦ ᓴᒪᕆᔭᐃᒡ
\p
\v 4 ᐊᓐᒡ ᒪᒃ ᑲ ‍ ᑕᑈᑕᒡ ᑲ ‍ ᒋᑎᓯᒧᒡ ᒋᕈᓯᓕᒥᒡ, ᒥᓯᐛ ᒋ ‍ ᐱᐸᒧᑕᐅᒡ ᐊ ‍ ᐛᐎᑕᒡ ᒥᔽᒋᒧᐅᓂᔪᐤ᙮
\v 5 ᐱᓕᑉ ᒪᒃ, ᒋ ‍ ᐃᑐᑕᐤ ᐅᑕᓇᔪᐤ ᐊᓐᑕ ᓴᒪᕆᔭ ᐊᔅᒋᒡ ᐊ ‍ ᑎᑯᓂᔨᒡ᙮ ᐊᑯ ᒂ ‍ ᐛᐎᑎᒧᐛᑦ ᐊᓂᔭ ᐃᔪᐤ, ᒋᓴᓴ, ᐊ ‍ ᐊᐎᔨᒋ ᙭᙮
\v 6 ᐊᑯ ᐊᓐᒡ ᐃᔪᒡ ᐃᔅᐱ ᑲ ‍ ᐸᑐᐛᒡ ᐊ ‍ ᐃᔨᒥᔨᒋ ᑭᔭ ᐊ ‍ ᐛᐸᑎᒺᒡ ᒪᒥᔅᑲᒡ ᒐᒂᔪᐤ ᐊ ‍ ᐃᑐᑎᒥᔨᒋ ᓇᔅᒡ ᓱᒃ ᒋ ᐎ ‍ ᓂᑐᑐᐛᐅᒡ᙮
\v 7 ᒥᒋ ‍ ᐊᒐᐧᑯᒡ ᓱᒃ ᐊ ‍ ᑕᑈᒡ ᒋ ᐸᒋ ‍ ᐎᐎᔪᒡ ᒥᒐᑦ ᐊᐛᔪᐛ ᐊ ‍ ᑕᔨᒋ ᐊᓂᔭ ᐊᒋ ‍ ᐱᒋᔅᑯᐛᒡ᙮ ᐊᓐᒡ ᒪᒃ ᐊᑲ ᓂᔅᑐᓯᒡ, ᑭᔭ ᐊᓐᒡ ᑲ ‍ ᒪᔅᒋᓯᒡ, ᒋ ‍ ᒥᓏᒋᐊᑭᓄᐅᒡ᙮
\v 8 ᒋ ‍ ᒥᔅᑎᒧᒋᒐᔨᑕᑭᓄᐤ ᒪᒃ ᐊᓐᑕ ᐊᓐ ᐅᑕᓇᐤ᙮
\s1 ᓴᐃᒥᓐ ᑲ ‍ ᒪᒥᑕᐛᑎᓯᑦ
\p
\v 9 ᐊᓐᑕ ᒪᒃ ᐊᓐ ᐅᑕᓇᐤ ᒋ ‍ ᑕᐤ ᓇᐸᐤ ᓴᐃᒥᓐ ᐊ ‍ ᐃᓯᓂᐧᑲᓱᑦ ᐊᒋ ‍ ᒪᒥᑕᐛᑎᓯᑦ᙮ ᓴᔅ ᒪᒃ ᐛᔅᑭᒡ ᐊᓐᒡ ᓴᒪᕆᔭ ᐃᔪᒡ ᒋ ‍ ᒥᔅᑲᑕᔨᒪᐅᒡ ᑕᓐ ᐊ ‍ ᐃᑎᔨᒋ ᐊᓂᔭ ᓇᐸᐛ᙮ ᑭᔭ ᒋ ‍ ᐃᑕᒋᒥᓱᐤ ᐊᓐ ᓴᐃᒥᓐ ᒋᒋᐛ ᐊᐛᓐ ᐊ ‍ ᐊᐎᑦ᙮
\v 10 ᒥᓯᐛ ᒪᒃ ᐊᐛᓐ ᒋᒋᐛ ᑲ ‍ ᐃᑕᔨᑕᑯᓯᑦ ᑭᔭ ᓄᑕᔅ ᑲ ‍ ᐃᑕᔨᑕᑯᓯᑦ ᐊᓐᑕ ᐅᑕᓇᒡ ᓇᔅᒡ ᒋ ‍ ᓂᑐᑐᐛᐅᒡ ᐊᓂᔭ ᓴᐃᒥᓇ, ᐊᑯ ᐊᓐᒡ ᐃᔪᒡ ᒋ ‍ ᐃᑕᐅᒡ ᐊ ‍ ᐊᔨᒧᒪᒡ ᐊᓂᔭ ᓴᐃᒥᓇ, “ᐅ ᓇᐸᐤ, ᐊᔭᐤ ᒪᒥᑕᐛᑎᓯᐅᓂᔪᐤ ᒋᓴᒪᓂᑐᐛ ᐊ ‍ ᑕᔨᒋ ᐊ ‍ ᐅᑎᓇᐧᒃ᙮ ᐊᔪᐤ ᒋ ‍ ᐃᑕᔨᒪᐅᒡ ᐊᐅᑯᓐ ᐊ ‍ ᐊᐎᔨᒋ ᒋᓴᒪᓂᑐᐛ ᑲ ᐸᒋ ‍ ᐃᑎᓴᐛᔨᒋ ᐊᓂᔭ ᐅᒋ ᐊ ‍ ᒪᒥᑕᐛᑎᓯᔨᒋ᙮”
\v 11 ᓇᔅᒡ ᒋ ‍ ᓂᑐᑕᑯᐤ ᐊᓂᔭᔪᐛ ᐃᔪᐛ ᐛᔅ ᓴᔅ ᐛᔅᑭᒡ ᒋ ‍ ᒥᔅᑲᑕᔨᑎᒥᐊᐤ ᐊᓂᔭᔪᐛ ᐃᔪᐛ ᐊ ‍ ᒪᒥᑕᐛᑎᓯᑦ᙮
\v 12 ᐃᔅᐱ ᒪᒃ ᐱᓕᐸ ᑲ ‍ ᑎᑯᓯᓂᔨᒋ ᐊ ‍ ᐛᐎᑎᒪᑯᒡ ᒥᔽᒋᒧᐅᓂᔪᐤ, ᐊ ‍ ᑎᐸᒋᒪᔨᒋ ᒋᓴᔅ ᙭ᑕ ᑭᔭ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ‍ ᐊᔨᒧᑎᒥᔨᒋ, ᒋ ‍ ᑕᑈᑐᐛᐅᒡ, ᑕᐱᔅᑯᓐ ᒪᒃ ᓇᐸᐅᒡ ᑭᔭ ᐃᔎᐅᒡ ᒋ ‍ ᓯᑲᐃᑐᐛᑭᓄᐅᒡ᙮
\v 13 ᐊᓐ ᒪᒃ ᓴᐃᒥᓐ ᑲ ‍ ᒪᒥᑕᐛᑎᓯᑦ ᒋ ‍ ᑕᑈᑎᒻ ᑭᔭ ᐎᔾ ᑭᔭ ᒋ ‍ ᓯᑲᐃᑐᐛᑭᓄᐤ᙮ ᐊᑯ ᒪᒃ ᒧᔅ ᑲᒋ ‍ ᐱᐸᐎᒐᐛᑦ ᐊᓂᔭ ᐱᓕᐸ, ᒋ ‍ ᒥᔅᑲᑕᔨᑎᒻ ᑭᔭ ᑕᓐ ᑲ ᐃᓯ ‍ ᒪᒥᔅᑲᒡ ᐛᐸᑕᐧᒃ᙮
\s2 Acts 8.14-17 (Epiphany-1 Year C)
\p
\v 14 ᐃᔅᐱ ᒪᒃ ᐊᓐᒡ ᐊᑈᔅᑕᓇᒡ ᐊᓐᑕ ᒋᕈᓯᓕᒥᒡ ᑲ ‍ ᑕᒡ, ᐱᔭᑕᒡ ᐊᓂᔭᔪᐛ ᐃᔪᐛ ᐊᓐᑕ ᓴᒪᕆᔭ ᑲ ‍ ᑕᔨᒋ ᐊ ‍ ᑕᑈᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᒋ ‍ ᐃᑎᓴᐛᐅᒡ ᐊᓐᑕ ᐱᑕᕋ ᑭᔭ ᒠᓇ᙮
\v 15 ᐃᔅᐱ ᒪᒃ ᑕᑯᓯᓂᒡ ᐊᓐᑕ, ᒋ ‍ ᐊᔭᒥᐊᔅᑎᒧᐛᐅᒡ ᐊᓂᔭ ᑲ ‍ ᑕᑈᑎᒥᔨᒋ ᒐᒋ ᐊᔭᐛᔨᒋ ᑲ ‍ ᐸᔭᒋᓯᔨᒋ ᐊᒐᒂ᙮
\v 16 ᐛᔅ ᐊᔅᒄ ᓇᒪ ᐅᒋ ᐊᔭᐛᐅᒡ ᑲ ‍ ᐸᔭᒋᓯᔨᒋ ᐊᒐᒂ᙮ ᒥᒄ ᒋ ‍ ᓯᑲᐃᑐᐛᑭᓄᐅᒡ ᐅᑎᐸᔨᒋᒐᐛ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮
\v 17 ᐊᑯ ᒪᒃ ᐱᑕᕐ ᑭᔭ ᒠᓐ ᒂ ‍ ᑕᒋᓇᒡ ᐊᓂᔭᔪᐛ ᐃᔪᐛ, ᐊᑯ ᒪᒃ ᑲ ‍ ᐊᔭᐛᔨᒋ ᑲ ‍ ᐸᔭᒋᓯᔨᒋ ᐊᒐᒂ᙮
\p
\v 18 ᐃᔅᐱ ᓴᐃᒥᓐ ᐎᔭᐱᒪᑦ ᐊ ‍ ᐊᔭᐛᔨᒋ ᑲ ‍ ᐸᔭᒋᓯᔨᒋ ᐊᒐᒂ ᐊᓂᔭᔪᐛ ᐊᑈᔅᑕᓇ ᑲ ‍ ᑕᒋᓇᔨᒋ, ᒋ ᐎ ‍ ᒥᔭᐤ ᓱᓇᔭᔪᐤ ᐊᓂᔭ ᐱᑕᕋ ᑭᔭ ᒠᓇ,
\v 19 ᐊ ‍ ᐃᑕᑦ, “ᐸᒋ ᒥᔨᒄ ᐅ ᓱᐧᑲᑎᓯᐅᓐ, ᐊᑯ ᒪᒃ ᒥᒄ ᐊᐛᓐ ᐊ ‍ ᑕᒋᓂᒃ ᒐ ‍ ᐊᔭᐛᑦ ᑲ ‍ ᐸᔭᒋᓯᔨᒋ ᐊᒐᒂ᙮”
\p
\v 20 ᐊᑯ ᐱᑕᕐ ᒂ ‍ ᐃᑕᑦ, “ᒋᑭ ‍ ᓂᓱᐅᓇᑎᓯᓐ ᑭᔭ ᒋᓱᓇᔭᓂᒻ ᒋᑭ ‍ ᓂᓱᐅᓇᑎᓐ ᐊ ‍ ᐃᑕᔨᑎᒧᐎᓇ ᓱᓇᔭᐤ ᒐᒋ ᐊᐱᒋᑕᔨᓐ ᒐᒋ ᐅᑎᓂᒧᑦ ᒋᓴᒪᓂᑐᐤ ᐅᒥᔨᐛᐅᓐ᙮
\v 21 ᓇᒪ ᒋᑭ ᒋ ‍ ᐎᒋᑐᔅᒐᒥᓇᓐ, ᐛᔅ ᓇᒪ ᑯᐃᔅᑯᓇᑯᓐ ᒋᐱᒪᑎᓯᐅᓐ ᐊᓐᑕ ᒋᓴᒪᓂᑐᐤ ᐊ ‍ ᑕᑦ᙮
\v 22 ᐳᓂ ᐅ ᑕᓐ ᐊ ᐃᓯ ᒥᒋ ‍ ᒪᒥᑐᓇᔨᑎᒥᓐ, ᓇᔅᒡ ᐎᔾ ᒋᑭ ‍ ᐛᐸᔨᑎᒪᒄ ᐅᑎᐸᔨᒋᒐᐤ ᓂᑐᑎᒧᐅᑕ᙮
\v 23 ᐛᔅ ᓂ ‍ ᐛᐸᑕᓐ ᓇᔅᒡ ᐊ ‍ ᐊᔭᔨᓐ ᐅᑕᔨᑎᒧᐅᓐ, ᑭᔭ ᒋᒥᒋᑥᐅᓐ ᐊ ‍ ᒪᒥᒋᑯᓂᑯᔨᓐ,” ᒋ ‍ ᐃᑕᐤ ᐱᑕᕐ ᐊᓂᔭ ᓴᐃᒥᓇ ᑲ ‍ ᒪᒥᑕᐛᑎᓯᔨᒋ᙮
\p
\v 24 ᐊᑯ ᓴᐃᒥᓐ ᒂ ‍ ᐃᑕᑦ ᐊᓂᔭ ᐱᑕᕋ ᑭᔭ ᒠᓇ, “ᐊᔭᒥᐊᒄ ᐅᑎᐸᔨᒋᒐᐤ ᒐ ᐊᑲ ᒋ ᐅᑎᑕᐅᑯᔭᓐ ᐅ ᑲ ‍ ᐃᔅᒋᔄᔭᒄ᙮”
\p
\v 25 ᐃᔅᐱ ᒪᒃ ᐱᑕᕐ ᑭᔭ ᒠᓐ ᑲᒋ ᐃᓯ ‍ ᐛᐎᑎᒧᐛᒡ ᐊᓂᔭᔪᐛ ᐃᔪᐛ ᐊᓐᑕ ᐅᑕᓇᒡ ᑲ ‍ ᑕᔨᒋ ᑕᓐ ᐊ ᐃᓯ ‍ ᒋᔅᒐᔨᒪᒡ ᐅᑎᐸᔨᒋᒐᐛ ᒋᓴᓴ, ᑭᔭ ᐊ ‍ ᐛᐎᑎᒧᐛᒡ ᒥᔽᒋᒧᐅᓂᔪᐤ ᐊᑯ ᒂ ‍ ᒋᐛᒡ ᐊᓐᑕ ᒋᕈᓯᓕᒥᒡ᙮ ᒪᒂᒡ ᒪᒃ ᐊ ᐊᑎ ‍ ᐱᒧᑕᒡ ᒋ ‍ ᐛᐎᑎᒧᒡ ᒥᔽᒋᒧᐅᓂᔪᐤ ᐊᓐᑕ ᓂᓇᐧᑯᐤ ᐅᑕᓇᐛ ᐊᓐᑕ ᓴᒪᕆᔭ ᐊᔅᒋᒡ ᑲ ‍ ᑎᑯᓂᔨᒋ᙮
\s1 ᐱᓕᑉ ᑲ ‍ ᓂᒋᔅᑯᐛᑦ ᓇᐸᐛ ᐃᑎᔪᐱᔭ ᑲ ‍ ᐅᒋᔨᒋ
\s2 Acts 8.26-40 (Easter-5 Year B)
\p
\v 26 ᑎᐸᔨᒋᒐᓱᐤ ᐅᑦ ᐊᓐᒋᓂᒪ ᒪᒃ ᒋ ‍ ᐃᔨᒪᐊᐤ ᐱᓕᐸ, ᐊ ‍ ᐃᔅᒋᔄᔨᒋ, “ᐱᓯᑯ ᐃᑐᑕ ᒪᒃ ᓴᐅᓄᑕᒡ ᐃᔅ ᐊᓂᒪ ᒪᔅᑭᓇᒡ ᒋᕈᓯᓕᒥᒡ ᐃᔅᐱᔅ ᑲ ‍ ᐃᑎᒧᒡ ᑲᓴᐃᒡ ᑲ ‍ ᐅᑎᒧᒡ᙮” ᐸᐧᑯᑎᔅᑭᒥᑲᒡ ᒪᒃ ᐱᒧᐤ ᐊᓐ ᒪᔅᑭᓄᐤ᙮
\v 27 ᒋ ‍ ᐱᓯᑯᐤ ᒪᒃ ᑭᔭ ᒋ ‍ ᔅᑐᑕᐤ ᐱᓕᑉ, ᒋ ‍ ᓂᔅᑯᐛᐤ ᑯᐸᓇᐛ ᐃᑎᔪᐱᔭ ᐊ ᐃᓯ ‍ ᒋᐛᔨᒋ, ᒋᕈᓯᓕᒥᒡ ᐊ ‍ ᐅᑐᑕᔨᒋ ᐊᒋ ᓇᒋ ‍ ᐊᔭᒥᐊᔨᒂᓂ ᐊᓐᑕ, ᓇᔅᒡ ᐊ ‍ ᒋᔅᑕᔨᑕᑯᓯᑦ ᑲ ‍ ᑎᐸᔨᒥᑯᑦ ᑲᓐᑕᔅ ᒋ ‍ ᐃᓯᓂᐧᑲᑕᑭᓄᐤ, ᐃᑎᔪᐱᔭ ᐃᔪᒡ ᐅᒋᓴᐅᒋᒪᔎᒧᐛᐛ, ᐊᓐ ᑲ ‍ ᓇᑭᑐᐛᔨᑎᒺᑦ ᒋᓴᐅᒋᒪᔎᐛ ᐅᓱᓇᔭᓂᒥᔪᐤ ᑭᔭ ᐊ ᐃᓯ ‍ ᑎᐸᔨᑎᒥᔨᒋ᙮
\v 28 ᐊᑎ ᒋᐛᑦ ᐅᑎᑎᐱᑕᐸᓇᔅᑯᒡ ᐊ ‍ ᐊᐱᑦ, ᒋ ‍ ᐃᔨᒥᑕᐤ ᐊᓂᔭ ᒥᓯᓇᐃᑭᓂᔪᐤ ᑲ ‍ ᒥᓯᓇᐊᒥᔨᒋ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐊᐃᓴᔭᔨᒋ᙮
\v 29 ᐊᑯ ᒪᒃ ᑲ ‍ ᐸᔭᒋᓯᑦ ᐊᒐᐧᒄ ᐊᑕᑦ ᐱᓕᐸ, “ᒥᒋᒪ ᐃᑐᑕ ᓇᑕ ᒪᒃ ᐊᓐ ᑎᑎᐱᑕᐸᓇᔅᒄ᙮”
\p
\v 30 ᐱᓕᑉ ᒪᒃ ᒋ ‍ ᐃᔅᐸᑕᐤ ᐊᓐᑕ ᐊᓂᔭ ᓇᐸᐛ ᐊ ‍ ᑕᔨᒋ ᑭᔭ ᒋ ‍ ᐸᑐᐛᐤ ᐊ ‍ ᐃᔨᒥᑕᔨᒋ ᒥᓯᓇᐃᑭᓂᔪᐤ ᐅᒋᔅᒋᐛᐃᒐᓱᐛ ᐊᐃᓴᔭᔨᒋ ᑲ ‍ ᒥᓯᓇᐊᒥᔨᒋ᙮ ᐊᑯ ᐱᓕᑉ ᐊᑕᑦ, “ᒋ ‍ ᓂᔅᑐᑕᓐ ᐊ ᐊᓐ ᒥᓯᓇᐃᑭᓐ ᑲ ‍ ᐃᔨᒥᑕᔨᓐ ?”
\p
\v 31 ᐊᑯ ᒂ ‍ ᐃᑎᑯᑦ, “ᑕᓐᑕ ᒐᒋ ᐅᒋ ‍ ᓂᔅᑐᑎᒪᓐ ᐸᑐᔅ ᐊᐛᓐ ᐸᒋ ᒋᔅᑯᑎᒧᐅᒐ ?” ᐊᑯ ᐛᓴᒪᑦ ᐱᓕᐸ ᒐᒋ ᐎᑎᐱᒥᑯᑦ᙮
\v 32 ᒋ ‍ ᐃᔨᒥᑕᐛᐤ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᑲ ‍ ᐃᑎᔅᑕᔨᒡ,
\q ᒋ ‍ ᐃᑐᑕᑭᓄᐤ ᒧᔭᒻ ᒪᔭᑕᓂᓴ ᒐᒋ ᓂᐸᐊᑭᓄᐅᑦ, ᑭᔭ ᒧᔭᒻ ᐊ ‍ ᐊᐱᓯᓯᑦ ᒪᔭᑕᓂᔅ ᐊᑲ ᒋᔅᑐᑦ ᐅᑎᔅᑯᐤ ᐊᓂᔭ ᑲ ‍ ᒧᓱᑯᑦ, ᓇᒪ ᐅᒋ ᐃᔅᒋᔄᐤ ᒐᒂᔪᐤ᙮
\q
\v 33 ᒋ ‍ ᒪᔭᔨᒪᑭᓄᐤ, ᑭᔭ ᓇᒪ ᑯᐃᔅᒄ ᐅᒋ ᐃᓯ ᑎᐸᔅᑯᓇᑭᓄᐤ᙮ ᐊᐛᓐ ᒪᒃ ᒐᒋ ᐎᑎᒺᑦ ᐅᑦ ᐊᔭᓂᔅᒐ ᐱᒪᑎᓯᐅᓂᔪᐤ ᐛᔅ ᒋ ‍ ᐳᓂᐱᔪᐤ ᐊ ‍ ᐱᒪᑎᓯᑦ ᐅᑕ ᐊᔅᒋᒡ᙮
\p ᐊᔪᐅᒄ ᐅᔭ ᑲ ‍ ᐃᑎᔅᑕᔨᒡ ᑲ ‍ ᐃᔨᒥᑕᑦ᙮
\p
\v 34 ᐊᓐ ᓇᐸᐤ ᒪᒃ ᒋ ‍ ᑯᒂᒋᒪᐤ ᐱᓕᐸ ᐊ ‍ ᐃᑕᑦ, “ᐸᒋ ‍ ᐎᑎᒧᐎ, ᐊᐛᔪᐛ ᑲ ‍ ᐊᔨᒧᒪᑦ ᐅ ᐅᒋᔅᒋᐛᐃᒐᓱᐤ, ᐎᔾ ᐊ ᒋ ‍ ᐊᔨᒧᒥᓱᐤ ᑭᔭ ᒪᒃ ᑯᑎᑲ ᐊᐛᔪᐛ ᒋ ‍ ᐊᔨᒧᒪᐤ ?”
\v 35 ᐊᑯ ᐱᓕᑉ ᐎᔭᐎᑎᒧᐛᑦ ᒋᒋᒥᓯᓇᐃᒐᐅᓂᔪᐤ ᐊ ᐅᒋ ‍ ᒋᒋᐱᔨᑦ, ᑭᔭ ᒋ ‍ ᐊᔨᒧᑎᒧᐛᐤ ᒥᔽᒋᒧᐅᓂᔪᐤ ᒋᓴᓴ ᐊ ‍ ᐊᔨᒧᒥᑭᓄᔨᒋ᙮
\p
\v 36 ᒪᒂᒡ ᒪᒃ ᐊ ᐊᑎ ‍ ᐱᒥᐱᔨᒡ ᑎᑎᐱᑕᐸᓇᔅᑯᒡ, ᒋ ‍ ᐅᑎᑎᒧᒡ ᐊᓐᑕ ᐊ ‍ ᑎᑯᓂᔨᒡ ᓂᐱᔪᐤ, ᐊᓐ ᓇᐸᐤ ᒪᒃ ᒋ ‍ ᐃᑕᐤ, “ᐛᐸᑕ, ᒪᐅ ᓂᐱᔾ, ᒐᒂᓐ ᒐ ‍ ᓂᑲᓂᑯᔭᓐ ᐊ ‍ ᓂᑐᐛᔨᑎᒪᓐ ᒐᒋ ᓯᑲᐃᑐᐛᑯᐅᔭᓐ ?”
\v 37 ᐱᓕᑉ ᒪᒃ ᒋ ‍ ᐃᑕᐤ, “ᑕᑈ ᑎᔭᑈᐅᒐᔨᒪᐅᑕ ᒋᓴᔅ ᒥᓯᐛ ᒋᑕᐃᒡ ᐅᒡ, ᒋᑭ ᒋ ‍ ᐃᑐᑕᑯᐅᓐ᙮” ᐊᑯ ᐊᓐ ᓇᐸᐤ ᒂ ‍ ᐃᔅᒋᔄᑦ, “ᓂ ‍ ᑕᑈᑕᓐ ᒋᓴᔅ ᙭ ᐊ ‍ ᐊᐎᑦ ᒋᓴᒪᓂᑐᐤ ᐅᑯᓯᓴ᙮”
\v 38 ᒋ ‍ ᐃᔅᒋᔄᐤ ᒐᒋ ᒋᒥᐱᔨᒋ ᑎᑎᐱᑕᐸᓇᔎ, ᑭᔭ ᑕᐱᔅᑯᓐ ᓂᔭᓯᐸᒡ ᒂ ᐊᑎ ‍ ᐱᑭᔅᑐᐛᑕᒡ᙮ ᐊᑯ ᐱᓕᑉ ᓴᑲᐃᑐᐛᑦ ᐊᓂᔭ ᓇᐸᐛ᙮
\v 39 ᐃᔅᐱ ᒪᒃ ᑲᒋ ᐸᒋ ‍ ᑲᐸᒡ ᓂᐱᒡ ᐅᒋ, ᐱᓕᑉ ᒋ ‍ ᐅᑎᓂᑯᐤ ᑎᐸᔨᒋᒐᓱᐛ ᐅᑦ ᐊᒐᐧᑯᔪᐛ᙮ ᓇᒪ ᒪᒃ ᒥᓐ ᐅᒋ ᐛᐱᒪᐤ ᐊᓐ ᓇᐸᐤ ᐊᓂᔭ ᐱᓕᐸ, ᒂ ᐊᑎ ‍ ᒋᐛᑦ, ᐊ ‍ ᒧᒋᒐᔨᑕᐧᒃ᙮
\v 40 ᐱᓕᑉ ᒪᒃ ᐊᓱᑕᓯᒡ ᒋ ᐅᒋ ‍ ᑕᐤ, ᐊᑯᑕ ᐊᓐᑕ ᐅᒋ ᐊᓱᑕᓯᒡ ᐊ ‍ ᐛᐎᑕᐧᒃ ᒥᔽᒋᒧᐅᓂᔪᐤ ᐊᓐᑕ ᒥᓯᐛ ᐅᑕᓇᐛ ᐱᐃᒻ ᑲ ‍ ᑎᑯᓯᐧᒃ ᓯᓴᕆᔭᒡ᙮
\c 9
\s1 ᓴᓪ ᑲ ᒋᒋ ‍ ᑕᑈᔭᔨᒪᑦ ᒋᓴᓴ
\s2 Acts 9.1-6 (Easter-3 Year C)
\p
\v 1 ᓴᓪ ᒪᒃ ᐎᔾ ᐊᔅᒄ ᐊᐅᑯᓐ ᑲ ‍ ᐃᑎᑦ ᐊ ᐎ ‍ ᓯᓴᒋᐊᑦ ᐊᓂᔭ ᐊᐛᔪᐛ ᐅᑎᐸᔨᒋᒐᐛ ᒋᓴᓴ ᑲ ‍ ᑕᑈᔭᔨᒪᔨᒋ ᐊ ‍ ᐃᑕᑦ ᒐ ‍ ᓂᐸᐊᑭᓄᔨᒋ᙮ ᒋ ‍ ᓂᑐᐛᐱᒪᐤ ᒪᒃ ᒋᓴᐊᔭᒥᐊᐅᒋᒪᐛ,
\v 2 ᒂ ‍ ᓂᑐᑎᒧᐛᑦ ᒐᒋ ᒥᔨᑯᑦ ᒥᓯᓇᐃᑭᓂᔪᐤ ᒐᒋ ᐛᐸᑎᔭᑦ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᒍᐤ ᐊᔭᒥᐊᐅᒋᒪᐛ ᐊᓐᑕ ᑕᒪᔅᑲᓯᒡ ᑲ ‍ ᑕᔨᒋ ᐊ ‍ ᐎᑕᑭᓄᐎᒡ ᐊᓐᑕ ᐊ ‍ ᒥᔭᑭᓄᐅᑦ ᒐᒋ ᒪᑯᓇᑦ ᐃᔎᐛ ᑭᔭ ᓇᐸᐛ ᑲ ‍ ᑕᑈᔭᔨᒪᔨᒋ ᒋᓴᓴ, ᑭᔭ ᑲᐤ ᒐᒋ ᒋᐛᑕᐊᑦ ᐊᓐᑕ ᒋᕈᓯᓕᒥᒡ᙮
\p
\v 3 ᒋ ‍ ᐃᑐᑕᐤ ᒪᒃ ᐊᓐᑕ ᑕᒪᔅᑲᓯᒡ, ᐃᔅᐱ ᒪᒃ ᐊ ᐊᑎ ‍ ᐸᔄᐸᑕᐧᒃ, ᓯᔅᒋᑯᒡ ᒋ ᐅᒋ ᒥᔅᑎ ‍ ᐛᔅᑕᔪᐤ ᐊᓐᑕ ᐛᔅᑲ ᐊ ‍ ᑕᑦ ᒋᒋᒋᓯᑯᒡ ᐊ ᐅᒋ ‍ ᐛᔅᑕᔨᒡ᙮
\v 4 ᒋ ‍ ᐸᒋᓯᓄᐤ ᐊᔅᒋᒡ, ᐊᑯ ᒂ ‍ ᐸᑐᐛᑦ ᐊᐛᔪᐛ ᐊ ‍ ᐃᑎᑯᑦ, “ᓴᓪ, ᓴᓪ, ᒐᒂᓐ ᐛᒋ ‍ ᑯᒂᒋᐃᔨᓐ ?”
\p
\v 5 ᐊᑯ ᓴᓪ ᒂ ‍ ᐃᔅᒋᔄᑦ, “ᐊᐛᓐ ᒪᒃ ᒋᔾ, ᐅᑎᐸᔨᒋᒐᐤ ?”
\p ᐊᑯ ᑲ ‍ ᐃᑎᑯᑦ ᐊᓂᔭ ᐊᐛᔪᐛ, “ᐊᐅᒄ ᓂᔾ ᒋᓴᔅ, ᐊᓐ ᐊᐛᓐ ᑲ ‍ ᑯᒂᒋᐃᑦ᙮
\v 6 ᐱᓯᑯ ᒪᒃ, ᒐ ‍ ᐃᑐᑕᔨᓐ ᐊᓐᑕ ᐅᑕᓇᒡ ᐊᑯᑕ ᒐ ‍ ᐎᑎᒪᑯᐎᓐ ᑕᓐ ᒐ ‍ ᐃᑎᔨᓐ᙮”
\p
\v 7 ᐊᓐᒡ ᒪᒃ ᓇᐸᐅᒡ ᑲ ‍ ᐎᒐᐛᒡ ᓴᓚ ᒋ ‍ ᒋᐱᒋᑲᐳᐅᒡ ᐊ ᐊᑲ ᓇᔅᒡ ᒋᔅᑐᒡ᙮ ᒋ ‍ ᐸᑐᐛᐅᒡ ᐊᓂᔭ ᐊᐛᔪᐛ ᒥᒄ ᓇᒪ ᐅᒋ ᐛᐱᒪᐅᒡ᙮
\v 8 ᐊᑯ ᓴᓪ ᒂ ‍ ᐱᓯᑯᑦ, ᐃᔅᐱ ᒪᒃ ᑲ ‍ ᑐᐧᑲᐱᑦ, ᓇᒪ ᐅᒋ ᐛᐸᑎᒻ᙮ ᐊᑯ ᐊᓐᒡ ᓇᐸᐅᒡ ᑲ ‍ ᓯᒋᓂᔅᒐᑕᐊᒡ ᐊ ‍ ᐃᑐᑕᐊᒡ ᐊᓐᑕ ᑕᒪᔅᑲᓯᒡ᙮
\v 9 ᓂᔅᑐ ᒋᓯᑲᐛ ᒪᒃ ᓇᒪ ᐅᒋ ᐛᐸᑎᒻ, ᐊᔪᐤ ᒪᒃ ᓇᒪ ᐅᒋ ᒥᒋᓱᐤ ᑭᔭ ᓇᒪ ᐅᒋ ᒥᓄᐤ᙮
\p
\v 10 ᐊᓐᑕ ᒪᒃ ᑕᒪᔅᑲᓯᒡ ᒋ ‍ ᑕᐤ ᓇᐸᐤ ᐊ ‍ ᑕᑈᔭᔨᒪᑦ ᒋᓴᓴ, ᐊᓇᓇᔭᔅ ᒋ ‍ ᐃᓯᓂᐧᑲᓱᐤ᙮ ᒋ ‍ ᐛᐸᑎᔭᑭᓄᐤ ᐛᐸᑎᔨᐛᐅᓂᔪᐤ, ᐊᑯᑕ ᒪᒃ ᑲ ‍ ᐃᔨᒥᐃᑯᑦ ᐅᑎᐸᔨᒋᒐᐛ ᐊ ‍ ᐃᑎᑯᑦ, “ᐊᓇᓇᔭᔅ᙮”
\p ᐊᑯ ᒂ ‍ ᐃᑕᑦ, “ᒐᒂᓐ ᑎᐸᔨᒋᒐᓱᐤ ?”
\p
\v 11 ᐊᑯ ᒂ ‍ ᐃᑎᑯᑦ ᐅᑎᐸᔨᒋᒐᐛ, “ᐱᓯᑯᐤ, ᒐ ‍ ᐃᑐᑕᔨᓐ ᓇᑕ ᒪᔅᑭᓄᐤ ᑲ ‍ ᑯᐃᔅᑯᒧᒡ ᑲ ‍ ᐃᓯᓂᐧᑲᑕᒡ᙮ ᐊᑯᑕ ᐊᓐᑕ ᒍᑎᔅ ᐎᒋᒡ ᒐ ‍ ᑯᒂᒋᒐᒧᔨᓐ ᐊᑕᒂ ᓇᐸᐤ ᓴᓪ ᐊ ‍ ᐃᓯᓂᐧᑲᓱᑦ ᐊᓐᑕ ᑕᕐᓯᔅ ᐊ ‍ ᐅᒋᑦ᙮ ᐊᐅᒄ ᓴᓪ ᒪᒂᒡ ᐊᔭᒥᐊᐤ᙮
\v 12 ᒋ ‍ ᐃᓯᓂᒻ ᑭᔭ ᐊ ᐸᒋ ‍ ᐱᒐᔨᒋ ᓇᐸᐛ ᐊᓇᓇᔭᔅ ᐊ ‍ ᐃᓯᓂᐧᑲᓱᔨᒋ, ᐊ ‍ ᑕᒋᓂᑯᑦ ᒥᓐ ᑲᐤ ᒐᒋ ᐛᐸᑕᐧᒃ᙮”
\p
\v 13 ᐊᑯ ᐊᓇᓇᔭᔅ ᒂ ‍ ᐎᑎᒧᐛᑦ ᐅᑎᐸᔨᒋᒐᐛ ᐊ ‍ ᐃᑕᑦ, “ᐅᑎᐸᔨᒋᒐᐤ, ᒥᒐᑦ ᐃᔪᒡ ᓂᒋ ‍ ᐎᑎᒪᑯᒡ ᐅᔭ ᓇᐸᐛ ᑕᓐ ᐊᔅᐱᔅ ᓂᓇᐧᑲᒋᐊᑦ ᐊᓂᔭ ᑲ ‍ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ‍ ᑕᔨᒋ᙮
\v 14 ᑭᔭ ᒋ ᐸᒋ ‍ ᐃᑐᑕᐤ ᓴᓪ ᐅᑕ ᑕᒪᔅᑲᓯᒡ, ᐊᒋ ‍ ᒥᔨᑯᑦ ᑲ ‍ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᒐᒋ ᒪᑯᓇᑦ ᒥᓯᐛ ᐊᓂᔭ ᐊᐛᔪᐛ ᑲ ‍ ᑕᑈᔭᔨᒥᔅᒋᔨᔅᒋ᙮”
\p
\v 15 ᐊᑯ ᐊᓇᓇᔭᔅ ᒂ ‍ ᐃᑎᑯᑦ ᐅᑎᐸᔨᒋᒐᐛ, “ᐃᑐᑕ ᐃᔭᐱᒡ, ᐛᔅ ᓂᒋ ‍ ᐅᑎᓇᐤ ᓴᓪ ᒐᒋ ᐸᒋ ‍ ᐊᑐᔅᑯᐅᑦ, ᑭᔭ ᒐᒋ ᐸᒋ ‍ ᒋᔅᒐᔨᑕᑯᐃᑦ ᐊᓐᑕ ᒍᐤ ᐃᔪᐛ ᐊ ‍ ᑕᔨᒋ ᑭᔭ ᐊᓐᑕ ᐊ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ, ᑭᔭ ᒋᓴᐅᒋᒪᐛ ᐊ ‍ ᑕᔨᒋ᙮
\v 16 ᐛᔅ ᓂᔾ ᓂᑭ ‍ ᐛᐸᑎᔭᐤ ᑕᓐ ᒐ ᐃᓯ ‍ ᓂᓇᐧᑲᑕᔨᒧᑦ ᓂᔾ ᐅᒋ᙮”
\p
\v 17 ᐊᓇᓇᔭᔅ ᒪᒃ ᒋ ‍ ᐃᑐᑕᐤ ᐊᓐᑕ, ᒂ ‍ ᐱᒐᑦ ᐊᓂᔭ ᒥᒋᐛᐱᔪᐤ ᐊᓐᑕ ᑲ ‍ ᐃᑎᓴᐛᑭᓄᐅᑦ᙮ ᐃᔅᐱ ᒪᒃ ᐎᔭᐱᒪᑦ ᐊᓂᔭ ᓴᓚ, ᐊᑯ ᒂ ‍ ᑕᒋᓇᑦ ᐊ ‍ ᐃᑕᑦ, “ᓂᐧᑲᓂᔅ ᓴᓪ, ᐅᑎᐸᔨᒋᒐᐤ ᒋᓴᔅ ᓂᒋ ᐸᒋ ‍ ᐃᑎᓴᐅᒄ, ᐊᓐ ᑲ ‍ ᓂᒋᔅᑲᔅᒃ ᓇᑕ ᒪᔅᑭᓇᒡ ᒪᒂᒡ ᑲ ᐸᒋ ‍ ᐃᑐᑕᔨᓐ ᐅᑕ᙮ ᓂᒋ ᐸᒋ ‍ ᐃᑎᓴᐅᒄ ᒥᓐ ᑲᐤ ᒐᒋ ᐛᐸᑎᒥᓐ, ᑭᔭ ᒐᒋ ᓴᑭᔅᒋᓇᔅᑲᔅᒃ ᑲ ‍ ᐸᔭᒋᓯᑦ ᐊᒐᐧᒄ᙮”
\p
\v 18 ᑎᐛᒡ ᒪᒃ ᒧᔭᒻ ᓂᒪᔅ ᐅᓯᑭᔭ ᐊ ‍ ᐃᓯᓇᑯᓂᔨᒋ ᒐᒂᔪᐛ ᒋ ᐅᒋ ‍ ᐸᐸᒋᑎᓂᔪᐛ ᐊᓐᑕ ᐅᒋ ᓴᓪ ᐅᔅᒋᓯᑯᒡ, ᐊᑯᑕ ᒪᒃ ᒥᓐ ᑲᐤ ᑲ ᐅᒋ ‍ ᐛᐸᑕᐧᒃ᙮ ᒋ ‍ ᐱᓯᑯᐤ ᐊᑯ ᑲ ‍ ᓯᑲᐃᑐᐛᑭᓄᐅᑦ᙮
\v 19 ᐃᔅᐱ ᒪᒃ ᑲᒋ ‍ ᒥᒋᓱᑦ, ᐊᑯ ᒥᓐ ᑲ ᐊᑎ ‍ ᒥᔪᐱᒪᑎᓯᑦ᙮ ᐛᐃᐱᔅᒋᔅ ᒋ ‍ ᐎᒋᒪᐤ ᓴᓪ ᐊᓂᔭ ᒋᔅᒋᓄᐊᒧᐛᑭᓇ ᐊᓐᑕ ᑕᒪᔅᑲᓯᒡ ᑲ ‍ ᑕᔨᒋ᙮
\s1 ᓴᓪ ᑲ ‍ ᑭᒐᔅᒋᒧᑦ ᐊᓐᑕ ᑕᒪᔅᑲᔅ
\p
\v 20 ᑎᐛᒡ ᒪᒃ ᒋ ‍ ᐃᑐᑕᐤ ᐊᓐᑕ ᓂᓇᐧᑯᐤ ᒍᐤ ᐊᔭᒥᐊᐅᒋᐛᐱᒡ, ᐊ ‍ ᑭᒐᔅᒋᒧᑦ ᐊ ‍ ᐃᔅᒋᔄᑦ, “ᒋᓴᔅ, ᐊᐅᒄ ᒋᓴᒪᓂᑐᐤ ᐅᑯᓴ᙮”
\p
\v 21 ᐊᓐᒡ ᑲ ‍ ᐸᑐᐛᒡ, ᒋ ‍ ᒪᒥᔅᑲᑕᔨᑎᒥᐃᑯᐅᒡ ᐅᔭ ᐊ ‍ ᐃᔅᒋᔄᔨᒋ ᐊᑯ ᒂ ‍ ᐃᔅᒋᔄᒡ, “ᓇᒪᐎᔾ ᐊ ᐊᐅᒄ ᐅ ᓇᐸᐤ ᑲ ‍ ᓂᓱᐅᓇᒋᐊᑦ ᐊᓂᔭ ᑲ ‍ ᑕᑈᔭᔨᒪᔨᒋ ᒋᓴᓴ ᐊᓐᑕ ᒋᕈᓯᓕᒥᒡ ᑲ ‍ ᑕᔨᒋ ? ᓇᒪᐎᔾ ᐊ ᐊᐅᒄ ᐅ ᐛᒋ ᐸᒋ ‍ ᑎᑯᓯᐧᒃ ᐊ ᐎ ᐸᒋ ‍ ᓂᑐᐛᐱᒪᑦ ᐊᓂᔭ ᑲ ‍ ᑕᑈᔭᔨᒪᔨᒋ ᒋᓴᓴ, ᒐᒋ ᒪᑯᓇᑦ ᑭᔭ ᒐᒋ ᐃᑐᑕᐊᑦ ᐊᓐᑕ ᑲ ‍ ᓂᑲᓂᐱᔅᑐᐛᔨᒋ ᐊᔭᒥᐊᐅᒋᒪᐛ ᐊ ‍ ᑕᔨᒋ ?”
\p
\v 22 ᓴᓪ ᒪᒃ ᐊᑐᐎᔅ ᒋ ‍ ᓱᐧᑲᑎᓯᐤ ᑕᓐ ᐊᓂᔭ ᑲ ᐃᓯ ‍ ᑭᒐᔅᒋᒧᑦ ᐊ ‍ ᐊᔨᒧᒪᑦ ᒋᓴᔅ ᑕᑈ ᐊ ‍ ᐊᐎᔨᒋ ᙭ᑕ ᐊᓂᔭᔪᐛ ᑲ ‍ ᐅᑎᓇᔨᒋ ᒋᓴᒪᓂᑐᐛ᙮ ᐊᓐᒡ ᒪᒃ ᒍᐤ ᐃᔪᒡ ᐊᓐᑕ ᑕᒪᔅᑲᓯᒡ ᑲ ‍ ᑕᒡ ᒋ ‍ ᐛᐛᓇᔨᑎᒥᐃᑯᐅᒡ, ᓇᒪ ᓇᔅᒡ ᒐᒂᔪᐤ ᒋ ‍ ᓇᓂᔎᐅᓴᐊᐅᒡ᙮
\p
\v 23 ᐃᔅᐱ ᒪᒃ ᒥᒐᑐᐤ ᒋᓯᑲᐛ ᐛᑎᒋᐱᔨᒡ ᐊᑯ ᐊᓐᒡ ᒍᐤ ᐃᔪᒡ ᒂ ‍ ᒪᒧᐎᒡ, ᒂ ‍ ᐎᔭᔨᑕᒡ ᒐᒋ ᓂᐸᐊᒡ ᓴᓚ᙮
\v 24 ᒥᒄ ᒪᒃ ᓴᓪ ᒋ ‍ ᒋᔅᒐᔨᑎᒪᐊᑭᓄᐤ ᑕᓐ ᒐ ‍ ᐃᑐᑐᐛᑭᓄᐅᑦ᙮ ᐊᓯᑯᒻ ᒋᓯᑲᐛ ᑭᔭ ᐊᓯᑯᒻ ᑎᐱᔅᑲᐛ ᒋ ‍ ᓂᓇᑭᑐᐛᔨᑎᒧᒡ ᐊᓐᑕ ᐊ ᐅᒋ ‍ ᐱᒐᓄᐎᒡ ᐊᓂᔭ ᐅᑕᓇᔪᐤ, ᒐᒋ ᓂᐸᐊᒡ ᐃᔅᐱ ᑎᑯᓯᓂᔨᒐᓂ᙮
\v 25 ᐸᐃᒂᐤ ᒪᒃ ᐊ ‍ ᑎᐱᔅᑲᔨᒡ ᓴᓪ ᐎᒐᐛᑭᓇ ᒋ ‍ ᐎᒋᐃᑯᐤ ᒐᒋ ᒋᑎᓯᒧᑦ ᐊᓐᑕ ᐅᒋ ᑕᒪᔅᑲᓯᒡ᙮ ᐊ ‍ ᐱᑯᓇᔭᔨᒡ ᐅᐱᒪᑎᒡ ᒋ ᐅᒋ ‍ ᐱᔅᑕᐱᒐᓇᑭᓄᐤ ᐅᑎᐱᐅᑎᔪᐤ ᐊ ‍ ᐊᐱᒋᑕᒡ᙮
\s1 ᓴᓪ ᑲᐤ ᑲ ‍ ᐃᑐᑕᑦ ᒋᕈᓯᓕᒥᒡ
\p
\v 26 ᓴᓪ ᒪᒃ ᑲᐤ ᒋ ‍ ᒋᐛᐤ ᐊᓐᑕ ᒋᕈᓯᓕᒥᒡ᙮ ᐊᑯ ᑲ ᐎ ‍ ᐸᐸᐎᒐᐛᑦ ᐊᓂᔭ ᒋᔅᒋᓄᐊᒧᐛᑭᓇ ᐊ ‍ ᓂᑐᐛᔨᒪᑦ ᒐᒋ ᑕᑈᑎᒥᔨᒋ ᑭᔭ ᐎᔾ ᐊ ‍ ᑕᑈᔭᔨᒪᑦ ᒋᓴᓴ᙮ ᒥᒄ ᒪᒃ ᓇᒪ ᐅᒋ ᑕᑈᑎᒥᔪᐛ ᐊ ‍ ᑕᑈᔭᔨᒪᑦ ᒋᓴᓴ, ᒥᓯᐛ ᒋ ‍ ᑯᔅᑎᑯᐤ᙮
\v 27 ᐸᕐᓇᐸᔅ ᒪᒃ ᒋ ‍ ᐎᒐᐛᐤ ᐊᓂᔭᔪᐛ ᓴᓚ, ᒂ ‍ ᐃᑐᑕᐊᑦ ᐊᓐᑕ ᐊᓂᔭᔪᐛ ᐊᑈᔅᑕᓇ ᐊ ‍ ᑕᔨᒋ᙮ ᑲ ‍ ᐎᑎᒧᐛᑦ ᑕᓐ ᑲ ᐃᓯ ‍ ᓄᑯᓯᔅᑕᑯᔨᒋ ᓴᓚ ᐅᑎᐸᔨᒋᒐᐛ ᐊᓐᑕ ᒪᔅᑭᓇᒡ, ᑭᔭ ᐊᒋ ‍ ᐃᔨᒥᐃᑯᔨᒋ᙮ ᑭᔭ ᒋ ‍ ᐎᑎᒧᐛᐤ ᑕᓐ ᑲ ᐃᓯ ‍ ᑭᒐᔅᒋᒧᔨᒋ ᓴᓪ ᐊᓐᑕ ᑕᒪᔅᑲᓯᒡ ᒋᓴᓴ ᐊ ‍ ᐊᔨᒧᒪᔨᒋ ᐊ ᐊᑲ ᓇᔅᒡ ᐅᒋ ᑯᔅᑕᒋᔨᒋ᙮
\v 28 ᐊᑯ ᒪᒃ ᒂ ‍ ᑕᑦ ᓴᓪ ᐊᓐᑕ ᐊᓂᔭᔪᐛ ᐊᑈᔅᑕᓇ ᐊ ‍ ᑕᔨᒋ᙮ ᒥᓯᐛ ᑲ ‍ ᐃᑐᑕᑦ ᐊᓐᑕ ᒋᕈᓯᓕᒥᒡ ᐊ ‍ ᑭᒐᔅᒋᒧᑦ ᐊ ‍ ᐊᔨᒧᒪᑦ ᐅᑎᐸᔨᒋᒐᐤ, ᐊ ᐊᑲ ‍ ᑯᔅᑕᒋᑦ᙮
\v 29 ᒋ ‍ ᐃᔨᒪᐊᐤ ᑭᔭ ᒋ ‍ ᓂᓇᔅᑯᐊᓯᐊᐤ ᐊᓂᔭᔪᐛ ᒍᐤ ᐃᔪᐛ ᒐᒋ ᑕᑈᔭᔨᒪᔨᒋ ᐅᑎᐸᔨᒋᒐᐤ ᒋᓴᓴ ᒥᒄ ᒪᒃ ᒋ ᐎ ‍ ᓂᐸᐃᑯᐤ᙮
\v 30 ᐃᔅᐱ ᒪᒃ ᐊᓐᒡ ᐎᐧᑲᓂᓯᒪᐅᒡ ᐱᔭᑕᒡ ᐅᔭ ᐊᓐᑕ ᓯᓴᕆᔭ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ‍ ᐃᑐᑕᐊᐎᒡ ᐊᓂᔭ ᓴᓚ, ᐊᑯ ᐊᓐᑕ ᑕᕐᓯᔅ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᑲ ‍ ᐃᑎᓴᐛᒡ᙮
\p
\v 31 ᐊᓐᒡ ᒪᒃ ᑲᒪᒧᐊᔭᒥᐊᐛᑎᓯᒡ ᒥᓯᐛ ᐊᓐᑕ ᐊᓂᔭ ᐊᔅᒋᒡ ᑲ ‍ ᑕᒡ ᒍᑎᔭ ᑭᔭ ᑲᓕᓕ ᑭᔭ ᓴᒪᕆᔭ ᑲ ‍ ᐃᓯᓂᐧᑲᑕᔨᒋ, ᐛᐃᐱᔅᒋᔅ ᓇᒪ ᐅᒋ ᓂᓇᐧᑲᒋᐊᑭᓄᐅᒡ᙮ ᒋ ‍ ᒋᔅᑕᔨᒪᐅᒡ ᐅᑎᐸᔨᒋᒐᐛ ᐅᒡ ᐃᔪᒡ ᑭᔭ ᐊᔭᔅᒃ ᒋ ᐊᑎ ‍ ᐊᔨᒋᑲᐳᐅᒡ ᑭᔭ ᐊᔭᔅᒃ ᒋ ᐊᑎ ‍ ᒥᒐᑐᐅᒡ ᐛᔅ ᑲ ‍ ᐸᔭᒋᓯᔨᒋ ᐊᒐᒂ ᒋ ‍ ᐎᒋᐃᑯᐅᒡ᙮
\s1 ᐱᑕᕐ ᑲ ‍ ᒪᒥᔅᑲᒡ ᐃᑎᑦ ᐊᓐᑕ ᓕᑕᒡ ᑭᔭ ᒍᐸᒡ
\p
\v 32 ᐱᑕᕐ ᓂᓇᐧᑯᐤ ᐅᑕᓇᒡ ᒋ ‍ ᐱᐸᔨᑐᑕᐤ᙮ ᐊᑯ ᒪᒃ ᐸᐃᒂᐤ ᓂᔭᒋᒧᐱᔅᑐᐛᑦ ᐊᓂᔭᔪᐛ ᑲ ‍ ᑕᑈᑎᒥᔨᒋ ᐊᓐᑕ ᓕᑕᒡ ᑲ ‍ ᑕᔨᒋ,
\v 33 ᐊᑯᑕ ᑲ ‍ ᐛᐱᒪᑦ ᓇᐸᐛ ᐊᓂᔭᔅ ᐊ ‍ ᐃᓯᓂᐧᑲᓱᔨᒋ, ᐊ ᐊᑲ ‍ ᓂᔅᑐᓯᔨᒋ, ᔭᓇᐤ ᑕᑐᐳᓇ ᐊ ᐊᑲ ᐅᒋ ‍ ᐊᒥᔨᒋ ᐅᓂᐸᐅᓂᔨᒡ᙮
\v 34 ᐊᑯ ᐱᑕᕐ ᒂ ‍ ᐃᑕᑦ, “ᐊᓂᔭᔅ, ᒋᓴᔅ ᙭ ᒋ ‍ ᒥᓏᒋᐃᒄ, ᐅᓂᔾ, ᒐ ‍ ᐅᑎᓂᒥᓐ ᒋᑦ ᐊᔅᐱᓯᒧᐅᓐ᙮” ᑎᐛᒡ ᒪᒃ ᒋ ‍ ᐅᓂᐤ ᐊᓂᔭᔅ᙮
\v 35 ᒥᓯᐛ ᒪᒃ ᐃᔪᐛ ᑲ ‍ ᑕᑎᓯᔨᒋ ᐊᓐᑕ ᓕᑕᒡ ᑭᔭ ᓴᕈᓂᒡ ᒋ ‍ ᐛᐱᒪᑯᐤ ᐊ ‍ ᐱᐸᒧᑕᑦ, ᐊᑯ ᒪᒃ ᑲ ᐊᑎ ‍ ᑕᑈᔭᔨᒪᔨᒋ ᐅᑎᐸᔨᒋᒐᐛ᙮
\s1 ᑕᐸᑕ ᒥᓐ ᑲᐤ ᑲ ‍ ᐱᒪᑎᓯᑦ
\s2 Acts 9.36-43 (Easter-4 Year C)
\p
\v 36 ᐊᓐᑕ ᐃᑕᐅᓂᒡ ᒍᐸ ᑲ ‍ ᐃᓯᓂᐧᑲᑕᒡ ᒋ ‍ ᑕᐤ ᐃᔎᐤ ᐊ ‍ ᑕᑈᔭᔨᒪᑦ ᒋᓴᓴ, ᑕᐸᑕ ᐊᒋ ‍ ᐃᓯᓂᐧᑲᓱᑦ, ᒪᒃ ᑐᕐᑲᔅ ᐊᒋ ‍ ᐃᓯᓂᐧᑲᓱᑦ, ᐅ ᒪᒃ ᐃᓯᓂᐧᑲᓱᐅᓐ ᐊ ‍ ᐱᔭᑭᔅᒋᑕᑯᑕᑭᓄᐅᒡ ᐊᑎᐧᒄ ᐃᔅᒋᔄᓄᐤ᙮ ᒧᔅ ᒋ ‍ ᒥᔪᑐᑕᒧᐛᐤ ᐊᐛᔪᐛ ᐊᓐ ᐃᔎᐤ ᑭᔭ ᒋ ‍ ᐎᒋᐊᐤ ᑲ ‍ ᒋᔅᑎᒪᑎᓯᔨᒋ ᐊᐛᔪᐛ᙮
\v 37 ᒪᒂᒡ ᒪᒃ ᐱᑕᕐ ᐊ ‍ ᑕᑦ ᐊᓐᑕ ᓕᑕᒡ, ᒋ ‍ ᒥᔅᑎ ᐊᐧᑯᓱᐤ ᐊᓐ ᐃᔎᐤ, ᒐᒃ ᒪᒃ ᒋ ‍ ᓂᐳᐤ᙮ ᐎᔪᐤ ᒪᒃ ᒋ ‍ ᒋᔅᑕᐸᐅᑕᑭᓄᐎᔪᐤ, ᐊᑯ ᐃᔅᐱᒥᑎᑯᒡ ᑲ ‍ ᐊᔅᑕᑭᓄᐎᒡ᙮
\v 38 ᒋ ‍ ᐸᓱᓇᑯᓐ ᒪᒃ ᒍᐸ ᐊᓐᑕ ᓕᑕᒡ ᐅᒡ᙮ ᐃᔅᐱ ᒪᒃ ᐱᔭᑕᒡ ᐊᓐᒡ ᑲ ‍ ᑕᑈᔭᔨᒪᒡ ᒋᓴᓴ ᐊ ‍ ᑕᔨᒋ ᐱᑕᕋ ᐊᓐᑕ ᓕᑕᒡ, ᓂᓱ ᓇᐸᐛ ᒋ ‍ ᐃᑎᓴᐛᐅᒡ ᐊᓐᑕ ᒐᒋ ᐎᓴᒪᒡ ᐱᑕᕋ ᑎᐛᒡ ᒐᒋ ᐸᒋ ‍ ᑎᑯᓯᓂᔨᒋ᙮
\p
\v 39 ᐱᑕᕐ ᒂ ‍ ᐱᓯᑯᑦ, ᒂ ‍ ᐎᒐᐛᑦ ᐊᓂᔭ ᓇᐸᐛ᙮ ᐃᔅᐱ ᒪᒃ ᑕᑯᓯᒡ ᓇᑕ, ᒋ ‍ ᐃᑐᑕᐊᑭᓄᐤ ᐊᓐᑕ ᐃᔅᐱᒥᑎᑯᒡ ᐊᓐᑕ ᐊ ‍ ᑎᑯᓂᔨᒡ ᐊᓂᔭ ᒥᔭᔪᐤ᙮ ᒋ ‍ ᑕᐅᒡ ᐊᓐᑕ ᑲ ‍ ᐸᐃᑯᓯᒡ ᐃᔎᐅᒡ, ᒋ ‍ ᑕᐱᑐᑲᐳᔅᑐᐛᐅᒡ ᐱᑕᕋ ᐊ ‍ ᒪᒡ ᑭᔭ ᐊ ‍ ᐛᐸᑎᔭᒡ ᐱᒍᐎᔭᓇ ᑭᔭ ᐊᑯᐸ ᐊᒋ ‍ ᐅᓯᑕᒪᑯᒡ ᐊᓂᔭᔪᐛ ᐃᔎᐛ ᑕᐸᑕᔨᒋ᙮
\p
\v 40 ᐱᑕᕐ ᒥᓯᐛ ᐊᐛᔪᐛ ᒋ ‍ ᐎᐎᑎᓴᐛᐤ ᐊᓐᑕ ᐊᓂᔭᔪᐤ ᑲᒋᐸᐃᑭᓄᓯᒡ ᑲ ‍ ᑕᔨᒋ, ᐊᑯ ᒂ ‍ ᓂᐱᔅᑯᐱᑦ ᐊ ‍ ᐊᔭᒥᐊᑦ, ᐊᑯ ᒂ ‍ ᑭᓄᐛᐸᑕᐧᒃ ᐊᓂᔭ ᒥᔭᔪᐤ ᐊ ‍ ᐃᔅᒋᔄᑦ, “ᑕᐸᑕ, ᐅᓂᔾ᙮” ᒋ ‍ ᓇᓂᑐᐛᐳᐤ ᒪᒃ ᐊᓐ ᐃᔎᐤ, ᐃᔅᐱ ᒪᒃ ᐎᔭᐱᒪᑦ ᐊᓂᔭ ᐱᑕᕋ, ᒋ ‍ ᐅᒋᓯᒥᑎᐳᐤ᙮
\v 41 ᐱᑕᕐ ᒪᒃ ᒋ ‍ ᓱᐅᓂᔅᒐᔨᔅᑐᐛᐤ ᒂ ‍ ᐎᒋᐊᑦ ᐊ ‍ ᐅᓂᓂᑎᓱᔨᒋ᙮ ᐊᑯ ᒂ ‍ ᐎᓴᒪᑦ ᐊᓂᔭᔪᐛ ᑲ ‍ ᐸᐃᑯᓯᔨᒋ ᐃᔎᐛ ᑭᔭ ᒥᓯᐛ ᐊᓂᔭᔪᐛ ᑲ ‍ ᑕᑈᑎᒥᔨᒋ ᐊᐛᔪᐛ, ᒂ ‍ ᐛᐸᑎᔭᑦ ᒥᓐ ᐊ ‍ ᐱᒪᑎᓯᔨᒋ ᐊᓂᔭ ᑕᐸᑕᔨᒋ᙮
\v 42 ᒥᓯᐛ ᒪᒃ ᐊᓐᑕ ᒍᐸᒡ ᒋ ‍ ᒥᓯᑕᐱᔪᐤ ᑎᐸᒋᒧᐅᓐ ᐅ ᑲ ‍ ᐃᔅᐱᔨᒡ᙮ ᒥᒐᑦ ᒪᒃ ᐊᐛᓐᒋ ᒋ ‍ ᑕᑈᔭᔨᒪᐅᒡ ᐅᑎᐸᔨᒋᒐᐛ ᒋᓴᓴ᙮
\v 43 ᓇᐅᔅ ᒪᒃ ᒋ ‍ ᑕᐤ ᐱᑕᕐ ᐊᓐᑕ ᒍᐸᒡ, ᐊᓂᔭ ᒋ ‍ ᐎᒋᒪᐤ ᑲ ‍ ᒋᓯᓂᒐᔨᒋ ᓴᐃᒥᓐ ᑲ ‍ ᐃᓯᓂᐧᑲᓱᔨᒋ᙮
\c 10
\s1 ᐱᑕᕐ ᑲ ‍ ᓂᑐᐛᐱᒪᑦ ᑯᕐᓂᓕᔭᓴ
\p
\v 1 ᒋ ‍ ᑕᐤ ᓇᐸᐤ ᑯᕐᓂᓕᔭᔅ ᐊ ‍ ᐃᓯᓂᐧᑲᓱᑦ ᐊᓐᑕ ᐅᑕᓇᒡ ᓯᓴᕆᔭ ᑲ ‍ ᐃᓯᓂᐧᑲᑕᔨᒡ, ᕈᒻ ᓂᑐᐱᔪᐅ-ᐅᒋᒪᐛ ᐊ ᐃᓯ ‍ ᐊᑐᔅᒐᑦ, ᐊ ‍ ᓂᑲᓂᔅᑯᐛᑦ ᐊᓯᒪᑭᓂᓴ ᐊᓐᑕ ᐃᑕᓕ ᐊᔅᒋᒡ ᐊ ‍ ᐅᒋᔨᒋ᙮
\v 2 ᒋ ‍ ᐊᔭᒥᐊᐛᑎᓯᔪᐤ ᒪᒃ ᑭᔭ ᒥᓯᐛ ᐊᓐᑕ ᐊ ‍ ᐸᐃᑯᔅᑲᓇᓯᑦ ᒋ ‍ ᐊᔭᒥᐊᔅᑐᐛᐅᒡ ᒋᓴᒪᓂᑐᐛ᙮ ᒥᔅᑎ ᒪᒃ ᒋ ‍ ᐎᒋᐊᐤ ᐊᓂᔭ ᑲ ‍ ᒋᔅᑎᒪᑎᓯᔨᒋ ᒍᐤ ᐃᔪᐛ᙮ ᑭᔭ ᒧᔅ ᒋ ‍ ᐊᔭᒥᐊᐤ᙮
\v 3 ᐸᐃᒂᐤ ᑲᒋ ‍ ᐊᐱᑕᒋᓯᑲᔨᒡ ᒂᔄᓐ ᓂᔅᑐ ᐊ ‍ ᐃᔅᐱᔨᒡ ᐱᓯᒧᐧᑲᓇ, ᒋ ‍ ᐛᐸᑎᔭᑭᓄᐤ ᐛᐸᑎᔨᐛᐅᓂᔪᐤ, ᓇᔅᒡ ᐊᒋ ‍ ᐛᐱᒪᑦ ᒋᓴᒪᓂᑐᐛ ᐅᑦ ᐊᓐᒋᓂᒥᔪᐛ ᐊ ᐸᒋ ‍ ᐱᒐᔨᒋ, ᐊ ‍ ᐃᑎᑯᑦ ᒪᒃ, “ᑯᕐᓂᓕᔭᔅ᙮”
\p
\v 4 ᒋ ᒥᔅᑎ ‍ ᑭᓄᐛᐱᒪᐤ ᒪᒃ ᐊᓂᔭ ᐊᓐᒋᓇ ᐊ ‍ ᑯᔅᑕᒋᑦ ᐊᑯ ᒂ ‍ ᐃᑕᑦ, “ᒐᒂᓐ, ᐅᑎᐸᔨᒋᒐᐤ ?”
\p ᐊᑯ ᒂ ‍ ᐃᑎᑯᑦ ᐊᓂᔭ ᐊᓐᒋᓇ, “ᒋᓴᒪᓂᑐᐤ ᒋ ‍ ᓇᐊᔨᑎᒥᐃᑯᐤ ᑕᓐ ᑲ ᐃᓯ ‍ ᐊᔭᒥᐊᔨᓐ, ᑭᔭ ᑕᓐ ᑲ ᐃᓯ ᒥᔪ ‍ ᐎᒋᐃᑥᐤ ᑯᑎᑭᒡ ᐊᐛᓐᒋ, ᓇᒪ ᒪᒃ ᒋᑭ ᒋ ‍ ᐅᓂᒋᔅᒋᑕᒄ᙮
\v 5 ᐃᑎᓴᐅᒡ ᒪᒃ ᓇᐸᐅᒡ ᐊᓐᑕ ᒍᐸᒡ ᒐᒋ ᐎᓴᒪᒡ ᓴᐃᒥᓇ ᐊᓂᔭ ᓇᐸᐛ ᐱᑕᕐ ᑲ ‍ ᐃᓯᓂᐧᑲᑕᑭᓄᔨᒋ᙮
\v 6 ᐊᓐᑕ ᑕᐤ ᐊᓂᔭ ᑲ ‍ ᒋᓯᓂᒐᔨᒋ ᓴᐃᒥᓇ ᑲ ‍ ᐃᓯᓂᐧᑲᓱᔨᒋ ᒥᒋᒪ ᓯᓱᒡ ᐎᓂᐸᑯᒡ ᑲ ‍ ᐎᒋᔨᒋ᙮”
\p
\v 7 ᐃᔅᐱ ᒪᒃ ᑲᒋ ‍ ᔅᑐᑕᔨᒋ ᐊᓂᔭ ᐊᓐᒋᓇ ᑲ ‍ ᐃᔨᒥᐃᑯᑦ, ᐊᑯ ᑯᕐᓂᓕᔭᔅ ᒂ ‍ ᐎᓴᒪᑦ ᓂᓱ ᐅᑦ ᐊᐸᒐᐊᑭᓐ, ᑭᔭ ᐸᐃᒄ ᐊᓯᒪᑭᓂᓴ ᐊ ‍ ᐊᔭᒥᐊᐛᑎᓯᔨᒋ, ᐊᓂᔭ ᒧᔅ ᑲᒋ ‍ ᓂᓇᑭᑐᐛᔨᒥᑯᑦ᙮
\v 8 ᑯᕐᓂᓕᔭᔅ ᒂ ‍ ᐎᑎᒧᐛᑦ ᒥᓯᐛ ᑕᓐ ᑲ ‍ ᐃᑎᑯᑦ ᐊᓂᔭ ᐊᓐᒋᓇ ᑭᔭ ᒂ ‍ ᐃᑎᓴᐛᑦ ᐊᓐᑕ ᐊᓂᔭ ᐅᑕᓂᔪᐤ ᒍᐸ ᑲ ‍ ᐃᓯᓂᐧᑲᑕᔨᒡ᙮
\p
\v 9 ᒥᓐ ᒪᒃ ᐎᔭᐸᓂᔨᒡ ᓴᓯᑲᓐ ᑲᒋ ‍ ᐊᐱᑕᒋᓯᑲᔨᒡ ᐊᑯ ᒋ ‍ ᐸᔄᐸᑎᒧᒐᓂᒋ ᐊᓂᔭ ᐅᑕᓂᔪᐤ ᒍᐸ ᑲ ‍ ᐃᓯᓂᐧᑲᑕᔨᒡ᙮ ᐊᑯᑕ ᒪᒃ ᑭᔭ ᐊᓐᑕ ᑲ ‍ ᐊᔭᒥᐊᑦ ᐱᑕᕐ ᑕᐧᑯᒡ ᐊᓐᑕ ᐊᓂᔭ ᒥᒋᐛᐱᔪᐤ ᑲ ‍ ᑕᑦ᙮
\v 10 ᒐᒃ ᒪᒃ ᒋ ‍ ᓯᐛᔪᐤ ᐊᑯ ᒂ ᐎ ‍ ᒥᒋᓱᑦ, ᒪᒂᒡ ᒪᒃ ᐊ ‍ ᐃᔅᐱᓯᓇᓄᐎᒡ ᐊ ‍ ᐱᒥᓄᐅᑕᑭᓄᐅᑦ ᒋ ‍ ᐛᐸᑎᔭᑭᓄᐤ ᐛᐸᑎᔨᐛᐅᓂᔪᐤ᙮
\v 11 ᒋ ‍ ᐛᐸᑎᒻ ᒋᓯᑯᔪᐤ ᐊ ‍ ᔪᑕᐱᔨᒡ, ᐊᑯ ᒂ ‍ ᐛᐸᑕᐧᒃ ᒐᒂᔪᐤ ᒧᔭᒻ ᒥᒋᓱᐛᑭᓂᐱᒍᐎᔭᓂᔪᐤ ᐊ ‍ ᐃᓯᓇᑯᓂᔨᒡ ᐊᓐᑕ ᐊ ‍ ᑭᒋᒐᔭᑭᓂᔨᒡ ᐊ ‍ ᐅᒡ ᐸᒋ ‍ ᔭᓯᓂᑭᓄᐎᒡ ᐊᓐᑕ ᐃᔅ ᐊᔅᒋᒡ᙮
\v 12 ᐊᓐᑕ ᒪᒃ ᐅᔭ ᑲ ᐸᒋ ‍ ᔭᓯᓂᑭᓄᐎᒡ ᓂᓇᐧᑯᐤ ᐊᐛᓯᓴ ᐊ ‍ ᐃᓯᓇᑯᓯᔨᒋ ᑭᔭ ᒥᓐᑐᓴ ᑭᔭ ᐱᔭᓱᐛ ᒋ ‍ ᑕᔪᐛ ᐊᓐᑕ᙮
\v 13 ᐊᑯ ᑲ ᐅᒋ ‍ ᐸᑐᐛᑦ ᐊᐛᔪᐛ ᐊ ‍ ᐃᑎᑯᑦ, “ᐱᑕᕐ, ᐱᓯᑯ, ᒐ ‍ ᓂᐱᑕᒐᔨᓐ, ᒐ ‍ ᒥᒋᓱᔨᓐ ᒪᒃ᙮”
\p
\v 14 ᐊᑯ ᐱᑕᕐ ᒂ ‍ ᐃᔅᒋᔄᑦ, “ᓇᒪ ᓂᑭ ᒋ ‍ ᑐᑕᓐ ᐅ, ᑎᐸᔨᒋᒐᓱᐤ᙮ ᓇᒪ ᓂᑕ ᓂᑭ ᐅᒋ ‍ ᒥᒋᓐ ᒐᒂᓐ ᐊ ᐊᑲ ‍ ᐃᑕᔨᑕᒂᒡ ᒐᒋ ᒥᒋᓇᓄᐅᒡ᙮”
\p
\v 15 ᐊᑯ ᒥᓐ ᒂ ‍ ᐸᑐᐛᑦ ᐊᐛᔪᐛ ᐊ ‍ ᐃᑎᑯᑦ, “ᐊᑲᐎᔾ ᐃᔅᒋᔄ ‘ᐊ ‍ ᐎᓇᒡ’ ᐊᓂᔭ ᒋᓴᒪᓂᑐᐤ ᐊᒋ ‍ ᐃᔅᒋᔄᑦ ‘ᐊ ‍ ᐸᔭᐧᑭᓂᔨᒡ᙮’ ”
\p
\v 16 ᓂᔍᐤ ᒪᒃ ᒋ ‍ ᐃᑎᑎᒻ ᐊ ‍ ᐸᑐᐛᑦ ᐊᐛᔪᐛ ᐊ ‍ ᐃᔨᒥᐃᑯᑦ ᐊᑯ ᑭᔭ ᐊᓂᔭ ᒥᒋᓱᐛᑭᓂᐱᒍᐎᔭᓂᔪᐤ ᑲ ‍ ᐃᓯᓇᑯᓂᔨᒡ ᒥᓐ ᑲᐤ ᒋ ‍ ᐅᐱᔪᐤ ᐊᓐᑕ ᐃᔅ ᐃᔅᐱᒥᒡ᙮
\p
\v 17 ᒪᒂᒡ ᒪᒃ ᐱᑕᕐ ᐊ ‍ ᒪᒥᑐᓇᔨᑕᐧᒃ ᑕᓐ ᐊᓯ ‍ ᐎᑎᒪᒐᒥᑭᓂᔨᒡ ᐅᔭ ᑲ ᐃᓯ ‍ ᐛᐸᑎᔭᑭᓄᐅᑦ, ᐊᓐᒡ ᓇᐸᐅᒡ ᑯᕐᓂᓕᔭᓴ ᑲ ᐸᒋ ‍ ᐃᑎᓴᐅᑯᒡ ᒂ ‍ ᒥᔅᑭᒺᒡ ᑕᓐᑕ ᐛᒋᔨᒋ ᓴᐃᒥᓇ, ᐊᑯ ᒪᒃ ᐊᓐᑕ ᐊ ᐅᒋ ‍ ᐱᒐᓄᐎᒡ ᒂ ᐸᒋ ‍ ᓂᐳᐅᒡ᙮
\v 18 ᒂ ‍ ᑕᑈᒡ ᐊ ‍ ᐃᔅᒋᔄᒡ, “ᐊᑯᑕ ᐊ ᐅᑕ ᐛᒋᑦ ᓴᐃᒥᓐ ᐱᑕᕐ ?”
\p
\v 19 ᐱᑕᕐ ᒪᒃ ᐊᔅᒄ ᒋ ‍ ᒪᒥᑐᓇᔨᑎᒻ ᑕᓐ ᒋᐸ ᒋ ᐃᓯ ‍ ᐎᑎᒪᒐᒥᑭᓂᔪᐤ ᐊᓂᔭᔪᐤ ᑲ ᐃᓯ ‍ ᐛᐸᑎᔭᑭᓄᐅᑦ᙮ ᐊᑯ ᒂ ‍ ᐃᑎᑯᑦ ᑲ ‍ ᐸᔭᒋᓯᔨᒋ ᐊᒐᒂ, “ᓂᑐᑕ ᒪ, ᓂᔅᑐᐅᒡ ᐅᑕ ᓇᐸᐅᒡ ᐊ ᐸᒋ ‍ ᓇᓂᑐᐛᔨᒥᔅᒡ᙮
\v 20 ᒪᒋ ᓂᑎᒋᐛ ᒐ ‍ ᐊᔭᔅᑯᐎᔨᓐ, ᑭᔭ ᐊᑲᐎᔾ ᐅᒋ ᓇᓂᑲᐎ ᒐᒋ ᐎᒐᐅᑥᐤ᙮ ᐛᔅ ᓂᔾ ᓂᒋ ᐸᒋ ‍ ᐃᑎᓴᐛᐅᒡ᙮”
\v 21 ᐊᑯ ᐱᑕᕐ ᒂ ‍ ᓂᑎᒋᐛᑦ, ᐊᑯ ᒂ ‍ ᐃᑕᑦ ᐊᓂᔭ ᓇᐸᐛ, “ᐊᐅᒄ ᓂᔾ ᐊᔭᐎᔭᓐ ᑲ ‍ ᓇᓂᑐᐛᐱᒥᔭᒄ᙮ ᒐᒂᓐ ᒪᒃ ᐅ ᐛᒡ ᑎᑯᓯᓂᔭᒄ ?”
\p
\v 22 ᒋ ‍ ᐃᑕᐅᒡ ᒪᒃ ᐊᓐᒡ ᓇᐸᐅᒡ, “ᓄᒋᒪᒥᓇᓐ ᑯᕐᓂᓕᔭᔅ ᑲ ‍ ᓂᑲᓂᔅᑯᐛᑦ ᕈᒻ ᐊᓯᒪᑭᓂᓴ ᓂᒋ ᐸᒋ ‍ ᐃᑎᓴᐅᑯᓇᓐ᙮ ᒥᔽᔨᑕᑯᓱᐤ ᐅ ᓇᐸᐤ, ᑭᔭ ᒋᔅᑕᔨᒪᐤ ᒋᓴᒪᓂᑐᐛ, ᒥᓯᐛ ᑭᔭ ᒍᐤ ᐃᔪᐛ ᐃᑕᔨᒥᑯᐤ ᐊ ‍ ᒥᔽᔨᑕᑯᓯᑦ᙮ ᐸᐃᒄ ᒋᓴᒪᓂᑐᐤ ᑲ ‍ ᐸᔭᒋᓯᔨᒋ ᐅᑦ ᐊᓐᒋᓂᒥᔪᐛ ᒋ ‍ ᐃᑎᑯᐤ ᒐᒋ ᐎᓴᒥᔅᒃ ᐊᓐᑕ ᐎᒋᒡ ᐊᑯ ᒪᒃ ᒐᒋ ᐸᑕᐧᒃ ᑕᓐ ᐛ ᐃᓯ ‍ ᐎᑎᒥᓐ᙮”
\v 23 ᐊᑯ ᒪᒃ ᐱᑕᕐ ᑲ ‍ ᐎᓴᒪᑦ ᐊᓂᔭ ᓇᐸᐛ ᒐᒋ ᐱᒐᔨᒋ ᐎᒋᒡ᙮
\p ᒥᓐ ᒪᒃ ᐎᔭᐱᓂᔨᒡ ᐊᑯ ᒂ ‍ ᐊᔭᔅᑯᐎᑦ ᒐ ‍ ᐎᒐᐛᑦ, ᑭᔭ ᐱᔅᒐ ᐊᓂᔭ ᐎᐧᑲᓂᓯᒪᐛ ᐊᓐᑕ ᒍᐸᒡ ᑲ ‍ ᐅᒋᔨᒋ ᒋ ‍ ᐎᒐᐅᑯᐅᒡ᙮
\v 24 ᒥᓐ ᐎᔭᐱᓂᔨᒡ ᐊᑯ ᒂ ‍ ᑎᑯᓯᓂᒡ ᐊᓐᑕ ᐊᓂᔭ ᐅᑕᓇᔪᐤ ᓯᓴᕆᔭ ᑲ ‍ ᐃᓯᓂᐧᑲᑕᔨᒡ, ᐊᑯᑕ ᒪᒃ ᐊᓐᑕ ᑲ ‍ ᐊᓱᐛᐱᒥᑯᒡ ᑯᕐᓂᓕᔭᓴ ᑭᔭ ᐊᓂᔭᔪᐛ ᑲ ‍ ᐎᓴᒪᔨᒋ ᐎᐧᑲᓂᓯᔪᐛ ᑭᔭ ᐎᒐᐛᑭᓂᔪᐛ ᒐᒋ ᓂᑐᑐᐛᔨᒋ ᐱᑕᕋ᙮
\v 25 ᐃᔅᐱ ᒪᒃ ᐱᑕᕐ ᐊ ᐊᑎ ‍ ᐱᒐᐛᑦ ᑯᕐᓂᓕᔭᓴ ᐎᒋᔨᒡ ᒋ ᐸᒋ ‍ ᓂᑐᐛᐱᒥᑯᐤ, ᐊ ‍ ᓂᐱᔅᑯᐱᔪᐎᔨᒋ ᐅᑎᔅᑯ ᐊ ‍ ᑕᑦ ᐊ ‍ ᐅᒋᒋᐧᑯᓂᐱᐅᔅᑕᑯᑦ᙮
\v 26 ᒥᒄ ᒪᒃ ᐱᑕᕐ ᒋ ‍ ᐱᓯᑯᓇᐤ ᐊ ‍ ᐃᑕᑦ, “ᐱᓯᑯ, ᒥᒄ ᐛᔅ ᐊᓐ ᓇᐸᐤ ᑭᔭ ᓂᔾ᙮”
\p
\v 27 ᒋ ‍ ᐃᔨᒪᐊᐤ ᒪᒃ ᐊᓂᔭ ᑯᕐᓂᓕᔭᓴ ᐊ ᐊᑎ ‍ ᐱᒐᑦ ᐊᓂᔭᔪᐤ ᒥᒋᐛᐱᔪᐤ᙮ ᑲ ‍ ᐛᐱᒪᑦ ᒥᒐᑦ ᐃᔪᐛ ᐊᒋ ‍ ᒪᒧᐎᒂᓂ ᐊᓐᑕ᙮
\v 28 ᐊᑯ ᒂ ‍ ᐃᑕᑦ ᐊᓂᔭᔪᐛ ᐃᔪᐛ, “ᒋᑭ ‍ ᐊᔨᒧᑎᒪᑎᓇᐛᐤ ᒐᒂᓐ᙮ ᒋ ᒥᔪ ‍ ᒋᔅᒐᔨᑕᓇᐛᐤ ᐊᓐᑕ ᒍᐤ ᐊᔭᒥᐊᐅ-ᐎᓱᐛᐅᒥᓯᓇᐃᑭᓂᒡ ᐊᑎᔅᑕᒡ ᐊᐛᓐ ᐊ ‍ ᒍᐎᐃᔪᑦ ᒐ ᐊᑲ ᒋ ᒧᐱᔅᑐᐛᑦ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ, ᑭᔭ ᒐ ᐊᑲ ᒋ ᐎᒐᐛᑭᓂᑐᐛᑦ᙮ ᒋᓴᒪᓂᑐᐤ ᒪᒃ ᓂᒋ ‍ ᐛᐸᑎᔨᒄ ᒐ ᐊᑲ ᒋ ᐊᑐᐛᔨᒥᒃ ᐊᐛᓐ, ᒐᒋ ᐃᑕᔨᒥᒃ ᐊᑲ ᐸᔭᒋᓯᑦ ᒪᒃ ᐊ ‍ ᒥᒋᓯᑦ ᒐᒋ ᐃᑕᔨᒪᒃ᙮
\v 29 ᑲ ᐸᒋ ‍ ᐎᓴᒥᔭᒄ ᒪᒃ, ᓇᒪ ᐊᑲ ᓂ ᐅᒋ ᐎ ᐸᒋ ‍ ᐃᑐᑕᓐ ᐛᔅ ᑎᐛᒡ ᓂᒋ ‍ ᓂᔅᑐᑕᓐ ᑕᓐ ᑲ ᐃᓯ ‍ ᐛᐸᑎᔨᑯᐅᔭᓐ ᐊᑯ ᒪᒃ ᑲ ᐸᒋ ‍ ᑎᑯᓯᓂᔭᓐ᙮ ᐊᑯ ᒪᒃ ᐛ ‍ ᒋᔅᒐᔨᑎᒪᓐ, ᒐᒂᓐ ᐛᒋ ‍ ᐎᓴᒥᔭᒄ ?”
\p
\v 30 ᐊᑯ ᑯᕐᓂᓕᔭᔅ ᒂ ‍ ᐃᑕᑦ, “ᓇᐤ ᒋᓯᑲᐛ ᐅᑕᒡ ᐅᑕ ᐊᐅᑯᓐ ᓴᓯᑲᓐ ᒋ ‍ ᐃᔅᐱᔅ ᒋᓯᑲᒐ ᐊᒋ ‍ ᐊᔭᒥᐊᔭᓐ ᐊᓐᑕ ᓂᒋᒡ ᓂᔅᑐ ᐊ ‍ ᐃᔅᐱᔨᑦ ᐱᓯᒧᐧᑲᓐ ᑲᒋ ‍ ᐊᐱᑕᒋᓯᑲᒡ᙮ ᒐᒃ ᓯᔅᒋᑯᒡ ᓇᐸᐤ ᐊ ‍ ᐛᔅᑐᐛᔨᒋ ᐅᑦ ᐊᐱᒋᑕᐅᓇ ᒋ ᐅᒋ ‍ ᓂᐳᐅᐤ ᐊᓐᑕ ᐊ ‍ ᑕᔭᓐ᙮
\v 31 ᐊᑯ ᒂ ‍ ᐃᓯᑦ, ‘ᑯᕐᓂᓕᔭᔅ, ᒋᓴᒪᓂᑐᐤ ᒋ ‍ ᐸᑎᒻ ᑕᓐ ᑲ ᐃᓯ ‍ ᐊᔭᒥᐊᔨᓐ ᑭᔭ ᒋ ‍ ᐛᐸᑎᒻ ᑕᓐ ᑲ ᐃᓯ ‍ ᐎᒋᐃᑥᐤ ᑯᑎᑭᒡ ᐊᐛᓐᒋ᙮’
\v 32 ᐊᑯ ᒥᓐ ᒂ ‍ ᐃᓯᑦ ᐊᓐ ᐊᓐᒋᓐ, ‘ᐃᑎᓴᐅᒡ ᐊᐛᓐᒋ ᐊᓐᑕ ᒍᐸ ᒐᒋ ᐎᓴᒪᒡ ᐊᓂᔭ ᓇᐸᐛ ᓴᐃᒥᓐ ᐱᑕᕐ ᑲ ‍ ᐃᓯᓂᐧᑲᓱᔨᒋ᙮ ᐊᓐᑕ ᑕᐤ ᓴᐃᒥᓇ ᐊ ‍ ᑕᔨᒋ ᐊᓐ ᑲ ‍ ᒋᓯᓂᒐᑦ ᑲ ‍ ᐃᓯᓂᐧᑲᑕᑭᓄᐅᑦ, ᐊᓐᑕ ᔭᔭᐤ ᓯᓱᒡ ᐎᓂᐸᑯᒡ ᑲ ‍ ᐎᒋᑦ᙮’
\p
\v 33 ᑎᐛᒡ ᒪᒃ ᓂᒋ ‍ ᐃᑎᓴᐛᐅᒡ ᓇᐸᐅᒡ ᒐᒋ ᐎᓴᒥᔅᒡ, ᒥᔽᓱᐤ ᒪᒃ ᑲ ‍ ᑎᑯᓯᓂᔨᓐ᙮ ᐊᑯ ᒪᒃ ᒥᓯᐛ ᐊ ‍ ᑕᔭᐧᒄ ᐅᑕ, ᒋᓴᒪᓂᑐᐤ ᑭᔭ ᐊᑯᑕ ᐊ ‍ ᑕᑦ, ᐊᑯ ᒪᒃ ᒐ ‍ ᐸᑎᒪᒡ ᑕᓐ ᑲ ‍ ᐃᑎᓱᒥᔅᒃ ᐅᑎᐸᔨᒋᒐᐤ ᒐᒋ ᐃᔅᒋᔄᐅᑦ᙮”
\s1 ᑕᓐ ᑲ ᐃᓯ ‍ ᐎᑎᒧᐛᑦ ᐱᑕᕐ ᑯᕐᓂᓕᔭᓴ
\s2 Acts 10.34-43 (Easter Sunday Year A, B, C)
\p
\v 34 ᐊᑯ ᒪᒃ ᐱᑕᕐ ᐊ ‍ ᐃᔨᒥᑦ, ᐊ ‍ ᐃᔅᒋᔄᑦ, “ᐊᑯ ᒪᒃ ᓇᔅᑐᑎᒪᓐ ᒋᓴᒪᓂᑐᐤ ᐸᐃᑯᓄᒡ ᒥᓯᐛ ᐊ ‍ ᐃᑕᔨᒪᑦ ᐊᐛᔪᐛ᙮
\v 35 ᒪᒃ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐃᔪᐛ ᐅᒡ ᐊᓂᔭ ᑲ ‍ ᓇᓂᒋᔅᑕᑯᑦ ᑭᔭ ᑲ ‍ ᐃᑐᑎᒥᔨᒋ ᑯᐃᔅᑯᑕᑎᓯᐅᓂᔪᐤ ᐊᐅᑯᓂ ᐛᑎᓇᑦ᙮
\v 36 ᒋᔅᒐᔨᑕᓇᐛᐤ ᐊᓐ ᐃᔨᒧᐅᓐ ᒋᓴᒪᓂᑐᐤ ᑲ ‍ ᐃᑎᓴᒧᐛᑦ ᐃᔅᕋᐃᓪ ᐃᔪᐛ, ᐊ ‍ ᐛᐎᑎᒧᐛᑦ ᒥᔽᒋᒧᐅᓂᔪᐤ ᐊᓐᑕ ᒐᒋ ᐅᒋ ‍ ᐊᔭᔨᒋ ᒋᔭᒪᔨᑎᒧᐅᓂᔪᐤ ᒋᓴᔅ ᙭ᑕ ᐅᒡ᙮ ᐛᔅ ᐎᔾ ᒋᓴᔅ ᒥᓯᐛ ᐊᔭᐤ ᑎᐸᔨᒋᒐᐅᓂᔪᐤ᙮
\v 37 ᒋᔅᒐᔨᑕᓇᐛᐤ ᑭᔭ ᑕᓐ ᑲ ‍ ᐃᔅᐱᔨᒡ ᐊᓐᑕ ᒥᓯᐛ ᒍᑎᔭᒡ, ᑲᓕᓕᒡ ᐊᓐᑕ ᐅ ᒋ ᐅᒋ ‍ ᒋᒋᐱᔪᐤ ᐃᔅᐱ ᒠᓐ ᑲ ‍ ᐛᐎᑕᐧᒃ ᓯᑲᐃᑕᒐᐅᓂᔪᐤ᙮
\v 38 ᔅᒋ ‍ ᐸᑕᓇᐛᐤ ᒋᓴᔅ ᓇᓴᕆᑎᒡ ᑲ ‍ ᐅᒋᑦ ᐊᒋ ‍ ᑐᒥᓂᑯᑦ ᒋᓴᒪᓂᑐᐛ ᑭᔭ ᐊᒋ ‍ ᒥᔨᑯᑦ ᓱᐧᑲᑎᓯᐅᓂᔪᐤ ᑭᔭ ᑲ ‍ ᐸᔭᒋᓯᔨᒋ ᐊᒐᒂ᙮ ᒥᒄ ᒪᒃ ᑕᓐᑕ ᑲ ᐊᑎ ‍ ᐃᑕᑦ ᒋ ‍ ᒥᔪᑐᑎᒪᒐᐤ ᑭᔭ ᒋ ‍ ᒥᓏᒋᐊᐤ ᐊᓂᔭ ᐃᔪᐛ ᒥᒋᒥᓂᑐᐛ ᑲ ‍ ᓂᓇᐧᑲᒋᐃᑯᔨᒋ ᐛᔅ ᒧᔅ ᒋ ‍ ᐎᒐᐅᑯᐤ ᒋᓴᒪᓂᑐᐛ᙮”
\p
\v 39 “ᓂᔭᓐ ᒪᒃ ᓂ ‍ ᑎᐸᑕᓇᓐ ᒥᓯᐛ ᒐᒂᓇ ᑲ ‍ ᐃᑐᑕᐧᒃ ᑕᐱᔅᑯᓐ ᒍᐤ ᐃᔪᐛ ᐅᑦ ᐊᔅᒋᔨᒡ ᑭᔭ ᒋᕈᓯᓕᒥᒡ, ᐊᓂᔭ ᑲᒋ ‍ ᓂᐸᐃᑯᑦ ᑭᔭ ᑲᒋ ‍ ᐊᑯᑎᑯᑦ ᒥᔅᑎᑯᒡ᙮
\v 40 ᐎᔾ ᒋᓴᒪᓂᑐᐤ ᒋ ‍ ᐅᓂᔅᑲᓇᐤ ᑲ ᓂᔅᑐ ‍ ᒋᓯᑲᔨᒡ, ᑭᔭ ᒧᓴ ᒋᓄᑯᐊᐤ᙮
\v 41 ᓇᒪᐎᔾ ᑭᑈ ᒥᓯᐛ ᐊᐛᔪᐛ ᐅᒋ ᓄᑯᓯᔅᑐᐛᐤ ᒋᓴᔅ, ᒥᒄ ᐊᓂᔭ ᐊᐛᔪᐛ ᒋᓴᒪᓂᑐᐛ ᑲ ‍ ᐅᑎᓂᑯᔨᒋ ᒐᒋ ᑎᐸᒋᒥᑯᑦ᙮ ᑭᔭ ᓂᒋ ᐎᒋ ‍ ᒥᒋᓱᒪᓇᓐ ᑲᒋ ‍ ᐅᓂᔅᑲᑦ ᓂᐳᐅᓂᒡ ᐅᒋ᙮
\v 42 ᓂᒋ ‍ ᐃᑎᓱᒥᑯᓇᓐ ᒋᓴᔅ ᒐᒋ ᐛᐎᑎᒧᒥᒋᒋ ᐃᔪᐛ ᒥᔽᒋᒧᐅᓂᔪᐤ ᑭᔭ ᒐᒋ ᐎᑎᒧᒥᒋᒋ ᐎᔾ ᒋᓴᔅ ᐊᒋ ‍ ᐅᑎᓂᑯᑦ ᒋᓴᒪᓂᑐᐛ ᒐᒋ ᑎᐸᔅᑯᓇᑦ ᑲ ‍ ᐱᒪᑎᓯᔨᒋ ᑭᔭ ᐊᓂᔭ ᑲ ‍ ᓂᐱᔨᒋ᙮
\v 43 ᒋ ‍ ᑎᐸᒋᒥᑯᐤ ᒥᓯᐛ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑲ ‍ ᐃᔅᒋᔄᔨᒋ, ᐎᔾ ᐅᑦ ᐃᓯᓂᐧᑲᓱᐅᓂᔨᒡ ᐅᒡ ᒥᒄ ᐊᐛᓐ ᒐ ‍ ᑕᑈᔭᔨᒪᒂ ᒋᑭ ‍ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ᙮”
\s1 ᑲ ‍ ᐸᔭᒋᓯᔨᒋ ᐊᒐᒂ ᒋ ‍ ᒥᔭᑭᓄᐎᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮
\s2 Acts 10.44-48 (Easter-6 Year B)
\p
\v 44 ᒪᒂᒡ ᒪᒃ ᐱᑕᕐ ᐊ ‍ ᐃᔨᒪᐊᑦ ᐊᓂᔭᔪᐛ ᐃᔪᐛ, ᑲ ‍ ᐸᔭᒋᓯᔨᒋ ᐊᒐᒂ ᒋ ᐸᒋ ‍ ᔭᓯᔪᐛ ᐊᓐᑕ ᐊ ‍ ᑕᒡ ᐊᓐᒡ ᒥᓯᐛ ᑲ ‍ ᓂᑐᑐᐛᒡ᙮
\v 45 ᐊᓐᒡ ᒪᒃ ᒍᐤ ᐃᔪᒡ ᑲ ‍ ᑕᑈᑕᒡ, ᐊᓐᒡ ᑲ ᐸᒋ ‍ ᐎᒐᐛᒡ ᐱᑕᕋ, ᒋ ‍ ᒥᔅᑲᑕᔨᑎᒥᐃᑯᐅᒡ ᒋᓴᒪᓂᑐᐛ ᐊ ‍ ᒥᔭᔨᒋ ᑲ ‍ ᐸᔭᒋᓯᔨᒋ ᐊᒐᒂ ᐊᓂᔭ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮
\v 46 ᒋ ‍ ᒋᔅᒐᔨᑎᒧᒡ ᐊᒋ ‍ ᒥᔭᑭᓄᐎᒡ ᑲ ‍ ᐸᔭᒋᓯᔨᒋ ᐊᒐᒂ, ᐛᔅ ᒋ ‍ ᐸᑐᐛᐅᒡ ᐊ ᒂᔅᒋ ‍ ᐃᔨᒥᔨᒋ ᑭᔭ ᐊ ‍ ᒪᒥᒋᒪᔨᒋ ᒋᓴᒪᓂᑐᐛ᙮
\p ᐊᑯ ᐱᑕᕐ ᒂ ‍ ᐃᔅᒋᔄᑦ,
\v 47 “ᐅᒡ ᐃᔪᒡ ᒋ ‍ ᒥᔭᑭᓄᐎᒡ ᑲ ‍ ᐸᔭᒋᓯᔨᒋ ᐊᒐᒂ ᒧᔭᒻ ᑭᔭ ᒋᔭᓄᐤ ᑲ ᐃᓯ ‍ ᒥᔨᑯᐅᔭᐧᒄ ᑲ ‍ ᐸᔭᒋᓯᑦ ᐊᒐᐧᒄ᙮ ᐊᑯ ᒪᒃ ᓇᒪ ᐊᐛᓐ ᒋᐸ ᐅᒋ ‍ ᒋᐱᒐᐊᐤ ᒐᒋ ᓯᑲᐃᑐᐛᑭᓄᔨᒋ ᓂᐱᔪᐤ᙮”
\v 48 ᒋ ‍ ᐃᑎᓱᐛᐤ ᒪᒃ ᒐᒋ ᓯᑲᐃᑐᐛᑭᓄᔨᒋ ᐅᔭ ᒋᓴᔅ ᙭ᑕ ᐅᑦ ᐃᓯᓂᐧᑲᓱᐅᓂᔨᒡ᙮ ᐅᒡ ᒪᒃ ᑲ ‍ ᑕᑈᑕᒡ ᒋ ‍ ᑯᒂᒋᒪᐅᒡ ᐱᑕᕋ ᐛᐃᐱᔅᒋᔅ ᒥᓐ ᒐᒋ ᑕᔨᒋ ᐊᓐᑕ ᐊ ‍ ᑕᒡ᙮
\c 11
\s1 ᐱᑕᕐ ᑲ ‍ ᐎᑎᒧᐛᑦ ᐊᓂᔭ ᑲ ‍ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ‍ ᑕᔨᒋ ᑕᓐ ᑲ ‍ ᐃᔅᐱᔨᒡ
\s2 Acts 11.1-18 (Easter-5 Year C)
\p
\v 1 ᐊᓐᒡ ᐊᑈᔅᑕᓇᒡ ᑭᔭ ᐊᓐᒡ ᐎᐧᑲᓂᓯᒪᐅᒡ ᐊᓐᑕ ᒍᑎᔭ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ‍ ᑕᒡ ᒋ ‍ ᐸᑎᒧᒡ ᐊᓂᔭᔪᐤ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ‍ ᑕᑈᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮
\v 2 ᐃᔅᐱ ᒪᒃ ᐱᑕᕐ ᑲ ‍ ᑎᑯᓯᐧᒃ ᐊᓐᑕ ᒋᕈᓯᓕᒥᒡ, ᒋ ‍ ᐃᔨᒥᐃᑯᐤ ᐊᓂᔭᔪᐛ ᑲ ‍ ᒋᔅᒋᓄᐛᒋᔄᑭᓄᔨᒋ ᑲ ‍ ᑕᑈᑎᒥᔨᒋ ᐊᑲ ᓇᐊᔨᑎᒥᔨᒋ ᐅᔭ ᑕᓐ ᑲ ‍ ᐃᑎᑦ᙮
\v 3 ᒂ ‍ ᐃᑕᒡ ᐊᓂᔭ ᐱᑕᕋ, “ᔅᒋ ‍ ᐃᑐᑕᓐ ᐊᓐᑕ ᐊᓐᒡ ᐃᔪᒡ ᐊ ‍ ᑕᒡ ᐊᑲ ᒍᐤ ᐃᑎᔅᑲᓇᓯᒡ, ᐛᐛᒡ ᑭᔭ ᔅᒋ ‍ ᐎᒋᒥᒋᓱᒪᐅᒡ !”
\p
\v 4 ᐊᑯ ᐱᑕᕐ ᒂ ‍ ᐎᑎᒧᐛᑦ ᒥᓯᐛ ᑕᓐ ᓇᐊᐤ ᑲ ᐸᒋ ‍ ᐃᔅᐱᔨᒡ ᐊ ‍ ᐃᑕᑦ,
\v 5 “ᒪᒂᒡ ᑲ ‍ ᐊᔭᒥᐊᔭᓐ ᐊᓐᑕ ᒍᐸᒡ, ᓂᒋ ‍ ᐛᐸᑎᔨᑯᐅᓐ ᐛᐸᑎᔨᐛᐅᓐ᙮ ᓂᒋ ‍ ᐛᐸᑕᓐ ᒐᒂᓐ ᐊ ᐸᒋ ‍ ᔭᓯᒥᑲᒡ ᒋᒋᒋᓯᑯᒡ ᐅᒋ, ᒧᔭᒻ ᒥᒋᓱᐛᑭᓂᐱᒍᐎᔭᓐ ᐊ ‍ ᐃᓯᓇᒂᒡ᙮ ᐊᑯ ᒂ ᐸᒋ ‍ ᓂᑲᐱᔨᒡ ᐊᓐ ᐊᓐᑕ ᐅᑎᔅᑯᐤ ᐊ ‍ ᑕᔭᓐ᙮
\v 6 ᐃᔅᐱ ᒪᒃ ᒥᒋᒪ ᑲ ‍ ᐱᑕᔭᐸᑎᒪᓐ ᓂᒋ ‍ ᐛᐱᒪᐅᒡ ᓂᓇᐧᑯᐤ ᐊ ‍ ᐃᓯᓇᑯᓯᒡ ᐊᐛᓯᓯᒡ ᑭᔭ ᒥᓐᑐᓯᒡ ᑭᔭ ᐱᔭᓯᓯᒡ ᐊᓐᑕ ᐊ ‍ ᑕᒡ᙮
\v 7 ᐊᑯ ᒂ ‍ ᐸᑐᐅᒃ ᐊᐛᓐ ᐊ ᐸᒋ ‍ ᐃᔨᒥᐃᑦ ᐊ ‍ ᐃᓯᑦ, ‘ᐱᑕᕐ ᐱᓯᑯ, ᓂᐸᐊᑕᒐ ᑭᔭ ᒐ ‍ ᒥᒋᔨᓐ ᐊᓐ ᑲ ‍ ᓂᐸᑕᔨᓐ᙮’ ”
\p
\v 8 “ᓂᒋ ‍ ᐃᔅᒋᔄᓐ ᒪᒃ, ‘ᓇᒪ ᓂᑭ ᐅᒋ ‍ ᐃᑐᑕᓐ ᐅ ᐅᑎᐸᔨᒋᒐᐤ, ᓇᒪ ᓂᑕ ᓂ ᐅᒋ ‍ ᒥᒋᓐ ᒐᒂᓐ ᐊ ‍ ᐎᓇᒡ ᐊ ‍ ᐃᑕᔨᑕᒂᒡ ᒍᐤ ᐎᓱᐛᐅᓂᒡ ᑲ ‍ ᐎᑕᒂᒡ ᐊᑲ ᓂᑕ ᒋᐸ ᐅᒋ ‍ ᒥᒋᓇᓄᐤ᙮’ ”
\p
\v 9 “ᐊᑯ ᒥᓐ ᒂ ᐅᒋ ‍ ᐸᑕᒂᒡ ᐸᑕᑯᓱᐅᓐ ᒋᒋᒋᓯᑯᒡ ᐅᒡ ᐊ ‍ ᐃᔅᒋᔄᑦ ᐊᐛᓐ, ‘ᐊᑲᐎᔾ ᐃᔅᒋᔄ ᐊ ‍ ᐎᓇᒡ ᐊᓂᔭ ᒋᓴᒪᓂᑐᐤ ᐊᒋ ‍ ᐃᔅᒋᔄᑦ ᐊ ‍ ᐸᔭᐧᑭᓂᔨᒡ᙮’
\v 10 ᓂᔍᐤ ᒪᒃ ᓂᒋ ‍ ᐃᔨᒥᐃᑯᓐ, ᐊᑯ ᒥᓐ ᑲᐤ ᐊᓐᑕ ᒋᒋᒋᓯᑯᒡ ᑲ ᐃᓯ ‍ ᐅᒋᐱᔨᑕᑭᓄᐅᒡ ᐊᓐ ᒥᒋᓱᐛᑭᓂᐱᒍᐎᔭᓐ᙮”
\p
\v 11 “ᒪᒂᒡ ᒪᒃ ᐅ ᓂᔅᑐ ᓇᐸᐅᒡ ᒧᔭᒻ ᒋ ‍ ᑎᑯᓯᓄᐅᒡ ᐊᓐᑕ ᓯᓴᕆᔭᒡ ᐊ ‍ ᐅᑐᑕᒡ ᐊᒋ ᐸᒋ ‍ ᐃᑎᓴᐛᑭᓄᐅᒡ ᐊᓐᑕ ᐊᓐ ᒥᒋᐛᐱᒡ ᑲ ‍ ᑕᔭᓐ᙮
\v 12 ᑲ ‍ ᐸᔭᒋᓯᑦ ᐊᒐᐧᒄ ᓂᒋ ‍ ᐃᑎᒄ ᒐᒋ ᐎᒐᐅᒥᒋ ᐅᔭ ᓇᐸᐛ ᑭᔭ ᒐ ᐊᑲ ᒋ ᓇᑲᐎᔭᓐ ᒐᒋ ᐎᒐᐅᒂᐤ ᒥᒄ ᐊᓂᔭ ᐅᒋ ᐊᑲ ᒍᐤ ᐃᑎᔅᑲᓇᓯᒡ᙮ ᐊᑯ ᒪᒃ ᒂ ‍ ᐎᒐᐅᒂᐤ᙮ ᒪᒃ ᑭᔭ ᐅᒡ ᐊᓱᑕᒡ ᑯᑎᑭᒡ ᒋᐧᑲᓂᓯᓄᐅᒡ ᑲ ‍ ᑕᑈᑕᒡ ᒍᐸᒡ ᑲ ‍ ᐅᒋᒡ ᓂᒋ ‍ ᐎᒐᐅᑯᒡ ᐊᓐᑕ ᓯᓴᕆᔭᒡ ᐊ ‍ ᐃᑐᑕᐅᒡ᙮ ᒥᓯᐛ ᒪᒃ ᓂᒋ ‍ ᐱᒐᓇᓐ ᐊᓐᑕ ᑯᕐᓂᓕᔭᔅ ᐎᒋᒡ᙮
\v 13 ᐊᑯ ᒪᒃ ᑯᕐᓂᓕᔭᔅ ᒂ ‍ ᐎᑎᒧᔨᒥᑦ ᐊᒋ ‍ ᐛᐱᒪᒂ ᐊᓐᒋᓇ ᐊ ‍ ᓂᐳᔨᒋ ᐊᓐᑕ ᐱᑎᑭᒥᒡ ᐎᒋᒡ ᐊ ‍ ᐃᑎᑯᑦ, ‘ᐃᑎᓴᐛᐤ ᐊᐛᓐ ᓇᑕ ᒍᐸᒡ ᒐ ‍ ᐎᓴᒪᑦ ᐊᓂᔭ ᓇᐸᐛ ᓴᐃᒥᓐ ᐱᑕᕐ ᑲ ‍ ᐃᓯᓂᐧᑲᓱᔨᒋ᙮
\v 14 ᐅ ᒪᒃ ᓇᐸᐤ ᓴᐃᒥᓐ ᐱᑕᕐ ᒋᑭ ‍ ᐛᐎᑎᒪᒄ ᑕᓐᑕ ᒐᒋ ᐅᒋ ‍ ᐱᒪᒋᐅᔨᓐ ᑭᔭ ᒥᓯᐛ ᐊᓐᒡ ᐊᓐᑕ ᐊ ‍ ᐸᐃᑯᑕᐅᓯᔨᓐ,’ ᐊᐅᑯᓐ ᑲ ‍ ᐃᑎᑯᒂ ᑯᕐᓂᓕᔭᔅ ᐊᓂᔭ ᐊᓐᒋᓇ᙮”
\p
\v 15 “ᐃᔅᐱ ᒪᒃ ᑲ ‍ ᐸᑎᒪᓐ ᑕᓐ ᑲ ‍ ᐃᑎᑯᒂ ᑯᕐᓂᓕᔭᔅ ᐊᓂᔭ ᐊᓐᒋᓇ, ᐊᑯ ᑲ ᒋᒋ ‍ ᐃᔨᒥᔭᓐ᙮ ᒪᒂᒡ ᒪᒃ ᐊ ‍ ᐃᔨᒥᔭᓐ ᑲ ‍ ᐸᔭᒋᓯᔨᒡ ᐊᒐᐧᒄ ᒋ ᐸᒋ ‍ ᔭᓯᑐᑕᑯᐅᒡ ᒧᔭᒻ ᒋᔭᓄᐤ ᐅᔅᑭᒡ ᑲ ‍ ᒥᔨᑯᐅᔭᐧᒄ ᑲ ‍ ᐸᔭᒋᓯᑦ ᐊᒐᐧᒄ᙮
\v 16 ᐊᑯ ᒂ ᐅᒋ ‍ ᒋᔅᒋᓯᔭᓐ ᐅᔭ ᑲ ‍ ᐃᔅᒋᔄᑦ ᐅᑎᐸᔨᒋᒐᐤ, ‘ᒠᓐ ᔅᒋ ‍ ᓯᑲᐃᑕᑯᐛᐤ ᓂᐱᔪᐤ, ᒥᒄ ᒪᒃ ᒋᓴᒪᓂᑐᐤ ᒋᑭ ‍ ᓯᑲᐃᑕᑯᐛᐤ ᑲ ‍ ᐸᔭᒋᓯᔨᒋ ᐊᒐᒂ,’ ᐊᑯᓐ ᑲ ‍ ᐃᔅᒋᔄᒂ ᐅᑎᐸᔨᒋᒐᐤ᙮
\v 17 ᒐᔅᑎᓇᔅ ᒪᒃ ᒋᓴᒪᓂᑐᐤ ᒋ ‍ ᒥᔭᐤ ᐊᓂᔭᔪᐛ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊᓂᔭᔪᐛ ᑲ ‍ ᐸᔭᒋᓯᔨᒋ ᐊᒐᒂ ᒧᔭᒻ ᒋᔭᓄᐤ ᑲ ᐃᓯ ‍ ᒥᔨᑯᐅᔭᐧᒄ ᐃᔅᐱ ᑲ ‍ ᑕᑈᔭᔨᒪᐧᒄ ᐅᑎᐸᔨᒋᒐᐤ ᒋᓴᔅ ᙭᙮ ᐊᐛᓐ ᒪᒃ ᓂᔾ ᒐᒋ ᒋᐱᒋᐃᒃ ᒋᓴᒪᓂᑐᐤ ᑕᓐ ᐛ ᐃᑎᑦ,” ᒋ ‍ ᐃᑕᐤ ᐱᑕᕐ ᐊᓂᔭ ᐃᔪᐛ᙮
\p
\v 18 ᐅᔭ ᒪᒃ ᐊ ‍ ᐸᑐᐛᒡ ᐊ ᐃᓯ ‍ ᐎᑎᒥᔨᒋ ᓇᒪ ᐅᒋ ᓂᔅᑯᔅᑐᐛᐅᒡ᙮ ᒋ ‍ ᒋᔅᑕᒋᒪᐅᒡ ᒋᓴᒪᓂᑐᐛ ᐊ ‍ ᐃᔅᒋᔄᒡ, “ᒋᓴᒪᓂᑐᐤ ᒋ ‍ ᓇᐃᐱᔨᑕᐤ ᐊᓂᔭ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐱᒪᒋᐅᔨᒋ᙮”
\s1 ᑲ ‍ ᑕᑈᑕᒡ ᐊᓐᑕ ᐊᓐᑎᔭᑭᒡ ᑲ ‍ ᑕᒡ
\p
\v 19 ᐃᔅᐱ ᒪᒃ ᑲ ‍ ᓂᐸᐊᑭᓄᐅᑦ ᔅᑎᐱᓐ, ᒋ ‍ ᓂᓇᐧᑲᒋᐊᑭᓄᐅᒡ ᐊᓐᒡ ᑲ ‍ ᑕᑈᑕᒡ, ᒥᓯᐛ ᒪᒃ ᓂᓇᐧᑯᐤ ᒋ ‍ ᐃᑎᓯᒧᒡ᙮ ᐱᔅᒐ ᒪᒃ ᐛᔪᐤ ᒋ ‍ ᐃᑐᑕᐅᒡ ᒧᔭᒻ ᐊᓐᑕ ᐊᔅᒋᒡ ᐳᓂᓯᔭ ᑭᔭ ᓴᐃᐳᕋᔅ ᑲ ‍ ᐃᓯᓂᐧᑲᑕᔨᒋ ᑭᔭ ᐊᓐᑕ ᐅᑕᓇᒡ ᐊᓐᑎᔭᒃ, ᒥᒄ ᒪᒃ ᐊᓂᔭ ᒍᐤ ᐃᔪᐛ ᒋ ‍ ᐛᐎᑎᒧᐛᐅᒡ ᒥᔽᒋᒧᐅᓂᔪᐤ᙮
\v 20 ᒥᒄ ᒪᒃ ᐱᔅᒐ ᐊᓐᒡ ᑲ ‍ ᑕᑈᑕᒡ ᐊᓐᑕ ᓴᐃᐳᕋᔅ, ᑭᔭ ᓴᐃᕆᓐ ᑲ ‍ ᐅᒋᒡ ᒋ ‍ ᐃᑐᑕᐅᒡ ᐊᓐᑕ ᐊᓐᑎᔭᑭᒡ ᐊᑯ ᒂ ‍ ᐎᑎᒧᐛᒡ ᐊᓂᔭ ᑯᕆᒃ ᐃᔪᐤ ᒥᔽᒋᒧᐅᓂᔪᐤ ᒋᓴᓴ ᐊ ‍ ᑎᐸᔨᒋᒐᔨᒋ᙮
\v 21 ᒋ ‍ ᒥᔭᑭᓄᐎᒡ ᒪᒃ ᐅᑎᐸᔨᒋᒐᐛ ᐅᓱᐧᑲᑎᓯᐅᓂᔪᐤ, ᒥᒐᑦ ᒪᒃ ᐊᐛᓐᒋ ᒋ ‍ ᑕᑈᔭᔨᒪᐅᒡ ᑭᔭ ᒋ ‍ ᓇᓴᐛᐅᒡ ᐅᑎᐸᔨᒋᒐᐤ᙮
\p
\v 22 ᐃᔅᐱ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᓐᑕ ᒋᕈᓯᓕᒥᒡ ᑲ ‍ ᑕᒡ ᑲ ‍ ᐸᑕᒡ ᐅᔭ ᐊ ‍ ᐃᔅᐱᔨᒡ ᒋ ‍ ᐃᑎᓴᐛᐅᒡ ᐸᕐᓇᐸᓴ ᐊᓐᑕ ᐊᓐᑎᔭᑭᒡ᙮
\v 23 ᐃᔅᐱ ᒪᒃ ᑕᑯᓯᐧᒃ ᐸᕐᓇᐸᔅ ᐊᓐᑕ, ᐎᔭᐸᑎᒧᐛᑦ ᒪᒃ ᒋᓴᒪᓂᑐᐤ ᑕᓐ ᐊ ᐃᓯ ‍ ᓱᐛᔨᒪᔨᒋ ᐊᓂᔭᔪᐛ ᐃᔪᐛ, ᒋ ‍ ᒥᔽᔨᑎᒻ᙮ ᒋ ‍ ᓯᒋᒪᐤ ᒪᒃ ᒐᒋ ᐊᔨᒋᑲᐳᔨᒋ ᑭᔭ ᓱᒃ ᒧᔅ ᒐ ᐎ ‍ ᓂᓇᐃᑎᒪᔨᒋ ᐅᑎᐸᔨᒋᒐᐛ᙮
\v 24 ᐛᔅ ᐅ ᓇᐸᐤ ᐸᕐᓇᐸᔅ ᓇᔅᒡ ᒋ ‍ ᑯᐃᔅᑯᑕᑎᓯᐤ, ᑭᔭ ᒋ ‍ ᓴᑭᔅᒋᓇᔅᑲᑯᐤ ᑲ ‍ ᐸᔭᒋᓯᔨᒋ ᐊᒐᒂ, ᑭᔭ ᒋ ‍ ᓱᒐᔨᑕᑯᓂᔪᐤ ᐅᑕᑈᑎᒧᐅᓐ᙮ ᐊᑯ ᒪᒃ ᐊᑐᐎᔅ ᒥᒐᑦ ᐃᔪᒡ ᑲ ‍ ᑕᑈᔭᔨᒪᒡ ᐅᑎᐸᔨᒋᒐᐤ ᒋᓴᓴ᙮
\p
\v 25 ᐊᑯ ᐸᕐᓇᐸᔅ ᒂ ‍ ᐃᑐᑕᑦ ᐊᓐᑕ ᑕᕐᓯᔅ ᒐᒋ ᓇᓂᑐᐛᔨᒪᑦ ᓴᓚ᙮
\v 26 ᐃᔅᐱ ᒪᒃ ᒪᔅᑯᐛᑦ, ᒋ ‍ ᐸᓱᐛᐤ ᐊᓐᑕ ᐊᓐᑎᔭᑭᒡ᙮ ᑕᐱᔅᑯᓐ ᒪᒃ ᐊ ‍ ᓂᓯᒡ ᓇᔅᒡ ᐸᐃᒄ ᐱᐳᓇ ᒧᔅ ᒋ ‍ ᓂᔅᑐᓇᐅᒡ ᐊᓂᔭ ᐅᒪᒧᐊᔭᒥᐊᐛ ᒐᒋ ᒪᒧᐤ ᐊᔭᒥᐊᒡ ᑭᔭ ᒥᒐᑦ ᐊᓂᔭ ᒋ ‍ ᒋᔅᑯᑎᒧᐛᐅᒡ᙮ ᐊᑯᑕ ᒪᒃ ᐊᓐᑕ ᐊᓐᑎᔭᑭᒡ ᒪᐅᒡ ᓂᔅᑎᒻ ᙭ᔅᑎᔭᓂᒡ ᑲ ‍ ᐃᓯᓂᐧᑲᑕᑭᓄᐎᒡ ᐊᓐᒡ ᑲ ‍ ᑕᑈᔭᔨᒪᒡ ᒋᓴᓴ᙮
\p
\v 27 ᒪᒂᒡ ᒪᒃ ᐅᔭ ᑲ ‍ ᐃᑎᒡ ᐸᕐᓇᐸᔅ ᑭᔭ ᓴᓪ ᐊᓐᑕ ᐊᓐᑎᔭᑭᒡ, ᐱᔅᒐ ᐊᓐᒡ ᐅᒋᔅᒋᐛᐃᒐᓱᒡ ᒋ ‍ ᐃᑐᑕᐅᒡ ᐊᓐᑕ ᐊᓐᑎᔭᑭᒡ, ᒋᕈᓯᓕᒥᒡ ᐊ ‍ ᐅᑐᑕᒡ᙮
\v 28 ᐸᐃᒄ ᒪᒃ ᐊᓐ ᐊᑲᐸᔅ ᐊ ‍ ᐃᓯᓂᐧᑲᓱᑦ, ᒋ ‍ ᐱᓯᑯᐤ ᐊ ‍ ᒥᔨᑯᑦ ᑲ ‍ ᐸᔭᒋᓯᔨᒋ ᐊᒐᒂ ᒐᒋ ᐃᓯ ‍ ᓂᑲᓐ ᐎᑕᐧᒃ ᒐ ‍ ᐱᒥᐱᔨᒡ ᐊ ‍ ᑯᐅᐧᑭᑕᓄᐎᒡ ᒥᓯᐛ ᐊ ‍ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ᙮ ᐊᐅᑯᓐ ᒪᒃ ᑕᑈ ᑲ ‍ ᐃᔅᐱᔨᒡ ᒪᒂᒡ ᑲᓗᑎᔭᓴ ᑲ ‍ ᒋᓴᐅᒋᒪᐎᔨᒋ᙮
\v 29 ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒥᓯᐛ ᐸᐸᐃᒄ ᐊ ‍ ᑎᓯᒡ ᒂ ‍ ᐎᔭᔨᑕᒡ ᓱᒃ ᒐ ‍ ᐎᒋᐊᒡ ᑕᓐ ᐊ ᐃᓯ ‍ ᓂᑐᐛᔨᑎᒥᔨᒡ ᐊᓂᔭ ᐎᐧᑲᓂᓱᐛᐛ ᐊᓐᑕ ᒍᑎᔭ ᐊᔅᒋᒡ ᑲ ‍ ᑕᔨᒋ᙮
\v 30 ᐊᐅᑯᓐ ᒪᒃ ᑲ ‍ ᐃᑎᒡ᙮ ᒋ ‍ ᐃᑎᓴᐛᐅᒡ ᐸᕐᓇᐸᓴ ᑭᔭ ᓴᓚ ᒐᒋ ᐃᑐᑕᔨᒋ ᐊᓂᔭ ᓱᓇᔭᔪᐤ ᐊᓐᑕ ᒋᕈᓯᓕᒥᒡ ᒐᒋ ᒥᔭᔨᒡ ᐊᓂᔭᔪᐛ ᑲ ‍ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ᙮
\c 12
\s1 ᑕᓐᑕ ᑲ ᐅᒋ ‍ ᐎᐧᑯᒋᐅᑦ ᐱᑕᕐ ᐊᓐᑕ ᑲᒪᑯᓄᐛᓯᐅᒋᐛᐱᒡ ᑲ ‍ ᑕᑦ
\p
\v 1 ᐊᑯᑕ ᒪᒃ ᐊᓐᑕ ᓴᓯᑲᓐ ᒋᓴᐅᒋᒪᐤ ᐊᕈᑦ ᑲ ᒋᒋ ‍ ᓂᓇᐧᑲᒋᐊᑦ ᐱᔅᒐ ᐊᓂᔭ ᐅᒪᒧᐊᔭᒥᐊᐤ᙮
\v 2 ᒠᓐ ᐎᐧᑲᓂᓱᐛᐛ ᒋᒥᓴ ᐊᐅᑯᓐ ᐊᓂᔭ ᓂᔅᑎᒻ ᑲ ‍ ᐃᑎᓱᐛᑕᑦ ᒐ ‍ ᓂᐸᐊᑭᓄᔨᒋ, ᓂᑐᐱᔪᐅ-ᒧᐧᑯᒪᓂᔪᐤ ᐊ ‍ ᐊᐱᑎᓂᔨᒡ᙮
\v 3 ᐃᔅᐱ ᐎᔭᐸᑕᐧᒃ ᐊ ‍ ᒥᔽᔨᑎᒥᔨᒋ ᒍᐤ ᐃᔪᐛ ᐅᔭ ᑲ ‍ ᐃᑎᑦ, ᐊᑯ ᒂ ‍ ᐃᔅᒋᔄᑦ ᐱᑕᕋ ᑭᔭ ᒐᒋ ᒪᑯᓇᑭᓄᔨᒋ᙮ ᐊᐅᒄ ᒪᒃ ᐅᔭ ᒪᒂᒡ ᐊ ‍ ᒋᓯᑲᔨᒡ ᐊᓐᒡ ᒍᐤ ᐃᔪᒡ ᑲ ‍ ᒥᑯᓴᒡ, ᐊᓐ ᒥᑯᓴᓐ ᑲᒋ ‍ ᒧᐛᑭᓄᐅᑦ ᐸᒂᓯᑭᓐ ᐊᑲ ᐅᐱᓯᑭᓂᐧᑲᑐᐛᑭᓄᐅᑦ᙮
\v 4 ᐊᑯ ᐱᑕᕐ ᒂ ‍ ᒪᑯᓇᑭᓄᐅᑦ ᑲ ‍ ᒋᐸᐛᑭᓄᐅᑦ᙮ ᒪᒧᐤ ᐊᓱᑕᒡ ᑕᑐᓴᑉ ᒋ ‍ ᑎᓯᔪᐤ ᐊᓯᒪᑭᓂᓴ ᐊ ‍ ᓂᓇᑭᑐᐛᔨᒥᑯᑦ ᐊ ‍ ᒪᒥᔅᑯᑎᔅᑲᑐᔨᒋ᙮ ᓇᐤ ᒋ ‍ ᑎᓯᔪᐛ ᐸᐃᒂᐤ ᐊ ‍ ᓂᓇᑭᑐᐛᔨᒥᑯᑦ᙮ ᐊᕈᑦ ᒪᒃ ᒋ ‍ ᐃᑕᔨᑎᒻ ᒐᒋ ᓂᔅᑐᓇᑦ ᐊᓂᔭᔪᐛ ᐃᔪᐛ ᒋ ‍ ᒥᑯᓴᔨᒐ᙮ ᐊᑯᑕ ᑲ ‍ ᐃᑕᔨᑕᐧᒃ ᒐᒋ ᑎᐸᔅᑯᓇᑦ ᐱᑕᕋ ᐊᓐᑕ ᐊᓂᔭ ᒪᒂᒡ᙮
\p
\v 5 ᒪᒂᒡ ᒪᒃ ᐱᑕᕐ ᑲ ‍ ᑕᑦ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐊᓂᔭ ᐅᒪᒧᐊᔭᒥᐊᐤ ᓱᒃ ᒋ ‍ ᐊᔭᒥᐊᔅᑎᒪᑯᐤ᙮
\p
\v 6 ᐊᓂᔭ ᒪᒃ ᒪᔅᑕᔾ ᑕᐱᔅᑲᔨᒡ ᒐ ‍ ᑕᑦ ᐱᑕᕐ ᐊᓐᑕ ᑲᒪᑯᓄᐛᓯᐅᒋᐛᐱᒡ ᑎᔅᑐᐎᒡ ᓂᓱ ᐊᓯᒪᑭᓂᓴ ᐊ ‍ ᑕᔨᒋ ᒋ ‍ ᓂᐸᐤ᙮ ᐊᓂᔭ ᒪᒃ ᐛᐸᓂᔨᒐ ᐊᑯ ᒋᐸ ‍ ᑎᐸᔅᑯᓇᑭᓄᐤ᙮ ᓂᔄᐸᒡ ᒪᒃ ᐃᓴᒂᔭᐱᔭ ᒋ ‍ ᒪᑯᐱᑕᑭᓄᐤ᙮ ᑭᔭ ᒋ ‍ ᑕᔪᐛ ᐊᓯᒪᑭᓂᓴ ᐊ ‍ ᑭᓄᔅᑯᐛᑐᐛᔨᒋ᙮
\v 7 ᒐᒃ ᓯᔅᒋᑯᒡ ᑲ ᐅᒋ ‍ ᐛᔅᑕᔨᒡ ᐊᓐᑕ ᐱᑕᕐ ᑲ ‍ ᒋᐸᐛᑭᓄᐅᑦ, ᐊᐅᑯᔪᐛ ᐅᑎᐸᔨᒋᒐᐤ ᐅᑦ ᐊᓐᒋᓂᒥᔪᐛ ᐛᒋ ‍ ᓂᐳᔨᒋ ᐊᓐᑕ ᐊ ‍ ᑕᑦ᙮ ᑲ ‍ ᔭᔭᒋᐱᑎᑯᑦ ᐊ ᐎ ‍ ᑯᔅᑯᓂᑯᑦ ᐊᑯ ᒂ ‍ ᐃᑎᑯᑦ, “ᒋᐱ ᐅᓂᔾ !” ᑎᐛᒡ ᒪᒃ ᒋ ‍ ᐊᔭᐱᐧᑯᐸᔪᐛ ᐊᓂᔭ ᐃᓴᒂᔭᐱᔭ ᑲ ‍ ᒪᑯᐱᑕᑭᓄᐅᑦ ᐱᑕᕐ ᐅᐧᑯᓂᑎᒋᒡ᙮
\p
\v 8 ᐊᑯ ᒂ ‍ ᐃᑎᑯᑦ ᐊᓂᔭ ᐊᓐᒋᓇ, “ᐛᑕᔅᐱᓱᐤ, ᑭᔭ ᒪᑯᐱᑕ ᒋᒥᔅᒋᓇ᙮” ᐊᐅᑯᓐ ᑲ ‍ ᐃᑎᑦ ᐱᑕᕐ᙮ ᐊᑯ ᒥᓐ ᒂ ‍ ᐃᑎᑯᑦ, “ᐳᔅᑎᑯᐸ, ᒐ ᐸᒋ ‍ ᐎᒐᐎᔨᓐ᙮”
\v 9 ᐱᑕᕐ ᒪᒃ ᒋ ‍ ᓇᓴᐛᐤ ᐊᓂᔭ ᐊᓐᒋᓇ ᐊ ᐊᑎ ‍ ᐎᐎᔨᒋ᙮ ᓇᒪ ᒪᒃ ᐅᒋ ᒋᔅᒐᔨᑎᒻ ᑕᑈ ᐊ ‍ ᐃᔅᐱᒂ ᐅᔭ ᒪᒃ ᒥᒄ ᐊ ‍ ᐃᓯᓂᒧᒂ᙮
\v 10 ᓂᔅᑎᒻ ᒪᒃ ᐊᓂᔭ ᐊᓯᒪᑭᓂᓴ ᐊᓐᑕ ᑲ ‍ ᑕᔨᒋ ᒋ ᐊᑎ ‍ ᐎᒪᔅᑯᐛᐅᒡ, ᒥᓐ ᐊᓂᔭ ᑯᑎᑲ, ᐊᑯ ᒐᒃ ᒂ ‍ ᐅᑎᑕᒡ ᐊᓂᔭ ᐃᓴᒄ ᔅᑐᐧᑭᓇ ᐊᓐᑕ ᐊ ᐅᒋ ‍ ᐱᒐᓄᐎᒡ ᐊᓂᔭ ᐅᑕᓇᔪᐤ᙮ ᓴᒐᐃ ᒪᒃ ᒋ ‍ ᔪᑕᐱᔪᐤ ᐊᓐ ᐃᓴᒄ ᔅᑐᐧᑭᓐ, ᐊᑯ ᒂ ᐊᑎ ‍ ᐎᐎᒡ᙮ ᐃᔅᐱ ᒪᒃ ᐊ ᐊᑎ ‍ ᐱᒧᑕᒡ ᐊᓐᑕ ᒪᔅᑭᓇᒡ, ᓯᔅᒋᑯᒡ ᒋ ‍ ᓂᑭᑎᑯᐤ ᐊᓂᔭ ᐊᓐᒋᓇ᙮
\p
\v 11 ᐃᔅᐱ ᒪᒃ ᐱᑕᕐ ᒥᔭᒥᑐᓇᔨᑕᐧᒃ ᐅᔭ ᑲ ‍ ᐃᔅᐱᔨᑦ, ᐊᑯ ᒂ ‍ ᐃᔅᒋᔄᑦ, “ᓂ ‍ ᒐᔅᑎᓇᐅᓐ ᐅᑎᐸᔨᒋᒐᐤ ᐊᒋ ᐸᒋ ‍ ᐃᑎᓴᐛᑦ ᐅᑦ ᐊᓐᒋᓇᒪ ᒐ ᐸᒋ ‍ ᐎᐧᑯᒋᐃᔨᒋ, ᒐ ᐊᑲ ᒋ ᓴᓯᑲᓐ ᐸᒋ ‍ ᐃᑐᑐᐅᑦ ᐊᕈᑦ ᑭᔭ ᐊᓐᒡ ᒍᐤ ᐃᔪᒡ ᒐ ᐊᑲ ᒋ ᐃᑐᑐᐅᒡ ᑕᓐ ᑲ ᐎ ‍ ᐃᑐᑐᐅᒡ᙮”
\p
\v 12 ᐃᔅᐱ ᒪᒃ ᒐᔅᒐᔨᑕᐧᒃ ᐱᑕᕐ ᑕᓐ ᑲ ‍ ᐃᔅᐱᔨᑦ, ᒋ ‍ ᐃᑐᑕᐤ ᐊᓐᑕ ᒪᕆᔨᒋ ᐊ ‍ ᑕᔨᒋ, ᒠᓐ-ᒪᕐᑲ ᐅᑲᐎᔪᐛ᙮ ᒪᒂᒡ ᒪᒃ ᒥᒐᑦ ᐊᐛᔪᐛ ᒋ ‍ ᒪᒧᐎᔪᐛ ᐊᓐᑕ ᐊ ‍ ᐊᔭᒥᐊᔨᒋ᙮
\v 13 ᐊᑯ ᐱᑕᕐ ᒂ ‍ ᑎᑥᐛᐃᒐᑦ ᐊᓂᔭ ᔅᑐᐧᑭᓇ, ᐊᑯ ᐊᓐ ᑯᐸᓇᔎᐤ ᕈᑕ ᑲ ᓂᑐ ‍ ᒋᔅᒐᔨᒪᑦ ᐊᐛᔪᐛ ᐊᓂᔭ ᑲ ᐎ ᐸᒋ ‍ ᐱᒐᔨᒋ᙮
\v 14 ᐃᔅᐱ ᓇᔅᑐᑐᐛᑦ ᐱᑕᕋ ᐊ ‍ ᐃᔨᒥᔨᒋ, ᑲᐤ ᒋ ‍ ᒋᐛᐸᑕᐤ ᐊᑲ ᐛᐛᒡ ᔪᑕᓇᑦ ᐊᓂᔭ ᔅᑐᐧᑭᓇ ᒐᒋ ᐱᒐᔨᒋ ᐊ ᐃᔅᐱᔅ ‍ ᒥᔽᔨᑕᐧᒃ᙮ ᐊᑯ ᒂ ‍ ᐎᑕᐧᒃ ᐱᑕᕋ ᐊ ‍ ᑎᑯᓯᓂᔨᒋ᙮
\p
\v 15 ᒋ ‍ ᐃᑕᑭᓄᐤ ᒪᒃ, “ᐛᔅᑭᒪᔨᑕ ᒪ !” ᒥᒄ ᒪᒃ ᓇᔅᒡ ᒋ ᐎ ‍ ᑕᑈᐤ ᐊ ‍ ᐃᔅᒋᔄᑦ, ᑕᑈ ᐛᔅ ᐊᓐ ᐱᑕᕐ ᐊᓐ ᑲ ᐸᒋ ‍ ᓂᐳᐅᑦ᙮ ᐊᑯ ᒂ ‍ ᐃᑕᒡ, “ᒐᔅᑎᓇᔅ ᐅᑦ ᐊᓐᒋᓇᒪ ᐊᓂᔭᔪᐛ᙮”
\p
\v 16 ᐃᔭᐱᒡ ᒪᒃ ᒋ ‍ ᑎᑥᐛᐃᒐᐤ ᐱᑕᕐ ᒋᐱᔎᒡ᙮ ᒐᒃ ᒪᒃ ᒂ ‍ ᔪᑕᓂᒧᐛᑭᓄᐅᑦ, ᐃᔅᐱ ᒪᒃ ᐎᔭᐱᒪᒡ, ᓇᔅᒡ ᑕᑈ ᒋ ‍ ᑯᔅᑯᐱᔪᒡ᙮
\v 17 ᒋ ‍ ᐛᔅᑕᒧᐛᐤ ᐊᓂᔭᔪᐛ ᐃᔪᐛ ᒐᒋ ᐳᓂᔨᒋ ᐊ ‍ ᐃᔨᒥᔨᒋ᙮ ᐊᑯ ᒂ ‍ ᐎᑎᒧᐛᑦ ᑕᓐᑕ ᑲ ᐅᒋ ‍ ᐎᐧᑯᒋᐃᑯᑦ ᐅᑎᐸᔨᒋᒐᐛ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒡ᙮ ᐊᑯ ᒂ ‍ ᐃᑕᑦ, “ᐎᑎᒧᐛᐧᑯᒡ ᒋᒥᔅ ᑭᔭ ᐊᓐᒡ ᑯᑎᑭᒡ ᒋᐧᑲᓂᓯᓄᐅᒡ ᑕᓐ ᑲ ‍ ᐃᔅᐱᔭᓐ᙮” ᐊᑯ ᑲ ‍ ᐎᐎᑦ, ᐃᔭᒡ ᒋ ‍ ᐃᑐᑕᐤ᙮
\p
\v 18 ᒥᓐ ᒪᒃ ᐎᔭᐱᓂᔨᒡ, ᓇᔅᒡ ᑕᑈ ᒋ ‍ ᑯᔅᑯᐱᔪᒡ ᑭᔭ ᒋ ‍ ᓴᒋᓱᐅᒡ ᐊᓐᒡ ᐊᓯᒪᑭᓂᓯᒡ ᐊᑲ ᒥᔅᑯᐛᒡ ᐊᓂᔭ ᐱᑕᕋ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮
\v 19 ᐊᕈᑦ ᒪᒃ ᒋ ‍ ᐃᑎᓱᐛᐤ ᒐᒋ ᓇᓂᑐᐛᐱᒪᑭᓄᔨᒋ ᐱᑕᕋ, ᓇᒪ ᒪᒃ ᐅᒋ ᒥᔅᑯᐛᑭᓄᐅᔪᐛ᙮ ᐊᑯ ᐊᓐᒡ ᐊᓯᒪᑭᓂᓯᒡ ᑲ ‍ ᓂᓇᑭᑐᐛᔨᒪᒡ ᐱᑕᕋ ᒋ ‍ ᑯᒂᒋᒪᑭᓄᐅᒡ ᒐᒋ ᐎᑕᒡ ᑕᓐ ᐊᓐ ᑲ ‍ ᐃᔅᐱᔨᒡ, ᐊᑯ ᐊᕈᑦ ᑲ ‍ ᐃᑎᓱᐛᑕᑦ ᒐᒋ ᓂᐸᐊᑭᓄᔨᒋ ᐊᓂᔭ ᐊᓯᒪᑭᓂᓴ᙮ ᐃᔅᐱ ᒪᒃ ᐅᔭ ᑲ ‍ ᐃᑐᑐᐛᑭᓄᔨᒋ, ᐊᕈᑦ ᒋ ‍ ᓂᑭᑎᒻ ᒍᑎᔭ ᐊᔅᒋᔪᐤ, ᐊᑯ ᐊᓐᑕ ᓯᓴᕆᔭᒡ ᒂ ‍ ᐃᑐᑕᑦ᙮ ᐊᑯᑕ ᐊᓐᑕ ᑲ ‍ ᐎᒋᑦ᙮
\s1 ᐊᕈᑦ ᑲ ‍ ᓂᐱᑦ
\p
\v 20 ᐊᕈᑦ ᒪᒃ ᓇᔅᒡ ᒋ ‍ ᒋᔄᐃᑯᐤ ᐊᓂᔭ ᐃᔪᐛ ᐊᓐᑕ ᑕᐃᕋᒡ ᑭᔭ ᓴᐃᑐᓂᒡ ᑲ ‍ ᑕᔨᒋ᙮ ᒪᒂᒡ ᒪᒃ ᐊᓐᑕ ᓯᓴᕆᔭᒡ ᑲ ‍ ᑕᑦ ᒋ ‍ ᑎᑯᓯᓂᔪᐛ ᐃᔪᐛ ᐊᓐᑕ ᑕᐃᕋ ᑭᔭ ᓴᐃᑐᓐ ᐊ ‍ ᐅᒋᔨᒋ ᐊᒋ ᐸᒋ ‍ ᐃᑎᓴᐛᑭᓄᔨᒂᓂ ᒐᒋ ᒥᔪᐱᔨᑕᔨᒋ ᑕᓐ ᑲ ᐃᓯ ‍ ᒥᒋᐱᔨᒡ ᐊᕈᑦ ᑭᔭ ᐊᓐᒡ ᐃᔪᒡ᙮ ᐛᔅ ᐊᑯᑕ ᐊᓐᑕ ᑲᒋ ‍ ᐅᑎᓇᒡ ᐅᒥᒋᒧᐛᐤ ᐊᓐᒡ ᐃᔪᒡ ᐊᓐᑕ ᐊᓂᔭ ᐊᔅᒋᔪᐤ ᐊᕈᑕ ᑲ ‍ ᒋᓴᐅᒋᒪᐅᑐᑎᒥᔨᒋ᙮ ᐎᔾ ᒪᒃ ᐊᕈᑦ ᒋ ‍ ᐱᔅᑎᓱᐛᑎᒻ ᐊᓂᔭ ᒥᒋᒥᔪᐤ᙮ ᒋ ‍ ᑕᔪᐛ ᒪᒃ ᒋᓴᐅᒋᒪᐤ ᐊᕈᑦ ᐅᑦ ᐊᐱᒋᐊᑭᓇ ᐱᓚᔅᑕᔅ ᐊ ‍ ᐃᓯᓂᐧᑲᓱᔨᒋ, ᐊ ‍ ᓂᓇᑭᑐᐛᔨᑎᒺᑦ ᐊᕈᑕ ᐎᒋᔪᐤ ᐊ ‍ ᐃᑕᐱᑎᓯᑦ᙮ ᐊᐅᒄ ᒪᒃ ᐊᓂᔭ ᑲ ‍ ᓴᐧᑯᒋᒪᒡ ᒐᒋ ᐎᒋᐃᑯᒡ, ᑭᔭ ᐃᔭᒄ ᑲ ‍ ᓂᑐᐛᐱᒪᒡ ᐊᕈᑕ ᐛᔅ ᓇᒪ ᐅᒋ ᓂᑐᐛᔨᒪᐅᒡ ᒐᒋ ᒋᔄᓯᔅᑕᑯᒡ᙮
\p
\v 21 ᐊᑯ ᐊᕈᑦ ᒂ ‍ ᐎᔭᔨᑕᐧᒃ ᐊᓂᔭ ᐊ ‍ ᒋᓯᑲᔨᒡ ᒐ ‍ ᓂᑐᑐᐛᑦ ᐊᓂᔭᔪᐛ ᐃᔪᐛ᙮ ᐊᓂᔭ ᒪᒃ ᑲ ‍ ᒋᓯᑲᔨᒡ ᒋ ‍ ᒋᓴᐅᒋᒪᐛᔅᐱᓱᐤ, ᐊᑯ ᒂ ‍ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᑯ ᒂ ‍ ᐃᔨᒪᐊᑦ ᐊᓂᔭᔪᐛ ᐃᔪᐛ᙮
\v 22 ᐊᓐᒡ ᒪᒃ ᐃᔪᒡ ᑲ ‍ ᐸᑐᐛᒡ ᒋ ‍ ᑕᑈᐅᒡ ᐊ ‍ ᐃᔅᒋᔄᒡ, “ᓇᒪᔭᐤ ᓇᐸᐤ ᑲ ‍ ᐃᔨᒥᑦ, ᒧᔭᒻ ᐊᐛᓐ ᐊ ‍ ᒋᓴᒪᓂᑐᐅᑦ ᐊᐅᑯᓐ ᐊ ‍ ᐃᑎᑕᑯᓯᑦ᙮”
\v 23 ᑎᐛᒡ ᒪᒃ ᐅᑎᐸᔨᒋᒐᐛ ᐅᑦ ᐊᓐᒋᓂᒥᔪᐛ ᒋ ‍ ᑐᑕᑯᐤ ᐊᕈᑦ ᒐᒋ ᒥᔅᑎ ᐊᐧᑯᓯᑦ, ᐊᑯ ᒥᓐᑐᓴ ᑲ ᐊᑎ ‍ ᒧᑯᑦ ᓇᔅᒡ ᐊᒋ ᐊᑎ ‍ ᓂᐸᐃᑯᑦ, ᐛᔅ ᑕᐸ ᐅᒋ ᐎ ᒋᔅᑕᔨᑕᑯᐊᐤ ᒋᓴᒪᓂᑐᐛ᙮
\p
\v 24 ᐊᔭᔅᒃ ᒪᒃ ᒥᓯᑕ ᒋ ‍ ᐛᐎᑕᑭᓄᐅᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᔭᔅᒃ ᒋ ᐊᑎ ‍ ᒥᒐᑐᐅᒡ ᐊᓐᒡ ᑲ ‍ ᑕᑈᑕᒡ᙮
\p
\v 25 ᐸᕐᓇᐸᔅ ᑭᔭ ᓴᓪ ᒋ ‍ ᒋᔅᑕᐅᒡ ᑕᓐ ᑲ ᐎ ‍ ᐃᑎᒡ ᐊᓐᑕ ᒋᕈᓯᓕᒥᒡ, ᑭᔭ ᒂ ‍ ᒋᐛᒡ ᐊᓐᑕ ᐊᓐᑎᔭᑭᒡ᙮ ᒠᓐ-ᒪᕐᑲ ᒪᒃ ᒋ ‍ ᔅᑐᑕᐊᐅᒡ᙮
\c 13
\s1 ᐸᕐᓇᐸᔅ ᑭᔭ ᓴᓪ ᑲ ‍ ᒋᑎᓴᐛᑭᓄᐎᒡ ᒐᒋ ᐊᑐᔅᑯᐛᒡ ᒋᓴᒪᓂᑐᐛ
\p
\v 1 ᐊᓐᑕ ᒪᒃ ᐊᓐᑎᔭᑭᒡ ᑲ ‍ ᑕᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᒋ ‍ ᑕᐅᒡ ᐊᓐᑕ ᐅᒋᔅᒋᐛᐃᒐᓱᒡ ᑭᔭ ᑲ ‍ ᒋᔅᑯᑎᒪᒐᒡ᙮ ᐊᐅᑯᓐᒡ ᐅᒡ, ᐸᕐᓇᐸᔅ ᑭᔭ ᓯᒥᐅᓐ ᐱᓐᑐᒄ ᑲ ‍ ᐃᓯᓂᐧᑲᑕᑭᓄᐅᑦ ᑭᔭ ᓗᓯᔭᔅ, ᓴᐃᕆᓐ ᑲ ‍ ᐅᒋᑦ, ᑭᔭ ᒪᓇᐃᓐ ᐊᓐ ᑲ ‍ ᐊᓯᒡ ᓂᑕᐅᒋᓇᑭᓄᐅᑦ ᒋᓴᐅᒋᒪᐛ ᐊᕈᑕ ᑲ ‍ ᓂᑕᐅᒋᓇᑭᓄᔨᒋ ᑭᔭ ᓴᓪ᙮
\v 2 ᒪᒂᒡ ᒪᒃ ᐊᓐᑕ ᐊ ᐊᑲ ‍ ᒥᒋᓱᒡ ᒥᒄ ᐊ ‍ ᒪᒧᐤ ᐊᔭᒥᐊᔅᑐᐛᒡ ᒋᓴᒪᓂᑐᐛ, ᐊᑯᑕ ᑲ ‍ ᐃᔨᒥᐃᑯᒡ ᑲ ‍ ᐸᔭᒋᓯᔨᒋ ᐊᒐᒂ ᐊ ‍ ᐃᑎᑯᒡ, “ᐸᒋ ᑎᐸᓇᐊᐧᑯᒡ ᐸᕐᓇᐸᔅ ᑭᔭ ᓴᓪ ᐛᔅ ᓂᒋ ‍ ᐎᔭᔨᒪᐅᒡ ᒐᒋ ᐃᑐᑎᒧᐅᒡ ᐊᑐᔅᒐᐅᓂᔪᐤ᙮”
\p
\v 3 ᐃᔅᐱ ᒪᒃ ᑲ ‍ ᒋᔅᑕᒡ ᐊᓂᔭ ᐊ ‍ ᐃᑎᒡ ᐊ ᐊᑲ ‍ ᒥᒋᓱᒡ ᑭᔭ ᒥᒄ ᐊ ‍ ᐊᔭᒥᐊᒡ, ᐊᑯ ᒂ ‍ ᑕᒋᓇᒡ ᐊ ‍ ᐊᔭᒥᐊᔅᑎᒧᐛᒡ ᐊᓂᔭ ᐸᕐᓇᐸᓴ ᑭᔭ ᓴᓚ, ᐊᑯ ᑲ ‍ ᒋᑎᓴᐛᒡ᙮
\s1 ᓴᐃᐳᕋᔅ ᑲ ‍ ᐃᓯᓂᐧᑲᑕᔨᒡ ᒥᓂᔅᑎᑯᔪᐤ ᑲ ‍ ᐃᑐᑕᒡ ᐸᕐᓇᐸᔅ ᑭᔭ ᑈᓪ
\p
\v 4 ᑲ ‍ ᐸᔭᒋᓯᔨᒋ ᐊᒐᒂ ᒪᒃ ᐊᒋ ‍ ᒋᑎᓴᐅᑯᒡ ᐸᕐᓇᐸᔅ ᑭᔭ ᓴᓪ ᐊᓐᑕ ᐅᑕᓇᔪᐤ ᓴᓗᓯᔭ ᑲ ‍ ᐃᓯᓂᐧᑲᑕᔨᒡ ᐊᑯᑕ ᐊᓐᑕ ᑲ ᐅᒋ ‍ ᐳᓯᒡ ᐊᓐᑕ ᒥᓂᔅᑎᑯᒡ ᓴᐃᐳᕋᔅ ᑲ ‍ ᐃᓯᓂᐧᑲᑕᔨᒡ ᐊᑯᑕ ᑲ ‍ ᐃᔅᒋᒪᒡ᙮
\v 5 ᐃᔅᐱ ᒪᒃ ᒪᓯᑲᒡ ᐊᓐᑕ ᐅᑕᓇᒡ ᓴᓚᒥᔅ ᑲ ‍ ᐃᓯᓂᐧᑲᑕᔨᒡ, ᒋ ‍ ᐛᐎᑎᒧᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᔨᒡ᙮ ᒋ ‍ ᐎᒐᐅᑯᐅᒡ ᒪᒃ ᒠᓐ-ᒪᕐᑲ ᒐᒋ ᐎᒋᐃᑯᒡ᙮
\p
\v 6 ᐃᔅᐱᔅ ᑲᒋ ᐃᓯ ‍ ᑭᒐᔅᒋᒧᒡ ᐊᓐᑕ ᒥᓂᔅᑎᑯᒡ ᐊᑯ ᐊᓐᑕ ᐊᓂᔭ ᐅᑕᓇᔪᐤ ᐸᐳᔅ ᑲ ‍ ᐃᓯᓂᐧᑲᑕᔨᒡ ᒂ ‍ ᐃᑐᑕᒡ᙮ ᐊᑯᑕ ᒪᒃ ᐊᓐᑕ ᑲ ‍ ᓂᒋᐊᒡ ᐊ ‍ ᒪᒥᑕᐛᑎᓯᔨᒋ ᒍᐤ ᓇᐸᐛ ᐸᕐ-ᒋᓴᔅ ᐊ ‍ ᐃᓯᓂᐧᑲᓱᔨᒋ, ᒋ ᒥᒋ ‍ ᐅᒋᔅᒋᐛᐃᒐᓱᔪᐛ ᒪᒃ ᐅᔭ ᓇᐸᐛ᙮
\v 7 ᑭᔭ ᐅ ᐸᕐ-ᒋᓴᔅ ᒋ ‍ ᐅᐎᒐᐛᑭᓄᐤ ᐊᓂᔭ ᒋᓴᐅᒋᒪᐛ ᐊᓐᑕ ᐊᓂᔭ ᒥᓂᔅᑎᑯᔪᐤ ᑲ ‍ ᑕᔨᒋ, ᓴᕐᒋᔭᔅ ᑈᓚᔅ ᑲ ‍ ᐃᓯᓂᐧᑲᓱᔨᒋ, ᐊᒋ ᒥᔅᑎ ‍ ᐃᑈᐧᑲᔨᒋ᙮ ᐊᓐ ᒪᒃ ᒋᓴᐅᒋᒪᐤ ᒋ ‍ ᐎᓴᒪᐤ ᐸᕐᓇᐸᓴ ᑭᔭ ᓴᓚ ᐊ ᐎ ‍ ᐸᑕᐧᒃ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮
\v 8 ᒥᒄ ᒪᒃ ᐅ ᑲ ‍ ᒪᒥᑕᐛᑎᓯᑦ ᐸᕐ-ᒋᓴᔅ ᑲ ‍ ᐃᓯᓂᐧᑲᓱᑦ, ᐊᓕᒪᔅ ᒋ ‍ ᐃᓯᓂᐧᑲᑎᑯᐤ ᐊᓂᔭ ᑯᕆᒃ ᑲ ᐃᓯ ‍ ᐃᔨᒥᔨᒋ, ᒋ ᐎ ‍ ᑯᔅᑎᔭᐤ ᐸᕐᓇᐸᓴ ᑭᔭ ᓴᓚ ᒐᒋ ᐎᑎᒧᐛᔨᒋ ᐊᓂᔭ ᒋᓴᐅᒋᒪᐛ ᒥᔽᒋᒧᐅᓂᔪᐤ, ᐛᔅ ᓇᒪ ᐅᒋ ᓂᑐᐛᔨᒪᐤ ᒐᒋ ᑕᑈᔭᔨᒪᔨᒋ ᐅᑎᐸᔨᒋᒐᐛ ᒋᓴᓴ᙮
\v 9 ᐊᑯ ᒪᒃ ᓴᓪ, ᐊᓐ ᑈᓪ ᑲ ‍ ᐃᓯᓂᐧᑲᑕᑭᓄᐅᑦ ᐊ ‍ ᓴᑭᔅᒋᓇᔅᑲᑯᑦ ᑲ ‍ ᐸᔭᒋᓯᔨᒋ ᐊᒐᒂ, ᒋ ‍ ᑭᓄᐛᐱᒪᐤ ᐊᓂᔭ ᑲ ‍ ᒪᒥᑕᐛᑎᓯᔨᒋ ᓇᐸᐛ,
\v 10 ᐊᑯ ᒂ ‍ ᐃᑕᑦ, “ᒧᔭᒻ ᒥᒋᒥᓂᑐᐤ ᐅᑦ ᐊᐛᓯᒪ ᐊ ‍ ᐃᑕᔨᑕᑯᓯᔨᓐ, ᐊ ‍ ᐛᐧᑲᑎᒥᓐ ᒥᓯᐛ ᑯᐃᔅᑯᑕᑎᓯᐅᓐ᙮ ᐊᑯᓐ ᐊᑯ ᐃᔅᐱᔅ ᐎᔭᓯᐃᐛ ᑭᔭ ᐳᓂ ᐊᑯ ᐊ ᐎ ‍ ᓂᓱᐅᓇᒋᑕᐅᑦ ᐊᓂᔭ ᑕᓐ ᐊ ᐃᓯ ‍ ᓂᑐᐛᔨᑕᐧᒃ ᒋᓴᒪᓂᑐᐤ ᒐᒋ ᐃᑕᑎᓯᓇᓄᐎᒡ᙮
\v 11 ᒋ ‍ ᐎᑎᒪᑎᓐ ᐊᓄᒡ ᓄᐛᒡ ᒋᑭ ‍ ᐛᐛᓯᐃᒄ ᐅᑎᐸᔨᒋᒐᐤ, ᐛᐃᐱᔅᒋᔅ ᒪᒃ ᓇᒪ ᒋᑭ ᐅᒋ ‍ ᐛᐱᒪᐤ ᐱᓯᒻ,” ᒋ ‍ ᐃᑕᐤ ᓴᓪ ᐊᓂᔭ ᑲ ‍ ᒪᒥᑕᐛᑎᓯᔨᒋ ᓇᐸᐛ᙮
\p ᑎᐛᒡ ᒪᒃ ᒋ ‍ ᒧᓯᑕᐤ ᐊ ‍ ᐱᒋᓴᐱᔨᒡ ᑭᔭ ᐊ ᐅᒋ ‍ ᑎᐱᔅᒋᐱᔨᒡ ᐊ ‍ ᐃᑕᔨᑕᐧᒃ ᐊᓐ ᓇᐸᐤ ᐊᑯ ᓇᒪ ᐅᒋ ᐛᐸᑎᒻ, ᐊᑯ ᑲ ‍ ᓇᓂᑐᒥᔅᑯᓇᑦ ᐊᐛᔪᐛ ᒐᒋ ᓯᔅᒋᓂᔅᒐᑕᐃᑯᑦ᙮
\v 12 ᐃᔅᐱ ᒪᒃ ᐎᔭᐸᑕᐧᒃ ᐊᓐ ᒋᓴᐅᒋᒪᐤ ᐅᔭ ᐊ ‍ ᐃᔅᐱᔨᒡ ᒋ ‍ ᑕᑈᔭᔨᒪᐤ ᐅᑎᐸᔨᒋᒐᐛ ᑭᔭ ᓇᔅᒡ ᑕᑈ ᒋ ‍ ᒥᔅᑲᑕᔨᑎᒥᐃᑯᐤ ᑲ ᐃᓯ ‍ ᐸᑕᐧᒃ ᐊ ‍ ᒋᔅᑯᑎᒪᒐᓄᐎᒡ ᐊ ‍ ᐊᔨᒧᒪᑭᓄᔨᒋ ᐅᑎᐸᔨᒋᒐᐛ᙮
\s1 ᐊᓐᑎᔭᑭᒡ ᑲ ‍ ᐃᑐᑕᒡ ᐸᕐᓇᐸᔅ ᑭᔭ ᑈᓪ
\p
\v 13 ᐊᑯ ᑈᓪ ᐊᓂᔭ ᒪᒃ ᐎᒐᐛᑭᓇ ᐊᑯᑕ ᐊᓐᑕ ᐸᐳᔅ ᑲ ᐅᒋ ‍ ᐳᓯᒡ, ᐊᑯ ᐊᓐᑕ ᐸᕐᑲ ᑲ ‍ ᐃᔅᒋᒪᒡ ᐊᓐᑕ ᐸᒻᐱᓕᔭ ᐊᔅᒋᒡ ᑲ ‍ ᑎᒂᒡ ᐅᑕᓇᐤ᙮ ᐊᑯᑕ ᐊᓐᑕ ᐸᕐᑲᒡ ᑲ ‍ ᐅᒋᔅᑭᑎᑯᒡ ᒠᓐ-ᒪᕐᑲ ᐊᑯ ᐊᓐᑕ ᒋᕈᓯᓕᒥᒡ ᑲᐤ ᒂ ᐃᓯ ‍ ᒋᐛᔨᒋ᙮
\v 14 ᐊᑯ ᒥᓐ ᐊᓐᑎᔭᑭᒡ ᒂ ‍ ᐃᑐᑕᒡ ᐊᓐᑕ ᐱᓯᑎᔭ ᐊᔅᒋᒡ ᑲ ‍ ᑎᒂᒡ ᐅᑕᓇᐤ᙮ ᑲ ‍ ᐊᔭᒥᐊᐅᒋᓯᑲᔨᒡ ᒪᒃ ᒋ ‍ ᐱᒐᐅᒡ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊᑯ ᒂ ‍ ᐊᐱᒡ ᐊᓐᑕ᙮
\v 15 ᒋ ‍ ᑕᐤ ᐊᓐᑕ ᐊᐛᓐ ᐊᔭᒥᐊᐅᒋᐛᐱᒡ ᐊ ‍ ᐃᔨᒥᑐᐛᑦ ᐊᓂᔭ ᐃᔪᐛ ᐊᔭᒥᐊᐅᐎᓱᐛᐅᓇ, ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑲ ᐃᓯ ‍ ᒥᓯᓇᐊᒥᔨᒂᓂ᙮ ᐊᑯ ᒪᒃ ᐊᓐᒡ ᑲ ‍ ᓂᑲᓂᔅᑲᒡ ᐊᓂᔭ ᐊᔭᒥᐊᐅᒋᐛᐱᔪᐤ ᒂ ‍ ᑯᒂᒋᒪᒡ ᑈᓇ ᑭᔭ ᐊᓂᔭ ᐎᐧᑲᓂᓯᒪᐛ ᒐᒋ ᐃᔨᒪᐊᔨᒋ ᐊᓂᔭᔪᐛ ᐃᔪᐛ ᒐᒋ ᓱᒋᑲᐳᔨᒋ᙮
\p
\v 16 ᐊᑯ ᒪᒃ ᑈᓪ ᑲ ‍ ᐅᐱᑲᐳᐅᑦ, ᒂ ‍ ᐅᐱᓂᔅᒐᔨᑦ ᐊ ‍ ᓂᑐᐛᔨᒪᑦ ᐊᓂᔭ ᐃᔪᐛ ᒐ ᐊᑲ ᒋ ᒋᔅᑐᔨᒋ, ᒂ ‍ ᐃᔅᒋᔄᑦ, “ᓂᐧᑲᓂᓯᑐᒄ, ᑕᐱᔅᑯᓐ ᒋᔨᐛᐤ ᒍᐤ ᑭᔭ ᒋᔨᐛᐤ ᐊᑲ ᒍᐤ ᑲ ‍ ᐃᑎᔅᑲᓇᓯᔭᒄ ᑲ ‍ ᐊᔭᒥᐊᔅᑐᐛᒄ ᒋᓴᒪᓂᑐᐤ, ᓂᑐᑐᐅᒄ᙮
\v 17 ᐊᓂᔭ ᒋᓴᒪᓂᑐᐛ, ᒍᐤ ᐃᔪᒡ ᑲ ‍ ᑕᑈᔭᔨᒪᒡ ᒋ ‍ ᐎᔭᔨᒪᐤ ᐛᔅᑭᒡ ᒋᐧᑲᓂᓯᓄᐛ ᒐᒋ ᐅᑦ ᐃᔨᒥᑦ᙮ ᒋ ‍ ᐃᑐᑐᐛᐤ ᒐᒋ ᐊᑎ ‍ ᒥᒐᑎᔨᒋ ᒪᒂᒡ ᐊᓐᑕ ᐃᒋᑉᑎᒡ ᑲ ‍ ᑕᔨᒋ᙮ ᐊᑯ ᒪᒃ ᐊ ᐃᔅᐱᔅ ‍ ᓱᒐᔨᑕᑯᓯᔨᒋ ᒋᓴᒪᓂᑐᐛ ᒋ ‍ ᐎᐎᑕᐃᑯᐅᒡ ᐊᓐᑕ ᐊᔅᒋᒡ ᐅᒡ᙮
\v 18 ᓇᐎᔪᐛ ᐱᐳᓇ ᒪᒃ ᒋ ‍ ᐃᔅᐱᔅ ᓯᐱᔪᐛᓯᔅᑐᐛᐤ ᐊᓂᔭᔪᐛ ᒍᐤ ᐃᔪᐛ ᒪᒂᒡ ᐊᓐᑕ ᐸᐧᑯᑎᔅᑭᒥᑲᒡ ᑲ ‍ ᑕᔨᒋ ᐊᑎ ᐊᑲ ᐅᒋ ᓂᓇᐃᑕᑯᑦ᙮
\v 19 ᒋᓴᒪᓂᑐᐤ ᒪᒃ ᒋ ‍ ᒥᔭᐤ ᐊᓂᔭᔪᐛ ᒍᐤ ᐃᔪᐛ ᐊᓂᔭ ᐊᔅᒋᔪᐤ ᑲᐃᓇᓐ ᑲ ‍ ᐃᓯᓂᐧᑲᑕᔨᒡ ᒐᒋ ᑎᐱᔨᐛᐅᓯᔨᒋ ᐃᔅᐱ ᑲ ‍ ᐃᑎᓱᐛᑦ ᒐᒋ ᓂᓱᐅᓇᒋᐊᑭᓄᔨᒋ ᐊᓂᔭᔪᐛ ᓂᔄᐅᑕᒡ ᑲ ‍ ᐃᑎᔅᑲᓇᓯᔨᒋ ᐃᔪᐛ ᐊᓐᑕ ᑲ ‍ ᑕᔨᒋ᙮
\v 20 ᓇᐤ ᒥᑕᓯᒥᑎᓄᐤ ᐊᓱ ᐱᑕᑕᒡ ᑕᑐᔪᐛ ᐱᐳᓇ ᒪᒃ ᒋ ‍ ᐃᔅᐱᔅ ᑕᐅᒡ ᐊᓐᑕ᙮”
\p “ᐊᑯ ᒋᓴᒪᓂᑐᐛ ᑲ ‍ ᐎᔭᔨᒪᔨᒋ ᐊᐛᔪᐛ ᒐ ‍ ᓂᑲᓂᔅᑲᑯᒡ ᑭᔭ ᒐᒋ ᑎᐸᔅᑯᓂᑯᒡ᙮ ᒐᒃ ᒪᒃ ᒂ ‍ ᐃᑕᑦ ᐅᒋᔅᒋᐛᐃᒐᓱᐤ ᓴᒻᔪᐃᓪ᙮
\v 21 ᐊᑯ ᒐᒃ ᐅᒡ ᐃᔪᒡ ᒂ ‍ ᐃᑕᒡ ᓴᒧᐃᓚ ᐊ ‍ ᓂᑐᐛᔨᒪᒡ ᐊᐛᔪᐛ ᒐ ‍ ᐅᒋᓴᐅᒋᒪᒥᒡ᙮ ᐊᑯ ᒪᒃ ᒋᓴᒪᓂᑐᐤ ᑲ ‍ ᐎᔭᔨᒪᑦ ᓴᓚ ᒐᒋ ᐅᒋᓴᐅᒋᒪᒥᒡ᙮ ᓴᓪ ᒪᒃ ᐅᑕᐎᔭ ᑭᔅ ᒋ ‍ ᐃᓯᓂᐧᑲᓱᔪᐛ, ᐊᓐᑕ ᐱᓐᒋᒥᓐ ᐊ ‍ ᑕᔨᒋ ᒋ ‍ ᐃᑎᔅᑲᓇᓯᔪᐛ᙮ ᐃᔅᐱ ᒪᒃ ᓇᐎᔪᐛ ᐱᐳᓐ ᑲ ᐃᔅᐱᔅ ‍ ᒋᓴᐅᒋᒪᐅᑦ,
\v 22 ᐊᑯ ᑎᐱᑦ ᑲ ‍ ᒥᔅᑯᑎᔅᑯᐛᑦ ᓴᓚ, ᑎᐱᑦ ᑲ ‍ ᒋᓴᐅᒋᒪᐅᐃᑯᑦ ᒋᓴᒪᓂᑐᐛ᙮ ᒋ ‍ ᐃᑕᐤ ᒪᒃ ᒋᓴᒪᓂᑐᐤ,
\q ᑎᐱᑦ, ᒐᓯᔾ ᐅᑯᓴ, ᐊᐅᒄ ᒪᔽᔨᒥᒃ ᓇᐸᐤ ᐊ ‍ ᐃᑕᔨᑕᑯᓯᑦ ᐊ ‍ ᐃᑐᑕᐧᒃ ᒥᓯᐛ ᑕᓐ ᐊ ᐃᓯ ‍ ᓂᑐᐛᔨᒥᒃ ᒐᒋ ᐃᑐᑕᐧᒃ᙮
\m
\v 23 ᒋᓴᒪᓂᑐᐤ ᒪᒃ ᑭᔭ ᒋ ‍ ᐃᔅᒋᔄᐤ ᒐ ᐸᒋ ‍ ᐃᑎᓴᐛᑦ ᐊᐛᔪᐛ ᑎᐱᑦ ᐊ ‍ ᑕᔨᒋ ᐊ ‍ ᐅᒋᔨᒋ ᒐᒋ ᐱᒪᒋᐊᑦ ᐃᔅᕋᐃᓪ ᐃᔪᐛ ᐊᐅᒄ ᒪᒃ ᐅᔭ ᒋᓴᓴ, ᐊᓂᔭᔪᐛ ᑲ ‍ ᐃᔅᒋᔄᑦ ᒐᔅᑎᓇᔅ ᒐ ᐸᒋ ‍ ᐃᑎᓴᐛᑦ᙮
\v 24 ᐊᔅᒄ ᐊᑲ ᐅᒋ ᒋᒋᐱᔨᑕᑦ ᒋᓴᔅ ᐊ ‍ ᑭᒐᔅᒋᒧᑦ, ᒠᓐ ᒋ ‍ ᑭᒐᔅᒋᒪᐤ ᒥᒐᑦ ᐃᔅᕋᐃᓪ ᐃᔪᐛ ᐊ ‍ ᐃᑕᑦ, ᒂᔅᑲᑎᓯᒄ ᒐ ‍ ᓂᑭᑎᒪᒄ ᒋᒥᒐᑎᓯᐅᓄᐛᐛ, ᑭᔭ ᒐ ‍ ᓯᑲᐃᑕᑯᐅᔭᒄ᙮
\v 25 ᐃᔅᐱ ᒪᒃ ᒐᑲᑦ ᑲ ‍ ᒋᔅᑕᑦ ᒠᓐ ᒥᓯᐛ ᑕᓐ ᑲ ᐃᓯ ‍ ᓂᑐᐛᔨᒥᑯᑦ ᒋᓴᒪᓂᑐᐛ ᒐ ‍ ᐃᑎᑦ, ᒋ ‍ ᐃᑕᓯᐱᓐ ᐊᓂᔭᔪᐛ ᐃᔪᐛ, ‘ᐊᐛᓐ ᐊ ‍ ᐃᑕᔨᒥᔭᒄ ᓂᔾ ? ᓇᒪᔭᐤ ᓂᔾ ᙭ ᐊᓐ ᑲ ‍ ᐊᓱᐛᐱᒪᒄ᙮ ᓴᔅ ᐎᐱᒡ ᒋᑭ ‍ ᑎᑯᓯᓄᐤ, ᓇᒪ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᓂᔾ ᒐᒋ ᐊᐱᐧᑯᓂᒧᒡ ᐅᒥᔅᒋᓇ᙮’ ᐊᐅᒄ ᐅᔭ ᑲ ‍ ᐃᔅᒋᔄᒂ ᐊᓂᔭᐧᑲ ᒠᓐ ᐅᓯᑲᐃᑕᒐᐤ᙮”
\p
\v 26 “ᓂᐧᑲᓂᓯᑐᒄ, ᒋᔨᐛᐤ ᒪᒃ ᑲ ‍ ᐃᑎᔅᑲᓇᓯᔭᒄ ᐊᑉᕋᐊᒻ ᐊ ‍ ᑕᑦ ᑭᔭ ᒋᔨᐛᐤ ᐊᑲ ᒍᐤ ᑲ ‍ ᐃᑎᔅᑲᓇᓯᔭᒄ ᑲ ‍ ᐊᔭᒥᐊᔅᑐᐛᒄ ᒋᓴᒪᓂᑐᐤ, ᔅᒋ ‍ ᐎᑎᒪᑯᓇᓄᐤ ᑕᓐᑕ ᒐᒋ ᐅᒋ ‍ ᐱᒪᒋᐅᔭᐧᒄ᙮
\v 27 ᐛᔅ ᐊᓐᒡ ᐃᔪᒡ ᐊᓐᑕ ᒋᕈᓯᓕᒥᒡ ᑲ ‍ ᑕᒡ ᑭᔭ ᐊᓂᔭ ᑲ ‍ ᓂᑲᓂᔅᑲᑯᒡ ᓇᒪ ᐅᒋ ᒋᔅᒐᔨᒪᐅᒡ ᒋᓴᓴ ᐊᔪᑯᓐ ᐊᓂᔭ ᐅᐱᒪᒋᐃᐛᐛ, ᑭᔭ ᓇᒪ ᐅᒋ ᓂᔅᑐᑎᒧᐛᓯᐱᓐᒡ ᑕᓐ ᑲ ᐃᓯ ‍ ᒥᓯᓇᐊᒥᔨᒋ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑕᓐ ᑲ ᐃᓯ ‍ ᐊᔨᒧᒪᔨᒋ ᐊᓂᔭ ᙭ᑕ᙮ ᐊᑎ ᒪᒃ ᐊᓯᑯᒻ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ ᐊᒋ ‍ ᐃᔨᒥᑐᐛᑭᓄᐎᒡ᙮ ᒥᒄ ᒪᒃ ᐃᔅᐱ ᐊᓐᒡ ᒍᐤ ᐃᔪᒡ ᑲ ‍ ᓂᑐᐛᔨᒪᒡ ᒋᓴᔅ ᒐᒋ ᓂᐸᐊᑭᓄᔨᒋ, ᐊᑯ ᒂ ‍ ᑎᐱᐱᔨᒡ ᑕᓐ ᑲ ‍ ᐃᑎᓯᓇᐃᑭᓄᐅᒡ ᒐ ‍ ᐃᔅᐱᔨᒡ᙮
\v 28 ᐊᑯ ᐊᓐᒡ ᐃᔪᒡ ᒂ ‍ ᐃᑕᒡ ᐊᓂᔭ ᑈᓚᑕ ᒐᒋ ᓂᐸᐊᑭᓄᔨᒋ ᒋᓴᓴ, ᒋ ‍ ᒋᔅᒐᔨᑎᒧᒡ ᒪᒃ ᐊᑲ ᐅᒋ ᒥᒋᑐᑎᒥᔨᒋ ᒥᒄ ᒪᒃ ᐃᔭᐱᒡ ᒋ ‍ ᐃᑕᐅᒡ ᒐ ‍ ᓂᐸᐊᑭᓄᔨᒋ᙮
\v 29 ᐛᔅᑭᒡ ᒋ ‍ ᒥᓯᓇᐃᑭᓄᐤ ᐊᓐᑕ ᒥᓯᓇᐃᑭᓂᒡ ᑕᓐ ᒐ ‍ ᐃᑐᑕᑯᑦ ᐃᔪᐛ ᙭, ᒥᓯᐛ ᒪᒃ ᒋ ‍ ᑎᐱᐱᔪᐤ ᐅᔭ, ᒋᓴᔅ ᒋ ‍ ᓂᐸᐊᑭᓄᐤ ᐊᑯ ᒂ ‍ ᓂᑎᓇᑭᓄᐅᑦ ᒋᐱᔭᑎᑯᒡ ᐅᒡ, ᐊᑯ ᑲᒋ ‍ ᓇᐃᐧᑯᐛᑭᓄᐅᑦ᙮
\v 30 ᒋᓴᒪᓂᑐᐤ ᒪᒃ ᒋ ‍ ᐅᓂᔅᑲᓇᐤ ᓂᐳᐅᓂᒡ ᐅᒡ᙮
\v 31 ᒥᒐᑐᐤ ᒋᓯᑲᐛ ᒪᒃ ᒋ ‍ ᐛᐱᒥᑯᐤ ᐊᓂᔭᔪᐛ ᐊᐛᔪᐛ ᑲᓕᓕᒡ ᑲᒋ ᐅᒋ ᐸᒋ ᐎᒐᐅᑯᔨᒋ ᒋᕈᓯᓕᒥᒡ ᐃᔅᐱᔅ᙮ ᒋ ‍ ᐎᑎᒧᐛᔪᐛ ᒪᒃ ᐃᔅᕋᐃᓪ ᐃᔪᐛ ᒥᓐ ᐊ ‍ ᐱᒪᑎᓯᑦ᙮”
\p
\v 32 “ᓂᔭᓐ ᒪᒃ ᒋ ᐸᒋ ‍ ᑎᐸᒋᒧᔅᑕᑎᓇᓐ ᒥᔽᒋᒧᐅᓐ ᐊᐅᒄ ᐅ ᓴᔅ ᐊ ‍ ᑎᐱᐱᔨᒡ ᐊᓂᔭ ᒋᓴᒪᓂᑐᐤ ᑕᓐ ᑲ ‍ ᐃᑕᑦ ᐊᓂᔭᐧᑲ ᒋᐧᑲᓂᓯᓄᐛ ᒐᔅᑎᓇᔅ ᒐ ‍ ᐃᑐᑕᐧᒃ᙮
\v 33 ᒋ ‍ ᐅᓂᔅᑲᓇᐤ ᒋᓴᓴ ᓂᐳᐅᓂᒡ ᐅᒡ᙮ ᐊᐅᒄ ᐅᔭ ᒋᓴᒪᓂᑐᐤ ᐛᔅᑭᒡ ᑲ ‍ ᐃᑕᒂ ᐊᓂᔭ ᒋᐧᑲᓂᓯᓄᐛ ᒐ ‍ ᐃᑐᑕᐧᒃ, ᑭᔭ ᒪᒂᒡ ᒋᔭᓄᐤ ᐊ ‍ ᐱᒪᑎᓯᔭᐧᒄ ᐊ ‍ ᑎᐱᐱᔨᒡ᙮ ᐛᔅ ᒋ ‍ ᐃᑎᔅᑕᐤ ᐊᓐᑕ ᑎᐱᑦ ᐅᓂᑭᒧᐅᓂᒡ ᓂᓱ ᐱᔅᒋᑎᓯᓇᐃᑭᓂᒡ,
\q ᒋᔾ ᓂᑯᔅ, ᐊᓄᒡ ᑲ ‍ ᒋᓯᑲᒡ ᓂᔾ ᒍᑕᐎᔾ᙮
\m
\v 34 ᒋᓴᒪᓂᑐᐤ ᒋ ‍ ᐃᑕᐤ ᒐ ‍ ᐅᓂᔅᑲᓇᑦ ᓂᐳᐅᓂᒡ ᐅᒡ, ᐊᑲ ᓂᑕ ᒥᓐ ᒐ ᐅᒋ ‍ ᓂᐱᔨᒋ᙮ ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒋᓴᒪᓂᑐᐤ ᐊᒋ ‍ ᐃᔅᒋᔄᑦ,
\q ᑕᑈ ᒋᑭ ‍ ᒥᔨᑎᓐ ᐊᓂᔭᔪᐛ ᐸᔭᒋ ᓱᐛᔨᒋᒐᐅᓇ ᑲ ‍ ᑕᑈᐅᒐᔨᑕᒂᒋ ᐊᓂᔭ ᑲ ‍ ᐃᑎᒃ ᐊᓂᔭ ᑎᐱᑦ ᒐ ‍ ᒥᔨᒃ᙮
\m
\v 35 ᐊᑯ ᒪᒃ ᐃᑎᔅᑕᐤ ᑭᔭ ᐊᓐᑕ ᑎᐱᑦ ᐅᓂᑭᒧᐅᓂᒡ,
\q ᓇᒪ ᒋᑭ ᐅᒋ ‍ ᐱᔅᑎᓇᐤ ᑲ ‍ ᐸᔭᒋᓯᑦ ᒋᑦ ᐊᐱᒋᐊᑭᓐ ᒐᒋ ᓂᐱᑦ, ᑭᔭ ᐎᔪᐤ ᒐᒋ ᐃᔭᔪᓂᔨᒡ᙮
\m
\v 36 ᐛᔅ ᑎᐱᑦ ᒋ ‍ ᐊᑐᔅᑯᐛᐤ ᒋᓴᒪᓂᑐᐛ ᑭᔭ ᒧᔅ ᒋ ‍ ᐃᑐᑎᒧᐛᐤ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᑲ ᐃᔅᐱᔅ ‍ ᐱᒪᑎᓯᑦ᙮ ᐊᑯ ᒂ ‍ ᓂᐱᑦ, ᒂᒋ ‍ ᓇᐃᐧᑯᐛᑭᓄᐅᑦ ᐊᓐᑕ ᑲ ‍ ᐱᒥᓯᒪᑭᓄᔨᒋ ᐊᓂᔭᐧᑲ ᐎᐧᑲᓂᓴ, ᐎᔪᐤ ᒪᒃ ᒋ ‍ ᐃᔭᔪᓂᔪᐤ᙮
\v 37 ᒋᓴᔅ ᒪᒃ ᐎᔾ, ᐊᑎ ᐊᒋ ‍ ᓂᐱᑦ ᒋ ‍ ᐅᓂᔅᑲᓂᑯᐤ ᒋᓴᒪᓂᑐᐛ ᓂᐳᐅᓂᒡ ᐅᒡ, ᓇᒪ ᒪᒃ ᒥᓐ ᐅᒋ ᓂᐳᐤ, ᓇᒪ ᓂᑕ ᐅᒋ ᐃᔭᔪᓂᔪᐤ ᐎᔪᐤ᙮
\v 38 ᒥᓯᐛ ᒋᔨᐛᐤ ᓂᐧᑲᓂᓯᑐᒄ ᐸᒋ ‍ ᓂᑐᑐᐅᒄ ᑕᓐ ᐊ ᐃᓯ ‍ ᐎᑎᒪᑎᑯᒡ, ᒋᐸ ‍ ᒋᔅᒐᔨᑕᓇᐛᐤ ᒥᒄ ᒋᓴᔅ ᐅᒋ ᐊᑯᑕ ᒐᒋ ᐅᒋ ‍ ᐛᐸᔨᑎᒪᑯᐅᔭᒄ ᒋᒥᒋᑥᐅᓄᐛᐛ᙮
\v 39 ᒥᓯᐛ ᐊᐛᓐ ᑲ ‍ ᑕᑈᔭᔨᒪᑦ ᒋᓴᓴ ᑕᑈ ᒋ ‍ ᐛᐸᔨᑎᒧᐛᑭᓄᐤ ᒥᓯᐛ ᐅᒥᒋᑥᐅᓇ, ᓇᒪ ᐎ ᒧᓱᓴ ᐅᐎᓱᐛᐅᓂᔪᐤ ᒋᑭ ᒋ ‍ ᑯᐃᔅᑯᓇᑯᐃᑯᐤ ᐊᐛᓐ᙮
\v 40 ᐃᔭᒂᒥᒄ ᒪᒃ ᒐ ᐊᑲ ᒋ ᐃᔅᐱᔨᔭᒄ ᑕᓐ ᑲ ᐃᓯ ‍ ᒥᓯᓇᐊᒧᐛᒂ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ‍ ᒥᓯᓇᐊᒧᐛᒂ ᒐ ‍ ᐃᔅᐱᔨᒋ ᐊᐛᔪᐛ, ᒋ ‍ ᐃᑎᓯᓇᐊᒧᐅᓯᐱᓐᒡ,
\q
\v 41 ᓂᑐᑎᒧᒄ ᒪ, ᒋᔨᐛᐤ ᓇᓂᑎᒻ ᑲ ‍ ᒥᒪᔭᔨᒐᔭᒄ, ᒪᒥᔅᑲᑕᔨᑎᒧᒄ ᑭᔭ ᓂᓱᐅᓇᑎᓯᒄ᙮
\q ᐛᔅ ᒐᒂᓐ ᓂᑭ ‍ ᑐᑕᓐ ᐅᑕ ᒪᒂᒡ ᐊᔅᒄ ᐊ ‍ ᐱᒪᑎᓯᔭᒄ ᐊᓐ ᒐ ᐊᑲ ᐅᒋ ‍ ᑕᑈᑎᒥᐃᑯᔭᒄ ᐊᑎ ᐊᐛᓐ ᐎ ᐎᑎᒪᑯᔭᒂ᙮”
\m ᐊᔪᐅᒄ ᒪᒃ ᐅᔭ ᑲ ᐃᓯ ‍ ᐃᔨᒪᐊᑦ ᑈᓪ ᐊᓂᔭ ᐃᔪᐛ᙮
\p
\v 42 ᐃᔅᐱ ᒪᒃ ᒐ ‍ ᐎᐎᒡ ᑈᓪ ᑭᔭ ᐸᕐᓇᐸᔅ ᐊᓐᑕ ᐊᔭᒥᐊᐅᒋᐛᐱᒡ ᒋ ‍ ᐊᔨᐧᑭᒥᐃᑯᐅᒡ ᐊᓂᔭ ᐃᔪᐛ ᒥᓐ ᒐᒋ ᑎᑯᓯᒡ ᐃᔅᐱᔅ ᒍᐤ ᐊᔭᒥᐊᐅᒋᓯᑲᔨᒐ ᐊᑐᐎᔅ ᒐᒋ ᒋᔅᑯᑎᒪᒐᒡ ᒥᔽᒋᒧᐅᓂᔪᐤ᙮
\v 43 ᐊᑯ ᒪᒃ ᒥᒐᑦ ᒍᐤ ᐃᔪᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑲ ‍ ᐊᔭᒥᐊᐛᑎᓯᒡ ᒋ ‍ ᐎᒐᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ᙮ ᐊᑯ ᒪᒃ ᐊᓐᒡ ᐊᑈᔅᑕᓇᒡ ᑲ ‍ ᐎᑎᒧᐛᒡ ᐊᓂᔭ ᐃᔪᐛ ᐊ ‍ ᐃᑕᒡ, ᒋᓴᒪᓂᑐᐤ ᓇᔅᒡ ᑕᑈ ᒋ ‍ ᒥᔪᑐᑕᑯᐛᐤ, ᓱᒃ ᑯᐃᔅᒄ ᐎ ᐃᓯ ‍ ᐱᒪᑎᓯᒄ ᒐᒋ ᐅᒋ ‍ ᓱᐛᔨᒥᑕᒄ ᒋᓴᒪᓂᑐᐤ᙮
\s1 ᒍᐤ ᐃᔪᒡ ᑲ ‍ ᐅᑕᔨᒪᒡ ᑈᓚ ᑭᔭ ᐸᕐᓇᐸᓴ
\p
\v 44 ᒥᓐ ᒪᒃ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ, ᒐᑲᑦ ᒥᓯᐛ ᐊ ‍ ᑎᓯᒡ ᐊᐛᓐᒋ ᐊᓐᑕ ᐅᑕᓇᒡ ᑲ ‍ ᑕᒡ ᒋ ‍ ᒪᒧᐎᐅᒡ ᐊᓐᑕ ᐊᔭᒥᐊᐅᒋᐛᐱᒡ ᐊ ᐸᒋ ‍ ᓂᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮
\v 45 ᐃᔅᐱ ᒪᒃ ᐊᓐᒡ ᒍᐤ ᐃᔪᒡ ᐎᔭᐱᒪᒡ ᐊᓂᔭ ᒥᒐᑦ ᐃᔪᐛ ᐊ ᐎ ‍ ᓂᑐᑎᒥᔨᒋ, ᓇᔅᒡ ᒋ ‍ ᐅᑕᔨᑎᒧᒡ᙮ ᒋ ᐎ ‍ ᓂᔅᑯᔅᑐᐛᐅᒡ ᑕᓐ ᑲ ‍ ᐃᔅᒋᔄᔨᒋ ᑈᓚ ᑭᔭ ᒋ ‍ ᒪᔭᔨᒪᐅᒡ᙮
\p
\v 46 ᒥᒄ ᒪᒃ ᑈᓪ ᑭᔭ ᐸᕐᓇᐸᔅ ᒋ ‍ ᓱᒐᔨᒧᐅᒡ ᐊ ‍ ᐃᔅᒋᔄᒡ, “ᒋᓴᒪᓂᑐᐤ ᓂᒋ ‍ ᓂᑐᐛᔨᒥᑯᓇᓐ ᒋᔨᐛᐤ ᒍᐤ ᐃᔪᒡ ᓂᔅᑎᒻ ᒐᒋ ᐎᑎᒪᑕᒡ ᐅᑦ ᐃᔨᒧᐅᓐ᙮ ᒥᒄ ᒪᒃ ᐊ ‍ ᐊᓏᑎᒪᒄ ᐊᑯᑕ ᐛᒋ ‍ ᓄᒂᒡ ᐊᑲ ᒋᔅᑕᔨᑕᑯᓯᔭᒄ ᒐᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᐊᑯ ᒪᒃ ᒐ ‍ ᓂᑭᑎᑕᒡ, ᒐ ‍ ᐎᑎᒧᐅᒋᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮
\v 47 ᐊᔪᐅᒄ ᐅᔭ ᐅᑎᐸᔨᒋᒐᐤ ᑲ ‍ ᐃᑎᓱᒥᔨᒥᑦ ᒐᒋ ᑎᔭᒡ ᑲ ‍ ᐃᔅᒋᔄᑦ,
\q ᔅᒋ ‍ ᐅᑎᓂᑎᓐ ᒐᒋ ᐛᔅᑐᐛᔨᓐ ᐊᓐᑕ ᓂᓇᐧᑯᐤ ᐊ ‍ ᐃᑎᔅᑲᓇᓯᒡ ᐊᐛᓐᒋ ᐊ ‍ ᑕᒡ, ᒐᒋ ᐅᒋ ‍ ᒋᔅᒐᔨᑕᒡ ᑕᓐᑕ ᐊ ᐅᒋ ‍ ᐱᒪᒋᐃᐛᑦ ᒋᓴᒪᓂᑐᐤ᙮ ᒥᓯᐛ ᒪᒃ ᐊ ‍ ᐃᔅᐱᑎᔅᑭᒥᑲᒡ ᐅᑕ ᐊᔅᒋᔾ ᒋᑭ ‍ ᐸᑕᑯᓐ᙮”
\p
\v 48 ᐃᔅᐱᔅ ᐱᔭᑐᐛᒡ ᑈᓚ ᐊᓂᔭ ᑲ ‍ ᐃᔅᒋᔄᔨᒋ ᐊᓐᒡ ᐃᔪᒡ ᐊᑲ ᒍᐤ ᐃᑎᔅᑲᓇᓯᒡ ᓄᐛᒡ ᒋ ‍ ᒥᔽᔨᑎᒧᒡ ᑭᔭ ᒋ ‍ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭ ᑲ ᐃᓯ ‍ ᐱᔅᑎᓂᒥᔨᒋ ᐅᑦ ᐃᔨᒧᐅᓂᔪᐤ᙮ ᐊᑯ ᐊᓐᒡ ᐃᔪᒡ ᑲ ‍ ᐅᑎᓂᑯᒡ ᒋᓴᒪᓂᑐᐛ ᒐᒋ ᐊᔭᒡ ᑲᒋᒡ ᐱᒪᑎᓯᐅᓂᔪᐤ ᒋ ᒋᒋ ‍ ᑕᑈᔭᔨᒪᐅᒡ ᒋᓴᒪᓂᑐᐛ᙮
\p
\v 49 ᐊᑯ ᒪᒃ ᐊᔭᔅᒃ ᒥᓯᑕ ᑲ ᐊᑎ ‍ ᐸᑕᑯᓂᔨᒡ ᐅᑎᐸᔨᒋᒐᐤ ᐅᑦ ᐃᔨᒧᐅᓐ᙮
\v 50 ᒥᒄ ᒪᒃ ᐊᓐᒡ ᒍᐤ ᐃᔪᒡ ᒋ ‍ ᐃᑐᑐᐛᐅᒡ ᐊᓂᔭ ᓇᐸᐛ ᑭᔭ ᐃᔎᐛ ᓇᔅᒡ ᑲ ‍ ᒋᔅᑕᔨᒪᑭᓄᔨᒋ ᐊᓐᑕ ᐅᑕᓇᒡ ᒐᒋ ᒋᔄᓯᔅᑐᐛᔨᒋ ᐊᓂᔭᔪᐛ ᐊᑈᔅᑕᓇ ᑭᔭ ᒐᒋ ᓂᓇᐧᑲᒋᐊᔨᒋ᙮ ᑭᔭ ᒋ ‍ ᐎᐎᑎᓴᐅᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ ᐊᓐᑕ ᐊᓂᔭ ᐊᔅᒋᔪᐤ᙮
\v 51 ᒋ ‍ ᐸᐳᓯᑕᓯᒧᒡ ᒪᒃ ᑈᓪ ᑭᔭ ᐸᕐᓇᐸᔅ᙮ ᐊᐅᒄ ᐅᔭ ᐊ ‍ ᐛᐸᑎᔨᐛᒡ ᐊᑲ ᒥᓐ ᒐ ᐅᒋ ‍ ᐊᐱᑕᔨᒪᒡ ᐊᓂᔭᔪᐛ ᐃᔪᐛ ᐊᓂᔭ ᐊᑲ ᐅᒋ ᐎ ᑕᑈᑎᒥᔨᒋ ᒥᔽᒋᒧᐅᓂᔪᐤ᙮ ᐊᑯ ᐊᓐᑕ ᐊᐃᑯᓂᔭᒥᒡ ᒂ ‍ ᐃᑐᑕᒡ᙮
\v 52 ᐊᓐᒡ ᒪᒃ ᑲ ‍ ᑕᑈᔭᔨᒪᒡ ᒋᓴᓴ ᐊᓐᑕ ᐊᓐᑎᔭᑭᒡ ᑲ ‍ ᑕᒡ ᓇᔅᒡ ᑕᑈ ᒋ ‍ ᒥᔽᔨᑎᒧᒡ ᑭᔭ ᒋ ‍ ᓴᑭᔅᒋᓇᔅᑲᑯᐅᒡ ᑲ ‍ ᐸᔭᒋᓯᔨᒋ ᐊᒐᒂ᙮
\c 14
\s1 ᑈᓪ ᑭᔭ ᐸᕐᓇᐸᔅ ᐊᐃᑯᓂᔭᒥᒡ ᑲ ‍ ᐃᑐᑕᒡ
\p
\v 1 ᐃᔅᐱ ᑲ ‍ ᑎᑯᓯᒡ ᐊᓐᑕ ᐊᐃᑯᓂᔭᒥᒡ, ᑈᓪ ᑭᔭ ᐸᕐᓇᐸᔅ ᒋ ‍ ᐱᒐᐅᒡ ᐊᓐᑕ ᐊᔭᒥᐊᐅᒋᐛᐱᒡ, ᑭᔭ ᐊᓂᔭ ᑲ ‍ ᐃᔅᐱᔅ ᒋ ‍ ᓱᒋᑕᑯᓯᒡ ᐊ ‍ ᑭᒐᔅᒋᒧᒡ ᒥᒐᑦ ᒍᐤ ᐃᔪᐛ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐊᑯᑕ ᑲ ᐅᒋ ‍ ᑕᑈᔭᔨᒪᔨᒋ ᒋᓴᓴ᙮
\v 2 ᐊᑯ ᐊᓐᒡ ᒍᐤ ᐃᔪᒡ ᐊᑲ ᑕᑈᑕᒡ, ᒋ ‍ ᐃᑐᑐᐛᐅᒡ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒥᒋᐱᔭᐊᔨᒋ ᐊᓂᔭᔪᐛ ᐎᐧᑲᓂᓯᒪᐛ᙮
\v 3 ᓇᐅᔅ ᒪᒃ ᒋ ‍ ᑕᐅᒡ ᐊᓐᑕ ᐊᓐᒡ ᐊᑈᔅᑕᓇᒡ᙮ ᒋ ‍ ᐊᔨᒧᒪᐅᒡ ᒪᒃ ᐅᑎᐸᔨᒋᒐᐛ ᐊᑲ ᓇᔅᒡ ᑯᔅᑕᒋᒡ᙮ ᐊᑯ ᒪᒃ ᑲ ‍ ᒥᔨᑯᒡ ᓱᐧᑲᑎᓯᐅᓂᔪᐤ ᒪᒥᔅᑲᒡ ᐛᐸᑎᔨᐛᐅᓇ ᒐᒋ ᐛᐸᑎᔨᐛᒡ ᑭᔭ ᒐᒋ ᐃᑐᑕᒡ ᐊ ‍ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ, ᐊᓐᑕ ᐊ ᐅᒋ ‍ ᓄᑯᑕᑭᓄᐎᒡ ᐊ ‍ ᑕᑈᒡ ᐊᓂᔭ ᑲ ᐃᓯ ‍ ᐛᐎᑕᒡ ᐊ ‍ ᒋᓴᐛᑐᑕᑕᐧᒄ ᐅᑎᐸᔨᒋᒐᐤ᙮
\p
\v 4 ᐊᑯ ᒪᒃ ᐃᔪᒡ ᐊᓐᑕ ᐅᑕᓇᒡ ᑲ ‍ ᑕᒡ ᒋ ‍ ᑎᐸᓂᐃᑐᐅᒡ, ᐱᔅᒐ ᒋ ‍ ᑕᑈᑐᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ, ᐊᑯ ᑯᑎᑭᒡ ᐊᓂᔭᔪᐛ ᒍᐤ ᐃᔪᐛ ᑲ ‍ ᑕᑈᑐᐛᒡ᙮
\s1 ᓕᔅᑐᕋ ᑭᔭ ᑎᕐᐱ ᑲ ‍ ᐃᓯᓂᐧᑲᑕᒂᐤ ᐅᑕᓇᐛ ᑲ ‍ ᐃᑐᑕᒡ ᐸᕐᓇᐸᔅ ᑭᔭ ᑈᓪ ᑲ ‍ ᐃᓯᓂᐧᑲᑕᒋ
\p
\v 5 ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐊᓐᒡ ᒍᐤ ᐃᔪᒡ ᑭᔭ ᐊᓂᔭ ᑲ ‍ ᓂᑲᓂᔅᑲᑯᒡ ᒋ ‍ ᑯᒂᑕᔨᒪᐅᒡ ᒐᒋ ᓂᓇᐧᑲᒋᐊᒡ ᐊᓂᔭ ᑈᓚ ᑭᔭ ᐸᕐᓇᐸᓴ ᑭᔭ ᒐᒋ ᓂᐸᐊᒡ ᐊ ‍ ᐸᐱᒧᓯᓇᑕᐛᒡ᙮
\v 6 ᐃᔅᐱ ᒪᒃ ᑈᓪ ᑭᔭ ᐸᕐᓇᐸᔅ ᐱᔭᑕᒡ ᐅᔭ, ᐊᓐᑕ ᓕᔅᑐᕋ ᑭᔭ ᑎᕐᐱ ᑲ ‍ ᐃᓯᓂᐧᑲᑕᔨᒋ ᐅᑕᓇᐛ ᒋ ᐃᓯ ‍ ᒋᑎᓯᒧᐅᒡ᙮ ᐊᓐᑕ ᓚᐃᑯᓂᔭ ᐊᔅᒋᒡ ᒋ ‍ ᑎᑯᓂᔪᐤ ᐅᔭ ᐅᑕᓇᐛ᙮ ᐊᓐᑕ ᑭᔭ ᐛᔅᑲ ᐊᓂᔭ ᐊᔅᒋᔪᐤ ᐊᑯᑕ ᑲ ‍ ᐱᐸᔨᑐᑕᒡ᙮
\v 7 ᐊᑯᑕ ᐊᓐᑕ ᑲ ‍ ᐛᐎᑕᒡ ᐅᔭ ᒥᔽᒋᒧᐅᓂᔪᐤ᙮
\s1 ᓕᔅᑐᕋ ᑭᔭ ᑎᕐᐱ ᑲ ‍ ᐃᓯᓂᐧᑲᑕᒡ ᐃᑕᐅᓇ ᑲ ‍ ᐃᑐᑕᒡ ᐸᕐᓇᐸᔅ ᑭᔭ ᑈᓪ
\p
\v 8 ᐊᓐᑕ ᒪᒃ ᓕᔅᑐᕋ ᒋ ‍ ᑕᐤ ᐸᐃᒄ ᓇᐸᐤ ᐊᒋ ‍ ᒪᔅᑲᔨᒋ ᐅᓯᑕ ᐊᑲ ᐅᒋ ᓂᑕᐅᑕᑦ ᐊᐅᑯᓐ ᒪᒃ ᓴᔅ ᑲ ‍ ᐃᓯᓇᑯᓯᒂ ᑲ ‍ ᐱᒪᑎᓯᑦ᙮
\v 9 ᒪᒂᒡ ᒪᒃ ᐊᓐᑕ ᐊ ‍ ᐊᐱᑦ ᐊᓐ ᓇᐸᐤ ᒋ ‍ ᓂᑐᑐᐛᐤ ᐊᓂᔭ ᑈᓚ ᐊ ‍ ᐃᔨᒥᔨᒋ᙮ ᐃᔅᐱ ᒪᒃ ᑈᓪ ᑲ ‍ ᒋᔅᒐᔨᑕᐧᒃ ᐊ ‍ ᑕᑈᑎᒥᔨᒋ ᐊᓂᔭ ᓇᐸᐛ ᒐᒋ ᒥᓏᒋᐊᑭᓄᔨᒋ, ᑯᐃᔅᒄ ᒋ ‍ ᑭᓄᐛᐱᒪᐤ
\v 10 ᐊᑯ ᒂ ‍ ᐃᑕᑦ ᐊ ‍ ᒋᔄᐛᑦ, “ᐱᓯᑯ, ᓴᑐᑲᐳᐤ ᒪᒃ᙮” ᒋ ᐅᒋ ‍ ᐱᓯᑯᓯᐸᑕᐤ ᐊᓐ ᓇᐸᐤ, ᒂ ᐊᑎ ‍ ᐱᐸᒧᑕᑦ᙮
\p
\v 11 ᐃᔅᐱ ᑲ ‍ ᐛᐸᑕᒡ ᐊᓐᒡ ᐃᔪᒡ ᑕᓐ ᑲ ‍ ᐃᑐᑎᒥᔨᒋ ᑈᓚ, ᒋ ‍ ᑕᑈᐅᒡ ᓚᐃᑯᓂᔭ ᐃᔨᒧᐅᓂᔪᐤ ᐊ ᐃᓯ ‍ ᐃᔨᒥᒡ, “ᒥᓂᑐᐅᒡ ᒋ ‍ ᐅᑎᑎᑯᓄᐅᒡ ᒧᔭᒻ ᓇᐸᐅᒡ ᐊ ‍ ᐃᓯᓇᑯᓯᒡ᙮”
\v 12 ᐊᓂᔭ ᐸᕐᓇᐸᔅ ᐊᐅᒄ ᐅ ᓱᐅᔅ ᒋ ‍ ᐃᑕᔨᒪᐅᒡ᙮ ᐊᑯ ᐊᓂᔭ ᑈᓚ ᐊᕐᒪᐃᔅ ᒋ ‍ ᐃᑕᔨᒪᐅᒡ᙮ ᐛᔅ ᐊᓂᔭ ᑈᓚ ᒧᔅ ᐎᔾ ᐊᒋ ‍ ᐃᔨᒥᔨᒋ ᐊᐅᒄ ᐅᔭ ᐊᕐᒪᐃᔅ ᐛᒋ ‍ ᐃᑕᔨᒪᒡ᙮ ᐛᔅ ᐊᐅᒄ ᑲ ᐃᓯ ‍ ᑕᑈᑕᒡ ᐊ ‍ ᐃᑎᔨᒋ ᐊᕐᒪᐃᔅ ᑲ ‍ ᐃᓯᓂᐧᑲᓱᔨᒋ ᐅᒥᓂᑐᐅᒧᐛᐛ᙮
\v 13 ᒋ ‍ ᑕᐤ ᒪᒃ ᐊᔭᒥᐊᐅᒋᒪᐤ ᐊ ‍ ᐊᑐᔅᑯᐛᑦ ᐊᓂᔭ ᓱᐅᔅ ᑲ ‍ ᐃᓯᓂᐧᑲᓱᔨᒋ᙮ ᐊᓐ ᒪᒃ ᐊᔭᒥᐊᐅᒋᐛᑉ ᐊᓐᑕ ᑲᒋ ‍ ᒪᒥᒋᒪᑭᓄᐅᑦ ᐅ ᓱᐅᔅ ᐎᐎᑎᒥᒡ ᐊᓐᑕ ᐊᓐ ᐅᑕᓇᐤ ᒋ ‍ ᑎᑯᓐ᙮ ᐊᓐ ᒪᒃ ᐊᔭᒥᐊᐅᒋᒪᐤ ᒋ ᐎ ‍ ᐱᑎᑲᐊᐤ ᒥᔅᑐᓴ ᑭᔭ ᐛᐱᑯᓇ ᐊᓐᑕ ᐊ ‍ ᐃᔎᑕᒧᓂᔨᒡ ᐊᓂᔭ ᐅᑕᓇᔪᐤ ᒐᒋ ᒥᑐᔅᑕᐊᒪᓄᐎᒡ᙮ ᒋ ᐎ ‍ ᐃᑐᑎᒻ ᐅᔭ ᑭᔭ ᐊᓂᔭᔪᐛ ᐃᔪᐛ ᒋ ᐎ ‍ ᐃᑐᑎᒥᔪᐛ ᐊᒋ ᐎ ‍ ᒥᑐᔅᑕᐊᒧᐛᒡ ᐊᓂᔭ ᐊᑈᔅᑕᓇ᙮
\p
\v 14 ᐃᔅᐱ ᑈᓪ ᑭᔭ ᐸᕐᓇᐸᔅ ᑲ ‍ ᒋᔅᒐᔨᒪᒡ ᐊᓂᔭ ᐃᔪᐛ ᒥᓂᑐᐧᑲᓐ ᐊ ᐎ ‍ ᐃᑕᐱᒋᐃᑯᒡ ᒋ ‍ ᐱᑯᐱᑎᒧᒡ ᐅᑦ ᐊᐱᒋᑕᐅᓄᐛᐛ ᐊ ‍ ᓄᑯᑕᒡ ᐊᑲ ᓇᐊᔨᑕᒡ ᐊᓂᔭ ᐛ ᑎᔨᒋ, ᐊᑯ ᑲ ‍ ᐃᔅᐸᔨᑐᒡ ᐊᓐᑕ ᐊᓂᔭ ᐃᔪᐛ ᐊ ‍ ᑕᔨᒋ ᐊᑯ ᒂ ‍ ᐃᑕᒡ ᐊ ‍ ᒋᔄᐛᒡ,
\v 15 “ᓇᐸᑐᒄ ᐊᑲᐎᔾ ᐃᑐᑎᒧᒄ ᐅ, ᓇᐸᐅᒡ ᐛᔅ ᐊᓐ ᑭᔭ ᓂᔭᓐ ᒧᔭᒻ ᒋᔨᐛᐤ ᐊ ‍ ᐃᑕᔨᑕᑯᓯᔭᒄ ᐊᐅᑯᓐ ᐊ ‍ ᐃᑕᔨᑕᑯᓯᔭᒡ᙮ ᒋ ᐎ ‍ ᐎᑎᒪᑎᓇᓐ ᒥᔽᒋᒧᐅᓐ ᒐᒋ ᐅᒋ ‍ ᐳᓂᐊᑯᒡ ᐊ ‍ ᐊᔭᒥᐊᔅᑎᐛᑯᒡ ᐊᓐᒡ ᓂᑎᒥᒄ ᒥᓂᑐᐧᑲᓐᒡ᙮ ᒥᔅᑯᒡ ᐊᓐᑕ ᒋᓴᒪᓂᑐᐤ ᑲ ‍ ᐱᒪᑎᓯᑦ ᐊ ‍ ᑕᑦ ᒐᒋ ᐃᓯ ‍ ᐊᔭᒥᐊᔭᒄ, ᐊᓐ ᑲ ‍ ᐅᓯᑕᑦ ᒋᒋᒋᓯᑯᔪᐤ, ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᑲ ᐃᓯ ‍ ᐱᒪᑎᓯᒥᑭᓂᔨᒡ᙮
\v 16 ᐅᑕᒡ ᐊᓐᑕ ᒋ ‍ ᐱᔅᑎᓇᐤ ᒋᓴᒪᓂᑐᐤ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ ᒐᒋ ᐃᓯ ‍ ᐱᒪᑎᓯᔨᒋ ᑕᓐ ᐛ ᐃᓯ ‍ ᐱᒪᑎᓯᔨᒋ ᑭᔭ ᒐᒋ ᐃᓯ ‍ ᐊᔭᒥᐊᔨᒋ ᑕᓐ ᐛ ᐃᓯ ‍ ᐊᔭᒥᐊᔨᒋ᙮
\v 17 ᐃᔭᐱᒡ ᒪᒃ ᒋᓴᒪᓂᑐᐤ ᒧᔅ ᒋ ‍ ᒋᔅᒐᔨᑎᒥᐊᐤ ᐃᔪᐛ ᑕᓐ ᐊ ‍ ᐃᑕᔨᑕᑯᓯᑦ ᐊᓂᔭ ᐅᒋ ᑕᓐ ᑲ ᐃᓯ ‍ ᒥᔪᑐᑕᐧᒃ, ᒧᔭᒻ ᑭᔭ ᒋᔨᐛᐤ ᔅᒋ ‍ ᐃᑐᑎᒪᑯᐛᐤ ᒐᒋ ᒋᒧᓂᔨᒡ ᒐᒋ ᐅᒋ ‍ ᓂᑕᐅᒋᓂᔨᒡ ᒥᒋᒥᔪᐤ᙮ ᔅᒋ ‍ ᒥᔨᑯᐛᐤ ᒥᒋᒥᔪᐤ ᑭᔭ ᒋ ‍ ᐃᑐᑕᑯᐛᐤ ᒐᒋ ᒥᔽᔨᑎᒪᒄ᙮” ᐊᐅᒄ ᐅᔭ ᑲ ‍ ᐃᑕᑦ ᑈᓪ ᐊᓂᔭ ᐃᔪᐛ ᐊ ᐎ ‍ ᓂᑲᐛᑦ ᐊᓂᔭ ᐊ ᐎ ‍ ᐊᔭᒥᐊᔅᑕᑯᒡ᙮
\p
\v 18 ᐊᑎ ᒪᒃ ᐅᔭ ᐊᒋ ᐃᓯ ‍ ᐎᑎᒧᐛᑭᓄᐎᒡ ᐅᒡ ᐃᔪᒡ ᐃᔭᐱᒡ ᒋ ᐎ ‍ ᓂᐸᐊᐅᒡ ᒥᔅᑐᓴ ᒐᒋ ᒥᑐᔅᑕᐊᒧᐛᒡ ᐊᓂᔭ ᐊᑈᔅᑕᓇ᙮ ᒐᒃ ᒪᒃ ᑲ ‍ ᓴᐧᑯᒋᒥᑯᒡ ᐊᓂᔭ ᐊᑈᔅᑕᓇ ᒐ ᐊᑲ ᒋ ᐃᑐᑕᒡ ᐅᔭ᙮
\p
\v 19 ᐱᔅᒐ ᒍᐤ ᐃᔪᒡ ᒋ ‍ ᐅᑐᑕᐅᒡ ᐊᓐᑕ ᐊᓐᑎᔭᑭᒡ ᐊᓐ ᐅᑕᓇᐤ ᐊᓐᑕ ᐱᓯᑎᔭ ᐊᔅᒋᒡ ᑲ ‍ ᑎᒂᒡ, ᑭᔭ ᐱᔅᒐ ᐊᓐᑕ ᐊᐃᑯᓂᔭᒻ ᒋ ‍ ᐅᑐᑕᐅᒡ, ᐊᑯ ᑲ ‍ ᓴᐧᑯᒋᒪᒡ ᐊᓂᔭ ᐃᔪᐛ ᒐᒋ ᐎᒋᐃᑯᒡ ᐊ ᐎ ‍ ᓂᐸᐊᒡ ᑈᓚ᙮ ᐊᑯ ᑲ ‍ ᐸᐱᒧᓯᓇᑕᐛᒡ ᐊᑯ ᑲ ‍ ᐎᐎᑕᐸᑕᒡ ᐊᓐᑕ ᐊᓂᔭ ᐅᑕᓇᔪᐤ ᐊᒋ ‍ ᐃᑕᔨᒪᒡ ᐊ ‍ ᓂᐱᔨᒋ ᐊᓂᔭ ᑈᓚ᙮
\v 20 ᒥᒄ ᒪᒃ ᐃᔅᐱ ᐊᓐᒡ ᑲ ‍ ᑕᑈᔭᔨᒪᒡ ᒋᓴᓴ ᑲ ‍ ᐛᔅᑲᑲᐳᔅᑐᐛᒡ ᐊᓂᔭ ᑈᓚ, ᒋ ‍ ᐅᓂᐤ ᐊᑯ ᒥᓐ ᑲᐤ ᑲ ‍ ᐱᒐᑦ ᐊᓂᔭ ᐅᑕᓇᔪᐤ᙮ ᒥᓐ ᒪᒃ ᐊᓂᔭ ᐎᔭᐱᓂᔨᒡ ᑈᓪ ᑭᔭ ᐸᕐᓇᐸᔅ ᐊᓐᑕ ᑎᕐᐱᒡ ᒋ ‍ ᐃᑐᑕᐅᒡ᙮
\s1 ᑈᓪ ᑭᔭ ᐸᕐᓇᐸᔅ ᑲᐤ ᑲ ‍ ᒋᐛᒡ ᐊᓐᑕ ᐊᓐᑎᔭᑭᒡ ᐊᓐᑕ ᓯᕆᔭ ᐊᔅᒋᒡ ᑲ ‍ ᑎᒂᒡ ᐅᑕᓇᐤ
\p
\v 21 ᑈᓪ ᑭᔭ ᐸᕐᓇᐸᔅ ᒋ ‍ ᐛᐎᑎᒧᒡ ᒥᔽᒋᒧᐅᓂᔪᐤ ᐊᓐᑕ ᑎᕐᐱ, ᒥᒐᑦ ᒪᒃ ᐊᐛᔪᐛ ᒋ ‍ ᑕᑈᔭᔨᒪᔪᐛ ᒋᓴᓴ᙮ ᐊᑯ ᒥᓐ ᑲᐤ ᐊᓐᑕ ᓕᔅᑐᕋ ᒂ ‍ ᐃᑐᑕᒡ, ᒥᓐ ᐊᓐᑕ ᐊᐃᑯᓂᔭᒥᒡ, ᐊᑯ ᒥᓐ ᐊᓐᑕ ᐊᓐᑎᔭᑭᒡ᙮
\v 22 ᐊᑯᑕ ᐊᓐᑕ ᑲ ‍ ᐃᔨᒪᐊᒡ ᐊᓂᔭ ᐊᐛᔪᐛ ᑲ ‍ ᑕᑈᔭᔨᒪᔨᒋ ᒋᓴᓴ ᐊ ‍ ᓯᒋᒪᒡ ᒐᒋ ᒪᒥᒋᒥᓂᒥᔨᒋ ᐅᑕᑈᑎᒧᐅᓂᔪᐤ᙮ ᒋ ‍ ᐃᑕᐅᒡ ᑭᔭ ᐊ ‍ ᓂᑐᐛᔨᑕᑯᓂᔨᒡ ᐊᐛᓐ ᒐᒋ ᓂᒋᔅᑲᐧᒃ ᓂᓇᐧᑯᐤ ᒐᒂᔪᐛ ᐊ ‍ ᐊᔨᒥᓂᔨᒋ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮
\v 23 ᐊᑯ ᒪᒃ ᒥᓯᐛ ᐊᓐᑕ ᑲ ᐊᑎ ‍ ᑕᔨᒋ ᐅᒪᒧᐊᔭᒥᐊᐛ ᑈᓪ ᑭᔭ ᐸᕐᓇᐸᔅ ᒋ ‍ ᐎᔭᔨᒪᐅᒡ ᐊᐛᔪᐛ ᒐᒋ ᓂᑲᓂᔅᑯᐛᔨᒋ ᐊᓂᔭ ᐅᒪᒧᐊᔭᒥᐊᐛ ᐊᓐᑕ ᑲ ‍ ᑕᔨᒋ᙮ ᐃᔅᐱ ᒪᒃ ᑲ ‍ ᒋᔅᑕᒡ ᐊᓂᔭ ᐊ ᐊᑲ ‍ ᒥᒋᓱᒡ ᒥᒄ ᐊ ‍ ᐊᔭᒥᐊᒡ ᐊᑯ ᑲ ‍ ᐊᔭᒥᐊᔅᑎᒧᐛᒡ ᒐᒋ ᐊᐱᒋᐃᑯᒡ ᐅᑎᐸᔨᒋᒐᐛ, ᐊᓂᔭᔪᐛ ᑲ ‍ ᑕᑈᔭᔨᒪᒡ᙮
\p
\v 24 ᐃᔅᐱ ᒪᒃ ᑲ ‍ ᓴᐳᔅᑲᒡ ᐊᓂᔭ ᐊᔅᒋᔪᐤ ᐱᓯᑎᔭ ᑲ ‍ ᐃᓯᓂᐧᑲᑕᔨᒡ ᐊᑯ ᐊᓐᑕ ᐸᒻᐱᓕᔭ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᒂ ‍ ᐱᒐᒡ᙮
\v 25 ᒂ ‍ ᐛᐎᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᐸᕐᑲᒡ᙮ ᐊᑯ ᒥᓐ ᐊᓐᑕ ᐊᑕᓕᔭᒡ ᒂ ‍ ᐃᑐᑕᒡ᙮
\p
\v 26 ᐊᑯᑕ ᒪᒃ ᐊᓐᑕ ᐅᒋ ᑲᐤ ᒂ ‍ ᐃᔅᒋᒪᒡ ᐊᓐᑕ ᐊᓐᑎᔭᑭᒡ, ᐊᓐᑕ ᑲ ᐅᒋ ‍ ᒋᑎᓴᐛᑭᓄᐎᒡ ᑭᔭ ᑲ ‍ ᒋᔅᑕᒡ ᐊᓂᔭ ᐊᑐᔅᒐᐅᓂᔪᐤ ᑲ ‍ ᐃᑎᓱᒪᑭᓄᐎᒡ ᒐᒋ ᐃᑐᑕᒡ᙮ ᐊᔅᒄ ᒪᒃ ᐊᑲ ᐅᒋ ᔅᑐᑕᒡ ᐊᓐᑎᔭᑭᒡ ᐅᒋ, ᒋ ‍ ᐊᔭᒥᐊᔅᑎᒪᑯᐅᒡ ᐃᔪᐛ ᒐᒋ ᓱᐛᔨᒥᑯᒡ ᒋᓴᒪᓂᑐᐛ ᒪᒂᒡ ᐊ ‍ ᐊᑐᔅᒐᔅᑐᐛᒡ᙮
\v 27 ᐃᔅᐱ ᒪᒃ ᑲᐤ ᒪᓯᑲᒡ ᐊᓐᒡ ᐊᑈᔅᑕᓇᒡ ᐊᓐᑕ ᐊᓐᑎᔭᑭᒡ, ᒋ ‍ ᓂᔅᑐᓇᐅᒡ ᐊᓂᔭ ᒥᓯᐛ ᐅᒪᒧᐊᔭᒥᐊᐛ ᐊ ‍ ᐛᐎᑎᒧᐛᒡ ᑕᓐ ᑲ ‍ ᐃᑐᑎᒥᔨᒋ ᒋᓴᒪᓂᑐᐛ ᐎᔨᐛᐤ ᐊᒋ ‍ ᐊᐱᒋᐃᑯᒡ᙮ ᐊᑯ ᒪᒃ ᐊᓐᒡ ᐃᔪᒡ ᒋ ‍ ᐎᑎᒪᑯᐅᒡ ᐊᓂᔭ ᐊᑈᔅᑕᓇ, ᐊᓂᔭ ᐃᔪᐛ ᐊᑲ ᒍᐤ ᑲ ‍ ᐃᑎᔅᑲᓇᓯᔨᒋ ᑭᔭ ᐎᔨᐛᐤ ᐊ ‍ ᑕᑈᔭᔨᒪᒡ ᒋᓴᓴ᙮
\v 28 ᐊᑯᑕ ᒪᒃ ᐅᑕ ᑲ ‍ ᑕᒡ ᓇᐅᔅ ᑈᓪ ᑭᔭ ᐸᕐᓇᐸᔅ ᐊᓂᔭ ᑲ ‍ ᑕᑈᔭᔨᒪᔨᒋ ᒋᓴᓴ ᐊ ‍ ᑕᔨᒋ᙮
\c 15
\s1 ᒋᕈᓯᓕᒥᒡ ᑲ ‍ ᒪᒧᐎᓇᓄᐅᒡ
\p
\v 1 ᐱᔅᒐ ᒪᒃ ᓇᐸᐅᒡ ᐊᓐᑕ ᒍᑎᔭ ᐊᔅᒋᒡ ᒋ ‍ ᐅᑐᑕᐅᒡ ᐊᓐᑕ ᐊᓐᑎᔭᑭᒡ ᑲ ‍ ᐱᒐᒡ ᑲ ᐊᑎ ‍ ᒋᔅᒋᓄᐊᒧᐛᒡ ᐊᓂᔭᔪᐛ ᑲ ‍ ᑕᑈᑎᒥᔨᒋ ᐊᓐᑕ ᑲ ‍ ᑕᔨᒋ, ᐊ ‍ ᐃᑕᒡ, “ᓇᒪ ᒋᑭ ᒋ ‍ ᐱᒪᒋᐅᓇᐛᐤ ᐸᑐᔅ ᒋᔅᒋᓄᐛᒋᔄᑯᔭᒂ ᐛᔅ ᐊᐅᑯᓐ ᐊᑎᔅᑕᒡ ᐊᓐᑕ ᒧᓱᔅ ᐅᐎᓱᐛᐅᓂᒡ᙮”
\v 2 ᑈᓪ ᑭᔭ ᐸᕐᓇᐸᔅ ᒋ ‍ ᓂᔅᑯᔅᑐᐛᐅᒡ ᑭᔭ ᓱᒃ ᒋ ᐎ ‍ ᐛᐸᑎᔭᐅᒡ ᑕᑈ ᐊ ‍ ᐅᓂᐱᔨᒡ ᐊᓂᔭ ᐊ ‍ ᐃᔅᒋᔄᔨᒡ᙮ ᐊᑯ ᒂ ‍ ᐎᔭᔨᑕᑭᓄᐎᒡ ᑈᓪ ᑭᔭ ᐸᕐᓇᐸᔅ ᑭᔭ ᐱᔅᒐ ᐊᓐᑕ ᐊᓐᑎᔭᑭᒡ ᑲ ‍ ᐅᒋᒡ ᒐᒋ ᐃᑐᑕᒡ ᐊᓐᑕ ᒋᕈᓯᓕᒥᒡ ᒐᒋ ᑯᒂᒋᒪᒡ ᐊᓂᔭ ᐊᑈᔅᑕᓇ ᑭᔭ ᐊᓂᔭ ᑲ ‍ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ ᑕᓐ ᐊ ‍ ᐃᑕᔨᑎᒥᐃᑯᔨᒋ ᐊᓂᔭ ᑲ ᐃᓯ ‍ ᒋᔅᑯᑎᒪᒐᓄᐎᒡ᙮
\p
\v 3 ᐊᑯ ᒂ ‍ ᐃᑐᑕᒡ ᐊᓐᑕ ᑲ ‍ ᐃᑎᓴᐅᑯᒡ ᐊᓂᔭ ᐅᒪᒧᐊᔭᒥᐊᐛ᙮ ᐳᓂᓯᔭ ᑭᔭ ᓴᒪᕆᔭ ᒋ ‍ ᓴᐳᐛᔅᑭᒧᒡ ᐊ ‍ ᐛᐎᑎᒧᐛᒡ ᐊᓂᔭ ᐅᒪᒧᐊᔭᒥᐊᐤ ᐊᓐᑕ ᑲ ‍ ᑕᔨᒋ ᐊ ‍ ᑕᑈᔭᔨᒪᔨᒋ ᒋᓴᓴ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ᙮ ᓇᔅᒡ ᑕᑈ ᒋ ‍ ᒥᔽᔨᑎᒥᔪᐛ ᐊᓂᔭᔪᐛ ᐎᐧᑲᓂᓯᒪᐛ ᐃᔅᐱ ᐱᔭᑎᒥᔨᒋ ᐅᔭ᙮
\v 4 ᐃᔅᐱ ᒪᒃ ᑕᑯᓯᓂᒡ ᐊᓐᑕ ᒋᕈᓯᓕᒥᒡ, ᓇᔅᒡ ᒋ ‍ ᓇᐊᔨᑎᒥᔪᐛ ᐊᓂᔭᔪᐛ ᐊᑈᔅᑕᓇ ᑭᔭ ᐊᓂᔭᔪᐛ ᑲ ‍ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ, ᑭᔭ ᐊᓂᔭ ᑯᑎᑲ ᐅᒪᒧᐊᔭᒥᐊᐛ, ᐊᑯ ᒂ ‍ ᐛᐎᑎᒧᐛᒡ ᑕᓐ ᑲ ᐃᓯ ‍ ᐃᑐᑎᒪᑯᒡ ᒋᓴᒪᓂᑐᐛ᙮
\p
\v 5 ᒥᒄ ᒪᒃ ᐱᔅᒐ ᐊᓐᒡ ᐸᕆᓯᔨᒡ ᑲ ‍ ᑕᑈᑕᒡ, ᐃᔅᐱ ᐱᔭᑐᐛᒡ ᑈᓚ ᐊ ‍ ᐎᑎᒥᔨᒋ ᐊ ‍ ᑕᑈᑎᒥᔨᒋ ᐊᓂᔭᔪᐛ ᐊᑲ ᒍᐤ ᑲ ‍ ᐃᑎᔅᑲᓇᓯᔨᒋ, ᒋ ᐅᒋ ‍ ᐱᓯᑯᐅᒡ ᐊ ‍ ᐃᔅᒋᔄᒡ, “ᐃᑕᔨᑕᑯᓂᔪᐤ ᑭᑈ ᐊᓐᒡ ᑲ ‍ ᑕᑈᑕᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᒋᔅᒋᓄᐛᒋᔄᑭᓄᐎᒡ ᑭᔭ ᐎᔨᐛᐤ ᑭᔭ ᒋᐸ ‍ ᐃᑕᑭᓄᐎᒡ ᒐᒋ ᓂᓇᐃᑎᒺᒡ ᒧᓱᓴ ᐅᐎᓱᐛᐅᓂᔪᐤ᙮”
\p
\v 6 ᐊᑯ ᐊᓐᒡ ᐊᑈᔅᑕᓇᒡ ᑭᔭ ᐊᓐᒡ ᑲ ‍ ᓂᑲᓂᔅᑲᒡ ᐊᔭᒥᐊᐅᒋᐛᐱᔪᐤ ᒋ ‍ ᒪᒧᐎᐅᒡ ᐊ ‍ ᐃᔭᔨᒺᐛᐃᑯᒡ ᐅᔭ ᑲ ᐃᓯ ‍ ᑯᒂᒋᔅᒐᔨᒧᓇᓄᐎᒡ᙮
\v 7 ᓇᐅᔅ ᒪᒃ ᒋ ‍ ᐃᔭᔨᒧᑎᒧᒡ ᐅᔭ ᐊᑯ ᐱᑕᕐ ᒂ ᐅᒋ ‍ ᐱᓯᑯᑦ ᐊ ‍ ᐃᔅᒋᔄᑦ, “ᓂᐧᑲᓂᓯᑐᒄ, ᒋ ‍ ᒋᔅᒋᓯᓇᐛᐤ ᒋᓴᒪᓂᑐᐤ ᐊᒋ ‍ ᐅᑎᓂᑦ ᒐᒋ ᐛᐎᑎᒧᐅᒂᐤ ᒥᔽᒋᒧᐅᓂᔪᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ, ᒐᒋ ᐅᒋ ‍ ᐸᑕᒡ ᑭᔭ ᒐᒋ ᑕᑈᑕᒡ᙮
\v 8 ᒋᓴᒪᓂᑐᐤ ᒪᒃ ᒋᔅᒐᔨᒪᐤ ᒥᓯᐛ ᐊᐛᔪᐛ ᑕᓐ ᐊᓐ ᐊ ‍ ᐃᑕᔨᑕᑯᓯᔨᒋ᙮ ᒋ ‍ ᓄᑯᑕᐤ ᐊ ‍ ᓂᑐᐛᔨᒪᑦ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᑕᑈᔭᔨᒥᑯᑦ ᒧᔭᒻ ᐊᓂᔭ ᒍᐤ ᑲ ᐃᓯ ‍ ᑕᑈᑎᒥᔨᒋ ᐛᔅ ᒋ ‍ ᒥᔭᐤ ᑲ ‍ ᐸᔭᒋᓯᔨᒋ ᐊᒐᒂ ᒧᔭᒻ ᒋᔭᓄᐤ ᑲ ᐃᓯ ‍ ᒥᔨᑕᐧᒄ᙮
\v 9 ᐊᐅᒄ ᐅᔭ ᑲ ᐃᓯ ‍ ᐛᐸᑎᔨᐛᑦ ᐊᑲ ᐃᔭᒡ ᐃᑕᔨᒪᑦ ᐊᐛᔪᐛ᙮ ᒋ ‍ ᐸᔭᒋᐊᐤ ᐊ ‍ ᐛᐸᔨᑎᒧᐛᑦ ᐅᒥᒋᑥᐅᓂᔨᐛ ᐃᔅᐱ ᑲ ‍ ᑕᑈᔭᔨᒥᑯᑦ᙮
\v 10 ᒧᔭᒻ ᐊ ᐎ ‍ ᑯᒂᒋᐊᒄ ᒋᓴᒪᓂᑐᐤ ᐊᐅᑯᓐ ᐊ ‍ ᐃᑎᔭᒄ᙮ ᒋᑦ ᐊᔭᒥᐊᐛᐅᒡ ᐊᓂᔭ ᐊ ‍ ᓯᒋᒪᑯᒡ ᐅᒡ ᑲ ‍ ᑕᑈᐅᒐᔨᒪᒡ ᒋᓴᓴ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᑐᑕᒡ ᒧᓱᓴ ᐅᐎᓱᐛᐅᓂᔪᐤ ᐛᐛᒡ ᐊᓂᔅᒐ ᒋᐧᑲᓂᓯᓄᐅᒡ ᐊᑲ ᐅᒋ ᑐᑕᒡ ᑭᔭ ᒋᔭᓄᐤ ᐊᑲ ᐛᐛᒡ ᒋ ‍ ᐃᑐᑎᒪᐧᒄ᙮
\v 11 ᒋ ‍ ᑕᑈᑕᓇᓄᐤ ᐊ ‍ ᐱᒪᒋᐃᑕᒄ ᐅᑎᐸᔨᒋᒐᐤ ᒋᓴᔅ ᐅᓱᐛᔨᒋᒐᐅᓂᒡ ᐅᒡ᙮ ᐊᐅᑯᓐ ᒪᒃ ᒧᔭᒻ ᑭᔭ ᐅᒡ ᐃᔪᒡ ᐊᑲ ᒍᐤ ᑲ ‍ ᐃᑎᔅᑲᓇᓯᒡ ᑲ ᐃᓯ ‍ ᑭᓄᐛᐱᒥᑯᒡ ᐃᔅᐱ ᒐ ‍ ᐱᒪᒋᐃᑯᒡ ᐅᑎᐸᔨᒋᒐᐛ᙮”
\p
\v 12 ᒥᓯᐛ ᒪᒃ ᐊᐛᓐ ᐊᓐᑕ ᑲ ‍ ᑕᑦ ᓇᒪ ᐅᒋ ᒋᔅᑐᐤ ᒥᒄ ᒋ ‍ ᓂᑐᑐᐛᐅᒡ ᑈᓚ ᑭᔭ ᐸᕐᓇᐸᓴ ᐊ ‍ ᐎᑎᒥᔨᒋ ᑕᓐ ᑲ ᐃᓯ ‍ ᒪᒥᔅᑲᒡ ᐛᐸᑎᔨᐛᔨᒋ ᒋᓴᒪᓂᑐᐛ ᐛᐸᑎᔨᐛᐅᓇ, ᑭᔭ ᒪᒃ ᑕᓐ ᑲ ᐃᓯ ‍ ᐃᑐᑎᒥᔨᒋ ᐊ ‍ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ ᐎᔨᐛᐤ ᐅᒋ ᐊᓐᑕ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ‍ ᑕᔨᒋ᙮
\v 13 ᐃᔅᐱ ᒪᒃ ᑲᒋ ᐃᓯ ‍ ᑎᐸᒋᒧᔨᒋ, ᐊᑯ ᒋᒥᔅ ᒂ ‍ ᐱᓯᑯᑦ ᐊ ‍ ᐃᔅᒋᔄᑦ, “ᓂᑐᑎᒧᒄ ᒪ, ᓂᐧᑲᓂᓯᑐᒄ,
\v 14 ᓴᐃᒥᓐ ᐱᑕᕐ ᔅᒋ ‍ ᐎᑎᒪᑭᓄᐤ ᑕᓐ ᑲ ‍ ᐃᑎᑦ ᒋᓴᒪᓂᑐᐤ ᓂᔅᑎᒻ ᑲ ‍ ᐛᐸᑎᔨᐛᑦ ᐊᑲ ᒥᒄ ᒍᐤ ᐃᔪᐛ ᐅᒋ ᐅᑎᓇᑦ, ᑯᑎᑲ ᐊᐛᔪᐛ ᑭᔭ ᒋ ‍ ᐅᑎᓇᐤ ᒐᒋ ᐅᑦ ᐃᔨᒥᑦ᙮
\v 15 ᐊᓂᔭ ᑕᓐ ᑲ ‍ ᐃᔅᒋᔄᑦ ᓴᐃᒥᓐ, ᐊᐅᑯᓐ ᒧᔭᒻ ᑲ ‍ ᐃᔅᒋᔄᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮ ᒋ ‍ ᐃᑎᔅᑕᐅᒡ ᒋᓴᒪᓂᑐᐛ ᐅᑦ ᐃᔨᒧᐅᓂᒡ ᐅᑎᐸᔨᒋᒐᐛ ᐊᒋ ‍ ᐃᔅᒋᔄᔨᒂᓂ,
\q
\v 16 ᐸᑎᒪ ᒥᓐ ᓂᑭ ‍ ᑎᑯᓯᓐ ᐊᑯ ᒐ ‍ ᐅᐱᑲᐳᐃᒂᐤ ᐊᓐᒡ ᐃᔪᒡ ᐊᓐᑕ ᒋᓴᐅᒋᒪᐛ ᑎᐱᑕ ᐊ ‍ ᑕᔨᒋ ᑲ ‍ ᐃᑎᔅᑲᓇᓯᒡ ᐊᓐᒡ ᐊᒋ ‍ ᐸᒋᓯᓂᒡ᙮
\q
\v 17 ᐊᐅᒄ ᒪᒃ ᐅᔭ ᒐ ᐅᒋ ‍ ᓇᓂᑐᐛᔨᒪᒡ ᐅᑎᐸᔨᒋᒐᐛ ᑭᔭ ᒥᓯᐛ ᐊᓐᒡ ᑯᑎᑭᒡ ᐃᔪᒡ, ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑲ ‍ ᐅᑎᓇᒂᐤ ᒐ ‍ ᐅᑦ ᐃᔨᒥᔭᓐ,
\q
\v 18 ᐊᐅᒄ ᐅᔭ ᑲ ‍ ᐃᔅᒋᔄᑦ ᐅᑎᐸᔨᒋᒐᐤ ᐊᓐ ᐛᔅᑭᒡ ᑲ ‍ ᒋᔅᒐᔨᑕᑯᑕᑦ ᐅᔭ ᐊᒋ ᐃᓯ ‍ ᐎᔭᔨᑕᐧᒃ᙮”
\p
\v 19 ᐊᑯ ᒋᒥᔅ ᒂ ‍ ᐃᑕᑦ ᒥᓐ ᐊᓂᔭᔪᐛ ᐃᔪᐛ, “ᓂᑦ ᐃᑕᔨᑕᓐ ᓂᔾ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑲ ‍ ᑕᑈᐅᒐᔨᒪᒡ ᒋᓴᒪᓂᑐᐛ, ᓇᒪ ᒋᐸ ᐅᒋ ‍ ᐊᔨᐧᑭᒥᐊᑭᓄᐅᒡ ᒐᒋ ᐃᓯ ‍ ᐱᒪᑎᓯᒡ ᐊᓂᔭ ᑕᓐ ᐊ ᐃᓯ ‍ ᐱᒪᑎᓯᔨᒋ ᒍᐤ ᐃᔪᐛ᙮
\v 20 ᒋᐸ ‍ ᒥᓯᓇᐊᒧᐛᓄᐅᒡ ᐅᒡ ᐊ ‍ ᐎᑎᒧᐛᐧᑯᒡ ᐅᔭ ᒐᒋ ᐃᓯ ‍ ᓂᓇᑭᑐᐛᔨᑕᒡ᙮ ᒐ ᐊᑲ ᒋ ᒧᐛᒡ ᐊᐛᓯᓴ ᐊᒋ ‍ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓇ, ᑭᔭ ᐊᐛᓯᓴ ᐊᒋ ‍ ᒋᐳᑕᒪᐱᐧᑲᑕᑭᓄᔨᒋ ᒪᒃ ᑭᔭ ᒥᐧᑯᔪᐤ ᒐᒋ ᒥᒋᒡ ᑭᔭ ᐊᑲ ᐎᓂᓱᐅᓂᒡ ᒐᒋ ᐃᓯ ‍ ᐱᒪᑎᓯᒡ᙮
\v 21 ᐛᔅ ᐊᐅᒄ ᐅ ᓴᔅ ᐛᔅᑭᒡ ᑲ ᐃᓯ ᐸᒋ ‍ ᑭᒐᔅᒋᒧᓇᓄᐅᒡ ᐊᓐᑕ ᒥᓯᐛ ᒍᐤ ᐊᔭᒥᐊᐅᒋᐛᐱᒡ ᐊᓯᑯᒻ ᐊᔭᒥᐊᐅᒋᓯᑲᐛ ᐃᔅᐱ ᑲ ‍ ᒥᔨᑯᐅᔭᐧᒄ ᒧᓱᔅ ᐅᐎᓱᐛᐅᓐ᙮”
\s1 ᑲ ‍ ᒥᓯᓇᐊᒧᐛᑭᓄᐎᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑲ ‍ ᑕᑈᐅᒐᔨᒪᒡ ᒋᓴᓴ
\p
\v 22 ᐊᑯ ᐊᓐᒡ ᐊᑈᔅᑕᓇᒡ ᑭᔭ ᐊᓐᒡ ᑲ ‍ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᑭᔭ ᒥᓯᐛ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᒋ ‍ ᓇᐊᔨᑎᒥᐃᑯᐅᒡ ᑕᓐ ᑲ ‍ ᐃᔅᒋᔄᔨᒋ ᒋᒥᓴ ᐊᑯ ᒂ ‍ ᐎᔭᔨᒪᒡ ᓂᓱ ᓇᐸᐛ ᒐᒋ ᐎᒐᐛᔨᒋ ᑈᓚ ᑭᔭ ᐸᕐᓇᐸᓴ ᐊ ‍ ᓂᑐᐛᐱᒪᔨᒋ ᐊᓂᔭ ᑲ ‍ ᑕᑈᑎᒥᔨᒋ ᐊᓐᑕ ᐊᓐᑎᔭᑭᒡ ᑲ ‍ ᑕᔨᒡ᙮ ᐊᐅᒄ ᒪᒃ ᐅᒡ ᐊᓐᑕ ᑲ ‍ ᐃᑎᓴᐛᑭᓄᐎᒡ, ᒍᑎᔅ, ᐊᓐ ᐸᕐᓴᐸᔅ ᑭᔭ ᑲᒋ ‍ ᐃᓯᓂᐧᑲᑕᑭᓄᐅᑦ, ᑭᔭ ᓴᓂᔅ᙮ ᒋ ‍ ᐎᒋᐃᐛᐅᒡ ᐊ ‍ ᓂᑲᓂᔅᑯᐛᑭᓄᔨᒋ ᐎᐧᑲᓂᓯᒪᐛ ᐅᒡ ᓇᐸᐅᒡ᙮
\v 23 ᒥᓯᓇᐃᑭᓂᔪᐤ ᒋ ‍ ᒥᔭᑭᓄᐎᒡ ᒐ ‍ ᐃᑐᑕᒡ ᐊᓐᑕ ᐊᓐᑎᔭᑭᒡ ᐊᓐᑕ ᐅᒪᒧᐊᔭᒥᐊᐤ ᐊ ‍ ᑕᔨᒋ᙮
\p ᒋ ‍ ᐃᑎᔅᑕᔪᐤ ᒪᒃ ᐊᓐᑕ,
\q “ᓂᔭᓐ ᐊᑈᔅᑕᓇᒡ, ᑭᔭ ᓂᔭᓐ ᑲ ‍ ᓂᑲᓂᔅᑭᒪᒡ ᐊᔭᒥᐊᐅᒋᐛᑉ,
\q ᒋ ‍ ᒥᓯᓇᐊᒪᑎᓇᓐ ᒋᔨᐛᐤ ᓂᐧᑲᓂᓯᑐᒄ ᒋᔨᐛᐤ ᑲ ‍ ᑕᑈᑎᒪᒄ ᐊᑲ ᒍᐤ ᐃᑎᔅᑲᓇᓯᔭᒄ, ᒋᔨᐛᐤ ᑲ ‍ ᐎᒋᔭᒄ ᐊᓐᑕ ᐊᓐᑎᔭᑭᒡ, ᓯᕆᔭᒡ, ᑭᔭ ᓯᓕᓯᔭᒡ᙮
\q
\v 24 ᓂ ‍ ᒋᔅᒐᔨᒪᓇᓂᒡ ᐱᔅᒐ ᓇᐸᐅᒡ ᐅᑕ ᐊ ‍ ᐅᒋᔭᒡ ᐊ ‍ ᐅᒋᒡ ᐊᒋ ‍ ᓂᑐᐛᐱᒥᑕᑯᒡ ᑭᔭ ᐊᒋ ‍ ᒋᔅᑯᑎᒪᑕᑯᒡ ᒐᒂᔪᐤ ᒐᒋ ᐅᒋ ‍ ᐊᔨᒪᔨᑎᒪᒄ᙮ ᓇᒪ ᒪᒃ ᓂᔭᓐ ᓂ ᐅᒋ ‍ ᐃᑎᓱᒪᓇᓂᒡ ᐊᓂᔭ ᑲ ‍ ᐃᑎᒡ᙮
\v 25 ᐊᐅᒄ ᒪᒃ ᐛᒋ ‍ ᒪᒧᐎᔭᒡ ᐅᑕ, ᓂᒋ ‍ ᐎᔭᔨᑕᓇᓐ ᒪᒃ ᒐᒋ ᐃᑎᓴᐅᒋᒡ ᐊᐛᓐᒋ ᐊᓐᑕ ᐊ ‍ ᑕᐛᒄ᙮ ᒋᑭ ᐸᒋ ‍ ᐎᒐᐛᐅᒡ ᑈᓚ ᑭᔭ ᐸᕐᓇᐸᓴ, ᐊᓂᔭᔪᐛ ᓂᐎᒐᐛᑭᓇᓇ ᑲ ‍ ᓴᒋᐃᒥᒋᒋ᙮
\v 26 ᐅᒡ ᒪᒃ ᑈᓪ ᑭᔭ ᐸᕐᓇᐸᔅ, ᐊᑎ ᒥᒐᑥᐤ ᐊᒋ ‍ ᓂᓇᐧᑲᒋᐊᑭᓄᐎᒡ ᑭᔭ ᒐᑲᑦ ᐊᒋ ‍ ᓂᐸᐊᑭᓄᐎᒡ, ᓇᒪ ᐃᔭᐱᒡ ᐅᒋ ᐳᓂᔪᒡ ᐊ ‍ ᐊᑐᔅᑯᐛᒡ ᐅᑎᐸᔨᒋᒐᐛ ᒋᓴᔅ ᙭ᑕ᙮
\v 27 ᐊᑯ ᒪᒃ ᒍᑎᔅ ᑭᔭ ᓴᓂᔅ ᓂᒋ ‍ ᐅᑎᓇᓇᓂᒡ ᒐᒋ ᐎᑎᒪᑕᑯᒡ ᑕᓐ ᐊᓐ ᐊ ‍ ᐃᑕᔨᑎᒪᒡ ᐊᓐ ᑲ ᐃᓯ ‍ ᒋᔅᑯᑎᒪᑯᔭᒄ᙮ ᐊᐅᑯᓐ ᒪᒃ ᒧᔭᒻ ᒐ ᐃᓯ ‍ ᐎᑎᒪᑎᑯᒡ ᑭᔭ ᐎᔨᐛᐤ ᑕᓐ ᐊ ᐃᓯ ‍ ᒥᓯᓇᐊᒪᑕᒡ ᐅᑕ᙮
\v 28 ᑕᐱᔅᑯᓐ ᑲ ‍ ᐸᔭᒋᓯᑦ ᐊᒐᐧᒄ ᑭᔭ ᓂᔭᓐ ᓂᒋ ‍ ᓇᐊᔨᑕᓇᓐ ᒐ ᐊᑲ ᒋ ᐊᔨᒪᔨᑎᒥᐃᑕᒡ ᒥᒄ ᒪᒃ ᐊᐅᒄ ᐅ ᓇᑐᐛᔨᒥᑕᒡ ᒐᒋ ᑭᓄᐛᔨᑎᒪᒄ᙮
\v 29 ᒐ ᐊᑲ ᒋ ᒧᐛᒄ ᐊᐛᓯᔅ ᐊᒋ ‍ ᒥᑐᔅᑕᐊᒧᐛᑭᓄᐅᑦ ᒥᓂᑐᐧᑲᓐ, ᒐ ᐊᑲ ᒋ ᒥᒍᐛᒄ ᐅᒥᐧᒄ ᑭᔭ ᒐ ᐊᑲ ᒋ ᒧᐛᑯᒡ ᐊᓐᒡ ᐊᐛᓯᓯᒡ ᐊᒋ ‍ ᒋᐳᑕᒪᐱᐧᑲᑕᑭᓄᐎᒡ ᑭᔭ ᐊᑲ ᐎᓂᓱᐅᓂᒡ ᒐᒋ ᐃᓯ ‍ ᐱᒪᑎᓯᔭᒄ᙮ ᒋᑭ ‍ ᒥᔪᐱᔨᓇᐛᐤ ᐃᑐᑎᒪᒂ ᐅ ᑲ ‍ ᐃᑎᓱᒥᑕᒡ᙮ ᒋ ‍ ᐛᒋᔭᒥᑎᓇᓐ ᒪᒃ ᒥᓯᐛ ᐊ ‍ ᑎᓯᔭᒄ᙮
\q ᐛᒋᔭ᙮”
\p
\v 30 ᐃᔅᐱ ᑲ ‍ ᒋᑎᓴᐛᑭᓄᐎᒡ ᐊᓐᒡ ᑈᓪ, ᐸᕐᓇᐸᔅ, ᒍᑎᔅ ᑭᔭ ᓴᓂᔅ, ᐊᓐᑕ ᐊᓐᑎᔭᑭᒡ ᒋ ᐸᒋ ‍ ᐃᑐᑕᐅᒡ᙮ ᐊᑯ ᒂ ‍ ᓂᔅᑐᓇᒡ ᐊᓂᔭ ᑲ ‍ ᑕᑈᑎᒥᔨᒋ ᐊᑯ ᒂ ‍ ᒥᔭᒡ ᐊᓂᔭ ᒥᓯᓇᐃᑭᓂᔪᐤ ᑲ ‍ ᒥᓯᓇᐊᒧᐛᑭᓄᔨᒋ᙮
\v 31 ᐊᓐᒡ ᒪᒃ ᐃᔪᒡ ᐃᔅᐱ ᑲ ‍ ᐃᔨᒥᑕᒡ ᐊᓂᔭ ᒥᓯᓇᐃᑭᓂᔪᐤ, ᒥᓯᐛ ᒋ ‍ ᒥᔽᔨᑎᒧᒡ ᑭᔭ ᒋ ‍ ᐅᐱᓂᑯᐅᒡ᙮
\v 32 ᒍᑎᔅ ᑭᔭ ᓴᓂᔅ ᐊ ‍ ᐅᒋᔅᒋᐛᐃᒐᓱᐅᒡ ᑭᔭ ᐎᔨᐛᐤ, ᓇᐅᔅ ᒋ ‍ ᐃᔨᒪᐊᐅᒡ ᐊᓂᔭ ᐎᐧᑲᓂᓯᒪᐛ, ᑭᔭ ᐊᑐᐎᔅ ᒂ ᐊᑎ ‍ ᓱᒋᑲᐳᔨᒋ᙮
\v 33 ᒥᒐᑐᐤ ᒋᓯᑲᐛ ᒪᒃ ᒋ ‍ ᑕᐅᒡ ᐊᓐᑕ ᐊᑯ ᒂ ‍ ᒋᐛᒡ᙮ ᒋ ‍ ᐊᔭᒥᐊᔅᑎᒪᑯᐅᒡ ᐊᓂᔭ ᐎᐧᑲᓂᓯᒪᐛ ᒐᒋ ᒥᔪ ‍ ᑭᓄᐛᔨᒥᑯᒡ ᒋᓴᒪᓂᑐᐛ᙮
\v 34 ᓴᓂᔅ ᒪᒃ ᒋ ‍ ᐎᔭᔨᑎᒻ ᐊᑯᑕ ᒐ ‍ ᑕᑦ ᐎᔾ᙮
\v 35 ᑈᓪ ᑭᔭ ᐸᕐᓇᐸᔅ ᐊᑯᑕ ᑭᔭ ᐎᔨᐛᐤ ᑲ ‍ ᑕᒡ ᐛᐃᐱᔅᒋᔅ ᐊᓐᑕ ᐊᓐᑎᔭᑭᒡ᙮ ᒋ ‍ ᒋᔅᑯᑎᒪᒐᐅᒡ ᑭᔭ ᒋ ‍ ᑭᒐᔅᒋᒧᐅᒡ ᐅᑎᐸᔨᒋᒐᐛ ᐅᑦ ᐃᔨᒧᐅᓂᔪᐤ ᐊ ‍ ᐊᔨᒧᑕᒡ᙮ ᒥᒐᑦ ᑭᔭ ᑯᑎᑲ ᐊᓐᑕ ᑲ ‍ ᑕᔨᒋ ᐊᐅᑯᓐ ᑲ ‍ ᐃᑎᔨᒋ᙮
\s1 ᑈᓪ ᐊᑲ ᓇᐊᔨᑕᐧᒃ ᐸᕐᓇᐸᓴ ᑲ ᐎ ‍ ᔅᑐᑕᐊᔨᒋ ᒠᓐ-ᒪᕐᑲ
\p
\v 36 ᐸᑎᒪ ᒪᒃ ᑈᓪ ᒋ ‍ ᐃᑕᐤ ᐊᓂᔭ ᐸᕐᓇᐸᓴ, “ᑲᐤ ᒪ ᐃᑐᑕᑕᐤ ᐊᓂᔭᔪᐛ ᐅᑕᓇᐛ ᐊᓐᑕ ᑲ ‍ ᐛᐎᑎᒪᐧᒄ ᒥᔽᒋᒧᐅᓐ ᒐ ‍ ᓂᑐ ‍ ᒋᔅᒐᔨᒪᐧᑯᒡ ᒪᔪᐱᔪᐛᒂ ᐊᓐᒡ ᒋᐧᑲᓂᓯᓄᐅᒡ᙮”
\v 37 ᐊᑯ ᐸᕐᓇᐸᔅ ᒂ ᐎ ‍ ᔅᑐᑕᐊᑦ ᐊᓂᔭ ᒠᓐ-ᒪᕐᑲ᙮
\v 38 ᒥᒄ ᒪᒃ ᑈᓪ ᓇᒪ ᐅᒋ ᐎ ᔅᑐᑕᐊᐤ ᐎᔾ, ᐛᔅ ᒋ ‍ ᓂᑭᑎᑯᐅᒡ ᒠᓐ-ᒪᕐᑲ ᐊᓐᑕ ᐸᒻᐱᓕᔭᒡ ᑲ ‍ ᑕᒡ ᐊᒋ ‍ ᐳᓂᑦ ᐊᔅᒄ ᐊᑲ ᐅᒋ ᒋᔅᑕᒡ ᐅᑦ ᐊᑐᔅᒐᐅᓄᐛᐤ᙮
\v 39 ᐊᑯ ᑲ ‍ ᒥᒋᐱᔨᒡ ᐸᕐᓇᐸᔅ ᑭᔭ ᑈᓪ ᐅᔭ ᐅᒋ, ᐊᑯ ᑕᑎᐸᓐ ᒂ ‍ ᐃᑐᑕᒡ᙮ ᐸᕐᓇᐸᔅ ᒋ ‍ ᔅᑐᑕᐊᐤ ᐊᓂᔭ ᒠᓐ-ᒪᕐᑲ, ᐊᓐᑕ ᓴᐃᐳᕋᔅ ᐊᑯᑕ ᑲ ‍ ᐃᑕᓯᒡ ᐊ ‍ ᒥᓴᔨᒡ ᐅᑎᓂᔪᐤ ᐊ ‍ ᐊᐱᒋᑕᒡ᙮
\v 40 ᐊᑯ ᐎᔾ ᑈᓪ, ᐊᓂᔭ ᓴᓂᓴ ᒋ ‍ ᔅᑐᑕᐊᐤ᙮ ᐊᑯ ᐊᓐᒡ ᐎᐧᑲᓂᓯᒪᐅᒡ ᐊᓐᑕ ᐊᓐᑎᔭᑭᒡ ᑲ ‍ ᑕᒡ ᑲ ‍ ᐊᔭᒥᐊᔅᑎᒧᐛᒡ ᐅᑎᐸᔨᒋᒐᐛ ᒐᒋ ᑭᓄᐛᔨᒥᑯᔨᒋ᙮
\v 41 ᐊᑯ ᐊᓐᑕ ᓯᕆᔭᒡ ᑭᔭ ᓯᓕᓯᔭᒡ ᑲ ‍ ᐃᑐᑕᑦ ᑈᓪ, ᒥᓯᐛ ᒪᒃ ᐊᓐᑕ ᑲ ᐊᑎ ‍ ᐃᔨᒪᐊᑦ ᐅᒪᒧᐊᔭᒥᐊᐛ ᒥᓯᐛ ᒋ ‍ ᐎᒋᐊᐤ ᒐᒋ ᓱᒋᑲᐳᔨᒋ᙮
\c 16
\s1 ᑎᒧᑎ ᑲ ‍ ᐎᒐᐛᑦ ᑈᓚ
\p
\v 1 ᐊᑯ ᑈᓪ ᐊᓐᑕ ᑎᕐᐱᒡ ᑭᔭ ᓕᔅᑐᕋᒡ ᒂ ‍ ᐃᑐᑕᑦ᙮ ᒋ ‍ ᑕᐤ ᐊᓐᑕ ᓇᐸᐤ ᐊ ‍ ᑕᑈᔭᔨᒪᑦ ᒋᓴᓴ, ᑎᒧᑎ ᐊ ‍ ᐃᓯᓂᐧᑲᓱᑦ, ᐅᑲᐎᔭ ᑭᔭ ᒋ ‍ ᑕᑈᔭᔨᒪᔪᐛ ᒋᓴᓴ᙮ ᒍᐤ ᒋ ‍ ᐃᑎᔅᑲᓇᓯᔪᐛ ᐅᔭ ᐅᑲᐎᔭ ᐊᑯ ᐅᑕᐎᔭ ᑯᕆᒃ ᒋ ‍ ᐃᑎᔅᑲᓇᓯᔪᐛ᙮
\v 2 ᑎᒧᑎ ᒪᒃ ᒥᓯᐛ ᒋ ‍ ᒥᔽᒋᒥᑯᐤ ᐊᓂᔭ ᐎᐧᑲᓂᓯᒪᐛ ᐊᓐᑕ ᓕᔅᑐᕋᒡ ᑭᔭ ᐊᓐᑕ ᐊᐃᑯᓂᔭᒥᒡ ᑲ ‍ ᑕᔨᒋ᙮
\v 3 ᑈᓪ ᒋ ‍ ᓂᑐᐛᔨᒪᐤ ᐊᓂᔭᔪᐛ ᑎᒧᑎᔨᒋ ᒐᒋ ᐎᒐᐅᑯᑦ, ᓂᔅᑎᒻ ᒪᒃ ᒋ ‍ ᒋᔅᒋᓄᐛᒋᔄᐤ᙮ ᐊᐅᒄ ᐅᔭ ᑲ ‍ ᐃᑐᑐᐛᑦ ᐊᑲ ᐅᒋ ᐎ ᒪᔭᔨᒪᑦ ᐊᓂᔭᔪᐛ ᒍᐤ ᐃᔪᐛ ᐊᓐᑕ ᑲ ‍ ᐎᒋᔨᒋ ᐛᔅ ᒋ ‍ ᒋᔅᒐᔨᒪᐅᒡ ᐊᓐᒡ ᐃᔪᒡ ᐊᓂᔭ ᑎᒧᑎᔨᒋ ᐅᑕᐎᔪᐛ ᑯᕆᒃ ᐊ ‍ ᐃᑎᔅᑲᓇᓯᔨᒋ᙮
\v 4 ᐊᓂᔭ ᒪᒃ ᐊ ᐊᑎ ‍ ᔭᓂᔅᒐᔅᑲᒡ ᐅᑕᓇᐛ ᒋ ‍ ᐛᐎᑎᒧᐛᐅᒡ ᐅᒪᒧᐊᔭᒥᐊᐤ ᑕᓐ ᑲ ᐃᓯ ‍ ᐎᔭᔨᑎᒥᔨᒋ ᐊᑈᔅᑕᓇ ᑭᔭ ᐊᓂᔭᔪᐛ ᑲ ‍ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ ᐊᓐᑕ ᒋᕈᓯᓕᒥᒡ ᑕᓐ ᒋᐸ ᐃᓯ ‍ ᓂᓇᑭᑐᐛᔨᑎᒧᒡ᙮
\v 5 ᐊᑯ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᔭᔅᒃ ᒋ ᐊᑎ ‍ ᐊᔨᒋᑲᐳᐅᒡ ᑕᑈᑎᒧᐅᓂᒡ ᐃᔅ ᑭᔭ ᐊᓯᑯᒻ ᒋᓯᑲᐛ ᒋ ᐊᑎ ‍ ᒥᒐᑐᐅᒡ ᐊᐛᓐᒋ ᐊ ‍ ᑕᑈᑕᒡ᙮
\s1 ᑕᓐ ᑲ ᐃᓯ ‍ ᐛᐸᑎᔭᑭᓄᐅᑦ ᑈᓪ
\p
\v 6 ᐊᑯ ᐊᓐᑕ ᐳᕆᒋᔭ ᑭᔭ ᑲᓚᓯᔭ ᐊᔅᒋᒡ ᒂ ‍ ᐃᑐᑕᒡ, ᑲ ‍ ᐸᔭᒋᓯᔨᒋ ᐊᒐᒂ ᐊᒋ ‍ ᓇᑲᓂᑯᒡ ᒐᒋ ᐛᐎᑕᒡ ᒥᔽᒋᒧᐅᓂᔪᐤ ᐊᓐᑕ ᐊᐃᓴ ᐊᔅᒋᒡ᙮
\v 7 ᐃᔅᐱ ᐛᑎᑕᒡ ᒪᐃᓯᔭ ᐊᔅᒋᔪᐤ, ᒋ ᐎ ‍ ᐱᒐᐅᒡ ᐱᑎᓂᔭ ᐊᔅᒋᒡ ᒥᒄ ᒪᒃ ᒋᓴᓴ ᐅᑦ ᐊᒐᐧᑯᔪᐛ ᒋ ‍ ᓇᑲᓂᑯᐅᒡ ᒐᒋ ᐃᑐᑕᒡ ᐊᓐᑕ᙮
\v 8 ᐊᑯ ᑲ ‍ ᓴᐳᑐᐛᑕᒡ ᐊᓂᔭ ᒪᐃᓯᔭ ᐊᔅᒋᔪᐤ ᐊᑯ ᐊᓐᑕ ᑐᕈᐊᔅ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᒂ ᐊᑎ ‍ ᐃᑐᑕᒡ᙮
\s2 Acts 16.9-15 (Easter-6 Year C)
\p
\v 9 ᐊᓂᔭ ᒪᒃ ᑕᐱᔅᑲᔨᒡ ᑈᓪ ᒋ ‍ ᐛᐸᑎᔭᑭᓄᐤ ᐛᐸᑎᔨᐛᐅᓂᔪᐤ᙮ ᒧᔭᒻ ᐊ ‍ ᐛᐱᒪᑦ ᓇᐸᐛ ᒋ ‍ ᐃᓯᓂᒻ ᐊᓐᑕ ᒪᓯᑐᓂᔭ ᐊᔅᒋᒡ ᐅᒡ ᐊ ‍ ᓂᐳᔨᒋ ᐊ ‍ ᐃᑎᑯᑦ, “ᐸᒋ ‍ ᐃᑐᑕᒄ ᐅᑕ ᒪᓯᑐᓂᔭᒡ, ᒐ ᐸᒋ ‍ ᐎᒋᐃᔭᒡ᙮”
\v 10 ᐃᔅᐱ ᒪᒃ ᑲ ‍ ᐎᑎᒧᔨᒥᑦ ᑈᓪ ᐅᔭ ᑲ ‍ ᐃᓯᓇᐧᒃ, ᓂᒋ ‍ ᒐᔅᑎᓇᐅᓇᓐ ᒋᓴᒪᓂᑐᐤ ᐊ ‍ ᓂᑐᐛᔨᒥᔨᒥᑦ ᒐᒋ ᐎᑎᒧᐅᒋᒡ ᐊᓐᒡ ᐃᔪᒡ ᒥᔽᒋᒧᐅᓂᔪᐤ᙮ ᐊᑯ ᑎᐛᒡ ᑲ ‍ ᐊᔭᔅᑯᐎᔭᒡ ᒐ ‍ ᐃᑐᑕᔭᒡ ᐊᓐᑕ᙮
\s1 ᑲ ‍ ᒂᔅᑲᑎᓯᑦ ᐃᔎᐤ ᓕᑎᔭ ᑲ ‍ ᐃᓯᓂᐧᑲᓱᑦ ᐊᓐᑕ ᐱᓕᐸᐃᒡ ᑲ ‍ ᐅᒋᑦ
\p
\v 11 ᐊᓐᑕ ᑐᕈᐊᓯᒡ ᓂᒋ ‍ ᐅᒋᒋᒪᓇᓐ ᐊᑯ ᐊᓐᑕ ᑯᐃᔅᒄ ᓴᒧᑐᕋᓯᒡ ᑲ ‍ ᐃᔅᒋᒪᔭᒡ᙮ ᐊᑯ ᒥᓐ ᐎᔭᐸᒡ ᐊᓐᑕ ᓂᔭᐳᓕᔅ ᓂᒋ ‍ ᐃᔅᒋᒪᓇᓐ᙮
\v 12 ᐊᑯᑕ ᐊᓐᑕ ᑲ ᐅᒋ ‍ ᐱᒧᑕᔭᒡ ᐊᓐᑕ ᐊ ‍ ᐃᑐᑕᔭᒡ ᐱᓕᐸᐃᒡ ᐊᓐ ᑲ ‍ ᒥᓴᒡ ᐅᑕᓇᐤ ᐊᓐᑕ ᒪᓯᑐᓂᔭ ᐊᔅᒋᒡ ᑲ ‍ ᑎᒂᒡ, ᕈᒻ ᐃᔪᒡ ᒋ ‍ ᑎᐸᔨᑎᒧᒡ ᐊᓂᔭ ᐅᑕᓇᔪᐤ᙮ ᐛᐃᐱᔅᒋᔅ ᐊᓐᑕ ᓂᒋ ‍ ᑕᓇᓐ᙮
\p
\v 13 ᐊᓐ ᒪᒃ ᐊ ‍ ᐊᔭᒥᐊᐅᒋᓯᑲᒡ, ᓂᒋ ‍ ᓇᓯᐸᓇᓐ ᐊᓐᑕ ᓯᓱᒡ ᓯᐱᒡ ᐎᐎᑎᒥᒡ ᐊᓐᑕ ᐊᓐ ᐅᑕᓇᐤ ᐊ ‍ ᐃᑕᔨᑎᒪᒡ ᒐ ‍ ᒥᔅᑭᒧᐎᒋᑦ ᐊᓐᑕ ᒍᐤ ᐃᔪᒡ ᐊ ‍ ᐊᔭᒥᐊᒡ᙮ ᓂᒋ ‍ ᐊᐱᓇᓐ ᐊᑯ ᑲ ‍ ᐃᔨᒥᐃᒋᒡ ᐊᓐᒡ ᐃᔎᐅᒡ ᐊᓐᑕ ᑲ ‍ ᒪᒧᐎᒡ᙮
\v 14 ᐊᑯ ᐸᐃᒄ ᐃᔎᐤ ᐊᓐᑕ ᑲ ‍ ᑕᑦ ᐊ ‍ ᓂᑐᑕᑯᔭᒡ ᓕᑎᔭ ᒋ ‍ ᐃᓯᓂᐧᑲᓱᐤ, ᑕᔭᑕᐃᕋ ᐊ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ‍ ᐅᒋᔪᐤ᙮ ᐊᐅᑯᓐ ᑲ ‍ ᐃᑕᐱᑎᓯᑦ ᐊᒋ ‍ ᐊᑕᐛᑦ ᒪᓐ ᐊ ‍ ᓱᓇᔭᐎᔨᒋ ᐊᐱᒋᑕᐅᓇ᙮ ᐊᑎ ᒪᒃ ᐊᑲ ᒍᐤ ᐅᒋ ᐃᑎᔅᑲᓇᓯᑦ ᐃᔭᐱᒡ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ ᒧᔭᒻ ᒍᐤ ᐃᔪᒡ ᑲ ‍ ᐃᑎᒡ᙮ ᓇᔅᒡ ᒋ ‍ ᓂᑐᑎᒻ ᑕᓐ ᑲ ‍ ᐃᔅᒋᔄᔨᒋ ᑈᓚ, ᐊᑯ ᒂ ‍ ᒥᔨᑯᑦ ᐅᑎᐸᔨᒋᒐᐛ ᒐᒋ ᓂᔅᑐᑕᐧᒃ ᑭᔭ ᒐᒋ ᑕᑈᑕᐧᒃ᙮
\v 15 ᒋ ‍ ᓯᑲᐃᑐᐛᑭᓄᐤ ᒪᒃ ᓕᑎᔭ ᑭᔭ ᒥᓯᐛ ᐊᓐᑕ ᐎᒋᒡ ᑲ ‍ ᐎᒋᒥᑯᑦ᙮ ᐊᑯ ᒂ ‍ ᐎᓴᒥᔨᒥᒡ ᐊᓐᑕ ᐎᒋᒡ ᒐᒋ ᐎᒋᒥᒋᑦ ᐊ ‍ ᐃᑎᑯᔭᒡ, “ᒋᔭᔅᑎᓇᐅᐛᒂ ᐊ ‍ ᑕᑈᔭᔨᒥᒃ ᐅᑎᐸᔨᒋᒐᐤ, ᐸᒋ ‍ ᐱᒐᒄ ᓂᒋᒡ ᐊᓐᑕ ᒐ ‍ ᑕᔭᒄ᙮” ᓂᒋ ‍ ᓴᐧᑯᒋᒥᑯᓇᓐ ᒪᒃ᙮
\s1 ᑈᓪ ᑭᔭ ᓴᓂᔅ ᑲ ‍ ᒋᐸᐛᑭᓄᐎᒡ ᐊᓐᑕ ᐱᓕᐸᐃᒡ
\s2 Acts 16.16-34 (Easter-7 Year C)
\p
\v 16 ᐸᐃᒂᐤ ᐊ ‍ ᐃᑐᑕᔭᒡ ᐊᓐᑕ ᐊᒪᒧᐎᓇᓄᐅᒡ ᐊ ‍ ᐊᔭᒥᐊᓄᒡ, ᓂᒋ ‍ ᓂᒋᔅᑯᐛᓇᓐ ᑯᐸᓇᔎᔅ ᐊ ‍ ᐱᒋᔅᑲᑯᑦ ᒥᒋ ‍ ᐊᒐᒂ, ᐊ ‍ ᐃᑐᑕᑯᑦ ᒐᒋ ᓂᑲᓐ ᐎᑕᐧᒃ ᑕᓐ ᒐ ‍ ᐃᔅᐱᔨᒡ᙮ ᓇᔅᒡ ᒪᒃ ᒋ ‍ ᐅᓱᓇᔭᓂᒥᐧᑯᐛᐤ ᐊᓂᔭᔪᐛ ᓇᐸᐛ ᑲ ‍ ᑎᐸᔨᒥᑯᑦ ᐊᓂᔭ ᐊ ‍ ᐃᑎᑦ᙮
\v 17 ᓂᒋ ‍ ᐱᐸᒥᓇᓴᐅᑯᓇᓐ ᐊᓐ ᐃᔎᔅ ᐊ ‍ ᑕᑈᑦ ᐊ ‍ ᐃᔅᒋᔄᑦ, “ᒋᓴᒪᓂᑐᐤ ᒪᐅᒡ ᑲ ‍ ᒋᔅᑕᔨᑕᑯᓯᔨᒋ ᐊᑐᔅᑯᐛᐅᒡ ᐅᒡ ᓇᐸᐅᒡ᙮ ᒋᑭ ‍ ᐎᑎᒪᑯᐛᐅᒡ ᑕᓐᑕ ᒐᒋ ᐅᒋ ‍ ᐱᒪᒋᐅᔭᒄ᙮”
\v 18 ᐊᐅᑯᓐ ᑲ ‍ ᐃᑎᑦ ᐊᓯᑯᒻ ᒋᓯᑲᐛ, ᑈᓪ ᒐᒃ ᑲ ‍ ᐱᒋᔅᑲᒋᒥᑯᑦ, ᐊᑯ ᒂ ‍ ᒂᔅᒋᑲᐳᔅᑐᐛᑦ, ᒂ ‍ ᐃᑕᑦ ᐊᓂᔭ ᒥᒋ ‍ ᐊᒐᒂ, “ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᐅᒋ ᒪᒋ ᐎᐎᔾ ᐊᓐᑕ ᐊ ‍ ᑕᑦ !” ᐊᑯ ᐊᓐ ᐊᒐᐧᒄ ᑎᐛᒡ ᒂ ‍ ᐎᐎᑦ ᐊᓐᑕ ᐊᓂᔭ ᐃᔎᓴ ᐊ ‍ ᑕᔨᒋ ᐅᒡ᙮
\p
\v 19 ᐃᔅᐱ ᒪᒃ ᐊᓐ ᐃᔎᔅ ᐊᓂᔭᔪᐛ ᐅᒋᒪᒪ ᑲ ‍ ᐛᐸᑎᒥᔨᒋ ᒐ ᐊᑲ ᒋ ᐅᓱᓇᔭᓂᒥᐧᑲᑯᒡ, ᒋ ‍ ᒪᑯᓇᐅᒡ ᐊᓂᔭ ᑈᓚ ᑭᔭ ᓴᓂᓴ, ᐊᑯ ᑲ ‍ ᐃᑐᑕᐊᒡ ᐊᓐᑕ ᑲᒋ ‍ ᒪᒧᐎᔨᒋ ᐊᐛᔪᐛ ᐊᓐᑕ ᑲ ‍ ᑕᔨᒋ ᐊᓂᔭ ᑲ ‍ ᓂᑲᓂᔅᑭᒥᔨᒋ ᐊᓂᔭ ᐅᑕᓇᔪᐤ᙮
\v 20 ᐃᔅᐱ ᒪᒃ ᑲ ‍ ᐸᓱᐛᒡ ᐊᓐᑕ ᕈᒻ ᐎᓱᐛᐅᒋᒪᐛ ᐊ ‍ ᑕᔨᒋ ᒐᒋ ᑎᐸᔅᑯᓇᔨᒋ, ᒋ ‍ ᐃᑕᐅᒡ, “ᒍᐤ ᐃᔪᒡ ᐅᒡ ᓇᐸᐅᒡ, ᒥᒋᐱᔨᑕᐅᒡ ᐅᑕ ᒋ ᐅᑕᓇᒥᓇᒡ !
\v 21 ᒋᔅᑯᑎᒧᐛᐅᒡ ᐊᐛᔪᐛ ᒐᒂᔪᐤ ᐊ ‍ ᐃᑎᔅᑕᔨᒡ ᐊᓐᑕ ᕈᒻ ᐎᓱᐛᐅᓂᒡ ᐊᑲ ᒋᐸ ‍ ᐃᑐᑕᑭᓄᐅᔪᐤ᙮ ᕈᒻ ᐃᔪᒡ ᒋᔭᓄᐤ, ᓇᒪ ᒋᐸ ᐅᒋ ‍ ᐅᑎᓇᓇᓄᐤ ᑭᔭ ᓇᒪ ᒋᐸ ᐅᒋ ‍ ᐃᑐᑕᓇᓄᐤ ᐊᓂᔭ ᑕᓐ ᐊ ‍ ᐃᔅᒋᔄᒡ᙮”
\p
\v 22 ᐊᑯ ᐊᓐᒡ ᑯᑎᑭᒡ ᐃᔪᒡ ᒋ ‍ ᐎᒋᐃᐛᐅᒡ ᐊ ‍ ᐛᐛᓯᐊᑭᓄᔨᒋ ᑈᓚ ᑭᔭ ᓴᓂᓴ, ᐊᑯ ᐊᓐᒡ ᕈᒻ ᐃᔪᐛ ᑲ ‍ ᓂᑲᓂᔅᑯᐛᒡ ᒋ ‍ ᒥᓂᐱᑎᒺᐅᒡ ᐅᑦ ᐊᐱᒋᑕᐅᓂᔪᐛ, ᐊᑯ ᑲ ‍ ᐃᑎᓱᐛᒡ ᒐᒋ ᐸᐱᓯᔅᑕᐛᑭᓄᔨᒋ᙮
\v 23 ᐃᔅᐱ ᒪᒃ ᑲᒋ ᐃᓯ ᒥᔅᑎ ‍ ᐸᐱᓯᔅᑕᐛᑭᓄᐎᒡ ᐊᑯ ᑲ ‍ ᐱᑎᑲᐊᑭᓄᐎᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ, ᐊᑯ ᑲ ‍ ᐃᑎᓱᒪᑭᓄᐅᑦ ᐊᓐ ᑲ ‍ ᓂᓇᑭᑐᐛᔨᑕᐧᒃ ᑲᒪᑯᓄᐛᓯᐅᒋᐛᐱᔪᐤ ᐃᔭᒂ ᐅᔭ ᒐᒋ ᓂᓇᑭᑐᐛᔨᒪᑦ᙮
\v 24 ᐅᔭ ᒪᒃ ᐊᒋ ‍ ᐃᑎᓱᒪᑭᓄᐅᑦ ᐊᓐᑕ ᒋᐱᔎᒡ ᐊᓐᑕ ᒪᐅᒡ ᐊ ‍ ᐃᔨᒪᒡ ᐊ ‍ ᐎᐧᑯᒋᐅᓇᓄᐅᒡ ᐊᓂᔭ ᑲᒪᑯᓄᐛᓯᐅᒋᐛᐱᔪᐤ ᐊᑯᑕ ᑲ ‍ ᒪᒪᒋᑯᓯᑕᔭᐱᔅᑲᐛᒡ ᐊ ‍ ᐱᑯᓇᑎᒋᓯᔨᒋ ᐱᐱᒋᑎᒂ᙮
\p
\v 25 ᒐᑲᑦ ᒋ ‍ ᐊᐱᑕᑎᐱᔅᑲᔨᒐ ᐊᑯ ᑲ ‍ ᐊᔭᒥᐊᒡ ᑈᓪ ᑭᔭ ᓴᓂᔅ ᑭᔭ ᐊ ‍ ᓂᑭᒧᔅᑐᐛᒡ ᒋᓴᒪᓂᑐᐛ, ᐊᓐᒡ ᒪᒃ ᑯᑎᑭᒡ ᑲ ‍ ᒪᑯᓇᑭᓄᐅᒡ ᒥᒄ ᒋ ‍ ᓂᑐᑐᐛᐅᒡ᙮
\v 26 ᒐᒃ ᓯᔅᒋᑯᒡ ᓇᔅᒡ ᒋ ‍ ᓱᒐᔨᑕᑯᓐ ᐊ ‍ ᓂᓇᒥᔅᑲᒡ, ᐊᑯ ᐊᓐ ᑲᒪᑯᓄᐛᓯᐅᒋᐛᑉ ᓇᔅᒡ ᒋ ‍ ᐊᔭᒋᐱᔪᐤ᙮ ᒥᓯᐛ ᔅᑐᐧᑭᓂᒡ ᒋ ‍ ᔪᑕᐱᔪᐅᒡ, ᐊᑯ ᐊᓐᒡ ᑲ ‍ ᒪᒪᒋᒂᐱᔅᑲᐛᑭᓄᐅᒡ ᒋ ‍ ᒥᓂᐱᔪᐛ ᐊᓂᔭᔪᐛ ᐃᓴᒂᔭᐱᔭ ᑲ ‍ ᒋᔅᑲᒡ᙮
\p
\v 27 ᒋ ‍ ᐸᑯᐱᔪᐤ ᐊᓐ ᑲ ‍ ᓂᓇᑭᑐᐛᔨᑕᐧᒃ ᑲᒪᑯᓄᐛᓯᐅᒋᐛᐱᔪᐤ᙮ ᐃᔅᐱ ᐎᔭᐱᒪᑦ ᐊᓂᔭ ᔅᑐᐧᑭᓇ ᐊ ‍ ᔪᑕᑯᒋᓂᔨᒋ, ᒋ ‍ ᐃᑕᔨᑎᒻ ᒥᓯᐛ ᐊᓂᔭ ᑲ ‍ ᒋᐸᐛᑭᓄᔨᒋ ᐊᒋ ‍ ᒋᑎᓯᒧᔨᒋ᙮ ᐊᑯ ᑲ ᐎ ‍ ᓂᐸᐃᓱᑦ, ᒋ ‍ ᒥᓂᐱᑎᒻ ᐊᓂᔭ ᐅᓂᑐᐱᔪᐅ-ᒧᐧᑯᒪᓐ ᐊ ᐎ ‍ ᐊᐱᒋᑕᑦ ᐊ ‍ ᐃᔅᐱᔅ ᒥᔅᑎ ᓴᒋᓯᑦ᙮
\v 28 ᑈᓪ ᒪᒃ ᒋ ‍ ᑕᑈᑕᐤ ᐊ ‍ ᐃᑕᑦ, “ᐊᑲᐎᔾ ᐎ ᐎᔭᔅᑐᑕᓱᐤ, ᒥᓯᐛ ᐛᔅ ᐊᓐ ᐊᔅᒄ ᐊᑯᑕ ᐅᑕ ᐊ ‍ ᑕᔭᒡ᙮”
\p
\v 29 ᐊᑯ ᐊᓐ ᑲ ‍ ᓂᓇᑭᑐᐛᔨᑕᐧᒃ ᐊᓂᔭ ᑲᒪᑯᓄᐛᓯᐅᒋᐛᐱᔪᐤ ᒋ ‍ ᓂᑐᐛᔨᑎᒻ ᐛᔅᑕᓂᐱᒪᑭᓂᔪᐤ, ᐊᑯ ᒂ ‍ ᐱᑕᐸᑕᑦ ᐊᓐᑕ ᐊᓂᔭ ᑈᓚ ᑭᔭ ᓴᓂᓴ ᑲ ‍ ᑕᔨᒋ, ᑲ ‍ ᐅᒋᒋᐧᑯᓂᐱᔪᐅᑦ ᐊᓐᑕ ᐅᑎᔅᑯᐤ ᐊ ‍ ᑕᔨᒋ ᐊ ‍ ᓂᓇᒥᐱᔨᑦ ᐊ ᐃᔅᐱᔅ ‍ ᓴᒋᓯᑦ᙮
\v 30 ᐊᑯ ᒂ ‍ ᐎᐎᑕᐊᑦ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒋ, ᒂ ‍ ᐃᑕᑦ, “ᒋᔨᐛᐤ ᓇᐸᑐᒄ, ᐸᒋ ‍ ᐎᑎᒧᐅᒄ ᑕᓐ ᒐ ‍ ᐃᑎᔭᓐ ᐊ ᐎ ‍ ᐱᒪᒋᐅᔭᓐ ?”
\p
\v 31 ᐊᑯ ᑈᓪ ᒂ ‍ ᐃᑕᑦ ᐅᔭ ᓇᐸᐛ, “ᑕᑈᔭᔨᒻ ᐅᑎᐸᔨᒋᒐᐤ ᒋᓴᔅ, ᑭᔭ ᒐ ‍ ᐱᒪᒋᐅᔨᓐ ᑭᔭ ᒥᓯᐛ ᐊᓐᒡ ᐊᓐᑕ ᐊ ‍ ᐸᐃᑯᑕᐅᓯᔨᓐ ᐊ ‍ ᑕᒡ᙮”
\v 32 ᒋ ‍ ᐊᔨᒧᑎᒧᐛᐤ ᒪᒃ ᐊᓂᔭ ᓇᐸᐛ ᐅᑎᐸᔨᒋᒐᐛ ᐅᑦ ᐃᔨᒧᐅᓂᔪᐤ ᑭᔭ ᒥᓯᐛ ᐊ ‍ ᐃᑎᓯᔨᒋ ᐊᐛᔪᐛ ᐊᓐᑕ ᐎᒋᔨᒡ ᑲ ‍ ᑕᔨᒋ᙮
\v 33 ᑎᐛᒡ ᒪᒃ, ᐊᑎ ᐊ ‍ ᒪᒂᑎᐱᔅᑲᔨᒡ, ᐊᓐ ᑲ ‍ ᓂᓇᑭᑐᐛᔨᑕᐧᒃ ᐊᓂᔭ ᑲᒪᑯᓄᐛᓯᐅᒋᐛᐱᔪᐤ ᒋ ‍ ᐎᐎᑕᐊᐤ ᑈᓚ ᑭᔭ ᓴᓂᓴ ᐊᑯ ᑲ ‍ ᒋᔅᑕᐸᐅᑕᐛᑦ ᐊᓐᑕ ᑲ ‍ ᐸᐱᓯᔅᑕᐛᑭᓄᔨᒋ᙮ ᐊᑯ ᑎᐛᒡ ᐎᔾ ᑭᔭ ᒥᓯᐛ ᐊᓐᑕ ᐊ ‍ ᐸᐃᑯᔅᑲᓇᓯᑦ ᑲ ‍ ᓯᑲᐃᑐᐛᑭᓄᐅᒡ᙮
\v 34 ᐊᑯ ᐊᓐᑕ ᐎᒋᒡ ᒂ ‍ ᐃᑐᑕᐊᑦ ᐊᓂᔭ ᑈᓚ ᑭᔭ ᓴᓂᓴ, ᒂ ‍ ᒥᔭᑦ ᒥᒋᒥᔪᐤ ᒐᒋ ᒥᒋᓱᔨᒋ᙮ ᓇᔅᒡ ᒪᒃ ᒋ ‍ ᒥᔽᔨᑎᒻ ᑭᔭ ᐊᓂᔭ ᐊᓐᑕ ᐊ ‍ ᐸᐃᑯᔅᑲᓇᓯᑦ ᒋ ‍ ᒧᒋᒐᔨᑎᒥᔪᐛ ᐊ ‍ ᑕᑈᐅᒐᔨᒪᒡ ᒋᓴᒪᓂᑐᐛ᙮
\p
\v 35 ᐎᔭᐱᓂᔨᒡ ᒪᒃ, ᐊᓐᒡ ᕈᒻ ᐅᒋᒪᐅᒡ ᒋ ‍ ᐃᑎᓴᐛᐅᒡ ᐊᓂᔭ ᑲᒪᑯᓄᐛᓯᔨᒋ ᐊᓐᑕ ᑲᒪᑯᓄᐛᓯᐅᒋᐛᐱᒡ, ᒐᒋ ᐃᑕᔨᒋ ᐊᓂᔭ ᑲ ‍ ᓇᑭᑐᐛᐸᑎᒥᔨᒋ ᑲᒪᑯᓄᐛᓯᐅᒋᐛᐱᔪᐤ, ᒐᒋ ᐱᔅᑎᓇᔨᒋ ᐊᓂᔭᔪᐛ ᓇᐸᐛ᙮
\v 36 ᐊᑯ ᐊᓐ ᑲ ‍ ᓂᓇᑭᑐᐛᔨᑕᐧᒃ ᑲᒪᑯᓄᐛᓯᐅᒋᐛᐱᔪᐤ ᒋ ‍ ᐃᑕᐤ ᐊᓂᔭ ᑈᓚ, “ᐊᓐᒡ ᐅᒋᒪᐅᒡ ᐃᔅᒋᔄᐅᒡ ᒐᒋ ᐱᔅᑎᓂᑕᒡ, ᒪᒋᒄ ᒪᒃ ᒋᔭᒻ ᔅᑐᑕᒄ, ᓇᒪ ᐊᐛᓐ ᒋᑭ ᐅᒋ ‍ ᐎᔭᔅᑐᑕᑯᐛᐤ᙮”
\p
\v 37 ᒥᒄ ᒪᒃ ᑈᓪ ᐎᔾ ᒋ ‍ ᐃᔨᒪᐊᐤ ᐊᓂᔭ ᑲ ‍ ᒪᑯᓄᐛᓯᔨᒋ ᒂ ‍ ᐃᑕᑦ, “ᐃᑎᔅᑕᐤ ᕈᒻ ᐎᓱᐛᐅᓐ, ᕈᒻ ᐊ ᐃᓯ ‍ ᒥᓯᓇᓱᑦ ᐊᐛᓐ ᓂᔅᑎᒻ ᒋᐸ ‍ ᑎᐸᔅᑯᓇᑭᓄᐤ ᐊᑯ ᐃᔭᒄ ᒋᐸ ‍ ᐛᐛᓯᐊᑭᓄᐤ᙮ ᕈᒻ ᓂᑦ ᐃᑎᓯᓇᓱᓇᓐ ᐃᔭᐱᒡ ᒪᒃ ᐊᒋ ‍ ᐱᐱᓯᔅᑕᐅᑯᐅᔭᒡ ᑭᔭ ᐱᑕᐛᐱᓂᑯᐅᔭᒡ ᑲᒪᑯᓄᐛᓯᐅᒋᐛᐱᒡ, ᐊᑲ ᐛᐛᒡ ᐅᒋ ᑎᐸᔅᑯᓂᑯᐅᔭᒡ᙮ ᐊᑯ ᒪᒃ ᒋᒧᑦ ᐛ ᐱᔅᑎᓂᑯᐅᔭᒡ᙮ ᓇᒪ ᒪᒃ ᓂᑭ ᐅᒋ ‍ ᐃᒐᑕᓇᓐ ᐅᑕ᙮ ᓂᑐᐛᔨᒪᓇᓐᒡ ᐊᓐᒡ ᕈᒻ ᐅᒋᒪᐅᒡ ᐎᔨᐛᐤ ᒐᒋ ᐸᒋ ‍ ᑎᑯᓯᓂᒡ ᒐᒋ ᐱᔅᑎᓂᔨᒥᒡ᙮”
\p
\v 38 ᐊᑯ ᐊᓐᒡ ᑲᒪᑯᓄᐛᓯᒡ ᒂ ‍ ᒋᐛᒡ ᓇᑕ ᒂ ‍ ᐎᑎᒧᐛᒡ ᐊᓂᔭᔪᐛ ᐅᒋᒪᐛ ᑕᓐ ᑲ ‍ ᐃᔅᒋᔄᔨᒋ ᑈᓚ᙮ ᐃᔅᐱ ᒪᒃ ᐱᔭᑕᒡ ᐊᓐᒡ ᐅᒋᒪᐅᒡ ᕈᒥᒡ ᐊ ᐃᓯ ‍ ᒥᓯᓇᓱᔨᒋ ᑈᓚ ᑭᔭ ᓴᓂᓴ, ᒋ ‍ ᓴᒋᓱᐅᒡ, ᐛᔅ ᒋ ‍ ᒋᔅᒐᔨᑎᒧᒡ ᐊᒋ ᐎ ‍ ᒥᒋᑐᑐᐛᒡ᙮
\v 39 ᐊᑯ ᒂ ‍ ᓂᑐᐛᐱᒪᒡ, ᑲ ‍ ᐃᑕᒡ, ᓂ ‍ ᒥᑕᒋᔨᐛᓯᓇᓐ ᐊᓐ ᑲ ‍ ᑎᔭᒡ᙮ ᐊᑯ ᑲ ‍ ᐎᐎᑕᐊᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ, ᒂ ‍ ᐃᑕᒡ ᒐ ‍ ᓂᑭᑎᒥᔨᒋ ᐊᓂᔭ ᐅᑕᓇᔪᐤ᙮
\v 40 ᐊᑯ ᒪᒃ ᑈᓪ ᑭᔭ ᓴᓂᔅ ᐊᓐᑕ ᐊᓂᔭ ᐃᔎᐛ ᓕᑎᔭᔨᒋ ᐊ ‍ ᑕᔨᒋ ᐊᑯᑕ ᒂ ‍ ᐃᑐᑕᒡ᙮ ᐊᑯᑕ ᐅᑕ ᐱᔅᒐ ᑲ ‍ ᑕᔨᒋ ᒋᐧᑲᓂᓯᓄᐛ ᑲ ‍ ᑕᑈᑎᒥᔨᒋ, ᐊᑯ ᒂ ‍ ᐃᔨᒪᐊᒡ ᒐᒋ ᐊᔨᒋᑲᐳᔨᒋ ᐊ ‍ ᑕᑈᑎᒥᔨᒋ᙮ ᐊᑯ ᒂ ‍ ᔅᑐᑕᒡ᙮
\c 17
\s1 ᑈᓪ ᑭᔭ ᓴᓂᔅ ᐊᓐᑕ ᑕᓴᓗᓇᐃᑲᒡ ᑲ ‍ ᑕᒡ
\p
\v 1 ᐊᑯ ᑈᓪ ᑭᔭ ᓴᓂᔅ ᐊᓐᑕ ᐊᒻᐱᐳᓕᔅ ᑭᔭ ᐊᐳᓗᓂᔭ ᑲ ‍ ᐃᓯᓂᐧᑲᑕᔨᒋ ᐅᑕᓇᐛ ᒂ ᐊᑎ ‍ ᐃᑐᑕᒡ᙮ ᐊᑯ ᒥᓐ ᐊᓐᑕ ᑕᓴᓗᓇᐃᑲ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᒂ ‍ ᐃᑐᑕᒡ᙮ ᐊᓐᑕ ᒪᒃ ᑕᓴᓗᓇᐃᑲᒡ ᒋ ‍ ᑎᑯᓐ ᒍᐤ ᐊᔭᒥᐊᐅᒋᐛᑉ᙮
\v 2 ᒋ ‍ ᐃᑐᑕᐤ ᑈᓪ ᐊᓐᑕ ᐊᓂᔭ ᐊᔭᒥᐊᐅᒋᐛᐱᔪᐤ, ᐛᔅ ᐊᐅᒄ ᐅᔭ ᑲᒋ ‍ ᐃᑎᑦ ᒪᓐ᙮ ᓂᔍᐤ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ ᒋ ‍ ᐛᐎᑎᒧᐛᐤ ᐊᓂᔭ ᐃᔪᐛ ᑕᓐ ᐊ ᐃᓯ ‍ ᐊᔨᒧᒪᑭᓄᔨᒋ ᙭ᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ,
\v 3 ᐊ ‍ ᐃᑎᔅᑕᔨᒡ ᔭᐃᑕᔾ ᐊᒋ ‍ ᓂᑐᐛᔨᑕᑯᓯᔨᒋ ᒐᒋ ᓂᓇᐧᑲᒋᐊᑭᓄᔨᒋ ᙭ᑕ, ᑭᔭ ᑲᐤ ᒐᒋ ᐅᓂᔅᑲᔨᒋ ᓂᐳᐅᓂᒡ ᐅᒋ᙮ ᒋ ‍ ᐃᑕᐤ ᒪᒃ ᐊᓂᔭ ᐃᔪᐛ, “ᐅ ᒋᓴᔅ ᑲ ‍ ᐊᔨᒧᒥᒃ, ᐊᐅᒄ ᐅ ᙭, ᒋᓴᒪᓂᑐᐛ ᑲ ᐸᒋ ‍ ᐃᑎᓴᐅᑯᑦ᙮”
\v 4 ᐱᔅᒐ ᒪᒃ ᐊᓐᒡ ᑲ ‍ ᓂᑐᑐᐛᒡ ᑈᓚ ᑭᔭ ᓴᓂᓴ ᒋ ‍ ᓴᐧᑯᒋᒥᑯᐅᒡ, ᐊᑯᑕ ᒪᒃ ᑲ ᐃᓯ ‍ ᐎᒋᐃᐛᒡ ᐊ ‍ ᑕᔨᒋ᙮ ᒥᒐᑦ ᑯᕆᒃ ᐃᔪᒡ ᑲ ‍ ᐊᔭᒥᐊᐛᑎᓯᒡ, ᑭᔭ ᒥᒐᑦ ᐃᔎᐅᒡ ᑲ ‍ ᒋᔅᑕᔨᒪᑭᓄᐎᒡ ᒋ ‍ ᓴᐧᑯᒋᒪᑭᓄᐎᒡ᙮
\p
\v 5 ᒋ ‍ ᐅᑕᔨᒥᑯᐅᒡ ᒪᒃ ᒍᐤ ᐃᔪᐛ, ᐃᔅᐱ ᐎᔭᐱᒥᑯᒡ ᒥᒐᑦ ᐊᐛᔪᐛ ᐊ ‍ ᐎᒋᐃᑯᒡ᙮ ᒋ ‍ ᒪᒧᓇᔪᐛ ᐊᓂᔭᔪᐛ ᐊᐛᔪᐛ ᐊᑲ ᐱᐸᔅᐱᓇ ᑲ ‍ ᐃᑎᔨᒋ ᒪᓐ, ᐊᑯ ᑲ ‍ ᒪᒧᐎᐛᑯᑕᔨᒡ ᑲ ‍ ᒥᒋᐱᔨᑕᔨᒋ ᐊᓐᑕ ᐅᑕᓇᒡ᙮ ᑲ ‍ ᐃᑐᑕᔨᒋ ᐊᓐᑕ ᒐᐃᓯᓇ ᐎᒋᔨᒡ, ᐊᒋ ‍ ᐃᑕᔨᑕᒡ ᒐ ‍ ᒥᔅᑯᐛᒡ ᐊᓂᔭ ᑈᓚ ᑭᔭ ᓴᓂᓴ ᐊᓐᑕ᙮ ᒋ ᐎ ‍ ᒪᑯᓇᐅᒡ ᐊᓂᔭ ᑈᓚ ᑭᔭ ᓴᓂᓴ ᐊᒋ ᐎ ‍ ᐃᑐᑕᐊᒡ ᐊᓐᑕ ᑲ ‍ ᑕᔨᒋ ᐊᓂᔭ ᐃᔪᐛ ᑲ ‍ ᒋᔄᐊᒡ᙮
\v 6 ᐃᔅᐱ ᒪᒃ ᐊᑲ ᒪᔅᑯᐛᒡ ᑈᓚ ᑭᔭ ᓴᓂᓴ ᐊᓐᑕ ᒐᐃᓯᓇ ᐊ ‍ ᑕᔨᒋ, ᐊᑯ ᐊᓂᔭ ᒐᐃᓯᓇ ᑭᔭ ᑯᑎᑲ ᐎᐧᑲᓂᓯᒪᐛ ᐊᓐᑕ ᑲ ‍ ᐃᑐᑕᐊᒡ ᐊᓂᔭ ᑲ ‍ ᓂᑲᓂᔅᑭᒥᔨᒋ ᐊᓂᔭ ᐅᑕᓇᔪᐤ ᐊ ‍ ᑕᔨᒋ᙮ ᒋ ‍ ᑕᑈᐅᒡ ᐊ ‍ ᐃᔅᒋᔄᒡ, “ᑈᓪ ᑭᔭ ᓴᓂᔅ ᒧᔅ ᒥᒋᐱᔨᑕᐅᒡ ᐊᓐᑕ ᐊ ᐊᑎ ‍ ᐃᑕᒡ, ᑭᔭ ᑕᑯᓯᓂᒡ ᐅᑕ ᒋᑦ ᐃᑕᐅᓇᒡ᙮
\v 7 ᒐᐃᓴᓐ ᒪᒃ ᐊᓐᑕ ᐎᒋᒡ ᒋ ‍ ᑭᓄᐛᔨᒪᒐ ᑈᓚ ᑭᔭ ᓴᓂᓴ᙮ ᓇᒪ ᒪᒃ ᓂ ᐅᒋ ‍ ᒥᔅᑯᐛᓇᓐᒡ ᐊᑎ ᐊᒋ ‍ ᓇᓂᑐᐛᔨᒥᒋᒡ ᐊᓐᑕ᙮ ᐊᑯ ᒪᒃ ᒐᐃᓴᓐ ᐱᔭᓱᐎᒋᑦ ᑭᔭ ᐊᓂᔭᔪᐛ ᐎᒐᐛᑭᓇ᙮ ᒥᓯᐛ ᐊᓏᑎᒧᒡ ᑕᓐ ᐊ ‍ ᐃᑎᔅᑕᔨᒡ ᒋᓴᐅᒋᒪᐛ ᓯᓴᕋ ᐅᐎᓱᐛᐅᓂᔪᐤ, ᐊ ‍ ᐃᔅᒋᔄᒡ ᐊ ‍ ᑕᔨᒋ ᑯᑎᑲ ᒋᓴᐅᒋᒪᐛ ᒋᓴᔅ ᐊ ‍ ᐃᓯᓂᐧᑲᓱᔨᒋ,” ᐊᐅᒄ ᐅᔭ ᒋᐸ ‍ ᓂᓇᐃᑐᐛᑭᓄᐅᔪᐛ ᐊ ‍ ᐃᔅᒋᔄᒡ᙮
\v 8 ᐅᔭ ᒪᒃ ᑲ ‍ ᐃᔅᒋᔄᒡ ᒋ ‍ ᐃᑐᑐᐛᐅᒡ ᐊᓂᔭᔪᐛ ᐃᔪᐛ, ᑭᔭ ᐊᓂᔭᔪᐛ ᑲ ‍ ᓂᑲᓂᔅᑭᒥᔨᒋ ᐊᓂᔭ ᐅᑕᓇᔪᐤ ᒐᒋ ᒥᔅᑎ ‍ ᒋᔄᓯᔅᑐᐛᔨᒋ ᒐᐃᓴᓇ ᑭᔭ ᐊᓂᔭ ᑈᓚ ᑭᔭ ᒪᒃ ᓴᓂᓴ᙮
\v 9 ᐊᑯ ᑲ ‍ ᐃᑕᑭᓄᐅᑦ ᒐᐃᓴᓐ ᑭᔭ ᐊᓐᒡ ᑯᑎᑭᒡ ᑲ ‍ ᑕᑈᑕᒡ ᒐᒋ ᒋᓯᐧᑲᓱᒡ ᑭᔭ ᐃᔭᒄ ᒂ ‍ ᐱᔅᑎᓇᑭᓄᐎᒡ᙮
\s1 ᑈᓪ ᑭᔭ ᓴᓂᔅ ᐊᓐᑕ ᐸᕆᔭᒡ ᑲ ‍ ᐃᑎᓴᐛᑭᓄᐎᒡ
\p
\v 10 ᐎᐱᒡ ᒪᒃ ᐊ ᐊᑎ ‍ ᑎᐱᔅᑲᔨᒡ, ᐊᓐᒡ ᐎᐧᑲᓂᓯᒪᐅᒡ ᒋ ‍ ᐃᑎᓴᐛᐅᒡ ᐊᓂᔭ ᑈᓚ ᑭᔭ ᓴᓂᓴ ᐊᓐᑕ ᐅᑕᓇᔪᐤ ᐸᕆᔭ ᑲ ‍ ᐃᓯᓂᐧᑲᑕᔨᒡ᙮ ᐃᔅᐱ ᒪᒃ ᑕᑯᓯᓂᒡ ᐊᓐᑕ ᑎᐛᒡ ᒋ ‍ ᐃᑐᑕᐅᒡ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᒡ᙮
\v 11 ᐊᓐᒡ ᒪᒃ ᒍᐤ ᐃᔪᒡ ᐊᓐᑕ ᐸᕆᔭᒡ ᑲ ‍ ᑕᒡ ᓇᔅᒡ ᒋ ‍ ᒥᔽᔨᑎᒧᒡ ᐎᔨᐛᐤ ᐊ ‍ ᓂᑐᑐᐛᒡ ᐊᓂᔭ ᑈᓚ ᑭᔭ ᓴᓂᓴ ᓇᒪ ᐊᓂᔭ ᐃᔪᐛ ᐊᓐᑕ ᑕᓴᓗᓇᐃᑲ ᑲ ‍ ᑕᔨᒋ ᑲ ‍ ᐃᑎᔨᒋ᙮ ᓇᔅᒡ ᒋ ‍ ᓂᑐᑐᐛᐅᒡ ᑭᔭ ᐊᓯᑯᒻ ᒋᓯᑲᐛ ᒋ ᓂᑐ ‍ ᒋᔅᒐᔨᑎᒧᒡ ᑕᓐ ᐊ ‍ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᒋ ᐎ ᓂᑐ ‍ ᒋᔅᒐᔨᒪᒡ ᑈᓚ ᑎᔭᑈᔨᒂᓂ ᐊᓂᔭ ᑲ ‍ ᐃᔅᒋᔄᔨᒋ᙮
\v 12 ᐊᑯ ᒥᒐᑦ ᒍᐤ ᐃᔪᒡ ᒋ ᐊᑎ ‍ ᑕᑈᔭᔨᒪᐅᒡ ᐅᑎᐸᔨᒋᒐᐛ ᒋᓴᓴ, ᑭᔭ ᒥᒐᑦ ᑲ ‍ ᒋᔅᑕᔨᑕᑯᓯᒡ ᑯᕆᒃ ᐃᔎᐅᒡ ᑭᔭ ᓇᐸᐅᒡ ᒋ ‍ ᑕᑈᔭᔨᒪᐅᒡ ᑭᔭ ᐎᔨᐛᐤ ᒋᓴᓴ᙮
\p
\v 13 ᐃᔅᐱ ᒪᒃ ᐱᔭᑕᒡ ᐊᓐᒡ ᒍᐤ ᐃᔪᒡ ᐊᓐᑕ ᑕᓴᓗᓇᐃᑲᒡ ᑲ ‍ ᑕᒡ ᑈᓚ ᐊ ‍ ᐛᐎᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᐸᕆᔭ ᐅᑕᓇᒡ, ᒋ ‍ ᐃᑐᑕᐅᒡ ᐊᓐᑕ, ᒂ ‍ ᐃᑐᑐᐛᒡ ᑭᔭ ᐊᓂᔭ ᐃᔪᐛ ᐊᓐᑕ ᒐᒋ ᒋᔄᐃᑯᒡ ᐊᓂᔭ ᑈᓚ ᑭᔭ ᓴᓂᓴ᙮
\v 14 ᐊᑯ ᐊᓐᒡ ᐎᐧᑲᓂᓯᒪᐅᒡ ᑎᐛᒡ ᒂ ‍ ᐃᑎᓴᐛᒡ ᑈᓚ ᐊᓐᑕ ᓯᓱᒡ ᐎᓂᐸᑯᒡ᙮ ᓴᓂᔅ ᑭᔭ ᑎᒧᑎ ᐊᑯᑕ ᑲ ‍ ᑕᒡ ᐎᔨᐛᐤ ᐊᓐᑕ ᐸᕆᔭᒡ᙮
\v 15 ᐊᑯ ᐊᓐᒡ ᓇᐸᐅᒡ ᑲ ‍ ᐃᑕᐅᔭᒡ ᑈᓇ ᐊᓐᑕ ᐊᑕᓐᓯᒡ᙮ ᐊᑯ ᐊᓐᒡ ᓇᐸᐅᒡ ᒥᓐ ᑲᐤ ᐸᕆᔭᒡ ᒂ ᐃᓯ ‍ ᒋᐛᐅᒡ, ᐊᒋ ‍ ᐃᑎᑯᒡ ᑈᓚ ᒐᒋ ᐃᑕᒡ ᓴᓂᓴ ᑭᔭ ᑎᒧᑎᔨᒋ ᐎᐱᒡ ᒐᒋ ᐸᒋ ‍ ᓂᑐᐛᐱᒥᑯᑦ᙮
\s1 ᑈᓪ ᐊᓐᑕ ᐊᑕᓐᓯᒡ ᑲ ‍ ᑕᑦ
\p
\v 16 ᒪᒂᒡ ᒪᒃ ᑈᓪ ᐊ ‍ ᐊᓱᐛᐱᒪᑦ ᓴᓂᓴ ᑭᔭ ᑎᒧᑎᔨᒋ ᐊᓐᑕ ᐊᑕᓐᓯᒡ, ᒥᓯᐛ ᐊᓐᑕ ᐊ ‍ ᐃᑕᐱᑦ ᒋ ‍ ᐛᐱᒪᐤ ᒥᓂᑐᐧᑲᓇ, ᐊᑯ ᓇᔅᒡ ᑲ ‍ ᐅᔅᑐᐛᔨᑎᒥᐃᑯᑦ᙮
\v 17 ᐊᐅᒄ ᐛᒋ ‍ ᐃᑐᑕᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᒐᒋ ᐎᑎᒧᐛᑦ ᒥᔽᒋᒧᐅᓂᔪᐤ ᐊᓂᔭᔪᐛ ᒍᐤ ᐃᔪᐛ ᑭᔭ ᐊᓂᔭᔪᐛ ᑯᕆᒃ ᑲ ‍ ᐃᑎᔅᑲᓇᓯᔨᒋ ᑲ ‍ ᐊᔭᒥᐊᐛᑎᓯᔨᒋ ᐃᔪᐛ ᑭᔭ ᐊᓯᑯᒻ ᒋᓯᑲᐛ ᒋ ‍ ᐃᑐᑕᐤ ᐊᓐᑕ ᑲᒋ ‍ ᐊᑕᐛᓄᐎᒡ ᒐᒋ ᐃᔨᒪᐊᑦ ᐊᓐᑕ ᐃᔪᐛ ᑲ ‍ ᑕᔨᒋ᙮
\v 18 ᐸᐃᒂᐤ ᒋ ‍ ᓂᒋᐊᐅᒡ ᒋᔅᑯᑎᒪᒐᓱᐛ ᓇᔅᒡ ᐊᒋ ‍ ᐃᑈᐧᑲᔨᒋ ᐊᐱᑯᕆᔭᓐ ᑭᔭ ᔅᑐᐃᒃ ᑲ ‍ ᐃᓯᓂᐧᑲᑕᑭᓄᔨᒋ᙮ ᐅᒡ ᒪᒃ ᒋᔅᑯᑎᒪᒐᓱᐅᒡ ᒋ ‍ ᐊᔭᒥᐊᐅᒡ ᐊᓂᔭ ᑈᓚ ᐊᑯ ᑲ ‍ ᒪᔭᔨᒪᒡ ᐊ ‍ ᐃᑕᒡ, “ᑕᓐ ᐊ ‍ ᐃᔅᒋᔄᑦ ᐅ ᒋᔎᐧᑲᓐ ?” ᐊᑯ ᑯᑎᑭᒡ ᑲ ‍ ᐃᔅᒋᔄᒡ, “ᒐᔅᑲ ᐊᔨᒧᒪᐤ ᐊᓂᔭ ᐎᔾ ᐊ ‍ ᐊᔭᒥᐊᔅᑐᐛᑦ ᐊᐛᔪᐛ, ᓇᒪ ᒪᒃ ᒋ ‍ ᒋᔅᒐᔨᒪᓄᐤ ᒋᔭᓄᐤ ᐊᐛᔪᐛ ᐊᓂᔭ᙮” ᐊᐅᒄ ᐅᔭ ᑲ ‍ ᐃᔅᒋᔄᒡ ᐛᔅ ᑈᓚ ᒋ ‍ ᐊᔨᒧᒪᔪᐛ ᒋᓴᓴ, ᑲ ‍ ᐅᓂᔅᑲᔨᒋ ᓂᐳᐅᓂᒡ ᐅᒡ᙮
\v 19 ᐊᑯ ᒂ ‍ ᐃᑐᑕᐊᒡ ᑈᓪ ᐊᓐᑕ ᐊ ‍ ᒪᒧᐎᓇᓄᐎᒡ ᐊᕆᐅᐸᑲᔅ ᑲ ‍ ᐃᓯᓂᐧᑲᑕᔨᒡ ᐊᑯ ᒂ ‍ ᐃᑕᒡ, “ᓂ ᐎ ‍ ᒋᔅᒐᔨᑕᓇᓐ ᐅ ᑲ ‍ ᐅᔅᑲᒡ ᒋᔅᑯᑎᒪᒐᐅᓐ ᑕᓐ ᐊ ᐃᓯ ‍ ᒋᔅᑯᑎᒪᒐᔨᓐ᙮
\v 20 ᐱᔅᒐ ᐊᓂᔭ ᒐᒂᔪᐛ ᑲ ‍ ᐊᔨᒧᑎᒥᓐ ᓂ ‍ ᒥᔅᑲᓯᑕᓇᓐ ᑭᔭ ᐛ ᒋᔅᒐᔨᑎᒪᒡ ᑕᓐ ᐊᓐ ᐊ ᐃᓯ ‍ ᐎᑎᒪᒐᒥᑲᒡ ᐊᓐ ᑲ ‍ ᐃᔅᒋᔄᔨᓐ᙮”
\v 21 ᐊᓐᒡ ᒥᓯᐛ ᐊᓐᑕ ᐊᑕᓐᓯᒡ ᑲ ‍ ᑕᒡ ᑭᔭ ᐊᓐᒡ ᒪᓐᑕᐅᒡ ᐊᓐᑕ ᑲ ‍ ᐎᒋᒡ ᓇᔅᒡ ᑕᑈ ᒋ ‍ ᒥᔽᔨᑎᒧᒡ ᑭᔭ ᒧᔅ ᒋ ‍ ᑕᐅᓂᒪᓱᐅᒡ ᒐᒋ ᓂᑐᑐᐛᒡ ᑭᔭ ᐊ ‍ ᐃᔭᔨᒺᐛᐃᑯᒡ ᑕᓐ ᐊ ᐃᓯ ‍ ᐃᔭᒄ ᐱᐸᑕᑯᓂᔨᒡ, ᐊᐅᑯᓐ ᑲ ‍ ᐃᑕᔨᑕᑯᓯᒡ᙮
\s2 Acts 17.22-31 (Easter-6 Year A)
\p
\v 22 ᐊᑯ ᑈᓪ ᐊᓐᑕ ᑕᑕᐅᒡ ᑲ ‍ ᓂᐳᐅᑦ ᐊᑯ ᒂ ‍ ᐃᔅᒋᔄᑦ, “ᒋᔨᐛᐤ ᓇᐸᑐᒄ ᐅᑕ ᐊᑕᓐᓯᒡ ᑲ ‍ ᐅᒋᔭᒄ, ᓂ ‍ ᐛᐸᑕᓐ ᒥᓯᐛ ᑕᓐ ᐊᓐ ᐊ ‍ ᐃᑎᔭᒄ, ᓇᔅᒡ ᐊᔭᒥᐊᐛᑎᓯᔭᒄ᙮
\v 23 ᐊ ‍ ᐱᒧᑕᔭᓐ ᐊᓐᑕ ᒋᐅᑕᓇᒧᐛᒡ, ᓂᒋ ‍ ᐛᐸᑕᓐ ᐊᓐᑕ ᐊᔭᒥᐊᔭᒄ᙮ ᓂᒋ ‍ ᐛᐸᑕᓐ ᓂᓇᐧᑯᐤ ᐊ ‍ ᐃᓯᓇᒂᒋ ᐊᓐᑕ ᑲᒋ ‍ ᐊᔭᒥᐊᔭᒄ᙮ ᐊᑯ ᒂ ‍ ᐛᐸᑎᒪᓐ ᐸᐃᒄ ᐊᓐᑕ ᑲ ‍ ᐊᔭᒥᐊᔭᒄ ᐊ ‍ ᒥᓯᓇᑕᒡ ᐊᑎᔅᑕᒡ, ‘ᐊᑯᑕ ᐅᑕ ᒐ ‍ ᐊᔭᒥᐊᔅᑐᐛᑭᓄᐅᑦ ᒋᓴᒪᓂᑐᐤ ᐊᓐ ᐊᔅᒄ ᐊᑲ ᒋᔅᒐᔨᑕᑯᓯᑦ᙮’ ᐊᑯ ᒪᒃ ᐛ ᐊᔨᒧᑎᒪᑎᑯᒡ ᒋᓴᒪᓂᑐᐤ ᐊᓐ ᐛ ᐊᔭᒥᐊᔅᑐᐛᒄ ᐊᑎ ᒪᒃ ᐊᑲ ᒋᔅᒐᔨᒪᒄ᙮”
\p
\v 24 “ᐊᐅᒄ ᐅ ᒋᓴᒪᓂᑐᐤ ᒥᓯᐛ ᑲ ‍ ᐅᓯᑕᑦ ᐅᔭ ᐊᔅᒋᔪᐤ ᑭᔭ ᒥᓯᐛ ᒐᒂᔪᐤ ᑕᓐ ᐊ ᐃᓯ ‍ ᑎᑯᓂᔨᒡ ᐅᑕ, ᐎᔾ ᐅᒋᒪᐤ ᐅᑕ ᐊᔅᒋᒡ ᑭᔭ ᒋᒋᒋᓯᑯᒡ ᓇᒪ ᒪᒃ ᐎᒍᐤ ᐊᓐᑕ ᐊᔭᒥᐊᐅᒋᐛᐱᒡ ᓇᐸᐛ ᐊᒋ ‍ ᐅᓯᑕᔨᒋ᙮
\v 25 ᓇᒪ ᐱᑯᓴᔨᒪᐤ ᓇᐸᐛ ᒐᒋ ᐱᒪᒋᐃᑯᑦ ᒪᒃ ᒐᒋ ᐛᐎᒋᐃᑯᑦ, ᐛᔅ ᐎᔾ ᒥᔨᐛᐤ ᒥᓯᐛ ᐊᓐᑕ ᐛᒋ ‍ ᐱᒪᑎᓯᓇᓄᐎᒡ ᑭᔭ ᐎᔾ ᒥᓯᐛ ᒥᔭᐤ ᐊᐛᔪᐛ ᒐᒂᔪᐤ᙮
\v 26 ᐸᐃᒄ ᓇᐸᐛ ᐅᒋ ᐊ ‍ ᑕᔨᒋ ᒋ ᐅᒋ ‍ ᐅᓯᐊᐤ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ ᓂᓇᐧᑯᐤ ᒐᒋ ᐃᓯ ‍ ᑕᔨᒋ ᒥᓯᐛ ᐊ ‍ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮ ᓂᑲᓐ ᒪᒃ ᒋ ‍ ᐎᔭᔨᑎᒧᐛᐤ ᑕᐃᔅᐱ ᒐ ‍ ᑕᔨᒋ ᐊᓐᑕ ᑭᔭ ᑕᓐ ᒐ ‍ ᐃᔅᑯᓯᓇᑕᔨᒡ ᐊᔅᒋᔪᐤ ᐊᓐᑕ ᒐ ‍ ᑕᔨᒋ᙮
\v 27 ᐊᐅᒄ ᐅᔭ ᐛᒋ ‍ ᐅᓯᐊᑦ ᐊᐛᔪᐛ, ᒋ ‍ ᐱᑯᓴᔨᑎᒻ ᒐᒋ ᓇᓂᑐᐛᐱᒥᑯᑦ ᑭᔭ ᒧᓯᐃᑯᒐ ᒐᒋ ᒥᔅᑲᑯᑦ᙮ ᑕᑈ ᒪᒃ, ᒥᓯᐛ ᐸᐸᐃᒄ ᐊ ‍ ᑎᓯᔭᐧᒄ ᓇᔅᒡ ᑕᑈ ᒋ ‍ ᐸᓱᐛᐱᒥᑯᓄᐤ᙮
\v 28 ᒧᔭᒻ ᐊᐛᓐ ᑲ ‍ ᐃᔅᒋᔄᒂ, ‘ᒋᓴᒪᓂᑐᐤ ᐅᒋ ᐛᒋ ‍ ᐱᒪᑎᓯᔭᐧᒄ, ᑭᔭ ᐛᒋ ‍ ᐊᒋᔭᐧᒄ ᑭᔭ ᐛᒋ ‍ ᐊᔭᔭᐧᒄ ᔭᔭᐅᓐ᙮’ ᒧᔭᒻ ᐱᔅᒐ ᑎᐱᔨᐛ ᒋᑎᐸᒋᒧᐃᒧᐛᐅᒡ ᑲᒋ ‍ ᒥᓯᓇᐃᒐᒡ ᑲ ‍ ᐃᔅᒋᔄᒂᓐᒋ, ‘ᑕᑈ ᒥᓯᐛ ᒋ ‍ ᐅᑦ ᐊᐛᓯᒥᑕᑯᓄᐤ᙮’ ”
\p
\v 29 “ᐊ ᐅᑦ ᐊᐛᓯᒥᑐᑕᑕᒄ ᒪᒃ ᒋᓴᒪᓂᑐᐤ, ᓇᒪ ᒋᐸ ᐅᒋ ‍ ᐃᑕᔨᒪᓄᐤ ᒋᓴᒪᓂᑐᐤ ᑕᐱᔅᑯᓐ ᒥᓂᑐᐧᑲᓇ ᒐᒋ ᐃᑕᔨᑕᑯᓯᑦ ᐛᔅ ᓇᐸᐤ ᐅᓯᐊᐤ ᒥᓂᑐᐧᑲᓇ ᓱᓇᔭᐱᔅᑯᒡ ᑭᔭ ᐛᐱᓱᓇᔭᐱᔅᑯᒡ ᒪᒃ ᐊᓯᓂᒡ ᐅᒡ, ᐎᔾ ᐅᑭᔅᒋᐅᓐ ᐊ ‍ ᐊᐱᒋᑕᑦ᙮
\v 30 ᐛᔅᑭᒡ ᐃᔪᒡ ᐊᑲ ᐅᒋ ᒋᔅᒐᔨᑕᒡ ᑕᓐ ᐊᓐ ᐊ ‍ ᐃᑕᔨᑕᑯᓯᔨᒋ ᒋᓴᒪᓂᑐᐛ ᒋ ‍ ᐅᓯᐊᐅᒡ ᒥᓂᑐᐧᑲᓇ, ᓇᒪ ᒪᒃ ᓂᔅᑎᒻ ᐅᒋ ᐛᐛᓯᐃᑯᐅᒡ ᒋᓴᒪᓂᑐᐛ᙮ ᐊᓄᒡ ᒪᒃ ᒋᓴᒪᓂᑐᐤ ᐃᑎᓱᒪᐤ ᐃᔪᐛ ᒥᓯᐛ ᐅᑕ ᐊᔅᒋᒡ ᒐᒋ ᒂᔅᑲᑎᓯᔨᒋ᙮
\v 31 ᐛᔅ ᒋᓴᒪᓂᑐᐤ ᒋ ‍ ᐎᔭᔨᑎᒻ ᐊᓂᔭ ᐊ ‍ ᒋᓯᑲᔨᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑯᐃᔅᒄ ᒐ ᐃᓯ ‍ ᑎᐸᔅᑯᓇᑭᓄᔨᒋ᙮ ᒋᓴᒪᓂᑐᐤ ᒪᒃ ᒋ ‍ ᐎᔭᔨᒪᐤ ᐸᐃᒄ ᓇᐸᐛ ᒐ ᐃᓯ ‍ ᑎᐸᔅᑯᓂᒐᔨᒋ, ᒋ ‍ ᐛᐸᑎᔭᐤ ᒪᒃ ᒥᓯᐛ ᐊᐛᔪᐛ ᐊᐅᑯᓐ ᐅᔭ ᓇᐸᐛ ᑲ ‍ ᐅᑎᓇᑦ ᒐᒋ ᑎᐸᔅᑯᓂᒐᔨᒋ, ᐊᒋ ‍ ᐅᓂᔅᑲᓇᑦ ᓂᐳᐅᓂᒡ ᐅᒡ᙮”
\p
\v 32 ᐃᔅᐱ ᒪᒃ ᐱᔭᑐᐛᒡ ᐊᓂᔭ ᑈᓚ ᐊ ‍ ᐊᔨᒧᑎᒥᔨᒋ ᐊᓂᔭ ᑲᐤ ᐊ ‍ ᐅᓂᔅᑲᓄᐎᒡ ᓂᐳᐅᓂᒡ ᐅᒡ, ᒋ ‍ ᒪᔭᔨᒪᐅᒡ ᐊ ‍ ᐅᓯᓄᐛᒡ, ᒥᒄ ᒪᒃ ᐱᔅᒐ ᒋ ‍ ᐃᑕᐅᒡ, “ᒥᓐ ᒋ ᐎ ‍ ᐸᑕᑎᓇᓐ ᐊ ‍ ᐊᔨᒧᑎᒥᓐ ᐅ᙮”
\p
\v 33 ᐊᑯ ᒪᒃ ᑈᓪ ᒂ ‍ ᔅᑐᑕᑦ ᐊᓐᑕ ᐊᓂᔭ ᐊ ‍ ᒪᒧᐎᓇᓄᐎᒡ᙮
\v 34 ᐱᔅᒐ ᒪᒃ ᐊᐛᔪᐛ ᒋ ‍ ᐎᒐᐅᑯᐤ ᑭᔭ ᒋ ᐊᑎ ‍ ᑕᑈᑎᒥᔪᐛ᙮ ᐸᐃᒄ ᐊᓐ ᑎᐅᓂᓯᔭᔅ ᒋ ‍ ᐃᓯᓂᐧᑲᓱᐤ ᒋ ‍ ᐅᒋᒪᐧᑲᓂᓯᔪᐤ ᐊᓐᑕ ᐊᕆᐅᐸᑲᔅ, ᑭᔭ ᐃᔎᐤ ᑕᒪᕆᔅ ᐊ ‍ ᐃᓯᓂᐧᑲᓱᑦ ᑭᔭ ᑯᑎᑭᒡ ᐊᐛᓐᒋ᙮
\c 18
\s1 ᑈᓪ ᑲ ‍ ᐃᑐᑕᑦ ᐊᓐᑕ ᑯᕆᓐᑦ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ
\p
\v 1 ᐸᑎᒪ ᒪᒃ ᒋ ‍ ᔅᑐᑕᐤ ᑈᓪ ᐊᓐᑕ ᐅᒋ ᐊᑕᓐᓯᒡ, ᐊᑯ ᐊᓐᑕ ᑯᕆᓐᑦ ᒂ ‍ ᐃᑐᑕᑦ᙮
\v 2 ᐊᑯᑕ ᒪᒃ ᐅᑕ ᑲ ᐅᒋ ‍ ᒋᔅᒐᔨᒪᑦ ᐊᓂᔭ ᒍᐤ ᐃᔪᐛ ᐊᑯᐎᓚ ᑲ ‍ ᐃᓯᓂᐧᑲᓱᔨᒋ ᐊᓐᑕ ᑈᓐᑕᔅ ᑲ ‍ ᐃᓯᓂᐧᑲᑕᔨᒡ ᐅᑕᓇᐤ ᐊᓐᑕ ᐃᑕᓕ ᐊᔅᒋᒡ ᐊᑯᑕ ᒋ ‍ ᐱᒪᑎᓯᒐᓂ᙮ ᐊᑯᑕ ᒪᒃ ᐊᓐᑕ ᑲ ‍ ᐅᑐᑕᔨᒂᓂ, ᐎᐛ ᐳᕆᓯᓚ ᐊᒋ ‍ ᐎᒐᐛᑦ, ᐛᔅ ᐊᓐ ᒋᓴᐅᒋᒪᐤ ᑲᓗᑎᔭᔅ ᒋ ‍ ᐃᑎᓱᐛᒐ ᒥᓯᐛ ᒍᐤ ᐃᔪᐛ ᒐ ‍ ᓂᑭᑎᒥᔨᒋ ᕈᒻ ᐅᑕᓇᔪᐤ ᐊᓐᑕ ᐃᑕᓕ ᐊᔅᒋᒡ ᑲ ‍ ᑎᑯᓂᔨᒡ᙮ ᒋ ‍ ᓂᑐᐛᐱᒪᐤ ᒪᒃ ᑈᓪ ᐅᔭ ᐊᑯᐎᓚᐃᒋ ᑭᔭ ᐎᐎᔪᐛ᙮
\v 3 ᒂ ‍ ᐎᒋᒪᑦ ᑭᔭ ᒂ ‍ ᐎᒋ ‍ ᐊᐱᑎᓯᒪᑦ ᐊ ‍ ᐅᓯᑕᔨᒋ ᒥᒋᐛᐸ ᐛᔅ ᐊᐅᑯᓐ ᑲ ‍ ᐃᑕᐱᑎᓯᔨᒋ ᒧᔭᒻ ᐎᔾ ᑲ ‍ ᐃᑕᐱᑎᓯᑦ ᐊᓐᑕ ᒐᒋ ᐅᒋ ‍ ᐎᒋᐃᓱᑦ᙮
\v 4 ᒧᔅ ᒪᒃ ᑕᑥᐤ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ ᒋ ᓇᒋ ‍ ᐊᔭᒥᐊᐤ ᑈᓪ ᐊᑯ ᑲᒋ ‍ ᐃᔨᒥᐃᑐᒡ ᐊᓂᔭ ᒍᐤ ᑭᔭ ᑯᕆᒃ ᐃᔪᐛ ᐊ ‍ ᓯᒋᒪᑦ ᒐᒋ ᑕᑈᑕᑯᑦ᙮
\p
\v 5 ᐃᔅᐱ ᒪᒃ ᑕᑯᓯᓂᔨᒋ ᓴᓂᓴ ᑭᔭ ᑎᒧᑎᔨᒋ ᐊᓐᑕ ᒪᓯᑐᓂᔭ ᐊ ‍ ᐅᑐᑕᔨᒋ, ᐊᑯ ᒂ ‍ ᐳᓂᑦ ᐊᓂᔭ ᐊ ‍ ᒪᓂᒐᑦ᙮ ᐊᑯ ᑈᓪ ᐱᓯᒄ ᑲ ‍ ᐛᐎᑎᒧᐛᑦ ᐊᓂᔭᔪᐛ ᒍᐤ ᐃᔪᐛ ᒥᔽᒋᒧᐅᓂᔪᐤ ᐊ ‍ ᐃᑕᑦ, “ᒋᓴᔅ ᐊᐅᒄ ᙭ ᐊᓂᔭ ᒋᓴᒪᓂᑐᐤ ᑲ ᐸᒋ ‍ ᐃᑎᓴᐛᑦ᙮”
\p
\v 6 ᒋ ‍ ᐊᓏᑕᑯᐤ ᒪᒃ ᑭᔭ ᒋ ‍ ᒪᔭᔨᒥᑯᐤ ᐊᑯ ᑈᓪ ᒂ ‍ ᐸᐳᐛᒄ ᐅᑦ ᐊᐱᒋᑕᐅᓇ ᐊ ‍ ᓄᑯᑕᑦ ᐊᑲ ᓂᐃᔅᑲᑯᑦ ᐊᓂᔭ ᐊ ‍ ᐃᑎᔨᒋ᙮ ᐊᑯ ᒂ ‍ ᐃᑕᑦ, “ᒋᔨᐛᐤ ᒋᑭ ‍ ᐃᑐᑕᓱᓇᐛᐤ ᓂᓱᐅᓇᑎᓯᔭᒂ, ᓇᒪᔭᐤ ᓂᔾ ᒐ ‍ ᑐᑕᑎᑯᒡ᙮ ᐛᔅ ᐊᐅᑯᐤ ᒐ ‍ ᒋᒋᐱᔭᓐ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ‍ ᐛᐎᑎᒧᐅᒂᐤ ᒥᔽᒋᒧᐅᓂᔪᐤ᙮”
\p
\v 7 ᐊᑯ ᒂ ‍ ᓂᑭᑕᑦ, ᒂ ‍ ᐎᒋᒪᑦ ᓇᐸᐤ ᑎᑎᔭᔅ ᒐᔅᑕᔅ ᐊ ‍ ᐃᓯᓂᐧᑲᓱᔨᒋ, ᐊᑲ ᒍᐤ ᐃᑎᔅᑲᓇᓯᔨᒋ ᐃᔭᐱᒡ ᒪᒃ ᐊ ‍ ᑕᑈᔭᔨᒪᔨᒋ ᒋᓴᒪᓂᑐᐛ᙮ ᒥᒋᒪ ᒍᐤ ᐊᔭᒥᐊᐅᒋᐛᐱᒡ ᒋ ‍ ᒋᒥᑕᔪᐤ ᐎᒡ ᐅ ᓇᐸᐤ᙮
\v 8 ᑯᕆᔅᐳᔅ ᒪᒃ, ᐊᓐ ᑲᓂᑲᓂᔅᑲᐧᒃ ᐊᓂᔭ ᐊᔭᒥᐊᐅᒋᐛᐱᔪᐤ ᒋ ‍ ᑕᑈᔭᔨᒪᐤ ᐅᑎᐸᔨᒋᒐᐛ, ᑭᔭ ᒥᓯᐛ ᐊᓂᔭᔪᐛ ᐊᓐᑕ ᐊ ‍ ᐸᐃᑯᔅᑲᓇᓯᑦ᙮ ᑭᔭ ᒥᒐᑦ ᐊᓐᑕ ᑯᕆᓐᑦ ᑲ ‍ ᑕᒡ ᐃᔪᒡ ᒋ ‍ ᐸᑎᒧᒡ ᐊᓂᔭ ᒥᔽᒋᒧᐅᓂᔪᐤ᙮ ᒋ ‍ ᑕᑈᑎᒧᒡ ᑭᔭ ᒋ ‍ ᓯᑲᐃᑐᐛᑭᓄᐎᒡ᙮
\p
\v 9 ᐸᐃᒂᐤ ᐊ ‍ ᑎᐱᔅᑲᔨᒡ ᑈᓪ ᒋ ‍ ᐛᐸᑎᔭᑭᓄᐤ ᒐᒂᔪᐤ, ᐅᑎᐸᔨᒋᒐᐛ ᐊ ‍ ᐃᔨᒥᐃᑯᑦ ᐊ ‍ ᐃᑎᑯᑦ, “ᐊᑲᐎᔾ ᑯᔅᑕᒋ, ᐃᔭᐱᒡ ᑭᒐᔅᒋᒧᐤ, ᐊᑲᐎᔾ ᓄᑎᐳᓂ᙮
\v 10 ᐛᔅ ᒋ ‍ ᐎᒐᐅᑎᓐ᙮ ᓇᒪ ᐊᐛᓐ ᒋᑭ ᒋ ‍ ᐎᔭᔅᑐᑕᒄ ᐛᔅ ᒥᒐᑦ ᐃᔪᒡ ᐅᑕ ᐅᑕᓇᒡ ᓂᔾ ᐊᓐᒡ ᓂᑦ ᐃᔨᒥᒡ᙮”
\p
\v 11 ᐊᑯ ᑈᓪ ᒂ ‍ ᑕᑦ ᐊᓐᑕ ᐅᑕᓇᒡ ᐸᐃᒄ ᐱᐳᓇ ᒪᒃ ᐳᔅᒄ, ᐊ ‍ ᒋᔅᒋᓄᐊᒧᐛᑦ ᐃᔪᐛ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮
\p
\v 12 ᐃᔅᐱ ᒪᒃ ᑲᓕᐅ ᕈᒻ ᑲ ‍ ᐅᒋᒪᐧᑲᓄᑦ ᐊᓐᑕ ᐊᑲᔭ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᐊᓐᒡ ᒍᐤ ᐃᔪᒡ ᒪᒧᐤ ᒋ ‍ ᒪᒧᐎᐅᒡ ᐊᑯ ᒂ ‍ ᒪᑯᓇᒡ ᑈᓚ ᒂ ‍ ᐃᑐᑕᐊᒡ ᐊᓐᑕ ᑎᐸᔅᑯᓂᒐᐅᒋᐛᐱᒡ᙮
\v 13 ᐊᑯ ᒂ ‍ ᐃᔅᒋᔄᒡ, “ᐅ ᓇᐸᐤ ᓯᒋᒪᐤ ᐃᔪᐛ ᐃᔭᒡ ᒐᒋ ᐃᓯ ‍ ᑕᑈᑎᒥᔨᒋ, ᐊᓂᔭ ᒪᒃ ᐊ ᐃᓯ ‍ ᒋᔅᑯᑎᒪᒐᑦ ᒐᒋ ᐃᓯ ‍ ᐊᔭᒥᐊᔅᑐᐛᑭᓄᔨᒋ ᒋᓴᒪᓂᑐᐛ ᓇᒪ ᐃᑎᔅᑕᐤ ᐊᓐᑕ ᐎᓱᐛᐅᓂᒡ ᐅ ᒐᒋ ᐃᑎᓇᓄᐅᒡ᙮”
\p
\v 14 ᒧᔭᒻ ᒪᒃ ᑈᓪ ᒋ ᐎ ‍ ᐃᔨᒧᐤ, ᑲᓕᐅ ᒂ ‍ ᐃᑕᑦ ᐊᓂᔭᔪᐛ ᒍᐤ ᐃᔪᐛ, “ᑕᑈ ᑲ ‍ ᐅᓂᑐᑎᒧᒂ ᐅ ᓇᐸᐤ ᑈᓪ, ᒋᐸ ‍ ᓂᑐᑕᑎᓇᐛᐤ᙮
\v 15 ᒥᒄ ᒪᒃ ᒋᔨᐛᐤ ᐊᓐᑕ ᒋᒥᒋᐱᔨᐃᑐᐅᓇᐛᐤ ᐃᔅᒋᔄᐅᓇ ᐅᒋ ᑭᔭ ᐃᓯᓂᐧᑲᓱᐅᓇ ᐅᒋ ᑭᔭ ᒋᑦ ᐊᔭᒥᐊᐅ ᐎᓱᐛᐅᓄᐛᐛ ᐅᒡ᙮ ᒋᔨᐛᐤ ᒥᔪᐱᔨᑕᒄ ᑕᓐ ᐊ ᐃᓯ ‍ ᒥᒋᐱᔭᒄ, ᓇᒪ ᐎ ᓂᔾ ᒋᑭ ᐅᒋ ‍ ᐎᒋᐃᑎᓇᐛᐤ᙮”
\v 16 ᐊᑯ ᑲᓕᐅ ᒂ ‍ ᐎᐎᑎᓴᐛᑦ ᐊᓂᔭᔪᐛ ᐃᔪᐛ ᑲ ‍ ᐸᓱᐛᔨᒋ ᑈᓚ ᐊᓐᑕ ᑎᐸᔅᑯᓂᒐᐅᒋᐛᐱᒡ᙮
\v 17 ᐊᑯ ᐊᓐᒡ ᐃᔪᒡ ᒥᔅᑯᒡ ᐊᓂᔭ ᓱᔅᑎᓂᓴ ᒂ ‍ ᒪᑯᓇᒡ, ᐊᓂᔭ ᑲ ‍ ᓂᑲᓂᔅᑭᒥᔨᒋ ᒍᐤ ᐊᔭᒥᐊᐅᒋᐛᐱᔪᐤ, ᐊᑯ ᒂ ‍ ᒪᓯᐧᑯᐛᒡ ᐊᓐᑕ ᐎᐎᑎᒥᒡ ᑎᐸᔅᑯᓂᒐᐅᒋᐛᐱᒡ᙮ ᓇᒪ ᒥᒄ ᐅᒋ ᐊᐱᑕᔨᒪᐤ ᐊᓐ ᐅᒋᒪᐤ ᑲᓕᐅ ᐊᓂᔭ ᑲ ‍ ᐃᑎᔨᒋ᙮
\s1 ᑈᓪ ᑲᐤ ᑲ ‍ ᐃᑐᑕᑦ ᐊᓐᑎᔭᑭᒡ
\p
\v 18 ᒥᒐᑐᐤ ᒋᓯᑲᐛ ᒋ ‍ ᑕᐤ ᑈᓪ ᐊᓐᑕ ᑯᕆᓐᑦ ᐊᓐᑕ ᐊᔭᒥᐊᐤ ᐎᐧᑲᓂᓯᒪᐛ ᐊ ‍ ᑕᔨᒋ᙮ ᐊᑯ ᒐᒃ ᒂ ‍ ᒋᑕᓯᒡ, ᐊᓐᑕ ᓯᕆᔭ ᒋ ‍ ᐃᔅᒋᒪᐅᒡ, ᐳᕆᓯᓚ ᑭᔭ ᐊᑯᐎᓚ ᒋ ‍ ᐎᒐᐅᑯᐤ᙮ ᐊᔅᒄ ᒪᒃ ᐊᑲ ᐅᒋ ᐃᔅᒋᒪᒡ ᐊᓐᑕ ᓴᓂᑯᕆᔭᒡ, ᑈᓪ ᒋ ‍ ᑲᔅᒋᐸᑎᒻ ᐅᔅᑎᒂᓐ ᒧᔭᒻ ᒍᐤ ᐃᔪᐛ ᑲᒋ ‍ ᐃᑎᔨᒋ ᒐᒂᔪᐤ ᐊᒋ ‍ ᑕᔨᒋ ᒋᓴᒪᓂᑐᐤ ᒐᔅᑎᓇᔅ ᒐ ‍ ᐃᑐᑕᐧᒃ᙮
\v 19 ᐊᑯ ᑲ ‍ ᒥᓯᑲᒡ ᐊᓐᑕ ᐃᐱᓴᔅ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ, ᐊᑯᑕ ᐊᓐᑕ ᑈᓪ ᑲ ‍ ᓂᑭᑕᑦ ᐊᓂᔭ ᐳᕆᓯᓚᐃᒋ ᑭᔭ ᐊᑯᐎᓚᐃᒋ, ᐃᔭᒡ ᒋ ‍ ᐃᑐᑕᐅᒡ ᐎᔨᐛᐤ ᐊᓐᒡ᙮ ᐊᑯ ᑈᓪ ᒂ ‍ ᐱᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᑯ ᒂ ‍ ᐃᔨᒥᐃᑐᒡ ᐊᓂᔭ ᒍᐤ ᐊ ‍ ᓯᒋᒪᑦ ᒐᒋ ᑕᑈᑕᑯᑦ ᑕᓐ ᐊ ‍ ᐃᔅᒋᔄᑦ᙮
\v 20 ᒋ ‍ ᑯᒂᒋᒥᑯᐤ ᒪᒃ ᐊᓂᔭ ᐱᔅᒐ ᒍᐤ ᐃᔪᐛ ᓇᐅᔅ ᒐᒋ ᑕᑦ ᐊᓐᑕ ᐊ ‍ ᑕᔨᒋ, ᓇᒪ ᒥᒄ ᐅᒋ ᓂᔅᑯᒪᐤ᙮
\v 21 ᒥᒄ ᒋ ‍ ᐃᑕᐤ ᑈᓪ, ᐃᔅᐱ ᒐ ‍ ᔅᑐᑕᑦ, “ᓂᑭ ‍ ᑎᑯᓯᓐ ᒥᓐ, ᒋᓴᒪᓂᑐᐤ ᐃᑕᔨᑕᒐ ᒥᓐ ᒐᒋ ᑎᑯᓯᓂᔭᓐ᙮” ᐊᑯ ᒂ ‍ ᐳᓯᑦ ᐅᐤᑎᔪᐤ ᐊᓐᑕ ᐅᒋ ᐃᐱᓴᔅ᙮
\p
\v 22 ᐃᔅᐱ ᒪᒃ ᒪᓯᑲᑦ ᐊᓐᑕ ᓯᓴᕆᔭ, ᐊᑯᑕ ᐊᓐᑕ ᑲ ᐅᒋ ‍ ᔅᑐᑕᑦ ᒋᕈᓯᓕᒥᒡ ᐊ ‍ ᐃᑐᑕᑦ, ᒂ ‍ ᓂᑐᐛᐱᒪᑦ ᐊᓂᔭ ᐅᒪᒧᐊᔭᒥᐊᐛ ᐊᑯ ᒥᓐ ᐊᓐᑕ ᐊᓐᑎᔭᑭᒡ ᒂ ‍ ᐃᑐᑕᑦ᙮
\p
\v 23 ᐊᑯᑕ ᑲ ‍ ᑕᑦ ᐛᐃᐱᔅᒋᔅ ᐊᑯ ᒥᓐ ᒂ ‍ ᔅᑐᑕᑦ᙮ ᐊᑯ ᐊᓐᑕ ᐊᔅᒋᒡ ᑲᓚᓯᔭ ᑭᔭ ᐳᕆᒋᔭ ᑲ ‍ ᐃᓯᓂᐧᑲᑕᔨᒋ ᐊᑯᑕ ᑲ ‍ ᐃᑐᑕᑦ, ᐊ ‍ ᐃᔨᒪᐊᑦ ᐊᓂᔭ ᒋᓴᓴ ᑲ ‍ ᑕᑈᔭᔨᒪᔨᒋ ᒐᒋ ᐊᔨᒋᑲᐳᔨᒋ᙮
\s1 ᐊᐳᓚᔅ ᐊᓐᑕ ᐃᐱᓴᔅ ᑲ ‍ ᑕᑦ
\p
\v 24 ᒍᐤ ᐃᔪᐤ ᐊᐳᓚᔅ ᐊ ‍ ᐃᓯᓂᐧᑲᓱᑦ ᐊᓐᑕ ᐊᓕᒃᓴᓐᑕᕆᔭ ᐊ ‍ ᐅᒋᑦ ᒋ ‍ ᑎᑯᓯᓄᐤ ᐊᓐᑕ ᐃᐱᓴᔅ᙮ ᓇᔅᒡ ᒋ ‍ ᑭᔅᒋᐅᐤ ᐅ ᓇᐸᐤ ᐊ ‍ ᐃᔨᒥᑦ, ᑭᔭ ᒋ ᒥᔪ ‍ ᒋᔅᒐᔨᑎᒻ ᑕᓐ ᐊ ‍ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮
\v 25 ᓇᔅᒡ ᒪᒃ ᑯᐃᔅᒄ ᒋ ᐃᓯ ‍ ᒋᔅᑯᑎᒧᐛᑭᓄᑯᐱᓇ ᐊᓂᔭ ᒪᔅᑭᓇᔪᐤ ᐅᑎᐸᔨᒋᒐᐛ ᑲ ‍ ᐃᔅᒋᔄᔨᒋ ᒐᒋ ᐃᓯ ‍ ᐱᒧᑕᓄᐎᒡ ᐊᓐᑕ ᒐᒋ ᐅᒋ ‍ ᐱᒪᒋᐅᓇᓄᐎᒡ᙮ ᑭᔭ ᓇᔅᒡ ᒋ ‍ ᓯᒋᔭᓱᐤ ᐊ ‍ ᐊᔨᒧᒪᑦ ᒋᓴᓴ ᑕᓐ ᐊᓐ ᑲ ᐃᓯ ‍ ᐸᑐᐛᑦ ᒠᓐ ᐅᓯᑲᐃᑕᒐᐛ ᐊ ᐃᓯ ‍ ᐊᔨᒧᒪᔨᒋ ᑭᔭ ᒋ ‍ ᑕᑈᐤ ᐊᓂᔭ ᑲ ᐃᓯ ‍ ᒋᔅᑯᑎᒪᒐᑦ᙮ ᒥᒄ ᒪᒃ ᓇᒪ ᐅᒋ ᒋᔅᒐᔨᒪᐤ ᑕᓐ ᑲ ᐸᒋ ‍ ᐃᔅᐱᔨᒋ ᒋᓴᓴ᙮
\v 26 ᒋ ‍ ᐃᔨᒪᐊᐤ ᒪᒃ ᐃᔪᐛ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᑲ ᓇᔅᒡ ᑯᔅᑕᒋᑦ᙮ ᐃᔅᐱ ᒪᒃ ᑲ ‍ ᐸᑕᑯᑦ ᐳᕆᓯᓚᔨᒋ ᑭᔭ ᐊᑯᐎᓚᔨᒋ, ᒋ ‍ ᒋᐛᑕᐃᑯᐤ᙮ ᐊᑐᐎᔅ ᒂ ᐃᓯ ‍ ᐛᐎᑎᒪᑯᑦ ᒋᓴᒪᓂᑐᐛ ᐅᒪᔅᑭᓇᒥᔪᐤ᙮
\p
\v 27 ᐊᐳᓚᔅ ᒐᒃ ᑲ ‍ ᐃᑕᔨᑕᐧᒃ ᒐᒋ ᐃᑐᑕᑦ ᐊᓐᑕ ᐊᑲᔭ, ᐊᑯ ᐊᓂᔭᔪᐛ ᐎᐧᑲᓂᓯᒪᐛ ᐊᓐᑕ ᐃᐱᓴᔅ ᑲ ‍ ᑕᔨᒋ ᒋ ‍ ᓇᐊᔨᑎᒥᔪᐛ ᐊᓐᑕ ᒐᒋ ᐃᑐᑕᑦ ᐊᑯ ᒂ ‍ ᒥᓯᓇᐊᒧᐛᒡ ᐊᓂᔭ ᑲ ‍ ᑕᑈᔭᔨᒪᔨᒋ ᒋᓴᓴ, ᐊᑲᔭ ᑲ ‍ ᑕᔨᒋ ᐊ ‍ ᑕᒡ ᒐ ‍ ᒥᔪᐧᑯᐛᒡ ᐊᓂᔭ ᐊᑈᓚᓴ ᑎᑯᓯᓂᔨᒐᓂ ᐊᓐᑕ᙮ ᐃᔅᐱ ᒪᒃ ᐊᐳᓚᔅ ᑕᑯᓯᐧᒃ ᐊᓐᑕ ᐊᑲᔭ, ᓇᔅᒡ ᑕᑈ ᒥᔅᑎ ᒋ ‍ ᐎᒋᐊᐤ ᐊᓂᔭ ᐊᐛᔪᐛ ᑲ ‍ ᑕᑈᔭᔨᒪᔨᒋ ᒋᓴᓴ, ᐊᓂᔭᔪᐛ ᑲ ‍ ᓱᐛᔨᒥᑯᔨᒋ ᒋᓴᒪᓂᑐᐛ ᒐᒋ ᑕᑈᑎᒥᔨᒋ᙮
\v 28 ᓇᔅᒡ ᒪᒃ ᒋ ‍ ᓴᐧᑯᒋᒪᐤ ᐊᓂᔭᔪᐛ ᒍᐤ ᐃᔪᐛ ᐊᓐᑕ ᐊ ‍ ᒥᒐᑎᓇᓄᐎᒡ, ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ ᐊ ᐅᒋ ‍ ᐎᑎᒧᐛᑦ ᒋᓴᓴ ᐊ ‍ ᐊᐎᔨᒋ ᙭ᑕ, ᒋᓴᒪᓂᑐᐛ ᐊᒋ ᐸᒋ ‍ ᐃᑎᓴᐅᑯᔨᒋ᙮
\c 19
\s1 ᑈᓪ ᐃᐱᓴᔅ ᑲ ‍ ᑕᑦ
\s2 Acts 19.1-7 (Epiphany-1 Year B)
\p
\v 1 ᒪᒂᒡ ᒪᒃ ᐊᐳᓚᔅ ᐊᓐᑕ ᑯᕆᓐᑦ ᑲ ‍ ᑕᑦ, ᑈᓪ ᒋ ‍ ᐱᐸᒧᑕᐤ ᐊᓐᑕ ᐊᓂᔭ ᐊᔅᒋᔪᐤ ᐊᑯ ᒐᒃ ᒂ ‍ ᐅᑎᑕᐧᒃ ᐃᐱᓴᔅ᙮ ᐊᑯᑕ ᒂ ‍ ᓂᒋᔅᑯᐛᑦ ᐱᔅᒐ ᐊᓂᔭᔪᐛ ᐊᐛᔪᐛ ᑲ ‍ ᑕᑈᔭᔨᒪᔨᒋ ᒋᓴᓴ᙮
\v 2 ᒂ ‍ ᑯᒂᒋᒪᑦ, “ᔅᒋ ‍ ᒥᔨᑯᓇᐛᐤ ᐊ ᑲ ‍ ᐸᔭᒋᓯᑦ ᐊᒐᐧᒄ ᐃᔅᐱ ᑲ ᐊᑎ ‍ ᑕᑈᑎᒪᒄ ?”
\p ᐊᑯ ᒂ ‍ ᐃᑎᑯᑦ, “ᓇᒪ ᓂ ᐅᒋ ‍ ᐸᑕᓇᓐ ᐊ ‍ ᑕᑦ ᑲ ‍ ᐸᔭᒋᓯᑦ ᐊᒐᐧᒄ᙮”
\p
\v 3 ᐊᑯ ᑈᓪ ᒂ ‍ ᐃᑕᑦ, “ᒐᒄ ᓯᑲᐃᑕᒐᐅᓐ ᒪᒃ ᑲ ᐃᓯ ‍ ᓯᑲᐃᑕᑯᔭᒄ ?”
\p ᒂ ‍ ᐃᑎᑯᑦ, “ᒠᓐ ᑲ ᐃᓯ ‍ ᓯᑲᐃᑕᒐᑦ ᓂᒋ ᐃᓯ ‍ ᓯᑲᐃᑕᑯᐅᓇᓐ᙮”
\p
\v 4 ᐊᑯ ᑈᓪ ᒂ ‍ ᐃᑕᑦ, “ᒠᓐ ᒋ ‍ ᓯᑲᐃᑐᐛᐤ ᐊᓂᔭ ᐊᐛᔪᐛ ᑲ ᐎ ‍ ᒂᔅᑲᑎᓯᔨᒋ ᑭᔭ ᒋ ‍ ᐃᑕᑯᐱᓇ ᐊᓂᔭᔪᐛ ᐃᔪᐛ ᑲ ‍ ᓯᑲᐃᑐᐛᑦ, ᒐ ‍ ᑎᑯᓯᓂᔨᒋ ᑯᑎᑲ ᐊᐛᔪᐛ᙮ ᐊᐅᒄ ᒪᒃ ᐊᓐ ᐃᔭᒄ ᒋᐸ ‍ ᑕᑈᔭᔨᒪᐛᐤ᙮ ᐊᐅᑯᓂ ᐅᔭ ᒋᓴᓴ ᒠᓐ ᑲ ‍ ᐊᔨᒧᒪᒂ᙮”
\p
\v 5 ᐃᔅᐱ ᒪᒃ ᐊᓐᒡ ᐃᔪᒡ ᑲ ‍ ᐃᔨᒥᐃᑯᒡ ᑈᓚ ᐱᔭᑕᒡ ᐅᔭ, ᒋ ‍ ᓯᑲᐃᑐᐛᑭᓄᐎᒡ ᐅᑎᐸᔨᒋᒐᐛ ᒋᓴᓴ ᐅᑦ ᐃᓯᓂᐧᑲᓱᐅᓂᔨᒡ ᐃᔅ᙮
\v 6 ᐊᑯ ᑈᓪ ᒂ ‍ ᑕᒋᓇᑦ, ᒂ ‍ ᐱᒋᔅᑲᑯᒡ ᑲ ‍ ᐸᔭᒋᓯᔨᒋ ᐊᒐᒂ, ᑭᔭ ᒋ ‍ ᒂᔅᒋᐃᔨᒧᐅᒡ, ᑭᔭ ᒋ ‍ ᐃᔨᒥᔅᑎᒧᐛᐅᒡ ᒋᓴᒪᓂᑐᐛ᙮
\v 7 ᓴᓯᑲᓐ ᒪᒃ ᓂᓱᓴᑉ ᒋ ‍ ᑕᑎᓱᐅᒡ ᒪᒧᐤ ᐊᓐᒡ ᓇᐸᐅᒡ ᑲ ‍ ᑕᒋᓇᑭᓄᐎᒡ᙮
\p
\v 8 ᓂᔅᑐ ᐱᓯᒺ ᒪᒃ ᒋ ‍ ᑕᐤ ᑈᓪ ᐊᓐᑕ ᐃᐱᓴᔅ ᑭᔭ ᒧᔅ ᒋ ‍ ᐱᒐᐤ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ‍ ᐃᔨᒪᐊᑦ ᐊᓂᔭᔪᐛ ᐃᔪᐛ ᐊᑲ ᓇᔅᒡ ᑯᔅᑕᒋᑦ, ᓇᔅᒡ ᐊ ‍ ᓯᒋᒪᑦ ᒐᒋ ᑕᑈᑕᑯᑦ ᐊᓂᔭ ᑲ ‍ ᐃᑕᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮
\v 9 ᒥᒄ ᒪᒃ ᐱᔅᒐ ᐊᓐᒡ ᑲ ‍ ᓂᑐᑐᐛᒡ ᓇᔅᒡ ᒋ ‍ ᓯᐱᑎᒧᒡ, ᓇᒪ ᐅᒋ ᐎ ᑕᑈᑎᒧᒡ, ᑭᔭ ᓇᔅᒡ ᒋ ‍ ᒪᔭᔨᒪᐅᒡ ᑈᓚ ᐊᓂᔭ ᐊ ᐃᓯ ‍ ᑎᐸᒋᒪᔨᒋ ᒋᓴᓴ ᐊᓐᑕ ᐊ ‍ ᒥᒐᑎᓇᓄᐎᒡ᙮ ᐊᑯ ᑈᓪ ᒂ ‍ ᐎᐎᑦ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒂ ‍ ᐎᒐᐅᑯᑦ ᐊᓂᔭ ᐊᐛᔪᐛ ᑲ ‍ ᑕᑈᔭᔨᒪᔨᒋ ᒋᓴᓴ, ᐊᑯ ᒂ ‍ ᐃᑐᑕᒡ ᐊᓐᑕ ᑕᐃᕋᓇᔅ ᑲ ‍ ᐃᓯᓂᐧᑲᑕᔨᒡ ᒥᒋᐛᐱᔪᐤ ᑲᒋ ‍ ᒪᒧᐎᓇᓄᐎᒡ, ᐊᑯᑕ ᒪᒃ ᐊᓐᑕ ᑲ ‍ ᐃᔨᒪᐊᑦ ᐊᓂᔭᔪᐛ ᐃᔪᐛ ᒋᓴᓴ ᐊ ‍ ᐊᔨᒧᒪᑦ᙮
\v 10 ᓂᓱ ᐱᐳᓇ ᒪᒃ ᐊᐅᑯᓐ ᑲ ‍ ᐃᑎᓇᓄᐅᒡ ᐅ, ᑭᔭ ᒥᒐᑦ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐃᑎᔅᑲᓇᓯᒡ ᒋ ‍ ᐸᑎᒧᒡ ᐅᑎᐸᔨᒋᒐᐛ ᐅᑦ ᐃᔨᒧᐅᓂᔪᐤ᙮
\s1 ᑕᓐ ᑲ ‍ ᐃᔅᐱᔨᒋ ᔅᑭᐸ ᐅᑯᓴ
\p
\v 11 ᒋᓴᒪᓂᑐᐤ ᒪᒃ ᒋ ‍ ᐃᑐᑐᐛᐤ ᑈᓚ ᒐᒋ ᓱᒋᒪᒥᔅᑲᒡ ᑎᔨᒋ᙮
\v 12 ᐛᐛᒡ ᐅᑕᐱᔅᑲᑭᓐ ᑭᔭ ᑯᑎᑲ ᐅᑦ ᐊᐱᒋᑕᐅᓐ ᒋ ‍ ᐃᑐᑕᑭᓄᐅᔪᐛ ᐊᓐᑕ ᑲ ‍ ᐊᐧᑯᓯᔨᒋ ᐊᐛᔪᐛ ᐊ ‍ ᑕᔨᒋ, ᑎᐛᒡ ᒪᒃ ᒋ ‍ ᒥᓏᑎᓯᔪᐛ ᐃᔅᐱ ᑎᔭᐃᒋᓂᒥᔨᒋ᙮ ᑭᔭ ᐊᓐᒡ ᒥᒋ ‍ ᐊᒐᐧᑯᒡ ᒋ ‍ ᐎᐎᔪᒡ ᐊᓐᑕ ᐊᓂᔭ ᑲ ‍ ᐱᒋᔅᑯᐛᒡ ᐊᐛᔪᐛ᙮
\p
\v 13 ᐱᔅᒐ ᒪᒃ ᒍᐤ ᐃᔪᒡ ᑲᒋ ‍ ᐎᐎᑎᓴᐛᒡ ᒥᒋ ‍ ᐊᒐᒂ ᒋ ‍ ᐱᐸᒧᑕᐅᒡ ᐊ ‍ ᑯᒋᑕᒡ ᒐᒋ ᐎᐎᑎᓴᐛᒡ ᒥᒋ ‍ ᐊᒐᒂ ᐅᑎᐸᔨᒋᒐᐛ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮ ᒋ ‍ ᐃᑕᐅᒡ ᐊᓂᔭᔪᐛ ᒥᒋ ‍ ᐊᒐᒂ, “ᒋᓴᔅ, ᐊᓂᔭ ᑈᓪ ᑲ ‍ ᐊᔨᒧᒪᑦ ᐊ ‍ ᑭᒐᔅᒋᒧᑦ, ᐊᐅᑯᓐ ᐊᓐ ᐅᑦ ᐃᓯᓂᐧᑲᓱᐅᓐ ᐅᒋ ᒋᑦ ᐃᑎᓱᒥᑎᓇᐛᐤ ᒐᒋ ᐸᒋ ‍ ᐎᐎᔭᒄ᙮”
\v 14 ᐊᑯ ᒪᒃ ᒋ ‍ ᑕᐤ ᐸᐃᒄ ᑲ ‍ ᓂᑲᓂᐱᑦ ᐊᔭᒥᐊᐅᒋᒪᐤ ᔅᑭᐸ ᐊ ‍ ᐃᓯᓂᐧᑲᓱᑦ, ᓂᔄᐅᑕᒡ ᐊᒋ ‍ ᑕᑎᓯᔨᒋ ᐅᑯᓴ, ᐊᐅᑯᓐ ᒪᒃ ᑲ ‍ ᐃᑎᔨᒋ ᑭᔭ ᐊᓂᔭ ᐅᑯᓴ᙮
\v 15 ᐊᑯ ᒥᒄ ᐊᓂᔭ ᒥᒋ ‍ ᐊᒐᒂ ᒋ ‍ ᓂᔎᐅᓯᐃᑯᒡ ᐊ ‍ ᐃᑎᑯᒡ, “ᓂ ‍ ᒋᔅᒐᔨᒪᓇᓐ ᐊᐛᓐ ᒋᓴᔅ ᑭᔭ ᑈᓪ᙮ ᒋᔨᐛᐤ ᒪᒃ ᓇᒪ ᒋ ‍ ᒋᔅᒐᔨᒥᑎᓇᓐ᙮ ᒐᒂᓐ ᒪᒃ ᒐ ᐅᒋ ‍ ᓂᓇᐃᑕᑕᒡ ?”
\v 16 ᐊᑯ ᐊᓂᔭᔪᐛ ᓇᐸᐛ ᑲ ‍ ᐱᒋᔅᑲᑯᔨᒋ ᒥᒋ ‍ ᐊᒐᒂ ᒋ ‍ ᒥᔅᑎᒪᓯᐧᑲᑯᐅᒡ᙮ ᒋ ‍ ᐎᐎᑎᓯᒧᐅᒡ ᐊᓐᑕ ᒥᒋᐛᐱᒡ ᐊᒋ ‍ ᒥᔄᑭᓂᐧᑲᑎᑯᒡ ᐊᓂᔭᔪᐛ ᓇᐸᐛ, ᐊ ‍ ᒧᓴᔅᑭᑕᐸᔨᑐᒡ ᐊᒋ ‍ ᐱᑯᐱᑎᒥᔨᒋ ᐅᑦ ᐊᐱᒋᑕᐅᓄᐛᐛ᙮
\p
\v 17 ᐃᔅᐱ ᒪᒃ ᐊᓐᒡ ᒍᐤ ᐃᔪᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊᓐᑕ ᐃᐱᓴᔅ ᑲ ‍ ᑕᒡ ᑲ ‍ ᐸᑕᒡ ᐅᔭ ᒥᓯᐛ ᒋ ‍ ᓴᒋᓱᐅᒡ, ᑭᔭ ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓐ ᐊᑐᐎᔅ ᒂ ᐊᑎ ‍ ᒋᔅᑕᔨᑕᑭᓄᐎᒡ᙮
\v 18 ᒥᒐᑦ ᒪᒃ ᐊᓐᒡ ᑲ ‍ ᑕᑈᑕᒡ ᒋ ᐸᒋ ‍ ᐎᑎᒧᒡ ᐊᓐᑕ ᐊ ‍ ᒥᒐᑎᓇᓄᐎᒡ ᑕᓐ ᑲ ᐃᓯ ‍ ᒥᒋᑐᑕᒡ ᑭᔭ ᐊ ‍ ᒥᑕᐅᒡ᙮
\v 19 ᒥᒐᑦ ᒪᒃ ᐊᓐᒡ ᒋ ‍ ᐸᑕᐅᒡ ᐅᒥᑕᐅᓯᓇᐃᑭᓄᐛᐛ ᐊᑯ ᒂ ‍ ᐃᔎᓴᒡ ᐊᓐᑕ ᐊ ‍ ᒥᒐᑎᓇᓄᐎᒡ᙮ ᐊᑯ ᒂ ‍ ᐊᒋᑕᒡ ᑕᓐ ᑲ ‍ ᐃᔅᐱᑕᔨᑕᑯᓂᒂᓂ ᐊᓂᔭᔪᐛ ᒥᓯᓇᐃᑭᓇ, ᐱᑕᑕᒡ ᑕᑐᔪᐤ ᑕᑥᐤ ᒐᓯᐱᔪᐤ ᒪᒃ ᒋ ‍ ᐃᔅᐱᒐᑎᔪᐛ ᓱᓇᔭᐱᔎ᙮
\v 20 ᐅ ᒪᒃ ᐊᒋ ‍ ᐃᔅᐱᔨᒡ ᒋ ᐊᑎ ‍ ᒥᓯᑕᐱᔪᐤ ᒥᔽᒋᒧᐅᓐ, ᐊᓐ ᒪᒃ ᐊ ᐃᔅᐱᔅ ‍ ᓱᒋᐱᔨᒡ ᐅ ᒥᔽᒋᒧᐅᓐ ᒥᒐᑦ ᐊᐛᓐᒋ ᒋ ᐊᑎ ‍ ᑕᑈᑎᒧᒡ᙮
\s1 ᑲ ‍ ᒥᒋᐱᔨᓇᓄᐅᒡ ᐊᓐᑕ ᐃᐱᓴᔅ
\p
\v 21 ᐃᔅᐱ ᒪᒃ ᑲ ‍ ᒋᔅᐱᔨᒋ ᐅᔭ ᒐᒂᔪᐛ ᑈᓪ ᒋ ‍ ᐃᑕᔨᑎᒻ ᑲᐤ ᒐᒋ ᐃᑐᑕᑦ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᐊᔅᒋᒡ᙮ ᐊᑯ ᒥᓐ ᐊᓐᑕ ᒋᕈᓯᓕᒥᒡ ᐃᑕᒐ ᒐᒋ ᐃᑐᑕᑦ᙮ “ᐃᔅᐱᔅ ᒋ ‍ ᐃᑐᑕᔭᓇ ᐊᓐᑕ ᒋᕈᓯᓕᒥᒡ, ᐊᑯ ᕈᒥᒡ ᓂᐸ ‍ ᐃᑐᑕᓐ,” ᒋ ‍ ᐃᑕᔨᑎᒻ᙮
\v 22 ᐊᑯ ᒂ ‍ ᓂᑲᓂᑎᓴᐛᑦ ᓂᓱ ᑲ ‍ ᐊᑐᔅᑲᑯᑦ ᑎᒧᑎᔨᒋ ᑭᔭ ᐊᕋᔅᑕᓴ ᐊ ‍ ᐃᓯᓂᐧᑲᓱᔨᒋ ᐊᓐᑕ ᒪᓯᑐᓂᔭ ᐊᔅᒋᒡ ᒐᒋ ᐃᑐᑕᔨᒋ, ᐊᑯ ᐊᓐᑕ ᐊᐃᓴ ᐛᐃᐱᔅᒋᔅ ᒂ ‍ ᑕᑦ ᐎᔾ᙮
\p
\v 23 ᒪᒂᒡ ᒪᒃ ᐊᓐᑕ ᐃᐱᓴᔅ ᑲ ‍ ᑕᑦ, ᐊᓐᒡ ᐃᔪᒡ ᒋ ‍ ᒋᔄᓱᐅᒡ ᐊᓂᔭ ᐊ ‍ ᐅᔅᑲᔨᒡ ᐊ ᐃᓯ ‍ ᒋᔅᑯᑎᒪᒐᔨᒋ ᑈᓚ ᐊ ‍ ᐃᔅᒋᔄᔨᒋ ᐅᑎᐸᔨᒋᒐᐤ ᒋᓴᔅ ᐊᐅᒄ ᒪᔅᑭᓄᐤ ᒐᒋ ᐅᒋ ‍ ᐱᒪᒋᐅᓇᓄᐅᒡ᙮
\v 24 ᐛᔅ ᒋ ‍ ᑕᐤ ᐸᐃᒄ ᓇᐸᐤ ᐊᓐᑕ ᐃᐱᓴᔅ, ᑎᒥᑦᕆᔭᔅ ᐊ ‍ ᐃᓯᓂᐧᑲᓱᑦ ᐊ ‍ ᐅᓯᑕᑦ ᐊᔭᐱᓯᓯᔨᒋ ᒋᓴᐊᔭᒥᐊᐅᒋᐛᐱᓴ ᐊ ‍ ᒋᔅᒋᓄᐛᐸᑕᐧᒃ ᐊᓂᔭ ᐊᓐᑕ ᒥᔭᒥᒋᒪᑭᓄᔨᒋ ᐊᓂᔭ ᒥᓂᑐᐧᑲᓂᔎᐛ ᐊᕐᑎᒥᔅ ᑲ ‍ ᐃᓯᓂᐧᑲᓱᔨᒋ᙮ ᓱᓇᔭᐱᔎ ᒋ ‍ ᐊᐱᒋᐊᐤ ᐅᔭ ᐊ ‍ ᐅᓯᑕᑦ᙮ ᒋ ‍ ᐊᑕᐛᐤ ᒪᒃ ᐊᓂᔭᔪᐛ᙮ ᒋ ‍ ᐎᒋᐃᑯᔪᐛ ᒪᒃ ᐊᓂᔭ ᑲ ‍ ᐎᒐᐱᑎᓯᒥᑯᑦ ᐊᓂᔭ ᑕᓐ ᑲ ‍ ᐃᔅᐱᔅ ᒋ ᒥᔅᑎ ‍ ᐅᓯᑕᒡ ᓱᓇᔭᔪᐤ᙮
\v 25 ᐊᑯ ᒂ ‍ ᐎᓴᒪᑦ ᐊᓂᔭ ᒥᓯᐛ ᐅᔭ ᑲ ‍ ᐃᑕᐱᑎᓯᔨᒋ ᐛᔅ ᓇᔅᒡ ᒋ ‍ ᒋᔄᓱᐤ ᐊᑯ ᒂ ‍ ᐃᑕᑦ, “ᒋ ‍ ᒋᔅᒐᔨᑕᓇᐛᐤ ᐊ ‍ ᐅᓯᑕᔭᐧᒄ ᓱᓇᔭᐤ ᐅ ᐊ ‍ ᐃᑕᐱᑎᓯᔭᐧᒄ, ᑭᔭ ᔅᒋ ‍ ᐸᑕᓇᐛᐤ ᑕᓐ ᑲ ‍ ᐃᑎᑦ ᑈᓪ ᑭᔭ ᑕᓐ ᑲ ‍ ᐃᔅᒋᔄᑦ᙮
\v 26 ᒥᒐᑦ ᒋ ‍ ᐃᑐᑐᐛᐤ ᐃᔪᐛ ᒐᒋ ᑕᑈᑎᒥᔨᒋ ᑕᓐ ᐊ ᐃᓯ ‍ ᒋᔅᑯᑎᒪᒐᑦ ᒐ ᐊᑲ ᒋ ᐊᔭᒥᐊᔅᑎᒥᔨᒋ ᒐᒂᔪᐛ ᓱᓇᔭᐱᔅᑯᒡ ᐊᒋ ᐅᒋ ‍ ᐅᓯᑕᑭᓄᔨᒋ᙮ ᒥᒐᑦ ᒪᒃ ᐊᐛᔪᐛ ᒋ ‍ ᑕᑈᑕᑯᐤ ᐅᑕ ᐃᐱᓴᔅ ᑲ ‍ ᑕᔨᒋ ᑭᔭ ᒥᓯᐛ ᐊᓐᑕ ᐊᐃᓴ ᐊᔅᒋᒡ ᑲ ‍ ᑕᔨᒋ᙮
\v 27 ᐅᔭ ᒪᒃ ᐊ ᐃᓯ ‍ ᒋᔅᑯᑎᒪᒐᑦ, ᓇᒪ ᒋᑭ ᐅᒋ ‍ ᐃᑕᔨᑎᒧᒡ ᐃᔪᒡ ᐊ ‍ ᒥᔽᔨᒡ ᒋᑦ ᐊᑐᔅᒐᐅᓇᓇᔪᐤ᙮ ᑭᔭ ᓇᒪ ᒋᑭ ᐅᒋ ‍ ᐊᔭᒥᐊᔅᑐᐛᑭᓄᐤ ᐊᓐ ᑲ ‍ ᒋᔅᑕᔨᑕᑯᓯᑦ ᒥᓂᑐᐧᑲᓂᔎᐤ ᐊᕐᑎᒥᔅ ᑭᔭ ᒋᑭ ‍ ᐅᓂᒋᔅᒋᓯᑐᑐᐛᑭᓄᐤ, ᐊᓐ ᑲᒋ ‍ ᐊᔭᒥᐊᔅᑐᐛᑭᓄᐅᑦ ᐅᑕ ᐊᐃᓴ ᑭᔭ ᒥᓯᐛ ᐊ ‍ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮”
\p
\v 28 ᐃᔅᐱ ᒪᒃ ᐊᓐᒡ ᐃᔪᒡ ᐱᔭᑐᐛᒡ ᐅᔭ ᐊ ‍ ᐃᔅᒋᔄᔨᒋ ᒋ ‍ ᒋᔄᓱᐅᒡ ᐊᑯ ᒂ ᐃᓯ ‍ ᑕᑈᒡ, “ᒋᔅᑕᔨᑕᑯᓱᐤ ᐊᕐᑎᒥᔅ ᐊᓐᑕ ᐃᐱᓴᔅ ᑲ ‍ ᑕᑦ !”
\v 29 ᒐᒃ ᒪᒃ ᒋ ᐊᑎ ‍ ᒥᒐᑐᐅᒡ ᐊᓐᒡ ᐃᔪᒡ ᐊ ‍ ᑕᑈᒡ᙮ ᒋ ‍ ᓂᓱᒡ ᒪᒃ ᓇᐸᐅᒡ, ᑲᐃᔭᔅ ᑭᔭ ᐊᕆᔅᑕᕐᑲᔅ ᐊ ‍ ᐃᓯᓂᐧᑲᓱᒡ ᐊᓐᑕ ᒪᓯᑐᓂᔭ ᐊᒋ ‍ ᐅᒋᒡ, ᐊᒋ ‍ ᐎᒐᐛᒡ ᑈᓚ᙮ ᐊᐅᒄ ᐅᔭ ᓇᐸᐛ ᑲ ‍ ᒪᑯᓇᒡ ᐊᑯ ᒂ ‍ ᐃᑐᑕᐊᒡ ᐊᓐᑕ ᐃᔪᐛ ᑲᒋ ‍ ᒪᒧᐎᔨᒋ᙮
\v 30 ᐊᑯ ᑈᓪ ᒂ ᐎ ‍ ᐃᔨᒪᐊᑦ ᐊᓂᔭᔪᐛ ᐃᔪᐛ ᑲ ‍ ᒋᔄᓯᔨᒋ ᒥᒄ ᒪᒃ ᐊᓂᔭᔪᐛ ᑲ ‍ ᑕᑈᔭᔨᒪᔨᒋ ᒋᓴᓴ ᓇᒪ ᐅᒋ ᐱᔅᑎᓂᑯᐤ ᒐᒋ ᐃᑐᑕᑦ ᐊᓐᑕ᙮
\v 31 ᐱᔅᒐ ᑭᔭ ᐊᓂᔭ ᑲ ‍ ᐊᑐᔅᑯᐛᔨᒋ ᒋᓴᐅᒋᒪᐛ ᐊᓂᔭᔪᐛ ᑲ ‍ ᐎᒐᐛᑭᓂᑦ ᒋ ‍ ᒥᓯᓇᐊᒪᑯᐤ ᐊ ‍ ᐃᑎᑯᑦ ᒐ ᐊᑲ ᒋ ᐃᑐᑕᑦ ᐊᓐᑕ ᐊᓂᔭᔪᐛ ᐃᔪᐛ ᑲ ‍ ᒋᔄᓯᔨᒋ ᐊ ‍ ᑕᔨᒋ᙮
\p
\v 32 ᐊᓐᒡ ᒪᒃ ᐃᔪᒡ ᒥᓯᐛ ᒋ ‍ ᒋᔄᓱᐅᒡ, ᐱᔅᒐ ᒋ ‍ ᐊᓯᒂᐅᒡ ᐊ ‍ ᒋᐧᑲᒥᑐᒡ, ᒥᒐᑦ ᒪᒃ ᓇᒪ ᐅᒋ ᒋᔅᒐᔨᑎᒧᒡ ᒐᒂᔪᐤ ᐛᒋ ‍ ᒪᒧᐎᓇᓄᐎᒡ᙮
\v 33 ᐊᑯ ᐱᔅᒐ ᐊᓐᒡ ᒍᐤ ᐃᔪᒡ ᒋ ‍ ᒂᐧᑯᓇᐅᒡ ᓇᐸᐛ ᐊᓕᒃᓴᓐᑕᕐ ᐊ ‍ ᐃᓯᓂᐧᑲᓱᔨᒋ ᐊᓐᑕ ᓂᑲᓄᒡ ᐃᔅ, ᐊ ‍ ᐃᑕᔨᒪᑭᓄᐅᑦ ᐎᔾ ᑲ ‍ ᐃᑐᑕᐧᒃ ᐛᒋ ‍ ᒋᔄᓯᓇᓄᐎᒡ᙮ ᐊᑯ ᒂ ‍ ᐅᐱᓂᔅᒐᔨᑦ ᒐᒋ ᐳᓂᔨᒋ ᐊᓂᔭᔪᐛ ᐃᔪᐛ ᐊ ‍ ᑕᑈᔨᒋ, ᐊ ᐎ ‍ ᐎᑎᒧᐛᑦ ᐊᑲ ᐅᒋ ᒐᒂᔪᐤ ᐃᑎᑦ ᐎᔾ᙮
\v 34 ᐃᔅᐱ ᒪᒃ ᐊᓐᒡ ᐃᔪᒡ ᑲ ‍ ᒋᔅᒐᔨᒪᒡ ᒍᐤ ᐊ ‍ ᐃᑎᔅᑲᓇᓯᔨᒋ ᐊᓂᔭ ᐊᓕᒃᓴᓐᑕᕐ, ᒥᓯᐛ ᒪᒧᐤ ᒋ ‍ ᑕᑈᐅᒡ ᐊ ‍ ᐃᔅᒋᔄᒡ, “ᒋᔅᑕᔨᑕᑯᓱᐤ ᐊᕐᑎᒥᔅ ᐊᓐᑕ ᐃᐱᓴᔅ ᑲ ‍ ᑕᑦ !” ᓂᓱ ᑎᐸᐃᑭᓇ ᒪᒃ ᒋ ‍ ᐃᔅᐱᔅ ᑕᑈᐅᒡ᙮
\p
\v 35 ᒐᒃ ᒪᒃ ᐊᓐ ᐸᐃᒄ ᑲ ‍ ᓂᑲᓂᔅᑲᒐᑦ ᐊᓐᑕ ᐅᑕᓇᒡ ᒂ ‍ ᒋᐱᒋᐊᑦ ᐊ ‍ ᑕᑈᔨᒋ᙮ ᐊᑯ ᒂ ‍ ᐃᑕᑦ, “ᒋᔨᐛᐤ ᐃᐱᓴᔅ ᑲ ‍ ᐅᒋᔭᒄ, ᒥᓯᐛ ᐊᐛᓐ ᒋᔅᒐᔨᑎᒻ ᐊᑯᑕ ᐊᓐᑕ ᐃᐱᓴᔅ ᐊ ‍ ᑎᒂᒡ ᐊᓐ ᒋᓴᐊᔭᒥᐊᐅᒋᐛᑉ ᐊᓐᑕ ᑲᒋ ‍ ᑭᓄᐛᔨᒪᑭᓄᐅᑦ ᐊᓐ ᑲ ‍ ᒋᔅᑕᔨᑕᑯᓯᑦ ᐊᕐᑎᒥᔅ ᑭᔭ ᐊᓐ ᑲ ‍ ᒋᔅᑕᔨᒪᑭᓄᐅᑦ ᐊᓯᓂᔾ ᒋᓯᑯᒡ ᑲ ᐅᒋ ‍ ᐸᒋᓯᓂᑦ᙮
\v 36 ᓇᒪ ᐊᐛᓐ ᒋᑭ ᒋ ‍ ᐊᓏᑎᒻ ᐅᔭ᙮ ᐳᓂᒄ ᒪᒃ ᐅ ᐊ ‍ ᐃᑎᔭᒄ ᑭᔭ ᐃᔭᒂᒥᒄ ᑕᓐ ᒐ ‍ ᐃᑎᔭᒄ᙮
\v 37 ᔅᒋ ‍ ᐸᓱᐛᐛᐅᒡ ᐅᒡ ᓇᐸᐅᒡ ᐊᑎ ᒪᒃ ᐊᑲ ᐅᒋ ᑭᒐᒧᑎᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᓇᒪ ᐅᒋ ᐱᐸᔅᑕᒪᐅᒡ ᐊᓂᔭ ᐊᕐᑕᒥᓴ᙮
\v 38 ᐊᑯ ᑎᒥᑦᕆᔭᔅ ᑭᔭ ᐊᓂᔭ ᑲ ‍ ᐎᒐᐱᑎᓯᒪᑦ ᐛᔅᑐᐛᔨᑎᒧᐛᒂ ᑎᐸᔅᑯᓂᒐᐅᒋᐛᐱᒡ ᒋᐸ ‍ ᐃᑐᑕᐅᒡ᙮ ᐛᔅ ᓴᓇᑭᓄᐤ ᐊᓐ ᑎᐸᔅᑯᓂᒐᐅᒋᐛᑉ ᑭᔭ ᑕᐅᒡ ᐊᓐᒡ ᑲᒪᑯᓄᐛᓯᒡ ᐊᑯᑕ ᒪᒃ ᐊᓐᑕ ᒋᐸ ‍ ᒪᒥᓯᒥᑐᐅᒡ᙮
\v 39 ᐊᑯ ᒪᒃ ᐊ ‍ ᑎᑯᓂᒂ ᒥᓐ ᒐᒂᓐ ᐊ ᐎ ‍ ᐃᔅᒋᔄᔭᒄ, ᐎᑎᒧᒄ ᐃᔅᐱ ᐊᓐᑕ ᐃᐱᓴᔅ ᒪᒧᐎᓇᓄᒐ᙮ ᐎᔨᐛᐤ ᒋᑭ ‍ ᐎᔭᔨᑎᒧᒡ ᑕᓐ ᒐ ‍ ᐃᑎᒡ᙮
\v 40 ᑯᔅᐱᓇᑕᔨᑕᑯᓐ ᒋᔭᓄᐤ ᒐᒋ ᐊᑕᒪᔨᑕᑯᓯᔭᐧᒄ ᐊ ‍ ᒥᒋᐱᔨᑕᔭᐧᒄ ᐅ ᐊᓄᒡ ᑲ ‍ ᐃᑎᓇᓄᐅᒡ᙮ ᓇᒪ ᒪᒃ ᒐᒂᓐ ᑎᑯᓐ ᐛᒋ ‍ ᒥᒋᐱᔨᓇᓄᐅᒡ ᑭᔭ ᓇᒪ ᒋᑭ ᒋ ‍ ᐎᑕᓇᓄᐤ ᒐᒂᓐ ᐛᒋ ‍ ᐃᔅᐱᔨᒡ ᐅ᙮”
\v 41 ᐃᔅᐱ ᒪᒃ ᑲ ‍ ᐃᔅᒋᔄᑦ ᐅᔭ ᐊᓐ ᑲᓂᑲᓂᔅᑲᐧᒃ ᐊᓂᔭ ᐅᑕᓇᔪᐤ, ᐊᑯ ᒂ ‍ ᒋᐸᐊᒃ ᐊᓂᔭ ᐊ ‍ ᒪᒧᐎᓇᓄᐎᒡ᙮
\c 20
\s1 ᑈᓪ ᒥᓐ ᑲ ‍ ᐃᑐᑕᑦ ᒪᓯᑐᓂᔭ ᑭᔭ ᐊᑲᔭ ᐊᔅᒋᒡ
\p
\v 1 ᐃᔅᐱ ᒪᒃ ᑲ ᐊᑎ ‍ ᒋᐱᑥᐛᑕᑭᓄᐎᒡ ᑕᓐ ᑲ ‍ ᐃᑥᐛᑕᑭᓄᐎᒡ ᑭᔭ ᑲ ‍ ᒋᐛᔨᒋ ᐊᓂᔭᔪᐛ ᐃᔪᐛ, ᑈᓪ ᒋ ‍ ᐎᓴᒪᐤ ᐊᓂᔭᔪᐛ ᐊᐛᔪᐛ ᑲ ‍ ᑕᑈᔭᔨᒪᔨᒋ ᒋᓴᓴ᙮ ᐊᑯ ᒂ ‍ ᓯᒋᒪᑦ ᓱᒃ ᒐ ᐎ ‍ ᐊᔨᒋᑲᐳᔨᒋ ᑕᓐ ᐊ ᐃᓯ ‍ ᑕᑈᑎᒥᔨᒋ᙮ ᐃᔅᐱ ᒪᒃ ᑲ ‍ ᐛᒋᔭᒪᑦ ᐊᑯ ᒂ ‍ ᔅᑐᑕᑦ ᒪᓯᑐᓂᔭ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ‍ ᐃᑐᑕᑦ᙮
\v 2 ᐊᓂᔭ ᒪᒃ ᐊ ᐊᑎ ‍ ᐱᒧᑕᑦ ᐊᓐᑕ ᐊᓂᔭ ᐊᔅᒋᔪᐤ ᒪᓯᑐᓂᔭ ᑲ ‍ ᐃᓯᓂᐧᑲᑕᔨᒡ ᒋ ᐊᑎ ‍ ᐛᐱᒪᐤ ᐊᓂᔭ ᐊᐛᔪᐛ ᑲ ‍ ᑕᑈᑎᒥᔨᒋ ᓂᓇᐧᑯᐤ ᐅᑕᓇᒡ ᑲ ᐊᑎ ‍ ᑕᔨᒋ ᐊᓐᑕ ᐃᑕᒐ᙮ ᐊᐅᒄ ᐅᔭ ᒥᓐ ᑲ ‍ ᓯᒋᒪᑦ ᒐᒋ ᐊᔨᒋᑲᐳᔨᒋ ᐊᓂᔭ ᑕᓐ ᐊ ᐃᓯ ‍ ᑕᑈᑎᒥᔨᒋ ᑭᔭ ᐊ ᐃᓯ ‍ ᐱᒪᑎᓯᔨᒋ᙮ ᒐᒃ ᐊᓐᑕ ᐊᑲᔭ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᒂ ᐊᑎ ‍ ᑕᑦ᙮
\v 3 ᓂᔅᑐ ᐱᓯᒺ ᒪᒃ ᒋ ‍ ᑕᐤ ᐊᓐᑕ᙮ ᐃᔅᐱ ᒪᒃ ᐊᔭᔅᑯᐎᑦ ᒐ ‍ ᐃᔅᒋᒪᑦ ᐊᓐᑕ ᓯᕆᔭᒡ, ᐊᓂᔭ ᐅᓄᐛ ᒍᐤ ᑲ ‍ ᐃᑎᔅᑲᓇᓯᔨᒋ ᐊᓐᑕ ᑲ ‍ ᑕᔨᒋ ᒋ ᐎ ‍ ᓂᐸᐃᑯᐤ, ᐊᑯ ᒂ ‍ ᐎᔭᔨᑕᐧᒃ ᑲᐤ ᐊᓐᑕ ᒪᓯᑐᓂᔭᒡ ᒐ ‍ ᐃᑐᑕᑦ᙮
\v 4 ᒋ ‍ ᒥᒐᑎᔪᐛ ᒪᒃ ᐊᓂᔭ ᑲ ‍ ᐎᒐᐅᑯᑦ᙮ ᓱᐸᑕᕐ ᒋ ‍ ᐃᓯᓂᐧᑲᓱᔪᐛ ᐊᓂᔭ ᐸᐃᒄ᙮ ᐸᐃᕋᔅ ᒋ ‍ ᐃᓯᓂᐧᑲᓱᔪᐛ ᐅᑕᐎᔭ ᐅ ᓱᐸᑕᕐ᙮ ᐸᕆᔭ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ‍ ᐅᒋᒡ᙮ ᐊᑯ ᒥᓐ ᓂᓱ ᐊᐛᔪᐛ ᐊᓐᑕ ᑕᓴᓗᓇᐃᑲᒡ ᐊ ‍ ᐅᒋᔨᒋ ᒋ ‍ ᐎᒐᐅᑯᐤ ᑈᓪ, ᐊᐅᑯᓐ ᐊᕆᔅᑕᕐᑲᔅ ᑭᔭ ᓴᑲᓂᑕᔅ᙮ ᐊᑯ ᒥᓐ ᐊᓐᑕ ᑎᕐᐱ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ‍ ᐸᐃᑯᓯᔪᐛ ᐊᓐᑕ ᐊ ‍ ᐅᒋᔨᒋ ᐊ ‍ ᐎᒐᐅᑯᑦ, ᐊᐅᒄ ᐅᔭ ᑲᐃᔭᔅ᙮ ᑎᒧᑎᔨᒋ ᑭᔭ ᒋ ‍ ᐎᒐᐅᑯᐤ᙮ ᐊᑯ ᓂᓱ ᒥᓐ ᐊᐛᔪᐛ ᐊᓐᑕ ᐊᐃᓴ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ‍ ᐅᒋᔨᒋ ᒋ ‍ ᐎᒐᐅᑯᐤ, ᐊᐅᒄ ᐅᔭ ᑕᐃᑭᑲᔅ ᑭᔭ ᑐᕈᐱᒪᔅ᙮
\v 5 ᒋ ‍ ᓂᑲᓄᑕᐅᒡ ᐅᒡ ᓇᐸᐅᒡ ᐊᑯ ᐊᓐᑕ ᑐᕈᐊᔅ ᑲ ‍ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᑲ ‍ ᐊᓱᐛᐱᒥᔨᒥᒡ᙮
\v 6 ᐊᓐᑕ ᒪᒃ ᐱᓕᐸᐃᒡ ᐊᑯᑕ ᑲ ᐅᒋ ‍ ᐳᓯᔭᒡ ᐎ ᓂᔭᓐ ᐃᔅᐱᔅ ᐊᓐ ᑲ ‍ ᒋᓯᑲᒡ ᑲᒋ ‍ ᒧᐛᑭᓄᐅᑦ ᐸᒂᓯᑭᓐ ᐊᑲ ᐅᐱᔨᑦ᙮ ᐱᑕᑕᒡ ᑕᑐᐤ ᒋᓯᑲᐛ ᒪᒃ ᐃᔅᐱᔅ ᐊᑯ ᑲ ‍ ᐅᑎᑕᐅᒋᒡ ᐊᓐᑕ ᑐᕈᐊᔅ᙮ ᐊᑯᑕ ᑲ ‍ ᑕᔭᒡ ᐸᐃᒄ ᒥᓇᔅᑕᑭᓇ᙮
\s1 ᑈᓪ ᒪᔅᑕᔾ ᑲ ‍ ᓂᑐᐛᐱᒪᑦ ᑲ ‍ ᑕᑈᑎᒥᔨᒋ ᐊᓐᑕ ᑐᕈᐊᔅ ᑲ ‍ ᑕᔨᒋ
\p
\v 7 ᐊᓐ ᒪᒃ ᒥᔭᔅᑕᐃᑐᔅᑲᓄᒡ ᐊ ᐊᑎ ‍ ᐅᑕᑯᓯᔨᒡ ᓂᒋ ‍ ᒪᒧᐎᓇᓐ ᒐᒋ ᒪᒧᐤ ᒥᒋᓱᔭᒡ᙮ ᑈᓪ ᒪᒃ ᒋ ‍ ᐃᔨᒪᐊᐤ ᐊᓂᔭᔪᐛ ᐊᐛᔪᐛ ᑲ ᐸᒋ ‍ ᒪᒧᐎᔨᒋ᙮ ᐎᐱᒡ ᒋ ᐎ ‍ ᔅᑐᑕᐤ ᐊᓂᔭ ᒐ ‍ ᐛᐸᓂᔨᒡ, ᑭᔭ ᓇᐅᔅ ᒂ ᐊᑎ ‍ ᐃᔨᒥᑦ᙮ ᐱᐃᒻ ᒋ ‍ ᐊᐱᑕᑎᐱᔅᑲᔪᐤ ᐊᔅᒄ ᐊ ‍ ᐃᔨᒥᑦ᙮
\v 8 ᐊᓐᑕ ᒪᒃ ᐊᓐ ᑲ ‍ ᒪᒧᐎᔭᒡ ᐃᔅᐱᒥᑎᑯᒡ ᒋ ‍ ᒥᒐᓇ ᐛᔅᑕᓂᐱᒪᑭᓇ᙮
\v 9 ᒋ ‍ ᑕᐤ ᒪᒃ ᐊᓐᑕ ᐅᔅᒋᓂᒋᓱᐤ ᔪᑎᑲᔅ ᐊ ‍ ᐃᓯᓂᐧᑲᓱᑦ᙮ ᐊᓐᑕ ᓯᐳᐛᔅᑕᔨᑕᑭᓂᔪᐤ ᐊ ‍ ᑎᑯᓂᔨᒡ ᐊᓐᑕ ᒪᒃ ᐊ ‍ ᑲᑎᐸᓯᔨᒡ ᐊᑯᑕ ᑲ ‍ ᐊᐱᑦ᙮ ᒋ ‍ ᔪᑕᑯᑕᔭᐤ ᒪᒃ ᐊᓂᔭ ᓯᐳᐛᔅᑕᔨᑕᑭᓂᔪᐤ᙮ ᐊᓂᔭ ᒪᒃ ᐊ ᐃᔅᐱᔅ ‍ ᓇᐅᔅ ᐃᔨᒥᔨᒋ ᑈᓚ ᒐᒃ ᒋ ‍ ᓄᑕᐧᑯᓱᐤ ᐊᓐ ᓇᐸᔅ ᐊᑯ ᒂ ‍ ᐎᐎᐱᔨᑦ ᐊᓂᔭ ᓯᐳᐛᔅᑕᔨᑕᑭᓂᔪᐤ᙮ ᒋᒋᐛ ᒪᒃ ᒋ ‍ ᐃᔅᐸᓇᔪᐤ ᐊᓐᑕ ᑲ ᐅᒋ ‍ ᐊᒥᐱᔨᑦ᙮ ᐃᔅᐱ ᓇᑐᐛᐱᒪᑭᓄᐅᑦ, ᓴᔅ ᓇᒪ ᐅᒋ ᐱᒪᑎᓯᐤ᙮
\v 10 ᐃᔅᐱ ᒪᒃ ᒧᓯᑕᑦ ᑈᓪ ᑕᓐ ᐊ ‍ ᐃᔅᐱᔨᒡ ᒋ ‍ ᓂᑎᒋᐛᐤ, ᐊᑯ ᒂ ‍ ᐅᒋᒋᐧᑯᓂᐱᔪᐅᑦ ᐅᐱᒪ ᐊ ‍ ᑕᔨᒋ ᐊᓂᔭ ᓇᐸᓴ ᑭᔭ ᒂ ᐊᑎ ‍ ᐛᐅᒋᑯᐃᐛᐱᑕᑦ᙮ ᐊᑯ ᒂ ‍ ᐃᔅᒋᔄᑦ, “ᐊᑲᐎᔾ ᐊᔨᒪᔨᑎᒧᒄ, ᓇᒪ ᓂᐳᐤ᙮”
\v 11 ᐊᑯ ᒥᓐ ᐃᔅᐱᒥᑎᑯᒡ ᒂ ‍ ᐃᑐᑕᑦ ᑈᓪ, ᒂ ‍ ᐸᒂᓇᑦ ᐊᓂᔭ ᐸᒂᓯᑭᓇ ᒐ ‍ ᑯᒥᓂᐅᓇᓄᐎᒡ᙮ ᒥᓐ ᒪᒃ ᒋ ᐊᑎ ‍ ᐃᔨᒪᐊᐤ᙮ ᒐᒃ ᐱᔭᑕᐱᓂᔨᒡ ᐊᔅᒄ ᐊ ‍ ᐃᔨᒥᑦ, ᑭᔭ ᒂ ‍ ᔅᑐᑕᑦ᙮
\v 12 ᐊᑯ ᐊᓐ ᓇᐸᔅ ᑲ ‍ ᐎᐎᐱᔨᑦ ᒋ ‍ ᒋᐛᑕᐊᑭᓄᐤ᙮ ᐊᔪᐛᒡ ᒋ ‍ ᒥᔽᔨᑎᒧᒡ ᐊᓐᒡ ᐃᔪᒡ ᐊ ‍ ᐱᒪᑎᓯᔨᒋ᙮
\s1 ᑈᓪ ᐊᓐᑕ ᑐᕈᐊᓯᒡ ᑲ ᐅᒋ ‍ ᔅᑐᑕᑦ ᐊᓐᑕ ᒥᓕᑕᔅ ᑲ ‍ ᐃᑐᑕᑦ
\p
\v 13 ᐊᓐ ᒪᒃ ᐎᔭᐸᒡ ᓂᒋ ‍ ᒋᑕᓯᓇᓐ ᓂᔭᓐ ᐊᓐᑕ ᐊᓐ ᐊᓱᔅ ᑲ ‍ ᐃᓯᓂᐧᑲᑕᒡ ᐅᑕᓇᐤ᙮ ᐊᑯᑕ ᐊᓐᑕ ᓂᐸ ᐅᒋ ‍ ᐳᓯᐊᓇᓐ ᑈᓪ᙮ ᐊᐅᒄ ᐅᔭ ᑲ ‍ ᐃᑎᓱᐛᑦ ᐛᔅ ᒋ ‍ ᐱᒧᑕᐤ ᐎᔾ ᐊᓐᑕ ᐃᔅ᙮
\v 14 ᐃᔅᐱ ᒪᒃ ᑲ ‍ ᓂᒋᔅᑲᑯᔭᒡ ᐊᓐᑕ ᐊᓱᔅ, ᓂᒋ ‍ ᐳᓯᐊᓇᓐ ᐊᑯ ᐊᓐᑕ ᒥᑎᓕᓐ ᑲ ‍ ᐃᓯᓂᐧᑲᑕᒡ ᐅᑕᓇᐤ ᑲ ‍ ᐃᑕᓯᔭᒡ᙮
\v 15 ᐊᑯᑕ ᒥᓐ ᑲ ᐅᒋ ‍ ᒋᑕᓯᔭᒡ ᐊᑯ ᐊᓐ ᒥᓂᔅᑎᒄ ᑭᐃᐅᔅ ᑲ ‍ ᐃᓯᓂᐧᑲᑕᒡ ᑲ ᐊᑎ ‍ ᔭᐃᐊᒪᒡ ᒥᓐ ᐎᔭᐸᒡ᙮ ᒥᓐ ᒪᒃ ᐎᔭᐸᒡ ᐊᑯ ᒥᓐ ᑯᑎᒡ ᒥᓂᔅᑎᒄ ᓴᒧᔅ ᐊ ‍ ᐃᓯᓂᐧᑲᑕᒡ ᑲ ‍ ᐅᑎᑕᐊᒪᒡ᙮ ᒥᓐ ᐎᔭᐸᒡ ᐊᑯ ᐊᓐᑕ ᐊᓐ ᐅᑕᓇᐤ ᒥᓕᑕᔅ ᑲ ‍ ᐃᓯᓂᐧᑲᑕᒡ ᐊᑯᑕ ᑲ ‍ ᒥᓯᑲᔭᒡ᙮
\v 16 ᑈᓪ ᒪᒃ ᒋ ‍ ᐎᔭᔨᑎᒻ ᒐ ᐊᑲ ᒋ ᐃᔅᒋᒪᑦ ᐊᓐᑕ ᐃᐱᓴᔅ, ᐊᑯ ᒂ ‍ ᐎᒪᐊᒪᒡ ᐊᓐ ᐅᑕᓇᐤ᙮ ᓇᒪ ᐅᒋ ᐎ ᐅᑎᒥᐤ, ᐛᔅ ᒋ ᐎ ‍ ᐅᑎᑎᒻ ᒋᕈᓯᓕᒥᒡ ᐊᔅᒄ ᐊᑲ ᐸᓐᑎᑯᔅᑦ ᐃᓯ ‍ ᒋᓯᑲᔨᒡ᙮
\s1 ᑈᓪ ᒪᔅᑕᔾ ᑲ ‍ ᐃᔨᒪᐊᑦ ᐊᓂᔭᔪᐛ ᑲ ‍ ᓂᑲᓂᐱᔨᒋ ᐊᓐᑕ ᐃᐱᓴᔅ
\p
\v 17 ᑈᓪ ᒪᒃ ᐊᓐᑕ ᒥᓕᑕᔅ ᒋ ᐅᒋ ‍ ᒥᓯᓇᐊᒧᐛᐤ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐅᒪᒧᐊᔭᒥᐊᐛ ᐊᓐᑕ ᐃᐱᓴᔅ ᑲ ‍ ᑕᔨᒋ ᐊ ‍ ᐎᓴᒪᑦ᙮
\v 18 ᐃᔅᐱ ᒪᒃ ᑲ ‍ ᑎᑯᓯᓂᔨᒋ ᐊᑯ ᒂ ‍ ᐃᔨᒪᐊᑦ᙮ ᒋ ‍ ᐃᑕᐤ, “ᒋ ‍ ᒋᔅᒐᔨᑕᓇᐛᐤ ᑕᓐ ᑲ ᐃᓯ ‍ ᐱᒪᑎᓯᔭᓐ ᑲ ‍ ᐃᔅᐱᔅ ᐊ ‍ ᑕᔭᓐ ᐅᑕ ᐊᐃᓴ ᐊᔅᒋᒡ ᐱᐃᒻ ᑲ ‍ ᔅᑐᑕᔭᓐ᙮
\v 19 ᐊᒋ ‍ ᐊᑐᔅᑯᐅᒃ ᐅᑎᐸᔨᒋᒐᐤ ᑎᐱᑕᔨᒧᐅᓂᒡ ᐃᔅ ᑭᔭ ᓇᓂᑯᑎᓂᔾ ᐊᒋ ‍ ᐃᓯᓇᑯᓯᔭᓐ ᐊ ‍ ᒪᔭᓐ᙮ ᒋ ‍ ᒋᔅᒐᔨᑕᓇᐛᐤ ᑭᔭ ᑕᓐ ᑲ ᐃᓯ ‍ ᐊᔨᒥᐅᔭᓐ ᒪᓐ ᐊᓂᔭ ᑲ ‍ ᐃᔅᐱᔅ ᒧᔅ ᒋ ᐎ ‍ ᑎᑯᓂᔨᒡ ᐊ ‍ ᐎᑐᑐᐅᒡ ᐊᓐᒡ ᒍᐤ ᐃᔪᒡ᙮
\v 20 ᑭᔭ ᐊᑲ ᐅᒋ ᑲᑥᑎᑯᒡ ᒐᒂᓐ ᑕᓐ ᒐᒋ ᐃᓯ ‍ ᐎᒋᐃᑯᔭᒄ᙮ ᒋ ‍ ᒋᔅᒐᔨᑕᓇᐛᐤ ᑭᔭ ᑕᓐ ᑲ ᐃᓯ ‍ ᒋᔅᑯᑎᒪᑎᑯᒡ ᐊᓐᑕ ᐊ ‍ ᒪᒧᐎᓇᓄᐅᒡ ᑭᔭ ᐊᓐᑕ ᒋᒋᐛᐛᒡ,
\v 21 ᐊ ‍ ᐎᑎᒧᐅᒂᐤ ᑕᐱᔅᑯᓐ ᒍᐤ ᑭᔭ ᑯᕆᒃ ᑲ ‍ ᐃᑎᔅᑲᓇᓯᒡ ᐊ ‍ ᓂᑐᐛᔨᑕᑯᓯᒡ ᒐᒋ ᒂᔅᑲᑎᓯᒡ ᒋᓴᒪᓂᑐᐛ ᐊ ‍ ᓇᑕᒡ ᑭᔭ ᒐᒋ ᑕᑈᔭᔨᒪᒡ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮”
\p
\v 22 “ᓂᑐᑎᒧᒄ ᒪᒃ, ᐊᓄᒡ ᓇᔅᒡ ᓱᒋᐱᔪᐤ ᑲ ‍ ᐸᔭᒋᓯᑦ ᐊᒐᐧᒄ ᒐᒋ ᓂᓇᐃᑐᐅᒃ ᐊ ‍ ᐃᑎᓱᒥᑦ ᒋᕈᓯᓕᒥᒡ ᒐᒋ ᐃᑐᑕᐅᒡ, ᓂᐸ ‍ ᐃᑐᑕᓐ ᒪᒃ ᐊᓐᑕ ᐊᓄᒡ᙮ ᓇᒪ ᓂ ‍ ᒋᔅᒐᔨᑕᓐ ᒐᒂᓐ ᒐ ‍ ᐅᑎᑕᐅᑯᔭᓐ ᐊᓐᑕ ᑕᔭᓇ᙮
\v 23 ᒪᐅ ᒥᒄ ᒐᔅᒐᔨᑎᒪᓐ, ᑲ ‍ ᐸᔭᒋᓯᑦ ᐊᒐᐧᒄ ᓂ ‍ ᓂᑲᓐ ᐎᑎᒪᒄ ᒐ ‍ ᒋᐸᐅᑯᐅᒡ ᑭᔭ ᓂᓇᐧᑯᐤ ᒐ ᐃᓯ ‍ ᐃᔨᒧᐅᒡ ᒥᓯᐛ ᐅᑕᓇᒡ ᒐ ᐊᑎ ‍ ᐃᑐᑕᐅᒡ᙮
\v 24 ᓇᒪ ᒪᒃ ᓇᔅᒡ ᓄᔭᔅᑕᔨᑎᒥᐃᑯᓐ ᓂᐱᒪᑎᓯᐅᓐ ᐃᔭᐱᒡ ᒪᒃ ᒧᔅ ᐃᔅᐱᔅ ᒋᔅᐱᔨᒐ ᓂᐱᒪᑎᓯᐅᓐ ᐅᑕ ᐊᔅᒋᒡ ᒋ ‍ ᒋᔅᑕᔭᓇ ᑕᓐ ᑲ ‍ ᐃᑎᓱᒥᑦ ᐅᑎᐸᔨᒋᒐᐤ ᒋᓴᔅ ᒐ ‍ ᐃᑕᐱᑎᓯᐅᒡ, ᐊᐅᒄ ᐅᔭ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅᑕ ᒪᒃ ᒥᔽᒋᒧᐅᓂᒡ ᐊᑯᑕ ᐊ ‍ ᐊᔨᒧᑕᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮”
\p
\v 25 “ᓂᑐᑎᒧᒄ ᒪ, ᓂ ‍ ᒋᔅᒐᔨᑕᓐ ᐊᐅᒄ ᐅ ᐊᓄᒡ ᒪᔅᑕᔾ ᒐ ‍ ᐛᐱᒥᔭᒄ ᒋᔨᐛᐤ ᐅ ᑲᒋ ‍ ᐛᐎᑎᒪᑎᑯᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ᐅᑕ ᐃᑕᒐ ᑲ ‍ ᑕᔭᒄ᙮
\v 26 ᐊᐅᒄ ᒪᒃ ᐅ ᐛᒋ ‍ ᑯᐃᔅᒄ ᐎᑎᒪᑎᑯᒡ ᐅ ᐊᓄᒡ ᑲ ‍ ᒋᓯᑲᒡ ᓇᒪ ᓂᔾ ᓂᑭ ᐅᒋ ‍ ᐊᑕᒪᔨᑕᑯᓯᓐ ᓂᓱᐅᓇᑎᓯᒐ ᐊᐛᓐ ᐅᑕ ᐊ ‍ ᑎᓯᔭᒄ᙮
\v 27 ᐛᔅ ᓇᒪ ᓇᔅᒡ ᓂ ᐅᒋ ‍ ᓇᑲᐎᓐ ᑯᐃᔅᒄ ᒐᒋ ᐃᓯ ‍ ᐎᑎᒪᑎᑯᒡ ᑕᓐ ᐊ ᐃᓯ ‍ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑎᔭᒄ, ᓇᒪ ᓇᔅᒡ ᒐᒂᓐ ᒋ ᐅᒋ ‍ ᑲᑥᑎᓇᐛᐤ᙮
\v 28 ᓱᒃ ᒪᒃ ᓂᓇᑭᑐᐛᔨᒥᓱᒄ ᑭᔭ ᓱᒃ ᐎ ᒥᔪ ‍ ᑭᓄᐛᔨᒪᐧᑯᒡ ᐊᓂᔭᔪᐛ ᑲ ‍ ᐸᔭᒋᓯᑦ ᐊᒐᐧᒄ ᑲ ‍ ᒥᔨᑕᒄ ᒐᒋ ᓂᓇᑭᑐᐛᔨᒥᒪᑯ᙮ ᐃᔭᒂ ᐃᓯ ᑭᓄᐛᔨᒪᐧᑯᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ, ᐛᔅ ᒋᓴᒪᓂᑐᐤ ᐎᔾ ᒋ ‍ ᑎᐸᐊᐛᐤ ᐅᔭ ᐃᔅᐱᔅ ᐅᑯᓴ ᑲ ‍ ᐱᔅᑎᓇᑦ ᒐᒋ ᓂᐸᐊᑭᓄᔨᒋ᙮
\v 29 ᓂ ‍ ᒋᔅᒐᔨᑕᓐ ᐛᔅ ᐃᔅᐱ ᒋ ‍ ᔅᑐᑕᔭᓇ, ᒐ ‍ ᐅᑎᑎᑕᑯᒡ ᐊᐛᓐᒋ ᐊᑲ ᑯᐃᔅᒄ ᐃᓯ ᒋᔅᑯᑎᒪᒐᒡ ᓇᔅᒡ ᐊᑲ ᑲ ‍ ᒪᒥᓇᑎᓯᒡ ᒧᔭᒻ ᒥᐃᐧᑭᓂᒡ ᐊ ‍ ᐃᑕᔨᑕᑯᓯᒡ, ᒋᑭ ᐎ ‍ ᓂᓱᐅᓇᒋᑕᐅᒡ ᒋᑕᑈᑎᒧᐅᓄᐛᔪᐤ᙮
\v 30 ᓂᐦᐃ, ᐛᐛᒡ ᑭᔭ ᐊᓐᑕ ᓇᓂᑎᒻ ᐊ ‍ ᑕᔭᒄ ᒋᑭ ᐅᒋ ‍ ᐎᔨᑲᐳᐅᒡ ᐊᐛᓐᒋ ᐊ ‍ ᑯᒂᔅᒋᐱᔨᑕᒡ ᑕᑈᐅᓂᔪᐤ ᑭᔭ ᐊ ᐎ ‍ ᐃᒐᐱᑕᒡ ᐊᐛᔪᐛ ᑲ ‍ ᑕᑈᔭᔨᒪᔨᒋ ᒋᓴᓴ ᐎᔨᐛᐤ ᒐᒋ ᓇᓴᐅᑯᒡ᙮
\v 31 ᐃᔭᒂᒥᒄ ᒪᒃ, ᒧᔅ ᒋᔅᒋᓯᒄ ᓂᔅᑐ ᐱᐳᓇ ᐅᑕᒡ ᐃᓯ ᐊᑲ ᐅᒋ ᐳᓂᔭᓐ ᒧᔅ ᐊᒋ ‍ ᐃᔭᒂᒥᒥᑎᑯᒡ, ᑭᔭ ᐊᒋ ‍ ᒪᔭᓐ ᑲ ‍ ᐃᔅᐱᔅ ᓱᒃ ᒋ ᐎ ‍ ᐎᒋᐃᑎᑯᒡ᙮”
\p
\v 32 “ᑭᔭ ᐊᓄᒡ ᒋ ᐊᑎ ᐃᓯ ‍ ᐱᔅᑎᓱᐛᑎᑎᓇᐛᐤ ᒋᓴᒪᓂᑐᐤ ᐃᔅ ᐊ ‍ ᑕᑦ ᒐ ᒥᔪ ‍ ᑭᓄᐛᔨᒥᑕᒄ ᑭᔭ ᐅᑦ ᐃᔨᒧᐅᓐ ᒐ ‍ ᓱᐛᔨᒥᑯᐛᒄ᙮ ᐅᓱᐛᔨᒋᒐᐅᓂᒡ ᑭᔭ ᐅᑦ ᐃᔨᒧᐅᓂᒡ ᐊᑯᑕ ᒐ ᐅᒋ ‍ ᒥᔪ ‍ ᓂᑕᐅᒋᔭᒄ ᑭᔭ ᐊᑯᑕ ᒐ ᐅᒋ ‍ ᐊᔭᔭᒄ ᐊᓂᔭ ᑕᓐ ᑲ ᐎ ᐃᓯ ‍ ᒥᔭᑦ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ‍ ᐎᔭᔨᒪᑦ ᒐ ‍ ᐅᑦ ᐃᔨᒥᑦ᙮
\v 33 ᒋ ‍ ᒋᔅᒐᔨᑕᓇᐛᐤ ᐊᑲ ᓂᑕ ᐅᒋ ᒧᔅᑕᓂᒧᒃ ᐊᐛᓐ ᐅᓱᓇᔭᓂᒻ ᒪᒃ ᐅᑦ ᐊᐱᒋᑕᐅᓇ᙮
\v 34 ᒋ ‍ ᒋᔅᒐᔨᑕᓇᐛᐤ ᑭᔭ ᓂᔾ ᑎᐱᔨᐛ ᐊᒋ ‍ ᐊᔭᐱᑎᓯᔭᓐ ᒐᒋ ᐅᒋ ‍ ᐅᑎᓇᒪᓱᔭᓐ ᑕᓐ ᐊ ᐃᓯ ‍ ᓂᑐᐛᔨᑎᒪᓐ ᒐᒋ ᐱᒪᒋᐅᔭᓐ ᑭᔭ ᑕᓐ ᐊ ᐃᓯ ‍ ᓂᑐᐛᔨᑕᒡ ᐊᓐᒡ ᑲ ‍ ᐎᒐᐅᒡ᙮
\v 35 ᐊᓐ ᒪᒃ ᒥᓯᐛ ᑲ ᐊᑎ ‍ ᐊᐃᑎᔭᓐ ᑭᔭ ᑲ ‍ ᐃᔅᐱᔅ ᒋ ᒥᔅᑎ ‍ ᐊᐱᑎᓯᔭᓐ ᒧᔅ ᔅᒋ ᐎ ‍ ᐛᐸᑎᔨᑎᓇᐛᐤ ᑕᓐ ᒋᐸ ᐎ ᐃᓯ ‍ ᐎᒋᐊᓄᒡ ᐊᓐᒡ ᑲ ‍ ᒋᔅᑎᒪᑎᓯᒡ ᑭᔭ ᒐᒋ ᒋᔅᒋᓯᔭᐧᒄ ᑕᓐ ᑲ ‍ ᐃᔅᒋᔄᑦ ᒋᑎᐸᔨᒋᒐᓯᒥᓄᐤ, ᐊᑐᐎᔅ ᐊᓐ ᐊᐛᓐ ᑲ ‍ ᒥᔨᐛᑦ ᒐᒂᔪᐤ ᓱᐛᔨᑕᑯᓱᐤ ᐃᔅᐱᔅ ᐊᓐ ᐊᐛᓐ ᑲ ‍ ᒥᔭᑭᓄᐅᑦ ᒐᒂᔪᐤ᙮”
\p
\v 36 ᐃᔅᐱ ᒪᒃ ᑲᒋ ᐃᓯ ‍ ᐃᔨᒪᐊᑦ ᑈᓪ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᑲ ‍ ᑕᑈᑎᒥᔨᒋ ᐊᓐᑕ ᐃᐱᓴᔅ ᑲ ‍ ᑕᔨᒋ ᐊᑯ ᒥᓯᐛ ᑲ ‍ ᓂᐱᔅᑯᐱᒡ ᐊ ‍ ᐊᔭᒥᐊᒡ᙮
\v 37 ᒥᓯᐛ ᒪᒃ ᒋ ‍ ᒪᔪᐛ ᑭᔭ ᒋ ‍ ᐛᐅᒋᒂᐱᑎᑯᐤ
\v 38 ᓇᔅᒡ ᐊ ‍ ᒥᒐᔨᑎᒥᔨᒋ᙮ ᐊᓂᔭ ᒪᒃ ᐊᒋ ‍ ᐃᑕᑦ ᐊᑲ ᒥᓐ ᒐ ᐅᒋ ‍ ᐛᐱᒥᑯᑦ ᐊᐅᒄ ᐅᔭ ᒪᐅᒡ ᑲ ‍ ᒪᑯᐃᑯᔨᒋ᙮ ᐊᑯ ᒂ ᐊᑎ ‍ ᐎᒐᐅᑯᑦ ᐊᓐᑕ ᐊ ‍ ᒥᓴᔨᒡ ᐅᐤᑎᒡ ᐊ ‍ ᐃᑐᑕᑦ᙮
\c 21
\s1 ᑈᓪ ᑲ ‍ ᐃᑐᑕᑦ ᒋᕈᓯᓕᒥᒡ
\p
\v 1 ᐃᔅᐱ ᒪᒃ ᑲ ‍ ᐛᒋᔭᒥᒋᒡ, ᐊᑯ ᒥᓐ ᑲ ‍ ᒋᑕᓯᔭᒡ ᐊ ‍ ᒥᓴᒡ ᐅᐤᑦ ᐊᓐᑕ ᐅᒋ, ᐊᑯ ᐊᓐᑕ ᑯᔅ ᑲ ‍ ᐃᓯᓂᐧᑲᑕᒡ ᐅᑕᓇᐤ ᑲ ‍ ᐃᑕᓯᔭᒡ, ᒐᒃ ᑲ ᐊᑎ ‍ ᐅᑎᑕᐊᒪᒡ᙮ ᒥᓐ ᒪᒃ ᐎᔭᐸᒡ ᐊᑯ ᐊᓐᑕ ᕈᑎᓯᒡ ᑲ ‍ ᒥᓯᑲᔭᒡ, ᐊᑯ ᐊᓐᑕ ᐅᒋ ᐊᓐᑕ ᐸᑕᕋ ᒂ ‍ ᐃᑕᔅᑎᒥᑎᓱᔭᒡ᙮
\v 2 ᐊᓐᑕ ᒪᒃ ᐊᓐ ᐸᑕᕋ ᑲ ‍ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᑲ ‍ ᑎᒂᒡ ᐊ ‍ ᒥᓴᒡ ᐅᐤᑦ ᐊᓐᑕ ᐳᓂᓯᔭ ᑲ ‍ ᐃᓯᓂᐧᑲᑕᒡ ᐊᔅᒋᔾ ᒐ ᐎ ‍ ᐃᑕᔅᑎᑕᑭᓄᐅᒡ᙮ ᒂ ‍ ᐳᓯᔭᒡ ᐊᓐ ᐊ ‍ ᒥᓴᒡ ᐅᐤᑦ᙮ ᐊᑯ ᒥᓐ ᒂ ‍ ᒋᑕᓯᔭᒡ᙮
\v 3 ᐃᔅᐱ ᒪᒃ ᐎᔭᐸᑎᒪᒡ ᐊᓐ ᒥᓂᔅᑎᒄ ᓴᐃᐳᕋᔅ ᑲ ‍ ᐃᓯᓂᐧᑲᑕᒡ ᓴᐅᓄᒡ ᐃᑕᒐ ᓂᒋ ᐃᓯ ‍ ᐎᒪᐊᓇᓐ ᐊᑯ ᑯᐃᔅᒄ ᐊᓐᑕ ᓯᕆᔭ ᐊᔅᒋᒡ ᐊᑯᑕ ᒂ ‍ ᐃᑕᔅᑎᒥᑎᓱᔭᒡ᙮ ᐊᓐ ᒪᒃ ᐅᑕᓇᐤ ᑕᐃᕋ ᑲ ‍ ᐃᓯᓂᐧᑲᑕᒡ ᐊᓐᑕ ᓯᕆᔭ ᐊᔅᒋᒡ ᑲ ‍ ᑎᒂᒡ ᐊᑯᑕ ᑲ ‍ ᓇᑎᑭᒪᐊᒪᒡ ᐊᑯᑕ ᑭᔭ ᑲ ‍ ᐊᒂᓇᓱᓇᓄᐅᒡ᙮
\v 4 ᐊᑯ ᒂ ‍ ᓂᑐᐛᐱᒥᒋᒡ ᐊᓐᒡ ᑲ ‍ ᑕᑈᔭᔨᒪᒡ ᒋᓴᓴ ᐊᓐᑕ ᑲ ‍ ᑕᒡ᙮ ᐸᐃᒄ ᒥᓇᔅᑕᑭᓇ ᒪᒃ ᓂᒋ ‍ ᐃᑕᐛᓇᓐ ᐊᓐᑕ ᐊ ‍ ᑕᒡ᙮ ᐊᓐᒡ ᒪᒃ ᑲ ‍ ᑕᑈᑕᒡ ᑲ ‍ ᐸᔭᒋᓯᔨᒋ ᐊᒐᒂ ᒋ ‍ ᐃᑐᑕᑯᐅᒡ ᒐᒋ ᐃᔭᒂᒥᒪᒡ ᑈᓚ ᒐ ᐊᑲ ᒋ ᐃᑐᑕᔨᒋ ᐊᓐᑕ ᒋᕈᓯᓕᒥᒡ᙮
\v 5 ᒥᒄ ᒪᒃ ᐃᔅᐱ ᐛᑎᒋᐱᔨᒡ ᒐ ‍ ᔅᑐᑕᔭᒡ, ᒥᒄ ᓂᒋ ᐃᓯ ‍ ᔅᑐᑕᓇᓐ᙮ ᒥᓯᐛ ᒪᒃ ᐊᓐᒡ ᑲ ‍ ᑕᑈᑕᒡ ᑭᔭ ᐎᐛᐛ ᑭᔭ ᐅᑦ ᐊᐛᓯᒧᐛᐛ ᓂᒋ ‍ ᐎᒐᐅᑯᓇᓂ ᐊ ‍ ᓇᓯᐸᐎᒋᑦ᙮ ᐊᑯ ᒥᓯᐛ ᒂ ‍ ᓂᐱᔅᑯᐱᔭᒡ ᐊᓐᑕ ᓯᓱᒡ ᐊ ‍ ᐊᔭᒥᐊᔭᒡ᙮
\v 6 ᐃᔅᐱ ᒪᒃ ᑲ ‍ ᐛᒋᔭᒥᑐᔭᒡ, ᐊᑯ ᒂ ‍ ᐳᓯᔭᒡ ᓂᔭᓐ ᐊᓐ ᐊ ‍ ᒥᓴᒡ ᐅᐤᑦ, ᐊᑯ ᒂ ‍ ᒋᐛᒡ ᐎᔨᐛᐤ᙮
\p
\v 7 ᐊᓐᑕ ᒪᒃ ᐊᓐ ᑕᐃᕋ ᑲ ‍ ᐃᓯᓂᐧᑲᑕᒡ ᐅᒋ ᐊᑯ ᐱᑥᓚᒪᐃᔅ ᑲ ‍ ᐃᓯᓂᐧᑲᑕᒡ ᐅᑕᓇᐤ ᒂ ‍ ᑭᐸᔭᒡ, ᒂ ᐊᑎ ‍ ᓂᑐᐛᐱᒥᒋᒡ ᐊᓐᒡ ᐎᐧᑲᓂᓯᒪᐅᒡ᙮ ᐸᐃᒄ ᒋᓯᑲᐛ ᓂᒋ ‍ ᐃᑕᐛᓇᓐ ᐊᓐᑕ ᐊ ‍ ᑕᒡ᙮
\v 8 ᐊᑯ ᒪᒃ ᐎᔭᐸᒡ ᐊᑯ ᒂ ‍ ᔅᑐᑕᔭᒡ ᐊᓐᑕ ᐊᓐ ᐅᑕᓇᐤ ᓯᓴᕆᔭ ᒂ ‍ ᐃᓯᓂᐧᑲᑕᒡ ᑲ ‍ ᐃᑐᑕᔭᒡ᙮ ᐱᓕᑉ ᒪᒃ ᐊ ‍ ᐃᓯᓂᐧᑲᓱᑦ ᓇᐸᐤ ᐊᓐᑕ ᐊ ‍ ᑕᑦ ᐊᐅᒄ ᐅ ᐎᒋᒡ ᑲ ‍ ᐃᑕᐅᒋᑦ᙮ ᑲ ‍ ᑭᒐᔅᒋᒧᑦ ᒋ ‍ ᐃᑕᐱᑎᓯᐤ ᐅ ᐱᓕᑉ ᑭᔭ ᐊᐅᒄ ᐅ ᐸᐃᒄ ᐊᓐᒡ ᓂᔄᐅᑕᒡ ᑲ ‍ ᑎᓯᒡ ᑲ ‍ ᐅᑎᓇᑭᓄᐎᒡ ᒐᒋ ᓇᑕᒪᒐᒡ ᐊᓐᑕ ᐊᔭᒥᐊᐅᒋᐛᐱᒡ ᒋᕈᓯᓕᒥᒡ᙮
\v 9 ᒋ ‍ ᓇᐎᔪᐛ ᐅᑕᓂᓴ ᐊᔅᒄ ᐊᑲ ᓂᐳᔨᒋ ᑭᔭ ᒋ ‍ ᐅᒋᔅᒋᐛᐃᒐᔪᐛ᙮
\p
\v 10 ᐛᐃᐱᔅᒋᔅ ᒪᒃ ᑲ ‍ ᑕᔭᒡ ᐊᓐᑕ, ᐊᑯ ᒂ ‍ ᑎᑯᓯᐧᒃ ᓇᐸᐤ ᑲ ‍ ᐅᒋᔅᒋᐛᐃᒐᓱᐅᑦ᙮ ᐊᑲᐸᔅ ᒋ ‍ ᐃᓯᓂᐧᑲᓱᐤ᙮ ᒍᑎᔭ ᐊᔅᒋᒡ ᒋ ‍ ᐅᑐᑕᐤ᙮
\v 11 ᐊᑯ ᒂ ᐸᒋ ‍ ᓂᑐᐛᐱᒥᔨᒥᑦ ᐅ ᓇᐸᐤ, ᒂ ‍ ᐅᑎᓂᒺᑦ ᑈᓚ ᐅᐱᒂᑕᐅᓂᔪᐤ, ᒂ ‍ ᒪᑯᐱᑕᐧᒃ ᐅᓯᑕ ᑭᔭ ᐅᑎᒋᔭ ᐊᑯ ᑲ ‍ ᐃᔅᒋᔄᑦ, “ᒪᐅ ᐊ ‍ ᐃᔅᒋᔄᑦ ᑲ ‍ ᐸᔭᒋᓯᑦ ᐊᒐᐧᒄ, ᐊᐅᑯᓐ ᒐ ‍ ᐃᑕᐱᒂᑎᑯᑦ ᐊᓂᔭ ᒍᐤ ᐃᔪᐛ ᒋᕈᓯᓕᒥᒡ ᑲ ‍ ᑕᔨᒋ ᐊᓐ ᐊᐛᓐ ᑕᐱᔨᐛᐅᓯᑦ ᐅᔭ ᐱᒂᑕᐅᓂᔪᐤ᙮ ᒋᑭ ᐃᓯ ‍ ᐱᔅᑎᓱᐛᑎᑯᐤ ᑭᔭ ᐅᔭ ᐃᔪᐛ ᐊᓐᑕ ᐊᑲ ᒍᐤ ᐃᑎᔅᑲᓇᓯᔨᒋ ᐊ ‍ ᑕᔨᒋ᙮”
\p
\v 12 ᐃᔅᐱ ᒪᒃ ᐱᔭᑎᒪᒡ ᐊᓂᔭ ᐊ ‍ ᐃᔅᒋᔄᑦ, ᓂᔭᓐ ᑭᔭ ᐊᓐᒡ ᑯᑎᑭᒡ ᐊᓐᑕ ᑲ ‍ ᑕᒡ, ᓂᒋ ᐎ ‍ ᒋᑕᐊᒧᐛᓇᓐ ᑈᓪ ᒐᒋ ᐃᑐᑕᑦ ᒋᕈᓯᓕᒥᒡ᙮
\v 13 ᒥᒄ ᒪᒃ ᓂᒋ ‍ ᐃᑎᑯᓇᓐ, “ᒐᒂᓐ ᐛᒋ ‍ ᒪᔭᒄ, ᓂ ‍ ᑯᓯᑯᑕᐊᓐ ᐊ ‍ ᒪᔭᒄ᙮ ᐃᔭᐱᒡ ᐛᔅ ᓂᑭ ‍ ᐃᑐᑕᓐ ᐊᓐᑕ ᒋᕈᓯᓕᒥᒡ᙮ ᓴᔅ ᐛᔅ ᐊᓐ ᓂᑦ ᐊᔭᔅᑯᔨᓐ ᓇᒪ ᒥᒄ ᒐᒋ ᒋᐸᐅᑯᔭᓐ ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓐ ᐅᒋ, ᓂᑦ ᐊᔭᔅᑯᔨᓐ ᑭᔭ ᒐ ᐎ ‍ ᓂᐸᐃᑯᐛᓇ ᐎᔾ ᐅᒡ᙮”
\p
\v 14 ᓇᒪ ᒪᒃ ᓂ ᐅᒋ ‍ ᓂᑲᓇᓇᓐ, ᐊᑯ ᒥᒄ ᒂ ‍ ᑎᒋᑦ, “ᐊᑯᑕ ᑭᑈ ᒂᔄᓐ ᒐ ‍ ᐃᓯᓇᒂᒡ᙮ ᐃᔭᐱᒡ ᒪᒃ ᒧᔅ ᐅᑎᐸᔨᒋᒐᐤ ᐅᑦ ᐃᑕᔨᑎᒧᐅᓐ ᐃᔅᐱᔨᒐ᙮”
\p
\v 15 ᐛᐃᐱᔅᒋᔅ ᒪᒃ ᓂᒋ ‍ ᑕᓇᓐ ᐊᓐᑕ, ᐊᑯ ᒂ ‍ ᐊᔭᔅᑯᐎᔭᒡ ᐊᓐᑕ ᒋᕈᓯᓕᒥᒡ ᒐ ‍ ᐃᑐᑕᔭᒡ᙮
\v 16 ᐱᔅᒐ ᒪᒃ ᐊᓐᒡ ᑲ ‍ ᑕᑈᔭᔨᒪᒡ ᒋᓴᓴ ᐊᓐᑕ ᓯᓴᕆᔭ ᑲ ‍ ᐅᒋᒡ ᓂᒋ ‍ ᐎᒐᐅᑯᓇᓂᒡ, ᐊᑯ ᒂ ‍ ᐃᑐᑕᐃᔨᒥᒡ ᐊᓐᑕ ᓇᐸᐛ ᒥᓇᓱᓐ ᐊ ‍ ᐃᓯᓂᐧᑲᓱᔨᒋ ᐊ ‍ ᑕᔨᒋ᙮ ᐊᑯᑕ ᐊᓐ ᓂᐸ ‍ ᐃᑕᐛᓇᓐ ᐎᒋᒡ᙮ ᐊᓐᑕ ᓴᐃᐳᕋᔅ ᒋ ‍ ᐅᒋᐤ ᐅ ᒥᓇᓱᓐ᙮ ᓴᔅ ᐛᔅᑭᒡ ᒋ ‍ ᑕᑈᔭᔨᒪᐤ ᐎᔾ ᒋᓴᓴ᙮
\s1 ᑈᓪ ᑲ ‍ ᒧᐱᔅᑐᐛᑦ ᒋᒥᓴ
\p
\v 17 ᐃᔅᐱᔅ ᑕᑯᓯᓂᔭᒡ ᐊᓐᑕ ᒋᕈᓯᓕᒥᒡ, ᓇᔅᒡ ᒋ ‍ ᒥᔽᔨᑎᒧᒡ ᐊᓐᒡ ᐎᐧᑲᓂᓯᒪᐅᒡ ᐃᔅᐱᔅ ᐎᔭᐱᒥᔨᒥᒡ᙮
\v 18 ᒥᓐ ᒪᒃ ᐎᔭᐸᒡ ᓂᒋ ‍ ᓂᑐᐛᐱᒪᓇᓐ ᒋᒥᔅ ᒥᓯᐛ ᐊᓐᑕ ᐊ ‍ ᑎᓯᔭᒡ᙮ ᑈᓪ ᑭᔭ ᓂᒋ ‍ ᐎᒐᐅᑯᓇᓐ᙮ ᒥᓯᐛ ᐊᓐᒡ ᑲ ‍ ᓂᑲᓂᔅᑯᐛᒡ ᐊᓂᔭ ᑲ ‍ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ‍ ᑕᔨᒋ ᒋ ‍ ᑕᐅᒡ ᐊᓐᑕ ᒋᒥᓴ ᐊ ‍ ᑕᔨᒋ᙮
\v 19 ᑈᓪ ᒪᒃ ᒋ ᐊᑎ ‍ ᐛᒋᔭᒪᐤ ᒥᓯᐛ, ᐊᑯ ᒂ ᐊᑎ ‍ ᐛᐎᑎᒧᐛᑦ ᒥᓯᐛ ᐊᓂᔭ ᑕᓐ ᑲ ᐃᓯ ‍ ᐃᑐᑎᒪᑯᔨᒋ ᒋᓴᒪᓂᑐᐛ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒪᒂᒡ ᑲ ‍ ᐛᐎᑕᐧᒃ ᒥᔽᒋᒧᐅᓂᔪᐤ ᐊᓐᑕ ᐊ ‍ ᑕᔨᒋ᙮
\p
\v 20 ᐃᔅᐱ ᒪᒃ ᐱᔭᑐᐛᒡ ᐅᒡ ᑕᓐ ᐊ ‍ ᐃᑕᒋᒧᔨᒋ ᑈᓚ, ᒥᓯᐛ ᒋ ‍ ᒪᒥᒋᒪᐅᒡ ᒋᓴᒪᓂᑐᐛ᙮ ᒐᒃ ᒪᒃ ᐊ ‍ ᐃᑕᒡ ᐊᓂᔭ ᑈᓚ, “ᓂᐧᑲᓂᓯᓇᓐ, ᒋ ‍ ᐛᐸᑕᓐ ᑕᓐ ᐊ ‍ ᐃᔅᐱᒐᑎᒡ ᐊᑯ ᒍᐤ ᐃᔪᒡ ᐊ ‍ ᑕᑈᔭᔨᒪᒡ ᒋᓴᓴ ᐅᑕ ᒋᕈᓯᓕᒥᒡ, ᒥᒐᑦ ᒐᓯᐱᔪᐤ ᐊ ‍ ᑎᓯᒡ᙮ ᒥᓯᐛ ᒪᒃ ᐊᔅᒄ ᓇᔅᒡ ᓂᓇᑭᑐᐛᔨᑎᒧᐛᐅᒡ ᒧᓱᓴ ᐅᐎᓱᐛᐅᓂᔪᐤ᙮
\v 21 ᒋ ‍ ᐃᑕᒋᒧᔅᑐᐛᑭᓄᐎᒡ ᒪᒃ ᐊ ‍ ᒋᔅᑯᑎᒪᒥᑎ ᐊᓂᔭᔪᐛ ᒍᐤ ᑲ ‍ ᐎᒋᔨᒋ ᐊᓐᑕ ᐊᑲ ᒍᐤ ᐃᑎᔅᑲᓇᓯᔨᒋ ᐊ ‍ ᑕᔨᒋ ᒐ ᐊᑲ ᒋ ᐊᐱᑕᔨᑎᒥᐃᑯᒡ ᒧᓱᓴ ᐅᐎᓱᐛᐅᓂᔪᐤ, ᐊ ‍ ᐃᑎᑥᐤ ᒐ ᐊᑲ ᒋ ᒋᔅᒋᓄᐛᒋᔄᒡ ᐅᑦ ᐊᐛᓯᒧᐛᐛ ᑭᔭ ᒐ ᐊᑲ ᒋ ᐊᐱᑕᔨᑕᒡ ᒍᐤ ᐃᑐᐅᓇ᙮
\v 22 ᐅᒡ ᒪᒃ ᒍᐤ ᐃᔪᒡ ᓇᔅᒡ ᑲ ‍ ᓂᓇᑭᑐᐛᔨᑎᒺᒡ ᒧᓱᓴ ᐅᐎᓱᐛᐅᓂᔪᐤ ᒐᔅᑎᓇᔅ ᒋᑭ ‍ ᐸᑎᒧᒡ ᐊᒋ ‍ ᑎᑯᓯᓄᐅᑦ᙮ ᑕᓐ ᒐ ‍ ᐃᑎᔭᐧᒄ ᒪᒃ᙮ ᒋᑭ ‍ ᐎᑎᒪᑎᓇᓐ ᑕᓐ ᑲ ‍ ᐃᑕᔨᑎᒥᐃᑯᐅᔭᒡ ᒋᐸ ‍ ᐃᑎᓇᓄᐤ᙮
\v 23 ᐃᑐᑕ ᒪᒃ ᐅ ᒐ ‍ ᐃᑎᑕᒡ᙮ ᓇᐅᒡ ᓇᐸᐅᒡ ᐅᑕ ᐊ ‍ ᑕᒡ ᐊ ‍ ᑎᑯᓂᔨᒡ ᑕᓐ ᐛ ᐃᓯ ‍ ᒐᔅᑎᓇᔅ ᑎᐸᑐᑕᒡ ᐸᐃᒄ ᐊᓂᔭ ᒍᐤ ᐊᔭᒥᐊᐅᓐ ᐃᑐᐅᓂᔪᐤ, ᑕᓐ ᐊ ᐃᓯ ‍ ᓂᑐᐛᔨᑕᑯᓂᔨᒡ ᐊᓐᑕ ᒧᓱᓴ ᐅᐎᓱᐛᐅᓂᒡ ᒋᐸ ‍ ᐃᑐᑕᑭᓄᐎᔪᐤ᙮
\v 24 ᐎᒐᐅᒡ ᒪᒃ ᐅᒡ ᓇᐸᐅᒡ ᐊᓐᑕ ᒍᐤ ᒋᓴᐊᔭᒥᐊᐅᒋᐛᐱᒡ ᐊ ‍ ᐸᔭᒋᐃᓱᒡ, ᒐ ‍ ᒋᓯᐧᑭᒧᑦ ᐊᓂᔭ ᒋᐸ ‍ ᐃᔅᐱᔅ ᒋᓯᐧᑲᓱᐅᒡ, ᑭᔭ ᒋᐸ ‍ ᒧᓯᑭᓄᐎᔪᐤ ᐅᔅᑎᒂᓄᐛᐛ᙮ ᐊᑯ ᒪᒃ ᒐ ‍ ᐛᐸᑎᔨᐛᔨᓐ ᒋᐱᒪᑎᓯᐅᓂᒡ ᐊᔅᒄ ᐊ ‍ ᒋᔅᑕᔨᑎᒧᑦ ᒧᓱᔅ ᐅᐎᓱᐛᐅᓐ ᑭᔭ ᒐ ‍ ᒋᔅᒐᔨᑕᒂᒡ ᐊᒋ ‍ ᑭᑭᒋᔭᐛᑕᒋᒧᐅᓇᓄᐅᒡ ᐊᓐ ᑲ ‍ ᐃᑕᒋᒥᑯᔨᓐ ᐊᑲ ᐊᐱᑕᔨᑎᒧᑦ ᒧᓱᔅ ᐅᐎᓱᐛᐅᓐ᙮
\v 25 ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑲ ‍ ᑕᑈᑕᒡ ᓇᒪ ᓂᑐᐛᔨᑕᑯᓱᐅᒡ ᒥᓯᐛ ᒐᒋ ᐃᓯ ‍ ᓂᓇᑭᑐᐛᔨᑕᒡ ᑕᓐ ᐊ ‍ ᐃᑎᔅᑕᔨᒡ ᒧᓱᓴ ᐅᐎᓱᐛᐅᓂᔪᐤ᙮ ᓂᒋ ‍ ᒥᓯᓇᐊᒺᓇᓐᒡ ᒪᒃ ᐊ ‍ ᐎᑎᒧᐅᒋᒡ ᑕᓐ ᑲ ᐃᓯ ‍ ᐎᔭᔨᑎᒧᐎᒋᑦ ᒐᒋ ᐃᓯ ‍ ᓂᓇᑭᑐᐛᔨᑕᒡ, ᐊᐅᒄ ᐊᓂᔭ ᒐ ᐊᑲ ᒋ ᒥᒋᒡ ᒐᒂᔪᐤ ᐊ ‍ ᐃᔅᑯᐱᔨᒡ ᐊᒋ ‍ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓐ, ᑭᔭ ᒐ ᐊᑲ ᒋ ᒥᒋᒡ ᒥᐧᑯᔪᐤ ᑭᔭ ᒐ ᐊᑲ ᒋ ᒧᐛᒡ ᐊᐛᓯᓴ ᐊᒋ ‍ ᒋᐳᑕᒪᐱᐧᑲᑕᑭᓄᔨᒋ ᑭᔭ ᒐ ᐊᑲ ᒋ ᐱᓯᒂᑎᓯᒡ᙮”
\p
\v 26 ᑈᓪ ᒪᒃ ᒋ ‍ ᑕᑈᑎᒻ ᐊᓂᔭ ᑲ ‍ ᐃᑎᓱᒪᑭᓄᐅᑦ᙮ ᒥᓐ ᐎᔭᐱᓂᔨᒡ ᒋ ‍ ᐎᒐᐛᐤ ᐊᓂᔭ ᓇᐅᐤ ᓇᐸᐛ ᒐᒋ ᐸᔭᒋᐊᑭᓄᔨᒋ ᐛᔅ ᐊᐅᒄ ᐅᔭ ᑲ ᐃᓯ ‍ ᐎᑕᑭᓄᐎᒡ ᒐᒋ ᐃᑐᑎᒧᐛᑭᓄᐅᒡ ᐊᓐᑕ ᒍᐤ ᐊᔭᒥᐊᐅᒥᓯᓇᐃᑭᓂᒡ᙮ ᒋ ‍ ᐃᑐᑕᐤ ᑭᔭ ᐎᔾ ᑈᓪ ᐊᓐᑕ ᒍᐤ ᐃᔪᐛ ᐅᒋᓴᐊᔭᒥᐊᐅᒋᐛᐱᒡ᙮ ᐃᔅᐱ ᒪᒃ ᑲᒋ ᐃᓯ ‍ ᐊᐃᑎᒡ ᑕᓐ ᐊᓂᔭᔪᐤ ᑲ ᐎ ‍ ᐃᑎᒡ, ᐊᑯ ᒂ ‍ ᐎᑎᒧᐛᑦ ᑈᓪ ᐊᓂᔭ ᐊᓐᑕ ᐊᔭᒥᐊᐅᒋᐛᐱᒡ ᑲ ‍ ᐊᐱᑎᓯᔨᒋ ᑕᓐ ᑕᑐᐤ ᒋᓯᑲᐛ ᐃᔭᒄ ᒋᒋᐛ ᒋᐸ ‍ ᒋᔅᑕᐱᔪᐤ ᐊᓂᔭ ᑲ ᐎ ᐃᓯ ‍ ᓂᓇᑭᑐᐛᔨᑎᒥᐃᑯᒡ ᒐᒋ ᐃᑎᒡ᙮ ᑭᔭ ᐊᑯᑕ ᐊᓐ ᒋᐸ ‍ ᑎᑯᓂᔪᐤ ᑕᓐ ᒋᐸ ᐃᓯ ‍ ᒥᑐᔅᑕᐊᒪᐅᒡ ᒐᒂᔪᐤ ᒥᓯᐛ ᐊᓐᑕ ᐊ ‍ ᑎᓯᒡ, ᑈᓪ ᑭᔭ ᐊᓂᔭ ᑲ ᐸᒋ ‍ ᐎᒐᐛᑦ᙮
\s1 ᑈᓪ ᑲ ‍ ᒪᑯᓇᑭᓄᐅᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ
\p
\v 27 ᓂᔄᐅᑕᒡ ᑕᑐᐤ ᒋᓯᑲᐛ ᒪᒃ ᐸᑎᒪ ᒍᐤ ᑲ ‍ ᐃᑎᔅᑲᓇᓯᒡ ᐊᓐᑕ ᐊᐃᓴ ᐊ ‍ ᐅᒋᒡ ᒋ ‍ ᐛᐱᒪᐅᒡ ᑈᓚ ᐊᓐᑕ ᒍᐤ ᒋᓴᐊᔭᒥᐊᐅᒋᐛᐱᒡ᙮ ᐊᑯ ᒂ ‍ ᐃᑐᑐᐛᒡ ᐊᓂᔭ ᐃᔪᐛ ᒐᒋ ᒋᔄᓯᔅᑐᐛᔨᒋ ᐊᓂᔭ ᑈᓚ, ᐊᑯ ᒂ ‍ ᒪᑯᓇᒡ᙮
\v 28 ᒋ ᐃᓯ ‍ ᑕᑈᐅᒡ ᒪᒃ, “ᒋᔨᐛᐤ ᓇᐸᑐᒄ ᐃᔅᕋᐃᓪ ᑲ ‍ ᐅᒋᔭᒄ, ᐸᒋ ‍ ᐎᒋᐃᓇᓐ, ᐊᐅᒄ ᐅ ᓇᐸᐤ ᒥᓯᐛ ᑲ ‍ ᐃᑐᑕᑦ ᐊ ‍ ᒋᔅᑯᑎᒧᐛᑦ ᒥᓯᐛ ᐊᐛᔪᐛ ᒐ ᐊᑲ ᒋ ᐊᐱᑕᔨᒪᔨᒋ ᐃᔅᕋᐃᓪ ᐃᔪᐛ, ᑭᔭ ᒧᓱᓴ ᐅᐎᓱᐛᐅᓂᔪᐤ ᑭᔭ ᐅᔭ ᒋᓴᐊᔭᒥᐊᐅᒋᐛᐱᔪᐤ ᓇᒪ ᐊᐱᑕᔨᑎᒻ᙮ ᐛᐛᒡ ᑭᔭ ᒋ ᐸᒋ ‍ ᐱᑎᑲᐊᐤ ᒪᓐᑕᐛ ᐊᑲ ᒍᐤ ᐃᑎᔅᑲᓇᓯᔨᒋ ᐅᑕ ᒋᓴᐊᔭᒥᐊᐅᒋᐛᐱᒡ ᐊᓂᔭ ᒋᐸ ᐅᒋ ᐊᑲ ‍ ᐱᒐᔪᐛ ᐅᑕ᙮ ᐅᔭᔪᐤ ᒪᒃ ᑲ ‍ ᐃᑎᑦ ᓇᔅᒡ ᒪᔭᔨᑎᒻ ᐊᓂᔭ ᐊᓐᑕ ᒪᐅᒡ ᑲ ‍ ᐸᔭᐧᑭᓂᔨᒡ᙮”
\v 29 ᐊᐅᒄ ᐛᒋ ‍ ᐃᔅᒋᔄᒡ ᐅᔭ ᐛᔅ ᒋ ‍ ᐛᐱᒪᐅᒡ ᒪᓐᑕᐛ ᐊᑲ ᒍᐤ ᐃᑎᔅᑲᓇᓯᔨᒋ ᑐᕈᐱᒪᔅ ᐊ ‍ ᐃᓯᓂᐧᑲᓱᔨᒋ ᐊᓐᑕ ᐃᐱᓴᔅ ᐊ ‍ ᐅᒋᔨᒋ ᐊ ‍ ᐎᒐᐛᔨᒋ ᐊᓂᔭ ᑈᓚ ᐊᓐᑕ ᐅᑕᓇᒡ ᐊᑯ ᑲ ‍ ᐃᑕᔨᒪᒡ ᐊᓂᔭ ᑈᓚ ᐊ ‍ ᐱᑎᑲᐊᔨᒋ ᐊᓂᔭ ᒪᓐᑕᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ, ᐊᑲ ᒪᒃ ᐅᒋ ᐱᑎᑲᐊᔨᒋ᙮
\p
\v 30 ᒧᔭᒻ ᒪᒃ ᒥᓯᐛ ᐊᐛᓐ ᐊᓐᑕ ᒋᕈᓯᓕᒥᒡ ᐊ ‍ ᐛᐛᓇᔨᑕᐧᒃ ᒋ ‍ ᐃᑕᔨᑕᑯᓐ᙮ ᓂᓇᐧᑯᐤ ᒋ ‍ ᐅᒋᐸᔨᑐᐅᒡ ᐊᐛᓐᒋ᙮ ᐊᑯ ᒂ ‍ ᒪᑯᓇᑭᓄᐅᑦ ᑈᓪ, ᒂ ‍ ᐎᐎᑕᐸᑕᑭᓄᐅᑦ ᐊᓐᑕ ᐊᔭᒥᐊᐅᒋᐛᐱᒡ᙮ ᑎᐛᒡ ᒪᒃ ᒋ ᐊᑎ ‍ ᒋᐸᐛᑭᓄᐎᒡ ᐊᓐᒡ ᒋᓴᐊᔭᒥᐊᐅᒋᐛᑉ ᔅᑐᐧᑭᓂᒡ᙮
\v 31 ᐊᓐᒡ ᒪᒃ ᐃᔪᒡ ᑲ ‍ ᒪᑯᓇᒡ ᑈᓚ, ᐊᑯᑕ ᑲ ᐎ ᐊᑎ ‍ ᓂᐸᐊᒡ ᐊᓂᔭ ᑈᓚ᙮ ᒪᒂᒡ ᒪᒃ ᐊ ‍ ᐃᔅᐱᓯᑯᐛᒡ ᐊᓂᔭ ᐊ ᐎ ‍ ᓂᐸᐊᒡ, ᐊᓐ ᕈᒻ ᓂᑐᐱᔪᐅ-ᐅᒋᒪᐤ ᒋ ‍ ᐸᑎᒻ ᑕᓐ ᐊ ᐃᓯ ‍ ᒥᒋᐱᔨᓇᓄᐎᒡ ᐊᓐᑕ ᒋᕈᓯᓕᒥᒡ᙮
\v 32 ᑎᐛᒡ ᒪᒃ ᒋ ‍ ᐃᑐᑕᐊᐤ ᐊᓯᒪᑭᓂᓯᐤ ᐅᒋᒪᐛ ᑭᔭ ᐊᓯᒪᑭᓂᓴ ᒐᒋ ᓂᑐᐛᐸᑕᒡ ᑕᓐ ᐊᓐ ᐊ ‍ ᐃᑎᓇᓄᐎᒡ᙮ ᐃᔅᐱ ᒪᒃ ᐎᔭᐱᒥᑯᒡ ᐊᓂᔭᔪᐛ ᐃᔪᐛ ᒋ ‍ ᐳᓂᔪᐛ ᐊ ‍ ᒪᓯᐧᑯᐛᔨᒋ ᐊᓂᔭ ᑈᓚ᙮
\p
\v 33 ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ‍ ᓂᑐᐛᐱᒪᑦ ᐊᓂᔭ ᑈᓚ, ᐊᑯ ᒂ ‍ ᒪᑯᓇᑦ᙮ ᒂ ‍ ᐃᑎᓱᐛᑦ ᒐᒋ ᒪᒋᒂᐱᐧᑲᑕᑭᓄᔨᒋ, ᓂᓱ ᐃᓴᒂᔭᐱᔭ ᐊ ‍ ᐊᐱᑎᓂᔨᒋ᙮ ᐊᑯ ᒂ ‍ ᐃᔅᒋᔄᑦ, “ᒐᒄ ᓇᐸᐤ ᐅ, ᑕᓐ ᑲ ‍ ᐃᑎᑦ ?”
\p
\v 34 ᐊᓐᒡ ᒪᒃ ᐃᔪᒡ ᐊᓐᑕ ᑲ ‍ ᑕᒡ ᒋ ‍ ᓂᔎᐅᓯᐊᐅᒡ᙮ ᐊᑯ ᒥᒄ ᓇᒪ ᐸᐃᑯᓄᒡ ᐅᒋ ᐃᔅᒋᔄᐅᒡ, ᑯᑎᑭᒡ ᐃᔭᒡ ᐊ ‍ ᐃᔅᒋᔄᒡ ᑕᓐ ᐊ ‍ ᐃᔅᒋᔄᔨᒋ ᐊᓂᔭᔪᐛ ᑯᑎᑲ᙮ ᐊᑯ ᑭᑈ ᓇᒪ ᐅᒋ ᓂᔅᑐᑎᒻ ᐊᓐ ᓂᑐᐱᔪᐅ-ᐅᒋᒪᐤ ᑕᓐ ᐊᓐ ᑲ ‍ ᐃᑎᓇᓄᐎᒡ, ᐊᑯ ᒥᒄ ᑲ ‍ ᐃᑎᓱᐛᑦ ᒐᒋ ᐱᑎᑲᐊᑭᓄᔨᒋ ᑈᓚ ᐊᓐᑕ ᐊᓯᒪᑭᓂᓯᐅᒋᐛᐱᒡ᙮
\v 35 ᐊᓐᒡ ᒪᒃ ᐊᓯᒪᑭᓂᓯᒡ ᐃᔅᐱᔅ ᒐ ᐊᑎ ‍ ᓴᑭᒋᐛᒡ ᒐᒋ ᐱᑎᑲᐊᒡ ᑈᓚ ᐊᓐᑕ, ᒐᒃ ᓂᑕᒡ ᒋ ‍ ᐅᐱᓇᐅᒡ ᑲ ‍ ᐃᔅᐱᔅ ᐊᔭᔅᒃ ᒋ ‍ ᐊᒂᑕᔨᑕᑯᓯᔨᒋ ᐊᓂᔭᔪᐛ ᐃᔪᐛ᙮
\v 36 ᐊᓐᑕ ᐅᑕᒡ ᒋ ᐸᒋ ‍ ᑕᐅᒡ ᐊᓐᒡ ᐃᔪᒡ ᐊ ‍ ᑕᑈᒡ ᐊ ‍ ᐃᔅᒋᔄᒡ, “ᓂᐸᐊᐧᒄ ᐊᓐ ᓇᐸᐤ᙮ ᓂᐸᐊᐧᒄ᙮”
\s1 ᑈᓪ ᑲ ‍ ᐎᑕᐧᒃ ᐊᑲ ᒐᒂᔪᐤ ᐅᒋ ᐃᑎᑦ
\p
\v 37 ᒪᒂᒡ ᒪᒃ ᐊᓂᔭ ᐊ ᐎ ‍ ᐱᑎᑲᐊᑭᓄᐅᑦ ᑈᓪ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒋ ‍ ᐃᑕᐤ ᐊᓂᔭ ᓂᑐᐱᔪᐅ-ᐅᒋᒪᐛ, “ᒋᑭ ᒋ ‍ ᐃᑎᑎᓐ ᐊ ᒐᒂᓐ ?”
\p ᐊᑯ ᒂ ‍ ᐃᑎᑯᑦ, “ᑯᕆᒃ ᐊ ᒋ ᐊᑎ ᐃᓯ ‍ ᐃᔨᒥᓐ ?
\v 38 ᓇᒪᔭᐤ ᐊ ᒋᔾ ᐊᓐ ᓇᐸᐤ ᐃᒋᑉᑦ ᑲ ‍ ᐃᑎᔅᑲᓇᓯᑦ ᑲ ‍ ᒋᒋᐱᔨᑕᑦ ᐊ ‍ ᒥᒋᐱᔭᐊᑭᓄᔨᒋ ᒋᓴᐅᒋᒪᐛ ᑭᔭ ᑲ ‍ ᓂᑲᓂᔅᑯᐛᑦ ᓇᐛᐤ ᒐᓯᐱᔪᐤ ᒥᒋ ‍ ᐊᓯᒪᑭᓂᓴ, ᐊᓐᑕ ᒪᒃ ᐸᐧᑯᑎᔅᑭᒥᑲᒡ ᑲ ‍ ᐃᑐᑕᐊᑦ ?”
\p
\v 39 ᐊᑯ ᑈᓪ ᑲ ‍ ᐃᑕᑦ, “ᓇᒪᔭᐤ ᓂᔾ᙮ ᒍᐤ ᓂᑦ ᐃᑎᔅᑲᓇᓯᓐ ᓂᔾ ᐎ, ᓯᓕᓯᔭ ᑲ ‍ ᐃᓯᓂᐧᑲᑕᒡ ᐊᔅᒋᔾ ᓂ ‍ ᐅᒋᓐ ᐊᓐᑕ ᑕᕐᓯᔅ ᑲ ‍ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᒪᓯᓇᓱᔭᓐ ᒋᒋᐛ ᐊ ‍ ᐅᒋᔭᓐ᙮ ᒋᒋᐛ ᐅᑕᓇᐤ ᐃᓯ ᑭᓄᐛᐸᑕᑭᓄᐤ ᑕᕐᓯᔅ᙮ ᐸᒋ ‍ ᒥᔾ ᒪ ᒐᒋ ᐃᔨᒥᐃᒂᐤ ᐅᒡ ᐃᔪᒡ᙮”
\p
\v 40 ᐊᑯ ᒂ ‍ ᐱᔅᑎᓂᑯᑦ ᐊᓂᔭ ᓂᑐᐱᔪᐅ-ᐅᒋᒪᐛ ᒐᒋ ᐃᔨᒥᑦ᙮ ᐊᑯ ᑈᓪ ᒂ ‍ ᑕᐧᑯᓯᑲᐳᐅᑦ ᐊᓐᑕ ᑕᑕᐧᑯᔅᑲᓇᓂᒡ᙮ ᒂ ‍ ᐅᐱᓂᔅᒐᔨᑦ ᐊ ‍ ᓂᑐᐛᔨᒪᑦ ᐊᓂᔭᔪᐛ ᐃᔪᐛ ᒐ ᐊᑲ ᒋ ᒋᔅᑐᔨᒋ᙮ ᐃᔅᐱ ᒪᒃ ᐊᑲ ᒐᔅᑐᔨᒋ, ᐊᑯ ᒂ ‍ ᐃᔨᒪᐊᑦ ᐃᑉᕈᐤ ᐊ ᐃᓯ ‍ ᐃᔨᒥᑦ᙮
\c 22
\p
\v 1 ᑈᓪ ᒋ ‍ ᐃᑕᐤ, “ᓂᐧᑲᓂᓯᑐᒄ ᑭᔭ ᒋᔨᐛᐤ ᒋᓴᐃᔪᑎᒄ, ᐸᒋ ‍ ᓂᑐᑐᐅᒄ ᑯᐃᔅᒄ ᐊ ᐎ ‍ ᐎᑎᒪᓐ ᐊᑲ ᓄᓴᒻ ᐃᓯ ᐊᑕᒪᔨᑕᑯᓯᔭᓐ᙮”
\v 2 ᐃᔅᐱ ᒪᒃ ᐱᔭᑐᐛᒡ ᐊᓐᒡ ᐃᔪᒡ ᐃᑉᕈᐤ ᐊ ᐃᓯ ‍ ᐃᔨᒥᔨᒋ ᑈᓚ, ᐊᓂᔭ ᑭᑈ ᐊ ᐃᓯ ‍ ᐃᔨᒥᒡ, ᐊᑯ ᐊᑐᐎᔅ ᓇᒪ ᐅᒋ ᔅᑐᐅᒡ᙮
\p ᐊᑯ ᑈᓪ ᒂ ᐊᑎ ‍ ᐃᔅᒋᔄᑦ,
\v 3 “ᒍᐤ ᓂᑦ ᐃᑎᔅᑲᓇᓯᓐ᙮ ᑕᕐᓯᔅ ᑲ ‍ ᐃᓯᓂᐧᑲᑕᒡ ᐅᑕᓇᐤ ᐊᓐᑕ ᓯᓕᓯᔭ ᐊᔅᒋᒡ ᑲ ‍ ᑎᒂᒡ ᐊᑯᑕ ᑲ ‍ ᐱᒪᑎᓯᔭᓐ᙮ ᐊᑯ ᒥᒄ ᐅᑕ ᒋᕈᓯᓕᒥᒡ ᑲ ‍ ᓂᑕᐅᒋᓂᑯᐅᔭᓐ᙮ ᐊᓂᔭ ᒪᒃ ᑲᒪᓕᔭᓪ ᑲ ‍ ᐃᓯᓂᐧᑲᓱᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑲᒋ ‍ ᒋᔅᑯᑎᒪᒐᑦ ᐊᑯᑕ ᐊᓐ ᑭᔭ ᓂᔾ ᐃᔭᒂ ᑲ ᐃᓯ ‍ ᒋᔅᑯᑎᒪᑯᐅᔭᓐ ᐊᓂᔭᐧᑲ ᒋᐧᑲᓂᓯᓄᐅᒡ ᐅᐎᓱᐛᐅᓄᐛᐛ᙮ ᑭᔭ ᓂᔾ ᓇᔅᒡ ᓂᒋ ᐎ ‍ ᓂᓇᐃᑐᐛᐤ ᒋᓴᒪᓂᑐᐤ ᒧᔭᒻ ᐊ ‍ ᐃᑎᔭᒄ ᑭᔭ ᒋᔨᐛᐤ ᐅᑕ ᐊᓄᒡ᙮
\v 4 ᓇᔅᒡ ᓂᒋ ᐎ ‍ ᓂᓇᐧᑲᒋᐊᐅᒡ ᐊᓐᒡ ᑲ ‍ ᑕᑈᑕᒡ ᒋᓴᓴ ᐅᒋ ᐊ ᐅᒋ ‍ ᐱᒪᒋᐅᓇᓄᐅᒡ᙮ ᐊᑯᔅ ᒥᓯᐛ ᓂᐸᐊᑭᓄᑥᐛ ᓂᒋ ‍ ᐃᑕᔨᑕᓐ᙮ ᓂᒋ ‍ ᒪᑯᓇᐅᒡ ᑕᐱᔅᑯᓐ ᓇᐸᐅᒡ ᑭᔭ ᐃᔎᐅᒡ, ᐛᐛᒡ ᓂᒋ ‍ ᐃᑐᑐᐛᐅᒡ ᒐᒋ ᒋᐸᐛᑭᓄᐎᒡ᙮
\v 5 ᐅ ᒪᒃ ᒋᓴᐊᔭᒥᐊᐅᒋᒪᐤ ᑭᔭ ᐊᓐᒡ ᒍᐤ ᐃᔪᒡ ᑲ ‍ ᒪᒧᐱᔅᑕᒡ ᑎᐸᔅᑯᓂᒐᐅᓂᔪᐤ ᒋᑭ ᒋ ‍ ᐎᑎᒪᑯᐛᐅᒡ ᐊ ‍ ᑕᑈᐅᒡ ᐅᔭ ᑲ ‍ ᐃᔅᒋᔄᐅᒡ᙮ ᓂᒋ ‍ ᒥᔨᑯᒡ ᒥᓯᓇᐃᑭᓇ ᒐᒋ ᐃᑐᑐᒥᒋ ᐎᐧᑲᓂᓯᒪᐛ ᐊᓐᑕ ᑕᒪᔅᑲᓯᒡ ᑲ ‍ ᑕᔨᒋ᙮ ᒋ ‍ ᒥᓯᓇᑕᔪᐤ ᐊᓐᑕ ᐊ ‍ ᐃᑎᓱᒥᒡ ᒐᒋ ᒪᑯᓂᒥᒋ ᑭᔭ ᒐᒋ ᒪᒋᒂᐱᐧᑲᑕᒥᒋ ᐊᓂᔭ ᑲ ‍ ᑕᑈᔭᔨᒪᔨᒋ ᒋᓴᓴ ᐊᓐᑕ ᑕᒪᔅᑲᓯᒡ ᑲ ‍ ᑕᔨᒋ ᑭᔭ ᒐᒋ ᐸᓱᒥᒋ ᐅᑕ ᒋᕈᓯᓕᒥᒡ ᒐᒋ ᐛᐛᓯᐊᑭᓄᔨᒋ᙮”
\s1 ᑈᓪ ᑲ ‍ ᐎᑕᐧᒃ ᑕᓐ ᑲ ‍ ᐃᔅᐱᔨᑦ ᐊᓐᑕ ᑲ ᐅᒋ ‍ ᑕᑈᑕᐧᒃ
\p
\v 6 “ᐸᐃᒂᐤ ᒪᒂᒡ ᐊ ‍ ᐱᒧᑕᔭᓐ ᐊ ᐊᑎ ‍ ᐸᓱᐛᐸᑎᒪᓐ ᑕᒪᔅᑲᔅ, ᓴᓯᑲᓐ ᐊ ‍ ᐊᐱᑕᒋᓯᑲᒡ, ᓯᔅᒋᑯᒡ ᒋ ᐅᒋ ᒥᔅᑎ ‍ ᐛᔅᑕᐤ ᐊᓐᑕ ᐛᔅᑲ ᐊ ‍ ᑕᔭᓐ ᐊᓐᑕ ᐅᒋ ᒋᒋᒋᓯᑯᒡ ᐊ ᐅᒋ ‍ ᐛᔅᑕᒡ᙮
\v 7 ᓇᔅᒡ ᒪᒃ ᓂᒋ ᐊᑎ ‍ ᐸᒋᓯᓐ ᐊᓐᑕ ᐊᔅᒋᒡ ᐊᑯ ᒂ ‍ ᐸᑐᐅᒃ ᐊᐛᓐ ᐊ ‍ ᐃᓯᑦ, ‘ᓴᓪ, ᓴᓪ, ᒐᒂᓐ ᐛᒋ ‍ ᑯᒂᒋᐃᔨᓐ ?’ ”
\p
\v 8 “ᐊᑯ ᒂ ‍ ᐃᑎᒃ, ‘ᐊᐛᓐ ᒪᒃ ᒋᔾ, ᐅᑎᐸᔨᒋᒐᐤ ?’ ”
\p “ᐊᑯ ᒂ ‍ ᐃᓯᑦ, ‘ᐊᐅᒄ ᓂᔾ ᒋᓴᔅ, ᓇᓴᕆᑎᒡ ᑲ ‍ ᐅᒋᔭᓐ, ᐊᓐ ᐊᐛᓐ ᑲ ‍ ᑯᒂᒋᐃᑦ᙮’
\v 9 ᐊᓐᒡ ᒪᒃ ᓇᐸᐅᒡ ᑲ ‍ ᐎᒐᐅᒡ ᒋ ‍ ᐛᐸᑎᒧᒡ ᐊᓂᔭ ᑲ ‍ ᒋᐧᑲᔭᔅᑕᔨᒡ, ᓇᒪ ᒥᒄ ᐅᒋ ᐸᑐᐛᐅᒡ ᐊᓂᔭ ᑲ ᐸᒋ ‍ ᐃᔨᒥᔨᒋ᙮”
\p
\v 10 “ᐊᑯ ᒂ ‍ ᐃᑎᒃ, ‘ᐅᑎᐸᔨᒋᒐᐤ, ᑕᓐ ᐊ ᐃᓯ ‍ ᓂᑐᐛᔨᒥᔨᓐ ᒪᒃ ᒐ ‍ ᐃᑎᔭᓐ ?’ ᐊᑯ ᒂ ‍ ᐃᓯᑦ, ‘ᐱᓯᑯ ᒪᒃ, ᒐ ‍ ᐃᑐᑕᔨᓐ ᐊᓐᑕ ᑕᒪᔅᑲᓯᒡ᙮ ᐊᑯᑕ ᒪᒃ ᒐ ‍ ᐎᑎᒪᑯᔨᓐ ᒥᓯᐛ ᑕᓐ ᐊ ‍ ᐃᑎᓱᒥᔅᒃ ᒋᓴᒪᓂᑐᐤ ᒐ ‍ ᐃᑕᐱᑎᓯᐅᑦ᙮’
\v 11 ᓇᒪ ᒪᒃ ᓂ ᐅᒋ ‍ ᐛᐸᑕᓐ ᑲ ‍ ᐃᔅᐱᔅ ᒋ ‍ ᒋᐧᑲᔭᔅᑕᒡ ᐊᓐ ᑲ ‍ ᐛᔅᑕᒡ᙮ ᐊᑯ ᐊᓐᒡ ᓂᐎᒐᐛᑭᓂᒡ ᒂ ᐸᒋ ‍ ᓯᑎᓂᔅᒐᑕᔨᒡ ᐊᓐᑕ ᑕᒪᔅᑲᓯᒡ ᑲ ‍ ᐃᑐᑕᐃᒡ᙮”
\p
\v 12 “ᒋ ‍ ᑕᐤ ᒪᒃ ᓇᐸᐤ ᓇᓂᑎᒻ ᐊᓐᑕ ᑕᒪᔅᑲᔅ ᐊᒋ ‍ ᐎᒋᑦ ᐊᓇᓇᔭᔅ ᐊ ‍ ᐃᓯᓂᐧᑲᓱᑦ᙮ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ ᐅ ᓇᐸᐤ ᑭᔭ ᓇᔅᒡ ᐃᔭᒂ ᒋ ᐃᓯ ‍ ᓂᓇᑭᑐᐛᔨᑎᒥᐃᑯᐤ ᒍᐤ ᐊᔭᒥᐊᐎᓱᐛᐅᓂᔪᐤ᙮ ᓇᔅᒡ ᒪᒃ ᒋ ‍ ᒋᔅᑕᔨᒥᑯᐤ ᒥᓯᐛ ᐊᓂᔭᔪᐛ ᒍᐤ ᐃᔪᐛ ᐊᓐᑕ ᑕᒪᔅᑲᓯᒡ ᑲ ‍ ᑕᔨᒋ᙮
\v 13 ᐊᐅᒄ ᐅ ᓇᐸᐤ ᑲ ᐸᒋ ‍ ᓂᑐᐛᐱᒥᑦ, ᑲ ᐸᒋ ‍ ᐅᑎᔅᑯᑲᐳᔅᑐᐅᑦ, ᐊᑯ ᒂ ‍ ᐃᓯᑦ, ‘ᓂᐧᑲᓂᔅ ᓴᓪ, ᑲᐤ ᒥᓐ ᐛᐸᑕ᙮’ ᐃᔅᐱ ᒪᒃ ᑲ ‍ ᐃᓯᑦ ᐊᓂᔭ ᑎᐛᒡ ᒥᓐ ᓂᒋ ‍ ᐛᐸᑎᒺᓐ᙮ ᒂ ‍ ᑭᓄᐛᐱᒥᒃ,
\v 14 ᐊᑯ ᒂ ‍ ᐃᓯᑦ, ‘ᐊᓂᔭᔪᐛ ᒋᓴᒪᓂᑐᐛ ᑲ ‍ ᑕᑈᔭᔨᒪᒡ ᐊᓂᔭᐧᑲ ᒋᒧᓱᒥᓄᐅᒡ, ᔅᒋ ‍ ᐅᑎᓂᒄ ᒐᒋ ᒋᔅᒐᔨᑎᒧᑦ ᑕᓐ ᐊ ᐃᓯ ‍ ᓂᑐᐛᔨᑕᐧᒃ ᒐ ‍ ᐃᑎᓇᓄᐎᒡ ᐅᑕ ᐊᔅᒋᒡ, ᑭᔭ ᒐᒋ ᐛᐱᒥᑎ ᐊᓂᔭ ᙭ᑕ ᑲ ‍ ᑯᐃᔅᑯᑕᑎᓯᔨᒋ ᑭᔭ ᒐᒋ ᐸᑎᒧᑦ ᐊ ‍ ᐃᔨᒥᐃᔅᒃ᙮
\v 15 ᒥᓯᐛ ᒪᒃ ᐊᐛᓐᒋ ᒋᑭ ‍ ᐎᑎᒧᐛᐅᒡ ᑕᓐ ᑲ ᐃᓯ ‍ ᐛᐸᑎᒥᓐ ᑭᔭ ᑲ ᐃᓯ ‍ ᐸᑎᒥᓐ ᐊ ‍ ᐃᑕᒋᒪᑭᓄᐅᑦ᙮
\v 16 ᒪᒋ ᒪᒃ, ᐊᑲᐎᔾ ᓂᓇᐧᑲᐎᔾ᙮ ᐱᓯᑯ, ᒐ ‍ ᓯᑲᐃᑕᑯᔨᓐ, ᑭᔭ ᒐ ‍ ᐛᐸᔨᑎᒪᑯᔨᓐ ᒋᒥᒋᑥᐅᓇ ᐊ ‍ ᑕᑈᑎᑦ ᐅᑎᐸᔨᒋᒐᐤ ᒐᒋ ᐛᐸᔨᑎᒪᔅᒃ᙮’ ”
\s1 ᐅᑎᐸᔨᒋᒐᐤ ᑲ ‍ ᐃᑕᑦ ᑈᓚ ᒐ ‍ ᐎᑎᒧᐛᔨᒋ ᒥᔽᒋᒧᐅᓂᔪᐤ ᐊᓂᔭᔪᐛ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ
\p
\v 17 “ᐊᑯ ᒥᓐ ᑲᐤ ᒋᕈᓯᓕᒥᒡ ᒂ ‍ ᐃᑐᑕᔭᓐ᙮ ᒪᒂᒡ ᒪᒃ ᐊ ‍ ᐊᔭᒥᐊᔭᓐ ᐊᓐᑕ ᒋᓴᐊᔭᒥᐊᐅᒋᐛᐱᒡ, ᒋ ‍ ᑎᑯᓐ ᑕᓐ ᑲ ᐃᓯ ‍ ᐛᐸᑎᔨᑯᐅᔭᓐ᙮
\v 18 ᓂᒋ ‍ ᐛᐱᒪᐤ ᐅᑎᐸᔨᒋᒐᐤ ᐊ ᐸᒋ ‍ ᐃᓯᑦ, ‘ᒋᐱᔾ, ᓂᑭᑕ ᐅ ᒋᕈᓯᓕᒻ ᐊᓄᒡ, ᑕᐸ ᐛᔅ ᐊᓐ ᒋᑭ ᐅᒋ ‍ ᑕᑈᑕᑯᒡ ᐅᒡ ᐃᔪᒡ ᐅᑕ ᑕᓐ ᒐ ‍ ᐃᑕᒋᒥᔨᓐ᙮’ ”
\p
\v 19 “ᐊᑯ ᒂ ‍ ᐃᑎᒃ, ‘ᐅᑎᐸᔨᒋᒐᐤ, ᒋᔅᒐᔨᑎᒧᒡ ᐅᒡ ᐃᔪᒡ ᒥᒄ ᐊᒋ ‍ ᐊᔭᓱᐤ ᓇᑕᒪᓐ ᐅᔭ ᒍᐤ ᐊᔭᒥᐊᐅᒋᐛᐸ ᒐᒋ ᒪᑯᓇᒂᐤ ᐅᒡ ᑲ ‍ ᑕᑈᔭᔨᒥᔅᒡ ᑭᔭ ᐊᒋ ‍ ᐃᑐᑐᐅᒂᐤ ᒐᒋ ᐸᐱᓯᔅᑕᐛᑭᓄᐎᒡ᙮
\v 20 ᑭᔭ ᐃᔅᐱ ᑲ ‍ ᓂᐸᐊᑭᓄᐅᑦ ᔅᑎᐱᓐ ᐊᓂᔭ ᐊ ‍ ᑎᐸᒋᒥᔅᒃ ᐅᒋ, ᑭᔭ ᓂᔾ ᓂᒋ ‍ ᑕᓐ ᐊᓐᑕ᙮ ᓂᒋ ‍ ᓇᐊᔨᑕᓐ ᐊᓂᔭ ᐊᒋ ‍ ᐃᑐᑐᐛᑭᓄᐅᑦ ᑭᔭ ᓂᒋ ‍ ᑭᓄᐛᔨᑎᒺᓐ ᐅᑦ ᐊᑯᐳᐛᐛ ᐊᓐᒡ ᑲ ‍ ᓂᐸᐊᒡ ᔅᑎᐱᓇ᙮’ ”
\p
\v 21 “ᐊᑯ ᒂ ‍ ᐃᓯᑦ ᐅᑎᐸᔨᒋᒐᐤ, ‘ᒪᒋ ᐃᔭᐱᒡ ᐛᔅ ᐛᔪᐤ ᒋᑭ ‍ ᐃᑎᓴᐅᑎᓐ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ‍ ᑕᒡ᙮’ ”
\p
\v 22 ᐃᔅᐱ ᒪᒃ ᐅᔭ ᐊ ᐃᓯ ‍ ᐃᔨᒥᔨᒋ ᐊᓂᔭᔪᐛ ᑈᓚ, ᐊᓂᔭ ᑭᑈ ᐊ ‍ ᐃᑕᒋᒧᔨᒋ ᒋᓴᒪᓂᑐᐛ ᐊᒋ ‍ ᐃᑎᓴᐅᑯᔨᒋ ᐊᓐᑕ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ‍ ᑕᔨᒋ, ᐊᑯᓐ ᑲ ᐃᔅᐱᔅ ‍ ᓂᑐᑐᐛᒡ ᐊᓐᒡ ᐃᔪᒡ᙮ ᒋ ᒋᒋ ‍ ᐊᓯᒂᐅᒡ ᐊ ‍ ᐃᔅᒋᔄᒡ, “ᓂᐸᐊᐧᒄ ᐅ ᓇᐸᐤ, ᓇᒪ ᐃᑕᔨᑕᑯᓱᐤ ᒐᒋ ᐱᒪᑎᓯᑦ ᐅᑕ ᐊᔅᒋᒡ᙮”
\p
\v 23 ᒋ ‍ ᐊᓯᒂᐅᒡ ᒪᒃ ᐊ ‍ ᐛᐛᐱᔨᑕᒡ ᐅᑦ ᐊᐱᒋᑕᐅᓄᐛᐛ, ᑭᔭ ᐃᔭᑲᔪᐤ ᐊ ‍ ᐃᔅᐸᒐᐛᐱᓇᒡ ᑲ ‍ ᐃᔅᐱᔅ ᒋ ᒥᔅᑎ ‍ ᒋᔄᓯᒡ᙮
\v 24 ᐊᑯ ᐊᓐ ᕈᒻ ᓂᑐᐱᔪᐅ-ᐅᒋᒪᐤ ᒂ ‍ ᐃᑕᑦ ᐊᓂᔭ ᐅᑦ ᐊᓯᒪᑭᓂᓯᒪ ᒐᒋ ᐱᑎᑲᐊᔨᒋ ᑈᓚ ᐊᓐᑕ ᐊᓯᒪᑭᓂᓯᐅᒋᐛᐱᒡ᙮ ᐊᑯ ᒂ ‍ ᐃᑎᓱᐛᑦ ᒐᒋ ᐸᐱᓯᔅᑕᐛᑭᓄᔨᒋ᙮ ᒋ ‍ ᐱᑯᓴᔨᑎᒻ ᑭᑈ ᒐᒃ ᐊᓐᑕ ᐊᓂᔭ ᐊ ‍ ᐸᐱᓯᔅᑕᐛᑭᓄᔨᒋ ᒐᒋ ᐅᒋ ‍ ᐎᑎᒥᔨᒋ ᑕᓐ ᑲ ᐃᓯ ‍ ᐅᓂᐱᓱᔨᒋ ᐛᒋ ‍ ᐃᔅᐱᔅ ᐛᓴ ᒋᔄᐊᔨᒋ ᐊᓂᔭᔪᐛ ᒍᐤ ᐃᔪᐛ᙮
\v 25 ᐃᔅᐱ ᒪᒃ ᑲ ‍ ᐎᔭᐱᐧᑲᑕᒡ ᒐ ‍ ᐸᐱᓯᔅᑕᐛᒡ, ᐊᓐ ᐊᓯᒪᑭᓂᓯᐤ ᐅᒋᒪᐤ ᒋ ᐃᓯ ‍ ᑯᒂᒋᒥᑯᐤ ᐊᓂᔭ ᑈᓚ, “ᑯᐃᔅᑯᓇᑯᓐ ᐊ ᒐᒋ ᐸᐱᓯᔅᑕᐛᒄ ᐊᐛᓐ ᕈᒻ ᐊ ᐃᓯ ‍ ᒥᓯᓇᓱᑦ ᑭᔭ ᐊᑲ ᐊᔅᒄ ᐅᒋ ᑎᐸᔅᑯᓇᑭᓄᐅᑦ ?”
\p
\v 26 ᐃᔅᐱ ᒪᒃ ᐱᔭᑕᐧᒃ ᐅᔭ ᐊᓐ ᑲ ‍ ᓂᑲᓂᔅᑯᐛᑦ ᐊᓯᒪᑭᓂᓴ, ᒋ ‍ ᓂᑐᐛᐱᒪᐤ ᐊᓂᔭ ᐊᓯᒪᑭᓂᓯᐤ ᐅᒋᒪᐛ, ᐊᑯ ᒂ ‍ ᐃᑕᑦ, “ᒋ ‍ ᒋᔅᒐᔨᑕᓐ ᐊ ᑕᓐ ᐅ ᐊ ‍ ᐃᑎᔭᐧᒄ ? ᕈᒻ ᐃᔪᐤ ᐊᓐ ᐃᑎᔅᑲᓇᓱᐤ ᐅ ᓇᐸᐤ ᑲ ‍ ᐃᑐᑐᐛᐧᒄ᙮”
\p
\v 27 ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ‍ ᓂᑐᐛᐱᒪᑦ ᐊᓂᔭ ᑈᓚ, ᒂ ‍ ᐃᑕᑦ, “ᑕᑈ ᐊ ᕈᒻ ᒋᑦ ᐃᑎᓯᓇᓱᓐ ?”
\p ᑈᓪ ᒂ ‍ ᐃᑕᑦ, “ᓂᐦᐃ᙮”
\p
\v 28 ᐊᑯ ᐊᓂᔭ ᓂᑐᐱᔪᐅ-ᐅᒋᒪᐛ ᒂ ‍ ᐃᑎᑯᑦ, “ᐊᔪᐛᒡ ᒥᔅᑎ ᓱᓇᔭᐤ ᓂᒋ ‍ ᒪᔅᑎᓂᑯᓐ ᕈᒥᒡ ᒐᒋ ᐃᓯ ‍ ᒥᓯᓇᓱᔭᓐ᙮”
\p ᐊᑯ ᑈᓪ ᒂ ‍ ᐃᑕᑦ, “ᑲ ‍ ᐱᒪᑎᓯᔭᓐ ᓂᔾ ᓴᔅ ᕈᒻ ᓂᒋ ‍ ᐃᑎᓯᓇᓱᓐ᙮”
\p
\v 29 ᐱᔭᑕᒡ ᒪᒃ ᐅᔭ ᐊ ‍ ᐃᔅᒋᔄᔨᒋ ᑈᓚ ᐊᓐᒡ ᑲ ᐎ ᓂᑐ ‍ ᒋᔅᒐᔨᒪᒡ ᑕᓐ ᑲ ᐃᓯ ‍ ᐅᓂᑐᑎᒥᔨᒋ ᒋ ᐊᑎ ‍ ᐊᓴᑲᐳᐎᒡ᙮ ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ‍ ᓯᓴᒋᓯᑦ ᐃᔅᐱᔅ ᑲ ‍ ᒋᔅᒐᔨᒪᑦ ᑈᓚ ᑕᑈ ᕈᒻ ᐊ ‍ ᐃᑎᓯᓇᓱᔨᒋ, ᑭᔭ ᐊᓂᔭ ᐊᒋ ‍ ᒪᑯᐱᑕᑦ ᐃᓴᒂᔭᐱᔪᐤ ᐊ ‍ ᐊᐱᒋᑕᑦ᙮
\s1 ᑈᓪ ᑲ ‍ ᐅᑎᔅᑯᑲᐳᔅᑐᐛᑦ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐅᒋᒪᐛ
\p
\v 30 ᐎᔭᐱᓂᔨᒡ ᒪᒃ, ᐊᓂᔭ ᐊ ᐎ ᓂᑐ ‍ ᒋᔅᒐᔨᑕᐧᒃ ᒐᒂᔪᐤ ᐊᓐ ᐛᒋ ‍ ᓂᑐᐛᔨᒪᑭᓄᔨᒋ ᐊᓂᔭ ᑈᓚ ᒐᒋ ᓂᐸᐊᑭᓄᔨᒋ, ᒋ ‍ ᐃᑎᓱᐛᐤ ᒐᒋ ᐱᔅᑎᓇᑭᓄᔨᒋ, ᐊᑯ ᑲ ‍ ᐃᑕᑦ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᒍᐤ ᑲ ‍ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᒐᒋ ᒪᒧᐎᔨᒋ᙮ ᒂ ‍ ᐃᑐᑕᐊᑦ ᐊᓐᑕ ᑈᓚ, ᐊᑯ ᒂ ‍ ᐅᑎᔅᑯᑲᐳᐊᑦ ᐊᓐᑕ ᐊᓂᔭ ᐊ ‍ ᒪᒧᐎᓇᓄᐎᒡ᙮
\c 23
\p
\v 1 ᐊᑯ ᑈᓪ ᑯᐃᔅᒄ ᑲ ‍ ᑭᓄᐛᐱᒪᑦ ᐊᓂᔭ ᑲ ‍ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ, ᐊᑯ ᑲ ‍ ᐃᑕᑦ, “ᓂᐧᑲᓂᓯᑐᒄ, ᑲ ‍ ᐃᔅᐱᔅ ᐸᒋ ‍ ᐊᑐᔅᑯᐅᒃ ᒋᓴᒪᓂᑐᐤ ᓂ ‍ ᒐᔅᑎᓇᐅᓐ ᒧᔅ ᑯᐃᔅᒄ ᐊᒋ ‍ ᐃᑎᔭᓐ ᒋᓴᒪᓂᑐᐤ ᐊ ‍ ᐱᒪᑎᓯᔅᑐᐅᒃ᙮”
\v 2 ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᐊᓇᓇᔭᔅ ᑲ ‍ ᐃᓯᓂᐧᑲᓱᑦ ᒂ ‍ ᐃᑎᓱᒪᑦ ᐊᓂᔭᔪᐛ ᐊᐛᔪᐛ ᒥᒋᒪ ᑈᓚ ᐊ ‍ ᑕᔨᒋ ᑲ ‍ ᓂᐳᔨᒋ ᒐᒋ ᐅᑕᒥᑐᓇᐛᔨᒋ᙮
\v 3 ᐊᑯ ᑈᓪ ᒂ ‍ ᐃᑕᑦ, “ᒋᓴᒪᓂᑐᐤ ᒋᑭ ‍ ᐅᑕᒥᒂᐅᒄ, ᒋᔾ ᑲ ᐎ ‍ ᒪᒥᔪᓇᑯᐃᓱᔨᓐ ᒪᒂᒡ᙮ ᒋᑦ ᐊᐱᓐ ᐅᑕ ᒐᒋ ᑎᐸᔅᑯᓂᔨᓐ ᐎᓱᐛᐅᓂᒡ ᐃᔅ, ᒋᔾ ᒪᒃ ᓇᓂᑎᒻ ᐊᑲ ᓂᓇᐊᔨᑎᒥᓐ ᐊᓐ ᐎᓱᐛᐅᓐ ᐊᒋ ‍ ᐃᑎᓱᐛᔨᓐ ᒐᒋ ᐅᑕᒥᒂᐅᑯᔭᓐ ᐊᔅᒄ ᒪᒃ ᐊᑲ ᑯᐃᔅᒄ ᐅᒋ ᐃᓯ ᑎᐸᔅᑯᓂᑯᔭᓐ᙮”
\p
\v 4 ᐊᑯ ᐊᓐᒡ ᒥᒋᒪ ᑈᓚ ᐊ ‍ ᑕᔨᒋ ᑲ ‍ ᓂᐳᐅᒡ ᑲ ‍ ᐃᑕᒡ ᐊᓂᔭ ᑈᓚ, “ᐊᐛ ᒋᐸ ᐃᓯ ‍ ᐃᔨᒪᐊᐤ ᐊᓐ ᒋᓴᐊᔭᒥᐊᐅᒋᒪᐤ ᒋᓴᒪᓂᑐᐛ ᑲ ‍ ᐅᑎᓂᑯᑦ᙮”
\p
\v 5 ᑈᓪ ᒂ ‍ ᐃᔅᒋᔄᑦ, “ᓂᐧᑲᓂᓯᑐᒄ, ᐊᑐᒡ ᓂᐸ ᐅᒋ ‍ ᐃᑕᐤ ᐅᔭ ᒋ ‍ ᒋᔅᒐᔨᒪᐛᒐ ᐊ ‍ ᒋᓴᐊᔭᒥᐊᐅᒋᒪᐅᑦ ᐛᔅ ᑭᑈ ᑕᑈ ᐊᑯᓐ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᐊᑲᐎᔾ ᒋᑭ ᐅᒋ ‍ ᒥᒋ ‍ ᐊᔨᒧᒪᐤ ᐊᐛᓐ ᐊ ‍ ᓂᑲᓂᔅᑯᐛᑦ ᒋᑦ ᐃᔨᒪ᙮”
\p
\v 6 ᐃᔅᐱ ᒪᒃ ᓇᓯᑕᐅᓄᐛᑦ ᑈᓪ ᑕᐱᔅᑯᓐ ᓴᑎᔪᓯᐊ ᑭᔭ ᐸᕆᓯ ᐊ ‍ ᑕᔨᒋ ᐊᓐᑕ ᐊᓂᔭ ᐊ ‍ ᒪᒧᐎᔨᒋ ᑲ ‍ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ, ᒋ ‍ ᐃᑕᐤ ᐊ ‍ ᒋᔄᐛᑦ, “ᓂᐧᑲᓂᓯᑐᒄ, ᐸᕆᓯ ᓂᔾ, ᑭᔭ ᐊᓂᔭᐧᑲ ᓂᑦ ᐊᓂᔅᒐ ᓂᐧᑲᓂᓯᒡ ᐸᕆᓯ ᒋ ‍ ᐃᑎᐳᒡ᙮ ᐊᐅᒄ ᐅ ᐛᒋ ‍ ᑎᐸᔅᑯᓂᑯᔭᓐ ᐅ ᐊᓄᒡ, ᐊ ‍ ᑕᑈᑎᒪᓐ ᑲ ‍ ᓂᐱᒡ ᑲᐤ ᒐ ‍ ᐅᓂᔅᑲᒡ᙮”
\v 7 ᐃᔅᐱ ᒪᒃ ᐅᔭ ᑲ ‍ ᐃᔅᒋᔄᑦ ᑈᓪ, ᐊᓐᒡ ᐸᕆᓯᔨᒡ ᑭᔭ ᐊᓐᒡ ᓴᑎᔪᓯᒡ ᒋ ᒋᒋ ‍ ᒥᒋᐱᔪᒡ, ᐛᔅ ᑕᐸ ᐸᐃᑯᓄᒡ ᐅᒋ ᐃᓯ ᑕᑈᑎᒧᒡ ᐅᔭ᙮
\v 8 ᐊᓐᒡ ᓴᑎᔪᓯᒡ ᓇᒪ ᑕᑈᑎᒧᒡ ᒐ ‍ ᐅᓂᔅᑲᔨᒋ ᐊᓂᔭ ᑲ ‍ ᓂᐱᔨᒋ᙮ ᓇᒪ ᑭᔭ ᑕᑈᑎᒧᒡ ᐊᓐᒋᓇ ᑭᔭ ᐊᒐᒂ ᐊ ‍ ᑕᔨᒋ᙮ ᐊᑯ ᒪᒃ ᐎ ᐊᓐᒡ ᐸᕆᓯᔨᒡ ᒥᓯᐛ ᐃᓯ ᑕᑈᑎᒧᒡ ᐅᔭ᙮
\p
\v 9 ᐊᑯ ᐊᔭᔅᒃ ᑲ ᐊᑎ ᒥᔅᑎ ‍ ᒋᔄᐛᒡ ᐊ ‍ ᐃᔨᒥᐃᑐᒡ ᐅᒡ ᐸᕆᓯᔨᒡ ᑭᔭ ᓴᑎᔪᓯᒡ ᐊ ‍ ᒥᒋᐱᔨᒡ᙮ ᐊᑯ ᐊᓐᒡ ᑲ ‍ ᒋᔅᑯᑎᒪᒐᒡ ᐎᓱᐛᐅᓂᔪᐤ ᐸᕆᓯ ᑲ ‍ ᐃᑎᐱᒡ ᒂ ‍ ᐱᓯᑯᒡ ᐊᑯ ᒂ ‍ ᐃᔅᒋᔄᒡ, “ᓇᒪ ᐎ ᓂᔭᓐ ᓂ ‍ ᒥᔅᑭᒺᓇᓐ ᒐᒂᔪᐤ ᒐ ᐅᒋ ‍ ᐛᐛᓯᐊᑭᓄᐅᑦ ᐅ ᓇᐸᐤ᙮ ᒐᒃ ᒪ ᑕᑈ ᑲ ‍ ᐃᔨᒥᐃᑯᒂ ᐊᒐᒂ ᑭᔭ ᒪᒃ ᐊᓐᒋᓐ᙮”
\p
\v 10 ᒐᒃ ᒪᒃ ᐊᓂᔭ ᐊ ‍ ᐃᔅᐱᔅ ᒥᔅᑎ ᒥᒋᐱᔨᓇᓄᐎᒡ, ᐊᓐ ᓂᑐᐱᔪᐅ-ᐅᒋᒪᐤ ᒐᒃ ᒋ ‍ ᑯᔅᐱᓇᔨᑎᒻ ᒐᒋ ᐎᔭᔅᑐᑐᐛᑭᓄᔨᒋ ᑈᓚ᙮ ᐊᑯ ᒂ ‍ ᐃᑕᑦ ᐊᓂᔭ ᐅᑦ ᐊᓯᒪᑭᓂᓯᒻ ᒐᒋ ᐱᑎᑲᐊᔨᒋ ᑈᓚ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᒡ᙮
\p
\v 11 ᐊᓂᔭ ᒪᒃ ᑕᐱᔅᑲᔨᒡ, ᐅᑎᐸᔨᒋᒐᐤ ᒋ ᐸᒋ ‍ ᓂᐳᐅᔪᐛ ᐊᓐᑕ ᑈᓪ ᐊ ‍ ᑕᑦ ᐊᑯ ᒂ ‍ ᐃᑎᑯᑦ, “ᓱᒃ ᐎ ᓱᒋᑕᐊ, ᔅᒋ ‍ ᐊᔨᒧᒥᓐ ᐅᑕ ᒋᕈᓯᓕᒥᒡ, ᐊᐅᑯᓐ ᒪᒃ ᒐ ‍ ᐃᑎᔨᓐ ᑭᔭ ᐊᓐᑕ ᕈᒥᒡ᙮”
\s1 ᒍᐤ ᐃᔪᒡ ᑲ ‍ ᐎᔭᔨᑕᒡ ᒐ ‍ ᓂᐸᐊᒡ ᑈᓚ
\p
\v 12 ᐊᓐ ᒪᒃ ᒥᓐ ᐎᔭᐸᒡ ᒋ ‍ ᑕᐅᒡ ᒍᐤ ᐃᔪᒡ ᐊ ‍ ᒪᒧᐤ ᓂᔅᑯᒧᒡ ᑭᔭ ᐊ ‍ ᒪᒧᐤ ᑕᑈᒡ ᐊ ‍ ᐃᔅᒋᔄᒡ ᒐᔅᑎᓇᔅ ᒐ ᐊᑲ ᐅᒋ ‍ ᒥᒋᓱᒡ ᑭᔭ ᒐ ᐊᑲ ‍ ᐛᐛᒡ ᒥᓂᒡ ᒐᒂᔪᐤ ᐸᑐᔅ ᒋ ‍ ᓂᐸᐊᑥᐛ ᑈᓚ᙮
\v 13 ᐅᔅᑕ ᒪᒃ ᓇᐎᔪᐤ ᒋ ‍ ᐃᑕᑎᓯᒡ ᐅᒡ ᐅᔭ ᑲ ‍ ᐃᔅᒋᔄᒡ᙮
\v 14 ᐊᑯ ᒂ ‍ ᓂᑐᐛᐱᒪᒡ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐊᓂᔭᔪᐛ ᐃᔪᐛ ᐊᑯ ᒂ ‍ ᐃᑕᒡ, “ᐅᑕ ᐅ ᐊ ‍ ᑎᓯᔭᒡ ᓂᒋ ‍ ᒪᒧᐤ ᓂᔅᑯᒧᓇᓐ ᒐ ᐊᑲ ᓇᔅᒡ ᐅᒋ ᒥᒋᓱᔭᒡ ᐸᑐᔅ ᒋ ‍ ᓂᐸᐃᒋᒐ ᑈᓪ᙮
\v 15 ᒋᔨᐛᐤ ᑭᔭ ᐊᓐᒡ ᑲ ‍ ᒪᒧᐱᔅᑕᒡ ᑎᐸᔅᑯᓂᒐᐅᓂᔪᐤ, ᐃᑎᓱᒪᐧᒄ ᑭᔭ ᐊᓐ ᓂᑐᐱᔪᐅ-ᐅᒋᒪᐤ ᒐᒋ ᐸᑥᑕᒄ ᐊᓂᔭ ᑈᓚ, ᒧᔭᒻ ᒥᓐ ᐊ ᐎ ‍ ᑯᒂᒋᒪᒄ ᒐᒂᔪᐤ ᒋᐸ ‍ ᐃᑐᑐᐛᐛᐤ᙮ ᓂᔭᓐ ᐎ ᓂᑭ ᒋ ‍ ᓂᐸᐊᓇᓐ ᑈᓪ ᐊᔅᒄ ᐊᑲ ᐅᑕ ᐸᓱᐛᑭᓄᐅᑦ᙮”
\p
\v 16 ᐅᔭ ᒪᒃ ᑲ ‍ ᐃᔅᒋᔄᒡ ᐅᒡ ᑲ ᐎ ‍ ᓂᐸᐊᒡ ᑈᓚ ᒧᔭᒻ ᒋ ‍ ᐃᑕᔨᑯᐱᓇ ᑯᐸᓇᓴ ᐊᓐᑕ ᐊᓂᔭ ᑲ ‍ ᑕᒡ᙮ ᑈᓪ ᒪᒃ ᐎᐧᑲᓂᓴ ᐅᔭ ᐅᑯᓯᔪᐛ᙮ ᑭᑈ ᐱᔭᑕᐧᒃ ᐊᓐ ᓇᐸᔅ ᐅᔭ ᐊ ᐃᓯ ‍ ᐊᔨᒧᒪᑭᓄᔨᒋ ᐊᓂᔭ ᐅᐧᑯᒥᓴ ᑈᓚ᙮ ᒂ ‍ ᐱᒐᑦ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᔪᐤ ᐊᓐᑕ ᑲ ‍ ᑭᓄᐛᔨᒪᑭᓄᔨᒋ ᑈᓚ, ᐊᑯ ᒂ ‍ ᐎᑎᒧᐛᑦ ᑕᓐ ᑲ ᐃᓯ ‍ ᐸᑕᐧᒃ᙮
\p
\v 17 ᑈᓪ ᒂ ‍ ᐎᓴᒪᑦ ᐸᐃᒄ ᐊᓂᔭ ᑲ ‍ ᓂᑲᓂᔅᑯᐛᔨᒋ ᐊᓯᒪᑭᓂᓴ, ᐊᑯ ᒂ ‍ ᐃᑕᑦ, “ᐃᑐᑕᐃ ᐊᓐ ᐅ ᓇᐸᔅ ᓇᑕ ᓂᑐᐱᔪᐅ-ᐅᒋᒪᐛ ᐊ ‍ ᑕᔨᒋ᙮ ᑎᑯᓂᔪᐤ ᒐᒂᔪᐤ ᐛᐎᑎᒧᐛᑦ᙮”
\v 18 ᐊᑯ ᑭᑈ ᐊᓐ ᑲ ‍ ᓂᑲᓂᔅᑯᐛᑦ ᐊᓯᒪᑭᓂᓴ ᒂ ‍ ᐃᑐᑕᐊᑦ ᐊᓂᔭ ᓇᐸᓴ ᐊᓐᑕ ᓂᑐᐱᔪᐅ-ᐅᒋᒪᐛ ᐊ ‍ ᑕᔨᒋ, ᐊᑯ ᒂ ‍ ᐃᑕᑦ ᐊᓂᔭ ᓂᑐᐱᔪᐅ-ᐅᒋᒪᐛ, “ᐊᓐ ᑲ ‍ ᒪᑯᓇᑭᓄᐅᑦ ᑈᓪ ᓂᒋ ‍ ᐃᑎᒄ ᒐᒋ ᐸᓯᒥᒋ ᐅᔭ ᓇᐸᓴ ᐅᑕ ᐊ ‍ ᑕᐅᑦ, ᒋ ᐎ ‍ ᐃᑎᑯᔪᐛ ᒐᒂᔪᐤ᙮”
\p
\v 19 ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ‍ ᐅᑎᓂᒺᑦ ᐊᓂᔭ ᓇᐸᓴ ᐅᑎᒋᔪᐤ, ᒂ ‍ ᐃᑐᑕᐊᑦ ᐊᓐᑕ ᒥᒄ ᐎᔨᐛᐤ ᒐᒋ ᓂᓯᒡ, ᐊᑯ ᒂ ‍ ᐃᑕᑦ, “ᒐᒂᓐ ᑲ ᐎ ᐸᒋ ‍ ᐎᑎᒧᔨᓐ ?”
\p
\v 20 ᐊᑯ ᐊᓐ ᓇᐸᔅ ᒂ ‍ ᐃᔅᒋᔄᑦ, “ᐊᓐᒡ ᑲ ‍ ᓂᑲᓂᔅᑯᐛᒡ ᒍᐤ ᐃᔪᐛ ᒋᑭ ‍ ᐃᑎᑯᐅᒡ ᐛᐸᓂᔨᒐ ᒐᒋ ᐃᑐᑕᐃᒪᑯ ᑈᓚ ᓇᑕ ᑲ ‍ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ‍ ᑕᔨᒋ, ᒧᔭᒻ ᒥᓐ ᒐᒂᔪᐤ ᐊ ᐎ ᐃᓯ ᓂᑐ ‍ ᒋᔅᒐᔨᒪᒡ ᒋᑭ ‍ ᐃᑐᐅᒡ᙮
\v 21 ᐊᑲᐎᔾ ᒥᒄ ᑕᑈᑐᐅᒡ᙮ ᐅᔅᑕ ᓇᐎᔪᐤ ᐃᑕᑎᓯᒡ ᐊᓐᒡ ᐊ ‍ ᑎᑯᓂᔨᒡ ᐊᓐᑕ ᑭᔭᓱᒡ ᐊ ‍ ᐊᓱᐛᐱᒪᒡ ᒐ ᐃᔅᐱᔅ ‍ ᐃᑐᑕᐊᑭᓄᔨᒋ ᐊᓐᑕ ᑎᐸᔅᑯᓂᒐᐅᒋᐛᐱᒡ᙮ ᐛᔅ ᒋ ‍ ᓇᔅᐱᒡ ᑕᑈᐅᒡ ᒐ ᐊᑲ ᐅᒋ ‍ ᒥᒋᓱᒡ ᑭᔭ ᒐ ᐊᑲ ᐅᒋ ‍ ᒥᓂᒡ ᒐᒂᔪᐤ ᐸᑐᔅ ᒋ ‍ ᓂᐸᐊᑥᐛ ᐊᓂᔭ ᑈᓚ᙮ ᓴᔅ ᒪᒃ ᐊᔭᔅᑯᐎᔪᒡ ᐅᔭ ᒐ ‍ ᐃᑎᒡ, ᒥᒄ ᐊᓱᐛᐱᒪᐅᒡ ᒐ ᐃᔅᐱᔅ ‍ ᐃᑐᑕᐊᑭᓄᔨᒋ ᓇᑕ᙮”
\p
\v 22 ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ‍ ᐃᑕᑦ ᐊᓂᔭ ᓇᐸᓴ, “ᐊᑲᐎᔾ ᐊᐛᓐ ᐎᑎᒧᐤ ᑕᓐ ᑲ ᐃᓯ ‍ ᐎᑎᒧᔨᓐ ᐊᓄᒡ᙮” ᐊᑯ ᒂ ‍ ᒋᐛᑎᓯᐛᑦ ᐊᓂᔭ ᓇᐸᓴ᙮
\s1 ᑈᓪ ᑲ ‍ ᐃᑎᓴᐛᑭᓄᐅᑦ ᐊᓐᑕ ᒋᓴᐅᒋᒪᐤ ᐱᓕᑭᓴ ᐊ ‍ ᑕᔨᒋ
\p
\v 23 ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ‍ ᐎᓴᒪᑦ ᓂᓱ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐅᑦ ᐊᓯᒪᑭᓂᓯᒪ, ᐊᑯ ᒂ ‍ ᐃᑕᑦ, “ᐊᔭᔅᑯᐎᔨᒡ ᓂᓱ ᒥᑕᓯᒥᑎᓄᐤ ᐊᓯᒪᑭᓂᓯᒡ ᑭᔭ ᓂᔄᐅᑕᒡ ‍ ᑕᑐᔪᐤ ᐊᓐᒡ ᑲᐸᐃᑭᔎᐛ ᑲᒋ ‍ ᐊᐱᒋᐊᒡ ᐊ ‍ ᒪᓯᒐᒡ ᑭᔭ ᓂᓱ ᒥᑕᓯᒥᑎᓄᐤ ᐊᓯᒪᑭᓂᓯᒡ ᒧᐧᑯᒪᓇ ᑲ ‍ ᒪᓯᒐᐛᒐᒡ ᒐᒋ ᐃᑐᑕᒡ ᓯᓴᕆᔭᒡ᙮ ᐊᓄᒡ ᒪᒃ ᐅᔭ ᒐ ‍ ᐅᑕᑯᓯᔨᒡ ᐸᐃᑯᔅᑕᐤ ᐃᔅᐱᔨᒐ ᒐ ‍ ᔅᑐᑕᒡ᙮
\v 24 ᔭᐃᑕᔾ ᐅᑎᓂᒺᒄ ᑈᓪ ᑲᐸᐃᑭᔎᐛ ᒐᒋ ᐱᒧᑕᐃᑯᑦ᙮ ᐊᑯ ᓇᑕ ᒋᓴᐅᒋᒪᐛ ᐱᓕᑭᓴ ᐊ ‍ ᑕᔨᒋ ᒐ ‍ ᐃᑐᑕᐊᒄ᙮ ᐃᔭᒂ ᓂᓇᑭᑐᐛᔨᒪᐧᒄ ᒐ ᐊᑲ ᒋ ᐎᔭᔅᑐᑕᑯᑦ ᐊᐛᔪᐛ᙮”
\p
\v 25 ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ‍ ᒥᓯᓇᐃᒐᑦ ᐊ ‍ ᐃᑎᔅᑕᑦ,
\q
\v 26 “ᓂᔾ ᑲᓗᑎᔭᔅ ᓚᐃᓯᔭᔅ,
\q ᒋᔾ ᒋᓴᐅᒋᒪᐤ ᐱᓕᑭᔅ ᒋ ‍ ᒥᓯᓇᐊᒪᑎᓐ,
\q
\v 27 ᐅ ᓇᐸᐤ ᑲ ‍ ᐃᑎᓴᐅᒃ ᐊ ‍ ᐃᑕᐅᑦ ᒍᐤ ᐃᔪᐛ ᒋ ‍ ᒪᑯᓂᑯᐤ, ᑭᔭ ᒋ ᐎ ‍ ᓂᐸᐃᑯᐤ᙮ ᐃᔅᐱ ᑲ ‍ ᐎᑎᒪᑯᔭᓐ ᕈᒻ ᐊ ᐃᓯ ‍ ᒥᓯᓇᓱᑦ, ᐊᑯ ᒂ ‍ ᓇᑎᒧᒃ ᓂᑦ ᐊᓯᒪᑭᓂᓯᒻ ᐊᒋ ‍ ᐎᒐᐅᒥᒡ᙮
\v 28 ᓂᒋ ᐎ ᓂᑐ ‍ ᒋᔅᒐᔨᑎᒺᓐ ᒐᒂᔪᐤ ᐊᓂᔭ ᑲ ᐃᓯ ‍ ᒪᒥᓯᒪᒡ, ᐊᑯ ᒂ ‍ ᐃᑐᑕᐃᒥᒋ ᐊᓐᑕ ᒍᐤ ᑲ ‍ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ‍ ᑕᔨᒋ᙮
\v 29 ᐃᔅᐱ ᒪᒃ ᐛᑎᒪᑯᔭᓐ ᑕᓐ ᑲ ᐃᓯ ‍ ᑎᐸᔅᑯᓇᑭᓄᐅᑦ ᐅ ᓇᐸᐤ ᓇᒪ ᒐᒂᔪᐤ ᐅᒋ ᐃᑐᐤ ᒐᒋ ᐅᒋ ‍ ᐛᐛᓯᐊᑭᓄᐅᑦ ᒪᒃ ᒐᒋ ᐅᒋ ‍ ᓂᐸᐊᑭᓄᐅᑦ᙮ ᐊᑲ ᒪᒧᔭᒻ ᐊᑐᑕᐧᒃ ᒍᐤ ᐎᓱᐛᐅᓇ ᐊᑯᓐ ᑲ ᐃᓯ ‍ ᒪᒥᓯᒪᑭᓄᒂ᙮
\v 30 ᒐᒃ ᒂ ‍ ᐎᑎᒪᑯᔭᓐ ᐊ ‍ ᑕᔨᒋ ᒍᐤ ᐃᔪᐛ ᐊ ᐎ ‍ ᓂᐸᐃᑯᑦ, ᐊᑯ ᒂ ‍ ᐃᑕᔨᑎᒪᓐ ᒐᒋ ᐃᑎᓴᐅᒃ ᐊᓐᑕ ᐊ ‍ ᑕᔨᓐ᙮ ᐊᑯ ᒪᒃ ᐛ ᐃᑎᒂᐤ ᐊᓐᒡ ᑲ ‍ ᐃᔅᒋᔄᒡ ᐊᑲ ᓂᓇᐊᔨᑎᒥᔨᒋ ᐎᓱᐛᐅᓂᔪᐤ, ᒐᒋ ᐎᑎᒪᔅᒡ ᑕᓐ ᐊ ᐃᓯ ‍ ᒪᒥᓯᒪᒡ᙮ ᒐ ‍ ᐛᑕᔨᑎᒥᓐ ᒪᒃ ᑕᓐ ᒐ ‍ ᐃᑐᑐᐛᑭᓄᐅᑦ᙮ ᒋ ‍ ᐛᒋᔭᒥᑎᓐ ᒪᒃ᙮”
\p
\v 31 ᐊᑯᓐ ᑭᑈ ᑲ ‍ ᐃᑎᒡ ᐊᓐᒡ ᐊᓯᒪᑭᓂᓯᒡ ᐊᓂᔭ ᑲ ‍ ᐃᑎᓱᒪᑭᓄᐎᒡ᙮ ᒋ ‍ ᓂᑐᐛᐱᒪᐅᒡ ᑈᓚ ᐊᓂᔭ ᑕᐱᔅᑲᔨᒡ, ᐊᑯ ᒂ ‍ ᔅᑐᑕᐊᒡ᙮ ᐊᓐᑎᐸᑦᕆᔅ ᒪᒃ ᑲ ‍ ᐃᓯᓂᐧᑲᑕᔨᒋ ᐅᑕᓇᔪᐤ ᒋ ‍ ᐃᔅᐱᔅ ᐃᑐᑕᐊᐅᒡ᙮
\v 32 ᐊᓂᔭ ᒪᒃ ᐎᔭᐱᓂᔨᒡ, ᒋ ‍ ᒋᐛᐅᒡ ᐊᓐᒡ ᑲ ‍ ᐱᒧᑕᒡ ᐊᓯᒪᑭᓂᓯᒡ᙮ ᐊᑯ ᐊᓐᒡ ᐊᓯᒪᑭᓂᓯᒡ ᑲᐸᐃᑭᔎᐛ ᑲ ‍ ᐊᐱᒋᐊᒡ ᒂ ‍ ᐎᒐᐛᒡ ᐊᓂᔭ ᑈᓚ᙮
\v 33 ᐊᓐᑕ ᒪᒃ ᓯᓴᕆᔭᒡ ᐊᑯᑕ ᑲ ‍ ᐃᑐᑕᐊᒡ᙮ ᐃᔅᐱ ᒪᒃ ᑕᑯᓯᓂᒡ ᐊᓐᑕ ᐊᑯ ᒂ ‍ ᒥᔭᒡ ᐊᓂᔭ ᒋᓴᐅᒋᒪᐛ ᐱᓕᑭᓴ ᐊᓂᔭ ᒥᓯᓇᐃᑭᓂᔪᐤ ᑲ ‍ ᐊᐱᒋᐊᑭᓄᐎᒡ ᒐᒋ ᒥᔭᒡ᙮ ᑈᓚ ᑭᔭ ᒂ ‍ ᐱᔅᑎᓇᒡ ᐊᓐᑕ ᐱᓕᑭᓴ ᐊ ‍ ᑕᔨᒋ᙮
\v 34 ᐊᑯ ᐊᓐ ᒋᓴᐅᒋᒪᐤ ᒂ ‍ ᐃᔨᒥᑕᑦ ᐊᓂᔭ ᒥᓯᓇᐃᑭᓂᔪᐤ᙮ ᑲᒋ ᐃᓯ ‍ ᐃᔨᒥᑕᑦ ᒪᒃ ᐊᑯ ᑲ ‍ ᑯᒂᒋᒪᑦ ᐊᓂᔭ ᑈᓚ ᑕᓐᑕ ᐛᒋᔨᒋ᙮ ᐃᔅᐱ ᒐᔅᒐᔨᑕᐧᒃ ᐊᓐᑕ ᓯᓕᓯᔭ ᐊ ‍ ᐅᒋᔨᒋ,
\v 35 ᒋ ‍ ᐃᑕᐤ ᐊᓂᔭ ᑈᓚ, “ᐃᔅᐱ ᑎᑯᓯᒂᐛ ᐊᓐᒡ ᑲ ᐎ ‍ ᑎᐸᔅᑯᓂᔅᒡ ᐊᑯᑕ ᐃᔭᒂ ᒐ ‍ ᓂᑐᑎᒪᓐ ᑕᓐ ᐛ ᐃᓯ ‍ ᑎᐸᔅᑯᓂᑯᐅᓇ᙮” ᐊᑯ ᒂ ‍ ᐃᑎᓱᒪᑦ ᐅᑦ ᐊᓯᒪᑭᓂᓯᒻ ᒐᒋ ᓂᓇᑭᑐᐛᔨᒪᔨᒋ ᐊᓂᔭ ᑈᓚ ᐊᓐᑕ ᐊᕈᑕ ᐅᒋᓴᐅᒋᒪᐅᒋᐛᐱᒡ᙮
\c 24
\s1 ᒍᐤ ᐃᔪᒡ ᑲ ‍ ᓂᑐᐛᔨᒪᒡ ᒋᓴᐅᒋᒪᐛ ᐱᓕᑭᔅ ᒐᒋ ᑎᐸᔅᑯᓇᔨᒋ ᑈᓚ
\p
\v 1 ᐱᑕᑕᒡ ᒋᓯᑲᐤ ᒪᒃ ᐃᔅᐱᔅ ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᐊᓇᓇᔭᔅ ᑲ ‍ ᐃᓯᓂᐧᑲᓱᑦ ᒋ ‍ ᑎᑯᓯᓄᐤ ᐊᓐᑕ ᓯᓴᕆᔭᒡ᙮ ᒋ ‍ ᐎᒐᐅᑯᐤ ᐱᔅᒐ ᐊᓂᔭ ᑲ ‍ ᓂᑲᓂᔅᑯᐛᔨᒋ ᒍᐤ ᐃᔪᐛ ᑭᔭ ᐊᓂᔭ ᑲᐃᔨᒥᑦ ᑐᕐᑐᓚᔅ ᑲ ‍ ᐃᓯᓂᐧᑲᓱᔨᒋ᙮ ᐊᑯ ᒂ ‍ ᓂᑐᐛᐱᒪᒡ ᐊᓂᔭ ᒋᓴᐅᒋᒪᐛ ᐱᓕᑭᓴ ᐊ ‍ ᐛᐎᑎᒧᐛᒡ ᑕᓐ ᑲ ‍ ᐃᑕᔨᒪᒡ ᑈᓚ ᐊ ᐃᓯ ‍ ᐅᓂᑐᑎᒥᔨᒋ᙮
\v 2 ᐊᑯ ᑈᓪ ᒂ ‍ ᐎᓴᒪᑭᓄᐅᑦ ᒐᒋ ᐱᒐᑦ᙮ ᐃᔅᐱ ᒪᒃ ᑲ ‍ ᐱᒐᑦ ᐊᑯ ᑐᕐᑐᓚᔅ ᑲ ᒋᒋ ‍ ᐛᐎᑕᐧᒃ ᑕᓐ ᑲ ᐃᓯ ‍ ᐊᑕᒪᔨᒪᑭᓄᔨᒋ ᐊᓂᔭ ᑈᓚ᙮
\p ᒋ ‍ ᐃᑕᐤ ᐊᓂᔭ ᒋᓴᐅᒋᒪᐤ ᐱᓕᑭᓴ, “ᒋᔾ, ᒋᓴᐅᒋᒪᐤ, ᓇᔅᒡ ᑲ ‍ ᑭᔅᒋᐅᔨᓐ ᐊ ‍ ᓂᑲᓂᔅᑲᒐᔨᓐ, ᓇᐅᔅ ᓇᒪ ᐅᒋ ᑎᑯᓐ ᒐᒋ ᒪᒥᒋᐱᔨᓇᓄᐅᒡ ᐅᑕ ᒋᔭᓄᐤ ᐃᑕᒐ ᐊ ‍ ᑕᔭᐧᒄ, ᒧᔅ ᒋ ‍ ᒋᔭᒪᔨᑕᑯᓐ, ᑭᔭ ᓂᓇᐧᑯᐤ ᒐᒂᔪᐤ ᔅᒋ ‍ ᐊᒋᑕᓐ ᒐᒋ ᐅᒋ ‍ ᒥᔪᐱᔨᓇᓄᐅᒡ᙮
\v 3 ᒥᓯᐛ ᒪᒃ ᐊᓐᑕ ᐊ ᐊᑎ ‍ ᑕᔭᒡ ᑕᑈ ᒋ ‍ ᓂᔅᑯᒥᑎᓇᓐ ᑕᓐ ᑲ ᐃᓯ ‍ ᐃᑐᑎᒥᓐ ᑲ ᐃᔅᐱᔅ ‍ ᐅᒋᒪᐎᔨᓐ ᐅᑕ ᐊ ‍ ᑕᔭᒡ᙮
\v 4 ᐊᑯ ᒪᒃ ᐊᑲ ᓇᔅᒡ ᒐᒋ ᐅᑎᒥᐃᑕᒡ, ᔅᒋ ᐎ ᐃᓯ ‍ ᑯᒂᒋᒥᑎᓐ ᐊᓐ ᑭᑈ ᐊ ᐃᓯ ‍ ᒥᔪᑥᔨᓐ ᒐᒋ ᓂᑐᑎᐎᔨᓐ ᑕᓐ ᒐ ‍ ᐃᔅᒋᔄᔭᓐ᙮ ᓇᒪ ᓇᐅᔅ ᒋᑭ ᐅᒋ ‍ ᐃᔨᒥᐃᑎᓐ᙮”
\p
\v 5 “ᓂ ‍ ᒋᔅᒐᔨᒪᓇᓐ ᐅ ᓇᐸᐤ, ᑈᓪ ᐊ ‍ ᒥᒋᐱᔨᑕᑦ᙮ ᑎᑯᓂᔪᐤ ᑕᓐ ᐊ ‍ ᐃᑎᑦ ᐊᑎ ᐛᒋ ‍ ᐃᑐᑐᐛᑦ ᐅᔭ ᒍᐤ ᑲ ‍ ᐃᑎᔅᑲᓇᓯᔨᒋ ᐃᔪᐛ ᒥᓯᐛ ᐅᑕ ᐊᔅᒋᒡ ᑲ ‍ ᑕᔨᒋ ᒐᒋ ᒪᒥᒋᐱᔨᑕᔨᒋ᙮ ᐎᒋᐃᐛᐤ ᑭᔭ ᐊ ‍ ᓂᑲᓂᔅᑯᐛᑭᓄᔨᒋ ᐊᓂᔭ ᓇᓴᕆᓐ ᑲ ‍ ᐃᓯᓂᐧᑲᑕᑭᓄᔨᒋ ᓇᔅᒡ ᓂᑎᒥᒄ ᑲ ᐃᓯ ‍ ᑕᑕᑈᑎᒥᔨᒋ᙮
\v 6 ᐛᐛᒡ ᒋ ᐎ ‍ ᒪᔭᔨᑎᒻ ᒍᐤ ᒋᓴᐊᔭᒥᐊᐅᒋᐛᐱᔪᐤ, ᐊᑯ ᒥᒄ ᐊᑯᑕ ᑲ ‍ ᒪᑯᓂᒋᒡ᙮ ᐊᓐᑕ ᒪᒃ ᓂᔭᓐ ᓄᐅᔭᔅᑯᓂᒐᐅᓇᒡ ᐊᑯᑕ ᑲ ᐎ ᐃᓯ ‍ ᑎᐸᔅᑯᓂᒋᒡ᙮
\v 7 ᒥᒄ ᒪᒃ ᐊᓐ ᓂᑐᐱᔪᐅ-ᐅᒋᒪᐤ ᓚᐃᓯᔭᔅ ᑲ ‍ ᐃᓯᓂᐧᑲᓱᑦ ᒂ ‍ ᑎᑯᓯᐧᒃ, ᓇᒪ ᓇᔅᒡ ᐅᒋ ᒪᒥᓇᑎᓯᐤ ᐊ ‍ ᒥᔅᑭᒧᑯᐎᔭᒡ ᐅᔭ ᓇᐸᐛ᙮
\v 8 ᐊᑯ ᒂ ‍ ᐃᔅᒋᒥᒡ ᐎ ᒪᒥᓯᒪᒂ ᑈᓪ, ᐊᑯᑕ ᐅᑕ ᓂᐸ ‍ ᑎᑯᓯᓇᓐ ᒋᔾ ᐊ ‍ ᑕᐅᑦ, ᒋᔾ ᒐᒋ ᑎᐸᔅᑯᓂᑦ᙮ ᐊᑯ ᒪᒃ ᒋᔾ ᐛᒋᒡ ᒐᒋ ᓂᑐ ‍ ᒋᔅᒐᔨᒥᑦ ᑕᓐ ᐊ ‍ ᐃᑎᑦ᙮ ᑯᒂᒋᒥᑕ ᒪᒃ ᑈᓪ, ᒋᔾ ᓇᓂᑎᒻ ᒋᑭ ᒋ ᓂᑐ ‍ ᒋᔅᒐᔨᑎᒺᓐ ᐅᔭ ᑕᓐ ᐊ ᐃᓯ ‍ ᒪᒥᓯᒪᑭᓄᐅᑦ᙮”
\p
\v 9 ᐊᑯ ᐊᓐᒡ ᒍᐤ ᐃᔪᒡ ᐊᓐᒡ ᐊᓂᔭ ᑐᕐᑐᓚᓴ ᑲ ‍ ᐎᒐᐛᒡ ᑭᔭ ᐎᔨᐛᐤ ᐊᑯᓐ ᑲ ‍ ᐃᔅᒋᔄᒡ ᑕᑈ ᑈᓚ ᐊᒋ ‍ ᐅᓂᑐᑎᒥᔨᒋ᙮
\s1 ᑈᓪ ᑲ ‍ ᐎᑎᒧᐛᑦ ᐊᓂᔭ ᒋᓴᐅᒋᒪᐛ ᐱᓕᑭᓴ ᐊᑲ ᐅᒋ ᐅᓂᑐᑕᐧᒃ
\p
\v 10 ᐊᑯ ᐊᓐ ᒋᓴᐅᒋᒪᐤ ᑲ ‍ ᒥᔭᑦ ᐊᓂᔭ ᑈᓚ ᒐᒋ ᐃᔨᒥᔨᒋ, ᐊᑯ ᑈᓪ ᑲ ‍ ᐃᔅᒋᔄᑦ, “ᒋ ‍ ᒋᔅᒐᔨᒥᑎᓇᓐ ᓴᔅ ᒥᒐᑐᐤ ᐱᐳᓇ ᑎᐸᔅᑯᓂᒐᓱᐤ ᐊᒋ ‍ ᐃᑎᐱᔨᓐ ᐅᑕ ᐃᑕᒐ ᐅᒡ ᒍᐤ ᐃᔪᒡ ᐊ ‍ ᑕᒡ᙮ ᓂ ‍ ᒥᔽᔨᑕᓐ ᒪᒃ ᐊ ‍ ᓇᐃᐱᔨᒡ ᑯᐃᔅᒄ ᒐᒋ ᐃᓯ ‍ ᐊᔨᒧᑎᒪᑕᓐ ᑭᔭ ᓂᔾ ᐅ ᑕᓐ ᐛ ᐃᓯ ‍ ᑎᐸᔅᑯᓂᑯᔭᓐ᙮
\v 11 ᓇᒪ ᐅᔅᑕ ᓂᓱᓴᑉ ᒋᓯᑲᐛ ᑲ ‍ ᑕᔭᓐ ᐊᓐᑕ ᒋᕈᓯᓕᒥᒡ ᐊᒋ ‍ ᐊᔭᒥᐊᔭᓐ᙮ ᒋᔾ ᓇᓂᑎᒻ ᒋᑭ ᒋ ᓂᑐ ‍ ᒋᔅᒐᔨᑕᓐ ᐊ ‍ ᑕᑈᔭᓐ ᐅ ᑲ ‍ ᐃᑎᑕᓐ᙮
\v 12 ᐅᒡ ᒪᒃ ᑲ ‍ ᑎᑯᓂᔨᒡ ᑕᓐ ᐛ ᐃᓯ ᐸᒋ ‍ ᒪᒥᒋᐃᓯᒡ ᓇᒪ ᓂ ᐅᒋ ‍ ᐛᐱᒥᑯᐅᒡ ᒐᒋ ᒥᒋᐱᔨᐃᒥᒋ ᐊᐛᔪᐛ ᐊᓐᑕ ᒍᐤ ᒋᓴᐊᔭᒥᐊᐅᒋᐛᐱᒡ᙮ ᓇᒪ ᑭᔭ ᓂ ᐅᒋ ‍ ᐛᐱᒥᑯᐅᒡ ᒐᒋ ᐃᑐᑎᒥᒡ ᐊᐛᔪᐛ ᒐᒋ ᒪᒥᒋᐱᔨᑕᔨᒋ ᐊᓐᑕ ᓂᓇᐧᑯᐤ ᒍᐤ ᐊᔭᒥᐊᐅᒋᐛᐱᒡ ᒪᒃ ᐃᔭᒡ ᐊᓐᑕ ᒋᕈᓯᓕᒥᒡ᙮
\v 13 ᑭᔭ ᒪᒃ ᓇᒪ ᐊᓐ ᒋᑭ ᒋ ‍ ᐛᐸᑎᔨᑯᒡ ᑕᑈ ᐊ ‍ ᑕᑈᒡ ᐊᓂᔭ ᑕᓐ ᐊ ᐃᓯ ᐸᒋ ‍ ᐊᑕᒪᔨᒥᒡ᙮
\v 14 ᒪᐅ ᒥᒄ ᒐᔅᑎᓇᔅ ᑯᐃᔅᒄ ᒐᒋ ᐃᓯ ‍ ᐎᑎᒪᑕᓐ᙮ ᐊᑯᑕ ᐊ ᐃᓯ ‍ ᐎᒋᐃᐛᔭᓐ ᑭᔭ ᓂᔾ ᐊᓐᒡ ᑲ ‍ ᐱᒧᑕᒡ ᐊᓂᔭ ᒪᔅᑭᓇᔪᐤ ᒋᓴᒪᓂᑐᐛ ᑲ ‍ ᐃᔅᒋᔄᔨᒋ ᒐ ᐃᓯ ‍ ᐱᒧᑕᓄᐎᒡ ᒐᒋ ᐅᒋ ‍ ᐱᒪᒋᐅᓇᓄᐎᒡ᙮ ᐊᐅᒄ ᐅᔭ ᓂᑎᒥᒄ ᐊ ᐃᓯ ‍ ᑕᑕᑈᑕᑭᓄᐅᒡ ᑲ ‍ ᐃᓯᓂᐧᑲᑕᒡ ᐎᔨᐛᐤ ᐅᒡ ᒍᐤ ᐃᔪᒡ᙮ ᐊᓐ ᒋᓴᒪᓂᑐᐤ ᐊᓂᔭᐧᑲ ᐊᓂᔅᒐ ᓂᐧᑲᓂᓯᓇᓂᒡ ᑲ ‍ ᐊᔭᒥᐊᔅᑐᐛᒡ ᐊᐅᑯᓐ ᐊᓐ ᐊ ‍ ᐊᔭᒥᐊᔅᑐᒃ ᑭᔭ ᓂᔾ᙮ ᓂᔾ ᒪᒃ ᐎ ᓂ ‍ ᑕᑈᑕᓐ ᒥᓯᐛ ᒐᒂᓐ ᑕᓐ ᐊ ᐃᓯ ‍ ᐎᑕᒂᒡ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᒥᓯᐛ ᑕᓐ ᐊᑎᔅᑕᒡ ᐊᓐᑕ ᐊᓐᒡ ᐅᒋᔅᒋᐛᐃᒐᓱᒡ ᐅᒥᓯᓇᐃᑭᓂᐛᒡ᙮
\v 15 ᓂ ‍ ᑕᑈᑕᓐ ᑭᔭ ᓂᔾ ᑲᐤ ᒐ ‍ ᐅᓂᔅᑲᒡ ᒥᓯᐛ ᑲ ‍ ᓂᐱᒡ, ᐊᓐᒡ ᑲ ‍ ᒥᒋᑐᑕᒡ ᑭᔭ ᐊᓐᒡ ᑲ ‍ ᒥᔪᑐᑕᒡ᙮ ᐊᐅᒄ ᒪᒃ ᐅᔭ ᐊ ᐃᓯ ‍ ᑕᑈᔭᔨᒥᒃ ᒋᓴᒪᓂᑐᐤ ᒐ ‍ ᐃᑐᑕᐧᒃ ᒧᔭᒻ ᑭᔭ ᐎᔨᐛᐤ ᐅᒡ ᒍᐤ ᐃᔪᒡ ᐊ ᐃᓯ ‍ ᑕᑈᑕᒡ᙮
\v 16 ᓱᒃ ᒪᒃ ᓂᓇᑭᑐᐛᔨᒥᓱᓐ ᒐ ᐊᑲ ᒋ ᒪᔭᔨᒥᒃ ᒋᓴᒪᓂᑐᐤ ᑭᔭ ᐃᔪᒡ ᒐᒋ ᐅᒋ ‍ ᒐᔅᑎᓇᐅᔭᓐ ᑯᐃᔅᒄ ᐊ ‍ ᐃᑎᔭᓐ᙮”
\p
\v 17 “ᒥᒐᑐᐤ ᐱᐳᓇ ᓇᒪ ᓂ ᐅᒋ ‍ ᑕᓐ ᐊᓐᑕ ᒋᕈᓯᓕᒥᒡ᙮ ᐃᔅᐱ ᒪᒃ ᑲᐤ ᑲ ‍ ᑎᑯᓯᓂᔭᓐ ᐊᓐᑕ, ᓂᒋ ‍ ᐸᑕᐛᐅᒡ ᓂᑦ ᐃᔨᒥᒡ ᐱᔅᑎᓂᒐᐅᓂᔪᐤ ᐊᒋ ‍ ᒥᔭᑭᓄᔨᒋ ᐊᓂᔭ ᑲ ‍ ᒋᔅᑎᒪᑎᓯᔨᒋ, ᑭᔭ ᐊᔪᐤ ᓂᒋ ᓇᒋ ‍ ᐊᔭᒥᐊᓐ ᒐᒋ ᒥᑐᔅᑕᐊᒧᐅᒃ ᒋᓴᒪᓂᑐᐤ᙮
\v 18 ᐊᑯᑕ ᒪᒃ ᐊᓐᑕ ᒪᒂᒡ ᑲ ‍ ᑕᐅᒡ ᑲ ‍ ᐛᐱᒥᒡ ᐊᓐᒡ ᒍᐤ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᑲ ‍ ᐅᒋᒡ᙮ ᓴᔅ ᓂᒋ ‍ ᐃᑐᑎᒺᓐ ᑕᓐ ᑲᒋ ‍ ᐃᑎᓇᓄᐅᒡ ᒐᒋ ᐸᔭᒋᐃᓱᓇᓄᐅᒡ᙮ ᐊᓐ ᒪᒃ ᒪᒂᒡ ᓇᒪ ᐅᒋ ᒥᒐᑐᐅᒡ ᐊᐛᓐᒋ ᐊᓐᑕ ᑭᔭ ᓇᒪ ᒐᒂᓐ ᐅᒋ ᐃᓯ ᒥᒋᐱᔪᐤ᙮
\v 19 ᒥᒄ ᐊᓐᒡ ᒍᐤ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᐊ ‍ ᐅᒋᒡ ᒋ ‍ ᑕᐅᒡ ᐊᓐᑕ᙮ ᐊᐅᑯᓐᒡ ᒪᒃ ᐊᓐᒡ ᒋᐸ ‍ ᑕᐅᒡ ᐅᑕ ᐊ ‍ ᑕᐅᑦ ᒐᒋ ᐎᑕᒡ ᑕᓐ ᑲ ᐃᓯ ‍ ᐅᓂᑐᑎᒧᐛᓇ᙮
\v 20 ᐅᒡ ᒪᒃ ᐅᑕ ᑲ ‍ ᑕᒡ ᑯᒂᒋᒪᐧᑯᒡ ᑲ ‍ ᒥᔅᑭᒺᒂ ᐊᒋ ‍ ᐅᓂᑐᑎᒧᒡ ᒪᒂᒡ ᑲ ‍ ᑎᐸᔅᑯᓂᒡ ᐊᓐᑕ ᒍᐤ ᑲ ‍ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ‍ ᑕᔨᒋ᙮
\v 21 ᐸᐃᒄ ᑭᑈ ᒐᒂᔪᐤ ᓂᒋ ‍ ᐃᔅᒋᔄᐛᓐ ᐊᓐᑕ ᑲ ‍ ᐅᑎᔅᑯᑲᐳᔅᑐᒂᐤ, ᒪᒃ ᐊᐅᒄ ᐅᔭ ᐛ ᐅᒋ ᑎᐸᔅᑯᓂᐛᒂ᙮ ᓂᒋ ‍ ᒋᔄᐛᐛᓐ ᐊ ‍ ᐃᔅᒋᔄᐅᒡ, ᐊ ‍ ᑕᑈᑎᒪᓐ ᐊᓐᒡ ᑲ ‍ ᓂᐱᒡ ᑲᐤ ᒐ ‍ ᐅᓂᔅᑲᒡ᙮ ᐊᑯᓐ ᐛᒋ ‍ ᑎᐸᔅᑯᓂᑯᔭᓐ ᐅᑕ ᐊ ‍ ᑕᔭᒄ ᐊᓄᒡ ᐅ ᑲ ‍ ᒋᓯᑲᒡ᙮”
\p
\v 22 ᒋᓴᐅᒋᒪᐤ ᐱᓕᑭᔅ ᒪᒃ ᑭᔭ ᐎᔾ ᒋ ᒥᔪ ‍ ᒋᔅᒐᔨᑎᒻ ᐊᓂᔭ ᒪᔅᑭᓇᔪᐤ ᒋᓴᒪᓂᑐᐛ ᑲ ‍ ᐃᔅᒋᔄᔨᒋ ᒐᒋ ᐃᓯ ‍ ᐱᒧᑕᓄᐎᒡ ᒐᒋ ᐅᒋ ‍ ᐱᒪᒋᐅᓇᓄᐎᒡ᙮ ᐊᑯ ᒂ ‍ ᒋᐸᐊᒃ ᐊᓂᔭ ᐊ ᐃᓯ ‍ ᑎᐸᔅᑯᓂᑲᓄᔨᒋ ᐊᑯ ᒂ ‍ ᐃᑕᑦ ᐊᓂᔭ ᑈᓚ, “ᐃᔅᐱ ᒋ ‍ ᑎᑯᓯᒐ ᐊᓐ ᐊᓯᒪᑭᓂᓴ ᑲ ‍ ᐎᓱᐛᑕᑦ ᓚᐃᓯᔭᔅ ᑲ ‍ ᐃᓯᓂᐧᑲᓱᑦ ᐊᑯ ᒋᒋᐛ ᒐ ‍ ᐎᔭᔨᑎᒪᓐ ᑕᓐ ᒐ ‍ ᐃᑎᓱᐛᑎᑕᓐ᙮”
\v 23 ᐊᑯ ᒂ ‍ ᐃᑕᑦ ᐊᓂᔭ ᓂᑐᐱᔪᐅ-ᐅᒋᒪᐛ ᐊᓂᔭ ᑲ ‍ ᓂᓇᑭᑐᐛᔨᒪᔨᒋ ᑈᓚ ᐃᔭᒂ ᐃᔭᐱᒡ ᒐᒋ ᓂᓇᑭᑐᐛᔨᒪᑭᓄᔨᒋ ᐊᓂᔭ ᑈᓚ ᒥᒄ ᐊᑲ ᓇᔅᒡ ᒐᒋ ᒥᒪᒋᒥᓇᑭᓄᔨᒋ᙮ ᒋ ‍ ᐃᑎᓱᐛᐤ ᑭᔭ ᒐᒋ ᐱᔅᑎᓇᑭᓄᔨᒋ ᐅᐎᒐᐛᑭᓂᔪᐛ ᒐᒋ ᐎᒋᐃᑯᔨᒋ ᑕᓐ ᒐ ᐃᓯ ‍ ᓇᓂᑐᐛᔨᑎᒥᒂᓂ ᒐᒂᔪᐤ᙮
\s1 ᑈᓪ ᑲ ‍ ᐃᔨᒪᐊᑦ ᐊᓂᔭ ᒋᓴᐅᒋᒪᐛ ᐱᓕᑭᓴ ᑭᔭ ᐊᓂᔭ ᐎᐎᔪᐛ
\p
\v 24 ᓇᒪ ᒪᒃ ᓇᐅᔅ, ᐊᑯ ᒥᓐ ᑲ ‍ ᑎᑯᓯᐧᒃ ᐊᓐ ᒋᓴᐅᒋᒪᐤ ᐱᓕᑭᔅ, ᐎᐛ ᑐᕈᓯᓚ ᐊ ᐸᒋ ‍ ᐎᒐᐛᑦ᙮ ᒍᐤ ᒋ ‍ ᐃᑎᔅᑲᓇᓯᔪᐤ ᐊᓂᔭ ᐎᐛ᙮ ᐊᑯ ᐱᓕᑭᔅ ᒂ ‍ ᐎᓴᒪᑦ ᐊᓂᔭ ᑈᓚ, ᒂ ‍ ᓂᑐᑐᐛᑦ ᐊ ‍ ᐊᔨᒧᑎᒥᔨᒋ ᐊ ‍ ᑕᑈᔭᔨᒪᑭᓄᔨᒋ ᒋᓴᔅ ᙭ᑕ᙮
\v 25 ᐃᔅᐱ ᒪᒃ ᐊ ᐊᑎ ‍ ᐊᔨᒧᑎᒥᔨᒋ ᑯᐃᔅᑯᑕᑎᓯᐅᓂᔪᐤ ᑭᔭ ᒐ ᐎ ᒥᔪ ‍ ᓂᓇᑭᑐᐛᔨᑎᒥᐃᑯᔨᒋ ᐊᐛᔪᐛ ᑕᓐ ᐊ ᐃᓯ ‍ ᐱᒪᑎᓯᔨᒋ, ᑭᔭ ᐊᓂᔭ ᐊᔅᒄ ᒐ ‍ ᐅᑎᒋᐱᔨᒡ ᐊ ‍ ᒋᓯᑲᔨᒡ ᐊᓐᑕ ᒋᓴᒪᓂᑐᐛ ᒥᓯᐛ ᐊᐛᔪᐛ ᒐ ‍ ᑎᐸᔅᑯᓇᔨᒋ, ᒋ ‍ ᑯᔅᑕᒍᐤ ᐱᓕᑭᔅ, ᐊᑯ ᒂ ‍ ᐃᑕᑦ ᐊᓂᔭ ᑈᓚ, “ᐊᑯᓐ ᐸᑎᒪ᙮ ᓴᔅ ᒋᑭ ᒋ ‍ ᔅᑐᑕᓐ᙮ ᐃᔅᐱᔅ ᒥᓐ ᓇᐃᐱᔭᓇ ᐊᑯ ᒥᓐ ᒐ ‍ ᐎᓴᒥᑕᓐ᙮”
\v 26 ᒥᒄ ᒪᒃ ᒋ ‍ ᑎᑯᓂᔨᒐ ᑕᓐ ᑲ ᐃᓯ ‍ ᐱᑯᓴᔨᒧᑦ ᐊᓐ ᒋᓴᐅᒋᒪᐤ ᐱᓕᑭᔅ᙮ ᒋ ‍ ᐱᑯᓴᔨᒪᒐ ᑈᓚ ᒐᒋ ᒥᔨᑯᑦ ᓱᓇᔭᔪᐤ ᑭᔭ ᒧᔅ ᒂ ‍ ᐎᓴᒪᑦ ᒐᒋ ᐃᔨᒥᐃᑯᑦ᙮
\p
\v 27 ᓂᓱ ᐱᐳᓇ ᒪᒃ ᐃᔅᐱᔅ ᐊᑯ ᑯᑎᑲ ᐊᐛᔪᐛ ᑲ ‍ ᒥᔅᑯᑎᔅᑲᑯᑦ ᐊᓐ ᒋᓴᐅᒋᒪᐤ ᐱᓕᑭᔅ᙮ ᐳᕐᑭᔭᔅ ᐸᔅᑕᔅ ᒋ ‍ ᐃᓯᓂᐧᑲᓱᔪᐛ ᐊᓂᔭ ᑲ ‍ ᒥᔅᑯᑎᔅᑲᑯᑦ᙮ ᐊᑯ ᒪᒃ ᐱᓕᑭᔅ ᒥᒄ ᐊ ᐎ ‍ ᓂᓇᐃᑎᒪᐊᑦ ᐊᓂᔭ ᒍᐤ ᐃᔪᐛ ᐊᑯᑕ ᐊᓐᑕ ᑲᒪᑯᓄᐛᓯᐅᒋᐛᐱᒡ ᑲ ‍ ᓂᑭᑕᑦ ᐊᓂᔭᔪᐛ ᑈᓚ᙮
\c 25
\s1 ᑈᓪ ᑲ ‍ ᐅᑎᔅᑯᑲᐳᔅᑐᐛᑦ ᓯᓴᕋ
\p
\v 1 ᓂᔅᑐ ᒋᓯᑲᐛ ᒪᒃ ᑲ ‍ ᐃᔅᐱᔅ ᒋ ‍ ᑎᑯᓯᐧᒃ ᐳᕐᑭᔭᔅ ᐸᔅᑕᔅ ᐊᓐᑕ ᐊᓂᔭ ᐊᔅᒋᔪᐤ, ᒋ ‍ ᓂᑭᑎᒻ ᓯᓴᕆᔭ ᐊᑯ ᐊᓐᑕ ᒋᕈᓯᓕᒥᒡ ᒂ ‍ ᐃᑐᑕᑦ᙮
\v 2 ᐊᑯᑕ ᒪᒃ ᐊᓐᑕ ᒋᕈᓯᓕᒥᒡ ᑲ ᐸᒋ ‍ ᐅᑎᔅᑯᑲᐳᔅᑕᑯᑦ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐊᐛᔪᐛ ᑲ ‍ ᓂᑲᓂᔅᑯᐛᔨᒋ ᒍᐤ ᐃᔪᐛ ᐊ ᐸᒋ ‍ ᒪᒥᓯᒪᒡ ᑈᓚ᙮
\v 3 ᒋ ‍ ᓯᒋᒪᐅᒡ ᐸᔅᑕᓴ ᒐᒋ ᓂᔅᑯᒧᔨᒋ ᒐᒋ ᐸᒋ ‍ ᐃᑐᑕᐊᑭᓄᔨᒋ ᑈᓚ ᐊᓐᑕ ᒋᕈᓯᓕᒥᒡ᙮ ᐛᔅ ᒋᒧᑦ ᒋ ‍ ᐎᔭᔨᑎᒧᒡ ᒐᒋ ᐊᔅᑭᒧᐛᒡ ᑈᓚ ᐊ ᐎ ‍ ᓂᐸᐊᒡ ᐊᓐᑕ ᒋᕈᓯᓕᒥᒡ ᐸᒋ ‍ ᐃᑐᑕᐊᑭᓄᔨᒐ᙮
\v 4 ᐊᑯ ᐸᔅᑕᔅ ᒂ ‍ ᐃᑕᑦ, “ᐊᔅᒄ ᒪᒂᒡ ᒋᐸᐛᑭᓄᐤ ᑈᓪ ᐊᓐᑕ ᓯᓴᕆᔭᒡ᙮ ᓴᔅ ᒪᒃ ᐎᐱᒡ ᓂᑭ ‍ ᐃᑐᑕᓐ ᓇᑕ᙮
\v 5 ᐊ ‍ ᐃᑕᐛᒂ ᒪᒃ ᐊᓐᒡ ᑲ ‍ ᓂᑲᓂᔅᑲᑕᑯᒡ ᐊ ‍ ᑎᑯᓂᔨᒡ ᑕᓐ ᐛ ᐃᓯ ‍ ᑎᐸᔅᑯᓇᒡ ᐊᓂᔭᔪᐛ ᑈᓚ ᓂᐸ ᐸᒋ ‍ ᐎᒐᐅᑯᒡ ᐊᓐᑕ ᓯᓴᕆᔭᒡ ᐊ ‍ ᐃᑐᑕᐅᒡ᙮ ᐊᑯ ᒪᒃ ᑕᑈ ᑲ ‍ ᐅᓂᑐᑎᒥᒂᓂ, ᐊᑯᑕ ᓇᑕ ᐃᑕᔭᒐ ᓂᐸ ‍ ᐎᑎᑯᒡ ᑕᓐ ᑲ ᐃᓯ ‍ ᐅᓂᑐᑎᒥᔨᒋ᙮”
\p
\v 6 ᓴᓯᑲᓐ ᒪᒃ ᔭᓇᐤ ᑭᔭ ᒪᒃ ᐸᐃᑯᔪᐛ ᒋᓯᑲᐛ ᒋ ‍ ᐃᔅᐱᔅ ᑕᐤ ᒥᓐ ᐸᔅᑕᔅ ᐊᓐᑕ ᒋᕈᓯᓕᒥᒡ᙮ ᐊᑯ ᒂ ‍ ᐃᑐᑕᑦ ᐊᓐᑕ ᓯᓴᕆᔭᒡ᙮ ᐎᔭᐱᓂᔨᒡ ᒪᒃ, ᒋ ᐊᑎ ‍ ᐛᐛᔨᐳᐤ ᐊᓐᑕ ᑎᐸᔅᑯᓂᒐᐅᒋᐛᐱᒡ ᐃᔅᐱ ᒥᓯᐛ ᑲ ‍ ᒪᒧᐎᔨᒋ ᐊᓂᔭ ᑲ ᐎ ‍ ᑎᐸᔅᑯᓇᔨᒋ ᑈᓚ᙮ ᐊᑯ ᑲ ‍ ᐃᑎᓱᐛᑦ ᑈᓚ ᒐᒋ ᐸᒋ ‍ ᐱᑎᑲᐊᑭᓄᔨᒋ᙮
\v 7 ᐃᔅᐱ ᒪᒃ ᑲ ‍ ᐱᑎᑲᐊᑭᓄᔨᒋ ᑈᓚ, ᐊᓐᒡ ᒍᐤ ᐃᔪᒡ ᒋᕈᓯᓕᒥᒡ ᑲ ‍ ᐅᑐᑕᒡ ᒋ ᐊᑎ ‍ ᐛᔅᑲᑲᐳᔅᑐᐛᐅᒡ᙮ ᐊᑯ ᓂᓇᐧᑯᐤ ᒐᒂᔪᐤ ᒂ ᐃᓯ ‍ ᒪᒥᓯᒪᒡ᙮ ᓇᒪ ᒥᒄ ᐅᒋ ᐃᑐᐅᒡ ᑕᑈ ᒐᒋ ᒐᔅᑎᓇᑕᔨᑕᑯᑕᒡ ᐊᓂᔭ ᑲ ᐃᓯ ‍ ᒪᒥᓯᒪᒡ᙮
\p
\v 8 ᒐᒃ ᒪᒃ ᑈᓪ ᑲ ‍ ᐃᔨᒥᔅᑎᒪᓱᑦ᙮ ᒋ ‍ ᐃᔅᒋᔄᐤ, “ᓇᒪ ᓂ ᐅᒋ ‍ ᐅᓂᑐᑕᓐ ᒍᐤ ᐎᓱᐛᐅᓐ᙮ ᓇᒪ ᑭᔭ ᓂ ᐅᒋ ‍ ᐃᑎᓐ ᒐᒋ ᒪᔭᔨᑎᒪᓐ ᒍᐤ ᒋᓴᐊᔭᒥᐊᐅᒋᐛᑉ ᑭᔭ ᒪᒃ ᒐᒋ ᐅᓂᑐᑐᐛᒃ ᕈᒻ ᒋᓴᐅᒋᒪᐤ᙮”
\p
\v 9 ᐊᑯ ᐸᔅᑕᔅ ᒂ ‍ ᐃᑕᑦ ᐊᓂᔭ ᑈᓚ, “ᒋᐸ ‍ ᒥᔽᔨᑕᓐ ᐊ ᑲᐤ ᓇᑕ ᒋᕈᓯᓕᒥᒡ ᒐᒋ ᐃᑐᑕᐃᑯᔨᓐ ? ᐊᑯᑕ ᓇᑕ ᐃᔭᒂ ᒋᐸ ᒋ ᓂᑐ ‍ ᒋᔅᒐᔨᒥᑎᓐ ᐅ ᑕᓐ ᐊ ᐃᓯ ‍ ᒪᒥᓯᒥᑯᔨᓐ ?” ᐅᔭ ᒪᒃ ᑲ ‍ ᐃᔅᒋᔄᑦ ᐊᓐ ᒋᓴᐅᒋᒪᐤ ᒥᒄ ᐊ ᐎ ‍ ᓂᓇᐃᑎᒪᐊᑦ ᐊᓂᔭᔪᐛ ᒍᐤ ᐃᔪᐛ ᐊᐅᑯᓐ ᐛᒋ ‍ ᐃᔅᒋᔄᑦ ᐊᓂᔭ᙮
\p
\v 10 ᐊᑯ ᑈᓪ ᒂ ‍ ᐃᔅᒋᔄᑦ, “ᐅᑕ ᐅ ᑲ ‍ ᓂᐳᐅᔭᓐ ᓯᓴᕐ ᐅᑎᐸᔅᑯᓂᒐᐅᒋᐛᐱᒡ ᐊᑯᑕ ᐅᑕ ᓂᐸ ‍ ᑎᐸᔅᑯᓂᑯᐅᓐ ᐛ ᑎᐸᔅᑯᓂᑯᐛᓇ᙮ ᑕᐸ ᑎᑯᓂᔪᐤ ᑕᓐ ᑲ ᐃᓯ ‍ ᐅᓂᑐᑐᐅᒂᐤ ᐅᒡ ᒍᐤ ᐃᔪᒡ᙮ ᒋᔾ ᓇᓂᑎᒻ ᒋ ᒥᔪ ‍ ᒋᔅᒐᔨᑕᓇᒐ ᐅ᙮
\v 11 ᑕᑈ ᒪᒃ ᐊ ‍ ᑎᑯᓂᒂ ᐊᒋ ‍ ᐅᓂᑐᑎᒪᓐ ᐊ ‍ ᐃᑕᔨᑕᑯᓂᒂ ᒪᒃ ᒐᒋ ᓂᐸᐃᑯᐅᔭᓐ ᐊᓐ ᐅᒋ, ᑭᑈ ᐸᔅᑎᓂᓱᔭᓐ ᒐᒋ ᓂᐸᐃᑯᐅᔭᓐ᙮ ᒥᒄ ᒪᒃ ᒧᔭᒻ ᐊᑲ ᑎᔭᑈᐛᒂ ᐅᔭ ᑕᓐ ᐊ ᐃᓯ ‍ ᒪᒥᓯᒥᒡ ᐅᒡ ᒍᐤ ᐃᔪᒡ ᓇᒪ ᐃᑕᔨᑕᑯᓐ ᐎᔨᐛᐤ ᐊ ‍ ᑕᒡ ᒐᒋ ᐃᓯ ‍ ᐱᔅᑎᓂᑯᐎᒡ᙮ ᓯᓴᕐ ᐊ ‍ ᑕᑦ ᐊᑯᑕ ᓇᑐᐛᔨᑎᒪᓐ ᒐᒋ ᑎᐸᔅᑯᓂᑯᐅᔭᓐ᙮”
\p
\v 12 ᐸᔅᑕᔅ ᒪᒃ, ᐸᑎᒪ ᒋ ‍ ᐃᔨᒪᐊᐤ ᐊᓂᔭ ᑲ ‍ ᐎᑎᐱᒥᑯᑦ ᐊ ‍ ᒋᓴᐅᒋᒪᐅᑦ᙮ ᐊᑯ ᒂ ‍ ᐃᑕᑦ ᐊᓂᔭ ᑈᓚ, “ᔅᒋ ‍ ᓂᑐᐛᔨᑕᓐ ᓇᑕ ᒋᒋᐛ ᒋᓴᐅᒋᒪᐤ ᓯᓴᕐ ᐊ ‍ ᑕᑦ ᒐᒋ ᑎᐸᔅᑯᓂᑯᔨᓐ᙮ ᐊᑯᑕ ᒪᒃ ᒐ ‍ ᐃᑎᓴᐅᑕᒡ᙮”
\s1 ᐸᔅᑕᔅ ᑲ ‍ ᐊᔨᒧᑎᒧᐛᑦ ᒋᓴᐅᒋᒪᐛ ᐊᒃᕆᐸᔨᒋ ᐊᓂᔭ ᑈᓚ
\p
\v 13 ᐸᑎᒪ ᒪᒃ ᒥᓐ ᑯᑎᒃ ᒋᓴᐅᒋᒪᐤ ᐊᒃᕆᐸ ᐊ ‍ ᐃᓯᓂᐧᑲᓱᑦ ᑭᔭ ᐅᓯᒪ ᐳᕐᓂᔅ ᐊ ‍ ᐃᓯᓂᐧᑲᓱᔨᒋ ᒋ ᐸᒋ ‍ ᑎᑯᓯᓄᐅᒡ ᐊᓐᑕ ᓯᓴᕆᔭᒡ᙮ ᒋ ᐎ ᐸᒋ ‍ ᐛᒋᔭᒪᐅᒡ ᐊᓂᔭ ᒋᓴᐅᒋᒪᐛ ᐸᔅᑕᓴ᙮
\v 14 ᓇᐅᓴᓯᔅ ᒪᒃ ᒋᐸ ‍ ᑕᐅᒡ ᐊᓐᑕ᙮ ᐊᑯ ᐸᔅᑕᔅ ᑲ ‍ ᐊᔨᒧᑎᒺᑦ ᒋᓴᐅᒋᒪᐛ ᐊᒃᕆᐸᔨᒋ ᑕᓐ ᑲ ᐎ ‍ ᐃᑐᑐᐛᑭᓄᔨᒋ ᑈᓚ᙮ ᒋ ‍ ᐃᔅᒋᔄᐤ ᒪᒃ, “ᐊᔅᒄ ᐊᓐ ᐊᑯᑕ ᐊ ‍ ᑕᑦ ᐸᐃᒄ ᓇᐸᐤ ᐊᒋ ‍ ᒋᐸᐛᑭᓄᐅᑦ ᒪᒂᒡ ᐱᓕᑭᓴ ᑲ ‍ ᒋᓴᐅᒋᒪᐎᔨᒋ᙮
\v 15 ᐃᔅᐱ ᒪᒃ ᑲ ‍ ᐃᑐᑕᔭᓐ ᒋᕈᓯᓕᒥᒡ ᐊᓐᒡ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᒋ ‍ ᑎᑯᓂᔪᐤ ᓂᓇᐧᑯᐤ ᐊ ᐃᓯ ᐸᒋ ‍ ᒪᒥᓯᒪᒡ ᐊᓂᔭ ᑈᓚ᙮ ᓱᒃ ᒪᒃ ᒋ ᐎ ‍ ᐅᑎᓂᒧᒡ ᑕᓐᑕ ᒐᒋ ᐅᒋ ‍ ᐃᑎᓱᐛᑕᒥᒋ ᒐᒋ ᐛᐛᓯᐊᑭᓄᔨᒋ᙮”
\p
\v 16 “ᐊᑯ ᒂ ‍ ᐃᑎᒂᐤ, ᓇᒪ ᐃᑐᐅᒡ ᕈᒻ ᐃᔪᒡ ᒐᒋ ᐱᔅᑎᓇᒡ ᐊᐛᔪᐛ ᒥᒄ ᒐᒋ ᐃᓯ ‍ ᑎᐸᔅᑯᓇᑭᓄᔨᒋ ᐊᔅᒄ ᐊᑲ ᐛᐛᒡ ᒋ ‍ ᐛᐱᒪᔨᒋ ᐊᓂᔭ ᑲ ᐎ ‍ ᑎᐸᔅᑯᓂᑯᑦ ᑭᔭ ᐊᑲ ᐛᐛᒡ ᒋᔅᐸᐛᑎᓱᑦ ᑕᓐ ᐛ ᐃᓯ ‍ ᑎᐸᔅᑯᓇᑭᓄᐅᑦ ᐊᓐᑕ ᑎᐸᔅᑯᓂᒐᓱᐛ ᐊ ‍ ᑕᔨᒋ᙮
\v 17 ᐃᔅᐱ ᒪᒃ ᑕᑯᓯᓂᒡ ᐅᑕ, ᑎᐛᒡ ᓂᒋ ᐎ ‍ ᓂᓇᐃᐱᔨᑕᐛᓐ ᒐᒋ ᑎᐸᔅᑯᓇᑭᓄᔨᒋ ᑈᓚ᙮ ᐊᓐ ᐎᔭᐸᒡ ᓂᒋ ‍ ᐃᑐᑕᓐ ᑎᐸᔅᑯᓂᒐᐅᒋᐛᐱᒡ᙮ ᐃᔅᐱ ᒪᒃ ᑲ ‍ ᐛᐛᔨᐱᔭᓐ ᐊᐅᑯᐤ ᒂ ‍ ᐃᑎᓱᐛᔭᓐ ᒐᒋ ᐸᒋ ‍ ᐱᑎᑲᐊᑭᓄᐅᑦ ᐊᓐ ᑲ ᐎ ‍ ᑎᐸᔅᑯᓇᑭᓄᐅᑦ, ᐊᐅᒄ ᐅ ᑈᓪ᙮
\v 18 ᐊᑯ ᐊᓐᒡ ᑲ ‍ ᑎᑯᓂᔨᒡ ᑕᓐ ᑲ ᐎᓯ ‍ ᐊᑕᒪᔨᒪᒡ ᑈᓚ, ᓇᒪ ᐅᒋ ᐃᓯ ‍ ᐊᑕᒪᔨᒪᐅᒡ ᐊᓂᔭ ᑲ ‍ ᐃᑕᔨᒥᒂᐤ ᒐ ᐃᓯ ‍ ᐊᑕᒪᔨᒪᒡ᙮
\v 19 ᐊᓂᔭ ᑕᓐ ᐊ ᐃᓯ ‍ ᑕᑈᑎᒥᔨᒋ ᑈᓚ, ᐊᐅᑯᓐ ᐊᓂᔭ ᑲ ‍ ᐊᔨᒧᑕᒡ ᐊᑲ ᐊᓐ ᐎᔨᐛᐤ ᑕᓐ ᐊ ᐃᓯ ‍ ᑕᑈᑕᒡ ᐊ ᐃᓯ ‍ ᐛᐎᑎᒥᔨᒋ᙮ ᑭᔭ ᐊᒋ ‍ ᐃᔅᒋᔄᔨᒋ ᑈᓚ ᒋᓴᓴ ᐊ ‍ ᐱᒪᑎᓯᔨᒋ ᐊᒋ ᒪᒃ ‍ ᓂᐱᔨᒋ᙮
\v 20 ᐊᑯ ᒪᒃ ᓂᔾ ᐊᑲ ᑭᑈ ᓇᔅᒡ ᒋᔅᒐᔨᑎᒧᒡ ᐅᔭ ᒐᒂᔪᐤ ᑲ ‍ ᐃᔭᔨᒺᐛᐃᑯᒡ, ᓂᒋ ‍ ᑯᒂᒋᒪᐤ ᑈᓪ ᐛ ᐃᑐᑕᒂ ᒋᕈᓯᓕᒥᒡ ᒐᒋ ᑎᐸᔅᑯᓇᑭᓄᐅᑦ᙮
\v 21 ᒋ ‍ ᓂᑐᐛᔨᑎᒻ ᒪᒃ ᐃᔭᐱᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒐᒋ ᑭᓄᐛᔨᒪᑭᓄᐅᑦ ᐸᑎᒪ᙮ ᓯᓴᕋ ᒋ ‍ ᓂᑐᐛᔨᒪᐤ ᒐᒋ ᐎᔭᔨᑎᒥᔨᒋ ᑕᓐ ᒐ ‍ ᐃᑐᑐᐛᑭᓄᐅᑦ᙮ ᐊᑯ ᒪᒃ ᑲ ‍ ᐃᑎᓱᐛᐅᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐸᑎᒪ ᒐᒋ ᑭᓄᐛᔨᒪᑭᓄᐅᑦ ᐸᑐᔅ ᒋ ‍ ᐃᑎᓴᐅᑲ ᓇᑕ ᓯᓴᕋ ᐊ ‍ ᑕᔨᒋ᙮”
\p
\v 22 ᐊᑯ ᐊᓐ ᒋᓴᐅᒋᒪᐤ ᐊᒃᕆᐸ ᒂ ‍ ᐃᑕᑦ ᐊᓂᔭ ᐸᔅᑕᓴ, “ᓂ ᐎ ‍ ᓂᑐᑐᐛᐤ ᑭᔭ ᓂᔾ ᐅ ᓇᐸᐤ᙮” ᐊᑯ ᐸᔅᑕᔅ ᒂ ‍ ᐃᑕᑦ, “ᐊᑯᑕ᙮ ᐛᐸᒐ ᒋᑭ ᒋ ‍ ᓂᑐᑐᐛᐤ ᑕᓐ ᒐ ‍ ᐃᔅᒋᔄᑦ᙮”
\p
\v 23 ᒥᓐ ᒪᒃ ᐊᓂᔭ ᐎᔭᐱᓂᔨᒡ ᐊᒃᕆᐸ ᑭᔭ ᐊᓂᔭ ᐎᐧᑲᓂᓴ ᐳᕐᓂᓴ ᒋ ‍ ᑎᑯᓯᓄᐅᒡ ᐊᓐᑕ ᒐ ‍ ᐃᔨᒥᓇᓄᐎᒡ᙮ ᒋ ᐸᒋ ‍ ᐎᒐᐅᑯᒡ ᓂᑐᐱᔪᐅ-ᐅᒋᒪᐛ ᑭᔭ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐃᔪᐛ ᐊᓐᑕ ᐅᑕᓇᒡ᙮ ᓇᔅᒡ ᒋ ‍ ᒥᔽᔅᐱᓱᐅᒡ ᐃᔅᐱᔅ ᐱᔭᒋ ‍ ᐱᒐᒡ ᑭᔭ ᓇᔅᒡ ᐃᔭᒂ ᒋ ‍ ᐃᑎᓇᓄᐤ ᐊᓐ ᐊ ᐸᒋ ‍ ᐱᒐᓄᐅᒡ ᐊ ᐃᔅᐱᔅ ‍ ᒋᔅᑕᔨᒪᑭᓄᐅᒡ ᐊᓐᒡ ᐊᒃᕆᐸ ᑭᔭ ᐳᕐᓂᔅ᙮ ᐊᑯ ᒋᓴᐅᒋᒪᐤ ᐸᔅᑕᔅ ᒂ ‍ ᐃᑎᓱᐛᑦ ᑈᓚ ᒐᒋ ᐸᒋ ‍ ᐱᑎᑲᐊᑭᓄᔨᒋ᙮
\v 24 ᐃᔅᐱ ᒪᒃ ᑲ ᐸᒋ ‍ ᐱᑎᑲᐊᑭᓄᔨᒋ ᐊᑯ ᒂ ‍ ᐃᔨᒥᑦ ᐸᔅᑕᔅ ᐊᓐᑕ ᐊᓂᔭ ᑲ ‍ ᒪᒧᐎᓇᓄᐎᒡ᙮ ᒋ ‍ ᐃᔅᒋᔄᐤ ᒪᒃ, “ᒋᓴᐅᒋᒪᐤ ᐊᒃᕆᐸ ᑭᔭ ᒥᓯᐛ ᒋᔨᐛᐤ ᐅᑕ ᐊ ‍ ᑕᔭᒄ, ᒋ ‍ ᐛᐱᒪᐛᐤ ᐅ ᓇᐸᐤ ᑲ ᐸᒋ ‍ ᐱᑎᑲᐊᑭᓄᐅᑦ᙮ ᐊᐅᑯᐤ ᐅᔭ ᓇᐸᐛ ᐅᒡ ᒍᐤ ᐃᔪᒡ ᐅᑕ ᐊ ‍ ᑕᒡ ᑭᔭ ᐊᓐᑕ ᒋᕈᓯᓕᒥᒡ ᐊ ‍ ᑕᒡ ᑲ ‍ ᑎᑯᓂᔨᒡ ᑕᓐ ᑲ ᐃᓯ ‍ ᐊᑕᒪᔨᒪᒡ᙮ ᓇᔅᒡ ᒋ ᐃᓯ ‍ ᐊᓯᒂᐅᒡ ᐊᑲ ᐛᐛᒡ ᐃᑕᔨᑕᑯᓯᔨᒋ ᒐᒋ ᐱᒪᑎᓯᔨᒋ ᑲ ‍ ᐃᔅᐱᔅ ᒋ ‍ ᒥᒋᓯᓄᐛᒡ᙮
\v 25 ᓇᒪ ᒪᒃ ᓂᔾ ᐎ ᓂ ᐅᒋ ‍ ᒥᔅᑭᒺᓐ ᑕᓐ ᑲ ᐃᓯ ‍ ᐅᓂᑐᑎᒥᒂ ᒐᒋ ᐅᒋ ‍ ᐃᑕᔨᑕᑯᓂᔨᒡ ᒐᒋ ᓂᐸᐊᑭᓄᔨᒋ᙮ ᐊᑯ ᒪᒃ ᐎᔾ ᐅ ᓇᐸᐤ ᒋ ‍ ᓂᑐᐛᔨᑎᒻ ᓇᑕ ᐊᓂᔭ ᒋᒋᐛ ᒋᓴᐅᒋᒪᐛ ᓯᓴᕋ ᐊ ‍ ᑕᔨᒋ ᒐᒋ ᑎᐸᔅᑯᓇᑭᓄᐅᑦ᙮ ᐊᑯ ᒪᒃ ᒂ ‍ ᐎᔭᔨᑎᒧᒡ ᓇᑕ ᐊ ‍ ᑕᔨᒋ ᒐᒋ ᐃᑎᓴᐅᒃ᙮
\v 26 ᐊᑯ ᒥᒄ ᓇᒪ ᐊᓐ ᓂ ‍ ᒋᔅᒐᔨᑎᒺᓐ ᑕᓐ ᒐ ‍ ᐃᑎᔅᑕᐅᒡ ᐊ ‍ ᒥᓯᓇᐊᒪᒥᒋ ᓯᓴᕋ ᐊ ‍ ᑎᐸᒋᒥᒃ᙮ ᐊᐅᒄ ᒪᒃ ᐅ ᐛᒋ ‍ ᐸᓱᐅᒃ ᐅᑕ ᐊ ‍ ᑕᔨᓐ ᒋᔾ ‍ ᒋᓴᐅᒋᒪᐤ ᐊᒃᕆᐸ ᑭᔭ ᒋᔨᐛᐤ ᒥᓯᐛ ᐅᑕ ᐊ ‍ ᑕᔭᒄ᙮ ᐊᑯ ᒪᒃ ᐃᔅᐱ ᒋ ‍ ᒥᔅᑭᒧᒐ ᑕᓐ ᑲ ᐃᓯ ‍ ᒥᒋᑐᑕᐧᒃ, ᐊᑯ ᒐ ‍ ᒋᔅᒐᔨᑎᒧᒡ ᑕᓐ ᒐ ‍ ᐃᑎᔅᑕᐅᒡ ᒥᓯᓇᐊᒪᒥᒐ ᓯᓴᕋ᙮
\v 27 ᐛᔅ ᑕᓐ ᒐ ‍ ᐃᓯᓇᒂᒡ ᐃᑎᓴᐅᑲ ᓇᑕ ᐊᐛᓐ ᐊᒋ ‍ ᒪᑯᓇᑭᓄᐅᑦ ᐊᑲ ᒪᒃ ᐛᐛᒡ ᑎᑯᓂᔨᒐ ᑕᓐ ᒐᒋ ᐃᓯ ‍ ᒥᓯᓇᐊᒧᒡ ᐊᒋ ᐃᓯ ‍ ᒥᒋᑐᑕᐧᒃ᙮”
\c 26
\s1 ᑈᓪ ᑲ ‍ ᐃᔨᒥᔅᑎᒪᓱᑦ ᐅᑎᔅᑯᐤ ᒋᓴᐅᒋᒪᐛ ᐊᒃᕆᐸᔨᒋ ᐊ ‍ ᑕᔨᒋ
\p
\v 1 ᐊᑯ ᒋᓴᐅᒋᒪᐤ ᐊᒃᕆᐸ ᒂ ‍ ᐃᑕᑦ ᐊᓂᔭ ᑈᓚ, “ᐊᑯ ᐸᔅᑎᓂᑯᔨᓐ ᒐᒋ ᐃᔨᒥᔅᑎᒪᓱᔨᓐ᙮” ᐊᑯ ᑈᓪ ᒂ ‍ ᓱᐅᓂᔅᒐᔨᑦ ᐃᔅᐱ ᒐ ‍ ᐃᔨᒥᔅᑎᒪᓱᑦ᙮
\v 2 ᒂ ‍ ᐃᑕᑦ ᐊᓂᔭ ᒋᓴᐅᒋᒪᐛ ᐊᒃᕆᐸᔨᒋ, “ᒋᓴᐅᒋᒪᐤ ᐊᒃᕆᐸ, ᓂ ‍ ᓱᐛᔨᑕᑯᓯᓐ ᓂᑦ ᐃᑕᔨᑕᓐ ᐊ ‍ ᓇᐃᐱᔨᒡ ᐅᑕ ᐊ ‍ ᑕᔨᓐ ᒐᒋ ᐃᔨᒥᔅᑎᒪᓱᔭᓐ ᒥᓯᐛ ᐅᔭ ᑲ ‍ ᐃᔅᒋᔄᒡ ᐅᒡ ᒍᐤ ᐃᔪᒡ ᐊᒋ ‍ ᐃᑐᐅᒡ᙮
\v 3 ᐊᓐ ᓇᔅᒡ ᐊ ᒥᔪ ‍ ᒋᔅᒐᔨᑎᒥᓐ ᒍᐤ ᐃᑐᐅᓇ ᑭᔭ ᐊᓂᔭ ᒐᒂᔪᐛ ᐛᒋ ‍ ᒥᒋᐱᔨᒡ ᒪᓐ ᒍᐤ ᐃᔪᒡ ᐊᐅᑯᓐ ᓇᔅᒡ ᐛᒋ ‍ ᒥᔽᔨᑎᒪᓐ ᐅᑕ ᐊ ‍ ᑕᔨᓐ ᒐᒋ ᐃᔨᒥᔅᑎᒪᓱᔭᓐ᙮ ᒋ ‍ ᐱᑯᓴᔨᒥᑎᓐ ᒪᒃ ᐃᔭᒂ ᒐᒋ ᓂᑐᑎᐎᔨᓐ ᑭᔭ ᒐ ᐎ ‍ ᓯᐱᔪᐛᓯᔅᑎᐎᔨᓐ ᑕᓐ ᒐ ᐃᓯ ‍ ᐃᔨᒥᔭᓐ᙮”
\p
\v 4 “ᒥᓯᐛ ᐅᒡ ᒍᐤ ᐃᔪᒡ ᒋᔅᒐᔨᑎᒧᒡ ᑕᓐ ᑲ ᐃᓯ ᐸᒋ ‍ ᐱᒪᑎᓯᐅᒡ ᐊᓐᑕ ᑎᐱᔨᐛ ᑲ ‍ ᐅᒋᔭᓐ ᑲ ‍ ᐃᔅᐱᔅ ᐸᒋ ‍ ᐊᐛᓯᐅᔭᓐ ᑭᔭ ᒋᔅᒐᔨᑕᑯᓐ ᑕᓐ ᑲ ‍ ᐃᑕᑎᓯᔭᓐ ᐊᓐᑕ ᒋᕈᓯᓕᒥᒡ ᑲ ‍ ᑕᔭᓐ᙮
\v 5 ᒧᔅ ᒋ ᐸᒋ ‍ ᒋᔅᒐᔨᑎᒧᒡ ᐅᒡ ᒍᐤ ᐃᔪᒡ, ᐸᕆᓯ ᐊ ‍ ᐊᐎᔭᓐ ᑭᔭ ᓇᔅᒡ ᓱᒃ ᐊᒋ ‍ ᐃᑕᔨᑎᒧᒡ ᐸᕆᓯ ᐊ ‍ ᑕᐅᒡ᙮ ᒋᐸ ᒋ ‍ ᐎᑎᒧᒡ ᑭᔭ ᐎ ᐎᑕᒡ ᐅᔭ᙮ ᐊᓐᒡ ᒪᒃ ᐸᕆᓯᔨᒡ ᐊᐅᑯᓐᒡ ᐊᓐᒡ ᒪᐅᒡ ᐃᔭᒂ ᐊ ᐃᓯ ‍ ᓂᓇᑭᑐᐛᔨᑕᒡ ᐅᔭ ᒍᐤ ᐎᓱᐛᐅᓂᔪᐤ᙮
\v 6 ᐊᓄᒡ ᒪᒃ ᐅ ᑲ ‍ ᓂᐳᐅᔭᓐ ᐅᑕ, ᓂ ‍ ᑎᐸᔅᑯᓂᑯᐅᓐ ᒥᒄ ᐊᓐ ᐊ ‍ ᐊᓱᐛᐸᑎᒪᓐ ᑭᔭ ᐊ ‍ ᑕᑈᑎᒪᓐ ᑕᑈ ᒐ ‍ ᐃᔅᐱᔨᒡ ᐊᓂᔭ ᑕᓐ ᑲ ‍ ᐃᑕᒂ ᒋᓴᒪᓂᑐᐤ ᐊᓂᔭᐧᑲ ᐛᔅᑭᒡ ᓂᐧᑲᓂᓯᓇᓇ ᒐᔅᑎᓇᔅ ᒐ ‍ ᐃᑐᑎᒧᐛᑦ᙮
\v 7 ᒥᓯᐛ ᒪᒃ ᑭᔭ ᐎᔨᐛᐤ ᐊᓐᒡ ᒍᐤ ᐃᔪᒡ ᐊᓂᔭᔪᐛ ᑲ ‍ ᓂᓱᓴᐳᔨᒋ ᒐᑭᐸ ᐅᑯᓯᔪᐛ ᐊ ‍ ᑕᔨᒋ ᑲ ‍ ᐅᒋᒡ ᐊᐅᒄ ᐅᔭ ᐊ ‍ ᐊᓱᐛᐸᑕᒡ᙮ ᐊᐅᒄ ᐅᔭ ᐊ ᐃᓯ ‍ ᐱᑯᓴᔨᒧᒡ ᐊ ‍ ᐊᔭᒥᐊᒡ ᒋᓴᒪᓂᑐᐛ ᐊ ‍ ᒋᓯᑲᔨᒡ ᑭᔭ ᐊ ‍ ᑎᐱᔅᑲᔨᒡ᙮ ᒋᓴᐅᒋᒪᐤ ᐊᒃᕆᐸ, ᐊᐅᒄ ᒪᒃ ᐅᔭ ᐊ ᐃᓯ ‍ ᑕᑈᑎᒧᒡ ᐛᒋ ᐎ ‍ ᑎᐸᔅᑯᓂᒡ ᐅᒡ ᒍᐤ ᐃᔪᒡ᙮
\v 8 ᐊᑯ ᑲ ‍ ᐃᑕᑦ ᑈᓪ ᐊᓂᔭᔪᐛ ᒍᐤ ᐃᔪᐛ, ᒋᔨᐛᐤ ᐃᔪᒡ ᒍᐤ ᑲ ‍ ᐃᑎᔅᑲᓇᓯᔭᒄ, ᒐᒂᓐ ᐛᒋ ᐊᑲ ᒋ ‍ ᑕᑈᑎᒪᒄ ᒋᓴᒪᓂᑐᐤ ᐊ ‍ ᐅᓂᔅᑲᓇᑦ ᐊᐛᔪᐛ ᓂᐳᐅᓂᒡ ᐅᒡ ?”
\p
\v 9 “ᐊᓐᑕ ᐅᑕᒡ ᑭᔭ ᓂᔾ ᒥᒄ ᓂᒋ ‍ ᐃᑕᔨᑎᒥᐃᑯᓐ ᒐᒋ ᓂᓱᐅᓇᒋᑕᔭᓐ ᐊᓐ ᒥᔽᒋᒧᐅᓐ ᒋᓴᔅ ᓇᓴᕆᑦ ᑲ ‍ ᐅᒋᑦ ᑲ ‍ ᐊᔨᒧᒪᑭᓄᐅᑦ᙮
\v 10 ᐊᐅᒄ ᑲ ‍ ᐃᑎᔭᓐ ᐊᓐᑕ ᒋᕈᓯᓕᒥᒡ᙮ ᐊᓐᒡ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ ᓂᒋ ‍ ᒥᔨᑯᒡ ᒐᒋ ᒪᑯᓂᒥᒋ ᐊᓂᔭᔪᐛ ᐊᐛᔪᐛ ᑲ ‍ ᑕᑈᑎᒥᔨᒋ ᑭᔭ ᒐᒋ ᒋᐸᐛᑭᓄᔨᒋ᙮ ᐃᔅᐱ ᒪᒃ ᐊ ‍ ᐃᑎᓱᐛᑕᑭᓄᐎᒡ ᐊᓐᒡ ᑲ ‍ ᑕᑈᑕᒡ ᒐᒋ ᓂᐸᐊᑭᓄᐎᒡ ᐊᐅᑯᓐ ᑲ ᐃᓯ ‍ ᓂᔅᑯᒧᔭᓐ ᑭᔭ ᓂᔾ᙮
\v 11 ᒥᒐᑦ ᑭᔭ ᓂᔾ ᓂᒋ ‍ ᐃᑐᑐᐛᐅᒡ ᒐᒋ ᐛᐛᓯᐊᑭᓄᐎᒡ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᑭᔭ ᓂᒋ ᐎ ‍ ᐃᑐᑐᐛᐅᒡ ᒐᒋ ᐸᔅᑕᒪᒡ ᒋᓴᓴ᙮ ᓇᔅᒡ ᑕᑈ ᒧᔅ ᓂᒋ ‍ ᒋᔄᐃᑯᒡ, ᐛᐛᒡ ᐊᓐᑕ ᒪᓐᑕᐤ ᐅᑕᓇᒡ ᓂᒋ ‍ ᐃᑐᑕᐛᓐ ᐊ ‍ ᓂᓇᐧᑲᒋᐃᒂᐤ᙮”
\s1 ᑈᓪ ᑲ ‍ ᐎᑕᐧᒃ ᑕᓐᑕ ᑲ ᐅᒋ ‍ ᑕᑈᑕᐧᒃ
\p
\v 12 “ᐸᐃᒂᐤ ᒪᒃ ᒪᒂᒡ ᒥᓐ ᐅ ᐊ ‍ ᐃᑕᐱᑎᓯᔭᓐ, ᐊᓐᑕ ᑕᒪᔅᑲᓯᒡ ᓂᒋ ‍ ᐃᑎᓴᐅᑯᒡ ᐊᓐᒡ ᑲ ‍ ᓂᑲᓂᐱᒡ ᐊᔭᒥᐊᐅᒋᒪᐅᒡ᙮
\v 13 ᒪᒂᒡ ᒪᔅᑭᓇᒡ ᐊ ‍ ᑕᔭᒡ, ᓴᓯᑲᓐ ᐊ ‍ ᐊᐱᑕᒋᓯᑲᒡ, ᓂᒋ ‍ ᐛᐸᑕᓐ ᐛᔅᑕᐅᓐ ᒋᒋᒋᓯᑯᒡ ᐅᒡ ᐛᔅᑲ ᐊᓐᑕ ᐊ ‍ ᑕᔭᓐ ᑭᔭ ᐛᔅᑲ ᐊᓐᒡ ᓇᐸᐅᒡ ᑲ ‍ ᐎᒐᐅᒂᐤ ᐊ ‍ ᑕᒡ᙮ ᐅᔅᑕ ᒋ ‍ ᒋᐧᑲᔭᔅᑕᐤ ᐊᑎ ᐃᔅᐱᔅ ᒋᐧᑲᔭᔅᑐᐛᑦ ᐱᓯᒻ᙮
\v 14 ᒥᓯᐛ ᒪᒃ ᓂᒋ ‍ ᐸᒋᓯᓇᓐ, ᐊᑯ ᒂ ‍ ᐸᑐᐅᒃ ᐊᐛᓐ ᐃᑉᕈᐤ ᐊ ᐃᓯ ‍ ᐃᔨᒥᑦ ᐊ ᐸᒋ ‍ ᐃᓯᑦ, ‘ᓴᓪ, ᓴᓪ, ᒐᒂᓐ ᐛᒋ ‍ ᑯᒂᒋᐃᔨᓐ ? ᒋᔾ ᓇᓂᑎᒻ ᒋᑦ ᐊᐧᑯᐃᓱᓐ ᐊᑎ ᓂᔾ ᐊ ᐎ ᐸᒋ ‍ ᐊᐧᑯᐃᔨᓐ᙮’ ”
\p
\v 15 “ᐊᑯ ᒂ ‍ ᐃᔅᒋᔄᔭᓐ, ‘ᐊᐛᓐ ᒪᒃ ᒋᔾ, ᐅᑎᐸᔨᒋᒐᐤ ?’ ”
\p “ᐊᑯ ᒂ ᐸᒋ ‍ ᐃᓯᑦ ᐅᑎᐸᔨᒋᒐᐤ, ‘ᐊᐅᒄ ᓂᔾ ᒋᓴᔅ, ᐊᓐ ᐊᐛᓐ ᑲ ‍ ᑯᒂᒋᐃᑦ᙮
\v 16 ᐱᓯᑯ ᒪᒃ, ᐅ ᐛᒋ ‍ ᓄᑯᓯᔅᑕᑕᓐ ᒋ ‍ ᓂᑐᐛᔨᒥᑎᓐ ᒐᒋ ᐊᑐᔅᒐᔅᑐᐎᓐ᙮ ᒋ ‍ ᓂᑐᐛᔨᒥᑎᓐ ᒐᒋ ᐎᑎᒧᐅᑥᐤ ᑯᑎᑭᒡ ᐊᐛᓐᒋ ᑕᓐ ᑲ ᐃᓯ ‍ ᐛᐸᑎᔨᑕᓐ ᐊᓄᒡ ᑭᔭ ᑕᓐ ᒐ ᐃᓯ ‍ ᐛᐸᑎᔨᑕᓐ ᐊᓐᑕ ᓂᔅᑕᒥᒡ᙮
\v 17 ᓂᔾ ᒋᑭ ‍ ᑭᓄᐛᔨᒥᑎᓐ ᑕᔨᓇ ᐊᓐᑕ ᒐ ‍ ᐃᑎᓴᐅᑕᓐ ᒍᐤ ᐃᔪᒡ ᐊ ‍ ᑕᒡ ᑭᔭ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮
\v 18 ᒋᑦ ᐃᑎᓴᐅᑎᓐ ᐊᓐᑕ ᐊ ‍ ᑕᒡ ᒐᒋ ᓂᔅᑐᑎᒥᐃᑥᐤ ᑕᓐ ᐊ ‍ ᐃᓯᓇᑯᓂᔨᒋ ᐅᐱᒪᑎᓯᐅᓄᐛᐛ᙮ ᒋᔅᒐᔨᑕᒂᐛ ᒪᒃ ᐊᑯ ᒐ ‍ ᓂᑭᑕᒡ ᐅᓂᑎᐱᔅᒋᓯᐅᓂᔪᐤ ᐊᑯ ᐛᔅᑕᐅᓂᔪᐤ ᒐ ‍ ᓇᑕᒡ᙮ ᑭᔭ ᒐ ‍ ᓂᑭᑕᒺᒡ ᒥᒋᒥᓂᑐᐛ ᐅᓱᐧᑲᑎᓯᐅᓂᔪᐤ ᐃᔭᐱᒡ ᒋᓴᒪᓂᑐᐛ ᐅᓱᐧᑲᑎᓯᐅᓂᔪᐤ ᒐᒋ ᓇᑎᒺᒡ᙮ ᐊᑯ ᒪᒃ ᑕᑈᔭᔨᒥᑥᐛ ᒐ ‍ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ᙮ ᐊᑯ ᒪᒃ ᒐ ‍ ᒥᓯᓇᓱᒡ ᑭᔭ ᐎᔨᐛᐤ ᐊᓐᑕ ᒪᓯᓇᓱᐎᒋ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊᓂᔭᔪᐛ ᑲ ‍ ᐅᑎᓇᔨᒋ᙮’ ”
\s1 ᑈᓪ ᑲ ‍ ᐊᔨᒧᑕᐧᒃ ᐅᑦ ᐊᑐᔅᒐᐅᓐ
\p
\v 19 “ᑭᔭ ᒋᓴᐅᒋᒪᐤ ᐊᒃᕆᐸ, ᓂᒋ ‍ ᓂᓇᐃᑕᓐ ᐅ ᑲ ‍ ᐃᑎᓱᒥᑯᔭᓐ ᒋᒋᒋᓯᑯᒡ ᐅᒡ᙮
\v 20 ᐊᓐᑕ ᒪᒃ ᑕᒪᔅᑲᓯᒡ ᓂᔅᑎᒻ, ᑭᔭ ᐊᓐᑕ ᒋᕈᓯᓕᒥᒡ, ᐊᑯ ᒥᓐ ᒥᓯᐛ ᐊᓐᑕ ᐅᑕᓇᐛ ᒍᑎᔭ ᐊᔅᒋᒡ ᑲ ‍ ᑎᒂᒋ ᑭᔭ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ‍ ᑕᒡ ᓂᒋ ‍ ᐱᐸᑭᒐᔅᒋᒧᓐ ᐊ ‍ ᐃᑎᒂᐤ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᑕᑈᔭᔨᒪᒡ ᒋᓴᒪᓂᑐᐛ, ᑭᔭ ᒐᒋ ᐃᑐᑕᒡ ᒐᒂᔪᐤ ᐊᓐᑕ ᒐᒋ ᐅᒋ ‍ ᓄᑯᓂᔨᒡ ᑕᑈ ᐊ ‍ ᒂᔅᑲᑎᓯᒡ᙮
\v 21 ᐊᐅᒄ ᒪᒃ ᐅᔭ ᒪᒂᒡ ᑲ ‍ ᐃᑐᒡ ᐊᓐᒡ ᒍᐤ ᐃᔪᒡ ᑲ ᐸᒋ ‍ ᒪᑯᓂᒡ ᒪᒂᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ‍ ᑕᐅᒡ, ᐊᑯ ᒂ ᐎ ᐸᒋ ‍ ᓂᐸᐃᒡ᙮
\v 22 ᒥᒄ ᒪᒃ ᒋᓴᒪᓂᑐᐤ ᒧᔅ ᓂᒋ ᐸᒋ ‍ ᐎᒋᐃᒄ, ᐊᐅᒄ ᐛᒋ ‍ ᓂᐳᐅᔭᓐ ᐅᑕ ᐊᓄᒡ ᐊ ‍ ᐛᐎᑎᒧᐅᒂᐤ ᒥᓯᐛ ᐊᐛᓐᒋ ᐊ ‍ ᑕᑈᔭᓐ ᒥᓯᐛ ᑕᓐ ᐊ ᐃᓯ ‍ ᐛᐎᑎᒪᓐ᙮ ᐊᓐ ᒪᒃ ᐊ ᐃᓯ ‍ ᐛᐎᑎᒪᓐ ᐊᐅᑯᓐ ᒧᔭᒻ ᑲ ᐃᓯ ‍ ᐛᐎᑎᒧᐛᐛᒂ ᑭᔭ ᐎᔨᐛᐤ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑭᔭ ᒧᓱᔅ᙮
\v 23 ᐅ ᑲ ᐃᓯ ‍ ᐊᔨᒧᑕᑯᐱᓇ ᐊᐅᒄ ᐅ ᙭ ᑲ ‍ ᐃᓯᓂᐧᑲᑕᑭᓄᐅᑦ ᒐᔅᑎᓇᔅ ᒐ ‍ ᓂᓇᐧᑲᒋᐊᑭᓄᐅᑦ, ᑭᔭ ᐎᔾ ᓂᔅᑎᒻ ᒐ ‍ ᐅᓂᔅᑲᑦ ᓂᐳᐅᓂᒡ ᐅᒡ, ᒐᒋ ᐊᔨᒧᑎᒧᐛᑦ ᒍᐤ ᐃᔪᐛ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒡ ᐛᔅᑕᐅᓂᒡ ᐊ ‍ ᑎᒂᒡ ᐱᒪᒋᐃᑯᓯᐅᓐ᙮”
\p
\v 24 ᒪᒂᒡ ᒪᒃ ᐅᔭ ᐊ ᐃᓯ ‍ ᐃᔨᒥᑦ ᑈᓪ, ᐸᔅᑕᓴ ᒋ ‍ ᐊᓯᒂᑎᑯᐤ ᐊ ‍ ᐃᑎᑯᑦ, “ᑈᓪ, ᒋ ‍ ᒋᔎᓐ ! ᒋ ‍ ᒋᔎᐃᑯᓐ ᐊᓐ ᑲ ‍ ᐃᔅᐱᔅ ᒥᔅᑎ ᒋᔅᑯᑎᒪᑯᔨᓐ !”
\p
\v 25 ᐊᑯ ᑈᓪ ᒂ ‍ ᐎᑎᒧᐛᑦ ᐊ ‍ ᐃᑕᑦ, “ᓇᒪ ᓂ ‍ ᒋᔎᓐ, ᐸᔅᑕᔅ ᒪᐅᒡ ᑲ ‍ ᒋᔅᑕᔨᑕᑯᓯᔨᓐ᙮ ᓂ ‍ ᑕᑈᓐ ᐊᓐ ᑲ ᐃᓯ ‍ ᐎᑎᒪᓐ ᑭᔭ ᑭᒐᑕᐛᔨᑎᒧᐅᓂᒡ ᐅᒋᐱᔪᐤ᙮
\v 26 ᒋᓴᐅᒋᒪᐤ ᐊᒃᕆᐸ, ᒋᑭ ᒋ ‍ ᐊᔨᒧᑎᒪᑎᓐ ᐅᔭ ᒐᒂᔪᐛ ᐊᑲ ᑯᔅᑕᒋᔭᓐ ᐛᔅ ᒋ ‍ ᒋᔅᒐᔨᑕᓐ ᓴᔅ ᑕᓐ ᑲ ‍ ᐃᔅᐱᔨᑦ ᒋᓴᔅ᙮ ᓇᒪ ᒋᒧᑦ ᐅᒋ ᐃᔅᐱᔪᐛ ᐅᔭ ᒐᒂᔪᐛ, ᒥᓯᐛ ᐊᐛᓐ ᒋᔅᒐᔨᑎᒻ ᑕᓐ ᑲ ‍ ᐃᔅᐱᔨᑦ ᒋᓴᔅ᙮
\v 27 ᒋᓴᐅᒋᒪᐤ ᐊᒃᕆᐸ, ᒋ ‍ ᑕᑈᑎᒺᓐ ᐊ ᑕᓐ ᑲ ᐃᓯ ‍ ᐊᔨᒧᑕᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ ? ᒋ ‍ ᒋᔅᒐᔨᒥᑎᓐ ᐊ ‍ ᑕᑈᑎᒧᑦ᙮”
\p
\v 28 ᐊᑯ ᐊᒃᕆᐸ ᒂ ‍ ᐃᑕᑦ ᐊᓂᔭ ᑈᓪ, “ᐅ ᐃᔅᐱᔅ ᐛᐃᐱᔅᒋᔅ ᒋᑦ ᐃᑕᔨᑕᓐ ᐊ ᓴᔅ ᒐᒋ ᓴᐧᑯᒋᒥᔨᓐ ᒐᒋ ᒂᔅᑲᑎᓯᔭᓐ ?”
\p
\v 29 ᐊᑯ ᑈᓪ ᒂ ‍ ᐃᑕᑦ, “ᐛᐃᐱᔅᒋᔅ ᑭᔭ ᒪᒃ ᓇᐅᔅ, ᒐ ‍ ᑎᓯᐧᑲᓱᒪᑭᓂᒂ, ᓂ ‍ ᐱᑯᓴᔨᒪᐤ ᒋᓴᒪᓂᑐᐤ ᒐᒋ ᐃᓯᓇᑯᐃᑕᒄ ᑭᔭ ᒋᔨᐛᐤ ᑭᔭ ᐊᓐᒡ ᑯᑎᑭᒡ ᑲ ‍ ᓂᑐᑐᐅᒡ ᒧᔭᒻ ᓂᔾ ᑲ ‍ ᐃᓯᓇᑯᓯᔭᓐ ᒐᒋ ᐃᓯᓇᑯᓯᔭᒄ, ᓴᔅ ᐊᒋ ‍ ᒂᔅᑲᑎᓯᔭᓐ᙮ ᓇᒪᐎᔾ ᑭᑈ ᐎ ᒐᒋ ᒪᒋᒪᐱᔅᑲᐅᑯᔭᒄ ᐃᓴᒂᔭᐱᔭ ᒧᔭᒻ ᓂᔾ ᐊ ‍ ᐃᓯᓇᑯᓯᔭᓐ ᐊᓄᒡ᙮”
\p
\v 30 ᐊᑯ ᐊᓐ ᒋᓴᐅᒋᒪᐤ, ᑭᔭ ᐊᓐ ᒥᔅᑎ ᒋᓴᐅᒋᒪᐤ, ᐸᕐᓂᔅ ᒪᒃ, ᑭᔭ ᐊᓂᔭ ᑲ ‍ ᐎᑎᐱᒥᑯᒡ ᒋ ‍ ᐱᓯᑯᐅᒡ᙮
\v 31 ᐃᔅᐱ ᑲ ‍ ᐎᐎᒡ ᐊᑯ ᒂ ‍ ᐃᔅᒋᔄᒡ, “ᓇᒪ ᒐᒂᔪᐤ ᐅᒋ ᐃᑐᑎᒻ ᐅ ᓇᐸᐤ ᒐᒋ ᐅᒋ ‍ ᒪᑯᓇᑭᓄᐅᑦ ᑭᔭ ᒪᒃ ᒐᒋ ᐅᒋ ‍ ᓂᐸᐊᑭᓄᐅᑦ᙮”
\p
\v 32 ᐊᑯ ᐊᒃᕆᐸ ᒂ ‍ ᐃᑕᑦ ᐊᓂᔭ ᐸᔅᑕᔅ, “ᓇᔅᒡ ᒋᐸ ᒋ ‍ ᐱᔅᑎᓇᑭᓄᐤ ᐅ ᓇᐸᐤ ᑈᓪ ᐊᑲ ᐅᒋ ᐃᔅᒋᔄᒂ ᒐᒋ ᐃᑎᓴᐛᑭᓄᐅᑦ ᐊᓐᑕ ᓯᓴᕋ ᐊ ‍ ᑕᔨᒋ ᒐᒋ ᑎᐸᔅᑯᓇᑭᓄᐅᑦ᙮”
\c 27
\s1 ᑈᓪ ᒋ ‍ ᐃᔅᒋᒪᐤ ᐊᓐᑕ ᕈᒥᒡ
\p
\v 1 ᐃᔅᐱ ᒪᒃ ᑲ ‍ ᐎᔭᔨᑕᑭᓄᐅᒡ ᐃᑕᓕ ᒐ ‍ ᐃᔅᒋᒪᔭᒡ, ᐸᐃᒄ ᐊᓯᒪᑭᓂᓯᐤ ᐅᒋᒪᐤ ᒍᓕᔭᔅ ᐊ ‍ ᐃᓯᓂᐧᑲᓱᑦ ᒋ ‍ ᐃᑎᓱᒪᑭᓄᐤ ᒐᒋ ᓂᓇᑭᑐᐛᔨᒪᑦ ᐊᓂᔭ ᑈᓚ ᑭᔭ ᐊᓂᔭᔪᐛ ᑯᑎᑲ ᐊᐛᔪᐛ ᑲ ‍ ᒪᑯᓇᑭᓄᔨᒋ᙮ ᐅ ᒪᒃ ᒍᓕᔭᔅ ᐸᐃᑯ ᒥᑕᓯᒥᑎᓄᐤ ᒋ ‍ ᐃᑕᑎᓯᔪᐛ ᐊᓯᒪᑭᓂᓴ ᐊ ‍ ᓂᑲᓂᔅᑯᐛᑦ ᕈᒻ ᐊ ᐃᓯ ‍ ᒥᓯᓇᓱᔨᒋ᙮
\v 2 ᐊᑯ ᒂ ‍ ᐳᓯᔭᒡ ᐊ ‍ ᒥᓴᒡ ᐅᐤᑦ ᐊᓐᑕ ᐊᑦᕋᒥᑎᔭᒻ ᐊ ‍ ᐅᒋᐱᔨᒡ᙮ ᓴᔅ ᒋ ‍ ᐊᔭᔅᑯᔅᑕᑭᓄᐤ ᐊᓐᑕ ᐊᐃᓴ ᐊᔅᒋᒡ ᒐᒋ ᐃᔅᐱᔨᒡ ᐊᑯᑕ ᒪᒃ ᑲ ᐃᓯ ‍ ᒋᑕᓯᔭᒡ᙮ ᐊᕆᔅᑕᕐᑲᔅ ᒪᒃ ᐊ ‍ ᐃᓯᓂᐧᑲᓱᑦ ᓇᐸᐤ ᐊᓐᑕ ᒪᓯᑐᓂᔭ ᐊᔅᒋᒡ ᐊᓂᔭ ᐅᑕᓇᔪᐤ ᑕᓴᓗᓇᐃᑲ ᑲ ‍ ᐃᓯᓂᐧᑲᑕᔨᒡ ᐊᒋ ‍ ᐅᒋᑦ ᐊᐅᒄ ᐅ ᑭᔭ ᑲ ᐎᒋ ‍ ᐳᓯᐃᒥᑦ᙮
\p
\v 3 ᐊᓐ ᒪᒃ ᐎᔭᐸᒡ ᓴᐃᑐᓂᒡ ᓂᒋ ‍ ᒥᓯᑲᓇᓐ᙮ ᒋ ‍ ᒥᔪᑐᑐᐛᐤ ᒪᒃ ᐊᓂᔭ ᑈᓚ ᐊᓐ ᐊᓯᒪᑭᓂᓯᐤ ᐅᒋᒪᐤ ᒍᓕᔭᔅ᙮ ᒋ ‍ ᐱᔅᑎᓇᐤ ᒐᒋ ᓂᑐᐛᐱᒪᔨᒋ ᐎᒐᐛᑭᓂᔪᐛ, ᑭᔭ ᒐᒋ ᒥᔭᑭᓄᔨᒋ ᑕᓐ ᐊ ᐃᓯ ‍ ᓂᑐᐛᔨᑎᒥᔨᒋ ᒐᒂᔪᐤ᙮
\v 4 ᐊᓐᑕ ᒪᒃ ᓴᐃᑐᓂᒡ ᐊᑯᑕ ᒥᓐ ᒂ ᐅᒋ ‍ ᐳᓯᔭᒡ᙮ ᐊᑯ ᒪᒃ ᐊᓐ ᐊᒋ ‍ ᓇᑲᔭᓯᔭᒡ ᐊᑯ ᐊᓐᑕ ᐊ ‍ ᑎᐱᓄᐛᒡ ᐊᓐ ᒥᓂᔅᑎᒄ ᓴᐃᐳᕋᔅ ᑲ ‍ ᐃᓯᓂᐧᑲᑕᒡ ᐊᑯᑕ ᑲ ‍ ᐃᑕᔅᑎᒥᑎᓱᔭᒡ᙮
\v 5 ᐊᑯ ᐊᓐᑕ ᑲ ᐃᓯ ‍ ᐊᓱᐊᒪᒡ ᐊᓐ ᐎᓂᐸᒄ ᓂᒋ ‍ ᐅᑎᑕᐊᓇᓐ ᐊᓂᔭᔪᐛ ᐊᔅᒋᔭ ᓯᓕᓯᔭ ᑭᔭ ᐸᒻᐱᓕᔭ ᑲ ‍ ᐃᓯᓂᐧᑲᑕᒋ, ᐊᑯ ᐊᓐ ᒪᐃᕋ ᑲ ‍ ᐃᓯᓂᐧᑲᑕᒡ ᐅᑕᓇᐤ ᐊᓐᑕ ᓚᐃᓯᔭ ᐊᔅᒋᒡ ᑲ ‍ ᑎᒂᒡ ᐊᑯᑕ ᒂ ‍ ᒥᓯᑲᔭᒡ᙮
\v 6 ᐅᑕ ᒪᒃ ᐅᔭ ᐅᑕᓇᔪᐤ ᐊᑯᑕ ᑲ ‍ ᒥᔅᑲᐧᒃ ᐊᓐ ᐊᓯᒪᑭᓂᓯᐤ ᐅᒋᒪᐤ ᐅᐤᑎᔪᐤ ᐊᓐᑕ ᐊᓕᒃᓴᓐᑕᕆᔭ ᐊ ‍ ᐅᒋᐱᔨᒡ, ᐊᓐᑕ ᐃᑕᓕ ᐊ ‍ ᐃᔅᐱᔨᒡ, ᐊᑯᑕ ᒪᒃ ᐊᓐ ᒂ ‍ ᐳᓯᐃᑯᐅᔭᒡ᙮
\p
\v 7 ᒥᒐᑐᐤ ᒋᓯᑲᐛ ᒪᒃ ᐸᐧᑲᒡ ᒥᒄ ᓂᒋ ‍ ᐱᒪᔅᑎᒥᑎᓱᓇᓐ, ᓂᒋ ‍ ᐊᔨᒥᐅᓇᓐ ᐊ ᐎ ‍ ᒥᓯᑲᔭᒡ ᐊᓐᑕ ᐊᓐ ᓯᓇᐃᑕᔅ ᑲ ‍ ᐃᓯᓂᐧᑲᑕᒡ ᐅᑕᓇᐤ, ᐊᑯᑕ ᐊᓐ ᑲ ‍ ᐅᑎᒡ᙮ ᐊᑯ ᒪᒃ ᐊᓐ ᐊᓐᑕ ᐊ ‍ ᐅᑎᒡ, ᐃᔭᒡ ᑲ ‍ ᐃᑕᔅᑎᒥᑎᓱᔭᒡ᙮ ᐊᓐᑕ ᐊ ‍ ᑎᐱᓄᐛᒡ ᐊᓐ ᒥᓂᔅᑎᒄ ᑯᕆᑦ ᑲ ‍ ᐃᓯᓂᐧᑲᑕᒡ ᐊᑯᑕ ᑲ ‍ ᐃᑕᓯᔭᒡ, ᒂ ᐊᑎ ‍ ᓯᓱᑕᐛᒪᒡ ᐊᓐ ᑲ ‍ ᒥᔅᑕᐛᔭᐱᔅᑲᒡ ᓴᓪᒧᓂ ᑲ ‍ ᐃᓯᓂᐧᑲᑕᒡ᙮
\v 8 ᐃᔭᐱᒡ ᓂᒋ ‍ ᐊᔨᒥᐅᓇᓐ ᐊᑎ ᒥᒄ ᐊ ‍ ᓱᑕᐛᐊᒪᒡ᙮ ᒥᓇᐅᔅ ᐃᔭᐱᒡ ᓂᒋ ‍ ᒥᓯᑲᓇᓐ ᐊᓐᑕ ᐊᓐ ᒥᔪ ‍ ᐛᓴᐤ ᑲ ‍ ᐃᓯᓂᐧᑲᑕᒡ, ᓇᒪ ᐛᔪᐤ ᐊᓐᑕ ᐊᓐ ᐅᑕᓇᐤ ᓚᓯᔭ ᑲ ‍ ᐃᓯᓂᐧᑲᑕᒡ᙮
\p
\v 9 ᒥᒐᑐᐤ ᒋᓯᑲᐛ ᓂᒋ ‍ ᑕᓇᓐ ᐊᓐᑕ ᑲ ‍ ᐃᔅᐱᔅ ᒋ ‍ ᒥᒋᒋᓯᑲᒡ᙮ ᒐᒃ ᒂ ‍ ᐅᑎᒋᐱᔨᒡ ᐊᓐᑕ ᐊ ‍ ᑯᔅᑕᑎᑯᒡ ᒐᒋ ᐳᓯᓇᓄᐅᒡ, ᓴᔅ ᐊ ‍ ᑎᒂᒋᓐ᙮ ᐊᑯ ᑈᓪ ᑲ ‍ ᐃᔭᒂᒥᒪᑦ ᐊᓂᔭ ᐊᓐᑕ ᐊ ‍ ᒥᓴᔨᒡ ᐅᐤᑎᔪᐤ ᑲ ‍ ᑕᔨᒋ᙮ ᒋ ‍ ᐃᔅᒋᔄᐤ,
\v 10 “ᓂ ‍ ᐛᐸᑕᓐ ᑕᓐ ᒐ ᐃᓯ ‍ ᑯᔅᑕᑎᑯᒡ ᒥᓐ ᒐᒋ ᐳᓯᔭᐧᒄ᙮ ᒋᑭ ᒋ ‍ ᐅᓂᑕᓇᓄᐤ ᒐᒂᔪᐛ ᑭᔭ ᐅ ᐊ ‍ ᒥᓴᒡ ᐅᐤᑦ᙮ ᐛᐛᒡ ᑭᔭ ᒋᑭ ᒋ ‍ ᓂᓱᐅᓇᑎᓯᓇᓄᐤ᙮”
\v 11 ᐊᑯ ᒥᒄ ᐊᓐ ᐊᓯᒪᑭᓂᓯᐤ ᐅᒋᒪᐤ ᐅᔅᑕ ᐊᓂᔭ ᐊ ‍ ᒥᓴᔨᒡ ᐅᐤᑎᔪᐤ ᐅᒋᒪᐛ ᑭᔭ ᐊᓂᔭ ᑲ ‍ ᑎᐱᔨᐛᐅᓯᔨᒋ ᐊᓂᔭ ᐅᐤᑎᔪᐤ ᒋ ‍ ᓂᑐᑐᐛᐅᐤ ᑕᓐ ᐊ ‍ ᐃᔅᒋᔄᔨᒋ, ᐊᑯ ᓇᒪ ᐅᒋ ᐊᔭᐱᓯᑐᐛᐤ ᑕᓐ ᑲ ‍ ᐃᔅᒋᔄᔨᒋ ᑈᓚ᙮
\v 12 ᑭᔭ ᐊᓐᑕ ᐊᓂᔭ ᐊ ‍ ᐊᑯᑎᓂᔨᒡ ᐅᐤᑎᔪᐤ ᑲ ‍ ᑕᒡ, ᓇᒪ ᓇᔅᒡ ᐅᒋ ᒥᔽᔪᐤ ᐊ ‍ ᐱᐳᓂᔨᒡ ᐎ ᒐᒋ ᐊᑯᑎᓂᔨᒡ ᐅᐤᑎᔪᐤ᙮ ᐊᑯ ᒪᒃ ᐊᔪᐤ ᒐᑲᑦ ᒥᓯᐛ ᐊᓐᒡ ᓇᐸᐅᒡ ᒋ ᐎ ‍ ᐳᓱᐅᒡ, ᐊᓐᑕ ᐊ ᐎ ‍ ᐃᔅᒋᒪᒡ ᐱᓂᑭᔅ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ᙮ ᐊᓐᑕ ᒥᓂᔅᑎᒄ ᑯᕆᑦ ᑲ ‍ ᐃᓯᓂᐧᑲᑕᒡ ᐊᑯᑕ ᑲ ‍ ᑎᒂᒡ ᐅ ᐅᑕᓇᐤ᙮ ᒋ ‍ ᒥᔽᐤ ᐊᓐᑕ ᐊ ‍ ᓇᐅᔅᑕᑭᓄᐅᒋ ᐊ ‍ ᒥᓴᔨᒋ ᐅᐤᑕ ᐊ ‍ ᐱᐳᒡ᙮ ᐅ ᒪᒃ ᐅᑕᓇᐤ ᐃᑐᐤ ᐊᓐᑕ ᐃᔅ ᓴᐅᓄᑕᒡ ᑭᔭ ᒋᐛᑎᓄᒡ ᒋ ᐃᓯ ‍ ᓄᑯᓐ᙮ ᒋ ‍ ᐃᑕᔨᑎᒧᒡ ᒪᒃ ᒐᒋ ᐅᑎᑕᐊᒡ ᐊᓂᔭ ᐅᑕᓇᔪᐤ ᐱᓂᑭᔅ ᑲ ‍ ᐃᓯᓂᐧᑲᑕᔨᒡ ᐊᓐᑕ ᒐᒋ ᐱᐳᓂᑕᒡ᙮
\s1 ᑲ ‍ ᒥᔅᑎᔪᑎᒡ ᐎᓂᐸᑯᒡ
\p
\v 13 ᐃᔅᐱ ᒪᒃ ᒐ ‍ ᒋᐛᔭᓯᒡ, ᐊᓐᑕ ᓴᐅᓄᒡ ᐊ ‍ ᐅᑎᓂᔨᒡ, ᐊᑯ ᒂ ‍ ᐃᑕᔨᑕᒡ ᐊᓐᒡ ᓇᐸᐅᒡ ᒥᓐ ᒐᒋ ᒋᑕᓯᒡ᙮ ᐊᑯ ᒂ ‍ ᐅᒋᐱᑕᒡ ᐊᓂᔭ ᐳᓂᓯᓇᐸᒋᑭᓂᔪᐤ ᐊᑯ ᒂ ᐊᑎ ‍ ᓯᓱᑕᐛᐊᒡ ᐊᓂᔭ ᒥᓂᔅᑎᑯᔪᐤ ᑯᕆᑦ ᑲ ‍ ᐃᓯᓂᐧᑲᑕᔨᒡ᙮
\v 14 ᒐᒃ ᒪᒃ ᒋ ᒥᔅᑎ ᐸᒋ ‍ ᔪᑎᓐ᙮
\v 15 ᐊᓐ ᒪᒃ ᓂᒋ ‍ ᑕᐛᐅᑯᓇᓐ ᐅ ᐊ ‍ ᒥᔅᑎᔪᑎᒡ ᐊᑯ ᓇᒪ ᐅᒋ ᒥᔪᐱᔪᐤ ᒐᒋ ᐃᔨᒥᐃᑭᓄᐅᒡ᙮ ᐊᑯ ᑭᑈ ᒂ ‍ ᐳᓂᑕᔭᒡ ᐊ ᐎ ‍ ᐃᔨᒥᐃᒪᒡ, ᒥᒄ ᑲ ‍ ᓇᒧᓇᓯᔭᒡ᙮
\p
\v 16 ᐃᔅᐱ ᒪᒃ ᓴᐅᓄᒡ ᐊᓐ ᒥᓂᔅᑎᒄ ᑲᐊᐅᑕ ᑲ ‍ ᐃᓯᓂᐧᑲᑕᒡ ᐊ ᐊᑎ ‍ ᑕᔭᒡ ᐊᑯᑕ ᑲ ‍ ᑎᐱᓄᐛᒡ᙮ ᐊᑯ ᒥᒄ ᑲ ‍ ᐊᔨᒥᐃᑯᔭᒡ ᐊ ᐎ ‍ ᐳᓯᑕᔭᒡ ᐊᓐ ᒥᔅᑎᑯᐅᑦ ᐊᓐᑕ ᐊᓐ ᐊ ‍ ᒥᓴᒡ ᐅᐤᑎᒡ ᒐᒋ ᐊᒂᐱᐧᑲᑕᒡ᙮
\v 17 ᐃᔅᐱ ᒪᒃ ᑲ ‍ ᐳᓯᑕᒡ ᐊᓂᔭ ᐅᐤᑎᔪᐤ ᐊᓐᑕ ᐊ ‍ ᒥᓴᔨᒡ ᐅᐤᑎᒡ ᐊᑯ ᐊᓐᒡ ᓇᐸᐅᒡ ᒥᓯᐛ ᐊᓐᑕ ᑲ ‍ ᒪᒋᒂᐱᐧᑲᑕᒡ ᓯᐸ ᐊᓂᔭ ᐅᐤᑎᔪᐤ ᒐ ᐊᑲ ᒋ ᐱᒂᐊᓂᔨᒡ᙮ ᐃᔅᐱ ᒪᒃ ᒥᓐ ᐊ ᐊᑎ ‍ ᐎᔪᐊᒪᒡ ᒋ ‍ ᑯᔅᐱᓇᔨᑎᒧᒡ ᒐᒋ ᑕᒋᑎᓂᔨᒡ ᐊᓂᔭᔪᐛ ᐅᑦ ᐅᑐᐛᐛ ᓯᓱᒡ ᐊᓐᑕ ᐊᓂᔭ ᐊᔅᒋᔪᐤ ᓕᐱᔭ ᑲ ‍ ᐃᓯᓂᐧᑲᑕᔨᒡ ᑲ ᐸᒋ ‍ ᐛᓯᐸᒂᔨᒡ᙮ ᐊᑯ ᒂ ‍ ᐊᓯᐱᑕᒡ ᐊᓂᔭ ᐅᐱᒪᓱᐅᓄᐛᐤ ᒥᒄ ᒐᒋ ᐊᑎ ‍ ᓇᒧᓇᓯᒡ᙮
\v 18 ᒥᓐ ᒪᒃ ᐎᔭᐱᓂᔨᒡ ᐊᑯ ᑲ ‍ ᐱᑭᔅᑐᐛᐱᓇᒡ ᐊᓂᔭᔪᐛ ᒐᒂᔪᐛ ᑲ ‍ ᐳᓯᑕᒡ ᑲ ‍ ᐃᔅᐱᔅ ᐛᓴ ᒋ ‍ ᒥᔅᑎᔪᑎᓂᔨᒡ᙮
\v 19 ᒥᓐ ᒪᒃ ᐎᔭᐱᓂᔨᒡ ᐊᑯ ᓇᑎᓇᒡ ᒥᓯᐛ ᒐᒂᔪᐛ ᐊ ‍ ᐃᑕᐱᑎᓂᔨᒋ ᐊᓐᑕ ᐊ ‍ ᒥᓴᔨᒡ ᐅᐤᑎᒡ ᒂ ‍ ᐸᐱᑭᔅᑐᐛᐛᐱᓇᒡ᙮
\v 20 ᒐᒃ ᒥᒐᑐᐤ ᒋᓯᑲᐛ ᓇᒪ ᓂ ᐅᒋ ‍ ᐛᐱᒪᓇᓐ ᐱᓯᒻ ᑭᔭ ᐅᒐᑭᑕᐧᑯᒡ, ᐱᓯᒄ ᐊ ‍ ᒥᒋᒋᓯᑲᒡ ᑭᔭ ᐊ ‍ ᒥᔅᑎᔪᑎᒡ᙮ ᒐᒃ ᒥᓯᐛ ᐊ ‍ ᑎᓯᔭᒡ ᓇᔅᒡ ᓴᔅ ᓂᒋ ‍ ᐃᑕᔨᑕᓇᓐ ᒐ ‍ ᓂᓱᐅᓇᒋᐅᔭᒡ᙮
\p
\v 21 ᒐᒃ ᓇᐅᔅ ᓇᒪ ᐅᒋ ᒥᒋᓱᐅᒡ ᐊᓐᒡ ᓇᐸᐅᒡ᙮ ᐊᑯ ᑈᓪ ᒂ ‍ ᐃᔨᒪᐊᑦ᙮ ᒋ ‍ ᐃᔅᒋᔄᐤ ᒪᒃ, “ᓇᐸᑐᒄ, ᐊᑯᔅ ᒪᒃ ᒋ ‍ ᓂᑐᑐᔭᒂᒂ ᑲ ‍ ᐃᔭᒂᒥᑎᑯᒡ, ᐊᑯᔅ ᐊᓐᑕ ᑯᕆᑦ ᒋ ‍ ᐃᑕᐛᐛᐅᒂ, ᑭᔭ ᓇᒪ ᒋᐸ ᐅᒋ ‍ ᐃᔅᐱᔅ ᐅᓂᑎᓇᓄᐤ ᒐᒂᔪᐛ ᑭᔭ ᓇᒪ ᒋᐸ ᐅᒋ ‍ ᐱᒂᐊᓐ ᐅ ᒋᑦ ᐅᑎᓄᐤ᙮
\v 22 ᐊᓄᒡ ᒪᒃ ᐃᔭᐱᒡ ᒋ ᐎ ‍ ᓯᒋᒥᑎᓇᐛᐤ ᒐᒋ ᓱᒋᑕᐊᔭᒄ, ᐛᔅ ᓇᔅᒡ ᓂ ‍ ᒋᔅᒐᔨᑕᓐ ᐊᑲ ᐛᐛᒡ ᐸᐃᒄ ᒐ ‍ ᓂᓱᐅᓇᑎᓯᔭᒃ᙮ ᒥᒄ ᐅ ᐊ ‍ ᒥᓴᒡ ᐅᐤᑦ ᒋᑭ ‍ ᓂᓱᐅᓇᑎᓐ᙮
\v 23 ᐛᔅ ᐊᓐ ᒋᓴᒪᓂᑐᐤ ᑲ ‍ ᑎᐸᔨᒥᑦ ᐊᓐ ᑲ ‍ ᐊᔭᒥᐊᔅᑐᐅᒃ, ᐅᑦ ᐊᓐᒋᓇᒪ ᓂᒋ ᐸᒋ ‍ ᓂᑐᐛᐱᒥᑯᔪᐛ ᑕᐱᔅᑲᔨᒡ᙮
\v 24 ᐊᑯ ᒂ ‍ ᐃᓯᑦ ᐊᓐ ᐊᓐᒋᓐ, ‘ᑈᓪ, ᐊᑲᐎᔾ ᑯᔅᑕᒋ, ᐛᔅ ᒋᑭ ‍ ᐅᑎᔅᑯᑲᐳᔅᑐᐛᐤ ᓯᓴᕐ ᐊᓐᑕ ᕈᒥᒡ ᑲ ‍ ᑕᑦ ᒐᒋ ᑎᐸᔅᑯᓂᔅᒃ᙮ ᑎᑯᓂᔪᐤ ᑭᔭ ᑕᓐ ᐊ ᐃᓯ ‍ ᒥᔪᑐᑎᒪᔅᒃ ᒋᓴᒪᓂᑐᐤ, ᒥᓯᐛ ᒋᑭ ‍ ᐱᒪᑎᓯᐅᒡ ᐊᓐᒡ ᑲ ‍ ᐎᒐᐅᑥᐤ᙮’ ”
\v 25 ᐊᑯ ᒪᒃ ᑈᓪ ᒂ ᐊᑎ ‍ ᐃᑕᑦ ᐊᓂᔭ ᓇᐸᐛ, “ᓱᒋᑕᐊᒄ ᒪᒃ, ᐛᔅ ᓇᔅᒡ ᓂ ‍ ᑕᑈᔭᔨᒪᐤ ᒋᓴᒪᓂᑐᐤ ᑕᑈ ᒥᓯᐛ ᒐ ‍ ᐃᔅᐱᔨᒡ ᑕᓐ ᑲ ‍ ᐃᑎᑯᒡ ᒐ ‍ ᐃᔅᐱᔨᒡ᙮
\v 26 ᐊᑯ ᒥᒄ ᓯᓱᒡ ᐊᓐᑕ ᒥᓂᔅᑎᑯᒡ ᒋᑭ ᐃᓯ ‍ ᐊᒂᔭᐅᑯᓇᓄᐤ᙮”
\p
\v 27 ᐃᔅᐱ ᒪᒃ ᓂᓱ ᒥᓇᔅᑕᑭᓇ ᑲ ᐃᔅᐱᔅ ‍ ᔪᑎᒡ, ᐊᓐ ᒪᒃ ᑕᐱᔅᑲᒡ, ᐊᔅᒄ ᒥᒄ ᓂ ‍ ᐱᐸᒪᔅᑎᒥᑯᓇᓐ ᐊᓐ ᐊ ‍ ᒥᔅᑎᔪᑎᒡ ᐊᓐᑕ ᐊᓐ ᐎᓂᐸᒄ ᐊᑦᕆᔭ ᑲ ‍ ᐃᓯᓂᐧᑲᑕᒡ᙮ ᓴᓯᑲᓐ ᒪᒃ ᐃᔭᐱᑕᑎᐱᔅᑲᔨᒡ ᐊᓐᒡ ᓇᐸᐅᒡ ᐊᓐᑕ ᐊ ‍ ᒥᓴᔨᒡ ᐅᐤᑎᒡ ᑲ ‍ ᐊᑐᔅᒐᒡ ᒋ ‍ ᒧᓯᑕᐅᒡ ᐊ ‍ ᐸᓱᐛᐸᑎᒧᐅᒋᒡ ᐊᔅᒋᔪᐤ᙮
\v 28 ᐊᑯ ᑲ ᓂᑐ ‍ ᒋᔅᒐᔨᑕᒡ ᑕᓐ ᐊ ‍ ᐃᔅᐱᑕᑎᒥᔨᒡ ᐊᓐᑕ᙮ ᐊᐱᓯᔪᐤ ᒋ ‍ ᐊᐱᒋᑕᐅᒡ ᐊᓂᔭ ᐊ ᐃᓯ ᓂᑐ ‍ ᒋᔅᒐᔨᑕᒡ᙮ ᐊ ‍ ᑯᓯᑯᓂᔨᒡ ᒐᒂᔪᐤ ᒋ ‍ ᒪᑯᐱᑎᒧᒡ ᐊᓐᑕ ᐊ ‍ ᐅᓂᔎᐸᑭᓂᔨᒡ ᐊᓂᔭ ᐊᐱᓯᔪᐤ, ᐊᑯ ᒂ ‍ ᐱᑭᔅᑐᐛᐊᒡ᙮ ᒐᒂᔪᐤ ᐅ ᐸᐃᑯ ᒥᑕᓯᒥᑎᓄᐤ ᒥᓐ ᓂᓱᔪᐤ ᒥᓯᑦ ᒋ ‍ ᐃᔅᐱᑕᑎᒥᔪᐤ᙮ ᐛᐃᐱᔅᒋᔅ ᒪᒃ, ᐊᑯ ᒥᓐ ᒂ ᓂᑐ ‍ ᒋᔅᒐᔨᑕᒡ᙮ ᐸᐃᑯᔅᑕᐤ ᑕᑐᔪᐤ ᒥᓯᑦ ᐊᑯ ᒋ ‍ ᐃᔅᐱᔅ ᒋᔅᑲᑎᒥᔪᐤ᙮
\v 29 ᐊᓂᔭ ᒪᒃ ᐊ ‍ ᑯᔅᐱᓇᔨᑕᒡ ᒐᒋ ᐱᔅᑕᐱᔅᒋᑎᓂᔨᒡ ᐊᓂᔭ ᐅᐤᑎᔪᐤ, ᓇᐤ ᐊᓂᔭᔪᐛ ᐳᓂᓯᓇᐸᒋᑭᓇ ᒋ ‍ ᐱᑭᔅᑐᐛᐊᒧᒡ, ᒐᒋ ᒥᒪᒋᒪᐅᑕᔨᒡ ᐊᓂᔭ ᐅᐤᑎᔪᐤ᙮ ᐊᑯ ᒂ ‍ ᐊᔭᒥᐊᒡ ᐎᐱᒡ ᒐᒋ ᐛᐸᓂᔨᒡ᙮
\v 30 ᐱᔅᒐ ᒪᒃ ᐊᓐᒡ ᓇᐸᐅᒡ ᐊᓐᑕ ᐊ ‍ ᒥᓴᔨᒡ ᐅᐤᑎᒡ ᑲ ‍ ᐊᑐᔅᒐᒡ ᒋᒧᑦ ᒋ ᐎ ‍ ᑭᐸᐅᒡ ᐊᓂᔭ ᐅᐤᑎᔪᐤ᙮ ᐊᑯ ᑲ ‍ ᐱᔅᑲᐱᒐᓴᒡ ᐊᓂᔭ ᑲ ‍ ᐊᐱᓴᓯᔨᒡ ᐅᐤᑎᔪᐤ ᐊᓐᑕ ᐊ ‍ ᒥᓴᔨᒡ ᐅᐤᑎᒡ ᑲ ‍ ᑎᑯᓂᔨᒡ᙮ ᒧᔭᒻ ᒪᒃ ᒥᒄ ᐊ ᐎ ‍ ᐱᑭᔅᑐᐛᐊᒡ ᐳᓂᓯᓇᐸᒋᑭᓂᔪᐤ ᐊᓐᑕ ᓂᔅᑕᒧᑕᑯᒡ ᐊᓂᔭ ᐅᐤᑎᔪᐤ, ᐊᐅᑯᓐ ᑲ ‍ ᐃᑎᒡ᙮
\v 31 ᐊᑯ ᑈᓪ ᒂ ‍ ᐃᑕᑦ ᐊᓂᔭ ᐊᓯᒪᑭᓂᓯᐤ ᐅᒋᒪᐛ ᑭᔭ ᐊᓂᔭ ᐊᓯᒪᑭᓂᓴ, “ᓇᒪ ᐛᒋ ‍ ᐸᐃᒄ ᒋᑭ ᐅᒋ ‍ ᐱᒪᑎᓯᓇᐛᐤ ᓂᑭᑎᒪᒂ ᐅ ᐊ ‍ ᒥᓴᒡ ᐅᐤᑦ᙮”
\v 32 ᐊᑯ ᒪᒃ ᐊᓐᒡ ᐊᓯᒪᑭᓂᓯᒡ ᑎᐛᒡ ᒂ ‍ ᐱᔅᒋᓴᒡ ᐊᓂᔭᔪᐛ ᐊᐱᓴ ᑲ ᐅᒋ ‍ ᒪᑯᐱᑕᔨᒡ ᐊᓂᔭ ᐅᐤᑎᔪᐤ, ᐊᑯ ᒂ ‍ ᐱᔅᑎᓇᒡ᙮
\p
\v 33 ᓴᔅ ᒪᒃ ᒐᑲᑦ ᒋ ‍ ᐛᐱᓂᔪᐤ᙮ ᐊᑯ ᑈᓪ ᒂ ‍ ᓯᒋᒪᑦ ᒥᓯᐛ ᒐᒋ ᒥᒋᓱᔨᒋ, ᐊ ‍ ᐃᑕᑦ, “ᓴᔅ ᓇᐅᓴᑉ ᒋᓯᑲᐛ ᑲ ᐃᔅᐱᔅ ‍ ᐊᓱᐛᐸᑎᒪᒄ ᑕᓐ ᒐ ‍ ᐃᓂᒂ ᑭᔭ ᑲ ‍ ᐃᔅᐱᔅ ᐊᑲ ᐅᒋ ᒥᒋᓱᔭᒄ᙮
\v 34 ᒋ ‍ ᓂᑐᐛᔨᒥᑎᓇᐛᐤ ᒪᒃ ᐊᑯ ᒐᒋ ᒥᒋᓱᔭᒄ᙮ ᒋ ‍ ᓂᑐᐛᔨᑕᑯᓯᓇᐛᐤ ᒐᒋ ᒥᒋᓱᔭᒄ ᒐᒋ ᐱᒪᑎᓯᔭᒄ᙮ ᑕᐸ ᐛᐛᒡ ᐸᐃᒄ ᐊ ‍ ᑎᓯᔭᒄ ᒐᒂᓐ ᒋᑭ ᐅᒋ ‍ ᐃᔅᐱᔨᓇᐛᐤ, ᓇᒪ ᐛᐛᒡ ᐸᐃᒄ ᐅᐱᔎᐅᓐ ᒋᑭ ᐅᒋ ‍ ᐅᓂᑕᐤ ᐊᐛᓐ᙮”
\v 35 ᐃᔅᐱ ᒪᒃ ᑲ ‍ ᐃᔅᒋᔄᑦ ᐅᔭ ᑈᓪ, ᐊᑯ ᐛᑎᓇᑦ ᐸᒂᓯᑭᓇ, ᒂ ‍ ᓂᓇᔅᑯᒪᑦ ᒋᓴᒪᓂᑐᐛ ᐅᑎᔅᑯᐤ ᒥᓯᐛ ᐊᓂᔭᔪᐛ ᓇᐸᐛ ᐊ ‍ ᑕᔨᒋ, ᒂ ‍ ᐸᒂᓇᑦ ᐊᓂᔭ ᐸᒂᓯᑭᓇ, ᐊᑯ ᒂ ‍ ᒧᐛᑦ᙮
\v 36 ᐊᑯ ᒥᓯᐛ ᒂ ᐊᑎ ‍ ᓱᒋᑕᐊᒡ ᐊᓐᒡ ᓇᐸᐅᒡ ᑭᔭ ᒥᓯᐛ ᐎᔨᐛᐤ ᒋ ᐊᑎ ‍ ᒥᒋᓱᐅᒡ᙮
\v 37 ᒪᒧᐤ ᒪᒃ ᓂᓱ ᒥᑕᓯᒥᑎᓄᐤ ᒥᓐ ᓂᔄᐅᑕᒡ ‍ ᑕᑐᔪᐤ ᐊᓱ ᐊᓱᑕᒡ ᓂᒋ ‍ ᑕᑎᓯᓇᓐ ᐊᓐᑕ ᐊ ‍ ᒥᓴᒡ ᐅᐤᑎᒡ᙮
\v 38 ᐃᔅᐱ ᒪᒃ ᒥᓯᐛ ᐊᐛᓐ ᑲ ‍ ᑕᐱᔅᑯᔨᑦ, ᐊᑯ ᒂ ‍ ᐱᑭᔅᑐᐛᐱᓇᑭᓄᐎᒡ ᐸᒂᓯᑭᓂᒡ, ᐊᑐᐎᔅ ᒐᒋ ᔭᐧᑲᒡ ᐊᓐ ᐊ ‍ ᒥᓴᒡ ᐅᐤᑦ᙮
\s1 ᑲ ‍ ᐱᒂᐊᒡ ᓂᑦ ᐅᐤᑎᓇᓐ
\p
\v 39 ᐃᔅᐱ ᒪᒃ ᐎᔭᐸᒡ, ᐊᓐᒡ ᑲ ‍ ᐊᑐᔅᒐᒡ ᐊᓐᑕ ᐊ ‍ ᒥᓴᔨᒡ ᐅᐤᑎᔪᐤ ᓇᒪ ᐅᒋ ᓂᔅᑐᓂᒧᒡ ᑕᓐᑕ ᐊ ‍ ᑕᔭᒡ᙮ ᐊᑯ ᒂ ‍ ᐛᐸᑕᒡ ᐊᓐᑕ ᐊ ᐸᒋ ‍ ᐛᓴᐊᔨᒡ ᐊ ‍ ᐃᔭᑲᐅᓯᔨᒡ, ᐊᑯ ᒂ ‍ ᐃᑕᔨᑕᒡ ᐊᓐᑕ ᒐᒋ ᐃᓯ ‍ ᓇᑎᑭᒪᐱᔨᒡ᙮
\v 40 ᐊᑯ ᑭᑈ ᒂ ‍ ᐱᔅᒋᓴᒡ ᐊᓂᔭ ᐳᓂᓯᓇᐸᒋᑭᓂᔪᐤ ᑭᔭ ᒂ ‍ ᐊᐱᐧᑯᓇᒡ ᐊᓂᔭ ᑲ ‍ ᒪᑯᐱᑕᒡ ᐊᓐᑕ ᐊ ᐅᒋ ‍ ᒥᓄᐃᑭᓄᐎᒡ ᐊᓂᔭ ᐅᐤᑎᔪᐤ᙮ ᐊᑯ ᒂ ‍ ᐅᐸᔅᑯᐊᒡ ᐱᒪᓱᐛᑭᓂᔪᐤ ᐊᓐᑕ ᓂᔅᑕᒧᑕᑯᒡ ᓯᓱᒡ ᒐᒋ ᐃᑕᐅᑯᒡ᙮
\v 41 ᐊᑯ ᒥᒄ ᐊᓐ ᐊ ‍ ᒥᓴᒡ ᐅᐤᑦ ᐊᓐᑕ ᓂᔅᑕᒧᑕᑯᒡ ᒂ ‍ ᑕᒋᑎᒡ ᐊ ‍ ᒥᑕᒂᔪᐛᒡ ᐊᑯ ᑲ ‍ ᒋᑭᒧᑎᒡ ᐊᓐᑕ, ᐊᑯ ᒂ ᐊᑎ ‍ ᐱᒂᐊᒡ ᐊᓐᑕ ᐅᑕᒡ ᐛᔅ ᐊᒋ ‍ ᒪᒥᓯᑎᒡ ᑭᔅᑭᓂᒡ᙮
\p
\v 42 ᐊᑯ ᐊᓐᒡ ᐊᓯᒪᑭᓂᓯᒡ ᒥᓯᐛ ᑲ ᐎ ‍ ᓂᐸᐊᒡ ᐊᓂᔭᔪᐛ ᓇᐸᐛ ᑲ ‍ ᑭᓄᐛᔨᒪᒡ ᑲ ‍ ᒪᑯᓇᑭᓄᔨᒋ, ᐊᑲ ᑭᑈ ᓂᑐᐛᔨᒪᒡ ᒐᒋ ᒋᑎᓯᒧᔨᒋ, ᐛᔅ ᒋᐸ ᒋ ‍ ᐱᑭᔅᑐᐛᒂᔅᑯᑎᔪᐛ ᐊᓐᑕ ᓂᐱᒡ, ᑭᔭ ᐊᓐᑕ ᒐᒋ ᐃᓯ ‍ ᓇᑎᑭᒪᒥᔨᒋ᙮
\v 43 ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᒋ ᐎ ‍ ᐱᒪᒋᐊᐤ ᑈᓚ ᐊᑯ ᒂ ‍ ᒋᑕᐊᒧᐛᑦ ᐊᓂᔭ ᐊᓯᒪᑭᓂᓴ ᑲ ᐎ ‍ ᓂᐸᐊᔨᒋ ᐊᓂᔭ ᓇᐸᐛ᙮ ᐊᑯ ᒂ ‍ ᐃᑎᓱᐛᑦ ᐊᓂᔭ ᑲ ‍ ᓂᑕᐅᒋᒪᐎᔨᒋ ᓂᔅᑎᒻ ᒐᒋ ᐱᑭᔅᑐᐛᒂᔅᑯᑎᔨᒋ ᒐᒋ ᓇᑎᑭᒪᒥᔨᒋ᙮
\v 44 ᑭᔭ ᐊᓐᒡ ᑯᑎᑭᒡ ᐊᐅᑯᓐ ᒋᐸ ‍ ᐃᑐᐅᒡ ᑭᔭ ᐎᔨᐛᐤ ᐊ ‍ ᒪᒋᑯᒡ ᓂᐱᐧᑲᑎᑯᒡ ᒪᒃ ᑯᑎᒋᔪᐤ ᒐᒂᔪᐤ ᐊᓐᑕ ᐅᒋ ᐊ ‍ ᒥᓴᒡ ᐅᐤᑎᒡ ᐊᒋ ‍ ᐱᒂᐊᓂᔨᒡ᙮ ᐊᑯ ᒪᒃ ᒥᓯᐛ ᑲ ‍ ᑎᓯᔭᒡ ᑲ ‍ ᒥᔪᐱᔭᒡ ᒐᒋ ᑭᐸᔭᒡ ᐊᔅᒋᔾ ᒐᒋ ᑕᒋᔅᑭᒪᒡ᙮
\c 28
\s1 ᒪᓪᑕ ᑲ ‍ ᑕᔭᒡ
\p
\v 1 ᐃᔅᐱ ᒥᓯᐛ ᑲᒋ ‍ ᑭᐸᔭᒡ, ᐊᑯ ᒂ ᐅᒋ ‍ ᒋᔅᒐᔨᑎᒪᒡ ᒪᓪᑕ ᑲ ‍ ᐃᓯᓂᐧᑲᑕᒡ ᒥᓂᔅᑎᒄ ᐊ ‍ ᑕᔭᒡ᙮
\v 2 ᐊᓐᒡ ᒪᒃ ᐃᔪᒡ ᐊᓐᑕ ᑲ ‍ ᑕᒡ, ᓇᔅᒡ ᓂᒋ ‍ ᒥᔪᑐᑕᑯᓇᓂᒡ᙮ ᒋ ‍ ᒋᑐᐅᑕᓂᔪᐤ ᒧᔭᒻ, ᐊᑯ ᒂ ᐎ ‍ ᑕᐧᑲᔭᒡ, ᑲ ‍ ᑯᑐᐛᓯᔨᒥᒡ ᐊᓐᑕ᙮
\v 3 ᑈᓪ ᒪᒃ ᒋ ‍ ᒪᒧᓴᒋᓂᒻ ᒥᔅᑎᒂ ᒂ ‍ ᒥᑐᔅᑕᐊᒃ᙮ ᑲ ᐅᒋ ‍ ᒧᔅᒋᔨᒋ ᒋᓇᐱᒂ ᐊᓐᑕ ᐊᓂᔭ ᒥᔅᑎᒂ ᐊ ‍ ᐃᑎᔅᑕᔨᒋ, ᐊᓂᔭ ᑭᑈ ᐊ ‍ ᒧᓯᑕᔨᒋ ᐊ ‍ ᒋᓯᑕᔨᒡ, ᐊᑯ ᑲ ‍ ᒋᑭᒧᔨᒋ ᑈᓪ ᐅᑎᒋᒡ, ᓇᒪ ᒪᒃ ᐅᒋ ᒥᔅᑎᒪᑯᒥᑯᐤ ᐊᓂᔭ ᒋᓇᐱᒂ᙮
\v 4 ᐊᑯ ᐊᓐᒡ ᐃᔪᒡ ᐃᔅᐱ ᐎᔭᐱᒪᒡ ᐊᓂᔭ ᒋᓇᐱᒂ ᐊ ‍ ᒋᑭᒧᔨᒋ ᐊᓐᑕ ᑈᓚ ᐅᑎᒋᔨᒡ ᒂ ‍ ᐃᔅᒋᔄᒡ, “ᒋ ‍ ᓂᐸᐃᔨᐛᒐ ᐊᓐ ᐅ ᓇᐸᐤ, ᑭᔭ ᐊᑎ ᐊᒋ ‍ ᒋᑎᓯᒧᑦ ᐊᓐᑕ ᐎᓂᐸᑯᒡ ᐅᒋ, ᐃᔭᐱᒡ ᐅᑎᑕᐅᑯᐤ ᒐᒋ ᐛᐛᓯᐊᑭᓄᐅᑦ᙮ ᐊᐅᒄ ᐊᓂᔭ ᐛᒋ ‍ ᒪᑯᒥᑯᑦ ᐊᓂᔭ ᒋᓇᐱᒂ᙮”
\v 5 ᐊᑯ ᑈᓪ ᒥᒄ ᒋᔭᒻ ᑲ ‍ ᒥᑐᔅᑕᐛᐱᓇᑦ ᐊᓂᔭ ᒋᓇᐱᒂ ᐊᓐᑕ ᐃᔅᑯᑕᒡ ᐊᑲ ᓇᔅᒡ ᒐᒂᔪᐤ ᐅᒋ ᐃᑐᑕᑯᑦ᙮
\p
\v 6 ᐊᑯ ᐊᓐᒡ ᐃᔪᒡ ᒋ ‍ ᓂᓇᑭᑐᐛᔨᒪᐅᒡ ᒐᒋ ᐸᒋᐱᔨᒋ ᐊᓂᔭ ᑈᓚ ᑭᔭ ᒪᒃ ᒐᒋ ᓂᐱᔨᒋ᙮ ᓇᒪ ᒪᒃ ᓇᔅᒡ ᐅᒋ ᒐᒂᔪᐤ ᐃᑎᔪᐛ᙮ ᐃᔅᐱ ᒪᒃ ᐎᔭᐱᒪᒡ ᐊᑲ ᓇᔅᒡ ᒐᒂᔪᐤ ᑎᔨᒋ ᐊᑯ ᑲ ‍ ᐃᔅᒋᔄᒡ, “ᒐᔅᑎᓇᔅ ᒋᓴᒪᓂᑐᐎᒐ ᐅ ᓇᐸᐤ᙮”
\p
\v 7 ᓇᒪ ᐛᔪᐤ ᐊᓐᑕ ᐊᓂᔭ ᑲ ‍ ᑕᒡ ᒋ ‍ ᑎᑯᓐ ᓂᑕᐅᒋᑕᑭᓐ ᐊᔅᒋᔾ᙮ ᐳᐱᓕᔭᔅ ᒋ ‍ ᐃᓯᓂᐧᑲᓱᐤ ᐊᓐ ᑲ ‍ ᐅᒋᒪᐅᑦ ᐊᓐᑕ ᐊᓂᔭ ᒥᓂᔅᑎᑯᔪᐤ᙮ ᐊᐅᒄ ᒪᒃ ᐅ ᑲ ‍ ᑎᐱᔨᐛᐅᓯᑦ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ᙮ ᓇᔅᒡ ᓂᒋ ‍ ᒥᔪᑐᑕᑯᓇᓐ ᐅ ᓇᐸᐤ᙮ ᓂᔅᑐ ᒋᓯᑲᐛ ᓂᒋ ‍ ᐃᔅᐱᔅ ᐃᑕᐛᓇᓐ ᐊᓐᑕ ᐊ ‍ ᑕᑦ᙮
\v 8 ᐅ ᒪᒃ ᐳᐱᓕᔭᔅ ᐅᑕᐎᔭ ᒋ ‍ ᐊᐧᑯᓯᔪᐛ, ᐊ ‍ ᒋᓯᑕᐅᐱᔨᒋ ᑭᔭ ᐊ ‍ ᓱᐎᒂᔨᒡ ᐊ ‍ ᒥᓯᔨᒋ᙮ ᐊᑯ ᑈᓪ ᒂ ‍ ᐱᒐᐛᑦ ᐊᓐᑕ ᑲᐃᐱᓇᓄᐅᒡ, ᒂ ‍ ᑕᒋᓇᑦ ᐊ ‍ ᐊᔭᒥᐊᔅᑎᒧᐛᑦ, ᒂ ‍ ᒥᓏᒋᐊᑦ᙮
\v 9 ᐃᔅᐱ ᒪᒃ ᐅᔭ ᑲ ‍ ᐃᔅᐱᔨᒡ, ᐊᑯ ᒥᓯᐛ ᐊᓐᒡ ᑲ ‍ ᐊᐧᑯᓯᒡ ᐊᓐᑕ ᒥᓂᔅᑎᑯᒡ ᑲ ‍ ᑕᒡ ᒋ ‍ ᑎᑯᓯᓄᐅᒡ ᑭᔭ ᐎᔨᐛᐤ, ᑭᔭ ᐎᔨᐛᐤ ᒋ ‍ ᒥᓏᑎᓯᐅ14A1᙮
\v 10 ᒥᒐᑦ ᒐᒂᔪᐛ ᓂᒋ ‍ ᒥᔨᑯᓇᓂᒡ᙮ ᐃᔅᐱ ᒪᒃ ᒥᓐ ᐊ ‍ ᐳᓱᐎᒋᑦ, ᒋ ‍ ᐳᓯᑕᐅᒡ ᓂᓇᐧᑯᐤ ᒐᒂᔪᐛ ᒐ ᐃᓯ ‍ ᓂᑐᐛᔨᑎᒧᒋᑦ᙮
\s1 ᕈᒥᒡ ᑲ ‍ ᒥᓯᑲᔭᒡ
\p
\v 11 ᓂᔅᑐ ᐱᓯᒺ ᒪᒃ ᐃᔅᐱᔅ ᐊᑯ ᒥᓐ ᑯᑎᒡ ᐊ ‍ ᒥᓴᒡ ᐅᐤᑦ ᒂ ‍ ᒋᑕᓯᔭᒡ ᐊᓕᒃᓴᓐᑕᕆᔭ ᐊ ‍ ᐅᒋᒥᑲᒡ᙮ ᒋ ‍ ᑎᑯᓐ ᑕᓐ ᑲ ‍ ᐃᓯᓂᐧᑲᑕᒡ ᐊᓐ ᐊ ‍ ᒥᓴᒡ ᐅᐤᑦ, “ᑲ ‍ ᓂᓯᒡ ᒥᓂᑐᐧᑲᓐᒡ” ᒋ ‍ ᐃᓯᓂᐧᑲᑕᐤ᙮ ᐊᑯᑕ ᐊᓐᑕ ᒥᓂᔅᑎᑯᒡ ᑲ ‍ ᑎᑯᓂᒂ ᐃᔅᑭᓐ ᐱᐳᓇ᙮
\v 12 ᐊᓐᑕ ᒪᒃ ᓯᕋᑭᔪᔅ ᑲ ‍ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᑲ ‍ ᒥᓯᑲᔭᒡ᙮ ᓂᔅᑐ ᒋᓯᑲᐛ ᓂᒋ ‍ ᑕᓇᓐ ᐊᓐᑕ᙮
\v 13 ᐊᑯ ᒥᓐ ᐊᓐᑕ ᒂ ᐅᒋ ‍ ᐳᓯᔭᒡ, ᕋᑭᔭᒻ ᑲ ‍ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᑲ ‍ ᒥᓯᑲᔭᒡ᙮ ᒥᓐ ᒪᒃ ᐎᔭᐸᒡ ᓴᐅᓄᒡ ᒋ ‍ ᔪᑎᓐ᙮ ᐊᑯ ᒥᓐ ᐊᓇ ᐊ ᐊᑎ ‍ ᒋᓯᑲᒡ ᐳᑎᐅᓕ ᑲ ‍ ᐃᓯᓂᐧᑲᑕᒡ ᐅᑕᓇᐤ ᐊᐅᑯᓐ ᐊᓐ ᒂ ‍ ᐅᑎᑕᐊᒪᒡ᙮
\v 14 ᐊᑯᑕ ᐅ ᑲ ‍ ᐛᐱᒥᒋᒡ ᑲᑕᑈᔭᔨᑕᒡ᙮ ᐊᑯ ᑲ ‍ ᐎᓴᒥᔨᒥᒡ ᐸᐃᒄ ᒥᓇᔅᑕᑭᓐ ᒐᒋ ᑕᐅᒋᒡ ᐊᓐᑕ ᐊ ‍ ᑕᒡ᙮ ᐊᑯ ᒥᓐ ᕈᒻ ᑲ ‍ ᐅᑎᑕᐊᒪᒡ᙮
\v 15 ᐊᑯ ᐊᓐᒡ ᑲᑕᑈᔭᔨᑕᒡ ᐊᓐᑕ ᕈᒥᒡ ᑲ ‍ ᑕᒡ ᑲ ‍ ᐸᑕᒡ ᐊᒋ ‍ ᒥᓯᑲᐎᒋᑦ᙮ ᐱᔅᒐ ᐛᔪᐎᔅ ᒋ ‍ ᐅᑐᑕᐅᒡ ᐊᓐᑕ ᐊᓂᔭ ᐊᐱᔭᔅ ᑲ ‍ ᐃᓯᓂᐧᑲᑕᒡ ᑲᒋ ‍ ᒪᐅᒋᐃᑐᓇᓄᐎᒡ ᑭᔭ ᐱᔅᒐ ᐊᓐᑕ ᑲ ‍ ᓂᔅᑎᔨᒋ ᑲᒥᓇᓄᒋ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ‍ ᐅᑐᑕᐅᒡ ᐊ ᐎ ᐸᒋ ‍ ᓂᒋᔅᑯᔨᒥᒡ᙮ ᐃᔅᐱ ᒪᒃ ᑈᓪ ᐎᔭᐱᒪᑦ ᐊᓂᔭ, ᒋ ‍ ᓂᓇᔅᑯᒪᐤ ᒋᓴᒪᓂᑐᐛ, ᐛᔅ ᓇᔅᒡ ᒋ ‍ ᐅᐱᓂᑯᐤ ᐊᓂᔭ ᐊ ‍ ᐛᐱᒪᑦ᙮
\s1 ᑈᓪ ᑲ ‍ ᑭᒐᔅᒋᒧᑦ ᕈᒥᒡ
\p
\v 16 ᑲ ‍ ᒥᓯᑲᔭᒡ ᐊᓐᑕ ᕈᒥᒡ, ᑈᓪ ᒋ ‍ ᐱᔅᑎᓇᑭᓄᐤ ᑎᐸᓐ ᐊᓐᑕ ᒥᒋᐛᐱᔪᐤ ᒐᒋ ᐎᒋᑦ᙮ ᐊᑯ ᒥᒄ ᐃᔭᐱᒡ ᐊᓯᒪᑭᓂᓴ ᒋ ‍ ᑕᔪᐛ ᐊ ‍ ᓂᓇᑭᑐᐛᔨᒥᑯᑦ᙮
\p
\v 17 ᓂᔅᑐ ᒋᓯᑲᐛ ᒪᒃ ᐃᔅᐱᔅ, ᐊᑯ ᒂ ‍ ᐎᓴᒪᑦ ᑈᓪ ᐊᓂᔭᔪᐛ ᒍᐤ ᐃᔪᐛ ᑲ ‍ ᓂᑲᓂᔅᑯᐛᔨᒋ᙮ ᐃᔅᐱ ᒪᒃ ᒥᔭᒧᐎᔨᒋ ᒋ ‍ ᐃᔅᒋᔄᐤ, “ᓂᐧᑲᓂᓯᑐᒄ, ᓂᒋ ‍ ᒪᑯᓂᑯᐅᓐ ᐊᓐᑕ ᒋᕈᓯᓕᒥᒡ ᐊᑯ ᐊᓐᑕ ᕈᒻ ᐃᔪᒡ ᐊ ‍ ᑕᒡ ᒂ ᐃᓯ ‍ ᐱᔅᑎᓂᑯᐅᔭᓐ ᒐᒋ ᐃᓯ ‍ ᒪᒪᒋᑯᓂᑯᐅᔭᓐ᙮ ᐊᐅᒄ ᐅ ᑲ ‍ ᐃᑐᑕᑯᐅᔭᓐ ᐊᑎ ᐊᑲ ᐅᒋ ᒥᒋᑐᑐᐅᒂᐤ ᒋᑦ ᐃᔨᒥᓄᒡ ᑭᔭ ᐊᑲ ᐅᒋ ᐅᓂᑐᑎᒪᓐ ᐊᓂᔭᔪᐛ ᐃᑐᐅᓇ ᐊᓂᔅᒐ ᒋᐛᐧᑯᒪᑭᓄᐎᒡ ᑲ ‍ ᒥᔨᑕᐧᑯᒡ᙮
\v 18 ᒋ ᐎ ᓂᑐ ‍ ᒋᔅᒐᔨᑎᒧᒡ ᒪᒃ ᐊᓐᒡ ᕈᒻ ᐃᔪᒡ ᑕᓐ ᑲ ᐃᓯ ‍ ᐅᓂᐱᔪᒡ᙮ ᓇᒪ ᒪᒃ ᒐᒂᔪᐤ ᐅᒋ ᒥᔅᑭᒧᒡ ᒐᒋ ᐃᓯ ‍ ᐅᓂᐱᔪᒡ᙮ ᓴᔅ ᒪᒃ ᓂᒋ ᐎ ‍ ᐱᔅᑎᓂᑯᒡ ᐛᔅ ᓇᒪ ᐅᒋ ᒥᔅᑭᒧᒡ ᑕᓐ ᑲ ᐃᓯ ‍ ᐅᓂᑐᑎᒧᒡ᙮
\v 19 ᐊᑯ ᒥᒄ ᐊᓐᒡ ᒍᐤ ᐃᔪᒡ ᓇᒪ ᐅᒋ ᓇᐊᔨᑎᒧᒡ, ᐊᑯ ᑎᐛᒡ ᑲ ‍ ᐃᔅᒋᔄᔭᓐ ᒐᒋ ᐛᐱᒥᒃ ᒪᐅᒡ ᓂᑲᓐ ᒋᓴᐅᒋᒪᐤ ᓯᓴᕐ ᑲ ‍ ᐃᓯᓂᐧᑲᑕᑭᓄᐅᑦ, ᐎᔾ ᒐᒋ ᐅᑎᔅᑯᑲᐳᔅᑎᐅᒃ᙮ ᓇᒪᔭᐤ ᑭᑈ ᐎ ᐊᒋ ‍ ᐃᑕᔨᑎᒪᓐ ᓂᑐᐎᔾ ᒐᒋ ᐃᓯ ‍ ᒪᒥᓯᒥᒂᐤ ᓂᑦ ᐃᔨᒥᒡ᙮
\v 20 ᐊᐅᒄ ᐅ ᐛᒋ ‍ ᐎᓴᒥᑎᑯᒡ᙮ ᔅᒋ ᐎ ‍ ᐎᑎᒪᑎᓇᐛᐤ ᒐᒂᓐ ᐛᒋ ‍ ᒪᑯᓂᑯᐅᔭᓐ, ᐊᐅᒄ ᐅ ᐊ ‍ ᐊᑐᔅᑯᐅᒃ ᙭ ᐊᓂᔭ ᐃᔅᕋᐃᓪ ᐃᔪᒡ ᑲ ‍ ᐊᔅᐸᔨᒧᑐᑐᐛᒡ᙮”
\p
\v 21 ᐊᑯ ᒂ ‍ ᐃᑎᑯᑦ, “ᓇᒪᐎᔾ ᑭᑈ ᐎ ᓂᔭᓐ ᓂ ᐅᒋ ‍ ᒥᔅᑲᓇᓐ ᒐᒋ ᒥᓯᓇᐊᒪᑯᐅᔭᒡ ᐊᓐᑕ ᒍᑎᔭ ᐅᒋ, ᒐᒋ ᐊᔨᒧᒥᑯᔨᓐ ᐊᓐᑕ᙮ ᑭᔭ ᐊᓐᒡ ᒋᐧᑲᓂᓯᓄᐅᒡ ᐊᓐᑕ ᑲ ‍ ᐅᑐᑕᒡ ᓇᒪ ᒐᒂᔪᐤ ᒋ ᐅᒋ ‍ ᐃᑕᒋᒥᑯᒡ ᒪᒃ ᒐᒋ ᒪᔭᒋᒥᔅᒡ᙮
\v 22 ᒥᒄ ᒪᒃ ᒋ ᐎ ‍ ᒋᔅᒐᔨᒥᑎᓇᓐ ᑕᓐ ᐊ ‍ ᐃᑕᔨᑎᒥᐃᑯᔨᓐ ᒋᔾ, ᐛᔅ ᒥᒐᑦ ᐊᐛᓐᒋ ᒥᓯᑕ ᐅ ᐊᔅᒋᔾ ᓇᒪ ᒥᔪᓯᓇᐊᒧᒡ ᐅᔭ ᑲ ᐃᓯ ‍ ᑕᑈᑎᒺᒄ᙮”
\p
\v 23 ᐊᑯ ᐊᓐᒡ ᒍᐤ ᐃᔪᒡ ᒂ ‍ ᐎᔅᑕᐛᒡ ᐊᓂᔭ ᑈᓚ ᐊᓐᑕ ᐊ ‍ ᒋᓯᑲᔨᒡ ᒐᒋ ᒪᒧᐎᒡ ᒐᒋ ᓂᑐᑐᐛᒡ ᑕᓐ ᒐ ‍ ᐃᔅᒋᔄᔨᒋ᙮ ᐛᑎᒋᐱᔨᒡ ᒪᒃ ᐊᓂᔭ ᐊ ‍ ᒋᓯᑲᔨᒡ ᐊᓐᑕ ᑲ ‍ ᓂᔅᑯᒧᒡ ᒐᒋ ᒪᒧᐎᒡ ᒥᒐᑦ ᐊᐛᓐᒋ ᒋ ‍ ᑎᑯᓯᓄᐅᒡ ᐊᓐᑕ ᑈᓚ ᐊ ‍ ᑕᔨᒋ᙮ ᐊ ‍ ᒐᒋᓴᐸᔭᔨᒡ ᐱᐃᒻ ᐊ ᐊᑎ ‍ ᑎᐱᔅᑲᔨᒡ, ᑈᓪ ᒋ ‍ ᐛᐎᑎᒧᐛᐤ ᐊᓂᔭ ᒍᐤ ᐃᔪᐛ ᑕᓐ ᐊ ‍ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᑭᔭ ᒋ ‍ ᑭᒐᔅᒋᒪᐤ ᐊ ᐎ ‍ ᓯᒋᒪᑦ ᒐᒋ ᑕᑈᑎᒥᔨᒋ ᒋᓴᓴ ᐊ ‍ ᐊᐎᔨᒋ ᙭ᑕ ᐊᓐ ᑲ ‍ ᐊᔨᒧᒪᑭᓄᐅᑦ ᐊᓐᑕ ᒧᓱᓴ ᐅᐎᓱᐛᐅᓂᒡ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐅᒥᓯᓇᐃᑭᓂᔨᒡ᙮
\v 24 ᐱᔅᒐ ᒪᒃ ᒋ ‍ ᑕᑈᑕᑯᐤ, ᑯᑎᑲ ᓇᒪ ᐅᒋ ᑕᑈᑎᒥᔪᐛ᙮
\v 25 ᒋ ‍ ᒥᒋᐱᔨᐃᑐᔪᐛ ᒐᒃ ᐅᔭ ᐊᑲ ᑕᑈᑎᒥᔨᒋ, ᐊᑯ ᒂ ᐊᑎ ‍ ᔅᑐᑕᔨᒋ ᐃᔅᐱ ᐅᔭ ᑲ ‍ ᐃᔅᒋᔄᑦ ᑈᓪ, “ᑕᑈ ᒧᔭᒻ ᒋ ᐃᓯ ‍ ᐎᑎᒧᑯᐱᓇ ᑲ ‍ ᐸᔭᒋᓯᑦ ᐊᒐᐧᒄ ᑕᓐ ᑲ ‍ ᐃᑕᑦ ᒋᑦ ᐃᔨᒧᐛᐛ ᐊᓂᔭᔪᐛ ᐅᒋᔅᒋᐛᐃᒐᓱᐤ ᐊᐃᓴᔭ ᐊᒋ ‍ ᐊᐱᒋᐊᑦ ᒐᒋ ᐃᓯ ‍ ᐎᑎᒧᐛᔨᒋ,
\q
\v 26 ᐃᔅᒋᔄᐤ ᒋᓴᒪᓂᑐᐤ, ‘ᐃᓯᒡ ᐊᓐᒡ ᐃᔪᒡ, ᒧᔅ ᒋᑭ ‍ ᐸᑕᓇᐛᐤ ᒥᒄ ᓇᒪ ᒋᑭ ᐅᒋ ‍ ᓂᔅᑐᑕᓇᐛᐤ ᑭᔭ ᐊᑎ ᐃᑕᐱᔭᒂ ᓇᒪ ᒋᑭ ᐅᒋ ‍ ᓂᔅᑐᓇᓇᐛᐤ᙮
\v 27 ᐛᔅ ᐊᓐᒡ ᐅᒡ ᐃᔪᒡ ᓇᔅᒡ ᑕᑈ ᓯᐱᑎᒧᒡ, ᓇᒪ ᐎ ᑕᑈᑎᒧᒡ, ᒧᔭᒻ ᐊ ‍ ᒋᐳᓇᒡ ᐎᑐᑭᐛᐛ ᑭᔭ ᐅᔅᒋᓯᑯᐛᐛ ᐊᐅᑯᓐ ᐊ ‍ ᐃᓯᓇᑯᓯᒡ᙮ ᐊᑲ ᒪᒃ ᐅᔭ ᐃᑎᒡ ᒋᐸ ‍ ᐛᐸᑎᒧᒡ ᑭᔭ ᒋᐸ ‍ ᐸᑎᒧᒡ ᑭᔭ ᒋᐸ ‍ ᓂᔅᑐᑎᒧᒡ ᐊᓂᔭ ᑕᓐ ᐊ ᐃᓯ ‍ ᓂᑐᐛᔨᒥᒂᐤ᙮ ᓂᐸ ᐸᒋ ‍ ᓂᑐᐛᐱᒥᑯᒡ ᒪᒃ ᑭᔭ ᓂᐸ ‍ ᐱᒪᒋᐊᐅᒡ᙮’ ”
\p
\v 28 ᐊᑯ ᑈᓪ ᒂ ‍ ᐃᔅᒋᔄᑦ, “ᒐ ᐎ ‍ ᒋᔅᒐᔨᑎᒪᒄ ᒪᒃ ᒋᓴᒪᓂᑐᐤ ᐊ ‍ ᐃᑎᓴᐅᑯᔭᒡ ᒐᒋ ᐛᐎᑎᒪᒡ ᒐᒋ ᐱᒪᒋᐊᑭᓄᐎᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊᐛᓐᒋ᙮ ᒋᑭ ‍ ᓂᑐᑎᒧᒡ ᒪᒃ ᐅᒡ ᐎ᙮”
\v 29 ᐃᔅᐱ ᒪᒃ ᑈᓪ ᑲ ‍ ᐃᔅᒋᔄᑦ ᐅᔭ, ᒋ ‍ ᐎᐎᔪᒡ ᐊᓐᒡ ᒍᐤ ᐃᔪᒡ ᐊ ‍ ᒥᒋᐱᔨᐃᑐᒡ᙮
\p
\v 30 ᓂᓱ ᐱᐳᓇ ᒪᒃ ᒋ ‍ ᑕᐤ ᑈᓪ ᐊᓐᑕ ᐊᓂᔭ ᒥᒋᐛᐱᔪᐤ᙮ ᐎᔾ ᒋ ‍ ᐱᒥᐱᔨᐃᓱᐤ ᓱᓇᔭᔪᐤ᙮ ᒋ ‍ ᒥᔽᔨᑎᒻ ᐊ ‍ ᒧᐱᔅᑐᐛᑭᓄᐅᑦ᙮
\v 31 ᒋ ‍ ᐊᔨᒧᑎᒧᐛᐤ ᒪᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᑭᔭ ᒋ ‍ ᒋᔅᑯᑎᒪᒐᐤ ᐅᑎᐸᔨᒋᒐᐛ ᒋᓴᔅ ᙭ᑕ ᐊ ‍ ᐊᔨᒧᒪᑦ᙮ ᒋ ‍ ᓱᒋᑕᐊᐤ ᒪᒃ ᓇᔅᒡ ᑭᔭ ᓇᒪ ᐅᒋ ᒋᑕᐊᒧᐛᑭᓄᐤ ᐅᔭ ᐊ ‍ ᐃᑎᑦ᙮
\id ROM Adapted from ECree-S to Naskapi, 26 Dec 2002; Typeset export from CBS 8 May 2007
\h ᕈᒪᓇ
\toc3 ᕈᒪᓇ
\toc2 ᕈᒪᓇ
\toc1 ᕈᒪᓇ ᑈᓪ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ ‍ ᑕᔨᒋ
\mt1 ᕈᒪᓇ
\mt2 ᑈᓪ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ ‍ ᑕᔨᒋ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐃᔅᐱ ᑲ ‍ ᒋᓯᑕᑦ ᐊᓂᔭ ᓂᔍᐤ ᐊᒋ ‍ ᔅᑐᑕᑦ ᑈᓪ ᒥᔽᒋᒧᐅᓂᔪᐤ ᐊ ‍ ᐱᐸᒧᑕᑦ ᐊᑯᑕ ᒥᔅᑯᒡ ᑲ ‍ ᒥᓯᓇᐊᐧᒃ ᐅᔭ᙮ ᐊᓂᔭᔪᐛ ᒪᒃ ᕈᒻ ᑲ ‍ ᐃᑎᔅᑲᓇᓯᔨᒋ ᑲ ‍ ᑕᑈᑎᒥᔨᒋ ᒥᔽᒋᒧᐅᓂᔪᐤ ᐊᐅᑯᓂ ᐊᓂᔭ ᑲ ‍ ᒥᓯᓇᐊᒧᐛᑦ᙮ ᑲᐤ ᐊᓐᑕ ᒋᕈᓯᓕᒥᒡ ᒋ ‍ ᐃᑐᑕᐤ᙮ ᐊᑯ ᒂ ‍ ᐃᑕᔨᑕᐧᒃ ᒥᓐ ᒐᒋ ᐃᑐᑕᑦ ᕈᒥᒡ᙮ ᒐᒃ ᐊᓂᔭ ᐊᔅᒋᔪᐤ ᔅᐸᐃᓐ ᑲ ‍ ᐃᓯᓂᐧᑲᑕᔨᒡ ᐊᑯᑕ ᑲ ᐎ ‍ ᐃᑐᑕᑦ᙮ ᒥᔅᑎ ᑎᑯᓐ ᑯᐃᔅᑯᑕᑎᓯᐅᓐ ᐊ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ ᓇᐤ ᒐᒂᔪᐛ ᒋᒋᐛ ᒋ ‍ ᐊᔨᒧᐃᑯᐤ ᑈᓪ᙮ 1) ᓇᒪ ᓇᔅᒡ ᑕᐤ ᐊᐛᓐ ᐊ ‍ ᑯᐃᔅᑯᑕᑎᓯᑦ᙮ ᓇᒪ ᐛᐛᒡ ᐸᐃᒄ ᐊᐛᓐ᙮ 2) ᒋᓴᔅ ᙭ ᐊᐅᒄ ᓇᔅᒡ ᐊ ‍ ᑯᐃᔅᑯᑕᑎᓯᑦ᙮ 3) ᒋᔅᐱᓐ ᑕᑈᔭᔨᒪᒂ ᒋᓴᔅ ᓇᔅᒡ ᒋᑭ ‍ ᐎᐧᑯᒋᐃᑯᓇᓄᐤ ᑕᓐ ᐊ ᐃᓯ ‍ ᑎᐸᔨᒥᑯᔭᐧᒄ ᒥᒋᑥᐅᓐ᙮ ᒋᑭ ‍ ᒥᔨᑯᓇᓄᐤ ᐊ ‍ ᐅᔅᑲᒡ ᐱᒪᑎᓯᐅᓐ ᑭᔭ ᑲᐤ ᒐᒋ ᒥᔪ ‍ ᐎᒐᐛᐧᒄ ᒋᓴᒪᓂᑐᐤ᙮ 4) ᐸᔭᒋᓯᐅᓂᒡ ᒋᐸ ᐃᓯ ‍ ᐱᒪᑎᓯᓇᓄᐤ ᑭᔭ ᒋᐸ ᐎ ‍ ᓇᐊᔨᑎᒥᐊᓄᐤ ᒋᓴᒪᓂᑐᐤ ᑕᓐ ᐊ ᐃᓯ ‍ ᐱᒪᑎᓯᔭᐧᒄ ᐊ ‍ ᒂᔅᑲᑎᓯᔭᐧᒄ᙮
\c 1
\s2 Romans 1.1-7 (Advent-4 Year A)
\p
\v 1 ᓂᔾ ᑈᓪ, ᒋᓴᔅ ᙭ ᐅᑦ ᐊᐱᒋᐊᑭᓇ᙮ ᒋᓴᒪᓂᑐᐤ ᓂᒋ ‍ ᐅᑎᓂᒄ ᐊᑈᔅᑕᓐ ᒐᒋ ᑕᐅᒡ ᑭᔭ ᐎᔾ ᓂᒋ ‍ ᑕᑈᑎᒄ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮
\v 2 ᓴᔅ ᐛᔅᑭᒡ ᐊᓐᑕ ᒋ ᐸᒋ ‍ ᐎᑎᒻ ᒋᓴᒪᓂᑐᐤ ᒐᔅᑎᓇᔅ ᐊᔅᒄ ᒐ ‍ ᑎᑯᓂᔨᒡ ᐅᔭ ᒥᔽᒋᒧᐅᓂᔪᐤ᙮ ᐊᓂᔭᐧᑲ ᐅᒋᔅᒋᐛᐃᒐᓱᐛ ᒋ ‍ ᐊᐱᒋᐊᐤ ᐅᔭ ᒐᒋ ᐎᑎᒥᔨᒋ᙮ ᑭᔭ ᒐ ‍ ᐊᔨᒧᑕᐤ ᐅ ᒥᔽᒋᒧᐅᓐ ᐊᓐᑕ ᒋᓴᒪᓂᑐᐤ ᐅᐸᔭᒋ-ᐃᔨᒧᐅᓂᒡ᙮
\v 3 ᐅᑯᓯᓴ, ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ, ᐊᐅᑯᓐ ᐊᓂᔭᔪᐛ ᐊ ‍ ᐊᔨᒧᒪᑭᓄᔨᒋ ᐅᑕ ᒥᔽᒋᒧᐅᓂᒡ᙮ ᑲ ‍ ᐱᒪᑎᓯᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭, ᐊᓂᔭᐧᑲ ᒋᓴᐅᒋᒪᐛ ᑎᐱᑕ ᑲ ‍ ᐃᓯᓂᐧᑲᓱᔨᒋ ᐊ ‍ ᑕᔨᒋ ᐊᑯᑕ ᐊᓂᔅᒐ ᑲ ‍ ᐱᒪᑎᓯᑦ᙮
\v 4 ᐊᓂᔭᔪᐛ ᒪᒃ ᒋᓴᒪᓂᑐᐛ ᒋ ‍ ᐅᑯᓯᑐᑕᑯᐤ᙮ ᒋᓴᒪᓂᑐᐛ ᒪᒃ ᐊᒋ ‍ ᐅᓂᔅᑲᓂᑯᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᓂᐳᐅᓂᒡ ᐅᒡ ᐊᑯᑕ ᑲ ᐅᒋ ‍ ᐛᐸᑎᔨᐛᑦ ᑲ ‍ ᐸᔭᒋᓯᑦ ᐊᒐᐧᒄ ᑕᑈ ᒋᓴᒪᓂᑐᐤ ᐅᑯᓯᓴ ᐊ ‍ ᐊᐎᔨᒋ ᒋᓴᓴ ᐊᓂᔭᔪᐤ ᐅᒋ ᐊᒋ ‍ ᓱᒐᔨᑕᑯᓯᔨᒋ᙮
\v 5 ᙭ ᐅᒋ ᒋᓴᒪᓂᑐᐤ ᓂᒋ ‍ ᐅᑎᓂᑯᓇᓐ ᐊ ‍ ᒥᔽᔨᑕᑯᓂᔨᒡ ᒐᒋ ᐃᓯ ‍ ᐊᑐᔅᑯᐅᒋᒡ, ᐊᐅᒄ ᐅᔭ ᐊᑈᔅᑕᓐ ᒐᒋ ᐃᑕᐱᑎᓯᐅᒋᒡ, ᒐᒋ ᐎᒋᐃᒥᒋᒋ ᒥᓯᐛ ᓂᓇᐧᑯᐤ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ ᒐᒋ ᐊᑎ ‍ ᑕᑈᔭᔨᒥᑯᑦ ᑭᔭ ᒐᒋ ᐊᑎ ‍ ᓂᓇᐃᑕᑯᑦ᙮
\v 6 ᑭᔭ ᒋᔨᐛᐤ ᕈᒻ ᐊ ‍ ᑕᔭᒄ ᒋᑦ ᐊᔅᑎᔅᑕᐅᑯᓇᐛᐤ ᐅ ᐊ ᐃᓯ ‍ ᐛᐎᑎᒪᓐ, ᒋᔨᐛᐤ ᒋᓴᒪᓂᑐᐤ ᑲ ‍ ᐎᔭᐱᒥᑕᒄ ᒋᓴᔅ ᙭ ᒐᒋ ᑎᐱᔨᐛᐅᓯᑐᑕᑕᒄ᙮
\p
\v 7 ᐊᐅᑯᓐ ᒪᒃ ᐛᒋ ‍ ᒥᓯᓇᐊᒪᑎᑯᒡ ᒥᓯᐛ ᒋᔨᐛᐤ ᕈᒻ ᐊ ᑕᔭᒄ, ᒋᔨᐛᐤ ᒋᓴᒪᓂᑐᐤ ᑲ ‍ ᓴᒋᐃᑕᒄ ᑭᔭ ᑲ ‍ ᐎᔭᐱᒥᑕᒄ ᒐᒋ ᑎᐱᔨᐛᐅᓯᑐᑕᑕᒄ᙮
\p ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᑭ ‍ ᓱᐛᔨᒥᑯᐛᐅᒡ ᑭᔭ ᒋᑭ ‍ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮
\p
\v 8 ᓂᔅᑎᒻ ᒐᒂᓐ ᐛ ‍ ᐃᔅᒋᔄᔭᓐ᙮ ᓂᓇᔅᑯᒪᐤ ᓂᒋᓴᒪᓂᑐᒻ ᒋᓴᔅ ᙭ ᐅᒋ ᐃᔅᐱ ᒐᔅᒋᓯᑐᑕᑎᑯᒡ ᒥᓯᐛ ᐊ ‍ ᑎᓯᔭᒄ ᐛᔅ ᒥᓯᐛ ᐅᑕ ᐊᔅᒋᒡ ᐊᔨᒧᑕᑭᓄᐤ ᒋᑕᑈᔭᔨᑎᒧᐅᓄᐛᐤ᙮
\v 9 ᐛᔅ ᒋᓴᒪᓂᑐᐤ ᓂ ‍ ᒋᔅᒐᔨᒥᒃ, ᒂ ‍ ᐊᑐᔅᑯᐅᒃ ᐊ ‍ ᐛᐎᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐅᑯᓴ ᐊᓐᑕ ᐊ ‍ ᐊᔨᒧᒪᑭᓄᔨᒋ ᓂ ‍ ᒋᔅᒐᔨᒥᒄ ᐊ ‍ ᑕᑈᐅᒡ᙮ ᓂ ‍ ᒋᔅᒐᔨᒥᒄ ᒧᔅ ᐊ ‍ ᒋᔅᒋᓯᑐᑕᑎᑯᒡ ᒧᔅ ᐊ ‍ ᐃᔨᒥᐃᒃ᙮
\v 10 ᓂᑐᑎᒧᐛᐤ ᑕᑈ ᒐᒋ ᓇᐃᐱᔨᑕᑦ ᒐᒋ ᐛᐱᒥᑎᑯᒡ, ᐎᔾ ᑭᑈ ᐊ ‍ ᐃᑕᔨᑎᒧᒂ ᒐᒋ ᐛᐱᒥᑎᑯᒡ᙮
\p
\v 11 ᓇᔅᒡ ᑕᑈ ᒋ ᐎ ‍ ᐛᐱᒥᑎᓇᐛᐤ ᒐᒋ ᐊᔭᔭᒄ ᑭᔭ ᒋᔨᐛᐤ ᐊᓂᔭ ᐊᒐᐧᑯᐤ ᒥᔨᐛᐅᓇ ᒋᓴᒪᓂᑐᐤ ᑲ ᐸᒋ ‍ ᒥᔨᑦ ᒐᒋ ᐊᔨᒋᑲᐳᐅᔭᒄ ᑕᑈᑎᒧᐅᓂᒡ᙮
\v 12 ᓂᑦ ᐃᔅᒋᔄᓐ ᑕᐱᔅᑯᓐ ᒐᒋ ᐎᒋᐃᑐᔭᐧᒄ, ᒐᒋ ᐎᒋᐃᑯᔭᒄ ᓂᔾ ᓂᑕᑈᑎᒧᐅᓐ ᑭᔭ ᒋᔨᐛᐤ ᒋᑕᑈᑎᒧᐅᓄᐛᐤ ᒐᒋ ᐎᒋᐃᑯᔭᓐ᙮
\p
\v 13 ᒐ ᐎ ‍ ᒋᔅᒋᓯᔭᒄ ᐅ ᓂᐧᑲᓂᓯᑐᒄ᙮ ᓴᔅ ᒥᒐᑥᐤ ᓂᒋ ‍ ᐎᔭᔨᑕᓐ ᒐᒋ ᓂᑐᐛᐱᒥᑎᑯᒡ ᒥᒄ ᒪᒃ ᒧᔅ ᒋ ‍ ᑎᑯᓐ ᒐᒂᓐ ᐊ ‍ ᓇᑲᐅᑯᔭᓐ᙮ ᐛᔅ ᓂ ‍ ᐱᑯᓴᔨᑕᓐ ᑭᔭ ᒋᔨᐛᐤ ᒐᒋ ᐎᒋᐃᑎᑯᒡ ᒐᒋ ᑕᑈᑎᒪᒄ ᒥᔽᒋᒧᐅᓐ ᒧᔭᒻ ᑲ ᐃᓯ ‍ ᐎᒋᐃᒂᐤ ᑯᑎᑭᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᑕᑈᑕᒡ᙮
\p
\v 14 ᐊᐅᑯᐤ ᐅ ᐊ ᐃᓯ ‍ ᓂᑐᐛᔨᑕᑯᓯᔭᓐ ᒐᒋ ᐃᑎᔭᓐ᙮ ᓂ ‍ ᓂᑐᐛᔨᑕᑯᓯᓐ ᒥᓯᐛ ᐊᐛᓐᒋ ᒐᒋ ᐛᐎᑎᒧᐅᒂᐤ ᐅᔭ ᒥᔽᒋᒧᐅᓂᔪᐤ, ᐊᓐᒡ ᐊᓐᑕ ᐊᑲᔭ ᑲ ‍ ᑕᒡ ᑭᔭ ᐊᓐᒡ ᐃᔭᒡ ᐊᔅᒋᒡ ᑲ ‍ ᑕᒡ, ᐊᓐᒡ ᐊᒋ ‍ ᒋᔅᒋᓄᐊᒧᐛᑭᓄᐎᒡ ᑭᔭ ᐊᓐᒡ ᐊᑲ ᐅᒋ ᒋᔅᒋᓄᐊᒧᐛᑭᓄᐎᒡ᙮
\v 15 ᐊᐅᑯᓐ ᒪᒃ ᐛᒋ ‍ ᓂᑐᐛᔨᑎᒪᓐ ᒐᒋ ᐛᐎᑎᒪᑎᑯᒡ ᑭᔭ ᒋᔨᐛᐤ ᕈᒻ ᐊ ‍ ᑕᔭᒄ ᐅ ᒥᔽᒋᒧᐅᓐ᙮
\s2 Romans 1.16-17; 3.22-28 (Proper-4 Year A)
\p
\v 16 ᐛᔅ ᑕᐸ ᓂ ‍ ᐱᒪᒥᓯᑐᑕᓐ ᒥᔽᒋᒧᐅᓐ᙮ ᐊᐅᒄ ᐅᔭ ᒥᔽᒋᒧᐅᓂᔪᐤ ᓱᒃ ᐃᔭᐱᒋᑕᑦ ᒋᓴᒪᓂᑐᐤ ᒐᒋ ᐊᔭᔨᒋ ᐱᒪᒋᐃᑯᓯᐅᓂᔪᐤ ᒥᓯᐛ ᐊᐛᔪᐛ ᑲ ‍ ᑕᑈᑎᒥᔨᒋ᙮ ᓂᔅᑎᒻ ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ ᒋ ‍ ᐛᐎᑎᒧᐛᑭᓄᐅᔪᐛ ᒐᒃ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒂ ‍ ᐛᐎᑎᒧᐛᑭᓄᔨᒋ᙮
\v 17 ᐊᑯᑕ ᑭᔭ ᒥᔽᒋᒧᐅᓂᒡ ᐛᒋ ‍ ᒋᔅᒐᔨᑎᒥᐃᑯᔭᐧᒄ ᑕᓐᑕ ᐛᒋ ‍ ᑯᐃᔅᑯᓇᑯᐊᑦ ᒋᓴᒪᓂᑐᐤ ᐊᐛᔪᐛ ᐎᔾ ᐃᔅ ᐊ ‍ ᑕᑦ᙮ ᐊ ‍ ᑕᑈᔭᔨᒪᑦ ᐊᐛᓐ ᒋᓴᓴ ᐊᑯᑕ ᒥᒄ ᐛᒋ ‍ ᑯᐃᔅᑯᓇᑯᐊᑭᓄᐅᑦ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᑕᑈᑎᒧᐅᓂᔪᐤ ᐱᒪᒋᐃᑯᐤ ᐊᐛᓐ, ᑭᔭ ᐊᐅᒄ ᐅᔭ ᒐ ‍ ᒋᐛᑕᐃᑯᑦ᙮ ᒧᔭᒻ ᐊᑎᔅᑕᒡ ᒥᓯᓇᐃᑭᓂᒡ,
\q ᐊᓐ ᑲ ‍ ᑯᐃᔅᑯᓇᑯᓯᑦ ᑕᑈᑎᒧᐅᓂᒡ ᐅᒡ ᐊᐅᒄ ᒐ ‍ ᐱᒪᑎᓯᑦ᙮
\s1 ᒥᓯᐛ ᐊᐛᓐ ᒥᒐᑎᓯᐤ
\p
\v 18 ᐛᔅ ᐊᐅᑯᐤ ᐊ ‍ ᓄᑯᑕᑦ ᒋᓴᒪᓂᑐᐤ ᒋᒋᒋᓯᑯᒡ ᐅᒡ ᑕᓐ ᐊᔅᐱᔅ ᒥᔅᑎ ᒋᔄᐃᑯᑦ ᒥᓯᐛ ᐊᐛᔪᐛ ᐊᓂᔭ ᐅᒋ ᐊ ‍ ᒥᒐᑎᓯᔨᒋ ᑭᔭ ᐊᓂᔭ ᐊᑲ ᓇᔅᒡ ᐊᐱᑕᔨᒥᑯᑦ᙮ ᐛᔅ ᐊᓂᔭ ᐊ ‍ ᒥᒐᑎᓯᒡ ᐊᐛᓐᒋ ᓇᑲᐊᒧᒡ ᐊᑐᐎᔅ ᒐᒋ ᒋᔅᒐᔨᑕᑭᓄᐎᒡ ᑕᑈᐅᓂᔪᐤ᙮
\v 19 ᐛᐛᓯᐊᐤ ᒋᓴᒪᓂᑐᐤ ᐅᔭ ᐊᐛᔪᐛ ᐛᔅ ᓴᔅ ᓇᔅᒡ ᒋ ‍ ᒋᔅᒐᔨᑎᒥᐊᐤ ᐊᐛᔪᐛ ᑕᓐ ᐊᓐ ᐊ ‍ ᐃᑕᔨᑕᑯᓯᑦ᙮ ᐎᔾ ᒋᓴᒪᓂᑐᐤ ᒋ ‍ ᐱᔭᑭᔅᒡ ᐛᐸᑎᔭᐤ ᐅᔭ᙮
\v 20 ᐊᑎ ᐊᑲ ᐅᒋ ᒋ ‍ ᐛᐱᒪᑭᓄᐅᑦ ᒋᓴᒪᓂᑐᐤ, ᒥᓯᐛ ᑕᓐ ᑲ ᐃᓯ ‍ ᑕᑦ ᐅᔭ ᐊᔅᒋᔪᐤ ᐊᑯᑕ ᒐᒋ ᐅᒋ ‍ ᐱᔭᑭᔅᒡ ᓂᔅᑐᐅᓂᒺᒡ ᐊᐛᓐᒋ ᐅᑲᒋᒐ ᓱᐧᑲᑎᓯᐅᓂᔪᐤ ᑭᔭ ᐊᑯᑕ ᒐᒋ ᐅᒋ ‍ ᒋᔅᒐᔨᒪᒡ ᑕᑈ ᐊ ‍ ᒋᓴᒪᓂᑐᐎᔨᒋ᙮ ᓇᒪ ᒪᒃ ᒋᑭ ᒋ ‍ ᑕᐤ ᐊᐛᓐ ᐊᑲ ᒋᔅᒐᔨᑕᐧᒃ ᐊ ‍ ᑕᔨᒋ ᒋᓴᒪᓂᑐᐛ᙮
\p
\v 21 ᐛᔅ ᒪᐅ ᑲ ‍ ᐃᓯᓇᒂᒡ᙮ ᒋ ‍ ᒋᔅᒐᔨᑎᒧᒡ ᑕᑈ ᐊ ‍ ᑕᔨᒋ ᒋᓴᒪᓂᑐᐛ, ᒥᒄ ᓇᒪ ᐅᒋ ᐎ ᒋᔅᑕᔨᒪᐅᒡ ᑕᓐ ᒋᐸ ᐃᓯ ‍ ᒋᔅᑕᔨᒪᐅᒡ ᑭᔭ ᓇᒪ ᐅᒋ ᐎ ᓂᓇᔅᑯᒪᐅᒡ᙮ ᐅᔭ ᐊ ‍ ᐃᑎᒡ ᓇᒪ ᐱᐸᔅᐱᓇ ᐅᒋ ᐃᑕᔨᑕᑯᓂᔪᐤ ᑕᓐ ᑲ ‍ ᐃᑕᔨᑕᒡ ᐊ ‍ ᐃᑕᔨᑕᑯᓯᔨᒋ ᒋᓴᒪᓂᑐᐛ ᑭᔭ ᓇᒪ ᓇᔅᒡ ᑯᐃᔅᒄ ᐅᒋ ᐃᓯ ᑭᓄᐛᐸᑎᒧᒡ ᒐᒂᔪᐤ᙮
\p
\v 22 ᒧᔭᒻ ᓇᔅᒡ ᐊ ‍ ᑭᒐᑕᐛᔨᑕᒡ ᒋ ‍ ᐃᑕᔨᑕᑯᐃᓱᐅᒡ ᒥᒄ ᒪᒃ ᓇᔅᒡ ᒋᔎᐧᑲᓐᒡ ᐃᑕᔨᑕᑯᓱᐅᒡ᙮
\v 23 ᐃᔅᐱᔅ ᐎ ᒐᒋ ᐊᔭᒥᐊᔅᑐᐛᒡ ᑲ ‍ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭ ᑲᒋᒡ ᒐ ‍ ᑕᔨᒋ, ᐃᔭᐱᒡ ᐊᓂᔭᔪᐛ ᒥᓂᑐᐧᑲᓇ ᒐ ‍ ᓂᓱᐅᓇᑎᓯᔨᒋ ᐊᔭᒥᐊᔅᑐᐛᐅᒡ, ᐊᓂᔭᔪᐛ ᐎᔨᐛᐤ ᑎᐱᔨᐛ ᐊᒋ ‍ ᐅᓯᐊᒡ ᒥᔅᑎᑯᒡ ᑭᔭ ᐊᓯᓂᒡ ᐅᒡ᙮ ᐊᓂᔭᔪᐛ ᒪᒃ ᒥᓂᑐᐧᑲᓇ ᑲ ‍ ᐅᓯᐊᒡ ᒧᔭᒻ ᓇᐸᐛ ᒪᒃ ᐱᔭᓯᓴ ᒪᒃ ᐊᐛᓯᓴ ᒪᒃ ᓂᓇᐧᑯᐤ ᐊ ‍ ᐃᓯᓇᑯᓯᔨᒋ ᒥᓐᑐᓴ ᐊᐅᑯᓐ ᑲ ‍ ᐃᓯᓇᑯᐊᒡ᙮
\p
\v 24 ᓇᒪ ᐅᒋ ᐊᐱᑕᔨᒪᐅᒡ ᒋᓴᒪᓂᑐᐛ᙮ ᐊᐅᒄ ᐛᒋ ‍ ᓇᔅᒡ ᒋ ‍ ᐱᔅᑕᔨᒥᑯᒡ ᐎᓂᓱᐅᓂᒡ ᐃᔅ, ᒐᒋ ᐊᑎ ‍ ᐃᑐᑕᒡ ᑕᓐ ᐊ ᐃᓯ ᒥᒋ ‍ ᓂᑐᐛᔨᑎᒧᒥᑭᓂᔨᒋ ᐅᑕᐃᐛᐛ᙮ ᐎᓂᐃᑐᐅᒡ ᒪᒃ ᐊᓂᔭ ᓇᔅᒡ ᓂᑐᐎᔾ ᐊ ‍ ᐃᑐᑕᑐᒡ ᐎᓂᓱᐅᓂᒡ ᐃᔅ᙮
\v 25 ᒂᔅᒋᓂᒧᐛᐅᒡ ᐊᓂᔭ ᑕᑈᐅᓂᔪᐤ ᒋᓴᒪᓂᑐᐛ ᑲ ‍ ᐱᔅᑎᓂᒥᔨᒋ ᒐᒋ ᒋᔅᒐᔨᑕᑭᓄᐎᒡ᙮ ᒥᔅᑯᒡ ᒪᒃ ᑭᑭᒋᔭᐅᓂᔪᐤ ᒋ ‍ ᑕᑈᑎᒧᒡ᙮ ᐃᔅᐱᔅ ᐎ ᐊᓂᔭᔪᐛ ᐊᐛᔪᐛ ᒥᓯᐛ ᒐᒂᔪᐤ ᑲ ‍ ᐅᓯᑕᔨᒋ ᒐᒋ ᐊᔭᒥᐊᔅᑐᐛᒡ, ᐊᓂᔭᔪᐛ ᒐᒂᔪᐛ ᑲ ‍ ᐅᓯᑕᔨᒋ ᐊᐅᑯᓂ ᐊᓂᔭᔪᐛ ᐊᔭᒥᐊᔅᑕᒡ᙮ ᒋᓴᒪᓂᑐᐤ ᒪᒃ ᐊᐅᒄ ᑕᑈ ᑎᔭᐱᒐᔨᑕᑯᓯᑦ ᑲᒋᒡ ᒐᒋ ᒪᒥᒋᒪᑭᓄᐅᑦ᙮ ᐊᒥᓐ᙮
\p
\v 26 ᐅᔭ ᒪᒃ ᐊ ‍ ᐃᑎᒡ ᐊᐛᓐᒋ, ᐊᑲ ᐎ ᒋᔅᑕᔨᒪᒡ ᑭᔭ ᐊᑲ ᐎ ᓂᓇᔅᑯᒪᒡ ᒋᓴᒪᓂᑐᐛ ᐊᑯ ᐊᓐᑕ ᑲ ᐃᓯ ‍ ᐱᔅᑕᔨᒥᑯᒡ ᐅᐎᓂᓱᐤ ᒥᒋ ‍ ᓂᑐᐛᔨᑎᒧᓂᐛᒡ ᐃᔅ᙮ ᐛᐛᒡ ᐃᔎᐅᒡ ᒋ ‍ ᒂᔅᒋᐱᔨᑕᐛᐅᒡ ᑕᓐ ᐊᓂᔭᔪᐤ ᒋᓴᒪᓂᑐᐛ ᑲ ‍ ᐃᑎᔅᑕᔨᒋ ᐊ ‍ ᒥᔪᓇᑯᓂᔨᒡ ᒐ ᐃᓯ ‍ ᒋᔅᒐᔨᒥᑐᔨᒋ ᓇᐸᐛ ᑭᔭ ᐃᔎᐛ ᐊᓐᑕ ᓂᐳᐅᓂᒡ᙮
\v 27 ᐊᐅᑯᓐ ᑲ ‍ ᐃᑎᒡ ᑭᔭ ᓇᐸᐅᒡ᙮ ᒋ ‍ ᓂᑭᑎᒧᒡ ᑕᓐ ᐊᓂᔭᔪᐤ ᒋᓴᒪᓂᑐᐛ ᑲ ᐃᓯ ‍ ᒥᔨᑯᒡ ᒐᒋ ᐃᓯ ‍ ᒋᔅᒐᔨᒪᒡ ᐃᔎᐛ᙮ ᐊᑯ ᒪᒃ ᓇᔅᒡ ᐊ ‍ ᓱᒋᐱᔨᒡ ᐎᔨᐛᐤ ᐊ ᒥᒋ ‍ ᓂᑐᐛᔨᒥᑐᒡ᙮ ᐊᓂᔭ ᒪᒃ ᐊ ‍ ᐃᑐᑕᑐᒡ ᓇᐸᐅᒡ ᐊᑲ ᓇᔅᒡ ᓴᓯᑲᓐ ᐃᓯ ‍ ᐛᐛᓯᐊᐊᑭᓄᐎᒡ ᑕᓐ ᐊᓂᔭᔪᐤ ᒧᔭᒻ ᐊ ‍ ᐃᓯᓇᑯᓂᔨᒡ ᒐᒋ ᐃᓯ ‍ ᐛᐛᓯᐊᑭᓄᐎᒡ᙮
\p
\v 28 ᐊᑲ ᐊᐱᑕᔨᑕᒡ ᐊᐛᓐᒋ ᑕᓐ ᐊᓂᔭᔪᐤ ᑯᐃᔅᒄ ᒋᐸ ᐃᓯ ‍ ᒋᔅᒐᔨᒪᐅᒡ ᒋᓴᒪᓂᑐᐛ ᑭᔭ ᐊᑲ ᐎ ᐊᐱᑕᔨᑕᒡ ᐅᐱᒪᑎᓯᐅᓄᐛᒡ ᐊᑯ ᒂ ‍ ᐃᑐᑕᑯᒡ ᓇᔅᒡ ᒐ ᐊᑲ ᒋ ᑯᐃᔅᑯᓇᑯᓂᔨᒡ ᑕᓐ ᐊ ‍ ᐃᑕᔨᑕᒡ ᒐᒋ ᐃᑎᒡ᙮ ᐊᑯ ᒪᒃ ᐊ ‍ ᐃᑐᑕᒡ ᐊᓂᔭᔪᐤ ᒐᒂᔪᐤ ᐊᑲ ᒋᐸ ᐅᒋ ‍ ᐃᑐᑎᒧᒡ᙮
\v 29 ᐱᒋᔅᑲᑯᐅᒡ ᓂᓇᐧᑯᐤ ᒥᒐᑎᓯᐅᓂᔪᐤ ᑭᔭ ᒪᔭᑎᓯᐅᓂᔪᐤ, ᑭᔭ ᐱᒋᔅᑲᑯᐅᒡ ᒧᔅᑕᓂᒪᒐᐅᓂᔪᐤ ᑭᔭ ᐛᐧᑲᑕᔨᒧᐅᓂᔪᐤ᙮ ᓇᔅᒡ ᐱᒋᔅᑲᑯᐅᒡ ᐅᑕᔨᒧᐅᓂᔪᐤ, ᑭᔭ ᒧᔅ ᐎ ᓂᐸᐃᐛᐅᒡ, ᑭᔭ ᒧᔅ ᒪᒥᒋᐱᔭᐊᐅᒡ ᐊᐛᔪᐛ, ᐱᓯᒄ ᑭᔭ ᐛᐎᔭᓯᒧᐛᐅᒡ, ᑭᔭ ᓇᔅᒡ ᐱᒋᔅᑲᑯᐅᒡ ᐛᐧᑲᓱᐛᐅᓂᔪᐤ᙮ ᐱᒋᔅᒂᑲᑐᐛᐅᒡ ᑭᔭ,
\v 30 ᑭᔭ ᒧᓯᓇᐤ ᒥᒋ ‍ ᐊᔨᒧᒪᐅᒡ ᐊᐛᔪᐛ, ᐛᐧᑲᑕᐅᒡ ᑭᔭ ᒋᓴᒪᓂᑐᐛ, ᓇᔅᒡ ᑕᑈ ᓱᒋᒪᔭᔨᒐᐅᒡ, ᓇᔅᒡ ᑕᑈ ᒋᒋᐛ ᐃᑕᔨᒥᓱᐅᒡ ᑭᔭ ᓇᔅᒡ ᑲ ᐎ ‍ ᓂᓇᐸᐅᒧᒡ ᐊᐅᑯᓐ ᐊ ‍ ᐃᑕᔨᑕᑯᓯᒡ᙮ ᒧᔅ ᒪᒥᔅᑭᒧᒡ ᑕᓐ ᐊᑐᐎᔅ ᒐᒋ ᐃᓯ ‍ ᒪᔭᒋ ᐱᒪᑎᓯᒡ᙮ ᓂᔅᑯᔅᑐᐛᐅᒡ ᐅᓂᒋᐃᑯᐛᐛ ᑭᔭ ᓇᒪ ᓇᔅᒡ ᐊᐱᓯᑐᐛᐅᒡ᙮
\v 31 ᓇᒪ ᓇᔅᒡ ᓂᔅᑐᔅᑲᑯᐅᒡ ᒥᒐᑎᓯᐅᓂᔪᐤ ᐅᑕᐃᐛᒡ ᑭᔭ ᐅᒥᑐᓇᔨᒋᑭᓂᐛᒡ᙮ ᓇᒪ ᓇᔅᒡ ᓂᓇᑭᑐᐛᔨᑎᒧᒡ ᐊᓂᔭᔪᐛ ᒐᒂᔪᐛ ᑲ ‍ ᓂᔅᑯᒧᒡ ᒐ ‍ ᓂᓇᑭᑐᐛᔨᑕᒡ᙮ ᓇᒪ ᓇᔅᒡ ᓄᑯᓂᔪᐤ ᓴᒋᐃᐛᐅᓂᔪᐤ ᒐᒋ ᐊᔭᒡ ᑭᔭ ᓇᒪ ᓇᔅᒡ ᒋᔅᑎᒪᒐᔨᒪᐅᒡ ᐊᐛᔪᐛ᙮
\v 32 ᐊᑎ ᐊ ‍ ᒋᔅᒐᔨᑕᒡ ᒋᓴᒪᓂᑐᐛ ᐊᒋ ‍ ᐃᑕᔨᑎᒥᔨᒋ ᑕᑈ ᐊ ‍ ᐃᑕᔨᑕᑯᓂᔨᒡ ᒐᒋ ᓂᐱᔨᒋ ᐊᓂᔭᔪᐛ ᐊᐛᔪᐛ ᐅᔭ ᑲ ᐃᓯ ᒥᒋ ‍ ᐱᒪᑎᓯᔨᒋ ᐃᔭᐱᒡ ᐊᑐᐎᔅ ᐃᑐᐅᒡ ᐎᔨᐛᐤ ᑕᓐ ᐛ ‍ ᐃᑎᒡ᙮ ᓇᒪ ᒪᒃ ᒥᒄ ᐅᔭ ᐃᑐᐅᒡ, ᓂᓇᐊᔨᑎᒥᐃᑯᐅᒡ ᐊᔪᐤ ᐊᓂᔭᔪᐛ ᐊᐛᔪᐛ ᐅᔭ ᐊ ᐃᓯ ᒥᒋ ‍ ᐱᒪᑎᓯᔨᒋ᙮
\c 2
\s1 ᒋᓴᒪᓂᑐᐤ ᒥᒄ ᒋᑭ ᒋ ‍ ᑎᐸᔅᑯᓇᐤ ᐊᐛᔪᐛ
\p
\v 1 ᐊᐅᒄ ᒪᒃ ᐅ ᐛᒋ ᐊᑲ ‍ ᓇᔅᒡ ᐃᓯᓇᒂᒡ ᒐᒋ ᑎᐸᔅᑯᓂᑦ ᐊᐛᓐ᙮ ᐛᔅ ᒧᔭᒻ ᐊ ‍ ᑎᐸᔅᑯᓂᑥᐤ ᐊᐛᓐᒋ, ᒋᔾ ᒪᒃ ᐊ ‍ ᐃᑐᑎᒧᐅᓇ ᐊᓂᔭ ᑲ ᐃᓯ ‍ ᑎᐸᔅᑯᓂᑥᐤ, ᒋᔾ ᑎᐱᔨᐛ ᒋ ‍ ᓂᓱᐅᓇᒋᒥᓱᓐ᙮
\v 2 ᐛᔅ ᒥᓯᐛ ᒋ ‍ ᒐᔅᑎᓇᐅᓇᓄᐤ ᑕᑈ ᑯᐃᔅᒄ ᐊ ‍ ᐃᑎᑦ ᒋᓴᒪᓂᑐᐤ ᑕᐸᔅᑯᓇᔨᒋ ᐊᓂᔭᔪᐛ ᐊᐛᔪᐛ ᑲ ‍ ᐃᑐᑎᒥᔨᒋ ᐅᔭ ᒐᒂᔪᐛ᙮
\v 3 ᒋᔾ ᒪᒃ ᐎ, ᓂᐎᒐᐛᑭᓐ, ᒋ ‍ ᐃᑐᑕᓐ ᐅᔭ ᒐᒂᔪᐛ ᑕᓐ ᐊᓂᔭᔪᐛ ᐊ ᐃᓯ ‍ ᑎᐸᔅᑯᓂᑥᐤ ᑯᑎᑭᒡ ᐊ ‍ ᐃᑐᑕᒡ᙮ ᒋᑦ ᐃᑕᔨᑕᓐ ᐊ ᒐ ‍ ᒥᔭᔅᑭᒧᑦ ᒋᓴᒪᓂᑐᐤ ᐅᑎᐸᔅᑯᓂᒐᐅᓐ ᐅ ᐊ ‍ ᐃᑎᔨᓐ ?
\v 4 ᓇᔅᒡ ᑕᑈ ᒋᓴᐛᑎᓯᐤ ᒋᓴᒪᓂᑐᐤ᙮ ᓇᑲᐎᐤ ᒐᒋ ᑎᐸᔅᑯᓂᔅᒃ ᑭᔭ ᓇᔅᒡ ᑕᑈ ᒋ ‍ ᓯᐱᔪᐛᓯᔅᑕᒄ᙮ ᒐᒂᔪᐤ ᐛᒋ ‍ ᒪᔭᔨᒥᑦ, ᐊᓂᔭ ᒪᒃ ᐊ ᐃᔅᐱᔅ ‍ ᒥᔽᔨᑕᑯᓯᑦ᙮ ᓇᒪᐎᔾ ᐊ ᒋ ‍ ᒋᔅᒐᔨᑕᓐ ᒐᒂᔪᐤ ᐛᒋ ‍ ᒋᓴᐛᑐᑕᔅᒃ ? ᒋ ‍ ᓂᑐᐛᔨᒧᒄ ᒐᒋ ᒥᑕᒋᔨᐛᔨᑎᒧᑦ ᑕᓐ ᐊ ᐃᓯ ‍ ᒥᒐᑎᓯᔪᐅᑦ ᑭᔭ ᒐᒋ ᒂᔅᑲᑎᓯᔪᐅᑦ᙮
\p
\v 5 ᐊᓐ ᒪᒃ ᐊ ᐃᔅᐱᔅ ‍ ᓱᒐᔨᒧᐎᓐ ᒥᒄ ᒋ ‍ ᐃᑐᑕᓐ ᐊᑐᐎᔅ ᐊᒂᒡ ᒐᒋ ᐃᓯ ‍ ᑎᐸᔅᑯᓂᔅᒃ ᒋᓴᒪᓂᑐᐤ ᐊᓂᔭ ᐊ ‍ ᒋᓯᑲᔨᒡ ᑕᓐᑕ ᒐᔅᑎᓇᔅ ᑯᐃᔅᒄ ᒐ ᐃᓯ ‍ ᑎᐸᔅᑯᓇᑦ ᐊᓂᔭᔪᐛ ᑲ ‍ ᒥᒋᑐᑎᒥᔨᒋ᙮
\v 6 ᐛᔅ ᒥᓯᐛ ᐊᐛᔪᐛ ᐊᓂᔭ ᑕᓐ ᑲ ‍ ᐊᐃᑎᔨᒋ ᒋᑭ ‍ ᑎᑯᓂᔪᐤ ᑕᓐ ᒐ ᐃᓯ ‍ ᑎᐸᔅᑯᓇᑦ᙮
\v 7 ᐊᓂᔭᔪᐛ ᐊᐛᔪᐛ ᒧᔅ ᑲ ‍ ᒥᔪᑐᑎᒥᔨᒋ ᐊ ‍ ᐱᑯᓴᔨᒧᔨᒋ ᒐᒋ ᒥᔪ ‍ ᑭᓄᐛᐱᒥᑯᔨᒋ ᒋᓴᒪᓂᑐᐛ ᑭᔭ ᒐᒋ ᒥᔽᒋᒥᑯᔨᒋ ᑭᔭ ᒐᒋ ᒥᔨᑯᔨᒋ ᑲᒋᒡ ᒐᒋ ᐱᒪᑎᓯᔨᒋ, ᒋᑭ ‍ ᒥᔭᐤ ᑲᒋᒡ ᒐᒋ ᐱᒪᑎᓯᔨᒋ᙮
\v 8 ᐊᑯ ᐊᓂᔭ ᑯᑎᑲ ᐊᐛᔪᐛ ᒥᒄ ᐎᔨᐛᐤ ᑲ ‍ ᒪᒥᑐᓇᔨᒥᓱᔨᒋ ᐊᑲ ᓇᔅᒡ ᐊᐱᑕᔨᑎᒥᔨᒋ ᐊᓂᔭ ᑕᓐ ᐊ ᐃᓯ ‍ ᑯᐃᔅᑯᓇᑯᓂᔨᒡ ᒐᒋ ᐃᑐᑎᒥᔨᒋ, ᐱᓯᒄ ᑲ ‍ ᒥᒋᑐᑎᒥᔨᒋ, ᐊᐅᑯᓐ ᐅᔭ ᒪᐅᒡ ᐃᔭᒂᒡ ᒐ ᐃᓯ ‍ ᑎᐸᔅᑯᓇᑦ ᒋᓴᒪᓂᑐᐤ᙮
\v 9 ᒥᓯᐛ ᐊᓐᒡ ᑲ ‍ ᒥᒐᑎᓯᒡ ᒥᔅᑎ ᒋᑭ ‍ ᐅᑎᑕᐅᑯᐅᒡ ᓂᓇᐧᑲᑕᔨᒧᐅᓂᔪᐤ ᑭᔭ ᒋᑭ ‍ ᒪᑎᑯᔅᑲᑯᐅᒡ ᐊᔨᒪᔨᑎᒧᐅᓂᔪᐤ᙮ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ ᓂᔅᑎᒻ ᒋᑭ ‍ ᑎᐸᔅᑯᓇᑭᓄᐎᒡ ᐊᑯ ᒥᓐ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮
\v 10 ᐊᓂᔭᔪᐛ ᒪᒃ ᒧᔅ ᑲ ‍ ᒥᔪᑐᑎᒥᔨᒋ ᐊᐅᑯᓐ ᐊᓂᔭᔪᐛ ᒐ ᒥᔪ ‍ ᑭᓄᐛᐱᒪᑦ ᒋᓴᒪᓂᑐᐤ᙮ ᒋᑭ ‍ ᒋᔅᑕᒋᒪᐤ ᑭᔭ ᒋᑭ ‍ ᒥᔭᐤ ᒋᔭᒪᔨᑎᒧᐅᓂᔪᐤ᙮ ᐊᓂᔭᔪᐛ ᓂᔅᑎᒻ ᒍᐤ ᑲ ‍ ᐃᑎᔅᑲᓇᓯᔨᒋ ᒋᑭ ‍ ᐃᑐᑐᐛᐤ ᐅᔭ ᐊᑯ ᒥᓐ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮
\v 11 ᐛᔅ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ ᐸᐃᑯᓄᒡ ᐃᓯ ᑭᓄᐛᐱᒪᐤ ᒋᓴᒪᓂᑐᐤ᙮
\p
\v 12 ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᓇᒪ ᒋᔅᒐᔨᑎᒧᒡ ᐊᓂᔭ ᐎᓱᐛᐅᓂᔪᐤ ᒋᓴᒪᓂᑐᐛ ᑲ ‍ ᒥᔭᔨᒋ ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ᙮ ᒋᑭ ‍ ᐅᓂᓯᓄᐅᒡ ᒪᒃ ᐊᓂᔭ ᐊ ‍ ᒥᒋᑐᑕᒡ ᒥᒄ ᒪᒃ ᓇᒪ ᐊᓂᔭ ᐎᓱᐛᐅᓂᔪᐤ ᒋᑭ ᐅᒋ ‍ ᐊᐱᑎᓂᔪᐤ ᑎᐸᔅᑯᓇᑭᓄᑥᐛ᙮ ᐊᓐᒡ ᒪᒃ ᐎ ᒍᐤ ᑲ ‍ ᐃᑎᔅᑲᓇᓯᒡ ᒋᔅᒐᔨᑎᒧᒡ ᐅᔭ ᐎᓱᐛᐅᓂᔪᐤ᙮ ᒥᒋᑐᑎᒧᒡ ᒪᒃ ᑭᔭ ᐎᔨᐛᐤ᙮ ᐊᐅᒄ ᒪᒃ ᐅᔭᔪᐤ ᐎᓱᐛᐅᓂᔪᐤ ᒐ ‍ ᐊᐱᑎᓂᔨᒡ ᑎᐸᔅᑯᓇᑯᑥᐛ ᒋᓴᒪᓂᑐᐛ᙮
\v 13 ᐛᔅ ᑕᐸ ᐊᓐᑕ ᐊ ‍ ᐸᑕᐧᒃ ᐊᐛᓐ ᒧᓱᓴ ᐅᐎᓱᐛᐅᓂᔪᐤ ᒋᑭ ᐅᒋ ‍ ᑯᐃᔅᑯᓇᑯᓱᐤ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᐃᑐᑕᒐ ᑕᓐ ᐊ ‍ ᐃᑎᔅᑕᔨᒡ ᐊᓐᑕ ᐊᑯᑕ ᒐ ᐅᒋ ‍ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮
\v 14 ᐊᓐᒡ ᒪᒃ ᐎ ᐊᑲ ᒍᐤ ᐃᑎᔅᑲᓇᓯᒡ ᓇᒪ ᐊᔭᐅᒡ ᐅᔭ ᐎᓱᐛᐅᓂᔪᐤ᙮ ᒥᒄ ᒪᒃ ᑎᐱᔨᐛ ᐊᓐᑕ ᐊ ‍ ᑕᒡ ᐊ ‍ ᐅᒋᐱᔨᒡ ᒐᒋ ᐃᑐᑕᒡ ᑕᓐ ᐊ ‍ ᐃᑎᓱᐛᔨᒡ ᐊᓂᔭ ᐎᓱᐛᐅᓂᔪᐤ ᐊᑯᑕ ᐛᒋ ‍ ᓄᑯᓂᔨᒡ ᐊ ‍ ᒋᔅᒐᔨᑕᒡ ᑕᓐ ᒋᐸ ‍ ᐃᑐᐅᒡ ᑭᔭ ᑕᓐ ᐊᓂᔭᔪᐛ ᐊᑲ ᒋᐸ ᐅᒋ ‍ ᐃᑐᐅᒡ ᐊᑎ ᐊᑲ ᐊᔭᒡ ᒧᓱᓴ ᐅᐎᓱᐛᐅᓂᔪᐤ᙮
\v 15 ᐊᑯᑕ ᒪᒃ ᐛᒋ ‍ ᓄᑯᓂᔨᒡ ᐊ ‍ ᑎᑯᓂᔨᒡ ᐎᓱᐛᐅᓂᔪᐤ ᐅᑕᐃᐛᒡ ᐊᓂᔭ ᐊ ‍ ᐎᓱᒥᑯᒡ ᑕᓐ ᒋᐸ ᐃᓯ ‍ ᐱᒪᑎᓯᐅᒡ ᑭᔭ ᑎᑯᓂᔪᐤ ᐊᓐᑕ ᐛᒋ ‍ ᒋᔅᒐᔨᑕᒡ ᑕᓐ ᒋᐸ ᐃᓯ ‍ ᐱᒪᑎᓯᐅᒡ᙮ ᒋᔅᒐᔨᑎᒧᒡ ᒪᔪᑐᑎᒥᒂᓂᒋ ᒪᒃ ᒪᒋᑐᑎᒥᒂᓂᒋ᙮
\v 16 ᐊᑯ ᒪᒃ ᐃᔅᐱ ᒋᓴᒪᓂᑐᐤ ᑎᐸᔅᑯᓇᒐ ᒥᓯᐛ ᐊᐛᔪᐛ, ᒋᓴᔅ ᙭ᑕ ᐅᒋ, ᑕᓐ ᑲ ᐃᓯ ‍ ᒋᒧᑦ ᒥᒋᑐᑎᒥᔨᒋ ᐊᑯᑕ ᒐ ‍ ᓄᑯᓂᔨᒡ ᐊᓐ ᐊᐛᓐ ᑕᑈ ᑲ ‍ ᐃᑐᑎᒧᒂ ᑕᓐ ᐊ ‍ ᐃᑎᓱᐛᔨᒡ ᐎᓱᐛᐅᓂᔪᐤ᙮ ᐊᐅᑯᓐ ᐊ ᐃᓯ ‍ ᐎᑎᒪᒐᒥᑲᒡ ᐅ ᒥᔽᒋᒧᐅᓐ ᒋᓴᔅ ᙭ ᑲ ‍ ᒥᔨᑦ ᒐᒋ ᐛᐎᑎᒧᒡ᙮
\s1 ᒍᐤ ᐃᔪᒡ ᑭᔭ ᐊᓂᔭ ᐅᐎᓱᐛᐅᓄᐛᐛ
\p
\v 17 ᒋᔾ ᒪᒃ ᐎ, ᒍᐤ ᑲ ‍ ᐃᑎᔅᑲᓇᓯᔨᓐ ᒥᔅᑯᒡ ᒋᑦ ᐃᑕᔨᑕᓐ ᐊ ᒥᔪ ‍ ᑭᓄᐛᐱᒥᔅᒃ ᒋᓴᒪᓂᑐᐤ ᒥᒄ ᐊᓂᔭ ᐊ ‍ ᒋᔅᒐᔨᑎᒧᑦ ᒧᓱᔅ ᐅᐎᓱᐛᐅᓐ᙮ ᑭᔭ ᒋ ‍ ᒪᒥᒋᒧᓐ ᒋᓴᒪᓂᑐᐤ ᐊ ‍ ᐅᑦ ᐃᔨᒥᑐᑕᔅᒃ᙮
\v 18 ᒋ ‍ ᒋᔅᒐᔨᒪᐤ ᑕᓐ ᐊ ᐃᓯ ‍ ᓂᑐᐛᔨᒥᔅᒃ ᒐᒋ ᐃᓯ ‍ ᐱᒪᑎᓯᔪᐅᑦ ᒋᓴᒪᓂᑐᐤ᙮ ᐅᐎᓱᐛᐅᓂᒡ ᐊᑯᑕ ᑲ ᐅᒋ ‍ ᒋᔅᒐᔨᑎᒥᓐ ᑕᓐ ᒋᐸ ᐃᓯ ‍ ᐱᒪᑎᓯᓐ ᑭᔭ ᑕᓐ ᐊᑲ ᒋᐸ ᐅᒋ ᐃᓯ ‍ ᐱᒪᑎᓯᓐ᙮
\v 19 ᒋ ‍ ᒐᔅᑎᓇᐅᓐ ᑭᔭ ᒐᒋ ᒥᔪ ‍ ᒋᔅᒋᓄᑕᐃᑥᐤ ᐊᓐᒡ ᐊᑲ ᐛᐸᑕᒡ᙮ ᒋ ‍ ᒐᔅᑎᓇᐅᓐ ᑭᔭ ᐛᔅᑕᐅᓐ ᒐᒋ ᐃᓯ ᓇᑯᓯᔅᑐᐅᑥᐤ ᐊᓐᒡ ᐅᓂᑎᐱᔅᒋᓯᐅᓂᒡ ᑲ ‍ ᑕᒡ᙮
\v 20 ᒋ ‍ ᒐᔅᑎᓇᐅᓐ ᒋᐸ ‍ ᑯᐃᔅᑯᓇᐅᒡ ᐊᓐᒡ ᓇᔅᒡ ᐊᑲ ᐃᑕᔨᑕᒡ, ᑭᔭ ᒋ ‍ ᒐᔅᑎᓇᐅᓐ ᐊᐛᓯᒡ ᒋᐸ ‍ ᒋᔅᒋᓄᐊᒧᐛᐅᒡ᙮ ᐊ ‍ ᐊᔭᔨᓐ ᐅ ᐎᓱᐛᐅᓐ ᒋᑦ ᐃᑕᔨᑕᓐ ᒥᓯᐛ ᒐᒂᓐ ᐊ ‍ ᒋᔅᒐᔨᑎᒥᓐ ᑭᔭ ᐊ ‍ ᒋᔅᒐᔨᑎᒥᓐ ᑕᑈᐅᓐ᙮
\v 21 ᒋ ‍ ᒋᔅᑯᑎᒧᐛᐅᒡ ᐊᐛᓐᒋ᙮ ᓇᒪᐎᔾ ᐊ ᒋᔾ ᑭᔭ ᒋᑭ ‍ ᒋᔅᑯᑎᒪᓱᓐ ? ᒋ ‍ ᑭᒐᔅᒋᒧᐛᓐ ᒐ ᐊᑲ ᒋ ᑭᒐᒧᑎᑦ ᐊᐛᓐ᙮ ᒋᔾ ᒪᒃ ᐎ, ᒐᔅᑎᓇᔅ ᐊ ᓇᒪ ᒋ ‍ ᑭᒐᒧᑎᓐ ?
\v 22 ᒋᑦ ᐃᔅᒋᔄᓐ ᑭᔭ ᒐ ᐊᑲ ᒋ ᐱᓯᒂᑎᓯᑦ ᐊᐛᓐ᙮ ᒋᔾ ᒪᒃ ᐎ, ᒐᔅᑎᓇᔅ ᐊ ᓇᒪ ᒋ ‍ ᐱᓯᒂᑎᓯᓐ ? ᒍᐧᑲᑕᐅᒡ ᒥᓂᑐᐧᑲᓐᒡ᙮ ᒥᒄ ᒪᒃ ᓇᒪᐎᔾ ᐊ ᒋ ‍ ᑭᒐᒧᑎᓐ ᐊᓐᑕ ᐊᔭᒥᐊᐅᒋᐛᐱᒡ ᑕᓐᑕ ᓇᐎᒋᔅᑐᐛᑭᓄᐎᒡ ᒥᓂᑐᐧᑲᓐᒡ ?
\v 23 ᒥᓐ ᑯᑎᒡ ᒐᒂᓐ᙮ ᓇᔅᒡ ᒋ ‍ ᓂᓇᐸᐅᒧᓐ ᐊ ‍ ᐊᔭᐅᑦ ᒋᓴᒪᓂᑐᐤ ᐅᐎᓱᐛᐅᓐ᙮ ᒥᒄ ᒪᒃ ᓄᐛᒡ ᒋ ‍ ᒪᔭᔨᒪᐤ ᒋᓴᒪᓂᑐᐤ ᐊᑲ ᓂᓇᐃᑎᒧᑦ ᐅᐎᓱᐛᐅᓐ᙮
\v 24 ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐃᑎᔅᑕᐤ,
\q ᒋᔨᐛᐤ ᒍᐤ ᑲ ‍ ᐃᑎᔅᑲᓇᓯᔭᒄ, ᒋᔨᐛᐤ ᒋ ‍ ᐃᑐᑐᐛᐛᐅᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᒥᒋ ‍ ᐊᔨᒧᒪᒡ ᒋᓴᒪᓂᑐᐛ᙮
\p
\v 25 ᒍᐤ ᐊ ‍ ᐃᑎᔅᑲᓇᓯᔨᓐ ᔅᒋ ‍ ᒋᔅᒋᓄᐛᒋᔄᑯᐅᓐ ᒐᒋ ᒋᔅᒐᔨᒥᑯᔨᓐ ᒋᓴᒪᓂᑐᐤ ᐊ ‍ ᐅᑦ ᐃᔨᒥᑐᑕᔅᒃ᙮ ᓂᓇᐃᑎᒧᑕ ᒋᓴᒪᓂᑐᐤ ᐅᐎᓱᐛᐅᓐ ᒋᑭ ‍ ᐎᒋᐃᑯᓐ ᑕᑈ ᒋᔅᒋᓄᐛᒋᔄᐅᓐ᙮ ᐊᑲ ᒪᒃ ᓂᓇᐃᑎᒧᑕ ᐅᐎᓱᐛᐅᓐ ᓇᒪ ᐊᐱᑎᓐ ᐊᒋ ‍ ᒋᔅᒋᓄᐛᒋᔄᑯᔨᓐ᙮
\v 26 ᐊᓐ ᐊᐛᓐ ᐊᑲ ᒍᐤ ᐃᑎᔅᑲᓇᓯᑦ ᑭᔭ ᐊᑲ ᐅᒋ ᒋᔅᒋᓄᐛᒋᔄᑭᓄᐅᑦ ᓂᓇᐃᑕᒐ ᐎᓱᐛᐅᓂᔪᐤ ᒋᑭ ᒥᔪ ‍ ᑭᓄᐛᐱᒥᑯᐤ ᒋᓴᒪᓂᑐᐛ, ᒧᔭᒻ ᑕᑈ ᐊᒋ ‍ ᒋᔅᒋᓄᐛᒋᔄᑭᓄᐅᑦ ᐊᐅᑯᓐ ᒐ ᐃᓯ ‍ ᑭᓄᐛᐱᒥᑯᑦ᙮
\v 27 ᐊᑯ ᒪᒃ ᒋᔨᐛᐤ ᒍᐤ ᑲ ‍ ᐃᑎᔅᑲᓇᓯᔭᒄ ᒐ ‍ ᓂᓱᐅᓇᒋᒥᑕᑯᒡ ᐅᒡ ᐊᑲ ᒍᐤ ᐃᑎᔅᑲᓇᓯᒡ ᐛᔅ ᑕᐸ ᒋ ‍ ᓂᓇᐃᑎᒺᓇᐛᐤ ᒋᔨᐛᐤ ᒋᓴᒪᓂᑐᐤ ᐅᐎᓱᐛᐅᓐ ᐊᑎ ᒋᔨᐛᐤ ᐊ ‍ ᐊᔭᐛᒄ ᐊᒋ ‍ ᒥᓯᓇᐃᑭᓄᐎᒡ ᑭᔭ ᐊᑎ ᐊᒋ ‍ ᒋᔅᒋᓄᐛᒋᔄᑯᔭᒄ᙮ ᐎᔨᐛᐤ ᒪᒃ ᐅᒡ ᐊᑲ ᒍᐤ ᐃᑎᔅᑲᓇᓯᒡ ᓂᓇᐃᑕᒧᒡ ᐎᓱᐛᐅᓂᔪᐤ ᐊᑎ ᐊᑲ ᐅᒋ ᒋᔅᒋᓄᐛᒋᔄᑭᓄᐎᒡ ᐎᔨᐛᐤ᙮
\p
\v 28 ᓇᒪᔭᔪᐤ ᒥᒄ ᒍᐤ ᐊ ‍ ᐃᑎᔅᑲᓇᓯᑦ ᐊᐛᓐ ᑭᔭ ᐊᒋ ‍ ᒋᔅᒋᓄᐛᒋᔄᑭᓄᐅᑦ ᐎᔭᒡ ᐛᒋ ‍ ᐅᑦ ᐃᔨᒥᑐᑕᑯᑦ ᒋᓴᒪᓂᑐᐛ᙮
\v 29 ᐊᓐ ᐊᐛᓐ ᒋᒋᐛ ᒍᐤ ᑲ ‍ ᑕᑦ ᓄᑯᓂᔪᐤ ᐊᓐᑕ ᐱᒡ ᐅᐱᒪᑎᓯᐅᓂᒡ ᑕᑈ ᒍᐤ ᐊ ‍ ᑕᑦ᙮ ᐛᔅ ᑲ ‍ ᐸᔭᒋᓯᑦ ᐊᒐᐧᒄ ᐊᐅᒄ ᐊ ‍ ᒋᔅᒋᓄᐛᒋᔄᑯᐅᔭᐧᒄ ᒋᑕᐃᓇᒡ, ᐊᐅᒄ ᒪᒃ ᐅ ᒋᒋᐛ ᒋᔅᒋᓄᐛᒋᔄᐅᓐ, ᓇᒪᔭᐤ ᐎ ᐎᓱᐛᐅᓐ ᐊ ‍ ᓂᓇᐃᑎᒪᐧᒄ ᒋᑭ ᒋ ‍ ᒋᔅᒋᓄᐛᒋᔄᑯᓇᓄᐤ ᒋᑕᐃᓇᒡ᙮ ᐊᐅᒄ ᒪᒃ ᐅ ᐊᐛᓐ ᒋᒋᐛ ᒍᐤ ᑲ ‍ ᑕᑦ ᒋᓴᒪᓂᑐᐛ ᐊᐅᒄ ᒐ ‍ ᓂᑐᐛᔨᒪᑦ ᒐᒋ ᒪᒥᔽᒋᒥᑯᑦ ᓇᒪ ᐎ ᓇᐸᐛ᙮
\c 3
\p
\v 1 ᑕᓐ ᒪᒃ ᐃᓯ ᐎᔭᐱᒡ ᒍᐤ ᐊ ‍ ᐃᑎᔅᑲᓇᓯᑦ ᐊᐛᓐ᙮ ᑕᓐ ᐃᓯ ᐎᔭᐱᒡ ᐊᑎ ᐊᒋ ‍ ᒋᔅᒋᓄᐛᒋᔄᑭᓄᐅᑦ ᐊᐛᓐ᙮
\v 2 ᒥᔅᑎ ᑭᑈ ᒐᒂᓐ ᐃᑕᔨᑕᑯᓐ ᒍᐤ ᐊ ‍ ᐃᑎᔅᑲᓇᓯᑦ ᐊᐛᓐ᙮ ᒥᔅᑎ ᑕᑈ ᐃᑕᔨᑕᑯᓐ᙮ ᓂᔅᑎᒻ ᒐᒂᓐ᙮ ᐊᐅᑯᓐᒡ ᐅᒡ ᒍᐤ ᑲ ‍ ᐃᑎᔅᑲᓇᓯᒡ ᐃᔪᒡ ᑲ ‍ ᒥᔭᑭᓄᐎᒡ ᒐᒋ ᐊᑐᔅᒐᔅᑎᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮
\v 3 ᐱᔅᒐ ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ ᓇᒪ ᐅᒋ ᑕᑈᐅᒐᔨᑕᑯᓯᔪᐛ, ᐊᑯ ᐊ ᒪᒃ ᓇᒪ ᑕᑈᐅᒐᔨᑕᑯᓱᐤ ᑭᔭ ᐎᔾ ᒋᓴᒪᓂᑐᐤ ?
\v 4 ᓇᒪᐎᔾ ᑭᑈ, ᓇᒪ ᓇᔅᒡ ᒋᑭ ᒋ ‍ ᐃᓯᓇᑯᓂᔪᐤ ᐊᑲ ᒪᒧᔭᒻ ᒐᒋ ᐃᑎᑦ ᒋᓴᒪᓂᑐᐤ᙮ ᑕᑈᐤ ᐎᔾ ᒋᓴᒪᓂᑐᐤ ᐊᑎ ᒥᓯᐛ ᐊᐛᓐ ᐊ ‍ ᑭᑭᒋᔭᑦ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐎᔾ ᒋᓴᒪᓂᑐᐤ ᐊ ‍ ᐊᔨᒧᒪᑭᓄᐅᑦ,
\q ᐃᔨᒥᓇ ᒥᓯᐛ ᐊᐛᓐ ᒋᑭ ‍ ᒋᔅᒐᔨᑎᒻ ᐊ ‍ ᑕᑈᔨᓐ᙮ ᐊᑯ ᒪᒃ ᒪᒥᓯᒥᑯᔨᓇ ᐊ ‍ ᐃᑎᑯᔨᓐ ᐊ ‍ ᒥᒋᑐᑎᒥᓐ ᒋᑭ ‍ ᓄᑯᓐ ᑕᑈ ᐊᑲ ᐅᒋ ᐃᑐᑎᒥᓐ ᑕᓐ ᐊ ᐃᓯ ‍ ᒪᒥᓯᒥᑯᔨᓐ᙮
\p
\v 5 ᒪᒃ ᒋ ᐸᒋ ‍ ᐃᑕᐤ ᐊᐛᓐ, “ᐊ ‍ ᒥᒋᑐᑎᒪᐧᒄ ᐊᑯᑕ ᐊᑐᐎᔅ ᐛᒋ ‍ ᐱᔭᑭᔅᒡ ᐛᐸᑎᒺᒡ ᐊᐛᓐᒋ ᒋᓴᒪᓂᑐᐛ ᐅᑯᐃᔅᑯᑕᑎᓯᐅᓂᔪᐤ᙮ ᒐᒂᓐ ᒪᒃ ᐛᒋ ‍ ᐛᐛᓯᐃᑎᐧᒄ ᒋᓴᒪᓂᑐᐤ ᐊ ‍ ᒥᒋᑐᑎᒪᐧᒄ ?” ᓇᒪᐎᔾ ᑭᑈ ᒪᒧᔭᒻ ᐃᑐᐤ ᒋᓴᒪᓂᑐᐤ ᐅᔭ ᐊ ‍ ᐃᑐᑕᑕᐧᒄ᙮ ᐊᐅᒄ ᐅᔭ ᐊ ‍ ᐃᔅᒋᔄᒡ ᐱᔅᒐ ᐊᐛᓐᒋ᙮
\v 6 ᓇᒪ ᒪᒃ ᐛᐛᒡ ᐅ ᒋᐸ ᐅᒋ ᐃᓯ ‍ ᐃᔨᒥᓇᓄᐤ᙮ ᐊᑲ ᐛᐛᓯᐊᒐ ᒋᓴᒪᓂᑐᐤ ᐊᐛᔪᐛ ᐊ ‍ ᒥᒋᑐᑎᒥᔨᒋ ᒋᑭ ᒋ ‍ ᐊ ᑎᐸᔅᑯᓂᒻ ᐅᔭ ᐊᔅᒋᔪᐤ ?
\v 7 ᒐᒂᓐ ᒪᒃ ᒐ ᐅᒋ ‍ ᑎᐸᔅᑯᓂᑯᐅᔭᓐ ᐊ ‍ ᓄᑯᓂᒂ ᒋᓴᒪᓂᑐᐤ ᑕᓐ ᐊᓐ ᐊ ᐃᓯ ‍ ᑯᐃᔅᒄ ᐃᑎᑦ ᐊᓐᑕ ᐅᒋ ᐊ ‍ ᒥᒋᑐᑎᒪᓐ ᑭᔭ ᐊᑐᐎᔅ ᐊ ‍ ᒋᔅᑕᔨᑕᑯᐊᑭᓄᐅᑦ ᐊᓂᔭ ᐅᒋ᙮
\v 8 ᒐᒂᓐ ᒐ ᐅᒋ ᐊᑲ ᒋ ‍ ᐃᔅᒋᔄᔭᐧᒄ, “ᒥᒋᑐᑕᑕᐤ ᒐᒋ ᐅᒋ ‍ ᓄᑯᓂᔨᒡ ᒋᓴᒪᓂᑐᐤ ᒧᔅ ᑯᐃᔅᒄ ᐊ ‍ ᐃᑎᑦ᙮” ᓂᒋ ‍ ᒪᔭᔨᒥᑯᒡ ᑯᑎᑭᒡ ᐊᐛᓐᒋ ᓂᑎᒥᒄ ᐊᒋ ᐃᓯ ‍ ᒪᒥᓯᒥᒡ, ᐊᒋ ‍ ᐃᔅᒋᔄᒡ ᐅᔭ ᐊᒋ ‍ ᐃᔅᒋᔄᐅᒡ᙮ ᐃᓯᓇᑯᓂᔪᐤ ᒪᒃ ᑕᑈ ᒐᒋ ᑎᐸᔅᑯᓇᑭᓄᐎᒡ ᐅᒡ᙮
\s1 ᓇᒪ ᐊᐛᓐ ᑯᐃᔅᑯᑕᑎᓯᐤ
\p
\v 9 ᐃᓯ ᑯᒂᒋᒐᔨᒧᑦ ᐊᓐ ᐊᐛᓐ, ᐅᔅᑕ ᐊ ᒋᔭᓄᐤ ᒍᐤ ᑲ ‍ ᐃᑎᔅᑲᓇᓯᔭᐧᒄ ᒋᑦ ᐃᑕᔨᒥᑯᓄᐤ ᒋᓴᒪᓂᑐᐤ ᐊ ‍ ᐃᑕᔨᒪᑦ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ? ᓇᒧᐛᒡ ᑭᑈ᙮ ᓴᔅ ᔅᒋ ‍ ᐎᑎᒪᑎᓇᐛᐤ, ᒥᓯᐛ ᐊᐛᓐ ᒍᐤ ᑲ ‍ ᐃᑎᔅᑲᓇᓯᑦ ᑭᔭ ᐊᑲ ᒍᐤ ᐃᑎᔅᑲᓇᓯᑦ ᑎᐸᔨᒥᑯᐤ ᒥᒋᑥᐅᓂᔪᐤ᙮
\v 10 ᒧᔭᒻ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᓇᒪ ᐊᐛᓐ ᑯᐃᔅᑯᑕᑎᓯᐤ᙮ ᓇᒪ ᐛᐛᒡ ᐸᐃᒄ ᐊᐛᓐ᙮
\q
\v 11 ᓇᒪ ᐛᐛᒡ ᐸᐃᒄ ᐊᐛᓐ ᓂᔅᑐᑎᒻ ᑕᑈᐅᓂᔪᐤ᙮ ᓇᒪ ᐛᐛᒡ ᐸᐃᒄ ᐊᐛᓐ ᐎ ᒋᔅᒐᔨᒪᐤ ᒋᓴᒪᓂᑐᐛ, ᓇᒪ ᐛᐛᒡ ᐸᐃᒄ ᐊᐛᓐ ᐊᐱᑕᔨᑎᒺᐤ ᐅᑦ ᐃᑕᔨᑎᒧᐅᓂᔪᐤ᙮
\q
\v 12 ᒥᓯᐛ ᐊᐛᓐ ᒋ ‍ ᐱᑎᔅᑎᓴᐸᒪᐤ ᒋᓴᒪᓂᑐᐛ᙮ ᒥᓯᐛ ᐊᐛᓐ ᓇᒪᐎᔾ ᒐᒂᓐ ᐃᑕᔨᑕᑯᓱᐤ᙮ ᓇᒪ ᑕᐤ ᐊᐛᓐ ᑯᐃᔅᒄ ᐊ ‍ ᐃᑎᑦ, ᐛᐛᒡ ᐸᐃᒄ ᐊᐛᓐ ᒐᒋ ᑕᑦ᙮
\q
\v 13 ᓂᐸᐃᐛᒥᑭᓂᔪᐛ ᐅᑦ ᐃᑥᐅᓄᐛᐛ᙮ ᐱᓯᒄ ᐎᔭᓯᒧᐛᐅᒡ ᑕᓐ ᐊ ‍ ᐃᔅᒋᔄᒡ᙮ ᒧᔭᒻ ᒋᓇᐱᒄ ᑲ ‍ ᐃᑕᔨᑕᑯᓂᔨᒡ ᐅᐱᒋᐳᔪᐛ ᐊᐅᑯᓐ ᐊ ‍ ᐃᑕᔨᑕᑯᓂᔨᒋ ᐅᑦ ᐃᔨᒧᐅᓄᐛᐛ᙮
\q
\v 14 ᐱᓯᒄ ᒋᓱᐤ ᐃᔨᒧᐅᒡ᙮ ᑭᔭ ᐱᓯᒄ ᐛᐧᑲᑕᐅᒡ ᐊᐛᔪᐛ᙮
\q
\v 15 ᓇᔅᒡ ᑕᑈ ᒋᓯᐱᔪᐅᒡ ᒐᒋ ᓂᓇᐧᑲᒋᐊᒡ ᐊᐛᔪᐛ ᑭᔭ ᒐᒋ ᐊᑎ ‍ ᓂᐸᐊᒡ ᐎᐱᒡ ᒐ ‍ ᓱᐛᐃᑯᑥᐎ᙮
\q
\v 16 ᑕᓐᑕ ᒥᒄ ᐊ ᐊᑎ ‍ ᑕᒡ ᒧᔅ ᐊᔭᐧᑯᐊᐅᒡ ᐊᐛᔪᐛ᙮ ᑭᔭ ᒧᔅ ᑕᔪᐛ ᐊᐛᔪᐛ ᐊ ‍ ᓂᓇᐧᑲᑕᔨᒧᐊᒡ᙮
\q
\v 17 ᓇᒪ ᓇᔅᒡ ᐎ ᑯᒋᑕᐅᒡ ᒐᒋ ᒥᔪ ‍ ᐎᒐᐛᒡ ᐊᐛᔪᐛ᙮
\q
\v 18 ᓇᒪ ᓇᔅᒡ ᓇᓂᒋᔅᑐᐛᐅᒡ ᒋᓴᒪᓂᑐᐛ᙮
\m ᐊᐅᑯᓐ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮
\p
\v 19 ᒋ ‍ ᒋᔅᒐᔨᑕᓇᓄᐤ ᐊᓐᒡ ᑲ ‍ ᒥᔭᑭᓄᐎᒡ ᐅᔭ ᐎᓱᐛᐅᓂᔪᐤ ᒋᐸ ‍ ᓂᓇᐃᑕᒧᒡ ᒥᓯᐛ ᑕᓐ ᐊ ‍ ᐃᑎᓱᐛᒥᑭᓂᔨᒡ᙮ ᐊᐅᒄ ᒪᒃ ᐅ ᒐ ᐅᒋ ᐊᑲ ᓇᔅᒡ ᒋ ‍ ᐃᔅᒋᔄᑦ ᐊᐛᓐ ᐊᑲ ᐅᒋ ᒋᔅᒐᔨᑕᐧᒃ ᐊᒋ ‍ ᒥᒋᑐᑕᐧᒃ ᑭᔭ ᐊᐅᑯᓐ ᐛᒋ ‍ ᒥᓯᐛ ᐊᐛᓐ ᐅᑕ ᐊᔅᒋᒡ ᐃᓯᓇᑯᓂᔨᒡ ᒐᒋ ᑎᐸᔅᑯᓂᑯᑦ ᒋᓴᒪᓂᑐᐛ᙮
\v 20 ᐛᔅ ᑕᐸ ᐊᐛᓐ ᒋ ‍ ᑯᐃᔅᑯᓇᑯᐃᓱᐤ ᒋᓴᒪᓂᑐᐛ ᐃᔅ ᐊ ‍ ᑕᔨᒋ ᒥᒄ ᐊᓂᔭ ᐊ ‍ ᓂᓇᐃᑕᐧᒃ ᐎᓱᐛᐅᓇ᙮ ᒋ ‍ ᒋᔅᒐᔨᑕᓐ ᐊ ᑕᓐ ᐊ ‍ ᐃᑕᐱᑎᒋ ᐅᔭ ᐎᓱᐛᐅᓇ᙮ ᒐᒋ ᒋᔅᒐᔨᑕᐧᒃ ᐊᐛᓐ ᐊ ‍ ᒥᒋᑐᑕᐧᒃ ᐊᐅᑯᓐ ᐊ ‍ ᐃᑕᐱᑎᒋ᙮
\s1 ᑕᓐᑕ ᐛᒋ ‍ ᑯᐃᔅᑯᑕᑎᓯᐊᑭᓄᐅᑦ ᐊᐛᓐ
\p
\v 21 ᐊᓄᒡ ᒪᒃ ᐊᑯ ᐊ ‍ ᓄᑯᑕᑦ ᒋᓴᒪᓂᑐᐤ ᑕᓐᑕ ᐛᒋ ‍ ᑯᐃᔅᑯᓇᑯᐊᑦ ᐊᐛᔪᐛ ᐎᔾ ᐃᔅ ᐊ ‍ ᑕᑦ᙮ ᓇᒪᔭᔪᐤ ᒪᒃ ᐎ ᐊ ‍ ᓂᓇᐃᑕᐧᒃ ᐊᐛᓐ ᑭᔭ ᐊ ‍ ᐃᑐᑕᐧᒃ ᐎᓱᐛᐅᓂᔪᐤ ᐛᒋ ‍ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᐎᓱᐛᐅᓂᒡ ᐊᑯᑕ ᐛᑕᒂᒡ ᑕᓐ ᒐ ‍ ᐃᑎᑦ ᐊᐛᓐ ᒐᒋ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᐊᓂᔭᐧᑲ ᒪᒃ ᐅᒋᔅᒋᐛᐃᒐᓱᒡ ᐊᔪᐅᒄ ᐅᔭ ᑲ ᐃᓯ ‍ ᐎᑕᒡ ᑭᔭ ᐎᔨᐛᐤ᙮
\s2 Romans 1.16-17; 3.22-28 (Proper-4 Year A)
\p
\v 22 ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒪᐤ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ‍ ᑕᑈᔭᔨᒪᔨᒋ ᒋᓴᔅ ᙭ᑕ᙮ ᒥᓯᐛ ᒪᒃ ᐊᐛᔪᐛ, ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ ᑭᔭ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ, ᑲ ‍ ᑕᑈᔭᔨᒪᔨᒋ ᒋᓴᓴ, ᐊᐅᑯᓐ ᐊ ᐃᓯ ‍ ᐃᑐᑎᒧᐛᑦ᙮ ᐛᔅ ᒥᓯᐛ ᐸᐃᑯᓄᒡ ᐃᓯ ᑭᓄᐛᐱᒪᐤ ᒥᓯᐛ ᐊᐛᔪᐛ ᒋᓴᒪᓂᑐᐤ᙮
\v 23 ᒥᓯᐛ ᐊᐛᓐ ᒋ ‍ ᒥᒋᑐᑎᒻ᙮ ᐊᑯᑕ ᒪᒃ ᐛᒋ ‍ ᒥᓯᐛ ᐊᐛᓐ ᓄᑕᔅᑭᒺᑦ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔪᐤ᙮
\v 24 ᐊᓂᔭ ᓴᒐᔾ ᐊ ᐃᓯ ‍ ᒥᔭᑦ ᐊ ‍ ᒋᓴᐛᑐᑐᐛᑦ ᐊᐛᔪᐛ ᒋᓴᒪᓂᑐᐤ ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒪᐤ ᐊᓂᔭ ᑲ ‍ ᑕᑈᔭᔨᒪᔨᒋ ᙭ ᒋᓴᓴ᙮ ᙭ ᒋᓴᔅ ᒋ ‍ ᐃᒐᓂᒧᐛᐤ ᐊᓂᔭᔪᐛ ᐊᐛᔪᐛ ᑲ ‍ ᑕᑈᔭᔨᒥᑯᑦ ᑕᓐ ᑲ ᐃᓯ ‍ ᐃᑕᔨᑕᑯᓂᔨᒡ ᒐᒋ ᑎᐸᔅᑯᓂᑯᔨᒋ ᒋᓴᒪᓂᑐᐛ᙮
\v 25 ᐛᔅ ᒋᓴᒪᓂᑐᐤ ᒋ ‍ ᐱᔅᑎᓇᐤ ᒋᓴᓴ ᒐᒋ ᓂᐸᐊᑭᓄᔨᒋ ᒋᐱᔭᑎᑯᒡ ᒐᒋ ᐅᒋ ‍ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮ ᐊ ‍ ᑕᑈᔭᔨᒪᑦ ᒪᒃ ᐊᐛᓐ ᒋᓴᓴ ᐊᑯᑕ ᐊ ᐅᒋ ‍ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒋᓴᒪᓂᑐᐤ ᒋ ‍ ᐃᑐᑎᒻ ᐅᔭ ᒐᒋ ᐛᐸᑎᔨᐛᑦ ᒧᔅ ᑯᐃᔅᒄ ᐊ ‍ ᐃᑎᑦ᙮ ᐅᑕ ᐃᔅ ᐅᑕᒡ ᓇᔅᒡ ᑕᑈ ᒋ ‍ ᓯᐱᔪᐛᓯᔅᑕᒐᐤ ᒋᓴᒪᓂᑐᐤ ᑕᓐ ᑲ ᐃᓯ ‍ ᒥᒋᑐᑕᑭᓄᐎᒡ᙮ ᓇᒪ ᒧᔅ ᐊᓐ ᐊ ‍ ᐃᑕᔨᑕᑯᓂᔨᒡ ᒐᒋ ᐃᓯ ‍ ᑎᐸᔅᑯᓇᑭᓄᔨᒋ ᐊᐛᔪᐛ ᐅᒋ ᐃᓯ ᑎᐸᔅᑯᓇᐤ᙮
\v 26 ᐊᓄᒡ ᒪᒃ ᐎ ᓇᒪ ᐊᑯ ᐊᑲ ᐱᔅᑲᑕᒧᐛᐤ ᐊᐛᔪᐛ ᐅᒥᒋᑐᑎᒧᐅᓂᔪᐛ ᒋᓴᒪᓂᑐᐤ, ᐛᐸᑎᔨᐛᐤ ᑕᓐ ᐊ ᐃᓯ ‍ ᑯᐃᔅᒄ ᐃᑎᑦ ᑭᔭ ᑕᑈ ᐅᑯᐃᔅᑯᑕᑎᓯᐤ ᐊ ᐃᓯ ‍ ᑭᓄᐛᐱᒪᑦ ᒥᓯᐛ ᐊᓂᔭᔪᐛ ᐊᐛᔪᐛ ᑲ ‍ ᑕᑈᔭᔨᒪᔨᒋ ᒋᓴᓴ᙮
\p
\v 27 ᑕᓐ ᒪᒃ ᒐᒋ ᐃᓯ ‍ ᓂᓇᐸᐅᒧᑦ ᐊᑯ ᐊᐛᓐ᙮ ᓇᒪ ᓇᔅᒡ ᑎᑯᓂᔪᐤ ᑕᓐ ᒐᒋ ᐃᓯ ‍ ᓂᓇᐸᐅᒧᑦ᙮ ᓇᒪ ᐊᐛᓐ ᒋᑭ ᒋ ‍ ᑕᐤ ᐊ ‍ ᑯᐃᔅᑯᓇᑯᓯᑦ ᒥᒄ ᐊ ‍ ᓂᓇᐃᑕᐧᒃ ᐎᓱᐛᐅᓂᔪᐤ᙮ ᐛᔅ ᐊ ‍ ᑕᑈᔭᔨᒪᑦ ᐊᐛᓐ ᒋᓴᓴ ᐊᑯᑕ ᒥᒄ ᐅᑯᐃᔅᑯᑕᑎᓯᐤ ᒐᒋ ᐃᓯ ‍ ᑭᓄᐛᐱᒥᑯᑦ ᒋᓴᒪᓂᑐᐛ, ᓇᒪ ᐎ ᐊ ‍ ᓂᓇᐃᑎᒺᑦ ᐅᐎᓱᐛᐅᓂᔪᐤ᙮
\v 28 ᐊᐅᒄ ᒪᒃ ᐅ ᐊ ᐃᓯ ‍ ᐎᑎᒪᐧᒄ᙮ ᐊ ‍ ᑕᑈᔭᔨᒪᑦ ᐊᐛᓐ ᒋᓴᓴ ᐊᑯᑕ ᒥᒄ ᐛᒋ ‍ ᐃᓯᓇᑯᓂᔨᒡ ᐅᑯᐃᔅᑯᑕᑎᓯᐤ ᒐᒋ ᐃᓯ ‍ ᑭᓄᐛᐱᒥᑯᑦ ᒋᓴᒪᓂᑐᐛ, ᓇᒪ ᐎ ᐊᓂᔭ ᐊ ‍ ᓂᓇᐃᑎᒺᑦ ᐅᐎᓱᐛᐅᓂᔪᐤ᙮
\v 29 ᒪᒃ ᐊ ‍ ᐃᑕᔨᑎᒧᒂ ᐊᐛᓐ, ᐊᑯ ᐊ ᒪᒃ ᒥᒄ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ ᐛᒋᓴᒪᓂᑐᒥᒡ ᒋᓴᒪᓂᑐᐛ᙮ ᓇᒪᐎᔾ ᐊ ᑭᔭ ᐎᔨᐛᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐅᒋᓴᒪᓂᑐᒧᐅᒡ ᒋᓴᒪᓂᑐᐛ ? ᑭᑈ ᑭᔭ ᐎᔨᐛᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐛᒋᓴᒪᓂᑐᒥᒡ ᒋᓴᒪᓂᑐᐛ, ᓇᒪ ᒥᒄ ᐎᔨᐛᐤ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ᙮
\v 30 ᐛᔅ ᐸᐃᑯᓱᐤ ᒥᒄ ᒋᓴᒪᓂᑐᐤ, ᑕᐱᔅᑯᓐ ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ ᑭᔭ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑯᐃᔅᑯᑕᑎᓯᐅᓂᒡ ᒋᑭ ᐃᓯ ‍ ᑭᓄᐛᐱᒪᐤ ᑕᑈᔭᔨᒪᑥᐛᓐᒋ ᒋᓴᓴ᙮
\v 31 ᐊᑯ ᐊ ᒪᒃ ᐎᔭᐱᓂᒪᐧᒄ ᐎᓱᐛᐅᓐ ᐊ ‍ ᐃᔅᒋᔄᔭᐧᒄ ᒥᒄ ᐊ ‍ ᑕᑈᔭᔨᒪᑦ ᐊᐛᓐ ᒋᓴᓴ ᐊ ᐅᒋ ‍ ᑯᐃᔅᑯᓇᑯᐊᑭᓄᐅᑦ ᒋᓴᒪᓂᑐᐛ ᐃᔅ ᐊ ‍ ᑕᔨᒋ ? ᓇᒪᐎᔾ ᑭᑈ᙮ ᐃᔭᐱᒡ ᒋ ‍ ᒋᐧᑲᔭᔨᑕᑯᑕᓇᓄᐤ ᑕᓐ ᒋᒋᐛ ᐊ ‍ ᐃᑕᐱᑎᒡ ᐊᓐ ᐎᓱᐛᐅᓐ᙮
\c 4
\s1 ᑕᑈᑎᒧᐅᓂᔪᐤ ᑲ ‍ ᑯᐃᔅᑯᓇᑯᐃᑯᑦ ᐊᑉᕋᐊᒻ
\p
\v 1 ᐊᑯ ᒪᒃ ᒋᐸ ‍ ᐊᔨᒧᒪᓄᐤ ᐊᓂᔭᐧᑲ ᐊᓂᔅᒐ ᒋᒧᓱᒥᓄᐤ ᐊᑉᕋᐊᒻ ᑕᓐᑕ ᑲ ᐅᒋ ‍ ᑯᐃᔅᑯᓇᑯᐊᑭᓄᐅᑦ᙮
\v 2 ᐛᔅ ᒧᔭᒻ ᑲ ‍ ᑯᐃᔅᑯᓇᑯᐊᑭᓄᐅᒂ ᒋᓴᒪᓂᑐᐛ ᐃᔅ ᐊ ‍ ᑕᔨᒋ ᐊ ‍ ᒥᔪᑐᑕᐧᒃ, ᒋᐸ ‍ ᑎᑯᓂᔪᐤ ᑕᓐ ᒋᐸ ᒋ ᐃᓯ ‍ ᒪᒥᒋᒧᐤ᙮ ᒥᒄ ᒪᒃ ᓇᒪ ᑎᑯᓂᔪᐤ ᒐᒂᔪᐤ ᐊᓐᑕ ᒐᒋ ᐅᒋ ‍ ᒪᒥᒋᒧᑦ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮
\v 3 ᑕᓐ ᐊᑎᔅᑕᒡ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮ ᐃᑎᔅᑕᐤ,
\q ᐊᑉᕋᐊᒻ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ ᐊᐅᒄ ᐅᔭ ᐅᑯᐃᔅᑯᑕᑎᓯᐤ ᐛᒋ ᒋ ᐃᓯ ‍ ᑭᓄᐛᐱᒥᑯᑦ᙮
\p
\v 4 ᑭᓄᐛᐸᑎᒧᒄ ᑕᓐ ᐊ ‍ ᐃᓯᓇᒂᒡ ᐊᐛᓐ ᐊ ‍ ᐊᑐᔅᒐᑦ᙮ ᐛᔅ ᐊᓂᔭ ᐊ ‍ ᐊᑐᔅᒐᑦ ᑭᔭ ᐊ ‍ ᒋᓯᐧᑯᐛᑭᓄᐅᑦ ᓇᒪ ᓴᒐᔾ ᒥᔭᑭᓄᐤ ᐊᓂᔭ ᐅᑎᐸᐊᒪᑯᓯᐅᓐ᙮ ᐛᔅ ᐊᓂᔭ ᐊᒋ ‍ ᐊᑐᔅᒐᑦ ᐛᒋ ‍ ᒥᔭᑭᓄᐅᑦ᙮
\v 5 ᒪᒥᑐᓇᔨᒪᑕᐤ ᒪ ᐊᐛᓐ ᑲ ‍ ᒥᒐᑎᓯᑦ᙮ ᐊᓂᔭ ᐊ ‍ ᒥᔪᑐᑕᐧᒃ ᐊᑯᑕ ᐛᒋ ‍ ᑯᐃᔅᑯᑕᑎᓯᑦ᙮ ᐛᔅ ᐊ ‍ ᑕᑈᔭᔨᒪᑦ ᒋᓴᒪᓂᑐᐛ ᐊᑯᑕ ᒥᒄ ᒐᒋ ᐅᒋ ‍ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮
\v 6 ᐊᐅᒄ ᐅᔭᔪᐤ ᑲ ‍ ᐊᔨᒧᑕᐧᒃ ᐊᓂᔭ ᒋᓴᐅᒋᒪᐤ ᑎᐱᑦ᙮ ᒋ ‍ ᐊᔨᒧᒪᐤ ᐊᔅᐱᔅ ᓱᐛᔨᑕᑯᓯᔨᒋ ᐊᓂᔭ ᐊᐛᔪᐛ ᐅᑯᐃᔅᑯᑕᑎᓯᐤ ᑲ ᐃᓯ ‍ ᑭᓄᐛᐱᒥᑯᔨᒋ ᒋᓴᒪᓂᑐᐛ᙮ ᓇᒪ ᐎ ᐊᓂᔭ ᑕᓐ ᐊ ᐃᓯ ᒥᔪ ‍ ᐊᑐᔅᒐᒡ ᐛᒋ ‍ ᐅᑯᐃᔅᑯᑕᑎᓯᐅᒡ ᐃᓯ ᑭᓄᐛᐱᒥᑯᐅᒡ ᒋᓴᒪᓂᑐᐛ᙮
\v 7 ᒋ ‍ ᐃᑕᐤ ᐅ ᒋᓴᐅᒋᒪᐤ,
\q ᑕᑈ ᓱᐛᔨᑕᑯᓱᐅᒡ ᐊᓐᒡ ᐊᐛᓐᒋ ᑲ ‍ ᐛᐸᔨᑎᒪᑯᒡ ᒋᓴᒪᓂᑐᐛ ᐅᐎᓂᑐᓄᐛᐛ, ᐊᓐᒡ ᑲ ‍ ᐃᒐᓂᒧᐛᑭᓄᐎᒡ ᐅᒥᒋᑥᐅᓄᐛᐛ᙮
\q
\v 8 ᑕᑈ ᓱᐛᔨᑕᑯᓱᐤ ᐊᓐ ᐊᐛᓐ ᑲ ‍ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮
\p
\v 9 ᒥᒄ ᐊ ᒪᒃ ᐊᓐᒡ ᑲ ‍ ᒋᔅᒋᓄᐛᒋᔄᑭᓄᐎᒡ ᒋᑭ ‍ ᓱᐛᔨᒪᐊᑭᓄᐎᒡ ? ᓇᒪᐎᔾ ᑭᑈ᙮ ᑭᔭ ᐊᓐᒡ ᐊᑲ ᒋᔅᒋᓄᐛᒋᔄᑭᓄᐎᒡ ᒋᑭ ‍ ᓱᐛᔨᒪᐊᑭᓄᐎᒡ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᑉᕋᐊᒻ ᐊᒋ ‍ ᑕᑈᔭᔨᒪᑦ ᒋᓴᒪᓂᑐᐛ ᐊᐅᒄ ᒪᒃ ᐅᔭ ᐊ ‍ ᑯᐃᔅᑯᑕᑎᓯᑦ ᐛᒋ ᐃᓯ ‍ ᑭᓄᐛᐱᒥᑯᑦ ᒋᓴᒪᓂᑐᐛ᙮
\v 10 ᑕᐃᔅᐱ ᒪᒃ ᑲ ‍ ᐃᑕᒋᒪᑭᓄᐅᑦ ᐅᔭᔪᐤ ᐊᑉᕋᐊᒻ, ᐊᔅᒄ ᐊ ᐊᑲ ᐅᒋ ᒋᔅᒋᓄᐛᒋᔄᑭᓄᐅᑦ ᒪᒃ ᓴᔅ ᐊᒋ ‍ ᒋᔅᒋᓄᐛᒋᔄᑭᓄᐅᑦ ? ᐊᔅᒄ ᐊᑲ ᐅᒋ ᒋᔅᒋᓄᐛᒋᔄᑭᓄᐅᑦ ᐊᑯᑕ ᑲ ‍ ᐃᑕᒋᒪᑭᓄᐅᑦ ᐅᔭᔪᐤ, ᓇᒪ ᐎ ᐸᑐᔅ ᑲ ‍ ᒋᔅᒋᓄᐛᒋᔄᑭᓄᐅᑦ᙮
\v 11 ᐸᑎᒪ ᒋ ‍ ᒋᔅᒋᓄᐛᒋᔄᑭᓄᐤ᙮ ᐊᓂᔭ ᒪᒃ ᐊᒋ ‍ ᒋᔅᒋᓄᐛᒋᔄᑭᓄᐅᑦ ᐊᑯᑕ ᑲ ᐅᒋ ‍ ᒋᔅᒐᔨᑕᑯᑕᑭᓄᐎᒡ ᐊ ‍ ᑕᑈᔭᔨᒪᑦ ᒋᓴᒪᓂᑐᐛ, ᓴᔅ ᑯᐃᔅᑯᑕᑎᓯᐅᓂᒡ ᐊᒋ ᐃᓯ ‍ ᑭᓄᐛᐱᒥᑯᑯᐱᓇ ᒋᓴᒪᓂᑐᐛ᙮ ᓴᔅ ᑯᐃᔅᑯᑕᑎᓯᐅᓂᒡ ᒋ ᐃᓯ ‍ ᑭᓄᐛᐱᒥᑯᑯᐱᓇ ᐊᔅᒄ ᐊᑲ ᐛᐛᒡ ᐅᒋ ᒋᔅᒋᓄᐛᒋᔄᑭᓄᐅᑦ᙮ ᐊᑯ ᒪᒃ ᐊ ᐊᑎ ‍ ᐃᓯᓇᑯᓯᑦ ᐊ ‍ ᐅᑕᐎᒪᐅᑐᑕᑯᑦ ᒥᓯᐛ ᐊᓂᔭᔪᐛ ᑲ ‍ ᑕᑈᔭᔨᒪᔨᒋ ᒋᓴᒪᓂᑐᐛ, ᐊᓂᔭᔪᐛ ᑯᐃᔅᑯᑕᑎᓯᐅᓂᒡ ᑲ ᐃᓯ ‍ ᑭᓄᐛᐱᒥᑯᔨᒋ ᒋᓴᒪᓂᑐᐛ, ᐊᑎ ᐊᑲ ᐅᒋ ᒋᔅᒋᓄᐛᒋᔄᑭᓄᔨᒋ᙮
\v 12 ᑭᔭ ᐊᓂᔭᔪᐛ ᑲ ‍ ᒋᔅᒋᓄᐛᒋᔄᑭᓄᔨᒋ ᐅᑕᐎᒪᐅᑐᑐᐛᐅᐤ, ᒥᒄ ᓇᒪ ᐅᑕᐎᒪᐅᑐᑐᐛᐅᐤ ᒥᒄ ᐊᓂᔭ ᐊᒋ ‍ ᒋᔅᒋᓄᐛᒋᔄᑭᓄᔨᒋ᙮ ᐊᓂᔭ ᑕᑈᑎᒧᐅᓂᒡ ᐊ ᐃᓯ ‍ ᐱᒪᑎᓯᔨᒋ ᒧᔭᒻ ᐎᔾ ᑲ ‍ ᐃᑎᑦ ᐊᓂᔭ ᒍᑕᐎᓄᐤ ᐊᑉᕋᐊᒻ ᐊᔅᒄ ᐊᑲ ᐅᒋ ᒋᔅᒋᓄᐛᒋᔄᑭᓄᐅᑦ ᐊᔪᐅᒄ ᐅᔭ ᐛᒋ ‍ ᐅᑕᐎᒪᐅᑐᑐᐛᒄ᙮
\s1 ᓇᒪ ᒋᑭ ᒋ ‍ ᑯᐃᔅᑯᑕᑎᓯᐊᑭᓄᐤ ᐊᐛᓐ ᒥᒄ ᐊᓂᔭ ᐊ ‍ ᓂᓇᐃᑕᐧᒃ ᐎᓱᐛᐅᓂᔪᐤ
\s2 Romans 4.13-25 (Proper-5 Year A; Lent-2 Year B)
\p
\v 13 ᒋᓴᒪᓂᑐᐤ ᒋ ‍ ᐃᑕᐤ ᐊᑉᕋᐊᒪ ᑭᔭ ᐊᓂᔭ ᐊᓐᑕ ᐊ ‍ ᑕᑦ ᒐ ᐅᒋ ᐊᓂᔅᒐ ‍ ᐱᒪᑎᓯᔨᒋ ᒐᔅᑎᓇᔅ ᑕᑈ ᒐ ‍ ᒥᔭᑦ ᒥᓯᐛ ᐅᔭ ᐊᔅᒋᔪᐤ᙮ ᐅᔭ ᒪᒃ ᑲ ‍ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ‍ ᐃᑐᑎᒪᑯᑦ ᐊᑉᕋᐊᒻ ᓇᒪ ᐎ ᐊᓂᔭ ᐊ ‍ ᓂᓇᐃᑕᐧᒃ ᐎᓱᐛᐅᓂᔪᐤ ᐛᒋ ‍ ᐃᑎᑯᑦ ᐅᔭ ᒐ ‍ ᐃᑐᑎᒪᑯᑦ᙮ ᐊᒋ ‍ ᑕᑈᔭᔨᒪᑦ ᒋᓴᒪᓂᑐᐛ ᑭᔭ ᐅᑯᐃᔅᑯᑕᑎᓯᐤ ᐊᒋ ᐃᓯ ‍ ᑭᓄᐛᐱᒥᑯᑦ ᐊᐅᑯᔪᐤ ᐛᒋ ‍ ᐃᑐᑎᒪᑯᑦ ᐅᔭ᙮
\v 14 ᐛᔅ ᐊ ‍ ᐃᓯᓇᑯᓂᒂ ᒥᒄ ᐊᓐᒡ ᑲ ‍ ᓂᓇᐃᑕᒡ ᐎᓱᐛᐅᓂᔪᐤ ᒐ ‍ ᐱᒪᒋᐃᑯᒂᓂᒋ ᒋᓴᒪᓂᑐᐛ ᐊᑯ ᑭᑈ ᒐᒋ ᐃᔅᒋᔄᔭᐧᒄ, ᓇᒪ ᒐᒂᓐ ᐃᓯᓇᑯᓐ ᑕᑈᑎᒧᐅᓐ, ᐊᒋ ‍ ᐃᔅᒋᔄᑦ ᒪᒃ ᒋᓴᒪᓂᑐᐤ ᒐᔅᑎᓇᔅ ᒐ ‍ ᐱᒪᒋᐊᑦ ᐊᓂᔭ ᐊᐛᔪᐛ ᒐ ‍ ᑕᑈᔭᔨᒥᑯᑦ᙮
\v 15 ᐛᔅ ᐊᑲ ᓂᓇᐃᑕᑭᓄᐅᒡ ᐎᓱᐛᐅᓐ ᐊᑯᑕ ᐛᒋᐱᔨᒡ ᒋᓴᒪᓂᑐᐤ ᒐᒋ ᐊᐧᑯᔪᐛᓯᑦ᙮ ᐊᑯ ᒪᒃ ᐊᓐᑕ ᐊᑲ ᑎᒂᒋ ᐎᓱᐛᐅᓇ ᓇᒪ ᑭᑈ ᑎᑯᓐ ᐊᓐᑕ ᐊᑲ ᓂᓇᐃᑕᑭᓄᐅᒋ ᐎᓱᐛᐅᓇ᙮
\p
\v 16 ᐊᐅᑯᓐ ᒪᒃ ᐛᒋ ‍ ᐃᓯᓇᒂᒡ ᑕᑈᑎᒧᐅᓂᒡ ᒥᒄ ᒐᒋ ᐅᒋ ‍ ᐊᔭᑭᓄᐎᒡ ᐊᓂᔭ ᒋᓴᒪᓂᑐᐤ ᑲ ‍ ᐃᔅᒋᔄᑦ ᒐᔅᑎᓇᔅ ᒐ ‍ ᐃᑐᑎᒪᒐᑦ᙮ ᐊᑯ ᒪᒃ ᒋᓴᒪᓂᑐᐤ ᐅᓱᐛᔨᒋᒐᐅᓂᒡ ᐊᑯᑕ ᐛᒋ ‍ ᒐᔅᑎᓇᑕᔨᑕᑯᓂᔨᒡ ᒥᓯᐛ ᐊᓐᒡ ᑲ ᐃᓯ ‍ ᐊᓂᔅᒐ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᑲ ᐃᓯ ‍ ᑕᑈᔭᔨᒪᔨᒋ ᐊᑉᕋᐊᒪ ᑭᔭ ᐎᔨᐛᐤ ᒐᒋ ᐊᔭᒡ ᐊᓂᔭᔪᐛ ᑕᓐ ᑲ ‍ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ‍ ᐃᑐᑎᒪᒐᔨᒋ᙮ ᓇᒪ ᒪᒃ ᒥᒄ ᐊᓐᒡ ᑲ ‍ ᒥᔭᑭᓄᐎᒡ ᒧᓱᓴ ᐅᐎᓱᐛᐅᓂᔪᐤ ᒋᑭ ᒋ ‍ ᐊᔭᐅᒡ ᐅᔭ᙮ ᐊᓐᒡ ᑲ ‍ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᐊᑉᕋᐊᒪ ᑲ ᐃᓯ ‍ ᑕᑈᔭᔨᒪᔨᒋ ᐊᐅᑯᓐᒡ ᑭᔭ ᐎᔨᐛᐤ ᒐ ‍ ᐊᔭᒡ ᐅᔭ᙮ ᐛᔅ ᒥᓯᐛ ᐊ ‍ ᑎᓯᔭᐧᒄ ᐊᑉᕋᐊᒻ ᒍᑕᐎᑐᐛᓄᐤ᙮
\v 17 ᒧᔭᒻ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑉᕋᐊᒻ ᐊᒋ ‍ ᐃᑎᑯᒂ ᒋᓴᒪᓂᑐᐛ,
\q ᔅᒋ ‍ ᐃᓯᐃᑎᓐ ᒐᒋ ᐅᑕᐎᒪᐅᑕᔅᒡ ᒥᒐᑦ ᐊ ‍ ᐃᑎᔅᑲᓇᓯᒡ ᐊᐛᓐᒋ᙮
\m ᐊᑉᕋᐊᒻ ᒪᒃ ᐊᒋ ‍ ᑕᑈᔭᔨᒪᑦ ᒋᓴᒪᓂᑐᐛ ᐊᐅᒄ ᐅᔭ ᐊ ‍ ᐅᑕᐎᒪᐅᑐᐛᐧᒄ ᐛᒋ ᐃᓯ ‍ ᑭᓄᐛᐱᒥᑯᑦ᙮ ᐊᐅᑯᓐ ᒪᒃ ᐅᔭ ᐊᑉᕋᐊᒻ ᑲ ‍ ᑕᑈᔭᔨᒪᑦ, ᐊᓂᔭᔪᐛ ᑲ ‍ ᐃᑐᑐᐛᔨᒋ ᐊᓂᔭᔪᐛ ᐊᑲ ᐱᒪᑎᓯᔨᒋ ᑲᐤ ᒐᒋ ᐱᒪᑎᓯᔨᒋ ᑭᔭ ᒥᒄ ᐊ ‍ ᐃᔅᒋᔄᔨᒋ ᒐᒋ ᑎᑯᓂᔨᒡ ᒐᒂᔪᐤ ᐊᑲ ᓂᑕ ᐅᒋ ᑎᑯᓂᔨᒡ ᑎᐛᒡ ᑎᑯᓂᔪᐤ᙮
\p
\v 18 ᐊᑎ ᐊᑲ ᐛᐛᒡ ᐅᒋ ᑎᑯᓂᔨᒡ ᑕᓐᑕ ᒐ ᐃᓯ ‍ ᐊᔅᐸᔨᒧᑯᐱᓇ ᐊᑉᕋᐊᒻ ᑕᑈ ᒐᒋ ᐅᑦ ᐊᐛᓯᒥᒡ ᐎᐛ, ᐃᔭᐱᒡ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ ᐛᔅ ᐊᐅᑯᓐ ᑲ ‍ ᐃᑎᑯᑦ ᒐ ‍ ᐃᑐᑎᒪᑯᑦ᙮ ᐊᑯᑕ ᑲ ᐅᒋ ‍ ᐃᓯᓇᑯᓂᔨᒡ ᒥᒐᑦ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ ᒐᒋ ᐅᑕᐎᒪᐅᑦ᙮ ᐛᔅ ᑭᑈ ᐊᐅᑯᓐ ᐊ ‍ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒋᑭ ‍ ᒥᒐᑐᐅᒡ ᐊᐛᓐᒋ ᐊᓐᑕ ᐊ ‍ ᑕᔨᓐ ᒐ ᐅᒋ ᐊᓂᔅᒐ ‍ ᐱᒪᑎᓯᒡ᙮
\p
\v 19 ᓴᔅ ᒪᒃ ᒐᑲᑦ ᐸᐃᑯ ᒥᑕᓯᒥᑎᓄᐤ ᒋ ‍ ᐃᑕᑐᐳᓇᓱᐤ ᐊᑉᕋᐊᒻ ᐅᔭ ᑲ ‍ ᐃᑕᑭᓄᐅᑦ ᒐ ‍ ᐃᑐᑎᒧᐛᑭᓄᐅᑦ᙮ ᐃᔭᐱᒡ ᒪᒃ ᐸᐃᑯᓐ ᒋ ‍ ᐃᔅᐱᔅ ᑕᑈᔭᔨᒪᐤ ᒋᓴᒪᓂᑐᐛ᙮ ᑲ ‍ ᐃᔅᐱᔅ ᒋ ‍ ᓱᒋᐱᔨᒡ ᐊ ‍ ᑕᑈᔭᔨᒪᑦ ᓇᒪ ᓇᔅᒡ ᐅᒋ ᐊᓏᑎᒻ ᒐ ‍ ᐅᑦ ᐊᐛᓯᒥᒡ ᐊᑎ ᐊᒋ ‍ ᒋᔅᒐᔨᒥᓱᑦ ᐊᑲ ᓴᔅ ᒐᒋ ᐅᑕᐎᒪᐅᑦ ᑭᔭ ᐊᓂᔭᔪᐛ ᐎᐛ ᐊᒋ ‍ ᒋᔅᒐᔨᒪᑦ ᒐᔅᑎᓇᔅ ᓴᔅ ᒐ ᐊᑲ ᒋ ᐅᑦ ᐊᐛᓯᒥᔨᒋ᙮
\v 20 ᐃᔭᐱᒡ ᒋ ‍ ᑕᑈᑎᒻ ᐊᑉᕋᐊᒻ ᒐ ‍ ᐃᑐᑎᒪᑯᑦ ᒋᓴᒪᓂᑐᐛ ᑕᓐ ᐊᓂᔭᔪᐛ ᑲ ‍ ᐃᑎᑯᑦ ᒐᔅᑎᓇᔅ ᒐ ‍ ᐃᑐᑎᒪᑯᑦ᙮ ᐊᑐᐎᔅ ᒋ ᐊᑎ ‍ ᓱᒐᔨᑕᑯᓂᔪᐤ ᐅᑕᑈᑎᒧᐅᓐ᙮ ᓴᔅ ᒋ ‍ ᒋᔅᑕᒋᒪᐤ ᒋᓴᒪᓂᑐᐛ ᐊᑎ ᐊᔅᒄ ᐊᑲ ᐛᐛᒡ ᐅᒋ ᐃᔅᐱᔨᒡ ᐅᔭ᙮
\v 21 ᓇᔅᒡ ᒋ ‍ ᒐᔅᑎᓇᑕᔨᒪᐤ ᒋᓴᒪᓂᑐᐛ ᒐᔅᑎᓇᔅ ᒐ ‍ ᐃᑐᑎᒥᔨᒋ ᑕᓐ ᐊᓂᔭᔪᐤ ᑲ ‍ ᐃᔅᒋᔄᔨᒋ ᒐ ‍ ᐃᑐᑎᒪᑯᑦ᙮
\v 22 ᐊᐅᑯᓐ ᒪᒃ ᐛᒋ ‍ ᐃᓯᓇᑯᓂᔨᒡ ᐊᑉᕋᐊᒻ ᐊᓂᔭ ᐊ ‍ ᑕᑈᔭᔨᒪᑦ ᒋᓴᒪᓂᑐᐛ ᐅᑯᐃᔅᑯᑕᑎᓯᐤ ᒐᒋ ᐃᓯ ‍ ᑭᓄᐛᐱᒥᑯᑦ᙮
\v 23 ᐊᓐ ᑲ ‍ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᑯᐃᔅᑯᑕᑎᓯᐅᓂᒡ ᒋ ᐃᓯ ‍ ᑭᓄᐛᐱᒥᑯᐤ ᒋᓴᒪᓂᑐᐛ,
\m ᓇᒪ ᒥᒄ ᐊᑉᕋᐊᒻ ᐅᒋ ᐊᔨᒧᒪᑭᓄᐤ ᐅᑕ᙮
\v 24 ᒋᑦ ᐊᔅᑕᐅᑯᓇᓄᐤ ᑭᔭ ᒋᔭᓄᐤ ᐅ ᑲ ‍ ᐃᑎᔅᑕᒡ, ᒋᔭᓄᐤ ᑲ ‍ ᑕᑈᔭᔨᒪᐧᒄ ᒋᓴᒪᓂᑐᐤ ᐊᓐ ᑲ ‍ ᐅᓂᔅᑲᓇᑦ ᒋᓴᓴ ᒋᑎᐸᔨᒋᒐᓯᒥᓄᐛ ᓂᐳᐅᓂᒡ ᐅᒋ᙮ ᑭᔭ ᒋᔭᓄᐤ ᑯᐃᔅᑯᑕᑎᓯᐅᓂᒡ ᒋᑭ ᐃᓯ ‍ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮
\v 25 ᒋᓴᔅ ᒋ ‍ ᐱᔅᑎᓇᑭᓄᐤ ᒐᒋ ᓂᐱᔅᑎᒪᑕᐧᒄ ᒐᒋ ᐛᐸᔨᑎᒪᑯᐅᔭᐧᒄ ᒋᒥᒋᑥᐅᓄᐛ, ᑭᔭ ᐊᓂᔭ ᑲ ‍ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒋ ᐊᑯᑕ ᑲ ᐅᒋ ‍ ᐃᓯᓇᒂᒡ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ‍ ᑭᓄᐛᐱᒥᑕᐧᒄ ᒋᓴᒪᓂᑐᐤ᙮
\c 5
\s1 ᐊ ‍ ᑯᐃᔅᑯᑕᑎᓯᑦ ᐊᐛᓐ ᒋᓴᒪᓂᑐᐛ ᐃᔅ ᐊ ‍ ᑕᔨᒋ
\s2 Romans 5.1-5 (Trinity Year C)
\s2 Romans 5.1-8 (Proper-6 Year A)
\p
\v 1 ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᐊᑯ ᐊ ᐃᓯ ‍ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᐊ ‍ ᑕᑈᔭᔨᒪᐧᒄ᙮ ᐊᑯ ᑭᔭ ᒪᔪ ‍ ᐎᒐᐛᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ‍ ᐃᑐᑎᒪᑕᐧᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮
\v 2 ᙭ ᔅᒋ ‍ ᐃᑐᑎᒪᑯᓄᐤ ᒧᔅ ᐊᑯ ᒐᒋ ᒋᔅᒐᔨᑎᒪᐧᒄ ᒋᓴᒪᓂᑐᐤ ᐅᓱᐛᔨᒋᒐᐅᓐ ᒋᐱᒪᑎᓯᐅᓇᒡ᙮ ᐊᑯ ᒪᒃ ᒪᔽᔨᑎᒪᐧᒄ ᐊ ‍ ᒐᔅᑎᓇᑕᔨᑎᒪᐧᒄ ᐊᔅᒄ ᓇᔅᒡ ᒐ ‍ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮
\v 3 ᐊᐅᒄ ᒪᒃ ᐛᒋ ‍ ᐃᓯᓇᑯᓯᔭᐧᒄ ᐃᔭᐱᒡ ᐊ ‍ ᒧᒋᒐᔨᑎᒪᐧᒄ ᐊᑎ ᐊᓐᑕ ᒪᒂᒡ ᐊ ‍ ᐊᔨᒥᐅᔭᐧᒄ, ᐛᔅ ᒋ ‍ ᒋᔅᒐᔨᑕᓇᓄᐤ ᐊᓐᑕ ᐊᓐ ᐊ ‍ ᐊᔨᒥᐅᔭᐧᒄ ᐊᑯᑕ ᐛᒋ ‍ ᐊᑐᐎᔅ ᓱᒐᔨᑕᑯᓯᔭᐧᒄ᙮
\v 4 ᐊᑯ ᒪᒃ ᐊᓐ ᐊᔭᔅᒃ ᐊ ‍ ᓱᒐᔨᑕᑯᓯᔭᐧᒄ ᒋᐱᒪᑎᓯᐅᓇᒡ ᒋᓴᒪᓂᑐᐤ ᓇᐊᔨᑎᒥᐃᑯᐤ᙮ ᐅᔭ ᒪᒃ ᐊ ᐃᓯ ‍ ᓇᐊᔨᑎᒪᐧᒄ ᐊᑯᑕ ᐛᒋ ‍ ᒐᔅᑎᓇᑕᔨᑎᒪᐧᒄ ᐊᔅᒄ ᓇᔅᒡ ᒐ ‍ ᒋᔅᒐᔨᑎᒥᐃᑕᐧᒄ ᐅᒋᔅᑕᔨᑕᑯᓱᐅᓐ᙮
\v 5 ᐊ ‍ ᒋᔅᒐᔨᑎᒪᐧᒄ ᒪᒃ ᐊᔅᒄ ᓇᔅᒡ ᒐ ‍ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᒋᑭ ᒋ ‍ ᒐᔅᑎᓇᑕᔨᑕᓇᓄᐤ ᑕᑈ ᐊᔅᒄ ᒐ ‍ ᐃᔅᐱᔨᒡ, ᐛᔅ ᒋᓴᒪᓂᑐᐤ ᑕᑈ ᔅᒋ ‍ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᐅ ᐸᔭᒋ ᐊᒐᒂ ᐅᒋ, ᑕᓐ ᐊᔅᐱᔅ ᓴᒋᐃᑕᐧᒄ᙮ ᐎᔾ ᒪᒃ ᒋᓴᒪᓂᑐᐤ ᔅᒋ ‍ ᒥᔨᑯᓄᐤ ᐅᐸᔭᒋ ᐊᒐᒂ᙮
\p
\v 6 ᐛᔅ ᐊᓐᑕ ᒪᒂᒡ ᑲ ‍ ᐃᓯᓇᑯᓯᔭᐧᒄ ᐊᑲ ᓇᔅᒡ ᒐᒋ ᐱᒪᒋᐃᓱᔭᐧᒄ, ᙭ ᒋ ‍ ᓂᐱᔅᑎᒧᐛᐤ ᒋᐱᔭᑎᑯᒡ ᐅᒥᒋᑥᐛ᙮ ᐊᓐᑕ ᒪᒃ ᒋᓴᒪᓂᑐᐛ ᑲ ‍ ᐎᔭᔨᑎᒥᔨᒋ ᐅᔭ ᒐᒋ ᐃᑐᑎᒪᑕᐧᒄ ᐊᑯᑕ ᑲ ‍ ᓂᐱᔅᑎᒪᑕᐧᒄ᙮
\v 7 ᓇᒪ ᐊᐛᓐ ᒋᐸ ᐅᒋ ᐎ ‍ ᓂᐱᔅᑎᒧᐛᐤ ᐊᐛᔪᐛ ᐊ ‍ ᑯᐃᔅᑯᑕᑎᓯᔨᒋ ᒥᒄ ᒪᒃ ᒥᔅᑯᒡ ᒋᐸ ᒋ ‍ ᐃᓯᓇᑯᓂᔪᐤ ᒐᒋ ᑕᑦ ᐊᐛᓐ ᐊ ‍ ᑯᒂᑕᔨᑕᐧᒃ ᒐᒋ ᓂᐱᔅᑎᒧᐛᑦ ᐊᐛᔪᐛ ᐊ ᒥᔪ ‍ ᐃᔪᐎᔨᒋ᙮
\v 8 ᒋᓴᒪᓂᑐᐤ ᒪᒃ ᐎᔾ ᓇᔅᒡ ᔅᒋ ‍ ᐛᐸᑎᔨᑯᓄᐤ ᑕᓐ ᐊᔅᐱᔅ ᓴᒋᐃᑕᐧᒄ, ᒋ ‍ ᐱᔅᑎᓇᐤ ᙭ᑕ ᒐᒋ ᓂᐱᔅᑎᒪᑎᔨᑕᐧᑯ ᐊᔅᒄ ᒪᒂᒡ ᒥᒋᑥᐅᓂᒡ ᐊᒋ ‍ ᐃᑕᐛᐧᒄ᙮
\p
\v 9 ᐊᔪᐅᒄ ᒪᒃ ᐊ ‍ ᑯᐃᔅᑯᑕᑎᓯᔭᐧᒄ ᐛᒋ ᐃᓯ ‍ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᙭ ᐊᒋ ‍ ᓂᐱᔅᑎᒪᑕᐧᒄ ᒋᐱᔭᑎᑯᒡ᙮ ᒋ ‍ ᒐᔅᑎᓇᑕᔨᑕᓇᓄᐤ ᙭ ᑕᑈ ᒐ ‍ ᐎᐧᑯᒋᐃᑕᐧᒄ ᒋᓴᒪᓂᑐᐛ ᐅᑦ ᐊᐧᑯᔪᐛᓱᐤ ᑎᐸᔅᑯᓂᒐᐅᓂᔨᒡ ᐅᒡ ᒪᔅᑕᔾ ᒋᓯᑲᔨᒐ᙮
\v 10 ᐊᔅᒄ ᒪᒃ ᒪᒂᒡ ᐊᑲ ᓇᔅᒡ ᐅᒋ ᐊᐱᑕᔨᒪᐧᒄ ᒋᓴᒪᓂᑐᐤ ᐃᔭᐱᒡ ᒋ ‍ ᐅᑎᓂᒻ ᑕᓐᑕ ᒐᒋ ᐅᒋ ‍ ᐃᓯᓇᑯᓂᔨᒡ ᒐᒋ ᐊᑎ ᒥᔪ ‍ ᐎᒐᐛᐧᒄ᙮ ᑲ ‍ ᓂᐱᔅᑎᒪᑎᔨᑕᐧᑯ ᙭ᑕ ᐊᑯᑕ ᑲ ᐅᒋ ‍ ᓇᐃᐱᔨᑕᑦ ᐅᔭ ᒐᒋ ᐃᓯᓇᑯᓂᔨᒡ᙮ ᐊᑯ ᒪᒃ ᐊᓄᒡ ᐊ ‍ ᒥᔪᐎᒐᐛᐧᒄ ᒋᓴᒪᓂᑐᐤ ᒐᔅᑎᓇᑕᔨᑕᑯᓐ ᒐ ‍ ᐱᒪᒋᐃᑕᐧᒄ ᒋᓴᔅ ᐅᐱᒪᑎᓯᐅᓂᒡ ᐅᒡ᙮
\v 11 ᐊᔪᐤ ᒪᒃ ᓇᔅᒡ ᒋ ‍ ᒥᔽᔨᑕᓇᓄᐤ ᒋᓴᒪᓂᑐᐤ ᓴᔅ ᐊᒋ ‍ ᓇᐃᐱᔨᑕᑦ ᒐᒋ ᒥᔪ ‍ ᐎᒐᐛᐧᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒡ᙮
\s1 ᐊᑕᒻ ᑭᔭ ᙭
\p
\v 12 ᐊᐅᒄ ᒪᒃ ᐅ ᑲ ‍ ᐃᔅᐱᔨᒡ, ᐸᐃᒄ ᓇᐸᐤ ᐊ ‍ ᑕᑦ ᐊᑯᑕ ᑲ ᐅᒋ ‍ ᑎᒂᒡ ᒥᒋᑥᐅᓐ ᑭᔭ ᐊᑯᑕ ᑲ ᐅᒋ ‍ ᑎᒂᒡ ᓂᐳᐅᓐ ᐊᓂᔭ ᐊᒋ ‍ ᒥᒋᑐᑕᐧᒃ᙮ ᑭᔭ ᐊᑯᑕ ᐛᒋ ‍ ᐃᓯᓇᒂᒡ ᒥᓯᐛ ᐊᐛᓐ ᐊ ‍ ᐅᑎᑕᐅᑯᑦ ᓂᐳᐅᓂᔪᐤ, ᐛᔅ ᒥᓯᐛ ᐊᐛᓐ ᒥᒋᑐᑎᒻ᙮
\v 13 ᐊᑎ ᐊᒋ ‍ ᒥᒋᑐᑕᒡ ᐊᐛᓐᒋ ᐅᑕ ᐊᔅᒋᒡ ᑲ ‍ ᑕᒡ ᐊᔅᒄ ᐊᑲ ᐅᒋ ᑎᑯᓂᔨᒡ ᐎᓱᐛᐅᓂᔪᐤ, ᓇᒪ ᐅᒋ ᐊᔅᑎᒋᑎᒥᔪᐛ ᒋᓴᒪᓂᑐᐛ ᐅᒥᒋᑐᑎᒧᐅᓄᐛᐛ᙮
\v 14 ᐊᑕᒻ ᐊ ‍ ᑕᑦ ᐅᒋ ᐊᓐᒡ ᒪᒃ ᐊᓐᑕ ᑲ ᐊᓂᔅᒐ ‍ ᐱᒪᑎᓯᒡ ᒧᓱᓴ ᐃᔅ ᐊ ‍ ᑕᔨᒋ ᒥᓯᐛ ᒋ ‍ ᑎᐸᔨᒥᑯᐅᒡ ᓂᐳᐅᓂᔪᐤ ᐊᑎ ᐊᓐᒡ ᐊᑲ ᐊᓐ ᐊᑕᒻ ᑲ ᐃᓯ ‍ ᒥᒋᑐᑎᒥᔨᒋ ᑲ ᐃᓯ ‍ ᒥᒋᑐᑕᒡ᙮ ᐅ ᒪᒃ ᐊᑕᒻ ᐃᔭᐱᒡ ᒋ ‍ ᑎᑯᓂᔪᐤ ᑕᓐ ᑲ ᐃᓯ ‍ ᓂᔅᐱᑐᐛᑦ ᐊᓂᔭ ᐊᔅᒄ ᒐ ‍ ᑎᑯᓯᓂᔨᒋ, ᐊᐅᑯᓂᐃ ᒋᓴᓴ᙮
\p
\v 15 ᒥᒄ ᒪᒃ ᐊᓂᔭ ᒥᔨᐛᐅᓂᔪᐤ ᓴᒐᔾ ᑲ ‍ ᒥᔨᑕᒄ ᒋᓴᒪᓂᑐᐤ ᓇᔅᒡ ᑕᑈ ᐃᔭᒡ ᐃᑕᔨᑕᑯᓂᔪᐤ ᑕᓐ ᑲ ‍ ᐃᑕᔨᑕᑯᓂᔨᒡ ᐊᑕᒻ ᐅᒥᒋᑐᑎᒧᐅᓐ᙮ ᒥᒐᑦ ᐊᐛᓐ ᒋ ‍ ᓂᐳᐤ ᐊᓂᔭ ᐅᒋ ᐸᐃᒄ ᓇᐸᐛ, ᐊᐅᒄ ᐊᑕᒻ, ᐊᒋ ‍ ᒥᒋᑐᑕᐧᒃ᙮ ᒥᒄ ᒪᒃ ᐊᑐᐎᔅ ᒥᒐᑎᔪᐛ ᐊᐛᔪᐛ ᒋᓴᒪᓂᑐᐤ ᐊᒋ ‍ ᓱᐛᔨᒪᑦ᙮ ᐊᑐᐎᔅ ᐃᑕᔨᑕᑯᓂᔪᐤ ᐊᓂᔭ ᒥᔨᐛᐅᓂᔪᐤ ᓴᒐᔾ ᑲ ‍ ᒥᔨᑕᒄ ᙭ ᐅᓱᐛᔨᒋᒐᐅᓂᒡ ᐅᒡ ᒥᒐᑦ ᐊᐛᓐ ᒐᒋ ᐱᒪᒋᐅᑦ᙮
\v 16 ᐃᔭᒡ ᑕᑈ ᐃᑕᔨᑕᑯᓂᔪᐤ ᒋᓴᒪᓂᑐᐤ ᐅᒥᔨᐛᐅᓐ ᑕᓐ ᑲ ‍ ᐃᑕᔨᑕᑯᓂᔨᒡ ᐸᐃᒄ ᓇᐸᐤ ᐅᒥᒋᑐᑎᒧᐅᓐ᙮ ᐛᔅ ᐊᓂᔭ ᑕᓐ ᑲ ᐃᓯ ‍ ᒥᒋᑐᑕᐧᒃ ᐊᑕᒻ ᐊᑯᑕ ᑲ ‍ ᐅᒋᐱᔨᒡ ᒥᓯᐛ ᐊᐛᓐ ᑕᑈ ᒐᒋ ᐊᑕᒪᔨᑕᑯᓯᑦ ᒥᒋᑥᐅᓂᔪᐤ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᒋᓴᒪᓂᑐᐤ ᒪᒃ ᑲ ‍ ᐱᔅᑎᓇᑦ ᒋᓴᓴ ᒐᒋ ᓂᐸᐊᑭᓄᔨᒋ ᐊᑯᑕ ᐛᒋᐱᔨᒡ ᒥᒐᑦ ᐊᐛᓐᒋ ᒐᒋ ᐛᐸᔨᑎᒧᐛᑭᓄᐎᒡ ᐅᒥᒋᑐᑎᒧᐅᓄᐛᐛ ᑭᔭ ᐊ ‍ ᑯᐃᔅᑯᑕᑎᓯᒡ ᒐ ᐃᓯ ‍ ᑭᓄᐛᐱᒥᑯᒡ ᒋᓴᒪᓂᑐᐛ᙮
\v 17 ᐛᔅ ᒋ ‍ ᒋᔅᒐᔨᑕᓇᓄᐤ ᐊᓂᔭ ᐅᒥᒋᑥᐅᓐ ᐊᓐ ᐸᐃᒄ ᓇᐸᐤ ᐊᑯᑕ ᑲ ᐅᒋ ‍ ᐃᓯᓇᒂᒡ ᒥᓯᐛ ᐊᐛᓐ ᒐᒋ ᑎᐸᔨᒥᑯᑦ ᓂᐳᐅᓂᔪᐤ᙮ ᑕᓐ ᒪᒃ ᐅᔅᑕ ᐊ ᐃᔅᐱᔅ ‍ ᒥᔽᔨᑕᑯᓂᔨᒡ ᑕᓐ ᑲ ᐃᓯ ‍ ᐃᑐᑎᒪᑕᐧᒄ ᐊᓐ ᑯᑎᒃ ᓇᐸᐤ, ᐊᐅᒄ ᒋᓴᔅ ᙭᙮ ᒥᓯᐛ ᒪᒃ ᐊᓐᒡ ᑲ ‍ ᐛᔪᒡ ᒋᔅᒐᔨᑎᒥᐊᑭᓄᐎᒡ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ ᐅᑯᐃᔅᑯᑕᑎᓯᐅᒡ ᐊ ᐃᓯ ‍ ᑭᓄᐛᐱᒧᑯᐅᒡ ᒋᓴᒪᓂᑐᐛ ᒧᔅ ᒋᑭ ‍ ᑕᐅᒡ ᑕᓐᑕ ᐊ ‍ ᑕᔨᒋ ᒋᓴᓴ ᑭᔭ ᒋᑭ ‍ ᐎᒋᐃᑯᐅᒡ ᒐᒋ ᓱᒋᑲᐳᐅᒡ ᐅᐱᒪᑎᓯᐅᓄᐛᒡ᙮
\p
\v 18 ᐊᐅᑯᓐ ᒪᒃ ᐛᒋ ‍ ᐃᓯᓇᒂᒡ ᒧᔭᒻ ᐸᐃᒄ ᐊᐛᓐ ᐅᒥᒋᑥᐅᓇ ᐅᒋ ᒥᓯᐛ ᐊᐛᓐ ᐊ ᐃᓯ ‍ ᐊᑕᒪᔨᑕᑯᓯᑦ ᒥᒋᑥᐅᓂᔪᐤ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᒋᓴᔅ ᒪᒃ ᐅᑯᐃᔅᑯᑕᑎᓯᐅᓂᒡ ᐊᑯᑕ ᐛᒋᐱᔨᒡ ᒋᓴᒪᓂᑐᐤ ᒥᓯᐛ ᐅᑯᐃᔅᑯᑕᑎᓯᐅᒡ ᒐᒋ ᐃᓯ ‍ ᑭᓄᐛᐱᒥᑯᒡ ᑭᔭ ᒐᒋ ᒥᔭᑦ ᑲᒋᒡ ᐱᒪᑎᓯᐅᓂᔪᐤ᙮
\v 19 ᐸᐃᒄ ᐊᐛᓐ, ᐊᐅᒄ ᐊᑕᒻ, ᐊᓂᔭ ᐊᑲ ᐅᒋ ᓂᓇᐃᑐᐛᑦ ᒋᓴᒪᓂᑐᐛ ᐊᐅᒄ ᐛᒋ ‍ ᒥᓯᐛ ᐊᐛᓐ ᐊᑕᒪᔨᑕᑯᓯᑦ ᐊ ‍ ᒥᒐᑎᓯᑦ᙮ ᐊᓐ ᒪᒃ ᑯᑎᒃ, ᐊᐅᒄ ᒋᓴᔅ, ᓇᔅᒡ ᐊᒋ ‍ ᓂᓇᐃᑐᐛᑦ ᒋᓴᒪᓂᑐᐛ ᐊᑯᑕ ᐛᒋᐱᔨᒡ ᒥᒐᑦ ᐊᐛᓐ ᐊ ‍ ᑯᐃᔅᑯᑕᑎᓯᑦ ᒐᒋ ᐃᓯ ‍ ᑭᓄᐛᐱᒥᑯᑦ ᒋᓴᒪᓂᑐᐛ᙮
\p
\v 20 ᐃᔅᐱ ᑲ ‍ ᐱᔅᑎᓇᐧᒃ ᒋᓴᒪᓂᑐᐤ ᐅᐎᓱᐛᐅᓐ ᐊᑯᑕ ᑲ ᐅᒋ ‍ ᒋᔅᒐᔨᑕᒡ ᐊᐛᓐᒋ ᐊᔅᐱᔅ ᐛᔪᐅᒡ ᒥᒋᑐᑕᒡ᙮ ᒥᒄ ᒪᒃ ᑕᓐᑕ ᑲ ‍ ᐛᔪᐅᒡ ᒥᒋᑐᑕᑭᓄᐅᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ ᐊᑐᐎᔅ ᒋ ‍ ᐊᑐᔅᒐᒥᑭᓂᔪᐤ᙮
\v 21 ᑕᑈ ᑭᑈ ᓱᒋᐱᔪᐤ ᒥᒋᑥᐅᓐ᙮ ᐛᔅ ᓇᔅᒡ ᑎᐸᔨᒥᑯᐅᒡ ᐊᐛᓐᒋ ᐊᐅᒄ ᒪᒃ ᐛᒋ ‍ ᐃᑕᔨᑕᑯᓂᔨᒡ ᒐᒋ ᓂᐱᒡ᙮ ᐊᑐᐎᔅ ᒪᒃ ᒋᓴᒪᓂᑐᐤ ᐅᒋᓴᐛᑎᓯᐅᓐ ᓱᒐᔨᑕᑯᓂᔪᐤ᙮ ᐅᑯᐃᔅᑯᑕᑎᓯᐅᒡ ᒋ ᐊᑎ ᐃᓯ ‍ ᑭᓄᐛᐱᒥᑯᓄᐤ ᐊᓂᔭ ᐅᒋ ᑕᓐ ᑲ ᐃᓯ ‍ ᐃᑐᑎᒪᑎᔨᐧᑯ ᒋᓴᓴ ᒋᑎᐸᔨᒋᒐᓯᒥᓄᐛ᙮ ᐊᑯᑕ ᒪᒃ ᒐᒋ ᐅᒋ ‍ ᐊᔭᐛᐧᒄ ᑲᒋᒡ ᐱᒪᑎᓯᐅᓂᔪᐤ᙮
\c 6
\s1 ᒐᒋ ᓂᐱᒥᑲᒡ ᑕᓐ ᐊᔅᐱᔅ ᑎᐸᔨᒥᑯᔭᐧᒄ ᒥᒋᑥᐅᓐ ᑭᔭ ᙭ ᒐᒋ ᐱᒪᑎᓯᔅᑐᐛᐧᒄ
\s2 Romans 6.1-11 (Proper-7 Year A)
\p
\v 1 ᐊ ‍ ᐃᔅᒋᔄᑦ ᐊᓐ ᐊᐛᓐ ᐊᑯᔅ ᐃᔭᐱᒡ ᒥᒋᑐᑕᑕᐤ ᐊᑐᐎᔅ ᒐᒋ ᓄᑯᑥᑕᐧᒄ ᐊᔅᐱᔅ ᒧᔅ ᐛᔪᒡ ᓱᐛᔨᒪᑦ ᒋᓴᒪᓂᑐᐤ ᐊᐛᔪᐛ᙮ ᒪᐅ ᓂᐸ ᐃᓯ ‍ ᐎᑎᒧᐊᐤ ᐊᓐ ᐊᐛᓐ ᐅᔭ ᐊ ‍ ᐃᔅᒋᔄᑦ᙮
\v 2 ᓇᒪ ᒋᑭ ᒋ ‍ ᐃᓯᓇᑯᓐ ᐅ᙮ ᓇᒪ ᐛᐛᒡ ᒋᐸ ᐅᒋ ᐃᓯ ‍ ᒪᒥᑐᓇᔨᑎᒻ ᐊᐛᓐ᙮ ᒋᐸ ᐃᓯ ‍ ᑭᓄᐛᐱᒥᓱᓇᓄᐤ ᒧᔭᒻ ᐊᒋ ‍ ᓂᐱᔅᑎᒪᐧᒄ ᑕᓐ ᑲ ᐃᓯ ‍ ᑎᐸᔨᒥᑯᔭᐧᒄ ᒥᒋᑥᐅᓐ᙮ ᓇᒪ ᐊᑯ ᒥᒋᑥᐅᓂᒡ ᒋᐸ ᐅᒋ ᐃᓯ ‍ ᐱᒪᑎᓯᓇᓄᐤ᙮
\v 3 ᓇᒪᐎᔾ ᐊ ᒋ ‍ ᒋᔅᒐᔨᑕᓇᐛᐤ ᐃᔅᐱ ᑲ ‍ ᓯᑲᐃᑐᐛᑯᐅᔭᐧᒄ ᒐᒋ ᐎᒐᐛᐧᒄ ᙭ ᒋᓴᔅ, ᐊᑯᑕ ᑲ ‍ ᓄᑯᑕᔭᐧᒄ ᐊᒋ ‍ ᐊᓯᒡ ᓂᐱᒥᑲᒋ ᐛᔅᑭᒡ ᒋᑦ ᐃᑕᑎᓯᐅᓄᐛ ᙭ ᑲ ‍ ᓂᐸᐊᑭᓄᐅᑦ᙮
\v 4 ᐊᐅᑯᓐ ᒪᒃ ᐛᒋ ‍ ᐃᓯᓇᒂᒡ ᑲ ‍ ᓯᑲᐃᑐᐛᑯᐅᔭᐧᒄ ᒧᔭᒻ ᑭᔭ ᒋᔭᓄᐤ ᐊᒋ ‍ ᓇᐃᐧᑲᑯᐅᔭᐧᒄ ᑲ ‍ ᓇᐃᐧᑯᐛᑭᓄᐅᑦ ᑭᔭ ᑲ ‍ ᓂᐸᐊᑭᓄᐅᑦ ᒋᔭᓄᐤ ᑭᔭ ᔅᒋ ‍ ᓂᐸᐃᑯᐅᓇᓄᐤ᙮ ᐅ ᒪᒃ ᐛᒋ ‍ ᐃᓯᓇᒂᒡ ᐊᐅᒄ ᓇᔅᒡ ᒐᒋ ᐅᔅᒐᔨᑕᒂᒡ ᑕᓐ ᐊ ᐃᓯ ‍ ᐱᒪᑎᓯᔭᐧᒄ ᒧᔭᒻ ᑲ ‍ ᐃᔅᐱᔅ ᓇᔅᒡ ᐅᔅᒐᔨᑕᑯᓂᔨᒡ ᙭ ᐅᐱᒪᑎᓯᐅᓐ ᑲ ‍ ᐅᓂᔅᑲᓂᑯᑦ ᐅᑕᐎᒪᐛ ᐅᒋᔅᑕᔨᑕᑯᓱᐤ ᓱᐧᑲᑎᓯᐅᓂᔨᒡ ᐅᒡ᙮
\p
\v 5 ᐊᑯ ᒪᒃ ᐊ ‍ ᐎᒐᐛᐧᒄ ᒋᓴᔅ ᐅᓂᐳᐅᓂᒡ ᒋᑦ ᐃᓯᓇᑯᓯᓇᓄᐤ᙮ ᐊᑯᑕ ᐛᒋ ‍ ᒐᔅᑎᓇᑕᔨᑕᒂᒡ ᒐ ‍ ᐅᓂᔅᑲᓂᑯᐅᔭᐧᒄ ᒧᔭᒻ ᐎᔾ ᐊᒋ ‍ ᐅᓂᔅᑲᓇᑭᓄᐅᑦ᙮
\v 6 ᐛᔅ ᒋ ‍ ᒋᔅᒐᔨᑕᓇᓄᐤ ᐊᓐ ᐛᔅᑭᒡ ᒋᑦ ᐃᑕᑎᓯᐅᓄᐤ ᐊᒋ ‍ ᒋᔅᑕᔎᑕᑭᓄᐅᑦ ᒋᓴᔅ ᑲ ‍ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ᙮ ᐊᓂᔭ ᑲ ‍ ᒋᔅᑕᔎᑕᑭᓄᐅᑦ ᐊᑯᑕ ᑲ ‍ ᓂᓱᐅᓇᑎᓯᒥᑲᒋ ᑕᓐ ᑲ ᐃᓯ ‍ ᑎᐸᔨᒥᑯᔭᐧᒄ ᐛᔅᑭᒡ ᒋᑦ ᐃᑕᑎᓯᐅᓄᐛ ᑭᔭ ᓇᒪ ᓇᔅᒡ ᒋᑭ ᒋ ‍ ᑎᐸᔨᒥᑯᓇᓄᐤ ᐊᑯ ᒥᒐᑎᓯᐅᓐ᙮
\v 7 ᐊᐛᓐ ᐊᒋ ‍ ᓂᐱᑦ ᓇᒪ ᒋᑭ ᒋ ‍ ᑎᐸᔨᒥᑯᐤ ᒥᒐᑎᓯᐅᓂᔪᐤ᙮
\p
\v 8 ᐊᓐ ᒪᒃ ᐊᒋ ‍ ᓂᐸᑕᑭᓄᐅᒋ ᐛᔅᑭᒡ ᒋᑦ ᐃᑕᑎᓯᐅᓄᐛ ᙭ ᑲ ‍ ᓂᐸᐊᑭᓄᐅᑦ, ᒋ ‍ ᑕᑈᑕᓇᓄᐤ ᒐᔅᑎᓇᔅ ᐎᔾ ᙭ ᐊᑯ ᒐ ‍ ᐱᒪᑎᓯᔅᑐᐛᐧᒄ᙮
\v 9 ᒋ ‍ ᒋᔅᒐᔨᑕᓇᓄᐤ ᙭ ᐊᒋ ‍ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒋ᙮ ᓇᒪ ᒪᒃ ᒥᓐ ᒋᑭ ᒋ ‍ ᓂᐳᐤ᙮ ᓇᒪ ᓂᑕ ᒥᓐ ᒋᑭ ᒋ ‍ ᑎᐸᔨᒥᑯᐤ ᓂᐳᐅᓂᔪᐤ᙮
\v 10 ᐛᔅ ᐊᓂᔭ ᑲ ‍ ᓂᐱᑦ ᐊᔪᐅᒄ ᐊᓂᔭ ᒥᒄ ᐸᐃᒂᐤ ᑲ ‍ ᓂᐱᔅᑎᒧᐛᑦ ᐊᓂᔭᔪᐛ ᐊᐛᔪᐛ ᑲ ‍ ᑎᐸᔨᒥᑯᔨᒋ ᒥᒋᑥᐅᓂᔪᐤ᙮ ᐊᑯ ᒪᒃ ᐊᓂᔭ ᐊᓄᒡ ᑲᐤ ᐊ ‍ ᐱᒪᑎᓯᑦ, ᐱᒪᑎᓯᐤ ᒐᒋ ᒋᔅᑕᔨᑕᑯᐊᑦ ᒋᓴᒪᓂᑐᐛ᙮
\p
\v 11 ᒧᔭᒻ ᐊᐛᓐᒋ ᐊ ‍ ᓂᐱᒡ ᐊᑲ ᑎᐸᔨᒥᑯᒡ ᒥᒐᑎᓯᐅᓂᔪᐤ ᐊᑯᓐ ᒋᐸ ᐃᓯ ‍ ᑭᓄᐛᐱᒥᓱᓇᐛᐤ᙮ ᒋ ‍ ᐱᒪᑎᓯᓇᐛᐤ ᐊᑯ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ ᐊ ‍ ᐎᒐᐅᒪᑯ ᒋᓴᔅ ᙭ᑕ᙮
\s2 Romans 6.12-23 (Proper-8 Year A)
\p
\v 12 ᐊᑲᐎᔾ ᒪᒃ ᐅᒋ ᐱᔅᑎᓂᒧᒄ ᒥᒋᑥᐅᓐ ᒐᒋ ᑎᐸᔨᒥᑯᔭᒄ ᒋᐱᒪᑎᓯᐅᓄᐛᒡ᙮
\v 13 ᐊᑲᐎᔾ ᑭᔭ ᓇᔅᒡ ᐱᔅᑎᓂᒥᒄ ᒋᔪᐛᐛ ᒥᒋᑥᐅᓂᒡ ᒐᒋ ᐃᓯ ‍ ᐊᐱᑎᒋ᙮ ᒋᓴᒪᓂᑐᐤ ᐃᔭᐱᒡ ᐱᔅᑕᔨᒥᑎᓱᔅᑐᐛᐧᒄ᙮ ᐊᑯ ᒪᒃ ᒐ ‍ ᐃᓯᓇᑯᓯᔭᒄ ᒧᔭᒻ ᐊᐛᓐᒋ ᐊᒋ ‍ ᓂᐱᒡ ᑲᐤ ᒪᒃ ᐊ ‍ ᐱᒪᑎᓯᒡ᙮ ᓇᔅᒡ ᐱᔅᑎᓂᒧᐛᐧᒄ ᒋᓴᒪᓂᑐᐤ ᒐᒋ ᑎᐸᔨᑕᐧᒃ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐᒋ ᐊᐱᒋᐃᑕᒄ ᒐᒋ ᒥᔪᑐᑎᒺᒄ᙮
\v 14 ᐊᑲᐎᔾ ᐊᑯ ᒋᑭ ᐅᒋ ‍ ᑎᐸᔨᒥᑯᓇᐛᐤ ᒥᒐᑎᓯᐅᓐ ᐛᔅ ᑕᐸ ᐊᑯ ᒥᒄ ᐎᓱᐛᐅᓐ ᐊ ‍ ᓂᓇᐃᑎᒪᒄ ᒋᑭ ᐅᒋ ‍ ᓂᓇᐊᔨᑎᒥᐊᐛᐤ ᒋᓴᒪᓂᑐᐤ᙮ ᐛᔅ ᒋᓴᒪᓂᑐᐤ ᐅᐛᔪᒡ ᓱᐛᔨᒋᒐᐅᓂᒡ ᐊᑯᑕ ᐛᒋ ‍ ᐱᒪᒋᐃᑕᒄ᙮
\s1 ᑯᐃᔅᑯᑕᑎᓯᐅᓐ ᐊᑯ ᒋᑎᐸᔨᒥᑯᓇᓄᐤ
\p
\v 15 ᑕᓐ ᒪᒃ ᒐᒋ ᐃᑎᔭᐧᒄ᙮ ᐃᔭᐱᒡ ᐊ ᒋᑭ ‍ ᒥᒋᑐᑕᓇᓄᐤ ᐎ ᒥᒋᑐᑎᒪᒂ ᐊ ‍ ᒋᔅᒐᔨᑎᒪᐧᒄ ᐊᑲ ᐎᓱᐛᐅᓐ ᑎᐸᔨᒥᑯᔭᐧᒄ, ᐃᔭᐱᒡ ᒋᓴᒪᓂᑐᐤ ᐅᓱᐛᔨᒋᒐᐅᓂᒡ ᐊ ᐃᓯ ‍ ᑭᓄᐛᔨᑕᑯᓯᔭᐧᒄ᙮ ᓇᒪᐎᔾ ᑭᑈ ᐃᓯᓇᑯᓐ ᐅ ᒐᒋ ᐃᑎᔭᐧᒄ᙮
\v 16 ᒋ ‍ ᓂᑐᐛᔨᒥᑎᓇᐛᐤ ᐅ ᒐᒋ ᒋᔅᒋᔭᒄ᙮ ᐱᔅᑕᔨᒥᑎᓱᔅᑐᐛᒂ ᐊᐛᓐ ᒐᒋ ᐅᒋ ‍ ᓇᔅᒡ ᓂᓇᐃᑐᐛᒄ ᒧᔭᒻ ᐊᐱᒋᐊᑭᓐ ᐊ ‍ ᐃᓯᓇᑯᓯᑦ ᐊ ‍ ᓂᓇᐃᑐᐛᑦ ᐅᒋᒪᒪ, ᑭᑈ ᒐ ‍ ᐅᑦ ᐊᐱᒋᐊᑭᓂᑐᑕᑕᒄ ᐊᓐ ᐊᐛᓐ ᑲ ‍ ᐃᑕᔨᑎᒪᒄ ᒐᒋ ᓂᓇᐃᑎᐛᒄ᙮ ᒧᔭᒻ ᒪᒃ ᐊ ‍ ᐃᓯᓇᑯᓯᑦ ᐊᐱᒋᐊᑭᓐ ᒧᔭᒻ ᐊ ‍ ᒪᒋᒂᐱᐧᑲᓱᑦ ᒐᒋ ᓂᓇᐃᑐᐛᑦ ᐅᒋᒪᒪ ᐊᐅᑯᓐ ᒧᔭᒻ ᐊ ‍ ᐃᓯᓇᑯᓯᔭᒄ ᑭᔭ ᒋᔨᐛᐤ᙮ ᒪᒃ ᑲ ‍ ᐱᔅᑕᔨᒥᑎᓱᔅᑎᒧᐛᒂ ᐊᓐ ᑕᓐ ᐊ ᐃᓯ ‍ ᑎᒂᒡ ᐊ ᐎ ‍ ᒥᒋᑐᑎᒪᒄ ᒪᒃ ᒋᓴᒪᓂᑐᐤ ᑲ ‍ ᐱᔅᑕᔨᒥᑎᓱᔅᑐᐛᒂ᙮ ᒧᔭᒻ ᒪᒃ ᑲ ‍ ᐱᔅᑕᔨᒥᑎᓱᔅᑎᒧᐛᒂ ᐊᓐ ᑕᓐ ᐊ ᐃᓯ ‍ ᑎᒂᒡ ᐊ ᐎ ‍ ᒥᒋᑐᑎᒪᒄ ᑭᑈ ᐊᑯᑕ ᒐ ‍ ᐅᒋᐱᔨᒡ ᑲᒋᒡ ᒐ ‍ ᓂᐱᔭᒄ᙮ ᒧᔭᒻ ᒪᒃ ᐎᔾ ᒋᓴᒪᓂᑐᐤ ᑲ ‍ ᐱᔅᑕᔨᒥᑎᓱᔅᑐᐛᒂ ᐊᑯᑕ ᒐ ‍ ᐅᒋᐱᔨᒡ ᒐᒋ ᑯᐃᔅᑯᑕᑎᓯᔭᒄ᙮
\p
\v 17 ᓂᓇᔅᑯᒪᐤ ᒋᓴᒪᓂᑐᐤ ᒋᔨᐛᐤ ᐸᐃᒂᐤ ᑲ ‍ ᐃᓯᓇᑯᓯᔭᒄ ᐊ ‍ ᐅᑦ ᐊᐱᒋᐊᑭᓂᑐᑕᑯᔭᒄ ᒥᒋᑥᐅᓐ, ᐊᒋ ‍ ᐅᑎᒋᐱᔨᒡ ᑕᓐᑕ ᓇᔅᒡ ᑲ ‍ ᐃᑕᔨᑎᒥᐃᑯᔭᒄ ᒐᒋ ᓂᓇᐃᑎᒪᒄ ᒥᔪ ‍ ᒋᔅᑯᑎᒪᒐᐅᓐ ᐃᔅᐱ ᐊ ᐊᑎ ‍ ᐛᐎᑎᒪᑯᐅᔭᒄ᙮
\v 18 ᔅᒋ ‍ ᐎᐧᑯᒋᐃᑯᓇᐛᐤ ᒥᒋᑥᐅᓂᒡ ᐅᒡ ᑭᔭ ᑯᐃᔅᑯᑕᑎᓯᐅᓐ ᒂ ᐊᑎ ‍ ᑎᐸᔨᒥᑯᔭᒄ᙮
\p
\v 19 ᐊᐅᒄ ᐊ ᐃᓯ ‍ ᐃᔨᒥᐃᑎᑯᒡ ᐛᔅ ᐊᑯᑕ ᒥᒄ ᒐᒋ ᐅᒋ ‍ ᓂᔅᑐᑎᒪᒄ᙮ ᐸᐃᒂᐤ ᔅᒋ ‍ ᐃᓯᓇᑯᓯᓇᐛᐤ ᓇᔅᒡ ᐊᒋ ‍ ᐱᔅᑎᓂᓱᔭᒄ ᐎᓂᓱᐛᑎᓯᐅᓐ ᒐᒋ ᑎᐸᔨᒥᑯᔭᒄ ᑭᔭ ᔅᒋ ‍ ᐱᔅᑎᓂᓱᓇᐛᐤ ᐊᔭᔅᒃ ᒐᒋ ᐊᑎ ‍ ᒥᒐᑎᓯᔭᒄ᙮ ᐊᓄᒡ ᒪᒃ ᓇᔅᒡ ᐱᔅᑎᓂᓱᒄ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ‍ ᐱᒧᑕᔭᒄ ᒐᒋ ᐅᒋ ‍ ᐸᔭᒋᓯᔭᒄ ᒋᓴᒪᓂᑐᐤ ᐃᔅ ᐊ ‍ ᑕᑦ᙮
\p
\v 20 ᒪᒂᒡ ᓇᔅᒡ ᑲ ‍ ᑎᐸᔨᒥᑯᔭᒄ ᒥᒋᑥᐅᓐ ᓇᒪ ᓇᔅᒡ ᒋ ᐅᒋ ‍ ᐱᔅᒐᔨᑕᓇᐛᐤ ᑯᐃᔅᑯᑕᑎᓯᐅᓐ᙮
\v 21 ᑕᓐ ᒪᒃ ᑲ ᐃᓯ ‍ ᐎᒋᐃᑯᔨᓐ ᐊᓂᔭ ᒐᒂᔪᐛ ᑲᒋ ‍ ᐃᑐᑎᒥᓐ, ᐊᓂᔭᔪᐛ ᒐᒂᔪᐛ ᓯᔭᒂᔨᒧᐃᑯᔨᓐ ᐊᓄᒡ᙮ ᓂᐳᐅᓂᒡ ᐃᑐᑕᐃᐛᒥᑭᓇ ᐊᓂᔭᔪᐛ ᒐᒂᔪᐛ ᑲᒋ ‍ ᐃᑐᑎᒥᓐ᙮
\v 22 ᐊᓄᒡ ᒪᒃ ᐎ, ᔅᒋ ‍ ᐎᐧᑯᒋᐃᑯᐅᓐ ᒥᒋᑥᐅᓂᒡ ᐅᒡ ᒋᓴᒪᓂᑐᐤ ᐊᑯ ᒐᒋ ᐅᑦ ᐊᐱᒋᐊᑭᓂᑐᑕᔅᒃ᙮ ᐊᑯ ᒪᒃ ᓇᔅᒡ ᒋᓴᒪᓂᑐᐤ ᐊ ‍ ᑕᑦ ᐊᑯ ᐊ ᐃᓯ ‍ ᑎᐸᓂᔅᑕᒡ ᒋᐱᒪᑎᓯᐅᓐ, ᒋᑭ ᐊᑎ ‍ ᐅᑎᑕᓐ ᒪᒃ ᑲᒋᒡ ᐱᒪᑎᓯᐅᓐ᙮
\v 23 ᐛᔅ ᓂᐳᐅᓂᒡ ᐃᑐᑕᐃᑯᐤ ᐊᐛᓐ ᒥᒋᑥᐅᓂᔪᐤ᙮ ᐊᑯ ᐊᓐ ᐊᐛᓐ ᑲ ‍ ᐎᒐᐛᑦ ᒋᓴᔅ ᙭ᑕ ᒋᑎᐸᔨᒋᒐᓯᒥᓄᐛ ᒋᓴᒪᓂᑐᐛ ᓴᒐᔾ ᒥᔨᑯᐤ ᑲᒋᒡ ᐱᒪᑎᓯᐅᓂᔪᐤ᙮
\c 7
\s1 ᐎᒋᒥᑐᐅᓐ ᑭᔭ ᐎᓱᐛᐅᓐ
\p
\v 1 ᒋᔨᐛᐤ ᓂᐧᑲᓂᓯᑐᒄ, ᓂ ‍ ᒐᔅᑎᓇᐅᓐ ᒐ ‍ ᓂᔅᑐᑎᒪᒄ ᑕᓐ ᒐ ᐃᓯ ‍ ᐛᐎᑎᒪᑎᑯᒡ ᐛᔅ ᒋ ‍ ᒋᔅᒐᔨᑕᓇᐛᐤ ᐎᓱᐛᐅᓇ᙮ ᒋ ‍ ᒋᔅᒐᔨᑕᓇᐛᒐ ᒥᒄ ᒐ ᐃᔅᐱᔅ ‍ ᐱᒪᑎᓯᒂ ᐊᐛᓐ ᐅᑕ ᐊᔅᒋᒡ ᐎᓱᐛᐅᓇ ᒋᑭ ‍ ᑎᐸᔨᒥᑯᐤ᙮
\v 2 ᒧᔭᒻ ᐃᔎᐤ ᑕᓐ ᐊ ‍ ᐃᓯᓇᑯᓯᑦ, ᐃᑎᔅᑕᔪᐤ ᐎᓱᐛᐅᓂᒡ ᒐ ᐊᑲ ᒋ ᓂᑭᑕᑦ ᐅᓇᐸᒪ ᐊᔅᒄ ᐊ ‍ ᐱᒪᑎᓯᔨᒋ᙮ ᒧᔭᒻ ᒪᒃ ᐳᓂᐱᒪᑎᓯᒐᓂ ᐊᓂᔭ ᐅᓇᐸᒪ ᐊᑯ ᑭᑈ ᓇᒪ ᐊᑯ ᒋᑭ ‍ ᒪᒪᒋᒂᐱᐧᑲᑎᑯᐤ ᐊᓂᔭ ᐎᓱᐛᐅᓂᔪᐤ᙮
\v 3 ᐅ ᒪᒃ ᑕᓐ ᐊ ‍ ᐃᔅᒋᔄᒥᑲᒡ ᐅ ᐎᓱᐛᐅᓐ ᐅᐱᓯᒂᑎᓯᔎᐤ ᒋᑭ ‍ ᐃᓯᓂᐧᑲᑕᑭᓄᐤ ᐃᔎᐤ ᑯᑎᑲ ᓇᐸᐛ ᐎᒋᒪᒐ ᐊᔅᒄ ᐊ ‍ ᐱᒪᑎᓯᔨᒋ ᐅᓇᐸᒪ᙮ ᓂᐱᒐᓂ ᒪᒃ ᐅᓇᐸᒪ ᐃᔎᐤ ᓇᒪ ᐊᑯ ᒋᑭ ᐅᒋ ‍ ᐊᐱᑎᓂᔪᐤ ᐊᓂᔭ ᓂᐳᐅᐤ ᐎᓱᐛᐅᓂᔪᐤ ᑭᔭ ᓇᒪ ᒋᑭ ᐅᒋ ‍ ᐱᓯᒂᑎᓯᐤ ᐊᑎ ᑯᑎᑲ ᓇᐸᐛ ᐎᒋᒪᒐ᙮
\p
\v 4 ᐊᐅᑯᓐ ᒪᒃ ᒧᔭᒻ ᐊ ‍ ᐃᓯᓇᒂᒡ ᑕᓐ ᑲ ‍ ᐃᑐᑎᒪᑯᐅᔭᒄ, ᓂᐧᑲᓂᓯᑐᒄ᙮ ᐛᔅ ᒧᔭᒻ ᐊᒋ ‍ ᐊᓯᒡ ᒋᔅᑕᔎᐅᑯᐃᔭᒄ ᒋᓴᔅ ᑲ ‍ ᓂᐸᐊᑭᓄᐅᑦ ᐊᐅᒄ ᐊ ‍ ᐃᓯᓇᒂᒡ᙮ ᐊᑯᑕ ᒪᒃ ᐛᒋ ‍ ᐃᓯᓇᒂᒡ ᑯᑎᒃ ᐊᐛᓐ ᐊᑯ ᐊ ‍ ᑎᐸᔨᒥᑕᒄ, ᐊᐅᒄ ᒋᓴᔅ᙮ ᐛᔅ ᒋ ‍ ᐃᑐᑕᑯᐤ ᒋᓴᒪᓂᑐᐛ ᑲᐤ ᒐᒋ ᐱᒪᑎᓯᑦ ᐊᑎ ᐊᒋ ‍ ᓂᐱᑦ ᒐᒋ ᐅᒋ ᒥᔪ ‍ ᐊᐱᒋᐃᑕᒄ ᒋᓴᒪᓂᑐᐤ᙮
\v 5 ᐛᔅ ᐊᔅᒄ ᐛᔅᑭᒡ ᒋᑦ ᐃᑕᑎᓯᐅᓄᐛ ᐊᒋ ‍ ᑎᐸᔨᒥᑯᔭᐧᒄ, ᐊᓐ ᒪᒃ ᐊ ‍ ᑎᒂᒡ ᐎᓱᐛᐅᓐ ᑭᔭ ᐊᒋ ‍ ᒋᔅᒐᔨᑎᒪᐧᒄ ᐊᓐ ᐎᓱᐛᐅᓐ, ᐊᑯᑕ ᑲ ‍ ᐅᒋᐱᔨᒡ ᐊᓐ ᐊ ‍ ᒧᔅᒋᐱᔨᒡ ᒐᒋ ᒥᒋᑐᑎᒪᐧᒄ᙮ ᐅ ᒪᒃ ᐊᒋ ᐃᓯ ‍ ᐱᒪᑎᓯᔭᐧᒄ ᒧᔭᒻ ᐊ ‍ ᓂᐱᔭᐧᒄ ᔅᒋ ‍ ᐃᓯᓇᑯᓯᓇᓄᐤ᙮
\v 6 ᐊᓄᒡ ᒪᒃ ᓴᔅ ᔅᒋ ‍ ᐎᐧᑯᒋᐃᑯᓇᓄᐤ ᑕᓐ ᑲ ᐃᓯ ‍ ᒪᒋᒂᐱᐧᑲᑎᑯᔭᐧᒄ ᐎᓱᐛᐅᓐ, ᐛᔅ ᒋᒋᐛ ᔅᒋ ‍ ᓂᑭᑕᓇᓄᐤ ᐊᓐ ᐃᑕᑎᓯᐅᓐ ᓇᔅᒡ ᑲᒋ ‍ ᑎᐸᔨᒥᑯᔭᐧᒄ᙮ ᓇᒪ ᐊᑯ ᐊᓐ ᐛᔅᑭᒡ ᐎᓱᐛᐅᓐ ᒋ ‍ ᓂᓇᐃᑕᓇᓄᐤ᙮ ᒋᓴᒪᓂᑐᐤ ᐊᐅᒄ ᓂᓇᐃᑐᐛᐧᒄ ᐊᑯ, ᑲ ‍ ᐸᔭᒋᓯᑦ ᐊᒐᐧᒄ ᐊ ‍ ᐎᒋᐃᑕᐧᒄ᙮
\s1 ᐎᓱᐛᐅᓐ ᑭᔭ ᒥᒋᑥᐅᓐ
\p
\v 7 ᐊ ‍ ᐃᔅᒋᔄᑦ ᐊᓐ ᐊᐛᓐ, ᒪᔭᑎᓄᒐ ᐊᓐ ᐎᓱᐛᐅᓐ ᐛᔅ ᐊᑯᑕ ᑲ ‍ ᐅᒋᐱᔨᒡ ᐊᓐ ᒐᒋ ᒥᒋᑐᑎᒪᓐ᙮ ᒪᐅ ᓂᐸ ᐃᓯ ‍ ᐎᑎᒧᐊᐤ ᐅ ᐊᐛᓐ, ᑕᐸ ᓇᒪᔭᐤ ᐊᓐ ᐎᓱᐛᐅᓐ ᑲ ‍ ᐃᑐᑕᑯᔭᓐ ᒐᒋ ᒥᒋᑐᑎᒪᓐ᙮ ᒥᒄ ᒪᒃ ᐊᑯᑕ ᑲ ᐅᒋ ‍ ᒋᔅᒐᔨᑎᒪᓐ ᑕᑈ ᐊ ‍ ᒥᒋᑐᑎᒪᓐ ᐊᓐᑕ ᐅᒋ ᑕᓐ ᐊ ‍ ᐃᑎᓱᐛᒥᑲᒡ ᐊᓐ ᐎᓱᐛᐅᓐ᙮ ᒧᔭᒻ ᐊᓐᑕ ᐊᓐ ᑲ ‍ ᐃᑎᔅᑕᒡ, “ᐊᑲᐎᔾ ᒥᒋ ‍ ᒧᔅᑕᓇᒪᒐ,” ᐊᑯᑕ ᑲ ᐅᒋ ‍ ᒋᔅᒐᔨᑎᒪᓐ ᐊ ‍ ᒥᒋᑐᑎᒪᓐ ᐊ ᒥᒋ ‍ ᒧᔅᑕᓇᒪᒐᔭᓐ᙮
\v 8 ᐊᓐᑕ ᒪᒃ ᐊᓐ ᑲ ‍ ᐃᑎᔅᑕᒡ ᐎᓱᐛᐅᓂᒡ ᒐ ᐊᑲ ᒋ ᒥᒋ ‍ ᒧᔅᑕᓇᒪᒐᑦ ᐊᐛᓐ ᐊᑯᑕ ᑲ ‍ ᐅᒋᐱᔨᒡ ᐊᓐ ᓂᓇᐧᑯᐤ ᒐᒋ ᐃᓯ ᒥᒋ ‍ ᒧᔅᑕᓇᒪᒐᔭᓐ᙮ ᓇᒪ ᒋᐸ ᐅᒋ ‍ ᒋᔅᒐᔨᑎᒻ ᐊᐛᓐ ᐊ ‍ ᒥᒋᑐᑕᐧᒃ ᐊᑲ ᐅᒋ ᑎᑯᓂᔪᐛᑯᐱᓇᓂ ᐎᓱᐛᐅᓇ᙮
\v 9 ᐅᑕᒡ ᓂᒋ ᐃᓯ ‍ ᐱᒪᑎᓯᓐ ᐊᑲ ᒋᔅᒐᔨᑎᒪᓐ ᑕᓐ ᐊ ‍ ᐃᑎᓱᐛᒥᑲᒡ ᐎᓱᐛᐅᓐ᙮ ᐃᔅᐱ ᒪᒃ ᑲ ‍ ᒋᔅᒐᔨᑎᒪᓐ ᐃᑎᓱᐛᐅᓐ ᑕᓐ ᐊᔅᒋᔄᒥᑲᒡ, ᐊᑯᑕ ᑲ ᐅᒋ ‍ ᒋᔅᒐᔨᑎᒪᓐ ᐊ ‍ ᒥᒐᑎᓯᔭᓐ ᑭᔭ ᒧᔭᒻ ᐊ ‍ ᓂᐱᔭᓐ ᐊ ‍ ᐃᓯᓇᑯᓯᔭᓐ᙮
\v 10 ᐊᑯ ᐊᓐ ᐎᓱᐛᐅᓐ ᑲ ‍ ᒥᔨᐛᓄᐅᒡ ᐊᓐᑕ ᒐᒋ ᐅᒋ ‍ ᐱᒪᑎᓯᔅᑐᐅᐧᒄ ᒋᓴᒪᓂᑐᐤ, ᐊᑯᑕ ᑲ ᐅᒋ ‍ ᒋᔅᒐᔨᑎᒪᓐ ᐊ ‍ ᓂᐱᔭᓐ᙮
\v 11 ᒋᓴᒪᓂᑐᐤ ᐅᑦ ᐃᑎᓱᐛᐅᓂᒡ ᒋ ᐅᒋ ‍ ᓇᐃᐱᔨᐃᓱᒥᑭᓐ ᒥᒋᑥᐅᓐ ᒐᒋ ᐎᔭᓯᒥᑯᔭᓐ᙮ ᐊᐅᒄ ᒪᒃ ᐅ ᒥᒋᑥᐅᓐ ᑲ ‍ ᓂᐸᐃᑯᔭᓐ᙮
\p
\v 12 ᐊᑯᑕ ᒪᒃ ᐛᒋ ‍ ᐛᐸᑎᒪᓐ ᐊ ‍ ᐸᔭᐧᑲᒡ ᐎᓱᐛᐅᓐ᙮ ᑭᔭ ᒥᓯᐛ ᑕᓐ ᐊᑎᓱᐛᒥᑲᒋ ᐊᓂᔭᔪᐛ ᑭᔅᒐᔎᐅᓇ ᐊᓐᑕ ᐎᓱᐛᐅᓂᒡ ᐸᔭᒋᓯᒥᑭᓇ, ᑕᑈᒥᑭᓇ, ᑭᔭ ᒥᔽᐛ᙮
\p
\v 13 ᐊᐅ ᐊ ᒪᒃ ᐊ ‍ ᐃᓯᓇᒂᒡ ᐊᓐ ᑲ ‍ ᒥᔽᓯᒡ ᓂᐳᐅᓂᒡ ᒐᒋ ᐃᑐᑕᐃᑯᔭᓐ ? ᓇᒪᐎᔾ ᑭᑈ᙮ ᒥᒋᑥᐅᓐ ᐊᐅᒄ ᓂᐳᐅᓂᒡ ᑲ ‍ ᐃᑐᑕᐃᑯᔭᓐ᙮ ᐊᓐ ᒐᒂᓐ ᐊ ‍ ᒥᔽᓯᒡ ᐊᑯᑕ ᑲ ‍ ᐅᒋᐱᔪᐅᒥᑲᒡ ᒥᒋᑥᐅᓐ ᓂᐳᐅᓂᒡ ᒐᒋ ᐃᑐᑕᐃᑯᔭᓐ᙮ ᐊᑯᑕ ᒪᒃ ᑲ ᐅᒋ ‍ ᓄᑯᑕᑭᓄᐅᒡ ᑕᓐ ᐊᓐ ᐊ ‍ ᐃᑕᔨᑕᒂᒡ ᒥᒋᑥᐅᓐ᙮ ᐎᓱᐛᐅᓂᒡ ᐊᑯᑕ ᑲ ᐅᒋ ‍ ᓄᑯᑕᑭᓄᐅᒡ ᑕᓐ ᐊᔅᐱᔅ ᐊᑐᐎᔅ ᒪᔭᑎᒡ ᒥᒋᑥᐅᓐ᙮
\s1 ᑕᓐ ᐊ ᐃᓯ ‍ ᒪᓯᒐᐱᔨᒡ ᐊᐛᓐ ᐊ ‍ ᑕᑦ
\p
\v 14 vvᑉ ᒋ ‍ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑦ ᐊᒐᒂ ᐊ ‍ ᑕᔨᒋ ᐊᒋ ‍ ᐅᒋᐱᔨᒡ ᐅ ᐎᓱᐛᐅᓐ᙮ ᓂᔾ ᐎ, ᓂ ‍ ᐎᔭᓱᐤ ᐱᒪᑎᓯᓐ ᓂᔾ᙮ ᒧᔭᒻ ᐊᐛᓐ ᑲ ‍ ᐅᑦ ᐊᐱᒋᐊᑭᓂᑐᑐᐛᑭᓄᐅᑦ ᐊᐅᑯᓐ ᐊ ‍ ᐃᑐᑕᑯᔭᓐ ᒥᒋᑥᐅᓐ᙮
\s2 Romans 7.15-25 (Proper-9 Year A)
\p
\v 15 ᓇᒪ ᓂ ‍ ᓂᔅᑐᑕᓐ ᒐᒂᓐ ᐛᒋ ‍ ᐃᑐᑎᒪᓐ ᒐᒂᓐ ᐊ ‍ ᐃᑐᑎᒪᓐ᙮ ᓴᔅ ᓇᒪ ᓂᑦ ᐃᑐᑕᓐ ᐊᓐ ᑲ ᐎ ‍ ᐃᑐᑎᒪᓐ, ᐃᔭᐱᒡ ᐊᓐ ᐊᑲ ᒥᔽᔨᑎᒪᓐ ᐊᐅᑯᓐ ᐊᓐ ᐊ ‍ ᐃᑐᑎᒪᓐ᙮
\v 16 ᒧᔭᒻ ᐊ ‍ ᐃᑐᑎᒧᐛᓇ ᐊᓐ ᐊᑲ ᐛ ᐃᑐᑎᒪᓐ ᐊᑯᑕ ᐛᒋ ‍ ᓄᒂᒡ ᐊ ‍ ᑕᑈᑎᒪᓐ ᐊ ‍ ᒥᔽᓯᒡ ᐎᓱᐛᐅᓐ᙮
\v 17 ᓇᒪᔭᐤ ᒪᒃ ᑕᑈ ᓂᔾ ᑲ ‍ ᐃᑐᑎᒪᓐ ᐊᓐ ᐊᑲ ᒥᔽᔨᑎᒪᓐ ᐊ ‍ ᐃᑐᑎᒪᓐ᙮ ᐊᐅᒄ ᐊᓐ ᒥᒋᑥᐅᓐ ᐅᑕ ᐊ ‍ ᑕᔭᓐ ᑲ ‍ ᑎᒂᒡ ᑲ ‍ ᐃᑐᑕᑯᔭᓐ᙮
\v 18 ᓂ ‍ ᒋᔅᒐᔨᑕᓐ ᐊᑲ ᓇᔅᒡ ᒋ ‍ ᒥᔪᑐᑎᒪᓐ ᓂᔾ ᑎᐱᔨᐛ ᐊ ᐎ ‍ ᒥᔪᑐᑎᒪᓐ, ᐅᑕ ᑭᑈ ᓇᒪ ᐅᒡ ᓂᐱᒪᑎᓯᐅᓂᒡ᙮ ᐊᑎ ᐊ ‍ ᑎᒂᒡ ᐊ ᐎ ‍ ᒥᔪᑐᑎᒪᓐ ᓇᒪ ᐃᔭᐱᒡ ᓂᒋ ‍ ᒥᔪᑐᑕᓐ᙮
\v 19 ᐛᔅ ᑕᐸ ᓂᑦ ᐃᑐᑕᓐ ᐊᓐ ᐛ ᐃᓯ ‍ ᒥᔪᑐᑎᒪᓐ᙮ ᐊᓐ ᑲ ‍ ᒪᔭᑎᒡ ᐊᑲ ᐎ ᐃᑐᑎᒪᓐ ᐊᐅᑯᓐ ᐊ ᐊᑎ ‍ ᐃᑐᑎᒪᓐ᙮
\v 20 ᒧᔭᒻ ᒪᒃ ᐊ ‍ ᐃᑐᑎᒪᓐ ᐊᓐ ᐊᑲ ᐎ ᐃᑐᑎᒪᓐ, ᓇᒪᔭᐤ ᓂᔾ ᑲ ‍ ᐃᑐᑎᒪᓐ ᐊᓐ᙮ ᐊᓐ ᒥᒋᑥᐅᓐ ᐅᑕ ᐊ ‍ ᑕᔭᓐ ᑲ ‍ ᑎᒂᒡ ᐊᐅᑯᓐ ᐊᓐ ᑲ ‍ ᐃᑐᑕᑯᔭᓐ ᐅ ᒐᒋ ᐃᑎᔭᓐ᙮
\p
\v 21 ᒪᐅ ᒪᒃ ᐊ ᐃᓯ ‍ ᐛᐸᑎᒪᓐ ᒧᔅ ᐊ ‍ ᐃᔅᐱᔨᔭᓐ᙮ ᐊᑎ ᐛ ᒥᔪᑐᑎᒪᓂ ᔭᐃᑕᔾ ᒧᔅ ᐊᔅᒋᐱᔪᐤ ᐊ ᐎ ‍ ᒥᒋᑐᑎᒪᓐ᙮
\v 22 ᐅᑕ ᐱᒡ ᐊ ‍ ᑕᔭᓐ ᓇᔅᒡ ᓂ ‍ ᒥᔽᔨᑎᒥᐃᑯᐛᓐ ᒋᓴᒪᓂᑐᐤ ᐅᐎᓱᐛᐅᓐ᙮
\v 23 ᐊᑯ ᒥᒄ ᒪᐅ ᐊ ᐃᓯ ‍ ᐛᐸᑎᒪᓐ ᒧᔅ ᐊ ᐎ ‍ ᐃᔅᐱᔨᔭᓐ᙮ ᑎᑯᓐ ᐊ ᐃᓯ ‍ ᒪᓯᒐᐱᔨᒡ ᐅᑕ ᐊ ‍ ᑕᔭᓐ, ᐊᓐ ᐊ ᐎ ‍ ᒥᔪᑐᑎᒪᓐ ᑭᔭ ᐊᓐ ᐊ ᐎ ‍ ᒥᒋᑐᑎᒪᓐ ᒪᓯᒐᐱᔨᐛ᙮ ᐊᓐ ᒪᒃ ᒧᔅ ᐊ ‍ ᑎᒂᒡ ᐊ ᐎ ‍ ᒥᒋᑐᑎᒪᓐ ᐊᐅᒄ ᑕᐸᔨᒥᑯᔭᓐ᙮
\v 24 ᑕᑈ ᑭᑈ ᓂ ‍ ᐅᔅᑕᐱᔨᓐ ! ᐊᐛᓐ ᒪᒃ ᒐ ᐸᒋ ‍ ᐎᐧᑯᒋᐃᑦ ᐅᑕ ᐅᔭ ᒥᔭᔪᐤ ᒐ ‍ ᓂᐱᒥᑭᓂᔨᒡ ?
\v 25 ᓂᓇᔅᑯᒪᑕᐤ ᒋᓴᒪᓂᑐᐤ ᐊᓐ ᐛᒋᐃᑕᐧᒄ ᒋᓴᔅ ᙭ ᐅᒡ !
\p ᒪᐅ ᐊ ‍ ᐃᔅᐱᔨᔭᓐ᙮ ᓂᔾ ᐅᑕ ᑎᐱᔨᐛ ᐊ ‍ ᑕᔭᓐ ᓂ ‍ ᒥᔽᔨᑎᒥᐃᑯᐛᓐ ᒋᓴᒪᓂᑐᐤ ᐅᐎᓱᐛᐅᓐ ᑭᔭ ᓂ ᐎ ‍ ᓂᓇᐃᑎᒺᓐ᙮ ᒥᒄ ᒪᒃ ᐊᓐᑕ ᑕᓐ ᐊ ᐃᓯ ‍ ᐱᒪᑎᓯᔭᓐ ᑎᑯᓐ ᐊ ᐃᓯ ‍ ᐅᑦ ᐊᐱᒋᐊᑭᓂᑐᑕᑯᔭᓐ ᒥᒋᑥᐅᓐ᙮
\c 8
\s1 ᐊᓂᔭ ᐱᒪᑎᓯᐅᓂᔪᐤ ᑲ ‍ ᐸᔭᒋᓯᑦ ᐊᒐᐧᒄ ᒪᔭᑦ ᐊᐛᔪᐛ
\s2 Romans 8.1-11 (Proper-10 Year A)
\p
\v 1 ᓇᒪ ᐊᑯ ᓂᓱᐅᓇᒋᒥᑯᐅᒡ ᒋᓴᒪᓂᑐᐛ ᐊᓐᒡ ᐊᐛᓐᒋ ᒋᓴᔅ ᙭ᑕ ᑲ ‍ ᐎᒐᐛᒡ᙮
\v 2 ᐛᔅ ᒋᓴᒪᓂᑐᐤ ᐅᑦ ᐊᒐᒂ ᒋᑦ ᐃᑐᑕᑭᓄᐤ ᒐᒋ ᐱᒪᑎᓯᔭᐧᒄ ᙭ ᒋᓴᓴ ᐅᒡ᙮ ᐊᐅᒄ ᑲ ‍ ᐊᐱᐧᑯᓂᑦ ᑕᓐ ᑲ ᐃᓯ ‍ ᑎᐸᔨᒥᑯᐅᒡ ᒥᒐᑎᓯᐅᓂᔪᐤ ᑭᔭ ᓂᐳᐅᓂᔪᐤ᙮
\v 3 ᒥᓯᐛ ᐊᐛᓐ ᓇᒪ ᐅᒋ ᐃᑐᐤ ᓇᔅᒡ ᒐᒋ ᓂᓇᐃᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒐᒋ ᐅᒋ ‍ ᐱᒪᒋᐅᑦ᙮ ᐊᑯ ᒪᒃ ᒋᓴᒪᓂᑐᐤ ᒂ ᐸᒋ ‍ ᐃᑎᓴᐛᑦ ᐅᑯᓴ ᒧᔭᒻ ᒋᔭᓄᐤ ᐊ ‍ ᐃᓯᓇᑯᓱᐛᐧᒄ ᒐᒋ ᐃᓯᓇᑯᓯᔨᒋ᙮ ᒋ ᐸᒋ ‍ ᐃᑎᓴᐛᐤ ᒐᒋ ᓂᐱᔅᑎᒪᑎᑕᐧᑯ᙮ ᐊᑯᑕ ᐅ ᑲ ᐅᒋ ‍ ᓂᓱᐅᓇᒋᑕᑦ ᑕᓐ ᑲ ᐃᓯ ‍ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ᙮
\v 4 ᒋ ‍ ᐃᑐᑎᒻ ᐅᔭ ᒐᒋ ᐅᒋ ‍ ᓇᔅᒡ ᑎᐸᑐᑎᒪᐧᒄ ᑕᓐ ᐊ ᐃᓯ ‍ ᑯᐃᔅᒄ ᐃᑕᔨᑕᑯᓂᔨᒡ ᐊ ‍ ᐃᑎᓱᐛᒥᑭᓂᔨᒡ ᐅᐎᓱᐛᐅᓐ᙮ ᑲ ‍ ᐸᔭᒋᓯᑦ ᐊᒐᐧᒄ ᐊ ‍ ᑎᐸᔨᒥᑕᐧᒄ ᐊᑯ ᐃᔭᒄ ᒐᒋ ᐃᑐᑎᒪᐧᒄ ᐅ ᓇᒪ ᐎ ᒋᒥᒐᑎᓯᐅᓄᐛ ᐊ ‍ ᑎᐸᔨᒥᑯᔭᐧᒄ᙮
\p
\v 5 ᐊᓐᒡ ᒥᒄ ᐊ ᐃᓯ ‍ ᐛᐸᒥᐱᔨᒡ ᒐᒋ ᒥᒐᑎᓯᒡ ᑲ ᐃᓯ ‍ ᐱᒪᑎᓯᒡ, ᒥᒄ ᐎᔨᐛᐤ ᓂᑎᒥᒄ ᒐᒋ ᐃᓯ ‍ ᓂᓇᐊᔨᑎᒥᐃᓱᒡ ᐃᓯ ‍ ᒪᒥᑐᓇᔨᑎᒧᒡ᙮ ᐊᑯ ᐊᓐᒡ ᑲ ‍ ᐸᔭᒋᓯᔨᒋ ᐊᒐᒂ ᑲ ‍ ᐱᔅᑎᓇᒡ ᒐᒋ ᑎᐸᔨᒥᑯᒡ ᑕᓐ ᒐ ᐃᓯ ‍ ᐱᒪᑎᓯᒡ, ᐱᓯᒄ ᒐᒋ ᓂᓇᐊᔨᑎᒥᐊᒡ ᑲ ‍ ᐸᔭᒋᓯᔨᒋ ᐊᒐᒂ ᐃᓯ ‍ ᒪᒥᑐᓇᔨᑎᒧᒡ᙮
\s2 Romans 8.6-11 (Lent-5 Year A)
\p
\v 6 ᒥᒄ ᓂᑎᒥᒄ ᐎᓯ ‍ ᓂᓇᐊᔨᑎᒥᐃᓱᒐ ᐊᐛᓐ, ᒋᑭ ‍ ᓂᐸᐃᑯᐤ ᐅᔭ ᐊ ‍ ᐃᑎᑦ᙮ ᐱᓯᒄ ᑲ ‍ ᐸᔭᒋᓯᔨᒋ ᐊᒐᒂ ᒐᒋ ᓂᓇᐊᔨᑎᒥᐊᑦ ᐊ ᐃᓯ ‍ ᒪᒥᑐᓇᔨᑕᐧᒃ ᐊᐛᓐ ᐱᒪᑎᓯᐅᓂᔪᐤ ᑭᔭ ᒋᔭᒪᔨᑎᒧᐅᓂᔪᐤ ᐊᔭᐤ᙮
\v 7 ᐛᔅ ᐊᓐᒡ ᓂᑎᒥᒄ ᒐᒋ ᐃᓯ ‍ ᓂᓇᐊᔨᑎᒥᐃᓱᒡ ᑲ ᐃᓯ ‍ ᒪᒥᑐᓇᔨᑕᒡ ᓂᔅᑯᔅᑐᐛᐅᒡ ᒋᓴᒪᓂᑐᐛ᙮ ᓇᒪ ᐃᑐᑎᒺᐅᒡ ᑕᓐ ᐊ ‍ ᐃᑎᓱᐛᔨᒋ᙮ ᓇᒪ ᐛᐛᒡ ᒋ ‍ ᐃᑐᑎᒺᐅᒡ᙮
\v 8 ᐊᓐᒡ ᓂᑎᒥᒄ ᑲ ᐃᓯ ‍ ᐱᒪᑎᓯᒡ ᓇᒪ ᒋᑭ ᒋ ‍ ᓇᐊᔨᑎᒪᐊᐅᒡ ᒋᓴᒪᓂᑐᐛ᙮
\p
\v 9 ᒋᔨᐛᐤ ᒪᒃ ᐎ, ᓇᒪ ᒋ ‍ ᑎᐸᔨᒥᑯᓇᐛᐤ ᓂᑎᒥᒄ ᐊ ᐎ ᐃᓯ ‍ ᓇᐊᔨᑎᒥᐃᓱᔭᒄ᙮ ᑲ ‍ ᐸᔭᒋᓯᑦ ᐊᒐᐧᒄ ᐊᐅᒄ ᑕᐸᔨᒥᑕᒄ ᒧᔭᒻ ᑕᑈ ᐸᒋᔅᑲᑕᒂ᙮ ᐊᐛᓐ ᒪᒃ ᐊᑲ ᐸᒋᔅᑲᑯᒂ ᑲ ‍ ᐸᔭᒋᓯᔨᒋ ᐊᒐᒂ ᓇᒪ ᑎᐱᔨᐛᐅᓯᑐᑕᑯᐤ ᒋᓴᓴ᙮
\v 10 ᙭ ᒪᒃ ᐊ ‍ ᐱᒋᔅᑲᑕᒄ ᐊᑯᑕ ᐛᒋ ‍ ᐃᔅᐱᔨᒡ ᑕᑈ ᒐᒋ ᐱᒪᑎᓯᒡ ᒋᑦ ᐊᒐᐧᑯᐛᐅᒡ ᐛᔅ ᐊ ‍ ᑯᐃᔅᑯᑕᑎᓯᐛᒄ ᒋ ᐊᑎ ᐃᓯ ‍ ᑭᓄᐛᐱᒥᑯᐛᐤ ᒋᓴᒪᓂᑐᐤ, ᐊᑎ ᐊᓄᒡ ᐊ ᐊᑎ ‍ ᓂᐱᒥᑲᒋ ᒋᔪᐛᐛ ᐊᓐ ᐅᒋ ᐊ ‍ ᒥᒐᑎᓯᔭᒄ᙮
\v 11 ᒧᔭᒻ ᐸᒋᔅᑲᑎᔨᑕᑯ ᐅ ᐸᔭᒋᓯᔪᐤ ᐊᒐᒂ ᐊᓐ ᑲ ‍ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ, ᒐᔅᑎᓇᔅ ᒋᑭ ‍ ᐅᓂᔅᑲᓂᑯᐛᐤ ᑭᔭ ᒋᔨᐛᐤ ᓂᐳᐅᓂᒡ ᐅᒡ ᐊᓂᔭᔪᐛ ᐅ ᑲ ‍ ᐸᔭᒋᓯᔪᐤ ᐊᒐᒂ ᐅᒋ᙮ ᐊᑯᑕ ᒪᒃ ᒐᒋ ᐅᒋ ‍ ᐱᒪᒋᑕᑭᓄᐅᒋ ᐊᓂᔭᔪᐛ ᒋᔪᐛᐛ ᑲ ‍ ᐃᓯᓇᒂᒋ ᒐ ‍ ᓂᐱᒥᑲᒋ᙮
\s2 Romans 8.12-17 (Trinity Year B; Proper-11 Year A)
\p
\v 12 ᓂᐧᑲᓂᓯᑐᒄ, ᒋ ‍ ᓂᑐᐛᔨᑕᑯᓯᓇᓄᐤ ᐊᑲ ᐎᔭᓱᐅᓂᒡ ᒐᒋ ᐃᓯ ‍ ᐱᒪᑎᓯᔭᐧᒄ, ᓇᒪ ᒋᐸ ᐅᒋ ᐃᓯ ‍ ᐱᒪᑎᓯᓇᓄᐤ ᑕᓐ ᐊ ᐃᓯ ‍ ᓂᑐᐛᔨᑎᒧᒥᑲᒋ ᒋᔭᓯᓄᐛ᙮
\v 13 ᐛᔅ ᐊᓐ ᐃᓯ ᐱᒪᑎᓯᔨᓇ ᑕᓐ ᐊ ᐃᓯ ‍ ᓂᑐᐛᔨᑎᒧᒥᑲᒡ ᒋᐎᔭᔅ, ᒋᑭ ‍ ᓂᐱᓐ᙮ ᐱᔅᑎᓂᑕ ᒪᒃ ᑲ ‍ ᐸᔭᒋᓯᑦ ᐊᒐᐧᒄ ᒐᒋ ᐎᒋᐃᔅᒃ ᒐᒋ ᐳᓂᑕᐅᑦ ᑕᓐ ᐛ ᐃᓯ ‍ ᐛᒋᐱᔨᒡ ᒐᒋ ᒥᒋᑐᑎᒧᑦ ᐊᑯ ᑭᑈ ᑕᑈ ᒐ ‍ ᐱᒪᑎᓯᔨᓐ᙮
\p
\v 14 ᒥᓯᐛ ᐊᓐᒡ ᑲ ‍ ᐸᔭᒋᓯᔨᒋ ᐊᒐᒂ ᑲ ‍ ᒋᔅᒋᓄᑕᐃᑯᒡ ᒋᓴᒪᓂᑐᐛ ᐅᑦ ᐊᐛᓯᒥᑕᑯᐅᒡ᙮
\v 15 ᐛᔅ ᑕᐸ ᒋᑦ ᐃᑐᑕᑯᐛᐤ ᐊᓐ ᐊᒐᐧᒄ ᒋᓴᒪᓂᑐᐤ ᑲ ‍ ᒥᔨᑕᒄ ᑲᐤ ᒐᒋ ᑎᐸᔨᒥᑯᐛᒄ ᓴᒋᓱᐅᓂᔪᐤ᙮ ᐅ ᐊᒐᐧᒄ ᐅᒋ ᐊᑯᑕ ᐛᒋ ‍ ᐃᓯᐃᑕᒄ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑕᑕᒄ ᑭᔭ ᒐᒋ ᐃᑕᐧᒄ, “ᓄᑕ, ᓄᑕᐎᔾ᙮”
\v 16 ᑲ ‍ ᐸᔭᒋᓯᑦ ᐊᒐᐧᒄ ᒋ ‍ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᑕᑈ ᒋᓴᒪᓂᑐᐤ ᐊ ‍ ᐅᑦ ᐊᐛᓯᒥᑕᑕᐧᒄ᙮
\v 17 ᐊᑯ ᒪᒃ ᐊ ‍ ᐅᑦ ᐊᐛᓯᒥᑕᑕᐧᒄ ᒋᓴᒪᓂᑐᐤ ᒐᔅᑎᓇᔅ ᒋᑭ ‍ ᒥᔨᑯᓄᐤ ᐊᓂᔭᔪᐛ ᑲ ᐃᓯ ‍ ᒥᔽᓯᔨᒋ ᓱᐛᔨᒋᒐᐅᓇ ᑲ ‍ ᐊᔭᔅᑯᔅᑎᒧᐛᑦ ᐅᑦ ᐊᐛᓯᒪ᙮ ᑭᔭ ᑕᐱᔅᑯᓐ ᒋᓴᔅ ᑭᔭ ᒋᔭᓄᐤ ᒋᑭ ‍ ᐊᔭᓇᓄᐤ ᑕᓐ ᑲ ᐃᓯ ‍ ᐊᔭᔅᑯᔅᑎᒧᐛᑭᓄᐅᑦ ᒋᓴᔅ᙮ ᐛᔅ ᒧᔭᒻ ᐎᒋ ‍ ᓂᓇᐧᑲᑕᔨᒧᒪᒂ ᒋᓴᔅ ᐊᓂᔭ ᐊ ‍ ᑕᑈᔭᔨᒪᐧᒄ ᑭᔭ ᒋᔭᓄᐤ ᒋᑭ ‍ ᒋᔅᑕᔨᑕᑯᐃᑯᓇᓄᐤ ᒋᔅᑕᔨᑕᑯᐊᑭᓄᐅᒐ᙮
\s1 ᐊᔅᒄ ᒋᑭ ‍ ᒋᔅᑕᔨᑕᑯᐃᑯᓇᓄᐤ
\p
\v 18 ᓂᔾ ᐊ ‍ ᐃᑕᔨᑎᒪᓐ ᑕᓐ ᐊ ᐃᓯ ‍ ᓂᓇᐧᑲᑕᔨᒧᔭᐧᒄ ᐊᓄᒡ ᓇᒪ ᓇᔅᒡ ᒐᒂᓐ ᒋᑭ ᐅᒋ ‍ ᐃᑕᔨᑕᑯᓐ ᒐ ‍ ᐃᑕᔨᑕᒂᒡ ᐃᔅᐱ ᐅᑎᒋᐱᔨᒐ ᐊᓐᑕ ᒐ ‍ ᒋᔅᑕᔨᑕᑯᐃᑕᐧᒄ ᒋᓴᒪᓂᑐᐤ᙮
\v 19 ᒥᓯᐛ ᒐᒂᔪᐤ ᑕᓐ ᑲ ᐃᓯ ‍ ᐅᓯᑕᑦ ᒋᓴᒪᓂᑐᐤ ᓇᔅᒡ ᐱᒂᔨᑎᒧᒥᑭᓂᔪᐤ ᐊ ‍ ᐊᓱᐛᐸᑎᒧᒥᑭᓂᔨᒡ ᒐ ‍ ᐃᔅᐱᔅ ᒧᓴ ᓄᑯᐊᑦ ᐅᑦ ᐊᐛᓯᒪ᙮
\v 20 ᐛᔅ ᒥᓯᐛ ᒐᒂᔪᐤ ᑲ ᐃᓯ ‍ ᐅᓯᑕᑦ ᒋᓴᒪᓂᑐᐤ ᒋ ‍ ᐅᓯᑕᐤ ᒐᒃ ᒐᒋ ᐊᑎ ‍ ᐅᓂᑎᓂᔨᒡ᙮ ᓇᒪᔭᐤ ᒪᒃ ᐅ ᑲ ᐃᓯ ‍ ᓂᑐᐛᔨᑎᒧᒥᑲᒡ ᒥᓯᐛ ᐊᓐ ᑲ ᐃᓯ ‍ ᐅᓯᑕᑭᓄᐅᒡ ᒐᒋ ᐃᓯᓇᒂᒡ᙮ ᐎᔾ ᒋᓴᒪᓂᑐᐤ ᑲ ‍ ᐃᑕᔨᑕᐧᒃ ᐅᔭ ᒐᒋ ᐃᓯᓇᑯᓂᔨᒡ᙮
\v 21 ᐃᔭᐱᒡ ᒪᒃ ᒋ ‍ ᐃᑕᔨᑎᒻ ᐊᔅᒄ ᐸᐃᒂᐤ ᐊ ‍ ᒋᓯᑲᔨᒡ ᑲᐤ ᒐ ‍ ᐃᓯᑕᑦ ᒥᓯᐛ ᑕᓐ ᑲ ᐃᓯ ‍ ᐅᓯᑕᑦ ᐊᑲ ᓂᑕ ᒐᒋ ᐅᓂᑎᓂᔨᒡ ᑭᔭ ᐊᑲ ᐊᑯ ᓂᓱᐅᓇᑎᓯᐅᓂᒡ ᒐᒋ ᐃᓯ ‍ ᑎᐸᔨᑕᑯᓂᔨᒡ᙮ ᒋ ‍ ᐃᑕᔨᑎᒻ ᒐᒋ ᐊᓯᒡ ᒋᔅᑕᔨᑕᑯᑕᑭᓄᔨᒋ ᐅᔭ ᒋᔅᑕᔨᑕᑯᐊᑭᓄᔨᒐᓂ ᐅᑦ ᐊᐛᓯᒪ᙮
\p
\v 22 ᒋ ‍ ᒋᔅᒐᔨᑕᓇᓄᐤ ᐊᓐᑕ ᒥᓯᐛ ᑕᓐ ᑲ ᐃᓯ ‍ ᐅᓯᑕᑦ ᒋᓴᒪᓂᑐᐤ ᐊ ‍ ᑎᑯᓂᔨᒡ ᑕᓐ ᐊ ᐃᓯ ‍ ᓂᓇᐧᑲᑕᔨᒧᒥᑭᓂᔨᒡ, ᒧᔭᒻ ᐊ ‍ ᐃᓯᓇᑯᓯᑦ ᐃᔎᐤ ᐃᔅᐱ ᐊ ᐊᑎ ‍ ᒋᒋᐱᔨᒡ ᒐ ‍ ᐛᐱᒪᐅᓱᑦ᙮
\v 23 ᓇᒪ ᒪᒃ ᒥᒄ ᐅᔭ ᒐᒂᔪᐛ ᓂᓇᐧᑲᑕᔨᒧᒥᑭᓇ᙮ ᒋᔭᓄᐤ ᑭᔭ ᒋᓴᒪᓂᑐᐤ ᑲ ‍ ᐅᑦ ᐊᐛᓯᒥᑐᑕᑕᐧᒄ ᒋ ‍ ᓂᓇᐧᑲᑕᔨᒧᓇᓄᐤ ᒋᑕᐃᓇᒡ ᒪᒂᒡ ᐊ ‍ ᐊᓱᐛᐸᑎᒪᐧᒄ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯ ‍ ᓄᑯᐃᑯᐅᔭᐧᒄ ᑭᔭ ᒐᒋ ᐃᓯᐃᑯᐅᔭᐧᒄ ᐊᑲ ᓂᑕ ᒥᓐ ᒐᒋ ᓂᓇᐧᑲᑕᔨᒧᔭᐧᒄ, ᑲᒋᒡ ᒐᒋ ᐱᒪᑎᓯᔭᐧᒄ᙮ ᓴᔅ ᒪᒃ ᔅᒋ ‍ ᒥᔨᑯᓄᐤ ᒋᓴᒪᓂᑐᐤ ᐅᑦ ᐊᒐᒂ ᒐᒋ ᐅᒋ ‍ ᒋᔅᒐᔨᑎᒪᐧᒄ ᒥᓯᐛ ᑕᑈ ᒐ ‍ ᐃᔅᐱᔨᒡ ᐅᔭ᙮
\v 24 ᐊᑯ ᒪᒃ ᐊ ‍ ᐃᓯᓇᑯᓯᔭᐧᒄ ᑲ ᐃᔅᐱᔅ ‍ ᐱᒪᒋᐃᑕᐧᒄ ᒋᓴᒪᓂᑐᐤ ᐊ ‍ ᐊᔅᐸᔨᒧᔭᐧᒄ ᒐ ‍ ᐅᑎᒋᐱᔨᒡ ᐅ᙮ ᐃᔅᐱ ᒪᒃ ᒋ ‍ ᐅᑎᒋᐱᔨᒐ ᑭᑈ ᓇᒪ ᐊᑯ ᒋᑭ ᐅᒋ ‍ ᐊᓱᐛᐸᑕᓇᓄᐤ᙮ ᐛᔅ ᑕᐸ ᐊᓱᐛᐸᑎᒻ ᐊᐛᓐ ᒐᒂᔪᐤ ᒐᒋ ᐃᔅᐱᔨᒡ ᓴᔅ ᐊᒋ ‍ ᐃᔅᐱᔨᒡ᙮
\v 25 ᒋᑦ ᐊᓱᐛᐸᑕᓇᓄᐤ ᒪᒃ ᒐᒂᓐ ᐊᑲ ᓂᑕ ᐅᒋ ᐛᐸᑎᒪᐧᒄ᙮ ᒋ ‍ ᓯᐱᔪᐛᓯᓇᓄᐤ ᒪᒃ ᐊ ‍ ᐊᓱᐛᐸᑎᒪᐧᒄ᙮
\s2 Romans 8.26-39 (Proper-12 Year A)
\p
\v 26 ᑎᑯᓐ ᑕᓐ ᐊᔅᐱᔅ ᐊᑲ ᓴᐸᔨᑎᒪᐧᒄ ᒥᒄ ᒪᒃ ᑕᐤ ᑲ ‍ ᐸᔭᒋᓯᑦ ᐊᒐᐧᒄ ᒐᒋ ᐎᒋᐃᑕᐧᒄ᙮ ᒧᔭᒻ ᐊ ‍ ᐃᓯᓇᑯᓯᔭᐧᒄ ᓇᓂᑯᑎᓂᔾ ᐊᑲ ᒋᔅᒐᔨᑎᒪᐧᒄ ᑕᓐ ᐊᓐ ᒋᐸ ᐃᓯ ‍ ᐊᔭᒥᐊᓇᓄᐤ᙮ ᐊᑯᑕ ᒪᒃ ᓇᑐᑎᒪᔅᑎᒪᑕᒄ ᑲ ‍ ᐸᔭᒋᓯᑦ ᐊᒐᐧᒄ ᐅᑎᔅᑯᐤ ᒋᓴᒪᓂᑐᐛ ᐊ ‍ ᑕᔨᒋ ᐊ ‍ ᒪᒪᑥᔭᐧᒄ ᐊᑲ ᒋ ‍ ᐎᑎᒧᐛᐧᒄ ᑕᓐ ᐊᓐ ᐊ ‍ ᐃᑎᒪᒋᐅᔭᐧᒄ᙮
\v 27 ᒋᓴᒪᓂᑐᐤ ᒪᒃ ᑲ ‍ ᒋᔅᒐᔨᑕᐧᒃ ᒥᓯᐛ ᒋᑕᐃᓄᐛ ᒋᔅᒐᔨᑎᒻ ᑕᓐ ᐊᓐ ᐊ ᐃᓯ ‍ ᓂᑐᑎᒪᔅᑎᒪᒐᔨᒋ ᐊᒐᒂ ᐛᔅ ᓂᑐᑎᒪᔅᑎᒧᐛᔪᐛ ᐊᓂᔭᔪᐛ ᑲ ‍ ᑕᑈᑎᒥᔨᒋ ᒐᒋ ᐃᑐᑕᑭᓄᐎᒡ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ᙮
\p
\v 28 ᒋ ‍ ᒋᔅᒐᔨᑕᓇᓄᐤ ᒪᒃ ᒥᓯᐛ ᒐᒂᔪᐛ ᐊ ‍ ᐃᔅᐱᔨᒋ ᐅᐱᒪᑎᓯᐅᓂᔨᒡ ᐊᓂᔭᔪᐛ ᑲ ‍ ᓴᒋᐃᑯᑦ ᒋᓴᒪᓂᑐᐤ, ᐃᑐᑎᒧᐛᐤ ᒥᓯᐛ ᒐᒋ ᒥᔪᑐᑕᑯᔨᒋ᙮ ᐊᐅᑯᓐ ᐊ ‍ ᐃᑐᑎᒧᐛᑦ ᐊᓂᔭᔪᐛ ᐎᔾ ᑲ ‍ ᐃᑕᔨᑕᐧᒃ ᒐᒋ ᐅᑎᓇᑦ ᒐᒋ ᐅᑦ ᐃᔨᒥᑦ᙮
\v 29 ᐛᔅ ᓂᑲᓐ ᒋ ‍ ᒋᔅᒐᔨᒪᐤ ᒋᓴᒪᓂᑐᐤ ᐊᐛᔪᐛ ᒐ ‍ ᐅᑦ ᐃᔨᒥᑦ, ᐊᐅᑯᓐ ᒪᒃ ᐅᔭ ᑲ ‍ ᐅᑎᓇᑦ ᒐ ‍ ᓂᔅᐱᑐᐛᔨᒋ ᐅᑯᓴ᙮ ᐊᐅᒄ ᐅᔭ ᑲ ‍ ᐃᑎᑦ ᒋᓴᒪᓂᑐᐤ ᓂᔅᑎᒧᓴᓐ ᒐᒋ ᑕᔨᒋ ᐅᑯᓴ ᐊᓐᑕ ᒪᒂᒡ ᐊ ‍ ᒥᒐᑎᔨᒋ ᐎᐧᑲᓂᓯᒪᐛ᙮
\v 30 ᐊᓂᔭᔪᐛ ᒪᒃ ᓂᑲᓐ ᑲ ‍ ᐎᔭᔨᒪᑦ ᐊᐛᔪᐛ ᒋ ‍ ᑕᑈᑕᐤ᙮ ᐅᔭ ᒪᒃ ᑲ ‍ ᑕᑈᑕᑦ ᒋ ‍ ᑯᐃᔅᑯᓇᑯᐊᐤ ᐎᔾ ᐃᔅ ᐊ ‍ ᑕᑦ᙮ ᐅᔭ ᒪ ᑲ ‍ ᑯᐃᔅᑯᓇᑯᐊᑦ ᒋ ‍ ᒋᔅᑕᔨᑕᑯᐊᐤ᙮
\s1 ᐊᔅᐱᔅ ᓴᒋᐃᑕᒄ ᒋᓴᒪᓂᑐᐤ
\p
\v 31 ᒥᓯᐛ ᒪᒃ ᐅ ᐊ ‍ ᒋᔅᒐᔨᑎᒪᒄ ᒪᐅ ᒐᒋ ᐃᔅᒋᔄᔭᐧᒄ, ᑕᑈ ᒋᓴᒪᓂᑐᐤ ᐛᒋᐃᑯᐛᐅᒂ ᓇᒪ ᐊᐛᓐ ᒋᑭ ᒋ ‍ ᓴᐧᑯᒋᐃᑯᓄᐤ᙮
\v 32 ᓇᒪ ᐛᐛᒡ ᐅᑯᓴ ᒋ ᐅᒋ ‍ ᒥᓇᑎᓂᒪᑭᓄᐤ᙮ ᒋ ‍ ᐱᔅᑎᓇᐤ ᒐᒋ ᓂᐱᔅᑎᒪᑎᑕᐧᑯᐤ᙮ ᐊᓂᔭ ᒪᒃ ᐛᐛᒡ ᑎᐱᔨᐛ ᐅᑯᓴ ᐊᒋ ‍ ᐱᔅᑎᓇᑦ ᒐᒋ ᓂᐸᐊᑭᓄᔨᒋ ᒋᔭᓄᐤ ᐅᒋ ᐊᑯᑕ ᒐ ᐅᒋ ‍ ᒐᔅᑎᓇᐅᔭᐧᒄ ᒥᒄ ᒐ ᐃᓯ ‍ ᒥᔨᑯᐅᔭᐧᒄ ᑯᑎᑲ ᒐᒂᔪᐛ᙮
\v 33 ᐊᐛᓐ ᒐᒋ ᒪᒥᓯᒪᑦ ᒋᓴᒪᓂᑐᐛ ᐅᐅᑎᓇᑭᓂᔪᐛ᙮ ᐎᔾ ᒋᓴᒪᓂᑐᐤ ᐅᑯᐃᔅᑯᑕᑎᓯᐅᒡ ᐃᓯ ᑭᓄᐛᐱᒪᐤ ᐊᓂᔭ ᑲ ‍ ᐅᑎᓇᑦ᙮
\v 34 ᓇᒪ ᒪᒃ ᐊᐛᓐ ᒋᑭ ᒋ ‍ ᓂᓱᐅᓇᒋᒪᐤ ᒋᓴᒪᓂᑐᐛ ᐅᐅᑎᓇᑭᓂᔪᐛ ᒐᒋ ᐃᔅᒋᔄᑦ ᐊ ‍ ᐃᑕᔨᑕᑯᓂᔨᒡ ᒐᒋ ᐛᐛᓯᐊᑭᓄᔨᒋ ᐅᒥᒋᑥᐅᓂᔪᐤ ᐅᒡ᙮ ᐛᔅ ᓇᒪ ᒥᒄ ᒋ ᐅᒋ ‍ ᓂᐱᔅᑎᒪᑭᓄᐤ ᙭ ᐊᔪᐤ ᒋ ‍ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒡ᙮ ᒪᒂᒡ ᒪᒃ ᒋᓴᒪᓂᑐᐛ ᐅᒥᔪᐅᓂᒡ ᐊᐳᐤ ᐊ ‍ ᐊᔭᒥᐊᔅᑎᒪᑕᐧᒄ᙮
\v 35 ᐊᐛᓐ ᒪᒃ ᒐᒋ ᐃᒐᓂᑕᐧᒄ ᙭ᑕ ᐅᓴᒋᐃᐛᐅᓂᔨᒡ ᐅᒋ᙮ ᐊᑎ ᓇᔅᒡ ᓂᓇᐧᑲᑕᔨᒧᔭᒂ ᒪᒃ ᓇᔅᒡ ᐊᔨᒥᐅᔭᒂ, ᑭᔭ ᐊᑎ ᐛᐎᓯᒐᔨᑎᒥᐃᑯᐅᔭᒂ, ᐊᑎ ᐃᓯᓇᒂᒐ ᒐᒋ ᑯᐅᐧᑭᑕᔭᐧᒄ, ᑭᔭ ᐊᑎ ᓇᔅᒡ ᒋᔅᑎᒪᑎᓯᔭᒂ, ᐊᑎ ᓇᔅᒡ ᑯᔅᑕᑎᒂᒐ ᑕᓐᑕ ᐊ ‍ ᑕᐛᐧᒄ ᑭᔭ ᒪᒃ ᐊᑎ ᓂᐸᐃᑯᐅᔭᒂ ᓇᒪ ᐃᔭᐱᒡ ᒋᑭ ᒋ ‍ ᐃᒐᑕᐃᑯᓇᓄᐤ ᒋᓴᔅ ᐅᓴᒋᐃᐛᐅᓂᒡ ᐅᒋ᙮
\v 36 ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᐊᓯᑯᒻ ᒋᓯᑲᐛ ᑯᔅᐱᓇᔨᑕᑯᓐ ᒐᒋ ᓂᐸᐃᑯᐅᔭᒡ ᐊ ‍ ᓇᓴᐅᑕᒡ᙮
\q ᒧᔭᒻ ᒪᔭᑕᓂᓯᒡ ᑲ ‍ ᐸᓱᐛᑭᓄᐎᒡ ᒐᒋ ᓂᐸᐊᑭᓄᐎᒡ ᐊᐅᑯᓐ ᐊ ‍ ᐃᓯᓇᑯᓯᔭᒡ᙮
\m
\v 37 ᐊᑎ ᒪᒃ ᒥᓯᐛ ᐅ ᐊ ᐃᓯ ‍ ᓂᓇᐧᑯᐤ ᐃᔅᐱᔨᒡ ᐊᓐᑕ ᐊ ‍ ᑕᔭᐧᒄ ᒋ ‍ ᑭᓄᐛᔨᑕᓇᓄᐤ ᐱᔅᒋᔭᒐᐅᓐ ᙭ ᐅᒋ, ᐊᓐ ᑲ ‍ ᓴᒋᐃᑕᐧᒄ ᐛᔅ ᐎᔾ ᒋ ‍ ᐎᒋᐃᑯᓄᐤ᙮
\v 38 ᓂ ‍ ᒐᔅᑎᓇᐅᓐ ᐊᑲ ᒐᒂᓐ ᑎᒂᒡ ᒐᒋ ᐃᒐᑕᐃᑯᔭᐧᒄ ᙭ ᐅᓴᒋᐃᐛᐅᓂᒡ ᐅᒡ᙮ ᐳᓂᐱᒪᑎᓯᔭᐧᒄ ᑭᔭ ᒪᒃ ᐱᒪᑎᓯᔭᐧᒄ ᐃᔭᐱᒡ ᒋᐸ ‍ ᓴᒋᐃᑯᓄᐤ᙮ ᓇᒪ ᐛᐛᒡ ᐊᓐᒋᓐᒡ ᒪᒃ ᒥᒋ ‍ ᐊᒐᐧᑯᒡ ᒋᑭ ᒋ ‍ ᐃᒐᑕᐃᑯᓄᐅᒡ ᙭ᑕ ᐅᓴᒋᐃᐛᐅᓂᔨᒡ ᐅᒡ᙮ ᓇᒪ ᒐᒂᓐ ᒋᑭ ᒋ ‍ ᐃᔅᐱᔪᐤ ᐊᓄᒡ ᒪᒃ ᐊᓐᑕ ᓂᔅᑕᒥᒡ ᒐᒋ ᐃᒐᑕᐃᑯᔭᐧᒄ ᐅᓴᒋᐃᐛᐅᓂᒡ ᐅᒡ᙮
\v 39 ᓇᒪ ᑎᑯᓇ ᓱᒐᔨᑕᑯᓱᐅᓇ ᐊᓐᑕ ᐃᔅᐱᒥᒡ ᑭᔭ ᒪᒃ ᐅᑕ ᓂᑕᒡ ᒐᒋ ᐃᒐᑕᐃᑯᔭᐧᒄ ᐅᓴᒋᐃᐛᐅᓂᒡ ᐅᒋ᙮ ᑭᔭ ᓇᒪ ᑎᑯᓂᔪᐤ ᒐᒂᔪᐤ ᐊᒋ ‍ ᐅᓯᑕᑦ ᒋᓴᒪᓂᑐᐤ ᒐᒋ ᐃᒐᑕᐃᑯᔭᐧᒄ ᙭ ᐅᓴᒋᐃᐛᐅᓂᒡ ᐅᒋ᙮ ᐊᓂᔭ ᑕᓐ ᑲ ᐃᓯ ‍ ᐃᑐᑎᒪᑕᐧᒄ ᒋᓴᔅ ᙭ᑕ ᒋᑎᐸᔨᒋᒐᓯᒥᓄᐛ ᐊᑯᑕ ᑲ ‍ ᐛᐸᑎᔨᑕᐧᒄ ᑕᓐ ᐊᔅᐱᔅ ᓴᒋᐃᑕᐧᒄ ᒋᓴᒪᓂᑐᐤ᙮
\c 9
\s1 ᒋᓴᒪᓂᑐᐤ ᑭᔭ ᒍᐤ ᐃᔪᒡ
\s2 Romans 9.1-5 (Proper-13 Year A)
\p
\v 1 ᓂ ‍ ᑕᑈᓐ ᐅ ᒐ ‍ ᐃᔅᒋᔄᔭᓐ᙮ ᓇᒪ ᓂ ‍ ᑭᑭᒋᔭᓐ ᐛᔅ ᙭ ᓂ ‍ ᑎᐱᔨᐛᐅᓯᑐᑕᒄ᙮ ᓂ ‍ ᒐᔅᑎᓇᑕᔨᑕᓐ ᐊ ‍ ᑕᑈᔭᓐ ᑭᔭ ᑲ ‍ ᐸᔭᒋᓯᑦ ᐊᒐᐧᒄ ᓂ ‍ ᒋᔅᒐᔨᑎᒥᐃᒄ ᐊ ‍ ᑕᑈᐅᒡ᙮
\v 2 ᓇᔅᒡ ᑕᑈ ᓂᑯᓱᑯᒪᒋᐅᓐ ᑭᔭ ᒧᔅ ᐱᒥᐱᔪᐤ ᓇᔅᒡ ᐊ ‍ ᒪᑯᔅᑲᑯᔭᓐ ᐊ ‍ ᒪᒥᑐᓇᔨᒥᒂᐤ ᓂᒡ ᐃᔅᕋᐃᓪ ᐃᔪᒡ᙮
\v 3 ᒧᔭᒻ ᒋ ‍ ᓇᐃᐱᔨᑯᐱᓇ ᒐᒋ ᐃᑐᑕᑭᓄᐅᒡ ᓂᐸ ‍ ᐱᔅᑕᔨᒥᓱᓐ ᓂᔾ ᐊᐅᒄ ᒐᒋ ᐛᐛᓯᐃᑦ ᒋᓴᒪᓂᑐᐤ ᑭᔭ ᓂᔾ ᐊᐅᒄ ᒐᒋ ᐃᒐᑕᐃᑯᐅᔭᓐ ᙭ ᐅᒋ ᐊ ‍ ᑕᑦ᙮
\v 4 ᐛᔅ ᐊᐅᒄ ᐊᓐᒡ ᐃᔅᕋᐃᓪ ᐃᔪᒡ ᒋᓴᒪᓂᑐᐛ ᑲ ‍ ᐅᑎᓂᑯᒡ ᒐᒋ ᐅᑦ ᐊᐛᓯᒥᑐᑕᑯᒡ ᑭᔭ ᒐᒋ ᒋᔅᑕᔨᑕᑯᐃᑯᒡ᙮ ᒋ ‍ ᐅᓯᑎᒪᑯᐅᒡ ᓂᔅᑯᒧᐅᓂᔪᐤ᙮ ᒋ ‍ ᒥᔨᑯᐅᒡ ᐎᓱᐛᐅᓂᔪᐤ᙮ ᒋ ‍ ᒋᔅᒐᔨᑎᒥᐃᑯᐅᒡ ᑕᓐ ᒐ ᐃᓯ ‍ ᐊᔭᒥᐊᔅᑐᐛᒡ᙮ ᓂᓇᐧᑯᐤ ᒐᒂᔪᐛ ᒋ ‍ ᐃᑎᑯᐅᒡ ᒐᔅᑎᓇᔅ ᒐ ‍ ᐃᑐᑎᒪᑯᒡ᙮
\v 5 ᐊᓂᔭᐧᑲ ᐊᓂᔅᒐ ᒋᐛᐧᑯᒪᑭᓄᐛ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᐊ ‍ ᑕᔨᒋ ᒋ ᐅᒋ ᐊᓂᔅᒐ ‍ ᐱᒪᑎᓯᐅᒡ᙮ ᐊᑯᑕ ᑭᔭ ᐎᔾ ᒋᓴᔅ ᙭ ᑲ ᐅᒋ ᐊᓂᔅᒐ ‍ ᐱᒪᑎᓯᑦ ᐃᔅᐱ ᓇᐸᐛ ᑲ ‍ ᐃᓯᐊᑭᓄᐅᑦ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ‍ ᐱᒥᐱᔨᑕᑦ, ᑲᒋᒡ ᒋᑭ ᐎ ‍ ᒪᒥᒋᒪᑭᓄᐤ᙮ ᐊᒥᓐ᙮
\p
\v 6 ᓇᒪᐎᔾ ᑭᑈ ᒋᑭ ᒋ ‍ ᐃᓇᓄᐤ ᐊᑲ ᐅᒋ ᐃᑐᑕᐧᒃ ᒋᓴᒪᓂᑐᐤ ᑕᓐ ᐊᓂᔭᔪᐛ ᑲ ‍ ᐃᔅᒋᔄᑦ ᒐᔅᑎᓇᔅ ᒐ ‍ ᐃᑐᑕᐧᒃ ᐛᔅ ᑕᐸ ᒥᓯᐛ ᐊᓐᒡ ᒐᑭᐸ ᐊ ‍ ᑕᔨᒋ ᑲ ᐅᒋ ᐊᓂᔅᒐ ‍ ᐱᒪᑎᓯᒡ, ᐃᔅᕋᐃᓪ ᐃᔪᒡ ᑲ ‍ ᐃᓯᓂᐧᑲᑎᓱᒡ ᐅᑦ ᐃᔨᒥᑐᑕᑯᐅᒡ ᒋᓴᒪᓂᑐᐛ᙮
\v 7 ᑭᔭ ᒪᒃ ᒥᒄ ᐱᔅᒐ ᐊᓐᒡ ᐊᑉᕋᐊᒻ ᐊ ‍ ᑕᔨᒋ ᑲ ᐅᒋ ᐊᓂᔅᒐ ‍ ᐱᒪᑎᓯᒡ ᐅᑦ ᐃᔨᒥᑐᑕᑯᐅᒡ ᒋᓴᒪᓂᑐᐛ᙮ ᐛᔅᑭᒡ ᐊᓐᑕ, ᒋᓴᒪᓂᑐᐤ ᒋ ‍ ᐃᑕᐤ ᐊᑉᕋᐊᒪ, “ᐊᐃᓯᒃ ᐊ ‍ ᑕᑦ ᒋᑭ ᐅᒋ ᐊᓂᔅᒐ ‍ ᐱᒪᑎᓯᐅᒡ ᐊᓐᒡ ᐊᐛᓐᒋ ᑲ ‍ ᐃᑎᑕᓐ ᒐᔅᑎᓇᔅ ᒐ ‍ ᒥᔨᑕᓐ᙮”
\v 8 ᐊᑯ ᒪᒃ ᓇᒪ ᒥᓯᐛ ᐊᐛᓐ ᐊᑉᕋᐊᒪ ᐊ ‍ ᑕᔨᒋ ᑲ ᐅᒋ ᐊᓂᔅᒐ ‍ ᐱᒪᑎᓯᑦ ᐅᑦ ᐊᐛᓯᒥᑐᑕᑯᐤ ᒋᓴᒪᓂᑐᐛ᙮ ᐊᓐᒡ ᐊᐛᓐᒋ ᒐ ‍ ᑕᑈᑎᒧᐛᒂ ᐊᓂᔭ ᑕᓐ ᑲ ‍ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ‍ ᐃᑐᑎᒧᐛᔨᒋ ᐊᑉᕋᐊᒪ ᐊᐅᑯᓐᒡ ᐊᓐᒡ ᒋᓴᒪᓂᑐᐛ ᒐ ‍ ᐅᑦ ᐊᐛᓯᒥᑐᑕᑯᒡ᙮
\v 9 ᐛᔅ ᒋ ‍ ᐃᑕᐤ ᒋᓴᒪᓂᑐᐤ ᐊᑉᕋᐊᒪ ᐅᔭ ᒐᔅᑎᓇᔅ ᒐ ‍ ᐃᑐᑎᒧᐛᑦ, “ᐸᐃᒄ ᐱᐳᓇ ᐃᔅᐱᔅ ᐊᑯ ᒥᓐ ᒐ ᐸᒋ ‍ ᓂᑐᐛᐱᒥᑕᓐ᙮ ᓴᔅ ᒋᑭ ‍ ᐊᔭᐛᐤ ᓴᕋ ᐅᑯᓴ ᒥᓐ ᐸᒋ ‍ ᓂᑐᐛᐱᒥᑕᓇ᙮”
\p
\v 10 ᑭᔭ ᐎᔾ ᒪᒃ ᕋᐸᑲ ᓂᑲᓐ ᒋ ‍ ᐎᑎᒪᑯᐤ ᒋᓴᒪᓂᑐᐛ ᑕᓐ ᒐ ‍ ᐃᔅᐱᔨᒡ᙮ ᐊᓂᔭᔪᐛ ᐅᑯᓴ ᑲ ‍ ᓂᓯᔨᒋ ᑕᐱᔅᑯᓐ ᐊᓐᑕ ᐊᓂᔭᐧᑲ ᒋᑦ ᐊᓂᔅᒐ ᐛᐧᑯᒪᑭᓄᐛ ᐊᐃᓯᑲ ᐊ ‍ ᑕᔨᒋ ᒋ ‍ ᐅᒋᐅᒡ᙮
\v 11 ᐊᔅᒄ ᒪᒃ ᐊᑲ ᐅᒋ ᐱᒪᑎᓯᔨᒋ ᐅᔭ ᐅᑯᓴ ᕋᐸᑲ, “ᐊᔅᒄ ᐊᑲ ᐛᐛᒡ ᐅᒋ ᒥᒋᑐᑎᒥᔨᒋ ᑭᔭ ᐊᑎ ᐊᔅᒄ ᐊᑲ ᐅᒋ ᒥᔪᑐᑎᒥᔨᒋ,” ᒋ ‍ ᐃᑎᑯᐤ ᒋᓴᒪᓂᑐᐛ,
\v 12 ᐊᓐ ᓂᔅᑎᒧᓴᓐ ᒋᑭ ‍ ᓂᑲᓂᔅᑲᑯᐤ ᐊᓂᔭᔪᐛ ᐅᓯᒪ᙮ ᒋᓴᒪᓂᑐᐤ ᐅᔭᔪᐤ ᒋ ‍ ᐃᑕᐤ ᒐᒋ ᐛᐸᑎᔨᐛᑦ ᐎᔾ ᐊ ‍ ᐅᑎᓇᑦ ᑕᓐ ᐊᓂᔭᔪᐛ ᐛ ᐛᔭᐱᒪᑦ ᐊᐛᔪᐛ ᒐ ‍ ᐅᑦ ᐃᔨᒥᑦ, ᓇᒪ ᐎ ᐊᓂᔭ ᑕᓐ ᐊ ‍ ᐃᑎᔨᒋ ᒪᒃ ᐊᑲ ᐊ ‍ ᐃᑎᔨᒋ ᐊᐛᔪᐛ ᐛᒋ ‍ ᐛᔭᐱᒪᑦ᙮
\v 13 ᒧᔭᒻ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᓂᒋ ‍ ᓴᒋᐊᐤ ᒐᑭᑉ ᐊᑯ ᐃᓴᐅ ᑲ ‍ ᐛᐧᑲᑎᒃ᙮”
\p
\v 14 ᑕᓐ ᒪᒃ ᒐ ‍ ᐃᔅᒋᔄᔭᐧᒄ, ᒋᑭ ᒋ ‍ ᐃᔅᒋᔄᓇᓄᐤ ᐊ ᐊᑲ ᒪᒧᔭᒻ ᐃᑎᑦ ᒋᓴᒪᓂᑐᐤ᙮ ᓇᒪᐎᔾ ᑭᑈ᙮
\v 15 ᐛᔅ ᐛᔅᑭᒡ ᐊᓐᑕ ᒋᓴᒪᓂᑐᐤ ᒋ ‍ ᐃᑕᐤ ᐊᓂᔭ ᒧᓱᓴ,
\q “ᓂᑭ ‍ ᒋᓴᐛᑐᑐᐛᐤ ᐊᓐ ᐊᐛᓐ ᐛ ‍ ᒋᓴᐛᑐᑐᐅᒃ ᑭᔭ ᓂᑭ ‍ ᒋᔅᑎᒪᒐᔨᒪᐤ ᐊᓐ ᐊᐛᓐ ᐛ ‍ ᒋᔅᑎᒪᒐᔨᒥᒃ᙮”
\m
\v 16 ᒋᓴᒪᓂᑐᐤ ᒋᔅᑎᒪᒐᔨᒪᐤ ᑕᓐ ᐊᓂᔭᔪᐛ ᐊᐛᔪᐛ ᐛ ᒋᔅᑎᒪᒐᔨᒪᑦ᙮ ᓇᒪᔭᔪᐤ ᐎ ᐊᓂᔭ ᑕᓐ ᐊ ᐃᓯ ‍ ᓂᑐᐛᔨᑎᒥᔨᒋ ᐅᔭ ᒪᒃ ᐊ ᐃᓯ ‍ ᒥᔪᑐᑎᒥᔨᒋ ᐛᒋ ‍ ᒋᔅᑎᒪᒐᔨᒪᑦ᙮
\v 17 ᐛᔅ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐎᑕᑯᓐ ᐸᕈᐤ ᐊᒋ ‍ ᐃᑕᑭᓄᐅᑦ, “ᔅᒋ ‍ ᐎᑲᐳᐃᑎᓐ ᒐᒋ ᒋᓴᐅᒋᒪᐎᔨᓐ ᒐᒋ ᓄᑯᑐᐅᒂᐤ ᒥᓯᐛ ᐊᐛᓐᒋ ᓂᓱᐧᑲᑎᓯᐅᓂᔪᐤ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᒐᒋ ᒋᔅᒐᔨᒥᑦ᙮”
\v 18 ᐊᑯ ᒪᒃ ᒋᓴᒪᓂᑐᐤ ᒐᔅᑎᒪᒐᔨᒪᑦ ᐊᓂᔭᔪᐛ ᐊᐛᔪᐛ ᐛ ‍ ᒋᔅᑎᒪᒐᔨᒪᑦ, ᑭᔭ ᑕᓐ ᐊᓂᔭᔪᐛ ᐛ ᐃᑐᑐᐛᑦ ᒐᒋ ᒥᔅᑯᐅᑕᐊᔨᒋ ᐊᐅᑯᓂ ᐊᓂᔭᔪᐛ ᒪᔅᑯᐅᑕᐊᑦ᙮
\s1 ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ᑭᔭ ᐅᒋᓴᐛᑎᓯᐅᓐ
\p
\v 19 ᒂᔄᓐ ᐸᐃᒄ ᐊᐛᓐ ᐊᓐᑕ ᐊ ‍ ᑎᓯᔭᒄ ᓂᐸ ᒋ ‍ ᐃᑎᒄ, “ᑕᑈ ᐅ ᐊ ‍ ᐃᓯᓇᑯᓂᒂ ᑕᓐᑕ ᐃᔭᐱᒡ ᐛᒋ ‍ ᐊᑕᒪᔨᒪᑦ ᒋᓴᒪᓂᑐᐤ ᐊᐛᔪᐛ ᒐᒂᔪᐤ᙮ ᑕᐤ ᐊ ᐊᐛᓐ ᒐᒋ ᓂᔅᑯᐅᔅᑎᒧᐛᑦ ᐅᑦ ᐃᑕᔨᑎᒧᐅᓂᔪᐤ ?”
\v 20 ᐊᐛᓐ ᒪᒃ ᐊ ‍ ᐃᑕᔨᒥᓱᔨᓐ ᒋᔾ ᐅᔭᔪᐤ ᑲ ᐃᓯ ‍ ᐎᑎᒪᐅᑦ ᒋᓴᒪᓂᑐᐤ ? ᒋᑭ ᒋ ‍ ᐊ ‍ ᐃᔅᒋᔄᒥᑭᓐ ᐊᓐ ᐊᓯᔅᒍᐤ ᐳᑎᔾ ᑲ ‍ ᐎᔅᒍᒋᓂᑭᓄᐅᒡ, “ᒐᒂᓐ ᐅ ᐛᒋ ‍ ᐃᓯᐃᔨᓐ ?”
\v 21 ᐊᓐ ᑲ ‍ ᐎᔅᒍᑎᓂᒐᑦ ᓇᒪᐎᔾ ᐊ ᒥᒄ ᒐᒂᔪᐤ ᐛ ᐅᓯᑕᑦ ᒋᑭ ᒋ ‍ ᐅᓯᑕᐤ ? ᓇᒪᐎᔾ ᐊ ᒋᑭ ᒋ ‍ ᐅᓯᑕᐤ ᓂᓱ ᐎᔭᑭᓇ ᐊᓐᑕ ᐅᒋ ᐊᓂᔭ ᐸᐃᒂᐤ ᐊ ‍ ᐱᔅᑯᔅᑕᔨᒡ ᐊᓯᔅᒋᔪᐤ ? ᐸᐃᒄ ᐎᔭᑭᓂᔪᐤ ᓇᔅᒡ ᐊ ‍ ᒥᔽᓯᔨᒡ ᒐᒋ ᐃᓯᓇᑯᑕᑦ ᒥᒄ ᓇᓂᑯᑎᓂᔾ ᒐᒋ ᐊᐱᑎᓂᔨᒡ ᐊᑯ ᑯᑎᒋᔪᐤ ᒧᔅ ᒐᒋ ᐊᐱᑎᓂᔨᒡ ᒐᒋ ᐃᓯᓇᑯᑕᑦ᙮
\p
\v 22 ᐊᐅᑯᓐ ᒪᒃ ᒧᔭᒻ ᐊ ‍ ᐃᑎᑦ ᒋᓴᒪᓂᑐᐤ᙮ ᒋ ‍ ᐎᔭᔨᑎᒻ ᒐᒋ ᐛᐸᑎᔨᐛᑦ ᐅᑦ ᐊᐧᑯᔪᐛᓱᐅᓐ ᑭᔭ ᒋ ᐎ ‍ ᒋᔅᒐᔨᑕᑯᑕᐤ ᐅᓱᒐᔨᑕᑯᓱᐅᓐ᙮ ᐅᑕ ᐅᑕᒡ ᒧᔅ ᒋ ᐸᒋ ‍ ᓯᐱᔪᐛᓯᔅᑐᐛᐤ ᐊᓂᔭᔪᐛ ᑲ ‍ ᒋᔄᐃᑯᑦ ᐅᑕ ᐅᑕᒡ, ᐊᓂᔭᔪᐛ ᑲ ‍ ᐃᑕᔨᑕᑯᓂᔨᒡ ᒐᒋ ᓂᓱᐅᓇᑎᓯᔨᒋ᙮
\v 23 ᐊᐅᒄ ᐅᔭᔪᐤ ᑲ ᐃᓯ ‍ ᐎᔭᔨᑕᐧᒃ ᐊᒋ ᐎ ‍ ᐛᐸᑎᔨᐛᑦ ᐊ ᐃᔅᐱᔅ ‍ ᐛᔪᑎᓂᔨᒡ ᐅᒋᔅᑕᔨᑕᑯᓱᐅᓐ ᑕᓐ ᐊᓂᔭᔪᐛ ᒪᔭᑦ ᐊᓂᔭᔪᐛ ᑲ ‍ ᐎᔭᔨᒪᑦ ᒐᒋ ᒋᓴᐛᑐᑐᐛᑦ, ᐊᐅᒄ ᒋᔭᓄᐤ᙮ ᓂᑲᓐ ᔅᒋ ‍ ᐎᔭᔨᒥᑯᓄᐤ ᒐᒋ ᒋᔅᒐᔨᑎᒺᐧᒄ ᐅᒋᔅᑕᔨᑕᑯᓱᐅᓐ᙮
\v 24 ᒋᔭᓄᐤ ᔅᒋ ‍ ᑕᑈᑎᑯᓄᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮ ᓇᒪ ᒪᒃ ᒥᒄ ᓂᔭᓐ ᒍᐤ ᑲ ‍ ᐃᑎᔅᑲᓇᓯᔭᒡ ᓂ ᐅᒋ ‍ ᑕᑈᑎᑯᓇᓐ ᑭᔭ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᔅᒋ ‍ ᑕᑈᑎᑯᐛᐤ᙮
\v 25 ᐊᐅᒄ ᐅᔭ ᐊᔨᒧᑕᐧᒃ ᒋᓴᒪᓂᑐᐤ ᐊᓐᑕ ᐊᓂᔭᔪᐛ ᐅᓴᔭ ᑲ ‍ ᐃᓯᓂᐧᑲᓱᔨᒋ ᐅᑦ ᐃᔨᒧᐅᓂᒡ᙮ ᐃᑎᔅᑕᔪᐤ ᐊᓐᑕ,
\q ᐊᓐᒡ ᐊᑲ ᑲ ‍ ᐅᑦ ᐃᔨᒥᑐᑕᐅᒂᐤ, ᓂᑦ ᐃᔨᒥᒡ ᓂᑭ ‍ ᐃᓯᓂᐧᑲᑕᐅᒡ᙮ ᐊᑯ ᐊᓐᒡ ᐊᑲ ᓴᒋᐊᑭᓄᐎᒡ ᓇᔅᒡ ᓂᑭ ‍ ᓴᒋᐊᐅᒡ᙮
\v 26 ᐊᓐᑕ ᐊᓂᔭ ᒪᒂᒡ ᑲ ‍ ᑕᒡ ᑲ ‍ ᐃᑎᑯᒡ ᒋᓴᒪᓂᑐᐛ, ᓇᒪᔭᐤ ᒋᔨᐛᐤ ᓂᑦ ᐃᔨᒥᒡ ᐊᑯᑕ ᐊᓐᑕ ᓇᓂᑎᒻ ᒐ ‍ ᐃᓯᓂᐧᑲᑕᑭᓄᐎᒡ ᒋᓴᒪᓂᑐᐤ ᑲ ‍ ᐱᒪᑎᓯᑦ ᐅᑯᓯᓴ᙮
\m
\v 27 ᐊᑯ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐊᐃᓴᔭ ᒋ ‍ ᑎᑯᓂᔪᐤ ᑕᓐ ᑲ ᐃᓯ ‍ ᐊᔨᒧᒪᑦ ᐃᔅᕋᐃᓪ ᐃᔪᐛ᙮ ᒋ ‍ ᐃᔅᒋᔄᑯᐱᓇ,
\q ᐊᑎ ᐊ ᐃᔅᐱᔅ ‍ ᐛᔪᑎᓯᒡ ᐃᔅᕋᐃᓪ ᐃᔪᒡ ᒧᔭᒻ ᐊᔅᐱᔅ ᐛᔪᒡ ᒥᒐᓂᔨᒋ ᐃᔭᑲᐤ ᓯᓱᒡ ᐎᓂᐸᑯᒡ ᐃᔭᐱᒡ ᓇᒪ ᒥᒐᑦ ᒋᑭ ᐅᒋ ‍ ᐱᒪᒋᐅᐎᒡ᙮
\v 28 ᐛᔅ ᒋᑭ ‍ ᒋᔅᑕᐱᔪᐤ ᐅᑎᐸᔨᒋᒐᐤ ᑎᐸᔅᑯᓇᒐ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑲ ‍ ᑕᔨᒋ ᑭᔭ ᒐᔅᑎᓇᔅ ᐊᐅᑯᓐ ᒐ ‍ ᐃᓯᓇᑯᓂᔨᒡ ᐊᓂᔭ ᑕᓐ ᑲ ‍ ᐃᔅᒋᔄᑦ ᒐ ᐃᓯ ‍ ᑎᐸᔅᑯᓂᒐᑦ᙮
\m
\v 29 ᒋ ‍ ᓂᑲᓐ ᐎᑎᒻ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ‍ ᐃᔅᒋᔄᑦ,
\q ᒧᔭᒻ ᐅᑎᐸᔨᒋᒐᐤ ᓇᔅᒡ ᑲ ‍ ᓱᐧᑲᑎᓯᑦ ᐊᑲ ᐅᒋ ᐎᔭᔨᑎᒥᑯᐱᓇ ᐱᔅᒐ ᐊᓂᔭᔪᐛ ᐊᓂᔅᒐ ᒋᑦ ᐊᐛᓯᒥᓄᐛ ᒐᒋ ᐱᒪᒋᐊᑦ ᒥᓯᐛ ᒋᐸ ‍ ᓂᓱᐅᓇᑎᓯᓇᓄᐤ ᒧᔭᒻ ᑲ ᐃᓯ ‍ ᓂᓱᐅᓇᒋᐊᑭᓄᐎᒡ ᐊᓂᔭᐧᑲ ᐃᔪᒡ ᓱᑕᒻ ᑭᔭ ᑯᒧᕋ ᑲ ‍ ᑕᒡ᙮
\s1 ᐃᔅᕋᐃᓪ ᐅᑦ ᐊᓏᔨᑎᒧᐅᓄᐛᐤ
\p
\v 30 ᒪᐅ ᐊ ᐃᓯ ‍ ᐎᑎᒪᒐᒥᑲᒡ ᒥᓯᐛ ᐅ ᑲ ᐃᓯ ‍ ᐊᔨᒧᑕᒡ, ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᓇᒪ ᐛᐛᒡ ᐅᒋ ᑯᒋᑕᐅᒡ ᒐᒋ ᑯᐃᔅᑯᓇᑯᐃᓱᒡ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᐊᐅᑯᓂ ᒪᒃ ᐅᔭ ᒋᓴᒪᓂᑐᐤ ᑲ ‍ ᑯᐃᔅᑯᓇᑯᐊᑦ ᐃᔅᐱ ᑲ ‍ ᑕᑈᑎᒥᔨᒋ᙮
\v 31 ᐊᑯ ᐊᓐᒡ ᒍᐤ ᐃᔪᒡ ᒋᓴᒪᓂᑐᐛ ᑲ ‍ ᐅᑦ ᐃᔨᒥᑐᑕᑯᒡ, ᐊ ‍ ᓂᓇᐃᑕᒡ ᐎᓱᐛᐅᓇ ᒋ ᐎ ᐅᒋ ᐎ ‍ ᑯᐃᔅᑯᓇᑯᐃᓱᐅᒡ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᓇᒪ ᒪᒃ ᐅᑯᐃᔅᑯᑕᑎᓯᐅᒡ ᐅᒡ ᐃᓯ ᑭᓄᐛᐱᒥᑯᐅᒡ ᒋᓴᒪᓂᑐᐛ ᐅᔭ ᐊᒋ ‍ ᐃᑎᒡ᙮
\v 32 ᒐᒂᔪᐤ ᒪᒃ ᐛᒋ ᐊᑲ ᐅᑯᐃᔅᑯᑕᑎᓯᐅᒡ ᐅᒋ ᐃᓯ ᑭᓄᐛᐱᒧᑯᒡ ᒋᓴᒪᓂᑐᐛ᙮ ᓇᒪ ᐅᒋ ᑕᑈᔭᔨᒪᐅᒡ ᒋᓴᒪᓂᑐᐛ ᒐᒋ ᑯᐃᔅᑯᓇᑯᐃᑯᒡ᙮ ᐊᐅᒄ ᒪᒃ ᐅᔭ ᐛᒋ ᐊᑲ ᐅᑯᐃᔅᑯᑕᑎᓯᐅᒡ ᐅᒋ ᐃᓯ ᑭᓄᐛᐱᒥᑯᐅᒡ ᒋᓴᒪᓂᑐᐛ᙮ ᒋ ‍ ᐃᑕᔨᑎᒧᒡ ᐊ ‍ ᒥᔪᑐᑎᒪᒡ ᒋᑭ ‍ ᐅᒋᐱᔪᐤ ᐅᑯᐃᔅᑯᑕᑎᓯᐅᒡ ᒐᒋ ᐃᓯ ‍ ᑭᓄᐛᐱᒥᔨᒥᑦ ᒋᓴᒪᓂᑐᐤ᙮ ᐊᑯ ᒪᒃ ᑲ ‍ ᐱᓱᔅᑯᐛᒡ ᐊᓂᔭᔪᐛ ᐊᓯᓂᔭ ᑲ ‍ ᐱᔅᑎᓇᑭᓄᔨᒋ ᒐ ‍ ᐱᓱᓯᒧᐛᔨᒋ᙮
\v 33 ᐊᐅᒄ ᐊ ‍ ᐊᔨᒧᑕᒡ ᒋᓴᒪᓂᑐᐤ ᐅᒥᓯᓂᐃᑭᓂᒡ ᐊᓐᑕ ᑲ ‍ ᐃᑎᔅᑕᒡ,
\q ᐃᑕᐱᒄ ᒪ, ᓂ ‍ ᐱᔅᑎᓇᐤ ᓴᐃᔭᓂᒡ ᐊᓯᓂᔾ ᒐ ‍ ᐱᓱᓯᒧᐛᑦ᙮ ᒥᒐᐱᔅᒋᓱᐤ ᐅ ᐊᓯᓂᔾ, ᒋᑭ ‍ ᐸᒋᓯᓂᔪᐛ ᒪᒃ ᐊᓂᔭᔪᐛ ᐊᐛᔪᐛ ᒐ ‍ ᐱᓱᔅᑲᑯᑦ᙮
\q ᐊᓐ ᒪᒃ ᐊᐛᓐ ᒐ ‍ ᑕᑈᔭᔨᒪᒂ ᓇᒪ ᓂᑕ ᒋᑭ ᐅᒋ ‍ ᐃᑕᔨᑎᒻ ᓴᒐᔾ ᐊ ‍ ᑕᑈᔭᔨᒪᑦ᙮
\c 10
\p
\v 1 ᓂᐧᑲᓂᓯᑐᒄ, ᒋᒋᐛ ᐊ ᐃᓯ ‍ ᐱᑯᓴᔨᒧᔭᓐ ᓂᑕᐃᒡ ᑭᔭ ᒋᒋᐛ ᐊ ᐃᓯ ‍ ᓂᑐᑎᒧᐅᒃ ᒐᒂᔪᐤ ᒋᓴᒪᓂᑐᐤ ᐊᐅᒄ ᒐᒋ ᐱᒪᒋᐅᒡ ᓂᒡ ᐃᔅᕋᐃᓪ ᐃᔪᒡ᙮
\v 2 ᐛᔅ ᑕᑈ ᓂᑭ ᒋ ‍ ᐃᑕᒋᒪᐅᒡ ᑕᑈ ᐊ ᐎ ‍ ᓇᐊᔨᑎᒥᐊᒡ ᒋᓴᒪᓂᑐᐛ ᒥᒄ ᒪᒃ ᓇᒪ ᓂᔅᑐᑎᒧᒡ ᑕᓐᑕ ᒐᒋ ᐅᒋ ‍ ᓇᐊᔨᑎᒥᐊᒡ᙮
\v 3 ᐊᑲ ᐅᒋ ᒋᔅᒐᔨᑕᒡ ᑕᓐᑕ ᑯᐃᔅᑯᑕᑎᓯᐅᓂᒡ ᐛᒋ ᐃᓯ ‍ ᑭᓄᐛᐱᒥᑯᔨᒋ ᐊᐛᔪᐛ ᒋᓴᒪᓂᑐᐛ ᐊᑯ ᐎᔨᐛᐤ ᑎᐸᓐ ᑲ ‍ ᑯᒋᑕᒡ ᒐᒋ ᑯᐃᔅᑯᓇᑯᐃᓱᒡ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᐊᑯ ᒪᒃ ᓇᒪ ᐱᔅᑕᔨᒥᑎᓱᔅᑎᒧᒡ ᐊᓂᔭ ᑕᓐ ᑲ ‍ ᐃᑎᔅᑕᔨᒡ ᒋᓴᒪᓂᑐᐛ ᒐ ‍ ᐃᑎᔨᒋ ᐊᐛᔪᐛ ᐅᑯᐃᔅᑯᑕᑎᓯᐤ ᒐᒋ ᐃᓯ ‍ ᑭᓄᐛᐱᒪᑭᓄᔨᒋ᙮
\v 4 ᑲ ‍ ᑎᑯᓯᐧᒃ ᙭ ᒋ ‍ ᐃᑐᑎᒻ ᐎᓱᐛᐅᓂᔪᐤ ᒐ ᐊᑲ ᒋ ᐊᐱᑕᔨᑕᑯᓂᔨᒡ, ᑭᔭ ᒥᓯᐛ ᐊᓂᔭᔪᐛ ᒐ ‍ ᑕᑈᔭᔨᒥᑯᒂ ᐊᐅᑯᓂ ᐊᓂᔭᔪᐛ ᐅ ᑯᐃᔅᑯᑕᑎᓯᐤ ᒐ ᐃᓯ ‍ ᑭᓄᐛᐱᒥᑯᔨᒋ ᒋᓴᒪᓂᑐᐛ᙮
\s1 ᒥᓯᐛ ᐊᐛᓐ ᑲ ‍ ᑕᑈᑕᐧᒃ ᒋᑭ ‍ ᐱᒪᒋᐅᐤ
\s2 Romans 10.5-15 (Proper-14 Year A)
\p
\v 5 ᒧᓱᔅ ᒋ ‍ ᐊᔨᒧᒪᐤ ᐊᓂᔭᔪᐛ ᐊᐛᔪᐛ ᐊ ‍ ᓂᓇᐊᔨᑎᒥᔨᒋ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑲ ᐎ ᐅᒋ ‍ ᑯᐃᔅᑯᑕᑎᓯᐃᓱᔨᒋ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᒋ ‍ ᐃᑕᐤ, “ᐊᓐ ᐊᐛᓐ ᒐ ‍ ᑎᐸᑐᑎᒧᒂ ᑕᓐ ᐊ ‍ ᐃᑎᓱᐛᒥᑭᓂᔨᒡ ᐎᓱᐛᐅᓂᔪᐤ ᐊᔪᐅᒄ ᐊᓂᔭ ᒐ ᐃᓯ ‍ ᐱᒪᑎᓯᑦ᙮”
\v 6 ᒪᐅ ᒪᒃ ᐊ ᐃᓯ ‍ ᐊᔨᒧᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑕᑈᑎᒧᐅᓂᒡ ᐊ ᐅᒋ ‍ ᑯᐃᔅᑯᑕᑎᓯᐊᑭᓄᐅᑦ ᐊᐛᓐ, ᐊᑲᐎᔾ ᒋᑭ ᐅᒋ ‍ ᐃᑕᔨᑎᒻ ᐊᐛᓐ ᒋᒋᒋᓯᑯᒡ ᒋᑭ ‍ ᐃᑐᑕᐤ ᐊᐛᓐ ᒐᒋ ᐸᓱᐛᑦ ᙭ᑕ ᒐᒋ ᐊᔨᒧᑎᒪᑯᐅᐛᐧᒄ ᐱᒪᒋᐃᑯᓯᐅᓂᔪᐤ᙮
\v 7 ᐊᑲᐎᔾ ᑭᔭ ᒋᑭ ᐅᒋ ‍ ᐃᑕᔨᑎᒻ ᐊᐛᓐ ᑕᒥᒡ ᐊᓐᑕ ᐊᔅᒋᒡ ᐊᓐᑕ ᐊ ‍ ᑕᒡ ᑲ ‍ ᓂᐱᒡ ᒋᑭ ‍ ᐃᑐᑕᐤ ᐊᐛᓐ ᐊᓐᑕ ᒐᒋ ᐅᑐᑕᐊᑦ ᙭ᑕ ᒐᒋ ᐊᔨᒧᑎᒪᑯᐛᐧᒄ ᐱᒪᒋᐃᑯᓯᐅᓂᔪᐤ᙮
\s2 Romans 10.8-13 (Lent-1 Year C)
\p
\v 8 ᒪᐅ ᐊ ᐃᓯ ‍ ᐊᔨᒧᑕᒡ ᑕᑈᑎᒧᐅᓂᒡ ᐊ ᐅᒋ ‍ ᑯᐃᔅᑯᑕᑎᓯᐊᑭᓄᐅᑦ ᐊᐛᓐ, ᒋᓴᒪᓂᑐᐤ ᐅᐱᒪᒋᐃᐛᐤ ᒥᔽᒋᒧᐅᓐ ᒋ ‍ ᐸᓱᐛᐱᒥᑯᓇᐛᐤ᙮ ᒋᑭ ᒋ ‍ ᐎᑕᓐ ᐊ ‍ ᑕᑈᒥᑲᒡ ᑭᔭ ᒋᑭ ᒋ ‍ ᐅᑎᓇᓐ ᒋᑕᐃᒡ᙮ ᐊᐅᒄ ᒪᒃ ᐅ ᐊ ᐃᓯ ‍ ᐛᐎᑎᒪᒡ᙮
\v 9 ᐃᔅᒋᔄᔨᓇ ᙭ ᐊᐅᒄ ᐅᑎᐸᔨᒋᒐᐤ ᑭᔭ ᒋᑕᐃᒡ ᑕᑈᑎᒥᓇ ᑕᑈ ᐊᒋ ‍ ᐅᓂᔅᑲᓂᑯᑦ ᒋᓴᒪᓂᑐᐛ ᓂᐳᐅᓂᒡ ᐅᒋ ᒋᑭ ‍ ᐱᒪᒋᐅᓐ᙮
\v 10 ᐛᔅ ᐅᑕᐃᒡ ᑕᑈᑎᒻ ᐊᐛᓐ ᙭ᑕ ᐊᒋ ‍ ᓂᐱᔨᒋ ᑭᔭ ᐊᒋ ‍ ᐅᓂᔅᑲᓂᑯᔨᒋ ᒋᓴᒪᓂᑐᐛ ᓂᐳᐅᓂᒡ ᐅᒋ᙮ ᐊᐅᒄ ᒪᒃ ᐅ ᐊᐛᓐ ᐅᔭ ᐃᓯ ᑕᑈᑕᒐ ᐅᑯᐃᔅᑯᑕᑎᓯᐤ ᒐ ᐃᓯ ‍ ᑭᓄᐛᐱᒥᑯᑦ ᒋᓴᒪᓂᑐᐛ᙮ ᒧᓴ ᐊ ‍ ᐎᑕᐧᒃ ᐊᐛᓐ ᙭ᑕ ᐊ ‍ ᐅᑎᐸᔨᒋᒐᐎᔨᒋ ᐊᑯᑕ ᐛᒋ ‍ ᐱᒪᒋᐃᑯᑦ ᒋᓴᒪᓂᑐᐛ᙮
\v 11 ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᐊᓐ ᐊᐛᓐ ᒐ ‍ ᑕᑈᔭᔨᒪᒂ, ᓇᒪ ᓂᑕ ᒋᑭ ᐅᒋ ‍ ᐃᑕᔨᑎᒻ ᓴᒐᔾ ᐊᓂᔭ ᐊ ‍ ᑕᑈᔭᔨᒪᑦ᙮”
\v 12 ᒥᓯᐛ ᒪᒃ ᐊᐛᓐ ᐊᔨᒧᒪᑭᓄᐤ ᐅᑕ, ᐛᔅ ᐸᐃᑯᓄᒡ ᐃᓯ ‍ ᑭᓄᐛᐱᒪᑭᓄᐎᒡ ᒍᐤ ᑲ ‍ ᐃᑎᔅᑲᓇᓯᒡ ᑭᔭ ᐊᑲ ᒍᐤ ᐃᑎᔅᑲᓇᓯᒡ᙮ ᐸᐃᑯᓱᐤ ᐊᓐ ᐅᑎᐸᔨᒋᒐᐤ ᒥᓯᐛ ᐊ ᐃᓯ ‍ ᑎᐸᔨᒋᒐᑦ᙮ ᒥᓯᐛ ᒪᒃ ᐊᓂᔭᔪᐛ ᑲ ‍ ᓂᑐᑎᒪᑯᑦ ᒐᒋ ᐎᒋᐊᑦ ᒋᑭ ‍ ᓱᐛᔨᒪᐤ᙮
\v 13 ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᐊᐛᓐ ᒐ ‍ ᑕᑈᑕᒂ ᐅᑎᐸᔨᒋᒐᐛ ᒐᒋ ᐎᒋᐃᑯᑦ ᒋᑭ ‍ ᐱᒪᒋᐊᑭᓄᐤ᙮”
\p
\v 14 ᑕᓐᑕ ᒪᒃ ᒐᒋ ᐅᒋ ‍ ᑕᑈᑕᒡ ᐊᑲ ᐅᒋ ᑕᑈᔭᔨᒪᒡ᙮ ᑕᓐᑕ ᒐᒋ ᐅᒋ ‍ ᑕᑈᔭᔨᒪᒡ ᐊᑲ ᐅᒋ ᐸᑕᒡ ᒐᒋ ᐊᔨᒧᒪᑭᓄᔨᒋ ᐊᓐᑕ ᐊ ‍ ᑕᒡ᙮ ᑕᓐᑕ ᒐᒋ ᐅᒋ ‍ ᐊᔨᒧᑎᒧᐛᑭᓄᐎᒡ ᐊᑲ ᐃᑎᓴᐊᒧᐛᑭᓄᑥᐛ ᐊᐛᔪᐛ ᒐᒋ ᐊᔨᒧᑎᒪᑯᒡ ᐊᐛᔪᐛ ᐅᔭ ᐅᑎᐸᔨᒋᒐᐛ᙮
\v 15 ᑕᓐᑕ ᒐᒋ ᐅᒋ ‍ ᑭᒐᔅᒋᒧᒡ ᐊᐛᓐᒋ ᐊᑲ ᒋᑎᓴᐛᑭᓄᑥᐛ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᓄᐛᒡ ᒥᔽᔨᑕᑯᓂᔪᐤ ᑕᑯᓯᒂᐎ ᐅᒡ ᒥᔽᒋᒧᐅᓂᔪᐤ ᑲ ‍ ᐸᑕᒡ᙮
\m
\v 16 ᐊᑎ ᒪᒃ ᐊᒋ ‍ ᑕᔨᒋ ᐊᓂᔭᔪᐛ ᑲ ‍ ᐃᑎᓴᐊᒧᐛᑭᓄᐎᒡ ᒐᒋ ᐛᐎᑎᒪᑯᒡ ᒥᔽᒋᒧᐅᓂᔪᐤ ᐊᓐᒡ ᒍᐤ ᐃᔪᒡ ᓇᒪ ᒥᓯᐛ ᐅᒋ ᑕᑈᑎᒧᒡ᙮ ᐊᐅᒄ ᒪᒃ ᐅᔭ ᐊᓂᔭᐧᑲ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ‍ ᐊᔨᒧᑕᐧᒃ ᑲ ‍ ᐃᔅᒋᔄᑦ,
\q ᐅᑎᐸᔨᒋᒐᐤ, ᐊᑐᐎᔅ ᐊ ᐊᐛᓐ ᑕᑈᑎᒻ ᑕᓐ ᐊ ᐃᓯ ‍ ᐛᐎᑎᒪᒡ ?
\m
\v 17 ᐊ ‍ ᐸᑕᒡ ᐊᐛᓐᒋ ᙭ᑕ ᐊ ‍ ᐊᔨᒧᒪᑭᓄᔨᒋ ᐊᑯᑕ ᐛᒋ ‍ ᑕᑈᑕᒡ᙮ ᐊ ‍ ᑭᒐᔅᒋᒧᓇᓄᐅᒡ ᒪᒃ ᐊᑯᑕ ᐊ ‍ ᐊᔨᒧᒪᑭᓄᐅᑦ ᙭᙮
\p
\v 18 ᒥᒄ ᒪᒃ ᓂ ᐎ ‍ ᑯᒂᒋᒐᒧᓐ, ᓇᒪᐎᔾ ᐊ ᒪᒃ ᙭ᑕ ᐅᒋ ᐊᔨᒧᑎᒧᐛᐊᑭᓄᐎᒡ ᒍᐤ ᐃᔪᒡ ? ᓂᐦᐃ, ᑭᑈ ᑲ ‍ ᐊᔨᒧᑎᒧᐛᑭᓄᐎᒡ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒥᓯᐛ ᐊ ‍ ᐃᔅᐱᑎᔅᑭᒥᑲᔨᒡ ᐊᔅᒋᒡ ᒋ ‍ ᐛᐎᑎᒧᒡ ᐊᓂᔭ ᒥᔽᒋᒧᐅᓂᔪᐤ᙮ ᓇᔅᒡ ᓇᑕ ᐊ ‍ ᐃᔎᔭᔨᒡ ᐅᔭ ᐊᔅᒋᔪᐤ ᒋ ‍ ᐸᑕᑯᓂᔪᐤ ᐅᑦ ᐃᔨᒧᐅᓄᐛᐤ᙮
\p
\v 19 ᒥᓐ ᑯᑎᒡ ᒐᒂᓐ ᓂ ᐎ ‍ ᑯᒂᒋᒐᒧᓐ, ᓇᒪᐎᔾ ᐊ ᒪᒃ ᐅᒋ ᓂᔅᑐᑎᒧᒡ ᐃᔅᕋᐃᓪ ᐃᔪᒡ ᒥᔽᒋᒧᐅᓂᔪᐤ ? ᐊᐅᒄ ᐅᔭ ᒧᓱᔅ ᑲ ‍ ᓂᑲᓐ ᐊᔨᒧᑕᐧᒃ ᐊᓐᑕ ᑲ ‍ ᐃᑎᔅᑕᔨᒡ,
\q ᒋᑭ ‍ ᐃᑐᑕᑎᓇᐛᐤ ᒐᒋ ᐅᑕᔨᒪᑯᒡ ᐊᓐᒡ ᐊᑲ ᑲ ‍ ᐅᑦ ᐃᔨᒥᑐᑐᐛᑭᓄᐎᒡ, ᑭᔭ ᒋᑭ ‍ ᒋᔄᐃᑎᓇᐛᐤ ᐊ ‍ ᐸᐃᑯᔅᑲᓇᓯᒡ ᐃᔪᒡ ᐊᑲ ᑭᒐᑕᐛᔨᑕᒡ ᐊ ‍ ᐊᐱᒋᐃᒂᐤ᙮
\m
\v 20 ᐊᓂᔭᐧᑲ ᐊᐃᓴᔭ ᑯᐃᔅᒄ ᒋ ‍ ᐎᑎᒻ ᐅᔭ ᐊᒋ ‍ ᐃᔅᒋᔄᑯᐱᓇᓂ ᒋᓴᒪᓂᑐᐛ,
\q ᓂᒋ ‍ ᒥᔅᑲᑯᒡ ᐊᓐᒡ ᐊᑲ ᐛᐛᒡ ᓇᓂᑐᐛᔨᒥᒡ᙮ ᓂᒋ ‍ ᓄᑯᓯᔅᑐᐛᐅᒡ ᐊᓐᒡ ᐊᑲ ᓇᓂᑐ  ᒋᔅᒐᔨᒥᒡ᙮
\m
\v 21 ᒪᐅᔭ ᐊ ᐃᓯ ‍ ᐊᔨᒧᒪᑦ ᒋᓴᒪᓂᑐᐤ ᐃᔅᕋᐃᓪ ᐃᔪᐛ,
\q ᐃᔅᑭᓐ ᒋᓯᑲᐛ ᓂᒋ ‍ ᓱᐅᓂᔅᒐᔨᔅᑐᐛᐅᒡ ᐊᓐᒡ ᐊᑲ ᓂᓇᐃᑐᐅᒡ ᑭᔭ ᑲ ‍ ᐊᓏᑕᒡ᙮
\c 11
\s1 ᒋᓴᒪᓂᑐᐤ ᐊ ‍ ᒋᓴᐛᑐᑐᐛᑦ ᐅᑦ ᐃᔨᒪ ᐃᔅᕋᐃᓪ
\s2 Romans 11.1-2a, 29-32 (Proper-15 Year A)
\p
\v 1 ᒥᓐ ᑯᑎᒡ ᒐᒂᓐ ᓂ ᐎ ‍ ᑯᒂᒋᒐᔨᒧᓐ᙮ ᒋ ‍ ᐛᐱᓇᐤ ᐊ ᒋᓴᒪᓂᑐᐤ ᐅᑦ ᐃᔨᒪ ? ᓇᒪᐎᔾ ᑭᑈ ᐅᒋ ᐛᐱᓇᐤ᙮ ᐃᔅᕋᐃᓪ ᐃᔪᐤ ᑭᔭ ᓂᔾ᙮ ᐊᑉᕋᐊᒻ ᐊ ‍ ᑕᑦ ᓂᒋ ᐅᒋ ᐊᓂᔅᒐ ‍ ᐱᒪᑎᓯᓐ᙮ ᐱᓐᒋᒥᓐ ᑲ ‍ ᐃᓯᓂᐧᑲᓱᒡ ᐅᐸᐃᑯᑕᐅᓯᐅᒡ ᐊᑯᑕ ᐛᒋᔭᓐ᙮
\v 2 ᓇᒪ ᐅᒋ ᐛᐱᓇᐤ ᒋᓴᒪᓂᑐᐤ ᐅᑦ ᐃᔨᒪ, ᐊᓂᔭᔪᐛ ᓴᔅ ᐊᓐᑕ ᐛᔅᑭᒡ ᑲ ‍ ᐅᑎᓇᑦ ᐎᔾ ᒐᒋ ᑎᐱᔨᐛᐅᓯᑦ᙮ ᒋ ‍ ᒋᔅᒐᔨᑕᓇᐛᐤ ᑕᓐ ᐊ ᐃᓯ ‍ ᐊᔨᒧᒪᑭᓄᐅᑦ ᐃᓚᐃᒐ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ᙮ ᒋ ‍ ᐊᔨᒧᑎᒺᐤ ᒋᓴᒪᓂᑐᐛ ᑕᓐ ᑲ ᐃᓯ ᐊᑲ ᒪᒧᔭᒻ ᐅᒋ ᐃᑎᔨᒋ ᐃᔅᕋᐃᓪ ᐃᔪᐛ, ᒋ ‍ ᐃᔅᒋᔄᐤ,
\q
\v 3 ᐅᑎᐸᔨᒋᒐᐤ, ᒋ ‍ ᓂᐸᐊᐅᒡ ᒋᒋᔅᒋᐛᐃᒐᓯᒪ ᐅᒡ ᐃᔪᒡ᙮ ᒋ ‍ ᓂᓱᐅᓇᒋᑕᐅᒡ ᒋᐱᔅᑎᓂᒐᐅᓇᐱᔎ᙮ ᓂᔾ ᒪᔅᑕᔾ ᓂ ‍ ᐸᐃᑯᓯᓐ ᐊ ‍ ᓇᓴᐅᑕᓐ᙮ ᓂ ᐎ ‍ ᓂᐸᐃᑯᒡ ᒪᒃ ᑭᔭ ᓂᔾ᙮
\m
\v 4 ᐊᑯ ᒪᒃ ᑲ ‍ ᐃᑎᑯᑦ ᐅᑎᐸᔨᒋᒐᐛ,
\q ᓂᔄᐅᑕᒡ ᑕᑥᐤ ᒐᓯᐱᔪᐤ ᓂᒋ ‍ ᑎᐸᓇᐊᐅᒡ ᐊᓐᒡ ᐊᐛᓐᒋ ᐊᑲ ᓂᑕ ᐅᒋ ᓂᐱᔅᑯᐱᔅᑐᐛᒡ ᐊᓂᔭᔪᐛ ᒥᓂᑐᐧᑲᓇ ᐸᐃᓪ ᑲ ‍ ᐃᓯᓂᐧᑲᓱᔨᒋ᙮
\m
\v 5 ᐊᐅᑯᓐ ᒪᒃ ᒧᔭᒻ ᐊ ‍ ᐃᔅᐱᔨᒡ ᐊᓄᒡ᙮ ᑕᐅᒡ ᐃᔅᕋᐃᓪ ᐃᔪᒡ ᐊᑲ ᒥᒐᑎᒡ ᒋᓴᒪᓂᑐᐛ ᐊᒋ ‍ ᐅᑎᓂᑯᒡ ᐊᓂᔭ ᐅᒋ ᐊ ‍ ᒋᓴᐛᑎᓯᑦ᙮
\v 6 ᐊ ‍ ᒋᓴᐛᑎᓯᑦ ᒋᓴᒪᓂᑐᐤ ᐊᐅᒄ ᐅᔭ ᐛᒋ ‍ ᐎᔭᔨᒥᑯᒡ᙮ ᓇᒪ ᐎ ᐊᓂᔭᔪᐤ ᐊ ‍ ᒥᔪᑐᑕᒡ᙮ ᐛᔅ ᐎᔭᔨᒪᑦ ᐊᐛᔪᐛ ᐊᓂᔭ ᐅᒋ ᐊ ‍ ᒥᔪᑐᑎᒥᔨᒋ, ᓇᒪ ᒋᒋᐛ ᒋᐸ ᐅᒋ ‍ ᐃᓯᓇᑯᓂᔪᐤ ᐊᓂᔭ ᐅᒋᓴᐛᑎᓯᐅᓐ᙮
\p
\v 7 ᓇᒪ ᒪᒃ ᐅᒋ ᒥᔅᑭᒧᒡ ᐊᓐᒡ ᐃᔅᕋᐃᓪ ᐃᔪᒡ ᐊᓂᔭ ᓇᔅᒡ ᑲ ‍ ᓇᓂᑐᐛᔨᑕᒡ᙮ ᒥᒄ ᐊᓐᒡ ᒋᓴᒪᓂᑐᐛ ᑲ ‍ ᐅᑎᓂᑯᒡ ᐊᐅᑯᓐᒡ ᐊᓐᒡ ᑲ ‍ ᒥᔅᑲᒡ᙮ ᐊᑯ ᐊᓐᒡ ᑯᑎᑭᒡ ᐊᔭᔅᒃ ᓇᒪ ᐅᒋ ᐸᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᐅᒋ ᓂᔅᑐᑎᒧᒡ᙮
\v 8 ᐊᐅᒄ ᐛᔅ ᑕᑈ ᑲ ‍ ᐃᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒋ ‍ ᐃᑐᑕᑯᐅᒡ ᒋᓴᒪᓂᑐᐛ ᓇᔅᒡ ᐊᑲ ᒐᒂᔪᐤ ᒐᒋ ᓂᔅᑐᑕᒡ ᐊᒐᐧᑯᐅᓂᒡ ᐃᔅ᙮ ᒋ ‍ ᐃᑐᑕᑯᐅᒡ ᒐ ᐊᑲ ᒋ ᐛᐸᑎᒺᒡ ᑕᓐ ᐊ ‍ ᐃᑎᔨᒋ ᑭᔭ ᒐ ᐊᑲ ᒋ ᐸᑐᐛᒡ ᑕᓐ ᐊ ‍ ᐃᔅᒋᔄᔨᒋ᙮ ᐊᔅᒄ ᐊᓄᒡ ᒐᓯᑲᔨᒡ ᐊᐅᑯᓐ ᐊ ‍ ᐃᓯᓇᑯᓯᒡ᙮
\m
\v 9 ᐊᓂᔭ ᒋᓴᐅᒋᒪᐤ ᑎᐱᑦ ᑭᔭ ᐎᔾ ᒋ ‍ ᐃᑎᓯᓇᐃᒐᐤ,
\q ᐊᑯᔅ ᐊ ‍ ᑕᐧᑯᒥᑯᒡ ᒪᒃ ᐊ ‍ ᓂᒂᑎᑯᒡ ᒋᑭ ‍ ᐃᓯᓇᑯᓂᔪᐛ ᐅᒥᑯᓴᐅᓄᐛᐛ᙮ ᐊᑯᔅ ᒋᑭ ‍ ᐸᒋᓯᒥᑯᐅᒡ ᐊᓂᔭᔪᐛ ᐅᒥᑯᓴᐅᓄᐛᐛ᙮ ᐊᑯᔅ ᒋᑭ ‍ ᐛᐛᓯᐊᑭᓄᐅᒡ᙮
\v 10 ᓂ ‍ ᓂᑐᑎᒪᓐ ᒐᒋ ᒋᑈᐱᓇᑭᓄᐎᒡ ᒐᒋ ᐊᑲ ᐛᐸᑕᒡ᙮ ᓂ ‍ ᓂᑐᑎᒪᓐ ᑲᒋᒡ ᒐᒋ ᐛᒋᓯᒡ ᐊ ᐃᔅᐱᔅ ‍ ᑯᓯᑯᔅᑲᑯᒡ ᐅᑦ ᐊᔨᒪᔨᑎᒧᐅᓄᐛᐛ᙮
\p
\v 11 ᒥᓐ ᑯᑎᒡ ᒐᒂᓐ ᓂ ᐎ ‍ ᑯᒂᒋᒐᒧᓐ᙮ ᐃᔅᐱ ᑲ ‍ ᐊᑐᐛᔨᒪᒡ ᒋᓴᒪᓂᑐᐛ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ, ᒋ ‍ ᓇᔅᐱᒡ ᐸᒋᓯᓄᐅᒡ ᐊ ᐊᓂᔭ ᑲ ‍ ᐸᒋᓯᒡ ? ᓇᒪ ᐅᒋ ᓇᔅᐱᒡ ᐸᒋᓯᓄᐅᒡ᙮ ᐊᓂᔭ ᐊ ‍ ᐊᑐᐛᔨᒪᒡ ᒋᓴᒪᓂᑐᐛ ᐊᑯᑕ ᑲ ᐅᒋ ‍ ᓇᐃᐱᔨᑕᔨᒋ ᒐᒋ ᐱᒪᒋᐊᔨᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᒋ ‍ ᐱᒪᒋᐊᔪᐛ ᒪᒃ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᐅᑕᔨᑕᒡ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ᙮
\v 12 ᐊᓐᑕ ᑲ ‍ ᒥᒋᑐᑕᒡ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ ᐊᑯᑕ ᓇᔅᒡ ᑲ ‍ ᓱᐛᔨᒪᑦ ᒋᓴᒪᓂᑐᐤ ᒥᓯᐛ ᐊᓂᔭ ᑯᑎᑲ ᐊᐛᔪᐛ ᐃᔭᒡ ᑲ ‍ ᐃᑎᔅᑲᓇᓯᔨᒋ᙮ ᑭᔭ ᐊᓂᔭ ᐊᒋ ‍ ᐸᒋᓯᓂᒡ ᐊᑯᑕ ᑭᔭ ᒋᓴᒪᓂᑐᐤ ᑲ ᐅᒋ ᒥᔅᑎ ‍ ᓱᐛᔨᒪᑦ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᒐᔅᑎᓇᑕᔨᑕᑯᓐ ᒪᒃ ᐊᑐᐎᔅ ᒐ ‍ ᒥᓴᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ ᑲᐤ ᓂᑐᐛᐱᒥᑯᒐ ᒥᓯᐛ ᒍᐤ ᐃᔪᐛ᙮
\s1 ᒋᓴᒪᓂᑐᐤ ᐊ ‍ ᐱᒪᒋᐊᑦ ᐊᑲ ᒍᐤ ᐃᑎᔅᑲᓇᓯᔨᒋ ᐊᐛᔪᐛ
\p
\v 13 ᐊᑯ ᒪᒃ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᒐ ‍ ᐃᔨᒥᐃᑎᑯᒡ᙮ ᐊᐅᒄ ᓂᔾ ᒋᑦ ᐊᑈᔅᑕᓂᒧᐛᐤ᙮ ᒧᔅ ᒪᒃ ᒋᒋᐛ ᓂᑭ ‍ ᐃᑕᔨᑎᒥᐃᑯᓐ ᐅ ᐊᑐᔅᒐᐅᓐ᙮
\v 14 ᐛᐱᒥᑥᐛ ᓂᒡ ᒍᐤ ᐃᔪᒡ ᐊ ‍ ᐛᐎᑎᒪᑎᑯᒡ ᒥᔽᒋᒧᐅᓐ ᒋᑭ ᒋ ‍ ᐃᓯᓇᑯᓂᔪᐤ ᒐᒋ ᐃᑐᑕᑯᒡ ᐱᔅᒐ ᑲᐤ ᒐᒋ ᓂᑐᐛᐱᒪᒡ ᒋᓴᒪᓂᑐᐛ ᑭᔭ ᒐ ‍ ᐱᒪᒋᐅᒡ᙮
\v 15 ᒪᒂᒡ ᐊᑲ ᐱᔅᑲᑎᑯᒡ ᒋᓴᒪᓂᑐᐛ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ ᐊᑯᑕ ᑲ ‍ ᐅᒋᐱᔨᒡ ᒥᓯᐛ ᐊᓐᒡ ᑯᑎᑭᒡ ᐃᔭᒡ ᑲ ‍ ᐃᑎᔅᑲᓇᓯᒡ ᒐᒋ ᐎᒐᐛᑭᓂᑐᐛᒡ ᒋᓴᒪᓂᑐᐛ᙮ ᐃᔅᐱ ᒪᒃ ᑲᐤ ᐅᑎᓂᑯᑥᐛ ᒋᓴᒪᓂᑐᐛ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ ᒧᔭᒻ ᐊᐛᓐᒋ ᐊᒋ ‍ ᓂᐱᒡ ᑲᐤ ᒪᒃ ᐊ ‍ ᐱᒪᑎᓯᒡ ᒋᑭ ‍ ᐃᓯᓇᑯᓱᐅᒡ᙮
\p
\v 16 ᐊ ‍ ᐸᒂᓇᑦ ᐊᐛᓐ ᐅᔅᒋᐸᒂᓯᑭᓇ ᐊ ‍ ᒥᑐᔅᑕᐊᒪᑦ ᒋᓴᒪᓂᑐᐛ ᐃᔅ ᐊ ‍ ᑕᔨᒋ ᒥᓯᐛ ᐊ ‍ ᐃᔅᐱᔅᑎᔨᒋ ᐊᓂᔭᔪᐛ ᐸᒂᓯᑭᓇ ᐎᔾ ᒋᓴᒪᓂᑐᐤ ᐊ ‍ ᐊᔭᐛᑦ ᐃᓯᓇᑯᓂᔪᐤ᙮ ᑭᔭ ᐎᔾ ᒋᓴᒪᓂᑐᐤ ᑲ ‍ ᐱᔅᑎᓂᒧᐛᑭᓄᒂ ᐊᓂᔭ ᐅᑎᐱᔪᑕ ᑭᔭ ᐊᓂᔭᔪᐛ ᐅᑎᐧᑯᓇ ᐸᔭᐧᑭᓇ ᐃᓯᓇᑯᓇ᙮
\p
\v 17 ᐊᓐᒡ ᐃᔪᒡ ᒍᐤ ᑲ ‍ ᐃᑎᔅᑲᓇᓯᒡ ᐊᐅᑯᐤ ᐅᒡ ᐊᓕᑉ ᒥᔅᑎᒄ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᑲ ‍ ᓂᑕᐅᒋᐊᑭᓄᐅᑦ᙮ ᒋ ‍ ᑎᑯᓇ ᐅᑎᐧᑯᓇ ᐊᒋ ‍ ᓇᑥᑲᐃᑭᓄᐅᒋ ᐊᓐᑕ ᐅᒋ ᒥᔅᑎᑯᒡ᙮ ᐸᐃᒄ ᒪᒃ ᐅᑎᐧᑯᓐ ᓂᑎᒥᒄ ᐊ ‍ ᓂᑕᐅᒋᑦ ᐊᓕᑉ ᒥᔅᑎᒄ ᒋ ‍ ᒋᑭᒧᑕᑭᓄᐅᔪᐤ ᐊᓐᑕ᙮ ᒋᔨᐛᐤ ᒪᒃ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᑯᓐ ᐊᓐ ᐊᓕᑉ ᒥᔅᑎᒄ ᐊᓐᑕ ᓂᑐᐎᔾ ᑲ ‍ ᓂᑕᐅᒋᑦ᙮ ᐊᓄᒡ ᒪᒃ ᒋ ᒥᔪ ‍ ᓂᑕᐅᒋᓇᐛᐤ ᐊᒐᐧᑯᐅᓂᒡ ᑭᔭ ᒋᔨᐛᐤ, ᒧᔭᒻ ᑕᓐ ᐊ ᐃᓯ ᒥᔪ ‍ ᓂᑕᐅᒋᒡ ᐊᒐᐧᑯᐅᓂᒡ ᐊᓐᒡ ᒍᐤ ᐃᔪᒡ᙮
\v 18 ᐊᑲᐎᔾ ᒪᒃ ᒋᑭ ᐅᒋ ‍ ᒪᔭᔨᒪᐛᐅᒡ ᐊᓐᒡ ᒧᔭᒻ ᐅᑎᐧᑯᓇ ᐊᒋ ‍ ᓇᑥᑲᐃᑭᓄᐅᒋ ᑲ ‍ ᐃᓯᓇᑯᓯᒡ᙮ ᒐᒂᓐ ᒐ ᐅᒋ ᐎ ‍ ᓂᓇᐸᐅᒧᔭᒄ᙮ ᒧᔭᒻ ᑕᑈ ᐊᓐᑕ ᒥᔅᑎᑯᒡ ᐊ ‍ ᐅᒋᔭᒄ ᒋᑦ ᐃᓯᓇᑯᓯᓇᐛᐤ᙮ ᐊᑯᑕ ᐛᒋ ‍ ᒥᔪ ‍ ᓂᑕᐅᒋᔭᒄ᙮ ᓇᒪᔭᐤ ᒋᔨᐛᐤ ᓇᑕᐅᒋᐊᒄ ᐅ ᒥᔅᑎᒄ᙮
\p
\v 19 ᒂᔄᓐ ᐱᔅᒐ ᐊᓐᑕ ᐊ ‍ ᑎᓯᔭᒄ ᒋᑭ ᒋ ‍ ᐃᔅᒋᔄᓇᐛᐤ, “ᐱᔅᒐ ᐅᑎᐧᑯᓇ ᒋ ‍ ᓇᑥᓂᒻ ᒋᓴᒪᓂᑐᐤ ᓂᔾ ᒥᔅᑯᒡ ᒐᒋ ᓂᑕᐅᒋᔭᓐ ᐊᓐᑕ ᑲ ‍ ᓂᑕᐅᒋᒋ ᐊᓂᔭᔪᐛ ᐅᑎᐧᑯᓇ᙮”
\v 20 ᑕᑈ ᑭᑈ᙮ ᒥᒄ ᒪᒃ, ᒋᓴᒪᓂᑐᐤ ᒋ ‍ ᐃᒐᓇᐤ ᐊᓂᔭᔪᐛ ᒍᐤ ᐃᔪᐛ ᐛᓴ ᐊᒋ ‍ ᐊᓏᑕᑯᑦ᙮ ᒋᔾ ᒪᒃ ᐎ, ᒋ ᒥᔪ ‍ ᓂᑕᐅᒋᓐ ᐊᓐᑕ ᐊᓐ ᒥᔅᑎᒄ ᐛᔅ ᔅᒋ ‍ ᑕᑈᔭᔨᒪᐤ ᒋᓴᒪᓂᑐᐤ᙮ ᐊᑲᐎᔾ ᒋᑭ ᐅᒋ ‍ ᓂᓇᐸᐅᒧᓐ᙮ ᑎᑯᓐ ᐃᔭᐱᒡ ᒐᒋ ᐃᔭᒂᒥᔨᓐ᙮
\v 21 ᓇᒪ ᐅᒋ ᒥᓇᒋᐊᐤ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ, ᐊᓂᔭᔪᐛ ᒋᒋᐛ ᐅᑎᐧᑯᓇ ᐊᓐᑕ ᒥᔅᑎᑯᒡ ᑲ ᐃᓯ ‍ ᑭᓄᐛᐱᒪᑭᓄᔨᒋ᙮ ᒋᑦ ᐃᑕᔨᑕᓐ ᐊ ᒪᒃ ᒋᔾ ᒐ ‍ ᒥᓇᒋᐃᔅᒃ ?
\p
\v 22 ᒋ ‍ ᐛᐸᑎᒺᓇᓄᐤ ᒪᒃ ᑕᓐ ᐊᔅᐱᔅ ᒥᔽᔨᑕᑯᓯᑦ ᒋᓴᒪᓂᑐᐤ ᑭᔭ ᒋ ‍ ᐛᐸᑎᒺᓇᓄᐤ ᑕᓐ ᒐᒋ ᐃᔅᐱᔅ ᐊᑲ ᒥᓇᑎᓯᑦ᙮ ᓇᒪ ᒥᓇᒋᐊᐤ ᐊᓂᔭᔪᐛ ᑲ ‍ ᐸᒋᓯᓂᔨᒋ ᒥᒄ ᒪᒃ ᒥᔪᑐᑎᒧᐛᐤ ᐊᓂᔭ ᒧᔅ ᑲ ᐎ ‍ ᒥᔪᑐᑎᒥᔨᒋ ᐎᔾ ᐃᔅ ᐊ ‍ ᑕᑦ᙮ ᐊᑲ ᒪᒃ ᐅ ᐃᑎᔨᓇ ᑭᔭ ᒋᔾ ᒋᑭ ‍ ᒥᓂᓱᒄ ᒋᓴᒪᓂᑐᐤ᙮
\v 23 ᒧᔭᒻ ᒪᒃ ᒥᑕᒋᔨᐛᔨᑕᒂᐛ ᐊᒋ ‍ ᐊᓏᑕᒡ ᐊᓐᒡ ᒍᐤ ᐃᔪᒡ ᒥᓐ ᑲᐤ ᒋᑭ ‍ ᒋᑭᒧᐛᐊᑭᓄᐎᒡ ᐊᓐᑕ ᑲ ᐅᒋ ‍ ᓂᑕᐅᒋᒡ᙮ ᐊᐅᑯᓐ ᑕᑈ ᒐᒋ ᐃᑐᑕᑯᒡ ᒋᓴᒪᓂᑐᐛ᙮
\v 24 ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᑯᓐ ᒋᔨᐛᐤ ᐅᑎᐧᑯᓐ ᓂᑎᒥᒄ ᑲ ‍ ᓂᑕᐅᒋᑦ ᐊᓕᑉ ᒥᔅᑎᑯᒡ ᒋᑦ ᐃᓯᓇᑯᓯᓇᐛᐤ᙮ ᐅ ᒪᒃ ᐅᑎᐧᑯᓐ, ᓂᑕᐅᒋᑕᑭᓐ ᐊᔅᒋᒡ ᑲ ‍ ᓂᑕᐅᒋᑦ ᐊᓕᑉ ᒥᔅᑎᒄ ᐊᑯᑕ ᑲ ‍ ᒋᑭᒧᑕᑭᓄᐅᒡ ᐊᑎ ᐊᑲ ᐊᓐᑕ ᐅᒋ ᓂᑕᐅᒋᒡ᙮ ᐅ ᒪᒃ ᐊᓕᑉ ᒥᔅᑎᒄ ᑲ ‍ ᓂᑕᐅᒋᐊᑭᓄᐅᑦ ᐊᐅᑯᓐᒡ ᐅᒡ ᒍᐤ ᐃᔪᒡ᙮ ᒐᔅᑎᓇᔅ ᒪᒃ ᒋᑭ ᒋ ‍ ᐃᑐᑐᐛᐤ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ ᑲᐤ ᒐᒋ ᒋᒋ ‍ ᓂᑕᐅᒋᔨᒋ ᐊᓐᑕ ᓴᔅ ᑲ ‍ ᓂᑕᐅᒋᔨᒋ ᐊᓐᑕ ᐸᒋ᙮
\s1 ᒥᓯᐛ ᐊᐛᔪᐛ ᐊ ‍ ᒋᓴᐛᑐᑐᐛᑦ ᒋᓴᒪᓂᑐᐤ
\p
\v 25 ᓂᐧᑲᓂᓯᑐᒄ, ᒋ ‍ ᓂᑐᐛᔨᒥᑎᓇᐛᐤ ᒐᒋ ᓂᔅᑐᑎᒪᒄ ᐅᔭ ᑲ ᐃᓯ ‍ ᒋᔅᒐᔨᑕᑯᑕᑦ ᒋᓴᒪᓂᑐᐤ ᑭᔭ ᓇᒪ ᒋᑭ ᐅᒋ ‍ ᐃᑕᔨᑕᓇᐛᐤ ᓇᔅᒡ ᐊ ‍ ᐃᑈᐧᑲᔭᒄ᙮ ᐊᓄᒡ ᒪᒂᒡ ᒥᒐᑦ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ ᐎ ᓯᐱᑎᒧᒡ᙮ ᓇᒪ ᐎ ᑕᑈᐅᒐᔨᒪᐅᒡ ᒋᓴᒪᓂᑐᐛ᙮ ᒥᒄ ᒪᒃ ᒋᑭ ‍ ᐅᑎᒋᐱᔪᐤ ᒐ ‍ ᑕᑈᑕᒡ᙮ ᐊᔅᒄ ᒪᒃ ᐊᑲ ᐅᑎᒋᐱᔨᒡ ᐅ ᒥᓯᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑕᑐᐤ ᒥᒄ ᒐ ‍ ᐅᑎᓂᑯᐛᒂ ᒋᓴᒪᓂᑐᐛ ᒐᒋ ᐱᒪᒋᐅᒡ, ᒋᑭ ‍ ᐱᒪᒋᐅᒡ᙮
\v 26 ᐊᑯ ᒪᒃ ᒥᓯᐛ ᐃᔅᕋᐃᓪ ᐃᔪᐛ ᒐ ‍ ᐱᒪᒋᐊᑦ ᒋᓴᒪᓂᑐᐤ᙮ ᒧᔭᒻ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᐊᓐ ᒐ ‍ ᐱᒪᒋᐊᑦ ᐊᐛᔪᐛ, ᓴᐃᔭᓂᒡ ᒋᑭ ‍ ᐅᑐᑕᐤ᙮ ᒋᑭ ‍ ᐃᑐᑐᐛᐤ ᐊᓂᔭᔪᐛ ᒐᑭᐸ ᐅᑦ ᐊᐛᓯᒥᔪᐛ ᒐᒋ ᐳᓂᔨᒋ ᐊ ‍ ᒥᒋᑐᑎᒥᔨᒋ᙮
\v 27 ᐊᐅᒄ ᐅᔭ ᒐ ᐃᓯ ‍ ᓂᔅᑯᒧᒡ ᒐᒋ ᐃᑐᑎᒧᐅᒂᐤ ᐛᐸᔨᑎᒧᒂᐛ ᐅᒥᒋᑥᐅᓄᐛᐛ᙮
\m
\v 28 ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ ᒋ ‍ ᐊᑐᐛᔨᑎᒧᒡ ᒥᔽᒋᒧᐅᓂᔪᐤ᙮ ᐊᑯᑕ ᐛᒋ ‍ ᓄᑯᓂᔨᒡ ᐊ ‍ ᐛᐧᑲᑕᒡ ᒋᓴᒪᓂᑐᐛ᙮ ᒐᒋ ᐱᒪᒋᐅᔭᒄ ᒪᒃ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᑯᓐ ᐛᒋ ‍ ᐃᔅᐱᔨᒡ ᐅ᙮ ᐃᔭᐱᒡ ᒪᒃ ᓴᒋᐊᐤ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ᙮ ᐛᔅ ᐅᑦ ᐊᓂᔅᒐ ᐛᐧᑯᒪᑭᓂᔪᐛ ᐊᓐᑕ ᐃᔅ ᐅᑕᒡ ᒋ ‍ ᐅᑎᓇᐤ ᒐᒋ ᐅᑦ ᐃᔨᒥᑦ᙮ ᐊᑯ ᒪᒃ ᐊᓄᒡ ᑕᐱᔨᐛᐅᓯᑦ ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ᙮
\s2 Romans 11.1-2a, 29-32 (Proper-15 Year A)
\p
\v 29 ᑕᐸ ᓂᑕ ᐃᒐᓇᐤ ᒋᓴᒪᓂᑐᐤ ᐊᓂᔭᔪᐛ ᑲ ‍ ᐅᑎᓇᑦ᙮ ᑭᔭ ᓇᒪ ᓂᑕ ᑲᐤ ᐅᑎᓂᒻ ᐊᓂᔭ ᑕᓐ ᓴᔅ ᑲ ᐃᓯ ‍ ᒥᔭᑦ᙮
\v 30 ᓇᒪ ᒋ ᐅᒋ ‍ ᓂᓇᐃᑐᐛᐛᐤ ᒋᓴᒪᓂᑐᐤ ᐊᓐᑕ ᐅᑕᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ᙮ ᐊᓂᔭ ᒪᒃ ᐊᓄᒡ ᐊᑲ ᓂᓇᐃᑐᐛᒡ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ ᐊᔪᐅᒄ ᐛᒋ ‍ ᒋᔅᑎᒪᒐᔨᒥᑕᒄ ᒋᓴᒪᓂᑐᐤ᙮
\v 31 ᐊᔪᐅᒄ ᒪᒃ ᒧᔭᒻ ᒐ ‍ ᐃᑐᑎᒧᐛᑭᓄᐎᒡ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ ᑕᓐ ᑲ ‍ ᐃᑐᑎᒪᑯᐅᔭᒄ᙮ ᐊᓄᒡ ᓇᒪ ᓂᓇᐃᑐᐛᐅᒡ ᒋᓴᒪᓂᑐᐛ᙮ ᒥᒄ ᐊᔅᒄ ᒋᑭ ‍ ᐅᑎᒋᐱᔪᐤ ᐊ ‍ ᒋᔅᑎᒪᒐᔨᒥᑯᒡ ᒋᓴᒪᓂᑐᐛ ᒧᔭᒻ ᑲ ᐃᓯ ‍ ᒋᔅᑎᒪᒐᔨᒥᑕᒄ ᑭᔭ ᒋᔨᐛᐤ᙮
\v 32 ᒥᓯᐛ ᐊᐛᔪᐛ ᓇᒪ ᓂᓇᐃᑕᑯᐤ ᒋᓴᒪᓂᑐᐤ᙮ ᐊᑯ ᒪᒃ ᑲ ‍ ᐃᑐᑐᐛᑦ ᒥᓯᐛ ᐊᐛᔪᐛ ᒐᒋ ᒪᒋᒂᐱᐧᑲᑎᑯᔨᒋ ᐊᓂᔭ ᐊᑲ ᓂᓇᐃᑕᑯᑦ ᐊᓐᑕ ᒐᒋ ᐅᒋ ‍ ᓇᐃᐱᔨᑕᑦ ᒥᓯᐛ ᐊᐛᔪᐛ ᒐᒋ ᒋᔅᑎᒪᒐᔨᒪᑦ᙮
\s1 ᒋᔅᑕᔨᑕᑯᓱᐤ ᒋᓴᒪᓂᑐᐤ
\p
\v 33 ᓇᔅᒡ ᑕᑈ ᒥᔽᔨᑕᑯᓱᐤ ᒋᓴᒪᓂᑐᐤ᙮ ᑕᑈ ᑭᒐᑕᐛᔨᑎᒻ ᑭᔭ ᒥᓯᐛ ᒐᒂᔪᐤ ᒋᔅᒐᔨᑎᒻ᙮ ᐃᔅᐱ ᐎᔭᔨᑕᐧᒃ ᒐᒂᔪᐤ ᓇᒪ ᓇᔅᒡ ᐊᐛᔪᐛ ᒋ ‍ ᐎᑎᒥᔪᐛ ᒐᒂᔪᐤ ᐊᓐᑕ ᐛᒋ ᐃᓯ ‍ ᐎᔭᔨᑕᐧᒃ ᐊᓂᔭ ᒐᒂᔪᐤ᙮ ᓇᒪ ᐊᐛᔪᐛ ᒋ ᒥᔪ ‍ ᒋᔅᒐᔨᑎᒥᔪᐛ ᑕᓐ ᐊ ‍ ᐃᑎᑦ᙮
\v 34 ᒧᔭᒻ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᓇᒪ ᓇᔅᒡ ᐊᐛᓐ ᒋᔅᒐᔨᑎᒻ ᑕᓐ ᐊ ‍ ᐃᑕᔨᑎᒥᔨᒋ ᐅᑎᐸᔨᒋᒐᐛ᙮ ᓇᒪ ᓇᔅᒡ ᐊᐛᓐ ᒋᑭ ᒋ ‍ ᐎᑎᒧᐛᐤ ᑕᓐ ᒋᐸ ‍ ᐃᑎᔪᐛ᙮
\q
\v 35 ᑕᐤ ᐊ ᐊᐛᓐ ᐊᒋ ‍ ᐅᐛᐊᑦ ᒋᓴᒪᓂᑐᐛ ᒐᒂᔪᐤ ᑭᔭ ᒐᒋ ᐃᓯᓇᑯᓂᔨᒡ ᐊ ‍ ᒥᓯᓇᐊᒪᑯᑦ ?
\p
\v 36 ᐎᔾ ᒋᓴᒪᓂᑐᐤ ᒥᓯᐛ ᒐᒂᔪᐤ ᒋ ‍ ᐅᓯᑕᐤ᙮ ᐎᔾ ᒥᓯᐛ ᒐᒂᔪᐤ ᓂᓇᑭᑐᐛᔨᑎᒻ᙮ ᐎᔾ ᒥᓯᐛ ᒐᒂᔪᐤ ᑎᐱᔨᐛᐅᓯᐤ᙮ ᐎᔾ ᒪᒃ ᑲᒋᒡ ᒋᑭ ᐎ ‍ ᒋᔅᑕᔨᒪᑭᓄᐤ᙮ ᐊᒥᓐ᙮
\c 12
\s1 ᑕᓐ ᒐ ᐃᓯ ‍ ᐱᒪᑎᓯᑦ ᐊᓐ ᐊᐛᓐ ᑲ ᐎ ‍ ᓂᓇᐊᔨᑎᒥᐊᑦ ᒋᓴᒪᓂᑐᐛ
\s2 Romans 12.1-8 (Proper-16 Year A)
\p
\v 1 ᐊᓂᔭ ᐊ ᐃᔅᐱᔅ ‍ ᒥᓴᔨᒡ ᒋᓴᒪᓂᑐᐤ ᐅᒋᓴᐛᑎᓯᐅᓐ, ᒋ ‍ ᓂᑐᐛᔨᒥᑎᓇᐛᐤ, ᓂᐧᑲᓂᓯᑐᒄ, ᒐᒋ ᐱᔅᑎᓂᒧᐛᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᐛ ᒧᔭᒻ ᐊ ‍ ᐱᒪᑎᓯᒥᑲᒋ ᒥᔨᐛᐅᓇ ᐊ ‍ ᐃᓯᓇᒂᒋ, ᐊ ‍ ᐸᔭᐧᑲᒋ ᑭᔭ ᐊ ‍ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᐊᐅᒄ ᒋᐸ ‍ ᐃᑎᓇᐛᐤ ᒋᒋᐛ ᒐᒋ ᐃᓯ ‍ ᐊᑐᔅᑯᐛᒄ ᒋᓴᒪᓂᑐᐤ᙮
\v 2 ᐊᑲᐎᔾ ᓂᔅᐱᑐᐛᐧᑯᒡ ᑕᓐ ᐊ ᐃᓯ ‍ ᐱᒪᑎᓯᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ᙮ ᐃᔭᐱᒡ ᓂᑐᐛᔨᒥᐧᒄ ᒋᓴᒪᓂᑐᐤ ᐃᔭᒡ ᒐᒋ ᐃᑕᔨᑕᑯᐃᑕᒄ ᐊ ‍ ᐅᔅᒋᑕᑦ ᑕᓐ ᐊ ᐃᓯ ‍ ᒪᒥᑐᓇᔨᑎᒺᒄ᙮ ᐊᑯ ᒪᒃ ᒐ ‍ ᒋᔅᒐᔨᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᒋᑭ ‍ ᒋᔅᒐᔨᑕᓇᐛᐤ ᒐᒂᔪᐤ ᒪᔽᓯᔨᒡ ᑭᔭ ᒐᒂᔪᐤ ᓇᐊᔨᑎᒥᐃᑯᑦ ᒋᓴᒪᓂᑐᐤ, ᑭᔭ ᐊᓂᔭᔪᐛ ᒐᒂᔪᐛ ᓇᔅᒡ ᐊ ‍ ᑯᐃᔅᑯᓇᒂᒋ᙮
\p
\v 3 ᒋᓴᒪᓂᑐᐤ ᓂᒋ ‍ ᒋᓴᐛᑐᑕᒄ ᐊᒋ ‍ ᒥᔨᑦ ᒐᒋ ᐊᑐᔅᑯᐅᒄ᙮ ᐊᐅᒄ ᒪᒃ ᐛᒋ ‍ ᐃᑎᑎᑯᒡ ᒥᓯᐛ ᐊ ‍ ᑎᓯᔭᒄ ᐊᑲ ᐅᔅᑕ ᒐᒋ ᐃᑕᔨᒥᓱᔭᒄ ᑕᓐ ᒋᐸ ‍ ᐃᑕᔨᒥᓱᓇᐛᐤ᙮ ᑯᐃᔅᒄ ᐎᓯ ‍ ᒪᒥᑐᓇᔨᒥᓱᒄ᙮ ᒥᓯᐛ ᐊ ‍ ᑎᓯᔭᒄ ᒋᑭ ‍ ᐎᔭᔨᑕᓇᐛᐤ ᑕᓐ ᑕᑈ ᒐᒋ ᐃᑐᑎᒪᒄ᙮ ᐅ ᒪᒃ ᐊ ‍ ᐛᑕᔨᑎᒪᒄ ᒋᑭ ᐎ ‍ ᓂᓇᑭᑐᐛᔨᑕᓇᐛᐤ ᑕᓐ ᑲ ᐃᔅᐱᔅ ‍ ᒥᔨᑕᒄ ᒋᓴᒪᓂᑐᐤ ᑕᑈᑎᒧᐅᓂᔪᐤ᙮
\v 4 ᐸᐃᑯᓂᔪᐤ ᐊᐛᓐ ᐎᔪᐤ᙮ ᓂᓇᐧᑯᐤ ᒥᒄ ᐃᓯ ᐱᔅᒐᓯᐅᓂᔪᐤ ᐊᓂᔭ ᐎᔪᐤ᙮ ᑭᔭ ᓂᓇᐧᑯᐤ ᐃᑕᐱᑎᓂᔪᐤ ᑕᓐ ᐊ ᐃᓯ ‍ ᐱᐱᔅᒐᓯᐅᓂᔨᒡ᙮
\v 5 ᐊᐅᑯᓐ ᒪᒃ ᑕᑈ ᐊ ‍ ᐃᓯᓇᑯᓯᔭᐧᒄ᙮ ᒥᓯᐛ ᒋ ‍ ᐸᐃᑯᓇᓄᐤ ᒋᓴᔅ ᙭ ᐊ ‍ ᑕᑦ᙮ ᐊᑎ ᒪᒃ ᐊ ‍ ᒥᒐᑎᔭᐧᒄ ᐃᔭᐱᒡ ᐸᐃᒄ ᒥᔪᐤ ᒋᑦ ᐃᓯᓇᑯᓯᓇᓄᐤ᙮ ᒥᓯᐛ ᒪᒃ ᐊ ‍ ᑎᓯᔭᐧᒄ ᐊᑯᑕ ᐊ ᐃᓯ ‍ ᐎᒋᐃᐛᔭᐧᒄ ᐅ ᒥᔪᐤ᙮
\v 6 ᒥᓯᐛ ᐊ ‍ ᑎᓯᔭᐧᒄ ᓂᓇᐧᑯᐤ ᒥᔨᐛᐅᓇ ᔅᒋ ‍ ᒥᔨᑯᓄᐤ ᒋᓴᒪᓂᑐᐤ᙮ ᒋᐸ ‍ ᐊᐱᒋᑕᓇᓄᐤ ᒪᒃ ᐅᔭ ᒥᔨᐛᐅᓇ᙮ ᑲ ‍ ᒥᔭᑭᓄᐅᒂ ᐊᐛᓐ ᒐᒋ ᐃᔨᒥᔅᑎᒧᐛᑦ ᒋᓴᒪᓂᑐᐛ ᐊ ‍ ᐎᑎᒧᐛᑦ ᐊᐛᔪᐛ ᑕᓐ ᐊ ‍ ᐃᑎᑯᐎᔨᒋ ᒋᓴᒪᓂᑐᐛ ᐊᔪᐅᒄ ᒋᐸ ‍ ᐃᑐᐤ ᐊᓂᔭ ᑕᓐ ᐊ ᐃᓯ ‍ ᑕᑈᑕᐧᒃ ᒐᒋ ᐃᑎᑦ᙮
\v 7 ᑲ ‍ ᒥᔭᑭᓄᐅᒂ ᐊᐛᓐ ᓇᔅᒡ ᒐᒋ ᒥᔪ ‍ ᐎᒋᐊᑦ ᐊᐛᔪᐛ ᐊᐅᑯᓐ ᑭᑈ ᐊᓂᔭ ᒋᐸ ‍ ᐃᑐᐤ᙮ ᑲ ‍ ᒥᔭᑭᓄᐅᒂ ᐊᐛᓐ ᒐᒋ ᒋᔅᑯᑎᒪᒐᑦ ᒋᐸ ‍ ᒋᔅᑯᑎᒪᒐᐤ᙮
\v 8 ᐊ ‍ ᑕᒂ ᐊᐛᓐ ᐊᒋ ‍ ᒥᔭᑭᓄᐅᑦ ᒐᒋ ᓯᒋᒧᐛᑦ ᐊᓐᑕ ᐊᑲ ᐛ ᓴᐸᔨᑕᑭᓄᔨᒋ ᐊᐅᑯᓐ ᒋᐸ ‍ ᐃᑐᐤ᙮ ᑲ ‍ ᒥᔭᑭᓄᐅᒂ ᐊᐛᓐ ᒐᒋ ᐛᐎᒋᐊᑦ ᐊᐛᔪᐛ ᑕᓐ ᐊ ᐃᓯ ‍ ᓄᑕᐱᔨᒋ ᐊᑯᔅ ᒋᑭ ᐎ ‍ ᐛᔪᐅᒡ ᒥᔨᐛᐤ᙮ ᑲ ‍ ᒥᔭᑭᓄᐅᒂ ᐊᐛᓐ ᒐᒋ ᓂᑲᓂᔅᑲᒐᑦ ᓱᒃ ᒋᐸ ᐎ ‍ ᑭᔅᒋᐅᐤ ᐊᓂᔭ ᐊ ‍ ᐃᑕᐱᑎᓯᑦ᙮ ᐊᑯ ᒪᒃ ᑲ ‍ ᒥᔭᑭᓄᐅᒂ ᐊᐛᓐ ᒐᒋ ᐎᒋᐊᑦ ᑲ ‍ ᒋᔅᑎᒪᑎᓯᔨᒋ ᒪᒃ ᐊᓂᔭᔪᐛ ᑲ ‍ ᒥᓯᒪᔨᑎᒥᔨᒋ ᒋᐸ ‍ ᒥᔽᔨᑎᒻ ᐊᓂᔭ ᐊ ‍ ᐃᑐᑕᐧᒃ᙮
\s1 ᒐ ᐃᓯ ‍ ᓴᒋᐃᐛᔨᒋ ᒋᓴᒪᓂᑐᐤ ᐅᑦ ᐊᐛᓯᒪ
\s2 Romans 12.9-21 (Proper-17 Year A)
\p
\v 9 ᒋᒋᐛ ᓴᒋᐊᐧᑯᒡ ᐊᐛᓐᒋ᙮ ᐛᐧᑲᑎᒧᒄ ᐊᓐ ᒐᒂᓐ ᑲ ‍ ᒪᔭᑎᒡ᙮ ᒥᒪᒋᑯᓂᒧᒄ ᐊᓐ ᒐᒂᓐ ᒪᔽᓯᒡ᙮
\v 10 ᓴᒋᐃᑐᒄ ᐛᔅ ᒥᓯᐛ ᒋ ‍ ᐎᐧᑲᓂᓯᓂᑐᓇᐛᐤ᙮ ᒋᔅᑕᔨᒥᑐᒄ ᒋᑕᐃᐛᒡ᙮
\v 11 ᓱᒃ ᐊᓯᒐᔨᑎᒧᒄ ᐊ ‍ ᐊᑐᔅᒐᔭᒄ᙮ ᐊᑲᐎᔾ ᒋᑭ ᐅᒋ ‍ ᒋᑎᒥᓇᐛᐤ᙮ ᓱᒃ ᐊᓯᒐᔨᑎᒧᒄ ᒋᑦ ᐊᒐᐧᑯᐛᒡ᙮ ᐊᑐᔅᑯᐛᐧᒄ ᐅᑎᐸᔨᒋᒐᐤ᙮
\v 12 ᒋᑦ ᐊᔅᐸᔨᒧᑐᑐᐛᐛᐤ ᒋᓴᒪᓂᑐᐤ ᒧᔅ ᒪᒃ ᒥᔽᔨᑎᒧᒄ᙮ ᓱᒃ ᐎ ‍ ᓱᒐᔨᒧᒄ ᓂᓇᐧᑲᑕᔨᒧᔭᑯ᙮ ᒧᔅ ᑭᔭ ᐊᔭᒥᐊᒄ᙮
\v 13 ᐃᔅᐱᔅ ᓄᑕᐱᑥᐛ ᐊᓐᒡ ᑲ ‍ ᑕᑈᑕᒡ ᒐᒂᔪᐤ ᒥᔭᐧᑯᒡ ᑕᓐ ᐊ ᐃᓯ ‍ ᓄᑕᐱᔨᒡ᙮ ᒧᔅ ᒐ ᐎ ‍ ᐱᑎᑲᐊᑯᒡ ᐊᐛᓐᒋ ᐊᑲ ᐊ ‍ ᑎᑯᓂᔨᒡ ᐊᓐᑕ ᒐ ‍ ᑕᒡ᙮
\p
\v 14 ᓱᐛᔨᒪᐧᑯᒡ ᐊᓐᒡ ᑲ ‍ ᐅᓂᑐᑕᑕᑯᒡ᙮ ᓱᐛᔨᒪᐧᑯᒡ, ᐊᑲᐎᔾ ᒥᒐᒋᒪᐧᑯᒡ᙮
\v 15 ᐎᒋ ‍ ᒥᔽᔨᑎᒧᒪᐧᑯᒡ ᐊᓐᒡ ᑲ ‍ ᒥᔽᔨᑕᒡ᙮ ᐎᒋ ‍ ᒥᓯᒪᔨᑎᒧᒪᐧᑯᒡ ᐊᓐᒡ ᑲ ‍ ᒥᓯᒪᔨᑕᒡ᙮
\v 16 ᒥᓯᐛ ᐊ ‍ ᑎᓯᔭᒄ ᓱᒃ ᐎ ᒥᔪ ‍ ᐎᒐᐅᑐᒄ᙮ ᐊᑲᐎᔾ ᒋᑭ ᐅᒋ ‍ ᒋᔅᑕᔨᒥᑎᓱᓇᐛᐤ᙮ ᐊᑲᐎᔾ ᓇᑲᐎᒄ ᒐᒋ ᐎᒐᐛᑯᒡ ᐊᓐᒡ ᓇᔅᒡ ᐊᑲ ᐊᐱᑕᔨᒥᑯᒡ ᐊᐛᔪᐛ᙮ ᐊᑲᐎᔾ ᒋᑭ ᐅᒋ ‍ ᐃᑕᔨᒥᓱᓇᐛᐤ ᓇᔅᒡ ᐊ ‍ ᐃᑈᐧᑲᔭᒄ᙮
\p
\v 17 ᐊᐧᑯᐃᔅᒐ ᐊᐛᓐ ᐊᑲᐎᔾ ᔭᐃᑕᔾ ᐎ ᑎᐸᐊᒪᓱᐤ ᑕᓐ ᑲ ᐃᓯ ‍ ᐊᐧᑯᐃᔅᒃ᙮ ᐃᔭᐱᒡ ᐎ ᒋᔅᒐᔨᑎᒥᔪᐛ ᑕᑈ ᐊ ‍ ᒥᔪᑐᑎᒥᓐ᙮
\v 18 ᒥᒄ ᒐ ‍ ᐃᔅᐱᔅ ᒋ ‍ ᐃᑐᐅᓇ, ᑯᒋᑕ ᒥᓯᐛ ᐊᐛᓐ ᒐᒋ ᒥᔪ ‍ ᐎᒐᐅᑦ᙮
\v 19 ᐊᑲᐎᔾ ᓂᑕ ᑎᐸᐊᒪᓱᒄ ᐊᐛᓐ ᐊ ‍ ᒥᒋᑐᑕᑕᒄ, ᓂᐎᒐᐛᑭᓂᑎᒄ᙮ ᐃᔭᐱᒡ ᐱᔅᑎᓂᒧᐛᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᓂᔾ ᓂᑭ ‍ ᐅᐛᔅᑕᓐ ᐊ ‍ ᒥᒋᑐᑐᐛᑭᓄᐅᑦ ᐊᐛᓐ, ᐃᔅᒋᔄᐤ ᐅᑎᐸᔨᒋᒐᐤ᙮
\q ᓂᔾ ᓂᑭ ‍ ᐛᐛᓯᐊᐤ ᐊᐛᓐ᙮
\m
\v 20 ᐃᔭᐱᒡ ᒪ ᐃᑐᑕ ᐅ ᑲ ‍ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᐊ ‍ ᓯᐛᔨᒂ ᐊᓐ ᐊᐛᓐ ᑲ ‍ ᐛᐧᑲᑎᔅᒃ, ᐊᓯᒻ᙮ ᐛ ᒥᓂᒂ, ᒥᓇᐃ᙮ ᐛᔅ ᐅᔭ ᐃᑐᑐᐅᑕ, ᓇᔅᒡ ᑕᑈ ᒋᑭ ‍ ᓴᒂᔨᒧᐊᐤ᙮
\m
\v 21 ᐊᑲᐎᔾ ᒋᑭ ‍ ᓴᐧᑯᒋᐃᑯᓐ ᒐᒂᓐ ᐊ ‍ ᒪᔭᑎᒡ᙮ ᐎ ᓴᐧᑯᒋᑕ ᐃᔭᐱᒡ ᐊᓐ ᑲ ‍ ᒪᔭᑎᒡ ᐊ ‍ ᒥᔪᑐᑎᒪᒐᔨᓐ᙮
\c 13
\s1 ᑕᓐ ᒋᐸ ᐃᓯ ‍ ᑭᓄᐛᐸᑎᒻ ᐊᐛᓐ ᑎᐸᔨᒐᐅᓂᔪᐤ
\p
\v 1 ᒥᓯᐛ ᐊᐛᓐ ᓂᑐᐛᔨᑕᑯᓱᐤ ᒐᒋ ᓂᓇᐃᑕᐧᒃ ᑎᐸᔨᒐᐅᓂᔪᐤ ᐅᑕ ᐊᔅᒋᒡ᙮ ᒥᓯᐛ ᑎᐸᔨᒐᐅᓐ ᑲ ‍ ᑎᒂᒡ ᒋᓴᒪᓂᑐᐤ ᒋ ‍ ᐱᔅᑎᓂᒻ᙮ ᐎᔾ ᒋ ‍ ᐎᔅᑕᐤ ᒥᓯᐛ ᑎᐸᔨᒐᐅᓂᔪᐤ ᑕᓐ ᒐ ‍ ᐃᓯᓇᑯᓂᔨᒡ᙮
\v 2 ᐊᐅᒄ ᐛᒋ ‍ ᐃᓯᓇᑯᓂᔨᒡ ᐊᐛᓐ ᐊ ‍ ᓂᔅᑯᔅᑕᐧᒃ ᑎᐸᔨᒐᐅᓂᔪᐤ ᓂᔅᑯᔅᑎᒻ ᒐᒂᔪᐤ ᒋᓴᒪᓂᑐᐛ ᐊᒋ ‍ ᐃᑎᓱᐛᑎᒥᔨᒋ ᒐᒋ ᑎᑯᓂᔨᒡ᙮ ᓂᔅᑯᔅᑕᒐ ᒪᒃ ᐊᐛᓐ ᑎᐸᔨᒐᐅᓂᔪᐤ ᒋᑭ ‍ ᐃᑐᑕᓱᐤ ᒐᒋ ᐃᓯᓇᑯᓂᔨᒡ ᒐᒋ ᐛᐛᓯᐊᑭᓄᐅᑦ᙮
\v 3 ᐊᓐᒡ ᑯᐃᔅᒄ ᑲ ‍ ᐃᑎᒡ ᓇᒪ ᑎᑯᓂᔪᐤ ᒐᒋ ᑯᔅᑕᑕᔭᔨᒪᒡ ᐊᓂᔭᔪᐛ ᐎᓱᐛᐅᓇ ᑲ ‍ ᓇᑭᑐᐛᐸᑎᒥᔨᒋ᙮ ᐊᓐᒡ ᐊᐅᒄ ᐊᑲ ᒪᒧᔭᒻ ᐃᑎᒡ ᐊᐅᑯᓐᒡ ᐊ ‍ ᑎᑯᓂᔨᒡ ᒐᒋ ᑯᔅᑕᑕᔭᔨᒪᒡ᙮ ᐊᑲ ᐱᓯᒄ ᐛ ᑯᔅᑕᑕᔭᔨᒪᐅᑕ ᐊᓐ ᐎᓱᐛᐅᓇ ᑲ ‍ ᓂᓇᑭᑐᐛᔨᑕᐧᒃ ᑯᐃᔅᒄ ᐃᑎᔾ᙮ ᒋᑭ ᒋ ‍ ᐃᓯᓇᑯᓂᔪᐤ ᐛᐛᒡ ᒐᒋ ᒥᔪ ‍ ᐊᔨᒧᒥᔅᒃ᙮
\v 4 ᐛᔅ ᒋᓴᒪᓂᑐᐤ ᐊᓂᔭᔪᐛ ᐅᑦ ᐊᐱᒋᐊᑭᓇ᙮ ᒋᑭ ‍ ᒥᔪᐱᔪᐛᓐ ᒪᒃ ᓂᓇᐃᑐᒥᑕ᙮ ᒧᔭᒻ ᒪᒃ ᐊᑲ ᒪᒧᔭᒻ ᐃᑎᔨᓇ ᑕᑈ ᒋᑭ ‍ ᑯᔅᑕᑕᔭᔨᒪᐤ ᐊᓐ ᐎᓱᐛᐅᓇ ᑲ ‍ ᓂᓇᑭᑐᐛᔨᑕᐧᒃ᙮ ᑕᑈ ᐛᔅ ᐊᓐ ᒋ ‍ ᒥᔭᑭᓄᐤ ᒐᒋ ᐛᐛᓯᐊᑦ ᐊᐛᔪᐛ ᐊᑲ ᒪᒧᔭᒻ ᑎᔨᒋ᙮ ᒋᓴᒪᓂᑐᐛ ᐊᓱ ᐊᐱᒋᐃᑯᐤ ᒐᒋ ᐛᐛᓯᐊᑦ ᐊᓂᔭᔪᐛ ᐊᑲ ᒪᒧᔭᒻ ᑎᔨᒋ᙮
\v 5 ᒋ ‍ ᓂᑐᐛᔨᑕᑯᓯᓐ ᒐᒋ ᓂᓇᐊᔨᑎᒥᓐ ᑎᐸᔨᒋᒐᐅᓐ᙮ ᓂᓇᐃᑕ ᓇᒪ ᒥᒄ ᒐ ᐊᑲ ᒋ ᐛᐛᓯᐃᔅᒃ ᒋᓴᒪᓂᑐᐤ, ᐊᐅᒄ ᐃᑎᔾ ᒐᒋ ᒐᔅᑎᓇᐅᔨᓐ ᑕᑈ ᑯᐃᔅᒄ ᐊ ‍ ᐃᑎᔨᓐ᙮
\p
\v 6 ᐊᐅᒄ ᑭᔭ ᐛᒋ ‍ ᓂᑐᐛᔨᑕᑯᓯᔨᓐ ᒐᒋ ᒋᓯᐧᑲᓱᔨᓐ ᓱᓇᔭᐤ᙮ ᒋᓴᒪᓂᑐᐛ ᐊᑐᔅᑯᐛᐅᒡ ᐊᓐᒡ ᑎᐸᔨᒐᐅᓂᒡ ᑲ ᐃᓯ ‍ ᐊᑐᔅᒐᒡ ᐊᐅᒄ ᒪᒃ ᐅᔭ ᐊ ᐃᓯ ‍ ᐊᑐᔅᒐᔅᑕᒡ᙮
\v 7 ᑕᓐ ᒥᒄ ᐊ ᐃᓯ ‍ ᑎᑯᓂᒂ ᓱᓇᔭᔪᐤ ᐊ ‍ ᓂᑐᐛᔨᑕᑯᓯᔨᓐ ᒐᒋ ᒋᓯᐧᑭᒥᓐ, ᒋᓯᐧᑲ᙮ ᑕᓐ ᐊ ᐃᓯ ‍ ᓂᑐᐛᔨᑕᑯᓱᐅᓇ ᒐᒋ ᒋᔅᑕᔨᒥᑥᐤ ᐊᓐᒡ ᑎᐸᔨᒐᐅᓂᒡ ᑲ ᐃᓯ ‍ ᐊᑐᔅᒐᒡ ᒋᔅᑕᔨᒥᒡ ᑭᔭ ᒋᔾ᙮
\s1 ᑕᓐ ᒋᐸ ‍ ᐃᑐᑕᑐᓇᓄᐤ
\s2 Romans 13.8-14 (Proper-18 Year A)
\p
\v 8 ᐊᑲᐎᔾ ᒋᑭ ‍ ᒥᓯᓇᐊᒧᐛᐤ ᐊᐛᓐ ᒐᒂᔪᐤ᙮ ᒥᒄ ᑕᓐ ᒧᔅ ᐊ ᐃᓯ ‍ ᐎᑕᑭᓄᐅᒡ ᒋᐸ ᐃᓯ ‍ ᓴᒋᐃᑐᓇᐛᐤ ᐊᐅᑯᓐ ᐊᓐ ᒋᐸ ‍ ᒥᓯᓇᐊᒪᑐᓇᐛᐤ᙮ ᒥᓯᐛ ᐛᐎᑐᒧᐛᐤ ᐊᐛᓐ ᒋᓴᒪᓂᑐᐛ ᐅᐎᓱᐛᐅᓂᔪᐤ ᐎᐧᑲᓂᓴ ᐊ ‍ ᓴᒋᐊᑦ᙮
\v 9 ᐅᔭ ᐃᑎᓱᐛᐅᓇ, “ᐊᑲᐎᔾ ᐱᓯᒂᑎᓯ, ᐊᑲᐎᔾ ᓂᐸᐃ ᐊᐛᓐ, ᐊᑲᐎᔾ ᒋᒧᑎ, ᐊᑲᐎᔾ ᒧᔅᑕᓂᒧᐤ ᑯᑎᒃ ᐊᐛᓐ ᑕᓐ ᐊ ᐃᓯ ‍ ᐊᔭᑦ᙮” ᑯᑎᑲ ᒪᒃ ᐃᑎᓱᐛᐅᓇ ᐊ ‍ ᐃᑎᒂᒋ, ᒥᓯᐛ ᒪᒧᐤ ᒋᑭ ᒋ ᐃᓯ ‍ ᑭᓄᐛᐸᑕᑭᓄᐛ ᐊᓐᑕ ᐊᓐ ᐸᐃᒄ ᐃᑎᓱᐛᐅᓐ ᑲ ‍ ᐃᑎᓱᐛᒥᑲᒡ, “ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ‍ ᓴᒋᐃᓱᔨᓐ᙮”
\v 10 ᐊᐛᓐ ᐊ ‍ ᓴᒋᐊᑦ ᐎᒡ ᐃᔪᐛ ᓇᒪ ᓂᑕ ᒋᑭ ᐅᒋ ‍ ᐅᓂᑐᑐᐛᐤ᙮ ᐊ ‍ ᓴᒋᐊᑦ ᐊᐛᓐ ᐎᒡ ᐃᔪᐛ ᒥᓯᐛ ᐊᓂᔭᔪᐛ ᐃᑎᓱᐛᐅᓇ ᓂᓇᐃᑎᒻ᙮
\s2 Romans 13.11-14 (Advent-1 Year A)
\p
\v 11 ᐊᐅᑯᓐ ᐅ ᒋᐸ ᐃᓯ ‍ ᐱᒪᑎᓯᓇᐛᐤ ᐊ ‍ ᒋᔅᒐᔨᑎᒪᒄ ᑕᓐ ᒐ ‍ ᐃᔅᐱᔨᒡ ᐊᑯ ᐎᐱᒡ᙮ ᐃᑕᔨᑕᑯᓐ ᐊᑯ ᑕᑈ ᒐᒋ ᐸᑯᐱᔭᒄ ᑭᔭ ᒐᒋ ᐊᓯᒐᔨᑎᒪᒄ᙮ ᐊᓐ ᐊ ‍ ᒋᓯᑲᒡ ᒐ ‍ ᐱᒪᒋᐃᑕᒄ ᒋᓴᒪᓂᑐᐤ ᐊᑐᐎᔅ ᐊᑯ ᐸᓱᓇᑯᓐ ᑲ ‍ ᐃᔅᐱᓯᓇᒂᒡ ᐊᓐᑕ ᓂᔅᑎᒻ ᑲ ‍ ᑕᑈᔭᔨᒪᐧᒄ ᒋᓴᔅ᙮
\v 12 ᓴᔅ ᒐᑲᑦ ᐎᒪᐱᔪᐤ ᐊ ‍ ᑎᐱᔅᑲᒡ᙮ ᓴᔅ ᒋᑭ ‍ ᐅᑎᒋᐱᔪᐤ ᐊ ‍ ᒋᓯᑲᒡ᙮ ᐳᓂᑕᐤ ᐊ ‍ ᐃᑐᑎᒪᐧᒄ ᐊᓂᔭᔪᐛ ᒐᒂᔪᐛ ᑕᓐ ᐊ ᐃᓯ ‍ ᑐᑕᑭᓄᐅᒋ ᐅᓂᑎᐱᔅᒋᓯᐅᓂᒡ᙮ ᑐᑕᑕᐤ ᐊᓂᔭᔪᐤ ᒐᒂᔪᐛ ᒐ ‍ ᐎᒋᐃᑯᔭᐧᒄ ᒐᒋ ᓂᔅᑯᔅᑐᐛᐧᒄ ᒥᒋᒥᓂᑐᐤ ᐛᔅᑕᐅᓂᒡ ᐊ ‍ ᑕᔭᐧᒄ᙮
\v 13 ᑯᐃᔅᒄ ᐃᓯ ᐱᒪᑎᓯᑕᐤ ᒐ ‍ ᓄᒂᒡ ᒪᒃ ᑕᑈ ᐛᔅᑕᐅᓂᒡ ᐊ ᐃᓯ ‍ ᐱᒪᑎᓯᔭᐧᒄ᙮ ᐊᑲᐎᔾ ᒋᑭ ᐅᒋ ‍ ᐎᒋᐃᐛᓇᓄᐤ ᐊ ‍ ᒥᔪᐧᑭᓱᓇᓄᐅᒡ, ᐊ ‍ ᐎᓂᓱᐤ ᐃᑎᓇᓄᐅᒡ ᑭᔭ ᐊᑲᐎᔾ ᐎᒋᐃᐛᑕᐤ ᐊᓐᑕ ᐊ ‍ ᒥᓇᓄᐅᒡ᙮ ᐊᑲᐎᔾ ᓂᓇᐧᑯᐤ ᒋᑭ ᐅᒋ ᐃᓯ ‍ ᐎᓂᓱᐤ ᐱᒪᑎᓯᓇᓄᐤ᙮ ᐊᑲᐎᔾ ᒋᑭ ᐅᒋ ‍ ᒋᐧᑲᒥᑐᓇᓄᐤ᙮ ᐊᑲᐎᔾ ᑭᔭ ᒋᑭ ᐅᒋ ‍ ᐅᑕᔨᒥᑐᓇᓄᐤ᙮
\v 14 ᓂᔅᐱᑐᐛᐧᒄ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᐅᒋ ‍ ᐛᐱᒪᒡ ᐊᐛᓐᒋ ᑕᓐ ᐊ ‍ ᐃᑕᔨᑕᑯᓯᔨᒋ᙮ ᐊᑲᐎᔾ ᐊᐱᑕᔨᑎᒧᒄ ᒋᔭᓱᐛᐤ ᒐᒋ ᐃᑐᑎᒪᒄ ᑕᓐ ᐊ ᐃᓯ ᒥᒋ ‍ ᓂᑐᐛᔨᑎᒧᒥᑲᒋ᙮
\c 14
\s1 ᐊᑲᐎᔾ ᑎᐸᔅᑯᓐ ᐊᐛᓐ
\s2 Romans 14.1-12 (Proper-19 Year A)
\p
\v 1 ᐊᑲᐎᔾ ᐊᑐᐛᔨᒪᐧᒄ ᐊᓐ ᐊᐛᓐ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ᙮ ᐊᑲᐎᔾ ᒋᑭ ᐅᒋ ‍ ᒋᐧᑲᓇᑯᐎᑐᓇᐛᐤ ᐊ ‍ ᐃᔭᔨᒧᑎᒪᒄ ᐊᓂᔭᔪᐛ ᒐᒂᔪᐛ ᐊᑲ ᐸᐃᑯᓄᒡ ᐃᑕᔨᑎᒥᐃᑯᔭᒄ᙮
\v 2 ᐸᐃᒄ ᐊᐛᓐ ᒥᒄ ᐊ ‍ ᐃᓯᓇᒂᒡ ᒐᒂᓐ ᓂᑭ ᒋ ‍ ᒥᒋᓐ ᐃᑕᔨᑎᒻ᙮ ᐊᑯ ᑯᑎᒃ ᐊᐛᓐ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ ᒥᒄ ᓂᑕᐅᒋᑕᑭᓐ ᒥᒋᒥᔪᐤ ᒥᒍᐤ᙮
\v 3 ᐊᓐ ᐊᐛᓐ ᐊᑲ ᓇᔅᒡ ᓂᑎᒥᒄ ᐃᑕᔨᑎᒥᐃᑯᑦ ᒥᒄ ᐊ ‍ ᐃᓯᓇᑯᓂᔨᒡ ᒐᒂᔪᐤ ᐊ ‍ ᒥᒋᑦ ᐊᑲᐎᔾ ᒋᑭ ᐅᒋ ‍ ᐊᑐᐛᔨᒪᐤ ᐊᓂᔭᔪᐛ ᐊᑲ ᒥᒄ ᐊ ‍ ᐃᓯᓇᑯᓂᔨᒡ ᒐᒂᔪᐤ ᑲ ‍ ᒥᒋᔨᒋ᙮ ᑭᔭ ᐊᓐ ᐊᐛᓐ ᐊᑲ ᒥᒄ ᐊ ‍ ᐃᓯᓇᑯᓂᔨᒡ ᒐᒂᔪᐤ ᑲ ‍ ᒥᒋᑦ ᐊᑲᐎᔾ ᒋᑭ ᐅᒋ ‍ ᑎᐸᔅᑯᓇᐤ ᐊᓂᔭᔪᐛ ᐊᐛᔪᐛ ᒥᒄ ᐊ ‍ ᐃᓯᓇᑯᓂᔨᒡ ᒐᒂᔪᐤ ᑲ ‍ ᒥᒋᔨᒋ᙮ ᐛᔅ ᒋᓴᒪᓂᑐᐛ ᓇᒪ ᐊᑐᐛᔨᒥᑯᔪᐛ᙮
\v 4 ᐊᐛᓐ ᒋᔾ ᑲ ᐎ ‍ ᑎᐸᔅᑯᓂᒥᑎ ᑯᑎᒃ ᐊᐛᓐ ᐅᑦ ᐊᐱᒋᐊᑭᓇ᙮ ᐊᓐᒡ ᒥᒄ ᐊ ‍ ᐃᓯᓇᑯᓂᔨᒡ ᒐᒂᔪᐤ ᑲ ‍ ᒥᒋᒡ ᐊᑐᔅᑯᐛᐅᒡ ᒋᓴᒪᓂᑐᐛ᙮ ᒥᒄ ᐅᒋᒪᒪ ᒋᑭ ‍ ᐎᔭᔨᑎᒥᔪᐛ ᑯᐃᔅᒄ ᐊ ‍ ᑎᒂ ᒪᒃ ᐊᑲ ᑯᐃᔅᒄ ᐊ ‍ ᑎᒂ᙮ ᑯᐃᔅᒄ ᒪᒃ ᒋᑭ ‍ ᐃᑐᐤ ᐛᔅ ᑭᔅᒋᐅᔪᐛ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑯᑦ ᑕᑈᑎᒧᐅᓂᒡ᙮
\p
\v 5 ᐸᐃᒄ ᐊᐛᓐ ᑎᑯᓂᔪᐛ ᐊᓂᔭᔪᐛ ᐊ ‍ ᒋᓯᑲᔨᒡ ᒋᒋᐛ ᐊ ‍ ᐃᑕᔨᑎᒥᐃᑯᑦ᙮ ᑯᑎᒃ ᐊᐛᓐ ᐸᐃᑯᓄᒡ ᐃᓯ ᑭᓄᐛᐸᑎᒻ ᒥᓯᐛ ᐊ ‍ ᒋᓯᑲᔨᒡ᙮ ᒥᓯᐛ ᒪᒃ ᐊᐛᓐ ᒋᐸ ‍ ᐎᔭᔨᑎᒻ ᑕᓐ ᐊᓐ ᒐ ᐃᓯ ‍ ᑭᓄᐛᐸᑕᐧᒃ ᐎᔾ ᐅᔭ᙮
\v 6 ᐊᓐ ᐊᐛᓐ ᑲ ‍ ᑎᑯᓂᔨᒡ ᐊ ‍ ᒋᓯᑲᔨᒡ ᐅᔅᑕ ᐊ ‍ ᐃᑕᔨᑎᒥᐃᑯᑦ ᐃᔅᐱᔅ ᑯᑎᑲ, ᐎᔾ ᒋᔅᑕᔨᒪᐤ ᐅᑎᐸᔨᒋᒐᐛ ᐅᔭ ᐊ ‍ ᐃᑎᑦ᙮ ᐊᑯ ᐊᓐ ᐊᐛᓐ ᒥᒄ ᐊ ‍ ᐃᓯᓇᑯᓂᔨᒡ ᒐᒂᔪᐤ ᑲ ‍ ᒥᒋᑦ ᐎᔾ ᒋᔅᑕᔨᒪᐤ ᐅᑎᐸᔨᒋᒐᐛ ᐅᔭ ᐊ ‍ ᐃᑎᑦ ᐛᔅ ᓂᓇᔅᑯᒪᐤ ᒋᓴᒪᓂᑐᐛ ᐊᓂᔭ ᒥᒋᒥᔪᐤ᙮ ᑭᔭ ᐊᓐ ᐊᐛᓐ ᐊᑲ ᒥᒄ ᐊ ‍ ᐃᓯᓇᑯᓂᔨᒡ ᒐᒂᔪᐤ ᑲ ‍ ᒥᒋᑦ ᐎᔾ ᒋᔅᑕᔨᒪᐤ ᑭᔭ ᐎᔾ ᐅᑎᐸᔨᒋᒐᐛ ᐅᔭ ᐊ ‍ ᐃᑎᑦ᙮ ᑭᔭ ᐎᔾ ᒪᒃ ᓂᓇᔅᑯᒪᐤ ᒋᓴᒪᓂᑐᐛ᙮
\v 7 ᓇᒪ ᐛᐛᒡ ᐸᐃᒄ ᐊ ‍ ᑎᓯᔭᐧᒄ ᒋ ‍ ᑎᐸᔨᒥᓱᓇᓄᐤ ᐊ ‍ ᐱᒪᑎᓯᔭᐧᒄ᙮ ᑭᔭ ᓇᒪ ᐛᐛᒡ ᐸᐃᒄ ᒋ ‍ ᑎᐸᔨᒥᓱᓇᓄᐤ ᓇᐱᔭᐧᑯ᙮
\v 8 ᐛᔅ ᒪᒂᒡ ᐊ ‍ ᐱᒪᑎᓯᔭᐧᒄ ᐅᑎᐸᔨᒋᒐᐤ ᒋᐸ ‍ ᒋᔅᑕᔨᑕᑯᐊᓄᐤ᙮ ᑭᔭ ᐃᔅᐱ ᓂᐱᔭᒂ ᐎᔾ ᒋᑭ ‍ ᒋᔅᑕᔨᑕᑯᐊᓄᐤ᙮
\p
\v 9 ᐛᔅ ᙭ ᒋ ‍ ᓂᐳᐤ ᑭᔭ ᑲᐤ ᒋ ‍ ᐱᒪᑎᓯᐤ ᒐᒋ ᐅᑎᐸᔨᒋᒐᓯᒥᑐᑕᑯᑦ ᑕᐱᔅᑯᓐ ᐊᓂᔭ ᑲ ‍ ᐱᒪᑎᓯᔨᒋ ᑭᔭ ᐊᓂᔭᔪᐛ ᓴᔅ ᑲ ‍ ᓂᐱᔨᒋ᙮
\v 10 ᒋᔾ ᒪᒃ ᐎ᙮ ᒐᒂᓐ ᐛᒋ ᐎ ‍ ᑎᐸᔅᑯᓂᑦ ᒋᐧᑲᓂᔅ᙮ ᒐᒂᔪᐤ ᐛᒋ ‍ ᐊᑐᐛᔨᒥᑦ᙮ ᐛᔅ ᒥᓯᐛ ᒋᑭ ‍ ᐅᑎᔅᑯᑲᐳᔅᑐᐛᓄᐤ ᒋᓴᒪᓂᑐᐤ ᒐᒋ ᑎᐸᔅᑯᓂᑕᐧᒄ᙮
\v 11 ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q “ᐊ ᐃᔅᐱᔅ ‍ ᒐᔅᑎᓇᑕᔨᑕᒂᒡ ᑕᑈ ᐊ ‍ ᐱᒪᑎᓯᔭᓐ” ᐃᔅᒋᔄᐤ ᐅᑎᐸᔨᒋᒐᐤ, “ᒥᓯᐛ ᐊᐛᓐ ᓂᑭ ‍ ᐅᒋᒋᐧᑯᓂᐃᔅᐱᔅᑕᒄ᙮ ᒥᓯᐛ ᐊᐛᓐ ᒋᑭ ‍ ᒋᔅᑕᒋᒪᐤ ᒋᓴᒪᓂᑐᐛ᙮”
\m
\v 12 ᒥᓯᐛ ᐊ ‍ ᑎᓯᔭᐧᒄ ᒋᑭ ‍ ᐛᐎᑎᒧᐛᓄᐤ ᒋᓴᒪᓂᑐᐤ ᑕᓐ ᑲ ‍ ᐃᑐᐛᐧᒄ ᑭᔭ ᒐᒂᔪᐤ ᐊᓂᔭ ᐛᒋ ‍ ᐃᑐᐛᐧᒄ᙮
\s1 ᐊᑲᐎᔾ ᐃᑐᑐᐤ ᒋᐧᑲᓂᔅ ᒐᒋ ᐸᒋᓯᓂᑦ
\p
\v 13 ᐊᑯᓐ ᐊᑯ ᐃᔅᐱᔅ ᑎᐸᔅᑯᓂᑐᑕᐤ᙮ ᐃᔭᐱᒡ ᒋᐸ ᐃᓯ ‍ ᐎᔭᔨᑕᓇᓄᐤ ᒐ ᐊᑲ ᐅᒋ ‍ ᐃᑐᑎᒪᐧᒄ ᒐᒂᓐ ᒐᒋ ᐃᑐᑕᑯᑦ ᒋᐧᑲᓂᓯᓄᐤ ᒐᒋ ᒥᒋᑐᑕᐧᒃ᙮
\v 14 ᐊ ‍ ᐎᒐᐛᐧᒄ ᐅᑎᐸᔨᒋᒐᐤ ᒋᓴᔅ ᐊᑯᑕ ᐛᒋ ‍ ᒋᔅᒐᔨᑎᒪᐧᒄ ᒥᓯᐛ ᐊ ‍ ᐃᓯᓇᒂᒡ ᒥᒋᒻ ᒐᒋ ᒥᒋᒄ᙮ ᒥᒄ ᒪᒃ ᒧᔭᒻ ᐊ ‍ ᑎᑯᓂᒂ ᐊᐛᓐ ᒐᒂᔪᐤ ᐊ ‍ ᐃᑕᔨᑕᐧᒃ ᐊᑲ ᒋᐸ ᐅᒋ ‍ ᓇᐊᔨᑎᒥᐃᑯᔪᐛ ᒋᓴᒪᓂᑐᐛ ᐊ ‍ ᒥᒋᑦ ᒪᒃ ᐊ ‍ ᒥᓐᑦ ᓇᒪᐎᔾ ᑭᑈ ᒋᐸ ᐅᒋ ‍ ᒥᒍᐤ ᑭᔭ ᓇᒪ ᒋᐸ ᐅᒋ ‍ ᒥᓄᐤ ᐊᓂᔭ ᒐᒂᔪᐤ᙮
\v 15 ᐛᔅᑐᐛᔨᑎᒥᐊᐅᑕ ᒋᐧᑲᓂᔅ ᐃᔭᐱᒡ ᒥᒄ ᐊ ‍ ᐃᓯᓇᒂᒡ ᒐᒂᓐ ᐊ ‍ ᒥᒋᔨᓐ ᓇᒪ ᒋ ‍ ᓴᒋᐊᐤ ᐊᓂᔭ ᐊ ‍ ᐃᑐᐅᑦ᙮ ᐊᑲᐎᔾ ᒪᒃ ᒋᑭ ᐅᒋ ‍ ᐃᓯᓇᑯᓐ ᒋᐧᑲᓂᔅ ᒐᒋ ᓂᓱᐅᓇᑎᓯᑦ ᐊᓐ ᐊ ‍ ᐃᑎᔨᓐ ᒥᒄ ᐊ ‍ ᐃᓯᓇᒂᒡ ᒐᒂᓐ ᐊ ‍ ᒥᒋᔨᓐ, ᐛᔅ ᒋ ‍ ᓂᐱᔅᑎᒪᑯᐤ ᙭ᑕ᙮
\v 16 ᐊᑲᐎᔾ ᑭᔭ ᒋᑭ ᐅᒋ ‍ ᐃᑐᑕᓐ ᒐᒂᓐ ᒐᒋ ᐅᒋ ‍ ᒥᒋ ‍ ᐊᔨᒧᒥᑕᑯᒡ ᐊᓐᒡ ᐊᑲ ᑕᑈᑕᒡ ᐊᑎ ᐊᑲ ᓂᑎᒥᒄ ᐃᑕᔨᑎᒥᐃᑯᔨᓐ ᐊ ‍ ᐃᑐᑎᒥᓐ ᐊᓐ ᑲ ‍ ᐃᑐᑎᒥᓐ᙮
\v 17 ᐛᔅ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑕᐸ ᓇᒪᔭᔪᐤ ᑕᓐ ᐊ ᐃᓯ ‍ ᒥᒋᓱᑦ ᐊᐛᓐ ᒪᒃ ᒐᒂᔪᐤ ᐊ ‍ ᒥᓐᑦ ᓇᔅᒡ ᑲᓄᐛᐸᑕᑭᓄᐅᒡ᙮ ᐊ ‍ ᑯᐃᔅᑯᑕᑎᓯᔭᐧᒄ ᑭᔭ ᐊ ᒥᔪ ‍ ᐎᒐᐛᐧᑯᒡ ᐊᐛᓐᒋ ᑭᔭ ᐊ ‍ ᒥᔽᔨᑎᒪᐧᒄ ᒋᑕᐃᓇᒡ ᐊᐅᒄ ᒋᒋᐛ ᐊ ‍ ᐃᑕᔨᑕᒂᒡ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮ ᑲ ‍ ᐸᔭᒋᓯᑦ ᐊᒐᐧᒄ ᒪᒃ ᒥᔨᐛᐤ ᐅᔭ ᒐᒋ ᐃᓯ ‍ ᐱᒪᑎᓯᓇᓄᐎᔨᒡ᙮
\v 18 ᐊᓐ ᒪᒃ ᐊᐛᓐ ᑲ ‍ ᐊᑐᔅᑯᐛᑦ ᙭ᑕ ᐅᔭ ᐊ ᐃᓯ ‍ ᐱᒪᑎᓯᑦ ᒋᓴᒪᓂᑐᐛ ᓇᐊᔨᑎᒥᐊᐤ᙮ ᑭᔭ ᒋᑭ ‍ ᒋᔅᑕᔨᒥᑯᐤ ᑯᑎᑲ ᐊᐛᔪᐛ᙮
\p
\v 19 ᓱᒃ ᒪᒃ ᒧᔅ ᐎᓯ ‍ ᐱᒪᑎᓯᑕᐤ ᒐᒋ ᐎᒋᐃᐧᑯᒡ ᑯᑎᑭᒡ ᐊᐛᓐᒋ ᒐᒋ ᒥᔪ ‍ ᐎᒐᐅᑐᒡ᙮
\v 20 ᐊᑲᐎᔾ ᒋᑭ ᐅᒋ ‍ ᓂᓱᐅᓇᒋᑕᐛᓐ ᑕᓐ ᐊᓯᓇᑯᑕᐛᑦ ᒋᓴᒪᓂᑐᐤ ᒋᐧᑲᓂᓴ ᐅᐱᒪᑎᓯᐅᓂᔪᐤ᙮ ᒥᓯᐛ ᒥᒋᒻ ᐸᔭᐧᑭᓐ ᒥᒄ ᒪᒃ ᐊᑲᐎᔾ ᒥᒋᔾ ᒐᒂᓐ ᒐ ‍ ᐃᑐᑕᑯᒂ ᒋᐧᑲᓂᔅ ᒐᒋ ᒥᒋᑐᑕᐧᒃ᙮
\v 21 ᐅᔅᑕ ᒋᑭ ‍ ᒥᔽᐤ ᒐ ᐊᑲ ᒋ ᒥᒋᔨᓐ ᐎᔭᔅ ᑭᔭ ᒐ ᐊᑲ ‍ ᒥᓂᔨᓐ ᒐᒂᓐ ᒐ ‍ ᐃᑐᑕᑯᒂ ᒋᐧᑲᓂᔅ ᒐᒋ ᐸᒋᓯᐧᒃ᙮ ᐊᑲᐎᔾ ᒋᑭ ᐅᒋ ‍ ᐃᑐᑕᓐ ᒐᒂᓐ ᒐ ‍ ᐃᑐᑕᑯᒂ ᒋᐧᑲᓂᔅ ᒐᒋ ᐸᒋᓯᓂᑦ᙮
\p
\v 22 ᐊᑯᔅ ᒥᒄ ᒋᓴᒪᓂᑐᐤ ᑭᔭ ᒋᔾ ᒋᑭ ‍ ᒋᔅᒐᔨᑕᓇᐛᐤ ᑕᓐ ᐊ ᐃᓯ ‍ ᑕᑈᑎᒥᓐ ᒐᒂᔪᐤ ᒋᐸ ‍ ᒥᒍᐤ ᐊᐛᓐ ᑭᔭ ᑕᓐ ᐊᓂᔭᔪᐛ ᐊᑲ ᒋᐸ ᐅᒋ ‍ ᒥᒍᐤ ᑭᔭ ᒐᒂᔪᐤ ᒋᐸ ᒋ ‍ ᒥᓄᐤ ᑭᔭ ᑕᓐ ᐊᓂᔭᔪᐛ ᐊᑲ ᒋᐸ ᐅᒋ ‍ ᒥᓄᐤ᙮ ᒥᔽᔨᑎᒻ ᐊᓐ ᐊᐛᓐ ᑲ ‍ ᒐᔅᑎᓇᑕᔨᑕᐧᒃ ᑯᐃᔅᒄ ᐊ ‍ ᐃᓯᓇᑯᓂᔨᒡ ᑕᓐ ᐊ ‍ ᐃᑎᑦ᙮
\v 23 ᐊᓐ ᐊᐛᓐ ᐃᔭᐱᒡ ᑲ ‍ ᒥᒋᑦ ᒥᒋᒥᔪᐤ ᐊ ‍ ᐃᑕᔨᑕᐧᒃ ᐊᑲ ᒋᐸ ᐅᒋ ‍ ᒥᒍᐤ ᑎᑯᓂᔪᐤ ᐊ ᐃᓯ ‍ ᐊᑕᒪᔨᑕᑯᓯᑦ ᐊᓂᔭ ᐊ ‍ ᐃᑎᑦ᙮ ᐛᔅ ᐃᑐᑎᒻ ᐊᓂᔭ ᒐᒂᔪᐤ ᐊ ‍ ᑕᑈᑕᐧᒃ ᐊᑲ ᒋᐸ ᐅᒋ ‍ ᐃᑐᑎᒻ᙮ ᒧᔭᒻ ᐊ ‍ ᐃᑐᑎᒧᐛᐅᒂ ᒐᒂᓐ ᐊ ‍ ᑕᑈᑎᒪᐧᒄ ᐊᑲ ᒋᐸ ᐅᒋ ‍ ᐃᑐᑕᓇᓄᐤ ᒋ ‍ ᒥᒋᑐᑕᓇᓄᐤ᙮
\c 15
\s1 ᑯᑎᑭᒡ ᐊᐛᓐᒋ ᐎ ᓂᓇᐊᔨᑎᒥᔨᒡ
\p
\v 1 ᒋᔭᓄᐤ ᑲ ‍ ᓱᒋᑲᐳᐅᔭᐧᒄ ᒋᐸ ‍ ᐎᒋᐊᓄᒡ ᐊᓐᒡ ᐊᑲ ᓱᒋᑲᐳᐅᒡ᙮ ᓇᒪ ᒋᔭᓄᐤ ᒋᐸ ᐅᒋ ᐎ ‍ ᓇᐊᔨᑎᒥᑎᓱᓇᓄᐤ᙮
\v 2 ᒥᓯᐛ ᐊ ‍ ᑎᓯᔭᐧᒄ ᒋᐸ ‍ ᓂᓇᑭᑐᐛᔨᒪᓄᐤ ᒋᐧᑲᓂᓯᓄᐤ ᒐᒋ ᒥᔪᑐᑐᐛᐧᒄ᙮ ᓱᒃ ᒋᐸ ᐎ ‍ ᐎᒋᐊᓄᐤ ᒐᒋ ᓂᑕᐅᒋᑦ ᑕᑈᑎᒧᐅᓂᒡ ᐃᓯ᙮
\v 3 ᐛᐛᒡ ᙭ ᓇᒪ ᐅᒋ ᐃᓯ ᐱᒪᑎᓯᐤ ᒥᒄ ᐎᔾ ᒐᒋ ᓇᐊᔨᑎᒥᑎᓱᑦ᙮ ᐃᔭᐱᒡ ᐊᓂᔭ ᑕᓐ ᐊ ‍ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᐅᑯᓐ ᑲ ‍ ᐃᔅᐱᔨᒡ, “ᓂᔾ ᓂᒋ ‍ ᒪᔭᔨᒥᑯᒡ ᐊᓐᒡ ᑲ ‍ ᒪᔭᔨᒥᔅᒡ᙮”
\s2 Romans 15.4-13 (Advent-2 Year A)
\p
\v 4 ᒥᓯᐛ ᑕᓐ ᑲ ᐸᒋ ‍ ᐃᑎᓯᓇᐃᑭᓄᐅᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᔅᒋ ᐎ ‍ ᒋᔅᑯᑎᒪᑯᓇᓄᐤ ᐊᓐᑕ ᐅᒡ᙮ ᐊᑯᑕ ᐛᒋ ‍ ᓯᒋᒥᑯᐅᔭᐧᒄ ᑭᔭ ᐊᑯᑕ ᐛᒋ ‍ ᐊᔭᔭᐧᒄ ᓯᐱᔪᐛᓯᐅᓐ ᑭᔭ ᒐᒋ ᐊᔭᔭᐧᒄ ᐊᔅᐸᔨᒧᐅᓐ᙮
\v 5 ᒋᓴᒪᓂᑐᐤ ᐊᓐ ᑲ ‍ ᒥᔨᐛᑦ ᓯᐱᔪᐛᓯᐅᓂᔪᐤ ᑭᔭ ᑲ ‍ ᓯᒋᒧᐛᑦ ᐊᐅᒄ ᓇᑐᑎᒧᐅᒃ ᒐᒋ ᑐᑕᑕᒄ ᒐᒋ ᒥᔪ ‍ ᐎᒐᐅᑐᐛᒄ ᐊ ‍ ᒋᔅᒋᓄᐛᐱᒪᒄ ᙭ ᑕᓐ ᐎᔾ ᑲ ‍ ᐊᐃᑎᑦ᙮
\v 6 ᑭᔭ ᒥᓯᐛ ᒪᒧᐤ ᐊ ‍ ᑎᓯᔭᒄ ᐸᐃᑯᓄᒡ ᒐ ᐃᓯ ‍ ᒪᒥᒋᒪᒄ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮
\s1 ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐ ‍ ᐃᑐᑐᐛᑭᓄᐅᒡ ᒥᔽᒋᒧᐅᓂᔪᐤ
\p
\v 7 ᓇᒪ ᒋ ᐅᒋ ‍ ᐊᑐᐛᔨᒥᑯᐛᐤ ᙭, ᐊᑲᐎᔾ ᒪᒃ ᑭᔭ ᒋᔨᐛᐤ ᐊᑐᐛᔨᒥᑐᒄ ᐛᔅ ᐊᑯᑕ ᒐᒋ ᐅᒋ ‍ ᒪᒥᒋᒪᑭᓄᐅᑦ ᒋᓴᒪᓂᑐᐤ᙮
\v 8 ᒋ ‍ ᐎᑎᒪᑎᓇᐛᐤ, ᙭ ᒋ ‍ ᑎᑯᓯᓄᐤ ᒐᒋ ᐊᑐᔅᑯᐛᑦ ᒍᐤ ᐃᔪᐛ, ᒋ ᐎ ‍ ᐛᐸᑎᔨᐛᐤ ᑕᑈ ᒐ ‍ ᐃᑐᑎᒥᔨᒋ ᒋᓴᒪᓂᑐᐛ ᐊᓂᔭᔪᐤ ᑕᓐ ᑲ ‍ ᐃᑕᔨᒋ ᒋᑦ ᐊᓂᔅᒐ ᐊᓂᔅᑯᑕᐸᓄᐛ ᒐᔅᑎᓇᔅ ᒐ ‍ ᐃᑐᑎᒧᐛᔨᒋ᙮
\v 9 ᑭᔭ ᒋ ‍ ᑎᑯᓯᓄᐤ ᑭᔭ ᐊᓂᔭᔪᐤ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒋᔅᑕᔨᑕᑯᐊᔨᒋ ᒋᓴᒪᓂᑐᐛ ᐊᓂᔭᔪᐤ ᑕᓐ ᑲ ᐃᓯ ‍ ᒋᔅᑎᒪᒐᔨᒥᑯᒡ ᑭᔭ ᐎᔨᐛᐤ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒋᑭ ‍ ᒪᒥᒋᒥᑎᓐ ᒪᒂᒡ ᐊᑲ ᒍᐤ ᐃᑎᔅᑲᓇᓯᒡ ᐊ ‍ ᑕᒡ ᑭᔭ ᒋᑭ ‍ ᓂᑭᒧᔅᑕᑎᓐ᙮
\m
\v 10 ᑭᔭ ᐃᑎᔅᑕᐤ,
\q ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐎᒋ ‍ ᒥᔽᔨᑎᒧᒪᐧᑯᒡ ᒋᓴᒪᓂᑐᐤ ᐅᑦ ᐃᔨᒪ᙮
\m
\v 11 ᒪᐅ ᒥᓐ ᐊᑎᔅᑕᒡ,
\q ᒪᒥᒋᒪᐧᒄ ᐅᑎᐸᔨᒋᒐᐤ ᒥᓯᐛ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ᙮ ᒥᓯᐛ ᐊᐛᓐ ᐊ ‍ ᐃᓯᓇᑯᓯᑦ, ᒪᒥᒋᒪᐧᒄ ᐅᑎᐸᔨᒋᒐᐤ᙮
\m
\v 12 ᑭᔭ ᐎᔾ ᐊᐃᓴᔭ ᒋ ‍ ᑎᑯᓂᔪᐤ ᐅᔭ ᐊᒋ ‍ ᐃᑎᔅᑕᑯᐱᓇ,
\q ᒋᑭ ‍ ᑕᐤ ᐊᐛᓐ ᒐᓯᔨᒋ ᐊ ‍ ᑕᔨᒋ ᐊ ᐅᒋ ‍ ᐊᓂᔅᒐ ᓂᑕᐅᒋᑦ ᒐ ‍ ᓂᑲᓂᔅᑯᐛᑦ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᐊᐅᒄ ᒪᒃ ᐅᔭ ᒐ ‍ ᐊᔅᐸᔨᒧᑐᑕᑯᑦ᙮
\m
\v 13 ᒋᓴᒪᓂᑐᐤ, ᐊᓐ ᑲ ‍ ᐃᑐᑕᑕᒄ ᒐᒋ ᐊᔭᔭᒄ ᐊᔅᐸᔨᒧᐅᓐ ᐊᐅᑯᓐ ᐊᓐ ᓇᑐᑎᒧᐅᒄ ᓇᔅᒡ ᒐᒋ ᒥᔽᔨᑎᒥᐃᑕᒄ ᑭᔭ ᒐᒋ ᒋᔭᒪᔨᑎᒺᒄ ᐊ ‍ ᑕᑈᔭᔨᒪᒄ᙮ ᑭᔭ ᑲ ‍ ᐸᔭᒋᓯᑦ ᐊᒐᐧᒄ ᐅᓱᒐᔨᑕᑯᓱᐅᓐ ᒐᒋ ᑐᑕᑯᔭᒄ ᐊᑐᐎᔅ ᒐᒋ ᐊᔅᐸᔨᒧᑐᑕᐛᒄ ᒋᓴᒪᓂᑐᐤ᙮
\s1 ᑈᓪ ᐊᔨᒧᑎᒻ ᑕᓐ ᐊ ᐃᓯ ‍ ᐊᑐᔅᑯᐛᑦ ᙭ᑕ
\p
\v 14 ᓂᐧᑲᓂᓯᑐᒄ, ᓂ ‍ ᒐᔅᑎᓇᐅᓐ ᑕᑈ ᐊ ‍ ᓴᑭᔅᒋᓇᔅᑲᑯᔭᒄ ᐊ ᐎ ‍ ᒥᔪᑐᑎᒪᒄ, ᒥᓯᐛ ᐊ ‍ ᒋᔅᒐᔨᑎᒺᒄ ᑕᓐ ᐊ ᐃᓯ ‍ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᒋᔅᒐᔨᑎᒺᒄ ᑭᔭ ᐊ ‍ ᑭᔅᒋᐅᔭᒄ ᒐᒋ ᒋᔅᑯᑎᒪᑐᔭᒄ᙮
\v 15 ᐅ ᒪᒃ ᒪᓯᓇᐊᒪᑎᑯᒡ ᑎᑯᓇ ᒐᒂᔪᐛ ᐊᑲ ᓇᔅᒡ ᐅᒋ ᓇᑲᐎᔭᓐ ᒐᒋ ᒋᔅᒋᓱᒥᑎᑯᒡ᙮ ᒋᓴᒪᓂᑐᐤ ᓂᒋ ‍ ᒥᔨᒄ ᐅᒋᓴᐛᑎᓯᐅᓐ ᐅ ᒐᒋ ᐃᑎᔭᓐ᙮
\v 16 ᓂᔾ ᓂᒋ ‍ ᐅᑎᓂᒄ ᒋᓴᒪᓂᑐᐤ ᒋᓴᔅ ᙭ᑕ ᒐᒋ ᐊᑐᔅᑯᐅᒥᒋ, ᐊᓐᑕ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊ ‍ ᑕᔭᒄ ᒐᒋ ᐃᓯ ‍ ᐊᔭᒥᐊᐤ ᐊᑐᔅᒐᔭᓐ, ᒥᔽᒋᒧᐅᓐ ᐊ ‍ ᐛᐎᑎᒪᑎᑯᒡ᙮ ᐊᔪᐅᒄ ᐅᔭ ᐛ ᐃᑕᐱᒋᐃᑦ ᒋᓴᒪᓂᑐᐤ ᒐᒋ ᐅᒋ ‍ ᓇᐊᔨᑎᒥᐊᒡ ᒋᓴᒪᓂᑐᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ‍ ᐱᔅᑕᔨᒥᑎᓱᒡ ᐎᔾ ᐊ ‍ ᑕᔨᒋ᙮ ᑲ ‍ ᐸᔭᒋᓯᑦ ᐊᒐᐧᒄ ᒪᒃ ᒋ ‍ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮
\p
\v 17 ᒋᓴᔅ ᙭ ᐊ ‍ ᐎᒐᐛᒃ ᐊᐅᒄ ᐛᒋ ‍ ᒋᒋᐛ ᐊᑕᔨᑎᒥᐃᑯᔭᓐ ᑕᓐ ᐊ ᐃᓯ ‍ ᐊᑐᔅᑯᐅᒃ ᒋᓴᒪᓂᑐᐤ᙮
\v 18 ᓇᒪ ᑯᑎᒡ ᒐᒂᓐ ᓂᑭ ᐅᒋ ‍ ᐊᔨᒧᑕᓐ, ᒥᒄ ᑕᓐ ᑲ ᐃᓯ ‍ ᐊᐱᒋᐃᑦ ᒋᓴᔅ ᒐᒋ ᐎᒋᐃᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᐅᑯᓐ ᒥᒄ ᒐ ‍ ᐊᔨᒧᑎᒪᓐ᙮ ᑕᓐ ᑲ ᐃᓯ ‍ ᐛᐎᑎᒧᐅᒂᐤ ᑭᔭ ᑕᓐ ᑲ ‍ ᐃᑐᐅᒡ,
\v 19 ᑕᓐ ᑲ ᐃᓯ ‍ ᐛᐸᑎᔭᑭᓄᐎᒡ ᐛᐸᑎᔨᐛᐅᓇ ᑭᔭ ᐊ ‍ ᒥᔅᑲᑕᔨᑕᑯᓂᔨᒋ ᒐᒂᔪᐛ ᐊ ‍ ᓱᒐᔨᑕᑯᓂᔨᒋ, ᑭᔭ ᐊᓂᔭ ᑕᓐ ᑲ ᐃᓯ ‍ ᒥᔨᑦ ᓱᐧᑲᑎᓯᐅᓂᔪᐤ ᑲ ‍ ᐸᔭᒋᓯᑦ ᐊᒐᐧᒄ ᐊᑯᑕ ᑲ ᐅᒋ ‍ ᐎᐧᑯᒋᐊᑭᓄᐎᒡ᙮ ᒥᓯᐛ ᐊᓐᑕ ᑲ ‍ ᐃᑐᑕᔭᓐ ᒋᕈᓯᓕᒥᒡ ᐊᓐᑕ ᒪᒃ ᐃᔅ ᐃᓕᕆᑲᒻ ᐊᔅᒋᒡ ᓂᒋ ‍ ᐛᐎᑎᒺᓐ ᒋᓴᔅ ᙭ ᐅᒥᔽᒋᒧᐅᓐ᙮
\v 20 ᒧᔅ ᓂᒋ ‍ ᐃᑕᔨᑕᓐ ᐊᓐᑕ ᐊᔅᒄ ᐊᑲ ᐅᒋ ᐊᔨᒧᑎᒧᐛᑭᓄᐎᒡ ᐊᐛᓐᒋ ᒋᓴᔅ ᙭ᑕ ᐊᑯᑕ ᒥᒄ ᐊᓐᑕ ᒐ ‍ ᐛᐎᑎᒪᓐ ᒥᔽᒋᒧᐅᓐ᙮ ᓇᒪ ᓂ ᐅᒋ ᐎ ‍ ᐃᑐᑕᓐ ᐊᓐᑕ ᑯᑎᒃ ᐊᐛᓐ ᓴᔅ ᐊᒋ ‍ ᒋᒋᐱᔨᑕᑦ ᐊ ‍ ᐛᐎᑕᐧᒃ ᒥᔽᒋᒧᐅᓂᔪᐤ᙮
\v 21 ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᙭ ᐊ ‍ ᐊᔨᒧᒪᑭᓄᐅᑦ,
\q ᐊᓐᒡ ᐊᔅᒄ ᐊᑲ ᐅᒋ ᐊᔨᒧᑎᒧᐛᑭᓄᐎᒡ ᒋᑭ ‍ ᐛᐸᑎᒧᒡ, ᐊᑯ ᐊᓐᒡ ᐊᔅᒄ ᐊᑲ ᐅᒋ ᐸᑕᒡ ᒋᑭ ‍ ᓂᔅᑐᑎᒧᒡ᙮
\s1 ᑈᓪ ᑲ ‍ ᐎᔭᔨᑕᐧᒃ ᕈᒻ ᒐᒋ ᐃᑐᑕᑦ
\p
\v 22 ᐅᒡ ᒪᒃ ᐊᒋ ‍ ᐛᐎᑎᒧᐅᒂᐤ ᒥᔽᒋᒧᐅᓂᔪᐤ ᐊᐅᒄ ᐅ ᒥᒐᑥᐤ ᑲ ‍ ᐃᑐᑕᑯᔭᓐ ᐛᒋ ᐊᑲ ᐅᒋ ᓇᐃᐱᔭᓐ ᒐᒋ ᓂᑐᐛᐱᒥᑎᑯᒡ᙮
\v 23 ᓇᒪ ᒪᒃ ᐊᑯ ᑎᑯᓐ ᓂᑦ ᐊᑐᔅᒐᐅᓐ ᐅᑕ ᑭᔭ ᓴᔅ ᒥᒐᑐᐤ ᐱᐳᓇ ᑲ ᐎ ‍ ᒧᐱᔅᑕᑎᑯᒡ᙮
\v 24 ᓂ ‍ ᐱᑯᓴᔨᒧᓐ ᒪᒃ ᒐᒋ ᓂᔅᑯᐛ ᐛᐱᒥᑎᑯᒡ ᔅᐸᐃᓐ ᐃᑐᑕᔭᓇ᙮ ᒋ ‍ ᐱᑯᓴᔨᒥᑎᓇᐛᐤ ᑭᔭ ᒐᒋ ᐛᐎᒋᐃᔭᒄ ᐊᓐᑕ ᔅᐸᐃᓐ ᐊ ᐎ ‍ ᐃᑐᑕᔭᓐ᙮ ᒪᒂᒡ ᑭᑈ ᒋᐸ ‍ ᒧᐱᔅᑕᑎᓇᐛᐤ᙮ ᓇᔅᒡ ᓂᑭ ‍ ᒥᔽᔨᑕᓐ ᓇᐃᐱᔨᒐ ᒐᒋ ᒧᐱᔅᑕᑎᑯᒡ᙮
\v 25 ᐊᓄᒡ ᐎ ᒋᕈᓯᓕᒥᒡ ᓂᑦ ᐃᑐᑕᓐ᙮ ᑎᑯᓂᔪᐤ ᓱᓇᔭᔪᐤ ᒐ ‍ ᐃᑐᑐᐅᒂᐤ ᐊᓐᒡ ᑲ ‍ ᒋᔅᑎᒪᑎᓯᒡ ᑲ ‍ ᑕᑈᑕᒡ᙮
\v 26 ᐊᓐᒡ ᑲ ‍ ᑕᑈᑕᒡ ᒪᓯᑐᓂᔭᒡ ᑭᔭ ᐊᑲᔭᒡ ᑲ ‍ ᐃᓯᓂᐧᑲᑕᔨᒋ ᐊᔅᒋᔭ ᑲ ‍ ᑕᒡ ᒋ ‍ ᐃᑕᔨᑎᒧᒡ ᒐᒋ ᒪᒧᐅᓇᒡ ᓱᓇᔭᔪᐤ ᐊ ᐎ ‍ ᐎᒋᐊᒡ ᑲ ‍ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᐊ ‍ ᑕᔨᒋ ᑲ ‍ ᒋᔅᑎᒪᑎᓯᔨᒋ᙮
\v 27 ᐎᔨᐛᐤ ᒋ ‍ ᐃᑕᔨᑎᒧᒡ ᒐᒋ ᐎᒋᐊᒡ ᐅᔭ᙮ ᑕᑈ ᒪᒃ ᐃᓯᓇᑯᓂᔪᐤ ᒐᒋ ᐎᒋᐊᐛᑯᐱᓇᓂᒡ᙮ ᐛᔅ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑲ ‍ ᑕᑈᑕᒡ ᑕᑈ ᒋ ‍ ᐎᒋᐃᑯᐅᒡ ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ ᑲ ‍ ᑕᑈᑎᒥᔨᒋ ᒐᒋ ᐊᔭᐛᒡ ᑭᔭ ᐎᔨᐛᐤ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ ᐊᒋ ‍ ᐛᐎᑎᒪᑯᒡ ᒥᔽᒋᒧᐅᓂᔪᐤ᙮ ᑎᑯᓂᔪᐤ ᒪᒃ ᑕᑈ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑲ ‍ ᑕᑈᑕᒡ ᓇᒪ ᐅᒡ ᐊ ‍ ᐃᑕᔨᑕᑯᓂᔨᒡ ᒐᒂᔪᐤ ᒐᒋ ᐃᓯ ‍ ᐎᒋᐊᒡ ᐊᓂᔭᔪᐛ ᑲ ‍ ᑕᑈᑎᒥᔨᒋ ᑲ ‍ ᒋᔅᑎᒪᑎᓯᔨᒋ ᒋᕈᓯᓕᒥᒡ ᐊ ‍ ᑕᔨᒋ ᓱᓇᔭᔪᐤ ᐊ ‍ ᒥᔭᒡ᙮
\v 28 ᒋ ‍ ᐃᑐᑎᒪᓇ ᒪᒃ ᐅ ᑲ ‍ ᐃᑎᓱᒥᑯᐅᔭᓐ ᒐᒋ ᐃᑐᑎᒪᓐ ᐃᔅᐱ ᒋ ‍ ᒥᔨᒂᐛ ᐊᓂᔭ ᓱᓇᔭᔪᐤ ᑲ ‍ ᒪᒧᓇᑭᓄᐎᒡ ᐊᑯ ᔅᐸᐃᓂᒡ ᒐ ‍ ᐃᑐᑕᔭᓐ᙮ ᐊᑯ ᒪᒃ ᒐ ᐎ ᐊᑎ ‍ ᐛᐱᒥᑎᑯᒡ ᐊᓐᑕ ᐃᑐᑕᔭᓇ᙮
\v 29 ᓂ ‍ ᒐᔅᑎᓇᐅᓐ ᒪᒃ ᑎᑯᓯᓂᔭᓇ ᐊᓐᑕ ᐊ ‍ ᑕᔭᒄ ᒐ ‍ ᐃᑐᑕᑎᑯᒡ ᓇᔅᒡ ᒐᒋ ᓱᐛᔨᒥᑕᒄ ᙭᙮
\p
\v 30 ᓂᐧᑲᓂᓯᑐᒄ, ᒋ ‍ ᑕᑈᔭᔨᒪᓄᐤ ᐅᑎᐸᔨᒋᒐᐤ ᒋᓴᔅ ᙭ ᑭᔭ ᑲ ‍ ᐸᔭᒋᓯᑦ ᐊᒐᐧᒄ, ᒋ ‍ ᐎᒋᐃᑯᓄᐤ ᒐᒋ ᓴᒋᐃᑐᔭᐧᒄ, ᐊᐅᒄ ᐛᒋ ‍ ᐱᑯᓴᔨᒥᑎᑯᒡ ᒐᒋ ᐛᐎᒋᐃᔭᒄ ᑕᓐ ᐊ ‍ ᐃᑕᐱᑎᓯᔭᓐ ᓱᒃ ᐊ ‍ ᐊᔭᒥᐊᔅᑎᒧᐅᔭᒄ᙮
\v 31 ᓂᑐᑎᒪᒄ ᒐᒋ ᑭᓄᐛᔨᒥᑯᐅᔭᓐ ᑕᓐ ᒐ ᐎ ᐃᓯ ‍ ᓂᑎᒥᒄ ᐃᑐᑐᐅᒡ ᐊᓐᒡ ᐊᑲ ᑕᑈᑕᒡ ᒍᑎᔭ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ‍ ᑕᒡ᙮ ᓂᑐᑎᒪᒄ ᑭᔭ ᐊᓐᒡ ᑲ ‍ ᑕᑈᑕᒡ ᒋᕈᓯᓕᒥᒡ ᐊ ‍ ᑕᒡ ᒐᒋ ᓇᐊᔨᑎᒥᐃᑯᒡ ᐊᓂᔭ ᑕᓐ ᒐ ‍ ᐃᑐᑎᒧᐅᒂᐤ᙮
\v 32 ᒋᓴᒪᓂᑐᐤ ᒪᒃ ᓇᐊᔨᑕᒐ ᒐᒋ ᓂᑐᐛᐱᒥᑎᑯᒡ ᑭᑈ ᓇᔅᒡ ᒐ ‍ ᒥᔽᔨᑎᒪᓐ ᓂᑐᐛᐱᒥᑎᑯᒐ ᑭᔭ ᒐ ᒥᔪ ‍ ᐊᔽᐱᔭᓐ ᐊᓐᑕ ᐊ ‍ ᑕᔭᒄ ᑕᔭᓇ᙮
\v 33 ᒋᓴᒪᓂᑐᐤ ᐊᓐ ᑲ ‍ ᒥᔨᑕᐧᒄ ᒋᔭᒪᔨᑎᒧᐅᓂᔪᐤ ᒥᓯᐛ ᒋᑭ ‍ ᐎᒐᐅᑯᐛᐤ᙮ ᐊᒥᓐ᙮
\c 16
\s1 ᑈᓪ ᑲ ‍ ᐛᒋᔭᒪᑦ ᓂᓇᐧᑯᐤ ᐊᐛᔪᐛ
\p
\v 1 ᒋ ᐎ ᒥᔪ ‍ ᐊᔨᒧᑎᒪᑎᓇᐛᐤ ᒋᐧᑲᓂᓯᓄᐤ ᐱᐱᔾ᙮ ᓇᔅᒡ ᑕᑈ ᒥᔪ ‍ ᐎᒋᐊᐤ ᐊᓂᔭᔪᐛ ᐅᒪᒧᐊᔭᒥᐊᐛ ᓴᓐᑯᕆᔭ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊ ‍ ᑕᔨᒋ᙮
\v 2 ᒥᒄ ᒐ ᐃᓯ ‍ ᐱᑎᑲᐊᒄ ᓂᑐᐛᐱᒥᑕᒂ ᑭᔭ ᒐ ᐎ ᒥᔪ ‍ ᑭᓄᐛᔨᒪᒄ ᒧᔭᒻ ᒋᐸ ᐃᓯ ‍ ᒥᔪᑐᑐᐛᐛᐤ ᐊᐛᓐ ᐊ ‍ ᑕᑈᑕᐧᒃ᙮ ᒐ ‍ ᐎᒋᐊᒄ ᑕᓐ ᒐ ᐃᓯ ‍ ᓂᑐᐛᔨᑎᒧᒂ ᒐᒋ ᐃᓯ ‍ ᐎᒋᐊᒄ᙮ ᐛᔅ ᒥᒐᑦ ᐊᐛᔪᐛ ᒋ ᒥᔪ ‍ ᐎᒋᐊᐤ ᐎᔾ᙮ ᑭᔭ ᓂᔾ ᓂᒋ ᒥᔪ ‍ ᐎᒋᐃᒄ᙮
\li1
\v 3 ᓂ ‍ ᐛᒋᔭᒪᐅᒡ ᐳᕆᓯᓚ ᑭᔭ ᐊᑯᐎᓚ᙮ ᓂ ᐎᒋ ‍ ᐊᑐᔅᒐᒪᐅᒡ ᐅᒡ ᐊ ‍ ᐊᑐᔅᑯᐛᒡ ᒋᓴᔅ ᙭ᑕ᙮
\v 4 ᒪᒂᒡ ᐊᓐᑕ ᓇᔅᒡ ᐊᒋ ‍ ᑯᔅᑕᑎᑯᓂᔨᒡ ᑲ ‍ ᑕᐅᒡ ᓇᒪ ᓇᔅᒡ ᐅᒋ ᒪᒥᓇᑕᔨᑎᒧᒡ ᑎᐱᔨᐛ ᐅᐱᒪᑎᓯᐅᓄᐛᐛ ᑲ ‍ ᐃᔅᐱᔅ ᒋ ᐎ ‍ ᐎᒋᐃᒡ᙮ ᓇᔅᒡ ᑕᑈ ᓂ ‍ ᓂᓇᔅᑯᒪᐅᒡ᙮ ᓇᒪ ᒥᒄ ᓂᔾ, ᒥᓯᐛ ᑭᔭ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐅᒪᒧᐊᔭᒥᐊᐛ ᓂᓇᔅᑯᒥᑯᐅᒡ᙮
\li1
\v 5 ᓂ ‍ ᐛᒋᔭᒪᔪᐛ ᑭᔭ ᐊᓂᔭ ᐅᒪᒧᐊᔭᒥᐊᐛ ᐎᒋᐛᔨᒡ ᒪᓐ ᑲᒋ ‍ ᒪᒧᔨᒋ ᒐᒋ ᐊᔭᒥᐊᔨᒋ᙮
\li1 ᐊᐸᓇᑕᔅ ᑭᔭ ᓂ ‍ ᐛᒋᔭᒪᐤ ᐊᐅᒄ ᓂᐎᒐᐛᑭᓐ ᑲ ‍ ᓴᒋᐊᒃ᙮ ᐎᔾ ᓇᔅᒡ ᓂᔅᑎᒻ ᒋ ‍ ᑕᑈᔭᔨᒪᐤ ᒋᓴᓴ ᐊᓐᑕ ᐊᐃᓴ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ᙮
\li1
\v 6 ᒪᕆ ᐊᓐ ᓇᔅᒡ ᑲ ᒥᔅᑎ ‍ ᐊᑐᔅᒐᑦ ᐊ ‍ ᐎᒋᐃᑕᒄ ᓂ ‍ ᐛᒋᔭᒪᐤ ᑭᔭ ᐎᔾ᙮
\li1
\v 7 ᑭᔭ ᐊᓐᒡ ᓂᐧᑲᓂᓯᒡ ᐊᓐᑎᕈᓂᑲᔅ ᑭᔭ ᒍᓂᔭᔅ ᓂ ‍ ᐛᒋᔭᒪᐅᒡ᙮ ᐊᑯᑕ ᑭᔭ ᐎᔨᐛᐤ ᑲ ‍ ᑕᒡ ᒪᒂᒡ ᑲᒪᑯᓄᐛᓯᐅᒋᐛᐱᒡ ᑲ ‍ ᑕᐅᒡ᙮ ᓇᔅᒡ ᒥᔪ ‍ ᒋᔅᑕᔨᒥᑯᐅᒡ ᑯᑎᑲ ᐊᑈᔅᑕᓇ᙮ ᐎᔨᐛᐤ ᓂᔅᑎᒻ ᒋ ‍ ᑕᑈᔭᔨᒪᐅᒡ ᒋᓴᓴ ᐊᔅᒄ ᐊᑲ ᓂᔾ ᐅᒋ ᑕᑈᔭᔨᒥᒋ᙮
\li1
\v 8 ᓂ ‍ ᐛᒋᔭᒪᐤ ᑭᔭ ᐊᒻᐱᓕᐊᑐᔅ, ᓂᐎᒐᐛᑭᓐ ᑲ ‍ ᓴᒋᐃᒃ ᑲ ‍ ᑕᑈᔭᔨᒪᑦ ᐅᑎᐸᔨᒋᒐᐛ᙮
\li1
\v 9 ᐅᕐᐸᓇᔅ ᐊᐅᒄ ᒥᓐ ᐎᔭᒋᔭᒥᒃ᙮ ᓂᒋ ‍ ᐎᒋᑐᔅᒐᒪᓇᓐ ᐊ ‍ ᐊᑐᔅᑯᒥᒋᒋ ᒋᓴᔅ ᙭ᑕ᙮ ᓂᐎᒐᐛᑭᓐ ᔅᑕᑭᔅ ᓇᔅᒡ ᑲ ‍ ᓴᒋᐃᒃ ᑭᔭ ᓂ ‍ ᐛᒋᔭᒪᐤ᙮
\li1
\v 10 ᓂ ‍ ᐛᒋᔭᒪᐤ ᐊᐸᓕᔅ᙮ ᑕᑈ ᓄᑯᓂᔪᐤ ᐊ ‍ ᑕᑈᔭᔨᒪᑦ ᒋᓴᓴ ᐊᓂᔭ ᑕᓐ ᐊ ᐃᓯ ‍ ᐱᒪᑎᓯᑦ᙮
\li1 ᓂ ‍ ᐛᒋᔭᒪᐅᒡ ᐊᓐᒡ ᐊᕆᔅᑕᐳᓚᔅ ᐎᒋᔨᒡ ᐊ ‍ ᑕᒡ᙮
\li1
\v 11 ᓂᐧᑲᓂᔅ ᐊᕈᑎᔭᓐ, ᐊᐅᒄ ᒥᓐ ᐎᔭᒋᔭᒥᒃ, ᑭᔭ ᐊᓐᒡ ᓇᕐᓯᓴᔅ ᐎᒋᔨᒡ ᐊ ‍ ᑕᒡ ᐊᓐᒡ ᑲ ‍ ᑕᑈᔭᔨᒪᒡ ᐅᑎᐸᔨᒋᒐᐛ᙮
\li1
\v 12 ᐊᓐᒡ ᐃᔎᐅᒡ ᑐᕋᐃᐱᓇ ᑭᔭ ᑐᕋᐃᐳᓴ ᐅᑎᐸᔨᒋᒐᐛ ᑲ ‍ ᐊᑐᔅᑯᐛᒡ, ᓂ ‍ ᐛᒋᔭᒪᐅᒡ ᑭᔭ᙮
\li1 ᓂᐎᒐᐛᑭᓐ ᐸᕐᓯᔅ, ᐊᐅᒄ ᒥᓐ ᐎᔭᒋᔭᒥᒃ, ᓇᔅᒡ ᑕᑈ ᓂ ‍ ᓴᒋᐊᐤ᙮ ᓇᔅᒡ ᑕᑈ ᒋ ᒥᔅᑎ ‍ ᐊᑐᔅᒐᐤ ᐅ ᐃᔎᐤ ᐅᑎᐸᔨᒋᒐᐛ ᐊ ‍ ᐊᑐᔅᑯᐛᑦ᙮
\li1
\v 13 ᓂ ‍ ᐛᒋᔭᒪᐤ ᕈᐸᔅ, ᓇᔅᒡ ᑕᑈ ᒋᔅᑕᒋᒪᑭᓄᐤ ᑕᓐ ᐊ ᐃᓯ ᒥᔪ ‍ ᐊᑐᔅᑯᐛᑦ ᐅᑎᐸᔨᒋᒐᐛ᙮ ᐅᑲᐎᔭ ᑭᔭ ᓂ ‍ ᐛᒋᔭᒪᔪᐛ᙮ ᒧᔭᒻ ᑎᐱᔨᐛ ᓂᑲᐎᔾ ᓂᑦ ᐃᑕᔨᒪᔪᐛ᙮
\li1
\v 14 ᐊᓯᓐᑭᕆᑕᔅ, ᐱᓚᑯᓐ, ᐊᕐᒪᐃᔅ, ᐸᑦᕈᐸᔅ, ᐊᕐᒪᔅ ᑭᔭ ᒥᓯᐛ ᐊᓂᔭᔪᐛ ᑯᑎᑲ ᐎᐧᑲᓂᓯᒪᐛ ᑲ ‍ ᐎᒐᐅᑯᒡ ᓂ ‍ ᐛᒋᔭᒪᐅᒡ᙮
\li1
\v 15 ᐊᑯ ᒪᒃ ᐱᓗᓗᑲᔅ, ᒍᓕᔭ, ᓇᕆᔭᔅ, ᑭᔭ ᓇᕆᔭᔅ ᐅᒥᓴ, ᐅᓕᒻᐸᔅ ᑭᔭ ᒥᓯᐛ ᐊᓂᔭ ᑲ ‍ ᑕᑈᑎᒥᔨᒋ ᑲ ‍ ᐎᒐᐛᑭᓂᒡ ᓂ ‍ ᐛᒋᔭᒪᐅᒡ᙮
\li1
\v 16 ᒋᔨᐛᐤ ᑲ ‍ ᐎᐧᑲᓂᓯᑐᐅᔭᒄ ᐅᒐᒥᑐᒄ ᐊ ‍ ᐛᒋᔭᒥᑐᔭᒄ᙮ ᒥᓯᐛ ᒪᒧᐤ ᑲ ‍ ᐊᔭᒥᐊᐛᑎᓯᒡ ᙭ᑕ ᑲ ‍ ᒋᔅᑕᔨᒪᒡ ᒋ ‍ ᐛᒋᔭᒥᑯᐛᐅᒡ᙮
\s1 ᒪᔅᑕᔾ ᐊ ‍ ᐃᑎᓱᐛᑦ ᑈᓪ
\p
\v 17 ᓂᐧᑲᓂᓯᑐᒄ, ᒋ ᐎ ‍ ᐃᔭᒂᒥᑎᓇᐛᐤ᙮ ᐃᔭᒂᒥᔅᑐᐛᐧᑯᒡ ᐊᓐᒡ ᑲ ‍ ᐃᑐᑐᐛᒡ ᐊᐛᔪᐛ ᒐᒋ ᑕᑎᐸᓂᐱᔨᒋ ᑭᔭ ᐃᔭᒡ ᒐᒋ ᐃᑕᔨᒥᑐᔨᒋ ᑭᔭ ᑲ ‍ ᓂᓱᐅᓇᒋᑕᐛᒡ ᑕᓐ ᐊ ᐃᓯ ‍ ᑕᑈᑎᒥᔨᒋ᙮ ᐃᔭᒡ ᐃᓯ ᒋᔅᑯᑎᒪᒐᐅᒡ ᑕᓐ ᓴᔅ ᑲ ᐃᓯ ‍ ᒋᔅᑯᑎᒪᑯᐛᒄ᙮ ᐊᑲᐎᔾ ᐊᐱᑕᔨᒪᐧᑯᒡ ᐅᒡ᙮
\v 18 ᓇᒪᐎᔾ ᒋᑎᐸᔨᒋᒐᓯᒥᓄᐛ ᙭ᑕ ᐊᑐᔅᑯᐛᐅᒡ ᐅᒡ ᐅᔭ ᐊ ‍ ᐃᑎᒡ, ᒥᒄ ᑕᓐ ᐊᓂᔭᔪᐛ ᒐᒂᔪᐛ ᒐᒋ ᒥᒋᒡ ᒪᒃ ᑕᓐ ᐊᓂᔭᔪᐛ ᒐ ᐊᑲ ᒋ ᒥᒋᒡ ᐊᐅᑯᓂ ᒪᑯᔅᑲᑕᔨᑎᒥᐃᑯᒡ᙮ ᓇᔅᒡ ᑕᑈ ᒥᔪᑕᑯᓱᐅᒡ ᑕᓐ ᐊ ᐃᓯ ‍ ᐃᔨᒥᒡ ᑭᔭ ᓂᑎᒥᒄ ᐃᑐᐅᒡ ᐊᓂᔭ ᐊ ‍ ᒥᔽᒋᒪᒡ ᐊᐛᔪᐛ᙮ ᐊᑯᑕ ᒪᒃ ᐛᒋ ‍ ᐎᔭᓯᒪᒡ ᐊᓂᔭᔪᐛ ᓇᔅᒡ ᑲ ‍ ᐛᒋᐱᔨᒡ ᒐᒋ ᐎᔭᓯᒪᑭᓄᔨᒋ᙮
\v 19 ᒋᔨᐛᐤ ᒪᒃ ᐎ ᒥᓯᐛ ᐊᐛᓐ ᒋ ‍ ᐸᑎᒻ ᑕᓐ ᐊ ᐃᓯ ‍ ᓂᓇᐃᑐᐛᒄ ᐅᑎᐸᔨᒋᒐᐤ᙮ ᐊᑯᑕ ᒪᒃ ᐛᒋ ‍ ᓇᔅᒡ ᒥᔽᔨᑎᒪᓐ ᐊ ‍ ᒋᔅᒐᔨᒥᑎᑯᒡ ᐅ ᐊ ‍ ᐃᑎᔭᒄ᙮ ᒋ ‍ ᓂᑐᐛᔨᒥᑎᓇᐛᐤ ᒐᒋ ᒥᔪ ‍ ᒋᔅᒐᔨᑎᒪᒄ ᑕᓐ ᐊᓐ ᒪᔽᓯᒡ ᑭᔭ ᐊᑲ ᓇᔅᒡ ᒐᒋ ᐃᑐᑎᒪᒄ ᐊᓐ ᑕᓐ ᐊ ᐃᓯ ‍ ᒪᔭᑎᒡ᙮
\p
\v 20 ᐊᑯ ᒪᒃ ᒋᓴᒪᓂᑐᐤ ᐊᓐ ᑲ ‍ ᒥᔨᑕᒄ ᒋᔭᒪᔨᑎᒧᐅᓂᔪᐤ ᓴᔅ ᐎᐱᒡ ᓇᔅᒡ ᒋᑭ ‍ ᐱᑯᔅᑯᐛᐤ ᒥᒋᒥᓂᑐᐛ ᑭᔭ ᒋᑭ ‍ ᐃᑐᑕᑯᐛᐤ ᒐᒋ ᓴᐧᑯᒋᐃᒪᑯᐤ᙮
\p ᓂ ‍ ᓂᑐᑎᒪᓐ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒧᔅ ᒐᒋ ᒥᔪᑐᑎᒪᑕᒄ᙮
\p
\v 21 ᑎᒧᑎ ᐊᓐ ᑲ ᐎᒋ ‍ ᐊᑐᔅᒐᒥᒃ ᒋ ‍ ᐛᒋᔭᒥᑯᐛᐤ᙮ ᑭᔭ ᐊᓐᒡ ᓂᐧᑲᓂᓯᒡ ᓗᓯᔭᔅ, ᒐᐃᓯᓐ, ᑭᔭ ᓱᓯᐸᑕᕐ ᒋ ‍ ᐛᒋᔭᒥᑯᐛᐅᒡ᙮
\p
\v 22 ᓂᔾ ᑐᕐᓯᔭᔅ, ᑲ ‍ ᒥᓯᓇᐊᒪᓐ ᑕᓐ ᐊ ‍ ᐃᔅᒋᔄᑦ ᑈᓪ ᐅᔭ ᑲ ‍ ᒥᓯᓇᐃᒐᑦ ᒋ ‍ ᐛᒋᔭᒥᑎᓇᐛᐤ᙮ ᓂ ‍ ᑕᑈᔭᔨᒪᐤ ᑭᔭ ᓂᔾ ᐅᑎᐸᔨᒋᒐᐤ᙮
\p
\v 23 ᑲᐃᔭᔅ ᐎᒋᒡ ᓂ ‍ ᑕᐛᓐ ᐊᓐᑕ ᒥᔭᐅᒋᐃᑐᒡ ᒪᓐ ᒪᒧᐤ ᑲ ‍ ᐊᔭᒥᐊᐛᑎᓯᒡ᙮ ᑭᔭ ᐎᔾ ᑲᐃᔭᔅ ᒋ ‍ ᐛᒋᔭᒧᑯᐛᐤ᙮
\p ᐊᕋᔅᑕᔅ, ᐊᓐ ᑲ ‍ ᓂᓇᑭᑐᐛᔨᑕᐧᒃ ᓱᓇᔭᔪᐤ ᐅᑕ ᐅᔭ ᐅᑕᓇᔪᐤ ᑭᔭ ᒋᐧᑲᓂᓴᓄᐤ ᑯᐛᕐᑕᔅ ᒋ ‍ ᐛᒋᔭᒥᑯᐛᐅᒡ ᑭᔭ ᐎᔨᐛᐤ᙮
\v 24 ᓂ ‍ ᓂᑐᑎᒪᓐ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒥᓯᐛ ᒐᒋ ᒋᓴᐛᑐᑕᑕᒄ᙮ ᐊᒥᓐ᙮
\s1 ᑈᓪ ᐊ ᐃᓯ ‍ ᒪᒥᒋᒪᑦ ᒋᓴᒪᓂᑐᐛ
\s2 Romans 16.25-27 (Advent-4 Year B)
\p
\v 25 ᒪᒥᒋᒪᑕᐤ ᒋᓴᒪᓂᑐᐤ᙮ ᐛᔅ ᐎᔾ ᐊᐅᒄ ᑲᔅᒋᐅᑦ ᒐᒋ ᐊᔨᒋᑲᐳᐃᑕᒄ ᒋᐱᒪᑎᓯᐅᓄᐛᒡ ᐊᓐᑕ ᐅᒋ ᑕᓐ ᑲ ᐃᓯ ‍ ᐛᐎᑎᒪᑎᑯᒡ ᒥᔽᒋᒧᐅᓐ᙮ ᐊᑯᑕ ᐊ ‍ ᐊᔨᒧᒪᑭᓄᐅᑦ ᐅ ᒋᓴᔅ ᙭ ᑲ ‍ ᑎᐸᒋᒥᒃ᙮ ᐊᐅᒄ ᒪᒃ ᐅᔭ ᒥᔽᒋᒧᐅᓂᔪᐤ ᓇᒪ ᐅᒋ ᐱᔅᑎᓂᒻ ᒋᓴᒪᓂᑐᐤ ᒐᒋ ᒋᔅᒐᔨᑕᑭᓄᐎᒡ ᐊᓐᑕ ᐸᒋ ‍ ᐛᔅᑭᒡ᙮
\v 26 ᐊᓄᒡ ᒪᒃ ᓴᔅ ᒋ ‍ ᒋᔅᒐᔨᑕᓇᓄᐤ ᐅ ᒥᔽᒋᒧᐅᓐ᙮ ᒋᓴᒪᓂᑐᐤ ᑲᒋᒡ ᐊ ‍ ᑕᑦ ᒋ ‍ ᐃᑎᓱᒪᐤ ᐊᓂᔭᐧᑲ ᐅᒋᔅᒋᐛᐃᒐᓯᒪ ᒐᒋ ᐊᔨᒧᑎᒥᔨᒋ ᐅᔭ ᒥᔽᒋᒧᐅᓂᔪᐤ ᐊᓐᑕ ᐅᑦ ᐃᔨᒧᐅᓂᒡ ᐊᑎ ᒥᓯᐛ ᐊ ‍ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᒐᒋ ᒋᔅᒐᔨᑎᒥᐊᑭᓄᐎᒡ ᐊᓂᔭ ᒥᔽᒋᒧᐅᓂᔪᐤ ᑭᔭ ᒐᒋ ᑕᑈᔭᔨᒪᒡ ᑭᔭ ᒐᒋ ᓂᓇᐃᑐᐛᒡ ᒋᓴᒪᓂᑐᐛ᙮
\v 27 ᒋᓴᒪᓂᑐᐤ ᒥᒄ ᐎᔾ ᑲ ‍ ᒋᓴᒪᓂᑐᐅᑦ ᑭᔭ ᓇᔅᒡ ᑲ ‍ ᑭᒐᑕᐛᔨᑕᐧᒃ, ᒋᑭ ‍ ᒪᒥᒋᒪᑭᓄᐤ ᐊᓂᔭ ᐅᒋ ᑕᓐ ᐊ ᐃᓯ ‍ ᐃᑐᑎᒥᔨᒋ ᒋᓴᔅ ᙭ᑕ᙮ ᐊᒥᓐ᙮
\id 1CO Adapted from ECree-S to Naskapi, 20 April 2003; Typeset export from CBS 8 May 2007
\h 1 ᑯᕆᓐᑎᔭᓇ
\toc3 1 ᑯᕆᓐᑎᔭᓇ
\toc2 1 ᑯᕆᓐᑎᔭᓇ
\toc1 ᓂᔅᑎᒻ ᑯᕆᓐᑎᔭᓇ ᑈᓪ ᓂᔅᑎᒻ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᑯᕆᓐᑦ ᑲ ‍ ᑕᔨᒋ
\mt1 ᓂᔅᑎᒻ ᑯᕆᓐᑎᔭᓇ
\mt2 ᑈᓪ ᓂᔅᑎᒻ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᑯᕆᓐᑦ ᑲ ‍ ᑕᔨᒋ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐊᓐᑕ ᐃᐱᓴᔅ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ‍ ᑕᑦ ᑈᓪ ᑲ ‍ ᒥᓯᓇᐊᐧᒃ ᐅᔭ ᐅᒥᓯᓇᐊᒪᒐᐅᓐ᙮ ᓇᒪ ᓇᔅᒡ ᐅᒋ ᒥᔪᑕᑯᓂᔪᐤ ᑕᓐ ᑲ ᐃᓯ ‍ ᐸᑕᐧᒃ ᐊ ‍ ᐃᑕᒋᒪᑭᓄᔨᒋ ᐊᓂᔭ ᑲ ‍ ᑕᑈᑎᒥᔨᒋ ᒥᔽᒋᒧᐅᓂᔪᐤ ᐊᓐᑕ ᑯᕆᓐᑦ ᐊ ‍ ᑕᔨᒡ᙮ ᒋ ‍ ᑎᑯᓂᔪᐤ ᑕᓐ ᑲ ᐃᓯ ‍ ᒪᒥᒋᐱᔨᐃᑐᒡ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᓐᑕ ᐊ ‍ ᑕᒡ᙮ ᒋ ‍ ᑭᑭᑕᐸᓂᐱᔪᐅᒡ ᐊᓐᑕ ᐃᔅ ᐊ ‍ ᑕᔨᒋ ᓂᓇᐧᑯᐤ ᐊᐛᔪᐛ ᐊ ‍ ᑕᒡ ᐊᐅᑯᓂ ᐊᓂᔭ ᐊ ‍ ᓇᓴᐛᒡ᙮ ᐊᑯ ᐱᔅᒐ ᒥᒐᑎᓯᐅᓂᒡ ᒂ ᐃᓯ ‍ ᐱᒪᑎᓯᒡ᙮ ᒋ ‍ ᐊᓏᔨᒪᐤ ᒪᒃ ᑈᓪ ᐅᔭ ᐅᒪᒧᐊᔭᒥᐊᐛ᙮ ᐊᑯ ᒂ ‍ ᒋᔅᑯᑎᒧᐛᑦ ᑕᓐ ᒋᐸ ᐃᓯ ‍ ᐱᒪᑎᓯᔪᐛ ᐊᐛᔪᐛ ᑲ ‍ ᑕᑈᑎᒥᔨᒋ ᒥᔽᒋᒧᐅᓂᔪᐤ᙮ ᓇᔅᒡ ᑕᑈ ᒋ ‍ ᐛᔪᑎᓐ ᐊ ‍ ᒥᒐᑎᓯᓇᓄᐅᒡ ᐊᓐ ᐅᑕᓇᐤ ᑯᕆᓐᑦ ᑲ ‍ ᐃᓯᓂᐧᑲᑕᒡ᙮ ᒋ ‍ ᐃᔨᒥᐃᑯᐅᒡ ᐊᓐᒡ ᑲ ‍ ᒂᔅᑲᑎᓯᒡ ᒐ ᐊᑲ ᒋ ᐃᑎᒡ ᑕᓐ ᐊ ‍ ᑎᔨᒡ ᐊᓂᔭᔪᐛ ᐊᐛᔪᐛ ᐛᔅᑲ ᐊ ‍ ᑕᒡ ᑲ ‍ ᐎᒋᔨᒋ᙮ ᐅᔭ ᒪᒃ ᑲ ᐃᓯ ‍ ᒥᓯᓇᐊᒧᐛᑦ ᑈᓪ ᒋ ᐎ ‍ ᒋᔅᑯᑎᒧᐛᐤ ᑕᓐ ᒋᐸ ᐃᓯ ‍ ᐱᒪᑎᓯᔪᐛ ᐊ ‍ ᑕᑈᔭᔨᒪᔨᒋ ᒋᓴᓴ᙮ ᐊᑯ ᒪᒃ ᒋᐸ ‍ ᒋᔅᒐᔨᑎᒥᔪᐤ ᑕᓐ ᐊᓂᔭᔪᐤ ᐊᓂᔭ ᒪᔽᓯᔨᒡ ᒐᒋ ᐃᑎᓇᓄᐃᑯᐱᓇ ᑭᔭ ᑕᓐ ᐊᓂᔭᔪᐤ ᐊ ‍ ᒪᔭᑎᓂᔨᒡ᙮
\c 1
\p
\v 1 ᓂᔾ ᑈᓪ, ᒋᓴᒪᓂᑐᐤ ᓂᒋ ‍ ᐅᑎᓂᒄ ᙭ ᒋᓴᔅ ᐅᑦ ᐊᑈᔅᑕᓂᒪ ᒐᒋ ᐃᑕᐱᒋᐃᑦ᙮ ᒋᐧᑲᓂᓯᓄᐤ ᓱᔅᑎᓂᔅ ᑭᔭ ᐎᔾ ᑕᐤ ᐅᑕ ᐊ ‍ ᑕᐅᒡ᙮
\p
\v 2 ᒋᔨᐛᐤ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᓐᑕ ᑯᕆᓐᑦ ᑲ ‍ ᐃᓯᓂᐧᑲᑕᒡ ᐅᑕᓇᐤ ᐊ ‍ ᑕᔭᒄ ᒋ ‍ ᒥᓯᓇᐊᒪᑎᓇᐛᐤ᙮ ᐊᓂᔭ ᑕᓐ ᑲ ᐃᓯ ‍ ᐃᑐᑎᒪᑕᒄ ᒋᓴᔅ ᙭ ᐊᑯᑕ ᑲ ᐅᒋ ‍ ᐅᑎᓂᑕᒄ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮ ᔅᒋ ‍ ᐅᑎᓂᑯᐛᐤ ᒐᒋ ᐅᑦ ᐃᔨᒥᑐᑕᑕᒄ ᑭᔭ ᒥᓯᐛ ᐊᓂᔭᔪᐛ ᑯᑎᑲ ᐊᐛᔪᐛ ᑲ ‍ ᑕᑈᔭᔨᒥᑯᑦ ᒋ ‍ ᐅᑎᓇᐤ᙮ ᐎᔾ ᒪᒃ ᐊᐅᒄ ᐛᒋᒪᒥᔭᐧᒄ ᒥᓯᐛ ᐊ ‍ ᑎᓯᔭᐧᒄ᙮
\s2 1 Corinthians 1.3-9 (Advent-1 Year B)
\p
\v 3 ᓂᑦ ᐊᔭᒥᐊᐤ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒐᒋ ᒥᔨᑕᒄ ᓱᐛᔨᒋᒐᐅᓂᔪᐤ ᑭᔭ ᒋᔭᒪᔨᑎᒧᐅᓂᔪᐤ᙮
\s1 ᐊ ᐃᓯ ‍ ᓱᐛᔨᒥᑕᒄ ᒋᓴᒪᓂᑐᐤ ᙭ ᐅᒋ
\p
\v 4 ᒧᔅ ᓂᓇᔅᑯᒪᐤ ᒋᓴᒪᓂᑐᐤ ᑕᓐ ᑲ ᐃᓯ ‍ ᓱᐛᔨᒥᑕᒄ ᒋᓴᔅ ᙭ ᐅᒡ᙮
\v 5 ᐛᔅ ᐊ ‍ ᐎᒐᐛᒄ ᙭ ᒥᓯᐛ ᒋ ᐊᑎ ᐃᓯ ‍ ᐛᔪᑎᓯᓇᐛᐤ ᒋᑦ ᐃᓯᓇᑯᓯᓇᐛᐤ, ᒋ ‍ ᐛᔪᑎᓯᐅᓇᐛᐤ ᑭᔭ ᑕᓐ ᐊ ᐃᓯ ‍ ᐃᔨᒥᔭᒄ ᑭᔭ ᐊ ᐃᓯ ‍ ᑭᒐᑕᐛᔨᑎᒪᒄ᙮
\v 6 ᐛᔅ ᒋ ‍ ᒐᔅᑎᓇᑕᔨᑎᒥᐃᑯᓇᐛᐤ ᒥᓯᐛ ᑕᓐ ᑲ ᐃᓯ ‍ ᐊᔨᒧᑎᒪᑕᒡ ᙭᙮
\v 7 ᐊᑯ ᒪᒃ ᓇᒪ ᓇᔅᒡ ᒋ ‍ ᓄᑕᐱᔨᓇᐛᐤ ᐊᒐᐧᒄ ᒥᔨᐛᐅᓇ ᒪᒂᒡ ᐊ ‍ ᐊᓱᐛᐱᒪᒄ ᒐ ᐃᔅᐱᔅ ‍ ᑎᑯᓯᐧᒃ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮
\v 8 ᐎᔾ ᒋᑭ ‍ ᐎᒋᐃᑯᐛᐤ ᒧᔅ ᒐᒋ ᓱᒋᑲᐳᐅᐛᒄ ᑕᑈᑎᒧᐅᓂᒡ ᑭᔭ ᓇᒪ ᒋᑭ ᐅᒋ ‍ ᑎᑯᓐ ᑕᓐ ᒐ ᐃᓯ ‍ ᐊᑕᒪᔨᑕᑯᓯᔭᒄ ᐃᔅᐱ ᐅᑎᒋᐱᔨᒐ ᐊᓂᔭ ᐊ ‍ ᒋᓯᑲᔨᒡ ᒐ ‍ ᑎᑯᓯᐧᒃ ᐅᑎᐸᔨᒋᒐᐤ ᒋᓴᔅ ᙭᙮
\v 9 ᑯᐃᔅᒄ ᐃᑐᐤ ᒋᓴᒪᓂᑐᐤ᙮ ᐊᐅᒄ ᒪᒃ ᐅ ᑲ ‍ ᑕᑈᑎᑕᒄ ᒐᒋ ᐎᒐᐅᒪᑯ ᐅᑯᓴ ᐊᐅᑯᔪᐛ ᐅᔭ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮
\s1 ᐊ ‍ ᑕᑎᐸᓂᐱᔪᐅᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ
\p
\v 10 ᓂᐧᑲᓂᓯᑐᒄ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᐅᒋ, ᒋ ‍ ᓯᒋᒥᑎᓇᐛᐤ ᒪᒧᐤ ᒐᒋ ᓂᔅᑯᒧᔭᒄ ᒐᒂᓐ ᐊ ‍ ᐃᔅᒋᔄᔭᒄ ᒐ ᐊᑲ ᒋ ᑕᑎᐸᓂᐱᔨᔭᒄ ᐊᓐᑕ ᒪᒂᒡ ᐊ ‍ ᑕᔭᒄ᙮ ᓱᒃ ᐎ ᒪᒧᐱᔪᐅᒄ ᐸᐃᑯᓄᒡ ᐊ ᐃᓯ ‍ ᒪᒥᑐᓇᔨᑎᒪᒄ ᑭᔭ ᐸᐃᑯᓄᒡ ᐊ ᐃᓯ ‍ ᓂᔅᑐᑎᒪᒄ᙮
\v 11 ᓂᐧᑲᓂᓯᑐᒄ, ᑲᓗᐃ ᑲ ‍ ᐃᓯᓂᐧᑲᓱᔨᒋ ᐃᔎᐛ ᐊ ‍ ᑕᔨᒋ ᐊ ‍ ᐅᑐᑕᒡ ᐊᐛᓐᒋ ᓂᒋ ‍ ᐃᑕᒋᒧᔅᑕᑯᒡ ᐊ ‍ ᒪᒥᒋᐱᔭᒄ ᐊᓐᑕ ᒪᒂᒡ ᐊ ‍ ᑕᔭᒄ᙮
\v 12 ᔅᒋ ‍ ᐃᑕᒋᒥᑯᐛᐅᒡ ᐱᔅᒐ ᐊᓐᑕ ᐊ ‍ ᑎᓯᔭᒄ ᐊ ‍ ᑕᒡ ᐊ ‍ ᐃᔅᒋᔄᔭᒄ, “ᓂᔾ ᑈᓪ ᐊ ‍ ᓇᓴᐎᔭᒄ,” ᐊᑯ ᑯᑎᑭᒡ ᐊᓐᑕ ᒪᒂᒡ ᐊ ‍ ᑕᐛᒄ ᐊ ‍ ᑕᒡ ᐊ ‍ ᐃᔅᒋᔄᒡ, ᐊᐳᓚᓴ ᐊ ‍ ᓇᓴᐛᒡ, ᐊᑯ ᑯᑎᑭᒡ ᐊ ‍ ᐃᔅᒋᔄᒡ, ᐱᑕᕋ ᐊ ‍ ᓇᓴᐛᒡ, ᐊᑯ ᒥᓐ ᑯᑎᑭᒡ ᐊ ‍ ᐃᔅᒋᔄᒡ, ᙭ᑕ ᐊ ‍ ᓇᓴᐛᒡ᙮
\p
\v 13 ᒧᔭᒻ ᐊᑲ ᐸᐃᑯᓯᑦ ᐊᓐ ᙭ ᒥᓯᐛ ᑲ ‍ ᓇᓴᐛᒄ ᐃᓯᓇᑯᓐ ᐅ ᐊ ‍ ᐃᑎᔭᒄ᙮ ᓂᔾ ᐊ ᓂᒋ ‍ ᒋᔅᑕᔎᑎᑯᐅᓐ ᒋᔨᐛᐤ ᐅᒡ ? ᐃᔅᐱ ᑲ ‍ ᓯᑲᐃᑕᑯᐅᔭᒄ ᓇᒪ ᐅᒋ ᐃᓇᓄᐤ, ᒋᑎ ᓯᑲᐃᑕᑎᓐ ᑈᓪ ᐅᑦ ᐃᓯᓂᐧᑲᓱᐅᓂᒡ ᐃᔅ᙮
\p
\v 14 ᐊᓐᑕ ᐊ ‍ ᑎᓯᔭᒄ ᓂ ‍ ᒥᔽᔨᑕᓐ ᒥᒄ ᑯᕆᔅᐳᔅ ᑭᔭ ᑲᐃᔭᔅ ᐊᒋ ‍ ᓯᑲᐃᑐᐅᒂᐤ᙮
\v 15 ᓇᒪ ᒪᒃ ᐊᐛᓐ ᒋᑭ ᒋ ‍ ᐃᔅᒋᔄᐤ ᐊᒋ ‍ ᓯᑲᐃᑐᐛᑭᓄᐅᑦ ᓂᔾ ᒐᒋ ᐸᒋ ‍ ᓇᓴᐅᑦ᙮
\v 16 ᓂ ‍ ᒋᔅᒋᓯᓐ ᑭᔭ ᔅᑎᐸᓇᔅ ᐊᒋ ‍ ᓯᑲᐃᑐᐅᒃ ᑭᔭ ᐊᓂᔭᔪᐛ ᐊᓐᑕ ᐊ ‍ ᑕᑦ ᑲ ‍ ᐎᒋᒥᑯᑦ ᓂᒋ ‍ ᓯᑲᐃᑐᐅᒪᐛ᙮ ᓇᒪ ᒪᒃ ᒥᓐ ᑯᑎᒃ ᐊᐛᓐ ᓂ ‍ ᒋᔅᒋᓯᓐ ᒐᒋ ᓯᑲᐃᑐᐅᒃ᙮
\v 17 ᑕᐸ ᓂ ᐅᒋ ᐸᒋ ‍ ᐃᑎᓴᐅᒄ ᙭ ᒐᒋ ᓯᑲᐃᑕᒐᐅᒡ᙮ ᓂᒋ ᐸᒋ ‍ ᐃᑎᓴᐅᒄ ᒐᒋ ᑭᒐᔅᒋᒧᐅᒡ ᐊ ‍ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅ ᒪᒃ ᐊ ‍ ᐃᑎᔭᓐ ᓇᒪ ᐊᔅᒋᔪᐤ ᑭᒐᑕᐛᔨᑎᒧᐅᓐ ᓂᑦ ᐊᐱᒋᑕᓐ᙮ ᐛᔅ ᐅ ᐊᐱᒋᑕᔭᓐ ᐊᑯ ᑭᑈ ᓇᒪ ᒋᐸ ᐅᒋ ‍ ᓱᒐᔨᑕᑯᓐ ᐊᓐ ᒥᔽᒋᒧᐅᓐ ᐊᓐᑕ ᐃᔭᔨᒧᒪᑭᓄᐅᑦ ᙭ ᒋᐱᔭᑎᑯᒡ ᐊᒋ ‍ ᓂᐱᑦ᙮
\s1 ᙭ ᐊᐅᒄ ᒋᓴᒪᓂᑐᐤ ᐅᑭᒐᑕᐛᔨᑎᒧᐅᓐ ᑭᔭ ᐅᒥᔅᑯᓯᐅᓐ
\s2 1 Corinthians 1.18-25 (Lent-3 Year B)
\p
\v 18 ᐱᔅᒐ ᐊᐛᓐᒋ ᒋᔎ ‍ ᐃᔨᒧᐅᓐ ᐃᑕᔨᑎᒧᒡ ᐊ ‍ ᐊᔨᒧᑕᑭᓄᔨᒋ ᒋᓴᓴ ᑲ ‍ ᓂᐱᔨᒋ ᒋᐱᔭᑎᑯᒡ ᒐᒋ ᐅᒋ ‍ ᐱᒪᒋᐅᔨᒋ ᐅᒥᒐᑎᓯᐛ᙮ ᐊᐅᑯᓐᒡ ᒪᒃ ᐅᒡ ᐊᐛᓐᒋ ᐅᓂᓯᓄᐅᒡ ᐅᔭ ᑲ ‍ ᐃᑕᔨᑕᒡ᙮ ᒋᔭᓄᐤ ᒪᒃ ᐎ ᑲ ‍ ᐱᒪᒋᐅᔭᐧᒄ, ᒋ ‍ ᒋᔅᒐᔨᑕᓇᓄᐤ ᐊ ‍ ᐛᐎᑕᑭᓄᐎᔨᒡ ᙭ ᐊᒋ ‍ ᓂᐱᑦ ᒋᐱᔭᑎᑯᒡ ᐊᑯᑕ ᔭᐱᑎᓯᒥᑭᓂᔨᒡ ᒋᓴᒪᓂᑐᐤ ᐅᓱᐧᑲᑎᓯᐅᓐ᙮
\v 19 ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᓂᑭ ‍ ᐃᑐᑎᒺᓐ ᐊᑲ ᓇᔅᒡ ᓴᓯᑲᓐ ᒐᒋ ᐃᑕᐱᑎᓂᔨᒡ ᐅᑭᒐᑕᐛᔨᑎᒧᐅᓄᐛᐤ ᐊᓐᒡ ᑲ ‍ ᑭᒐᑕᐛᔨᑕᒡ, ᑭᔭ ᐊᓂᔭ ᐊ ᐃᓯ ‍ ᒪᒥᑐᓇᔨᑕᒡ ᐊᓐᒡ ᑲ ‍ ᐃᑈᐧᑲᒡ ᐊᑲ ᓇᔅᒡ ᒐᒂᓐ ᒐᒋ ᐃᑕᔨᑕᑯᓂᔨᒡ᙮
\p
\v 20 ᑕᓐ ᒪᒃ ᐊᓐ ᐊᐛᓐ ᓇᔅᒡ ᑲ ‍ ᑭᒐᑕᐛᔨᑕᐧᒃ ? ᑕᓐ ᐊᓐ ᐊᐛᓐ ᓇᔅᒡ ᒥᔅᑎ ᑲ ‍ ᒋᔅᑯᑎᒧᐛᑭᓄᐅᑦ ? ᑭᔭ ᑕᓐ ᐊᓐ ᐊᐛᓐ ᓇᔅᒡ ᑲ ‍ ᑭᔅᒋᐅᑕᑯᓯᑦ ᐊ ‍ ᐃᔨᒥᑦ ? ᒋ ‍ ᓄᑯᑕᐤ ᐊ ᒋᓴᒪᓂᑐᐤ ᐊᑲ ᓇᔅᒡ ᒐᒋ ᐃᑈᐧᑲᑕᑯᓂᔨᒡ ᐊᓂᔭ ᐊᔅᒋᐤ ᑭᒐᑕᐛᔨᑎᒧᐅᓂᔪᐤ ?
\v 21 ᐊᑯ ᒪᒃ ᐊ ‍ ᐃᔅᐱᔅ ᑭᒐᑕᐛᔨᑕᐧᒃ ᒋᓴᒪᓂᑐᐤ ᒋ ‍ ᐃᑐᑎᒻ ᐊᑲ ᑭᒐᑕᐛᔨᑎᒧᐅᓂᒡ ᒐᒋ ᐅᒋ ‍ ᒋᔅᒐᔨᒥᑯᑦ ᐊᐛᔪᐛ᙮ ᐃᔭᐱᒡ ᒋ ‍ ᓇᐊᔨᑎᒥᐃᑯᐤ ᒐᒋ ᐱᒪᒋᐊᑦ ᐊᓂᔭ ᐊᐛᔪᐛ ᑲ ‍ ᑕᑈᑎᒥᔨᒋ ᐊᓂᔭ ᒋᔎ ‍ ᐃᔨᒧᐅᓂᔪᐤ ᑲ ‍ ᐃᓯᓂᐧᑲᑕᑭᓄᐎᒡ ᐊᓂᔭ ᐎᔭᐎᑎᒺᐧᒄ᙮
\v 22 ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ ᒪᒥᔅᑲᒡ ᐛᐸᑎᔨᐛᐅᓇ ᓂᑐᐛᔨᑎᒧᒡ ᒐᒋ ᐛᐸᑎᔭᑭᓄᐅᒡ ᐃᔭᒄ ᒐᒋ ᑕᑈᑕᒡ᙮ ᐊᑯ ᐊᓐᒡ ᑯᕆᒃ ᑲ ‍ ᐃᑎᔅᑲᓇᓯᒡ ᑭᒐᑕᐛᔨᑎᒧᐅᓂᔪᐤ ᓇᔅᒡ ᒋᒋᐛ ᐃᑕᔨᑎᒥᐃᑯᐅᒡ ᒐᒋ ᐅᒋ ‍ ᑕᑈᑕᒡ᙮
\v 23 ᒋᔭᓄᐤ ᒪᒃ ᐎ ᙭ ᐊᒋ ‍ ᒋᔅᑕᔎᑕᑭᓄᐅᑦ ᐊᐅᒄ ᐊ ᐃᓯ ‍ ᐛᐎᑎᒪᐧᒄ ᐊ ‍ ᑭᒐᔅᒋᒧᔭᐧᒄ᙮ ᒥᒄ ᒪᒃ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ ᓂ ‍ ᒪᔭᔨᒥᑯᐅᓇᓐ ᐃᑕᔨᑎᒧᒡ ᐅᔭ ᐊ ᐃᓯ ‍ ᑭᒐᔅᒋᒧᓇᓄᐎᒡ᙮ ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒋᔎ ‍ ᐃᔨᒧᐅᓐ ᐅᔭ ᐃᑕᔨᑎᒧᒡ᙮
\v 24 ᒋᔭᓄᐤ ᒪᒃ ᐎ ᒋᓴᒪᓂᑐᐤ ᑲ ‍ ᐅᑎᓂᑕᐧᒄ, ᑕᐱᔅᑯᓐ ᒍᐤ ᐊ ‍ ᐃᑎᔅᑲᓇᓯᔭᐧᒄ ᑭᔭ ᑯᕆᒃ ᐊ ‍ ᐃᑎᔅᑲᓇᓯᔭᐧᒄ, ᒋ ‍ ᑕᑈᑕᓇᓄᐤ ᐅ ᙭ ᐊᐅᒄ ᒋᓴᒪᓂᑐᐤ ᐅᓱᐧᑲᑎᓯᐅᓐ ᑭᔭ ᐅᑭᒐᑕᐛᔨᑎᒧᐅᓐ᙮
\v 25 ᐅᔭ ᒪᒃ ᒋᓴᒪᓂᑐᐤ ᑲ ‍ ᐃᑐᑕᐧᒃ ᒋᐱᔭᑎᑯᒡ ᓇᔅᒡ ᐊᑲ ᐃᑈᐧᑲᐛᔨᑎᒥᔨᒋ ᐊᐛᔪᐛ ᐊᑐᐎᔅ ᑭᒐᑕᐛᔨᑕᑯᓂᔪᐤ ᐃᔅᐱᔅ ᐊᓂᔭ ᐊᑐᐎᔅ ᐊ ‍ ᑭᒐᑕᐛᔨᑕᑯᓂᔨᒡ ᓇᐸᐤ ᐅᑭᒐᑕᐛᔨᑎᒧᐅᓂᔪᐤ᙮ ᐊᑯ ᐊᓂᔭ ᑲ ‍ ᐃᑕᔨᑕᒡ ᐊᐛᓐᒋ ᓇᔅᒡ ᐊᑲ ᓱᒐᔨᑕᑯᓂᔨᒡ ᐊᑐᐎᔅ ᓱᒐᔨᑕᑯᓂᔪᐤ ᒋᓴᒪᓂᑐᐤ ᐅᓂᔨᒥᓯᐅᓐ᙮
\p
\v 26 ᑭᓄᐛᐱᒥᓱᒄ ᒪ ᑕᓐ ᑲ ‍ ᐃᑕᔨᑕᑯᓯᔭᒄ ᒋᔨᐛᐤ ᓂᐧᑲᓂᓯᑐᒄ ᐃᔅᐱ ᒋᓴᒪᓂᑐᐤ ᑲ ‍ ᑕᑈᑎᑕᒄ᙮ ᓇᒪ ᒥᒐᑦ ᐊᓐᑕ ᐊ ‍ ᑎᓯᔭᒄ ᒋ ᐅᒋ ‍ ᐃᑕᔨᒥᑯᐛᐤ ᓇᐸᐤ ᐊ ‍ ᑭᓄᐛᐱᒥᑕᒄ ᓇᔅᒡ ᐊ ‍ ᐃᑈᐧᑲᐛᒄ᙮ ᓇᒪ ᒥᒐᑦ ᒋ ᐅᒋ ‍ ᐃᑕᔨᒥᑯᓇᐛᐤ ᓇᔅᒡ ᐊ ‍ ᐅᒋᒪᐛᔨᑕᑯᓯᔭᒄ ᑭᔭ ᓇᒪ ᒥᒐᑦ ᒋ ᐅᒋ ‍ ᓇᔅᒡ ᒋᒋᐛᔭᔨᒥᑯᓇᐛᐤ᙮
\v 27 ᒥᒄ ᒪᒃ ᒋᓴᒪᓂᑐᐤ ᒋ ‍ ᐅᑎᓇᐤ ᐊᓂᔭᔪᐛ ᐊᐛᔪᐛ ᐊᑲ ᓇᔅᒡ ᒐᒂᓐ ᑲ ‍ ᐃᑕᔨᒪᑭᓄᔨᒋ ᒋ ‍ ᐅᑎᓇᐤ ᒐᒋ ᐅᒋ ‍ ᐛᐸᑎᔭᑦ ᐊᓂᔭᔪᐛ ᒋᒋᐛ ᑲ ‍ ᐃᑕᔨᒪᑭᓄᔨᒋ ᐊᑲ ᓇᔅᒡ ᒐᒂᓐ ᐃᑕᔨᑕᑯᓯᔨᒋ ᐎᔾ ᐃᔅ ᐊ ‍ ᑕᑦ᙮ ᑭᔭ ᒋ ‍ ᐅᑎᓇᐤ ᐊᓂᔭᔪᐛ ᐊᑲ ᓱᒐᔨᑕᑯᓯᔨᒋ ᑲ ‍ ᐃᑕᔨᒪᑭᓄᔨᒋ ᐅᑕ ᐊᔅᒋᒡ ᒋ ‍ ᐅᑎᓇᐤ ᐊᓂᔭ ᒐᒋ ᐅᒋ ‍ ᐛᐸᑎᔭᑦ ᐊᓂᔭᔪᐛ ᑲ ‍ ᓱᒐᔨᑕᑯᓯᔨᒋ ᐊᑲ ᓇᔅᒡ ᓱᒐᔨᑕᑯᓯᔨᒋ ᐎᔾ ᐃᔅ ᐊ ‍ ᑕᑦ᙮
\v 28 ᐊᓂᔭᔪᐛ ᐊᑲ ᓇᔅᒡ ᑲ ‍ ᒋᐧᑲᔭᔨᑕᑯᓂᔨᒋ ᒐᒂᔪᐛ ᑭᔭ ᐊᑲ ᓇᔅᒡ ᑲ ‍ ᐊᐱᑕᔨᑕᑭᓄᔨᒋ ᐊᐅᑯᔪᐛ ᐅᔭ ᑲ ‍ ᐅᑎᓇᐧᒃ ᒋᓴᒪᓂᑐᐤ ᒐᒋ ᐅᒋ ᐊᑲ ᒐᒂᓐ ᐃᑕᔨᑕᑯᓂᔨᒋ ᐊᓂᔭᔪᐛ ᒐᒂᔪᐛ ᑲ ‍ ᒋᔅᑕᔨᑕᑯᓂᔨᒋ᙮
\v 29 ᐊᔪᐅᒄ ᐅᔭ ᑲ ‍ ᐃᑎᑦ ᒋᓴᒪᓂᑐᐤ ᐊᑲ ᐛᐛᒡ ᐸᐃᒄ ᐊᐛᔪᐛ ᒐᒋ ᒪᒥᒋᒧᔨᒋ ᐎᔾ ᐊᓐᑕ ᐃᔅ ᐊ ‍ ᑕᑦ᙮
\v 30 ᐎᔾ ᒋᓴᒪᓂᑐᐤ ᒋ ‍ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ‍ ᑕᑦ ᐅᒋ ᐊᑯᑕ ᐛᒋ ‍ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮
\v 31 ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᐊᐛᓐ ᐎ ᒪᒥᒋᒧᒐ ᒥᒄ ᐊᓂᔭ ᑕᓐ ᑲ ‍ ᐃᑐᑎᒥᔨᒋ ᐅᑎᐸᔨᒋᒐᐛ ᒋᐸ ‍ ᐊᔨᒧᑎᒻ᙮”
\c 2
\s1 ᑈᓪ ᑲ ‍ ᐃᔅᒋᔄᑦ ᒥᒄ ᙭ᑕ ᑲ ‍ ᒋᔅᑕᔎᑕᑭᓄᔨᒋ ᒐ ‍ ᐊᔨᒧᑕᐧᒃ
\p
\v 1 ᓂᐧᑲᓂᓯᑐᒄ, ᐅᔅᑭᒡ ᑲ ‍ ᑎᑯᓯᓂᔭᓐ ᐊᓐᑕ ᐊ ‍ ᑕᔭᒄ, ᑲ ‍ ᐎᑎᒪᑎᑯᒡ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓐ ᓇᒪ ᓂ ᐅᒋ ᐃᓯ ‍ ᐃᔨᒥᓐ ᓇᔅᒡ ᒐᒋ ᐃᑈᐧᑲᑕᑯᓯᔭᓐ ᒪᒃ ᒐᒋ ᐃᑎᑕᑯᓯᔭᓐ ᒧᔭᒻ ᓇᔅᒡ ᐊ ‍ ᑭᒐᑕᐛᔨᑎᒪᓐ᙮
\v 2 ᓂᒋ ‍ ᐎᔭᔨᑕᓐ ᒥᒄ ᐸᐃᒄ ᒐᒂᓐ ᒐ ‍ ᐊᔨᒧᑎᒪᓐ ᐊᐅᒄ ᒋᓴᔅ ᙭ ᑭᔭ ᐊᓂᔭ ᐊᒋ ‍ ᒋᔅᑕᔎᑕᑭᓄᐅᑦ᙮
\v 3 ᓇᑕ ᐊ ‍ ᑕᔭᒄ ᑲ ‍ ᑕᔭᓐ ᓇᒪ ᓇᔅᒡ ᓂ ᐅᒋ ‍ ᑕᑈᐅᒐᔨᒥᓱᓐ᙮ ᓇᔅᒡ ᐃᔭᒂ ᓂᒋ ‍ ᐃᑎᓐ ᑭᔭ ᓂᒋ ‍ ᓇᓇᒥᐱᔨᓐ ᐊᔅᐱᔅ ᓴᒋᓯᔭᓐ᙮
\v 4 ᒪᒂᒡ ᑲᒋ ‍ ᐃᔨᒥᐃᑎᑯᒡ ᑭᔭ ᑲᒋ ‍ ᑭᒐᔅᒋᒥᑎᑯᒡ ᓇᒪ ᓂ ᐅᒋ ᐎ ‍ ᐃᑎᑕᑯᐃᓱᓐ ᓇᔅᒡ ᒐᒋ ᐃᑈᐧᑲᑕᑯᓯᔭᓐ ᐊᓐᑕ ᒐᒋ ᐅᒋ ‍ ᑕᑈᑎᒪᒄ᙮ ᒋᓴᒪᓂᑐᐤ ᐅᑦ ᐊᒐᒂ ᐅᓱᐧᑲᑎᓯᐅᓂᔪᐤ ᐊᐅᒄ ᑲ ‍ ᐃᑐᑕᑯᔭᒄ ᒐᒋ ᑕᑈᑎᒪᒄ ᑕᓐ ᑲ ᐃᓯ ‍ ᐛᐎᑎᒪᓐ᙮
\v 5 ᒋᓴᒪᓂᑐᐤ ᐅᓱᐧᑲᑎᓯᐅᓐ ᐊᐅᒄ ᐊ ‍ ᐃᑐᑕᑯᔭᒄ ᒐᒋ ᐊᔭᔭᒄ ᑕᑈᑎᒧᐅᓐ ᓇᒪ ᐎ ᐊᓐ ᐊ ‍ ᑕᑈᑎᒪᒄ ᑕᓐ ᐊ ‍ ᐃᔅᒋᔄᒡ ᐊᓐᒡ ᑲ ‍ ᑭᒐᑕᐛᔨᑕᒡ᙮
\s1 ᒋᓴᒪᓂᑐᐤ ᐅᑭᒐᑕᐛᔨᑎᒧᐅᓐ
\p
\v 6 ᐊᓐᒡ ᐊᐛᓐᒋ ᑲ ᒥᔪ ‍ ᓂᑕᐅᒋᒡ ᑕᑈᑎᒧᐅᓂᒡ ᓂ ‍ ᓂᔅᑐᑕᑯᓇᓂᒡ ᑭᒐᑕᐛᔨᑎᒧᓂᒡ ᐊ ᐃᓯ ‍ ᐃᔨᒥᐃᒋᒡ᙮ ᓇᒪᐎᔾ ᒪᒃ ᐊᓐ ᑭᒐᑕᐛᔨᑎᒧᐅᓐ ᐊᐛᓐᒋ ᐅᑕ ᐊᔅᒋᒡ ᒋᒋᐛ ᑲ ‍ ᐃᑕᔨᑕᒡ ᑲ ‍ ᐊᔨᒧᑎᒪᓐ᙮ ᓇᒪᐎᔾ ᑭᔭ ᐊᓐ ᑭᒐᑕᐛᔨᑎᒧᐅᓐ ᒋᒋᐛ ᒐᒂᓐ ᑲ ‍ ᐃᑕᔨᑕᒡ ᐊᓐᒡ ᐊᐛᓐᒋ ᑲ ‍ ᐅᒋᒪᐅᒡ᙮ ᐛᔅ ᐊᓂᔭ ᐎᔨᐛᐤ ᐅᑭᒐᑕᐛᔨᑎᒧᐅᓄᐛᐤ ᒋᑭ ‍ ᐃᔎᐱᔪᐤ᙮
\v 7 ᒋᓴᒪᓂᑐᐤ ᐅᑭᒐᑕᐛᔨᑎᒧᐅᓐ ᐊᐅᒄ ᑲ ‍ ᐊᔨᒧᑎᒪᑕᒡ ᐊᓐ ᐊᑲ ᐅᒋ ᒋᔅᒐᔨᑕᑯᑕᑭᓄᐅᒡ ᐅᑕ ᐸᒋ ‍ ᐅᑕᒡ᙮ ᐊᔅᒄ ᐊᑲ ᐅᒋ ᐅᓯᑕᑦ ᒋᓴᒪᓂᑐᐤ ᐅᔭ ᐊᔅᒋᔪᐤ, ᓴᔅ ᒋ ‍ ᐎᔭᔨᑎᒻ ᑕᓐ ᒐ ‍ ᐃᑎᑦ ᐊᓐᑕ ᓂᔅᑕᒥᒡ ᐊᓐᑕ ᒐᒋ ᐅᒋ ‍ ᒋᔅᑕᔨᑕᑯᐃᑕᐧᒄ᙮
\v 8 ᓇᒪ ᒪᒃ ᐛᐛᒡ ᐸᐃᒄ ᐊᓐᒡ ᑲ ‍ ᐅᒋᒪᐅᒡ ᐅᑕ ᐊᔅᒋᒡ ᐅᒋ ᓂᔅᑐᑎᒧᒡ ᐅᔭ ᑭᒐᑕᐛᔨᑎᒧᐅᓂᔪᐤ ᐛᔅ ᑕᐸ ᒋᐸ ᐅᒋ ‍ ᒋᔅᑕᔎᑕᐅᒡ ᐊᓂᔭ ᐅᑎᐸᔨᒋᒐᐛ ᒪᐅᒡ ᑲ ‍ ᒋᔅᑕᔨᑕᑯᓯᔨᒋ ᒋ ‍ ᒋᔅᒐᔨᑎᒧᐛᑯᐱᓇ᙮
\v 9 ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᓇᒪ ᐊᐛᓐ ᐅᒋ ᐛᐸᑎᒻ
\q ᑭᔭ ᓇᒪ ᐊᐛᓐ ᐅᒋ ᐸᑎᒻ
\q ᑭᔭ ᓇᒪ ᐊᐛᓐ ᐅᒋ ᒋᔅᒐᔨᑎᒻ ᑕᓐ ᑲ ᐃᓯ ‍ ᐊᔭᔅᑯᔅᑎᒧᐛᑦ ᒋᓴᒪᓂᑐᐤ ᐊᓂᔭᔪᐛ ᑲ ‍ ᓴᒋᐃᑯᑦ᙮
\m
\v 10 ᒋᓴᒪᓂᑐᐤ ᒪᒃ ᔅᒋ ‍ ᒋᔅᒐᔨᑎᒥᐃᑯᓄᐤ ᐅᔭ ᐅᑦ ᐊᒐᒂ ᐅᒡ᙮
\p ᐛᔅ ᐅᑦ ᐊᒐᒂ ᒥᓯᐛ ᒐᒂᔪᐤ ᓇᓂᑐ  ᒋᔅᒐᔨᑎᒥᔪᐛ, ᐛᐛᒡ ᐊᓂᔭ ᑕᓐ ᐊᓐ ᐊ ‍ ᐃᑕᔨᑕᑯᓯᔨᒋ ᒋᓴᒪᓂᑐᐛ᙮
\v 11 ᒧᔭᒻ ᐊᐛᓐ ᑕᓐ ᐊᓐ ᐊ ‍ ᐃᑕᔨᑕᐧᒃ ᒥᒄ ᐎᔾ ᑎᐱᔨᐛ ᐅᑦ ᐊᒐᐧᑯᒡ ᒋᔅᒐᔨᑎᒻ᙮ ᐊᐅᑯᓐ ᒪᒃ ᒧᔭᒻ ᒋᓴᒪᓂᑐᐤ ᐅᑦ ᐊᒐᒂ, ᒥᒄ ᐎᔾ ᒋᓴᒪᓂᑐᐤ ᐅᑦ ᐊᒐᒂ ᒋᔅᒐᔨᑎᒥᔪᐛ ᑕᓐ ᐊᓐ ᐊ ‍ ᐃᑕᔨᑎᒥᔨᒋ ᒋᓴᒪᓂᑐᐛ᙮
\v 12 ᐊᓄᒡ ᒪᒃ, ᓇᒪ ᐅᑕ ᐊᔅᒋᒡ ᐊ ‍ ᑕᑦ ᐊᒐᐧᒄ ᒋ ᐅᒋ ‍ ᒥᔨᑯᓇᓄᐤ, ᐊᓐ ᐊᒐᐧᒄ ᒋᓴᒪᓂᑐᐤ ᐊ ‍ ᑕᑦ ᑲ ‍ ᐅᒋᑦ ᐊᐅᑯᓐ ᐊᓐ ᑲ ‍ ᒥᔨᑯᐅᔭᐧᒄ᙮ ᐊᐅᒄ ᒪᒃ ᐅ ᐊ ‍ ᐃᑐᑕᑕᐧᒄ ᒐᒋ ᒋᔅᒐᔨᑎᒺᐧᒄ ᐊᓂᔭᔪᐛ ᒥᔨᐛᐅᓇ ᑲ ‍ ᒥᔨᑕᐧᒄ ᒋᓴᒪᓂᑐᐤ᙮
\p
\v 13 ᐊ ‍ ᐊᔨᒧᑎᒪᒡ ᒪᒃ ᐅᔭ ᒐᒂᔪᐛ ᓇᒪ ᓂᒥᑐᓇᔨᒋᑭᓇᒡ ᐊ ᐃᓯ ‍ ᓂᔅᑐᑎᒪᒡ ᓂᑦ ᐃᓯ ‍ ᐊᔨᒧᑕᓇᓐ᙮ ᒋᑦ ᐊᓱᐤ ᐎᑎᒪᑎᓇᓐ ᑕᓐ ᑲ ᐃᓯ ‍ ᒋᔅᑯᑎᒧᔨᒥᑦ ᒋᓴᒪᓂᑐᐤ ᐅᑦ ᐊᒐᒂ᙮ ᐊᐅᒄ ᐅ ᐊᒐᐧᒄ ᐛᒋᐃᔨᒥᑦ ᐊ ᐎ ‍ ᒋᔅᒐᔨᑎᒥᔨᒥᑦ ᐊᒐᐧᑯ ᑕᑈᐅᓇ ᐊᓐᒡ ᑲ ‍ ᐊᔭᐛᒡ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮
\v 14 ᐊᓐ ᐊᐛᓐ ᐊᑲ ᐊᔭᐛᑦ ᒋᓴᒪᓂᑐᐛ ᐅᑦ ᐊᒐᐧᑯᔪᐛ, ᓇᒪ ᒋᑭ ᒋ ‍ ᐅᑎᓂᒻ ᐊᓂᔭᔪᐛ ᒥᔨᐛᐅᓇ ᑕᓐ ᐊ ᐃᓯ ‍ ᒥᔨᐛᔨᒋ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮ ᐅ ᐊᐛᓐ ᓇᒪ ᑕᑈ ᓂᔅᑐᑎᒻ ᒐᒂᔪᐛ ᐅᔭ, ᓇᒪ ᐎᔭᔅ ᐃᑕᐱᑎᓇ ᐃᑕᔨᑎᒻ᙮ ᐛᔅ ᒥᒄ ᐊᓐᒡ ᐸᔭᒋ ᐊᒐᒂ ᑲ ‍ ᐊᔭᐛᒡ ᒋᑭ ᒋ ‍ ᓂᔅᑐᑎᒧᒡ ᑕᓐ ᐊ ᐃᓯ ᒋᒋᐛ ‍ ᐃᑕᔨᑕᑯᓂᔨᒋ ᐅᔭ ᒥᔨᐛᐅᓇ᙮
\v 15 ᐊᓐ ᒪᒃ ᐊᐛᓐ ᑲ ‍ ᐊᔭᐛᑦ ᑲ ‍ ᐸᔭᒋᓯᔨᒋ ᐊᒐᒂ ᒥᓯᐛ ᓇᔅᒡ ᓂᑐ ‍ ᒋᔅᒐᔨᑎᒻ ᑕᓐ ᒐ ᐃᓯ ‍ ᑎᐸᔅᑯᓇᐧᒃ ᒐᒂᔪᐤ᙮ ᒥᒄ ᒪᒃ ᓇᒪ ᒋᑭ ᒋ ‍ ᑎᐸᔅᑯᓂᑯᐤ ᐎᔾ ᐊᐛᔪᐛ᙮
\v 16 ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᑕᐤ ᐊ ᐊᐛᓐ ᐊ ‍ ᒋᔅᒐᔨᑕᐧᒃ ᑕᓐ ᐊ ‍ ᐃᑕᔨᑎᒥᔨᒋ ᒋᓴᒪᓂᑐᐛ ᒐᒋ ᐅᒋ ‍ ᒋᔅᒋᓄᐊᒧᐛᑦ᙮
\m ᒋᔭᓄᐤ ᒪᒃ ᙭ ᐅᒥᑐᓇᔨᒋᑭᓐ ᒋ ‍ ᑭᓄᐛᔨᑎᒺᓇᓄᐤ᙮
\c 3
\s1 ᒋᓴᒪᓂᑐᐤ ᐅᑦ ᐊᐱᒋᐊᑭᓇ
\p
\v 1 ᓂᐧᑲᓂᓯᑐᒄ, ᐊᓐᑕ ᐊ ‍ ᑕᔭᒄ ᑲ ‍ ᑕᔭᓐ ᓇᒪ ᒋ ᐅᒋ ᐃᓯ ‍ ᐃᔨᒥᐃᑎᓇᐛᐤ ᑕᓐ ᐊ ᐃᓯ ‍ ᓂᑐᐛᔨᑕᒂᒡ ᒐᒋ ᐃᓯ ‍ ᐃᔨᒪᐊᑭᓄᐎᒡ ᐊᐛᓐᒋ ᑲ ‍ ᐸᔭᒋᓯᔨᒋ ᐊᒐᒂ ᑲ ‍ ᐊᔭᐛᒡ᙮ ᒧᔭᒻ ᐊᐛᓐᒋ ᐊᑲ ᐊᔭᐛᒡ ᑲ ‍ ᐸᔭᒋ ᐊᒐᒂ ᔅᒋ ᐃᓯ ‍ ᐃᔨᒥᐃᑎᓇᐛᐤ᙮ ᒧᔭᒻ ᑲ ‍ ᐅᔅᒋ ᑕᑈᔭᔨᒪᒡ ᙭ᑕ ᐊ ᐃᓯ ‍ ᐃᔨᒪᐊᑭᓄᐎᒡ ᐊᐅᑯᓐ ᑲ ᐃᓯ ‍ ᐃᔨᒥᐃᑎᑯᒡ᙮
\v 2 ᐊᐛᔅ ᓂᔅᑎᒻ ᒋᒋᓇᐳᔭ ᒥᔭᑭᓄᐤ ᐊᔅᒄ ᐊᑲ ᐃᔅᐱᑎᓯᑦ ᒋᒋᐛ ᒐᒋ ᒥᒋᓱᐅᑦ᙮ ᒋ ‍ ᐛᒋᑕᑯᓐ ᑕᓐ ᑲ ᐃᓯ ‍ ᐎᑎᒪᑎᑯᒡ ᒥᔽᒋᒧᐅᓐ ᒐᒋ ᓂᔅᑐᑕᒡ ᐊᒋ ‍ ᐃᑕᔨᒥᑎᑯᒡ᙮ ᐊᓄᒡ ᒪᒃ ᐃᔭᐱᒡ ᐊᔅᒄ ᓇᒪ ᔅᒋ ‍ ᓂᔅᑐᑕᓇᐛᐤ ᐊᓂᔭ ᐊᒐᐧᑯ ᑕᑈᐅᓇ ᐊ ‍ ᐊᔨᒥᓂᔨᒋ ᒐᒋ ᓂᔅᑐᑕᑭᓄᐅᒋ᙮
\v 3 ᐊᔅᒄ ᐊᐅᑯᓐ ᐊ ᐃᓯ ‍ ᐱᒪᑎᓯᔭᒄ ᐊ ᐃᓯ ‍ ᐱᒪᑎᓯᒡ ᐊᓐᒡ ᐊᔅᒄ ᐊᑲ ᐱᔅᑎᓇᒡ ᑲ ‍ ᐸᔭᒋ ᐊᒐᒂ ᒐᒋ ᐱᒥᐱᔨᑕᔨᒋ ᐅᐱᒪᑎᓯᐅᓄᐛᐛ᙮ ᐛᔅ ᒋ ‍ ᒪᒥᒐᔨᒥᑐᓇᐛᐤ ᑭᔭ ᒋ ‍ ᒪᒥᒋᐱᔨᐃᑐᓇᐛᐤ᙮ ᐊᑯᑕ ᒪᒃ ᐊ ‍ ᓄᒂᒡ ᐊᔅᒄ ᐊ ᐃᓯ ‍ ᐱᒪᑎᓯᔭᒄ ᐊᓂᔭ ᑕᓐ ᐊ ᐃᓯ ‍ ᐱᒪᑎᓯᒡ ᐊᓐᒡ ᐊᑲ ᑕᑈᑕᒡ᙮
\p
\v 4 ᐸᐃᒄ ᐊᓐᑕ ᐊ ‍ ᑎᓯᔭᒄ ᐊ ‍ ᐃᔅᒋᔄᑦ, “ᑈᓪ ᓂᔾ ᓂ ‍ ᓇᓴᐛᐤ,” ᐊᑯ ᒥᓐ ᑯᑎᒃ ᐊ ‍ ᐃᔅᒋᔄᑦ, “ᐊᐳᓚᔅ ᓂᔾ ‍ ᓇᓴᐛᐤ᙮” ᐊᑯᑕ ᒪᒃ ᐊ ‍ ᓄᒂᒡ ᐊ ‍ ᐱᒪᑎᓯᔭᒄ ᐊᓂᔭ ᑕᓐ ᐊ ᐃᓯ ‍ ᐱᒪᑎᓯᒡ ᐊᓐᒡ ᐊᔅᒄ ᐊᑲ ᑕᑈᔭᔨᒪᒡ ᒋᓴᓴ᙮
\p
\v 5 ᐊᐛᓐ ᒪᒃ ᐅ ᐊᐳᓚᔅ ᑭᔭ ᐊᐛᓐ ᓂᔾ ᑈᓪ ? ᐊᐱᒋᐊᑭᓐᒡ ᓂᔭᓐ᙮ ᐊᐅᑯᓐᒡ ᐅᒡ ᐊᐱᒋᐊᑭᓐᒡ ᑲ ‍ ᐎᑎᒪᑕᑯᒡ ᒥᔽᒋᒧᐅᓂᔪᐤ ᑭᔭ ᑎᔭᑈᑎᒪᒄ᙮ ᑕᐱᔅᑯᓐ ᓂᒋ ‍ ᓂᓇᐃᑕᓇᓐ ᑕᓐ ᑲ ‍ ᐃᑎᓱᒥᔨᒥᑦ ᐅᑎᐸᔨᒋᒐᐤ᙮
\v 6 ᒧᔭᒻ ᑲᓂᑕᐅᒋᒋᑭᓂᒐᑦ ᐊ ‍ ᒋᒋᐱᔨᑕᑦ ᐊ ‍ ᓂᑕᐅᒋᑕᑦ, ᐊᐅᑯᓐ ᐊ ‍ ᐃᓯᓇᑯᓯᔭᓐ ᓂᔾ, ᐛᔅ ᓂᔾ ᓂᔅᑎᒻ ᔅᒋ ‍ ᐎᑎᒪᑎᓇᐛᐤ ᒥᔽᒋᒧᐅᓐ᙮ ᐊᑯ ᒪᒃ ᐊᐳᓚᔅ ᒧᔭᒻ ᐊᓐ ᑲ ‍ ᓂᑕᐅᒋᑕᑦ ᒧᔅ ᑲ ‍ ᓱᒋᔅᑕᑦ ᐊᓂᔭᔪᐛ ᑲ ‍ ᓂᑕᐅᒋᑕᐅᒡ ᐃᓯᓇᑯᓱᐤ᙮ ᐊᑐᐎᔅ ᔅᒋ ‍ ᐎᑎᒪᑯᐛᐤ ᑕᓐ ᒋᐸ ᐃᓯ ‍ ᐱᒪᑎᓯᐛᓇᐛᐤ ᐊᓐᑕ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᒥᒄ ᒪᒃ ᒋᓴᒪᓂᑐᐤ ᐊᐅᒄ ᒋᒋᐛ ᐊ ‍ ᐃᑐᑕᑕᒄ ᒐᒋ ᒥᔪ ‍ ᓂᑕᐅᒍᐛᒄ ᒋᑕᑈᑎᒧᐅᓄᐛᒡ᙮
\v 7 ᓇᒪ ᒪᒃ ᒐᒂᓐ ᐃᑕᔨᑕᑯᓱᐤ ᐊᓐ ᐊᐛᓐ ᑲ ‍ ᓂᑕᐅᒋᑕᑦ ᑭᔭ ᐊᓐ ᐊᐛᓐ ᑲ ‍ ᓱᒋᔅᑕᑦ ᐊᓂᔭ ᓂᑕᐅᒋᑕᑭᓂᔪᐤ᙮ ᒋᓴᒪᓂᑐᐤ ᐊᐅᒄ ᒋᒋᐛ ᐊ ‍ ᐃᑕᔨᑕᑯᓯᑦ ᐊᓐ ᑲ ‍ ᐃᑐᑕᐧᒃ ᒐᒋ ᓂᑕᐅᒋᓂᔨᒡ ᐊᓂᔭ ᓂᑕᐅᒋᑕᑭᓂᔪᐤ᙮
\v 8 ᐊᓐ ᐊᐛᓐ ᑲ ‍ ᓂᑕᐅᒋᑕᑦ ᑭᔭ ᐊᓐ ᑲ ‍ ᓱᒋᔅᑕᑦ ᐊᓂᔭ ᓂᑕᐅᒋᑕᑭᓂᔪᐤ, ᓂᓱ ᐊᑐᔅᒐᐅᒡ᙮ ᑕᐱᔅᑯᓐ ᐊᑐᔅᒐᔅᑎᒧᒡ ᐊᓂᔭ ᓂᑕᐅᒋᑕᑭᓂᔪᐤ᙮ ᒋᓴᒪᓂᑐᐛ ᒪᒃ ᒋᑭ ‍ ᑎᐸᐊᒪᑯᐅᒡ ᑕᓐ ᒐ ᐃᓯ ‍ ᐊᑐᔅᒐᔅᑎᒺᒂ᙮
\s1 ᑕᓐ ᒐ ᐃᓯ ‍ ᐎᔨᑲᐳᐅᑕᔭᒄ
\p
\v 9 ᑕᐱᔅᑯᓐ ᓂ ᐎᒋ ‍ ᐊᑐᔅᒐᒪᓇᓐ ᒋᓴᒪᓂᑐᐤ᙮ ᒋᔨᐛᐤ ᒪᒃ ᒧᔭᒻ ᓂᑕᐅᒋᑕᑭᓐ ᐊᔅᒋᔾ ᒋᑦ ᐃᓯᓇᑯᓯᓇᐛᐤ᙮ ᒪᒃ ᐅᑕ ᒋᐸ ᒋ ᐃᓯ ‍ ᑭᓄᐛᐸᑕᓇᐛᐤ᙮ ᒧᔭᒻ ᒋᓴᒪᓂᑐᐤ ᐅᐛᔅᑲᐃᑭᓂᒻ ᒋᑦ ᐃᓯᓇᑯᓯᓇᐛᐤ᙮
\p
\v 10 ᒋᓴᒪᓂᑐᐤ ᑲ ᐃᓯ ‍ ᒐᓱᐛᑦ ᒥᔪᑐᑎᒧᐅᑦ ᓂᒋ ‍ ᐃᑎᒄ ᒐᒋ ᐊᑐᔅᑯᐅᒃ᙮ ᓂᒋ ᐃᓯ ‍ ᐊᑐᔅᒐᓐ ᒪᒃ ᒧᔭᒻ ᐊᓐ ᐊᐛᓐ ᓇᔅᒡ ᑲ ‍ ᑭᔅᒋᐅᑦ ᐊ ‍ ᐅᓯᑕᑦ ᑕᓐᑕ ᒐ ‍ ᑕᒋᑲᐳᐎᔨᒡ ᒥᒋᐛᐱᔪᐤ᙮ ᐊᑯ ᒪᒃ ᑯᑎᑭᒡ ᐊ ᐊᑎ ‍ ᒋᔅᑕᒡ ᐊᓂᔭ ᑲ ᐃᓯ ᒋᒋ ‍ ᐎᔨᑲᐳᐅᑕᐅᒡ᙮ ᒥᒄ ᒪᒃ ᒥᓯᐛ ᐊᓐᒡ ᑲ ᐊᑎ ‍ ᐊᑐᔅᒐᔅᑕᒡ ᐊᓂᔭ ᑲ ᐃᓯ ᒋᒋ ‍ ᐎᔨᑲᐳᐅᑕᐅᒡ ᔭᐃᑕᔾ ᑯᐃᔅᒄ ᒋᑭ ᐎ ᐃᓯ ‍ ᐎᔨᑲᐳᐅᑕᐅᒡ ᐊᓂᔭ ᒥᒋᐛᐱᔪᐤ᙮
\v 11 ᒋᓴᔅ ᙭ᑕ ᐊ ‍ ᑕᔨᒋ ᐊᑯᑕ ᑲ ᐅᒋ ‍ ᐎᔨᑲᐳᐅᑕᑦ ᒋᓴᒪᓂᑐᐤ ᐎᒡ᙮ ᓇᒪ ᑯᑎᑲ ᐊᐛᔪᐛ ᐊ ‍ ᑕᔨᒋ ᒋᑭ ᒋ ᐅᒋ ‍ ᐎᔨᑲᐳᐅᑕᑭᓄᐅᔪᐤ ᐎᒡ᙮ ᐛᔅ ᒋᓴᒪᓂᑐᐤ ᓴᔅ ᒋ ‍ ᐎᔭᔨᑎᒻ ᒋᓴᓴ ᒥᒄ ᐊ ‍ ᑕᔨᒋ ᒐᒋ ᐅᒋ ‍ ᐎᔨᑲᐳᐅᑕᑭᓄᐎᒡ ᐊᓂᔭ ᒥᒋᐛᐱᔪᐤ᙮
\v 12 ᑯᑎᑭᒡ ᐊᐛᓐᒋ ᐎᔄᐅᓱᓇᔭᐱᔎ ᒋᑭ ‍ ᐊᐱᒋᐊᐅᒡ ᑭᔭ ᒪᒃ ᐛᐱᓯᐅᓱᓇᔭᐱᔎ ᑭᔭ ᒪᒃ ᓂᓇᐧᑯᐤ ᐊ ‍ ᐃᓯᓇᑯᓯᔨᒋ ᐊᓯᓂᔭ ᐊ ‍ ᓱᓇᔭᐎᔨᒋ᙮ ᐊᑯ ᑯᑎᑭᒡ ᒥᔅᑎᒂ ᒋᑭ ‍ ᐊᐱᒋᐊᐅᒡ ᑭᔭ ᒪᒃ ᒥᔅᑯᓱᐛ ᒋᑭ ‍ ᐊᐱᒋᑕᐅᒡ᙮
\v 13 ᒥᓯᐛ ᒪᒃ ᐊᐛᓐ ᒋᑭ ‍ ᓄᑯᑕᑭᓄᐅᔪᐤ ᑕᓐ ᐊᓐ ᐊ ‍ ᐃᑕᔨᑕᑯᓂᔨᒡ ᐅᑦ ᐊᑐᔅᒐᐅᓐ ᑎᐸᔅᑯᓂᒐᐅ ᒋᓯᑲᔨᒐ᙮ ᐛᔅ ᐃᔅᑯᑕᔪᐤ ᒋᑭ ‍ ᐊᐱᑎᓂᔪᐤ ᐊ ᓂᑐ ‍ ᒋᔅᒐᔨᑕᑯᓂᔨᒡ ᑕᓐ ᐊᓐ ᐊ ‍ ᐃᑕᔨᑕᑯᓂᔨᒡ ᐊᐛᓐ ᐅᑦ ᐊᑐᔅᒐᐅᓐ᙮ ᐊᑯᑕ ᒐ ᐅᒋ ‍ ᒋᔅᒐᔨᑕᑯᓂᔨᒡ ᑕᑈ ᒪᔽᔨᒂ ᐅᑦ ᐊᑐᔅᒐᐅᓐ᙮
\v 14 ᐊᑯ ᒪᒃ ᐊᓂᔭ ᑕᓐ ᑲ ᐃᓯ ‍ ᐊᑐᔅᑯᐛᒂ ᐊᐛᓐ ᐅᑎᐸᔨᒋᒐᐛ ᐊᑲ ᓂᓱᐅᓇᑎᓂᔨᒐ, ᒋᑭ ‍ ᒥᔭᑭᓄᐤ ᐅᑎᐸᐊᒪᑯᓯᐅᓐ᙮
\v 15 ᐊᑯ ᒪᒃ ᐃᔎᑕᔨᒐ ᓇᒪ ᒐᒂᔪᐤ ᒋᑭ ᐅᒋ ‍ ᐊᔭᐤ, ᐊᑐᐎᔅ ᑭᑈ ᒋᑭ ‍ ᐱᒪᒋᐊᑭᓄᐤ ᐎᔾ ᒧᔭᒻ ᐊᐛᓐ ᐊᒋ ‍ ᓴᐳᔅᑲᐧᒃ ᐃᔅᑯᑕᔪᐤ ᐊᑲ ᐅᒋ ᑲᒋᔅᑎᑭᓱᑦ ᒋᑭ ‍ ᐃᓯᓇᑯᓱᐤ᙮
\p
\v 16 ᓇᒪ ᓇ ᐊ ᒋ ‍ ᒋᔅᒐᔨᑕᓇᐛᐤ ᒧᔭᒻ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᐊ ‍ ᐃᓯᓇᑯᓯᔭᒄ, ᑭᔭ ᒋᓴᒪᓂᑐᐤ ᐅᑦ ᐊᒐᒂ ᐊ ‍ ᐱᒋᔅᑲᑎᑕᑯ᙮
\v 17 ᐊᐛᓐ ᒪᒃ ᓂᓱᐅᓇᒋᑕᐛᒐ ᒋᓴᒪᓂᑐᐛ ᐅᒋᓴᐊᔭᒥᐊᐅᒋᐛᐱᔪᐤ, ᒋᓴᒪᓂᑐᐛ ᒋᑭ ‍ ᓂᓱᐅᓇᒋᐃᑯᐤ᙮ ᐛᔅ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᐸᔭᐧᑭᓂᔪᐤ, ᒋᔨᐛᐤ ᒪᒃ ᐊᐅᒄ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ᙮
\s1 ᓇᒪ ᐊᐛᓐ ᒋᒋᐛ ᒋᐸ ᐅᒋ ‍ ᐃᑕᔨᒥᓱᐤ
\p
\v 18 ᐊᑲᐎᔾ ᐊᐛᓐ ᒋᑭ ᐅᒋ ᐎ ‍ ᐎᔭᓯᐃᑎᓱᐤ᙮ ᐊ ‍ ᐃᑕᒂ ᐊᐛᓐ ᐊᓐᑕ ᐊ ‍ ᑎᓯᔭᒄ ᐊ ‍ ᐃᑕᔨᑎᒧᒂ ᓇᔅᒡ ᐊ ‍ ᒋᔅᒐᔨᑕᐧᒃ ᒐᒂᔪᐤ ᐅᑕ ᐊᔅᒋᒡ ᐊᑯᔅ ᒋᑭ ‍ ᐃᓯᓇᑯᓱᐤ ᐊᑲ ᐃᑈᐧᑲᑦ ᒐᒋ ᐅᒋ ‍ ᑭᒐᑕᐛᔨᑕᐧᒃ᙮
\v 19 ᐛᔅ ᐊᓂᔭ ᐊ ᐃᓯ ‍ ᑭᒐᑕᐛᔨᑕᒡ ᐊᐛᓐᒋ ᐅᑕ ᐊᔅᒋᒡ, ᒋᔎᓇᑯᓐ ᐃᑕᔨᑎᒻ ᐎᔾ ᒋᓴᒪᓂᑐᐤ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒋᓴᒪᓂᑐᐤ ᐊᐱᒋᑕᐛᐤ ᓇᐸᐛ ᐅᑭᒐᑕᐛᔨᑎᒧᐅᓂᔪᐤ ᒐᒋ ᐅᒋ ‍ ᒋᔅᒐᔨᑎᒥᐊᑦ ᑕᓐ ᐊ ᐃᓯ ‍ ᒋᔎᓇᑯᓂᔨᒡ ᐅᑭᒐᑕᐛᔨᑎᒧᐅᓂᔪᐤ᙮
\m
\v 20 ᑭᔭ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᐅᑎᐸᔨᒋᒐᐤ ᒋᔅᒐᔨᑎᒻ ᐊᑲ ᒐᒂᔪᐤ ᐃᑕᔨᑕᑯᓂᔨᒡ ᐊᓂᔭ ᑕᓐ ᐊ ᐃᓯ ‍ ᒪᒥᑐᓇᔨᑎᒥᔨᒋ ᐊᓂᔭ ᑲ ‍ ᑭᒐᑕᐛᔨᑎᒥᔨᒋ ᐅᑕ ᐊᔅᒋᒡ ᐊ ‍ ᑕᔨᒋ᙮
\m
\v 21 ᐊᑲᐎᔾ ᒪᒃ ᐊᐛᓐ ᒋᑭ ᐅᒋ ‍ ᒪᒥᒋᐃᑯᐤ ᓇᐸᐛ, ᐛᔅ ᒥᓯᐛ ᐊᐛᓐ ᒋᓴᒪᓂᑐᐛ ᐅᑦ ᐊᐱᒋᐊᑭᓂᑐᑕᑯᐤ᙮ ᒥᓯᐛ ᒐᒂᔪᐤ ᒋᓴᒪᓂᑐᐤ ᔅᒋ ‍ ᒥᔨᑯᐛᐤ ᒐᒋ ᑎᐱᔨᐛᐅᓯᐛᒄ᙮
\v 22 ᓂᔾ ᑈᓪ ᑭᔭ ᐊᐳᓚᔅ, ᑭᔭ ᐱᑕᕐ, ᒋᓴᒪᓂᑐᐤ ᓂᒋ ᐸᒋ ‍ ᐃᑎᓴᐅᑯᓇᓐ ᒐᒋ ᐎᒋᐃᑕᒡ᙮ ᒥᓯᐛ ᐅᔭ ᐊᔅᒋᔪᐤ ᔅᒋ ‍ ᐱᔅᑎᓂᒪᑯᐛᐤ, ᑭᔭ ᔅᒋ ‍ ᒥᔨᑯᐛᐤ ᐱᒪᑎᓯᐅᓂᔪᐤ ᑭᔭ ᓂᐳᐅᓂᔪᐤ᙮ ᐅᔭ ᐊᓄᒡ ᒪᒂᒡ ᑲ ‍ ᐃᔅᐱᔨᒡ ᑭᔭ ᒥᓯᐛ ᒐ ‍ ᐃᔅᐱᔨᒂ ᐊᓐᑕ ᓂᔅᑕᒥᒡ ᔅᒋ ‍ ᒥᔨᑯᐛᐤ ᒋᓴᒪᓂᑐᐤ ᒐᒋ ᐎᒋᐃᑯᐛᒄ᙮
\v 23 ᒋᔨᐛᐤ ᒪᒃ ᙭ ᐊ ‍ ᑕᑦ ᒋ ᐊᑎ ᐃᓯ ‍ ᑎᐸᔨᑕᑯᓯᓇᐛᐤ᙮ ᐎᔾ ᒪᒃ ᙭, ᒋᓴᒪᓂᑐᐛ ᐊ ‍ ᑕᔨᒋ ᐃᓯ ᑎᐸᔨᑕᑯᓱᐤ᙮
\c 4
\s1 ᑕᓐ ᒋᐸ ‍ ᐃᑕᔨᑕᑯᓯᔪᐛ ᙭ ᐅᑦ ᐊᑈᔅᑕᓂᒪ
\p
\v 1 ᙭ ᐅᑦ ᐊᐱᒋᐊᑭᓇ ᒋᐸ ᐃᓯ ‍ ᑭᓄᐛᐱᒥᓇᓐ, ᐊᓐᒡ ᑲ ‍ ᒥᔭᑭᓄᐎᒡ ᒐ ‍ ᐊᓱᐤ ᒋᔅᑯᑎᒪᒐᒡ ᐊᓂᔭ ᒐᒂᔪᐛ ᐊᔅᒄ ᐊᑲ ᐅᒋ ᐎᑕᑭᓄᔨᒋ, ᐊᓂᔭᔪᐛ ᒋᓴᒪᓂᑐᐤ ᐊ ‍ ᑕᑦ ᑲ ‍ ᐅᒋᐱᔨᒋ᙮
\v 2 ᐸᐃᒄ ᒐᒂᔪᐤ ᑕᑈ ᐊ ᐃᓯ ‍ ᓂᑐᐛᔨᑕᑯᓯᒡ ᒐᒋ ᐃᑕᔨᑕᑯᓯᒡ ᐅᒡ ᐅᔭ ᑲ ᐃᓯ ‍ ᒥᔭᑭᓄᐎᒡ ᒐᒋ ᐃᑕᐱᑎᓯᒡ ᐊᐅᒄ ᒐᒋ ᒐᔅᑎᓇᑕᔨᑕᑯᓯᒡ ᑕᑈ ᒐᒋ ᑐᑕᒡ ᑕᓐ ᐊ ‍ ᐃᑎᓱᒥᑯᒡ ᐅᒋᒪᒧᐛᐛ᙮
\v 3 ᐊᑯ ᒪᒃ ᐊᓐ ᐊ ‍ ᐃᓯᓇᑯᓱᐛᓇ ᑭᔭ ᒪᒃ ᐊᑲ ᐊᓐ ᐊ ‍ ᐃᓯᓇᑯᓱᐛᓇ, ᓇᒪ ᒋ ‍ ᒋᔅᒐᔨᑕᓇᐛᐤ ᑭᔭ ᓇᒪ ᑯᑎᒃ ᐊᐛᓐ ᒋᔅᒐᔨᑎᒻ᙮ ᓇᒪ ᐛᐛᒡ ᓂᔾ ᓂ ‍ ᒋᔅᒐᔨᑕᓐ᙮ ᑕᐸ ᓇᔅᒡ ᓂᑦ ᐊᔨᒪᔨᑎᒥᐃᑯᓐ ᑕᓐ ᐊ ‍ ᐃᑕᔨᒥᒂ ᐊᐛᓐ᙮
\v 4 ᐊᑯ ᒪᒃ ᐊ ᐃᓯ ‍ ᒋᔅᒐᔨᒥᓱᔭᓐ ᓂᔾ, ᒥᓯᐛ ᓂᒋ ‍ ᐃᑐᑕᓐ ᐊᓐ ᐊᑐᔅᒐᐅᓐ ᑲ ‍ ᒥᔨᑯᐅᔭᓐ ᒐ ‍ ᐃᑐᑎᒪᓐ᙮ ᒥᒄ ᒪᒃ ᓇᒪ ᐃᔭᐱᒡ ᓂ ‍ ᒐᔅᑎᓇᑕᔨᑕᓐ ᒥᓯᐛ ᑲ ‍ ᐃᑐᑎᒧᐛᓇ ᐊᓐ ᓂᐸ ‍ ᐃᑐᑕᓐ᙮ ᐅᑎᐸᔨᒋᒐᐤ ᒪᒃ ᐊᐅᒄ ᒐ ‍ ᑎᐸᔅᑯᓂᑦ᙮
\v 5 ᐊᐅᒄ ᒪᒃ ᐅ ᐅᒋ ᐊᑲᐎᔾ ᒋᑭ ᐅᒋ ‍ ᑎᐸᔅᑯᓇᓐ ᒐᒂᓐ ᐊᔅᒄ ᐊᑲ ᐅᑎᒋᐱᔨᒡ ᒐᒋ ᑎᐸᔅᑯᓇᑭᓄᐅᒡ᙮ ᐎᔾ ᐅᑎᐸᔨᒋᒐᐤ ᒧᓴ ᒋᑭ ‍ ᓄᑯᑕᐤ ᒥᓯᐛ ᒐᒂᔪᐤ ᑲ ‍ ᑲᑕᑭᓄᐎᒡ᙮ ᐛᐛᒡ ᐊᓂᔭ ᑕᓐ ᐊᓐ ᑲ ‍ ᐃᑕᔨᑎᒥᔨᒋ ᐊᐛᔪᐛ᙮ ᐊᑯ ᒪᒃ ᒥᓯᐛ ᐊᐛᓐ ᒐ ‍ ᐎᑎᒪᑯᑦ ᒋᓴᒪᓂᑐᐛ ᐊ ‍ ᓇᐊᔨᑎᒥᔨᒋ ᐊᓂᔭ ᑕᓐ ᑲ ᐃᓯ ‍ ᒥᔪᑐᑕᐧᒃ᙮
\p
\v 6 ᒥᓯᐛ ᐅ ᑲ ᐸᒋ ‍ ᐃᔅᒋᔄᔭᓐ ᓂᔾ ᓂᒋ ‍ ᐊᔨᒧᒥᓱᓐ ᑭᔭ ᐊᐳᓚᔅ ᓂᒋ ‍ ᐊᔨᒧᒪᐤ ᐊᓐᑕ ᒐᒋ ᐅᒋ ‍ ᒋᔅᒐᔨᑎᒪᒄ ᒋᔨᐛᐤ ᓂᐧᑲᓂᓯᑐᒄ ᒥᒄ ᑕᓐ ᐊᑎᔅᑕᒡ ᒥᓯᓇᐃᑭᓂᒡ ᒐᒋ ᐃᓯ ‍ ᐱᒪᑎᓯᔭᒄ᙮ ᐛᔅ ᐃᑎᔅᑕᐤ ᐊᑲ ᐊᐛᓐ ᐃᐛᒃ ᒐᒋ ᐃᑕᔨᒪᑦ ᐸᐃᒄ ᐊᐛᔪᐛ ᑕᓐ ᐊ ‍ ᐃᑕᔨᒪᑦ ᑯᑎᑲ ᐊᐛᔪᐛ᙮
\v 7 ᐊᐛᓐ ᑲ ‍ ᒥᔨᑕᒄ ᓇᔅᒡ ᒋᒋᐛ ᒐᒋ ᐃᑕᔨᒥᓱᐛᒄ ? ᓇᒪᐎᔾ ᐊ ᒋᓴᒪᓂᑐᐤ ᒋ ᐅᒋ ‍ ᒥᔨᑯᐛᐤ ᒥᓯᐛ ᑕᓐ ᐊ ᐃᓯ ‍ ᐊᔭᐛᒄ ? ᒋᓴᒪᓂᑐᐤ ᐊᒋ ‍ ᒥᔨᑕᒄ ᐅᔭ ᒥᔨᐛᐅᓇ ᓇᒪ ᐃᓯᓇᑯᓐ ᒐᒋ ᒪᒥᒋᒧᔭᒄ ᒧᔭᒻ ᐊᑲ ᐎᔾ ᐅᒋ ᒥᔨᑕᒄ ᒐᒋ ᐃᑎᔭᒄ᙮
\p
\v 8 ᒧᔭᒻ ᓴᔅ ᒥᓯᐛ ᐊ ‍ ᐊᔭᔭᒄ ᑕᓐ ᒋᐸ ᐃᓯ ‍ ᐊᔭᓇᐛᐤ ᒋᑦ ᐃᑕᔨᑕᓇᐛᐤ᙮ ᑭᔭ ᒋᑦ ᐃᑕᔨᑕᓇᐛᐤ ᓇᔅᒡ ᐊ ‍ ᐛᑎᒡ ᐊᔭᔭᒄ ᑕᓐ ᑲ ᐃᓯ ‍ ᓄᑕᐱᔨᔭᒄ ᒥᔨᐛᐅᓇ᙮ ᒋᒋᓴᐅᒋᒪᐅᓇᐛᐤ ᐊ ? ᐊᑲ ᒪᒃ ᒋᓴᐅᒋᒪᐎᔭᒡ ᓂᔭᓐ᙮ ᑭᒪ ᑕᑈ ᒋᒋᐛ ᒋᓴᐅᒋᒪᐎᔭᒄ ᐊᑯ ᑭᔭ ᓂᔭᓐ ᓂᐸ ‍ ᒋᓴᐅᒋᒪᐅᓇᓐ᙮
\v 9 ᓂᔾ ᒪᒃ ᐊ ‍ ᐃᑕᔨᑎᒪᓐ ᒋᓴᒪᓂᑐᐤ ᓂᒋ ‍ ᐃᓯᐃᑯᐅᓇᓐ ᓂᔭᓐ ᐊᑈᔅᑕᓇᒡ ᑲ ‍ ᐃᑎᐱᔭᒡ ᓇᔅᒡ ᓂᑕᒡ ᒐᒋ ᐃᑕᔨᑕᑯᓯᔭᒡ ᐃᔅᐱᔅ ᐎ ᒐᒋ ᒋᓴᐅᒋᒪᐎᔭᒡ᙮ ᓇᒪ ᓇᔅᒡ ᓂ ‍ ᒋᔅᑕᔨᑕᑯᓯᓇᓐ᙮ ᒧᔭᒻ ᓇᐸᐅᒡ ᒐ ‍ ᑎᐸᔅᑯᓇᑭᓄᐎᒡ ᒐ ‍ ᓂᐸᐊᑭᓄᐎᒡ ᐊᐅᑯᓐ ᐊ ‍ ᐃᓯᓇᑯᓯᔭᒡ᙮ ᓂᒋ ‍ ᐊᐃᑯᐅᓇᓐ ᐊᓐᑕ ᒥᓯᐛ ᐊᐛᓐ ᒐᒋ ᓂᓇᑭᑐᐛᔨᒥᔨᒥᑦ ᑕᓐ ᐊ ᐃᓯ ‍ ᓂᓇᐧᑲᑕᔨᒧᐃᑯᐅᔭᒡ᙮ ᑕᐱᔅᑯᓐ ᐃᔪᒡ ᑭᔭ ᐊᓐᒋᓐᒡ ᓂᓇᑭᑐᐛᔨᒥᑯᓇᓐᒡ᙮
\v 10 ᐛᔅ ᐊᓂᔭ ᐊ ‍ ᐊᑐᔅᑯᐅᒋᑦ ᙭, ᐊᐅᒄ ᐛᒋ ‍ ᐃᑕᔨᒥᑯᐅᔭᒡ ᐊ ‍ ᒋᔎᔭᒡ᙮ ᒋᔨᐛᐤ ᒪᒃ ᐎ ᒧᔭᒻ ᓇᔅᒡ ᐊ ‍ ᑭᒐᑕᐛᔨᑎᒪᒄ ᒋᑦ ᐃᑕᔨᒥᑯᐅᓇᐛᐤ ᐊ ‍ ᐊᑐᔅᑯᐛᒄ ᙭᙮ ᓂᔭᓐ ᐊᑈᔅᑕᓇᒡ ᓇᔅᒡ ᓇᒪ ᓂᓴᐱᓯᓇᓐ, ᒋᔨᐛᐤ ᐎ ᒪᒃ ᒋ ‍ ᓱᐧᑲᑎᓯᓇᐛᐤ᙮ ᓂ ‍ ᐛᐧᑲᑎᑯᐅᓇᓐ ᓂᔭᓐ᙮ ᒋᔨᐛᐤ ᒪᒃ ᒋ ‍ ᒋᔅᑕᔨᒥᑯᐅᓇᐛᐤ᙮
\v 11 ᐛᐛᒡ ᑭᔭ ᒪᒂᒡ ᐊᓄᒡ ᓇᓂᑯᑎᓂᔾ ᓂ ‍ ᓯᐛᔨᓇᓐ᙮ ᓇᓂᑯᑎᓂᔾ ᓂ ‍ ᐸᐧᑯᑕᑕᓇᓐ᙮ ᓇᓂᑯᑎᓂᔾ ᓇᒪ ᓇᔅᒡ ᒋ ‍ ᐃᓯᓇᑯᓇ ᓂᑦ ᐊᐱᒋᑕᐅᓇᓇ᙮ ᓇᔅᒡ ᓂ ᐎ ‍ ᐃᑐᑕᑯᐅᓇᓐ ᑭᔭ ᒪᓐ᙮ ᑭᔭ ᓇᒪ ᑎᑯᓐ ᐊᓐᑕ ᒐᒋ ᐎᒋᔭᒡ᙮
\v 12 ᓇᔅᒡ ᒥᔅᑎ ᓂᑦ ᐊᐱᑎᓯᓇᓐ ᒐᒋ ᐱᒪᒋᐃᓱᔭᒡ᙮ ᐊ ‍ ᐛᐧᑲᓯᔨᒥᒡ ᐊᐛᓐᒋ, ᓂ ‍ ᓂᑐᑎᒧᒪᓇᓂ ᒋᓴᒪᓂᑐᐛ ᒐᒋ ᓱᐛᔨᒥᑯᒡ᙮ ᑭᔭ ᓂᔭᐧᑲᒋᐃᔨᒥᒡ ᐊᐛᓐᒋ ᓇᒪ ᓂ ‍ ᒋᔅᑐᑕᓇᓐᒡ᙮
\v 13 ᐊ ‍ ᒪᔭᔨᒥᔨᒥᒡ ᐊᐛᓐᒋ ᐊ ‍ ᐊᑐᔅᒐᔅᑐᐅᒋᒡ ᙭, ᐸᐧᑲᒡ ᓂᑦ ᐃᔨᒪᐊᓇᓐᒡ ᐊ ‍ ᐛᐎᑎᒧᐅᒋᒡ᙮ ᑭᔭ ᐊᓄᒡ ᒪᒂᒡ ᒧᔭᒻ ᐛᐱᓇᓱᐅᓐ ᐊᐅᑯᓐ ᐊ ‍ ᐃᑐᑕᑯᐅᔭᒡ, ᓂᔭᓐ ᓇᔅᒡ ᓇᒪ ᒐᒂᓐ ᓂᑦ ᐃᑕᔨᒥᑯᐅᓇᓐᒡ ᐊᐛᓐᒋ ᐅᑕ ᐊᔅᒋᒡ᙮
\s1 ᑕᓐ ᑲ ᐃᓯ ‍ ᐃᔭᒂᒥᒪᑦ ᑈᓪ ᐊᓂᔭᔪᐛ ᑯᕆᓐᑦ ᐊ ‍ ᑕᔨᒋ ᐅᒪᒧᐊᔭᒥᐊᐛ
\p
\v 14 ᓇᒪ ᐅ ᓂᑦ ᐃᑎᓯᓇᐃᒐᓐ ᒐᒋ ᐱᒪᒥᓯᒥᔭᒡ᙮ ᒥᒄ ᒋ ᐎ ‍ ᐃᔭᒂᒥᒥᑎᓇᓐ ᐅ ᐛᒋ ‍ ᐃᑎᓯᓇᐊᒪᓐ ᐛᔅ ᒥᓯᐛ ᒋᔨᐛᐤ ᓂᑦ ᐊᐛᓯᒥᒡ ᑲ ‍ ᓴᒋᐃᒂᐤ ᒋᑦ ᐃᑕᔨᒥᑎᓇᐛᐤ᙮
\v 15 ᐊᑎ ᒪᒃ ᓇᔅᒡ ᐊ ᒥᔅᑎ ‍ ᒥᒐᑎᒡ ᐊᓐᒡ ᑲ ‍ ᒋᔅᑯᑎᒪᑕᑯᒡ ᐊ ‍ ᐛᐎᑎᒪᑕᑯᒡ ᑕᓐ ᒐ ᐃᓯ ‍ ᐱᒪᑎᓯᐛᒄ ᐊ ‍ ᓇᓴᐅᒪᑯ ᙭ᑕ᙮ ᓂᔾ ᐊ ‍ ᐸᐃᑯᓯᔭᓐ ᔅᒋ ‍ ᐎᑎᒪᑎᓇᐛᐤ ᒥᔽᒋᒧᐅᓐ᙮ ᐊᑯ ᒪᒃ ᐊ ‍ ᐃᓯᓇᒂᒡ ᒧᔭᒻ ᓂᔾ ᐊᒋ ᐊᑎ ‍ ᐅᑕᐎᑐᐅᔭᒄ ᙭ ᒋᓴᔅ ᐅᒋ᙮
\v 16 ᐊᐅᒄ ᒪᒃ ᐛᒋ ‍ ᓇᔅᒡ ᐱᑯᓴᔨᒥᑎᑯᒡ ᒐᒋ ᒋᔅᒋᓄᐛᐱᒥᔭᒄ᙮
\v 17 ᐊᐅᒄ ᐛᒋ ‍ ᐃᑎᓴᐅᒃ ᑎᒧᑎ ᐊᓐᑕ ᐊ ‍ ᑕᐛᒄ᙮ ᒧᔭᒻ ᓂᑯᔅ ᒋᓴᒪᓂᑐᐤ ᐊᒋ ᐸᒋ ‍ ᒥᔨᑦ ᓂᑦ ᐃᑕᔨᒪᐤ, ᓇᔅᒡ ᓂ ‍ ᓴᒋᐊᐤ᙮ ᒧᔅ ᑯᐃᔅᒄ ᐃᑐᐤ᙮ ᓂᑐᐛᔨᒪᐤ ᒐᒋ ᒋᔅᒋᓱᒥᑕᒄ ᑕᓐ ᐊ ᐃᓯ ‍ ᐱᒪᑎᓯᐅᒡ ᙭ᑕ ᐃᔅ ᐊ ‍ ᑕᔨᒋ ᑭᔭ ᐊᓂᔭ ᐊ ᐃᓯ ‍ ᒋᔅᑯᑎᒪᒐᐅᒡ ᒥᓯᐛ ᒐᒋ ᐎᑕᐧᒃ ᒪᒂᒡ ᒥᓯᐛ ᐊᓐᑕ ᐊ ᐊᑎ ‍ ᑕᔨᒋ ᐅᒪᒧᐊᔭᒥᐊᐛ᙮
\p
\v 18 ᐱᔅᒐ ᐊᓐᑕ ᐊ ‍ ᑎᓯᔭᒄ ᓇᔅᒡ ᒋᒋᐛ ᒋᑦ ᐃᑕᔨᒥᓱᓇᐛᐤ᙮ ᓇᒪ ᒋᑭ ᐅᒋ ‍ ᑎᑯᓯᓐ ᒋᑦ ᐃᑕᔨᒥᓇᐛᐤ᙮
\v 19 ᒥᒄ ᒪᒃ ᐎᐱᒡ ᒋᑭ ᐸᒋ ‍ ᓂᑐᐛᐱᒥᑎᓇᐛᐤ, ᐅᑎᐸᔨᒋᒐᐤ ᓂᑐᐛᔨᒥᒐ ᒐᒋ ᓂᑐᐛᐱᒥᑎᑯᒡ᙮ ᐊᑯ ᒪᒃ ᒐ ᓂᑐ ‍ ᒋᔅᒐᔨᒥᒂᐤ ᐅᒡ ᒋᒋᐛ ᑲ ‍ ᐃᑕᔨᒥᓱᒡ ᑕᑈ ᑲ ‍ ᒥᔨᑯᐛᒂ ᒋᓴᒪᓂᑐᐛ ᓱᐧᑲᑎᓯᐅᓂᔪᐤ ᒪᒃ ᓴᒐᔾ ᒥᒄ ᐊ ‍ ᐃᔅᒋᔄᐛᒂᓂᒋ ᐊᓂᔭ ᑕᓐ ᐊ ‍ ᐃᔅᒋᔄᒡ᙮
\v 20 ᓇᒪ ᒥᒄ ᒋᐸ ᐅᒋ ‍ ᐊᔨᒧᑕᑭᓄᐅᔪᐤ ᒋᓴᒪᓂᑐᐤ ᐅᒋᓴᐅᒋᒪᐅᓐ, ᒋᐸ ‍ ᓄᑯᑕᑭᓄᐅᔪᐤ ᑕᓐ ᐊᔅᐱᔅ ᓱᒐᔨᑕᑯᓂᔨᒡ᙮
\v 21 ᐃᔅᐱ ᐸᒋ ‍ ᓂᑐᐛᐱᒥᑎᑯᒐ ᑕᓐ ᐊᐅᒄ ᐊ ᐃᓯ ‍ ᓂᑐᐛᔨᑎᒪᒄ᙮ ᒋ ‍ ᓂᑐᐛᔨᒥᓇᐛᐤ ᐊ ᒐᒋ ᐸᒋ ‍ ᑕᐧᑯᓂᒪᓐ ᐱᓯᔅᑕᐃᑭᓐ ᑭᔭ ᒪᒃ ᓴᒋᐃᐛᐅᓐ ᒐᒋ ᐸᑕᔭᓐ ᐸᐧᑲᒡ ᒐᒋ ᐃᑐᑕᑎᑯᒡ ?
\c 5
\s1 ᒐ ‍ ᐃᑐᑐᐛᑭᓄᐅᑦ ᐊᐛᓐ ᓂᑐᐎᔾ ᑲ ‍ ᐃᑕᑎᓯᑦ
\p
\v 1 ᓂᒋ ‍ ᐎᑎᒪᑯᐅᓐ ᐊ ‍ ᑕᑦ ᐊᐛᓐ ᐊᓐᑕ ᐊ ‍ ᑕᔭᒄ ᓂᑐᐎᔾ ᐊ ‍ ᐃᑕᑎᓯᑦ᙮ ᓇᒪ ᐛᐛᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ ᒋᐸ ᐅᒋ ᐃᓯ ‍ ᐱᒪᑎᓯᐅᒡ ᑕᓐ ᐊ ᐃᓯ ‍ ᐱᒪᑎᓯᔨᒋ ᐊᓂᔭᔪᐛ ᓇᐸᐛ᙮ ᓂᒋ ‍ ᐎᑎᒪᑯᐅᓐ ᐅᑕᐎᔭ ᐎᐎᐛ ᐊ ‍ ᐎᒋᒪᑦ ᐊᓐ ᓇᐸᐤ᙮
\v 2 ᓇᔅᒡ ᐊ ᒪᒃ ᒋᒋᐛ ᒋᑦ ᐃᑕᔨᒥᓱᓇᐛᐤ ? ᐃᔭᐱᒡ ᒋᐸ ‍ ᒥᒐᔨᑕᓇᐛᐤ᙮ ᒋᐸ ‍ ᐃᒐᓇᐛᐤ ᐊᓐ ᓇᐸᐤ ᐅᔭ ᑲ ‍ ᐃᑎᑦ ᐊᓐᑕ ᐅᒋ ᐊ ‍ ᑕᔭᒄ᙮
\v 3 ᐊᑎ ᐊᔅᒄ ᐊᑲ ᑕᔭᓐ ᓇᑕ ᐊ ‍ ᑕᔭᒄ, ᓇᔅᒡ ᒋ ‍ ᒋᔅᒋᓯᑐᑕᑎᓇᐛᐤ ᒧᔭᒻ ᓴᔅ ᐊ ‍ ᑕᔭᓐ ᓇᑕ ᐊ ‍ ᑕᔭᒄ ᐊᐅᑯᓐ ᐊ ‍ ᐃᑕᔨᑎᒪᓐ᙮ ᓴᔅ ᒪᒃ ᓂᒋ ‍ ᐎᔭᔨᑕᓐ ᑕᓐ ᒋᐸ ‍ ᐃᑐᑐᐛᑭᓄᐤ ᐊᓐ ᓇᐸᐤ ᐅᔭ ᑲ ‍ ᐃᑎᑦ,
\v 4 ᐅᑎᐸᔨᒋᒐᐤ ᒋᓴᔅ ᐊᒋ ᐸᒋ ‍ ᒥᔨᑦ ᒐᒋ ᐃᓯ ‍ ᐎᔭᔨᑎᒧᒡ᙮ ᒪᒧᐎᔭᒂ ᒐ ‍ ᐊᔭᒥᐊᔭᒄ, ᒧᔭᒻ ᐊᓐᑕ ᐊ ‍ ᑕᔭᒄ ᐊ ‍ ᑕᔭᓐ ᒋᑭ ‍ ᐃᑕᔨᑕᑯᓐ ᑭᔭ ᐅᑎᐸᔨᒋᒐᐤ ᒋᓴᔅ ᐅᓱᐧᑲᑎᓯᐅᓐ ᒋᑭ ‍ ᑎᑯᓂᔪᐤ᙮
\v 5 ᐱᔅᑎᓇᐧᒄ ᐊᓐ ᓇᐸᐤ ᐊᓐᑕ ᒥᒋᒥᓂᑐᐛ ᐊ ‍ ᑕᔨᒋ ᒐᒋ ᓂᓱᐅᓇᒋᑕᑭᓄᐎᒡ ᑕᓐ ᐊ ᐃᓯ ᒥᒋ ‍ ᓂᑐᐛᔨᑎᒧᒥᑭᓂᔨᒡ ᐎᔭᔅ᙮ ᐊᑯ ᒪᒃ ᐅᑦ ᐊᒐᒂ ᒐ ‍ ᐱᒪᒋᐊᑭᓄᔨᒋ ᐊᓂᔭ ᐊ ‍ ᒋᓯᑲᔨᒡ ᐸᒋ ‍ ᑎᑯᓯᓂᔨᒐᓂ ᐅᑎᐸᔨᒋᒐᐛ ᒋᓴᓴ᙮
\p
\v 6 ᓇᒪ ᓇᔅᒡ ᐃᓯᓇᑯᓐ ᒋᒋᐛ ᒐᒋ ᐃᑕᔨᒥᓱᔭᒄ᙮ ᒋ ‍ ᒋᔅᒐᔨᑕᓇᐛᐤ ᐊᐱᓯᔅ ᑲᐅᐱᔨᒡ ᐊ ‍ ᐱᔅᑎᓂᑭᓄᐅᒡ ᐸᒂᓯᑭᓂᒡ ᒥᓯᐛ ᐊ ‍ ᐃᔅᐱᑎᑦ ᐊᓐ ᐸᒂᓯᑭᓐ ᐅᐱᔪᐤ᙮
\v 7 ᐊᑲᐎᔾ ᐱᔅᑎᓂᒧᒄ ᒥᒋᑥᐅᓐ ᒐᒋ ᑎᒂᒡ ᐊᓐᑕ ᐊ ‍ ᑕᔭᒄ᙮ ᐛᔅ ᒧᔭᒻ ᑲᐅᐱᔨᒡ ᐃᑕᔨᑕᑯᓐ ᒥᒋᑥᐅᓐ, ᐊᐅᒄ ᐅᔭ ᑲ ‍ ᐃᑐᑕᑯᑦ ᐸᒂᓯᑭᓐ ᒐᒋ ᐅᐱᔨᑦ ᐊᐅᑯᓐ ᒪᒃ ᒧᔭᒻ ᐊ ‍ ᐃᑐᑕᒐᒥᑲᒡ ᒥᒋᑥᐅᓐ ᐱᒪᑎᓯᐅᓂᒡ᙮ ᓇᒪ ᒋᐸ ᐅᒋ ‍ ᐊᔭᓇᐛᐤ ᒥᒋᑥᐅᓐ ᒋᐱᒪᑎᓯᐅᓄᐛᒡ ᐛᔅ ᔅᒋ ‍ ᐎᐧᑯᒋᐃᑯᓇᐛᐤ ᒥᒋᑥᐅᓂᒡ ᐅᒡ᙮ ᐛᔅ ᙭ ᒋ ‍ ᐎᒪᔅᑲᒐᐤ ᒪᔭᑕᓂᓯᒥᓄᐤ ᒋ ‍ ᓂᐸᐊᑭᓄᐤ ᒋᔭᓄᐤ ᐅᒋ ᒐᒋ ᐱᒪᒋᐅᔭᐧᒄ᙮
\v 8 ᐊᑯ ᒪᒃ ᑭᓄᐛᔨᑕᑕᐤ ᐊᒋ ‍ ᐱᒪᒋᐃᑯᐅᔭᐧᒄ᙮ ᐛᐱᓇᑕᐤ ᐊᓐ ᐛᔅᑭᒡ ᑲᐅᐱᔨᒡ ᐊᐅᒄ ᒥᒋᑥᐅᓐ ᑭᔭ ᒥᓯᐛ ᑕᓐ ᐊ ᐃᓯ ‍ ᒪᔭᑎᒡ᙮ ᐊᓐ ᒪᒃ ᐊᔅᐱᔅ ᒥᔽᔨᑎᒪᐧᒄ ᐊᒋ ‍ ᐱᒪᒋᐃᑯᐅᔭᐧᒄ ᑯᐃᔅᒄ ᐃᓯ ᐱᒪᑎᓯᑕᐤ ᑭᔭ ᑕᑈᐅᓂᒡ ᐃᓯ ᐃᔨᒥᑕᐤ᙮
\p
\v 9 ᔅᒋ ‍ ᐎᑎᒪᑎᓇᐛᐤ ᐅᑕ ᑲ ‍ ᒥᓯᓇᐊᒪᑎᑯᒡ, ᒐ ᐊᑲ ᒋ ᐎᒐᐛᑯᒡ ᐊᓐᒡ ᓂᑎᒥᒄ ᑲ ‍ ᐃᑕᑎᓯᒡ᙮
\v 10 ᓇᒪᔭᐅᒡ ᑭᑈ ᐎ ᐊᓐᒡ ᐊᑲ ᑕᑈᑕᒡ ᑲ ‍ ᐊᔨᒧᑎᒪᑎᑯᒡ ᐊᓐ ᑲ ‍ ᐃᑎᑎᑯᒡ᙮ ᓇᒪᔭᐅᒡ ᑭᔭ ᐊᓐᒡ ᑲ ‍ ᒧᔅᑕᓂᒪᒐᒡ ᒐᒂᔪᐛ ᑭᔭ ᑲ ‍ ᑭᒐᒧᑎᒡ ᑭᔭ ᒪᒃ ᐊᓐᒡ ᑲ ‍ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑲ ‍ ᐊᔨᒧᒥᒂᐤ᙮ ᐛᔅ ᐊᓐ ᐊᑲ ᐎ ᑕᔭᒄ ᐊᓐᑕ ᐊ ‍ ᑕᒡ ᐊᓐᒡ ᐊᑲ ᑕᑈᑕᒡ, ᐸᑐᔅ ᓇᔅᒡ ᒋᐸ ‍ ᐃᒐᐎᓇᓄᐤ ᐅ ᐊᔅᒋᔾ ᐛᔅ ᒥᓯᐛ ᐅᑕ ᐛᔅᑲ ᐊ ‍ ᑕᔭᒄ ᑕᐅᒡ ᐅᒡ᙮
\v 11 ᒥᓐ ᒪᒃ ᐸᐃᒂᐤ ᓂᑭ ‍ ᒥᓯᓇᐊᓐ ᒐᔅᑎᓇᔅ ᒐᒋ ᓂᔅᑐᑎᒪᒄ ᐊᐛᓐᒋ ᑲ ‍ ᐊᔨᒧᒥᒂᐤ᙮ ᐊᑲᐎᔾ ᐎᒐᐛᑭᓂᒄ ᐊᐛᓐ ᐊ ‍ ᐃᔅᒋᔄᑦ ᐊ ‍ ᑕᑈᔭᔨᒪᑦ ᒋᓴᓴ, ᒥᓯᐛ ᓂᓇᐧᑯᐤ ᐎᓂᓱᐅᓂᒡ ᐊ ᐃᓯ ‍ ᐱᒪᑎᓯᒂ, ᐊ ‍ ᒧᔅᑕᓂᒪᒐᒂ ᒐᒂᔪᐛ ᑭᔭ ᒪᒃ ᐊ ‍ ᐊᔭᒥᐊᔅᑐᐛᒂ ᒥᓂᑐᐧᑲᓇ ᑭᔭ ᒪᒃ ᓂᑎᒥᒄ ᐊ ‍ ᐃᑕᒋᒪᒂ ᐊᐛᔪᐛ, ᑭᔭ ᒪᒃ ᐊ ‍ ᐎᒋᐸᒂ ᑭᔭ ᒪᒃ ᐊ ᐎᒋ ‍ ᑲᒐᒧᑎᒂ᙮ ᐊᑲᐎᔾ ᐛᐛᒡ ᐎᒋᒥᒋᓱᒪᐧᒃ ᐊᐛᓐ ᐅᔭ ᐊ ‍ ᐃᑕᑎᓯᑦ᙮
\p
\v 12 ᓇᒪᐎᔾ ᓂᔾ ᓂᐸ ‍ ᑎᐸᔅᑯᓇᐅᒡ ᐊᓐᒡ ᐊᑲ ᑕᑈᑕᒡ᙮ ᓇᒪᐎᔾ ᐊ ᒥᒄ ᐊᓐᒡ ᒋᔭᓄᐤ ᒋᐧᑲᓂᓯᓄᐅᒡ ᑲ ‍ ᑕᑈᑕᒡ ᒋᐸ ᐅᒋ ‍ ᑎᐸᔅᑯᓇᓄᐅᒡ ?
\v 13 ᒋᓴᒪᓂᑐᐤ ᐊᐅᒄ ᑕᐸᔅᑯᓇᑦ ᐊᓂᔭᔪᐛ ᐊᑲ ᑕᑈᑎᒥᔨᒋ᙮ ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᐃᒐᓇᐧᒄ ᐊᓐ ᓇᐸᐤ ᑲ ‍ ᒥᒐᑎᓯᑦ ᐊᓐᑕ ᐊ ‍ ᑕᔭᒄ ᐊ ‍ ᑕᑦ᙮”
\c 6
\s1 ᑎᐸᔅᑯᓂᒐᐅᒋᐛᐱᒡ ᐊ ‍ ᐃᑐᑕᐊᑦ ᐊᐛᓐ ᐎᐧᑲᓂᓴ
\p
\v 1 ᐊ ‍ ᑎᑯᓂᒂ ᐊ ‍ ᐃᑕᔨᒥᑦ ᐊᒋ ᐃᓯ ‍ ᐅᓂᑐᑕᔅᒃ ᒋᐧᑲᓂᔅ ᓇᒪ ᐎ ᐊᑲ ᒂᔅᑲᑎᓯᑦ, ᑎᐸᔅᑯᓂᒐᓱᐤ ᒋᐸ ᐅᒋ ‍ ᐃᑐᑐᐛᐤ ᒐᒋ ᐛᐛᓯᑥᑕᒄ ᐊᓂᔭ᙮ ᐃᔭᐱᒡ ᑲ ‍ ᑕᑈᑕᒡ ᐊ ‍ ᑕᒡ ᐃᑐᑕᐃ᙮
\v 2 ᓇᒪᐎᔾ ᐊ ᒋ ‍ ᒋᔅᒐᔨᑕᓇᐛᐤ ᑲ ‍ ᑕᑈᑕᒡ ᐊᔅᒄ ᐊᓐᑕ ᓂᔅᑕᒥᒡ ᒐ ‍ ᑎᐸᔅᑯᓇᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑲ ‍ ᑕᔨᒋ᙮ ᒧᔭᒻ ᒪᒃ ᒐ ‍ ᑎᐸᔅᑯᓂᒐᐛᒂ ᐅᑕ ᐊᔅᒋᒡ ᐊᔅᒄ ᐊᓐᑕ ᓂᔅᑕᒥᒡ, ᓇᒪᐎᔾ ᐊ ᐛᐛᒡ ᒋ ᐅᒋ ‍ ᐃᑎᓇᐛᐤ ᒐᒋ ᓇᐃᐱᔨᑐᔭᒄ ᒐᒂᓐ ᓇᔅᒡ ᐊᑲ ᐎᔭᐱᒐᔨᑕᒂᒡ ᑕᓐ ᐊ ᐃᓯ ‍ ᒪᒥᒋᐱᔭᒄ ᐊᓐᑕ ᐊ ‍ ᑕᔭᒄ ?
\v 3 ᑭᔭ ᓇᒪᐎᔾ ᐊ ᒋ ‍ ᒋᔅᒐᔨᑕᓇᐛᐤ, ᐛᐛᒡ ᐊᓐᒋᓐᒡ ᒐ ‍ ᑎᐸᔅᑯᓇᐧᑯᒡ ? ᐊᑯ ᒪᒃ ᐊᓐ ᐛᐛᒡ ᐊᓐᒋᓐᒡ ᒐ ‍ ᑎᐸᔅᑯᓇᒂᓂᒋ ᐊᑐᐎᔅ ᒋᐸ ‍ ᒋᔅᒐᔨᑕᓇᓄᐤ ᑕᓐ ᒐ ᐃᓯ ‍ ᓇᐃᐱᔨᑕᔭᐧᒄ ᐊᓂᔭᔪᐛ ᒐᒂᔪᐛ ᐊᑎ ᐛᒋ ‍ ᒥᒋᐱᔨᓇᓄᐅᒡ ᒪᒂᒡ ᐅᑕ ᐊᔅᒋᒡ ᐊ ‍ ᐱᒪᑎᓯᔭᐧᒄ᙮
\v 4 ᐊᑯ ᒪᒃ ᑕᑈ ᐅᓂᑐᑕᔎ ᒋᐧᑲᓂᔅ ᓇᒪ ᒋᐸ ᐅᒋ ‍ ᐃᑐᑕᐊᐤ ᑎᐸᔅᑯᓂᒐᓱᐛ ᐊ ‍ ᑕᔨᒋ ᒐᒋ ᑎᐸᔅᑯᓂᑯᑦ᙮ ᐛᔅ ᑎᐸᔅᑯᓂᒐᓱᐅᒡ ᑕᐸ ᐊᔭᐅᒡ ᐅᒋᒪᐅᓂᔪᐤ ᐊᓐᑕ ᐅᒪᒧᐊᔭᒥᐊᐛ ᐊ ‍ ᑕᔨᒋ᙮
\v 5 ᓇᒪᐎᔾ ᐊ ᒋ ‍ ᔭᐅᑕᔨᒧᓇᐛᐤ ᐅ ᐊ ‍ ᐃᑎᔭᒄ᙮ ᓇᒪᐎᔾ ᐊ ᐛᐛᒡ ᑕᐤ ᐸᐃᒄ ᐎᐧᑲᓂᓯᒪᐤ ᐊᓐᑕ ᐊ ‍ ᑎᓯᔭᒄ ᐊ ‍ ᑭᒐᑕᐛᔨᑕᐧᒃ ᒐᒋ ᐎᒋᐃᑕᒄ ᑕᓐ ᒐᒋ ᐃᓯ ‍ ᓇᐃᐱᔨᑐᐛᒄ ᑕᓐ ᐊ ᐃᓯ ‍ ᒪᒥᒋᐱᔨᑐᐛᒄ ?
\v 6 ᐃᔭᐱᒡ ᑎᐸᔅᑯᓂᒐᐅᒋᐛᐱᒡ ᐊ ‍ ᐃᑐᑕᐊᑦ ᐊᐛᓐ ᐎᐧᑲᓂᓴ ᒐᒋ ᑎᐸᔅᑯᓂᑯᔨᒋ ᐊᑲ ᑕᑈᑎᒥᔨᒋ ᑎᐸᔅᑯᓂᒐᓱᐛ᙮
\p
\v 7 ᐅ ᐊ ‍ ᐃᑎᔭᒄ ᓄᒂᓐ ᓇᔅᒡ ᐊ ‍ ᐅᓂᐱᔭᒄ᙮ ᐃᐛᒃ ᒋᐸ ‍ ᒥᔽᐤ ᒐᒋ ᐅᓂᑐᑕᑯᐅᔭᒄ ᒪᒃ ᒐᒋ ᒋᒧᑎᒪᑯᐅᔭᒄ, ᐃᔅᐱᔅ ᐎ ᒐᒋ ᐅᓂᑐᑐᐛᒄ ᒋᐧᑲᓂᓱᐛᐤ ᑎᐸᔅᑯᓂᒐᐅᒋᐛᐱᒡ ᐊ ‍ ᐱᑎᑲᐊᒄ᙮
\v 8 ᒪᐅ ᐃᔭᐱᒡ ᐊ ‍ ᐃᑎᔭᒄ᙮ ᒋ ‍ ᐅᓂᑐᑕᑐᓇᐛᐤ ᑭᔭ ᒋ ‍ ᒋᒧᑎᒪᑐᓇᐛᐤ, ᐊ ‍ ᐎᐧᑲᓂᓯᑕᑐᔭᒄ ᐊᓐ ᑲ ‍ ᐃᑎᔭᒄ᙮
\p
\v 9 ᐊᑲᐎᔾ ᐎᔭᓯᐃᓱᒄ᙮ ᒋ ‍ ᒋᔅᒐᔨᑕᓇᐛᒐ ᐊᓐᒡ ᐊᐛᓐᒋ ᑲ ‍ ᒥᒐᑎᓯᒡ ᓇᒪ ᒋᑭ ᐅᒋ ‍ ᒥᔨᑯᐅᒡ ᒋᓴᒪᓂᑐᐛ ᐊᓐᑕ ᐅᒋᓴᐅᒋᒪᐅᓂᔨᒡ ᒐᒋ ᑕᒡ᙮ ᒪᒃ ᐊᓐᒡ ᐊᐛᓐᒋ ᒥᓯᐛ ᐎᓂᓱᐅᓂᒡ ᑲ ᐃᓯ ‍ ᐱᒪᑎᓯᒡ, ᑭᔭ ᒪᒃ ᐊᓐᒡ ᑲ ‍ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᒪᒃ ᐊᓐᒡ ᑲ ‍ ᐅᓂᑐᑐᐛᒡ ᐅᐎᒋᒪᑭᓄᐛᐛ ᑭᔭ ᒪᒃ ᐊᓐᒡ ᑲ ‍ ᒋᓯᐧᑯᐛᑭᓄᐎᒡ ᓇᐸᐅᒡ ᐊ ‍ ᐎᐸᒪᑭᓄᐎᒡ ᑭᔭ ᒪᒃ ᐊᓐᒡ ᓇᐸᐅᒡ ᑲ ‍ ᐎᐸᒥᑐᒡ, ᑭᔭ ᐃᔎᐅᒡ ᑲ ‍ ᐎᐸᒥᑐᒡ᙮
\p
\v 10 ᑭᔭ ᒪᒃ ᐊᓐᒡ ᑲᓂᑕᐅᒋᒧᑎᒡ, ᑭᔭ ᒪᒃ ᐊᓐᒡ ᒧᔅ ᑲ ‍ ᒧᔅᑕᓇᔨᑕᒡ ᒐᒂᔪᐛ, ᑭᔭ ᒪᒃ ᐊᓐᒡ ᑲ ‍ ᐎᒋᐸᒡ, ᑭᔭ ᒪᒃ ᐊᓐᒡ ᓂᑎᒥᒄ ᑲ ‍ ᐃᑕᒋᒪᒡ ᑯᑎᑲ ᐊᐛᔪᐛ, ᑭᔭ ᒪᒃ ᑲᒋᒧᑎᒡ, ᓇᒪ ᐛᒋ ‍ ᐸᐃᒄ ᐅᒡ ᒋᑭ ᐅᒋ ‍ ᐊᓂᔅᒐ ᐊᔭᐅᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮
\v 11 ᐱᔅᒐ ᐊᓐᑕ ᐊ ‍ ᑎᓯᔭᒄ ᐊᐅᑯᓐ ᑲᒋ ᐃᓯ ‍ ᐱᒪᑎᓯᔭᒄ᙮ ᒥᒄ ᒪᒃ ᓴᔅ ᔅᒋ ‍ ᒋᔅᑕᐸᐅᐎᑯᓇᐛᐤ, ᔅᒋ ‍ ᐸᔭᒋᐃᑯᓇᐛᐤ, ᑭᔭ ᔅᒋ ‍ ᑯᐃᔅᑯᓇᑯᐃᑯᓇᐛᐤ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᑭᔭ ᒋᓴᒪᓂᑐᐤ ᐅᑦ ᐊᒐᐧᑯᒡ ᐃᔅ᙮
\s1 ᒋᔅᑕᔨᑕᑯᐃ ᒋᓴᒪᓂᑐᐤ ᒋᔭᒡ
\s2 1 Corinthians 6.12-20 (Epiphany-2 Year B)
\p
\v 12 ᒥᒄ ᒪᒃ ᐊᔅᒄ ᒋᑭ ᒋ ‍ ᑕᐤ ᐊᐛᓐ ᐊᓐᑕ ᐊ ‍ ᑕᔭᒄ ᐊ ᐸᒋ ‍ ᐃᓯᑦ, “ᑯᐃᔅᒄ ᓂᑦ ᐃᑎᓐ ᓂᑦ ᐃᑕᔨᑕᓐ ᒥᒄ ᐛ ᐃᑎᔭᓐ ᓂᑭ ᐃᑎᓐ ᐊ ‍ ᒂᔅᑲᑎᓯᔭᓐ᙮” ᓂᐦᐃ, ᑕᑈ᙮ ᒥᒄ ᒪᒃ ᓇᒪ ᒥᓯᐛ ᒐᒂᓐ ᐊ ‍ ᐃᑎᔨᓐ ᒋᑭ ᐅᒋ ‍ ᐎᒋᐃᑯᓐ᙮ ᐊ ‍ ᐃᔅᒋᔄᐅᓇ ᒥᒄ ᐛ ᐃᑎᔭᓐ ᓂᑭ ᒋ ‍ ᐃᑎᓐ ᐎ ᒋᔅᒐᔨᑕ ᐊᑲ ᒐᒂᓐ ᒋᐸ ᐅᒋ ‍ ᐱᔅᑎᓇᓐ ᒐᒋ ᑎᐸᔨᒥᑯᔨᓐ᙮
\v 13 ᓂᑭ ᒋ ‍ ᐃᑎᒄ ᐊᐛᓐ, “ᒋ ‍ ᐅᓯᑕᑭᓄᐤ ᒥᒋᒻ ᒥᔅᑭᑕᒡ ᒐᒋ ᑎᒂᒡ᙮ ᐊᑯ ᒥᔅᑭᑎᔾ ᑲ ‍ ᐅᓯᑕᑭᓄᐅᒡ ᒐᒋ ᐅᑎᓂᒧᒥᑲᒡ ᒥᒋᒻ᙮” ᑕᑈ ᑭᑈ᙮ ᒥᒄ ᒪᒃ ᑕᐱᔅᑯᓐ ᐅᔭ ᒋᑭ ‍ ᓂᓱᐅᓇᒋᑕᐤ ᒋᓴᒪᓂᑐᐤ᙮ ᑕᐸ ᐎᓂᓱᐅᓂᒡ ᒋᐸ ᐅᒋ ᐃᓯ ‍ ᐊᐱᒋᑕᓇᓄᐤ ᒋᔭᓄᐛ᙮ ᐅᑎᐸᔨᒋᒐᐤ ᐊ ‍ ᐊᑐᔅᑯᐛᐧᒄ ᒋᐸ ‍ ᐃᑕᐱᒋᑕᓇᓄᐤ ᐛᔅ ᐎᔾ ᑎᐸᔨᑎᒻ ᒋᔭᓄᐛ᙮
\v 14 ᒋᓴᒪᓂᑐᐤ ᒋ ‍ ᐅᓂᔅᑲᓇᐤ ᐅᑎᐸᔨᒋᒐᐛ ᒋᓴᓴ ᓂᐳᐅᓂᒡ ᐅᓱᐧᑲᑎᓯᐅᓂᒡ ᐅᒡ᙮ ᐊᐅᑯᓐ ᒪᒃ ᒧᔭᒻ ᑭᔭ ᒋᔭᓄᐤ ᒐ ᐃᓯ ‍ ᐅᓂᔅᑲᓂᑕᐧᒄ ᓂᐳᐅᓂᒡ ᐅᒡ᙮
\p
\v 15 ᓇᒪᐎᔾ ᐊ ᒋ ‍ ᒋᔅᒐᔨᑕᓇᐛᐤ ᐅᔭ ᒋᔭᓄᐛ ᙭ ᐊ ‍ ᑕᑦ ᐊ ᐃᓯ ‍ ᑎᐸᔨᑕᒂᒋ᙮ ᐊᐅᒄ ᐅ ᒐ ᐅᒋ ᐊᑲ ᓂᑕ ‍ ᐊᐱᒋᑕᔭᓐ ᓂᔪᐤ ᒐᒋ ᐎᐸᒥᒃ ᐃᔎᔅ ᑲ ‍ ᒋᓯᐧᑯᐛᑭᓄᐅᑦ ᐊ ‍ ᐎᐸᒪᑭᓄᐅᑦ᙮
\v 16 ᓇᒪᐎᔾ ᐊ ᒋ ‍ ᒋᔅᒐᔨᑕᓇᐛᐤ ᓇᐸᐤ ᐊ ‍ ᐎᐸᒪᑦ ᐃᔎᓴ ᑲ ‍ ᒋᓯᐧᑯᐛᑭᓄᔨᒋ ᐊ ‍ ᐎᐸᒪᑭᓄᔨᒋ, ᒧᔭᒻ ᐸᐃᒄ ᒥᔪᐤ ᐃᓯᓇᑯᓱᐅᒡ᙮ ᒥᓯᓇᐃᑭᓐ ᐃᑎᔅᑕᐤ, “ᐃᔎᐤ ᑭᔭ ᓇᐸᐤ ᐊ ‍ ᐎᐸᒥᑐᒡ, ᐸᐃᒄ ᒥᔪᐤ ᐃᓯᓇᑯᓱᐅᒡ᙮”
\v 17 ᐊᑯ ᒪᒃ ᐊᐛᓐ ᐊ ‍ ᐎᒐᐛᑦ ᐅᑎᐸᔨᒋᒐᐛ, ᐸᐃᒄ ᐊᒐᐧᒄ ᐃᓯᓇᑯᓱᐅᒡ᙮
\p
\v 18 ᒋᑎᓯᒧᑎᒥᒄ ᐎᓂᓱᐤ ᐱᒪᑎᓯᐅᓐ᙮ ᑯᑎᑲ ᒥᒋᑐᑎᒧᐅᓇ ᓇᒪ ᐎᔭᔅᑐᑕᒐᒥᑭᓇ ᒥᔭᒡ᙮ ᐎᓂᓱᐅᓂᒡ ᐊ ᐃᓯ ‍ ᐱᒪᑎᓯᑦ ᐊᐛᓐ ᐎᔾ ᑎᐱᔨᐛ ᐎᔪᐤ ᐅᓂᑐᑎᒻ᙮
\v 19 ᑭᔭ ᓇᒪᐎᔾ ᐊ ᒋ ‍ ᒋᔅᒐᔨᑕᓇᐛᐤ ᑲ ‍ ᐸᔭᒋᓯᑦ ᐊᒐᐧᒄ ᐊ ‍ ᐅᑦ ᐊᔭᒥᐊᐅᒋᐛᐱᑦ ᒋᔪᐛᐛ᙮ ᐊᔪᐅᒄ ᐅᔭ ᐊᒐᒂ ᒋᓴᒪᓂᑐᐤ ᑲ ‍ ᒥᔨᑕᒄ᙮ ᓇᒪ ᒋᔾ ᒋ ‍ ᑎᐱᔨᐛᐅᓯᓐ ᒋᔪᐤ᙮ ᒋᓴᒪᓂᑐᐤ ᑎᐱᔨᐛᐅᓯᐤ ᒋᔭᔪᐤ᙮
\v 20 ᐛᔅ ᒐᒂᔪᐤ ᒋ ᐃᓯ ‍ ᑎᐸᔨᒐᐤ ᒐᒋ ᐊᔭᐅᔅᒃ᙮ ᐊᐱᒋᑕ ᒋᔪᐤ ᒋᓴᒪᓂᑐᐤ ᒐᒋ ᒋᔅᑕᔨᑕᑯᐃᑦ᙮
\c 7
\s1 ᑕᓐ ᒋᐸ ‍ ᐃᑐᐅᒡ ᑲ ‍ ᓂᐳᐅᒡ ᐊᐛᓐᒋ
\p
\v 1 ᐊᑯ ᒪᒃ ᑲᐤ ᒐ ‍ ᐎᑎᒪᑎᑯᒡ ᑕᓐ ᑲ ᐃᓯ ‍ ᐊᔨᒧᑎᒪᒄ ᐅᑕ ᑲ ᐸᒋ ‍ ᒥᓯᓇᐊᒧᐅᔭᒄ᙮ ᔅᒋ ‍ ᐃᔅᒋᔄᓇᐛᐤ ᐊ ‍ ᒥᔽᓯᔨᒡ ᓇᐸᐤ ᒐ ᐊᑲ ᒋ ᐱᒪᔨᒪᑦ ᐃᔎᐛ᙮
\v 2 ᐊ ‍ ᒥᓴᒡ ᒪᒃ ᑯᒂᒋᐃᐛᐅᓐ ᒐᒋ ᐎᓂᓱᐤ ᐱᒪᑎᓯᓇᓄᐅᒡ, ᒥᓯᐛ ᓇᐸᐤ ᑎᐱᔨᐛ ᒋᐸ ‍ ᐎᐤ, ᑭᔭ ᒥᓯᐛ ᐃᔎᐤ ᑎᐱᔨᐛ ᒋᐸ ‍ ᐅᓇᐸᒧᐤ᙮
\v 3 ᓇᐸᐤ ᒋᐸ ᐃᓯ ‍ ᐱᒪᔨᒪᐤ ᐎᐛ ᐊᓂᔭ ᐊ ᐃᓯ ‍ ᓂᑐᐛᔨᑕᑯᓯᑦ ᒐᒋ ᐃᑎᑦ᙮ ᑭᔭ ᐃᔎᐤ ᐊᐅᑯᓐ ᒋᐸ ‍ ᐃᑐᑐᐛᐤ ᐅᓇᐸᒪ᙮
\v 4 ᐛᔅ ᐃᔎᐤ ᑲ ‍ ᐅᓇᐸᒥᑦ, ᓇᒪ ᒥᒄ ᐎᔾ ᑎᐸᔨᑎᒻ ᐎᔪᐤ᙮ ᐛᔅ ᐅᓇᐸᒪ ᑎᐸᔨᑎᒥᔪᐛ᙮ ᐊᐅᑯᓐ ᒪᒃ ᑭᔭ ᓇᐸᐤ, ᓇᒪ ᒥᒄ ᐎᔾ ᑎᐸᔨᑎᒻ ᐎᔪᐤ᙮ ᐛᔅ ᐎᐛ ᑎᐸᔨᑎᒥᔪᐛ᙮
\v 5 ᓇᒪ ᒋᐸ ᐅᒋ ‍ ᐃᑎᓇᐛᐤ ᒐ ᐊᑲ ᒋ ᐱᒪᔨᒥᑐᔭᒄ᙮ ᒥᒄ ᑭᑈ ᓂᑲᓐ ᑕᐱᔅᑯᓐ ᐃᓯ ᐊᑕᔨᑎᒧᐛᒂ ᐛᐃᐱᔅᒋᔅ ᒐ ᐊᑲ ᒋ ᐱᒪᔨᒥᑐᔭᒄ ᒥᒄ ᒐᒋ ᐊᔭᒥᐊᔭᒄ᙮ ᐊᑯ ᒪᒃ ᐃᔅᐱ ᐅᑎᒋᐱᔨᒐ ᐊᓐᑕ ᑲ ‍ ᐃᔅᒋᔄᔭᒄ ᒐ ‍ ᐃᔅᐱᔅ ᐊᑲ ᐱᒪᔨᒥᑐᔭᒄ ᐊᑯ ᒥᓐ ᒋᐸ ᒋ ‍ ᐱᒪᔨᒥᑐᓇᐛᐤ᙮ ᐛᔅ ᓱᒐᔨᑕᑯᓯᔭᒂ ᓇᒪ ᒋᑭ ᐅᒋ ‍ ᓴᐧᑯᒋᐃᑯᐛᐤ ᒥᒋᒥᓂᑐᐤ ᓂᑎᒥᒄ ᒐᒋ ᐃᑐᐛᒄ᙮
\v 6 ᐊᐅᑯᓐ ᑭᑈ ᒐᒋ ᐃᑎᔭᒄ ᐅ ᐎ ᑎᔭᒂ᙮ ᓇᒪ ᒋᑦ ᐃᑎᓱᒥᑎᓇᐛᐤ ᔭᐃᑕᔾ ᐅ ᒐᒋ ᐃᑎᔭᒄ ᒥᒄ ᒋ ᐎ ‍ ᐃᑎᑎᓇᐛᐤ ᐊ ‍ ᐱᔅᑎᓂᑎᑯᒡ ᐅ ᒐᒋ ᐃᑐᑎᒪᒄ᙮
\v 7 ᐃᐛᒃ ᒪᒃ ᓂᐸ ‍ ᒥᔽᔨᑕᓐ ᒥᓯᐛ ᐊᐛᓐ ᐃᓯᓇᑯᓯᑦ ᓂᔾ ᑕᓐ ᐊ ‍ ᐃᓯᓇᑯᓯᔭᓐ᙮ ᒥᓯᐛ ᐊᐛᓐ ᑎᐱᔨᐛ ᐊᔭᐤ ᒥᔨᐛᐅᓂᔪᐤ ᒋᓴᒪᓂᑐᐛ ᐊᒋ ‍ ᒥᔨᑯᑦ, ᒥᓯᐛ ᐊᐛᓐ ᐃᔭᒡ ᐃᓯᓇᑯᓂᔪᐤ ᑕᓐ ᑲ ᐃᓯ ‍ ᒥᔭᑭᓄᐅᑦ ᐊ ‍ ᐃᓯᓇᑯᓂᔨᒡ ᑯᑎᑲ ᐊᐛᔪᐛ ᐊ ᐃᓯ ‍ ᒥᔭᑭᓄᔨᒋ᙮
\p
\v 8 ᐊᑯ ᐊᓐᒡ ᐊᑲ ᓂᐳᐅᒡ ᑭᔭ ᐊᓐᒡ ᑲ ‍ ᐸᐃᑯᓯᒡ ᐃᔎᐅᒡ ᓂ ᐎ ‍ ᐃᑕᐅᒡ᙮ ᐃᐛᒃ ᒥᔽᐤ ᒐ ᐊᑲ ‍ ᓂᐳᐅᔭᒄ ᒧᔭᒻ ᓂᔾ ᑕᓐ ᐊ ‍ ᐃᓯᓇᑯᓯᔭᓐ᙮
\v 9 ᒥᒄ ᒪᒃ ᐊ ‍ ᐃᑕᔨᑎᒧᒂ ᐊᐛᓐ ᐊ ‍ ᐊᔨᐃᒥᐃᑯᑦ ᐊ ᐊᑲ ‍ ᓂᐳᐅᑦ ᐊᔪᐛᒃ ᒥᔽᓯᔪᐤ ᒐᒋ ᓂᐳᐅᑦ᙮ ᐛᔅ ᐅᔅᑕ ᒥᔽᓱᐤ ᒐᒋ ᓂᐳᐅᓇᓄᐅᒡ ᐃᔅᐱᔅ ᐎ ᒐᒋ ᐃᔎᓱᓇᓄᐅᒡ᙮
\p
\v 10 ᐊᑯ ᐊᓐᒡ ᑲ ‍ ᓂᐳᐅᒡ ᒐ ‍ ᐎᑎᒧᐅᒂᐤ ᑕᓐ ᒋᐸ ‍ ᐃᑐᐅᒡ᙮ ᐅᑎᐸᔨᒋᒐᐤ ᐃᑎᓱᐛᐤ ᐅᔭ, ᓇᒪᔭᐤ ᓂᔾ ᐅ ᑲ ‍ ᐃᔅᒋᔄᔭᓐ᙮ ᓇᒪ ᒋᐸ ᐅᒋ ‍ ᓂᑭᑕᐤ ᐃᔎᐤ ᐅᓇᐸᒪ᙮
\v 11 ᐅᔭ ᑎᒐ ᐃᔎᐤ, ᐊᑯᔅ ᐊᑲ ᒥᓐ ᒋᑭ ᐅᒋ ‍ ᓂᐳᐅᐤ᙮ ᒪᒃ ᑲᐤ ᒋᐸ ‍ ᐎᒋᒪᐤ ᐊᓂᔭᔪᐛ ᐅᓇᐸᒪ᙮ ᐊᑯ ᓇᐸᐤ ᓇᒪ ᒋᐸ ᐅᒋ ‍ ᐛᐱᓇᐤ ᐎᐛ᙮
\p
\v 12 ᐊᑯ ᒪᒃ ᑯᑎᑭᒡ ᐊᐛᓐᒋ ᒐ ‍ ᐃᔨᒥᐃᒂᐤ᙮ ᐅ ᒪᒃ ᒐ ᐃᓯ ‍ ᐊᔨᒧᑎᒪᓐ ᐊᓄᒡ ᓇᒪᐎᔾ ᐅᑎᐸᔨᒋᒐᐤ ᑲ ‍ ᐃᑎᓱᐛᑦ᙮ ᓂᔾ ᐅ ᐊ ‍ ᐃᑕᔨᑎᒪᓐ ᒋᐸ ‍ ᐃᑎᑎᓇᐛᐤ᙮ ᐊ ‍ ᑕᒂ ᒋᐧᑲᓂᓯᓄᐤ ᐊ ‍ ᑕᑈᑕᐧᒃ ᐎᐛ ᒪᒃ ᐊᑲ ᑕᑈᑎᒥᔨᒋ ᓇᒪ ᒋᐸ ᐅᒋ ‍ ᐛᐱᓇᐤ ᐊᓂᔭ ᐃᔭᐱᒡ ᐛ ᐎᒋᒥᑯᒂ᙮
\v 13 ᒪᒃ ᐃᔎᐤ ᐊ ‍ ᑕᑈᑕᐧᒃ ᐊᑲ ᒪᒃ ᑕᑈᑎᒥᔨᒋ ᐅᓇᐸᒪ, ᓇᐊᔨᑎᒥᔨᒐᓂ ᒪᒃ ᐃᔭᐱᒡ ᒐᒋ ᐎᒋᒥᑯᑦ ᓇᒪ ᒋᐸ ᐅᒋ ‍ ᐛᐱᓇᐤ᙮
\v 14 ᐛᔅ ᓇᐸᐤ ᐊᑲ ᑕᑈᑕᐧᒃ ᐸᔭᒋᐃᑯᐤ ᐎᐛ ᐊᓂᔭ ᐅᒋ ᐊ ‍ ᑕᑈᑎᒥᔨᒋ᙮ ᑭᔭ ᐃᔎᐤ ᐊᑲ ᑕᑈᑕᐧᒃ ᐸᔭᒋᐃᑯᐤ ᐊᓂᔭᔪᐛ ᐅᒋ ᐊ ‍ ᑕᑈᑎᒥᔨᒋ ᐅᓇᐸᒪ᙮ ᐊᑲ ᒪᒃ ᑎᔭᑈᒥᑭᓂᒂ ᐅ ᑲ ‍ ᐃᔅᒋᔄᔭᓐ ᑭᑈ ᒧᔭᒻ ᐊᑲ ᐸᔭᒋᓯᒡ ᒋᐸ ᐃᓯ ‍ ᑭᓄᐛᐱᒪᐤ ᒋᓴᒪᓂᑐᐤ ᒋᑦ ᐊᐛᓯᒧᐛᐛ᙮ ᐊᓄᒡ ᒪᒃ ᐊ ‍ ᐸᔭᒋᓯᔨᒋ ᒋᑦ ᐊᐛᓯᒧᐛᐛ ᐃᓯ ᑭᓄᐛᐱᒪᐤ ᒋᓴᒪᓂᑐᐤ᙮
\p
\v 15 ᐛ ᐛᐱᓇᒂ ᒪᒃ ᐎᒋᒪᑭᓇ ᐊᓐ ᐊᐛᓐ ᐊᑲ ᑕᑈᑕᐧᒃ ᐊᐅᑯᓐ ᑭᑈ ᒐ ‍ ᐃᓯᓇᑯᓂᔨᒡ᙮ ᐅ ᒪᒃ ᐃᔅᐱᔨᒐ, ᐊᓐ ᒋᐧᑲᓂᓯᓄᐤ ᑲ ‍ ᑕᑈᑕᐧᒃ ᒋᑭ ᒋ ‍ ᐱᔅᑎᓇᐤ ᒐᒋ ᓂᑭᑎᑯᑦ ᐊᓂᔭᔪᐛ ᐎᒋᒪᑭᓇ᙮ ᐛᔅ ᒋᓴᒪᓂᑐᐤ ᒋ ‍ ᓂᑐᐛᔨᒥᑯᓄᐤ ᒋᔭᒪᔨᑎᒧᐅᓂᒡ ᒐᒋ ᐃᓯ ‍ ᐱᒪᑎᓯᔭᐧᒄ᙮
\v 16 ᒋᔾ ᐃᔎᐤ ᑲ ‍ ᑕᑈᔭᔨᒥᑦ ᒋᓴᔅ, ᒂᔄᓐ ᒋᑭ ᒋ ‍ ᐃᓯᓇᑯᓐ ᒐᒋ ᐱᒪᒋᐅᑦ ᒋᓇᐸᒻ ᒋᔾ ᐅᒡ, ᑭᔭ ᒋᔾ ᓇᐸᐤ ᑲ ‍ ᑕᑈᔭᔨᒥᑦ ᒋᓴᔅ, ᒋᑭ ᒋ ‍ ᐃᓯᓇᑯᓂᔪᐤ ᒐᒋ ᐱᒪᒋᐅᑦ ᒋᐅ ᒋᔾ ᐅᒡ᙮
\s1 ᐃᓯ ᐱᒪᑎᓯ ᑕᓐ ᑲ ᐃᓯ ‍ ᐎᔅᑕᑦ ᒋᓴᒪᓂᑐᐤ ᒋᐸ ᐃᓯ ‍ ᐱᒪᑎᓯᐛᓐ
\p
\v 17 ᒥᓯᐛ ᐊᐛᓐ ᒋᐸ ᐃᓯ ‍ ᐱᒪᑎᓯᐤ ᑕᓐ ᑲ ᐃᓯ ‍ ᒥᔭᑭᓄᐅᑦ ᒐᒋ ᐃᓯ ‍ ᐱᒪᑎᓯᑦ, ᐊᓂᔭ ᑭᑈ ᑲ ᐃᓯ ‍ ᐅᑎᓂᑯᑦ ᒋᓴᒪᓂᑐᐛ ᒐ ᐃᓯ ‍ ᐱᒪᑎᓯᑯᐱᓇ᙮ ᐊᐅᒄ ᐅᔭ ᐊ ᐃᓯ ‍ ᓯᒋᒥᒂᐤ ᒐᒋ ᐃᓯ ‍ ᓂᓇᑭᑐᐛᔨᑕᒡ ᒥᓯᐛ ᒪᒧᐤ ᑲ ‍ ᐊᔭᒥᐊᐛᑎᓯᒡ᙮
\v 18 ᒧᔭᒻ ᓇᐸᐤ ᑲ ‍ ᒋᔅᒋᓄᐛᒋᔄᑭᓄᒂ ᐎᔭᒡ, ᓇᒪ ᒋᐸ ᐅᒋ ‍ ᐃᑕᔨᑕᑯᓱᐤ ᐊᓂᔭ ᑕᓐ ᐊ ‍ ᐃᑕᔨᑕᑯᓯᔨᒋ ᐊᑲ ᒋᔅᒋᓄᐛᒋᔄᑭᓄᔨᒋ᙮ ᑭᔭ ᓇᐸᐤ ᐊᑲ ᒋᔅᒋᓄᐛᒋᔄᑭᓄᐅᑦ ᐃᔅᐱ ᒪᒃ ᐊ ‍ ᒂᔅᑲᑎᓯᑦ, ᓇᒪ ᒋᐸ ᐅᒋ ᐎ ‍ ᒋᔅᒋᓄᐛᒋᔄᑯᓯᐤ᙮
\v 19 ᓇᒪ ᒐᒂᔪᐤ ᐃᑕᔨᑎᒻ ᒋᓴᒪᓂᑐᐤ ᑲ ‍ ᒋᔅᒋᓄᐛᒋᔄᑭᓄᐎᒂᓂ ᓇᐸᐛ ᒪᒃ ᐊᑲ ᐅᒋ ᒋᔅᒋᓄᐛᒋᔄᑭᓄᐎᒂᓂ᙮ ᐊᓐ ᒐᒂᓐ ᒋᒋᐛ ᐊ ‍ ᐃᑕᔨᑕᒂᒡ ᐊᐅᒄ ᒐᒋ ᓂᓇᐃᑕᑭᓄᔨᒋ ᒋᓴᒪᓂᑐᐤ ᐅᑦ ᐃᑎᓱᐛᐅᓇ᙮
\v 20 ᒥᓯᐛ ᐊᐛᓐ ᐊᐅᑯᓐ ᐃᔭᐱᒡ ᒋᐸ ᐃᓯ ‍ ᐱᒪᑎᓯᐤ ᑕᓐ ᑲ ‍ ᐃᓯᑕᔨᒋ ᒋᓴᒪᓂᑐᐛ ᐅᐱᒪᑎᓯᐅᓐ ᐊᔅᒄ ᐊᑲ ᐅᒋ ᐱᒪᒋᐅᑦ᙮
\v 21 ᐊᐱᒋᐊᑭᓐ ᑲ ‍ ᐃᑕᐱᒋᐃᑯᔨᓐ ᐃᔅᐱ ᑲ ‍ ᐱᒪᒋᐅᔨᓐ ᐊᑲᐎᔾ ᒐᒂᓐ ᐃᑕᔨᑕ᙮ ᒥᒄ ᒪᒃ ᒥᔪᐱᔨᒐ ᐊᑲ ᐊᑯ ᒐᒋ ᐅᑦ ᐊᐱᒋᐊᑭᓂᑐᑕᑯᔨᓐ ᑭᑈ ᒐᒋ ᐅᑎᓂᒥᓐ ᐊᓐ ᐃᓯ ᓇᐃᐱᔨᒐ᙮
\v 22 ᐛᔅ ᐊᓐ ᐊᐛᓐ ᑲ ‍ ᐅᑦ ᐊᐱᒋᐊᑭᓂᑐᑐᐛᑭᓄᐅᑦ ᐃᔅᐱ ᑲ ‍ ᐱᒪᒋᐃᑯᑦ ᐅᑎᐸᔨᒋᒐᐛ, ᑲ ‍ ᑎᐸᔨᒥᓱᑦ ᐃᓯ ᑭᓄᐛᐱᒥᑯᐤ ᐅᑎᐸᔨᒋᒐᐛ, ᐊᑯ ᐊᓐ ᐊᐛᓐ ᐎᔾ ᑲ ‍ ᑎᐸᔨᒥᓱᑦ ᑲ ‍ ᐱᒪᒋᐊᑭᓄᐅᑦ ᐊᐅᑯᓐ ᐊᓐ ᙭ᑕ ᐛᑕᐱᒋᐊᑭᓂᑐᑕᑯᑦ᙮
\v 23 ᒥᔅᑎ ᒋ ‍ ᐃᔅᐱᔨᑯᐤ ᙭ ᐎᔾ ᒐᒋ ᑎᐸᔨᒥᔅᒃ᙮ ᐊᑲᐎᔾ ᒪᒃ ᐱᔅᑎᓂᒧᐤ ᓇᐸᐤ ᒐᒋ ᑎᐸᔨᒥᔅᒃ᙮
\v 24 ᐊᑯ ᒪᒃ ᓂᐧᑲᓂᓯᑐᒄ, ᐊᐅᑯᓐ ᐃᔭᐱᒡ ᒋᐸ ᐃᓯ ‍ ᐱᒪᑎᓯᐤ ᐊᐛᓐ ᑕᓐ ᑲ ‍ ᐃᓯᑕᔨᒋ ᒋᓴᒪᓂᑐᐛ ᐅᐱᒪᑎᓯᐅᓐ ᐊᔅᒄ ᐊᑲ ᐅᒋ ᐱᒪᒋᐅᑦ ᒋᓴᒪᓂᑐᐛ ᐊ ‍ ᐎᒐᐛᑦ᙮
\s1 ᑲ ‍ ᓂᐳᐅᒡ ᑭᔭ ᐊᓐᒡ ᑲ ‍ ᐸᐃᑯᓯᒡ ᐃᔎᐅᒡ
\p
\v 25 ᐊᑯ ᒪᒃ ᐊᓐᒡ ᐅᔅᒋᓂᒋᓱᐅᒡ ᐊᑲ ᐅᐎᒋᒪᑭᓂᒡ ᐛ ‍ ᐃᔨᒥᐃᒂᐤ᙮ ᐅ ᒪᒃ ᒐ ᐃᓯ ‍ ᐎᑎᒪᑎᑯᒡ ᓇᒪ ᐅᑎᐸᔨᒋᒐᐤ ᐅᒋ ᐃᑎᓱᐛᐤ᙮ ᓂᔾ ᐊᐅᑯᓐ ᐊ ‍ ᐃᑕᔨᑎᒪᓐ ᒋᐸ ‍ ᒥᔽᐤ ᐃᑎᔭᒄ ᐅ ᒐ ‍ ᐃᑎᑎᑯᒡ᙮ ᓂ ‍ ᒋᔅᑕᔨᑕᑯᓯᓐ ᒪᒃ ᒐᒋ ᑕᑈᐅᒐᔨᒥᔭᒄ ᐛᔅ ᒋᓴᒪᓂᑐᐤ ᓂᒋ ‍ ᒋᔅᑎᒪᒐᔨᒥᒄ᙮
\v 26 ᐊᓄᒡ ᑭᑈ ᐊᔅᐱᔅ ᒥᔅᑎ ᐊᔨᒥᐅᓇᓄᐅᒡ ᐃᐛᒃ ᒋᐸ ‍ ᒥᔽᔪᐤ ᐊᐛᓐ ᐊᑲ ᓂᐳᐅᑦ ᒐ ᐊᑲ ‍ ᓂᐳᐅᑦ, ᒪᒃ ᐊᓐᒡ ᑲ ‍ ᓂᐳᐅᒡ ᒐ ᐊᑲ ‍ ᓂᑭᑎᑐᒡ᙮
\v 27 ᓴᔅ ᒪᒃ ᑲ ‍ ᓂᐳᐅᓇ, ᐊᑲᐎᔾ ᑯᒋᑕ ᒐᒋ ᐱᑯᓂᒥᓐ ᒋ ‍ ᓂᐳᐅᓐ᙮ ᐊᑲ ᒪᒃ ᓇᐳᐅᓇ, ᓇᒪ ᒐᒂᓐ ᐊᓐ ᐊᑲ ᑯᒋᑕᔨᓇ ᒐᒋ ᓂᐳᔨᓐ᙮
\v 28 ᒥᒄ ᒪᒃ ᓂᐳᔨᓇ ᓇᒪ ᒋᒥᒋᑐᑕᓐ᙮ ᑭᔭ ᐃᔎᔅ ᓂᐳᐅᒐ ᓇᒪ ᒥᒋᑐᑎᒻ᙮ ᒥᒄ ᒪᒃ ᐊᓐᒡ ᑲ ‍ ᓂᐳᐅᒡ ᒋᑭ ‍ ᑎᑯᓂᔪᐤ ᒐ ᐃᓯ ‍ ᐊᔨᒥᐅᒡ᙮ ᐃᐛᒃ ᒪᒃ ᓂᐸ ‍ ᒥᔽᔨᑕᓐ ᐊᑲ ᐅ ᐃᓯ ᐊᔨᒥᐅᔭᒄ᙮
\s2 1 Corinthians 7.29-31 (Epiphany-3 Year B)
\p
\v 29 ᓂᐧᑲᓂᓯᑐᒄ, ᒪᐅ ᓇᑐᐛᔨᒥᑎᑯᒡ ᒐᒋ ᒋᔅᒐᔨᑎᒪᒄ᙮ ᓇᒪ ᓇᔅᒡ ᓴᔅ ᑐᐛᐤ ᐊᓐᑕ ᒐᒋ ᐊᑐᔅᑯᐛᑭᓄᐅᑦ ᐅᑎᐸᔨᒋᒐᐤ᙮ ᐊᓐᒡ ᒪᒃ ᑲ ‍ ᑕᔨᒋ ᐎᐛᐛ ᐊᑲᐎᔾ ᒋᑭ ᐅᒋ ‍ ᐅᑎᒥᐃᑯᐅᒡ ᐊᓂᔭ ᐊ ‍ ᓂᐳᐅᒡ ᒐᒋ ᐃᑎᒡ ᑕᓐ ᐊᓂᔭᔪᐛ ᒋᒋᐛ ᐊ ᐃᓯ ‍ ᓂᑐᐛᔨᑕᑯᓯᒡ ᒐᒋ ᐃᑎᒡ ᐊᔪᐅᒄ ᒐᒋ ᐊᑐᔅᑯᐛᒡ ᐅᑎᐸᔨᒋᒐᐛ᙮
\v 30 ᐊᓐᒡ ᑲ ‍ ᒥᓯᒪᔨᑕᒡ ᐊᑲᐎᔾ ᒋᑭ ᐅᒋ ‍ ᐅᑎᒥᐃᑯᐅᒡ ᐊᓂᔭ ᐊ ‍ ᒥᓯᒪᔨᑕᒡ ᐊ ᐎ ‍ ᐊᑐᔅᑯᐛᒡ ᐅᑎᐸᔨᒋᒐᐛ᙮ ᐊᓐᒡ ᑲ ‍ ᒧᒋᒐᔨᑕᒡ ᐊᑲᐎᔾ ᒋᑭ ᐅᒋ ‍ ᐅᑎᒥᐃᑯᐅᒡ ᐊᓂᔭ ᐊ ‍ ᒧᒋᒐᔨᑕᒡ᙮ ᐊᑯ ᐊᓐᒡ ᑲ ‍ ᐅᑎᓇᒐᒡ ᐊᑲ ᐛᓴ ᒋᒋᐛ ᒋᑭ ᐅᒋ ‍ ᐃᑕᔨᑎᒥᐃᑯᐅᒡ ᐊᓂᔭᔪᐛ ᒐᒂᔪᐛ ᑲ ‍ ᐅᑎᓇᒡ᙮ ᐊ ‍ ᒥᓯᒪᔨᑕᐧᒃ ᐊᐛᓐ ᒪᒃ ᐊ ‍ ᒧᒋᒐᔨᑕᐧᒃ ᒪᒃ ᐊ ‍ ᐛᔪᒋᑕᑦ ᒐᒂᔪᐛ ᓇᒪ ᒋᐸ ᐅᒋ ‍ ᒋᐱᔅᑲᑯᐤ ᐅᔭ ᐊ ᐎ ‍ ᐊᑐᔅᑯᐛᑦ ᒋᓴᒪᓂᑐᐛ᙮
\v 31 ᐊᓐᒡ ᑲ ‍ ᐅᒋᐎᒋᔨᓱᒡ ᑕᓐ ᐊ ‍ ᐃᑕᐱᑎᓯᓇᓄᐎᒡ ᐅᑕ ᐊᔅᒋᒡ ᐊᓐᑕ ᒐᒋ ᐅᒋ ‍ ᐱᒪᒋᐃᓱᒡ ᐊᑲᐎᔾ ᒋᑭ ᐅᒋ ‍ ᐅᑎᒥᐃᑯᐅᒡ ᐊ ‍ ᐊᑐᔅᑯᐛᒡ ᐅᑎᐸᔨᒋᒐᐛ ᐛᔅ ᐅ ᐊᔅᒋᔾ ᑭᔭ ᑕᓐ ᐊ ‍ ᐃᑕᔨᑕᒂᒡ ᒋᑭ ‍ ᐎᒪᐱᔪᐤ᙮
\p
\v 32 ᒥᓯᐛ ᐅ ᓂᑦ ᐃᔅᒋᔄᓐ ᐊᑲ ᓂᑐᐛᔨᒥᑎᑯᒡ ᒐᒋ ᐊᔨᒪᔨᑎᒪᒄ᙮ ᐊᑲ ᑲ ‍ ᓂᐳᐅᑦ ᓇᐸᐤ, ᐃᐛᒃ ᐃᑕᔨᑎᒥᐃᑯᐤ ᑕᓐ ᐊ ᐃᓯ ‍ ᓂᑐᐛᔨᒥᑯᑦ ᒋᓴᒪᓂᑐᐤ ᒐᒋ ᐃᑎᑦ᙮
\v 33 ᐊᑯ ᒪᒃ ᓇᐸᐤ ᐊ ‍ ᓂᐳᐅᑦ ᒧᔅ ᒪᒥᑐᓇᔨᑎᒻ ᑕᓐᑕ ᒐᒋ ᐃᓯ ‍ ᓂᓇᐃᑎᒪᐊᑦ ᐎᐛ᙮
\v 34 ᓂᓱᐎᒡ ᑎᑯᓂᔪᐤ ᐛ ᐃᓯ ‍ ᓂᓇᐊᔨᑎᒥᐃᐛᑦ, ᐎ ᐃᑐᑎᒻ ᑕᓐ ᐊ ‍ ᐃᑎᓱᒥᑯᑦ ᒋᓴᒪᓂᑐᐛ ᑭᔭ ᐎᐛ ᐎ ᓂᓇᑭᑐᐛᔨᒪᐤ᙮ ᐊᑯ ᒪᒃ ᐃᔎᐤ ᒪᒃ ᐃᔎᔅ ᐊᑲ ᓂᐳᐅᑦ ᐃᐛᒃ ᐃᑕᔨᑎᒥᐃᑯᐤ ᒋᓴᒪᓂᑐᐛ ᒐᒋ ᓂᓇᐃᑎᒪᐊᑦ, ᓇᔅᒡ ᐎ ᐸᔭᒋᓯᐤ ᐎᔭᒡ ᑭᔭ ᐅᑦ ᐊᒐᐧᑯᒡ᙮ ᐊᑯ ᒪᒃ ᐊᓐ ᐃᔎᐤ ᑲ ‍ ᓂᐳᐅᑦ ᐊᔅᒋᔪᐤ ᐱᒪᑎᓯᐅᓂᔪᐤ ᓇᔅᒡ ᒪᒥᑐᓇᔨᑎᒥᐃᑯᐤ ᐅᓇᐸᒪ ᐊ ᐎ ‍ ᓂᓇᐃᑎᒪᐊᑦ᙮
\v 35 ᓇᒪ ᓂᑦ ᐃᔅᒋᔄᓐ ᐅ ᒐᒋ ᐛᐎᓱᒥᑎᑯᒡ, ᓂᑦ ᐃᔅᒋᔄᓐ ᐅ ᒐᒋ ᐎᒋᐃᑎᑯᒡ ᒐᒋ ᐃᓯ ‍ ᐱᒪᑎᓯᔭᒄ ᐊ ‍ ᓂᓇᐃᑐᐛᒄ ᐅᑎᐸᔨᒋᒐᐤ ᑭᔭ ᒐ ᐊᑲ ᒋ ᐅᑎᒥᐃᑯᔭᒄ ᒐᒂᓐ ᐊ ‍ ᐊᑐᔅᑯᐛᒄ᙮
\p
\v 36 ᐊ ‍ ᑕᒂ ᓇᐸᔅ ᑭᔭ ᐃᔎᔅ ᐊᒋ ‍ ᓂᔅᑯᒧᒡ ᒐᒋ ᓂᐳᐊᑭᓄᐎᒡ, ᐊᓐ ᒪᒃ ᓇᐸᔅ ᐊᑲ ᐎ ᒪᔭᔨᒪᒐ ᐊᓂᔭ ᐃᔎᓴ ᐊᔅᒄ ᐊᑲ ᓂᐳᐅᒡ ᐃᐛᒃ ᒋᑭ ‍ ᒥᔽᔪᐤ ᐎᐱᒡ ᒐᒋ ᓂᐳᐅᒡ᙮ ᓇᒪ ᒋᑭ ᐅᒋ ‍ ᒥᒋᑐᑎᒧᒡ ᐎᐱᒡ ᓂᐳᑥᐛ᙮
\v 37 ᐊᑯ ᒪᒃ ᓇᐸᔅ ᐎᔾ ᑎᐱᔨᐛ ᑲ ᐃᓯ ‍ ᐃᑕᔨᑎᒧᒂ ᒐ ᐊᑲ ᐅᒋ ‍ ᓂᐳᐅᑦ ᑭᔭ ᓇᔅᒡ ᑲ ‍ ᐃᑕᔨᑎᒧᒂ ᐊᑲ ᓂᑎᒥᒄ ᒐ ᐅᒋ ‍ ᐃᑎᑦ, ᓇᔅᒡ ᓴᔅ ᐊᒋ ‍ ᐎᔭᔨᑕᐧᒃ ᑕᓐ ᒐ ‍ ᐃᑎᑦ ᐊᑯᔅ ᐊᑲ ᒋᑭ ᐅᒋ ‍ ᓯᒋᒪᑭᓄᐤ ᒐᒋ ᓂᐳᐅᑦ᙮
\v 38 ᓇᒪ ᒐᒂᓐ ᐃᓂᔪᐤ ᓇᐸᐤ ᐊ ᐎ ‍ ᓂᐳᐅᑦ ᒐᒋ ᓂᐳᐅᑦ, ᒥᒄ ᒪᒃ ᐃᐛᒃ ᒥᔪᐱᔪᐤ ᐊᓐ ᓇᐸᐤ ᐊᑲ ᑲ ᐎ ‍ ᓂᐳᐅᑦ᙮
\p
\v 39 ᐊ ‍ ᓂᐳᐅᑦ ᐃᔎᐤ ᓇᒪ ᐃᑕᔨᑕᑯᓱᐤ ᒐᒋ ᐎᒋᒪᑦ ᑯᑎᒃ ᓇᐸᐤ ᐊᔅᒄ ᐊ ‍ ᐱᒪᑎᓯᔨᒋ ᐅᓇᐸᒪ᙮ ᒥᒄ ᒪᒃ ᓂᐱᒐᓂ ᐅᓇᐸᒪ ᒋᑭ ᒋ ‍ ᐎᒋᒪᐤ ᒥᒄ ᐊ ‍ ᐃᓯᓇᑯᓯᔨᒋ ᓇᐸᐛ ᐊ ‍ ᒂᔅᑲᑎᓯᒂᓂ᙮
\v 40 ᓂᔾ ᒪᒃ ᐎ ᐊ ‍ ᐃᑕᔨᑎᒪᓐ ᐅᔅᑕ ᒋᐸ ‍ ᒥᔽᔨᑎᒻ ᐊᑲ ᒥᓐ ᓂᐳᐅᑦ ᐃᔎᐤ ᐊ ‍ ᐸᐃᑯᓯᑦ᙮ ᓇᒪ ᒋ ᐎ ‍ ᐎᓱᐛᑎᑎᓇᐛᐤ ᒥᒄ ᒪᒃ ᐊᐅᑯᓐ ᐊ ‍ ᐃᑕᔨᑎᒪᓐ ᒋᐸ ᐃᓯ ‍ ᒥᔽᐤ ᐃᑎᔭᒄ ᑭᔭ ᓂᑦ ᐃᑕᔨᑕᓐ ᐊ ‍ ᐊᔭᐅᒥᒋ ᒋᓴᒪᓂᑐᐤ ᐅᑦ ᐊᒐᒂ ᐅ ᑲ ‍ ᐃᔅᒋᔄᔭᓐ᙮
\c 8
\s1 ᒥᒋᒥᔪᐤ ᐊᒋ ‍ ᒥᑐᔅᑕᐊᒧᐛᑭᓄᐎᒡ ᒥᓂᑐᐧᑲᓐᒡ
\s2 1 Corinthians 8.1-13 (Epiphany-4 Year B)
\p
\v 1 ᐊᑯ ᒪᒃ ᒐ ‍ ᐊᔨᒧᑎᒪᑎᑯᒡ ᑕᓐ ᒋᐸ ᐃᓯ ‍ ᑭᓄᐛᐸᑕᑭᓄᐤ ᒥᒋᒻ ᒥᓂᑐᐧᑲᓐᒡ ᐊᒋ ‍ ᐱᔅᑎᓂᒧᐛᑭᓄᐎᒡ᙮ ᐃᓇᓄᐤ ᒥᓯᐛ ᐊᐛᓐ ᐊ ‍ ᐊᔭᑦ ᒋᔅᒐᔨᑎᒧᐅᓂᔪᐤ᙮ ᐃᑐᑕᑯᐤ ᒪᒃ ᐊᐛᓐ ᒋᔅᒐᔨᑎᒧᐅᓂᔪᐤ ᒋᒋᐛ ᒐᒋ ᐃᑕᔨᒥᓱᑦ᙮ ᒥᒄ ᒪᒃ ᐊᐛᓐ ᑲ ‍ ᐊᔭᑦ ᓴᒋᐃᐛᐅᓂᔪᐤ ᐃᑐᑐᐛᐤ ᑯᑎᑲ ᐊᐛᔪᐛ ᒐᒋ ᓱᒋᑲᐳᔨᒋ᙮
\v 2 ᐊᑯ ᒪᒃ ᐊ ‍ ᐃᑕᔨᑎᒧᒂ ᐊᐛᓐ ᓇᔅᒡ ᒥᔅᑎ ᐊ ‍ ᒋᔅᒐᔨᑕᐧᒃ ᒐᒂᔪᐤ, ᓄᑯᑕᐤ ᐊᔅᒄ ᐊᑲ ᒋᔅᒐᔨᑕᐧᒃ ᑕᓐ ᒋᐸ ᐃᓯ ‍ ᒋᔅᒐᔨᑎᒻ᙮
\v 3 ᐊᓐ ᐊᐛᓐ ᑲ ‍ ᓴᒋᐊᑦ ᒋᓴᒪᓂᑐᐛ ᐊᐅᒄ ᐅ ᒐᔅᒐᔨᒥᑯᑦ ᒋᓴᒪᓂᑐᐛ᙮
\p
\v 4 ᐊᑯ ᒪᒃ ᐛ ᐊᔨᒧᑎᒪᓐ ᐊ ‍ ᒥᒋᓇᓄᐅᒡ ᒥᒋᒻ ᒥᓂᑐᐧᑲᓐᒡ ᐊᒋ ‍ ᐱᔅᑎᓂᒧᐛᑭᓄᐎᒡ᙮ ᒋᐛᐱᒪᓄᐅᒡ ᒥᓂᑐᐧᑲᓐᒡ ᒥᒄ ᒪᒃ ᒋ ‍ ᒋᔅᒐᔨᑕᓇᓄᐤ ᐊᑲ ᓇᔅᒡ ᒐᒂᓂᒡ ᐃᑕᔨᑕᑯᓯᒡ᙮ ᑭᔭ ᒋ ‍ ᒋᔅᒐᔨᑕᓇᓄᐤ ᐊᑲ ᑕᑦ ᑯᑎᒃ ᐊᐛᓐ ᐊ ‍ ᒋᓴᒪᓂᑐᐅᑦ, ᒥᒄ ᒋᓴᒪᓂᑐᐤ᙮
\v 5 ᐊᑎ ᐊ ‍ ᐃᑕᔨᑕᒡ ᐊᐛᓐᒋ ᐊ ‍ ᒥᒐᑎᔨᒋ ᒋᓴᒪᓂᑐᐛ ᐅᑕ ᐊᔅᒋᒡ ᑭᔭ ᒪᒃ ᒋᒋᒋᓯᑯᒡ ᑭᔭ ᒥᓯᐛ ᐊ ‍ ᐱᒪᑎᓯᔨᒋ,
\v 6 ᒋ ‍ ᒋᔅᒐᔨᑕᓇᓄᐤ ᐎ ᒋᔭᓄᐤ ᒥᒄ ᐊ ‍ ᐸᐃᑯᓯᑦ ᒋᓴᒪᓂᑐᐤ ᐊᓐ ᐛᑕᐎᒪᐅᑦ, ᐊᓐ ᒥᓯᐛ ᒐᒂᔪᐤ ᑲ ‍ ᐅᓯᑕᑦ᙮ ᒥᓯᐛ ᒐᒂᓐ ᒋᓴᒪᓂᑐᐤ ᐊ ‍ ᑕᑦ ᐅᒋᐱᔪᐤ, ᑭᔭ ᐊᐅᒄ ᐸᒪᑎᓯᔅᑐᐛᐧᒄ᙮ ᑭᔭ ᒥᒄ ᐸᐃᑯᓱᐤ ᐅᑎᐸᔨᒋᒐᐤ, ᐊᐅᒄ ᒋᓴᔅ ᙭᙮ ᐎᔾ ᐅᒋ ᐛᒋ ‍ ᑎᒂᒡ ᒥᓯᐛ ᒐᒂᓐ ᑲ ‍ ᐅᓯᑕᑭᓄᐅᒡ, ᑭᔭ ᐎᔾ ᐅᒋ ᐛᒋ ‍ ᐊᔭᔭᐧᒄ ᐱᒪᑎᓯᐅᓐ᙮
\p
\v 7 ᒥᒄ ᒪᒃ ᓇᒪ ᒥᓯᐛ ᐊᐛᓐ ᒋᔅᒐᔨᑎᒻ ᐊ ‍ ᑕᑈᒥᑭᓂᔨᒡ ᐅᔭ᙮ ᐱᔅᒐ ᐊᐛᓐᒋ ᐃᑕᔨᑎᒧᒡ ᒧᔭᒻ ᒥᓂᑐᐧᑲᓇ ᐊ ‍ ᐊᔭᒥᐊᔅᑐᐛᒡ ᐊ ‍ ᐃᓯᓇᑯᓯᒡ ᐊ ‍ ᒥᒋᒡ ᒥᑐᔅᑕᐊᒪᒐᐅᓂᔪᐤ ᒥᓂᑐᐧᑲᓇ ᐊᒋ ‍ ᐱᔅᑎᓂᒧᐛᑭᓄᔨᒋ᙮ ᐛᒋᐱᔪᐤ ᒐᒋ ᐃᑕᔨᑕᒡ ᐅᔭ ᐛᔅ ᓇᒪ ᐊᔨᒋᑲᐳᐅᒡ ᑕᑈᑎᒧᐅᓂᒡ᙮
\v 8 ᓇᒪ ᒥᒋᒻ ᒋᑭ ᐅᒋ ‍ ᐃᑐᑕᑯᓇᓄᐤ ᐃᐛᒃ ᒐᒋ ᐃᑕᔨᑕᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ‍ ᑕᑦ᙮ ᓇᒪ ᐃᐛᒃ ᒋᑭ ᐅᒋ ‍ ᐃᑕᔨᑕᑯᓯᓇᓄᐤ ᐊᑎ ᒥᒋᔭᒂ ᑭᔭ ᓇᒪ ᐃᐛᒃ ᒋᑭ ᐅᒋ ‍ ᐃᑕᔨᑕᑯᓯᓇᓄᐤ ᐊᑎ ᐊᑲ ᒥᒋᔭᒂ᙮
\p
\v 9 ᐃᔭᒂᒥ ᒪᒃ᙮ ᐊᓐ ᐊ ‍ ᐃᓯᓇᒂᒡ ᒐᒋ ᐎᔭᔨᑎᒪᓱᔨᓐ ᒋᔾ ᑕᓐ ᒐ ‍ ᐃᑎᔨᓐ ᐊᑲᐎᔾ ᒋᑭ ᐅᒋ ‍ ᐃᑐᑕᑯᐤ ᑯᑎᒃ ᐊᐛᓐ ᐊᔅᒄ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ ᒐᒋ ᒥᒋᑐᑕᐧᒃ᙮
\v 10 ᑕᓐ ᒪᒃ ᒐ ‍ ᐃᑎᑦ ᐊᐛᓐ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ ᐛᐱᒥᔅᒐ ᐊ ‍ ᒥᒋᓱᐅᑦ ᐊᓐᑕ ᒥᓂᑐᐧᑲᓐ ᐊᔭᒥᐊᐅᒋᐛᐱᒡ, ᐊ ‍ ᐃᑕᔨᒥᔅᒃ ᒪᒃ ᐊ ‍ ᐊᔭᐅᑦ ᒋᔅᒐᔨᑎᒧᐅᓂᔪᐤ᙮ ᓇᒪᐎᔾ ᐊ ᒋᔾ ᒋᑭ ᐅᒋ ‍ ᐃᑐᑐᐛᐤ ᒥᒋᒐ ᐊᓂᔭ ᒥᒋᒥᔪᐤ ᒥᓂᑐᐧᑲᓇ ᑲ ‍ ᐱᔅᑎᓂᒧᐛᑭᓄᔨᒋ᙮
\v 11 ᐛᔅ ᒥᒄ ᐃᓯ ᐃᑐᑎᒥᓇ ᒋᔾ ᑕᓐ ᐊ ᐃᓯ ‍ ᒋᔅᒐᔨᑎᒥᓐ ᒐᒂᓐ ᐊᑲ ᒪᒃ ᒪᒥᑐᓇᔨᒥᑕ ᐊᓐ ᒋᐧᑲᓂᔅ ᐊᑲ ᐊᔨᒋᑲᐳᐅᑦ, ᒋᑭ ᒋ ‍ ᐃᓯᓇᑯᓐ ᒐᒋ ᓂᓱᐅᓇᒋᑕᐅᑦ ᐅᑕᑈᑎᒧᐅᓐ᙮ ᒋᔅᒋᓯ ᒪ ᑭᔭ ᐎᔾ ᐊᒋ ‍ ᓂᐱᔅᑎᒪᑯᑦ ᙭ᑕ᙮
\v 12 ᐅᓂᑐᑐᐅᑕ ᒪᒃ ᒋᐧᑲᓂᔅ ᑭᔭ ᓂᓱᐅᓇᒋᑕᐅᑕ ᐅᑕᑈᑎᒧᐅᓐ ᙭ ᒋᐎᓂᑐᑐᐛᐤ᙮
\v 13 ᐊᑯ ᒪᒃ, ᒥᒋᔭᓇ ᒥᒋᒻ ᒥᓂᑐᐧᑲᓐ ᐊᒋ ‍ ᐱᔅᑎᓂᒧᐛᑭᓄᐅᑦ ᐃᑐᑕᑯᒐ ᒪᒃ ᓂᐧᑲᓂᔅ ᒐᒋ ᐅᓂᑐᑕᐧᒃ ᐊᓂᔭ ᐊ ‍ ᐃᑐᐅᒡ, ᓇᒪ ᒥᓐ ᓂᑕ ᓂᑭ ᐅᒋ ‍ ᒥᒋᓐ ᐊᓐ ᒥᒋᒻ ᒐ ‍ ᐃᑐᑕᑯᒂ ᓂᐧᑲᓂᔅ ᒐᒋ ᐸᒋᓯᐧᒃ᙮
\c 9
\s1 ᑕᓐ ᐊ ᐃᓯ ‍ ᐊᔭᑦ ᐊᑈᔅᑕᓐ ᑭᔭ ᑕᓐ ᒋᐸ ‍ ᐃᑕᐱᑎᓯᐤ
\p
\v 1 ᓇᒪ ᒐᒂᓐ ᓂ ‍ ᑎᐸᔨᒥᑯᓐ᙮ ᐊᑈᔅᑕᓐ ᑕᑈ ᓂᔾ᙮ ᒋᓴᔅ ᒋᑎᐸᔨᒋᒐᓯᒥᓄᐤ ᓂᒋ ᐸᒋ ‍ ᓄᑯᓯᔅᑕᒄ᙮ ᑭᔭ ᓂᔾ ᔅᒋ ‍ ᐎᑎᒪᑎᓇᐛᐤ ᒥᔽᒋᒧᐅᓐ ᐊᑎ ᑲ ᐅᒋ ‍ ᑕᑈᔭᔨᒪᒄ ᙭᙮ ᒋᔨᐛᐤ ᐊ ‍ ᑕᔭᒄ ᐊᑯᑕ ᐛᒋ ‍ ᓄᒂᒡ ᑕᑈ ᐊ ‍ ᐊᑐᔅᑯᐅᒃ ᐅᑎᐸᔨᒋᒐᐤ᙮
\v 2 ᐊᑎ ᑯᑎᑭᒡ ᐊᑲ ᐊᑈᔅᑕᓐ ᐃᑕᔨᒥᑥᐛ, ᐊᑈᔅᑕᓐ ᒋᐸ ‍ ᐃᑕᔨᒥᓇᐛᐤ ᒋᔨᐛᐤ᙮ ᐊᓐ ᒪᒃ ᐊ ᐃᓯ ‍ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ ᐊᑯᑕ ᐛᒋ ‍ ᓄᒂᒡ ᑕᑈ ᐊᑈᔅᑕᓐ ᐊ ‍ ᑕᔭᓐ᙮
\p
\v 3 ᐊ ᐸᒋ ‍ ᑯᒂᒋᒥᒡ ᐊᐛᓐᒋ ᒐᒋ ᓄᑯᑕᐅᒡ ᑕᑈ ᐊᑈᔅᑕᓐ ᐊ ‍ ᐃᑕᐱᑎᓱᐛᐅᒐ, ᒪᐅᔭᔪᐤ ᐊ ᐃᓯ ‍ ᐛᐎᑎᒧᐅᒂᐤ᙮
\v 4 ᓇᒪᐎᔾ ᐊ ᒪᒃ ᐃᓯᓇᑯᓐ ᑭᔭ ᓂᔭᓐ ᒐᒋ ᐊᓯᒥᑯᐅᔭᒡ ᑭᔭ ᒐᒋ ᒥᓂᐃᑯᐅᔭᒡ ᐊᓐ ᐊ ‍ ᐃᑕᐱᑎᓯᔭᒡ᙮
\v 5 ᓇᒪᐎᔾ ᐊ ᒪᒃ ᓂᐸ ᒋ ‍ ᓂᐳᐅᓐ ᑭᔭ ᓂᔾ ᑭᔭ ᓂᐸ ᒋ ‍ ᐱᐸᐎᒐᐛᐤ ᓂᐅ ᐊ ‍ ᐛᐎᑎᒪᓐ ᒥᔽᒋᒧᐅᓐ᙮ ᐊᐅᑯᓐ ᐊ ‍ ᐃᑎᒡ ᐊᓐᒡ ᑯᑎᑭᒡ ᐊᑈᔅᑕᓇᒡ ᑭᔭ ᐅᑎᐸᔨᒋᒐᐤ ᐎᐧᑲᓂᓴ ᑭᔭ ᐱᑕᕐ ᐊᐅᑯᓐ ᐊ ‍ ᐃᑎᑦ᙮
\v 6 ᒥᒄ ᐊ ᓂᔭᓐ ᐸᕐᓇᐸᔅ ᐊ ‍ ᓂᓯᔭᒡ ᐃᑕᔨᑕᑯᓐ ᒐᒋ ᐊᑐᔅᒐᔭᒡ ᒐᒋ ᐅᒋ ‍ ᐱᒪᒋᐃᓱᔭᒡ᙮
\p
\v 7 ᓇᒪ ᐊᐛᓐ ᓴᒐᔾ ᐊᓯᒪᑭᓂᓯᐤ ᐊᑐᔅᒐᐤ᙮ ᔭᐃᑕᔾ ᑎᐸᐊᒧᐛᑭᓄᐤ ᐊᓂᔭ ᐊ ‍ ᐃᑕᐱᑎᓯᑦ᙮ ᑭᔭ ᐊᐛᓐ ᑲ ‍ ᓂᑕᐅᒋᑕᑦ ᓇᒪᐎᔾ ᐊ ᒥᒍᐤ ᐊᓂᔭᔪᐛ ᑲ ‍ ᓂᑕᐅᒋᑕᑦ᙮ ᓇᒪ ᑭᔭ ᐊᐛᓐ ᓂᓇᑭᑐᐛᔨᒪᐤ ᒪᔭᑕᓂᓴ, ᒐ ᐊᑲ ᒋ ᐅᒋ ᒥᓄᐛᑦ ᐅᒋᒋᓇᐳᐃᒥᔪᐛ᙮
\p
\v 8 ᓇᒪ ᓂᑦ ᐃᔅᒋᔄᓐ ᐅ ᒥᒄ ᐊᓐ ᐊ ‍ ᐛᐸᑎᒪᓐ ᐊ ‍ ᐃᑎᓇᓄᐅᒡ᙮ ᐛᔅ ᐊᐅᑯᓐ ᐊ ᐃᓯ ‍ ᐊᔨᒧᑕᒡ ᑭᔭ ᐊᓐᑕ ᐎᓱᐛᐅᓂᒡ᙮
\v 9 ᒪᐅ ᐊ ‍ ᐃᑎᔅᑕᔨᒡ ᒧᓱᔅ ᐅᐎᓱᐛᐅᓐ, “ᓇᒪ ᒋᐸ ᐅᒋ ‍ ᒋᑭᒧᑕᐛᓐ ᒋᐳᑐᓇᐱᓱᐅᓂᔪᐤ ᓇᐸ ᒥᔅᑐᔅ ᐅᑐᓂᒡ ᒐ ᐊᑲ ᒋ ᒥᒋᓱᑦ ᒪᒂᒡ ᐊ ‍ ᐊᐱᒋᐃᑦ᙮” ᓇᒪ ᒥᒄ ᒥᔅᑐᓴ ᒪᒥᑐᓇᔨᒪᐤ ᒋᓴᒪᓂᑐᐤ ᐛᒋ ‍ ᐃᔅᒋᔄᑦ ᐅᔭ᙮
\v 10 ᒥᓯᐛ ᐊᐛᔪᐛ ᑲ ‍ ᐊᑐᔅᒐᔨᒋ ᐊᔨᒧᒪᐤ ᒧᔭᒻ ᐊᓂᔭᔪᐛ ᐊᐛᔪᐛ ᑲ ‍ ᐱᑯᔅᑭᒥᑲᒐᔨᒋ ᒐᒋ ᐊᑎ ‍ ᓂᑕᐅᒋᑕᔨᒋ ᑭᔭ ᐊᓂᔭ ᑲ ‍ ᒪᒧᓴᒋᓂᒥᔨᒋ ᓂᑕᐅᒋᑕᑭᓇ ᐃᔅᐱ ᑲᒋ ᐃᓯ ‍ ᓂᑕᐅᒋᓂᔨᒋ᙮ ᐃᓯᓇᑯᓂᔪᐤ ᒪᒃ ᑕᐱᔅᑯᓐ ᐊᓐᒡ ᒐᒋ ᐅᒋ ‍ ᒥᒋᓱᒡ ᐊᓂᔭ ᑲ ᐃᓯ ‍ ᓂᑕᐅᒋᑕᒡ᙮
\v 11 ᐊᑯ ᒪᒃ ᐊᓐᑕ ᑲ ‍ ᐎᑎᒪᑕᒡ ᒥᔽᒋᒧᐅᓐ ᒧᔭᒻ ᐊ ‍ ᓂᑕᐅᒋᑕᔭᒡ ᒋ ‍ ᐃᓯᓇᑯᓐ, ᒋ ᒥᔪ ‍ ᓂᑕᐅᒋᓇᐛᐤ ᒪᒃ ᑕᑈᑎᒧᐅᓂᒡ ᐃᔅ᙮ ᒥᔅᑎ ᐊ ᒪᒃ ᐃᓯᓇᑯᓐ ᐊ ‍ ᑯᒂᒋᒥᑕᒡ ᒐᒋ ᒥᔨᔭᒡ ᑕᓐ ᐊ ᐃᓯ ‍ ᓂᑐᐛᔨᑎᒪᑕᒡ᙮
\v 12 ᓇᒪᐎᔾ ᒐᒂᓐ ᒋᑦ ᐃᑕᔨᑕᓇᓄᐤ ᑯᑎᑭᒡ ᐊᐛᓐᒋ ᐊ ‍ ᐱᒪᒋᐊᑯᒡ᙮ ᐊᑐᐎᔅ ᒪᒃ ᐃᑕᔨᑕᑯᓐ ᓂᔭᓐ ᒐᒋ ᐱᒪᒋᐃᔭᒡ᙮ ᐊᑎ ᐊ ‍ ᐃᑕᔨᑕᒂᒡ ᒐᒋ ᓂᑐᑎᒪᑕᒡ ᒐᒋ ᐎᒋᐃᔨᐊᒡ ᓇᒪ ᐃᔭᐱᒡ ᒋ ᐅᒋ ‍ ᑯᒂᒋᒥᑎᓇᓐ᙮
\p ᐊᑯ ᒪᒃ ᓂᔭᓐ ᐸᒥᐱᔨᐃᓱᔭᒡ ᐛᔅ ᑕᐸ ᓇᓂᑐᐛᔨᑕᓇᓐ ᒐᒂᓐ ᒐᒋ ᒋᐱᔅᑲᑯᔭᒡ ᐊ ᐎ ‍ ᐛᐎᑎᒪᒡ ᒥᔽᒋᒧᐅᓐ᙮
\p
\v 13 ᒋ ‍ ᒋᔅᒐᔨᑕᓇᐛᐤ ᐊᓐᒡ ᑲ ‍ ᐊᑐᔅᒐᒡ ᐊᓐᑕ ᐊᔭᒥᐊᐅᒋᐛᐱᒡ ᐊ ‍ ᐊᓯᒪᑭᓄᐎᒡ ᐊᓂᔭ ᒥᒋᒥᔪᐤ ᑲ ‍ ᐸᑕᑭᓄᔨᒋ ᐊᓐᑕ ᐊᔭᒥᐊᐅᒋᐛᐱᒡ ᐊᓂᔭ ᑲ ‍ ᐸᒂᓂᒧᐛᑭᓄᐎᒋ ᒋᓴᒪᓂᑐᐛ᙮ ᑭᔭ ᐊᓐᒡ ᑲ ‍ ᐊᑐᔅᒐᒡ ᐊᓐᑕ ᐊ ‍ ᑎᑯᓂᔨᒡ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ ᐊᐛᓯᓴ ᑲᒋ ‍ ᒥᑐᔅᑕᐊᒪᓄᐎᒋ, ᐊᑯᑕ ᑭᔭ ᐎᔨᐛᐤ ᐛᒋ ‍ ᐊᓯᒪᑭᓄᐎᒡ ᐊᓂᔭ ᐎᔭᓯᔪᐤ ᑲ ‍ ᒥᑐᔅᑕᐊᒪᓄᔨᒋ᙮
\v 14 ᐊᐅᑯᓐ ᒪᒃ ᒧᔭᒻ ᑲ ‍ ᐃᔅᒋᔄᑦ ᐅᑎᐸᔨᒋᒐᐤ ᒐ ‍ ᐃᑐᑐᐛᑭᓄᔨᒋ ᐊᓂᔭᔪᐛ ᑲ ‍ ᐛᐎᑎᒥᔨᒋ ᒥᔽᒋᒧᐅᓂᔪᐤ᙮ ᒋ ‍ ᐃᑎᓱᐛᐤ ᒐᒋ ᒥᔭᑭᓄᔨᒋ ᒐᒂᔪᐤ ᒐᒋ ᐅᒋ ‍ ᐱᒪᒋᐃᓱᔨᒋ᙮
\p
\v 15 ᐊᑎ ᒪᒃ ᐊ ‍ ᐃᓯᓇᒂᒡ ᒐᒋ ᑎᐸᐊᒪᑯᐅᔭᓐ ᓇᒪ ᒋ ᐅᒋ ‍ ᐃᑎᑎᓇᐛᐤ ᒐᒋ ᑎᐸᐊᒧᐅᔭᒄ᙮ ᑭᔭ ᒪᒃ ᓇᒪ ᒋ ‍ ᒥᓯᓇᐊᒪᑎᓇᐛᐤ ᒐᒋ ᐃᑎᑎᑯᒡ ᒐᒋ ᑎᐸᐊᒧᐅᔭᒄ᙮ ᓂᑦ ᐃᑕᔨᑕᓐ ᐃᐛᒃ ᒋᐸ ‍ ᒥᔽᐤ ᒐᒋ ᓂᐱᔭᓐ ᐃᔅᐱᔅ ᐎ ᒐᒋ ᐃᑎᑎᑯᒡ ᒐᒋ ᑎᐸᐊᒧᐅᔭᒄ᙮ ᐛᔅ ᓂ ‍ ᒥᔽᔨᑕᓐ ᐊ ‍ ᐛᐎᑎᒪᑎᑯᒡ ᒥᔽᒋᒧᐅᓐ ᐊᑲ ᑎᐸᐊᒧᐅᔭᒄ᙮
\s2 1 Corinthians 9.16-23 (Epiphany-5 Year B)
\p
\v 16 ᓇᒪ ᒪᒃ ᐃᓯᓇᑯᓐ ᒐᒋ ᓴᒂᔨᒧᔭᓐ ᐊ ‍ ᑭᒐᔅᒋᒧᔭᓐ ᐊ ‍ ᐛᐎᑎᒪᓐ ᒥᔽᒋᒧᐅᓐ᙮ ᐛᔅ ᐊᐅᑯᓐ ᑲ ‍ ᐃᑎᓱᒥᑯᐅᔭᓐ ᒐᒋ ᐃᑎᔭᓐ᙮ ᒋᑭ ‍ ᑎᑯᓐ ᐛᔅ ᐊᓐ ᒐ ᐃᓯ ‍ ᐊᒂᒡ ᒥᒋᐱᔨᔭᓐ ᐊᑲ ᐛᐎᑎᒪᓇ ᒥᔽᒋᒧᐅᓐ᙮
\v 17 ᓂᔾ ᒋ ‍ ᐃᑕᔨᑎᒪᓇᒂ ᒐᒋ ᐛᐎᑎᒪᓐ ᒥᔽᒋᒧᐅᓐ, ᑭᑈ ᓂᐸ ‍ ᐱᑯᓴᔨᑕᓐ ᒐᒋ ᑎᐸᐊᒪᑯᐅᔭᓐ᙮ ᒥᒄ ᒪᒃ ᒋᓴᒪᓂᑐᐤ ᐎᔾ ᓂᒋ ‍ ᒥᔨᒄ ᐅᔭ ᒐᒋ ᐃᓯ ‍ ᐊᑐᔅᒐᔅᑎᒧᒡ ᒥᔽᒋᒧᐅᓂᔪᐤ ᐊᐅᒄ ᒪᒃ ᐅ ᐛᒋ ‍ ᐛᐎᑎᒪᓐ᙮
\v 18 ᒐᒄ ᑎᐸᐊᒪᑯᓯᐅᓐ ᒪᒃ ᒪᔨᑯᐅᔭᓐ᙮ ᐊᓐ ᓴᒐᔾ ᐊ ‍ ᑭᒐᔅᒋᒧᔭᓐ ᐊ ‍ ᐛᐎᑎᒪᓐ ᒥᔽᒋᒧᐅᓐ ᐊᐅᑯᓐ ᐊᓐ ᓂᑎᐸᐊᒪᑯᓯᐅᓐ᙮ ᐊᑎ ᐊ ‍ ᐃᑕᔨᑕᒂᒡ ᒐᒋ ᓂᑐᑎᒪᑎᑯᒡ ᒐᒋ ᐱᒪᒋᐃᔭᒄ ᐊ ‍ ᐛᐎᑎᒪᓐ ᒥᔽᒋᒧᐅᓐ ᓇᒪ ᒋ ‍ ᑯᒂᒋᒥᑎᓇᐛᐤ ᒐᒋ ᐛᐎᒋᐃᔭᒄ᙮
\p
\v 19 ᓇᒪ ᒐᒂᓐ ᓂᒥᒪᒋᑭᓂᑯᓐ ᐛᔅ ᓇᒪ ᐊᐛᓐ ᓂ ‍ ᐅᑦ ᐊᐱᒋᐊᑭᓂᑐᑕᒄ᙮ ᒥᒄ ᒪᒃ ᐃᔭᐱᒡ ᓂᔾ ᑎᐱᔨᐛ ᓂᒋ ‍ ᐎᔭᔨᑕᓐ ᒥᓯᐛ ᐊᐛᓐ ᒐ ᐎ ‍ ᐊᑐᔅᑯᐅᒃ᙮ ᐊᑯ ᒪᒃ ᒥᒐᑦ ᐊᐛᓐ ᒐ ‍ ᐃᑐᑐᐅᒃ ᒐᒋ ᑕᑈᑕᐧᒃ ᒥᔽᒋᒧᐅᓂᔪᐤ᙮
\v 20 ᐊᓐᑕ ᒍᐤ ᑲ ‍ ᐃᑎᔅᑲᓇᓯᒡ ᐃᔪᒡ ᐊ ‍ ᑕᒡ ᐊ ‍ ᑕᔭᓐ, ᒧᔭᒻ ᒍᐤ ᐃᔪᐤ ᓂᑦ ᐃᑕᔨᑕᑯᐃᓱᓐ᙮ ᓇᔅᒡ ᐃᔭᒂ ᓂᓇᑭᑐᐛᔨᑎᒧᒡ ᐎᓱᐛᐅᓂᔪᐤ ᑭᔭ ᓂᔾ ᒪᒃ ᐊᐅᑯᓐ ᐊ ‍ ᐃᑎᔭᓐ ᐊᑎ ᐊᑲ ᒪᒋᒂᐱᐧᑲᑎᑯᔭᓐ ᐊᓐ ᐎᓱᐛᐅᓐ᙮ ᐅ ᒪᒃ ᓂᑦ ᐃᑎᓐ ᒐᒋ ᐎᒋᐃᒂᐤ ᐊᓐᒡ ᑲ ‍ ᐃᑕᔨᑕᒡ ᒐᒋ ᐱᒪᒋᐅᒡ ᐊ ‍ ᓂᓇᐃᑕᒡ ᐎᓱᐛᐅᓂᔪᐤ᙮ ᓂ ᐎ ‍ ᐎᒋᐊᐅᒡ ᒐᒋ ᑕᑈᔭᔨᒪᒡ ᒋᓴᓴ᙮
\v 21 ᐊᑯ ᒪᒃ ᐃᔅᐱ ᐊ ‍ ᑕᔭᓂ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ‍ ᑕᒡ, ᒧᔭᒻ ᐊᑲ ᒍᐤ ᐃᑎᔅᑲᓇᓯᔭᓐ ᓂᑦ ᐃᑕᐃᓱᓐ ᐊ ᐎ ‍ ᐃᑐᑐᐅᒂᐤ ᑭᔭ ᐎᔨᐛᐤ ᒐᒋ ᑕᑈᔭᔨᒪᒡ ᙭ᑕ᙮ ᒋᔅᒐᔨᑎᒻ ᒋᓴᒪᓂᑐᐤ ᐊ ‍ ᓂᓇᐃᑎᒪᓐ ᐎᓱᐛᐅᓐ, ᐊᓂᔭ ᐎᓱᐛᐅᓂᔪᐤ ᙭ ᑲ ᐸᒋ ‍ ᒥᔨᑦ ᐊᐅᑯᓐ ᐊᓐ ᓂᓇᐃᑎᒪᓐ᙮
\v 22 ᑭᔭ ᐊ ‍ ᐃᑕᔭᓂ ᐊᓐᑕ ᐊ ‍ ᑕᒡ ᐊᓐᒡ ᐊᑲ ᓇᔅᒡ ᑲ ‍ ᓱᒋᑲᐳᐅᒡ ᐅᑕᑈᑎᒧᐅᓄᐛᒡ ᐊᐅᑯᓐ ᑭᔭ ᓂᔾ ᐊ ‍ ᐃᑕᔨᑕᑯᐃᓱᔭᓐ᙮ ᐅᔭ ᓂᑦ ᐃᑐᐛᓐ ᒐᒋ ᐎᒋᐃᒂᐤ ᐊᑐᐎᔅ ᒐᒋ ᓱᒋᑲᐳᐅᒡ ᐊ ‍ ᑕᑈᑕᒡ᙮ ᒥᒄ ᑕᓐ ᐊ ‍ ᐃᑕᔨᑕᑯᓯᒡ ᐊᐛᓐᒋ ᐊ ‍ ᑭᒐᔅᒋᒥᒂᐤ ᐊᐅᑯᓐ ᐊ ‍ ᐃᑕᔨᑕᑯᐃᓱᔭᓐ᙮ ᒥᒄ ᑕᓐ ᒐ ᐃᓯ ‍ ᓇᐃᐱᔨᒂ ᒐᒋ ᐃᓯ ‍ ᐎᒋᐃᒂᐤ ᐊᐅᑯᓐ ᒐ ᐃᓯ ‍ ᐎᒋᐃᒂᐤ ᐱᔅᒐ ᒐᒋ ᐱᒪᒋᐅᒡ᙮
\p
\v 23 ᐊᐅᒄ ᐛᒋ ‍ ᐃᑎᔭᓐ ᐅ ᒐᒋ ᑕᑈᑕᑭᓄᐅᒡ ᒥᔽᒋᒧᐅᓐ ᑕᓐᑕ ᒥᒄ ᐊ ᐊᑎ ‍ ᐛᐎᑎᒪᓐ᙮ ᐊᑯ ᒪᒃ ᒐ ‍ ᒥᔅᑭᒪᓐ ᑕᓐ ᐊ ᐃᓯ ‍ ᐊᔨᒧᑕᒡ ᓱᐛᔨᒋᒐᐅᓐ ᐊᓐᑕ ᒥᔽᒋᒧᐅᓂᒡ᙮
\s2 1 Corinthians 9.24-27 (Epiphany-6 Year B)
\p
\v 24 ᒋ ‍ ᒋᔅᒐᔨᑕᓇᐛᐤ ᑕᓐᑕ ᐊ ‍ ᑎᒂᒡ ᐊ ‍ ᒋᒋᐸᔨᑐᓇᓄᐅᒡ ᐊ ᐎ ‍ ᑯᒂᒋᔅᑭᑕᐅᑐᓇᓄᐅᒡ, ᒥᒐᑦ ᐊᐛᓐᒋ ᒋᒋᐸᑕᐅᒡ᙮ ᒥᒄ ᒪᒃ ᐸᐃᒄ ᐊᐛᓐ ᑲᓂᔪᐤ ᒐᒂᔪᐤ᙮ ᒧᔭᒻ ᒪᒃ ᐊᓐ ᑲ ‍ ᒋᒋᐸᑕᑦ ᐊᔅᐱᔅ ᓱᒃ ᒋᒋᐸᑕᑦ, ᐊᐅᑯᓐ ᑭᔭ ᒋᔾ ᒥᒄ ᒋᐸ ‍ ᐃᑎᓐ ᑕᓐ ᐊ ᐃᓯ ‍ ᐱᒪᑎᓯᔨᓐ ᐊ ‍ ᑕᑈᔭᔨᒥᑦ ᙭᙮ ᐊᑯ ᒪᒃ ᑭᔭ ᒋᔾ ᒐ ‍ ᒥᔨᑯᔨᓐ ᒋᑲᓂᔪᐎᓐ᙮
\v 25 ᒥᓯᐛ ᐊᐛᓐ ᑲ ‍ ᑯᒂᒋᔅᑭᑕᐃᒐᑦ ᐱᓯᒄ ᑯᒂᒋᐱᔨᑎᓱᐤ ᐊᑐᐎᔅ ᒐᒋ ᑭᔅᒋᐅᑦ᙮ ᐊᑯᑕ ᓇᔅᒡ ᐊ ᐃᓯ ‍ ᐱᔅᑎᓇᐧᒃ ᐅᐱᒪᑎᓯᐅᓐ᙮ ᐅᒡ ᒪᒃ ᑲ ‍ ᑯᒂᒋᔅᑭᑕᐃᒐᒡ ᐊᐅᒄ ᐅᔭ ᐊ ‍ ᐃᑎᒡ ᐊ ᐎ ‍ ᐊᔭᒡ ᑲᓂᔪᐅᓂᔪᐤ ᐛᐃᐱᔅᒋᔅ ᒥᒄ ᒐ ‍ ᑎᑯᓂᔨᒡ᙮ ᐊᐅᑯᓐ ᒪᒃ ᐊ ‍ ᐃᑎᔭᐧᒄ ᑭᔭ ᒋᔭᓄᐤ ᒐᒋ ᐊᔭᔭᐧᒄ ᐊᓐ ᑲᓂᔪᐅᓐ ᑲᒋᒡ ᒐ ‍ ᐊᔭᔭᐧᒄ᙮
\v 26 ᐊᐅᒄ ᒪᒃ ᐊᓐ ᐛᒋ ‍ ᓱᒃ ᐎ ᒋᔅᑕᔭᓐ ᓂᔾ ᐊᓐ ᐊ ᐃᓯ ‍ ᐱᒥᐸᑕᔭᓐ᙮ ᐊᐅᑯᓐ ᑭᔭ ᐛᒋ ‍ ᐃᓯᓇᑯᓯᔭᓐ ᒧᔭᒻ ᐊᐛᓐ ᑲ ‍ ᐅᑕᒪᐃᒐᑦ ᒧᔅ ᑲ ‍ ᑲᒋᔅᑕᐛᑦ ᐊᐛᔪᐛ᙮ ᓇᒪ ᓂᑦ ᐃᓯᓇᑯᓯᓐ ᒧᔭᒻ ᐊᐛᓐ ᑲ ‍ ᐅᑎᑕᒪᐃᒐᑦ ᐊᑲ ᒪᒃ ᒐᒂᔪᐤ ᑲ ‍ ᒋᔅᑕᐊᐧᒃ᙮
\v 27 ᒥᓯᐛ ᐊ ᐃᓯ ‍ ᓂᑐᐛᔨᑕᒂᒡ ᒐᒋ ᐃᑎᔭᓐ ᐊ ‍ ᑯᒂᒋᔅᑭᑕᐃᒐᔭᓐ ᓇᔅᒡ ᓂ ‍ ᐱᔅᑎᓂᓱᓐ ᒐᒋ ᐃᑐᑎᒪᓐ᙮ ᐛᔅ ᓇᒪ ᓇᓂᑐᐛᔨᑕᓐ ᒐᒋ ᐅᓂᑕᔭᓐ ᑕᓐ ᓂᐸ ᐃᓯ ‍ ᑲᓂᔪᐃᑯᐅᓐ ᓴᔅ ᐎ ᐊᒋ ‍ ᑭᒐᔅᒋᒥᒂᐤ ᑲ ‍ ᑕᑈᑕᒡ ᒐ ᐃᓯ ‍ ᐱᒪᑎᓯᒡ ᑕᓐ ᐊᓂᔭᔪᐛ ᒋᐸ ᐃᓯ ‍ ᐱᒪᑎᓯᔪᐛ ᐊᐛᔪᐛ ᐊ ‍ ᑕᑈᔭᔨᒪᔨᒋ ᙭ᑕ᙮
\c 10
\s1 ᐊᑲᐎᔾ ᒋᔅᑕᔨᒪᐧᑯᒡ ᒥᓂᑐᐧᑲᓐᒡ
\s2 1 Corinthians 10.1-13 (Lent-3 Year C)
\p
\v 1 ᓂᐧᑲᓂᓯᑐᒄ, ᒋ ‍ ᓂᑐᐛᔨᒥᑎᓇᐛᐤ ᒐᒋ ᒋᔅᒋᓯᔭᒄ ᑕᓐ ᑲ ‍ ᐃᔅᐱᔨᒡ ᐊᓂᔭᐧᑲ ᒍᑕᐎᓄᐅᒡ ᐊᓐᒡ ᑲᒋ ‍ ᑕᒡ ᐊᓐᑕ ᐸᐧᑯᑎᔅᑭᒥᑲᒡ᙮ ᒋᓴᒪᓂᑐᐛ ᒋ ‍ ᐃᑎᓴᐛᔪᐛ ᑭᔅᑯᐅᓂᔎ ᒐᒋ ᐎᒐᐅᑯᒡ, ᐊᑯᑕ ᑲ ᐅᒋ ‍ ᓄᑯᑕᔨᒋ ᐊ ‍ ᑭᓄᐛᔨᒥᑯᒡ᙮ ᒥᓯᐛ ᒋ ‍ ᐊᓱᔅᑭᒧᒡ ᐎᓂᐸᑯᔪᐤ ᒋᓴᒪᓂᑐᐛ ᑲ ‍ ᑐᓂᒥᔨᒋ ᒐᒋ ᐱᒧᑕᒡ᙮
\v 2 ᐊᓐᑕ ᐊᓂᔭ ᑭᔅᑯᐅᓂᔎ ᐊ ‍ ᑕᔨᒋ ᑲ ‍ ᑕᒡ ᑭᔭ ᐊᓐᑕ ᐎᓂᐸᑯᒡ ᐊᑯᑕ ᑲ ‍ ᓯᑲᐃᑐᐛᑭᓄᐅᒡ ᐊ ‍ ᓄᑯᑕᑭᓄᐎᒡ ᒧᓱᓴ ᐊ ‍ ᓇᓴᐛᒡ᙮
\v 3 ᒥᓯᐛ ᒪᒃ ᐊ ‍ ᑎᓯᒡ ᒋ ‍ ᒥᒍᐅᒡ ᐊᓂᔭ ᒥᒋᒥᔪᐤ ᐊᓐᑕ ᒋᒋᒋᓯᑯᒡ ᑲ ‍ ᐅᒋᐱᔨᒡ᙮
\v 4 ᑭᔭ ᒥᓯᐛ ᒋ ‍ ᒥᓄᐅᒡ ᐊᓂᔭ ᓂᐱᔪᐤ ᒋᓴᒪᓂᑐᐛ ᑲ ‍ ᒥᔨᑯᒡ ᐊᓯᓂᒡ ᑲ ‍ ᐅᒋᐱᔨᒡ᙮ ᐃᓇᓄᐤ ᒪᒃ ᐊᒋ ‍ ᐱᐸ ᓇᓴᐅᑯᒡ ᐊᓂᔭᔪᐛ ᐊᓯᓂᔭ, ᒥᒄ ᒪᒃ ᓇᒪ ᒥᒄ ᐊᓯᓂᔭ ᐊᓂᔭ, ᙭ᑕ ᐊᓂᔭᔪᐛ ᑲ ‍ ᐱᐸᐎᒐᐅᑯᒡ᙮
\v 5 ᐊᑎ ᒪᒃ ᐅᔭ ᐊᒋ ᐃᓯ ‍ ᒥᔪᐧᑲᑯᒡ ᒋᓴᒪᓂᑐᐛ, ᐃᔭᐱᒡ ᒋ ‍ ᑕᐅᒡ ᐊᓐᑕ ᐊ ‍ ᒥᒐᑎᒡ ᐊᑲ ᓂᓇᐊᔨᑎᒥᐊᒡ ᒋᓴᒪᓂᑐᐛ, ᑭᔭ ᒂ ‍ ᓂᐱᒡ ᐊᓐᑕ ᐸᐧᑯᑎᔅᑭᒥᑲᒡ᙮
\p
\v 6 ᒋᐸ ‍ ᑎᑯᓂᔪᐤ ᐊ ᐃᓯ ‍ ᐃᔭᒂᒥᒥᑯᐅᔭᐧᒄ ᒥᓯᐛ ᑕᓐ ᑲ ‍ ᐃᔅᐱᔨᒡ, ᒐ ᐊᑲ ᒋ ᐃᓯᓇᑯᓯᔭᐧᒄ ᒋᔭᓄᐤ ᒐᒋ ᒧᔅᑕᓇᔨᑎᒪᐧᒄ ᒥᒐᑎᓯᐅᓐ᙮
\v 7 ᐊᑯ ᒪᒃ ᐊᑲᐎᔾ ᒋᑭ ᐅᒋ ‍ ᐊᔭᒥᐊᔅᑐᐛᓄᐅᒡ ᒥᓂᑐᐧᑲᓐᒡ ᒧᔭᒻ ᐎᔨᐛᐤ ᑲ ‍ ᐃᑎᒡ᙮ ᒪᐅ ᐊᑎᔅᑕᒡ ᒥᓯᓇᐃᑭᓂᒡ,
\q ᐊᓐᒡ ᐃᔪᒡ ᒋ ‍ ᒥᒋᓱᐅᒡ, ᑭᔭ ᒋ ‍ ᒥᓄᐅᒡ, ᑭᔭ ᒋ ‍ ᓂᒧᐅᒡ᙮
\m
\v 8 ᑭᔭ ᐊᑲᐎᔾ ᐎᓂᓱᐤ ᐱᒪᑎᓯᑕᐤ ᒧᔭᒻ ᑲ ‍ ᐃᓯᓇᑯᓯᒡ ᐱᔅᒐ ᐊᓐᒡ ᐃᔪᒡ᙮ ᐊᓂᔭ ᒪᒃ ᐎᓂᓱᐅᓂᒡ ᐊᒋ ᐃᓯ ‍ ᐱᒪᑎᓯᒡ, ᓂᓱᔪᐤ ᐊᓱ ᓂᔍᐤ ᒐᓯᐱᔪᐤ ᒋ ‍ ᓂᐳᐅᒡ ᐊ ‍ ᐸᐃᑯᓂᔨᒡ ᐊ ‍ ᒋᓯᑲᔨᒡ᙮
\v 9 ᑭᔭ ᐊᑲᐎᔾ ᒋᑭ ᐅᒋ ‍ ᑯᒂᒋᐊᐛᐤ ᐅᑎᐸᔨᒋᒐᐤ ᒧᔭᒻ ᑕᓐ ᑲ ‍ ᐃᑎᒡ ᐱᔅᒐ ᐊᓐᒡ ᐊᐛᓐᒋ᙮ ᒋᓇᐱᒂ ᒪᒃ ᒋ ‍ ᓂᐸᐃᑯᐅᒡ᙮
\v 10 ᑭᔭ ᐊᑲᐎᔾ ᒋᑭ ᐅᒋ ‍ ᒪᒪᒡ ᐃᔅᒋᔄᓇᓄᐤ ᒧᔭᒻ ᐱᔅᒐ ᐊᓐᒡ ᐃᔪᒡ ᑲ ‍ ᐃᑎᒡ᙮ ᐊᓐᒋᓇ ᒪᒃ ᑲ ‍ ᓂᐸᐃᐛᔨᒋ ᒋ ‍ ᓂᓱᐅᓇᒋᐃᑯᐅᒡ᙮
\p
\v 11 ᐊᐅᒄ ᐅᔭ ᒥᓯᐛ ᑲ ‍ ᐃᔅᐱᔨᒡ ᐊᓐᒡ ᐃᔪᒡ ᒐᒋ ᐅᒋ ‍ ᐃᔭᒂᒥᒥᑯᐅᔭᐧᒄ ᒐ ᐊᑲ ᒋ ᒥᒋᑐᑐᐛᐧᒄ ᒋᓴᒪᓂᑐᐤ᙮ ᒋ ‍ ᒥᓯᓇᐃᑭᓄᐛ ᒪᒃ ᐅᔭ ᐊᓐᑕ ᒐᒋ ᐅᒋ ‍ ᒋᔅᒐᔨᑎᒥᐃᑯᐅᔭᐧᒄ ᒐ ᐊᑲ ᒋ ᐃᓯ ‍ ᐱᒪᑎᓯᔭᐧᒄ ᑕᓐ ᑲ ᐃᓯ ‍ ᐱᒪᑎᓯᒡ᙮ ᐛᔅ ᓴᔅ ᒪᔅᑕᔾ ᑲ ‍ ᒋᓯᑲᒋ ᒋ ‍ ᐱᒪᑎᓯᓇᓄᐤ᙮
\p
\v 12 ᐃᔭᒂᒥ ᒋᔾ ᑲ ‍ ᐃᑕᔨᑎᒥᓐ ᒧᔅ ᐊ ‍ ᓱᒋᑲᐳᔨᓐ ᒐ ᐊᑲ ᒋ ᐸᒋᓯᓂᔨᓐ ᒥᒋᑥᐅᓂᒡ ᐃᔅ᙮
\v 13 ᒥᓯᐛ ᐊ ᐃᓯ ‍ ᑯᒂᒋᐃᑯᐅᔭᐧᒄ, ᐊᐅᑯᓐ ᐊ ᐃᓯ ‍ ᑯᒂᒋᐊᑭᓄᐅᑦ ᒥᓯᐛ ᐊᐛᓐ᙮ ᒥᒄ ᒪᒃ ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᓇᒪ ᒋᑭ ᐅᒋ ‍ ᐱᔅᑎᓂᑯᓄᐤ ᒥᒋᒪ ᒐᒋ ᐃᓯ ‍ ᑯᒂᒋᐃᑯᐅᐛᐧᒄ ᐊᑲ ᒋ ‍ ᐃᓯᑲᐳᔅᑎᒪᐧᒄ ᑯᒂᒋᐃᐛᐅᓐ᙮ ᐊᓐᑕ ᐊᓂᔭ ᒪᒂᒡ ᐊ ‍ ᑯᒂᒋᐃᑯᐅᐛᐧᒄ ᒋᑭ ‍ ᐛᐸᑎᔨᑯᓄᐤ ᒋᓴᒪᓂᑐᐤ ᑕᓐᑕ ᒐᒋ ᐅᒋ ‍ ᓴᐳᔅᑭᒪᐧᒄ ᐊᓐ ᑯᒂᒋᐃᐛᐅᓐ᙮ ᐊᐅᒄ ᐅᔭ ᐊ ᐃᓯ ‍ ᐎᒋᐃᑕᐧᒄ ᒐ ᐊᑲ ᒋ ᓴᐧᑯᒋᐱᑎᑯᐛᐧᒄ ᐊᓂᔭ ᑕᓐ ᐊ ᐃᓯ ‍ ᑯᒂᒋᐃᑯᐅᐛᐧᒄ᙮
\s1 ᒥᓂᑐᐧᑲᓐᒡ ᐊ ‍ ᒥᑯᓴᑐᑐᐛᑭᓄᐅᒡ ᑭᔭ ᐅᑎᐸᔨᒋᒐᐤ ᐅᑯᒥᓂᐅᐎᐃᐛᐅᓐ
\p
\v 14 ᐊᑯ ᒪᒃ ᓂᐎᒐᐛᑭᓂᑎᒄ ᑲ ‍ ᓴᒋᐃᑎᑯᒡ, ᐊᑲᐎᔾ ᓂᑕ ᐊᔭᒥᐊᔅᑐᐛᐧᑯᒡ ᒥᓂᑐᐧᑲᓐᒡ᙮
\v 15 ᓇᔅᒡ ᑲ ᒥᔪ ‍ ᓂᔅᑐᑕᒡ ᐊᐛᓐᒋ ᐊᐅᑯᓐ ᐊ ᐃᓯ ‍ ᐃᔨᒥᐃᑎᑯᒡ᙮ ᒪᒥᑐᓇᔨᑎᒧᒄ ᒪᒃ ᑕᓐ ᐊ ‍ ᐃᔅᒋᔄᔭᓐ᙮
\v 16 ᐊᓐ ᐊ ‍ ᑯᒥᓂᐅᐎᔭᐧᒄ ᒋᓂᓇᔅᑯᒪᓄᐤ ᒋᓴᒪᓂᑐᐤ ᙭ ᐅᒥᐧᒄ ᐊᒋ ‍ ᓯᑲᐃᑲᑕᔨᒡ ᑭᔭ ᐅᐱᒪᑎᓯᐅᓐ ᐊᒋ ‍ ᐱᔅᑎᓇᐧᒃ ᙭᙮ ᐛᔅ ᐊᓐ ᓱᒥᓇᐳᔾ ᑲ ‍ ᒥᓂᔭᐧᒄ ᑭᔭ ᐊᓐ ᐸᒂᓯᑭᓐ ᑲ ‍ ᐅᑎᓇᐧᒄ ᐊᑯᑕ ᓄᑯᑕᔭᐧᒄ ᙭ ᐊᒋ ‍ ᓂᐱᔅᑎᒪᑕᐧᒄ ᐊᓐᑕ ᒐᒋ ᐅᒋ ‍ ᐛᐸᔨᑎᒪᑯᐅᔭᐧᒄ ᒋᒥᒋᑥᐅᓄᐛ᙮
\v 17 ᒥᒄ ᐸᐃᑯᓱᐤ ᐊᓐ ᐸᒂᓯᑭᓐ ᒥᓯᐛ ᐊ ‍ ᒧᐛᐧᒄ, ᐊᑎ ᐊ ‍ ᒥᒐᑎᔭᐧᒄ ᓂᓇᐧᑯᐤ ᐊ ‍ ᐃᑕᔨᑕᑯᓯᔭᐧᒄ᙮ ᐃᔅᐱ ᒪᒃ ᐊ ‍ ᒧᐛᐧᒄ ᐊᓐ ᐸᐃᒄ ᐸᒂᓯᑭᓐ ᐸᐃᒄ ᒥᔪᐤ ᒋᑦ ᐃᓯᓇᑯᓯᓇᓄᐤ᙮
\p
\v 18 ᒪᒥᑐᓇᔨᑎᒧᒄ ᒪ ᑕᓐ ᐊᔅᒄ ᐊ ‍ ᐃᑕᔨᑕᒂᒡ ᐊᓐᑕ ᒍᐤ ᐃᔪᒡ ᐊ ‍ ᑕᒡ᙮ ᒥᓯᐛ ᐊᓐᒡ ᑲ ‍ ᒥᒋᒡ ᐎᔭᓯᔪᐤ ᑲ ‍ ᒥᑐᔅᑕᐊᒧᐛᑭᓄᔨᒋ ᒋᓴᒪᓂᑐᐛ ᐊᐅᒄ ᐊᓐᒡ ᐊ ‍ ᒪᒧᐤ ᐊᑐᔅᑯᐛᒡ ᒋᓴᒪᓂᑐᐛ᙮
\v 19 ᒪᐅ ᐊ ᐃᓯ ‍ ᐎᑎᒪᑎᑯᒡ ᐅ ᑲ ‍ ᐃᔅᒋᔄᔭᓐ᙮ ᐊᓐ ᒥᒋᒻ ᑲ ‍ ᒥᑐᔅᑕᐊᒧᐛᑭᓄᐎᒡ ᒥᓂᑐᐧᑲᓐᒡ, ᓇᒪ ᓇᔅᒡ ᒐᒂᓂᒡ ᐃᑕᐱᑎᓐ᙮ ᐊᐅᑯᓐ ᒪᒃ ᒧᔭᒻ ᒥᓂᑐᐧᑲᓐᒡ, ᓇᒪ ᒐᒂᓂᒡ ᐃᑕᐱᑎᓯᐅᒡ᙮
\v 20 ᒪᐅ ᑭᔭ ᐊ ‍ ᐃᔅᒋᔄᔭᓐ᙮ ᐊᓂᔭ ᑲ ‍ ᒥᑐᔅᑕᐊᒧᐛᒡ ᒥᓂᑐᐧᑲᓇ, ᓇᒪ ᒋᓴᒪᓂᑐᐛ ᒥᑐᔅᑕᐊᒧᐛᐅᒡ, ᒥᒋ ‍ ᐊᒐᒂ ᐊᐅᑯᓂ ᒪᑐᔅᑕᐊᒧᐛᒡ᙮ ᓇᒪ ᒪᒃ ᒋ ‍ ᓂᑐᐛᔨᒥᑎᓇᐛᐤ ᒐᒋ ᐊᑐᔅᑯᐛᑯᒡ ᒥᒋ ‍ ᐊᒐᐧᑯᒡ᙮
\v 21 ᓇᒪ ᑕᐱᔅᑯᓐ ᒋᐸ ᐅᒋ ‍ ᒥᓐᓇᐛᐤ ᐊᓐ ᒥᓂᒂᑭᓐ, ᐊᓐ ᑲ ᐅᒋ ‍ ᒥᓐᓇᓄᐅᒡ ᐊ ‍ ᒋᔅᒋᑐᐛᑭᓄᐅᑦ ᐅᑎᐸᔨᒋᒐᐤ ᐊᒋ ‍ ᓂᐱᔅᑎᒪᑕᒄ, ᑭᔭ ᐊᓐ ᒥᓂᒂᑭᓐ ᑲ ‍ ᐊᐱᑎᒡ ᒥᒋ ‍ ᐊᒐᐧᑯᒡ ᐊ ‍ ᒥᑐᔅᑕᐊᒧᐛᑭᓄᐎᒡ᙮ ᓇᒪ ᒋᐸ ᐅᒋ ‍ ᑯᒥᓂᐅᓇᐛᐤ ᐊᑯ ᑭᔭ ᒐᒋ ᒥᒋᔭᒄ ᑕᓐ ᐊ ᐃᓯ ‍ ᒥᑐᔅᑕᐊᒧᐛᑭᓄᐎᒡ ᒥᒋ ‍ ᐊᒐᐧᑯᒡ᙮
\v 22 ᐅ ᑎᔭᒂ, ᒋᑭ ‍ ᒋᔄᐊᓄᐤ ᒋᓴᒪᓂᑐᐤ ᑭᔭ ᒋᑭ ‍ ᐅᑕᔨᑎᒻ᙮ ᒋᑦ ᐃᑕᔨᑕᓇᓄᐤ ᐊ ᐃᐛᒃ ᒋᔭᓄᐤ ᐊ ‍ ᓱᒋᓯᔭᐧᒄ ᐃᔅᐱᔅ ᒋᓴᒪᓂᑐᐤ ?
\s1 ᒧᔅ ᒋᔅᑕᔨᒻ ᒋᓴᒪᓂᑐᐤ
\p
\v 23 ᐱᔅᒐ ᐊᐛᓐᒋ ᐃᔅᒋᔄᐅᒡ ᒥᒄ ᐛ ᐃᑎᔭᐧᒄ ᒋᑭ ᒋ ‍ ᐃᑎᓇᓄᐤ᙮ ᑕᑈ ᑭᑈ᙮ ᒥᒄ ᒪᒃ ᓇᒪ ᒥᓯᐛ ᒐᒂᓐ ᐊ ‍ ᐃᑐᑎᒪᐧᒄ ᒋ ᒥᔪ ᐃᑐᑕᑯᓇᓄᐤ᙮ ᑭᔭ ᓇᒪ ᒥᓯᐛ ᒐᒂᓐ ᐊ ‍ ᐃᑐᑎᒪᐧᒄ ᒋ ᒥᔪ ‍ ᐎᒋᐃᑯᓇᓄᐤ ᒐᒋ ᐊᔨᒋᑲᐳᐅᔭᐧᒄ᙮
\v 24 ᓇᒪ ᒥᒄ ᐊᓂᔭ ᐎ ᐊ ᒥᔪ ‍ ᐎᒋᐃᑯᑦ ᒐᒂᔪᐤ ᒋᐸ ᐅᒋ ‍ ᐃᑐᑎᒻ ᐊᐛᓐ᙮ ᐃᔭᐱᒡ ᐃᑐᑎᒧᒄ ᒐᒂᓐ ᒐ ᒥᔪ ‍ ᐎᒋᐃᑯᒡ ᑯᑎᑭᒡ ᐊᐛᓐᒋ᙮
\p
\v 25 ᐊ ‍ ᐅᑎᓂᒥᓐ ᐎᔭᔅ, ᓇᒪ ᒋᐸ ᐅᒋ ‍ ᑯᒂᒋᒐᒧᓐ ᑲ ‍ ᒥᑐᔅᑕᐊᒧᐛᑭᓄᐛᒂᓐᒋ ᒥᓂᑐᐧᑲᓐᒡ ᐊᓂᔭ ᐎᔭᓯᔪᐤ᙮ ᐊᑯ ᒪᒃ ᓇᒪ ᒋᑭ ᐅᒋ ‍ ᐃᑕᔨᑕᓐ ᐊ ‍ ᒥᒋᑐᑎᒥᓐ ᒥᒋᔨᓇ᙮
\v 26 ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᐅ ᐊᔅᒋᔾ ᑭᔭ ᒥᓯᐛ ᒐᒂᓐ ᐊ ‍ ᑎᒂᒡ ᐅᑕ ᐊᔅᒋᒡ, ᐅᑎᐸᔨᒋᒐᐤ ᑎᐱᔨᐛᐅᓯᐤ᙮”
\p
\v 27 ᐊᐛᓐ ᐊᑲ ᑕᑈᔭᔨᒪᑦ ᒋᓴᒪᓂᑐᐛ ᐎᓴᒥᔅᒐ ᒐᒋ ᐎᒋ ‍ ᒥᒋᓱᒥᑦ, ᐃᑐᑕᔨᓇ ᒪᒃ, ᒋᑭ ᒋ ‍ ᒥᒍᐛᓐ ᐊᓂᔭᔪᐤ ᒥᒋᒥᔪᐤ ᐊ ‍ ᐊᓯᒥᔅᒃ᙮ ᐊᑯᔅ ᐊᑲ ᑯᒂᒋᒻ ᑲ ‍ ᒥᑐᔅᑕᐊᒧᐛᑭᓄᐅᒂ ᒥᓂᑐᐧᑲᓐ ᐊᓂᔭᔪᐤ ᒥᒋᒥᔪᐤ᙮ ᐊᑯ ᒪᒃ ᓇᒪ ᒋᑭ ᐅᒋ ‍ ᐃᑕᔨᑕᓐ ᐊ ‍ ᒥᒋᑐᑎᒥᓐ ᒥᒋᔨᓇ᙮
\v 28 ᐃᑎᔅᒐ ᐊᐛᓐ, “ᒥᓂᑐᐧᑲᓐ ᐊᓐ ᒋ ‍ ᒥᑐᔅᑕᐊᒧᐛᑭᓄᐤ ᐅᔭ ᐎᔭᓯᔪᐤ,” ᐊᑲᐎᔾ ᒋᑭ ᐅᒋ ‍ ᒥᒍᐛᓐ ᐊᓂᔭ ᐎᔭᓯᔪᐤ᙮ ᐊᑯ ᒪᒃ ᐊᑲ ᒥᒍᐅᑕ ᒋᑭ ‍ ᓄᑯᑕᓐ ᐊᑲ ᒪᔭᔨᒥᑦ ᐊᓐ ᑲ ‍ ᐎᑎᒪᔅᒃ ᐅᔭ ᑭᔭ ᒋᑭ ‍ ᓄᑯᑕᓐ ᐊᑲ ᒪᔭᔨᒥᑦ ᐊᓂᔭ ᐎᔾ ᑕᓐ ᐊ ᐃᓯ ‍ ᑕᑈᑕᐧᒃ᙮
\v 29 ᓇᒪᐎᔾ ᐊᓐ ᒋᔾ ᐊ ‍ ᐃᑕᔨᑎᒥᓐ ᒋᐸ ᐅᒋ ᐊᑲ ‍ ᒥᒋᓇᓄᐤ ᐊᓐ ᒥᒋᒻ ᒋᐸ ᐅᒋ ᐊᑲ ‍ ᒥᒋᓐ᙮ ᐊ ‍ ᓂᓇᑭᑐᐛᔨᑎᒧᑦ ᑕᓐ ᐊ ‍ ᐃᑕᔨᑕᐧᒃ ᐎᔾ ᐊᐅᑯᓐ ᐊᓐ ᒐ ᐅᒋ ᐊᑲ ‍ ᒥᒋᔨᓐ ᐊᓐ ᒥᒋᒻ᙮ ᒥᒄ ᒪᒃ ᒂᔄᓐ ᒋᑭ ᒋ ᐃᓯ ‍ ᑯᒂᒋᒐᒧᐤ ᐊᐛᓐ, “ᒐᒂᓐ ᒪᒃ ᒐ ᐅᒋ ‍ ᓇᑲᐎᔭᓐ ᐊ ‍ ᐃᑐᑎᒪᓐ ᒐᒂᓐ ᐊ ‍ ᐃᑕᔨᑎᒪᓐ ᐊᑲ ᒐᒂᓐ ᐊᐃᒡ, ᒥᒄ ᐊᓂᔭ ᐊ ‍ ᐃᑕᔨᑕᐧᒃ ᑯᑎᒃ ᐊᐛᓐ ᐊ ‍ ᒥᒋᑐᑕᑭᓄᔨᒡ ᐊᓂᔭ ᐊ ‍ ᐃᑎᓇᓄᐎᒡ᙮
\v 30 ᐛᔅ ᓂᓇᔅᑯᒥᑲ ᒋᓴᒪᓂᑐᐤ ᐊᓐ ᒥᒋᒻ ᑲ ‍ ᒥᒋᔭᓐ, ᒐᒂᓐ ᒐ ᐅᒋ ‍ ᐃᑎᑯᐅᔭᓐ ᐊ ‍ ᐅᓂᐱᔨᔭᓐ ᐊ ‍ ᒥᒋᔭᓐ ᐊᓐ ᒥᒋᒻ ?”
\p
\v 31 ᒪᐅ ᒋᐸ ‍ ᐃᑎᓇᐛᐤ᙮ ᒥᓯᐛ ᒐᒂᓐ ᐊ ‍ ᐃᑎᔭᒄ, ᐊ ‍ ᒥᒋᓱᔭᒄ ᑭᔭ ᒪᒃ ᐊ ‍ ᒥᓂᔭᒄ, ᒋᐸ ‍ ᐃᑐᑕᓇᐛᐤ ᒋᓴᒪᓂᑐᐤ ᒥᒄ ᒐᒋ ᒋᔅᑕᔨᒪᑭᓄᐅᑦ᙮
\v 32 ᐃᓯ ᐱᒪᑎᓯ ᒪᒃ ᒐ ᐊᑲ ᒋ ᐅᔅᑎᐛᔨᑎᒥᐃᑦ ᐊᐛᓐ ᒍᐤ ᑲ ‍ ᐃᑎᔅᑲᓇᓯᑦ ᑭᔭ ᒪᒃ ᐊᐛᓐ ᐊᑲ ᒍᐤ ᐃᑎᔅᑲᓇᓯᑦ ᑭᔭ ᒪᒃ ᑯᑎᒃ ᐊᐛᓐ ᑲ ‍ ᑕᑈᔭᔨᒪᑦ ᒋᓴᒪᓂᑐᐛ᙮
\v 33 ᐊᐅᑯᓐ ᐊ ‍ ᐃᑎᔭᓐ ᓂᔾ, ᒧᔅ ᓂ ᐎ ‍ ᓂᓇᐃᑎᒪᐤ ᒥᓯᐛ ᐊᐛᓐ ᒥᓯᐛ ᑕᓐ ᐊ ‍ ᐃᑎᔭᓐ᙮ ᓂ ‍ ᑯᒋᑕᓐ ᐊᑲ ᒥᒄ ᓂᔾ ᒐᒋ ᒪᒥᑐᓇᔨᒥᓱᔭᓐ ᒐᒂᓐ ᐊᓐ ᒐ ᒥᔪ ‍ ᐎᒋᐃᑯᐛᓇ᙮ ᐊᔪᐤ ᐊᓂᔭᔪᐛ ᒐᒂᔪᐛ ᑯᑎᑭᒡ ᐊᐛᓐᒋ ᒐ ᒥᔪ ‍ ᐎᒋᐃᑯᐛᒂ ᓂ ‍ ᒪᒥᑐᓇᔨᑎᒥᐃᑯᓐ, ᑭᔭ ᒐᒋ ᐃᓯᓇᑯᓂᔨᒡ ᒐᒋ ᐱᒪᒋᐅᒡ᙮
\c 11
\p
\v 1 ᐅ ᑲ ᐃᓯ ‍ ᐛᐱᒥᔭᒄ ᐊ ᐃᓯ ‍ ᐱᒪᑎᓯᔭᓐ ᐊ ‍ ᒂᔅᑲᑎᓯᔭᓐ, ᐊᐅᑯᓐ ᑭᔭ ᒋᔨᐛᐤ ᐃᓯ ᐱᒪᑎᓯᒄ᙮
\s1 ᑕᓐ ᒋᐸ ‍ ᐃᑎᓇᓄᐤ ᐊᓐᑕ ᐊ ‍ ᐊᔭᒥᐊᓄᐅᒡ
\p
\v 2 ᓂ ‍ ᒥᔽᔨᑕᓐ ᒧᔅ ᐊ ‍ ᒋᔅᒋᓯᑐᐅᔭᒄ ᑭᔭ ᐊ ‍ ᐃᑐᑎᒪᒄ ᑕᓐ ᑲ ᐃᓯ ‍ ᒋᔅᑯᑎᒪᑎᑯᒡ ᒐ ‍ ᐃᑎᔭᒄ᙮
\p
\v 3 ᒥᒄ ᒪᒃ ᒪᐅ ᓇᑐᐛᔨᒥᑎᑯᒡ ᒐᒋ ᒋᔅᒐᔨᑎᒪᒄ᙮ ᙭ ᓂᑲᓂᔅᑯᐛᐤ ᒥᓯᐛ ᓇᐸᐛ᙮ ᓇᐸᐤ ᒪᒃ ᐎᐛ ᓂᑲᓂᔅᑯᐛᐤ, ᐊᑯ ᒋᓴᒪᓂᑐᐤ ᙭ᑕ ᓂᑲᓂᔅᑯᐛᐤ᙮
\v 4 ᐊᑯ ᒪᒃ ᓇᐸᐤ ᐊ ‍ ᓂᑲᓂᔅᑲᑯᑦ ᙭ᑕ ᒋᑭ ‍ ᓄᑯᓂᔪᐤ ᐊ ‍ ᒋᔅᑕᔨᒪᑦ ᙭ᑕ ᒥᓇᒐ ᐅᑦ ᐊᑯᓂᔎᐅᓐ ᒪᒂᒡ ᐊ ‍ ᐊᔭᒥᐊᑦ ᑭᔭ ᒪᒃ ᒪᒂᒡ ᐊᔭᒥᐊᔅᑐᐛᒐ ᒋᓴᒪᓂᑐᐛ᙮
\v 5 ᐊᑯ ᒪᒃ ᐃᔎᐤ ᓴᒂᔨᒺᐊᒐ ᐅᓇᐸᒪ ᒧᓴᔅᑎᒂᓇᒐ ᒪᒂᒡ ᐊ ‍ ᐊᔭᒥᐊᑦ ᒪᒃ ᒪᒂᒡ ᒥᔨᑯᒐ ᑲ ‍ ᐸᔭᒋᓯᔨᒋ ᐊᒐᒂ ᒐᒋ ᐎᑎᒧᐛᑦ ᐃᔪᐛ ᑕᓐ ᐊ ᐃᓯ ‍ ᓂᑐᐛᔨᑎᒥᔨᒋ ᒋᓴᒪᓂᑐᐛ ᒐᒋ ᒋᔅᒐᔨᑎᒥᔨᒋ᙮ ᐛᔅ ᒧᔭᒻ ᐊᒋ ‍ ᒧᓱᐛᔅᑎᒂᓇᐊᒪᑦ ᐅᔅᑎᒂᓐ ᐃᓯᓇᑯᓱᐤ ᐊᓂᔭ ᐊ ‍ ᒧᓴᔅᑎᒂᓇᑦ᙮
\v 6 ᒺᓴᔅᑎᒂᓇᒂ ᒪᒃ ᐊᓂᔭ ᐊ ‍ ᐃᑎᑦ, ᐊᑯᔅ ᒥᓯᐛ ᒋᐸ ‍ ᒥᓂᓯᒻ ᐅᐱᔎᐅᓐ᙮ ᓴᔭᒂᔨᒧᑕᑭᓂᔨᒂ ᒪᒃ ᒥᓯᐛ ᒐᒋ ᒥᓂᓴᐧᒃ ᐅᐱᔎᐅᓇ, ᑭᑈ ᒋᐸ ‍ ᐎᔎᔅᑎᒂᓇᐱᓱᐤ᙮
\v 7 ᐊᑯ ᒪᒃ ᐎᔾ ᓇᐸᐤ ᓇᒪ ᒋᐸ ᐅᒋ ‍ ᒋᑭᔅᑐᑎᓇᐤ ᐛᔅ ᓄᑯᑕᐛᐤ ᒋᓴᒪᓂᑐᐛ ᐅᑦ ᐃᑕᔨᑕᑯᓱᐅᓂᔪᐤ ᑭᔭ ᐅᒋᔅᑕᔨᑕᑯᓱᐅᓂᔪᐤ᙮ ᐊᑯ ᒪᒃ ᐎᔾ ᐃᔎᐤ ᐊᓱ ‍ ᓄᑯᑕᐛᐤ ᑕᓐ ᐊ ᐃᓯ ‍ ᒋᔅᑕᔨᑕᑯᓯᔨᒋ ᐅᓇᐸᒪ᙮
\v 8 ᐛᔅ ᓇᐸᐤ ᓇᒪ ᐃᔎᐛ ᐊ ‍ ᑕᔨᒋ ᐅᒋ ᐅᓯᐊᑭᓄᐤ᙮ ᐃᔎᐤ ᐊᐅᒄ ᓇᐸᐛ ᐊ ‍ ᑕᔨᒋ ᑲ ᐅᒋ ‍ ᐅᓯᐊᑭᓄᐅᑦ᙮
\v 9 ᑭᔭ ᒪᒃ ᓇᒪ ᐃᔎᐤ ᐅᒋ ᐅᓯᑎᒧᐛᑭᓄᐤ ᓇᐸᐛ᙮ ᓇᐸᐤ ᒋ ‍ ᐅᓯᑎᒧᐛᑭᓄᐤ ᐃᔎᐛ᙮
\v 10 ᐊᓐᒋᓇ ᒪᒃ ᐅᒋ ᐊᐅᒄ ᐅᔭ ᒋᐸ ᐅᒋ ‍ ᐎᔎᔅᑎᒂᓇᐱᓱᐤ ᐃᔎᐤ, ᐊ ‍ ᓄᑯᑕᑦ ᐅᓇᐸᒪ ᐊ ‍ ᑎᐱᔨᐛᐅᓯᑐᑕᑯᑦ᙮
\p
\v 11 ᐛᔅ ᐊᐅᑯᓐ ᑲ ᐃᓯ ‍ ᓂᑐᐛᔨᑕᐧᒃ ᐅᑎᐸᔨᒋᒐᐤ ᑕᐱᔅᑯᓐ ᐃᔎᐛ ᑭᔭ ᓇᐸᐛ ᒐᒋ ᓂᑐᐛᔨᒥᑐᔨᒋ᙮
\v 12 ᐛᔅ ᐊᑎ ᓇᐸᐛ ᐊ ‍ ᑕᔨᒋ ᐊᒋ ᐅᒋ ‍ ᐅᓯᐊᑭᓄᐅᑦ ᐃᔎᐤ, ᒥᓯᐛ ᓇᐸᐤ ᐃᔎᐛ ᐊ ‍ ᑕᔨᒋ ᒋ ᐅᒋ ‍ ᐱᒪᑎᓯᐤ᙮ ᑕᐱᔅᑯᓐ ᒪᒃ ᓇᐸᐤ ᑭᔭ ᐃᔎᐤ ᒋᓴᒪᓂᑐᐛ ᐊ ‍ ᑕᔨᒋ ᐅᒋᐅᒡ, ᐊᓂᔭᔪᐛ ᒥᓯᐛ ᒐᒂᔪᐤ ᑲ ‍ ᐅᓯᑕᔨᒋ᙮
\v 13 ᒪᒥᑐᓇᔨᑎᒧᒄ ᒪᒃ ᒋᔨᐛᐤ ᑕᓐ ᐊ ‍ ᐃᑕᔨᑎᒪᒄ᙮ ᒥᔪᓇᑯᓂᔪᐤ ᐊ ᐃᔎᐤ ᒐᒋ ᐊᔭᒥᐊᑦ ᐊᔭᒥᐊᐅᒋᐛᐱᒡ ᐊᑲ ᐎᔎᔅᑎᒂᓇᐱᓱᑦ ?
\v 14 ᒧᔭᒻ ᐊ ᐃᓯ ‍ ᑭᓄᐛᐸᑕᑭᓄᐅᒡ ᒋ ‍ ᐃᑕᔨᑕᑭᓄᐤ ᐊᑲ ᒥᔽᔨᒡ ᐊ ‍ ᒋᓏᔅᑎᒂᓇᑦ ᓇᐸᐤ᙮ ᐊᓐᒡ ᓇᐸᐅᒡ ᑲ ‍ ᒋᓏᔅᑎᒂᓇᒡ ᓇᒪ ᒋᑭ ᐅᒋ ‍ ᒋᔅᑕᔨᒪᑭᓄᐎᒡ᙮
\v 15 ᒥᒄ ᒪᒃ ᒋ ‍ ᐃᑕᔨᑕᑭᓄᐤ ᐊ ‍ ᒥᔽᔨᒡ ᐃᔎᐤ ᐊ ‍ ᒋᓏᔅᑎᒂᓇᑦ᙮ ᐛᔅ ᐊᐅᒄ ᐊᓂᔭ ᐅᐱᔎᐅᓇ ᐊ ‍ ᐊᑯᓇᐅᑯᑦ ᐅᔅᑎᒂᓂᒡ᙮
\v 16 ᐊᑯ ᒪᒃ ᐊ ‍ ᐃᑕᒂ ᐊᐛᓐ ᐊᑲ ᓇᐊᔨᑕᐧᒃ ᑕᓐ ᑲ ‍ ᐃᔅᒋᔄᐅᒡ, ᐊᐅᑯᓐ ᒥᒄ ᒐᒋ ᐃᔅᒋᔄᔭᓐ, ᐊᐅᒄ ᐊ ‍ ᐃᑕᔨᑎᒪᒡ ᐊ ‍ ᑯᐃᔅᑯᓇᒂᒡ ᑭᔭ ᐊᐅᒄ ᐅᔭ ᐊ ‍ ᐃᑐᑕᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᓐᑕ ᒪᒂᒡ ᐊ ‍ ᑕᒡ᙮
\s1 ᐊ ‍ ᐊᔨᒧᑕᒡ ᐊ ‍ ᑯᒥᓂᐅᓇᓄᐅᒡ
\p
\v 17 ᐅ ᒥᓐ ᒐ ‍ ᐃᑎᑎᑯᒡ ᒋᑭ ‍ ᐊᔨᒧᑎᒪᑎᓇᐛᐤ ᒐᒂᓐ ᐊᑲ ᓇᐃᔅᑲᑯᔭᓐ᙮ ᑎᑯᓐ ᒐᒂᓐ ᐊ ‍ ᐃᑎᔭᒄ ᐊᓐᑕ ᐊ ‍ ᐊᔭᒥᐊᔭᒄ ᐊᑎ ᐛᒋᐱᔨᒡ ᐊᑲ ᓇᔅᒡ ᒐᒋ ᐎᒋᐃᑯᔭᒄ ᐊᓐ ᐊ ᓇᒋ ‍ ᐊᔭᒥᐊᔭᒄ᙮
\v 18 ᓂᔅᑎᒻ ᒐᒂᓐ᙮ ᓂᒋ ‍ ᐎᑎᒪᑯᐅᓐ ᐊ ‍ ᑎᒂᒡ ᐊᓐᑕ ᐊ ‍ ᑕᑎᐸᓂᐱᔨᐃᑐᓇᓄᐅᒡ ᐃᔅᐱ ᒥᔭᒧᐎᔭᑯᐤ ᒐ ‍ ᐊᔭᒥᐊᔭᒄ᙮ ᐱᔅᒐ ᒪᒃ ᓂ ‍ ᑕᑈᑕᓐ ᑕᓐ ᐊ ᐃᓯ ‍ ᐸᑎᒪᓐ᙮
\v 19 ᔭᐃᑕᔾ ᒂᔄᓐ ᓂᑐᐛᔨᑕᑯᓂᔨᒐ ᒐᒋ ᑎᒂᒡ ᑎᐸᓂᐱᔪᐅᓐ ᐃᔭᒄ ᒐᒋ ᓂᔅᑐᓇᑯᓯᒡ ᑕᓐ ᐊᓐᒡ ᑎᔭᑈᒡ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮
\v 20 ᐃᔅᐱ ᒥᔭᒧᐎᔭᑯᐤ ᒐ ‍ ᒪᒧᒥᒋᓱᔭᒄ ᒐᒋ ᒋᔅᒋᑐᐛᒄ ᐅᑎᐸᔨᒋᒐᐤ ᓇᒪ ᐛᐛᒡ ᒋ ‍ ᒪᒥᑐᓇᔨᒪᐛᐤ᙮
\v 21 ᐃᔅᐱ ᐊ ᒋᒋ ‍ ᒥᒋᓱᔭᒄ, ᒥᒄ ᒋ ᐊᑎ ᐃᓯ ‍ ᒋᒋᒋᐳᓇᐛᐤ ᐊᑲ ᐛᐛᒡ ᐊᓱᐛᐱᒪᑯᒡ ᑯᑎᑭᒡ᙮ ᐊᑯ ᒪᒃ ᐱᔅᒐ ᐊᓐᒡ ᑯᑎᑭᒡ ᓇᒪ ᑎᑯᓂᔪᐤ ᒐᒂᔪᐤ ᒐ ‍ ᒥᒋᒡ᙮ ᐊᑯ ᒪᒃ ᐊ ‍ ᑕᒡ ᐊᓐᒡ ᐊ ‍ ᓯᐛᔨᒡ ᑭᔭ ᑕᐅᒡ ᐊᓐᒡ ᑲ ‍ ᒥᔪᐧᑭᓱᒡ᙮
\v 22 ᒥᒄ ᐛ ᒥᒋᓱᐅᓇ ᑭᔭ ᒥᒄ ᐛ ᒥᓄᐅᓇ, ᓇᑕ ᒋᒋᒡ ᒥᒋᓱ ᑭᔭ ᐊᑯᑕ ᓇᑕ ᒥᓂ᙮ ᒋ ‍ ᐅᐧᑲᑎᒺᓇᐛᐤ ᐊ ᒋᓴᒪᓂᑐᐤ ᐅᑦ ᐊᔭᒥᐊᐅᒋᐛᑉ ? ᒋ ᐎ ‍ ᓴᒂᔨᒺᐊᐛᐅᒡ ᐊ ᐊᓐᒡ ᑲ ‍ ᒋᔅᑎᒪᑎᓯᒡ ? ᑕᓐ ᒪᒃ ᒐᒋ ᐃᑎᑎᑯᒡ᙮ ᓇᒪ ᓂᑭ ᒋ ‍ ᐃᔅᒋᔄᓐ ᐊ ‍ ᒪᒥᒋᐃᔭᒄ ᐅ ᐊ ‍ ᐃᑎᔭᒄ᙮
\p
\v 23 ᒪᐅᔭᔪᐤ ᑲ ᐃᓯ ‍ ᒋᔅᑯᑎᒧᐅᑦ ᐅᑎᐸᔨᒋᒐᐤ, ᐊᐅᒄ ᐅ ᑲ ᐃᓯ ‍ ᐊᓱᐤ ᒋᔅᑯᑎᒪᑎᑯᒡ᙮ ᐊᓂᔭ ᑲ ‍ ᑎᐱᔅᑲᔨᒡ ᒐ ‍ ᐎᔭᓯᐱᔅᑎᓇᑭᓄᐅᑦ ᐅᑎᐸᔨᒋᒐᐤ ᒋᓴᔅ, ᒋ ‍ ᐎᒋᒥᒋᓱᒪᐤ ᐅᒋᔅᒋᓄᐊᒧᐛᑭᓇ᙮ ᒋ ‍ ᐅᑎᓇᐤ ᒪᒃ ᐸᒂᓯᑭᓇ᙮
\v 24 ᒂ ‍ ᓂᓇᔅᑯᒪᑦ ᒋᓴᒪᓂᑐᐛ᙮ ᐊᑯ ᒂ ‍ ᐸᒂᓇᑦ ᐊᓂᔭ ᐸᒂᓯᑭᓇ, ᐊ ‍ ᐃᔅᒋᔄᑦ, “ᐅᑎᓇᐧᒄ ᐅ, ᒧᐛᐧᒄ, ᐊᐅᒄ ᓂᔪᐤ ᒪᔨᑎᑯᒡ᙮ ᒧᐛᐧᒄ ᐅ ᐸᒂᓯᑭᓐ ᐊ ‍ ᒋᔅᒋᑐᐅᔭᐧᒄ᙮”
\v 25 ᐃᔅᐱ ᒪᒃ ᑲᒋ ‍ ᒥᒋᓱᒡ, ᒋ ‍ ᐅᑎᓂᒻ ᐊᓂᔭ ᒥᓂᒂᑭᓂᔪᐤ, ᐊᑯ ᒂ ‍ ᐃᔅᒋᔄᑦ, “ᐅ ᒥᓂᒂᑭᓐ ᐊᐅᒄ ᐅ ᐅᔅᒋ ᓂᔅᑯᒧᐅᓐ ᓂᒥᐧᑯᒡ ᒐ ᐅᒋ ‍ ᔭᐃᑎᔅᑕᒡ᙮ ᑕᑥᐤ ᒥᓂᔭᒂ ᒐ ‍ ᒋᔅᒋᓯᑐᐅᔭᒄ᙮”
\v 26 ᐊᑯ ᒪᒃ ᑕᑥᐤ ᒐ ‍ ᒧᒪᑯᐤ ᐅᔭ ᐸᒂᓯᑭᓇ ᑭᔭ ᑕᑥᐤ ᐅᒋ ᒥᓂᔭᒂ ᐅᔭ ᒥᓂᒂᑭᓂᔪᐤ ᒋ ‍ ᐃᑐᑕᓇᐛᐤ ᒐᒋ ᒋᔅᒐᔨᑕᒡ ᐊᐛᓐᒋ ᐊᒋ ‍ ᓂᐱᔨᒋ ᐅᑎᐸᔨᒋᒐᐛ᙮ ᒧᔅ ᒪᒃ ᐃᑐᑎᒧᒄ ᐅ ᐸᑐᔅ ᑎᑯᓯᒐ ᐅᑎᐸᔨᒋᒐᐤ᙮
\p
\v 27 ᐊᑯ ᒪᒃ ᐊ ‍ ᒧᐛᒄ ᐅ ᐸᒂᓯᑭᓐ ᑭᔭ ᐊ ‍ ᒥᓂᔭᒄ ᐊᓐ ᒥᓂᒂᑭᓐ ᐅᒋ, ᒋᐸ ‍ ᒋᔅᑕᔨᑎᒥᐃᑯᓇᐛᐤ ᐊᓐ ᐊ ‍ ᐃᑎᔭᒄ᙮ ᐛᔅ ᐊᓐ ᐊᐛᓐ ᐊᑲ ᒋᔅᑕᔨᑎᒥᐃᑯᑦ ᐅᔭ ᐊ ‍ ᐃᑎᓇᓄᐎᒡ ᒪᔭᔨᑎᒺᐤ ᒋᓴᓴ ᐎᔭᔪᐤ ᑭᔭ ᐅᒥᐧᑯᔪᐤ ᒪᔭᔨᑎᒺᐤ᙮
\v 28 ᐊᔅᒄ ᒪᒃ ᐊᑲ ᒧᐛᒐ ᐊᐛᓐ ᐅᔭ ᐸᒂᓯᑭᓇ ᑭᔭ ᐊᔅᒄ ᐊᑲ ᒥᓐᒐ ᐊᓐᑕ ᐅᒋ ᐊᓂᔭ ᒥᓂᒂᑭᓂᔪᐤ, ᒋᐸ ‍ ᒪᒥᑐᓇᔨᒥᓱᐤ ᑕᑈ ᒐᔅᑕᔨᑎᒥᐃᑯᒂ ᐊᓂᔭ ᐊ ‍ ᐃᑎᑦ ᑭᔭ ᐃᔭᒄ ᒋᐸ ‍ ᑯᒥᓂᐅᐤ᙮
\v 29 ᐊᐛᓐ ᐊᑲ ᒪᒥᑐᓇᔨᑕᒐ ᐊᓂᔭ ᙭ᑕ ᐊᒋ ‍ ᓂᐱᔅᑎᒪᑎᑕᐧᑯᐤ, ᒧᐛᒐ ᐊᓂᔭ ᐸᒂᓯᑭᓇ ᐊ ‍ ᑯᒥᓂᐅᑦ ᑭᔭ ᒥᓐᒐ ᐊᓐᑕ ᐅᒋ ᐊᓂᔭ ᒥᓂᒂᑭᓂᔪᐤ, ᒋᓴᒪᓂᑐᐛ ᒋᑭ ‍ ᑎᐸᔅᑯᓂᑯᐤ ᐅᔭ ᐊ ‍ ᐃᑎᑦ᙮
\v 30 ᐊᐅᒄ ᒪᒃ ᐅ ᐛᒋ ‍ ᒥᒐᑦ ᐊᐛᓐ ᐊᐧᑯᓯᑦ ᐊᓐᑕ ᐊ ‍ ᑎᓯᔭᒄ᙮ ᐊᐅᒄ ᐅ ᐛᒋ ᐊᑲ ᓴᐱᓯᔭᒄ᙮ ᑭᔭ ᐊᐅᒄ ᐅ ᐛᒋ ‍ ᐃᓯᓇᒂᒡ ᓴᔅ ᐱᔅᒐ ᐊᓐᑕ ᐊ ‍ ᑎᓯᔭᒄ ᐊᒋ ‍ ᓂᐱᒡ᙮
\v 31 ᒪᒥᑐᓇᔨᒥᓱᑕᐤ ᒪᒃ ᑕᑈ ᑎᔭᑈᒐᔨᑕᑯᓱᐛᐅᒂ ᒐᒋ ᐅᑎᓂᒪᐧᒄ ᑕᓐ ᐊ ᐃᓯ ‍ ᐅᑎᓇᑭᓄᐅᒡ ᓇᒪ ᒋᑭ ᐅᒋ ‍ ᑎᐸᔅᑯᓂᑯᓇᓄᐤ᙮
\v 32 ᒥᒄ ᒪᒃ ᐊᓂᔭ ᐊ ‍ ᑎᐸᔅᑯᓂᑕᐧᒄ ᐅᑎᐸᔨᒋᒐᐤ, ᐛᔅ ᐊᓐ ᒋ ᐎ ‍ ᑯᐃᔅᑯᓂᑯᓄᐤ, ᑭᔭ ᒋᓴᒪᓂᑐᐤ ᐃᔅᐱ ᑎᐸᔅᑯᓇᒐ ᐊᓂᔭ ᐊᑲ ᑕᑈᑎᒥᔨᒋ ᓇᒪ ᒋᑭ ᐅᒋ ‍ ᓂᓱᐅᓇᒋᒥᑯᓇᓄᐤ᙮
\p
\v 33 ᓂᐧᑲᓂᓯᑐᒄ, ᐃᔅᐱ ᒪᒧᐎᔭᒂ ᒐ ‍ ᒥᒋᓱᔭᒄ ᐊ ‍ ᒋᔅᒋᑐᐛᒄ ᐅᑎᐸᔨᒋᒐᐤ, ᐊᓱᐛᐱᒪᐧᑯᒡ ᑯᑎᑭᒡ᙮
\v 34 ᐊ ‍ ᓯᐛᔨᒂ ᐊᐛᓐ, ᒋᓴᒡ ᒋᐸ ‍ ᒥᒋᓱᐤ ᓇᑕ ᐊ ‍ ᑕᑦ ᐊᔅᒄ ᐊᑲ ᐸᒋ ‍ ᑎᑯᓯᐧᒃ᙮ ᐅ ᒪᒃ ᐊ ᐃᓯ ‍ ᒪᒧᐎᔭᒄ ᓇᒪ ᒋᑭ ᐅᒋ ‍ ᐃᑐᑕᓇᐛᐤ ᒐᒂᓐ ᐊᓐᑕ ᒐᒋ ᐅᒋ ‍ ᓂᓱᐅᓇᒋᒥᑕᒄ ᒋᓴᒪᓂᑐᐤ᙮
\p ᑎᑯᓯᓂᔭᓇ ᓇᑕ ᐊᑐᐎᔅ ᒥᓐ ᒋᑭ ‍ ᒋᔅᑯᑎᒪᑎᓇᐛᐤ᙮
\c 12
\s1 ᑲ ‍ ᐸᔭᒋᓯᑦ ᐊᒐᐧᒄ ᐅᒥᔨᐛᐅᓇ
\s2 1 Corinthians 12.1-11 (Epiphany-2 Year C)
\p
\v 1 ᓂᐧᑲᓂᓯᑐᒄ, ᐅ ᒐ ᐃᓯ ‍ ᐊᔨᒧᑎᒪᓐ, ᓇᔅᒡ ᑕᑈ ᒋ ‍ ᓂᑐᐛᔨᒥᑎᓇᐛᐤ ᒐᒋ ᓂᔅᑐᑎᒪᒄ᙮ ᐊᔪᑯᓂ ᐅᔭ ᒥᔨᐛᐅᓇ ᐸᔭᒋ ᐊᒐᐧᒄ ᑲ ‍ ᒥᔨᐛᑦ᙮
\v 2 ᒋ ‍ ᒋᔅᒐᔨᑕᓇᐛᐤ ᐊᔅᒄ ᐊᑲ ᐅᒋ ᑕᑈᔭᔨᒪᒄ ᒋᓴᒪᓂᑐᐤ, ᔅᒋ ‍ ᓇᓴᐛᐛᐅᒡ ᒥᓂᑐᐧᑲᓐᒡ ᐊᑲ ᒋ ‍ ᐃᔨᒥᒡ᙮ ᒧᔅ ᒪᒃ ᔅᒋ ‍ ᐱᔅᒐᑕᐃᑯᐛᐅᒡ ᐊᓐᒡ ᒥᓂᑐᐧᑲᓐᒡ᙮
\v 3 ᒋ ‍ ᓂᑐᐛᔨᒥᑎᓇᐛᐤ ᒪᒃ ᒐᒋ ᓂᔅᑐᑎᒪᒄ ᐊᓐ ᐊᐛᓐ ᑲ ‍ ᐸᔭᒋᓯᔨᒋ ᐊᒐᒂ ᑲ ‍ ᐱᒥᐱᔨᐃᑯᑦ, ᓇᒪ ᓂᑕ ᒋᑭ ᐅᒋ ‍ ᒥᒋ ‍ ᐃᑕᐤ ᒋᓴᓴ᙮ ᐃᔅᒋᔄᒐ ᒪᒃ ᐊᐛᓐ, “ᒋᓴᔅ ᐊᐅᒄ ᐅᑎᐸᔨᒋᒐᐤ,” ᐸᔭᒋ ᐊᒐᒂ ᐃᑐᑕᑯᐤ ᐊᓂᔭ ᒐᒋ ᐃᔅᒋᔄᑦ᙮
\p
\v 4 ᓂᓇᐧᑯᐤ ᒥᔨᐛᐅᓇ ᔅᒋ ‍ ᒥᔨᑯᓇᓄᐤ, ᐸᐃᑯᓱᐤ ᒪᒃ ᐊᓐ ᑲ ‍ ᐸᔭᒋᓯᑦ ᐊᒐᐧᒄ ᑲ ‍ ᒥᔨᑕᐧᒄ ᐅᔭ ᒥᔨᐛᐅᓇ᙮
\v 5 ᓂᓇᐧᑯᐤ ᑎᑯᓐ ᑕᓐ ᒐᒋ ᐃᓯ ‍ ᐛᐎᒋᐊᑭᓄᐅᒡ ᐊᐛᓐᒋ ᒥᒄ ᒪᒃ ᐸᐃᑯᓱᐤ ᐊᓐ ᐅᑎᐸᔨᒋᒐᐤ ᑲ ‍ ᐊᑐᔅᑯᐛᑭᓄᐅᑦ᙮
\v 6 ᓂᓇᐧᑯᐤ ᑭᔅᒋᐅᓇ ᑎᑯᓇ ᒐᒋ ᐛᐎᒋᐊᑭᓄᐅᒡ ᐊᐛᓐᒋ ᒥᒄ ᒪᒃ ᐸᐃᑯᓱᐤ ᐊᓐ ᒋᓴᒪᓂᑐᐤ ᑲ ‍ ᒥᔨᐛᑦ ᒐᒋ ᐃᑐᑕᑭᓄᔨᒋ ᐅᔭ ᒐᒂᔪᐛ᙮
\p
\v 7 ᒥᓯᐛ ᐊᐛᓐ ᑲ ‍ ᑕᑈᑕᐧᒃ ᑎᑯᓂᔪᐤ ᐊ ᐃᓯ ‍ ᒋᔅᒐᔨᑕᑯᐃᓱᔨᒋ ᑲ ‍ ᐸᔭᒋᓯᔨᒋ ᐊᒐᒂ ᐊ ‍ ᑕᔨᒋ ᐊᓐᑕ ᐊ ‍ ᑕᑦ᙮ ᒋ ‍ ᐃᑐᑎᒪᑯᓇᓄᐤ ᐅᔭ ᒥᓯᐛ ᐸᐸᐃᒄ ᐊ ‍ ᑎᓯᔭᐧᒄ ᒐᒋ ᐛᐎᒋᐃᑐᔭᐧᒄ᙮
\v 8 ᐊᐅᒄ ᒪᒃ ᐅ ᑲ ‍ ᐸᔭᒋᓯᑦ ᐊᒐᐧᒄ ᒪᔭᑦ ᐱᔅᒐ ᐊᐛᔪᐛ ᒐᒋ ᐛᐎᑎᒥᔨᒋ ᒋᓴᒪᓂᑐᐛ ᐅᑭᒐᑕᐛᔨᑎᒧᐅᓂᔪᐤ, ᐊᑯ ᑯᑎᑲ ᒪᔭᑦ ᒐᒋ ᐎᑎᒪᒐᔨᒋ ᑕᓐ ᐛ ᐃᓯ ‍ ᒋᔅᒐᔨᑎᒥᐊᔨᒋ ᒋᓴᒪᓂᑐᐛ ᐊᐛᔪᐛ᙮
\v 9 ᐊᑯ ᑯᑎᑲ ᐊᐛᔪᐛ ᒪᔭᑦ ᓇᔅᒡ ᒐᒋ ᑕᑈᔭᔨᒪᔨᒋ ᒋᓴᒪᓂᑐᐛ᙮ ᒥᓐ ᑯᑎᑲ ᒥᔭᐤ ᓱᐧᑲᑎᓯᐅᓂᔪᐤ ᒐᒋ ᒥᓏᒋᐊᔨᒋ ᐊᐛᔪᐛ᙮
\v 10 ᑯᑎᑲ ᐊᐛᔪᐛ ᓱᐧᑲᑎᓯᐅᓂᔪᐤ ᒥᔭᐤ ᒐᒋ ᒪᒥᔅᑲᒡ ᐃᑎᔨᒋ᙮ ᒥᓐ ᑯᑎᑲ ᐊᐛᔪᐛ ᒥᔭᐤ ᒐ ‍ ᒋᔅᒋᐛᐃᒐᔨᒋ᙮ ᐊᑯ ᒥᓐ ᑯᑎᑲ ᒪᔭᑦ ᓇᔅᒡ ᒐᒋ ᒐᔅᑎᓇᐅᔨᒋ ᒋᓴᒪᓂᑐᐛ ᐅᐸᔭᒋ ᐊᒐᐧᑯᔪᐛ ᐊ ‍ ᐊᑐᔅᒐᔨᒂᓂ ᒪᒃ ᒥᒋ ‍ ᐊᒐᒂ ᐊ ‍ ᐊᑐᔅᒐᔨᒂᓂ᙮ ᐊᑯ ᒥᓐ ᑯᑎᑲ ᒪᔭᑦ ᒐᒋ ᒂᔅᒋᐃᔨᒥᔨᒋ᙮ ᐊᑯ ᑯᑎᑲ ᐊᐛᔪᐛ ᒪᔭᑦ ᒐᒋ ᐱᔭᑭᔅᒋᑕᑯᑕᔨᒋ ᑕᓐ ᑲ ‍ ᐃᔅᒋᔄᔨᒋ ᐊᓂᔭᔪᐛ ᑲ ‍ ᒂᔅᒋᐃᔨᒥᔨᒋ᙮
\v 11 ᒥᒄ ᒪᒃ ᐸᐃᑯᓱᐤ ᑲ ‍ ᐸᔭᒋᓯᑦ ᐊᒐᐧᒄ, ᒥᓯᐛ ᒪᒃ ᐸᐸᐃᒄ ᐊᐛᔪᐛ ᒥᔭᐤ ᓂᓇᐧᑯᐤ ᐊᒐᐧᑯ ᒥᔨᐛᐅᓇ᙮ ᐎᔾ ᒪᒃ ᑲ ‍ ᐸᔭᒋᓯᑦ ᐊᒐᐧᒄ ᒋᔅᒐᔨᑎᒻ ᒐᒄ ᒥᔨᐛᐅᓂᔪᐤ ᒐ ‍ ᒥᔭᑦ ᐊᐛᔪᐛ᙮
\s1 ᐸᐃᒄ ᒥᔪᐤ ᓂᓇᐧᑯᐤ ᐊ ᐃᓯ ‍ ᐱᔅᒐᓯᒥᑲᒡ
\s2 1 Corinthians 12.12-31a (Epiphany-3 Year C)
\p
\v 12 ᐊᓐᒡ ᑲ ‍ ᑕᑈᔭᔨᒪᒡ ᙭ᑕ ᒧᔭᒻ ᐸᐃᒄ ᒥᔪᐤ ᐃᓯᓇᑯᓱᐅᒡ᙮ ᐊᑎ ᓂᓇᐧᑯᐤ ᐊ ᐃᓯ ‍ ᐱᔅᒐᓯᒥᑲᒡ ᐃᔭᐱᒡ ᐸᐃᑯᓐ ᒥᔪᐤ᙮
\v 13 ᐸᐃᑯᓱᐤ ᐊᓐ ᐊᒐᐧᒄ ᐊᑎ ᒥᓯᐛ ᐸᐃᒄ ᒥᔪᐤ ᑲ ᐅᒋ ‍ ᐃᓯᐃᑯᐅᔭᐧᒄ ᑲ ‍ ᓯᑲᐃᑕᑯᐅᔭᐧᒄ᙮ ᓇᒪ ᐎᔭᓯᓐ ᒍᐤ ᐊ ‍ ᐃᑎᔅᑲᓇᓯᒂ ᐊᐛᓐ ᒪᒃ ᐊᑲ ᒍᐤ ᐃᑎᔅᑲᓇᓯᒂ, ᑭᔭ ᒪᒃ ᐊᐱᒋᐊᑭᓐ ᐊ ‍ ᐃᑕᐱᒋᐊᑭᓄᒂ ᑭᔭ ᒪᒃ ᐊᑲ ᐊᐱᒋᐊᑭᓐ ᐃᑕᐱᒋᐊᑭᓄᒂ᙮ ᒥᓯᐛ ᐸᐸᐃᒄ ᐊ ‍ ᑎᓯᔭᐧᒄ ᐸᐃᒄ ᐊᒐᐧᒄ ᒋᐱᒋᔅᑲᑭᓄᐤ᙮
\p
\v 14 ᓇᒪ ᒥᒄ ᐸᐃᑯᓐ ᐊ ᐃᓯ ‍ ᐱᔅᒐᓯᒥᑲᒡ ᒥᔪᐤ᙮ ᓂᓇᐧᑯᐤ ᐃᓯ ᐱᔅᒐᓯᒥᑭᓐ᙮
\v 15 ᐃᔅᒋᔄᒥᑲᒡ ᒪᒃ ᒥᓯᑦ, “ᓇᒪᔭᐤ ᓂᔾ ᒥᑎᒋᔾ, ᓇᒪ ᓂ ‍ ᐅᑎᒧᓐ ᐅᑕ ᒥᔭᒡ᙮” ᐊᓐ ᒪᒃ ᒥᓯᑦ ᓇᒪ ᒋᑭ ᐅᒋ ‍ ᐳᓂᒥᑭᓐ ᐊᓐᑕ ᒥᔭᒡ ᐊ ‍ ᐅᒋᒥᑲᒡ ᐊᑎ ᐊᓐ ᐃᔅᒋᔄᒥᑲᒐ᙮
\v 16 ᒪᒃ ᒥᑐᑭᔾ ᐃᔅᒋᔄᒥᑲᒡ, “ᓇᒪᔭᐤ ᓂᔾ ᒥᔅᒋᓯᒄ, ᓇᒪ ᓂ ‍ ᐅᑎᒧᓐ ᐅᑕ ᒥᔭᒡ᙮” ᐊᓐ ᒥᑐᑭᔾ ᓇᒪ ᐃᔭᐱᒡ ᒋᑭ ᐅᒋ ‍ ᐳᓂᒥᑭᓐ ᐊᓐᑕ ᒥᔭᒡ ᐊ ‍ ᐅᒋᒥᑲᒡ ᒥᒄ ᐊᓐ ᐃᔅᒋᔄᒥᑲᒐ᙮
\v 17 ᐛᔅ ᒥᔪᐤ ᒥᓯᐛ ᒥᒄ ᒥᔅᒋᓯᒄ ᒋ ‍ ᐃᓯᓇᑯᓂᒂ, ᓇᒪ ᒋᐸ ᐅᒋ ‍ ᐸᑎᒻ ᐊᐛᓐ᙮ ᒪᒃ ᒥᓯᐛ ᒥᒄ ᒥᑐᑲᒡ ᓇᒪ ᒋᐸ ᒋ ‍ ᒥᔭᒐᐤ ᐊᐛᓐ᙮
\v 18 ᓇᒪ ᒪᒃ ᐊᓐᑕ ᐃᓯᓇᑯᓐ᙮ ᒋᓴᒪᓂᑐᐤ ᒥᓯᐛ ᒋ ‍ ᐅᓯᑕᐤ ᑕᓐ ᓂᓇᐧᑯᐤ ᐊ ᐃᓯ ‍ ᐱᔅᒐᓯᒥᑭᓂᔨᒡ ᒥᔭᔪᐤ᙮ ᑭᔭ ᐎᔾ ᒥᓯᐛ ᒋ ‍ ᐎᔭᔨᑎᒻ ᑕᓐ ᒐ ᐃᓯ ‍ ᐱᔅᒐᓯᒥᑭᓂᔨᒡ ᒥᔭᔪᐤ ᑭᔭ ᑕᓐᑕ ᒐ ᐊᑎ ‍ ᒋᑭᒧᔨᒋ ᐱᔅᒐᓯᐅᓇ᙮
\v 19 ᓇᒪᐎᔾ ᒥᔪᐤ ᒋᐸ ᐅᒋ ‍ ᐃᓯᓇᑯᓐ ᒥᒄ ᐸᐃᒄ ᒐᒂᓐ ᑎᒂᒡ ᒥᔭᒡ᙮
\v 20 ᓂᓇᐧᑯᐤ ᒐᒂᓐ ᐃᓯ ᑎᑯᓐ ᒥᔭᒡ ᒥᔪᐤ ᒐᒋ ᐃᓯᓇᒂᒡ᙮
\p
\v 21 ᐊᑯ ᒪᒃ ᓇᒪ ᒋᑭ ᒋ ‍ ᐃᑕᐤ ᒥᔅᒋᓯᒄ ᐊᓂᔭ ᒥᑎᒋᔪᐤ, “ᓇᒪ ᒋ ‍ ᓂᑐᐛᔨᒥᑎᓐ᙮” ᑭᔭ ᒪᒃ ᒥᔅᑎᒂᓐ ᓇᒪ ᒋᑭ ᒋ ‍ ᐃᑕᐤ ᐊᓂᔭ ᒥᓯᑎᔪᐤ, “ᓇᒪ ᒋ ‍ ᓂᑐᐛᔨᒥᑎᓐ᙮”
\v 22 ᑎᑯᓇ ᑭᑈ ᑕᑈ ᐱᔅᒐ ᒐᒂᔪᐛ ᐊᓐᑕ ᒥᔭᒡ ᐊᑲ ᓴᐱᓯᒥᑲᒋ ᐊ ‍ ᐃᓯᓇᒂᒋ᙮ ᒥᒄ ᒪᒃ ᐃᔭᐱᒡ ᓂᑐᐛᔨᑕᑯᓇ ᐅᔭ᙮
\v 23 ᑭᔭ ᑎᑯᓇ ᒋᔪᓇᒡ ᐊᓂᔭ ᒐᒂᔪᐛ ᐊᑲ ᓇᔅᒡ ᒋᔅᑕᔨᑕᒂᒋ ᐊ ‍ ᐃᑕᔨᑎᒪᐧᒄ᙮ ᐊᐅᑯᓂ ᒪᒃ ᐅᔭ ᓇᔅᒡ ᐃᔭᒂ ᐊ ‍ ᐃᑐᑎᒪᐧᒄ᙮ ᑭᔭ ᑎᑯᓇ ᐊᓂᔭ ᒐᒂᔪᐛ ᒋᔪᓇᒡ ᐊᑲ ᐎ ᓄᑯᑕᔭᐧᒄ, ᐃᔭᒂ ᒪᒃ ᒋ ‍ ᐃᑐᑕᓇᓄᐤ ᐅᔭ ᐊ ᐎ ᒥᔪ ‍ ᑭᓄᐛᔨᑎᒪᐧᒄ᙮
\v 24 ᑎᑯᓇ ᑯᑎᑲ ᒐᒂᔪᐛ ᒥᔭᒡ ᐊᑲ ᒐᒂᓐ ᐊ ‍ ᐃᑕᔨᑎᒪᐧᒄ ᐊ ‍ ᓄᒂᒋ᙮ ᐊᐅᑯᓂ ᒪᒃ ᐅᔭ ᓇᒪ ᓂᑐᐛᔨᑕᑯᓐ ᒐᒋ ᐊᑯᐊᒪᐧᒄ᙮ ᒋᓴᒪᓂᑐᐤ ᒋ ‍ ᐅᓯᑕᐤ ᒥᔭᔪᐤ ᐃᔭᒂ ᒐᒋ ᐃᑐᑕᑭᓄᔨᒋ ᒥᓯᐛ ᐊᓂᔭ ᐱᔅᒐᓯᐅᓇ ᐛᔅ ᒥᓯᐛ ᓂᑐᐛᔨᑕᑯᓐ ᒐᒋ ᒥᔪᐱᔨᒡ ᒥᔪᐤ᙮
\v 25 ᐊᐅᒄ ᐅᔭ ᑲ ‍ ᐃᓯᑕᑦ ᒐ ᐊᑲ ᒋ ᑎᒂᒡ ᑎᐸᓂᐃᓱᐅᓐ ᒥᔭᒡ, ᒋᓴᒪᓂᑐᐤ ᒋ ‍ ᓂᑐᐛᔨᑎᒻ ᐊᓂᔭᔪᐛ ᐱᔅᒐᓯᐅᓇ ᐊᓐᑕ ᒥᔭᒡ ᑲ ‍ ᑎᑯᓂᔨᒋ ᒥᓯᐛ ᐸᐃᑯᓄᒡ ᒐᒋ ᐛᐎᒋᐃᑐᒥᑭᓂᔨᒋ, ᓇᒪ ᐎ ᒐᒋ ᑕᑎᐸᓂᐱᔨᐃᓱᒥᑭᓂᔨᒋ᙮
\v 26 ᑎᒂᒐ ᐊ ᐃᓯ ‍ ᐊᐧᑯᓯᒥᑲᒡ ᐊᓐ ᒥᔪᐤ, ᒥᓯᐛ ᐊ ‍ ᐃᔅᐱᓴᒡ ᒥᔪᐤ ᒋᑭ ‍ ᒧᓯᑕᒐᒥᑭᓐ᙮ ᑭᔭ ᐸᐃᒄ ᐱᔅᒐᓯᐅᓐ ᐊᓐᑕ ᒥᔭᒡ ᒥᔪᐧᑲᑭᓄᐅᒐ, ᒥᓯᐛ ᐊ ‍ ᐃᔅᐱᓴᒡ ᐊᓐ ᒥᔪᐤ ᒋᑭ ‍ ᒥᔽᔨᒧᒥᑭᓐ᙮
\p
\v 27 ᒋᔨᐛᐤ ᒪᒃ ᐊᐅᒄ ᙭ ᐎᔪᐤ᙮ ᒥᓯᐛ ᐸᐸᐃᒄ ᒋ ‍ ᐎᒋᐃᐛᓇᐛᐤ ᐊᓐᑕ ᐃᔅ᙮
\v 28 ᑕᔪᐛ ᒪᒃ ᐅᒪᒧᐊᔭᒥᐊᐛ ᒋᓴᒪᓂᑐᐤ ᐊᒋ ‍ ᐅᑎᓇᑦ ᑕᓐ ᒐ ‍ ᐃᑕᐱᑎᓯᔨᒋ᙮ ᐊᓂᔭᔪᐛ ᓂᔅᑎᒻ ᑲ ‍ ᐅᑎᓇᑦ ᐊᐅᒄ ᐅᔭ ᐊᑈᔅᑕᓇ ᐊᑯ ᒥᓐ ᐅᒋᔅᒋᐛᐃᒐᓱᐛ, ᐊᑯ ᒥᓐ ᒋᔅᑯᑎᒪᒐᓱᐛ, ᑭᔭ ᐊᐛᔪᐛ ᒪᒥᔅᑲᒡ ᒐᒂᔪᐤ ᒐ ‍ ᐃᑐᑎᒥᔨᒋ᙮ ᒋ ‍ ᐅᑎᓇᐤ ᑭᔭ ᐊᐛᔪᐛ ᒐ ‍ ᒥᓏᒋᐃᐛᔨᒋ, ᑭᔭ ᐊᓂᔭᔪᐛ ᓂᓇᐧᑯᐤ ᒐ ᐃᓯ ‍ ᐎᒋᐊᔨᒋ ᐊᐛᔪᐛ᙮ ᒋ ‍ ᐅᑎᓇᐤ ᑭᔭ ᐊᐛᔪᐛ ᐊ ‍ ᐛᐎᐱᔨᑕᔨᒋ ᒐᒂᔪᐤ ᒐ ‍ ᐃᑕᐱᑎᓯᔨᒋ, ᑭᔭ ᐊᐛᔪᐛ ᒐ ‍ ᒂᔅᒋᐃᔨᒥᔨᒋ᙮
\v 29 ᒥᓯᐛ ᐊ ᐊᐛᓐ ᐊᑈᔅᑕᓐ ᒋᑭ ᒋ ‍ ᐃᑕᐱᑎᓯᐤ ? ᒥᓯᐛ ᐊ ᐊᐛᓐ ᒋᑭ ᒋ ‍ ᒋᔅᒋᐛᐃᒐᐤ ? ᒥᓯᐛ ᐊ ᐊᐛᓐ ᒋᑭ ᒋ ‍ ᒋᔅᑯᑎᒪᒐᐤ ? ᒥᓯᐛ ᐊ ᐊᐛᓐ ᒪᒥᔅᑲᒡ ᐃᑐᐤ ?
\v 30 ᒥᓯᐛ ᐊ ᐊᐛᓐ ᒥᓏᒋᐊᐤ ᐊᐛᔪᐛ ? ᒥᓯᐛ ᐊ ᐊᐛᓐ ᒂᔅᒋᐃᔨᒧᐤ ? ᒥᓯᐛ ᐊ ᐊᐛᓐ ᐱᔭᑭᔅᒋᑕᑯᑕᒧᐛᐤ ᑕᓐ ᐊ ᐃᓯ ‍ ᒂᔅᒋᐃᔨᒥᔨᒋ ᐊᐛᔪᐛ ?
\v 31 ᒋᐸ ‍ ᐱᑯᓴᔨᑕᓐ ᒐᒋ ᐊᔭᔨᓐ ᐊᓂᔭ ᒪᐅᒡ ᒪᔪᐊᐱᑎᓂᔨᒋ ᒋᓴᒪᓂᑐᐤ ᐅᒥᔨᐛᐅᓇ᙮
\p ᒥᒄ ᒪᒃ ᒋᑭ ‍ ᐛᐸᑎᔨᑎᓇᐛᐤ ᐊᓐ ᒐᒂᓐ ᒪᐅᒡ ᒐᔅᑕᔨᑕᒂᒡ ᐃᔅᐱᔅ ᐊᓂᔭᔪᐛ ᒐᒂᔪᐛ ᑲ ‍ ᐊᔨᒧᑎᒪᓐ᙮
\c 13
\s1 ᓴᒋᐃᐛᐅᓐ ᐊᐅᒄ ᒪᐅᒡ ᒐᔅᑕᔨᑕᒂᒡ
\s2 1 Corinthians 13 (Epiphany-4 Year C)
\p
\v 1 ᐊᑎ ᒥᔨᑯᐅᔭᓐ ᒐᒋ ᐃᓯ ‍ ᐃᔨᒥᔭᓐ ᐊ ᐃᓯ ‍ ᐃᔨᒥᒡ ᑯᑎᑭᒡ ᐊᐛᓐᒋ ᑭᔭ ᐊ ᐃᓯ ‍ ᐃᔨᒥᒡ ᐊᓐᒋᓐᒡ, ᐊᑲ ᒪᒃ ᐊᔭᔭᓐ ᓴᒋᐃᐛᐅᓐ ᓇᒪᐎᔾ ᒐᒂᓐ ᒋᐸ ᐅᒋ ‍ ᐃᑕᐱᑎᓐ ᐊᓐ ᑲ ᐃᓯ ‍ ᒥᔨᑯᐅᔭᓐ ᒐᒋ ᐃᓯ ‍ ᐃᔨᒥᔭᓐ ᐛᔅ ᒧᔭᒻ ᒥᒄ ᐊ ‍ ᒪᒥᑥᔭᐱᔅᑲᐃᑭᓄᐅᒡ ᐃᓴᒄ ᓂᐸ ‍ ᐃᑎᑕᑯᓯᓐ᙮
\v 2 ᑭᔭ ᐊᑎ ᒥᔨᑯᐅᔭᓐ ᒐᒋ ᑭᔅᒋᐅᔭᓐ ᐊ ‍ ᒋᔅᒋᐛᐃᒐᔭᓐ, ᑭᔭ ᐊᑎ ᒥᓯᐛ ᒋᔅᒐᔨᑎᒪᓐ ᓂᔾ ᑕᓐ ᐊ ᐃᓯ ᐊᑲ ‍ ᒋᔅᒐᔨᑕᒡ ᑯᑎᑭᒡ ᐊᐛᓐᒋ, ᑭᔭ ᐊᑎ ᒥᔨᑯᐅᔭᓐ ᒥᓯᐛ ᒐᒋ ᒋᔅᒐᔨᑎᒪᓐ ᒐᒂᓐ ᐊᑲ ᐅᒋ ᒋᔅᒐᔨᑎᒥᐃᐛᓄᐅᒡ ᐊᓐᑕ ᐅᑕᒡ ᑭᔭ ᐊᑎ ᐊᔭᔭᓐ ᑕᑈᑎᒧᐅᓐ ᒐᒋ ᐊᑎᓂᒪᓐ ᐱᔅᑯᑎᓇᐛ ᐊᑲ ᒪᒃ ᐊᔭᔭᓐ ᓴᒋᐃᐛᐅᓐ ᐃᔭᐱᒡ ᓇᒪ ᓇᔅᒡ ᒐᒂᓐ ᓂᐸ ᐅᒋ ‍ ᐃᑕᔨᑕᑯᓯᓐ᙮
\v 3 ᑭᔭ ᐊᑎ ᒥᓯᐛ ᒐᒂᓐ ᐱᔅᑎᓂᒪᓐ ᑕᓐ ᐊ ᐃᓯ ‍ ᑎᐱᔨᐛᐅᓯᔭᓐ ᒐᒋ ᐎᒋᐊᑭᓄᐅᒡ ᑲ ‍ ᒋᔅᑎᒪᑎᓯᒡ, ᐊᑎ ᒪᒃ ᑭᔭ ᐱᔅᑎᓂᒪᓐ ᒐᒋ ᐃᔎᓯᑭᓄᐅᒡ ᓂᔪᐤ, ᐊᑲ ᒪᒃ ᐊᔭᔭᓐ ᓴᒋᐃᐛᐅᓐ ᐃᔭᐱᒡ ᓇᒪᐎᔾ ᒐᒂᓐ ᐃᑕᐱᑎᓐ ᐊᓐ ᑕᓐ ᑲ ‍ ᐃᑎᔭᓐ᙮
\p
\v 4 ᐊᐛᓐ ᐊ ‍ ᓴᒋᐊᑦ ᐊᐛᔪᐛ ᓇᔅᒡ ᒥᔪᑐᑐᐛᐤ ᑭᔭ ᒥᔽᔨᑕᑯᓯᔅᑐᐛᐤ, ᓇᒪ ᑭᔭ ᐛ ‍ ᐅᑕᔨᑎᒻ ᑭᔭ ᓇᒪ ᒪᒥᒋᒧᐤ,
\v 5 ᓇᒪ ᒋᒋᐛ ᐃᑕᔨᒥᓱᐤ, ᑭᔭ ᓇᒪ ᒪᔭᔨᒐᐤ᙮ ᓇᒪ ᒥᒄ ᐎᔾ ᐛ ᐃᑎᑦ ᐃᑐᐤ ᓯᔭᒋᐊᒂ ᐊᐛᔪᐛ᙮ ᓇᒪ ᐛᐧᑲᔅᑲᑯᐤ ᐊᐛᔪᐛ ᑭᔭ ᓇᒪ ᑭᓄᐛᔨᑎᒻ ᐊᓂᔭ ᑕᓐ ᑲ ᐃᓯ ‍ ᒋᔄᐃᑯᑦ ᐊᐛᔪᐛ᙮
\v 6 ᐊᐛᓐ ᐊ ‍ ᓴᒋᐊᑦ ᐊᐛᔪᐛ, ᓇᒪ ᒥᔽᔨᑎᒻ ᐊ ‍ ᐅᓂᑐᑎᒥᔨᒋ᙮ ᒥᒄ ᒪᒃ ᐃᐛᒃ ᒥᔽᔨᑎᒻ ᐃᔅᐱ ᒪᔪᑐᑎᒥᔨᒋ᙮
\v 7 ᐊ ‍ ᓴᒋᐊᑦ ᐊᐛᓐ ᐊᐛᔪᐛ ᒧᔅ ᒥᔽᔨᑕᑯᓯᔅᑐᐛᐤ ᒥᒄ ᑕᓐ ᐊ ‍ ᐃᑎᒂᓂᔨ᙮ ᑭᔭ ᒧᔅ ᑕᑈᐅᒐᔨᒪᐤ ᐊᓂᔭᔪᐛ ᐊᐛᔪᐛ ᑭᔭ ᒧᔅ ᑎᑯᓂᔪᐤ ᐊ ᐃᓯ ‍ ᐊᔅᐸᔨᒧᑦ ᒐᒋ ᒥᔪᐱᔨᒋ᙮ ᓇᒪ ᐳᓂᐤ ᐊ ‍ ᒥᔽᔨᑕᑯᓯᔅᑐᐛᑦ ᐊᓂᔭᔪᐛ ᐊᐛᔪᐛ᙮
\p
\v 8 ᓇᒪ ᓂᑕ ᒋᑭ ᐅᒋ ‍ ᐃᔎᐱᔪᐤ ᓴᒋᐃᐛᐅᓐ᙮ ᑎᑯᓐ ᐛᒋᒡ ᐊ ‍ ᐃᔨᒥᔅᑎᒧᐛᑭᓄᐅᑦ ᒋᓴᒪᓂᑐᐤ ᒥᒄ ᒪᒃ ᐊᔅᒄ ᒋᑭ ‍ ᐃᔎᐱᔪᐤ ᐅ ᐊ ‍ ᐃᑎᓇᓄᐅᒡ᙮ ᑭᔭ ᒋᑭ ‍ ᐳᓂᐱᔪᐤ ᐊ ‍ ᒂᔅᒋᐃᔨᒥᓇᓄᐅᒡ᙮ ᑭᔭ ᒋᔅᒐᔨᑎᒧᐅᓐ ᒋᑭ ‍ ᐃᔎᐱᔪᐤ᙮
\v 9 ᐛᔅ ᓇᒪ ᒥᓯᐛ ᒐᒂᓐ ᒋ ‍ ᒋᔅᒐᔨᑕᓇᓄᐤ, ᑭᔭ ᓇᒪ ᐊᓐ ᔅᒋ ᐃᓯ ‍ ᒋᔅᒋᐛᐃᒐᓇᓄᐤ ᑕᓐ ᒋᐸ ᐃᓯ ‍ ᒋᔅᒋᐛᐃᒐᓇᓄᐤ᙮
\v 10 ᐊᔅᒄ ᐸᐃᒂᐤ ᒋᑭ ‍ ᐅᑎᒋᐱᔪᐤ ᒐᒋ ᒋᔅᒐᔨᒪᐧᒄ ᑕᓐ ᐊᓐ ᐊ ‍ ᐃᑕᔨᑕᑯᓯᑦ ᒋᓴᒪᓂᑐᐤ᙮
\v 11 ᑲ ‍ ᐊᐛᓯᐅᔭᓐ, ᒧᔭᒻ ᐊᐛᔅ ᐊ ᐃᓯ ‍ ᐃᔨᒥᑦ ᓂᒋ ᐃᓯ ‍ ᐃᔨᒥᓐ, ᑭᔭ ᒧᔭᒻ ᐊᐛᔅ ᐊ ᐃᓯ ‍ ᒪᒥᑐᓇᔨᑕᐧᒃ ᓂᒋ ᐃᓯ ‍ ᒪᒥᑐᓇᔨᑕᓐ, ᑭᔭ ᒧᔭᒻ ᐊᐛᔅ ᓂᒋ ‍ ᐃᑕᔨᑕᑯᓯᓐ᙮ ᒥᒄ ᒪᒃ ᐊᓄᒡ ᐊᑯ ᓂᔭᐸᐅᔭᓐ, ᓇᒪ ᐊᑯ ᓂᑦ ᐊᐛᓱᐛᔨᑕᑯᓯᓐ᙮
\v 12 ᒧᔭᒻ ᑭᔭ ᐊ ‍ ᑭᓄᐛᐱᒪᐧᒄ ᐊᐛᓐ ᐊᓐᑕ ᐛᐱᒥᓱᐅᓂᒡ, ᓇᒪ ᒋ ‍ ᐱᔭᑭᔅᒋᓄᐛᓄᐤ ᐊ ᐃᔅᐱᔅ ‍ ᐱᔭᑭᔅᒋᓄᐛᐧᒄ ᑎᐱᔨᐛ ᒋᔅᒋᓯᑯᓇᒡ ᐊ ‍ ᑭᓄᐛᐱᒪᐧᒄ᙮ ᐊᐅᑯᓐ ᒪᒃ ᒧᔭᒻ ᐊ ᐃᓯ ‍ ᒋᔅᒐᔨᒪᐧᒄ ᒋᓴᒪᓂᑐᐤ ᐊᓄᒡ᙮ ᓇᒪ ᓇᔅᒡ ᒋ ‍ ᒋᔅᒐᔨᒪᓄᐤ᙮ ᒥᒄ ᒪᒃ ᐃᔅᐱ ᐅᑎᔅᑯᐤ ᐛᐱᒪᒂ ᐊᑯ ᓇᔅᒡ ᒐ ‍ ᒋᔅᒐᔨᒪᐧᒄ, ᒧᔭᒻ ᒋᔭᓄᐤ ᐊ ‍ ᐃᔅᐱᔅ ᓇᔅᒡ ᒋᔅᒐᔨᒥᑕᐧᒄ᙮
\p
\v 13 ᓂᔅᑐ ᒐᒂᔪᐛ ᓇᒪ ᓂᑕ ᒋᑭ ᐅᒋ ‍ ᐃᔎᐱᔪᐛ, ᐊᐅᒄ ᐅᔭ᙮ ᑕᑈᑎᒧᐅᓐ, ᐊᔅᐸᔨᒧᐅᓐ ᑭᔭ ᓴᒋᐃᐛᐅᓐ᙮ ᐊᓐ ᒪᒃ ᓇᔅᒡ ᒐᔅᑕᔨᑕᒂᒡ ᐊᐅᒄ ᓴᒋᐃᐛᐅᓐ᙮
\c 14
\s1 ᑕᓐ ᒋᐸ ‍ ᐃᑕᐱᑎᓇ ᐊᒐᐧᒄ ᒥᔨᐛᐅᓇ
\p
\v 1 ᓴᒋᐃᐛᐅᓂᒡ ᒪᐅᒡ ᒋᐸ ᐃᓯ ‍ ᐊᒋᔅᑕᓱᓇᐛᐤ ᒐᒋ ᐃᓯ ‍ ᐱᒪᑎᓯᔭᒄ᙮ ᓱᒃ ᐱᑯᓴᔨᑎᒧᒄ ᐊᒐᐧᒄ ᒥᔨᐛᐅᓇ ᒐᒋ ᐊᔭᔭᒄ᙮ ᐊᓐ ᒪᒃ ᒥᔨᐛᐅᓐ ᒪᐅᒡ ᒋᐸ ‍ ᓂᑐᐛᔨᑕᓇᐛᐤ ᐊᐅᒄ ᒐᒋ ᒋᔅᒋᐛᐃᒐᔭᒄ᙮
\v 2 ᐛᔅ ᐊᓐ ᐊᐛᓐ ᑲ ‍ ᒂᔅᒋᐃᔨᒥᑦ ᒋᓴᒪᓂᑐᐛ ᒥᒄ ᐃᔨᒪᐊᐤ, ᐛᔅ ᑕᐸ ᓂᔅᑐᑕᑯᐤ ᑯᑎᑲ ᐊᐛᔪᐛ ᑕᓐ ᐊ ᐃᓯ ‍ ᐃᔨᒥᑦ᙮ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᐅᒋ ᐊᔨᒧᑎᒻ ᒐᒂᔪᐛ ᐊᑲ ᐊᐛᔪᐛ ᒋᔅᒐᔨᑎᒥᔨᒋ᙮
\v 3 ᐊᑯ ᐊᓐ ᐊᐛᓐ ᑲ ‍ ᒋᔅᒋᐛᐃᒐᑦ ᐎᒋᐊᐤ ᑯᑎᑲ ᐊᐛᔪᐛ, ᐅᐱᓇᐤ ᑭᔭ ᒥᔽᔨᒧᐊᐤ᙮
\v 4 ᐊᓐ ᐊᐛᓐ ᑲ ‍ ᒂᔅᒋᐃᔨᒥᑦ ᐎᔾ ᒥᒄ ᐎᒋᐃᑯᐤ ᐊᓂᔭ᙮ ᐊᑯ ᐊᓐ ᐊᐛᓐ ᑲ ‍ ᒋᔅᒋᐛᐃᒐᑦ ᒥᓯᐛ ᐊᓂᔭᔪᐛ ᐅᒪᒧᐊᔭᒥᐊᐛ ᐊᓐᑕ ᐊ ‍ ᑕᔨᒋ ᐎᒋᐊᐤ᙮
\v 5 ᒥᓯᐛ ᑭᑈ ᒋ ‍ ᓂᑐᐛᔨᒥᑎᓇᐛᐤ ᒐᒋ ᒂᔅᒋᐃᔨᒥᔭᒄ᙮ ᒥᒄ ᒪᒃ ᐃᐛᒃ ᒋ ‍ ᓂᑐᐛᔨᒥᑎᓇᐛᐤ ᒐᒋ ᒋᔅᒋᐛᐃᒐᔭᒄ᙮ ᐊᐅᒄ ᐅ ᐃᐛᒃ ᐊ ‍ ᐃᑕᔨᑕᒂᒡ ᒐᒋ ᐃᓯ ‍ ᐃᔨᒥᔭᒄ ᐃᔅᐱᔅ ᐎᔾ ᒐᒋ ᒂᔅᒋᐃᔨᒥᔭᒄ᙮ ᐛᔅ ᒥᒄ ᐸᑐᔅ ᐱᔭᑭᔅᒋᑕᑯᑕᑭᓄᔨᒐ ᐊᓂᔭ ᐊ ‍ ᒂᔅᒋᐃᔨᒥᑦ ᐊᐛᓐ ᐊᑯ ᐃᔭᒄ ᒐ ‍ ᐎᒋᐃᑯᒡ ᒥᓯᐛ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ᙮
\p
\v 6 ᓂᐧᑲᓂᓯᑐᒄ, ᐸᒋ ‍ ᓂᑐᐛᐱᒥᑎᑯᒡ ᒪ ᐊ ‍ ᒂᔅᒋᐃᔨᒥᔭᓐ, ᒋᐸ ‍ ᐎᒋᐃᑯᓇᐛᐤ ᐊ ᐊᓐ ᐃᓯ ᐃᔨᒥᐃᑎᑯᒡ ? ᓇᒪᐎᔾ ᑭᑈ᙮ ᐊᑯ ᒪᒃ ᐊ ‍ ᓂᔅᑐᑐᐅᔭᒄ ᐃᓯ ᐃᔨᒥᔭᓐ, ᐛᐎᑎᒪᑎᑯᒡ ᑕᓐ ᑲ ᐃᓯ ‍ ᐛᐸᑎᔨᑦ ᒋᓴᒪᓂᑐᐤ, ᑭᔭ ᒪᒃ ᑕᓐ ᑲ ᐃᓯ ‍ ᒋᔅᒐᔨᑎᒥᐃᑦ, ᑭᔭ ᒪᒃ ᒋᔅᒋᐛᐃᒐᔭᓐ, ᑭᔭ ᒪᒃ ᒋᔅᑯᑎᒪᑎᑯᒡ ᐊᐅᒄ ᐅ ᐃᔭᒄ ᒋᐸ ‍ ᐎᒋᐃᑯᓇᐛᐤ᙮
\p
\v 7 ᐊᑎ ᐊᓂᔭ ᒐᒂᔪᐛ ᒪᑐᐛᒐᑦ ᐊᐛᓐ ᐊ ‍ ᐸᑕᑯᑕᑦ ᒧᔭᒻ ᐳᑕᒋᑭᓐ ᑭᔭ ᒪᒃ ᒋᔍᐛᐱᒋᑭᓂᔪᐤ ᒧᔭᒻ ᐊᑲ ᑯᐃᔅᒄ ᐃᓯ ᒪᑐᐛᒐ ᐊᓐ ᐊᐛᓐ ᑲ ‍ ᐸᑕᑯᑕᑦ ᐳᑕᒋᑭᓂᔪᐤ ᑭᔭ ᒪᒃ ᒋᔍᐛᐱᒋᑭᓂᔪᐤ ᓇᒪ ᐊᐛᔪᐛ ᒋᑭ ᐅᒋ ‍ ᓂᔅᑐᑎᒥᔪᐛ ᒐᒄ ᓂᑭᒧᐅᓂᔪᐤ ᐊᓂᔭ ᑲ ‍ ᒪᑐᐛᑦ᙮
\v 8 ᒧᔭᒻ ᑭᔭ ᐊᓯᒪᑭᓂᔅ ᐳᑕᒋᑭᓂᔪᐤ ᐊ ‍ ᐳᑕᑕᐧᒃ ᑲᒋ ᐅᒋ ‍ ᐎᑎᒧᐛᑦ ᐎᒋ ‍ ᐊᓯᒪᑭᓂᓴ ᒐᒋ ᐊᔭᔅᑯᐎᔨᒋ ᒐᒋ ᒪᓯᒐᔨᒋ ᒧᔭᒻ ᐊᑲ ᐊᓐ ᐃᔅᒋᔄᒥᑲᑕᒐ ᑕᓐ ᒋᐸ ‍ ᐃᔅᒋᔄᒥᑲᑕᐤ ᐊ ‍ ᐳᑕᑕᐧᒃ ᐊᓂᔭ ᐳᑕᒋᑭᓂᔪᐤ ᓇᒪ ᒋᑭ ᐅᒋ ‍ ᐊᔭᔅᑯᐎᔪᐛ ᐎᒋ ‍ ᐊᓯᒪᑭᓂᓴ ᒐᒋ ᒪᓯᒐᔨᒋ᙮
\v 9 ᐊᐅᑯᓐ ᒪᒃ ᒧᔭᒻ ᑭᔭ ᒋᔨᐛᐤ᙮ ᒧᔭᒻ ᐊ ‍ ᒂᔅᒋᐃᔨᒥᔭᒄ ᑕᓐᑕ ᒐᒋ ᐅᒋ ‍ ᒋᔅᒐᔨᑕᐧᒃ ᐊᐛᓐ ᑕᓐ ᐊ ‍ ᐃᔅᒋᔄᔭᒄ᙮ ᒧᔭᒻ ᒥᒄ ᐊ ‍ ᐃᔨᒥᐃᓱᔭᒄ ᒋᑭ ‍ ᐃᓯᓇᑯᓯᓇᐛᐤ᙮
\v 10 ᒥᔅᑎ ᓂᓇᐧᑯᐤ ᐃᑎᑕᑯᓇ ᐃᔨᒧᐅᓇ ᐅᑕ ᐊᔅᒋᒡ᙮ ᓇᒪ ᒪᒃ ᐛᒋ ‍ ᐸᐃᒄ ᐃᓯᓇᑯᓇ ᒐ ᐊᑲ ᒋ ᑎᒂᒡ ᑕᓐ ᐊᓐ ᐊ ‍ ᐃᔅᒋᔄᒥᑲᒋ᙮
\v 11 ᒧᔭᒻ ᒪᒃ ᐊᑲ ᓂᔅᑐᑐᐅᑲ ᐊᐛᓐ ᐊ ᐸᒋ ‍ ᐃᔨᒥᐃᑦ, ᑕᐱᔅᑯᓐ ᓂᑭ ‍ ᒪᓐᑕᐅᐛᔨᒥᑐᓇᓐ ᐊᑲ ᓂᔅᑐᑕᑐᔭᒡ᙮
\v 12 ᐊᓐ ᓇᔅᒡ ᐊ ‍ ᓂᑐᐛᔨᑎᒪᒄ ᐊᓂᔭᔪᐛ ᒥᔨᐛᐅᓇ ᑲ ‍ ᐸᔭᒋᓯᑦ ᐊᒐᐧᒄ ᑲ ‍ ᒥᔨᐛᑦ ᐊᓂᔭᔪᐛ ᒪᐅᒡ ᒐ ‍ ᐎᒋᐃᑯᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᐅᑯᓂ ᐊᓂᔭᔪᐛ ᒪᐅᒡ ᓂᑐᐛᔨᑎᒪᒄ᙮
\p
\v 13 ᐊᐅᒄ ᒪᒃ ᐅ ᐅᒋ ᐊᓐ ᐊᐛᓐ ᑲ ‍ ᒂᔅᒋᐃᔨᒥᑦ ᒋᐸ ‍ ᐊᔭᒥᐊᐤ ᒐᒋ ᒥᔨᑯᑦ ᒋᓴᒪᓂᑐᐛ ᒐᒋ ᐱᔭᑭᔅᒡ ‍ ᐎᑎᒧᐛᑕᐧᒃ ᑕᓐ ᐊ ‍ ᐃᔅᒋᔄᑦ᙮
\v 14 ᐛᔅ ᐊ ‍ ᒂᔅᒋᐃᔨᒥᔭᓐ ᐊ ‍ ᐊᔭᒥᐊᔭᓐ, ᓂᑦ ᐊᒐᐧᑯᒡ ᓂ ᐅᒋ ‍ ᐊᔭᒥᐊᓐ ᒥᒄ ᒪᒃ ᓇᒪ ᓂᔅᑐᑕᓱᓐ ᑕᓐ ᐊ ‍ ᐃᔅᒋᔄᔭᓐ᙮
\v 15 ᒪᐅ ᓂᐸ ‍ ᐃᑎᓐ᙮ ᐊ ‍ ᐊᔭᒥᐊᔭᓐ ᓂᐸ ‍ ᒂᔅᒋᐃᔨᒥᓐ ᑭᔭ ᐊ ‍ ᓂᔅᑐᑕᓱᔭᓐ ᓂᐸ ᐃᓯ ‍ ᐊᔭᒥᐊᓐ᙮ ᓂᐸ ‍ ᒂᔅᒋᐃᔨᒥᓐ ᑭᔭ ᐊ ‍ ᓂᑭᒧᔭᓐ ᑭᔭ ᓂᐸ ‍ ᓂᑭᒧᓐ ᐊ ‍ ᓂᔅᑐᑕᓱᔭᓐ᙮
\v 16 ᐊ ‍ ᒪᒥᒋᒥᑦ ᒋᓴᒪᓂᑐᐤ ᐊ ‍ ᒂᔅᒋᔨᒥᔨᓐ, ᑯᑎᒃ ᐊᐛᓐ ᐊᑲ ᐊᔅᒄ ᐅᒋ ᒥᔭᑭᓄᐅᑦ ᐊᒐᐧᑯᐤ ᒥᔨᐛᐅᓇ ᓇᒪ ᒋᑭ ᒋ ‍ ᐎᒋᐃᒄ ᐊ ‍ ᒪᒥᒋᒥᑎ ᒋᓴᒪᓂᑐᐛ ᐛᔅ ᓇᒪ ᒋᑭ ᐅᒋ ‍ ᓂᔅᑐᑕᒄ᙮
\v 17 ᑕᑈ ᑭᑈ ᒋᑭ ᒋ ‍ ᒥᔪᑕᑯᓯᓐ ᐊ ‍ ᓂᓇᔅᑯᒥᑦ ᒋᓴᒪᓂᑐᐤ ᒥᒄ ᒪᒃ ᓇᒪ ᐎᒋᐃᑯᐅᒡ ᑯᑎᑭᒡ ᐊᐛᓐᒋ ᐊᓂᔭ ᐊ ‍ ᒂᔅᒋᐃᔨᒧᐅᑦ᙮
\p
\v 18 ᓂᓇᔅᑯᒪᐤ ᒋᓴᒪᓂᑐᐤ ᓂᔾ ᐊᑐᐎᔅ ᒥᒐᑥᐤ ᐊ ‍ ᒂᔅᒋᐃᔨᒥᔭᓐ ᐃᔅᐱᔅ ᒥᓯᐛ ᒋᔨᐛᐤ ᐊ ‍ ᑎᓯᔭᒄ᙮
\v 19 ᒥᒄ ᒪᒃ ᐃᔅᐱᔅ ᐊ ‍ ᑕᔭᓐ ᐊᓐᑕ ᐊ ‍ ᐊᔭᒥᐊᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐃᐛᒃ ᓂᐸ ‍ ᒥᔽᔨᑕᓐ ᐊᑎ ᒥᒄ ᐊᐱᓯᔅ ᐃᔨᒥᔭᓐ ᒥᓯᐛ ᒐᒋ ᓂᔅᑐᑐᐅᒡ ᐊᓐᒡ ᑲ ‍ ᐃᔨᒥᐃᒂᐤ ᐃᔅᐱᔅ ᐎ ᒐᒋ ᒥᔅᑎ ᒂᔅᒋᐃᔨᒥᔭᓐ ᐊᑲ ᓂᔅᑐᑕᐅᒡ᙮
\p
\v 20 ᓂᐧᑲᓂᓯᑐᒄ, ᐊᑲᐎᔾ ᐊᐛᓯᐤ ᒪᒥᑐᓇᔨᑎᒧᒄ᙮ ᒧᔭᒻ ᐅᔅᒋᐛᓴᒡ ᐊ ‍ ᐃᑕᔨᑕᑯᓯᒡ ᐊᑲ ᒋᔅᒐᔨᑕᒡ ᐊ ‍ ᐃᑕᔨᑕᑯᓂᔨᒡ ᒥᒋᑐᑎᒧᐅᓂᔪᐤ ᐊᐅᑯᓐ ᒧᔭᒻ ᑭᔭ ᒋᔨᐛᐤ ᒋᐸ ‍ ᐃᑕᔨᑕᑯᓯᓇᐛᐤ᙮ ᒧᔭᒻ ᐊᐛᓐ ᓴᔅ ᐊᒋ ᐃᓯ ‍ ᓂᑕᐅᒋᑦ ᐊᐅᑯᓐ ᒋᐸ ᐃᓯ ‍ ᒪᒥᑐᓇᔨᑕᓇᐛᐤ᙮
\v 21 ᐃᑎᔅᑕᐤ ᐎᓱᐛᐅᓂᒡ,
\q “ᓂᑭ ‍ ᐃᔨᒥᐊᐅᒡ ᐅᒡ ᐃᔪᒡ ᒪᓐᑕᐛ ᐃᔭᒡ ᐊ ‍ ᐃᑎᔅᑲᓇᓯᔨᒋ ᑭᔭ ᐃᔭᒡ ᐊ ᐃᓯ ‍ ᐃᔨᒥᔨᒋ ᐅᒡ; ᒥᒄ ᒪᒃ ᓇᒪ ᐃᔭᐱᒡ ᓂᑭ ᐅᒋ ‍ ᓂᑐᑕᑯᒡ,”
\m ᐃᔅᒋᔄᐤ ᐅᑎᐸᔨᒋᒐᐤ᙮
\p
\v 22 ᐊᐛᓐ ᐊ ‍ ᒂᔅᒋᐃᔨᒥᑦ ᐊᑯᑕ ᐛᒋ ‍ ᐛᐸᑎᔭᑭᓄᐎᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᓴ ᑕᓐ ᐊ ‍ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᓱᒐᔨᑕᑯᓱᐅᓂᔪᐤ᙮ ᐊᓐ ᒪᒃ ᐊᐛᓐ ᑲ ‍ ᒋᔅᒋᐛᐃᒐᑦ ᐊᓂᔭᔪᐛ ᐊᐛᔪᐛ ᑲ ‍ ᑕᑈᔭᔨᒪᔨᒋ ᒋᓴᓴ ᐊᐅᑯᓂ ᐊᓂᔭ ᐊ ‍ ᐃᔨᒪᐊᑦ ᓇᒪ ᐎ ᐊᓂᔭ ᐊᑲ ᑕᑈᑎᒥᔨᒋ ᐃᔨᒥᐊᐤ᙮
\v 23 ᒪᒧᐎᒡ ᒪ ᒥᓯᐛ ᒪᒧᐤ ᑲ ‍ ᐊᔭᒥᐊᐛᑎᓯᒡ ᒥᓯᐛ ᒪᒃ ᓂᓇᐧᑯᐤ ᐃᓯ ᐃᔨᒥᒡ ᐊᓂᔭ ᐊ ‍ ᐊᔭᒥᐊᒡ, ᐱᒐᔨᒋ ᒪᒃ ᐊᐛᔪᐛ ᐊᑲ ᐊᓐᑕ ᐃᓯ ᐊᔭᒥᐊᔨᒋ ᒪᒃ ᐊᑲ ᑕᑈᑎᒥᔨᒋ, ᓇᒪᐎᔾ ᐊ ᒋᑭ ᐅᒋ ‍ ᐃᔅᒋᔄᔪᐛ ᐊ ‍ ᒋᔎᔨᒋ ᐅᔭ ᐊ ‍ ᐃᑎᔨᒋ᙮
\v 24 ᑕᒐ ᒋᐧᑲᓂᓯᓄᐤ ᐊ ‍ ᒋᔅᒋᐛᐃᒐᑦ ᑕᔨᒐ ᒪᒃ ᐊᓐᑕ ᐊᐛᔪᐛ ᐊᑲ ᑕᑈᑎᒥᔨᒋ, ᐊᓂᔭ ᐊ ᐃᓯ ‍ ᐸᑕᐧᒃ ᐊᓐ ᐊᑲ ᑕᑈᑕᐧᒃ ᐊᑯᑕ ᒐ ᐅᒋ ‍ ᒐ ‍ ᒋᔅᒐᔨᑕᐧᒃ ᐊ ‍ ᒥᒐᑎᓯᑦ ᑭᔭ ᐊᑯᑕ ᒐ ᐅᒋ ‍ ᒧᓯᑕᑦ ᐊ ‍ ᑎᐸᔅᑯᓇᑭᓄᐅᑦ ᐊᓂᔭ ᐊ ᐃᓯ ‍ ᐱᒪᑎᓯᑦ᙮
\v 25 ᒋᑭ ‍ ᓂᔅᑐᑎᒻ ᑕᑈ ᐊ ‍ ᒋᔅᒐᔨᑎᒥᔨᒋ ᒋᓴᒪᓂᑐᐛ ᑕᓐ ᐊ ‍ ᐃᑕᔨᑕᐧᒃ᙮ ᐊᑯ ᒪᒃ ᒐ ‍ ᐅᒋᒋᐧᑯᓂᐱᔪᐅᑦ ᐊ ‍ ᐊᔭᒥᐊᔅᑐᐛᑦ ᒋᓴᒪᓂᑐᐛ ᐊ ‍ ᐃᔅᒋᔄᑦ, “ᒐᔅᑎᓇᔅ ᑕᐤ ᒋᓴᒪᓂᑐᐤ ᐅᑕ ᒥᓯᑕ ᐊ ‍ ᑕᔭᐧᒄ᙮”
\s1 ᒥᓐ ᒋᔅᑯᑎᒪᒐᐅᓐ ᐊᒐᐧᒄ ᒥᔨᐛᐅᓇ ᐊ ‍ ᐊᔨᒧᑕᒋ
\p
\v 26 ᓂᐧᑲᓂᓯᑐᒄ, ᒪᐅ ᒋᐸ ‍ ᐃᑎᓇᐛᐤ᙮ ᐊ ᓇᒋ ‍ ᐊᔭᒥᐊᔭᒄ, ᐱᔅᒐ ᐊᐛᓐᒋ ᒋᑭ ‍ ᓂᑭᒧᐅᒡ, ᐱᔅᒐ ᐊᐛᓐᒋ ᒋᑭ ‍ ᒋᔅᑯᑎᒪᒐᐅᒡ, ᐊᑯ ᐱᔅᒐ ᒋᑭ ‍ ᐎᑎᒧᒡ ᑕᓐ ᑲ ᐃᓯ ‍ ᐛᐸᑎᔨᑯᒡ ᒋᓴᒪᓂᑐᐛ᙮ ᐱᔅᒐ ᒋᑭ ‍ ᒂᔅᒋᐃᔨᒧᐅᒡ, ᐊᑯ ᑯᑎᑭᒡ ᒐ ‍ ᐸᔭᑭᔅᒡ ‍ ᐎᑎᒪᒐᒡ ᐊ ‍ ᒂᔅᒋᐃᔨᒥᓇᓄᐎᒡ᙮ ᒥᒄ ᒪᒃ ᑕᓐ ᒥᒄ ᒐ ‍ ᐃᑎᓇᓄᒂ ᐊᓐᑕ ᐊ ‍ ᐊᔭᒥᐊᓄᐅᒡ ᔭᐃᑕᔾ ᒐᒋ ᐎᒋᐃᑯᒡ ᐊᓐᒡ ᑲ ‍ ᑕᑈᑕᒡ ᐊᓐᑕ ᐊ ‍ ᑕᒡ ᐊᐅᑯᓐ ᒋᐸ ‍ ᐃᑐᑕᑭᓄᐤ᙮
\v 27 ᐊᐛᓐᒋ ᐊ ᐎ ‍ ᒂᔅᒋᐃᔨᒥᒡ, ᓇᒪ ᒪᐅᓱᐧᒃ ᒋᐸ ᐅᒋ ‍ ᐊᔨᒧᒡ᙮ ᐊᑯ ᒪᒃ ᒋᐸ ‍ ᑕᐤ ᐊᐛᓐ ᐊ ‍ ᐱᔭᑭᔅᒡ ‍ ᐎᑎᒧᐛᑕᐧᒃ ᑕᓐ ᐊ ‍ ᐃᓇᓄᐎᒡ᙮ ᑭᔭ ᓇᒪ ᐊᑐᐎᔅ ᓂᓱ ᒪᒃ ᓂᔅᑐ ᒋᐸ ᐅᒋ ‍ ᐃᔨᒧᒡ ᐸᐃᒂᐤ ᐊ ‍ ᒂᔅᒋᐃᔨᒥᐊᓄᐎᒡ᙮ ᐸᐸᐃᒄ ᒋᐸ ‍ ᐃᔨᒧᐅᒡ᙮ ᓇᒪ ᒪᐅᓱᐧᒃ ᒋᐸ ᐅᒋ ‍ ᐃᔨᒧᐅᒡ᙮
\v 28 ᐊᑯ ᒪᒃ ᐊᑲ ᑕᔨᒐ ᐊᐛᔪᐛ ᒐ ‍ ᐱᔭᑭᔅᒡ ‍ ᐎᑎᒥᔨᒋ ᐊᐛᓐ ᐊ ‍ ᒂᔅᒋᐃᔨᒥᑦ ᐊᑯᔅ ᓇᒪ ᒋᐸ ᐅᒋ ‍ ᒋᔅᑐᐤ ᒪᒂᒡ ᐊᓂᔭ ᐊ ‍ ᐃᔨᒪᐊᓄᐎᒡ᙮ ᐊᑯᔅ ᒥᒄ ᐸᐧᑲᒡ ᒋᑭ ‍ ᒂᔅᒋᐃᔨᒧᐤ ᑭᔭ ᐊ ‍ ᐃᔨᒪᐊᑦ ᒋᓴᒪᓂᑐᐛ᙮
\p
\v 29 ᑭᔭ ᒥᒄ ᓂᓱ ᑭᔭ ᒪᒃ ᓂᔅᑐ ᐊᐛᓐᒋ ᒋᐸ ‍ ᒋᔅᒋᐛᐃᒐᐅᒡ ᐊᓐᑕ ᐊ ‍ ᐃᔨᒪᐊᓄᐎᒡ᙮ ᐊᑯ ᐊᓐᒡ ᑯᑎᑭᒡ ᐃᔭᒂ ᒋᐸ ‍ ᓂᑐᑎᒧᒡ ᑭᔭ ᐃᔭᒂ ᒋᐸ ᓇᓂᑐ  ᒋᔅᒐᔨᑎᒧᒡ ᑎᔭᑈᒥᑭᓂᒂ ᑕᓐ ᐊ ‍ ᐃᓇᓄᐎᒡ᙮
\v 30 ᑯᑎᒃ ᒪᒃ ᐊᐛᓐ ᐃᑎᑯᒐ ᒋᓴᒪᓂᑐᐛ ᒐᒋ ᒋᔅᒋᐛᐃᒐᑦ, ᐊᓐ ᐊᐛᓐ ᓂᔅᑎᒻ ᑲ ‍ ᐃᔨᒥᑦ ᒋᐸ ‍ ᐸᓯᑯᐤ ᐊ ‍ ᐃᔨᒥᑦ᙮
\v 31 ᒥᓯᐛ ᐊ ‍ ᑎᓯᔭᒄ ᒪᒥᔅᑯᒡ ᒋᑭ ᒋ ‍ ᒋᔅᒋᐛᐃᒐᓇᐛᐤ᙮ ᐊᑯ ᒪᒃ ᒥᓯᐛ ᐊ ‍ ᑎᓯᔭᒄ ᒐ ‍ ᓂᔅᑐᑎᒪᒄ ᑭᔭ ᒐ ‍ ᐎᒋᐃᑯᔭᒄ᙮
\v 32 ᐊᐛᓐ ᑲ ‍ ᒋᔅᒋᐛᐃᒐᑦ ᒋᐸ ‍ ᒋᔅᒐᔨᑎᒻ ᑕᐃᔅᐱ ᒐ ‍ ᐃᔨᒥᑦ ᑭᔭ ᑕᐃᔅᐱ ᒋᐸ ‍ ᐳᓂᐤ ᐊ ‍ ᐃᔨᒥᑦ᙮
\v 33 ᐛᔅ ᑕᐸ ᒋ ‍ ᓂᑐᐛᔨᒥᑯᓄᐤ ᒋᓴᒪᓂᑐᐤ ᒐ ᐊᑲ ᒋ ᒋᐧᑲᐛᒋᐱᔨᑕᔭᐧᒄ ᒐᒂᓐ ᐊᓐᑕ ᐊ ‍ ᐊᔭᒥᐊᓄᒡ᙮
\p ᓂᑐᐛᔨᑎᒻ ᒥᓯᐛ ᒐᒂᔪᐤ ᒐᒋ ᒥᔪᐱᔨᒡ ᑭᔭ ᒪᒃ ᒐᒋ ᒋᔭᒪᔨᑕᑯᓂᔨᒡ ᐊᓐᑕ᙮
\v 34 ᒪᐅ ᒪᒃ ᒋᐸ ‍ ᐃᑕᔨᑕᑯᓇ ᐊᔭᒥᐊᐅᒋᐛᐸ ᒥᓯᐛ ᐊᓐᑕ ᓇᔅᑐᐎᒡ ᑲ ‍ ᑕᑈᑕᒡ᙮ ᐃᔎᐅᒡ ᓇᒪ ᒋᐸ ᐅᒋ ‍ ᐃᔨᒧᐅᒡ ᐊ ‍ ᐊᔭᒥᐊᓄᐎᒡ᙮ ᐛᔅ ᒋ ‍ ᒋᑕᐊᒧᐛᑭᓄᐎᒡ ᒐᒋ ᐃᔨᒥᒡ, ᒐᒋ ᐱᔅᑕᔨᒥᑐᓱᔅᑐᐛᒡ ᐅᓇᐸᒧᐛᐛ ᒧᔭᒻ ᑕᓐ ᐊ ᐃᓯ ‍ ᐎᑎᒪᒐᒥᑭᓂᔨᒡ ᐎᓱᐛᐅᓂᔪᐤ᙮
\v 35 ᐊ ‍ ᑎᑯᓂᔨᒂ ᒪᒃ ᒐᒂᔪᐤ ᐊᑐᐎᔅ ᐊ ᐎ ‍ ᒋᔅᒐᔨᑕᒡ ᑕᓐ ᑲ ᐃᓯ ‍ ᐊᔨᒧᑕᑭᓄᔨᒋ ᐅᓇᐸᒧᐛᐛ ᒋᐸ ‍ ᑯᒂᒋᒪᐅᒡ ᐃᔅᐱ ᓇᑕ ᐎᒋᐛᐛᒡ ᑕᑥᐛ᙮ ᐛᔅ ᓇᒪ ᓇᔅᒡ ᒧᔭᒻ ᐃᓯᓇᑯᓂᔪᐤ ᐃᔎᐤ ᒐᒋ ᐃᔨᒥᑦ ᐊᓐᑕ ᐊ ‍ ᐊᔭᒥᐊᓄᐎᒡ᙮
\v 36 ᒋᑦ ᐃᑕᔨᑕᓇᐛᐤ ᐊ ᒋᔨᐛᐤ ᐊ ‍ ᑕᔭᒄ ᐊᒋ ‍ ᐅᒋᐱᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ, ᒪᒃ ᒥᒄ ᒋᔨᐛᐤ ᐊᒋ ‍ ᐅᑎᑕᐅᑯᔭᒄ ?
\p
\v 37 ᐸᐃᒄ ᒪᒃ ᐊᐛᓐ ᐊᓐᑕ ᐊ ‍ ᑎᓯᔭᒄ ᐊ ‍ ᐃᑕᔨᑎᒧᒂ ᐊ ‍ ᐅᒋᔅᒋᐛᐃᒐᓱᐅᑦ ᒪᒃ ᐊ ‍ ᐃᑕᔨᑎᒧᒂ ᐊᒐᐧᒄ ᒥᔨᐛᐅᓂᔪᐤ ᐊ ‍ ᐊᔭᑦ, ᒋᐸ ‍ ᒋᔅᒐᔨᑎᒻ ᐅᔭ ᑲ ᐃᓯ ‍ ᒥᓯᓇᐊᒪᑎᑯᒡ ᐅᑎᐸᔨᒋᒐᐛ ᐅᔭ ᐊ ‍ ᐃᑎᓱᐛᔨᒋ᙮
\v 38 ᐊᑯ ᒪᒃ ᐊᐛᓐ ᐊᑲ ᒋᔅᒐᔨᑕᒐ ᐅᔭ, ᐊᑯᑕ ᐊ ‍ ᓄᑯᓂᔨᒡ ᐊᑲ ᐅᒋᔅᒋᐛᐃᒐᓱᐅᑦ ᐊᑎ ᐊᒋ ‍ ᐃᔅᒋᔄᑦ ᐊ ‍ ᐅᒋᔅᒋᐛᐃᒐᓱᐅᑦ᙮
\p
\v 39 ᐊᑯ ᒪᒃ ᓂᐧᑲᓂᓯᑐᒄ, ᓱᒃ ᒋᐸ ‍ ᐃᑕᔨᑕᓇᐛᐤ ᒐᒋ ᒋᔅᒋᐛᐃᒐᔭᒄ᙮ ᐊᑲᐎᔾ ᑭᔭ ᒋᑭ ᐅᒋ ‍ ᒋᐱᒋᐊᐛᐅᒡ ᐊᓐᒡ ᑲ ‍ ᒂᔅᒋᐃᔨᒥᒡ᙮
\v 40 ᒥᓯᐛ ᒐᒂᓐ ᐊ ‍ ᐃᑐᑕᑭᓄᐅᒡ ᑯᐃᔅᒄ ᒋᐸ ‍ ᐃᑐᑕᑭᓄᐤ ᑭᔭ ᒋᐸ ᐊᑎ ‍ ᓂᐃᔅᑲᑐᒥᑭᓇ ᒥᓯᐛ ᑕᓐ ᐊ ᐊᑎ ‍ ᐃᑎᓇᓄᐅᒡ᙮
\c 15
\s1 ᙭ ᑲ ‍ ᐅᓂᔅᑲᑦ ᓂᐳᐅᓂᒡ ᐅᒡ
\s2 1 Corinthians 15.1-11 (Easter Sunday Year B; Epiphany-5 Year C)
\p
\v 1 ᐊᑯ ᒪᒃ ᐛ ᒋᔅᒋᓱᒥᑎᑯᒡ, ᓂᐧᑲᓂᓯᑐᒄ, ᐊᓐ ᒥᔽᒋᒧᐅᓐ ᑲ ‍ ᐊᔨᒧᑎᒪᓐ ᑲ ‍ ᑭᒐᔅᒋᒥᑎᑯᒡ, ᔅᒋ ‍ ᑕᑈᑕᓇᐛᐤ ᑭᔭ ᔅᒋ ‍ ᐅᑎᓇᓇᐛᐤ ᑕᓐ ᑲ ᐃᓯ ‍ ᐎᑎᒪᓐ᙮ ᐊᐅᒄ ᒥᔽᒋᒧᐅᓐ ᐊᔨᒋᑲᐳᐃᑯᔭᒄ᙮
\v 2 ᐊᐅᒄ ᒥᔽᒋᒧᐅᓐ ᒋᓴᔅ ᑲ ‍ ᐊᔨᒧᒪᑭᓄᐅᑦ ᑲ ‍ ᐊᔨᒧᑎᒪᓐ ᑲ ‍ ᑭᒐᔅᒋᒥᑎᑯᒡ᙮ ᐊᐅᒄ ᒐ ‍ ᐱᒪᒋᐃᑯᔭᒄ ᓱᒃ ᒥᒪᒋᒥᓂᒪᒂ᙮ ᐊᑲ ᒪᒃ ᐅ ᑎᔭᒂ ᐊᑯ ᑭᑈ ᒐᔅᑲ ᐊᒋ ‍ ᑕᑈᑎᒪᒄ ᒐ ‍ ᐃᓯᓇᒂᒡ ᐊᑲ ᐱᒪᒋᐃᑯᔭᒂ᙮
\p
\v 3 ᐛᔅ ᔅᒋ ‍ ᐊᓱᐤ ᐎᑎᒪᑎᓇᐛᐤ ᐊᓐ ᑲ ‍ ᒥᔨᑯᐅᔭᓐ ᒐᒋ ᒋᔅᒐᔨᑎᒪᓐ᙮ ᓇᔅᒡ ᑕᑈ ᒋᒋᐛ ᐃᑕᔨᑕᑯᓐ ᐅ ᑲ ‍ ᐛᐎᑎᒪᑎᑯᒡ᙮ ᒪᐅ ᐊ ᐃᓯ ‍ ᐎᑎᒪᒐᒥᑲᒡ᙮ ᙭ ᔅᒋ ‍ ᓂᐱᔅᑎᒪᑭᓄᐤ ᒐᒋ ᐛᐸᔨᑎᒪᑯᐛᐧᒄ ᒋᒥᒋᑥᐅᓄᐛ ᒧᔭᒻ ᐊ ᐃᓯ ‍ ᐊᔨᒧᑕᔨᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒐ ‍ ᐃᑐᑎᒪᑯᐱᓇ᙮
\v 4 ᐎᑎᒪᒐᒥᑭᓐ ᐅ ᒥᔽᒋᒧᐅᓐ ᐊᒋ ‍ ᓇᐅᔅᑕᑭᓄᐎᒡ ᙭ ᐎᔪᐤ᙮ ᐃᔅᐱ ᒪᒃ ᑲ ᓂᔅᑐ ‍ ᒋᓯᑲᔨᒡ ᐊᑯ ᑲ ‍ ᐅᓂᔅᑲᓇᑭᓄᐅᑦ ᑲᐤ ᒐᒋ ᐱᒪᑎᓯᑦ᙮ ᐊᐅᒄ ᐅ ᐊ ᐃᓯ ‍ ᐊᔨᒧᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮
\v 5 ᐊᔨᒧᑕᐤ ᑭᔭ ᐊᒋ ‍ ᓄᑯᓯᔅᑐᐛᑦ ᐱᑕᕋ᙮ ᒐᒃ ᒥᓐ ᐊᓂᔭᔪᐛ ᑲ ‍ ᓂᓱᓴᐳᔨᒋ ᒂ ‍ ᓄᑯᓯᔅᑐᐛᑦ ᐊᓂᔭᔪᐛ ᐎᔾ ᐛᒋᒡ ᑲ ‍ ᐅᑎᓇᑦ ᒐᒋ ᓇᓴᐅᑯᑦ᙮
\v 6 ᒐᒃ ᒪᒧᐤ ᒂ ‍ ᓄᑯᓯᔅᑐᐛᑦ ᐅᔅᑕ ᐱᑕᑕᒡ ᑕᑐᐤ ᒥᑕᓯᒥᑎᓄᐤ ᐊᑎᓯᔨᒋ ᐊᓂᔭᔪᐛ ᑲ ‍ ᑕᑈᔭᔨᒥᑯᑦ᙮ ᐊᔅᒄ ᒥᒐᑦ ᐱᒪᑎᓯᔪᐛ ᐅᔭ ᑲ ‍ ᓄᑯᓯᔅᑐᐛᑦ᙮ ᐱᔅᒐ ᓴᔅ ᒋ ‍ ᐳᓂᐱᒪᑎᓯᔪᐛ᙮
\v 7 ᒋᒥᓴ ᒥᓐ ᒋ ‍ ᓄᑯᓯᔅᑐᐛᐤ᙮ ᒥᓯᐛ ᑭᔭ ᐊᓂᔭ ᐊᑈᔅᑕᓇ ᑲ ‍ ᐃᑕᐱᑎᓯᔨᒋ ᒋ ‍ ᓄᑯᓯᔅᑐᐛᐤ᙮
\p
\v 8 ᐃᔭᐱᒡ ᓂᒋ ‍ ᓄᑯᓯᔅᑕᒄ ᑭᔭ ᓂᔾ ᐊᑎ ᓂᔾ ᒪᐅᒡ ᓄᑕᔅ ᐊᒋ ‍ ᐃᑕᔨᑕᑯᓯᔭᓐ᙮ ᓂᔾ ᒪᔅᑕᔾ ᓂᒋ ‍ ᓄᑯᓯᔅᑕᒄ᙮
\p
\v 9 ᐛᔅ ᓂᔾ ᒪᐅᒡ ᓇᒪ ᒐᒂᓐ ᓂᑦ ᐃᑕᔨᑕᑯᓯᓐ ᐊ ‍ ᑕᑎᓯᒡ ᒥᓯᐛ ᐊᓐᒡ ᑲ ‍ ᐅᑎᓇᑭᓄᐎᒡ ᐊᑈᔅᑕᓐᒡ ᒐᒋ ᐃᑕᐱᒋᐊᑭᓄᐎᒡ᙮ ᓇᒪ ᐛᐛᒡ ᓂ ‍ ᒋᔅᑕᔨᑕᑯᓯᓐ ᐊᑈᔅᑕᓐ ᒐᒋ ᐃᓯᓂᐧᑲᑎᑯᐅᔭᓐ ᐛᔅ ᓂᒋ ‍ ᓂᓇᐧᑲᒋᐃᒪᐛ ᒋᓴᒪᓂᑐᐤ ᐅᑦ ᐃᔨᒪ᙮
\v 10 ᒥᒄ ᒪᒃ ᒋᓴᒪᓂᑐᐤ ᓴᒐᔾ ᐊ ‍ ᒥᔪᑐᑎᒧᐛᑦ ᐊᐛᔪᐛ ᐊᑯᑕ ᐛᒋ ‍ ᐃᓯᓇᑯᓯᔭᓐ ᑕᓐ ᐊ ‍ ᐃᓯᓇᑯᓯᔭᓐ ᐊᓄᒡ᙮ ᓇᒪ ᒪᒃ ᒐᔅᑲ ᐊᓂᔭ ᑲ ᐃᓯ ‍ ᓴᒐᔾ ᒥᔪᑐᑎᒧᐅᑦ᙮ ᓂᔾ ᒪᒃ ᐎ, ᐊᑐᐎᔅ ᓱᒃ ᓂᒋ ‍ ᐊᑐᔅᒐᓐ ᐃᔅᐱᔅ ᒥᓯᐛ ᐊ ‍ ᑕᑎᓯᒡ ᐊᓐᒡ ᑯᑎᑭᒡ ᐊᑈᔅᑕᓇᒡ᙮ ᓇᒪᐎᔾ ᒪᒃ ᓂᔾ ᑎᐱᔨᐛ ᑲ ‍ ᐃᑎᔭᓐ᙮ ᒋᓴᒪᓂᑐᐤ ᐎᔾ ᓴᒐᔾ ᐊᒋ ‍ ᒥᔪᑐᑎᒧᐅᑦ ᐛᒋ ‍ ᐃᑐᑎᒪᓐ ᐅ ᑲ ᐃᓯ ‍ ᐊᔨᒧᑎᒪᓐ᙮
\v 11 ᐊᐅᒄ ᐅ ᒥᔽᒋᒧᐅᓐ ᒥᓯᐛ ᐊ ‍ ᑎᓯᔭᒡ ᐊ ᐃᓯ ‍ ᑭᒐᔅᒋᒧᔭᒡ, ᓂᔾ ᑭᔭ ᐊᓐᒡ ᑯᑎᑭᒡ ᐊᑈᔅᑕᓇᒡ᙮ ᐊᐅᒄ ᒪᒃ ᐅ ᑎᔭᑈᑎᒪᒄ᙮
\s1 ᒐ ‍ ᐅᓂᔅᑲᓂᑯᐅᔭᐧᒄ ᓂᐳᐅᓂᒡ ᐅᒡ
\s2 1 Corinthinans 15.12-20 (Epiphany-6 Year C)
\p
\v 12 ᐅ ᒪᒃ ᐊ ᐃᓯ ‍ ᑭᒐᔅᒋᒧᔭᒡ ᐊ ‍ ᐊᔨᒧᑎᒪᒡ ᙭ ᐊᒋ ‍ ᐅᓂᔅᑲᓇᑭᓄᐅᑦ ᑲ ‍ ᓂᐱᑦ, ᑕᓐᑕ ᐱᔅᒐ ᐊᓐᑕ ᐊ ‍ ᑎᓯᔭᒄ ᐛᒋ ‍ ᐃᔅᒋᔄᔭᒄ ᐊᑲ ᑲᐤ ᒐ ᐅᒋ ‍ ᐅᓂᔅᑲᓇᑭᓄᐎᒡ ᐊᓐᒡ ᑲ ‍ ᓂᐱᒡ᙮
\v 13 ᐛᔅ ᑕᑈ ᐊᓐ ᐊ ‍ ᐃᓯᓇᑯᓂᒂ ᐊᑯ ᑭᑈ ᓇᒪ ᐅᒋ ᐅᓂᔅᑲᓇᑭᓄᔨᒐ ᙭ ᑲ ‍ ᓂᐱᑦ᙮
\v 14 ᐊᑯ ᒪᒃ ᐊᑲ ᑲᐤ ᐅᒋ ᐅᓂᔅᑲᓇᑭᓄᒂ ᙭ ᑲ ‍ ᓂᐱᑦ ᐊᑯ ᑭᑈ ᓇᒪᐎᔾ ᒐᒂᓐ ᐃᑕᐱᑎᓐ ᐊᓐ ᑲ ᐃᓯ ‍ ᑭᒐᔅᒋᒧᔭᒡ᙮ ᑭᔭ ᓇᒪᐎᔾ ᒐᒂᓐ ᐃᑕᐱᑎᓐ ᑕᓐ ᐊ ᐃᓯ ‍ ᑕᑈᑎᒪᒄ᙮
\v 15 ᐛᐛᒡ ᒋᐸ ‍ ᓄᑯᓐ ᐊ ‍ ᑭᑭᒋᔭᒥᒋᒡ ᒋᓴᒪᓂᑐᐤ ᐛᔅ ᓂᒋ ‍ ᐃᑕᒋᒪᓇᓐ ᑲᐤ ᐊᒋ ‍ ᐅᓂᔅᑲᓇᑦ ᙭ᑕ ᑲ ‍ ᓂᐱᔨᒋ᙮ ᑎᔭᑈᒥᑭᓂᒂ ᒪᒃ ᐊᑲ ᑲᐤ ᐅᓂᔅᑲᓇᑭᓄᐎᒡ ᑲ ‍ ᓂᐱᒡ ᐊᑯ ᑭᑈ ᓇᒪ ᐅᒋ ᐅᓂᔅᑲᓇᒐ ᒋᓴᒪᓂᑐᐤ ᙭ᑕ᙮
\v 16 ᐛᔅ ᑕᑈ ᐊᑲ ᑲᐤ ᐅᓂᔅᑲᓇᑭᓄᐛᒂ ᑲ ‍ ᓂᐱᒡ ᐊᑯ ᑭᑈ ᑭᔭ ᐎᔾ ᙭ ᓇᒪ ᑲᐤ ᐅᒋ ᐅᓂᔅᑲᓇᑭᓄᐎᔨᒐ᙮
\v 17 ᐊᑲ ᒪᒃ ᐅᒋ ᐅᓂᔅᑲᓇᑭᓄᒂ ᙭ ᑭᑈ ᒐᔅᑲ ᑲ ‍ ᑕᑈᔭᔨᒪᒄ᙮ ᑭᔭ ᐊᔅᒄ ᒋ ‍ ᐅᓂᓯᓇᐛᐤ ᒋᒥᒋᑥᐅᓄᐛᒡ᙮
\v 18 ᑎᔭᑈᒥᑭᓂᒂ ᐊᑲ ᑲᐤ ᐅᓂᔅᑲᓇᑭᓄᐅᒡ ᐊᓐᒡ ᑲ ‍ ᓂᐱᒡ ᑭᑈ ᐊᓐᒡ ᓴᔅ ᑲ ‍ ᓂᐱᒡ ᐊᒋ ‍ ᑕᑈᐅᒐᔨᒪᒡ ᙭ᑕ ᐅᓂᓯᓄᒐᓂᒋ᙮
\s2 1 Corinthians 15.19-26 (Easter Sunday Year C)
\p
\v 19 ᒧᔭᒻ ᐃᔭᒂᒪᒡ ᒥᒄ ᐅᑕ ᐊᔅᒋᒡ ᐊ ‍ ᐱᒪᑎᓯᔭᐧᒄ ᐛᒋᐃᑯᐛᐅᒂ ᐊ ‍ ᑕᑈᐅᒐᔨᒪᐧᒄ ᙭ ᒋᔭᓄᐤ ᒪᐅᒡ ᒋ ‍ ᒋᔅᑎᒪᒐᔨᑕᑯᓯᓇᓄᐤ ᐊ ‍ ᑎᓯᑦ ᐊᐛᓐ ᐅᑕ ᐊᔅᒋᒡ ᐊ ‍ ᐱᒪᑎᓯᑦ᙮
\p
\v 20 ᒥᒄ ᒪᒃ ᑕᑈᒥᑭᓐ ᙭ ᑲᐤ ᐊᒋ ‍ ᐅᓂᔅᑲᓇᑭᓄᐅᑦ ᑲ ‍ ᓂᐱᑦ᙮ ᐊᑯᑕ ᒪᒃ ᐛᒋ ‍ ᒐᔅᑎᓇᑕᔨᑕᒂᒡ ᑭᔭ ᐎᔨᐛᐤ ᒐ ‍ ᐅᓂᔅᑲᓇᑭᓄᐅᒡ ᐊᓐᒡ ᑲ ‍ ᓂᐱᒡ ᐊᒋ ‍ ᑕᑈᔭᔨᒪᒡ ᙭ᑕ᙮
\v 21 ᐛᔅ ᒋ ‍ ᑎᑯᓂᔪᐤ ᐸᐃᒄ ᓇᐸᐤ ᒐᒂᔪᐤ ᐊᒋ ‍ ᐃᑎᑦ ᐛᒋ ‍ ᑎᒂᒡ ᓂᐳᐅᓐ, ᑭᔭ ᑕᐤ ᑯᑎᒃ ᓇᐸᐤ ᐊᓂᔭ ᑕᓐ ᑲ ‍ ᐃᑎᑦ ᐊᑯᑕ ᐛᒋ ‍ ᑎᑯᓂᔨᒡ ᑲᐤ ᒐᒋ ᐅᓂᔅᑲᓇᑭᓄᐎᒡ ᑲ ‍ ᓂᐱᒡ᙮
\v 22 ᓂᐱᐅᓂᔪᐤ ᔅᒋ ‍ ᐸᑥᑯᓄᐤ ᐊᑕᒻ, ᐎᔾ ᒪᒃ ᙭ ᐱᒪᑎᓯᐅᓂᔪᐤ ᔅᒋ ‍ ᐸᑥᑯᓄᐤ᙮
\v 23 ᒥᓯᐛ ᒪᒃ ᐊᐛᓐ ᑎᑯᓂᔪᐤ ᑕᐃᔅᐱ ᒐ ‍ ᐅᓂᔅᑲᓇᑭᓄᐅᑦ᙮ ᙭ ᓂᔅᑎᒻ ᒋ ‍ ᐅᓂᔅᑲᓇᑭᓄᐤ᙮ ᐊᑯ ᒪᒃ ᒐ ‍ ᐅᓂᔅᑲᓇᑭᓄᔨᒋ ᐊᓂᔭᔪᐛ ᐊᐛᔪᐛ ᑲ ‍ ᑎᐱᔨᐛᐅᓯᑦ ᐃᔅᐱ ᒥᓐ ᑎᑯᓯᒐ᙮
\v 24 ᐊᑯ ᒪᒃ ᙭ ᒐ ‍ ᓂᓱᐅᓇᒋᑕᑦ ᒥᓯᐛ ᐅᒋᒪᐅᓂᔪᐤ, ᒥᓯᐛ ᑎᐸᔨᒋᒐᐅᓂᔪᐤ ᑭᔭ ᓱᐧᑲᑎᓯᐅᓂᔪᐤ᙮ ᐊᑯ ᒪᒃ ᒐ ‍ ᐃᔎᐱᔨᒡ ᐊᔅᒋᔾ᙮ ᐃᔅᐱ ᒪᒃ ᐅ ᒋ ‍ ᐃᔅᐱᔨᒐ ᐊᑯ ᙭ ᒐ ‍ ᒥᔭᑦ ᒋᓴᒪᓂᑐᐛ ᐅᑕᐎᒪᐛ ᒋᓴᐅᒋᒪᐅᓂᔪᐤ᙮
\v 25 ᐛᔅ ᐎᔾ ᒋᑭ ‍ ᐅᒋᒪᐤ ᙭ ᐸᑐᔅ ᒋᓴᒪᓂᑐᐛ ᒋ ‍ ᓴᒂᔨᒐᓂ ᒥᓯᐛ ᐊᓂᔭᔪᐛ ᑲ ‍ ᐛᐧᑲᑎᑯᑦ ᙭ ᑭᔭ ᒋ ‍ ᒥᔨᑯᒐ ᓇᔅᒡ ᒐᒋ ᑎᐸᔨᒪᑦ᙮
\v 26 ᐊᓐ ᒪᔅᑕᔾ ᒐᒂᓐ ᒐ ‍ ᓂᓱᐅᓇᒋᑕᑭᓄᐅᒡ ᐊᐅᒄ ᓂᐳᐅᓐ᙮
\v 27 ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᒋᓴᒪᓂᑐᐤ ᒥᓯᐛ ᒐᒂᔪᐤ ᒋ ‍ ᒥᔭᐤ ᒐᒋ ᑎᐸᔨᑎᒥᔨᒋ᙮” ᐅ ᒪᒃ ᑲ ‍ ᐃᑎᔅᑕᒡ ᒥᓯᐛ ᒐᒂᔪᐤ ᒋ ‍ ᒥᔭᑭᓄᐤ ᐎᔾ ᒐᒋ ᑎᐸᔨᑕᐧᒃ ᓂᔅᑐᑕᑯᓐ ᐊᑲ ᐊᔅᑎᒋᒪᑭᓄᐅᑦ ᒋᓴᒪᓂᑐᐤ ᐊᓐᑕ ᐊᓂᔭ ᑲ ‍ ᐃᑎᔅᑕᔨᒡ᙮ ᐛᔅ ᒋᓴᒪᓂᑐᐤ ᙭ᑕ ᒥᔭᐤ ᒥᓯᐛ ᒐᒂᔪᐤ ᒐᒋ ᑎᐸᔨᑎᒥᔨᒋ᙮
\v 28 ᐃᔅᐱᔅ ᒥᓯᐛ ᒐᒂᔪᐤ ᒋ ‍ ᒥᔭᑭᓄᐅᒐ ᙭ ᒐᒋ ᑎᐸᔨᑕᐧᒃ ᐊᑯ ᐎᔾ ᙭ ᒐ ‍ ᐱᔅᑕᔨᒥᑎᓱᔅᑐᐛᑦ ᒋᓴᒪᓂᑐᐛ, ᐊᓂᔭᔪᐛ ᑲ ‍ ᒥᔨᑯᑦ ᒥᓯᐛ ᒐᒂᔪᐤ ᒐᒋ ᑎᐸᔨᑕᐧᒃ᙮ ᐊᑯ ᒪᒃ ᒋᓴᒪᓂᑐᐤ ᓇᔅᒡ ᒥᓯᐛ ᒐᒂᔪᐤ ᑭᔭ ᒥᓯᐛ ᐊᐛᔪᐛ ᒐ ‍ ᑎᐸᔨᒪᑦ᙮
\p
\v 29 ᑕᐅᒡ ᐊᓐᒡ ᐊᒋ ‍ ᓯᑲᐃᑕᑯᓯᒡ ᐊᓂᔭ ᐅᒋ ᐊᐛᔪᐛ ᓴᔅ ᐊᒋ ‍ ᓂᐱᔨᒋ᙮ ᑕᓐ ᒪᒃ ᐛ ᐃᑎᒡ ᐊᓂᔭ ᑲ ‍ ᐃᑎᒡ᙮ ᐛᔅ ᑕᑈ ᐊᑲ ᒥᓐ ᐅᓂᔅᑲᓇᑭᓄᐛᒂ ᐊᓐᒡ ᓴᔅ ᑲ ‍ ᓂᐱᒡ ᒐᒂᔪᐤ ᐛᒋ ‍ ᓯᑲᐃᑕᑯᓯᒡ ᐊᓂᔭ ᐅᒋ ᐊᐛᔪᐛ ᓴᔅ ᐊᒋ ‍ ᓂᐱᔨᒋ᙮
\v 30 ᐊᑯ ᒪᒃ ᓂᔾ, ᒐᒂᓐ ᐊᓯᑯᒻ ᑎᐸᐃᑭᓇ ᐛᒋ ‍ ᐱᔅᑎᓂᓱᔭᓐ ᐊᓐᑕ ᒂᔅᑕᑎᒂᒡ ᐊᑲ ᐊ ‍ ᑎᑯᓂᒂ ᐅᓂᔅᑲᓄᐅᓐ᙮
\v 31 ᓂᐧᑲᓂᓯᑐᒄ, ᐊᓯᑯᒻ ᒋᓯᑲᐛ ᓂ ‍ ᐸᓱᐛᐸᑕᓐ ᓂᐳᐅᓐ᙮ ᐊᓐ ᐊ ᐃᓯ ‍ ᒪᒥᒋᐃᔭᒄ ᑕᐱᔅᑯᓐ ᐊ ‍ ᐎᒐᐅᒄ ᐅᑎᐸᔨᒋᒐᐤ ᒋᓴᔅ ᐊᑯᑕ ᐛᒋᐱᔨᒡ ᐅ ᒐᒋ ᐃᔅᒋᔄᔭᓐ᙮
\v 32 ᒧᔭᒻ ᒪᒃ ᒧᒡ ᑲ ‍ ᒪᓯᐊᐅᒐᐅᓐᒋ ᓇᐸᐅᒡ ᒧᔭᒻ ᐊᐛᓯᓯᒡ ᑲ ‍ ᑯᔅᑕᑎᑯᓯᒡ ᑲ ‍ ᐃᑕᔨᑕᑯᓯᒡ ᐃᐱᓴᔅ ᑲ ‍ ᑕᒡ ᒐᒂᓐ ᑲ ‍ ᐎᐧᑯᒋᑎᒪᓱᔭᓐ ? ᒧᔭᒻ ᑕᑈ ᐊᑲ ᐅᓂᔅᑲᓇᑭᓄᐛᒂ ᐊᓐᒡ ᓴᔅ ᑲ ‍ ᓂᐱᒡ ᐊᑯᔅ ᑭᑈ ᒋᐸ ‍ ᐃᑐᑕᓇᓄᐤ ᐊᓐ ᑲ ‍ ᐃᓇᓄᐅᒡ ᒐ ‍ ᐃᑐᑕᑭᓄᐅᒡ,
\q ᒥᒋᓱᑕᐤ ᑭᔭ ᒥᓂᒂᑕᐤ, ᐛᔅ ᐛᐸᒐ ᒋᑭ ‍ ᓂᐱᓇᓄᐤ᙮
\m
\v 33 ᐊᑲᐎᔾ ᒋᑭ ᐅᒋ ‍ ᐎᔭᓯᒥᑯᓇᐛᐤ᙮ ᑕᑈᒥᑭᓐ ᐊᓐ ᑲ ‍ ᐃᓇᓄᐅᒡ, “ᐊᓐᒡ ᑲ ‍ ᒥᒐᑎᓯᒡ ᐊᐛᓐᒋ ᐊ ‍ ᐱᐸᐎᒐᐛᑭᓄᐎᒡ ᐊᑯᑕ ᐛᒋᐱᔨᒡ ᓂᑎᒥᒄ ᐊ ‍ ᐃᑎᓇᓄᐅᒡ᙮”
\v 34 ᐎ ᐛᔅᑭᒪᔨᑎᒧᒄ ᒪ᙮ ᐊᑯᓐ ᐊᑯ ᐃᔅᐱᔅ ᒥᒋᑐᑎᒧᒄ᙮ ᒋᐸ ‍ ᓴᒂᔨᒧᓇᐛᐤ ᐊ ‍ ᐃᑎᑎᑯᒡ ᐱᔅᒐ ᐊᓐᑕ ᐊ ‍ ᑎᓯᔭᒄ ᐊᑲ ᒋᔅᒐᔨᒪᒄ ᒋᓴᒪᓂᑐᐤ᙮
\s1 ᑕᓐ ᒐ ‍ ᐃᓯᓇᑯᓯᒡ ᐊᓐᒡ ᒐ ‍ ᐅᓂᔅᑲᓇᑭᓄᐎᒡ ᓂᐳᐅᓂᒡ ᐅᒡ
\p
\v 35 ᒪᒃ ᒋᑭ ᒋ ‍ ᑯᒂᒋᒐᒧᐤ ᐊᐛᓐ, “ᑕᓐ ᐊ ‍ ᐃᑕᔨᑕᑯᓂᔨᒡ ᐊᐛᓐ ᐊ ‍ ᐅᓂᔅᑲᓇᑭᓄᐅᑦ ᐊᒋ ‍ ᓂᐱᑦ ? ᑕᓐ ᒐ ‍ ᐃᓯᓇᑯᓂᔨᒡ ᐎᔪᐤ ᐅᓂᔅᑲᓇᑭᓄᐅᒐ ?”
\v 36 ᐊᔪᐛᒡ ᓇᒪ ᒋᑦ ᐃᑕᔨᑕᓇᓄᐤ ᐊᓐ ᑲ ᐃᓯ ‍ ᑯᒂᒋᒐᒧᔭᒄ᙮ ᒪᒥᑐᓇᔨᑎᒧᒄ ᒪ ᒐᒂᓐ ᐊ ‍ ᓂᑕᐅᒋᑕᑭᓄᐅᒡ᙮ ᓂᔅᑎᒻ ᐊᓐᑕ ᑕᒥᒡ ᐊᔅᒋᒡ ᐊᔅᑕᑭᓄᐤ ᓂᑕᐅᒋᑕᑭᓐ ᐊᑎ ᐛᒋ ‍ ᒋᒋ ‍ ᓂᑕᐅᒋᒡ ᒐᒂᓐ᙮ ᐊᓐ ᒪᒃ ᑲ ‍ ᐊᔅᑕᑭᓄᐅᒡ ᐊᓐᑕ ᐸᑎᒪ ᒋᑭ ‍ ᓂᐱᒥᑭᓐ᙮ ᐊᑯ ᒪᒃ ᐃᔭᒄ ᒐ ‍ ᐱᒪᑎᓯᒥᑲᒡ, ᐊᑯ ᐃᔭᒄ ᒐ ‍ ᓂᑕᐅᒋᑦ᙮
\v 37 ᐊᓐ ᒪᒃ ᓂᑕᐅᒋᑕᑭᓐ ᑲ ‍ ᐊᔭᑭᓄᐅᑦ ᐊᓐᑕ ᐊᔅᒋᒡ ᓇᒪ ᓇᔅᒡ ᒋᔅᒐᔨᑕᑯᓐ ᑕᓐ ᐊᓐ ᒐ ‍ ᐃᓯᓇᒂᒡ ᐃᔅᐱ ᒋ ᐃᓯ ‍ ᓂᑕᐅᒋᒐ᙮
\v 38 ᒋᓴᒪᓂᑐᐤ ᒪᒃ ᐎᔾ ᐎᔭᔨᑎᒻ ᑕᓐ ᒐ ᐃᓯ ‍ ᓂᑕᐅᒋᑕᔨᒋ ᒥᓯᐛ ᓂᓇᐧᑯᐤ ᐊ ‍ ᐃᓯᓇᑯᓯᔨᒋ ᓂᑕᐅᒋᑕᑭᓇ᙮
\v 39 ᒪᒃ ᒪᒥᑐᓇᔨᒪᐧᑯᒡ ᐃᔪᒡ, ᐊᐛᓯᓯᒡ, ᐱᔭᓯᓯᒡ ᑭᔭ ᓂᒪᓯᒡ᙮ ᒥᓯᐛ ᐃᔭᒡ ᐃᓯᓇᑯᓂᔪᐤ ᐎᔪᐛᐛ᙮
\v 40 ᑎᑯᓇ ᒋᒋᒋᓯᒄ ᒥᔪᐛ ᑭᔭ ᑎᑯᓇ ᐊᔅᒋᔪᐤ ᒥᔪᐛ᙮ ᐃᔭᒡ ᒪᒃ ᐃᓯ ᒋᔅᑕᔨᑕᑯᓇ ᒋᒋᒋᓯᒄ ᒥᔪᐛ ᑕᓐ ᐊ ᐃᓯ ‍ ᒋᔅᑕᔨᑕᒂᒋ ᐊᔅᒋᔪᐤ ᒥᔪᐛ᙮
\v 41 ᑎᑯᓂᔪᐤ ᐊ ᐃᓯ ‍ ᒥᔽᔅᑐᐛᑦ ᐱᓯᒻ᙮ ᑎᐱᔅᑲᐤ ᐱᓯᒻ ᑭᔭ ᑎᑯᓂᔪᐤ ᐊ ᐃᓯ ‍ ᒥᔽᔅᑐᐛᑦ᙮ ᑭᔭ ᐅᒐᑭᑕᐧᑯᒡ ᑎᑯᓂᔪᐤ ᐊ ᐃᓯ ‍ ᒥᔽᔅᑐᐛᒡ᙮ ᐊᓐᒡ ᐅᒐᑭᑕᐧᑯᒡ ᓂᓇᐧᑯᐤ ᐃᓯᓇᑯᓂᔪᐤ ᐊ ᐃᓯ ‍ ᒥᔽᔅᑐᐛᒡ᙮
\p
\v 42 ᐊᐅᑯᓐ ᒧᔭᒻ ᐊ ‍ ᐃᓯᓇᒂᒡ ᒥᔪᐤ, ᐃᔅᐱᔅ ᑲ ‍ ᓇᐃᐧᑲᑭᓄᐅᒋ ᐊᑎ ᐃᔭᔪᐅᓐ ᐊᓐ ᒥᔪᐤ᙮ ᐃᔅᐱ ᒪᒃ ᐅᓂᔅᑲᓇᑭᓄᐅᒐ ᓂᐳᐅᓂᒡ ᐅᒡ, ᐊᓂᔭ ᐎᔪᐤ ᑲᒋᒡ ᒋᑭ ‍ ᐱᒪᑎᓯᒥᑭᓂᔪᐤ᙮
\v 43 ᐊᓐ ᑲ ‍ ᓇᐃᐧᑲᑭᓄᐅᒡ ᒥᔪᐤ ᓇᒪ ᐱᒪᑎᓯᒥᑭᓐ ᑭᔭ ᐎᓇᑯᓐ᙮ ᐃᔅᐱ ᒪᒃ ᐅᓂᔅᑲᓂᑭᓄᐅᒐ ᓂᐳᐅᓂᒡ ᐅᒡ ᐊᔪᐛᒃ ᒋᑭ ‍ ᓱᒋᓯᒥᑭᓐ ᑭᔭ ᒋᑭ ‍ ᒥᔽᓱᐤ᙮
\v 44 ᐊᐛᓐ ᐊ ‍ ᓇᐃᐧᑯᐛᑭᓄᐅᑦ, ᐊᓂᔭ ᐎᔪᐤ ᐎᔭᔅ ᒥᔪᐤ ᐃᓯᓇᑯᓂᔪᐤ᙮ ᐃᔅᐱ ᐅᓂᔅᑲᓇᑭᓄᐅᒐ ᐊᓐ ᑲ ‍ ᓇᐃᐧᑯᐛᑭᓄᐅᑦ, ᐊᓂᔭ ᐎᔪᐤ ᐊᒐᐧᒄ ᒥᔪᐤ ᒋᑭ ‍ ᐃᓯᓇᑯᓂᔪᐤ᙮ ᑎᑯᓐ ᐎᔭᔅ ᒥᔪᐤ᙮ ᑎᑯᓐ ᑭᔭ ᐊᒐᐧᒄ ᒥᔪᐤ᙮
\v 45 ᒥᓯᓇᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑎᔅᑕᒡ, “ᐊᓐ ᓂᔅᑎᒻ ᓇᐸᐤ, ᐊᑕᒻ, ᒋ ‍ ᐅᓯᐊᑭᓄᐤ ᒐᒋ ᐱᒪᑎᓯᑦ᙮” ᐊᓐ ᒪᒃ ᒪᔅᑕᔾ ᐊᑕᒻ ᐊᐅᒄ ᙭, ᐊᒐᐧᑯᐤ ᐎᔾ, ᐎᔾ ᒥᔨᐛᐤ ᐱᒪᑎᓯᐅᓂᔪᐤ᙮
\v 46 ᓂᔅᑎᒻ ᒥᔪᐤ ᒋ ‍ ᒥᔨᑯᓇᓄᐤ ᐅᑕ ᐊᔅᒋᒡ᙮ ᐊᑯ ᒪᒃ ᐸᑎᒪ ᒐ ‍ ᒥᔨᑯᐅᔭᐧᒄ ᐊᒐᐧᒄ ᒥᔪᐤ᙮
\v 47 ᐊᓐ ᓂᔅᑎᒻ ᓇᐸᐤ ᐊᑕᒻ, ᐃᔅᐱ ᑲ ‍ ᐅᓯᐃᑯᑦ ᒋᓴᒪᓂᑐᐛ ᐊᓯᔅᒋᒡ ᒋ ᐅᒋ ‍ ᐅᓯᐃᑯᐤ᙮ ᙭ ᒪᒃ ᒋᒋᒋᓯᑯᒡ ᒋ ‍ ᐅᑐᑕᐤ ᐎᔾ᙮
\v 48 ᒥᓯᐛ ᐊᐛᓐᒋ ᐅᑕ ᐊᔅᒋᒡ ᑲ ‍ ᐱᒪᑎᓯᒡ ᒧᔭᒻ ᐊᑕᒻ ᑲ ‍ ᐃᓯᓇᑯᓯᔨᒋ ᐃᓯᓇᑯᓱᐅᒡ᙮ ᐊᑯ ᒪᒃ ᐊᓐᒡ ᐊᐛᓐᒋ ᐊᓐᑕ ᒋᒋᒋᓯᑯᒡ ᒐ ‍ ᑕᒡ ᒧᔭᒻ ᙭ᑕ ᐊ ‍ ᐃᓯᓇᑯᓂᔨᒋ ᒋᑭ ‍ ᐃᓯᓇᑯᓱᐅᒡ᙮
\v 49 ᒧᔭᒻ ᒪᒃ ᐊ ᐃᓯ ‍ ᓂᔅᐱᑐᐛᐧᒄ ᐊᓐ ᐊᓯᔅᒋᒡ ᑲ ᐅᒋ ‍ ᐅᓯᐊᑭᓄᐅᑦ ᒐᔅᑎᓇᔅ ᑭᔭ ᒋᑭ ‍ ᓂᔅᐱᑐᐛᓄᐤ ᐊᓐ ᒋᒋᒋᓯᑯᒡ ᑲ ‍ ᐅᑐᑕᑦ᙮
\p
\v 50 ᒪᐅ ᐛ ᐃᓯ ‍ ᐎᑎᒪᑎᑯᒡ ᓂᐧᑲᓂᓯᑐᒄ᙮ ᐅᔭ ᒋᔭᓄᐛ ᑲ ‍ ᐎᔭᓱᐅᒋ ᑭᔭ ᑲ ‍ ᒥᐧᑯᐅᒋ ᓇᒪ ᒋᑭ ᒋ ‍ ᑎᑯᓇ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ, ᑭᔭ ᐊᓐ ᒐᒂᓐ ᒐ ‍ ᓂᐱᒥᑲᒡ ᑲ ‍ ᐅᓯᑕᑭᓄᐅᒡ ᓇᒪ ᑲᒋᒡ ᒋᑭ ᒋ ‍ ᐱᒪᑎᓯᒥᑭᓐ᙮
\v 51 ᒋ ‍ ᐎᑎᒪᑎᓇᐛᐤ ᒐᒂᓐ ᐊᑲ ᒋᔅᒐᔨᑕᑭᓄᐅᒡ᙮ ᓇᒪ ᒥᓯᐛ ᒋᑭ ᐅᒋ ‍ ᓂᐱᓇᓄᐤ᙮ ᒥᒄ ᒪᒃ ᒥᓯᐛ ᐊ ‍ ᑎᓯᔭᐧᒄ ᓯᔅᒋᑯᒡ ᒋᑭ ‍ ᒂᔅᒋᓇᑯᐃᑯᐅᓇᓄᐤ᙮
\v 52 ᐃᔅᐱ ᐸᑕᒂᒐ ᐳᑕᒋᑭᓐ ᐸᐃᒂᐤ ᐊ ‍ ᐱᓴᐧᑲᐱᑦ ᐊᐛᓐ ᐊᐅᑯᓐ ᒐ ‍ ᐃᔅᐱᔅ ᒋᓯᐱᔨᒡ ᐊ ‍ ᒂᔅᒋᓇᑯᐃᑯᐅᔭᐧᒄ᙮ ᐊᑯ ᒪᒃ ᐊᓐᒡ ᑲ ‍ ᓂᐱᒡ ᒐ ‍ ᐅᓂᔅᑲᓇᑭᓄᐎᒡ ᓂᐳᐅᓂᒡ ᐅᒡ ᑲᒋᒡ ᒐᒋ ᐱᒪᑎᓯᒡ᙮ ᐊᑯ ᒪᒃ ᒥᓯᐛ ᒐ ‍ ᒂᔅᒋᓇᑯᐃᑯᐅᔭᐧᒄ᙮
\v 53 ᐛᔅ ᒥᔪᐛ ᑲ ‍ ᔭᔪᓂᔨᒋ ᒋᑭ ‍ ᒂᔅᒋᓇᑯᑕᑭᓄᐛ ᒐ ᐊᑲ ᒋ ᔭᔪᓂᔨᒋ᙮ ᑭᔭ ᒋᑭ ‍ ᒂᔅᒋᓇᑯᑕᑭᓄᐛ ᐊᑲ ᓂᑕ ᒥᓐ ᒐ ‍ ᓂᐱᒥᑲᒋ᙮
\v 54 ᐃᔅᐱ ᒪᒃ ᐊᓐᒡ ᐊᐛᓐᒋ ᑲ ‍ ᓂᐱᒡ ᐅᓂᒥᑭᓂᒂᐛ ᐎᔪᐛᐛ ᐅᓂᔅᑲᓇᑭᓄᑥᐛ ᑲᒋᒡ ᐱᒪᑎᓯᐅᓂᒡ ᐃᔅ ᐊᑯ ᒐ ‍ ᐃᔅᐱᔨᒡ ᐊᓐ ᑲ ‍ ᐃᑎᔅᑕᒡ ᒋᓴᒪᓂᑐᐤ ᐅᒥᓯᓇᐃᑭᓂᒡ, “ᓴᔅ ᓇᒪ ᑎᑯᓐ ᓂᐳᐅᓐ, ᓴᔅ ᓇᔅᒡ ᒋ ‍ ᓴᐧᑯᒋᑕᑭᓄᐤ᙮”
\q
\v 55 ᓴᔅ ᓇᔅᒡ ᒋ ‍ ᔭᔪᑕᑭᓄᐤ ᓂᐳᐅᓐ᙮ ᓇᒪ ᐛᐛᒡ
\q ᒋᑭ ᒋ ‍ ᐊᐧᑯᐃᑯᓇᓄᐤ ᐊᑯ᙮
\m
\v 56 ᐛᔅ ᒥᒐᑎᓯᐅᓐ ᐊᐅᒄ ᐊ ‍ ᐃᑐᑕᐃᐛᒥᑲᒡ ᓂᐳᐅᓂᒡ᙮ ᐎᓱᐛᐅᓂᔪᐤ ᒪᒃ ᓴᐧᑯᒋᐱᑎᑯᐤ ᐊᐛᓐ ᒐᒋ ᒥᒋᑐᑕᐧᒃ᙮
\v 57 ᒋᑭ ‍ ᓂᓇᔅᑯᒪᓄᐤ ᒪᒃ ᒋᓴᒪᓂᑐᐤ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒡ᙮ ᔅᒋ ‍ ᐃᑐᑎᒪᑯᓇᓄᐤ ᒐ ᐊᑲ ᒋ ᓴᐧᑯᒋᐃᑯᔭᐧᒄ ᓂᐳᐅᓐ, ᐃᔭᐱᒡ ᑲᒋᒡ ᒐᒋ ᐱᒪᑎᓯᔭᐧᒄ᙮
\p
\v 58 ᐊᐅᒄ ᒪᒃ ᐅ ᐛᒋ ‍ ᓯᒋᒥᑎᑯᒡ ᓂᐧᑲᓂᓯᑐᒄ ᑲ ‍ ᓴᒋᐃᑎᑯᒡ, ᐊᔨᒋᑲᐳᐅᒄ ᐊ ‍ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᑲᐎᔾ ᓄᑎᐳᓂᒄ᙮ ᓱᒃ ᒧᔅ ᐊᑐᔅᒐᔅᑐᐛᐧᒄ ᐅᑎᐸᔨᒋᒐᐤ᙮ ᐛᔅ ᒋ ‍ ᒋᔅᒐᔨᑕᓇᐛᐤ ᒐᔅᑎᓇᔅ ᐊᑲ ᒐᔅᑲ ᔭᐱᑎᓯᔅᑎᐛᒄ ᐅᑎᐸᔨᒋᒐᐤ᙮
\c 16
\s1 ᒋᓴᒪᓂᑐᐤ ᐅᑦ ᐃᔨᒪ ᒐ ᐃᓯ ‍ ᒥᔭᑭᓄᔨᒋ
\p
\v 1 ᐊᑯ ᒐ ‍ ᐊᔨᒧᑎᒪᑎᑯᒡ ᐊᓐ ᓱᓇᔭᐤ ᒋᐸ ‍ ᒪᒧᓴᒋᓂᑭᓄᐤ ᒐᒋ ᐎᒋᐊᑭᓄᐎᒡ ᑲ ‍ ᑕᑈᑕᒡ ᐊᓐᑕ ᐊᓂᔭ ᐊᔅᒋᔪᐤ ᒍᑎᔭ ᐊ ‍ ᐃᓯᓂᐧᑲᑕᔨᒡ ᐊ ‍ ᑕᒡ᙮ ᒧᔭᒻ ᒪᒃ ᑲ ‍ ᐃᑎᓱᒥᒂᐤ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᓐᑕ ᑲᓚᓯᔭ ᐊ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ‍ ᑕᒡ ᒐᒋ ᐃᑎᒡ ᐊᐅᑯᓐ ᑭᔭ ᒋᔨᐛᐤ ᐃᑎᒄ᙮
\v 2 ᐊᓐ ᐊ ‍ ᒋᒋᐱᔨᒡ ᒥᓇᔅᑕᑭᓐ, ᒥᓯᐛ ᐊᐛᓐ ᐊᓐᑕ ᐊ ‍ ᑎᓯᔭᒄ ᒋᐸ ‍ ᑎᐸᓂᔅᑕᐤ ᓱᓇᔭᔪᐤ ᐊ ‍ ᓂᓇᑭᑐᐛᔨᑎᒥᐃᑯᑦ ᑕᓐ ᒪᒧᐤ ᑲ ᐃᓯ ‍ ᒥᔨᑯᑦ ᒋᓴᒪᓂᑐᐛ ᒐᒋ ᐅᑎᓂᒪᒐᑦ᙮ ᒥᓯᐛ ᒋᐸ ‍ ᒪᒧᐤ ᑭᓄᐛᔨᑕᑭᓄᐤ᙮ ᐊᑯ ᒪᒃ ᓇᒪ ᒋᐸ ᐅᒋ ‍ ᑎᑯᓐ ᐊ ‍ ᒪᒧᓴᒋᓂᑭᓄᐅᒡ ᓱᓇᔭᐤ ᑎᑯᓯᓂᔭᓇ᙮
\v 3 ᑎᑯᓯᓂᔭᓇ ᒪᒃ ᐊᓐᑕ ᐊ ‍ ᑕᔭᒄ, ᓂᑭ ‍ ᐃᑎᓴᐛᐅᒡ ᓇᐸᐅᒡ ᒋᕈᓯᓕᒥᒡ ᒐᒋ ᐃᑐᑕᒡ ᒋᓱᓇᔭᓂᒧᐛᐅᔪᐤ᙮ ᒋᔨᐛᐤ ᒋ ‍ ᓂᑐᐛᔨᒥᑎᓇᐛᐤ ᒐᒋ ᐅᑎᓇᑯᒡ ᐅᒡ ᓇᐸᐅᒡ ᐊᓐᑕ ᒐ ‍ ᐃᑎᓴᐅᒂᐤ᙮ ᓂᑭ ‍ ᒥᔭᐅᒡ ᒥᓯᓇᐃᑭᓇ ᒐ ‍ ᐃᑐᑕᒡ ᐊᓐᑕ ᒋᕈᓯᓕᒥᒡ ᐊᔭᒥᐊᐅᒋᐛᐱᒡ, ᒋᔨᐛᐤ ᐊ ‍ ᐊᔨᒧᒥᑎᑯᒡ ᑭᔭ ᐎᔨᐛᐤ ᐊᓐᒡ ᓇᐸᐅᒡ ᐊ ‍ ᐊᔨᒧᒥᒂᐤ᙮
\v 4 ᐊᑯ ᒪᒃ ᐃᑕᔨᑕᒂᒐ ᑭᔭ ᓂᔾ ᒐᒋ ᐃᑐᑕᔭᓐ ᒋᕈᓯᓕᒥᒡ ᑭᑈ ᒐ ‍ ᐎᒐᐅᒂᐤ᙮
\s1 ᑈᓪ ᑲ ᐃᓯ ‍ ᐎᔭᔨᑕᐧᒃ ᒐ ‍ ᐃᑎᑦ
\p
\v 5 ᒪᓯᑐᓂᔭ ᐊ ‍ ᐃᓯᓂᐧᑲᑕᒡ ᐊᔅᒋᔾ ᓂᑭ ‍ ᓴᐳᑐᐛᑕᓐ᙮ ᐊᑯ ᒪᒃ ᒐ ‍ ᓂᑐᐛᐱᒥᑎᑯᒡ ᐃᔅᐱ ᒋ ‍ ᐃᑐᑕᔭᓇ ᐊᓐᑕ᙮
\v 6 ᒂᔄᓐ ᐛᐃᐱᔅᒋᔅ ᓂᑭ ‍ ᑕᓐ ᐊᓐᑕ ᐊ ‍ ᑕᔭᒄ, ᑭᔭ ᒪᒃ ᐃᔅᑭᓐ ᐱᐳᓇ ᒐ ‍ ᑕᐛᓇ ᐊᓐᑕ ᐊ ‍ ᑕᔭᒄ᙮ ᐊᑯ ᒪᒃ ᒐᒋ ᐛᐎᒋᐃᔭᒄ ᑕᓐ ᒐ ᐃᓯ ‍ ᓂᑐᐛᔨᑎᒧᐛᓇ ᑕᓐᑕ ᒥᓐ ᒐ ‍ ᐃᑐᑕᐛᓇ᙮
\v 7 ᓇᒪ ᐊᓄᒡ ᒋ ᐎ ᐸᒋ ‍ ᓂᑐᐛᐱᒥᑎᓇᐛᐤ᙮ ᐛᔅ ᐊᑎ ᐊᓄᒡ ᓂᑐᐛᐱᒥᑎᑯᒡ ᒥᒄ ᐛᐃᐱᔅᒋᔅ ᓂᐸ ᒋ ‍ ᑕᓐ᙮ ᓂ ‍ ᐱᑯᓴᔨᑕᓐ ᒪᒃ ᓇᐅᓴᓯᔅ ᒐᒋ ᑕᔭᓐ ᐊᓐᑕ ᐊ ‍ ᑕᔭᒄ ᐃᑕᔨᑕᒐ ᐅᑎᐸᔨᒋᒐᐤ ᒐᒋ ᑕᐅᒡ ᐊᓐᑕ ᐊ ‍ ᑕᐛᒄ᙮
\v 8 ᒥᒄ ᐊᑯᑕ ᐅᑕ ᐃᐱᓴᔅ ᒐ ‍ ᑕᔭᓐ ᐊᓄᒡ ᐎ ᐸᑐᔅ ᐅᑎᒋᐱᔨᒐ ᐸᓐᑎᑯᔅᑦ᙮
\v 9 ᒪᒂᒡ ᓇᔅᒡ ᓇᐃᐱᔪᐤ ᒐᒋ ᒥᔪ ‍ ᐊᑐᔅᒐᔭᓐ ᐅᑕ ᐊᑎ ᐊ ‍ ᒥᒐᑎᒡ ᐊᐛᓐᒋ ᐊ ᐎ ‍ ᒥᒋᐱᔨᒡ᙮
\p
\v 10 ᒐᒃ ᐸᒋ ‍ ᓂᑐᐛᐱᒥᑕᒂ ᑎᒧᑎ ᓱᒃ ᒐ ᐎ ‍ ᒥᔪᐧᑯᐛᒄ ᐛᔅ ᑭᔭ ᐎᔾ ᐊᑐᔅᑯᐛᐤ ᐅᑎᐸᔨᒋᒐᐛ ᒧᔭᒻ ᓂᔾ ᐊ ᐃᓯ ‍ ᐊᑐᔅᒐᔅᑐᐅᒥᒋ᙮
\v 11 ᓇᒪ ᐊᐛᓐ ᒋᐸ ᐅᒋ ‍ ᐊᑐᐛᔨᒪᐤ ᐊᓂᔭᔪᐛ ᑎᒧᑎᔨᒋ᙮ ᐃᔭᐱᒡ ᐎᒋᐊᐧᒄ ᒐᒋ ᑎᑯᓯᐧᒃ ᐅᑕ ᐊ ‍ ᑕᐅᒡ ᐊᑲ ᒐᒂᔪᐤ ᒋᐱᔅᑲᑯᑦ᙮ ᐛᔅ ᓂ ‍ ᐱᑯᓴᔨᒪᐤ ᒐᒋ ᐸᒋ ‍ ᒋᐛ ᐎᒐᐛᑦ ᐊᓂᔭᔪᐛ ᑯᑎᑲ ᒋᐧᑲᓂᓱᓄᐛ᙮
\p
\v 12 ᐊᑯ ᒪᒃ ᒋᐧᑲᓂᓴᓄᐤ ᐊᐳᓚᔅ ᒐ ‍ ᐊᔨᒧᒥᒃ᙮ ᒧᔅ ᓂᒋ ‍ ᓯᒋᒪᐤ ᒐᒋ ᒧᐱᔅᑕᑕᒄ ᐃᔅᐱ ᑲ ‍ ᒧᐱᔅᑕᑎᑕᑯ ᐊᓂᔭᔪᐛ ᑯᑎᑲ ᒋᐧᑲᓂᓱᓄᐛ᙮ ᓇᒪ ᐅᒋ ᐎ ᐃᑐᑕᐤ ᐊᓄᒡ ᐎᔾ᙮ ᐎᐱᒡ ᑭᑈ ᓇᐃᐱᔨᒐ ᒋᑭ ‍ ᓂᑐᐛᐱᒥᑯᐛᐤ᙮
\s1 ᑈᓪ ᒪᔅᑕᔾ ᑲ ‍ ᐃᔅᒋᔄᑦ
\p
\v 13 ᐛᔅᑭᒥᓯᒄ, ᐊᒐᐧᑯᐅᓂᒡ ᐃᔅ ᐃᔭᒂᒥᒄ᙮ ᓱᒃ ᐊᔨᒋᑲᐳᐅᒄ ᑕᓐ ᐊ ᐃᓯ ‍ ᑕᑈᑎᒪᒄ᙮ ᐊᑲᐎᔾ ᑯᔅᑕᒋᒄ᙮ ᓱᒃ ᓱᒋᑲᐳᐅᒄ᙮
\v 14 ᓄᑯᑕᒄ ᒋᓴᒋᐃᐛᐅᓄᐛᐤ ᒥᓯᐛ ᒐᒂᓐ ᐊ ‍ ᐃᑐᑎᒪᒄ᙮
\p
\v 15 ᓂᐧᑲᓂᓯᑐᒄ, ᒋ ‍ ᒋᔅᒐᔨᑕᓇᐛᐤ ᐊᓐᑕ ᐊ ‍ ᐸᐃᑯᔅᑲᓇᓯᑦ ᔅᑎᐸᓇᔅ ᐊᐅᑯᓐᒡ ᐊᓐᒡ ᓂᔅᑎᒻ ᑲᑕᑈᔭᔨᑕᒡ ᐊᓐᑕ ᐊᓂᔭ ᐊᔅᒋᔪᐤ ᐊᑲᔭ ᐊ ‍ ᐃᓯᓂᐧᑲᑕᔨᒡ᙮ ᒋ ‍ ᐱᔅᑎᓂᓱᐅᒡ ᒐᒋ ᐊᑐᔅᑯᐛᒡ ᑲ ‍ ᑕᑈᑎᒥᔨᒋ᙮
\v 16 ᓂᐧᑲᓂᓯᑐᒄ, ᓇᔅᒡ ᑕᑈ ᒋ ‍ ᓯᒋᒥᑎᓇᐛᐤ ᒐᒋ ᐱᔅᑕᔨᒥᑎᓱᔅᑐᐛᑯᒡ ᐊᓐᒡ ᐊᐛᓐᒋ ᐅᔭ ᑲ ‍ ᐃᑕᔨᑕᑯᓯᒡ᙮ ᐱᔅᑕᔨᒥᑎᓱᔅᑎᒪᑯ ᑭᔭ ᒥᓯᐛ ᐊᓂᔭᔪᐛ ᑲ ‍ ᐎᒋᐃᑯᒡ ᐊᓂᔭ ᐅᑦ ᐊᑐᔅᒐᐅᓄᐛᐤ ᑭᔭ ᓱᒃ ᑲ ‍ ᐊᒋᔅᑎᒥᔨᒋ ᐊᓂᔭ ᐊ ᐃᓯ ‍ ᐎᒋᐃᑯᒡ᙮
\v 17 ᓂ ‍ ᒥᔽᔨᑎᒺᓐ ᔅᑎᐸᓇᔅ, ᐳᕐᑐᓇᑕᔅ ᑭᔭ ᐊᑲᔭᑲᔅ ᐊᒋ ‍ ᑎᑯᓯᒡ ᐅᑕ ᐊ ‍ ᑕᐅᒡ᙮ ᒧᔭᒻ ᒋᔨᐛᐤ ᐊ ‍ ᑕᔭᒄ ᐅᑕ ᐊ ‍ ᑕᔭᓐ ᐊᐅᑯᓐ ᑲ ‍ ᐃᑕᔨᑎᒧᒡ ᑲ ‍ ᑕᒡ ᐅᑕ ᐊ ‍ ᑕᐅᒡ᙮
\v 18 ᐛᔅ ᒋ ‍ ᑎᑯᓂᔪᐤ ᑲ ᐃᓯ ‍ ᒥᔽᔨᑎᒥᔨᒡ ᒧᔭᒻ ᑲ ᐃᓯ ‍ ᑎᑯᓂᔨᒡ ᑲ ᐃᓯ ᒋ ‍ ᒥᔽᔨᑎᒥᐃᑕᑯᒡ ᑭᔭ ᒋᔨᐛᐤ᙮ ᒋᐸ ‍ ᒋᔅᑕᔨᒪᑭᓄᐎᒡ ᓇᐸᐅᒡ ᐅᔭ ᐊ ‍ ᐃᑕᔨᑕᑯᓯᒡ᙮
\p
\v 19 ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᓐᑕ ᐊᐃᓴ ᐊ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ‍ ᑕᒡ ᒋ ‍ ᐛᒋᔭᒥᑯᐛᐅᒡ᙮ ᑭᔭ ᐊᑯᐎᓚ ᑭᔭ ᐳᕆᓯᓚ ᑭᔭ ᐊᓂᔭᔪᐛ ᐅᒪᒧᐊᔭᒥᐊᐛ ᑲ ‍ ᒪᒧᐎᔨᒋ ᐊᓐᑕ ᐊ ‍ ᑕᒡ ᐊ ‍ ᐊᔭᒥᐊᔨᒋ ᒋ ‍ ᐛᒋᔭᒥᑯᐛᐅᒡ᙮
\v 20 ᒥᓯᐛ ᒋᐧᑲᓂᓯᓄᐅᒡ ᐅᑕ ᐊ ‍ ᑕᒡ ᒋ ‍ ᐛᒋᔭᒥᑯᐛᐅᒡ᙮ ᒋᔨᐛᐤ ᑲ ‍ ᐎᐧᑲᓂᓯᑕᑐᔭᒄ ᐅᒐᒥᑐᒄ ᐊ ‍ ᐛᒋᔭᒥᑐᔭᒄ᙮
\p
\v 21 ᓂᔾ ᑈᓪ᙮ ᓂᔾ ᑎᐱᔨᐛ ᓂᑎᒋᔾ ᓂᑦ ᐊᐱᒋᑕᓐ ᐅ ᐊ ‍ ᒥᓯᓇᐊᒪᑎᑯᒡ ᑭᔭ ᐊ ‍ ᐛᒋᔭᒥᑎᑯᒡ᙮
\p
\v 22 ᐊᐛᓐ ᐊᑲ ᓴᒋᐊᒐ ᐅᑎᐸᔨᒋᒐᐛ, ᐊᑯᔅ ᒋᑭ ‍ ᐛᐛᓯᐃᑯᐤ ᒋᓴᒪᓂᑐᐛ᙮ ᑎᑯᓯᓂ ᒪ, ᐅᑎᐸᔨᒋᒐᐤ᙮
\p
\v 23 ᓂᑐᑎᒧᐛᐤ ᐅᑎᐸᔨᒋᒐᐤ ᒋᓴᔅ ᒐᒋ ᓱᐛᔨᒥᑕᒄ᙮
\p
\v 24 ᒥᓯᐛ ᒋ ‍ ᓴᒋᐃᑎᓇᐛᐤ ᒋᓴᔅ ᙭ ᐅᒡ᙮ ᐊᒥᓐ᙮
\id 2CO Adapted from ECree-S to Naskapi, 28 April 2003; Typeset export from CBS 8 May 2007
\h 2 ᑯᕆᓐᑎᔭᓇ
\toc3 2 ᑯᕆᓐᑎᔭᓇ
\toc2 2 ᑯᕆᓐᑎᔭᓇ
\toc1 ᓂᓱ ᑯᕆᓐᑎᔭᓇ ᑈᓪ ᒥᓐ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᑯᕆᓐᑦ ᑲ ‍ ᑕᔨᒋ
\mt1 ᓂᓱ ᑯᕆᓐᑎᔭᓇ
\mt2 ᑈᓪ ᒥᓐ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᑯᕆᓐᑦ ᑲ ‍ ᑕᔨᒋ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐱᔅᒐ ᐊᓐᒡ ᑯᕆᓐᑦ ᐊ ‍ ᑕᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᒋ ‍ ᒋᔄᓱᐅᒡ ᐃᔅᐱ ᒪᔅᑲᒡ ᑭᔭ ᐊ ‍ ᐃᔨᒥᑕᒡ ᐊᓂᔭ ᓂᔅᑎᒻ ᑲ ‍ ᒥᓯᓇᐊᒪᑯᒡ ᑈᓚ᙮ ᒥᒄ ᒪᒃ ᐊᑐᐎᔅ ᒋ ‍ ᒥᒐᑐᐅᒡ ᐊᓐᒡ ᐊᒋ ‍ ᒋᔅᒐᔨᑕᒡ ᐊᑲ ᐊ ‍ ᒥᔽᔨᒡ ᑕᓐ ᐊ ‍ ᐃᑎᒡ᙮ ᐊᑯ ᑲ ‍ ᐃᑎᓴᐛᒡ ᐊᐛᔪᐛ ᑈᓚ ᐊ ‍ ᑕᔨᒋ ᒐᒋ ᐎᑎᒧᐛᔨᒋ ᐃᔭᒡ ᒐ ‍ ᐃᑎᒡ ᐊᑯ᙮ ᐊᓐᑕ ᐊ ᐅᒋ ‍ ᒋᒋᐱᔨᒡ ᐅ ᒥᓯᓇᐊᒪᒐᐅᓐ ᐊᔨᒧᑎᒻ ᑈᓪ ᑕᓐ ᑲ ᐃᔅᐱᔅ ‍ ᒥᔽᔨᑕᐧᒃ ᑭᔭ ᐊᒋ ‍ ᓂᓇᔅᑯᒧᑦ ᑲ ‍ ᐸᑕᐧᒃ ᐊ ᐃᔅᐱᔅ ‍ ᒥᑕᒋᔨᐛᔨᑎᒥᔨᒋ ᐊᓂᔭ ᑯᕆᓐᑦ ᑲ ‍ ᐃᑎᔅᑲᓇᓯᔨᒋ ᑲ ‍ ᒂᔅᑲᑎᓯᔨᒋ ᑕᓐ ᐊᔭᔪᐤ ᑲ ‍ ᐃᑕᑎᓯᔨᒋ ᑭᔭ ᐊ ‍ ᑯᒋᑕᔨᒋ ᐊᑯ ᒐᒋ ᐃᓯ ‍ ᐱᒪᑎᓯᔨᒋ ᑕᓐ ᑲ ᐃᓯ ‍ ᓂᑐᐛᔨᒥᑯᔨᒋ ᒋᓴᒪᓂᑐᐛ ᒐᒋ ᐃᓯ ‍ ᐱᒪᑎᓯᔨᒋ᙮ ᐊᑯ ᐊᓐᑕ ᐊ ᐊᑎ ‍ ᒋᔅᐱᔨᒡ ᐅ ᒥᓯᓇᐃᑭᓐ ᐊᑯᑕ ᑈᓪ ᓇᔎᐅᓯᐊᑦ ᐊᓂᔭ ᐊᐛᔪᐛ ᑲ ᐎ ‍ ᒋᔄᓯᔨᒋ ᑭᔭ ᓂᑎᒥᒄ ᑲ ‍ ᐃᑕᒋᒥᑯᑦ᙮
\c 1
\p
\v 1 ᓂᔾ ᑈᓪ, ᒋᓴᔅ ᙭ ᐅᑦ ᐊᑈᔅᑕᓂᒪ ᑲ ‍ ᒥᓯᓇᐃᒐᔭᓐ᙮ ᐎᔾ ᒋᓴᒪᓂᑐᐤ ᑲ ‍ ᐅᑎᓂᑦ ᐊᑈᔅᑕᓐ ᒐᒋ ᐃᑕᐱᑎᓯᐅᒡ᙮ ᓂᔾ ᑭᔭ ᒋᐧᑲᓂᓯᓄᐤ ᑎᒧᑎ ᑕᐱᔅᑯᓐ ᒋ ‍ ᒥᓯᓇᐊᒪᑎᓇᓐ᙮
\p ᒋᔨᐛᐤ ᒋᓴᒪᓂᑐᐤ ᐊ ‍ ᑕᑦ ᑲ ᐃᓯ ᒪᒧᐤ ‍ ᐊᔭᒥᐊᔭᒄ ᐊᓐᑕ ᑯᕆᓐᑦ ᐊ ‍ ᐃᓯᓂᐧᑲᑕᒡ ᐅᑕᓇᐤ ᐊ ‍ ᑕᔭᒄ ᒋ ‍ ᒥᓯᓇᐊᒪᑎᓇᓐ᙮ ᑭᔭ ᒥᓯᐛ ᐊᓐᒡ ᑲ ‍ ᑕᑈᑕᒡ ᐊᓐᑕ ᐊᑲᔭ ᐊ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ‍ ᑕᒡ ᓂ ‍ ᒥᓯᓇᐊᒺᓇᓂᒡ᙮
\p
\v 2 ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᒋᑭ ‍ ᓱᐛᔨᒥᑯᐛᐅᒡ ᑭᔭ ᒋᑭ ‍ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮
\s1 ᑈᓪ ᐊ ‍ ᓂᓇᔅᑯᒪᑦ ᒋᓴᒪᓂᑐᐛ
\p
\v 3 ᒋᑭ ᐎ ‍ ᒪᒥᒋᒪᑭᓄᐤ ᒋᓴᒪᓂᑐᐤ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᐅᒄ ᐅ ᐅᑕᐎᒪᐤ ᒧᔅ ᑲ ‍ ᒋᓴᐛᑐᑐᐛᑦ ᐊᐛᔪᐛ ᑭᔭ ᑲ ‍ ᒥᔽᔨᒧᐊᑦ ᐊᐛᔪᐛ ᒥᓯᐛ ᐊ ᐃᓯ ‍ ᐊᔨᒥᐅᔨᒋ᙮
\v 4 ᐊᐅᒄ ᐅ ᒧᔅ ᒪᔽᔨᒧᐃᑕᐧᒄ ᑕᑥᐤ ᐊ ‍ ᐊᔨᒥᐅᔭᐧᑯ᙮ ᐊᑯᑕ ᐛᒋᐱᔨᒡ ᒐᒋ ᒋᔅᒐᔨᑎᒪᐧᒄ ᑕᓐ ᒐ ᐃᓯ ‍ ᐎᒐᐊᐧᑯᒡ ᒋᔭᓄᐤ ᑯᑎᑭᒡ ᐊᐛᓐᒋ ᐊ ‍ ᐊᔨᒥᐅᒡ᙮ ᒋᓴᒪᓂᑐᐤ ᐊᒋ ‍ ᒥᔽᔨᒧᐃᑕᐧᒄ ᑕᓐᑕ ᑲ ‍ ᐊᔨᒥᐅᔭᐧᒄ ᑭᔭ ᒐᔅᒐᔨᑎᒪᐧᒄ ᑭᔭ ᒋᔭᓄᐤ ᒐᒋ ᒥᔽᔨᒧᐊᐧᑯᒡ ᐊᐛᓐᒋ ᐊ ‍ ᐊᔨᒥᐅᒡ᙮
\p
\v 5 ᒋ ‍ ᓂᒋᔅᑲᓇᓄᐤ ᒥᔅᑎ ᓂᓇᐧᑲᑕᔨᒧᐅᓐ ᒧᔭᒻ ᙭ ᑲ ᐃᓯ ‍ ᓂᒋᔅᑲᐧᒃ, ᒋᑭ ‍ ᒥᔨᑯᓄᐤ ᒪᒃ ᑭᔭ ᒋᓴᒪᓂᑐᐤ ᒥᔽᔨᒧᐅᓂᔪᐤ ᙭ᑕ ᐅᒡ᙮
\v 6 ᐊᑯ ᒪᒃ ᑕᑥᐤ ᐊ ‍ ᓂᒋᔅᑭᒪᒡ ᓇᔅᒡ ᐊ ‍ ᐊᔨᒪᒡ, ᓂ ‍ ᒋᔅᒐᔨᑕᓇᓐ ᒐ ‍ ᒥᔽᔨᒧᐃᑯᔭᒄ ᐅ ᑭᔭ ᐊᑯᑕ ᒐ ᐅᒋ ‍ ᐱᒪᒋᐅᔭᒄ᙮ ᐛᔅ ᓂ ‍ ᒥᔽᔨᒧᐃᑯᐅᓇᓐ ᒋᓴᒪᓂᑐᐤ ᑭᔭ ᒋᔨᐛᐤ ᒐᒋ ᒥᔽᔨᒧᐃᑕᒡ᙮ ᒥᔽᔨᒧᐅᓐ ᒪᒃ ᐊ ‍ ᐊᔭᔭᒄ ᒋᑭ ᒋ ‍ ᓯᐱᔪᐛᓯᔅᑕᓇᐛᐤ ᑭᔭ ᒋᑭ ᒋ ‍ ᐃᓯᑲᐳᔅᑕᓇᐛᐤ ᐊᓂᔭ ᒐᒂᔪᐛ ᒧᔭᒻ ᓂᔭᓐ ᐊ ᐃᓯ ‍ ᐊᔨᒥᐃᑯᐅᔭᒡ᙮
\v 7 ᓂᒐᔅᑎᓇᐅᓇᓐ ᒪᒃ ᒐ ‍ ᓱᒋᑲᐳᔭᒄ ᐊᑎ ᐊ ‍ ᓂᓇᐧᑲᑕᔨᒧᐃᑯᐅᔭᒄ ᒧᔭᒻ ᓂᔭᓐ ᐊ ᐃᓯ ‍ ᓂᓇᐧᑲᑕᔨᒧᐃᑯᐅᔭᒡ, ᑭᔭ ᒐᔅᑎᓇᔅ ᑭᔭ ᒋᔨᐛᐤ ᒐ ‍ ᒥᔽᔨᒧᐃᑕᒄ ᒋᓴᒪᓂᑐᐤ ᒧᔭᒻ ᓂᔭᓐ ᑲ ᐃᓯ ‍ ᒥᔽᔨᒧᐃᔨᒥᑦ᙮
\p
\v 8 ᓂᐧᑲᓂᓯᑐᒄ ᒋ ᐎ ‍ ᒋᔅᒐᔨᑎᒥᐃᑎᓇᓐ ᑕᓐ ᑲ ‍ ᐃᔅᐱᔭᒡ ᓇᑕ ᐊᓇ ᐊᔅᒋᔾ ᐊᐃᓴ ᐊ ‍ ᐃᓯᓂᐧᑲᑕᒡ ᐊ ‍ ᑕᔭᒡ᙮ ᓇᔅᒡ ᑕᑈ ᓂᒋ ‍ ᑯᓯᑯᔅᑲᑯᓇᓐ ᑕᓐ ᑲ ᐃᓯ ‍ ᓂᒋᔅᑭᒪᒡ᙮ ᓴᔅ ᓂᒋ ‍ ᐃᑕᔨᑕᓇᓐ ᒐ ᐊᑲ ᒋ ᑎᔭᒡ᙮
\v 9 ᓴᔅ ᓇᔅᒡ ᓂᒋ ‍ ᐃᑕᔨᑕᓇᓐ ᐊᑯ ᐛᑎᒋᐱᔨᒡ ᒐ ‍ ᐳᓂᐱᒪᑎᓯᔭᒡ᙮ ᒋ ‍ ᐱᔅᑎᓂᒻ ᒋᓴᒪᓂᑐᐤ ᐅᔭ ᒐᒋ ᐃᔅᐱᔪᒋᒡ ᐊᒋ ᐎ ‍ ᒋᔅᒐᔨᑎᒥᐃᑯᐅᔭᒡ ᐊᑲ ᓂᔭᓐ ᒐᒋ ᐊᔅᐸᔨᒧᑐᑕᓱᔭᒡ, ᒥᒄ ᐎᔾ ᒐᒋ ᐊᔅᐸᔨᒧᑐᐅᒋᒡ, ᐎᔾ ᑲ ‍ ᑭᔅᒋᐅᑦ ᒐᒋ ᐅᓂᔅᑲᓇᑦ ᐊᐛᔪᐛ ᓴᔅ ᐊᒋ ‍ ᓂᐱᔨᒋ᙮
\v 10 ᐊᑎ ᐊᒋ ‍ ᐃᓯᓇᒂᒡ ᒧᔭᒻ ᒐ ‍ ᓂᐱᔭᒡ, ᒋᓴᒪᓂᑐᐤ ᓂᒋ ‍ ᑭᓄᐛᔨᒥᑯᓇᓐ᙮ ᐎᔾ ᒪᒃ ᓂ ‍ ᑭᓄᐛᔨᒥᑯᓇᓐ ᐊᓄᒡ᙮ ᐊᐅᒄ ᐅᔭ ᐊ ᐃᓯ ‍ ᒐᔅᑎᓇᑕᔨᒥᒋᒡ ᐊᓐᑕ ᓂᔅᑕᒥᒡ, ᒐᔅᑎᓇᔅ ᒧᔅ ᒐ ‍ ᑭᓄᐛᔨᒥᔨᒥᑦ ᓇᒪ ᐎᔭᓯᓐ ᑕᓐ ᒐ ᐃᓯ ‍ ᐊᔨᒥᐅᐛᒐ᙮
\v 11 ᒋᔨᐛᐤ ᒪᒃ ᑭᔭ ᒋᑭ ᒋ ‍ ᐎᒋᐃᓇᓐ ᐊ ‍ ᐊᔭᒥᐊᔅᑎᒧᔭᒡ᙮ ᐅ ᒪᒃ ᑎᔭᒂ ᐸᑎᒪ ᒋᑭ ‍ ᓄᑯᓐ ᑕᓐ ᒐ ᐃᓯ ‍ ᓱᐛᔨᒥᔨᒥᑦ ᒋᓴᒪᓂᑐᐤ᙮ ᐊᑯᑕ ᒪᒃ ᒐ ‍ ᐅᒋᐱᔨᒡ ᒥᒐᑦ ᐊᐛᓐ ᒐ ‍ ᓂᓇᔅᑯᒪᑦ ᒋᓴᒪᓂᑐᐛ᙮
\s1 ᑲ ‍ ᐊᑎᓇᐧᒃ ᑈᓪ ᑕᓐ ᑲ ᐎ ‍ ᐊᐃᑎᑦ
\p
\v 12 ᒪᐅ ᒪᒃ ᐊ ᐃᓯ ‍ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ‍ ᑎᔭᒡ ᑕᓐᑕ ᒥᒄ ᑲ ᐊᑎ ‍ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ‍ ᑕᔭᒄ ᑲ ‍ ᑕᔭᒡ᙮ ᑭᔭ ᒧᔅ ᐊᒋ ‍ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ‍ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮
\v 13 ᒪᓯᓇᐊᒪᑕᒡ ᒪᒃ ᒥᒄ ᐊᓐ ᒐᒋ ᐃᔨᒥᑕᔭᒄ ᑭᔭ ᒐᒋ ᓂᔅᑐᑎᒪᒄ ᐊᑯᓐ ᐊ ᐃᓯ ‍ ᒥᓯᓇᐊᒪᑕᒡ᙮
\v 14 ᒂᔄᓐ ᓇᒪ ᓇᔅᒡ ᒋᓂᔅᑐᑐᐅᓇᓇᒐ ᐊᓄᒡ᙮ ᓂ ‍ ᐱᑯᓴᔨᒧᓐ ᒪᒃ ᓇᔅᒡ ᒐᒋ ᐊᑎ ‍ ᓂᔅᑐᑐᔭᒡ᙮ ᐊᑯ ᒪᒃ ᐊᓂᔭ ᐊ ‍ ᒋᓯᑲᔨᒡ ᒋᓴᔅ ᒋᑎᐸᔨᒋᒐᓯᒥᓄᐤ ᑎᑯᓯᒐ ᐊᑯ ᒐ ‍ ᒪᒥᒋᐃᑕᒡ ᒧᔭᒻ ᒋᔨᐛᐤ ᒐ ᐃᓯ ‍ ᒪᒥᒋᐃᔭᒡ᙮
\p
\v 15 ᑲ ‍ ᐃᔅᐱᔅ ᒋ ‍ ᒐᔅᑎᓇᑕᔨᑎᒥᐃᑯᔭᓐ ᒥᓯᐛ ᐅ, ᓂᒋ ‍ ᐃᑕᔨᑕᓐ ᒋᔨᐛᐤ ᓂᔅᑎᒻ ᒐᒋ ᒧᐱᔅᑕᑎᑯᒡ᙮ ᐊᑯ ᒪᒃ ᒋᐸ ‍ ᓇᐃᐱᔪᐤ ᓂᔄᐤ ᒐᒋ ᐎᒋᐃᑎᑯᒡ᙮
\v 16 ᐛᔅ ᐊᓐᑕ ᐊᓐ ᐊᔅᒋᔾ ᒪᓯᑐᓂᔭ ᑲ ‍ ᐃᓯᓂᐧᑲᑕᒡ ᑲ ‍ ᐃᑐᑕᔭᓐ ᓂᒋ ‍ ᐃᑕᔨᑕᓐ ᒋᔨᐛᐤ ᓂᔅᑎᒻ ᒐᒋ ᓂᑐᐛᐱᒥᑎᑯᒡ᙮ ᐊᑯ ᒪᒃ ᐃᔅᐱ ᑲᐤ ᐸᒋ ‍ ᒋᐛᔭᓇ ᐊᑯ ᒥᓐ ᒋᐸ ‍ ᓂᑐᐛᐱᒥᑎᓇᐛᐤ᙮ ᐊᑯᑕ ᒪᒃ ᐊᓐᑕ ᒋᐸ ᒋ ‍ ᐎᒋᐃᓇᐛᐤ ᒍᑎᔭ ᐊ ‍ ᐃᓯᓂᐧᑲᑕᒡ ᐊᔅᒋᔾ ᒐᒋ ᐃᑐᑕᔭᓐ, ᐊᐅᑯᓐ ᑭᑈ ᑲ ᐃᓯ ‍ ᐃᑕᔨᑎᒪᓐ ᓂᐸ ‍ ᐃᑎᓐ᙮
\v 17 ᒥᒄ ᒪᒃ ᓇᒪ ᓂ ᐅᒋ ‍ ᓇᐃᐱᔨᓐ ᐊᑯ ᑲ ‍ ᐊᑎᓂᒪᓐ ᑕᓐ ᐊᓐ ᓂᔅᑎᒻ ᑲ ᐃᓯ ‍ ᐃᑕᔨᑎᒪᓐ ᒐ ‍ ᐃᑎᔭᓐ᙮ ᒋᑦ ᐃᑕᔨᑕᓇᓄᐤ ᐊ ᒪᒃ ᒥᒄ ᓇᐸᔅ ᐊᒋ ‍ ᐃᑎᔭᓐ ᐃᔅᐱ ᑲ ‍ ᐃᑕᔨᑎᒪᓐ ᑕᓐᑕ ᒐ ‍ ᐃᑐᑕᔭᓐ᙮ ᑕᐸ ᒥᒄ ᓇᐸᐤ ᐊ ‍ ᑕᑦ ᐅᒋᐱᔪᐤ ᐃᔅᐱ ᐊᑕᔨᑎᒪᓐ ᑕᓐ ᒐ ‍ ᐃᑎᔭᓐ᙮ ᑕᐸ ᓂᑕ ᓂᑦ ᐃᓯᓇᑯᓯᓐ ᒐᒋ ᐃᑎᒃ ᐊᐛᓐ, “ᓂᐦᐃ, ᒐᔅᑎᓇᔅ ᐊᐅᑯᓐ ᒐ ‍ ᐃᑎᔭᓐ,” ᐊ ‍ ᒐᔅᑎᓇᐅᔭᓐ ᒪᒃ ᐊᑲ ᑕᑈ ᐎ ‍ ᐃᑐᑎᒪᓐ ᐊᓐ ᑕᓐ ᑲ ‍ ᐃᔅᒋᔄᔭᓐ᙮
\s2 2 Corinthians 1.18-22 (Epiphany-7 Year B)
\p
\v 18 ᒧᔭᒻ ᒋᓴᒪᓂᑐᐤ ᒧᔅ ᐊ ‍ ᑕᑈᑦ ᑕᓐ ᐊ ‍ ᐃᔅᒋᔄᑦ, ᓂ ‍ ᒋᔅᒐᔨᒥᒄ ᑕᑈ ᐊ ‍ ᑕᑈᐅᒡ ᑭᔭ ᓂᔾ ᑕᓐ ᐊ ‍ ᐃᔅᒋᔄᐅᒡ᙮ “ᓂᐦᐃ” ᐊ ‍ ᐃᔅᒋᔄᔭᓂ, ᑕᑈ ᓂᐦᐃ ᓂᑦ ᐃᔅᒋᔄᓐ, “ᓇᒪ” ᐊ ‍ ᐃᔅᒋᔄᔭᓂ, ᑕᑈ ᓇᒪ ᓂᑦ ᐃᔅᒋᔄᓐ᙮
\v 19 ᐛᔅ ᒋᓴᔅ ᙭ ᒋᓴᒪᓂᑐᐤ ᐅᑯᓴ ᐊᓐ ᑲ ‍ ᐊᔨᒧᑎᒪᑕᒡ, ᓂᔭᓐ ᑭᑈ ᓴᓂᔅ, ᑎᒧᑎ ᑭᔭ ᓂᔾ, ᒐᔅᑎᓇᑕᔨᑕᑯᓱᐤ ᑕᓐ ᐊ ‍ ᐃᔅᒋᔄᑦ, ᓇᒪ ᓂᑕ ᑭᑭᒋᔭᐤ᙮ “ᓂᐦᐃ” ᐊ ‍ ᐃᔅᒋᔄᒋ, ᒐᔅᑎᓇᑕᔨᑕᑯᓂᔪᐤ ᐊᓂᔭ ᓂᐦᐃ ᐊ ‍ ᐃᔅᒋᔄᑦ᙮
\v 20 ᒋᓴᒪᓂᑐᐤ ᐊᐱᒋᐊᐤ ᒋᓴᓴ ᒐᔅᑎᓇᔅ ᒐᒋ ᐃᑐᑕᐧᒃ ᑕᓐ ᑲ ‍ ᐃᔅᒋᔄᑦ ᒐ ‍ ᐃᑐᑕᐧᒃ ᑭᔭ ᒐ ᐊᑎ ‍ ᒋᔅᑕᔨᑕᑯᐊᑭᓄᐅᑦ᙮
\v 21 ᒋᓴᒪᓂᑐᐤ ᐊᐅᒄ ᐊᔨᒋᑲᐳᐃᒥᑦ ᑭᔭ ᒋᔨᐛᐤ ᒪᒃ ᒋᐊᔨᒋᑲᐳᐃᑯᐛᐤ᙮ ᐊᓂᔭ ᐊ ‍ ᑕᑈᐅᒐᔨᒪᐧᑯ ᒋᓴᓴ ᐊᑯᑕ ᐛᒋ ‍ ᐊᔨᒋᑲᐳᐃᑕᐧᒄ᙮ ᒋᓴᒪᓂᑐᐤ ᔅᒋ ‍ ᐅᑎᓂᑯᓄᐤ ᒐᒋ ᐱᒧᑕᐛᐧᒄ ᒥᔽᒋᒧᐅᓂᔪᐤ᙮
\v 22 ᔅᒋ ‍ ᒥᔨᑯᓄᐤ ᑭᔭ ᐅᑦ ᐊᒐᒂ ᒋᑕᐃᓇᒡ ᒐᒋ ᑕᔨᒋ ᑭᔭ ᒐᒋ ᒐᔅᑎᓇᑕᔨᑎᒥᐃᑯᐛᐧᒄ ᑕᑈ ᐊ ‍ ᑎᐱᔨᐛᐅᓯᑐᑕᑕᐧᒄ᙮ ᐊᑯᑕ ᑭᔭ ᐛᒋ ‍ ᒐᔅᑎᓇᑕᔨᑎᒪᐧᒄ ᒐᔅᑎᓇᔅ ᒥᓯᐛ ᒐ ‍ ᒥᔅᑭᒪᐧᒄ ᑕᓐ ᐊ ᐃᓯ ‍ ᐊᔭᔅᑯᔅᑎᒪᑕᐧᒄ᙮
\p
\v 23 ᓂ ‍ ᑕᑈᓐ ᑕᓐ ᐊ ‍ ᐃᔅᒋᔄᔭᓐ ᒋᓴᒪᓂᑐᐤ ᐊ ‍ ᐸᑐᐅᑦ ᐊ ‍ ᑕᑈᐅᒡ᙮ ᐊ ‍ ᒥᓇᒋᐃᑎᑯᒡ ᐊᐅᑯᓐ ᐛᒋ ‍ ᐃᑕᔨᑎᒪᓐ ᐊᑲ ᐸᑎᒪ ᒐᒋ ᑎᑯᓯᓂᔭᓐ ᐊᓐᑕ ᑯᕆᓐᑦ ᒐᒋ ᓂᑐᐛᐱᒥᑎᑯᒡ᙮
\v 24 ᓇᒪᐎᔾ ᑭᑈ ᐎ ᒋ ᐎ ‍ ᐛᐎᓱᐛᑎᑎᓇᓐ ᒐᒋ ᐎᑎᒪᑕᒡ ᒐᒂᓐ ᒋᐸ ‍ ᑕᑈᑕᓇᐛᐤ ᐛᔅ ᒋ ‍ ᐊᔨᒋᑲᐳᓇᐛᐤ ᑕᑈᑎᒧᐅᓂᒡ ᐃᔅ᙮ ᐃᔭᐱᒡ ᐛᔅ ᐊᓐ ᒋ ᐎᒋ ‍ ᐊᑐᔅᒐᒥᑎᓇᓐ ᒋᔨᐛᐤ ᒐᒋ ᐅᒋ ‍ ᒥᔽᔨᑎᒪᒄ᙮
\c 2
\p
\v 1 ᓴᔅ ᓂᒋ ‍ ᐃᑕᔨᑕᓐ ᒐ ᐊᑲ ᐅᒋ ᐎ ‍ ᒥᓯᒪᔨᑎᒥᐃᑎᑯᒡ ᒥᓐ ᓂᑐᐛᐱᒥᑎᑯᒐ,
\v 2 ᐛᔅ ᒋ ‍ ᒥᔽᔨᑎᒥᐃᓇᐛᐤ᙮ ᒥᓯᒪᔨᑎᒥᐃᑎᑯᒐ ᒪᒃ, ᐊᐛᓐ ᒥᓐ ᐊ ‍ ᑕᑦ ᒐ ‍ ᒥᔽᔨᑎᒥᐃᑦ ? ᓇᒪ ᐊᐛᓐ᙮
\v 3 ᐊᐅᑯᓐ ᐛᒋ ‍ ᒥᓯᓇᐊᒪᑎᑯᒡ ᐊᓐ ᑲ ‍ ᒥᓯᓇᐊᒪᑎᑯᒡ᙮ ᓇᒪ ᓂ ᐅᒋ ‍ ᓂᑐᐛᔨᑕᓐ ᒐᒋ ᒥᓯᒪᔨᑎᒥᐃᔭᒄ ᓂᑐᐛᐱᒥᑎᑯᒐ, ᐛᔅ ᒋᔨᐛᐤ ᒋᐸ ‍ ᒥᔽᔨᑎᒥᐃᓇᐛᐤ᙮ ᓇᔅᒡ ᓂᒋ ‍ ᒋᔅᒐᔨᑕᓐ ᒥᔽᔨᑎᒪᓇ ᑭᔭ ᒋᔨᐛᐤ ᒐ ‍ ᒥᔽᔨᑎᒪᒄ᙮
\v 4 ᐅᑕ ᑲ ‍ ᒥᓯᓇᐊᒪᑎᑯᒡ ᒪᒂᒡ ᓇᔅᒡ ᑕᑈ ᓂᒋ ‍ ᒥᑯᔅᑲᑕᔨᑕᓐ᙮ ᓂᒋ ‍ ᒥᓯᒥᑕᐊᓐ᙮ ᒥᔅᑎ ᑭᔭ ᓂᒋ ‍ ᐅᒋᐧᑯᐛᐱᓐ᙮ ᑕᐸ ᒋ ᐅᒋ ᐎ ‍ ᒥᓯᒪᔨᑎᒥᐃᑎᓇᐛᐤ ᐊᓐ ᑲ ‍ ᒥᓯᓇᐊᒪᑎᑯᒡ ᒥᒄ ᔅᒋ ᐎ ‍ ᒋᔅᒐᔨᑎᒥᐃᑎᓇᐛᐤ ᑕᓐ ᐊᔅᐱᔅ ᒥᔅᑎ ᓴᒋᐃᑎᑯᒡ᙮
\s1 ᒐᒋ ᐛᐸᔨᑎᒧᐛᑭᓄᐅᑦ ᐊᐛᓐ ᑲ ‍ ᐅᓂᑐᑎᐧᒃ
\p
\v 5 ᐊ ‍ ᐃᑕᒂ ᐊᐛᓐ ᐊᒋ ‍ ᒥᓯᒪᔨᑎᒥᐊᑦ ᐊᐛᔪᐛ, ᓇᒪ ᓂᔾ ᓂ ᐅᒋ ‍ ᒥᓯᒪᔨᑎᒥᐃᒄ᙮ ᒋᔨᐛᐤ ᒪᒃ ᒥᓯᐛ ᐊ ‍ ᑎᓯᔭᒄ ᒋ ‍ ᑎᑯᓂᔪᐤ ᑕᓐ ᑲ ᐃᓯ ‍ ᒥᓯᒪᔨᑎᒥᐃᑕᒄ᙮ ᓇᒪ ᐊᑐᐎᔅ ᓂ ᐎ ‍ ᐊᔨᒧᑕᓐ ᐅ᙮
\v 6 ᓴᔅ ᔅᒋ ‍ ᐎᔭᔨᑕᓇᐛᐤ ᑕᓐ ᒐ ᐃᓯ ‍ ᐛᐛᓯᐊᑭᓄᐅᑦ᙮ ᐃᔅᐱᔪᐤ ᒪᒃ ᐊᓂᔭ ᑕᓐ ᑲ ᐃᓯ ‍ ᐛᐛᓯᐊᑭᓄᐅᑦ᙮
\v 7 ᐅᑎᒋᐱᔪᐤ ᒪᒃ ᒐᒋ ᐛᐸᔨᑎᒧᐛᒄ ᐊᑯ᙮ ᑭᔭ ᒋᐸ ‍ ᒥᔽᔨᒺᐛᐤ ᒐ ᐊᑲ ᒋ ᐃᑕᔨᑕᐧᒃ ᒋᒋᐛ ᒐᒋ ᐱᒋᑕᔨᒧᑦ ᐛᓴ ᐊ ᒥᔅᑎ ‍ ᒥᒐᔨᑕᐧᒃ᙮
\v 8 ᐊᐅᑯᓐ ᐛᒋ ‍ ᓯᒋᒥᑎᑯᒡ ᒐᒋ ᒋᔅᒐᔨᑎᒥᐊᒄ ᑕᑈ ᐊᔅᒄ ᐊ ‍ ᓴᒋᐊᒄ᙮
\v 9 ᔅᒋ ᐎ ᓂᑐ ‍ ᒋᔅᒐᔨᒥᑎᓇᐛᐤ ᐊᓐ ᑲ ‍ ᒥᓯᓇᐊᒪᑎᑯᒡ᙮ ᒐ ‍ ᓂᓇᐃᑎᒧᐛᒂ ᐊᓐ ᒥᓯᐛ ᑕᓐ ᐊ ‍ ᐃᑎᓱᒥᒂᐤ ᓂᒋ ‍ ᐃᑕᔨᑕᓐ᙮
\v 10 ᐛᔅ ᑕᑥᐤ ᐊ ‍ ᐛᐸᔨᑎᒧᐛᒄ ᐊᐛᓐ ᑕᓐ ᑲ ‍ ᐃᑎᑦ ᑭᔭ ᓂᔾ ᓂ ‍ ᐛᐸᔨᑎᒧᐛᐤ᙮ ᓇᑐᐛᔨᑕᑯᓂᒂ ᒐᒋ ᐛᐸᔨᑎᒧᐅᒃ ᐊᐛᓐ ᓂ ‍ ᐛᐸᔨᑎᒧᐛᐤ ᒋᔨᐛᐤ ᒐᒋ ᐎᒋᐃᑯᔭᒄ ᐊ ‍ ᒋᔅᒐᔨᑎᒪᓐ ᙭ ᐊ ‍ ᑕᑦ ᐅᑕ ᐊ ‍ ᑕᔭᓐ᙮
\v 11 ᐅ ᒪᒃ ᒋᑦ ᐃᑎᓇᓄᐤ ᒐ ᐊᑲ ᒋ ᐎᔭᓯᐃᑕᐧᒄ ᒥᒋᒥᓂᑐᐤ᙮ ᐛᔅ ᒋ ‍ ᒋᔅᒐᔨᒪᓄᐤ ᑕᓐ ᐛ ᐃᑎᑦ᙮
\s1 ᑐᕈᐊᓯᒡ ᑭᔭ ᒪᓯᑐᓂᔭᒡ ᑲ ‍ ᐃᑐᑕᑦ ᑈᓪ
\p
\v 12 ᑐᕈᐊᔅ ᐊ ‍ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᑲ ‍ ᐛᐎᑎᒧᒡ ᙭ ᐅᒥᔽᒋᒧᐅᓐ᙮ ᑲ ‍ ᐸᐱᔭᓐ ᒪᒃ ᐊᓐᑕ ᓇᔅᒡ ᒋ ‍ ᓂᔅᑐᓇᑯᓐ ᐅᑎᐸᔨᒋᒐᐤ ᓴᔅ ᐊᒋ ‍ ᐊᔭᔅᑯᔅᑕᑯᐱᓇ ᐊᓐᑕ ᒐᒋ ᑭᒐᔅᒋᒧᐅᒡ᙮
\v 13 ᒥᒄ ᒪᒃ ᐃᔭᐱᒡ ᒋ ‍ ᑎᑯᓐ ᑕᓐ ᑲ ᐃᓯ ‍ ᒥᑯᔅᑲᑕᔨᑎᒪᓐ ᐛᔅ ᑕᐸ ᓂ ᐅᒋ ‍ ᐛᐱᒪᐤ ᓂᐧᑲᓂᔅ ᑕᐃᑕᔅ ᐊᓐᑕ ᒐᒋ ᑕᑦ᙮ ᐊᑯ ᒪᒃ ᑲ ‍ ᓂᑭᑎᒂᐤ ᐊᓐᒡ ᐃᔪᒡ ᐊᓐᑕ ᐊ ‍ ᑕᒡ᙮ ᒪᓯᑐᓂᔭ ᐊ ‍ ᐃᓯᓂᐧᑲᑕᒡ ᐊᔅᒋᔾ ᐊᑯᑕ ᒥᓐ ᑲ ‍ ᐃᑐᑕᔭᓐ᙮
\s1 ᙭ ᒋ ‍ ᐃᑐᑕᑭᓄᐤ ᒐᒋ ᑲᓂᔪᐅᔭᐧᒄ
\p
\v 14 ᒥᒄ ᒪᒃ ᑕᑈ ᓂᓇᔅᑯᒪᐤ ᒋᓴᒪᓂᑐᐤ ᐛᔅ ᒧᔅ ᐎᔾ ᓂ ‍ ᒋᔅᒋᓄᑕᐃᒄ ᑕᓐᑕ ᐊ ‍ ᐃᑐᑕᐅᒡ ᐊ ‍ ᐎᒋᐃᑦ ᐊ ‍ ᐊᔨᒧᒥᒋ ᙭ᑕ ᒐᒋ ᐅᒋ ‍ ᒋᔅᒐᔨᒪᑭᓄᔨᒋ, ᐛᔅ ᙭ ᒧᔅ ᐱᔅᒋᔭᒐᐅᓂᒡ ᒋ ᐊᑎ ᐃᓯ ‍ ᐱᒧᑕᔨᑯᓄᐤ᙮ ᒋᓴᒪᓂᑐᐤ ᒋ ‍ ᐎᒋᐃᑯᓄᐤ ᒐᒋ ᑎᐸᒋᒪᐧᒄ ᙭ ᒥᓯᐛ ᐊᐛᓐ ᒐᒋ ᒋᔅᒐᔨᒪᑦ᙮ ᐊ ‍ ᒋᔅᒐᔨᒪᑭᓄᐅᑦ ᙭ ᒧᔭᒻ ᑲ ‍ ᐎᒋᒪᑯᓯᒡ ᒐᒂᓐ ᐃᑕᔨᑕᑯᓐ᙮
\v 15 ᐅ ᐊ ‍ ᐃᑎᔭᐧᒄ ᒧᔭᒻ ᙭ ᐊ ‍ ᐱᔅᑎᓂᒧᐛᑦ ᒋᓴᒪᓂᑐᐛ ᑲᐎᒋᒪᑯᓯᔨᒡ ᒐᒂᔪᐤ ᐊᐅᑯᓐ ᐊ ‍ ᐃᓯᓇᒂᒡ᙮ ᐊᓐ ᒪᒃ ᐊ ‍ ᐎᒋᒪᔅᑕᒡ ᐊᓐᑕ ᐊᓐᒡ ᒐ ‍ ᐱᒪᒋᐅᒡ ᐊᐛᓐᒋ ᑭᔭ ᐊᓐᒡ ᐊᐛᓐᒋ ᒐ ‍ ᐅᓂᓯᓂᒡ ᐊᑯᑕ ᐊ ‍ ᐃᑕᐸᑕᒡ᙮
\v 16 ᐊᓐᒡ ᒪᒃ ᒐ ‍ ᐅᓂᓯᓂᒡ ᐊᐛᓐᒋ ᒧᔭᒻ ᒐᒂᓐ ᑲ ‍ ᓂᐸᐃᐛᒡ ᐊᐅᑯᓐ ᐊ ‍ ᐃᓯᒪᑕᒡ ᐅᔭ ᑲᐎᒋᒪᑯᓯᔨᒡ, ᐊᑯ ᐊᓐᒡ ᒐ ‍ ᐱᒪᒋᐅᒡ ᐊᐛᓐᒋ ᒧᔭᒻ ᐊᓐ ᒐᒂᓐ ᒐ ‍ ᐱᒪᒋᐃᐛᒡ ᐊᐅᑯᓐ ᐊ ‍ ᐃᓯᒪᑕᒡ ᐅᔭ᙮ ᐊᐛᓐ ᒪᒃ ᑎᔭᐱᒐᔨᑕᑯᓯᑦ ᐅᔭ ᒐᒋ ᐃᑕᐱᑎᓯᑦ ᒥᔽᒋᒧᐅᓂᔪᐤ ᐊ ‍ ᐛᐎᑕᐧᒃ᙮
\p
\v 17 ᐱᔅᒐ ᐊᐛᓐᒋ ᑲ ‍ ᐱᐸ ᑭᒐᔅᒋᒧᒡ ᒧᔭᒻ ᐊ ᐱᐸ ‍ ᐊᑕᐛᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᐅᑯᓐ ᐊ ‍ ᐃᓯᓇᑯᓯᒡ, ᐊ ᐎ ‍ ᐅᓯᑎᒪᓱᒡ ᓱᓇᔭᔪᐤ ᐊ ‍ ᐃᑎᒡ᙮ ᓇᒪ ᐎ ᓂᔭᓐ ᐅ ᓂᑦ ᐃᓯᓇᑯᓯᓇᓐ᙮ ᓂ ‍ ᑯᐃᔅᑯᑕᐊᓇᓐ ᑭᔭ ᒋᒋᐛ ᓂᑦ ᐃᑕᔨᑕᓇᓐ ᑕᓐ ᐊ ‍ ᐃᑎᓱᒥᔨᒥᑦ ᙭ ᒐᒋ ᐃᓯ ‍ ᐊᑐᔅᑯᐅᒋᑦ ᐛᔅ ᓂ ‍ ᒋᔅᒐᔨᒥᑯᓇᓐ ᑕᓐ ᐊ ‍ ᐃᑐᐅᒋᒡ᙮
\c 3
\s1 ᑲ ‍ ᐅᔅᑲᒡ ᓂᔅᑯᒧᐅᓐ ᐊ ᐃᓯ ‍ ᐱᒪᑎᓯᔅᑕᑭᓄᐅᒡ
\p
\v 1 ᒂᔄᓐ ᒋᑭ ‍ ᐃᑕᔨᒥᓇᐛᐤ, ᐊᑯ ᒥᓐ ᐛ ᒥᔪ ‍ ᐊᔨᒧᒥᓱᑦ᙮ ᓇᓂᑐᐛᔨᑕᓇᓐ ᐊ ᒥᓯᓇᐃᑭᓇ ᒐᒋ ᑎᒂᒋ ᐊ ᒥᔪ ‍ ᐊᔨᒧᒥᑯᐅᔭᒡ ᐃᔭᒄ ᒐᒋ ᓂᑐᑐᐅᔭᒡ ? ᐊᐅᑯᓐ ᐊ ‍ ᐃᑎᒡ ᐱᔅᒐ ᐊᐛᓐᒋ᙮ ᓂᔭᓐ ᒪᒃ ᐎ ᓇᒪ ᓂᑭ ᐅᒋ ‍ ᑐᑕᓇᓐ ᐅ᙮
\v 2 ᒧᔭᒻ ᑎᐸᒋᒧᓯᓇᐃᑭᓐ ᐊ ᒥᔪ ‍ ᐊᔨᒧᒥᑯᐅᔭᒡ ᐊᐅᑯᓐ ᐊ ‍ ᐃᓯᓇᑯᓯᔭᒄ᙮ ᐊᐅᒄ ᐅ ᐊ ᐃᓯ ‍ ᒋᔅᒐᔨᑎᒪᒡ ᓂᑕᐃᓇᒡ᙮ ᒥᓯᐛ ᐊᐛᓐ ᒋ ‍ ᒋᔅᒐᔨᒥᑯᐛᐤ ᑕᓐ ᐊ ᐃᓯ ‍ ᐱᒪᑎᓯᔭᒄ᙮ ᒥᓯᐛ ᐊᐛᓐ ᒋᑭ ᒋ ‍ ᐃᔨᒥᑕᐤ ᐊᓂᔭ ᐊ ‍ ᐃᓯᓇᑯᓂᔨᒡ ᑎᐸᒋᒧᓯᓇᐃᑭᓂᔪᐤ ᑭᔭ ᒋᑭ ᒋ ᒥᔪ ‍ ᓂᔅᑐᑎᒻ᙮
\v 3 ᑕᓐ ᐊ ᐃᓯ ‍ ᐱᒪᑎᓯᔭᒄ ᐊᑯᑕ ᐛᒋ ‍ ᓂᔅᑐᓇᒂᒡ ᑕᓐ ᑲ ᐃᓯ ‍ ᐃᑐᑎᒪᑕᒄ ᙭᙮ ᐊᐅᑯᓐ ᒪᒃ ᒧᔭᒻ ᑕᑈ ᑎᐸᒋᒧᓯᓇᐃᑭᓐ ᐛᒋ ‍ ᐃᓯᓇᑯᓯᔭᒄ᙮ ᐅ ᒪᒃ ᑎᐸᒋᒧᓯᓇᐃᑭᓐ ᓇᒪ ᐎ ᒥᓯᓇᐃᑭᓇᔅᒄ ᐊᐱᑎᓐ ᐊ ‍ ᒥᓯᓇᐃᑭᓄᐅᒡ᙮ ᓇᒪ ᑭᔭ ᐊᓯᓂᒡ ᐅᒡ ᒥᓯᓇᐃᑭᓄᐤ᙮ ᒋᓴᒪᓂᑐᐤ ᐅ ᐸᔭᒋ ᐊᒐᒂ ᐊᐅᒄ ᐊ ‍ ᐃᓯᓇᑯᓯᑦ ᒧᔭᒻ ᐊ ‍ ᒥᓯᓇᐃᒐᑦ ᒋᑕᐃᐛᒡ᙮ ᐊᐅᒄ ᐅ ᑲ ‍ ᐊᐱᒋᐃᔨᒥᑦ ᒐᒋ ᐸᑥᑕᒡ ᐅ ᑎᐸᒋᒧᐅᓐ᙮
\p
\v 4 ᐅ ᓂᑦ ᐃᓯ ‍ ᐃᔨᒥᓇᓐ ᐛᔅ ᓇᔅᒡ ᓂ ‍ ᑕᑈᑕᓇᓐ ᑕᓐ ᑲ ᐃᓯ ‍ ᐃᑐᑎᒪᑯᐅᔭᒡ ᙭ ᐊᑎ ᐛᒋ ‍ ᑎᔭᒡ ᒐᒋ ᐊᑐᔅᑯᐅᒋᑦ ᒋᓴᒪᓂᑐᐤ᙮
\v 5 ᓇᒪ ᐎ ᓂᔭᓐ ᐊ ‍ ᑕᔭᒡ ᒋᑭ ᒋ ‍ ᐅᒋᐱᔪᐤ ᒐᒋ ᐃᔅᒋᔄᔭᒡ ᓂᔭᓐ ᑎᐱᔨᐛ ᒐᒋ ᐃᑐᑎᒪᒡ ᐅ᙮ ᒋᓴᒪᓂᑐᐤ ᐊᐅᒄ ᒪᔨᒥᑦ ᒐᒋ ᐃᑐᑎᒪᒡ ᒥᓯᐛ ᐅ ᑕᓐ ᐊ ‍ ᐃᑐᑎᒪᒡ᙮
\v 6 ᐎᔾ ᓂ ‍ ᒥᔨᑯᓇᓐ ᑭᔅᒋᐅᓂᔪᐤ ᒐᒋ ᐊᑐᔅᑯᐅᒋᒡ ᐅᔭ ᐊ ‍ ᐅᔅᑲᔨᒡ ᓂᔅᑯᒧᐅᓂᔪᐤ ᐊ ‍ ᐊᐱᒋᑕᐎᒋᒡ᙮ ᐅ ᒪᒃ ᓂᔅᑯᒧᐅᓐ ᓇᒪᐎᔾ ᐊᓐ ᐎᓱᐛᐅᓐ ᑲ ‍ ᒥᓯᓇᐃᑭᓄᐅᒡ ᒐ ‍ ᓂᓇᐃᑕᑭᓄᐅᒡ, ᑲ ‍ ᐸᔭᒋᓯᑦ ᐊᒐᐧᒄ ᐊᐅᒄ ᒋᐸ ‍ ᓂᓇᐃᑐᐛᑭᓄᐤ᙮ ᐛᔅ ᐊᐛᓐ ᐊᑲ ᓂᓇᐃᑕᐧᒃ ᑕᓐ ᐊ ‍ ᐃᑎᔅᑕᔨᒡ ᐊᓂᔭ ᐎᓱᐛᐅᓂᔪᐤ ᓂᐳᐅᓂᔪᐤ ᒋᑭ ‍ ᐅᑎᑕᐅᑯᐤ᙮ ᑲ ‍ ᐸᔭᒋᓯᑦ ᐊᒐᐧᒄ ᒪᒃ ᐱᒪᑎᓯᐅᓂᔪᐤ ᒥᔨᐛᐤ ᐎᔾ᙮
\p
\v 7 ᐊᓐ ᐛᔅᑭᒡ ᐎᓱᐛᐅᓐ ᐊᓯᓂᒡ ᒋ ‍ ᒥᓯᓇᐃᑭᓄᐤ᙮ ᓇᒪ ᐅᒋ ᐎᒋᐃᑯᐅᒡ ᐊᐛᓐᒋ ᒐᒋ ᐱᒪᒋᐅᒡ᙮ ᐃᔭᐱᒡ ᒪᒃ ᓇᔅᒡ ᑕᑈ ᒋ ‍ ᓄᑯᓂᔪᐤ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᐃᔅᐱ ᒧᓱᔅ ᑲ ‍ ᒥᔭᑦ ᐊᓂᔭᔪᐛ ᐃᔪᐛ ᐊᓂᔭ ᐎᓱᐛᐅᓂᔪᐤ᙮ ᓇᔅᒡ ᑕᑈ ᒋ ‍ ᓱᒐᔨᑕᑯᓂᔪᐤ ᑕᓐ ᑲ ᐃᓯ ‍ ᒋᐧᑲᔭᔅᑕᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᒧᓱᔅ ᐅᑕᔅᑎᒥᐧᑯᒡ᙮ ᓇᒪ ᐊᑐᐎᔅ ᐅᒋ ᐎ ᑭᓄᐛᐸᑎᒧᐅᒡ ᐊᓐᒡ ᐃᔪᒡ ᒧᓱᓴ ᐅᑕᔅᑎᒥᐧᑯᔪᐤ᙮ ᓇᒪ ᒪᒃ ᓇᐅᔅ ᐅᒋ ᒋᐧᑲᔭᔅᑕᐤ ᐊᓐ ᒋᔅᑕᔨᑕᑯᓱᐅᓐ ᐊᓐᑕ ᒧᓱᔅ ᐅᑕᔅᑎᒥᐧᑯᒡ᙮ ᒋ ᐊᑎ ‍ ᐸᓯᑯᓇᑯᓐ᙮ ᐃᔭᐱᒡ ᒪᒃ ᒋ ‍ ᓄᑯᓂᔪᐤ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᐊᓐ ᐎᓱᐛᐅᓐ ᑲ ‍ ᒥᔨᐛᓄᒡ ᐊᑎ ᐊᑲ ᐅᒋ ᐱᒪᒋᐃᐛᒥᑲᒡ᙮
\v 8 ᓇᒪᐎᔾ ᐊ ᐊᑐᐎᔅ ᒋᔅᑕᔨᑕᑯᓐ ᐊᓐ ᐊᔭᒥᐊᐤ ᐊᑐᔅᒐᐅᓐ ᑲ ‍ ᐸᔭᒋᓯᑦ ᐊᒐᐧᒄ ᐊ ‍ ᑕᑦ ᑲ ‍ ᐅᒋᐱᔨᒡ ?
\v 9 ᒋ ‍ ᑎᑯᓂᔪᐤ ᑕᓐ ᑲ ᐃᓯ ‍ ᓂᓱᐅᓇᒋᒥᑯᒡ ᐊᐛᓐᒋ ᐎᓱᐛᐅᓂᔪᐤ᙮ ᒧᔭᒻ ᒪᒃ ᐃᔭᐱᒡ ᐊᔪᐛᒃ ᑲ ‍ ᓄᑯᓂᒂ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᑲ ‍ ᒥᔨᐛᓄᐅᒡ ᐊᓐ ᐎᓱᐛᐅᓐ ᑕᓐ ᐊᑐᐎᔅ ᒐ ᐃᔅᐱᔅ ‍ ᓄᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᐊᓐ ᓂᔅᑯᒧᐅᓐ ᐊᓐᑕ ᐛᒋ ‍ ᑯᐃᔅᑯᓇᑯᐊᑭᓄᐎᒡ ᐊᐛᓐᒋ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮
\v 10 ᐃᔅᐱ ᑲ ‍ ᒥᔨᐛᓄᐅᒡ ᐊᓐ ᐎᓱᐛᐅᓐ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᒋ ‍ ᓄᑯᓂᔪᐤ ᒥᒄ ᒪᒃ ᒧᔭᒻ ᓇᔅᒡ ᐊ ᐊᑎ ‍ ᐸᓯᑯᓇᑯᓂᔨᒡ ᒋ ‍ ᐃᓯᓇᑯᓂᔪᐤ ᐛᔅ ᐊᓐ ᐊᒐᐧᑯ ᓂᔅᑯᒧᐅᓐ ᐊᑐᐎᔅ ᒋᔅᑕᔨᑕᑯᓐ᙮
\v 11 ᑲ ‍ ᒋᔅᑕᔨᑕᑯᓂᒂ ᒪᒃ ᐊᓐ ᒥᒄ ᐛᐃᐱᔅᒋᔅ ᑲ ‍ ᑎᒂᒡ ᒋᔅᑕᔨᑕᑯᓱᐅᓐ ᑕᓐ ᐊᑐᐎᔅ ᐊ ᐃᔅᐱᔅ ‍ ᒋᔅᑕᔨᑕᒂᒡ ᐊᓐ ᑲᒋᒡ ᒐ ‍ ᑎᒂᒡ ᒋᔅᑕᔨᑕᑯᓱᐅᓐ᙮
\s2 2 Corinthians 3.12-4.2 (Transfiguration Year C)
\p
\v 12 ᓇᔅᒡ ᑕᑈ ᓂ ‍ ᒐᔅᑎᓇᑕᔨᑎᒥᐃᑯᓇᓐ ᐅ᙮ ᐊᐅᒄ ᒪᒃ ᐛᒋ ‍ ᒥᔪᐱᔨᒡ ᒥᒄ ᒐᒋ ᐃᓯ ‍ ᐎᑎᒪᑕᒡ᙮
\v 13 ᓇᒪ ᓂᑦ ᐃᓯᓇᑯᓯᓇᓐ ᑕᓐ ᑲ ‍ ᐃᓯᓇᑯᓯᑦ ᒧᓱᔅ᙮ ᒋ ‍ ᐊᑯᐛᑲᐅᐤ ᒐ ᐊᑲ ᒋ ᐛᐸᑎᒥᔨᒋ ᐃᔅᕋᐃᓪ ᐃᔪᐛ ᐊᔭᔅᒃ ᐊᑲ ᐊᑎ ᐛᔅᑐᐛᔨᒡ ᐅᑕᔅᑎᒥᐧᒄ᙮
\v 14 ᓇᒪ ᐅᒋ ᐎ ᓂᔅᑐᑎᒧᒡ ᐊᓐᒡ ᐃᔪᒡ᙮ ᐊᔅᒄ ᒪᒃ ᐊᓄᒡ ᐅᔭ ᐊ ‍ ᒋᓯᑲᔨᒡ ᐊᔅᒄ ᐊᐅᑯᓐ ᐊ ‍ ᐃᑎᔅᑲᒡ ᐊᓂᔭ ᐊᑯᒂᐅᓂᔪᐤ ᐃᓯᓇᑯᓱᐅᒡ ᐊ ‍ ᐃᔨᒥᑐᐛᑭᓄᐅᒡ ᐊᓂᔭ ᐛᔅᑭᒡ ᓂᔅᑯᒧᐅᓂᔪᐤ᙮ ᓇᒪ ᒋ ‍ ᓂᔅᑐᑎᒺᐅᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐸᑐᔅ ᐊᐛᓐ ᐊ ‍ ᐱᒪᒋᐃᑯᑦ ᙭ᑕ ᐊᑯᑕ ᐊ ‍ ᐃᒐᓂᑭᓄᐎᒡ ᐊᓂᔭ ᐊᑯᒂᐅᓂᔪᐤ᙮
\v 15 ᐊᔅᒄ ᐊᓄᒡ ᐅᔭ ᐊ ‍ ᒋᓯᑲᔨᒡ ᐊᐅᑯᓐ ᐊ ‍ ᐃᑎᔅᑲᒡ ᐊᓂᔭ ᐊᑯᒂᐅᓂᔪᐤ ᐅᒥᑐᓇᔨᒋᑭᓂᐛᒡ ᐃᓯᓇᑯᓱᐅᒡ ᐃᔅᐱ ᐊ ‍ ᐃᔨᒥᑕᒡ ᒧᓱᓴ ᐅᐎᓱᐛᐅᓂᔪᐤ᙮
\v 16 ᒧᔭᒻ ᒪᒃ ᐊᐛᓐ ᓂᔭᑕᓯᒧᑐᑐᐛᒋ ᐅᑎᐸᔨᒋᒐᐛ ᐊᑯ ᐊ ‍ ᐃᒐᓂᑭᓄᐎᒡ ᐊᓂᔭ ᐊᑯᒂᐅᓂᔪᐤ᙮
\v 17 ᐅᑎᐸᔨᒋᒐᐤ ᒪᒃ ᐊᐅᒄ ᑲ ‍ ᐸᔭᒋᓯᑦ ᐊᒐᐧᒄ, ᑕᓐᑕ ᒪᒃ ᐊ ‍ ᑕᒂ ᐅ ᐊᒐᐧᒄ ᑎᑯᓐ ᐊᓐᑕ ᐊᐱᐧᑯᓄᐛᐅᓐ᙮
\v 18 ᒋᔭᓄᐤ ᒪᒃ ᐎ ᓇᒪ ᓂᑐᐛᔨᑕᑯᓐ ᒐᒋ ᐊᑯᒂᐅᓱᔭᐧᒄ ᒐᒋ ᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ᙮ ᐊ ‍ ᑭᓄᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ ᐊᔭᔅᒃ ᒋᒂᔅᒋᓇᑯᐃᑯᓇᓄᐤ ᐎᔾ ᒐᒋ ᓂᔅᐱᑐᐛᐧᒄ᙮ ᐊᔭᔅᒃ ᒋ ‍ ᐃᑐᑕᑯᓇᓄᐤ ᑭᔭ ᒋᔭᓄᐤ ᐊᑐᐎᔅ ᒐᒋ ᒋᔅᑕᔨᑕᑯᓯᔭᐧᒄ᙮ ᐎᔾ ᒪᒃ ᐅᑎᐸᔨᒋᒐᐤ ᐅᔭ ᒋᑦ ᐃᓯᐃᑯᓄᐤ ᐅᑦ ᐊᒐᒂ ᐅᒡ᙮
\c 4
\s1 ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᐊᓯᔅᒍᐤ ᐊᑐᒋᐸᓂᒡ ᐊ ‍ ᑎᑯᓂᔨᒡ
\p
\v 1 ᓇᔅᒡ ᑕᑈ ᓂᒋ ‍ ᓱᐛᔨᒥᑯᓇᓐ ᒋᓴᒪᓂᑐᐤ ᐅᔭ ᐊᑐᔅᒐᐅᓂᔪᐤ ᐊᒋ ‍ ᒥᔨᒥᑦ᙮ ᐊᐅᒄ ᒪᒃ ᐛᒋ ᐊᑲ ᐎ ᐳᓂᔭᒡ᙮
\v 2 ᐊ ‍ ᐛᐎᑎᒪᒡ ᐅ ᒥᔽᒋᒧᐅᓐ ᓇᒪ ᒐᒂᓐ ᓂ ‍ ᒋᒧᒡ ᐃᑎᓇᓐ᙮ ᒧᔅ ᑯᐃᔅᒄ ᑭᔭ ᒧᓴ ᓂ ‍ ᐎᑕᓇᓐ ᒐᒂᓐ᙮ ᓇᒪ ᓂ ᐎ ‍ ᐎᔭᓯᒪᓇᓐ ᐊᐛᓐ ᒐᒋ ᐅᒋ ‍ ᑕᑈᑕᐧᒃ᙮ ᓇᒪ ᑭᔭ ᓂ ‍ ᒪᒧᐱᔨᑕᓇᓐ ᑯᑎᒡ ᒐᒂᓐ ᐊ ‍ ᐛᐎᑎᒪᒡ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑯᐃᔅᒄ ᓂ ‍ ᐎᑎᒧᐛᓇᓐ ᒥᓯᐛ ᐊᐛᓐ ᑕᑈᐅᓂᔪᐤ ᑭᔭ ᒐ ‍ ᒋᔅᒐᔨᑕᒡ ᑕᑈ ᒐᒋ ᑕᑈᑕᒡ ᑕᓐ ᐊ ᐃᓯ ‍ ᐛᐎᑎᒧᐅᒋᑦ᙮ ᓂ ‍ ᒋᔅᒐᔨᒥᑯᓇᓐ ᒪᒃ ᒋᓴᒪᓂᑐᐤ ᐊ ‍ ᑕᑈᐅᒋᑦ᙮
\s2 2 Corinthians 4.3-6 (Transfiguration Year B)
\p
\v 3 ᑕᐅᒡ ᐊᐛᓐᒋ ᐊ ‍ ᐃᑕᔨᑕᒡ ᐊᑲ ᒥᓯᐛ ᒐᒂᔪᐤ ᐎᑎᒧᒋᒡ ᐊ ‍ ᐛᐎᑎᒧᒋᒡ ᐅᔭ ᒥᔽᒋᒧᐅᓂᔪᐤ ᑭᔭ ᓇᒪ ᒋ ‍ ᓂᔅᑐᑎᒧᒡ᙮ ᐅᓂᓯᓄᐅᒡ ᐊᓐᒡ ᐊᐛᓐᒋ ᐊᔪᐅᒄ ᒪᒃ ᐛᒋ ᐊᑲ ᒋ ‍ ᓂᔅᑐᑕᒡ᙮
\v 4 ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ‍ ᒥᒋᒥᓂᑐᔨᒋ ᑲ ‍ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ‍ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ‍ ᐱᒪᒋᐅᒡ᙮ ᓇᒪ ᒋ ‍ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ‍ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ‍ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ‍ ᒋᔅᑕᔨᑕᑯᓯᑦ ᒋᓴᔅ᙮
\v 5 ᐃᔅᐱ ᐊ ‍ ᑭᒐᔅᒋᒧᔭᒡ ᓇᒪ ᓂᔭᓐ ᓂᑦ ᐊᔨᒧᒥᓱᓇᓐ᙮ ᒋᓴᔅ ᙭ ᓂᑦ ᐊᔨᒧᒪᓇᓐ ᐎᔾ ᐊ ‍ ᑎᐸᔨᒋᒐᐅᑦ᙮ ᒋᓴᔅ ᓂᒋ ᐸᒋ ‍ ᐃᑎᓴᐅᑯᓇᓐ ᒐᒋ ᐊᑐᔅᑲᑕᒡ᙮
\v 6 ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ‍ ᐃᔅᒋᔄᑦ ᒋᓴᒪᓂᑐᐤ, “ᒋᑭ ‍ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ‍ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ‍ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ‍ ᑕᑦ ᐊᑯᑕ ᐛᒋ ‍ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮
\p
\v 7 ᒧᔭᒻ ᐊᓯᔅᒍᐤ ᐊᑐᒋᐸᓇ ᒋᓴᒪᓂᑐᐤ ᒐᒋ ᐊᐱᒋᑕᑦ ᐊᐅᑯᓐ ᐊ ‍ ᐃᓯᓇᑯᓯᔭᒡ᙮ ᐊᑯᑕ ᐊᓐᑕ ᐊ ‍ ᑎᑯᓂᔨᒡ ᐅᒋᔅᑕᔨᑕᑯᓱᐅᓐ ᒐᒋ ᒋᔅᒐᔨᑕᑭᓄᐎᒡ ᐎᔾ ᐊ ‍ ᑕᑦ ᐊ ‍ ᐅᒋᒥᑲᒡ ᐅ ᒪᐅᒡ ᑲ ‍ ᓱᒐᔨᑕᒂᒡ ᓱᐧᑲᑎᓯᐅᓐ ᑲ ‍ ᐊᔭᔭᒡ, ᓇᒪ ᐎ ᓂᔭᓐ ᐊ ‍ ᑕᔭᒡ ᐅᒋᒥᑭᓐ᙮
\v 8 ᒥᒐᑥᐤ ᓂᓇᐧᑯᐤ ᓂᑦ ᐃᓯ ᒥᔅᑎ ‍ ᐊᔨᒥᐅᓇᓐ᙮ ᒥᒄ ᒪᒃ ᓇᒪ ᓇᔅᒡ ᓂ ‍ ᒥᑯᔅᑲᑎᔅᑲᑯᓇᓐ ᑕᓐ ᐊ ᐃᓯ ‍ ᓂᒋᔅᑭᒪᒡ᙮ ᓇᓂᑯᑎᓂᔾ ᓂ ‍ ᐛᐛᓇᔨᑕᓇᓐ ᒥᒄ ᒪᒃ ᓇᒪ ᐎ ᓂᑕ ᓇᔅᒡ ᒐᒋ ᐛᐛᓇᔨᑎᒪᒡ᙮
\v 9 ᓂ ‍ ᓂᓇᐧᑲᒋᐃᑯᐅᓇᓐ, ᒥᒄ ᒪᒃ ᒧᔅ ᓂᐎᒐᐅᑯᓇᓐ ᒋᓴᒪᓂᑐᐤ᙮ ᓇᓂᑯᑎᓂᔾ ᓂ ‍ ᓂᒋᐛᐸᐅᑯᓇᓐ, ᒥᒄ ᒪᒃ ᓇᒪ ᓄᐅᓇᒋᐃᑯᐅᓇᓐ᙮
\v 10 ᒧᔅ ᑭᔭ ᓂ ‍ ᓂᒋᔅᑲᓇᓐ ᐊ ᐎ ‍ ᓂᐸᐃᑯᐅᔭᒡ ᒧᔭᒻ ᒋᓴᔅ ᒧᔅ ᑲ ᐃᓯ ‍ ᓂᒋᔅᑲᐧᒃ᙮ ᐊᑯᑕ ᒪᒃ ᐛᒋ ‍ ᐛᐸᑕᒡ ᐊᐛᓐᒋ ᐅᑕ ᓂᔪᓇᒡ ᐊᓂᔭ ᐱᒪᑎᓯᐅᓂᔪᐤ ᒋᓴᔅ ᑲ ‍ ᐎᐧᑯᒋᑎᒧᔨᒥᑦ ᑲ ‍ ᐅᓂᔅᑲᑦ ᓂᐳᐅᓂᒡ ᐅᒡ᙮
\v 11 ᓂ ‍ ᐱᒪᑎᓯᓇᓐ ᑭᑈ ᐊᓄᒡ ᒥᒄ ᒪᒃ ᒧᔅ ᑯᔅᐱᓇᑕᔨᑕᑯᓐ ᒐᒋ ᐅᓂᑕᔭᒡ ᓂᐱᒪᑎᓯᐅᓇᓇ ᐊ ‍ ᑕᑈᔭᔨᒥᒋᒡ ᒋᓴᔅ᙮ ᐊᑯ ᒪᒃ ᒐᒋ ᓂᔅᑐᓇᑯᓂᔨᒡ ᒋᓴᔅ ᐅᐱᒪᑎᓯᐅᓐ ᐅᑕ ᐅᔭ ᓂᔪᓇᒡ ᒐ ‍ ᓂᐱᒥᑭᓂᔨᒋ᙮
\v 12 ᐊᑯ ᒪᒃ ᐊ ‍ ᐃᓯᓇᒂᒡ ᐊ ‍ ᐎᒋᐃᑯᔭᒄ ᒋᐱᒪᑎᓯᐅᓄᐛᒡ ᐊᓐ ᐊ ‍ ᓂᓇᐧᑲᑕᔨᒧᐃᑯᐅᔭᒡ᙮
\p
\v 13 ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᓂᒋ ‍ ᑕᑈᑕᓐ ᑭᔭ ᑲ ‍ ᐃᔨᒥᔭᓐ᙮” ᑭᔭ ᓂᔭᓐ ᒪᒃ ᐊᐅᑯᓐ ᐊ ᐃᓯ ‍ ᑕᑈᑎᒪᒡ ᑭᔭ ᐊ ‍ ᐃᔨᒥᔭᒡ᙮
\v 14 ᓂ ‍ ᒋᔅᒐᔨᑕᓇᓐ ᒋᓴᒪᓂᑐᐤ ᐊᒋ ‍ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒡ, ᓂ ‍ ᒋᔅᒐᔨᑕᓇᓐ ᑭᔭ ᒋᔭᓄᐤ ᒐ ‍ ᐅᓂᔅᑲᓂᑕᐧᒄ ᓂᐳᐅᓂᒡ ᐅᒡ ᐎᔾ ᒋᓴᒪᓂᑐᐤ ᐊ ‍ ᑕᑦ ᒐᒋ ᑕᐛᐧᒄ᙮
\v 15 ᒋᔨᐛᐤ ᒪᒃ ᐊᐅᒄ ᐛᒋ ‍ ᐃᑐᑎᒪᒡ ᐅ᙮ ᐛᔅ ᐊᔭᔅᒃ ᐊ ‍ ᒋᔅᒐᔨᑎᒥᐊᑭᓄᐎᒡ ᐊᐛᓐᒋ ᒋᓴᒪᓂᑐᐛ ᐅᒋᓴᐛᑎᓯᐅᓂᔪᐤ ᐊᑯ ᐊᔭᔅᒃ ᒐ ‍ ᑎᑯᓂᔨᒡ ᐊ ‍ ᓂᓇᔅᑯᒪᑭᓄᐅᑦ ᒋᓴᒪᓂᑐᐤ ᑭᔭ ᐊ ‍ ᒋᔅᑕᒋᒪᑭᓄᐅᑦ᙮
\s1 ᑕᑈᑎᒧᐅᓂᒡ ᐊ ᐃᓯ ‍ ᐱᒪᑎᓯᓇᓄᐅᒡ
\p
\v 16 ᐊᐅᑯᓐ ᒪᒃ ᐛᒋ ᐊᑲ ᓂᑕ ᐎ ‍ ᐳᓂᔭᒡ᙮ ᐊ ᐊᑎ ‍ ᐅᑕ ᐅᔅᒡ ᒋᔪᓇᒡ ᐊᔭᔅᒃ ᐊ ᐊᑎ ‍ ᓂᓱᐅᓇᑎᓯᔭᐧᒄ, ᐊᓯᑯᒻ ᒋᓯᑲᐛ ᒥᔅᑯᐊᑭᓄᐅᒡ ᒋᑦ ᐊᒐᐧᑯᓄᐅᒡ᙮
\v 17 ᓇᒪ ᓇᔅᒡ ᒐᒂᓐ ᐃᑕᔨᑕᑯᓐ ᑕᓐ ᐊ ᐃᓯ ‍ ᓂᒋᔅᑭᒪᐧᒄ ᑭᔭ ᐊᓐ ᑕᓐ ᐊ ᐃᓯ ‍ ᓂᒋᔅᑭᒪᐧᒄ ᓇᒪ ᓇᐅᔅ ᒋᑭ ᐅᒋ ‍ ᐱᒥᐱᔪᐤ᙮ ᐛᔅ ᒋ ‍ ᐎᒋᐃᑯᓇᓄᐤ ᒐᒋ ᐊᔭᔭᐧᒄ ᑲᒋᒡ ᒋᔅᑕᔨᑕᑯᓱᐅᓐ᙮ ᐊᑐᐎᔅ ᒪᒃ ᒥᔅᑎ ᐃᑕᔨᑕᑯᓐ ᐅ ᐃᔅᐱᔅ ᑕᓐ ᐊ ᐃᓯ ‍ ᓂᒋᔅᑭᒪᐧᒄ᙮
\v 18 ᐛᔅ ᑕᐸ ᐊᓂᔭᔪᐛ ᐊᓄᒡ ᑲ ‍ ᓄᐧᑯᒂᒋ ᒐᒂᔪᐛ ᒋ ‍ ᑭᓄᐛᐸᑕᓇᓄᐤ᙮ ᐊᓂᔭ ᐊᑲ ᓄᐧᑯᒂᒋ ᐊᐅᑯᓂ ᐊᓂᔭᔪᐛ ᑲᓄᐛᐸᑎᒪᐧᒄ᙮ ᐊᓐ ᐊᓄᒡ ᑲ ‍ ᓄᒂᒡ ᐛᐃᐱᔅᒋᔅ ᒥᒄ ᑎᑯᓐ᙮ ᐊᑯ ᐊᓐ ᐊᑲ ᓄᒂᒡ ᐊᐅᒄ ᑲᒋᒡ ᐊ ‍ ᑎᒂᒡ᙮
\c 5
\s1 ᒋᒋᒋᓯᑯᒡ ᒐ ‍ ᑕᔭᐧᒄ
\p
\v 1 ᐛᔅ ᒋ ‍ ᒋᔅᒐᔨᑕᓇᓄᐤ ᐅᔭ ᒋᔭᓄᐛ ᒧᔭᒻ ᒥᒋᐛᐸ ᐃᓯᓇᑯᓇ᙮ ᐸᐃᒂᐤ ᐊ ‍ ᒋᓯᑲᒡ ᒋᑭ ‍ ᓂᑎᓂᑭᓄᐛ᙮ ᐊᓐᑕ ᒪᒃ ᒋᒋᒋᓯᑯᒡ ᒋᑭ ‍ ᒥᔨᑯᓇᓄᐤ ᒥᔪᐛ ᑲᒋᒡ ᒐ ‍ ᐱᒪᑎᓯᒥᑲᒋ, ᒧᔭᒻ ᒥᒋᐛᐸ ᐊ ‍ ᐃᑕᔨᑕᒂᒋ ᑲᒋᒡ ᒐ ‍ ᑎᒂᒋ᙮ ᓇᒪᐎᔾ ᐎ ᐊᓄᒡ ᑲ ‍ ᐅᓯᑕᑭᓄᐅᒡ ᒥᒋᐛᑉ ᑲ ‍ ᐃᑕᔨᑕᒂᒡ ᒋᑭ ᐅᒋ ‍ ᐃᑕᔨᑕᑯᓇ᙮ ᒋᓴᒪᓂᑐᐤ ᒪᒃ ᒋᑦ ᐊᔭᔅᑯᔅᑎᒪᑭᓄᐤ ᐅᔭ᙮
\v 2 ᐊᓄᒡ ᐎ ᑎᑯᓐ ᐊ ‍ ᓇᐧᑲᒋᒧᔭᐧᒄ ᐊᔅᐱᔅ ᐱᒂᔨᑎᒪᐧᒄ ᒐ ‍ ᐅᑎᑎᒪᐧᒄ ᐊᓐᑕ ᒐ ‍ ᑕᔭᐧᒄ᙮
\v 3 ᐊᑯ ᒪᒃ ᑕᑈ ᒐ ‍ ᒥᔅᑭᒪᐧᒄ ᑕᓐ ᐊᓂᔭᔪᐛ ᒐ ‍ ᒥᔨᑕᐧᒄ ᒋᓴᒪᓂᑐᐤ᙮ ᒧᔭᒻ ᒪᒃ ᐊ ‍ ᐳᔅᑎᔅᑭᒧᑎᑯᐅᔭᐧᒄ ᒐᒂᓐ ᐊᐅᑯᓐ ᒐ ‍ ᐃᑕᔨᑕᒂᒡ᙮
\v 4 ᐛᔅ ᒪᒂᒡ ᐅᑕ ᒋᔪᓇᒡ ᐊ ‍ ᑕᔭᐧᒄ ᒋ ‍ ᓇᐧᑲᒋᒧᓇᓄᐤ, ᑎᑯᓐ ᐊ ᐃᓯ ‍ ᒥᓯᒪᔨᑎᒪᐧᒄ᙮ ᓇᒪᐎᔾ ᐊᑎ ᓇᔅᒡ ᐊ ᐎ ‍ ᓂᑭᑎᒪᐧᒄ ᐅᔭ ᒋᔭᓄᐛ᙮ ᓇᔅᒡ ᑕᑈ ᒋ ‍ ᐱᒂᔨᑕᓇᓄᐤ ᑕᓐ ᒐ ᐃᓯ ‍ ᒥᔨᑯᐅᔭᐧᒄ ᐊᓐᑕ ᒋᒋᒋᓯᑯᒡ᙮ ᒐ ᐃᔅᐱᔅ ‍ ᒋᔅᑕᔨᑕᒂᒡ ᐊᓐ ᐱᒪᑎᓯᐅᓐ ᒐ ‍ ᒥᔨᑯᐅᔭᐧᒄ ᓇᑕ, ᓇᒪ ᒋᑭ ᐅᒋ ‍ ᐃᑕᔨᑕᑯᓇ ᑕᓐ ᐊ ‍ ᐃᑕᔨᑕᒂᒋ ᐅᔭ ᐊᓄᒡ ᒋᐱᒪᑎᓯᐅᓄᐛ ᒪᒥᑐᓇᔨᑎᒪᒂ ᐃᔅᐱ ᒋᒋᒋᓯᑯᒡ ᑕᔨᒂ᙮
\v 5 ᐊᔪᐅᒄ ᐅᔭ ᐛᒋ ‍ ᐅᓯᐃᑕᐧᒄ ᒋᓴᒪᓂᑐᐤ, ᒐᒋ ᐅᑎᑎᒪᐧᒄ ᐊᓐᑕ ᒐ ‍ ᒥᔨᑯᐛᐧᒄ ᐅᔭ ᐱᒪᑎᓯᐅᓂᔪᐤ᙮ ᒋ ‍ ᒐᔅᑎᓇᐅᐛᓇᓄᐤ ᒪᒃ ᒐᔅᑎᓇᔅ ᒐ ‍ ᐃᑐᑎᒪᑕᐧᒄ ᐅᔭ ᐛᔅ ᔅᒋ ‍ ᒥᔨᑯᓄᐤ ᐅ ᐸᔭᒋ ᐊᒐᒂ ᒐᒋ ᐎᒐᐅᑎᑕᐧᑯ᙮
\p
\v 6 ᐊᐅᒄ ᒪᒃ ᐛᒋ ᒧᔅ ‍ ᓱᒋᑕᐊᔭᐧᒄ᙮ ᒋ ‍ ᒋᔅᒐᔨᑕᓇᓄᐤ ᒐ ᐃᔅᐱᔅ ‍ ᐃᑕᐛᒂ ᐅᑕ ᒋᔪᓇᒡ ᓇᒪ ᒋ ‍ ᑕᓇᓄᐤ ᐊᓐᑕ ᐊ ‍ ᑕᑦ ᐅᑎᐸᔨᒋᒐᐤ᙮
\v 7 ᐛᔅ ᐅᑕ ᐊ ‍ ᐱᒪᑎᓯᔭᐧᒄ ᐊᓐ ᑕᓐ ᐊ ᐃᓯ ‍ ᑕᑈᑎᒪᐧᒄ ᒋᑦ ᐊᔅᐸᔨᒧᑐᑕᓇᓄᐤ ᐊᑎ ᐊᔅᒄ ᐊᑲ ᐛᐸᑎᒪᐧᒄ ᑕᓐ ᒐ ᐃᓯ ‍ ᒥᔨᑕᐧᒄ ᒋᓴᒪᓂᑐᐤ᙮
\v 8 ᑕᑈ ᒪᒃ ᒋᐸ ‍ ᓱᒋᑕᐊᓇᓄᐤ ᐛᔅ ᐃᐛᒃ ᒋᐸ ‍ ᒥᔽᔨᑕᓇᓄᐤ ᓂᑭᑎᒪᐧᒄ ᐅᔭ ᒋᔭᓄᐛ ᑭᔭ ᒋᐸ ‍ ᑕᓇᓄᐤ ᐊᓐᑕ ᐊ ‍ ᑕᑦ ᐅᑎᐸᔨᒋᒐᐤ᙮
\v 9 ᐊᑯ ᒪᒃ ᒥᒄ ᐊ ‍ ᐃᑎᔭᐧᒄ ᒋᑦ ᐃᑎᓇᓄᐤ ᒐᒋ ᓇᐊᔨᑎᒪᐊᐧᒄ ᐅᑎᐸᔨᒋᒐᐤ ᒪᒂᒡ ᐅᑕ ᐊ ‍ ᐱᒪᑎᓯᔭᐧᒄ ᒪᒃ ᐊᓐᑕ ᐊ ‍ ᑕᑦ ᑕᔭᒂ᙮
\v 10 ᐛᔅ ᒥᓯᐛ ᐸᐸᐃᒄ ᐊ ‍ ᑎᓯᔭᐧᒄ ᒋᑭ ‍ ᐅᑎᔅᑯᑲᐳᔅᑐᐛᓄᐤ ᙭ ᐊᓐᑕ ᐊ ‍ ᐱᑦ ᒐᒋ ᑎᐸᔅᑯᓂᑕᐧᒄ ᐊᑯ ᒪᒃ ᒥᓯᐛ ᐸᐸᐃᒄ ᒐ ‍ ᒥᔨᑕᐧᒄ ᑕᓐ ᐊᓐ ᐊ ‍ ᐃᑕᔨᑕᒂᒡ ᒐᒋ ᒥᔨᑯᐛᐅᐧᑯᐱᓇ ᒥᒄ ᑕᓐ ᑲ ‍ ᐃᑐᐛᐛᒂ ᒪᒂᒡ ᐅᑕ ᐊᔅᒋᒡ ᑲ ‍ ᐱᒪᑎᓯᔭᐧᒄ, ᑲ ᒥᔪ ‍ ᐃᑐᐛᐛᒂ ᑭᔭ ᒪᒃ ᐊᑲ ᐅᒋ ᒥᔪ ‍ ᐃᑐᐛᐛᒂ᙮
\s1 ᒋᓴᒪᓂᑐᐤ ᐊ ᒥᔪ ‍ ᐎᒐᐛᑭᓄᐅᑦ ᙭ᑕ ᐅᒋ
\p
\v 11 ᐊ ‍ ᒋᔅᒐᔨᑎᒪᒡ ᒪᒃ ᒋᓴᒪᓂᑐᐤ ᐊ ‍ ᑯᔅᑕᑎᑯᓯᑦ ᐊᐅᒄ ᐛᒋ ‍ ᒐᔅᑎᓇᒋᒥᒋᒡ ᐊᐛᓐᒋ ᐊ ‍ ᑕᑈᒥᑭᓂᔨᒡ ᐊ ᐃᓯ ‍ ᐊᔨᒧᑎᒧᐅᒋᒡ ᐅᑎᐸᔨᒋᒐᐛ᙮ ᐛᔅ ᓇᔅᒡ ᓂ ‍ ᒋᔅᒐᔨᒥᑯᓇᓐ ᒋᓴᒪᓂᑐᐤ ᑕᓐ ᐊ ‍ ᐃᑕᔨᑕᑯᓱᐛᒋᒡ᙮ ᓂ ‍ ᐱᑯᓴᔨᑕᓇᓐ ᒪᒃ ᑭᔭ ᒋᔨᐛᐤ ᒐᒋ ᒋᔅᒐᔨᒥᔭᒡ ᑕᓐ ᐊᓐ ᐊ ‍ ᐃᑕᔨᑕᑯᓯᔭᒡ᙮
\v 12 ᐅ ᒪᒃ ᐊ ᐃᓯ ‍ ᐃᔨᒥᔭᒡ ᓇᒪᐎᔾ ᐎ ᒥᓐ ᐊ ᐎ ‍ ᒥᔽᒋᒥᓱᔭᒡ᙮ ᒥᒄ ᒋ ᐎ ‍ ᒪᒥᒋᐃᑎᓇᓐ᙮ ᐊᑯ ᒪᒃ ᒐ ‍ ᒋᔅᒐᔨᑎᒪᒄ ᑕᓐ ᒐ ᐃᓯ ‍ ᐎᑎᒧᐛᑯᒡ ᐊᓐᒡ ᓇᔅᒡ ᒋᒋᐛ ᐊ ‍ ᐃᑕᔨᒥᓱᒡ ᐊᑲ ᓇᔅᒡ ᒪᒥᑕᔨᒥᓱᒡ ᑕᓐ ᒋᒋᐛ ᐊ ‍ ᐃᑕᔨᑕᑯᓯᒡ᙮
\v 13 ᐊᑎ ᒧᔭᒻ ᐊ ‍ ᒋᔎᔭᒡ ᐊ ‍ ᐃᑕᔨᑕᑯᓱᐛᒐ ᑕᓐ ᐊ ‍ ᑎᔭᒡ ᐎᔾ ᒋᓴᒪᓂᑐᐤ ᓂᑦ ᐃᑐᑎᒺᓇᓐ ᒥᓯᐛ ᒐᒂᔪᐤ᙮ ᐊᑯ ᒪᒃ ᐊ ‍ ᐃᑈᐧᑲᐅᑕᑯᓱᐛᒐ ᐛᔅ ᐊᓐ ᒋ ᐎ ‍ ᐎᒋᐃᑎᓇᓐ ᐊᓐ ᐛᒋ ‍ ᐃᑕᔨᑕᑯᓯᔭᒡ᙮
\v 14 ᐊ ‍ ᒋᔅᒐᔨᑎᒪᒡ ᑕᓐ ᐊᔅᐱᔅ ᓴᒋᐃᒥᑦ ᒋᓴᔅ ᙭ ᐊᐅᒄ ᐅ ᐊ ‍ ᓯᒋᒥᑯᔭᒡ ᐅ ᒐᒋ ᐃᑕᐱᑎᓯᔭᒡ᙮ ᐛᔅ ᒋ ‍ ᒋᔅᒐᔨᒪᓄᐤ ᐎᔾ ᐊᒋ ‍ ᓂᐱᔅᑎᒧᐛᑦ ᒥᓯᐛ ᐊᐛᔪᐛ ᑭᔭ ᒐᒋ ᐃᓯ ‍ ᑭᓄᐛᐸᑕᑭᓄᐅᒡ ᒥᓯᐛ ᐊᐛᓐ ᐊᒋ ‍ ᓂᐱᑦ᙮
\v 15 ᒥᓯᐛ ᐊᐛᔪᐛ ᒋ ‍ ᓂᐱᔅᑎᒧᐛᐤ ᙭᙮ ᐊᑯᑕ ᒪᒃ ᐛᒋ ‍ ᐱᑯᓴᔨᑕᒂᒡ ᐊᓐᒡ ᑲ ‍ ᐱᒪᑎᓯᒡ ᐊᑲ ᐊᑯ ᒥᒄ ᐎᔨᐛᐤ ᐊ ᐃᓯ ‍ ᓇᐊᔨᑕᒡ ᒐᒋ ᐃᓯ ‍ ᐱᒪᑎᓯᒡ ᒪᒃ ᒐᒋ ᐱᒪᑎᓯᒡ ᒐᒋ ᓇᐊᔨᑎᒥᐊᒡ ᐊᓂᔭᔪᐛ ᑲ ‍ ᓂᐸᐊᑭᓄᔨᒋ ᑭᔭ ᑲ ‍ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ᙮
\s2 2 Corinthians 5.16-21 (Lent-4 Year C)
\p
\v 16 ᓇᒪ ᒪᒃ ᐊᑯ ᐅᔅᒡ ᐊ ‍ ᐃᓯᓄᐛᑭᓄᐅᑦ ᐊᐛᓐ ᓂᑦ ᐃᓯ ‍ ᑭᓄᐛᐱᒪᓇᓐ᙮ ᐊᐅᑯᓐ ᑲ ᐃᓯ ‍ ᑭᓄᐛᐱᒥᒋᒡ ᙭ ᐸᐃᒂᐤ᙮ ᓇᒪᐎᔾ ᐊᑯ ᐊᓐᑕ ᓂᑦ ᐃᓯ ‍ ᑭᓄᐛᐱᒪᓇᓐ᙮
\v 17 ᐃᔅᐱ ᙭ᑕ ᐊ ‍ ᑕᔨᒋ ᐊ ᐃᓯ ‍ ᑎᐸᔨᑕᑯᓯᑦ ᐊᐛᓐ ᓇᔅᒡ ᐅᔅᒋᑕᑭᓄᐅᔪᐤ ᐅᐱᒪᑎᓯᐅᓐ᙮ ᑕᓐ ᑲ ‍ ᐃᑕᔨᑕᑯᓯᑦ ᐛᔅᑭᒡ ᓴᔅ ᐎᒪᐱᔨᔪᐤ᙮ ᒥᓯᐛ ᒋ ᐃᓯ ‍ ᐅᔅᒋᐊᑭᓄᐤ ᐅᐱᒪᑎᓯᐅᓂᒡ᙮
\v 18 ᐎᔾ ᒋᓴᒪᓂᑐᐤ ᒥᓯᐛ ᐅᔭ ᑲ ‍ ᐃᑐᑕᐧᒃ᙮ ᔅᒋ ‍ ᐃᑐᑕᑭᓄᐤ ᐎᔾ ᒥᓐ ᑲᐤ ᒐᒋ ᐎᒐᐛᐧᒄ ᙭ᑕ ᐅᒡ᙮ ᐊᑯ ᒪᒃ ᑲ ‍ ᒥᔨᑯᐅᔭᒡ ᒐᒋ ᐛᐎᑎᒪᒥᒋᒋ ᐊᐛᔪᐛ ᑕᓐᑕ ᒥᓐ ᑲᐤ ᒐᒋ ᐅᒋ ‍ ᐎᒐᐛᔨᒋ ᒋᓴᒪᓂᑐᐛ᙮
\v 19 ᐊᐅᒄ ᒪᒃ ᐅ ᐛ ᐃᓯ ‍ ᐎᑎᒪᒡ, ᒋᓴᒪᓂᑐᐤ ᓂᑐᐛᔨᒪᐤ ᒥᓯᐛ ᐊᐛᔪᐛ ᒥᓐ ᑲᐤ ᒐᒋ ᐎᒐᐅᑯᑦ ᙭ᑕ ᐅᒡ᙮ ᐛᐸᔨᑎᒪᒐᐤ ᒥᒋᑥᐅᓇ᙮ ᓂᒋ ‍ ᒥᔨᑯᓇᓐ ᒐᒋ ᐃᓯ ‍ ᐛᐎᑎᒧᒋᒡ ᒥᓐ ᑲᐤ ᒐ ‍ ᐎᒐᐛᑦ ᐊᐛᓐ ᒋᓴᒪᓂᑐᐛ᙮
\p
\v 20 ᐊᑯ ᒪᒃ ᐊ ‍ ᐊᔨᒥᔅᑎᒧᐎᒋᑦ ᙭᙮ ᒋᓴᒪᓂᑐᐤ ᓂᑦ ᐊᐱᒋᐃᑯᐅᓇᓐ ᐊ ‍ ᑕᑈᑎᑕᒄ᙮ ᒋ ‍ ᓯᒋᒥᑎᓇᓐ ᒥᓐ ᑲᐤ ᒐᒋ ᐎᒐᐛᒄ ᒋᓴᒪᓂᑐᐤ ᒧᔭᒻ ᙭ ᐎᔾ ᐊ ‍ ᓯᒋᒥᑕᒄ ᐊ ᐃᓯ ‍ ᐃᔨᒥᐃᑕᒡ᙮
\v 21 ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ‍ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ‍ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮
\c 6
\s1 ᐊ ᐃᓯ ‍ ᐊᔨᒥᐅᑦ ᐊᐛᓐ ᙭ᑕ ᐊ ‍ ᐊᑐᔅᑯᐛᑦ
\s2 2 Corinthians 6.1-13 (Proper-7 Year B)
\p
\v 1 ᐊᓐ ᒪᒃ ᐊ ‍ ᒪᒧᐤ ᐊᑐᔅᑯᐅᒋᒡ ᒋᓴᒪᓂᑐᐤ ᒋ ‍ ᓂᑐᑎᒪᑎᓇᓐ ᒐ ᐊᑲ ᒋ ᐃᓯᓇᑯᓯᔭᒄ ᐊᑲ ᐊ ‍ ᐊᐱᑕᔨᑎᒪᒄ ᑕᓐ ᐊ ᐃᓯ ‍ ᒋᓴᐛᑐᑕᑕᒄ ᒋᓴᒪᓂᑐᐤ᙮
\v 2 ᐛᔅ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐃᑎᔅᑕᐤ ᐊᒋ ‍ ᐃᔅᒋᔄᑦ,
\q ᐊᓐᑕ ᑲ ‍ ᐃᑕᔨᑎᒥᐃᑯᔭᓐ ᒐᒋ ᓂᑐᑕᑕᓐ ᔅᒋ ‍ ᓂᑐᑕᑎᓐ ᐊ ‍ ᐊᔭᒥᐊᔨᓐ᙮ ᐊᓐᑕ ᑲ ‍ ᓂᑐᐛᔨᑎᒥᓐ ᐎᒋᐃᑯᓯᐅᓐ ᐊᑯᑕ ᑲ ‍ ᐱᒪᒋᐃᑕᓐ᙮
\m ᐊᐅᒄ ᐅᔭ ᑲ ‍ ᐃᔅᒋᔄᑦ ᒋᓴᒪᓂᑐᐤ ᑭᔭ ᓂᔾ ᐛᑎᒪᑕᓐ, ᐊᓄᒡ ᓇᐃᐱᔪᐤ ᒐᒋ ᐱᒪᒋᐅᔨᓐ᙮ ᐊᓄᒡ ᐱᒪᒋᐃᐛᐤ ᒋᓴᒪᓂᑐᐤ᙮
\p
\v 3 ᓇᒪ ᓂᑐᐛᔨᑕᓇᓐ ᓂᑎᒥᒄ ᒐᒋ ᐃᓯ ‍ ᐱᔅᑎᓇᑭᓄᐅᒡ ᑕᓐ ᐊ ᐃᓯ ‍ ᐊᑐᔅᑯᐅᒋᒡ ᒋᓴᒪᓂᑐᐤ ᑭᔭ ᓱᒃ ᒂᒋᑕᔭᒡ ᒐ ᐊᑲ ᒋ ᐃᓯ ‍ ᐱᒪᑎᓯᔭᒡ ᒐᒋ ᒋᐱᔅᑲᑯᑦ ᐊᐛᓐ ᒐᒋ ᐱᒪᒋᐅᑦ᙮
\v 4 ᒥᒄ ᑕᓐ ᐊ ‍ ᐃᑐᐛᒐ ᓱᒃ ᓂ ᐎ ‍ ᓂᔅᑐᓇᑯᐃᓱᓇᓐ ᑕᑈ ᐊ ‍ ᐊᑐᔅᑯᐅᒋᒡ ᒋᓴᒪᓂᑐᐤ᙮ ᓱᒃ ᓂᓯᐱᔪᐛᓯᔅᑕᓇᓐ ᑕᓐ ᐊ ᐃᓯ ‍ ᐊᔨᒥᐅᔭᒡ᙮ ᓂ ‍ ᓂᓇᐧᑲᑕᔨᒧᐃᑯᐅᓇᓐ᙮ ᓂ ‍ ᓂᓇᐧᑲᒋᐃᑯᐅᓇᓐ᙮
\v 5 ᓂᒋ ‍ ᐱᓯᔅᑕᐅᑯᓇᓐ᙮ ᓂᒋ ‍ ᒋᐸᐅᑯᓇᓐ ᑲᒪᑯᓄᐛᓯᐅᒋᐛᐱᒡ᙮ ᓂᒋ ‍ ᒪᓯᐧᑲᑯᓇᓐᒡ ᐊᐛᓐᒋ ᐊ ‍ ᒥᒐᑎᒡ᙮ ᓂᒋ ‍ ᐊᔭᔅᑯᓯᓇᓐ ᐊᔅᐱᔅ ᒥᔅᑎ ᐊᑐᔅᒐᔭᒡ᙮ ᓇᓂᑯᑎᓂᔾ ᓇᒪ ᓂ ᐅᒋ ‍ ᓂᐸᓇᓐ᙮ ᑭᔭ ᓂᒋ ‍ ᓯᐛᔨᓇᓐ ᒪᓐ᙮
\v 6 ᓂᒋ ‍ ᓄᑯᑕᓇᓐ ᑕᑈ ᐊ ‍ ᐊᑐᔅᑯᐅᒋᒡ ᒋᓴᒪᓂᑐᐤ ᐊ ‍ ᒥᔽᑎᓯᔭᒡ, ᑕᓐ ᐊ ᐃᓯ ᒥᔪ ‍ ᓂᔅᑐᑎᒪᒡ ᑕᑈᐅᓐ, ᐊ ‍ ᓯᐱᔪᐛᓯᔭᒡ ᑕᓐ ᐊ ᐃᓯ ‍ ᓂᒋᔅᑲᒪᒡ, ᐊ ‍ ᒥᔪᑐᑐᐎᒋᒡ ᐊᐛᓐᒋ᙮ ᑲ ‍ ᐸᔭᒋᓯᑦ ᐊᒐᐧᒄ ᑭᔭ ᓂ ‍ ᐎᒋᐃᑯᐅᓇᓐ ᑭᔭ ᓂ ‍ ᓄᑯᑕᓇᓐ ᑕᑈ ᐊ ‍ ᓴᒋᐃᒋᒡ ᒥᓯᐛ ᐊᐛᓐ᙮
\v 7 ᑕᓐ ᐊ ᐃᓯ ‍ ᑯᐃᔅᒄ ᐎᑎᒪᒡ ᑕᑈᐅᓐ ᑭᔭ ᑕᓐ ᑲ ᐃᓯ ‍ ᒥᔨᒥᑦ ᒋᓴᒪᓂᑐᐤ ᓱᒐᔨᑕᑯᓱᐅᓂᔪᐤ ᐊᑯᑕ ᒥᓐ ᐛᒋ ‍ ᒋᔅᒐᔨᑕᑯᓯᔭᒡ ᑕᑈ ᐊ ‍ ᐊᑐᔅᑯᐅᒋᒡ᙮ ᐊ ᐃᓯ ‍ ᑯᐃᔅᒄ ᐱᒪᑎᓯᔭᒡ ᐊᑯᑕ ᒥᒄ ᐛᒋ ‍ ᓇᑲᐊᒪᓱᔭᒡ ᑕᓐ ᐛ ᐃᓯ ᒥᒋ ‍ ᐊᔨᒧᒥᑯᐅᔭᒡ ᑭᔭ ᑕᓐ ᐛ ᐃᓯ ‍ ᒪᔭᔨᒥᑯᐅᔭᒡ ᐊᐛᓐ ᒪᒃ ᓂᑐᐎᔾ ᐊ ᐎ ‍ ᐃᑐᑐᐎᔨᒥᑦ᙮
\v 8 ᑎᑯᓐ ᐊ ᐃᓯ ᒥᔪ ‍ ᐊᔨᒧᒥᑯᐅᔭᒡ᙮ ᑎᑯᓐ ᐊ ᐃᓯ ‍ ᐊᑐᐛᔨᒥᑯᐅᔭᒡ᙮ ᑯᑎᑭᒡ ᓂ ‍ ᒥᔽᒋᒥᑯᓇᓂᒡ᙮ ᑯᑎᑭᒡ ᓂ ‍ ᒪᔭᔨᒥᑯᓇᓂᒡ᙮ ᑯᑎᑭᒡ ᑲ ‍ ᑭᑭᒋᔭᒡ ᓂᑦ ᐃᑕᔨᒥᑯᓇᓂᒡ ᒥᒄ ᒪᒃ ᒧᔅ ᑕᑈᐅᓐ ᓂ ‍ ᐎᑕᓇᓐ᙮
\v 9 ᐊᑎ ᒪᒃ ᐊ ᒥᔪ ‍ ᒋᔅᒐᔨᑕᑯᓯᔭᒡ ᐃᔭᐱᒡ ᒧᔭᒻ ᐊᑲ ᐊᓐ ᒋᔅᒐᔨᑕᑯᓯᒡ ᐊᐛᓐᒋ ᓂᑦ ᐃᑕᔨᒧᑯᐅᓇᓐ᙮ ᒧᔅ ᓂ ‍ ᐸᓱᐛᐸᑕᓇᓐ ᓂᐳᐅᓐ᙮ ᓂ ‍ ᐱᒪᑎᓯᓇᓐ ᒪᒃ᙮ ᐊᑎ ᐊ ‍ ᑎᒂᒡ ᒪᓐ ᐊ ᐃᓯ ‍ ᐛᐛᓯᐃᑯᐅᔭᒡ ᓇᒪ ᓂ ᐅᒋ ‍ ᓂᐸᐃᑯᐅᓇᓐ᙮
\v 10 ᑎᑯᓐ ᐊ ᐃᓯ ‍ ᒥᓯᒪᔨᑎᒪᒡ᙮ ᐃᔭᐱᒡ ᒪᒃ ᓂ ‍ ᒥᔽᔨᑕᓇᓐ᙮ ᓇᒪ ᓂ ‍ ᐛᔪᑎᓯᓇᓐ᙮ ᐃᔭᐱᒡ ᒪᒃ ᓂ ‍ ᐃᑐᑐᐛᓇᓂᒡ ᐊᐛᓐᒋ ᒐᒋ ᐊᔭᒡ ᒋᒋᐛ ᐛᔪᑎᓯᐅᓂᔪᐤ᙮ ᐊᑎ ᐊᑲ ᒐᒂᓐ ᑎᐱᔨᐛᐅᓯᔭᒡ, ᐃᔭᐱᒡ ᒥᓯᐛ ᒐᒂᓐ ᐊ ‍ ᑎᐱᔨᐛᐅᓯᔭᒡ ᓂᑦ ᐃᓯᓇᑯᓯᓇᓐ᙮
\p
\v 11 ᒋᔨᐛᐤ ᓂᐎᒐᐛᑭᓇᓂᒡ ᐊᓐᑕ ᑯᕆᓐᑦ ᐊ ‍ ᑕᔭᒄ ᓇᔅᒡ ᓂᑕᐃᓇᒡ ᒋ ᐅᒋ ‍ ᐃᔨᒥᐃᑎᓇᓐ᙮ ᓇᔅᒡ ᒋ ‍ ᐎᑎᒪᑎᓇᓐ ᒪᓐ ᑕᓐ ᐛ ᐃᑎᑕᒡ᙮
\v 12 ᓇᒪ ᓇᔅᒡ ᑎᑯᓐ ᐊ ᐃᓯ ‍ ᓇᑲᐎᔭᒡ ᒐᒋ ᐛᐸᑎᔨᑕᒡ ᑭᔭ ᒐᒋ ᐎᑎᒪᑕᒡ ᑕᓐ ᐊᔅᐱᔅ ᓴᒋᐃᑕᒡ᙮ ᒋᔨᐛᐤ ᒪᒃ ᐎ, ᒧᔭᒻ ᐊ ‍ ᑎᒂᒡ ᑕᓐ ᐊ ᐃᓯ ‍ ᓂᑲᐎᔭᒄ ᒋᑦ ᐃᑕᔨᑕᑯᓯᓇᐛᐤ᙮
\v 13 ᒧᔭᒻ ᓂᑦ ᐊᐛᓯᒥᒡ ᐊᐅᑯᓐ ᐊᑕᔨᒥᑎᑯᒡ᙮ ᐊᐅᑯᓐ ᒪᒃ ᒧᔭᒻ ᐃᓯ ᒋᓴᐛᑐᑐᐅᓇᓐ ᑭᔭ ᒋᔨᐛᐤ᙮
\s1 ᐃᔭᒂᒥᔅᑐᐛᐧᑯᒡ ᐊᓐᒡ ᐊᑲ ᑕᑈᑕᒡ ᒥᔽᒋᒧᐅᓂᔪᐤ
\p
\v 14 ᐊᑲᐎᔾ ᒋᑭ ᐅᒋ ‍ ᐊᓯᑎᐱᓱᓇᐛᐤ ᐊᓐᒡ ᐊᑲ ᑕᑈᑕᒡ ᐊ ‍ ᑕᒡ᙮ ᒋᑭ ᒋ ‍ ᐊ ᒥᔪ ‍ ᐎᒐᐛᐤ ᐊᐛᓐ ᐊ ‍ ᑯᐃᔅᑯᑕᑎᓯᑦ ᓇᔅᒡ ᐊ ‍ ᒪᔭᒋ ᐱᒪᑎᓯᔨᒋ ᐊᐛᔪᐛ ? ᒋᑭ ᒋ ‍ ᐊ ᒥᔪ ‍ ᐎᒐᐅᑐᐅᒡ ᐊᐛᓐᒋ ᓂᓱᐎᒡ ᐊ ᐃᓯ ‍ ᐱᒧᑕᒡ, ᐸᐃᒄ ᐛᔅᑕᐅᓂᒡ ᐊ ᐃᓯ ‍ ᐱᒧᑕᑦ ᐊᑯ ᐊᓐ ᑯᑎᒃ ᐊᓐᑕ ᐊ ‍ ᐅᑲᔅᑕᔭᔨᒡ ᐊ ᐃᓯ ‍ ᐱᒧᑕᑦ ?
\v 15 ᑎᑯᓂᔪᐤ ᐊ ᒐᒂᔪᐤ ᐸᐃᑯᓄᒡ ᐊ ᐃᓯ ‍ ᑭᓄᐛᐸᑕᒡ ᙭ ᑭᔭ ᒥᒋᒥᓂᑐᐤ ? ᓇᒪ ᑭᑈ᙮ ᑕᓐᑕ ᐸᐃᑯᓄᒡ ᐊ ‍ ᐃᑕᔨᑕᑯᓯᒡ ᑲ ‍ ᑕᑈᑕᐧᒃ ᑭᔭ ᐊᓐ ᐊᑲ ᑕᑈᑕᐧᒃ ?
\v 16 ᓇᒪ ᒋᑭ ᒋ ‍ ᑎᔭᑭᓄᐎᒡ ᒥᓂᑐᐧᑲᓐᒡ ᐊᓐᑕ ᒋᓴᒪᓂᑐᐤ ᐅᑦ ᐊᔭᒥᐊᐅᒋᐛᐱᒡ᙮ ᒋᔭᓄᐤ ᐛᔅ ᒋᓴᒪᓂᑐᐤ ᑲ ‍ ᐱᒪᑎᓯᑦ ᐅᑦ ᐊᔭᒥᐊᐅᒋᐛᑉ᙮ ᒧᔭᒻ ᒋᓴᒪᓂᑐᐤ ᑲ ‍ ᐃᔅᒋᔄᑦ, “ᓂᑭ ‍ ᐱᒋᔅᑯᐛᐅᒡ ᑭᔭ ᒧᔅ ᓂᑭ ‍ ᐎᒐᐛᐅᒡ᙮ ᓂᔾ ᓂᑭ ‍ ᐅᒋᓴᒪᓂᑐᒥᑐᑕᑯᒡ᙮ ᐎᔨᐛᐤ ᓂᑭ ‍ ᐅᑦ ᐃᔨᒥᑐᑐᐛᐅᒡ᙮”
\q
\v 17 “ᐊᑯ ᒪᒃ, ᓂᑭᑕᐧᑯᒡ ᐊᓐᒡ ᐊᑲ ᑕᑈᑕᒡ, ᑭᔭ ᑎᐸᓂᐃᓱᒄ,”
\m ᐃᔅᒋᔄᐤ ᐅᑎᐸᔨᒋᒐᐤ᙮
\q “ᐊᓐ ᒐᒂᓐ ᐊ ‍ ᐃᑕᔨᑕᒂᒡ ᐊ ‍ ᒪᔭᑎᒡ ᐊ ‍ ᐅᓇᔨᑎᒥᐃᑯᑦ ᐊᐛᓐ ᐊ ‍ ᐊᔭᒥᐊᑦ ᑭᔭ ᐊ ‍ ᐊᔭᒥᐊᔅᑐᐛᑦ ᒋᓴᒪᓂᑐᐛ ᐊᑲᐎᔾ ᐊᐱᑕᔨᑎᒧᒄ᙮ ᓂᑭ ‍ ᒥᔽᔨᑕᓐ ᒪᒃ ᐸᒋ ‍ ᓇᓯᔭᒂ᙮
\q
\v 18 ᒋᑭ ‍ ᐅᑕᐎᒪᐅᑐᑐᓇᐛᐤ᙮ ᓂᑯᓯᒡ ᑭᔭ ᓂᑕᓂᓯᒡ ᒋᑭ ᐃᓯ ‍ ᑭᓄᐛᐱᒥᑎᓇᐛᐤ,”
\m ᐃᔅᒋᔄᐤ ᐅᑎᐸᔨᒋᒐᐤ ᐊᓐ ᒪᐅᒡ ᓯᔪᐧᑲᑎᓯᑦ᙮
\c 7
\s1 ᑈᓪ ᑲ ᐃᓯ ‍ ᒥᔽᔨᑎᒥᐃᑯᑦ ᐊᓂᔭᔪᐛ ᐃᔪᐛ ᑯᕆᓐᑦ ᐊ ‍ ᑕᔨᒋ
\p
\v 1 ᓂᐎᒐᐛᑭᓂᑎᒄ, ᒥᓯᐛ ᑕᓐ ᑲ ‍ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ‍ ᐃᑐᑎᒪᑕᐧᒄ ᑕᑈ ᒋᑭ ‍ ᐃᑐᑎᒻ᙮ ᐸᔭᒋᐃᓱᑕᐤ ᒪᒃ ᐊᑲ ᓇᔅᒡ ᒐᒋ ᑎᒂᒡ ᒥᒋᑥᐅᓐ ᒋᔪᓇᒡ ᑭᔭ ᒋᑦ ᐊᒐᐧᑯᓇᒡ᙮ ᐛᔅ ᐊᑯᑕ ᐊ ‍ ᓄᑯᑕᔭᐧᒄ ᐊ ‍ ᓇᓂᒋᔅᑐᐛᐧᒄ ᒋᓴᒪᓂᑐᐤ ᓇᔅᒡ ᐊ ‍ ᐱᔅᑕᔨᒥᓱᔭᐧᒄ ᒐᒋ ᐊᑐᔅᑯᐛᐧᒄ᙮
\p
\v 2 ᐊᑲᐎᔾ ᐃᒐᓂᓇᓐ᙮ ᑕᐸ ᓂ ᐅᒋ ‍ ᐅᓂᑐᑐᐛᓇᓐ ᐊᐛᓐ᙮ ᓇᒪ ᓂ ᐅᒋ ‍ ᓂᓱᐅᓇᒋᐊᓇᓐ ᐊᐛᓐ ᑭᔭ ᓇᒪ ᓂ ᐅᒋ ‍ ᐎᔭᓯᐊᓇᓐ ᐊᐛᓐ᙮
\v 3 ᓇᒪᐎᔾ ᐎ ᐊ ᐎ ‍ ᓂᓱᐅᓇᒋᒥᑎᑯᒡ ᐛᒋ ‍ ᐃᑎᑎᑯᒡ ᐅ᙮ ᓴᔅ ᔅᒋ ‍ ᐎᑎᒪᑎᓇᐛᐤ ᐊ ‍ ᓴᒋᐃᑕᒡ ᓂᑕᐃᓇᒡ ᒐ ᐃᔅᐱᔅ ‍ ᐱᒪᑎᓯᔭᒡ ᑭᔭ ᐊᑎ ᐳᓂᐱᒪᑎᓯᔭᒐ᙮
\v 4 ᒥᔅᑎ ᒋᑕᑈᐅᒐᔨᒥᑎᓇᐛᐤ᙮ ᑭᔭ ᓇᔅᒡ ᑕᑈ ᒋ ‍ ᒪᒥᒋᐃᓇᐛᐤ᙮ ᓇᔅᒡ ᑕᑈ ᓂ ‍ ᒥᔽᔨᒧᐃᑯᐅᓐ ᐊ ‍ ᒋᔅᒋᓯᑐᑕᑎᑯᒡ᙮ ᐊᑎ ᐊ ‍ ᐊᔨᒥᐅᔭᒡ ᐃᔭᐱᒡ ᓇᔅᒡ ᓂ ‍ ᒥᔽᔨᑕᓐ᙮
\s1 ᑕᐃᑕᓴ ᑲ ‍ ᐅᑎᑎᑯᑦ ᑈᓪ
\p
\v 5 ᐛᔅ ᐃᔅᐱ ᑲ ‍ ᑎᑯᓯᓂᔭᒡ, ᐊᓐᑕ ᐊᓐ ᒪᓯᑐᓂᔭ ᐊ ‍ ᐃᓯᓂᐧᑲᑕᒡ ᐊᔅᒋᔾ ᓂᔅᑎᒻ ᑲ ‍ ᑕᔭᒡ ᓇᒪ ᐛᐛᒡ ᓂ ᐅᒋ ‍ ᐊᔅᑕᔭᔅᑯᓯᓇᓐ᙮ ᓇᔅᒡ ᑕᑈ ᓂᓇᐧᑯᐤ ᒋ ᐃᓯ ‍ ᐛᐅᔅᑕᐱᔪᐤ᙮ ᒋ ‍ ᑕᐅᒡ ᐊᓐᒡ ᐊ ‍ ᒥᒋᐱᔨᒥᒡ᙮ ᓂᒋ ᐎ ‍ ᓴᒋᓯᓇᓐ ᒪᒃ᙮
\v 6 ᒋᓴᒪᓂᑐᐤ ᑲ ‍ ᐛᐎᒋᐊᑦ ᐊᐛᔪᐛ ᐊ ‍ ᓂᑕᔨᑎᒥᔨᒋ ᓂᒋ ‍ ᒥᔽᔨᒧᐃᑯᐅᓇᓐ ᑲ ᐸᒋ ‍ ᐃᑎᓴᐛᑦ ᓂᐎᒐᐛᑭᓇᓇ ᑕᐃᑕᓴ᙮
\v 7 ᓇᒪ ᒪᒃ ᒥᒄ ᐊᓐᑕ ᓂ ᐅᒋ ‍ ᒥᔽᔨᑎᒥᐃᑯᐅᓇᓐ᙮ ᑲ ‍ ᐸᑎᒪᒡ ᑭᔭ ᑕᓐ ᑲ ᐃᓯ ‍ ᐛᐎᒋᐊᒄ ᑕᐃᑕᔅ ᐊᐅᒄ ᐅ ᑭᔭ ᑲ ‍ ᒥᔽᔨᒧᐃᑯᐅᔭᒡ᙮ ᓂᒋ ‍ ᐎᑎᒪᑯᐅᓇᓐ ᓇᔅᒡ ᑕᑈ ᐊ ᐎ ‍ ᐛᐱᒥᔭᒡ ᑭᔭ ᑕᓐ ᑲ ᐃᓯ ‍ ᒥᑕᒋᔨᐛᔨᑎᒪᒄ᙮ ᒋ ‍ ᐊᔨᒧᑎᒻ ᑭᔭ ᑕᓐ ᑲ ᐃᓯ ‍ ᒪᒥᑐᓇᔨᒥᔭᒄ᙮ ᐊᑯ ᒪᒃ ᐊᑐᐎᔅ ᑲ ‍ ᒥᔽᔨᑎᒪᓐ᙮
\p
\v 8 ᓇᔅᒡ ᑕᑈ ᔅᒋ ‍ ᒥᓯᒪᔨᑎᒥᐃᑯᓇᐛᒐ ᐊᓐ ᑲ ‍ ᒥᓯᓇᐊᒪᑎᑯᒡ᙮ ᓇᒪ ᒪᒃ ᓇᔅᒡ ᓂ ‍ ᒥᑕᒋᔨᐛᓯᓐ ᐊᓐ ᑕᓐ ᑲ ‍ ᐃᑎᓯᓇᐊᒪᑎᑯᒡ᙮ ᓂᔅᑎᒻ ᑭᑈ ᒋ ‍ ᑎᑯᓐ ᐊ ‍ ᒥᒐᔨᑎᒪᓐ᙮ ᐊᑐᐎᔅ ᒪᒃ ᒥᒄ ᐛᐃᐱᔅᒋᔅ ᔅᒋ ‍ ᒥᓯᒪᔨᑕᓇᐛᐤ᙮
\v 9 ᐊᓄᒡ ᒪᒃ ᐊᑯ ᒪᔽᔨᑎᒪᓐ᙮ ᐊᑎ ᐊᒋ ‍ ᑎᒂᒡ ᐊ ‍ ᒥᓯᒪᔨᑎᒪᒄ ᔅᒋ ‍ ᐃᑐᑕᑯᓇᐛᐤ ᐅ ᒥᓯᒪᔨᑎᒧᐅᓐ ᑕᑈ ᒐᒋ ᒥᑕᒋᔨᐛᔨᑎᒪᒄ ᒋᒥᒋᑐᑎᒧᐅᓄᐛᐛ ᑭᔭ ᒐᒋ ᒂᔅᑲᑎᓯᔭᒄ᙮ ᐛᔅ ᒋᓴᒪᓂᑐᐤ ᔅᒋ ‍ ᒥᔨᑯᐛᐤ ᐊᓂᔭ ᒥᓯᒪᔨᑎᒧᐅᓂᔪᐤ ᑭᔭ ᐊᓂᔭ ᒥᑕᒋᔨᐛᔨᑎᒧᐅᓂᔪᐤ᙮ ᓇᒪ ᒪᒃ ᒋ ᐅᒋ ‍ ᐊᐧᑯᐃᑯᓇᐛᐤ ᐊᓐ ᑲ ᐃᓯ ‍ ᒥᓯᓇᐊᒪᑎᑯᒡ᙮
\v 10 ᐛᔅ ᒧᔭᒻ ᐊ ‍ ᐃᑐᑕᑕᐧᒄ ᒋᓴᒪᓂᑐᐤ ᒐᒋ ᒥᓯᒪᔨᑎᒥᐃᑯᔭᐧᒄ ᒋᒥᒋᑐᑎᒧᐅᓄᐛ ᐊᑯᑕ ᐛᒋ ‍ ᒂᔅᒋᓂᑭᓄᐅᒋ ᒋᑕᐃᓄᐛ ᑭᔭ ᐊ ᐊᑎ ‍ ᐱᒪᒋᐅᔭᐧᒄ, ᓇᒪ ᒪᒃ ᑕᐤ ᐊᐛᓐ ᒐᒋ ᒥᑕᒋᔨᐛᔨᑕᐧᒃ ᐊᒋ ‍ ᐱᒪᒋᐊᑭᓄᐅᑦ᙮ ᐊᔅᒋᔪᐤ ᒥᓯᒪᔨᑎᒧᐅᓐ ᒪᒃ ᓂᐳᐅᓂᒡ ᐃᑐᑕᐃᐛᒥᑭᓐ᙮
\v 11 ᒋᔨᐛᐤ ᒪᒃ ᐎ ᒋ ‍ ᓇᐊᔨᑎᒥᐃᑯᐤ ᒋᓴᒪᓂᑐᐤ ᑕᓐ ᑲ ᐃᓯ ‍ ᒥᑕᒋᔨᐛᔨᑎᒪᒄ᙮ ᒋ ‍ ᐛᐸᑕᓇᐛᐤ ᑭᔭ ᑕᓐ ᐊ ᐃᓯ ‍ ᐎᒋᐃᑯᔭᒄ᙮ ᐊᑐᐎᔅ ᓱᒃ ᒋᑦ ᐃᑕᔨᑕᓇᐛᐤ᙮ ᐊᑐᐎᔅ ᓱᒃ ᒋ ᐎ ‍ ᐛᐸᑎᔨᐛᓇᐛᐤ ᑕᓐ ᐊ ᐃᓯ ‍ ᒥᔪᑐᑎᒪᒄ᙮ ᒋ ‍ ᐃᑐᑕᑯᓇᐛᐤ ᒐᒋ ᒥᒐᔨᑎᒪᒄ ᐊ ‍ ᒥᒋᑐᑕᑭᓄᐅᒡ ᑭᔭ ᒐᒋ ᒋᔄᓯᔅᑎᒪᒄ ᒥᒋᑐᑎᒧᐅᓐ᙮ ᒋ ‍ ᒋᔅᒐᔨᑕᓇᐛᐤ ᒐᒋ ᐛᐛᓯᐊᑭᓄᐅᑦ ᐊᓐ ᑲ ‍ ᒥᒋᑐᑕᐧᒃ ᑭᔭ ᒐᒋ ᑯᐃᔅᑯᓇᑭᓄᐅᑦ᙮ ᑕᑈ ᔅᒋ ‍ ᐛᐸᑎᔨᐛᓇᐛᐤ ᑯᐃᔅᒄ ᐊ ‍ ᐃᑎᔭᒄ᙮
\p
\v 12 ᓇᒪᐎᔾ ᐊᓐ ᐊᐛᓐ ᑲ ‍ ᒥᒋᑐᑕᐧᒃ ᒪᒃ ᐊᓂᔭᔪᐛ ᐊᐛᔪᐛ ᑲ ‍ ᐅᓂᑐᑕᑯᑦ ᐛᒋ ‍ ᒥᓯᓇᐊᒪᑎᑯᒡ᙮ ᔅᒋ ‍ ᒥᓯᓇᐊᒪᑎᓇᐛᐤ ᒐᒋ ᐛᐸᑎᔨᑕᒄ ᒋᓴᒪᓂᑐᐤ ᑕᓐ ᐊᔅᐱᔅ ᐊᐱᑕᔨᒥᔭᒡ᙮
\p
\v 13 ᒥᔅᑎ ᒪᒃ ᓂ ‍ ᒥᔽᔨᒧᐃᑯᐅᓇᓐ ᐊ ‍ ᒋᔅᒐᔨᑎᒪᒡ ᐅ᙮ ᐊᑐᐎᔅ ᒪᒃ ᓂᒋ ‍ ᒥᔽᔨᑕᓇᓐ ᐊ ‍ ᐛᐱᒥᒋᒡ ᓂᐎᒐᐛᑭᓇᓐ ᑕᐃᑕᔅ ᐊ ‍ ᒥᔽᔨᑕᐧᒃ᙮ ᒋ ‍ ᒥᔽᔨᑎᒻ ᑕᓐ ᑲ ᐃᓯ ‍ ᒥᔪᐧᑯᐛᒄ ᑭᔭ ᓇᒪ ᐅᒋ ᐊᔨᒪᔨᑎᒻ᙮
\v 14 ᓂᑲᓐ ᓂᒋ ‍ ᐎᑎᒧᐛᐤ ᑕᓐ ᐊ ᐃᓯ ‍ ᒪᒥᔽᔨᑎᒥᔨᔭᒡ᙮ ᓂᒋ ‍ ᑕᑈᑕᑯᑕᓇᑯᐱᓐ ᒪᒃ ᐊᓂᔭ ᑕᓐ ᑲ ᐃᓯ ‍ ᐎᑎᒧᐅᒋᒡ᙮ ᒧᔅ ᓂᒋ ‍ ᑕᑈᓇᓐ ᑕᓐ ᑲ ᐃᓯ ‍ ᐎᑎᒪᑕᒡ ᑭᔭ ᓂᒋ ‍ ᑕᑈᓇᓐ ᑕᓐ ᑲ ‍ ᐃᑕᒋᒧᔅᑐᐅᒋᒡ ᑕᐃᑕᔅ᙮
\v 15 ᐊᑯ ᒪᒃ ᐊᑐᐎᔅ ᐊ ᐊᑎ ‍ ᓴᒋᐃᑕᒄ ᑕᐃᑕᔅ ᐊ ‍ ᒋᔅᒋᓯᑦ ᑕᓐ ᑲ ᐃᓯ ‍ ᐃᔭᒂ ᓂᑐᑐᐛᒄ ᑭᔭ ᐊᒋ ‍ ᓂᓇᐃᑐᐛᒄ ᑭᔭ ᑕᓐ ᑲ ᐃᓯ ‍ ᒥᔪᐧᑯᐛᒄ ᐃᔭᒂ ᐊ ‍ ᐃᑕᔨᒪᒄ᙮
\v 16 ᓂ ‍ ᒥᔽᔨᑕᓐ ᒪᒃ ᑕᑈ ᒐᒋ ᑕᑈᐅᒐᔨᒥᑎᑯᒡ ᒐᒋ ᐃᑐᑎᒪᒄ ᒥᓯᐛ ᑕᓐ ᐊ ‍ ᐃᑎᓱᒥᑎᑯᒡ᙮
\c 8
\s1 ᐊ ‍ ᓯᒋᒪᑭᓄᐅᑦ ᐊᐛᓐ ᒐᒋ ᐛᔪᐅᒡ ᒥᔨᐛᑦ
\p
\v 1 ᓂᐎᒐᐛᑭᓂᑎᒄ, ᒋ ‍ ᓂᑐᐛᔨᒥᑎᓇᓐ ᒐᒋ ᒋᔅᒐᔨᒪᑯᒡ ᑕᓐ ᑲ ᐃᓯ ‍ ᒥᔪᑐᑎᒪᑯᒡ ᒋᓴᒪᓂᑐᐛ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᓐᑕ ᒪᓯᑐᓂᔭ ᐊ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ‍ ᑕᒡ᙮
\v 2 ᓇᔅᒡ ᑕᑈ ᒋ ᐸᒋ ‍ ᐊᔨᒥᐅᐎᒡ᙮ ᐊᑎ ᐊᓂᔭ ᐊᔅᐱᔅ ᓇᔅᒡ ᒋᔅᑎᒪᑎᓯᒡ ᐃᔭᐱᒡ ᓇᔅᒡ ᑕᑈ ᒥᔅᑎ ᒋ ‍ ᐱᔅᑎᓂᒐᐅᒡ᙮ ᑭᔭ ᓇᔅᒡ ᑕᑈ ᒋ ‍ ᒥᔽᔨᑎᒧᒡ ᐊ ‍ ᐱᔅᑎᓂᒐᒡ᙮
\v 3 ᒋ ‍ ᐱᔅᑎᓂᒧᒡ ᑕᓐ ᑲ ᐃᓯ ‍ ᓇᐃᐱᔨᒡ ᒐᒋ ᐃᔅᐱᔅ ᐱᔅᑎᓇᒡ, ᓂᒋ ‍ ᐛᐱᒪᐅᒡ ᐛᔅ ᐊᓐ, ᐊᔪᐛᒃ ᒪᒃ ᐃᔭᐱᒡ ᒋ ‍ ᐃᔅᐱᔅ ᐱᔅᑎᓂᒐᐅᒡ, ᐎᔨᐛᐤ ᓇᔅᒡ ᐊᒋ ‍ ᐃᑕᔨᑎᒥᐃᑯᒡ ᒐᒋ ᐃᔅᐱᔅ ᐱᔅᑎᓂᒐᒡ᙮
\v 4 ᓇᔅᒡ ᓂᒋ ‍ ᓯᒋᒥᑯᓇᓂᒡ ᒐᒋ ᐱᔅᑎᓂᒐᔭᒡ ᑭᔭ ᐎᔨᐛᐤ ᒐᒋ ᐱᔅᑎᓂᒐᒡ ᒐᒋ ᐎᒋᐊᑭᓄᔨᒋ ᐊᓂᔭᔪᐛ ᑲ ‍ ᒋᔅᑎᒪᑎᓯᔨᒋ ᑲ ‍ ᑕᑈᑎᒥᔨᒋ᙮
\v 5 ᐊᑐᐎᔅ ᒪᒃ ᒋ ‍ ᐃᑐᑎᒧᒡ ᑕᓐ ᑲ ‍ ᐃᑕᔨᒥᒋᒡ ᒐ ‍ ᐃᑎᒡ᙮ ᓂᔅᑎᒻ ᒋᓴᒪᓂᑐᐛ ᒋ ‍ ᐱᔅᑕᔨᒥᑎᓱᔅᑐᐛᐅᒡ ᐊᑯ ᓂᔭᓐ ᑲ ‍ ᐱᔅᑕᔨᒥᑎᓱᔅᑐᐎᒥᒡ ᒧᔭᒻ ᑕᓐ ᑲ ᐃᓯ ‍ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᑎᒡ᙮
\v 6 ᑲ ‍ ᐛᐸᑎᒧᐅᒋᒡ ᒪᒃ ᐊᓂᔭ ᐊ ᐃᓯ ‍ ᒥᔨᐛᒡ ᓂᒋ ‍ ᐃᑎᓱᒪᓇᓐ ᑕᐃᑕᔅ ᒐᒋ ᓯᒋᒥᑕᒄ ᒐᒋ ᐱᔅᑎᓂᒐᐛᒄ ᐛᔅ ᐎᔾ ᓂᔅᑎᒻ ᔅᒋ ‍ ᐊᔨᒧᑎᒪᑯᐛᐤ ᐊ ‍ ᐱᔅᑎᓂᒐᓄᐎᒡ᙮
\s2 2 Corinthians 8.7-15 (Proper-8 Year B)
\p
\v 7 ᒥᓯᐛ ᒐᒂᓐ ᓇᔅᒡ ᑕᑈ ᒋ ‍ ᑭᔅᒋᐅᓇᐛᐤ᙮ ᓱᒐᔨᑕᑯᓐ ᒋᑕᑈᑎᒧᐅᓄᐛᐤ᙮ ᒋ ‍ ᑭᔅᒋᐅᓇᐛᐤ ᐊ ‍ ᐊᔨᒧᑎᒪᒄ ᑕᓐ ᐊ ᐃᓯ ‍ ᑕᑈᑎᒪᒄ᙮ ᒥᔅᑎ ᒋ ‍ ᒋᔅᒐᔨᑎᒺᓇᐛᐤ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮ ᓇᔅᒡ ᑕᑈ ᓱᒃ ᒋᑦ ᐃᑕᔨᑕᓇᐛᐤ ᒐᒋ ᐎᒋᐊᑯᒡ ᑯᑎᑭᒡ ᐊᐛᓐᒋ ᑭᔭ ᓇᔅᒡ ᑕᑈ ᒋᓴᒋᐃᓇᓐ᙮ ᒋᐸ ᐎ ᒥᔪ ‍ ᒥᔨᐛᓇᐛᐤ ᒪᒃ᙮
\p
\v 8 ᓇᒪ ᒋ ᐎ ‍ ᐎᓱᐛᑎᑎᓇᐛᐤ ᐅ ᑲ ‍ ᐃᔅᒋᔄᔭᓐ᙮ ᒥᒄ ᒋ ᐎ ᓂᑐ ‍ ᒋᔅᒐᔨᒥᑎᓇᐛᐤ ᑕᑈ ᓯᔭᒋᐃᐛᒂ ᐊ ‍ ᐛᐎᑎᒪᑎᑯᒡ ᑕᓐ ᐊ ᐃᓯ ‍ ᐊᓯᒐᔨᑕᒡ ᐊ ‍ ᐱᔅᑎᓂᒐᒡ ᑯᑎᑭᒡ ᐊᐛᓐᒋ᙮
\v 9 ᒋ ‍ ᒋᔅᒐᔨᒪᐛᐤ ᑕᓐ ᑲ ᐃᓯ ‍ ᒥᔪᑐᑎᒪᒐᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮ ᒋ ‍ ᐛᔪᑎᓯᐤ ᐃᔭᐱᒡ ᒪᒃ ᒋ ‍ ᐃᑐᑕᓱᐤ ᒐᒋ ᒋᔅᑎᒪᑎᓯᑦ ᒋᔭᓄᐤ ᐅᒡ᙮ ᒋ ‍ ᓂᑭᑎᒻ ᐎᔾ ᒥᓯᐛ ᐅᐛᔪᑎᓯᐅᓐ᙮
\p
\v 10 ᐊᐅᒄ ᒪᒃ ᐊ ‍ ᐃᑕᔨᒥᑎᑯᒡ ᒋᐸ ‍ ᐃᑎᓇᐛᐤ᙮ ᐊ ‍ ᐱᐳᒡ ᒋᔨᐛᐤ ᓂᔅᑎᒻ ᓇᔅᒡ ᔅᒋ ‍ ᐃᑕᔨᑕᓇᐛᐤ ᒐᒋ ᐱᔅᑎᓂᒐᔭᒄ, ᔅᒋ ‍ ᒋᒋᐱᔨᑕᓇᐛᐤ ᒪᒃ ᐊ ‍ ᐱᔅᑎᓂᒐᔭᒄ᙮
\v 11 ᐊᑯ ᒪᒃ, ᒋᔅᑕᒄ ᑕᓐ ᑲ ᐃᓯ ‍ ᒋᒋᐱᔨᑕᔭᒄ᙮ ᑕᓐ ᑲ ‍ ᐃᔅᐱᔅ ᓱᒃ ᒋ ‍ ᐊᓯᒐᔨᑎᒪᒄ ᐅᔅᑭᒡ ᑲ ᐎ ‍ ᒋᒋᐱᔨᑕᔭᒄ ᒐᒋ ᐱᔅᑎᓂᒐᔭᒄ ᐸᐃᑯᓐ ᐃᔭᐱᒡ ᒋᐸ ᐃᓯ ‍ ᐊᓯᒐᔨᑕᓇᐛᐤ ᐊᓄᒡ ᐊ ‍ ᐱᔅᑎᓂᒐᔭᒄ᙮
\v 12 ᓄᒂᒐ ᓇᔅᒡ ᐊ ‍ ᐊᓯᒐᔨᑎᒪᒄ ᒐᒋ ᐱᔅᑎᓂᒐᔭᒄ ᐊᐅᒄ ᐅᔭ ᒐ ‍ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᑕᐸ ᐊᓂᔭ ᐊᑲ ᐊ ‍ ᐊᔭᐅᑦ ᒋᑭ ᐅᒋ ‍ ᑭᓄᐛᐸᑎᒻ᙮ ᐊᓂᔭ ᑕᓐ ᐊ ᐃᓯ ‍ ᐊᔭᐅᑦ ᐊᔪᐅᒄ ᐊᓂᔭ ᒐ ‍ ᑭᓄᐛᐸᑕᐧᒃ᙮
\p
\v 13 ᓇᒪ ᒋᑦ ᐃᑎᓱᒥᑎᓇᐛᐤ ᒐᒋ ᐊᔨᒥᐃᓱᔭᒄ ᐊᓐᑕ ᒐᒋ ᐅᒋ ‍ ᐛᒋᐅᒡ ᑯᑎᑭᒡ᙮
\v 14 ᒋᐛᔪᐅᒡ ᐊᔭᓇᐛᐤ ᒐᒂᓐ ᒐᒋ ᐎᒋᐊᑯᒡ ᐊᓐᒡ ᐊᐛᓐᒋ ᑲ ‍ ᓄᑕᐱᔨᒡ᙮ ᐊᑯ ᒐᒃ ᒪᒃ ᐃᓯᓇᒂᒐ ᒋᔨᐛᐤ ᐊ ‍ ᓄᑕᐱᔨᔭᒄ ᑯᑎᑭᒡ ᒪᒃ ᐊ ‍ ᐛᔪᐅᒡ ᐊᔭᒡ ᑭᔭ ᐎᔨᐛᐤ ᒂᔅᒋᐱᓐ ᒐᒋ ᐎᒋᐃᑕᑯᒡ᙮ ᐊᑯ ᒪᒃ ᒐ ‍ ᑕᐱᑐᐱᔨᒡ ᒥᓯᐛ ᐊᐛᓐ ᑕᓐ ᐊ ᐃᓯ ‍ ᐊᔭᑦ᙮
\v 15 ᒧᔭᒻ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᐊᓐ ᐊᐛᓐ ᒥᔅᑎ ᑲ ‍ ᒪᐅᒋᑕᑦ ᓇᒪ ᐛᓴ ᒥᔅᑎ ᐅᒋ ᐊᔭᐤ, ᐊᑯ ᐊᓐ ᒥᒄ ᐊᐱᓯᔅ ᑲ ‍ ᒪᐅᒋᑕᑦ ᓇᒪ ᐅᒋ ᓄᑕᐱᔪᐤ᙮”
\s1 ᑕᐃᑕᔅ ᑯᕆᓐᑎᒡ ᑲ ‍ ᐃᑎᓴᐛᑭᓄᐅᑦ
\p
\v 16 ᓂᓇᔅᑯᒪᐤ ᒋᓴᒪᓂᑐᐤ ᐊᒋ ‍ ᒥᔭᑦ ᑕᐃᑕᓴ ᒧᔭᒻ ᓂᔾ ᐊ ᐃᓯ ‍ ᓴᒋᐃᑎᑯᒡ ᒐᒋ ᐃᓯ ‍ ᓴᒋᐃᑕᒄ᙮
\v 17 ᓇᒪ ᒥᒄ ᐊᓂᔭ ᐊᒋ ᐎ ‍ ᐃᑎᓴᐅᒋᒡ ᐊᓐᑕ ᐊ ‍ ᑕᐛᒄ ᐛᒋ ‍ ᐃᑐᑕᑦ, ᓇᔅᒡ ᐛᔅ ᐊᓐ ᔅᒋ ᐎ ‍ ᓂᑐᐛᐱᒥᑯᐛᐤ᙮
\v 18 ᑕᐤ ᐅᑕ ᑯᑎᒃ ᒋᐧᑲᓂᓯᓄᐤ ᓇᔅᒡ ᐊ ᒥᔪ ‍ ᒋᔅᒐᔨᒥᑯᑦ ᒥᓯᐛ ᐊᓐᑕ ᐊ ᐊᑎ ‍ ᑕᔨᒋ ᐅᒪᒧᐊᔭᒥᐊᐛ ᑕᓐ ᐊ ᐃᓯ ᒥᔪ ‍ ᐊᐱᑎᓯᑦ ᐊ ‍ ᐛᐎᑕᐧᒃ ᒥᔽᒋᒧᐅᓂᔪᐤ᙮ ᐊᐅᑯᓐ ᐅᔭ ᒐ ᐸᒋ ‍ ᐎᒐᐅᑯᑦ ᑕᐃᑕᔅ᙮
\v 19 ᑭᔭ ᐅᒪᒧᐊᔭᒥᐊᐛ ᒋ ‍ ᐃᑕᔨᒥᑯᐤ ᒐᒋ ᐎᒐᐎᔨᒥᑦ ᐊ ‍ ᐃᑐᑐᐅᒋᒡ ᐊᓐᒡ ᑲ ‍ ᒋᔅᑎᒪᑎᓯᒡ ᑲ ‍ ᑕᑈᑕᒡ ᐊᓂᔭ ᒋᐱᔅᑎᓂᒐᐅᓄᐛᐅᔪᐤ᙮ ᐅᑎᐸᔨᒋᒐᐤ ᒪᒃ ᓂ ᐎ ‍ ᒋᔅᒐᔨᑎᒥᐊᓇᓐ ᐅ ᑲ ‍ ᐃᑐᑎᒪᒡ᙮ ᐊᑯᑕ ᒐ ‍ ᓄᒂᒡ ᐊ ᐎ ‍ ᐎᒋᐃᐛᔭᒡ᙮
\p
\v 20 ᓇᒪ ᑭᔭ ᓂᑐᐛᔨᑕᓇᓐ ᓂᑎᒥᒄ ᒐᒋ ᐃᓯ ‍ ᐊᑕᒪᔨᒥᑯᐅᔭᒡ ᐊ ‍ ᐱᒥᐱᔨᑕᔭᒡ ᐅ ᐱᔅᑎᓂᒐᐅᓐ᙮
\v 21 ᒋᓴᒪᓂᑐᐤ ᓂ ‍ ᒋᔅᒐᔨᒥᒄ ᒧᔅ ᑯᐃᔅᒄ ᐊ ‍ ᐃᑐᐅᒡ᙮ ᓂ ‍ ᐱᑯᓴᔨᑕᓐ ᒪᒃ ᒧᔅ ᑯᐃᔅᒄ ᒐᒋ ᐃᑎᔭᓐ ᓇᐸᐤ ᑭᔭ ᐊ ‍ ᑭᓄᐛᐱᒥᑦ᙮
\p
\v 22 ᐊᐅᒄ ᒪᒃ ᐛᒋ ‍ ᐃᑎᓴᐅᒋᒡ ᐅ ᒋᐧᑲᓂᓯᓄᐤ ᒐᒋ ᐎᒐᐛᑦ ᐊᓂᔭ ᑕᐃᑕᓴ᙮ ᒥᒐᑥᐤ ᓂᒋ ‍ ᐛᐸᑎᔨᑯᓇᓐ ᑕᑈ ᑭᔭ ᐎᔾ ᐊ ᐎ ‍ ᐎᒋᐃᐛᑦ᙮ ᐊᓂᔭ ᒪᒃ ᑕᓐ ᐊ ᐃᓯ ‍ ᑕᑈᐅᒐᔨᒥᑕᒄ ᐊᑯ ᐊᑐᐎᔅ ᐛ ᐎᒋᐃᑕᒄ᙮
\v 23 ᐅ ᒪᒃ ᑕᐃᑕᔅ ᐊᐅᒄ ᐅ ᐛᒋ ‍ ᐊᑐᔅᒐᒥᑦ ᐊ ‍ ᐎᒋᐃᑎᑯᒡ᙮ ᐊᑯ ᐊᓐᒡ ᑯᑎᑭᒡ ᒋᐧᑲᓂᓯᓄᐅᒡ ᐅᒪᒧᐊᔭᒥᐊᐛ ᒋ ‍ ᐃᑎᓴᐅᑯᐅᒡ᙮ ᒋᔅᑕᔨᑕᑯᐊᐅᒡ ᒪᒃ ᙭ᑕ ᒐᒂᔪᐤ ᐊ ‍ ᐃᑐᑕᒡ᙮
\v 24 ᓱᒃ ᒪᒃ ᐛᐸᑎᔭᐧᑯᒡ ᐅᒡ ᓇᐸᐅᒡ ᐊ ‍ ᓴᒋᐊᑯᒡ ᒐᒋ ᐛᐸᑕᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᒋᓴᒋᐃᐛᐅᓄᐛᐅᔪᐤ ᑭᔭ ᒐᒋ ᒋᔅᒐᔨᑕᒡ ᒐᒂᓐ ᐛᒋ ‍ ᓇᔅᒡ ᒪᒥᔽᔨᑎᒥᐃᔭᒡ᙮
\c 9
\s1 ᐊ ‍ ᑎᒂᒡ ᓱᐛᔨᒋᒐᐅᓐ ᐊ ‍ ᒥᔨᐛᓄᐅᒡ
\p
\v 1 ᓇᒪ ᐊᑎᓇᔅᒡ ᓂᑐᐛᔨᑕᑯᓐ ᒐᒋ ᐊᔨᒧᑎᒪᑎᑯᒡ ᐊ ‍ ᐱᔅᑎᓂᒐᓄᒡ ᐊᓐᑕ ᐊ ᐅᒋ ‍ ᐎᒋᐊᑭᓄᐎᒡ ᐊᓐᒡ ᑲ ‍ ᑕᑈᑕᒡ ᒍᑎᔭᒡ ᑲ ‍ ᑕᒡ᙮
\v 2 ᒋ ‍ ᒋᔅᒐᔨᒥᑎᓇᐛᐤ ᑭᑈ ᓇᔅᒡ ᐊ ‍ ᐊᓯᒐᔨᑎᒪᒄ ᒐᒋ ᐎᒋᐊᑯᒡ᙮ ᔅᒋ ‍ ᐊᔨᒧᒥᑎᓇᐛᐤ ᒪᒃ ᐊᓐᑕ ᒪᓯᑐᓂᔭᒡ ᑲ ‍ ᐃᑎᒂᐤ ᐊᓐᒡ ᐃᔪᒡ, “ᒋᐧᑲᓂᓯᓄᐅᒡ ᐊᑲᔭ ᐊ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ‍ ᑕᒡ, ᓴᔅ ᐸᐳᓂᔨᒡ ᒋ ‍ ᐊᔭᔅᑯᐎᔪᐅᒡ ᒐᒋ ᐱᔅᑎᓂᒐᒡ ᓱᓇᔭᔪᐤ᙮” ᑲ ‍ ᐸᑕᒡ ᐅᔭ ᓇᔅᒡ ᒋ ‍ ᐃᑕᔨᑎᒧᒡ ᑭᔭ ᐎᔨᐛᐤ ᒐᒋ ᐱᔅᑎᓂᒐᒡ᙮
\v 3 ᑕᐅᒡ ᐅᒡ ᒋᐧᑲᓂᓯᓄᐅᒡ ᐊ ‍ ᐃᑎᓴᐊᒪᑎᑯᒡ ᒐᒋ ᐅᑎᓇᒡ ᐊᓂᔭ ᓱᓇᔭᔪᐤ ᑲ ‍ ᐱᔅᑎᓂᒺᒄ ᐊ ‍ ᐎᒋᐊᑭᓄᔨᒋ ᐊᓂᔭ ᑲ ‍ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ‍ ᑕᔨᒋ᙮ ᐛᐸᑎᔨᐛᒄ ᑕᑈ ᐊ ‍ ᐃᓯᓇᒂᒡ ᑕᓐ ᑲ ‍ ᐃᑕᒋᒥᑕᒡ ᓇᔅᒡ ᐊ ‍ ᐊᓯᒐᔨᑎᒪᒄ ᒐᒋ ᐎᒋᐃᐛᔭᒄ ᑭᔭ ᒋᔨᐛᐤ᙮
\v 4 ᐊᔅᒄ ᒪᒃ ᒐ ᐊᑲ ‍ ᐊᔭᔅᑯᐎᐛᒂ ᒐᒋ ᐱᔅᑎᓂᒪᒄ ᓱᓇᔭᐤ ᐅᑎᑎᑕᒐ, ᑭᑈ ᐃᐛᒃ ᒐ ‍ ᓴᒂᔨᒧᐃᔭᒡ ᑭᔭ ᒋᔨᐛᐤ ᒪᒃ ᐃᐛᒃ ᒋᑭ ‍ ᓴᒂᔨᒧᓇᐛᐤ᙮ ᐛᔅ ᓇᔅᒡ ᑕᑈ ᓂᒋ ‍ ᒐᔅᑎᓇᐅᓐ ᒥᒄ ᒐ ᐃᓯ ‍ ᐱᔅᑎᓂᒐᔭᒄ᙮
\v 5 ᐊᐅᒄ ᐅ ᐛᒋ ‍ ᓂᑲᓐ ᐃᑎᓴᐊᒪᑎᑯᒡ ᐅᒡ ᓂᐧᑲᓂᓯᒡ, ᒋᑭ ᒋ ‍ ᐎᒋᐃᑯᐛᐅᒡ ᒐᒋ ᐊᔭᔅᑯᐅᓂᒺᒄ ᐊᓂᔭ ᓱᓇᔭᔪᐤ ᑲ ‍ ᐃᔅᒋᔄᐛᒄ ᒐ ‍ ᐱᔅᑎᓂᒺᒄ᙮ ᐛᐸᑎᒪᓇ ᒪᒃ ᓴᔅ ᐊᒋ ‍ ᐊᔭᔅᑯᓂᒪᒄ ᐊᓐ ᒋᐱᔅᑎᓂᒐᐅᓄᐛᐤ ᑎᑯᓯᓂᔭᓇ ᐊᑯᑕ ᒐ ‍ ᓂᔅᑐᓇᒂᒡ ᐊᑲ ᐊᔨᐧᑭᒻ ᐅᒋ ᐱᔅᑎᓂᒐᔭᒄ ᒪᒃ ᐊᒋ ‍ ᓯᒋᔭᓯᔭᒄ ᒐᒋ ᒥᔨᐛᔭᒄ᙮
\p
\v 6 ᒪᐅ ᒐ ᐎ ‍ ᒋᔅᒋᓯᔭᒄ, ᐊᓐ ᒥᒄ ᐊᐱᓯᔅ ᑲ ‍ ᓂᑕᐅᒋᑕᒐᑦ ᒥᒄ ᐊᐱᓯᔅ ᒐᒂᔪᐤ ᒋᑭ ‍ ᓂᑕᐅᒋᓂᔪᐤ ᐊᑯ ᐊᓐ ᒥᔅᑎ ᑲ ‍ ᓂᑕᐅᒋᑕᑦ ᒥᔅᑎ ᒐᒂᔪᐤ ᒋᑭ ‍ ᓂᑕᐅᒋᓂᔪᐤ᙮
\v 7 ᒥᓯᐛ ᐸᐸᐃᒄ ᐊᐛᓐ ᒥᒄ ᑕᓐ ᑲ ‍ ᐃᑕᔨᑕᐧᒃ ᐅᑕᐃᒡ ᒐ ᐃᔅᐱᔅ ‍ ᐱᔅᑎᓂᒐᑦ ᐊᐅᑯᓐ ᒋᐸ ‍ ᐃᔅᐱᔅ ᐱᔅᑎᓂᒐᐤ᙮ ᓇᒪ ᒋᐸ ᐅᒋ ‍ ᒪᒪᓯᐤ ᑭᔭ ᓇᒪ ᐊᐃᓴᒡ ᒋᐸ ᐅᒋ ‍ ᐱᔅᑎᓂᒐᐤ᙮ ᒋᓴᒪᓂᑐᐤ ᓇᔅᒡ ᓴᒋᐊᐤ ᐊᓂᔭ ᐊᐛᔪᐛ ᑲ ‍ ᒥᔽᔨᑎᒥᔨᒋ ᐊ ‍ ᐱᔅᑎᓂᒐᔨᒋ᙮
\v 8 ᒋᑭ ᒋ ‍ ᐃᑐᑎᒻ ᒋᓴᒪᓂᑐᐤ ᐊᑐᐎᔅ ᒐᒋ ᐃᔅᐱᔅ ᒥᔨᑕᒄ ᑕᑥᐤ ᐊ ‍ ᓱᐛᔨᒥᑕᒄ, ᑭᔭ ᒧᔅ ᒐ ‍ ᐊᔭᔭᒄ ᑕᓐ ᒐ ᐃᓯ ‍ ᓂᑐᐛᔨᑎᒧᐛᐛᒂ᙮ ᐊᑐᐎᔅ ᒋᑭ ‍ ᐃᔅᐱᔅ ᒥᔨᑯᐛᐤ ᑯᑎᑭᒡ ᐊᐛᓐᒋ ᒐᒋ ᐎᒋᐊᑯᒡ᙮
\v 9 ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᐊᓐ ᐊᐛᓐ ᑲ ‍ ᐛᔪᐅᒡ ᐎᒋᐊᑦ ᐊᓂᔭ ᑲ ‍ ᒋᔅᑎᒪᑎᓯᔨᒋ ᑲᒋᒡ ᒋᑭ ‍ ᒋᔅᒋᓯᓇᓄᔪᐤ ᐅᒥᔪᑐᑎᒪᒐᐅᓐ᙮
\m
\v 10 ᒋᓴᒪᓂᑐᐤ ᐊᐅᒄ ᒪᔭᑦ ᓂᑕᐅᒋᒐᓱᐛ ᒐᒂᔪᐤ ᒐ ‍ ᓂᑕᐅᒋᑕᔨᒋ᙮ ᐎᔾ ᑭᔭ ᐊᓯᒪᐤ ᒥᓯᐛ ᐊᐛᔪᐛ᙮ ᑭᔭ ᒋᔨᐛᐤ ᒪᒃ ᒋᑭ ‍ ᐛᔪᐅᒡ ᒥᔨᑯᐛᐤ ᒥᒐᑦ ᐊᐛᓐᒋ ᒐᒋ ᐎᒋᐊᑯᒡ᙮ ᐊᑯ ᒪᒃ ᐅ ᐊ ᐃᓯ ‍ ᒥᔪᑐᑎᒪᒐᔭᒄ ᒥᒐᑦ ᐊᐛᓐᒋ ᒥᔅᑎ ᒋᑭ ‍ ᒥᔪᑐᑎᒪᑯᐅᒡ ᒋᓴᒪᓂᑐᐛ᙮
\v 11 ᑭᔭ ᒋᔨᐛᐤ ᒪᒃ ᓇᔅᒡ ᑕᑈ ᓂᓇᐧᑯᐤ ᒋᑭ ᐃᓯ ‍ ᐛᔪᐅᒡ ᒥᔨᑯᐛᐤ ᒋᓴᒪᓂᑐᐤ ᑭᔭ ᓂᓇᐧᑯᐤ ᒐᒋ ᐃᓯ ‍ ᒥᔭᑯᒡ ᑯᑎᑭᒡ᙮ ᐊᑯ ᒪᒃ ᒐ ‍ ᒥᒐᑎᒡ ᐊᓐᒡ ᒐ ‍ ᓂᓇᔅᑯᒪᒡ ᒋᓴᒪᓂᑐᐛ ᐃᔅᐱ ᒥᔅᑲᒂᐛ ᐊᓂᔭ ᒋᐱᔅᑎᓂᒐᐅᓄᐛᐅᔪᐤ᙮
\p
\v 12 ᐅᔭ ᒪᒃ ᐊ ᐃᓯ ‍ ᒥᔪᑐᑎᒧᐛᑯᒡ ᑲ ‍ ᑕᑈᑕᒡ ᐊ ‍ ᒥᔭᑯᒡ ᑕᓐ ᐊ ᐃᓯ ‍ ᓄᑕᐱᔨᒡ ᐊᑯᑕ ᐛᒋᐱᔨᒡ ᒥᔅᑎ ᒐᒋ ᓂᓇᔅᑯᒪᒡ ᒋᓴᒪᓂᑐᐛ᙮
\v 13 ᑭᔭ ᒋᑭ ‍ ᒋᔅᑕᒋᒪᐅᒡ ᒋᓴᒪᓂᑐᐛ ᐛᐸᑕᒂᐛ ᐊ ‍ ᓄᑯᓂᔨᒡ ᑕᑈ ᐊ ‍ ᑕᑈᑎᒪᒄ ᑭᔭ ᐊ ‍ ᓂᓇᐃᑎᒺᒄ ᒋᓴᔅ ᙭ ᐅᒥᔽᒋᒧᐅᓐ᙮ ᑭᔭ ᒋᑭ ‍ ᒋᔅᑕᒋᒪᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᔅᐱᔅ ‍ ᐎᒋᐊᑯᒡ ᑭᔭ ᑕᓐ ᑲ ᐃᔅᐱᔅ ‍ ᐎᒋᐃᒪᑯ ᑯᑎᑲ ᐊᐛᔪᐛ᙮
\v 14 ᑲ ‍ ᐃᔅᐱᔅ ᒋ ‍ ᐛᔪᐅᒡ ᓱᐛᔨᒥᑕᒄ ᒋᓴᒪᓂᑐᐤ ᒋᑭ ‍ ᓴᒋᐃᑯᐛᐅᒡ ᑭᔭ ᒋᑭ ‍ ᐊᔭᒥᐊᔅᑎᒪᑯᐛᐅᒡ᙮
\v 15 ᓂᓇᔅᑯᒪᑕᐤ ᒋᓴᒪᓂᑐᐤ ᐊᓂᔭ ᐅᒥᔨᐛᐅᓐ᙮ ᓇᒪ ᐊᓐ ᒋ ‍ ᐎᑕᑭᓄᐅᔪᐤ ᐊ ᐃᔅᐱᔅ ‍ ᒥᔽᔨᑕᑯᓂᔨᒡ᙮
\c 10
\s1 ᑕᓐ ᑲ ᐃᓯ ‍ ᐎᑎᒪᒐᑦ ᑈᓪ ᒋᑦ ᐃᔨᔨᒥᓯᓐ ᑲ ‍ ᐃᑕᑭᓄᐅᑦ
\p
\v 1 ᑎᑯᓐ ᒐ ᐃᓯ ‍ ᐱᑯᓴᔨᒥᑎᑯᒡ᙮ ᐅ ᒪᒃ ᒐ ‍ ᐊᔨᒧᑎᒪᑎᑯᒡ ᐊᓐ ᐊᔅᐱᔅ ᒋᓴᐛᑎᓯᑦ ᑭᔭ ᐊᔅᐱᔅ ᒋᔭᒥᓯᑦ ᒋᓴᔅ ᙭ ᓂ ᐎ ‍ ᐃᑕᔨᑕᑯᓯᓐ ᐊᓐ ᐊ ᐃᓯ ‍ ᐃᔨᒥᐃᑎᑯᒡ᙮ ᐃᑕᐅᒡ ᐊᐛᓐᒋ ᐊ ‍ ᐃᔅᒋᔄᒡ ᓇᔅᒡ ᐊᑲ ᓴᐱᑕᑯᓱᐅᒡ ᐊᓐᑕ ᐊ ‍ ᑕᐛᒄ ᐊ ‍ ᑕᐅᒡ᙮ ᒥᒄ ᐊᓐᑕ ᐃᔭᒡ ᐊ ‍ ᑕᐅᒡ ᐊ ᐅᒋ ‍ ᓱᒐᔨᑕᑯᐃᓱᐅᒡ ᐃᔅᒋᔄᐅᒡ᙮
\v 2 ᓱᒃ ᒋ ‍ ᓂᑐᑎᒪᑎᓇᐛᐤ, ᐊᑲᐎᔾ ᐊᔨᐧᑭᒥᐃᒄ ᒐᒋ ᐊᑲ ᒥᓇᑎᓯᔭᓐ ᐅᑎᑎᑯᒐ᙮ ᑕᐸ ᓂᑭ ᐅᒋ ‍ ᒥᓇᑎᓯᓐ ᒥᑥᐅᒂᐛ ᐊᓐᒡ ᐊᐛᓐᒋ ᒥᒄ ᓂᔭᓐ ᐊ ‍ ᒪᒥᑐᓇᔨᒥᓱᐎᒋᒡ ᑲ ‍ ᐃᑕᔨᒥᔨᒥᒡ᙮
\v 3 ᐊᑎ ᐅᑕ ᐊᔅᒋᒡ ᐊ ‍ ᑕᔭᐧᒄ ᓇᒪ ᒋ ᐊᑎ ᐃᓯ ‍ ᒪᓯᒐᓇᓄᐤ ᐊ ᐃᓯ ‍ ᒪᓯᒐᒡ ᐊᐛᓐᒋ ᐅᑕ ᐊᔅᒋᒡ᙮
\v 4 ᓇᒪ ᐎ ᐊᔅᒋᔪᐤ ᒪᓯᒐᐤ ᒐᒂᓇ ᓂᑦ ᐊᐱᒋᑕᓇᓐ᙮ ᒋᓴᒪᓂᑐᐤ ᐅᓱᐧᑲᑎᓯᐅᓐ ᓂᑦ ᐊᐱᒋᑕᐛᓇᓐ ᐊ ‍ ᓂᓱᐅᓇᒋᑕᐎᒋᒡ ᑕᓐ ᓂᓇᐧᑯᐤ ᐊ ᐃᓯ ‍ ᒪᒋᒂᐱᐧᑲᑎᑯᒡ ᐊᐛᓐᒋ ᒥᒋᒥᓂᑐᐛ᙮
\v 5 ᒥᒄ ᓂᑦ ᐃᑎᓇᓐ ᒐᒋ ᓂᒋᐛᐸᐊᒪᒡ ᑕᓐ ᐊ ᐃᓯ ‍ ᐎᔭᓯᒧᐛᐤ ᑭᒐᑕᐛᑕᑯᐃᓯᒡ ᐊᓐᒡ ᐊᑲ ᒧᔭᒻ ᑲ ᐃᓯ ‍ ᐊᔨᒧᒪᒡ ᒋᓴᒪᓂᑐᐛ ᑭᔭ ᑲ ‍ ᓂᑲᐅᐛᒡ ᒐᒋ ᒋᔅᒐᔨᒪᑭᓄᔨᒋ ᒋᓴᒪᓂᑐᐛ᙮ ᓂ ᐎ ‍ ᐃᑐᑐᐛᓇᓂᒡ ᒐᒋ ᐱᔅᑕᔨᒥᑎᓱᔅᑎᒧᐛᒡ ᙭ᑕ ᐅᒥᑐᓇᔨᒋᑭᓄᐛᐛ ᒐᒋ ᐅᒋ ‍ ᓂᓇᐃᑐᐛᒡ᙮
\v 6 ᓂᔅᑎᒻ ᒪᒃ ᒋ ᐎ ‍ ᑕᐅᐱᔨᑥᑎᓇᓐ ᒐᒋ ᓄᑯᑕᔭᒄ ᑕᑈ ᐊ ‍ ᓂᓇᐃᑐᐛᒄ ᙭᙮ ᐊᑯ ᒪᒃ ᒐ ‍ ᐛᐛᓯᐊᒋᒡ ᐊᓐᒡ ᐊᔅᒄ ᐃᔭᐱᒡ ᐊᑲ ᓂᓇᐃᑕᒡ᙮
\p
\v 7 ᐊᑲᐎᔾ ᐃᑎᒄ ᒧᔭᒻ ᐊᑲ ᐛᐸᑎᒪᒄ ᑕᓐ ᐊ ᐃᓯ ᒥᔪ ‍ ᓂᔅᑐᓇᒂᒡ᙮ ᐊ ‍ ᑕᒂ ᐊᐛᓐ ᐊ ‍ ᒐᔅᑎᓇᐅᑦ ᙭ ᐊ ‍ ᑎᐱᔨᐛᐅᓯᑐᑕᑯᑦ ᒐ ᐎ ‍ ᒋᔅᒐᔨᑕᐧᒃ ᐊᐅᑯᓐ ᐊᓐ ᑭᔭ ᒋᔭᓄᐤ ᑕᐸᔨᒥᑕᐧᒄ᙮
\v 8 ᑕᐸ ᓂ ‍ ᓴᒂᔨᒧᓐ ᐊᑎ ᐊᐱᓯᔅ ᐊᑐᐎᔅ ᑲ ᐃᓯ ‍ ᐊᔨᒧᑎᒧᐛᓇ ᐊᓐ ᑎᐸᔨᒋᒐᐅᓐ ᑲ ‍ ᒥᔨᑯᐅᔭᒡ ᒐᒋ ᐎᒋᐃᑕᒡ᙮ ᐅᑎᐸᔨᒋᒐᐤ ᓂᒋ ‍ ᒥᔨᑯᓇᓐ ᐅᔭ ᑎᐸᔨᒋᒐᐅᓂᔪᐤ ᒐᒋ ᐎᒋᐃᑕᒡ, ᓇᒪ ᐎ ᒐᒋ ᓂᑕᐅᑕᒡ᙮
\v 9 ᓇᒪ ᒋ ‍ ᓂᑐᐛᔨᒥᑎᓇᐛᐤ ᒐᒋ ᐃᑕᔨᑎᒪᒄ ᐊ ᐎ ‍ ᑯᔅᑕᒋᐃᑎᑯᒡ ᑕᓐ ᐊ ‍ ᐃᑎᓯᓇᐊᒪᑎᑯᒡ᙮
\v 10 ᐱᔅᒐ ᐛᔅ ᐊᐛᓐᒋ ᐃᔅᒋᔄᐅᒡ, “ᓇᔅᒡ ᑕᑈ ᓱᒋᑕᑯᓂᔪᐤ ᑕᓐ ᐊ ‍ ᐃᑎᓯᓇᐃᒐᑦ ᑈᓪ᙮ ᒧᒡ ᒪᒃ ᐊ ‍ ᑕᑦ ᐅᑕ ᓇᔅᒡ ᑕᑈ ᐃᔨᔨᒥᓯᐛᔨᑕᑯᓱᐤ᙮ ᑭᔭ ᓇᒪᐎᔾ ᒐᒂᓂᒡ ᐃᑕᐱᑎᓂᔪᐤ ᑕᓐ ᐊ ‍ ᐃᔅᒋᔄᑦ᙮”
\v 11 ᒥᒄ ᒪᒃ ᔭᐃᑕᔾ ᒐ ᐎ ‍ ᒋᔅᒐᔨᑕᒡ ᐅᒡ ᐊᐛᓐᒋ ᒧᔅ ᐊ ‍ ᐃᑐᑎᒪᓐ ᑕᓐ ᐊ ‍ ᐃᑎᓯᓇᐊᒪᑎᑯᒡ ᒐ ‍ ᐃᑐᑎᒪᓐ ᐃᔅᐱ ᐊᓐᑕ ᐊ ‍ ᑕᔭᒄ ᐊ ‍ ᑕᔭᓐ᙮
\s1 ᑕᓐ ᑲ ᐃᓯ ‍ ᐎᑎᒧᐛᑦ ᐊᓂᔭ ᒋᒋᐛ ᐃᑕᔨᒥᓱᐤ ᑲ ‍ ᐃᑎᑯᑦ
\p
\v 12 ᓇᒪ ᓂ ᐎ ‍ ᐃᑎᓇᓐ ᑕᓐ ᐊ ‍ ᐃᑎᒡ ᐊᓐᒡ ᐊᐛᓐᒋ ᓇᔅᒡ ᒋᒋᐛ ᑲ ‍ ᐃᑕᔨᒥᓱᒡ᙮ ᒧᔭᒻ ᓇᔅᒡ ᐎᔨᐛᐤ ᐃᐛᒃ ᐊ ‍ ᐃᑕᔨᑕᑯᓯᒡ ᐊ ‍ ᐃᑕᔨᑕᑯᓯᔨᒋ ᑯᑎᑲ ᐊᐛᔪᐛ ᐊᑯᓐ ᐊ ‍ ᐃᑕᔨᒥᓱᒡ᙮ ᓇᔅᒡ ᑭᔭ ᑲ ‍ ᑭᓄᐛᐱᒥᑐᒡ ᑕᐱᑐᐤ ᒐᒋ ᐃᑕᔨᑕᑯᓯᒡ᙮ ᐊᔪᐛᒡ ᒪᒃ ᓇᒪ ᐃᑕᔨᑎᒧᒡ ᐊᓂᔭ ᑲ ‍ ᐃᑎᒡ᙮
\v 13 ᓂᔭᓐ ᒪᒃ ᐎ, ᓇᒪ ᐊᑐᐎᔅ ᓂᑭ ᐅᒋ ᐃᓯ ‍ ᒪᒥᔽᒋᒥᓱᓇᓐ᙮ ᒥᒄ ᐊᓂᔭ ᐊᑐᔅᒐᐅᓂᔪᐤ ᒋᓴᒪᓂᑐᐤ ᑲ ‍ ᒥᔨᒥᑦ ᒐ ‍ ᐊᑐᔅᒐᔅᑎᒧᒋᒡ ᐊᐅᒄ ᒥᒄ ᐊᓐ ᒐ ‍ ᒪᒥᔽᑐᑎᒪᒡ᙮ ᐊᑯᑕ ᒪᒃ ᐊ ‍ ᐊᔅᒋᐱᔭᒄ ᒋᔨᐛᐤ ᐛᔅ ᒋᑦ ᐊᑐᔅᑲᑎᓇᓐ᙮
\v 14 ᓇᒪ ᐊᑐᐎᔅ ᓂᑦ ᐃᔅᐱᔅ ᐊᔨᒧᒥᓱᓇᓐ ᒧᔭᒻ ᒋᐸ ‍ ᐃᓯᓇᑯᓐ ᐊ ‍ ᑎᔭᒡ ᐊᑲ ᓂᔭᓐ ᓂᔅᑎᒻ ᒋ ᐅᒋ ‍ ᐸᑥᑕᒡ ᒥᔽᒋᒧᐅᓐ᙮ ᑕᑈ ᒪᒃ ᓂᔭᓐ ᓂᔅᑎᒻ ᔅᒋ ‍ ᐸᑥᑎᓇᓐ ᒥᔽᒋᒧᐅᓐ᙮
\v 15 ᓇᒪ ᑭᔭ ᓂᑦ ᐊᔨᒧᑎᒺᓇᓐ ᑯᑎᒃ ᐊᐛᓐ ᐅᑦ ᐊᑐᔅᒐᐅᓐ ᒧᔭᒻ ᓂᔭᓐ ᐊᓐ ᐊᒋ ᐃᓯ ‍ ᐊᑐᔅᒐᔭᒡ ᒐᒋ ᐃᑎᑕᑯᓯᔭᒡ᙮ ᓇᒪ ᓂ ᐎ ‍ ᐸᔅᑎᔅᑭᒺᓇᓐ ᑕᓐ ᐊ ᐃᓯ ‍ ᒥᔨᒥᑦ ᒋᓴᒪᓂᑐᐤ ᒐᒋ ᐃᓯ ‍ ᐊᑐᔅᑯᐅᒋᑦ᙮ ᓂ ‍ ᐱᑯᓴᔨᑕᓇᓐ ᒥᒄ ᐊᑐᐎᔅ ᒐᒋ ᐊᑐᔅᒐᔭᒡ ᐊᓐᑕ ᐊ ‍ ᑕᔭᒄ ᐊᔭᔅᒃ ᒐᒋ ᓂᑕᐅᒋᒋ ᒋᑕᑈᑎᒧᐅᓄᐛᐤ ᑭᔭ ᒐ ᐃᔅᐱᔅ ‍ ᒥᔨᑯᐛᒐ ᒋᓴᒪᓂᑐᐤ ᒐᒋ ᐎᒋᐃᑕᒡ᙮
\v 16 ᒐᒃ ᒪᒃ ᓂᓇᐧᑯᐤ ᐊᔅᒋᒡ ᐃᐛᒃ ᐊᓐᑕ ᐊ ‍ ᑕᔭᒄ ᑲ ‍ ᑎᒂᒋ ᒐᒋ ᐛᐎᑎᒪᒡ ᒥᔽᒋᒧᐅᓐ᙮ ᐊᑯ ᒪᒃ ᓇᒪ ᓂᑭ ᐅᒋ ‍ ᓂᓇᐸᐛᒋᒧᐛᒐᐛᓇᓐ ᑯᑎᒃ ᐊᐛᓐ ᑕᓐ ᑲ ᐃᓯ ‍ ᐊᑐᔅᒐᑦ᙮
\p
\v 17 ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᒐ ᐎ ‍ ᓂᓇᐸᐅᒧᒂ ᐊᐛᓐ, ᐊᓂᔭ ᑕᓐ ᑲ ᐃᓯ ‍ ᐃᑐᑎᒥᔨᒋ ᐅᑎᐸᔨᒋᒐᐛ ᒋᑭ ‍ ᓂᓇᐸᐛᑎᒺᐤ᙮”
\v 18 ᐎᔾ ᐊ ‍ ᒥᔽᒋᒥᓱᑦ ᐊᐛᓐ ᓇᒪᐎᔾ ᒐᒂᓂᒡ ᐃᑕᐱᑎᓂᔪᐤ᙮ ᐛᔅ ᒧᔭᒻ ᒪᒃ ᐅᑎᐸᔨᒋᒐᐛ ᒥᔽᒋᒪᑭᓄᒐ ᐊᔪᐅᒄ ᐊᓂᔭ ᐃᔭᒄ ᐃᔭᐱᑎᓂᔨᒡ᙮
\c 11
\s1 ᑕᓐ ᑲ ᐃᓯ ‍ ᐊᔨᒧᒪᑦ ᑈᓪ ᐊᓂᔭᔪᐛ ᐊᑲ ᒋᒋᐛ ᐊᑈᔅᑕᓄᐎᔨᒋ
\p
\v 1 ᒋ ‍ ᐱᑯᓴᔨᒥᑎᓇᐛᐤ ᒐᒋ ᓯᐱᔪᐛᓯᔅᑐᔭᒄ ᐊᐱᓯᔅ ᐊ ᒋᔎ ‍ ᐃᔨᒥᔭᓐ᙮ ᓇᔅᒡ ᒋ ‍ ᐱᑯᓴᔨᒥᑎᓇᐛᐤ ᒐᒋ ᓯᐱᔪᐛᓯᔅᑐᔭᒄ᙮
\v 2 ᑎᑯᓐ ᐊ ᐃᓯ ‍ ᐅᑕᔨᑎᒪᓐ ᒋᔨᐛᐤ ᐅᒋ ᒧᔭᒻ ᒋᓴᒪᓂᑐᐤ ᐊ ᐃᓯ ‍ ᐅᑕᔨᑕᐧᒃ ᐅᑦ ᐃᔨᒪ ᐅᒡ᙮ ᐛᔅ ᐅᔅᒋᓂᒋᔎᐤ ᐊᑲ ᐊᔅᒄ ᐅᒋ ᒋᔅᒐᔨᒪᑦ ᓇᐸᐛ ᒋᑦ ᐃᓯᓇᑯᓯᓇᐛᐤ, ᔅᒋ ‍ ᐃᑕᔨᒥᑎᓇᐛᐤ ᒪᒃ ᒥᒄ ᐸᐃᒄ ᓇᐸᐤ ᒐᒋ ᑭᓄᐛᔨᒥᑕᒄ ᐊᐅᒄ ᙭᙮
\v 3 ᓂ ‍ ᑯᔅᐱᓇᑕᔨᑕᓐ ᒐᒋ ᐎᔭᓯᐃᑯᐅᔭᒄ, ᒧᔭᒻ ᑕᓐ ᑲ ᐃᓯ ‍ ᐎᔭᓯᐃᑯᑦ ᐃᑉ ᒋᓇᐱᒂ ᐊᒋ ‍ ᑭᑭᒋᔭᒥᑯᑦ, ᓂ ‍ ᑯᔅᐱᓇᑕᔨᑕᓐ ᒐᒃ ᒐ ᐊᑲ ᒋ ᐃᑕᔨᒪᒄ ᙭ ᑕᓐ ᐊ ‍ ᐃᑕᔨᒪᒄ ᐊᓄᒡ, ᓇᔅᒡ ᒋ ᐊᑎ ᐃᓯ ‍ ᓇᓴᐛᐛᐤ ᑭᔭ ᒥᒄ ᐎᔾ ᒋ ‍ ᓂᓇᑭᑐᐛᔨᒪᐛᐤ᙮
\v 4 ᒥᔅᑯᒡ ᐛᒋᐱᔪᐛ ᒥᒄ ᒐᒋ ᐃᓯ ‍ ᑕᑈᑎᒪᒄ ᑕᓐ ᐊ ᐃᓯ ‍ ᐛᐎᑎᒪᑕᑯᒡ ᐅᒡ ᓂᑎᒥᒄ ᑲ ᐃᓯ ‍ ᒋᔅᑯᑎᒪᒐᒡ ᒋᔅᑯᑎᒪᒐᓱᒡ, ᐊ ‍ ᐃᑕᔨᒪᑯᒡ᙮ ᓇᔅᒡ ᒋᓂᑐᑐᐛᐛᐤ ᐊᐛᓐ ᐃᔭᒡ ᐊ ᐃᓯ ‍ ᐊᔨᒧᒪᑦ ᒋᓴᓴ ᑕᓐ ᑲ ᐃᓯ ‍ ᐊᔨᒧᑎᒪᑕᒡ ᓂᔭᓐ᙮ ᐊᓄᒡ, ᒥᒄ ᒋ ᐊᑎ ᐃᓯ ‍ ᑕᑈᐅᒐᔨᒪᐛᐤ ᐃᔭᒡ ᐊ ‍ ᐃᑕᔨᑕᑯᓯᑦ ᐊᒐᐧᒄ ᑕᓐ ᑲ ‍ ᐃᑕᔨᑕᑯᓯᑦ ᐊᓐ ᑲ ‍ ᐸᔭᒋᓯᑦ ᐊᒐᐧᒄ ᓂᔅᑎᒻ ᑲ ‍ ᐊᔭᐛᒄ᙮ ᑭᔭ ᐃᔭᒡ ᐊ ‍ ᐃᑎᑕᑯᒡ ᒥᔽᒋᒧᐅᓐ ᐊᓐ ᑲ ᐃᓯ ‍ ᐎᑎᒪᑕᒡ ᒥᒄ ᒋ ᐊᑎ ᐃᓯ ‍ ᑕᑈᑕᓇᐛᐤ᙮
\p
\v 5 ᓇᒪ ᓇᔅᒡ ᓄᑕᔭᔅ ᓂᑦ ᐃᑕᔨᑕᑯᓯᓐ ᓂᑦ ᐃᑕᔨᑕᓐ ᑕᓐ ᐊ ‍ ᐃᑕᔨᑕᑯᓯᒡ ᐊᓐᒡ ᑲ ‍ ᒋᔅᑕᔨᒪᑯᒡ ᐊᑈᔅᑕᓇᒡ ᑲ ‍ ᐃᓯᓂᐧᑲᑕᑯᒡ᙮
\v 6 ᒂᔄᓐ ᓇᒪᐎᔾ ᓂᔾ ᐊᓐ ᐊᐛᓐ ᓇᔅᒡ ᑲ ‍ ᑭᔅᒋᐅᑕᑯᓯᑦ ᐊ ‍ ᐃᔨᒥᑦ, ᒥᒄ ᒪᒃ ᓂ ‍ ᑭᓄᐛᔨᑕᓐ ᒋᔅᒐᔨᑎᒧᐅᓐ᙮ ᑕᑥᐤ ᒪᒃ ᑲ ‍ ᐃᔨᒥᐃᑕᒡ ᓂᓇᐧᑯᐤ ᒐᒂᓐ ᐊ ‍ ᐎᑎᒪᑕᒡ ᔅᒋ ᐃᓯ ‍ ᐃᔨᒥᐃᑎᓇᓐ ᒐᒋ ᐱᔭᑭᔅᒡ ᓂᔅᑐᑎᒪᒄ᙮
\p
\v 7 ᐃᔅᐱ ᑲ ‍ ᐛᐎᑎᒪᑎᑯᒡ ᒋᓴᒪᓂᑐᐤ ᐅᒥᔽᒋᒧᐅᓐ ᓇᒪ ᒋᒋᐛ ᓂ ᐅᒋ ‍ ᐃᑕᔨᒥᓱᓐ᙮ ᔅᒋ ᐎ ‍ ᒋᔅᒐᔨᑎᒥᐃᑎᓇᐛᐤ ᐊ ‍ ᒪᒥᑐᓇᔨᒥᑕᒄ ᒋᓴᒪᓂᑐᐤ ᑭᔭ ᓇᒪ ᒋ ᐅᒋ ‍ ᓂᑐᐛᔨᒥᑎᓇᐛᐤ ᒐᒋ ᒋᓯᐧᑯᔭᒄ᙮ ᓂᒋ ‍ ᐅᓂᐱᔨᓐ ᑲᑭᔭ ᐅ ᑲ ‍ ᐃᑎᔭᓐ᙮
\v 8 ᒋ ‍ ᐊᐃᑎᓱᐅᒡ ᑭᔭ ᐊᓐᒡ ᒋᐧᑲᓂᓯᓄᐅᒡ ᑲ ‍ ᐎᒋᐃᒡ ᓱᓇᔭᔪᐤ ᐃᔅᐱ ᑲ ‍ ᐛᐎᑎᒪᑎᑯᒡ ᒥᔽᒋᒧᐅᓐ᙮ ᒧᔭᒻ ᐊ ‍ ᑭᒐᒧᑎᒧᐅᒂᐤ ᐅᒡ ᒋᐧᑲᓂᓯᓄᐅᒡ ᓂᒋ ‍ ᐃᓯᓇᑯᓯᓐ ᐊᒋ ‍ ᐅᑎᓂᒧᒡ ᑕᓐ ᑲ ᐎ ᐃᓯ ᐸᒋ ‍ ᐎᒋᐃᒡ ᒋᔨᐛᐤ ᒐᒋ ᐎᒋᐃᑎᑯᒡ᙮
\v 9 ᐊᑎ ᒪᒃ ᓇᓂᑯᑎᓂᔾ ᐊᒋ ‍ ᓄᑕᐱᔭᓐ ᒐᒂᓐ ᒪᒂᒡ ᐊᓐᑕ ᐊ ‍ ᑕᔭᒄ ᑲ ‍ ᑕᔭᓐ, ᓇᒪ ᐃᔭᐱᒡ ᒋ ᐅᒋ ‍ ᓂᑐᐛᔨᑎᒪᑎᓇᐛᐤ ᒐᒂᓐ᙮ ᒋᐧᑲᓂᓯᓄᐅᒡ ᒪᓯᑐᓂᔭ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ‍ ᑕᒡ ᓂᒋ ‍ ᐎᒋᐃᑯᓇᓂᒡ ᐊᒋ ‍ ᒥᔨᒥᒡ ᑕᓐ ᑲ ᐃᓯ ‍ ᓄᑕᐱᔪᒋᑦ᙮ ᓇᒪ ᒋ ᐅᒋ ᐎ ‍ ᐊᔨᒪᔨᑎᒥᐃᑎᓇᓐ ᒐᒋ ᓂᑐᐛᔨᑎᒪᑕᒡ ᒐᒂᓐ᙮ ᐊᔅᒄ ᒪᒃ ᐊᓄᒡ ᓇᒪ ᐃᔭᐱᒡ ᒋ ‍ ᓂᑐᐛᔨᑎᒪᑎᓇᓐ ᒐᒂᓐ᙮
\v 10 ᐊ ‍ ᒋᔅᒐᔨᒥᑦ ᙭ ᐊ ‍ ᑕᑈᐅᒡ ᑕᓐ ᐊ ‍ ᐃᔅᒋᔄᐅᒡ, ᓇᒪ ᓂᑭ ᐅᒋ ‍ ᐱᔅᑎᓇᐅᒡ ᑯᑎᑭᒡ ᒐᒋ ᒋ ᐸᒋ ‍ ᐎᒋᐃᒡ ᐊ ‍ ᐊᔨᒧᑎᒧᒡ ᐅᔭ ᒥᓯᐛ ᐊᓐᑕ ᐊᓂᔭ ᐊᔅᒋᔪᐤ ᐊᑲᔭ ᑲ ‍ ᐃᓯᓂᐧᑲᑕᒡ᙮
\v 11 ᒋᑦ ᐃᑕᔨᑕᓇᐛᐤ ᐊ ᐊᑲ ᓴᒋᐃᑎᑯᒡ ᐛᒋ ‍ ᐃᔅᒋᔄᔭᓐ ᐅ ? ᒋᓴᒪᓂᑐᐤ ᒋᔅᒐᔨᑎᒻ ᑕᑈ ᐊ ‍ ᓴᒋᐃᑎᑯᒡ᙮
\p
\v 12 ᐃᔭᐱᒡ ᒧᔅ ᓂᑭ ‍ ᑐᑕᓐ ᑕᓐ ᐊ ‍ ᐃᑎᔭᓐ ᐊᓄᒡ ᒐ ᐊᑲ ᒋ ᑎᑯᓂᔨᒡ ᑕᓐ ᒐ ᐃᓯ ‍ ᓂᓇᐸᐅᒧᒡ ᐊᓐᒡ ᓂᑎᒥᒄ ᑲ ᐃᓯ ‍ ᒋᔅᑯᑎᒪᒐᒡ ᑭᔭ ᒐ ᐊᑲ ᒋ ᐃᔅᒋᔄᒡ ᒧᔭᒻ ᓂᔭᓐ ᐊ ‍ ᐃᑕᐱᑎᓱᒋᑦ ᐊ ‍ ᐃᑕᐱᑎᓯᒡ᙮
\p
\v 13 ᓇᒪᔭᐅᒡ ᐅᒡ ᒋᒋᐛ ᐊᑈᔅᑕᓇᒡ᙮ ᒧᔭᒻ ᑕᑈ ᐊᑈᔅᑕᓇᒡ ᐊ ‍ ᐊᑐᔅᑯᐛᒡ ᒋᓴᔅ ᙭ᑕ ᐎ ᐃᑕᔨᑕᑯᐃᓱᒡ ᐅᒡ ᒥᒄ ᒪᒃ ᑭᑭᒋᔭᐅᒡ ᑭᔭ ᐎᔭᓯᐃᐛᐅᒡ᙮
\v 14 ᓇᒪ ᒪᒃ ᒋᐸ ᐅᒋ ‍ ᒥᔅᑲᑕᔨᑎᒥᐃᑯᓇᓄᐤ ᐅ ᐛᔅ ᐛᐛᒡ ᒥᒋᒥᓂᑐᐤ ᒧᔭᒻ ᐊ ‍ ᐛᔅᑐᐛᑦ ᐊᓐᒋᓐ ᒋᑭ ᒋ ‍ ᐃᓯᓇᑯᐃᓱᐤ᙮
\v 15 ᓇᒪ ᒪᒃ ᒥᔅᑲᑕᔨᑕᑯᓂᔪᐤ ᐅᑦ ᐊᐱᒋᐊᑭᓇ ᒧᔭᒻ ᑕᑈ ᑯᐃᔅᒄ ᑲ ‍ ᐃᑎᔨᒋ ᐊᐱᒋᐊᑭᓇ ᒐᒋ ᐃᓯᓇᑯᐃᓱᔨᒋ᙮ ᒥᒄ ᒪᒃ ᐃᔅᐱ ᑎᐸᔅᑯᓇᑭᓄᑥᐛ ᐊᓐ ᐊ ‍ ᐃᑕᔨᑕᑯᓂᔨᒡ ᒐᒋ ᐃᓯ ‍ ᒥᔅᑲᒡ ᐊᑯᓐ ᒐ ᐃᓯ ‍ ᒥᔭᑭᓄᐎᒡ᙮
\s1 ᑲ ‍ ᐊᔨᒧᑕᐧᒃ ᑈᓪ ᑕᓐ ᑲ ᐃᓯ ‍ ᐊᔨᒥᐅᑦ ᐊᑈᔅᑕᓐ ᐊ ‍ ᐃᑕᐱᒋᐃᑯᑦ ᙭ᑕ
\p
\v 16 ᒥᓐ ᓂᑭ ‍ ᐃᔅᒋᔄᓐ, ᐊᑲᐎᔾ ᐃᑕᔨᒥᒄ ᐊ ᒋᔎ ‍ ᐃᔨᒥᔭᓐ᙮ ᒧᔭᒻ ᒪᒃ ᒋᔎ ‍ ᐃᔨᒧᐤ ᐊ ‍ ᐃᑕᔨᒧᐛᒂ ᐱᔅᑎᓂᒄ ᐊᐱᓯᔅ ᒐᒋ ᐊᔨᒧᒥᓱᔭᓐ᙮
\v 17 ᐅ ᒪᒃ ᒐ ᐃᓯ ‍ ᐃᔨᒥᔭᓐ ᓂᔾ ᐅ ᐊ ‍ ᐃᑕᔨᑎᒪᓐ, ᓇᒪ ᐅᑎᐸᔨᒋᒐᐤ ᓂ ᐅᒋ ‍ ᐃᑎᓱᒥᒄ ᒐᒋ ᐃᔅᒋᔄᔭᓐ᙮ ᒧᔭᒻ ᐊ ᒋᔎ ‍ ᐃᔨᒥᔭᓐ ᐃᑎᑕᑯᓐ᙮
\v 18 ᒧᔭᒻ ᐊ ‍ ᓂᔅᐱᑕᐅᒂᐤ ᐊᐛᓐᒋ ᐅᑕ ᐊᔅᒋᒡ ᑲ ‍ ᓂᓇᐸᐅᒧᒡ ᓂᑭ ‍ ᐃᑎᓐ, ᓇᔅᒡ ᑲ ‍ ᓂᓇᐸᐅᒧᒡ ᑕᓐ ᐊ ‍ ᐃᑎᒡ᙮
\v 19 ᓇᒪ ᒪᒃ ᒋᐸ ᐅᒋ ‍ ᑯᔅᑯᓯᑯᓇᐛᐤ ᐅ᙮ ᓇᔅᒡ ᑕᑈ ᒋ ‍ ᑭᒐᑕᐛᔨᒥᓱᓇᐛᐤ᙮ ᒪᓐ ᒥᒄ ᑲ ᐃᓯ ‍ ᐱᑎᑲᐊᑯᒡ ᐊᓐᒡ ᑲ ᒋᔎ ‍ ᐃᔨᒥᒡ᙮
\v 20 ᒋ ‍ ᐱᔅᑎᓇᐛᐅᒡ ᐅᒡ ᓂᑎᒥᒄ ᑲ ᐃᓯ ‍ ᒋᔅᑯᑎᒪᒐᒡ ᒐᒋ ᐅᒋᒪᐧᑲᑕᑕᑯᒡ ᑭᔭ ᒐᒋ ᒥᓂᓱᓇᔭᐛᑐᑕᑕᑯᒡ᙮ ᒋ ‍ ᐱᔅᑎᓇᐛᐅᒡ ᒐᒋ ᑭᒐᒧᑎᒪᑕᑯᒡ ᑭᔭ ᒐᒋ ᒪᔭᔨᒥᑕᑯᒡ ᑭᔭ ᒐᒋ ᐅᑕᒥᒂᐅᑕᑯᒡ᙮
\v 21 ᑕᑈ ᑭᑈ ᓂᒋ ‍ ᐅᓂᐱᔨᓇᓐ !
\p ᓂ ‍ ᓴᒂᔨᒧᓐ ᒐᒋ ᐃᔅᒋᔄᔭᓐ ᐊᑲ ᐅᒋ ᐃᑎᔭᒡ ᐅ ᓂᔭᓐ᙮ ᐊᑲ ᓂᑲᐎᒂ ᐊᐛᓐ ᒐᒋ ᓂᓇᐸᐅᒧᑦ ᑕᓐ ᐊ ‍ ᐃᑎᑦ ᓂᐸ ‍ ᒋ ‍ ᓂᓇᐸᐅᒧᓐ ᑭᔭ ᓂᔾ᙮ ᒥᓐ ᒪᒃ ᓂ ᒋᔎ ‍ ᐃᔨᒥᓐ ᐅ ᑲ ‍ ᐃᔅᒋᔄᔭᓐ᙮
\p
\v 22 ᒋᒋᐛ ᐊ ᐃᑕᔨᒥᓱᒡ ᒍᐤ ᑲ ‍ ᐃᑎᔅᑲᓇᓯᒡ ? ᑭᔭ ᓂᔾ ᒍᐤ ᓂᑦ ᐃᑎᔅᑲᓇᓯᓐ᙮ ᒋᒋᐛ ᐊ ᐃᑕᔨᒥᓱᒡ ᐊᓂᔭ ᐃᔅᕋᐃᓪ ᐊ ‍ ᐅᒋᒡ ? ᑭᔭ ᓂᔾ ᐊᑯᑕ ᐛᒋᔭᓐ᙮ ᒋᒋᐛ ᐊ ᐃᑕᔨᒥᓱᒡ ᒥᒄ ᐊᑉᕋᐊᒪ ᐊ ‍ ᑕᔨᒋ ᐊᒋ ᐅᒋ ᐊᓂᔅᒐ ‍ ᐱᒪᑎᓯᒡ ? ᓂᔾ ᑭᔭ ᐊᑯᑕ ᑲ ᐅᒋ ᐊᓂᔅᒐ ‍ ᐱᒪᑎᓯᔭᓐ᙮
\v 23 ᐃᑕᔨᑎᒧᒡ ᐊ ᐊ ‍ ᐊᑐᔅᑯᐛᒡ ᙭ᑕ ? ᐊᑐᐎᔅ ᓂᔾ ᓂᑦ ᐊᑐᔅᑯᒪᔪᐛ᙮ ᓴᔅ ᐊᑐᐎᔅ ᓂ ᒋᔎ ‍ ᐃᔨᒥᓐ᙮ ᓇᒪ ᓂ ‍ ᒥᔽᔨᑕᓐ ᒧᔭᒻ ᐎᔨᐛᐤ ᐊ ᐃᓯ ‍ ᐊᔨᒧᒥᓱᒡ ᐊ ᐃᓯ ‍ ᐊᔨᒧᒥᓱᔭᓐ᙮ ᐊᑐᐎᔅ ᓂᔾ ᓂᒋ ᒥᔅᑎ ‍ ᐊᐱᑎᓯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ‍ ᒋᐸᐅᑯᓐ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ‍ ᐱᓯᔅᑕᐅᑯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ‍ ᐸᓱᐛᐸᑕᓐ ᓂᐳᐅᓐ ᐃᔅᐱᔅ ᐎᔨᐛᐤ᙮
\v 24 ᐱᑕᑕᒡ ᑕᑐᔪᐤ ᓂᒋ ‍ ᐎᓯᒐᔨᑎᒥᐃᑯᐅᒡ ᐊᓐᒡ ᒍᐤ ᐃᔪᐛ ᑲ ‍ ᓂᑲᓂᔅᑯᐛᒡ ᓂᔅᑐᔪᐤ ᐊᓱ ᐸᐃᑯᔅᑕᐤ ᑕᑥᐤ ᐊᒋ ‍ ᐱᓯᔅᑕᐅᒡ᙮
\v 25 ᓂᔍᐤ ᓂᒋ ‍ ᐛᐛᓯᐃᑯᐅᓐ ᐃᓴᒂ ᐊ ‍ ᐅᑎᑕᒧᐅᑯᔭᓐ᙮ ᐸᐃᒂᐤ ᓂᒋ ‍ ᐸᐱᒧᓯᓇᑕᐅᑯᐅᓐ ᐊ ᐎ ‍ ᓂᐸᐃᑯᐅᔭᓐ᙮ ᓂᔍᐤ ᓂᒋ ‍ ᑕᓐ ᐊ ‍ ᑯᓴᐸᒡ ᐊ ‍ ᒥᓴᒡ ᐅᐤᑦ᙮ ᐸᐃᒂᐤ, ᐸᐃᒄ ᒋᓯᑲᐛ ᒪᒃ ᐸᐃᒄ ᑎᐱᔅᑲᐛ ᒧᓴ ᓂᒋ ‍ ᐱᐸᒪᐅᑯᐅᓐ ᐎᓂᐸᑯᒡ᙮
\v 26 ᒥᒐᑥᐤ ᓂᒋ ‍ ᐱᐸᒥᐱᔨᓐ ᐊ ‍ ᐛᐎᑎᒪᓐ ᒥᔽᒋᒧᐅᓐ᙮ ᐅ ᒪᒃ ᑲ ᐃᓯ ‍ ᐱᐸᒥᐱᔭᓐ ᒥᒐᑥᐤ ᒋ ‍ ᑯᔅᑕᑎᑯᓐ ᓯᐱᒡ ᐊ ‍ ᑕᔭᓐ᙮ ᒥᒐᑥᐤ ᒋ ‍ ᑯᔅᐱᓇᑕᔨᑕᑯᓐ ᑲᒋᒧᑎᒡ ᒐᒋ ᒪᓯᐧᑯᒡ᙮ ᒥᒐᑥᐤ ᓂᒋ ‍ ᐊᔨᒥᐃᑯᒡ ᒍᐤ ᑲ ‍ ᐃᑎᔅᑲᓇᓯᒡ ᓂᑦ ᐃᔨᒥᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᐅᑕᓇᒡ ᓂᒋ ‍ ᐎᓯᒐᔨᑎᒥᐃᑯᓐ ᑭᔭ ᐊᓐᑕ ᐸᐧᑯᑎᔅᑭᒥᑲᒡ ᓂᒋ ‍ ᐊᔨᒥᐅᓐ᙮ ᐎᓂᐸᑯᒡ ᑭᔭ ᓂᒋ ‍ ᐊᔨᒥᐅᓐ᙮ ᑭᔭ ᐊᓐᒡ ᓂᐧᑲᓂᓯᒡ ᑲ ‍ ᐃᑕᔨᒥᒂᐤ ᐊᑲ ᒪᒃ ᑕᑈ ᑲ ‍ ᐎᐧᑲᓂᓱᐛᐸᓇ ᓂᒋ ‍ ᐊᔨᒥᐃᑯᒡ᙮
\v 27 ᓇᔅᒡ ᑕᑈ ᓂᒋ ᒥᔅᑎ ‍ ᐊᑐᔅᒐᓐ᙮ ᒥᒐᑥᐤ ᓂᒋ ᒥᔅᑎ ‍ ᐊᔭᔅᑯᓯᓐ, ᒥᒐᑥᐤ ᑭᔭ ᓇᒪ ᐛᐛᒡ ᓂ ᐅᒋ ‍ ᓂᐸᓐ᙮ ᒥᒐᑥᐤ ᓂᒋ ‍ ᓄᑕᐱᔨᓐ ᒥᒋᒻ ᑭᔭ ᑲ ᐊᑎ ‍ ᓯᐛᔨᔭᓐ, ᑭᔭ ᓂᒋ ‍ ᓄᑕᔭᐸᒂᓐ᙮ ᓇᓂᑯᑎᓂᔾ ᓇᒪ ᐛᐛᒡ ᐅᒋ ᑎᑯᓐ ᑕᓐᑕ ᒐ ‍ ᑕᔭᓐ ᑭᔭ ᓇᓂᑯᑎᓂᔾ ᓂᒋ ‍ ᓯᐧᑭᒋᓐ᙮
\v 28 ᐊᓯᑯᒻ ᒋᓯᑲᐛ ᑭᔭ ᓂ ‍ ᑯᓯᑯᔅᑲᑯᓐ ᐊ ‍ ᒪᒥᑐᓇᔨᒥᒂᐤ ᒥᓯᐛ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᓂᓇᐧᑯᐤ ᐅᑕᓇᒡ ᑲ ‍ ᑕᒡ᙮
\v 29 ᐊᐛᓐ ᐊᑲ ᓴᐸᔨᒥᓱᑦ ᓂ ‍ ᒋᔅᒐᔨᑕᓐ ᑕᓐ ᐊ ‍ ᐃᑕᔨᑕᒂᒡ ᐊᓂᔭ ᐊ ‍ ᐃᑎᑦ ᐊᐛᓐ᙮ ᐛᔅ ᒧᔭᒻ ᐊᐛᓐ ᐊ ‍ ᒥᒋᑐᑕᐧᒃ ᑎᑯᓐ ᐊ ᐃᓯ ‍ ᒥᓯᒪᔨᑎᒥᐃᑯᔭᓐ ᐅ᙮
\p
\v 30 ᓇᑐᐛᔨᑕᑯᓂᒂ ᐅ ᒐᒋ ᐃᓯ ‍ ᐃᔨᒥᔭᓐ ᐊᑯᓐ ᑭᑈ ᒐ ᐃᓯ ‍ ᐊᔨᒧᒥᓱᔭᓐ᙮ ᓇᒪ ᒪᒃ ᓂ ᐎ ‍ ᒋᔅᑕᔨᑕᑯᐃᓱᓐ᙮ ᐃᔭᐱᒡ ᓂᑭ ‍ ᐊᔨᒧᑕᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ᙮
\v 31 ᒋᓴᒪᓂᑐᐤ ᒋᑎᐸᔨᒋᒐᓯᒥᓄᐤ ᒋᓴᔅ ᐅᑕᐎᔭ ᒋᔅᒐᔨᑎᒻ ᐊᑲ ᑭᑭᒋᔭᐅᒡ᙮ ᐎᔾ ᑲᒋᒡ ᒋᑭ ‍ ᒪᒥᒋᒪᑭᓄᐤ᙮
\v 32 ᑕᒪᔅᑲᔅ ᑲ ‍ ᐃᓯᓂᐧᑲᑕᒡ ᐅᑕᓇᐤ ᑲ ‍ ᑕᔭᓐ ᐊᓐ ᐱᑐᐅᒋᒪᐤ ᐊᓐ ᐛᒋ ‍ ᑕᒋᔅᑯᐛᑦ ᐊᓂᔭ ᒋᓴᐅᒋᒪᐛ ᐊᕆᑕᔅ ᑲ ‍ ᐃᓯᓂᐧᑲᓱᔨᒋ ᒋ ‍ ᐃᑎᓱᐛᔪᐛ ᒐᒋ ᐅᑎᓂᑯᐅᒡ ᐊᓐᑕ ᐅᑕᓇᒡ᙮ ᒋ ᐎ ‍ ᐎᐎᔭᓐ ᐊᓐ ᐅᑕᓇᐤ ᓂᐸ ‍ ᒪᑯᓂᑯᓐ᙮
\p
\v 33 ᓂᐎᒐᐛᑭᓂᒡ ᒪᒃ ᓂᒋ ‍ ᐎᒋᐃᑯᐅᒡ ᒐᒋ ᒋᑎᓯᒧᒡ᙮ ᐅᑎᐱᐅᑎᒡ ᓂᒋ ‍ ᐱᑕᐅᑯᒡ ᐊᑯ ᐊᓐᑕ ᓯᐳᐛᔅᑕᔨᑕᑭᓂᒡ ᑲ ᐅᒋ ‍ ᐱᔅᑕᐱᒐᓂᒡ ᐎᐎᑎᒥᒡ ᐊᓂᔭ ᐅᑕᓇᔪᐤ, ᑭᔭ ᒂ ‍ ᒋᑎᓯᒧᔭᓐ᙮
\c 12
\s1 ᑕᓐ ᑲ ᐃᓯ ‍ ᐛᐸᑎᔭᑭᓄᐅᑦ ᑈᓪ
\p
\v 1 ᐊᑎ ᐊᑲ ᓇᔅᒡ ᓴᓯᑲᓐ ᐃᑕᐱᑎᒡ ᓂᑭ ‍ ᐊᔨᒧᒥᓱᓐ᙮ ᓂᔅᑎᒻ ᑕᓐ ᑲ ᐃᓯ ‍ ᐛᐸᑎᔨᑦ ᑭᔭ ᑕᓐ ᑲ ᐃᓯ ‍ ᒋᔅᒐᔨᑎᒥᐃᑦ ᐅᑎᐸᔨᒋᒐᐤ ᓂᑭ ‍ ᐊᔨᒧᑎᒺᓐ᙮
\s2 2 Corinthians 12.2-10 (Proper-9 Year B)
\p
\v 2 ᓂ ‍ ᒋᔅᒐᔨᒪᐤ ᐸᐃᒄ ᓇᐸᐤ ᑲ ‍ ᑕᑈᔭᔨᒪᑦ ᒋᓴᓴ ᓇᐅᓴᑉ ᐱᐳᓇ ᐅᑕᒡ ᓇᔅᒡ ᐊᒋ ‍ ᐅᐱᔅᑲᐊᑭᓄᐅᑦ ᒋᒋᒋᓯᑯᒡ ᐃᔅ᙮ ᓇᒪ ᓂ ‍ ᒋᔅᒐᔨᑕᓐ ᒥᒄ ᐅᑦ ᐊᒐᒂ ᑲ ‍ ᐅᐱᔅᑲᔨᒂᓂ ᒪᒃ ᒋᒡ ᒥᔪᐤ ᑲ ᐃᓯ ‍ ᐅᐱᔅᑲᒂ, ᒋᓴᒪᓂᑐᐤ ᒥᒄ ᒋᔅᒐᔨᑎᒻ᙮
\v 3 ᓂᒋ ‍ ᒋᔅᒐᔨᑕᓐ ᐊᓐᑕ ᐸᕋᑕᐃᔅ ᑲ ‍ ᐃᓯᓂᐧᑲᑕᔨᒡ ᐊᒋ ᐃᓯ ‍ ᐅᐱᔅᑲᑦ᙮ ᒧᔭᒻ ᒪᒃ ᑲ ‍ ᐃᔅᒋᔄᔭᓐ ᒥᒄ ᒋᓴᒪᓂᑐᐤ ᒋᔅᒐᔨᑎᒻ ᒋᒡ ᒥᔪᐤ ᑲ ᐃᓯ ‍ ᐅᐱᔅᑲᒂ ᒪᒃ ᒥᒄ ᐅᑦ ᐊᒐᒂ ᑲ ‍ ᐅᐱᔅᑲᔨᒂᓂ᙮
\v 4 ᐊᑯᑕ ᑲ ‍ ᐸᑕᐧᒃ ᐃᔅᒋᔄᐅᓇ ᐊᑲ ᑭᔅᒋᐅᐱᔨᒡ ᒧᒡ ᒐᒋ ᐎᑕᑭᓄᐅᒋ ᑭᔭ ᐊᑲ ᐱᔅᑎᓂᑭᓄᐅᒋ ᒐᒋ ᐎᑕᑭᓄᐅᒋ᙮
\v 5 ᓂᐸ ‍ ᒋ ‍ ᓂᓇᐸᐛᒋᒪᐤ ᐅ ᓇᐸᐤ᙮ ᓂᔾ ᒪᒃ ᐎ ᓇᒪ ᓂᑭ ᐅᒋ ‍ ᓂᓇᐸᐅᒧᓐ᙮ ᒥᒄ ᑕᓐ ᐊᔅᐱᔅ ᐃᔨᔨᒥᓯᔭᓐ ᐊᐅᑯᓐ ᐊᓐ ᒐ ‍ ᐊᔨᒧᑎᒪᓐ᙮
\v 6 ᐊᑎ ᓂᓇᐸᐅᒧᔭᓐ ᓇᒪ ᓂᐸ ᐅᒋ ᒋᔎ ‍ ᐃᔨᒥᓐ ᐛᔅ ᓂᐸ ‍ ᑕᑈᓐ᙮ ᐊᓄᒡ ᒪᒃ ᓂᑭ ‍ ᓂᑲᐎᓐ ᒐᒋ ᓂᓇᐸᐅᒧᔭᓐ᙮ ᓇᒪ ᓂᑐᐛᔨᑕᓐ ᐃᐛᒃ ᒐᒋ ᐃᑕᔨᒥᑦ ᐊᐛᓐ ᐊᔅᐱᔅ ᓂᔅᑐᓇᐧᒃ ᓂᐱᒪᑎᓯᐅᓂᒡ ᒪᒃ ᐊ ᐃᓯ ‍ ᐸᑐᐅᑦ ᐊ ᐃᓯ ‍ ᐃᔨᒧᐅᒡ᙮
\s1 ᑲ ‍ ᑎᑭᓄᔨᒋ ᒐᒂᔪᐤ ᑈᓪ ᐎᔭᒡ ᐊ ‍ ᐅᔅᑐᔅᑲᑯᑦ
\p
\v 7 ᓇᔅᒡ ᑕᑈ ᒋ ‍ ᒥᔅᑲᑕᔨᑕᑯᓂᔪᐤ ᑕᓐ ᑲ ᐃᓯ ‍ ᐛᐸᑎᔨᑦ ᐅᑎᐸᔨᒋᒐᐤ᙮ ᐊᑲ ᒪᒃ ᒐᒋ ᒋᔅᑕᔨᒧᔭᓐ ᑕᓐ ᑲ ᐃᓯ ‍ ᒪᒥᔅᑲᒡ ᐛᐸᑎᔨᑦ ᐅᑎᐸᔨᒋᒐᐤ ᓂᒋ ᐸᒋ ‍ ᒥᔨᒄ ᒐᒂᔪᐤ ᐊ ‍ ᐅᔅᑐᔅᑲᑯᐅᒡ ᓂᔭᒡ ᒧᔭᒻ ᑲ ‍ ᑲᐛᒡ ᓂᐱᓯᔭᑎᒄ ᐊ ᐃᓯ ‍ ᑲᐅᔅᑲᑯᑦ ᐊᐛᓐ ᐎᔭᒡ᙮ ᒥᒋᒥᓂᑐᐤ ᒋ ‍ ᐱᔅᑎᓇᑭᓄᐤ ᒐᒋ ᐸᒋ ‍ ᒥᑯᔅᑲᑎᔅᑯᐅᑦ ᐊᑲ ᒥᔅᑎ ᒐᒋ ᐃᑕᔨᒥᓱᔭᓐ᙮
\v 8 ᓂᔍᐤ ᒪᒃ ᓂᒋ ‍ ᓂᑐᑎᒧᐛᐤ ᐅᑎᐸᔨᒋᒐᐤ ᒐᒋ ᐃᒐᓇᐧᒃ ᐅᔭ ᒐᒂᔪᐤ᙮
\v 9 ᐊᑯ ᒂ ᐸᒋ ‍ ᐃᓯᑦ, “ᓂᒋᓴᐛᑎᓯᐅᓐ ᒥᒄ ᒋ ‍ ᓂᑐᐛᔨᑕᓐ ᐛᔅ ᐊᓐᑕ ᒪᒂᒡ ᐊᑲ ᓴᐱᓯᔨᓐ ᐊᑯᑕ ᒪᐅᒡ ᐊ ‍ ᓱᒐᔨᑕᒂᒡ ᓂᓱᐧᑲᑎᓯᐅᓐ᙮” ᐊᐅᒄ ᐅᔭ ᑲ ‍ ᐃᓯᑦ᙮ ᐊᑯ ᒪᒃ ᒧᔅ ᐸᒋ ‍ ᒥᔨᒐ ᙭ ᐅᔭ ᓱᐧᑲᑎᓯᐅᓂᔪᐤ, ᑭᑈ ᒐ ‍ ᒥᔽᔨᑎᒪᓐ ᐊ ‍ ᐎᑎᒪᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ᙮
\v 10 ᐊᐅᑯᓐ ᑭᔭ ᐛᒋ ‍ ᐃᔭᐱᒡ ᓯᒋᔭᓯᔭᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ ᐅᑕ ᓂᔭᒡ ᐊ ‍ ᓇᓴᐅᒄ ᙭, ᑭᔭ ᑕᓐ ᐊ ᐃᓯ ‍ ᒪᔭᔨᒥᑯᐅᔭᓐ, ᑕᓐ ᐊᔅᐱᔅ ᐊᔨᒥᐅᔭᓐ ᒪᓐ, ᑕᓐ ᐊᔅᐱᔅ ᓂᓇᐧᑲᒋᐃᑯᐅᔭᓐ, ᑭᔭ ᑕᓐ ᐊ ᐃᓯ ‍ ᓂᓇᐧᑲᑕᔨᒧᔭᓐ᙮ ᐃᔭᐱᒡ ᓂ ‍ ᓯᒋᔭᓯᓐ ᐅ ᐊ ᐃᓯ ‍ ᐊᔨᒥᐅᔭᓐ ᐛᔅ ᐊᑯᑕ ᐛᒋ ‍ ᒋᔅᒐᔨᑎᒧᒡ ᙭ ᐅᓱᐧᑲᑎᓯᐅᓐ᙮ ᐊᓐᑕ ᐊᑲ ᓴᐱᓯᔭᓐ ᐊᑯᑕ ᐛᒋ ‍ ᓱᒐᔨᑕᑯᓯᔭᓐ᙮
\s1 ᑕᓐ ᑲ ᐃᓯ ‍ ᓴᒋᐊᑦ ᑈᓪ ᐊᓂᔭᔪᐛ ᐃᔪᐛ ᑯᕆᓐᑦ ᑲ ‍ ᑕᔨᒋ
\p
\v 11 ᓇᒪ ᓂ ‍ ᒥᔽᔨᑕᓐ ᐊ ‍ ᓂᓇᐸᐅᒧᔭᓐ ᐊ ‍ ᐃᑎᑕᑯᓯᔭᓐ ᐛᔅ ᒧᔭᒻ ᐊ ᒋᔎ ‍ ᐃᔨᒥᔭᓐ ᐊᑯᓐ ᐊ ‍ ᐃᑕᔨᑎᒪᓐ᙮ ᒋᔨᐛᐤ ᑲ ‍ ᐃᑐᑐᐅᔭᒄ ᐅ ᐛᒋ ᐃᓯ ‍ ᐃᔨᒥᔭᓐ᙮ ᒋᔨᐛᐤ ᐛᔅ ᒋᐸ ᒥᔪ ‍ ᐊᔨᒧᒥᓇᐛᐤ᙮ ᐛᔅ ᑕᐸ ᓄᑕᔭᔅ ᓂᑦ ᐃᑕᔨᑕᑯᓯᓐ ᑕᓐ ᐊ ‍ ᐃᑕᔨᑕᑯᓯᒡ ᐊᓐᒡ ᐊᑈᔅᑕᓇᒡ ᑲ ‍ ᐃᓯᓂᐧᑲᑕᑯᒡ ᐊᑎ ᒪᒃ ᐊᑲ ᓇᔅᒡ ᒐᒂᓐ ᐃᓯᓇᑯᓯᔭᓐ᙮
\v 12 ᔅᒋ ‍ ᐛᐸᑕᓇᐛᐤ ᑕᓐ ᐊ ‍ ᐃᑕᔨᑕᑯᓯᑦ ᒋᒋᐛ ᐊᑈᔅᑕᓐ ᑲ ‍ ᐛᐱᒥᔭᒄ ᒪᒥᔅᑲᒡ ᐛᐸᑎᔨᐛᐅᓇ ᐊ ‍ ᐛᐸᑎᔨᐛᔭᓐ ᑭᔭ ᐊ ‍ ᐃᑐᑎᒪᓐ ᐊ ‍ ᒪᒥᔅᑲᑕᔨᑕᒂᒋ ᒐᒂᔪᐛ ᑭᔭ ᐊᒋ ‍ ᓯᐱᔪᐛᓯᔭᓐ ᐊᓐᑕ ᐊ ‍ ᑕᔭᒄ ᑲ ‍ ᑕᔭᓐ᙮
\v 13 ᑕᓐ ᑲ ᐃᓯ ᐊᑲ ‍ ᒧᔭᒻ ᐃᑐᑕᑎᑯᒡ ᒋᔨᐛᐤ ᑕᓐ ᐊ ‍ ᐃᑐᑐᐅᒂᐤ ᑯᑎᑭᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ᙮ ᐊᓐ ᐊ ᐊᑲ ᐅᒋ ᐊᔨᒧᑎᒪᑎᑯᒡ ᒐᒋ ᐛᐎᒋᐃᔭᒄ᙮ ᐛᐸᔨᑎᒧᒄ ᑲ ‍ ᐅᓂᑐᑕᑎᑯᒐ ᐊᑲ ᐅᒋ ᓂᑐᑎᒪᑎᑯᒡ ᒐᒋ ᐛᐎᒋᐃᔭᒄ᙮
\p
\v 14 ᓂᑦ ᐊᔭᔅᑯᐎᔨᓐ ᒥᓐ ᒐᒋ ᒧᐱᔅᑕᑎᑯᒡ᙮ ᐊᐅᒄ ᐅ ᓂᔍᐤ ᒐ ‍ ᒧᐱᔅᑕᑎᑯᒡ᙮ ᓇᒪ ᒪᒃ ᐎ ᓱᓇᔭᐤ ᒋ ᐎ ‍ ᐊᔨᒧᑎᒪᑎᓇᐛᐤ᙮ ᒋᔨᐛᐤ ᐊᐅᒄ ᐅᔅᑕ ᐊ ‍ ᐃᑕᔨᒥᑎᑯᒡ᙮ ᑕᐸ ᐎᔨᐛᐤ ᐊᐛᓯᒡ ᒋᐸ ᐅᒋ ‍ ᒪᐅᒋᑎᒧᐛᐅᒡ ᒐᒂᔪᐤ ᐅᓂᒋᐃᑯᐛᐛ᙮ ᐅᓂᒋᐃᑯᒪᐅᒡ ᒋᐸ ‍ ᒪᐅᒋᑎᒧᐛᐅᒡ ᐅᑦ ᐊᐛᓯᒧᐛᐛ ᒐᒂᔪᐤ᙮
\v 15 ᒥᒄ ᒪᒃ ᐊ ‍ ᐃᑎᔭᓐ ᒋ ᐎ ‍ ᐎᒋᐃᑎᓇᐛᐤ᙮ ᑭᔭ ᓇᔅᒡ ᓂᑭ ‍ ᐃᑕᔨᒥᓱᓐ ᒐᒋ ᐎᒋᐃᑎᑯᒡ᙮ ᓇᒪᐎᔾ ᐊ ᒋᑭ ᐅᒋ ‍ ᐃᔅᐱᔅ ᓴᒋᐃᓇᐛᐤ ᐊᑐᐎᔅ ᓴᒋᐃᑎᑯᒐ ?
\p
\v 16 ᐊᐅᑯᓐ ᒪᒃ ᐊ ‍ ᐃᓯᓇᒂᒡ᙮ ᑕᐸ ᒋ ᐅᒋ ‍ ᓂᑐᑎᒪᑎᓇᐛᐤ ᓱᓇᔭᐤ ᒐᒋ ᐛᐎᒋᐃᔭᒄ ᑕᓐ ᐊ ᐃᓯ ‍ ᓂᑐᐛᔨᑎᒪᓐ ᒐᒂᓐ᙮ ᐱᔅᒐ ᒪᒃ ᐊᐛᓐᒋ ᐃᔅᒋᔄᐅᒡ ᐊᑲ ᑯᐃᔅᒄ ᐅᒋ ᐃᔨᒥᐃᑎᑯᒡ᙮ ᐃᔅᒋᔄᐅᒡ ᐊᒋ ‍ ᐎᔭᓯᒥᑎᑯᒡ᙮
\v 17 ᓱᓇᔭᐤ ᐊ ᒪᒃ ᓂᒋ ‍ ᐅᑎᓇᓐ ᐊᓐᑕ ᐊ ‍ ᑕᔭᒄ ᓂᐎᒐᐛᑭᓂᒡ ᑲ ‍ ᐃᑎᓴᐊᒪᑎᑯᒡ ? ᓇᒪ ᓇᔅᒡ᙮
\v 18 ᑕᐃᑕᔅ ᓂᒋ ‍ ᓯᒋᒪᐤ ᒐᒋ ᒧᐱᔅᑕᑕᒄ᙮ ᒥᓐ ᑯᑎᑲ ᒋᐧᑲᓂᓯᓄᐛ ᓂᒋ ‍ ᐃᑎᓴᐛᔪᐛ ᒐᒋ ᐎᒐᐅᑯᑦ᙮ ᓱᓇᔭᔪᐤ ᐊ ᒪᒃ ᒋ ‍ ᐅᑎᓯᐤ ᑕᐃᑕᔅ ᒋᔨᐛᐤ ᐊ ‍ ᑕᐛᒄ ᐅᒋ ᐊᓂᔭ ᑲ ‍ ᒧᐱᔅᑕᑕᒄ ? ᐸᐃᒄ ᒪᔅᑭᓄᐤ ᓂᐱᒧᑕᓇᓐ ᑭᔭ ᐸᐃᑯᓄᒡ ᓂᑦ ᐃᓯ ‍ ᒪᒥᑐᓇᔨᑕᓇᓐ᙮ ᓇᒪᐎᔾ ᐊ ᐊᑯᓐ ᐊ ‍ ᐃᑕᔨᒥᔭᒡ ?
\p
\v 19 ᑭᔭ ᐊ ‍ ᐃᑕᔨᒧᐛᐛᒐ ᐅ ᑲ ‍ ᒥᓯᓇᐃᒐᔭᒡ ᒧᔭᒻ ᑲ ᐎ ‍ ᓇᑕᒪᓱᒡ ᐊᐛᓐᒋ ? ᓇᒪ᙮ ᒥᒄ ᐊ ᐃᓯ ‍ ᓂᑐᐛᔨᒥᔨᒥᑦ ᙭ ᒐᒋ ᐃᓯ ‍ ᐃᔨᒧᐅᒋᒡ ᒋᓴᒪᓂᑐᐛ ᐃᔅ ᐊ ‍ ᑕᔨᒋ ᐊᑯᓐ ᐊ ᐃᓯ ‍ ᐃᔨᒥᔭᒡ᙮ ᑕᓐ ᒥᒄ ᐊ ‍ ᐃᑐᐛᐛᒐ ᒥᒄ ᐛᔅ ᐊᓐ ᒋ ᐎ ‍ ᐎᒋᐃᑎᓇᓐ᙮
\v 20 ᓂᑯᔅᐱᓇᔨᑕᓐ ᐅᑎᑎᑎᑯᒐ ᐃᔭᒡ ᒐ ‍ ᐃᑕᔨᑕᑯᓯᔭᒄ ᑕᓐ ᑲ ᐃᓯ ‍ ᐱᑯᓴᔨᒧᔭᓐ ᒐ ‍ ᐃᑕᔨᑕᑯᓯᔭᒄ᙮ ᒂᔄᓐ ᑭᔭ ᒋᔨᐛᐤ ᐃᔭᒡ ᒋᑭ ‍ ᐃᑕᔨᒥᓇᐛᐤ ᑕᓐ ᑲ ᐃᓯ ‍ ᐱᑯᓴᔨᒧᔭᒄ ᒐ ‍ ᐃᑕᔨᑕᑯᓯᔭᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ‍ ᑎᓯᔭᒄ ᒐᒋ ᐊᔅᑕᒥᑐᔭᒄ ᒐᒋ ᐅᑕᔨᒥᑐᔭᒄ ᒋᔄᓱᐅᓐ ᒐᒋ ᑎᒂᒡ ᒪᒃ ᒥᒋᐱᔨᑐᐅᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ‍ ᑎᓯᔭᒄ ᒐᒋ ᐱᐳᑯᓄᒧᐛᔭᒄ ᒐᒋ ᒪᒪᔭᔨᒪᑯᒡ ᑯᑎᑭᒡ ᐊᐛᓐᒋ ᒪᒃ ᒋᒋᐛ ᒐᒋ ᐃᑕᔨᒥᓱᔭᒄ ᑭᔭ ᒐᒋ ᒥᒥᑯᔅᑲᒋᐊᑯᒡ ᑯᑎᑭᒡ ᐊᐛᓐᒋ᙮
\v 21 ᓂᑯᔅᐱᓇᔨᑕᓐ ᒥᓐ ᒧᐱᔅᑕᑎᑯᒐ ᒋᓴᒪᓂᑐᐤ ᒐ ‍ ᐃᑐᑕᐧᒃ ᒐᒋ ᓴᒂᔨᒥᑎᑯᒡ ᐛᐱᒥᑎᑯᒐ᙮ ᓇᔅᒡ ᑕᑈ ᓂᑭ ‍ ᒥᓯᒪᔨᑎᒥᐃᑯᒡ ᐊᓐᒡ ᑲ ‍ ᒥᒋᑐᑕᒡ ᐊᓐᑕ ᐅᑕᒡ ᐊᑲ ᒪᒃ ᐅᒋ ᒥᑕᒋᔨᐛᔨᑕᒡ ᑭᔭ ᐊᑲ ᐅᒋ ᓂᑭᑕᒡ ᑕᓐ ᑲ ᐃᓯ ‍ ᒥᒋᑐᑕᒡ, ᐊᓐᒡ ᐊᑲ ᐅᑎᔅᑯᐤ ᒋᓴᒪᓂᑐᐛ ᐊ ‍ ᑕᔨᒋ ᑲ ‍ ᒥᑕᒋᔨᐛᔨᑕᒡ ᑕᓐ ᑲ ‍ ᐃᔅᐱᔅ ᐊᑲ ᐅᒋ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ‍ ᐃᔅᐱᔅ ᒋ ‍ ᐎᓂᓱᐤ ‍ ᐱᒪᑎᓯᒡ ᑭᔭ ᑲ ‍ ᐃᔅᐱᔅ ᒋ ‍ ᐃᑐᑕᒡ ᐎᓂᓱᐅᓂᔪᐤ᙮
\c 13
\s1 ᑕᓐ ᑲ ᐃᓯ ‍ ᐃᔭᒂᒧᐛᑦ ᑈᓪ ᑭᔭ ᑲ ᐃᓯ ‍ ᐛᒋᔭᒪᑦ ᐊᓂᔭᔪᐛ ᑲ ‍ ᒥᓯᓇᐊᒧᐛᑦ
\p
\v 1 ᐊᐅᒄ ᓂᔍᐤ ᒐ ‍ ᒧᐱᔅᑕᑎᑯᒡ᙮ ᒐ ᐎ ‍ ᒋᔅᒋᓯᔭᒄ ᐛᔅ ᒧᔭᒻ ᐊᑕᒂ ᐊᐛᓐ ᐊ ‍ ᑎᑯᓂᔨᒡ ᑕᓐ ᐛ ᐃᓯ ‍ ᒪᒥᓯᒪᑦ ᐊᐛᔪᐛ ᒐᒂᔪᐤ ᔭᐃᑕᔾ ᓂᓱ ᒪᒃ ᓂᔅᑐ ᐊᐛᓐᒋ ᐊᒋ ‍ ᑕᒡ ᐊᓐᑕ ᐊᓂᔭ ᐛᒋᐱᔨᒡ ᐊ ‍ ᒪᒥᓯᒧᐛᓄᐎᒡ ᒋᑭ ‍ ᑕᐅᒡ ᒐᒋ ᑎᐸᒋᒧᒡ᙮
\v 2 ᒪᔅᑕᔾ ᑲ ‍ ᑎᑯᓯᓄᒡ ᓴᔅ ᓂᒋ ‍ ᐃᔭᒂᒥᒪᐅᒡ ᐊᓐᒡ ᑲ ‍ ᒥᒋᑐᑕᒡ᙮ ᒥᓐ ᒪᒃ ᐊᓄᒡ ᓂᑦ ᐃᔭᒂᒥᒪᐅᒡ᙮ ᑭᔭ ᐊᓐᒡ ᑯᑎᑭᒡ ᓂᑦ ᐃᔭᒂᒥᒪᐅᒡ᙮ ᐅ ᐊᓄᒡ ᒐ ‍ ᑎᑯᓯᓂᔭᓐ ᒋᒋᐛ ᓂᑦ ᐃᔅᒋᔄᓐ ᓇᒪ ᓂᑭ ᐅᒋ ‍ ᒥᓇᒋᒪᐅᒡ ᐅᒡ ᑲ ‍ ᒥᒋᑐᑕᒡ᙮
\v 3 ᒋᑦ ᐃᔅᒋᔄᓇᐛᐤ ᐊ ᐎ ‍ ᐛᐸᑎᒪᒄ ᑕᑈ ᙭ ᐊ ‍ ᐃᔨᒥᔅᑎᒧᒃ᙮ ᓇᒪ ᐊᑲ ᓴᐱᓯᔪᐤ ᙭ ᐃᔅᐱ ᐸᒥᐧᑲᐧᒃ ᒋᐱᒪᑎᓯᐅᓄᐛᐛ᙮ ᒋ ‍ ᐛᐸᑎᒺᓇᐛᐤ ᐅᓱᐧᑲᑎᓯᐅᓐ ᒪᒂᒡ ᒐᒂᔪᐤ ᐊ ‍ ᐃᑐᑕᐧᒃ ᐊᓐᑕ ᐊ ‍ ᑕᐛᒄ᙮
\v 4 ᐊᑎ ᐊᑲ ᐅᒋ ᓴᐱᓯᑦ ᑲ ‍ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒋᓴᒪᓂᑐᐛ ᐅᓱᐧᑲᑎᓯᐅᓂᒡ ᐅᒡ ᐱᒪᑎᓯᐤ ᐊᓄᒡ᙮ ᐊᐅᑯᓐ ᒪᒃ ᐊ ‍ ᐃᓯᓇᑯᓯᔭᒡ ᑭᔭ ᓂᔭᓐ ᐊ ‍ ᐎᒐᐎᒋᒡ ᙭, ᓇᒪ ᓂᓴᐱᓯᓇᓐ᙮ ᒥᒄ ᒪᒃ ᙭ ᓂᑭ ‍ ᐱᒪᑎᓯᔅᑐᐛᓇᓐ ᒋᓴᒪᓂᑐᐤ ᐅᓱᐧᑲᑎᓯᐅᓂᒡ ᐅᒡ ᒋᔨᐛᐤ ᒐᒋ ᐊᑐᔅᑲᑕᒡ᙮
\p
\v 5 ᐃᔭᒂ ᓂᑐ ‍ ᒋᔅᒐᔨᒥᓱᒄ᙮ ᓂᑐ ‍ ᒋᔅᒐᔨᒥᓱᒄ ᐊᔅᒄ ᑕᑈ ᑎᔭᑈᑎᒧᐛᒂ᙮ ᒋ ‍ ᓂᔅᑐᑕᓇᐛᐤ ᐊ ᒋᓴᔅ ᙭ ᐊ ‍ ᐱᒋᔅᑲᑎᑕᒄ ? ᐊᑲ ᑎᔭᑈᑎᒧᐛᒂ ᓇᒪᐎᔾ ᑭᑈ ᑕᑈ ᒋᐱᒋᔅᑲᑯᐛᐤ᙮
\v 6 ᓂ ‍ ᒐᔅᑎᓇᐅᓐ ᐃᔅᐱ ᐸᑎᒪᒂ ᐊ ᓂᑐ ‍ ᒋᔅᒐᔨᒥᓱᔭᒡ ᒐ ‍ ᒋᔅᒐᔨᑎᒪᒄ ᑕᑈ ᐊ ‍ ᑕᑈᑎᒪᒡ᙮
\v 7 ᓂ ‍ ᓂᑐᑎᒧᐛᓇᓐ ᒋᓴᒪᓂᑐᐤ ᑯᐃᔅᒄ ᒐᒋ ᐃᓯ ‍ ᐱᒪᑎᓯᔭᒄ᙮ ᓇᒪᐎᔾ ᐎ ᓇᐸᑦ ᒥᒄ ᒐᒋ ᓄᑯᑕᔭᒡ ᑕᑈ ᑯᐃᔅᒄ ᐊ ‍ ᑎᔭᒡ᙮ ᒋ ‍ ᓂᑐᐛᔨᒥᑎᓇᓐ ᑯᐃᔅᒄ ᒐᒋ ᐃᓯ ‍ ᐱᒪᑎᓯᔭᒄ ᐊᑎ ᐊ ‍ ᐃᑕᔨᒥᑯᐛᒐ ᐊᒋ ‍ ᐅᓂᐱᔭᒡ᙮
\v 8 ᓇᒪ ᒋᑭ ᒋ ‍ ᐃᑐᑕᓇᓄᐤ ᒐᒋ ᓂᔅᑯᔅᑎᒪᐧᒄ ᑕᑈᐅᓐ, ᒥᒄ ᒋᑭ ‍ ᓂᓇᐃᑕᓇᓄᐤ᙮
\v 9 ᓂ ‍ ᒥᔽᔨᑕᓇᓐ ᐊᓐᑕ ᒪᒂᒡ ᐊᑲ ᓯᔭᐱᓯᔭᒡ ᓂᔭᓐ ᐊᑯᑕ ᒋᔨᐛᐤ ᓱᒋᑲᐳᔭᒄ ᐅᑎᐸᔨᒋᒐᐤ ᐊ ‍ ᑕᑦ᙮ ᓂ ‍ ᓂᑐᑎᒧᐛᓇᓐ ᒋᓴᒪᓂᑐᐤ ᒐᒋ ᓂᑕᐅᒋᔭᒄ ᐎᔾ ᐃᔅ ᐊ ‍ ᑕᑦ᙮
\v 10 ᐅ ᒋᑦ ᐃᑎᓯᓇᐊᒪᑎᓇᐛᐤ ᐊᔅᒄ ᒪᒂᒡ ᐅᑕ ᐊ ‍ ᑕᔭᓐ ᑭᔭ ᐃᔅᐱ ᒥᓐ ᐛᐱᒥᑎᑯᒐ ᓇᒪ ᒋᑭ ᐅᒋ ‍ ᑎᑯᓐ ᒐᒂᓐ ᒐ ᐅᒋ ᒥᔅᑎ ‍ ᐊᓏᔨᒥᑎᑯᒡ ᒐᒋ ᓄᑯᑕᔭᓐ ᑕᓐ ᑲ ᐃᓯ ‍ ᒥᔨᑯᔭᓐ ᑎᐸᔨᒋᒐᐅᓐ᙮ ᐅᑎᐸᔨᒋᒐᐤ ᓂᒋ ‍ ᒥᔨᒄ ᐅᔭ ᑎᐸᔨᒋᒐᐅᓂᔪᐤ ᒐᒋ ᐎᒋᐃᑎᑯᒡ ᓇᒪ ᐎ ᒐᒋ ᓂᑕᐅᑎᑯᒡ᙮
\s1 ᒪᔅᑕᔾ ᑲ ᐃᓯ ‍ ᒥᓯᓇᐃᒐᑦ ᑈᓪ
\s2 2 Corinthians 13.11-13 (Trinity Year A)
\p
\v 11 ᐊᑯ ᒪᒃ ᓂᐧᑲᓂᓯᑐᒄ, ᐛᒋᔭ ᒋᑦ ᐃᑎᓇᐛᐤ᙮ ᓱᒃ ᑯᒋᑕᒄ ᐊᓐ ᒐᒋ ᐃᑕᔨᑕᑯᓯᔭᒄ ᐊ ᐃᓯ ‍ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑕᔨᑕᑯᓱᐛᒄ᙮ ᐃᔭᒂᐤ ᓂᑐᑎᒧᒄ ᑕᓐ ᐊ ᐃᓯ ‍ ᓯᒋᒥᑎᑯᒡ᙮ ᓱᒃ ᐸᐃᑯᓄᒡ ᐎ ᐃᓯ ‍ ᐱᒪᑎᓯᒄ᙮ ᓱᒃ ᒥᔪ ‍ ᐎᒐᐅᑐᒄ᙮ ᒋᓴᒪᓂᑐᐤ ᐊᓐ ᑲ ‍ ᓴᒋᐃᐛᑦ ᑭᔭ ᑲ ‍ ᐊᔭᑦ ᒋᔭᒪᔨᑎᒧᐅᓂᔪᐤ ᒋᑭ ‍ ᐎᒐᐅᑯᐛᐤ᙮
\p
\v 12 ᒋᔨᐛᐤ ᑲ ‍ ᐎᐧᑲᓂᓯᑕᑐᔭᒄ ᐅᒐᒥᑐᒄ ᐊ ‍ ᐛᒋᔭᒥᑐᔭᒄ᙮
\v 13 ᒥᓯᐛ ᐅᒡ ᑲ ‍ ᑕᑈᑕᒡ ᐅᑕ ᑲ ‍ ᑕᒡ ᒋ ‍ ᐛᒋᔭᒥᑯᐛᐅᒡ᙮
\p
\v 14 ᐅᒥᔪᐧᑲᒐᐅᓐ ᒋᑎᐸᔨᒋᒐᓯᒥᓄᐤ ᒋᓴᔅ ᙭, ᑭᔭ ᐅᓴᒋᐃᐛᐅᓐ ᒋᓴᒪᓂᑐᐤ, ᑭᔭ ᐅᐎᒋᐃᐛᐅᓐ ᑲ ‍ ᐸᔭᒋᓯᑦ ᐊᒐᐧᒄ, ᒧᔅ ᑲᒋᒡ ᒋᑭ ‍ ᑎᑯᓂᔪᐤ ᒥᓯᐛ ᐊ ‍ ᑕᐛᒄ᙮ ᐊᒥᓐ᙮
\id GAL Adapted from ECree-S to Naskapi, 6 May 2003; Typeset export from CBS 8 May 2007
\h ᑲᓚᓯᔭᓇ
\toc3 ᑲᓚᓯᔭᓇ
\toc2 ᑲᓚᓯᔭᓇ
\toc1 ᑲᓚᓯᔭᓇ ᑈᓪ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᑲᓚᓯᔭᒡ ᑲ ‍ ᑕᔨᒋ
\mt1 ᑲᓚᓯᔭᓇ
\mt2 ᑈᓪ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᑲᓚᓯᔭᒡ ᑲ ‍ ᑕᔨᒋ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐊᔪᐅᒄ ᐅᔭ ᑲ ‍ ᐃᑎᓯᓇᐊᒧᐛᑦ ᑈᓪ ᐊᓂᔭᔪᐛ ᐅᒪᒧᐊᔭᒥᐊᐛ ᐊᓐᑕ ᐊᓂᔭᔪᐛ ᐅᑕᓇᐛ ᑲᓚᓯᔭ ᐊᔅᒋᒡ ᐊ ‍ ᑕᔨᒋ᙮ ᕈᒻ ᒋ ‍ ᐃᑎᔅᑲᓇᓱᐅᒡ ᐅᒡ᙮ ᐅᒡ ᒪᒃ ᒪᒧᐤ ᑲ ‍ ᐊᔭᒥᐊᐛᑎᓯᒡ ᒋ ‍ ᐛᐛᓇᔨᑎᒥᐃᑯᐅᒡ ᑕᓐ ᑲ ᐃᓯ ‍ ᒋᔅᑯᑎᒪᑯᒡ ᐊᓂᔭ ᓂᑐᐎᔾ ᑲ ᐃᓯ ‍ ᒋᔅᑯᑎᒪᒐᔨᒋ᙮ ᐅᒡ ᓇᐸᐅᒡ ᒋ ᐃᓯ ‍ ᒋᔅᑯᑎᒧᐛᐅᒡ ᐊᓂᔭ ᑲ ‍ ᑕᑈᔭᔨᑎᒥᔨᒋ ᐊᑲ ᐊᔅᒄ ᒋᒋᐛ ᐱᒪᒋᐅᔨᒋ ᐸᑐᔅ ᒥᓯᐛ ᐊᓂᔭ ᒍᐤ ᐎᓱᐛᐅᓇ ᓂᓇᐊᔨᑎᒥᔨᒐᓂ, ᒧᔭᒻ ᐊᓂᔭ ᑲᒋ ‍ ᒋᔅᒋᓄᐛᒋᔄᑭᓄᔨᒋ ᐊᐛᔪᐛ, ᑭᔭ ᒐᒋ ᓂᓇᑭᑐᐛᔨᑕᒡ ᒐᒄ ᒥᒋᒥᔪᐤ ᒋᐸ ‍ ᒥᒍᐅᒡ ᑭᔭ ᐊ ‍ ᓂᓇᑭᑐᐛᔨᑕᒡ ᐊᓂᔭ ᐊ ‍ ᒋᓯᑲᔨᒡ ᒍᐤ ᐃᔪᐛ ᑲᒋ ‍ ᒥᑯᓴᔨᒋ᙮ ᒋ ‍ ᒥᓯᓇᐊᒧᐛᐤ ᑈᓪ ᐊᓂᔭ ᐃᔪᐛ ᐊ ‍ ᐎᑎᒧᐛᑦ ᒐ ᐊᑲ ᒋ ᐱᒪᒋᐅᔨᒋ ᐊᐛᔪᐛ ᒥᒄ ᐊᓂᔭ ᐊ ‍ ᓂᓇᐊᔨᑎᒥᔨᒋ ᐎᓱᐛᐅᓂᔪᐤ᙮ ᒋ ‍ ᐎᑎᒧᐛᐤ ᒥᒄ ᐊᓂᔭ ᐊ ‍ ᑕᑈᔭᔨᒪᒄ ᒋᓴᔅ ᙭ ᐊᑯᑕ ᐛᒋ ‍ ᐱᒪᒋᐅᔭᐧᒄ᙮ ᑭᔭ ᒋ ‍ ᒋᔅᑯᑎᒧᐛᐤ ᐊ ‍ ᐃᑕᑦ ᐊᓂᔭ ᐊᐛᔪᐛ ᙭ᑕ ᑲ ‍ ᑕᑈᔭᔨᒪᔨᒋ ᐊᒋ ‍ ᐊᐱᐧᑯᓇᑭᓄᔨᒋ ᓴᒋᐃᐛᐅ ᐎᓱᐛᐅᓂᒡ ᒐᒋ ᐃᓯ ‍ ᐱᒪᑎᓯᔨᒋ, ᓇᒪ ᐎ ᐊᓂᔭ ᑕᓐ ᐊ ‍ ᐃᑎᔅᑕᔨᒡ ᒧᓱᔅ ᐅᐎᓱᐛᐅᓂᒡ᙮
\c 1
\s1 ᑈᓪ ᐛᒋᔭᒪᐤ ᐊᓂᔭᔪᐛ ᑲ ‍ ᒥᓯᓇᐊᒧᐛᑦ
\p
\v 1 ᓂᔾ ᑈᓪ ᑲ ‍ ᒥᓯᓇᐊᒪᑎᑯᒡ᙮ ᐎᔾ ᒋᓴᔅ ᙭ ᐛᒋᒡ ᓂᒋ ‍ ᐅᑎᓂᒄ ᐊᑈᔅᑕᓐ ᒐᒋ ᐃᑕᐱᒋᐃᑦ᙮ ᑭᔭ ᒋᓴᒪᓂᑐᐤ ᒍᑕᐎᓄᐤ ᓂᒋ ‍ ᐅᑎᓂᒄ, ᐊᓐ ᑲ ‍ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ᙮ ᓇᒪᐎᔾ ᐎ ᓇᐸᐤ ᑲ ‍ ᐅᑎᓂᑦ ᑭᔭ ᓇᒪᐎᔾ ᓇᐸᐤ ᑲ ‍ ᒥᔨᑦ ᐅᔭ ᒐᒋ ᐃᑕᐱᑎᓱᐅᒡ᙮
\p
\v 2 ᒋᔨᐛᐤ ᐎᐧᑲᓂᓯᒪᐅᒡ ᑲᓚᓯᔭ ᑲ ‍ ᐃᓯᓂᐧᑲᑕᒡ ᐊᔅᒋᔾ ᐊ ‍ ᑕᔭᒄ ᒋ ‍ ᐛᒋᔭᒥᑎᓇᓐ᙮ ᓂᔾ ᑭᔭ ᒥᓯᐛ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐅᑕ ᐊ ‍ ᑕᒡ ᒋ ‍ ᐛᒋᔭᒥᑎᓇᓐ᙮
\p
\v 3 ᓂ ‍ ᐱᑯᓴᔨᒪᐤ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᒐᒋ ᒋᓴᐛᑐᑕᑕᑯᒡ ᑭᔭ ᒐᒋ ᒥᔨᑕᑯᒡ ᒋᔭᒪᔨᑎᒧᐅᓂᔪᐤ᙮
\v 4 ᒋᓴᔅ ᓇᔅᒡ ᒋ ‍ ᐱᔅᑕᔨᒥᓱᐤ ᒐᒋ ᓂᐸᐊᑭᓄᐅᑦ ᒐᒋ ᐎᐧᑯᒋᐃᑕᐧᒄ ᑕᓐ ᐊ ᐃᓯ ‍ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ ᐊᓄᒡ ᑕᓐ ᐊ ᐃᓯ ‍ ᑎᑯᓂᔨᒡ ᐅᑕ ᐊᔅᒋᒡ᙮ ᐊᔪᐅᒄ ᐅᔭ ᑲ ᐃᓯ ‍ ᓂᑐᐛᔨᑎᒥᔨᒋ ᒍᑕᐎᓄᐛ ᒋᓴᒪᓂᑐᐛ ᒐᒋ ᐃᑎᑦ᙮
\v 5 ᐃᑕᔨᑕᑯᓱᐤ ᒪᒃ ᒋᓴᒪᓂᑐᐤ ᑲᒋᒡ ᒐᒋ ᒪᒥᒋᒪᑭᓄᐅᑦ᙮ ᐊᒥᓐ᙮
\s1 ᐸᐃᑯᓐ ᒥᒄ ᒥᔽᒋᒧᐅᓐ
\p
\v 6 ᑕᑈ ᒋᒥᔅᑲᑕᔨᒥᑎᓇᐛᐤ ᑲ ᐃᔅᐱᔅ ‍ ᐎᐱᒡ ᒋ ᐊᑎ ‍ ᓂᑭᑕᒄ ᒋᓴᒪᓂᑐᐤ ᐊᓐ ᑲ ‍ ᑕᑈᑎᑕᒄ ᙭ ᐅᒋᓴᐛᑎᓯᐅᓂᔨᒡ ᐅᒡ᙮ ᑯᑎᒡ ᑎᐸᒋᒧᐅ ᒥᔽᒋᒧᐅᓐ ᐊ ‍ ᐃᓯᓂᐧᑲᑕᑭᓄᐅᒡ ᒋ ‍ ᓂᑐᑕᓇᐛᐤ ᐊᑯ᙮
\v 7 ᑕᐸ ᑎᑯᓐ ᑯᑎᒡ ᒥᔽᒋᒧᐅᓐ᙮ ᒥᒄ ᒪᒃ ᑕᐅᒡ ᐊᐛᓐᒋ ᐊᓐᑕ ᐊ ‍ ᑕᔭᒄ ᐊ ‍ ᒥᑯᔅᑲᑕᔨᑎᒥᐃᑕᑯᒡ, ᐊ ᐎ ‍ ᒂᔅᒋᓇᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ᙮
\v 8 ᐊᑯᔅ ᒋᓴᒪᓂᑐᐤ ᒋᑭ ‍ ᐛᐛᓯᐃᑯᐤ ᐊᓐ ᐊᐛᓐ ᐃᔭᒡ ᒐ ᐃᓯ ‍ ᒋᔅᑯᑎᒪᒐᒂ ᐊᓂᔭ ᒥᔽᒋᒧᐅᓂᔪᐤ ᑲ ‍ ᐛᐎᑎᒪᑕᒡ᙮ ᐛᐛᒡ ᓂᔭᓐ ᑭᔭ ᒪᒃ ᐊᓐᒋᓐ ᒋᒋᒋᓯᑯᒡ ᐊ ‍ ᐅᑐᑕᑦ ᐃᔭᒡ ᐃᓯ ᐛᐎᑎᒪᑕᒐ ᒥᔽᒋᒧᐅᓐ ᐊᑯᔅ ᓂᑭ ‍ ᐛᐛᓯᐃᑯᐅᓇᓐ᙮
\v 9 ᓴᔅ ᔅᒋ ‍ ᐎᑎᒪᑎᓇᐛᐤ ᐅ ᒐ ‍ ᐃᑎᑎᑯᒡ, ᒥᒄ ᒪᒃ ᒥᓐ ᒋᑭ ‍ ᐎᑎᒪᑎᓇᐛᐤ᙮ ᒧᔭᒻ ᑭᒐᔅᒋᒥᑕᒂ ᐊᐛᓐ ᑯᑎᒋᔪᐤ ᒥᔽᒋᒧᐅᓂᔪᐤ ᐃᔭᒡ ᐊ ‍ ᐃᑎᑕᑯᓂᔨᒡ ᑕᓐ ᐊ ‍ ᐃᑎᑕᑯᓂᔨᒡ ᐊᓂᔭ ᓴᔅ ᑲ ‍ ᑕᑈᑎᒪᒄ ᐊᑯᔅ ᒋᑭ ‍ ᐛᐛᓯᐊᑭᓄᐤ᙮
\p
\v 10 ᒥᒄ ᐎ ᐃᑐᑐᐛᐤ ᐊᐛᔪᐛ ᒐᒋ ᒪᒥᔽᒋᒥᑯᑦ ᒋᑦ ᐃᑕᔨᒥᓇᐛᐤ ᐊ ? ᓇᒪ, ᒋᓴᒪᓂᑐᐤ ᐊᐅᒄ ᐛ ᒋᔅᒐᔨᑎᒧᒡ ᑕᓐ ᐊ ᐃᓯ ‍ ᒥᔽᒋᒥᑦ᙮ ᒥᒄ ᐎ ᓇᐊᔨᑎᒥᐊᐤ ᐊᐛᔪᐛ ᒋᑦ ᐃᑕᔨᒥᓇᐛᐤ ᐊ ? ᐛᔅ ᒥᒄ ᐃᔪᒡ ᐎ ᓇᐊᔨᑎᒥᐃᒂᐤ ᓇᒪ ᓂᐸ ᐅᒋ ‍ ᐊᑐᔅᑯᐛᐤ ᙭᙮
\s1 ᑈᓪ ᑲ ‍ ᐅᑎᓇᑭᓄᐅᑦ ᒐᒋ ᐊᑐᔅᑯᐛᑦ ᒋᓴᓴ
\p
\v 11 ᓂᐧᑲᓂᓯᑐᒄ, ᒋ ‍ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐅ ᒥᔽᒋᒧᐅᓐ ᑲ ‍ ᐛᐎᑎᒪᓐ ᓇᒪ ᐎ ᓇᐸᐤ ᐊ ‍ ᑕᑦ ᐅᒋᒥᑭᓐ᙮
\v 12 ᓇᒪ ᐎ ᓇᐸᐤ ᐊ ‍ ᑕᑦ ᓂ ᐅᒋ ‍ ᐅᑎᓇᓐ᙮ ᓇᒪ ᑭᔭ ᓇᐸᐤ ᓂ ᐅᒋ ‍ ᒋᔅᑯᑎᒪᒄ᙮ ᐎᔾ ᒋᓴᔅ ᙭ ᐛᒋᒡ ᓂᒋ ‍ ᒋᔅᒐᔨᑎᒥᐃᒄ ᐅᔭ ᒥᔽᒋᒧᐅᓂᔪᐤ᙮
\p
\v 13 ᒐᔅᑎᓇᔅ ᔅᒋ ‍ ᐸᑕᓇᐛᒐ ᑕᓐ ᑲ ‍ ᐃᑕᑎᓯᔭᓐ ᐅᑕᒡ ᐊᔅᒄ ᒍᐤ ᐃᔪᒡ ᐊ ᐃᓯ ‍ ᐊᔭᒥᐊᒡ ᐊᒋ ᐃᓯ ‍ ᓇᓴᐊᒪᓐ᙮ ᐊᔪᐛᒃ ᓂᒋ ‍ ᓂᓇᐧᑲᑕᔨᒧᐃᒪᐛ ᒋᓴᒪᓂᑐᐤ ᐅᑦ ᐃᔨᒪ ᒋᓴᓴ ᑲ ‍ ᑕᑈᔭᔨᒪᔨᒋ᙮ ᒥᒄ ᐊ ᐎ ‍ ᐃᑐᐅᒡ ᓂᒋ ‍ ᐃᑐᐛᓐ ᐊ ᐎ ‍ ᓂᓱᐅᓇᒋᐃᒥᒋ᙮
\v 14 ᐅᔅᑕ ᓂᔾ ᒥᒄ ᓂᒋ ‍ ᐃᑎᓐ ᒐᒋ ᒥᔪᑐᑎᒪᓐ ᑕᓐ ᑲ ‍ ᐃᑎᓱᒥᑯᔭᒡ ᒍᐤ ᐃᔪᒡ ᐅᑦ ᐊᔭᒥᐊᐅᓄᐛᐤ ᐃᔅᐱ ᒥᒐᑦ ᓂᒡ ᒍᐤ ᐃᔪᒡ ᐊ ᐎᒋ ‍ ᐃᔅᐱᑕᑎᓯᒥᒂᐤ᙮ ᒥᒄ ᐊᔅᐱᔅ ᒋ ‍ ᐃᑐᑎᒪᓐ ᓂᒋ ᐎ ‍ ᓂᓇᐃᑎᒺᓐ ᐅᒋᔅᑯᑎᒪᒐᐅᓄᐛᐤ ᐊᓂᔭᐧᑲ ᒋᑦ ᐊᓂᔅᑯᑕᐸᓄᐎᒡ᙮
\v 15 ᐃᔭᐱᒡ ᒪᒃ ᓂᒋ ‍ ᐅᑎᓄᑯᑕᑯᐱᓐ ᒋᓴᒪᓂᑐᐤ ᐊᔅᒄ ᐊᑲ ᐅᒋ ᐱᒪᑎᓯᐅᒡ᙮ ᓇᔅᒡ ᑕᑈ ᓂᒋ ‍ ᒋᓴᐛᑐᑕᒄ ᑲ ‍ ᐅᑎᓂᑦ ᒐᒋ ᐊᑐᔅᑯᐅᒄ᙮ ᐃᔅᐱ ᒪᒃ ᐛᑎᒋᐱᔨᒡ ᐊᓐᑕ ᑲ ‍ ᐃᑕᔨᑕᐧᒃ ᒐ ‍ ᒋᔅᒐᔨᒥᒋ ᐅᑯᓴ
\v 16 ᐊᑯᑕ ᑲ ‍ ᐃᑐᑐᐅᑦ ᒐᒋ ᒋᔅᒐᔨᒥᒡ, ᐊᓐᑕ ᒐᒋ ᐅᒋ ‍ ᐊᑎ ‍ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ᙮ ᒪᒂᒡ ᒪᒃ ᐊᓐ ᑲ ‍ ᐃᔅᐱᔨᒡ ᓇᒪ ᐊᐛᓐ ᓂ ᐅᒋ ‍ ᑯᒂᒋᒪᐤ ᑕᓐ ᒐ ‍ ᐃᑐᐅᒡ᙮
\v 17 ᓇᒪ ᑭᔭ ᓂ ᐅᒋ ‍ ᐃᑐᑕᓐ ᒋᕈᓯᓕᒥᒡ ᒐᒋ ᓂᑐᐛᐱᒥᒂᐤ ᐊᓐᒡ ᑯᑎᑭᒡ ᐊᑈᔅᑕᓇᒡ, ᐊᓐᒡ ᓴᔅ ᑲ ‍ ᐎᔭᔨᒥᑯᒡ ᒋᓴᓴ᙮ ᐃᔭᐱᒡ ᑎᐛᒡ ᐊᕋᐱᔭ ᑲ ‍ ᐃᓯᓂᐧᑲᑕᒡ ᐊᔅᒋᔾ ᓂᒋ ‍ ᐃᑐᑕᓐ᙮ ᒐᒃ ᐸᑎᒪ ᑕᒪᔅᑲᔅ ᑲ ‍ ᐃᓯᓂᐧᑲᑕᒡ ᐅᑕᓇᐤ ᑲᐤ ᑲ ‍ ᐃᑐᑕᔭᓐ᙮
\p
\v 18 ᓂᔅᑐ ᐱᐳᓇ ᒥᓐ ᐸᑎᒪ ᐊᑯ ᒋᕈᓯᓕᒥᒡ ᑲ ‍ ᐃᑐᑕᔭᓐ ᒐᒋ ᓂᒋᐃᒃ ᐱᑕᕐ, ᐊᑐᐎᔅ ᒐᒋ ᐊᑎ ‍ ᒋᔅᒐᔨᒥᒃ᙮ ᓂᓱ ᒥᓇᔅᑕᑭᓇ ᒪᒃ ᓂᒋ ‍ ᐎᒋᒪᐤ᙮
\v 19 ᓇᒪ ᒥᒄ ᓂ ᐅᒋ ‍ ᐛᐱᒪᔪᐛ ᐊᓂᔭᔪᐛ ᑯᑎᑲ ᐅᑦ ᐊᑈᔅᑕᓂᒪ ᒋᓴᔅ᙮ ᒥᒄ ᒋᒥᔅ ᒋᑎᐸᔨᒋᒐᓯᒥᓄᐤ ᐎᐧᑲᓂᓴ ᐊᐅᑯᓐ ᐊᓐ ᑲ ‍ ᐛᐱᒥᒃ᙮
\v 20 ᒋᓴᒪᓂᑐᐤ ᒋᔅᒐᔨᑎᒻ ᐊ ‍ ᑕᑈᐅᒡ ᐅᔭ ᑲ ‍ ᐃᑎᓯᓇᐃᒐᐅᒡ᙮ ᓇᒪ ᓂ ‍ ᑭᑭᒋᔭᓐ᙮
\p
\v 21 ᐊᑯ ᒪᒃ ᒥᓐ ᐊᓐᑕ ᓯᕆᔭ ᑭᔭ ᓯᓕᓯᔭ ᑲ ‍ ᐃᓯᓂᐧᑲᑕᒋ ᐊᔅᒋᔭ ᓂᒋ ‍ ᐃᑐᑕᓐ᙮
\v 22 ᐊᓐ ᒪᒂᒡ ᐊᔅᒄ ᓇᒪ ᓂᑕ ᓂ ᐅᒋ ‍ ᐛᐱᒥᑯᒡ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᒍᑎᔭ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ‍ ᑕᒡ᙮
\v 23 ᒥᒄ ᑕᓐ ᑲ ᐃᓯ ‍ ᐊᔨᒧᒥᔨᒋ ᑯᑎᑲ ᐊᐛᔪᐛ ᐊᐅᑯᓐ ᒥᒄ ᑲ ᐃᓯ ‍ ᒋᔅᒐᔨᒥᒡ᙮ ᒋ ‍ ᐃᔅᒋᔄᔪᐛ ᒪᒃ, “ᐊᓐ ᑲᒋ ‍ ᓂᓇᐧᑲᒋᐃᑕᐧᒄ ᐊᐅᒄ ᐱᐸ ‍ ᐛᐎᑕᐧᒃ ᐊᓂᔭ ᐊ ᐃᓯ ‍ ᑕᑈᑕᑭᓄᐎᒡ ᐊᓂᔭ ᑲᒋ ᐎ ‍ ᓂᓱᐅᓇᒋᑕᑦ᙮”
\v 24 ᐊᑯ ᒪᒃ ᑲ ‍ ᓂᓇᔅᑯᒪᒡ ᒋᓴᒪᓂᑐᐛ ᑕᓐ ᑲ ‍ ᐃᑐᑎᒧᔨᒋ ᓂᐱᒪᑎᓯᐅᓂᒡ᙮
\c 2
\s1 ᑈᓪ ᑲ ‍ ᓂᒋᔅᑯᐛᑦ ᒋᓴᓴ ᐅᒋᔅᒋᓄᐊᒧᐛᑭᓂᔪᐛ
\p
\v 1 ᓇᐅᓴᑉ ᐱᐳᓇ ᐸᑎᒪ ᐊᑯ ᒥᓐ ᒋᕈᓯᓕᒥᒡ ᑲ ‍ ᐃᑐᑕᔭᓐ᙮ ᐸᕐᓇᐸᔅ ᑭᔭ ᑕᐃᑕᔅ ᓂᒋ ‍ ᐎᒐᐅᑯᒡ᙮
\v 2 ᒋᓴᒪᓂᑐᐤ ᓂᒋ ‍ ᐛᐸᑎᔨᒄ ᐊ ‍ ᓂᑐᐛᔨᒥᑦ ᐊᓐᑕ ᒐᒋ ᐃᑐᑕᐅᒡ᙮ ᑲ ‍ ᑎᑯᓯᓂᔭᓐ ᒪᒃ ᐊᓐᑕ ᓂᔾ ᑭᔭ ᐊᓐᒡ ᑲ ‍ ᓂᑲᓂᐊᑭᓄᐎᒡ ᑲ ‍ ᑕᑈᑕᒡ ᑎᐸᓐ ᓂᒋ ‍ ᒪᒧᐎᓇᓐ᙮ ᓂᒋ ‍ ᐎᑎᒧᐛᐅᒡ ᑕᓐ ᐊᓐ ᑲ ‍ ᐃᔅᒋᔄᐅᒡ ᑲ ‍ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭᔪᐛ ᐊᑲ ᑕᑈᑎᒥᔨᒋ᙮ ᓂᒋ ᐎ ‍ ᒋᔅᒐᔨᒪᐅᒡ ᑕᓐ ᐊ ‍ ᐃᑕᔨᑎᒥᐃᑯᐛᒂ ᐊᓂᔭ ᑲ ᐃᓯ ‍ ᐛᐎᑎᒧᒡ᙮ ᐛᔅ ᒋ ‍ ᑎᑯᓂᑯᐱᓇ ᒐᒂᔪᐤ ᐊᑲ ᐅᒋ ᓇᐊᔨᑎᒥᐃᑯᒡ ᒐᔅᑲ ᒋᐸ ‍ ᐃᓯᓇᑯᓐ ᑕᓐ ᑲ ᐃᓯ ᐸᒋ ‍ ᐛᐎᑎᒪᓐ ᐊᓐᑕ ᐅᑕᒡ᙮ ᓇᒪ ᒪᒃ ᓂ ᐅᒋ ‍ ᓂᑐᐛᔨᑕᓐ ᒐᔅᑲ ᒐᒋ ᐃᓯᓇᒂᒡ᙮
\v 3 ᑕᐃᑕᔅ ᒪᒃ, ᐊᓐ ᑲ ᐸᒋ ‍ ᐎᒐᐅᑦ ᐊᓐᑕ ᐊᑲᔭ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᐊᑯᑕ ᐛᒋᑦ᙮ ᓇᒪ ᒍᐤ ᐃᑎᔅᑲᓇᓱᐤ᙮ ᐊᑎ ᒪᒃ ᐊᑲ ᒍᐤ ᐊ ‍ ᐃᑎᔅᑲᓇᓯᑦ ᓇᒪ ᐅᒋ ᐊᔨᐧᑭᒥᐃᑯᐤ ᐊᓂᔭᔪᐛ ᑲ ‍ ᓂᑲᓂᐊᑭᓄᔨᒋ ᒐᒋ ᒋᔅᒋᓄᐛᒋᔄᑭᓄᐅᑦ᙮
\v 4 ᒥᒄ ᒪᒃ ᒋ ‍ ᑕᐅᒡ ᓇᐸᐅᒡ ᒋᒧᑦ ᐊᒋ ᐸᒋ ‍ ᐱᑕᐱᔪᐅᒡ ᐊᓐᑕ ᐊ ‍ ᐃᑕᐅᒋᑦ ᒧᔭᒻ ᐊ ‍ ᑕᑈᔭᔨᒪᒡ ᑭᔭ ᐎᔨᐛᐤ ᒋᓴᓴ ᐊ ‍ ᐃᑎᒡ᙮ ᓂᒋ ᐎ ᓇᓂᑐ  ᒋᔅᒐᔨᒥᑯᓇᓂᒡ ᑕᓐ ᐊ ᐃᓯ ‍ ᑎᐸᒋᒥᒋᒋ ᒋᓴᔅ ᙭ᑕ ᐊ ‍ ᐎᒐᐅᒥᒋᒋ, ᐊᓐ ᑲ ‍ ᐊᐱᐧᑯᓂᔨᒥᑦ᙮ ᐊᔪᐅᒄ ᐅᔭ ᑲ ‍ ᐃᑎᒡ ᐊᒋ ᐎ ‍ ᐃᑐᑐᐎᒥᒡ ᑲᐤ ᒐᒋ ᒪᒋᒂᐱᐧᑲᑎᑯᔭᒡ ᐎᓱᐛᐅᓐ᙮
\v 5 ᓇᒪ ᒪᒃ ᓇᔅᒡ ᓂ ᐅᒋ ‍ ᓂᔅᑯᒺᓇᓐ ᒐᒋ ᐃᑐᐅᒋᑦ ᐊᓂᔭ ᑲ ᐃᓯ ‍ ᓂᑐᐛᔨᒥᔨᒥᒡ ᒐᒋ ᐃᑐᐅᒋᑦ ᐛᔅ ᓂ ᐎ ᒥᔪ ‍ ᑭᓄᐛᔨᑕᓇᓐ ᑕᓐ ᐊ ᐃᓯ ‍ ᑕᑈᒥᑲᒡ ᒥᔽᒋᒧᐅᓐ ᒋᔨᐛᐤ ᒐᒋ ᒋᔅᒐᔨᑎᒪᒄ᙮
\p
\v 6 ᐊᓐᒡ ᑲ ‍ ᓂᑲᓂᔅᑲᒐᒡ, ᒋᔅᑕᔨᑕᑯᓱᐅᒡ ᒋ ‍ ᐃᑕᔨᒪᑭᓄᐎᒡ᙮ ᓇᒪ ᒪᒃ ᒐᒂᓐ ᑕᓐ ᐊ ‍ ᐃᑕᔨᒪᑭᓄᐎᒡ ᓂᑦ ᐃᑕᔨᑕᓐ ᓂᔾ ᐎ᙮ ᐛᔅ ᒥᓯᐛ ᐊᐛᔪᐛ ᐸᐃᑯᓄᒡ ᐃᑕᔨᒪᐤ ᐎᔾ ᒋᓴᒪᓂᑐᐤ᙮ ᒋ ‍ ᓇᐊᔨᑎᒧᒡ ᐊ ‍ ᐛᐎᑎᒧᒡ ᒥᔽᒋᒧᐅᓂᔪᐤ, ᓇᒪ ᐅᒋ ᑎᑯᓂᔪᐤ ᐊᑐᐎᔅ ᒐᒋ ᐃᓯ ᐸᒋ ‍ ᐎᑎᒧᐅᑥᐤ᙮
\v 7 ᑭᔭ ᒋ ‍ ᓂᔅᑐᑎᒧᒡ ᒋᓴᒪᓂᑐᐛ ᐊᒋ ‍ ᒥᔨᒋ ᒐᒋ ᐊᑐᔅᒐᔅᑎᒧᒡ ᒥᔽᒋᒧᐅᓂᔪᐤ ᐊ ‍ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ, ᒧᔭᒻ ᑕᓐ ᑲ ᐃᓯ ‍ ᒥᔭᔨᒋ ᐱᑕᕋ ᐊᑐᔅᒐᐅᓂᔪᐤ ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ ᒐᒋ ᐛᐎᑎᒧᐛᔨᒋ ᒥᔽᒋᒧᐅᓂᔪᐤ᙮
\v 8 ᒋᓴᒪᓂᑐᐤ ᒋ ‍ ᒥᔭᐤ ᐱᑕᕋ ᑭᔅᒋᐅᓂᔪᐤ ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ ᒐᒋ ᐛᐎᑎᒧᐛᔨᒋ ᒥᔽᒋᒧᐅᓂᔪᐤ ᒧᔭᒻ ᑲ ᐃᓯ ‍ ᒥᔨᑦ ᑭᔅᒋᐅᓂᔪᐤ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒡ ᒐᒋ ᐛᐎᑎᒪᒥᒋ ᒥᔽᒋᒧᐅᓂᔪᐤ᙮
\v 9 ᒋᒥᔅ, ᐱᑕᕐ ᑭᔭ ᒠᓐ, ᐊᓐᒡ ᑲ ‍ ᓂᑲᓂᐊᑭᓄᐎᒡ ᑭᔭ ᒪᐅᒡ ᑲ ‍ ᒋᔅᑕᔨᒪᑭᓄᐎᒡ ᒋ ‍ ᒋᔅᒐᔨᑎᒧᒡ ᒋᓴᒪᓂᑐᐛ ᐊᒋ ‍ ᒥᔨᒋ ᐅᔭ ᒐᒋ ᐃᑕᐱᑎᓯᐅᒡ᙮ ᐊᑯ ᒪᒃ ᐸᕐᓇᐸᔅ ᐊ ‍ ᓂᓯᔭᒡ ᑲ ‍ ᐊᑎᒥᔅᑯᐎᔨᒥᒡ ᐅᒡ ᐊ ‍ ᓂᔅᑎᒡ᙮ ᐊ ‍ ᓄᑯᑕᔭᒡ ᐸᐃᑯᓄᒡ ᐊ ‍ ᐃᓯᑲᐳᐅᔭᒡ᙮ ᒪᐅ ᒪᒃ ᑲ ᐃᓯ ‍ ᓂᔅᑯᒧᔭᒡ᙮ ᐸᕐᓇᐸᔅ ᐊ ‍ ᓂᓯᔭᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐ ‍ ᐛᐎᑎᒧᐅᒋᒡ ᒥᔽᒋᒧᐅᓂᔪᐤ ᑭᔭ ᐎᔨᐛᐤ ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ ᒐ ‍ ᐛᐎᑎᒧᐛᒡ᙮
\v 10 ᒥᒄ ᐸᐃᒄ ᒐᒂᔪᐤ ᓂᒋ ‍ ᐱᑯᓴᔨᒥᑯᓇᓂᒡ᙮ ᓂᒋ ‍ ᓂᑐᐛᔨᒥᑯᓇᓂᒡ ᒐᒋ ᐛᐎᒋᐃᒥᒋᒋ ᐊᓂᔭᔪᐛ ᑲ ‍ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ‍ ᑕᔨᒋ ᑲ ‍ ᒋᔅᑎᒪᑎᓯᔨᒋ᙮ ᐊᐅᒄ ᒪᒃ ᐅ ᓇᔅᒡ ᑲ ‍ ᐃᑕᔨᑎᒥᐃᑯᔭᓐ ᒐᒋ ᐃᑎᔭᓐ᙮
\s1 ᑈᓪ ᑲ ‍ ᐊᓏᔨᒪᑦ ᐱᑕᕋ ᐊᓐᑕ ᐊᓐᑎᔭᑭᒡ
\p
\v 11 ᐊᓐᑎᔭᑭᒡ ᒪᒃ ᑲ ‍ ᑎᑯᓯᐧᒃ ᐱᑕᕐ ᒋ ‍ ᑎᑯᓂᔪᐤ ᑲ ᐃᓯ ‍ ᐊᓏᔨᒥᒃ᙮ ᐛᔅ ᒋ ‍ ᑎᑯᓂᔪᐤ ᑕᑈ ᑕᓐ ᑲ ᐃᓯ ‍ ᐅᓂᐱᔨᑦ᙮
\v 12 ᒪᐅ ᑲ ‍ ᐃᑎᑦ᙮ ᑲ ‍ ᑎᑯᓯᐧᒃ ᐊᓐᑕ ᐊᓐᑎᔭᑭᒡ ᓇᒪᐎᔾ ᒐᒂᔪᐤ ᐅᒋ ᐃᑕᔨᑎᒻ ᐊ ‍ ᐎᒋᒥᒋᓱᒪᑦ ᒪᓐ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑲ ‍ ᑕᑈᑎᒥᔨᒋ᙮ ᒐᒃ ᒋᒥᔅ ᒋ ᐸᒋ ‍ ᐃᑎᓴᐛᐤ ᐱᔅᒐ ᒍᐤ ᐃᔪᐛ ᑲ ‍ ᑕᑈᑎᒥᔨᒋ᙮ ᓇᔅᒡ ᐃᔭᒂ ᒋ ‍ ᐃᑕᔨᑎᒥᐃᑯᐅᒡ ᒍᐤ ᐊᔭᒥᐊᐅ ᐎᓱᐛᐅᓇ ᐅᒡ᙮ ᒥᓯᐛ ᐊᐛᔪᐛ ᑲ ‍ ᑕᑈᑎᒥᔨᒋ ᒋ ‍ ᐃᑕᐅᒡ ᒐᒋ ᒋᔅᒋᓄᐛᒋᔄᑭᓄᔨᒋ᙮ ᐱᑕᕐ ᒪᒃ ᒋ ‍ ᑯᔅᑕᐤ ᐅᔭ ᒍᐤ ᐃᔪᐛ ᐊᑯ ᓇᒪ ᒥᓐ ᐅᒋ ᐎᒋᒥᒋᓱᒪᐤ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮
\p
\v 13 ᐊᑯ ᒪᒃ ᐊᓐᒡ ᑯᑎᑭᒡ ᐃᔪᒡ ᒍᐤ ᑲ ‍ ᐃᑎᔅᑲᓇᓯᒡ ᐊᓐᑕ ᑲ ‍ ᑕᒡ ᐊᐅᑯᓐ ᒧᔭᒻ ᑲ ‍ ᐃᑎᒡ, ᐊ ‍ ᒋᔅᒋᓄᐛᐱᒪᒡ ᐱᑕᕋ ᑕᓐ ᐊ ‍ ᐃᑎᔨᒋ᙮ ᒋ ‍ ᒋᔅᒐᔨᑎᒧᒡ ᒪᒃ ᐊᑲ ᐅᔭ ᒋᐸ ᐅᒋ ‍ ᐃᑐᐅᒡ᙮ ᐛᐛᒡ ᐸᕐᓇᐸᔅ ᒋ ᐊᑎ ‍ ᐊᔅᒋᐱᔭᑭᓄᐤ ᑭᔭ ᐎᔾ ᐅᔭ ᒐᒋ ᐃᑎᑦ᙮
\p
\v 14 ᐎᔭᐱᒥᒂᐤ ᒪᒃ ᐊᑲ ᑯᐃᔅᒄ ᐃᑎᒡ ᑕᓐ ᐊ ‍ ᐃᑎᔅᑕᔨᒡ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ ᑲ ‍ ᑕᑈᒥᑭᓂᔨᒡ ᓂᒋ ‍ ᐊᓏᔨᒪᐤ ᐱᑕᕐ ᒥᓯᐛ ᐊᓂᔭᔪᐛ ᑲ ‍ ᑕᑈᑎᒥᔨᒋ ᐊ ‍ ᓂᑐᑎᒥᔨᒋ᙮ ᓂᒋ ‍ ᐃᑕᐤ, “ᒍᐤ ᒋᑦ ᐃᑎᔅᑲᓇᓯᓐ᙮ ᒥᒄ ᒪᒃ ᓇᒪ ᒥᓯᐛ ᒋ ‍ ᓂᓇᐃᑕᓐ ᒍᐤ ᐊᔭᒥᐊᐅ ᐎᓱᐛᐅᓇ᙮ ᒐᒂᓐ ᒪᒃ ᐛᒋ ‍ ᓯᒋᒥᑥᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒍᐤ ᐊᔭᒥᐊᐅ ᐎᓱᐛᐅᓇ ᒐᒋ ᓂᓇᐃᑕᒡ᙮”
\s1 ᑕᐱᔅᑯᓐ ᒍᐤ ᐃᔪᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐱᒪᒋᐅᒡ ᐊ ‍ ᑕᑈᐅᒐᔨᒪᒡ ᒋᓴᔅ ᙭ᑕ
\s2 Galatians 2.15-21 (Proper-6 Year C)
\p
\v 15 ᒍᐤ ᓂᑦ ᐃᑎᔅᑲᓇᓯᓇᓐ, ᓇᒪᔭᐅᒡ ᓂᔭᓐ ᐃᔭᒡ ᑲ ‍ ᐃᑎᔅᑲᓇᓯᒡ ᐊᐛᓐᒋ ᑲ ‍ ᒥᒐᑎᓯᒡ᙮
\v 16 ᐃᔭᐱᒡ ᒪᒃ ᓂ ‍ ᒋᔅᒐᔨᑕᓇᓐ ᐊ ‍ ᑕᑈᔭᔨᒪᑦ ᐊᐛᓐ ᒋᓴᔅ ᙭ᑕ᙮ ᐊᑯᑕ ᐛᒋ ‍ ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒥᑯᑦ ᒋᓴᒪᓂᑐᐛ, ᓇᒪ ᐎ ᐊᓂᔭ ᐅᒋ ᐊ ‍ ᓂᓇᐃᑕᐧᒃ ᐎᓱᐛᐅᓇ᙮ ᐊᑯ ᒪᒃ ᑭᔭ ᓂᔭᓐ ᑎᔭᑈᔭᔨᒥᒋᒡ ᒋᓴᔅ ᙭, ᐊ ‍ ᑕᑈᔭᔨᒥᒋᒡ ᒪᒃ ᙭ ᐊᑯᑕ ᐛᒋ ‍ ᐅᑯᐃᔅᑯᑕᑎᓯᐅᒡ ᐃᓯ ᑭᓄᐛᐱᒥᔨᒥᑦ ᒋᓴᒪᓂᑐᐤ᙮ ᓇᒪ ᐎ ᐊᓐ ᐊ ‍ ᓂᓇᐃᑎᒪᒡ ᒍᐤ ᐊᔭᒥᐊᐅ ᐎᓱᐛᐅᓇ ᐛᒋ ᐃᓯ ‍ ᑭᓄᐛᐱᒥᔨᒥᑦ᙮ ᑕᐸ ᐊᐛᓐ ᐅᑯᐃᔅᑯᑕᑎᓯᐤ ᒋᑭ ᐅᒋ ᐃᓯ ‍ ᑭᓄᐛᐱᒥᑯᐤ ᒋᓴᒪᓂᑐᐛ ᒥᒄ ᐊᓂᔭ ᐊ ‍ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮
\p
\v 17 ᒪᒂᒡ ᑲ ‍ ᓇᓂᑐᐛᔨᑎᒪᒡ ᑕᓐᑕ ᒐᒋ ᐅᒋ ‍ ᓂᓇᐊᔨᑎᒥᐃᒋᑦ ᒋᓴᒪᓂᑐᐤ, ᐃᔅᐱ ᑎᔭᑈᔭᔨᒥᒋᒡ ᙭, ᐊᑯᑕ ᑲ ᐅᒋ ‍ ᒋᔅᒐᔨᑎᒪᒡ ᑭᔭ ᓂᔭᓐ ᐊ ‍ ᒥᒐᑎᓯᔭᒡ ᒧᔭᒻ ᑕᓐ ᐊ ᐃᓯ ‍ ᒥᒐᑎᓯᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᙭ ᐊ ᒪᒃ ᐃᑐᑐᐛᐤ ᐊᐛᔪᐛ ᒐᒋ ᒥᒐᑎᓯᔨᒋ ? ᓇᒪᐎᔾ ᑭᑈ᙮
\v 18 ᐛᔅ ᐛᐛᓯᑎᒪᓇ ᒐᒂᓐ ᐊᒋ ‍ ᐱᑯᐱᑎᒪᓐ ᐊᑯᑕ ᒐ ᐅᒋ ‍ ᒋᔅᒐᔨᑕᑯᓯᔭᓐ ᐊᒋ ‍ ᐅᓂᐱᔨᓱᔭᓐ᙮
\v 19 ᒪᒂᒡ ᓱᒃ ᑲ ᐎ ‍ ᓂᓇᐃᑎᒪᓐ ᒍᐤ ᐊᔭᒥᐊᐅ ᐎᓱᐛᐅᓇ ᒐᒃ ᓂᒋ ‍ ᓂᔅᑐᑕᓐ ᐊᑲ ᐊᓐ ᒍᐤ ᐊᔭᒥᐊᐅ ᐎᓱᐛᐅᓐ ᐊ ‍ ᓂᓇᐃᑎᒪᓐ ᒐ ᐅᒋ ‍ ᐅᑯᐃᔅᑯᑕᑎᓯᐤ ᐸᒋ ᐃᓯ ᑭᓄᐛᐱᒥᑦ ᒋᓴᒪᓂᑐᐤ᙮ ᐊᑯ ᒪᒃ ᐊᓄᒡ ᒧᔭᒻ ᐊ ‍ ᓂᐱᔭᓐ ᑭᔭ ᐊᑲ ᐊᑯ ᒪᑎᑯᔅᑲᑯᔭᓐ ᐊᓂᔭᔪᐛ ᐎᓱᐛᐅᓇ ᓂᑦ ᐃᓯᓇᑯᓯᓐ᙮ ᐊᑯ ᒪᒃ ᑕᑈ ᒐᒋ ᐱᒪᑎᓯᔅᑐᐅᒃ ᒋᓴᒪᓂᑐᐤ᙮
\v 20 ᐛᔅ ᒧᔭᒻ ᑕᑈ ᐊᒋ ᐎᒋ ‍ ᓂᐱᒥᒃ ᒋᓴᔅ ᑲ ‍ ᒋᔅᑕᔎᑕᑭᓄᐅᑦ ᐃᓯᓇᑯᓐ᙮ ᐊᓄᒡ ᒪᒃ ᓇᒪᐎᔾ ᐊᑯ ᓂᔾ ᓂ ‍ ᒋᔅᒋᓄᐱᔨᑕᓐ ᓂᐱᒪᑎᓯᐅᓐ᙮ ᐎᔾ ᒋᓴᔅ ᒋᔅᒋᓄᐱᔨᑕᐤ ᓂᐱᒪᑎᓯᐅᓂᔪᐤ ᐛᔅ ᓂ ‍ ᐱᒋᔅᑲᒄ᙮ ᐊᑯ ᒪᒃ ᐅ ᐊᓄᒡ ᐊ ᐃᓯ ‍ ᐱᒪᑎᓯᔭᓐ ᓂ ‍ ᐱᒪᑎᓯᓐ ᐊ ‍ ᑕᑈᔭᔨᒥᒃ ᐊᓐ ᑲ ‍ ᓴᒋᐃᑦ ᑭᔭ ᑲ ‍ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᓂᔾ ᐅᒋ, ᐊᐅᒄ ᒋᓴᒪᓂᑐᐤ ᐅᑯᓴ᙮
\v 21 ᓇᒪ ᓂᑦ ᐃᒐᓂᒺᓐ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮ ᐛᔅ ᒧᔭᒻ ᐊᐛᓐ ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒥᑯᑦ ᒋᓴᒪᓂᑐᐛ, ᒥᒄ ᐊ ‍ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ ᐊᑯ ᑭᑈ ᒧᔭᒻ ᒐᔅᑲ ᐊᒋ ‍ ᓂᐸᐊᑭᓄᐅᑦ ᒋᓴᔅ ᒋᐸ ‍ ᐃᓯᓇᑯᓐ᙮
\c 3
\s1 ᐅᑕᑈᑎᒧᐅᓐ ᑯᐃᔅᑯᓇᑯᐃᑯᐤ ᐊᐛᓐ
\p
\v 1 ᒋᔨᐛᐤ ᑲ ‍ ᑕᑈᑎᒪᒄ ᑲᓚᓯᔭ ᐊᔅᒋᒡ ᐊ ‍ ᑕᔭᒄ ᐊᔪᐛᒡ ᐊᑲ ᐃᑕᔨᑎᒪᒄ᙮ ᐊᐛᓐ ᐛᓴ ᑲ ᐃᓯ ‍ ᐎᔭᓯᒥᑕᒄ ? ᓇᔅᒡ ᐃᔭᒂ ᔅᒋ ‍ ᐎᑎᒪᑎᓇᐛᐤ ᒋᓴᔅ ᙭ ᐊᒋ ‍ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ᙮
\v 2 ᐸᐃᒄ ᒐᒂᓐ ᒋᑭ ‍ ᑯᒂᒋᒥᑎᓇᐛᐤ᙮ ᐎᑎᒧᐅᒄ ᒪ᙮ ᐊ ‍ ᓂᓇᐃᑎᒪᒄ ᐊ ᒍᐤ ᐊᔭᒥᐊᐅ ᐎᓱᐛᐅᓇ ᔅᒋ ᐅᒋ ‍ ᒥᔨᑯᓇᐛᐤ ᑲ ‍ ᐸᔭᒋᓯᑦ ᐊᒐᐧᒄ ? ᓇᒪᐎᔾ ᐊ ᐊᒋ ‍ ᐸᑎᒺᒄ ᒋᓴᔅ ᐅᒥᔽᒋᒧᐅᓐ ᑭᔭ ᐊᒋ ‍ ᑕᑈᑎᒪᒄ ᐛᒋ ‍ ᒥᔨᑯᔭᒄ ?
\v 3 ᑕᓐᑕ ᐛᒋ ‍ ᓇᔅᒡ ᐊᑲ ᐃᑕᔨᑎᒪᒄ ? ᒋᑦ ᐃᑕᔨᑕᓇᐛᐤ ᐊ ᒋᔨᐛᐤ ᒐᒋ ᐃᑐᑎᒪᒄ ᒐᒋ ᒋᔅᑕᔭᒄ ᐊᓂᔭ ᑕᓐ ᑲ ᐃᓯ ‍ ᒋᒋᐱᔨᑕᑦ ᑲ ‍ ᐸᔭᒋᓯᑦ ᐊᒐᐧᒄ ᒋᐱᒪᑎᓯᐅᓄᐛᒡ ?
\v 4 ᒋᑦ ᐃᑕᔨᑕᓇᐛᐤ ᐊ ᒐᔅᑲ ᐊ ‍ ᐃᓯᓇᒂᒡ ᒥᓯᐛ ᑕᓐ ᑲ ᐃᓯ ‍ ᓂ ? ᓇᓂᑐᐤ ᒐᒂᓐ ᔅᒋ ‍ ᐃᑕᔨᑎᒥᐃᑯᓇᐛᒐ ᐅᔭ᙮
\v 5 ᔅᒋ ‍ ᒥᔨᑯᐛᐤ ᐊ ᒋᓴᒪᓂᑐᐤ ᑲ ‍ ᐸᔭᒋᓯᔨᒋ ᐊᒐᒂ ᑭᔭ ᒋ ‍ ᒪᒥᔅᑲᒡ ᐃᑐᐤ ᐊ ᐊᓐᑕ ᒪᒂᒡ ᐊ ‍ ᑕᐛᒄ ᒥᒄ ᐊᓂᔭ ᐊ ‍ ᓂᓇᐃᑎᒺᒄ ᒍᐤ ᐊᔭᒥᐊᐅ ᐎᓱᐛᐅᓂᔪᐤ ? ᓇᒪᐎᔾ ᐊ ᐊᓂᔭ ᐊᒋ ‍ ᐸᑎᒺᒄ ᑭᔭ ᒪᒃ ᐊᒋ ᐊᑎ ‍ ᑕᑈᑎᒺᒄ ᐅᒥᔽᒋᒧᐅᓐ ?
\p
\v 6 ᐊᑉᕋᐊᒻ ᒪ ᒪᒥᑐᓇᔨᒪᐧᒄ᙮ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ, “ᐊᑉᕋᐊᒻ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ, ᐊᔪᐅᒄ ᒪᒃ ᐊᓂᔭ ᐅᑯᐃᔅᑯᑕᑎᓯᐤ ᐛᒋ ᐃᓯ ‍ ᑭᓄᐛᐱᒥᑯᑦ᙮”
\v 7 ᒪᐅ ᒪᒃ ᒐ ᐎ ‍ ᓂᔅᑐᑎᒪᒄ᙮ ᐊᓐᒡ ᐊᐛᓐᒋ ᑲ ‍ ᑕᑈᔭᔨᒪᒡ ᒋᓴᒪᓂᑐᐛ ᐊᐅᑯᓐᒡ ᐃᔭᒄ ᒋᒋᐛ ᐊᑉᕋᐊᒻ ᐊ ‍ ᑕᔨᒋ ᐊᒋ ᐅᒋ ᐊᓂᔅᒐ ‍ ᐱᒪᑎᓯᒡ ᐊ ᐃᓯ ‍ ᑭᓄᐛᐱᒪᑭᓄᐎᒡ᙮
\v 8 ᓴᔅ ᐊᓐᑕ ᐛᔅᑭᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒋ ‍ ᓂᑲᓐ ᐎᑕᑭᓄᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐅᑯᐃᔅᑯᑕᑎᓯᐅᒡ ᒐ ᐃᓯ ‍ ᑭᓄᐛᐱᒥᑯᒡ ᒋᓴᒪᓂᑐᐛ ᐊ ‍ ᑕᑈᑕᒡ᙮ ᐊᔪᐅᒄ ᐅᔭ ᐛᒋ ‍ ᓂᑲᓐ ᐎᑎᒧᐛᑭᓄᐅᑦ ᐊᑉᕋᐊᒻ ᒥᔽᒋᒧᐅᓂᔪᐤ, ᒋ ‍ ᐃᑎᑯᑯᐱᓇ ᒋᓴᒪᓂᑐᐛ, “ᒋᔾ ᐊ ‍ ᑕᔨᓐ ᒋᑭ ᐅᒋ ‍ ᐊᓂᔅᒐᐱᔪᐤ ᒥᓯᐛ ᐊ ‍ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᒐᒋ ᓱᐛᔨᒥᒂᐤ᙮”
\v 9 ᐊᑉᕋᐊᒻ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ᙮ ᒋ ‍ ᑎᑯᓂᔪᐤ ᒪᒃ ᑕᓐ ᑲ ᐃᓯ ‍ ᓱᐛᔨᒪᑭᓄᐅᑦ᙮ ᒥᓯᐛ ᒪᒃ ᐊᐛᓐ ᑲ ‍ ᑕᑈᑕᐧᒃ ᑕᓐ ᑲ ᐃᓯ ‍ ᑕᑈᑎᒥᔨᒋ ᐊᑉᕋᐊᒪ ᒋᑭ ‍ ᓱᐛᔨᒪᑭᓄᐤ ᑭᔭ ᐎᔾ᙮
\p
\v 10 ᐊᔪᐛᒡ ᒪᒃ ᐃᔭᒡ ᐃᔅᐱᔪᒡ ᐊᓐᒡ ᑲ ‍ ᓂᓇᐃᑕᒡ ᒍᐤ ᐊᔭᒥᐊᐅ ᐎᓱᐛᐅᓇ ᐊ ‍ ᐃᑕᔨᑕᒡ ᐊᑯᑕ ᐅᑯᐃᔅᑯᑕᑎᓯᐅᒡ ᒐᒋ ᐅᒋ ᐃᓯ ‍ ᑭᓄᐛᐱᒥᑯᒡ ᒋᓴᒪᓂᑐᐛ᙮ ᒋᑭ ‍ ᓂᓱᐅᓇᒋᒪᑭᓄᐎᒡ ᐅᒡ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ,
\q ᓂᓱᐅᓇᒋᒪᑭᓄᐤ ᐊᓐ ᐊᐛᓐ ᐊᑲ ᒧᔅ ᑲ ‍ ᓂᓇᐃᑕᐧᒃ ᒥᓯᐛ ᑕᓐ ᐊ ᐃᓯ ‍ ᐎᔅᑕᔨᒡ ᒍᐤ ᐊᔭᒥᐊᐅ ᐎᓱᐛᐅᓂᒡ᙮
\m
\v 11 ᐊᑯᑕ ᒪᒃ ᐛᒋ ‍ ᒥᔪ ‍ ᒋᔅᒐᔨᑕᒂᒡ ᐊᑲ ᑕᑦ ᐊᐛᓐ ᐅᑯᐃᔅᑯᑕᑎᓯᐤ ᒐ ᐅᒋ ᐃᓯ ‍ ᑭᓄᐛᐱᒥᑯᑦ ᒋᓴᒪᓂᑐᐛ ᒥᒄ ᐊᓂᔭ ᐊ ‍ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮ ᐛᔅ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒥᒄ ᐊᓐ ᐊᐛᓐ ᑲ ‍ ᑯᐃᔅᑯᓇᑯᐃᑯᑦ ᒋᓴᒪᓂᑐᐛ ᐊᓂᔭ ᐅᒋ ᐊ ‍ ᑕᑈᑕᐧᒃ ᐊᐅᑯᓐ ᐊᓐ ᑲᒋᒡ ᒐ ‍ ᐱᒪᑎᓯᑦ᙮
\m
\v 12 ᐊᓐᑕ ᒪᒃ ᐎ ᒍᐤ ᐊᔭᒥᐊᐅ ᐎᓱᐛᐅᓂᒡ ᓇᒪ ᓇᔅᒡ ᐊᔨᒧᑕᐤ ᑕᑈᑎᒧᐅᓐ᙮ ᒪᐅ ᐊᑎᔅᑕᒡ,
\q ᐊᓐ ᐊᐛᓐ ᓇᔅᒡ ᑲ ‍ ᓂᓇᐃᑕᐧᒃ ᑕᓐ ᐊ ‍ ᐃᑎᓱᐛᒥᑭᓂᔨᒡ ᒍᐤ ᐊᔭᒥᐊᐅ ᐎᓱᐛᐅᓂᔪᐤ ᐊᐅᑯᓐ ᐊᓐ ᑲᒋᒡ ᒐ ‍ ᐱᒪᑎᓯᑦ᙮
\m
\v 13 ᙭ ᔅᒋ ‍ ᓇᑕᒪᑭᓄᐤ ᑕᓐ ᑲ ᐃᓯ ‍ ᓂᓱᐅᓇᒋᒥᑯᔭᐧᒄ ᐎᓱᐛᐅᓂᒡ ᐅᒡ ᐊᑯ ᐎᔾ ᒥᔅᑯᒡ ᑲ ‍ ᓂᓱᐅᓇᒋᒪᑭᓄᐅᑦ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒥᓯᐛ ᐊᐛᓐ ᒥᔅᑎᑯᒡ ᑲ ‍ ᐊᑯᔭᑭᓄᐅᑦ ᓂᓱᐅᓇᒋᒥᑯᐤ ᒋᓴᒪᓂᑐᐛ᙮
\m
\v 14 ᙭ ᒋ ‍ ᐱᔅᑎᓂᓱᐤ ᐅᔭ ᒐᒋ ᐃᑐᑐᐛᑭᓄᐅᑦ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐎᔨᐛᐤ ᒐᒋ ᒥᔅᑲᒡ ᐊᓂᔭ ᓱᐛᔨᒋᒐᐅᓂᔪᐤ ᐊᑉᕋᐊᒪ ᑲ ‍ ᐃᑕᑭᓄᔨᒋ ᒐᔅᑎᓇᔅ ᒐ ‍ ᒥᔭᑭᓄᔨᒋ᙮ ᐊᐅᒄ ᑲ ‍ ᐃᔅᐱᔨᒡ ᒐᒋ ᐊᔭᐛᐧᒄ ᐸᔭᒋ ᐊᒐᐧᒄ ᑕᑈᑎᒪᒂ᙮
\s1 ᐎᓱᐛᐅᓐ ᑭᔭ ᐊᓂᔭ ᑲ ‍ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ‍ ᐃᑐᑕᐧᒃ
\p
\v 15 ᓂᐧᑲᓂᓯᑐᒄ, ᒋ ᐎ ‍ ᐊᔨᒧᑎᒪᑎᓇᐛᐤ ᒐᒂᓐ ᐊ ‍ ᐃᑎᓇᓄᐅᒡ ᐅᑕ ᐊᔅᒋᒡ ᒐᒋ ᓂᔅᑐᑎᒪᒄ ᑕᓐ ᐛ ᐃᓯ ‍ ᐎᑎᒪᑎᑯᒡ᙮ ᓂᓱ ᐊᐛᓐᒋ ᐊ ‍ ᑎᑯᓂᔨᒡ ᐊ ᐃᓯ ‍ ᓂᔅᑯᒧᒡ ᒐᒂᔪᐤ ᑕᐱᔅᑯᓐ ᒥᓯᓇᐎᓱᐅᒡ᙮ ᓇᒪ ᒪᒃ ᒋᑭ ᒋ ‍ ᐱᑯᓂᒧᒡ ᐊᓂᔭ᙮ ᓇᒪ ᑭᔭ ᒋᑭ ᒋ ‍ ᐊᑎᔅᑕᐅᒡ ᑕᓐ ᑲ ‍ ᐃᑎᔅᑕᒡ ᐊᓐᑕ᙮
\v 16 ᐊᐅᑯᓐ ᒪᒃ ᒧᔭᒻ ᑲ ‍ ᐃᓯᓇᑯᓂᔨᒡ ᒋᓴᒪᓂᑐᐤ ᑭᔭ ᐊᓂᔭᐧᑲ ᐊᑉᕋᐊᒻ ᑲ ‍ ᐅᓯᑎᒪᓱᒡ ᑕᓐ ᑕᐱᔅᑯᓐ ᒐ ᐃᓯ ‍ ᓂᔅᑯᒧᒡ᙮ ᒋᓴᒪᓂᑐᐤ ᒋ ‍ ᐃᔅᒋᔄᑯᐱᓇ ᒐᔅᑎᓇᔅ ᒐ ‍ ᓱᐛᔨᒪᑦ ᐊᑉᕋᐊᒪ ᑭᔭ ᐸᐃᒄ ᐊᓂᔭᔪᐛ ᐊᐛᔪᐛ ᐊᓐᑕ ᐊ ‍ ᑕᔨᒋ ᒐ ᐅᒋ ᐊᓂᔅᒐ ‍ ᐱᒪᑎᓯᔨᒋ᙮ ᓇᒪ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ,
\q ᒋᔾ ᑭᔭ ᐊᓐᒡ ᐊᓐᑕ ᐊ ‍ ᑕᔨᓐ ᒐ ᐅᒋ ᐊᓂᔅᒐ ‍ ᐱᒪᑎᓯᒡ ᒋᑭ ‍ ᒥᔪᑐᑎᒪᑎᓇᐛᐤ᙮
\m ᒪᐅ ᐊᑎᔅᑕᒡ,
\q ᒋᔾ ᒋᑭ ‍ ᒥᔪᑐᑎᒪᑎᓐ ᑭᔭ ᐸᐃᒄ ᐊᓐ ᐊᓐᑕ ᐊ ‍ ᑕᔨᓐ ᒐ ᐅᒋ ᐊᓂᔅᒐ ‍ ᐱᒪᑎᓯᑦ᙮
\m ᙭ ᒪᒃ ᐅ ᑲ ‍ ᐊᔨᒧᒪᑭᓄᐅᑦ᙮
\v 17 ᒪᐅ ᐛ ‍ ᐃᔅᒋᔄᔭᓐ᙮ ᒋᓴᒪᓂᑐᐤ ᒋ ‍ ᐎᑎᒧᐛᐤ ᐊᑉᕋᐊᒪ ᑕᓐ ᐊᔅᒄ ᒐ ᐃᓯ ‍ ᐊᓱᑎᒧᐛᑦ, ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐱᐳᓇ ᒪᒃ ᐸᑎᒪ ᐊᑯ ᑲ ‍ ᑎᒂᒡ ᒍᐤ ᐊᔭᒥᐊᐅ ᐎᓱᐛᐅᓐ᙮ ᐅ ᒪᒃ ᐎᓱᐛᐅᓐ ᓇᒪ ᒋᑭ ᒋ ‍ ᒥᔅᑯᑎᔅᑲᒐᒥᑭᓐ ᐊᓂᔭ ᑕᓐ ᑲ ᐃᓯ ‍ ᓂᔅᑯᒪᑭᓄᐅᑦ ᐊᑉᕋᐊᒻ, ᓇᒪ ᒋᑭ ᒋ ‍ ᐃᓯᓇᑯᓂᔪᐤ ᒐ ᐊᑲ ᒋ ᐊᐱᑎᓂᔨᒡ ᐊᓂᔭ ᑕᓐ ᑲ ᐃᓯ ‍ ᐊᓱᑎᒧᐛᑭᓄᐅᑦ᙮
\v 18 ᐛᔅ ᐊᓂᔭ ᐅᒋ ᐊ ‍ ᓂᓇᐊᔨᑎᒥᔨᒋ ᐎᓱᐛᐅᓂᔪᐤ ᐛᒋ ‍ ᓱᐛᔨᒪᒂ ᒋᓴᒪᓂᑐᐤ ᐊᐛᔪᐛ, ᐊᑯ ᑭᑈ ᓇᒪ ᒋᐸ ᐅᒋ ‍ ᓱᐛᔨᒥᑯᓄᐤ ᐊᓂᔭ ᐅᒋ ᑕᓐ ᑲ ‍ ᐃᔅᒋᔄᑦ ᒐᔅᑎᓇᔅ ᒐ ‍ ᐃᑐᑎᒪᑕᐧᒄ᙮ ᒥᒄ ᒪᒃ, ᐊᓂᔭ ᐊᒋ ‍ ᐃᑕᑦ ᐊᑉᕋᐊᒪ ᒐᔅᑎᓇᔅ ᒐ ‍ ᓱᐛᔨᒪᑦ ᒋ ‍ ᒥᔭᐤ ᐊᓂᔭ ᑕᓐ ᑲ ‍ ᐃᑕᑦ ᒐ ‍ ᒥᔭᑦ᙮
\p
\v 19 ᒐᒂᔪᐤ ᒪᒃ ᐛᒋ ‍ ᒥᔭᑭᓄᐎᒡ ᐊᐛᓐᒋ ᐊᓂᔭ ᐎᓱᐛᐅᓂᔪᐤ ? ᒋ ‍ ᒥᔭᑭᓄᐎᒡ ᐊᓐᑕ ᐅᒋ ᒐᒋ ᐅᒋ ‍ ᓂᔅᑐᓇᒡ ᒥᒐᑎᓯᐅᓂᔪᐤ᙮ ᑭᔭ ᐊᔪᐅᒄ ᐅᔭ ᐎᓱᐛᐅᓂᔪᐤ ᒋᐸ ‍ ᐊᐱᑎᓂᔪᐤ ᒐ ‍ ᐃᔅᐱᔅ ᐊᑲ ᑎᑯᓯᓂᔨᒋ ᐊᓂᔭᔪᐛ ᒋᓴᒪᓂᑐᐤ ᑲ ‍ ᐃᔅᒋᔄᑦ ᐊᑉᕋᐊᒪ ᐊ ‍ ᑕᔨᒋ ᒐ ᐅᒋ ᐊᓂᔅᒐ ‍ ᐱᒪᑎᓯᔨᒋ, ᐊᓐ ᑲ ‍ ᒥᔭᑭᓄᐅᑦ ᐊᓂᔭ ᐊᓱᑎᒪᒐᐅᓂᔪᐤ᙮ ᐊᓐᒋᓐᒡ ᒋ ‍ ᐸᑕᐅᒡ ᐅᔭ ᐎᓱᐛᐅᓂᔪᐤ ᐅᑕ ᐊᔅᒋᒡ᙮ ᒧᓱᓴ ᒪᒃ ᐊᐅᑯᓂ ᑲ ‍ ᐊᐱᒋᐊᒡ ᐊᓐᒡ ᐊᓐᒋᓐᒡ ᒐᒋ ᐛᐎᑎᒧᐛᑭᓄᔨᒋ ᐊᓂᔭᔪᐛ ᐃᔪᐛ ᐊᓂᔭᐤ ᐎᓱᐛᐅᓂᔪᐤ᙮
\v 20 ᐊ ‍ ᐸᐃᑯᓯᑦ ᒪᒃ ᐊᐛᓐ ᒐᒂᔪᐤ ᐊ ᐃᓯ ‍ ᓂᔅᑯᒧᑦ ᓇᒪ ᓂᑐᐛᔨᒪᐤ ᐃᔨᒥᔅᑎᒪᒐᓱᐛ᙮ ᒋᓴᒪᓂᑐᐤ ᒪᒃ ᒥᒄ ᐸᐃᑯᓱᐤ ᐎᔾ᙮
\s1 ᒐᒂᔪᐤ ᐛᒋ ‍ ᐱᔅᑎᓇᐧᒃ ᒋᓴᒪᓂᑐᐤ ᐊᓂᔭᔪᐛ ᐎᓱᐛᐅᓇ
\p
\v 21 ᐃᔭᒡ ᐊ ᒪᒃ ᐃᔅᒋᔄᒥᑭᓇ ᐊᓂᔭ ᒍᐤ ᐊᔭᒥᐊᐅ ᐎᓱᐛᐅᓇ ᑕᓐ ᑲ ‍ ᐃᔅᒋᔄᑦ ᒋᓴᒪᓂᑐᐤ ᒐ ‍ ᐃᑎᑦ ᐃᔅᐱ ᑲ ‍ ᐎᑕᐧᒃ ᒐ ᐃᓯ ‍ ᓂᔅᑯᒧᑦ ? ᓇᒪ ᓇᔅᒡ ᐃᔭᒡ ᐃᔅᒋᔄᒥᑭᓇ᙮ ᒧᔭᒻ ᐊ ‍ ᐃᑕᑭᓄᐛᑯᐱᓇᓂ ᐎᓱᐛᐅᓇ ᐊᓐᑕ ᒐᒋ ᐅᒋ ‍ ᐱᒪᒋᐅᒡ ᐊᐛᓐᒋ ᑭᑈ ᐅᑯᐃᔅᑯᑕᑎᓯᐤ ᒋᐸ ᐃᓯ ‍ ᑭᓄᐛᐱᒪᐤ ᒋᓴᒪᓂᑐᐤ ᐊᓂᔭᔪᐛ ᐊᐛᔪᐛ ᑲ ‍ ᓂᓇᐊᔨᑎᒥᔨᒋ ᐊᓂᔭᔪᐛ ᐎᓱᐛᐅᓇ᙮
\v 22 ᓇᒪ ᒪᒃ ᑎᑯᓐ ᐎᓱᐛᐅᓐ ᐊᓐ ᐊ ‍ ᐃᑕᔨᑕᒂᒡ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒥᓯᐛ ᐊᐛᓐ ᐅᑕ ᐊᔅᒋᒡ ᑲ ‍ ᐱᒪᑎᓯᑦ ᓇᔅᒡ ᑎᐸᔨᒥᑯᐤ ᒥᒐᑎᓯᐅᓂᔪᐤ᙮ ᐊᑯ ᒪᒃ ᒋᓴᔅ ᙭ ᐅᒋ ᐊᑯᑕ ᒐ ᐅᒋ ‍ ᒥᔨᐛᑦ ᒋᓴᒪᓂᑐᐤ ᑕᓐ ᐊᓂᔭᔪᐛ ᒐᔅᑎᓇᔅ ᑲ ‍ ᐃᔅᒋᔄᑦ ᒐ ‍ ᒥᔨᐛᑦ᙮ ᒥᓯᐛ ᒪᒃ ᐊᓐᒡ ᒐ ‍ ᑕᑈᔭᔨᒪᒡ ᒋᓴᓴ ᐊᐅᑯᓐᒡ ᒐ ‍ ᒥᔨᑯᒡ ᒋᓴᒪᓂᑐᐛ ᐊᓂᔭ ᑲ ‍ ᐃᔅᒋᔄᔨᒋ ᒐ ‍ ᒥᔨᐛᔨᒋ᙮
\s2 Galatians 3.23-29 (Proper-7 Year C)
\p
\v 23 ᐊᔅᒄ ᐊᑲ ᐅᒋ ᑎᑯᓯᐧᒃ ᒋᓴᔅ ᐅᑕ ᐊᔅᒋᒡ ᔅᒋ ‍ ᒪᒋᒂᐱᐧᑲᑎᑯᓇᓄᐤ ᐎᓱᐛᐅᓐ ᐸᑐᔅ ᑲ ‍ ᐅᑎᒋᐱᔨᒡ ᒐᒋ ᑕᑈᑎᒪᐧᒄ᙮
\v 24 ᐊᐅᒄ ᐎᓱᐛᐅᓐ ᓇᔅᒡ ᑲ ‍ ᒋᔅᒋᓄᐱᔨᐃᑯᔭᐧᒄ ᐊᔅᒄ ᐊᑲ ᐅᒋ ᑎᑯᓯᐧᒃ ᒋᓴᔅ᙮ ᐊᐅᒄ ᐎᓱᐛᐅᓐ ᑲ ‍ ᐃᑐᑕᑯᔭᐧᒄ ᒐᒋ ᑕᑈᑎᒪᐧᒄ ᑭᔭ ᒋᓴᒪᓂᑐᐤ ᒐᒋ ᓇᐊᔨᒥᑕᐧᒄ᙮
\v 25 ᐊᑯ ᒪᒃ ᐃᔅᐱ ᑎᔭᑈᑕᐧᒃ ᐊᐛᓐ ᐊᑯ ᑭᑈ ᓇᒪ ᐊᑯ ᓂᑐᐛᔨᑕᑯᓂᔪᐤ ᐎᓱᐛᐅᓂᔪᐤ ᒐᒋ ᒋᔅᒋᓄᐱᔨᐃᑯᑦ᙮
\s1 ᒋᓴᒪᓂᑐᐤ ᐅᑯᓴ
\p
\v 26 ᒥᓯᐛ ᒋᔨᐛᐤ ᑲ ‍ ᑕᑈᔭᔨᒪᒄ ᒋᓴᔅ ᙭ ᐊᑯᑕ ᐛᒋ ‍ ᐅᑦ ᐊᐛᓯᒥᑐᑕᑕᒄ ᒋᓴᒪᓂᑐᐤ᙮
\v 27 ᑲ ‍ ᓯᑲᐃᑕᑯᔭᒄ ᐎᔾ ᙭ ᐊ ‍ ᑕᑦ ᔅᒋ ᐃᓯ ‍ ᓯᑲᐃᑕᑯᓇᐛᐤ᙮ ᐊᑯ ᒪᒃ ᐎᔾ ᐊ ‍ ᑕᑦ ᐊ ᐃᓯ ‍ ᑎᐸᔨᑕᑯᓯᔭᒄ ᑭᔭ ᒋᑦ ᐊᑎ ‍ ᓂᔅᐱᑐᐛᐛᐤ᙮
\v 28 ᒥᓯᐛ ᐸᐃᑯᓄᒡ ᒋ ᐊᑎ ᐃᓯ ‍ ᑭᓄᐛᐱᒥᑯᐛᐤ ᒋᓴᒪᓂᑐᐤ, ᓇᒪ ᒐᒂᓐ ᐊᓐ ᒍᐤ ᑭᔭ ᒪᒃ ᐊᑲ ᒍᐤ ᐊ ‍ ᐃᑎᔅᑲᓇᓱᐛᒂ, ᑭᔭ ᐊ ‍ ᐊᐱᒋᐊᑭᓂᐛᒂ ᑭᔭ ᒪᒃ ᐊᑲ ᐊ ‍ ᐊᐱᒋᐊᑭᓂᐛᒂ, ᐊ ‍ ᓇᐸᐅᐛᒂ ᑭᔭ ᒪᒃ ᐊ ‍ ᐃᔎᐅᐛᒂ᙮
\v 29 ᙭ ᐊ ‍ ᑕᑦ ᐊ ᐃᓯ ‍ ᑎᐸᔨᑕᑯᓱᐅᓇ ᒧᔭᒻ ᐊᑉᕋᐊᒻ ᐊ ‍ ᑕᑦ ᐊᒋ ᐅᒋ ᐊᓂᔅᒐ ‍ ᐱᒪᑎᓯᔨᓐ ᒋᑦ ᐃᓯᓇᑯᓯᓐ᙮ ᐊᑯ ᒪᒃ ᒐ ‍ ᒥᔅᑭᒧᑦ ᐊᓂᔭ ᑕᓐ ᑲ ‍ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ‍ ᒥᔨᐛᑦ᙮
\c 4
\p
\v 1 ᒥᓐ ᒋᑭ ‍ ᐎᑎᒪᑎᓇᐛᐤ ᑕᓐ ᐊᓐ ᐛ ‍ ᐃᔅᒋᔄᔭᓐ᙮ ᒪᒥᑐᓇᔨᒪᐧᒄ ᒪ ᓇᐸᔅ ᒐ ‍ ᐊᓂᔅᒐ ᐊᓱ ᒥᔭᑭᓄᐅᑦ ᐅᑕᐎᔭ ᐅᑦ ᐊᐱᒋᑕᐅᓂᔪᐛ, ᐊᔅᒄ ᐊ ‍ ᐊᐛᓯᐅᑦ ᐊᐱᒋᐊᑭᓐ ᐃᓯ ᑭᓄᐛᐱᒪᑭᓄᐤ᙮ ᓇᒪ ᐊᔅᒄ ᐎᔾ ᒋᑭ ᒋ ‍ ᐛᑕᔨᑎᒻ ᑕᓐ ᒐ ‍ ᐃᑎᑦ, ᐊᑎ ᓴᔅ ᒥᓯᐛ ᒐᒂᔪᐤ ᐊ ‍ ᑎᐱᔨᐛᐅᓯᑦ ᐊ ‍ ᐃᓯᓇᑯᓯᑦ᙮
\v 2 ᐊᔅᒄ ᐊ ‍ ᐊᐛᓯᐅᑦ ᑕᔪᐛ ᐊᓂᔭᔪᐛ ᓇᑕᐅᒋᓂᑯᑦ᙮ ᐊᐅᑯᓂ ᐊᓂᔭᔪᐛ ᑲᓄᐛᔨᒥᑯᑦ ᑭᔭ ᓂᔭᓇᑭᑐᐛᔨᑎᒪᑯᑦ ᐊᓂᔭᔪᐛ ᒐᒂᔪᐛ ᒐ ‍ ᐊᔭᑦ ᐸᑐᔅ ᐅᑎᒋᐱᔨᒐ ᐊᓐᑕ ᒐ ‍ ᐃᔅᒋᔄᔨᒋ ᐅᑕᐎᔭ ᐊᑯ ᑎᐸᓐ ᒐᒋ ᐎᔭᔨᑎᒪᓱᑦ᙮
\v 3 ᐊᐅᑯᓐ ᒪᒃ ᒧᔭᒻ ᒋᔭᓄᐤ, ᐊᔅᒄ ᐊᑲ ᐅᒋ ᒋᔅᒐᔨᑎᒪᐧᒄ ᑕᑈᐅᓐ ᒧᔭᒻ ᐊᐛᓯᒡ ᔅᒋ ‍ ᐃᑕᔨᑕᑯᓯᓇᓄᐤ᙮ ᐎᓱᐛᐅᓇ ᑭᔭ ᐃᑐᐅᓇ ᐅᑕ ᐊᔅᒋᒡ ᓇᔅᒡ ᒋᒋᐛ ᑲ ‍ ᐃᑕᔨᑎᒥᐃᑯᔭᐧᒄ ᔅᒋ ‍ ᒪᒋᒂᐱᐧᑲᑎᑯᓇᓄᐤ᙮
\s2 Galatians 4.4-7 (Christmas-1 Year B)
\p
\v 4 ᐃᔅᐱ ᒪᒃ ᑕᑈ ᐛᑎᒋᐱᔨᒡ ᐊᓐᑕ ᑲ ‍ ᐃᑕᔨᑎᒥᑯᐱᓇ ᒋᓴᒪᓂᑐᐤ ᒐᒋ ᐸᒋ ‍ ᐃᑎᓴᐛᑦ ᐅᑯᓴ, ᒋ ᐸᒋ ‍ ᐃᑎᓴᐛᐤ ᐅᑕ ᐊᔅᒋᒡ᙮ ᐃᔎᐛ ᐊ ‍ ᑕᔨᒋ ᒋ ᐅᒋ ‍ ᐱᒪᑎᓯᐤ᙮ ᒍᐤ ᒋ ‍ ᐃᑎᔅᑲᓇᓱᐤ ᑭᔭ ᒂ ‍ ᓂᑐᐛᔨᑕᑯᓯᑦ ᒐᒋ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮
\v 5 ᒋ ᐸᒋ ‍ ᐃᑎᓴᐛᑭᓄᐤ ᐅᑕ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᒍᐤ ᐊᔭᒥᐊᐅ ᐎᓱᐛᐅᓂᔪᐤ ᑲ ‍ ᒪᒋᒂᐱᐧᑲᑎᑯᔨᒋ ᐊᓐᑕ ᒥᓯᐛ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯ ‍ ᑭᓄᐛᐱᒪᑭᓄᔨᒋ᙮
\v 6 ᐊ ‍ ᐅᑦ ᐊᐛᓯᒥᑐᑕᑕᐧᒄ ᒪᒃ ᒋᓴᒪᓂᑐᐤ, ᒋ ᐸᒋ ‍ ᐃᑎᓴᐛᐤ ᐅᑯᓴ ᐅᑦ ᐊᒐᐧᑯᔪᐛ ᒋᑕᐃᓇᒡ᙮ ᐊᓐ ᒪᒃ ᐊᒐᐧᒄ ᐊᐅᒄ ᐊ ‍ ᐃᑐᑕᑕᐧᒄ, “ᓄᑕ, ᓄᑕᐎᔾ,” ᒐᒋ ᐃᓯ ‍ ᑕᑈᑕᐧᒄ ᒋᓴᒪᓂᑐᐤ᙮
\v 7 ᓇᒪ ᒪᒃ ᐊᑯ ᐊᐱᒋᐊᑭᓐ ᒋ ᐊᑎ ᐃᓯ ‍ ᑭᓄᐛᐱᒥᑯᐅᓐ᙮ ᐃᔭᐱᒡ ᒋᓴᒪᓂᑐᐤ ᐅᑦ ᐊᐛᓯᒪ ᒋ ᐊᑎ ᐃᓯ ‍ ᑭᓄᐛᐱᒥᑯᐅᓐ᙮ ᐊᑯ ᒪᒃ ᒋᓴᒪᓂᑐᐤ ᐅᑦ ᐊᐛᓯᒪ ᐊ ᐃᓯ ‍ ᑭᓄᐛᐱᒥᑯᔨᓐ ᑭᑈ ᒐ ‍ ᒥᔨᔅᒃ ᑕᓐ ᐊᓂᔭᔪᐛ ᑲ ‍ ᐃᔅᒋᔄᑦ ᒐ ‍ ᐊᓱᐤ ᒥᔭᑦ ᐅᑦ ᐊᐛᓯᒪ᙮
\s1 ᑈᓪ ᑲ ‍ ᒥᑯᔅᑲᑕᔨᑎᒥᐃᑯᑦ ᐊᓂᔭᔪᐛ ᑲ ‍ ᑕᑈᑎᒥᔨᒋ ᑲᓚᓯᔭᒡ ᑲ ‍ ᐅᒋᔨᒋ
\p
\v 8 ᐊᓐᑕ ᐸᒋ ‍ ᐅᑕᒡ ᐊᔅᒄ ᐊᑲ ᐅᒋ ᒋᔅᒐᔨᒪᒄ ᒋᓴᒪᓂᑐᐤ ᔅᒋ ‍ ᒪᒋᒂᐱᐧᑲᑎᑯᐛᐅᒡ ᐊᓐᒡ ᒥᓂᑐᐅᒡ ᑲ ‍ ᐃᑕᔨᒪᑯᒡ ᐊᑲ ᒪᒃ ᒋᒋᐛ ᒥᓂᑐᐅᒡ ᐃᑕᔨᑕᑯᓯᒡ᙮
\v 9 ᐊᑯ ᒪᒃ ᒐᔅᒐᔨᒪᒄ ᐊᑯ ᒋᓴᒪᓂᑐᐤ᙮ ᑎᔭᐧᑯᓐ ᐃᔭᐱᒡ ᒋᐸ ‍ ᒥᔽᐤ ᐃᔅᒋᔄᔭᒄ ᐎᔾ ᐊᐅᒄ ᒋᓴᒪᓂᑐᐤ ᐊ ‍ ᒋᔅᒐᔨᒥᑕᒄ᙮ ᑕᓐᑕ ᐛᒋ ‍ ᐃᑎᔭᒄ ᒥᓐ ᒐᒋ ᓇᑕᑯᒡ ᐊᓐᒡ ᐊᒐᐧᑯᒡ ᐊᑲ ᓴᐱᓯᒡ ᑭᔭ ᐊᑲ ᐅᔭᔅ ᐃᑕᐱᑎᓯᒡ, ᒥᓐ ᒐᒋ ᒪᒋᒂᐱᐧᑲᑎᑕᑯᒡ᙮
\v 10 ᑎᑯᓇ ᐊᓂᔭ ᐊ ‍ ᒋᓯᑲᒋ ᑭᔭ ᐊ ‍ ᐃᔅᐱᑕᔭᒋ ᑭᔭ ᐊ ‍ ᐱᐳᒋ ᓇᔅᒡ ᒋᒋᐛ ᐊ ‍ ᐃᑕᔨᑎᒥᐃᑯᔭᒄ᙮ ᑕᐅᒡ ᑭᔭ ᐱᓯᒧᒡ ᒋᒋᐛ ᐊ ‍ ᐃᑕᔨᒪᑯᒡ᙮
\v 11 ᒋ ‍ ᒥᑯᔅᑲᑕᔨᑎᒥᐃᓇᐛᐤ ᐊ ‍ ᒪᒥᑐᓇᔨᒥᑎᑯᒡ᙮ ᒐᔅᑲ ᑲᑭᔭ ᐊᓐ ᑲ ‍ ᐃᔅᐱᔅ ᒋ ᒥᔅᑎ ‍ ᐊᑐᔅᒐᔭᓐ ᐊ ᐎ ‍ ᐎᒋᐃᑎᑯᒡ᙮
\p
\v 12 ᓂᐧᑲᓂᓯᑐᒄ, ᒋ ‍ ᓂᑐᑎᒪᑎᓇᐛᐤ ᑭᔭ ᒋᔨᐛᐤ ᒐᒋ ᐃᓯ ‍ ᐱᒪᑎᓯᔭᒄ ᒧᔭᒻ ᐊ ᐃᓯ ‍ ᐛᐱᒥᔭᒄ ᓂᔾ ᐊ ᐃᓯ ‍ ᐱᒪᑎᓯᔭᓐ᙮ ᐊᑎ ᒍᐤ ᐊ ‍ ᐃᑎᔅᑲᓇᓯᔭᓐ ᒧᔭᒻ ᐊᑲ ᒍᐤ ᐃᑎᔅᑲᓇᓯᔭᓐ ᓂᒋ ‍ ᐃᑎᓐ ᒪᒂᒡ ᐊᓐᑕ ᐊ ‍ ᑕᔭᒄ ᑲ ‍ ᑕᔭᓐ᙮ ᑕᐸ ᓂ ᐎ ‍ ᐃᑕᔨᑕᑯᓯᓐ ᐎᓱᐛᐅᓐ ᐎ, ᒐᒋ ᐱᒪᒋᐃᑯᔭᓐ ᑭᑈ ᒐᒋ ᐃᓯ ‍ ᑭᓄᐛᐸᑎᒪᓐ᙮ ᓇᒪᐎᔾ ᒐᒂᓐ ᒋ ᐅᒋ ᐃᓯ ‍ ᐅᓂᑐᑐᐅᓇᐛᐤ ᒪᒂᒡ ᐊᓐᑕ ᐊ ‍ ᑕᔭᒄ ᑲ ‍ ᑕᔭᓐ᙮
\v 13 ᒐᔅᑎᓇᔅ ᒋ ‍ ᒋᔅᒋᓯᓇᐛᒐ ᑲ ‍ ᐊᐧᑯᓯᔭᓐ ᓂᔅᑎᒻ ᑲ ‍ ᓂᑐᐛᐱᒥᑎᑯᒡ ᒐᒋ ᐛᐎᑎᒪᑎᑯᒡ ᒥᔽᒋᒧᐅᓐ᙮
\v 14 ᓇᒪ ᒪᒃ ᒋ ᐅᒋ ‍ ᐊᑐᐛᔨᒥᓇᐛᐤ ᒐᒋ ᐛᐎᒋᐃᔭᒄ ᐊᑎ ᐊᒋ ‍ ᐊᔨᒪᓯᓇᒂᒡ ᒐᒋ ᐛᐎᒋᐃᔭᒄ ᑲ ‍ ᐃᔅᐱᔅ ᐛᓴ ᒋ ‍ ᐊᐧᑯᓯᔭᓐ᙮ ᐃᔭᐱᒡ ᓇᔅᒡ ᑕᑈ ᔅᒋ ᒥᔪ ‍ ᑭᓄᐛᔨᒥᓇᐛᐤ, ᒧᔭᒻ ᑕᑈ ᐊᓐᒋᓐ ᒋᒋᒋᓯᑯᒡ ᐊᒋ ᐅᒋ ‍ ᒧᐱᔅᑕᑕᒄ ᒪᒃ ᐎᔾ ᒋᓴᔅ ᙭ ᐊᒋ ‍ ᒧᐱᔅᑕᑕᒄ ᐊᐅᑯᓐ ᑲ ᐃᓯ ‍ ᒥᔪᐧᑯᔭᒄ᙮
\v 15 ᐊᓐ ᒪᒃ ᒪᒂᒡ ᓇᔅᒡ ᑕᑈ ᔅᒋ ‍ ᒥᔽᔨᑕᓇᐛᐤ᙮ ᑕᓐ ᒪᒃ ᐊ ‍ ᐃᑎᔭᒄ ᐊᑯ᙮ ᓂ ‍ ᒐᔅᑎᓇᐅᓐ ᒋᐸ ‍ ᒥᔨᓇᐛᐤ ᒋᔅᒋᓯᑯᐛᐛ ᒋ ‍ ᐃᓯᓇᑯᓂᑯᐱᓇ ᒐᒋ ᑯᐃᑯᓂᒪᒄ ᑲ ‍ ᐃᔅᐱᔅ ᓱᒃ ᒋ ᐎ ‍ ᐛᐎᒋᐃᔭᒄ᙮
\v 16 ᒋ ‍ ᐛᐧᑲᓯᓇᐛᐤ ᐊ ᐊᑯ ᑕᑈᐅᓐ ᐊ ‍ ᐎᑎᒪᑎᑯᒡ ?
\p
\v 17 ᓇᔅᒡ ᑕᑈ ᒋ ᐎ ‍ ᓇᐊᔨᑎᒥᐃᑯᐛᐅᒡ ᐊᓐᒡ ᐃᔭᒡ ᑲ ᐃᓯ ‍ ᒋᔅᑯᑎᒪᒐᒡ᙮ ᒥᒄ ᒪᒃ ᑎᑯᓂᔪᐤ ᑕᓐ ᐊ ᐃᓯ ᐊᑲ ᒧᔭᒻ ᐃᑕᔨᑕᑯᓂᔨᒡ ᑕᓐ ᐛ ‍ ᐃᑎᒡ᙮ ᒋ ᐎ ‍ ᐃᑐᑕᑯᐛᐅᒡ ᒐ ᐊᑲ ᒋ ᐊᐱᑕᔨᒥᔭᒄ ᓂᔾ, ᐎᔨᐛᐤ ᐃᔭᐱᒡ ᒐᒋ ᓂᑐᑐᐛᑯᒡ᙮
\v 18 ᑕᑈ ᑭᑈ ᒥᔽᔪᐤ ᓱᒃ ᐊ ‍ ᑯᒋᑕᑦ ᐊᐛᓐ ᒐᒋ ᐎᒋᐊᑦ ᐊᐛᔪᐛ, ᑕᑈ ᒪᒧᔭᒻ ᐛ ᐃᓯ ‍ ᐎᒋᐊᒂ᙮ ᒥᔽᐤ ᑕᓐ ᐊ ᐃᓯ ᒧᔅ ᒥᔪ ‍ ᐎᒋᐊᒄ ᐊᐛᓐ ᐊᑎ ᐊᑲ ᑕᔭᓐ ᐊᓐᑕ ᐊ ‍ ᑕᔭᒄ᙮
\v 19 ᒋᔨᐛᐤ ᓂᑦ ᐊᐛᓯᒥᒡ ᑲ ‍ ᐃᑕᔨᒥᑎᑯᒡ, ᒧᔭᒻ ᐃᔎᐤ ᐊ ‍ ᐃᔅᐱᔅ ᐊᐧᑯᓯᑦ ᐊ ᐎ ‍ ᐛᐱᒪᐅᓱᑦ ᐊᐅᑯᓐ ᒥᓐ ᐊ ‍ ᐃᑎᒪᒋᐅᔭᓐ ᐊ ‍ ᒪᒥᑐᓇᔨᒥᑎᑯᒡ, ᐊᐅᑯᓐ ᒐ ‍ ᐃᑎᒪᒋᐅᔭᓐ ᐸᑐᔅ ᓂᔅᐱᑐᐛᒂ ᒋᓴᔅ ᐊ ‍ ᐃᑕᔨᑕᑯᓯᑦ᙮
\v 20 ᑕᑈ ᓂᐸ ‍ ᒥᔽᔨᑕᓐ ᓂᑐᐛᐱᒥᑎᑯᒡ ᐃᔭᒡ ᒐᒋ ᐃᑎᑕᑯᓯᔭᓐ ᐊ ‍ ᐃᔨᒥᐃᑎᑯᒡ᙮ ᐛᔅ ᓂ ‍ ᒥᑯᔅᑲᑕᔨᑕᓐ ᐊ ‍ ᒪᒥᑐᓇᔨᒥᑎᑯᒡ᙮
\s1 ᐦᐊᐃᑲᕐ ᑭᔭ ᓴᕋ
\p
\v 21 ᐅ ᒪᒃ ᐸᒋ ‍ ᐎᑎᒧᐅᒄ ᒋᔨᐛᐤ ᒍᐤ ᐊᔭᒥᐊᐅ ᐎᓱᐛᐅᓇ ᑲ ‍ ᐃᑕᔨᑎᒪᒄ ᒐᒋ ᑎᐸᔨᒥᑯᔭᒄ, ᓇᒪᐎᔾ ᐊ ᒋ ‍ ᒐᔅᑎᓇᐅᓇᐛᐤ ᑕᓐ ᐊ ‍ ᐃᔅᒋᔄᒥᑲᒋ ᐊᓂᔭᔪᐛ ᐎᓱᐛᐅᓇ ?
\v 22 ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ ᐊᑉᕋᐊᒻ ᐊᒋ ‍ ᓂᓯᔨᒋ ᐅᑯᓴ᙮ ᒋ ‍ ᓂᓯᔪᐛ ᐃᔎᐛ ᐊᒋ ‍ ᐅᑦ ᐊᐛᓯᒥᐧᑯᐛᑦ᙮ ᑯᐸᓇᔎᐛ ᐊᓂᔭᔪᐛ ᐸᐃᒄ, ᐦᐊᐃᑲᕐ ᒋ ‍ ᐃᓯᓂᐧᑲᓱᔪᐛ᙮ ᐊᑯ ᐊᓂᔭᔪᐛ ᑯᑎᑲ ᐊᐅᑯᓂ ᐎᐛ, ᓴᕋ ᒋ ‍ ᐃᓯᓂᐧᑲᓱᔪᐛ᙮
\v 23 ᐃᔅᐱ ᑲ ‍ ᐱᒪᑎᓯᔨᒋ ᐅᑦ ᐊᐛᓯᒪ ᐊᓐ ᑯᐸᓇᔎᐤ ᐦᐊᐃᑲᕐ, ᓇᒪ ᒐᒂᓐ ᐅᒋ ᐃᑕᔨᑕᑭᓄᐅᔪᐤ᙮ ᐊᑯ ᐃᔅᐱᔅ ᓴᕋ ᐅᑯᓴ ᐸᒪᑎᓯᔨᒋ ᓇᔅᒡ ᑕᑈ ᒋᒋᐛ ᒋ ‍ ᐃᑕᔨᑕᑭᓄᐅᔪᐤ ᐛᔅ ᒋ ‍ ᐃᑎᑯᐤ ᒋᓴᒪᓂᑐᐛ ᑕᑈ ᒐ ‍ ᐅᑦ ᐊᐛᓯᒥᑦ ᐊᑎ ᐊᒋ ‍ ᒋᓴᐃᔎᐅᑦ ᑭᔭ ᐊᑲ ᐅᒋ ᓂᑕᐅᓴᑦ᙮
\p
\v 24 ᒪᐅ ᒪᒃ ᒐᔅᑯᑎᒪᑯᔭᐧᒄ ᐊᓐ ᑎᐸᒋᒧᐅᓐ ᒐᒋ ᐃᓯ ‍ ᓂᔅᑐᑎᒪᐧᒄ᙮ ᐅᒡ ᓂᓱ ᐃᔎᐅᒡ ᐊᐅᑯᓐᒡ ᒧᔭᒻ ᐊᓂᔭᔪᐛ ᓂᔅᑯᒧᐅᓇ ᐊ ‍ ᓂᓯᒋ ᒋᓴᒪᓂᑐᐤ ᑲ ᐸᒋ ‍ ᐱᔅᑎᓇᐧᒃ᙮ ᐅ ᑯᐸᓇᔎᐤ ᐦᐊᐃᑲᕐ ᐊᐱᒋᐊᑭᓐ ᐊᐛᓴ ᒋ ‍ ᐱᒪᑎᓯᔪᐛ ᐊ ‍ ᑕᑦ ᐅᒡ᙮ ᐊᐅᑯᐤ ᒪᒃ ᒧᔭᒻ ᐊᓐ ᓂᔅᑯᒧᐅᓐ ᒋᓴᒪᓂᑐᐤ ᑲ ‍ ᐅᓯᑕᑦ ᐊᓐᑕ ᓴᐃᓇᐃ ᑲ ‍ ᐃᓯᓂᐧᑲᑕᒡ ᐱᔅᑯᑎᓇᒡ ᐊᐅᒄ ᐊ ‍ ᐃᓯᓇᑯᓯᑦ ᐅ ᐃᔎᐤ᙮ ᐊᓐᑕ ᐊᕋᐱᔭ ᐊ ‍ ᐃᓯᓂᐧᑲᑕᒡ ᐊᔅᒋᔾ ᐊᑯᑕ ᐊ ‍ ᑎᒂᒡ ᐊᓐ ᐱᔅᑯᑎᓇᐤ᙮
\v 25 ᒧᔭᒻ ᐅ ᐅᑕᓇᐤ ᐅᑕ ᐊᔅᒋᒡ ᐊᓄᒡ ᑲ ‍ ᑎᒂᒡ ᒋᕈᓯᓕᒻ ᐊ ‍ ᐃᓯᓂᐧᑲᑕᒡ ᐊᐅᒄ ᐦᐊᐃᑲᕐ᙮ ᐊᓂᔭᔪᐛ ᒍᐤ ᐊᔭᒥᐊᐅ ᐎᓱᐛᐅᓇ ᒪᒋᒂᐱᐧᑲᑎᑯᐅᒡ ᐊᓐᒡ ᐊᓐᑕ ᒋᕈᓯᓕᒥᒡ ᐊ ‍ ᑕᒡ᙮
\v 26 ᐊᓐ ᒋᕈᓯᓕᒻ ᒋᒋᒋᓯᑯᒡ ᐊ ‍ ᑎᒂᒡ ᐊᐅᒄ ᒋᑲᐎᓄᐤ᙮
\v 27 ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ,
\q ᒥᔽᔨᑕ, ᒋᔾ ᐊᑲ ᓂᑕ ᐅᒋ ᐊᔭᐅᑦ ᐊᐛᔅ᙮ ᒋᔾ ᐊᑲ ᓂᑕ ᐅᒋ ᐛᐱᒪᐅᓱᔨᓐ, ᑕᑈ ᐊ ᐃᔅᐱᔅ ‍ ᒥᔽᔨᑎᒥᓐ᙮
\q ᓇᒪ ᒋ ᐅᒋ ‍ ᐊᔭᐛᐅᒡ ᐊᐛᓯᒡ, ᐊᓄᒡ ᒪᒃ ᒋᔾ ᐃᐛᒃ ᒋᑭ ‍ ᒥᒐᑐᐅᒡ ᒋᑦ ᐊᐛᓯᒥᒡ ᐃᔅᐱᔅ ᐊᓐ ᐃᔎᐤ ᓴᔅ ᐛᔅᑭᒡ ᑲ ‍ ᐅᓇᐸᒥᑦ᙮
\p
\v 28 ᑭᔭ ᒋᔨᐛᐤ ᒪᒃ ᓂᐧᑲᓂᓯᑐᒄ, ᒋᓴᒪᓂᑐᐤ ᒋ ‍ ᐅᑦ ᐊᐛᓯᒥᑐᑕᑯᐛᐤ ᐛᔅ ᐊᐅᑯᓐ ᑲ ‍ ᐃᑎᑕᒄ ᒋᓴᒪᓂᑐᐤ ᒐ ‍ ᐃᓯᓇᑯᓱᐛᒄ᙮ ᒧᔭᒻ ᓴᕋ ᐅᑯᓴ ᐊᐃᓯᒃ ᑲ ‍ ᐃᓯᓂᐧᑲᓱᔨᒋ ᒋᑦ ᐃᓯᓇᑯᓯᓇᐛᐤ, ᐊᓂᔭᔪᐛ ᒋᓴᒪᓂᑐᐤ ᑲ ‍ ᐃᔅᒋᔄᑦ ᒐᔅᑎᓇᔅ ᒐ ‍ ᐱᒪᑎᓯᔨᒋ᙮
\v 29 ᐊᓐ ᐅᑯᓯᓯᒪᐤ ᑯᐸᓇᔎᐛ ᑲ ‍ ᐅᑲᐎᑦ ᒋ ‍ ᓂᓇᐧᑲᒋᐊᐤ ᐊᓂᔭᔪᐛ ᐎᐧᑲᓂᓴ, ᐊᓂᔭᔪᐛ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᑲ ᐅᒋ ‍ ᐎᑕᑭᓄᐎᒡ ᒐ ‍ ᐱᒪᑎᓯᔨᒋ᙮ ᐊᐅᑯᓐ ᒪᒃ ᒧᔭᒻ ᐊ ‍ ᐃᔅᐱᔨᒡ ᐊᔅᒄ ᐊᓄᒡ ᑲ ‍ ᒋᓯᑲᒡ᙮
\v 30 ᒥᒄ ᒪᒃ ᒪᐅ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᐎᐛᐱᓇᐧᒄ ᐊᓐ ᑯᐸᓇᔎᐤ ᑭᔭ ᐊᓂᔭᔪᐛ ᐅᑯᓴ᙮ ᐛᔅ ᐊᓂᔭ ᐅᑯᓴ ᐅ ᑯᐸᓇᔎᐤ ᑭᔭ ᐊᓂᔭᔪᐛ ᐊᑉᕋᐊᒻ ᐎᐛ ᐅᑯᓯᔪᐛ ᑕᐸ ᓂᑕ ᑕᐱᔅᑯᓐ ᒋᑭ ᐅᒋ ‍ ᑎᐸᔨᑎᒧᒡ ᑕᓐ ᒋᐸ ᐃᓯ ‍ ᐊᓱᑎᒪᑯᐅᒡ ᐅᑕᐎᐛᐛ᙮
\m
\v 31 ᐊᑯ ᒪᒃ ᓂᐧᑲᓂᓯᑐᒄ, ᓇᒪ ᐊᓐ ᑯᐸᓇᔎᐤ ᒋ ‍ ᐅᑦ ᐊᐛᓯᒥᑕᑯᓄᐤ᙮ ᐊᓐ ᐃᔎᐤ ᐊᑲ ᑯᐸᓇᔎᐅᑦ ᐊᐅᑯᓐ ᐛᑕᐛᓯᒥᑐᑕᑕᒄ᙮
\c 5
\s1 ᓱᒃ ᑭᓄᐛᔨᑕ ᑕᓐ ᑲ ᐃᓯ ‍ ᐎᐧᑯᒋᐃᔅᒃ ᙭
\s2 Galatians 5.1,13-25 (Proper-8 Year C)
\p
\v 1 ᙭ ᔅᒋ ‍ ᐱᒪᒋᐃᑯᓄᐤ ᐊᑲ ᒥᓐ ᒐᒋ ᒪᒋᒂᐱᐧᑲᑎᑯᔭᐧᒄ ᒐᒂᓐ᙮ ᐎ ᓱᒋᑲᐳᐅᒄ ᒪᒃ᙮ ᐊᑲᐎᔾ ᒥᓐ ᒋᑭ ᐅᒋ ‍ ᒪᒋᒂᐱᐧᑲᑎᑯᓇᐛᐤ ᒍᐤ ᐊᔭᒥᐊᐅ ᐎᓱᐛᐅᓇ᙮
\v 2 ᓂᑐᑐᐅᒄ ᒪ᙮ ᓂᔾ ᑈᓪ ᐅ ᒐ ‍ ᐃᑎᑎᑯᒡ᙮ ᐱᔅᑎᓂᓱᔨᓇ ᒐᒋ ᒋᔅᒋᓄᐛᒋᔄᑯᔨᓐ ᐊᑯ ᑭᑈ ᐊ ‍ ᐃᓯᓇᒂᒡ ᒧᔭᒻ ᐊᑲ ᐊᐱᑎᓂᔨᒡ ᐊᓂᔭ ᑕᓐ ᑲ ‍ ᐃᑐᑎᒪᑕᒄ ᙭᙮
\v 3 ᒥᓐ ᓂᑭ ‍ ᐃᑕᐤ ᒥᓯᐛ ᐊᐛᓐ ᑲ ‍ ᐱᔅᑎᓂᓱᑦ ᒐᒋ ᒋᔅᒋᓄᐛᒋᔄᑭᓄᐅᑦ, ᑭᑈ ᒐ ‍ ᓂᑐᐛᔨᑕᑯᓯᑦ ᒥᓯᐛ ᐊᓂᔭᔪᐛ ᒍᐤ ᐊᔭᒥᐊᐅ-ᐎᓱᐛᐅᓇ ᓇᔅᒡ ᒐᒋ ᓂᓇᐃᑕᐧᒃ᙮
\v 4 ᒋᔨᐛᐤ ᑲ ‍ ᐃᑕᔨᑎᒪᒄ ᑯᐃᔅᑯᑕᑎᓯᐅᓂᒡ ᒐ ᐃᓯ ‍ ᑭᓄᐛᐱᒥᑕᒄ ᒋᓴᒪᓂᑐᐤ ᐊ ‍ ᓂᓇᐃᑎᒪᒄ ᒍᐤ ᐊᔭᒥᐊᐅ ᐎᓱᐛᐅᓇ ᓇᒪᐎᔾ ᒋᓴᔅ ᙭ ᒋ ‍ ᐎᒐᐛᐛᐤ᙮ ᓇᒪ ᒋ ᐎ ‍ ᐅᑎᓂᒺᓇᐛᐤ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮
\v 5 ᓂᔭᓐ ᒪᒃ ᐎ ᑲ ‍ ᑕᑈᑎᒪᒡ, ᑲ ‍ ᐸᔭᒋᓯᑦ ᐊᒐᐧᒄ ᐊ ‍ ᐎᒋᐃᒥᑦ ᓂᑦ ᐊᔅᐸᔨᒧᓇᓐ ᒋᓴᒪᓂᑐᐤ ᒐᒋ ᑯᐃᔅᑯᓇᑯᐃᔨᒥᑦ ᐎᔾ ᐃᔅ ᐊ ‍ ᐃᑕᑦ᙮
\v 6 ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ‍ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ‍ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ‍ ᑕᑈᔭᔨᒪᒄ᙮
\p
\v 7 ᐊᑎ ᐊᔅᒄ ᓱᒃ ᔅᒋ ‍ ᐃᑕᔨᑕᓇᐛᐤ ᐊ ‍ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᐛᓐ ᑲ ‍ ᐃᑐᑕᑕᒄ ᒐ ᐊᑲ ᒋ ᓂᓇᐃᑎᒪᒄ ᑕᑈᐅᓐ ?
\v 8 ᓇᒪᐎᔾ ᐎᔾ ᒋᓴᒪᓂᑐᐤ, ᐊᓐ ᑲ ‍ ᑕᑈᑎᑕᒄ, ᑲ ‍ ᓯᒋᒥᑕᒄ ᐅᔭ ᒐᒋ ᐃᑐᐛᒄ᙮
\v 9 ᐊᐅᒄ ᑲᒋ ‍ ᐃᓇᓄᐅᒡ ᒪᓐ, ᒥᒄ ᐊᐱᓯᔅ ᐊ ‍ ᐊᐱᑎᒡ ᑲᐅᐱᔨᒡ ᐃᔭᐱᒡ ᒥᓯᐛ ᐊ ‍ ᐃᔅᐱᑎᑦ ᐊᓐ ᐸᒂᓯᑭᓐ ᒋᑭ ‍ ᐅᐱᔪᐤ᙮
\v 10 ᐃᔭᐱᒡ ᒪᒃ ᒋ ‍ ᒐᔅᑎᓇᑕᔨᒥᑎᓇᐛᐤ ᐅᑎᐸᔨᒋᒐᐤ ᐅᒋ ᒧᔭᒻ ᓂᔾ ᐊ ᐃᓯ ‍ ᑭᓄᐛᐸᑎᒪᓐ ᒐᒋ ᐃᓯ ‍ ᑭᓄᐛᐸᑎᒪᒄ ᑭᔭ ᒋᔨᐛᐤ᙮ ᐊᓐ ᒪᒃ ᐊᐛᓐ ᑲ ‍ ᒥᑯᔅᑲᑕᔨᑎᒥᐃᑕᒄ ᓇᔅᒡ ᑲ ‍ ᑯᒋᑕᑦ ᐎᔾ ᒐᒋ ᓂᑐᑐᐛᒄ, ᒋᑭ ‍ ᐛᐛᓯᐊᑭᓄᐤ᙮
\p
\v 11 ᓂᐧᑲᓂᓯᑐᒄ, ᑕᐅᒡ ᐊᐛᓐᒋ ᐊ ‍ ᐃᔅᒋᔄᒡ ᐊ ‍ ᐃᔅᒋᔄᐅᒡ ᐊ ‍ ᓂᑐᐛᔨᑕᑯᓂᔨᒡ ᒐᒋ ᒋᔅᒋᓄᐛᒋᔄᑭᓄᐅᑦ ᐊᐛᓐ᙮ ᓇᒪ ᒪᒃ ᐅ ᓂᑦ ᐃᓯ ‍ ᑭᒐᔅᒋᒧᓐ᙮ ᐊᓂᔭ ᐊ ‍ ᐛᐎᑎᒧᒡ ᒋᓴᓴ ᐊᒋ ‍ ᓂᐱᔨᒋ ᒋᐱᔭᑎᑯᒡ ᐊᓐᑕ ᐅᑯᐃᔅᑯᑕᑎᓯᐤ ᒐᒋ ᐃᓯ ‍ ᑭᓄᐛᐱᒥᑕᒄ ᒋᓴᒪᓂᑐᐤ ᐊᐅᒄ ᐊᓂᔭ ᐛᒋ ‍ ᒋᔄᓯᒡ ᐊᐛᓐᒋ᙮ ᐊᐅᒄ ᐊᓂᔭ ᐛᒋ ‍ ᓂᓇᐧᑲᑕᔨᒧᐃᒡ᙮
\v 12 ᑭᒪ ᐊᑎᑐᐤ ᒪᑎᓱᓱᒡ ᐊᓐᒡ ᑲ ‍ ᒋᔅᒋᓄᐛᒋᔄᑭᓄᐎᒡ, ᐊᓐᒡ ᑲ ‍ ᒥᑯᔅᑲᑕᔨᑎᒥᐃᑕᑯᒡ᙮
\s2 Galatians 5.1,13-25 (Proper-8 Year C)
\p
\v 13 ᓂᐧᑲᓂᓯᑐᒄ᙮ ᔅᒋ ‍ ᐃᑕᔨᒥᑯᓇᐛᐤ ᒐᒋ ᐎᐧᑯᒋᐃᑯᔭᒄ ᑕᓐ ᐊ ᐃᓯ ‍ ᒪᒋᒂᐱᐧᑲᓱᔭᒄ᙮ ᐊᑲᐎᔾ ᒥᒄ ᒋᑭ ‍ ᐎᐅᓂᑕᓇᐛᐤ ᐅ ᐊᒋ ‍ ᐎᐧᑯᒋᐃᑯᔭᒄ ᒐᒋ ᐱᔅᑎᒪᒄ ᒐᒋ ᒥᒋᑐᑎᒪᒄ᙮ ᐃᔭᐱᒡ ᒋᐸ ‍ ᐛᐎᒋᐃᑐᓇᐛᐤ ᐊ ‍ ᓴᒋᐃᑐᔭᒄ᙮
\v 14 ᑎᐸᑐᑎᒻ ᐊᐛᓐ ᐎᓱᐛᐅᓇ, ᐅᔭ ᐸᐃᒄ ᐎᓱᐛᐅᓂᔪᐤ ᐊ ‍ ᓂᓇᐃᑕᐧᒃ ᐊᐅᒄ, “ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ‍ ᓴᒋᐃᓱᔨᓐ᙮”
\v 15 ᐎ ᐃᔭᒂᒥᒄ ᒪᒃ᙮ ᒧᔅ ᒥᒋᐱᔨᐃᑐᔭᒂ ᑭᔭ ᒋᐧᑲᒥᑐᔭᒂ ᐃᔭᒂ ᒋᒋᐛ ᓂᓱᐅᓇᒋᐃᑐᔭᒂ᙮
\s1 ᐃᔭᒂ ᓂᑐᑐᐛᑕᐤ ᑲ ‍ ᐸᔭᒋᓯᑦ ᐊᒐᐧᒄ ᐊ ‍ ᐱᒪᑎᓯᔭᐧᒄ
\p
\v 16 ᐅ ᒪᒃ ᒥᓐ ᒋ ‍ ᐎᑎᒪᑎᓇᐛᐤ᙮ ᐱᔅᑎᓐ ᑲ ‍ ᐸᔭᒋᓯᑦ ᐊᒐᐧᒄ ᒐᒋ ᐛᐸᑎᔨᔅᒃ ᑕᓐ ᒐ ᐃᓯ ‍ ᐱᒪᑎᓯᔨᓐ, ᐊᑯ ᑭᔭ ᓇᒪ ᒋᑭ ᐅᒋ ‍ ᐃᑐᑕᓐ ᐊᓐ ᒥᒋᑥᐅᓐ ᐛ ᐃᑐᑎᒥᓐ᙮
\v 17 ᐛᔅ ᐊᓂᔭ ᐊ ᐃᓯ ‍ ᓂᑐᐛᔨᒥᑕᐧᒄ ᑲ ‍ ᐸᔭᒋᓯᑦ ᐊᒐᐧᒄ ᒐᒋ ᐃᓯ ‍ ᐱᒪᑎᓯᔭᐧᒄ ᓇᒪ ᒋ ‍ ᓇᐊᔨᑕᓇᓄᐤ ᒐᒋ ᐃᑐᑎᒪᐧᒄ᙮ ᓇᔅᒡ ᑕᑈ ᐃᔭᒡ ᐃᑕᔨᑕᑯᓐ ᒋᔭᓄᐤ ᑕᓐ ᐛ ᐃᓯ ‍ ᐱᒪᑎᓯᔭᐧᒄ ᐊ ‍ ᐃᑕᔨᑕᑯᓂᔨᒡ ᑲ ‍ ᐸᔭᒋᓯᑦ ᐊᒐᐧᒄ ᐊ ᐃᓯ ‍ ᓂᑐᐛᔨᒥᑕᐧᒄ ᒐᒋ ᐃᓯ ‍ ᐱᒪᑎᓯᐛᐧᒄ᙮ ᒪᓯᐃᑐᒥᑭᓇ ᐅᔭ ᓂᓱ ᐃᑕᔨᑎᒧᐅᓇ ᐅᑕ ᐊ ‍ ᐃᑕᔭᐧᒄ᙮ ᐊᑯ ᒪᒃ ᑲ ‍ ᐸᔭᒋᓯᑦ ᐊᒐᐧᒄ ᐛ ᓇᑲᐅᑕᐧᒄ ᐊ ᐎ ‍ ᒥᒋᑐᑎᒪᐧᒄ᙮
\v 18 ᒧᔭᒻ ᑲ ‍ ᐸᔭᒋᓯᑦ ᐊᒐᐧᒄ ᑎᐸᔨᑕᒐ ᒋᐱᒪᑎᓯᐅᓄᐛᐛ ᓇᒪ ᐊᑯ ᒋᑭ ᐅᒋ ‍ ᒪᒋᒂᐱᐧᑲᑎᑯᓇᐛᐤ ᒍᐤ ᐊᔭᒥᐊᐅ ᐎᓱᐛᐅᓇ᙮
\p
\v 19 ᐱᔭᑭᔅᒡ ᓂᔅᑐᓇᑯᓂᔪᐤ ᑕᓐ ᐊ ‍ ᐃᑎᑦ ᐊᐛᓐ ᓂᑎᒥᒄ ᑲ ᐎ ᐃᓯ ‍ ᓂᓇᐊᔨᑎᒥᐃᓱᑦ᙮ ᒥᔽᔨᑎᒻ ᐊ ‍ ᐱᓯᒂᑎᓯᑦ, ᐊ ‍ ᐎᓂᓱᐤ ᐃᑎᑦ, ᐊ ‍ ᐎᓂᓱᐤ ᐱᒪᑎᓯᑦ, ᐊ ‍ ᐎᓂᓱᐤ ᒪᒥᑐᓇᔨᑕᐧᒃ,
\v 20 ᑭᔭ ᒥᓂᑐᐧᑲᓇ ᐊ ‍ ᐊᔭᒥᐊᔅᑐᐛᑦ ᑭᔭ ᒪᒥᑕᐛᑎᓯᐅᓂᔪᐤ ᐊ ‍ ᒥᑯᔅᑲᒋᑲᐧᒄ᙮ ᐅᔭ ᐊ ᐃᓯ ‍ ᐱᒪᑎᓯᒡ ᐊᐛᓐᒋ ᐛᐧᑲᑕᔨᒥᑐᐅᒡ, ᒪᒥᒋᐱᔨᐧᑲᑕᑐᐅᒡ, ᓇᔅᒡ ᑕᑈ ᐎᒋ ‍ ᐛᐅᑕᔨᒪᐅᒡ ᐊᐛᔪᐛ, ᐊᐧᑯᔪᐛᓱᐅᒡ, ᑭᔭ ᒧᔅ ᐎ ᓇᓂᑲᓇᔨᑕᑯᐃᓱᐅᒡ᙮ ᑕᑎᐸᓂᐱᔭᐊᐅᒡ ᐊᐛᔪᐛ ᑭᔭ ᑎᐸᓂᐃᓱᐅᒡ ᐎᔨᐛᐤ ᑕᓐ ᐛ ‍ ᐃᑎᒡ ᒐᒋ ᐃᑎᒡ᙮
\v 21 ᐎᒋ ‍ ᒧᔅᑕᓇᔨᑎᒧᒡ, ᒧᔅ ᒋᔎᐸᐅᒡ, ᑭᔭ ᒪᒧᐎᑐᐅᒡ ᒐᒋ ᐎᓂᓱᐤ ᐃᑐᑕᑐᒡ, ᑭᔭ ᓇᔅᒡ ᓇᒪ ᒋ ‍ ᒥᒪᔅᑎᓂᒧᒡ ᒐ ᐃᓯ ‍ ᒪᒥᒋᑐᑕᒡ᙮ ᓴᔅ ᔅᒋ ‍ ᐃᔭᒂᒥᑎᓇᐛᐤ ᒥᓐ ᒪᒃ ᒋᑭ ‍ ᐃᔭᒂᐃᑎᓇᐛᐤ ᐊᓐᒡ ᐅᔭ ᑲ ᐃᓯ ‍ ᐱᒪᑎᓯᒡ ᓇᒪ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᒋᑭ ᐅᒋ ᐃᓯ ‍ ᑎᐸᔨᑕᑯᓱᐅᒡ᙮
\p
\v 22 ᐊᑯ ᒪᒃ ᐊᓐᒡ ᑲ ‍ ᐸᔭᒋᓯᔨᒋ ᐊᒐᒂ ᑲ ‍ ᐱᔅᑎᓂᒧᐛᒡ ᒐᒋ ᑎᐸᔨᑎᒥᔨᒋ ᐊ ᐃᓯ ‍ ᐱᒪᑎᓯᒡ ᑭᔭ ᐎᔨᐛᐤ ᒋᐧᑲᓇᑯᓂᔪᐤ ᑕᓐ ᐊᓐ ᐊ ᐃᓯ ‍ ᐱᒪᑎᓯᒡ᙮ ᓴᒋᐃᐛᐅᒡ, ᒧᒋᒐᔨᑎᒧᒡ, ᒋᔭᒪᔨᑕᑯᓱᐅᒡ, ᓯᐱᔪᐛᓱᐅᒡ, ᒥᔽᔨᑕᑯᓱᐅᒡ, ᒥᔪᑐᑎᒧᒡ, ᑕᑈᐅᒐᔨᑕᑯᓱᐅᒡ,
\v 23 ᓇᔅᒡ ᔪᔅᐸᑎᓱᐅᒡ ᑭᔭ ᒥᔪ ‍ ᓂᓇᑭᑐᐛᔨᑕᒧᒡ ᑕᓐ ᐊ ᐃᓯ ‍ ᐱᒪᑎᓯᒡ᙮ ᓇᒪ ᑎᑯᓂᒐ ᐎᓱᐛᐅᓐ ᐊ ‍ ᒋᑕᐊᒪᒐᒥᑲᒡ ᐅ ᒐᒋ ᐃᓯ ‍ ᐱᒪᑎᓯᓇᓄᐅᒡ᙮
\v 24 ᐊᓐᒡ ᒪᒃ ᒋᓴᔅ ᙭ᑕ ᑲ ‍ ᑎᐱᔨᐛᐅᓯᑐᑕᑯᒡ ᓴᔅ ᒋ ‍ ᐎᔭᔨᑎᒧᒡ ᒐ ᐊᑲ ᒋ ᐱᔅᑕᔨᒥᑎᓱᒡ ᑲᐤ ᒐᒋ ᐃᑐᑕᒡ ᑕᓐ ᐛ ᐃᓯ ‍ ᐛᒋᐱᔨᒡ ᒐᒋ ᐃᓯ ᒥᒋ ‍ ᐱᒪᑎᓯᒡ᙮ ᓇᒪ ᐎ ᒥᒋᑐᑎᒧᒡ ᑕᓐ ᑲ ᐃᓯ ᐸᒋ ‍ ᒥᒋᑐᑕᒡ ᐊᓐᑕ ᐃᔅ ᐅᑕᒡ᙮ ᒧᔭᒻ ᑕᑈ ᐊᒋ ‍ ᐊᓯᒡ ᒋᔅᑕᔎᑕᒡ ᐅᒥᒐᑎᓯᐅᓄᐛᐤ ᑭᔭ ᐅᒥᒋᓂᑐᐛᔨᑎᒧᐅᓄᐛᐤ ᒋᐱᔭᑎᑯᒡ ᐊᐅᑯᓐ ᑲ ‍ ᐃᑎᒡ᙮
\v 25 ᓴᔅ ᔅᒋ ‍ ᒥᔨᑯᓄᐤ ᐱᒪᑎᓯᐅᓂᔪᐤ ᑲ ‍ ᐸᔭᒋᓯᑦ ᐊᒐᐧᒄ, ᐱᒪᑎᓯᑕᐤ ᒪᒃ ᑕᓐ ᐊ ᐃᓯ ‍ ᓂᑐᐛᔨᒥᑕᐧᒄ ᒐᒋ ᐃᓯ ‍ ᐱᒪᑎᓯᐛᐧᒄ᙮
\v 26 ᐊᑲᐎᔾ ᒋᑭ ᐅᒋ ‍ ᒋᒋᐛ ᐃᑕᔨᒥᓱᓇᓄᐤ᙮ ᐊᑲᐎᔾ ᒋᑭ ᐅᒋ ‍ ᐛᐧᑲᐃᒥᑐᓇᓄᐤ ᑭᔭ ᐊᑲᐎᔾ ᒋᑭ ᐅᒋ ‍ ᒥᒧᔅᑕᓂᒧᐛᓄᐅᒡ ᐊᐛᓐᒋ᙮
\c 6
\s1 ᐛᐎᒋᐃᑐᑕᐤ ᐊᓐᑕ ᒪᒋᐱᔭᐧᒄ
\p
\v 1 ᓂᐧᑲᓂᓯᑐᒄ, ᒧᔭᒻ ᓴᐧᑯᒋᐃᑯᒐ ᐊᐛᓐ ᒥᒐᑎᓯᐅᓂᔪᐤ ᒋᔨᐛᐤ ᑲ ‍ ᐱᒋᔅᑲᑕᒄ ᑲ ‍ ᐸᔭᒋᓯᑦ ᐊᒐᐧᒄ ᒋᐸ ‍ ᐎᒋᐊᐛᐤ ᐊᓐ ᐊᐛᓐ ᒋᔭᒻ ᒐᒋ ᒥᔪᐱᔨᑦ ᑕᓐ ᐛ ᐃᓯ ‍ ᐱᔅᒐᐱᔨᑦ᙮ ᐃᔭᒂᒥᔅᑕᓱᒄ ᑭᔭ, ᒐ ᐊᑲ ᒋ ᐊᔅᒋᐱᔨᔭᒄ ᑭᔭ ᒋᔨᐛᐤ ᒐᒋ ᐊᑎ ‍ ᒥᒋᑐᑎᒪᒄ᙮
\v 2 ᒪᒥᔅᑯᒡ ᐎᒋᐃᑐᒄ ᐊ ‍ ᐊᔨᒥᐅᔭᒄ᙮ ᐅ ᑎᔭᒂ ᒋᑭ ‍ ᐃᑐᑎᒺᓇᐛᐤ ᑕᓐ ᑲ ‍ ᐃᑎᓱᐛᑦ ᙭᙮
\v 3 ᒧᔭᒻ ᐊᐛᓐ ᒋᒋᐛ ᐊ ‍ ᐃᑕᔨᒥᓱᑦ ᐊᑎ ᒪᒃ ᐊᑲ ᒐᒂᔪᐤ ᐃᑕᔨᑕᑯᓯᑦ ᐎᔾ ᓇᔅᒡ ᐎᔭᓯᒥᑎᓱᐤ᙮
\v 4 ᒥᓯᐛ ᐸᐸᐃᒄ ᐊᐛᓐ ᒋᐸ ᓇᓂᑐ ᒋᔅᒐᔨᒥᓱᐤ ᑯᐃᔅᒄ ᑲ ‍ ᑎᒂ᙮ ᑯᐃᔅᒄ ᒪᒃ ᑲ ‍ ᑎᒂ, ᑭᑈ ᒐ ‍ ᒪᒥᒋᐃᓱᑦ, ᓇᒪ ᐛᐛᒡ ᒋᑭ ᐅᒋ ‍ ᑭᓄᐛᐸᑎᒺᐤ ᑯᑎᑲ ᐊᐛᔪᐛ ᑕᓐ ᑲ ‍ ᐃᑎᔨᒋ᙮
\v 5 ᐛᔅ ᒥᓯᐛ ᐊᐛᓐ ᑎᐸᓐ ᒋᐸ ‍ ᐃᑐᑎᒻ ᑕᓐ ᐊᓂᔭᔪᐛ ᑲ ‍ ᐃᑎᓱᒥᑯᑦ ᒋᓴᒪᓂᑐᐛ ᐎᔾ ᒐ ‍ ᐃᑐᑕᐧᒃ᙮
\p
\v 6 ᐊᓐ ᐊᐛᓐ ᑲ ‍ ᒋᔅᑯᑎᒧᐛᑭᓄᐅᑦ ᒥᔽᒋᒧᐅᓂᔪᐤ ᒋᐸ ‍ ᒥᔭᐤ ᐊᓂᔭᔪᐛ ᑲ ‍ ᒋᔅᑯᑎᒪᑯᑦ ᒐᒋ ᐊᐱᒋᑕᔨᒋ ᒥᓯᐛ ᑕᓐ ᐊ ᐃᓯ ᒥᔪ ‍ ᐊᔭᑦ ᒐᒂᔪᐛ᙮
\s2 Galatians 6.7-16 (Proper-9 Year C)
\p
\v 7 ᐊᑲᐎᔾ ᐎᔭᓯᒥᑎᓱᒄ, ᓇᒪ ᐊᐛᓐ ᒋᑭ ᒋ ‍ ᐎᔭᓯᒪᐤ ᒋᓴᒪᓂᑐᐛ᙮ ᐛᔅ ᐊᓂᔭ ᒐᒂᔪᐤ ᒐ ‍ ᐱᔅᑎᓂᒧᒂ ᐊᐛᓐ ᐊᓐᑕ ᐊᔅᒋᒡ ᐊᐅᑯᓐ ᐊᓂᔭ ᒐ ‍ ᓂᑕᐅᒋᓂᔨᒡ ᐊᓐᑕ᙮
\v 8 ᐊᐛᓐ ᒪᒃ ᐱᓯᒄ ᓂᑎᒥᒄ ᑲ ᐃᓯ ‍ ᐱᒪᑎᓯᑦ ᒋᑭ ‍ ᐃᓯᓇᑯᓂᔪᐤ ᒐᒃ ᒐ ᐊᑎ ‍ ᓂᓱᐅᓇᒋᑕᑦ ᐅᐱᒪᑎᓯᐅᓐ᙮ ᐊᑯ ᒪᒃ ᐊᐛᓐ ᒥᒄ ᐊ ᐃᓯ ‍ ᓂᑐᐛᔨᒥᑯᑦ ᑲ ‍ ᐸᔭᒋᓯᔨᒋ ᐊᒐᒂ ᐃᓯ ᐱᒪᑎᓯᒐ ᒋᑭ ‍ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮
\v 9 ᐊᑲᐎᔾ ᒋᑭ ᐅᒋ ‍ ᑕᔅᑎᑲᒋᓇᓄᐤ ᐊ ‍ ᒥᔪᑐᑎᒪᐧᒄ᙮ ᐛᔅ ᒋᑭ ‍ ᐅᑎᒋᐱᔪᐤ ᑕᓐᑕ ᒐ ‍ ᒥᔨᑯᐅᔭᐧᒄ ᒋᑎᐸᐊᒪᑯᓯᐅᓄᐛ ᐊᑲ ᐳᓂᔭᒂ ᐊ ‍ ᒥᔪᑐᑎᒪᐧᒄ᙮
\v 10 ᒥᒄ ᒪᒃ ᒐ ᐃᔅᐱᔅ ‍ ᒥᔨᑯᐛᐅᒂ ᒐᒋ ᒥᔪᑐᑎᒪᐧᒄ ᐊᐅᑯᓐ ᒧᔅ ᐃᓯ ᑯᒋᑕᑕᐤ ᒐᒋ ᐃᓯ ‍ ᒥᔪᑐᑎᒪᐧᒄ, ᒧᔅ ᒥᓯᐛ ᐊᐛᓐ ᒐᒋ ᐛᐎᒋᐊᐧᒄ᙮ ᐊᑐᐎᔅ ᒪᒃ ᐊᓐᒡ ᑲ ‍ ᑕᑈᔭᔨᒪᒡ ᒋᓴᓴ ᒋᐸ ᐎ ‍ ᒥᔪᑐᑐᐛᓄᐅᒡ᙮
\s1 ᑈᓪ ᒪᔅᑕᔾ ᑲ ᐃᓯ ‍ ᐃᔨᒪᐊᑦ ᐊᓂᔭᔪᐛ ᑲᓚᓯᔭᓇ
\p
\v 11 ᓂᔾ ᑈᓪ ᑲ ‍ ᒥᓯᓇᐊᒪᑎᑯᒡ᙮ ᒋ ‍ ᐛᐸᑕᓇᐛᐤ ᑕᓐ ᐊᔅᐱᔅ ᒪᒥᐧᑭᔅᑕᔭᓐ ᐊᑯ ᐊ ‍ ᒥᓯᓇᐃᒐᔭᓐ᙮
\p
\v 12 ᐊᓐᒡ ᑲ ᐎ ‍ ᓯᒋᒥᑕᑯᒡ ᒐᒋ ᒋᔅᒋᓄᐛᒋᐃᑕᑯᒡ ᒥᒄ ᐎ ᓄᑯᐃᓱᐅᒡ ᐊ ‍ ᓂᓇᐃᑕᒡ ᒍᐤ ᐊᔭᒥᐊᐅ ᐎᓱᐛᐅᓇ ᑭᔭ ᓂᑐᐛᔨᑎᒧᒡ ᒐᒋ ᒥᔽᒋᒪᑭᓄᐎᒡ᙮ ᐊᔪᐅᒄ ᐅᔭ ᐊ ‍ ᐃᑎᒡ ᒐ ᐊᑲ ᒋ ᓂᓇᐧᑲᑕᔨᒧᐊᑭᓄᐎᒡ ᐊ ‍ ᐊᔨᒧᒪᒡ ᙭ᑕ ᐅᒋᐱᔭᑎᑯᒥᔪᐛ᙮
\v 13 ᓇᒪ ᐛᐛᒡ ᓂᓇᐃᑎᒧᒡ ᒍᐤ ᐊᔭᒥᐊᐅ-ᐎᓱᐛᐅᓇ ᐊᓐᒡ ᑲ ‍ ᐱᔅᑎᓂᓱᒡ ᒐᒋ ᒋᔅᒋᓄᐛᒋᔄᑭᓄᐎᒡ᙮ ᒋ ‍ ᓂᑐᐛᔨᒥᑯᐛᐅᒡ ᒐᒋ ᒋᔅᒋᓄᐛᒋᐃᑕᑯᒡ ᒥᒄ ᒐᒋ ᒪᒥᒋᒧᒡ ᑭᔭ ᒋᔨᐛᐤ ᐊᒋ ‍ ᐃᑐᑕᑕᑯᒡ ᒐᒋ ᒋᔅᒋᓄᐛᒋᐃᑯᐅᐛᒄ᙮
\v 14 ᓂᔾ ᒪᒃ ᐎ ᒥᒄ ᐸᐃᒄ ᒐᒂᓐ ᓂ ‍ ᒪᒥᒋᐃᑯᓐ, ᐊᐅᒄ ᐅᑎᐸᔨᒋᒐᐤ ᒋᓴᔅ ᙭ ᐅᒋᐱᔭᑎᑯᒪ᙮ ᐛᔅ ᐊᓂᔭ ᑕᓐ ᑲ ‍ ᐃᑎᑦ ᙭ ᒋᐱᔭᑎᑯᒡ ᐊᐅᒄ ᐛᒋ ᐊᑲ ᐊᐱᑕᔨᑎᒥᐃᑯᔭᓐ ᐊᓂᔭᔪᐛ ᒐᒂᔪᐛ ᐊᓐᒡ ᐊᑲ ᑕᑈᐅᒐᔨᒪᒡ ᒋᓴᓴ ᓇᔅᒡ ᒋᒋᐛ ᑲ ‍ ᐃᑕᔨᑎᒥᐃᑯᒡ᙮ ᑭᔭ ᐎᔨᐛᐤ ᒪᒃ ᓇᒪ ᓇᔅᒡ ᐊᐱᑕᔨᑎᒧᒡ ᐊᓂᔭᔪᐛ ᒐᒂᔪᐛ ᓇᔅᒡ ᒋᒋᐛ ᑲ ‍ ᐃᑕᔨᑎᒥᐃᑯᒡ᙮
\v 15 ᒐᔅᒋᓄᐛᒋᐊᑭᓄᐅᒂ ᐊᐛᓐ ᒪᒃ ᐊᑲ ᒐᔅᒋᓄᐛᒋᐊᑭᓄᐅᒂ, ᓇᒪ ᒐᒂᓐ ᐊᓐ᙮ ᒋᓴᒪᓂᑐᐤ ᐊᒋ ‍ ᒥᔨᑕᐧᒄ ᐅᔅᒋ ᐱᒪᑎᓯᐅᓂᔪᐤ ᐊᐅᒄ ᒋᒋᐛ ᐊ ‍ ᐃᑕᔨᑕᒂᒡ᙮
\v 16 ᐊᑯ ᒪᒃ ᒥᓯᐛ ᐊᓐᒡ ᑲ ‍ ᓇᓴᐊᒡ ᐅᔭ ᒋᔅᑯᑎᒪᒐᐅᓂᔪᐤ, ᒋᓴᒪᓂᑐᐛ ᒋᑭ ‍ ᒥᔨᑯᐅᒡ ᒋᔭᒪᔨᑎᒧᐅᓂᔪᐤ ᑭᔭ ᒋᑭ ‍ ᒋᔅᑎᒪᒐᔨᒥᑯᐅᒡ ᑭᔭ ᐊᐅᑯᓐ ᒐ ‍ ᐃᑐᑐᐛᑦ ᒥᓯᐛ ᐅᑦ ᐃᔨᒪ᙮
\p
\v 17 ᐊᑲᐎᔾ ᐊᐛᓐ ᓂᑭ ᐎ ‍ ᓂᓇᐧᑲᒋᐃᒄ᙮ ᑎᑯᓐ ᑕᓐ ᑲ ᐃᓯ ‍ ᓂᒪᐃᑯᐅᔭᓐ ᓂᔭᒡ ᙭ ᐅᒋ ᐊ ‍ ᐊᑐᔅᑯᐅᒃ᙮
\p
\v 18 ᐅᑎᐸᔨᒋᒐᐤ ᒋᓴᔅ ᙭ ᒋᑭ ‍ ᓱᐛᔨᒥᑯᐛᐤ, ᓂᐧᑲᓂᓯᑐᒄ᙮ ᐊᒥᓐ᙮
\id EPH Adapted from ECree-S to Naskapi, 3 May 2003; Typeset export from CBS 8 May 2007
\h ᐃᐱᓯᔭᓇ
\toc3 ᐃᐱᓯᔭᓇ
\toc2 ᐃᐱᓯᔭᓇ
\toc1 ᐃᐱᓯᔭᓇ ᑈᓪ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᐃᐱᓯᓯᒡ ᑲ ‍ ᑕᔨᒋ
\mt1 ᐃᐱᓯᔭᓇ
\mt2 ᑈᓪ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᐃᐱᓯᓯᒡ ᑲ ‍ ᑕᔨᒋ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐊᔪᐅᒄ ᐅᔭ ᑈᓪ ᑲ ‍ ᐃᑎᓯᓇᐃᒐᑦ ᒪᒂᒡ ᐊᓐᑕ ᕈᒥᒡ ᑲ ‍ ᑕᑦ ᐊᒋ ‍ ᒋᐸᐛᑭᓄᐅᑦ᙮ ᓇᒪ ᒥᒄ ᐊᓂᔭᔪᐛ ᐅᒪᒧᐊᔭᒥᐊᐛ ᐊᓐᑕ ᐃᐱᓯᓯᒡ ᐊ ‍ ᑕᔨᒋ ᐅᒋ ᒥᓯᓇᐊᒧᐛᒐ ᐅᔭ ᑲ ‍ ᒥᓯᓇᐃᒐᑦ ᑭᔭ ᐊᓂᔭᔪᐛ ᒥᒋᒪ ᐊᓐᑕ ᐊ ‍ ᑕᔨᒋ ᐅᒪᒧᐊᔭᒥᐊᐛ ᒋ ‍ ᒥᓯᓇᐊᒧᐛᒐ᙮ ᐊᓐ ᐃᐱᓴᔅ ᓇᔅᒡ ᒋ ‍ ᒥᓴᐤ ᐊᑯᑕ ᒪᒃ ᑲ ‍ ᐛᑎᒡ ᒐᒋ ᑎᒂᒋ ᒥᒐᑦ ᐊᔭᒥᐊᐅᒋᐛᐸ᙮ ᐅᔭ ᒪᒃ ᑈᓪ ᑲ ‍ ᒥᓯᓇᐃᒐᑦ ᐅᒪᒧᐊᔭᒥᐊᐛ ᒋ ‍ ᐊᔨᒧᒪᐤ ᓇᒪ ᐎ ᐊᔭᒥᐊᐅᒋᐛᐱᔪᐤ ᐅᒋ ᐊᔨᒧᑎᒻ᙮ ᒥᓯᐛ ᐊᓂᔭᔪᐛ ᑕᑐᐤ ᑲ ᐸᒋ ‍ ᐱᒪᑎᓯᑯᐱᓇᓂ ᐊᐛᔪᐛ ᑲ ‍ ᑕᑈᑎᒥᔨᒋ, ᐊ ‍ ᐸᐃᑯᓇᑯᓯᔨᒋ ᐅᒪᒧᐊᔭᒥᐊᐛ ᒋ ᐃᓯ ‍ ᑭᓄᐛᐱᒪᐤ᙮ ᐅᑕ ᐅᔭ ᐅᒥᓯᓇᐃᑭᓂᔪᐤ ᑈᓪ ᒋ ‍ ᐃᔅᒋᔄᐤ, ᐊᓐ ᐸᐃᒄ ᐅᑕᓇᐤ ᐊ ‍ ᐃᓯᓇᑯᓯᒡ ᒥᓯᐛ ᐊᓐᒡ ᑲ ‍ ᑕᑈᔭᔨᒪᒡ ᒋᓴᓴ, ᒋᐸ ‍ ᓄᑯᑕᐅᒡ ᐊ ‍ ᓴᒋᐃᑐᒡ᙮
\c 1
\p
\v 1 ᐊᑈᔅᑕᓐ ᑈᓪ ᓂᔾ, ᒋᓴᒪᓂᑐᐤ ᓂᒋ ‍ ᐅᑎᓂᒄ ᒐᒋ ᑎᐸᒋᒥᒋ ᙭ ᒋᓴᓴ᙮
\p ᒋ ‍ ᒥᓯᓇᐊᒪᑎᓇᐛᐤ ᒋᔨᐛᐤ ᑲ ‍ ᑕᑈᑎᒪᒄ ᐊᓐᑕ ᐃᐱᓴᔅ ᐊ ‍ ᑕᔭᒄ, ᒋᔨᐛᐤ ᒧᔅ ᑲ ‍ ᑕᑈᐅᒐᔨᑕᑯᓯᔭᒄ ᐊ ‍ ᐎᒐᐛᒄ ᙭ ᒋᓴᔅ᙮
\p
\v 2 ᒋᑦ ᐊᔭᒥᐊᔅᑎᒪᑎᓇᐛᐤ ᒐᒋ ᓱᐛᔨᒥᑕᑯᒡ ᒋᓴᒪᓂᑐᐤ ᒍᑕᐎᓄᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᑭᔭ ᒐᒋ ᒥᔨᑕᑯᒡ ᒋᔭᒪᔨᑎᒧᐅᓂᔪᐤ᙮
\s1 ᐊ ᐃᓯ ‍ ᓱᐛᔨᒥᑯᐅᔭᐧᒄ ᙭ ᐅᒋ
\s2 Ephesians 1.3-14 (Proper-10 Year B)
\s2 Ephesians 1.3-14 (Christmas-2 Year B)
\p
\v 3 ᓂᓇᔅᑯᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ‍ ᐎᒐᐅᒪᐧᑯ ᙭ᑕ, ᒋᓴᒪᓂᑐᐤ ᔅᒋ ‍ ᓱᐛᔨᒥᑯᓄᐤ ᐊᒋ ‍ ᒥᔨᑕᐧᒄ ᒥᓯᐛ ᐊᒐᐧᒄ ᓱᐛᔨᒋᒐᐅᓇ ᑕᓐ ᐊ ᐃᓯ ‍ ᑎᒂᒋ ᒋᒋᒋᓯᑯᒡ᙮
\v 4 ᐊᔅᒄ ᐊᑲ ᐛᐛᒡ ᐅᒋ ᐅᓯᑕᑭᓄᐅᒡ ᐅ ᐊᔅᒋᔾ, ᓴᔅ ᔅᒋ ‍ ᐅᑎᓂᑯᓄᐤ ᒋᓴᒪᓂᑐᐤ ᐎᔾ ᒐ ‍ ᐊᔭᐅᑕᐧᒄ ᐊᓂᔭ ᐅᒋ ᙭ᑕ ᐊ ‍ ᐎᒐᐅᒪᐧᑯ᙮ ᔅᒋ ‍ ᐅᑎᓂᑯᓄᐤ ᒐᒋ ᐸᔭᒋᓯᐛᐧᒄ ᑭᔭ ᐊᑲ ᓇᔅᒡ ᒐᒂᓐ ᒐᒋ ᑎᒂᒡ ᒐ ᐃᓯ ‍ ᐊᑕᒪᔨᑕᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ‍ ᑕᑦ᙮
\v 5 ᐊ ‍ ᓴᒋᐃᑕᐧᒄ ᒋᓴᒪᓂᑐᐤ ᐊᔪᐅᒄ ᐅᔭ ᐛᒋ ‍ ᐃᑕᔨᒥᑕᐧᒄ ᐎᔾ ᒐᒋ ᐅᑦ ᐊᐛᓯᒥᑐᑕᑕᐧᒄ ᒋᓴᔅ ᙭ᑕ ᐊ ‍ ᑕᔨᒋ ᐅᒡ᙮ ᐊᔪᐅᒄ ᐅᔭ ᑲ ᐃᓯ ‍ ᓇᐊᔨᑎᒥᐃᑯᑦ ᒐᒋ ᐃᑎᑦ ᑭᔭ ᐊᔪᐅᒄ ᐅᔭ ᑲ ᐎ ‍ ᐃᑎᑦ᙮
\v 6 ᐃᑕᔨᑕᑯᓂᔪᐤ ᒪᒃ ᒐᒋ ᒪᒥᒋᒪᑭᓄᐅᑦ ᐊ ‍ ᒋᔅᑕᔨᑕᑯᓂᔨᒡ ᑕᓐ ᐊᔅᐱᔅ ᓱᐛᔨᒥᑕᐧᒄ᙮ ᒪᒥᒋᒪᑕᐤ ᓴᒐᔾ ᐊᒋ ‍ ᒥᔨᑕᐧᒄ ᐅᑯᓴ ᓇᔅᒡ ᑲ ‍ ᓴᒋᐊᑦ᙮
\v 7 ᐛᔅ ᙭ ᑲ ‍ ᓂᐱᔅᑎᒪᑕᐧᒄ ᒋᐱᔭᑎᑯᒡ, ᐊᑯᑕ ᑲ ᐅᒋ ‍ ᐊᐱᐧᑯᓂᑯᐅᔭᐧᒄ, ᒋᒥᒋᑥᐅᓄᐛ ᔅᒋ ‍ ᐛᐸᔨᑎᒪᑯᓇᓄᐤ᙮ ᑕᑈ ᒥᓴᔪᐤ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮
\v 8 ᐊᔪᐛᒡ ᑕᑈ ᒥᔅᑎ ᔅᒋ ‍ ᓱᐛᔨᒥᑯᓄᐤ᙮
\v 9 ᒋ ‍ ᐃᑐᑎᒻ ᒋᓴᒪᓂᑐᐤ ᐊᓂᔭ ᑲ ᐎ ‍ ᐃᑐᑕᐧᒃ, ᔅᒋ ‍ ᒥᔨᑯᓄᐤ ᒐᒋ ᒋᔅᒐᔨᑎᒺᐧᒄ ᐊᓂᔭ ᑕᓐ ᓴᔅ ᑲ ᐃᓯ ‍ ᐎᔭᔨᑕᐧᒃ ᐊᑲ ᐅᒋ ᒋᔅᒐᔨᑎᒥᔨᒋ ᐊᐛᔪᐛ᙮ ᒋᑭ ‍ ᐃᑐᑎᒻ ᒪᒃ ᐊᓂᔭ ᑕᓐ ᐛ ᐃᑐᑕᐧᒃ ᙭ᑕ ᐊ ‍ ᑕᔨᒋ ᐅᒡ᙮
\v 10 ᐃᔅᐱ ᒪᒃ ᐅᑎᒋᐱᔨᒐ ᐊᓐᑕ ᒐ ‍ ᑎᐸᐱᔨᒡ ᐊᓂᔭ ᑲ ᐎ ‍ ᐃᑐᑕᐧᒃ ᒋᓴᒪᓂᑐᐤ ᒋᑭ ‍ ᒪᒧᐅᓂᒻ ᒥᓯᐛ ᒐᒂᔪᐤ ᙭ᑕ ᒐ ‍ ᓂᑲᓂᔅᑭᒥᔨᒋ, ᒥᓯᐛ ᑕᓐ ᐊ ᐃᓯ ‍ ᑎᑯᓂᔨᒡ ᒋᒋᒋᓯᑯᒡ ᑭᔭ ᐅᑕ ᐊᔅᒋᒡ᙮
\p
\v 11 ᒧᔅ ᐃᑐᑎᒻ ᒋᓴᒪᓂᑐᐤ ᑕᓐ ᑲ ᐃᓯ ‍ ᐎᔭᔨᑕᐧᒃ ᒐ ‍ ᐃᑐᑕᐧᒃ᙮ ᙭ᑕ ᒪᒃ ᐊ ‍ ᐎᒐᐅᒪᐧᑯ ᐊᑯᑕ ᑲ ᐅᒋ ‍ ᐅᑎᓂᑕᐧᒄ ᒋᓴᒪᓂᑐᐤ ᐛᔅ ᐊᔪᐅᒄ ᐅᔭ ᑲ ᐃᓯ ‍ ᐎᔭᔨᑕᐧᒃ ᓴᔅ ᐊᓐᑕ ᐛᔅᑭᒡ᙮
\v 12 ᒋᔭᓄᐤ ᒪᒃ ᓂᔅᑎᒻ ᑲ ‍ ᐊᔅᐸᔨᒧᑐᑐᐛᐧᒄ ᙭, ᒪᒥᒋᒪᑕᐤ ᒋᓴᒪᓂᑐᐤ ᐊ ‍ ᒋᔅᑕᔨᑕᑯᓯᑦ᙮
\v 13 ᒋᔨᐛᐤ ᒪᒃ ᑭᔭ ᐊᓐᑕ ᐃᐱᓴᔅ ᐊ ‍ ᑕᔭᒄ, ᒋᓴᒪᓂᑐᐤ ᔅᒋ ‍ ᐅᑦ ᐃᔨᒥᑐᑕᑯᐛᐤ ᐅᔅᑭᒡ ᑲ ‍ ᐸᑎᒪᒄ ᐊᓐ ᑲ ‍ ᑕᑈᒥᑲᒡ ᐃᔨᒧᐅᓐ, ᐊᐅᒄ ᒥᔽᒋᒧᐅᓐ ᑲ ‍ ᐱᒪᒋᐃᑯᔭᒄ᙮ ᙭ ᔅᒋ ‍ ᑕᑈᔭᔨᒪᐛᐤ, ᑭᔭ ᑲ ‍ ᒋᔅᒋᓄᐛᒋᐃᑕᒄ ᒋᓴᒪᓂᑐᐤ ᐎᔾ ᐊ ‍ ᐊᔭᐅᑕᒄ, ᑲ ‍ ᐸᔭᒋᓯᔨᒋ ᐊᒐᒂ ᐊᒋ ‍ ᒥᔨᑕᒄ ᐊᓂᔭ ᑲ ‍ ᐃᔅᒋᔄᑦ ᒐᔅᑎᓇᔅ ᒐ ‍ ᒥᔨᐛᑦ᙮
\v 14 ᐅ ᒪᒃ ᑲ ‍ ᐸᔭᒋᓯᑦ ᐊᒐᐧᒄ ᐊᒋ ‍ ᒥᔨᑯᐅᔭᐧᒄ ᐊᑯᑕ ᐛᒋ ‍ ᒐᔅᑎᓇᐅᔭᐧᒄ ᒋᓴᒪᓂᑐᐤ ᑕᑈ ᒐ ‍ ᒥᔭᑦ ᐅᑦ ᐃᔨᒪ ᐊᓂᔭ ᑕᓐ ᑲ ‍ ᐃᑕᑦ ᒐ ‍ ᒥᔭᑦ᙮ ᒋ ‍ ᒐᔅᑎᓇᐅᓇᓄᐤ ᓇᔅᒡ ᒐ ‍ ᐊᐱᐧᑯᓇᑦ ᒋᓴᒪᓂᑐᐤ ᒥᓯᐛ ᐊᓂᔭ ᑲ ‍ ᐅᑦ ᐃᔨᒥᑦ᙮ ᐊᔪᐅᒄ ᐅᔭ ᒐ ᐃᓯ ‍ ᐃᑐᑎᒧᐛᑦ ᒐᒋ ᐅᒋ ‍ ᒪᒥᒋᒪᑭᓄᐅᑦ ᐊ ‍ ᒋᔅᑕᔨᑕᑯᓯᑦ᙮
\s1 ᑈᓪ ᑲ ᐃᓯ ‍ ᐊᔭᒥᐊᔅᑎᒧᐛᑦ ᐊᓂᔭ ᐃᔪᐛ ᐊᓐᑕ ᐃᐱᓴᔅ ᐊ ‍ ᑕᔨᒋ
\s2 Ephesians 1.15-23 (Proper-29 Year A)
\p
\v 15 ᓂᒋ ‍ ᐸᑕᓐ ᐊ ‍ ᑕᑈᔭᔨᒪᒄ ᒋᓴᔅ ᒋᑎᐸᔨᒋᒐᓯᒥᓄᐤ ᑭᔭ ᐊ ‍ ᓴᒋᐊᑯᒡ ᒥᓯᐛ ᐊᐛᓐᒋ ᑲ ‍ ᑕᑈᑕᒡ᙮
\v 16 ᐊᐅᒄ ᒪᒃ ᐅ ᐛᒋ ᐊᑲ ᐳᓂᔭᓐ ᐊ ‍ ᓂᓇᔅᑯᒧᔭᓐ ᐊ ‍ ᒋᔅᒋᓯᑕᑎᑯᒡ ᑕᑥᐤ ᐊ ‍ ᐊᔭᒥᐊᔭᓐ᙮
\v 17 ᓇᓂᑐᑎᒧᐛᐤ ᒋᓴᒪᓂᑐᐤ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ ᐊᓐ ᒪᐅᒡ ᑲ ‍ ᒋᔅᑕᔨᑕᑯᓯᑦ ᒐᒋ ᒥᔨᑕᒄ ᐅᑦ ᐊᒐᒂ ᐊᓂᔭᔪᐛ ᒐ ‍ ᑭᒐᑕᐛᔨᑎᒥᐃᑕᑯ ᑭᔭ ᒐ ‍ ᒋᔅᒐᔨᑎᒥᐃᑕᑯ ᑕᓐᑕ ᒐᒋ ᐅᒋ ‍ ᒋᔅᒐᔨᒪᒄ ᒋᓴᒪᓂᑐᐤ᙮
\v 18 ᓂ ‍ ᓂᑐᑎᒪᓐ ᑭᔭ ᒐᒋ ᒋᔅᒐᔨᑎᒺᒄ ᒐᒂᔪᐤ ᐊᓂᔭ ᑲ ‍ ᒥᔨᑕᒄ ᒋᓴᒪᓂᑐᐤ ᒐᒋ ᐊᔅᐸᔨᒧᑐᑎᒺᒄ ᐃᔅᐱ ᑲ ‍ ᐅᑎᓂᑕᒄ᙮ ᑭᔭ ᒐᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᐛᔪᑎᓂᔨᒋ ᐊ ‍ ᒋᔅᑕᔨᑕᑯᓂᔨᒋ ᒥᔪ ‍ ᒥᔨᐛᐅᓇ ᑕᓐ ᐊ ᐃᓯ ‍ ᐊᔭᔅᑯᔅᑎᒧᐛᑦ ᑲ ‍ ᑕᑈᑎᒥᔨᒋ ᒐ ‍ ᒥᔭᑦ᙮
\v 19 ᓂᑐᑎᒧᐛᐤ ᑭᔭ ᒐᒋ ᓂᔅᑐᑎᒪᒄ ᐊᔅᐱᔅ ᓱᒐᔨᑕᑯᓂᔨᒡ ᐊᓂᔭ ᐅᒥᔅᑯᓯᐅᓐ ᒋᓴᒪᓂᑐᐤ ᑲ ‍ ᐊᑐᔅᒐᒥᑭᓂᔨᒡ ᐱᒡ ᐊ ‍ ᐃᑕᐛᐧᒄ, ᒋᔭᓄᐤ ᑲ ‍ ᑕᑈᑎᒪᐧᒄ᙮
\v 20 ᐊᔪᐅᒄ ᐅᔭ ᐊ ‍ ᐸᐃᑯᓂᔨᒡ ᐊ ‍ ᓱᒐᔨᑕᑯᓂᔨᒡ ᒥᔅᑯᓯᐅᓂᔪᐤ ᑲ ‍ ᐊᐱᒋᑕᑦ ᒋᓴᒪᓂᑐᐤ ᑲ ‍ ᐅᓂᔅᑲᓇᑦ ᙭ᑕ ᓂᐳᐅᓂᒡ ᐅᒋ ᑭᔭ ᑲ ‍ ᐊᔭᑦ ᐊᓐᑕ ᐅᒥᔪᐅᓂᒡ ᐃᑕᒐ ᐊᓐᑕ ᒋᒋᒋᓯᑯᒡ᙮
\v 21 ᐎᔾ ᙭ ᐃᐛᒃ ᐃᑕᔨᑕᑯᓂᔪᐤ ᐅᑎᐸᔨᒋᒐᐅᓐ ᐃᔅᐱᔅ ᐊᓂᔭᔪᐛ ᑲ ‍ ᐅᒋᒪᐎᔨᒋ, ᑲ ‍ ᑎᐸᔨᒋᒐᔨᒋ, ᑲ ‍ ᓱᐧᑲᑎᓯᔨᒋ, ᑭᔭ ᑲ ‍ ᓂᑲᓄᐱᔨᒋ᙮ ᐎᔾ ᐃᐛᒃ ᐃᑕᔨᑕᑯᓂᔪᐤ ᐅᑦ ᐃᓯᓂᐧᑲᓱᐅᓐ ᐊ ‍ ᐃᑕᔨᑕᑯᓂᔨᒡ ᑯᑎᒃ ᐊᐛᓐ ᐅᑦ ᐃᓯᓂᐧᑲᓱᐅᓐ ᐊᓄᒡ ᑭᔭ ᐊᓐᑕ ᓂᑲᓐ᙮
\v 22 ᒋᓴᒪᓂᑐᐤ ᒋ ‍ ᒥᔭᐤ ᙭ᑕ ᒥᓯᐛ ᒐᒂᔪᐤ ᒐᒋ ᐅᒋᒪᐅᔨᒋ ᑭᔭ ᐊᓐᑕ ᒋ ᐃᓯ ‍ ᐱᔅᑎᓇᐤ ᐅᒪᒧᐊᔭᒥᐊᐛ ᐊ ‍ ᑕᔨᒋ ᐎᔾ ᒥᓯᐛ ᒐᒂᔪᐤ ᒐᒋ ᓂᑲᓂᔅᑭᒥᔨᒋ᙮
\v 23 ᐅᔭ ᒪᒃ ᐅᒪᒧᐊᔭᒥᐊᐛ, ᐊᔪᐅᒄ ᐊᓂᔭ ᙭ ᐎᔪᐤ᙮ ᐊᓐᑕ ᒪᒃ ᐅᐱᒪᑎᓯᐅᓄᐛᒡ ᓇᒪ ᒐᒂᔪᐤ ᓄᑕᐱᔪᐅᒡ ᐛᔅ ᙭ᑕ ᒥᔨᑯᐅᒡ ᒥᓯᐛ ᒐᒂᔪᐤ ᑕᓐ ᐊ ᐃᓯ ‍ ᓄᑕᐱᔨᒡ᙮
\c 2
\s1 ᐱᒪᑎᓯᐅᓂᒡ ᐊ ᐃᓯ ‍ ᐊᓱᐤ ᐱᔅᑎᓇᑭᓄᐅᑦ ᐊᐛᓐ ᓂᐳᐅᓂᒡ ᐅᒋ
\s2 Ephesians 2.1-10 (Lent-4 Year B)
\p
\v 1 ᒋᔨᐛᐤ ᒪᒃ ᐊ ‍ ᓂᐱᔭᒄ ᔅᒋ ‍ ᐃᓯᓇᑯᓯᓇᐛᐤ ᐊᔅᒄ ᐊᑲ ᐅᒋ ᐱᒪᒋᐃᑕᒄ ᒋᓴᒪᓂᑐᐤ᙮ ᔅᒋ ‍ ᒥᒐᑎᓯᓇᐛᐤ ᑭᔭ ᓇᒪ ᒋ ᐅᒋ ‍ ᓂᓇᐃᑐᐛᐛᐤ ᒋᓴᒪᓂᑐᐤ᙮
\v 2 ᐊᐅᑯᓐ ᑲ ᐃᓯ ‍ ᐱᒪᑎᓯᔭᒄ ᐊᔅᒄ ᐊᒋ ‍ ᓇᓴᐊᒪᒄ ᑕᓐ ᐊ ‍ ᐃᑎᓇᓄᐅᒡ ᐅᑕ ᐊᔅᒋᒡ ᑭᔭ ᐊᔅᒄ ᐊᒋ ‍ ᓇᓴᐛᒄ ᐊᓐ ᑲ ‍ ᐅᒋᒪᐧᑲᑕᐧᒃ ᒋᓯᑯᔪᐤ, ᐊᓐ ᐊᒐᐧᒄ ᑲ ᐃᓯ ‍ ᐊᑐᔅᒐᑦ ᐊ ‍ ᐱᒋᔅᑯᐛᑦ ᐊᓂᔭᔪᐛ ᐊᐛᔪᐛ ᐊᑲ ᓂᓇᐃᑐᐛᔨᒋ ᒋᓴᒪᓂᑐᐛ᙮
\v 3 ᐊᐅᒄ ᒪᒃ ᐸᐃᒂᐤ ᒥᓯᐛ ᑲ ‍ ᐃᓯᓇᑯᓯᔭᐧᒄ ᑭᔭ ᒋᔭᓄᐤ, ᒥᒄ ᑕᓐ ᐛ ‍ ᐃᑎᔭᐧᒄ ᔅᒋ ‍ ᐃᑎᓇᓄᐤ᙮ ᔅᒋ ‍ ᑐᑕᓇᓄᐤ ᒥᒄ ᑕᓐ ᐊ ᐃᓯ ‍ ᓂᑐᐛᔨᑎᒧᒥᑲᒋ ᒋᔭᓯᓄᐛ ᑭᔭ ᒋᒥᑐᓇᔨᒋᑭᓄᐛ᙮ ᐊᓐ ᒪᒃ ᑲ ‍ ᐃᔅᐱᔅ ᒋ ‍ ᒥᒐᑎᓯᔭᐧᒄ ᒋ ‍ ᐃᑕᔨᑕᑯᓂᑯᐱᓇ ᑕᑈ ᑭᔭ ᒋᔭᓄᐤ ᒐᒋ ᐛᐛᓯᐃᑕᐧᒄ ᒋᓴᒪᓂᑐᐤ᙮
\v 4 ᒥᒄ ᒪᒃ ᐊᓂᔭ ᓇᔅᒡ ᐊ ‍ ᒥᓴᔨᒡ ᒋᓴᒪᓂᑐᐤ ᐅᒋᓴᐛᑎᓯᐅᓐ, ᑭᔭ ᐊᓂᔭ ᐊ ‍ ᐃᔅᐱᔅ ᒥᔅᑎ ᓴᒋᐃᑕᐧᒄ,
\v 5 ᐊᑎ ᐊᔅᒄ ᒪᒂᒡ ᐊ ‍ ᓂᐱᔭᐧᒄ ᐊᒋ ‍ ᐃᓯᓇᑯᓯᔭᐧᒄ ᐊᑲ ᐅᒋ ᓂᓇᐃᑐᐛᐧᒄ, ᔅᒋ ‍ ᑐᑕᑯᓄᐤ ᒐᒋ ᐎᒋ ‍ ᐱᒪᑎᓯᒪᐧᑯ ᙭ᑕ᙮ ᒋᓴᒪᓂᑐᐤ ᔅᒋ ‍ ᐱᒪᒋᐃᑯᐛᐤ ᐊᒋ ᐎ ‍ ᓱᐛᔨᒥᑕᒄ ᐊᑎ ᐊᑲ ᐅᒋ ᒋᔅᑕᔨᑕᑯᓯᔭᒄ᙮
\v 6 ᐊᓐᑕ ᒪᒃ ᑲ ‍ ᐅᓂᔅᑲᓇᑦ ᒋᓴᓴ ᑭᔭ ᒋᔭᓄᐤ ᔅᒋ ‍ ᐅᓂᔅᑲᓂᑯᓄᐤ᙮ ᐊᑯ ᐊᓐᑕ ᑲ ‍ ᐛᐛᔨᐱᐃᑕᐧᒄ ᒋᒋᒋᓯᑯᒡ ᐊᓐᑕ ᑲ ᐃᓯ ‍ ᐛᐛᔨᐱᐊᑦ ᙭ᑕ,
\v 7 ᐊᓐᑕ ᓂᑲᓐ ᒐᒋ ᓄᑯᑕᑦ ᐊᔅᐱᔅ ᓇᔅᒡ ᒥᓴᔨᒡ ᐅᓱᐛᔨᒋᒐᐅᓐ ᐊ ‍ ᒥᔪᑐᑎᒪᑕᐧᒄ ᙭ ᒋᓴᓴ ᐅᒋ᙮
\p
\v 8 ᒋᓴᒪᓂᑐᐤ ᓴᒐᔾ ᔅᒋ ‍ ᓱᐛᔨᒥᑯᐛᐤ ᑲ ‍ ᐱᒪᒋᐃᑕᒄ ᐊᓐ ᐊ ‍ ᑕᑈᑎᒪᒄ ᐅᒡ᙮ ᓇᒪᐎᔾ ᐎ ᒋᔨᐛᐤ ᐅᒋ ᑲ ‍ ᐅᒋᐱᔨᒡ ᒐᒋ ᐱᒪᒋᐅᔭᒄ᙮ ᒋᓴᒪᓂᑐᐤ ᐅᔭ ᐅᒥᔨᐛᐅᓐ᙮
\v 9 ᓇᒪ ᐊᐛᓐ ᒋᑭ ᒋ ‍ ᒪᒥᒋᒧᐤ ᒐᒋ ᐃᔅᒋᔄᑦ ᐎᔾ ᐊᒋ ‍ ᐱᒪᒋᐃᓱᑦ ᐊᓂᔭ ᐊᒋ ‍ ᒪᒥᔪᑐᑕᐧᒃ ᐅᒡ᙮
\v 10 ᐛᔅ ᐎᔾ ᒋᓴᒪᓂᑐᐤ ᔅᒋ ‍ ᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᐊᓂᔭ ᐅᒋ ᑕᓐ ᑲ ‍ ᐃᑐᑎᒥᔨᒋ ᙭ ᒋᓴᓴ᙮ ᙭ᑕ ᒪᒃ ᐊ ‍ ᐎᒐᐅᒪᐧᑯ, ᒋᓴᒪᓂᑐᐤ ᔅᒋ ‍ ᐃᑕᔨᑕᑯᐃᑯᓄᐤ ᒐᒋ ᒪᒥᔪᑐᑎᒪᐧᑯ ᐊᐛᔪᐛ, ᐛᔅ ᐊᔪᐅᒄ ᐅᔭ ᓴᔅ ᐊᓐᑕ ᐛᔅᑭᒡ ᓂᑲᓐ ᑲ ᐃᓯ ‍ ᐎᔭᔨᑕᐧᒃ ᒐ ‍ ᐃᑐᐛᐧᒄ᙮
\s1 ᐸᐃᑯᓄᒡ ᒋᑦ ᐃᓯᓇᑯᓯᓇᓄᐤ ᙭ ᐊ ‍ ᑕᑦ
\s2 Ephesians 2.11-22 (Proper-11 Year B)
\p
\v 11 ᒋᔅᒋᓯᒄ ᒪ ᐅ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᑕᓐ ᑲ ᐸᒋ ‍ ᐃᓯᓇᑯᓯᔭᒄ ᐊᓐᑕ ᐸᒡ, ᒋᔨᐛᐤ “ᐊᑲ ᒋᔅᒋᓄᐛᒋᔄᑭᓄᐎᒡ” ᑲ ‍ ᐃᓯᓂᐧᑲᑎᑕᑯᒡ ᐊᓐᒡ ᓇᔅᒡ ᒋᒋᐛ ᑲ ‍ ᐃᑕᔨᑎᒥᐃᑯᒡ ᐊᒋ ‍ ᒋᔅᒋᓄᐛᒋᔄᑭᓄᐎᒡ, ᐎᔪᐛᒡ ᑲ ‍ ᒪᑎᓱᑯᒡ ᑯᑎᑲ ᐊᐛᔪᐛ;
\v 12 ᐊᓐᑕ ᐊᓐ ᒪᒂᒡ ᓇᒪ ᒋ ᐅᒋ ‍ ᐎᒐᐛᐛᐤ ᙭᙮ ᔅᒋ ‍ ᒪᓐᑕᐅᓇᐛᐤ ᐊᑲ ᐅᒋ ᐊᔅᑎᓯᓇᓱᔭᒄ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ‍ ᑕᔨᒋ᙮ ᓇᒪ ᒋ ᐅᒋ ‍ ᐊᔅᑎᓯᓇᓱᓇᐛᐤ ᓂᔅᑯᒧᐅᓂᒡ, ᐊᓂᔭᔪᐛ ᑲ ‍ ᐅᓯᑕᑭᓄᐅᒋ ᐊᓐᑕ ᐅᒋ ᐊᓂᔭ ᑕᓐ ᑲ ‍ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ‍ ᐃᑐᑎᒧᐛᑦ ᐅᑦ ᐃᔨᒪ᙮ ᑭᔭ ᔅᒋ ‍ ᐱᒪᑎᓯᓇᐛᐤ ᐅᑕ ᐊᔅᒋᒡ ᐊᑲ ᐅᒋ ᐊᔭᔭᒄ ᐊᔅᐸᔨᒧᐅᓐ ᑭᔭ ᓇᒪ ᒋ ᐅᒋ ‍ ᒋᔅᒐᔨᒪᐛᐤ ᒋᓴᒪᓂᑐᐤ᙮
\v 13 ᒋᔨᐛᐤ ᑲᒋ ‍ ᐊᔭᐛᐱᒪᒄ ᒋᓴᒪᓂᑐᐤ, ᐊᒋ ‍ ᓂᐸᐊᑭᓄᐅᑦ ᒋᓴᔅ ᙭ ᐊᑯᑕ ᑲ ᐅᒋ ‍ ᐃᑐᑕᑕᒄ ᒋᓴᒪᓂᑐᐤ ᒐᒋ ᐸᓱᐛᐱᒪᒄ ᐊᓂᔭ ᐅᒋ ᐊ ‍ ᐎᒐᐛᒄ ᐊᑯ ᙭᙮
\p
\v 14 ᐛᔅ ᙭ ᔅᒋ ‍ ᐸᑥᑯᓄᐤ ᒋᔭᒪᔨᑎᒧᐅᓂᔪᐤ᙮ ᒋ ‍ ᐃᑐᑐᐛᐤ ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ᙮ ᒋ ‍ ᐱᑯᓂᒺᐤ ᐊᓂᔭ ᑕᓐ ᑲᒋ ᐃᓯ ‍ ᐛᐧᑲᑎᑐᑐᔨᒋ᙮
\v 15 ᙭ ᒪᒃ ᒋ ‍ ᐃᑐᑎᒻ ᒐ ᐊᑲ ᒋ ᐊᐱᑎᓂᔨᒋ ᑕᓐ ᐊ ᐃᓯ ‍ ᓂᓇᐧᑯᐤ ᑎᑯᓂᔨᒋ ᐃᑎᓱᐛᐅᓇ ᐊᓐᑕ ᐎᓱᐛᐅᓂᒡ᙮ ᐊᔪᐅᒄ ᐅᔭ ᑲ ‍ ᐃᑎᑦ ᒐᒋ ᒥᔪ ‍ ᐎᒐᐅᑐᔨᒋ ᒍᐤ ᐃᔪᐛ ᑭᔭ ᐊᑲ ᒍᐤ ᐃᑎᔅᑲᓇᓯᔨᒋ᙮ ᐃᑐᑐᐛᐤ ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ ᐊᑎ ᐃᔭᒡ ᐊ ‍ ᐃᑎᔅᑲᓇᓯᔨᒋ, ᓇᓴᐅᑯᒐ᙮
\v 16 ᒋᐱᔭᑎᑯᒡ ᑲ ‍ ᓂᐸᐊᑭᓄᐅᑦ ᐊᑯᑕ ᑲ ᐅᒋ ‍ ᐃᓯᓇᑯᐊᑦ ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ ᑲᐤ ᐊᒋ ‍ ᐸᓱᐛᑦ ᒋᓴᒪᓂᑐᐛ ᒐᒋ ᒥᔪ ‍ ᐎᒐᐛᔨᒋ ᑭᔭ ᐊᑯᑕ ᑲ ᐅᒋ ‍ ᐃᑐᑐᐛᑦ ᒐᒋ ᐳᓂᔨᒋ ᐊ ‍ ᐛᐧᑲᑐᑐᔨᒋ᙮
\v 17 ᐊᑯ ᒪᒃ ᙭ ᑲ ‍ ᑎᑯᓯᐧᒃ, ᐊ ‍ ᑭᒐᔅᒋᒧᑦ ᒋᔭᒪᔨᑎᒧᐅᓂᔪᐤ ᐊ ‍ ᐊᔨᒧᑕᐧᒃ ᐊᓐᑕ ᒐᒋ ᐅᒋ ‍ ᓂᓇᐊᔨᒥᑐᔨᒋ ᐊᓂᔭ ᑲ ‍ ᐸᓱᐛᐱᒪᔨᒋ ᒋᓴᒪᓂᑐᐛ ᑭᔭ ᐊᓂᔭᔪᐛ ᑲ ‍ ᐊᔭᐛᐱᒪᔨᒋ ᒋᓴᒪᓂᑐᐛ᙮
\v 18 ᐛᔅ ᐎᔾ ᐊ ‍ ᐎᒐᐛᐧᒄ ᐊᑯᑕ ᓂᔭᐃᐱᔨᑕᑦ ᑕᐱᔅᑯᓐ ᒐᒋ ᓇᑕᐧᒄ ᒋᓴᒪᓂᑐᐤ ᐸᐃᒄ ᐊᒐᐧᑯᐅᓂᒡ ᐅᒋ᙮
\p
\v 19 ᐊᑯ ᒪᒃ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᓇᒪ ᐊᑯ ᒋ ‍ ᒪᓐᑕᐅᓇᐛᐤ ᒋᓴᒪᓂᑐᐤ ᐊ ‍ ᑕᑦ᙮ ᑲ ‍ ᑕᑈᑕᒡ ᐊ ‍ ᑕᒡ ᒋ ᐊᑎ ᐃᓯ ‍ ᒥᓯᓇᓱᓇᐛᐤ ᑭᔭ ᒋᔨᐛᐤ ᑭᔭ ᒋᓴᒪᓂᑐᐤ ᒋ ‍ ᐅᑦ ᐃᔨᒥᑐᑕᑯᐛᐤ᙮
\v 20 ᐊᓂᔭ ᑕᓐ ᑲ ᐃᓯ ‍ ᐎᑎᒪᑕᑯᒡ ᒥᔽᒋᒧᐅᓂᔪᐤ ᐊᑈᔅᑕᓇᒡ ᑭᔭ ᐅᒋᔅᒋᐛᐃᒐᓱᒡ ᐊᐅᒄ ᑲ ‍ ᐎᑲᐳᐃᑯᔭᒄ᙮ ᒋᓴᔅ ᙭ ᒪᒃ ᐊᐅᒄ ᒋᒋᐛ ᒪᔪ ‍ ᐊᔨᒋᑲᐳᐃᑕᒄ,
\v 21 ᐛᔅ ᐎᔾ ᐃᑐᑐᐛᐤ ᐊᔭᔅᒃ ᒐᒋ ᐊᑎ ‍ ᐊᔨᒋᑲᐳᔨᒋ ᒥᓯᐛ ᐊᓂᔭᔪᐛ ᑲ ‍ ᑕᑈᔭᔨᒥᑯᑦ ᑭᔭ ᒐᒋ ᐊᑎ ‍ ᐸᔭᒋᓯᔨᒋ ᐅᑎᐸᔨᒋᒐᐛ ᐃᔅ ᐊ ‍ ᑕᔨᒋ, ᒧᔭᒻ ᒋᓴᐊᔭᒥᐊᐅᒋᐛᑉ ᐊ ‍ ᐎᔨᑲᐳᐅᑕᑭᓄᐅᒡ ᒐᒋ ᐃᓯᓇᑯᓯᔨᒋ᙮
\v 22 ᑭᔭ ᒋᔨᐛᐤ ᐊᑯᑕ ᐊ ‍ ᐊᓯᒡ ᐅᐱᑲᐳᐃᑯᐅᔭᒄ ᐊᓐᑕ ᒐ ‍ ᑕᔨᒋ ᒋᓴᒪᓂᑐᐤ ᐅᑦ ᐊᒐᒂ᙮
\c 3
\s1 ᑈᓪ ᑲ ‍ ᐛᐎᒋᐊᑦ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ
\s2 Ephesians 3.1-12 (Epiphany Year A, B, C)
\p
\v 1 ᓂᔾ ᑈᓪ, ᐊ ‍ ᐊᑐᔅᑯᐅᒃ ᒋᓴᔅ ᙭ ᑭᔭ ᐊ ‍ ᐛᐎᒋᐃᑎᑯᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᒄ ᐛᒋ ‍ ᑕᔭᓐ ᑲᒪᑯᓄᐛᓯᐅᒋᐛᐱᒡ᙮
\p
\v 2 ᒐᔅᑎᓇᔅ ᔅᒋ ‍ ᐸᑕᓇᐛᒐ ᑕᓐ ᑲ ᐃᓯ ᐸᒋ ‍ ᒥᔪᑐᑎᒧᐅᑦ ᒋᓴᒪᓂᑐᐤ ᐊᒋ ‍ ᐅᑎᓂᑦ ᑕᓐ ᒐᒋ ᐃᓯ ‍ ᐊᑐᔅᒐᐅᒡ ᐊᓐᑕ ᒐᒋ ᐅᒋ ‍ ᐎᒋᐃᑎᑯᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ᙮
\v 3 ᓂᒋ ‍ ᒥᔨᒄ ᒋᓴᒪᓂᑐᐤ ᒐᒋ ᒋᔅᒐᔨᑎᒧᒡ ᐊᓂᔭ ᑲ ᐃᓯ ‍ ᐎᔭᔨᑎᒧᑯᐱᓇ ᒐ ‍ ᐃᑎᑦ ᐊᑲ ᐊᐛᔪᐛ ᐅᒋ ᒋᔅᒐᔨᑎᒥᔨᒋ᙮ ᐊᐱᓯᔅ ᓂᑦ ᐊᔨᒧᑕᓐ ᐅ ᐅᑕ ᐅ ᑲ ‍ ᒥᓯᓇᐊᒪᑎᑯᒡ᙮
\v 4 ᐃᔨᒥᑕᔭᒂ ᒪᒃ ᐅ ᓂᒥᓯᓇᐃᑭᓐ ᐊᑯᑕ ᒐ ᐅᒋ ‍ ᒋᔅᒐᔨᑎᒪᒄ ᐊ ᒥᔪ ‍ ᓂᔅᑐᑎᒧᒡ ᒐᒂᔪᐤ ᐊᓂᔭ ᑲ ᐎ ‍ ᐃᑐᑕᐧᒃ ᒋᓴᒪᓂᑐᐤ ᙭ᑕ ᐅᒡ᙮
\v 5 ᐛᔅᑭᒡ ᐊᓐᑕ ᓇᒪ ᐅᒋ ᒥᔭᑭᓄᐎᒡ ᐊᐛᓐᒋ ᒐᒋ ᒋᔅᒐᔨᑕᒡ ᐅᔭ᙮ ᐊᓄᒡ ᒪᒃ ᒋᓴᒪᓂᑐᐤ ᒋ ‍ ᐎᑎᒧᐛᐤ ᑲ ‍ ᐸᔭᒋᓯᔨᒋ ᐅᑦ ᐊᑈᔅᑕᓂᒪ ᑭᔭ ᐅᒋᔅᒋᐛᐃᒐᓯᒪ ᐅᔭ ᐅᑦ ᐊᒐᒂ ᐅᒋ᙮
\v 6 ᐊᐅᒄ ᒪᒃ ᐅ ᐊᑲ ᐅᒋ ᒋᔅᒐᔨᑕᑭᓄᐅᒡ ᐊᓐᑕ ᐛᔅᑭᒡ, ᐊᓐ ᒥᔽᒋᒧᐅᓐ ᐅᒋ ᐊᑯᑕ ᐛᒋ ‍ ᓇᐃᐱᔨᒡ ᒥᓯᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐎᔨᐛᐤ ᒐ ‍ ᐊᔭᒡ ᑕᓐ ᒐ ᐃᓯ ‍ ᒥᔭᑦ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ‍ ᐃᑎᔅᑲᓇᓯᔨᒋ᙮ ᒋᓴᒪᓂᑐᐛ ᒋ ‍ ᒥᔨᑯᐅᒡ ᒍᐤ ᐃᔪᒡ ᐊ ‍ ᑕᔨᒋ ᒐᒋ ᐃᓯ ‍ ᒥᓯᓇᓱᒡ ᑭᔭ ᐊᓂᔭ ᐊ ‍ ᓇᓴᐛᒡ ᒋᓴᓴ ᑭᔭ ᐎᔨᐛᐤ ᒐ ‍ ᐊᔭᒡ ᑕᓐ ᑲ ᐃᓯ ‍ ᐊᓱᑎᒧᐛᑦ ᒋᓴᒪᓂᑐᐤ ᒍᐤ ᐃᔪᐛ᙮
\p
\v 7 ᒋᓴᒪᓂᑐᐤ ᓂᒋ ‍ ᓱᐛᔨᒥᒄ, ᓂᔾ ᓂᒋ ‍ ᐅᑎᓂᒄ ᒐᒋ ᐱᐸᒧᑕᐅᒡ ᐅᒥᔽᒋᒧᐅᓐ, ᓂᒋ ‍ ᒥᔨᒄ ᐅᒥᔅᑯᓯᐅᓐ ᑭᔭ ᓂᒋ ‍ ᒥᔨᒄ ᑭᔅᒋᐅᓂᔪᐤ ᑯᐃᔅᒄ ᒐᒋ ᐃᑐᑎᒧᒡ ᐅᔭ ᐊᑐᔅᒐᐅᓂᔪᐤ᙮
\v 8 ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ‍ ᐃᑕᔨᑕᑯᓯᔭᓐ ᐊ ‍ ᐃᑕᔨᑕᑯᓯᒡ ᑲ ‍ ᑕᑈᑕᒡ, ᐃᔭᐱᒡ ᓂᔾ ᓂᒋ ‍ ᓱᐛᔨᒥᒄ ᒋᓴᒪᓂᑐᐤ ᐊᒋ ‍ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ‍ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ‍ ᑕᔨᒋ ᐅᒋ᙮
\v 9 ᑭᔭ ᓂᔾ ᓂᒋ ‍ ᒥᔨᒄ ᒥᓯᐛ ᐊᐛᔪᐛ ᒐᒋ ᒋᔅᒐᔨᑎᒥᐃᒥᒋ ᐊᓂᔭ ᒐᒂᔪᐤ ᐊᑲ ᐅᒋ ᒋᔅᒐᔨᑕᑯᓂᔨᒡ ᑲ ᐃᓯ ‍ ᐎᔭᔨᑎᒥᑯᐱᓇ ᒋᓴᒪᓂᑐᐤ ᒐ ‍ ᐃᑐᑕᐧᒃ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ‍ ᐅᓯᑕᑦ ᒋ ‍ ᑭᓄᐛᔨᑎᒧᑯᐱᓇ ᒥᒄ ᐅᔭ ᑕᓐ ᑲ ᐃᓯ ‍ ᐎᔭᔨᑎᒥᑯᐱᓇ ᒐ ‍ ᐃᑐᑕᐧᒃ ᐊᓐᑕ ᓂᔅᑕᒥᒡ᙮
\v 10 ᐊᓄᒡ ᒪᒃ ᐊᑯ ᒐᔅᒐᔨᑕᑯᑕᑦ ᒋᓴᒪᓂᑐᐤ ᑕᓐ ᑲ ᐎ ‍ ᐃᑐᑕᐧᒃ, ᐊᔪᐅᒄ ᐅᔭ ᐊᓐᑕ ᐅᒪᒧᐊᔭᒥᐊᐛ ᐊ ‍ ᑕᔨᒋ ᒐᒋ ᐅᒋ ‍ ᒋᔅᒐᔨᑎᒥᐊᑦ ᐊᓂᔭ ᑲ ‍ ᑎᐸᔨᒋᒐᔨᒋ ᑭᔭ ᑲ ‍ ᓱᒐᔨᑕᑯᓯᔨᒋ ᐃᔅᐱᒥᒡ ᐊ ‍ ᑕᔨᒋ ᑕᓐ ᐊ ᐃᓯ ‍ ᓂᓇᐧᑯᐤ ᐃᑕᔨᑕᑯᓂᔨᒡ ᐅᑭᒐᑕᐛᔨᑎᒧᐅᓐ᙮
\v 11 ᒋ ‍ ᐃᑐᑎᒻ ᒋᓴᒪᓂᑐᐤ ᐅᔭ ᒧᔭᒻ ᑕᓐ ᒧᔅ ᑲ ᐸᒋ ‍ ᐃᑕᔨᑎᒥᑯᐱᓇ ᒐ ‍ ᐃᑐᑕᐧᒃ ᒋᑎᐸᔨᒋᒐᓯᒥᓄᐛ ᙭ ᒋᓴᓴ ᐅᒋ᙮
\v 12 ᐅ ᒪᒃ ᙭ ᐊ ‍ ᐎᒐᐛᐧᒄ ᑭᔭ ᐊ ‍ ᑕᑈᔭᔨᒪᐧᒄ ᒋᓱᒋᑕᐊᓇᓄᐤ ᒐᒋ ᓇᑎᐧᒄ ᒋᓴᒪᓂᑐᐤ ᓇᔅᒡ ᐊ ‍ ᑕᑈᔭᔨᒪᐧᒄ᙮
\v 13 ᐊᐅᒄ ᒪᒃ ᐅ ᐛᒋ ‍ ᐊᑲ ᓇᔅᒡ ᓂᑐᐛᔨᒥᑎᑯᒡ ᒐᒋ ᒥᓯᒪᔨᑎᒥᐃᑯᔭᒄ ᑕᓐ ᐊ ᐃᓯ ‍ ᓂᓇᐧᑲᑕᔨᒧᔭᓐ ᒪᓐ ᒋᔨᐛᐤ ᐅᒋ, ᐛᔅ ᒋᑭ ‍ ᐎᒋᐃᑯᓇᐛᐤ ᐅ ᒥᓯᐛ ᑕᓐ ᐊ ‍ ᐃᔅᐱᔭᓐ᙮
\s1 ᙭ ᐅᓴᒋᐃᐛᐅᓐ
\s2 Ephesians 3.14-21 (Proper-12 Year B)
\p
\v 14 ᐅ ᒪᒃ ᑲ ᐃᓯ ‍ ᐃᔨᒥᐃᑎᑯᒡ ᐊᐅᒄ ᐛᒋ ‍ ᐅᒋᒋᐧᑯᓂᐱᔭᓐ ᒍᑕᐎᓄᐤ ᐊ ‍ ᐃᔨᒥᐃᒃ,
\v 15 ᐎᔾ ᐊ ‍ ᑕᑦ ᐊᒋ ᐅᒋ ‍ ᐎᐊᑭᓄᐎᒡ ᒥᓯᐛ ᑲ ‍ ᐸᐃᑯᑕᐅᓯᒡ ᐊᓐᑕ ᒋᒋᒋᓯᑯᒡ ᑭᔭ ᐊᔅᒋᒡ ᐊ ‍ ᑕᒡ᙮
\v 16 ᐊᓂᔭ ᐊ ‍ ᐛᔪᐅᒡ ᐊᔭᑦ ᒋᓴᒪᓂᑐᐤ ᐊᓐᑕ ᒋᒋᒋᓯᑯᒡ ᑕᓐ ᒐᒋ ᐃᓯ ‍ ᓱᐛᔨᒪᑦ ᐊᐛᔪᐛ ᓇᓂᑐᑎᒧᐛᐤ ᒐᒋ ᒥᔨᑕᒄ ᒥᔅᑯᓯᐅᓂᔪᐤ ᐅᑦ ᐊᒐᒂ ᐊ ‍ ᑕᔨᒋ ᐊ ‍ ᐅᒋᐱᔨᒡ᙮ ᐛᔅ ᒋᓴᒪᓂᑐᐤ ᐅᑦ ᐊᒐᒂ ᐊᐅᒄ ᒐᒋ ᐃᑐᑕᑕᒄ ᒐᒋ ᓱᒋᑲᐳᐅᐛᒄ᙮
\v 17 ᑭᔭ ᓂᑦ ᐊᔭᒥᐊᐤ, ᙭ ᒐᒋ ᑕᑦ ᒋᐱᒪᑎᓯᐅᓄᐛᒡ ᐊᓐ ᐅᒋ ᐊ ‍ ᑕᑈᑎᒪᒄ᙮ ᑭᔭ ᐊᓐ ᐊ ᐊᑎ ‍ ᔭᐃᒋᓂᑕᐅᒋᔭᒄ ᑭᔭ ᐊ ᐊᑎ ‍ ᐊᔨᒋᑲᐳᐅᔭᒄ ᓴᒋᐃᐛᐅᓂᒡ ᐃᔅ,
\v 18 ᓂᑦ ᐊᔭᒥᐊᐤ ᒋᔨᐛᐤ ᑭᔭ ᐊᓐᒡ ᑯᑎᑭᒡ ᑲ ‍ ᑕᑈᑕᒡ ᒥᓯᐛ ᒐᒋ ᐊᔭᔭᒄ ᒥᔅᑯᓯᐅᓐ ᒐᒋ ᓂᔅᑐᑎᒪᒄ ᑕᓐ ᐊᔅᐱᔅ ᒥᔅᑎ ᓴᒋᐃᑕᒄ ᙭᙮
\v 19 ᓂ ‍ ᓂᑐᑎᒪᓐ ᒐᒋ ᒋᔅᒐᔨᑎᒺᒄ ᐅᓴᒋᐃᐛᐅᓐ, ᐊᑎ ᐊ ‍ ᐃᓯᓇᑯᓂᔨᒡ ᐊᑲ ᓂᑕ ᓇᔅᒡ ᒐᒋ ᒋᔅᒐᔨᑕᑯᓂᔨᒡ᙮ ᒋᔅᒐᔨᑎᒧᐛᒂ ᙭ ᐅᓴᒋᐃᐛᐅᓐ ᐊᑯ ᒐ ‍ ᓴᑭᔅᒋᓇᔅᑲᑯᐛᒄ ᒋᓴᒪᓂᑐᐤ ᐅᑦ ᐃᑕᔨᑕᑯᓱᐅᓐ᙮
\p
\v 20 ᒋᓴᒪᓂᑐᐤ, ᐊᓐ ᐅᒥᔅᑯᓯᐅᓐ ᐊ ‍ ᐊᑐᔅᒐᒥᑭᓂᔨᒡ ᒋᐱᒪᑎᓯᐅᓇᒡ ᐅᔅᑕ ᐃᔭᐱᒡ ᒋᑭ ᒋ ‍ ᐃᑐᑎᒪᑯᓄᐤ ᑕᓐ ᐊᔅᐱᔅ ᓂᑐᑎᒧᐛᐧᒄ ᑭᔭ ᐅᔅᑕ ᐃᔭᐱᒡ ᒋᑭ ᒋ ‍ ᐃᑐᑎᒪᑯᓄᐤ ᑕᓐ ᐊ ‍ ᐃᑕᔨᒪᐧᒄ ᒐᒋ ᐃᑐᑎᒪᑕᐧᒄ᙮
\v 21 ᐎᔾ ᒋᓴᒪᓂᑐᐤ ᑲᒋᒡ ᒋᑭ ‍ ᒋᔅᑕᔨᑕᑯᐊᑭᓄᐤ ᒪᒂᒡ ᐅᒪᒧᐊᔭᒥᐊᐛ ᐊ ‍ ᑕᔨᒋ ᒋᓴᔅ ᙭ᑕ ᐅᒡ᙮ ᐊᒥᓐ᙮
\c 4
\s1 ᐊ ‍ ᐸᐃᒂᒡ ᒥᔪᐤ
\s2 Ephesians 4.1-16 (Proper-13 Year B)
\p
\v 1 ᐊᒋ ‍ ᐱᐸᐎᑎᒧᒡ ᐅᑎᐸᔨᒋᒐᐤ ᐅᒥᔽᒋᒧᐅᓐ ᐊᐅᑯᐤ ᐛᒋ ‍ ᒋᐸᐅᑯᔭᓐ᙮ ᐊᐅᒄ ᒪᒃ ᐛᒋ ‍ ᓯᒋᒥᑎᑯᒡ ᐊᓂᔭ ᐊ ᐃᓯ ‍ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ‍ ᐱᒪᑎᓯᐛᒄ ᒐᒋ ᐃᓯ ‍ ᐱᒪᑎᓯᔭᒄ᙮
\v 2 ᒋᐸ ‍ ᑎᐱᑕᔨᒥᓱᓇᐛᐤ ᑭᔭ ᒋᐸ ‍ ᒋᔭᒪᔨᑕᑯᓯᓇᐛᐤ ᑭᔭ ᒧᔅ ᒋᐸ ᐎ ‍ ᓯᐱᔪᐛᓯᓇᐛᐤ᙮ ᓄᑯᑕᒄ ᐊ ‍ ᓴᒋᐃᑐᔭᒄ ᐊᑲ ᑕᔅᑎᑲᒋᔭᒄ ᐊ ‍ ᐛᐎᒋᐃᑐᔭᒄ᙮
\v 3 ᓱᒃ ᒧᔅ ᐎ ᒥᔪ ‍ ᐎᒐᐅᑐᒄ᙮ ᒋᓴᒪᓂᑐᐤ ᐅᑦ ᐊᒐᒂ ᒋ ‍ ᐎᒋᐃᑯᐛᐤ ᒐᒋ ᒥᔪ ‍ ᐎᒐᐅᑐᔭᒄ ᒋᔭᒪᔨᑎᒧᐅᓂᔪᐤ ᐊ ‍ ᒥᔨᑕᒄ᙮
\v 4 ᒥᓯᐛ ᐊᓐᒡ ᑲ ‍ ᑕᑈᔭᔨᒪᒡ ᒋᓴᒪᓂᑐᐛ ᐸᐃᒄ ᒥᔪᐤ ᐃᓯᓇᑯᓱᐅᒡ᙮ ᑭᔭ ᒥᒄ ᐸᐃᑯᓱᐤ ᑲ ‍ ᐸᔭᒋᓯᑦ ᐊᒐᐧᒄ᙮ ᐸᐃᑯᓐ ᑭᔭ ᐊᔅᐸᔨᒧᐅᓐ, ᐊᓂᔭ ᒋᓴᒪᓂᑐᐤ ᑲ ‍ ᒥᔨᑕᒄ ᐃᔅᐱ ᑲ ‍ ᐅᑎᓂᑕᒄ᙮
\v 5 ᒥᒄ ᐸᐃᑯᓱᐤ ᐅᑎᐸᔨᒋᒐᐤ, ᑭᔭ ᐸᐃᑯᓐ ᑕᑈᑎᒧᐅᓐ, ᐸᐃᑯᓐ ᑭᔭ ᓯᑲᐃᑕᒐᐅᓐ᙮
\v 6 ᒥᒄ ᐸᐃᑯᓱᐤ ᒋᓴᒪᓂᑐᐤ, ᐊᐅᒄ ᒪᒃ ᐅ ᒥᓯᐛ ᐛᑕᐎᔭᐧᒄ᙮ ᐛᔅ ᐎᔾ ᒥᓯᐛ ᐃᓯ ᓂᑲᓇᔨᑕᑯᓱᐤ᙮ ᒋᔭᓄᐤ ᒪᒃ ᒥᓯᐛ ᑲ ‍ ᑕᑈᑎᒪᐧᒄ ᒋᐱᒪᑎᓯᐅᓇᒡ ᐅᒡ ᐊᓱ ᐊᑐᔅᒐᐤ ᑭᔭ ᐊᓐᑕ ᒥᓯᐛ ᒋᐱᒪᑎᓯᐅᓇᒡ ᑕᐤ᙮
\p
\v 7 ᐛᔅ ᙭ ᐸᐸᐃᒄ ᔅᒋ ‍ ᒥᔨᑯᓄᐤ ᒥᔨᐛᐅᓇ ᐊ ‍ ᓱᐛᔨᒥᑕᐧᒄ᙮
\v 8 ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᙭ ᐊ ‍ ᐊᔨᒧᒪᑭᓄᐅᑦ,
\q ᒋ ‍ ᐅᐱᐱᔪᐤ ᐊᓐᑕ ᐃᔅ ᓇᔅᒡ ᐊ ‍ ᐃᔅᐸᔨᒡ, ᒋ ‍ ᔅᑐᑕᐊᐤ ᒪᒃ ᒥᒐᑦ ᐊᓂᔭ ᑲ ‍ ᒪᒪᒋᒂᐱᐧᑲᓱᔨᒋ᙮ ᑭᔭ ᒋ ‍ ᒥᔭᐤ ᒥᔨᐛᐅᓇ ᐃᔪᐛ᙮
\m
\v 9 ᑕᓐ ᐊ ᐃᓯ ‍ ᐎᑎᒪᒐᒥᑲᒡ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓐ ᐅ ᑲ ‍ ᐃᑎᔅᑕᒡ, “ᒋ ‍ ᐅᐱᐱᔪᐤ᙮” ᐃᓯ ᐎᑎᒪᒐᒥᑭᓐ ᑭᑈ ᓂᔅᑎᒻ ᐅᑕ ᐊᔅᒋᒡ ᐊᒋ ‍ ᑎᑯᓯᐧᒃ᙮
\v 10 ᐊᓐ ᑲ ᐸᒋ ‍ ᑎᑯᓯᐧᒃ ᐅᑕ ᐊᔅᒋᒡ ᐊᐅᒄ ᐊᓐ ᑭᔭ ᑲ ‍ ᐅᐱᔨᑦ ᐊᓐᑕ ᒋᒋᒋᓯᑯᒡ ᐃᔅ ᒥᓯᑕ ᒐᒋ ᑕᑦ᙮
\v 11 ᒋ ‍ ᐅᑎᓇᐤ ᒪᒃ ᐊᐛᔪᐛ ᒐᒋ ᐛᐎᒋᐊᔨᒋ ᐊᓂᔭ ᑲ ‍ ᑕᑈᑎᒥᔨᒋ ᐊᔪᑯᓂ ᒪᒃ ᐅᔭ ᐊᑈᔅᑕᓇ ᑭᔭ ᐅᒋᔅᒋᐛᐃᒐᓱᐛ ᑭᔭ ᐊᓂᔭ ᑲ ‍ ᐱᐸᐛᐎᑎᒥᔨᒋ ᒥᔽᒋᒧᐅᓂᔪᐤ ᑭᔭ ᐊᔭᒥᐊᐅᒋᒪᐛ ᑭᔭ ᑲ ‍ ᒋᔅᑯᑎᒪᒐᔨᒋ᙮
\v 12 ᐊᐅᒄ ᐊᓐᒡ ᒪᒃ ᐅᒡ ᒋᐸ ‍ ᒋᔅᑯᑎᒧᐛᐅᒡ ᐊᓂᔭᔪᐛ ᑲ ‍ ᑕᑈᑎᒥᔨᒋ ᑕᓐ ᒐᒋ ᐃᓯ ‍ ᐊᑐᔅᑯᐛᔨᒋ ᒋᓴᒪᓂᑐᐛ ᑭᔭ ᒪᒧᐤ ᒐᒋ ᐊᑎ ‍ ᓱᒋᑲᐳᔨᒋ᙮
\v 13 ᐊᐅᒄ ᒪᒃ ᐅ ᒐ ᐃᓯ ‍ ᐎᒋᐃᑯᔭᐧᒄ ᐸᑐᔅ ᒥᓯᐛ ᒪᒧᐤ ᐸᐃᑯᓄᒡ ᐃᓯ ᑕᑈᑎᒪᒂ ᑭᔭ ᓇᔅᒡ ᒥᓯᐛ ᒋᔅᒐᔨᒪᒂ ᒋᓴᒪᓂᑐᐤ ᐅᑯᓴ ᑕᓐ ᐊ ‍ ᐃᑕᔨᑕᑯᓯᔨᒋ᙮ ᑭᔭ ᐸᑐᔅ ᓇᔅᒡ ᒋ ᐃᓯ ‍ ᓂᑕᐅᒋᔭᒂ, ᐊᓐ ᐊ ‍ ᐃᑕᔨᑕᑯᓯᑦ ᙭ ᐃᑕᔨᑕᑯᓯᔭᒂ᙮
\p
\v 14 ᐊᑯ ᒪᒃ ᓇᒪ ᒋᑭ ᐅᒋ ‍ ᐊᐛᓯᐅᐛᔨᑕᑯᓯᓇᓄᐤ᙮ ᒧᔭᒻ ᐊ ‍ ᐱᐸᒧᐛᐸᐅᑯᔭᐧᒄ ᑕᓐ ᐊ ᐃᓯ ‍ ᒋᔅᑯᑎᒪᒐᒡ ᑲ ‍ ᐎᔭᓯᐃᐛᒡ ᒐᒋ ᐃᓯᓇᑯᓯᔭᐧᒄ, ᐊᐅᒄ ᐊᓐᒡ ᐅᒡ ᑲ ‍ ᐃᑐᑐᐛᒡ ᐊᐛᔪᐛ ᒐᒋ ᒥᒋᑐᑎᒥᔨᒋ ᓂᓇᐧᑯᐤ ᐊ ᐃᓯ ‍ ᐎᔭᓴᐊᒡ᙮
\v 15 ᐃᔭᐱᒡ ᒪᒃ, ᓴᒋᐃᐛᐅᓐ ᐊ ‍ ᓄᑯᑕᔭᐧᒄ ᐊ ‍ ᐎᑎᒪᐧᒄ ᑕᑈᐅᓐ, ᓇᔅᒡ ᒋᐸ ᐃᓯ ᒥᔪ ‍ ᓂᑕᐅᒋᓇᓄᐤ ᙭ ᐃᔅ ᐊ ‍ ᑕᑦ, ᐎᔾ ᐊ ‍ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ᙮
\v 16 ᐎᔾ ᐃᑐᑐᐛᐤ ᒐᒋ ᒥᔪ ‍ ᐎᒐᐅᑐᔨᒋ ᐅᒪᒧᐊᔭᒥᐊᐛ ᑭᔭ ᒥᓯᐛ ᒐᒋ ᐃᓯ ‍ ᒥᔪᐱᔨᒋ ᐊᓂᔭ ᐊ ᐊᑎ ‍ ᓂᑕᐅᒋᔨᒋ ᑭᔭ ᐊ ᐊᑎ ‍ ᓱᒋᑲᐳᔨᒋ ᐊ ‍ ᓴᒋᐃᑐᔨᒋ ᐅᒡ᙮
\s1 ᑲ ‍ ᐅᔅᑲᒡ ᐱᒪᑎᓯᐅᓐ ᙭ ᐊ ‍ ᑕᑈᔭᔨᒪᑭᓄᐅᑦ
\p
\v 17 ᐅ ᒪ ᒋ ᐊᑎ ᐃᓯ ‍ ᐎᑎᒪᑎᓇᐛᐤ ᐅᑎᐸᔨᒋᒐᐤ ᐃᔅ ᐊ ‍ ᑕᑦ ᐊ ‍ ᐃᔭᒂᒥᑎᑯᒡ ᒐ ᐊᑲ ᒋ ᐃᓯ ‍ ᐱᒪᑎᓯᔭᒄ ᑕᓐ ᐊ ᐃᓯ ‍ ᐱᒪᑎᓯᒡ ᐊᓐᒡ ᐊᑲ ᐊᐱᑕᔨᒪᒡ ᒋᓴᒪᓂᑐᐛ᙮ ᐛᔅ ᐊᓂᔭ ᑕᓐ ᐊ ᐃᓯ ‍ ᒪᒥᑐᓇᔨᑕᒡ ᓇᒪ ᓇᔅᒡ ᐊᐱᑕᔨᑕᑯᓂᔪᐤ,
\v 18 ᓇᒪ ᑭᔭ ᒋ ‍ ᓂᔅᑐᑎᒧᒡ ᒐᒂᔪᐤ᙮ ᓇᒪ ᒋ ᐃᓯ ‍ ᐱᒪᑎᓯᐅᒡ ᐊᓂᔭ ᐊ ᐃᓯ ‍ ᓂᑐᐛᔨᒥᑯᒡ ᒋᓴᒪᓂᑐᐛ ᒋᐸ ᐃᓯ ‍ ᐱᒪᑎᓯᐅᒡ, ᐛᓴ ᐊ ‍ ᒥᔅᑯᑕᐊᒡ ᐊᑲ ᓇᔅᒡ ᐎ ᓂᔅᑐᑕᒡ᙮
\v 19 ᓇᒪ ᓇᔅᒡ ᐊᑯ ᓯᓴᒂᔨᒧᐅᒡ ᑕᓐ ᐊ ‍ ᐃᑎᒡ᙮ ᐱᔅᑎᓂᓱᐅᒡ ᒐᒋ ᐱᓯᒂᑎᓯᒡ, ᒥᒄ ᑕᓐ ᐊ ᐃᓯ ‍ ᒧᔅᑕᓇᔨᑕᒡ ᒐᒋ ᐃᓯ ‍ ᐎᓂᓱᐤ ᐃᑎᒡ ᐊᐅᑯᓐ ᐊ ‍ ᐃᑎᒡ᙮
\p
\v 20 ᓇᒪᔭᐤ ᒪᒃ ᐅ ᑲ ᐃᓯ ‍ ᒋᔅᑯᑎᒪᑯᐅᔭᒄ ᒋᓴᔅ ᙭ ᑲ ‍ ᐊᔨᒧᑎᒪᑯᐅᔭᒄ᙮
\v 21 ᔅᒋ ‍ ᐸᑕᓇᐛᐤ ᑕᓐ ᑲ ᐃᓯ ‍ ᐊᔨᒧᒪᑭᓄᐅᑦ, ᐊ ‍ ᓇᓴᐛᒄ ᒪᒃ ᒋᓴᔅ ᔅᒋ ‍ ᒋᔅᑯᑎᒪᑯᓇᐛᐤ ᐎᔾ ᐊ ‍ ᑕᑦ ᐊᑯᑕ ᐊ ‍ ᑎᒂᒡ ᑕᑈᐅᓐ᙮
\v 22 ᔅᒋ ‍ ᐎᑎᒪᑯᓇᐛᐤ ᒐ ‍ ᓂᓱᐅᓇᒋᐃᑯᔭᒄ ᐊᓐ ᑲ ‍ ᐎᔭᓯᒥᑯᔭᒄ ᒋᒥᒋᓂᑐᐛᔨᑎᒧᐅᓄᐛᐛ, ᑭᔭ ᔅᒋ ‍ ᐃᑎᑯᓇᐛᐤ ᒐᒋ ᐛᐱᓂᒪᒄ ᐛᔅᑭᒡ ᑕᓐ ᑲᒋ ‍ ᐃᑕᑎᓯᔭᒄ ᐊ ‍ ᒥᒋᑐᑎᒪᒄ᙮
\v 23 ᐱᔅᑎᓂᒧᒄ ᒋᒥᑐᓇᔨᒋᑭᓄᐛᐛ ᒐᒋ ᐅᔅᒋᑕᑭᓄᐅᒋ,
\v 24 ᐊᑯ ᒪᒃ ᐊ ‍ ᐅᔅᒋᓯᔭᒄ ᒐ ‍ ᐃᓯᓇᑯᓯᔭᒄ᙮ ᒋᓴᒪᓂᑐᐤ ᔅᒋ ‍ ᐃᓯᐃᑯᐛᐤ ᐎᔾ ᒐᒋ ᓂᔅᐱᑐᐛᒄ ᑭᔭ ᒋᐸ ‍ ᑯᐃᔅᑯᑕᑎᓯᓇᐛᐤ ᑭᔭ ᒋᐸ ᐸᔭᒋ ‍ ᐱᒪᑎᓯᓇᐛᐤ᙮
\s2 Ephesians 4.25-5.2 (Proper-14 Year B)
\p
\v 25 ᐊᑯ ᒪᒃ ᒋᐸ ‍ ᐳᓂᓇᐛᐤ ᐊ ‍ ᑭᑭᒋᔭᔭᒄ ᐃᔭᐱᒡ ᑯᐃᔅᒄ ᒐᒋ ᐃᓯ ‍ ᐃᔨᒥᐃᑐᔭᒄ ᐛᔅ ᒧᔭᒻ ᐊ ‍ ᐸᐃᑯᑕᐅᓯᔭᐧᒄ ᒋᑦ ᐃᓯᓇᑯᓯᓇᓄᐤ ᐊᓐᑕ ᐃᔅ ᙭ ᐊ ‍ ᑕᑦ᙮
\v 26 ᒋᑭ ᒋ ‍ ᒋᔄᓯᓐ ᒥᒄ ᒪᒃ ᐊᑲᐎᔾ ᒥᒋᑐᑕ᙮ ᐊᑲᐎᔾ ᒋᑭ ᐅᒋ ‍ ᐊᑎ ‍ ᐸᒋᓯᒧᐤ ᐱᓯᒻ ᐊᔅᒄ ᐊ ‍ ᒋᔄᓯᔨᓐ᙮
\v 27 ᑭᔭ ᐊᑲᐎᔾ ᓇᔅᒡ ᐱᔅᑎᓂᒧᐛᐧᒄ ᒥᒋᒥᓂᑐᐤ ᒐᒋ ᐃᑐᑕᑕᒄ ᑕᓐ ᐛ ᐃᑐᑕᑕᒄ᙮
\v 28 ᑭᔭ ᐊᓐ ᐊᐛᓐ ᑲ ‍ ᑭᒐᒧᑎᑦ ᒋᐸ ‍ ᐳᓂᐤ ᐊ ‍ ᑭᒐᒧᑎᑦ᙮ ᐃᔭᐱᒡ ᒋᐸ ‍ ᐊᑐᔅᒐᐤ ᑯᐃᔅᒄ ᐊ ‍ ᐃᑎᑦ ᐊ ᐎ ‍ ᐎᒋᐃᓱᑦ ᑭᔭ ᐊᑐᔅᒐᒐ ᐊᑯᑕ ᒐᒋ ᐅᒋ ‍ ᐎᒋᐊᑦ ᑲ ‍ ᒋᔅᑎᒪᑎᓯᔨᒋ ᐊᐛᔪᐛ᙮
\p
\v 29 ᐊᑲᐎᔾ ᓂᑎᒥᒄ ᐃᔨᒧᐅᓐ ᐊᐱᒋᑕᒄ, ᑯᐃᔅᒄ ᐃᓯ ᐃᔨᒧᒄ ᐊᓂᔭ ᒐ ᒥᔪ ‍ ᐎᒋᐃᑯᒡ ᐊᓐᒡ ᑲ ‍ ᐸᑕᑕᑯᒡ ᐊᐛᓐᒋ ᒥᒄ ᑕᓐ ᐊ ‍ ᐃᔅᐱᔪᐛᒂ ᐅᐱᒪᑎᓯᐅᓄᐛᒡ᙮
\v 30 ᐊᑲᐎᔾ ᒥᓯᒪᔨᑎᒥᐃᒪᐧᑯ ᒋᓴᒪᓂᑐᐤ ᐅᐸᔭᒋ ᐊᒐᒂ᙮ ᐅ ᐊᒐᐧᒄ ᐊ ‍ ᐊᔭᐛᒄ ᐊᑯᑕ ᐊ ‍ ᓄᒂᒡ ᒋᓴᒪᓂᑐᐤ ᐊ ‍ ᑎᐸᔨᒥᑕᒄ᙮ ᒐᔅᑎᓇᑕᔨᑕᑯᓐ ᒪᒃ ᐅᑎᒋᐱᔨᒐ ᐊᓐ ᐊ ‍ ᒋᓯᑲᒡ ᑕᑈ ᒐ ‍ ᐊᐱᐧᑯᓂᑕᒄ ᒋᓴᒪᓂᑐᐤ᙮
\v 31 ᐳᓂᒄ ᐊ ‍ ᐅᔅᑐᐛᔨᑎᒪᒄ, ᐊ ‍ ᐊᐧᑯᔪᐛᓯᔭᒄ ᑭᔭ ᐊ ‍ ᒋᔄᓯᔭᒄ᙮ ᐳᓂᒄ ᑭᔭ ᐊ ‍ ᒪᔭᔨᒐᔭᒄ ᑭᔭ ᐊ ‍ ᒋᐧᑲᓇᑯᐎᑐᔭᒄ᙮ ᓇᒪ ᓇᔅᒡ ᒋᐸ ᐅᒋ ‍ ᐊᔭᓇᐛᐤ ᐛᐧᑲᓱᐛᐅᓐ᙮
\v 32 ᒋᐸ ‍ ᒥᔪᑐᑐᐛᐛᐅᒡ ᐊᐛᓐᒋ ᑭᔭ ᒋᐸ ‍ ᔪᔅᐸᑎᓯᓇᐛᐤ᙮ ᑭᔭ ᒋᐸ ‍ ᐛᐸᔨᑎᒧᐛᐛᐅᒡ ᐊᐛᓐᒋ ᒧᔭᒻ ᑕᓐ ᑲ ᐃᓯ ‍ ᐛᐸᔨᑎᒪᑕᒄ ᒋᓴᒪᓂᑐᐤ ᙭ᑕ ᐅᒡ᙮
\c 5
\s1 ᐛᔅᑕᐅᓂᒡ ᐊ ᐃᓯ ‍ ᐱᒪᑎᓯᓇᓄᐅᒡ
\p
\v 1 ᓱᒃ ᐎ ᓂᔅᐱᑐᐛᐧᒄ ᒋᓴᒪᓂᑐᐤ ᑕᓐ ᐊ ‍ ᐃᑕᔨᑕᑯᓯᑦ, ᐛᔅ ᐊᐅᒄ ᒋᔨᐛᐤ ᐅᑦ ᐊᐛᓯᒪ ᑲ ‍ ᓴᒋᐊᑦ᙮
\v 2 ᓴᒋᐊᐧᑯᒡ ᐊᐛᓐᒋ, ᒧᔭᒻ ᑕᓐ ᑲ ᐃᔅᐱᔅ ‍ ᓴᒋᐃᑕᒄ ᙭᙮ ᑲ ‍ ᐱᔅᑎᓇᐧᒃ ᐅᐱᒪᑎᓯᐅᓐ ᒋᔭᓄᐤ ᐅᒋ ᒧᔭᒻ ᐊ ‍ ᐎᒋᒪᔅᑕᔨᒡ ᐱᔅᑎᓂᒐᐅᓂᔪᐤ ᑭᔭ ᒥᑐᔅᑕᐊᒪᒐᐅᓂᔪᐤ ᐊᐅᑯᓐ ᑲ ‍ ᐃᑕᔨᑎᒥᐃᑯᔨᒋ ᒋᓴᒪᓂᑐᐛ᙮ ᒋ ‍ ᓇᐊᔨᑎᒥᐃᑯᔪᐛ ᒪᒃ᙮
\p
\v 3 ᒋᔨᐛᐤ ᐊ ‍ ᑕᑈᑎᒪᒄ ᓇᒪ ᓇᔅᒡ ᒋᐸ ᐅᒋ ‍ ᑎᑯᓐ ᐎᓂᓱᐅᓐ ᐊᓐᑕ ᐊ ‍ ᑕᔭᒄ᙮ ᓇᒪ ᑭᔭ ᒋᐸ ᐅᒋ ‍ ᑎᑯᓐ ᓂᑎᒥᒄ ᐃᑐᐅᓐ ᑭᔭ ᒧᔅᑕᓇᔨᑎᒧᐅᓐ᙮
\v 4 ᓇᒪ ᑯᐃᔅᑯᓇᑯᓂᔪᐤ ᒋᓴᒪᓂᑐᐤ ᐅᑦ ᐃᔨᒪ ᒐᒋ ᒥᒋᑕᑯᓂᔨᒡ ᐅᑦ ᐃᔨᒧᐅᓂᔪᐤ ᒪᒃ ᒐᒋ ᒋᔎᐤ ᐃᔨᒥᔨᒋ ᒪᒃ ᓂᑎᒥᒄ ᒐᒋ ᐃᓯ ‍ ᐅᐎᑥᔨᒋ᙮ ᐃᔭᐱᒡ ᒧᔅ ᒋᐸ ‍ ᓂᓇᔅᑯᒪᐅᒡ ᐅᑎᐸᔨᒋᒐᐛ ᒥᓯᐛ ᒐᒂᔪᐤ ᐅᒡ᙮
\v 5 ᒋ ‍ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐊᓐ ᐊᐛᓐ ᐎᓂᓱᐅᓂᒡ ᑲ ᐃᓯ ‍ ᐱᒪᑎᓯᑦ ᑭᔭ ᓂᑎᒥᒄ ᑲ ‍ ᐊᐃᑎᑦ ᑭᔭ ᒧᔅ ᑲ ‍ ᒧᔅᑕᓇᔨᑕᐧᒃ ᒐᒂᔪᐤ ᒐᒋ ᐊᔭᑦ ᓇᒪ ᒋᑭ ᒋ ‍ ᐎᒋᐃᐛᐤ ᒋᓴᒪᓂᑐᐛ ᑭᔭ ᙭ᑕ ᐅᒋᒪᐅᓂᔨᒡ᙮ ᐊᓐ ᐊᐛᓐ ᒧᔅ ᑲ ‍ ᒧᔅᑕᓇᔨᑕᐧᒃ ᒧᔭᒻ ᒥᓂᑐᐧᑲᓇ ᐊ ‍ ᐊᔭᒥᐊᔅᑐᐛᑦ ᐃᓯᓇᑯᓂᔪᐤ ᐅᔭ ᐊ ‍ ᐃᑎᑦ᙮
\v 6 ᐃᔭᒂᒥᔅᑐᐛᐧᑯᒡ ᒪᒃ ᒐ ᐊᑲ ᒋ ᐎᔭᓯᒥᑕᑯᒡ ᐊᓐᒡ ᑲ ‍ ᒥᔽᔨᑕᒡ ᐅᔭᔪᐤ ᐃᑕᑎᓯᐅᓂᔪᐤ ᐛᔅ ᓂᑎᒥᒄ ᒋᑭ ᐃᓯ ‍ ᒋᔅᒋᓄᑕᐃᑯᐛᐅᒡ᙮ ᐅᔭ ᐊ ‍ ᐃᑕᑎᓯᒡ ᐊᓐᒡ ᐊᑲ ᓂᓇᐃᑐᐛᒡ ᒋᓴᒪᓂᑐᐛ ᐊᔪᐅᒄ ᐅᔭ ᐛᒋ ‍ ᐅᑎᑕᐅᑯᐛᒡ ᐅᑦ ᐊᐧᑯᔪᐛᓱᐅᓂᔪᐤ᙮
\v 7 ᐊᑲᐎᔾ ᐛᐎᒋᐊᐧᑯᒡ ᐅᔭ ᐊ ‍ ᐃᑕᑎᓯᒡ ᐊᓐᒡ ᐊᐛᓐᒋ᙮
\p
\v 8 ᐛᔅ ᑭᔭ ᒋᔨᐛᐤ ᐅᓂᑎᐱᔅᒋᓯᐅᓂᒡ ᔅᒋ ‍ ᑕᓇᐛᐤ ᐊᓐᑕ ᐅᑕᒡ, ᒥᒄ ᒪᒃ ᐊᓄᒡ ᐊᑯ ᐛᔅᑕᐅᓂᒡ ᐊ ‍ ᑕᔭᒄ ᐊᓐ ᐅᒋ ᐊ ‍ ᑕᑈᔭᔨᒪᒄ ᒋᓴᒪᓂᑐᐤ᙮ ᐊᑯᑕ ᒪᒃ ᓱᐧᒃ ᐎᓯ ‍ ᐱᒪᑎᓯᒄ ᐊᑯ᙮
\v 9 ᑕᑈ ᐛᔅᑕᐅᓂᒡ ᐃᓯ ᐱᒪᑎᓯᔭᒂ ᒋᑭ ‍ ᓄᑯᓐ ᒥᔪᑥᐅᓐ ᑭᔭ ᑯᐃᔅᑯᑕᑎᓯᐅᓐ ᑭᔭ ᑕᑈᐅᓐ ᐊᓐᑕ ᒋᐱᒪᑎᓯᐅᓄᐛᒡ᙮
\v 10 ᒧᔅ ᐎ ᓇᓂᑐ ᒋᔅᒐᔨᑎᒧᒄ ᑕᓐ ᐊ ᐃᓯ ‍ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ‍ ᐱᒪᑎᓯᐛᒄ᙮ ᒐ ‍ ᒋᔅᒐᔨᑎᒪᒄ ᒪᒃ ᑕᓐᑕ ᒐᒋ ᐅᒋ ‍ ᓂᓇᐃᑎᒪᐊᒄ᙮
\v 11 ᐊᑲᐎᔾ ᒥᑯᔅᑲᑕᔨᑎᒧᒄ ᑕᓐ ᐊ ᐃᓯ ‍ ᓂᓇᐧᑯᐤ ᓂᑎᒥᒄ ᐃᑎᓇᓄᐅᒡ, ᑕᐸ ᓇᔅᒡ ᑯᐃᔅᒄ ᐃᓯ ᐎᒋᐃᐛᐱᔪᐛ ᐅᔭ᙮ ᐃᔭᐱᒡ ᒋᐸ ᐎ ‍ ᐛᐸᑎᔨᐛᓇᐛᐤ ᑕᓐ ᐊ ᐃᓯ ᐊᑲ ‍ ᑯᐃᔅᑯᓇᒂᒋ ᓂᑐᐎᔾ ᒐᒂᔪᐛ᙮
\v 12 ᓴᒂᔨᒧᐅᒡ ᐊᐛᓐᒋ ᒐᒋ ᐊᔭᔨᒺᐛᔨᑯᐅᒡ ᐅᔭ ᒐᒂᔪᐛ ᑲ ‍ ᐃᔅᐱᔅ ᐛᓴ ᓂᑎᒥᒄ ᒋᒧᑦ ᐊ ‍ ᐃᑎᓇᓄᐅᒡ᙮
\v 13 ᐛᔅᑕᐅᓂᒡ ᒪᒃ ᐊᑯᑕ ᐊ ‍ ᓄᒂᒡ ᒥᓯᐛ ᒐᒂᓐ ᑕᓐ ᐊᓐ ᐊ ‍ ᐃᑕᔨᑕᒂᒡ᙮
\v 14 ᐊᐅᒄ ᒪᒃ ᐛᒋ ‍ ᐃᓇᓄᐅᒡ ᒪᓐ,
\q “ᐅᓂᔾ ᒋᔾ ᑲ ‍ ᓂᐸᔨᓐ, ᐅᓂᔾ ᐊᓐᑕ ᓂᐳᐅᓂᒡ ᐅᒡ᙮ ᐊᑯ ᒪᒃ ᙭ ᒐ ‍ ᒥᔨᔅᒃ ᐛᔅᑕᐅᓂᔪᐤ᙮”
\s2 Ephesians 5.15-20 (Proper-15 Year B)
\p
\v 15 ᓱᒃ ᐃᔭᒂᒥᒄ ᑕᓐ ᐊ ᐃᓯ ‍ ᐱᒪᑎᓯᔭᒄ᙮ ᓇᒪ ᒋᐸ ᐅᒋ ᐃᓯ ‍ ᐱᒪᑎᓯᓇᐛᐤ ᑕᓐ ᐊ ᐃᓯ ‍ ᐱᒪᑎᓯᒡ ᐊᓐᒡ ᐊᑲ ᐊᔭᒡ ᑭᒐᑕᐛᔨᑎᒧᐅᓂᔪᐤ᙮ ᐊᐛᓐᒋ ᑲ ‍ ᐊᔭᒡ ᑭᒐᑕᐛᔨᑎᒧᐅᓂᔪᐤ ᐊᐅᒄ ᑕᑈ ᒋᐸ ᐃᓯ ‍ ᐱᒪᑎᓯᓇᐛᐤ᙮
\v 16 ᑭᔭ ᐊᑲᐎᔾ ᐃᔭᔪᑕᒄ ᒋᒋᓯᑲᒧᐛᐛ ᐛᔅ ᓇᔅᒡ ᒥᓴᐤ ᒥᒐᑎᓯᐅᓐ ᐅᔭ ᐊᓄᒡ ᒐᓯᑲᒋ᙮
\v 17 ᐊᑲᐎᔾ ᒪᒃ ᒋᔎᐱᒪᑎᓯᒄ᙮ ᐃᔭᐱᒡ ᓱᒃ ᐎ ᓂᔅᑐᑎᒺᐧᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮
\v 18 ᐊᑲᐎᔾ ᒋᔎᐸᒄ ᐊ ‍ ᒥᓂᔭᒄ ᓱᒥᓇᐳᔾ, ᐛᔅ ᐊᐅᒄ ᒐ ‍ ᓂᓱᐅᓇᒋᐃᑯᔭᒄ᙮ ᐃᔭᐱᒡ ᐱᔅᑎᓇᐧᒄ ᐸᔭᒋ ᐊᒐᐧᒄ ᒐᒋ ᓴᑭᔅᒋᓇᔅᑲᑕᒄ᙮
\v 19 ᐛᐎᒋᐃᑐᒄ ᐊ ‍ ᓂᑭᒧᔭᒄ ᓂᓇᐧᑯᐤ ᐃᔭᒥᐊᐤ ᓂᑭᒧᐅᓇ, ᑭᔭ ᐊᓂᔭᔪᐛ ᑎᐱᑦ ᐅᓂᑭᒧᐅᓇ ᑭᔭ ᐊ ‍ ᐅᔅᑲᒋ ᐊᒐᐧᒄ ᓂᑭᒧᐅᓇ ᓂᑭᒧᒄ᙮ ᒪᒥᒋᒪᐧᒄ ᐅᑎᐸᔨᒋᒐᐤ ᒥᒄ ᒐ ‍ ᐃᔅᐱᔅ ᐎ ᒪᒥᒋᒪᒄ ᒋᑕᐃᐛᒡ ᐅᒡ᙮
\v 20 ᒧᔅ ᓂᓇᔅᑯᒪᐧᒄ ᒋᓴᒪᓂᑐᐤ ᒍᑕᐎᓄᐤ ᒥᓯᐛ ᒐᒂᔪᐤ ᑕᓐ ᐊ ᐊᑎ ‍ ᐃᔅᐱᔨᒡ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᐅᒡ᙮
\s1 ᓇᐸᐤ ᑭᔭ ᐎᐛ ᑕᓐ ᒋᐸ ‍ ᐃᑐᐅᒡ
\p
\v 21 ᐱᔅᑕᔨᒥᑎᓱᔅᑕᑐᒄ ᙭ ᐊ ‍ ᒋᔅᑕᔨᒪᒄ ᐅᒡ᙮
\p
\v 22 ᒋᔨᐛᐤ ᐃᔎᑐᒄ ᐱᔅᑕᔨᒥᑎᓱᔅᑐᐛᐧᑯᒡ ᒋᓇᐸᒧᐛᐅᒡ ᒧᔭᒻ ᐊ ᐃᓯ ‍ ᐱᔅᑕᔨᒥᑎᓱᔅᑐᐛᒄ ᐅᑎᐸᔨᒋᒐᐤ᙮
\v 23 ᐛᔅ ᓇᐸᐤ ᒋ ‍ ᒥᔭᑭᓄᐤ ᒐᒋ ᓂᑲᓂᔅᑯᐛᑦ ᐎᐛ ᒧᔭᒻ ᙭ ᐊ ᐃᓯ ‍ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ᙮ ᐎᔾ ᙭ ᐅᐱᒪᒋᐃᐛᒥᑐᑕᑯᐤ ᐅᒪᒧᐊᔭᒥᐊᐛ, ᐊᔪᐅᒄ ᒪᒃ ᐅᔭ ᐎᔪᐛ ᐊᓂᔭᔪᐛ ᐅᒪᒧᐊᔭᒥᐊᐛ᙮
\v 24 ᒧᔭᒻ ᒪᒃ ᐊ ᐃᓯ ‍ ᐱᔅᑕᔨᒥᑎᓱᒡ ᙭ᑕ ᐊ ‍ ᑕᔨᒋ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᐅᑯᓐ ᒧᔭᒻ ᑭᔭ ᒋᔨᐛᐤ ᐃᔎᑐᒄ ᒋᐸ ᐃᓯ ‍ ᐱᔅᑕᔨᒥᑎᓱᔅᑐᐛᐛᐅᒡ ᒋᓇᐸᒧᐛᐅᒡ᙮
\p
\v 25 ᒋᔨᐛᐤ ᓇᐸᑐᒄ, ᒋᐸ ‍ ᓴᒋᐊᐛᐅᒡ ᒋᐅᐛᐅᒡ ᒧᔭᒻ ᙭ ᑲ ᐃᔅᐱᔅ ‍ ᓴᒋᐊᑦ ᐅᒪᒧᐊᔭᒥᐊᐛ, ᓇᔅᒡ ᐊᒋ ‍ ᐱᔅᑎᓇᐧᒃ ᐅᐱᒪᑎᓯᐅᓐ ᑲ ‍ ᐃᔅᐱᔅ ᒋ ‍ ᓴᒋᐊᑦ᙮
\v 26 ᐊᔪᐅᒄ ᐅᔭ ᑲ ‍ ᐃᑎᑦ ᙭ ᒋᓴᒪᓂᑐᐛ ᐊ ‍ ᑕᔨᒋ ᒐᒋ ᐃᓯ ‍ ᐱᔅᑎᓇᑦ ᐅᒪᒧᐊᔭᒥᐊᐛ ᐃᔅᐱ ᑲ ‍ ᐸᔭᒋᐊᑦ, ᓂᐱᒡ ᐊᒋ ‍ ᒋᔅᑕᐸᐅᐎᔭᑦ ᐊᓂᔭ ᑕᓐ ᑲ ᐃᓯ ‍ ᐊᔨᒧᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᒡ᙮
\v 27 ᐊᔪᐅᒄ ᐅᔭ ᑲ ‍ ᐃᑐᑕᐧᒃ ᙭ ᐎᔾ ᒐᒋ ᐅᑎᓂᒪᓱᑦ ᐊᓂᔭ ᐅᒪᒧᐊᔭᒥᐊᐛ ᓇᔅᒡ ᐊ ‍ ᒥᔪᓇᑯᓯᔨᒋ, ᐊ ‍ ᐸᔭᒋᓯᔨᒋ ᑭᔭ ᐊᑲ ᓇᔅᒡ ᒐᒂᔪᐤ ᐊ ‍ ᑎᑯᓂᔨᒡ ᐊ ᐃᓯ ‍ ᐊᑕᒪᔨᑕᑯᓯᔨᒋ, ᐊᑲ ᓇᔅᒡ ᐸᐸᑕᐅᓯᔨᒋ, ᓇᔅᒡ ᐊ ‍ ᒥᔪᓯᓯᔨᒋ᙮
\v 28 ᒧᔭᒻ ᒪᒃ ᐅᔭ ᙭ ᑲ ᐃᓯ ‍ ᓴᒋᐃᐛᑦ ᑭᔭ ᐎᔾ ᓇᐸᐤ ᒋᐸ ‍ ᓴᒋᐊᐤ ᐎᐛ ᒧᔭᒻ ᐊᔅᐱᔅ ᓴᒋᑕᑦ ᐎᔪᐤ᙮ ᓇᐸᐤ ᑲ ‍ ᓴᒋᐊᑦ ᐎᐛ ᓄᑯᓂᔪᐤ ᐊ ‍ ᓴᒋᐃᓱᑦ᙮
\v 29 ᓇᒪ ᓂᑕ ᒥᒐᔨᒥᓱᐤ ᐊᐛᓐ᙮ ᐊᓯᒥᓱᐤ ᐛ ᒥᒋᓱᒋ ᑭᔭ ᒪᒥᔪᐧᑲᑎᓱᐤ᙮ ᐊᐅᑯᓐ ᒪᒃ ᒧᔭᒻ ᐊ ‍ ᐃᑐᑐᐛᑦ ᙭ ᐅᒪᒧᐊᔭᒥᐊᐛ᙮
\v 30 ᒋᔭᓄᐤ ᑲ ‍ ᑕᑈᔭᔨᒪᐧᒄ ᒋᓴᒪᓂᑐᐤ ᒥᓯᐛ ᙭ ᐊ ‍ ᑕᑦ ᒋ ᐊᑎ ᐃᓯ ‍ ᒪᒧᓯᓇᓱᓇᓄᐤ᙮
\v 31 ᐊᐅᒄ ᑭᔭ ᐛᒋ ‍ ᐃᑎᔅᑕᒡ ᒥᓯᓇᐃᑭᓂᒡ,
\q ᓇᐸᐤ ᒋᑭ ‍ ᓂᑭᑕᐤ ᐅᓂᒋᐃᒂ ᑭᔭ ᒐ ‍ ᐎᒋᒪᑦ ᐎᐛ᙮ ᐊᑯ ᒪᒃ ᐎᐛ ᐸᐃᒄ ᒥᔪᐤ ᒐ ‍ ᐃᓯᓇᑯᓯᒡ᙮
\m
\v 32 ᐊᓐ ᒪᒃ ᑲ ᐃᓯ ‍ ᒥᓯᓇᐃᑭᓄᐅᒡ ᐊᑐᐎᔅ ᑎᑯᓐ ᐊ ᐃᓯ ‍ ᐎᑎᒪᒐᒥᑲᒡ᙮ ᓂᔾ ᑭᑈ ᐊ ᐃᓯ ‍ ᓂᔅᑐᑎᒪᓐ, ᙭ ᑭᔭ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᔨᒧᒪᑭᓄᐎᒡ ᐊᓐᑕ᙮
\v 33 ᒥᒄ ᒪᒃ ᑭᔭ ᒋᔨᐛᐤ ᓇᐸᑐᒄ ᑭᔭ ᐃᔎᑐᒄ ᒋᑦ ᐊᔨᒧᒥᑯᓇᐛᐤ᙮ ᒥᓯᐛ ᓇᐸᐤ ᒋᐸ ‍ ᓴᒋᐊᐤ ᐎᐛ ᒧᔭᒻ ᐎᔾ ᐊ ‍ ᐃᔅᐱᔅ ᓴᒋᐃᓱᑦ᙮ ᑭᔭ ᐃᔎᐤ ᒋᐸ ‍ ᒋᔅᑕᔨᒪᐤ ᐅᓇᐸᒪ᙮
\c 6
\s1 ᐊᐛᓯᒡ ᑭᔭ ᐅᓂᒋᐃᑯᒪᐅᒡ
\p
\v 1 ᒋᔨᐛᐤ ᐊᐛᓴᑐᒄ ᐊ ‍ ᑕᑈᔭᔨᒪᒄ ᐅᑎᐸᔨᒋᒐᐤ ᒋᐸ ‍ ᓂᓇᐃᑐᐛᐛᐅᒡ ᒋᓂᒋᐃᑯᐛᐅᒡ ᐛᔅ ᑯᐃᔅᑯᓇᑯᓐ ᐅ ᒐᒋ ᐃᑎᔭᒄ᙮
\v 2 “ᒋᔅᑕᔨᒻ ᒍᑕᐎᔾ ᑭᔭ ᒋᑲᐎᔾ᙮” ᐊᔪᐅᒄ ᐅᔭ ᓂᔅᑎᒻ ᑭᒐᔅᒋᒧᐅᓂᔪᐤ ᑲ ‍ ᐱᔅᑎᓇᐧᒃ ᒋᓴᒪᓂᑐᐤ ᓂᓇᑭᑐᐛᔨᑎᒥᔨᒐ ᐊᐛᔪᐛ ᒐᔅᑎᓇᔅ ᒐ ‍ ᒥᔪᑐᑎᒧᐛᑦ᙮
\v 3 ᐅ ᐃᑐᑎᒪᒂ, “ᒋᑭ ‍ ᒥᔪᐱᔨᓇᐛᐤ ᑭᔭ ᓇᐅᔅ ᒋᑭ ‍ ᐱᒪᑎᓯᓇᐛᐤ ᐅᑕ ᐊᔅᒋᒡ᙮”
\p
\v 4 ᒋᔨᐛᐤ ᐅᑕᐎᒪᑐᒄ, ᐊᑲᐎᔾ ᓇᓂᑐᐤ ᒋᔄᐊᐧᑯᒡ ᒋᑦ ᐊᐛᓯᒧᐛᐅᒡ, ᐃᔭᐱᒡ ᑯᐃᔅᒄ ᐃᓯ ᓂᑕᐅᒋᓇᐧᑯᒡ ᒐᒋ ᒋᔅᒐᔨᑕᒡ ᑕᓐ ᒋᐸ ᐃᓯ ‍ ᐱᒪᑎᓯᐅᒡ ᑭᔭ ᒐᒋ ᓂᓇᐃᑐᐛᒡ ᐅᑎᐸᔨᒋᒐᐛ᙮
\s1 ᑕᓐ ᒋᐸ ‍ ᐃᑐᐅᒡ ᐊᐱᒋᐊᑭᓐᒡ ᑭᔭ ᐅᒋᒪᒧᐛᐛ
\p
\v 5 ᒋᔨᐛᐤ ᑲ ‍ ᐊᑐᔅᑯᐛᒄ ᐊᐛᓐ ᒋᐸ ‍ ᓂᓇᐃᑐᐛᐛᐅᒡ ᐊᓐᒡ ᒋᐅᒋᒪᒧᐛᐅᒡ᙮ ᐃᔭᒂ ᐃᑕᔨᒪᐧᑯᒡ ᑭᔭ ᐃᔭᒂᒥᔅᑐᐛᐧᑯᒡ ᑭᔭ ᑯᐃᔅᒄ ᐃᓯ ᐊᑐᔅᑯᐛᐧᑯᒡ ᒧᔭᒻ ᑕᓐ ᒋᐸ ᐃᓯ ‍ ᐊᑐᔅᑯᐛᐛᐤ ᙭᙮
\v 6 ᐊᑲᐎᔾ ᒥᒄ ᐊ ‍ ᑭᓄᐛᐱᒥᔅᒃ ᒋᐅᒋᒪᒻ ᓱᒃ ᐎᔾ ᐊᑐᔅᒐ ᒧᔭᒻ ᒥᒄ ᓇᐸᐛ ᑲ ᐎ ‍ ᓂᓇᐃᑎᒪᐊᑦ ᒐᒋ ᐃᓯᓇᑯᓯᔨᓐ ᐛᔅ ᙭ ᐅᑦ ᐊᐱᒋᐊᑭᓇ ᓂᑐᐛᔨᑕᑯᓯᔪᐛ ᓇᔅᒡ ᐅᑕᐃᒡ ᒐᒋ ᐅᒋ ‍ ᐃᑐᑎᒥᔨᒋ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ᙮
\v 7 ᐛᔅ ᒋᐸ ‍ ᒥᔽᔨᑕᓐ ᑭᔭ ᓱᒃ ᒋᐸ ᐎ ‍ ᐃᑐᑕᓐ ᒋᑦ ᐊᑐᔅᒐᐅᓐ, ᑕᐸ ᒥᒄ ᒋᐅᒋᒪᒻ ᒋᑦ ᐊᑐᔅᑯᐛᐤ, ᐅᑎᐸᔨᒋᒐᐤ ᐊᐅᒄ ᒋᒋᐛ ᐊ ‍ ᐊᑐᔅᑯᐅᑦ᙮
\v 8 ᐎ ᒋᔅᒐᔨᑎᒧᒄ ᑕᐸ ᐃᔭᒡ ᒋᑭ ᐅᒋ ᐃᓯ ‍ ᑎᐸᐊᒧᐛᐤ ᐅᑎᐸᔨᒋᒐᐤ ᐊᐛᔪᐛ ᐊᑎ ᐊᓂᔭ ᑲ ‍ ᐅᒋᒪᐎᔨᒋ ᑭᔭ ᒪᒃ ᐊᓂᔭ ᑲ ‍ ᑯᐸᓇᐎᔨᒋ᙮ ᒥᒄ ᑕᓐ ᐊ ᐃᓯ ‍ ᓄᑯᑕᔨᒋ ᐊᒋ ᐃᓯ ᒥᔪ ‍ ᐊᐱᑎᓯᔨᒋ ᐊᐛᔪᐛ ᐊᐅᑯᓐ ᒐ ᐃᓯ ‍ ᑎᐸᐊᒧᐛᑦ᙮
\p
\v 9 ᒋᔨᐛᐤ ᑭᔭ ᑲ ‍ ᐅᒋᒪᐎᔭᒄ, ᒥᔪᑐᑐᐛᐧᑯᒡ ᒋᑦ ᐊᐱᒋᐊᑭᓄᐛᐅᒡ᙮ ᐊᑲᐎᔾ ᓯᓴᒋᐊᐧᑯᒡ᙮ ᐛᔅ ᒋ ‍ ᒋᔅᒐᔨᑕᓇᐛᐤ ᐊ ‍ ᐸᐃᑯᓯᑦ ᒋᐅᒋᒪᒧᐛᐤ᙮ ᐊᐅᒄ ᐅ ᐅᑎᐸᔨᒋᒐᐤ ᒋᒋᒋᓯᑯᒡ ᐊ ‍ ᑕᑦ᙮ ᒥᓯᐛ ᒪᒃ ᐊᐛᔪᐛ ᐸᐃᑯᑕᐤ ᐃᑕᔨᒪᐤ, ᓇᒪ ᐃᐛᒃ ᒥᔪᑐᑐᐛᐤ ᐊᐛᔪᐛ ᑲ ‍ ᐅᒋᒪᐎᔨᒋ᙮
\s1 ᒐ ᐃᓯ ‍ ᐊᔭᔅᑯᐎᑦ ᐊᐛᓐ ᐊᒐᐧᑯᓂᒡ ᒐᒋ ᐃᓯ ‍ ᒪᓯᒐᑦ
\s2 Ephesians 6.10-20 (Proper-16 Year B)
\p
\v 10 ᐊᐅᒄ ᒪᔅᑕᔾ ᒐ ‍ ᐃᑎᑎᑯᒡ ᒐᒂᓐ, ᓂᐧᑲᓂᓯᑐᒄ᙮ ᐊᓐᑕ ᐅᑎᐸᔨᒋᒐᐤ ᐅᓱᐧᑲᑎᓯᐅᓂᒡ ᑭᔭ ᐅᒥᔅᑯᓯᐅᓂᒡ ᐊᑯᑕ ᐎ ᐃᓯ ‍ ᐊᔨᒋᑲᐳᐅᒄ᙮
\v 11 ᒥᓯᐛ ᒪᒃ ᐊᐱᒋᑕᑕᐤ ᑕᓐ ᑲ ᐃᓯ ‍ ᒥᔨᑕᐧᒄ ᒋᓴᒪᓂᑐᐤ ᒐᒋ ᐃᓯ ‍ ᒪᓯᒐᐛᒐᐛᐧᒄ ᐊᐅᒄ ᒪᒃ ᒐᒋ ᓇᓂᑲᐊᒪᓱᔭᐧᒄ ᑕᓐ ᐊ ᐃᓯ ‍ ᑯᒂᒋᐃᑕᐧᒄ ᒥᒋᒥᓂᑐᐤ᙮
\v 12 ᐛᔅ ᑕᐸ ᐃᔪᒡ ᒋᒪᓯᐊᓄᐅᒡ᙮ ᒥᒋ ‍ ᐊᒐᐧᑯᒡ ᑲ ‍ ᑎᐸᔨᒋᒐᒡ ᒋᒪᓯᐊᓄᐅᒡ ᑭᔭ ᐊᓐᒡ ᓇᔅᒡ ᑲ ‍ ᓱᒐᔨᑕᑯᓯᒡ ᑭᔭ ᐊᓐᒡ ᑲ ‍ ᓂᑲᓂᔅᑲᒡ ᐅᓂᑎᐱᔅᒋᓯᐅᓂᔪᐤ ᐅᑕ ᐊᔅᒋᒡ ᐊ ‍ ᑎᑯᓂᔨᒡ᙮ ᒋᒪᓯᐊᓄᐅᒡ ᑭᔭ ᐊᓐᒡ ᒥᒐᑦ ᒥᒋ ‍ ᐊᒐᐧᑯᒡ ᐊᓐᑕ ᐃᔅᐱᒥᒡ ᐊ ‍ ᑕᒡ᙮
\v 13 ᐊᑯ ᒪᒃ ᒥᓯᐛ ᐊᐱᒋᑕᐛᑕᐤ ᑕᓐ ᑲ ᐃᓯ ‍ ᒥᔨᑕᐧᒄ ᒋᓴᒪᓂᑐᐤ ᒐᒋ ᒪᓯᒐᐛᒐᐛᐧᒄ᙮ ᐊᑯ ᒪᒃ ᓇᒪ ᒋᑭ ᐅᒋ ‍ ᓴᐧᑯᒋᐃᑯᓇᓄᐤ ᑭᔭ ᐃᔭᐱᒡ ᐊᔅᒄ ᒐᒋ ᐊᔨᒋᑲᐳᐅᔭᐧᒄ ᐃᔅᐱ ᓱᒃ ᑯᒂᒋᐃᑕᒂ ᒥᒋᒥᓂᑐᐤ᙮
\p
\v 14 ᐊᔨᒋᑲᐳᐅᑕᐤ ᒪᒃ, ᐊ ‍ ᐅᐱᒂᑕᐅᓂᔅᑭᒪᐧᒄ ᑕᑈᐅᓐ ᑭᔭ ᑯᐃᔅᑯᑕᑎᓯᐅᓐ ᒧᔭᒻ ᒥᔅᑲᔅᒋᑭᓇᐱᔅᒄ ᐊ ‍ ᒋᔅᑭᒪᐧᒄ ᒐᒋ ᐃᓯᓇᑯᓯᔭᐧᒄ᙮
\v 15 ᑭᔭ ᐎ ᐊᔭᔅᑯᐎᑕᐤ ᒐᒋ ᐎᑎᒪᒐᔭᐧᒄ ᐊᓐ ᑲ ‍ ᒋᔭᒪᔨᑎᒥᐃᐛᒡ ᒥᔽᒋᒧᐅᓐ ᒧᔭᒻ ᒋᓯᑎᓇᒡ ᐊ ‍ ᐳᔅᑎᔅᑭᒪᐧᒄ ᒐᒋ ᐃᓯᓇᑯᓯᔭᐧᒄ᙮
\v 16 ᑭᔭ ᒧᔅ ᒋᐸ ‍ ᑭᓄᐛᔨᑕᓇᓄᐤ ᑕᑈᑎᒧᐅ ᐊᒂᓇᐅᓱᐛᑭᓐ ᒐᒋ ᐃᓯ ‍ ᐊᐱᒋᑕᔭᐧᒄ ᐛᔅ ᐊᑯᑕ ᒐ ᐅᒋ ‍ ᐊᔅᑐᐛᐅᒪᐧᑯ ᐊᓂᔭᔪᐛ ᑲ ‍ ᐃᔅᑯᑕᐎᔨᒋ ᐊᑭᔎ ᒥᒋᒥᓂᑐᐤ ᑲ ‍ ᐱᒧᑕᐧᒄ᙮
\v 17 ᐅᑎᓇᑕᐤ ᒋᓂᑐᐱᔪᐅ-ᐊᑯᓂᔎᐅᓄᐤ ᐊᐅᒄ ᐱᒪᒋᐃᐛᐅᓐ, ᐅᑎᓂᒺᑕᐤ ᑭᔭ ᐊᓂᔭ ᒧᐧᑯᒪᓂᔪᐤ ᑲ ‍ ᐸᔭᒋᓯᑦ ᐊᒐᐧᒄ ᑲ ‍ ᒥᔨᑕᐧᒄ ᐊᔪᐅᒄ ᐅᔭ ᒋᓴᒪᓂᑐᐤ ᐅᑦ ᐃᔨᒧᐅᓐ᙮
\v 18 ᐊᒐᐧᑯᐅᓂᒡ ᒧᔅ ᐃᓯ ᐊᔭᒥᐊᑕᐤ ᓂᓇᐧᑯᐤ ᐊ ᐃᓯ ‍ ᐊᔭᒥᐊᔭᐧᒄ ᑭᔭ ᓂᓇᐧᑯᐤ ᐊ ᐃᓯ ‍ ᓂᑐᑎᒪᔭᐧᒄ᙮ ᐅ ᒪᒃ ᐊ ᐃᓯ ‍ ᒋᔅᒋᓯᔭᐧᒄ ᐊᔭᔅᑯᐎᑕᐤ ᑭᔭ ᐊᑲᐎᔾ ᐳᓂᑕᐤ ᐊ ‍ ᐊᔭᒥᐊᔭᐧᒄ, ᒧᔅ ᑭᔭ ᐊᔭᒥᐊᔅᑎᒧᐛᑕᐅᓂᒋ ᐊᓐᒡ ᑲ ‍ ᑕᑈᑕᒡ᙮
\p
\v 19 ᐸᒋ ‍ ᐊᔭᒥᐊᔅᑎᒧᐅᒄ ᑭᔭ ᓂᔾ ᒐᒋ ᐸᒋ ‍ ᒥᔨᑦ ᒋᓴᒪᓂᑐᐤ ᑕᓐ ᒐ ‍ ᐃᔅᒋᔄᐅᒡ ᐊ ‍ ᐛᐎᑎᒧᒡ ᒥᔽᒋᒧᐅᓂᔪᐤ ᐊᓂᔭ ᑕᓐ ᐊ ᐃᓯ ᐊᑲ ᐅᒋ ‍ ᒋᔅᒐᔨᑕᑯᓂᔨᒡ ᐊᓐᑕ ᐅᑕᒡ ᑭᔭ ᐊᔭᒥᐊᔅᑎᒧᐅᒄ ᒐ ᐊᑲ ᒋ ᑯᔅᑕᒋᔭᓐ᙮
\p
\v 20 ᒋᓴᒪᓂᑐᐤ ᓂᒋ ᐸᒋ ‍ ᐃᑎᓴᐅᒄ ᒐᒋ ᐛᐎᑎᒧᒡ ᐅᒥᔽᒋᒧᐅᓐ ᐊᑎ ᒪᒂᒡ ᐅᑕ ᑲᒪᑯᓄᐛᓯᐅᒋᐛᐱᒡ ᐊ ‍ ᑕᔭᓐ᙮ ᐸᒋ ‍ ᐊᔭᒥᐊᔅᑎᒧᐅᒄ ᒪᒃ ᒐᒋ ᓱᒋᑕᐊᔭᓐ ᑭᔭ ᒐᒋ ᐃᔅᒋᔄᔭᓐ ᑕᓐ ᐊ ᐃᓯ ‍ ᓂᑐᐛᔨᒥᑦ ᒋᓴᒪᓂᑐᐤ᙮
\s1 ᑕᓐ ᒪᔅᑕᔾ ᑲ ᐃᓯ ‍ ᒥᓯᓇᐊᒧᐛᑦ ᑈᓪ ᐊᓂᔭᔪᐛ ᐃᔪᐛ ᐊᓐᑕ ᐃᐱᓴᔅ ᑲ ‍ ᑕᔨᒋ
\p
\v 21 ᑕᐃᑭᑲᔅ ᒋᑭ ‍ ᑎᑯᓯᓄᐤ ᓇᑕ ᐊ ‍ ᑕᐛᒄ ᒐᒋ ᐎᑎᒪᑕᒄ ᑕᓐ ᐊ ‍ ᐃᑐᒡ ᑭᔭ ᑕᓐ ᐊ ‍ ᐃᔅᐱᔪᒡ᙮ ᐊᐅᒄ ᐅ ᑲ ‍ ᓴᒋᐃᒃ ᒋᐧᑲᓂᓴᓄᐤ ᑭᔭ ᑯᐃᔅᒄ ᑲ ᐃᓯ ‍ ᐊᑐᔅᒐᑦ ᐅᑎᐸᔨᒋᒐᐛ ᐊ ‍ ᐊᑐᔅᑯᐛᑦ᙮
\v 22 ᐊᔪᐅᒄ ᐅ ᐛᒋ ‍ ᐃᑎᓴᐅᒃ ᓇᑕ ᐊ ‍ ᑕᐛᒄ ᒐᒋ ᒋᔅᒐᔨᑎᒪᒄ ᑕᓐ ᐊ ‍ ᐃᔅᐱᔭᒡ ᑭᔭ ᒐᒋ ᐅᐱᓂᑯᔭᒄ ᒋᐱᒪᑎᓯᐅᓄᐛᒡ ᐊ ‍ ᐊᑐᔅᑯᐛᒄ ᙭᙮
\p
\v 23 ᓂᐧᑲᓂᓯᑐᒄ ᓂᑦ ᐊᔭᒥᐊᐤ ᒋᓴᒪᓂᑐᐤ ᒍᑕᐎᓄᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᒥᔨᑕᑯᒡ ᒋᔭᒪᔨᑎᒧᐅᓂᔪᐤ ᑭᔭ ᓴᒋᐃᐛᐅᓂᔪᐤ ᒐᒋ ᓄᒂᒡ ᒋᑕᑈᑎᒧᐅᓄᐛᐛ᙮
\v 24 ᒋᔨᐛᐤ ᑲᒋᒡ ᒐ ‍ ᓴᒋᐊᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᑭ ‍ ᓱᐛᔨᒥᑯᐛᐤ᙮
\id PHP Philippians Adapted from ECree-S to Naskapi, 30 June 2001; Typeset export from CBS 8 May 2007
\h ᐱᓕᐱᔭᓇ
\toc3 ᐱᓕᐱᔭᓇ
\toc2 ᐱᓕᐱᔭᓇ
\toc1 ᐱᓕᐱᔭᓇ ᑈᓪ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᐱᓕᐸᐃᒡ ᑲ ‍ ᑕᔨᒋ
\mt1 ᐱᓕᐱᔭᓇ
\mt2 ᑈᓪ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᐱᓕᐸᐃᒡ ᑲ ‍ ᑕᔨᒋ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᑈᓪ ᑲ ‍ ᒥᓯᓇᐊᒧᐛᑦ ᑲ ‍ ᑕᑈᑎᒥᔨᒋ ᐱᓕᐸᐃᒡ ᑲ ‍ ᑕᔨᒋ᙮ ᒪᒂᒡ ᑲᒪᑯᓄᐛᓯᐅᒋᐛᐱᒡ ᒋ ‍ ᑕᐤ ᑈᓪ ᐅᔭ ᑲ ‍ ᐃᑎᓯᓇᐃᒐᑦ, ᐊᓐᑕ ᕈᒥᒡ ᐊᑯᑕ ᑲ ‍ ᑕᑦ᙮ ᐊᓐᒡ ᐃᔪᒡ ᐊᓐᑕ ᐱᓕᐸᐃᒡ ᑲ ‍ ᑕᒡ ᒋ ‍ ᐃᑎᓴᐛᐛᑯᐱᓇᓂᒡ ᐊᓂᔭ ᓇᐸᐛ ᐃᐸᑉᕋᑕᐃᑕᔅ ᑲ ‍ ᐃᓯᓂᐧᑲᓱᔨᒋ ᐊᓐᑕ ᑈᓚ ᐊ ‍ ᑕᔨᒋ ᒐᒋ ᐃᑐᑐᐛᔨᒋ ᒥᔨᐛᐅᓂᔪᐤ᙮ ᒪᒂᒡ ᒪᒃ ᐊᓐᑕ ᕈᒥᒡ ᑲ ‍ ᑕᑦ ᐃᐸᑉᕋᑕᐃᑕᔅ ᒋ ‍ ᐊᐧᑯᓱᐤ, ᐊᑯ ᓇᔅᒡ ᑲ ‍ ᐊᔨᒪᔨᑎᒥᐃᑯᒡ ᐊᓐᒡ ᑲ ‍ ᑕᑈᑕᒡ ᐊᓐᑕ ᐱᓕᐸᐃᒡ ᑲ ‍ ᑕᒡ᙮ ᐃᔅᐱ ᒪᒃ ᑲ ‍ ᒥᓄᐛᔅᐱᓇᔨᒋ, ᑈᓪ ᒥᓐ ᑲᐤ ᒋ ‍ ᒋᐛᑎᓴᐛᐤ ᐊᓐᑕ ᐱᓕᐸᐃᒡ ᒐᒋ ᐃᑐᑐᐛᔨᒋ ᐅᒥᓯᓇᐊᒪᒐᐅᓐ ᐊᓂᔭ ᐃᔪᐛ᙮ ᐊᑎ ᒪᒃ ᑲᒪᑯᓄᐛᓯᐅᒋᐛᐱᒡ ᐊᒋ ‍ ᑕᑦ ᑈᓪ ᒪᒂᒡ ᑲ ‍ ᒥᓯᓇᐊᒧᐛᑦ ᐅᔭ ᐃᔪᐛ, ᐃᔭᐱᒡ ᒋ ‍ ᓂᔅᑐᑕᑯᓂᔪᐤ ᒧᒋᒐᔨᑎᒧᐅᓂᔪᐤ ᐊ ‍ ᐊᔭᑦ᙮ ᑭᔭ ᒋ ‍ ᓂᓇᔅᑯᒪᐤ ᑈᓪ ᐅᔭ ᐃᔪᐛ ᐊ ‍ ᓴᒋᐃᑯᑦ ᑭᔭ ᒥᓯᐛ ᑕᓐ ᑲ ᐃᓯ ‍ ᐎᒋᐃᑯᑦ᙮
\c 1
\p
\v 1 ᓂᔾ ᑈᓪ ᒋ ‍ ᒥᓯᓇᐊᒪᑎᓇᐛᐤ ᒋᔨᐛᐤ ᒋᓴᔅ ᙭ ᑲ ‍ ᑕᑈᔭᔨᒪᒄ ᐊᓐᑕ ᐱᓕᐸᐃᒡ ᑲ ‍ ᑕᔭᒄ᙮ ᑎᒧᑎ ᑭᔭ ᓂᔾ ᑕᐱᔅᑯᓐ ᓂᑦ ᐊᑐᔅᑯᐛᓇᓐ ᒋᓴᔅ ᙭᙮
\p ᑭᔭ ᒋᔨᐛᐤ ᑲ ‍ ᓂᑲᓂᔅᑯᐛᑯᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᑭᔭ ᒋᔨᐛᐤ ᑲ ‍ ᐎᒋᐃᐛᔭᒄ ᐊᓐᑕ ᐊᔭᒥᐊᐅᒋᐛᐱᒡ ᒋ ‍ ᒥᓯᓇᐊᒪᑎᓇᓐ᙮
\p
\v 2 ᓂ ‍ ᐱᑯᓴᔨᒪᓇᓐ ᒋᓴᒪᓂᑐᐤ ᒍᑕᐎᓄᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᒥᔪᑐᑕᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮
\s1 ᑈᓪ ᑲ ‍ ᐊᔭᒥᐊᔅᑎᒧᐛᑦ ᐊᓂᔭᔪᐛ ᑲ ‍ ᑕᑈᑎᒥᔨᒋ ᐱᓕᐸᐃᒡ ᑲ ‍ ᑕᔨᒋ
\s2 Philippians 1.3-11 (Advent-2 Year C)
\p
\v 3 ᓂᓇᔅᑯᒪᐤ ᒋᓴᒪᓂᑐᐤ, ᑕᑥᐤ ᒥᔭᒥᑐᓇᔨᒥᑎᑯᒋ᙮
\v 4 ᑭᔭ ᓇᔅᒡ ᑕᑈ ᓂ ‍ ᒥᔽᔨᑕᓐ, ᑕᑥᐤ ᐊ ‍ ᐊᔭᒥᐊᔅᑎᒪᑎᑯᒋ᙮
\v 5 ᓂ ‍ ᒋᔅᒋᓯᓐ ᑕᓐ ᑲ ‍ ᐃᔅᐱᔅ ᐸᒋ ᒥᔪ ‍ ᐛᐎᒋᐃᐛᔭᒄ ᐊ ‍ ᐛᐎᑎᒧᐅᒂᐤ ᐊᐛᓐᒋ ᒥᔽᒋᒧᐅᓂᔪᐤ ᒋᓴᓴ ᐊ ‍ ᐊᔨᒧᒪᑭᓄᔨᒋ᙮ ᐊᐅᑯᓐ ᑲ ᐊᑎ ‍ ᐛᐎᒋᐃᐛᔭᒄ ᓂᔅᑎᒻ ᑲ ‍ ᐸᑎᒪᒄ ᒥᔽᒋᒧᐅᓐ ᐊᔅᒄ ᒪᒃ ᒪᒂᒡ ᐊᓄᒡ ᒋ ‍ ᐎᒋᐃᐛᓇᐛᐤ᙮
\v 6 ᓂ ‍ ᒐᔅᑎᓇᐅᓐ ᒪᒃ ᒋᓴᒪᓂᑐᐤ ᒐᒋ ᒋᔅᑕᑦ ᑕᓐ ᑲ ᐃᓯ ‍ ᒋᒋᒥᔪᓇᑯᑕᑦ ᒋᐱᒪᑎᓯᐅᓄᐛᐛ ᐃᔅᐱ ᑲ ‍ ᐱᒪᒋᐃᑕᒄ ᑭᔭ ᒐ ‍ ᐎᒋᐃᑕᒄ ᐊᑎᑐᐤ ᒐᒋ ᐊᑎ ‍ ᓂᑕᐅᒍᐛᒄ ᐱᐃᒻ ᐊᓂᔭᔪᐤ ᐊ ‍ ᒋᓯᑲᔨᒡ ᑎᑯᓯᓂᔨᒐᓂ ᒋᓴᔅ ᙭ᑕ᙮
\p
\v 7 ᑕᑈᐅᓂᒡ ᒪᒃ ᐅ ᒋ ᐊᑎ ᐃᓯ ‍ ᒪᒥᑐᓇᔨᒥᑎᓇᐛᐤ ᐛᔅ ᒋᓴᒋᐃᑎᓇᐛᐤ᙮ ᐛᔅ ᒥᓯᐛ ᐊ ‍ ᑎᓯᔭᒄ ᔅᒋ ‍ ᒥᔨᑯᐅᓇᐛᐤ ᒋᓴᐛᑎᓯᐅᓐ ᒧᔭᒻ ᑕᓐ ᑲ ᐃᓯ ‍ ᒥᔨᑯᐅᔭᓐ ᓂᔾ ᐊᑎ ᐅᑕ ᒪᒂᒡ ᑲᒪᑯᓄᐛᓯᐅᒋᐛᐱᒡ ᐊ ‍ ᑕᔭᓐ ᑭᔭ ᒪᒂᒡ ᑲᒋ ‍ ᒋᔅᐸᐛᑐᑎᒪᓐ ᒥᔽᒋᒧᐅᓐ ᑭᔭ ᑲᒋ ‍ ᐊᑐᔅᑲᔅᑎᒪᓐ ᒐᒋ ᑕᑈᑕᑭᓄᐅᒡ᙮
\v 8 ᒋᓴᒪᓂᑐᐤ ᒋᔅᒐᔨᑎᒻ ᑕᓐ ᐊᔅᐱᔅ ᓇᔅᒡ ᐎ ᐎᒐᐅᑎᑯᒡ ᒥᓐ, ᐛᔅ ᙭ ᒋᓴᔅ ᓂᒋ ‍ ᐃᑐᑕᒄ ᓇᔅᒡ ᒐᒋ ᓴᒋᐃᑎᑯᒡ᙮
\p
\v 9 ᒋᑦ ᐊᔭᒥᐊᔅᑎᒪᑎᓇᐛᐤ ᐊᐛᓯᑕ ᒐᒋ ᐊᑎ ‍ ᓴᒋᐃᑐᔭᒄ, ᑭᔭ ᐊᐛᓯᑕ ᒐᒋ ᐊᑎ ‍ ᑭᒐᑕᐛᔨᑎᒪᒄ ᑭᔭ ᐊᐛᓯᑕ ᒐᒋ ᒥᔪ ‍ ᑭᒐᔅᒐᔨᑎᒪᒄ ᒐᒂᓐ᙮
\v 10 ᒋᑦ ᐊᔭᒥᐊᔅᑎᒪᑎᓇᐛᐤ ᒐᒋ ᐊᑎ ‍ ᒋᔅᒐᔨᑎᒪᒄ ᑕᓐ ᐊᓐ ᒪᐅᒡ ᐊ ‍ ᑯᐃᔅᑯᓇᒂᒡ ᒐᒋ ᐃᓯ ‍ ᐱᒪᑎᓯᔭᒄ ᐊᑯ ᒪᒃ ᒥᑐᓐ ᒐ ᐸᔭᒋ ‍ ᐱᒪᑎᓯᔭᒄ ᑭᔭ ᓇᒪᐎᔾ ᒥᑐᓐ ᒋᑭ ᐅᒋ ‍ ᑎᑯᓐ ᒐ ᐃᓯ ‍ ᐊᑕᒪᔨᑕᑯᓯᔭᒄ ᐃᔅᐱ ᑎᑯᓯᒐ ᒋᓴᔅ ᙭᙮
\v 11 ᒋᑦ ᐊᔭᒥᐊᔅᑎᒪᑎᓇᐛᐤ ᒧᔅ ᒐᒋ ᒥᔪᑐᑐᐛᑯᒡ ᐊᐛᓐᒋ ᐛᔅ ᒋ ‍ ᑯᐃᔅᑯᑕᑎᓯᓇᐛᐤ᙮ ᙭ ᒋ ‍ ᐃᑐᑕᑯᐛᐤ ᒐᒋ ᒥᔪᑐᑐᐛᑯᒡ ᐊᐛᓐᒋ᙮ ᐊᑯ ᒪᒃ ᒋᓴᒪᓂᑐᐤ ᒐ ‍ ᒋᔅᑕᔨᒪᑭᓄᐅᑦ ᑭᔭ ᒐ ‍ ᒪᒥᒋᒪᑭᓄᐅᑦ᙮
\s1 ᒐᒋ ᐱᒪᑎᓯᔭᓐ ᐊᐅᒄ ᙭
\p
\v 12 ᓂᐧᑲᓂᓯᑐᒄ ᒋ ‍ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐅ ᑲ ‍ ᐃᔅᐱᔭᓐ ᐊ ‍ ᒋᐸᐅᑯᔭᓐ ᑕᑈ ᒐᒋ ᐊᑎ ‍ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐊᑎ ‍ ᑕᑈᑕᒡ ᒥᔽᒋᒧᐅᓂᔪᐤ᙮
\v 13 ᒧᔭᒻ ᒥᓯᐛ ᐊᓐᒡ ᐊᓯᒪᑭᓂᓯᒡ ᑲ ‍ ᓂᓇᑭᑐᐛᔨᑕᒡ ᒋᓴᐅᒋᒪᐛ ᐎᒋᔪᐤ ᑭᔭ ᑯᑎᑭᒡ ᐊᐛᓐᒋ ᐅᑕ ᐊᑕᒡ ᒋᔅᒐᔨᑎᒧᒡ ᐊ ‍ ᐊᑐᔅᒐᔅᑐᐅᒥᒋ ᙭ᑕ ᐛᒋ ‍ ᑕᐅᒡ ᐅᑕ᙮
\v 14 ᑭᔭ ᐊ ‍ ᑕᔭᓐ ᐅᑕ ᑲᒪᑯᓄᐛᓯᐅᒋᐛᐱᒡ ᒥᒐᑦ ᒋᐧᑲᓂᓯᓄᐅᒡ ᐊᑎᑐᐤ ᓱᒋᑲᐳᐅᒡ ᐊ ‍ ᑕᑈᔭᔨᒪᒡ ᐅᑎᐸᔨᒋᒐᐛ, ᐊᑎᑐᐤ ᐊᑎ ᓱᒋᑕᐊᐅᒡ ᐊ ‍ ᐛᐎᑕᒡ ᒥᔽᒋᒧᐅᓂᔪᐤ ᐊᑲ ᓇᔅᒡ ᑯᔅᑕᒋᒡ᙮
\p
\v 15 ᑕᑈ ᒋᐸ ‍ ᑕᐅᒡ ᐊᐛᓐᒋ ᒥᒄ ᐊ ‍ ᐅᑕᔨᒥᒡ ᒪᒃ ᐊ ᐎ ‍ ᒪᒥᒋᐱᔨᒡ ᐊᐅᒄ ᐛᒋ ‍ ᐊᔨᒧᒪᒡ ᙭ᑕ᙮ ᐊᑯ ᑯᑎᑭᒡ ᓱᒃ ᐛᐎᑎᒧᒡ ᒥᔽᒋᒧᐅᓂᔪᐤ ᑯᐃᔅᒄ ᐊ ‍ ᐃᑎᒡ᙮
\v 16 ᐊᐅᑯᓐᒡ ᒪᒃ ᐅᒋ ᐊ ‍ ᓄᑯᑕᒡ ᐊ ‍ ᓴᒋᐃᒡ, ᒋᔅᒐᔨᑎᒧᒡ ᒋᓴᒪᓂᑐᐛ ᐊᒋ ‍ ᐛᔭᐱᒥᔨᒋ ᒐᒋ ᐛᐎᑎᒧᒡ ᐊ ‍ ᑕᑈᒥᑭᓂᔨᒡ ᐅᒥᔽᒋᒧᐅᓂᔪᐤ᙮
\v 17 ᐊᓐᒡ ᑯᑎᑭᒡ ᑲ ‍ ᐊᔨᒧᒥᒂᐤ ᒋ ‍ ᐛᐎᑎᒧᒡ ᒥᔽᒋᒧᐅᓂᔪᐤ ᒥᒄ ᐎᔨᐛᐤ ᐅᑦ ᐃᑕᔨᑎᒧᐅᓄᐛᒡ ᐅᒋ, ᓇᒪᐎᔾ ᑕᑈ ᐅᒋ ᐎ ᐎᒋᐊᐅᒡ ᐊᐛᔪᐛ᙮ ᐊᐅᑯᓐ ᐊ ‍ ᐃᑎᒡ ᐊᑎᑐᐤ ᐊ ᐎ ‍ ᐛᐅᔅᑕᐱᔨᒡ ᐅᑕ ᑲᒪᑯᓄᐛᓯᐅᒋᐛᐱᒡ ᐊ ‍ ᑕᐅᒡ᙮
\v 18 ᐊᑯᔅ ᒋᑭ ‍ ᐃᑐᐅᒡ᙮ ᐊᔪᐛᒃ ᙭ ᐊ ‍ ᐊᔨᒧᒪᑭᓄᐅᑦ᙮ ᐊᑎ ᑯᑎᑭᒡ ᐊᑲ ᒪᒧᔭᒻ ᐃᑎᒡ ᐊ ‍ ᐛᐎᑕᒡ ᒥᔽᒋᒧᐅᓂᔪᐤ ᑭᔭ ᒪᒃ ᑯᑎᑭᒡ ᑯᐃᔅᒄ ᐊ ‍ ᐃᑎᒡ ᐊ ‍ ᐛᐎᑕᒡ, ᐃᔭᐱᒡ ᓂ ‍ ᒥᔽᔨᑕᓐ᙮
\p
\v 19 ᓱᒃ ᒪᒃ ᓂᑭ ‍ ᒥᔽᔨᑕᓐ, ᓂ ‍ ᒋᔅᒐᔨᑕᓐ ᒐ ‍ ᐱᔅᑎᓂᑯᐅᔭᓐ ᐛᔅ ᒋᑦ ᐊᔭᒥᐊᔅᑎᒧᓇᐛᐤ ᑭᔭ ᑲ ‍ ᐸᔭᒋᓯᑦ ᐊᒐᐧᒄ ᓂ ᐸᒋ ‍ ᐎᒋᐃᒄ᙮
\v 20 ᓇᔅᒡ ᓂ ‍ ᐱᑯᓴᔨᑕᓐ ᑭᔭ ᓂᑦ ᐊᔅᐸᔨᒧᓐ ᐊᑲ ᓂᑕ ᒐᒋ ᐃᑐᑎᒪᓐ ᒐᒂᓐ ᐊᓐ ᒐᒋ ᐅᒋ ‍ ᐅᓂᑐᑎᒪᓐ ᐊ ‍ ᐊᑐᔅᑯᐅᒃ ᙭᙮ ᑎᔭᐧᑯᓂ ᒐᒋ ᓱᒋᑕᐊᔭᓐ ᒧᔅ ᒐᒋ ᒋᔅᑕᔨᑕᑯᐊᑭᓄᐅᑦ ᙭ ᓂᐱᒪᑎᓯᐅᓂᒡ ᒺᒡ ᐊᓄᒡ ᐊ ᐃᓯ ‍ ᒋᔅᑕᔨᑕᑯᐊᑭᓄᐅᑦ᙮ ᓂ ‍ ᐱᑯᓴᔨᑕᓐ ᒐᒋ ᒋᔅᑕᔨᑕᑯᐊᑭᓄᐅᑦ ᙭ ᓂᐱᒪᑎᓯᐅᓂᒡ ᒪᒂᒡ ᐊ ‍ ᐱᒪᑎᓯᔭᓐ ᑭᔭ ᒪᒃ ᓂᐸᐃᑯᐅᒐ ᐎᔾ ᐅᒡ᙮
\s2 Philippians 1.21-30 (Proper-20 Year A)
\p
\v 21 ᓂᔾ ᒪᒃ ᒐ ᐃᔅᐱᔅ ‍ ᐱᒪᑎᓯᐛᓇ ᒧᔅ ᓂᑭ ‍ ᐱᐸᐎᒐᐛᐤ ᙭᙮ ᓂᐸᐃᑯᔭᓇ ᒪᒃ ᑕᑈ ᒋᑭ ‍ ᑎᑯᓐ ᒐ ᐃᓯ ᒥᔪ ‍ ᒥᔅᑭᒪᓐ᙮
\p
\v 22 ᐊᑎᑐᐤ ᒪᒃ ᒐ ‍ ᒥᔨᑯᐛᓇ ᒐᒋ ᐱᒪᑎᓯᔭᓐ ᐅᑕ ᐊᔅᒋᒡ, ᐊᑯ ᐊᑎᑐᐤ ᒐ ᒥᔪ ‍ ᐊᑐᔅᑯᐅᒃ ᙭ ᐊ ‍ ᐛᐎᑎᒪᓐ ᒥᔽᒋᒧᐅᓐ᙮ ᒥᔨᑯᔭᓐ ᒪᒃ ᒐᒋ ᐎᔭᔨᑎᒪᓐ, ᒐᒋ ᓂᐱᔭᓐ ᒪᒃ ᒐᒋ ᐱᒪᑎᓯᔭᓐ ᓇᒪᐎᔾ ᓂ ‍ ᒋᔅᒐᔨᑕᓐ ᑕᓐᑕ ᐊᐅᒄ ᓂᐸ ᐃᓯ ‍ ᐎᔭᔨᑕᓐ᙮
\v 23 ᑕᐱᔅᑯᓐ ᓂ ‍ ᒧᔅᑕᓇᔨᑕᓐ ᐊᓂᔪᐛ᙮ ᓇᔅᒡ ᑕᑈ ᓂ ᐎ ‍ ᓂᑭᑕᓐ ᐅ ᐊᔅᒋᔾ, ᒋᓴᔅ ᙭ ᐊ ‍ ᑕᑦ ᒐᒋ ᑕᔭᓐ᙮ ᐊᐅᒄ ᐅ ᐅᔅᑕ ᒪᔽᓯᒡ᙮
\v 24 ᒥᒄ ᒪᒃ ᒋᔨᐛᐤ ᐅᒋ, ᐅᔅᑕ ᐃᑕᔨᑕᑯᓐ ᒐᒋ ᐱᒪᑎᓯᔭᓐ ᐃᔅᐱᔅ ᐎ ᒐᒋ ᓂᐱᔭᓐ᙮
\v 25 ᓂ ‍ ᒐᔅᑎᓇᐅᓐ ᒪᒃ ᑕᑈ ᐊ ‍ ᓂᑐᐛᔨᑕᑯᓯᔭᓐ ᐊᔅᒄ ᐊᑎᑐᐤ ᒐᒋ ᐱᒪᑎᓯᔭᓐ ᐅᑕ ᐊᔅᒋᒡ ᒋᔨᐛᐤ ᐅᒡ᙮ ᓂ ‍ ᒋᔅᒐᔨᑕᓐ ᒪᒃ ᒐ ‍ ᑕᔭᓐ ᐊᓐᑕ ᐊ ‍ ᑕᔭᒄ ᒐᒋ ᐎᒋᐃᑎᑯᒡ ᐊᐛᓯᑕ ᒐᒋ ᓱᒋᑲᐳᔭᒄ ᐊ ‍ ᑕᑈᔭᔨᒪᒄ ᙭ ᑭᔭ ᒐᒋ ᒧᒋᒐᔨᑎᒪᒄ ᐊᓐ ᐅᒡ᙮
\v 26 ᐊᑯ ᒪᒃ ᐊᑎᑐᐤ ᒐ ‍ ᑎᒂᒡ ᐊ ‍ ᒥᔽᔨᑎᒪᒄ ᙭ ᒋᓴᔅ ᐊ ‍ ᑕᑦ ᐃᓯ ᐊᓐ ᒥᓐ ᐊ ᐸᒋ ‍ ᓂᑐᐛᐱᒥᑎᑯᒡ᙮
\s1 ᐊ ‍ ᓂᓇᐧᑲᑕᔨᒧᔭᐧᒄ ᙭ ᐊ ‍ ᓇᓴᐛᐧᒄ
\p
\v 27 ᒥᒄ ᒪᒃ, ᐊᐅᒄ ᐅ ᐛᒋ ‍ ᔭᐃᑕᔾ ᓇᑐᐛᔨᑕᑯᓯᔭᒄ ᒐᒋ ᐃᓯ ‍ ᐱᒪᑎᓯᔭᒄ ᑕᓐ ᐊ ‍ ᐃᑎᓱᒧᑯᔭᒄ ᒥᔽᒋᒧᐅᓐ ᒋᐸ ᐃᓯ ‍ ᐱᒪᑎᓯᓇᐛᐤ᙮ ᐊᑯ ᒪᒃ ᐊᑎ ᐊᑲ ᒥᓐ ᒋ ‍ ᐛᐱᒥᑎᑯᒐ ᒪᒃ ᓇᐃᐱᔨᒐ ᒥᓐ ᒐᒋ ᐛᐱᒥᑎᑯᒡ ᒐ ‍ ᒋᔅᒐᔨᒥᑎᑯᒡ ᐊᑲ ᒥᑐᓐ ᒐᒂᓐ ᒋ ‍ ᐊᑎᓂᑯᔭᒄ ᒥᓯᐛ ᐸᐃᑯᓄᒡ ᐊ ‍ ᐃᑕᔨᑎᒪᒄ ᑕᓐ ᐛ ‍ ᐃᑎᔭᒄ ᑭᔭ ᑕᑈ ᐸᐃᑯᓄᒡ ᐊ ᐃᓯ ‍ ᐱᑯᓴᔨᑎᒪᒄ ᐊ ᒪᒧᐤ ‍ ᐊᒋᔅᑎᒪᒄ ᐊ ‍ ᐛᐎᑎᒪᒄ ᒥᔽᒋᒧᐅᓐ᙮
\v 28 ᐊᑲᐎᔾ ᒋᑭ ᐅᒋ ‍ ᑯᔅᑕᐛᐅᒡ ᐊᓐᒡ ᐅᔭᔅ ᑲ ᐎ ‍ ᐃᑐᑕᑕᑯᒡ ᒥᔽᒋᒧᐅᓂᔪᐤ ᐊ ‍ ᐛᐎᑎᒺᒄ᙮ ᐛᔅ ᐊᐅᑯᐤ ᒐ ᐅᒋ ‍ ᒋᔅᒐᔨᑕᒡ ᐎᔨᐛᐤ ᒐ ‍ ᐅᓇᑎᓯᒡ ᑭᔭ ᐊᐅᑯᐤ ᒐ ᐅᒋ ‍ ᐛᐸᑕᒡ ᒋᔨᐛᐤ ᒐ ‍ ᐱᒪᒋᐃᑯᐛᒄ᙮ ᒋᓴᒪᓂᑐᐤ ᒪᒃ ᐎᔾ ᒥᓯᐛ ᒋᑭ ‍ ᐃᑐᑎᒻ ᐅᔭ ᒐᒋ ᐃᔅᐱᔨᒡ᙮
\v 29 ᒋᓴᒪᓂᑐᐤ ᒪᒃ ᔅᒋ ‍ ᐎᔭᔨᒧᑯᐛᐤ ᓇᒪᔭᐤ ᒥᒄ ᒐᒋ ᑕᑈᔭᔨᒪᒄ ᙭, ᔅᒋ ‍ ᐎᔭᔨᒥᑯᐛᐤ ᑭᔭ ᒐᒋ ᓂᓇᐧᑲᒋᐃᑯᐅᔭᒄ ᙭ ᐅᒡ᙮
\v 30 ᑕᐱᔅᑯᓐ ᒪᒃ ᔅᒋ ‍ ᓂᓇᐧᑲᒋᐃᑯᓇᓄᐤ ᐊ ‍ ᐛᐎᑎᒪᐧᒄ ᒥᔽᒋᒧᐅᓐ᙮ ᔅᒋ ‍ ᐛᐱᒥᓇᐛᐤ ᑕᓐ ᑲ ᐃᓯ ‍ ᓂᒋᔅᑭᒪᓐ ᐊ ‍ ᐛᐎᑎᒪᓐ ᒥᔽᒋᒧᐅᓐ ᐊᓐᑕ ᐊ ‍ ᑕᔭᒄ᙮ ᒋ ‍ ᐸᑕᓇᐛᐤ ᑭᔭ ᐊᔅᒄ ᐃᔭᐱᒡ ᐊ ‍ ᐃᔨᒥᐅᔭᓐ᙮
\c 2
\s1 ᑈᓪ ᑲ ‍ ᐊᔨᒧᑎᒺᑦ ᙭ᑕ ᐅᑎᐱᑕᔨᒧᐅᓂᔪᐤ ᑭᔭ ᐅᒋᔅᑕᔨᑕᑯᓱᐅᓂᔪᐤ
\s2 Philippians 2.1-13 (Proper-21 Year A)
\p
\v 1 ᙭ ᒋ ‍ ᐃᑐᑕᑯᐛᐤ ᒐᒋ ᐊᔨᒋᑲᐳᐃᑐᔭᒄ᙮ ᙭ ᒋ ‍ ᐃᑐᑕᑯᐛᐤ ᒐᒋ ᓴᒋᐃᑐᔭᒄ ᑭᔭ ᒐᒋ ᓯᒋᒥᑐᔭᒄ᙮ ᑲ ‍ ᐸᔭᒋᓯᑦ ᐊᒐᐧᒄ ᒋ ‍ ᐃᑐᑕᑯᐛᐤ ᒐᒋ ᒥᔪ ‍ ᐎᒐᐅᑐᔭᒄ᙮ ᙭ ᒋ ‍ ᐃᑐᑕᑯᐛᐤ ᒐᒋ ᒋᓴᐛᑐᑕᑐᔭᒄ ᑭᔭ ᒐ ‍ ᒋᔅᑎᒪᒐᔨᒥᑐᔭᒄ᙮
\v 2 ᐊᑯ ᒪᒃ ᒥᔽᔨᑎᒥᐃᒄ ᐸᐃᑯᓄᒡ ᐊ ᐃᓯ ‍ ᒪᒥᑐᓇᔨᑎᒪᒄ ᑭᔭ ᐸᐃᑯᓄᒡ ᐊ ᐃᓯ ‍ ᓴᒋᐃᑐᔭᒄ᙮ ᐸᐃᑯᓄᒡ ᐊ ‍ ᐃᑕᔨᑎᒥᐃᑯᔭᒄ ᒐᒂᓐ ᑭᔭ ᐸᐃᑯᓄᒡ ᐊ ᐃᓯ ‍ ᐱᑯᓴᔨᒧᔭᒄ᙮
\v 3 ᓇᒪ ᒋᐸ ᐅᒋ ‍ ᐃᑐᑕᓐ ᒐᒂᓐ ᒥᒄ ᑭᔭ ᐊ ‍ ᒪᒥᑐᓇᔨᒥᓱᔨᓐ᙮ ᒪᒃ ᒥᒄ ᒐᒋ ᐅᒋ ‍ ᒪᒥᔽᒋᒥᑯᔨᓐ᙮ ᑎᐱᑕᔨᒥᓱᒄ, ᐊᔪᐛᒃ ᑯᑎᑭᒡ ᐊᐛᓐᒋ ᐊ ‍ ᐃᑕᔨᒪᑯᒡ᙮
\v 4 ᓇᒪ ᒥᒄ ᑭᔭ ᒋᐸ ᐅᒋ ‍ ᓂᓇᑭᑐᐛᔨᒥᓱᓐ ᑯᑎᑭᒡ ᑭᔭ ᐊᐛᓐᒋ ᒋᐸ ‍ ᓂᓇᑭᑐᐛᔨᒪᐅᒡ᙮
\s2 Philippians 2.5-11 (Palm Sunday Year A, B, C)
\p
\v 5 ᑕᓐ ᑲ ᐃᓯ ‍ ᒪᒥᑐᓇᔨᑕᐧᒃ ᙭ ᐊᐅᑯᓐ ᑭᔭ ᒋᔨᐛᐤ ᒋᐸ ᐃᓯ ‍ ᒪᒥᑐᓇᔨᑕᓇᐛᐤ᙮
\q
\v 6 ᐊᑎ ᒋᓴᒪᓂᑐᐛ ᑲ ‍ ᐃᑕᔨᑕᑯᓯᔨᒋ ᐊᒋ ‍ ᐃᑕᔨᑕᑯᓯᑦ, ᐃᔭᐱᒡ ᒋ ‍ ᐱᔅᑎᓂᒻ ᐊᓂᔭᔪᐤ ᑕᐱᑐᐤ ᐊ ᐃᓯ ‍ ᐊᔭᒡ᙮
\q
\v 7 ᒥᓯᐛ ᒋ ‍ ᐱᔅᑎᓂᒻ, ᐊᑯ ᒧᔭᒻ ᐊᐱᒋᐊᑭᓐ ᑲ ‍ ᐃᑕᐃᓱᑦ᙮ ᐊᑯ ᑭᔭ ᓇᐸᐛ ᐊ ‍ ᐃᑕᔨᑕᑯᓯᔨᒋ ᒂ ‍ ᐃᑕᔨᑕᑯᓯᑦ᙮
\q
\v 8 ᒋ ‍ ᑎᐱᑕᔨᑕᑯᐃᓱᐤ ᐊ ‍ ᓂᓇᐃᑐᐛᑦ ᒋᓴᒪᓂᑐᐛ, ᐊᑎ ᐃᔅᐱ ᑲ ‍ ᐅᑎᒋᐱᔨᒡ ᒐ ‍ ᓂᐱᑦ ᒋᐱᔭᑎᑯᒡ ᑲ ‍ ᒋᔅᑕᔎᑕᑭᓄᐅᑦ᙮
\q
\v 9 ᐊᐅᒄ ᒪᒃ ᐅᔭ ᐛᒋ ‍ ᒥᔨᑯᑦ ᒋᓴᒪᓂᑐᐛ ᒪᐅᒡ ᐊ ‍ ᓂᑲᓇᔨᑕᑯᓂᔨᒡ ᐊᐳᐅᓂᔪᐤ ᒥᓯᐛ ᐊᐛᔪᐛ ᒐ ‍ ᒋᔅᑕᔨᒥᑯᑦ᙮ ᑭᔭ ᒋᓴᒪᓂᑐᐛ ᒋ ‍ ᒥᔨᑯᐤ ᐃᓯᓂᐧᑲᓱᐅᓂᔪᐤ ᐊᑲ ᑎᑯᓂᔨᒡ ᑯᑎᒋᔪᐤ ᐃᓯᓂᐧᑲᓱᐅᓂᔪᐤ ᐊ ᐃᔅᐱᔅ ‍ ᒋᔅᑕᔨᑕᑯᓂᔨᒡ,
\q
\v 10 ᐊᑯ ᒪᒃ ᒥᓯᐛ ᐊᐛᓐ ᒐ ‍ ᒪᒥᒋᒪᑦ ᒋᓴᔅ ᑲ ‍ ᐃᓯᓂᐧᑲᑕᑭᓄᔨᒋ, ᒥᓯᐛ ᐊᐛᓐ ᒋᒋᒋᓯᑯᒡ ᑭᔭ ᐊᔅᒋᒡ ᑭᔭ ᑕᒥᒡ ᐊᔅᒋᒡ ᐊ ‍ ᑕᑦ᙮
\q
\v 11 ᒥᓯᐛ ᐊᐛᓐ ᒋᑭ ‍ ᐃᔅᒋᔄᐤ, ᒋᓴᔅ ᐊᐅᒄ ᐅᑎᐸᔨᒋᒐᐤ, ᐊ ‍ ᒪᒥᒋᒪᑦ ᒋᓴᒪᓂᑐᐛ ᐅᑕᐎᒪᐛ᙮
\s1 ᑕᓐ ᒋᐸ ᐃᓯ ‍ ᐛᔅᑐᐛᐅᒡ ᐊ ‍ ᐱᒪᑎᓯᒡ ᐊᓐᒡ ᑲ ‍ ᑕᑈᑕᒡ
\p
\v 12 ᐊᑯ ᒪᒃ ᓂᐧᑲᓂᓯᑐᒄ, ᒧᔅ ᔅᒋ ‍ ᓂᓇᐃᑐᓇᐛᐤ ᐊᔅᒄ ᒪᒂᒡ ᐊᓐᑕ ᐱᓕᐸᐃᒡ ᑲ ‍ ᑕᔭᓐ᙮ ᐊᑐᐎᔅ ᐃᑕᔨᑕᑯᓐ ᐊᓄᒡ ᒧᔅ ᒐᒋ ᓂᓇᐃᑎᒪᒄ ᑕᓐ ᑲ ᐃᓯ ‍ ᐎᑎᒪᑎᑯᒡ ᒪᒂᒡ ᐅ ᐊᑲ ᑕᔭᓐ ᐊᓐᑕ ᐊ ‍ ᑕᔭᒄ᙮ ᓱᒃ ᐊᑐᔅᒐᒄ ᒐᒋ ᒋᔅᑕᐛᒄ ᐊᓂᔭ ᑲ ᐃᓯ ‍ ᒋᒋᐱᔨᑕᑦ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᐃᔅᐱ ᑲ ‍ ᐱᒪᒋᐃᑕᒄ᙮ ᐃᑐᑎᒧᒄ ᐅ ᐊ ‍ ᒋᔅᒋᓯᔭᒄ ᒋᓴᒪᓂᑐᐤ ᐊᐅᒄ ᒋᐸ ‍ ᑯᔅᑕᑭᓄᐤ ᑭᔭ ᐎᔾ ᒋᐸ ‍ ᒋᔅᑕᔨᒪᑭᓄᐤ᙮
\v 13 ᐛᔅ ᒋᓴᒪᓂᑐᐤ ᒧᔅ ᐊᑐᔅᒐᔅᑎᒻ ᒋᐱᒪᑎᓯᐅᓄᐛᐛ᙮ ᒋ ‍ ᐃᑐᑕᑯᐛᐤ ᒐᒋ ᓂᓇᐊᔨᑎᒺᒄ ᑭᔭ ᒋ ‍ ᐎᒋᐃᑯᐛᐤ ᒐᒋ ᐃᑐᑎᒺᒄ ᐊᓂᔭᔪᐤ ᐊ ᐃᓯ ‍ ᓇᐊᔨᑕᐧᒃ᙮
\p
\v 14 ᐃᑐᑎᒧᒄ ᒥᓯᐛ ᒐᒂᓐ ᐊᑲ ᒥᔅᑎ ᐊᔭᒥᑐᑎᒪᒄ ᑭᔭ ᐊ ᐊᑲ ‍ ᒪᒥᒋᐱᔨᐃᑐᔭᒄ᙮
\v 15 ᐛᔅ ᐊᐅᒄ ᐅ ᒋᐸ ᐃᓯ ‍ ᐱᒪᑎᓯᓇᐛᐤ ᐊ ‍ ᐅᑦ ᐊᐛᓯᒥᑐᑕᑕᒄ ᒋᓴᒪᓂᑐᐤ ᐅᑕ ᐊᔅᒋᒡ ᒪᒂᒡ ᑲ ‍ ᒥᒐᑎᓯᒡ ᐊ ‍ ᑕᒡ ᐊ ‍ ᑕᔭᒄ᙮ ᐊᑯ ᒪᒃ ᓇᒪ ᒋᑭ ᐅᒋ ‍ ᑎᑯᓂᔪᐤ ᑕᓐ ᒐᒋ ᐃᓯ ‍ ᐊᑕᒪᔨᒥᑕᒄ ᐊᐛᓐ ᑭᔭ ᓇᔅᒡ ᒋᑭ ‍ ᐸᔭᒋᓇᑯᓇ ᒋᐱᒪᑎᓯᐅᓄᐛᐛ᙮ ᒧᔭᒻ ᐅᒐᑭᑕᐧᑯᒡ ᐊ ‍ ᒋᐧᑲᔭᔅᑐᐛᒡ ᐊ ‍ ᑎᐱᔅᑲᔨᒡ ᐊᐅᑯᓐ ᒋᐸ ᐃᓯ ‍ ᐛᓯᓱᐛᓇᐛᐤ ᐅᑕ ᐊᔅᒋᒡ᙮
\v 16 ᐊᐅᑯᓐ ᐅ ᒋᐸ ᐃᓯ ‍ ᐱᒪᑎᓯᓇᐛᐤ ᐊ ‍ ᐛᐎᑎᒧᐛᑯᒡ ᐊᐛᓐᒋ ᒋᓴᒪᓂᑐᐛ ᐊ ‍ ᐱᒪᒋᐃᐛᔨᒋ᙮ ᐊᑯ ᒪᒃ ᐃᔅᐱ ᐅᑎᒋᐱᔨᒐ ᙭ ᒐ ‍ ᑎᑯᓯᐧᒃ, ᐊᑯ ᒐ ‍ ᒪᒥᒋᐛᐃᔭᓐ᙮ ᐊᑯ ᒐ ‍ ᓄᒂᒡ ᐊᑲ ᓴᒐᐃ ᐅᒋ ᐊᑐᔅᒐᔭᓐ᙮
\v 17 ᒂᔄᓐ ᓂᑭ ‍ ᓂᐸᐃᑯᐅᓐ᙮ ᐊᑯ ᒪᒃ ᐊᓐ ᑕᐱᔅᑯᓐ ᒥᓯᐛ ᐊᒋ ‍ ᐱᔅᑎᓂᒧᐛᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᐛ ᐊᑎ ᓂᐸᐃᑯᐅᔭᓇ ᓂᑭ ‍ ᒥᔽᔨᑕᓐ ᑭᔭ ᑕᐱᔅᑯᓐ ᒋᑭ ‍ ᒥᔽᔨᑕᓇᓄᐤ ᐛᔅ ᐊᐅᑯᐤ ᒐ ᐅᒋ ‍ ᐃᔭᐱᒡ ᐱᔅᑎᓂᒧᐛᒄ ᒋᓴᒪᓂᑐᐤ ᑕᓐ ᐊ ᐃᓯ ‍ ᑕᑈᔭᔨᒪᒄ᙮
\v 18 ᑭᔭ ᒋᔨᐛᐤ ᐊᐅᑯᓐ ᒧᔭᒻ ᒋᐸ ᐃᓯ ‍ ᓯᒋᔭᓯᓇᐛᐤ ᑭᔭ ᒋᐸ ᐎᒋ ‍ ᒧᒋᒐᔨᑎᒧᒥᓇᐛᐤ᙮
\s1 ᑈᓪ ᑲ ‍ ᐊᔨᒧᒪᑦ ᑎᒧᑎᔨᒋ ᑭᔭ ᐃᐸᑉᕋᑕᐃᑕᓴ
\p
\v 19 ᓂᑐᐛᔨᑕᒐ ᐅᑎᐸᔨᒋᒐᐤ ᒋᓴᔅ, ᓂ ‍ ᐱᑯᓴᔨᑕᓐ ᒐᒋ ᐃᑎᓴᐅᒃ ᑎᒧᑎ ᐊᓐᑕ ᐊ ‍ ᑕᐛᒄ᙮ ᐊᑯ ᒪᒃ ᒐ ‍ ᒥᔽᔨᑎᒪᓐ ᐸᑎᒪᓇ ᑕᓐ ᐊ ‍ ᐃᑕᒋᒥᑯᐅᔭᒄ᙮
\v 20 ᐛᔅ ᓇᒪ ᑕᐤ ᑯᑎᒃ ᐊᐛᓐ ᐅᑕ ᒥᔅᑎ ᐊ ‍ ᐃᑕᔨᒥᑕᒄ ᒧᔭᒻ ᓂᔾ ᐊ ‍ ᐃᑕᔨᒥᑎᑯᒡ᙮
\v 21 ᒥᓯᐛ ᑯᑎᑭᒡ ᐊᐛᓐᒋ ᒥᒄ ᐎᔨᐛᐤ ᓂᓇᑭᑐᐛᔨᒥᓱᐅᒡ, ᓇᒪ ᐊᐱᑕᔨᑎᒥᐃᑯᐅᒡ ᒐᒋ ᐛᐎᑕᒡ ᒥᔽᒋᒧᐅᓂᔪᐤ᙮
\v 22 ᒋ ‍ ᒋᔅᒐᔨᒪᐛᐤ ᑎᒧᑎ ᐊᒋ ᐃᓯ ‍ ᓄᑯᑕᑦ ᐊ ‍ ᒥᔪᐱᑎᓯᑦ᙮ ᓂᒋ ‍ ᓂᓱᐊᐱᑎᓯᓇᓐ ᒥᔽᒋᒧᐅᓐ ᐊ ‍ ᐛᐎᑎᒪᒡ ᒧᔭᒻ ᓇᐸᐤ ᑭᔭ ᐅᑯᓯᓴ ᐊ ‍ ᓂᓱ ‍ ᐊᐱᑎᓯᒡ ᓂᒋ ‍ ᐃᓯᓇᑯᓯᓇᓐ᙮
\v 23 ᓂ ‍ ᐱᑯᓴᔨᑕᓐ ᐎᐱᒡ ᒐᒋ ᐃᑎᓴᐅᒃ ᐊᓐᑕ ᐊ ‍ ᑕᐛᒄ ᐃᔅᐱ ᒋᔅᒐᔨᑎᒪᓇ ᑕᓐ ᒐ ‍ ᐃᔅᐱᔨᐛᓇ᙮
\v 24 ᓂᑕᑈᐅᒐᔨᒪᐤ ᐅᑎᐸᔨᒋᒐᐤ ᒐᒋ ᓇᐃᐱᔨᑕᑦ ᑭᔭ ᓂᔾ ᐎᐱᒡ ᒐᒋ ᓂᑐᐛᐱᒥᑎᑯᒡ᙮
\p
\v 25 ᓂᑦ ᐃᑕᔨᑕᓐ ᑲᐤ ᒐᒋ ᒋᐛᑎᓴᐅᒃ ᒋᔅᑕᓯᓄᐤ ᐃᐸᑉᕋᑕᐃᑕᔅ ᐊᓐᑕ ᐊ ‍ ᑕᐛᒄ᙮ ᐛᔅ ᓱᒃ ᓂᒋ ‍ ᐎᒋᐃᒄ ᐊ ‍ ᐛᐎᑎᒪᓐ ᒥᔽᒋᒧᐅᓐ᙮ ᒋᔨᐛᐤ ᔅᒋ ᐸᒋ ‍ ᐃᑎᓴᐛᐛᐤ ᒐᒋ ᐸᒋ ‍ ᐛᐎᒋᐃᑦ᙮
\v 26 ᐱᒂᔨᑎᒻ ᒥᓐ ᒥᓯᐛ ᒐᒋ ᐛᐱᒥᑕᒄ᙮ ᒋ ‍ ᒥᑯᔅᑲᑎᔅᑲᑯ ᐊᒋ ‍ ᐎᑎᒪᑯᐛᒄ ᐊᒋ ‍ ᐊᐧᑯᓯᑦ᙮
\v 27 ᒋ ᒥᔅᑎ ‍ ᐊᑯᓱᐤ ᑭᑈ ᑕᑈ, ᒐᑲᑦ ᒋ ‍ ᓂᐳᐤ᙮ ᒥᒄ ᒪᒃ ᒋᓴᒪᓂᑐᐤ ᓂᒋ ‍ ᒋᔅᑎᒪᒐᔨᒥᑯᓇᓐ ᑕᐱᔅᑯᓐ᙮ ᒋ ‍ ᐃᑐᑐᐛᐤ ᒐ ᐊᑲ ᒋ ᓂᐱᔨᒋ ᐊᑲ ᐅᔅᑕ ᒐᒋ ᒥᓯᒪᔨᑎᒧᒡ᙮
\v 28 ᐊᐅᒄ ᒪᒃ ᐛᒡ ᐊᑐᐎᔅ ᓯᒋᔭᓯᔭᓐ ᒐᒋ ᐃᑎᓴᐅᒃ ᐊᓐᑕ ᐊ ‍ ᑕᐛᒄ ᒐᒋ ᒥᔽᔨᑎᒪᒄ ᒥᓐ ᐛᐱᒪᒂ᙮ ᐊᑯ ᒪᒃ ᓇᒪ ᓂᑭ ᐅᒋ ‍ ᐃᔅᐱᔅ ᐊᔨᒪᔨᑕᓐ᙮
\v 29 ᐛᐸᑎᔭᒄ ᐊ ‍ ᓯᒋᔭᔭᐱᒧᔭᒄ ᒧᔭᒻ ᐊ ‍ ᐃᑎᒡ ᑲ ‍ ᑕᑈᐅᒐᔨᒪᒡ ᐅᑎᐸᔨᒋᒐᐛ ᐎᔭᐱᒥᑐᑥᐎ᙮ ᐃᔭᒂᐤ ᒋᐸ ‍ ᐃᑕᔨᒪᐛᐅᒡ ᒥᓯᐛ ᐊᐛᓐᒋ ᐊ ‍ ᐃᑕᔨᑕᑯᓯᒡ, ᐎᔾ ᐊ ‍ ᐃᑕᔨᑕᑯᓯᑦ᙮
\v 30 ᓇᒪ ᐅᒋ ᐳᓂᐤ ᐊ ‍ ᐊᑐᔅᑯᐛᑦ ᒋᓴᓴ ᐊᑎ ᐊᒋ ‍ ᑯᔅᐱᓇᑎᓂᔨᒡ ᐅᐱᒪᑎᓯᐅᓐ ᐊᒋ ‍ ᐸᓱᐛᐸᑕᐧᒃ ᓂᐳᐅᓂᔪᐤ᙮ ᐊᔪᐅᒄ ᐅᔭ ᑲ ‍ ᐃᑎᑦ ᐊ ᐸᒋ ‍ ᐎᒋᐃᑦ ᐊᑲ ᐅᒋ ᑕᔭᒄ ᒋᔨᐛᐤ ᒐᒋ ᐸᒋ ‍ ᐎᒋᐃᔭᒄ᙮
\c 3
\s1 ᒐ ᐊᑲ ᒋ ᐊᔅᐸᔨᒧᑐᑎᒪᐧᒄ ᒋᔭᓄᐤ ᒋᑯᐃᔅᑯᑕᑎᓯᐅᓄᐤ
\p
\v 1 ᐊᑯ ᒪᒃ ᓂᐧᑲᓂᓯᑐᒄ, ᐊᔅᒄ ᐊᑲ ᒋᔅᑕᔭᓐ ᐅ ᑲ ‍ ᒥᓯᓇᐊᒪᑎᑯᒡ ᒋ ᐎ ‍ ᐃᑎᑎᓇᐛᐤ ᒐᒋ ᒥᔽᔨᑎᒪᒄ ᐅᑎᐸᔨᒋᒐᐤ ᐊ ‍ ᑎᐸᔨᒥᑕᒄ᙮ ᓇᒪ ᐅᔭᔅ ᓂᑦ ᐃᑕᔨᑕᓐ ᒥᓐ ᒐᒋ ᐊᔨᒧᑎᒪᑎᑯᒡ ᑕᓐ ᑲ ‍ ᐃᑎᓯᓇᐊᒪᑎᑯᒡ ᐅᑕ ᐅᑕᒡ, ᐛᔅ ᒋᑭ ‍ ᑎᑯᓐ ᑕᓐ ᒐ ᐃᓯ ‍ ᐎᒋᐃᑯᔭᒄ ᐅ᙮
\p
\v 2 ᐃᔭᒂ ᓇᑭᑐᐛᔨᒪᐧᑯᒡ ᐊᓐᒡ ᑲ ‍ ᐎᔭᓯᐃᐛᒡ, ᓂᑎᒥᒄ ᑲ ‍ ᐃᑎᒡ᙮ ᐊᓐᒡ ᑲ ‍ ᐃᔅᒋᔄᒡ ᐸᑐᔅ ᒋᔅᒋᓄᐛᒋᔄᑭᓄᔨᒋ ᐊᐛᔪᐛ ᐃᔭᒄ ᒐᒋ ᐅᑦ ᐃᔨᒥᑐᑕᑯᔨᒋ ᒋᓴᒪᓂᑐᐛ᙮
\v 3 ᒋᔭᓄᐤ, ᐊᐅᒄ ᑕᑈ ᐛ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ, ᒋᔭᓄᐤ ᐅᑦ ᐊᒐᒂ ᑲ ‍ ᐎᒋᐃᑎᑕᐧᑯ ᐊ ‍ ᐊᔭᒥᐊᔅᑐᐛᐧᒄ ᑭᔭ ᒋ ‍ ᒋᔅᑕᔨᑕᑯᐊᓄᐤ ᙭ ᒋᓴᔅ ᐎᔾ ᐊᒋ ‍ ᐃᑐᑕᑕᐧᒄ ᒐᒋ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ᙮ ᓇᒪᐎᔾ ᐅᔅᒋᒡ ᒥᔭᒡ ᑕᓐ ᐊ ‍ ᐃᑐᑕᓱᔭᐧᒄ ᒋᑭ ᒋ ᐅᒋ ‍ ᒪᒥᒋᒧᓇᓄᐤ᙮
\s2 Philippians 3.4b-14 (Proper-22 Year A)
\s2 Philippians 3.4b-14 (Lent-5 Year C)
\p
\v 4 ᓂᔾ ᐊᐅᒄ ᑕᑈ ᒋᐸ ᒋ ‍ ᑎᑯᓐ ᑕᓐᑕ ᒐᒋ ᐅᒋ ‍ ᒪᒥᒋᒧᔭᓐ᙮ ᒧᔭᒻ ᐊ ‍ ᑕᒂ ᐊᐛᓐ ᐊ ‍ ᐃᑕᔨᑕᐧᒃ ᒐᒋ ᒪᒥᒋᒧᑦ ᐅᔅᒋᒡ ᐊ ᐃᓯ ‍ ᓂᓇᑭᑐᐛᔨᑕᑭᓄᐎᒡ ᒐᒂᔪᐤ ᓂᔾ ᐊᔪᐛᒃ ᑎᑯᓐ ᐊᓐ ᒐᒋ ᐃᑕᔨᑎᒪᓐ᙮
\v 5 ᐛᔅ ᓂᒋ ‍ ᒋᔅᒋᓄᐛᒋᐃᑯᐅᓐ ᔭᓇᐤ ᑕᑐᐤ ᒋᓯᑲᐛ ᑲ ᐃᔅᐱᔅ ‍ ᐱᒪᑎᓯᔭᓐ᙮ ᐊᓐᑕ ᐃᔅᕋᐃᓪ ᐃᔪᒡ ᐊ ‍ ᑕᒡ ᓂᒋ ‍ ᐱᒪᑎᓯᓐ᙮ ᐱᓐᒋᒥᓐ ᐊ ‍ ᑕᑦ ᓂᒋ ᐅᒋ ᐊᓂᔅᒐ ‍ ᐱᒪᑎᓯᓐ᙮ ᑕᑈ ᒍᐤ ᐃᔪᐤ ᓂᔾ ᓂᒋ ‍ ᑭᓄᐛᔨᑕᓐ ᐎᓱᐛᐅᓐ ᒪᒂᒡ ᑲ ‍ ᐸᕆᓯᐅ-ᐃᔪᔭᓐ᙮
\v 6 ᑲ ‍ ᐃᔅᐱᔅ ᒋ ‍ ᐊᓯᒐᔨᑎᒪᓐ ᑯᐃᔅᒄ ᐊ ᐎ ‍ ᐃᑐᑎᒪᓐ ᑕᓐ ᐊ ᐃᓯ ‍ ᐎᔅᑕᒡ ᐎᓱᐛᐅᓂᒡ ᓂᒋ ‍ ᓂᓇᐧᑲᒋᐊᐅᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ᙮ ᓇᔅᒡ ᐊᐱᓯᔅ ᓂᒋ ‍ ᐃᑕᔨᑕᓐ ᐊᒋ ‍ ᓂᓇᐃᑎᒪᓐ ᐎᓱᐛᐅᓐ᙮ ᓇᒪ ᐊᐛᓐ ᓂᐸ ᐅᒋ ‍ ᐃᑎᒄ ᐊᑲ ᒥᓯᐛ ᐅᒋ ᓂᓇᐃᑎᒪᓐ ᐎᓱᐛᐅᓐ᙮
\p
\v 7 ᐊᓂᔭᔪᐛ ᒐᒂᔪᐛ ᑲᒋ ‍ ᐃᑕᔨᑎᒪᓐ ᐊ ‍ ᐎᒋᐃᑯᔭᓐ ᓴᔅ ᓂᒋ ‍ ᐛᐱᓇᓐ᙮ ᐊᑐᐎᔅ ᒐᒋ ᒋᔅᒐᔨᒥᒃ ᒋᓴᔅ᙮
\v 8 ᓇᒪ ᒪᒃ ᒥᒄ ᐊᓂᔭᔪᐛ ᒐᒂᔪᐛ ᑲ ‍ ᐊᔨᒧᑎᒪᓐ ᓂ ᐅᒋ ‍ ᐛᐱᓇᓐ᙮ ᒥᓯᐛ ᑯᑎᒡ ᒐᒂᓐ ᓇᒪ ᓇᔅᒡ ᓂᑦ ᐊᐱᑕᔨᑎᒥᐃᑯᓐ ᐊᔅᐱᔅ ᐊᑐᐎᔅ ᐃᑕᔨᑕᒂᒡ ᐊ ‍ ᒋᔅᒐᔨᒥᒃ ᙭ ᒋᓴᔅ ᑕᑈ ᐊ ‍ ᐅᑎᐸᔨᒋᒐᒥᔭᓐ᙮ ᐎᔾ ᐅᒋ ᐊᐅᒄ ᐛᒋ ᐊᑲ ᐊᐱᑕᔨᑎᒥᐃᑯᔭᓐ ᒥᓯᐛ ᐅᔭ ᒐᒂᔪᐛ, ᐛᐱᓇᓱᐅᓐ ᓂᑦ ᐃᑕᔨᑎᒥᐃᑯᓐ ᐅᔭ ᒐᒂᔪᐛ, ᐎᔾ ᒐᒋ ᐎᒐᐅᒃ,
\v 9 ᑭᔭ ᑕᑈ ᐎᔾ ᐊ ‍ ᑕᑦ ᒐᒋ ᐃᓯ ‍ ᑎᐸᔨᑕᑯᓯᔭᓐ᙮ ᓇᒪ ᐊᔅᒄ ᓂᑦ ᐃᑕᔨᑕᓐ ᐊ ‍ ᑯᐃᔅᑯᑕᑎᓯᔭᓐ ᒥᒄ ᐊᓐ ᐊ ‍ ᓂᓇᐃᑎᒪᓐ ᐎᓱᐛᐅᓐ᙮ ᐛᔅ ᐊ ‍ ᑕᑈᔭᔨᒥᒃ ᙭ ᐊᐅᑯᓐ ᐊᓐ ᐊ ‍ ᑯᐃᔅᑯᑕᑎᓯᐃᑯᔭᓐ᙮ ᐊᐅᑯᐤ ᑯᐃᔅᑯᑕᑎᓯᐅᓐ ᒋᓴᒪᓂᑐᐤ ᐊ ‍ ᑕᑦ ᑲ ‍ ᐅᒋᐱᔨᒡ᙮ ᒥᒄ ᑕᑈᑎᒧᐅᓂᒡ ᐅᒋ ᐊᔭᐤ ᐊᐛᓐ ᐅᔭ ᑯᐃᔅᑯᑕᑎᓯᐅᓂᔪᐤ᙮
\v 10 ᓇᒪ ᓂ ᐅᒋ ‍ ᐊᐱᑕᔨᑎᒥᐃᑯᓐ ᒥᓯᐛ ᐅᔭ ᒐᒂᔪᐛ ᐊᑐᐎᔅ ᒐᒋ ᒋᔅᒐᔨᒥᒃ ᙭, ᒐᒋ ᒋᔅᒐᔨᑎᒧᒡ ᓂᐱᒪᑎᓯᐅᓂᒡ ᐊᓂᔭᔪᐤ ᓱᐧᑲᑎᓯᐅᓂᔪᐤ ᑲ ‍ ᐅᓂᔅᑲᓂᑯᑦ ᑲ ‍ ᓂᐱᑦ, ᒐᒋ ᓂᓇᐧᑲᑕᔨᒧᔭᓐ ᑭᔭ ᓂᔾ ᑕᓐ ᑲ ᐃᓯ ‍ ᓂᓇᐧᑲᑕᔨᒧᑦ ᐎᔾ ᑭᔭ ᒐᒋ ᐱᔅᑎᓂᓱᔭᓐ ᑭᔭ ᓂᔾ ᒐᒋ ᓂᐱᔭᓐ ᒧᔭᒻ ᐎᔾ ᑲ ᐃᓯ ‍ ᐱᔅᑎᓂᓱᑦ᙮
\v 11 ᐊ ‍ ᐱᑯᓴᔨᑎᒪᓐ ᑭᔭ ᓂᔾ ᒐᒋ ᐅᓂᔅᑲᓂᑯᐅᔭᓐ ᓂᐳᐅᓂᒡ ᐅᒡ᙮
\s1 ᑈᓪ ᓱᒃ ᑲ ‍ ᑯᒋᑕᑦ ᒐᒋ ᐎᐧᑯᒋᑎᒪᓱᑦ ᐊᓂᔭᔪᐤ ᑲᓂᔪᐅᓂᔪᐤ ᒋᓴᒪᓂᑐᐛ ᒐ ‍ ᒥᔨᑯᑦ
\p
\v 12 ᓇᒪᐎᔾ ᐊᓐ ᐛ ‍ ᐃᔅᒋᔄᔭᓐ ᓴᔅ ᓇᔅᒡ ᐊ ‍ ᐃᑕᔨᑕᑯᓯᔭᓐ ᐅ ᑲ ᐃᓯ ‍ ᐱᑯᓴᔨᒧᔭᓐ ᒪᒃ ᓇᔅᒡ ᒐᒋ ᐃᑕᔨᑕᑯᓱᐅᒡ ᐊᓂᔭᔪᐤ ᑲ ᐃᓯ ‍ ᓂᑐᐛᔨᒥᑦ ᒋᓴᒪᓂᑐᐤ ᒐᒋ ᐃᑕᔨᑕᑯᓱᐅᒡ᙮ ᒥᒄ ᒪᒃ ᓱᒃ ᓂᑭ ‍ ᑯᒋᑕᓐ ᐊᓐ ᒐᒋ ᐃᑕᔨᑕᑯᓯᔭᓐ, ᐛᔅ ᓴᔅ ᓂᑎᐸᔨᒥᒄ ᙭ ᒋᓴᔅ᙮
\p
\v 13 ᐅ ᒪᒃ ᑲ ‍ ᐃᔅᒋᔄᔭᓐ ᓂᐧᑲᓂᓯᑐᒄ, ᓂ ‍ ᒋᔅᒐᔨᑕᓐ ᐊᔅᒄ ᐊᑲ ᓇᔅᒡ ᐅ ᐃᑕᔨᑕᑯᓯᔭᓐ ᒥᒄ ᒪᒃ ᐸᐃᒄ ᒐᒂᓐ ᓂᑦ ᐃᑎᓐ, ᓇᒪ ᓂ ᐎ ‍ ᐃᑕᔨᑕᑯᓯᓐ ᑕᓐ ᑲ ‍ ᐃᑕᔨᑕᑯᓯᔭᓐ ᐊᓐᑕ ᐅᑕᒡ ᒥᒄ ᓂᑲᓄᒡ ᓱᒃ ᓂ ᐎ ᐃᓯ ‍ ᐊᒋᓐ᙮
\v 14 ᓇᔅᒡ ᐊ ‍ ᐃᔅᐱᓯᔭᓐ ᓱᒃ ᓂ ᐎ ‍ ᒋᔅᑕᓐ ᒐᒋ ᐎᐧᑯᒋᑎᒪᓱᔭᓐ ᐊᓐ ᑲᓂᔪᐅᓐ ᑕᓐ ᐊᓂᔭᔪᐤ ᑲ ᐃᓯ ‍ ᐊᔭᔅᑯᔅᑎᒧᐅᑦ ᒋᓴᒪᓂᑐᐤ ᒐ ‍ ᐊᔭᐅᒡ ᙭ ᒋᓴᓴ ᐅᒋ, ᐊᐅᒄ ᑲᒋᒡ ᐱᒪᑎᓯᐅᓐ᙮
\p
\v 15 ᒥᓯᐛ ᒪᒃ ᒋᔭᓄᐤ ᑲ ‍ ᓂᔅᑐᑎᒪᒄ ᑕᓐ ᐊ ᐃᓯ ‍ ᑕᑈᑎᒪᒄ ᐊᐅᑯᐤ ᒋᐸ ‍ ᐃᑕᔨᑕᓇᓄᐤ ᑕᓐ ᑲ ᐃᓯ ‍ ᐊᔨᒧᑎᒪᓐ᙮ ᒧᔭᒻ ᐊᑲ ᑕᑈᑐᔭᒂ ᑕᓐ ᑲ ᐃᓯ ‍ ᐊᔨᒧᑎᒪᓐ, ᒋᓴᒪᓂᑐᐤ ᒋᑭ ᒥᔪ ‍ ᐛᐸᑎᔨᑯᐛᐤ᙮
\v 16 ᐃᔭᐱᒡ ᒪᒃ, ᒧᓯᓇᐤ ᒥᓯᐛ ᓂᓇᑭᑐᐛᔨᑎᒥᐃᑯᑕᐤ ᑕᓐ ᓴᔅ ᑲ ᐃᓯ ‍ ᒋᔅᑯᑎᒪᑯᐅᔭᐧᒄ᙮
\s2 Philippians 3.17-4.1 (Lent-2 Year C)
\p
\v 17 ᓂᐧᑲᓂᓯᑐᒄ, ᓱᒃ ᐎ ᒋᔅᒋᓄᐛᐱᒧᒄ ᐊ ᐃᓯ ‍ ᐱᒪᑎᓯᔭᓐ᙮ ᔅᒋ ‍ ᐛᐸᑎᔨᑎᓇᓐ ᑕᓐ ᐊᓐ ᒋᐸ ᐃᓯ ‍ ᐱᒪᑎᓯᓇᐛᐤ᙮ ᓱᒃ ᒪᒃ ᒋᔅᒋᓄᐛᐱᒪᐧᑯᒡ ᐊᓐᒡ ᑲ ‍ ᒋᔅᒋᓄᐛᐱᒥᔨᒥᒡ ᐊ ᐃᓯ ‍ ᐱᒪᑎᓯᐅᒋᒡ᙮
\v 18 ᐊᑎ ᓴᔅ ᒥᒐᑥᐤ ᐊᒋ ‍ ᐎᑎᒪᑎᑯᒡ ᐅ, ᒥᓐ ᒋ ‍ ᐎᑎᒪᑎᓇᐛᐤ᙮ ᓄᐅᒋᑯᐛᐱᓐ ᒪᒃ ᐊ ‍ ᐎᑎᒪᑎᑯᒡ᙮ ᒥᒐᑦ ᐃᓯ ᐱᒪᑎᓯᐅᒡ ᐊᑲ ᐊᐱᑕᔨᑕᒡ ᐊᓂᔭᔪᐤ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ ᒋᐱᔭᑎᑯᒡ ᐊᒋ ‍ ᓂᐸᐊᑭᓄᔨᒋ᙮
\p
\v 19 ᐊᔅᒄ ᒋᑭ ‍ ᓂᒋᔅᑭᒧᒡ ᐅᓇᒋᐃᐛᐅᓂᔪᐤ᙮ ᑕᓐ ᐊ ᐃᓯ ‍ ᓂᑐᐛᔨᑎᒧᒥᑭᓂᔨᒋ ᐎᔪᐛᐛ ᐊᐅᒄ ᒋᒋᐛ ᓂᔭᑭᑐᐛᔨᑎᒥᐃᑯᒡ᙮ ᒥᔽᔨᑎᒥᐃᑯᐅᒡ ᑕᓐ ᐊ ‍ ᐃᑎᒡ᙮ ᒋᒧᔅᑕᓇᔭᔨᑎᒧᒡ ᒪᒃ ᐊᓂᔭ ᐃᑐᐅᓇ᙮ ᒥᒄ ᑕᓐ ᐊ ‍ ᐃᑕᑎᓯᓇᓄᐎᒡ ᐅᑕ ᐊᔅᒋᒡ ᐊᔪᐅᒄ ᒥᒄ ᒥᔭᒥᑐᓇᔨᑎᒥᐃᑯᒡ᙮
\p
\v 20 ᒋᔭᓄᐤ ᒪᒃ ᐎ ᒋᒋᒋᓯᑯᒡ ᒋᒋᐛ ᒋ ᐊᑎ ᐃᓯ ‍ ᑎᐸᔨᑕᑯᓯᓇᓄᐤ᙮ ᐊᑯᑕ ᐛᒋ ‍ ᓂᑐᐤ ᒧᓴᐊᒄ ᒐᒋ ᐅᑐᑕᑦ ᐅᐱᒪᒋᐃᐛᐤ, ᐊᐅᒄ ᐅᑎᐸᔨᒋᒐᐤ ᒋᓴᔅ ᙭᙮
\v 21 ᐊᔪᐛᒃ ᐊ ‍ ᐃᑕᔨᑕᑯᓂᔨᒋ ᒥᔪᐛ ᒋᑭ ‍ ᒥᔨᑯᓄᐤ᙮ ᓇᒪ ᓴᐱᓯᒥᑭᓇ ᐅᔭ ᒋᔪᓄᐛ ᑭᔭ ᒋᑭ ‍ ᓂᐱᒥᑭᓇ᙮ ᒪᒃ ᐊᓂᔭᔪᐤ ᒥᔅᑯᓯᐅᓂᔪᐤ ᑲ ‍ ᐊᔭᑦ ᒥᓯᐛ ᒐᒂᔪᐤ ᒐᒋ ᑎᐸᔨᑕᐧᒃ ᐅᔭ ᒐ ‍ ᐊᐱᒋᑕᑦ ᒐᒋ ᒂᔅᒋᓇᑯᑕᑦ ᒋᔪᓄᐛ᙮ ᒧᔭᒻ ᐎᔾ ᐎᔪᐤ ᑲ ᐃᔅᐱᔅ ‍ ᒥᔪᓇᑯᓂᔨᒡ ᐃᔅᐱ ᑲ ‍ ᐅᓂᔅᑲᑦ ᓂᐳᐅᓂᒡ ᐅᒋ ᐊᐅᑯᓐ ᒐ ‍ ᐃᓯᓇᑯᑕᑦ ᐅᔭ ᒋᔪᓄᐛ᙮
\c 4
\s1 ᑈᓪ ᑲ ‍ ᐃᑕᑦ ᐊᓂᔭᔪᐛ ᑲ ‍ ᑕᑈᑎᒥᔨᒋ ᒐ ᐊᑲ ᒋ ᒥᑯᔅᑲᑕᔨᑎᒥᔨᒋ
\s2 Philippians 4.1-9 (Proper-23 Year A)
\p
\v 1 ᐊᑯ ᒪᒃ ᓂᐧᑲᓂᓯᑐᒄ, ᒋᔨᐛᐤ ᓇᔅᒡ ᑲ ‍ ᓴᒋᐃᑎᑯᒡ, ᒧᔅ ᑲ ‍ ᒺᔅᑕᑎᑎᑯᒡ᙮ ᓄᐅᒡ ᒋᒥᔽᔨᑎᒥᐃᓇᐛᐤ ᑭᔭ ᒋ ‍ ᒪᒥᒋᐃᓇᐛᐤ ᒐᒋ ᑎᐸᒋᒥᑎᑯᒡ᙮ ᐊᐅᒄ ᐅ ᑲ ᐃᓯ ‍ ᐊᔨᒧᑎᒪᑎᑯᒡ ᐊ ‍ ᓂᑐᐛᔨᒥᑎᑯᒡ ᒐᒋ ᐊᔨᒋᑲᐳᐅᔭᒄ ᐊ ‍ ᑕᑈᔭᔨᒪᒄ ᐅᑎᐸᔨᒋᒐᐤ᙮
\v 2 ᓂ ‍ ᐱᑯᓴᔨᒪᐅᒡ ᐊᓐᒡ ᐃᔎᐅᒡ ᔪᐅᑎᔭ ᑭᔭ ᓯᓐᑎᑭ ᒐᒋ ᓂᓇᐃᑐᐛᒡ ᐅᑎᐸᔨᒋᒐᐛ ᐊᑲ ᒪᒥᒋᐱᔨᑐᒡ᙮
\p
\v 3 ᓂᐎᒐᐛᑭᓐ ᒧᔅ ᑯᐃᔅᒄ ᑲᒋ ‍ ᐃᑎᔨᓐ ᐊ ᐎᒋ ‍ ᐊᑐᔅᒐᒥᑕᓐ ᒋ ‍ ᐱᑯᓴᔨᒥᑎᓐ ᒐᒋ ᐎᒋᐃᑥᐤ ᐅᒡ ᐃᔎᐅᒡ ᒐᒋ ᐳᓂᒡ ᐊ ‍ ᒥᒋᐱᔨᑐᒡ᙮ ᐛᔅ ᑕᐱᔅᑯᓐ ᒋ ᒥᔅᑎ ‍ ᐊᑐᔅᒐᐅᒡ ᐊ ‍ ᐎᒋᐃᒡ ᐊ ‍ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᑭᔭ ᒃᓚᒪᓐᑦ ᑭᔭ ᐊᓐᒡ ᑯᑎᑭᒡ ᑲ ᐎᒋ ‍ ᐊᑐᔅᒐᒥᒡ, ᐅᑦ ᐃᓯᓂᐧᑲᓱᐅᓄᐛᐛ ᑲ ‍ ᒥᓯᓇᑕᔨᒋ ᒋᓴᒪᓂᑐᐛ ᐅᐱᒪᑎᓯᐅ ᒥᓯᓇᐃᑭᓂᔨᒡ ᒐᒋ ᐊᔭᒡ ᑲᒋᒡ ᐱᒪᑎᓯᐅᓂᔪᐤ ᓂᒋ ‍ ᐎᒋᐃᑯᐅᒡ᙮
\s2 Philippians 4.4-7 (Advent-3 Year C)
\p
\v 4 ᒧᔅ ᒥᔽᔨᑎᒧᒄ ᐊ ‍ ᑕᑈᔭᔨᒪᒄ ᐅᑎᐸᔨᒋᒐᐤ᙮
\q ᒥᓐ ᒪᒃ ᒋᑦ ᐃᑎᓇᐛᐤ, “ᒥᔽᔨᑎᒧᒄ !”
\p
\v 5 ᐃᓯ ᐱᒪᑎᓯᒄ ᒥᓯᐛ ᐊᐛᓐᒋ ᒐᒋ ᒋᔅᒐᔨᒥᑕᑯᒡ ᐊᔅᐱᔅ ᒥᔪᑥᐛᒄ᙮ ᓴᔅ ᐸᓱᓇᑯᓂᔪᐤ ᒐ ᐃᔅᐱᔅ ‍ ᑎᑯᓯᐧᒃ ᐅᑎᐸᔨᒋᒐᐤ᙮
\v 6 ᐊᑲᐎᔾ ᒐᒂᓐ ᒋᑭ ᐅᒋ ‍ ᒥᑯᔅᑲᑕᔨᑎᒥᐃᑯᐅᓇᐛᐤ᙮ ᐃᔭᐱᒡ ᒥᓯᐛ ᑕᓐ ᒐ ᐊᑎ ‍ ᐃᔅᐱᔪᐛᒂ ᐊᔭᒥᐊᒄ, ᐊ ‍ ᐛᐎᑎᒧᐛᒄ ᒋᓴᒪᓂᑐᐤ ᒐᒂᔪᐤ ᐊ ᐃᓯ ‍ ᓂᑐᐛᔨᑎᒧᐛᒄ᙮ ᑭᔭ ᒋᐸ ‍ ᓂᓇᔅᑯᒪᐛᐤ᙮
\v 7 ᐊᑯ ᒪᒃ ᒋᓴᒪᓂᑐᐤ ᒐ ‍ ᒥᔨᑕᒄ ᒋᔭᒪᔨᑎᒧᐅᓂᔪᐤ ᒐ ᐊᑲ ᒋ ᐊᔨᒪᔨᑎᒥᔅᑲᑯᐛᒄ ᒐᒂᔪᐤ ᒋᒥᑐᓇᔨᒋᑭᓄᐛᐛᒡ ᒪᒃ ᒋᑕᐃᐛᐛᒡ ᐊᓂᔭᔪᐤ ᐊ ‍ ᑕᑈᔭᔨᒪᒄ ᙭ ᒋᓴᔅ᙮ ᐊᐅᒄ ᐅ ᒋᔭᒪᔨᑎᒧᐅᓐ ᑲ ‍ ᐊᔨᒧᑕᒡ ᓇᒪ ᓇᔅᒡ ᒋ ‍ ᓂᔅᑐᑕᑭᓄᐤ ᑕᓐ ᐊᔅᐱᔅ ᒥᔽᔨᑕᒂᒡ᙮
\p
\v 8 ᓂᐧᑲᓂᓯᑐᒄ, ᐊᔅᒄ ᐊᑲ ᒋᔅᑕᔭᓐ ᐊ ‍ ᒥᓯᓇᐊᒪᑎᑯᒡ, ᐸᐃᒄ ᒥᓐ ᒐᒂᓐ ᒋᑭ ‍ ᐎᑎᒪᑎᓇᐛᐤ, ᓱᒃ ᒧᓯᓇᐤ ᒪᒥᑐᓇᔨᑎᒧᒄ ᐊᓂᔭᔪᐛ ᒐᒂᔪᐛ ᑲ ‍ ᒥᔽᓯᔨᒋ, ᐊᓂᔭᔪᐛ ᑲ ‍ ᒪᒥᒋᐃᐛᒋ, ᒧᔭᒻ ᒐᒂᓐ ᐊ ‍ ᑯᐃᔅᑯᓇᒂᒡ, ᒐᒂᓐ ᐊ ‍ ᒋᔅᑕᔨᑕᒂᒡ, ᑭᔭ ᑯᐃᔅᒄ ᐃᑐᐅᓐ, ᐸᔭᒋ ᐱᒪᑎᓯᐅᓐ, ᒐᒂᓐ ᐊ ‍ ᓇᐊᔨᑎᒥᐃᐛᒡ ᑭᔭ ᒐᒂᓐ ᐊ ᒥᔪ ‍ ᐛᐎᑕᑭᓄᐅᒡ᙮
\v 9 ᒋᐸ ‍ ᑐᑕᓇᐛᐤ ᐊᓐ ᑲ ᐃᓯ ‍ ᒋᔅᑯᑎᒪᑎᑯᒡ ᑭᔭ ᐊᓐ ᑲ ᐃᓯ ‍ ᐛᐱᒥᔭᒄ ᐊ ‍ ᐃᑕᑎᓯᔭᓐ᙮ ᐊᑯ ᒪᒃ ᒋᓴᒪᓂᑐᐤ ᐊᓐ ᑲ ‍ ᒥᔨᑕᒄ ᒋᔭᒪᔨᑎᒧᐅᓂᔪᐤ ᒋᑭ ‍ ᐎᒐᐅᑯᐛᓇᐛᐤ᙮
\s1 ᑈᓪ ᑲ ‍ ᓂᓇᔅᑯᒧᑦ ᑕᓐ ᑲ ᐃᓯ ‍ ᐎᒋᐊᑭᓄᐅᑦ
\p
\v 10 ᓇᔅᒡ ᑕᑈ ᓂ ‍ ᒥᔽᔨᑎᒥᐃᒄ ᐅᑎᐸᔨᒋᒐᐤ ᒥᓐ ᐊ ‍ ᒥᔨᑕᒄ ᒐᒋ ᐛᐎᒋᐃᔭᒄ᙮ ᓴᔅ ᐛᔅᑭᒡ ᑲ ᐎ ‍ ᐛᐎᒋᐃᔭᒄ᙮ ᒥᒄ ᒪᒃ ᐊᑯ ᐃᔭᒄ ᒥᓐ ᓇᐃᐱᔨᒡ ᒐᒋ ᓄᑯᑕᔭᒄ ᐊ ‍ ᒪᒥᑐᓇᔨᒥᔭᒄ, ᓇᒪᔭᐤ ᑭᑈ ᐎ ᐊ ‍ ᐃᑕᔨᒥᑎᑯᒡ ᐊᑲ ᐅᒋ ᐊᐱᑕᔨᒥᔭᒄ ᐛᔅ ᓇᒪᐎᔾ ᐅᒋ ᒥᔪᐱᔪᐤ ᒐᒋ ᐛᐎᒋᐃᐛᔭᒄ᙮
\v 11 ᓇᒪᔭᐤ ᑭᑈ ᐎ ᐊ ‍ ᓄᑕᐱᔭᓐ ᒐᒂᓐ ᐛᒋ ‍ ᐃᔅᒋᔄᔭᓐ ᐅ᙮ ᐛᔅ ᓴᔅ ᓂᒋ ‍ ᒋᔅᒐᔨᑕᓐ ᐃᔭᐱᒡ ᒐᒋ ᓇᐊᔨᑎᒪᓐ ᐊᑎ ᐊᑲ ᓇᔅᒡ ᐊᔭᔭᓐ ᒐᒂᓐ᙮
\v 12 ᓂ ‍ ᒋᔅᒐᔨᑕᓐ ᐛᔅ ᑕᓐ ᐊ ‍ ᐃᑕᔨᑕᒂᒡ ᐊ ‍ ᓄᑕᐱᔨᓇᓄᐅᒡ ᒐᒂᓐ, ᑭᔭ ᒪᒃ ᑕᓐ ᐊ ‍ ᐃᑕᔨᑕᒂᒡ ᐊ ‍ ᐛᔪᒋᑕᑭᓄᐅᒡ ᒐᒂᓐ᙮ ᒥᒄ ᑕᓐ ᐊ ‍ ᐃᔅᐱᔪᐛᓇ ᓂ ‍ ᒋᔅᒐᔨᑕᓐ ᐃᔭᐱᒡ ᒐᒋ ᓇᐊᔨᑎᒪᓐ᙮ ᓇᒪ ᒐᒂᓐ ᐊᓐ ᓂᑦ ᐃᑕᔨᑕᓐ ᐊ ‍ ᓯᐛᔨᔭᓐ ᑭᔭ ᒪᒃ ᐊ ‍ ᒋᔅᐳᔭᓐ, ᐊ ‍ ᒋᔅᑎᒪᑎᓯᔭᓐ ᑭᔭ ᒪᒃ ᐊ ‍ ᐛᔪᒋᑕᔭᓐ ᒐᒂᓐ᙮
\v 13 ᑕᓐ ᒥᒄ ᒐ ‍ ᐃᔅᐱᔪᐛᓇ ᒥᓯᐛ ᓂᑭ ᒋ ‍ ᓴᐳᔅᑲᓐ ᐛᔅ ᙭ ᓂ ‍ ᒥᔨᒄ ᓱᐧᑲᑎᓯᐅᓂᔪᐤ᙮
\p
\v 14 ᑕᑈ ᔅᒋ ‍ ᒥᔪᑐᑐᓇᐛᐤ ᑲ ‍ ᐛᐎᒋᐃᔭᒄ ᑕᓐ ᑲ ᐃᓯ ‍ ᐊᔨᒥᐅᔭᓐ᙮
\v 15 ᒋᔨᐛᐤ ᐱᓕᐸᐃᒡ ᑲ ‍ ᐅᒋᔭᒄ, ᒋ ‍ ᒋᔅᒐᔨᑕᓇᐛᐤ ᐊ ‍ ᑎᓯᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᒋᔨᐛᐤ ᒥᒄ ᐊᒋ ‍ ᐛᐎᒋᐃᔭᒄ ᓱᓇᔭᐤ ᐃᔅᐱ ᑲ ‍ ᓂᑭᑎᒪᓐ ᒪᓯᑐᓂᔭ᙮ ᒋᔨᐛᐤ ᒥᒄ ᔅᒋ ‍ ᐎᒋᐃᓇᐛᐤ ᐅᔅᑭᒡ ᑲ ‍ ᐛᐎᑎᒪᓐ ᒥᔽᒋᒧᐅᓐ᙮
\v 16 ᓇᒪ ᒥᒄ ᐸᐃᒂᐤ ᒋ ᐅᒋ ᐸᒋ ‍ ᐃᑎᓴᐊᒧᓇᐛᐤ ᓱᓇᔭᐤ ᑲᒋ ‍ ᓄᑕᐱᔭᓐ ᒪᒂᒡ ᐊᓐᑕ ᑕᓴᓗᓇᐃᑲᒡ ᑲᒋ ‍ ᑕᔭᓐ᙮
\v 17 ᓇᒪᔭᐤ ᐊ ‍ ᓂᑐᐛᔨᑎᒪᓐ ᒋᓱᓇᔭᓂᒧᐛᐤ ᐊᔪᐛᒃ ᓂᑐᐛᔨᑕᓐ ᒐᒋ ᐛᔪᑎᒡ ᒐ ᐃᓯ ‍ ᓱᐛᔨᒥᑯᐅᔭᒄ᙮
\v 18 ᐊᑯᑕ ᐅ ᐛᑎᒪᑎᑯᒡ ᓴᔅ ᒥᓯᐛ ᐊᒋ ‍ ᒥᔅᑭᒪᓐ ᐊᓐ ᑲ ᐃᓯ ᐸᒋ ‍ ᐛᐎᒋᐃᐛᔭᒄ᙮ ᓴᔅ ᐊᑐᐎᔅ ᓂᑦ ᐃᔅᐱᔅ ᐊᔭᓐ ᑕᓐ ᑲ ᐃᓯ ‍ ᓄᑕᐱᔭᓐ᙮ ᐊᑯ ᒪᒃ ᒥᓯᐛ ᐊ ‍ ᐊᔭᔭᓐ ᑕᓐ ᑲ ᐃᓯ ‍ ᓄᑕᐱᔭᓐ ᐃᐸᑉᕋᑕᐃᑕᔅ ᐊᒋ ‍ ᐸᑐᐅᑦ ᐊᓂᔭᔪᐤ ᒋᒥᑯᓴᐅᓄᐛᐛ ᐅ ᑲ ᐃᓯ ‍ ᒥᔭᒄ ᓇᔅᒡ ᐊ ‍ ᒥᔽᓯᒡ ᐱᔅᑎᓂᒐᐅᓐ ᐃᓯ ᑭᓄᐛᐸᑎᒻ ᒋᓴᒪᓂᑐᐤ ᑭᔭ ᓇᔅᒡ ᓇᐊᔨᑎᒥᐃᑯᐤ᙮
\v 19 ᐊᑯ ᒪᒃ ᒋᓴᒪᓂᑐᐤ ᒋᑭ ‍ ᐅᑎᓇᒪᑯᐛᐤ ᒥᓯᐛ ᒐᒂᔪᐤ ᐊ ᐃᓯ ‍ ᓄᑕᐱᔪᐛᒄ᙮ ᒥᓯᐛ ᒋᑭ ‍ ᒥᔨᑯᐛᐤ ᐊ ᐃᓯ ‍ ᓄᑕᐱᔪᐛᒄ ᑕᓐ ᐊ ᐃᓯ ‍ ᓇᔅᒡ ᐛᔪᐅᒡ ᒥᔪᑐᑎᒪᒐᑦ ᙭ ᒋᓴᓴ ᐅᒡ᙮
\p
\v 20 ᑲᒋᒡ ᒋᑭ ‍ ᒪᒥᒋᒪᑭᓄᐤ ᒋᓴᒪᓂᑐᐤ ᒍᑕᐎᓄᐤ᙮ ᐊᒥᓐ᙮
\s1 ᒪᔅᑕᔾ ᑲ ‍ ᐃᑎᓯᓇᐊᒧᐛᑦ ᑈᓪ ᐊᓂᔭᔪᐛ ᒋᓴᓴ ᐅᑦ ᐃᔨᒥᔪᐛ ᐱᓕᐸᐃᒡ ᑲ ‍ ᑕᔨᒋ
\p
\v 21 ᐛᒋᔭᒪᐧᑯᒡ ᒥᓯᐛ ᐊᓐᒡ ᑲ ‍ ᑕᑈᔭᔨᒪᒡ ᙭ ᒋᓴᓴ᙮ ᒋᐧᑲᓂᓯᓄᐅᒡ ᐅᑕ ᑲ ‍ ᐃᑕᒡ ᑭᔭ ᐎᔨᐛᐤ᙮
\v 22 ᒥᓯᐛ ᐊᓐᒡ ᑲ ‍ ᑕᑈᑕᒡ ᒋᑎᒥᔅᑲᑯᐛᐅᒡ, ᑭᔭ ᐊᓐᒡ ᑲ ‍ ᐊᑐᔅᒐᒡ ᒋᓴᐅᒋᒪᐛ ᓯᓴᕋ ᐊ ‍ ᑕᔨᒋ᙮
\p
\v 23 ᓇᑐᑎᒧᐛᐤ ᒪᒃ ᐅᑎᐸᔨᒋᒐᐤ ᒋᓴᔅ ᙭ ᒥᓯᐛ ᒐᒋ ᐃᓯ ‍ ᒋᓴᐛᑐᑕᑕᒄ᙮
\id COL Adapted from ECree-S to Naskapi, 16 May 2003; Typeset export from CBS 8 May 2007
\h ᑯᓚᓯᔭᓇ
\toc3 ᑯᓚᓯᔭᓇ
\toc2 ᑯᓚᓯᔭᓇ
\toc1 ᑯᓚᓯᔭᓇ ᑈᓪ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᑯᓚᓴᐃᒡ ᑲ ‍ ᑕᔨᒋ
\mt1 ᑯᓚᓯᔭᓇ
\mt2 ᑈᓪ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᑯᓚᓴᐃᒡ ᑲ ‍ ᑕᔨᒋ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐊᔪᐅᒄ ᐅᔭ ᓂᔍᐤ ᑲ ‍ ᒥᓯᓇᐃᒐᑦ ᑈᓪ ᐊᓐᑕ ᐅᒋ ᑲᒪᑯᓄᐛᓯᐅᒋᐛᐱᒡ ᐊᓐᑕ ᕈᒥᒡ ᑲ ‍ ᑕᑦ᙮ ᐊᐸᑉᕋᔅ ᒋ ‍ ᐃᓯᓂᐧᑲᓱᐤ ᓇᐸᐤ ᐊᒋ ‍ ᓂᑐᐛᐱᒪᑯᐱᓇ ᑈᓚ ᐊ ‍ ᐎᑎᒧᐛᑦ ᐊ ‍ ᑕᔨᒋ ᐊᐛᔪᐛ ᓂᑐᐎᔾ ᐊ ᐃᓯ ‍ ᒋᔅᑯᑎᒪᒐᔨᒋ ᐊᓐᑕ ᑯᓚᓴᐃ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊ ‍ ᑕᒡ ᐊᓂᔭ ᐃᔪᐛ ᐊᑲ ᐊᓐ ᓇᔅᒡ ᐃᓯᓇᑯᓂᔨᒡ ᐅᑕᑈᑎᒧᐅᓂᔪᐤ᙮ ᒋ ‍ ᑕᐅᒡ ᐊ ‍ ᒋᔅᑯᑎᒧᐛᒡ ᐊᓂᔭ ᐃᔪᐛ ᐊᓐᑕ ᑯᓚᓴᐃᒡ ᑲ ‍ ᑕᔨᒋ ᒐᒋ ᐊᔭᒥᐊᔅᑐᐛᔨᒋ ᐊᓐᒋᓇ ᑭᔭ ᐃᔭᒂ ᒐᒋ ᐃᓯ ‍ ᓂᓇᑭᑐᐛᐸᑎᒥᔨᒋ ᐎᓱᐛᐅᓇ ᑭᔭ ᒐᒂᔪᐛ ᑕᓐ ᐊ ᐃᓯ ‍ ᑎᑯᓂᔨᒋ ᐊ ‍ ᐃᑎᓇᓄᐎᒡ᙮ ᑈᓪ ᒪᒃ ᒋ ‍ ᒥᓯᓇᐊᒧᐛᐤ ᐊᓂᔭ ᐃᔪᐛ ᐊᓐᑕ ᑯᓚᓴᐃ ᑲ ‍ ᑕᔨᒋ ᒐᒋ ᓂᔅᑯᔅᑐᐛᔨᒋ ᐊᓂᔭ ᓂᑐᐎᔾ ᑲ ᐃᓯ ‍ ᒋᔅᑯᑎᒪᒐᔨᒋ᙮ ᒋ ᐃᓯ ‍ ᒋᔅᒋᓱᒪᐤ ᐎᔾ ᒋᓴᔅ ᒥᓯᐛ ᒐᒂᔪᐤ ᐊ ‍ ᐅᒋᒪᐧᑲᑕᐧᒃ, ᑭᔭ ᐊᓂᔭ ᐊᒋ ‍ ᓂᐱᑦ ᐊᐅᑯᓐ ᐊᓂᔭ ᒥᒄ ᒐᒋ ᐱᒪᒋᐃᑯᐛᒄ ᒋᒥᒋᑥᐅᓄᐛ ᐅᒋ, ᐎᔾ ᒪᒃ ᐊ ‍ ᑕᑦ ᐅᒋ ᐊᑯᑕ ᐛᒋ ‍ ᐎᐧᑯᒋᐃᑯᐅᔭᐧᒄ ᑕᓐ ᑲ ᐃᓯ ‍ ᐅᓯᑕᔨᒋ ᓇᐸᐛ ᐎᓱᐛᐅᓇ᙮
\c 1
\s2 Colossians 1.1-14 (Proper-10 Year C)
\p
\v 1-2 ᒋᔨᐛᐤ ᓂᐧᑲᓂᓯᑐᒄ ᑲ ‍ ᑕᑈᑎᒪᒄ, ᒋᔨᐛᐤ ᑲ ‍ ᑕᑈᐅᒐᔨᑕᑯᓯᔭᒄ ᐊ ‍ ᐎᒐᐛᒄ ᙭, ᐊᓐᑕ ᑯᓚᓴᐃ ᑲ ‍ ᐃᓯᓂᐧᑲᑕᒡ ᐅᑕᓇᐤ ᐊ ‍ ᑕᔭᒄ, ᓂᔾ ᐊᑈᔅᑕᓐ ᑈᓪ ᑲ ‍ ᒥᓯᓇᐊᒪᑎᑯᒡ᙮
\p ᒋᐧᑲᓂᓴᓄᐤ ᑎᒧᑎ ᑕᐤ ᑭᔭ ᐎᔾ ᐅᑕ ᒪᒂᒡ ᐊ ‍ ᒥᓯᓇᐊᒪᑎᑯᒡ᙮
\p ᓂ ‍ ᓂᑐᑎᒧᐛᓇᓐ ᒋᓴᒪᓂᑐᐤ ᒍᑕᐎᓄᐤ ᒐᒋ ᒥᔪᑐᑎᒪᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮
\s1 ᑈᓪ ᓂᓇᔅᑯᒧᐤ ᑭᔭ ᐊ ᐃᓯ ‍ ᐊᔭᒥᐊᔅᑎᒧᐛᑦ ᐊᓂᔭᔪᐛ ᑲ ‍ ᒥᓯᓇᐊᒧᐛᑦ
\p
\v 3 ᒧᔅ ᓂᓇᔅᑯᒪᓇᓐ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ, ᑕᑥᐤ ᐊ ‍ ᐊᔭᒥᐊᔅᑎᒪᑕᒡ,
\v 4 ᐛᔅ ᓂᒋ ‍ ᐸᑕᓇᓐ ᑕᓐ ᐊ ᐃᓯ ‍ ᑕᑈᔭᔨᒪᒄ ᙭ ᒋᓴᔅ ᑭᔭ ᓂᒋ ‍ ᐸᑕᓇᓐ ᑕᓐ ᐊᔅᐱᔅ ᓴᒋᐊᑯᒡ ᒥᓯᐛ ᐊᓐᒡ ᑲ ‍ ᑕᑈᑕᒡ᙮
\v 5 ᐊᓐᑕ ᐅᔅᑭᒡ ᑲ ‍ ᐛᐎᑎᒪᑯᐅᔭᒄ ᒥᔽᒋᒧᐅᓐ, ᐅ ᑕᑈᐅ ᐃᔨᒧᐅᓐ ᑲ ‍ ᐃᓯᓂᐧᑲᑕᒡ, ᐊᑯᑕ ᑲ ‍ ᐸᑎᒪᒄ ᑕᓐ ᐊ ᐃᓯ ‍ ᑎᒂᒡ ᐊᔅᐸᔨᒧᐅᓂᒡ᙮ ᐊᑯ ᒪᒃ ᐊᔅᐸᔨᒧᐅᓐ ᐊᔭᔭᒄ ᐊᑯᑕ ᐛᒋ ‍ ᐃᓯᓇᒂᒡ ᒐᒋ ᑕᑈᔭᔨᒪᒄ ᙭ ᑭᔭ ᒐᒋ ᓴᒋᐃᐛᔭᒄ᙮ ᐅ ᒪᒃ ᑕᓐ ᐊ ᐃᓯ ‍ ᐊᔅᐸᔨᒧᔭᒄ ᒋᒋᒋᓯᑯᒡ ᑭᓄᐛᔨᑕᑭᓄᐤ᙮
\v 6 ᐅ ᒥᔽᒋᒧᐅᓐ ᒧᓯᓇᐤ ᐱᒥᐱᔪᐤ ᓱᐛᔨᒋᒐᐅᓐ ᐊᓐᑕ ᐅᒋ ᑭᔭ ᒧᓯᓇᐤ ᒥᓯᑕᐱᔪᐤ ᐊ ‍ ᐛᐎᑕᑭᓄᐅᒡ ᒥᓯᐛ ᐊ ‍ ᐃᔅᐱᑎᔅᑭᒥᑲᒡ ᐅᑕ ᐊᔅᒋᒡ᙮ ᐊᐅᑯᓐ ᒪᒃ ᐊ ‍ ᐃᓯᓇᒂᒡ ᒥᔽᒋᒧᐅᓐ ᐊᓐᑕ ᒪᒂᒡ ᐊ ‍ ᑕᔭᒄ ᐃᔅᐱ ᑲ ‍ ᐸᑎᒪᒄ ᐊ ‍ ᐊᔨᒧᑕᑭᓄᔨᒋ ᒋᓴᒪᓂᑐᐤ ᐅᒋᓴᐛᑎᓯᐅᓐ ᑭᔭ ᑲ ‍ ᓂᔅᑐᑎᒪᒄ ᑕᓐ ᐊᓐ ᐊ ‍ ᐃᑕᔨᑕᑯᓂᔨᒡ᙮
\v 7 ᐊᐸᑉᕋᔅ ᒪᒃ ᑲ ‍ ᐃᓯᓂᐧᑲᓱᑦ ᓂᐎᒐᐛᑭᓇᓐ ᐊᐅᒄ ᑲ ‍ ᒋᔅᒐᔨᑎᒥᐃᑕᒄ ᒋᓴᒪᓂᑐᐛ ᐅᒋᓴᐛᑎᓯᐅᓂᔪᐤ ᑲ ‍ ᐛᐎᑎᒪᑕᒄ ᒥᔽᒋᒧᐅᓂᔪᐤ᙮ ᓇᔅᒡ ᑕᑈ ᓂᓴᒋᐎᒐᐛᓇᓐ ᐊ ᐎᒋ ‍ ᐊᑐᔅᒐᒥᒋᒡ ᐅ ᐊᐸᑉᕋᔅ᙮ ᒧᔅ ᑯᐃᔅᒄ ᐃᓯ ᐊᑐᔅᑯᐛᐤ ᙭ᑕ ᑭᔭ ᐎᔾ᙮ ᓇᔅᒡ ᑕᑈ ᓂ ᒥᔪ ‍ ᐎᒋᐃᑯᓇᓐ ᑕᓐ ᐊ ᐃᓯ ‍ ᐊᑐᔅᑯᐛᑦ ᙭ᑕ᙮
\v 8 ᓂᒋ ‍ ᐎᑎᒪᑯᓇᓐ ᐊᐸᑉᕋᔅ ᑕᓐ ᑲ ᐃᓯ ‍ ᒥᔨᑕᒄ ᐊᒐᐧᒄ ᒐᒋ ᓴᒋᐃᐛᔭᒄ᙮
\p
\v 9 ᐃᔅᐱ ᒪᒃ ᑲ ᐸᒋ ‍ ᐃᑕᒋᒧᔅᑕᑯᐅᔭᒡ ᐊᐸᑉᕋᔅ ᒥᓯᐛ ᐅᔭ ᑕᓐ ᑲ ᐃᓯ ‍ ᒋᔅᒐᔨᑎᒥᐃᑕᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᒧᔅ ᒋᑦ ᐊᔭᒥᐊᔅᑎᒪᑎᓇᓐ᙮ ᓇᒪ ᓂ ‍ ᐳᓂᓇᓐ ᐊ ‍ ᐊᔭᒥᐊᔅᑎᒪᑕᒡ᙮ ᒧᔅ ᓂ ‍ ᓂᑐᑎᒧᐛᓇᓐ ᒋᓴᒪᓂᑐᐤ ᓇᔅᒡ ᒐᒋ ᒋᔅᒐᔨᑎᒺᒄ ᐅᑦ ᐃᑕᔨᑎᒧᐅᓐ᙮ ᓇᔅᒡ ᒐᒋ ᐊᔭᔭᒄ ᑭᒐᑕᐛᔨᑎᒧᐅᓐ ᑭᔭ ᓂᔅᑐᑎᒧᐅᓐ ᑕᓐ ᐊᓂᔭᔪᐛ ᐊ ᐃᓯ ‍ ᒥᔨᐛᑦ ᐸᔭᒋ ᐊᒐᐧᒄ ᒐᒋ ᒋᔅᒐᔨᑎᒪᒄ ᐅ᙮
\v 10 ᐊᑯ ᒪᒃ ᒐᒋ ᐃᓯ ‍ ᐱᒪᑎᓯᔭᒄ ᑕᓐ ᐊ ᐃᓯ ‍ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ‍ ᐱᒪᑎᓯᐛᒄ᙮ ᒧᔅ ᒋᑭ ‍ ᐃᑐᑎᒺᓇᐛᐤ ᑕᓐ ᐊᓂᔭᔪᐛ ᐊ ᐃᓯ ‍ ᓇᐊᔨᑎᒥᐃᑯᑦ᙮ ᓂᓇᐧᑯᐤ ᒋᑭ ᐃᓯ ‍ ᒪᒥᔪᑐᑎᒧᐛᐛᐅᒡ ᐊᐛᓐᒋ ᑭᔭ ᐊᔭᔅᒃ ᒋᑭ ᒥᔪ ‍ ᒋᔅᒐᔨᒪᐛᐤ ᒋᓴᒪᓂᑐᐤ ᑕᓐ ᐊ ‍ ᐃᑕᔨᑕᑯᓯᑦ᙮
\s2 Colossians 1.11-20 (Proper-29 Year C)
\p
\v 11 ᓂᑐᑎᒧᐛᐤ ᒋᓴᒪᓂᑐᐤ ᒐᒋ ᐃᑐᑕᑕᒄ ᓇᔅᒡ ᒐᒋ ᒥᔅᑯᓯᔨᑯᔭᒄ ᓱᐧᑲᑎᓯᐅᓐ, ᐎᔾ ᑲ ‍ ᒋᔅᑕᔨᑕᑯᓂᔨᒡ ᐅᓱᐧᑲᑎᓯᐅᓂᒡ ᐅᒡ᙮ ᐊᑯ ᒪᒃ ᒐ ‍ ᓯᐱᔪᐛᓯᔭᒄ ᒥᒄ ᑕᓐ ᒐ ᐃᓯ ‍ ᓂᒋᔅᑭᒧᐛᐛᒂ᙮
\v 12 ᑭᔭ ᐊ ‍ ᒧᒋᒐᔨᑎᒪᒄ ᒐ ‍ ᓂᓇᔅᑯᒪᒄ ᐅᑕᐎᒪᐤ ᐊᓐ ᑲ ‍ ᐃᑐᑕᑕᒄ ᒐᒋ ᒋᔅᑕᔨᑕᑯᓱᐛᒄ ᒐᒋ ᐊᔭᐛᒄ ᐊᓂᔭ ᑲ ‍ ᐃᔅᒋᔄᑦ ᒐᔅᑎᓇᔅ ᒐ ‍ ᒥᔭᑦ ᐊᓂᔭ ᑲ ‍ ᑕᑈᑎᒥᔨᒋ ᐛᔅᑕᐅᓂᒡ ᐊ ‍ ᑕᔨᒋ᙮
\v 13 ᔅᒋ ‍ ᐎᐧᑯᒋᐃᑯᓄᐤ ᑕᓐ ᐊᓂᔭᔪᐛ ᑲ ᐃᓯ ‍ ᑎᐸᔨᒥᑯᐛᐧᒄ ᐅᓂᑎᐱᔅᒋᓯᐅᓂᔪᐤ ᒥᔅᑯᒡ ᐊᓂᔭ ᓇᔅᒡ ᑲ ‍ ᓴᒋᐊᑦ ᐅᑯᓯᓴ ᐅᒋᒪᐅᓂᔪᐤ ᐊᑯ ᒐᒋ ᑎᐸᔨᒥᑯᐛᐧᒄ᙮
\v 14 ᐛᔅ ᐎᔾ ᙭ ᐅᒋ ᔅᒋ ‍ ᐛᐸᔨᑎᒪᑯᓇᓄᐤ ᒋᒥᒋᑥᐅᓄᐛ ᑭᔭ ᙭ ᐅᒋ ᔅᒋ ‍ ᐊᐱᐧᑯᓂᑯᐅᓇᓄᐤ ᑕᓐ ᑲ ᐃᓯ ‍ ᒪᒋᒂᐱᐧᑲᓱᔭᐧᒄ᙮
\s1 ᐊᐛᓐ ᐊᓐ ᙭ ᑭᔭ ᑕᓐ ᑲ ‍ ᐃᑎᑦ
\s2 Colossians 1.15-28 (Proper-11 Year C)
\p
\v 15 ᐎᔾ ᙭ ᒧᔭᒻ ᐊᐅᑯᓐ ᐊ ‍ ᐃᑕᔨᑕᑯᓯᑦ ᑕᓐ ᐊ ‍ ᐃᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐊᑲ ᓄᑯᓯᔨᒋ᙮ ᙭ ᐊᐅᒄ ᒋᓴᒪᓂᑐᐤ ᐅᓂᔅᑎᒧᓴᓇ, ᐊᓐ ᒪᐅᒡ ᓂᑲᓐ ᐊ ‍ ᐃᑕᔨᑕᑯᓯᑦ ᐊ ‍ ᐃᑕᔨᑕᑯᓂᔨᒡ ᒥᓯᐛ ᒐᒂᔪᐤ ᑲ ‍ ᐅᓯᑕᑭᓄᐎᒋ᙮
\v 16 ᐛᔅ ᙭ ᐅᒋ, ᒋᓴᒪᓂᑐᐤ ᒥᓯᐛ ᒐᒂᔪᐛ ᒋᒋᒋᓯᑯᒡ ᑭᔭ ᐅᑕ ᐊᔅᒋᒡ ᐊ ‍ ᑎᑯᓂᔨᒋ ᒋ ‍ ᐅᓯᑕᐤ, ᐊᓂᔭᔪᐛ ᒐᒂᔪᐛ ᐊ ‍ ᓄᑯᓂᔨᒋ ᑭᔭ ᐊᓂᔭᔪᐛ ᐊᑲ ᓄᑯᓂᔨᒋ᙮ ᒋ ‍ ᐅᓯᐊᐤ ᑭᔭ ᒥᓯᐛ ᑲ ‍ ᐅᒋᒪᐎᔨᒋ ᐊᒐᒂ, ᑭᔭ ᐊᓂᔭᔪᐛ ᐊᐛᔪᐛ ᑲ ‍ ᐅᒋᒪᐎᔨᒋ, ᑭᔭ ᒥᓯᐛ ᑲ ‍ ᑎᐸᔨᒋᒐᔨᒋ᙮ ᒥᓯᐛ ᒐᒂᔪᐛ ᙭ ᐊ ‍ ᑕᑦ ᒋ ᐅᒋ ‍ ᐅᓯᑕᑭᓄᐅᔪᐛ ᑭᔭ ᐎᔾ ᒋ ‍ ᐅᓯᑎᒧᐛᑭᓄᐤ᙮
\v 17 ᐊᔅᒄ ᐊᑲ ᒐᒂᔪᐛ ᐅᒋ ᑎᑯᓂᔨᒋ ᓴᔅ ᒋ ‍ ᑕᐤ ᐎᔾ ᙭᙮ ᐎᔾ ᒋ ‍ ᐛᑕᔨᑎᒻ ᑕᓐᑕ ᒐ ‍ ᑎᑯᓂᔨᒋ ᒥᓯᐛ ᒐᒂᔪᐛ ᑲ ‍ ᐅᓯᑕᑦ᙮
\v 18 ᐎᔾ ᓂᑲᓂᔅᑭᒻ ᐎᔪᐤ, ᐊᐅᑯᓂ ᐅᔭ ᐅᒪᒧᐊᔭᒥᐊᐛ᙮ ᐎᔾ ᓇᔅᒡ ᓂᔅᑎᒻ ᒋ ‍ ᑕᐤ ᙭ ᑭᔭ ᐎᔾ ᓇᔅᒡ ᓂᔅᑎᒻ ᑲ ‍ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒡ, ᑭᔭ ᒥᓯᐛ ᒐᒂᓐ ᑕᓐ ᐊ ᐃᓯ ‍ ᑎᒂᒡ ᐎᔾ ᓇᔅᒡ ᓂᑲᓐ ᐃᑕᔨᑕᑯᓱᐤ᙮
\v 19 ᐛᔅ ᒋᓴᒪᓂᑐᐤ ᒋ ‍ ᓇᐊᔨᑎᒻ ᓇᔅᒡ ᒐᒋ ᐱᒋᔅᑯᐛᑦ ᒋᓴᓴ ᒐᒋ ᓂᔅᐱᑕᑯᑦ᙮
\v 20 ᑭᔭ ᒋ ‍ ᐃᑕᔨᑎᒻ ᐊᓂᔭ ᐅᑯᓴ ᐅᒋ ᒐᒋ ᐃᑐᑕᐧᒃ ᑲᐤ ᐎᔾ ᐊ ‍ ᑕᑦ ᒐᒋ ᑎᑯᓂᔨᒋ ᒥᓯᐛ ᒐᒂᔪᐛ ᑭᔭ ᑲᐤ ᐎᔾ ᐊ ‍ ᑕᑦ ᒐᒋ ᑕᔨᒋ ᒥᓯᐛ ᐊᐛᔪᐛ, ᐛᔅ ᒥᓯᐛ ᒐᒂᓐ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᑭᔭ ᒋᒋᒋᓯᑯᒡ ᒋ ‍ ᑎᐸᓂᐃᓱᒥᑭᓐ ᒋᓴᒪᓂᑐᐤ ᐅᒋ ᐊ ‍ ᑕᑦ᙮ ᐊᓂᔭ ᒪᒃ ᐊᒋ ‍ ᐱᔅᑎᓂᓱᔨᒋ ᐅᑯᓴ ᒐᒋ ᓂᐸᐊᑭᓄᔨᒋ ᒋᐱᔭᑎᑯᒡ ᐊᑯᑕ ᑲ ᐅᒋ ‍ ᐃᑐᑕᐧᒃ ᒋᓴᒪᓂᑐᐤ ᑲᐤ ᒐᒋ ᒥᔪ ‍ ᐎᒐᐅᑐᓇᓄᐎᒡ ᐎᔾ ᐃᔅ ᐊ ‍ ᑕᑦ, ᑲᐤ ᐎᔾ ᐊ ‍ ᑕᑦ ᒐᒋ ᑎᑯᓂᔨᒡ ᒥᓯᐛ ᒐᒂᔪᐤ ᑭᔭ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑭᔭ ᒋᒋᒋᓯᑯᒡ᙮
\p
\v 21 ᐊᔅᒄ ᐊᑲ ᐅᒋ ᑕᑈᔭᔨᒪᒄ ᙭ ᔅᒋ ‍ ᐊᔭᐛᐱᒪᐛᐤ ᒋᓴᒪᓂᑐᐤ ᑭᔭ ᔅᒋ ‍ ᐛᐧᑲᑕᐛᐤ᙮ ᐊᓐ ᑕᓐ ᑲ ᐃᓯ ᒋ ‍ ᒪᔭᑎᒡ ᒋᒥᑐᓇᔨᒋᑭᓄᐛᒡ ᑭᔭ ᑕᓐ ᑲ ᐃᓯ ᒋ ‍ ᒪᔭᑎᒡ ᒋᐱᒪᑎᓯᐅᓄᐛᒡ ᔅᒋ ‍ ᐛᐧᑲᑕᐛᐤ ᒋᓴᒪᓂᑐᐤ᙮
\v 22 ᐊᑯ ᒪᒃ ᐊᓄᒡ ᐎ, ᒋᓴᒪᓂᑐᐤ ᔅᒋ ‍ ᐃᑐᑕᑯᐛᐤ ᒐᒋ ᒥᔪ ‍ ᐎᒐᐛᒄ᙮ ᐊᓂᔭ ᐊᒋ ‍ ᓂᐱᔨᒋ ᒋᓴᓴ ᒋᐱᔭᑎᑯᒡ ᐊᑯᑕ ᑲ ᐅᒋ ‍ ᓇᐃᐱᔨᑕᑦ ᒐᒋ ᒥᔪ ‍ ᐎᒐᐛᒄ ᑭᔭ ᐎᔾ ᐊ ‍ ᑕᑦ ᒐᒋ ᐅᑎᔅᑯᑲᐳᐃᑕᒄ ᐊ ‍ ᐸᔭᒋᓯᔭᒄ ᓇᔅᒡ ᐊᑲ ᒐᒂᔪᐤ ᐊᑕᒪᔨᑕᑯᓱᐛᒄ᙮
\v 23 ᒋ ‍ ᓂᑐᐛᔨᑕᑯᓯᓇᐛᐤ ᔭᐃᑕᔾ ᒐᒋ ᑭᓄᐛᔨᑎᒪᒄ ᑕᓐ ᐊ ᐃᓯ ‍ ᑕᑈᑎᒪᒄ ᐅ ᒥᔽᒋᒧᐅᓐ, ᐛᔅ ᐊᑯᑕ ᐅ ᐛᒋ ‍ ᒐᔅᑎᓇᒋᑲᐳᐅᔭᒄ᙮ ᐊᑲᐎᔾ ᒪᒃ ᒋᑭ ᐅᒋ ‍ ᐃᓯᓇᑯᓯᓇᐛᐤ ᒐᒋ ᐊᑎ ‍ ᐅᓂᑕᔭᒄ ᐊᓐ ᐊᔅᐸᔨᒧᐅᓐ ᑲ ‍ ᐊᔭᔭᒄ ᐃᔅᐱ ᑲ ‍ ᐸᑎᒪᒄ ᒥᔽᒋᒧᐅᓐ᙮ ᐛᔅ ᓴᔅ ᒥᔅᑎ ᒥᓯᑕ ᒋ ‍ ᐃᑐᑕᑭᓄᐤ᙮ ᑭᔭ ᓂᔾ ᑈᓪ ᓂ ‍ ᐎᒋᐃᐛᓐ ᐊ ‍ ᐱᐸᒧᑕᑭᓄᐅᒡ ᐅ ᒥᔽᒋᒧᐅᓐ᙮
\s1 ᑕᓐ ᑲ ᐃᓯ ‍ ᐊᑐᔅᒐᑦ ᑈᓪ ᐊᓂᔭᔪᐛ ᑲ ‍ ᑕᑈᑎᒥᔨᒋ ᐅᒋ
\p
\v 24 ᓂ ‍ ᒥᔽᔨᑕᓐ ᒪᒃ ᐊ ‍ ᓂᓇᐧᑲᑕᔨᒧᐃᑯᐅᔭᓐ ᒋᔨᐛᐤ ᐅᒋ, ᑭᔭ ᓂᔭᓯᒡ ᓄᐅᔅᒋᑕᓐ ᐊᓂᔭ ᑕᓐ ᐊ ᐃᓯ ‍ ᓄᑕᐱᔨᒡ ᙭ ᐅᐎᓯᒐᔨᑎᒧᐅᓂᒡ, ᒐᒋ ᐎᒋᐃᒂᐤ ᒪᒧᐤ ᑲ ‍ ᐊᔭᒥᐊᐛᑎᓯᒡ, ᙭ ᐎᔪᐤ᙮
\v 25 ᒋᓴᒪᓂᑐᐤ ᓂᒋ ‍ ᐃᑎᓱᒥᒄ ᒐᒋ ᐊᑐᔅᒐᔅᑐᐅᒥᒋ ᐊᓂᔭ ᑲ ‍ ᑕᑈᔭᔨᒪᔨᒋ ᙭ᑕ᙮ ᓂᒋ ‍ ᒥᔨᒄ ᐅᔭ ᒐᒋ ᐃᑕᐱᑎᓯᐅᒡ ᒋᔨᐛᐤ ᒐᒋ ᐎᒋᐃᑎᑯᒡ᙮ ᓂᒋ ‍ ᐃᑎᓱᒥᒄ ᒪᒃ ᓇᔅᒡ ᒐᒋ ᒋᔅᑕᐅᒡ ᒥᓯᐛ ᑕᓐ ᑲ ᐃᓯ ‍ ᒥᔨᑦ ᒐᒋ ᐃᓯ ‍ ᐛᐎᑎᒪᑎᑯᒡ᙮
\v 26 ᐅᔭ ᒪᒃ ᑲ ᐃᓯ ‍ ᒥᔨᑦ ᒐᒋ ᐊᔨᒧᑎᒧᒡ ᓇᒪ ᐅᒋ ᐱᔅᑎᓂᒻ ᒐᒋ ᒋᔅᒐᔨᑕᑭᓄᔨᒋ ᐊᓐᑕ ᐸᒋ ‍ ᐅᑕᒡ᙮ ᓇᒪ ᐛᐛᒡ ᐸᐃᒄ ᐊᐛᓐ ᑲ ‍ ᐃᔅᐱᔅ ᒋ ᐸᒋ ‍ ᐱᒪᑎᓯᑦ ᐅᑕ ᐊᔅᒋᒡ ᐅᒋ ᒥᔭᑭᓄᐤ ᒐᒋ ᒋᔅᒐᔨᑕᐧᒃ ᐅᔭ᙮ ᐊᓄᒡ ᒪᒃ ᐎᔾ ᐊᑯ ᐸᔅᑎᓇᐧᒃ ᒐᒋ ᐛᐎᑎᒧᐛᑭᓄᔨᒋ ᑲ ‍ ᑕᑈᑎᒥᔨᒋ᙮
\v 27 ᒋᓴᒪᓂᑐᐤ ᒪᒃ ᒋ ‍ ᐃᑕᔨᑎᒥᐃᑯᐤ ᒐᒋ ᒋᔅᒐᔨᑎᒥᔨᒋ ᐊᑯ ᐅᑦ ᐃᔨᒪ ᐊᓂᔭ ᐊᑲ ᐅᒋ ᒋᔅᒐᔨᑎᒪᐊᑦ ᐊᓐᑕ ᐅᑕᒡ᙮ ᐊᔪᐛᒡ ᒪᒃ ᒪᒥᔅᑲᑕᔨᑕᑯᓂᔪᐤ ᐅᔭ ᐛ ᐃᓯ ‍ ᒋᔅᒐᔨᑎᒪᐊᑦ ᒥᓯᐛ ᐊᐛᔪᐛ᙮ ᐊᓐ ᒪᒃ ᐊᑲ ᓂᑕ ᐅᒋ ᐸᒋ ‍ ᒋᔅᒐᔨᑕᑭᓄᐅᒡ ᐊᐅᒄ ᙭ ᐊ ‍ ᐱᒋᔅᑲᑕᒄ ᒋᑕᐃᐛᒡ ᐛᔅ ᐊᑯᑕ ᐛᒋ ‍ ᒐᔅᑎᓇᑕᔨᑎᒥᐃᑯᔭᒄ ᑕᑈ ᒐ ‍ ᐅᑎᑎᒪᒄ ᒥᓯᐛ ᑕᓐ ᐊ ᐃᓯ ‍ ᒥᔪ ‍ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮
\p
\v 28 ᐊᑯ ᒪᒃ ᒥᓯᐛ ᐊᐛᓐ ᐊ ‍ ᐊᔨᒧᑎᒧᐎᒋᒡ ᙭ᑕ᙮ ᒥᓯᐛ ᒪᒃ ᑭᒐᑕᐛᔨᑎᒧᐅᓐ ᑲ ᐃᓯ ‍ ᒥᔨᑯᐅᔭᒡ ᓂᑦ ᐃᔭᒂᒥᒪᓇᓂᒡ ᑕᓐ ᐊᓂᔭᔪᐛ ᒋᐸ ᐅᒋ ᐊᑲ ᐃᑐᐅᒡ ᑭᔭ ᓱᒃ ᓂ ᐎ ‍ ᒋᔅᒐᔨᑎᒪᓇᓂᒡ ᑕᓐ ᐊᓂᔭᔪᐛ ᒋᐸ ‍ ᐃᑐᐅᒡ᙮ ᐅᔭ ᒪᒃ ᐊ ‍ ᐃᑐᑐᐅᒋᒡ ᐊᔪᐅᒄ ᐅᔭ ᐊᓐᑕ ᒋᓴᒪᓂᑐᐛ ᐃᔅ ᐊ ‍ ᑕᔨᒋ ᒐᒋ ᐃᑐᑕᐃᒋᒡ ᓇᔅᒡ ᐊᒋ ᐃᓯ ‍ ᓂᑕᐅᒋᒡ ᐊᓐᑕ ᙭ᑕ ᐃᔅ ᐊ ‍ ᑕᔨᒋ᙮
\v 29 ᒐᒋ ᐃᑐᑎᒪᓐ ᒪᒃ ᐅ ᓂ ‍ ᐅᔅᑯᐎᓐ ᑕᓐ ᐊᔅᐱᔅ ᓱᒃ ᐊᑐᔅᒐᔭᓐ᙮ ᐊᓂᔭ ᓱᒐᔨᑕᑯᓱᐅᓂᔪᐤ ᐊ ᐃᓯ ‍ ᒥᔨᑦ ᙭ ᓄᑕᐱᒋᐅᓐ᙮ ᓇᔅᒡ ᒪᒃ ᐛᔅ ᓄᑯᓂᔪᐤ ᐊᓂᔭ ᓱᒐᔨᑕᑯᓱᐅᓂᔪᐤ ᒪᒂᒡ ᐊᓐᑕ ᐊ ‍ ᐊᑐᔅᒐᐅᒡ᙮
\c 2
\p
\v 1 ᒋ ‍ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᓱᒃ ᐊᑐᔅᒐᔭᓐ ᐊᑎ ᐊ ‍ ᐊᔨᒥᐅᔭᓐ ᒋᔨᐛᐤ ᐊ ᐎ ‍ ᐎᒋᐃᑎᑯᒡ ᑭᔭ ᐊᓐᒡ ᐊᓂᔭ ᐅᑕᓇᔪᐤ ᓚᐅᑎᓯᔭ ᑲ ‍ ᐃᓯᓂᐧᑲᑕᔨᒡ ᐊ ‍ ᑕᒡ ᑭᔭ ᒥᓯᐛ ᐊᓐᒡ ᑯᑎᑭᒡ ᐊᔅᒄ ᐊᑲ ᒋᔅᒐᔨᒥᒡ᙮
\v 2 ᐊᐅᒄ ᐊ ‍ ᐃᑎᔭᓐ ᐊ ‍ ᐱᑯᓴᔨᒧᔭᓐ ᒐᒋ ᓱᒋᑕᐊᔭᒄ ᑭᔭ ᒐᒋ ᒪᒧᐱᔪᐅᔭᒄ ᐊ ‍ ᓴᒋᐃᑐᔭᒄ᙮ ᒋ ‍ ᓂᑐᐛᔨᒥᑎᓇᐛᐤ ᓇᔅᒡ ᒐᒋ ᓂᔅᑐᑎᒪᒄ ᒥᔽᒋᒧᐅᓐ ᒐᒋ ᓱᐛᔨᒥᑯᐅᔭᒄ ᐊ ‍ ᒋᔅᒐᔨᑎᒪᒄ ᐊ ‍ ᑕᑈᒥᑲᒡ᙮ ᓇᔅᒡ ᓂᔅᑐᑎᒪᒂ ᐊᑯᑕ ᒐ ᐅᒋ ‍ ᒋᔅᒐᔨᒪᒄ ᒋᓴᔅ ᙭, ᐊᓐ ᐊᑲ ᓂᑕ ᐅᒋ ᒋᔅᒐᔨᒪᑭᓄᐅᑦ ᐊᓐᑕ ᐅᑕᒡ᙮ ᒋ ‍ ᐃᑐᑎᒻ ᒪᒃ ᐊᑯ ᒋᓴᒪᓂᑐᐤ ᒐᒋ ᒋᔅᒐᔨᒪᑯ ᙭ᑕ᙮
\v 3 ᒥᒄ ᙭ ᒋ ‍ ᒥᔨᑯᓄᐤ ᑕᑈ ᒐᒋ ᓂᔅᑐᑎᒪᒄ ᒋᓴᒪᓂᑐᐤ ᐅᐛᔪᐅᒡ ᑭᒐᑕᐛᔨᑎᒧᐅᓐ ᑭᔭ ᐅᐛᔪᐅᒡ ᒋᔅᒐᔨᑎᒧᐅᓐ᙮
\v 4 ᒋ ‍ ᐎᑎᒪᑎᓇᐛᐤ ᐅ ᐊᑲ ᐊᐛᓐ ᒐᒋ ᐎᔭᓯᒥᑕᒄ ᐊᑎ ᓇᔅᒡ ᐊ ‍ ᑭᔅᒋᐅᑕᑯᓯᑦ ᓂᑎᒥᒄ ᐊ ᐃᓯ ‍ ᐛᐎᑕᐧᒃ᙮
\v 5 ᒧᔅ ᒋ ‍ ᒋᔅᒋᓯᑐᑕᑎᓇᐛᐤ ᐊᑎ ᐊᑲ ᑕᔭᓐ ᐊᓐᑕ ᐊ ‍ ᑕᔭᒄ᙮ ᓂ ‍ ᓯᒋᔭᓯᓐ ᑭᔭ ᐊ ‍ ᐛᐸᑎᒪᓐ ᑕᓐ ᐊᔅᐱᔅ ᓱᒃ ᐃᑕᔨᑎᒪᒄ ᒪᒧᐤ ᐊ ‍ ᑕᑈᔭᔨᒪᒄ ᙭᙮
\s1 ᐃᔭᒂᒧᐛᐅᓐ ᒐ ᐊᑲ ᒋ ᒪᒋᒂᐱᐧᑲᑎᑯᑦ ᐊᐛᓐ ᓇᐸᐤ ᐃᑎᓱᐛᐅᓇ
\s2 Colossians 2.6-15 (Proper-12 Year C)
\p
\v 6 ᓴᔅ ᐊᒋ ‍ ᐱᔅᑕᔨᒥᑎᓱᔭᒄ ᐅᑎᐸᔨᒋᒐᐤ ᙭ ᒐᒋ ᑎᐸᔨᒥᑕᒄ ᓱᒃ ᒋᑭ ᐎ ‍ ᓂᔅᑐᓇᑯᓐ ᑕᑈ ᐊ ‍ ᐎᒐᐛᒄ᙮
\v 7 ᐱᔅᑎᓇᐧᒄ ᒐᒋ ᐃᑐᑕᑕᒄ ᑯᐃᔅᒄ ᒐᒋ ᐃᓯ ‍ ᐱᒪᑎᓯᐛᒄ ᑭᔭ ᒐᒋ ᒥᔨᑕᒄ ᒥᔅᑯᓯᐅᓂᔪᐤ, ᒧᔭᒻ ᒥᔅᑎᒄ ᑕᒥᒡ ᐊᔅᒋᒡ ᐊ ᐃᓯ ‍ ᑯᑕᐅᐱᔨᒋ ᐅᑎᐱᔭ ᒐᒋ ᓱᒋᑲᐳᐅᑦ ᐊᐅᑯᓐ ᒋᐸ ‍ ᐃᓯᓇᑯᓯᓇᐛᐤ᙮ ᐊᐅᑯᓐ ᒋᐸ ᐎ ᐃᓯ ‍ ᓱᒋᑲᐳᐅᓇᐛᐤ ᑕᓐ ᐊ ᐃᓯ ‍ ᑕᑈᑎᒪᒄ᙮ ᐊᑯ ᒪᒃ ᐊᔭᔅᒃ ᒧᔅ ᒐ ‍ ᑕᑈᔭᔨᒪᒄ ᒧᔭᒻ ᑲ ᐃᓯ ‍ ᒋᔅᑯᑎᒪᑯᐅᔭᒄ ᒐᒋ ᐃᑎᔭᒄ᙮ ᑭᔭ ᒧᔅ ᒋᐸ ‍ ᓂᓇᔅᑯᒪᐛᐤ᙮
\p
\v 8 ᐊᑲᐎᔾ ᒪᒃ ᐊᐛᓐ ᒋᑭ ᐅᒋ ‍ ᐎᔭᓯᒥᑯᐛᐤ ᐊᓂᔭ ᐅᒋ ᑕᓐ ᐊ ᐃᓯ ‍ ᓂᑎᒥᒄ ᒋᔅᑯᑎᒪᒐᑦ, ᐛᔅ ᐊᓂᔭ ᑕᓐ ᐊ ᐃᓯ ‍ ᑕᑈᑕᐧᒃ ᓇᐸᐛ ᒋ ‍ ᐊᓱᐤ ᒋᔅᑯᑎᒪᒐᔪᐛ᙮ ᐊᓐᒡ ᐊᒐᐧᑯᒡ ᑲ ‍ ᐛᐎᓱᐛᒡ ᑕᓐ ᒐ ᐃᓯ ‍ ᐱᒪᑎᓯᓇᓄᐎᒡ ᐅᑕ ᐊᔅᒋᒡ ᐎᔨᐛᐤ ᐊ ‍ ᑕᒡ ᐅᒋᐱᔪᐤ᙮ ᓇᒪ ᙭ᑕ ᐊ ‍ ᑕᔨᒋ ᐅᒋᐱᔨᔪᐤ᙮
\p
\v 9 ᒋᓴᒪᓂᑐᐤ ᓇᔅᒡ ᒋ ‍ ᓄᑯᑕᐤ ᙭ᑕ ᐅᐱᒪᑎᓯᐅᓂᔨᒡ ᑕᓐ ᐊᓐ ᐊ ‍ ᐃᑕᔨᑕᑯᓯᑦ ᐎᔾ ᒋᓴᒪᓂᑐᐤ᙮
\v 10 ᒋᔨᐛᐤ ᒪᒃ ᔅᒋ ‍ ᑐᑕᑯᓇᐛᐤ ᒐᒋ ᒥᑐᓄᓯᔭᒄ ᙭ ᐊ ‍ ᐎᒐᐛᒄ᙮ ᐎᔾ ᙭ ᒥᓯᐛ ᑎᐸᔨᒐᐅᓂᔪᐤ ᑭᔭ ᐊ ‍ ᓂᑲᓇᔨᑕᑯᓂᔨᒡ ᓱᒐᔨᑕᑯᓱᐅᓂᔪᐤ ᐅᑕ ᐊᔅᒋᒡ ᑭᔭ ᒋᓯᑯᒡ ᑎᐸᔨᑎᒻ᙮
\p
\v 11 ᑎᑯᓂᔪᐤ ᐊ ᐃᓯ ‍ ᒋᔅᒋᓄᐛᒋᔄᑕᒄ ᒋᓴᒪᓂᑐᐤ ᐊ ‍ ᓇᓴᐅᒪᑯ ᙭ᑕ, ᓇᒪ ᐎ ᐊᓂᔭ ᑕᓐ ᐊ ᐃᓯ ‍ ᒋᔅᒋᓄᐛᒋᐃᓱᒡ ᒍᐤ ᐃᔪᒡ ᐃᑕᔨᑕᑯᓂᔪᐤ ᐅᔭ᙮ ᐊᓂᔭ ᙭ ᐊᒋ ‍ ᐊᐱᐧᑯᓂᑕᒄ ᑕᓐ ᐊ ᐃᓯ ‍ ᓱᒋᒪᒋᒂᐱᐧᑲᑎᑯᔭᒄ ᐊ ᐎ ‍ ᒥᒋᑐᑎᒪᒄ ᐊ ‍ ᒋᔅᒋᓄᐛᒋᔄᑯᔭᒄ ᐃᓯᓇᑯᓂᔪᐤ ᑕᓐ ᑲ ᐃᓯ ‍ ᒋᔅᒋᓄᐛᒋᔄᑕᒄ ᒋᓴᒪᓂᑐᐤ᙮
\v 12 ᑭᔭ ᑲ ‍ ᓯᑲᐃᑕᑯᐅᔭᒄ ᒧᔭᒻ ᐊᒋ ‍ ᐊᓯᒡ ᓇᐃᐧᑲᑯᐅᔭᒄ ᙭ ᑲ ‍ ᓇᐃᐧᑯᐛᑭᓄᐅᑦ ᐃᓯᓇᑯᓐ᙮ ᐊᑯ ᒪᒃ ᐊᓐ ᐊ ‍ ᑕᑈᑎᒪᒄ ᒋᓴᒪᓂᑐᐤ ᐅᒥᔅᑯᓯᐅᓐ ᒧᔭᒻ ᑭᔭ ᒋᔨᐛᐤ ᐊᒋ ‍ ᐅᓂᔅᑲᓂᑯᐅᔭᒄ ᑲ ‍ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐃᓯᓇᑯᓐ᙮ ᐊᐅᒄ ᐊᓂᔭ ᒥᔅᑯᓯᐅᓂᔪᐤ ᒋᓴᒪᓂᑐᐤ ᑲ ‍ ᐊᐱᒋᑕᑦ ᑲ ‍ ᐅᓂᔅᑲᓇᑦ ᙭ᑕ ᓂᐳᐅᓂᒡ ᐅᒡ᙮
\p
\v 13 ᒋᒥᒋᑥᐅᓄᐛᐛ ᔅᒋ ‍ ᐃᑐᑕᑯᓇᐛᐤ ᒧᔭᒻ ᐊ ‍ ᓂᐱᔭᒄ ᒐᒋ ᐃᓯᓇᑯᓯᔭᒄ ᒋᓴᒪᓂᑐᐤ ᐃᔅ ᐊ ‍ ᑕᑦ, ᑭᔭ ᐊᔅᒄ ᓇᒪ ᒋ ᐅᒋ ‍ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑐᑕᑕᒄ ᑕᓐ ᑲ ‍ ᐃᑐᑎᒪᑕᒄ ᙭ ᐅᒡ᙮ ᐊᓄᒡ ᒪᒃ ᔅᒋ ‍ ᒥᔨᑯᐛᐤ ᒋᓴᒪᓂᑐᐤ ᐊ ‍ ᐅᔅᑲᔨᒡ ᐱᒪᑎᓯᐅᓂᔪᐤ ᒧᔭᒻ ᑲ ᐃᓯ ‍ ᐅᓂᔅᑲᓇᑦ ᙭ᑕ ᓂᐳᐅᓂᒡ ᐅᒡ᙮ ᓇᔅᒡ ᔅᒋ ‍ ᐛᐸᔨᑎᒪᑭᓄᐤ ᒋᓴᒪᓂᑐᐤ ᒋᒥᒋᑥᐅᓄᐛ᙮
\v 14 ᓇᔅᒡ ᒪᒃ ᒋ ‍ ᑲᓯᓯᓇᐊᒻ ᒋᓴᒪᓂᑐᐤ ᑕᓐ ᑲ ᐃᓯ ‍ ᒥᓯᓇᑕᔨᒡ ᐊᒋ ᐃᓯ ‍ ᒥᒋᑐᑎᒧᐛᐅᐧᑯᐱᓇ ᐎᓱᐛᐅᓇ ᐊᒋ ‍ ᐱᑯᓂᒪᐧᒄ᙮ ᐊᓐᑕ ᐅᑕᒡ ᔅᒋ ‍ ᒪᑎᑯᔅᑲᑯᓇᓄᐤ ᐅ ᐊᒋ ᐃᓯ ‍ ᒥᒋᑐᑎᒪᐧᒄ, ᒥᒄ ᒪᒃ ᒋᓴᒪᓂᑐᐤ ᓇᔅᒡ ᔅᒋ ‍ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ᙮ ᐃᔅᐱ ᑲ ‍ ᓂᐱᔅᑎᒪᑕᐧᒄ ᙭ ᒧᔭᒻ ᐊ ‍ ᒋᔅᑕᔎᐛᐧᒃ ᙭ ᐅᒋᐱᔭᑎᑯᒥᒡ ᐊᐅᑯᓐ ᑲ ‍ ᐃᑐᑕᐧᒃ ᒋᓴᒪᓂᑐᐤ ᒋᒥᒋᑥᐅᓄᐛ᙮
\v 15 ᐊᓂᔭ ᒋᐱᔭᑎᑯᒡ ᑲ ‍ ᓂᐱᑦ ᙭ ᐊᑯᑕ ᓇᔅᒡ ᑲ ‍ ᓴᒂᐊᑦ ᒥᓯᐛ ᐊᓂᔭᔪᐛ ᓱᒐᔨᑕᑯᓱᐅᓂᔪᐤ ᑭᔭ ᑎᐸᔨᒋᒐᐅᓂᔪᐤ ᑲ ‍ ᐊᔭᔨᒋ᙮ ᑭᔭ ᒥᓯᐛ ᐊᓂᔭᔪᐛ ᐊᒐᐧᑯᐤ ᓱᒐᔨᑕᑯᓱᐅᓂᔪᐤ ᑲ ‍ ᐊᔭᔨᒋ ᑭᔭ ᐊᓂᔭ ᑲ ‍ ᓂᔅᑯᔅᑕᑯᑦ᙮ ᒥᓯᐛ ᐊᐛᔪᐛ ᒋ ‍ ᐛᐸᑎᔭᐤ ᓇᔅᒡ ᐊ ‍ ᓴᒂᐊᑦ ᐊᓂᔭᔪᐛ᙮
\p
\v 16 ᐊᑲᐎᔾ ᐅᒋ ᓂᑐᑐᐤ ᐊᐛᓐ ᐊ ᐎ ‍ ᐎᑎᒪᔅᒃ ᒐᒂᔪᐤ ᒐᒋ ᒥᒋᐅᑦ ᒪᒃ ᒐᒂᔪᐤ ᒐᒋ ᒥᓄᐅᑦ ᐊ ‍ ᐃᔅᒋᔄᑦ ᐊᔪᐅᒄ ᐅᔭ ᒐ ‍ ᓇᐊᔨᑎᒥᐃᑯᔨᒋ ᒋᓴᒪᓂᑐᐛ᙮ ᐊᑲᐎᔾ ᐅᒋ ᓂᑐᑐᐛᐧᑯᒡ ᐊᐛᓐᒋ ᐊ ‍ ᐃᔅᒋᔄᒡ ᔭᐃᑕᔾ ᒐᒋ ᓂᓇᑭᑐᐛᔨᑎᒺᒄ ᐊᓂᔭ ᓂᓇᐧᑯᐤ ᐊ ‍ ᒋᓯᑲᔨᒋ ᐊᓐᑕ ᑲᒋ ‍ ᒥᑯᓴᓄᐅᒡ, ᑭᔭ ᐊᓐᑕ ᐊᓯᑯᒻ ᐱᓯᒺ ᑲᒋ ‍ ᒥᔽᔨᑕᑭᓄᐅᒡ ᐊ ‍ ᐅᔅᒋᑦ ᑎᐱᔅᑲᐤ ᐱᓯᒻ᙮ ᐊᑲᐎᔾ ᓂᑐᑐᐛᐧᑯᒡ ᐊᓐᒡ ᒪᒪᒡ ᑲ ‍ ᐃᑎᓱᒥᑕᑯᒡ ᐊ ‍ ᒍᐤ ᐊᔭᒥᐊᐅᒋᓯᑲᔨᒡ᙮
\v 17 ᒧᔭᒻ ᒥᒄ ᐊ ‍ ᑎᑲᔅᑕᑎᒡ ᐊᓐ ᑕᓐ ᐊᔅᒄ ᒐ ‍ ᐃᔅᐱᔨᒡ ᐊᓐᑕ ᓂᔅᑕᒥᒡ ᐃᓯᓇᑯᓇ ᐅᔭ᙮ ᓴᔅ ᒪᒃ ᒋ ‍ ᑎᑯᓯᓐ ᐊᓐ ᒋᒋᐛ ᐊ ‍ ᐃᑕᔨᑕᑯᓯᑦ ᐊᐛᓐ, ᐊᐅᒄ ᒋᓴᔅ᙮
\v 18 ᐊᑲᐎᔾ ᒋᑭ ᐅᒋ ‍ ᓇᐊᔨᒪᐛᐅᒡ ᐊᓐᒡ ᐊᐛᓐᒋ ᐃᔭᒡ ᑲ ‍ ᐃᑎᒡ ᐊ ‍ ᑎᐱᑕᔨᒥᓱᒡ ᑭᔭ ᐊᓐᒋᓇ ᑲ ‍ ᐊᔭᒥᐊᔅᑐᐛᒡ ᒐᒋ ᐎᔭᓯᒥᑕᑯᒡ ᐊ ᐎ ‍ ᐊᔭᔭᒄ ᒋᑲᓂᔪᐅᓄᐛᐤ᙮ ᐊᐅᑯᓐᒡ ᐅᒡ ᓇᔅᒡ ᑕᑈ ᐱᒋᔎᐅᐃᑯᒡ ᑕᓐ ᐊ ᐃᓯ ‍ ᐛᐸᑕᒡ ᐛᐸᑎᔨᐛᐅᓇ᙮ ᓇᒪ ᒪᒃ ᐊᐱᑕᔨᑕᑯᓂᔪᐤ ᐊᓂᔭ ᑕᓐ ᐊ ᐃᓯ ‍ ᐊᔨᒧᑕᒡ, ᐛᔅ ᒥᒄ ᐊ ᐃᓯ ‍ ᒪᒥᑐᓇᔨᑕᑭᓄᔨᒋ ᐅᑕ ᐊᔅᒋᒡ ᐊᐅᑯᓐ ᐱᓯᒄ ᐊ ᐃᓯ ‍ ᒪᒥᑐᓇᔨᑕᒡ᙮
\v 19 ᓇᒪ ᐊᑯ ᐊᐱᑕᔨᒪᐅᒡ ᙭ᑕ, ᐊᓂᔭᔪᐛ ᓇᑲᓂᔅᑯᐛᔨᒋ ᒥᓯᐛ ᐅᒪᒧᐊᔭᒥᐊᐛ᙮ ᙭ ᒥᔅᑯᐊᐤ ᐅᒪᒧᐊᔭᒥᐊᐛ ᑭᔭ ᐊᓂᔭ ᒥᓯᐛ ᐊ ‍ ᐊᐱᒋᐊᑦ ᒐᒋ ᒪᒧᐤ ᐎᒐᐅᑐᔨᒋ, ᐊᔭᔅᒃ ᐊᑎ ᒥᒐᑎᔨᐛ, ᒋᓴᒪᓂᑐᐛ ᐊ ‍ ᐃᑐᑕᑯᔨᒋ ᒐᒋ ᐊᑎ ‍ ᒥᒐᑎᔨᒋ᙮
\s1 ᐊ ᐎᒋ ‍ ᓂᐱᒪᑭᓄᐅᑦ ᙭ ᑭᔭ ᐊ ᐎᒋ ‍ ᐱᒪᑎᓯᒪᑭᓄᐅᑦ
\p
\v 20 ᙭ ᑲ ‍ ᓂᐱᑦ ᒧᔭᒻ ᑭᔭ ᒋᔨᐛᐤ ᐊᒋ ‍ ᓂᐱᔭᒄ ᐃᓯᓇᑯᓐ᙮ ᓇᒪ ᒪᒃ ᐊᑯ ᒋᑎᐸᔨᒥᑯᐛᐅᒡ ᐊᓐᒡ ᐊᒐᐧᑯᒡ ᑲ ‍ ᐛᐎᓱᐛᒡ ᑕᓐ ᒐ ᐃᓯ ‍ ᐱᒪᑎᓯᓇᓄᐎᒡ ᐅᑕ ᐊᔅᒋᒡ᙮ ᒐᒂᓐ ᒪᒃ ᐛᒋ ᐃᓯ ‍ ᐱᒪᑎᓯᔭᒄ ᒧᔭᒻ ᐊᔅᒄ ᐊ ‍ ᑎᐸᔨᒥᑯᔭᒄ ᐅ ᐊᔅᒋᔾ᙮
\v 21 ᒐᒂᓐ ᐛᒋ ‍ ᓇᔅᒡ ᐊᐱᓯᑎᒪᒄ ᐊᔅᒋᔪᐤ ᐎᓱᐛᐅᓇ ᐊᓂᔭᔪᐛ ᑲ ‍ ᐎᓱᒥᑯᔭᒄ ᒐᒄ ᒥᒋᒻ ᒐ ᐊᑲ ᒋ ᑯᒋᔅᑎᒪᒄ ᑭᔭ ᒐᒄ ᒥᒋᒻ ᐊᑲ ᐛᐛᒡ ᒐᒋ ᑕᒋᓂᒪᒄ᙮
\v 22 ᔅᒋ ‍ ᒥᔨᑯᓇᐛᐤ ᒥᒋᒻ ᒐᒋ ᒥᒋᓇᓄᐅᒡ᙮ ᓇᒪ ᒪᒃ ᓇᐅᔅ ᒥᔽᐤ ᒥᒋᒻ᙮ ᒥᓯᐛ ᐅᔭ ᒋᑕᐊᒪᒐᐅᓇ ᓇᐸᐤ ᐅᔭ ᑲ ᐃᓯ ‍ ᒋᑕᐊᒪᒐᑦ ᑭᔭ ᐊᐅᑯᓐ ᐊ ᐃᓯ ‍ ᒋᔅᑯᑎᒪᒐᑦ᙮
\v 23 ᒧᔭᒻ ᒋᐸ ‍ ᑭᒐᑕᐛᔨᑕᑯᓇ ᐊᐅᑯᓐ ᐊ ‍ ᐃᑕᔨᑕᒂᒋ ᐅᔭ ᒋᔅᑯᑎᒪᒐᐅᓇ᙮ ᐊᑯᑕ ᐊᓐᑕ ᐛᑎᒪᑯᔭᒄ ᑕᓐ ᒋᐸ ‍ ᐃᑎᓇᐛᐤ ᐊ ‍ ᐊᔭᒥᐊᔅᑐᒄ ᐊᐛᓐ᙮ ᑭᔭ ᒋ ‍ ᐎᑎᒪᑯᓇᐛᐤ ᑕᓐ ᒐ ‍ ᐃᑎᔭᒄ ᒐᒋ ᐃᑕᔨᒥᑕᑯᒡ ᐊᐛᓐᒋ ᐊ ‍ ᑎᐱᑕᔨᒥᓱᔭᒄ᙮ ᑭᔭ ᒋ ‍ ᐎᑎᒪᑯᓇᐛᐤ ᒐ ᐊᑲ ᒋ ᒥᓇᒋᑕᔭᒄ ᒋᔪᐛᐛ᙮ ᒥᒄ ᒪᒃ ᓇᒪ ᓇᔅᒡ ᒋ ‍ ᐎᒋᐃᑯᓇᐛᐤ ᐅᔭ ᒋᔅᑯᑎᒪᒐᐅᓇ ᒐᒋ ᓇᑲᐅᑯᔭᒄ ᐊ ᐎ ‍ ᒥᒋᑐᑎᒪᒄ᙮
\c 3
\s2 Colossians 3.1-11 (Proper-13 Year C)
\p
\v 1 ᒋ ‍ ᒋᔅᒐᔨᑕᓇᐛᐤ ᑲ ‍ ᐅᓂᔅᑲᓇᑦ ᒋᓴᒪᓂᑐᐤ ᙭ᑕ ᓂᐳᐅᓂᒡ ᐅᒡ ᒧᔭᒻ ᑭᔭ ᒋᔨᐛᐤ ᐊᒋ ‍ ᐅᓂᔅᑲᓂᑯᐅᔭᒄ ᐊᐅᑯᓐ ᐊ ‍ ᐃᓯᓇᒂᒡ᙮ ᐊᑯ ᒪᒃ ᒧᔅ ᒋᐸ ‍ ᓇᓂᑐᐛᔨᑕᓇᐛᐤ ᐊᓂᔭᔪᐛ ᒐᒂᔪᐛ ᐃᔅᐱᒥᒡ ᐊ ‍ ᑎᒂᒋ, ᐊᓐᑕ ᐊ ‍ ᐊᐱᑦ ᙭ ᒋᓴᒪᓂᑐᐛ ᐅᒥᔪᓂᔨᒡ᙮
\v 2 ᒧᔅ ᒪᒥᑐᓇᔨᑎᒥᐃᑯᒄ ᐊᓂᔭ ᒐᒂᔪᐛ ᐃᔅᐱᒥᒡ ᐊ ‍ ᑎᒂᒋ ᓇᒪ ᐎ ᐊᓂᔭᔪᐛ ᒐᒂᔪᐛ ᐅᑕ ᐊᔅᒋᒡ ᐊ ‍ ᑎᒂᒋ᙮
\v 3 ᐛᔅ ᑕᐸ ᐊᑯ ᑎᑯᓐ ᐊᓂᔭ ᑲᒋ ᐃᓯ ‍ ᐱᒪᑎᓯᔭᒄ᙮ ᑲᒋᔅᑕᐛ ᒋᒋᐛ ᒋᐱᒪᑎᓯᐅᓄᐛᐛ ᐊᓐᑕ ᒋᓴᒪᓂᑐᐤ ᐊ ‍ ᑕᑦ ᐊ ‍ ᐎᒐᐛᒄ ᙭᙮
\v 4 ᙭ ᐊ ‍ ᐎᒐᐛᒄ ᒋᒋᐛ ᐱᒪᑎᓯᐅᓐ ᒋ ‍ ᑭᓄᐛᔨᑕᓇᐛᐤ᙮ ᑲᐤ ᒪᒃ ᑎᑯᓯᒐ ᐅᑕ ᐊᔅᒋᒡ ᐊᑯᑕ ᑭᔭ ᒋᔨᐛᐤ ᒐ ‍ ᐊᓯᒡ ᓄᑯᐃᑯᐅᔭᒄ ᑭᔭ ᒐ ‍ ᐊᓯᒡ ᒋᔅᑕᔨᑕᑯᐃᑯᐅᔭᒄ ᒋᔅᑕᔨᑕᑯᐊᑭᓄᐅᒐ᙮
\s1 ᐛᔅᑭᒡ ᐱᒪᑎᓯᐅᓐ ᑭᔭ ᐊᓐ ᑲ ‍ ᐅᔅᑲᒡ
\p
\v 5 ᓂᓱᐅᓇᒋᑕᒄ ᒥᒐᑎᓯᐅᓐ ᑕᓐ ᐊ ᐃᓯ ‍ ᑎᒂᒡ ᒋᐱᒪᑎᓯᐅᓄᐛᒡ᙮ ᓂᓱᐅᓇᒋᑕᒄ ᐎᓂᓱᐤ ᐱᒪᑎᓯᐅᓐ, ᐎᓂᓱᐤ ᒪᒥᑐᓇᔨᑎᒧᐅᓐ, ᒥᒋ ‍ ᓂᑐᐛᔨᑎᒧᐅᓐ, ᑭᔭ ᐊᓐ ᐊ ‍ ᒧᔅᑕᓇᔨᑎᒪᒄ ᒐᒋ ᐛᔪᐅᒡ ᐊᔭᔭᒄ ᒐᒂᓐ ᐅᑕ ᐊᔅᒋᒡ᙮ ᐊᓐ ᐊᐛᓐ ᒧᔅ ᑲ ‍ ᒧᔅᑕᓇᔨᑕᐧᒃ ᒐᒋ ᐛᔪᐅᒡ ᐊᔭᑦ ᒐᒂᔪᐛ ᒧᔭᒻ ᐊ ‍ ᐅᒥᓂᑐᐧᑲᓂᒥᑦ ᐊᓂᔭ ᒐᒂᔪᐛ ᐃᓯᓇᑯᓂᔪᐤ᙮
\v 6 ᐅᔭ ᐊ ᐃᓯ ‍ ᐱᒪᑎᓯᒡ ᐊᐛᓐᒋ ᓇᔅᒡ ᑕᑈ ᒋᔄᐊᐅᒡ ᒋᓴᒪᓂᑐᐛ᙮ ᒋᑭ ‍ ᐛᐛᓯᐃᑯᐅᒡ ᒪᒃ᙮
\v 7 ᐊᐅᑯᓐ ᒪᒃ ᑲ ᐃᓯ ‍ ᐱᒪᑎᓯᔭᒄ ᐊᓐᑕ ᐅᑕᒡ ᐊᔅᒄ ᐊᒋ ‍ ᑎᐸᔨᒥᑯᔭᒄ ᒥᒋ ‍ ᒧᔅᑕᓇᔨᑎᒧᐅᓐ᙮
\v 8 ᐊᑯ ᒪᒃ ᐊᓄᒡ ᒋᐸ ‍ ᐛᐱᓇᓇᐛᐤ ᐅ ᐃᑕᑎᓯᐅᓐ᙮ ᐳᓂᒄ ᐊ ‍ ᒋᔄᓯᔭᒄ ᑭᔭ ᐊᑯᓐ ᐃᔅᐱᔅ ᐊᐧᑯᔪᐛᓯᒄ ᑭᔭ ᐊᑯᓐ ᐃᔅᐱᔅ ᒪᔭᑎᓯᒄ᙮ ᐊᑯᓐ ᐊᑯ ᐃᔅᐱᔅ ᐸᔅᑕᒧᒄ ᑭᔭ ᐳᓂᒄ ᐊ ‍ ᒥᒋᐃᔨᒥᔭᒄ᙮
\v 9 ᐊᑲᐎᔾ ᒋᑭ ᐅᒋ ‍ ᑭᑭᒋᔭᒥᑐᓇᐛᐤ ᐛᔅ ᔅᒋ ‍ ᐛᐱᓇᓇᐛᐤ ᐛᔅᑭᒡ ᑲ ‍ ᐃᑕᑎᓯᔭᒄ ᑭᔭ ᑕᓐ ᑲᒋ ‍ ᐃᑎᔭᒄ,
\v 10 ᑭᔭ ᓇᔅᒡ ᐃᔭᒡ ᐊᑯ ᒋ ᐊᑎ ᐃᓯ ‍ ᐱᒪᑎᓯᓇᐛᐤ᙮ ᐊᔭᔅᒃ ᐊᑎ ᐅᔅᒋᓇᑯᓇ ᒋᒥᑐᓇᔨᒋᑭᓄᐛᐛ ᒐᒋ ᓂᔅᐱᑐᐛᒄ ᒋᓴᒪᓂᑐᐤ ᐊᓐ ᑲ ‍ ᐅᓯᐃᑕᒄ᙮
\v 11 ᐊᑯ ᒪᒃ ᓇᒪ ᐊᐱᑕᔨᑕᑯᓐ ᑕᓐ ᐊ ‍ ᐃᑎᔅᑲᓇᓯᑦ ᐊᐛᓐ, ᒍᐤ ᐃᑎᔅᑲᓇᓯᒂ ᑭᔭ ᒪᒃ ᐊᑲ ᒍᐤ ᐃᑎᔅᑲᓇᓯᒂ᙮ ᑭᔭ ᓇᒪ ᐊᐱᑕᔨᑕᑯᓂᔪᐤ ᑕᓐᑕ ᐛᒋᑦ ᐊᐛᓐ, ᑕᓐ ᑲ ᐃᓯ ‍ ᒋᔅᑯᑎᒧᐛᑭᓄᐅᑦ ᑭᔭ ᑕᓐ ᐊ ᐃᓯ ‍ ᑭᓄᐛᐱᒥᑯᑦ ᐊᐛᔪᐛ᙮ ᓇᒪ ᐊᐱᑎᓇ ᐅᔭ᙮ ᙭ᑕ ᐊ ‍ ᐊᔭᐛᑦ ᐊᐛᓐ ᐅᐱᒪᑎᓯᐅᓂᒡ ᐊᐅᒄ ᒋᒋᐛ ᐊ ‍ ᐃᑕᔨᑕᒂᒡ᙮ ᒥᓯᐛ ᐊᐛᔪᐛ ᐊ ‍ ᐃᓯᓇᑯᓯᔨᒋ ᐱᒋᔅᑯᐛᐤ᙮
\s2 Colossians 3.12-17 (Christmas-1 Year C)
\p
\v 12 ᒋᔨᐛᐤ ᒋᓴᒪᓂᑐᐤ ᑲ ‍ ᐅᑎᓂᑕᒄ ᑲ ‍ ᐸᔭᒋᓯᔨᒋ ᐅᑦ ᐃᔨᒪ ᑭᔭ ᑲ ‍ ᓴᒋᐊᑦ, ᒋᓴᐛᑎᓯᒄ, ᒋᔅᑎᒪᒐᔨᒪᐧᑯᒡ ᐊᐛᓐᒋ, ᑎᐱᑕᔨᒥᓱᒄ, ᔪᔅᐸᑎᓯᒄ ᑭᔭ ᓯᐱᔨᐛᓯᒄ᙮
\v 13 ᓯᐱᔨᐛᓯᔅᑕᑐᒄ᙮ ᐛᐸᔨᑎᒪᑐᒄ ᑕᑥᐤ ᐊ ‍ ᐅᓂᑐᑕᑐᔭᒄ᙮ ᒋ ‍ ᓂᑐᐛᔨᑕᑯᓯᓇᐛᐤ ᒐᒋ ᐛᐸᔨᑎᒪᑐᔭᒄ ᒧᔭᒻ ᐅᑎᐸᔨᒋᒐᐤ ᑲ ᐃᓯ ‍ ᐛᐸᔨᑎᒪᑕᒄ᙮
\v 14 ᒪᐅ ᓇᔅᒡ ᒋᒋᐛ ᐊ ‍ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᒄ᙮ ᓴᒋᐃᑐᔭᒂ ᒥᓯᐛ ᒋᑭ ᒥᔪ ‍ ᐎᒐᐅᑐᓇᐛᐤ᙮
\v 15 ᐱᔅᑎᓂᒧᒄ ᐊᓐ ᒋᔭᒪᔨᑎᒧᐅᓐ ᙭ ᑲ ‍ ᒥᔨᑕᒄ ᒐᒋ ᐃᑐᑕᑯᔭᒄ ᒐᒋ ᐎᔭᔨᑎᒪᒄ ᑕᓐ ᒋᐸ ᐊᑎ ‍ ᐃᑎᓇᐛᐤ᙮ ᐛᔅ ᒋᓴᒪᓂᑐᐤ ᒪᒧᐤ ᔅᒋ ‍ ᐎᔭᔨᒥᑯᐛᐤ ᐸᐃᒄ ᒥᔪᐤ ᒐᒋ ᐃᓯᓇᑯᓯᔭᒄ ᒋᔭᒪᔨᑎᒧᐅᓂᒡ ᐊ ᐃᓯ ‍ ᐱᒪᑎᓯᔭᒄ᙮ ᓂᓇᔅᑯᒪᐧᒄ ᒪᒃ ᒋᓴᒪᓂᑐᐤ᙮
\v 16 ᒧᔅ ᒪᒥᑐᓇᔨᑎᒥᐃᑯᐛᒄ ᒥᓯᐛ ᑲ ᐃᓯ ‍ ᐊᔨᒧᑎᒪᑕᒄ ᙭, ᒋᑕᐃᐛᒡ ᐊ ‍ ᑭᓄᐛᔨᑎᒺᒄ᙮ ᓱᒃ ᐎ ᑭᒐᑕᐛᔨᑎᒧᒄ ᐊ ‍ ᒋᔅᑯᑎᒪᑐᔭᒄ ᑭᔭ ᐊ ‍ ᑭᒐᔅᒋᒥᑐᔭᒄ᙮ ᒋᑕᐃᐛᒡ ᐅᒡ ᓂᑭᒧᔅᑐᐛᐧᒄ ᒋᓴᒪᓂᑐᐤ᙮ ᓂᓇᔅᑯᒪᐧᒄ ᐊ ‍ ᓂᑭᒧᔅᑐᐛᒄ ᐊᔭᒥᐊᐅ ᓂᑭᒧᐅᓇ, ᑎᐱᑦ ᐅᓂᑭᒧᐅᓇ ᑭᔭ ᑕᓐ ᐊ ᐃᓯ ‍ ᒥᔨᑕᒄ ᑲ ‍ ᐸᔭᒋᓯᑦ ᐊᒐᐧᒄ ᓂᑭᒧᐅᓇ᙮
\v 17 ᒥᓯᐛ ᒐᒂᓐ ᐊ ‍ ᐃᑐᑎᒪᒄ ᑭᔭ ᑕᓐ ᐊ ‍ ᐃᔅᒋᔄᔭᒄ, ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓂᒡ ᒋᐸ ᐃᓯ ‍ ᐃᑐᑕᓇᐛᐤ ᐊ ‍ ᓂᓇᔅᑯᒪᒄ ᒋᓴᒪᓂᑐᐤ ᒍᑕᐎᓄᐤ ᐎᔾ ᒋᓴᓴ ᐅᒡ᙮
\s1 ᑕᓐ ᒋᐸ ᐃᓯ ‍ ᐱᒪᑎᓯᐅᒡ ᐸᐃᒄ ᐅᑕᓇᐤ ᐊᐛᓐᒋ ᑭᔭ ᑲ ‍ ᐊᑐᔅᒐᒡ
\p
\v 18 ᒋᔨᐛᐤ ᐃᔎᑐᒄ ᑲ ‍ ᓂᐳᐅᔭᒄ ᓂᓇᐃᑐᐛᐧᑯᒡ ᒋᓇᐸᒧᐛᐅᒡ᙮ ᐊᐅᒄ ᐅ ᒋᐸ ‍ ᐃᑎᓇᐛᐤ ᐊ ‍ ᓇᓴᐛᒄ ᐅᑎᐸᔨᒋᒐᐤ᙮
\p
\v 19 ᒋᔨᐛᐤ ᑭᔭ ᓇᐸᑐᒄ ᑲ ‍ ᓂᐳᐅᔭᒄ ᓴᒋᐊᐧᑯᒡ ᒋᐅᐛᐅᒡ᙮ ᐊᑲᐎᔾ ᒥᒋᑐᑐᐛᐧᑯᒡ᙮
\p
\v 20 ᐊᐛᓯᑐᒄ, ᒧᔅ ᒋᐸ ‍ ᓂᓇᐃᑐᐛᐛᐅᒡ ᒋᓂᒋᐃᑯᐛᐅᒡ ᑕᓐ ᐊ ‍ ᐃᑎᑕᑯᒡ᙮ ᒋᑭ ‍ ᓂᓇᐊᔨᑎᒥᐊᐛᐤ ᐅᑎᐸᔨᒋᒐᐤ ᐅ ᑎᔭᒂ᙮
\p
\v 21 ᒋᔨᐛᐤ ᐅᑕᐎᒪᑐᒄ, ᐊᑲᐎᔾ ᒋᔄᐊᐧᑯᒡ ᒋᑦ ᐊᐛᓯᒧᐛᐅᒡ᙮ ᐛᔅ ᒐᒃ ᒋᑭ ‍ ᓂᑕᔨᑎᒧᒡ ᐅᔭ ᐃᑐᑐᐛᒂᐛ᙮
\p
\v 22 ᒋᔨᐛᐤ ᐊᐱᒋᐊᑭᓂᑐᒄ ᒧᔅ ᓂᓇᐃᑐᐛᐧᑯᒡ ᒋᐅᒋᒪᒧᐛᐅᒡ ᑕᓐ ᐊ ‍ ᐃᑎᑕᑯᒡ᙮ ᐊᑲᐎᔾ ᒥᒄ ᐊ ‍ ᓂᓇᑭᑐᐛᔨᒥᑕᑯᒡ ᒋᑭ ᐅᒋ ‍ ᓂᓇᐃᑐᐛᐛᐅᒡ ᐊ ᐎ ‍ ᓂᓇᐊᔨᑎᒥᐊᑯᒡ᙮ ᒥᒄ ᐊ ‍ ᐃᑎᔭᒄ ᒋᐸ ᒥᔪ ‍ ᐊᑐᔅᑯᐛᐛᐅᒡ ᐊ ‍ ᒋᔅᑕᔨᒪᒄ ᐅᑎᐸᔨᒋᒐᐤ᙮
\v 23 ᒥᒄ ᒋᐸ ‍ ᐊᑐᔅᒐᔅᑕᓇᐛᐤ ᒐᒂᓐ ᐊ ‍ ᐊᑐᔅᒐᔅᑎᒪᒄ, ᒧᔭᒻ ᐅᑎᐸᔨᒋᒐᐤ ᐊ ‍ ᐊᑐᔅᑯᐛᒄ ᒋᐸ ‍ ᐃᑎᓇᐛᐤ, ᓇᒪ ᒥᒄ ᓇᐸᐤ ᐊ ‍ ᐊᑐᔅᑯᐛᒄ᙮
\v 24 ᐛᔅ ᐅᑎᐸᔨᒋᒐᐤ ᙭ ᐊᐅᒄ ᒋᒋᐛ ᒋᐅᒋᒪᒧᐛᐤ᙮ ᒋᔅᒋᓯᒄ ᒪᒃ ᐅᑎᐸᔨᒋᒐᐤ ᒐ ‍ ᒥᔨᑕᒄ ᑎᐸᐊᒪᑯᓯᐅᓂᔪᐤ ᐊᓂᔭ ᑲᓄᐛᔨᑕᐧᒃ ᒐᔅᑎᓇᔅ ᒐ ‍ ᒥᔭᑦ ᐊᓂᔭ ᑲ ‍ ᐊᑐᔅᑲᑯᑦ᙮
\v 25 ᐊᓐ ᐊᐛᓐ ᐊᑲ ᒪᒧᔭᒻ ᐃᑎᑦ ᒋᑭ ‍ ᑎᑯᓂᔪᐤ ᑕᓐ ᒐ ᐃᓯ ‍ ᑎᐸᐊᒧᐛᑭᓄᐅᑦ᙮ ᐛᔅ ᒥᓯᐛ ᐊᐛᓐ ᒋᑭ ‍ ᐛᐛᓯᐊᑭᓄᐤ ᑕᓐ ᐊ ᐃᓯ ‍ ᓂᑐᐛᔨᑕᑯᓂᔨᒡ ᒐᒋ ᐃᓯ ‍ ᐛᐛᓯᐊᑭᓄᐅᑦ᙮
\c 4
\p
\v 1 ᒋᔨᐛᐤ ᑲ ‍ ᐅᒋᒪᐎᔭᒄ ᒥᓯᐛ ᑕᐱᑐᐤ ᐃᓯ ᑭᓄᐛᐱᒪᐧᑯᒡ ᒋᑦ ᐊᐱᒋᐊᑭᓄᐛᐅᒡ ᑕᓐ ᐊ ‍ ᐃᑐᑐᐛᑯᒡ ᑭᔭ ᑯᐃᔅᒄ ᐃᑐᑐᐛᐧᑯᒡ᙮ ᒋᔅᒋᓯᒄ ᑭᔭ ᒋᔨᐛᐤ ᐊ ‍ ᑕᑦ ᐊᐛᓐ ᒋᒋᒋᓯᑯᒡ ᐛᒋᒪᒥᔭᒄ᙮
\s1 ᒋᔅᑯᑎᒪᒐᐅᓇ
\p
\v 2 ᒧᓯᓇᐤ ᐊᔭᒥᐊᒄ᙮ ᐊ ‍ ᐊᔭᒥᐊᔭᒄ ᒪᒃ ᓱᒃ ᐎ ᐱᔭᑭᔅᒐᔨᑎᒧᒄ ᑭᔭ ᓂᓇᔅᑯᒪᐧᒄ ᒋᓴᒪᓂᑐᐤ᙮
\v 3 ᑭᔭ ᓂᔭᓐ ᐊᔭᒥᐊᔅᑎᒧᐅᓇᓐ ᒋᓴᒪᓂᑐᐤ ᒐᒋ ᑕᐅᐱᔨᑐᔨᒥᑦ ᒐᒋ ᐛᐎᑎᒪᒡ ᒥᔽᒋᒧᐅᓐ ᐊᓐᑕ ᐃᔭᔨᒧᒪᑭᓄᐅᑦ ᙭, ᐊᓐ ᐊᑲ ᐅᒋ ᒋᔅᒐᔨᒪᑭᓄᐅᑦ ᐊᓐᑕ ᐅᑕᒡ᙮ ᐊᐅᒄ ᐊᓐ ᐛᒋ ‍ ᒋᐸᐅᑯᐅᔭᓐ ᐊᓄᒡ, ᐅ ᐊᒋ ᐃᓯ ‍ ᐛᐎᑎᒪᓐ᙮
\v 4 ᐊᔭᒥᐊᔅᑎᒧᐅᒄ ᒐᒋ ᐱᔭᑭᔅᒋᑕᑯᓯᔭᓐ ᐊ ‍ ᐛᐎᑎᒪᓐ ᒥᔽᒋᒧᐅᓐ ᐛᔅ ᐊᐅᑯᓐ ᓂᐸ ‍ ᐃᑎᓐ᙮
\v 5 ᓱᒃ ᐎ ᑭᒐᑕᐛᔨᑎᒧᒄ ᑕᓐ ᐊ ᐃᓯ ‍ ᐱᒪᑎᓯᔭᒄ ᒪᒂᒡ ᐊᓐᑕ ᐊᓐᒡ ᐊᑲ ᑕᑈᑕᒡ ᐊ ‍ ᐱᒪᑎᓯᔭᒄ᙮ ᒧᔅ ᐅᑎᓂᒪᓱᒄ ᑕᓐᑕ ᑎᔭᐅᐱᔨᒡ ᒪᓐ ᒐᒋ ᐃᔨᒪᐊᑯᒡ ᐊᓐᒡ ᐊᑲ ᑕᑈᑕᒡ᙮
\v 6 ᒧᔅ ᒋᐸ ‍ ᒥᔪᑕᑯᓯᓇᐛᐤ ᑭᔭ ᒋᐸ ‍ ᐃᑈᐧᑲᑕᑯᓯᓇᐛᐤ ᐊ ‍ ᐃᔨᒥᔭᒄ ᑭᔭ ᒐ ‍ ᒋᔅᒐᔨᑎᒪᒄ ᑕᓐ ᒐ ᐃᓯ ‍ ᐎᑎᒧᐛᐧᒄ ᐊᐛᓐ ᐊ ᐎ ‍ ᓇᓂᑐ ‍ ᑭᒐᔅᒐᔨᑕᐧᒄ ᑕᓐ ᐊ ᐃᓯ ‍ ᑕᑈᑎᒪᒄ᙮
\s1 ᒪᔅᑕᔾ ᐊ ‍ ᐃᑎᓯᓇᐊᒧᐛᑦ ᑈᓪ ᐊᓂᔭᔪᐛ ᑲ ‍ ᒥᓯᓇᐊᒧᐛᑦ
\p
\v 7 ᒋᐧᑲᓂᓯᓄᐤ ᑕᐃᑭᑲᔅ ᓇᔅᒡ ᑲ ‍ ᓴᒋᒋᒡ ᑭᔭ ᒧᔅ ᑯᐃᔅᒄ ᑲ ‍ ᐃᑎᑦ ᐊᔭᒥᐊᐤ ᐊᐱᒋᐊᑭᓐ ᓂ ᐎᒋ ‍ ᐊᑐᔅᒐᒥᑯᓇᓐ ᐊ ‍ ᐊᑐᔅᒐᔅᑐᐅᒥᒋᒋ ᐅᑎᐸᔨᒋᒐᐛ᙮ ᐎᔾ ᒋᑭ ‍ ᑎᐸᒋᒧᔅᑕᑯᐛᐤ ᑕᓐ ᐊ ‍ ᐃᑐᐅᒋᒡ᙮
\v 8 ᐊᐅᒄ ᐛᒋ ‍ ᐃᑎᓴᐅᒃ ᒐᒋ ᐎᑎᒪᑕᒄ ᑕᓐ ᐊ ‍ ᐃᑐᐅᒋᒡ ᐊᓐᑕ ᒐ ᐊᑲ ᐅᒋ ‍ ᓂᑕᔨᑎᒪᒄ ᐊ ‍ ᒪᒥᑐᓇᔨᒥᔭᒡ᙮
\v 9 ᐅᓂᓯᒪᔅ ᑲ ‍ ᐃᓯᓂᐧᑲᓱᔨᒋ ᒋᑭ ‍ ᐎᒐᐅᑯᐤ᙮ ᐊᐅᒄ ᒋᐧᑲᓂᓯᓄᐤ ᑯᐃᔅᒄ ᑲ ‍ ᐃᑎᑦ ᑭᔭ ᑲ ‍ ᓴᒋᐃᔨᒋᒡ ᐊᓐᑕ ᐊ ‍ ᑕᐛᒄ ᑲ ‍ ᐅᒋᑦ᙮ ᒥᓯᐛ ᒋᑭ ‍ ᐎᑎᒪᑯᐛᐅᒡ ᑕᓐ ᐊ ‍ ᐃᑎᓇᓄᐎᒡ ᐅᑕ᙮
\p
\v 10 ᐊᕆᔅᑕᕐᑲᔅ ᑭᔭ ᐎᔾ ᒋᐸᐛᑭᓄᐤ ᐅᑕ ᑲ ‍ ᒋᐸᐅᑯᐅᒡ᙮ ᒋ ‍ ᐛᒋᔭᒥᑯᐛᐤ ᑭᔭ ᐎᔾ᙮ ᑭᔭ ᒪᕐᒃ ᒋ ‍ ᐛᒋᔭᒥᑯᐛᐤ᙮ ᐸᕐᓇᐸᔅ ᐅᔭ ᐎᐧᑲᓂᓴ᙮ ᓴᔅ ᔅᒋ ‍ ᐎᑎᒪᑯᓇᐛᐤ ᒐ ‍ ᒥᔪᐧᑯᐛᒄ ᒪᕐᒃ ᐅᑎᑎᑕᒂ᙮
\v 11 ᒐᓱᐛ ᑭᔭ ᐎᔾ ᒋ ‍ ᐛᒋᔭᒥᑯᐛᐤ᙮ ᒐᔅᑕᔅ ᐛᔅ ᐊᓐ ᐊᔪᐤ ᐅ ᐃᓯᓂᐧᑲᑕᑭᓄᐤ᙮ ᐅᒡ ᐊ ‍ ᓂᔅᑎᒡ ᐊᐅᑯᓐᒡ ᒥᒄ ᐅᒡ ᒍᐤ ᐃᔪᒡ ᐊ ‍ ᑕᑈᑕᒡ ᐛᒋ ‍ ᐊᑐᔅᒐᒥᒡ ᒋᓴᒪᓂᑐᐛ ᐊ ‍ ᐊᑐᔅᑯᐅᒥᒋ᙮ ᒥᔅᑎ ᓂᒋ ᐸᒋ ‍ ᒥᔽᔨᒧᐃᑯᒡ᙮
\p
\v 12 ᒥᓐ ᑯᑎᒃ ᐊᐛᓐ ᐊ ‍ ᑕᔭᒄ ᐊ ‍ ᐅᒋᑦ ᒋ ‍ ᐛᒋᔭᒥᑯᐛᐤ ᐊᐅᒄ ᐅ ᐊᐸᑉᕋᔅ᙮ ᑭᔭ ᐎᔾ ᐊᑐᔅᑯᐛᐤ ᙭ ᒋᓴᓴ᙮ ᒧᔅ ᓱᒃ ᒋᑦ ᐊᔭᒥᐊᔅᑎᒪᑯᐛᐤ ᐊ ‍ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑕᑯ ᓇᔅᒡ ᐊ ‍ ᓂᓇᐃᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒧᔭᒻ ᐊ ‍ ᐃᑎᒡ ᐊᓐᒡ ᑲᒋ ᐃᓯ ‍ ᓂᑕᐅᒋᒡ ᑭᔭ ᓇᔅᒡ ᑲ ‍ ᑕᑈᔭᔨᒪᒡ ᒋᓴᓴ᙮
\v 13 ᓂᔾ ᑎᐱᔨᐛ ᓂᑭ ᒋ ‍ ᑎᐸᒋᒧᐛᓐ ᐊ ‍ ᐃᔅᐱᔅ ᒥᔅᑎ ᐊᑐᔅᒐᑦ ᒋᔨᐛᐤ ᐊ ᐎ ‍ ᐎᒋᐃᑕᒄ ᑭᔭ ᐊᓂᔭᔪᐛ ᐊᐛᔪᐛ ᓚᐅᑎᓯᔭ ᑭᔭ ᐃᕋᐳᓕᔅ ᑲ ‍ ᐃᓯᓂᐧᑲᑕᔨᒋ ᐅᑕᓇᐛ ᐊ ‍ ᑕᔨᒋ᙮
\v 14 ᓗᒃ ᓇᔅᒡ ᑲ ‍ ᓴᒋᐃᒃ ᓂᑐᐧᑯᐃᔨᔅ ᑭᔭ ᑎᒪᔅ ᒋ ‍ ᐛᒋᔭᒥᑯᐛᐅᒡ ᑭᔭ ᐎᔨᐛᐤ᙮
\p
\v 15 ᐎᑎᒧᐛᐧᑯᒡ ᐊ ‍ ᐛᒋᔭᒥᒂᐤ ᒋᐧᑲᓂᓯᓄᐅᒡ ᓚᐅᑎᓯᔭ ᑲ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊ ‍ ᑕᒡ᙮ ᓂᒻᐸ ᑭᔭ ᐛᒋᔭᒪᐧᒄ ᑭᔭ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᓂᒻᐸᔨᒋ ᐎᒋᔨᒡ ᑲ ‍ ᐊᔭᒥᐊᒡ ᒪᓐ᙮
\p
\v 16 ᐃᔅᐱ ᒋ ‍ ᐃᔨᒥᑕᔭᒂ ᐅ ᒥᓯᓇᐃᑭᓐ ᔭᐃᑕᔾ ᒐ ‍ ᐃᔨᒥᑐᐛᑯᒡ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᓐᑕ ᓚᐅᑎᓯᔭ ᑲ ‍ ᐃᓯᓂᐧᑲᑕᔨᒡ ᐊ ‍ ᑕᒡ᙮ ᔭᐃᑕᔾ ᑭᔭ ᒐ ‍ ᐃᔨᒥᑕᔭᒄ ᐊᓐ ᒥᓯᓇᐃᑭᓐ ᒐ ‍ ᐸᑥᑯᐅᔭᒄ ᐊᓐᑕ ᓚᐅᑎᓯᔭ ᐊ ‍ ᑕᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ᙮
\p
\v 17 ᑭᔭ ᒐ ‍ ᐃᑕᒄ ᐊᕐᑭᐸᔅ ᒐᒋ ᒋᔅᑕᑦ ᐊᓂᔭ ᑲ ‍ ᒥᔭᑭᓄᐅᑦ ᒐ ᐃᓯ ‍ ᐊᑐᔅᑯᐛᑦ ᐅᑎᐸᔨᒋᒐᐛ᙮
\p
\v 18 ᓂᔾ ᑎᐱᔨᐛ ᑈᓪ ᐊᐅᑯᐤ ᒪᓯᓇᐃᒐᔭᓐ ᐅ ᐊ ‍ ᐛᒋᔭᒥᑎᑯᒡ᙮ ᐊᑲᐎᔾ ᐅᓂᒋᔅᒋᓯᒄ ᑲᒪᑯᓄᐛᓯᐅᒋᐛᐱᒡ ᐊ ‍ ᑕᔭᓐ᙮ ᓂᑦ ᐊᔭᒥᐊᐤ ᒋᓴᒪᓂᑐᐤ ᒐᒋ ᒋᓴᐛᑐᑕᑕᒄ᙮
\id 1TH Adapted from ECree-S to Naskapi, 26 May 2003; Typeset export from CBS 8 May 2007
\h 1 ᑕᓴᓗᓂᔭᓇ
\toc3 1 ᑕᓴᓗᓂᔭᓇ
\toc2 1 ᑕᓴᓗᓂᔭᓇ
\toc1 ᓂᔅᑎᒻ ᑕᓴᓗᓂᔭᓇ ᑈᓪ ᓂᔅᑎᒻ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᑕᓴᓗᓇᐃᑲᒡ ᑲ ‍ ᑕᔨᒋ
\mt1 ᓂᔅᑎᒻ ᑕᓴᓗᓂᔭᓇ
\mt2 ᑈᓪ ᓂᔅᑎᒻ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᑕᓴᓗᓇᐃᑲᒡ ᑲ ‍ ᑕᔨᒋ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐊᓂᔭ ᓂᔄᐤ ᑲ ‍ ᔅᑐᑕᑦ ᑈᓪ ᐊ ‍ ᐱᐸᒧᑕᑦ ᒥᔽᒋᒧᐅᓂᔪᐤ ᐊᑯᑕ ᑲ ‍ ᒋᒋᐱᔨᑕᑦ ᐊᓂᔭ ᐊᔭᒥᐊᐅᒋᐛᐱᔪᐤ ᐊᓐᑕ ᑕᓴᓗᓇᐃᑲ ᐊ ‍ ᐃᓯᓂᐧᑲᑕᔨᒡ ᐅᑕᓇᔪᐤ᙮ ᓂᔅᑐ ᒥᓇᔅᑕᑭᓇ ᓴᓯᑲᓐ ᒋ ‍ ᐃᔅᐱᔅ ᒋᔅᑯᑎᒪᒐᐤ ᐊᓐᑕ ᐅᑕᓇᒡ ᒥᒄ ᒪᒃ ᒋ ‍ ᔅᑐᑕᐤ ᐊᓐᑕ ᐅᒋ ᐛᔅ ᓇᔅᒡ ᒋ ‍ ᓱᒐᔨᒧᑕᑯᐤ ᐊᓂᔭ ᒍᐤ ᐃᔪᐛ ᐊᓐᑕ ᐊ ‍ ᑕᔨᒋ᙮ ᐊᔪᐅᒄ ᐅᔭ ᑲ ‍ ᐃᑎᓯᓇᐃᒐᑦ ᑈᓪ ᐊᓐᑕ ᐅᒋ ᑯᕆᓐᑎᒡ ᒐᒋ ᓯᒋᒪᑦ ᐊᓂᔭ ᐃᔪᐛ ᐊᓐᑕ ᑕᓴᓗᓇᐃᑲᒡ ᐊ ‍ ᑕᔨᒋ ᑭᔭ ᐊᑐᐎᔅ ᒐᒋ ᐅᒋ ‍ ᒋᔅᑯᑎᒧᐛᑦ ᑕᓐ ᒐ ᐃᓯ ‍ ᐱᒪᑎᓯᔨᒋ ᐊ ‍ ᒂᔅᑲᑎᓯᔨᒋ᙮ ᒋ ‍ ᒪᒥᒋᐃᑯᐤ ᐊᓂᔭ ᐊ ᐃᔅᐱᔅ ‍ ᓱᒋᑕᐊᔨᒋ ᑭᔭ ᐊᑲ ᓄᑎᐳᓂᔨᒋ ᐊᓂᔭ ᑕᓐ ᐊ ᐃᓯ ‍ ᑕᑈᔭᔨᑎᒥᔨᒋ ᐊᑎ ᑕᓐ ᐊᔅᐱᔅ ᓂᓇᐧᑲᑕᔨᒧᐊᑭᓄᔨᒋ᙮ ᒋ ‍ ᒋᔅᑯᑎᒧᐛᐤ ᑕᓐ ᒐ ᐃᓯ ‍ ᐱᒪᑎᓯᔨᒋ ᒐᒋ ᓂᓇᐊᔨᑎᒥᐊᔨᒋ ᒋᓴᒪᓂᑐᐛ᙮ ᑭᔭ ᒋ ‍ ᒋᔅᑯᑎᒧᐛᐤ ᑕᓐ ᒐ ‍ ᐃᑕᔨᑕᑯᓂᔨᒡ ᒥᓐ ᑎᑯᓯᓂᔨᒐᓂ ᒋᓴᓴ᙮ ᑭᔭ ᐃᔭᒂ ᒋ ᐃᓯ ‍ ᐎᑎᒧᐛᐤ ᐊᑲ ᒋᔅᒐᔨᑕᑯᓂᔨᒡ ᑕᐃᔅᐱ ᐊᓐ ᒐ ‍ ᑎᑯᓯᓂᔨᒋ ᒋᓴᓴ ᑭᔭ ᓱᒃ ᒐᒋ ᐊᑐᔅᒐᔨᒋ ᒐ ‍ ᐃᔅᐱᔅ ᐊᑲ ᑎᑯᓯᓂᔨᒋ᙮
\c 1
\s2 1 Thessalonians 1.1-10 (Proper-24 Year A)
\p
\v 1 ᓂᔭᓐ ᑈᓪ, ᓴᓂᔅ, ᑭᔭ ᑎᒧᑎ,
\m ᒋ ‍ ᒥᓯᓇᐊᒪᑎᓇᓐ ᒋᔨᐛᐤ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᓐᑕ ᑕᓴᓗᓇᐃᑲ ᐊ ‍ ᑕᔭᒄ ᒋᓴᒪᓂᑐᐤ ᐅᑕᐎᒪᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᑲ ‍ ᑎᐱᔨᐛᐅᓯᑐᑕᑕᒄ᙮
\p ᒋᑦ ᐊᔭᒥᐊᔅᑎᒪᑎᓇᓐ ᒋᓴᒪᓂᑐᐤ ᒐᒋ ᒋᒋᐛ ᒥᔪᑐᑕᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮
\s1 ᑈᓪ ᑲ ‍ ᓂᓇᔅᑯᒧᑦ ᐊᓂᔭᔪᐛ ᑲ ‍ ᑕᑈᑎᒥᔨᒋ ᐅᒋ
\p
\v 2 ᒧᔅ ᓂᓇᔅᑯᒪᓇᓐ ᒋᓴᒪᓂᑐᐤ ᒥᓯᐛ ᒋᔨᐛᐤ ᐅᒋ ᑭᔭ ᒧᔅ ᒋ ‍ ᒋᔅᒋᓯᑕᑎᓇᓐ ᑕᑥᐤ ᐊ ‍ ᐃᔨᒥᐃᒋᒡ ᒋᓴᒪᓂᑐᐤ᙮
\v 3 ᓂ ‍ ᒋᔅᒋᓯᓇᓐ ᐊ ‍ ᐃᔨᒥᐃᒋᒡ ᒋᓴᒪᓂᑐᐤ ᑕᓐ ᐊ ᐃᓯ ‍ ᒥᔪ ‍ ᐊᑐᔅᑲᑐᔭᒄ ᐊ ‍ ᑕᑈᔭᔨᒪᒄ ᐅᑎᐸᔨᒋᒐᐤ᙮ ᓂ ‍ ᒋᔅᒋᓯᓇᓐ ᑕᓐ ᐊ ᐃᓯ ᒥᔪ ‍ ᐊᐱᑎᓯᔭᒄ ᐊ ‍ ᓴᒋᐊᒄ ᒋᓴᔅ᙮ ᓂ ‍ ᒋᔅᒋᓯᓇᓐ ᑭᔭ ᑕᓐ ᐊ ᐃᓯ ‍ ᓱᒋᑲᐳᐅᔭᒄ ᐊ ‍ ᐊᔅᐸᔨᒧᑐᑐᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮
\p
\v 4 ᒋᔨᐛᐤ ᓂᐧᑲᓂᓯᑐᒄ, ᓂ ‍ ᒋᔅᒐᔨᑕᓇᓐ ᒋᓴᒪᓂᑐᐤ ᐊ ‍ ᓴᒋᐃᑕᒄ ᑭᔭ ᐊᒋ ‍ ᐅᑎᓂᑕᒄ ᐎᔾ ᒐᒋ ᐊᔭᐅᑕᒄ᙮
\v 5 ᐃᔅᐱ ᑲ ‍ ᐛᐎᑎᒪᑕᒡ ᒥᔽᒋᒧᐅᓐ ᓇᒪ ᒥᒄ ᓂ ᐅᒋ ‍ ᐃᔨᒥᓇᓐ ᒪᒃ ᐊᔪᐤ ᔅᒋ ‍ ᐛᐸᑕᓇᐛᐤ ᓱᐧᑲᑎᓯᐅᓐ ᑲ ‍ ᐸᔭᒋᓯᑦ ᐊᒐᐧᒄ ᐅᒋ᙮ ᑭᔭ ᐊᐅᒄ ᐊᓐ ᑲ ‍ ᐃᑐᑕᑕᒄ ᓇᔅᒡ ᒐᒋ ᑕᑈᑎᒪᒄ ᐊ ‍ ᑕᑈᒥᑲᒡ ᑕᓐ ᑲ ᐃᓯ ‍ ᐎᑎᒪᑕᒡ᙮ ᔅᒋ ‍ ᒋᔅᒐᔨᒥᓇᓐ ᑕᓐ ᑲ ‍ ᐃᑕᑎᓯᔭᒡ ᐊᓐᑕ ᐊ ‍ ᑕᔭᒄ ᑲ ‍ ᑕᔭᒡ ᐊᓐᑕ ᐊᒋ ᐅᒋ ᐎ ‍ ᐎᒋᐃᑕᒡ᙮
\v 6 ᑕᓐ ᑲ ᐃᓯ ‍ ᐛᐱᒥᔭᒡ ᐊ ‍ ᐃᑕᑎᓯᔭᒡ ᐊᐅᑯᓐ ᑭᔭ ᒋᔨᐛᐤ ᒂ ᐊᑎ ‍ ᐃᑕᑎᓯᔭᒄ᙮ ᐊᑯ ᒪᒃ ᐊᔪᐤ ᐅᑎᐸᔨᒋᒐᐤ ᒂ ᐊᑎ ‍ ᓂᔅᐱᑐᐛᒄ᙮ ᐊᑎ ᒪᒃ ᓇᔅᒡ ᐊᒋ ‍ ᓂᓇᐧᑲᒋᐃᑯᔭᒄ ᐃᔭᐱᒡ ᔅᒋ ‍ ᐃᑐᑕᑯᐛᐤ ᑲ ‍ ᐸᔭᒋᓯᑦ ᐊᒐᐧᒄ ᒐᒋ ᒧᒋᒐᔨᑎᒪᒄ ᐊ ‍ ᐅᑎᓂᒪᓱᔭᒄ ᒥᔽᒋᒧᐅᓐ᙮
\p
\v 7 ᐊᑯ ᒪᒃ ᑕᓐ ᑲ ᐃᓯ ‍ ᐱᒪᑎᓯᔭᒄ ᒥᓯᐛ ᐊᓐᒡ ᑲ ‍ ᑕᑈᑕᒡ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᑲ ‍ ᐅᒋᒡ ᔅᒋ ‍ ᒋᔅᒋᓄᐛᐱᒥᑯᐛᐅᒡ ᑕᓐ ᐊ ‍ ᐃᑕᑎᓯᐛᒄ᙮
\v 8 ᐊᓐ ᒪᒃ ᑲ ‍ ᐛᐎᑎᒪᒄ ᐅᑎᐸᔨᒋᒐᐤ ᐅᒥᔽᒋᒧᐅᓐ ᓇᒪ ᒥᒄ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᒋ ᐅᒋ ‍ ᐸᑕᑯᑕᓇᐛᐤ, ᒥᓯᑕ ᒋ ‍ ᐸᑕᑯᓐ ᐊ ‍ ᑕᑈᔭᔨᒪᒄ ᒋᓴᒪᓂᑐᐤ᙮ ᓇᒪ ᒪᒃ ᓂᑐᐛᔨᑕᑯᓐ ᒐᒋ ᐊᔨᒧᑎᒧᐅᒋᒡ ᐊᐛᓐᒋ ᐛᔅ ᓴᔅ ᒋᔅᒐᔨᑎᒧᒡ᙮
\v 9 ᑕᓐᑕ ᒥᒄ ᑲ ᐊᑎ ‍ ᐃᑐᑕᔭᒡ ᐊᔨᒧᑎᒧᒡ ᐊᐛᓐᒋ ᐊᒋ ‍ ᐸᑕᒡ ᑕᓐ ᑲ ᐃᓯ ‍ ᒥᔪᐧᑯᐅᔭᒡ ᒋᔨᐛᐤ ᑕᓴᓗᓇᐃᑲ ᑲ ‍ ᐅᒋᔭᒄ ᑲ ‍ ᓂᑐᐛᐱᒥᑕᒡ᙮ ᐊᔨᒧᑎᒧᒡ ᑭᔭ ᑕᓐ ᑲ ᐃᓯ ‍ ᐳᓂᐛᒄ ᐊ ‍ ᐊᔭᒥᐊᔅᑐᐛᒄ ᒥᓂᑐᐧᑲᓐ ᒐᒋ ᓂᓇᐃᑐᒪᑯ ᑭᔭ ᒐᒋ ᐊᑐᔅᑯᒪᑯ ᐊᓂᔭᔪᐛ ᑕᑈ ᒐᓴᒪᓂᑐᔨᒋ ᑭᔭ ᑕᑈ ᐸᒪᑎᓯᔨᒋ,
\v 10 ᑭᔭ ᐊ ‍ ᐊᓱᐛᐱᒪᑯ ᒋᓴᒪᓂᑐᐛ ᐅᑯᓯᔪᐛ ᒥᓐ ᑲᐤ ᒐᒋ ᑎᑯᓯᓂᔨᒋ ᒋᒋᒋᓯᑯᒡ ᐅᒋ᙮ ᐊᔪᐅᒄ ᐅᔭ ᐅᑯᓴ ᑲ ‍ ᐅᓂᔅᑲᓇᑦ ᓂᐳᐅᓂᒡ ᐅᒋ᙮ ᐊᐅᒄ ᒪᒃ ᐅ ᒋᓴᔅ ᑲ ‍ ᐱᒪᒋᐃᑕᐧᒄ ᒐ ᐊᑲ ᒋ ᐛᐛᓯᐃᑎᑕᐧᑯ ᒋᓴᒪᓂᑐᐛ ᑎᐸᔅᑯᓂᒐᐅ ᒋᓯᑲᔨᒐ᙮
\c 2
\s1 ᑕᓐ ᑲ ‍ ᐃᑕᐱᑎᓯᑦ ᑈᓪ ᒪᒂᒡ ᑕᓴᓗᓇᐃᑲᒡ ᑲ ‍ ᑕᑦ
\s2 1 Thessalonians 2.1-18 (Proper-25 Year A)
\p
\v 1 ᓂᐧᑲᓂᓯᑐᒄ, ᒋᔨᐛᐤ ᓇᓂᑎᒻ ᒋ ‍ ᒋᔅᒐᔨᑕᓇᐛᐤ ᐊᑲ ᒐᔅᑲ ᐅᒋ ᐃᑐᑕᐛᒐ ᐊᓐᑕ ᐊ ‍ ᑕᔭᒄ᙮
\v 2 ᒋ ‍ ᒋᔅᒐᔨᑕᓇᐛᐤ ᑕᓐ ᑲ ᐃᓯ ‍ ᓂᓇᐧᑲᒋᐃᑯᐅᔭᒡ ᑭᔭ ᑕᓐ ᑲ ᐃᓯ ‍ ᒪᔭᔨᒥᑯᐅᔭᒡ ᐊᓐᑕ ᐱᓕᐸᐃ ᐊ ‍ ᐃᓯᓂᐧᑲᑕᒡ ᐅᑕᓇᐤ ᐃᔅᐱ ᒐ ‍ ᑎᑯᓯᓂᔭᒡ ᐊᓐᑕ ᐊ ‍ ᑕᔭᒄ᙮ ᐃᔭᐱᒡ ᒪᒃ ᓂᒋ ‍ ᐃᑐᑕᑯᓇᓐ ᒋᓴᒪᓂᑐᐤ ᒐ ᐊᑲ ᒋ ᑯᔅᑕᒍᐎᒋᒡ ᐊ ‍ ᐛᐎᑎᒧᐅᒋᒡ ᐊᓂᔭ ᒥᔽᒋᒧᐅᓂᔪᐤ ᐎᔾ ᑲ ‍ ᒥᔨᑕᒄ ᐊᑎ ᐊᒋ ‍ ᑕᒡ ᐊᐛᓐᒋ ᐊᓐᑕ ᐊ ‍ ᑕᔭᒄ ᓱᒃ ᐊᒋ ‍ ᑯᒋᑕᒡ ᒐᒋ ᒋᐱᒋᐃᔨᒥᒡ᙮
\p
\v 3 ᐃᔅᐱ ᑲ ᐎ ‍ ᒐᔅᑎᓇᒋᒥᑕᒡ ᑕᓐ ᐊ ᐃᓯ ‍ ᑕᑈᒥᑲᒡ ᒥᔽᒋᒧᐅᓐ ᓇᒪ ᒋ ᐅᒋ ‍ ᑭᑭᒋᔭᒥᑎᓇᓐ᙮ ᓇᒪ ᓂᑎᒥᒄ ᓂ ᐅᒋ ‍ ᐃᑎᓇᓐ ᑭᔭ ᓇᒪ ᒋ ᐅᒋ ᐎ ‍ ᐎᔭᓯᐃᑎᓇᓐ ᐊᓐᑕ ᒐᒋ ᐅᒋ ‍ ᑕᑈᑎᒪᒄ ᒥᔽᒋᒧᐅᓐ᙮
\v 4 ᐃᔭᐱᒡ ᒧᔅ ᒥᒄ ᑕᓐ ᐊ ᐃᓯ ‍ ᓂᑐᐛᔨᒥᔨᒥᑦ ᒋᓴᒪᓂᑐᐤ ᒐᒋ ᐃᓯ ‍ ᐛᐎᑎᒧᒋᒡ ᐊᑯᓐ ᐊ ᐃᓯ ‍ ᐛᐎᑎᒪᒡ, ᐛᔅ ᐎᔾ ᓂᒋ ‍ ᐃᑕᔨᒥᑯᓇᓐ ᐊ ‍ ᑕᑈᐅᒐᔨᑕᑯᓯᔭᒡ ᒐᒋ ᐊᑐᔅᒐᔅᑎᒧᒋᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᐎᔭᐎᑎᒪᒡ, ᓇᒪ ᐎ ᓇᐸᐤ ᐊ ᐎ ‍ ᓇᐊᔨᑎᒥᐃᒋᒡ, ᒋᓴᒪᓂᑐᐤ ᐊᐅᒄ ᒐᒋ ᓇᐊᔨᑎᒥᐃᒋᒡ ᐛᔅ ᐎᔾ ᒋ ᓂᑐ ᒋᔅᒐᔨᒥᑯᓄᐤ ᑕᓐ ᐊ ‍ ᐃᑐᐛᐧᒄ᙮
\v 5 ᓴᒐᔾ ᔅᒋ ‍ ᐃᔨᒥᐃᑎᓇᓐ ᐊᑲ ᐅᒋ ᓂᑐᐛᔨᑎᒪᑕᒡ ᒐᒂᓐ᙮ ᒋᔨᐛᐤ ᓇᓂᑎᒻ ᒋ ‍ ᒋᔅᒐᔨᑕᓇᐛᐤ ᐅ᙮ ᒋᓴᒪᓂᑐᐤ ᒋᔅᒐᔨᑎᒻ ᐊ ‍ ᑕᑈᔭᒡ ᐅ ᑲ ‍ ᐃᔅᒋᔄᔭᒡ᙮
\v 6 ᑕᐸ ᓂ ᐅᒋ ‍ ᓇᓂᑐᐛᔨᑕᓇᓐ ᓇᔅᒡ ᒋᒋᐛ ᒐᒋ ᐃᑕᔨᒥᔭᒡ ᒪᒃ ᑯᑎᑭᒡ ᐊᐛᓐᒋ ᓇᔅᒡ ᒋᒋᐛ ᒐᒋ ᐃᑕᔨᒥᔨᒥᒡ᙮ ᐊᑎ ᐊᒋ ‍ ᑎᒂᒡ ᐊᑲ ᒐᒂᓂᒡ ᒋᐸ ᐅᒋ ‍ ᐃᓯᓇᑯᓐ ᐱᑯᓴᔨᒥᑕᒡ ᒐᒂᓐ ᐊᑈᔅᑕᓇᒡ ᐊ ‍ ᐃᑕᐱᑎᓯᔭᒡ,
\v 7 ᔅᒋ ᐎ ‍ ᒥᓇᒋᐃᑎᓇᓐ ᒧᔭᒻ ᐊ ᐃᓯ ‍ ᒥᓇᒋᐊᑦ ᐅᑲᐎᒪᐤ ᐅᑦ ᐊᐛᓯᒪ᙮
\p
\v 8 ᐊᓐ ᒪᒃ ᓇᔅᒡ ᐊ ‍ ᓴᒋᐃᑕᒡ ᓴᔅ ᓂᒋ ‍ ᐊᔭᔅᑯᐎᔨᒧᓇᓐ ᓇᒪ ᒥᒄ ᒐᒋ ᐛᐎᑎᒪᑕᒡ ᒥᔽᒋᒧᐅᓐ᙮ ᓂᒋ ‍ ᐱᔅᑕᔨᑎᒥᐃᑯᐅᓇᓐ ᑭᔭ ᓂᐱᒪᑎᓯᐅᓇᓇ ᒐᒋ ᐎᒋᐃᑕᒡ ᑲ ᐃᔅᐱᔅ ‍ ᓴᒋᐃᑕᒡ᙮
\s2 1 Thessalonians 2.9-13 (Proper-26 Year A)
\p
\v 9 ᓂᐧᑲᓂᓯᑐᒄ, ᒐᔅᑎᓇᔅ ᒋ ‍ ᒋᔅᒋᓯᓇᐛᒐ ᑕᓐ ᑲ ‍ ᐃᔅᐱᔅ ᒥᔅᑎ ᐊᑐᔅᒐᔭᒡ ᐊᓐᑕ ᐊ ‍ ᑕᔭᒄ᙮ ᓂᒋ ‍ ᐊᑐᔅᒐᓇᓐ ᐊ ‍ ᒋᓯᑲᒡ ᑭᔭ ᐊ ‍ ᑎᐱᔅᑲᒡ ᓂᔭᓐ ᒐᒋ ᐱᒥᐱᔨᐃᓱᔭᒡ ᒐ ᐊᑲ ᒋ ᑯᓯᑯᔅᑲᑯᔭᒄ ᐊ ‍ ᐃᑕᔨᑎᒪᒄ ᒐᒋ ᐸᒋ ‍ ᐱᒥᐱᔨᐃᔭᒡ ᒪᒂᒡ ᐊ ‍ ᐛᐎᑎᒪᑕᒡ ᒋᓴᒪᓂᑐᐤ ᐅᒥᔽᒋᒧᐅᓐ᙮
\p
\v 10 ᒋᓴᒪᓂᑐᐤ ᒋᔅᒐᔨᑎᒻ ᑭᔭ ᒋᔨᐛᐤ ᒋ ‍ ᒋᔅᒐᔨᑕᓇᐛᐤ ᑕᓐ ᑲ ᐃᓯ ‍ ᒋ ᐸᔭᒋ ᐱᒪᑎᓯᔭᒡ, ᑕᓐ ᑲ ᐃᓯ ᒋ ‍ ᑯᐃᔅᑯᑕᑎᓯᔭᒡ ᑭᔭ ᐊᑲ ᐅᒋ ᑎᒂᒡ ᒐᒋ ᐊᑕᒪᔨᑕᑯᓯᔭᒡ ᒐᒋ ᒥᒋᐱᒪᑎᓯᔭᒡ ᒪᒂᒡ ᐊᓐᑕ ᒋᔨᐛᐤ ᑲ ‍ ᑕᑈᑎᒪᒄ ᒥᔽᒋᒧᐅᓐ ᐊ ‍ ᑕᔭᒄ ᑲ ‍ ᑕᔭᒡ᙮
\v 11 ᒋ ‍ ᒋᔅᒐᔨᑕᓇᐛᐤ ᑕᓐ ᑲ ᐃᓯ ‍ ᐛᐎᒋᐃᑕᒡ ᒧᔭᒻ ᐅᑕᐎᒪᐤ ᐊ ᐃᓯ ‍ ᐛᐎᒋᐊᑦ ᐅᑦ ᐊᐛᓯᒪ᙮
\v 12 ᓱᒃ ᔅᒋ ‍ ᐊᓯᒋᒥᑎᓇᓐ᙮ ᔅᒋ ‍ ᒥᔽᔨᒧᐃᑎᓇᓐ ᑭᔭ ᔅᒋ ‍ ᓯᒋᒥᑎᓇᓐ ᒐᒋ ᐃᓯ ‍ ᐱᒪᑎᓯᔭᒄ ᑕᓐ ᐊ ᐃᓯ ‍ ᓇᐊᔨᑎᒥᐃᑯᑦ ᒋᓴᒪᓂᑐᐤ ᐊ ᐃᓯ ‍ ᐱᒪᑎᓯᓇᓄᐎᒡ᙮ ᐛᔅ ᐎᔾ ᒋᓴᒪᓂᑐᐤ ᒋ ‍ ᐎᓴᒥᑯᐛᐤ ᒐᒋ ᐎᒋᐃᐛᔭᒄ ᐊᓐᑕ ᑲ ‍ ᒋᔅᑕᔨᑕᑯᓂᔨᒡ ᐅᒋᓴᐅᒋᒪᐅᓂᒡ᙮
\p
\v 13 ᒪᐅ ᒥᓐ ᐛᒋ ᒧᔅ ‍ ᓂᓇᔅᑯᒥᒋᒡ ᒋᓴᒪᓂᑐᐤ᙮ ᐃᔅᐱ ᑲ ᐸᒋ ‍ ᐛᐎᑎᒪᑕᒡ ᑕᓐ ᑲ ᐃᓯ ‍ ᒥᔨᑯᔭᒡ ᒋᓴᒪᓂᑐᐤ ᒐᒋ ᐃᓯ ‍ ᐛᐎᑎᒪᒡ ᐃᔭᒂ ᔅᒋ ‍ ᓂᑐᑕᓇᐛᐤ ᑭᔭ ᔅᒋ ‍ ᑕᑈᑕᓇᐛᐤ᙮ ᓇᒪ ᐎᔾ ᓇᐸᐤ ᐅᑦ ᐃᔨᒧᐅᓐ ᒋ ᐅᒋ ‍ ᐃᑕᔨᑕᓇᐛᐤ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑕᑈ ᒪᒃ ᒋᓴᒪᓂᑐᐤ ᐅᔭ ᐅᑦ ᐃᔨᒧᐅᓐ᙮ ᑎᑯᓐ ᒪᒃ ᐊ ᐃᓯ ‍ ᐊᑐᔅᒐᒥᑲᒡ ᒋᐱᒪᑎᓯᐅᓄᐛᒡ ᐊᓐ ᑲ ᐃᓯ ‍ ᐛᐎᑎᒪᑕᒡ᙮
\p
\v 14 ᓂᐧᑲᓂᓯᑐᒄ, ᐊᐅᑯᓐ ᒧᔭᒻ ᑲ ‍ ᐃᔅᐱᔨᔭᒄ ᑕᓐ ᑲ ‍ ᐃᔅᐱᔨᒋ ᒋᓴᒪᓂᑐᐤ ᐅᑦ ᐃᔨᒪ ᐊᓐᑕ ᒍᑎᔭ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ‍ ᑕᔨᒋ, ᐊᓐᒡ ᙭ᑕ ᑲ ᐎ ‍ ᒋᔅᒋᓄᐛᐱᒪᒡ᙮ ᐊᐅᑯᓐ ᒧᔭᒻ ᑲ ᐃᓯ ‍ ᓂᓇᐧᑲᑕᔨᒧᐃᑕᑯᒡ ᑎᐱᔨᐛ ᒋᑦ ᐃᔨᒧᐛᐅᒡ ᑕᓐ ᑲ ᐃᓯ ‍ ᓂᓇᐧᑲᑕᔨᒧᐃᑯᒡ ᐅᑦ ᐃᔨᒧᐛᐛ ᑭᔭ ᐎᔨᐛᐤ ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ᙮
\v 15 ᐊᓐᒡ ᒍᐤ ᑲ ‍ ᐃᑎᔅᑲᓇᓯᒡ ᐊᐅᒄ ᐊᓐᒡ ᑲ ‍ ᓂᐸᐊᒡ ᐅᑎᐸᔨᒋᒐᐤ ᒋᓴᓴ ᑭᔭ ᐊᓂᔭᔪᐛ ᐅᒋᔅᒋᐛᐃᒐᓱᐛ᙮ ᑭᔭ ᓂᔭᓐ ᒪᒃ ᓂᒋ ‍ ᓂᓇᐧᑲᒋᐃᑯᓇᓂᒡ᙮ ᓇᔅᒡ ᑕᑈ ᓇᒪ ᓇᐊᔨᒥᑯᐅᒡ ᒋᓴᒪᓂᑐᐛ᙮ ᑭᔭ ᒥᓯᐛ ᐊᐛᔪᐛ ᐛᐧᑲᑕᐅᒡ᙮
\v 16 ᐛᐛᒡ ᓂᒋ ᐎ ‍ ᒋᐱᒋᐃᑯᓇᓂᒡ ᐊ ‍ ᐛᐎᑎᒪᒥᒋᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊᓂᔭ ᒥᔽᒋᒧᐅᓂᔪᐤ ᒐ ‍ ᐱᒪᒋᐃᑯᔨᒋ᙮ ᐊᑯᑕ ᐛᒋ ‍ ᑕᐱᐱᔨᑕᒡ ᑕᓐ ᒧᔅ ᑲ ᐃᓯ ᐸᒋ ‍ ᐅᓂᑐᑕᒡ᙮ ᐊᑯ ᒪᒃ ᐛᑎᒋᐱᔨᒡ ᒐᒋ ᒋᔄᐊᒡ ᑭᔭ ᒐᒋ ᐛᐛᓯᐃᑯᒡ ᒋᓴᒪᓂᑐᐛ᙮
\s1 ᑈᓪ ᑲ ‍ ᐎᑎᒧᐛᑦ ᐊᓂᔭᔪᐛ ᑕᓴᓗᓇᐃᑲ ᑲ ‍ ᑕᔨᒋ ᓇᔅᒡ ᒥᓐ ᐊ ᐎ ‍ ᐛᐱᒪᑦ
\p
\v 17 ᓂᔭᓐ ᒪᒃ ᐎ, ᓂᐧᑲᓂᓯᑐᒄ, ᐃᔅᐱ ᐛᐃᐱᔅᒋᔅ ᑲ ‍ ᐃᒐᑎᓴᐅᑯᐅᔭᒡ ᐊᓐᑕ ᐊ ‍ ᑕᔭᒄ ᓇᔅᒡ ᑕᑈ ᔅᒋ ‍ ᒋᔅᒋᓯᑐᑕᑎᓇᓐ ᑭᔭ ᓱᒃ ᓂᒋ ‍ ᑯᒋᑕᓇᓐ ᒥᓐ ᒐᒋ ᐸᒋ ‍ ᓂᑐᐛᐱᒥᑕᒡ᙮ ᐛᔅ ᒥᒄ ᒧᒡ ᓂᒋ ‍ ᐃᒐᓂᑯᐅᓇᓐ ᐊᓐᑕ ᐊ ‍ ᑕᔭᒄ᙮
\v 18 ᒥᓐ ᔅᒋ ᐎ ‍ ᓂᑐᐛᐱᒥᑎᓇᓐ᙮ ᓂᔾ ᑈᓪ ᒥᒐᑥᐤ ᓂᒋ ‍ ᑯᒋᑕᓐ ᒐᒋ ᓂᑐᐛᐱᒥᑕᒡ ᐊᓐᑕ ᐊ ‍ ᑕᔭᒄ, ᒥᒄ ᒪᒃ ᒧᔅ ᓂᒋ ‍ ᓇᑲᐅᑯᓇᓐ ᒥᒋᒥᓂᑐᐤ᙮
\v 19 ᓇᔅᒡ ᒪᒃ ᒥᓐ ᔅᒋ ᐎ ‍ ᐛᐱᒥᑎᓇᐛᐤ ᐛᔅ ᒋᔨᐛᐤ ᐊ ‍ ᑕᔭᒄ ᐅᒋᐱᔪᐤ ᒐᒋ ᐊᔭᔭᒡ ᐊᔅᐸᔨᒧᐅᓐ᙮ ᒋᔨᐛᐤ ᐊ ‍ ᑕᔭᒄ ᐅᒋᐱᔪᐤ ᐛᒋ ‍ ᒧᒋᒐᔨᑎᒪᒡ᙮ ᑭᔭ ᒋᔨᐛᐤ ᐊ ‍ ᑕᔭᒄ ᐅᒋᐱᔪᐤ ᓇᔅᒡ ᒐᒋ ᒐᔅᑎᓇᑕᔨᒧᔭᒡ ᒐᒋ ᐊᔨᒧᑎᒪᒡ ᑕᓐ ᑲ ᐃᓯ ᐸᒋ ᒥᔪ ‍ ᐊᐱᑎᓯᔭᒡ ᐃᔅᐱ ᑎᑯᓯᒐ ᒋᑎᐸᔨᒋᒐᓯᒥᓄᐤ ᒋᓴᔅ᙮
\v 20 ᑕᑈ ᑭᑈ ᒋᒪᒥᒋᐃᓇᓐ ᑭᔭ ᒋᔨᐛᐤ ᒋᑦ ᐃᑐᑐᐅᓇᓐ ᐛᒋ ‍ ᒧᒋᒐᔨᑎᒪᒡ᙮
\c 3
\s1 ᑕᓐ ᑲ ᐃᓯ ᒥᔪ ‍ ᐊᐱᑎᓯᑦ ᑎᒧᑎ ᑕᓴᓗᓇᐃᑲᒡ
\p
\v 1 ᐊᑯ ᒪᒃ ᐃᔅᐱ ᐊᑲ ᐅᒋ ᐃᑎᔭᒡ ᒐ ᐊᑲ ᒋ ᐛᐱᒥᑕᒡ ᐊᑯ ᑲ ‍ ᐎᔭᔨᑎᒪᒡ ᐅᑕ ᐊᑕᓐᔅ ᒐᒋ ᑕᔭᒡ,
\v 2 ᐊᑯ ᑎᒧᑎ ᑲ ‍ ᐃᑎᓴᐅᒋᒡ ᐊᓐᑕ ᐊ ‍ ᑕᐛᒄ᙮ ᐅ ᒋᐧᑲᓂᓯᓄᐤ ᓂ ᐎᒋ ‍ ᐊᑐᔅᒐᒥᑯᓇᓐ ᒋᓴᒪᓂᑐᐛ ᐊ ‍ ᐊᑐᔅᑯᐅᒥᒋᒋ ᑭᔭ ᐎᔾ ᐊ ‍ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ‍ ᑎᐸᒋᒪᑭᓄᔨᒋ ᙭ᑕ᙮ ᓂᒋ ‍ ᐃᑎᓴᐛᓇᓐ ᒐᒋ ᐎᒋᐃᑕᒄ ᐊᑐᐎᔅ ᒐᒋ ᓱᒋᑲᐳᐛᒄ ᑕᓐ ᐊ ᐃᓯ ‍ ᑕᑈᔭᔨᒪᒄ ᙭,
\v 3 ᐊᑲ ᐛᒋ ‍ ᐸᐃᒄ ᐊ ‍ ᑎᓯᔭᒄ ᒐᒋ ᒋᐛᑲᐳᔭᒄ ᐊᓐ ᐊ ‍ ᓂᓇᐧᑲᒋᐃᑯᔭᒄ ᙭ ᐅᒡ᙮ ᒋᔨᐛᐤ ᓇᓂᑎᒻ ᒋ ‍ ᒋᔅᒐᔨᑕᓇᐛᐤ ᐊᐅᑯᓐ ᑭᔭ ᑲ ᐃᓯ ‍ ᐎᔭᔨᑕᐧᒃ ᒋᓴᒪᓂᑐᐤ, ᒐᒋ ᓂᓇᐧᑲᒋᐃᑯᐛᐧᒄ ᐊ ‍ ᓇᓴᐅᒪᐧᑯ ᒋᓴᓴ᙮
\v 4 ᐛᔅ ᐊᔅᒄ ᐊᓐᑕ ᐊ ‍ ᑕᔭᒄ ᐊᒋ ‍ ᑕᔭᒡ ᓴᔅ ᓂᑲᓐ ᔅᒋ ‍ ᐎᑎᒪᑎᓇᓐ ᒐ ‍ ᐅᑎᒋᐱᔨᒡ ᒐ ‍ ᓂᓇᐧᑲᒋᐃᑯᔭᐧᒄ᙮ ᐊᐅᑯᓐ ᒪᒃ ᒧᔭᒻ ᑕᑈ ᑲ ‍ ᐃᔅᐱᔨᒡ ᒧᔭᒻ ᐊ ᐃᓯ ‍ ᒋᔅᒐᔨᑎᒪᒄ ᐊᑯ᙮
\v 5 ᐊᐅᒄ ᒪᒃ ᐊᓂᔭ ᐛᒋ ‍ ᔭᐃᑕᔾ ᒋ ‍ ᐃᑎᓴᐅᒄ ᑎᒧᑎ ᐊᓐᑕ ᐊ ‍ ᑕᐛᒄ᙮ ᐃᔅᐱ ᐊᑲ ᑲᒋ ‍ ᐃᑎᔭᓐ ᐊᑲ ᒋᔅᒐᔨᒥᑎᑯᒡ ᑕᓐ ᐊ ‍ ᐃᔅᐱᔨᔭᒄ ᐊᑯ ᒂ ‍ ᐃᑎᓴᐅᒃ ᑎᒧᑎ ᐊᓐᑕ ᐊ ‍ ᑕᐛᒄ ᒐᒋ ᓂᑐ ‍ ᒋᔅᒐᔨᒥᑕᒡ ᑕᓐ ᐊ ‍ ᐃᔅᐱᔪᐛᒂ ᐊ ‍ ᑕᑈᔭᔨᒪᒄ ᙭᙮ ᓂᒋ ‍ ᓴᒋᓯᓐ ᒐᒋ ᐃᑐᑕᑕᒄ ᒥᒋᒥᓂᑐᐤ ᒐᒋ ᐳᓂᐛᒄ ᐊ ‍ ᑕᑈᑎᒪᒄ ᒐᔅᑲ ᒐᒋ ᐃᓯᓇᒂᒡ ᑕᓐ ᑲ ᐃᓯ ‍ ᐊᑐᔅᑯᐅᒋᒡ ᐅᑎᐸᔨᒋᒐᐤ ᐊᓐᑕ ᐊ ‍ ᑕᔭᒄ᙮
\p
\v 6 ᐊᑯ ᒪᒃ ᐊᒋ ᐸᒋ ‍ ᑎᑯᓯᐧᒃ ᑎᒧᑎ ᐊᓐᑕ ᐊ ‍ ᑕᐛᒄ ᐊ ‍ ᐅᑐᑕᑦ ᑭᔭ ᐊᒋ ᒥᔪ ‍ ᐊᔨᒧᑎᒧᔨᒥᑦ ᒋᑕᑈᑎᒧᐅᓄᐛᔪᐤ ᑭᔭ ᒋᓴᒋᐃᐛᐅᓄᐛᔪᐤ, ᐊᔪᐤ ᓂᒋ ‍ ᐎᑎᒪᑯᓇᓐ ᒧᔅ ᐊ ᒥᔪ ‍ ᒋᔅᒋᑐᐎᔭᒡ ᑭᔭ ᓇᔅᒡ ᐊ ᐎ ‍ ᐛᐱᒥᔭᒡ ᒧᔭᒻ ᓂᔭᓐ ᐛ ᐃᔅᐱᔅ ᐎ ‍ ᐛᐱᒥᑕᒡ᙮
\v 7 ᐊᑯ ᒪᒃ ᐊᓐ ᒪᒂᒡ ᐊ ‍ ᒥᑯᔅᑲᑕᔨᑎᒪᒡ ᑭᔭ ᐊ ‍ ᓂᓇᐧᑲᑕᔨᒧᔭᒡ ᓂᒋ ‍ ᐅᐱᓂᑯᐛᓇᓐ ᓂᐱᒪᑎᓯᐅᓇᒡ ᐅᔭ ᑲ ‍ ᐃᑕᒋᒥᑕᒄ᙮ ᓇᔅᒡ ᓂ ‍ ᒥᔽᔨᒧᐃᑯᐅᓇᓐ ᐊ ‍ ᐸᑎᒪᒡ ᑕᓐ ᐊ ᐃᓯ ‍ ᑕᑈᔭᔨᒪᒄ ᙭᙮
\v 8 ᐊᑯ ᒪᒃ ᒧᔭᒻ ᐊ ‍ ᐅᔅᒋᐃᑯᐅᔭᒡ ᓂᐱᒪᑎᓯᐅᓇᒡ ᓂᑦ ᐃᑕᔨᑕᓇᓐ ᐊ ‍ ᒋᔅᒐᔨᒥᑕᒡ ᐊᔅᒄ ᐃᔭᐱᒡ ᐊ ‍ ᓱᒋᑲᐳᐅᔭᒄ ᐊ ‍ ᐎᒐᐛᒄ ᐅᑎᐸᔨᒋᒐᐤ᙮
\s2 1 Thessalonians 3.9-13 (Advent-1 Year C)
\p
\v 9 ᑕᓐᑕ ᒪᒃ ᒐᒋ ᐅᒋ ‍ ᑕᑈ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ ᐊᓐ ᐊ ‍ ᐃᔅᐱᔅ ᓇᔅᒡ ᒥᔽᔨᑎᒥᐃᔭᒡ ᐃᔅᐱ ᐊ ‍ ᐃᔨᒥᐃᒋᒡ ᒋᓴᒪᓂᑐᐤ᙮
\v 10 ᒧᓯᓇᐤ ᓂ ‍ ᓂᑐᑎᒧᐛᓇᓐ ᒋᓴᒪᓂᑐᐤ ᒐᒋ ᐛᐱᒥᑕᒡ ᒥᓐ ᒐᒋ ᑕᔭᒡ ᐊᓐᑕ ᐊ ‍ ᑕᔭᒄ ᑭᔭ ᒐᒋ ᐎᒋᐃᑕᒡ ᑕᓐ ᐊᔅᒄ ᐊ ᐃᓯ ‍ ᓄᑕᐱᔨᔭᒄ ᑕᑈ ᒐᒋ ᑕᑈᔭᔨᒪᒄ ᙭ ᑕᓐ ᒋᐸ ᐃᓯ ‍ ᑕᑈᔭᔨᒪᐛᐤ᙮
\p
\v 11 ᐊᐅᒄ ᒪᒃ ᐅ ᐊ ᐃᓯ ‍ ᐊᔭᒥᐊᔅᑎᒪᑕᒡ, ᓂ ‍ ᓂᑐᑎᒧᐛᓇᓐ ᒋᓴᒪᓂᑐᐤ ᒍᑕᐎᓄᐤ ᑭᔭ ᐅᑎᐸᔨᒋᒐᐤ ᒋᓴᔅ ᒐᒋ ᓇᐃᐱᔨᑕᒡ ᒥᓐ ᒐᒋ ᓂᑐᐛᐱᒥᑕᒡ᙮
\v 12 ᓂ ‍ ᓂᑐᑎᒧᐛᓇᓐ ᐅᑎᐸᔨᒋᒐᐤ ᒐᒋ ᐃᑐᑕᑕᒄ ᐊᔭᔅᒃ ᒐᒋ ᓴᒋᐃᑐᐛᒄ ᑭᔭ ᑯᑎᑲ ᐊᐛᔪᐛ ᐊᔭᔅᒃ ᒐᒋ ᓴᒋᐃᒪᑯ, ᒐᒋ ᐊᑎ ‍ ᐃᔅᐱᔅ ᓴᒋᐃᑐᔭᒄ ᑭᔭ ᒐᒋ ᐊᑎ ‍ ᐃᔅᐱᔅ ᓴᒋᐊᑯᒡ ᑯᑎᑭᒡ ᐊᐛᓐᒋ ᒧᔭᒻ ᓂᔭᓐ ᐊ ᐃᔅᐱᔅ ‍ ᓴᒋᐃᑕᒡ᙮
\v 13 ᐊᑯᑕ ᒐ ᐅᒋ ‍ ᒥᔅᑯᓯᔨᑕᒄ ᑭᔭ ᑯᐃᔅᒄ ᒐ ᐃᓯ ‍ ᐱᒪᑎᓯᔭᒄ ᑭᔭ ᒐ ᐸᔭᒋ ‍ ᐱᒪᑎᓯᔭᒄ ᐃᔅᐱ ᐅᑎᔅᑯᑲᐳᔅᑎᐛᒂ ᒋᓴᒪᓂᑐᐤ ᒍᑕᐎᓄᐤ ᑎᑯᓯᒐ ᐅᑎᐸᔨᒋᒐᐤ ᒋᓴᔅ ᙭ ᐊ ᐸᒋ ‍ ᐎᒐᐛᑦ ᒥᓯᐛ ᐊᓂᔭᔪᐛ ᑲ ‍ ᑕᑈᑎᒥᔨᒋ᙮
\c 4
\s1 ᐱᒪᑎᓯᐅᓂᔪᐤ ᐊ ‍ ᓂᓇᐊᔨᑎᒥᐃᑯᑦ ᐅᑎᐸᔨᒋᒐᐤ
\p
\v 1 ᒪᔅᑕᔾ ᒪᒃ ᓂᐧᑲᓂᓯᑐᒄ, ᔅᒋ ‍ ᒋᔅᑯᑎᒪᑎᓇᓐ ᑕᓐ ᒋᐸ ᐃᓯ ‍ ᐱᒪᑎᓯᓇᐛᐤ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ᙮ ᐊᐅᒄ ᒪᒃ ᑕᑈ ᐊ ᐃᓯ ‍ ᐱᒪᑎᓯᔭᒄ᙮ ᒋ ‍ ᐱᑯᓴᔨᒥᑎᓇᓐ ᒪᒃ ᑭᔭ ᒋ ‍ ᓯᒋᒥᑎᓇᓐ ᓱᒃ ᐊᑐᐎᔅ ᐅ ᒐᒋ ᐃᑎᔭᒄ ᐊ ‍ ᓇᓴᐛᒄ ᑭᔭ ᒋᔨᐛᐤ ᐅᑎᐸᔨᒋᒐᐤ ᒋᓴᔅ᙮
\v 2 ᐛᔅ ᒋ ‍ ᒋᔅᒐᔨᑕᓇᐛᐤ ᑕᓐ ᑲ ‍ ᐃᑎᓱᒥᑕᒡ ᒐ ᐃᓯ ‍ ᐱᒪᑎᓯᔭᒄ, ᐅᑎᐸᔨᒋᒐᐤ ᒋᓴᔅ ᙭ ᐊᒋ ‍ ᐎᑎᒧᔨᒥᑦ ᑕᓐ ᒐ ‍ ᐃᑎᑕᒡ᙮
\p
\v 3 ᐛᔅ ᒋᓴᒪᓂᑐᐤ ᐊᓂᔭ ᐅᑦ ᐃᑕᔨᑎᒧᐅᓐ ᒐᒋ ᐸᔭᒋᓯᐛᒄ ᑭᔭ ᐊᑲ ᓇᔅᒡ ᐎᓂᓱᐛᑎᓯᐅᓐ ᒐᒋ ᑎᒂᒡ ᒋᐱᒪᑎᓯᐅᓄᐛᒡ᙮
\v 4 ᒥᓯᐛ ᓇᐸᐤ ᒋᐸ ‍ ᓄᑯᓂᔪᐤ ᐊ ‍ ᒋᔅᑕᔨᒪᑦ ᐎᐛ ᑭᔭ ᒋᐸ ‍ ᓇᐊᔨᑎᒥᐃᑯᔪᐛ ᒋᓴᒪᓂᑐᐛ ᑕᓐ ᐊ ‍ ᐃᑕᑎᓯᔅᑐᐛᑦ ᐎᐛ᙮
\v 5 ᐊᓐᒡ ᐊᑲ ᒋᔅᒐᔨᒪᒡ ᒋᓴᒪᓂᑐᐛ ᐱᓯᒄ ᑎᐸᔨᒥᑯᐅᒡ ᓂᑎᒥᒄ ᒐᒋ ᐃᑎᒡ᙮ ᒋᔨᐛᐤ ᒪᒃ ᐎ ᓇᒪ ᐅ ᒋᐸ ᐅᒋ ‍ ᐃᑕᔨᑕᑯᓯᓇᐛᐤ᙮
\v 6 ᐊᑲᐎᔾ ᒪᒃ ᐊᐛᓐ ᐅᔭ ᒋᑭ ᐅᒋ ᐎ ᐃᓯ ‍ ᐅᓂᑐᑐᐛᐤ ᐎᐧᑲᓂᓴ᙮ ᔅᒋ ‍ ᐎᑎᒪᑎᓇᓐ ᓱᒃ ᐊᒋ ‍ ᐃᔭᒂᒥᑕᒡ ᐅᑎᐸᔨᒋᒐᐤ ᒐ ‍ ᐛᐛᓯᐊᑦ ᒥᓯᐛ ᐊᐛᔪᐛ ᐅᔭ ᑲ ᐃᓯ ‍ ᐅᓂᑐᑎᒥᔨᒋ᙮
\v 7 ᐛᔅ ᑕᐸ ᒋ ᐅᒋ ‍ ᑕᑈᑎᑯᓄᐤ ᒋᓴᒪᓂᑐᐤ ᐎᓂᓱᐛᑎᓯᐅᓂᒡ ᒐᒋ ᐃᓯ ‍ ᐱᒪᑎᓯᐛᐧᒄ᙮ ᐸᔭᒋᓯᐅᓂᒡ ᒋ ‍ ᓂᑐᐛᔨᒥᑯᓄᐤ ᒐᒋ ᐃᓯ ‍ ᐱᒪᑎᓯᐛᐧᒄ᙮
\v 8 ᐊᐛᓐ ᒪᒃ ᐊᑲ ᐊᐱᑕᔨᑎᒧᒂ ᐅᔭ ᒋᔅᑯᑎᒪᒐᐅᓂᔪᐤ ᓇᒪᔭᔪᐛ ᓇᐸᐛ ᐊᑲ ᐊᐱᑕᔨᒪᑦ᙮ ᒋᓴᒪᓂᑐᐛ, ᐊᓂᔭᔪᐛ ᑲ ‍ ᒥᔨᑯᑦ ᑲ ‍ ᐸᔭᒋᓯᔨᒋ ᐊᒐᒂ ᐊᐅᑯᓐ ᐊᓂᔭᔪᐛ ᓇᒪ ᐊᐱᑕᔨᒪᐤ᙮
\p
\v 9 ᓇᒪ ᓂᑐᐛᔨᑕᑯᓐ ᒐᒋ ᐊᔨᒧᑎᒪᑎᑯᒡ ᑕᓐ ᒋᐸ ᐃᓯ ‍ ᒪᒧᐤ ᓴᒋᐃᑐᓇᐛᐤ ᐊ ‍ ᐎᐧᑲᓂᓯᑕᑐᔭᒄ ᒋᔨᐛᐤ ᑲ ‍ ᑕᑈᔭᔨᒪᒄ ᒋᓴᔅ ᐛᔅ ᐎᔾ ᒋᓴᒪᓂᑐᐤ ᔅᒋ ‍ ᒋᔅᒐᔨᑎᒥᐃᑯᐛᐤ ᑕᓐ ᒋᐸ ᐃᓯ ‍ ᓴᒋᐃᑐᓇᐛᐤ᙮
\v 10 ᓇᔅᒡ ᒪᒃ ᑕᑈ ᒋ ‍ ᓴᒋᐊᐛᐅᒡ ᒥᓯᐛ ᐊᓐᒡ ᒋᐧᑲᓂᓱᐛᐅᒡ ᐊᓐᑕ ᒪᓯᑐᓂᔭ ᐊᔅᒋᒡ ᐊ ‍ ᑕᒡ᙮ ᐊᑯ ᒪᒃ ᓱᒃ ᐃᔭᐱᒡ ᒋ ᐎ ‍ ᐃᑎᑎᓇᓐ ᐃᔭᐱᒡ ᐊᑐᐎᔅ ᒐᒋ ᓴᒋᐊᑯᒡ᙮
\p
\v 11 ᓴᔅ ᐅᑕ ᔅᒋ ‍ ᐎᑎᒪᑎᓇᓐ ᑕᓐ ᒋᐸ ‍ ᐃᑎᓇᐛᐤ, ᓱᒃ ᑯᒋᑕᒄ ᒐᒋ ᒋᔭᒪᐛᑎᓯᔭᒄ᙮ ᐊᑲᐎᔾ ᐅᑎᒪᐱᒪᐧᑯᒡ ᑕᓐ ᐊ ‍ ᐃᑎᒡ ᑯᑎᑭᒡ ᐊᐛᓐᒋ᙮ ᑭᔭ ᓱᒃ ᐊᑐᔅᒐᒄ᙮
\v 12 ᐊᑯ ᒪᒃ ᓇᒪ ᒋᑭ ᐅᒋ ‍ ᐱᑯᓴᔨᒪᐛᐅᒡ ᑯᑎᑭᒡ ᐊᐛᓐᒋ ᒐᒋ ᐅᑎᓂᒪᑕᑯᒡ ᑕᓐ ᐊ ᐃᓯ ‍ ᓄᑕᐱᔪᐛᒄ ᒐᒂᔪᐤ᙮ ᐅ ᐃᓯ ᐱᒪᑎᓯᔭᒂ ᐊᑯ ᐊᓐᒡ ᐊᐛᓐᒋ ᐊᑲ ᑕᑈᑕᒡ ᒐ ‍ ᒋᔅᑕᔨᒥᑕᑯᒡ᙮
\s1 ᑈᓪ ᑲ ‍ ᐎᑕᐧᒃ ᒐ ‍ ᐃᔅᐱᔨᒡ ᑎᑯᓯᓂᔨᒐᓂ ᐅᑎᐸᔨᒋᒐᐛ
\s2 1 Thessalonians 4.13-18 (Proper-27 Year A)
\p
\v 13 ᓂᐧᑲᓂᓯᑐᒄ ᒋ ‍ ᓂᑐᐛᔨᒥᑎᓇᓐ ᒐᒋ ᒋᔅᒐᔨᑎᒪᒄ ᑕᓐ ᐊ ‍ ᐃᔅᐱᔨᑦ ᐊᐛᓐ ᐊ ‍ ᐳᓂᐱᒪᑎᓯᑦ ᐊᒋ ᒪᒃ ‍ ᑕᑈᑕᐧᒃ ᒥᔽᒋᒧᐅᓂᔪᐤ᙮ ᐊᑯ ᒪᒃ ᓇᒪ ᒋᑭ ᐅᒋ ᐃᓯ ‍ ᒥᓯᒪᔨᑕᓇᐛᐤ ᐊ ᐃᓯ ‍ ᒥᓯᒪᔨᑕᒡ ᐊᓐᒡ ᐊᑲ ᐊᔭᒡ ᐊᔅᐸᔨᒧᐅᓂᔪᐤ᙮
\v 14 ᒋ ‍ ᑕᑈᑕᓇᓄᐤ ᐊᒋ ‍ ᓂᐱᑦ ᒋᓴᔅ ᑭᔭ ᐊᒋ ‍ ᐅᓂᔅᑲᓇᑭᓄᐅᑦ᙮ ᐊᐅᒄ ᒪᒃ ᐅ ᐛᒋ ‍ ᑕᑈᑎᒪᐧᒄ ᒋᓴᒪᓂᑐᐤ ᒥᓐ ᐸᓱᐛᒐ ᒋᓴᓴ ᒐ ‍ ᐊᓯᒡ ᐸᓱᐛᑦ ᑭᔭ ᐊᓂᔭᔪᐛ ᐊᐛᔪᐛ ᑲ ‍ ᓂᐱᔨᒋ ᐊᒋ ‍ ᑕᑈᔭᔨᒪᔨᒋ ᒋᓴᓴ᙮
\p
\v 15 ᒋᔭᓄᐤ ᐊᔅᒄ ᒐ ‍ ᐱᒪᑎᓯᔭᐧᒄ ᑎᑯᓯᒐ ᒋᓴᔅ ᓇᒪ ᓂᑲᓐ ᒋᑭ ᐅᒋ ‍ ᓂᒋᔅᑯᐛᓄᐤ ᐊᔅᒄ ᐊᑲ ᓂᒋᐊᒡ ᐊᓐᒡ ᓴᔅ ᑲ ‍ ᓂᐱᒡ ᑲ ‍ ᑕᑈᑕᒡ᙮ ᐅ ᑲ ᐃᓯ ‍ ᐎᑎᒪᑕᒡ ᐎᔾ ᐅᑎᐸᔨᒋᒐᐤ ᒋ ‍ ᐃᑕᐤ ᐅᔭ᙮
\v 16 ᐅᑎᐸᔨᒋᒐᐤ ᒋᑭ ᐸᒋ ‍ ᔭᓯᐤ ᒋᒋᒋᓯᑯᒡ ᐅᒋ ᐊ ‍ ᒋᔄᐛᑦ ᐊ ‍ ᑕᑈᑦ᙮ ᑭᔭ ᐊᓐ ᑲ ‍ ᓂᑲᓂᔅᑯᐛᑦ ᐊᓐᒋᓇ ᒋᑭ ‍ ᐸᑕᑯᓱᐤ ᐊ ‍ ᑕᑈᑦ ᑭᔭ ᒋᓴᒪᓂᑐᐤ ᐅᐳᑕᒋᑭᓐ ᒋᑭ ‍ ᐸᑕᑯᓂᔪᐤ᙮ ᐊᑯ ᐊᓐᒡ ᑲ ‍ ᓂᐱᒡ ᐊᒋ ‍ ᑕᑈᔭᔨᒪᒡ ᙭ᑕ ᐎᔨᐛᐤ ᓂᔅᑎᒻ ᒋᑭ ‍ ᐅᐱᐱᔪᐅᒡ᙮
\v 17 ᐊᑯ ᒪᒃ ᒋᔭᓄᐤ ᐊᔅᒄ ᒐ ‍ ᐱᒪᑎᓯᔭᐧᒄ ᐅᑕ ᐊᔅᒋᒡ ᒐ ‍ ᐅᐱᔭᐧᒄ ᒐᒋ ᓂᒋᐊᐧᑯᒡ ᐊᓐᑕ ᑭᔅᑯᐅᓂᔅᑯᒡ ᐅᒡ ᓂᔅᑎᒻ ᑲ ‍ ᐅᐱᔨᒡ᙮ ᐊᑯ ᒪᒃ ᐅᑎᐸᔨᒋᒐᐤ ᒪᒧᐤ ᒐ ᐃᓯ ‍ ᓂᒋᐊᐧᒄ ᐊᓐᑕ ᒧᓴ ᒋᓯᑯᒡ᙮ ᐅᑎᐸᔨᒋᒐᐤ ᒪᒃ ᐊ ‍ ᑕᑦ ᐊᑯᑕ ᑲᒋᒡ ᒐ ‍ ᑕᔭᐧᒄ᙮
\v 18 ᐛᐎᒋᐃᑐᒄ ᒪᒃ ᐊ ‍ ᐛᐎᑎᒪᑐᔭᒄ ᑕᓐ ᑲ ‍ ᐃᔅᒋᔄᔭᒡ᙮
\c 5
\s1 ᐊᔭᔅᑯᐎᒄ ᒐ ‍ ᑎᑯᓯᐧᒃ ᐅᑎᐸᔨᒋᒐᐤ
\s2 1 Thessalonians 5.1-11 (Proper-28 Year A)
\p
\v 1 ᓂᐧᑲᓂᓯᑐᒄ, ᓇᒪ ᓂᑐᐛᔨᑕᑯᓐ ᒐᒋ ᐊᔨᒧᑎᒪᑎᑯᒡ ᑕᓐ ᐊᓂᔭ ᐊ ‍ ᒋᓯᑲᔨᒡ ᑭᔭ ᑕᓐ ᒐ ᐃᔅᐱᔅ ‍ ᒋᓯᑲᔨᒡ ᒐ ‍ ᑎᑯᓯᐧᒃ ᐅᑎᐸᔨᒋᒐᐤ᙮
\v 2 ᐛᔅ ᒋ ᒥᔪ ‍ ᒋᔅᒐᔨᑕᓇᐛᐤ ᓯᔅᒋᑯᒡ ᒐ ‍ ᐅᑎᒋᐱᔨᒡ ᐊᓐ ᐊ ‍ ᒋᓯᑲᒡ ᐅᑎᐸᔨᒋᒐᐤ ᒐ ‍ ᑎᑯᓯᐧᒃ, ᒧᔭᒻ ᐊᐛᓐ ᑲᓂᑕᐅᒋᒧᑎᔨᒋ ᐊ ‍ ᐱᑐᒂᑯᑦ ᐊ ‍ ᑎᐱᔅᑲᔨᒡ ᓇᒪ ᓂᑲᓐ ᒋᔅᒐᔨᑎᒻ᙮
\v 3 ᒪᒂᒡ ᐃᔅᒋᔄᑥᐛ ᐊᐛᓐᒋ, “ᒥᓯᐛ ᒐᒂᓐ ᒥᔪᐱᔪᐤ, ᓇᒪ ᑎᑯᓐ ᒐᒋ ᓴᒋᓯᔭᐧᒄ,” ᓯᔅᒋᑯᒡ ᒋᑭ ᒥᔅᑎ ‍ ᓂᓇᐧᑲᑕᔨᒧᐅᒡ᙮ ᒧᔭᒻ ᐊ ᐃᔅᐱᔅ ‍ ᓯᔅᒋᑯᒡ ᐊ ‍ ᒧᓯᐅᑦ ᐃᔎᐤ ᐃᔅᐱ ᒐ ‍ ᐛᐱᒪᐅᓱᑦ ᐊᐅᑯᓐ ᒐ ᐃᔅᐱᔅ ‍ ᓯᔅᒋᑯᒡ ᒥᔅᑎ ᓂᓇᐧᑲᑕᔨᒧᒡ ᐊᐛᓐᒋ᙮ ᓇᒪ ᒪᒃ ᒋᑭ ‍ ᐃᑐᐅᒡ ᒐ ᐊᑲ ‍ ᓂᓇᐧᑲᑕᔨᒧᒡ᙮
\p
\v 4 ᒋᔨᐛᐤ ᒪᒃ ᐎ ᓂᐧᑲᓂᓯᑐᒄ, ᓇᒪ ᒋ ᐊᑎ ᐃᓯ ‍ ᐱᒪᑎᓯᓇᐛᐤ ᐊ ᐃᓯ ‍ ᐱᒪᑎᓯᒡ ᐊᓐᒡ ᐊᑲ ᒋᔅᒐᔨᒪᒡ ᒋᓴᒪᓂᑐᐛ ᑭᔭ ᑲ ‍ ᒥᒋᑐᑕᒡ ᑭᔭ ᓇᒪ ᒋᐸ ᐅᒋ ‍ ᐎᔭᓯᐃᑯᓇᐛᐤ ᐅᑎᒋᐱᔨᒐ ᐊᓐ ᐊ ‍ ᒋᓯᑲᒡ ᒧᔭᒻ ᐊ ᐃᓯ ‍ ᓯᔅᒋᑯᒋᔨᑯᑦ ᐊᐛᓐ ᐊ ‍ ᐅᑎᑎᑯᑦ ᑲᓂᑕᐅᒋᒧᑎᔨᒋ᙮
\v 5 ᒥᓯᐛ ᐊ ‍ ᑎᓯᔭᒄ ᒋ ᐊᑎ ᐃᓯ ‍ ᐱᒪᑎᓯᓇᐛᐤ ᐊ ᐃᓯ ‍ ᐱᒪᑎᓯᓇᓄᐅᒡ ᐊ ‍ ᒪᒂᒋᓯᑲᒡ, ᐊᓐᑕ ᒥᓯᐛ ᒐᒂᓐ ᐊ ‍ ᓄᒂᒡ᙮ ᓇᒪ ᒋ ᐊᑎ ᐃᓯ ‍ ᐱᒪᑎᓯᓇᐛᐤ ᐊ ᐃᓯ ‍ ᐱᒪᑎᓯᒡ ᐊᐛᓐᒋ ᐊ ‍ ᑎᐱᔅᑲᔨᒡ, ᒪᒂᒡ ᐊᑲ ᓄᑯᓂᔨᒡ ᒐᒂᔪᐤ᙮
\v 6 ᓇᒪ ᒪᒃ ᒋᐸ ᐅᒋ ‍ ᐃᑎᓇᓄᐤ ᒐ ᐊᑲ ᒋ ᐃᔭᐱᑕᔨᑎᒪᐧᒄ ᑭᔭ ᓇᔅᒡ ᒐ ᐊᑲ ᒋ ᓂᓇᑭᑐᐛᔨᑎᒪᐧᒄ ᑕᓐᑕ ᒐ ‍ ᐅᑎᒋᐱᔨᒡ ᐅᑎᐸᔨᒋᒐᐤ ᐅᒋᓯᑲᒻ ᒧᔭᒻ ᐊ ‍ ᐃᑎᒡ ᐊᓐᒡ ᐊᑲ ᑕᑈᑕᒡ ᒥᔽᒋᒧᐅᓂᔪᐤ᙮ ᒧᔅ ᒋᐸ ‍ ᐊᔭᔅᑯᐎᓇᓄᐤ, ᒧᔅ ᒋᐸ ᐎ ‍ ᐛᔅᑭᒪᔨᒧᓇᓄᐤ᙮
\v 7 ᐊ ‍ ᑎᐱᔅᑲᒡ ᐊᑯᑕ ᓇᐸᓄᐅᒡ ᑭᔭ ᐊ ‍ ᑎᐱᔅᑲᒡ ᐊᑯᑕ ᐊ ‍ ᒋᔎᐸᒡ ᐊᐛᓐᒋ᙮
\v 8 ᐊᑯ ᒪᒃ ᒧᔭᒻ ᐊᓐᑕ ᐛᔅᑕᐅᓂᒡ ᐊ ‍ ᑕᔭᐧᒄ ᐊ ‍ ᐃᓯᓇᑯᓯᔭᐧᒄ ᑯᐃᔅᒄ ᒋᐸ ᐎ ᐃᓯ ‍ ᒪᒥᑐᓇᔨᑕᓇᓄᐤ᙮ ᐊᑯ ᒪᒃ ᒋᐸ ‍ ᐳᔅᑎᔅᑲᓇᓄᐤ ᒥᔅᑲᔅᒋᑭᓇᐱᔅᒄ ᐊᓐ ᒐ ‍ ᓇᑲᐊᒪᓱᐛᒐᔭᐧᒄ᙮ ᐅ ᒪᒃ ᒥᔅᑲᔅᒋᑭᓇᐱᔅᒄ ᐊᐅᒄ ᐊᓐ ᓴᒋᐃᐛᐅᓐ ᑭᔭ ᑕᑈᑎᒧᐅᓐ᙮ ᐃᓴᒄ ᐊᑯᓂᔎᐅᓐ ᑭᔭ ᒋᐸ ‍ ᐳᔅᑎᔅᑲᓇᓄᐤ᙮ ᐊᐅᒄ ᐊᔅᐸᔨᒧᐅᓐ ᒐ ‍ ᐱᒪᒋᐅᔭᐧᒄ᙮
\v 9 ᓇᒪ ᒋ ᐅᒋ ‍ ᐃᑕᔨᒥᑯᓄᐤ ᒋᓴᒪᓂᑐᐤ ᒐ ‍ ᐛᐛᓯᐃᑕᐧᒄ ᑎᐸᔅᑯᓂᒐᐅ ᒋᓯᑲᔨᒐ, ᒋ ‍ ᐃᑕᔨᑎᒻ ᒐᒋ ᐱᒪᒋᐃᑕᐧᒄ ᐅᑎᐸᔨᒋᒐᐛ ᒋᓴᔅ ᙭ᑕ ᐅᒋ᙮
\v 10 ᙭ ᔅᒋ ‍ ᓂᐱᔅᑎᒪᑭᓄᐤ ᒐᒋ ᐎᒋ ‍ ᐱᒪᑎᓯᒪᐧᒄ ᒪᒂᒡ ᐊ ‍ ᐱᒪᑎᓯᔭᐧᒄ ᑭᔭ ᒪᒃ ᓂᐳᐛᒂ᙮
\v 11 ᐊᐅᒄ ᒪᒃ ᐅ ᒐ ᐅᒋ ‍ ᓯᒋᒥᑐᔭᒄ ᑭᔭ ᒐ ᐅᒋ ‍ ᒥᔽᔨᒧᐃᑐᔭᒄ ᒧᔭᒻ ᑕᓐ ᐊ ‍ ᐃᑎᔭᒄ ᐊᓄᒡ᙮
\s1 ᑕᓐ ᒪᔅᑕᔾ ᑲ ‍ ᐃᑎᓱᒪᑦ ᑈᓪ ᐊᓂᔭᔪᐛ ᑕᓴᓗᓇᐃᑲᒡ ᐊ ‍ ᑕᔨᒋ ᑭᔭ ᑲ ‍ ᐛᒋᔭᒪᑦ
\p
\v 12 ᓂᐧᑲᓂᓯᑐᒄ, ᒋ ‍ ᐱᑯᓴᔨᒥᑎᓇᓐ ᒐᒋ ᒋᔅᑕᔨᒪᑯᒡ ᐊᓐᒡ ᑲ ‍ ᓂᑲᓂᔅᑲᑕᑯᒡ᙮ ᐛᔅ ᐅᑎᐸᔨᒋᒐᐛ ᒋ ‍ ᐅᑎᓂᑯᐅᒡ ᒐᒋ ᒋᔅᒋᓄᑕᐃᑕᑯᒡ ᑭᔭ ᒐᒋ ᒋᔅᑯᑎᒪᑕᑯᒡ ᒋᓴᒪᓂᑐᐛ ᐊ ‍ ᑕᔨᒋ ᒐᒋ ᐃᓯ ‍ ᐱᒪᑎᓯᐛᒄ᙮
\v 13 ᓇᔅᒡ ᒋᐸ ‍ ᒋᔅᑕᔨᒪᐛᐅᒡ ᑭᔭ ᒋᐸ ‍ ᓴᒋᐊᐛᐅᒡ ᐊᓂᔭ ᐅᑦ ᐊᑐᔅᒐᐅᓄᐛᐤ ᐅᒡ᙮ ᐊᑲᐎᔾ ᒪᒥᒋᐱᔨᑐᒄ᙮
\v 14 ᓂᐧᑲᓂᓯᑐᒄ, ᒋ ‍ ᓯᒋᒥᑎᓇᓐ ᒐᒋ ᐃᔭᒂᒥᒪᑯᒡ ᐊᓐᒡ ᐊᑲ ᐎ ᐊᑐᔅᒐᒡ᙮ ᐎᒋᐊᐧᑯᒡ ᐊᓐᒡ ᑲ ‍ ᑯᔅᑕᒋᒡ ᒐ ᐊᑲ ᒋ ᑯᔅᑕᒋᒡ ᑭᔭ ᐎᒋᐊᐧᑯᒡ ᐊᓐᒡ ᐊᑲ ᓴᐸᔨᑕᒡ, ᑭᔭ ᐊᓐᒡ ᑲ ‍ ᓄᑕᐱᔨᒡ ᒐᒂᔪᐤ᙮ ᒥᓯᐛ ᐊᐛᓐ ᓯᐱᔪᐛᓯᔅᑐᐛᐧᒄ᙮
\v 15 ᓇᒪ ᔭᐃᑕᔾ ᒋᐸ ᐅᒋ ‍ ᑎᐸᐊᒪᓱᓇᐛᐤ ᐊᐛᓐ ᐊ ‍ ᐅᓂᑐᑕᑕᒄ ᐃᔭᐱᒡ ᒧᔅ ᒋᐸ ‍ ᒥᔪᑐᑕᑐᓇᐛᐤ ᑭᔭ ᒥᓯᐛ ᑯᑎᑭᒡ ᐊᐛᓐᒋ᙮
\s2 1 Thessalonians 5.16-24 (Advent-3 Year B)
\p
\v 16 ᒧᔅ ᒥᔽᔨᑎᒧᒄ᙮
\v 17 ᒧᔅ ᐊᔭᒥᐊᒄ᙮
\v 18 ᒥᒄ ᑕᓐ ᒐ ‍ ᐃᔅᐱᔪᐛᒂ ᒧᔅ ᓂᓇᔅᑯᒧᒄ᙮ ᐛᔅ ᐊᔪᐅᒄ ᐅᔭ ᐊ ᐃᓯ ‍ ᐱᑯᓴᔨᒥᑕᒄ ᒋᓴᒪᓂᑐᐤ ᒐᒋ ᐃᑐᐛᒄ ᐊ ‍ ᐎᒐᐅᒪᑯ ᙭ ᒋᓴᓴ᙮
\p
\v 19 ᐊᑲᐎᔾ ᓂᑲᓇᐧᒄ ᑲ ‍ ᐸᔭᒋᓯᑦ ᐊᒐᐧᒄ ᑕᓐ ᐛ ᐃᓯ ‍ ᐊᑐᔅᒐᑦ᙮
\v 20 ᐊᑲᐎᔾ ᒪᔭᔨᑎᒺᐧᒄ ᐊᓂᔭ ᑕᓐ ᐊ ᐃᓯ ‍ ᓂᑲᓐ ᐎᑕᐧᒃ ᐊᐛᓐ ᒋᓴᒪᓂᑐᐛ ᑲ ‍ ᐃᔨᒥᔅᑎᒧᐛᑦ᙮
\v 21 ᒥᓯᐛ ᓂᑐ ‍ ᒋᔅᒐᔨᑎᒧᒄ ᑕᓐ ᐊ ‍ ᐃᓇᓄᐅᒡ ᑎᔭᑈᒥᑭᓂᒂ, ᑕᑈᒥᑲᒐ ᒪᒃ, ᐊᑯ ᐃᔭᒄ ᒐᒋ ᐅᑎᓂᒪᒄ᙮
\v 22 ᐊᑲᐎᔾ ᐊᐱᑕᔨᑎᒥᒄ ᒥᒐᑎᓯᐅᓐ᙮
\p
\v 23 ᓇᓂᑐᑎᒧᐛᐤ ᒋᓴᒪᓂᑐᐤ ᐊᓐ ᑲ ‍ ᒥᔨᐛᑦ ᒋᔭᒪᔨᑎᒧᐅᓂᔪᐤ ᓇᔅᒡ ᒐᒋ ᐸᔭᒋᐃᑕᒄ᙮ ᓇᓂᑐᑎᒧᐛᐤ ᒋᑦ ᐊᒐᐧᑯᐛᐛ, ᑭᔭ ᒋᒥᑐᓇᔨᒋᑭᓄᐛᐛ ᑭᔭ ᒋᔪᐛᐛ ᒐᒋ ᑭᓄᐛᔨᑕᒂᒋ ᐊᑲ ᓇᔅᒡ ᒐᒂᓐ ᒐᒋ ᐃᓯ ‍ ᐊᑕᒪᔨᑕᒂᒋ ᐃᔅᐱ ᑎᑯᓯᒐ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮
\v 24 ᒋᓴᒪᓂᑐᐤ ᐊᓐ ᑲ ‍ ᑕᑈᑎᑕᒄ ᒋᑭ ‍ ᐃᑐᑎᒻ ᑕᑈ ᒥᓯᐛ ᑕᓐ ᑲ ‍ ᐃᔅᒋᔄᑦ ᒐ ‍ ᐃᑐᑕᐧᒃ, ᐛᔅ ᑕᑈᐅᒐᔨᑕᑯᓱᐤ᙮
\p
\v 25 ᓂᐧᑲᓂᓯᑐᒄ, ᐸᒋ ‍ ᐊᔭᒥᐊᔅᑎᒧᐅᓇᓐ᙮
\v 26 ᒥᓯᐛ ᐛᒋᔭᒪᐧᑯᒡ ᒋᐧᑲᓂᓯᓄᐅᒡ ᐊ ‍ ᐅᒐᒪᑯᒡ᙮
\v 27 ᒋᑦ ᐃᑎᓱᒥᑎᓇᐛᐤ ᐅᑎᐸᔨᒋᒐᐤ ᐊ ‍ ᐊᔨᒥᔅᑎᒧᐅᒄ ᒐᒋ ᐃᔨᒥᑐᐛᑭᓄᐎᒡ ᒥᓯᐛ ᒋᐧᑲᓂᓯᓄᐅᒡ ᐅᔭ ᒥᓯᓇᐊᒪᑯᓯᐅᓂᔪᐤ᙮
\p
\v 28 ᓇᓂᑐᑎᒧᐛᐤ ᒪᒃ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᒋᓴᐛᑐᑕᑕᒄ᙮
\id 2TH Adapted from ECree-S to Naskapi, 26 May 2003; Typeset export from CBS 8 May 2007
\h 2 ᑕᓴᓗᓂᔭᓇ
\toc3 2 ᑕᓴᓗᓂᔭᓇ
\toc2 2 ᑕᓴᓗᓂᔭᓇ
\toc1 ᓂᓱ ᑕᓴᓗᓂᔭᓇ ᑈᓪ ᒥᓐ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᑕᓴᓗᓇᐃᑲᒡ ᑲ ‍ ᑕᔨᒋ
\mt1 ᓂᓱ ᑕᓴᓗᓂᔭᓇ
\mt2 ᑈᓪ ᒥᓐ ᑲ ‍ ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᑕᓴᓗᓇᐃᑲᒡ ᑲ ‍ ᑕᔨᒋ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐊᓂᔭ ᓂᔄᐤ ᑲ ‍ ᒥᓯᓇᐃᒐᑦ ᑈᓪ ᐊᓐᑕ ᐃᑕᒐ ᑯᕆᓐᑦ ᐊ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐅᒋ ‍ ᒥᓯᓇᐃᒐᐤ᙮ ᐱᔅᒐ ᐊᓐᒡ ᐃᔪᒡ ᒋ ‍ ᐅᓂᑐᑐᐛᐅᒡ ᑈᓚ ᐊᑯ ᑲ ‍ ᒐᔅᑎᓇᐅᒡ ᓴᔅ ᐎᐱᒡ ᒐ ‍ ᑎᑯᓯᓂᔨᒋ ᒋᓴᓴ᙮ ᒋ ‍ ᐳᓂᐅᒡ ᐊ ‍ ᐊᑐᔅᒐᒡ ᐊᑯ ᒥᒄ ᑲ ‍ ᐊᓱᐛᐱᒪᒡ ᒐ ᐃᔅᐱᔅ ‍ ᑎᑯᓯᓂᔨᒋ᙮ ᑈᓪ ᒥᓐ ᒋ ‍ ᐎᑎᒧᐛᐤ ᐊᓂᔭᔪᐛ ᐃᔪᐛ ᐊᓐᑕ ᑕᓴᓗᓇᐃᑲᒡ ᐊ ‍ ᑕᔨᒋ ᑕᓐ ᒐ ‍ ᐃᑕᔨᑕᑯᓂᔨᒡ ᒥᓐ ᑎᑯᓯᓂᔨᒐᓂ᙮ ᑭᔭ ᒋ ‍ ᒋᔅᒋᓱᒪᐤ ᓱᒃ ᒐᒋ ᐊᑐᔅᒐᔨᒋ ᐊᔅᒄ ᐊᑲ ᑎᑯᓯᓂᔨᒋ᙮
\c 1
\s2 2 Thessalonians 1.1-4,11-12 (Proper-26 Year C)
\p
\v 1 ᓂᔭᓐ ᑈᓪ, ᓴᓂᔅ, ᑭᔭ ᑎᒧᑎ,
\m ᒋᔨᐛᐤ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᓐᑕ ᑕᓴᓗᓇᐃᑲ ᐊ ‍ ᑕᔭᒄ ᒋᓴᒪᓂᑐᐤ ᐅᑕᐎᒪᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᑲ ‍ ᑎᐱᔨᐛᐅᓯᑐᑕᑕᒄ ᒋ ‍ ᒥᓯᓇᐊᒪᑎᓇᓐ᙮
\p
\v 2 ᒋᓴᒪᓂᑐᐤ ᐅᑕᐎᒪᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᒋᑭ ‍ ᒋᓴᐛᑐᑕᑯᐛᐤ ᑭᔭ ᒋᑭ ‍ ᒥᔨᑯᐛᐤ ᒋᔭᒪᔨᑎᒧᐅᓂᔪᐤ᙮
\s1 ᑈᓪ ᑲ ᐃᓯ ‍ ᓂᓇᔅᑯᒧᑦ ᑭᔭ ᑲ ᐃᓯ ‍ ᓯᒋᒧᐛᑦ
\p
\v 3 ᓂᐧᑲᓂᓯᑐᒄ, ᐃᑕᔨᑕᑯᓐ ᒧᔅ ᒐᒋ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ ᐛᔅ ᐊᑐᐎᔅ ᒋᑦ ᐊᑎ ‍ ᑕᑈᐅᒐᔨᒪᐛᐤ ᙭ ᑭᔭ ᐊᔭᔅᒃ ᐊᑐᐎᔅ ᒋ ‍ ᓴᒋᐃᑐᓇᐛᐤ᙮
\v 4 ᐊᐅᒄ ᒪᒃ ᐅ ᐛᒋ ‍ ᒪᒥᔽᔨᑎᒥᔨᔭᒡ ᑭᔭ ᐊᔨᒧᒥᑕᒡ ᐊᓐᑕ ᑯᑎᑭᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊ ‍ ᑕᒡ᙮ ᓂ ‍ ᒪᒥᒋᔨᓱᓇᓐ ᐊ ‍ ᐊᔨᒧᑎᒪᒡ ᐊᑲ ᐳᓂᔭᒄ ᑭᔭ ᐊᔅᒄ ᐃᔭᐱᒡ ᐊ ‍ ᑕᑈᐅᒐᔨᒪᒄ ᙭ ᐊᑎ ᐃᔅᐱᔅ ᓂᓇᐧᑲᑕᔨᒧᐃᑯᐅᔭᒄ ᑭᔭ ᐊᔅᐱᔅ ᐊᔨᒥᐅᔭᒄ᙮
\s1 ᑎᐸᔅᑯᓂᒐᐅᓐ ᙭ ᑎᑯᓯᒐ
\p
\v 5 ᐊᑯᑕ ᒪᒃ ᐅᑕ ᒐ ᐅᒋ ‍ ᒋᔅᒐᔨᑎᒪᒄ ᑕᓐ ᐊᔅᐱᔅ ᑯᐃᔅᒄ ᐃᑎᑦ ᒋᓴᒪᓂᑐᐤ ᐊ ‍ ᑎᐸᔅᑯᓂᒐᑦ᙮ ᐊᓐ ᒪᒃ ᑕᓐ ᐊ ‍ ᐃᔅᐱᔭᒄ ᒋᑭ ‍ ᒋᔅᑕᔨᑕᑯᓯᓇᐛᐤ ᒐᒋ ᐎᒋᐃᐛᔭᒄ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮
\v 6 ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᒋᑭ ‍ ᐃᑐᑐᐛᐤ ᒐᒋ ᓂᓇᐧᑲᑕᔨᒧᔨᒋ ᐊᓂᔭ ᐊᐛᔪᐛ ᑲ ‍ ᓂᓇᐧᑲᑕᔨᒧᐃᑕᑯ᙮
\v 7 ᐊᑯ ᒋᔨᐛᐤ ᑲ ‍ ᓂᓇᐧᑲᑕᔨᒧᔭᒄ ᒋᑭ ‍ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐳᓂ ‍ ᓂᓇᐧᑲᑕᔨᒺᒄ ᑭᔭ ᓂᔭᓐ ᐊᐅᑯᓐ ᒐ ᐃᓯ ‍ ᐎᒋᐃᑯᐅᔭᒡ᙮ ᐃᔅᐱ ᐸᒋ ‍ ᓄᑯᓯᒐ ᐅᑎᐸᔨᒋᒐᐤ ᒋᓴᔅ ᐊᓐᑕ ᒋᒋᒋᓯᑯᒡ ᐅᒡ ᐊ ᐸᒋ ‍ ᐎᒐᐛᑦ ᐅᑦ ᐊᓐᒋᓂᒪ ᑲ ‍ ᓱᐧᑲᑎᓯᔨᒋ ᐊᑯᑕ ᒐ ‍ ᐃᑐᑕᐧᒃ ᐅᔭ᙮
\v 8 ᐃᔅᑯᑕᔪᐤ ᐊ ‍ ᐛᔭᑕᐱᔨᒡ ᒋᑭ ‍ ᐊᐱᒋᑕᐤ ᐛᐛᓯᐊᒐ ᐊᓂᔭ ᐊᑲ ᒋᔅᒐᔨᒪᔨᒋ ᒋᓴᒪᓂᑐᐛ ᑭᔭ ᐊᓂᔭᔪᐛ ᐊᑲ ᓂᓇᐊᔨᑎᒥᔨᒋ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᐅᑎᐸᔨᒋᒐᐛ ᒋᓴᓴ᙮
\v 9 ᒋᑭ ‍ ᐛᐛᓯᐊᑭᓄᐅᒡ ᑲᒋᒡ ᒐᒋ ᓂᓱᐅᓇᑎᓯᒡ᙮ ᒋᑭ ‍ ᐃᒐᓇᑭᓄᐎᒡ ᐅᑎᐸᔨᒋᒐᐛ ᐊ ‍ ᑕᔨᒋ ᐅᒋ ᑭᔭ ᓇᒪ ᓂᑕ ᒋᑭ ᐅᒋ ‍ ᐛᐸᑎᒧᒡ ᑕᓐ ᐊᔅᐱᔅ ᓱᒐᔨᑕᑯᓂᔨᒡ ᐅᒥᔅᑯᓯᐅᓂᔪᐤ᙮
\v 10 ᒋᑭ ‍ ᐛᐛᓯᐊᐤ ᐅᑎᐸᔨᒋᒐᐤ ᐅᔭ ᐊᓂᔭ ᐊ ‍ ᒋᓯᑲᔨᒡ ᑎᑯᓯᒐ ᒐᒋ ᒋᔅᑕᔨᑕᑯᐃᑯᑦ ᑲ ‍ ᑕᑈᑎᒥᔨᒋ ᑭᔭ ᒐᒋ ᒋᔅᑕᔨᒥᑯᑦ ᒥᓯᐛ ᐊᓂᔭ ᐊᐛᔪᐛ ᑲ ‍ ᑕᑈᔭᔨᒥᑯᑦ᙮ ᐊᑯᑕ ᒪᒃ ᒐ ‍ ᐎᒋᐃᐛᔭᒄ ᑭᔭ ᒋᔨᐛᐤ ᒋᔅᑕᔨᑕᑯᐊᑭᓄᒐ ᐅᑎᐸᔨᒋᒐᐤ ᐛᔅ ᔅᒋ ‍ ᑕᑈᑕᓇᐛᐤ ᐊᓐ ᒥᔽᒋᒧᐅᓐ ᑲ ‍ ᐎᑎᒪᑕᒡ᙮
\s2 2 Thessalonians 1.1-4,11-12 (Proper-26 Year C)
\p
\v 11 ᐊᐅᒄ ᒪᒃ ᐅ ᐛᒋ ᒧᔅ ‍ ᐊᔭᒥᐊᔅᑎᒪᑕᒡ᙮ ᓂ ‍ ᓂᑐᑎᒧᐛᓇᓐ ᒋᓴᒪᓂᑐᐤ ᒐᒋ ᒋᔅᑕᔨᑕᑯᓯᔭᒄ ᒐᒋ ᐃᓯ ‍ ᐱᒪᑎᓯᔭᒄ ᐊᓂᔭ ᑕᓐ ᑲ ᐃᓯ ‍ ᓂᑐᐛᔨᒥᑕᒄ ᒐᒋ ᐃᓯ ‍ ᐱᒪᑎᓯᐛᒄ᙮ ᓂ ‍ ᓂᑐᑎᒧᐛᓇᓐ ᒐᒋ ᒥᔨᑕᒄ ᓱᐧᑲᑎᓯᐅᓂᔪᐤ ᒐᒋ ᐃᑐᑎᒪᒄ ᒥᓯᐛ ᐊ ᐃᓯ ‍ ᐱᑯᓴᔨᒥᑯᐅᔭᒄ ᒐᒋ ᐃᓯ ‍ ᒥᔪᑐᑎᒪᒄ᙮ ᑭᔭ ᒐᒋ ᐎᒋᐃᑕᒄ ᒐᒋ ᒋᔅᑕᐛᒄ ᐊᓂᔭᔪᐛ ᒐᒂᔪᐛ ᑲ ‍ ᐃᑐᑎᒪᒄ ᐊ ‍ ᑕᑈᑎᒪᒄ᙮
\v 12 ᐊᑯᑕ ᐅ ᒐ ᐅᒋ ‍ ᒋᔅᑕᔨᑕᑯᑕᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᐅᑦ ᐃᓯᓂᐧᑲᓱᐅᓐ ᑭᔭ ᒋᔨᐛᐤ ᒪᒃ ᒋᑭ ‍ ᒋᔅᑕᔨᑕᑯᐃᑯᐛᐤ᙮ ᐊᐅᒄ ᒐ ‍ ᐃᑐᑕᑯᐅᔭᒄ ᐊᔅᐱᔅ ᓱᐛᔨᑕᑯᓯᒡ ᒋᒋᓴᒪᓂᑐᒥᓄᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭᙮
\c 2
\s1 ᑲ ‍ ᒪᔭᑎᓯᑦ ᒐ ‍ ᓄᑯᐊᑭᓄᐅᑦ
\s2 2 Thessalonians 2.1-5,13-17 (Proper-27 Year C)
\p
\v 1 ᓂᐧᑲᓂᓯᑐᒄ, ᒋᑭ ‍ ᐊᔨᒧᑎᒪᑎᓇᐛᐤ ᑕᓐ ᒐ ‍ ᐃᔅᐱᔨᒡ ᐅᑎᐸᔨᒋᒐᐤ ᒋᓴᔅ ᙭ ᑎᑯᓯᒐ ᒪᒧᐅᔭᒂ ᐊᓐᑕ ᐎᔾ ᐊ ‍ ᑕᑦ᙮ ᒋ ‍ ᓂᑐᐛᔨᒥᑎᓇᐛᐤ ᓂᐧᑲᓂᓯᑐᒄ,
\v 2 ᒐ ᐊᑲ ᒋ ᐎᔭᓯᐃᑕᑯᒡ ᐊᐛᓐᒋ ᐊ ‍ ᐃᔅᒋᔄᒡ ᓴᔅ ᐊ ‍ ᐅᑎᒋᐱᔨᒡ ᐅᑎᐸᔨᒋᒐᐛ ᒐ ‍ ᑎᑯᓯᓂᔨᒋ᙮ ᐊᑲᐎᔾ ᑕᑈᑎᒧᒄ ᐊᑎ ᐃᔅᒋᔄᒐ ᐊᐛᓐ ᒋᓴᒪᓂᑐᐛ ᐊᒋ ‍ ᒋᔅᒐᔨᑎᒥᐃᑯᑦ ᐅᔭ, ᒪᒃ ᐃᔅᒋᔄᒐ ᐊᐛᓐ ᓂᔭᓐ ᐊᒋ ‍ ᐎᑎᒧᐅᒋᒡ ᐅᔭ ᒪᒃ ᐃᔅᒋᔄᒐ ᐊᒋ ‍ ᐃᔨᒥᑕᒡ ᒥᓯᓇᐃᑭᓂᔪᐤ ᓂᔭᓐ ᐊᒋ ‍ ᒥᓯᓇᐃᒐᐅᒋᒡ ᐅᔭ ᐊ ‍ ᐊᔨᒧᑎᒧᒋᒡ᙮
\v 3 ᐃᔭᒂᒥᒄ ᐊᑲ ᓇᔅᒡ ᒐᒋ ᐎᔭᓯᐃᑕᑯᒡ ᐊᐛᓐᒋ᙮ ᐊᔅᒄ ᐊᑲ ᐅᑎᒋᐱᔨᒐ ᐊᓐ ᐊ ‍ ᒋᓯᑲᒡ ᒥᒐᑦ ᐊᐛᓐᒋ ᒪᔅᑕᔾ ᒋᑭ ‍ ᓱᒐᔨᒧᑐᐛᐅᒡ ᒋᓴᒪᓂᑐᐛ᙮ ᑭᔭ ᒋᑭ ‍ ᓄᑯᐊᑭᓄᐤ ᐊᓐ ᐊᐛᓐ ᑲ ‍ ᒪᔭᑎᓯᑦ ᐊᑲ ᓇᔅᒡ ᑲ ‍ ᐊᐱᑕᔨᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ, ᐊᔪᐅᒄ ᐅᔭ ᒋᓴᒪᓂᑐᐤ ᐊᓐᑕ ᒥᒋ ‍ ᐃᔅᑯᑕᒡ ᒐ ‍ ᐃᑎᓴᐛᑦ ᒐᒋ ᓂᓱᐅᓇᑎᓯᔨᒋ᙮
\v 4 ᒥᓯᐛ ᒐᒂᔪᐤ ᑲ ‍ ᐃᑐᑕᑯᔨᒋ ᐊᐛᔪᐛ ᒐᒋ ᐊᔭᒥᐊᔅᑐᐛᔨᒋ ᒋᓴᒪᓂᑐᐛ ᒪᒃ ᒋᓴᒪᓂᑐᐛ ᐊ ‍ ᑕᔨᒋ ᐊ ‍ ᐅᒋᐱᔨᒡ ᐊ ‍ ᐃᑕᔨᑕᑯᓂᔨᒡ ᒋᑭ ‍ ᒪᓯᑕᐤ᙮ ᐊᔪᐅᒄ ᐅᔭ ᒐ ‍ ᐃᑎᑦ ᐊ ‍ ᓂᑐᐛᔨᑕᐧᒃ ᐎᔾ ᓇᔅᒡ ᒐᒋ ᒋᔅᑕᔨᑕᑯᐊᑭᓄᐅᑦ᙮ ᐛᐛᒡ ᒋᑭ ‍ ᐱᒐᐤ ᐊᓐᑕ ᒋᓴᒪᓂᑐᐛ ᐅᒋᓴᐊᔭᒥᐊᐅᒋᐛᐱᒡ ᐊᑯ ᒐ ‍ ᐃᔅᒋᔄᑦ ᐎᔾ ᐊ ‍ ᒋᓴᒪᓂᑐᐅᑦ᙮
\p
\v 5 ᓇᒪᐎᔾ ᐊ ᒋ ‍ ᒋᔅᒋᓯᓇᐛᐤ ᓴᔅ ᒥᓯᐛ ᐊᒋ ‍ ᐎᑎᒪᑎᑯᒡ ᐅ ᒪᒂᒡ ᐊᓐᑕ ᐊ ‍ ᑕᔭᒄ ᑲ ‍ ᑕᔭᓐ᙮
\v 6 ᐊᓐ ᐊᐛᓐ ᑲ ‍ ᐊᔨᒧᒥᒃ ᐊᑲ ᓇᔅᒡ ᑲ ‍ ᐊᐱᑕᔨᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ, ᒋ ‍ ᒋᔅᒐᔨᑎᒺᓇᐛᐤ ᒐᒂᔪᐤ ᒥᔭᒪᒋᑯᓂᑯᑦ ᐛᒋ ‍ ᐊᑲ ᐊᔅᒄ ᐱᔅᑎᓇᑭᓄᐅᑦ ᒐᒋ ᓄᑯᓯᑦ᙮
\v 7 ᐛᔅ ᐊᓐ ᒥᒐᑎᓯᐅᓐ ᑲ ‍ ᒪᒥᔅᑲᑕᔨᑕᒂᒡ ᓴᔅ ᐊᑐᔅᒐᒥᑭᓐ ᒥᒄ ᒪᒃ ᐊᓐ ᑕᓐ ᐊᔅᒄ ᒐ ‍ ᐃᔅᐱᔨᒡ ᓇᒪ ᐸᑎᒪ ᒋᑭ ᐅᒋ ‍ ᐃᔅᐱᔪᐤ ᐸᑐᔅ ᒋ ‍ ᐃᒐᓇᑭᓄᒐ ᐊᓐ ᑲ ‍ ᐅᑎᒥᐃᐛᑦ᙮
\p
\v 8 ᐊᑯ ᒪᒃ ᒐ ‍ ᓄᑯᐊᑭᓄᐅᑦ ᐊᐛᓐ ᒋᒋᐛ ᐊ ‍ ᐊᐎᔨᑦ ᐊᓐ ᐊᑲ ᓇᔅᒡ ᑲ ‍ ᐊᐱᑕᔨᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ᙮ ᒥᒄ ᒪᒃ ᐃᔅᐱ ᑎᑯᓯᒐ ᐅᑎᐸᔨᒋᒐᐤ ᒋᓴᔅ ᐎᔾ ᒋᑭ ‍ ᓂᐸᐊᐤ ᐅᔭᔭᐅᓐ ᐊ ‍ ᐊᐱᒋᑕᑦ᙮ ᓇᔅᒡ ᒋᑭ ‍ ᓂᓱᐅᓇᒋᐊᐤ ᐃᔅᐱ ᑎᑯᓯᒐ ᐅᒋᔅᑕᔨᑕᑯᓱᐅᓂᒡ᙮
\v 9 ᐊᔅᒄ ᒪᒃ ᐊᑲ ᐃᔅᐱᔨᒡ ᐅ ᐊᓐ ᐊᑲ ᓇᔅᒡ ᑲ ‍ ᐊᐱᑕᔨᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒥᒋᒥᓂᑐᐛ ᒋᑭ ‍ ᒥᔨᑯᐤ ᓱᐧᑲᑎᓯᐅᓂᔪᐤ᙮ ᒪᒥᔅᑲᒡ ᐛᐸᑎᔨᐛᐅᓇ ᒋᑭ ‍ ᐛᐸᑎᔨᐛᐤ ᑭᔭ ᐊ ‍ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ ᒋᑭ ‍ ᐃᑐᑎᒻ᙮ ᐊᔪᐅᒄ ᐅᔭ ᒐ ‍ ᐃᑎᑦ ᒐᒋ ᐅᒋ ‍ ᐎᔭᓯᐊᑦ ᐊᐛᔪᐛ᙮
\v 10 ᒥᓯᐛ ᓂᓇᐧᑯᐤ ᒋᑭ ᐃᓯ ᒥᒋ ‍ ᐎᔭᓯᐊᐤ ᐊᓂᔭᔪᐛ ᒐ ‍ ᓂᓱᐅᓇᑎᓯᔨᒋ᙮ ᒋᑭ ‍ ᓂᓱᐅᓇᑎᓯᔪᐛ ᐊᑲ ᐅᒋ ᐎ ᓴᒋᑕᔨᒋ ᑕᑈᐅᓂᔪᐤ ᐊᓐᑕ ᒐᒋ ᐅᒋ ‍ ᐱᒪᒋᐅᔨᒋ᙮
\v 11 ᐊᐅᒄ ᒪᒃ ᐅᔭ ᐛᒋ ‍ ᐱᔅᑎᓇᐧᒃ ᒋᓴᒪᓂᑐᐤ ᒐᒋ ᓱᒐᔨᑕᑯᓂᔨᒡ ᐊ ᐃᓯ ‍ ᐎᔭᓯᐊᑭᓄᐎᒡ ᐊᓐᑕ ᒐᒋ ᐅᒋ ‍ ᑕᑈᑕᒡ ᑭᑭᒋᔭᐅᓂᔪᐤ᙮
\v 12 ᐊᑯ ᒪᒃ ᒥᓯᐛ ᐊᐛᓐᒋ ᐊᑲ ᐅᒋ ᑕᑈᑕᒡ ᑕᑈᐅᓂᔪᐤ, ᐅᔅᑕ ᑲ ‍ ᒥᔽᔨᑕᒡ ᐊ ‍ ᒥᒐᑎᓯᒡ ᐊᐅᑯᓐᒡ ᐅᒡ ᒐ ‍ ᓂᓱᐅᓇᒋᒪᑭᓄᐎᒡ᙮
\s1 ᒋᓴᒪᓂᑐᐤ ᔅᒋ ‍ ᐅᑎᓂᑯᐛᐤ ᒐᒋ ᐱᒪᒋᐃᑯᐅᔭᒄ
\s2 2 Thessalonians 2.1-5,13-17 (Proper-27 Year C)
\p
\v 13 ᐃᑕᔨᑕᑯᓐ ᒧᔅ ᒐᒋ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ, ᒋᔨᐛᐤ ᑲ ‍ ᓴᒋᐃᑕᒄ ᐅᑎᐸᔨᒋᒐᐤ᙮ ᐛᔅ ᓴᔅ ᔅᒋ ‍ ᐅᑎᓂᑯᐛᐤ ᒋᓴᒪᓂᑐᐤ ᒐᒋ ᐱᒪᒋᐅᐛᒄ ᐊᔅᒄ ᐊᑲ ᐛᐛᒡ ᐅᒋ ᐅᓯᑕᑦ ᐅᔭ ᐊᔅᒋᔪᐤ᙮ ᒋᑭ ‍ ᐱᒪᒋᐅᓇᐛᐤ ᒪᒃ ᐛᔅ ᒋᓴᒪᓂᑐᐤ ᑲ ‍ ᓱᒐᔨᑕᑯᓯᔨᒋ ᐅᑦ ᐊᒐᒂ ᒋᑭ ‍ ᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ ᐛᔅ ᒋ ‍ ᑕᑈᑕᓇᐛᐤ ᑕᑈᐅᓐ᙮
\v 14 ᒋᓴᒪᓂᑐᐤ ᔅᒋ ‍ ᐅᑎᓂᑯᐛᐤ ᒐᒋ ᑕᑈᑎᒪᒄ ᑕᑈᐅᓐ ᐃᔅᐱ ᑲ ‍ ᐎᑎᒪᑕᒡ ᒥᔽᒋᒧᐅᓐ᙮ ᔅᒋ ‍ ᐅᑎᓂᑯᐛᐤ ᒐᒋ ᐊᔭᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮
\v 15 ᐊᑯ ᒪᒃ ᓂᐧᑲᓂᓯᑐᒄ, ᓱᒃ ᓱᒋᑲᐳᐅᒄ ᒋᑕᑈᑎᒧᐅᓄᐛᒡ ᑭᔭ ᒥᒪᒋᒥᓂᒧᒄ ᑕᓐ ᑲ ᐃᓯ ‍ ᒋᔅᑯᑎᒪᑕᒡ ᑲ ‍ ᑭᒐᔅᒋᒥᑕᒡ ᑭᔭ ᑕᓐ ᑲ ᐃᓯ ‍ ᒥᓯᓇᐊᒪᑕᒡ᙮
\p
\v 16 ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᓴᒋᐃᑯᓄᐅᒡ ᑭᔭ ᔅᒋ ‍ ᒥᔨᑯᓄᐅᒡ ᑲᒋᒡ ᒥᔽᔨᒧᐅᓂᔪᐤ ᑭᔭ ᐊᔅᐸᔨᒧᐅᓂᔪᐤ ᓱᐛᔨᒋᒐᐅᓂᒡ ᐅᒡ᙮
\v 17 ᓂᑐᑎᒧᐛᓇᓂᒡ ᒐᒋ ᒥᔽᔨᒧᐃᑯᐅᔭᒄ ᑭᔭ ᒐᒋ ᓱᒋᑲᐳᐅᔭᒄ ᒥᓯᐛ ᑕᓐ ᐊ ᐃᓯ ‍ ᒥᔪᑐᑎᒪᒄ ᑭᔭ ᑕᓐ ᐊ ᐃᓯ ‍ ᐃᔨᒥᔭᒄ᙮
\c 3
\s1 ᐊᔭᒥᐊᔅᑎᒧᐅᓇᓐ
\p
\v 1 ᐊᐅᒄ ᐅ ᒪᔅᑕᔾ ᐛ ᐃᑎᑎᑯᒡ, ᓂᐧᑲᓂᓯᑐᒄ, ᐸᒋ ‍ ᐊᔭᒥᐊᔅᑎᒧᐅᓇᓐ ᒐ ᐊᑲ ᒋ ᒋᐱᒋᑕᑭᓄᐎᒡ ᐅᑎᐸᔨᒋᒐᐤ ᐅᒥᔽᒋᒧᐅᓐ᙮ ᐊᔭᒥᐊᒄ ᒐᒋ ᒥᓯᑕᐱᔨᒡ ᒧᔭᒻ ᒋᔨᐛᐤ ᐊᓐᑕ ᐊ ‍ ᑕᔭᒄ ᑲ ᐃᓯ ‍ ᒥᓯᑕᐱᔨᒡ᙮
\v 2 ᐸᒋ ‍ ᐊᔭᒥᐊᔅᑎᒧᐅᓇᓐ ᑭᔭ ᒐᒋ ᑭᓄᐛᔨᒥᔨᒥᑦ ᒋᓴᒪᓂᑐᐤ ᒐ ᐊᑲ ᒋ ᓂᓱᐅᓇᒋᐃᔨᒥᒡ ᐊᓐᒡ ᑲ ‍ ᒥᒐᑎᓯᒡ᙮ ᐛᔅ ᓇᒪ ᒥᓯᐛ ᐊᐛᓐ ᑕᑈᑎᒻ ᒥᔽᒋᒧᐅᓂᔪᐤ᙮
\v 3 ᐃᑕᔨᑕᑯᓱᐤ ᒪᒃ ᐅᑎᐸᔨᒋᒐᐤ ᒐᒋ ᑕᑈᐅᒐᔨᒪᑭᓄᐅᑦ᙮ ᒋᑭ ‍ ᐃᑐᑕᑯᐛᐤ ᒐᒋ ᓱᒋᑲᐳᐅᐛᒄ ᑭᔭ ᒋᑭ ᒥᔪ ‍ ᑭᓄᐛᔨᒥᑯᐛᐤ ᒐ ᐊᑲ ᒋ ᓂᓱᐅᓇᒋᐃᑕᒄ ᒥᒋᒥᓂᑐᐤ᙮
\v 4 ᐅᑎᐸᔨᒋᒐᐤ ᒪᒃ ᓂ ‍ ᐃᑐᑕᑯᓇᓐ ᒐᒋ ᑕᑈᐅᒐᔨᒥᑕᒡ᙮ ᓂ ‍ ᒐᔅᑎᓇᐅᓇᓐ ᐊ ‍ ᐃᑐᑎᒪᒄ ᐊᓐ ᑲ ᐃᓯ ‍ ᐎᑎᒪᑕᒡ ᑭᔭ ᒧᔅ ᒐ ‍ ᐃᑐᑎᒪᒄ᙮
\v 5 ᓂ ‍ ᓂᑐᑎᒧᐛᓇᓐ ᐅᑎᐸᔨᒋᒐᐤ ᒐᒋ ᐎᒋᐃᑕᒄ ᐊᑐᐎᔅ ᒐᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᓴᒋᐃᐛᐅᓐ᙮ ᑭᔭ ᒐᒋ ᓯᐱᔨᐛᓱᐛᒄ ᐊ ‍ ᓂᒋᔅᑭᒪᒄ ᐊ ‍ ᐊᔨᒪᒡ ᒧᔭᒻ ᙭ ᑲ ᐃᓯ ‍ ᓯᐱᔨᐛᓯᑦ᙮
\s1 ᐊᑐᔅᒐᒄ, ᐊᑲᐎᔾ ᒋᑎᒥᒄ
\s2 2 Thessalonians 3.6-13 (Proper-28 Year C)
\p
\v 6 ᓂᐧᑲᓂᓯᑐᒄ, ᒋᑦ ᐃᑎᓱᒥᑎᓇᓐ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓐ ᐅᒋ, ᐊᑲᐎᔾ ᐊᐱᑕᔨᒪᐧᑯᒡ ᐊᓐᒡ ᐊᐛᓐᒋ ᐊᑲ ᓇᔅᒡ ᒐᒂᓂᒡ ᐃᑕᐱᑎᓯᒡ ᑭᔭ ᐊᑲ ᐊᐱᑕᔨᑕᒡ ᑕᓐ ᑲ ᐃᓯ ‍ ᒋᔅᑯᑎᒪᑕᒡ᙮
\v 7 ᒋ ᒥᔪ ‍ ᒋᔅᒐᔨᑕᓇᐛᐤ ᑭᔭ ᒋᔨᐛᐤ ᒐᒋ ᐃᑎᔭᒄ ᑕᓐ ᑲ ‍ ᑎᔭᒡ ᐊᓐᑕ ᐊ ‍ ᑕᔭᒄ ᑲᒋ ‍ ᑕᔭᒡ᙮ ᓇᒪ ᓂ ᐅᒋ ‍ ᒋᑎᒥᓇᓐ᙮
\v 8 ᓇᒪ ᓂ ᐅᒋ ‍ ᐱᔅᑎᓇᓇᓐᒡ ᐊᐛᓐᒋ ᒐᒋ ᐊᓯᒥᔨᒥᒡ ᐊᑲ ᐛᐛᒡ ᒋᓯᐧᑯᐅᒋᒡ᙮ ᐃᔭᐱᒡ ᓂᒋ ᒥᔅᑎ ‍ ᐊᑐᔅᒐᓇᓐ ᐊ ‍ ᒋᓯᑲᒡ ᑭᔭ ᐊ ‍ ᑎᐱᔅᑲᒡ ᒐ ᐊᑲ ᒋ ᐊᔨᒥᐃᑕᒡ᙮
\v 9 ᐊᐅᒄ ᑲ ‍ ᑎᔭᒡ᙮ ᐊᑎ ᐃᓯᓇᒂᒡ ᒐᒋ ᓂᑐᑎᒪᑕᒡ ᒐᒋ ᐱᒥᐱᔨᐃᔨᐊᒡ ᓇᒪ ᒋ ᐅᒋ ‍ ᓂᑐᐛᔨᑎᒪᑎᓇᓐ ᒐᒂᓐ᙮ ᐛᔅ ᔅᒋ ᐎ ‍ ᐛᐸᑎᔨᑎᓇᓐ ᑕᓐ ᒋᐸ ‍ ᐃᑕᑎᓯᓇᐛᐤ ᑭᔭ ᒋᔨᐛᐤ᙮
\v 10 ᐊᓐᑕ ᐊ ‍ ᑕᔭᒄ ᑲᒋ ‍ ᑕᔭᒡ ᐊᐅᑯᓐ ᑲᒋ ‍ ᐃᑎᑕᒡ ᒪᓐ, “ᐊᐛᓐ ᐊᑲ ᐎ ᐊᑐᔅᒐᑦ ᓇᒪ ᒋᐸ ᐅᒋ ‍ ᒥᔭᑭᓄᐤ ᒐᒋ ᒥᒋᓱᐅᑦ᙮”
\p
\v 11 ᐊᐅᒄ ᐅ ᐛᒋ ‍ ᐃᑎᑕᒡ ᐛᔅ ᓂᒋ ‍ ᐸᑕᓇᓐ ᐊ ‍ ᑕᒡ ᐊᓐᑕ ᐊ ‍ ᑕᔭᒄ ᐱᔅᒐ ᐊᑲ ᓇᔅᒡ ᐎᔭᔅ ᐃᑕᐱᑎᓯᒡ ᒥᒄ ᐊ ‍ ᐃᔨᒥᑐᑐᐛᒡ ᐊᐛᔪᐛ᙮
\v 12 ᓂᓯᒋᒪᓇᓂᒡ ᐅᒡ ᐊᐛᓐᒋ ᑭᔭ ᓂᑦ ᐃᔭᒂᒥᒪᓇᓂᒡ ᐅᑎᐸᔨᒋᒐᐛ ᒋᓴᓴ ᐊ ‍ ᑕᔨᒋ ᐃᓯ ᐊ ‍ ᐃᑎᒋᒡ, ᒋᔭᒻ ᐃᓯ ᐱᒪᑎᓯᒄ ᑭᔭ ᐊᑐᔅᒐᒄ ᐊᓐᑕ ᒐᒋ ᐅᒋ ‍ ᐱᒥᓂᑎᓱᔭᒄ᙮
\v 13 ᒥᓯᐛ ᓂᐧᑲᓂᓯᑐᒄ ᒋᑦ ᐃᑎᓇᐛᐤ, ᐊᑲᐎᔾ ᐱᒋᔅᑲᒋᒄ ᐊ ‍ ᒥᔪᑐᑎᒪᒄ᙮
\p
\v 14 ᐊᐛᓐ ᐊᑕᒂ ᐊᓐᑕ ᐊ ‍ ᑕᔭᒄ ᐊᑲ ᐎ ᓂᓇᐃᑕᐧᒃ ᑕᓐ ᑲ ᐃᓯ ‍ ᒥᓯᓇᐊᒪᑕᒡ ᒋᔅᒋᓯᑐᑐᐛᐧᒄ᙮ ᐊᑲᐎᔾ ᐊᐱᑕᔨᒪᐧᒄ ᑭᔭ ᒐ ‍ ᓯᓴᒂᔨᒧᑦ᙮
\v 15 ᒥᒄ ᐊᑲᐎᔾ ᐃᑐᑐᐛᐧᒄ ᒧᔭᒻ ᐊ ‍ ᐛᐧᑲᑕᒄ, ᐃᔭᐱᒡ ᒋᐸ ‍ ᐃᔭᒂᒪᐛᐤ ᐊ ‍ ᐎᐧᑲᓂᓯᑐᐛᒄ᙮
\s1 ᑈᓪ ᒪᔅᑕᔾ ᑲ ᐃᓯ ‍ ᐎᑎᒧᐛᑦ
\p
\v 16 ᓂᑦ ᐊᔭᒥᐊᓇᓐ ᐅᑎᐸᔨᒋᒐᐤ ᐎᔾ ᐊ ‍ ᑕᑦ ᐛᒋᐱᔨᒡ ᒋᔭᒪᔨᑎᒧᐅᓂᔪᐤ, ᒧᔅ ᒋᔭᒪᔨᑎᒧᐅᓂᔪᐤ ᒐᒋ ᒥᔨᑕᒄ ᒥᒄ ᑕᓐ ᐊ ‍ ᐃᔅᐱᔨᐛᒄ᙮ ᐅᑎᐸᔨᒋᒐᐤ ᒧᔅ ᒋᑭ ‍ ᐎᒐᐅᑯᐛᐤ᙮
\p
\v 17 ᓂᔾ ᑈᓪ ᒋ ‍ ᒥᓯᓇᐊᒪᑎᓇᐛᐤ᙮ ᐊᐅᒄ ᐊ ‍ ᐃᓯᓇᒂᒡ ᓂᔾ ᐊ ‍ ᒥᓯᓇᐅᓱᔭᓐ᙮
\p
\v 18 ᒋᑦ ᐊᔭᒥᐊᔅᑎᒪᑎᓇᐛᐤ ᒥᓯᐛ ᒐᒋ ᒥᔪᑐᑕᑕᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮
\id 1TI Adapted from ECree-S to Naskapi, 4 April 2003; Typeset export from CBS 8 May 2007
\h 1 ᑎᒧᑎ
\toc3 1 ᑎᒧᑎ
\toc2 1 ᑎᒧᑎ
\toc1 ᓂᔅᑎᒻ ᑎᒧᑎ ᑈᓪ ᓂᔅᑎᒻ ᑲ ‍ ᒥᓯᓇᐊᒧᐛᑦ ᑎᒧᑎᔨᒋ
\mt1 ᓂᔅᑎᒻ ᑎᒧᑎ
\mt2 ᑈᓪ ᓂᔅᑎᒻ ᑲ ‍ ᒥᓯᓇᐊᒧᐛᑦ ᑎᒧᑎᔨᒋ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐊᐅᒄ ᐅᔭ ᑈᓪ ᐅᐎᒐᐛᑭᓇ᙮ ᒋ ‍ ᐅᔅᒋᓂᒋᓱᔪᐛ ᐃᔅᐱ ᑲ ‍ ᒂᔅᑭᑎᓯᔨᒡ ᐊᓐᑕ ᒪᒂᒡ ᓂᔅᑎᒻ ᑲ ‍ ᐱᐸᒧᑕᑦ ᒥᔽᒋᒧᐅᓂᔪᐤ᙮ ᒋ ‍ ᐎᒐᐛᐤ ᒪᒃ ᑈᓪ ᐃᔅᐱᔅ ᒥᓐ ᑲ ‍ ᔅᑐᑕᔨᒡ ᐊᑯᑕ ᒪᒃ ᑲ ᐅᒋ ‍ ᐎᒋᐊᑦ ᑈᓪ ᐊᓂᔭ ᐊ ‍ ᐃᑕᐱᑎᓯᔨᒋ᙮ ᐊᑯᑕ ᒪᒃ ᐊᓐᑕ ᒪᒂᒡ ᑲ ‍ ᒥᓯᓇᐊᐧᒃ ᑈᓪ ᐅᔭ ᒥᓯᓇᐃᑭᓂᔪᐤ᙮ ᑲ ‍ ᒋᔅᑯᑕᒥᒐᑦ ᒋ ‍ ᐃᑕᐱᑎᓯᐤ ᑎᒧᑎ ᑭᔭ ᒋ ‍ ᓂᑲᓂᔅᑭᒻ ᐊᔭᒥᐊᐅᒋᐛᐱᔪᐤ ᐊᓐᑕ ᐃᐱᓴᔅ᙮ ᐊᔅᒄ ᓇᔅᒡ ᒋ ‍ ᐊᐛᓯᐤ ᑎᒧᑎ ᒐᒋ ᐊᔭᑦ ᐊᑐᔅᒐᐅᓂᔪᐤ ᐅᔭ ᐊ ᐃᓯ ‍ ᒋᔅᑕᔨᑕᑯᓂᔨᒡ ᐊ ‍ ᓂᑲᓂᔅᑲᐧᒃ ᐊᔭᒥᐊᐅᒋᐛᐱᔪᐤ᙮ ᐊᑯ ᑈᓪ ᑲ ‍ ᒥᓯᓇᐊᒧᐛᑦ ᐊ ᐎ ‍ ᐎᒋᐊᑦ ᑭᔭ ᐊ ‍ ᐎᑎᒧᐛᑦ ᑕᓐᑕ ᒐ ᐃᓯ ‍ ᓂᓇᑭᑐᐛᐸᑎᒥᔨᒋ ᐅᑦ ᐊᑐᔅᒐᐅᓂᔪᐤ᙮ ᐊᓂᔭ ᒪᒃ ᑲ ‍ ᒥᓯᓇᐊᒧᐛᑦ ᒋ ‍ ᒋᔅᑯᑎᒧᐛᐤ ᐃᔪᐛ ᑕᓐ ᒐ ‍ ᐃᑎᔨᒋ ᐊᓐᑕ ᐊᔭᒥᐊᐅᒋᐛᐱᒡ ᐊ ‍ ᑕᔨᒋ ᑭᔭ ᐊ ‍ ᓂᑲᓂᔅᑲᐧᒃ ᐊᐛᓐ ᑕᓐ ᒋᐸ ᐃᓯ ‍ ᓂᓇᑭᑐᐛᔨᑎᒻ᙮
\c 1
\p
\v 1 ᐊᐅᒄ ᓂᔾ ᑈᓪ, ᒋᓴᔅ ᙭ ᐅᑦ ᐊᑈᔅᑕᓂᒪ᙮ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ ᓂᒋ ‍ ᐃᑎᓱᒥᒄ ᒐᒋ ᐊᔨᒧᒥᒋ ᒋᓴᔅ ᙭ᑕ ᐊᓐ ᐊᐛᓐ ᐊ ‍ ᑕᑦ ᐛᒋ ‍ ᐊᔭᔭᐧᒄ ᐊᔅᐸᔨᒧᐅᓐ᙮
\p
\v 2 ᒋᔾ ᑎᒧᑎ ᒋ ‍ ᒥᓯᓇᐊᒪᑎᓐ, ᒋᔾ ᒧᔭᒻ ᑎᐱᔨᐛ ᓂᑯᔅ ᑲ ‍ ᐃᑕᔨᒥᑕᓐ ᐛᔅ ᓂᔾ ᔅᒋ ‍ ᐎᒋᐃᑎᓐ ᐊᔭᔅᒃ ᒐᒋ ᓂᑕᐅᒋᔨᓐ ᐊᓐᑕ ᙭ ᐊ ‍ ᑕᑦ ᐃᔅ᙮
\p ᒋᓴᒪᓂᑐᐤ ᒍᑕᐎᓄᐤ ᑭᔭ ᙭ ᒋᓴᔅ ᒋᑎᐸᔨᒋᒐᓯᒥᓄᐤ ᒋᑭ ᐎ ‍ ᒥᔨᒄ ᒋᓴᐛᑎᓯᐅᓂᔪᐤ, ᓱᐛᔨᒋᒐᐅᓂᔪᐤ ᑭᔭ ᒋᔭᒪᔨᑎᒧᐅᓂᔪᐤ᙮
\s1 ᐃᔭᒂᒥᔅᑐᐛᐧᑯᒡ ᓂᑎᒥᒄ ᑲ ᐃᓯ ‍ ᒋᔅᑯᑎᒪᒐᒡ
\p
\v 3 ᐊᓐ ᒪᒃ ᑕᓐ ᑲ ᐃᓯ ‍ ᓯᒋᒥᑕᓐ ᐃᔅᐱ ᒐ ‍ ᐃᑐᑕᔭᓐ ᒪᓯᑐᓂᔭ ᒥᓐ ᒋᑦ ᐃᑎᓐ, ᐊᐅᒄ ᐊᓐ ᒐᒋ ᑕᔨᓐ ᐸᑎᒪ ᐊᓐᑕ ᐊᓐ ᐅᑕᓇᐤ ᐃᐱᓴᔅ ᐊ ‍ ᐃᓯᓂᐧᑲᑕᒡ ᒐᒋ ᒋᑕᐊᒧᐅᑥᐤ ᐊᓐᒡ ᐊᐛᓐᒋ ᐊᑲ ᒧᔭᒻ ᑲ ᐃᓯ ‍ ᒋᔅᑯᑎᒪᒐᒡ᙮
\v 4 ᐎᑎᒧᐅᒡ ᒐ ᐊᑲ ᒋ ᐊᐱᑕᔨᑕᒡ ᐛᔅᑭᒡ ᑎᐸᒋᒧᐅᓇ ᑭᔭ ᐊᓂᔭ ᑕᓐ ᑲ ᐃᓯ ᐸᒋ ‍ ᐃᑎᔅᑲᑐᔨᒋ ᐅᐛᐧᑯᒪᑭᓄᐛᐛ ᐊᓐᑕ ᐛᔅᑭᒡ ᒧᔭᒻ ᒐᒋ ᐃᑕᔨᑕᒡ ᐅᑦ ᐊᒐᐧᑯ ᐱᒪᑎᓯᐅᓄᐛᒡ ᒐᒋ ᐎᒋᐃᑯᒡ ᐅᔭ ᒐᒂᔪᐤ᙮ ᐛᔅ ᒧᔭᒻ ᐅᔭ ᒐ ‍ ᑐᐛᒂ ᐊᑯᑕ ᒐᒋ ᐅᒋ ‍ ᒋᒋᐱᔨᒡ ᐊ ‍ ᒋᐧᑲᓇᑯᐃᑐᒡ᙮ ᑭᔭ ᐅᔭ ᐊ ‍ ᐃᑎᒡ ᓇᒪ ᓇᔅᒡ ᐎᒋᑕᐅᒡ ᑕᓐ ᒐᒋ ᐃᓯ ‍ ᐊᑐᔅᑯᐛᑭᓄᔨᒋ ᒋᓴᒪᓂᑐᐛ᙮ ᑕᑈᔭᔨᑎᒧᐅᓂᒡ ᒪᒃ ᐊᑯᑕ ᐊ ᐃᓯ ‍ ᐊᑐᔅᑯᐛᑭᓄᐅᑦ ᒋᓴᒪᓂᑐᐤ᙮
\v 5 ᐛᔅ ᐅᔭ ᐃᑎᓱᒥᑥᐛ ᐊᑯᑕ ᒐᒋ ᐅᒋ ‍ ᓴᒋᐊᒡ ᐊᐛᔪᐛ ᐊ ‍ ᐸᔭᐧᑭᓂᔨᒋ ᐅᑕᐃᐛᐛ ᑭᔭ ᐊ ‍ ᒋᔅᒐᔨᑕᒡ ᑯᐃᔅᒄ ᐊᒋ ‍ ᐃᑎᒡ ᑭᔭ ᐊ ‍ ᓱᒐᔨᑕᑯᓂᔨᒡ ᐅᑕᑈᑎᒧᐅᓄᐛᐤ᙮ ᐛᔅ ᐅ ᐃᓯ ‍ ᓂᓇᑭᑐᐛᔨᑎᒥᐃᑯᔨᓇ ᒐᒋ ᐃᓯ ‍ ᐎᑎᒧᐅᑥᐤ ᐊᑯᑕ ᒐᒋ ᐅᒋ ‍ ᓇᔅᒡ ᓴᒋᐊᒡ ᐊᐛᔪᐛ ᐅᑕᐃᐛᒡ᙮
\v 6 ᐱᔅᒐ ᒪᒃ ᐊᐛᓐᒋ ᓇᒪ ᓴᔅ ᐊᐱᑕᔨᑎᒥᐃᑯᐅᒡ ᐅᔭ ᐊ ᐃᓯ ‍ ᑯᐃᔅᑯᐱᒪᑎᓯᓇᓄᐎᒡ᙮ ᐅᔅᑕ ᐃᑕᔨᑎᒥᐃᑯᐅᒡ ᒐᒋ ᐊᔨᒧᑕᒡ ᐊᓂᔭ ᒐᒂᔪᐤ ᐊᑲ ᓇᔅᒡ ᒐᒂᔪᐤ ᐃᓯ ᐎᒋᐃᑯᒡ᙮
\v 7 ᐊᓂᔭ ᓇᔅᒡ ᐊ ᐎ ‍ ᒋᔅᑯᑎᒪᒐᒡ ᒋᓴᒪᓂᑐᐛ ᐅᐎᓱᐛᐅᓂᔪᐤ ᐊᔪᐅᒄ ᐛ ᐃᓯ ‍ ᒋᐧᑲᔭᐱᒥᑯᓯᒡ, ᐊᑲ ᒪᒃ ᓇᔅᒡ ᓂᓇᔅᑐᑕᓱᒡ ᑕᓐ ᐊᓐ ᐛ ‍ ᐃᔅᒋᔄᒡ ᑭᔭ ᓇᒪ ᐛᐛᒡ ᒋᔅᒐᔨᑎᒧᒡ ᐊᓂᔭ ᒐᒂᔪᐤ ᑲ ‍ ᐊᔨᒧᑕᒡ ᐊᑎ ᒧᔭᒻ ᓇᔅᒡ ᐊ ‍ ᒋᔅᒐᔨᑕᒡ ᐊ ‍ ᐃᑎᑕᑯᐃᓱᒡ᙮
\p
\v 8 ᒋ ‍ ᒋᔅᒐᔨᑕᓇᓄᐤ ᒪᒃ ᒋᔭᓄᐤ ᐊ ᒥᔪ ‍ ᐎᒋᐃᑯᑦ ᐊᐛᓐ ᒧᔭᒻ ᐊ ‍ ᐃᑕᐱᒋᑕᐛᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑕᓐ ᑲ ᐃᓯ ‍ ᓂᑐᐛᔨᑎᒥᔨᒋ ᒐᒋ ᐃᑕᐱᑎᓂᔨᒡ᙮
\v 9 ᐅ ᒪᒃ ᐎ ᓂᔅᑐᑎᒧᒄ, ᑕᐸ ᓇᒪᔭᐤ ᐅᑯᐃᔅᑯᑕᑎᓯᐤ ᑲ ‍ ᐅᓯᑎᒧᐛᑭᓄᐅᑦ ᐅᔭ ᐎᓱᐛᐅᓂᔪᐤ᙮ ᐊᓐᒡ ᐛᔅ ᐊᓐ ᐊᑲ ᓇᔅᒡ ᐊᐱᑕᔨᑕᒡ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑭᔭ ᐊᓐᒡ ᐊᑲ ᓇᔅᒡ ᓂᓇᐃᑎᒺᒡ ᑭᔭ ᐊᓐᒡ ᐊᑲ ᓇᔅᒡ ᒋᔅᒐᔨᑕᒡ ᑕᓐ ᒋᐸ ᐃᓯ ‍ ᓂᓇᑭᑐᐛᔨᑎᒥᐃᑯᐅᒡ ᐅᐱᒪᑎᓯᐅᓄᐛᐛ ᐊᐅᑯᓐᒡ ᐅᒡ ᑲ ‍ ᐅᓯᑎᒧᐛᑭᓄᐎᒡ ᐅᔭ ᐎᓱᐛᐅᓂᔪᐤ᙮ ᑭᔭ ᐊᓐᒡ ᐊᑲ ᓇᔅᒡ ᐊᐱᑕᔨᒪᒡ ᒋᓴᒪᓂᑐᐛ ᐅᐱᒪᑎᓯᐅᓄᐛᒡ ᑭᔭ ᐊᓐᒡ ᓇᔅᒡ ᑲ ‍ ᒥᒋᐱᒪᑎᓯᒡ ᐊᐅᑯᓐᒡ ᐅᒡ ᑲ ‍ ᐅᓯᑎᒧᐛᑭᓄᐎᒡ ᐊᓂᔭ ᐎᓱᐛᐅᓂᔪᐤ᙮ ᑭᔭ ᐊᓐᒡ ᐊᑲ ᐸᔭᒋ ᐱᒪᑎᓯᒡ ᐅᑦ ᐊᒐᐧᑯᐛᒡ ᑭᔭ ᐊᓐᒡ ᐊᑲ ᓇᔅᒡ ᐊᔭᒥᐊᐛᑎᓯᒡ ᑭᔭ ᐊᓐᒡ ᑲᓂᐸᐊᒡ ᐅᑕᐎᐛᐛ ᑭᔭ ᐅᑲᐎᐛᐛ ᑭᔭ ᐊᓐᒡ ᑲ ‍ ᓂᐸᐃᐛᒡ,
\v 10 ᑭᔭ ᐊᓐᒡ ᓂᓇᐧᑯᐤ ᑲ ᐃᓯ ‍ ᐎᓂᓱᑐᑐᐛᒡ ᐊᐛᔪᐛ ᑭᔭ ᐊᓐᒡ ᓇᐸᐅᒡ ᑲ ‍ ᐎᒐᐛᒡ ᐎᑕᐸᐛᐛ ᑭᔭ ᐃᔎᐅᒡ ᑲ ‍ ᐎᒐᐛᒡ ᐎᑎᔎᐛᐛ ᑭᔭ ᐊᓐᒡ ᑲ ‍ ᒋᒧᑎᒡ ᐊᐛᔪᐛ, ᑭᔭ ᐊᓐᒡ ᑲ ᐎᒋ ‍ ᑭᑭᒋᔭᒡ ᑭᔭ ᐊᓐᒡ ᓂᑎᒥᒄ ᑲ ‍ ᐃᑕᒋᒧᒡ ᐊᑎ ᐊᒋ ‍ ᓇᔅᐱᒡ ᐎ ‍ ᑕᑈᒡ ᑭᔭ ᒥᓯᐛ ᐊᓐᒡ ᐊᐛᓐᒋ ᐊᑲ ᐃᑐᑕᒡ ᑕᓐ ᐊ ‍ ᐃᑎᓱᐛᒥᑭᓂᔨᒡ ᐅᔭ ᒥᔪ ‍ ᒋᔅᑯᑎᒪᒐᐅᓂᔪᐤ᙮
\v 11 ᐅ ᒥᔪ ‍ ᒋᔅᑯᑎᒪᒐᐅᓐ ᐊᓐᑕ ᒥᔽᒋᒧᐅᓂᒡ ᐅᒋᐱᔪᐤ᙮ ᐊᐅᒄ ᒥᔽᒋᒧᐅᓐ ᑲ ‍ ᒥᔨᑯᔭᓐ ᒐᒋ ᐛᐎᑎᒪᓐ᙮ ᐊᓐᑕ ᒪᒃ ᐊᓐ ᑲ ‍ ᒋᔅᑕᔨᑕᑯᓯᑦ ᑭᔭ ᑲ ‍ ᓱᐛᔨᑕᑯᓯᑦ ᒋᓴᒪᓂᑐᐤ ᐊ ‍ ᑕᑦ ᐊᑯᑕ ᐛᒋᐱᔨᒡ᙮
\s1 ᑈᓪ ᑲ ᐃᓯ ‍ ᒋᓴᐛᑐᑕᑯᑦ ᒋᓴᒪᓂᑐᐛ
\s2 1 Timothy 1.12-17 (Proper-19 Year C)
\p
\v 12 ᓂᓇᔅᑯᒪᐤ ᒋᑎᐸᔨᒋᒐᓯᒥᓄᐤ ᙭ ᒋᓴᔅ ᑕᓐ ᑲ ᐃᓯ ‍ ᑕᑈᐅᒐᔨᒥᑦ ᑭᔭ ᑕᓐ ᑲ ᐃᓯ ‍ ᒥᔨᑦ ᓱᐧᑲᑎᓯᐅᓂᔪᐤ ᒐᒋ ᐊᑐᔅᑯᐅᒃ ᐊᓂᔭ ᑕᓐ ᑲ ᐃᓯ ‍ ᐅᑎᓂᑦ,
\v 13 ᐊᑎ ᓇᔅᒡ ᐊᒋ ‍ ᐊᒂᑕᔨᑕᑯᓱᐅᒡ ᓂᓇᐧᑯᐤ ᐊᒋ ᐃᓯ ‍ ᒥᒪᔭᔨᒥᒃ ᑭᔭ ᐊᒋ ‍ ᐱᐸᔅᑕᒥᒃ ᑭᔭ ᐊᒋ ‍ ᓂᓇᐧᑲᒋᐃᒃ᙮ ᒥᒄ ᒪᒃ ᐃᔭᐱᒡ ᓂᒋ ‍ ᒋᔅᑎᒪᒐᔨᒥᒄ ᐛᔅ ᐊᓐ ᑲ ‍ ᐃᔅᐱᔅ ᒋ ‍ ᐊᓏᑎᒪᓐ ᓇᒪ ᓂ ᐅᒋ ‍ ᒋᔅᒐᔨᑕᓐ ᑕᓐ ᐊᓐ ᑲ ‍ ᐃᑎᔭᓐ᙮
\v 14 ᓇᔅᒡ ᓂᒋ ‍ ᐛᔪᐅᒡ ᓄᑯᑥᒄ ᐅᑎᐸᔨᒋᒐᐤ ᑕᓐ ᐊᔅᐱᔅ ᒋᓴᐛᑐᑐᐅᑦ ᒐᒋ ᐅᒋ ‍ ᐊᑎ ‍ ᑕᑈᔭᔨᒥᒃ ᑭᔭ ᒐᒋ ᐅᒋ ‍ ᐊᑎ ‍ ᓴᒋᐃᒃ ᙭᙮
\p
\v 15 ᐊᐅᒄ ᒪᒃ ᐅ ᑎᔭᑈᒥᑲᒡ ᐃᔅᒋᔄᐅᓐ, ᙭ ᒋᓴᔅ ᐊᒋ ᐸᒋ ‍ ᑎᑯᓯᐧᒃ ᐅᑕ ᐊᔅᒋᒡ ᒐᒋ ᐱᒪᒋᐊᑦ ᐅᒥᒋᑥᐛ᙮ ᒪᐅᒡ ᒪᒃ ᑲ ‍ ᒥᒐᑎᓯᑦ ᓂᔾ ᓂᒋ ‍ ᐃᑕᔨᑕᑯᓯᓐ᙮
\v 16 ᐊᑎ ᒪᒃ ᓂᔾ ᒪᐅᒡ ᐊᒋ ‍ ᒥᒐᑎᓯᐅᒡ ᓂᒋ ‍ ᐛᔪᐅᒡ ᒋᓴᐛᑐᑕᒄ ᒋᓴᒪᓂᑐᐤ ᒐᒋ ᓄᑯᑕᑦ ᑕᓐ ᒐᒋ ᐃᔅᐱᔅ ᐛᔪᐅᒡ ᓯᐱᔪᐛᓯᔅᑐᐛᑦ ᐊᓂᔭᔪᐛ ᒐ ‍ ᑕᑈᔭᔨᒥᑯᑦ ᑭᔭ ᒐ ‍ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮
\v 17 ᐊᑯ ᒪᒃ ᑲᒋᒡ ᒋᑭ ᐎ ‍ ᒋᔅᑕᔨᒪᑭᓄᐤ ᑭᔭ ᐎᔾ ᓇᔅᒡ ᒋᑭ ᐎ ‍ ᒋᔅᑕᔨᑕᑯᐊᑭᓄᐤ ᐊᓐ ᑲᒋᒡ ᑲ ‍ ᒋᓴᐅᒋᒪᐅᑦ, ᐊᓐ ᒐ ᐊᑲ ᓂᑕ ᓂᐱᑦ, ᐊᑲ ᓄᑯᓯᑦ ᑭᔭ ᐊᓐ ᒥᒄ ᐱᔭᐃᑯᓯᑦ ᒋᓴᒪᓂᑐᐤ᙮ ᐊᒥᓐ᙮
\p
\v 18 ᐅ ᒪᒃ ᒋᑦ ᐃᑎᓱᒥᑎᓐ ᒋᔾ ᑎᒧᑎ ᓂᑯᔅ᙮ ᓱᐧᒃ ᐛᐎᑕ ᐅ ᒥᔽᒋᒧᐅᓐ ᐛᔅ ᐊᐅᒄ ᐅᔭ ᑲ ᐃᓯ ‍ ᐊᔨᒧᒥᔅᒡ ᒐ ‍ ᐃᑐᐅᑦ ᐊᓐᒡ ᐅᒋᔅᒋᐛᐃᒐᓱᒡ ᐃᔅᐱ ᑲ ‍ ᓂᑲᓐ ᐊᔨᒧᑕᒡ ᒋ ‍ ᐱᒪᑎᓯᐅᓂᔪᐤ᙮ ᑭᓄᐛᔨᑎᒥᐃᑯᔨᓇ ᒪᒃ ᐊᓐ ᑲ ᐃᓯ ‍ ᐊᔨᒧᑕᒡ ᒋ ‍ ᐱᒪᑎᓯᐅᓐ ᒋᑭ ‍ ᐎᒋᐃᑯᓐ ᒐᒋ ᒥᔪ ‍ ᒪᓯᒐᔨᓐ ᐊᓐᑕ ᑕᑈᑎᒧᐅᓂᒡ ᐃᔅ᙮
\v 19 ᓱᐧᒃ ᒧᓯᓇᐤ ᑕᑈᑕ ᑭᔭ ᓱᐧᒃ ᒧᔅ ᑯᐃᔅᒄ ᐃᑎᔾ ᑭᔭ ᓇᒪ ᒋᑭ ᐅᒋ ‍ ᒪᒥᓯᒪᔨᑕᓐ ᐊᑲ ᒥᒋᑐᑎᒥᓇ᙮ ᐛᔅ ᑕᐅᒡ ᐊᓐᒡ ᓇᔅᒡ ᐊᑲ ᐊᔨᒪᔨᑎᒥᐃᑯᒡ ᑕᓐ ᒋᐸ ᐃᓯ ‍ ᐱᒪᑎᓯᐅᒡ ᑭᔭ ᒂ ᐊᑎ ‍ ᓂᓱᐅᓇᒋᑕᒡ ᐅᑕᑈᑎᒧᐅᓄᐛᐤ᙮
\v 20 ᐊᑯᑕ ᑲ ᐃᓯ ‍ ᓴᐧᑯᒋᐱᑕᑭᓄᐎᒡ ᐃᒥᓇᔭᔅ ᑭᔭ ᐊᓕᒃᓴᓐᑕᕐ᙮ ᒥᒋᒥᓂᑐᐤ ᒪᒃ ᓂᒋ ‍ ᐱᔅᑎᓱᐛᑕᐤ ᒐᒋ ᓂᓇᐧᑲᑕᔨᑎᒥᐊᑦ ᐅᔭ᙮ ᐱᑯᓴᔨᑕᑯᓂᔪᐤ ᒪᒃ ᐊᓐᑕ ᒐᒋ ᐅᒋ ‍ ᒋᔅᒐᔨᑕᒡ ᒐ ᐊᑲ ᒋ ᐸᔅᑕᒧᒡ᙮
\c 2
\s1 ᐊ ‍ ᐊᔭᒥᐊᓄᒡ
\s2 1 Timothy 2.1-7 (Proper-20 Year C)
\p
\v 1 ᒪᐅᒡ ᒪᒃ ᓂᔅᑎᒻ ᐊ ᐃᓯ ‍ ᐱᑯᓴᔨᒧᔭᓐ ᐊᐅᒄ ᐅ ᒧᔅ ᓂᓇᐧᑯᐤ ᒐᒋ ᐃᓯ ‍ ᐊᔭᒥᐊᔅᑎᒧᐛᑯᒡ ᒥᓯᐛ ᐊᐛᓐᒋ᙮ ᒐ ‍ ᓂᑐᑎᒪᔭᒄ ᒐᒋ ᒥᔭᑭᓄᐅᒡ ᑕᓐ ᐊ ᐃᓯ ‍ ᓂᑐᐛᔨᑕᒡ ᑭᔭ ᒧᔅ ᒐᒋ ᓂᓇᔅᑯᒪᒄ ᒋᓴᒪᓂᑐᐤ ᐎᔨᐛᐤ ᐅᒡ᙮
\v 2 ᑭᔭ ᐊᓐᒡ ᑲ ‍ ᒋᓴᐅᒋᒪᐅᒡ ᑭᔭ ᐊᓐᒡ ᑲ ‍ ᓂᑲᓇᔨᑕᑯᓯᒡ ᒋᐸ ‍ ᐊᔭᒥᐊᔅᑎᒧᐛᐛᐅᒡ᙮ ᐅ ᒪᒃ ᓂᓇᐧᑯᐤ ᐊ ᐃᓯ ‍ ᐊᔭᒥᐊᔅᑎᒧᐛᑯᒡ ᐊᐛᓐᒋ ᐊᑯᑕ ᒐ ᐅᒋ ‍ ᑎᒂᒡ ᒋᔭᒪᔨᑎᒧᐅᓐ ᑭᔭ ᐊᑯᑕ ᒐ ᐅᒋ ‍ ᑎᒂᒡ ᐊ ᒥᔪ ‍ ᐎᒐᐅᑐᓇᓄᐅᒡ ᑯᐃᔅᑯᑕᑎᓯᐅᓂᒡ ᑭᔭ ᐊᑯᑕ ᒐ ᐅᒋ ‍ ᑎᒂᒡ ᐊ ‍ ᒋᔅᑕᔨᒥᑐᓇᓄᐅᒡ᙮
\v 3 ᐊᐅᒄ ᐅᔭ ᐊ ᐃᓯ ‍ ᒥᔪᓇᐧᒃ ᑭᔭ ᓂᐊᔨᑎᒥᐃᑯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ,
\v 4 ᐊᓐ ᑲ ‍ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐅᔨᒋ ᑭᔭ ᒐᒋ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮
\v 5 ᐛᔅ ᐸᐃᑯᓱᐤ ᒋᓴᒪᓂᑐᐤ ᑭᔭ ᐸᐃᑯᓱᐤ ᐊᓐ ᐊᐛᓐ ᐊ ‍ ᓇᑕᒪᒐᑦ ᒐᒋ ᓂᒋᔅᑲᑐᒡ ᒋᓴᒪᓂᑐᐤ ᑭᔭ ᐃᔪᐤ ᐊᐅᒄ ᓇᐸᐤ ᒋᓴᔅ ᙭᙮
\v 6 ᐊᐅᒄ ᒪᒃ ᐅ ᓇᐸᐤ ᑲ ‍ ᐱᔅᑎᓇᐧᒃ ᐅᐱᒪᑎᓯᐅᓐ ᒐᒋ ᐅᒋ ‍ ᐎᐧᑯᒋᐊᑦ ᒥᓯᐛ ᐊᐛᔪᐛ ᐅᒥᒋᑥᐅᓂᔨᒡ ᐅᒡ᙮ ᐊᑯᑕ ᒪᒃ ᑲ ‍ ᐅᑎᒋᐱᔨᒡ ᐊᓐᑕ ᒐ ‍ ᒥᔪᐱᔨᒡ ᒋᓴᒪᓂᑐᐤ ᒐᒋ ᓄᑯᑕᑦ ᑕᓐᑕ ᒐᒋ ᐅᒋ ‍ ᐱᒪᒋᐊᑦ ᒥᓯᐛ ᐊᐛᔪᐛ᙮
\v 7 ᐛᔅ ᑕᑈ ᓂᒋ ‍ ᐅᑎᓂᑯᐅᓐ ᒐᒋ ᐛᐎᑎᒪᓐ ᒥᔽᒋᒧᐅᓐ ᑭᔭ ᐊᑈᔅᑕᓐ ᒐᒋ ᐃᑕᐱᑎᓯᔭᓐ ᑭᔭ ᒐᒋ ᒋᔅᑯᑎᒧᐅᒂᐤ ᐊᓂᔭ ᑕᑈᐅᓂᔪᐤ ᒋᐸ ᐃᓯ ‍ ᑕᑈᑎᒧᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᓇᒪ ᒪᒃ ᓂᑎᒥᒄ ᓂᑦ ᐃᔅᒋᔄᓐ ᐅ ᑲ ‍ ᐃᔅᒋᔄᔭᓐ᙮
\p
\v 8 ᓂ ‍ ᐱᑯᓴᔨᒪᐅᒡ ᒥᓯᐛ ᓇᐸᐅᒡ ᑕᓐᑕ ᐊ ᐊᑎ ‍ ᐃᑕᐛᒂ ᐃᔅᐱ ᐊ ‍ ᐊᔭᒥᐊᔅᑕᐛ ᒐᒋ ᐅᐱᔨᑕᒡ ᐅᑎᒋᐛᐛ ᓇᔅᒡ ᐊ ‍ ᐱᔅᑕᔨᒥᓱᒡ ᒋᓴᒪᓂᑐᐛ ᐊ ‍ ᑕᔨᒋ᙮ ᒪᒂᒡ ᒪᒃ ᐊ ‍ ᐊᔭᒥᐊᒡ ᓇᒪ ᒋᐸ ᐅᒋ ‍ ᒋᒋᔅᑲᑯᐅᒡ ᒋᔄᓱᐅᓂᔪᐤ ᑭᔭ ᓇᒪ ᒋᐸ ᐅᒋ ‍ ᐃᓯᓇᑯᓂᔪᐤ ᓇᔅᒡ ᐎᐱᒡ ᒐᒋ ᒋᔄᓯᔅᑐᐛᒡ ᐊᐛᔪᐛ᙮
\p
\v 9 ᓂ ‍ ᐱᑯᓴᔨᒪᐅᒡ ᑭᔭ ᐃᔎᐅᒡ ᐃᔭᒂ ᒐᒋ ᐃᑕᔅᐱᓱᒡ᙮ ᓇᒪ ᒋᐸ ᐅᒋ ᒥᔅᑎ ‍ ᐛᐛᑐᐛᐊᒪᓱᐅᒡ ᑭᔭ ᓇᒪ ᐊ ᒥᔅᑎ ‍ ᓱᓇᔭᐎᔨᒋ ᒐᒂᔪᐛ ᒋᐸ ᐅᒋ ‍ ᑭᒋᔅᑭᒧᒡ᙮
\v 10 ᐅᔅᑕ ᐊᓂᔭ ᐊ ‍ ᑯᐃᔅᑯᐱᒪᑎᓯᒡ ᑭᔭ ᐊ ‍ ᒥᔪᑐᑎᒧᐛᒡ ᐊᐛᔪᐛ ᒋᐸ ‍ ᒋᐧᑲᓇᑯᐃᑯᒡ ᐛᔅ ᐊᐅᑯᓐ ᐊ ᐃᓯ ‍ ᓂᑐᐛᔨᑕᑯᓯᒡ ᐃᔎᐅᒡ, ᐊᓐᒡ ᑲ ‍ ᐃᔅᒋᔄᒡ ᐊ ‍ ᒋᔅᒐᔨᒪᒡ ᒋᓴᒪᓂᑐᐛ᙮
\p
\v 11 ᐛᔅ ᐃᔎᐤ ᓂᑐᐛᔨᑕᑯᓱᐤ ᐃᔭᒂ ᒐᒋ ᓇᓂᑐᑕᐧᒃ ᐊᓐᑕ ᒐᒋ ᐅᒋ ‍ ᒋᔅᑯᑎᒪᓱᑦ ᑭᔭ ᒥᓯᐛ ᒐᒋ ᐃᓯ ‍ ᓂᓇᐃᑕᐧᒃ ᑕᓐ ᑲ ᐃᓯ ‍ ᐸᑕᐧᒃ᙮
\v 12 ᓇᒪ ᓂ ‍ ᐱᔅᑎᓇᐅᒡ ᐃᔎᐅᒡ ᒐᒋ ᒋᔅᑯᑎᒧᐛᒡ ᓇᐸᐛ ᒪᒃ ᒐᒋ ᐅᒋᒪᐅᑐᑐᐛᒡ᙮ ᓇᓂᑐᐛᔨᒪᐅᒡ ᐃᔭᐱᒡ ᒐᒋ ᓇᓂᑐᑕᒡ᙮
\v 13 ᐛᔅ ᐊᑕᒻ ᓂᔅᑎᒻ ᒋ ‍ ᐅᓯᐊᑭᓄᐤ ᐊᑯ ᐃᔭᒄ ᐃᑉ ᑲ ‍ ᐅᓯᐊᑭᓄᐅᑦ᙮
\v 14 ᑭᔭ ᓇᒪᐎᔾ ᐊᑕᒻ ᓂᔅᑎᒻ ᐅᒋ ᐎᔭᓯᒪᑭᓄᐤ᙮ ᐊᓐ ᐃᔎᐤ ᐊᐅᒄ ᑲ ‍ ᐎᔭᓯᒪᑭᓄᐅᑦ ᑭᔭ ᒂ ᐊᑎ ‍ ᒥᒋᑐᑕᐧᒃ ᐊᑲ ᐅᒋ ᓂᓇᐃᑐᐛᑦ ᒋᓴᒪᓂᑐᐛ᙮
\v 15 ᐃᔭᐱᒡ ᒪᒃ ᒋᑭ ‍ ᐱᒪᒋᐊᑭᓄᐤ ᐃᔎᐤ ᐊᓂᔭ ᐅᒋ ᐊ ‍ ᐛᐱᒪᐅᓱᑦ ᐃᔭᐱᒡ ᒪᒃ ᒧᔅ ᓇᔅᒡ ᐃᓯ ‍ ᓂᓇᑭᑐᐛᔨᒥᓱᑦ ᑕᑈᑎᒧᐅᓂᒡ ᑭᔭ ᓴᒋᐃᐛᐅᓂᒡ ᑭᔭ ᐸᔭᒋ ᐱᒪᑎᓯᐅᓂᒡ ᒐᒋ ᐃᓯ ‍ ᐱᒧᑕᑦ᙮
\c 3
\s1 ᑕᓐ ᒋᐸ ‍ ᐃᑕᔨᑕᑯᓱᐅᒡ ᑲ ‍ ᓂᑲᓂᔅᑲᒡ ᐊᔭᒥᐊᐅᒋᐛᐸ
\p
\v 1 ᐊᐅᒄ ᐅ ᑕᑈ ᑎᔭᑈᒥᑲᒡ ᐃᔅᒋᔄᐅᓐ, ᐊᐛᓐ ᐊ ‍ ᐃᑕᔨᑎᒥᐃᑯᒂ ᒐᒋ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓇᔅᒡ ᒥᔽᓯᔪᐤ ᐅᔭ ᐊᑐᔅᒐᐅᓂᔪᐤ ᑲ ᐃᓯ ‍ ᐛᑕᔨᑎᒥᐃᑯᑦ ᒐᒋ ᐃᑐᑕᐧᒃ᙮
\v 2 ᐊᓐ ᒪᒃ ᐊᐛᓐ ᑲ ‍ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓂᑐᐛᔨᑕᑯᓱᐤ ᒐ ᐊᑲ ᒋ ᑎᑯᓂᔨᒡ ᒐᒂᔪᐤ ᒐᒋ ᐃᓯ ‍ ᐊᑕᒪᔨᑕᑯᓯᑦ, ᑭᔭ ᔭᐃᑕᔾ ᒐᒋ ᐸᐃᑯᐊᑦ ᐎᐛ ᓇᐳᐅᒂ᙮ ᓂᑐᐛᔨᑕᑯᓱᐤ ᐊᔪᐤ ᐸᐧᑲᒡ ᒐᒋ ᐃᓯ ‍ ᐱᒪᑎᓯᑦ, ᑭᔭ ᒐᒋ ᒥᔪ ‍ ᓂᓇᑭᑐᐛᔨᑎᒥᐃᑯᑦ ᑕᓐ ᐊ ᐃᓯ ‍ ᐱᒪᑎᓯᑦ, ᑭᔭ ᐃᔭᒂ ᒋᐸ ᐃᓯ ‍ ᐸᒥᐱᔨᑕᐤ ᒐᒂᔪᐤ ᑕᓐ ᐊ ᐃᓯ ‍ ᐃᑐᑕᐧᒃ᙮ ᐊᓐ ᐊᐛᓐ ᑲ ‍ ᒥᔽᔨᑕᐧᒃ ᒪᓐᑕᐛ ᐊ ‍ ᐱᑎᑲᐊᑦ ᐊᐅᑯᓐ ᒋᐸ ‍ ᐃᑕᔨᑕᑯᓱᐤ᙮ ᒋᐸ ‍ ᑭᔅᒋᐤ ᑭᔭ ᐊ ‍ ᒋᔅᑯᑎᒪᒐᑦ᙮
\v 3 ᐊᑯ ᒪᒃ ᓇᒪᐎᔾ ᑲ ‍ ᐎᒋᐸᑦ ᐊᐛᓐ ᒋᐸ ᐅᒋ ‍ ᐃᑕᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ‍ ᐅᐛᓴᒪᔨᑕᑯᓱᐤ ᐊᑎ ᐊᑲ ᐛ ‍ ᓂᓇᐊᔨᑎᒥᐃᑯᒋ ᒐᒂᔪᐤ, ᒋᐸ ‍ ᒋᔭᒪᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ‍ ᐛᒋᐱᔪᐤ ᒐᒋ ᒥᒋᐱᔭᐊᑦ ᐊᐛᔪᐛ, ᑭᔭ ᓇᒪ ᒋᐸ ᐅᒋ ‍ ᐃᑕᔨᑎᒥᐃᑯᐤ ᒐᒋ ᒥᔅᑎ ᐛᔪᐅᒡ ᐊᔭᑦ ᓱᓇᔭᔪᐤ᙮
\v 4 ᓂᑐᐛᔨᑕᑯᓱᐤ ᑭᔭ ᐅ ᐊᐛᓐ ᒐᒋ ᒥᔪ ‍ ᓂᓇᑭᑐᐛᔨᑕᐧᒃ ᐊᓐᑕ ᐊ ‍ ᐸᐃᑯᔅᑲᓇᓯᑦ ᑭᔭ ᒋᐸ ‍ ᐃᑐᑐᐛᐤ ᐅᑦ ᐊᐛᓯᒪ ᒐᒋ ᓂᓇᐃᑕᑯᑦ ᐊ ‍ ᒋᔅᑕᔨᒥᑯᑦ᙮
\v 5 ᐛᔅ ᐊᐛᓐ ᒐ ᐊᑲ ᒋ ᒥᔪ ‍ ᓂᓇᑭᑐᐛᔨᑎᒥᐃᑯᒂ ᐊᓐᑕ ᐊ ‍ ᐸᐃᑯᔅᑲᓇᓯᑦ ᑕᓐᑕ ᒐᒋ ᐅᒋ ‍ ᒥᔪ ‍ ᓂᓇᑭᑐᐛᔨᒪᑦ ᐊᓂᔭ ᒋᓴᒪᓂᑐᐛ ᐅᑦ ᐃᔨᒥᔨᐛ᙮
\v 6 ᑭᔭ ᓇᒪ ᐊᐛᓐ ᐊᓄᒋᒐ ᐊᒋ ‍ ᑕᑈᔭᔨᑕᐧᒃ ᒋᐸ ᐅᒋ ‍ ᓂᑲᓂᔅᑯᐛᐤ ᒋᓴᒪᓂᑐᐛ ᐅᑦ ᐃᔨᒥᔪᐛ ᐛᔅ ᒋᑭ ᒋ ‍ ᐃᓯᓇᑯᓱᐤ ᓇᔅᒡ ᒋᒋᐛ ᒐᒋ ᐃᑕᔨᒥᓱᑦ, ᒋᑭ ᒋ ‍ ᐸᒋᓯᓐ ᒪᒃ ᒐᒋ ᐃᓯ ‍ ᓂᓱᐅᓇᒋᒪᑭᓄᐅᑦ ᒧᔭᒻ ᒥᒋᒥᓂᑐᐛ ᒐ ᐃᓯ ‍ ᓂᓱᐅᓇᒋᒪᑭᓄᔨᒋ᙮
\v 7 ᑭᔭ ᐊᓐ ᐊᐛᓐ ᐅᔭ ᑲ ‍ ᐃᑕᐱᑎᓯᑦ ᒋᐸ ᒥᔪ ‍ ᑎᐸᑐᑎᒥᔪᐛ ᐅᐱᒪᑎᓯᐅᓐ ᐊᓂᔭᔪᐛ ᐊᐛᔪᐛ ᐊᑲ ᐱᒪᒋᐅᔨᒋ᙮ ᐛᔅ ᒥᔪ ‍ ᑎᐸᒋᒪᑭᓄᒐ ᓇᒪ ᒋᑭ ᒋ ‍ ᐃᑐᑕᑯᐤ ᒥᒋᒥᓂᑐᐛ ᒐᒋ ᓇᒂᑎᑯᑦ᙮
\s1 ᑕᓐ ᒋᐸ ᐃᓯ ‍ ᐱᒪᑎᓯᐅᒡ ᐊᓐᒡ ᑲ ‍ ᐎᒋᐃᐛᒡ ᐊᔭᒥᐊᐅᒋᐛᐱᔪᐤ ᐊ ‍ ᓂᓇᑭᑐᐛᔨᑕᑭᓄᐎᒡ
\p
\v 8 ᑭᔭ ᐊᓐᒡ ᑲ ‍ ᐎᒋᐃᐛᒡ ᑕᓐ ᐊ ᐃᓯ ‍ ᓂᓇᑭᑐᐛᔨᑕᑭᓄᔨᒋ ᐊᔭᒥᐊᐅᒋᐛᐸ ᒋᐸ ‍ ᑕᑈᐅᒐᔨᑕᑯᓱᐅᒡ ᑭᔭ ᒧᔅ ᑯᐃᔅᒄ ᒋᐸ ‍ ᐃᑎᑕᑯᓂᔪᐤ ᐅᑦ ᐃᔨᒧᐅᓄᐛᐤ᙮ ᓇᒪ ᒋᐸ ᐅᒋ ‍ ᐎᒋᐸᐅᒡ ᑭᔭ ᓇᒪ ᒋᐸ ᐅᒋ ‍ ᓴᒋᑕᐅᒡ ᓱᓇᔭᔪᐤ᙮
\v 9 ᓱᒃ ᒋᐸ ᐎ ‍ ᒥᒪᒋᒥᓂᒧᒡ ᑕᓐ ᐊ ᐃᓯ ‍ ᑕᑈᒥᑭᓂᔨᒡ ᐊᓂᔭ ᐊ ᐃᓯ ‍ ᑕᑈᑎᒺᐧᒄ ᐊᓂᔭ ᑭᑈ ᑲ ᐃᓯ ‍ ᒋᔅᒐᔨᑎᒥᐃᑯᐛᐧᒄ᙮ ᒋᐸ ‍ ᒐᔅᑎᓇᑕᔨᒥᓱᐅᒡ ᑯᐃᔅᒄ ᐊ ᐃᓯ ‍ ᐱᒪᑎᓯᒡ᙮
\v 10 ᐊᑯᔅ ᒪᒃ ᓂᔅᑎᒻ ᒋᑭ ᐎ ᓇᓂᑐ ‍ ᑭᒐᔅᒐᔨᒪᑭᓄᐎᒡ ᐅᒡ ᑕᓐ ᐊᓐ ᐊ ‍ ᐃᑕᔨᑕᑯᓯᒡ ᑭᔭ ᓄᑯᓂᔨᒐ ᐊ ‍ ᑯᐃᔅᑯᑕᑎᓯᒡ ᐊᑯ ᒐ ‍ ᒥᔭᑭᓄᐎᒡ ᒐᒋ ᐎᒋᐃᐛᒡ ᐊ ‍ ᓂᓇᑭᑐᐛᔨᑕᑭᓄᔨᒋ ᐊᔭᒥᐊᐅᒋᐛᐸ᙮
\p
\v 11 ᐎᐛᐛ ᒋᐸ ‍ ᑕᑈᐅᒐᔨᑕᑯᓯᔪᐛ ᑭᔭ ᓇᒪ ᒋᐸ ᐅᒋ ‍ ᓂᑎᒥᒄ ᐃᑕᒋᒪᐅᒡ ᐊᐛᔪᐛ ᑭᔭ ᐸᐧᑲᒡ ᒋᐸ ᐃᓯ ‍ ᐱᒪᑎᓯᐅᒡ ᑭᔭ ᐃᔭᒂ ᒋᐸ ‍ ᐃᑐᑎᒧᒡ ᒥᓯᐛ ᒐᒂᔪᐤ᙮
\p
\v 12 ᑭᔭ ᐊᓐ ᑲ ‍ ᐎᒋᐃᐛᑦ ᐊᔭᒥᐊᐅᒋᐛᐱᒡ ᒋᐸ ‍ ᐸᐃᑯᐊᐤ ᐎᐛ ᓇᐳᐅᒂ ᑭᔭ ᔭᐃᑕᔾ ᒋᐸ ᒥᔪ ‍ ᓂᑕᐅᒋᓇᐤ ᐅᑦ ᐊᐛᓯᒪ ᑭᔭ ᒋᐸ ᒥᔪ ‍ ᓂᓇᑭᑐᐛᔨᑎᒥᐃᑯᐤ ᐊᓐᑕ ᐊᓂᔭ ᐊ ‍ ᐸᐃᑯᔅᑲᓇᓯᑦ᙮
\v 13 ᐛᔅ ᑕᑈ ᒥᔪ ‍ ᓂᓇᑭᑐᐛᔨᑕᒂᐛ ᐊᓂᔭᔪᐛ ᐅᑦ ᐊᑐᔅᒐᐅᓄᐛᐛ ᐊᑯᑕ ᐃᔭᒂ ᒐ ᐅᒋ ‍ ᐃᑕᔨᒥᑯᒡ ᐊᐛᔪᐛ ᑭᔭ ᐊᑯᑕ ᐊᑐᐎᔅ ᒐ ᐅᒋ ‍ ᐛᒋᐱᔨᒡ ᓱᒃ ᐊ ‍ ᐊᔨᒧᑕᒡ ᑕᓐ ᐊ ᐃᓯ ‍ ᑕᑈᔭᔨᒪᒡ ᒋᓴᔅ ᙭ᑕ᙮
\s1 ᐊᓐ ᐊᑲ ᐅᒋ ᒋᔅᒐᔨᑕᑯᑕᑭᓄᐅᒡ ᐊᓐᑕ ᐛᔅᑭᒡ
\p
\v 14 ᐅ ᒪᒃ ᒪᒂᒡ ᐊ ‍ ᒥᓯᓇᐊᒪᑕᓐ ᑎᒧᑎ, ᓂ ‍ ᐱᑯᓴᔨᑕᓐ ᐎᐱᒡ ᒐᒋ ᑎᑯᓯᓂᔭᓐ ᒐᒋ ᐛᐱᒥᑎᑯᒡ᙮
\v 15 ᐊᑲ ᒪᒃ ᐎᐱᒡ ᑎᑯᓯᓂᔭᓇ, ᐅ ᑲ ‍ ᒥᓯᓇᐊᒪᑎᑯᒡ ᐊᐅᒄ ᐅ ᒐ ‍ ᐎᒋᐃᑯᔭᒄ ᒐᒋ ᒋᔅᒐᔨᑎᒪᒄ ᑕᓐ ᒋᐸ ‍ ᐃᑕᔨᑕᑯᓯᓇᓄᐤ ᐊᓐᑕ ᐊ ᐃᓯ ‍ ᐸᐃᑯᑕᐅᓯᔭᐧᒄ ᒋᓴᒪᓂᑐᐤ ᐊ ‍ ᑕᑦ᙮ ᐛᔅ ᐅ ᐊ ᐃᓯ ‍ ᐸᐃᑯᑕᐅᓯᔭᐧᒄ ᐊᐅᒄ ᐅᔭ ᐅᑦ ᐊᔭᒥᐊᐅᒋᐛᑉ ᐊᓐ ᑲ ‍ ᐱᒪᑎᓯᑦ ᒋᓴᒪᓂᑐᐤ ᑭᔭ ᐊᑯᑕ ᐛᒋ ‍ ᐊᔨᒋᑲᐳᐅᔭᐧᒄ ᑭᔭ ᐊᐅᒄ ᐛᒋ ‍ ᐃᔭᐃᑕᔨᑕᑯᓯᔭᐧᒄ ᑕᑈᐅᓂᒡ ᐃᔅ᙮
\v 16 ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ‍ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮
\q ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ‍ ᓄᑯᐃᓱᑦ᙮ ᒋ ‍ ᒐᔅᑎᓇᑕᔨᑕᑯᐃᑯᐤ ᑲ ‍ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ‍ ᐃᑎᓴᐅᑯᑦ᙮
\q ᒋ ‍ ᐛᐱᒥᑯᐤ ᐊᓐᒋᓇ᙮ ᒋ ‍ ᐊᔨᒧᒪᑭᓄᐤ ᐊ ‍ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ‍ ᐃᑎᔅᑲᓇᓯᓇᓄᐎᒡ᙮
\q ᒋ ‍ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ‍ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮
\c 4
\s1 ᑲ ‍ ᐎᔭᓯᐃᐛᒡ
\p
\v 1 ᑲ ‍ ᐸᔭᒋᓯᑦ ᐊᒐᐧᒄ ᐱᔭᑭᔅᒡ ᐎᑎᒪᒐᐤ ᑕᓐ ᒐ ᐊᑎ ‍ ᐃᔅᐱᔨᒡ ᐊ ᒪᒋᒡ ‍ ᒋᓯᑲᔨᒡ᙮ ᒋᑭ ‍ ᑕᐅᒡ ᐊᐛᓐᒋ ᐊ ‍ ᐳᓂᒡ ᐊ ‍ ᑕᑈᔭᔨᒪᒡ ᒋᓴᓴ᙮ ᒋᑭ ‍ ᐎᔭᓯᒥᑯᒡ ᑕᓐ ᐊ ᐃᓯ ‍ ᐛᐎᔭᓯᒧᐛᔨᒋ ᒥᒋ ‍ ᐊᒐᒂ ᐊᑯ ᒐ ‍ ᓇᓴᐊᒺᒡ ᑕᓐ ᐊ ᐃᓯ ‍ ᒋᔅᑯᑎᒪᒐᔨᒋ᙮
\v 2 ᐊᑯ ᒪᒃ ᐊᓂᔭ ᒐ ᐃᓯ ‍ ᐛᐎᔭᓯᒧᐛᒡ ᐅᒡ ᓂᑎᒥᒄ ᐊ ᐃᓯ ‍ ᒋᔅᑯᑎᒪᒐᒡ ᐊᑯᑕ ᒐ ᐅᒋ ‍ ᐱᐸᑕᒂᒋ ᐅᔭ ᒥᒋ ‍ ᒋᔅᑯᑎᒪᒐᐅᓇ᙮ ᐅᒡ ᒪᒃ ᒐ ‍ ᐱᐸᐎᔭᓯᒧᐛᒡ ᒐᒃ ᓇᒪ ᓇᔅᒡ ᒐᒂᓂᒡ ᒋᑭ ᐅᒋ ‍ ᐃᑕᔨᑎᒥᐃᑯᐅᒡ ᑕᓐ ᐊ ᐃᓯ ᒥᒋ ‍ ᒋᔅᑯᑎᒪᒐᒡ ᒐ ‍ ᐃᔅᐱᔅ ᐊᑲ ᒋᔅᒐᔨᑕᒡ ᑕᓐ ᐊᓂᔭᔪᐤ ᑕᑈᐅᓂᔪᐤ ᑭᔭ ᑕᓐ ᐊᓂᔭᔪᐤ ᐎᔭᓯᒧᐛᐅᓂᔪᐤ᙮ ᓇᒪ ᓇᔅᒡ ᒋᑭ ᐅᒋ ‍ ᐊᔨᒪᔨᑎᒧᒡ ᑕᓐ ᐊ ᐃᓯ ᒥᒋ ‍ ᒋᔅᑯᑎᒪᒐᒡ᙮
\v 3 ᒋᑭ ᐎ ‍ ᒋᑕᐊᒪᒐᐅᒡ ᒐᒋ ᓂᐳᐅᓇᓄᐎᒡ᙮ ᑭᔭ ᒋᑭ ‍ ᑎᑯᓂᔪᐤ ᒥᒋᒥᔪᐤ ᐊ ᐎ ‍ ᒋᑕᐊᒪᒐᒡ ᒐᒋ ᒥᒋᓇᓄᐎᒡ᙮ ᒋᓴᒪᓂᑐᐤ ᒪᒃ ᒋ ‍ ᐅᓯᑕᐤ ᐅᔭ ᒥᒋᒥᔪᐤ ᒐᒋ ᒥᒋᔨᒋ ᐊ ‍ ᓂᓇᔅᑯᒧᔨᒋ ᐊᓂᔭ ᑲ ‍ ᑕᑈᑎᒥᔨᒋ ᑭᔭ ᑲ ‍ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮
\v 4 ᐛᔅ ᒥᓯᐛ ᒥᒋᒥᔪᐤ ᐊ ‍ ᒥᒋᓇᓄᐎᒡ ᑲ ‍ ᐅᓯᑕᑦ ᒋᓴᒪᓂᑐᐤ ᒥᔽᓯᔪᐤ᙮ ᓇᒪ ᒪᒃ ᒐᒂᓐ ᒋᐸ ᐅᒋ ‍ ᐊᑐᐛᔨᑕᓇᓄᐤ ᒐᒋ ᒥᒋᔭᐧᒄ ᐊ ‍ ᐃᑕᔨᑎᒪᐧᒄ ᒐᒋ ᐎᓂᐃᑯᔭᐧᒄ ᒋᐱᒪᑎᓯᐅᓇᒡ ᒧᔭᒻ ᓴᔅ ᑲ ‍ ᓂᓇᔅᑯᒪᐛᒂ ᒋᓴᒪᓂᑐᐤ ᐊᓐ ᑲ ᐃᓯ ‍ ᐅᑎᓂᒪᓱᔭᐧᒄ᙮
\v 5 ᐛᔅ ᐊ ‍ ᐃᑐᑕᑭᓄᔨᒋ ᑕᓐ ᐊᓂᔭᔪᐛ ᑲ ‍ ᐃᑎᔅᑕᑦ ᐊᓐᑕ ᐅᑦ ᐃᔨᒧᐅᓂᒡ ᒐᒋ ᐃᑎᓇᓄᐎᒡ ᑭᔭ ᐊᔭᒥᐊᔅᑎᒪᒐᐅᓂᔪᐤ ᐊᔪᐅᒄ ᐅᔭ ᐊ ᐃᓯ ‍ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮
\s1 ᐊᐛᓐ ᑲ ᒥᔪ ‍ ᐊᑐᔅᑯᐛᑦ ᙭ᑕ
\p
\v 6 ᒧᔭᒻ ᒪᒃ ᐅᔭ ᐃᓯ ᐛᐎᑎᒧᑥᐛ ᐎᐧᑲᓂᓯᒪᐅᒡ ᒋᑭ ᒥᔪ ‍ ᐊᑐᔅᑯᐛᐤ ᙭ ᒋᓴᔅ ᐛᔅ ᒋᑭ ᒥᔪ ‍ ᓂᑕᐅᒋᐃᑯᓐ ᑕᓐ ᐊ ᐃᓯ ‍ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᓐ ᒥᔪ ‍ ᒋᔅᑯᑎᒪᒐᐅᓐ ᑲ ᐃᓯ ‍ ᓇᓴᐊᒥᓐ᙮
\v 7 ᐊᑲᐎᔾ ᐊᐱᒋᑕ ᐊᓂᔭ ᐊᑲ ᒐᒂᓐ ᐃᑕᐱᑎᔨᒋ ᓂᑐᐎᔾ ᑎᐸᒋᒧᐅᓇ ᐊ ‍ ᑭᒐᔅᒋᒧᔨᓐ ᒪᒃ ᐊ ‍ ᒋᔅᑯᑎᒪᒐᔨᓐ ᒧᔭᒻ ᑕᑈ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐃᑕᐸᒋᑕᔨᓐ᙮ ᐅᔅᑕ ᐎ ᒋᔅᑯᑎᒪᓱ ᑕᓐᑕ ᐊᑐᐎᔅ ᒐᒋ ᐅᒋ ‍ ᓂᓇᐊᔨᑎᒥᐃᑦ ᒋᓴᒪᓂᑐᐤ᙮
\v 8 ᑎᑯᓂᔪᐤ ᑭᑈ ᑕᓐ ᐊ ᐃᓯ ‍ ᐎᒋᐃᑯᑦ ᐊᐛᓐ ᐊ ‍ ᓴᓴᐅᐱᔪᐅᑦ᙮ ᐊᑯ ᒪᒃ ᐊᓐ ᐊᐛᓐ ᓱᒃ ᒧᔅ ᑲ ᐎ ‍ ᓂᓇᐃᑎᒪᐊᑦ ᒋᓴᒪᓂᑐᐛ ᐊᔪᐅᒄ ᐅᔭ ᐊᑐᐎᔅ ᒐ ‍ ᐎᒋᐃᑯᑦ ᐊᓄᒡ ᐅᑕ ᐊ ‍ ᐱᒪᑎᓯᑦ ᑭᔭ ᐊᓐᑕ ᐃᔅ ᓂᔅᑕᒥᒡ᙮
\p
\v 9 ᑕᑈᒥᑭᓐ ᐅ ᐃᔅᒋᔄᐅᓐ, ᑭᔭ ᑎᑯᓐ ᒐᒋ ᑕᑈᑕᑭᓄᐅᒡ᙮
\v 10 ᐊᐅᒄ ᒪᒃ ᐛᒋ ‍ ᓱᒃ ᐃᔭᐱᒡ ᐃᑕᔨᑎᒥᐃᑯᔭᐧᒄ ᐅ ᑕᓐ ᐊ ‍ ᐃᑕᐱᑎᓯᔭᐧᒄ ᐊᑎ ᐊ ‍ ᐊᔨᒥᐅᔭᐧᒄ ᐛᔅ ᒋᑦ ᐊᔅᐸᔨᒧᑐᑐᐛᓄᐤ ᒋᓴᒪᓂᑐᐤ ᑲ ‍ ᐱᒪᑎᓯᑦ, ᐊᓐ ᑲ ‍ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐎᒋ ᑭᔭ ᑲ ‍ ᐱᒪᒋᐊᑦ ᒥᓯᐛ ᐊᓂᔭ ᑲ ‍ ᑕᑈᔭᔨᒥᑯᑦ᙮
\p
\v 11 ᐊᔪᐅᒄ ᐅᔭ ᒋᐸ ᐃᓯ ‍ ᐎᓱᒪᐛᐅᒡ ᑭᔭ ᒋᐸ ᐃᓯ ‍ ᒋᔅᑯᑎᒧᐛᐛᐅᒡ ᐊᐛᓐᒋ ᑲ ‍ ᑕᑈᑕᒡ᙮
\v 12 ᐊᑲᐎᔾ ᒋᑭ ᐅᒋ ‍ ᐃᔭᑐᒡᐃᑯᒡ ᐊᐛᓐᒋ ᐊᓂᔭ ᐊ ‍ ᐅᔅᒋᐱᒪᑎᓯᐅᑦ ᐅᔭ ᐊ ‍ ᐃᑕᐱᑎᓯᐅᑦ᙮ ᒥᒄ ᐃᓯ ᐱᒪᑎᓯ ᐊᓐᑕ ᒐᒋ ᐅᒋ ‍ ᒋᔅᒋᓄᐛᐸᑕᒡ ᒋᐱᒪᑎᓯᐅᓂᔪᐤ ᐊᓐᒡ ᑲ ‍ ᑕᑈᑕᒡ, ᑕᓐ ᐊ ‍ ᐃᑎᑕᑯᓂᔨᒡ ᒋᑦ ᐃᔨᒧᐅᓂᔪᐤ, ᑭᔭ ᑕᓐ ᐊ ‍ ᐃᓯᓇᒂᒡ ᒋᐱᒪᑎᓯᐅᓐ ᑭᔭ ᑕᓐ ᐊ ᐃᓯ ‍ ᓴᒋᐃᐛᔨᓐ ᒪᒃ ᐊ ᐃᓯ ‍ ᑕᑈᑎᒥᓐ ᑭᔭ ᑕᓐ ᐊ ᐃᓯ ‍ ᐸᔭᒋᓯᔨᓐ᙮
\v 13 ᒐ ‍ ᐃᔅᐱᔅ ᐊᑲ ᑎᑯᓯᓂᔭᓐ ᓱᒃ ᐃᔭᐱᒡ ᒧᔅ ᐃᔨᒥᑕ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓐᑕ ᐊ ‍ ᒪᒧᐃᑐᔭᒄ ᑭᔭ ᓱᒃ ᐊᒋᔅᑕ ᐊ ‍ ᑭᒐᔅᒋᒧᔨᓐ ᑭᔭ ᐊ ‍ ᒋᔅᑯᑎᒪᒐᔨᓐ᙮
\v 14 ᒧᔅ ᐊᐱᒋᑕ ᐊᓐ ᐊᒐᐧᒄ ᒥᔨᐛᐅᓐ ᐊ ᐃᓯ ‍ ᐊᔭᔨᓐ ᒐᒋ ᐊᑐᔅᑯᐅᑦ ᒋᓴᒪᓂᑐᐤ᙮ ᐛᔅ ᐊᐅᒄ ᐅ ᒥᔨᐛᐅᓐ ᑲ ‍ ᒥᔨᑯᔨᓐ ᒋᔅᒋᐛᐃᒐᐅᓂᒡ ᐅᒋ, ᑲ ‍ ᓴᒥᓂᔅᒡ ᐊ ‍ ᐊᔭᒥᐊᔅᑎᒪᔅᒡ ᐊᓐᒡ ᑲ ‍ ᓂᑲᓂᔅᑲᒡ ᐊᔭᒥᐊᐅᒋᐛᐱᔪᐤ᙮
\p
\v 15 ᓂᓇᑭᑐᐛᔨᑎᒥᐃᑯᐤ ᒧᔅ ᒐᒋ ᐃᑐᑎᒥᓐ ᐅ ᑲ ᐃᓯ ‍ ᐊᔨᒧᑎᒪᑕᓐ ᑭᔭ ᒐᒋ ᐛᐸᑕᒡ ᒥᓯᐛ ᐊᐛᓐᒋ ᑕᓐ ᐊ ᐃᓯ ‍ ᐊᔭᔅᒃ ᑭᔅᒋᐅᔨᓐ ᐊ ‍ ᐊᑐᔅᑯᐅᑦ ᒋᓴᒪᓂᑐᐤ᙮
\v 16 ᓂᓇᑭᑐᐛᔨᑎᒥᐃᑯᐤ ᑭᔭ ᒋ ‍ ᐱᒪᑎᓯᐅᓐ ᑭᔭ ᐊᓐ ᐊ ᐃᓯ ‍ ᒋᔅᑯᑎᒪᒐᔨᓐ᙮ ᐅ ᐃᓯ ᓂᓇᑭᑐᐛᔨᑎᒥᓇ ᐊᐅᒄ ᒐ ‍ ᑭᓄᐛᔨᒥᑯᔭᒄ ᑭᔭ ᒐ ‍ ᐱᒪᒋᐃᑯᔭᒄ, ᒋᔾ ᑭᑈ ᑭᔭ ᐊᓐᒡ ᑲ ‍ ᓂᑐᑕᔅᒡ᙮
\c 5
\s1 ᑕᓐ ᐊ ‍ ᐃᑎᓱᒪᑭᓄᐎᒡ ᑲ ‍ ᐸᐃᑯᓯᒡ ᐃᔎᐅᒡ ᒋᓴᐃᔪᒡ ᑭᔭ ᐊᐱᒋᐊᑭᓐᒡ
\p
\v 1 ᐊᑲᐎᔾ ᒋᑕᐊᒧᐤ ᐊᐛᓐ ᑲ ‍ ᒋᓴᐃᔪᐅᑦ᙮ ᐊ ‍ ᐃᑕᔨᑕᑯᓂᒂ ᒪᒃ ᒐᒋ ᒋᑕᐊᒧᐛᑭᓄᐅᑦ ᒐᒂᔪᐤ ᐃᔭᒂ ᐃᓯ ᐃᔨᒥᐃ ᒧᔭᒻ ᑕᓐ ᒋᐸ ‍ ᐃᑐᑐᐛᐤ ᑎᐱᔨᐛ ᒍᑕᐎᔾ᙮ ᐊᓐᒡ ᑲ ‍ ᐅᔅᒋᓂᒋᓱᐅᒡ ᒧᔭᒻ ᑎᐱᔨᐛ ᐊ ‍ ᐎᐧᑲᓂᓯᔨᓐ ᒋᐸ ‍ ᐃᑐᑐᐛᐅᒡ,
\v 2 ᐊᑯ ᐊᓐᒡ ᑲ ‍ ᒋᓴᐃᔎᐅᒡ ᒧᔭᒻ ᐊ ‍ ᐅᑲᐎᔨᓐ ᒋᐸ ‍ ᐃᑐᑐᐛᐅᒡ᙮ ᐊᓐᒡ ᑲ ‍ ᐅᔅᒋᓂᒋᔎᐅᒡ ᒧᔭᒻ ᑎᐱᔨᐛ ᒋᐧᑲᓂᓯᒡ ᒋᐸ ‍ ᐃᑕᔨᒪᐅᒡ, ᓇᒪ ᓇᔅᒡ ᓂᑐᐎᔾ ᒋᐸ ᐅᒋ ᐃᓯ ‍ ᒪᒥᑐᓇᔨᒪᐅᒡ᙮
\p
\v 3 ᒥᔪ ‍ ᓂᓇᑭᑐᐛᔨᒪᐧᑯᒡ ᐊᓐᒡ ᓇᔅᒡ ᑲ ‍ ᐸᐃᑯᓯᒡ ᐃᔎᐅᒡ᙮
\v 4 ᐊ ‍ ᐸᐃᑯᓯᑦ ᐃᔎᐤ ᐊ ‍ ᑕᔨᒂᓂ ᒪᒃ ᐅᑦ ᐊᐛᓯᒪ ᑭᔭ ᒪᒃ ᐅᓯᒪ ᐊ ‍ ᐃᔅᐱᑎᓯᔨᒋ ᒐᒋ ᑭᓄᐛᔨᒥᑯᑦ ᑭᑈ ᒋᐸ ‍ ᑭᓄᐛᔨᒥᑯᐤ ᑭᔭ ᒋᐸ ‍ ᓄᑯᑕᔨᐛ ᐊ ‍ ᒋᔅᑕᔨᒪᔨᒋ ᒋᓴᒪᓂᑐᐛ ᑭᔭ ᑕᑈ ᑕᑈᑎᒧᐅᓂᒡ ᐊ ᐃᓯ ‍ ᐱᒪᑎᓯᔨᒋ᙮ ᐅᔭ ᐃᑎᑥᐛ ᐊᑯ ᒧᔭᒻ ᐊ ‍ ᒋᐛ ᒥᔭᒡ ᑕᓐ ᑲ ᐃᓯ ‍ ᒥᔪᑐᑕᑯᒡ ᐅᓂᒋᐃᑯᐛᐛ ᒪᒃ ᐅᒧᓱᒧᐛᐛᐤ ᐊᐅᑯᓐ ᒐ ‍ ᐃᓯᓇᑯᓯᒡ᙮ ᐊᐅᒄ ᐅᔭ ᐊ ᐃᓯ ‍ ᓇᐊᔨᑎᒥᐃᑯᑦ ᒋᓴᒪᓂᑐᐤ ᐊ ‍ ᐃᑎᓇᓄᐎᒡ᙮
\v 5 ᐃᔎᐤ ᒪᒃ ᓇᔅᒡ ᐊ ‍ ᐸᐃᑯᓯᑦ ᐊᑲ ᓇᔅᒡ ᑕᔨᒋ ᐊᐛᔪᐛ ᒐᒋ ᐎᒋᐃᑯᑦ ᒥᒄ ᒋᓴᒪᓂᑐᐛ ᐊᔅᐸᔨᒧᑐᑐᐛᐤ᙮ ᒧᔅ ᐎ ᒥᔪ ‍ ᐊᔭᒥᐊᐤ ᐊ ‍ ᒋᓯᑲᔨᒡ ᑭᔭ ᐊ ‍ ᑎᐱᔅᑲᔨᒡ ᐊ ‍ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐎᒋᐃᑯᑦ᙮
\v 6 ᐊᑯ ᐊᓐ ᐃᔎᐤ ᑲ ‍ ᐸᐃᑯᓯᑦ ᐱᓯᒄ ᒪᒃ ᒥᒄ ᐎᔾ ᑲ ᐎ ‍ ᓂᓇᐊᔨᑎᒥᐃᓱᑦ ᒧᔭᒻ ᐊ ‍ ᓂᐱᑦ ᐃᓯᓇᑯᓱᐤ ᐊᑎ ᐊᓂᔭ ᐊᔅᒄ ᐊ ‍ ᐱᒪᑎᓯᑦ᙮
\v 7 ᐊᔪᐅᒄ ᐅᔭ ᑭᔭ ᐃᓯ ᐛᐎᑎᒧᐅᒡ ᒥᓯᐛ ᐊᓐᒡ ᑲ ‍ ᑕᑈᑕᒡ ᑭᔭ ᓇᒪ ᓂᑐᐎᔾ ᒋᑭ ᐅᒋ ᐃᓯ ‍ ᐊᑕᒪᔨᑕᑯᓱᐤ ᐊᐛᓐ᙮
\v 8 ᐛᔅ ᒧᔭᒻ ᐊᐛᓐ ᐊᑲ ᓇᔅᒡ ᐛ ᐛᐎᒋᐊᒂ ᑎᐱᔨᐛ ᐎᐧᑲᓂᓴ ᑭᔭ ᐊᓂᔭᔪᐛ ᐊᓐᑕ ᑎᐱᔨᐛ ᐊ ‍ ᐸᐃᑯᔅᑲᓇᓯᑦ ᐊ ‍ ᑕᔨᒋ ᓇᔅᒡ ᐊᑲ ᑕᑈᑕᐧᒃ ᑕᑈᐅᓂᔪᐤ ᐃᓯᓇᑯᓱᐤ ᐅᔭ ᐊ ‍ ᐃᑎᑦ᙮ ᐊᑐᐎᔅ ᐎᔾ ᓇᒪ ᒧᔭᒻ ᐃᑐᐤ ᐃᔅᐱᔅ ᐊᓂᔭ ᐊᑲ ᑕᑈᑎᒥᔨᒋ᙮
\p
\v 9 ᓇᒪ ᒋᐸ ᐅᒋ ‍ ᒥᓯᓇᐛᑭᓄᐤ ᐃᔎᐤ ᑲ ‍ ᐸᐃᑯᓯᑦ ᐊᓐᑕ ᐊᔭᒥᐊᐅᒋᐛᐱᒡ ᒐᒋ ᐅᒋ ‍ ᐎᒋᐊᑭᓄᐅᑦ ᐸᑐᔅ ᐊᓱᑕᒡ ᑕᑐᔪᐛᐳᓇᓯᒐ᙮ ᑭᔭ ᓇᒪ ᒋᐸ ᐅᒋ ‍ ᐎᒋᐊᑭᓄᐤ ᐅᔅᑕ ᐸᐃᒂᐤ ᑲ ‍ ᓂᐳᐅᒂ᙮
\v 10 ᑭᔭ ᒋᐸ ‍ ᑎᑯᓂᔪᐤ ᑕᓐ ᐊ ᐃᓯ ‍ ᒥᔽᒋᒪᑭᓄᐅᑦ ᐊ ‍ ᒪᒥᔪᑐᑎᒪᒐᑦ, ᒧᔭᒻ ᐊᒋ ᒥᔪ ‍ ᓂᑕᐅᒋᓇᑦ ᐊᐛᓴ, ᐊᒋ ᒥᔪ ‍ ᑭᓄᐛᔨᒪᑦ ᒪᓐ ᒪᓐᑕᐛ, ᑭᔭ ᒧᔅ ᐊᒋ ‍ ᒪᒥᔪᑐᑐᐛᑦ ᑲ ‍ ᑕᑈᑎᒥᔨᒋ ᑭᔭ ᒧᔅ ᐊᒋ ‍ ᓂᓇᑎᒧᐛᑦ ᐊᓂᔭᔪᐛ ᑲ ‍ ᐊᔨᒥᐅᔨᒋ ᑭᔭ ᓱᒃ ᒧᔅ ᐊᒋ ‍ ᓇᓂᑐᐤ ᒥᔅᑲᐧᒃ ᑕᓐ ᒐ ᐃᓯ ‍ ᒪᒥᔪᑐᑎᒪᒐᑦ᙮
\p
\v 11 ᐊᓐᒡ ᐃᔎᐅᒡ ᑲ ‍ ᐸᐃᑯᓯᒡ ᐊᔅᒄ ᑲ ‍ ᐅᔅᒋᐱᒪᑎᓯᒡ ᓇᒪ ᒋᐸ ᐅᒋ ‍ ᐊᔅᑎᓯᓇᐛᑭᓄᐎᒡ ᐊᓐᑕ ᒪᓯᓇᐛᑭᓄᔨᒋ ᑲ ‍ ᐸᐃᑯᓯᔨᒋ ᐃᔎᐛ᙮ ᐛᔅ ᒋᑭ ᒋ ‍ ᐃᓯᓇᑯᓂᔪᐤ ᐊᔅᒄ ᒥᓐ ᒐ ᐎ ‍ ᓂᐳᐅᒡ᙮
\v 12 ᒥᓐ ᒪᒃ ᓂᐳᐅᑥᐛ ᓴᔅ ᒪᒃ ᑲ ‍ ᒥᓯᓇᐛᑭᓄᐛᒂ ᐊᑯ ᒐ ‍ ᐃᓯᓇᑯᓂᔨᒡ ᐊ ‍ ᐱᑯᓇᒡ ᑕᓐ ᑲ ‍ ᐃᑕᒡ ᒋᓴᒪᓂᑐᐛ ᒐᔅᑎᓇᔅ ᒐ ‍ ᐃᑐᑕᒡ᙮
\v 13 ᑯᑎᑭᒡ ᐅᒡ ᑲ ‍ ᐅᔅᒋᐱᒪᑎᓯᒡ ᑲ ‍ ᐸᐃᑯᓯᒡ ᐃᔎᐅᒡ ᐊᔭᔅᒃ ᓇᒪ ᒐᒂᓂᒡ ᒋᑭ ᐅᒋ ‍ ᐃᑕᔨᑎᒧᒡ ᐊᑲ ᓇᔅᒡ ᒐᒂᔪᐤ ᐃᑐᑕᒡ᙮ ᒥᒄ ᐊᑎ ᐸᐱᑎᑯᐛᐅᒡ ᐊᐛᔪᐛ ᐎᒋᔨᒡ, ᒥᒄ ᐊᑎ ᒥᒧᐱᔅᑐᐛᒡ᙮ ᓇᒪ ᒪᒃ ᒥᒄ ᐅᔭ ᐃᑐᐅᒡ, ᒐᒃ ᒧᔅ ᐱᒋᔎᐧᑲᑐᐛᐅᒡ ᑭᔭ ᐱᐱᔎᐅᒡ ᐊ ‍ ᐊᔨᒧᑕᒡ ᒐᒂᔪᐤ ᐊᓂᔭ ᐊᑲ ᒋᐸ ᐅᒋ ‍ ᐊᐱᑕᔨᑎᒥᐃᑯᐅᒡ᙮
\v 14 ᐅᔅᑕ ᒪᒃ ᒥᔽᔪᐤ ᐊᑯᔅ ᒥᓐ ᒐᒋ ᓂᐳᐅᒡ ᐅᒡ ᐃᔎᐅᒡ ᑲ ‍ ᐸᐃᑯᓯᒡ ᐊᔅᒄ ᑲ ‍ ᐅᔅᒋᐱᒪᑎᓯᒡ, ᑭᔭ ᒐᒋ ᐊᑎ ‍ ᐊᔭᐛᒡ ᐊᐛᓴ ᑭᔭ ᒐᒋ ᒥᔪ ‍ ᓂᓇᑭᑐᐛᔨᑕᒡ ᐎᒋᐛᐛ᙮ ᐅᔭ ᒪᒃ ᐃᑐᑕᒂᐛ ᓇᒪ ᓂᑎᒥᒄ ᒋᑭ ᐅᒋ ᐃᓯ ‍ ᐃᔭᔨᒺᐧᑲᑕᑯᐅᒡ ᐊᐛᔪᐛ᙮
\v 15 ᓴᔅ ᐛᔅ ᑕᐅᒡ ᐊᓐᒡ ᑲ ‍ ᐸᐃᑯᓯᒡ ᐃᔎᐅᒡ ᐅᔅᑕ ᐊ ‍ ᐃᑕᔨᑕᒡ ᒥᒋᒥᓂᑐᐛ ᒐᒋ ᓂᓇᐃᑐᐛᒡ᙮
\p
\v 16 ᐊ ‍ ᑕᒂ ᐃᔎᐤ ᐊ ‍ ᑕᔨᒋ ᐃᔎᐛ ᐊ ‍ ᐎᐧᑲᓂᓯᑦ ᐊ ‍ ᐸᐃᑯᓯᔨᒋ ᒋᐸ ‍ ᐎᒋᐊᐤ ᐅᔭ, ᐊᑲᐎᔾ ᒪᒧᐤ ᑲ ‍ ᐊᔭᒥᐊᐛᑎᓯᒡ ᒋᑭ ᐅᒋ ‍ ᒪᑎᑯᔅᑲᑯᐅᒡ ᐅᔭ ᑭᔭ ᒐᒋ ᐎᒋᐊᒡ, ᐊᓂᔭᔪᐛ ᐃᔭᒄ ᒋᐸ ‍ ᐎᒋᐊᐅᒡ ᓇᔅᒡ ᑲ ‍ ᐸᐃᑯᓯᔨᒋ ᐃᔎᐛ ᐊᑲ ᓇᔅᒡ ᐊ ‍ ᑕᔨᒋ ᐊᐛᔪᐛ ᒐᒋ ᓂᓇᑭᑐᐛᔨᒥᑯᔨᒋ᙮
\p
\v 17 ᐊᓐᒡ ᑲ ‍ ᐎᒋᐃᐛᒡ ᐊ ‍ ᓂᑲᓂᔅᑲᑭᓄᔨᒋ ᐊᔭᒥᐊᐅᒋᐛᐸ ᐊ ᒥᔪ ‍ ᓂᓇᑭᑐᐛᔨᑕᒡ ᒪᒃ ᐊᓂᔭ ᐊ ‍ ᐃᑕᐱᑎᓯᒡ ᐃᑕᔨᑕᑯᓂᔪᐤ ᓇᔅᒡ ᒐᒋ ᒋᔅᑕᔨᒪᑭᓄᐎᒡ᙮ ᐊᑐᐎᔅ ᒪᒃ ᒋᐸ ‍ ᒋᔅᑕᔨᒪᑭᓄᐎᒡ ᐊᓐᒡ ᓇᔅᒡ ᑲ ᐃᓯ ‍ ᐱᔅᑎᓂᓱᒡ ᒐᒋ ᐛᐎᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑭᔭ ᒐᒋ ᒋᔅᑯᑎᒪᒐᒡ᙮
\v 18 ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᐊᑲᐎᔾ ᐃᑐᑐᐤ ᒋᑦ ᐊᐛᓯᓯᒻ ᒐ ᐊᑲ ᒋ ᒥᔪ ‍ ᐊᓯᒥᑦ ᐊ ‍ ᐊᐱᒋᐃᑦ ᒪᒃ᙮” ᒥᓐ ᐊᓐᑕ ᐃᑎᔅᑕᐤ, “ᐊᓐ ᐊᐛᓐ ᑲ ‍ ᐊᑐᔅᒐᑦ ᐃᑕᔨᑕᑯᓱᐤ ᒐᒋ ᒥᔭᑭᓄᐅᑦ ᐅᑎᐸᐊᒪᑯᓯᐅᓐ᙮”
\v 19 ᐊᑲᐎᔾ ᐊᔨᒪᔨᑎᒧᒄ ᑕᓐ ᐊ ‍ ᐃᑕᑭᓄᐅᑦ ᐊ ᐃᓯ ‍ ᐊᑕᒪᔨᑕᑯᓯᑦ ᑲᓂᑲᓂᔅᑲᐧᒃ ᐊᔭᒥᐊᐅᒋᐛᐱᔪᐤ ᐸᑐᔅ ᓂᓱ ᑭᔭ ᒪᒃ ᓂᔅᑐ ᐊᐛᓐᒋ ᐸᐃᑯᓂᔨᒐ ᑕᓐ ᐊ ‍ ᐃᑕᒋᒪᒡ᙮
\p
\v 20 ᐊ ‍ ᑕᒂ ᒪᒃ ᐊᐛᓐ ᐊ ‍ ᓂᑲᓂᔅᑲᐧᒃ ᐊᔭᒥᐊᐅᒋᐛᐱᔪᐤ ᑕᑈ ᐊ ‍ ᐊᑕᒪᔨᑕᑯᓯᑦ ᐊ ‍ ᒥᒋᑐᑕᐧᒃ ᑯᐃᔅᒄ ᒋᐸ ‍ ᐎᑎᒧᐛᑭᓄᐤ ᑕᓐ ᐊ ᐃᓯ ‍ ᐅᓂᑐᑎᐧᒃ ᐅᑎᔅᑯᐤ ᒥᓯᐛ ᐅᒪᒧᐊᔭᒥᐊᐛ ᐊ ‍ ᑕᔨᒋ ᑭᔭ ᒥᓯᐛ ᐊᐛᓐ ᐊᓐᑕ ᒐᒋ ᐅᒋ ‍ ᐃᔭᒂᒥᑦ᙮
\p
\v 21 ᐅ ᒪᒃ ᒋᑦ ᐃᑎᓱᒥᑎᓐ ᒋᓴᒪᓂᑐᐤ ᑭᔭ ᒋᓴᔅ ᙭ ᑭᔭ ᑲ ‍ ᐸᔭᒋᓯᒡ ᐊᓐᒋᓐᒡ ᐊ ‍ ᐸᑐᐅᒡ, ᓂᓇᐃᑕ ᐅ ᑕᓐ ᑲ ‍ ᐃᑎᓱᒥᑕᓐ ᐊᓄᒡ᙮ ᒥᓯᐛ ᒐᒂᓐ ᐊ ‍ ᐃᑐᑎᒥᓐ ᓄᑯᑕ ᑕᐱᑐᐤ ᐊ ‍ ᐃᑕᔨᒥᑥᐤ ᒥᓯᐛ ᐊᐛᓐᒋ᙮
\p
\v 22 ᐊᑲᐎᔾ ᐛᓴ ᐎᐱᒡ ᒋᑭ ᐅᒋ ‍ ᑕᒋᓇᐤ ᐊᐛᓐ ᑭᔭ ᒐᒋ ᐎᒋᐃᑦ ᐊᐛᓐ ᐊ ‍ ᒥᒋᑐᑕᐧᒃ᙮ ᓱᒃ ᒥᔪ ‍ ᑭᓄᐛᔨᒥᓱᐤ ᒐᒋ ᐸᔭᒋᓇᒂᒡ ᒋᐱᒪᑎᓯᐅᓐ᙮
\p
\v 23 ᐅ ᒪᒃ ᒋ ᐎ ‍ ᐃᑎᑎᓐ ᑎᒧᑎ, ᐊᓐ ᒧᔅ ᑲᒋ ᐎ ‍ ᐊᔭᐧᑯᓯᔨᓐ ᒪᓐ, ᑭᔭ ᒋᔅᑭᑕᒡ ᑲᒋ ‍ ᐊᐧᑯᓯᔨᓐ, ᐊᑲᐎᔾ ᒥᒄ ᓂᐱᔾ ᒧᔅ ᒥᓂ᙮ ᓇᓂᑯᑎᓂᔾ ᐊᐱᓯᔅ ᒋᐸ ‍ ᒥᓐ ᓱᒥᓇᐳᔾ, ᐊᐱᒋᑕ ᒐᒋ ᐅᒋ ‍ ᒥᔽᑎᓯᔨᓐ᙮
\p
\v 24 ᐱᔅᒐ ᐊᐛᓐᒋ ᐅᒥᒋᑥᐅᓄᐛᐛ ᑎᐛᒡ ᒥᔪ ‍ ᓂᔅᑐᓇᑯᓂᔪᐛ ᐊᔅᒄ ᐊᑲ ᐛᐛᒡ ᑎᐸᔅᑯᓇᑭᓄᐎᒡ᙮ ᑯᑎᑭᒡ ᒪᒃ ᓇᒪ ᑎᐛᒡ ᒋᔅᒐᔨᑕᑯᓂᔪᐛ ᐅᒥᒋᑥᐅᓄᐛᐛ᙮
\v 25 ᐊᐅᑯᓐ ᒪᒃ ᒧᔭᒻ ᐊ ‍ ᐃᓯᓇᑯᓂᔨᒋ ᑭᔭ ᐊᐛᓐᒋ ᐅᒥᔪᑐᑎᒪᒐᐅᓄᐛᐛ᙮ ᒥᔪ ‍ ᓂᔅᑐᓇᑯᓂᔪᐛ ᑯᑎᑭᒡ᙮ ᐊᓐᒡ ᒪᒃ ᐊᑲ ᒥᔪ ‍ ᓂᔅᑐᓇᑯᓂᔨᒋ ᐅᒥᔪᑐᑎᒪᒐᐅᓄᐛᐛ ᐊᔅᒄ ᐸᑎᒪ ᒋᑭ ‍ ᒋᔅᒐᔨᑕᑯᓂᔪᐛ᙮
\c 6
\p
\v 1 ᒋᔨᐛᐤ ᐊᐱᒋᐊᑭᓂᑐᒄ ᑲ ‍ ᑕᑈᑎᒪᒄ ᒋᔅᑕᔨᒪᐧᑯᒡ ᒋᐅᒋᒪᒧᐛᐅᒡ ᐊᑲ ᓂᑐᐎᔾ ᒐᒋ ᐃᓯ ‍ ᐊᔨᒧᑕᔨᒡ ᒋᓴᒪᓂᑐᐤ ᐅᑦ ᐃᓯᓂᐧᑲᓱᐅᓐ ᑭᔭ ᐅ ᐊ ᐃᓯ ‍ ᒋᔅᑯᑎᒪᒐᔭᒡ᙮
\v 2 ᐊᑯ ᒪᒃ ᒋᐅᒋᒪᒧᐛᐅᒡ ᑎᔭᑈᑎᒧᐛᐛᒂ ᐊᑲᐎᔾ ᒋᑭ ᐅᒋ ‍ ᐃᑐᑐᐛᐛᐅᒡ ᒐ ᐊᑲ ᒋ ᒋᔅᑕᔨᒪᑯᒡ ᒥᒄ ᐊᓂᔭ ᐊ ‍ ᒋᔅᒐᔨᒪᑯᒡ ᐊ ‍ ᐎᐧᑲᓂᓯᑐᑐᐛᑯᒡ᙮ ᐃᔭᐱᒡ ᐊᑐᐎᔅ ᒋᐸ ᒥᔪ ‍ ᐊᑐᔅᑯᐛᐛᐅᒡ ᒐᒋ ᐎᒋᐊᑯᒡ ᐅᒡ ᒋᐧᑲᓂᓱᐛᐅᒡ ᑲ ‍ ᓴᒋᐊᑭᓄᐎᒡ᙮
\p ᐊᐅᒄ ᒪᒃ ᐅ ᒋᐸ ᐃᓯ ‍ ᒋᔅᑯᑎᒪᒐᓇᐛᐤ ᑭᔭ ᒋᐸ ᐃᓯ ‍ ᑭᒐᔅᒋᒧᓇᐛᐤ᙮
\s1 ᑲ ‍ ᐎᔭᓯᐃᐛᒡ ᒋᔅᑯᑎᒪᒐᐅᓐ ᑭᔭ ᒋᒋᐛ ᐛᔪᑎᓯᐅᓐ
\p
\v 3 ᐊᑯ ᒪᒃ ᐊᐛᓐ ᐃᔭᒡ ᐊ ᐃᓯ ‍ ᒋᔅᑯᑎᒪᒐᑦ ᑭᔭ ᐊ ‍ ᐊᓏᑎᒺᑦ ᐊᓂᔭ ᐅᑎᐸᔨᒋᒐᐤ ᒋᓴᔅ ᙭ᑕ ᐅᑕᑈᐤ ᐃᔨᒧᐅᓂᔪᐤ ᑭᔭ ᐊᓂᔭ ᐊ ‍ ᒋᔅᑯᑎᒪᒐᓄᐎᒡ ᒐᒋ ᒋᓴᒪᓂᑐᐛᑎᓯᓇᓄᐎᒡ
\v 4 ᓇᔅᒡ ᑕᑈ ᒋᒋᐛ ᐃᑕᔨᒥᓱᐤ, ᑭᔭ ᓇᒪ ᐊᓐ ᒋᔅᒐᔨᑎᒻ ᐊᓂᔭ ᒐᒂᔪᐤ ᐛ ᐃᓯ ‍ ᐊᔨᒧᑕᐧᒃ᙮ ᐛᔅ ᐅᔅᑕ ᐃᑕᔨᑎᒻ ᒐᒋ ᐊᔨᒧᑕᐧᒃ ᒐᒂᔪᐤ ᐊᓐᑕ ᒐᒋ ᐅᒋ ᐊᑲ ᓂᓇᐊᔨᒥᑐᓇᓄᐎᒡ᙮ ᐊᑯᑕ ᒪᒃ ᐅᑕ ᐛᒋᐱᔨᒡ ᐅᑕᔨᑎᒧᐅᓐ ᑭᔭ ᐊ ‍ ᒪᒥᒋᐱᔨᐃᑐᓇᓄᐅᒡ ᑭᔭ ᒪᔭᔨᒐᐅᓐ ᑭᔭ ᓂᑐᐎᔾ ᐊ ‍ ᐃᑕᑭᓄᐅᑦ ᐊᐛᓐ᙮
\v 5 ᐅᒡ ᒪᒃ ᑲ ‍ ᒪᒥᒋᐱᔨᑕᒡ ᓇᒪ ᒋᔅᒐᔨᑎᒧᒡ ᑕᑈᐅᓂᔪᐤ ᑭᔭ ᓇᒪ ᑯᐃᔅᒄ ᒋ ᐃᓯ ‍ ᓂᔅᑐᑎᒧᒡ ᑕᑈᐅᓂᔪᐤ᙮ ᑭᔭ ᐃᑕᔨᑎᒧᒡ ᐊ ‍ ᒋᓴᒪᓂᑐᐛᑎᓯᓇᓄᐎᒡ ᐊᑯᑕ ᒐᒋ ᐅᒋ ‍ ᐅᑎᓯᒡ᙮
\s2 1 Timothy 6.6-19 (Proper-21 Year C)
\p
\v 6 ᑕᑈ ᑭᑈ ᐊ ‍ ᒋᓴᒪᓂᑐᐛᑎᓯᑦ ᐊᐛᓐ ᐊ ‍ ᐃᔅᐱᑕᔨᑕᐧᒃ ᒪᒃ ᑕᓐ ᐊ ᐃᓯ ‍ ᐊᔭᑦ ᓂ ‍ ᐛᔪᑎᓯᓐ ᐃᑕᔨᑎᒻ᙮
\v 7 ᑲ ‍ ᐱᒪᑎᓯᔭᐧᒄ ᐅᑕ ᐊᔅᒋᒡ ᓇᒪ ᒐᒂᓐ ᒋ ᐅᒋ ‍ ᐸᑕᓇᓄᐤ᙮ ᐳᓂᐱᒪᑎᓯᔭᒂ ᒪᒃ ᓇᒪ ᒐᒂᓐ ᒋᑭ ᐅᒋ ‍ ᔅᑐᑕᓇᓄᐤ᙮
\v 8 ᐊᔪᐛᒡ ᒪᒃ ᐊ ‍ ᐊᔭᔭᐧᒄ ᒥᒋᒻ ᑭᔭ ᒐᒂᔪᐛ ᐊ ‍ ᒋᔅᑭᒪᐧᒄ ᐊᐅᑯᓐ ᒋᐸ ᐃᓯ ‍ ᓂᓇᐊᔨᑕᓇᓄᐤ᙮
\v 9 ᐊᑯ ᒪᒃ ᐊᓐᒡ ᒧᔅ ᐊᑐᐎᔅ ᑲ ᐎ ‍ ᐊᔭᒡ ᒐᒂᔪᐤ ᒋᑭ ‍ ᓂᒋᔅᑭᒧᒡ ᐊ ᐃᓯ ‍ ᑯᒂᒋᐃᑯᒡ ᐊᓂᔭ ᑭᔭ ᐊᓂᔭ ᒐ ᐃᓯ ᐊᑎ ‍ ᓂᓇᐧᑯᐤ ᒥᒋᓇᓂᑐᐛᔨᑕᒡ ᒧᔭᒻ ᐊ ‍ ᓂᒂᑎᑯᒡ ᒋᑭ ‍ ᐃᓯᓇᑯᓂᔪᐤ᙮ ᐛᐛᒡ ᓇᔅᒡ ᒋᑭ ᒋ ‍ ᓂᓱᐅᓇᒋᐃᑯᐅᒡ ᐅᔭ᙮
\v 10 ᐛᔅ ᓱᓇᔭᐤ ᐊ ‍ ᓴᒋᑕᑭᓄᐅᒡ ᐊᑯᑕ ᐛᒋᐱᔨᒡ ᓂᓇᐧᑯᐤ ᒥᒋᑥᐅᓐ᙮ ᐛᐛᒡ ᐊᑯᑕ ᑲ ᐅᒋ ‍ ᐳᓂᒡ ᑯᑎᑭᒡ ᐊ ‍ ᑕᑈᑕᒡ ᑭᔭ ᐊᑯᑕ ᓇᔅᒡ ᐛᒋ ‍ ᒪᒥᓯᒪᔨᑎᒥᐃᓱᒡ ᑯᑎᑭᒡ᙮
\s1 ᑎᒧᑎ ᑲ ᐃᓯ ‍ ᐎᑎᒧᐛᑭᓄᐅᑦ ᒐ ᐃᓯ ‍ ᐱᒪᑎᓯᑦ
\p
\v 11 ᒋᔾ ᒪᒃ ᑎᒧᑎ, ᒋᓴᒪᓂᑐᐤ ᑲ ‍ ᐊᑐᔅᑯᐅᑦ, ᐊᑲᐎᔾ ᐊᐱᑕᔨᑕ ᐅᔭ ᒥᒋ ‍ ᒐᒂᔪᐛ᙮ ᐅᔅᑕ ᐃᑕᔨᑎᒥᐃᑯ ᑯᐃᔅᑯᑕᑎᓯᐅᓐ, ᒋᓴᒪᓂᑐᐛᑎᓯᐅᓐ, ᑕᑈᑎᒧᐅᓐ, ᓴᒋᐃᐛᐅᓐ, ᔭᐃᑕᔨᑕᑯᓱᐅᓐ, ᑭᔭ ᒋᔭᒥᓯᐅᓐ᙮
\v 12 ᓱᐧᒃ ᐊᔨᒋᑲᐳᔅᑕ ᐊᓐ ᐊ ᐃᓯ ‍ ᑕᑈᑎᒥᓐ ᐊᓐᑕ ᒐᒋ ᐅᒋ ‍ ᐅᑎᓯᔨᓐ ᑲᒋᒡ ᐱᒪᑎᓯᐅᓐ᙮ ᐊᐅᒄ ᐛᔅ ᑭᑈ ᐊᓐ ᑲ ᐃᓯ ‍ ᐃᑕᔨᒥᑯᔨᓐ ᒐᒋ ᐃᓯ ‍ ᐊᔭᔨᓐ ᐃᔅᐱ ᓇᔅᒡ ᑲ ‍ ᒋᔅᒐᔨᑕᑯᓯᔨᓐ ᒐ ‍ ᐊᑐᔅᑯᐅᑦ ᒋᓴᒪᓂᑐᐤ, ᑲ ‍ ᐎᑎᒥᓐ ᑕᑈ ᐊ ‍ ᑕᑈᑎᒥᓐ ᐅᑎᔅᑯᐤ ᒥᒐᑦ ᐊᐛᓐᒋ ᐊ ‍ ᑕᒡ᙮
\v 13 ᒋᓴᒪᓂᑐᐤ ᒋ ‍ ᐱᔅᑎᓂᒻ ᒥᓯᐛ ᒐᒂᔪᐤ ᑲ ‍ ᐱᒪᑎᓯᒥᑭᓂᔨᒡ᙮ ᙭ ᒋᓴᓴ ᓇᔅᒡ ᒋ ‍ ᒋᔅᒐᔨᑕᑯᐅᐤ ᐊᐛᓐ ᐎᔾ ᐊᓐᑕ ᑲ ‍ ᐅᑎᔅᑯᑲᐳᔅᑐᐛᑦ ᑈᓐᑎᔭᔅ ᑈᓚᑕ᙮ ᑕᐱᔅᑯᓐ ᒋᓴᒪᓂᑐᐤ ᑭᔭ ᙭ ᒋᓴᔅ ᐊ ‍ ᐸᑐᐅᒡ, ᐅ ᒋ ᐎ ᐃᓯ ‍ ᓯᒋᒥᑎᓐ,
\v 14 ᐃᔭᒂ ᐃᓯ ᓂᓇᐃᑕ ᑕᓐ ᑲ ‍ ᐃᑎᓱᒥᔅᒃ ᒋᓴᒪᓂᑐᐤ, ᑯᐃᔅᒄ ᐎ ᐃᑐᑕ ᑭᔭ ᓇᒪ ᓂᑐᐎᔾ ᒋᑭ ᐅᒋ ᐃᓯ ‍ ᐊᑕᒪᔨᑕᑯᓯᓐ ᒐ ‍ ᐃᔅᐱᔅ ᐊᑲ ᒥᓐ ᑎᑯᓯᐧᒃ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮
\v 15 ᐎᔾ ᒪᒃ ᒋᓴᒪᓂᑐᐤ ᒋᑭ ‍ ᒋᔅᒐᔨᑎᒻ ᒐ ᐃᔅᐱᔅ ‍ ᐅᑎᒋᐱᔨᑕᑦ ᐅᔭ ᒐ ‍ ᑎᑯᓯᓂᔨᒋ ᒋᓴᓴ᙮ ᐎᔾ ᒋᓴᒪᓂᑐᐤ ᑕᑈ ᐃᑕᔨᑕᑯᓂᔪᐤ ᒐᒋ ᒪᒥᒋᒪᑭᓄᐅᑦ ᑭᔭ ᐎᔾ ᒋᒋᐛ ᐱᒥᐱᔨᑕᐤ ᒥᓯᐛ ᒐᒂᔪᐤ᙮ ᐊᐅᒄ ᐅᔭ ᒥᓯᐛ ᒋᓴᐅᒋᒪᐅᒡ ᐅᒋᓴᐅᒋᒪᒧᐛᐛ ᑭᔭ ᒥᓯᐛ ᑲ ‍ ᑎᐸᔨᒐᒡ ᐅᑎᐸᔨᒋᓯᒧᐛᐛ᙮
\v 16 ᐎᔾ ᒥᒄ ᑲᒋᒡ ᐱᒪᑎᓯᐤ, ᐊᓐᑕ ᒪᒃ ᐊᑲ ᓂᑕ ᒧᓴ ᒐᒋ ᓇᑕᑭᓄᐎᒡ ᐛᔅᑕᐅᓂᔪᐤ ᐊᑯᑕ ᐊ ‍ ᑕᑦ, ᐊᓐᑕ ᐊᑲ ᐊᐛᔪᐛ ᒐᒋ ᓇᑎᑯᑦ᙮ ᓇᒪ ᓂᑕ ᐅᑎᔅᑯᐤ ᐅᒋ ᐛᐱᒥᑯᐤ ᐊᐛᔪᐛ ᑭᔭ ᓇᒪ ᓂᑕ ᒋᑭ ᒋ ‍ ᐛᐱᒥᑯᐤ᙮ ᐎᔾ ᒪᒃ ᒋᑭ ‍ ᒋᔅᑕᔨᑕᑯᐊᑭᓄᐤ ᑭᔭ ᐎᔾ ᐊᔭᐤ ᑲᒋᒡ ᓱᐧᑲᑎᓯᐅᓂᔪᐤ᙮ ᐊᒥᓐ᙮
\p
\v 17 ᒋ ‍ ᓂᑐᐛᔨᒥᑎᓐ ᒪᒃ ᑎᒧᑎ, ᒐᒋ ᐎᑎᒧᐅᑥᐤ ᐊᓐᒡ ᑲ ‍ ᐛᔪᑎᓯᒡ ᒐ ᐊᑲ ᒋ ᒋᔅᑕᔨᒥᓱᒡ ᐊᓂᔭ ᐊ ‍ ᐛᔪᑎᓯᒡ ᑭᔭ ᒐ ᐊᑲ ᒋ ᐊᔅᐸᔨᒧᑐᑕᒡ ᐊᓂᔭ ᐊᑲ ᒐᔅᑎᓇᑕᔨᑕᑯᓂᔨᒡ ᐛᔪᑎᓯᐅᓂᔪᐤ᙮ ᒋᔅᒋᓱᒥᒡ ᐅᔅᑕ ᒋᓴᒪᓂᑐᐛ ᒐᒋ ᐊᔅᐸᔨᒧᑐᑐᐛᒡ ᐊᓐ ᑲ ᒥᔪ ‍ ᒥᔨᑕᐧᒄ ᒥᓯᐛ ᒐᒂᔪᐤ ᒐᒋ ᒥᔽᔨᑎᒥᐃᑯᐛᐧᒄ᙮
\v 18 ᐎᑎᒧᐅᒡ ᐊᓐᒡ ᑲ ‍ ᐛᔪᑎᓯᒡ ᒐᒋ ᒥᔪᑐᑎᒪᒐᒡ, ᒥᔪᑐᑎᒪᒐᐅᓂᒡ ᒐᒋ ᐃᓯ ‍ ᐛᔪᑎᓯᒡ, ᒐᒋ ᐃᓯᓇᑯᓯᒡ ᓇᔅᒡ ᑲ ‍ ᒥᔽᔨᑕᒡ ᐊ ‍ ᒥᔨᐛᒡ ᑭᔭ ᓇᔅᒡ ᒐᒋ ᐛᒋᐱᔨᒡ ᒐᒋ ᑕᑥᐅᓂᒧᐛᒡ ᐊᐛᔪᐛ ᑕᓐ ᐊ ᐃᓯ ‍ ᐊᔭᒡ᙮
\v 19 ᐅᔭᔪᐤ ᒪᒃ ᐃᑐᑕᒂᐛ ᐊᑯᑕ ᒐᒋ ᐅᒋ ‍ ᐊᔭᒡ ᒋᒋᐛ ᐛᔪᑎᓯᐅᓂᔪᐤ ᐊᓐᑕ ᓂᔅᑕᒥᒡ, ᐊᑯᑕ ᑭᔭ ᒋᒋᐛ ᒐᒋ ᐅᒋ ‍ ᒋᔅᒐᔨᑕᒡ ᐱᒪᑎᓯᐅᓂᔪᐤ ᐅᑕ ᐊᔅᒋᒡ᙮
\p
\v 20 ᒋᔾ ᑎᒧᑎ ᓂᓇᑭᑐᐛᔨᑕ ᑕᓐ ᑲ ᐃᓯ ‍ ᒥᔨᔅᒃ ᒋᓴᒪᓂᑐᐤ ᒐᒋ ᐃᑕᐱᑎᓯᐅᑦ᙮ ᐊᑲᐎᔾ ᐎᒋᐃᔨᒡ ᐊᓐᒡ ᑲ ‍ ᐊᔭᔨᒺᐛᐃᑯᒡ ᒐᒂᔪᐛ ᐊᑲ ᐎᒋᐃᐛᒥᑭᓂᔨᒋ ᐊᓐᑕ ᐃᔅ ᐊ ‍ ᒋᓴᒪᓂᑐᐛᑎᓯᓇᓄᐎᒡ᙮ ᐊᑲᐎᔾ ᐊᐱᓯᑐᐅᒡ ᐊᓐᒡ ᑲ ‍ ᐃᑎᑕᑯᓯᒡ ᒧᔭᒻ ᓇᔅᒡ ᒥᔅᑎ ᐊ ‍ ᒋᔅᒐᔨᑕᒡ ᒐᒂᔪᐤ ᐊᑲ ᒪᒃ ᐊᓐ ᒧᔭᒻ ᐃᓯ ᑭᒐᔅᒐᔨᑕᒡ᙮
\v 21 ᐛᔅ ᐱᔅᒐ ᐅᒡ ᐅᔭ ᑲ ‍ ᐃᑕᔨᑕᑯᓯᒡ ᓂᑭᑎᒧᒡ ᐊᓂᔭ ᑲ ᐃᓯ ‍ ᒋᔅᑯᑎᒧᐛᑭᓄᐎᒡ ᒐᒋ ᑕᑈᑕᒡ᙮
\p ᒋᓴᒪᓂᑐᐤ ᒪᒃ ᒥᓯᐛ ᒋᑭ ‍ ᓱᐛᔨᒥᑯᐛᐤ᙮
\id 2TI Adapted from ECree-S to Naskapi, 4 April 2003; Typeset export from CBS 8 May 2007
\h 2 ᑎᒧᑎ
\toc3 2 ᑎᒧᑎ
\toc2 2 ᑎᒧᑎ
\toc1 ᓂᓱ ᑎᒧᑎ ᑈᓪ ᒥᓐ ᑲ ‍ ᒥᓯᓇᐊᒧᐛᑦ ᑎᒧᑎᔨᒋ
\mt1 ᓂᓱ ᑎᒧᑎ
\mt2 ᑈᓪ ᒥᓐ ᑲ ‍ ᒥᓯᓇᐊᒧᐛᑦ ᑎᒧᑎᔨᒋ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐃᔅᐱ ᒥᓐ ᑈᓪ ᑲ ‍ ᒥᓯᓇᐊᒧᐛᑦ ᑎᒧᑎᔨᒋ ᐊᓐᑕ ᒥᓐ ᑲᒪᑯᓄᐛᓯᐅᒋᐛᐱᒡ ᒋ ‍ ᑕᐤ ᐊᓐᑕ ᕈᒥᒡ᙮ ᒋ ‍ ᒋᔅᒐᔨᑎᒻ ᓴᔅ ᒐ ᐊᑲ ᒋ ᐎᐎᑦ ᐊᓐᑕ ᑭᔭ ᓴᔅ ᐊ ‍ ᐸᓱᓇᑯᓂᔨᒡ ᒐ ‍ ᓂᐸᐊᑭᓄᐅᑦ᙮ ᒋ ᐎ ‍ ᑲᒋᒋᐊᐤ ᐊᓂᔭ ᑎᒧᑎᔨᒋ ᐛᔅ ᒋ ‍ ᒋᔅᒐᔨᒪᐤ ᐊᐅᒄ ᐊᓂᔭ ᒐ ‍ ᒥᔅᑯᑎᔅᑲᑯᑦ ᐃᔅᐱ ᐊᑲ ᑕᒐ ᐎᔾ᙮ ᑭᔭ ᐊᑐᐎᔅ ᒋ ‍ ᐎᑎᒧᐛᐤ ᑕᓐᑕ ᒐ ᐃᓯ ‍ ᐱᒥᐱᔨᑕᔨᒋ ᐊᔭᒥᐊᐅᒋᐛᐱᔪᐤ᙮ ᒋ ‍ ᐃᑕᐤ ᑭᔭ ᒐ ᐊᑲ ᒋ ᓂᑐᑐᐛᔨᒋ ᓂᑐᐎᔾ ᑲ ᐃᓯ ‍ ᒋᔅᑯᑎᒪᒐᔨᒋ ᒥᒄ ᐊᓂᔭ ᑯᐃᔅᒄ ᑲ ᐃᓯ ‍ ᒋᔅᑯᑎᒪᒐᔨᒋ ᒐᒋ ᓂᑐᑐᐛᔨᒋ᙮
\c 1
\s2 2 Timothy 1.1-14 (Proper-22 Year C)
\p
\v 1 ᓂᔾ ᑈᓪ, ᑲ ‍ ᒥᓯᓇᐊᒪᑕᓐ᙮ ᒋᓴᔅ ᙭ ᐅᑦ ᐊᑈᔅᑕᓂᒪ ᓂᔾ, ᐛᔅ ᐊᐅᒄ ᐅᔭ ᑲ ᐃᓯ ‍ ᐅᑎᓂᑦ ᒋᓴᒪᓂᑐᐤ᙮ ᐎᔾ ᒋᓴᒪᓂᑐᐤ ᓂᒋ ‍ ᐃᑎᓴᐅᒄ ᒐᒋ ᐊᔨᒧᑎᒧᒡ ᐊᓂᔭ ᐱᒪᑎᓯᐅᓂᔪᐤ ᑕᓐ ᑲ ᐃᓯ ‍ ᒐᔅᑎᓇᑎᔅᑕᑦ ᒐ ‍ ᐊᔭᔨᒋ ᐊᐛᔪᐛ ᑕᑈᔭᔨᒪᔨᒐ ᒋᓴᔅ ᙭ᑕ᙮
\p
\v 2 ᒋᔾ ᑎᒧᑎ ᒋ ‍ ᒥᓯᓇᐊᒪᑎᓐ, ᒋᔾ ᓂᑯᓯᐧᑲᐅᓐ ᑲ ‍ ᓴᒋᐃᑕᓐ᙮
\p ᒋᓴᒪᓂᑐᐤ ᐅᑕᐎᒪᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᒋᑭ ‍ ᒥᔪᑐᑕᒄ, ᒋᑭ ‍ ᒋᔅᑎᒪᒐᔨᒧᒄ ᑭᔭ ᒋᑭ ‍ ᒥᔨᒄ ᒋᔭᒪᔨᑎᒧᐅᓂᔪᐤ᙮
\s1 ᓂᓇᔅᑯᒧᐅᓐ ᑭᔭ ᒥᔽᔨᒧᐅᓐ
\p
\v 3 ᓂᓇᔅᑯᒪᐤ ᒋᓴᒪᓂᑐᐤ ᐊ ‍ ᒐᔅᑎᓇᑕᔨᒧᔭᓐ ᐊ ‍ ᑯᐃᔅᑯᐱᒪᑎᓯᔭᓐ ᐊ ‍ ᐊᑐᔅᑯᐅᒃ, ᒧᔭᒻ ᐊᓂᔭᐧᑲ ᐊᓂᔅᒐ ᓂᐛᐧᑯᒪᑭᓂᒡ ᑲ ᐃᓯ ‍ ᐊᑐᔅᑯᐛᒡ᙮ ᑭᔭ ᓂᓇᔅᑯᒪᐤ ᒋᓴᒪᓂᑐᐤ ᐊ ‍ ᒋᔅᒋᓯᑐᑕᑕᓐ ᑕᑥᐤ ᐊ ‍ ᐊᔭᒥᐊᔭᓂ ᐊ ‍ ᒋᓯᑲᒡ ᑭᔭ ᐊ ‍ ᑎᐱᔅᑲᒡ᙮
\v 4 ᓂ ‍ ᒋᔅᒋᓯᓐ ᑕᓐ ᑲ ᐃᓯ ‍ ᐅᒋᑯᐛᐱᔨᓐ ᒪᔅᑕᔾ ᑲ ‍ ᐛᐱᒥᑕᓐ᙮ ᑕᑈ ᓂᐸ ‍ ᒥᔽᔨᑕᓐ ᒥᓐ ᐛᐱᒥᑕᓐ ᐛᔅ ᓇᔅᒡ ᒋ ᐎ ‍ ᐛᐱᒥᑎᓐ᙮
\v 5 ᓂ ‍ ᒋᔅᒋᓯᓐ ᓇᔅᒡ ᓱᒃ ᐊᒋ ‍ ᐃᑕᔨᑎᒥᐃᑯᔨᓐ ᐊ ‍ ᑕᑈᑎᒥᓐ᙮ ᐊᐅᑯᓐ ᑲ ‍ ᐃᓯᓇᑯᓂᔨᒡ ᒋᑲᐎᔾ ᔪᓂᔅ ᑭᔭ ᒍᐧᑯᒻ ᓗᔅ ᐅᑕᑈᑎᒧᐅᓄᐛᐤ᙮ ᓂ ‍ ᒐᔅᑎᓇᑕᔨᑕᓐ ᒪᒃ ᐊᐅᑯᓐ ᐊ ‍ ᐃᓯᓇᒂᒡ ᑭᔭ ᒋᔾ ᒋᑕᑈᑎᒧᐅᓐ᙮
\v 6 ᐊᐅᒄ ᒪᒃ ᐅ ᐛᒋ ᐎ ‍ ᒋᔅᒋᓱᒥᑕᓐ ᓱᒃ ᒧᔅ ᒐᒋ ᐊᐱᒋᑕᐅᑦ ᐊᓂᔭ ᒥᔨᐛᐅᓂᔪᐤ ᒋᓴᒪᓂᑐᐤ ᑲ ‍ ᒥᔨᔅᒃ ᐃᔅᐱ ᑲ ‍ ᓴᒥᓂᑕᓐ ᐊ ‍ ᐊᔭᒥᐊᔅᑎᒪᑕᓐ᙮
\v 7 ᐛᔅ ᐊᓂᔭ ᐊᒐᒂ ᒋᓴᒪᓂᑐᐤ ᑲ ‍ ᒥᔨᑕᐧᒄ ᐊᐅᒄ ᐊᓐ ᒐ ‍ ᐎᒋᐃᑕᐧᒄ ᒐ ᐊᑲ ᒋ ᑯᔅᑕᒋᔭᐧᒄ᙮ ᓱᐧᑲᑎᓯᐅᓂᔪᐤ ᒋ ‍ ᒥᔨᑯᓄᐤ ᐅ ᐊᒐᐧᒄ, ᑭᔭ ᓴᒋᐃᐛᐅᓂᔪᐤ ᑭᔭ ᒋ ‍ ᐎᒋᐃᑯᓄᐤ ᒐᒋ ᓂᓇᑭᑐᐛᔨᑎᒪᐧᒄ ᑕᓐ ᐊ ‍ ᐃᑎᔭᐧᒄ᙮
\p
\v 8 ᐊᑲᐎᔾ ᒪᒃ ᒋᑭ ᐅᒋ ‍ ᓇᓂᑲᐎᔅᑎᒺᓐ ᒋᑎᐸᔨᒋᒐᓯᒥᓄᐤ ᐅᒥᔽᒋᒧᐅᓐ ᒐᒋ ᐊᔨᒧᑎᒧᑦ᙮ ᑭᔭ ᐊᑎ ᐅ ᒪᒂᒡ ᐊ ‍ ᒋᐸᐅᑯᐅᔭᓐ ᙭ ᐅᒋ ᐊᑲᐎᔾ ᒋᑭ ᐅᒋ ‍ ᓴᒂᔨᒧᓐ ᐊ ‍ ᐎᒐᐛᑭᓂᑕᑕᓐ᙮ ᐊᔭᔅᑯᐎᔅᑕ ᐃᔭᐱᒡ ᑕᓐ ᒐ ᐃᓯ ‍ ᓂᓇᐧᑲᑕᔨᒧᔨᓐ ᐊ ‍ ᐛᐎᑎᒥᓐ ᒥᔽᒋᒧᐅᓐ ᐛᔅ ᒋᑭ ‍ ᒥᔨᒄ ᒋᓴᒪᓂᑐᐤ ᒥᔅᑯᓯᐅᓂᔪᐤ᙮
\v 9 ᒋᓴᒪᓂᑐᐤ ᔅᒋ ‍ ᐱᒪᒋᐃᑯᓄᐤ ᑭᔭ ᔅᒋ ‍ ᑕᑈᑎᑯᓄᐤ ᒐᒋ ᐸᔭᒋᓯᔭᐧᒄ ᐊ ‍ ᐅᑦ ᐃᔨᒥᑕᑕᐧᒄ᙮ ᓇᒪ ᐎ ᐊᓂᔭ ᑕᓐ ᑲ ᐃᓯ ‍ ᐊᑐᔅᒐᐛᐧᒄ ᐅᔭ ᐛᒋ ‍ ᐃᑐᑕᑕᐧᒄ᙮ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ ᓴᔅ ᒋ ‍ ᐎᔭᔨᑎᒻ ᐅᔭ ᒐ ‍ ᐃᑐᑕᑕᐧᒄ ᒋᓴᒪᓂᑐᐤ᙮ ᔅᒋ ᐎ ‍ ᐛᐸᑎᔨᑯᓄᐤ ᐅᒋᓴᐛᑎᓯᐅᓐ ᙭ᑕ ᐊ ‍ ᑕᔨᒋ ᐅᒡ᙮
\v 10 ᐃᔅᐱ ᒪᒃ ᒋᐱᒪᒋᐃᐛᒥᓄᐤ ᒋᓴᔅ ᙭ ᑲ ᐸᒋ ‍ ᓄᑯᐊᑭᓄᐅᑦ ᐅᑕ ᐊᔅᒋᒡ ᐊᑯᑕ ᑲ ᐅᒋ ‍ ᒋᔅᒐᔨᑎᒪᐧᒄ ᒋᓴᐛᑎᓯᐅᓐ᙮ ᐎᔾ ᒋᓴᔅ ᒋ ‍ ᓴᐧᑯᒋᑕᐤ ᓂᐳᐅᓂᔪᐤ ᑭᔭ ᔅᒋ ‍ ᐛᐸᑎᔨᑯᓄᐤ ᒥᔽᒋᒧᐅᓂᒡ ᐅᒡ ᐊ ‍ ᑎᒂᒡ ᑲᒋᒡ ᐱᒪᑎᓯᐅᓐ᙮
\p
\v 11 ᒋᓴᒪᓂᑐᐤ ᓂᒋ ‍ ᐅᑎᓂᒄ ᒐᒋ ᐛᐎᑎᒪᓐ ᐅ ᒥᔽᒋᒧᐅᓐ, ᑭᔭ ᐊᑈᔅᑕᓐ ᒐᒋ ᐃᑕᐱᑎᓯᔭᓐ ᑭᔭ ᒐᒋ ᒋᔅᑯᑎᒪᒐᔭᓐ ᐅ ᒥᔽᒋᒧᐅᓐ᙮
\v 12 ᐊᐅᒄ ᒪᒃ ᐅ ᓇᓂᑯᑎᓂᔾ ᐛᒋ ‍ ᓂᓇᐧᑲᑕᔨᒧᔭᓐ, ᒥᒄ ᒪᒃ ᓇᒪ ᑎᑯᓐ ᑕᓐ ᒐᒋ ᐃᓯ ‍ ᐳᓂᒪᒥᓯᑐᑎᒪᓐ ᐅ ᒥᔽᒋᒧᐅᓐ, ᐛᔅ ᓂ ‍ ᒋᔅᒐᔨᒪᐤ ᐊᓐ ᐊᐛᓐ ᑲ ‍ ᑕᑈᔭᔨᒥᒃ ᑭᔭ ᓇᔅᒡ ᓂ ‍ ᒐᔅᑎᓇᑕᔨᑕᓐ ᒐ ᒥᔪ ‍ ᑭᓄᐛᔨᑕᐧᒃ ᐊᓂᔭ ᑕᓐ ᑲ ᐃᓯ ‍ ᐱᔅᑎᓂᓱᐅᒡ ᐸᑐᔅ ᐅᑎᒋᐱᔨᒐ ᐊᓂᔭ ᐊ ‍ ᒋᓯᑲᔨᒡ ᒥᓐ ᒐ ‍ ᑎᑯᓯᐧᒃ᙮
\p
\v 13 ᓱᒃ ᐃᔭᒂ ᓂᓇᑭᑐᐛᔨᑕ ᑭᔭ ᒧᔅ ᓇᓴᐊ ᑕᓐ ᑲ ᐃᓯ ‍ ᒋᔅᑯᑎᒪᑕᓐ, ᑕᑈᑎᒧᐅᓂᒡ ᑭᔭ ᓴᒋᐃᐛᐅᓂᒡ ᒐᒋ ᐃᓯ ‍ ᐱᒪᑎᓯᔨᓐ ᐊ ‍ ᐎᒐᐅᑦ ᙭ ᒋᓴᔅ᙮
\v 14 ᑲ ‍ ᐸᔭᒋᓯᑦ ᐊᒐᐧᒄ ᒪᒃ ᐅᓱᐧᑲᑎᓯᐅᓐ ᐊ ᐃᓯ ‍ ᐱᒋᔅᑲᑯᐅᑦ, ᓱᒃ ᐃᔭᒂ ᐃᓯ ᓂᓇᑭᑐᐛᔨᑕ ᒥᔽᒋᒧᐅᓐ ᑕᑈᐅᓐ ᑕᓐ ᐊᓐ ᑲ ‍ ᐱᔅᑎᓂᒪᑯᔨᓐ ᒐ ‍ ᐛᐎᑎᒥᓐ᙮
\p
\v 15 ᐛᔅ ᒋ ‍ ᒋᔅᒐᔨᑕᓇᒐ ᒥᓯᐛ ᐊᓐᒡ ᑲ ‍ ᒂᔅᑲᑎᓯᒡ ᐊᓐᑕ ᐊᐃᓴ ᐊ ‍ ᑕᒡ ᐊᒋ ‍ ᓂᑭᓯᒡ, ᐱᒋᓚᔅ ᑭᔭ ᐊᕐᒪᑭᓂᔅ ᓇᒪ ᓇᔅᒡ ᓂᑦ ᐊᐱᑕᔨᒥᑯᒡ᙮
\p
\v 16 ᓂᑦ ᐊᔭᒥᐊᔅᑎᒧᒪᔪᐛ ᐅᓂᓯᑈᕋᔅ ᐊᓐᑕ ᐊᓂᔭ ᐊ ‍ ᐸᐃᑯᔅᑲᓇᓯᑦ ᐊ ‍ ᑕᔨᒋ ᒐᒋ ᒋᔅᑎᒪᒐᔨᒥᑯᒡ ᒋᓴᒪᓂᑐᐛ ᐛᔅ ᒧᔅ ᒋ ‍ ᑎᑯᓂᔪᐤ ᑕᓐ ᑲᒋ ᐃᓯ ᐸᒋ ‍ ᐛᐎᒋᐃᑦ ᐅᓂᓯᐳᕋᔅ, ᓇᒪ ᓇᔅᒡ ᐅᒋ ᓴᒂᔨᒧᐃᑯᐤ ᐊ ‍ ᒋᐸᐅᑯᐎᒡ᙮
\v 17 ᐃᔅᐱ ᑲ ‍ ᑎᑯᓯᐧᒃ ᕈᒥᒡ ᑎᐛᒡ ᓂᒋ ‍ ᓇᓂᑐᐛᐱᒧᒄ ᐸᑐᔅ ᑲ ‍ ᒥᔅᑯᐅᑦ᙮
\v 18 ᑭᒪ ᒋ ‍ ᓄᑯᑥᑯᑦ ᐅᑎᐸᔨᒋᒐᐛ ᐊ ‍ ᒋᔅᑎᒪᒐᔨᒥᑯᑦ ᐊᓐᑕ ᐊᓂᔭ ᐊ ‍ ᒋᓯᑲᔨᒡ ᙭ᑕ ᒥᓐ ᑎᑯᓯᓂᔨᒐᓂ᙮ ᑭᔭ ᒋ ‍ ᒋᔅᒐᔨᑎᒺᓐ ᑕᓐ ᑲ ‍ ᐃᔅᐱᔅ ᒋ ‍ ᒥᔪᑐᑎᒧᐅᑦ ᐊᓐᑕ ᒪᒂᒡ ᐃᐱᓴᔅ ᑲ ‍ ᑕᐅᒡ᙮
\c 2
\s1 ᒋᓴᔅ ᙭ ᐅᒥᔪᐤ ᒪᓯᒐᐤ ᐃᔨᒪ
\p
\v 1 ᒋᔾ, ᓂᑯᓯᐧᑲᐅᓐ ᑎᒧᑎ, ᓱᒃ ᐎ ᓱᐧᑲᑎᓯ ᙭ ᒋᓴᔅ ᐅᒋᓴᐛᑎᓯᐅᓂᒡ ᐅᒡ᙮
\v 2 ᔅᒋ ‍ ᐸᑐᐅᓐ ᑕᓐ ᑲ ᐃᓯ ‍ ᒋᔅᑯᑎᒪᒐᔭᓐ ᐊᓐᑕ ᒪᒂᒡ ᐊ ‍ ᒥᒐᑎᓇᓄᐅᒡ᙮ ᐅ ᒪᒃ ᑲ ᐃᓯ ‍ ᒋᔅᑯᑎᒪᒐᔭᓐ ᒐ ‍ ᐱᔅᑎᓇᑯᒡ ᐊᓐᒡ ᑲ ‍ ᑕᑈᐅᒐᔨᑕᑯᓯᒡ ᒐᒋ ᐊᓱ ᒋᔅᑯᑎᒧᐛᒡ ᑯᑎᑲ ᐊᐛᔪᐛ᙮
\v 3 ᓱᒃ ᐎ ᓯᐱᔪᐛᓯ ᐊ ‍ ᐊᔨᒧᐎᔨᓐ ᒧᔭᒻ ᙭ ᒋᓴᔅ ᐅᒥᔪᐤ ᒪᓯᒐᐤ ᐃᔨᒪ ᐊ ‍ ᐃᑎᔨᒋ᙮
\v 4 ᐛᔅ ᒪᓯᒐᐤ ᐃᔪᐤ ᓱᒃ ᑯᒋᑕᐤ ᒐᒋ ᓇᐊᔨᑎᒪᐊᑦ ᐊᓂᔭ ᑲ ‍ ᓂᑲᓂᔅᑲᑯᑦ ᑭᔭ ᓇᒪ ᓇᔅᒡ ᐊᐱᑕᔨᑎᒥᐃᑯᐤ ᒐᒋ ᐎᒋᐃᐛᑦ ᑕᓐ ᐊ ‍ ᐃᑎᓇᓄᐎᒡ ᐅᑕ ᐊᔅᒋᒡ᙮
\v 5 ᐱᒪᑎᓯ ᑕᓐ ᐊ ᐃᓯ ‍ ᓂᑐᐛᔨᒥᔅᒃ ᒋᓴᒪᓂᑐᐤ ᒐᒋ ᐃᓯ ‍ ᐱᒪᑎᓯᐅᑦ᙮ ᐛᔅ ᐊᐛᓐ ᑲ ‍ ᐎᒋᐃᐛᑦ ᐊ ‍ ᒋᒋᐸᑕᓄᐎᒡ ᓇᒪ ᒋᑭ ᐅᒋ ‍ ᑲᓂᔪᐤ ᐸᑐᔅ ᐃᔭᒂ ᓂᓇᑭᑐᐛᔨᑕᒐ ᐊᓂᔭ ᑕᓐ ᐊ ᐃᓯ ‍ ᑎᑯᓂᔨᒡ ᒋᐸ ᐃᓯ ‍ ᓂᓇᑭᑐᐛᔨᑎᒻ᙮
\v 6 ᑭᔭ ᓂᑕᐅᒋᒐᓱᐤ ᓱᒃ ᑲ ‍ ᐊᑐᔅᒐᑦ ᐃᑕᔨᑕᑯᓂᔪᐤ ᐎᔾ ᓂᔅᑎᒻ ᒐᒋ ᐸᒂᓂᒪᓱᑦ ᐊᓂᔭ ᑕᓐ ᑲ ᐃᓯ ‍ ᓂᑕᐅᒋᑕᑦ᙮
\v 7 ᒪᒥᑐᓇᔨᑕ ᐅ ᑕᓐ ᑲ ᐃᓯ ‍ ᐛᐎᑎᒪᑕᓐ ᐛᔅ ᐅᑎᐸᔨᒋᒐᐤ ᒋᑭ ‍ ᐃᑐᑕᒄ ᒐᒋ ᓂᔅᑐᑎᒥᓐ ᒥᓯᐛ ᒐᒂᓐ᙮
\s2 2 Timothy 2.8-15 (Proper-23 Year C)
\p
\v 8 ᒧᔅ ᑭᔭ ᒐ ‍ ᒋᔅᒋᓯᔨᓐ ᑕᓐ ᑲ ᐃᓯ ‍ ᐛᐎᑎᒪᓐ ᒥᔽᒋᒧᐅᓐ ᐊ ‍ ᐊᔨᒧᒥᒃ ᒋᓴᔅ ᙭ ᐊᒋ ‍ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒡ ᑭᔭ ᑎᐱᑕ ᐊ ‍ ᑕᔨᒋ ᐊᒋ ᐅᒋ ᐊᓂᔅᒐ ‍ ᐱᒪᑎᓯᑦ᙮
\v 9 ᐛᔅ ᐊ ‍ ᐛᐎᑎᒪᓐ ᐅ ᒥᔽᒋᒧᐅᓐ ᐊᐅᒄ ᐛᒋ ‍ ᓂᓇᐧᑲᑕᔨᒧᔭᓐ, ᑭᔭ ᒧᔭᒻ ᐊᐛᓐ ᐊᒋ ‍ ᒥᒋᑐᑕᐧᒃ ᑲᒋ ‍ ᒪᒪᒋᒂᐱᔅᑲᐛᑭᓄᐅᑦ ᐊᐅᑯᓐ ᐊ ‍ ᐃᑐᑕᑯᐅᔭᓐ, ᒥᒄ ᒪᒃ ᓇᒪ ᒋᑭ ᒋ ‍ ᒪᒪᒋᒂᐱᔅᑲᐃᑭᓄᐅᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮
\v 10 ᐊᑯ ᒪᒃ ᐊ ‍ ᓱᒋᐱᔨᒡ ᒥᓯᐛ ᒐᒂᓐ ᒐᒋ ᓴᐧᑯᒋᑕᔭᓐ ᑕᓐ ᒐ ᐃᓯ ‍ ᓂᓇᐧᑲᒋᐃᑯᐛᓇ, ᐊ ‍ ᐱᑯᓴᔨᒧᔭᓐ ᐊᓂᔭᔪᐛ ᒋᓴᒪᓂᑐᐤ ᑲ ‍ ᐅᑎᓇᑦ ᒐ ‍ ᐅᑦ ᐃᔨᒥᑦ ᒐ ‍ ᐊᔭᔨᒋ ᐱᒪᒋᐃᑯᓯᐅᓂᔪᐤ ᑭᔭ ᑲᒋᒡ ᒋᔅᑕᔨᑕᑯᓱᐅᓂᔪᐤ ᙭ ᒋᓴᓴ ᐊ ‍ ᑕᔨᒋ ᑲ ‍ ᐅᒋᐱᔨᒡ᙮
\p
\v 11 ᐛᔅ ᑕᑈᒥᑭᓐ ᐅ ᑲᒋ ‍ ᐃᓇᓄᐅᒡ,
\q “ᒐ ᐎᒋ ‍ ᓂᐱᒪᐅᒂ, ᒋᑭ ᐎᒋ ‍ ᐱᒪᑎᓯᒪᓄᐤ ᑭᔭ᙮
\q
\v 12 ᒧᓯᓇᐤ ᒐ ‍ ᓯᐱᔪᐛᓯᔅᑎᒧᐛᐅᒂ ᓂᓇᐧᑲᑕᔨᒧᐅᓐ, ᒋᑭ ᐎᒋ ‍ ᑎᐸᔨᒋᒐᒪᓄᐤ᙮
\q ᑭᔭ ᐃᔅᒋᔄᔭᒂ ᐊᑲ ᒋᔅᒐᔨᒪᐧᒄ, ᑭᔭ ᐎᔾ ᒋᑭ ‍ ᐃᔅᒋᔄᐤ ᐊᑲ ᒋᔅᒐᔨᒥᑕᐧᒄ᙮
\q
\v 13 ᐊᑲ ᒪᒃ ᑯᐃᔅᒄ ᐃᑎᔭᒂ, ᐃᔭᐱᒡ ᑯᐃᔅᒄ ᒋᑭ ‍ ᐃᑐᐤ ᐎᔾ ᙭,
\q ᐛᔅ ᓇᒪ ᐃᔭᒡ ᒋᑭ ᒋ ‍ ᐃᑕᔨᑕᑯᓱᐤ ᑕᓐ ᐊ ‍ ᐃᑕᔨᑕᑯᓯᑦ᙮”
\s1 ᐊ ᐃᓯ ‍ ᓇᐊᔨᑕᑯᓯᑦ ᐊᑐᔅᒐᔭᑭᓐ
\p
\v 14 ᒧᔅ ᒪᒃ ᒋᔅᒋᓱᒥᒡ ᒋᑦ ᐃᔨᒥᒡ ᐅᔭᔪᐤ ᑭᔭ ᐅᑎᔅᑯᐤ ᒋᓴᒪᓂᑐᐛ ᐊ ‍ ᑕᔨᒋ ᐃᔭᒂᒥᒥᒡ ᒐ ᐊᑲ ᒋ ᒪᒥᒋᐱᔨᐃᑐᒡ ᐃᔨᒧᐅᓂᔪᐤ ᐅᒋ, ᐛᔅ ᓇᒪ ᓇᔅᒡ ᒥᔪ ‍ ᐎᒋᐃᐛᒥᑭᓐ ᐅ ᐊ ‍ ᐃᑎᓇᓄᐅᒡ᙮ ᑎᑯᓂᔪᐤ ᑕᓐ ᐊ ᐃᓯ ‍ ᒥᒋᑐᑕᑯᒡ ᐊᓐᒡ ᑲ ‍ ᓂᑐᑐᐛᒡ᙮
\v 15 ᓱᒃ ᒧᔅ ᐎ ᐃᑐᑕ ᐊᓐ ᒪᐅᒡ ᐊ ‍ ᑭᔅᒋᐅᔨᓐ ᐊ ‍ ᐃᑐᑎᒥᓐ ᒐᒂᓐ ᐊᓂᔭ ᒐ ‍ ᓇᐊᔨᑎᒪᐃᑯᑦ ᒋᓴᒪᓂᑐᐤ, ᒧᔭᒻ ᐊᐛᓐ ᓱᒃ ᑲ ‍ ᐊᑐᔅᒐᑦ ᐊᑲ ᑎᑯᓂᔨᒡ ᑕᓐ ᒐ ᐃᓯ ‍ ᓴᒂᔨᒧᐃᑯᑦ ᐅᑦ ᐊᑐᔅᒐᐅᓐ᙮ ᐊᐛᓐ ᑯᐃᔅᒄ ᑲ ᐃᓯ ‍ ᒋᔅᑯᑎᒪᒐᑦ ᑕᓐ ᐊ ᐃᓯ ‍ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᐅᑯᓐ ᒋᐸ ‍ ᐃᑎᓐ᙮
\p
\v 16 ᐊᑲᐎᔾ ᐃᔭᔨᒪᔨᑎᒥᐃᑯ ᓂᑎᒥᒄ ᐃᔨᒧᐅᓐ ᐊᑲ ᐊᔨᒧᒪᑭᓄᐅᑦ ᒋᓴᒪᓂᑐᐤ, ᑭᔭ ᐊᑲ ᒋᐧᑲᐛᓯᑕᒂᒡ ᒐᒂᓐ ᐊ ‍ ᐃᔭᔨᒺᐛᔪᐛᒡ ᐛᔅ ᓇᒪ ᐎᒋᐃᑯᐤ ᐊᐛᓐ ᐅᔭ ᐊ ᐃᓯ ‍ ᐃᔨᒥᓇᓄᐎᒡ᙮ ᐃᑐᑕᑯᐤ ᒥᒄ ᐊᑐᐎᔅ ᒐᒋ ᐊᔭᐛᐱᒪᑦ ᒋᓴᒪᓂᑐᐛ᙮
\v 17 ᐅ ᐊ ᐃᓯ ‍ ᐃᔨᒥᓇᓄᐅᒡ ᒧᔭᒻ ᑲ ‍ ᒧᐅᐛᒡ ᐊᐧᑯᓱᐅᓐ ᐊᐅᑯᓐ ᒧᔭᒻ ᐊ ‍ ᐃᑕᔨᑕᒂᒡ᙮ ᐊᓐᒡ ᒪᒃ ᐃᒥᓇᔭᔅ ᑭᔭ ᐸᐃᓕᑕᔅ ᐊᐅᑯᓐ ᐊ ‍ ᐃᑎᒡ ᐊ ‍ ᒋᔅᑯᑎᒪᒐᒡ᙮
\v 18 ᒋ ‍ ᓂᑭᑎᒧᒡ ᑕᑈᐅᓂᔪᐤ, ᐊᑯ ᑲ ‍ ᐃᑐᑐᐛᒡ ᐱᔅᒐ ᐊᓂᔭ ᑲ ‍ ᑕᑈᑎᒥᔨᒋ ᒐ ᐊᑲ ᒋ ᐊᑎ ‍ ᓴᐸᔨᑎᒥᔨᒋ ᐊ ‍ ᑕᑈᑎᒥᔨᒋ, ᐛᔅ ᒋ ‍ ᒋᔅᑯᑎᒪᒐᐅᒡ ᐊ ‍ ᐃᔅᒋᔄᒡ ᓴᔅ ᐊᒋ ‍ ᐅᓂᔅᑲᓇᑭᓄᔨᒋ ᑲ ‍ ᑕᑈᑎᒥᔨᒋ᙮
\v 19 ᒥᒄ ᒪᒃ ᐊᓂᔭ ᒋᓴᒪᓂᑐᐤ ᐅᒋᔅᑯᑎᒪᒐᐅᓐ ᑕᓐ ᐊ ᐃᓯ ‍ ᑕᑈᒥᑭᓂᔨᒡ ᓇᒪ ᒋᑭ ᒋ ‍ ᐊᑎᓂᑭᓄᐅᔪᐤ ᐊ ᐃᔅᐱᔅ ‍ ᔭᐃᑎᓂᔨᒡ, ᑭᔭ ᐊᓐ ᑲ ‍ ᐃᑎᔅᑕᒡ, “ᐅᑎᐸᔨᒋᒐᐤ ᒋᔅᒐᔨᒪᐤ ᐊᓂᔭᔪᐛ ᐊᐛᔪᐛ ᐎᔾ ᑕᐱᔨᐛᐅᓯᑦ,” ᑭᔭ “ᒥᓯᐛ ᐊᐛᓐ ᐅᑎᐸᔨᒋᒐᐛ ᐊ ‍ ᑕᔨᒋ ᑲ ᐃᓯ ‍ ᑎᐸᔨᑕᑯᓯᑦ ᒋᐸ ‍ ᓂᑭᑎᒻ ᒥᒐᑎᓯᐅᓂᔪᐤ᙮”
\p
\v 20 ᐊᓐᑕ ᒥᔅᑎ ᒥᒋᐛᐱᒡ ᑎᑯᓇ ᓂᓇᐧᑯᐤ ᐊ ‍ ᐃᓯᓇᒂᒋ ᐎᔭᑭᓇ᙮ ᐱᔅᒐ ᐊᓂᔭᔪᐛ ᐎᔭᑭᓇ ᐎᔄᐅᓱᓇᔭᐱᔅᑯᐅᐛ ᐊᑯ ᑯᑎᑲ ᐛᓴᔭᐱᔅᑲᐛ᙮ ᐱᔅᒐ ᒥᔅᑎᑯᒡ ᒋ ᐅᒋ ‍ ᐅᓯᑕᑭᓄᐛ ᐊᑯ ᑯᑎᑲ ᐊᓯᔅᒋᒡ᙮ ᐊᓂᔭᔪᐛ ᑲ ‍ ᓱᓇᔭᐅᔨᒋ ᓇᒪ ᓇᔅᒡ ᐊᐱᑎᓇ ᐊᑯ ᐊᓂᔭ ᐊᑲ ᓱᓇᔭᐅᔨᒋ ᐊᐅᑯᓂ ᐊᓂᔭᔪᐛ ᐊᓯᑯᒻ ᒋᓯᑲᐛ ᐃᔭᐱᒋᑕᑭᓄᐅᒋ᙮
\v 21 ᐛᔅ ᒧᔭᒻ ᒪᒃ ᐊᐛᓐ ᐸᔭᒋᐃᓱᒐ ᐊ ‍ ᓂᓇᑭᑐᐛᔨᑕᐧᒃ ᒐ ᐊᑲ ᒋ ᐎᓂᐃᑯᑦ ᒥᒐᑎᓯᐅᓂᔪᐤ, ᒋᑭ ‍ ᑎᑯᓂᔪᐤ ᐊᓂᔭ ᓇᔅᒡ ᐊ ‍ ᒋᔅᑕᔨᑕᑯᓂᔨᒡ ᒐ ᐃᓯ ‍ ᐊᐱᒋᐊᑭᓄᐅᑦ, ᓇᔅᒡ ᒋᑭ ‍ ᐱᔅᑎᓂᓱᐤ ᒐᒋ ᒥᔪ ‍ ᐊᐱᒋᐃᑯᑦ ᐊᓂᔭ ᑲ ᐎ ‍ ᐊᐱᒋᐃᑯᑦ ᐊ ‍ ᐃᑐᑕᐧᒃ ᒥᒄ ᑕᓐ ᐊ ‍ ᐃᑎᓱᒥᑯᑦ᙮
\p
\v 22 ᑯᒋᑕ ᒐ ᐊᑲ ᒋ ᐱᐱᔅᑲᑕᔨᑎᒥᐃᑯᔨᓐ ᑕᓐ ᐊᓂᔭᔪᐛ ᓇᓂᑯᑎᓂᔾ ᐊ ᐃᓯ ‍ ᒧᔅᑕᓇᔨᑕᐧᒃ ᒐᒋ ᐃᑕᑎᓯᑦ ᐅᔅᒋᓂᒋᓱᐤ᙮ ᐅᔅᑕ ᐃᑕᔨᑎᒥᐃᑯᐤ ᑯᐃᔅᑯᑕᑎᓯᐅᓐ, ᑕᑈᑎᒧᐅᓐ, ᓴᒋᐃᐛᐅᓐ ᑭᔭ ᒋᔭᒪᔨᑎᒧᐅᓐ, ᐊ ‍ ᐎᒐᐅᑥᐤ ᐊᓐᒡ ᑲ ‍ ᑕᑈᑕᒡ ᐅᑎᐸᔨᒋᒐᐛ ᒐᒋ ᐎᒋᐃᑯᒡ ᐊ ‍ ᐸᔭᐧᑭᓂᔨᒋ ᐅᑕᐃᐛᐛ᙮
\v 23 ᐊᑲᐎᔾ ᓇᓂᑐᑕ ᓂᑎᒥᒄ ᐃᔨᒧᐅᓇ ᑭᔭ ᒋᔎ ‍ ᐃᔨᒧᐅᓐ, ᐛᔅ ᐊᑯᑕ ᐛᒋᐱᔨᒡ ᒐᒋ ᐅᒋ ‍ ᒥᒋᐱᔨᐃᑐᓇᓄᐅᒡ᙮
\v 24 ᐛᔅ ᐊᓐ ᑲ ‍ ᐊᐱᒋᐃᑯᑦ ᐅᑎᐸᔨᒋᒐᐛ ᓇᒪ ᒋᐸ ᐅᒋ ‍ ᐊᔭᔅᑕᒧᐛᐤ᙮ ᒋᐸ ‍ ᒋᔅᑎᒪᒐᔨᒪᐤ ᒥᓯᐛ ᐊᐛᔪᐛ ᑭᔭ ᐊᓂᔭ ᐊ ᒥᔪ ‍ ᒋᔅᑯᑎᒪᒐᑦ ᒋᐸ ‍ ᓯᐱᔪᐛᓯᔅᑐᐛᐤ ᐊᐛᔪᐛ᙮
\v 25 ᑭᔭ ᒋᔭᒻ ᒋᐸ ‍ ᐃᑐᑐᐛᐤ ᐊ ᐎ ‍ ᑯᐃᔅᑯᓇᑦ ᐊᓂᔭ ᑲ ‍ ᓂᓂᔅᑯᔅᑕᑯᑦ ᐊᐛᔪᐛ᙮ ᒐᒃ ᒪ ᒋᐸ ᒋ ‍ ᐃᑐᑕᑯᔪᐛ ᒋᓴᒪᓂᑐᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮
\v 26 ᑭᔭ ᒐᒋ ᒋᔅᒐᔨᑎᒥᔨᒋ ᑕᓐᑕ ᒐᒋ ᐅᒋ ‍ ᐎᐧᑯᒋᐅᒡ ᐊᒋ ‍ ᓇᒂᑎᑯᒡ ᒥᒋᒥᓂᑐᐛ ᐊᒋ ‍ ᐃᑐᑕᑯᒡ ᒥᒄ ᒐᒋ ᐃᓯ ‍ ᓂᓇᐃᑐᐛᒡ ᑕᓐ ᐊ ‍ ᐃᑎᓱᒥᑯᒡ᙮
\c 3
\s1 ᒪᔅᑕᔾ ᐊ ‍ ᒋᓯᑲᒋ
\p
\v 1 ᒐ ᐎ ‍ ᒋᔅᒐᔨᑎᒥᓐ ᑭᔭ ᐅ, ᐃᔅᐱ ᐊᓐᑕ ᒪᔅᑕᔾ ᐊᑎ ᒋᓯᑲᒂᐛ ᓇᔅᒡ ᑕᑈ ᒋᑭ ‍ ᑎᑯᓐ ᑕᓐ ᒐ ᐃᓯ ‍ ᐊᔨᒥᐱᔨᒡ᙮
\v 2 ᐅᔅᑕ ᐎᔾ ᒋᑭ ‍ ᐃᑕᔨᒥᓱᐤ ᐊᐛᓐ, ᑭᔭ ᓇᔅᒡ ᑕᑈ ᒋᑭ ‍ ᓴᒋᑕᐅᒡ ᓱᓇᔭᔪᐤ᙮ ᓇᔅᒡ ᒋᑭ ‍ ᒪᒥᔽᒋᒥᓱᒡ, ᓇᔅᒡ ᒋᒋᐛ ᒋᑭ ‍ ᐃᑕᔨᒥᓱᒡ ᐊ ‍ ᐸᔅᑕᒧᒡ, ᑭᔭ ᓇᔅᒡ ᒋᑭ ‍ ᒪᒪᔭᔨᒐᐅᒡ᙮ ᑭᔭ ᓇᒪ ᒋᑭ ᐅᒋ ‍ ᓂᓇᐃᑐᐛᐅᒡ ᐅᓂᒋᐃᑯᐛᐛ᙮ ᓇᒪ ᓇᔅᒡ ᒋᑭ ᐅᒋ ‍ ᓂᓇᔅᑯᒧᒡ ᒐᒂᔪᐤ ᑭᔭ ᓇᒪ ᓇᔅᒡ ᒋᑭ ᐅᒋ ‍ ᐊᐱᑕᔨᒪᐅᒡ ᒋᓴᒪᓂᑐᐛ᙮
\v 3 ᓇᒪ ᒋᑭ ᐅᒋ ‍ ᒋᔅᑎᒪᒐᔨᒪᐅᒡ ᐊᐛᔪᐛ ᑭᔭ ᓇᒪ ᓇᔅᒡ ᒋᑭ ᐅᒋ ᐎ ‍ ᐛᐸᔨᑎᒪᒐᐅᒡ᙮ ᒋᑭ ᐎ ‍ ᓇᓂᑐᐤ ᐊᐧᑯᐊᐅᒡ ᐊᐛᔪᐛ ᑕᓐ ᐊ ‍ ᐃᑕᒡ, ᑭᔭ ᓇᔅᒡ ᒋᑭ ‍ ᐊᐧᑯᔪᐛᓱᐅᒡ, ᑭᔭ ᓇᔅᒡ ᒋᑭ ᐎᒋ ‍ ᒋᔄᓱᐅᒡ ᑭᔭ ᓇᔅᒡ ᒋᑭ ‍ ᐛᐧᑲᑕᐅᒡ ᐊᓂᔭ ᑲ ‍ ᒥᔪᑐᑎᒥᔨᒋ᙮
\v 4 ᓇᔅᒡ ᒋᑭ ᐎᒋ ‍ ᐛᐎᔭᓯᐊᐅᒡ ᐅᐎᒐᐛᑭᓄᐛᐛ, ᓇᒪ ᓇᔅᒡ ᒋᑭ ᐅᒋ ‍ ᓂᓇᑭᑐᐛᔨᑎᒧᒡ ᑕᓐ ᐊ ‍ ᐃᑎᒡ, ᑭᔭ ᓇᔅᒡ ᑕᑈ ᒥᔅᑎ ᒋᑭ ‍ ᐃᑕᔨᒥᓱᐅᒡ᙮ ᐅᔅᑕ ᒋᑭ ‍ ᓴᒋᑕᐅᒡ ᐊᓂᔭ ᐎᔨᐛᐤ ᐊ ᐃᓯ ‍ ᒧᒋᒐᔨᑎᒥᐃᑯᒡ ᒐᒂᔪᐤ ᐃᔅᐱᔅ ᐎ ᒋᓴᒪᓂᑐᐛ ᐊᑐᐎᔅ ᒐᒋ ᓴᒋᐊᒡ᙮
\v 5 ᒧᔭᒻ ᓇᔅᒡ ᐊ ‍ ᐊᔭᒥᐊᐛᑎᓯᒡ ᒋᑭ ᐎ ‍ ᐃᓯᓇᑯᐃᓱᐅᒡ ᒥᒄ ᒪᒃ ᓇᒪ ᒋᑭ ᐅᒋ ‍ ᐊᐱᑕᔨᑎᒥᐃᑯᐅᒡ ᐊᓂᔭ ᓱᐧᑲᑎᓯᐅᓂᔪᐤ ᒋᐸ ‍ ᐎᒋᐃᑯᐅᒡ ᒐᒋ ᓂᓇᐃᑎᒪᐅᒡ ᒋᓴᒪᓂᑐᐛ᙮ ᐊᑲᐎᔾ ᒥᑯᔅᑲᑕᔨᒥᒡ ᐅᔭ ᑲ ‍ ᐃᑕᔨᑕᑯᓯᒡ ᐊᐛᓐᒋ᙮
\p
\v 6 ᐱᒋᐱᒐᐅᒡ ᒥᒋᐛᐸ ᐊᑯ ᐊᓂᔭ ᐃᔎᐛ ᑲ ‍ ᓴᐧᑯᒋᐃᑯᔨᒋ ᒥᒋᑐᑎᒧᐅᓂᔪᐤ ᑭᔭ ᐱᓯᒄ ᓂᑎᒥᒄ ᑲ ᐎ ‍ ᐃᑕᑎᓯᔨᒋ ᐊᐅᑯᓂ ᐊᓂᔭᔪᐛ ᓇᔅᒡ ᐛ ᑎᐸᔨᒪᒡ᙮
\v 7 ᐅᔭ ᐃᔎᐛ ᒧᔅ ᑯᒋᑕᔪᐛ ᒐᒋ ᒋᔅᒐᔨᑎᒥᔨᒋ ᓂᓇᐧᑯᐤ ᒋᔅᑯᑎᒪᒐᐅᓇ ᒥᒄ ᒪᒃ ᓇᒪ ᒋ ‍ ᒥᔅᑭᒥᔪᐛ ᑕᑈᐅᓂᔪᐤ᙮
\v 8 ᓂᔅᑯᔅᑎᒧᒡ ᑕᑈᐅᓂᔪᐤ ᐅᒡ ᓇᐸᐅᒡ ᒧᔭᒻ ᑕᓐ ᑲ ‍ ᐃᑎᔨᒋ ᐊᓂᔭᐧᑲ ᒐᓂᔅ ᑭᔭ ᒐᒻᐳᕆᔅ ᐊᒋ ‍ ᓂᔅᑯᔅᑐᐛᔨᒋ ᒧᓱᓴ᙮ ᓇᔅᒡ ᑕᑈ ᓇᒪ ᑯᐃᔅᑯᑯᑕᔪᐛ ᐅᒥᑐᓇᔨᒋᑭᓄᐛᐛ ᑭᔭ ᐅᑕᑈᑎᒧᐅᓄᐛᐤ ᓇᒪ ᑯᐃᔅᒄ ᐃᓯᓇᑯᓂᔪᐤ᙮
\v 9 ᓇᒪ ᒪᒃ ᐅᔅᑕ ᒋᑭ ᒋ ‍ ᐃᑐᑎᒧᒡ ᐅᔭ ᑕᓐ ᐊ ‍ ᐃᑎᒡ, ᐛᔅ ᒋᑭ ‍ ᐛᐸᑎᒥᔪᐛ ᒥᓯᐛ ᐊᐛᔪᐛ ᑕᓐ ᐊᔅᐱᔅ ᓂᑎᒥᒄ ᐃᑎᒡ, ᒧᔭᒻ ᑕᓐ ᑲ ᐃᓯ ‍ ᒋᔅᒐᔨᑕᑯᓯᔨᒋ ᐊᓂᔭᔪᐛ ᓂᓱ ᓇᐸᐛ ᒐᓂᓴ ᑭᔭ ᒐᒻᐳᕆᓴ᙮
\s1 ᒪᔅᑕᔾ ᑲ ‍ ᐃᑎᓱᒪᑭᓄᐅᑦ ᑎᒧᑎ
\p
\v 10 ᒋᔾ ᒪᒃ ᑎᒧᑎ ᓂ ‍ ᒐᔅᑎᓇᐅᓐ ᒐ ‍ ᓇᓴᐊᒥᓐ ᓂᒋᔅᑯᑎᒪᒐᐅᓐ, ᑭᔭ ᑲ ᐃᓯ ‍ ᐱᒪᑎᓯᔭᓐ, ᑭᔭ ᓂᑦ ᐃᑕᔨᑎᒧᐅᓐ᙮ ᔅᒋ ‍ ᐛᐸᑕᓐ ᑕᓐ ᑲ ᐃᓯ ‍ ᑕᑈᑎᒪᓐ, ᑕᓐ ᑲ ᐃᓯ ‍ ᓯᐱᔪᐛᓯᔭᓐ, ᑭᔭ ᓂᓴᒋᐃᐛᐅᓐ, ᑭᔭ ᔅᒋ ‍ ᐛᐸᑕᓐ ᑕᓐ ᑲ ᐃᓯ ‍ ᓯᐱᔪᐛᓯᔅᑎᒪᓐ ᑕᓐ ᑲ ᐃᓯ ‍ ᓂᓇᐧᑯᐤ ᓂᒋᔅᑭᒪᓐ᙮
\v 11 ᑭᔭ ᔅᒋ ‍ ᐛᐸᑕᓐ ᑕᓐ ᑲ ᐃᓯ ‍ ᓂᓇᐧᑲᒋᐃᑯᐅᔭᓐ ᑭᔭ ᑕᓐ ᑲ ᐃᓯ ‍ ᐛᐎᓯᒐᔨᑎᒪᓐ᙮ ᐛᔅ ᒥᓯᐛ ᒋ ‍ ᒋᔅᒐᔨᑕᓐ ᑕᓐ ᑲ ᐃᓯ ‍ ᐃᑐᑕᑯᐅᔭᓐ ᐊᓐᑕ ᐊᓐᑎᔭᑭᒡ, ᐊᐃᑯᓂᔭᒥᒡ ᑭᔭ ᐊᓐᑕ ᓕᔅᑐᕋᒡ᙮ ᑕᑈ ᐊᔪᐛᒡ ᒋ ‍ ᐊᒂᑕᔨᑕᑯᓐ ᑕᓐ ᑲ ᐃᓯ ‍ ᓂᒋᔅᑭᒪᓐ᙮ ᒥᒄ ᒪᒃ ᐅᑎᐸᔨᒋᒐᐤ ᐎᔾ ᓂᒋ ‍ ᐎᐧᑯᒋᐃᒄ ᒐᒋ ᓴᐳᔅᑭᒪᓐ ᒥᓯᐛ ᑕᓐ ᑲ ‍ ᐃᑐᑕᑯᐅᔭᓐ᙮
\v 12 ᓂᐦᐃ, ᑕᑈ, ᒥᓯᐛ ᐊᐛᓐ ᑯᐃᔅᒄ ᑲ ᐎᓯ ‍ ᐱᒪᑎᓯᑦ ᑭᔭ ᓇᔅᒡ ᑲ ‍ ᐱᔅᑎᓂᓱᑦ ᐊ ‍ ᐎᒐᐛᑦ ᙭ ᒋᓴᓴ, ᒋᑭ ‍ ᑎᑯᓂᔪᐤ ᑕᓐ ᒐ ᐃᓯ ‍ ᓂᓇᐧᑲᒋᐊᑭᓄᐅᑦ,
\v 13 ᐊᑯ ᐊᓐᒡ ᑲ ‍ ᒥᒐᑎᓯᒡ ᑭᔭ ᐊᓐᒡ ᓂᑎᒥᒄ ᑲ ᐃᓯ ‍ ᒋᔅᑯᑎᒪᒐᒡ ᐊᔭᔅᒃ ᐊᑐᐎᔅ ᒋᑭ ‍ ᐃᑕᔨᑕᑯᓱᐅᒡ, ᐊ ‍ ᐎᔭᓯᒪᒡ ᐊᐛᔪᐛ ᑭᔭ ᐎᔨᐛᐤ ᐊ ‍ ᐎᔭᓯᒪᑭᓄᐎᒡ᙮
\s2 2 Timothy 3.14-4.5 (Proper-24 Year C)
\p
\v 14 ᒋ ᐎ ‍ ᐃᑎᑎᓐ ᒪᒃ ᒋᔾ, ᑕᑈᑕ ᑭᔭ ᓱᐧᒃ ᓂᓇᑭᑐᐛᔨᑕ ᐊᓐ ᑕᑈᐅᓐ ᑲ ‍ ᒋᔅᑯᑎᒪᑯᔨᓐ ᐊ ‍ ᒋᔅᒐᔨᒥᑥᐤ ᐊᓐᒡ ᐊᐛᓐᒋ ᑲ ‍ ᒋᔅᑯᑎᒪᔅᒡ᙮
\v 15 ᐛᔅ ᒋ ‍ ᒋᔅᒋᓯᓇᒐ ᒪᒂᒡ ᐊ ‍ ᐊᐛᓯᐎᔨᓐ ᓴᔅ ᔅᒋ ‍ ᒋᔅᑯᑎᒪᑯᐅᓐ ᑕᓐ ᑲ ᐃᓯ ‍ ᒥᓯᓇᐃᑭᓄᐎᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮ ᐊᑯᑕ ᑲ ᐅᒋ ‍ ᐊᔭᔨᓐ ᑭᒐᑕᐛᔨᑎᒧᐅᓐ ᒐᒋ ᒋᔅᒐᔨᑎᒥᓐ ᐊ ‍ ᑕᑈᔭᔨᒪᑦ ᐊᐛᓐ ᙭ ᒋᓴᓴ ᐊᑯᑕ ᒐᒋ ᐅᒋ ‍ ᐱᒪᒋᐅᑦ᙮
\v 16 ᒥᓯᐛ ᑕᓐ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐎᔾ ᐊᓂᔭ ᑎᐱᔨᐛ ᐅᑦ ᐃᔨᒧᐅᓐ ᒋᓴᒪᓂᑐᐤ᙮ ᒥᔪ ‍ ᐊᐱᑎᓐ ᑭᒐᔅᒋᒧᐅᓂᒡ, ᒋᑕᐊᒪᒐᐅᓂᒡ, ᑯᐃᔅᑯᓂᐛᐅᓂᒡ, ᑭᔭ ᑯᐃᔅᑯᑕᑎᓯᐅ ᒋᔅᑯᑎᒪᒐᐅᓂᒡ ᐃᔅ᙮
\v 17 ᐊᑯ ᒪᒃ ᐊᓐ ᐊᐛᓐ ᑲ ‍ ᐊᑐᔅᑯᐛᑦ ᒋᓴᒪᓂᑐᐛ ᒐ ‍ ᑕᑈᐅᓯᑦ, ᓇᔅᒡ ᐊ ‍ ᐊᔭᔅᑯᐎᑦ ᒐᒋ ᒥᔪ ‍ ᐊᑐᔅᑯᐛᑦ ᒋᓴᒪᓂᑐᐛ᙮
\c 4
\p
\v 1 ᒋᔾ ᑎᒧᑎ, ᒋᑦ ᐃᑎᓱᒥᑎᓐ ᐅᑎᔅᑯᐤ ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐊ ‍ ᑕᑦ, ᐊᓐ ᒐ ‍ ᑎᐸᔅᑯᓇᑦ ᑲ ‍ ᐱᒪᑎᓯᔨᒋ ᑭᔭ ᑲ ‍ ᓂᐱᔨᒋ, ᑭᔭ ᒥᓐ ᒐ ‍ ᑎᑯᓯᐧᒃ ᒐ ‍ ᒋᓴᐅᒋᒪᐅᑦ,
\v 2 ᒐ ‍ ᐛᐎᑎᒥᓐ ᒋᓴᒪᓂᑐᐤ ᐅᑦ ᐃᔨᒧᐅᓐ, ᓱᐧᒃ ᐛᐎᑕ ᐊᑎ ᐊᓐᑕ ᐊᑲ ᐊ ‍ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒪᒃ ᐊᓐᑕ ᐊ ‍ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒋᔅᒐᔨᑕᑯᑕ ᑕᑈᐅᓐ, ᒋᑕᐊᒪᒐ ᐊ ‍ ᐅᓂᑐᑕᑭᓄᐅᒡ, ᑭᔭ ᐛᐎᑎᒪᒐ ᑭᔭ ᒧᔅ ᐎ ᓯᐱᔪᐛᓯ ᑭᔭ ᒧᔅ ᒋᔅᑯᑎᒪᒐ᙮
\v 3 ᐛᔅ ᒋᑭ ‍ ᐅᑎᒋᐱᔪᐤ ᑕᓐᑕ ᒐ ᐊᑲ ᐅᒋ ‍ ᓂᑐᑕᒡ ᐊᐛᓐᒋ ᐊᓂᔭ ᑎᔭᑈᒥᑭᓂᔨᒡ ᒋᔅᑯᑎᒪᒐᐅᓂᔪᐤ᙮ ᐃᔭᐱᒡ ᒋᑭ ‍ ᓇᓂᑐᐛᔨᒪᐅᒡ ᐊᐛᔪᐛ ᒐᒋ ᒋᔅᑯᑎᒪᑯᒡ ᐎᔨᐛᐤ ᑕᓐ ᐛ ᐃᓯ ‍ ᐸᑕᒡ᙮
\v 4 ᓇᒪ ᒋᑭ ᐅᒋ ‍ ᐊᐱᑕᔨᑎᒧᒡ ᒐᒋ ᓂᑐᑕᒡ ᑕᑈᐅᓂᔪᐤ᙮ ᐅᔅᑕ ᒋᑭ ‍ ᐃᑕᔨᑎᒥᐃᑯᐅᒡ ᐊ ‍ ᒪᓐᑕᐅᑕᑯᓂᔨᒋ ᑎᐸᒋᒧᐅᓇ ᒐᒋ ᓂᑐᑕᒡ᙮
\v 5 ᒥᒄ ᒪᒃ ᓱᐧᒃ ᓂᓇᑭᑐᐛᔨᒥᓱᐤ ᒋᔾ, ᑯᐃᔅᒄ ᒐᒋ ᐃᓯ ‍ ᒪᒥᑐᓇᔨᑎᒥᓐ ᑕᓐ ᒥᒄ ᒐ ‍ ᐃᔅᐱᔪᐅᓇ᙮ ᓯᐱᔪᐛᓯᔅᑕ ᑕᓐ ᒐ ᐃᓯ ‍ ᓂᓇᐧᑲᒋᐃᑯᐎᔨᓐ᙮ ᓱᐧᒃ ᐎᒋᐃᒡ ᑯᑎᑭᒡ ᐊ ‍ ᐛᐎᑎᒧᐅᑥᐤ ᒥᔽᒋᒧᐅᓂᔪᐤ᙮ ᑭᔭ ᓇᔅᒡ ᐃᑐᑕ ᒥᓯᐛ ᐊᓂᔭ ᑕᓐ ᑲ ᐎ ‍ ᐃᑕᐱᒋᐃᔅᒃ ᒋᓴᒪᓂᑐᐤ᙮
\s2 2 Timothy 4.6-8,16-18 (Proper-25 Year C)
\p
\v 6 ᓂᔾ ᒪᒃ ᓴᔅ ᐅᑎᒋᐱᔪᐤ ᒐ ‍ ᐱᔅᑎᓇᑭᓄᐅᒡ ᓂᐱᒪᑎᓯᐅᓐ ᒋᓴᒪᓂᑐᐤ ᐃᔅ ᐊ ‍ ᑕᑦ᙮ ᓴᔅ ᐅᑎᒋᐱᔪᐤ ᒐ ‍ ᓂᑭᑎᒪᓐ ᐅ ᐊᔅᒋᔾ᙮
\v 7 ᓴᔅ ᓂ ‍ ᒋᔅᑕᓐ ᐊᓐ ᑕᓐ ᓂᐸ ᐃᓯ ᒥᔪ ‍ ᒪᓯᑕᓐ, ᓴᔅ ᓂ ‍ ᒋᔅᑕᓐ ᑕᓐ ᑲ ᐃᓯ ‍ ᑯᒂᒋᔅᑭᑕᐃᒐᔭᓐ ᑭᔭ ᓂᒋ ‍ ᑭᓄᐛᔨᑕᓐ ᑕᓐ ᑲ ᐃᓯ ‍ ᑕᑈᑎᒪᓐ᙮
\v 8 ᓴᔅ ᐊᔭᔅᑯᔅᑕᐤ ᐊᓐ ᒋᓴᐅᒋᒪᐅᑯᓂᔎᐅᓐ ᐊᓂᔭ ᒐ ‍ ᒥᔭᑭᓄᐅᒡ ᐊᓐᒡ ᒐ ‍ ᑯᐃᔅᑯᑕᑎᓯᒡ᙮ ᐊᐅᒄ ᒪᒃ ᐅᔭ ᒐ ᐸᒋ ‍ ᒥᔨᑦ ᐅᑎᐸᔨᒋᒐᐤ ᐊᓐ ᑯᐃᔅᒄ ᑲ ᐃᓯ ‍ ᑎᐸᔅᑯᓂᒐᑦ ᒥᓐ ᐸᒋ ‍ ᑎᑯᓯᒐ᙮ ᓇᒪ ᒪᒃ ᒥᒄ ᓂᔾ ᓂᑭ ᐅᒋ ‍ ᒥᔨᑯᐅᓐ ᐅ ᐊ ‍ ᐃᓯᓇᒂᒡ ᐊᑯᓂᔎᐅᓐ, ᒥᓯᐛ ᐊᓐᒡ ᓴᒋᐃᐛᐅᓂᒡ ᑲ ᐃᓯ ‍ ᐱᑯᓴᔨᒧᒡ ᐅᑎᐸᔨᒋᒐᐛ ᒥᓐ ᒐ ‍ ᑎᑯᓯᓂᔨᒋ ᑭᔭ ᐎᔨᐛᐤ ᒋᑭ ‍ ᒥᔭᑭᓄᐅᒡ᙮
\s1 ᐎᔾ ᑎᐱᔨᐛ ᑈᓪ ᑲ ᐃᓯ ‍ ᐃᔨᒪᐊᑦ ᑎᒧᑎᔨᒋ
\p
\v 9 ᓱᒃ ᑯᒋᑕ ᐎᐱᒡ ᒐᒋ ᐸᒋ ᓂᑐ ‍ ᒋᔅᒐᔨᒥᔨᓐ᙮
\v 10 ᑎᒪᔅ ᐎᔾ, ᓴᔅ ᐅᔅᑕ ᐅᔭ ᐊᔅᒋᔪᐤ ᓴᒋᑕᐤ ᑭᔭ ᓂᒋ ‍ ᓂᑭᑎᒄ, ᐊᓐᑕ ᑕᓴᓗᓇᐃᑲᒡ ᐊᑯᑕ ᑲ ‍ ᐃᑐᑕᑦ᙮ ᑭᕋᓴᓂᔅ ᒪᒃ ᐎᔾ ᐊᓐᑕ ᑲᓚᓯᔭᒡ ᐊᑯᑕ ᑲ ‍ ᐃᑐᑕᑦ᙮ ᐊᑯ ᑕᐃᑕᔅ ᐊᓐᑕ ᑕᓪᒪᓯᔭᒡ ᐊᑯᑕ ᐎᔾ ᑲ ‍ ᐃᑐᑕᑦ᙮
\v 11 ᒥᒄ ᓗᒃ ᐊᐅᒄ ᐊ ‍ ᑕᑦ ᐅᑕ ᐊ ‍ ᑕᔭᓐ᙮ ᔭᐃᑕᔾ ᒐ ᐎ ᐸᒋ ‍ ᐎᒐᐅᑦ ᒪᕐᒃ ᑎᑯᓯᓂᔨᓇ᙮ ᓂᑐᐛᔨᒪᐤ ᒐᒋ ᐸᒋ ‍ ᐎᒋᐃᑦ ᐅᑕ ᐊ ‍ ᐊᔭᒥᐊᐤ ᐊᑐᔅᒐᐅᒡ᙮
\v 12 ᑭᔭ ᑕᐃᑭᑲᔅ ᓇᒪ ᑕᐤ ᐅᑕ, ᐊᓐᑕ ᐃᐱᓴᔅ ᐊᑯᑕ ᑲ ‍ ᐃᑎᓴᐅᒃ᙮
\v 13 ᑎᑯᓯᓂᔨᓇ ᒐ ᐸᒋ ‍ ᓂᔅᑯᐛᓂᒥᓐ ᓂᑦ ᐊᑯᑉ ᐊᓐᑕ ᑐᕈᐊᓯᒡ, ᐊᓐᑕ ᑲᕐᐸᔅ ᐊ ‍ ᑕᑦ ᐊᑯᑕ ᑲ ‍ ᓂᑭᑎᒪᓐ᙮ ᑭᔭ ᐊᓂᔭᔪᐛ ᒥᓯᓇᐃᑭᓇ ᒐ ‍ ᐸᑕᔭᒄ, ᔭᐃᑕᔾ ᐸᑕᒄ ᐊᓂᔭᔪᐛ ᐊᐛᓯᔅᐅᔭᓐ ᒥᓯᓇᐃᑭᓇ᙮ \fig scrolls, pen and inkwell|HK00153.jpg|col||Horace Knowles: © The British and Foreign Bible Society 1954, 1967, 1972, 1995|ᒥᓯᓇᐃᑭᓇ ᒐ ‍ ᐸᑕᔭᒄ (4.13)|2 ᑎᒧᑎ 4.13\fig*
\p
\v 14 ᐊᓐ ᓇᐸᐤ ᑲᒋ ‍ ᐛᐛᔭᐱᔅᒋᓴᐧᒃ ᐃᓴᑯᔪᐤ, ᐊᓕᒃᓴᓐᑕᕐ ᑲ ‍ ᐃᓯᓂᐧᑲᓱᑦ ᓇᔅᒡ ᑕᑈ ᒋ ‍ ᑎᑯᓂᔪᐤ ᑕᓐ ᑲ ᐃᓯ ‍ ᓂᓇᐧᑲᑕᔨᒧᐃᑦ, ᒥᒄ ᒪᒃ ᒋᑭ ‍ ᑎᑯᓂᔪᐤ ᑕᓐ ᒐ ᐃᓯ ‍ ᐃᑐᑕᑯᑦ ᐅᑎᐸᔨᒋᒐᐛ ᐅᔭ ᑕᓐ ᑲ ᐃᓯ ‍ ᐃᑐᑐᐅᑦ᙮
\v 15 ᒐ ᐎ ‍ ᐃᔭᒂᒥᔅᑐᐎᑦ, ᐛᔅ ᓇᔅᒡ ᒋ ‍ ᓂᔅᑯᔅᑎᒻ ᑕᓐ ᑲ ᐃᓯ ‍ ᐛᐎᑎᒧᐅᒋᒡ ᒥᔽᒋᒧᐅᓂᔪᐤ᙮
\s2 2 Timothy 4.6-8,16-18 (Proper-25 Year C)
\p
\v 16 ᐃᔅᐱ ᒪᐅᒡ ᓂᔅᑎᒻ ᑲ ‍ ᐅᑎᔅᑯᑲᐳᔅᑎᒪᓐ ᐊ ‍ ᑎᐸᔅᑯᓂᑯᐅᔭᓐ, ᓇᒪ ᐛᐛᒡ ᐸᐃᒄ ᐊᐛᓐ ᓂ ᐅᒋ ‍ ᐎᒋᑲᐳᐅᔅᑕᒄ, ᒥᓯᐛ ᐊᐛᓐᒋ ᓂᒋ ‍ ᓂᑭᑎᑯᒡ᙮ ᑭᒪ ᐊᑲ ᒪᑎᑯᔅᑲᑯᒡ ᐅᔭ ᑕᓐ ᑲ ᐃᓯ ‍ ᑐᑕᒡ᙮
\v 17 ᒥᒄ ᒪᒃ ᐅᑎᐸᔨᒋᒐᐤ ᓂᒋ ‍ ᐎᒋᑲᐳᐅᔅᑕᒄ ᑭᔭ ᐎᔾ ᓂᒋ ‍ ᒥᔨᒄ ᓱᐧᑲᑎᓯᐅᓂᔪᐤ᙮ ᒋ ‍ ᐃᔅᐱᔪᐤ ᒪᒃ ᐃᔭᐱᒡ ᓇᔅᒡ ᒐᒋ ᐛᐎᑎᒧᒡ ᐅᔭ ᒥᔽᒋᒧᐅᓂᔪᐤ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᐅᒋ ‍ ᐸᑕᒡ, ᑭᔭ ᓂᒋ ‍ ᐎᐧᑯᒋᐃᑯᐅᓐ ᒐ ᐊᑲ ᒋ ᒧᐅᑦ ᒥᓯᐱᓱᐤ᙮
\v 18 ᐛᔅ ᐅᑎᐸᔨᒋᒐᐤ ᓂᑭ ‍ ᐎᐧᑯᒋᐃᒄ ᒥᓯᐛ ᑕᓐ ᒐ ᐃᓯ ‍ ᐅᑎᑕᐅᑯᔭᓐ ᒐᒂᓐ ᐊ ‍ ᒪᔭᑎᒡ ᑭᔭ ᐎᔾ ᓂᑭ ‍ ᐸᓱᐅᒄ ᐊᓐᑕ ᐊᓂᔭ ᐅᒋᒪᐅᓂᔪᐤ ᒋᒋᒋᓯᑯᒡ ᐊ ‍ ᑎᑯᓂᔨᒡ᙮ ᐎᔾ ᒋᑭ ᐎ ‍ ᒋᔅᑕᔨᑕᑯᐊᑭᓄᐤ ᑲᒋᒡ ᑭᔭ ᑲᒋᒡ᙮ ᐊᒥᓐ᙮
\s1 ᒪᔅᑕᔾ ᑲ ᐃᓯ ‍ ᐛᒋᔭᒧᐛᑦ ᑈᓪ
\p
\v 19 ᓂ ‍ ᐛᒋᔭᒪᐅᒡ ᐳᕆᓯᓚ ᑭᔭ ᐊᑯᐎᓚ᙮ ᓂ ‍ ᐛᒋᔭᒪᐤ ᑭᔭ ᐅᓂᓯᐳᕋᔅ ᑭᔭ ᒥᓯᐛ ᐊᓐᑕ ᐊᓂᔭ ᐊ ‍ ᐸᐃᑯᔅᑲᓇᓯᑦ᙮
\v 20 ᐊᕋᔅᑕᔅ ᐎᔾ ᐊᑯᑕ ᐊᓐᑕ ᑯᕆᓐᑦ ᐊ ‍ ᑕᑦ, ᐊᑯ ᑐᕈᐱᒪᔅ ᐊᓐᑕ ᒥᓕᑕᔅ ᐊᑯᑕ ᑲ ‍ ᐅᒋᔅᑭᑎᒃ ᐊᒋ ‍ ᐊᐧᑯᓯᑦ᙮
\v 21 ᓱᒃ ᑯᒋᑕ ᒐᒋ ᑎᑯᓯᓂᔨᓐ ᐊᔅᒄ ᐊᑲ ᐱᐳᒡ᙮ ᔪᐳᓚᔅ, ᐳᑕᓐᔅ, ᓚᐃᓇᔅ ᑭᔭ ᑲᓗᑎᔭ ᒥᓯᐛ ᒋ ‍ ᐛᒋᔭᒥᑯᐛᐅᒡ ᑭᔭ ᐊᓐᒡ ᑯᑎᑭᒡ ᒋᐧᑲᓂᓯᒡ ᒋ ‍ ᐛᒋᔭᒥᑯᐛᐅᒡ᙮
\p
\v 22 ᐅᑎᐸᔨᒋᒐᐤ ᒋᑭ ‍ ᐎᒐᐅᒄ ᒋᑦ ᐊᒐᐧᑯᒡ ᑭᔭ ᒋᑭ ‍ ᒋᓴᐛᑐᑕᒄ᙮
\id TIT Adapted from ECree-S to Naskapi, 16 May 2003; Typeset export from CBS 8 May 2007
\h ᑕᐃᑕᔅ
\toc3 ᑕᐃᑕᔅ
\toc2 ᑕᐃᑕᔅ
\toc1 ᑈᓪ ᑲ ‍ ᒥᓯᓇᐊᒧᐛᑦ ᑕᐃᑕᓴ
\mt2 ᑈᓪ ᑲ ‍ ᒥᓯᓇᐊᒧᐛᑦ
\mt1 ᑕᐃᑕᓴ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐅ ᓇᐸᐤ ᑕᐃᑕᔅ ᑲ ‍ ᐃᓯᓂᐧᑲᓱᑦ ᒋ ‍ ᐎᒐᐛᑭᓄᐤ ᐊᓂᔭ ᑈᓚ ᑭᔭ ᒋ ‍ ᐛᐎᒐᐛᐤ᙮ ᒋ ‍ ᐱᐸᐎᒐᐛᐤ ᒪᓐ ᐊ ‍ ᐱᐸᒧᑕᔨᒋ ᒥᔽᒋᒧᐅᓂᔪᐤ᙮ ᐅᔭ ᑲ ‍ ᒥᓯᓇᐊᒪᑯᑦ ᑈᓚ ᒪᒂᒡ ᒋ ‍ ᓂᑲᓂᔅᑯᐛᐤ ᐅᒪᒧᐊᔭᒥᐊᐛ ᐊᓐᑕ ᐊᓂᔭ ᒥᓂᔅᑎᑯᔪᐤ ᑯᕆᑦ ᐊ ‍ ᐃᓯᓂᐧᑲᑕᔨᒡ᙮ ᑈᓪ ᒋ ‍ ᒋᔅᑯᑎᒧᐛᐤ ᑕᐃᑕᓴ ᑕᓐ ᒋᐸ ‍ ᐃᑕᔨᑕᑯᓯᔪᐛ ᐊ ᐎ ᒥᔪ ‍ ᓂᑲᓂᔅᑯᐛᔨᒋ ᐅᒪᒧᐊᔭᒥᐊᐛ᙮ ᒋ ‍ ᐎᑎᒧᐛᐤ ᑕᓐ ᒋᐸ ᐃᓯ ‍ ᐱᒪᑎᓯᔪᐛ ᒋᓴᒪᓂᑐᐛ ᐅᑦ ᐃᔨᒥᔪᐛ ᑭᔭ ᑕᓐ ᒋᐸ ‍ ᐃᑕᐱᑎᓯᐤ ᑕᐃᑕᔅ ᐊ ‍ ᓂᑲᓂᓱᐛᔨᒋ ᐅᒪᒧᐊᔭᒥᐊᐛ᙮
\c 1
\p
\v 1 ᓂᔾ, ᑈᓪ, ᑲ ‍ ᒥᓯᓇᐊᒪᑕᓐ᙮ ᓂᔾ ᒋᓴᒪᓂᑐᐤ ᐅᑦ ᐊᐱᒋᐊᑭᓇ ᑭᔭ ᒋᓴᔅ ᙭ ᐅᑦ ᐊᑈᔅᑕᓂᒪ᙮ ᓂᒋ ‍ ᐃᑎᓴᐅᑯᐅᓐ ᒐᒋ ᐎᒋᐃᒥᒋ ᐊᓂᔭᔪᐛ ᐃᔪᐛ ᒋᓴᒪᓂᑐᐤ ᑲ ‍ ᐅᑎᓇᑦ ᒐᒋ ᑕᑈᔭᔨᒪᔨᒋ ᒋᓴᓴ᙮ ᓂᒋ ‍ ᐃᑎᓴᐅᑯᐅᓐ ᑭᔭ ᒐᒋ ᒋᔅᑯᑎᒧᐅᒂᐤ ᒐᒋ ᒋᔅᒐᔨᑕᒡ ᑕᑈᐅᓂᔪᐤ ᑭᔭ ᒐᒋ ᐃᑕᑎᓯᒡ ᑕᓐ ᐊ ᐃᓯ ‍ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᑕᑎᓯᒡ᙮
\v 2 ᐊᓂᔭ ᒪᒃ ᑕᓐ ᐊ ᐃᓯ ‍ ᒋᔅᑯᑎᒧᐅᒂᐤ ᐊᑯᑕ ᒐ ᐅᒋ ‍ ᒐᔅᑎᓇᑕᔨᑕᒡ ᒐ ‍ ᐊᔭᒡ ᑲᒋᒡ ᐱᒪᑎᓯᐅᓂᔪᐤ, ᐊᓂᔭ ᑲ ‍ ᐃᔅᒋᔄᔨᒋ ᒋᓴᒪᓂᑐᐛ ᐊᓐᑕ ᐸᒋ ‍ ᐛᔅᑭᒡ ᒐᔅᑎᓇᔅ ᒐ ‍ ᐊᔭᐛᑯᐱᓇ᙮ ᓇᒪ ᒪᒃ ᓂᑕ ᑭᑭᒋᔭᐤ ᒋᓴᒪᓂᑐᐤ᙮
\v 3 ᐊᐅᑯᐤ ᒪᒃ ᐛᑎᒋᐱᔨᒡ ᐊᓐᑕ ᐎᔾ ᒋᓴᒪᓂᑐᐤ ᑲ ‍ ᐃᑕᔨᑎᒥᐃᑯᑦ ᒐᒋ ᒋᔅᒐᔨᑕᑭᓄᐎᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᒥᓯᐛ ᐊᐛᓐ ᐎᔭᐎᑎᒧᐅᒃ ᐅᔭ ᒥᔽᒋᒧᐅᓂᔪᐤ᙮ ᓂᔾ ᓂᒋ ‍ ᒥᔨᒄ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ ᒐᒋ ᐊᑐᔅᒐᔅᑎᒪᓐ ᐅ᙮
\p
\v 4 ᒋᔾ ᑕᐃᑕᔅ ᒋ ‍ ᒥᓯᓇᐊᒪᑎᓐ᙮ ᒧᔭᒻ ᑎᐱᔨᐛ ᓂᑯᔅ ᐊᐅᑯᓐ ᐊ ‍ ᐃᑕᔨᒥᑕᓐ ᐛᔅ ᐸᐃᑯᓄᒡ ᒋ ᐊᑎ ᐃᓯ ‍ ᑕᑈᑕᓇᓄᐤ᙮
\p ᓂᑦ ᐊᔭᒥᐊᐤ ᒋᓴᒪᓂᑐᐤ ᐅᑕᐎᒪᐤ ᑭᔭ ᒋᓴᔅ ᙭ ᒋᐱᒪᒋᐃᐛᒥᓄᐤ ᒐᒋ ᒋᓴᐛᑐᑕᔅᒡ ᑭᔭ ᒐᒋ ᒥᔨᔅᒡ ᒋᔭᒪᔨᑎᒧᐅᓂᔪᐤ᙮
\s1 ᑕᓐ ᒋᐸ ‍ ᐃᑕᐱᑎᓯᐤ ᑕᐃᑕᔅ ᐊᓐᑕ ᑯᕆᑦ ᐊ ‍ ᐃᓯᓂᐧᑲᑕᔨᒡ
\p
\v 5 ᔅᒋ ‍ ᓂᑭᑎᑎᓐ ᐊᓐᑕ ᐊᓐ ᒥᓂᔅᑎᒄ ᑯᕆᑦ ᐊ ‍ ᐃᓯᓂᐧᑲᑕᒡ ᒐᒋ ᐎᒋᐃᑥᐤ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᑕᓐᑕ ᐛᐅᔅᑕᐱᔨᒡ ᐅᑕᑈᑎᒧᐅᓄᐛᒡ᙮ ᔅᒋ ‍ ᐃᑎᑎᓐ ᒥᓯᐛ ᐊ ‍ ᑕᑎᒋ ᐅᑕᓇᐛ ᒐᒋ ᐅᑎᓂᑥᐤ ᐊᓐᑕ ᐊᐛᓐᒋ ᒐ ‍ ᓂᑲᓂᔅᑯᐛᒡ ᐊᓂᔭ ᐅᒪᒧᐊᔭᒥᐊᐛ᙮ ᒋᔅᒋᓯ ᑕᓐ ᑲ ‍ ᐃᑎᑕᓐ ᒋᐸ ‍ ᐃᑕᔨᑕᑯᓱᐤ ᐊᐛᓐ ᐊ ‍ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ᙮
\v 6 ᒋᐸ ᒥᔪ ‍ ᐊᔨᒧᒪᑭᓄᐤ, ᒋᐸ ‍ ᐸᐃᑯᐊᐤ ᐎᐛ, ᑭᔭ ᐅᑦ ᐊᐛᓯᒪ ᒋᐸ ‍ ᑕᑈᔭᔨᒪᔪᐛ ᒋᓴᓴ᙮ ᓇᒪ ᒋᐸ ᐅᒋ ‍ ᐊᒂᑕᔨᑕᑯᓯᔪᐛ, ᒋᐸ ᒥᔪ ‍ ᐱᓯᒋᑎᒥᔪᐛ᙮
\v 7 ᐊᓐ ᐊᐛᓐ ᑲ ‍ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ, ᓇᒪ ᒋᐸ ᐅᒋ ‍ ᒥᒋᑐᑎᒻ ᐊᓐᑕ ᒐᒋ ᐅᒋ ‍ ᐊᑕᒪᔨᒪᑭᓄᐅᑦ ᒐᒂᔪᐤ, ᐛᔅ ᒋᓴᒪᓂᑐᐛ ᐊᑐᔅᑯᐛᐤ᙮ ᓇᒪ ᒋᒋᐛ ᒋᐸ ᐅᒋ ‍ ᐃᑕᔨᒥᓱᐤ, ᑭᔭ ᓇᒪ ᑎᐛᒡ ᒋᐸ ᐅᒋ ‍ ᒋᔄᓱᐤ, ᑭᔭ ᓇᒪ ᒋᐸ ᐅᒋ ‍ ᐎᒋᐸᐤ, ᑭᔭ ᓇᒪ ᒋᐸ ᐅᒋ ‍ ᐊᐧᑯᔪᐛᓱᐤ, ᑭᔭ ᓇᒪ ᒋᐸ ᐅᒋ ‍ ᓴᒋᑕᐤ ᓱᓇᔭᔪᐤ᙮
\v 8 ᐃᔭᐱᒡ ᒋᐸ ‍ ᒋᓴᐛᑐᑐᐛᐤ ᒪᓐᑕᐛ, ᑭᔭ ᒋᐸ ‍ ᓴᒋᑕᐤ ᐊᓂᔭ ᑕᓐ ᐊ ᐃᓯ ‍ ᑯᐃᔅᑯᓇᑯᓂᔨᒡ ᐊ ‍ ᐃᑎᓇᓄᐎᒡ᙮ ᒋᐸ ‍ ᑭᒐᑕᐛᔨᑎᒻ ᑭᔭ ᒋᐸ ‍ ᑯᐃᔅᑯᑕᑎᓯᐤ, ᒋᐸ ᐸᔭᒋ ‍ ᐱᒪᑎᓯᐤ, ᑭᔭ ᒋᐸ ‍ ᓂᓇᑭᑐᐛᔨᑎᒻ ᑕᓐ ᐊ ‍ ᐃᑎᑦ᙮
\v 9 ᒧᔅ ᐃᔭᒂ ᒋᐸ ᐃᓯ ‍ ᓂᓇᑭᑐᐛᔨᑎᒻ ᑕᓐ ᑲ ᐃᓯ ‍ ᒋᔅᑯᑎᒧᐛᑭᓄᐅᑦ ᒋᓴᒪᓂᑐᐛ ᑲ ‍ ᑕᑈᒥᑭᓂᔨᒡ ᐅᑦ ᐃᔨᒧᐅᓂᔨᒡ ᐅᒡ᙮ ᐊᑯ ᒪᒃ ᑯᐃᔅᒄ ᒐᒋ ᐃᓯ ‍ ᒋᔅᑯᑎᒧᐛᑦ ᑯᑎᑲ ᐊᐛᔪᐛ ᑭᔭ ᑯᐃᔅᒄ ᒐᒋ ᐃᓯ ‍ ᓂᔅᑯᔅᑐᐛᑦ ᐊᓂᔭ ᐊᐛᔪᐛ ᑲ ᐎ ‍ ᐊᓏᑎᒥᔨᒋ᙮
\p
\v 10 ᐛᔅ ᒥᒐᑐᐅᒡ ᐊᐛᓐᒋ ᐊᑲ ᐎ ᓂᓇᐃᑎᒺᒡ ᒋᓴᒪᓂᑐᐤ ᐅᑦ ᐃᔨᒧᐅᓂᔪᐤ ᑭᔭ ᐎᔭᓯᒪᐅᒡ ᑯᑎᑲ ᐊᐛᔪᐛ ᓂᑎᒥᒄ ᐊ ᐃᓯ ‍ ᐃᔨᒥᒡ᙮ ᐊᑐᐎᔅ ᒪᒃ ᐃᑕᔨᑕᑯᓱᐅᒡ ᐊᓐᒡ ᑲ ‍ ᐃᔅᒋᔄᒡ ᒥᓯᐛ ᐊᐛᓐ ᑲ ‍ ᑕᑈᑕᐧᒃ ᒋᐸ ‍ ᓂᓇᐃᑎᒻ ᐎᓱᐛᐅᓂᔪᐤ᙮
\v 11 ᐃᑕᔨᑕᑯᓂᔪᐤ ᒪᒃ ᒐᒋ ᒋᐱᒋᐊᑭᓄᐎᒡ ᐅᔭ ᐊ ᐃᓯ ‍ ᐎᑎᒪᒐᒡ ᐛᔅ ᒥᒋᐱᔨᐊᐎᒡ ᐊᐛᔪᐛ ᐊ ‍ ᒋᔅᑯᑎᒧᐛᒡ ᐊᓂᔭ ᒐᒂᔪᐤ ᐊᑲ ᒋᐸ ᐅᒋ ‍ ᒋᔅᑯᑎᒧᐛᐅᒡ ᒥᒄ ᐊᓂᔭ ᐊ ᐎ ‍ ᐅᓱᓇᔭᓂᒥᐧᑲᓱᒡ ᐅᒡ᙮
\v 12 ᐛᐛᒡ ᑭᔭ ᐸᐃᒄ ᐊᓐᑕ ᐊ ‍ ᑕᒡ ᐊ ‍ ᐅᒋᔨᒋ ᑲ ‍ ᒋᔅᒋᐛᐃᒐᔨᒋ ᒋ ‍ ᐃᔅᒋᔄᔨᒐᓂ ᑎᐱᔨᐛ ᐅᑦ ᐃᔨᒪ ᐊ ‍ ᐊᔨᒧᒪᑦ, “ᒋᔨᐛᐤ ᑯᕆᑦ ᐊ ‍ ᐅᒋᔭᒄ ᒧᔅ ᒋ ‍ ᑭᑭᒋᔭᓇᐛᐤ, ᑭᔭ ᒧᔭᒻ ᒥᒋ ‍ ᐊᐛᓯᓯᒡ ᐊ ‍ ᐃᑕᔨᑕᑯᓯᔭᒄ, ᓇᔅᒡ ᐊ ‍ ᒋᑎᒥᔭᒄ ᑭᔭ ᓇᔅᒡ ᐊ ‍ ᐅᑲᓯᒋᒥᔭᒄ᙮”
\v 13 ᑕᑈ ᒪᒃ ᐊᐅᑯᓐ ᐊ ‍ ᐃᑕᔨᑕᑯᓯᔨᒋ ᐊᓂᔭ ᑲ ‍ ᐃᔅᒋᔄᑦ᙮ ᐊᐅᒄ ᒪᒃ ᐅᔭ ᒐ ᐅᒋ ‍ ᓱᒃ ᓂᔅᑯᔅᑐᐛᑯᒡ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᑲ ‍ ᓂᑐᑐᐛᒡ ᐊᓂᔭᔪᐛ ᑲ ‍ ᐎᔭᓯᐃᐛᔨᒋ ᒐᒋ ᐅᒋ ‍ ᓱᒋᑲᐳᐅᒡ ᑯᐃᔅᒄ ᐊ ᐃᓯ ‍ ᑕᑈᑕᒡ᙮
\v 14 ᐊᑲ ᒋᒋᐛ ᒐᒋ ᐃᑕᔨᑎᒥᐃᑯᒡ ᐊᓂᔭ ᒍᐤ ᐃᔪᐤ ᑎᐸᒋᒧᐅᓇ ᑭᔭ ᒐ ᐊᑲ ᒋ ᓂᑐᑐᐛᒡ ᐊᓂᔭ ᐊᐛᔪᐛ ᑲ ‍ ᐊᓏᑎᒥᔨᒋ ᑕᑈᐅᓂᔪᐤ᙮
\v 15 ᐊᓐ ᐊᐛᓐ ᑲ ᐸᔭᒋ ‍ ᐱᒪᑎᓯᑦ ᒥᓯᐛ ᒐᒂᔪᐤ ᐸᔭᒋᓇᑯᓂᔪᐤ, ᐊᑯ ᐊᓐ ᐊᐛᓐ ᑲ ‍ ᒥᒐᑎᓯᑦ ᑭᔭ ᐊᑲ ᑕᑈᑕᐧᒃ ᓇᒪ ᒐᒂᔪᐤ ᐸᔭᒋᓇᑯᓂᔪᐤ ᐛᔅ ᓇᔅᒡ ᑕᑈ ᐎᓇᔪᐤ ᐅᒥᑐᓇᔨᒋᑭᓐ ᑭᔭ ᐅᑕᐃ᙮
\v 16 ᐃᔅᒋᔄᐅᒡ ᐊ ‍ ᒋᔅᒐᔨᒪᒡ ᒋᓴᒪᓂᑐᐛ ᒥᒄ ᒪᒃ ᐊᓂᔭ ᐊ ‍ ᐃᑕᑎᓯᒡ ᓄᑯᓂᔪᐤ ᐊᑲ ᑕᑈ ᒋᔅᒐᔨᒪᒡ ᒋᓴᒪᓂᑐᐛ ᐛᔅ ᓇᔅᒡ ᒥᒐᑎᓯᐅᒡ᙮ ᓇᒪ ᓇᔅᒡ ᓂᓇᐃᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᓇᔅᒡ ᐃᑕᔨᑕᑯᓱᐅᒡ ᒐᒋ ᒥᔪᑐᑕᒡ᙮
\c 2
\s1 ᒥᔪ ‍ ᒋᔅᑯᑎᒪᒐᐅᓐ
\p
\v 1 ᒋᔾ ᒪᒃ, ᐊ ‍ ᒋᔅᑯᑎᒧᐅᑥᐤ ᒋᐸ ‍ ᐎᑎᒧᐛᐅᒡ ᑕᓐ ᒐ ᐃᓯ ‍ ᐱᒪᑎᓯᒡ ᐊ ᐎ ‍ ᑯᐃᔅᑯᑕᑎᓯᒡ᙮
\v 2 ᐎᑎᒧᐅᒡ ᐊᓐᒡ ᑲ ‍ ᒋᓴᐃᔪᐅᒡ ᒐᒋ ᓂᓇᑭᑐᐛᔨᑕᒡ ᑕᓐ ᐊ ‍ ᐃᑎᒡ, ᑭᔭ ᒐᒋ ᐃᑈᐧᑲᒡ, ᑭᔭ ᒐᒋ ᐃᓯ ‍ ᐱᒪᑎᓯᒡ ᒐᒋ ᐅᒋ ‍ ᒋᔅᑕᔨᒪᑭᓄᐎᒡ᙮ ᒋᐸ ᐎ ‍ ᓱᒋᑲᐳᐎᒡ ᑕᑈᑎᒧᐅᓂᒡ, ᑭᔭ ᓴᒋᐃᐛᐅᓂᒡ ᑭᔭ ᓯᐱᔪᐛᓯᐅᓂᒡ ᐃᔅ᙮
\p
\v 3 ᑭᔭ ᐎᑎᒧᐅᒡ ᒋᓴᐃᔎᓯᒡ ᐅᐱᒪᑎᓯᐅᓄᐛᒡ ᒋᐸ ‍ ᓄᑯᓂᔪᐤ ᒋᓴᒪᓂᑐᐛ ᐊ ‍ ᐱᒪᑎᓯᔅᑐᐛᒡ᙮ ᓇᒪ ᒋᐸ ᐅᒋ ‍ ᐱᐸᒪᒋᒪᐅᒡ ᐊᐛᔪᐛ ᒐᒋ ᒥᒐᒋᒪᒡ, ᓇᒪ ᑭᔭ ᒋᐸ ᐅᒋ ‍ ᐎᒋᐸᐅᒡ,
\v 4 ᐃᔭᐱᒡ ᒋᐸ ‍ ᒋᔅᒋᓄᐊᒧᐛᐅᒡ ᐅᔅᒋᓂᒋᔎᐛ ᒐᒋ ᓴᒋᐊᔨᒋ ᐅᓇᐸᒥᔪᐛ ᑭᔭ ᐅᑦ ᐊᐛᓯᒥᔪᐛ᙮
\v 5 ᑭᔭ ᒋᐸ ‍ ᒋᔅᒋᓄᐊᒧᐛᐅᒡ ᒐᒋ ᐃᑈᐧᑲᔨᒋ, ᒐᒋ ᐸᔭᒋ ‍ ᐱᒪᑎᓯᔨᒋ ᑭᔭ ᒐᒋ ᒥᔪ ‍ ᐊᐱᑎᓯᔨᒋ ᐊᓐᑕ ᐎᒋᔨᒡ, ᑭᔭ ᑯᐃᔅᒄ ᒐᒋ ᐃᑎᔨᒋ ᐊ ‍ ᓂᓇᐃᑐᐛᔨᒋ ᐅᓇᐸᒥᔪᐛ᙮ ᐅᔭ ᒪᒃ ᐃᑕᑎᓯᔨᒐ ᓇᒪ ᐊᐛᔪᐛ ᒋᑭ ᐅᒋ ‍ ᒥᒋ ‍ ᐊᔨᒧᑎᒥᔪᐛ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮
\p
\v 6 ᑭᔭ ᓯᒋᒥᒡ ᐅᔅᒋᓂᒋᓱᐅᒡ ᒐᒋ ᐃᔭᒂᒥᒡ ᒥᓯᐛ ᑕᓐ ᐊ ‍ ᐃᑎᒡ᙮
\v 7 ᒋᔾ ᒪᒃ ᑭᔭ ᒋᐸ ᐎ ‍ ᐛᐸᑎᔭᐅᒡ ᑕᓐ ᒐ ᐃᓯ ‍ ᒋᔅᒋᓄᐛᐱᒥᔅᒡ ᐊ ‍ ᒥᔪᑐᑎᒥᓐ ᒥᓯᐛ ᑕᓐ ᐊ ‍ ᐃᑎᔨᓐ᙮ ᐊ ‍ ᒋᔅᑯᑎᒪᒐᔨᓐ ᑭᔭ ᒋᐸ ‍ ᓄᑯᑕᓐ ᐊ ‍ ᐃᑈᐧᑲᔨᓐ ᑭᔭ ᑯᐃᔅᒄ ᒋᐸ ᐃᓯ ‍ ᒋᔅᑯᑎᒪᒐᓐ᙮
\v 8 ᑯᐃᔅᒄ ᐃᓯ ᐃᔨᒥ, ᑭᔭ ᐊᓐᒡ ᑲ ‍ ᐊᑐᐛᔨᒥᔅᒡ ᓇᒪ ᒋᑭ ᐅᒋ ‍ ᒥᔅᑭᒧᒡ ᑕᓐ ᒐᒋ ᐃᓯ ‍ ᓂᑐᐎᔾ ᐃᑕᒋᒥᑕᐧᑯᒡ ᑭᔭ ᒐ ‍ ᓴᒂᔨᒧᐃᓱᒡ᙮
\p
\v 9 ᓯᒋᒥᒡ ᐊᐱᒋᐊᑭᓐᒡ ᒐᒋ ᓂᓇᐃᑐᐛᒡ ᐅᒋᒪᒧᐛᐛ ᑭᔭ ᒥᓯᐛ ᒐᒋ ᐃᓯ ‍ ᓂᓇᐃᑎᒪᐊᒡ ᑭᔭ ᒐ ᐊᑲ ᒋ ᓂᓇᔎᐅᓯᐊᒡ
\v 10 ᒪᒃ ᒐᒋ ᑭᒐᒧᑎᒧᐛᒡ᙮ ᒋᐸ ‍ ᓄᑯᑕᐅᒡ ᐊ ‍ ᐃᔅᐱᔅ ᒥᔪ ‍ ᐊᐱᑎᓯᒡ ᑭᔭ ᐊᔅᐱᔅ ᑯᐃᔅᒄ ᐃᑎᒡ ᑭᔭ ᒐ ‍ ᒋᔅᑕᔨᑕᑭᓄᔨᒋ ᐊᓂᔭ ᑕᓐ ᐊ ᐃᓯ ‍ ᒋᔅᑯᑎᒪᒐᓄᐎᒡ ᒋᓴᒪᓂᑐᐛ ᒋᐱᒪᒋᐃᐛᒥᓄᐛ ᐊ ‍ ᐊᔨᒧᒪᑭᓄᔨᒋ᙮
\s2 Titus 2.11-14 (Christmas Year C)
\p
\v 11 ᐛᔅ ᒋᓴᒪᓂᑐᐤ ᒋ ‍ ᐛᐸᑎᔨᐛᐤ ᐅᒋᓴᐛᑎᓯᐅᓐ ᒐᒋ ᐅᒋ ‍ ᐱᒪᒋᐅᑦ ᒥᓯᐛ ᐊᐛᓐ᙮
\v 12 ᐅᒋᓴᐛᑎᓯᐅᓂᒡ ᒋ ᐅᒋ ‍ ᒋᔅᑯᑎᒪᑭᓄᐤ ᒐᒋ ᓂᑭᑎᒪᐧᒄ ᒥᒐᑎᓯᐅᓐ ᑭᔭ ᒐ ᐊᑲ ᒋ ᒥᒋ ‍ ᒧᔅᑕᓇᔨᑎᒪᐧᒄ ᒐᒂᓐ ᐅᑕ ᐊᔅᒋᒡ᙮ ᑭᔭ ᐅᒋᓴᐛᑎᓯᐅᓂᒡ ᒋ ᐅᒋ ‍ ᒋᔅᑯᑎᒪᑭᓄᐤ ᒐᒋ ᐃᔭᒂᒥᔭᐧᒄ ᑕᓐ ᐊ ‍ ᐃᑕᑎᓯᔭᐧᒄ, ᑭᔭ ᒐᒋ ᑯᐃᔅᑯᑕᑎᓯᔭᐧᒄ ᑭᔭ ᒐᒋ ᒋᓴᒪᓂᑐᐛᑎᓯᔭᐧᒄ ᐅᑕ ᐊᔅᒋᒡ ᐊ ‍ ᑕᐛᐧᒄ,
\v 13 ᐊᐅᒄ ᐊ ᐃᓯ ‍ ᐱᒪᑎᓯᔭᐧᒄ ᐊ ‍ ᐊᓱᐛᐸᑎᒪᐧᒄ ᒐᔅᑎᓇᔅ ᒐ ‍ ᐃᔅᐱᔨᒡ ᐊᓐ ᐊ ‍ ᓱᐛᔨᑕᒂᒡ ᐊ ‍ ᒋᓯᑲᒡ ᒐ ‍ ᑎᑯᓯᐧᒃ ᐊᓐ ᑲ ‍ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐊ ᐸᒋ ‍ ᓄᑯᓯᑦ ᐅᒋᔅᑕᔨᑕᑯᓱᐅᓂᒡ᙮
\v 14 ᒋ ‍ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ‍ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮
\p
\v 15 ᒋᔅᑯᑎᒧᐅᒡ ᐅᔭ ᒐᒂᔪᐤ ᑭᔭ ᐊᐱᒋᑕ ᐊᓐ ᑎᐸᔨᒋᒐᐅᓐ ᑲ ‍ ᒥᔨᑯᔨᓐ ᒐᒋ ᓯᒋᒥᑥᐤ, ᑭᔭ ᒐᒋ ᐎᑎᒧᐅᑥᐤ ᑕᓐᑕ ᐊ ‍ ᐅᓂᐱᔨᒡ᙮ ᐊᑲᐎᔾ ᐊᐛᓐ ᒋᑭ ᐅᒋ ᐎ ‍ ᐊᑐᐛᔨᒧᒄ᙮

\c 3
\s1 ᑕᓐ ᒋᐸ ᐃᓯ ‍ ᐱᒪᑎᓯᐅᒡ ᐊᓐᒡ ᑲ ‍ ᑕᑈᔭᔨᒪᒡ ᒋᓴᒪᓂᑐᐛ
\p
\v 1 ᒋᔅᒋᓱᒥᒡ ᒋᑦ ᐃᔨᒥᒡ ᒐᒋ ᓂᑐᑐᐛᒡ ᐊᓂᔭ ᑲ ‍ ᐅᒋᒪᒥᒡ ᑭᔭ ᒐᒋ ᓂᓇᐃᑐᐛᒡ ᐊᓂᔭ ᑲ ‍ ᒋᓴᐅᒋᒪᐤ ᐊᑐᔅᒐᔨᒋ ᑭᔭ ᒧᔅ ᒐᒋ ᐊᔭᔅᑯᐎᒡ ᒐᒋ ᐊᑐᔅᒐᔅᑕᒡ ᑯᐃᔅᒄ ᐊ ‍ ᐃᓯᓇᑯᓂᔨᒡ ᐊᑐᔅᒐᐅᓂᔪᐤ᙮
\v 2 ᐎᑎᒧᐅᒡ ᒐ ᐊᑲ ᒋ ᒥᒋ ‍ ᐊᔨᒧᒪᒡ ᐊᐛᔪᐛ, ᒐᒋ ᒋᔭᒪᐛᔨᑕᑯᓯᒡ ᑭᔭ ᒐᒋ ᒥᔽᔨᑕᑯᓯᒡ᙮ ᒧᔅ ᒋᐸ ‍ ᔪᔅᐸᑎᓯᔅᑐᐛᐅᒡ ᒥᓯᐛ ᐊᐛᔪᐛ᙮
\v 3 ᐛᔅ ᑭᔭ ᒋᔭᓄᐤ ᐸᐃᒂᐤ ᔅᒋ ‍ ᒋᔎᐱᒪᑎᓯᓇᓄᐤ, ᓇᒪ ᒋ ᐅᒋ ‍ ᓂᓇᐃᑐᐛᓄᐤ ᒋᓴᒪᓂᑐᐤ, ᔅᒋ ‍ ᐎᔭᓯᐃᑯᓇᓄᐤ ᑭᔭ ᔅᒋ ‍ ᓴᐧᑯᒋᐃᑯᓇᓄᐤ ᓂᓇᐧᑯᐤ ᒥᒋ ‍ ᓂᑐᐛᔨᑎᒧᐅᓇ ᑭᔭ ᒥᒋ ‍ ᒥᔽᔨᑎᒧᐅᓇ᙮ ᐱᓯᒄ ᔅᒋ ‍ ᒥᒐᑎᓯᓇᓄᐤ ᑭᔭ ᔅᒋ ‍ ᐅᑕᔨᒪᓄᐅᒡ ᐊᐛᓐᒋ᙮ ᔅᒋ ‍ ᐛᐧᑲᑕᓄᐅᒡ ᐊᐛᓐᒋ ᑭᔭ ᐎᔨᐛᐤ ᒪᒃ ᔅᒋ ‍ ᐛᐧᑲᑎᑯᓄᐅᒡ᙮
\s2 Titus 3.4-7 (Christmas Year B)
\p
\v 4 ᒥᒄ ᒪᒃ ᐃᔅᐱ ᑲ ‍ ᐛᐸᑎᔨᑕᐧᒄ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ ᐊ ᐃᔅᐱᔅ ‍ ᒋᓴᐛᑐᑕᑕᐧᒄ ᑭᔭ ᐊ ᐃᔅᐱᔅ ‍ ᓴᒋᐃᑕᐧᒄ
\v 5 ᔅᒋ ‍ ᐱᒪᒋᐃᑯᓄᐤ᙮ ᓇᒪ ᐎ ᑕᓐ ᑲ ᐃᓯ ‍ ᒋᒥᔪᑐᑎᒪᐧᒄ ᒋ ᐅᒋ ‍ ᐱᒪᒋᐃᑯᓄᐤ ᒥᒄ ᐊᓂᔭ ᒋᓴᒪᓂᑐᐤ ᐊᒋ ‍ ᒋᔅᑎᒪᒐᔨᒥᑕᐧᒄ ᐊᑯᑕ ᑲ ᐅᒋ ‍ ᐱᒪᒋᐃᑕᐧᒄ᙮ ᑲ ‍ ᐸᔭᒋᓯᑦ ᐊᒐᐧᒄ ᔅᒋ ‍ ᐸᔭᒋᐃᑯᓄᐤ ᑭᔭ ᒥᓐ ᔅᒋ ‍ ᐅᔅᒋᐃᑯᓄᐤ᙮
\v 6 ᒋᓴᒪᓂᑐᐤ ᒋ ‍ ᐛᔪᒋᐱᔪᐤ ᐊ ‍ ᓯᒋᓂᒪᑕᐧᒄ ᑲ ‍ ᐸᔭᒋᓯᔨᒋ ᐊᒐᒂ ᐊᓐᑕ ᐊ ‍ ᑕᐛᐧᒄ ᐊᓂᔭ ᐅᒋ ᑕᓐ ᑲ ᐃᓯ ‍ ᐃᑐᑎᒪᑕᐧᒄ ᒋᐱᒪᒋᐃᐛᒥᓄᐤ ᒋᓴᔅ ᙭᙮
\v 7 ᐊᑯ ᒪᒃ ᐊᓂᔭ ᐊᒋ ‍ ᒋᓴᐛᑐᑕᑕᐧᒄ ᒋᓴᒪᓂᑐᐤ ᔅᒋ ‍ ᐃᑐᑕᑭᓄᐤ ᒐᒋ ᑯᐃᔅᑯᓇᑯᓯᔭᐧᒄ ᑭᔭ ᒋᔭᔅᑎᓇᑕᔨᑎᒪᐧᒄ ᒐ ‍ ᐊᔭᔭᐧᒄ ᑲᒋᒡ ᐱᒪᑎᓯᐅᓐ᙮
\v 8 ᑕᑈᒥᑭᓐ ᐅ ᑲ ‍ ᐃᔅᒋᔄᔭᓐ᙮
\p ᒋ ‍ ᓂᑐᐛᔨᒥᑎᓐ ᒐᒋ ᓯᒋᒥᑥᐤ ᐊᓐᒡ ᑲ ‍ ᑕᑈᔭᔨᒪᒡ ᒋᓴᒪᓂᑐᐛ ᒐ ᐎ ‍ ᒥᔪᑐᑎᒧᐛᒡ ᑯᑎᑲ ᐊᐛᔪᐛ᙮ ᐛᔅ ᒥᔽᔪᐤ ᑭᔭ ᒋᑭ ᒥᔪ ‍ ᐎᒋᐃᑯᐅᒡ ᐅᔭ ᐃᑐᑕᒂᐛ᙮
\p
\v 9 ᑕᐅᒡ ᐊᐛᓐᒋ ᐊ ‍ ᒥᒋᐱᔨᒡ ᐊ ‍ ᐊᔨᒧᑕᒡ ᒍᐤ ᐃᔪᐤ ᐎᓱᐛᐅᓇ ᑕᓐ ᐊᓂᔭᔪᐛ ᒋᐸ ‍ ᑭᓄᐛᔨᑕᑭᓄᐅᔪᐛ ᑭᔭ ᐊ ‍ ᐊᔨᒧᑕᒡ ᑕᓐ ᐊ ‍ ᐃᑎᔅᑲᑐᔨᒋ ᐅᑦ ᐊᓂᔅᒐ ᐛᐧᑯᒪᑭᓄᐛᐛ᙮ ᐊᑲᐎᔾ ᐊᐱᑕᔨᑎᒧᒄ ᒐᒋ ᐊᔨᒧᑎᒪᒄ ᐅᔭ ᒐᒂᔪᐛ ᐛᔅ ᑕᐸ ᐎᔭᔅ ᐃᑕᐱᑎᓇ ᑭᔭ ᓇᒪ ᓇᔅᒡ ᐎᒋᐃᑯᐅᒡ ᐊᐛᓐᒋ᙮
\v 10 ᑕᒐ ᐊᐛᓐ ᒧᔅ ᐊ ‍ ᐃᑐᑐᐛᑦ ᒐᒋ ᒥᒋᐱᔨᒋ ᐅᒪᒧᐊᔭᒥᐊᐛ ᑭᔭ ᒐᒋ ᐃᑐᑐᐛᑦ ᒐᒋ ᑎᐸᓂᐱᔨᒋ, ᐎᑎᒧᐤ ᐸᐃᒂᐤ ᑭᔭ ᒪᒃ ᓂᔄᐤ ᒐᒋ ᐳᓂᑦ ᐊᓂᔭ ᐊ ‍ ᐃᑎᑦ᙮ ᐊᑲ ᒪᒃ ᓂᑐᑕᔅᒐ ᐊᑯᔅ ᐊᑲ ᐱᒪᐃᒻ᙮
\v 11 ᒋ ‍ ᒋᔅᒐᔨᒪᐤ ᐊ ‍ ᒥᒋᑐᑕᐧᒃ ᐊᐛᓐ ᐅᔭ ᐊ ‍ ᐃᑎᑦ᙮ ᐊ ‍ ᒥᒋᑐᑕᐧᒃ ᒪᒃ ᐊᑯᑕ ᐊ ‍ ᓄᑯᓂᔨᒡ ᐊ ‍ ᐅᓂᐱᔨᑦ᙮
\s1 ᒪᔅᑕᔾ ᑲ ‍ ᐃᑎᓱᒪᑦ ᑈᓪ ᐊᓂᔭ ᑕᐃᑕᓴ
\p
\v 12 ᓂᑦ ᐃᑕᔨᑕᓐ ᒐᒋ ᐃᑎᓴᐅᒃ ᐊᕐᑎᒪᔅ ᑭᔭ ᒪᒃ ᑕᐃᑭᑲᔅ ᐊᓐᑕ ᐊ ‍ ᑕᔨᓐ᙮ ᐃᔅᐱ ᒪᒃ ᑎᑯᓯᓂᒐ ᐅ ᓇᐸᐤ ᐊᓐᑕ ᐊ ‍ ᑕᔨᓐ, ᒐ ‍ ᑯᒋᑕᔨᓐ ᑎᐛᒡ ᒐᒋ ᐸᒋ ‍ ᓂᒋᔅᑯᔨᓐ ᐊᓐᑕ ᓂᑲᐳᓕᔅ ᐊ ‍ ᐃᓯᓂᐧᑲᑕᒡ ᐅᑕᓇᐤ ᐛᔅ ᐊᑯᑕ ᑲ ᐎ ‍ ᑕᔭᓐ ᐃᔅᑭᓐ ᐱᐳᓇ᙮
\v 13 ᒋᑭ ‍ ᔅᑐᑕᐅᒡ ᐊᓐᒡ ᑎᐸᔅᑯᓂᒐᓱᐤ ᓯᓇᔅ ᑭᔭ ᐊᐳᓚᔅ᙮ ᓱᒃ ᒐ ‍ ᑯᒋᑕᔨᓐ ᒐᒋ ᐎᒋᐃᑥᐤ ᐊ ‍ ᐊᔭᔅᑯᐎᒡ, ᒐ ᓂᑐ ‍ ᒋᔅᒐᔨᒥᑥᐤ ᒥᓯᐛ ᒐᒂᔪᐤ ᒐᒋ ᐊᔭᒡ ᑕᓐ ᒐ ᐃᓯ ‍ ᓂᑐᐛᔨᑕᒡ᙮
\v 14 ᐊᓐᒡ ᒪᒃ ᒋᔭᓄᐤ ᒋᑦ ᐃᔨᒥᓄᐅᒡ ᒋᐸ ᐎ ‍ ᒋᔅᒐᔨᑎᒧᒡ ᑕᓐ ᒋᐸ ᒋ ᐃᓯ ᒥᔪ ‍ ᐊᑐᔅᒐᐅᒡ, ᐊ ‍ ᐎᒋᐊᒡ ᐊᐛᔪᐛ ᓇᔅᒡ ᐊ ‍ ᓂᑐᐛᔨᑎᒥᔨᒋ ᒐᒋ ᐎᒋᐊᑭᓄᔨᒋ᙮ ᓇᒪ ᒋᐸ ᐅᒋ ‍ ᐃᓯᓇᑯᓱᐅᒡ ᒐ ᐊᑲ ᒋ ᐎᔭᔅ ‍ ᐃᑕᐱᑎᓯᒡ᙮
\p
\v 15 ᒥᓯᐛ ᒪᒃ ᐊᐛᓐᒋ ᐅᑕ ᐊ ‍ ᑕᒡ ᐊ ‍ ᑕᔭᓐ ᒋ ‍ ᐛᒋᔭᒥᑯᒡ᙮ ᐛᒋᔭᒥᒡ ᒋᐎᒐᐛᑭᓄᐅᒡ ᐊᓐᒡ ᑲ ‍ ᑕᑈᑕᒡ᙮
\p ᒋᑦ ᐊᔭᒥᐊᔅᑎᒪᑎᓇᓐ ᒋᓴᒪᓂᑐᐤ ᒐᒋ ᒋᓴᐛᑐᑕᑕᒄ ᒥᓯᐛ ᐊ ‍ ᑎᓯᔭᒄ᙮

\id PHM Adapted from ECree-S to Naskapi, 3 May 2003; Typeset export from CBS 8 May 2007
\h ᐸᐃᓕᒪᓐ
\toc3 ᐸᐃᓕᒪᓐ
\toc2 ᐸᐃᓕᒪᓐ
\toc1 ᑈᓪ ᑲ ‍ ᒥᓯᓇᐊᒧᐛᑦ ᐸᐃᓕᒪᓇ
\mt2 ᑈᓪ ᑲ ‍ ᒥᓯᓇᐊᒧᐛᑦ
\mt1 ᐸᐃᓕᒪᓇ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐅ ᓇᐸᐤ ᐸᐃᓕᒪᓐ ᑲ ‍ ᐃᓯᓂᐧᑲᓱᑦ ᒋ ‍ ᓂᑲᓂᔅᑭᒻ ᐊᔭᒥᐊᐅᒋᐛᐱᔪᐤ ᐊᓐᑕ ᑯᓚᓴᐃ ᐊ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᑭᔭ ᒋ ‍ ᐅᐎᒐᐛᑭᓄᐤ ᐊᓂᔭ ᑈᓚ᙮ ᒋ ‍ ᒋᒧᑎᒪᑯᐤ ᒪᒃ ᓱᓇᔭᔪᐤ ᐊᓂᔭ ᐅᑦ ᐊᐱᒋᐊᑭᓇ, ᐅᓂᓯᒪᔅ ᑲ ‍ ᐃᓯᓂᐧᑲᓱᔨᒋ ᑭᔭ ᒋ ‍ ᒋᑎᓯᒧᔪᐛ ᐊᓐᑕ ᐃᔅ ᕈᒥᒡ᙮ ᒪᒂᒡ ᒪᒃ ᐊᓐᑕ ᑲ ‍ ᑕᑦ ᒋ ‍ ᓂᒋᐊᐤ ᐊᓂᔭ ᑈᓚ, ᐊᑯᑕ ᑭᔭ ᑲ ᐅᒋ ‍ ᒂᔅᑲᑎᓯᑦ᙮ ᑈᓪ ᒪᒃ ᒋ ‍ ᒋᐛᑎᓴᐛᐤ ᐊᓂᔭ ᐅᓂᓯᒪᓴ ᐊᓐᑕ ᐸᐃᓕᒪᓇ ᐊ ‍ ᑕᔨᒋ ᐊᒋ ‍ ᒥᓯᓇᐊᒧᐛᑦ ᐸᐃᓕᒪᓇ᙮ ᒋ ‍ ᓂᑐᑎᒧᐛᐤ ᐸᐃᓕᒪᓇ ᒐᒋ ᐛᐸᔨᑎᒧᐛᔨᒋ ᐊᓂᔭ ᐅᑦ ᐊᐱᒋᐊᑭᓂᔪᐛ ᐅᓂᓯᒪᓴ ᑭᔭ ᒧᔭᒻ ᐊ ‍ ᐎᐧᑲᓂᓯᑦ ᒐᒋ ᐃᓯ ‍ ᑭᓄᐛᐱᒪᔨᒋ ᐊᓐᑕ ᐃᔅ ᙭ᑕ ᐊ ‍ ᑕᔨᒋ ᐃᔅᐱ ᐎ ᐅᑦ ᐊᐸᒐᐊᑭᓐ ᑲ ‍ ᒋᑎᓯᒧᔨᒋ ᒐᒋ ᐃᓯ ‍ ᑭᓄᐛᐱᒪᔨᒋ᙮
\c 1
\s1 ᐊ ‍ ᐛᒋᔭᒪᑭᓄᐅᑦ ᐸᐃᓕᒪᓐ
\s2 Philemon 1.1-21 (Proper-18 Year C)
\p
\v 1 ᓂᔾ ᑈᓪ ᑲ ‍ ᒥᓯᓇᐃᒐᔭᓐ᙮ ᑭᔭ ᑎᒧᑎ ᒋᐧᑲᓂᓯᓄᐤ ᑕᐤ ᐅᑕ᙮ ᑲᒪᑯᓄᐛᓯᐅᒋᐛᐱᒡ ᓂ ‍ ᑕᓐ ᐊᓄᒡ ᐊᓐ ᐅᒋ ᐊ ‍ ᐊᑐᔅᑯᐅᒃ ᒋᓴᔅ ᙭᙮
\p ᒋᔾ ᓂᐎᒐᐛᑭᓇᓐ ᐸᐃᓕᒪᓐ ᑲ ‍ ᒥᓯᓇᐊᒪᑕᓐ ᑭᔭ ᒋᔾ ᑲ ‍ ᐊᑐᔅᑯᐅᑦ ᒋᓴᔅ ᒧᔭᒻ ᓂᔭᓐ ᐊ ᐃᓯ ‍ ᐊᑐᔅᑯᐅᒋᒡ᙮
\v 2 ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᒋᒋᒡ ᑲ ‍ ᒪᒧᐤ ᐊᔭᒥᐊᒡ ᐊᐅᑯᓐᒡ ᑭᔭ ᒪᓯᓇᐊᒧᐅᒂᐤ᙮ ᒋᒥᓯᓄᐤ ᐊᐱᔭ ᑲ ‍ ᐃᓯᓂᐧᑲᓱᑦ ᑭᔭ ᐊᕐᑭᐸᔅ ᐊᐅᑯᓐᒡ ᑭᔭ ᒪᓯᓇᐊᒧᐅᒂᐤ᙮ ᑭᔭ ᐎᔾ ᐊᕐᑭᐸᔅ ᓱᒋᑲᐳᐤ ᐊ ‍ ᐊᑐᔅᑯᐛᑦ ᒋᓴᓴ ᒧᔭᒻ ᓂᔾ ᐊ ‍ ᐃᑐᐅᒡ᙮
\p
\v 3 ᓂᑦ ᐊᔭᒥᐊᐤ ᒋᓴᒪᓂᑐᐤ ᒍᑕᐎᓄᐤ ᑭᔭ ᐅᑎᐸᔨᒋᒐᐤ ᒋᓴᔅ ᒐᒋ ᒥᔪᑐᑎᒪᑕᑯᒡ ᑭᔭ ᒐᒋ ᒥᔨᑕᑯᒡ ᒐᒋ ᒋᔭᒪᔨᑎᒺᒄ᙮
\s1 ᐸᐃᓕᒪᓐ ᐅᓴᒋᐃᐛᐅᓐ ᑭᔭ ᐅᑕᑈᑎᒧᐅᓐ
\p
\v 4 ᓂᐧᑲᓂᔅ ᐸᐃᓕᒪᓐ ᒧᔅ ᒋ ‍ ᒋᔅᒋᓯᑐᑕᑎᓐ ᑕᑥᐤ ᐊ ‍ ᐊᔭᒥᐊᔭᓐ᙮ ᓂᓇᔅᑯᒪᐤ ᒪᒃ ᒋᓴᒪᓂᑐᐤ᙮
\v 5 ᒧᔅ ᓂ ‍ ᐸᑕᓐ ᐊᔅᐱᔅ ᓴᒋᐃᑥᐤ ᑲ ‍ ᑕᑈᑕᒡ᙮ ᓂ ‍ ᐸᑕᓐ ᑭᔭ ᑕᓐ ᐊ ᐃᓯ ‍ ᑕᑈᔭᔨᒥᑦ ᒋᑎᐸᔨᒋᒐᓯᒥᓄᐤ ᒋᓴᔅ᙮
\v 6 ᓂ ‍ ᓂᑐᑎᒪᓐ ᐊᓂᔭ ᐊ ᐊᑎ ‍ ᐊᔨᒧᑎᒧᒡ ᐊᐛᓐᒋ ᑕᓐ ᐊ ᐃᓯ ‍ ᑕᑈᑎᒥᓐ ᒐᒋ ᐎᒋᐃᐛᒥᑲᒡ ᐊᑐᐎᔅ ᒐᒋ ᐊᑎ ‍ ᒋᔅᒐᔨᑎᒥᓐ ᑕᓐ ᒐᒋ ᐃᓯ ‍ ᒥᔪᑐᑎᒪᑕᐧᒄ ᙭ ᒋᓴᔅ᙮
\v 7 ᓇᔅᒡ ᑕᑈ ᓂ ‍ ᒥᔽᔨᑕᓐ ᑭᔭ ᓇᔅᒡ ᓂ ‍ ᒥᔽᔨᒧᐃᑯᓐ ᐊ ‍ ᒋᔅᒐᔨᑎᒪᓐ ᐊ ᐃᓯ ‍ ᐊᔭᔨᓐ ᓴᒋᐃᐛᐅᓐ, ᓂᐧᑲᓂᔅ, ᐛᔅ ᒥᒐᑦ ᑲ ‍ ᑕᑈᑕᒡ ᒋ ‍ ᒥᔽᔨᒧᐃᑯᐅᒡ ᑕᓐ ᐊ ᐃᓯ ‍ ᐊᔭᔨᓐ ᓴᒋᐃᐛᐅᓐ᙮
\s1 ᑈᓪ ᑲ ‍ ᐊᔨᒧᒪᑦ ᐅᓂᓯᒪᓴ
\p
\v 8 ᐊᐅᒄ ᒪᒃ ᐛᒋ ᐎ ‍ ᑯᒂᒋᒥᑕᓐ ᒐᒂᓐ ᐊ ‍ ᒋᔅᒐᔨᒥᑕᓐ ᐊᔅᐱᔅ ᓴᒋᐃᑥᐤ ᐊᐛᓐᒋ᙮ ᐊᑈᔅᑕᓐ ᐊ ‍ ᑕᔭᓐ ᒋᐸ ᒋ ‍ ᐎᓱᐛᑎᑎᓐ ᑕᓐ ᒐ ‍ ᐃᑎᔨᓐ᙮
\v 9 ᒥᒄ ᒪᒃ ᓴᒋᐃᐛᐅᓐ ᓂ ‍ ᐃᑐᑕᑯᓐ ᐃᔭᐱᒡ ᒐᒋ ᑯᒂᒋᒥᑕᓐ᙮ ᓇᒪ ᒋᑭ ᐅᒋ ‍ ᐊᔨᐧᑭᒥᐃᑎᓐ ᐊ ‍ ᐎᑎᒪᑕᓐ ᑕᓐ ᒋᐸ ‍ ᐃᑎᓐ ᐊᑎ ᐊ ‍ ᒋᓴᐃᔪᔭᓐ ᑭᔭ ᑲᒪᑯᓄᐛᓯᐅᒋᐛᐱᒡ ᐊ ‍ ᑕᔭᓐ ᐊᒋ ‍ ᐊᔨᒧᒥᒃ ᒋᓴᔅ᙮
\v 10 ᒋ ᐎ ‍ ᑯᒂᒋᒥᑎᓐ ᒪᒃ ᒐᒋ ᐎᒋᐃᑦ ᐊᓐ ᐛᔅᑭᒡ ᒋᑦ ᐊᐱᒋᐊᑭᓐ ᐅᓂᓯᒪᔅ ᑲ ‍ ᐃᓯᓂᐧᑲᓱᑦ᙮ ᐛᔅ ᒧᔭᒻ ᑎᐱᔨᐛ ᓂᑯᔅ ᓂᑦ ᐃᑕᔨᒪᐤ ᓂᔾ ᐊᒋ ‍ ᐊᔨᒧᑎᒧᒃ ᒥᔽᒋᒧᐅᓂᔪᐤ ᐃᔅᐱ ᒐ ‍ ᑕᑈᔭᔨᒪᑦ ᒋᓴᓴ᙮ ᐅᑕ ᑲᒪᑯᓄᐛᓯᐅᒋᐛᐱᒡ ᐊ ‍ ᑕᔭᓐ ᐊᑯᑕ ᑲ ‍ ᐱᒪᒋᐅᑦ᙮
\v 11 ᑕᑈ ᑭᑈ ᓇᒪ ᒐᒂᔪᐤ ᒋ ᐅᒋ ‍ ᐃᑕᐱᒋᐊᐤ ᐊᓐᑕ ᐅᑕᒡ᙮ ᐊᓄᒡ ᒪᒃ ᑕᐱᔅᑯᓐ ᑕᑈ ᒋᑭ ᒥᔪ ‍ ᐊᐱᒋᐊᓄᐤ᙮
\p
\v 12 ᐊᑯ ᒪᒃ ᑲᐤ ᐊ ‍ ᐃᑎᓴᐅᒃ ᐊᓐᑕ ᐊ ‍ ᑕᐅᑦ᙮ ᒥᒄ ᒪᒃ ᐎ ᒋᔅᒐᔨᑕ ᓇᔅᒡ ᐊ ‍ ᒥᒐᔨᑎᒪᓐ ᐊ ‍ ᐱᔅᑎᓂᒃ᙮
\v 13 ᓂᐸ ‍ ᒥᔽᔨᑕᓐ ᑭᑈ ᐅᑕ ᒋ ‍ ᑭᓄᐛᔨᒪᐅᒋᐱᓇ᙮ ᐊᑯ ᒪᒃ ᒧᔭᒻ ᒋᔾ ᐸᐃᓕᒪᓐ ᐊ ‍ ᐎᒋᐃᔨᓐ ᒋᐸ ‍ ᐃᓯᓇᑯᓐ ᐅᑕ ᒋ ‍ ᐃᑕᑯᐱᓇ ᐅᓂᓯᒪᔅ ᒪᒂᒡ ᑲᒪᑯᓄᐛᓯᐅᒋᐛᐱᒡ ᐊ ‍ ᑕᐅᒡ ᒥᔽᒋᒧᐅᓐ ᐅᒡ᙮
\v 14 ᒥᒄ ᒪᒃ ᓇᒪ ᓂ ᐅᒋ ᐎ ‍ ᑭᓄᐛᔨᒪᐤ ᐊᑲ ᐊᔅᒄ ᐅᒋ ᓂᔅᑯᒧᔨᓐ᙮ ᓂᐸ ‍ ᒥᔽᔨᑕᓐ ᒋᔾ ᑎᐱᔨᐛ ᐛᑕᔨᑎᒥᓐ ᑕᓐ ᒐ ‍ ᐃᑎᓱᐛᑎᑦ ᐅᓂᓯᒪᔅ, ᓇᒪ ᒋ ᐎ ‍ ᐊᔨᐧᑭᒥᐃᑎᓐ᙮
\p
\v 15 ᒂᔄᓐ ᐊᔪᐅᒄ ᐅᔭ ᐛᒋ ‍ ᐱᔅᑎᓂᑯᑦ ᐅᓂᓯᒪᔅ ᒋᓴᒪᓂᑐᐛ ᒐᒋ ᓂᑭᑎᔅᒃ ᐊᔅᒄ ᐊᓐᑕ ᐸᑎᒪ ᒧᔅ ᒐᒋ ᑕᑦ ᐊᓐᑕ ᐊ ‍ ᑕᐅᑦ᙮
\v 16 ᑕᐸ ᐊᑯ ᐊᐱᒋᐊᑭᓐ ᒋᑭ ᐅᒋ ᐃᓯ ‍ ᑭᓄᐛᐱᒪᑭᓄᐤ᙮ ᐃᐛᒃ ᒋᔅᑕᔨᑕᑯᓱᐤ ᐃᔅᐱᔅ ᐊᐱᒋᐊᑭᓇ᙮ ᒧᔭᒻ ᑎᐱᔨᐛ ᒋᐧᑲᓂᓯᓄᐤ ᒋᑭ ᐃᓯ ‍ ᑭᓄᐛᐱᒪᓄᐤ᙮ ᐊᔪᐅᒄ ᐛᔅ ᑭᑈ ᓂᔾ ᐊ ᐃᓯ ‍ ᑭᓄᐛᐱᒥᒃ᙮ ᐊᐅᑯᓐ ᒪᒃ ᒧᔭᒻ ᑭᔭ ᒋᔾ ᒐ ᐃᓯ ‍ ᑭᓄᐛᐱᒥᑦ, ᒧᔭᒻ ᑎᐱᔨᐛ ᒋᐧᑲᓂᔅ ᑭᔭ ᐅᑎᐸᔨᒋᒐᐤ ᐅᑦ ᐊᐱᒋᐊᑭᓇ᙮
\p
\v 17 ᑕᑈ ᓂᐎᒐᐛᑭᓐ ᐊ ‍ ᐃᑕᔨᒧᐅᓇ ᒥᒄ ᐃᓯ ᐱᑎᑲᐃ ᒧᔭᒻ ᓂᔾ ᒋᐸ ‍ ᐃᑐᑐᐅᓐ ᓂᑐᐛᐱᒥᑕᓐ᙮
\v 18 ᒧᔭᒻ ᐊ ‍ ᑎᑯᓂᔨᒂ ᑕᓐ ᑲ ᐃᓯ ‍ ᒥᒋᐱᔨᐃᔅᒃ ᒪᒃ ᐊ ‍ ᑎᑯᓂᔨᒂ ᐊ ᐃᓯ ‍ ᒥᓯᓇᐊᒪᔅᒃ ᓂᔾ ᓂᑭ ‍ ᒥᔪᐱᔨᑕᓐ᙮
\v 19 ᐊᑯ ᒪᒃ ᓂᔾ ᑎᐱᔨᐛ ᐊ ‍ ᐃᑎᓯᓇᐃᒐᔭᓐ, ᓂᔾ ᑈᓪ, ᒋᑭ ‍ ᐱᑯᒥᓯᓇᐊᒪᑎᓐ᙮ ᓇᒪ ᒋᐸ ᐅᒋ ‍ ᓂᑐᐛᔨᑕᑯᓐ ᒐᒋ ᒋᔅᒋᓱᒥᑕᓐ ᐊ ‍ ᒥᓯᓇᐊᒧᔨᓐ ᒋᔾ ᑎᐱᔨᐛ ᒋᐱᒪᑎᓯᐅᓐ᙮
\v 20 ᐊᑯ ᒪᒃ ᐊ ‍ ᓴᒋᐃᑦ ᐅᑎᐸᔨᒋᒐᐤ, ᓂᐧᑲᓂᔅ, ᒋ ‍ ᐱᑯᓴᔨᒥᑎᓐ ᒐᒋ ᐃᑐᑎᒥᓐ ᐅ ᑲ ᐃᓯ ‍ ᑯᒂᒋᒥᑕᓐ ᒐᒋ ᐃᑎᔨᓐ᙮ ᓇᔅᒡ ᒋᑭ ‍ ᒥᔽᔨᑎᒥᐃᓐ ᐃᑐᑎᒥᓇ ᑕᓐ ᑲ ᐃᓯ ‍ ᑯᒂᒋᒥᑕᓐ᙮
\p
\v 21 ᓂ ‍ ᒐᔅᑎᓇᐅᓐ ᒪᒃ ᑕᑈ ᒐ ‍ ᐃᑐᑎᒥᓐ ᒥᓯᐛ ᐅ ᑲ ᐃᓯ ‍ ᐊᔨᒧᑎᒪᑕᓐ ᒐᒋ ᐃᑎᔨᓐ᙮ ᓂ ‍ ᒐᔅᑎᓇᐅᓐ ᑭᔭ ᐊᔪᐛᒃ ᐃᔭᐱᒡ ᒐ ‍ ᐃᑐᑎᒥᓐ᙮
\p
\v 22 ᒥᓐ ᑯᑎᒡ ᒐᒂᓐ ᑲ ᐎ ‍ ᑯᒂᒋᒥᑕᓐ ᒐᒋ ᐃᑐᑎᒧᔨᓐ᙮ ᒋᐸ ᒋ ‍ ᐊᔭᔅᑯᔅᑎᒧᐅᓐ ᐸᐃᒄ ᑲᐱᔅᒋᒐᔭᒡ ᐊᓐᑕ ᒋᒋᒡ᙮ ᐛᔅ ᓂ ‍ ᐱᑯᓴᔨᒪᐤ ᒋᓴᒪᓂᑐᐤ ᒐᒋ ᓇᐃᐱᔨᑐᐅᑦ ᐎᐱᒡ ᒐᒋ ᓂᑐᐛᐱᒥᑎᑯᒡ ᒧᔭᒻ ᐊ ᐃᓯ ‍ ᓂᑐᑎᒧᐛᒄ᙮
\s1 ᐛᒋᔭᒧᐛᐅᓐ
\p
\v 23 ᒋ ‍ ᐎᒐᐛᑭᓄᐤ ᐊᐸᑉᕋᔅ ᑭᔭ ᐎᔾ ᑕᐤ ᐅᑕ ᑲᒪᑯᓄᐛᓯᐅᒋᐛᐱᒡ ᐊᓂᔭ ᐅᒋ ᐊᒋ ‍ ᐊᔨᒧᒪᑦ ᒋᓴᓴ᙮ ᒋ ‍ ᐛᒋᔭᒥᑯᐛᐤ ᑭᔭ ᐎᔾ᙮
\v 24 ᒋ ‍ ᐛᒋᔭᒥᑯᐛᐅᒡ ᑭᔭ ᒪᕐᒃ, ᐊᕆᔅᑕᕐᑲᔅ, ᑎᒪᔅ ᑭᔭ ᓗᒃ᙮ ᑭᔭ ᐎᔨᐛᐤ ᐅᒡ ᐊᑐᔅᑯᐛᐅᒡ ᐅᑎᐸᔨᒋᒐᐛ᙮
\p
\v 25 ᓂ ‍ ᓂᑐᑎᒪᓐ ᐅᑎᐸᔨᒋᒐᐤ ᒋᓴᔅ ᙭ ᒥᓯᐛ ᒐᒋ ᓱᐛᔨᒥᑕᒄ᙮ ᐊᒥᓐ᙮
\id HEB Adapted from ECree-S to Naskapi, 26 Feb 2003; Typeset export from CBS 8 May 2007
\h ᐃᑉᕈᐛ
\toc3 ᐃᑉᕈᐛ
\toc2 ᐃᑉᕈᐛ
\toc1 ᐃᑉᕈᐛ ᑲ ‍ ᒥᓯᓇᐊᒧᐛᑭᓄᐎᒡ ᐃᑉᕈᐤ ᑲ ‍ ᐃᑎᔅᑲᓇᓯᒡ ᐃᔪᒡ
\mt1 ᐃᑉᕈᐛ
\mt2 ᑲ ‍ ᒥᓯᓇᐊᒧᐛᑭᓄᐎᒡ ᐃᑉᕈᐤ ᑲ ‍ ᐃᑎᔅᑲᓇᓯᒡ ᐃᔪᒡ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐅ ᒪᒂᒡ ᒥᓯᓇᐊᒪᒐᐅᓐ ᑲ ‍ ᒥᓯᓇᐃᑭᓄᐅᒡ, ᐊᓐᒡ ᑲ ‍ ᑕᑈᑕᒡ ᒋ ‍ ᓂᓇᐧᑲᒋᐊᑭᓄᐎᒡ ᑭᔭ ᒋ ‍ ᓂᐸᐊᑭᓄᐎᒡ ᐊᓂᔭ ᐅᒋ ᐊ ‍ ᑕᑈᔭᔨᒪᒡ ᒋᓴᓴ᙮ ᐱᔅᒐ ᐊᓐᒡ ᒍᐤ ᐃᔪᒡ ᑲ ‍ ᑕᑈᑕᒡ ᒋ ‍ ᑯᒂᑕᔨᑎᒧᒡ ᒐᒋ ᐳᓂᒡ ᐊ ‍ ᑕᑈᔭᔨᒪᒡ ᒋᓴᓴ ᑭᔭ ᒥᓐ ᒐᒋ ᒋᐛᓇᑕᒡ ᐊᓂᔭ ᒍᐤ ᐃᔪᐛ ᐊ ᐃᓯ ‍ ᑕᑈᑎᒥᔨᒋ᙮ ᐅ ᒥᓯᓇᐊᒪᒐᐅᓐ ᐃᑉᕈᐤ ᑲ ‍ ᐃᓯᓂᐧᑲᑕᒡ ᒋ ‍ ᒥᓯᓇᐃᑭᓄᐤ ᒐᒋ ᒋᔅᑯᑎᒧᐛᑭᓄᐎᒡ ᐊᓐᒡ ᒍᐤ ᐃᔪᒡ ᑲ ‍ ᑕᑈᑕᒡ ᐅᔅᑕ ᐊ ‍ ᐃᑕᔨᑕᑯᓂᔨᒡ ᐊ ‍ ᑕᑈᔭᔨᒪᑭᓄᔨᒋ ᒋᓴᓴ ᐃᔅᐱᔅ ᐎ ᐊᓂᔭ ᒍᐤ ᐃᔪᐛ ᑲ ᐃᓯ ‍ ᑕᑈᑎᒥᔨᒋ᙮ ᓄᑯᓂᔪᐤ ᐎᔾ ᒋᓴᔅ ᓇᔅᒡ ᐊᒋ ‍ ᒋᔅᑕᑦ ᐊᓂᔭ ᒍᐤ ᑕᑈᑎᒧᐅᓂᔪᐤ ᐃᔅᐱ ᑲ ‍ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ ᒥᒋᑥᐅᓂᒡ ᐅᒡ᙮ ᐃᔅᐱ ᒪᒃ ᑲ ‍ ᓂᐱᑦ, ᓇᒪ ᐅᒋ ᓂᑐᐛᔨᑕᑯᓐ ᓴᔅ ᐊᓂᔭ ᐛᔅᑭᒡ ᓂᔅᑯᒧᐅ ᒥᓯᓇᐃᑭᓂᒡ ᑲ ᐃᓯ ‍ ᐊᔨᒧᑕᒋ ᒥᑐᔅᑕᐊᒪᒐᐅᓇ᙮ ᐸᐃᑯᓴᑉ ᐱᔅᒋᑎᓯᓇᐃᑭᓐ ᐅᑕ ᐅ ᒥᓯᓇᐃᑭᓐ ᐊᑯᑕ ᐊ ‍ ᐊᔨᒧᒪᑭᓄᐎᒡ ᐊᓐᒡ ᐊᐛᓐᒋ ᑲ ‍ ᐊᔭᒡ ᑕᑈᑎᒧᐅᓂᔪᐤ ᐊᓐᑕ ᐛᔅᑭᒡ ᓂᔅᑯᒧᐅ ᒥᓯᓇᐃᑭᓂᒡ᙮ ᐊᑯᑕ ᒪᒃ ᒐᒋ ᐅᒋ ‍ ᒋᔅᑯᑎᒧᐛᑭᓄᐎᒡ ᑲ ‍ ᑕᑈᑕᒡ ᑕᓐ ᒋᐸ ᐃᓯ ‍ ᑕᑈᑎᒧᒡ ᑭᔭ ᓇᔅᒡ ᒐᒋ ᑕᑈᔭᔨᒪᒡ ᒋᓴᒪᓂᑐᐛ᙮
\c 1
\s1 ᑕᓐ ᑲ ᐃᓯ ᐸᒋ ‍ ᐃᔨᒥᐃᑕᐧᒃ ᒋᓴᒪᓂᑐᐤ ᐅᑯᓴ ᐅᒋ
\s2 Hebrews 1.1-4; 2.5-12 (Proper-22 Year B)
\p
\v 1 ᐊᓐᑕ ᐛᔅᑭᒡ ᒋᓴᒪᓂᑐᐤ ᒥᒐᑥᐤ ᒋ ‍ ᐃᔨᒪᐊᐤ ᐊᓂᔭᐧᑲ ᐊᓂᔅᒐ ᒍᑕᐎᓄᐛ᙮ ᒋ ‍ ᐊᐱᒋᐊᐤ ᐊᓂᔭ ᐅᒋᔅᒋᐛᐃᒐᓱᐛ ᓂᓇᐧᑯᐤ ᒐᒋ ᐃᓯ ‍ ᐎᑎᒥᔨᒋ ᑕᓐ ᑲ ᐸᒋ ‍ ᐃᔅᒋᔄᑦ᙮
\v 2 ᐊᓄᒡ ᒪᒃ, ᐅᔭ ᒪᔅᑕᔾ ᐊ ‍ ᒋᓯᑲᔨᒋ ᐅᑯᓴ ᐅᒋ ᐊᑯᑕ ᐛᒋ ‍ ᐃᔨᒥᐃᑕᐧᒄ᙮ ᐊᐅᒄ ᐅᔭ ᐅᑯᓴ ᒋᓴᒪᓂᑐᐤ ᑲ ‍ ᐊᐱᒋᐊᑦ ᒥᓯᐛ ᒐᒂᔪᐤ ᑲ ‍ ᐅᓯᑕᑦ ᑭᔭ ᐊᐅᒄ ᐅᔭ ᑲ ‍ ᐅᑎᓇᑦ ᒥᓯᐛ ᒐᒂᔪᐤ ᒐ ᐃᓯ ‍ ᒥᔭᑦ᙮
\v 3 ᐊᓐ ᐅᑯᓯᓯᒪᐤ ᐊ ‍ ᑕᑦ ᐊᑯᑕ ᐛᒋ ‍ ᒋᔅᒐᔨᑕᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᑭᔭ ᐅᑯᓯᓯᒪᐤ ᓇᔅᒡ ᓂᔅᐱᑐᐛᐤ ᑕᓐ ᐊ ‍ ᐃᑕᔨᑕᑯᓯᔨᒋ᙮ ᐎᔾ ᐅᑯᓯᓯᒪᐤ ᐅᒋᒪᐧᑲᑎᒻ ᐊᔅᒋᔪᐤ ᑭᔭ ᒥᓯᐛ ᒐᒂᔪᐤ ᐃᔅᐱᒥᒡ ᐊ ‍ ᑎᑯᓂᔨᒡ᙮ ᐅᑦ ᐃᔨᒧᐅᓐ ᑲ ‍ ᓱᒐᔨᑕᑯᓂᔨᒡ ᐅᒋ ᐅᒋᒪᐧᑲᑎᒻ ᒥᓯᐛ ᐅᔭ᙮ ᒋ ‍ ᐱᔅᑕᔨᒥᑎᓱᐤ ᒐᒋ ᓂᐸᐊᑭᓄᐅᑦ ᒐᒋ ᐅᒋ ‍ ᐸᔭᒋᐊᑭᓄᔨᒋ ᐊᐛᔪᐛ ᐊ ‍ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮ ᐃᔅᐱ ᑲ ‍ ᒋᔅᑕᑦ ᐅᔭ ᑲ ᐃᓯ ‍ ᐱᔅᑕᔨᒥᑎᓱᑦ ᐊᑯ ᒂ ‍ ᐅᑎᓇᑭᓄᐅᑦ ᐊᓐᑕ ᐅᒥᔪᓂᔨᒡ ᒋᓴᒪᓂᑐᐛ ᐊ ‍ ᑕᔨᒋ ᐊᓂᔭ ᒪᐅᒡ ᐊ ‍ ᐃᔅᐸᔨᑕᑯᓯᔨᒋ ᒋᒋᒋᓯᑯᒡ᙮
\s1 ᒋᓴᒪᓂᑐᐤ ᐅᑯᓴ ᐊᑐᐎᔅ ᒋᔅᑕᔨᑕᑯᓯᔪᐛ ᐃᔅᐱᔅ ᐎ ᐊᓐᒋᓇ
\p
\v 4 ᐊᐅᒄ ᒪᒃ ᐊᓂᔭ ᐛᒋ ᐎᔾ ᐊᑐᐎᔅ ᒋᔅᑕᔨᑕᑯᓯᑦ ᐅᑯᓯᓯᒪᐤ ᐃᔅᐱᔅ ᐎ ᐊᓐᒋᓇ᙮ ᒋᓴᒪᓂᑐᐛ ᒋ ‍ ᒥᔨᑯᐤ ᐅᔭ ᒐᒋ ᐃᔅᐱᔅ ᒋᔅᑕᔨᑕᑯᓯᑦ᙮ ᐊᓂᔭ ᒪᒃ ᐊ ‍ ᐃᓯᓂᐧᑲᑕᑭᓄᐅᑦ ᒋᓴᒪᓂᑐᐤ ᐅᑯᓴ ᐊᑯᑕ ᐛᒋ ‍ ᓄᑯᓂᔨᒡ ᑕᑈ ᐎᔾ ᐊᑐᐎᔅ ᐊ ‍ ᒋᔅᑕᔨᑕᑯᓯᑦ ᐃᔅᐱᔅ ᐎ ᐊᓐᒋᓇ᙮
\v 5 ᒋᓴᒪᓂᑐᐤ ᓇᒪ ᓂᑕ ᐅᒋ ᐃᑕᐤ ᐊᓐᒋᓇ ᐊ ‍ ᐃᔨᒪᐊᑦ,
\q “ᒋᔾ ᓂᑯᔅ, ᐊᓄᒡ ᐅ ᑲ ‍ ᒋᓯᑲᒡ ᓂᔾ ᒍᑕᐎᑐᑕᐅᓐ᙮”
\m ᑭᔭ ᓇᒪ ᓂᑕ ᐅᒋ ᐃᑕᐤ ᐊᓐᒋᓇ ᐊ ‍ ᐊᔨᒧᒪᑦ,
\q “ᓂᔾ ᓂᑭ ‍ ᐅᑕᐎᑐᑕᒄ ᑭᔭ ᐎᔾ ᒐ ‍ ᐅᑯᓯᔭᓐ᙮”
\m
\v 6 ᐃᔅᐱ ᑲ ᐸᒋ ‍ ᐃᑎᓴᐛᑦ ᒋᓴᒪᓂᑐᐤ ᐅᓂᔅᑎᒧᓴᓇ ᐅᑕ ᐊᔅᒋᒡ, ᒋ ‍ ᐃᔅᒋᔄᐤ,
\q “ᒥᓯᐛ ᒋᓴᒪᓂᑐᐛ ᐅᑦ ᐊᓐᒋᓂᒥᔪᐛ ᒋᑭ ‍ ᐊᔭᒥᐊᔅᑕᑯᐤ᙮”
\m
\v 7 ᒋᓴᒪᓂᑐᐤ ᑲ ‍ ᐊᔨᒧᒪᑦ ᐊᓐᒋᓇ, ᒋ ‍ ᐃᔅᒋᔄᐤ,
\q “ᓂ ‍ ᐃᑐᑐᐛᐅᒡ ᓂᑦ ᐊᐱᒋᐊᑭᓐᒡ ᐊᓐᒋᓐᒡ ᒧᔭᒻ ᐊ ‍ ᔪᑎᒡ ᑭᔭ ᒧᔭᒻ ᐃᔅᑯᑕᒡ ᒐᒋ ᐃᑕᔨᑕᑯᓯᒡ᙮”
\m
\v 8 ᐅᑯᓯᓯᒪᐛ ᒪᒃ ᐊ ‍ ᐊᔨᒧᒪᑦ ᒋ ‍ ᐃᔅᒋᔄᐤ,
\q “ᒋᔾ ᒋᓴᒪᓂᑐᐤ, ᒋᐅᒋᒪᐅᓐ ᑲᒋᒡ ᒋᑭ ‍ ᑎᑯᓐ, ᑯᐃᔅᒄ ᒋᑦ ᐃᑎᓐ ᐊ ‍ ᐅᒋᒪᐎᔨᓐ ᐊᓐᑕ ᒋᐅᒋᒪᐅᓂᒡ᙮
\q
\v 9 ᔅᒋ ‍ ᓴᒋᑕᓐ ᑯᐃᔅᑯᑕᑎᓯᐅᓐ ᐊᑯ ᒥᒐᑎᓯᐅᓐ ᔅᒋ ‍ ᐛᐧᑲᑕᓐ᙮ ᐊᐅᒄ ᒪᒃ ᐛᒋ ‍ ᐎᔭᐱᒥᑕᓐ ᓂᔾ ᒋᒋᓴᒪᓂᑐᒻ, ᑭᔭ ᑲ ‍ ᒋᔅᑕᔨᑕᑯᐃᑕᓐ ᐊ ‍ ᑐᒥᔅᑯᓂᑕᓐ ᒐᒋ ᐃᔭᔨᓐ ᒧᒋᒐᔨᑎᒧᐅᓐ᙮ ᒋᔾ ᒪᐅᒡ ᒋ ‍ ᒋᔅᑕᔨᑕᑯᐃᑎᓐ ᐃᔅᐱᔅ ᐎ ᒋᐎᒐᐛᑭᓂᒡ᙮”
\m
\v 10 ᒋᓴᒪᓂᑐᐤ ᑭᔭ ᒥᓐ ᒋ ‍ ᐃᑕᐤ ᐅᑯᓴ,
\q “ᒋᔾ, ᐅᑎᐸᔨᒋᒐᐤ, ᑲ ‍ ᐅᓯᑕᔨᓐ ᐊᔅᒋᔾ ᐊᓐᑕ ᐸᒋ ‍ ᐛᔅᑭᒡ, ᔅᒋ ‍ ᐅᓯᑕᓐ ᐊᔅᒋᔾ ᐊᔅᒄ ᐊᑲ ᐛᐛᒡ ᐅᒋ ᑎᒂᒡ ᒐᒂᓐ ᑭᔭ ᒋᔾ ᒋᑎᒋᒡ ᔅᒋ ᐅᒋ ‍ ᐅᓯᑕᓐ ᒋᒋᒋᓯᒄ᙮
\q
\v 11 ᐅᔭ ᒪᒃ ᑲ ᐃᓯ ‍ ᐅᓯᑕᔨᓐ ᐊᔅᒄ ᐸᐃᒂᐤ ᐊ ‍ ᒋᓯᑲᒡ ᒋᑭ ‍ ᐃᔎᐱᔪᐛ ᒥᒄ ᒪᒃ ᒋᔾ ᑲᒋᒡ ᒋᑭ ‍ ᑕᓐ᙮ ᒋᒋᒋᓯᒄ ᑭᔭ ᐊᔅᒋᔾ ᒋᑭ ᐊᑎ ‍ ᐛᔅᑲᒍᐅᓇ ᒧᔭᒻ ᐊᐱᒋᑕᐅᓐ ᐊ ‍ ᒪᔅᑕᔅᑲᑭᓄᐅᒡ᙮
\q
\v 12 ᐊᔅᒄ ᐸᐃᒂᐤ ᐊ ‍ ᒋᓯᑲᒡ ᒋᑭ ‍ ᒂᔅᒋᓇᑯᑕᓐ ᒋᒋᒋᓯᒄ ᑭᔭ ᐊᔅᒋᔾ᙮ ᒧᔭᒻ ᐊᑯᐱᔅᒋᔅ ᐊ ‍ ᓄᑎᒪᒋᓂᑭᓄᐅᒡ ᐊᐅᑯᓐ ᒐ ‍ ᐃᑐᑎᒥᓐ᙮ ᒥᒄ ᒪᒃ ᒋᔾ ᒧᔅ ᐸᐃᑯᓄᒡ ᒋᑭ ‍ ᐃᑕᔨᑕᑯᓯᓐ, ᓇᒪ ᓂᑕ ᒋᑭ ᐅᒋ ‍ ᐃᔎᐱᔪᐤ ᒋᐱᒪᑎᓯᐅᓐ᙮”
\m
\v 13 ᓇᒪ ᒪᒃ ᓂᑕ ᐅᒋ ᐃᑕᐤ ᒋᓴᒪᓂᑐᐤ ᐊᓐᒋᓇ ᑕᓐ ᑲ ‍ ᐃᑕᑦ ᐅᑯᓴ᙮ ᒋ ‍ ᐃᑕᐤ ᐅᑯᓴ,
\q “ᐊᔅᑎᒻ ᐸᒋ ‍ ᐊᐱᔾ ᐅᑕ ᓂᒥᔪᐅᓂᒡ᙮ ᓂᑭ ‍ ᓴᐧᑯᒋᐊᐅᒡ ᐊᓐᒡ ᑲ ‍ ᐛᐧᑲᑎᔅᒡ᙮ ᓂᑭ ‍ ᐃᑐᑐᐛᐅᒡ ᒐᒋ ᐱᔅᑕᔨᒧᑎᓱᔅᑕᔅᒡ᙮”
\m
\v 14 ᐊᓐᒋᓐᒡ ᒥᒄ ᐊᒐᐧᑯᐎᒡ᙮ ᒋᓴᒪᓂᑐᐛ ᐃᑎᓴᐅᑯᒡ ᒐᒋ ᐛᐎᒋᐊᒡ ᐊᓂᔭ ᒐ ‍ ᐱᒪᒋᐊᑭᓄᔨᒋ᙮
\c 2
\s1 ᒋᓴᒪᓂᑐᐤ ᑲ ‍ ᐎᑕᐧᒃ ᑕᓐᑕ ᒐᒋ ᐅᒋ ‍ ᐱᒪᒋᐅᓇᓄᐎᒡ
\p
\v 1 ᐊᐅᒄ ᒪᒃ ᐊᓐ ᐛᒋ ‍ ᐃᑕᔨᑕᒂᒡ ᐊᑐᐎᔅ ᒐᒋ ᒥᒪᒋᑯᓂᒪᐧᒄ ᐊᓐ ᑕᑈᐅᓐ ᑲ ᐃᓯ ‍ ᐸᑎᒪᐧᒄ ᒐ ᐊᑲ ᒋ ᒋᐛᑲᐳᐅᔭᐧᒄ᙮
\v 2 ᐊᓐᑕ ᐛᔅᑭᒡ ᐊᓂᔭᔪᐤ ᑎᐸᒋᒧᐅᓂᔪᐤ ᑲᒋ ᐸᒋ ‍ ᐎᑕᒡ ᐊᓐᒋᓐᒡ ᒋ ‍ ᑕᑈᒥᑭᓂᔪᐤ᙮ ᐊᓐᒡ ᒪᒃ ᐊᐛᓐᒋ ᐊᑲ ᐅᒋ ᐊᐱᓯᑕᒡ ᒪᒃ ᐊᑲ ᐅᒋ ᓂᓇᐃᑕᒡ, ᒋ ‍ ᐛᐛᓯᐊᑭᓄᐅᒡ ᑕᓐ ᑲ ᐃᓯ ‍ ᒋᔅᑕᔨᑕᑯᓂᔨᒡ ᒐᒋ ᐃᑐᑐᐛᑭᓄᐛᑯᐱᓇ᙮
\v 3 ᒋᔭᓄᐤ ᒪᒃ ᒧᔭᒻ ᐊᑲ ᐊᐱᑕᔨᑎᒪᒂ ᐊᓐ ᐱᒪᒋᐃᐛᐅᓐ ᐛ ᐃᓯ ‍ ᒥᔨᐛᑦ ᒋᓴᒪᓂᑐᐤ ᒋᔭᓄᐤ ᑭᔭ ᒋᑭ ‍ ᐛᐛᓯᐃᑯᓇᓄᐤ᙮ ᑕᐸ ᒋᑭ ᒋ ‍ ᒋᑎᓯᒧᓇᓄᐤ ᐃᔅᐱ ᐎ ᐛᐛᓯᐃᑯᐅᔭᒂ᙮ ᐎᔾ ᓂᔅᑎᒻ ᐅᑎᐸᔨᒋᒐᐤ ᒋᓴᔅ ᔅᒋ ‍ ᐎᑎᒪᑭᓄᐤ ᑕᓐᑕ ᒐᒋ ᐅᒋ ‍ ᐱᒪᒋᐅᔭᐧᒄ, ᓇᒪ ᒥᒄ ᐊᓐᒋᓐᒡ ᒋ ᐅᒋ ‍ ᐎᑎᒪᑭᓄᐅᒡ᙮ ᓇᓇᒐ ᒪᒃ ᑯᑎᑭᒡ ᐊᐛᓐᒋ ᔅᒋ ‍ ᐛᐸᑎᔨᑯᓄᐅᒡ ᐊ ‍ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ, ᐛᔅ ᐎᔨᐛᐤ ᐛᒋᒡ ᒋ ‍ ᐸᑐᐛᐅᒡ ᑕᓐ ᑲ ‍ ᐃᔅᒋᔄᔨᒋ ᒋᓴᓴ᙮
\v 4 ᒋᓴᒪᓂᑐᐤ ᒪᒃ ᑭᔭ ᐎᔾ ᔅᒋ ‍ ᐛᐸᑎᔨᑯᓄᐤ ᐊ ‍ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ ᐊ ‍ ᒪᒥᔅᑲᒡ ᐃᑎᑦ ᑭᔭ ᒪᒥᔅᑲᒡ ᐛᐸᑎᔨᐛᐅᓇ ᐊ ‍ ᐛᐸᑎᔨᐛᑦ ᑭᔭ ᓂᓇᐧᑯᐤ ᐊ ᐃᓯ ‍ ᒪᒥᔅᑲᒡ ᐃᑐᑎᒪᒐᑦ᙮ ᑭᔭ ᒋ ‍ ᐃᑐᑐᐛᐤ ᑲ ‍ ᐸᔭᒋᓯᔨᒋ ᐊᒐᒂ ᒐᒋ ᒥᔭᔨᒋ ᐊᐛᔪᐛ ᓂᓇᐧᑯᐤ ᑭᔅᒋᐅᓇ, ᑕᓐ ᐊᓂᔭᔪᐛ ᐎᔾ ᒋᓴᒪᓂᑐᐤ ᐊ ‍ ᐃᑕᔨᑎᒥᐃᑯᑦ ᒐ ᐃᓯ ‍ ᒥᔨᐛᑦ᙮
\s1 ᙭ ᐊᐅᒄ ᒐᒋ ᐱᒪᒋᐃᑕᐧᒄ ᓇᒪ ᐎ ᐊᓐᒋᓐᒡ
\s2 Hebrews 1.1-4; 2.5-12 (Proper-22 Year B)
\p
\v 5 ᒥᓯᐛ ᒐᒂᔪᐛ ᑲ ‍ ᐊᔨᒧᑎᒪᓐ ᒐ ‍ ᐅᑎᒋᐱᔨᒋ ᓇᒪ ᐎ ᐊᓐᒋᓐᒡ ᒋᑭ ᐅᒋ ‍ ᐅᒋᒪᐧᑲᑎᒧᒡ᙮
\v 6 ᔅᒋ ‍ ᒥᔨᑯᓇᓄᐤ ᒐᒋ ᒐᔅᑎᓇᑕᔨᑎᒪᐧᒄ ᐅ ᐛᔅ ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q “ᑕᓐ ᐊ ‍ ᐃᓯᓇᑯᓯᑦ ᐃᔪᐤ ᐛᒋ ‍ ᓇᔅᒡ ᒋᒋᐛ ᐃᑕᔨᒥᑦ, ᒥᒄ ᐃᔪᐤ ᐅᑯᓯᓴᓐ ᐊᓐ, ᐃᔭᐱᒡ ᒪᒃ ᓇᔅᒡ ᒋ ᒥᔪ ‍ ᑭᓄᐛᔨᒪᐤ ?
\q
\v 7 ᐛᐃᐱᔅᒋᔅ ᔅᒋ ‍ ᐃᑐᑐᐛᐤ ᐊᑐᐎᔅ ᒐᒋ ᑎᐱᑕᔨᑕᑯᓯᑦ ᐊ ‍ ᐃᑕᔨᑕᑯᓯᔨᒋ ᐊᓐᒋᓇ᙮ ᑭᔭ ᐃᔭᐱᒡ ᔅᒋ ‍ ᐃᑐᑐᐛᐤ ᒐᒋ ᒋᔅᑕᔨᑕᑯᓯᑦ᙮
\q
\v 8 ᔅᒋ ‍ ᒥᔭᐤ ᒐᒋ ᐅᒋᒪᐧᑲᑕᐧᒃ ᒥᓯᐛ ᒐᒂᔪᐤ᙮”
\m ᐊᐅᒄ ᐅ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮ ᔅᒋ ‍ ᐎᑎᒪᑭᓄᐤ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒥᓯᐛ ᒐᒂᔪᐤ ᐊᒋ ‍ ᒥᔨᑕᐧᒄ ᒐᒋ ᐅᒋᒪᐧᑲᑎᒪᐧᒄ᙮ ᓇᒪ ᑎᑯᓐ ᒐᒂᓐ ᒐ ᐊᑲ ᒋ ᐅᒋᒪᐧᑲᑎᒪᐧᒄ᙮ ᐊᓄᒡ ᒪᒃ ᐊᔅᒄ ᓇᒪ ᒋ ‍ ᐛᐸᑕᓇᓄᐤ ᒥᓯᐛ ᒐᒂᓐ ᒐᒋ ᐅᒋᒪᐧᑲᑎᒪᐧᒄ ᒋᔭᓄᐤ ᑲ ‍ ᐃᔪᐎᔭᐧᒄ ᐅᑕ ᐊᔅᒋᒡ᙮
\v 9 ᒥᒄ ᒪᒃ ᒋ ‍ ᒋᔅᒐᔨᒪᓄᐤ ᐎᔾ ᒋᓴᔅ ᐊ ‍ ᐊᔭᑦ ᑎᐸᔨᒋᒐᐅᓂᔪᐤ ᒥᓯᐛ ᒐᒂᔪᐤ ᒐᒋ ᐅᒋᒪᐧᑲᑕᐧᒃ᙮ ᒋ ‍ ᐃᑐᑐᐛᑭᓄᐤ ᐛᐃᐱᔅᒋᔅ ᐊᑐᐎᔅ ᒐᒋ ᑎᐱᑕᔨᑕᑯᓯᑦ ᐊ ‍ ᐃᑕᔨᑕᑯᓯᔨᒋ ᐊᓐᒋᓇ᙮ ᐅᔭ ᒪᒃ ᒋ ‍ ᐃᑐᑐᐛᑭᓄᐤ ᒐᒋ ᓂᒋᔅᑲᐧᒃ ᓂᐳᐅᓂᔪᐤ᙮ ᐊᐅᒄ ᐅᔭ ᐛᒋ ‍ ᒥᔭᑭᓄᐅᑦ ᒐᒋ ᒋᔅᑕᔨᑕᑯᓯᑦ ᑭᔭ ᒐᒋ ᐃᔅᐸᔨᑕᑯᓯᑦ ᐊᓂᔭ ᐊᒋ ‍ ᓂᒋᔅᑲᐧᒃ ᓂᓇᐧᑲᑕᔨᒧᐅᓂᔪᐤ ᐃᔅᐱ ᑲ ‍ ᓂᐸᐊᑭᓄᐅᑦ᙮ ᐊᓂᔭ ᒪᒃ ᒋᓴᒪᓂᑐᐤ ᓇᔅᒡ ᐊᒋ ‍ ᓴᒋᐊᑦ ᐊᐛᔪᐛ ᐅᑕ ᐊᔅᒋᒡ ᐊᔪᐅᒄ ᐊᓂᔭ ᐛᒋ ‍ ᓂᐱᔅᑎᒧᐛᑦ ᒋᓴᔅ ᒥᓯᐛ ᐊᐛᔪᐛ᙮
\p
\v 10 ᒋ ‍ ᐃᓯᓇᑯᓂᑯᐱᓇ ᑕᑈ ᒐᒋ ᓂᓇᐧᑲᒋᐊᑭᓄᐅᑦ ᒋᓴᔅ, ᐛᔅ ᐊᓂᔭ ᐊᒋ ‍ ᓂᓇᐧᑲᑕᔨᒧᑦ ᐊᑯᑕ ᑲ ᐅᒋ ‍ ᑐᑕᑯᑦ ᒋᓴᒪᓂᑐᐛ ᓇᔅᒡ ᒐᒋ ᒋᔅᑕᔨᑕᑯᓯᑦ ᒐᒋ ᐛᐸᔨᑎᒪᒐᑦ᙮ ᒋᓴᒪᓂᑐᐤ, ᐊᓐ ᒥᓯᐛ ᒐᒂᔪᐤ ᑲ ‍ ᐅᓯᑕᑦ ᑭᔭ ᑲ ‍ ᐃᑐᑕᐧᒃ ᒧᔅ ᒐᒋ ᑎᑯᓂᔨᒋ, ᒋ ‍ ᐱᔅᑎᓇᐤ ᒋᓴᓴ ᒐᒋ ᓂᓇᐧᑲᒋᐊᑭᓄᔨᒋ ᐛᔅ ᒋ ‍ ᓂᑐᐛᔨᒪᐤ ᐅᑯᓴ ᑲ ‍ ᒥᒐᑎᔨᒋ ᒐᒋ ᒋᔅᒐᔨᑎᒥᔨᒋ ᑕᓐ ᐊ ‍ ᐃᑕᔨᑕᑯᓂᔨᒡ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᐊᐅᒄ ᐎᔭᐸᑎᔭᑦ ᐊᐛᔪᐛ ᑕᓐᑕ ᒐᒋ ᐅᒋ ‍ ᐱᒪᒋᐅᔨᒋ᙮
\p
\v 11 ᒋᓴᔅ ᐛᐸᔨᑎᒧᐛᐤ ᐊᐛᔪᐛ ᒥᓯᐛ ᐅᒥᒋᑥᐅᓂᔪᐛ᙮ ᐃᑎᓯᓇᐤ ᒪᒃ ᐊᓐᑕ ᒋᓴᒪᓂᑐᐛ ᐊ ‍ ᑕᔨᒋ ᒐᒋ ᐃᓯ ‍ ᐱᒪᑎᓯᔨᒋ᙮ ᐊᓐᒡ ᒪᒃ ᒋᓴᒪᓂᑐᐛ ᑲ ‍ ᐱᒪᑎᓯᔅᑐᐛᒡ ᐸᐃᑯᐊᐅᒡ ᐅᑕᐎᐛᐛ᙮ ᐊᐅᒄ ᒪᒃ ᐊᓂᔭ ᐛᒋ ᐊᑲ ᓯᓴᒂᔨᒧᑦ ᒋᓴᔅ “ᓂᐧᑲᓂᓯᒡ” ᒐᒋ ᐃᓯᓂᐧᑲᑕᑦ ᐊᓂᔭᔪᐛ ᑲ ‍ ᐛᐸᔨᑎᒧᐛᑭᓄᐎᒋ᙮
\v 12 ᒋ ‍ ᒋᔅᒐᔨᑕᓇᓄᐤ ᐅ ᐛᔅ ᐎᔾ ᒋᓴᔅ ᒋ ‍ ᐃᑕᐤ ᒋᓴᒪᓂᑐᐛ,
\q “ᒋᓴᒪᓂᑐᐤ, ᒋᑭ ‍ ᐊᔨᒧᒥᑎᓐ ᐊᓐᑕ ᓂᐧᑲᓂᓯᒡ ᐊ ‍ ᑕᒡ᙮ ᓂᑭ ‍ ᐎᑕᓐ ᐊᓐᑕ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊ ‍ ᑕᒡ ᑕᓐ ᑲ ‍ ᐃᑎᔨᓐ ᑭᔭ ᒋᑭ ‍ ᒪᒥᒋᒥᑎᓐ᙮”
\m
\v 13 ᑭᔭ ᒋ ‍ ᐃᑕᐤ,
\q “ᓇᔅᒡ ᓂᑭ ‍ ᒐᔅᑎᓇᑕᔨᒪᐤ ᒋᓴᒪᓂᑐᐤ᙮”
\m ᐊᑯ ᒥᓐ ᒂ ‍ ᐃᔅᒋᔄᑦ,
\q “ᒪᐅᑕ ᐊ ‍ ᑕᔭᓐ, ᐊᑯᑕ ᑭᔭ ᐅᑕ ᐊ ‍ ᑕᒡ ᓂᑦ ᐊᐛᓯᒥᒡ ᐊᓂᔭᔪᐛ ᒋᓴᒪᓂᑐᐤ ᑲ ᐸᒋ ‍ ᒥᔨᑦ᙮”
\p
\v 14 ᐃᔪᐛ ᐊᓂᔭᔪᐛ ᑲ ‍ ᐃᑕᑦ ᐊᓂᔭ ᑲ ‍ ᐃᔅᒋᔄᑦ ᓂᑦ ᐊᐛᓯᒥᒡ᙮ ᒋᓴᔅ ᑭᔭ ᐎᔾ ᒋᒋᐛ ᓇᔅᒡ ᐃᔪᐛ ᒋ ‍ ᐃᓯᓇᑯᓱᐤ ᑭᔭ ᓇᔅᒡ ᐃᔪᐛ ᒋ ‍ ᐃᑕᔨᑕᑯᓱᐤ᙮ ᐊᐅᒄ ᐅᔭ ᐃᔪᐛ ᐛᒋ ‍ ᑕᑦ ᒐᒋ ᓂᐱᑦ, ᒐᒋ ᐅᒋ ‍ ᓴᐧᑯᒋᐊᑦ ᒥᒋᒥᓂᑐᐛ, ᐊᓂᔭ ᑲ ‍ ᑎᐸᔨᑎᒥᔨᒋ ᓂᐳᐅᓂᔪᐤ᙮
\v 15 ᒋᓴᔅ ᒋ ‍ ᓂᐳᐤ ᒐᒋ ᐊᐱᐧᑯᓇᑦ ᒥᒐᑦ ᐊᓂᔭ ᐊᐛᔪᐛ ᑲ ‍ ᒪᒋᒂᐱᐧᑲᑎᑯᔨᒋ ᐊ ‍ ᑯᔅᑎᒥᔨᒋ ᓂᐳᐅᓂᔪᐤ ᐃᔅᐱ ᑲ ‍ ᐱᒪᑎᓯᔨᒋ᙮
\v 16 ᐛᔅ ᒋ ‍ ᒋᔅᒐᔨᑕᓇᓄᐤ ᒋᓴᔅ ᐊᑲ ᐅᒋ ᑎᑯᓯᐧᒃ ᐊᓐᒋᓇ ᒐᒋ ᐸᒋ ‍ ᐎᒋᐊᑦ᙮ ᒋ ‍ ᑎᑯᓯᓄᐤ ᒐᒋ ᐎᒋᐊᑦ ᐊᐛᔪᐛ, ᐊᓂᔭ ᐊᓂᔅᒐ ᑲ ᐸᒋ ‍ ᐱᒪᑎᓯᔨᒋ ᐊᑉᕋᐊᒪ ᐅᒋ ᐊ ‍ ᑕᔨᒋ᙮
\v 17 ᐊᐅᒄ ᐊᓂᔭ ᐛᒋ ‍ ᓇᔅᒡ ᐃᔨᒡ ᒋ ‍ ᐃᓯᐊᑭᓄᐅᑦ᙮ ᒋ ‍ ᓂᑐᐛᔨᑕᑯᓱᐤ ᐎᐧᑲᓂᓴ ᒐᒋ ᓂᔅᐱᑐᐛᑦ ᐊᓐᑕ ᒐᒋ ᐅᒋ ‍ ᒋᓴᐊᔭᒥᐊᐅᒋᒪᐅᑦ ᒋᓴᒪᓂᑐᐛ ᐊ ‍ ᐊᑐᔅᑯᐛᑦ, ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮
\v 18 ᒋᓴᔅ ᒋᑭ ᒋ ‍ ᐎᒋᐃᑯᓄᐤ ᒋᔭᓄᐤ ᑲ ‍ ᑯᒂᒋᐃᑯᐎᔭᐧᒄ, ᐛᔅ ᑭᔭ ᐎᔾ ᒋ ‍ ᓂᓇᐧᑲᑕᔨᒧᐊᑭᓄᐤ ᑭᔭ ᒋ ‍ ᑯᒂᒋᐊᑭᓄᐤ᙮
\c 3
\s1 ᒋᓴᔅ ᐅᔅᑕ ᐃᑕᔨᑕᑯᓱᐤ ᐃᔅᐱᔅ ᒧᓱᓴ
\p
\v 1 ᓂᐧᑲᓂᓯᑐᒄ ᑲ ‍ ᐸᔭᒋᓯᔭᒄ, ᑭᔭ ᒋᔨᐛᐤ ᒋᓴᒪᓂᑐᐤ ᑲ ‍ ᑕᑈᑎᑕᒄ᙮ ᒪᒥᑐᓇᔨᒪᐧᒄ ᒪ ᒋᓴᔅ, ᐊᐅᑯᓂ ᐅᔭ ᒋᓴᒪᓂᑐᐤ ᐅᑦ ᐃᑎᓴᐛᑭᓇ᙮ ᑭᔭ ᐊᐅᒄ ᐅ ᐛᒋᓴᐊᔭᒥᐊᐅᒋᒪᒥᔭᐧᒄ᙮ ᒋ ‍ ᐎᒋᐃᑯᓄᐤ ᓇᔅᒡ ᒐᒋ ᑕᑈᑎᒪᐧᒄ ᑭᔭ ᒐᒋ ᐎᑎᒪᐧᒄ ᑕᓐ ᐊ ᐃᓯ ‍ ᑕᑈᑎᒪᐧᒄ᙮
\v 2 ᑯᐃᔅᒄ ᒋ ‍ ᐃᑐᑐᐛᐤ ᒋᓴᒪᓂᑐᐛ ᒋᓴᔅ ᐊᓂᔭᔪᐛ ᑲ ‍ ᐅᑎᓂᑯᑦ ᐅᔭ ᒐᒋ ᐃᑕᐱᑎᓯᑦ᙮ ᑯᐃᔅᒄ ᒋ ‍ ᐃᑐᐤ ᑭᔭ ᐎᔾ ᒧᔭᒻ ᒧᓱᓴ ᑕᓐ ᑲ ᐃᓯ ‍ ᑯᐃᔅᒄ ᒋ ‍ ᐊᑐᔅᑯᐛᔨᒋ ᒋᓴᒪᓂᑐᐛ ᒧᔭᒻ ᐊ ‍ ᐎᔨᑲᐳᐅᑕᔨᒋ ᒋᓴᒪᓂᑐᐛ ᐎᒋᔪᐤ ᐊᒋ ‍ ᐃᓯᓇᑯᓯᔨᒋ᙮
\v 3 ᐅᔅᑕ ᒪᒃ ᐃᑕᔨᑕᑯᓱᐤ ᒋᓴᔅ ᑕᓐ ᑲ ‍ ᐃᑕᔨᑕᑯᓯᔨᒋ ᒧᓱᓴ ᐛᔅ ᐎᔾ ᐃᑐᑐᐛᐤ ᐊᐛᔪᐛ ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᔨᒋ᙮ ᒧᔭᒻ ᐊᐛᓐ ᑲ ‍ ᒥᒋᐛᐱᒐᑦ ᐅᔅᑕ ᐎᔾ ᐃᑕᔨᑕᑯᓱᐤ ᐃᔅᐱᔅ ᐊᓂᔭ ᒥᒋᐛᐱᔪᐤ ᑲ ‍ ᐎᔨᑲᐳᐅᑕᑦ᙮
\v 4 ᐛᔅ ᒥᓯᐛ ᒥᒋᐛᑉ ᑕᐤ ᐊᓐ ᐊᐛᓐ ᐊᓂᔭ ᑲ ‍ ᐅᓯᑕᑦ, ᒥᒄ ᒪᒃ ᒋᓴᒪᓂᑐᐤ ᒥᓯᐛ ᒐᒂᔪᐤ ᒋ ‍ ᐅᓯᑕᐤ᙮ ᑕᑈ ᑭᑈ ᑕᑈᒥᑭᓐ ᐊ ‍ ᐸᐃᑯᓯᔨᒋ ᐊᐛᔪᐛ ᐊ ‍ ᓂᑲᓂᔅᑲᑯᒡ ᐅᑕᓇᒧᐛᒡ ᐊᐛᓐᒋ᙮ ᐊᐅᒄ ᒪᒃ ᐅᔭ ᐊ ‍ ᐃᑎᑦ ᒋᓴᔅ, ᐎᔾ ᓂᑲᓂᔅᑯᐛᐤ ᒋᓴᒪᓂᑐᐛ ᐅᑦ ᐃᔨᒥᔪᐛ᙮ ᒥᒄ ᒪᒃ ᒋᓴᒪᓂᑐᐛ ᒥᔨᑯᐤ ᑎᐸᔨᒋᒐᐅᓂᔪᐤ ᐅᔭ ᒐᒋ ᐃᑎᑦ ᐛᔅ ᐎᔾ ᒋᓴᒪᓂᑐᐤ ᒥᓯᐛ ᒐᒂᔪᐤ ᒋ ‍ ᐅᓯᑕᐤ᙮
\p
\v 5 ᒧᓱᔅ ᒪᒃ ᒋ ‍ ᐅᑦ ᐊᐱᒋᐊᑭᓂᑐᑕᑯᐤ ᒋᓴᒪᓂᑐᐛ, ᒧᔅ ᑯᐃᔅᒄ ᒋ ᐃᓯ ‍ ᐊᑐᔅᑯᐅᒪᐤ ᐅᑦ ᐃᔨᒥᔪᐛ᙮ ᒋ ‍ ᓂᑲᓐ ᐊᔨᒧᑎᒺᐤ ᑕᓐ ᒐ ᐃᓯ ‍ ᐎᑎᒥᔨᒋ ᒋᓴᒪᓂᑐᐛ ᐊᓐᑕ ᓂᔅᑕᒥᒡ᙮
\v 6 ᐊᓂᔭ ᒪᒃ ᒋᓴᒪᓂᑐᐛ ᐊ ‍ ᐅᑯᓯᑐᑕᑯᑦ ᒋᓴᔅ, ᑯᐃᔅᒄ ᐃᓯ ᐊᑐᔅᑯᐛᐤ ᒋᓴᒪᓂᑐᐛ ᐊ ‍ ᓂᑲᓂᔅᑯᐅᒪᑦ ᐅᑦ ᐃᔨᒥᔪᐛ᙮ ᙭ ᐊᐅᒄ ᒋᓴᒪᓂᑐᐤ ᐅᑯᓯᓴ᙮ ᒋᔭᓄᐤ ᒪᒃ ᒋᑭ ‍ ᐅᑦ ᐃᔨᒥᑐᑕᑭᓄᐤ ᒋᓴᒪᓂᑐᐤ, ᒧᔭᒻ ᓱᒋᑕᐊᔭᒂ ᑕᑈᑎᒧᐅᓂᒡ ᑭᔭ ᓱᒃ ᒥᒪᒋᒥᓂᒪᒂ ᑕᓐ ᐊ ᐃᓯ ‍ ᐊᔅᐸᔨᒧᔭᐧᒄ᙮
\s1 ᐊᓏᑎᒧᐅᓐ ᐃᔭᒂᒧᐛᐅᓐ
\p
\v 7 ᐊᑯ ᒪᒃ ᒪᒥᑐᓇᔨᑎᒧᒄ ᑕᓐ ᐊ ‍ ᐃᔅᒋᔄᑦ ᑲ ‍ ᐸᔭᒋᓯᑦ ᐊᒐᐧᒄ,
\q “ᓱᒃ ᓂᑐᑐᐛᐧᒄ ᒋᓴᒪᓂᑐᐤ ᑕᓐ ᐊ ‍ ᐃᑎᑕᒄ ᐊ ‍ ᐃᔨᒥᐃᑕᒄ ᐊᓄᒡ ᑲᓯᑲᔨᒡ᙮
\v 8 ᐊᑲᐎᔾ ᒥᔅᑯᐅᑕᒄ ᒋᑕᐃᐛᐛ ᒧᔭᒻ ᑲ ‍ ᐃᑎᒡ ᐊᓂᔭᐧᑲ ᒋᐛᐧᑯᒪᑭᓄᐅᒡ ᐊᑲ ᓇᔅᒡ ᐅᒋ ᐎ ᓂᓇᐃᑐᐛᒡ ᒋᓴᒪᓂᑐᐛ᙮ ᒪᒂᒡ ᑲ ‍ ᐱᒧᑕᒡ ᐊᓐᑕ ᐸᐧᑯᑎᔅᑭᒥᑲᒡ ᑲ ‍ ᑯᒂᒋᐊᑭᓄᐎᒡ ᒪᒃ, ᓂᒋ ᐎ ‍ ᓇᓂᑐᐤ ᒋᔄᐃᑯᒡ ᑭᔭ ᒋ ‍ ᑯᒂᒋᑕᐅᒡ ᓂᓯᐱᔪᐛᓯᐅᓂᔪᐤ᙮
\q
\v 9 ᐊᑯᑕ ᒪᒃ ᐊᓐᑕ ᓄᐅᒡ ᓂᒋ ‍ ᑯᒂᒋᐃᑯᐅᒡ ᐊᓂᔭᐧᑲ ᒋᐛᐧᑯᒪᑭᓄᐛᐅᒡ ᒐᒋ ᓂᑐ ‍ ᒋᔅᒐᔨᑕᒡ ᑕᓐ ᒐᒋ ᐃᔅᐱᔅ ᐃᑐᑐᒧᐛᒂ ᐊᑲ ᐱᓯᒋᑕᒡ, ᐊᑎ ᒪᒃ ᐊᒋ ‍ ᐛᐸᑕᒡ ᑕᓐ ᑲ ᐃᔅᐱᔅ ‍ ᒪᒥᔅᑲᒡ ᐃᑐᐅᒡ ᐊᓐᑕ ᐊ ‍ ᑕᒡ ᓇᐎᔪᐛ ᐱᐳᓇ ᐃᔅᐱᔅ᙮
\q
\v 10 ᐊᑯᑕ ᒪᒃ ᐛᒋ ‍ ᒋᔄᐃᒡ ᐊᓐᒡ ᐃᔪᒡ ᐊᑯ ᑲ ‍ ᐃᔅᒋᔄᐅᒡ ᐊ ‍ ᐊᔨᒧᒥᒂᐤ, ᐅᑕᐃᐛᐛ ᒧᔅ ᐅᓄᑕᐃᑯᐅᒡ ᑭᔭ ᓇᒪ ᓂ ᐎ ‍ ᓂᓇᐃᑕᑯᒡ ᑕᓐ ᐊ ‍ ᐃᑎᒂᐤ᙮
\q
\v 11 ᐊᒋ ‍ ᒋᔄᐃᒡ ᓂᒋ ‍ ᓇᔅᐱᒡ ᐃᔅᒋᔄᓐ ᐊᓐ ᑲ ‍ ᐃᔅᒋᔄᔭᓐ ᓇᒪ ᓂᑕ ᒋᑭ ᐅᒋ ‍ ᐱᒐᐅᒡ ᐊᓐᑕ ᑲ ᐃᓯ ‍ ᐊᔭᔅᑯᔅᑎᒧᐅᒂᐤ ᒐᒋ ᐊᔽᐱᒡ᙮”
\p
\v 12 ᓂᐧᑲᓂᓯᑐᒄ, ᐃᔭᒂᒥᒄ ᒐ ᐊᑲ ᒋ ᑕᑦ ᐊᐛᓐ ᐊᓐᑕ ᐊ ‍ ᑎᓯᔭᒄ ᐊ ‍ ᒥᒋᑕᐊᑦ ᐊ ‍ ᐊᔭᑦ ᐊᓏᑎᒧᐅᓂᔪᐤ ᐛᔅ ᒐᒃ ᒋᑭ ᒋ ‍ ᐃᓯᓇᑯᓂᔪᐤ ᒐᒋ ᐊᑎ ‍ ᓂᑭᑕᑦ ᒋᓴᒪᓂᑐᐛ ᐊᓂᔭᔪᐛ ᐸᒪᑎᓯᔨᒋ᙮
\v 13 ᐊᓯᑯᒻ ᒋᓯᑲᐛ ᒪᒃ ᓯᒋᒥᑐᒄ ᐊᔅᒄ ᒪᒂᒡ ᐊ ‍ ᑕᐛᒡ ᐅ ᒐᒋ ᐃᑎᔭᒄ᙮ ᐊᑯ ᒪᒃ ᓇᒪ ᐛᒋ ‍ ᐸᐃᒄ ᐊ ‍ ᑎᓯᔭᒄ ᒋᑭ ᐅᒋ ‍ ᐎᔭᓯᒥᑯᓇᐛᐤ ᒐᒋ ᑕᑈᑎᒪᒄ ᐊᑲ ᓴᓯᑲᓐ ᐃᓯᓇᒂᒡ ᒥᒐᑎᓯᐅᓐ᙮ ᐛᔅ ᐊᑯᑕ ᒐ ‍ ᐅᒋᐱᔨᒡ ᐊ ‍ ᓱᒋᔅᑎᒂᓇᔭᒄ᙮
\v 14 ᒋᐸ ‍ ᓱᒋᑲᐳᐅᓇᓄᐤ ᒋᑕᑈᑎᒧᐅᓂᒡ ᒐ ᐃᔅᐱᔅ ‍ ᐱᒪᑎᓯᐛᐅᒂ, ᒧᔭᒻ ᑕᓐ ᑲ ᐃᔅᐱᔅ ‍ ᓱᒋᑲᐳᐅᔭᐧᒄ ᐅᔅᑭᒡ ᑲ ‍ ᑕᑈᔭᔨᒪᐧᒄ᙮ ᐅ ᒪᒃ ᑎᔭᒂ ᙭ ᒥᓯᐛ ᑕᓐ ᐊ ᐃᓯ ‍ ᐊᔭᑦ ᒋᑭ ‍ ᒥᔨᑯᓄᐤ ᑭᔭ ᒋᔭᓄᐤ ᒐᒋ ᐊᔭᐛᐧᒄ ᑕᓐ ᐊ ᐃᓯ ‍ ᐊᔭᑦ᙮
\v 15 ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᐊᓄᒡ ᒐᓯᑲᒡ ᐊ ‍ ᐸᑐᐛᒄ ᒋᓴᒪᓂᑐᐤ ᐊ ‍ ᐃᔨᒥᐃᑕᒄ ᐊᑲᐎᔾ ᒥᔅᑯᐅᑕᒄ ᒋᑕᐃᐛᐛ ᒧᔭᒻ ᑲ ‍ ᐃᑎᒡ ᐊᓂᔭᐧᑲ ᐊᓂᔅᒐ ᒋᐛᐧᑯᒪᑭᓄᐛᐅᒡ ᐊᒋ ‍ ᓂᔅᑯᔅᑐᐛᒡ ᒋᓴᒪᓂᑐᐛ᙮
\m ᐊᔪᐅᒄ ᐅᔭ ᑲ ‍ ᐃᔅᒋᔄᑦ ᒋᓴᒪᓂᑐᐤ᙮
\p
\v 16 ᐊᐛᓐᒋ ᒪᒃ ᐊᓐᒡ ᑲ ‍ ᒋᐛᑲᐳᔅᑐᐛᒡ ᑭᔭ ᑲ ‍ ᑯᒂᒋᒋᓱᐛᐊᒡ ᒋᓴᒪᓂᑐᐛ ᐊᑎ ᐛᒋᒡ ᐊᒋ ‍ ᐸᑐᐛᒡ ᐊ ‍ ᐃᔨᒥᐃᑯᒡ ? ᓇᒪᔭᐅᒡ ᐊ ᐊᓐᒡ ᑲ ‍ ᒋᔅᒋᓄᑕᐃᑯᒡ ᒧᓱᓴ ᐃᒋᑉᑎᒡ ᑲ ᐅᒋ ‍ ᐎᐎᑕᐃᑯᒡ᙮
\v 17 ᒋᓴᒪᓂᑐᐤ ᒋ ‍ ᒋᔄᐃᑯᐤ ᐊᓂᔭᔪᐛ ᐃᔪᐛ ᒪᒂᒡ ᐊᓂᔭ ᓇᐎᔪᐛ ᐱᐳᓇ ᑲ ᐃᔅᐱᔅ ‍ ᑕᔨᒋ ᐊᓐᑕ ᐸᐧᑯᑎᔅᑭᒥᑲᒡ᙮ ᒋ ‍ ᒥᒐᑎᓯᐅᒡ ᐅᒡ ᐃᔪᒡ ᐊᑯᑕ ᒪᒃ ᐊᓐᑕ ᓄᑎᒻ ᐸᐧᑯᑎᔅᑭᒥᑲᒡ ᑲ ‍ ᓂᐱᒡ᙮
\v 18 ᒋ ‍ ᐃᑎᑯᐛᑯᐱᓇ ᒋᓴᒪᓂᑐᐛ,
\q ᓇᒪ ᒋᑭ ᐅᒋ ‍ ᐱᒐᐅᒡ ᐊᓐᒡ ᐃᔪᒡ ᑲ ‍ ᒥᒐᑎᓯᒡ ᐊᓂᔭ ᐊᔅᒋᔪᐤ ᐊᓐᑕ ᑲ ‍ ᐊᔭᔅᑯᔅᑎᒧᐅᒂᐤ ᒐ ‍ ᐊᔽᐱᒡ᙮
\m ᐊᔪᐅᒄ ᐅᔭ ᑲ ‍ ᐃᑕᑦ ᒋᓴᒪᓂᑐᐤ ᐊᓂᔭ ᐊᐛᔪᐛ ᐊᑲ ᓇᔅᒡ ᐅᒋ ᐎ ᓂᓇᐃᑕᑯᑦ᙮
\v 19 ᐊᑯ ᒪᒃ ᒐᔅᒐᔨᑎᒪᐧᒄ ᐅᑦ ᐊᓏᔨᑎᒧᐅᓄᐛᐤ ᐊᒋ ‍ ᐃᑐᑕᑯᒡ ᐊᓐᒡ ᐃᔪᒡ ᐛᒋ ᐊᑲ ᐅᒋ ᐱᒐᐛᒡ ᐊᓂᔭ ᐊᔅᒋᔪᐤ ᒋᓴᒪᓂᑐᐛ ᑲ ‍ ᐊᔭᔅᑯᔅᑎᒪᑯᒡ ᐊᓐᑕ ᒐ ‍ ᐊᔽᐱᒡ᙮
\c 4
\s1 ᑕᓐᑕ ᒐᒋ ᐅᒋ ‍ ᐅᑎᑎᒪᐧᒄ ᒋᓴᒪᓂᑐᐤ ᐅᑦ ᐊᔪᐛᐳᐅᓐ
\p
\v 1 ᒋᓴᒪᓂᑐᐤ ᒪᒃ ᒋ ‍ ᐃᔅᒋᔄᐤ ᒐᔅᑎᓇᔅ ᒐ ‍ ᐊᔭᔅᑯᔅᑎᒧᐛᑦ ᐅᑦ ᐃᔨᒪ ᑕᓐᑕ ᒐ ‍ ᐊᔽᐱᔨᒋ᙮ ᐊᔅᒄ ᒪᒃ ᐅ ᐊᓄᒡ ᒐᓯᑲᒡ ᒋᑭ ᒋ ‍ ᐱᒐᓇᓄᐤ ᑭᔭ ᒋᔭᓄᐤ ᐊᓐᑕ ᒐᒋ ᐊᔽᐱᔭᐧᒄ᙮ ᐊᑯ ᒪᒃ ᐃᔭᒂᒥᑕᐤ ᒐ ᐊᑲ ᒋ ᐃᓯ ‍ ᐱᒪᑎᓯᔭᐧᒄ ᒐᒋ ᐅᒋ ‍ ᐃᑕᔨᒥᑕᐧᒄ ᒋᓴᒪᓂᑐᐤ ᐊᑲ ᒋᔅᑕᔨᑕᑯᓱᐛᐧᒄ ᐊᓐᑕ ᒐᒋ ᐱᒐᐛᐧᒄ᙮
\v 2 ᐊᑯ ᒪᒃ ᔅᒋ ‍ ᐸᑕᓇᓄᐤ ᐊᓐ ᒥᔽᒋᒧᐅᓐ ᐊᓐᑕ ᑲ ‍ ᐊᔨᒧᑕᒡ ᐊᓐᑕ ᒐ ‍ ᐊᔽᐱᔨᒋ ᒋᓴᒪᓂᑐᐤ ᐅᑦ ᐃᔨᒪ᙮ ᐊᔪᐅᒄ ᐅᔭ ᒥᔽᒋᒧᐅᓂᔪᐤ ᑲ ᐃᓯ ‍ ᐸᑕᒡ ᐊᓂᔭᐧᑲ ᒋᐛᐧᑯᒪᑭᓄᐎᒡ᙮ ᒥᒄ ᒪᒃ ᓇᒪ ᐅᒋ ᐱᒐᐅᒡ ᐊᓐᑕ ᐛᔅ ᓇᒪ ᐅᒋ ᑕᑈᑎᒧᒡ ᑕᓐ ᑲ ᐃᓯ ‍ ᐎᑎᒧᐛᑭᓄᐎᒡ᙮
\v 3 ᒋᔭᓄᐤ ᒪᒃ ᔅᒋ ‍ ᑕᑈᑕᓇᓄᐤ ᐊᐅᒄ ᒪᒃ ᐅ ᐛᒋ ‍ ᐱᒐᔭᐧᒄ ᐊᓐᑕ ᒐ ‍ ᐊᔽᐱᔭᐧᒄ᙮ ᒧᔭᒻ ᑲ ‍ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q “ᒪᒂᒡ ᑲ ‍ ᒋᔄᓯᔭᓐ, ᓂᒋ ‍ ᒐᔅᑎᓇᒡ ᐃᔅᒋᔄᓐ ᒐ ᐊᑲ ᓂᑕ ᐅᒋ ‍ ᐱᒐᒡ ᐊᓐᑕ ᑲ ‍ ᐊᔭᔅᑯᔅᑎᒧᐅᒂᐤ ᒐ ‍ ᐊᔽᐱᒡ᙮”
\m ᐊᔪᐅᒄ ᐅᔭ ᑲ ‍ ᐃᔅᒋᔄᑦ ᐊᑎ ᓴᔅ ᐊᒋ ‍ ᒋᔅᑕᑦ ᐅᑦ ᐊᑐᔅᒐᐅᓐ ᐃᔅᐱ ᑲ ‍ ᐅᓯᑕᑦ ᐅᔭ ᐊᔅᒋᔪᐤ᙮
\v 4 ᒋ ‍ ᒋᔅᒐᔨᑕᓇᓄᐤ ᐅ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒋᓴᒪᓂᑐᐤ ᒋ ‍ ᐊᔪᐛᐳᐤ ᐃᔅᐱ ᑲ ‍ ᒋᔅᑕᑦ ᐅᑦ ᐊᑐᔅᒐᐅᓐ, ᐃᔅᐱ ᑲ ‍ ᓂᔄᐅᑕᒡ ‍ ᒋᓯᑲᔨᒡ᙮
\m
\v 5 ᒥᓐ ᐃᔭᐱᒡ ᐊᔨᒧᑕᐤ ᐊᓐᑕ ᐊᑎᔅᑕᒡ,
\q ᓇᒪ ᓂᑕ ᓂᑭ ᐅᒋ ‍ ᐱᔅᑎᓇᐅᒡ ᒐᒋ ᐱᒐᒡ ᐊᓐᑕ ᑲ ‍ ᐊᔭᔅᑯᔅᑎᒧᐅᒂᐤ ᒐᒋ ᐊᔽᐱᒡ᙮
\p
\v 6 ᐊᑎ ᐊᒋ ‍ ᐃᓯᓇᑯᓯᒡ ᐊᓐᒡ ᓂᔅᑎᒻ ᑲ ‍ ᐎᑎᒧᐛᑭᓄᐎᒡ ᒥᔽᒋᒧᐅᓂᔪᐤ ᐊᑲ ᐅᒋ ᐎ ᑕᑈᑕᒡ ᑭᔭ ᐊᑲ ᐅᒋ ᐊᐱᓯᑕᒡ ᑭᔭ ᑭᑈ ᓇᒪ ᐛᐛᒡ ᐅᒋ ᐅᑎᓴᐸᑎᒧᒡ᙮ ᐊᔅᒄ ᒪᒃ ᓇᐃᐱᔪᐤ ᒐᒋ ᐱᒐᓄᐅᒡ ᐊᓐᑕ ᒐᒋ ᐊᔽᐱᓇᓄᐅᒡ᙮
\v 7 ᒋ ‍ ᒐᔅᑎᓇᑕᔨᑎᒥᐃᑯᓇᓄᐤ ᒪᒃ ᐅ ᐛᔅ ᒋᓴᒪᓂᑐᐤ ᒥᓐ ᒋ ‍ ᒥᔨᐛᐤ ᐊ ‍ ᒋᓯᑲᔨᒡ ᒐᒋ ᐱᒐᓄᐎᒡ ᐊᓐᑕ, ᐊᐅᒄ ᐊᓄᒡ ᒐᓯᑲᒡ᙮ ᐊᔪᐅᒄ ᐅᔭ ᑲ ᐃᓯ ‍ ᐎᑎᒧᐛᑯᐱᓇ ᒋᓴᒪᓂᑐᐤ ᐊᓂᔭᐧᑲ ᒋᐛᐧᑯᒪᑭᓄᐛ ᒪᒂᒡ ᐸᐧᑯᑎᔅᑭᒥᑲᒡ ᑲ ‍ ᑕᔨᒋ᙮ ᒥᒐᑐᐤ ᐱᐳᓇ ᒪᒃ ᐊᓐᑕ ᐃᔅ ᓂᔅᑕᒥᒡ ᑎᐱᑦ ᒋ ‍ ᐊᐱᒋᐃᑯᐤ ᒋᓴᒪᓂᑐᐛ ᐅᔭ ᒐᒋ ᐃᑕᔨᒋ ᐅᑦ ᐃᔨᒥᔪᐛ,
\q “ᐊᓄᒡ ᒐᓯᑲᒡ ᐸᑐᐛᒂ ᒋᓴᒪᓂᑐᐤ ᐊ ‍ ᐃᔨᒥᐃᑕᒄ ᐊᑲᐎᔾ ᓱᒐᔨᒧᒄ᙮ ᐊᑲᐎᔾ ᐃᑎᒄ ᒐ ᐊᑲ ᒋ ᓂᑐᑐᐛᒄ᙮”
\m
\v 8 ᐊᓂᔭ ᐊᔅᒋᔪᐤ ᐊᓐᑕ ᑲ ‍ ᐃᑐᑕᐃᒪᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊᓂᔭᐧᑲ ᒐᓱᐛ, ᓇᒪᔭᐤ ᐊᓐᑕ ᑲ ‍ ᑎᑯᓂᔨᒡ ᒋᒋᐛ ᒐ ‍ ᐊᔽᐱᔨᒋ᙮ ᐊᑯ ᒪᒃ ᐸᑎᒪ ᐊᓐᑕ ᒋᓴᒪᓂᑐᐤ ᒋ ‍ ᐃᑕᐤ ᐊᔅᒄ ᒐ ‍ ᐅᑎᒋᐱᔨᒡ ᐊᓂᔭ ᐊ ‍ ᒋᓯᑲᔨᒡ ᒐ ‍ ᐱᒐᔨᒋ ᐅᑦ ᐃᔨᒪ ᐊᓐᑕ ᒋᒋᐛ ᒐ ‍ ᐊᔽᐱᔨᒋ᙮
\v 9 ᐃᔭᐱᒡ ᒪᒃ ᒋᑭ ‍ ᐅᑎᒋᐱᔪᐤ ᒐᒋ ᐊᔽᐱᔨᒋ ᒋᓴᒪᓂᑐᐤ ᐅᑦ ᐃᔨᒪ ᒧᔭᒻ ᑲ ᐃᓯ ‍ ᐊᔽᐱᔨᒋ ᒋᓴᒪᓂᑐᐛ ᐃᔅᐱ ᑲ ‍ ᓂᔄᐅᑕᒡ ‍ ᒋᓯᑲᔨᒡ᙮
\v 10 ᐊᓐ ᒪᒃ ᐊᐛᓐ ᑲ ‍ ᒥᔅᑲᐧᒃ ᒋᓴᒪᓂᑐᐛ ᐅᑦ ᐊᔪᐛᐳᐅᓂᔪᐤ ᒋᑭ ‍ ᐊᔅᑕᔭᔅᑯᐃᓱᐤ ᑕᓐ ᑲ ‍ ᐃᑕᐱᑎᓯᑦ ᒧᔭᒻ ᒋᓴᒪᓂᑐᐛ ᑲ ‍ ᐃᑎᔨᒋ᙮
\v 11 ᐊᑯ ᒪᒃ ᓱᒃ ᑯᒋᑕᑕᐤ ᒐᒋ ᐱᒐᔭᐧᒄ ᐊᓐᑕ ᐊ ‍ ᑎᒂᒡ ᐊᔪᐛᐳᐅᓐ᙮ ᓱᒃ ᐃᔭᒂᒥᑕᐤ ᒐ ᐊᑲ ᒋ ᓄᑕᔅᑭᒪᐧᒄ ᒐᒋ ᐱᒐᔭᐧᒄ ᐊᓐᑕ ᐊ ‍ ᑎᒂᒡ ᐊᔪᐛᐳᐅᓐ᙮ ᐊᑲ ᓂᓇᐃᑐᐛᒂ ᒋᓴᒪᓂᑐᐤ ᒋᑭ ‍ ᓄᑕᔅᑲᓇᓄᐤ ᐊᓐᑕ ᒐᒋ ᐱᒐᔭᐧᒄ ᒧᔭᒻ ᐊᓂᔭᐧᑲ ᐃᔅᕋᐃᓪ ᐃᔪᒡ ᐊᓐᑕ ᐸᒋ ‍ ᐅᑕᒡ ᑲ ᐃᓯ ‍ ᓄᑕᔅᑲᒡ᙮
\s1 ᑕᓐ ᐊ ‍ ᐃᑕᔨᑕᑯᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ
\s2 Hebrews 4.12-16 (Proper-23 Year B)
\p
\v 12 ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᐸᑎᓂᔪᐤ᙮ ᓱᒃ ᐊᑐᔅᒐᒥᑭᓂᔪᐤ᙮ ᐅᔅᑕ ᑲᓴᔪᐤ ᐃᔅᐱᔅ ᓂᑐᐱᔪᐅ-ᒧᐧᑯᒪᓂᔪᐤ ᐊ ‍ ᐃᑐᐤ ᐊ ᐃᓯ ‍ ᑲᓴᔨᒡ᙮ ᓇᔅᒡ ᒋᑦ ᐊᒐᐧᑯᓇᒡ ᑭᔭ ᒋᒥᑐᓇᔨᒋᑭᓇᒡ ᐃᓯ ᐊᑐᔅᒐᒥᑭᓂᔪᐤ᙮ ᓇᔅᒡ ᑭᔭ ᐊ ‍ ᓴᓴᐳᑎᓂᔨᒡ ᐊᓂᔅᑯᑭᓇᓂᒡ ᑭᔭ ᐅᔅᑭᓐ ᐱᒥᒡ ᐊᐅᑯᓐ ᐊ ‍ ᐃᑕᔨᑕᑯᓂᔨᒡ᙮ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑯᑕ ᓇᔅᒡ ᐎᔭᐸᑎᔨᑯᐅᔭᐧᒄ ᑕᓐ ᐊᓐ ᐊ ‍ ᐃᑕᔨᑎᒪᐧᒄ ᑭᔭ ᑕᓐ ᐊᓐ ᐊ ᐃᓯ ‍ ᐱᑯᓴᔨᒧᔭᐧᒄ ᒋᑕᐃᓇᒡ᙮
\v 13 ᒥᓯᐛ ᒐᒂᔪᐤ ᒧᓴ ᐛᐸᑎᒻ ᒋᓴᒪᓂᑐᐤ᙮ ᒥᓯᐛ ᐊᐛᔪᐛ ᓇᔅᒡ ᐛᐱᒪᐤ ᑭᔭ ᒥᓯᐛ ᒐᒂᔪᐤ ᓇᔅᒡ ᐛᐸᑎᒻ᙮ ᐎᔾ ᒪᒃ ᒋᑭ ‍ ᐎᑎᒧᐛᓄᐤ ᒐᒂᓐ ᐛᒋ ᐃᓯ ‍ ᐱᒪᑎᓯᔭᐧᒄ ᑕᓐ ᐊ ᐃᓯ ‍ ᐱᒪᑎᓯᔭᐧᒄ᙮
\s1 ᒋᓴᔅ ᐊᐅᒄ ᐛᒋᑲᐳᐅᔅᑕᑕᐧᒃ
\p
\v 14 ᓱᒃ ᒪᒃ ᒪᒥᒋᒥᓇᑕᐤ ᐊᓐ ᑲ ᐃᓯ ‍ ᐛᐎᑎᒪᐧᒄ ᐊ ᐃᓯ ‍ ᑕᑈᑎᒪᐧᒄ ᐛᔅ ᒋ ‍ ᑭᓄᐛᔨᒪᓄᐤ ᐊ ‍ ᒋᔅᑕᔨᑕᑯᓯᑦ ᒋᓴᐊᔭᒥᐊᐅᒋᒪᐤ ᓴᔅ ᐊᓐᑕ ᒋᓴᒪᓂᑐᐛ ᐊ ‍ ᑕᔨᒋ ᐊ ‍ ᑕᑦ, ᐊᐅᒄ ᒋᓴᔅ, ᒋᓴᒪᓂᑐᐤ ᐅᑯᓴ᙮
\v 15 ᐛᔅ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᔅᑎᒪᒐᔨᒥᑯᓄᐤ᙮ ᓇᔅᒡ ᒋ ‍ ᒋᔅᒐᔨᒥᑯᓄᐤ ᐊᑲ ᓇᔅᒡ ᓱᒋᑲᐳᐅᔭᐧᒄ ᐃᔅᐱ ᐊ ‍ ᑯᒂᒋᐃᑯᔭᐧᑯ ᒐᒋ ᒥᒋᑐᑎᒪᐧᒄ᙮ ᐛᔅ ᑭᔭ ᐎᔾ ᒋ ‍ ᑯᒂᒋᐊᑭᓄᐤ ᒐᒋ ᒥᒋᑐᑕᐧᒄ ᒧᔭᒻ ᒋᔭᓄᐤ ᐊ ‍ ᐃᑐᑕᑯᐅᔭᐧᒄ, ᒥᒄ ᒪᒃ ᐎᔾ ᓇᒪ ᐅᒋ ᒥᒋᑐᑎᒻ᙮
\v 16 ᐊᑲ ᓄᒋᑕᐤ ᒐ ᐸᒋ ‍ ᓇᑎᒪᐧᒄ ᐊᓐ ᒥᔪᐧᑲᒐᐅ-ᒋᒋᑕᑎᐳᐛᑭᓐ, ᒐᒋ ᒋᓴᐛᑐᑕᑯᐅᔭᐧᒄ, ᑭᔭ ᒐᒋ ᒥᔨᑯᐅᔭᐧᒄ ᒥᔪᐧᑲᒐᐅᓐ ᒐ ‍ ᐎᒋᐃᑯᔭᐧᒄ ᐸᒋ ‍ ᑲᑯᐃᑐ ᑎᔭᒂ᙮
\c 5
\s2 Hebrews 5.1-10 (Proper-24 Year B)
\p
\v 1 ᒥᓯᐛ ᒋᓴᐊᔭᒥᐊᐅᒋᒪᐤ ᒪᒂᒡ ᐅᑦ ᐃᔨᒪ ᐊ ‍ ᑕᔨᒋ ᒋ ᐅᒋ ‍ ᐅᑎᓇᑭᓄᐤ ᒐᒋ ᐊᑐᔅᑯᐛᑦ ᒋᓴᒪᓂᑐᐛ ᐎᔨᐛᐤ ᐅᒋ᙮ ᒋ ‍ ᐱᔅᑎᓂᒐᔅᑎᒧᐛᐤ ᐊᓂᔭᔪᐛ ᐃᔪᐛ ᑭᔭ ᒋ ‍ ᒥᑐᔅᑕᐊᒪᐤ ᒐᒋ ᐛᐸᔨᑎᒧᐛᑭᓄᔨᒋ ᐊᓂᔭᔪᐛ ᐃᔪᐛ ᐅᒥᒋᑥᐅᓂᔪᐛ᙮
\v 2 ᐊᓐ ᐊᐛᓐ ᑲ ‍ ᒋᓴᐊᔭᒥᐊᐅᒋᒪᐅᑦ ᒋᔅᒐᔨᑎᒻ ᑭᔭ ᐎᔾ ᑕᓐ ᐊ ‍ ᐃᑕᔨᑕᑯᓂᔨᒡ ᐊ ‍ ᓂᒋᔅᑲᑭᓄᔨᒋ ᑯᒂᒋᐃᐛᐅᓂᔪᐤ᙮ ᐊᑯ ᒪᒃ ᒐᔅᒐᔨᒪᑦ ᐃᔭᒂ ᒐᒋ ᐃᑐᑐᐛᑦ ᐊᓂᔭ ᐅᑦ ᐃᔨᒪ ᐊᑲ ᐃᑈᐧᑲᔨᒋ ᐊᑲ ᑯᐃᔅᒄ ᑎᔨᒋ᙮
\v 3 ᐊᓐ ᒋᓴᐊᔭᒥᐊᐅᒋᒪᐤ ᒥᑐᔅᑕᐊᒪᐤ ᒐᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ ᑭᔭ ᐊᓂᔭ ᐃᔪᐛ ᒐᒋ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮
\p
\v 4 ᓇᒪ ᐊᐛᓐ ᒋᑭ ᒋ ‍ ᐎᔭᔨᑎᒻ ᒐᒋ ᒋᔅᑕᔨᑕᑯᐃᓱᑦ ᐊ ‍ ᒋᓴᐊᔭᒥᐊᐅᒋᒪᐅᑦ᙮ ᒋᓴᒪᓂᑐᐤ ᐊᐅᒄ ᐛᑎᓇᑦ ᐊᐛᔪᐛ ᒐ ‍ ᒋᓴᐊᔭᒥᐊᐅᒋᒪᐎᔨᒋ, ᒧᔭᒻ ᑲ ᐃᓯ ‍ ᐅᑎᓇᑦ ᐊᕋᓇ ᒐᒋ ᒋᓴᐊᔭᒥᐊᐅᒋᒪᐎᔨᒋ᙮
\s2 Hebrews 5.5-10 (Lent-5 Year B)
\p
\v 5 ᐊᐅᑯᓐ ᒪᒃ ᒧᔭᒻ ᑭᔭ ᐎᔾ ᙭᙮ ᓇᒪ ᐎᔾ ᐅᒋ ᐎᔭᔨᑎᒻ ᒐᒋ ᒋᔅᑕᔨᑕᑯᐃᓱᑦ ᐊ ‍ ᒋᓴᐊᔭᒥᐊᐅᒋᒪᐅᑦ᙮ ᒋᓴᒪᓂᑐᐛ ᒋ ‍ ᐃᑎᑯᐤ,
\q “ᒋᔾ ᓂᑯᔅ, ᓂᔾ ᒍᑕᐎᒪᐅᑐᐅᓐ ᐊᓄᒡ ᐅ ᒐᓯᑲᒡ᙮”
\m
\v 6 ᒥᓐ ᑎᑯᓂᔪᐤ ᐊᓐᑕ ᐅᑦ ᐃᔨᒧᐅᓂᒡ ᒋᓴᒪᓂᑐᐤ ᐊᒋ ‍ ᐃᔅᒋᔄᑦ,
\q “ᑲᒋᒡ ᒋ ‍ ᒋᓴᐊᔭᒥᐊᐅᒋᒪᐅᓐ, ᒧᔭᒻ ᒪᓪᑭᓴᑕᒃ᙮”
\p
\v 7 ᒪᒂᒡ ᐅᑕ ᐊᔅᒋᒡ ᑲ ‍ ᐱᐸᒧᑕᑦ ᒋᓴᔅ ᒥᒐᑥᐤ ᒋ ‍ ᐃᓯᓇᑯᓱᐤ ᓱᒃ ᐊ ‍ ᓂᑐᑎᒧᐛᑦ ᐊᓂᔭᔪᐛ ᑲ ‍ ᒋᔅᒐᔨᒪᑦ ᒐᒋ ᐎᒋᐃᑯᑦ ᒐ ᐊᑲ ᒋ ᓂᐸᐊᑭᓄᐅᑦ᙮ ᒋ ‍ ᐸᑕᑯᐤ ᒪᒃ ᐛᔅ ᒋ ‍ ᓂᓇᐃᑐᐛᐤ᙮
\v 8 ᐊᑎ ᐊᒋ ‍ ᐅᑯᓯᑐᑕᑯᑦ ᒋᓴᒪᓂᑐᐛ ᒋᓴᔅ, ᐃᔭᐱᒡ ᒋ ‍ ᓂᑐᐛᔨᑕᑯᓂᔪᐤ ᒐᒋ ᒋᔅᒐᔨᑎᒥᐊᑭᓄᐅᑦ ᓇᔅᒡ ᒐᒋ ᓂᓇᐃᑐᐛᑦ ᐊ ‍ ᐱᔅᑕᔨᒥᑎᓱᔅᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒐᒋ ᓂᓇᐧᑲᒋᐊᑭᓄᐅᑦ᙮ ᐊᑯᑕ ᑲ ᐅᒋ ‍ ᒋᔅᒐᔨᑎᒥᐊᑭᓄᐅᑦ ᒐᒋ ᓂᓇᐃᑐᐛᑦ ᒋᓴᒪᓂᑐᐛ᙮
\v 9 ᐊᓂᔭ ᒪᒃ ᓇᔅᒡ ᐊᒋ ‍ ᓂᓇᐃᑕᐧᒃ ᒋᓴᔅ ᒐᒋ ᓂᓇᐧᑲᒋᐊᑭᓄᐅᑦ, ᐊᑯᑕ ᑲ ᐅᒋ ‍ ᒥᔭᑭᓄᐅᑦ ᑲᒋᒡ ᒐᒋ ᐱᒪᒋᐊᑦ ᒥᓯᐛ ᐊᓂᔭᔪᐛ ᑲ ‍ ᓂᓇᐃᑕᑯᑦ᙮
\v 10 ᐊᑯ ᒪᒃ ᒋᓴᒪᓂᑐᐛ ᑲ ‍ ᐅᑎᓂᑯᑦ ᒐᒋ ᒋᓴᐊᔭᒥᐊᐅᒋᒪᐅᑦ ᒧᔭᒻ ᒪᓪᑭᓴᑕᑲ ᐊ ᐃᓯ ‍ ᒋᓴᐊᔭᒥᐊᐅᒋᒪᐎᔨᒋ᙮
\s1 ᓱᒃ ᐎ ᐃᑐᑕᑕᐤ ᒐᒋ ᐃᓯ ‍ ᓂᑕᐅᒋᔭᐧᒄ ᐅᑎᐸᔨᒋᒐᐤ ᐊ ‍ ᑕᑦ
\p
\v 11 ᐊᔅᒄ ᒥᔅᑎ ᑎᑯᓐ ᑕᓐ ᒐᒋ ᐃᓯ ‍ ᐎᑎᒪᑎᑯᒡ ᒥᒄ ᒪᒃ ᓇᔅᒡ ᓂᑦ ᐃᔨᒥᐃᑯᓐ ᒥᓐ ᐊᑐᐎᔅ ᒐᒋ ᐎᑎᒪᑎᑯᒡ, ᐛᔅ ᓇᔅᒡ ᑕᑈ ᓇᒪ ᔅᒋ ‍ ᓂᔅᑐᑕᓇᐛᐤ᙮
\v 12 ᓴᔅ ᒋᐸ ‍ ᒋᔅᑯᑎᒧᐛᐛᐅᒡ ᐊᐛᓐᒋ ᑕᓐ ᐊ ᐃᓯ ‍ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᐛᔅ ᓴᔅ ᐛᔅᑭᒡ ᑲ ᐅᒋ ‍ ᑕᑈᑎᒪᒄ ᒋᔨᐛᐤ ᒥᔽᒋᒧᐅᓐ᙮ ᒥᒄ ᒪᒃ ᓇᑐᐛᔨᑕᑯᓂᒂ ᒥᓐ ᒐᒋ ᒋᔅᑯᑎᒪᑯᐅᔭᒄ ᑕᓐ ᑲ ᐃᓯ ‍ ᒋᔅᑯᑎᒪᑯᐅᔭᒄ ᐅᔅᑭᒡ ᑲ ᒋᒋ ‍ ᑕᑈᑎᒪᒄ ᒧᔭᒻ ᐅᔅᒋᐛᓯᒡ ᒥᒄ ᒋᒋᓇᐳᔭ ᑲ ‍ ᒥᓂᐊᑭᓄᐎᒡ ᒋᑦ ᐃᑕᔨᑕᑯᓯᓇᐛᐤ᙮ ᐛᔅ ᓇᒪ ᒋ ‍ ᒥᒍᐅᒡ ᐎᔭᓯᔪᐤ ᐅᔅᒋᐛᓯᒡ᙮
\v 13 ᐊᓐᒡ ᐊᐛᓐᒋ ᒧᔅ ᑲ ᐎ ‍ ᐸᑕᒡ ᐊᓂᔭ ᑕᑈᐅᓂᔪᐤ ᐅᔅᑭᒡ ᑲ ‍ ᒋᔅᑯᑎᒧᐛᑭᓄᐎᒡ, ᐊᑲ ᒪᒃ ᐊᐱᑕᔨᑕᒡ ᒐᒋ ᒋᔅᒐᔨᑕᒡ ᑕᓐ ᒐᒋ ᐃᓯ ‍ ᑯᐃᔅᑯᑕᑎᓯᒡ, ᓇᒪ ᓂᔅᑐᑎᒧᒡ ᑕᓐ ᐊᓐ ᐊ ‍ ᐃᑕᔨᑕᑯᓂᔨᒡ ᐊ ‍ ᒂᔅᑲᑎᓯᓇᓄᐎᒡ᙮ ᐅᒡ ᒪᒃ ᐊᐛᓐᒋ ᑲ ‍ ᐃᑕᔨᑕᑯᓯᒡ ᒧᔭᒻ ᐅᔅᒋᐛᓯᒡ ᐃᑕᔨᑕᑯᓱᐅᒡ ᒥᒄ ᒋᒋᓇᐳᔭ ᐊ ‍ ᒥᓂᐊᑭᓄᐎᒡ᙮
\v 14 ᐊᑯ ᐊᓐᒡ ᑲ ‍ ᒋᓴᐃᔪᐛᔨᑕᒡ ᓴᔅ ᐎᔭᓯᔪᐤ ᒥᒍᐅᒡ᙮ ᒋ ‍ ᒋᔅᑯᑎᒪᓱᐅᒡ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ‍ ᐱᒪᑎᓯᒡ ᐊᓯᑯᒻ ᒋᓯᑲᐛ ᐊ ‍ ᑯᒋᑕᒡ ᑯᐃᔅᒄ ᒐᒋ ᐃᓯ ‍ ᐱᒪᑎᓯᒡ᙮ ᐊᐅᒄ ᒪᒃ ᐛᒋ ‍ ᓂᔅᑐᐅᓇᒡ ᑯᐃᔅᑯᑕᑎᓯᐅᓂᔪᐤ ᑭᔭ ᒥᒐᑎᓯᐅᓂᔪᐤ᙮
\c 6
\p
\v 1 ᓂᑲᓄᒡ ᐊᑯ ᐃᓯ ᐊᒋᑕᐤ᙮ ᒋᔅᑯᑎᒪᓱᑕᐤ ᐊᓂᔭᔪᐛ ᐊᑐᐎᔅ ᐊ ᐊᑎ ‍ ᐊᔨᒥᓂᔨᒋ ᒐᒂᔪᐛ ᐛᔅ ᐊᐅᑯᓂ ᒐ ‍ ᐎᒋᐃᑯᔭᐧᒄ ᐊᑐᐎᔅ ᒐᒋ ᓂᑕᐅᒋᔭᐧᒄ ᒋᑕᑈᑎᒧᐅᓇᒡ᙮ ᓇᒪ ᒧᓯᓇᐤ ᒋᐸ ᐅᒋ ‍ ᐃᑎᓇᓄᐤ ᒥᒄ ᐊᓐ ᐅᔅᑭᒡ ᑲ ᐃᓯ ‍ ᐸᑎᒪᐧᒄ ᙭ ᐊ ᐃᓯ ‍ ᐊᔨᒧᒪᑭᓄᐅᑦ ᒐᒋ ᒋᔅᑯᑎᒪᑯᐅᔭᐧᒄ, ᐛᔅ ᓴᔅ ᒋ ‍ ᒋᔅᒐᔨᑕᓇᓄᐤ ᐊᓐ᙮ ᓇᒪ ᓂᑐᐛᔨᑕᑯᓐ ᒥᓐ ᒐᒋ ᒋᔅᑯᑎᒪᑯᐅᔭᐧᒄ ᒐ ᐊᑲ ᒋ ᐱᒪᒋᐊᑭᓄᐅᑦ ᐊᐛᓐ ᒥᒄ ᐊᓂᔭ ᐊ ‍ ᒥᔪᑐᑕᐧᒄ᙮ ᓇᒪ ᑭᔭ ᓂᑐᐛᔨᑕᑯᓐ ᒥᓐ ᒐᒋ ᐊᔨᒧᑎᒪᑯᐅᔭᐧᒄ ᒐᒋ ᑕᑈᔭᔨᒪᐧᒄ ᒋᓴᒪᓂᑐᐤ,
\v 2 ᑭᔭ ᒐᒋ ᒋᔅᑯᑎᒪᑯᐅᔭᐧᒄ ᓯᑲᐃᑕᒐᐅᓇ, ᑭᔭ ᐊ ‍ ᑕᒋᓇᑭᓄᐎᒡ ᐊᐛᓐᒋ, ᑭᔭ ᓂᐳᐅᓂᒡ ᐊ ᐅᒋ ‍ ᐅᓂᔅᑲᓇᑭᓄᐅᑦ ᐊᐛᓐ ᑭᔭ ᒪᔅᑕᔾ ᑎᐸᔅᑯᓂᒐᐅᓐ᙮
\v 3 ᓱᒃ ᐊᑐᐎᔅ ᐎ ᒋᔅᒐᔨᑕᑕᐤ ᑕᓐ ᐊ ᐃᓯ ‍ ᓂᑐᐛᔨᒥᑕᐧᒃ ᒋᓴᒪᓂᑐᐤ ᒐᒋ ᐃᓯ ‍ ᒋᔅᒐᔨᑎᒪᐧᒄ᙮
\p
\v 4 ᑕᐅᒡ ᐊᐛᓐᒋ ᐊ ‍ ᓂᔅᑐᑕᒡ ᑕᓐ ᑲ ᐃᓯ ‍ ᒋᔅᑯᑎᒧᐛᑭᓄᐎᒡ ᒋᓴᓴ ᐊ ‍ ᐊᔨᒧᒪᑭᓄᔨᒋ᙮ ᒋ ‍ ᒥᔨᑯᐅᒡ ᒋᓴᒪᓂᑐᐛ ᐊᓂᔭᔪᐛ ᒪᐅᒡ ᑲ ‍ ᒋᔅᑕᔨᑕᑯᓂᔨᒋ ᒥᔨᐛᐅᓇ ᑭᔭ ᑲ ‍ ᐸᔭᒋᓯᔨᒋ ᐊᒐᒂ ᒋ ‍ ᒥᔨᑯᐅᒡ᙮ ᐃᔭᐱᒡ ᒪᒃ ᒋᒋᐛ ᒋ ᐊᑎ ‍ ᒋᐛᑲᐳᔅᑐᐛᐅᒡ ᒋᓴᒪᓂᑐᐛ᙮ ᓇᒪ ᒪᒃ ᒋᑭ ᒋ ‍ ᐎᒋᐊᑭᓄᐎᒡ ᐅᒡ ᒥᓐ ᒐᒋ ᒂᔅᑲᑎᓯᒡ᙮
\v 5 ᒋ ‍ ᐸᑎᒺᐅᒡ ᐊ ᐃᔅᐱᔅ ‍ ᒥᔪᑕᑯᓂᔨᒡ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ᙮ ᑭᔭ ᒋ ‍ ᒧᓯᑕᐛᐅᒡ ᑕᓐ ᐊᔅᐱᔅ ᓱᒐᔨᑕᑯᓂᔨᒡ ᐅᓱᐧᑲᑎᓯᐅᓂᔪᐤ ᐊᓄᒡ ᑭᔭ ᑕᓐ ᒐ ᐃᔅᐱᔅ ‍ ᓱᒐᔨᑕᑯᓂᔨᒡ ᐊᓐᑕ ᐃᔅ ᓂᔅᑕᒥᒡ᙮
\v 6 ᒐ ‍ ᒋᐛᑲᐳᔅᑎᒧᐛᒂ ᒪᒃ ᐅᒡ ᐃᔪᒡ ᒥᓯᐛ ᑲ ᐃᓯ ‍ ᒋᔅᒐᔨᑎᒥᐊᑭᓄᐎᒡ ᒋᐸ ᐃᓯ ‍ ᑕᑈᑎᒧᒡ ᓇᒪ ᒥᓐ ᒋᑭ ᒋ ‍ ᐃᑐᑐᐛᑭᓄᐎᒡ ᒐᒋ ᒥᑕᒋᔨᐛᔨᑕᒡ ᐅᒥᒋᑥᐅᓄᐛᐛ᙮ ᐊᑐᐛᔨᒪᐅᒡ ᒋᓴᒪᓂᑐᐛ ᐅᑯᓯᔪᐛ᙮ ᒧᓯᓇᐤ ᒧᓴ ᒪᔭᔨᒪᐅᒡ ᒋᓴᓴ ᑭᔭ ᒧᔭᒻ ᒥᓐ ᐊ ‍ ᒋᔅᑕᔎᑕᒡ ᒋᐱᔭᑎᑯᒡ ᐃᓯᓇᑯᓂᔪᐤ ᐊᓂᔭ ᐊ ‍ ᐃᑕᑎᓯᒡ᙮
\p
\v 7 ᒪᒥᑐᓇᔨᑎᒧᒄ ᐅ᙮ ᑎᒂᒡ ᐃᔭᒡ ᐊᔅᒋᔾ ᐊ ᒥᔪ ‍ ᒥᓂᒂᒥᑲᒡ ᒋᒧᓇᐳᔾ ᑭᔭ ᓂᑲᔭ ᒋᒺᒡ ᐊᓐᑕ᙮ ᑭᔭ ᒥᔪ ‍ ᓂᓇᑭᑐᐛᔨᑕᑭᓄᐅᒡ ᐊᓐ ᐊᔅᒋᔾ ᒐᒋ ᒥᔪ ‍ ᓂᑕᐅᒋᑕᒐᒥᑲᒡ ᒐᒂᓐ ᐊ ‍ ᒥᒋᓇᓄᐅᒡ᙮ ᒥᔪ ‍ ᐊᐱᑎᓐ ᐊᓐ ᐊᔅᒋᔾ᙮ ᒋᓴᒪᓂᑐᐤ ᓱᐛᔨᑎᒻ ᐊᓂᔭ ᐊᔅᒋᔪᐤ᙮
\v 8 ᑎᒂᒡ ᒪᒃ ᐊᔅᒋᔾ ᐊᓐᑕ ᓇᑕᐅᒋᒡ ᒐᒂᓐ ᐊᑲ ᐅᔭᔅ ᐃᑕᐱᑎᒡ, ᓇᒪ ᒐᒂᓐ ᒋᑭ ᒋ ‍ ᐃᑕᐱᑎᓐ ᐊᓐ ᐊᔅᒋᔾ᙮ ᓇᒪ ᒋᑭ ᐅᒋ ‍ ᓱᐛᔨᑎᒻ ᒋᓴᒪᓂᑐᐤ ᐊᓂᔭ ᐊᔅᒋᔪᐤ᙮ ᒋᑭ ᒋ ‍ ᐃᓯᓇᑯᓂᔪᐤ ᒐᒋ ᐃᔎᓴᐧᒃ ᐊᓂᔭ ᐊᔅᒋᔪᐤ᙮
\p
\v 9 ᐊ ‍ ᓴᒋᐃᑕᒡ ᐛᒋ ᐅ ᐃᓯ ‍ ᐃᔨᒥᐃᑕᒡ᙮ ᒋ ‍ ᑕᑈᐅᒐᔨᒥᑎᓇᓐ ᐛᔅ ᓂᔅᑐᓇᑯᓐ ᑕᓐ ᐊ ‍ ᐃᑕᑎᓯᔭᒄ ᑕᑈ ᐊᒋ ‍ ᐱᒪᒋᐅᔭᒄ᙮
\v 10 ᓂᐦᐃ, ᒋᑕᑈᐅᒐᔨᒥᑎᓇᐛᐤ ᐊᒋ ‍ ᐱᒪᒋᐅᔭᒄ᙮ ᓂ ‍ ᒋᔅᒐᔨᒪᐤ ᒋᓴᒪᓂᑐᐤ ᑯᐃᔅᒄ ᐊ ‍ ᐃᑐᑐᐛᑦ ᒥᓯᐛ ᐊᐛᔪᐛ᙮ ᒋ ‍ ᒋᔅᒐᔨᒥᑯᐛᐤ ᑕᓐ ᑲ ᐃᓯ ‍ ᒥᔪᑐᑎᒺᒄ ᑭᔭ ᑕᓐ ᑲ ᐃᓯ ‍ ᓄᑯᑐᐛᒄ ᐊ ‍ ᓴᒋᐊᒄ ᐊᒋ ‍ ᐎᒋᐃᒪᑯ ᑲ ‍ ᑕᑈᑎᒥᔨᒋ ᑭᔭ ᐊᔅᒄ ᐊ ‍ ᐎᒋᐃᒪᑯ᙮ ᓇᒪ ᒪᒃ ᒋᑭ ᐅᒋ ‍ ᐅᓂᒋᔅᒋᓱᐤ ᐅᔭ᙮
\v 11 ᒋ ‍ ᐱᑯᓴᔨᒥᑎᓇᓐ ᒥᓯᐛ ᒧᓯᓇᐤ ᒐᒋ ᒥᔪᑐᑎᒪᒄ ᐱᐃᒻ ᐊᑎ ᐃᔎᐱᔨᒂᐛ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐ ‍ ᒐᔅᑎᓇᐅᔭᒄ ᑕᑈ ᒐ ‍ ᒥᔨᑕᒄ ᒋᓴᒪᓂᑐᐤ ᒥᓯᐛ ᑕᓐ ᐛ ᐃᓯ ‍ ᒥᔨᑕᒄ᙮
\v 12 ᓇᒪ ᒋ ‍ ᓂᑐᐛᔨᒥᑎᓇᓐ ᒐᒋ ᒋᑎᒥᔭᒄ, ᐃᔭᐱᒡ ᓂᔅᐱᑐᐛᐧᑯᒡ ᐊᓐᒡ ᑲ ‍ ᑕᑈᑕᒡ ᐊᑲ ᒋᐛᑲᐳᔅᑐᐛᒡ ᒋᓴᒪᓂᑐᐛ, ᐛᔅ ᐊᐅᑯᓐᒡ ᐅᒡ ᒐ ‍ ᒥᔨᑯᒡ ᒋᓴᒪᓂᑐᐛ ᑕᓐ ᐊᓂᔭᔪᐛ ᑲ ‍ ᐃᔅᒋᔄᔨᒋ ᒐᔅᑎᓇᔅ ᒐ ‍ ᒥᔨᑯᒡ᙮
\s1 ᑕᓐ ᐊ ᐃᓯ ‍ ᒐᔅᑎᓇᑕᔨᑕᑯᓂᔨᒡ ᑕᓐ ᐊᓂᔭᔪᐛ ᒋᓴᒪᓂᑐᐤ ᑲ ‍ ᐃᔅᒋᔄᑦ ᒐᔅᑎᓇᔅ ᒐ ‍ ᐃᑐᑕᐧᒃ
\p
\v 13 ᒪᒥᑐᓇᔨᒪᐧᒄ ᒪ ᒋᓴᒪᓂᑐᐤ ᐊ ᐃᔅᐱᔅ ‍ ᒋᔅᑕᔨᑕᑯᓯᑦ᙮ ᐎᔾ ᑎᐱᔨᐛ ᐅᑦ ᐃᓯᓂᐧᑲᓱᐅᓐ ᒋ ‍ ᐊᐱᒋᑕᐤ ᐊ ‍ ᐃᔅᒋᔄᑦ ᒐᔅᑎᓇᔅ ᒐ ᐊᑲ ᓂᑕ ᐅᒋ ‍ ᐊᑎᔅᑕᐛᑦ ᑕᓐ ᑲ ᐃᓯ ‍ ᒐᔅᑎᓄᒡ ᐃᑕᑦ ᐊᑉᕋᐊᒪ ᒐ ‍ ᐃᑐᑎᒧᐛᑦ᙮ ᓇᒪ ᑯᑎᑲ ᐊᐛᔪᐛ ᐅᒋ ᐎᐊᐤ ᒐᒋ ᐛᐸᑎᔭᑦ ᐊᑉᕋᐊᒪ ᐊ ‍ ᑕᑈᑦ ᑕᓐ ᑲ ‍ ᐃᔅᒋᔄᑦ, ᐛᔅ ᑕᐸ ᑕᐤ ᑯᑎᒃ ᐊᐛᓐ ᐊᔅᐱᔅ ᒋᔅᑕᔨᑕᑯᓯᑦ ᐊᔅᐱᔅ ᒋᔅᑕᔨᑕᑯᓯᑦ ᐎᔾ ᒋᓴᒪᓂᑐᐤ᙮
\v 14 ᒋ ‍ ᐃᔅᒋᔄᐤ, “ᒐᔅᑎᓇᔅ ᒋᑭ ‍ ᓱᐛᔨᒥᑎᓐ ᐊ ‍ ᒥᔨᑕᓐ ᒥᒐᑦ ᐊᐛᓐᒋ ᐊᓐᑕ ᐊ ‍ ᑕᔨᓐ ᒐᒋ ᐅᒋ ᐊᓂᔅᒐ ‍ ᐱᒪᑎᓯᒡ᙮”
\v 15 ᒋ ‍ ᓯᐱᔪᐛᓯᐤ ᒪᒃ ᐊᑉᕋᐊᒻ ᐊ ‍ ᐊᓱᐛᐱᑦ ᒐ ᐃᔅᐱᔅ ‍ ᐃᑐᑎᒧᐛᑭᓄᐅᑦ ᐊᓂᔭ ᑲ ‍ ᐃᑕᑭᓄᐅᑦ ᒐᔅᑎᓇᔅ ᒐ ‍ ᐃᑐᑎᒧᐛᑭᓄᐅᑦ᙮ ᒐᒃ ᒥᒐᑐᐤ ᐱᐳᓇ ᑲ ‍ ᐊᓱᐛᐱᑦ᙮ ᐊᑯ ᑲ ‍ ᒥᔨᑯᑦ ᒋᓴᒪᓂᑐᐛ ᐊᓂᔭ ᑲ ‍ ᐃᔅᒋᔄᔨᒋ ᒐᔅᑎᓇᔅ ᒐ ‍ ᒥᔨᑯᑦ᙮
\p
\v 16 ᐃᔅᐱ ᐊᐛᓐ ᓇᔅᒡ ᐛ ‍ ᑕᑈᒋ ᒐᒂᔪᐤ ᐊ ‍ ᐃᔅᒋᔄᑦ ᑯᑎᑲ ᐊᐛᔪᐛ ᐎᐊᐤ ᐅᔅᑕ ᐊ ‍ ᒋᔅᑕᔨᑕᑯᓯᔨᒋ ᐃᔅᐱᔅ ᐎᔾ᙮ ᐊᑯ ᒪᒃ ᓇᒪ ᐊᐛᔪᐛ ᒋ ‍ ᐊᓏᑕᑯᐤ ᐊᓂᔭ ᑲ ᐃᓯ ‍ ᓇᔅᐱᒡ ᑕᑈᑦ᙮
\v 17 ᒋᓴᒪᓂᑐᐤ ᒋ ‍ ᐃᑕᐤ ᒐᔅᑎᓇᔅ ᒐ ‍ ᓱᐛᔨᒪᑦ ᐅᑦ ᐃᔨᒪ᙮ ᐊᐅᒄ ᐅᔭ ᑲ ‍ ᐃᑕᑦ ᒐᒋ ᒋᔅᒐᔨᑎᒥᔨᒋ ᒐ ᐊᑲ ᓂᑕ ᐅᒋ ‍ ᐊᒋᑕᑦ ᑕᓐ ᑲ ᐎ ‍ ᐃᑐᑎᒧᐛᑦ᙮ ᐊᑯ ᒪᒃ ᐊᔪᐤ ᑲ ‍ ᓇᔅᐱᒡ ᑕᑈᑦ ᐊ ‍ ᐃᑕᑦ ᒐᔅᑎᓇᔅ ᒧᔅ ᒐ ‍ ᓱᐛᔨᒪᑦ᙮
\v 18 ᐛᔅ ᓇᒪ ᒋᑭ ᒋ ‍ ᑭᑭᒋᔭᐤ ᒋᓴᒪᓂᑐᐤ᙮ ᐛᔅ ᑕᓐ ᐊ ᐃᓯ ‍ ᒐᔅᑎᓄᒡ ᐃᔅᒋᔄᑦ ᒐᒂᔪᐤ ᐊᐅᑯᓐ ᒐ ‍ ᐃᔅᐱᔨᒡ᙮ ᒋ ‍ ᐃᔅᒋᔄᐤ ᒪᒃ ᐅᔭ ᒐᒋ ᒐᔅᑎᓇᑕᔨᑎᒪᐧᒄ ᐊᑲ ᓂᑕ ᐃᔭᒡ ᒐ ᐅᒋ ‍ ᐃᑕᔨᑕᐧᒃ᙮ ᐊᑯ ᒪᒃ ᐃᔅᐱ ᓇᑕᓯᒧᑐᑐᐛᒂ ᒐᒋ ᐱᒪᒋᐃᑕᐧᒄ, ᒐ ‍ ᔭᐃᑎᔅᑕᒡ ᒋᑦ ᐊᔅᐸᔨᒧᐅᓄᐤ ᐊ ‍ ᒐᔅᑎᓇᑕᔨᑎᒪᐧᒄ ᑕᓐ ᑲ ᐃᓯ ‍ ᓇᔅᐱᒡ ᑕᑈᑦ᙮
\v 19 ᐊ ‍ ᒐᔅᑎᓇᑕᔨᑎᒪᐧᒄ ᒪᒃ ᐅᔭ ᑲ ᐃᓯ ‍ ᓇᔅᐱᒡ ᑕᑈᑦ ᒋᓴᒪᓂᑐᐤ ᒐ ᐃᓯ ‍ ᐃᑐᑎᒪᑕᐧᒄ ᒧᔭᒻ ᐊ ‍ ᐃᑕᐱᑎᓯᑦ ᐳᓂᓯᓇᐸᒋᑭᓐ ᒐᒋ ᔭᐃᑎᑯᑎᒡ ᐅᐤᑦ ᐃᓯᓇᑯᓐ᙮ ᐊᓐ ᒪᒃ ᐊᐛᓐ ᑲ ‍ ᒐᔅᑎᓇᑕᔨᒪᐧᒄ ᐊᐅᒄ ᐊᓐ ᐸᒐᑦ ᐊᓐᑕ ᐊᓂᔭ ᑲ ‍ ᐊᑯᐛᑲᐃᑭᓄᐎᒡ ᒪᐅᒡ ᑲ ‍ ᐸᔭᒋᓯᒥᑲᒡ ᐊ ‍ ᐃᓯᓂᐧᑲᑕᔨᒡ ᐊᓐᑕ ᒋᒋᒋᓯᑯᒡ ᐊ ‍ ᑎᑯᓂᔨᒡ ᐊᔭᒥᐊᐅᒋᐛᐱᔪᐤ᙮
\v 20 ᒋᓴᔅ ᒪᒃ ᐅ ᑲ ‍ ᒐᔅᑎᓇᑕᔨᒪᐧᒄ᙮ ᐊᓐᑕ ᐊᓂᔭ ᑲ ‍ ᐱᒐᑦ ᐊᑯᑕ ᐊ ‍ ᐊᔭᒥᐊᔅᑎᒪᑕᐧᒄ᙮ ᐎᔾ ᑲᒋᒡ ᒋᓴᐊᔭᒥᐊᐅᒋᒪᐅ ᒋᓴᔅ ᒧᔭᒻ ᒪᓪᑭᓴᑕᒃ᙮
\c 7
\s1 ᒋᓴᐊᔭᒥᐊᐅᒋᒪᐤ ᒪᓪᑭᓴᑕᒃ ᑲ ‍ ᐊᔨᒧᒪᑭᓄᐅᑦ
\p
\v 1 ᐅ ᒪᓪᑭᓴᑕᒃ ᐛᔅᑭᒡ ᐊᓐᑕ ᒋ ‍ ᒋᓴᐅᒋᒪᐤ᙮ ᓴᐃᓕᒻ ᐊ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ‍ ᒋᓴᐅᒋᒪᐅᑦ᙮ ᒋ ‍ ᐊᑐᔅᑯᐛᐤ ᒋᓴᒪᓂᑐᐛ ᒪᐅᒡ ᑲ ‍ ᐃᔅᐸᔨᑕᑯᓯᔨᒋ ᐊ ‍ ᐊᔭᒥᐊᐅᒋᒪᐅᑦ᙮ ᐅ ᒪᒃ ᒪᓪᑭᓴᑕᒃ ᐸᐃᒂᐤ ᒋ ‍ ᓂᒋᔅᑯᐛᐤ ᐊᑉᕋᐊᒪ ᒧᔭᒻ ᐊ ᐸᒋ ‍ ᒋᐛᔨᒋ ᐊᓄᒡ ᐊᒋ ᒥᔪ ‍ ᓴᐧᑯᒋᐊᔨᒋ ᑭᔭ ᐊᒋ ‍ ᓂᐸᐊᔨᒋ ᒥᒐᑐᐤ ᒋᓴᐅᒋᒪᐛ ᐊᒋ ‍ ᓂᑐᐱᔨᑕᑯᔨᒋ᙮ ᐊᑯ ᐅ ᒪᓪᑭᓴᑕᒃ ᑲ ‍ ᓱᐛᔨᒪᑦ ᐊᑉᕋᐊᒪ᙮
\v 2 ᐊᑯ ᐊᑉᕋᐊᒻ ᒂ ‍ ᒥᔭᑦ ᐊᓂᔭᔪᐛ ᒪᓪᑭᓴᑕᑲ ᐸᐃᒄ ᑕᑐᐤ ᐸᐃᑯᔪᐤ ᑕᓐ ᑲ ᐃᓯ ‍ ᐎᐧᑯᒋᑕᑦ ᒐᒂᔪᐛ ᐊᓐᑕ ᑲ ‍ ᓂᑐᐱᔨᑦ᙮ ᐊᐅᒄ ᐅᔭ ᑲ ᐃᓯ ‍ ᒥᔭᑦ ᐊᓂᔭᔪᐛ ᒪᓪᑭᓴᑕᑲ ᐊ ‍ ᓄᑯᑕᑦ ᐊ ‍ ᒋᔅᑕᔨᒪᑦ᙮ ᒪᒥᑐᓇᔨᑎᒧᒄ ᐅ᙮ ᐊᓐ ᐃᓯᓂᐧᑲᓱᐅᓐ ᒪᓪᑭᓴᑕᒃ ᐊ ᐃᓯ ‍ ᐱᔭᑭᔅᒋᑕᑯᓯᓇᓄᐅᒡ ᒋᓴᐅᒋᒪᐤ ᑯᐃᔅᒄ ᑲ ᐃᓯ ‍ ᐅᒋᒪᐅᑦ ᐃᔅᒋᔄᒥᑭᓐ᙮ ᐊᑯ ᒪᒃ ᐊᓂᔭ ᐊᒋ ‍ ᒋᓴᐅᒋᒪᐅᑦ ᐊᓐᑕ ᐊᓂᔭ ᐅᑕᓇᔪᐤ ᓴᐃᓕᒻ ᐊ ‍ ᐃᓯᓂᐧᑲᑕᔨᒡ ᐅ ᒪᓪᑭᓴᑕᒃ ᐊᑯ ᐊᔪᐤ ᒋᔭᒪᔨᑎᒧᐅᓂᔪᐤ ᑲ ‍ ᒥᔨᐛᑦ ᒋᓴᐅᒋᒪᐤ ᐊ ‍ ᐃᔅᒋᔄᒥᑭᓂᔨᒡ ᐊ ‍ ᐱᔭᑭᔅᒋᑕᑭᓄᐎᒡ ᐅᑦ ᐃᓯᓂᐧᑲᓱᐅᓐ᙮
\v 3 ᐅ ᑲ ᐃᓯ ‍ ᐎᑎᒪᑎᑯᒡ ᐊᐅᒄ ᒥᒄ ᐅᔭ ᐊ ᐃᔅᐱᔅ ‍ ᒋᔅᒐᔨᒪᑭᓄᐅᑦ ᒪᓪᑭᓴᑕᒃ᙮ ᓇᒪ ᒋ ‍ ᒋᔅᒐᔨᒪᓄᐤ ᐊᐛᔪᐛ ᑲ ‍ ᐅᑕᐎᑦ ᑭᔭ ᒪᒃ ᐊᐛᔪᐛ ᑲ ‍ ᐅᑲᐎᑦ᙮ ᓇᒪ ᒋ ‍ ᒋᔅᒐᔨᒪᓄᐤ ᐊᐛᔪᐛ ᑲ ‍ ᐅᑦ ᐊᓂᔅᑯᑕᐸᓂᑦ᙮ ᑭᔭ ᓇᒪ ᒋ ‍ ᒋᔅᒐᔨᑎᒺᓇᓄᐤ ᑕᐃᔅᐱ ᑲ ‍ ᐱᒪᑎᓯᑦ ᑭᔭ ᑕᐃᔅᐱ ᑲ ‍ ᓂᐱᑦ᙮ ᓇᒪ ᒋ ‍ ᒋᔅᒐᔨᑕᓇᓄᐤ ᐛᔅ ᓇᒪ ᓇᔅᒡ ᐅᒋ ᐊᔨᒧᒪᑭᓄᐤ ᒥᓯᓇᐃᑭᓂᒡ᙮ ᐅ ᑲ ᐃᓯ ‍ ᐎᑎᒪᑎᑯᒡ, ᒧᔭᒻ ᒋᓴᒪᓂᑐᐤ ᐅᑯᓴ ᑲᒋᒡ ᐊ ‍ ᐊᔭᒥᐊᐅᒋᒪᐎᔨᒋ, ᑭᔭ ᐎᔾ ᒪᓪᑭᓴᑕᒃ ᑲᒋᒡ ᐊᔭᒥᐊᐅᒋᒪᐅ᙮
\p
\v 4 ᒪᒥᑐᓇᔨᒪᑕᐤ ᐊᓐ ᐊ ᐃᔅᐱᔅ ‍ ᒋᔅᑕᔨᑕᑯᓯᑦ ᐅ ᒪᓪᑭᓴᑕᒃ᙮ ᐊᑎ ᑲ ᐃᔅᐱᔅ ‍ ᒋᔅᑕᔨᑕᑯᓯᑦ ᐊᓂᔭ ᒍᑕᐎᓄᐤ ᐊᑉᕋᐊᒻ ᐃᔭᐱᒡ ᒋ ‍ ᒥᔭᐤ ᒪᓪᑭᓴᑕᑲ ᐱᔅᒐ ᐊᓂᔭ ᑕᓐ ᐎᔾ ᑲ ᐃᓯ ‍ ᐎᐧᑯᒋᑕᑦ᙮
\v 5 ᒪᒥᑐᓇᔨᑎᒧᒄ ᑭᔭ ᑕᓐ ᐊᑎᔅᑕᒡ ᒥᓐ ᐊᓐᑕ ᐎᓱᐛᐅᓂᒡ᙮ ᒥᒄ ᐊᓐᒡ ᐊᑉᕋᐊᒻ ᐅᑦ ᐊᓂᔅᒐ ᐅᓯᒪ ᓕᐸᐃᔨᒋ ᐊ ‍ ᑕᔨᒋ ᑲ ᐅᒋ ᐊᓂᔅᒐ ‍ ᐱᒪᑎᓯᒡ ᐊᓂᔭᔪᐛ ᑲ ‍ ᓇᐸᐎᔨᒋ ᒋ ‍ ᐊᐸᐃᔅᑕᔪᐛ ᒐᒋ ᐊᔭᒥᐊᐅᒋᒪᐎᒡ᙮ ᐅᒡ ᒪᒃ ᐊᔭᒥᐊᐅᒋᒪᐅᒡ ᒋ ‍ ᐱᔅᑎᓱᐛᑎᑯᐅᒡ ᐊᓂᔭ ᒍᐤ ᐎᓱᐛᐅᓂᔪᐤ ᒐᒋ ᐅᑎᓂᒺᒡ ᐅᑦ ᐃᔨᒧᐛᐛ, ᑭᔭ ᐎᐧᑲᓂᓱᐛᐛ, ᐸᐃᒄ ᑕᑐᐤ ᐸᐃᑯᔪᐤ ᐊ ᐃᔅᐱᔅ ‍ ᐎᐧᑯᒋᑕᔨᒋ ᒐᒂᔪᐤ, ᐊᑎ ᑭᔭ ᐎᔨᐛᐤ ᐊᑉᕋᐊᒪ ᐊ ‍ ᑕᔨᒋ ᐊᒋ ᐅᒋ ᐊᓂᔅᒐ ‍ ᐱᒪᑎᓯᒡ᙮
\v 6 ᒥᒄ ᒪᒃ ᐊᑎ ᐊᑲ ᐊᓐᑕ ᓕᐸᐃᔨᒋ ᐊ ‍ ᑕᔨᒋ ᐅᒋ ᐃᑎᔅᑲᓇᓯᑦ ᒪᓪᑭᓴᑕᒃ, ᐃᔭᐱᒡ ᒋ ‍ ᒥᔨᑯᐤ ᐊᑉᕋᐊᒪ ᐸᐃᒄ ᑕᑐᐤ ᐸᐃᑯᔪᐤ ᑕᓐ ᑲ ᐃᓯ ‍ ᐱᐧᑯᑎᒪᓱᔨᒋ ᒐᒂᔪᐤ᙮ ᐊᑯ ᒪᒃ ᒪᓪᑭᓴᑕᒃ ᑲ ‍ ᓱᐛᔨᒪᑦ ᐊᑉᕋᐊᒪ᙮ ᐊᑉᕋᐊᒻ ᒋ ‍ ᓂᑲᓐ ᐎᑎᒪᑯᐤ ᒋᓴᒪᓂᑐᐛ ᒐᔅᑎᓇᔅ ᒐ ‍ ᓱᐛᔨᒥᑯᑦ᙮
\v 7 ᐊᓐ ᐊᐛᓐ ᑲ ‍ ᓱᐛᔨᒪᑦ ᐊᐛᔪᐛ, ᐎᔾ ᑕᑈ ᐅᔅᑕ ᒋᔅᑕᔨᑕᑯᓱᐤ ᐃᔅᐱᔅ ᐊᓐ ᑲ ‍ ᓱᐛᔨᒪᑭᓄᐅᑦ᙮
\v 8 ᒥᓯᐛ ᐊᔭᒥᐊᐅᒋᒪᐅᒡ ᑲ ‍ ᒥᔭᑭᓄᐅᒡ ᐸᐃᒄ ᑕᑐᐤ ᐸᐃᑯᔪᐤ ᒐᒂᔪᐤ, ᒐᒃ ᒥᓯᐛ ᒋ ‍ ᐳᓂᐱᒪᑎᓯᐅᒡ᙮ ᒪᓪᑭᓴᑕᒃ ᑭᔭ ᐎᔾ ᒋ ‍ ᐊᔭᒥᐊᐅᒋᒪᐅ᙮ ᒋ ‍ ᒥᔭᑭᓄᐤ ᐸᐃᒄ ᑕᑐᐤ ᐸᐃᑯᔪᐤ ᐊ ‍ ᐃᑕᑎᓂᒂᐤ ᒐᒂᔪᐛ, ᒥᒄ ᒪᒃ ᐃᑎᔅᑕᔪᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᔅᒄ ᐊ ‍ ᐱᒪᑎᓯᑦ᙮
\v 9 ᓕᐸᐃ ᐅᑦ ᐊᓂᔅᒐ ᐅᓯᒪ ᐊᐅᑯᓂ ᐊᓄᒡ ᐊ ‍ ᐊᔭᒥᐊᐅᒋᒪᐎᔨᒋ᙮ ᐊᐅᑯᓐᒡ ᒥᒄ ᐅᒡ ᒪᔭᑭᓄᐅᒡ ᐸᐃᒄ ᑕᑐᐤ ᐸᐃᑯᔪᐤ ᒐᒂᔪᐛ᙮ ᐊᓐᑕ ᒪᒃ ᐅᑕᒡ ᒪᓪᑭᓴᑕᒃ ᒋ ‍ ᒥᔨᑯᐤ ᐊᑉᕋᐊᒪ ᐸᐃᒄ ᑕᑐᐤ ᐸᐃᑯᔪᐤ ᑕᓐ ᑲ ᐃᓯ ‍ ᐊᔭᔨᒋ ᒐᒂᔪᐤ᙮ ᐊᑯ ᒪᒃ ᒋᑭ ᒋ ‍ ᐃᔅᒋᔄᓇᓄᐤ ᑭᔭ ᐎᔾ ᓕᐸᐃ ᐸᐃᒄ ᑕᑐᐤ ᐸᐃᑯᔪᐤ ᒐᒂᔪᐤ ᐊᒋ ‍ ᒥᔭᑦ ᐊᓂᔭᔪᐛ ᒪᓪᑭᓴᑕᑲ ᒧᔭᒻ ᑲ ᐃᓯ ‍ ᒥᔭᔨᒋ ᐅᒧᓱᒪ ᐊᑉᕋᐊᒪ᙮
\v 10 ᐛᔅ ᐊᑎ ᐊᔅᒄ ᐊᑲ ᐅᒋ ᐱᒪᑎᓯᑦ ᓕᐸᐃ ᐃᔅᐱᔅ ᒪᓪᑭᓴᑕᑲ ᑲ ‍ ᓂᒋᔅᑯᐛᔨᒋ ᐊᑉᕋᐊᒪ ᒋ ‍ ᐃᓯᓇᑯᓂᔪᐤ ᒧᔭᒻ ᑭᔭ ᐎᔾ ᓕᐸᐃ ᐊ ‍ ᒥᔭᑦ ᒪᓪᑭᓴᑕᑲ ᐸᐃᒄ ᑕᑐᐤ ᐸᐃᑯᔪᐤ ᒐᒂᔪᐤ ᐛᔅ ᐊᑯᑕ ᐊᔅᒄ ᒐ ᐅᒋ ᐊᓂᔅᒐ ‍ ᐱᒪᑎᓯᑯᐱᓇ ᐊᑉᕋᐊᒪ ᐊ ‍ ᑕᔨᒋ ᐅ ᓕᐸᐃ᙮
\s1 ᓄᓴᒻ ᒪᓪᑭᓴᑕᒃ ᐃᑕᔨᑕᑯᓱᐤ ᒋᓴᔅ
\p
\v 11 ᐃᔅᐱᔅ ᐊᓐᒡ ᐃᔅᕋᐃᓪ ᐃᔪᒡ ᑲ ‍ ᒥᔭᑭᓄᐅᒡ ᐊᓂᔭ ᐎᓱᐛᐅᓂᔪᐤ, ᐊᓂᔭᔪᐛ ᐊᔭᒥᐊᐅᒋᒪᐛ ᓕᐸᐃ ᐊ ‍ ᑕᔨᒋ ᑲ ᐅᒋ ᐊᓂᔅᒐ ‍ ᐱᒪᑎᓯᔨᒋ ᒋ ‍ ᐊᔨᒧᑎᒪᑯᐅᒡ ᐅᔭ ᐎᓱᐛᐅᓂᔪᐤ᙮ ᒋ ‍ ᐃᓯᓇᑯᓂᑯᐱᓇ ᒪᒃ ᒐᒋ ᐱᒪᒋᐅᒡ ᐊᐛᓐᒋ ᐊᓂᔭ ᑲ ᐃᓯ ‍ ᐊᑐᔅᒐᔨᒋ ᐅᔭ ᐊᔭᒥᐊᐅᒋᒪᐛ ᐅᒋ ᓇᒪ ᒋᐸ ᐅᒋ ‍ ᓂᑐᐛᔨᑕᑯᓂᔪᐤ ᒥᓐ ᒐᒋ ᑕᑦ ᐊᐛᓐ ᐊ ‍ ᐊᔭᒥᐊᐅᒋᒪᐅᑦ ᒧᔭᒻ ᒪᓪᑭᓴᑕᒃ ᐊ ‍ ᐃᑕᔨᑕᑯᓯᑦ᙮ ᒥᒄ ᒪᒃ ᓇᒪ ᐅᒋ ᐱᒪᒋᐅᒡ ᐊᐛᓐᒋ ᒥᒄ ᐊᓂᔭ ᐅᑦ ᐊᑐᔅᒐᐅᓂᔪᐤ ᐊᓂᔭᔪᐛ ᐊᔭᒥᐊᐅᒋᒪᐛ ᐅᒡ᙮ ᐊᑯ ᑭᑈ ᑲ ‍ ᓂᑐᐛᔨᑕᒂᒡ ᒥᓐ ᑯᑎᒃ ᒋᓴᐊᔭᒥᐊᐅᒋᒪᐤ ᒐᒋ ᑕᑦ ᒧᔭᒻ ᒪᓪᑭᓴᑕᑲ ᑲ ‍ ᐃᑕᔨᑕᑯᓯᔨᒋ ᒐᒋ ᐃᑕᔨᑕᑯᓯᑦ᙮ ᓇᒪ ᐎ ᐊᕋᓇ ᑲ ‍ ᐃᑕᔨᑕᑯᓯᔨᒋ ᒋᐸ ᐅᒋ ‍ ᐃᑕᔨᑕᑯᓱᐤ᙮
\v 12 ᐃᔅᐱ ᒪᒃ ᐊ ‍ ᐊᒋᐊᑭᓄᐎᒡ ᐊᔭᒥᐊᐅᒋᒪᐅᒡ ᒋ ‍ ᓂᑐᐛᔨᑕᑯᓐ ᒐᒋ ᐊᑎᓇᑭᓄᐅᒡ ᐊᓐ ᐎᓱᐛᐅᓐ᙮
\v 13 ᐊ ‍ ᐊᔨᒧᑕᑭᓄᐅᒡ ᒪᒃ ᑯᑎᒃ ᐊᔭᒥᐊᐅᒋᒪᐤ ᐊ ‍ ᓂᑐᐛᔨᑕᑯᓯᑦ, ᒋᓴᔅ ᐊᓐ ᑲ ‍ ᐊᔨᒧᒪᑭᓄᐅᑦ᙮ ᓇᒪ ᒪᒃ ᓕᐸᐃᔨᒋ ᐊ ᑕᔨᒋ ᐅᒋ ᐊᓂᔅᒐ ‍ ᐱᒪᑎᓯᐤ ᐊᓐᑕ ᑲ ᐅᒋ ᐸᒋ ᐊᓂᔅᒐ ‍ ᐱᒪᑎᓯᔨᒋ ᐊᔭᒥᐊᐅᒋᒪᐛ᙮ ᐊᓐᑕ ᑲ ᐅᒋ ᐊᓂᔅᒐ ‍ ᐱᒪᑎᓯᑦ ᒋᓴᔅ ᓇᒪ ᓂᑕ ᐅᒋ ᐅᒋᐤ ᐊᓐᑕ ᐊᐛᓐ ᒐᒋ ᐊᔭᒥᐊᐅᒋᒪᐤ ᐊᑐᔅᒐᑦ ᐊᓐᑕ ᐱᔅᑎᓂᒐᐅᓇᐱᔅᑯᔪᐤ ᐊ ‍ ᑎᑯᓂᔨᒡ᙮
\v 14 ᒥᓯᐛ ᐊᐛᓐ ᒋᔅᒐᔨᑎᒻ ᐅᔭ᙮ ᒋᓴᔅ ᒍᑕᐃᒡ ᐊ ‍ ᑕᔨᒋ ᒋ ᐅᒋ ᐊᓂᔅᒐ ‍ ᐱᒪᑎᓯᐤ᙮ ᑭᔭ ᒋ ‍ ᒋᔅᒐᔨᑕᓇᓄᐤ ᒧᓱᔅ ᐊᑲ ᐅᒋ ᐎᔭᑦ ᒍᑕᐃᒡ ᐊ ‍ ᑕᔨᒋ ᐊ ‍ ᐅᒋᔨᒋ ᐊᐛᔪᐛ ᒐᒋ ᐊᔭᒥᐊᐅᒋᒪᐎᔨᒋ᙮
\s1 ᐅ ᑲ ‍ ᐅᔅᑲᒡ ᓂᔅᑯᒧᐅᓐ ᐅᔅᑕ ᒥᔽᐤ ᐃᔅᐱᔅ ᐊᓐ ᐛᔅᑭᒡ ᓂᔅᑯᒧᐅᓐ
\p
\v 15 ᐊᑯ ᒪᒃ ᐊᑐᐎᔅ ᐊ ‍ ᐱᔭᑭᔅᒋᑕᒂᒡ, ᓴᔅ ᑕᐤ ᑯᑎᒃ ᐊᔭᒥᐊᐅᒋᒪᐤ ᒧᔭᒻ ᒪᓪᑭᓴᑕᒃ ᐊ ‍ ᐃᑕᔨᑕᑯᓯᑦ᙮ ᐊᐅᒄ ᐅ ᒋᓴᔅ᙮
\v 16 ᒋᓴᔅ ᒪᒃ ᐊᑎ ᐊᑲ ᐊᓐᑕ ᐅᒋ ᐊᓂᔅᒐ ‍ ᐱᒪᑎᓯᑦ ᐊᓐᑕ ᐊᓂᔅᒐ ᐛᒋᔨᒋ ᐊᔭᒥᐊᐅᒋᒪᐛ, ᐃᔭᐱᒡ ᒋ ‍ ᐊᔭᒥᐊᐅᒋᒪᐊᑭᓄᐤ ᐛᔅ ᓇᒪ ᓂᑕ ᒋᑭ ᐅᒋ ‍ ᐳᓂᐱᔪᐤ ᑲ ‍ ᓱᐧᑲᑎᓯᒥᑭᓂᔨᒡ ᐅᐱᒪᑎᓯᐅᓐ᙮
\v 17 ᐊᐅᒄ ᐅᔭ ᐊ ᐃᓯ ‍ ᐊᔨᒧᒪᑭᓄᐅᑦ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ, ᒋᓴᒪᓂᑐᐛ ᐊᒋ ᐃᓯ ‍ ᐊᔨᒧᒥᑯᑦ,
\q “ᑲᒋᒡ ᒋᑦ ᐊᔭᒥᐊᐅᒋᒪᐅᓐ, ᒧᔭᒻ ᐊ ᐃᓯ ‍ ᐊᔭᒥᐊᐅᒋᒪᐅᑦ ᒪᓪᑭᓴᑕᒃ᙮”
\p
\v 18 ᐊᑯ ᒪᒃ ᐊᓐ ᑲᒋ ᐃᓯ ‍ ᐊᐱᑎᒡ ᐎᓱᐛᐅᓐ ᐃᒐᓂᑭᓄᐤ ᐛᔅ ᓇᒪ ᓱᒐᔨᑕᑯᓐ ᑭᔭ ᓇᒪ ᐅᔭᔅ ᒋ ‍ ᐃᑕᐱᑎᓐ᙮
\v 19 ᐛᔅ ᐊᓂᔭᔪᐛ ᐎᓱᐛᐅᓇ ᒧᓱᔅ ᑲ ‍ ᐱᔅᑎᓇᐧᒃ ᓇᒪ ᐅᒋ ᐃᑐᑕᑯᐅᒡ ᐃᔪᒡ ᒐᒋ ᑯᐃᔅᑯᑕᑎᓯᒡ᙮ ᒥᒄ ᒪᒃ ᑯᑎᒡ ᒐᒂᓐ ᐅᔅᑕ ᐊ ‍ ᒥᔽᒡ ᒋ ‍ ᒥᔨᑯᓇᓄᐤ, ᐊᐅᒄ ᐊᔅᐸᔨᒧᐅᓐ᙮ ᐊᔅᐸᔨᒧᐅᓐ ᐊᔭᐛᒂ ᐊᐅᒄ ᒐ ‍ ᐎᒋᐃᑯᔭᐧᒄ ᒐᒋ ᐸᓱᐛᐱᒪᐧᒄ ᒋᓴᒪᓂᑐᐤ᙮
\p
\v 20 ᒋᓴᒪᓂᑐᐤ ᒋ ‍ ᓇᔅᐱᒡ ᑕᑈᐤ ᑲ ‍ ᐃᔅᒋᔄᑦ,
\q
\v 21 “ ‘ᒋᔾ ᒧᔅ ᒋᑭ ‍ ᐊᔭᒥᐊᐅᒋᒪᐅᓐ᙮’ ᓇᒪ ᒪᒃ ᓂᑕ ᐃᔭᒡ ᓂᑭ ᐅᒋ ‍ ᐃᑕᔨᑎᒥᐃᑯᓐ, ᒋᔾ ᑲᒋᒡ ᒐ ‍ ᐊᔭᒥᐊᐅᒋᒪᐎᔨᓐ᙮”
\m ᐅᔭ ᑲ ‍ ᐃᔅᒋᔄᑦ ᒋᓴᒪᓂᑐᐤ ᓇᒪ ᓂᑕ ᐅᒋ ᐃᑕᐤ ᐊᓂᔭ ᑯᑎᑲ ᐊᔭᒥᐊᐅᒋᒪᐛ ᐊᓐᑕ ᓕᐸᐃᔨᒋ ᐊ ‍ ᑕᔨᒋ ᑲ ᐅᒋ ᐊᓂᔅᒐ ‍ ᐱᒪᑎᓯᔨᒋ᙮
\v 22 ᒋ ‍ ᒋᔅᒐᔨᑕᓇᓄᐤ ᐅ ᐛᔅ ᐎᔾ ᒋᓴᒪᓂᑐᐤ ᒋ ‍ ᓇᔅᐱᒡ ᑕᑈᐤ ᐅᔭ ᑲ ‍ ᐃᑕᑦ ᒋᓴᓴ᙮ ᐅᔅᑕ ᒪᒃ ᐅᔭ ᑲ ‍ ᐅᔅᑲᔨᒡ ᓂᔅᑯᒧᐅᓂᔪᐤ ᑲ ‍ ᒥᔨᑕᐧᒄ ᒋᓴᒪᓂᑐᐤ ᒥᔽᔪᐤ ᐃᔅᐱᔅ ᐊᓐ ᐛᔅᑭᒡ ᓂᔅᑯᒧᐅᓐ᙮ ᒋ ‍ ᒐᔅᑎᓇᐅᓇᓄᐤ ᒪᒃ ᒐ ‍ ᓂᓇᑭᑐᐛᔨᑕᐧᒃ ᒋᓴᔅ ᒐᔅᑎᓇᔅ ᒐᒋ ᒥᔅᑭᒪᐧᒄ ᐊᓂᔭᔪᐛ ᒐᒂᔪᐛ ᒋᓴᒪᓂᑐᐛ ᑲ ‍ ᐃᔅᒋᔄᔨᒋ ᒐ ‍ ᒥᔨᑎᑕᐧᑯ᙮
\s2 Hebrews 7.23-28 (Proper-25 Year B)
\p
\v 23 ᑕᑥᐤ ᑲ ‍ ᓂᐱᒡ ᐊᔭᒥᐊᐅᒋᒪᐅᒡ ᐊᓐᑕ ᓕᐸᐃᔨᒋ ᐊ ‍ ᑕᔨᒋ ᐊᒋ ᐅᒋ ᐊᓂᔅᒐ ‍ ᐱᒪᑎᓯᒡ, ᒥᓐ ᑯᑎᒃ ᐊᐛᓐ ᒋ ᐊᑎ ‍ ᒥᔅᑯᑎᔅᑯᐛᐤ ᐊᓂᔭ ᑲ ‍ ᓂᐱᔨᒋ᙮
\v 24 ᐎᔾ ᒪᒃ ᒋᓴᔅ, ᑲᒋᒡ ᒋᑭ ‍ ᐊᔭᒥᐊᐅᒋᒪᐤ, ᐛᔅ ᑲᒋᒡ ᒋᑭ ‍ ᐱᒪᑎᓯᐤ᙮
\v 25 ᓇᔅᒡ ᒋᑭ ᒋ ‍ ᐱᒪᒋᐊᐤ ᒥᓯᐛ ᐊᐛᔪᐛ ᑲ ‍ ᑕᑈᔭᔨᒥᑯᑦ ᐊ ‍ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮
\p
\v 26 ᒋᓴᔅ ᐊᐅᒄ ᒋᓴᐊᔭᒥᐊᐅᒋᒪᐤ ᒋᒋᐛ ᒐᒋ ᐎᒋᐃᑕᐧᒄ᙮ ᓇᒪ ᓂᑕ ᒥᒋᑐᑎᒻ᙮ ᓇᔅᒡ ᑯᐃᔅᑯᑕᑎᓯᐤ ᑭᔭ ᐸᔭᒋᓯᐤ᙮ ᓇᒪ ᓇᔅᒡ ᐃᑕᔨᑕᑯᓱᐤ ᑕᓐ ᐊ ‍ ᐃᑕᔨᑕᑯᓱᐛᐧᒄ ᒋᔭᓄᐤ ᐊ ‍ ᒥᒐᑎᓯᔭᐧᒄ᙮ ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐃᓯ ‍ ᐊᑕᒪᔨᑕᑯᓯᑦ᙮ ᒋᓴᒪᓂᑐᐛ ᒋ ‍ ᐅᑎᓂᑯᐤ ᑭᔭ ᒋ ‍ ᐊᐃᑯᐤ ᐊᓐᑕ ᒪᐅᒡ ᐊ ‍ ᐃᔅᐸᔨᑕᑯᓂᔨᒡ ᐊᓐᑕ ᒋᒋᒋᓯᑯᒡ᙮
\v 27 ᒋᓴᔅ ᓇᒪ ᐅᒋ ᐃᑐᐤ ᑕᓐ ᑲᒋ ‍ ᐃᑎᔨᒋ ᑯᑎᑲ ᒋᓴᐊᔭᒥᐊᐅᒋᒪᐛ᙮ ᒋ ‍ ᓂᑐᐛᔨᑕᑯᓱᐅᒡ ᐊᓐᒡ ᐊᔭᒥᐊᐅᒋᒪᐅᒡ ᐊᓯᑯᒻ ᒋᓯᑲᐛ ᒐᒋ ᒥᑐᔅᑕᐊᒪᒡ ᐊᐛᓯᓴ ᐊᓐᑕ ᒐᒋ ᐅᒋ ‍ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ ᑭᔭ ᐅᑦ ᐃᔨᒧᐛᐛ ᒐᒋ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮ ᒋᓴᔅ ᒪᒃ ᐎᔾ ᒥᒄ ᐸᐃᒂᐤ ᒋ ‍ ᐱᔅᑎᓂᒻ ᑎᐱᔨᐛ ᐅᐱᒪᑎᓯᐅᓐ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮ ᓇᒪ ᒪᒃ ᐅᒋ ᓂᑐᐛᔨᑕᑯᓂᔪᐤ ᒥᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ᙮
\v 28 ᐊᓐ ᐛᔅᑭᒡ ᐎᓱᐛᐅᓐ ᐊᐅᒄ ᐊᓐ ᑲᒋ ‍ ᐊᐱᑎᒡ ᐊ ‍ ᒥᔅᑯᑐᓇᑭᓄᐅᑦ ᐊᐛᓐ ᒐ ‍ ᒋᓴᐊᔭᒥᐊᐅᒋᒪᐅᑦ, ᓇᒪ ᒪᒃ ᓇᔅᒡ ᐅᒋ ᑯᐃᔅᑯᑕᑎᓯᐅᒡ ᐅᒡ ᑲ ‍ ᐅᑎᓇᑭᓄᐎᒡ᙮ ᐸᑎᒪ ᒪᒃ, ᐃᔅᐱ ᑲ ‍ ᐱᔅᑎᓇᐧᒃ ᐊᔭᒥᐊᐅ ᐎᓱᐛᐅᓂᔪᐤ ᒋᓴᒪᓂᑐᐤ, ᐊᑯ ᒂ ‍ ᓇᔅᐱᒡ ᑕᑈᑦ ᐅᑯᓴ ᒐ ‍ ᒋᓴᐊᔭᒥᐊᐅᒋᒪᐎᔨᒋ᙮ ᓴᔅ ᒪᒃ ᒋ ‍ ᐃᑐᑎᒻ ᐅᔭ᙮ ᑲᒋᒡ ᓇᔅᒡ ᑯᐃᔅᑯᑕᑎᓯᐤ ᒋᓴᔅ ᐊ ‍ ᒋᓴᐊᔭᒥᐊᐅᒋᒪᐅᑦ᙮
\c 8
\s1 ᒋᓴᔅ ᐊᐅᒄ ᒋᒋᓴᐊᔭᒥᐊᐅᒋᒪᒥᓄᐤ
\p
\v 1 ᒪᐅ ᐛ ᐃᑎᑎᑯᒡ᙮ ᒋ ‍ ᑭᓄᐛᔨᒪᓄᐤ ᒋᓴᐊᔭᒥᐊᐅᒋᒪᐤ᙮ ᒧᔭᒻ ᒪᒃ ᐅ ᑲ ᐃᓯ ᐸᒋ ‍ ᐊᔨᒧᑎᒪᑎᑯᒡ ᑕᓐ ᑲ ᐃᓯ ‍ ᓂᑐᐛᔨᑕᑯᓯᑯᐱᓇ ᒐᒋ ᐃᑕᔨᑕᑯᓯᑦ ᐊᔭᒥᐊᐅᒋᒪᐤ ᓇᔅᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ, ᐊᐅᑯᓐ ᐊᓐ ᐊ ‍ ᐃᑕᔨᑕᑯᓯᑦ ᐅ ᒋᒋᓴᐊᔭᒥᐊᐅᒋᒪᒥᓄᐤ᙮ ᐊᓐᑕ ᒋᓴᒪᓂᑐᐛ ᒪᐅᒡ ᑲ ‍ ᓱᒐᔨᑕᑯᓯᔨᒋ ᐅᒥᔪᓂᔨᒡ ᐊᑯᑕ ᐛᑎᐱᑦ, ᐊᓐᑕ ᒋᒋᒋᓯᑯᒡ᙮
\v 2 ᒋᒋᒋᓯᑯᒡ ᑎᑯᓐ ᒋᒋᐛ ᐊᔭᒥᐊᐤ ᒥᒋᐛᐸ᙮ ᐱᒡ ᒪᒃ ᐊᓐ ᒋᒋᐛ ᐊᔭᒥᐊᐤ ᒥᒋᐛᐸ ᐊᑯᑕ ᐊ ‍ ᑎᒂᒡ ᐊᓐ ᐊ ‍ ᐱᔅᒋᒐᔭᒡ ᒪᐅᒡ ᐊ ‍ ᒋᔅᑕᔨᑕᒂᒡ᙮ ᐊᑯᑕ ᒪᒃ ᒋᓴᐊᔭᒥᐊᐅᒋᒪᐤ ᐊᑐᔅᒐᑦ ᐅ ᒋᒋᓴᐊᔭᒥᐊᐅᒋᒪᒥᓄᐤ᙮ ᐎᔾ ᐅᑎᐸᔨᒋᒐᐤ ᒋ ‍ ᐎᔨᑲᐳᐅᑕᐤ ᐊᓂᔭ ᐊᔭᒥᐊᐤ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ‍ ᑎᑯᓂᔨᒡ᙮ ᓇᒪ ᐎ ᓇᐸᐤ ᐅᒋ ᐎᔨᑲᐳᐅᑕᐤ᙮
\p
\v 3 ᐊᓐ ᐊᐛᓐ ᑲ ‍ ᐎᔭᔨᒪᑭᓄᐅᑦ ᒐᒋ ᒋᓴᐊᔭᒥᐊᐅᒋᒪᐅᑦ ᐊᐅᒄ ᐊᓐ ᑲ ‍ ᐸᑕᐛᑦ ᐊᓂᔭᔪᐛ ᐃᔪᐛ ᐅᐱᔅᑎᓂᒐᐅᓂᔪᐤ ᑭᔭ ᐅᒥᑐᔅᑕᐊᒪᒐᐅᓂᔪᐤ ᐊᓐᑕ ᒋᓴᒪᓂᑐᐛ ᐊ ‍ ᑕᔨᒋ᙮ ᐊᑯ ᒪᒃ ᑭᔭ ᒋᔭᓄᐤ ᒋᒋᓴᐊᔭᒥᐊᐅᒋᒪᒥᓄᐤ ᙭ ᑭᔭ ᐎᔾ ᒋᐸ ‍ ᑎᑯᓂᔪᐤ ᒐᒂᔪᐤ ᐊ ᐃᓯ ‍ ᐱᔅᑎᓂᒧᐛᑦ ᒋᓴᒪᓂᑐᐛ᙮
\v 4 ᒥᒄ ᒪᒃ ᐅᑕ ᐊᔅᒋᒡ ᒋ ‍ ᐃᑕᑯᐱᓇ ᓇᒪ ᒋᐸ ᐅᒋ ‍ ᐊᔭᒥᐊᐅᒋᒪᐤ ᐛᔅ ᓴᔅ ᑕᐅᒡ ᑯᑎᑭᒡ ᐊᔭᒥᐊᐅᒋᒪᐅᒡ ᐅᑕ ᐊᔅᒋᒡ᙮ ᐊᓂᔭ ᒪᒃ ᐊ ‍ ᐃᑎᔅᑕᔨᒡ ᒍᐤ ᐎᓱᐛᐅᓂᔪᐤ ᐊᐅᑯᓐ ᐊ ᐃᓯ ‍ ᐊᑐᔅᒐᒡ ᐅᒡ ᐊᔭᒥᐊᐅᒋᒪᐅᒡ ᐅᑕ ᐊᔅᒋᒡ ᑲ ‍ ᐊᔭᒥᐊᐅᒋᒪᐤ ᐊᐱᑎᓯᒡ᙮
\v 5 ᐅᒡ ᒪᒃ ᐊᔭᒥᐊᐅᒋᒪᐅᒡ ᐅᑕ ᐊᔅᒋᒡ ᑲ ‍ ᐊᔭᒥᐊᐅᒋᒪᐤ ᐊᐱᑎᓯᒡ ᐊᓐᑕ ᒍᐤ ᐊᔭᒥᐊᐤ ᒥᒋᐛᐱᒡ ᒋ ‍ ᐊᑐᔅᒐᐅᒡ᙮ ᐊᓂᔭ ᒪᒃ ᐊᔭᒥᐊᐤ ᒥᒋᐛᐱᔪᐤ ᐊᓐᑕ ᑲ ‍ ᐊᑐᔅᒐᒡ ᒧᔭᒻ ᐊᓐ ᒋᒋᐛ ᐊᔭᒥᐊᐤ ᒥᒋᐛᑉ ᒋᒋᒋᓯᑯᒡ ᑲ ‍ ᑎᒂᒡ ᐊ ‍ ᐃᓯᓇᒂᒡ ᒋ ‍ ᐃᓯᓇᑯᓂᔪᐤ᙮ ᐛᔅ ᐃᔅᐱ ᒧᓱᔅ ᒐ ‍ ᐎᔨᑲᐳᐅᑕᑦ ᐊᓂᔭ ᐊᔭᒥᐊᐤ ᒥᒋᐛᐱᔪᐤ, ᒋ ‍ ᐃᑎᑯᐤ ᒋᓴᒪᓂᑐᐛ, “ᐊᓐᑕ ᐱᔅᑯᑎᓇᒡ ᐊ ‍ ᑕᔨᓐ ᑲ ‍ ᐛᐸᑎᔨᑕᓐ ᑕᓐ ᒐ ‍ ᐃᓯᑕᔨᓐ ᐊᐅᑯᓐ ᐊᓐ ᒐ ‍ ᐃᓯᑕᔨᓐ᙮”
\v 6 ᐊᑯ ᒪᒃ ᓇᔅᑐᑎᒪᐧᒄ ᐅᔅᑕ ᐊ ‍ ᒋᔅᑕᔨᑕᑯᓂᔨᒡ ᐊᓂᔭ ᐅᑦ ᐊᔭᒥᐊᐤ ᐊᑐᔅᒐᐅᓐ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᓴᔅ ᐊ ‍ ᐃᑕᔨᑕᑯᓂᔨᒡ ᐅᑦ ᐊᔭᒥᐊᐅᒋᒪᐤ ᐊᐱᑎᓯᐅᓂᔪᐤ ᐊᓂᔭᔪᐛ ᐊᔭᒥᐊᐅᒋᒪᐛ ᐅᑕ ᐊᔅᒋᒡ ᑲ ‍ ᐊᔭᒥᐊᐅᒋᒪᐤ ᐊᐱᑎᓯᔨᒋ᙮ ᑭᔭ ᐊᓂᔭ ᑲ ‍ ᐅᔅᑲᔨᒡ ᓂᔅᑯᒧᐅᓂᔪᐤ ᑲ ‍ ᐅᓯᑕᑦ ᒋᓴᔅ ᐊᔪᐅᒄ ᐊᓂᔭ ᐅᔅᑕ ᒐᔅᑕᔨᑕᑯᓂᔨᒡ ᐃᔅᐱᔅ ᐊᓂᔭ ᐛᔅᑭᒡ ᓂᔅᑯᒧᐅᓂᔪᐤ᙮ ᐛᔅ ᒋᓴᒪᓂᑐᐤ ᓇᔅᐱᒡ ᑕᑈᐤ ᐊᔪᐛᒃ ᒥᔅᑎ ᒐ ‍ ᒥᔪᑐᑎᒧᐛᑦ ᐃᔪᐛ ᐊᓂᔭ ᑲ ‍ ᐅᔅᑲᔨᒡ ᓂᔅᑯᒧᐅᓂᔪᐤ ᐅᒡ᙮
\p
\v 7 ᒋ ‍ ᐃᔅᐱᔅ ᒥᔪ ‍ ᐊᐱᑎᓂᑯᐱᓇ ᒪᒃ ᐊᓐ ᓂᔅᑎᒻ ᓂᔅᑯᒧᐅᓐ ᒐᒋ ᐱᒪᒋᐅᒡ ᐊᐛᓐᒋ, ᓇᒪ ᒋᐸ ᐅᒋ ‍ ᓂᑐᐛᔨᑕᑯᓐ ᐊ ‍ ᐅᔅᑲᒡ ᓂᔅᑯᒧᐅᓐ᙮
\v 8 ᒋ ‍ ᑎᑯᓂᔪᐤ ᒪᒃ ᑕᓐ ᑲ ᐃᓯ ᐊᑲ ‍ ᓇᐊᔨᑎᒥᐃᑯᑦ ᐅᑦ ᐃᔨᒪ ᒋᓴᒪᓂᑐᐤ᙮ ᒋ ‍ ᐃᑕᐤ ᐅᑦ ᐃᔨᒧᐅᓂᒡ,
\q “ᒋᑭ ‍ ᐅᑎᒋᐱᔪᐤ ᐊ ‍ ᐅᔅᑲᔨᒡ ᓂᔅᑯᒧᐅᓂᔪᐤ ᒐ ‍ ᐅᓯᑎᒧᐅᒂᐤ ᓂᑦ ᐃᔨᒥᒡ᙮ ᐃᔅᕋᐃᓪ ᐃᔪᒡ ᑭᔭ ᒍᑕ ᐃᔪᒡ ᒋᑭ ‍ ᓂᓇᐃᑎᒧᒡ᙮
\q
\v 9 ᐅᔭ ᑯᑎᒋᔪᐤ ᓂᔅᑯᒧᐅᓂᔪᐤ ᒐ ‍ ᐅᓯᑎᒧᐅᒂᐤ ᓂᑦ ᐃᔨᒥᒡ ᐃᔭᒡ ᒋᑭ ‍ ᐃᑕᔨᑕᑯᓂᔪᐤ ᑲ ‍ ᐃᑕᔨᑕᑯᓂᔨᒡ ᐊᓂᔭ ᓂᔅᑯᒧᐅᓂᔪᐤ ᑲ ‍ ᐅᓯᑎᒪᒥᒋ ᐊᓂᔭ ᐅᑦ ᐊᓂᔅᒐ ᐅᑕᐎᐛᐛ ᐃᔅᐱ ᓂᔾ ᑎᐱᔨᐛ ᑲ ‍ ᐎᐧᑯᒋᐃᒥᒋ ᐊᓐᑕ ᐃᒋᑉᑎᒡ ᐅᒋ᙮
\q ᐎᔨᐛᐤ ᒪᒃ ᓇᒪ ᐅᒋ ᓂᓇᐃᑎᒧᒡ ᐊᓂᔭ ᓂᔅᑯᒧᐅᓂᔪᐤ᙮ ᐊᐅᒄ ᒪᒃ ᐊᓂᔭ ᐛᒋ ᐊᑲ ᐅᒋ ᐊᐱᑕᔨᑕᒡ᙮
\q
\v 10 ᒥᒄ ᒪᒃ ᒪᐅᔭᔪᐤ ᑲ ‍ ᐅᔅᑲᔨᒡ ᓂᔅᑯᒧᐅᓂᔪᐤ ᒐ ‍ ᒥᔨᒂᐤ ᐃᔅᕋᐃᓪ ᐃᔪᒡ ᐃᔅᐱ ᐅᑎᒋᐱᔨᒂᐛ ᐊᓂᔭᔪᐛ ᐊ ‍ ᒋᓯᑲᒋ᙮
\q ᓂᑭ ‍ ᐃᑐᑐᐛᐅᒡ ᒐᒋ ᒪᒥᑐᓇᔨᑎᒥᐃᑯᒡ ᓂᐎᓱᐛᐅᓇ ᑭᔭ ᓇᔅᒡ ᒐᒋ ᒧᓯᐅᒡ ᐊ ᐎ ‍ ᓂᓇᐃᑕᒡ᙮
\q ᓂᔾ ᓂᑭ ‍ ᐅᒋᓴᒪᓂᑐᒥᑐᑕᑯᒡ ᑭᔭ ᐎᔨᐛᐤ ᓂᑭ ‍ ᐅᑦ ᐃᔨᒥᓐ᙮
\q
\v 11 ᓇᒪ ᒋᑭ ᐅᒋ ‍ ᓂᑐᐛᔨᑕᑯᓂᔪᐤ ᒐᒋ ᒋᔅᒋᓄᐊᒧᐛᑦ ᐊᐛᓐ ᐎᐧᑲᓂᓴ ᐊ ‍ ᐃᑕᑦ, ‘ᒋᑭ ‍ ᒋᔅᑯᑎᒪᑎᓐ ᒐᒋ ᒋᔅᒐᔨᒥᑦ ᒋᓴᒪᓂᑐᐤ᙮’
\q ᐛᔅ ᒥᓯᐛ ᐊᐛᓐ ᓂᑭ ‍ ᒋᔅᒐᔨᒥᒄ, ᑲ ‍ ᒋᓴᐃᔪᑦ ᑭᔭ ᐊᓐ ᑲ ‍ ᐊᐛᓯᐅᑦ᙮ ᐊᓐ ᑲ ‍ ᒋᔅᑕᔨᑕᑯᓯᑦ ᑭᔭ ᐊᓐ ᐊᑲ ᒋᔅᑕᔨᑕᑯᓯᑦ᙮
\q
\v 12 ᓂᑭ ‍ ᒋᔅᑎᒪᒐᔨᒪᐅᒡ ᐊ ‍ ᒥᒐᑎᓯᒡ ᑭᔭ ᓇᔅᒡ ᓂᑭ ‍ ᐛᐸᔨᑎᒧᐛᐅᒡ ᐅᒥᒋᑥᐅᓄᐛᐛ᙮”
\p
\v 13 ᐃᔅᐱ ᒋᓴᒪᓂᑐᐤ ᑲ ‍ ᐃᔅᒋᔄᑦ ᒥᓐ ᑯᑎᒋᔪᐤ ᓂᔅᑯᒧᐅᓂᔪᐤ ᒐ ‍ ᐅᓯᑎᒧᐛᑦ ᐅᑦ ᐃᔨᒪ, ᐊᑯᑕ ᐛᒋ ‍ ᒋᔅᒐᔨᑕᒂᒡ ᐊᓐ ᓂᔅᑎᒻ ᑲ ‍ ᐅᓯᑕᑭᓄᐅᒡ ᐊᑲ ᓴᔅ ᐊᐱᑎᒡ ᑭᔭ ᓴᔅ ᐊ ‍ ᐸᓱᓇᒂᒡ ᒐᒋ ᐃᓯ ‍ ᐊᐱᑎᒡ᙮
\c 9
\s1 ᑕᓐ ᑲ ᐃᓯ ‍ ᐊᔭᒥᐊᔅᑐᐛᑭᓄᐅᑦ ᒋᓴᒪᓂᑐᐤ ᐊᓂᔭ ᓂᔅᑎᒻ ᓂᔅᑯᒧᐅ ᒥᓯᓇᐃᑭᓂᔪᐤ ᐅᒋ
\p
\v 1 ᐊᓐ ᓂᔅᑎᒻ ᓂᔅᑯᒧᐅ ᒥᓯᓇᐃᑭᓐ ᑲ ‍ ᐅᓯᑕᑭᓄᐅᒡ ᐊᑯᑕ ᑲ ‍ ᐎᑎᒧᐛᑭᓄᐎᒡ ᐊᐛᓐᒋ ᑕᓐ ᐊᓐ ᒐ ‍ ᐃᑎᒡ ᐊ ‍ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮ ᒋ ‍ ᓂᑐᐛᔨᑕᑯᓐ ᒐᒋ ᑎᒂᒡ ᒥᒋᐛᑉ ᐅᑕ ᐊᔅᒋᒡ ᐊᓐᑕ ᒐ ‍ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮
\v 2 ᐅ ᒪᒃ ᒥᒋᐛᑉ ᒋ ‍ ᓂᓯᓇ ᐊᓐᑕ ᐊ ‍ ᐱᔅᒋᒐᔭᒋ᙮ ᐸᐃᒄ ᐊᓐ ᐊ ‍ ᐱᔅᒋᒐᔭᒡ ᑲ ‍ ᐸᔭᒋᓯᒥᑲᒡ ᒋ ‍ ᐃᓯᓂᐧᑲᑕᐤ᙮ ᐅ ᒪᒃ ᑲᐱᔅᒋᒐᔭᒡ ᑲ ‍ ᐸᔭᒋᓯᒥᑲᒡ ᑲ ‍ ᐃᓯᓂᐧᑲᑕᒡ ᒋ ‍ ᑎᑯᓐ ᐊᓐᑕ ᐛᔅᑕᓂᐱᒪᑭᓇᑎᒄ ᑭᔭ ᐊᓐ ᒥᒋᓱᐛᑭᓇᑎᒄ ᐊᓐᑕ ᑲ ‍ ᐊᐱᑦ ᐊᓐ ᐸᒂᓯᑭᓐ ᒋᓴᒪᓂᑐᐤ ᐊ ‍ ᑕᑦ ᑲᒋ ᐃᓯ ‍ ᐱᔅᑎᓇᑭᓄᐅᑦ᙮
\v 3 ᐊᓐ ᒪᒃ ᒥᓐ ᑲ ᐅᒋ ‍ ᑎᒂᒡ ᐊ ‍ ᐱᔅᒋᒐᔭᒡ ᐊᑯᐛᑲᐃᑭᓐ ᒋ ‍ ᐃᑕᑭᒧᐤ ᐊᓐᑕ ᒐᒋ ᐱᐧᑲᓇᔨᑕᒂᒡ ᐊᓐᑕ ᐊᓐ ᓂᔅᑎᒻ ᑲᐱᔅᒋᒐᔭᒡ᙮ ᐊᑯ ᐅ ᑯᑎᒡ ᑲᐱᔅᒋᒐᔭᒡ ᒪᐅᒡ ᑲ ‍ ᐸᔭᒋᓯᒥᑲᒡ ᒋ ‍ ᐃᓯᓂᐧᑲᑕᑭᓄᐤ᙮
\v 4 ᐊᑯᑕ ᐊᓐᑕ ᑲ ‍ ᑎᒂᒡ ᑲ ‍ ᐎᔄᐅᓱᓇᔭᐱᔅᑯᐅᒡ ᐱᔅᑎᓂᒐᐅᓇᐱᔅᒄ ᐊᓐᑕ ᑲᒋ ‍ ᐃᔎᓯᑭᓄᐅᒋ ᑲᐎᒋᒪᑯᓯᔨᒋ᙮ ᑭᔭ ᒋ ‍ ᑎᑯᓐ ᐊᓐᑕ ᒥᔅᑎᑯᒥᐅᑦ ᐱᓯᒄ ᐎᔄᐅᓱᓇᔭᐱᔅᒄ ᐊᒋ ‍ ᐃᓯᓇᒂᒡ ᐊᓐᑕ ᐛᔅᑲ ᑭᔭ ᐊᓐᑕ ᐱᒡ ᐊᐅᑯᓐ ᑲ ‍ ᐃᓯᓇᒂᒡ᙮ ᐊᑯᑕ ᑲ ‍ ᐱᒋᑎᒡ ᑭᔭ ᐊᓐ ᐳᑎᔾ ᑲ ‍ ᐎᔄᐅᓱᓇᔭᐱᔅᑯᐅᒡ ᐊᓐᑕ ᑲ ‍ ᐱᒋᓯᐧᒃ ᐊᓐ ᐸᒂᓯᑭᓐ ᒪᓇ ᑲ ‍ ᐃᓯᓂᐧᑲᑕᑭᓄᐅᑦ᙮ ᑭᔭ ᐊᓂᔭ ᐊᕋᓐ ᐅᓯᔅᑲᐅᓇᑎᒄ ᑲ ‍ ᓂᐱᓯᔪᓂᔨᒡ ᐊᑯᑕ ᑲ ‍ ᐱᒋᑎᓂᔨᒡ ᑭᔭ ᐊᓐᒡ ᓂᓱ ᑲ ‍ ᐱᐱᒋᓯᒡ ᐊᓯᓂᔨᒡ ᐊᓐᑕ ᑲ ‍ ᒥᓯᓇᐃᑭᓄᐅᒋ ᐊᓂᔭ ᐸᐃᑯᔪᐤ ᐃᑎᓱᐛᐅᓇ ᐊᑯᑕ ᑲ ‍ ᐱᒋᑎᒋ᙮
\v 5 ᑎᐱᔅᑯᒡ ᐊᓐ ᒥᔅᑎᑯᒥᐅᑦ ᐃᑐᐤ ᒪᒃ ᐊᓐᑕ ᐊ ‍ ᐃᔎᒡ ᐊᓐ ᒥᔅᑎᑯᒥᐅᑦ, ᒋ ‍ ᑕᐅᒡ ᐊᓐᒋᓐᒡ ᐃᔨᐧᑲᓂᒡ ᐊᒋ ‍ ᐃᓯᐊᑭᓄᐎᒡ, ᓇᔅᒡ ᐊᒋ ‍ ᒥᔪᓇᑯᐊᑭᓄᐛᒂᓂᒋ᙮ ᐅᑎᑎᑭᓄᐛᐛ ᓇᔅᒡ ᒋ ‍ ᐊᑯᐛᑯᒋᓂᔪᐛ ᐊᓐᑕ ᐊ ‍ ᐊᑯᓇᐸᑕᑭᓄᐅᒡ ᐊᓐ ᒥᔅᑎᑯᒥᐅᑦ᙮ ᐊᓐ ᒪᒃ ᐊᑯᓇᐸᒋᑭᓐ ᐊᐳᐅᓐ ᐊᓐᑕ ᐛᒋ ‍ ᐛᐸᔨᑎᒧᐛᑦ ᒋᓴᒪᓂᑐᐤ ᐊᐛᔪᐛ ᐅᒥᒋᑥᐅᓂᔪᐤ ᒋ ‍ ᐃᓯᓂᐧᑲᑕᑭᓄᐤ᙮ ᐊᑐᐎᔅ ᒋᐸ ᒋ ‍ ᐊᔨᒧᑎᒪᑎᓇᐛᐤ ᐅᔭ ᒐᒂᔪᐛ ᒥᒄ ᒪᒃ ᓇᒪ ᒋᑭ ᐅᒋ ‍ ᐎᒋᐃᐛᐱᔪᐤ ᐊᑎ ᐊᔨᒧᑎᒪᓇ ᐊᓄᒡ᙮
\p
\v 6 ᐃᔅᐱ ᑲᒋ ᐃᓯ ‍ ᐛᐛᓯᑕᑭᓄᐅᒋ ᐊᓂᔭ ᓂᓱ ᑲᐱᔅᒋᒐᔭᒋ, ᐊᐅᒄ ᐅ ᑲᒋ ‍ ᐃᑎᓇᓄᐅᒡ ᐊᓐᑕ ᒥᒋᐛᐱᒡ᙮ ᐊᓐᒡ ᐊᔭᒥᐊᐅᒋᒪᐅᒡ ᒥᒄ ᐛ ᐃᔅᐱᔅ ‍ ᐱᒐᒡ ᐊᓂᔭ ᓂᔅᑎᒻ ᑲᐱᔅᒋᒐᔭᔨᒡ ᒋ ‍ ᐃᔅᐱᔅ ᐱᒐᐅᒡ ᐃᔅᐱ ᐊ ‍ ᐃᑐᑕᒡ ᐅᑦ ᐊᑐᔅᒐᐅᓄᐛᐤ᙮
\v 7 ᐊᑯ ᐊᓐ ᒥᓐ ᑲ ‍ ᑎᒂᒡ ᑲᐱᔅᒋᒐᔭᒡ ᒥᒄ ᐊᓐ ᒋᓴᐊᔭᒥᐊᐅᒋᒪᐤ ᒋ ‍ ᐱᒐᐤ ᒪᓐ ᐊᓐᑕ ᐸᐃᒂᐤ ᐸᐃᒄ ᐱᐳᓇ᙮ ᒥᒄ ᒪᒃ ᐎᔾ ᐊ ‍ ᐸᐃᑯᓯᑦ ᒋ ‍ ᐱᒐᐤ ᐊᓐᑕ ᑭᔭ ᐊᓄᒡ ᐊᒋ ‍ ᓂᐸᐊᑭᓄᔨᒋ ᐊᐛᓯᓴ ᐅᒥᐧᑯᔪᐤ ᒋ ‍ ᐱᑎᑭᑕᐤ ᐊᓐᑕ ᐃᔅᐱ ᐊ ‍ ᐱᒐᑦ᙮ ᐊᐅᒄ ᒪᒃ ᐅᔭ ᒥᐧᑯᔪᐤ ᐊᓐᑕ ᒋᓴᒪᓂᑐᐛ ᐊ ‍ ᑕᔨᒋ ᑲᒋ ᐃᓯ ‍ ᐱᔅᑎᓂᒧᐛᑦ ᐛᔅ ᑭᔭ ᐎᔾ ᐊᓐ ᐊᔭᒥᐊᐅᒋᒪᐤ ᒋ ‍ ᒥᒋᑐᑎᒻ ᑭᔭ ᐊᓐᒡ ᐃᔪᒡ ᒋ ‍ ᒥᒋᑐᑎᒧᒡ ᒪᓐ ᐊᑲ ᒋᔅᒐᔨᑕᒡ᙮
\v 8 ᐊᐅᒄ ᒪᒃ ᐅᔭ ᐊ ᐃᓯ ‍ ᒋᔅᑯᑎᒪᑯᔭᐧᒄ ᑲ ‍ ᐸᔭᒋᓯᑦ ᐊᒐᐧᒄ ᐅᔭ ᐅᒡ᙮ ᐊᓐ ᐊᔅᒄ ᒪᒂᒡ ᐊ ‍ ᑎᒂᒡ ᐊᓐ ᓂᔅᑎᒻ ᑲᐱᔅᒋᒐᔭᒡ ᓇᒪ ᐊᐛᓐ ᒋᑭ ᒋ ‍ ᐱᒐᐤ ᐊᓐᑕ ᐊᓂᔭ ᒪᐅᒡ ᑲ ‍ ᐸᔭᒋᓯᒥᑭᓂᔨᒡ ᑲ ‍ ᐃᓯᓂᐧᑲᑕᔨᒡ ᐊ ‍ ᐱᔅᒋᒐᔭᔨᒡ᙮
\v 9 ᑎᑯᓐ ᒪᒃ ᐊ ᐃᓯ ‍ ᐃᔨᒥᐃᑯᔭᐧᒄ ᐅ ᐊᓄᒡ ᒐᓯᑲᒡ᙮ ᐊᓐ ᐊᒋ ‍ ᐅᓯᑕᑭᓄᐅᒡ ᐊᓐ ᐊᔭᒥᐊᐤ ᒥᒋᐛᑉ ᐱᑎᑭᒥᒡ ᐊᑯᑕ ᐛᒋ ‍ ᒋᔅᒐᔨᑎᒪᐧᒄ ᐊᑲ ᐊᐛᓐ ᐅᑎᔅᑯᐤ ᒐᒋ ᓇᑕᑦ ᒋᓴᒪᓂᑐᐛ᙮ ᐊᔅᒄ ᒪᒃ ᐊᓄᒡ ᐊᐅᑯᓐ ᐊ ‍ ᐃᓯᓇᒂᒡ, ᐊᓂᔭᔪᐛ ᒥᑐᔅᑕᐊᒪᒐᐅᓇ ᑭᔭ ᐱᔅᑎᓂᒐᐅᓇ ᓇᒪ ᒋᑭ ᒋ ‍ ᐃᑐᑕᑯᐤ ᐊᐛᓐ ᓇᔅᒡ ᒐᒋ ᐃᑕᔨᑎᒥᐃᑯᑦ ᑕᑈ ᓇᔅᒡ ᐊᒋ ‍ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮
\p
\v 10 ᐅ ᐊ ‍ ᐃᑎᓇᓄᐅᒡ ᐊ ‍ ᒥᔨᐛᓄᒋ ᒥᔨᐛᐅᓇ ᑭᔭ ᒥᑐᔅᑕᐊᒪᒐᐅᓇ ᐊᑯᓐ ᐊᑎᔅᑕᒡ ᓂᔅᑯᒧᐅ ᒥᓯᓇᐃᑭᓂᒡ ᒐᒋ ᐃᑎᓇᓄᐅᒡ᙮ ᒥᒄ ᐎᑎᒧᐛᑭᓄᐎᒡ ᐊᓐᑕ ᐊᐛᓐᒋ ᒐᒂᔪᐤ ᒐᒋ ᒥᒋᒡ ᑭᔭ ᒐᒂᔪᐤ ᒐᒋ ᒥᓂᒡ ᑭᔭ ᑕᓐ ᒐ ᐃᓯ ‍ ᓂᓇᐧᑯᐤ ᐃᑎᒡ ᐊᓐᑕ ᒐᒋ ᐅᒋ ‍ ᐃᓯᓇᑯᓯᒡ ᐊ ‍ ᐸᔭᒋᓯᒡ᙮ ᐅᔭ ᒐᒂᔪᐛ ᓇᒪ ᒋ ‍ ᐎᒋᐃᑯᓇᓄᐤ ᒐᒋ ᒋᔅᒐᔨᑎᒪᐧᒄ ᑕᑈ ᒐᒋ ᐛᐸᔨᑎᒪᑯᐛᒂ᙮ ᐊᐅᒄ ᐅᔭ ᒪᒂᒡ ᒐ ‍ ᐎᒋᐃᑯᔭᐧᒄ ᒐ ‍ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐᑕ ᒐ ‍ ᐃᑐᑕᑕᐧᒄ ᒋᓴᒪᓂᑐᐤ ᓇᔅᒡ ᒐᒋ ᑯᐃᔅᑯᓇᑯᐃᑕᐧᒄ ᐊ ‍ ᐅᔅᑲᔨᒡ ᓂᔅᑯᒧᐅᓂᔪᐤ ᐅᒡ᙮
\s1 ᒋᓴᔅ ᑲ ‍ ᐱᔅᑎᓇᐧᒃ ᐅᐱᒪᑎᓯᐅᓐ
\s2 Hebrews 9.11-14 (Proper-26 Year B)
\p
\v 11 ᐊᑯ ᒪᒃ ᙭ ᓴᔅ ᐊᒋ ‍ ᑎᑯᓯᐧᒃ ᒐ ‍ ᐅᒋᓴᐊᔭᒥᐊᐅᒋᒪᒥᔭᐧᒄ ᐊᑯ ᐎᔾ ᒪᔪ ‍ ᓱᐛᔨᒥᑕᐧᒄ᙮ ᒋ ‍ ᐱᒐᐤ ᐎᔾ ᐊᓂᔭ ᐊᔭᒥᐊᐤ ᒥᒋᐛᐱᔪᐤ ᐊᓂᔭ ᐊᑲ ᐅᑕ ᐊᔅᒋᒡ ᐅᒋᒥᑭᓂᔨᒡ᙮ ᓇᒪ ᓇᐸᐛ ᐅᒋ ᐅᓯᑕᔪᐛ ᐅᔭ ᒥᒋᐛᐱᔪᐤ᙮ ᐊᔪᐅᒄ ᐅᔭ ᒪᐅᒡ ᑲ ‍ ᒋᔅᑕᔨᑕᑯᓂᔨᒡ ᐃᔅᐱᔅ ᐊᓂᔭ ᑲᒋ ‍ ᐊᐱᑎᓂᔨᒡ ᐅᑕ ᐊᔅᒋᒡ᙮
\v 12 ᒋᓴᔅ ᙭ ᒥᒄ ᐸᐃᒂᐤ ᒋ ‍ ᐱᒐᐤ ᐊᓂᔭ ᒪᐅᒡ ᑲ ‍ ᐸᔭᒋᓯᒥᑭᓂᔨᒡ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ‍ ᑎᑯᓂᔨᒡ᙮ ᐎᔾ ᑎᐱᔨᐛ ᐅᒥᐧᒄ ᐊᒋ ‍ ᐱᔅᑎᓇᐧᒃ ᐊᑯᑕ ᑲ ᐅᒋ ‍ ᒥᔪᐱᔨᒡ ᒐᒋ ᐱᒐᑦ ᐊᓐᑕ, ᓇᒪ ᐎ ᐊᐛᓯᓴ ᐅᒥᐧᑯᔪᐤ ᐅᒋ ᐊᐱᒋᑕᐛᐤ᙮ ᐊᒋ ‍ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ, ᐎᔾ ᐅᒥᐧᒄ ᐊᒋ ‍ ᓯᒋᓂᑭᓄᐎᒡ, ᐊᑯᑕ ᓇᔅᒡ ᑲ ᐅᒋ ‍ ᑎᐸᐊᐧᒃ ᒥᓯᐛ ᒋᒥᒋᑥᐅᓄᐛ ᑲᒋᒡ ᒐᒋ ᐛᐸᔨᑎᒪᑯᐅᔭᐧᒄ᙮
\v 13 ᐊᓐᑕ ᒧᓱᔅ ᐅᐎᓱᐛᐅᓂᒡ ᒋ ‍ ᐃᑎᔅᑕᐤ ᒐ ᐊᑲ ᒋ ᐊᔭᒥᐊᔅᑐᐛᒡ ᒋᓴᒪᓂᑐᐛ ᐊᓐᒡ ᐊᑲ ᐸᔭᒋᓯᒡ ᐊᔭᒥᐊᐅᓂᒡ ᐃᔅ᙮ ᐊ ‍ ᐸᔭᒋᓯᒡ ᒋ ᐃᓯ ‍ ᑭᓄᐛᐱᒪᑭᓄᐎᒡ ᐃᔅᐱ ᑲ ‍ ᐱᒋᑯᓂᑭᓄᐎᒡ ᒪᔭᑕᓂᓴ ᑭᔭ ᓇᐸ ᒥᔅᑐᓴ ᐅᒥᐧᑯᔪᐤ ᐊᓐᑕ ᐊ ‍ ᑕᒡ᙮ ᑭᔭ ᐊᓂᔭ ᐃᔎᔅᒐᔪᐤ ᐊᒋ ‍ ᐃᔎᔄᑭᓄᔨᒋ ᐅᔅᒋ ᓄᓴ ᒥᔅᑐᓴ ᒋ ‍ ᐅᓯᔄᐛᓂᑭᓄᐅᔪᐤ ᐊᓐᑕ ᐊ ‍ ᑕᒡ᙮
\v 14 ᒧᔭᒻ ᒪᒃ ᐊᐛᓯᔅ ᐅᒥᐧᒄ ᐊ ‍ ᐸᔭᒋᑕᒐᒥᑭᓂᔨᒡ ᒪᒥᑐᓇᔨᑎᒧᒄ ᑕᓐ ᐊᔅᐱᔅ ᐊᑐᐎᔅ ᒐᒋ ᐃᓯ ‍ ᐎᒋᐃᑯᐛᐧᒄ ᙭ ᐅᒥᐧᒄ᙮ ᒋ ‍ ᐱᒪᑎᓯᐤ ᐅᑕ ᐊᔅᒋᒡ ᐊᑲ ᐛᐛᒡ ᐅᒋ ᒥᒋᑐᑕᐧᒃ᙮ ᑲ ‍ ᐸᔭᒋᓯᔨᒋ ᐊᒐᒂ ᑲᒋᒡ ᐊ ‍ ᑕᔨᒋ ᒋ ‍ ᐎᒋᐃᑯᐤ ᐃᔅᐱ ᑲ ‍ ᐱᔅᑕᔨᒥᑎᓱᑦ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᐅᒥᐧᒄ ᐊᐅᒄ ᒐ ‍ ᐸᔭᒋᐃᑯᐛᐧᒄ᙮ ᓇᒪ ᐎ ᐊᓂᔭᔪᐛ ᐊᑲ ᐅᔭᔅ ᐃᑕᐱᑎᓂᔨᒋ ᒐᒂᔪᐛ ᑲᒋ ‍ ᐃᑐᑎᒪᐧᒄ ᒋᑭ ᐅᒋ ‍ ᐱᒪᒋᐃᑯᓇᓄᐤ᙮ ᐊᑯ ᒪᒃ ᑲᒋᒡ ᒐᒋ ᐊᑐᔅᑯᐛᐧᒄ ᒋᓴᒪᓂᑐᐤ᙮
\p
\v 15 ᐊᑯ ᒪᒃ ᐎᔾ ᑎᐱᔨᐛ ᐅᒥᐧᑯᒡ ᐅᒡ ᒋᓴᔅ ᒋ ‍ ᐅᓯᑕᐤ ᐊ ‍ ᐅᔅᑲᔨᒡ ᓂᔅᑯᒧᐅᓂᔪᐤ᙮ ᐊᑯ ᒪᒃ ᐊᓐᒡ ᒋᓴᒪᓂᑐᐛ ᑲ ‍ ᑕᑈᑎᑯᒡ ᒐᒋ ᐅᑦ ᐃᔨᒥᑐᑕᑯᒡ ᑲᒋᒡ ᒐ ‍ ᐊᔭᒡ ᐊᓂᔭ ᑕᓐ ᑲ ‍ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ‍ ᒥᔨᑯᒡ᙮ ᒋᓴᓴ ᐅᓂᐳᐅᓂᔨᒡ ᐅᒡ ᐊᑯᑕ ᐊ ‍ ᑎᒂᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ ᐊᓂᔭ ᑕᓐ ᑲ ᐃᓯ ‍ ᒥᒋᑐᑕᒡ ᐊᔅᒄ ᐊᒋ ‍ ᐊᐱᑎᓂᔨᒡ ᐛᔅᑭᒡ ᓂᔅᑯᒧᐅᓂᔪᐤ᙮
\p
\v 16 ᐊᓐ ᒪᒃ ᓂᔅᑯᒧᐅᓐ ᒧᔭᒻ ᑕᓐ ᐊ ‍ ᐃᓯᓇᑯᓂᔨᒡ ᒥᓯᓇᐃᑭᓂᔪᐤ ᐊᐛᓐ ᐊᒋ ‍ ᐅᓯᑕᑦ ᐊ ‍ ᐎᑕᐧᒃ ᑕᓐ ᒐ ᐃᓯ ‍ ᓂᑭᑎᒧᐛᑦ ᐊᐛᔪᐛ ᐃᔅᐱ ᓂᐱᒐ, ᐊᐅᑯᓐ ᑕᐱᔅᑯᓐ ᐊ ‍ ᐃᓯᓇᒂᒡ ᐊᓐ ᓂᔅᑯᒧᐅᓐ᙮ ᒋ ‍ ᒋᔅᒐᔨᑕᓇᐛᒐ ᐊᓂᔭ ᒥᓯᓇᐃᑭᓂᔪᐤ ᐊ ‍ ᐅᓯᑕᑦ ᐊᐛᓐ ᐸᑐᔅ ᐊᑲ ᐸᒪᑎᓯᒋ ᐊᑯᑕ ᐃᔭᒄ ᐃᔭᐱᑎᓂᔨᒡ ᐊᓂᔭ ᑕᓐ ᑲ ‍ ᐃᑎᔅᑕᑦ᙮
\v 17 ᐊᔅᒄ ᒪᒃ ᒪᒂᒡ ᐊ ‍ ᐱᒪᑎᓯᑦ ᐊᓐ ᐊᐛᓐ ᓇᒪ ᒋ ‍ ᐊᐱᑎᓂᔪᐤ ᐊᓂᔭ ᑕᓐ ᑲ ‍ ᐃᑎᔅᑕᑦ ᐊᓐᑕ ᒥᓯᓇᐃᑭᓂᒡ᙮ ᒥᒄ ᐃᔅᐱ ᐊᑲ ᐱᒪᑎᓯᒋ ᐊᑯ ᐃᔭᒄ ᐊ ‍ ᐃᑐᑕᑭᓄᐎᒡ ᐊᓂᔭ ᑕᓐ ᑲ ‍ ᐃᑎᔅᑕᑦ ᐊ ᐃᓯ ‍ ᓂᑐᐛᔨᑕᐧᒃ ᒐᒋ ᐃᑐᑕᑭᓄᔨᒋ ᐅᑦ ᐊᐱᒋᑕᐅᓇ᙮
\v 18 ᐊᐅᑯᓐ ᑕᐱᔅᑯᓐ ᐊᓐ ᐛᔅᑭᒡ ᓂᔅᑯᒧᐅᓐ ᐊᓂᔭ ᒋᓴᒪᓂᑐᐤ ᑲ ‍ ᐅᓯᑎᒧᐛᑦ ᐅᑦ ᐃᔨᒪ, ᐸᑐᔅ ᒥᐧᒄ ᐊᒋ ‍ ᐱᒋᑯᓇᑭᓄᐅᒡ ᐊᑯ ᐃᔭᒄ ᑲ ‍ ᐃᓯᓇᒂᒡ ᐊ ‍ ᐊᐱᑎᒡ᙮
\v 19 ᒋ ‍ ᒋᔅᒋᓯᑐᐛᐛᐤ ᐊ ᐊᓂᔭ ᒧᓱᔅ ? ᐃᔅᐱ ᒥᓯᐛ ᐊᓂᔭ ᐎᓱᐛᐅᓇ ᑲ ‍ ᐃᔨᒥᑐᐛᑦ ᐅᑦ ᐃᔨᒪ, ᐊᑯ ᒂ ‍ ᐅᑎᓂᒺᑦ ᐊ ‍ ᐅᔅᒋᐱᒪᑎᓯᔨᒋ ᒥᔅᑐᓯᓴ ᐅᒥᐧᑯᔪᐤ, ᒂ ‍ ᒪᒧᐱᔨᑕᑦ ᓂᐱᔪᐤ ᐊᓐᑕ ᒥᐧᑯᒡ ᑭᔭ ᑲ ‍ ᐊᒂᐱᐧᑲᑕᐧᒃ  ᐊ ‍ ᒥᒂᓯᔨᒡ ᒪᔭᑕᓂᓴ ᐅᐱᐎᔪᐤ, ᒂ ‍ ᐊᑯᑕᑦ ᐊᓐᑕ ᒥᐧᑯᒡ ᐊᑯ ᒂ ‍ ᐱᒋᑕᐱᔨᑕᑦ ᐊᓐᑕ ᐃᔅ ᐊᓂᔭᔪᐛ ᐎᓱᐛᐅᒥᓯᓇᐃᑭᓇ ᐊ ‍ ᑎᑯᓂᔨᒋ ᑭᔭ ᐊᓐᑕ ᐃᔪᐛ ᐊ ‍ ᑕᔨᒋ᙮
\v 20 ᐅᔭ ᒪᒃ ᐊᒋ ‍ ᐃᑎᑦ, ᒋ ‍ ᐃᑕᐤ ᐊᓂᔭ ᐃᔪᐛ, “ᐊᑯᑕ ᐅᑕ ᒥᐧᑯᒡ ᐛᒋ ‍ ᓄᒂᒡ ᐊ ‍ ᐊᐱᑎᓂᔨᒡ ᒋᓴᒪᓂᑐᐤ ᐅᓂᔅᑯᒧᐅᓐ ᑲ ‍ ᐅᓯᑎᒧᐛᑦ ᐅᑦ ᐃᔨᒪ᙮ ᒋᑦ ᐃᑎᑯᐛᐤ ᒐᒋ ᓂᓇᐃᑎᒺᒄ᙮”
\v 21 ᒧᓱᔅ ᑭᔭ ᐊᐅᑯᓐ ᐊᓐ ᑲ ‍ ᐃᑎᑦ᙮ ᒋ ‍ ᐱᒋᑕᐱᔨᑕᐤ ᒥᐧᑯᔪᐤ ᐊᓐᑕ ᐃᔅ ᐊᔭᒥᐊᐤ ᒥᒋᐛᐱᒡ, ᑭᔭ ᒥᓯᐛ ᑕᓐ ᑲ ᐃᓯ ‍ ᑎᑯᓂᔨᒡ ᐱᑎᑭᒥᒡ ᐊ ‍ ᐊᔭᒥᐊᔅᑐᐛᑭᓄᔨᒋ ᒋᓴᒪᓂᑐᐛ ᐊ ‍ ᐃᑕᐱᑎᓂᔨᒡ᙮
\v 22 ᐊᓐ ᐎᓱᐛᐅᓐ ᑲ ‍ ᐊᐱᑎᒡ ᐊ ‍ ᐊᔭᒥᐊᔅᑐᐛᑭᓄᐅᑦ ᒋᓴᒪᓂᑐᐤ, ᐃᑎᔅᑕᐤ ᒥᓯᐛ ᒐᒂᓐ ᒐᒋ ᐸᔭᒋᑕᑭᓄᐅᒡ ᒥᐧᒄ ᐊ ‍ ᐊᐱᑎᒡ ᐊᐅᑯᓐ ᒪᒃ ᑲ ‍ ᐃᑐᑕᑭᓄᐅᒋ ᒥᓯᐛ ᒐᒂᔪᐛ ᐱᑎᑭᒥᒡ ᐊᓐᑕ ᒥᒋᐛᐱᒡ ᑲ ‍ ᑎᒂᒋ, ᒋ ‍ ᐱᒋᑕᐱᔨᑕᑭᓄᐤ ᒥᐧᒄ ᐊᓐᑕ ᐊ ᐊᑎ ‍ ᑎᒂᒋ ᐊᓂᔭ ᒐᒂᔪᐛ ᒋᓴᒪᓂᑐᐤ ᐊ ‍ ᑕᑦ ᐊ ᐃᓯ ‍ ᐊᐱᑎᒋ᙮ ᐛᔅ ᐸᑐᔅ ᒥᐧᒄ ᑲ ‍ ᐅᒋᑯᐅᒡ ᐊᑯ ᐃᔭᒄ ᒐ ‍ ᑎᒂᒡ ᐛᐸᔨᑎᒪᒐᐅᓐ᙮
\s1 ᒋᓴᔅ ᐊᐅᒄ ᐊ ‍ ᐃᒐᓇᐧᒃ ᒥᒋᑥᐅᓂᔪᐤ
\p
\v 23 ᒋ ‍ ᓂᑐᐛᔨᑕᑯᓐ ᐅ ᒐᒋ ᐃᑎᓇᓄᐅᒡ ᒐᒋ ᐸᔭᐧᑲᒋ ᒥᓯᐛ ᐅᔭ ᒐᒂᔪᐛ᙮ ᐅ ᐊ ‍ ᐃᑎᓇᓄᐅᒡ ᒥᒄ ᐎ ᓄᑯᑕᑭᓄᐤ ᑕᓐ ᐊ ‍ ᐃᑕᔨᑕᒂᒋ ᐊᓂᔭ ᒋᒋᐛ ᒐᒂᔪᐛ ᐊᓐᑕ ᒋᒋᒋᓯᑯᒡ ᐊ ‍ ᑎᒂᒋ᙮ ᒐᔅᑎᓇᔅ ᒪᒃ ᐅᔅᑕ ᐊ ‍ ᒥᔽᒋ ᒥᑐᔅᑕᐊᒪᒐᐅᓇ ᓂᑐᐛᔨᑕᑯᓇ ᐛᔅ ᐊᑐᐎᔅ ᒋᒋᐛ ᐃᑕᔨᑕᑯᓇ ᐊᓂᔭᔪᐛ ᒐᒂᔪᐛ ᐊᓐᑕ ᒋᒋᒋᓯᑯᒡ ᐊ ‍ ᑎᒂᒋ᙮
\s2 Hebrews 9.24-28 (Proper-27 Year B)
\p
\v 24 ᐛᔅ ᙭ ᒋ ‍ ᐱᒐᐤ ᐊᓂᔭ ᒪᐅᒡ ᑲ ‍ ᒋᔅᑕᔨᑕᑯᓂᔨᒡ ᐊᔭᒥᐊᐤ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ‍ ᑎᑯᓂᔨᒡ, ᐊᓂᔭ ᐊᑲ ᓇᐸᐛ ᐅᒋ ᐅᓯᑕᔨᒋ᙮ ᐅ ᒥᒋᐛᑉ ᐅᑕ ᐊᔅᒋᒡ ᑲ ‍ ᑎᒂᒡ ᓂᔅᐱᑐᒧᒥᑭᓐ ᐊ ‍ ᐃᓯᓇᒂᒡ ᐊᓐ ᒥᒋᐛᑉ ᒋᒋᒋᓯᑯᒡ ᐊ ‍ ᑎᒂᒡ᙮ ᒋᓴᔅ ᒪᒃ ᐊᓐᑕ ᒋᒋᒋᓯᑯᒡ ᐛᒋᒡ ᒋ ‍ ᐱᒐᐤ, ᐊᓐᑕ ᒧᔅ ᐊ ‍ ᐊᔭᒥᐊᔅᑎᒪᑕᐧᒄ ᒋᓴᒪᓂᑐᐛ ᐊ ‍ ᑕᔨᒋ᙮
\v 25 ᐊᓐ ᒋᓴᐊᔭᒥᐊᐅᒋᒪᐤ ᑲᒋ ‍ ᐱᒐᑦ ᐊᓐᑕ ᑲ ‍ ᐸᔭᐧᑭᓂᔨᒡ ᐸᐃᒂᐤ ᐸᐃᒄ ᐱᐳᓇ ᒧᔅ ᒋ ‍ ᒥᑐᔅᑕᐊᒪᐤ ᐊᐛᓯᓴ ᐊᓯᑯᒻ ᐱᐳᓇ, ᐊᐅᒄ ᐅᔭ ᑲᒋ ‍ ᐃᑎᑦ ᒐᒋ ᐅᒋ ‍ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᐸᐃᒂᐤ ᙭ ᐎᔾ ᑎᐱᔨᐛ ᐅᐱᒪᑎᓯᐅᓐ ᒋ ‍ ᐱᔅᑎᓂᒻ᙮
\v 26 ᐛᔅ ᒧᔭᒻ ᒪᒃ ᐸᐃᒂᐤ ᐊᒋ ‍ ᐱᔅᑕᔨᒥᑎᓱᑦ ᓇᒪ ᐅᒋ ᓂᑐᐛᔨᑕᑯᓂᔪᐤ ᒧᓯᓇᐤ ᒐᒋ ᐱᔅᑎᓂᓱᑦ ᒐᒋ ᓂᓇᐧᑲᒋᐊᑭᓄᐅᑦ᙮ ᒋ ‍ ᓂᑐᐛᔨᑕᑯᓂᑯᐱᓇ ᒪᒃ ᐅᔭ ᒐᒋ ᐃᑎᑦ ᒧᓯᓇᐤ ᐊᐅᑯᓐ ᒋᐸ ᐸᒋ ‍ ᐃᑐᐤ ᑲ ‍ ᐃᔅᐱᔅ ᑎᒂᒡ ᐅ ᐊᔅᒋᔾ᙮ ᐃᔅᐱ ᒪᒃ ᐛᑎᒋᐱᔨᒋ ᐅᔭ ᐊ ᐸᒋ ‍ ᒋᓯᑲᒋ ᐸᐃᒂᐤ ᒥᒄ ᒋ ‍ ᐱᔅᑎᓂᒻ ᐅᐱᒪᑎᓯᐅᓐ ᒐᒋ ᐅᒋ ‍ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮
\v 27 ᓂᑐᐛᔨᑕᑯᓐ ᒥᓯᐛ ᐊᐛᓐ ᐸᐃᒂᐤ ᒐᒋ ᓂᐱᑦ ᑭᔭ ᒐ ‍ ᑎᐸᔅᑯᓇᑭᓄᐅᑦ᙮
\v 28 ᑭᔭ ᐎᔾ ᒪᒃ ᙭ ᒥᒄ ᐸᐃᒂ ᒋ ‍ ᐱᔅᑎᓂᒻ ᐅᐱᒪᑎᓯᐅᓐ ᐊᓐᑕ ᒐᒋ ᐅᒋ ‍ ᑎᑯᓂᔨᒡ ᒥᓯᐛ ᐊᐛᓐ ᒐᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᒥᓐ ᒋᑭ ‍ ᑎᑯᓯᓄᐤ, ᓇᒪ ᐎ ᒐᒋ ᓇᐃᐱᔨᑕᑦ ᐊᓐᑕ ᒐᒋ ᐅᒋ ‍ ᐛᐸᔨᑎᒪᒐᓄᔨᒋ ᒥᒋᑥᐅᓇ, ᒋᑭ ‍ ᑎᑯᓯᓄᐤ ᒥᒄ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᑲ ‍ ᐊᓱᐛᐱᒥᑯᑦ ᒐ ᐃᔅᐱᔅ ‍ ᑎᑯᓯᐧᒃ᙮
\c 10
\s1 ᒋᓴᔅ ᐊᐅᒄ ᑲ ‍ ᓇᐊᔨᑎᒥᐊᑦ ᒋᓴᒪᓂᑐᐛ ᒋᔭᓄᐤ ᐅᒋ
\p
\v 1 ᓂᑭ ‍ ᐊᔨᒧᑕᓐ ᐊᑐᐎᔅ ᐊᓂᔭ ᒍᐤ ᐎᓱᐛᐅᓇ᙮ ᐊᓐᒡ ᐃᔪᒡ ᐅᔭ ᐎᓱᐛᐅᓇ ᑲ ‍ ᓂᓇᑭᑐᐛᔨᑎᒥᐃᑯᒡ ᐊᑯᑕ ᑲ ᐅᒋ ‍ ᒋᔅᒐᔨᑕᒡ ᑕᓐ ᒐ ᐃᔅᐱᔅ ‍ ᒥᔪᑐᑎᒧᐛᑦ ᒋᓴᒪᓂᑐᐤ ᐃᔪᐛ᙮ ᒥᒄ ᒪᒃ ᓇᒪ ᓇᔅᒡ ᐅᒋ ᒋᔅᒐᔨᑎᒥᐊᑭᓄᐅᒡ ᑕᓐ ᒐ ᐃᓯ ‍ ᐊᑐᐎᔅ ᒥᔪᑐᑎᒪᒐᑦ ᒋᓴᒪᓂᑐᐤ ᐊᓐᑕ ᓂᔅᑕᒥᒡ ᒋᓴᓴ ᐅᒡ᙮ ᓇᒪ ᐊᐛᓐ ᓇᔅᒡ ᐅᒋ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ ᑭᔭ ᓇᒪ ᐊᐛᓐ ᓇᔅᒡ ᐅᒋ ᑯᐃᔅᑯᓇᑯᓱᐤ ᐊᓐᑕ ᐃᔅ ᒋᓴᒪᓂᑐᐛ ᐊ ‍ ᑕᔨᒋ ᒥᒄ ᐊᓂᔭ ᐊ ‍ ᓂᐸᐊᑭᓄᔨᒋ ᐊᐛᓯᓴ ᐊ ‍ ᒥᑐᔅᑕᐊᒪᓄᒡ ᐊᓯᑯᒻ ᐱᐳᓇ᙮
\v 2 ᒧᔭᒻ ᐊᓐᒡ ᑲ ‍ ᐊᔭᒥᐊᔅᑐᐛᒡ ᒋᓴᒪᓂᑐᐛ ᓇᔅᒡ ᒋ ‍ ᐸᔭᒋᐊᑭᓄᐛᑯᐱᓇᓂᒡ ᑲ ‍ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ, ᓇᒪ ᒋᐸ ᐅᒋ ‍ ᒥᑯᔅᑲᑕᔨᑎᒥᐃᑯᐅᒡ ᐅᒥᒋᑥᐅᓄᐛᐛ ᐛᔅ ᓴᔅ ᒋ ‍ ᐛᐸᔨᑎᒧᐛᑭᓄᐎᒡ᙮ ᐊᑯ ᒪᒃ ᓇᒪ ᒋᐸ ᐅᒋ ‍ ᓂᑐᐛᔨᑕᑯᓱᐅᒡ ᒧᓯᓇᐤ ᒐᒋ ᒥᑐᔅᑕᐊᒪᒡ ᐊᐛᓯᓴ ᐊᒋ ‍ ᓂᐸᐊᑭᓄᔨᒋ᙮
\v 3 ᒥᒄ ᒪᒃ ᐊᓯᑯᒻ ᐱᐳᓇ ᒋ ‍ ᒥᑐᔅᑕᐊᒪᐅᒡ ᐊᐛᓯᓴ ᐊᒋ ‍ ᓂᐸᐊᑭᓄᔨᒋ᙮ ᐅᔭ ᒪᒃ ᒧᔅ ᐊᒋ ‍ ᐃᑎᒡ ᓇᒪ ᐅᒋ ᐅᓂᒋᔅᒋᓯᑐᑎᒧᒡ ᐅᒥᒋᑥᐅᓄᐛᐛ᙮
\v 4 ᑕᐸ ᐛᔅ ᐊᓐ ᓂᑕ ᒋᑭ ᒋ ‍ ᐛᐸᔨᑎᒧᐛᑭᓄᐤ ᐊᐛᓐ ᐅᒥᒋᑥᐅᓇ ᒥᒄ ᐊᓂᔭ ᐊᐛᓯᓴ ᐅᒥᐧᑯᔪᐤ ᐊ ‍ ᐊᐱᑎᓂᔨᒡ᙮
\s2 Hebrews 10.5-10 (Advent-4 Year C)
\p
\v 5 ᐊᐅᒄ ᒪᒃ ᐛᒋ ‍ ᐃᔅᒋᔄᑦ ᒋᓴᔅ ᐃᔅᐱ ᒐ ‍ ᑎᑯᓯᐧᒃ ᐅᑕ ᐊᔅᒋᒡ,
\q “ᒋᓴᒪᓂᑐᐤ, ᓇᒪ ᒋ ‍ ᓂᑐᐛᔨᑕᓐ ᒥᑐᔅᑕᐊᒪᒐᐅᓐ ᑭᔭ ᐱᔅᑎᓂᒐᐅᓐ᙮ ᐊᐅᒄ ᐅ ᐛᒋ ‍ ᒥᔨᓐ ᐅ ᒥᔪᐤ ᑲ ‍ ᐊᔭᔭᓐ ᑕᐱᔅᑯᓐ ᓇᐸᐤ ᒐᒋ ᐃᓯᓇᑯᓯᔭᓐ᙮
\q
\v 6 ᓇᒪ ᓂᑕ ᒋ ᐅᒋ ‍ ᒥᔽᔨᑕᓐ ᐊ ‍ ᐃᔎᓯᑭᓄᐎᒡ ᐊᐛᓯᓯᒡ ᑭᔭ ᐊ ‍ ᒥᑐᔅᑕᐊᒪᓄᐅᒡ ᒐᒂᓐ᙮
\q
\v 7 ᔅᒋ ‍ ᐃᑎᑎᓐ ᒪᒃ, ‘ᒋᓴᒪᓂᑐᐤ, ᓂᒋ ‍ ᑎᑯᓯᓐ ᒐᒋ ᐃᑐᑎᒪᓐ ᒋᑦ ᐃᑕᔨᑎᒧᐅᓐ, ᒧᔭᒻ ᑕᓐ ᐊᑎᔅᑕᒡ ᒋᑦ ᐃᔨᒧᐅᓂᒡ ᓂᐸ ‍ ᐃᑎᓐ᙮’ ”
\m
\v 8 ᐅᔭ ᑲ ‍ ᐃᔅᒋᔄᑦ ᒋᓴᔅ, “ᒋᓴᒪᓂᑐᐤ, ᓇᒪ ᒋ ‍ ᒥᔽᔨᑎᒥᐃᑯᓐ ᐅ ᐊ ‍ ᐃᑎᓇᓄᐅᒡ ᐊ ‍ ᒥᑐᔅᑕᐊᒪᓄᐅᒡ ᐊᐛᓯᓯᒡ ᑭᔭ ᐱᔅᑎᓂᒐᐅᓇ ᐊ ‍ ᒥᔨᑯᔨᓐ ᐊᓐᑕ ᒐᒋ ᐅᒋ ‍ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ᙮” ᒥᒄ ᒪᒃ ᐊᐅᑯᓐ ᐊᑎᔅᑕᒡ ᐎᓱᐛᐅᓐ ᒐ ‍ ᐃᑎᓇᓄᑯᐱᓇ᙮
\v 9 ᒋ ‍ ᐃᔅᒋᔄᐤ ᑭᔭ ᒋᓴᔅ, “ᒋᓴᒪᓂᑐᐤ, ᓂᒋ ‍ ᑎᑯᓯᓐ ᒐᒋ ᐃᑐᑎᒪᓐ ᒋᑦ ᐃᑕᔨᑎᒧᐅᓐ᙮” ᐅᔭ ᒪᒃ ᑲ ‍ ᐃᔅᒋᔄᑦ ᐊᑯᑕ ᑲ ᐅᒋ ‍ ᐃᒐᓇᐧᒃ ᒋᓴᒪᓂᑐᐤ ᐊᓂᔭ ᐛᔅᑭᒡ ᓂᔅᑯᒧᐅᓂᔪᐤ ᐊᓐᑕ ᑲᒋ ‍ ᓂᑐᐛᔨᑕᑯᓂᔨᒡ ᐊᐛᓯᓴ ᒐᒋ ᒥᑐᔅᑕᐊᒪᓄᐎᒡ, ᐊᑯ ᒥᔅᑯᒡ ᒋᓴᓴ ᒂ ‍ ᐱᔅᑎᓂᒥᔨᒋ ᐅᐱᒪᑎᓯᐅᓂᔪᐤ᙮
\v 10 ᐊᓂᔭ ᒪᒃ ᒋᓴᔅ ᓇᔅᒡ ᐊᒋ ‍ ᓂᓇᐃᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ, ᐸᐃᒂᐤ ᒋ ‍ ᐱᔅᑎᓂᒻ ᐅᐱᒪᑎᓯᐅᓐ, ᑲᒋᒡ ᒪᒃ ᐃᓯᓇᑯᓂᔪᐤ ᐅᔭ ᑲ ‍ ᐃᑎᑦ᙮ ᐅᔭ ᐊᒋ ‍ ᐃᑎᑦ ᐊᑯᑕ ᑲ ᐅᒋ ‍ ᐛᐸᔨᑎᒪᑯᐅᔭᐧᒄ ᒋᒥᒋᑥᐅᓄᐛ ᒐᒋ ᐃᓯᓇᑯᓱᐛᐧᒄ ᒧᔭᒻ ᐊᑲ ᓂᑕ ᐅᒋ ᒥᒋᑐᑎᒪᐧᒄ᙮
\s2 Hebrews 10.11-14,19-25 (Proper-28 Year B)
\p
\v 11 ᒥᓯᐛ ᐊᔭᒥᐊᐅᒋᒪᐤ ᐊᓯᑯᒻ ᒋᓯᑲᐛ ᐊᑐᔅᒐᐤ ᒧᔅ ᐊ ‍ ᐸᐃᑯᓂᔨᒡ ᒐᒂᔪᐤ ᐊ ‍ ᐃᑐᑕᐧᒃ, ᒧᔅ ᐊ ‍ ᒥᑐᔅᑕᐊᒪᑦ᙮ ᐊᑎ ᒪᒃ ᐊᓂᔭ ᐊ ‍ ᐃᑐᑕᐧᒃ ᓇᒪ ᓂᑕ ᒋᑭ ᒋ ‍ ᐛᐸᔨᑎᒧᐛᑭᓄᐅᔪᐛ ᐊᐛᔪᐛ ᐅᒥᒋᑥᐅᓂᔪᐤ᙮
\v 12 ᒥᒄ ᒪᒃ ᐃᔅᐱᔅ ᒋᓴᔅ ᑲ ‍ ᐱᔅᑎᓇᐧᒃ ᐅᐱᒪᑎᓯᐅᓐ, ᐊᐅᒄ ᒥᒄ ᐅ ᐱᔅᑎᓂᒐᐅᓐ ᑲ ‍ ᓂᑐᐛᔨᑕᒂᒡ ᐊᓐᑕ ᒐᒋ ᐅᒋ ‍ ᑲᒋᒡ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ᙮ ᓇᒪ ᒥᓐ ᑯᑎᒡ ᐱᔅᑎᓂᒐᐅᓐ ᐅᒋ ᓂᑐᐛᔨᑕᑯᓐ᙮ ᐊᓐᑕ ᒪᒃ ᒋᓴᒪᓂᑐᐤ ᐅᒥᔪᐅᓂᒡ ᐊᑯᑕ ᑲ ᐃᓯ ‍ ᐅᑎᓇᑭᓄᐅᑦ ᑲᒋᒡ ᒐᒋ ᐊᐱᑦ᙮
\v 13 ᐊᑯᑕ ᒪᒃ ᐊᓐᑕ ᒧᔅ ᒐ ‍ ᑕᑦ, ᐊ ‍ ᐊᓱᐛᐱᑦ ᐸᑐᔅ ᒋᓴᒪᓂᑐᐛ ᒥᓯᐛ ᒋ ‍ ᐃᔅᐱᓴᐊᔨᒐ ᐊᓂᔭ ᑲ ‍ ᐛᐧᑲᑎᑯᑦ ᑭᔭ ᒋ ‍ ᐃᑐᑐᐛᔨᒐ ᒐᒋ ᓂᓇᐊᔨᑎᒥᔨᒋ ᐅᑎᐸᔨᒋᒐᐅᓐ᙮
\v 14 ᐅᔭ ᒪᒃ ᒥᒄ ᐸᐃᒂᐤ ᐊᒋ ‍ ᐱᔅᑎᓇᐧᒃ ᐅᐱᒪᑎᓯᐅᓐ ᒋᓴᔅ ᐊᑯᑕ ᑲ ᐅᒋ ‍ ᐃᑐᑕᐧᒃ ᑲᒋᒡ ᒐᒋ ᐛᐸᔨᑎᒧᐛᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᐅᒥᒋᑥᐅᓂᔪᐤ ᑭᔭ ᒐᒋ ᑯᐃᔅᑯᓇᑯᓯᔨᒋ ᐊᓐᑕ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮
\p
\v 15 ᑭᔭ ᑲ ‍ ᐸᔭᒋᓯᑦ ᐊᒐᐧᒄ ᑭᔭ ᐎᔾ ᒋᑦ ᐃᔨᒥᐃᑯᓄᐤ ᐊ ‍ ᐎᑎᒪᑕᐧᒄ ᑕᑈ ᐊ ‍ ᑕᑈᒥᑭᓂᔨᒡ ᐅᔭ᙮ ᒋ ‍ ᐎᑎᒻ ᑕᓐ ᓴᔅ ᑲ ‍ ᐃᔅᒋᔄᑯᐱᓇᓂ ᒋᓴᒪᓂᑐᐛ᙮ ᒋ ‍ ᐃᔅᒋᔄᐤ,
\q
\v 16 “ᒪᐅᔭᔪᐤ ᑲ ‍ ᐅᔅᑲᔨᒡ ᓂᔅᑯᒧᐅᓂᔪᐤ ᒐ ‍ ᒥᔨᒂᐤ ᐊᐛᓐᒋ ᐃᔅᐱ ᐅᑎᒋᐱᔨᑥᐛ ᐊᓂᔭᔪᐛ ᐊ ‍ ᒋᓯᑲᒋ᙮ ᐅᑕᐃᐛᒡ ᓂᑭ ‍ ᐱᑕᐊᒺᓐ ᓂᐎᓱᐛᐅᓇ ᑭᔭ ᐅᒥᑐᓇᔨᒋᑭᓂᐛᒡ ᓂᑭ ‍ ᒥᓯᓇᐊᒺᓐ᙮”
\m ᑭᔭ ᒋ ‍ ᐃᔅᒋᔄᐤ,
\q
\v 17 “ᓇᒪ ᐊᑯ ᓂᑭ ᐅᒋ ‍ ᒪᒥᑐᓇᔨᑎᒥᐃᑯᐛᓐ ᐅᒥᒋᑥᐅᓄᐛᐛ ᐊᓂᔭ ᑕᓐ ᑲ ᐃᓯ ‍ ᒥᒋᑐᑕᒡ᙮”
\m
\v 18 ᒥᓯᐛ ᒪᒃ ᐅ ᑕᑈᒥᑭᓐ᙮ ᐃᔅᐱ ᒋᓴᒪᓂᑐᐤ ᓇᔅᒡ ᐊ ‍ ᐛᐸᔨᑎᒪᒐᑦ ᒥᒋᑥᐅᓇ, ᓇᒪ ᒥᓐ ᒋᑭ ᐅᒋ ‍ ᓂᑐᐛᔨᑕᑯᓐ ᒐᒋ ᒥᑐᔅᑕᐊᒪᓄᒡ ᒥᒋᑥᐅᓐ ᐅᒡ᙮
\s1 ᑕᓐᑕ ᒐᒋ ᐅᒋ ‍ ᒥᒋᒪ ᓇᑎᐧᒄ ᒋᓴᒪᓂᑐᐤ
\s2 Hebrews 10.11-14,19-25 (Proper-28 Year B)
\p
\v 19 ᓂᐧᑲᓂᓯᑐᒄ, ᐊᓂᔭ ᒋᓴᔅ ᐊᒋ ‍ ᐱᔅᑎᓇᐧᒃ ᐅᐱᒪᑎᓯᐅᓐ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ, ᐊᑯ ᒪᒃ ᒥᒄ ᒐᒋ ᐃᓯ ‍ ᐱᒐᔭᐧᒄ ᐊᑲ ᓴᒋᓯᔭᐧᒄ ᐊᓐᑕ ᒪᐅᒡ ᐸᔭᐧᑭᓂᔨᒡ ᒋᓴᒪᓂᑐᐤ ᐊ ‍ ᑕᑦ᙮
\v 20 ᐛᔅ ᒋᓴᔅ ᔅᒋ ‍ ᐃᒐᓂᒪᑭᓄᐤ ᐊᓂᔭ ᐊᑯᐛᑲᐃᑭᓂᔪᐤ ᒐᒋ ᓂᑐᐛᐱᒪᐧᒄ ᒋᓴᒪᓂᑐᐤ᙮ ᐊᓂᔭ ᐅᐱᒪᑎᓯᐅᓐ ᐊᒋ ‍ ᐱᔅᑎᓇᐧᒄ ᐊᑯᑕ ᑲ ᐅᒋ ‍ ᐃᑐᑎᒪᑕᐧᒄ ᐅᔭ᙮ ᐊᑯ ᒪᒃ ᒧᔭᒻ ᐊ ‍ ᒥᔨᑕᐧᒄ ᐊ ‍ ᐅᔅᑲᔨᒡ ᐱᒪᑎᓯᐅᓂᔪᐤ ᒐ ᐃᓯ ‍ ᐱᒪᑎᓯᐛᐧᒄ ᐃᓯᓇᑯᓂᔪᐤ᙮
\v 21 ᐊᓐ ᒪᒃ ᐅᒋ ᐊᑯᑕ ᐛᒋ ‍ ᐊᔭᐛᐧᒄ ᐊ ‍ ᓱᒐᔨᑕᑯᓯᑦ ᒋᓴᐊᔭᒥᐊᐅᒋᒪᐤ, ᐊᐅᒄ ᐅ ᒋᓴᔅ, ᐊᓐ ᓇᑲᓂᔅᑯᐛᑦ ᒋᓴᒪᓂᑐᐛ ᐅᑦ ᐃᔨᒥᔪᐛ᙮
\v 22 ᐊᑯ ᒪᒃ ᒐᒋ ᓇᑕᐧᒄ ᒋᓴᒪᓂᑐᐤ ᒋᓴᔅ ᐊ ‍ ᐅᒋᓴᐊᔭᒥᐊᐅᒋᒪᒥᔭᐧᒄ, ᓇᔅᒡ ᐊ ‍ ᑕᑈᑎᒪᐧᒄ ᒐ ‍ ᒥᔽᔨᑕᐧᒄ ᓇᑕᒂ, ᒐ ᐊᑲ ᐅᒋ ‍ ᐊᑐᐛᔨᒥᑕᐧᒄ᙮ ᒋᑭ ᒋ ‍ ᓇᑕᓄᐤ ᐛᔅ ᓇᔅᒡ ᔅᒋ ‍ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ᙮ ᓇᔅᒡ ᒋ ‍ ᐸᔭᒋᑕᑭᓄᐛ ᒋᑕᐃᓄᐛ ᑭᔭ ᓇᒪ ᐊᑯ ᒋ ‍ ᒥᑯᔅᑲᑕᔨᑎᒥᐃᑯᐅᓇᓄᐤ ᑕᓐ ᑲᒋ ᐃᓯ ‍ ᒥᒋᑐᑎᒪᐧᒄ᙮ ᒋ ‍ ᐸᔭᒋᑕᑭᓄᐛ ᒋᔪᓄᐛ ᐊ ‍ ᒥᔽᑭᒥᒡ ᓂᐱᔾ ᐅᒋ᙮
\v 23 ᓱᒃ ᒪᒃ ᓱᒋᑲᐳᐅᑕᐤ ᑕᓐ ᐊ ᐃᓯ ‍ ᒐᔅᑎᓇᑕᔨᑎᒪᐧᒄ, ᐊᑲᐎᔾ ᐊᓏᑎᒧᑕᐤ, ᐛᔅ ᒐᔅᑎᓇᔅ ᒋᑭ ‍ ᐃᑐᑎᒻ ᒋᓴᒪᓂᑐᐤ ᐊᓂᔭ ᑲ ‍ ᐃᔅᒋᔄᑦ ᒐ ‍ ᐃᑐᑕᐧᒃ᙮
\v 24 ᑭᔭ ᒧᔅ ᒪᒥᑐᓇᔨᒥᑐᑕᐤ ᑕᓐ ᒐᒋ ᐃᓯ ‍ ᓯᒋᒥᑐᔭᐧᒄ ᒐᒋ ᐅᒋ ‍ ᓴᒋᐃᐛᔭᐧᒄ ᑭᔭ ᒐᒋ ᒥᔪᑐᑐᐛᐧᑯᒡ ᐊᐛᓐᒋ᙮
\v 25 ᒥᒄ ᒪᒃ ᓇᒪ ᒋᑭ ᒋ ‍ ᐃᑐᑕᓇᓄᐤ ᐅ ᐊᑲ ᐎᒋᐃᐛᔭᒂ ᐊᓐᑕ ᐊ ‍ ᒪᒧᐎᒡ ᑲ ‍ ᑕᑈᑕᒡ᙮ ᑕᐅᒡ ᐊᓐᒡ ᐊᑲ ᐎᒋᐃᐛᒡ ᐊᓐᑕ ᐊ ‍ ᒪᒧᐎᔨᒋ ᑲ ‍ ᑕᑈᑎᒥᔨᒋ᙮ ᒋᐸ ‍ ᒪᒧᐎᓇᓄᐤ ᐊᓐᑕ ᒐᒋ ᐅᒋ ‍ ᓯᒋᒥᑐᔭᐧᒄ᙮ ᓇᔅᒡ ᒪᒃ ᐃᑕᔨᑕᑯᓐ ᐅ ᒐᒋ ᐃᑎᔭᐧᒄ ᐛᔅ ᒋ ‍ ᐛᐸᑕᓇᓄᐤ ᐊ ‍ ᐸᓱᓇᒂᒡ ᐊᓐ ᐊ ‍ ᒋᓯᑲᒡ ᒥᓐ ᒐ ‍ ᑎᑯᓯᐧᒃ ᙭᙮
\p
\v 26 ᐊᑯ ᒪᒃ ᐊᓄᒡ ᐊ ‍ ᒋᔅᒐᔨᑎᒪᐧᒄ ᑕᑈᐅᓐ, ᐃᔭᐱᒡ ᒪᒃ ᒥᒋᑐᑎᒪᒂ ᐊ ‍ ᒋᔅᒐᔨᑎᒪᐧᒄ ᒪᒃ ᐊᑲ ᑯᐃᔅᒄ ᐃᑎᔭᐧᒄ, ᓇᒪ ᒋᑦ ᐊᐱᑕᔨᑎᒥᐃᑯᐛᓇᓄᐤ ᑕᓐ ᑲ ᐃᓯ ‍ ᐱᔅᑎᓂᓱᑦ ᒋᓴᔅ ᒋᔭᓄᐤ ᐅᒡ᙮ ᓇᒪ ᒋᑭ ᐅᒋ ‍ ᑎᑯᓐ ᒥᓐ ᑯᑎᒡ ᐱᔅᑎᓂᓱᐅᓐ ᐊᓐᑕ ᒐᒋ ᐅᒋ ‍ ᐛᐸᔨᑎᒪᑯᔭᐧᒄ ᒋᒥᒋᑥᐅᓄᐛ᙮
\v 27 ᑎᑯᓂᔪᐤ ᒐ ᐃᓯ ‍ ᑯᔅᑕᑦ ᒋᓴᒪᓂᑐᐛ ᐊᓐ ᐊᐛᓐ ᐃᔭᐱᒡ ᑲ ‍ ᒥᒋᑐᑕᐧᒃ ᐊᑎ ᐊ ‍ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᒋᓴᒪᓂᑐᐛ ᒋᑭ ‍ ᑎᐸᔅᑯᓂᑯᐤ ᑭᔭ ᐃᔅᑯᑕᒡ ᒋᑭ ᐃᓯ ‍ ᓂᓱᐅᓇᒋᐊᑭᓄᐤ᙮
\v 28 ᐅᑕ ᒪ ᐃᓯ ᑭᓄᐛᐸᑎᒧᒄ᙮ ᒧᔭᒻ ᐊᐛᓐ ᐊᑲ ᐅᒋ ᐊᐱᑕᔨᑎᒧᑯᐱᓇ ᒧᓱᓴ ᐅᐎᓱᐛᐅᓂᔪᐤ ᑭᔭ ᓂᓱ ᒪᒃ ᓂᔅᑐ ᐊᐛᔪᐛ ᐃᔅᒋᔄᔨᒐ ᑕᑈ ᐊᓂᔭ ᐊᒋ ‍ ᐃᑎᑯᐱᓇ, ᓇᒪ ᓇᔅᒡ ᒋᐸ ᐅᒋ ‍ ᒋᔅᑎᒪᒐᔨᒪᑭᓄᐤ ᑎᐛᒡ ᒥᒄ ᒋᐸ ᐃᓯ ‍ ᓂᐸᐊᑭᓄᐤ᙮
\v 29 ᐊᑐᐎᔅ ᒪᒃ ᒋᑭ ‍ ᐃᑕᔨᑕᑯᓂᔪᐤ ᐊᓐ ᐊᐛᓐ ᐃᔭᐱᒡ ᑲ ‍ ᒥᒋᑐᑕᐧᒃ ᐊᑎ ᐊ ‍ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᐅᔭ ᐊ ‍ ᐃᑎᑦ ᒪᔭᔨᒪᐤ ᒋᓴᒪᓂᑐᐛ ᐅᑯᓯᔪᐛ᙮ ᒪᔭᔨᑎᒺᐤ ᐅᒥᐧᑯᔪᐤ ᑲ ‍ ᓯᒋᓂᑲᑕᔨᒡ ᒋᐱᔭᑎᑯᒡ ᑲ ‍ ᓂᐸᐊᑭᓄᔨᒋ᙮ ᒪᔭᔨᑎᒻ ᐊᓂᔭ ᑲ ‍ ᐅᔅᑲᔨᒡ ᓂᔅᑯᒧᐅᓂᔪᐤ ᐊᓂᔭ ᒋᓴᒪᓂᑐᐛ ᑲ ‍ ᐅᓯᑎᒧᐛᔨᒋ ᐅᑦ ᐃᔨᒥᔪᐛ᙮ ᐊᓐ ᐊᐛᓐ ᐅᔭ ᑲ ‍ ᐃᑎᑦ ᒪᔭᔨᒪᐤ ᑭᔭ ᑲ ‍ ᐸᔭᒋᓯᔨᒋ ᐊᒐᒂ ᐊᓐ ᑲ ‍ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐅ ᐊᐛᓐ ᐃᓯᓇᑯᓂᔪᐤ ᑕᑈ ᒐᒋ ᐛᐛᓯᐊᑭᓄᐅᑦ᙮
\v 30 ᐛᔅ ᒋ ‍ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐊᒋ ‍ ᐃᔅᒋᔄᑦ,
\q “ᓂᔾ ᐊᐅᒄ ᒐ ‍ ᐛᐛᓯᐃᑎᑯᒡ ᑕᓐ ᐊ ᐃᓯ ‍ ᒋᔅᑕᔨᑕᑯᓯᔭᒄ ᒐᒋ ᐃᓯ ‍ ᐛᐛᓯᐃᑯᔭᒄ᙮”
\m ᑭᔭ ᒋ ‍ ᐃᔅᒋᔄᐤ ᒋᓴᒪᓂᑐᐤ,
\q “ᐅᑎᐸᔨᒋᒐᐤ ᒋᑭ ‍ ᑎᐸᔅᑯᓇᐤ ᐅᑦ ᐃᔨᒪ᙮”
\m
\v 31 ᐃᔭᒂᒥᒄ᙮ ᑕᑈ ᑯᔅᑕᑕᔨᑕᑯᓂᔪᐤ ᒋᓴᒪᓂᑐᐤ, ᑲᒋᒡ ᑲ ‍ ᐱᒪᑎᓯᑦ, ᑕᓐ ᒐ ᐃᓯ ‍ ᐛᐛᓯᐊᑦ ᐊᐛᔪᐛ᙮
\p
\v 32 ᓱᒃ ᒪᒃ ᒪᒥᑐᓇᔨᑎᒥᐃᑯᒄ ᓂᔅᑎᒻ ᑕᓐ ᑲ ᐃᓯ ‍ ᐸᑎᒪᒄ ᐊ ‍ ᐊᔨᒧᒪᑭᓄᐅᑦ ᙭᙮ ᒪᒥᑐᓇᔨᑎᒧᒄ ᑕᓐ ᑲ ᐃᓯ ‍ ᓱᒋᑲᐳᐅᔭᒄ ᑲ ‍ ᓂᓇᐧᑲᒋᐃᑯᐅᔭᒄ ᐃᔅᐱ ᑲ ‍ ᐱᒪᒋᐅᔭᒄ᙮ ᓇᔅᒡ ᑕᑈ ᒋ ‍ ᔭᐃᑎᓐ ᒋᑕᑈᑎᒧᐅᓄᐛᐤ᙮
\v 33 ᓇᓂᑯᑎᓂᔾ ᔅᒋ ‍ ᓂᓇᐧᑲᒋᐃᑯᐅᓇᐛᐤ, ᑭᔭ ᐊᓐᑕ ᐊ ‍ ᒥᒐᑎᓇᓄᐅᒡ ᔅᒋ ‍ ᒪᔭᔨᒥᑯᓇᐛᐤ ᑭᔭ ᓇᒪ ᑯᐃᔅᒄ ᒋ ᐅᒋ ‍ ᐃᑐᑕᑯᐅᓇᐛᐤ ᑭᔭ ᔅᒋ ‍ ᐎᒋᑲᐳᔅᑐᐛᐛᐅᒡ ᐊᓐᒡ ᑯᑎᑭᒡ ᑲ ‍ ᓂᓇᐧᑲᑕᔨᑎᒥᐊᑭᓄᐎᒡ᙮
\v 34 ᔅᒋ ‍ ᒋᔅᑎᒪᒐᔨᒪᐛᐅᒡ ᐊᓐᒡ ᑲᒪᑯᓄᐛᓯᐅᒋᐛᐱᒡ ᑲ ‍ ᑕᒡ ᐊᓐᒡ ᑲ ‍ ᑕᑈᑕᒡ ᐛᔅ ᑭᔭ ᒋᔨᐛᐤ ᐊᐅᑯᓐ ᒧᔭᒻ ᑲ ᐃᓯ ‍ ᓂᒋᔅᑭᒪᒄ᙮ ᐃᔅᐱᔅ ᑲ ‍ ᒪᑯᓂᑭᓄᐅᒋ ᒋᑦ ᐊᐱᒋᑕᐅᓄᐛᐛ ᐊ ‍ ᒪᔭᔨᒥᑯᔭᒄ ᔅᒋ ‍ ᒥᔽᔨᑕᓇᐛᐤ ᐛᔅ ᔅᒋ ‍ ᒋᔅᒐᔨᑕᓇᐛᐤ ᐊᑐᐎᔅ ᐊ ‍ ᒥᔽᒡ ᐊᓐ ᒐᒂᓐ ᑲ ᐃᓯ ‍ ᐊᔭᔭᒄ, ᑭᔭ ᑲᒋᒡ ᒐ ‍ ᑎᒂᒡ᙮
\p
\v 35 ᐊᑲᐎᔾ ᐳᓂᒄ ᐊ ‍ ᑕᑈᑎᒪᒄ ᐛᔅ ᐊᑯᑕ ᒐ ᐅᒋ ‍ ᐊᔭᔭᒄ ᐊ ‍ ᐛᔪᑎᒡ ᑎᐸᐊᒪᑯᓯᐅᓐ᙮
\v 36 ᒋ ‍ ᓂᑐᐛᔨᑕᑯᓯᓇᐛᐤ ᒐᒋ ᓯᐱᔪᐛᓯᔭᒄ ᑭᔭ ᒐᒋ ᐃᑐᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ ᑭᔭ ᒐᒋ ᒥᔅᑭᒺᒄ ᐊᓂᔭ ᑲ ‍ ᐃᔅᒋᔄᑦ ᒐᔅᑎᓇᔅ ᒐ ‍ ᒥᔨᑕᒄ᙮
\v 37 ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒪᔅᑕᔾ ᐛᐃᐱᔅᒋᔅ, ᐊᑯ ᐊᓐ ᒋᐸ ‍ ᑎᑯᓯᓄᐤ ᒐ ‍ ᑎᑯᓯᐧᒃ, ᓇᒪ ᒪᒃ ᒋᑭ ‍ ᐃᔭᐃᑯᐤ ᒐᒋ ᑎᑯᓯᐧᒃ᙮
\q
\v 38 ᓂᑦ ᐃᔨᒥᒡ ᑲ ‍ ᑯᐃᔅᑯᑕᑎᓯᒡ ᒋᑭ ‍ ᑕᑈᑎᒧᒡ ᑭᔭ ᒋᑭ ‍ ᐱᒪᑎᓯᐅᒡ, ᒥᒄ ᒪᒃ ᐊᓐ ᐊᐛᓐ ᒐ ‍ ᒋᐛᑲᐳᒂ, ᓇᒪ ᓂᑭ ᐅᒋ ‍ ᒥᔽᔨᑎᒥᐃᒄ᙮
\m
\v 39 ᓇᒪᔭᐅᒡ ᒪᒃ ᒋᔭᓄᐤ ᐊᐛᓐᒋ ᑲ ‍ ᒋᐛᑲᐳᐅᒡ ᑭᔭ ᑲ ‍ ᐅᓇᓯᓂᒡ᙮ ᒋ ‍ ᑕᑈᑕᓇᓄᐤ ᒋᔭᓄᐤ ᑭᔭ ᒋ ‍ ᐱᒪᒋᐅᓇᓄᐤ᙮
\c 11
\s1 ᑕᑈᑎᒧᐅᓐ ᐊ ‍ ᐊᔨᒧᑕᒡ
\s2 Hebrews 11.1-3, 8-16 (Proper-14 Year C)
\p
\v 1 ᐊ ‍ ᑕᑈᔭᔨᒪᐧᒄ ᒋᓴᒪᓂᑐᐤ ᒋ ‍ ᒐᔅᑎᓇᐅᓇᓄᐤ ᒐ ‍ ᐃᔅᐱᔨᒡ ᑕᓐ ᐊ ᐃᓯ ‍ ᐊᔅᐸᔨᒧᔭᐧᒄ, ᒋ ‍ ᒐᔅᑎᓇᐅᓇᓄᐤ ᐊ ‍ ᑎᒂᒋ ᐊᓂᔭ ᒐᒂᔪᐛ ᐊᑲ ᐛᐸᑎᒪᐧᒄ᙮
\v 2 ᐊᓂᔭ ᒪᒃ ᑲ ‍ ᐃᔅᐱᔅ ᒋ ‍ ᑕᑈᑕᒡ ᐊᓂᔭᐧᑲ ᐛᔅᑭᒡ ᐊᐛᓐᒋ ᐊᔪᐅᒄ ᐅᔭ ᓇᔅᒡ ᑲ ‍ ᓇᐊᔨᑎᒥᔨᒋ ᒋᓴᒪᓂᑐᐛ᙮
\p
\v 3 ᐊᓐ ᑕᓐ ᐊ ᐃᓯ ‍ ᑕᑈᑎᒪᐧᒄ ᐊᑯᑕ ᐛᒋ ‍ ᓂᔅᑐᑎᒪᐧᒄ ᒋᓴᒪᓂᑐᐤ ᐊᒋ ‍ ᐅᓯᑕᑦ ᐅᔭ ᐊᔅᒋᔪᐤ, ᒥᒄ ᒋ ‍ ᐃᔨᒧᐤ ᒂ ᐅᒋ ‍ ᑎᑯᓂᔨᒡ᙮ ᐊᓂᔭᔪᐛ ᒐᒂᔪᐛ ᐊᑲ ᓄᒂᒋ, ᐊᑯᑕ ᑲ ᐅᒋ ‍ ᐅᓯᑕᑦ ᒋᓴᒪᓂᑐᐤ ᐊᓂᔭ ᒐᒂᔪᐛ ᐊ ‍ ᐛᐸᑎᒪᐧᒄ᙮
\p
\v 4 ᐛᔅᑭᒡ ᐊᓐᑕ, ᓇᐸᐤ ᐊᐳᓪ ᐊᒋ ‍ ᐃᓯᓂᐧᑲᓱᑦ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ ᐊᓂᔭ ᒪᒃ ᐅᒋ ᒋ ‍ ᒥᑐᔅᑕᐊᒪᐤ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᓇᔅᒡ ᒪᒃ ᒋ ‍ ᓇᐊᔨᑎᒥᐊᐤ ᒋᓴᒪᓂᑐᐛ᙮ ᐊᓂᔭ ᐅᔅᑕᓴ ᑲᐃᓐ ᑭᔭ ᐎᔾ ᒋ ‍ ᒥᑐᔅᑕᐊᒪᔪᐛ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᒥᒄ ᒪᒃ ᐊᓂᔭ ᐊᐳᓪ ᑕᓐ ᑲ ᐃᓯ ‍ ᑕᑈᔭᔨᒪᑦ ᒋᓴᒪᓂᑐᐛ ᐊᔪᐅᒄ ᐊᓂᔭ ᑲ ‍ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᐊᐅᒄ ᒪᒃ ᐅᔭ ᐛᒋ ‍ ᐃᑕᑭᓄᐅᑦ ᐊᐳᓪ ᐊᒋ ‍ ᑯᐃᔅᑯᑕᑎᓯᑦ᙮ ᒋ ‍ ᒋᔅᒐᔨᑕᓇᓄᐤ ᒋᓴᒪᓂᑐᐤ ᓇᔅᒡ ᐊᒋ ‍ ᓇᐊᔨᒥᑯᑦ ᐛᔅ ᒋ ‍ ᐅᑎᓂᒺᐤ ᑕᓐ ᑲ ᐃᓯ ‍ ᒥᑐᔅᑕᐊᒪᔨᒋ᙮ ᐊᑯ ᒪᒃ ᐊᓄᒡ, ᐊᑎ ᓴᔅ ᐊᒋ ‍ ᓂᐱᑦ ᐊᐳᓪ, ᒋ ‍ ᒋᔅᑯᑎᒪᑯᓇᓄᐤ ᒐᒋ ᑕᑈᔭᔨᒪᐧᒄ ᒋᓴᒪᓂᑐᐤ ᐊ ‍ ᒪᒥᑐᓇᔨᑎᒪᐧᒄ ᑕᓐ ᑲ ᐃᓯ ‍ ᑕᑈᑕᐧᒃ ᐎᔾ ᐊᐳᓪ᙮
\p
\v 5 ᒥᓐ ᑯᑎᒃ ᓇᐸᐤ ᐃᓄᒃ ᒋ ‍ ᐃᓯᓂᐧᑲᓱᐤ, ᑭᔭ ᐎᔾ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ᙮ ᒋ ‍ ᐃᑕᑭᓄᐤ ᐊᒋ ‍ ᓇᐊᔨᑎᒪᐊᑦ ᒋᓴᒪᓂᑐᐛ, ᐛᔅ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ ᑲ ᐃᔅᐱᔅ ‍ ᐱᒪᑎᓯᑦ᙮ ᐊᐅᒄ ᒪᒃ ᐅᔭ ᐛᒋ ‍ ᐅᑎᓂᑯᑦ ᒋᓴᒪᓂᑐᐛ ᒋᒋᒋᓯᑯᒡ ᐃᔅ᙮ ᓇᒪ ᐅᒋ ᓂᐳᐤ ᐃᓄᒃ᙮ ᓯᔅᒋᑯᒡ ᓇᒪ ᐅᒋ ᑕᐤ ᐊᓐᑕ ᒪᒂᒡ ᑭᔭ ᓇᒪ ᐅᒋ ᒥᔅᑲᑯᐤ ᐊᐛᔪᐛ ᐛᔅ ᒋᓴᒪᓂᑐᐛ ᒋ ᐸᒋ ‍ ᐅᑎᓂᑯᐤ ᒋᒋᒋᓯᑯᒡ ᐃᔅ᙮
\v 6 ᓇᒪ ᐊᐛᓐ ᒋᑭ ᒋ ‍ ᓇᐊᔨᑎᒥᐊᐤ ᒋᓴᒪᓂᑐᐛ ᐸᑐᔅ ᑕᑈᔭᔨᒪᒐ᙮ ᐛᔅ ᐊᓐ ᐊᐛᓐ ᑲ ᐎ ᐸᒋ ‍ ᓇᑕᑦ ᒋᓴᒪᓂᑐᐛ ᒋᐸ ‍ ᑕᑈᑎᒻ ᐊ ‍ ᑕᔨᒋ ᒋᓴᒪᓂᑐᐛ ᑭᔭ ᐊ ‍ ᒥᔪᑐᑐᐛᔨᒋ ᐊᓂᔭ ᓱᒃ ᑲ ᐎ ‍ ᒋᔅᒐᔨᒥᑯᑦ᙮
\p
\v 7 ᓄᐛ ᒋ ‍ ᐃᓯᓂᐧᑲᓱᐤ ᒥᓐ ᑯᑎᒃ ᓇᐸᐤ ᐊᒋ ‍ ᑕᑈᔭᔨᒪᑦ ᒋᓴᒪᓂᑐᐛ᙮ ᐃᔅᐱ ᒋᓴᒪᓂᑐᐛ ᑲ ‍ ᐎᑎᒪᑯᑦ ᑕᓐ ᒐ ‍ ᐃᔅᐱᔨᒡ ᐃᔅᒋᐳᑕᔨᒐ ᐊᔅᒋᔪᐤ, ᐊᑎ ᐊᑲ ᐅᒋ ᐛᐸᑕᐧᒃ ᐊᓂᔭ ᒐᒋ ᐃᔅᐱᔨᒡ ᐃᔅᐱ ᑲ ‍ ᐎᑎᒧᐛᑭᓄᐅᑦ, ᐃᔭᐱᒡ ᒋ ‍ ᑕᑈᑐᐛᐤ ᒋᓴᒪᓂᑐᐛ ᐊᑯ ᑲ ᒋᒋ ‍ ᐅᓯᑕᑦ ᐊ ‍ ᒥᓴᔨᒡ ᐅᐤᑎᔪᐤ ᐊᓐᑕ ᒐ ‍ ᑕᑦ ᐊ ‍ ᐸᐃᑯᔅᑲᓇᓯᑦ ᒐ ᐊᑲ ᒋ ᓂᔅᑕᐸᐛᒡ᙮ ᐊᓂᔭ ᐊᒋ ‍ ᑕᑈᔭᔨᒪᑦ ᒋᓴᒪᓂᑐᐛ ᓄᐛ ᑭᔭ ᐊᒋ ‍ ᓂᓇᐃᑐᐛᑦ, ᒋ ‍ ᐛᐸᑎᔨᐛᐤ ᒋᓴᒪᓂᑐᐛ ᒐ ‍ ᑎᐸᔅᑯᓇᔨᒋ ᑭᔭ ᒐ ‍ ᐛᐛᓯᐊᔨᒋ ᒥᓯᐛ ᐊᓂᔭ ᑯᑎᑲ ᐊᐛᔪᐛ ᐛᔅ ᓇᒪ ᐅᒋ ᐎ ᑕᑈᑎᒥᔪᐛ᙮ ᓄᐛ ᒪᒃ ᐊᒋ ‍ ᑕᑈᔭᔨᒪᑦ ᒋᓴᒪᓂᑐᐛ ᐅᑯᐃᔅᑯᑕᑎᓯᐤ ᒋ ᐃᓯ ‍ ᑭᓄᐛᐱᒥᑯᐤ᙮
\s2 Hebrews 11.1-3,8-16 (Proper-14 Year C)
\p
\v 8 ᐊᑉᕋᐊᒻ ᑭᔭ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ᙮ ᐊᐅᒄ ᐊᓂᔭ ᐛᒋ ‍ ᓂᓇᐃᑐᐛᑦ ᐃᔅᐱ ᑲ ‍ ᑕᑈᑎᑯᑦ ᑭᔭ ᑲ ‍ ᐃᑎᑯᑦ ᒐᒋ ᓂᑭᑕᐧᒃ ᐊᓂᔭ ᐊᔅᒋᔪᐤ ᐊᓐᑕ ᑲ ‍ ᐅᒋᑦ ᐊᓐᑕ ᒐᒋ ᐃᑐᑕᑦ ᐊᓂᔭ ᐊᔅᒋᔪᐤ ᑲ ‍ ᐃᑎᑯᑦ ᒋᓴᒪᓂᑐᐛ ᒐ ‍ ᒥᔨᑯᑦ ᐎᔾ ᒐᒋ ᐊᔭᑦ᙮ ᐊᑉᕋᐊᒻ ᒪᒃ ᒋ ‍ ᓂᓇᐃᑎᒻ, ᑎᐛᒡ ᒋ ‍ ᔅᑐᑕᐤ ᐊᑎ ᐊᑲ ᐊᔅᒄ ᐅᒋ ᒋᔅᒐᔨᑕᐧᒃ ᑕᓐᑕ ᐊᓐ ᒋᐸ ‍ ᐃᑐᑕᐤ᙮
\v 9 ᒐᒃ ᒪᒃ ᒋ ‍ ᐅᑎᑎᒻ ᐊᓂᔭ ᐊᔅᒋᔪᐤ ᒋᓴᒪᓂᑐᐛ ᑲ ‍ ᐊᓱᑎᒪᑯᑦ᙮ ᐊᑯᑕ ᑲ ‍ ᑕᑦ ᐊ ‍ ᒪᓐᑕᐅᑦ ᑭᔭ ᐊ ‍ ᑕᑈᔭᔨᒪᑦ ᒋᓴᒪᓂᑐᐛ᙮ ᒋ ᐱᐸᒪ ‍ ᐊᑐᒐᐤ ᒥᒄ ᒥᒋᐛᐱᒡ ᐊ ‍ ᑕᑦ᙮ ᐊᓂᔭ ᐅᑯᓴ ᐊᐃᓯᑲ ᑭᔭ ᐊᓂᔭ ᐅᓯᒪ ᒐᑭᐸ ᒋ ‍ ᐱᐸᑕᔪᐛ ᐊᓐᑕ ᑲ ‍ ᑕᑦ᙮ ᒋ ‍ ᐃᔅᒋᔄᑯᐱᓇᓂ ᒋᓴᒪᓂᑐᐛ ᑭᔭ ᐎᔨᐛᐤ ᒐ ‍ ᐊᓱᑎᒧᐛᑭᓄᐅᒡ ᐊᓂᔭ ᐊᔅᒋᔪᐤ ᒐ ‍ ᒥᔭᑭᓄᔨᒋ ᐊᑉᕋᐊᒪ᙮
\v 10 ᐊᑉᕋᐊᒻ ᒪᒃ ᒋ ‍ ᐱᒂᔨᑎᒻ ᐊ ‍ ᐊᓱᐛᐸᑕᐧᒃ ᒐ ᐃᔅᐱᔅ ‍ ᐱᑎᑲᐃᑯᑦ ᒋᓴᒪᓂᑐᐛ ᐊᓐᑕ ᐊᓂᔭ ᑲ ‍ ᐊᔨᒋᑲᐳᐎᔨᒡ ᐅᑕᓇᔪᐤ, ᐎᔾ ᒋᓴᒪᓂᑐᐤ ᐛᒋᒡ ᐊᒋ ‍ ᐎᔭᔨᑕᐧᒃ ᒐ ‍ ᐃᓯᓇᑯᓂᔨᒡ ᑭᔭ ᐎᔾ ᐊᒋ ‍ ᐅᓯᑕᑦ᙮
\p
\v 11 ᑭᔭ ᓴᕋ ᓂᑦ ᐊᔨᒧᒪᐤ᙮ ᐊᑉᕋᐊᒻ ᐎᐛ ᐊᓂᔭ ᓴᕋᔨᒋ᙮ ᑭᔭ ᐎᔾ ᒪᒃ ᓴᕋ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ᙮ ᓇᒪ ᓂᑕ ᐅᒋ ᐊᔭᐛᐤ ᐊᐛᓴ ᑭᔭ ᓴᔅ ᒋ ‍ ᐎᒪᔅᑭᒻ ᐊᓂᔭ ᐊ ‍ ᐃᔅᐱᑎᓯᓇᓄᐎᒡ ᒐᒋ ᐊᔭᐛᑭᓄᔨᒋ ᐊᐛᓴ᙮ ᒥᒄ ᒪᒃ ᐃᔭᐱᒡ ᒋ ‍ ᐊᔭᐛᐤ ᐊᐛᓴ ᐊᓂᔭ ᐅᒋ ᐊᒋ ‍ ᑕᑈᑐᐛᑦ ᒋᓴᒪᓂᑐᐛ ᒐᒋ ᐃᑐᑎᒪᑯᑦ ᑕᓐ ᑲ ‍ ᐃᔅᒋᔄᔨᒋ ᒐᔅᑎᓇᔅ ᒐ ‍ ᐃᑐᑎᒪᑯᑦ᙮
\v 12 ᐊᑯᑕ ᒪᒃ ᑲ ᐅᒋ ‍ ᐃᓯᓇᑯᓂᔨᒡ ᐊᑉᕋᐊᒻ ᒐᒋ ᐅᑕᐎᒪᐅᑦ ᐊᑎ ᓴᔅ ᑭᔭ ᐎᔾ ᓇᔅᒡ ᐊᒋ ‍ ᒋᓴᐃᔪᑦ᙮ ᐊᑯ ᒪᒃ ᐊᑉᕋᐊᒻ ᒪᒐᑎᔨᒋ ᐅᑦ ᐊᓂᔅᒐ ᐅᑦ ᐊᐛᓯᒪ ᐊᑲ ᐛᐛᒡ ᒥᓯᐛ ᒋ ‍ ᐊᒋᒪᑭᓄᔨᒋ᙮ ᒧᔭᒻ ᑕᓐ ᐊᔅᐱᔅ ᒥᒐᑎᒡ ᐅᒐᑭᑕᐧᑯᒡ ᐊᓐᑕ ᒋᓯᑯᒡ ᐊᐅᑯᓐ ᐊ ‍ ᐃᔅᐱᒐᑎᔨᒋ ᐅᑦ ᐊᐛᓯᒪ, ᒧᔭᒻ ᑕᓐ ᐊᔅᐱᔅ ᐊᑲ ᒋ ‍ ᐊᒋᑕᑭᓄᐅᒡ ᓯᓱᒡ ᑲ ‍ ᑎᒂᒡ ᐃᔭᑲᐤ ᐛᓴ ᐊ ‍ ᐱᓴᐅᐧᑲᔅᒡ ᐊᐅᑯᓐ ᐊ ‍ ᐃᔅᐱᒐᑎᔨᒋ᙮
\p
\v 13 ᐅᒡ ᒪᒃ ᒥᓯᐛ ᐊᐛᓐᒋ ᑲ ‍ ᐊᔨᒧᒥᒂᐤ, ᒥᓯᐛ ᒋ ‍ ᑕᑈᔭᔨᒪᐅᒡ ᒋᓴᒪᓂᑐᐛ ᐱᐃᒻ ᑲ ᐊᑎ ‍ ᐳᓂᐱᒪᑎᓯᒡ᙮ ᐊᐅᑯᓐ ᑲ ᐃᓯ ‍ ᐳᓂᐱᒪᑎᓯᒡ ᐊᔅᒄ ᐊ ‍ ᑕᑈᑕᒡ ᐊᓂᔭ ᑕᓐ ᑲ ‍ ᐃᔅᒋᔄᔨᒋ ᒋᓴᒪᓂᑐᐛ ᑕᑈ ᒐ ‍ ᐅᑎᒋᐱᔨᒡ᙮ ᐊᑎ ᐊᑲ ᐎᔨᐛᐤ ᓇᓂᑎᒻ ᐅᒋ ᐛᐸᑕᒡ ᒐᒋ ᐅᑎᒋᐱᔨᒡ ᐃᔭᐱᒡ ᒋ ‍ ᒐᔅᑎᓇᑕᔨᑎᒥᐃᑯᐅᒡ ᒐ ‍ ᐅᑎᒋᐱᔨᒡ ᐊᓐᑕ ᓂᔅᑕᒥᒡ᙮ ᑭᔭ ᒋ ‍ ᒋᔅᒐᔨᑎᒧᒡ ᐊᑲ ᓴᒐᔾ ᐃᓯᓇᑯᓂᔨᒡ ᐊᓂᔭ ᑕᓐ ᑲ ᐃᓯ ‍ ᑕᑈᔭᔨᒪᒡ ᒋᓴᒪᓂᑐᐛ᙮ ᑭᔭ ᒋ ‍ ᒋᔅᒐᔨᑎᒧᒡ ᐊᑲ ᐅᑕ ᐊᔅᒋᒡ ᒋᒋᐛ ᐅᒋ ᐅᒋᒡ ᑭᔭ ᐎᔨᐛᐤ ᓇᓂᑎᒻ ᒋ ‍ ᐃᔅᒋᔄᐅᒡ ᒥᒄ ᒪᓐᑕᐤ ᐊᒋ ᐃᓯ ‍ ᑭᓄᐛᐱᒥᓱᒡ᙮
\v 14 ᐅᔭ ᒪᒃ ᐊ ‍ ᐃᔅᒋᔄᒡ ᐊᐛᓐᒋ, ᓂᔅᑐᑕᑯᓱᐅᒡ ᐊ ‍ ᓇᓂᑐᐛᔨᑕᒡ ᐊᔅᒋᔪᐤ ᐊᓐᑕ ᒋᒋᐛ ᒐᒋ ᑕᒡ᙮
\v 15 ᒋᐸ ᒋ ‍ ᐃᑐᑕᐱᓐᒡ ᒥᓐ ᑲᐤ ᐊᓐᑕ ᐊᓂᔭ ᐊᔅᒋᔪᐤ ᑲ ‍ ᐅᒋᒡ ᒋ ᐎ ‍ ᐃᑐᑕᑕᒂᓐᒋ᙮
\v 16 ᐃᔭᐱᒡ ᒪᒃ, ᐅᒡ ᐃᔪᒡ ᒋ ‍ ᓇᓂᑐᐛᔨᑎᒧᒡ ᐊᔅᒋᔪᐤ ᐊᑐᐎᔅ ᐊ ‍ ᒥᔽᔨᒡ ᐃᔅᐱᔅ ᐊᓂᔭ ᑲ ‍ ᓂᑭᑕᒡ᙮ ᒋ ‍ ᒧᔅᑕᓇᔨᑎᒧᒡ ᐊᓐᑕ ᒋᒋᒋᓯᑯᒡ ᒋᒋᐛ ᒐᒋ ᐎᒋᒡ᙮ ᐊᑯ ᒪᒃ ᒋᓴᒪᓂᑐᐤ ᓇᒪ ᓴᒂᔨᒧᐃᑯᐤ ᓄᑕᐎᓇᓐ ᐊ ‍ ᐃᓯᓂᐧᑲᑎᑯᑦ ᐛᔅ ᓴᔅ ᒋ ‍ ᐊᔭᔅᑯᔅᑎᒧᐛᐤ ᐅᑕᓇᔪᐤ ᐊᓐᑕ ᒋᒋᐛ ᒐ ‍ ᑕᔨᒋ᙮
\p
\v 17 ᒥᓐ ᒪ ᒪᒥᑐᓇᔨᒪᐧᒄ ᐊᑉᕋᐊᒻ᙮ ᐊᓂᔭ ᐊᒋ ‍ ᐃᔅᐱᔅ ᑕᑈᑕᐧᒃ ᓇᔅᒡ ᒋ ᐎ ‍ ᐃᑐᑎᒻ ᒐᒋ ᒥᑐᔅᑕᐊᒪᑦ ᐅᑯᓴ ᐊᐃᓯᑲ᙮ ᐊᐅᒄ ᐅᔭ ᑲ ᐎ ‍ ᐃᑎᑦ ᐊᑉᕋᐊᒻ ᐛᔅ ᐊᐅᑯᓐ ᑲ ‍ ᐃᑎᓱᒥᑯᑦ ᒋᓴᒪᓂᑐᐛ ᒐᒋ ᐃᑎᑦ ᐊᒋ ᐎ ᓂᑐ ‍ ᒋᔅᒐᔨᒥᑯᑦ ᑕᑈ ᒐ ‍ ᓂᓇᐃᑎᒧᒂ᙮ ᓇᔅᒡ ᒪᒃ ᒋ ‍ ᐊᔭᔅᑯᐎᔪᐤ ᐊᑉᕋᐊᒻ ᒐᒋ ᐃᑐᑎᒧᐛᑦ ᑕᓐ ᑲ ‍ ᐃᑎᓱᒥᑯᑦ ᒋᓴᒪᓂᑐᐛ, ᐊᑎ ᐊᒋ ‍ ᐎᑎᒧᐛᑭᓄᐅᑦ ᒐᔅᑎᓇᔅ ᒐ ‍ ᓱᐛᔨᒪᑭᓄᐅᑦ᙮
\v 18 ᒋ ‍ ᒋᔅᒋᓯᓇᐛᐤ ᐊ ᐅᔭ ᑲ ‍ ᐃᑎᑯᑦ ᒋᓴᒪᓂᑐᐛ,
\q ᒋᑭ ‍ ᒥᒐᑐᐅᒡ ᒋᑦ ᐊᓂᔅᒐ ᒍᓯᒥᓯᒡ ᐊᐃᓯᑲ ᐊ ‍ ᑕᔨᒋ ᒐ ᐅᒋ ᐊᓂᔅᒐ ‍ ᐱᒪᑎᓯᒡ᙮
\m ᐊᐅᒄ ᒪᒃ ᐅᔭ ᐊᑉᕋᐊᒪ ᐅᑯᓯᔪᐛ ᒋᓴᒪᓂᑐᐤ ᑲ ‍ ᐊᔨᒧᒪᑦ᙮
\p
\v 19 ᐊᑉᕋᐊᒻ ᒋ ‍ ᒋᔅᒐᔨᑎᒻ ᒋᓴᒪᓂᑐᐛ ᒐᒋ ᐅᓂᔅᑲᓇᔨᒋ ᐊᐛᔪᐛ ᓂᐳᐅᓂᒡ ᐅᒡ᙮ ᐊᓂᔭ ᒪᒃ ᑲᐤ ᐊᒋ ‍ ᒥᔭᑭᓄᐅᑦ ᐊᑉᕋᐊᒻ ᐅᑯᓴ ᐊᐃᓯᑲ, ᒧᔭᒻ ᓂᐳᐅᓂᒡ ᐊᒋ ᐅᒋ ‍ ᐅᓂᔅᑲᓇᑭᓄᔨᒋ ᒋ ‍ ᐃᓯᓇᑯᓂᔪᐤ᙮
\p
\v 20 ᐊᑯ ᒪᒃ ᒥᓐ ᑯᑎᑭᒡ ᐊᐛᓐᒋ ᒐ ‍ ᐊᔨᒧᒥᒂᐤ ᑕᑈ ᐊᒋ ‍ ᑕᑈᔭᔨᒪᒡ ᒋᓴᒪᓂᑐᐛ᙮ ᐊᐃᓯᒃ ᒋ ‍ ᑕᑈᑎᒻ ᑕᓐ ᑲ ‍ ᐃᑎᑯᑦ ᒋᓴᒪᓂᑐᐛ᙮ ᐊᑯ ᒪᒃ ᐊᔅᒄ ᒐ ᐊᑲ ‍ ᓂᐱᑦ, ᒋ ‍ ᓱᐛᔨᒪᐤ ᐅᑯᓴ ᒐᑭᐸ ᑭᔭ ᐃᓴᐅᐛ, ᐊᑯ ᑲ ‍ ᐎᑎᒧᐛᑦ ᑕᓐ ᒐ ‍ ᐃᔅᐱᔨᒡ᙮
\p
\v 21 ᒐᑭᑉ ᒪᒃ ᑭᔭ ᐎᔾ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ᙮ ᐃᔅᐱ ᑲ ‍ ᒋᔅᒐᔨᑕᐧᒃ ᒐ ‍ ᓂᐱᑦ, ᒋ ‍ ᐊᓯᒥᑎᐳᐤ, ᑲ ‍ ᐊᔅᐱᒋᑦ ᐅᓯᔅᑲᐅᓇᑎᒄ ᐊᑯ ᒂ ‍ ᒪᒥᒋᒪᑦ ᒋᓴᒪᓂᑐᐛ᙮ ᒋ ‍ ᓱᐛᔨᒪᐤ ᐸᐸᐃᒄ ᒍᓯᐸ ᐅᑯᓯᔪᐛ ᐛᔅ ᒋ ‍ ᑕᑈᑎᒻ ᑕᓐ ᑲ ‍ ᐃᑎᑯᑦ ᒋᓴᒪᓂᑐᐛ᙮
\p
\v 22 ᑭᔭ ᐎᔾ ᒪᒃ ᒍᓯᑉ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ᙮ ᐃᔅᐱ ᒪᒃ ᑲ ‍ ᐅᑎᒋᐱᔨᒡ ᐊᓐᑕ ᒐ ‍ ᐃᔎᔭᔨᒡ ᐅᐱᒪᑎᓯᐅᓐ, ᒋ ‍ ᒋᔅᒋᓱᒪᐤ ᐃᔅᕋᐃᓪ ᐃᔪᐛ ᐊᔅᒄ ᐸᐃᒂᐤ ᐊ ‍ ᒋᓯᑲᔨᒡ ᒐ ‍ ᓂᑭᑎᒥᔨᒋ ᐊᓂᔭ ᐃᒋᑉᑦ ᐊᔅᒋᔪᐤ ᑭᔭ ᒋ ‍ ᐃᑕᐤ ᒐᒋ ᔅᑐᑕᐛᒡ ᐎᔭᔪᐤ ᐃᔅᐱ ᔅᑐᑕᔨᒐ᙮
\p
\v 23 ᑭᔭ ᒧᓱᔅ ᐅᓂᒋᐃᒂ ᒋ ‍ ᑕᑈᔭᔨᒪᔪᐛ ᒋᓴᒪᓂᑐᐛ᙮ ᐃᔅᐱ ᒧᓱᔅ ᑲ ‍ ᐱᒪᑎᓯᑦ, ᒋ ‍ ᐛᐱᒥᑯᐤ ᐅᓂᒋᐃᒂ ᐊᔅᐱᔅ ᒥᔪ ‍ ᐊᐛᓯᐅᑦ, ᐊᑯ ᑲ ‍ ᑭᓄᐛᔨᒥᑯᑦ ᐊ ‍ ᑲᐃᑯᑦ ᓂᔅᑐ ᐱᓯᒺ ᐃᔅᐱᔅ᙮ ᓇᒪ ᐅᒋ ᑯᔅᑕᒋᔪᐛ ᒧᓱᔅ ᐅᓂᒋᐃᒂ ᒐᒋ ᐊᑲ ᓂᓇᐃᑐᐛᒡ ᐊᓂᔭ ᒋᓴᐅᒋᒪᐛ ᐃᔅᐱ ᑲ ‍ ᐃᑎᓱᐛᔨᒋ ᒐᒋ ᓂᐸᐊᑭᓄᔨᒋ ᒥᓯᐛ ᑲ ‍ ᓇᐸᓯᐎᔨᒋ ᐊᐛᓴ, ᐛᔅ ᒋ ‍ ᑕᑈᔭᔨᒪᐅᒡ ᒋᓴᒪᓂᑐᐛ᙮
\p
\v 24 ᐃᔅᐱ ᒪᒃ ᑲᒋ ᐃᓯ ‍ ᓂᑕᐅᒋᑦ ᒧᓱᔅ ᒋ ‍ ᑕᑈᔭᔨᒪᐤ ᑭᔭ ᐎᔾ ᒋᓴᒪᓂᑐᐛ ᑭᔭ ᓇᒪ ᐅᒋ ᐱᔅᑎᓂᒻ ᒐᒋ ᐃᓯᓂᐧᑲᑕᑭᓄᐅᑦ ᒋᓴᐅᒋᒪᔎᔅ ᐅᑯᓴ, ᐊᑎ ᒪᒃ ᐊᓂᔭ ᐊᒋ ‍ ᓂᑕᐅᒋᓂᑯᑦ᙮
\v 25 ᐊᔪᐛᒃ ᒋ ‍ ᐃᑕᔨᑎᒻ ᑭᔭ ᐎᔾ ᒐᒋ ᓂᓇᐧᑲᒋᐊᑭᓄᐅᑦ ᒧᔭᒻ ᐊ ᐃᓯ ‍ ᓂᓇᐧᑲᒋᐊᑭᓄᔨᒋ ᒋᓴᒪᓂᑐᐛ ᐅᑦ ᐃᔨᒥᔪᐛ, ᐃᔅᐱᔅ ᐎᔾ ᒥᒐᑎᓯᐅᓂᒡ ᒐᒋ ᐃᓯ ‍ ᐱᒪᑎᓯᑦ ᒥᒄ ᐛᐃᐱᔅᒋᔅ ᐊ ‍ ᒥᔽᔨᑎᒥᐃᐛᔨᒡ᙮
\v 26 ᐊᓂᔭ ᒪᒃ ᒧᓱᔅ ᐊᒋ ‍ ᑕᑈᑕᐧᒃ, ᒋ ‍ ᐃᑕᔨᑎᒻ ᐊᔪᐛᒃ ᐊ ‍ ᒥᔽᔨᒡ ᒐᒋ ᒪᔭᔨᒪᑭᓄᐅᑦ ᐊᓂᔭ ᐅᒋ ᐊ ‍ ᒋᔅᒐᔨᒪᑦ ᐊᓂᔭ ᙭ᑕ ᒐ ‍ ᑎᑯᓯᓂᔨᒋ ᐃᔅᐱᔅ ᐎ ᒐᒋ ᐊᔭᑦ ᐛᔪᑎᓯᐅᓂᔪᐤ ᐊᓐᑕ ᐃᒋᑉᑎᒡ᙮ ᓴᔅ ᒋ ‍ ᐊᔭᔅᑯᐛᔨᑎᒻ ᒐᒋ ᐱᔅᑎᓇᐧᒃ ᒥᓯᐛ ᐊᓂᔭ ᐛᔅ ᐊᓐᑕ ᓂᑲᓄᒡ ᒋ ᐃᓯ ‍ ᐊᓱᐛᐸᑎᒻ ᐊᓂᔭ ᒐᒂᔪᐤ ᒐ ‍ ᒥᔨᑯᑦ ᒋᓴᒪᓂᑐᐛ ᐊ ‍ ᑎᐸᐊᒪᑯᑦ᙮
\v 27 ᒧᓱᔅ ᒪᒃ ᐊᒋ ‍ ᑕᑈᔭᔨᒪᑦ ᒋᓴᒪᓂᑐᐛ ᒋ ‍ ᐃᑕᔨᑎᒻ ᒐᒋ ᓂᑭᑕᐧᒃ ᐃᒋᑉᑦ ᐊᔅᒋᔪᐤ ᐊᑲ ᐅᒋ ᑯᔅᑕᒋᑦ, ᐊᑎ ᐊᒋ ᒥᔅᑎ ‍ ᒋᔄᓯᔨᒋ ᒋᓴᐅᒋᒪᐛ᙮ ᒧᓱᔅ ᓇᔅᒡ ᑕᑈ ᒋ ‍ ᓯᐱᔪᐛᓱᐤ ᒧᔭᒻ ᓇᔅᒡ ᐊ ‍ ᐛᐱᒪᑦ ᒋᓴᒪᓂᑐᐛ, ᐊᓂᔭ ᐊᑲ ᓂᑕ ᐅᒋ ᐛᐱᒥᑯᔨᒋ ᓇᐸᐛ ᐊᐅᑯᓐ ᑲ ᐃᓯ ‍ ᐱᒪᑎᓯᑦ ᒧᓱᔅ᙮
\v 28 ᒧᓱᔅ ᒪᒃ ᐊᒋ ‍ ᑕᑈᔭᔨᒪᑦ ᒋᓴᒪᓂᑐᐛ ᒋ ‍ ᒋᒋᐱᔨᑕᐤ ᒐᒋ ᑎᑯᓂᔨᒡ ᐎᒪᔅᑲᒐᐅ-ᒥᑯᓴᐅᓂᔪᐤ ᑲ ‍ ᐃᓯᓂᐧᑲᑕᑭᓄᐎᒡ, ᐊᓯᑯᒻ ᐱᐳᓇ ᒪᒃ ᐅ ᒋ ‍ ᐃᑐᑕᑭᓄᐤ᙮ ᐊᓂᔭ ᒪᒃ ᒧᓱᔅ ᐊ ‍ ᑕᑈᔭᔨᒪᑦ ᒋᓴᒪᓂᑐᐛ ᒋ ‍ ᐃᑎᓱᐛᐤ ᒐᒋ ᐅᓯᔄᐛᐱᔨᑕᑭᓄᔨᒋ ᐊᐛᓯᓴ ᐅᒥᐧᑯᔪᐤ ᐊᓐᑕ ᔅᑐᐧᑭᓂᒡ ᑭᔭ ᐊᓂᔭ ᐊᓐᒋᓇ ᑲ ‍ ᓂᐸᐃᐛᔨᒋ ᒐ ᐊᑲ ᒋ ᓂᓱᐅᓇᒋᐊᔨᒋ ᐊᓂᔭ ᓂᔅᑎᒧᓴᓇ ᑲ ‍ ᓇᐸᓯᐎᔨᒋ ᐃᔅᕋᐃᓪ ᐃᔪᐛ ᐊ ‍ ᑕᔨᒋ᙮
\s2 Hebrews 11.29-12.2 (Proper-15 Year C)
\p
\v 29 ᐊᓐᒡ ᐃᔅᕋᐃᓪ ᐃᔪᒡ ᑭᔭ ᐎᔨᐛᐤ ᒋ ‍ ᑕᑈᔭᔨᒪᐅᒡ ᒋᓴᒪᓂᑐᐛ᙮ ᐊᔪᐅᒄ ᐊᓂᔭ ᐛᒋ ‍ ᓴᐳᑐᐛᑕᒡ ᐊᓂᔭ ᐎᓂᐸᑯᔪᐤ, ᒥᒂᑭᒪ ᐎᓂᐸᒄ ᐊ ‍ ᐃᓯᓂᐧᑲᑕᔨᒡ᙮ ᒧᔭᒻ ᐊ ‍ ᐃᑎᑦ ᐊᐛᓐ ᐊ ‍ ᐸᒂᔨᒡ ᐊᔅᒋᒡ ᐊ ‍ ᐱᒧᑕᑦ ᐊᐅᑯᓐ ᑲ ‍ ᐃᑎᒡ ᐊᓐᒡ ᐃᔅᕋᐃᓪ ᐃᔪᒡ ᑲ ‍ ᐊᓱᔅᑲᒡ ᐊᓂᔭ ᐎᓂᐸᑯᔪᐤ᙮ ᐊᑯ ᒪᒃ ᐊᓐᒡ ᐃᒋᑉᑎᒡ ᑲ ‍ ᐅᒋᒡ ᐃᔪᒡ ᑲ ᐎ ‍ ᑯᒋᑕᒡ ᑭᔭ ᐎᔨᐛᐤ ᒐᒋ ᐊᓱᐅᑕᒡ ᐊᓂᔭ ᐎᓂᐸᑯᔪᐤ ᒥᓯᐛ ᒋ ‍ ᓂᔅᑕᐸᐛᐅᒡ᙮
\p
\v 30 ᒥᓐ ᒪᒃ ᐊᓐᑕ ᐊᓐᒡ ᐃᔅᕋᐃᓪ ᐃᔪᒡ ᒋ ‍ ᑕᑈᔭᔨᒪᐅᒡ ᒋᓴᒪᓂᑐᐛ, ᐊᔪᐅᒄ ᐊᓂᔭ ᐛᒋ ‍ ᒋᓂᒂᓂᔅᑲᒡ ᐊᓂᔭ ᐅᑕᓇᔪᐤ ᒐᕆᑯᐤ ᐊ ‍ ᐃᓯᓂᐧᑲᑕᔨᒡ ᓂᔄᐅᑕᒡ ᑕᑐᐤ ᒋᓯᑲᐛ ᐃᔅᐱᔅ, ᐃᔅᐱ ᑲ ‍ ᐃᑎᑯᒡ ᒋᓴᒪᓂᑐᐛ ᐅᔭ ᒐᒋ ᐃᑎᒡ᙮ ᐊᑯ ᒪᒃ ᒥᓯᐛ ᐊᓂᔭ ᑲ ‍ ᐛᔅᑲᑲᐳᔨᒡ ᐊᓐᑕ ᐊᓂᔭ ᐅᑕᓇᒡ ᒂ ‍ ᐸᒋᑎᓂᔨᒡ᙮
\p
\v 31 ᑭᔭ ᐊᓂᔭᐧᑲ ᐃᔎᐤ ᑲᒋ ‍ ᐊᑕᐛᑦ ᐎᔪᐤ, ᕋᐊᑉ ᑲ ‍ ᐃᓯᓂᐧᑲᓱᑦ, ᑭᔭ ᐎᔾ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ ᐃᔅᐱ ᑲ ‍ ᐱᑎᑲᐊᑦ ᐊᓐᑕ ᐎᒋᒡ ᐊᓂᔭ ᐃᔅᕋᐃᓪ ᐃᔪᐛ ᑲ ‍ ᒋᒧᓴᐸᑎᒥᔨᒋ ᐊᓂᔭ ᐅᑕᓇᔪᐤ ᑭᔭ ᑲ ‍ ᐎᒋᐊᑦ ᒐ ᐊᑲ ᒋ ᓂᐸᐊᑭᓄᔨᒋ᙮ ᐊᓂᔭ ᒪᒃ ᑲ ‍ ᐃᑎᑦ ᓇᒪ ᐅᒋ ᓂᐸᐊᑭᓄᐤ ᐃᔅᐱ ᑲ ‍ ᓂᐸᐊᑭᓄᔨᒋ ᐊᓂᔭ ᐃᔪᐛ ᐊᓐᑕ ᒐᕆᑯᐤ ᑲ ‍ ᐎᒋᔨᒋ ᐊᑲ ᓂᓇᐃᑐᐛᔨᒋ ᒋᓴᒪᓂᑐᐛ᙮
\p
\v 32 ᓇᒪ ᓂᑐᐛᔨᑕᑯᓐ ᐊᑐᐎᔅ ᒐᒋ ᐊᔨᒧᑎᒪᓐ ᐅ᙮ ᑭᔭ ᓇᒪ ᓂᑭ ᐅᒋ ‍ ᐃᔅᐱᓯᓐ ᒐᒋ ᒥᓯᓇᐃᒐᔭᓐ ᒐᒋ ᐊᔨᒧᒥᒂᐤ ᑭᑎᐊᓐ, ᐸᕋᒃ, ᓴᒥᓯᓐ, ᒐᑉᑕ, ᑎᐱᑦ ᑭᔭ ᓴᒻᔪᐃᓪ ᑭᔭ ᐊᓐᒡ ᑯᑎᑭᒡ ᐅᒋᔅᒋᐛᐃᒐᓱᒡ᙮
\v 33 ᐛᔅ ᑭᔭ ᐎᔨᐛᐤ, ᒧᔭᒻ ᐊᓂᔭᔪᐛ ᑯᑎᑲ ᑲ ‍ ᐃᑎᔨᒋ, ᒋ ‍ ᑕᑈᔭᔨᒪᐅᒡ ᑭᔭ ᐎᔨᐛᐤ ᒋᓴᒪᓂᑐᐛ ᑭᔭ ᑲ ‍ ᓴᐧᑯᒋᑕᒡ ᐅᒋᒪᐅᓇ ᐅᑕ ᐊᔅᒋᒡ, ᑭᔭ ᑯᐃᔅᒄ ᒋ ‍ ᐃᑐᐅᒡ ᐊ ‍ ᓂᑲᓂᔅᑯᐛᒡ ᐃᔪᐛ, ᑭᔭ ᒥᒐᑦ ᒋ ‍ ᐛᐸᑎᒧᒡ ᒐᒂᔪᐛ ᐊ ‍ ᐃᔅᐱᔨᒋ ᑕᓐ ᐊᓂᔭᔪᐛ ᒋᓴᒪᓂᑐᐛ ᑲ ‍ ᐃᔅᒋᔄᔨᒋ ᒐᔅᑎᓇᔅ ᒐ ‍ ᐃᔅᐱᔨᒋ᙮ ᒋ ‍ ᒋᐸᐊᒺᐅᒡ ᒥᓯᐱᓱᐛ ᐅᑐᓂᔪᐛ ᒐ ᐊᑲ ᒋ ᓂᐸᐃᑯᒡ᙮
\v 34 ᓇᒪ ᐅᒋ ᓂᓱᐅᓇᒋᐃᑯᐅᒡ ᐃᔅᑯᑕᔪᐤ, ᑭᔭ ᒋ ‍ ᒋᑎᓯᒧᑐᑎᒧᒡ ᒐᒋ ᓂᐸᐊᑭᓄᐎᒡ ᓂᑐᐱᔪᐅ-ᒧᐧᑯᒪᓂᔪᐤ ᐊ ‍ ᐊᐱᑎᓂᔨᒡ᙮ ᒋ ‍ ᒥᓏᒋᐊᑭᓄᐎᒡ ᐊᐧᑯᓱᐅᓂᒡ ᐅᒋ, ᑭᔭ ᒋ ‍ ᓴᐧᑯᒋᐊᐅᒡ ᑯᑎᑲ ᐊᓯᒪᑭᓂᓴ ᐊᒋ ‍ ᓂᑐᐱᔨᑕᑯᒡ᙮
\v 35 ᒋ ‍ ᑕᐅᒡ ᑭᔭ ᐃᔎᐅᒡ ᐊ ‍ ᑕᑈᔭᔨᒪᒡ ᒋᓴᒪᓂᑐᐛ ᑭᔭ ᐊᓂᔭ ᐅᒋ ᒋ ‍ ᐛᐱᒪᐅᒡ ᐊᓂᔭ ᐅᑦ ᐃᔨᒧᐛᐛ ᑲ ‍ ᓂᐱᔨᒋ ᑲᐤ ᐊ ‍ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒋ᙮ ᑭᔭ ᑯᑎᑭᒡ ᒋ ‍ ᑕᐅᒡ ᐊᒋ ‍ ᑕᑈᔭᔨᒪᒡ ᒋᓴᒪᓂᑐᐛ ᐊᑎ ᒪᒃ ᐊᒋ ‍ ᐃᔅᐱᔅ ᑕᑈᔭᔨᒪᒡ ᐃᔭᐱᒡ ᒋ ‍ ᓂᓇᐧᑲᒋᐊᑭᓄᐎᒡ ᐱᐃᒻ ᑲ ᐊᑎ ‍ ᓂᐸᐊᑭᓄᐎᒡ, ᐛᔅ ᓇᒪ ᐅᒋ ᐎ ᐃᔅᒋᔄᐅᒡ ᐊᑲ ᒋᔅᒐᔨᒪᒡ ᒋᓴᒪᓂᑐᐛ ᒐᒋ ᐅᒋ ‍ ᐱᔅᑎᓇᑭᓄᐎᒡ᙮ ᓂᑲᓐ ᒋ ᐃᓯ ‍ ᐱᑯᓴᔨᑎᒧᒡ ᐊᔪᐛᒃ ᐊ ‍ ᒥᔽᔨᒡ ᐱᒪᑎᓯᐅᓂᔪᐤ ᒐᒋ ᐊᔭᒡ ᐃᔅᐱ ᐅᓂᔅᑲᓇᑭᓄᑥᐛ ᓂᐳᐅᓂᒡ ᐅᒡ᙮
\v 36 ᑯᑎᑭᒡ ᒋ ‍ ᐛᐅᓯᓄᐛᑭᓄᐎᒡ ᐊ ‍ ᒪᔭᔨᒪᑭᓄᐎᒡ ᐊᓐᑕ ᐊ ‍ ᒥᒐᑎᓇᓄᐎᒡ, ᑭᔭ ᒋ ‍ ᒪᓯᐧᑯᐛᑭᓄᐎᒡ ᑭᔭ ᐛᐛᒡ ᒋ ‍ ᒪᒪᒋᒂᐱᔅᑲᐛᑭᓄᐎᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮
\v 37 ᐱᔅᒐ ᒋ ‍ ᓂᐸᐊᑭᓄᐎᒡ ᐊ ‍ ᐸᐱᐳᒧᓯᓇᑕᐛᑭᓄᐎᒡ, ᐱᔅᒐ ᐊᐱᑐᐎᔪᐤ ᒋ ᐃᓯ ‍ ᒋᒧᐳᔭᑭᓄᐎᒡ, ᐱᔅᒐ ᒋ ‍ ᓂᐸᐊᑭᓄᐎᒡ ᓂᑐᐱᔪᐅ-ᒧᐧᑯᒪᓇ ᐊ ‍ ᐊᐱᑎᓂᔨᒋ᙮ ᐱᔅᒐ ᐊᓐᒡ ᐃᔪᒡ ᒋ ‍ ᐃᑐᑐᐛᑭᓄᐎᒡ ᒐᒋ ᐱᐸᒥᑎᓱᒧᒡ᙮ ᒪᔭᑕᓂᓴ ᑭᔭ ᑲ ‍ ᐅᑦ ᐊᔅᑭᓂᓯᔨᒋ ᑲ ‍ ᐊᐱᓯᓯᔨᒋ ᐊᐛᓯᓴ ᐅᓯᑭᔪᐛ ᒋ ᐅᒋ ‍ ᐅᓯᑕᐅᒡ ᐅᑦ ᐊᐱᒋᑕᐅᓄᐛᐛ ᐊ ‍ ᒋᔅᑲᒡ, ᓇᒪ ᐅᒋ ᑎᑯᓂᔪᐤ ᑕᓐᑕ ᒐᒋ ᐎᒋᒡ, ᒥᓯᐛ ᒐᒂᔪᐤ ᒋ ᐃᓯ ‍ ᓄᑕᐱᔪᐅᒡ᙮ ᑭᔭ ᒋ ᒥᔅᑎ ‍ ᐛᐎᓯᒐᔨᑎᒥᐊᑭᓄᐎᒡ ᑭᔭ ᓇᔅᒡ ᒋ ‍ ᓂᓇᐧᑲᒋᐊᑭᓄᐎᒡ᙮
\v 38 ᐃᔭᐱᒡ ᒪᒃ ᐊᓐᒡ ᑲ ‍ ᒥᒐᑎᓯᒡ ᐊᐛᓐᒋ ᐅᑕ ᐊᔅᒋᒡ ᓇᒪ ᐅᒋ ᒋᔅᑕᔨᑕᑯᓱᐅᒡ ᒐᒋ ᐎᒋᒥᑯᒡ ᐅᔭ ᐃᔪᐛ᙮ ᐊᑯ ᐊᓐᑕ ᐸᐧᑯᑎᔅᑭᒥᑲᒡ ᑭᔭ ᐱᔅᑯᑎᓇᒡ ᐊᑯᑕ ᑲ ‍ ᑲᓱᒡ ᑭᔭ ᐊᓐᑕ ᐊᐛᓯᓴ ᐅᐛᑎᑯᒥᔨᒡ ᑭᔭ ᐊᓐᑕ ᐊ ‍ ᐛᑎᒂᐱᔅᑲᔨᒡ ᐊᑯᑕ ᑲ ‍ ᑕᒡ᙮
\p
\v 39 ᐊᑎ ᒪᒃ ᐊ ‍ ᒥᔽᓯᔨᒡ ᑕᓐ ᑲ ᐃᓯ ‍ ᑕᑈᔭᔨᒪᒡ ᒋᓴᒪᓂᑐᐛ ᒥᓯᐛ ᐅᒡ ᐃᔪᒡ, ᑭᔭ ᐊᑎ ᐊᒋ ‍ ᐃᑕᑭᓄᐎᒡ ᐊᒋ ‍ ᓂᓇᐃᑎᒪᐊᒡ ᒋᓴᒪᓂᑐᐛ, ᐃᔭᐱᒡ ᓇᒪ ᐅᒋ ᐅᑎᓴᐸᑎᒧᒡ ᒪᒂᒡ ᑲ ‍ ᐱᒪᑎᓯᒡ ᐊᓂᔭ ᑕᓐ ᑲ ‍ ᐃᑎᑯᒡ ᒋᓴᒪᓂᑐᐛ ᒐᔅᑎᓇᔅ ᒐ ‍ ᒥᔨᑯᒡ᙮
\v 40 ᐛᔅ ᒋ ‍ ᑎᑯᓂᔪᐤ ᑕᓐ ᑲ ᐃᓯ ‍ ᐎᔭᔨᑎᒪᑕᐧᒄ ᒋᓴᒪᓂᑐᐤ ᐊᑐᐎᔅ ᐊ ‍ ᒥᔽᔨᒡ᙮ ᓇᒪ ᐅᒋ ᐎ ᒥᔨᑯᐅᒡ ᒪᒂᒡ ᒋᓴᒪᓂᑐᐛ ᐊᓂᔭ ᑕᓐ ᑲ ‍ ᐃᑎᑯᒡ ᒐ ᐃᓯ ‍ ᒥᔨᑯᒡ ᐛᔅ ᒪᒧᐤ ᔅᒋ ᐎ ‍ ᒥᔪᓇᑯᐃᑯᓄᐤ᙮
\c 12
\s1 ᑕᓐᑕ ᐛᒋ ‍ ᑯᐃᔅᑯᓂᑕᐧᒄ ᒋᓴᒪᓂᑐᐤ
\p
\v 1 ᒪᒥᑐᓇᔨᒪᑕᐅᒋ ᒪ ᐊᓐᒡ ᑲ ‍ ᒥᒐᑎᒡ ᐊᐛᓐᒋ ᓇᔅᒡ ᑲ ‍ ᐛᐸᑎᔨᐛᒡ ᐊ ‍ ᑕᑈᔭᔨᒪᒡ ᒋᓴᒪᓂᑐᐛ᙮ ᐅᔭ ᐊᒋ ‍ ᐃᑎᒡ, ᐊᐅᑯᓐ ᑭᔭ ᒋᔭᓄᐤ ᒋᐸ ‍ ᐃᑎᓇᓄᐤ᙮ ᐊᑯ ᒪᒃ ᐊᓐ ᐅᒋ ᑭᔭ ᒋᔭᓄᐤ ᐳᓂᑕᑕᐤ ᒥᓯᐛ ᐊᓂᔭ ᒐᒂᔪᐛ ᐊ ‍ ᐅᓇᐃᑯᔭᐧᒄ ᒐᒋ ᐃᑕᑎᓯᔭᐧᒄ ᐊᓂᔭ ᑕᓐ ᐊ ᐃᓯ ‍ ᓂᑐᐛᔨᒥᑕᐧᒄ ᒋᓴᒪᓂᑐᐤ ᒐᒋ ᐃᑕᑎᓯᐛᐧᒄ᙮ ᑭᔭ ᒥᓯᐛ ᐛᐱᓇᑕᐤ ᐊᓂᔭ ᒥᒋᑥᐅᓇ ᑲ ᐎ ‍ ᑎᐸᔨᒥᑯᔭᐧᒄ, ᑭᔭ ᒐ ‍ ᐱᒥᐸᔨᑐᔭᐧᒄ ᐊᓐᑕ ᐊ ‍ ᑯᒂᒋᔅᑭᑕᐅᑐᓇᓄᐅᒡ ᐊᓐᑕ ᐊᒐᐧᑯᐅᓂᒡ ᐃᔅ ᐸᑐᔅ ᒋ ‍ ᐅᑎᑎᒪᒂ ᐊᓐᑕ ᓇᑐᐛᔨᒥᑕᐧᒄ ᒋᓴᒪᓂᑐᐤ ᒐᒋ ᐃᔅᐸᑕᐛᐧᒄ᙮
\v 2 ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ‍ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ‍ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ‍ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ‍ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ‍ ᒪᔭᔨᒪᑭᓄᐅᑦ ᑭᔭ ᐊᒋ ‍ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ‍ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ‍ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ‍ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ‍ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮
\v 3 ᒪᒥᑐᓇᔨᒪᐧᒄ ᒪ ᒋᓴᔅ ᑕᓐ ᑲ ‍ ᐃᔅᐱᔅ ᒋ ‍ ᓂᓇᐧᑲᑕᔨᒧᑦ᙮ ᒋ ‍ ᐛᐧᑲᑎᑯᐤ ᐊᓂᔭ ᑲ ‍ ᒥᒐᑎᓯᔨᒋ᙮ ᒪᒥᑐᓇᔨᒪᐧᒄ ᒋᓴᔅ ᑭᔭ ᒐ ‍ ᓱᒋᑲᐳᐅᔭᒄ, ᓇᒪ ᒋᑭ ᐅᒋ ᐎ ‍ ᓄᑎᐳᓂᓇᐛᐤ ᐊ ‍ ᑕᑈᑎᒪᒄ᙮
\p
\v 4 ᓂᐦᐃ, ᔅᒋ ‍ ᐅᔅᑯᐎᔅᑕᓐ ᒐ ᐊᑲ ᒋ ᒥᒋᑐᑎᒥᓐ᙮ ᒥᒄ ᒪᒃ ᓇᒪ ᐊᔅᒄ ᒋ ᐅᒋ ‍ ᐃᔅᐱᔅ ᓂᒋᔅᑲᓐ ᐊ ‍ ᓂᓇᐧᑲᑕᔨᒧᔨᓐ ᒐᒋ ᐃᓯᓇᒂᒡ ᓇᔅᒡ ᒐᒋ ᐎ ᓂᐸᐃᑯᔨᓐ ᒋᑕᑈᑎᒧᐅᓐ ᐅᒡ᙮
\v 5 ᔅᒋ ‍ ᐅᓂᒋᔅᒋᓯᓇᐛᐤ ᐊ ᑕᓐ ᑲ ‍ ᐃᑎᑕᒄ ᒋᓴᒪᓂᑐᐤ ? ᔅᒋ ᐎ ‍ ᓯᒋᒥᑯᐛᐤ, ᒋᔨᐛᐤ ᑎᐱᔨᐛ ᐅᑦ ᐊᐛᓯᒪ᙮ ᒋ ‍ ᐃᔅᒋᔄᐤ,
\q “ᓂᑯᓴ, ᐃᔅᐱ ᐅᑎᐸᔨᒋᒐᐤ ᐊ ‍ ᑯᐃᔅᑯᓂᔅᒃ ᓱᒃ ᐃᔭᒂ ᐃᓯ ᐅᑎᓇ᙮ ᐊᑲᐎᔾ ᐃᑕᔨᑕ ᐃᔅᐱ ᐊ ᐎ ‍ ᑯᐃᔅᑯᓂᔅᒃ᙮
\q
\v 6 ᐛᔅ ᒋᓴᒪᓂᑐᐤ ᑯᐃᔅᑯᓇᐤ ᐊᓂᔭ ᒥᓯᐛ ᑲ ‍ ᓴᒋᐊᑦ, ᑭᔭ ᑯᐃᔅᑯᓇᐤ ᐊᓂᔭ ᒥᓯᐛ ᐅᑦ ᐊᐛᓯᒪ ᑲ ᐃᓯ ‍ ᑭᓄᐛᐱᒪᑦ᙮”
\p
\v 7 ᐎ ‍ ᓱᒐᔨᒧᒄ ᒪᒃ᙮ ᐅᑎᓂᒺᐧᒃ ᑕᓐ ᐛ ᐃᓯ ‍ ᑯᐃᔅᑯᓂᑕᒄ ᐃᔅᐱ ᑯᐃᔅᑯᓂᑕᒂ᙮ ᐛᔅ ᓇᒪ ᒋᔄᓱᐅᓂᒡ ᐃᓯ ᐃᑐᑎᒻ ᐅᔭ᙮ ᐊᓐᑕ ᑲ ‍ ᓴᒋᐃᑕᒄ ᒍᑕᐎᐛᐤ ᐊ ‍ ᑕᑦ ᐅᒋᐱᔪᐤ ᐅ᙮ ᒧᔭᒻ ᐎᔾ ᑎᐱᔨᐛ ᐅᑦ ᐊᐛᓯᒪ ᒋ ᐊᑎ ᐃᓯ ‍ ᓂᑕᐅᒋᓂᑯᐛᐤ ᒋᓴᒪᓂᑐᐤ᙮ ᒐᒄ ᐊᐛᔅ ᒪᒃ ᐊᑲ ᑯᐃᔅᑯᓂᑯᑦ ᐅᑕᐎᔭ᙮
\v 8 ᒥᓯᐛ ᐅᑦ ᐊᐛᓯᒪ ᒋᓴᒪᓂᑐᐤ ᐎᔾ ᓇᓂᑎᒻ ᑯᐃᔅᑯᓇᐤ᙮ ᐊᐛᓐ ᐊᑲ ᑯᐃᔅᑯᓇᑭᓄᐅᑦ ᓇᒪ ᑕᑈ ᒋᓴᒪᓂᑐᐛ ᐅᑦ ᐊᐛᓯᒥᑐᑕᑯᐤ᙮ ᐛᔅ ᐊᐛᓐ ᐊᑲ ᓂᑕ ᑯᐃᔅᑯᓇᑭᓄᐅᑦ ᓇᒪ ᐎᒋᐃᐛᐤ ᐊᓐᑕ ᐊ ‍ ᐸᐃᑯᑕᐅᓯᓇᓄᐎᒡ ᒋᓴᒪᓂᑐᐛ ᐊ ‍ ᑕᔨᒋ᙮
\v 9 ᑭᔭ ᐊᔅᒄ ᐊᒋ ‍ ᐊᐛᓯᐅᔭᐧᒄ, ᒍᑕᐎᓄᐅᒡ ᔅᒋ ‍ ᑯᐃᔅᑯᓂᑯᓄᐅᒡ ᐃᔭᐱᒡ ᒪᒃ ᔅᒋ ‍ ᒋᔅᑕᔨᒪᓄᐅᒡ᙮ ᐃᓯᓇᑯᓐ ᒪᒃ ᒋᓴᒪᓂᑐᐤ ᐊᑐᐎᔅ ᒐᒋ ᒋᔅᑕᔨᒪᐧᒄ ᐃᔅᐱᔅ ᐎ ᒍᑕᐎᓄᐅᒡ᙮ ᐊᑯ ᒪᒃ ᒋᒋᐛ ᐱᒪᑎᓯᐅᓐ ᒐ ‍ ᐊᔭᔭᐧᒄ᙮
\v 10 ᒍᑕᐎᓄᐅᒡ ᐅᑕ ᐊᔅᒋᒡ ᔅᒋ ‍ ᑯᐃᔅᑯᓂᑯᓄᐅᒡ ᐊᒋ ‍ ᐃᑕᔨᑕᒡ ᐊᓂᔭ ᑕᓐ ᑲ ‍ ᐃᑕᔨᑎᒥᐃᑯᒡ ᐊᔪᐛᒃ ᐊ ᐃᓯ ‍ ᒥᔽᔨᒡ᙮ ᒥᒄ ᒪᒃ ᒋᓴᒪᓂᑐᐤ ᒍᑕᐎᓄᐤ, ᒋ ‍ ᑯᐃᔅᑯᓂᑯᓄᐤ ᐛᔅ ᒋᔅᒐᔨᑎᒻ ᐊᔪᐅᒄ ᐊᓂᔭ ᐊᔪᐛᒃ ᐊ ‍ ᒥᔽᔨᒡ ᒐᒋ ᐃᑐᑕᑕᐧᒄ᙮ ᒋ ‍ ᑯᐃᔅᑯᓂᑯᓄᐤ ᑭᔭ ᒐᒋ ᐸᔭᒋᓯᔭᐧᒄ ᒧᔭᒻ ᐎᔾ ᐊ ᐃᓯ ‍ ᐸᔭᒋᓯᑦ᙮
\v 11 ᒥᒄ ᒪᒃ ᓇᒪ ᓇᔅᒡ ᒥᔽᔨᑕᑯᓐ ᐊ ‍ ᑯᐃᔅᑯᓇᑭᓄᐅᑦ ᐊᐛᓐ᙮ ᒋᑦ ᐊᐧᑯᐃᑯᓇᓄᐤ ᒪᒂᒡ ᐊ ‍ ᑯᐃᔅᑯᓂᑯᐅᔭᐧᒄ᙮ ᒥᒄ ᒪᒃ ᐸᑎᒪ ᒋ ‍ ᐛᐸᑕᓇᓄᐤ ᑕᓐ ᐊᔅᐱᔅ ᒥᔪ ‍ ᐎᒋᐃᑯᔭᐧᒄ ᐊᓐ ᐊᒋ ‍ ᑯᐃᔅᑯᓂᑯᐅᔭᐧᒄ᙮ ᐊᑯ ᒪᒃ ᐊ ‍ ᐊᔭᔭᐧᒄ ᒋᔭᒪᔨᑎᒧᐅᓐ ᑭᔭ ᑯᐃᔅᑯᑕᑎᓯᐅᓂᒡ ᒋ ᐎ ᐃᓯ ‍ ᐱᒪᑎᓯᓇᓄᐤ᙮
\s1 ᐃᔭᒂᒧᐛᐅᓐ ᐊ ‍ ᒋᐛᑲᐳᔅᑐᐛᑭᓄᐅᑦ ᒋᓴᒪᓂᑐᐤ
\p
\v 12 ᐊᑯ ᒪᒃ ᓱᒃ ᐎ ᓱᒐᔨᑕᑯᑕᒄ ᑲ ‍ ᐊᔭᔅᑯᓯᒥᑲᒋ ᔅᑎᒋᐛᐛ ᑭᔭ ᓱᒃ ᐎ ᓱᒐᔨᑕᑯᑕᒄ ᑲ ‍ ᐊᔭᔅᑯᓯᒥᑲᒋ ᒋᔅᑲᑐᐛᐛ ᒐᒋ ᓱᒋᑲᐳᔭᒄ᙮
\v 13 ᐊ ‍ ᑯᐃᔅᑯᒧᒋ ᒪᔅᑭᓄᐛ ᐱᒧᑕᒄ ᑭᔭ ᐊᓐᒡ ᑲ ‍ ᒪᔅᒋᐱᔨᒡ ᒐ ‍ ᒥᓏᒋᐊᑭᓄᐎᒡ ᐊᑲ ᐊᑐᐎᔅ ᒐᒋ ᒪᔅᒋᐱᔨᒡ᙮
\p
\v 14 ᓱᒃ ᑯᒋᑕᒄ ᒐᒋ ᐃᓯ ‍ ᐱᒪᑎᓯᔭᒄ ᒐᒋ ᒥᔪ ‍ ᐎᒐᐛᑯᒡ ᑯᑎᑭᒡ ᐊᐛᓐᒋ᙮ ᓱᒃ ᑯᒋᑕᒄ ᑯᐃᔅᒄ ᒐᒋ ᐃᓯ ‍ ᐱᒪᑎᓯᔭᒄ᙮ ᐛᔅ ᑕᐸ ᒋᑭ ᒋ ‍ ᓇᑕᐤ ᐊᐛᓐ ᒋᓴᒪᓂᑐᐛ ᐊᑲ ᑯᐃᔅᑯᑕᑎᓯᒐ᙮
\v 15 ᓂᓇᑭᑐᐛᔨᒥᑐᒄ ᐊᑲ ᐛᒋ ‍ ᐸᐃᒄ ᐊᓐᑕ ᐊ ‍ ᑎᓯᔭᒄ ᒐᒋ ᓄᑕᔅᑲᐧᒃ ᒋᓴᒪᓂᑐᐛ ᐅᒥᔨᐛᐅᓂᔪᐤ ᑲ ‍ ᐱᒪᒋᐃᐛᒥᑭᓂᔨᒡ᙮ ᑭᔭ ᐃᔭᒂᒥᒄ ᐊᑲ ᐊᐛᓐ ᐊᓐᑕ ᐊ ‍ ᑎᓯᔭᒄ ᒧᔭᒻ ᒥᒋ ‍ ᐅᑎᐱᔾ ᒐᒋ ᐃᓯ ‍ ᓂᑕᐅᒋᑦ᙮ ᐛᔅ ᐃᑕᑥᐛ ᐅᔭ ᐊ ‍ ᐃᓯᓇᑯᓯᒡ ᒥᒐᑦ ᐊᐛᔪᐛ ᒋᑭ ‍ ᒥᒋᐱᔭᐅᒡ᙮
\v 16 ᑭᔭ ᐃᔭᒂᒥᒄ ᐊᑲ ᐛᐛᒡ ᐸᐃᒄ ᐎᓂᓱᐅᓂᒡ ᒐᒋ ᐃᓯ ‍ ᐱᒪᑎᓯᔭᒄ ᒪᒃ ᒐᒋ ᐃᓯᓇᑯᓯᔭᒄ ᐊᑲ ᐊᐱᑕᔨᒪᒄ ᒋᓴᒪᓂᑐᐤ ᒧᔭᒻ ᐊᓂᔭ ᐃᓴᐅ ᑲ ‍ ᐃᑎᑦ᙮ ᒋ ‍ ᐱᔅᑎᓂᒻ ᐊᓂᔭ ᑕᓐ ᐊᔅᒄ ᒋᐸ ‍ ᐊᓱᐤ ᒥᔭᑭᓄᐤ ᐎᔾ ᐊ ‍ ᐅᔅᑕᓯᒪᐅᑦ, ᐊᑯ ᐸᐃᒄ ᐎᔭᑭᓐ ᒥᒋᒥᔪᐤ ᐃᔭᐱᒡ ᒂ ‍ ᐅᑎᓇᐧᒃ᙮
\v 17 ᒋ ‍ ᒋᔅᒐᔨᑕᓇᐛᐤ ᒪᒃ, ᐸᑎᒪ ᐊᓐᑕ ᑲᐤ ᒋ ‍ ᓂᑐᐛᔨᑎᒻ ᐊᓂᔭ ᑕᓐ ᒋᐸ ᐃᓯ ‍ ᐊᓂᔅᒐ ᓱᐛᔨᒪᑭᓄᐤ, ᒥᒄ ᒪᒃ ᓇᒪ ᐅᒋ ᓂᔅᑯᒥᑯᐤ ᐅᑕᐎᔭ᙮ ᓇᒪ ᓇᔅᒡ ᐅᒋ ᒐᒂᔪᐤ ᐅᒋ ᐃᑐᐤ ᒐᒋ ᒂᔅᒋᓇᐧᒃ ᐊᓂᔭ ᑕᓐ ᑲ ‍ ᐃᑎᑦ ᐊᑎ ᑭᔭ ᓇᔅᒡ ᐊᒋ ‍ ᒥᒪᑐᐛᑦ ᐅᑕᐎᔭ᙮ ᐃᔭᒂᒥᒄ ᒐ ᐊᑲ ᒋ ᐃᔅᐱᔭᒄ ᒋᔨᐛᐤ᙮
\s2 Hebrews 12.18-29 (Proper-16 Year C)
\p
\v 18 ᓇᑕᒂ ᒋᓴᒪᓂᑐᐤ ᓇᒪ ᒋᑭ ᐅᒋ ‍ ᐃᑕᔨᑕᑯᓐ ᒋᔨᐛᐤ ᑕᓐ ᑲ ‍ ᐃᑕᔨᑕᑯᓂᔨᒡ ᐃᔅᕋᐃᓪ ᐃᔪᒡ ᐃᔅᐱ ᑲ ‍ ᓇᑕᒡ ᒋᓴᒪᓂᑐᐛ᙮ ᒥᒋᒪ ᐊᓂᔭ ᐱᔅᑯᑎᓇᔪᐤ ᓴᐃᓇᐃ ᐊ ‍ ᐃᓯᓂᐧᑲᑕᔨᒡ ᒋ ‍ ᓇᑕᒧᒡ᙮ ᐊᓐ ᒪᒃ ᐱᔅᑯᑎᓇᐤ ᒋ ‍ ᐃᔎᑕᐤ ᑭᔭ ᒋ ‍ ᐅᑲᔅᑕᔭᐤ ᐊᓐᑕ ᑭᔭ ᒋ ‍ ᑎᑯᓐ ᓴᒋᓱᐅᓐ ᑭᔭ ᒋ ᒥᔅᑎ ‍ ᒋᑎᔅᑎᓐ ᐊᓐᑕ᙮
\v 19 ᑭᔭ ᐃᔅᐱ ᑲ ‍ ᐸᑕᒡ ᐊ ‍ ᒋᔄᐛᒥᑭᓂᔨᒡ ᐳᑕᒋᑭᓂᔪᐤ ᐊᓐᑕ ᑭᔭ ᒪᒃ ᑲ ‍ ᐸᑐᐛᒡ ᒋᓴᒪᓂᑐᐛ ᐊ ‍ ᐃᔨᒥᔨᒋ ᓇᔅᒡ ᒋ ‍ ᑯᔅᑕᒍᐅᒡ ᐊᑯ ᒂ ‍ ᓂᑐᑎᒪᒡ ᐊᑲ ᐊᑐᐎᔅ ᒐᒋ ᐃᔨᒥᔨᒋ᙮
\v 20 ᒋᓴᒪᓂᑐᐛ ᒋ ‍ ᐃᔨᒥᐃᑯᐅᒡ ᐊ ‍ ᐃᑎᑯᒡ, “ᑕᒋᓂᑭᓄᒐ ᐊᓐ ᐱᔅᑯᑎᓇᐤ, ᐊᐛᓯᔅ ᑭᔭ ᒪᒃ ᐃᔪᐤ ᑕᒋᓇᒐ, ᒋᑭ ‍ ᓂᐸᐊᑭᓄᐤ ᐊ ‍ ᐸᐱᒧᓯᓇᑎᐛᑭᓄᐅᑦ᙮” ᐃᔅᐱ ᐊᓐᒡ ᐃᔪᒡ ᑲ ‍ ᐸᑕᒡ ᐅᔭ ᓇᒪ ᐅᒋ ᐃᑎᑎᒧᒡ ᐅᔭ᙮
\v 21 ᐊᓂᔭ ᑕᓐ ᑲ ᐃᓯ ‍ ᐛᐸᑕᒡ ᓇᔅᒡ ᒋ ‍ ᓴᒋᐃᑯᐅᒡ᙮ ᐛᐛᒡ ᒧᓱᔅ ᒋ ‍ ᐃᑕᐤ, “ᓇᓇᒥᐱᔨᓐ ᐊᔅᐱᔅ ᓴᒋᓯᔭᓐ᙮”
\p
\v 22 ᒋᔨᐛᐤ ᒪᒃ ᐎ ᓇᒪ ᐸᐃᑯᓄᒡ ᐃᓯᓇᑯᓐ᙮ ᐃᔅᐱ ᐊ ‍ ᐅᑎᔅᑯᑲᐳᔅᑎᐛᒄ ᒋᓴᒪᓂᑐᐤ ᒧᔭᒻ ᐊᓐᑕ ᐊ ‍ ᐃᑐᑕᔭᒄ ᐊᓐ ᐱᔅᑯᑎᓇᐤ ᓴᐃᔭᓐ ᐊ ‍ ᐃᓯᓂᐧᑲᑕᒡ ᐊᓐᑕ ᒋᒋᒋᓯᑯᒡ ᐊ ‍ ᑎᒂᒡ ᐊᐅᑯᓐ ᐊ ‍ ᐃᓯᓇᒂᒡ᙮ ᑭᔭ ᒧᔭᒻ ᐊᓐᑕ ᐊ ‍ ᑎᑯᓯᓂᔭᒄ ᐊᓐ ᐅᑕᓇᐤ ᐊᓐᑕ ᐱᔅᑯᑎᓇᒡ ᐊ ‍ ᑎᒂᒡ ᒋᕈᓯᓕᒻ ᐊ ‍ ᐃᓯᓂᐧᑲᑕᒡ ᐃᓯᓇᑯᓐ, ᐊᓐᑕ ᐊ ‍ ᐎᒋᑦ ᐊᓐ ᑲᒋᒡ ᐊ ‍ ᑕᑦ ᒋᓴᒪᓂᑐᐤ ᑭᔭ ᐊᓐᑕ ᐊ ‍ ᑕᒡ ᐊ ᒥᔅᑎ ‍ ᒥᒐᑎᒡ ᐊᓐᒋᓐᒡ ᐊ ‍ ᒧᒋᒐᔨᑕᒡ᙮
\v 23 ᐊᑯᑕ ᒪᒃ ᐊ ‍ ᑕᔨᒋ ᒥᓯᐛ ᒋᓴᒪᓂᑐᐤ ᐅᓂᔅᑎᒧᓴᓇ ᐊᓂᔭ ᒪᓯᓇᓱᔨᒋ ᐊᓐᑕ ᒋᒋᒋᓯᑯᒡ᙮ ᒋ ᐸᒋ ‍ ᓇᑕᐛᐤ ᒋᓴᒪᓂᑐᐤ ᐊᓐ ᒥᓯᐛ ᐊᐛᔪᐛ ᑲ ‍ ᑎᐸᔅᑯᓇᑦ᙮ ᐊᑯᑕ ᑭᔭ ᐅᑕ ᐊ ‍ ᑕᔨᒋ ᐅᑦ ᐊᒐᐧᑯᐛᐛ ᐊᓐᒡ ᐅᑯᐃᔅᑯᑕᑎᓯᐅᒡ ᓇᔅᒡ ᑲ ᑕᐱ ‍ ᑯᐃᔅᑯᓇᑯᐊᑭᓄᐎᒡ᙮
\v 24 ᑭᔭ ᒋᓴᔅ ᑕᐤ ᐊᓐᑕ, ᐊᓐ ᑲ ‍ ᐅᔅᒋᑕᐛᑦ ᒋᓴᒪᓂᑐᐛ ᐅᓂᔅᑯᒧᐅᓂᔪᐤ᙮ ᐊᓂᔭ ᙭ ᐊᒋ ‍ ᐅᓂᑕᑦ ᐅᒥᐧᒄ ᒋᔭᓄᐤ ᐅᒋ, ᐊᑯᑕ ᐛᒋ ‍ ᑎᒂᒡ ᐛᐸᔨᑎᒪᒐᐅᓐ᙮ ᐊᓂᔭ ᒪᒃ ᐎᔾ ᐊᐳᓪ ᐊᒋ ‍ ᐅᓂᑕᑦ ᐅᒥᐧᒄ ᑲ ‍ ᓂᐸᐊᑭᓄᐅᑦ ᐊᑯᑕ ᑲ ᐅᒋ ‍ ᒋᔅᒐᔨᑎᒪᐧᒄ ᒐᒋ ᑎᐸᐊᒧᐛᑭᓄᐅᑦ ᒐᒂᔪᐤ ᐊ ‍ ᐃᑐᑐᐛᑭᓄᐅᑦ ᐊᐛᓐ᙮
\p
\v 25 ᐊᑯ ᒪᒃ ᐃᔭᒂᒥᒄ ᒐᒋ ᓂᑐᑐᐛᒄ ᒋᓴᒪᓂᑐᐤ ᐊ ‍ ᐃᔨᒥᐃᑕᒄ᙮ ᐊᓐᒡ ᐃᔅᕋᐃᓪ ᐃᔪᒡ ᓇᒪ ᐅᒋ ᐎ ᓂᓇᐃᑐᐛᐅᒡ ᐊᓂᔭ ᐅᑕ ᐊᔅᒋᒡ ᑲ ‍ ᑕᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑲ ‍ ᐛᐎᑎᒥᔨᒋ, ᑭᔭ ᓇᒪ ᐅᒋ ᐱᒪᒋᐊᑭᓄᐅᒡ᙮ ᒋᑦ ᐃᑕᔨᑕᓇᓄᐤ ᐊ ᒪᒃ ᒐ ‍ ᐱᒪᒋᐃᑯᔭᐧᒄ ᒋᔭᓄᐤ ᐊᑲ ᓂᑐᑐᐛᒂ ᒋᓴᒪᓂᑐᐤ ᒋᒋᒋᓯᑯᒡ ᐊ ᐅᒋ ‍ ᐃᔨᒥᐃᑕᐧᒄ ? ᓇᒪ ᑭᔭ ᒋᔭᓄᐤ ᒋᑭ ᒋ ‍ ᒋᑎᓯᒧᑕᓇᓄᐤ ᐛᐛᓯᐃᑯᓯᐅᓐ᙮
\v 26 ᐃᔅᐱ ᑲ ‍ ᐃᔨᒪᐊᑦ ᒋᓴᒪᓂᑐᐤ ᐊᓂᔭ ᐃᔪᐛ ᐊᓐᑕ ᐊᓂᔭ ᐱᔅᑯᑎᓇᔪᐤ ᓴᐃᓇᐃ ᑲ ‍ ᐃᓯᓂᐧᑲᑕᔨᒡ, ᓇᔅᒡ ᒋ ‍ ᓂᓇᒥᐱᐃᔪᐤ ᐊᔅᒋᔪᐤ ᐃᔅᐱ ᑲ ‍ ᐸᑕᑯᓂᔨᒡ ᐅᐸᑕᑯᓱᐅᓐ᙮ ᐊᑯ ᒪᒃ ᐊᓄᒡ ᐊ ‍ ᐃᔅᒋᔄᑦ ᐅᔭ ᒐᔅᑎᓇᔅ ᒐ ‍ ᐃᔅᐱᔨᒡ, “ᒥᓐ ᐅ ᐃᑐᑎᒪᓇ ᓇᒪ ᒥᒄ ᐊᔅᒋᔾ ᓂᑭ ᐅᒋ ‍ ᑐᑕᓐ ᒐᒋ ᓂᓇᒥᐱᔨᒡ ᐊᓯᒡ ᑭᔭ ᒋᒋᒋᓯᒄ ᓂᑭ ‍ ᑐᑕᓐ ᒐᒋ ᓂᓇᒥᐱᔨᒡ᙮”
\v 27 ᐊᓂᔭ ᑲ ‍ ᐃᔅᒋᔄᑦ “ᒥᓐ ᐅ ᐃᑐᑎᒪᓇ,” ᒋ ‍ ᐎᑎᒪᑯᓇᓄᐤ ᒥᓯᐛ ᒐᒂᔪᐤ ᑲ ‍ ᐅᓯᑕᑭᓄᔨᒋ, ᒥᓯᐛ ᐊ ‍ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ ᒐ ‍ ᓂᓇᒥᐱᔨᒡ ᑭᔭ ᒐ ‍ ᓂᓱᐅᓇᑎᓂᔨᒡ᙮ ᒥᒄ ᐊᓐ ᒐᒂᓐ ᐊᑲ ᒋ ‍ ᐊᑎᓂᑭᓄᐅᒡ ᐊᐅᑯᓐ ᒥᒄ ᐊᓐ ᓇᒪ ᒋᑭ ᐅᒋ ‍ ᓂᓇᒥᐱᔪᐤ᙮
\p
\v 28 ᐊᐅᒄ ᒪᒃ ᐅᔭ ᒋᐸ ᐅᒋ ‍ ᓂᓇᔅᑯᒪᓄᐤ ᒋᓴᒪᓂᑐᐤ ᐊ ‍ ᒥᔨᑕᐧᒄ ᒋᓴᐅᒋᒪᐅᓂᔪᐤ ᐊᓐ ᐊᑲ ᓂᑕ ᒐᒋ ᐃᑐᑕᑭᓄᐅᒡ ᒐᒋ ᐊᒋᐱᔨᒡ᙮ ᐊᑯ ᒪᒃ ᐊᔭᒥᐊᔅᑐᐛᑕᐤ ᐊᓂᔭ ᐎᔾ ᐊ ᐃᓯ ‍ ᓂᑐᐛᔨᒥᑕᐧᒄ ᒐᒋ ᐃᓯ ‍ ᐊᔭᒥᐊᔅᑐᐛᐧᒄ ᑭᔭ ᒐᒋ ᒥᔪ ‍ ᐊᑐᔅᑯᐅᐛᐧᒄ ᓇᔅᒡ ᐊ ‍ ᒋᔅᑕᔨᒪᐧᒄ᙮
\v 29 ᐛᔅ ᒋᒋᓴᒪᓂᑐᒥᓄᐤ ᒧᔭᒻ ᐃᔅᑯᑕᐤ ᐃᑕᔨᑕᑯᓱᐤ᙮ ᐃᔅᑯᑕᐤ ᒥᓯᐛ ᒐᒂᓐ ᑲ ‍ ᓂᓱᐅᓇᒋᑕᒐᒥᑲᒡ ᐊ ‍ ᐃᔎᓱᐛᒡ ᐊᐅᑯᓐ ᐊ ‍ ᐃᑕᔨᑕᑯᓯᑦ᙮
\c 13
\s1 ᐊ ‍ ᓇᐊᔨᑎᒥᐊᑭᓄᐅᑦ ᒋᓴᒪᓂᑐᐤ
\s2 Hebrews 13.1-8,15-16 (Proper-17 Year C)
\p
\v 1 ᓂᐧᑲᓂᓯᑐᒄ, ᒧᔅ ᐎ ᒥᔪ ‍ ᓴᒋᐃᑐᒄ᙮
\v 2 ᒋᔅᒋᓯᒄ, ᒧᔅ ᒐᒋ ᐊᔭᔅᑯᐎᔭᒄ ᒐᒋ ᐱᑎᑲᐊᑯᒡ ᒪᓐᑕᐅᒡ ᒋᒋᐛᐛᒡ᙮ ᐱᔅᒐ ᐊᐛᓐᒋ ᓴᔅ ᒋ ‍ ᐱᑎᑲᐊᐅᒡ ᒪᓐᑕᐛ ᐊᓐᑕ ᐊ ‍ ᑕᒡ, ᓇᒪ ᒪᒃ ᐅᒋ ᒋᔅᒐᔨᒪᐅᒡ ᐱᔅᒐ ᐊᓂᔭ ᒪᓐᑕᐛ ᑲ ‍ ᐱᑎᑲᐊᒡ ᐊᒋ ‍ ᐊᓐᒋᓄᐎᑯᐱᓇᓂ᙮
\v 3 ᒪᒥᑐᓇᔨᒪᐧᑯᒡ ᐊᓐᒡ ᐊᐛᓐᒋ ᑲᒪᑯᓄᐛᓯᐅᒋᐛᐱᒡ ᐊ ‍ ᑕᒡ᙮ ᒧᔭᒻ ᑭᔭ ᒋᔨᐛᐤ ᐊ ‍ ᑕᔭᒄ ᐊᓐᑕ ᐊᓂᔭ ᐊ ‍ ᑕᒡ ᒐᒋ ᐃᓯ ‍ ᒪᒥᑐᓇᔨᑎᒪᒄ᙮ ᒪᒥᑐᓇᔨᒪᐧᑯᒡ ᑭᔭ ᐊᓐᒡ ᑲ ‍ ᓂᓇᐧᑲᒋᐊᑭᓄᐎᒡ ᒧᔭᒻ ᑭᔭ ᒋᔨᐛᐤ ᐊ ‍ ᓂᓇᐧᑲᒋᐃᑯᔭᒄ ᒧᔭᒻ ᐎᔨᐛᐤ ᐊ ᐃᓯ ‍ ᓂᓇᐧᑲᒋᐊᑭᓄᐎᒡ ᒐᒋ ᐃᑕᔨᑎᒪᒄ᙮
\p
\v 4 ᑭᔭ ᒥᓐ ᑯᑎᒡ ᒐᒂᓐ ᒐ ‍ ᐃᑎᑎᑯᒡ, ᒥᓯᐛ ᐊᐛᓐ ᒋᐸ ‍ ᒋᔅᑕᔨᑎᒥᐃᑯᐤ ᓂᐳᐅᓂᔪᐤ᙮ ᐊᓐ ᓇᐸᐤ ᑭᔭ ᐎᐛ ᒥᒄ ᐎᔨᐛᐤ ᒋᐸ ‍ ᐎᐸᒥᑐᐅᒡ᙮ ᓇᒪ ᒋᐸ ᐅᒋ ‍ ᐱᓯᒂᑎᓯᐅᒡ᙮ ᐛᔅ ᒋᓴᒪᓂᑐᐤ ᒐᔅᑎᓇᔅ ᒋᑭ ‍ ᑎᐸᔅᑯᓇᐤ ᐊᓂᔭ ᑲ ‍ ᐎᓂᓱᐃᑕᑎᓯᔨᒋ ᑭᔭ ᐊᓂᔭ ᑲ ‍ ᐱᓯᒂᑎᓯᔨᒋ᙮
\v 5 ᐊᑲ ᐎ ᒋᑭ ᐅᒋ ‍ ᐃᓯᓇᑯᓯᓇᐛᐤ ᒐᒋ ᓴᒋᑕᔭᒄ ᓱᓇᔭᐤ᙮ ᒋᐸ ‍ ᒥᔽᔨᑕᓇᐛᐤ ᑕᓐ ᐊ ᐃᓯ ‍ ᐊᔭᔭᒄ᙮ ᐛᔅ ᒋᓴᒪᓂᑐᐤ ᒋ ‍ ᐃᔅᒋᔄᐤ,
\q “ᓇᒪ ᓂᑕ ᒋᑭ ᐅᒋ ‍ ᓂᑭᑎᑎᓇᐛᐤ, ᓇᒪ ᓂᑕ ᒋᑭ ᐅᒋ ‍ ᐃᓯᓇᑯᓯᓇᐛᐤ ᒐ ᐊᑲ ᒋ ᐃᔭᐱᑕᔨᒥᑎᑯᒡ᙮”
\m
\v 6 ᐊᑯ ᒪᒃ ᒐᔅᑎᓇᔅ ᒐᒋ ᐃᔅᒋᔄᔭᐧᒄ,
\q “ᓇᒪ ᓂᑭ ᐅᒋ ‍ ᑯᔅᑕᒋᓐ ᐛᔅ ᐅᑎᐸᔨᒋᒐᐤ ᓂ ᐸᒋ ‍ ᐎᒋᐃᒄ᙮ ᑕᓐ ᒪᒃ ᒐᒋ ᐸᒋ ‍ ᐃᑐᑐᐅᑦ ᐎᔾ ᓇᐸᐤ᙮”
\p
\v 7 ᒥᓐ ᑯᑎᒡ ᒐᒂᓐ, ᒪᒥᑐᓇᔨᒪᐧᑯᒡ ᒪ ᐊᓐᒡ ᒪᐅᒡ ᓂᔅᑎᒻ ᑲ ‍ ᐛᐎᑎᒪᑕᑯᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᓐᒡ ᑲ ‍ ᓂᑲᓂᔅᑲᒡ ᐊᔭᒥᐊᐅᒋᐛᐱᔪᐤ᙮ ᒪᒥᑐᓇᔨᒪᐧᑯᒡ ᑕᓐ ᑲ ‍ ᐃᑕᑎᓯᒡ ᑭᔭ ᑲ ᐃᓯ ‍ ᐳᓂᐱᒪᑎᓯᒡ ᐊᔅᒄ ᐊ ‍ ᑕᑈᔭᔨᒪᒡ ᒋᓴᓴ᙮ ᐊᐅᑯᓐ ᐊᓐ ᒐ ᐎ ‍ ᐎᒋᐃᑯᔭᒄ ᒐᒋ ᑕᑈᑎᒪᒄ ᑕᓐ ᑲ ᐃᓯ ‍ ᑕᑈᑕᒡ᙮
\v 8 ᒋᓴᔅ ᙭ ᓇᒪ ᓂᑕ ᐃᔭᒡ ᒋᑭ ᐅᒋ ‍ ᐃᑕᔨᑕᑯᓱᐤ᙮ ᑕᓐ ᑲ ‍ ᐃᑕᔨᑕᑯᓯᑦ ᐅᑕᑯᓯᒡ, ᐊᐅᑯᓐ ᐊ ‍ ᐃᑕᔨᑕᑯᓯᑦ ᐊᓄᒡ ᑭᔭ ᐊᐅᑯᓐ ᒐ ‍ ᐃᑕᔨᑕᑯᓯᑦ ᑲᒋᒡ᙮
\p
\v 9 ᐃᔭᒂᒥᒄ ᒐ ᐊᑲ ᒋ ᐎᔭᓯᐃᑯᐅᔭᒄ ᒐᒋ ᐊᑎ ‍ ᑕᑈᑎᒪᒄ ᓂᓇᐧᑯᐤ ᓂᑎᒥᒄ ᒋᔅᑯᑎᒪᒐᐅᓇ᙮ ᐛᔅ ᒥᔽᓱᐤ ᒥᑕᐃ ᒐᒋ ᐊᔨᒋᑲᐳᐅᒡ ᓱᐛᔨᒋᒐᐅᓂᒡ, ᓇᒪ ᐎ ᒥᒋᒥᒡ᙮ ᐛᔅ ᓇᒪ ᐎᒋᐃᑯᐤ ᐊᐛᓐ ᒥᒋᒥᔪᐤ ᒐᒋ ᐊᔨᒋᑲᐳᐅᑦ ᑕᑈᑎᒧᐅᓂᒡ ᐃᔅ᙮
\v 10 ᐊᓐᒡ ᒍᐤ ᐊᔭᒥᐊᐅᒋᒪᐅᒡ ᐊᔅᒄ ᑲ ‍ ᒥᑐᔅᑕᐊᒪᒡ ᓇᒪ ᐃᓯᓇᑯᓂᔪᐤ ᒐᒋ ᒥᒋᒡ ᐎᔨᐛᐤ ᐊᓂᔭ ᒥᒋᒥᔪᐤ ᒋᔭᓄᐤ ᒋᐱᔅᑎᓂᒐᐅᓇᐱᔅᑯᓇᒡ ᑲ ‍ ᑎᑯᓂᔨᒡ᙮
\p
\v 11 ᐃᔅᐱ ᑲ ‍ ᓂᐸᐊᑭᓄᐅᒡ ᐊᓐᒡ ᐊᐛᓯᓯᒡ, ᐊᓐ ᐎᔭᔅ ᐎᐎᑎᒥᒡ ᐊᓐᑕ ᐛᒋᒡ ᐊᓐᒡ ᐃᔪᒡ ᐃᔎᓴᑭᓄᐤ᙮ ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᐊᓐᑕ ᒪᐅᒡ ᐊ ‍ ᐸᔭᒋᓯᒥᑭᓂᔨᒡ ᑲ ‍ ᐃᓯᓂᐧᑲᑕᔨᒡ ᑲᐱᔅᒋᒐᔭᔨᒡ ᐃᑐᑕᐤ ᐊᓂᔭ ᒥᐧᑯᔪᐤ᙮ ᐊᑯ ᐊᓐᑕ ᐸᔅᑎᓇᐧᒃ ᐊᓂᔭᔪᐤ ᒥᐧᑯᔪᐤ ᒋᓴᒪᓂᑐᐛ ᐊ ‍ ᑕᔨᒋ ᐊᓐᑕ ᒐᒋ ᐅᒋ ‍ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮
\v 12 ᒋᓴᔅ ᑭᔭ ᐎᔾ ᐊᓐᑕ ᐎᐎᑎᒥᒡ ᐊᓂᔭ ᐅᑕᓇᔪᐤ ᒋ ‍ ᓂᓇᐧᑲᒋᐊᑭᓄᐤ ᑭᔭ ᐊᑯᑕ ᑲ ‍ ᓂᐸᐊᑭᓄᐅᑦ᙮ ᐊᑯ ᐊᓂᔭ ᐅᒥᐧᒄ ᐊᑯᑕ ᑲ ᐅᒋ ‍ ᐸᔭᒋᐊᑭᓄᐎᒡ ᐊᐛᓐᒋ ᒋᓴᒪᓂᑐᐤ ᐅᑦ ᐃᔨᒪ ᒐᒋ ᐃᓯ ‍ ᑭᓄᐛᐱᒪᑭᓄᐎᒡ᙮
\v 13 ᐊᑯ ᒪᒃ ᐎᐎᑕᐤ ᐊᓐᑕ ᐅᑕᓇᒡ ᒐ ‍ ᓂᑐᐛᐱᒪᐧᒄ ᒋᓴᔅ ᑭᔭ ᒋᔭᓄᐤ ᒐᒋ ᒧᓯᑕᐛᐧᒄ ᑕᓐ ᑲ ᐃᓯ ‍ ᒪᔭᔨᒪᑭᓄᐅᑦ᙮
\v 14 ᐅᑕ ᐊᔅᒋᒡ ᓇᒪ ᑎᑯᓐ ᐅᑕᓇᐤ ᐊᓐᑕ ᑲᒋᒡ ᒐᒋ ᑕᔭᐧᒄ᙮ ᒧᔭᒻ ᒥᒄ ᐊ ‍ ᓴᐳᑐᐛᑕᔭᐧᒄ ᒋᑦ ᐃᓯᓇᑯᓯᓇᓄᐤ ᐊ ᐎ ‍ ᐃᑐᑕᔭᐧᒄ ᐊᓐᑕ ᐊᓐ ᐅᑕᓇᐤ ᑲᒋᒡ ᒐ ‍ ᑎᒂᒡ᙮
\s2 Hebrews 13.1-8,15-16 (Proper-17 Year C)
\p
\v 15 ᒧᔅ ᐱᔅᑕᔨᒥᓱᑕᐤ ᒐᒋ ᒪᒥᒋᒪᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ᐃᓯ ‍ ᐃᑐᑎᒪᑕᐧᒄ ᒋᓴᔅ, ᒋᑐᓇᒡ ᐊ ᐅᒋ ‍ ᐛᐎᑎᒺᐧᑯᒡ ᐊᐛᓐᒋ ᐊ ‍ ᑕᑈᔭᔨᒪᐧᒄ ᒋᓴᔅ᙮
\v 16 ᐊᑲᐎᔾ ᐳᓂᒄ ᐊ ‍ ᒥᔪᑐᑎᒪᒐᔭᒄ ᑭᔭ ᐊ ‍ ᒪᑎᓄᐛᐱᔨᑕᑐᔭᒄ ᑕᓐ ᐊ ᐃᓯ ‍ ᐊᔭᔭᒄ᙮ ᐛᔅ ᓇᔅᒡ ᐊ ‍ ᐱᔅᑕᔨᒥᓱᑦ ᐊᐛᓐ ᐅᔭ ᒐᒋ ᐃᑎᑦ ᓇᐊᔨᑎᒥᐊᐤ ᒋᓴᒪᓂᑐᐛ᙮
\p
\v 17 ᓂᓇᐃᑐᐛᐧᑯᒡ ᐊᓐᒡ ᑲ ‍ ᓂᑲᓂᔅᑲᑕᑯᒡ ᐊᔭᒥᐊᐅᒋᐛᐱᒡ᙮ ᐛᔅ ᒋᐛᐎᒋᐃᑯᐛᐅᒡ ᒋᑕᑈᑎᒧᐅᓄᐛᒡ᙮ ᐊᐅᒄ ᐅᔭ ᐅᑦ ᐊᑐᔅᒐᐅᓄᐛᐤ᙮ ᐛᔅ ᒋᑭ ‍ ᓂᑐᐛᔨᑕᑯᓱᐅᒡ ᒐᒋ ᐎᑎᒧᐛᒡ ᒋᓴᒪᓂᑐᐛ ᑕᓐ ᑲ ‍ ᐃᑐᐛᒄ᙮ ᒋᑭ ‍ ᒥᔽᔨᑎᒧᒡ ᒪᒃ ᒐᒋ ᐃᑐᑕᒡ ᐅᔭ ᐅᑦ ᐊᑐᔅᒐᐅᓄᐛᐤ ᒧᔭᒻ ᒋᔨᐛᐤ ᓂᓇᐃᑐᐛᒂᐛ ᑭᔭ ᒋᔅᑕᔨᑎᒧᐛᒂ ᑕᓐ ᑲ ᐃᓯ ‍ ᒥᔭᑭᓄᐎᒡ ᒐᒋ ᓂᑲᓂᔅᑲᑕᑯᒡ᙮ ᐊᑲ ᒪᒃ ᐅ ᑎᔭᒂ ᒋᑭ ‍ ᒥᒐᔨᑎᒧᒡ ᑭᔭ ᓇᒪ ᒋᑭ ᒋ ᒥᔪ ‍ ᐎᒋᐃᑯᐛᐅᒡ᙮
\p
\v 18 ᒋ ‍ ᐱᑯᓴᔨᒥᑎᓇᓐ ᒐᒋ ᐸᒋ ‍ ᐊᔭᒥᐊᔅᑎᒧᐅᔭᒡ᙮ ᒧᔅ ᓂ ᐎ ‍ ᐃᑐᑎᒺᓇᓐ ᐊᓂᔭ ᐊ ‍ ᐃᑕᔨᑎᒥᐃᑯᑦ ᒋᓴᒪᓂᑐᐤ ᐊ ‍ ᑯᐃᔅᑯᓇᑯᓂᔨᒡ᙮ ᐛᔅ ᐊᑯᑕ ᒐ ᐅᒋ ‍ ᒋᔅᒐᔨᑎᒪᒡ ᐊᑲ ᒐᒂᓐ ᑎᒂᒡ ᒐᒋ ᒥᒐᔨᑎᒥᐃᑯᔭᒡ᙮
\v 19 ᒋ ‍ ᓂᑐᑎᒪᑎᓇᐛᐤ ᒐᒋ ᐸᒋ ‍ ᐊᔭᒥᐊᔅᑎᒧᐅᔭᒄ ᑭᔭ ᒥᓐ ᐎᐱᒡ ᒐᒋ ᓂᑐᐛᐱᒥᑎᑯᒡ᙮
\s1 ᐊᔭᒥᐊᔅᑎᒪᒐᐅᓐ
\p
\v 20 ᐊᑯ ᒪᒃ ᓂᑦ ᐊᔭᒥᐊᐤ ᒋᓴᒪᓂᑐᐤ, ᐊᓐ ᑲ ‍ ᐃᑐᑕᑕᒄ ᒐᒋ ᐊᔭᐛᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋ ‍ ᐅᓂᔅᑲᓇᐤ ᐊᓂᔭᔪᐛ ᒪᔭᑕᓂᓯᐅ-ᐃᔪᐛ ᑲ ‍ ᒋᔅᑕᔨᑕᑯᓯᔨᒋ ᓂᐳᐅᓂᒡ ᐅᒡ, ᐊᐅᒄ ᐅᔭ ᒋᓴᓴ᙮ ᒋ ‍ ᐃᑐᑐᐛᐤ ᒐᒋ ᒥᔪ ‍ ᑭᓄᐛᔨᒪᔨᒋ ᐅᑦ ᐃᔨᒥᔪᐛ ᒧᔭᒻ ᐊ ‍ ᐃᑎᔨᒋ ᒪᔭᑕᓂᓯᐅ-ᐃᔪᐛ ᐊ ᒥᔪ ‍ ᑭᓄᐛᔨᒪᔨᒋ ᒪᔭᑕᓂᓴ᙮ ᒋᓴᒪᓂᑐᐤ ᒋ ‍ ᐃᑐᑎᒻ ᒐᒋ ᐊᐱᑎᓂᔨᒡ ᐊᓂᔭ ᑲ ‍ ᐅᔅᑲᔨᒡ ᓂᔅᑯᒧᐅᓂᔪᐤ ᑲᒋᒡ ᒐ ‍ ᑎᑯᓂᔨᒡ ᒋᓴᔅ ᐅᒥᐧᑯᒡ ᐅᒡ᙮
\v 21 ᒥᔅᑎ ᔅᒋ ‍ ᐃᑐᑎᒪᑯᐛᐤ ᒋᓴᒪᓂᑐᐤ ᒋᓴᓴ ᐅᒋ ᑭᔭ ᓂᑐᑎᒪᒄ ᒐᒋ ᒥᔨᑕᒄ ᒥᓯᐛ ᐊᓂᔭ ᑲ ‍ ᒥᔽᔨᒋ ᒐᒂᔪᐛ ᐊ ᐃᓯ ‍ ᓂᑐᐛᔨᑎᒪᒄ ᒐᒋ ᐃᑐᑎᒺᒄ ᐅᑦ ᐃᑕᔨᑎᒧᐅᓐ᙮ ᓂᑦ ᐊᔭᒥᐊᐤ ᑭᔭ ᒐᒋ ᐊᑐᔅᒐᑦ ᐊᓐᑕ ᒋᐱᒪᑎᓯᐅᓄᐛᒡ ᑭᔭ ᒐᒋ ᓂᓇᐊᔨᑎᒥᐃᑯᑦ ᐊᓂᔭ ᐊ ‍ ᐃᑕᑎᓯᐛᒄ᙮ ᒧᔅ ᒪᒃ ᒪᒥᒋᒪᑕᐤ ᒋᓴᔅ ᙭ ᑲᒋᒡ ᑭᔭ ᑲᒋᒡ᙮ ᐊᒥᓐ᙮
\s1 ᒪᔅᑕᔾ ᐊ ᐃᓯ ‍ ᐎᑕᒂᒡ
\p
\v 22 ᓂᐧᑲᓂᓯᑐᒄ, ᒋ ‍ ᒥᓯᓇᐊᒪᑎᓇᐛᐤ ᐅ᙮ ᓇᒪ ᒥᒄ ᓇᔅᒡ ᒋᓏᐤ᙮ ᔅᒋ ‍ ᒥᓯᓇᐊᒪᑎᓇᐛᐤ ᒐᒋ ᒥᔽᔨᒧᐃᑎᑯᒡ ᑕᑈᑎᒧᐅᓂᒡ ᐃᔅ᙮ ᐊᑯ ᒪᒃ ᒋ ‍ ᓯᒋᒥᑎᓇᐛᐤ ᓱᒃ ᒐᒋ ᓂᓇᐃᑎᒪᒄ ᑕᓐ ᑲ ‍ ᐃᑎᑎᑯᒡ᙮
\p
\v 23 ᒂᔄᓐ ᔅᒋ ‍ ᐸᑕᓇᐛᐛᒐ ᒋᐧᑲᓂᓯᓄᐤ ᑎᒧᑎ ᓴᔅ ᐊᒋ ‍ ᐎᐎᑦ ᑲᒪᑯᓄᐛᓯᐅᒋᐛᐱᒡ ᐅᒡ᙮ ᐎᐱᒡ ᑎᑯᓯᒐ ᐅᑕ ᐊ ‍ ᑕᐅᒡ ᐊᑯ ᒐ ‍ ᐸᓱᐅᒃ ᐊᓐᑕ ᐊ ‍ ᑕᔭᒄ ᐃᔅᐱ ᓂᑐᐛᐱᒥᑎᑯᒐ᙮
\p
\v 24 ᐛᒋᔭᒪᐧᑯᒡ ᐊᓐᒡ ᑲ ‍ ᓂᑲᓂᔅᑲᑕᑯᒡ ᑭᔭ ᒥᓯᐛ ᐊᓐᒡ ᑲ ‍ ᑕᑈᑕᒡ ᐊᓐᑕ ᐊ ‍ ᑕᔭᒄ ᐊ ‍ ᑕᒡ᙮ ᐊᓐᒡ ᑲ ‍ ᑕᑈᑕᒡ ᐊᓐᑕ ᐃᑕᓕ ᐊᔅᒋᒡ ᐊ ‍ ᑕᒡ ᑭᔭ ᐎᔨᐛᐤ ᒋ ‍ ᐛᒋᔭᒥᑯᐛᐅᒡ᙮
\p
\v 25 ᓂᑦ ᐊᔭᒥᐊᓇᓐ ᒋᓴᒪᓂᑐᐤ ᒥᓯᐛ ᒐᒋ ᒥᔪᑐᑕᑕᒄ᙮ ᐊᒥᓐ᙮
\id JAS Adapted from ECree-S to Naskapi, 13 March 2003; Typeset export from CBS 8 May 2007
\h ᒋᒥᔅ
\toc3 ᒋᒥᔅ
\toc2 ᒋᒥᔅ
\toc1 ᒋᒥᔅ ᐅᒥᓯᓇᐊᒪᒐᐅᓐ
\mt1 ᒋᒥᔅ
\mt2 ᒋᒥᔅ ᐅᒥᓯᓇᐊᒪᒐᐅᓐ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᒋᒥᔅ, ᒋᓴᔅ ᐎᐧᑲᓂᓴ ᐊᐅᑯᓐ ᐊᓐ ᑲ ‍ ᒥᓯᓇᐊᐧᒃ ᐅᔭ ᒥᓯᓇᐊᒪᒐᐅᓂᔪᐤ᙮ ᐊᐅᑯᓐ ᐅ ᐸᐃᒄ ᑭᔭ ᐎᔾ ᑲᓂᑲᓂᔅᑲᐧᒃ ᐊᔭᒥᐊᐅᒋᐛᐱᔪᐤ ᐊᓐᑕ ᒋᕈᓯᓕᒥᒡ᙮ ᒋ ‍ ᒥᓯᓇᐊᒻ ᐅᔭ ᒥᓯᓇᐊᒪᒐᐅᓂᔪᐤ ᒐᒋ ᒋᔅᑯᑎᒧᐛᑦ ᐊᓂᔭ ᑲ ‍ ᑕᑈᔭᔨᑎᒥᔨᒋ ᑕᓐ ᒐ ᐃᓯ ‍ ᐱᒪᑎᓯᔨᒋ ᐊ ‍ ᒂᔅᑲᑎᓯᔨᒋ᙮ ᒋ ᐃᓯ ‍ ᐎᑎᒻ ᑕᑈ ᐊ ‍ ᐊᔭᐛᐅᒂ ᐊ ‍ ᑕᑈᐅᓯᒥᑲᒡ ᑕᑈᔭᔨᑎᒧᐅᓐ ᒋᐸ ‍ ᓄᑯᓐ ᐊᓐᑕ ᐊ ᐃᓯ ‍ ᐱᒪᑎᓯᔭᒄ ᐊ ‍ ᒂᔅᑲᑎᓯᔭᒄ᙮ ᒋ ᐃᓯ ‍ ᐛᐎᑎᒪᒐᐤ ᑕᓐ ᒐ ᐃᓯ ‍ ᑲᐳᔅᑕᑭᓄᔨᒋ ᓂᓇᐧᑯᐤ ᒐᒂᔪᐛ ᒧᔭᒻ ᒋᔄᓱᐅᓐ, ᐊ ‍ ᑭᒋᐊᐧᑲᒥᑐᓇᓄᐅᒡ ᐊ ‍ ᑎᑯᓂᔨᒡ ᐅᔅᑕ ᐊ ‍ ᐃᑕᔨᒪᑭᓄᐅᑦ ᐸᐃᒄ ᐊᐛᓐ ᐃᔅᐱᔅ ᑯᑎᒃ, ᑕᓐ ᒐ ᐃᓯ ‍ ᓂᓇᑭᑐᐛᔨᑕᑭᓄᔨᒋ ᑕᓐ ᐊ ‍ ᐃᓇᓄᐎᒡ, ᐊ ‍ ᒪᒥᒋᒧᓇᓄᐎᒡ, ᓯᐱᔪᐛᓯᐅᓐ ᑭᔭ ᐊᔭᒥᐊᐅᓐ᙮
\c 1
\p
\v 1 
ᒋᒥᔅ ᓂᔾ, ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐊᐱᒋᐊᑭᓄᐛᐛ᙮
\p ᒥᓯᐛ ᓂ ‍ ᐛᒋᔭᒪᔪᐛ ᒋᓴᒪᓂᑐᐤ ᐅᑦ ᐃᔨᒪ ᐸᐱᐛ ᐊ ‍ ᑕᔨᒋ ᒥᓯᐛ ᐊ ‍ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮
\s1 ᑕᑈᑎᒧᐅᓐ ᑭᔭ ᐊᓏᑎᒧᐅᓐ
\p
\v 2 ᓂᐧᑲᓂᓯᑐᒄ, ᒥᔽᔨᑎᒧᒄ ᓂᓇᐧᑯᐤ ᐊ ᐃᓯ ‍ ᑯᒂᒋᐃᑯᐅᔭᒄ᙮
\v 3 ᐛᔅ ᒋ ‍ ᒋᔅᒐᔨᑕᓇᐛᐤ ᐊ ‍ ᑯᒂᒋᑕᑭᓄᐅᒡ ᒋᑕᑈᑎᒧᐅᓄᐛᐤ ᐊᑯᑕ ᐛᒋ ‍ ᐊᔭᔭᒄ ᓯᐱᔪᐛᓯᐅᓐ᙮
\v 4 ᔭᐃᑕᔾ ᒋᑭ ᐎ ‍ ᐃᑐᑕᑯᓇᐛᐤ ᓯᐱᔪᐛᓯᐅᓐ ᓇᔅᒡ ᒐᒋ ᓴᐳᔅᑭᒪᒄ ᑕᓐ ᒐ ᐃᓯ ‍ ᓂᓂᒋᔅᑭᒧᐛᒂ᙮ ᐊᑯ ᒪᒃ ᒐ ‍ ᒋᔭᒪᐅᓯᔭᒄ, ᐊ ‍ ᒥᓯᑐᐛᓯᔭᒄ ᒋᑭ ‍ ᐃᓯᓇᑯᓯᓇᐛᐤ, ᓇᒪ ᓇᔅᒡ ᒋᑭ ᐅᒋ ‍ ᓄᑕᔅᑲᓇᐛᐤ ᑕᓐ ᒋᐸ ‍ ᐃᑕᔨᑕᑯᓯᓇᐛᐤ᙮
\v 5 ᐊ ‍ ᑕᒂ ᐊᐛᓐ ᐊᑲ ᒋᔅᒐᔨᑕᐧᒃ ᑕᓐ ᐊᓐ ᒐ ‍ ᐃᓯᑲᐳᔅᑕᐧᒃ ᒐᒂᔪᐤ ᐊ ‍ ᓂᒋᔅᑲᐧᒃ ᒋᓴᒪᓂᑐᐛ ᒋᐸ ‍ ᓂᑐᑎᒧᐛᐤ ᑭᒐᑕᐛᔨᑎᒧᐅᓂᔪᐤ᙮ ᒋᑭ ‍ ᒥᔨᑯᐤ ᒪᒃ᙮ ᐛᔅ ᒋᓴᒪᓂᑐᐤ ᐛᔪᐅᒡ ᒥᔭᐤ ᒥᓯᐛ ᐊᐛᔪᐛ ᑕᓐ ᐊ ᐃᓯ ‍ ᓂᑐᐛᔨᑎᒪᑯᑦ ᒐᒂᔪᐤ᙮
\v 6 ᒥᒄ ᒪᒃ ᐊᑲᐎᔾ ᒋᑭ ᐅᒋ ‍ ᐊᓏᑎᒻ ᐊᓐ ᐊᐛᓐ ᑲ ‍ ᓂᑐᑎᒪᑦ᙮ ᐛᔅ ᐊᓐ ᐊᐛᓐ ᑲ ‍ ᐊᓏᑕᐧᒃ ᒧᔭᒻ ᑭᔅᑭᓐ ᐊᓐᑕ ᓴᑲᐃᑭᓂᒡ ᐊᐅᑯᓐ ᐊ ‍ ᐃᓯᓇᑯᓯᑦ, ᒥᒄ ᑕᓐᑕ ᐊ ᐃᓯ ‍ ᔪᑎᓂᔨᒡ ᐊᑯᑕ ᐊ ‍ ᐃᑕᐅᑯᑦ᙮
\v 7 ᓇᒪ ᒋ ‍ ᐛᑕᔨᑎᒻ ᐅ ᐊᐛᓐ ᑕᓐ ᐊᓐ ᒐ ‍ ᐃᑎᑦ᙮
\v 8 ᐅ ᒪᒃ ᐊ ‍ ᐃᓯᓇᑯᓱᐎᓇ ᐊᑲᐎᔾ ᐱᑯᓴᔨᒻ ᒋᓴᒪᓂᑐᐤ ᒐᒋ ᒥᔨᔅᒃ ᒐᒂᔪᐤ᙮
\s1 ᑲ ‍ ᐛᔪᑎᓯᒡ ᑭᔭ ᑲ ‍ ᒋᔅᑎᒪᑎᓯᒡ
\p
\v 9 ᒋᐧᑲᓂᓯᓄᐤ ᑲ ‍ ᒋᔅᑎᒪᑎᓯᑦ ᒋᐸ ‍ ᒥᔽᔨᑎᒻ ᒋᓴᒪᓂᑐᐛ ᐊ ‍ ᒋᔅᑕᔨᑕᑯᐃᑯᑦ᙮
\v 10 ᐊᑯ ᐊᓐ ᐊᐛᓐ ᑲ ‍ ᐛᔪᑎᓯᑦ ᒋᐸ ‍ ᒥᔽᔨᑎᒻ ᐊ ‍ ᑎᐱᑕᔨᑕᑯᐃᑯᑦ ᒋᓴᒪᓂᑐᐛ᙮ ᐛᔅ ᑭᔭ ᐎᔾ ᒋᑭ ‍ ᐃᔎᐱᔪᐤ ᐅᐱᒪᑎᓯᐅᓐ ᒧᔭᒻ ᓂᑕᐅᒋᑕᑭᓐ ᐊ ‍ ᐛᐱᑯᓄᐅᒡ ᐊ ‍ ᐃᔅᐱᔨᒡ᙮
\v 11 ᐃᔅᐱ ᒋᒋᐛ ᐊ ᐊᑎ ‍ ᓴᑲᔅᑐᐛᑦ ᐱᓯᒻ ᒂ ᐊᑎ ‍ ᐃᔎᓴᐧᒃ ᓂᑕᐅᒋᑕᑭᓇ ᐊᑯ ᐱᔭᐸᒋᑎᓂᔨᒋ ᐊᓂᔭᔪᐛ ᐛᐱᑯᓇ᙮ ᐛᓂᑎᒡ ᐊᓐ ᑕᓐ ᑲ ᐃᓯ ‍ ᒥᔽᓯᒡ᙮ ᐊᐅᑯᓐ ᒪᒃ ᒧᔭᒻ ᑭᔭ ᐎᔾ ᒐ ‍ ᐃᓯᓇᑯᓯᑦ ᐊᓐ ᐊᐛᓐ ᑲ ‍ ᐛᔪᑎᓯᑦ, ᒋᑭ ‍ ᐳᓂᐱᒪᑎᓯᐤ ᑭᔭ ᐎᔾ, ᒐ ‍ ᓂᑭᑕᐧᒃ ᒥᓯᐛ ᐅᑦ ᐊᑐᔅᒐᐅᓐ᙮
\s1 ᑕᓐᑕ ᐛᒋᐱᔨᒡ ᑯᒂᒋᐃᐛᐅᓐ
\p
\v 12 ᓱᐛᔨᑕᑯᓱᐤ ᐊᓐ ᐊᐛᓐ ᐊᑲ ᓴᐧᑯᒋᐃᑯᑦ ᑕᓐ ᐊ ᐃᓯ ‍ ᑯᒂᒋᐊᑭᓄᐅᑦ᙮ ᐛᔅ ᓴᐳᔅᑲᒐ ᑕᓐ ᐊ ᐃᓯ ‍ ᑯᒂᒋᐊᑭᓄᐅᑦ ᒋᑭ ‍ ᒥᔨᑯᐤ ᒋᓴᒪᓂᑐᐛ ᐊ ‍ ᐛᔪᒡ ᒥᔽᔨᑕᑯᓂᔨᒡ ᐱᒪᑎᓯᐅᓂᔪᐤ, ᐊᓂᔭ ᑲ ‍ ᐃᔅᒋᔄᔨᒋ ᒐᔅᑎᓇᔅ ᒐ ‍ ᒥᔭᔨᒋ ᐊᓂᔭ ᑲ ‍ ᓴᒋᐃᑯᑦ᙮
\v 13 ᐊᓐ ᐊᐛᓐ ᑲ ‍ ᑯᒂᒋᐊᑭᓄᐅᑦ ᓇᒪ ᒋᐸ ᐅᒋ ‍ ᐃᔅᒋᔄᐤ, “ᒋᓴᒪᓂᑐᐤ ᓂ ᐸᒋ ‍ ᑯᒂᒋᐃᒄ᙮” ᑕᐸ ᒋᑭ ᒋ ‍ ᑯᒂᒋᐃᑯᐤ ᒥᒋᑥᐅᓂᔪᐤ ᒋᓴᒪᓂᑐᐤ ᑭᔭ ᓇᒪ ᑯᒂᒋᐊᐤ ᐊᐛᔪᐛ ᒐᒋ ᒥᒋᑐᑎᒥᔨᒋ᙮
\v 14 ᑯᒂᒋᐊᑭᓄᐤ ᐊᐛᓐ ᒐᒋ ᒥᒋᑐᑕᐧᒃ ᐃᔅᐱ ᐸᔅᒐᐱᑎᑯᒋ ᐎᔾ ᑎᐱᔨᐛ ᐅᒥᒋ ‍ ᓂᑐᐛᔨᑎᒧᐅᓐ ᑭᔭ ᐊ ‍ ᑯᒂᑕᔨᑕᐧᒃ ᒐᒋ ᒥᒋᑐᑕᐧᒃ᙮
\v 15 ᐃᔅᐱ ᒪᒃ ᓯᔭᑯᒋᐃᑯᒋ ᐊᑲ ᓂᔅᑯᔅᑕᐧᒃ, ᐊᑯ ᑕᑈ ᐊ ᐊᑎ ‍ ᐃᑐᑕᐧᒃ ᐊᓂᔭ᙮ ᐃᔅᐱ ᒪᒃ ᐊ ‍ ᐃᑎᑦ ᐊᓂᔭ ᑕᓐ ᑲ ᐃᓯ ‍ ᒥᒋᓂᑐᐛᔨᑕᐧᒃ, ᓂᐳᐅᓂᒡ ᐃᑐᑕᐃᑯᐤ᙮
\p
\v 16 ᓂᐧᑲᓂᓯᑐᒄ ᑲ ‍ ᓴᒋᐃᑎᑯᒡ ᓱᒃ ᑯᐃᔅᒄ ᐅ ᐎ ᐃᓯ ‍ ᓂᔅᑐᑎᒧᒄ᙮
\s2 James 1.17-27 (Proper-17 Year B)
\p
\v 17 ᒥᓯᐛ ᒥᔨᐛᐅᓐ ᑲ ‍ ᒥᔽᓯᒡ ᑭᔭ ᑲ ‍ ᒋᔭᒪᐅᓯᒥᑲᒡ ᐊᓐᑕ ᐃᔅᐱᒥᒡ ᐅᒋᐱᔪᐤ, ᐊᓐᑕ ᒋᓴᒪᓂᑐᐤ ᐊ ‍ ᑕᑦ᙮ ᐊᐅᒄ ᒋᓴᒪᓂᑐᐤ ᑲ ‍ ᐅᓯᑕᑦ ᒥᓯᐛ ᐛᔅᑕᐅᓂᔪᐤ ᐊᓐᑕ ᒋᓯᑯᒡ᙮ ᒧᔅ ᐸᐃᑯᓄᒡ ᐃᑕᔨᑕᑯᓱᐤ, ᓇᒪ ᐃᓯᓇᑯᓱᐤ ᒧᔭᒻ ᐊ ‍ ᑎᑲᔅᑕᑎᒡ ᒐᒂᓐ ᐛᐃᐱᔅᒋᔅ ᒥᒄ ᒐᒋ ᓄᒂᒡ᙮
\v 18 ᔅᒋ ‍ ᒥᔨᑯᓄᐤ ᐱᒪᑎᓯᐅᓂᔪᐤ ᐊᓐᑕ ᐅᒋ ᐊᓂᔭ ᐅᑦ ᐃᔨᒧᐅᓐ ᑲ ‍ ᑕᑈᒥᑭᓂᔨᒡ ᒋᔭᓄᐤ ᓂᔅᑎᒻ ᒐᒋ ᐎᐧᑯᒋᐃᑕᐧᒄ ᐅᑕ ᐅᔭ ᐊᔅᒋᔪᐤ᙮
\s1 ᐊ ‍ ᐸᑕᑭᓄᐎᒡ ᑭᔭ ᐊ ‍ ᑐᑕᑭᓄᐎᒡ ᒋᓴᒪᓂᑐᐤ ᐅᑦ ᐃᔨᒧᐅᓐ
\p
\v 19 ᐊᑲᐎᔾ ᐅᓂᒋᔅᒋᓯᒄ ᐅ ᓂᐧᑲᓂᓯᑐᒄ ᑲ ‍ ᓴᒋᐃᑎᑯᒡ᙮ ᒥᓯᐛ ᐊᐛᓐ ᓱᒃ ᒧᔅ ᐃᔭᒂ ᒋᐸ ᐎ ‍ ᓂᑐᑎᒻ, ᒋᐸ ‍ ᒪᒥᑐᓇᔨᑎᒻ ᑭᔭ ᑕᓐ ᐛ ‍ ᐃᔅᒋᔄᑦ ᑭᔭ ᓇᒪ ᑎᐛᒡ ᒋᐸ ᐅᒋ ‍ ᒋᔄᓱᐤ᙮
\v 20 ᐊ ‍ ᒋᔄᓯᑦ ᐊᐛᓐ ᓇᒪ ᑯᐃᔅᒄ ᒋ ‍ ᐃᑐᑎᒻ ᐊᓂᔭ ᑲ ᐃᓯ ‍ ᓂᑐᐛᔨᒥᑯᑦ ᒋᓴᒪᓂᑐᐛ ᒐᒋ ᐃᑐᑕᐧᒃ᙮
\v 21 ᐛᐱᓂᒧᒄ ᒥᓯᐛ ᐎᓂᓱᐅᓐ ᑭᔭ ᒥᓯᐛ ᒥᒐᑎᓯᐅᓐ᙮ ᐱᔅᑎᓂᓱᒄ ᒋᓴᒪᓂᑐᐤ ᐊ ‍ ᑕᑦ, ᑎᑎᒺᐧᒄ ᐅᑦ ᐃᔨᒧᐅᓐ ᒋᑕᐃᐛᒡ ᑲ ‍ ᐱᑕᐊᐧᒃ ᐊᓂᔭ ᒐᒋ ᐱᒪᒋᐃᑯᐛᒄ᙮
\p
\v 22 ᒥᒄ ᓂᑐᑎᒧᑕ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᑲ ᒪᒃ ᐃᑐᑎᒧᑕ, ᒋᐎᔭᓯᐃᓱᓐ᙮ ᐃᑐᑎᒻ ᑕᓐ ᐊ ‍ ᐃᑎᔅᑕᔨᒡ᙮
\v 23 ᐊᓐ ᐊᐛᓐ ᒥᒄ ᑲ ‍ ᓂᑐᑎᒺᑦ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᑲ ᒪᒃ ᐃᑐᑕᐧᒃ ᑕᓐ ᐊ ‍ ᐃᑎᔅᑕᔨᒡ ᒧᔭᒻ ᐊᓐ ᐊᐛᓐ ᑲ ‍ ᑭᓄᐛᐱᒥᓱᑦ ᐛᐱᒥᓱᐅᓂᒡ ᐃᓯᓇᑯᓱᐤ᙮
\v 24 ᐃᔅᐱ ᑲ ‍ ᑭᓄᐛᐱᒥᓱᔨᒋ, ᔅᑐᑕᐤ ᐊᑯ ᑎᐛᒡ ᐅᓂᒋᔅᒋᐤ ᑕᓐ ᐊ ‍ ᐃᓯᓇᑯᓯᑦ᙮
\v 25 ᒋᓴᒪᓂᑐᐤ ᐅᐎᓱᐛᐅᓐ ᓇᔅᒡ ᑕᑈ ᒥᔽᔨᑕᑯᓂᔪᐤ ᑭᔭ ᐊᐱᐧᑯᓂᑯᐅᒡ ᐊᐛᓐᒋ᙮ ᐊᓐ ᒪᒃ ᐊᐛᓐ ᐃᔭᒂ ᑲ ᓂᑐ ‍ ᒋᔅᒐᔨᑕᐧᒃ ᐅᔭ ᐎᓱᐛᐅᓂᔪᐤ ᐊᑲ ᒪᒃ ᐳᓂᑦ ᐅᔭ ᐊ ‍ ᐃᑎᑦ, ᐊᑲ ᐅᓂᒋᔅᒋᓯᑦ ᑕᓐ ᑲ ᐃᓯ ‍ ᐸᑕᐧᒃ, ᐃᑐᑕᒐ ᑕᓐ ᐊ ‍ ᐃᑎᔅᑕᔨᒡ ᐊᓐᑕ, ᐊᐅᒄ ᒐ ‍ ᓱᐛᔨᒥᑯᑦ ᒋᓴᒪᓂᑐᐛ ᒥᓯᐛ ᑕᓐ ᐊ ‍ ᐃᑎᑦ᙮
\p
\v 26 ᐊᐛᓐ ᐊ ‍ ᐃᑕᔨᒥᓱᑦ ᐊ ‍ ᑯᐃᔅᑯᑕᑎᓯᑦ ᒥᒄ ᒪᒃ ᐊᑲ ᒋ ‍ ᓂᓇᑭᑐᐛᔨᑕᐧᒃ ᑕᓐ ᐊ ‍ ᐃᔅᒋᔄᑦ, ᐎᔭᓯᐃᓱᐤ ᐊᓐ ᐊᐛᓐ᙮ ᓇᒪ ᒐᒂᔪᐤ ᐃᑕᐱᑎᓂᔪᐤ ᐅᑦ ᐊᔭᒥᐊᐅᓐ᙮
\v 27 ᐊᓐ ᐊᔭᒥᐊᐅᓐ ᑲ ‍ ᐃᑕᔨᑕᐧᒃ ᒋᓴᒪᓂᑐᐤ ᑲ ‍ ᐅᑕᐎᒪᐅᑦ ᐊ ‍ ᑯᐃᔅᑯᓇᑯᓂᔨᒡ ᑭᔭ ᐊ ‍ ᐸᔭᒋᓇᑯᓂᔨᒡ ᒪᐅ ᐊ ‍ ᐃᓯᓇᒂᒡ, ᐃᑐᑕᑯᐤ ᐊᐛᓐ ᒐᒋ ᒥᔪ ‍ ᐎᒋᐊᑦ ᒋᐅᓴᓂᓴ ᑭᔭ ᑲ ‍ ᐸᐃᑯᓯᔨᒋ ᐃᔎᐛ ᒪᒂᒡ ᐊ ‍ ᐊᔨᒥᐅᔨᒋ ᑭᔭ ᐃᑐᑕᑯᐤ ᐊᐛᓐ ᐊᑲ ᓇᔅᒡ ᒐᒋ ᐎᓂᐃᑯᑦ ᒥᒐᑎᓯᐅᓂᔪᐤ ᑕᓐ ᐊ ᐃᓯ ‍ ᑎᑯᓂᔨᒡ ᐅᑕ ᐊᔅᒋᒡ᙮
\c 2
\s1 ᒥᓯᐛ ᐊᐛᓐ ᐸᐃᑯᓄᒡ ᒐᒋ ᐃᓯ ‍ ᑭᓄᐛᐱᒪᑭᓄᐅᑦ
\s2 James 2.1-10,14-17 (Proper-18 Year B)
\p
\v 1 ᓂᐧᑲᓂᓯᑐᒄ, ᐊ ‍ ᑕᑈᔭᔨᒪᒄ ᐅᑎᐸᔨᒋᒐᐤ ᒋᓴᔅ ᙭ ᐊᓐ ᒪᐅᒡ ᒐᔅᑕᔨᑕᑯᓯᑦ, ᐊᑲᐎᔾ ᐊᑐᐛᔨᒪᐧᒄ ᐊᐛᓐ, ᒥᓯᐛ ᐊᐛᓐ ᐸᐃᑯᓄᒡ ᒋᐸ ‍ ᐃᑕᔨᒪᐛᐤ᙮
\v 2 ᐅᑎᑎᑕᒄ ᐊᓐ ᐊ ‍ ᐛᔪᑎᓯᑦ ᓇᐸᐤ ᒪᒂᒡ ᐊ ‍ ᒪᒧᐎᔭᒄ ᐊ ‍ ᐊᔭᒥᐊᔭᒄ, ᐊ ‍ ᐎᔄᐅᓱᓇᔭᐱᔅᑯᔨᒋ ᒪᒃ ᑕᐱᒋᒐᐱᓱᓇ ᐊ ‍ ᒋᔅᑯᐛᑦ, ᑭᔭ ᓇᔅᒡ ᒥᔽᓯᔨᒋ ᐅᑦ ᐊᐱᒋᑕᐅᓇ, ᒐᒃ ᒪᒃ ᒥᓐ ᑯᑎᒃ ᓇᐸᐤ ᐅᒋ ᐱᒐᑦ, ᓇᔅᒡ ᐊ ‍ ᒋᔅᑎᒪᑎᓯᑦ ᑭᔭ ᓇᔅᒡ ᐊ ‍ ᒋᔅᑎᒪᓯᓇᑯᓂᔨᒋ ᐅᑦ ᐊᐱᒋᑕᐅᓇ,
\v 3 ᒋᔅᑕᔨᒥᑦ ᒪᒃ ᐊᓐ ᑲ ‍ ᐛᔪᑎᓯᑦ ᓇᐸᐤ ᐊ ‍ ᐃᑎᑦ, “ᐊᔅᑎᒻ ᒪ, ᐅᑕ ᐊ ‍ ᒥᔽᒡ ᐸᒋ ‍ ᐊᐱᔾ᙮” ᑭᔭ ᐃᑎᑦ ᐊᓐ ᑲ ‍ ᒋᔅᑎᒪᑎᓯᑦ ᓇᐸᐤ, “ᓇᑕ ᓂᐳᐎ,” ᒪᒃ ᐃᑎᑦ, “ᐅᑕ ᓂᓯᑎᒡ ᐸᒋ ‍ ᐊᐱᔾ,”
\v 4 ᑯᐃᔅᒄ ᐊ ᒋᑦ ᐃᑎᓇᐛᐛᐤ ᐅ ᐊ ‍ ᐃᑎᔭᒄ ? ᒋ ᒥᔪ ‍ ᐃᑐᑐᐛᐛᐤ ᐸᐃᒄ ᐊᑯ ᐊᓐ ᑯᑎᒃ ᓇᒪ ᒧᔭᒻ ᒋ ‍ ᐃᑐᑐᐛᐤ ᒥᒄ ᐊᓂᔭ ᐊ ‍ ᐃᓯᓇᑯᓯᑦ ᐅᔅᒡ᙮ ᒋ ‍ ᐅᓂᐱᔨᓇᐛᐤ ᐊᓂᔭ ᐊ ᐃᓯ ‍ ᑭᓄᐛᐱᒪᑯᒡ᙮
\p
\v 5 ᐃᔭᒂ ᓂᑐᑎᒧᒄ ᓂᐧᑲᓂᓯᑐᒄ᙮ ᓇᒪᔭᐤ ᐊ ᐊᓂᔭ ᑲ ‍ ᒋᔅᑎᒪᑎᓯᔨᒋ ᐅᑕ ᐊᔅᒋᒡ ᐊ ‍ ᑕᔨᒋ ᐅᒋ ᐃᑕᔨᒪᐤ ᒋᓴᒪᓂᑐᐤ ᒥᔅᑎ ᒐᒋ ᐊᔭᔨᒋ ᑕᑈᑎᒧᐅᓂᔪᐤ ᑭᔭ ᒐᒋ ᐊᔭᔨᒋ ᒋᓴᐅᒋᒪᐅᓂᔪᐤ ᐊᓂᔭ ᑲ ‍ ᐃᔅᒋᔄᑦ ᒐᔅᑎᓇᔅ ᒐ ‍ ᒥᔭᑦ ᐊᓂᔭ ᑲ ‍ ᓴᒋᐃᑯᑦ ?
\v 6 ᐊᑯ ᒪᒃ ᒋᔨᐛᐤ ᓇᒪ ᒋ ‍ ᒋᔅᑕᔨᒪᐛᐅᒡ ᐊᓐᒡ ᑲ ‍ ᒋᔅᑎᒪᑎᓯᒡ᙮ ᒥᒄ ᒪᒃ ᓇᒪᔭᐅᒡ ᐊ ᐊᓐᒡ ᑲ ‍ ᐛᔪᑎᓯᒡ ᓇᔅᒡ ᑲ ᐎ ‍ ᐃᑐᑕᑕᑯᒡ, ᒪᒃ ᑎᐸᔅᑯᓂᒐᐅᒋᐛᐱᒡ ᐊ ‍ ᐃᑐᑕᐃᑕᑯᒡ ?
\v 7 ᐊᐅᑯᓐᒡ ᐅᒡ ᑲ ‍ ᐛᔪᑎᓯᒡ ᓇᔅᒡ ᒥᔭᔭᔨᑕᒡ ᐊᓂᔭ ᐃᓯᓂᐧᑲᓱᐅᓂᔪᐤ ᑲ ‍ ᒋᔅᑕᔨᑕᑯᓂᔨᒡ᙮ ᐊᔪᐅᒄ ᐅᔭ ᐃᓯᓂᐧᑲᓱᐅᓂᔪᐤ ᑲ ᐅᒋ ‍ ᐃᑕᔨᒥᑕᒄ ᒋᓴᒪᓂᑐᐤ ᒐᒋ ᑎᐱᔨᐛᐅᓯᑐᑕᑯᐛᒄ᙮
\p
\v 8 ᑕᑈ ᒪᒃ ᒋᑭ ‍ ᒥᔪᑐᑕᓇᐛᐤ ᓂᓇᐃᑎᒪᒂ ᐊᓐ ᒪᐅᒡ ᑲ ‍ ᒋᔅᑕᔨᑕᒂᒡ ᐎᓱᐛᐅᓐ, ᐊᓐ ᑲ ‍ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ‍ ᓴᒋᐃᓱᔨᓐ᙮”
\v 9 ᒧᔭᒻ ᒪᒃ ᐃᔭᒡ ᐃᑕᔨᒪᒂ ᐸᐃᒄ ᐊᐛᓐ ᑕᓐ ᐊ ‍ ᐃᑕᔨᒪᒄ ᑯᑎᒃ ᒋ ‍ ᒥᒋᑐᑕᓇᐛᐤ᙮ ᒋ ‍ ᑕᑈᒥᑯᐅᓇᐛᐤ ᐊ ‍ ᒥᒋᑐᑎᒪᒄ ᐎᓱᐛᐅᓐ ᐅᒡ᙮
\v 10 ᐛᔅ ᐊᓐ ᐊᐛᓐ ᒥᓯᐛ ᐊᓂᔭ ᐎᓱᐛᐅᓂᔪᐤ ᑲ ‍ ᓂᓇᐃᑕᐧᒃ ᒥᒄ ᒪᒃ ᐸᐃᒄ ᒐᒂᔪᐤ ᐊᓐᑕ ᑕᓐ ᐊ ‍ ᐃᑎᔅᑕᔨᒡ ᐱᑯᓇᒐ ᒥᓯᐛ ᐊᓂᔭ ᐎᓱᐛᐅᓂᔪᐤ ᐊ ‍ ᐱᑯᓇᐧᒃ ᐃᓯᓇᑯᓱᐤ᙮
\v 11 ᐊᓐ ᐊᐛᓐ ᑲ ‍ ᐃᔅᒋᔄᑦ, “ᐊᑲᐎᔾ ᐱᓯᒂᑎᓯ,” ᒋ ‍ ᐃᔅᒋᔄᐤ ᑭᔭ, “ᐊᑲᐎᔾ ᓂᐸᐃ ᐊᐛᓐ᙮” ᐊᑎ ᒪᒃ ᐊᑲ ᐸᓯᒂᑎᓯᐎᓇ ᑲ ‍ ᓂᐸᐊᐅᑕ ᒪᒃ ᐊᐛᓐ ᒋ ‍ ᐱᑯᓇᓐ ᒥᓯᐛ ᐎᓱᐛᐅᓐ᙮
\p
\v 12 ᒋᐸ ᐃᓯ ‍ ᐃᔨᒥᓇᐛᐤ ᒪᒃ ᑭᔭ ᒋᐸ ‍ ᐃᑎᓇᐛᐤ ᒧᔭᒻ ᐊᐛᓐᒋ ᐊᔅᒄ ᒐ ‍ ᑎᐸᔅᑯᓇᑭᓄᐎᒡ ᐊᓂᔭ ᐎᓱᐛᐅᓂᔪᐤ ᑲ ‍ ᐊᐱᐧᑯᓂᐛᒥᑭᓂᔨᒡ ᐅᒡ᙮
\v 13 ᐊᐛᓐ ᐊᑲ ᒋᔅᑎᒪᒐᔨᒪᑦ ᑯᑎᑲ ᐊᐛᔪᐛ ᓇᒪ ᑭᔭ ᐎᔾ ᒋᑭ ᐅᒋ ‍ ᒋᔅᑎᒪᒐᔨᒪᑭᓄᐤ ᐃᔅᐱ ᑎᐸᔅᑯᓇᑭᓄᒐ᙮ ᒥᒄ ᒪᒃ ᐊᓐ ᐊᐛᓐ ᑲ ‍ ᒋᔅᑎᒪᒐᔨᒪᑦ ᑯᑎᑲ ᐊᐛᔪᐛ ᓇᒪ ᒋᑭ ᐅᒋ ‍ ᑯᔅᑕᒍᐤ ᒐᒋ ᑎᐸᔅᑯᓇᑭᓄᐅᑦ᙮
\s1 ᑕᑈᑎᒧᐅᓐ ᑭᔭ ᓴᒋᐃᐛᐅᓐ
\s2 James 2.1-10,14-17 (Proper-18 Year B)
\p
\v 14 ᓂᐧᑲᓂᓯᑐᒄ, ᑕᓐ ᐃᓯ ᐎᔭᐱᒡ ᐊᐛᓐ ᐊ ‍ ᐃᔅᒋᔄᑦ, ᓂ ‍ ᑕᑈᔭᔨᒪᐤ ᒋᓴᒪᓂᑐᐤ, ᐊᑲ ᒪᒃ ᒥᔪᑐᑎᒧᐛᑦ ᐊᐛᔪᐛ᙮ ᒋᑭ ᒋ ‍ ᐱᒪᒋᐃᑯᐤ ᐊ ᒥᒄ ᐊ ‍ ᐃᔅᒋᔄᑦ, ᓂ ‍ ᑕᑈᑕᓐ ?
\v 15 ᑕᑦ ᐊᓐ ᒋᐧᑲᓂᓯᓄᐤ ᐊ ‍ ᓂᑐᐛᔨᑕᐧᒃ ᒐᒂᔪᐤ ᒐ ‍ ᒋᔅᑲᐧᒃ, ᒪᒃ ᒥᒋᒥᔪᐤ ᐊ ‍ ᓄᑕᐱᔨᑦ,
\v 16 ᑕᓐ ᐃᓯ ᐎᔭᐱᒡ ᒥᒄ ᐊ ‍ ᐃᑎᑦ, “ᒋᓴᒪᓂᑐᐤ ᒋᑭ ‍ ᓱᐛᔨᒧᒄ᙮ ᒋᓱᐛᔅᐱᓱᐤ ᑭᔭ ᒋᔅᐳᐃᓱᐤ,” ᐊᑲ ᒪᒃ ᒥᔨᑕ ᐊᓂᔭᔪᐛ ᒐᒂᔪᐛ ᑕᓐ ᐊ ᐃᓯ ‍ ᓂᑐᐛᔨᑕᐧᒃ᙮
\v 17 ᐊᐅᑯᓐ ᒪᒃ ᒧᔭᒻ ᐊ ‍ ᐃᓯᓇᒂᒡ ᐊᐛᓐ ᐊ ‍ ᐃᔅᒋᔄᑦ, “ᓂ ‍ ᑕᑈᔭᔨᒪᐤ ᒋᓴᒪᓂᑐᐤ,” ᐊᑲ ᒪᒃ ᓄᑯᓂᔨᒡ ᑕᓐ ᐊ ᐃᓯ ‍ ᒥᔪᑐᑕᐧᒃ, ᓇᒪ ᐊᐱᑎᓂᔪᐤ ᐅᑕᑈᑎᒧᐅᓐ᙮
\p
\v 18 ᒋᑭ ᒋ ‍ ᐃᓯᓇᑯᓐ ᐱᔅᒐ ᐊᐛᓐᒋ ᒐᒋ ᐃᔅᒋᔄᒡ, “ᒋ ‍ ᑭᓄᐛᔨᑕᓐ ᒋᔾ ᑕᑈᑎᒧᐅᓐ, ᐊᑯ ᓂᔾ ᓂ ᒥᔪ ‍ ᐊᑐᔅᒐᓐ᙮” ᓂᐸ ‍ ᐃᑕᐤ ᐅ ᐊᐛᓐ, “ᐸᒋ ‍ ᐛᐸᑎᔨ ᐊᓐ ᒋᑕᑈᑎᒧᐅᓐ ᐊᑲ ᐊᔅᑎᓂᒥᓐ ᒋ ᒥᔪ ‍ ᐊᑐᔅᒐᐅᓐ ᑭᔭ ᒐ ‍ ᐛᐸᑎᔨᑕᓐ ᓂᔾ ᓂ ᒥᔪ ‍ ᐊᑐᔅᒐᐅᓐ ᐊ ‍ ᐊᔅᑎᓂᒪᓐ ᐊᓐᑕ ᓂᑕᑈᑎᒧᐅᓐ᙮”
\v 19 ᒋ ‍ ᑕᑈᑕᓐ ᐊ ᒥᒄ ᐊ ‍ ᐸᐃᑯᓯᑦ ᒋᓴᒪᓂᑐᐤ ? ᒥᔽᓱᐤ ᐅ ᐊ ‍ ᑕᑈᑎᒥᓐ᙮ ᑭᔭ ᐎᔨᐛᐤ ᒥᒋ ‍ ᐊᒐᐧᑯᒡ ᑕᑈᑎᒧᒡ ᐅᔭ, ᓂᓇᒥᐱᔪᐅᒡ ᒪᒃ ᐊ ᐃᔅᐱᔅ ‍ ᓴᒋᓯᒡ᙮
\p
\v 20 ᒋ ‍ ᓂᑐᐛᔨᑕᓐ ᐊ ᒐᒋ ᐛᐸᑎᔨᑯᔨᓐ, ᒋᔾ ᒋᔎᐧᑲᓐ, ᐊᑲ ᒐᒂᓐ ᐃᓯᓇᑯᓂᔨᒡ ᐊᐛᓐ ᐅᑕᑈᑎᒧᐅᓐ ᐊᑲ ᓄᑯᓂᔨᒐ ᐅᑦ ᐊᑐᔅᒐᐅᓐ ?
\v 21 ᑕᓐᑕ ᑲ ᐅᒋ ‍ ᑯᐃᔅᑯᓇᑯᐊᑭᓄᐅᑦ ᐎᔾ ᐊᓂᔭᐧᑲ ᒍᑕᐎᓄᐤ ᐊᑉᕋᐊᒻ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᓇᒪᔭᐤ ᐊ ᐊᓂᔭ ᐊᒋ ‍ ᐱᔅᑕᔨᒪᑦ ᐅᑯᓴ ᐊᐃᓯᑲ ᒋᓴᒪᓂᑐᐛ ᐃᔅ ᐊ ‍ ᑕᔨᒋ ᐛᒋ ‍ ᑯᐃᔅᑯᓇᑯᐊᑭᓄᐅᑦ, ᐱᔅᑎᓂᒐᐅᓇᐱᔅᑯᒡ ᑲ ‍ ᐱᔅᑎᓇᑦ᙮
\v 22 ᒋ ‍ ᐛᐸᑎᒺᓐ ᐊ ᑕᓐ ᑲ ᐃᓯ ‍ ᒪᒧᐤ ᐊᑐᔅᒐᒥᑭᓂᔨᒡ ᐅᑕᑈᑎᒧᐅᓐ ᑭᔭ ᐅᑦ ᐊᑐᔅᒐᐅᓐ᙮ ᐊᓂᔭ ᐅᑕᑈᑎᒧᐅᓐ ᒋ ‍ ᒥᑐᓇᑯᓂᔪᐤ ᐅᑦ ᐊᑐᔅᒐᐅᓂᒡ ᐅᒡ᙮
\v 23 ᒋ ‍ ᑎᐱᐱᔪᐤ ᒪᒃ ᐊᓐ ᑲ ‍ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᐊᑉᕋᐊᒻ ᒋ ‍ ᑕᑈᔭᔨᒪᐤ ᒋᓴᒪᓂᑐᐛ ᐊᐅᒄ ᒪᒃ ᐛᒋ ‍ ᐃᑕᔨᒥᑯᑦ ᐊ ‍ ᑯᐃᔅᑯᑕᑎᓯᑦ᙮ ᐊᑉᕋᐊᒻ ᒪᒃ ᒋᓴᒪᓂᑐᐤ ᐅᐎᒐᐛᑭᓇ ᒋ ‍ ᐃᓯᓂᐧᑲᑕᑭᓄᐤ᙮
\m
\v 24 ᒋ ‍ ᐛᐸᑕᓐ ᒪᒃ, ᑯᐃᔅᑯᓇᑯᐊᑭᓄᐤ ᐊᐛᓐ ᐊᑐᔅᒐᐅᓂᒡ ᐅᒡ, ᓇᒪ ᒥᒄ ᑕᑈᑎᒧᐅᓂᒡ ᐅᒡ᙮
\p
\v 25 ᒧᔭᒻ ᐊᓐ ᐱᓯᒂᑎᓯᔎᐤ ᕋᐊᑉ ᓇᒪᔭᔪᐤ ᐊ ᐛᒋ ‍ ᑯᐃᔅᑯᓇᑯᐊᑭᓄᐅᑦ ᐊᓂᔭ ᐅᒋ ᑕᓐ ᑲ ‍ ᐃᑎᑦ ? ᒋ ‍ ᐎᒋᐊᐤ ᒍᐤ ᐊᓯᒪᑭᓂᓴ ᐊᒋ ‍ ᐱᑎᑲᐊᑦ ᐎᒋᒡ ᑭᔭ ᐊᒋ ‍ ᒋᑎᓴᐛᑦ ᑯᑎᒋᔪᐤ ᒪᔅᑭᓇᔪᐤ ᐊᒋ ‍ ᐛᐸᑎᔭᑦ ᒐ ‍ ᐊᐱᒋᑕᔨᒋ᙮
\v 26 ᐛᔅ ᐊᑲ ᑕᑦ ᐊᒐᐧᒄ ᒥᔭᒡ, ᓂᐱᒥᑭᓐ ᐊᓐ ᒥᔪᐤ᙮ ᐊᐅᑯᓐ ᒧᔭᒻ ᐊ ‍ ᐃᓯᓇᒂᒡ ᑕᑈᑎᒧᐅᓐ, ᐊᑲ ᐊ ‍ ᐊᓯᒡ ᑎᒂᒡ ᒥᔪ ‍ ᐊᑐᔅᒐᐅᓐ ᓂᐱᒥᑭᓐ ᐊᓐ ᑕᑈᑎᒧᐅᓐ᙮
\c 3
\s1 ᒥᑐᓐ ᑕᓐ ᐊ ᐃᓯ ‍ ᐅᓂᑐᑕᒐᒥᑲᒡ
\s2 James 3.1-12 (Proper-19 Year B)
\p
\v 1 ᓂᐧᑲᓂᓯᑐᒄ, ᐊᑲᐎᔾ ᒋᑭ ᐅᒋ ‍ ᒥᒐᑎᓇᐛᐤ ᐊ ‍ ᒋᔅᑯᑎᒪᒐᔭᒄ᙮ ᒋ ‍ ᒋᔅᒐᔨᑕᓇᐛᐤ ᒋᔭᓄᐤ ᑲ ‍ ᒋᔅᑯᑎᒪᒐᔭᐧᒄ ᐅᔅᑕ ᒐ ‍ ᐊᒂᑕᔨᑕᒂᒡ ᑕᓐ ᒐ ᐃᓯ ‍ ᑎᐸᔅᑯᓂᑯᐅᔭᐧᒄ᙮
\v 2 ᒥᓯᐛ ᐊᐛᓐ ᒥᒐᑥᐤ ᐅᓂᐱᔪᐤ᙮ ᐊᓐ ᐊᐛᓐ ᐊᑲ ᓂᑕ ᐅᓂᐱᔨᑦ ᑕᓐ ᐊ ‍ ᐃᔅᒋᔄᑦ ᓇᒪ ᑎᑯᓂᔪᐤ ᒥᒐᑎᓯᐅᓂᔪᐤ ᒐᒋ ᐃᓯ ‍ ᐊᑕᒪᔨᑕᑯᓯᑦ, ᑭᔭ ᒋ ‍ ᐃᑐᐤ ᒐᒋ ᓂᓇᑭᑐᐛᔨᑕᐧᒃ ᒥᓯᐛ ᑕᓐ ᐊ ‍ ᐃᑎᑦ᙮
\p
\v 3 ᒪᒥᑐᓇᔨᒻ ᒪ ᑲᐸᐃᑭᔎᐤ, ᐃᓴᑯᔪᐤ ᑕᐧᑯᑕᑎᒧᑎᔭᑭᓄᐤ ᒐᒋ ᓂᓇᐃᑕᐧᒃ, ᐃᑐᑕᐤ ᒥᒄ ᑕᓐᑕ ᓇᑐᐛᔨᒪᑭᓄᐅᑦ ᒐ ‍ ᐃᑐᑕᑦ᙮
\v 4 ᒪᒥᑐᓇᔨᑕ ᒪ ᑭᔭ ᐊ ‍ ᒥᓴᔨᒋ ᐅᐤᑕ, ᐊᑎ ᐊᓂᔭ ᐊ ‍ ᐊᔭᔅᐱᓴᒋ ᑭᔭ ᐊ ‍ ᓱᒋᔪᑎᒡ ᐊ ᐅᒋ ‍ ᐱᒪᔅᑎᒋ, ᓇᔅᒡ ᐊᐱᓯᓱᐤ ᐊᓐ ᑕᐧᑲᐃᑭᓐ ᐃᔭᐱᒡ ᒪᒃ ᒋ ‍ ᒪᒥᓄᐊᔨᑭᓄᐤ᙮ ᒋ ‍ ᐃᑐᑎᒻ ᐊᓐ ᑲ ‍ ᐱᒥᐱᔨᑕᑦ ᐊᓂᔭ ᐅᐤᑎᔪᐤ ᒐᒋ ᒂᔅᒋᑯᑕᑦ ᐊᓂᔭ ᐅᐤᑎᔪᐤ, ᑕᓐᑕ ᐛ ᐃᑎᑯᑕᑦ ᒐᒋ ᐃᑎᑯᑎᓂᔨᒡ᙮
\v 5 ᐊᐅᑯᓐ ᒪᒃ ᒧᔭᒻ ᐊ ‍ ᐃᑕᔨᑕᒂᒡ ᒥᑕᔨᔾ᙮ ᓇᔅᒡ ᐊᐱᓯᓱᐤ, ᐃᔭᐱᒡ ᒪᒃ ᒥᔅᑎ ᒋᑭ ᒋ ‍ ᐅᓂᑐᑕᒐᒥᑭᓐ᙮ ᒪᒥᑐᓇᔨᑕ ᒪᒃ ᑭᔭ ᐃᔅᑯᑕᐤ᙮ ᒥᔅᑎ ᓂᓱᐅᓇᑎᓐ ᒐᒂᓐ ᓄᒋᒥᒡ ᐊ ‍ ᐎᐃᑕᒡ, ᒋ ‍ ᐊᐱᓯᓱᐤ ᒪᒃ ᓂᔅᑎᒻ ᐊᓐ ᐃᔅᑯᑕᐤ᙮
\p
\v 6 ᒧᔭᒻ ᐃᔅᑯᑕᐤ ᑲ ‍ ᐃᑕᔨᑕᒂᒡ ᐊᐅᑯᓐ ᐊ ‍ ᐃᑕᔨᑕᒂᒡ ᒥᑕᔨᔾ᙮ ᒥᓯᐛ ᑕᓐ ᐊ ᐃᓯ ‍ ᑎᒂᒡ ᒥᒐᑎᓯᐅᓐ ᐅᑕ ᐊᔅᒋᒡ ᐊᑯᑕ ᒥᑕᔨᔨᒡ ᐊ ‍ ᑎᒂᒡ, ᒋᔪᓇᒡ ᒪᒃ ᐊᑯᑕ ᐊ ‍ ᑎᒂᒡ᙮ ᓇᔅᒡ ᐎᓂᐃᐛᒥᑭᓐ ᑕᓐ ᐊ ‍ ᐃᔅᐱᓴᒡ ᒥᔪᐤ᙮ ᐅᔅᑭᒡ ᐸᒪᑎᓯᑦ ᐊᐛᓐ ᒧᓯᓇᐤ ᐃᔅᑯᑕᐤ ᐃᓯᓇᑯᓂᔪᐤ ᐅᑕᔨᔾ ᐱᐃᒻ ᓇᐱᑦ, ᒥᒋ ‍ ᐃᔅᑯᑕᒡ ᒪᒃ ᐊᑯᑕ ᐛᒋ ‍ ᓯᔅᑲᐃᑭᓄᐎᒡ᙮
\p
\v 7 ᑭᔅᒋᐅᐤ ᓇᐸᐤ ᒥᓯᐛ ᐊ ‍ ᐃᑕᔨᑕᑯᓯᔨᒋ ᐊᐛᓯᓴ ᒐᒋ ᔪᔅᐸᓴᐊᑦ᙮ ᑯᑎᑲ ᓴᔅ ᒋ ‍ ᔪᔅᐸᓴᐊᐤ, ᒧᔭᒻ ᐱᔭᓯᓴ, ᓂᓇᐧᑯᐤ ᒥᓐᑐᓴ, ᑭᔭ ᓂᒪᓴ᙮
\v 8 ᒥᒄ ᒪᒃ ᓇᒪ ᐊᔅᒄ ᑕᐤ ᐊᐛᓐ ᒐᒋ ᓂᓇᑭᑐᐛᔨᑕᐧᒃ ᑕᓐ ᐊ ᐃᓯ ‍ ᐃᔨᒥᑦ᙮ ᓇᒪ ᒋ ‍ ᔪᔅᐱᓯᑕᑭᓄᐤ ᐊ ᐃᔅᐱᔅ ‍ ᒪᔭᑎᒡ ᒥᑕᔨᔾ᙮ ᓇᔅᒡ ᓴᑭᔅᒋᓇᐤ ᐊᓐᑕ ᐱᒋᐳᔪᐅᓐ ᑲ ‍ ᓂᐸᐃᐛᒡ᙮
\p
\v 9 ᒋᑐᓄᐤ ᒋᑦ ᐊᐱᒋᑕᓇᓄᐤ ᐊ ‍ ᒪᒥᒋᒪᐧᒄ ᒋᑎᐸᔨᒋᒐᓯᒥᓄᐤ ᑭᔭ ᒍᑕᐎᓄᐤ, ᐊᐅᑯᓐ ᑭᔭ ᐃᔭᐱᒋᑕᔭᐧᒄ ᐊ ᒥᒋ ‍ ᐊᔨᒧᒪᐧᑯᒡ ᐊᐛᓐᒋ, ᐊᓂᔭᔪᐛ ᒋᓴᒪᓂᑐᐤ ᑲ ‍ ᐅᓯᐊᑦ ᒧᔭᒻ ᐎᔾ ᐊ ‍ ᐃᓯᓇᑯᓯᑦ ᒐᒋ ᐃᓯᓇᑯᓯᔨᒋ᙮
\v 10 ᐸᐃᑯᓐ ᐊᓐ ᒥᑐᓐ ᐊᓐᑕ ᐛᒋ ‍ ᒪᒥᒋᒪᑭᓄᐅᑦ ᒋᓴᒪᓂᑐᐤ ᑭᔭ ᐊ ᐅᒋ ᒥᒋ ‍ ᐊᔨᒧᒪᑭᓄᐎᒡ ᐊᐛᓐᒋ᙮ ᓂᐧᑲᓂᓯᑐᒄ, ᓇᒪ ᒋᐸ ᐅᒋ ‍ ᐃᓯᓇᑯᓐ ᐅ᙮
\v 11 ᐊ ‍ ᒧᔅᒋᒍᐅᒡ ᓂᐱᔾ ᓇᒪ ᑕᐱᔅᑯᓐ ᐊ ‍ ᒥᔽᑭᒥᒡ ᑭᔭ ᐊ ‍ ᒥᒐᑭᒥᒡ ᒋᑭ ᒋ ‍ ᐅᒋᒍᐅᓐ ᐊᓐᑕ᙮
\v 12 ᓂᐧᑲᓂᓯᑐᒄ, ᓇᒪ ᐎᓯᒋᒥᓇ ᓂᑕᐅᒋᑕᐤ ᐛᐱᒥᓇᑎᒄ ᑭᔭ ᒪᒃ ᐊᓐᑕ ᒥᓂᓴᑎᑯᒡ ᓇᒪ ᐛᐱᒥᓂᒡ ᒋᑭ ᐅᒋ ‍ ᓂᑕᐅᒍᐅᒡ᙮ ᑭᔭ ᐊᓐᑕ ᐊ ‍ ᒧᔅᒋᒍᐅᒡ ᓇᒪ ᒋᑭ ᒋ ‍ ᐅᒋᐱᔪᐤ ᐊ ‍ ᒥᔽᑭᒥᒡ ᓂᐱᔾ ᑭᔭ ᓯᐅᑕᑭᓇᐳᔾ᙮
\s1 ᑭᒐᑕᐛᔨᑎᒧᐅᓐ ᒋᓴᒪᓂᑐᐤ ᐊ ‍ ᑕᑦ ᐊ ‍ ᐅᒋᐱᔨᒡ
\s2 James 3.13-4.3,7-8a (Proper-20 Year B)
\p
\v 13 ᑕᐤ ᐊ ᐊᐛᓐ ᐊᓐᑕ ᐊ ‍ ᑎᓯᔭᒄ ᐊ ‍ ᑭᒐᑕᐛᔨᑕᐧᒃ ᑭᔭ ᐊ ‍ ᐊᔭᑦ ᓂᔅᑐᑎᒧᐅᓂᔪᐤ ? ᐊᑯᔅ ᒋᑭ ‍ ᐛᐸᑎᔨᐛᐤ ᐅᔭ ᑯᐃᔅᒄ ᐊ ᐃᓯ ‍ ᐱᒪᑎᓯᑦ ᑭᔭ ᐊ ‍ ᐊᑐᔅᒐᑦ ᒋᐸ ‍ ᓄᑯᓂᔪᐤ ᐊ ‍ ᑭᒐᑕᐛᔨᑕᐧᒃ ᐊᓂᔭ ᐅᒋ ᐊ ‍ ᑎᐱᑕᔨᒥᓱᑦ᙮
\v 14 ᒥᒋ ‍ ᐅᑕᔨᑎᒧᐅᓐ ᒪᒃ ᐊ ‍ ᐊᔭᐛᒂ ᒋᑕᐃᐛᒡ, ᒪᒃ ᒥᒄ ᒧᔅ ᒋᔨᐛᐤ ᓂᑲᓐ ᐎ ᐃᓯ ‍ ᐱᔅᑎᓂᓱᔭᒂ, ᐊᑲᐎᔾ ᒪᒥᒋᒧᒄ ᑭᔭ ᐊᑲᐎᔾ ᒋᑭ ᐅᒋ ‍ ᑭᑭᒋᔭᓇᐛᐤ ᐊ ᐎ ‍ ᑲᑕᔭᒄ ᑕᑈᐅᓐ᙮
\v 15 ᓇᒪ ᒋᓴᒪᓂᑐᐤ ᐊ ‍ ᑕᑦ ᐅᒋᐱᔪᐤ ᐅ ᑲ ‍ ᐃᑕᔨᑕᒂᒡ ᑭᒐᑕᐛᔨᑎᒧᐅᓐ, ᐅᑕ ᐊᔅᒋᒡ ᐅᒋᒥᑭᓐ, ᓇᐸᐤ ᐅᔭ ᐅᑭᒐᑕᐛᔨᑎᒧᐅᓐ, ᒥᒋᒥᓂᑐᐤ ᐊ ‍ ᑕᑦ ᐅᒋᐱᔪᐤ᙮
\v 16 ᐛᔅ ᐊᓐᑕ ᐊ ‍ ᑎᒂᒡ ᐅᑕᔨᑎᒧᐅᓐ ᑭᔭ ᒧᔅ ᓂᑲᓐ ᐊ ᐎ ᐃᓯ ‍ ᐱᔅᑎᓂᓱᓇᓄᐅᒡ ᐊᑯᑕ ᐊ ‍ ᑎᒂᒡ ᐛᐛᓇᔨᑎᒧᐅᓐ ᑭᔭ ᓂᓇᐧᑯᐤ ᒥᒋᐃᑐᐅᓐ᙮
\p
\v 17 ᐊᓐ ᒪᒃ ᑭᒐᑕᐛᔨᑎᒧᐅᓐ ᐃᔅᐱᒥᒡ ᑲ ‍ ᐅᒋᐱᔨᒡ ᓂᔅᑎᒻ ᓇᔅᒡ ᐸᔭᐧᑭᓐ, ᐊᑯ ᒥᓐ ᐊ ‍ ᒋᔭᒪᔨᑕᑯᐃᐛᒥᑲᒡ, ᔪᔅᐸᔨᑕᑯᐃᐛᒥᑲᒡ, ᑭᔭ ᐃᑐᑕᑯᐤ ᐊᐛᓐ ᐃᔭᒂ ᒐᒋ ᓂᑐᑐᐛᑦ ᐊᐛᔪᐛ᙮ ᐊᐛᓐ ᐊ ‍ ᐊᔭᑦ ᐅᔭ ᑭᒐᑕᐛᔨᑎᒧᐅᓂᔪᐤ ᓇᔅᒡ ᒋᑭ ‍ ᐛᔪᒡ ᒋᓴᐛᑐᑐᐛᐤ ᐊᐛᔪᐛ ᑭᔭ ᒥᔅᑎ ᒋᑭ ‍ ᒥᔪᑐᑎᒪᒐᐤ, ᐸᐃᑯᓄᒡ ᒋᑭ ᐃᓯ ‍ ᑭᓄᐛᐱᒪᐤ ᒥᓯᐛ ᐊᐛᔪᐛ ᑭᔭ ᓇᒪ ᓇᔅᒡ ᒋᑭ ᐅᒋ ᐎ ‍ ᑭᑲᑕᐤ ᑕᓐ ᐊᓐ ᐊ ‍ ᐃᑕᔨᑕᑯᓯᑦ᙮
\v 18 ᐅᔭ ᐊ ᐃᓯ ‍ ᐱᒪᑎᓯᑦ ᐊᐛᓐ ᐊᔭᐛᐤ ᒋᓴᒪᓂᑐᐛ ᐅᒋᔭᒪᔨᑎᒧᐅᓂᔪᐤ᙮ ᐎᒋᐊᐤ ᑭᔭ ᑯᑎᑲ ᐊᐛᔪᐛ ᒐᒋ ᑯᐃᔅᑯᑕᑎᓯᔨᒋ ᒐᒋ ᐊᔭᔨᒋ ᒋᓴᒪᓂᑐᐛ ᐅᒋᔭᒪᔨᑎᒧᐅᓂᔪᐤ᙮
\c 4
\s1 ᑕᓐᑕ ᐛᒋᐱᔨᒡ ᐊ ‍ ᒪᒥᒋᐱᔨᐃᑐᓇᓄᐅᒡ
\p
\v 1 ᑕᓐᑕ ᐛᒋᐱᔨᒡ ᐊᓐ ᐊ ‍ ᒪᓯᐃᑐᔭᒄ ᑭᔭ ᐊ ‍ ᐊᔭᔅᑕᒥᑐᔭᒄ ? ᐱᒡ ᐊᓐᑕ ᐊ ‍ ᑕᑦ ᐊᐛᓐ ᒧᔭᒻ ᐊ ‍ ᒪᓯᒐᐱᔨᒋ ᐃᓯᓇᑯᓂᔪᐛ ᐊᓂᔭ ᒐᒂᔪᐛ ᑲ ‍ ᒧᔅᑕᓇᔨᑕᐧᒃ ᒐᒋ ᓂᓇᐊᔨᑎᒥᐃᑯᑦ᙮
\v 2 ᐊ ‍ ᓂᑐᐛᔨᑎᒪᒄ ᒐᒂᓐ ᐊᑲ ᒪᒃ ᒋ ‍ ᐊᔭᔭᒄ, ᒐᒃ ᓇᔅᒡ ᒋ ᐎ ‍ ᓂᐸᐊᐛᐤ ᐊᐛᓐ᙮ ᓇᔅᒡ ᐊ ‍ ᒧᔅᑕᓇᔨᑎᒪᒄ ᒐᒋ ᐊᔭᔭᒄ ᒐᒂᓐ ᐊᑲ ᒪᒃ ᒋ ‍ ᐎᐧᑯᒋᑎᒪᓱᔭᒄ, ᐊᑯᑕ ᐛᒋᐱᔨᒡ ᐊ ‍ ᒪᓯᐃᑐᔭᒄ ᑭᔭ ᐊ ‍ ᐊᔭᔅᑕᒥᑐᔭᒄ᙮ ᓇᒪ ᒪᒃ ᔅᒋ ‍ ᐊᔭᓇᐛᐤ ᑕᓐ ᐊ ᐃᓯ ‍ ᓂᑐᐛᔨᑎᒪᒄ ᐊᑲ ᓂᑐᑎᒪᔭᒄ᙮
\v 3 ᐊ ‍ ᓂᑐᑎᒪᔭᒄ ᓇᒪ ᒋ ‍ ᒥᔅᑲᓇᐛᐤ ᑕᓐ ᑲ ᐃᓯ ‍ ᓂᑐᑎᒪᔭᒄ, ᐛᔅ ᓇᒪ ᒥᔽᓱᐤ ᒐᒂᓐ ᐛᒋ ‍ ᓂᑐᐛᔨᑎᒪᒄ ᐅᔭ ᒐᒂᔪᐛ᙮ ᒋ ‍ ᓂᑐᐛᔨᑕᓇᐛᐤ ᒐᒂᔪᐛ ᒥᒄ ᒋᔨᐛᐤ ᒐᒋ ᓂᓇᐊᔨᑎᒥᐃᓱᔭᒄ ᑕᓐ ᐊ ᐃᓯ ᒥᒋ ‍ ᓂᑐᐛᔨᑎᒪᒄ᙮
\p
\v 4 ᑕᑈ ᓂᑐᐎᔾ ᑲ ‍ ᐃᑎᔭᒄ᙮ ᓇᒪᐎᔾ ᐊ ᒋ ‍ ᒋᔅᒐᔨᑕᓇᐛᐤ ᐊᐛᓐ ᐊ ‍ ᓴᒋᑕᑦ ᑕᓐ ᐊ ‍ ᐃᑕᑎᓯᓇᓄᐎᒡ ᐅᑕ ᐊᔅᒋᒡ, ᐛᐧᑲᑕᐤ ᒋᓴᒪᓂᑐᐛ ? ᐊᓐ ᐊᐛᓐ ᑲ ‍ ᓴᒋᑕᑦ ᑕᓐ ᐊ ‍ ᐃᑕᑎᓯᓇᓄᐎᒡ ᐅᑕ ᐊᔅᒋᒡ, ᐃᑐᑕᓱᐤ ᒐᒋ ᐛᐧᑲᑕᑦ ᒋᓴᒪᓂᑐᐛ᙮
\v 5 ᒋᑦ ᐃᑕᔨᑕᓇᐛᐤ ᐊ ᐊᑲ ᑕᑈᒥᑲᒡ ᐊᓐ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ‍ ᐃᑎᔅᑕᒡ, “ᐊᓂᔭ ᑲ ‍ ᐸᔭᒋᓯᔨᒋ ᐊᒐᒂ ᒋᓴᒪᓂᑐᐤ ᑲ ‍ ᒥᔨᑕᐧᒄ ᒐᒋ ᑕᔨᒋ ᐊᓐᑕ ᒋᐱᒪᑎᓯᐅᓇᒡ ᐃᔭᒂ ᒋ ‍ ᓂᓇᑭᑐᐛᔨᒥᑭᓄᐤ ᒥᒄ ᒋᓴᒪᓂᑐᐛ ᐊ ‍ ᑕᔨᒋ ᒐᒋ ᐃᓯ ‍ ᐱᒪᑎᓯᔭᐧᒄ᙮” ᐊᓐ ᐊᒐᐧᒄ ᐅᑕᔨᑎᒻ ᐊᑲ ᐃᑐᑎᒪᐧᒄ ᑕᓐ ᐊ ᐃᓯ ‍ ᓂᑐᐛᔨᒥᑕᐧᒃ ᒋᓴᒪᓂᑐᐤ ᒐᒋ ᐃᑐᑎᒪᐧᒄ᙮
\v 6 ᒥᒄ ᒪᒃ ᒋᓴᒪᓂᑐᐤ ᐊᑐᐎᔅ ᒥᔅᑎ ᒥᔭᐤ ᓱᐛᔨᒋᒐᐅᓂᔪᐤ ᐊᓂᔭ ᐊᐛᔪᐛ ᐎᔾ ᐊ ‍ ᑕᑦ ᑲ ᐃᓯ ‍ ᐱᒪᑎᓯᔨᒋ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒋᓴᒪᓂᑐᐤ ᓂᔅᑯᔅᑐᐛᐤ ᐊᓂᔭᔪᐛ ᑲ ‍ ᒋᔅᑕᔨᒥᓱᔨᒋ ᒥᒄ ᒪᒃ ᓱᐛᔨᒋᒐᐅᓂᔪᐤ ᒥᔭᐤ ᐊᓂᔭ ᑲ ‍ ᑎᐱᑕᔨᒥᓱᔨᒋ᙮
\s2 James 3.13-4.3,7-8a (Proper-20 Year B)
\p
\v 7 ᐊᑯ, ᐱᔅᑕᔨᒥᑎᓱᔅᑐᐛᐧᒄ ᒋᓴᒪᓂᑐᐤ᙮ ᓂᔅᑯᔅᑐᐛᐧᒄ ᒥᒋᒥᓂᑐᐤ ᑭᔭ ᒐ ‍ ᐅᓯᒥᑕᒄ᙮
\v 8 ᐸᓱᐛᐱᒪᐧᒄ ᒋᓴᒪᓂᑐᐤ ᑭᔭ ᒐ ‍ ᐸᓱᐛᐱᒥᑕᒄ ᑭᔭ ᒋᔨᐛᐤ᙮ ᑲᓯᑎᒐᒄ ᒋᔨᐛᐤ ᐅᒥᒋᑥᐅᒡ, ᐊᑯ ᒋᔨᐛᐤ ᑲ ‍ ᐊᔭᒥᐊᐧᑲᓱᔭᒄ ᐸᔭᒋᑕᒄ ᒋᑕᐃᐛᐛ᙮
\v 9 ᒥᑕᒋᔨᐛᓯᒄ, ᒥᒐᔨᑎᒧᒄ ᑭᔭ ᒐ ‍ ᒪᔭᒄ᙮ ᒐ ‍ ᒪᔭᒄ ᐃᔅᐱᔅ ᐎ ᒐᒋ ᐸᐱᔭᒄ᙮ ᒥᓯᒪᔨᑎᒧᒄ ᐃᔅᐱᔅ ᐎ ᒐᒋ ᒥᔽᔨᑎᒪᒄ᙮
\v 10 ᑎᐱᑕᔨᒥᑎᓱᔅᑐᐛᐧᒄ ᐅᑎᐸᔨᒋᒐᐤ ᑭᔭ ᒐ ‍ ᐅᐱᓂᑕᒄ᙮
\s1 ᐊᑲᐎᔾ ᑎᐸᔅᑯᓐ ᒋᐧᑲᓂᔅ
\p
\v 11 ᓂᐧᑲᓂᓯᑐᒄ ᐊᑲᐎᔾ ᒥᒋ ‍ ᐊᔨᒧᒥᑐᒄ᙮ ᐊᐛᓐ ᐊ ᒥᒋ ‍ ᐊᔨᒧᒪᑦ ᐎᐧᑲᓂᓴ ᒪᒃ ᐊ ‍ ᑎᐸᔅᑯᓇᑦ ᐊᑐᐛᔨᑎᒻ ᐎᓱᐛᐅᓂᔪᐤ ᑭᔭ ᑎᐸᔅᑯᓂᒻ᙮ ᒧᔭᒻ ᑕᐸᔅᑯᓂᒧᐎᓇ ᐎᓱᐛᐅᓐ ᓇᒪ ᒋ ‍ ᓂᓇᐃᑕᓐ ᑭᔭ ᑎᐸᔅᑯᓂᒐᓱᐤ ᒋᑦ ᐃᑕᐃᓱᓐ᙮
\v 12 ᒥᒄ ᐸᐃᒄ ᐊᐛᓐ ᒋ ‍ ᒥᔨᐛᐤ ᐎᓱᐛᐅᓂᔪᐤ᙮ ᐊᐅᒄ ᒪᒃ ᒥᒄ ᒐᒋ ᑎᐸᔅᑯᓂᒐᑦ᙮ ᐎᔾ ᒥᒄ ᒋᑭ ᒋ ‍ ᐱᒪᒋᐃᐛᐤ ᑭᔭ ᐎᔾ ᒥᒄ ᒋᑭ ᒋ ‍ ᓂᓱᐅᓇᒋᐃᐛᐤ᙮ ᐊᐛᓐ ᒪᒃ ᒋᔾ ᒐᒋ ᑎᐸᔅᑯᓂᑦ ᑯᑎᒃ ᐊᐛᓐ ?
\s1 ᓇᔅᒡ ᒋᔅᑎᑉ ᐊ ‍ ᐎᔭᔨᑕᐧᒃ ᐊᐛᓐ ᒐᒂᔪᐤ ᒐ ‍ ᐃᑎᑦ
\p
\v 13 ᓂᑐᑎᒧᒄ ᒪ ᒋᔨᐛᐤ ᑲ ‍ ᐃᔅᒋᔄᔭᒄ, “ᐊᓄᒡ ᑭᔭ ᒪᒃ ᐛᐸᒐ ᓇᑕ ᐊᓐ ᐅᑕᓇᐤ ᒋᑭ ‍ ᐃᑐᑕᓇᓄᐤ᙮ ᐊᑯᑕ ᒐ ‍ ᑕᔭᐧᒄ ᐸᐃᒄ ᐱᐳᓇ᙮ ᒋᑭ ‍ ᑎᑯᓐ ᒐᒂᓐ ᒐ ‍ ᒋᒋᐱᔨᑥᓱᔭᐧᒄ ᒐᒋ ᒥᔅᑎ ᐅᓯᑕᔭᐧᒄ ᓱᓇᔭᐤ᙮”
\v 14 ᓇᒪ ᓇᔅᒡ ᒋ ‍ ᒋᔅᒐᔨᑕᓐ ᑕᓐ ᒐ ‍ ᐃᔅᐱᔨᒡ ᐛᐸᒐ᙮ ᑕᓐ ᐊ ‍ ᐃᓯᓇᒂᒡ ᐱᒪᑎᓯᐅᓐ᙮ ᒧᔭᒻ ᐊ ‍ ᑭᔅᑯᐅᒡ ᑲᒋ ‍ ᐃᓯᓇᒂᒡ ᐊᐅᑯᓐ ᐊ ‍ ᐃᓯᓇᒂᒡ᙮ ᒥᒄ ᐛᐃᐱᔅᒋᔅ ᓄᑯᓐ ᐊ ‍ ᑭᔅᑯᐅᒡ ᒐᒃ ᒪᒃ ᓇᒪ ᐊᑎ ᑎᑯᓐ᙮
\v 15 ᒪᐅ ᐃᔭᐱᒡ ᒋᐸ ‍ ᐃᔅᒋᔄᓐ, “ᐃᑕᔨᑕᒐ ᐅᑎᐸᔨᒋᒐᐤ, ᒋᑭ ‍ ᐱᒪᑎᓯᓇᓄᐤ᙮ ᒪᐅ ᒪᒃ ᒐ ᐊᑎ ‍ ᐃᑎᔭᐧᒄ᙮”
\v 16 ᒥᒄ ᒪᒃ ᒋᒋᐛ ᒋᑦ ᐃᑕᔨᒥᓱᓇᐛᐤ ᑭᔭ ᒋ ‍ ᒪᒥᔽᒋᒥᓱᓇᐛᐤ᙮ ᒪᔭᑎᓐ ᐊᓐ ᐊ ‍ ᐃᑎᔭᒄ ᐊ ‍ ᒪᒥᔽᒋᒥᓱᔭᒄ᙮
\v 17 ᐊᓐ ᐊᐛᓐ ᑲ ‍ ᒋᔅᒐᔨᑕᐧᒃ ᑕᓐ ᒋᐸ ᐃᓯ ‍ ᒥᔪᑐᑎᒻ ᐊᑲ ᒪᒃ ᐃᑐᑕᐧᒃ ᒥᒋᑐᑎᒻ ᐊᓐ ᐊᐛᓐ᙮
\c 5
\s1 ᑲ ‍ ᐛᔪᑎᓯᒡ ᑲ ‍ ᐃᔭᒂᒪᑭᓄᐎᒡ
\p
\v 1 ᓂᑐᑐᐅᒄ ᒋᔨᐛᐤ ᑲ ‍ ᐛᔪᑎᓯᔭᒄ᙮ ᒐ ‍ ᒪᔭᒄ ᑭᔭ ᓂᓇᐧᑲᑕᐅᑎᒧᒄ ᐛᔅ ᒋᑭ ‍ ᑎᑯᓐ ᑕᓐ ᒐ ᐃᓯ ‍ ᒥᒋᐱᔭᒄ᙮
\v 2 ᐊᒂᑯᑎᓇ ᒋᐛᔪᑎᓯᐅᓄᐛᐛ, ᒥᓐᑐᓯᒡ ᒥᒍᐅᒡ ᒋᑦ ᐊᐱᒋᑕᐅᓄᐛᐛ᙮
\v 3 ᒋᐎᔄᐅᓱᓇᔭᐱᔅᑯᒧᐛᐅᒡ ᑭᔭ ᒋᐛᐱᓱᓇᔭᐱᔅᑯᒧᐛᐅᒡ ᐊᒂᒂᐱᔅᒋᓱᐅᒡ᙮ ᐊᓂᔭ ᒪᒃ ᐊᒂᒂᐱᔅᒋᐱᔨᒡ ᐊᐅᑯᓐ ᐊᓐ ᒐ ‍ ᒪᒥᓯᒥᑯᔭᒄ ᐃᔅᐱᔅ ᑎᐸᔅᑯᓂᑯᐅᔭᒂ᙮ ᒋᑭ ‍ ᒧᐅᑯᓇᐛᐤ ᒋᔭᓱᐛᒡ ᒧᔭᒻ ᐃᔅᑯᑕᐤ ᐊ ᐃᓯ ‍ ᓂᓱᐅᓇᒋᐃᐛᒥᑲᒡ᙮ ᐛᔪᑎᓯᐅᓐ ᔅᒋ ‍ ᒪᐅᒋᑎᒪᓱᓇᐛᐤ ᐅᔭ ᒪᔅᑕᔾ ᐊ ‍ ᒋᓯᑲᒋ᙮
\v 4 ᓇᒪ ᒋ ᐅᒋ ‍ ᒋᓯᐧᑯᐛᐛᐅᒡ ᐊᓐᒡ ᐊᐛᓐᒋ ᑲ ‍ ᐊᑐᔅᒐᒡ ᒋᓂᑕᐅᒋᑕᑭᓐ ᐊᔅᒋᐛᒡ᙮ ᓂᑐᑐᐛᐧᑯᒡ ᒪ ᐊ ‍ ᐎᑎᒪᑕᑯᒡ ᐊᑲ ᒥᔽᔨᑕᒡ᙮ ᐅᑎᐸᔨᒋᒐᐤ ᓇᔅᒡ ᑲ ‍ ᓱᐧᑲᑎᓯᑦ ᒋ ‍ ᐸᑐᐛᐤ ᑕᓐ ᐊ ᐃᓯ ‍ ᑕᑈᔨᒋ ᐅᔭ ᑲ ‍ ᒪᒧᓴᒋᓂᒥᔨᒋ ᒋᓂᑕᐅᒋᑕᑭᓄᐛᐛ᙮
\v 5 ᒋᔨᐛᐤ ᑲ ‍ ᐛᔪᑎᓯᔭᒄ, ᒥᓯᐛ ᒐᒂᓐ ᒐᒋ ᐊᔭᔭᒄ ᐊᐅᑯᓐ ᐱᓯᒄ ᐊ ᐃᓯ ‍ ᐱᒪᑎᓯᔭᒄ ᐅᑕ ᐊᔅᒋᒡ ᑭᔭ ᒥᒄ ᒋᔨᐛᐤ ᒋ ᐎ ‍ ᓂᓇᐊᔨᑎᒥᐃᓱᓇᐛᐤ᙮ ᐊᑯ ᒪᒃ ᒧᔭᒻ ᐊᐛᓯᓯᒡ ᐊ ‍ ᑕᒋᐳᒡ ᓴᔅ ᐊ ‍ ᐃᓯᓇᑯᓯᒡ ᒐᒋ ᓂᐸᐊᑭᓄᐎᒡ, ᐊᐅᑯᓐ ᐊ ‍ ᐃᓯᓇᑯᓯᔭᒄ᙮
\v 6 ᔅᒋ ‍ ᓂᓱᐅᓇᒋᒪᐛᐅᒡ ᑭᔭ ᔅᒋ ‍ ᓂᐸᐊᐛᐅᒡ ᑲ ‍ ᑯᐃᔅᑯᑕᑎᓯᒡ᙮ ᓇᒪ ᒪᒃ ᒋᓂᔅᑯᔅᑕᑯᐛᐅᒡ ᐊᓐᒡ ᐊᐛᓐᒋ ᐅᔭ ᑲ ‍ ᐃᑐᑐᐛᑯᒡ᙮
\s1 ᓯᐱᔨᐛᓯ ᐊ ‍ ᐊᓱᐛᐱᒥᑦ ᐅᑎᐸᔨᒋᒐᐤ ᒐ ‍ ᑎᑯᓯᐧᒃ
\s2 James 5.7-10 (Advent-3 Year A)
\p
\v 7 ᓂᐧᑲᓂᓯᑐᒄ, ᓯᐱᔪᐛᓯᒄ ᒐ ‍ ᐃᔅᐱᔅ ᐊᑲ ᑎᑯᓯᐧᒃ ᐅᑎᐸᔨᒋᒐᐤ᙮ ᒋ ‍ ᒋᔅᒐᔨᒪᐤ ᑲ ‍ ᓂᑕᐅᒋᑕᑦ ᐊ ᐃᔅᐱᔅ ‍ ᓯᐱᔪᐛᓯᑦ ᐊ ‍ ᐊᓱᐛᐸᑕᐧᒃ ᒐᒋ ᒋ ᐃᓯ ‍ ᓂᑕᐅᒋᓂᔨᒋ ᐊ ‍ ᒥᔽᓯᔨᒋ ᓂᑕᐅᒋᑕᑭᓇ ᐊᓐᑕ ᑲ ‍ ᓂᑕᐅᒋᑕᑦ᙮ ᓯᐱᔪᐛᓱᐤ ᐊ ‍ ᐊᓱᐛᐸᑕᐧᒃ ᒐᒋ ᒋᒧᓂᔨᒡ ᐊ ‍ ᓯᑯᓂᔨᒡ ᑭᔭ ᐊ ‍ ᑎᒂᒋᓂᔨᒡ᙮
\v 8 ᒋᔨᐛᐤ ᒪᒃ ᑭᔭ ᒋᐸ ᐎ ‍ ᓯᐱᔪᐛᓯᓇᐛᐤ᙮ ᐊᔨᒋᑲᐳᐅᒄ ᒋᑕᐃᐛᒡ ᐛᔅ ᓴᔅ ᐎᐱᒡ ᒋᑭ ‍ ᑎᑯᓯᓐ ᐅᑎᐸᔨᒋᒐᐤ᙮
\p
\v 9 ᐊᑲᐎᔾ ᒪᒪᒡ ᐃᑎᑐᒄ, ᓂᐧᑲᓂᓯᑐᒄ, ᑭᔭ ᓇᒪ ᒋᑭ ᐅᒋ ‍ ᑎᐸᔅᑯᓂᑯᓇᐛᐤ᙮ ᓴᔅ ᒥᒋᒪ ᐸᒋ ‍ ᑕᐤ ᑎᐸᔅᑯᓂᒐᓱᐤ, ᓴᔅ ᒐᑲᑦ ᓄᑯᓱᐤ᙮
\p
\v 10 ᓂᐧᑲᓂᓯᑐᒄ ᒪᒥᑐᓇᔨᒪᐧᑯᒡ ᒪ ᐅᒋᔅᒋᐛᐃᒐᓱᒡ ᐊᓐᒡ ᒋᓴᒪᓂᑐᐛ ᑲ ᐸᒋ ‍ ᐃᑎᓴᐅᑯᒡ ᒐᒋ ᐃᔨᒥᔅᑎᒧᐛᒡ᙮ ᓇᔅᒡ ᑕᑈ ᒋ ‍ ᓯᐱᔪᐛᓱᐅᒡ ᐊ ‍ ᓂᓇᐧᑲᒋᐊᑭᓄᐅᒡ᙮ ᐊᐅᑯᓐ ᒪᒃ ᒋᐸ ‍ ᐃᑎᓇᐛᐤ ᑭᔭ ᒋᔨᐛᐤ᙮
\v 11 ᐛᔅ ᑕᑈ ᓱᐛᔨᑕᑯᓱᐅᒡ ᒋᑦ ᐃᑕᔨᒪᓄᐅᒡ ᐊᓐᒡ ᐊᑲ ᐅᒋ ᐳᓂᒡ᙮ ᔅᒋ ‍ ᐸᑕᓇᐛᐤ ᑕᓐ ᑲ ᐃᔅᐱᔅ ‍ ᓯᐱᔪᐛᓯᑦ ᒠᑉ ᒪᒂᒡ ᑲ ‍ ᐊᔨᒥᐅᑦ᙮ ᒋ ‍ ᒋᔅᒐᔨᒪᓄᐤ ᒪᒃ ᑕᓐ ᑲ ᐃᓯ ‍ ᒥᔪᐱᔨᑎᒪᑯᑦ ᐅᑎᐸᔨᒋᒐᐛ ᐃᔅᐱ ᑲᒋ ᐃᓯ ‍ ᐊᔨᒥᐅᑦ᙮ ᓴᑭᔅᒋᓇᔅᑲᑯᐤ ᒋᓴᐛᑎᓯᐅᓂᔪᐤ ᐅᑎᐸᔨᒋᒐᐤ ᑭᔭ ᓴᑭᔅᒋᓇᔅᑲᑯᐤ ᐊ ‍ ᒋᔅᑎᒪᒐᔨᒪᑦ ᐊᐛᔪᐛ᙮
\p
\v 12 ᓂᐧᑲᓂᓯᑐᒄ, ᐊ ‍ ᐃᑎᑦ ᐊᐛᓐ ᒐᔅᑎᓇᔅ ᒐ ‍ ᐃᑐᑎᒥᓐ ᒐᒂᓐ, ᐊᑲᐎᔾ ᐎ ᓇᔅᐱᒋᑕᑈ ᒋᓴᒪᓂᑐᐤ ᐅᑦ ᐃᓯᓂᐧᑲᓱᐅᓐ ᐊ ‍ ᐊᐱᒋᑕᐅᑦ᙮ ᐊᑲᐎᔾ ᐃᔅᒋᔄ, ᐃᔅᐱᒥᒡ ᐊ ᐃᓯ ‍ ᑕᑈᔨᓐ, ᒪᒃ ᑯᑎᒡ ᒐᒂᓐ ᒐᒋ ᐃᔅᒋᔄᔨᓐ ᒐᒋ ᒐᔅᑎᓇᔅᑕᑯᓯᔨᓐ ᑕᓐ ᐊ ‍ ᐃᔅᒋᔄᔨᓐ᙮ ᐊ ᐎ ‍ ᐃᔅᒋᔄᔨᓐ “ᓂᐦᐃ,” ᒥᒄ “ᓂᐦᐃ” ᒋᐸ ‍ ᐃᔅᒋᔄᓐ, ᒪᒃ “ᓇᒪ” ᐊ ᐎ ‍ ᐃᔅᒋᔄᔨᓐ, ᒥᒄ “ᓇᒪ” ᒋᐸ ‍ ᐃᔅᒋᔄᓐ, ᑭᔭ ᓇᒪ ᒋᑭ ᐅᒋ ‍ ᓂᓱᐅᓇᒋᒧᒄ ᒋᓴᒪᓂᑐᐤ᙮
\s1 ᑕᓐ ᒐ ᐃᓯ ‍ ᐊᔭᒥᐊᔅᑎᒧᐛᑯᒡ ᐊᓐᒡ ᑲ ‍ ᐊᐧᑯᓯᒡ
\s2 James 5.13-20 (Proper-21 Year B)
\p
\v 13 ᐊ ‍ ᑕᒂ ᐊᐛᓐ ᐊᓐᑕ ᐊ ‍ ᑕᔭᒄ ᐊ ‍ ᐊᔨᒥᐅᑦ ᒋᐸ ‍ ᐊᔭᒥᐊᐤ᙮ ᐊ ‍ ᑕᒂ ᐊᐛᓐ ᐊ ‍ ᒥᔽᔨᑕᐧᒃ ᒋᐸ ‍ ᓂᑭᒧᐤ ᐊ ‍ ᒪᒥᒋᒪᑦ ᒋᓴᒪᓂᑐᐛ᙮
\v 14 ᐊ ‍ ᑕᒂ ᐊᐛᓐ ᐊ ‍ ᐊᐧᑯᓯᑦ ᒋᐸ ‍ ᐎᓴᒪᐤ ᐊᓂᔭᔪᐛ ᑲ ‍ ᓂᑲᓂᔅᑯᐛᔨᒋ ᐅᒪᒧᐊᔭᒥᐊᐛ ᒐᒋ ᐊᔭᒥᐊᔅᑎᒪᑯᑦ᙮ ᒋᐸ ‍ ᑐᒥᓂᑯᐤ ᐅᔭ ᐅᑎᐸᔨᒋᒐᐛ ᐅᑦ ᐃᓯᓂᐧᑲᓱᐅᓂᔪᐤ ᐊ ‍ ᐊᐱᒋᑕᔨᒋ᙮
\v 15 ᐅᒡ ᒪᒃ ᑲ ‍ ᐊᔭᒥᐊᒡ ᐊᓂᔭ ᐊ ‍ ᑕᑈᔭᔨᒪᒡ ᒋᓴᒪᓂᑐᐛ, ᐊᑯᑕ ᒐ ᐅᒋ ‍ ᒥᓏᑎᓯᔨᒋ ᐊᓂᔭ ᑲ ‍ ᐊᐧᑯᓯᔨᒋ᙮ ᑎᐸᔨᒋᒐᓱᐛ ᒋᑭ ‍ ᐅᓂᔅᑲᓂᑯᐤ ᐊᓐ ᑲ ‍ ᐊᐧᑯᓯᑦ ᑭᔭ ᑲ ‍ ᒥᒋᑐᑎᒧᒂ ᒋᑭ ‍ ᐛᐸᔨᑎᒪᑯᐤ᙮
\v 16 ᐛᐎᑎᒪᑐᒄ ᒪᒃ ᒋᒥᒋᑐᑎᒧᐅᓄᐛᐛ ᑭᔭ ᐊᔭᒥᐊᔅᑎᒪᑐᒄ ᒐᒋ ᐅᒋ ‍ ᒥᓏᑎᓯᔭᒄ᙮ ᐊᓂᔭ ᑕᓐ ᐊ ᐃᓯ ‍ ᐊᔭᒥᐊᑦ ᐊᐛᓐ ᐊ ‍ ᑯᐃᔅᑯᑕᑎᓯᑦ, ᓇᔅᒡ ᑕᑈ ᓱᒋᐱᔪᐤ ᑕᓐ ᐊ ᐃᓯ ‍ ᐃᑐᑕᒐᒥᑭᓂᔨᒡ᙮
\p
\v 17 ᐊᓂᔭᐧᑲ ᐃᓚᐃᒐ ᒧᔭᒻ ᒋᔭᓄᐤ ᐊ ‍ ᐃᑕᔨᑕᑯᓱᐛᐧᒄ ᒋ ‍ ᐃᑕᔨᑕᑯᓱᐤ᙮ ᐃᔅᐱ ᓱᐧᒃ ᑲ ‍ ᐊᔭᒥᐊᑦ ᒐ ᐊᑲ ᒋ ᒋᒧᓂᔨᒡ ᓇᒪ ᐅᒋ ᒋᒧᓂᔪᐤ ᓂᔅᑐ ᐱᐳᓇ ᒪᒃ ᐳᔅᒄ ᐃᔅᐱᔅ᙮
\v 18 ᐃᔅᐱ ᒪᒃ ᑲ ‍ ᐊᔭᒥᐊᑦ ᒐᒋ ᒋᒧᓂᔨᒡ ᑕᑈ ᒋ ‍ ᒋᒧᓂᔪᐤ ᑭᔭ ᒥᓐ ᑲ ‍ ᓂᑕᐅᒋᒥᑭᓂᔨᒡ ᒥᓯᐛ ᒐᒂᔪᐤ᙮
\s1 ᓴᒋᐊᐧᑯᒡ ᐊᓐᒡ ᑲ ‍ ᒋᐛᑲᐳᐅᒡ
\p
\v 19 ᓂᐧᑲᓂᓯᑐᒄ, ᐸᐃᒄ ᐊᓐᑕ ᐊ ‍ ᑎᓯᔭᒄ ᒋᐛᑲᐳᔅᑕᒐ ᑕᑈᐅᓂᔪᐤ, ᐎᒋᐃᑯᒐ ᒪᒃ ᐊᐛᔪᐛ ᒥᓐ ᒐᒋ ᑕᑈᑕᐧᒃ,
\v 20 ᒐ ᐎ ‍ ᒋᔅᒋᓯᔭᒄ ᐅ᙮ ᐊᓐ ᐊᐛᓐ ᑲᐤ ᑲ ‍ ᐸᓱᐛᑦ ᐊᐛᔪᐛ ᑕᓐ ᐊ ᐃᓯ ‍ ᐅᓂᐱᔨᒋ ᐎᐧᑯᒋᐃᒪᐤ ᐅᑦ ᐊᒐᐧᑯᔪᐛ ᓂᐳᐅᓂᒡ ᐅᒋ, ᑭᔭ ᐃᑐᑐᐛᐤ ᒥᒐᑦ ᐅᒥᒋᑥᐅᓂᔪᐛ ᒐᒋ ᐛᐸᔨᑎᒧᐛᑭᓄᔨᒋ᙮
\id 1PE Adapted from ECree-S to Naskapi, 8 May 2003; Typeset export from CBS 8 May 2007
\h 1 ᐱᑕᕐ
\toc3 1 ᐱᑕᕐ
\toc2 1 ᐱᑕᕐ
\toc1 ᓂᔅᑎᒻ ᐱᑕᕐ ᓂᔅᑎᒻ ᐅᒥᓯᓇᐊᒪᒐᐅᓐ ᐱᑕᕐ
\mt1 ᓂᔅᑎᒻ ᐱᑕᕐ
\mt2 ᓂᔅᑎᒻ ᐅᒥᓯᓇᐊᒪᒐᐅᓐ ᐱᑕᕐ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐊᔪᐅᒄ ᐅᔭ ᐱᑕᕐ ᑲ ‍ ᒥᓯᓇᐊᐧᒃ, ᐸᐃᒄ ᐊᓂᔭ ᒋᓴᔅ ᐅᒋᔅᒋᓄᐊᒧᐛᑭᓇ ᑲ ‍ ᓂᓱᓴᐳᔨᒋ᙮ ᐊᓂᔭᔪᐛ ᐅᒪᒧᐊᔭᒥᐊᐛ ᐊᓐᑕ ᐃᑕᒐ ᐊᐃᓴ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ‍ ᑕᔨᒋ ᒋ ‍ ᒥᓯᓇᐊᒧᐛᐤ᙮ ᐊᐅᑯᓐᒡ ᐅᒡ ᑲ ‍ ᑕᑈᑕᒡ ᒋ ‍ ᓂᓇᐧᑲᒋᐊᑭᓄᐅᒡ ᐊᓂᔭ ᐅᒋ ᐊ ‍ ᑕᑈᔭᔨᒪᒡ ᒋᓴᓴ᙮ ᐊᐅᒄ ᒪᒃ ᐅᔭ ᐱᑕᕐ ᑲ ‍ ᒥᓯᓇᐊᒧᐛᑦ ᐊᒋ ᐎ ‍ ᒥᔽᔨᒺᐊᑦ᙮ ᒋ ‍ ᐎᑎᒧᐛᐤ ᑕᓐ ᑲ ᐃᓯ ‍ ᐎᓯᒐᔨᑎᒥᔨᒋ ᒋᓴᓴ ᐎᔨᐛᐤ ᐅᒋ ᑭᔭ ᒋ ‍ ᐃᑕᐤ ᒐᒋ ᒋᔅᒋᓄᐛᐱᒪᒡ ᑕᓐ ᑲ ᐃᓯ ‍ ᓱᒋᑕᐊᔨᒋ ᒋᓴᓴ ᑭᔭ ᑕᓐ ᑲ ᐃᓯ ‍ ᑕᑈᔭᔨᒪᔨᒋ ᒋᓴᒪᓂᑐᐛ᙮ ᒋ ‍ ᐃᑕᐤ ᑭᔭ, ᐊᓂᔭ ᒋᓴᒪᓂᑐᐛ ᐊᒋ ‍ ᐎᔭᐱᒥᑯᔨᒋ ᒐᒋ ᐅᑦ ᐃᔨᒥᑐᑕᑯᔨᒋ ᑭᔭ ᐊᓂᔭ ᒋᓴᓴ ᐊᒋ ‍ ᐎᓯᒐᔨᑎᒥᔨᒋ ᑭᔭ ᐊᒋ ‍ ᓂᐱᔨᒋ ᐎᔨᐛᐤ ᐅᒋ, ᐊᑯᓐ ᒋᐸ ᐃᓯ ‍ ᐱᒪᑎᓯᐅᒡ ᑕᓐ ᐊ ᐃᓯ ‍ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ‍ ᐱᒪᑎᓯᒡ᙮
\c 1
\p
\v 1 ᓂᔾ ᐱᑕᕐ, ᒋᓴᔅ ᙭ ᓂᒋ ‍ ᐅᑎᓂᒄ ᑭᔭ ᐎᔾ ᓂᒋ ‍ ᐃᑎᓴᐅᒄ ᐊᑈᔅᑕᓐ ᒐᒋ ᐃᓯ ‍ ᐊᑐᔅᑯᐅᒃ᙮
\p ᒋᔨᐛᐤ ᒋᓴᒪᓂᑐᐤ ᐅᑦ ᐃᔨᒪ ᒋ ‍ ᒥᓯᓇᐊᒪᑎᓇᐛᐤ, ᒋᔨᐛᐤ ᑕᑎᐸᓐ ᐊ ‍ ᑕᔭᒄ ᐊᓐᑕ ᐊᓂᔭ ᐊᔅᒋᔭ ᑈᓐᑕᔅ, ᑲᓚᓯᔭ, ᑲᐸᑐᓯᔭ, ᐊᐃᓴ ᑭᔭ ᐱᑎᓂᔭ ᐊ ‍ ᐃᓯᓂᐧᑲᑕᒋ᙮
\v 2 ᒋᓴᒪᓂᑐᐤ ᐅᑕᐎᒪᐤ ᔅᒋ ‍ ᐅᑎᓂᑯᐛᐤ ᐎᔾ ᑎᐱᔨᐛ ᒐᒋ ᐅᑦ ᐊᐛᓯᒥᑐᑕᑕᒄ᙮ ᑲ ‍ ᐸᔭᒋᓯᔨᒋ ᐊᒐᒂ ᐅᒋ ᐊᑯᑕ ᑲ ᐅᒋ ‍ ᑎᐸᓂᐃᑕᒄ ᒐᒋ ᓂᓇᐃᑐᒪᑯ ᒋᓴᔅ ᙭ᑕ ᑭᔭ ᒐᒋ ᐸᔭᒋᐃᑯᐛᒄ ᐅᒥᐧᒄ᙮
\p ᓂᑦ ᐊᔭᒥᐊᐤ ᒐᒋ ᐛᔪᒡ ᐊᔭᔭᒄ ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ᙮
\s1 ᐊᔅᐸᔨᒧᐅᓐ ᑲ ‍ ᒐᔅᑎᓇᑕᔨᑕᒂᒡ
\s2 1 Peter 1.3-9 (Easter-2 Year A)
\p
\v 3 ᒪᒥᒋᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ‍ ᐃᔅᐱᔅ ᓇᔅᒡ ᒋᔅᑎᒪᒐᔨᒥᑕᐧᒄ ᔅᒋ ‍ ᒥᔨᑯᓄᐤ ᐊ ‍ ᐅᔅᑲᔨᒡ ᐱᒪᑎᓯᐅᓂᔪᐤ ᑲ ‍ ᐅᓂᔅᑲᓇᑦ ᒋᓴᔅ ᙭ᑕ ᓂᐳᐅᓂᒡ ᐅᒡ᙮ ᐊᑯᑕ ᒪᒃ ᐛᒋ ‍ ᐊᔭᔭᐧᒄ ᐊᔅᐸᔨᒧᐅᓐ ᐊ ‍ ᒐᔅᑎᓇᑕᔨᑕᒂᒡ,
\v 4 ᑭᔭ ᐸᑯᓴᔨᒧᔭᐧᒄ ᒐᒋ ᐊᔭᔭᐧᒄ ᐊᓐ ᑕᓐ ᐊ ᐃᓯ ‍ ᐊᔭᑦ ᒋᓴᒪᓂᑐᐤ ᒐ ᐃᓯ ‍ ᒥᔭᑦ ᐅᑦ ᐃᔨᒪ ᒐᒋ ᑎᐱᔨᐛᐅᓯᔨᒋ᙮ ᒋᒋᒋᓯᑯᒡ ᒪᒃ ᔅᒋ ‍ ᑭᓄᐛᔨᑎᒪᑯᐛᐤ ᐊᓐᑕ ᒐ ᐊᑲ ᓂᑕ ‍ ᐎᓂᐱᔨᒡ, ᑭᔭ ᒐ ᐊᑲ ᓂᑕ ‍ ᐅᓂᑎᓂᔨᒡ ᒪᒃ ᒐᒋ ᐸᓯᑯᓇᑯᓂᔨᒡ᙮
\v 5 ᔅᒋ ‍ ᑕᑈᔭᔨᒪᐛᐤ ᒋᓴᒪᓂᑐᐤ, ᐎᔾ ᒪᒃ ᐅᒥᔅᑯᓯᐅᓐ ᒋᑭ ‍ ᑭᓄᐛᔨᒥᑯᓇᐛᐤ ᐱᐃᒻ ᒪᔅᑕᔾ ᒋᓯᑲᔨᒐ᙮ ᐊᑯ ᒪᒃ ᒐ ‍ ᐱᒪᒋᐃᑕᒄ ᐛᔅ ᐊᐅᑯᓐ ᒧᔅ ᑲ ᐸᒋ ‍ ᐃᑕᔨᑕᐧᒃ ᒐ ‍ ᐃᑐᑕᑕᒄ᙮
\v 6 ᐊᑎ ᐊ ‍ ᐃᑕᔨᑕᒂᒡ ᐛᐃᐱᔅᒋᔅ ᒐᒋ ᓂᒋᔅᑭᒪᒄ ᓂᓇᐧᑯᐤ ᒐᒂᓐ ᓇᔅᒡ ᐊ ‍ ᐊᔨᒪᒡ, ᓄᐛᒡ ᒋᑭ ‍ ᒥᔽᔨᑕᓇᐛᐤ ᐊᓐ ᒪᔅᑕᔾ ᒋᓯᑲᒐ᙮
\v 7 ᐛᔅ ᐊ ‍ ᓂᒋᔅᑭᒪᒄ ᒐᒂᔪᐛ ᐊ ‍ ᐊᔨᒪᒋ ᐊᑯᑕ ᐛᒋ ‍ ᒋᔅᒐᔨᑕᒂᒡ ᑕᓐ ᐊᓐ ᐊ ‍ ᐃᑕᔨᑕᒂᒡ ᒋᑕᑈᑎᒧᐅᓄᐛᐤ᙮ ᐛᐛᒡ ᐎᔄᐅᓱᓇᔭᐱᔅᒄ, ᐊ ‍ ᐃᓯᓇᑯᓯᑦ ᒐᒋ ᓂᓱᐅᓇᒋᐊᑭᓄᐅᑦ, ᓂᑐ ‍ ᒋᔅᒐᔨᒪᑭᓄᐤ ᐃᔅᑯᑕᒡ ᑕᑈ ᐊ ‍ ᐎᔄᐅᓱᓇᔭᐱᔅᑯᐅᒂ, ᒋᑕᑈᑎᒧᐅᓄᐛᐤ ᒪᒃ ᐅᔅᑕ ᐃᑕᔨᑕᑯᓐ ᐊ ‍ ᐃᑕᔨᑕᑯᓯᑦ ᐎᔄᐅᓱᓇᔭᐱᔅᒄ, ᐃᑕᔨᑕᑯᓐ ᒐᒋ ᓂᑐ ‍ ᒋᔅᒐᔨᑕᑯᓄᐅᒡ ᑕᓐ ᐊᓐ ᐊ ‍ ᐃᑕᔨᑕᒂᒡ᙮ ᑕᑈ ᒪᒃ ᐊ ‍ ᐃᑕᔨᑕᑯᓂᒂ ᑕᓐ ᒋᐸ ‍ ᐃᑕᔨᑕᑯᓐ, ᒋᑭ ‍ ᒥᔽᒋᒥᑯᓇᐛᐤ ᑭᔭ ᒋᑭ ‍ ᒋᔅᑕᔨᑕᑯᐃᑯᓇᐛᐤ ᑭᔭ ᒋᑭ ‍ ᒋᔅᑕᒋᒥᑯᓇᐛᐤ ᒥᓐ ᑎᑯᓯᒐ ᒋᓴᔅ ᙭᙮
\v 8 ᐊᑎ ᐊᑲ ᓂᑕ ᐅᒋ ᐛᐱᒪᒄ ᒋᓴᔅ, ᐃᔭᐱᒡ ᒋᓴᒋᐊᐛᐤ ᑭᔭ ᐊᑎ ᐊᑲ ᐛᐱᒪᒄ ᐊᓄᒡ, ᐃᔭᐱᒡ ᔅᒋ ‍ ᑕᑈᔭᔨᒪᐛᐤ᙮ ᔅᒋ ‍ ᒧᒋᒐᔨᑕᓇᐛᐤ, ᐊᓐ ᒪᒃ ᐊ ᐃᔅᐱᔅ ‍ ᒧᒋᒐᔨᑎᒪᒄ, ᓇᒪ ᐊᓐ ᔅᒋ ‍ ᐎᑕᓇᐛᐤ ᑕᓐ ᐊᔅᐱᔅ ᒥᔽᔨᑎᒪᒄ᙮
\v 9 ᐛᔅ ᐊ ‍ ᐊᔭᔭᒄ ᑕᑈᑎᒧᐅᓐ, ᐊᑯᑕ ᒐ ᐅᒋ ‍ ᐱᒪᒋᐅᒡ ᒋᑦ ᐊᒐᐧᑯᐛᐅᒡ᙮
\p
\v 10 ᐊᔪᐅᒄ ᐅᔭ ᐱᒪᒋᐃᑯᓯᐅᓂᔪᐤ ᓇᔅᒡ ᓱᒃ ᑲ ᓂᑐ ‍ ᒋᔅᒐᔨᑕᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑭᔭ ᓇᔅᒡ ᐃᔭᒂ ᒋ ᐃᓯ ᓂᑐ ‍ ᒋᔅᒐᔨᑎᒧᒡ᙮ ᒋ ‍ ᓂᑲᓐ ᐊᔨᒧᑎᒧᒡ ᒪᒃ ᐅᔭ ᒥᔨᐛᐅᓂᔪᐤ ᒋᓴᒪᓂᑐᐛ ᒐ ‍ ᒥᔨᑎᑕᑯ᙮
\v 11 ᙭ ᐅᑦ ᐊᒐᐧᑯᔪᐛ ᒋ ‍ ᐱᒋᔅᑲᑯᐅᒡ ᑭᔭ ᒋ ‍ ᐎᑎᒪᑯᐅᒡ ᑕᓐ ᒐ ᐃᓯ ‍ ᓂᓇᐧᑲᑕᔨᒧᔨᒋ ᙭ᑕ ᑭᔭ ᒐ ‍ ᒋᔅᑕᔨᑕᑯᐊᑭᓄᔨᒋ᙮ ᐊᑯ ᒪᒃ ᑲ ᓇᓂᑐ ᒋᔅᒐᔨᑕᒡ ᐊᐛᔪᐛ ᒐ ‍ ᐊᐎᔨᒋ ᙭ᑕ ᑭᔭ ᒪᒃ ᑕᐃᔅᐱ ᒐ ‍ ᐃᔅᐱᔨᒡ ᐅᔭ᙮
\v 12 ᒋ ‍ ᒋᔅᒐᔨᑎᒥᐊᑭᓄᐅᒡ ᒪᒃ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᑲ ᐎᔨᐛᐤ ᒪᒂᒡ ᐊ ‍ ᐱᒪᑎᓯᒡ ᒐ ‍ ᐃᔅᐱᔨᒡ ᐅᔭ᙮ ᒋᔨᐛᐤ ᒐᒋ ᒋᔅᒐᔨᑎᒺᒄ ᐊᐅᒄ ᐛᒋ ‍ ᐊᔨᒧᑕᒡ ᐊᓂᔭᔪᐛ ᒐᒂᔪᐛ ᐊᓄᒡ ᑕᓐ ᐊ ᐃᓯ ‍ ᐛᐎᑎᒪᑕᑯᒡ ᐊᓐᒡ ᑲ ‍ ᐛᐎᑕᒡ ᒥᔽᒋᒧᐅᓂᔪᐤ᙮ ᑲ ‍ ᐸᔭᒋᓯᑦ ᐊᒐᐧᒄ ᐊᓐ ᑲ ᐸᒋ ‍ ᐃᑎᓴᐛᑭᓄᐅᑦ ᒋᒋᒋᓯᑯᒡ ᐅᒡ, ᐊᐅᑯᓐ ᐊᓐ ᑲ ‍ ᒥᔭᑦ ᒐᒋ ᐛᐎᑎᒥᔨᒋ ᐅᔭ ᒥᔽᒋᒧᐅᓂᔪᐤ᙮ ᐊᔪᐅᒄ ᐅᔭ ᒐᒂᔪᐤ ᐛᐛᒡ ᐊᓐᒋᓐᒡ ᐎ ᒋᔅᒐᔨᑎᒧᒡ᙮
\s1 ᒋᓴᒪᓂᑐᐤ ᔅᒋ ‍ ᓂᑐᐛᔨᒥᑯᓄᐤ ᒐᒋ ᑯᐃᔅᑯᐱᒪᑎᓯᔭᐧᒄ
\p
\v 13 ᓱᒃ ᒪᒃ ᒧᔅ ᐎ ᐊᔭᔅᑯᐛᔨᑎᒧᒄ ᑕᓐ ᒥᒄ ᒐ ᐊᑎ ‍ ᐃᔅᐱᔨᒂ ᒐᒂᓐ ᑭᔭ ᓱᒃ ᓂᓇᑭᑐᐛᔨᒥᓱᒄ ᑕᓐ ᐊ ‍ ᐃᑎᔭᒄ᙮ ᓇᔅᒡ ᐊᔅᐸᔨᒧᑐᑎᒧᒄ ᐊᓐ ᒋᓴᐛᑎᓯᐅᓐ ᒐ ‍ ᒥᔨᑯᐅᔭᒄ ᐃᔅᐱᔅ ᒥᓐ ᑎᑯᓯᒐ ᒋᓴᔅ ᙭᙮
\v 14 ᓱᒃ ᓂᓇᐃᑐᐛᐧᒄ ᒋᓴᒪᓂᑐᐤ᙮ ᐊᑲᐎᔾ ᒥᓐ ᒋᑭ ᐅᒋ ‍ ᓂᑕᐅᒋᒥᑭᓐ ᑕᓐ ᑲᒋ ᐃᓯ ᒥᒋ ‍ ᓇᓂᑐᐛᔨᑎᒪᒄ ᐊᓐᑕ ᐅᑕᒡ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᐊᔨᒪᔨᑎᒥᐃᑯᔭᒄ ᑭᔭ ᐊᔅᒄ ᐊᑲ ᐅᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮
\v 15 ᐸᔭᒋᓯᐤ ᐊᓐ ᑲ ‍ ᑕᑈᑎᑕᒄ ᑭᔭ ᒋᔨᐛᐤ ᒪᒃ ᐸᔭᒋᓯᒄ ᒥᓯᐛ ᐊ ᐃᓯ ‍ ᐱᒪᑎᓯᔭᒄ᙮
\v 16 ᐛᔅ ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒋᓴᒪᓂᑐᐤ ᐊᒋ ‍ ᐃᔅᒋᔄᑦ,
\q “ᓂ ‍ ᐸᔭᒋᓯᓐ ᑭᔭ ᒋᔨᐛᐤ ᒪᒃ ᐸᔭᒋᓯᒄ᙮”
\s2 1 Peter 1.17-23 (Easter-3 Year A)
\p
\v 17 ᓱᒃ ᒪᒃ ᒧᔅ ᒋᔅᑕᔨᒪᐧᒄ ᒋᓴᒪᓂᑐᐤ ᐎᔾ ᓄᑕᐎᓇᓐ ᑲ ‍ ᐃᓯᓂᐧᑲᑕᒄ ᐊ ‍ ᐊᔭᒥᐊᔭᒄ᙮ ᐊᐅᒄ ᐛᔅ ᐅ ᑯᐃᔅᒄ ᑲ ᐃᓯ ‍ ᑎᐸᔅᑯᓇᑦ ᒥᓯᐛ ᐊᐛᔪᐛ ᑕᓐ ᐊᓐ ᐊ ‍ ᐃᑎᔨᒋ᙮ ᐊᓂᔭ ᑕᓐ ᑲ ᐃᓯ ‍ ᐊᑐᔅᒐᔨᒋ, ᐊᑯᑕ ᐛᒋ ‍ ᑎᐸᔅᑯᓇᑦ᙮ ᓱᒃ ᒪᒃ ᒧᔅ ᐎ ᒋᔅᑕᔨᒪᐧᒄ ᒋᓴᒪᓂᑐᐤ ᒐ ‍ ᐃᔅᑯᑕᒂ ᒋᐱᒪᑎᓯᐅᓄᐛᐛ ᐅᑕ ᐊᔅᒋᒡ᙮
\v 18 ᐛᔅ ᒋ ‍ ᒋᔅᒐᔨᑕᓇᐛᐤ ᑕᓐ ᑲ ᐃᓯ ‍ ᐎᐧᑯᒋᐃᑯᔭᒄ ᐊᓐᑕ ᐅᒋ ᐸᑯᓂᑐᐤ ᐊ ‍ ᐃᑕᔨᑕᑯᓂᔨᒡ ᐊ ᐃᓯ ‍ ᐱᒪᑎᓯᓇᓄᐎᒡ ᐊᓂᔭ ᑕᓐ ᑲ ᐃᓯ ᐸᒋ ‍ ᐊᓂᔅᒐ ᒥᔨᑕᑯᒡ ᐊᓂᔭᐧᑲ ᒋᐧᑲᓂᓱᐛᐅᒡ᙮ ᓇᒪ ᒪᒃ ᐎ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᒄ ᑭᔭ ᒪᒃ ᐎᔄᐅᓱᓇᔭᐱᔅᒄ ᐅᒋ ᐊᐱᑎᓱᐤ ᑲ ‍ ᐎᐧᑯᒋᐃᑯᔭᒄ,
\v 19 ᙭ ᐅᒥᐧᒄ ᒪᐅᒡ ᑲ ‍ ᒋᔅᑕᔨᑕᒂᒡ ᒐᒂᓐ ᐊᐅᒄ ᑲ ‍ ᐎᐧᑯᒋᐃᑯᔭᒄ᙮ ᐛᔅ ᐊᓂᔭ ᑲ ‍ ᐎᐧᑯᒋᐃᑕᒄ ᙭, ᓇᔅᒡ ᒋ ‍ ᐱᔅᑎᓂᒻ ᐅᐱᒪᑎᓯᐅᓐ ᒧᔭᒻ ᒪᔭᑕᓂᔅ ᐊᑲ ᓇᔅᒡ ᒐᒂᓐ ᐃᓯᓇᑯᓯᑦ, ᓇᔅᒡ ᐊ ‍ ᒥᔪᓯᑦ, ᐊᐅᑯᓐ ᑲ ‍ ᐃᓯᓇᑯᓯᑦ ᙭ ᐅᔭ ᑲ ‍ ᐃᑐᑎᒪᑕᒄ᙮
\v 20 ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐅ ᐊᔅᒋᔾ, ᓴᔅ ᒋᓴᒪᓂᑐᐛ ᒋ ‍ ᐅᑎᓂᑯᐤ ᙭ ᐅᔭ ᒐ ‍ ᐃᑐᑕᐧᒃ᙮ ᐊᐅᑯᐤ ᒪᒃ ᐅᔭ ᐊ ᐊᑎ ‍ ᒪᔅᑕᔾ ᒋᓯᑲᔨᒋ ᒋᔨᐛᐤ ᐅᒋ ᐛᒋ ‍ ᓄᑯᐊᑭᓄᐅᑦ᙮
\v 21 ᐊᑯ ᒪᒃ ᑎᔭᑈᔭᔨᒪᒄ ᒋᓴᒪᓂᑐᐤ ᐊᓂᔭᔪᐤ ᐅᒋ ᑕᓐ ᑲ ᐃᓯ ‍ ᐃᑐᑎᒪᑕᒄ ᙭, ᐛᔅ ᒋᓴᒪᓂᑐᐤ ᒋ ‍ ᐅᓂᔅᑲᓇᐤ ᙭ᑕ ᓂᐳᐅᓂᒡ ᐅᒋ ᑭᔭ ᒋ ‍ ᒋᔅᑕᔨᑕᑯᐊᐤ᙮ ᐊᐅᑯᓐ ᒪᒃ ᐛᒋ ‍ ᑕᑈᔭᔨᒪᒄ ᒋᓴᒪᓂᑐᐤ ᑭᔭ ᐊᐅᑯᓐ ᐛᒋ ‍ ᐊᔅᐸᔨᒧᑐᑐᐛᒄ᙮
\p
\v 22 ᐊᒋ ‍ ᐸᔭᒋᐊᑭᓄᐎᒡ ᒋᑦ ᐊᒐᐧᑯᐛᐅᒡ ᐊᓐ ᐅᒋ ᐊ ‍ ᓂᓇᐃᑎᒪᒄ ᑕᑈᐅᓐ ᑭᔭ ᐊ ‍ ᐃᓯᓇᑯᓯᔭᒄ ᒋᒋᐛ ᐊᓴᒋᐊᑯᒡ ᒋᒡ ᐃᔪᐛᐅᒡ, ᓱᒃ ᓴᒋᐃᑐᒄ ᒥᓯᐛ ᒋᑕᐃᐛᒡ ᐅᒡ᙮
\v 23 ᐛᔅ ᐃᔅᐱ ᒥᓐ ᐊ ‍ ᐱᒪᑎᓯᔭᒄ ᑲ ‍ ᐃᓯᓇᑯᓯᔭᒄ ᑲᒋᒡ ᐱᒪᑎᓯᐅᓐ ᔅᒋ ‍ ᒥᔨᑯᓇᐛᐤ ᐛᔅ ᒋ ‍ ᐅᑦ ᐊᐛᓯᒥᑐᑕᑯᐛᐤ ᒋᓴᒪᓂᑐᐤ ᐅᑕᐎᒪᐤ ᐊᓐᑕ ᒐ ᐊᑲ ᓂᑕ ‍ ᐳᓂᐱᒪᑎᓯᑦ, ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓐ ᒐ ᐊᑲ ᓂᑕ ‍ ᐅᓂᑎᒡ ᑭᔭ ᒐ ᐊᑲ ᓂᑕ ‍ ᐃᔎᐱᔨᒡ, ᐊᑯᑕ ᑲ ᐅᒋ ‍ ᐃᓯᓇᑯᓯᔭᒄ ᒥᓐ ᐊ ‍ ᐱᒪᑎᓯᔭᒄ᙮
\p
\v 24 ᒋᓴᒪᓂᑐᐤ ᐅᑦ ᐃᔨᒧᐅᓐ ᐃᑎᔅᑕᔪᐤ,
\q ᒥᓯᐛ ᐊᐛᓐ ᒧᔭᒻ ᒥᔅᑯᓱᐛ ᐃᓯᓇᑯᓱᐤ᙮ ᒥᓯᐛ ᐊᐛᓐ ᐅᒋᔅᑕᔨᑕᑯᓱᐅᓐ ᒧᔭᒻ ᐛᐱᑯᓐ ᓂᑐᐎᔾ ᑲ ‍ ᓂᑕᐅᒋᑦ ᐃᓯᓇᑯᓂᔪᐤ᙮
\q ᓂᐱᒥᑭᓇ ᒥᔅᑯᓱᐛ ᐊᑯ ᐛᐱᑯᓇ ᐸᐸᒋᑎᓇ᙮
\v 25 ᒥᒄ ᒪᒃ ᐅᑎᐸᔨᒋᒐᐤ ᐅᑦ ᐃᔨᒧᐅᓐ ᑲᒋᒡ ᑎᑯᓂᔪᐤ᙮
\m ᐅ ᒪᒃ ᐃᔨᒧᐅᓐ ᐊᐅᒄ ᒥᔽᒋᒧᐅᓐ ᑲ ‍ ᐛᐎᑎᒪᑯᐅᔭᒄ᙮
\c 2
\s1 ᒧᔭᒻ ᐊ ‍ ᐱᒪᑎᓯᒡ ᐊᓯᓂᔨᒡ ᒋᑦ ᐃᓯᓇᑯᓯᓇᓄᐤ
\p
\v 1 ᓇᔅᒡ ᒪᒃ ᐊᑯ ᐳᓂᑕᒄ ᒥᓯᐛ ᒪᔭᑎᓯᐅᓐ᙮ ᐳᓂᒄ ᐊᑯ ᐊ ‍ ᑭᑭᒋᔭᔭᒄ, ᑭᔭ ᐊᑲᐎᔾ ᐎ ᐃᑕᔨᑕᑯᐃᓱᒄ ᑕᓐ ᐊᓐ ᐊᑲ ᒋᒋᐛ ᐃᑕᔨᑕᑯᓯᔭᒄ, ᐊᑲᐎᔾ ᒋᑭ ᐅᒋ ‍ ᑎᑯᓐ ᐊ ‍ ᐛᐅᑕᔨᒥᑐᔭᒄ᙮ ᑭᔭ ᐊᑲᐎᔾ ᓂᑎᒥᒄ ᐃᓯ ᐊᔨᒧᒪᐧᑯᒡ ᐊᐛᓐᒋ᙮
\s2 1 Peter 2.2-10 (Easter-5 Year A)
\p
\v 2 ᒧᔅ ᐊᑐᐎᔅ ᒋᐸ ‍ ᓂᑐᐛᔨᑎᒺᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᐛᔅ ᓇᔅᒡ ᑕᑈ ᐱᔭᒐᔨᑕᑯᓂᔪᐤ᙮ ᑭᔭ ᐊᑯᑕ ᒐ ᐅᒋ ‍ ᒥᔪ ‍ ᓂᑕᐅᒋᔭᒄ ᑭᔭ ᐊᐅᑯᓐ ᒐ ‍ ᑭᓄᐛᔨᒥᑯᔭᒄ ᐊ ‍ ᐱᒪᒋᐅᔭᒄ᙮ ᒧᔭᒻ ᐊᐛᔅ ᐊ ‍ ᐅᔅᒋᓂᑕᐅᒋᑦ ᒧᔅ ᐊ ‍ ᓂᑐᐛᔨᒪᑦ ᒋᒋᓇᐳᔭ ᒐᒋ ᐅᒋ ‍ ᓂᑕᐅᒋᑦ, ᐊᐅᑯᓐ ᒋᐸ ‍ ᐃᓯᓇᑯᓯᓇᐛᐤ ᐊ ‍ ᓂᑐᐛᔨᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐅᒋ ‍ ᓂᑕᐅᒋᔭᒄ ᐊᓐᑕ ᒋᑦ ᐊᒐᐧᑯᐛᒡ᙮
\v 3 ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᓴᔅ ᒋ ‍ ᒋᔅᒐᔨᑎᒥᐃᑯᓇᐛᐤ ᑕᓐ ᐊᔅᐱᔅ ᒥᔪᑐᑎᒪᑕᒄ ᐅᑎᐸᔨᒋᒐᐤ᙮”
\p
\v 4 ᐸᒋ ‍ ᓇᑎᒄ ᒪᒃ ᐅᑎᐸᔨᒋᒐᐤ ᒋᓴᔅ, ᐊᓐ ᑲ ‍ ᐱᒪᑎᓯᑦ ᐊᓯᓂᔾ ᑲ ‍ ᐃᓯᓂᐧᑲᑕᑭᓄᐅᑦ᙮ ᒋ ‍ ᐊᑐᐛᔨᒥᑯᐤ ᐊᐛᔪᐛ ᐅᑕ ᐊᔅᒋᒡ, ᒥᒄ ᒪᒃ ᒋᓴᒪᓂᑐᐛ ᒋ ‍ ᐅᑎᓂᑯᐤ ᐎᔾ ᓇᔅᒡ ᒐᒋ ᒋᔅᑕᔨᑕᑯᓯᑦ᙮
\v 5 ᒧᔭᒻ ᐊ ‍ ᐱᒪᑎᓯᒡ ᐊᓯᓂᔨᒡ ᒋᑦ ᐃᓯᓇᑯᓯᓇᐛᐤ ᐊᓐᑕ ᐛᒋ ‍ ᐎᔨᑲᐳᐅᑕᑦ ᒋᓴᒪᓂᑐᐤ ᐎᒡ, ᐊᓐᑕ ᐊ ‍ ᑕᑦ ᑲ ‍ ᐸᔭᒋᓯᑦ ᐊᒐᐧᒄ᙮ ᐊᑯᑕ ᒪᒃ ᐊᓐᑕ ᒧᔭᒻ ᐊᔭᒥᐊᐅᒋᒪᐅᒡ ᐊ ᐸᔭᒋ ‍ ᐱᒪᑎᓯᒡ ᐊ ‍ ᐃᑕᐱᒋᔨᑕᒄ᙮ ᒥᓯᐛ ᑕᓐ ᒐ ᐃᓯ ‍ ᐱᔅᑎᓂᒧᐛᒂ ᒐᒂᓐ ᒋᓴᔅ ᙭ ᐊ ‍ ᑕᑦ, ᒋᑭ ‍ ᓇᐊᔨᑎᒥᐃᑯᐤ ᒋᓴᒪᓂᑐᐤ᙮
\v 6 ᐛᔅ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᓂᔾ ᓂᒋ ‍ ᐅᑎᓇᐤ ᐊᓐ ᓇᔅᒡ ᒋᒋᐛ ᑲ ‍ ᐃᑕᔨᑕᑯᓯᑦ ᐊᓯᓂᔾ᙮ ᐊᐅᒄ ᒪᒃ ᐅ ᐊᓯᓂᔾ ᐃᔭᐱᒋᐃᒃ ᐊ ‍ ᐎᔨᑲᐳᐅᑕᐅᒡ ᓂᒋᔪᐤ ᐊᓐᑕ ᓴᐃᔭᓂᒡ᙮ ᐊᓐ ᒪᒃ ᐊᐛᓐ ᒐ ‍ ᑕᑈᔭᔨᒪᒂ ᐅᔭ ᑲ ‍ ᐅᑎᓂᒥᒋ, ᓇᒪ ᓂᑕ ᒋᑭ ᐅᒋ ‍ ᒥᑕᒋᔨᐛᔨᑎᒻ ᐊ ‍ ᑕᑈᔭᔨᒪᑦ᙮
\m
\v 7 ᒋᔨᐛᐤ ᒪᒃ ᑲ ‍ ᑕᑈᑎᒪᒄ ᒋᒋᐛ ᒋᑦ ᐃᑕᔨᒪᐛᐤ ᐅ ᐊᓯᓂᔾ᙮ ᐊᑯ ᒪᒃ ᐊᓐᒡ ᐊᑲ ᑕᑈᔭᔨᒪᒡ ᒐ ᐎ ‍ ᒋᔅᒋᓯᒡ ᐅᔭ ᑲ ‍ ᐃᑎᔅᑕᔨᒡ ᐊᓐᑕ ᒥᓯᓇᐃᑭᓂᒡ ᐅᔭ ᐊᓯᓂᔭ ᐊ ‍ ᐊᔨᒧᒪᑭᓄᔨᒋ,
\q ᐊᓂᔭ ᐊᓯᓂᔭ ᑲ ‍ ᐊᑐᐛᔨᒪᒡ ᐊᓐᒡ ᑲ ‍ ᒥᒋᐛᐱᒐᒡ, ᐊᐅᒄ ᐊᓂᔭ ᒪᐅᒡ ᓂᑲᓐ ᑲ ‍ ᐃᑕᔨᑕᑯᓯᔨᒂᓂ᙮
\m
\v 8 ᐊᑯ ᒪᒃ ᒥᓐ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᐅ ᐊᓯᓂᔾ ᒋᑭ ‍ ᐱᓱᔅᑭᒧᐛᐤ ᑭᔭ ᐊᐅᒄ ᑲ ‍ ᒥᒐᐱᔅᒋᓯᑦ ᐊᓯᓂᔾ ᒐ ‍ ᐸᒋᓯᒪᑦ ᐊᐛᔪᐛ᙮
\m ᐱᓱᔅᑯᐛᐅᒡ ᐅᔭ ᐊᓯᓂᔭ ᐛᔅ ᓇᒪ ᐅᒋ ᓂᓇᐃᑎᒺᐅᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐊᐅᒄ ᒪᒃ ᐅᔭ ᒐ ᐅᒋ ‍ ᐛᐛᓯᐊᑭᓄᐎᒡ ᐛᔅ ᓴᔅ ᐊᐅᑯᓐ ᑲ ᐃᓯ ‍ ᐎᔭᔨᑎᒥᔨᒋ ᒋᓴᒪᓂᑐᐛ ᒐ ‍ ᐃᑐᑕᑯᒡ᙮
\p
\v 9 ᒋᔨᐛᐤ ᐊᓐ ᑲ ‍ ᐃᑎᔅᑲᓇᓯᔭᒄ ᔅᒋ ‍ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ‍ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ‍ ᐸᔭᒋᓯᒡ ᑲ ‍ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ‍ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ‍ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ‍ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮
\v 10 ᐊᓐᑕ ᐛᔅᑭᒡ ᓇᒪ ᒋ ᐅᒋ ‍ ᐅᑦ ᐃᔨᒥᑕᑯᐛᐤ ᒋᓴᒪᓂᑐᐤ, ᐊᑯ ᒪᒃ ᐊᓄᒡ ᐛ ᐅᑦ ᐃᔨᒥᑕᑕᒄ᙮ ᐊᓐᑕ ᐛᔅᑭᒡ ᓇᒪ ᒋ ᐅᒋ ‍ ᒋᔅᑎᒪᒐᔨᒥᑯᐛᐤ, ᐊᑯ ᒪᒃ ᐊᓄᒡ ᐊᑯ ᒐᑎᒪᒐᔨᒥᑕᒄ᙮
\p
\v 11 ᓂᐎᒐᐛᑭᓂᑎᒄ ᑲ ‍ ᓴᒋᐃᑎᑯᒡ, ᒥᒄ ᐛᔅ ᐊᓐ ᒋ ‍ ᒪᓐᑕᐅᓇᐛᐤ ᑭᔭ ᒥᒄ ᒋ ‍ ᐱᐸ ᑕᓇᐛᐤ ᐅᑕ ᐊᔅᒋᒡ᙮ ᐊᐅᒄ ᒪᒃ ᐅ ᐛᒋ ᐎ ‍ ᓯᒋᒥᑎᑯᒡ ᓇᔅᒡ ᒐ ᐊᑲ ᒋ ᐱᐱᔅᑲᑕᔨᑎᒥᐃᑯᔭᒄ ᐊᓂᔭ ᒥᒋ ‍ ᓂᑐᐛᔨᑎᒧᐅᓇ ᐊᓂᔭ ᒧᔅ ᒥᔭᓯᒐᐱᔨᒋ ᒋᑦ ᐊᒐᐧᑯᐛᒡ᙮
\v 12 ᓱᒃ ᐎ ᑯᐃᔅᑯᐱᒪᑎᓯᒄ ᒪᒂᒡ ᐊᓐᒡ ᐊᑲ ᑕᑈᑕᒡ ᐊ ‍ ᑕᒡ᙮ ᐊᑯᑕ ᒐᒋ ᓂᔅᑐᓇᒡ ᒋᒥᔪᑐᑎᒧᐅᓄᐛᐛ ᑭᔭ ᒐ ‍ ᒪᒥᒋᒪᒡ ᒋᓴᒪᓂᑐᐛ ᐃᔅᐱ ᑎᑯᓯᓂᔨᒐᓂ᙮ ᐊᐅᑯᓐ ᒐ ‍ ᐃᑎᒡ ᐊᑎ ᐊᓄᒡ ᓂᑎᒥᒄ ᐊ ᐃᓯ ‍ ᒪᒥᓯᒥᑕᑯᒡ ᒧᔭᒻ ᐊ ‍ ᒥᒋᑐᑎᒺᒄ᙮
\s1 ᓂᓇᐃᑐᐛᐧᑯᒡ ᑲ ‍ ᓂᑲᓂᔅᑲᑕᑯᒡ
\p
\v 13 ᓂᓇᐊᔨᑎᒥᒄ ᒥᓯᐛ ᐊᔅᒋᔪᐤ ᑎᐸᔨᒐᐅᓐ᙮ ᐅᑎᐸᔨᒋᒐᐤ ᐃᑐᑎᒧᐛᐧᒄ ᐅᔭ᙮ ᓂᓇᐃᑐᐛᐧᒄ ᒋᓴᐅᒋᒪᐤ ᑭᔭ ᓂᓇᐃᑐᒪᐧᑯᐤ ᒥᓯᐛ ᐅᑦ ᐊᐱᒋᐊᑭᓇ, ᐛᔅ ᐊᐅᑯᓐᒡ ᐅᒡ ᓇᑲᓂᐱᒡ᙮
\v 14 ᑕᐅᒡ ᑭᔭ ᐊᓐᒡ ᒋᓴᐅᒋᒪᐛ ᐊ ‍ ᐊᐱᒋᐃᑯᒡ ᒐᒋ ᐛᐛᓯᐊᒡ ᐊᓂᔭ ᑲ ‍ ᐅᓂᑐᑎᒥᔨᒋ ᑭᔭ ᒐᒋ ᒥᔽᒋᒪᒡ ᐊᓂᔭ ᑯᐃᔅᒄ ᑲ ‍ ᐃᑎᔨᒋ᙮ ᐊᐅᑯᓐᒡ ᐅᒡ ᑭᔭ ᐱᓯᒋᐊᐧᑯᒡ᙮
\v 15 ᐛᔅ ᐊᔪᐅᒄ ᐅᔭ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᓇᔅᒡ ᒐᒋ ᒥᔪᓇᒂᒋ ᒋᐱᒪᑎᓯᐅᓄᐛᐛ ᐊᑲ ᓇᔅᒡ ᓂᑎᒥᒄ ᒐᒋ ᐃᓯ ‍ ᐊᔨᒧᑕᒡ ᒥᔽᒋᒧᐅᓂᔪᐤ ᐊᓐᒡ ᐊᑲ ᒋᔅᒐᔨᑕᒡ ᑕᓐ ᐊ ᐃᓯ ‍ ᒋᔎᐤ ᐃᔨᒥᒡ᙮
\v 16 ᑕᑈ ᑭᑈ ᔅᒋ ‍ ᐎᐧᑯᒋᐃᑯᓇᐛᐤ, ᒥᒄ ᒪᒃ ᒋᓴᒪᓂᑐᐤ ᐅᑦ ᐊᐱᒋᐊᑭᓇ ᒋᔨᐛᐤ᙮ ᐊᑲᐎᔾ ᐃᑕᔨᑎᒧᒄ ᒐᒋ ᒥᒋᑐᑎᒪᒄ ᐊᓐ ᐅᒋ ᐊᒋ ‍ ᐎᐧᑯᒋᐃᑯᐎᔭᒄ ᒥᒋᑥᐅᓂᒡ ᐅᒡ᙮
\v 17 ᒥᓯᐛ ᐊᐛᓐ ᒋᔅᑕᔨᒪᐧᒄ᙮ ᓴᒋᐊᐧᑯᒡ ᒥᓯᐛ ᐊᓐᒡ ᑲ ‍ ᐎᐧᑲᓂᓯᔭᒄ ᒋᓴᒪᓂᑐᐤ ᐃᔅ ᐊ ‍ ᑕᑦ, ᓇᓂᒋᔅᑐᐛᐧᒄ ᒋᓴᒪᓂᑐᐤ, ᒋᔅᑕᔨᒪᐧᒄ ᒋᓴᐅᒋᒪᐤ᙮
\s1 ᑲ ‍ ᑕᑈᑕᒡ ᒐ ‍ ᓂᓇᐧᑲᑕᔨᒧᐊᑭᓄᐎᒡ ᒧᔭᒻ ᙭ᑕ ᑲ ᐃᓯ ‍ ᓂᓇᐧᑲᑕᔨᒧᐊᑭᓄᔨᒋ
\p
\v 18 ᒋᔨᐛᐤ ᑲ ‍ ᐅᑦ ᐊᐱᒋᐊᑭᓂᑐᑕᑕᒄ ᐊᐛᓐ, ᒋᐸ ‍ ᐱᔅᑕᔨᒥᑎᓱᔅᑐᐛᐛᐅᒡ ᒋᐅᒋᒪᒧᐛᐅᒡ ᑭᔭ ᒋᐸ ‍ ᓂᓇᐃᑐᐛᐛᐅᒡ᙮ ᓇᒪ ᒥᒄ ᐊᓐᒡ ᑲ ‍ ᒥᔪᑥᒡ ᒋᐸ ᐅᒋ ‍ ᒋᔅᑕᔨᒪᐛᐅᒡ ᑭᔭ ᐊᓐᒡ ᑲ ‍ ᒥᒋᑥᒡ ᒋᐸ ‍ ᒋᔅᑕᔨᒪᐛᐅᒡ᙮
\s2 1 Peter 2.19-25 (Easter-4 Year A)
\p
\v 19 ᒋᓴᒪᓂᑐᐤ ᒋᑭ ‍ ᓇᐊᔨᑎᒪᐊᐤ ᓯᐱᔪᐛᓯᔅᑎᒥᓇ ᓯᔅᒋᑯᒡ ᐊ ‍ ᐎᓯᒐᔨᑎᒥᐃᑯᔨᓐ ᐊ ‍ ᒋᔅᒐᔨᑎᒥᓐ, ᐊᔪᐅᒄ ᐅᔭ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮
\v 20 ᐛᔅ ᑕᐸ ᒐᒂᓐ ᒋ ‍ ᐎᒋᐃᑯᓐ ᐊ ‍ ᐛᐛᓯᐃᑯᔨᓐ ᐊᒋ ‍ ᒥᒋᑐᑎᒥᓐ᙮ ᒥᒄ ᒪᒃ ᒋᓴᒪᓂᑐᐤ ᒋᑭ ‍ ᓇᐊᔨᑎᒥᐊᐤ, ᓂᓇᐧᑲᒋᐃᑯᔨᓇ ᐊᒋ ‍ ᒥᔪᑐᑎᒥᓐ ᐅᒡ᙮
\v 21 ᐛᔅ ᐊᐅᒄ ᐛᒋ ‍ ᐎᓴᒥᑯᐅᔭᒄ, ᐊᓂᔭ ᙭ ᐊᒋ ‍ ᐛᐎᓯᒐᔨᑎᒥᐊᑭᓄᐅᑦ ᔅᒋ ‍ ᓂᑭᑎᒪᑯᐛᐤ ᒐᒂᔪᐤ ᒐ ‍ ᒋᔅᒋᓄᐛᐸᑎᒺᒄ, ᒐᒋ ᑕᑕᐸᐊᒺᒄ ᑕᓐᑕ ᑲ ᐊᑎ ‍ ᐱᒧᑕᑦ᙮
\q
\v 22 “ᓇᒪ ᓂᑕ ᐅᒋ ᒥᒋᑐᑎᒻ ᑭᔭ ᓇᒪ ᓂᑕ ᓂᑎᒥᒄ ᐅᒋ ᐃᓯ ᐃᔨᒧᐤ, ᒧᔅ ᑯᐃᔅᒄ ᒋ ᐃᓯ ‍ ᐃᔨᒧᐤ᙮”
\m
\v 23 ᑲ ‍ ᒪᔭᔨᒪᑭᓄᐅᑦ ᓇᒪ ᔭᐃᑕᔾ ᐅᒋ ᒪᔭᔨᒐᐤ ᑕᓐ ᑲ ᐃᓯ ‍ ᒪᔭᔨᒪᑭᓄᐅᑦ᙮ ᑲ ‍ ᓂᓇᐧᑲᒋᐊᑭᓄᐅᑦ ᓇᒪ ᐅᒋ ᐎ ᓯᓴᒋᒧᐛᐤ ᐊ ‍ ᐊᔨᒧᑕᐧᒃ ᑕᓐ ᒐᒋ ᐃᓯ ‍ ᐃᔪᐛᐃᔨᒧᑦ᙮ ᐅᔅᑕ ᓇᔅᒡ ᒋ ‍ ᐊᔅᐸᔨᒧᑐᑕᐛᐤ ᐊᓂᔭ ᑲ ‍ ᒐᔅᑎᓇᑕᔨᑕᑯᓯᔨᒋ ᒐᔅᑎᓇᔅ ᑯᐃᔅᒄ ᒐ ᐃᓯ ‍ ᑎᐸᔅᑯᓂᒐᔨᒋ᙮
\v 24 ᐎᔾ ᑎᐱᔨᐛ ᐎᔭᒡ ᒋ ᐃᓯ ‍ ᐅᑎᓂᒻ ᒋᒥᒋᑥᐅᓄᐛ ᑲ ‍ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒥᔅᑯᒡ ᒋᔭᓄᐤ ᒐ ᐊᑲ ᒋ ᐱᒋᔅᑲᑯᔭᐧᒄ ᒥᒋᑥᐅᓐ᙮ ᒋ ‍ ᐃᑐᑎᒻ ᒋᒥᒋᑥᐅᓄᐛ ᒐᒋ ᐊᑎ ‍ ᐃᓯᓇᑯᓱᐛᐧᒄ ᒧᔭᒻ ᐊ ‍ ᓂᐱᔭᐧᒄ ᒥᒋᑥᐅᓂᒡ ᐃᔅ ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ‍ ᐱᒪᑎᓯᔭᐧᒄ᙮ ᐊᓂᔭ ᑕᓐ ᑲ ᐃᓯ ‍ ᐸᐱᓯᔅᑕᐛᑭᓄᐅᑦ, ᐊᑯᑕ ᑲ ᐅᒋ ‍ ᒥᓏᑎᓯᔭᒄ᙮
\p
\v 25 ᐛᔅ ᒧᔭᒻ ᒪᔭᑕᓂᓯᒡ ᐊ ‍ ᐅᓂᓯᓂᒡ ᔅᒋ ‍ ᐃᓯᓇᑯᓯᓇᐛᐤ᙮ ᐊᓄᒡ ᒪᒃ ᓴᔅ ᑲᐤ ᔅᒋ ‍ ᐸᓯᑯᐅᓇᐛᐤ ᒐᒋ ᓇᓴᐛᒄ ᐊᓐ ᒪᔭᑕᓂᓯᐅ-ᐃᔪᐤ ᑲ ‍ ᓂᓇᑭᑐᐛᔨᒥᑕᒄ ᑭᔭ ᑲ ‍ ᑭᓄᐛᔨᒪᑦ ᒋᑦ ᐊᒐᐧᑯᐛᐛ᙮
\c 3
\s1 ᓇᐸᐅᒡ ᑭᔭ ᐃᔎᐅᒡ ᑲ ‍ ᓂᐳᐅᒡ ᒐ ᐃᓯ ‍ ᒋᔅᑕᔨᒥᑐᒡ
\p
\v 1 ᒧᔭᒻ ᒪᒃ ᑭᔭ ᒋᔨᐛᐤ ᐃᔎᑐᒄ ᑲ ‍ ᓂᐳᔭᒄ ᒋᐸ ‍ ᓂᓇᐃᑐᐛᐛᐅᒡ ᒋᓇᐸᒧᐛᐅᒡ᙮ ᐛᔅ ᐅ ᑎᔭᒂ ᒋᑭ ᒋ ‍ ᐃᓯᓇᑯᓂᔪᐤ ᐱᔅᒐ ᒐᒋ ᐊᑎ ‍ ᑕᑈᑕᒡ ᐛᐱᒥᑕᒂᐛ ᑕᓐ ᐊ ᐃᓯ ‍ ᑯᐃᔅᑯᐱᒪᑎᓯᐛᒄ, ᐊᑎ ᐊᑲ ᒋᔅᑐᑕᒂᐛ ᒐᒋ ᑕᑈᑕᒡ᙮
\v 2 ᐛᔅ ᐛᐱᒥᑕᒂᐛ ᐊ ᐸᔭᒋ ‍ ᐱᒪᑎᓯᐛᒄ ᑭᔭ ᐊ ‍ ᒋᔅᑕᔨᒪᒄ ᒋᓴᒪᓂᑐᐤ ᐊᔪᐅᒄ ᐅᔭᔪᐤ ᒐ ‍ ᐎᒋᐃᑯᒡ ᒐᒋ ᑕᑈᑕᒡ᙮
\v 3 ᓇᒪ ᓇᔅᒡ ᒋᐸ ᐅᒋ ‍ ᐊᐱᑕᔨᑎᒥᐃᑯᓇᐛᐤ ᑕᓐ ᒐ ‍ ᐃᓯᓇᑯᐃᓱᔭᒄ ᐅᑕ ᐅᔅᒡ, ᒧᔭᒻ ᑕᓐ ᒐ ‍ ᐃᑎᐛᐊᒪᔭᒄ ᒪᒃ ᒐᒂᓐ ᒐ ‍ ᐛᐛᓯᐅᐛᒐᔭᒄ, ᒪᒃ ᑭᔭ ᑕᓐ ᒐ ‍ ᐃᑕᔅᐱᓱᔭᒄ᙮
\v 4 ᐃᐛᒃ ᐃᑕᔨᑕᑯᓐ ᑯᐃᔅᒄ ᒐᒋ ᐃᓯ ‍ ᐱᒪᑎᓯᔭᒄ ᑭᔭ ᒐᒋ ᒋᔭᒪᑎᓯᔭᒄ ᒐᒋ ᐅᒋ ‍ ᒥᔪᓇᑯᓯᔭᒄ᙮ ᐊᔪᐅᒄ ᐅᔭ ᓇᔅᒡ ᒪᔪᓇᑯᓯᑦ ᐃᔎᐤ ᐊ ᐃᓯ ‍ ᐱᒪᑎᓯᑦ ᑭᔭ ᐊᔪᐅᒄ ᐅᔭ ᐊ ‍ ᐃᑐᑕᑯᑦ ᒧᔅ ᒐᒋ ᒥᔪᓇᑯᓯᑦ᙮ ᐊᔪᐅᒄ ᐅᔭ ᒪᐅᒡ ᒪᔪᓇᐧᒃ ᒋᓴᒪᓂᑐᐤ ᐃᔎᐛ ᒐᒋ ᐃᓯ ‍ ᐱᒪᑎᓯᔨᒋ᙮
\v 5 ᐛᔅ ᐊᑯᓐ ᑲ ‍ ᐃᓯᓇᑯᓯᒡ ᐊᓐᒡ ᑲ ᐸᔭᒋ ‍ ᐱᒪᑎᓯᒡ ᐃᔎᐅᒡ ᐊᓐᑕ ᐛᔅᑭᒡ, ᐊᓐᒡ ᑲ ‍ ᐊᔅᐸᔨᒧᑐᑐᐛᒡ ᒋᓴᒪᓂᑐᐛ᙮ ᒋ ‍ ᓂᓇᐃᑐᐛᐅᒡ ᐅᓇᐸᒧᐛᐛ᙮
\v 6 ᒧᔭᒻ ᐊᓂᔭ ᓴᕋ ᑲ ‍ ᐃᓯᓇᑯᓯᑦ, ᐊᐅᒄ ᐊᓐ ᐸᐃᒄ ᑲ ‍ ᐊᔨᒧᒪᑭᓄᐅᑦ ᐊᒋ ‍ ᓂᓇᐃᑐᐛᑦ ᐅᐎᒋᒪᑭᓇ ᐊᑉᕋᐊᒪ, ᓄᒋᒪᒻ ᐊᒋ ‍ ᐃᓯᓂᐧᑲᑕᑦ᙮ ᐊᐅᒄ ᒪᒃ ᐅ ᓴᕋ ᐛᐅᑕᓂᓯᑐᑕᑕᒄ ᒧᔭᒻ ᑯᐃᔅᒄ ᐊ ‍ ᐃᑎᔭᒄ ᑭᔭ ᐊᑲ ᑯᔅᑎᒪᒄ ᒐᒂᓐ᙮
\p
\v 7 ᐊᐅᑯᓐ ᒪᒃ ᑭᔭ ᒋᔨᐛᐤ ᑲ ‍ ᓂᐳᐅᔭᒄ ᓇᐸᑐᒄ ᒐ ‍ ᐃᑎᔭᒄ᙮ ᓱᒃ ᐎ ᓂᓇᑭᑐᐛᔨᒪᐧᑯᒡ ᒋᐅᐛᐅᒡ ᐊ ‍ ᐎᒋᒪᑯᒡ ᐊ ‍ ᒋᔅᒐᔨᒪᑯᒡ ᐊᑲ ᐃᔅᐱᔅ ᓱᒋᓯᒡ ᒋᔨᐛᐤ ᐊ ᐃᔅᐱᔅ ‍ ᓱᒋᓯᐛᒄ᙮ ᒋᔅᑕᔨᒪᐧᑯᒡ ᐛᔅ ᑭᔭ ᐎᔨᐛᐤ ᒋᑭ ‍ ᐊᓂᔅᒐ ᒥᔭᑭᓄᐎᒡ ᑲᒋᒡ ᐱᒪᑎᓯᐅᓂᔪᐤ ᒧᔭᒻ ᒋᔨᐛᐤ ᒐ ᐃᓯ ‍ ᒥᔨᑯᐅᔭᒄ᙮ ᐃᑐᑎᒧᒄ ᐅ ᐊ ‍ ᐃᑎᓱᒥᑎᑯᒡ ᐊᑲ ᒐᒂᓐ ᒐᒋ ᒋᐱᔅᑲᑯᔭᒄ ᐊ ‍ ᐊᔭᒥᐊᒄ ᒋᓴᒪᓂᑐᐤ᙮
\s1 ᐊ ‍ ᓂᓇᐧᑲᑕᔨᒧᑦ ᐊᐛᓐ ᐊ ‍ ᒥᔪᑐᑕᐧᒃ
\p
\v 8 ᐅ ᒪᒃ ᒥᓯᐛ ᑲ ᐃᓯ ‍ ᐊᔨᒧᑎᒪᑎᑯᒡ ᒥᓯᐛ ᐊ ‍ ᑎᓯᔭᒄ ᓱᒃ ᐸᐃᑯᓄᒡ ᐃᓯ ᒪᒥᑐᓇᔨᑎᒧᒄ ᐊ ‍ ᒋᔅᑎᒪᒐᔨᒥᑐᔭᒄ ᑭᔭ ᓴᒋᐃᑐᒄ ᑕᐱᔅᑯᓐ ᐊ ‍ ᐎᐧᑲᓂᓯᑕᑐᔭᒄ ᑭᔭ ᒋᓴᐛᑐᑕᑐᒄ᙮ ᓱᒃ ᒧᔅ ᑎᐱᑕᔨᒧᒄ᙮
\v 9 ᐊᑲᐎᔾ ᔭᐃᑕᔾ ᐎ ᑎᐸᐊᒪᓱ ᐊᐛᓐ ᐊ ‍ ᐅᓂᑐᑕᔅᒃ ᒪᒃ ᐊ ‍ ᒪᒥᐊᔭᔨᒥᔅᒃ᙮ ᐃᔭᐱᒡ ᐅᔅᑕ ᒥᔪᑐᑎᒧᐤ ᑭᔭ ᐊᔭᒥᑐᐤ ᒐᒋ ᓱᐛᔨᒥᑯᑦ ᒋᓴᒪᓂᑐᐛ, ᐛᔅ ᐊᐅᒄ ᐅ ᑲ ᐃᓯ ‍ ᐃᑕᔨᑕᑭᓄᐅᒡ ᒋᐱᒪᑎᓯᐅᓐ ᒐᒋ ᐃᓯᓇᒂᒡ᙮ ᐊᑯᑕ ᒐᒋ ᐅᒋ ‍ ᐊᓂᔅᒐ ᒥᑭᐎᔨᓐ ᓱᐛᔨᒋᒐᐅᓐ᙮
\v 10 ᐛᔅ ᐃᑎᔅᑕᐤ ᒥᓯᓇᐃᑭᓂᒡ,
\q ᐊᐛᓐ ᑕᑈ ᐛ ᒥᔽᔨᑎᒧᒂ ᐊ ‍ ᐱᒪᑎᓯᑦ ᑭᔭ ᐸᑯᓴᔨᒧᒂ ᒐᒋ ᒪᒥᔪᐱᔨᑦ,
\q ᐊᑲᐎᔾ ᒋᑭ ᐅᒋ ‍ ᒥᒋ ‍ ᐃᔨᒧᐤ ᑭᔭ ᐊᑲᐎᔾ ᒋᑭ ᐅᒋ ᐎᒋ ‍ ᑭᑭᒋᔭᐤ᙮
\q
\v 11 ᐊᑯᔅ ᒋᑭ ‍ ᐳᓂᐤ ᐊ ‍ ᒥᒋᑐᑕᐧᒃ᙮ ᐅᔅᑕ ᒧᔅ ᒋᑭ ᐎ ‍ ᒥᔪᑐᑎᒪᒐᐤ᙮ ᓱᒃ ᒋᑭ ᐎ ‍ ᐊᒋᔅᑎᒻ ᒐᒋ ᐎᒋᐊᑦ ᒥᓯᐛ ᐎᐧᑲᓂᓯᒪᐛ ᒧᔅ ᒐᒋ ᒥᔪ ‍ ᐎᒐᐅᑐᔨᒋ᙮
\q
\v 12 ᐛᔅ ᐅᑎᐸᔨᒋᒐᐤ ᒥᔪ ‍ ᑭᓄᐛᔨᒪᐤ ᐊᓂᔭ ᑲ ‍ ᑯᐃᔅᑯᐱᒪᑎᓯᔨᒋ ᑭᔭ ᓂᑐᑐᐛᐤ ᐃᔅᐱᔅ ᐊ ‍ ᐊᔭᒥᐊᔨᒋ,
\q ᐊᑯ ᐊᓂᔭ ᑲ ‍ ᒥᒐᑎᓯᔨᒋ ᓇᒪ ᓇᐃᐱᒪᐤ᙮
\m ᐊᐅᒄ ᐊᑎᔅᑕᒡ ᒥᓯᓇᐃᑭᓂᒡ᙮
\s2 1 Peter 3.13-22 (Easter-6 Year A)
\p
\v 13 ᐊᐛᓐ ᒪᒃ ᒐᒂᔪᐤ ᒐᒋ ᐃᑐᑕᑕᒄ ᐊᓐ ᐅᒋ ᓱᒃ ᐊ ‍ ᐃᑕᔨᑎᒥᐃᑯᔭᒄ ᒐᒋ ᒥᔪᑐᑎᒪᒄ᙮
\v 14 ᐊᑎ ᐃᓯᓇᒂᒡ ᒐᒋ ᓂᓇᐧᑲᒋᐃᑯᐅᔭᒄ ᐊ ‍ ᑯᐃᔅᑯᑕᑎᓯᔭᒄ ᐅᒋ, ᒋᑭ ‍ ᓱᐛᔨᒥᑯᐛᐤ ᒋᓴᒪᓂᑐᐤ᙮ ᐊᑲᐎᔾ ᑯᑯᔅᑕᐧᑯᒡ ᑲ ‍ ᐎᐎᔭᔅ ‍ ᐃᑐᑕᑕᑯᒡ ᐊᐛᓐᒋ, ᐊᑲᐎᔾ ᒋᑭ ᐅᒋ ‍ ᒥᑯᔅᑲᑕᔨᑕᓇᐛᐤ,
\v 15 ᒋᔅᑕᔨᒪᐧᒄ ᐅᑎᐸᔨᒋᒐᐤ ᙭ ᒋᑕᐃᐛᒡ᙮ ᒧᔅ ᒋᐸ ‍ ᐊᔭᔅᑯᐎᓇᐛᐤ ᑕᓐ ᒐᒋ ᐃᓯ ‍ ᐎᑎᒧᐊᑯᒡ ᐊᓐᒡ ᑲ ᐎ ᓇᓂᑐ  ᒋᔅᒐᔨᑕᒡ ᐊᓂᔭ ᐊᔅᐸᔨᒧᐅᓂᔪᐤ ᑲ ‍ ᐱᒋᔅᑲᑯᐛᒄ᙮ ᒋᔭᒻ ᒥᒄ ᐎᑎᒧᐛᐧᑯᒡ ᐊᐛᓐᒋ ᐅᔭᔪᐤ ᑭᔭ ᐃᔭᐱᒡ ᒋᔅᑕᔨᒪᐧᑯᒡ᙮
\v 16 ᓱᒃ ᒧᔅ ᑯᐃᔅᒄ ᐎ ᐃᓯ ‍ ᐱᒪᑎᓯᒄ ᓇᔅᒡ ᒐᒋ ᒐᔅᑎᓇᐅᔭᒄ ᐊᑲ ᒥᒋᑐᑎᒪᒄ᙮ ᐅ ᐃᓯᓇᑯᓯᔭᒂ, ᐊᑯᑕ ᒐ ᐅᒋ ‍ ᓯᓴᒂᔨᒧᒡ ᐊᓐᒡ ᑲ ‍ ᒪᔭᔨᒥᑕᑯᒡ, ᐊᓐᒡ ᑲ ᒥᒋ ‍ ᐊᔨᒧᒥᑕᑯᒡ ᐊ ‍ ᑯᐃᔅᑯᐱᒪᑎᓯᐛᒄ ᙭ᑕ ᐊ ‍ ᓇᓴᐅᒪᑯ᙮
\v 17 ᓂᓇᐧᑲᑕᔨᒧᔨᓇ ᐊᓐ ᐅᒋ ᐊ ‍ ᒥᔪᑐᑎᒥᓐ, ᒋᓴᒪᓂᑐᐤ ᒪᒃ ᐊ ‍ ᐱᔅᑎᓇᐧᒃ ᐅᔭ ᒐᒋ ᐃᔅᐱᔪᑦ, ᐅᔅᑕ ᒥᔽᐤ ᐊ ‍ ᓂᓇᐧᑲᑕᔨᒧᔨᓐ ᐊ ‍ ᒥᔪᑐᑎᒥᓐ ᐃᔅᐱᔅ ᐎ ᒐᒋ ᓂᓇᐧᑲᑕᔨᒧᔨᓐ ᐊ ‍ ᒥᒋᑐᑎᒥᓐ᙮
\s2 1 Peter 3.18-22 (Lent-1 Year B)
\p
\v 18 ᐛᔅ ᙭ ᐸᐃᒂᐤ ᔅᒋ ‍ ᓂᐱᔅᑎᒪᑭᓄᐤ ᒥᒋᑥᐅᓂᒡ ᐅᒡ ᒐᒋ ᐅᒋ ‍ ᐸᓱᐅᑕᐧᒄ ᒋᓴᒪᓂᑐᐛ ᐊ ‍ ᑕᔨᒋ᙮ ᐊᓐ ᑲ ‍ ᑯᐃᔅᑯᑕᑎᓯᑦ ᒋ ‍ ᓂᐱᔅᑎᒧᐛᐤ ᐊᓂᔭ ᐊᑲ ᑯᐃᔅᑯᑕᑎᓯᔨᒋ᙮ ᑕᑈ ᑭᑈ ᒋ ‍ ᓂᐸᑕᑭᓄᐅᔪᐤ ᐎᔪᐤ ᒥᒄ ᒪᒃ ᒋ ‍ ᐃᑐᑐᐛᑭᓄᐅᔪᐛ ᐅᑦ ᐊᒐᒂ ᐃᔭᐱᒡ ᒐᒋ ᐱᒪᑎᓯᔨᒋ᙮
\v 19 ᐊᒐᐧᑯᒡ ᒪᒃ ᒋ ᐃᓯ ‍ ᑭᒐᔅᒋᒪᐤ ᐊᓂᔭᔪᐛ ᐊᒐᒂ ᑲ ‍ ᒋᐸᐛᑭᓄᔨᒋ᙮
\v 20 ᐊᐅᑯᓐᒡ ᐅᒡ ᐊᓂᔭᐧᑲ ᑲ ‍ ᐱᒪᑎᓯᒡ ᒪᒂᒡ ᐊᓂᔭ ᓄᐛ ᑲ ‍ ᐅᓯᑕᑦ ᐊ ‍ ᒥᓴᔨᒡ ᐅᐤᑎᔪᐤ᙮ ᓇᒪ ᐅᒋ ᓂᓇᐃᑐᐛᓯᐱᓐᒡ ᒋᓴᒪᓂᑐᐛ, ᒥᒄ ᒪᒃ ᒋ ‍ ᓯᐱᔪᐛᓯᔅᑕᑯᐅᒡ ᒋᓴᒪᓂᑐᐛ᙮ ᒥᒄ ᔭᓇᐤ ᐊᐛᓐᒋ ᒋ ‍ ᐳᓱᐅᒡ ᐊᓂᔭ ᐅᐤᑎᔪᐤ, ᒋ ‍ ᐱᒪᒋᐃᑯᐅᒡ ᒪᒃ ᒋᓴᒪᓂᑐᐛ ᐊᓐᑕ ᐊᓂᔭ ᑲ ‍ ᐃᔅᒋᐳᑕᔨᒡ᙮
\v 21 ᐊᓐ ᒪᒃ ᓂᐱᔾ, ᒧᔭᒻ ᓯᑲᐃᑕᒐᐅᓐ ᒋ ‍ ᐃᓯᓇᑯᓐ, ᓯᑲᐃᑕᒐᐅᓂᔪᐤ ᒪᒃ ᐊᔪᐅᒄ ᐸᒪᒋᐃᑯᑦ ᐊᐛᓐ ᑲ ‍ ᑕᑈᑕᐧᒃ᙮ ᒥᒄ ᒪᒃ ᐊ ‍ ᓯᑲᐃᑐᐛᑭᓄᐅᑦ ᐊᐛᓐ ᓇᒪ ᐎᔪᐤ ᒋᔅᑕᐸᐅᑕᑭᓄᐅᔪᐤ᙮ ᓄᑯᑕᐤ ᒋᓴᒪᓂᑐᐛ ᐊ ‍ ᐃᑕᑦ ᑕᑈ ᙭ᑕ ᒐ ‍ ᓇᓴᐛᑦ᙮ ᐱᒪᒋᐃᑯᐤ ᐊ ‍ ᓯᑲᐃᑐᐛᑭᓄᐅᑦ ᐊᓂᔭ ᐅᒋ ᒋᓴᔅ ᙭ᑕ ᐊᒋ ‍ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ᙮
\v 22 ᐊᐅᒄ ᐅ ᙭ ᒋᒋᒋᓯᑯᒡ ᑲ ᐃᓯ ‍ ᐅᐱᔨᑦ ᑭᔭ ᑲ ‍ ᐊᔨᑯᑦ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᓐᑕ ᒪᐅᒡ ᐊ ‍ ᒋᔅᑕᔨᑕᑯᓂᔨᒡ ᒐᒋ ᐊᐱᑦ ᐊᐛᓐ᙮ ᐊᑯᑕ ᒪᒃ ᑲ ‍ ᒥᔭᑭᓄᐅᑦ ᒐᒋ ᐅᒋᒪᒥᑕᑯᑦ ᒥᓯᐛ ᐊᓐᒋᓇ ᑭᔭ ᒐᒋ ᑎᐸᔨᑕᐧᒃ ᒥᓯᐛ ᒋᒋᒋᓯᒄ ᑎᐸᔨᒐᐅᓂᔪᐤ ᑭᔭ ᒥᓯᐛ ᓱᐧᑲᑎᓯᐅᓂᔪᐤ᙮
\c 4
\s1 ᒋᐱᒪᑎᓯᐅᓄᐛᐤ ᒋᑭ ‍ ᒂᔅᒋᓇᑯᓐ
\p
\v 1 ᙭ ᒪᒃ ᐊᒋ ‍ ᐛᐎᓯᒐᔨᑕᐧᒃ ᐎᔭᓱᐅᓂᒡ ᒪᒂᒡ ᐅᑕ ᐊᔅᒋᒡ ᑲ ‍ ᐱᒪᑎᓯᑦ ᑭᔭ ᒋᔨᐛᐤ ᐊᑯᓐ ᒋᐸ ᐃᓯ ‍ ᒪᒥᑐᓇᔨᑎᒥᐃᑯᓇᐛᐤ ᒐᒋ ᐃᓯ ‍ ᐊᔭᔅᑯᐎᔅᑎᒪᒄ, ᐛᔅ ᐊᓐ ᐊᐛᓐ ᑲ ‍ ᐛᐎᓯᒐᔨᑎᒥᐊᑭᓄᐅᑦ ᐎᔭᓱᐅᓂᒡ ᐳᓂᑕᐤ ᒥᒐᑎᓯᐅᓂᔪᐤ᙮
\v 2 ᐊᑯ ᒪᒃ ᑕᓐ ᐊᔅᒄ ᒐ ᐃᔅᐱᔅ ‍ ᐱᒪᑎᓯᒂ ᐅᑕ ᐊᔅᒋᒡ ᓇᒪ ᐊᑯ ᒋᐸ ᐅᒋ ‍ ᑎᐸᔨᒥᑯᐤ ᐎᔾ ᑕᓐ ᐊ ᐃᓯ ‍ ᒧᔅᑕᓇᔨᑕᐧᒃ ᑎᐱᔨᐛ ᒐᒋ ᐃᑕᑎᓯᑦ ᒪᒃ ᐃᐛᒃ ᒋᓴᒪᓂᑐᐛ ᑕᓐ ᐊ ᐃᓯ ‍ ᓂᑐᐛᔨᒥᑯᑦ ᐊᔪᐅᒄ ᐊᓂᔭ ᒋᐸ ᐎ ‍ ᓂᓇᑭᑐᐛᔨᑎᒥᐃᑯᐤ ᒐᒋ ᐃᑐᑕᐧᒃ᙮
\v 3 ᐛᔅ ᐃᔅᐱᔪᐤ ᐊᑯ ᑕᓐ ᑲ ‍ ᐃᔅᐱᔅ ᒋ ᐸᒋ ‍ ᒥᒐᑎᓯᔭᒄ ᐊᓐᑕ ᐅᑕᒡ ᒧᔭᒻ ᐊᓄᒡ ᑕᓐ ᐊ ᐃᓯ ‍ ᒥᒐᑎᓯᒡ ᐊᓐᒡ ᐊᑲ ᑕᑈᑕᒡ᙮ ᐎᓂᓱᐅᓂᒡ ᒋ ᐊᑎ ᐃᓯ ‍ ᐱᒪᑎᓯᓇᐛᐤ, ᓇᔅᒡ ᒋ ‍ ᑎᐸᔨᒥᑯᓇᐛᐤ ᓂᓇᐧᑯᐤ ᒥᒋ ‍ ᓂᑐᐛᔨᑎᒧᐅᓇ᙮ ᑭᔭ ᓇᔅᒡ ᒋ ‍ ᒥᔽᔨᑕᓇᐛᐤ ᐊ ‍ ᒥᓂᔭᒄ, ᒋ ‍ ᒥᔽᔨᑕᓇᐛᐤ ᐊ ‍ ᐎᒋᐃᐛᔭᒄ ᐊᓐᑕ ᐊ ‍ ᒥᓇᓄᐅᒡ ᑭᔭ ᐊᓐᑕ ᐊ ‍ ᐎᓂᓯᓇᓄᐅᒡ, ᔅᒋ ‍ ᐊᔭᒥᐊᔅᑐᐛᐛᐅᒡ ᑭᔭ ᓇᔅᒡ ᐊ ‍ ᒥᒋᓇᑯᓯᒡ ᒥᓂᑐᐧᑲᓐᒡ᙮
\v 4 ᓇᔅᒡ ᒪᒃ ᒋᒥᔅᑲᑕᔨᒥᑯᐛᐅᒡ ᐊᓐᒡ ᐊᑲ ᑕᑈᑕᒡ ᐊᑲ ᐎᒐᐛᑯᒡ ᐊᓂᔭ ᐊ ‍ ᐊᒂᑕᔨᑕᑯᓯᒡ ᐊ ᐃᓯ ‍ ᐱᒪᑎᓯᒡ ᑭᔭ ᓇᔅᒡ ᐛ ᒪᒪᔭᔨᒥᑕᑯᒡ᙮
\v 5 ᐸᐃᒂᐤ ᒪᒃ ᐊ ‍ ᒋᓯᑲᔨᒡ ᒋᑭ ‍ ᐅᑎᔅᑯᑲᐳᔅᑐᐛᐅᒡ ᒋᓴᒪᓂᑐᐛ ᐊ ‍ ᐎᑕᒡ ᑕᓐ ᑲ ᐃᓯ ᐸᒋ ‍ ᐱᒪᑎᓯᒡ᙮ ᐊᐅᒄ ᐛᔅ ᐅ ᒋᓴᒪᓂᑐᐤ ᒐ ‍ ᑎᐸᔅᑯᓇᑦ ᒥᓯᐛ ᐊᓂᔭ ᑲ ‍ ᓂᐱᔨᒋ ᑭᔭ ᐊᓂᔭ ᐸᒪᑎᓯᔨᒋ᙮
\v 6 ᐊᐅᒄ ᒪᒃ ᐅ ᐊᔪᐤ ᐊᓐᒡ ᑲ ‍ ᓂᐱᒡ ᐛᒋ ‍ ᐛᐎᑎᒧᐛᑭᓄᐅᒡ ᐅᔭ ᒥᔽᒋᒧᐅᓂᔪᐤ ᒐᒋ ᑎᐸᔅᑯᓇᑭᓄᐎᒡ ᐊᓂᔭ ᑕᓐ ᑲ ᐃᓯ ‍ ᐱᒪᑎᓯᒡ ᒥᓯᐛ ᐊᐛᔪᐛ ᑕᓐ ᐊ ᐃᓯ ‍ ᑎᐸᔅᑯᓇᑭᓄᔨᒋ, ᒋ ‍ ᐛᐎᑎᒥᒧᐛᑭᓄᐎᒡ ᐅᔭ ᒥᔽᒋᒧᐅᓂᔪᐤ ᒐᒋ ᐊᔭᒡ ᐊᒐᐧᒄ ᐱᒪᑎᓯᐅᓂᔪᐤ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮
\s1 ᑯᐃᔅᒄ ᐃᓯ ᐊᐱᒋᑕᐛᒄ ᒋᓴᒪᓂᑐᐤ ᐅᒥᔨᐛᐅᓇ
\p
\v 7 ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ‍ ᐃᔎᐱᔨᒡ᙮ ᒋ ‍ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ‍ ᓂᓇᑭᑐᐛᔨᑎᒪᒄ ᑕᓐ ᐊ ‍ ᐃᑎᔭᒄ ᑭᔭ ᐊᓱᐛᐱᒄ ᐊ ‍ ᐊᔭᒥᐊᔭᒄ᙮
\v 8 ᒪᐅᒡ ᒪᒃ ᐊ ‍ ᐃᑕᔨᑕᒂᒡ ᐊᐅᒄ ᐅ ᒋᒋᐛ ᒐᒋ ᓴᒋᐃᑐᔭᒄ ᒥᓯᐛ ᐊ ‍ ᑎᓯᔭᒄ, ᐛᔅ ᓴᒋᐃᐛᐅᓐ ᐛᐸᔨᑎᒧᒥᑭᓐ ᒥᒐᑦ ᒥᒋᑥᐅᓇ᙮
\v 9 ᒪᒥᔅᑯᒡ ᒪᒥᔪᑐᑕᑐᒄ, ᒥᔽᔨᑎᒧᒄ ᐅ ᐊ ᐃᓯ ‍ ᐎᒋᐃᑐᔭᒄ᙮
\v 10 ᒥᓯᐛ ᐸᐸᐃᒄ ᐊᐛᓐ ᑎᑯᓂᔪᐤ ᑕᓐ ᐊ ᐃᓯ ‍ ᒥᔨᑯᑦ ᒋᓴᒪᓂᑐᐛ ᑭᔅᒋᐅᓂᔪᐤ᙮ ᐊᐅᒄ ᒪᒃ ᐅᔭ ᑭᔅᒋᐅᓂᔪᐤ ᒋᐸ ‍ ᐊᐱᒋᑕᐤ ᐊ ‍ ᐛᐎᒋᐊᑦ ᑯᑎᑲ ᐊᐛᔪᐛ, ᐊ ‍ ᐊᓱᐤ ᒥᔭᑦ ᐊᐛᔪᐛ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮
\v 11 ᐊᐛᓐ ᐊᒋ ‍ ᒥᔨᑯᑦ ᒋᓴᒪᓂᑐᐛ ᒐᒋ ᐃᔨᒪᐊᑦ, ᒋᐸ ‍ ᐃᔨᒧᐤ ᑕᓐ ᐊᓂᔭᔪᐛ ᐊ ᐃᓯ ‍ ᒥᔨᑯᑦ ᒋᓴᒪᓂᑐᐛ ᒐᒋ ᐃᓯ ‍ ᐃᔨᒥᑦ᙮ ᐊᓐ ᐊᐛᓐ ᑲ ‍ ᒥᔭᑭᓄᐅᑦ ᑭᔅᒋᐅᓂᔪᐤ ᒐᒋ ᐎᒋᐊᑦ ᑯᑎᑲ ᐊᐛᔪᐛ, ᑭᑈ ᒋᐸ ‍ ᐎᒋᐊᐤ ᑕᓐ ᐊ ᐃᓯ ‍ ᒥᔨᑯᑦ ᒋᓴᒪᓂᑐᐛ ᑭᔅᒋᐅᓂᔪᐤ᙮ ᐊᑯ ᒪᒃ ᐎᔾ ᒋᓴᒪᓂᑐᐤ ᒐ ‍ ᒋᔅᑕᔨᑕᑯᐊᑭᓄᐅᑦ ᒥᓯᐛ ᒐᒂᔪᐤ ᑕᓐ ᐊ ᐃᓯ ‍ ᐃᑐᑕᐧᒃ ᐊᓐᑕ ᒋᓴᔅ ᙭ᑕ ᐊ ‍ ᑕᔨᒋ ᐃᔅ, ᐎᔾ ᒋᓴᒪᓂᑐᐤ ᒐ ᐊᑲ ᓂᑕ ‍ ᐃᔎᐱᔨᒡ ᐅᒋᔅᑕᔨᑕᑯᓱᐅᓐ ᑭᔭ ᐅᒥᔅᑯᓯᐅᓐ᙮ ᐊᒥᓐ᙮
\s1 ᑲ ‍ ᑕᑈᑕᒡ ᐊᐛᓐᒋ ᐊ ‍ ᓂᓇᐧᑲᑕᔨᒧᐊᑭᓄᐎᒡ
\s2 1 Peter 4.12-14; 5.6-11 (Easter-7 Year A)
\p
\v 12 ᓂᐧᑲᓂᓯᑐᒄ ᑲ ‍ ᓴᒋᐃᑎᑯᒡ, ᐊᑲᐎᔾ ᒪᒥᑯᔅᑲᑕᔨᑎᒥᐃᑯᒄ ᑕᓐ ᐊ ᐃᓯ ᒥᔅᑎ ‍ ᐊᔨᒪᒡ ᐊ ᐃᓯ ‍ ᑯᒂᒋᐃᑯᐅᔭᒄ ᒧᔭᒻ ᒐᒂᓐ ᐊ ‍ ᐅᑎᑕᐅᑯᔭᒄ ᐊ ‍ ᒪᓐᑕᐛᔨᑕᒂᒡ ᒐᒋ ᐃᑕᔨᑎᒪᒄ᙮
\v 13 ᐃᔭᐱᒡ ᒋᐸ ‍ ᒥᔽᔨᑕᓇᐛᐤ ᐊ ‍ ᐎᒋᐃᐛᔭᒄ ᑕᓐ ᑲ ᐃᓯ ‍ ᐛᐎᓯᒐᔨᑎᒥᐊᑭᓄᐅᑦ ᙭, ᐊᑯ ᒪᒃ ᒐ ‍ ᓴᑭᔅᒋᓇᔅᑲᑯᔭᒄ ᒥᔽᔨᑎᒧᐅᓐ ᐃᔅᐱ ᐸᒋ ‍ ᓄᑯᑕᑭᓄᔨᒐ ᐅᒋᔅᑕᔨᑕᑯᓱᐅᓐ᙮
\v 14 ᐛᔅ ᒧᔭᒻ ᒪᔭᔨᒥᑯᐅᔭᒂ ᙭ ᐊ ‍ ᓇᓴᐛᒄ, ᒋ ‍ ᓱᐛᔨᑕᑯᓯᓇᐛᐤ ᐛᔅ ᐊᑯᑕ ᐛᒋ ‍ ᒋᔅᒐᔨᑕᒂᒡ ᑕᑈ ᐊ ‍ ᐎᒐᐅᑕᒄ ᑲ ‍ ᒋᔅᑕᔨᑕᑯᓯᑦ ᐊᒐᐧᒄ, ᒋᓴᒪᓂᑐᐤ ᐅᑦ ᐊᒐᒂ᙮
\p
\v 15 ᐊᑲᐎᔾ ᒪᒃ ᐊᐛᓐ ᐊᓐᑕ ᐊ ‍ ᑎᓯᔭᒄ ᒋᑭ ᐅᒋ ‍ ᓂᓇᐧᑲᑕᔨᒧᐤ ᐊᓂᔭ ᐅᒋ ᐊ ᐎ ‍ ᓂᐸᐃᐛᑦ, ᑭᔭ ᒪᒃ ᐊ ‍ ᒋᒧᑎᒂ, ᑭᔭ ᒪᒃ ᐊ ‍ ᒥᒋᐃᔪᑦ, ᑭᔭ ᒪᒃ ᐊᓂᔭ ᐅᒋ ᐊ ‍ ᐅᑕᔨᒪᑦ ᑯᑎᑲ ᐊᐛᔪᐛ ᐊ ‍ ᐃᑎᔨᒋ᙮
\v 16 ᒪᒃ ᒧᔭᒻ ᐊ ‍ ᓇᐧᑲᒋᐅᐛᒂ ᐊ ‍ ᓇᓴᐛᒄ ᙭, ᐊᑲᐎᔾ ᒋᑭ ᐅᒋ ‍ ᓴᒂᔨᒧᓇᐛᐤ᙮ ᒋᐸ ‍ ᓂᓇᔅᑯᒪᐛᐤ ᒋᓴᒪᓂᑐᐤ ᙭ ᐊ ‍ ᐊᔭᐅᑕᒄ᙮
\v 17 ᐛᔅ ᓴᔅ ᐅᑎᒋᐱᔪᐤ ᒐ ‍ ᑎᐸᔅᑯᓇᑦ ᒋᓴᒪᓂᑐᐤ ᐅᑦ ᐃᔨᒪ᙮ ᒧᔭᒻ ᒪᒃ ᒋᔭᓄᐤ ᑲ ‍ ᑕᑈᑎᒪᐧᒄ ᓂᔅᑎᒻ ᒐ ‍ ᑎᐸᔅᑯᓂᑯᐛᐅᒂ, ᐃᓯᒪ ᒋᑭ ‍ ᐃᔅᐱᔪᒡ ᐊᓐᒡ ᐊᑲ ᐎ ᓂᓇᐃᑎᒺᒡ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ᙮
\v 18 ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
\q ᒧᔭᒻ ᒥᓇᐅᔅ ᒐ ‍ ᐱᒪᒋᐊᑭᓄᐛᒂ ᐊᓐᒡ ᑲ ‍ ᑯᐃᔅᑯᑕᑎᓯᒡ,
\q ᑕᓐ ᒐ ‍ ᐃᔅᐱᔨᒡ ᐎ ᐊᓐᒡ ᐅᒥᒋᑥᐅᒡ ᑭᔭ ᐊᓐᒡ ᑲ ‍ ᒪᓂᑐᐛᑎᓯᒡ ᐊᑲ ᐎ ᓂᓇᐃᑐᐛᒡ ᒋᓴᒪᓂᑐᐛ ?
\m
\v 19 ᐊᑯ ᒪᒃ ᐊᓐᒡ ᐊᐛᓐᒋ ᑲ ‍ ᓂᓇᐧᑲᑕᔨᒧᒡ ᒋᓴᒪᓂᑐᐛ ᐊᒋ ‍ ᐱᔅᑎᓂᒥᔨᒋ ᐅᔭ ᒐᒋ ᐃᔅᐱᔨᒡ, ᐃᔭᐱᒡ ᒋᐸ ‍ ᐃᑐᑎᒧᒡ ᐊᓂᔭ ᑕᓐ ᐊ ᐃᓯ ‍ ᑯᐃᔅᑯᓇᑯᓂᔨᒡ ᑭᔭ ᓇᔅᒡ ᒋᐸ ‍ ᑕᑈᐅᒐᔨᒪᐅᒡ ᒋᓴᒪᓂᑐᐛ ᐊᓂᔭ ᑲ ‍ ᐅᓯᐃᑯᒡ, ᐊᓂᔭ ᒐ ᐊᑲ ᓂᑕ ᐅᒋ ‍ ᐳᓂᔨᒋ ᐊ ‍ ᐎᒋᐃᑯᒡ᙮
\c 5
\s1 ᑲ ‍ ᓂᑲᓂᔅᑲᒡ ᐊᔭᒥᐊᐅᒋᐛᐸ ᑭᔭ ᐅᔅᒋᓂᒋᓱᐅᒡ
\p
\v 1 ᒪᐅᔭᔪᐤ ᐛ ᐃᑎᒂᐤ ᐊᓐᒡ ᑲ ‍ ᐎᒋᐃᐛᒡ ᐊ ‍ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ ᐊᓐᑕ ᐊ ‍ ᑕᔭᒄ ᐊ ‍ ᑕᒡ ᐛᔅ ᑭᔭ ᓂᔾ ᓂᐎᒋᐃᐛᓐ ᐊ ‍ ᐱᒥᐱᔨᑕᑭᓄᐅᒡ ᐊᔭᒥᐊᐅᒋᐛᑉ᙮ ᓂᑭ ᒋ ‍ ᑎᐸᑐᑎᒺᓐ ᑭᔭ ᑕᓐ ᑲ ᐃᓯ ‍ ᓂᓇᐧᑲᑕᔨᒧᐊᑭᓄᐅᑦ ᙭ ᑭᔭ ᓂᑭ ‍ ᒋᔅᑕᔨᑕᑯᐃᑯᐅᓐ ᑭᔭ ᓂᔾ ᐃᔅᐱ ᓄᑯᑕᑭᓄᔨᒐ ᐊᓐᑕ ᙭ ᒐ ‍ ᒋᔅᑕᔨᑕᑯᐊᑭᓄᐅᑦ᙮ ᒪᐅᔭᔪᐤ ᐛ ᐃᑎᒂᐤ,
\v 2 ᒥᔪ ‍ ᑭᓄᐛᔨᒪᑯ ᐊᓂᔭ ᐃᔪᐛ ᒋᓴᒪᓂᑐᐤ ᑲ ‍ ᒥᔨᑕᒄ ᒐᒋ ᓂᑲᓂᔅᑯᐅᒪᑯ ᒧᔭᒻ ᑲᒋ ᐃᓯ ᒥᔪ ‍ ᑭᓄᐛᔨᒪᑦ ᐅᒪᔭᑕᓂᓯᒪ ᐊᓐ ᑲ ‍ ᑭᓄᒪᔭᑕᓂᓱᐛᑦ᙮ ᒥᔪ ‍ ᑭᓄᐛᔨᒪᑯ ᒧᔭᒻ ᑕᓐ ᐊ ᐃᓯ ‍ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ‍ ᑭᓄᐛᔨᒪᑯ᙮ ᐊᑲᐎᔾ ᒧᔭᒻ ᐊᐃᓴᒡ ᑲ ‍ ᐃᑐᑕᐧᒃ ᐊᐛᓐ ᒐᒂᔪᐤ ᒋᑭ ᐅᒋ ‍ ᐃᓯᓇᑯᓯᓇᐛᐤ ᐅ ᑕᓐ ᐊ ‍ ᐃᑕᐱᑎᓯᔭᒄ᙮ ᐃᑐᑎᒧᒄ ᒋᑦ ᐊᑐᔅᒐᐅᓄᐛᐤ ᓇᒪᐎᔾ ᒥᒄ ᐊ ‍ ᑭᓄᐛᐸᑎᒪᒄ ᑕᓐ ᒐ ᐃᓯ ‍ ᐅᑎᓯᔭᒄ ᒪᒃ ᓇᔅᒡ ᐊ ‍ ᐃᑕᔨᑎᒥᐃᑯᔭᒄ ᑕᓐ ᒐᒋ ᐃᓯ ‍ ᐎᒋᐊᑯᒡ ᐊᓐᒡ ᑲ ‍ ᒥᔨᑯᐅᔭᒄ ᒐᒋ ᓂᓇᑭᑐᐛᔨᒪᑯᒡ᙮
\p
\v 3 ᐊᑲᐎᔾ ᐎ ᐃᓯᓇᑯᓯᒄ ᓇᔅᒡ ᒐᒋ ᐎ ᐅᒋᒪᐧᑲᑐᐛᑯᒡ ᐊᓐᒡ ᑲ ‍ ᒥᔨᑯᐅᔭᒄ ᒐᒋ ᓂᑲᓂᔅᑯᐛᑯᒡ, ᐃᔭᐱᒡ ᐅᔅᑕ ᐎ ᒥᔪᑐᑐᐛᐧᑯᒡ ᒐ ‍ ᑎᑯᓂᔨᒡ ᒪᒃ ᐊᓐᑕ ᒐᒋ ᐅᒋ ‍ ᒋᔅᒋᓄᐛᐱᒥᑕᑯᒡ᙮
\v 4 ᐊᑯ ᒪᒃ ᐃᔅᐱᔅ ᐸᒋ ‍ ᓄᑯᓯᒐ ᐊᓐ ᒪᐅᒡ ᑲ ‍ ᓂᑲᓇᔨᑕᑯᓯᑦ ᒪᔭᑕᓂᓯᐅ-ᐃᔪᐤ, ᒐ ‍ ᒥᔨᑯᐅᔭᒄ ᐊᓐ ᒪᐅᒡ ᐊ ‍ ᒋᔅᑕᔨᑕᒂᒡ ᑲᓂᔪᐅᓐ ᐊᓐ ᒐ ᐊᑲ ᓂᑕ ᐅᒋ ‍ ᐸᓯᑯᓇᒂᒡ᙮
\p
\v 5 ᐊᑯ ᒪᒃ ᒋᔨᐛᐤ ᑲ ‍ ᐅᔅᒋᐱᒪᑎᓯᔭᒄ ᒋᐸ ‍ ᓂᓇᐃᑐᐛᐛᐅᒡ ᐊᓐᒡ ᑲ ‍ ᐎᒋᐃᐛᒡ ᐊ ‍ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ᙮ ᒥᓯᐛ ᒪᒃ ᐊ ‍ ᑎᓯᔭᒄ, ᒋᐸ ‍ ᐊᑐᔅᑲᑐᓇᐛᐤ ᐊ ‍ ᑎᐱᑕᔨᒥᑎᓱᔭᒄ ᐛᔅ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ,
\q ᒋᓴᒪᓂᑐᐤ ᓇᒪ ᓇᐃᐱᒪᐤ ᐊᓂᔭ ᒋᒋᐛ ᑲ ‍ ᐃᑕᔨᒥᓱᔨᒋ, ᐊᑯ ᐊᓂᔭ ᑲ ‍ ᑎᐱᑕᔨᒥᓱᔨᒋ ᒋᓴᐛᑐᑐᐛᐤ᙮
\s2 1 Peter 4.12-14; 5.6-11 (Easter-7 Year A)
\p
\v 6 ᑎᐱᑕᔨᑕᑯᐃᓱᒄ ᒪᒃ ᐊ ‍ ᓂᓇᐃᑐᐛᒄ ᒋᓴᒪᓂᑐᐤ ᐊᓐ ᑲ ‍ ᓱᐧᑲᑎᓯᑦ, ᐛᔅ ᒋᑭ ‍ ᐅᐱᓂᑯᐛᐤ ᑕᑈ ᐃᑕᔨᑕᒐ ᐎᔾ ᒐ ‍ ᐅᐱᓂᑕᒄ᙮
\v 7 ᐎᔾ ᐱᔅᑎᓂᒧᐤ ᒥᓯᐛ ᑕᓐ ᐊ ᐃᓯ ‍ ᒥᑯᔅᑲᑎᔅᑲᑯᔨᓐ ᒐᒂᓐ, ᐛᔅ ᐎᔾ ᒧᔅ ᒋ ‍ ᓂᓇᑭᑐᐛᔨᒧᒄ ᒥᓯᐛ ᑕᓐ ᐊ ‍ ᐃᔅᐱᔨᐃᑯᐅᑦ ᒐᒂᔪᐤ ᒋᐱᒪᑎᓯᐅᓂᒡ᙮
\v 8 ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ‍ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ‍ ᐱᐸᒧᑕᑦ ᐊ ‍ ᐱᐸᓇᒧᑦ ᐊ ‍ ᓇᓂᑐᐤ ᒥᒋᓱᑦ ᐊᐅᑯᓐ ᐊ ‍ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮
\v 9 ᓂᔅᑯᔅᑐᐛᐧᒄ ᒪᒃ ᒥᒋᒥᓂᑐᐤ᙮ ᐊᔨᒋᑲᐳᐅᒄ ᒋᑕᑈᑎᒧᐅᓄᐛᒡ ᐃᔅ ᐛᔅ ᒋ ‍ ᒋᔅᒐᔨᑕᓇᐛᐤ ᐊᓐᒡ ᒋᒋᓴᓄᐛᐅᒡ ᑲ ‍ ᑕᑈᑕᒡ ᐊᐅᑯᓐ ᑭᔭ ᐎᔨᐛᐤ ᐊ ᐃᓯ ‍ ᓇᒋᔅᑲᒡ ᓂᓇᐧᑲᒋᐃᐛᐅᓂᔪᐤ ᐅᑕ ᐊᔅᒋᒡ ᒧᔭᒻ ᑭᔭ ᒋᔨᐛᐤ ᑲ ᐃᓯ ‍ ᓇᒋᔅᑭᒪᒄ᙮
\p
\v 10 ᐃᔅᐱ ᒪᒃ ᒋ ᐃᓯ ‍ ᓂᓇᐧᑲᑕᔨᒧᔭᒂ, ᒋᑭ ‍ ᐃᑐᑕᑯᐛᐤ ᒋᓴᒪᓂᑐᐤ ᒥᓐ ᒐᒋ ᐎᔨᑲᐳᐅᐛᒄ, ᒋᑭ ‍ ᒥᔨᑯᐛᐤ ᒥᔅᑯᓯᐅᓂᔪᐤ, ᒋᑭ ‍ ᐊᔨᒋᑲᐳᐃᑯᐛᐤ, ᑭᔭ ᒋᑭ ‍ ᓯᑭᔅᒐᔨᒧᐃᑯᐛᐤ᙮ ᒋᓴᒪᓂᑐᐤ ᐊᓐ ᑲ ‍ ᐊᔭᑦ ᒥᓯᐛ ᓱᐛᔨᒋᒐᐅᓂᔪᐤ ᒋ ‍ ᐎᓴᒥᑯᓄᐤ ᒐᒋ ᐎᒋᐃᐛᔭᐧᒄ ᐊᓐᑕ ᑲᒋᒡ ᐅᒋᔅᑕᔨᑕᑯᓱᐅᓂᒡ ᙭ᑕ ᐊ ‍ ᑕᔨᒋ ᐅᒡ᙮
\v 11 ᐎᔾ ᒪᒃ ᒋᓴᒪᓂᑐᐤ ᑲᒋᒡ ᐊᔭᐤ ᒥᓯᐛ ᓱᐧᑲᑎᓯᐅᓂᔪᐤ᙮ ᐊᒥᓐ᙮
\s1 ᐱᑕᕐ ᒪᔅᑕᔾ ᑲ ᐃᓯ ‍ ᐛᒋᔭᒪᑦ ᐅᔭ ᐎᐧᑲᓂᓯᒪᐛ
\p
\v 12 ᑕᐤ ᐸᐃᒄ ᓂᐧᑲᓂᔅ ᐊ ‍ ᑕᑈᐅᒐᔨᑕᑯᓯᑦ ᐊ ‍ ᐃᑕᔨᒥᒃ᙮ ᓴᓂᔅ ᐃᓯᓂᐧᑲᓱᐤ᙮ ᐊᐅᒄ ᐅ ᑲ ‍ ᐎᒋᐃᑦ ᐅᔭ ᐊᐱᓯᔅ ᐊ ‍ ᒥᓯᓇᐊᒪᑎᑯᒡ᙮ ᐅ ᒪᒃ ᑲ ‍ ᒥᓯᓇᐊᒪᑎᑯᒡ ᒋ ᐎ ‍ ᓯᒋᒥᑎᓇᐛᐤ ᒐᒋ ᐊᔨᒋᑲᐳᐅᔭᒄ ᑭᔭ ᒋ ᐎ ‍ ᒐᔅᑎᓇᑕᔨᑎᒥᐃᑎᓇᐛᐤ ᐊᔪᐅᒄ ᐅᔭ ᑕᑈ ᒋᓴᒪᓂᑐᐤ ᐅᓱᐛᔨᒋᒐᐅᓐ ᑲ ‍ ᐊᔨᒧᑎᒪᑕᒡ᙮ ᐊᑯᑕ ᒪᒃ ᐊᓐᑕ ᐅᓱᐛᔨᒋᒐᐅᓂᒡ ᐃᔅ ᐊᔨᒋᑲᐳᐅᐛᒄ᙮
\p
\v 13 ᒋ ‍ ᐛᒋᔭᒥᑯᐛᐅᒡ ᐊᓐᒡ ᑭᔭ ᐎᔨᐛᐤ ᑲ ‍ ᐅᑎᓂᑯᒡ ᒋᓴᒪᓂᑐᐛ ᐊᓐᑕ ᐸᐱᓗᓐ ᐊ ‍ ᑕᒡ᙮ ᑭᔭ ᒪᕐᒃ ᓂᑯᔅ ᑲ ‍ ᐃᑕᔨᒥᒃ ᒋ ‍ ᐛᒋᔭᒥᑯᐛᐤ᙮
\v 14 ᐛᒋᔭᒥᑐᒄ ᐊ ‍ ᓄᑯᑥᑐᔭᒄ ᐊ ‍ ᓴᒋᐃᑐᔭᒄ᙮
\p ᒋᔭᒪᔨᑎᒧᐅᓐ ᒋᑭ ‍ ᐃᔭᓇᐛᐤ ᒥᓯᐛ ᒋᔨᐛᐤ ᙭ ᑲ ‍ ᑎᐸᔨᒥᑕᒄ᙮
\id 2PE Adapted from ECree-S to Naskapi, 8 May 2003; Typeset export from CBS 8 May 2007
\h 2 ᐱᑕᕐ
\toc3 2 ᐱᑕᕐ
\toc2 2 ᐱᑕᕐ
\toc1 ᓂᓱ ᐱᑕᕐ ᒥᓐ ᑲ ‍ ᒥᓯᓇᐊᒪᒐᑦ ᐱᑕᕐ
\mt1 ᓂᓱ ᐱᑕᕐ
\mt2 ᒥᓐ ᑲ ‍ ᒥᓯᓇᐊᒪᒐᑦ ᐱᑕᕐ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐊᐅᑯᓐᒡ ᐃᔭᐱᒡ ᐅᒡ ᐃᔪᒡ ᑲ ‍ ᒥᓯᓇᐅᐛᑭᓄᐎᒡ ᐊᓂᔭᔪᐛ ᓂᔅᑎᒻ ᑲ ‍ ᒥᓯᓇᐊᒧᐛᑦ ᐱᑕᕐ᙮ ᐅᒡ ᑲ ‍ ᑕᑈᑕᒡ ᓴᔅ ᒐᑲᑦ ᒋ ‍ ᐃᑐᑐᐛᑭᓄᐎᒡ ᓂᑐᐎᔾ ᒐᒋ ᐃᓯ ‍ ᑕᑈᑕᒡ᙮ ᐱᑕᕐ ᒋ ‍ ᒋᔅᒋᓱᒪᐤ ᓱᒃ ᒐᒋ ᔭᐃᑎᓂᒥᔨᒋ ᐅᑕᑈᑎᒧᐅᓂᔪᐛ ᐊᑯᑕ ᒥᒄ ᒐ ᐊᑲ ᒋ ᐎᔭᓯᒥᑯᔨᒋ ᓂᔅᐸᒡ ᒋᔅᑯᑎᒪᒐᓱᐛ᙮ ᒋ ‍ ᒋᔅᒋᓱᒪᐤ ᑭᔭ ᒋᓴᒪᓂᑐᐛ ᒐ ‍ ᓂᓱᐅᓇᒋᐊᔨᒋ ᓂᔅᐸᒡ ᒋᔅᑯᑎᒪᒐᓱᐛ᙮ ᑭᔭ ᒋ ‍ ᒋᔅᒋᓱᒪᐤ ᐱᑕᕐ ᐅᔭ ᐃᔪᐛ ᒐᒋ ᐸᔭᒋ ‍ ᐱᒪᑎᓯᔨᒋ ᑭᔭ ᒐᒋ ᒋᓴᒪᓂᑐᐛᑎᓯᔨᒋ ᐛᔅ ᒋ ‍ ᐃᔅᒋᔄᔪᐛ ᒋᓴᓴ ᒐᔅᑎᓇᔅ ᒥᓐ ᑲᐤ ᒐ ‍ ᑎᑯᓯᓂᔨᒋ᙮
\c 1
\p
\v 1 ᓂᔾ ᓴᐃᒥᓐ ᐱᑕᕐ, ᒋᓴᔅ ᙭ ᓂᑦ ᐊᑐᔅᑯᐛᐤ, ᐎᔾ ᓂᒋ ‍ ᐅᑎᓂᒄ ᐊᑈᔅᑕᓐ ᒐᒋ ᐃᑕᐱᑎᓯᐅᒡ᙮
\p ᒋ ‍ ᒥᓯᓇᐊᒪᑎᓇᐛᐤ ᒋᔨᐛᐤ ᑲ ‍ ᐊᔭᔭᒄ ᑕᑈᑎᒧᐅᓐ ᒧᔭᒻ ᐊᓐ ᐊ ‍ ᐃᑕᔨᑕᒂᒡ ᓂᔭᓐ ᑲ ‍ ᐊᔭᔭᒡ᙮ ᐊᔪᐅᒄ ᐅᔭ ᑕᑈᑎᒧᐅᓂᔪᐤ ᒋᐱᒪᒋᐃᐛᒥᓄᐤ ᑭᔭ ᒋᒋᓴᒪᓂᑐᒥᓄᐤ ᒋᓴᔅ ᙭ ᑲ ‍ ᒥᔨᑕᐧᒄ᙮ ᐎᔾ ᒋ ‍ ᐃᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ‍ ᑕᑦ᙮
\p
\v 2 ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ ᒋᑭ ᐎ ‍ ᐊᔭᒋᑎᒪᑯᐅᓇᐛᐤ ᐊᓐ ᐅᒋ ᐊ ‍ ᒋᔅᒐᔨᒪᒄ ᒋᓴᒪᓂᑐᐤ ᑭᔭ ᒋᓴᔅ ᒋᑎᐸᔨᒋᒐᓯᒥᓄᐤ᙮
\s1 ᒋᓴᒪᓂᑐᐤ ᐊ ‍ ᐅᑎᓇᑦ ᑭᔭ ᐊ ‍ ᑕᑈᑕᑦ ᐊᐛᔪᐛ
\p
\v 3 ᒋ ‍ ᒋᔅᒐᔨᒪᓄᐤ ᐊᑯ ᒋᓴᔅ ᙭ ᒋᐱᒪᑎᓯᐅᓇᒡ, ᐊᓐ ᐊᐛᓐ ᑲ ‍ ᑕᑈᑎᑕᒄ ᒐᒋ ᒋᔅᒐᔨᑎᒥᐃᑕᒄ ᐎᔾ ᑎᐱᔨᐛ ᐅᒋᔅᑕᔨᑕᑯᓱᐅᓐ ᑭᔭ ᐅᒋᓴᒪᓂᑐᐛᑎᓯᐅᓐ᙮ ᐊᑯᑕ ᒪᒃ ᐅ ᐅᒋ, ᐅᔭ ᐊ ‍ ᒋᔅᒐᔨᒪᐧᒄ ᒋᓴᔅ, ᒋᓴᒪᓂᑐᐤ ᐎᔾ ᐅᓱᐧᑲᑎᓯᐅᓂᒡ ᐅᒡ ᓴᔅ ᒥᓯᐛ ᔅᒋ ‍ ᒥᔨᑯᓄᐤ ᑕᓐ ᐊ ᐃᓯ ‍ ᓂᑐᐛᔨᑕᑯᓂᔨᒡ ᒋᐱᒪᑎᓯᐅᓇᒡ ᑕᑈ ᐎᔾ ᐊ ‍ ᑕᑦ ᒐᒋ ᐃᓯ ‍ ᐱᒪᑎᓯᔭᐧᒄ᙮
\v 4 ᐊᑯᑕ ᒪᒃ ᑭᔭ ᐅᔭᔪᐤ ᐅᒋ, ᐅᔭ ᑕᓐ ᓴᔅ ᑲ ᐃᓯ ‍ ᒥᔨᑕᐧᒄ ᒋᐱᒪᑎᓯᐅᓇᒡ, ᐊᑯᑕ ᑲ ᐅᒋ ‍ ᒥᔨᑕᐧᒄ ᐊᓂᔭ ᒥᔨᐛᐅᓇ ᓇᔅᒡ ᑲ ‍ ᒋᔅᑕᔨᑕᑯᓂᔨᒋ ᑭᔭ ᓇᔅᒡ ᑲ ‍ ᒥᔽᓯᔨᒋ᙮ ᐊᐅᑯᓐ ᐛᔅ ᑭᑈ ᐊᓂᔭᔪᐛ ᒥᔨᐛᐅᓇ ᑲ ‍ ᐊᓱᑎᒧᐛᑦ ᒥᓯᐛ ᐊᓂᔭ ᒐ ‍ ᑕᑈᔭᔨᒥᑯᑦ᙮ ᐅᔭ ᒪᒃ ᒥᔨᐛᐅᓇ ᑲ ‍ ᐊᓱᑎᒪᑕᐧᒄ, ᐊᐅᑯᓐ ᐅᔭ ᒐ ‍ ᐎᒋᐃᑯᔭᐧᒄ ᒐ ᐊᑲ ᒋ ᓴᐧᑯᒋᐱᑎᑯᔭᐧᒄ ᑲ ‍ ᓂᓱᐅᓇᒋᐃᐛᒥᑲᒋ ᒥᒋ ‍ ᓂᑐᐛᔨᑎᒧᐅᓇ ᐅᑕ ᐊᔅᒋᒡ ᐊ ‍ ᑎᒂᒋ᙮ ᐊᑯᑕ ᑭᔭ ᒐᒋ ᐅᒋ ‍ ᐊᔭᔅᒃ ᐃᑕᔨᑕᑯᓯᔭᐧᒄ ᑕᓐ ᐊ ‍ ᐃᑕᔨᑕᑯᓯᑦ ᐎᔾ ᒋᓴᒪᓂᑐᐤ᙮
\p
\v 5 ᐊ ‍ ᐛᐸᑎᒪᒄ ᒪᒃ ᐅ ᑲ ‍ ᐃᔅᐱᔅ ᐛᓴ ᒋ ‍ ᒥᔪᑐᑎᒪᑕᒄ, ᓱᒃ ᑯᒋᑕᒄ ᑯᐃᔅᑯᑕᑎᓯᐅᓐ ᒐᒋ ᓄᒂᒡ ᐊᓐ ᐊ ‍ ᑕᑈᑎᒪᒄ᙮ ᐊᑯ ᒪᒃ ᒋᑯᐃᔅᑯᑕᑎᓯᐅᓄᐛᒡ ᓱᒃ ᒐ ᐎ ᐊᑎ ‍ ᐊᔭᔭᒄ ᒋᔅᒐᔨᑎᒧᐅᓐ, ᐊᔭᔅᒃ ᒐ ᐎ ᒥᔪ ‍ ᒋᔅᒐᔨᒪᒄ ᒋᓴᒪᓂᑐᐤ ᑭᔭ ᐅᑦ ᐃᔨᒧᐅᓐ ᐊᔭᔅᒃ ᒐ ᐎ ᐊᑎ ᒥᔪ ‍ ᒋᔅᒐᔨᑎᒺᒄ᙮
\v 6 ᒥᓐ ᒪᒃ ᒐᒂᓐ ᒐ ᐎ ᐊᑎ ‍ ᐊᔭᔭᒄ ᐊᐅᒄ ᐅ ᒐᒋ ᒥᔪ ‍ ᓂᓇᑭᑐᐛᔨᒥᓱᔭᒄ ᒋᐱᒪᑎᓯᐅᓄᐛᒡ᙮ ᐃᔅᐱ ᒪᒃ ᐊ ᐊᑎ ᒥᔪ ‍ ᓂᓇᑭᑐᐛᔨᒥᓱᔭᒂ, ᐊᑯ ᒐ ᐊᑎ ‍ ᓱᒋᑲᐳᐅᔅᑎᒪᒄ ᓂᓇᐧᑯᐤ ᒐᒂᓐ᙮ ᐅ ᒪᒃ ᐊ ᐊᑎ ‍ ᓱᒋᑲᐳᐅᔭᒂ, ᐊᑯ ᒐ ᐊᑎ ‍ ᒪᓂᑐᐛᑎᓯᔭᒄ᙮
\v 7 ᐊᓐ ᒪᒃ ᐊ ᐊᑎ ‍ ᒪᓂᑐᐛᑎᓯᔭᒂ, ᐊᑯ ᒐ ᐊᑎ ‍ ᒋᓴᐛᑐᑎᐛᑯᒡ ᒋᐧᑲᓂᓱᐛᐅᒡ᙮ ᐃᔅᐱ ᒪᒃ ᐊ ᐊᑎ ‍ ᒋᓴᐛᑐᑎᐛᒂᐛ ᒋᐧᑲᓂᓱᐛᐅᒡ ᐊᑯ ᒐ ᐊᑎ ‍ ᐊᔭᔭᒄ ᓴᒋᐃᐛᐅᓐ᙮
\v 8 ᐊᐅᑯᓐ ᒪᒃ ᐅᔭ ᒐᒂᔪᐤ ᐊᔭᔅᒃ ᒋᐸ ‍ ᐛᔪᐅᒡ ᐊᔭᓇᐛᐤ ᒋᐱᒪᑎᓯᐅᓄᐛᒡ᙮ ᐛᔅ ᒧᔭᒻ ᑕᑈ ᐛᔪᐅᒡ ᐊᔭᔭᒂ, ᒋᑭ ‍ ᐃᑐᑕᑯᓇᐛᐤ ᑕᑈ ᒐᒋ ᐛᔪᐅᒡ ᐊᑐᔅᑯᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐊᓂᔭ ᑕᓐ ᐊ ᐃᓯ ‍ ᒋᔅᒐᔨᒪᒄ ᒋᐱᒪᑎᓯᐅᓄᐛᒡ᙮ ᑭᔭ ᓇᔅᒡ ᑕᑈ ᒋᑭ ᒥᔪ ‍ ᐊᑐᔅᑯᐛᐛᐤ᙮
\v 9 ᐊᑯ ᒪᒃ ᐊᓐ ᐊᐛᓐ ᐊᑲ ᓇᔅᒡ ᑎᑯᓂᔨᒋ ᐅᔭ ᒐᒂᔪᐤ ᐅᐱᒪᑎᓯᐅᓂᒡ, ᒧᔭᒻ ᐊᑲ ᓇᔅᒡ ᐛᔪᐤ ᑲ ᐃᓯ ‍ ᐛᐸᑕᐧᒃ ᐊᐛᓐ ᐃᓯᓇᑯᓱᐤ, ᐛᐛᒡ ᐊᐛᓐ ᐊᑲ ᐛᐸᑕᐧᒃ ᐃᑕᔨᑕᑯᓱᐤ, ᐅᓂᒋᔅᒋᓯᑐᑎᒻ ᑭᔭ ᑕᓐ ᑲ ᐃᓯ ‍ ᐸᔭᒋᐊᑭᓄᐅᑦ ᐅᒥᒋᑥᐅᓂᒡ ᐅᒋ, ᑕᓐ ᑲ ᐃᓯ ‍ ᐛᐸᔨᑎᒧᐛᑭᓄᐅᑦ᙮
\p
\v 10 ᐊ ‍ ᒪᒥᑐᓇᔨᑎᒪᒄ ᒪᒃ ᒥᓯᐛ ᐅ ᑲ ᐃᓯ ‍ ᐃᑐᑎᒪᑯᐅᔭᒄ, ᓂᐧᑲᓂᓯᑐᒄ, ᓱᒃ ᐊᑐᐎᔅ ᑯᒋᑕᒄ ᑕᑈ ᒐᒋ ᓄᒂᒡ, ᑕᑈ ᒐᒋ ᓂᔅᑐᓇᒂᒡ ᒋᐱᒪᑎᓯᐅᓄᐛᒡ ᐊᒋ ‍ ᐎᔭᔨᒥᑕᒄ ᒋᓴᒪᓂᑐᐤ ᑭᔭ ᐊ ‍ ᑎᑯᓂᔨᒡ ᑕᓐ ᑲ ᐃᓯ ‍ ᑕᑈᑎᑕᒄ ᒐᒋ ᐃᑕᐱᑎᓱᐛᒄ᙮ ᐛᔅ ᒧᔭᒻ ᐅ ᑎᔭᒂ, ᓇᒪ ᓂᑕ ᒋᑭ ᐅᒋ ‍ ᐸᒋᓯᓇᐛᐤ ᒋᑕᑈᑎᒧᐅᓄᐛᒡ ᐅᒡ᙮
\v 11 ᐊᑯᑕ ᑭᔭ ᒐᒋ ᐅᒋ ‍ ᒥᒄ ᐃᓯ ᐱᑎᑲᐃᑯᐅᔭᒄ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐅᒋᒪᐅᓂᒡ, ᐊᓂᔭ ᑲᒋᒡ ᒐ ‍ ᑎᑯᓂᔨᒡ᙮
\p
\v 12 ᐊᐅᒄ ᐛᔅ ᑭᑈ ᑭᔭ ᐅ ᒐ ᐅᒋ ᒧᔅ ᐎ ‍ ᒋᔅᒋᓱᒥᑎᑯᒡ ᐅᔭ ᒐᒂᔪᐛ ᐊᑎ ᓴᔅ ᐊ ‍ ᒋᔅᒐᔨᑎᒪᒄ ᑭᔭ ᓴᔅ ᐊ ‍ ᒐᔅᑎᓇᑕᔨᑎᒥᐃᑯᔭᒄ ᑕᓐ ᐊ ᐃᓯ ‍ ᑕᑈᑎᒪᒄ ᐊᓄᒡ᙮
\v 13 ᐊᐅᑯᓐ ᑭᑈ ᑕᑈ ᐊ ᐃᓯ ‍ ᒥᔽᒡ ᒐᒋ ᐃᑐᑕᑎᑯᒡ ᓂᑦ ᐃᑕᔨᑕᓐ, ᒧᔅ ᒐᒋ ᒋᔅᒋᓱᒥᑎᑯᒡ ᐅᔭ ᒐᒂᔪᐛ ᐊᔅᒄ ᒪᒂᒡ ᐊ ‍ ᐱᒪᑎᓯᔭᓐ᙮
\v 14 ᐛᔅ ᓂ ‍ ᒋᔅᒐᔨᑕᓐ ᓴᔅ ᐎᐱᒡ ᒐ ‍ ᐳᓂᐱᒪᑎᓯᔭᓐ ᐅᑕ ᐎ ᐅ ᐊᔅᒋᔾ, ᒧᔭᒻ ᑕᓐ ᑯᐃᔅᒄ ᑲ ᐃᓯ ᐸᒋ ‍ ᐎᑎᒧᐅᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮
\v 15 ᐊᐅᑯᓐ ᒪᒃ ᒐ ᐅᒋ ‍ ᒥᒄ ᐃᑎᔭᓐ ᒐᒋ ᓂᔅᑐᑎᒥᐃᑎᑯᒡ ᐅᔭ ᒐᒂᔪᐛ ᒧᔅ ᒐᒋ ᒋᔅᒋᓯᔭᒄ ᐃᔅᐱ ᐊᑲ ᐱᒪᑎᓯᔭᓇ᙮
\s1 ᐊᓐᒡ ᑲ ‍ ᐛᐸᑎᒺᒡ ᙭ᑕ ᐅᒋᔅᑕᔨᑕᑯᓱᐅᓂᔪᐤ
\p
\v 16 ᑕᐸ ᓇᒪᐎᔾ ᐎ ᐊᒋ ‍ ᐅᓯᑕᑭᓄᐅᒋ ᑎᐸᒋᒧᐅᓇ ᑲ ‍ ᐊᐱᒋᑕᔭᒡ ᐃᔅᐱ ᑲ ᐎ ‍ ᒋᔅᒐᔨᑎᒥᐃᑕᒡ ᑕᑈ ᒐ ‍ ᑎᑯᓯᐧᒃ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᓱᐧᑲᑎᓯᐅᓂᒡ᙮ ᓂᔭᓐ ᐛᔅ ᑎᐱᔨᐛ ᓂᔅᒋᓯᑯᓇᒡ ᓂᒋ ‍ ᐛᐱᒪᓇᓐ ᐊ ‍ ᒋᔅᑕᔨᑕᑯᐊᑭᓄᐅᑦ᙮
\v 17 ᓂᒋ ‍ ᑕᐛᓇᓐ ᐊᓐᑕ ᑲ ‍ ᒋᐧᑲᔭᔨᑕᑯᐃᑯᑦ ᑭᔭ ᑲ ‍ ᒋᔅᑕᔨᑕᑯᐃᑯᑦ ᒋᓴᒪᓂᑐᐛ ᐅᑕᐎᒪᐛ, ᐊᓐᑕ ᑲ ‍ ᐸᑎᒪᒡ ᐸᑕᑯᓱᐅᓐ ᐊᓐᑕ ᒪᐅᒡ ᐊ ‍ ᒋᔅᑕᔨᑕᒂᒡ ᐅᒋ ᐊ ‍ ᐃᔅᒋᔄᑦ ᐅᑕᐎᒪᐤ, “ᐊᐅᒄ ᐅ ᓂᑯᔅ ᓇᔅᒡ ᑲ ‍ ᓴᒋᐃᒃ ᑭᔭ ᓇᔅᒡ ᑲ ‍ ᓇᐊᔨᑎᒥᐃᑦ᙮”
\v 18 ᓂᔭᓐ ᑎᐱᔨᐛ ᓂᒋ ‍ ᐸᑕᓇᓐ ᐅ ᐸᑕᑯᓱᐅᓐ ᒋᒋᒋᓯᑯᒡ ᐅᒡ ᒪᒂᒡ ᐊᓐᑕ ᑲ ‍ ᑕᔭᒡ ᐊᓂᔭ ᑲᐸᔭᐧᑯᓂᔨᒡ ᐱᔅᑯᑎᓇᔪᐤ ᑲ ‍ ᒋᔅᑕᔨᑕᑯᐊᑭᓄᐅᑦ᙮
\p
\v 19 ᐊᑯᑕ ᒪᒃ ᐛᒋ ‍ ᐊᑐᐎᔅ ᒐᔅᑎᓇᑕᔨᑎᒥᐃᑯᔭᒡ ᑕᓐ ᑲ ᐃᓯ ‍ ᐊᔨᒧᑕᒡ ᐅᔭ ᒥᔽᒋᒧᐅᓂᔪᐤ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮ ᒋᑭ ‍ ᒥᔽᐤ ᒪᒃ ᑕᑈ ᐃᔭᒂ ᒐᒋ ᐃᓯ ‍ ᓂᓇᑭᑐᐛᔨᑎᒥᐃᑯᔭᒄ ᐅ ᒥᔽᒋᒧᐅᓐ, ᐛᔅ ᒧᔭᒻ ᑕᑈ ᐛᔅᑕᓂᐱᒪᑭᓐ ᐊ ‍ ᒋᐧᑲᔭᔅᑕᒡ ᐊᓐᑕ ᐊ ‍ ᐅᑲᔅᑕᔭᒡ ᐊᐅᑯᓐ ᐊ ‍ ᐃᑕᔨᑕᒂᒡ᙮ ᐊᐅᑯᓐ ᒪᒃ ᐊ ‍ ᐃᓯᓇᒂᒡ ᒐ ‍ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐ ᐊ ‍ ᒋᓯᑲᒡ ᒐ ‍ ᑎᑯᓯᐧᒃ ᐅᑎᐸᔨᒋᒐᐤ᙮ ᐎᔾ ᒪᒃ ᐅᐛᔅᑕᐅᓐ ᒧᔭᒻ ᐊ ‍ ᐃᔅᐱᔅ ᒋᐧᑲᔭᔅᑐᐛᑦ ᒐᒋᓴᐸᔭᐤ ᐅᒐᑭᑕᐧᒄ, ᐊᐅᑯᓐ ᒧᔭᒻ ᒐ ᐃᔅᐱᔅ ‍ ᐛᔅᑕᓂᒪᑯᐛᒄ ᒋᑕᐃᐛᒡ᙮
\v 20 ᒪᐅᒡ ᒪᒃ ᐊ ᐃᓯ ‍ ᓂᑐᐛᔨᑕᒂᒡ ᒐᒋ ᓂᔅᑐᑎᒪᒄ, ᐊᐅᒄ ᐅ ᐊᑲ ᐛᒋ ‍ ᐸᐃᒄ ᒋᔅᒋᐛᐃᒐᐅᓐ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ‍ ᑎᒂᒋ ᒐᒋ ᐱᔭᑭᔅᒋᑕᐧᒃ ᓇᐸᐤ ᒥᒄ ᐎᔾ ᐊ ‍ ᐸᐃᑯᓯᑦ᙮
\v 21 ᐛᔅ ᑕᐸ ᐛᒋ ‍ ᐸᐃᒄ ᒋᔅᒋᐛᐃᒐᐅᓐ ᓇᐸᐤ ᐅᑦ ᐃᑕᔨᑎᒧᐅᓂᒡ ᐅᒋ ᐅᒋᐱᔪᐤ᙮ ᑲ ‍ ᐸᔭᒋᓯᔨᒋ ᐊᒐᒂ ᒋ ‍ ᐃᑐᑕᑯᐅᒡ ᐅᒡ ᓇᐸᐅᒡ ᒐᒋ ᐎᑕᒡ ᑕᓐ ᑲ ᐃᓯ ‍ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ‍ ᐎᑕᒡ᙮
\c 2
\s1 ᑲ ‍ ᐎᔭᓯᐃᐛᒡ ᒋᔅᑯᑎᒪᒐᓱᐅᒡ
\p
\v 1 ᒋ ᐸᒋ ‍ ᑕᐅᒡ ᒪᓐ ᐊᓐᑕ ᐅᑕᒡ ᓂᑎᒥᒄ ᐅᒋᔅᒋᐛᐃᒐᓱᒡ᙮ ᐊᐅᑯᓐ ᒪᒃ ᐃᔭᐱᒡ ᒐ ‍ ᐃᔅᐱᔨᒡ ᐊᓐᑕ ᓂᔅᑕᒥᒡ᙮ ᒋᑭ ‍ ᑕᐅᒡ ᓂᑎᒥᒄ ᒐ ᐃᓯ ‍ ᒋᔅᑯᑎᒪᒐᒡ ᒪᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ‍ ᑕᔨᒋ᙮ ᓂᑎᒥᒄ ᒋᑭ ᐃᓯ ‍ ᒋᔅᑯᑎᒪᒐᐅᒡ, ᑭᔭ ᓇᔅᒡ ᑕᑈ ᒋᑭ ‍ ᐅᓂᑕᐃᐛᒥᑭᓂᔪᐤ ᑕᓐ ᒐ ᐃᓯ ‍ ᒋᔅᑯᑎᒪᒐᒡ᙮ ᐛᐛᒡ ᐊᓂᔭ ᑲ ‍ ᓂᐱᔅᑎᒪᑯᒡ ᓇᔅᒡ ᒋᑭ ‍ ᐊᑐᐛᔨᒪᐅᒡ᙮ ᐊᑯᑕ ᒪᒃ ᐊᓐᑕ ᒐ ᐅᒋ ‍ ᐃᑐᑕᓱᒡ ᓯᔅᒋᑯᒡ ᒐᒋ ᓂᓱᐅᓇᑎᓯᒡ᙮
\v 2 ᐃᔭᐱᒡ ᒪᒃ ᒥᒐᑦ ᐊᐛᔪᐛ ᒋᑭ ‍ ᒋᔅᒋᓄᐛᐱᒥᑯᐅᒡ ᐊᓂᔭ ᓂᑎᒥᒄ ᐊ ‍ ᐃᑕᑎᓯᒡ᙮ ᐊᐅᑯᐤ ᒪᒃ ᐅᔭ ᐊ ‍ ᐃᑕᑎᓯᒡ, ᐊᑯᑕ ᒐ ᐅᒋ ᒥᒋ ‍ ᐊᔨᒧᑕᑭᓄᐅᒡ ᑕᑈᐅ ᒪᔅᑭᓄᐤ᙮
\v 3 ᐊᓂᔭ ᒪᒃ ᒐ ‍ ᐃᔅᐱᔅ ᐎ ᐛᔪᐅᒡ ᐊᔭᒡ ᐅᒡ ᓂᑐᐎᔾ ᒋᔅᑯᑎᒪᒐᓱᐅᒡ, ᓂᑎᒥᒄ ᑎᐸᒋᒧᐅᓇ ᒋᑭ ‍ ᐛᐎᑎᒪᑯᐛᐅᒡ᙮ ᐊᑯᑕ ᒪᒃ ᓇᓂᑎᒻ ᐊᓂᔭ ᓂᑎᒥᒄ ᐊ ‍ ᐃᑕᒋᒧᔅᑕᑕᑯᒡ ᒐ ᐅᒋ ᐎ ‍ ᐃᑕᐱᒋᐃᑕᑯᒡ ᒐᒋ ᐅᒋ ‍ ᐅᓱᓇᔭᓂᒥᐧᑲᓱᒡ᙮ ᐊᐅᑯᓐᒡ ᒪᒃ ᐅᒡ ᓴᔅ ᐛᔅᑭᒡ ᑲ ‍ ᐊᔭᔅᑯᔅᑕᔨᒡ ᑕᓐ ᒐ ᐃᓯ ‍ ᐛᐛᓯᐊᑭᓄᐎᒡ ᑭᔭ ᒧᔅ ᒋ ‍ ᒐᔅᑎᓇᒋᔅᑕᔪᐤ ᑕᓐ ᒐ ᐃᓯ ‍ ᓂᓱᐅᓇᑎᓯᒡ᙮
\p
\v 4 ᑕᐸ ᐃᔭᐱᒡ ᐅᒋ ᒥᓇᒋᐊᐤ ᒋᓴᒪᓂᑐᐤ ᐊᓂᔭ ᐊᓐᒋᓇ ᑲ ‍ ᐅᓂᑐᑎᒥᔨᒋ, ᐃᔭᐱᒡ ᒥᒋ ‍ ᐃᔅᑯᑕᒡ ᒋ ‍ ᐃᑎᓴᐛᐤ᙮ ᐊᑯᑕ ᒪᒃ ᐊᓐᑕ ᒪᒂᒡ ᐊ ‍ ᑕᔨᒋ᙮ ᒪᒋᒂᐱᔅᑲᐛᑭᓄᐅᔪᐛ ᐊᓐᑕ ᐊ ‍ ᐅᑲᔅᑕᔭᔨᒡ᙮ ᐊᑯᑕ ᒪᒃ ᐊᓐᑕ ᒐ ‍ ᑕᔨᒋ ᒐ ‍ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐᑕ ᒐ ‍ ᑎᐸᔅᑯᓇᑭᓄᔨᒋ᙮
\v 5 ᑭᔭ ᐊᓂᔭ ᓂᔅᑎᒻ ᐊᔅᒋᔪᐤ ᓇᒪ ᐅᒋ ᒥᓇᒋᑕᐤ ᒋᓴᒪᓂᑐᐤ᙮ ᐊᐅᑯᓐ ᑲ ᐃᓯ ‍ ᐊᔅᒋᐳᑕᑦ ᑲ ‍ ᐃᔅᐱᔅ ᐛᓴ ᒋ ‍ ᒥᒐᑎᓯᓇᓄᐎᒡ ᐊᓐᑕ ᐊᓂᔭ ᒪᒂᒡ᙮ ᒥᒄ ᔭᓇᐤ ᐊᐛᔪᐛ ᒋ ‍ ᐱᒪᒋᐊᐤ, ᐊᐅᒄ ᐅ ᓄᐛ ᐊᓐ ᑲ ‍ ᐊᔨᒧᑕᐧᒃ ᒐᒋ ᑯᐃᔅᒄ ᐃᑕᑎᓯᓇᓄᐎᒡ ᑭᔭ ᐊᓂᔭ ᓂᔄᐅᑕᒡ ᐊ ‍ ᑕᒡ ᐊᓐᑕ ᐊ ‍ ᐸᐃᑯᔅᑲᓇᓯᑦ᙮
\v 6 ᒋᓴᒪᓂᑐᐤ ᑭᔭ ᒋ ‍ ᓂᓱᐅᓇᒋᑕᐤ ᐊᓂᔭ ᐅᑕᓇᐛ ᓱᑕᒻ ᑭᔭ ᑯᒧᕋ ᑲ ‍ ᐃᓯᓂᐧᑲᑕᔨᒋ ᐃᔅᑯᑕᔪᐤ ᐊᒋ ‍ ᐊᐱᒋᑕᑦ᙮ ᐊᑯᑕ ᑲ ᐅᒋ ‍ ᐛᐸᑎᔨᐛᑦ ᑕᓐ ᒐ ‍ ᐃᑐᑐᐛᑦ ᐊᓂᔭ ᐊᑲ ᓇᔅᒡ ᐊᐱᑕᔨᒥᑯᑦ᙮
\v 7 ᒋ ‍ ᐎᐧᑯᒋᐊᐤ ᒪᒃ ᐊᓂᔭ ᓗᑦ ᑲ ‍ ᐃᓯᓂᐧᑲᓱᔨᒋ᙮ ᑯᐃᔅᒄ ᒋ ᐃᓯ ‍ ᐱᒪᑎᓯᐤ ᐅ ᓗᑦ᙮ ᑭᔭ ᓇᔅᒡ ᒋ ‍ ᒥᓯᒥᔅᑲᑯᐤ ᐅᑕᐃᒡ ᑕᓐ ᑲ ‍ ᐃᔅᐱᔅ ᒋ ᒥᒋ ‍ ᐱᒪᑎᓯᓇᓄᐎᒡ ᐊᓐᑕ ᐊᓂᔭᔪᐛ ᐅᑕᓇᐛ᙮
\v 8 ᐛᔅ ᐊᑯᑕ ᑲ ‍ ᑕᑦ ᓗᑦ ᐊᓐ ᑯᐃᔅᒄ ᑲ ᐃᓯ ‍ ᐱᒪᑎᓯᑦ ᓇᐸᐤ᙮ ᐊᓯᑯᒻ ᒋᓯᑲᐛ ᒪᒃ ᒋ ‍ ᒥᓯᒥᔅᑲᑯᐤ ᐅᑦ ᐊᒐᐧᑯᒡ ᑕᓐ ᑲ ᐃᓯ ‍ ᐸᑕᐧᒃ ᑭᔭ ᑕᓐ ᑲ ᐃᓯ ‍ ᐛᐸᑕᐧᒃ ᐊ ᐃᓯ ‍ ᐱᒪᑎᓯᓇᓄᐎᒡ᙮
\v 9 ᒐᔅᑎᓇᔅ ᑭᔅᒋᑕᐤ ᒋᓴᒪᓂᑐᐤ ᒐᒋ ᐎᐧᑯᒋᐊᑦ ᐅᑯᐃᔅᑯᑕᑎᓯᐛ ᑕᓐ ᐊ ᐃᓯ ‍ ᓂᒋᔅᑭᒥᔨᒋ ᑭᔭ ᓂᓇᑭᑐᐛᔨᑎᒥᐃᑯᐤ ᐛᔅ ᒋᓴᒪᓂᑐᐤ ᑕᓐ ᐊ ᐃᓯ ‍ ᒥᒐᑎᓯᓇᓄᐎᒡ ᐊ ‍ ᒋᔅᒐᔨᑕᐧᒃ ᐸᐃᒂᐤ ᐊ ‍ ᒋᓯᑲᔨᒡ ᒥᓯᐛ ᐊᐛᔪᐛ ᒐ ‍ ᑎᐸᔅᑯᓇᑦ᙮
\v 10 ᐊᑐᐎᔅ ᒪᒃ ᒐᔅᑎᓇᑕᔨᑕᑯᓂᔪᐤ ᒐ ‍ ᑎᐸᔅᑯᓇᑭᓄᐅᒡ ᐊᓐᒡ ᒥᒄ ᐊ ᐃᓯ ᒥᒋ ‍ ᓂᑐᐛᔨᑎᒧᒥᑭᓂᔨᒋ ᐅᐎᔭᓯᐤ ᐱᒪᑎᓯᐅᓄᐛᐛ ᑲ ᐃᓯ ‍ ᓄᔅᐱᓂᑕᒡ, ᐊᓐᒡ ᑲ ‍ ᐛᐧᑲᑕᒡ ᑎᐸᔨᒋᒐᐅᓂᔪᐤ᙮
\p ᓇᔅᒡ ᑕᑈ ᓱᒋᒪᔭᔨᒐᐅᒡ ᐊᐅᑯᓐᒡ ᐅᒡ, ᓇᒪ ᓇᔅᒡ ᓂᓇᑭᑐᐛᔨᒪᐅᒡ ᑕᓐ ᐊ ‍ ᐃᑕᒡ ᒪᒃ ᑕᓐ ᐊ ‍ ᐃᑐᑐᐛᒡ ᐊᐛᔪᐛ ᐊ ‍ ᒪᔭᔨᒪᒡ᙮ ᓇᒪ ᑭᔭ ᓴᒋᓱᐅᒡ ᒐᒋ ᒥᒋ ‍ ᐊᔨᒧᑕᒡ ᒋᔅᑕᔨᑕᑯᓱᐅᓂᔪᐤ᙮ ᑕᐸ ᐛᐛᒡ ᓂᑲᐎᔪᐅᒡ ᒐᒋ ᒪᔭᔨᒪᒡ ᐊᓂᔭ ᐊᐛᔪᐛ ᐅᒋᒪᐅᓂᔪᐤ ᑲ ‍ ᐊᔭᔨᒋ᙮
\v 11 ᐊᓐᒋᓐᒡ ᒪᒃ ᐎ, ᐊᑎ ᐊ ‍ ᐃᔅᐱᔅ ᐊᑐᐎᔅ ᓱᐧᑲᑎᓯᒡ ᑭᔭ ᐊ ‍ ᐃᔅᐱᔅ ᐊᑐᐎᔅ ᓱᒐᔨᑕᑯᓯᒡ, ᐃᔭᐱᒡ ᓇᒪᐎᔾ ᒋᐧᑲᒧᐛᐅᒡ ᐊ ‍ ᒪᒥᓯᒪᒡ ᐊᓂᔭ ᓂᑎᒥᒄ ᑲ ᐃᓯ ‍ ᒋᔅᑯᑎᒪᒐᔨᒋ ᐅᑎᔅᑯᐤ ᐅᑎᐸᔨᒋᒐᐤ ᐊ ‍ ᑕᔨᒋ᙮
\v 12 ᒥᒄ ᐛ ‍ ᐃᑎᒡ ᐃᑐᐅᒡ ᐊᐛᓯᓯᒡ᙮ ᐅᒡ ᒪᒃ ᓂᑎᒥᒄ ᒋᔅᑯᑎᒪᒐᓱᐅᒡ ᐊᐅᑯᓐ ᒧᔭᒻ ᐊ ‍ ᐃᑕᔨᑕᑯᓯᒡ ᑭᔭ ᐎᔨᐛᐤ᙮ ᒪ ᒥᒋ ‍ ᐊᔨᒧᑎᒧᒡ ᐊᓂᔭᔪᐛ ᒐᒂᔪᐛ ᐊᑲ ᓂᔅᑐᑕᒡ᙮ ᒧᔭᒻ ᒪᒃ ᑲ ‍ ᐃᓯᐊᑭᓄᐅᑦ ᑯᑎᒃ ᐊᐛᓯᔅ ᒥᒄ ᒐᒋ ᑲᔅᑎᓇᑭᓄᐅᑦ ᑭᔭ ᒐᒋ ᓂᐸᐊᑭᓄᐅᑦ, ᐊᐅᑯᓐ ᒧᔭᒻ ᐊ ‍ ᐃᓯᓇᑯᓂᔨᒡ ᑕᓐ ᒐ ᐃᓯ ‍ ᐛᐛᓯᐊᑭᓄᐎᒡ ᐅᒡ ᓂᑎᒥᒄ ᒋᔅᑯᑎᒪᒐᓱᐅᒡ᙮
\p
\v 13 ᐎᔨᐛᐤ ᒪᒃ ᑎᐱᔨᐛ ᒋᑭ ‍ ᒋᐛ ᑎᐸᐊᒧᐛᑭᓄᐎᒡ ᐊᐧᑯᐎᐛᐅᓂᔪᐤ ᑕᓐ ᑲ ‍ ᐃᔅᐱᔅ ᐸᒋ ‍ ᐊᔭᐧᑯᐊᒡ ᐊᐛᔪᐛ᙮ ᐊ ‍ ᒋᔎᔭᑎᓯᓇᓄᐎᒡ ᒪᒃ, ᒥᒄ ᐊ ᒥᒥᒋ ‍ ᒧᒋᒐᔨᑕᑭᓄᐎᒡ ᐊ ᒪᒂᐤ ‍ ᒋᓯᑲᔨᒡ, ᐊᐅᑯᓐ ᐅᔭ ᐊ ‍ ᐃᑕᔨᑕᒡ ᒥᔽᔨᑕᑯᓐ᙮ ᓇᒪ ᓂᐃᓇᑯᓱᐅᒡ ᑭᔭ ᐎᔨᐛᐤ ᒪᐅᒡ ᐱᐸᒥᓇᑯᓱᐅᒡ ᐊᓐᑕ ᒪᓐ ᐊ ‍ ᐎᒋᒥᒋᓱᒥᑕᑯᒡ᙮ ᐊᓐᑕ ᐊᓂᔭ ᒪᒂᒡ ᐊ ‍ ᐎᒋᒥᒋᓱᒥᑕᑯᒡ ᐊᑯᑕ ᓇᓂᑎᒻ ᒪᒥᒋ ᒥᔽᔨᑎᒥᐃᓱᐅᒡ ᐊ ‍ ᒋᔅᒐᔨᑕᒡ ᑕᓐ ᐊ ᐃᓯ ‍ ᐛᐎᔭᓯᒥᑕᑯᒡ᙮
\v 14 ᓇᒪ ᓂᑕ ᐳᓂᐱᔪᐤ ᓂᑐᐎᔾ ᐊ ᐃᓯ ‍ ᑭᓄᐛᐱᒪᒡ ᐃᔎᐛ᙮ ᓇᒪ ᒋ ‍ ᐳᓂᑕᐅᒡ ᒥᒋᑐᑎᒧᐅᓂᔪᐤ᙮ ᐛᐎᔭᓯᒪᐅᒡ ᑭᔭ ᐊᓂᔭ ᐊᐛᔪᐛ ᐊᑲ ᐊᔨᒋᑲᐳᔨᒋ ᑕᑈᑎᒧᐅᓂᒡ᙮ ᓴᑭᔅᒋᓇᔪᐤ ᐅᑕᐃᐛᒡ ᒧᔅᑕᓂᒪᒐᐅᓂᔪᐤ᙮ ᒪᔭᑎᓯᐅᒡ ᐅᒡ ᐅᔭ ᑲ ‍ ᐃᑕᔨᑕᑯᓯᒡ,
\v 15 ᓴᔅ ᒋ ‍ ᓂᑭᑎᒧᒡ ᑯᐃᔅᒄ ᐊ ᐃᓯ ‍ ᐱᒧᑕᓄᐎᒡ ᒋᓴᒪᓂᑐᐛ ᐃᔅ ᐊ ‍ ᑕᔨᒋ᙮ ᒋ ‍ ᐱᔅᒐᑕᐅᒡ ᒐᒋ ᓄᔅᐱᓇᑎᒧᐛᒡ ᑕᓐ ᑲ ᐃᓯ ‍ ᐱᒧᑕᔨᒋ ᐸᓚᒪ, ᐱᐅᕐ ᐅᑯᓯᓯᔪᐛ᙮ ᐅ ᐸᓚᒻ ᑲ ‍ ᐃᓯᓂᐧᑲᓱᑦ ᒋ ‍ ᐃᑕᔨᑎᒥᐃᑯᐤ ᒐᒂᔪᐤ ᒐᒋ ᐅᑎᓂᒪᓱᑦ ᐅᓂᑐᐅᓂᒡ ᐅᒡ᙮
\v 16 ᒋ ‍ ᑎᑯᓂᔪᐤ ᒪᒃ ᑕᓐ ᑲ ᐃᓯ ‍ ᒋᑕᐊᒧᐛᑭᓄᐅᑦ ᐅ ᐸᓚᒻ ᑕᓐ ᑲ ‍ ᐃᔅᐱᔅ ᒋ ‍ ᒋᔎᑦ᙮ ᐅᐧᑲᓇ ᒧᔭᒻ ᐊ ‍ ᐊᐱᓯᓯᔨᒋ ᑲᐸᐃᑭᔎᐛ ᑲ ‍ ᐃᓯᓇᑯᓯᔨᒋ, ᒋ ‍ ᐊᐱᒋᐊᑭᓄᐅᔪᐛ ᒐᒋ ᐃᔨᒥᐃᑯᑦ, ᐊᐅᑯᓐ ᐅᔭ ᐅᐧᑲᓇ ᑲ ‍ ᒋᑕᐊᒪᑯᑦ ᐅ ᐅᒋᔅᒋᐛᐃᒐᓱᐤ ᒐ ᐊᑲ ‍ ᐊᑐᐎᔅ ᒋᔎᑦ᙮
\p
\v 17 ᐅᒡ ᒪᒃ ᐊᐛᓐᒋ ᒧᔭᒻ ᐅᑕᐃᐸᓐ ᐊ ‍ ᐸᒂᐱᔨᒋ ᐃᑕᔨᑕᑯᓱᐅᒡ, ᑭᔭ ᒧᔭᒻ ᑭᔅᑯᐅᓂᔅᑯᒡ ᐊ ‍ ᐱᐸᒪᓯᒡ᙮ ᐊᓐᑕ ᒪᐅᒡ ᐊ ‍ ᐅᑲᔅᑕᔭᔨᒡ ᐊᑯᑕ ᐊ ‍ ᐊᔭᔅᑯᔍᑯᒡ ᒋᓴᒪᓂᑐᐛ ᒐᒋ ᑕᒡ᙮
\v 18 ᐛᔅ ᓇᔅᒡ ᑕᑈ ᒋᔅᑕᒋᒥᓱᐅᒡ ᑭᔭ ᒋᔎ ‍ ᐊᔨᒥᐅᒡ᙮ ᑕᓐ ᐊ ᐃᓯ ᒥᒋ ‍ ᓂᑐᐛᔨᑎᒧᒥᑭᓂᔨᒋ ᒪᒃ ᐎᔭᓱᐤ ᐱᒪᑎᓯᐅᓂᔪᐤ, ᐊᑯᑕ ᐊᓯᐃᐅᒡ ᒐᒋ ᑲᔅᑎᓇᒡ ᐊᓂᔭ ᐊᐛᔪᐛ ᐊᓄᒡ ᑲ ᐅᒋ ‍ ᐎᐧᑯᒋᐅᔨᒋ ᐊᓐᑕ ᐊ ‍ ᐛᓂᐱᔨᓇᓄᐎᒡ ᐊᒋ ᐃᓯ ‍ ᐎᒋᐃᐛᔨᒋ᙮
\v 19 ᐊᔨᒧᑎᒧᐛᐅᒡ ᐊᐛᔪᐛ ᐎᐧᑯᒋᐃᑯᓯᐅᓂᔪᐤ᙮ ᐎᔨᐛᐤ ᒪᒃ ᓇᔅᒡ ᑕᑈ ᑎᑯᓂᔪᐤ ᑕᓐ ᐊ ᐃᓯ ‍ ᒪᒋᒂᐱᐧᑲᑎᑯᒡ ᒥᒋᐃᑐᐅᓂᔪᐤ, ᐛᔅ ᒥᒄ ᒐᒂᔪᐤ ᐊ ‍ ᓴᐧᑯᒋᐃᑯᑦ ᐊᐛᓐ ᐊᐅᑯᓐ ᐊᓂᔭ ᑕᐸᔨᒥᑯᑦ᙮
\v 20 ᒧᔭᒻ ᑲ ‍ ᐎᐧᑯᒋᐅᐛᒂ ᐊᐛᓐᒋ ᑕᓐ ᐊ ᐃᓯ ‍ ᒥᒋᑐᑕᒐᒥᑭᓂᔨᒡ ᐅᔭ ᐊᔅᒋᔪᐤ ᐊᓂᔭ ᑕᓐ ᐊ ᐃᓯ ‍ ᒋᔅᒐᔨᒪᒡ ᒋᓴᔅ ᙭ᑕ ᐊ ‍ ᑎᐸᔨᒋᒐᔨᒋ ᑭᔭ ᐊ ‍ ᐱᒪᒋᐃᐛᔨᒋ ᒥᓐ ᒪᒃ ᑲᐤ ᐊ ‍ ᑲᒋᔅᑎᓂᑯᒡ ᑭᔭ ᐊ ‍ ᓴᐧᑯᒋᐃᑯᒡ ᐅᔭ ᒐᒂᔪᐤ ᐊᑐᐎᔅ ᐃᑕᔨᑕᑯᓂᔪᐤ ᐊᓐᑕ ᐊ ‍ ᑕᒡ ᐊᓄᒡ ᐃᔅᐱᔅ ᐎᔾ ᑕᓐᑕ ᑲ ᐸᒋ ‍ ᑕᒡ ᓂᔅᑎᒻ᙮
\v 21 ᐃᐛᒃ ᒋᐸ ‍ ᒥᔽᔨᑯᐱᓇ ᐊᑲ ᐛᐛᒡ ᐅᒋ ᒋᔅᒐᔨᑕᒡ ᑕᑈᐅᓂᔪᐤ ᐃᔅᐱᔅ ᐎ ᒐᒋ ᒋᔅᒐᔨᑕᒡ ᑭᔭ ᑲᐤ ᒐᒋ ᓂᑭᑕᒡ ᐊᓂᔭ ᑲ ᐃᓯ ‍ ᒋᔅᒐᔨᑎᒥᐊᑭᓄᐎᒡ᙮
\v 22 ᐊᓂᔭ ᒪᒃ ᑲ ‍ ᐃᔅᐱᔨᒡ ᐊᔪᐅᒄ ᐅᔭ ᑲᒋ ‍ ᐃᓇᓄᐎᒡ, “ᐊᑎᒻ ᑲᐤ ᓇᑎᒻ ᐅᐸᑯᒧᐅᓐ ᑭᔭ ᑯᐧᑯᔅ ᐊᒋ ‍ ᒋᔅᑕᐸᐅᔭᑭᓄᐅᑦ, ᒥᓐ ᑎᑎᐱᓯᒧᐤ ᐊᓐᑕ ᐊ ‍ ᐎᓂᔅᒍᑲᔨᒡ᙮”
\c 3
\s1 ᒐ ‍ ᑎᑯᓯᐧᒃ ᐅᑎᐸᔨᒋᒐᐤ
\p
\v 1 ᓂᐎᒐᐛᑭᓂᑎᒄ ᐊᐅᒄ ᐅ ᓂᔄᐤ ᒐ ‍ ᒥᓯᓇᐊᒪᑎᑯᒡ᙮ ᑕᐱᔅᑯᓐ ᐊᓐᑕ ᑲ ‍ ᒥᓯᓇᐊᒪᑎᑯᒡ ᓱᒃ ᓂᒋ ‍ ᑯᒋᑕᓐ ᒐᒋ ᐎᒋᐃᑎᑯᒡ ᒐᒋ ᐸᔭᒋ ‍ ᒪᒥᑐᓇᔨᑎᒥᐃᑯᔭᒄ ᒥᓯᐛ ᒐᒂᓐ, ᐊ ‍ ᒋᔅᒋᓱᒥᑎᑯᒡ ᐅᔭ ᒐᒂᔪᐛ᙮
\v 2 ᒋ ᐎ ‍ ᒋᔅᒋᓱᒥᑎᓇᐛᐤ ᑕᓐ ᑲ ‍ ᐃᔅᒋᔄᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑲ ‍ ᐸᔭᒋ ‍ ᐱᒪᑎᓯᒡ ᑭᔭ ᑕᓐ ᑲ ‍ ᐃᑎᓱᒥᑕᒄ ᐅᑎᐸᔨᒋᒐᐤ ᒋᐱᒪᒋᐃᐛᒥᓄᐤ ᐊᓂᔭᔪᐛ ᐎᔾ ᑎᐱᔨᐛ ᐅᑦ ᐊᑈᔅᑕᓂᒪ ᐅᒡ᙮
\p
\v 3 ᓂᔅᑎᒻ ᒪᒃ ᒐᒂᓐ ᐛ ᐃᑎᑎᑯᒡ, ᒐ ᐎ ‍ ᒋᔅᒋᓯᔭᒄ ᐃᔅᐱ ᐊᑎ ᐸᓱᓇᑯᒐ ᒐ ‍ ᑎᑯᓯᐧᒃ ᐅᑎᐸᔨᒋᒐᐤ, ᒋᑭ ‍ ᑕᐅᒡ ᒪᔭᔨᒐᓱᐅᒡ, ᓇᔅᒡ ᒋᑭ ‍ ᑎᐸᔨᒥᑯᐅᒡ ᐅᒥᒋᓂᑐᐛᔨᑎᒧᐅᓄᐛᐛ ᐅᒡ᙮ ᒋᑭ ‍ ᒪᔭᔨᒥᑯᐛᐅᒡ᙮
\v 4 ᒋᑭ ‍ ᐃᔅᒋᔄᐅᒡ ᒪᒃ ᐊ ‍ ᒪᔭᔨᒥᑕᑯᒡ, “ᑕᓐ ᒪᒃ ᐅ ᒐ ‍ ᑎᑯᓯᐧᒃ ᐅᑎᐸᔨᒋᒐᐤ ᒧᔅ ᑲ ᐸᒋ ‍ ᐊᔨᒧᒪᒄ᙮ ᑲ ‍ ᐃᔅᐱᔅ ᒋ ᐸᒋ ‍ ᑎᒂᒡ ᐅ ᐊᔅᒋᔾ ᒥᓯᐛ ᒐᒂᓐ ᒧᔅ ᐸᐃᑯᓄᒡ ᐃᔅᐱᔪᐤ᙮”
\v 5 ᑎᑯᓂᔪᐤ ᒪᒃ ᑕᓐ ᐊᓂᔭᔪᐛ ᒐᒂᔪᐛ ᓇᔅᒡ ᐊᑲ ᐃᔭᐱᑕᔨᑕᒡ ᐅᔭ ᐊ ‍ ᐃᑎᒡ ᑭᔭ ᐅᔭ ᐊ ‍ ᐃᔅᒋᔄᒡ ᐅᒡ᙮ ᐛᔅᑭᒡ ᐊᓐᑕ ᑕᑈ ᒋᓴᒪᓂᑐᐤ ᒥᒄ ᒋ ᐃᓯ ‍ ᐃᔅᒋᔄᐤ ᒐᒋ ᑎᑯᓂᔨᒡ ᐊᔅᒋᔪᐤ ᑭᔭ ᒥᓯᐛ ᐊᓐᑕ ᒋᓯᑯᔪᐤ, ᐊᐅᑯᓐ ᒪᒃ ᐊᓐ ᑲ ‍ ᐃᓯᓇᑯᓂᔨᒡ᙮ ᐛᔅ ᓂᐱᒡ ᒋ ᐅᒋ ‍ ᐅᓯᑕᑭᓄᐤ ᐊᔅᒋᔾ ᑭᔭ ᓂᐱᔾ ᒋ ‍ ᐊᐱᑎᓐ ᑲ ‍ ᐅᐛᔨᔅᑭᒥᒋᓂᑭᓄᐅᒡ᙮
\v 6 ᑭᔭ ᓂᐱᒡ ᒋ ᐅᒋ ‍ ᓂᓱᐅᓇᒋᑕᑭᓄᐤ ᐊᓂᔭ ᐛᔅᑭᒡ ᐊᔅᒋᔾ᙮
\v 7 ᐅᔭ ᒪᒃ ᒋᓯᒂ ᑭᔭ ᐊᓐ ᓇᑕ ᐊᑐᐎᔅ ᐃᓯ ᐃᔅᐱᒥᒡ, ᑭᔭ ᐅ ᐊᔅᒋᔾ ᐊᓄᒡ ᑲ ‍ ᐛᐸᑎᒪᒄ, ᐃᔭᐱᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᐅᒋ ᑭᓄᐛᔨᑕᑭᓄᐤ ᒐ ᐃᔅᐱᔅ ‍ ᐅᑎᒋᐱᔨᒡ ᐊᓐᑕ ᒐ ‍ ᓂᓱᐅᓇᒋᑕᑭᓄᐅᒋ᙮ ᑭᓄᐛᔨᑕᑭᓄᐤ ᐊᓐ ᐊ ‍ ᒋᓯᑲᒡ ᐊᓐᒡ ᐊᑲ ᐊᐱᑕᔨᒪᒡ ᒋᓴᒪᓂᑐᐛ ᐅᐱᒪᑎᓯᐅᓄᐛᒡ ᒐ ‍ ᑎᐸᔅᑯᓇᑭᓄᐎᒡ ᑭᔭ ᒐ ‍ ᓂᓱᐅᓇᒋᐊᑭᓄᐎᒡ ᐃᔅᑯᑕᒡ᙮
\s2 2 Peter 3.8-15a (Advent-2 Year B)
\p
\v 8 ᐸᐃᒄ ᒐᒂᓐ ᐊᑲᐎᔾ ᒋᑭ ᐅᒋ ‍ ᐅᓂᒋᔅᒋᓯᓇᐛᐤ ᓂᐧᑲᓂᓯᑐᒄ᙮ ᐸᐃᑯᓐ ᐃᔭᐱᒡ ᐃᑕᔨᑎᒥᐃᑯᐤ ᐅᑎᐸᔨᒋᒐᐤ ᐸᐃᒄ ᒋᓯᑲᐛ ᑕᓐ ᐊ ‍ ᐃᑕᔨᑎᒥᐃᑯᑦ ᐸᐃᒂᐤ ᒐᓯᐱᔪᐛ ᐱᐳᓇ᙮
\v 9 ᑕᐸ ᑕᔅᑎᑲᒋᔪᐤ ᐅᑎᐸᔨᒋᒐᐤ ᒐᒋ ᐃᑐᑕᐧᒃ ᑕᓐ ᐊᓂᔭᔪᐛ ᑲ ‍ ᐃᔅᒋᔄᑦ ᒐ ‍ ᐃᑐᑕᐧᒃ᙮ ᑕᔅᑎᑲᒋᐤ ᐃᑕᔨᒪᐅᒡ ᒪᒃ ᑯᑎᑭᒡ ᐊᐛᓐᒋ᙮ ᒋ ‍ ᓯᐱᔪᐛᓯᔅᑕᑯᐛᐤ ᐛᔅ ᐊᓐ, ᐊᑲ ᐛᒋ ‍ ᐸᐃᒄ ᐊᐛᔪᐛ ᓂᑐᐛᔨᒪᑦ ᒐᒋ ᓂᓱᐅᓇᑎᓯᔨᒋ, ᐛᔅ ᒥᓯᐛ ᐊᐛᔪᐛ ᓂᑐᐛᔨᒪᐤ ᒐᒋ ᓂᑭᑎᒥᔨᒋ ᐅᒥᒐᑎᓯᐅᓂᔪᐤ᙮
\p
\v 10 ᒥᒄ ᒪᒃ ᓇᒪ ᓂᑲᓐ ᒋᑭ ᐅᒋ ‍ ᒧᓯᑕᑭᓄᐅᔪᐤ ᐅᑎᐸᔨᒋᒐᐤ ᐅᒋᓯᑲᒻ, ᒧᔭᒻ ᐊ ‍ ᐃᑕᔨᑕᒂᒡ ᑲᒋᒧᑎᑦ ᐊᓐᑕ ᐛ ‍ ᐱᒐᒋ ᒥᒋᐛᐱᔪᐤ ᐊ ᐎ ‍ ᑭᒐᒧᑎᑦ, ᐊᐅᑯᓐ ᒐ ‍ ᐃᑕᔨᑕᒂᒡ᙮ ᐊᓐᑕ ᒪᒃ ᐊᓂᔭ ᐅᑎᐸᔨᒋᒐᐤ ᐅᒋᓯᑲᒻ ᐅᑎᒋᐱᔨᒐ ᐅᔭ ᒋᓯᒂ ᒋᑭ ‍ ᐸᓯᑯᓇᑯᓇ᙮ ᓇᔅᒡ ᑕᑈ ᒋᑭ ‍ ᒋᔄᐛᐱᔪᐤ ᐊᑎ ᐸᓯᑯᓇᑯᒂᐛ᙮ ᒥᓯᐛ ᑕᓐ ᐊ ᐃᓯ ‍ ᑎᒂᒡ ᒋᓯᑯᒡ ᒋᑭ ‍ ᐊᑎᑎᔅᑕᐛ ᒐ ‍ ᐃᔅᐱᔅ ᒥᔅᑎ ᒋᓯᑕᒡ᙮ ᐊᔅᒋᔾ ᑭᔭ ᒥᓯᐛ ᒐᒂᓐ ᐅᑕ ᑲ ‍ ᑎᒂᒡ, ᒋᑭ ᐊᑎ ‍ ᒪᔅᑎᐧᑲᑕᐛ᙮
\s1 ᓯᒋᒧᐛᐅᓐ ᒐᒋ ᐸᔭᒋ ‍ ᐱᒪᑎᓯᓇᓄᐅᒡ
\p
\v 11 ᐊ ‍ ᒋᔅᒐᔨᑎᒪᒄ ᒪᒃ ᐅ ᒐ ‍ ᐃᔅᐱᔨᒡ, ᑕᓐᑕ ᒋᐸ ᐃᓯ ‍ ᐱᒪᑎᓯᓇᐛᐤ ᒋᑦ ᐃᑕᔨᑕᓇᐛᐤ ? ᓇᒪᐎᔾ ᐊ ᐸᔭᒋᓯᐅᓂᒡ ᒋᐸ ᐃᓯ ‍ ᐱᒪᑎᓯᓇᐛᐤ, ᓇᔅᒡ ᐊ ᐃᓯ ‍ ᐱᔅᑕᔨᑎᒥᐃᑯᔭᒄ ᒋᐱᒪᑎᓯᐅᓄᐛᐛ ᒋᓴᒪᓂᑐᐤ ᐃᔅ ᐊ ‍ ᑕᑦ,
\v 12 ᑭᔭ ᐊ ‍ ᐱᑯᓴᔨᑎᒪᒄ ᒋᓴᒪᓂᑐᐤ ᐅᒋᓯᑲᒻ ᒐ ‍ ᐅᑎᒋᐱᔨᒡ᙮ ᓱᒃ ᒋᐸ ‍ ᐊᑐᔅᑯᐛᐛᐤ ᒋᓴᒪᓂᑐᐤ ᐎᐱᒡ ‍ ᒐᒋ ᐅᑎᒋᐱᔨᒡ ᐊᓂᔭ ᐅᒋᓯᑲᒻ᙮ ᐛᔅ ᐊᓐ ᐊ ‍ ᒋᓯᑲᒡ ᒥᓯᐛ ᒋᓯᒂ ᒋᑭ ‍ ᐊᑎᑎᔅᑕᐛ ᑭᔭ ᒋᑭ ‍ ᓂᓱᐅᓇᑎᓇ᙮ ᐊᑯ ᒥᓯᐛ ᐊᓂᔭ ᐛᔅᑕᐅᓇ ᐊᓐᑕ ᒋᓯᑯᒡ ᑲ ‍ ᑎᒂᒋ ᒋᑭ ‍ ᐊᑎᑎᔅᑕᐛ ᒐ ‍ ᐃᔅᐱᔅ ᐛᓴ ᒥᔅᑎ ‍ ᒥᓯᑕᐱᔨᒡ ᐃᔅᑯᑕᐤ ᒥᓯᐛ ᐊᓐᑕ ᒋᓯᑯᒡ᙮
\v 13 ᒋᔭᓄᐤ ᒪᒃ ᐎ, ᐊᓂᔭ ᑕᓐ ᑲ ‍ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ‍ ᐃᑐᑕᐧᒃ ᐊᐅᑯᓐ ᐊᓐ ᐊ ‍ ᐊᓱᐛᐸᑎᒪᐧᒄ, ᐊᐅᒄ ᒐ ‍ ᐅᔅᑲᒋ ᒋᒋᒋᓯᒄ ᑭᔭ ᐊᔅᒋᔾ᙮ ᐊᑯᑕ ᒪᒃ ᐊᓐᑕ ᑯᐃᔅᑯᑕᑎᓯᐅᓐ ᒐ ‍ ᑎᒂᒡ᙮
\p
\v 14 ᐊᑯ ᒪᒃ ᓂᐧᑲᓂᓯᑐᒄ ᒪᒂᒡ ᐅ ᐊ ‍ ᐊᓱᐛᐸᑎᒪᒄ ᐊᓐ ᐊ ‍ ᒋᓯᑲᒡ, ᒥᒄ ᐊ ‍ ᐃᔅᐱᔅ ᒋ ‍ ᐃᑎᔭᒄ ᐎ ᐸᔭᒋ ᐱᒪᑎᓯᒄ ᑭᔭ ᐊᑲᐎᔾ ᒐᒂᓐ ᒋᑭ ᐅᒋ ᐎ ‍ ᐊᑕᒪᔨᑕᑯᓯᓇᐛᐤ ᒋᓴᒪᓂᑐᐤ ᐃᔅ ᐊ ‍ ᑕᑦ᙮ ᓱᒃ ᒋᑭ ᐎ ‍ ᑯᐃᔅᑯᓇᑯᓇ ᒋᐱᒪᑎᓯᐅᓄᐛᐛ ᑭᔭ ᒐ ᐎ ‍ ᑎᒂᒡ ᒋᔭᒪᔨᑎᒧᐅᓐ ᐊᓐᑕ ᒪᒂᒡ ᐊ ‍ ᑕᔭᒄ᙮
\v 15 ᐊᓂᔭ ᐛᒋ ‍ ᐊᑲ ᐊᔅᒄ ᑎᑯᓯᐧᒃ ᐅᑎᐸᔨᒋᒐᐤ ᐊᑐᐎᔅ ᐎᔾ ᑕᐅᓂᒻ ᑕᓐᑕ ᐊᔅᒄ ᒐᒋ ᐱᒪᒋᐅᔨᒋ ᐊᐛᔪᐛ, ᐊᐅᒄ ᐅ ᐎᓯ ‍ ᑭᓄᐛᐸᑎᒺᒄ ᐊᓂᔭ ᐊᔅᒄ ᐊᑲ ᑎᑯᓯᐧᒃ᙮ ᐊᐅᑯᓐ ᐛᔅ ᐅᔭ ᑭᔭ ᐎᔾ ᑲ ᐃᓯ ‍ ᐊᔨᒧᑕᐧᒃ ᒋᐧᑲᓂᓴᓄᐤ ᑈᓪ ᐊᓐᑕ ᑲ ‍ ᒥᓯᓇᐊᒪᑕᒄ ᑕᓐ ᑲ ᐃᓯ ‍ ᒥᔨᑯᑦ ᑭᔭ ᐎᔾ ᒋᓴᒪᓂᑐᐛ ᑭᒐᑕᐛᔨᑎᒧᐅᓂᔪᐤ᙮
\v 16 ᐊᐅᑯᓐ ᐛᔅ ᐊ ᐃᓯ ‍ ᐊᔨᒧᑕᐧᒃ ᑭᔭ ᐎᔾ ᒥᓯᐛ ᐊᓐᑕ ᑲ ‍ ᒪᒥᓯᓇᐊᒪᒐᑦ᙮ ᑎᑯᓂᔪᐛ ᑭᑈ ᐊ ᐎ ‍ ᐊᔨᒥᓂᔨᒡ ᐱᔅᒐ ᒐᒂᔪᐤ ᑕᓐ ᐊ ᐃᓯ ‍ ᐊᔨᒧᑕᐧᒃ᙮ ᐊᐅᑯᓂ ᒪᒃ ᐅᔭ ᒐᒂᔪᐛ ᓂᑎᒥᒄ ᐛ ᐃᓯ ‍ ᐱᔭᑭᔅᒋᑕᑯᑕᒡ ᐊᓐᒡ ᐊᑲ ᓂᔅᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑭᔭ ᐊᓐᒡ ᐊᑲ ᓱᒋᑲᐳᐅᒡ᙮ ᐊᐅᑯᓐ ᑭᔭ ᐊ ‍ ᐃᑐᑕᒡ ᓂᓇᐧᑯᐤ ᑕᓐ ᐊ ᐃᓯ ‍ ᐊᔨᒧᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮ ᐎᔨᐛᐤ ᒪᒃ ᓇᓂᑎᒻ ᐊᑎ ᓂᓱᐅᓇᒋᐃᓱᐅᒡ ᐅᔭ ᐊ ‍ ᐃᑎᒡ᙮
\p
\v 17 ᒋᔨᐛᐤ ᒪᒃ ᐎ ᓂᐧᑲᓂᓯᑐᒄ, ᓴᔅ ᒋ ‍ ᒋᔅᒐᔨᑕᓇᐛᐤ ᒥᓯᐛ ᐅ᙮ ᐃᔭᒂᒥᒄ ᒪᒃ ᒐ ᐊᑲ ᒋ ᐅᓂᑐᑕᔨᑕᑯᒡ ᐊᓐᒡ ᐊᑲ ᐊᔭᐱᑕᔨᑕᒡ ᑕᓐ ᐊ ᐃᓯ ‍ ᐎᓱᐛᓄᐎᒡ᙮ ᐛᔅ ᒧᔭᒻ ᐅ ᐃᔅᐱᔨᒐ ᒋᑭ ‍ ᐅᓂᑐᑕᔨᑕᑯᓇᐛᐤ ᐊᓐᑕ ᐊᓐ ᐊ ‍ ᑕᔭᒄ ᒪᒂᒡ, ᐊᓐ ᐊᒋ ‍ ᒐᔅᑎᓇᑕᔨᑕᑯᑕᑭᓄᐅᒡ ᐊᓐᑕ ᓇᐳᐅᔭᒄ᙮
\v 18 ᓱᒃ ᐊᑐᐎᔅ ᐎ ᐃᓯ ‍ ᓂᑕᐅᒋᒄ ᐅᓱᐛᔨᒋᒐᐅᓂᒡ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᓯᒥᓄᐤ ᒋᓴᔅ ᙭, ᑭᔭ ᓱᒃ ᐊᑐᐎᔅ ᐎ ᒋᔅᒐᔨᒪᐧᒄ ᒋᐱᒪᑎᓯᐅᓄᐛᒡ᙮ ᐎᔾ ᒪᒃ ᒋᑭ ᐎ ‍ ᒋᔅᑕᔨᑕᑯᐊᑭᓄᐤ ᐊᓄᒡ ᑭᔭ ᒧᔅ ᑲᒋᒡ᙮ ᐊᒥᓐ᙮
\id 1JN Adapted from ECree-S to Naskapi, 27 May 2003; Typeset export from CBS 8 May 2007
\h 1 ᒠᓐ
\toc3 1 ᒠᓐ
\toc2 1 ᒠᓐ
\toc1 ᓂᔅᑎᒻ ᒠᓐ ᓂᔅᑎᒻ ᐅᒥᓯᓇᐊᒪᒐᐅᓐ ᒠᓐ
\mt1 ᓂᔅᑎᒻ ᒠᓐ
\mt2 ᓂᔅᑎᒻ ᐅᒥᓯᓇᐊᒪᒐᐅᓐ ᒠᓐ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᒠᓐ, ᐊᓐ ᑲ ‍ ᓴᒋᐊᑭᓄᐅᑦ ᐅᒋᔅᒋᓄᐊᒧᐛᑭᓐ ᑲ ‍ ᐃᓯᓂᐧᑲᑕᑭᓄᐅᑦ, ᐎᔾ ᒋ ‍ ᒥᓯᓇᐊᒻ ᐊᓂᔭ ᒥᓯᓇᐃᑭᓂᔪᐤ ᒠᓐ ᐅᒥᔽᒋᒧᐅᓐ ᑲ ‍ ᐃᓯᓂᐧᑲᑕᔨᒡ ᑭᔭ ᐎᔾ ᒋ ‍ ᒥᓯᓇᐊᒻ ᐅᔭ ᓂᔅᑐ ᒥᓯᓇᐊᒪᒐᐅᓇ᙮ ᐊᓐ ᓂᔅᑎᒻ ᒥᓯᓇᐊᒪᒐᐅᓐ ᒋ ‍ ᒥᓯᓇᐃᑭᓄᐤ ᐊ ‍ ᐃᔭᒂᒥᒪᑭᓄᐎᒡ ᐊᓐᒡ ᑲ ‍ ᑕᑈᑕᒡ ᒐᒋ ᐃᔭᒂᒥᔅᑐᐛᒡ ᐊᓂᔭ ᓂᑐᐎᔾ ᑲ ᐃᓯ ‍ ᒋᔅᑯᑎᒪᒐᔨᒋ ᐊᑲ ᓂᑐᐎᔾ ᒐᒋ ᐃᑐᑕᐃᑯᒡ᙮ ᒋ ᐃᓯ ‍ ᒋᔅᑯᑎᒪᒐᐅᒡ ᐊᓂᔭ ᒋᓴᓴ ᐊᑲ ᐅᒋ ᐊᔭᐎᔨᒋ ᙭ᑕ, ᒋᓴᒪᓂᑐᐛ ᐅᑯᓯᔪᐛ᙮ ᒋ ‍ ᐃᑕᐅᒡ ᐊᑲ ᓇᐸᐛ ᐅᒋ ᐃᓯᓇᑯᓯᔨᒋ ᒋᓴᒪᓂᑐᐛ᙮ ᒠᓐ ᒋ ᐃᓯ ‍ ᒥᓯᓇᐊᒻ ᑕᓐ ᐊ ᐃᓯ ᒋᒋᐛ ‍ ᐃᑕᔨᑕᑯᓂᔨᒡ ᒐᒋ ᑕᑈᑕᑭᓄᐎᒡ ᒋᓴᔅ ᙭ᑕ ᐊᒋ ‍ ᒋᓴᒪᓂᑐᐎᔨᒋ ᑭᔭ ᐊᒋ ‍ ᓇᐸᐎᔨᒋ᙮ ᒋ ᐃᓯ ‍ ᐎᑎᒻ ᐊᓐᒡ ᑲ ‍ ᑕᑈᑕᒡ ᒐᒋ ᒋᔅᒐᔨᑕᒡ ᒋᓴᒪᓂᑐᐛ ᐊ ‍ ᐅᑦ ᐊᐛᓯᒥᑐᑕᑯᒡ, ᓴᒋᐃᑐᑥᐛ ᑭᔭ ᓂᓇᐃᑕᒂᐛ ᒋᓴᒪᓂᑐᐛ ᐅᑭᒐᔅᒋᒧᐅᓂᔪᐤ᙮
\c 1
\s1 ᐱᒪᑎᓯᐅ-ᐃᔨᒧᐅᓐ
\s2 1 John 1.1-2.2 (Easter-2 Year B)
\p
\v 1 ᒋ ‍ ᒥᓯᓇᐊᒪᑎᓇᓐ ᐊ ‍ ᐊᔨᒧᒥᒋᒡ ᐊᓐ ᓴᔅ ᑲ ‍ ᑕᑦ ᐊᔅᒄ ᐊᑲ ᓇᔅᒡ ᐅᒋ ᑎᑯᓂᔨᒡ ᒐᒂᔪᐤ᙮ ᑲᒋ ‍ ᐸᑐᐅᒋᒡ, ᑲᒋ ‍ ᐛᐱᒥᒋᒡ, ᑭᔭ ᑲᒋ ‍ ᑕᒋᓂᒋᒡ᙮ ᒋᑦ ᐊᔨᒧᑎᒪᑎᓇᓐ ᐊᓐ ᑲ ‍ ᒥᔨᐛᑦ ᐱᒪᑎᓯᐅᓂᔪᐤ ᐊᓂᔭ ᐅᒋ ᑕᓐ ᑲ ᐃᓯ ‍ ᐛᐎᑕᐧᒃ᙮
\v 2 ᐛᔅ ᐊᓂᒪ ᐱᒪᑎᓯᐅᓐ ᒋ ‍ ᓄᑯᑕᑭᓄᐤ᙮ ᓂᒋ ‍ ᐛᐸᑕᓇᓐ ᒪᒃ, ᑭᔭ ᓂ ‍ ᑎᐸᑕᓇᓐ ᒪᒃ ᐊᓂᒪ ᑲᒋᒡ ᐱᒪᑎᓯᐅᓐ, ᑲᒋ ‍ ᐎᒋᒥᑯᑦ ᐅᑕᐎᒪᐤ ᑭᔭ ᑲᒋ ‍ ᐛᐸᑎᔨᑯᐅᔭᒡ᙮
\v 3 ᐊᓂᒪ ᑲᒋ ‍ ᐛᐸᑎᒪᒡ ᑭᔭ ᑲᒋ ‍ ᐸᑎᒪᒡ ᒋ ᐎ ‍ ᐊᔨᒧᑎᒪᑎᓇᓐ ᑭᔭ ᒋᔨᐛᐤ ᒐᒋ ᒋᔅᒐᔨᒪᒄ ᒧᔭᒻ ᓂᔭᓐ ᐊ ᐃᓯ ‍ ᒋᔅᒐᔨᒥᒋᒡ᙮ ᐊᑯ ᒪᒃ ᒐᒋ ᐃᓯ ‍ ᐎᒐᐎᔭᒡ ᐊ ᐃᓯ ‍ ᐎᒐᐅᒋᒡ ᐅᑕᐎᒪᐤ ᑭᔭ ᐅᑯᓴ ᒋᓴᔅ ᙭ᑕ᙮
\v 4 ᐊᐅᒄ ᐅ ᐛᒋ ‍ ᒥᓯᓇᐊᒪᑕᒡ ᒐᒋ ᓴᑭᔅᒋᓇᔅᑲᑯᔭᐧᒄ ᒧᒋᒐᔨᑎᒧᐅᓐ᙮
\s1 ᐛᔅᑕᐅᓂᒡ ᒋᐸ ᐃᓯ ‍ ᐱᒪᑎᓯᓇᓄᐤ
\p
\v 5 ᒋ ᐎ ‍ ᐎᑎᒪᑎᓇᓐ ᑕᓐ ᑲ ᐃᓯ ‍ ᐎᑎᒧᔨᒥᑦ ᒋᓴᔅ᙮ ᒋᓴᒪᓂᑐᐤ ᐊᐅᒄ ᐛᔅᑕᐅᓐ, ᓇᔅᑎᔅ ᓇᒪ ᐱᒋᔅᑲᑯᐤ ᐅᓂᑎᐱᔅᒋᓯᐅᓂᔪᐤ᙮
\v 6 ᒧᔭᒻ ᐃᔅᒋᔄᔭᒂ ᒋᓴᒪᓂᑐᐤ ᐊ ‍ ᐎᒐᐛᐧᒄ, ᐅᓂᑎᐱᔅᒋᓯᐅᓂᒡ ᒪᒃ ᐊ ᐃᓯ ‍ ᐱᒪᑎᓯᔭᐧᒄ, ᒋ ‍ ᑭᑭᒋᔭᓇᓄᐤ ᑭᔭ ᓇᒪ ᑕᑈᐅᓂᒡ ᒋ ᐊᑎ ᐃᓯ ‍ ᐱᒪᑎᓯᓇᓄᐤ᙮
\v 7 ᒧᔭᒻ ᐛᔅᑕᐅᓂᒡ ᐃᓯ ᐱᒪᑎᓯᔭᒂ ᒧᔭᒻ ᐎᔾ ᐛᔅᑕᐅᓂᒡ ᐊ ᐃᓯ ‍ ᑕᑦ, ᑕᑈ ᒋᑭ ᒥᔪ ‍ ᐎᒐᐅᑐᓇᓄᐤ, ᑭᔭ ᒋᓴᔅ, ᒋᓴᒪᓂᑐᐤ ᐅᑯᓴ, ᐅᒥᐧᒄ ᒋ ‍ ᐸᔭᒋᐃᑯᐛᓇᓄᐤ ᒥᓯᐛ ᒥᒋᑥᐅᓂᒡ ᐅᒡ᙮
\p
\v 8 ᒧᔭᒻ ᐃᔅᒋᔄᔭᒂ ᐊᑲ ᓂᑕ ᒥᒋᑐᑎᒪᐧᒄ, ᒋ ‍ ᐎᔭᓯᒥᑎᓱᓇᓄᐤ, ᑭᔭ ᓇᒪ ᒋ ‍ ᐱᒋᔅᑲᑯᓇᓄᐤ ᑕᑈᐅᓐ᙮
\v 9 ᒧᔭᒻ ᐎᑎᒧᐛᒂ ᒋᓴᒪᓂᑐᐤ ᒋᒥᒋᑐᑎᒧᐅᓄᐛ, ᐎᔾ ᑕᑈᐅᒐᔨᑕᑯᓱᐤ ᑭᔭ ᑯᐃᔅᑯᑐ, ᒋᑭ ‍ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ ᑭᔭ ᒋᑭ ‍ ᐸᔭᒋᐃᑯᓄᐤ ᑕᓐ ᐊ ᐃᓯ ᐊᑲ ‍ ᑯᐃᔅᑯᑕᑎᓯᐛᐧᒄ᙮
\v 10 ᒧᔭᒻ ᐃᔅᒋᔄᔭᒂ ᐊᑲ ᒥᒋᑐᑎᒪᐧᒄ ᒧᔭᒻ ᐊ ‍ ᑭᑭᒋᔭᑦ ᒋᑦ ᐃᓯᓇᑯᐊᓄᐤ ᒋᓴᒪᓂᑐᐤ ᑭᔭ ᓇᒪ ᒋ ‍ ᐱᒋᔅᑲᑯᐛᓇᓄᐤ ᐅᑦ ᐃᔨᒧᐅᓐ᙮
\c 2
\s1 ᒋᓴᔅ ᙭ ᒋ ‍ ᐎᒋᐃᑯᓄᐤ
\p
\v 1 ᒋ ‍ ᒥᓯᓇᐊᒪᑎᓇᐛᐤ ᓂᑦ ᐊᐛᓯᒥᑎᒄ ᒐ ᐊᑲ ‍ ᒥᒋᑐᑎᒪᒄ᙮ ᐊ ‍ ᐃᑕᒂ ᒪᒃ ᐊᐛᓐ ᐊᒋ ‍ ᒥᒋᑐᑕᐧᒃ, ᒋᓴᔅ ᙭ ᑲ ‍ ᑯᐃᔅᑯᑕᑎᓯᑦ ᐊᐅᒄ ᐅ ᐊ ‍ ᐃᔨᒥᔅᑎᒪᑕᐧᒄ ᒍᑕᐎᓄᐛ ᐊ ‍ ᑕᔨᒋ᙮
\v 2 ᙭ ᔅᒋ ‍ ᓂᐱᔅᑎᒪᑭᓄᐤ ᒐᒋ ᐅᒋ ‍ ᐛᐸᔨᑎᒪᑯᔭᐧᒄ ᒋᒥᒋᑥᐅᓄᐛ᙮ ᓇᒪ ᒪᒃ ᒥᒄ ᒋᔭᓄᐤ ᒋᒥᒋᑥᐅᓄᐛ ᒋᑭ ᒋ ‍ ᐛᐸᔨᑎᒪᑯᓇᓄᐤ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᐊ ‍ ᑕᑦ ᒋᑭ ᒋ ‍ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ᙮
\p
\v 3 ᐃᑐᑎᒪᒂ ᐊ ‍ ᐃᑎᓱᒥᑕᐧᒄ ᒋᓴᒪᓂᑐᐤ ᐊᑯᑕ ᒐ ᐅᒋ ‍ ᓄᒂᒡ ᑕᑈ ᐊ ‍ ᒋᔅᒐᔨᒪᐧᒄ᙮
\v 4 ᐊ ‍ ᐃᔅᒋᔄᑦ ᐊᐛᓐ ᓂ ‍ ᒋᔅᒐᔨᒪᐤ ᒋᓴᒪᓂᑐᐤ ᐊᑲ ᒪᒃ ᐃᑐᑕᒐ ᐊ ‍ ᐃᑎᓱᒥᑯᑦ, ᑭᑭᒋᔭᐤ, ᓇᒪ ᐱᒋᔅᑲᑯᐤ ᑕᑈᐅᓂᔪᐤ᙮
\v 5 ᐊᑯ ᒪᒃ ᐊᐛᓐ ᐊ ‍ ᓂᓇᐃᑐᐛᑦ ᑕᓐ ᐊ ‍ ᐃᑎᓱᒥᑯᑦ ᒋᓴᒪᓂᑐᐛ, ᓄᑯᑕᐤ ᑕᑈ ᓇᔅᒡ ᐊ ‍ ᓴᒋᐊᑦ᙮ ᐅ ᑎᔭᒂ ᒋᑭ ‍ ᒋᔅᒐᔨᑕᑯᓯᓇᓄᐤ ᑕᑈ ᐊ ‍ ᐎᒐᐛᐧᒄ ᒋᓴᒪᓂᑐᐤ᙮
\v 6 ᐊᓐ ᐊᐛᓐ ᑲ ‍ ᐃᔅᒋᔄᑦ ᐊ ‍ ᐎᒐᐛᑦ ᒋᓴᒪᓂᑐᐛ, ᒧᔭᒻ ᒋᓴᔅ ᙭ᑕ ᑲ ᐃᓯ ‍ ᐱᒧᑕᔨᒋ ᒋᐸ ᐃᓯ ‍ ᐱᒧᑕᐤ᙮
\s1 ᐊᐛᓐ ᑕᑈ ᐊ ‍ ᓴᒋᐊᑦ ᐎᐧᑲᓂᓴ
\p
\v 7 ᓂᐧᑲᓂᓯᑐᒄ, ᓇᒪ ᐅᔅᑲᐤ ᐅ ᐃᑎᓱᐛᐅᓐ ᑲ ‍ ᐊᔨᒧᑎᒪᑎᑯᒡ ᐅ ᑲ ‍ ᒥᓯᓇᐊᒪᑎᑯᒡ᙮ ᓴᔅ ᐛᔅᑭᒡ ᐅ ᐃᑎᓱᐛᐅᓐ᙮ ᐊᐅᒄ ᐅ ᐃᑎᓱᐛᐅᓐ ᓂᔅᑎᒻ ᑲ ‍ ᐊᔭᔭᒄ ᑭᔭ ᐊᐅᒄ ᒧᔅ ᑲ ᐸᒋ ‍ ᐊᔨᒧᑎᒪᑯᔭᒄ᙮
\v 8 ᒥᒄ ᒪᒃ ᐃᔭᐱᒡ ᐊ ‍ ᐅᔅᑲᒡ ᐃᑕᔨᑕᑯᓐ ᐅ ᑲ ᐃᓯ ‍ ᐊᔨᒧᑎᒪᑎᑯᒡ᙮ ᙭ ᒋ ‍ ᓄᑯᑕᐤ ᐊ ‍ ᑕᑈᒥᑭᓂᔨᒡ᙮ ᑭᔭ ᒋᔨᐛᐤ ᒪᒃ ᒋ ‍ ᓄᑯᑕᓇᐛᐤ ᐊ ‍ ᑕᑈᒥᑲᒡ᙮ ᐅᓂᑎᐱᔅᒋᓯᐅᓐ ᐎᒪᐱᔪᐤ, ᐊᑯ ᐊᓐ ᒋᒋᐛ ᐛᔅᑕᐅᓐ ᓴᔅ ᒋᐧᑲᔭᔅᑕᐤ᙮
\v 9 ᐊᐛᓐ ᐊ ‍ ᐃᔅᒋᔄᑦ ᐛᔅᑕᐅᓂᒡ ᐊ ᐃᓯ ‍ ᐱᒪᑎᓯᑦ, ᐊ ‍ ᐛᐧᑲᑕᑦ ᒪᒃ ᐎᐧᑲᓂᓴ, ᐊᔅᒄ ᐅᓂᑎᐱᔅᒋᓯᐅᓂᒡ ᑕᐤ᙮
\v 10 ᐊᓐ ᐊᐛᓐ ᑕᑈ ᑲ ‍ ᓴᒋᐊᑦ ᐎᐧᑲᓂᓴ, ᐊᐅᒄ ᒧᔅ ᐛᔅᑕᐅᓂᒡ ᐊ ‍ ᑕᑦ᙮ ᓇᒪ ᑎᑯᓂᔪᐤ ᒐᒂᔪᐤ ᐊᓐᑕ ᐊ ‍ ᑕᑦ ᒐᒋ ᐸᒋᓯᒧᐛᔨᒡ᙮
\v 11 ᐊᑯ ᐊᓐ ᐊᐛᓐ ᑲ ‍ ᐛᐧᑲᑕᑦ ᐎᐧᑲᓂᓴ, ᐅᓂᑎᐱᔅᒋᓯᐅᓂᒡ ᑕᐤ᙮ ᐊᑯᑕ ᐱᐸᒧᑕᑦ ᐊᑲ ᒋᔅᒐᔨᑕᐧᒃ ᐊᓐᑕ ᐊ ‍ ᐃᑐᑕᑦ, ᐛᔅ ᑐᑕᑯᐤ ᐊᓂᔭ ᐅᓂᑎᐱᔅᒋᓯᐅᓂᔪᐤ ᒐ ᐊᑲ ᒋ ᐛᐸᑕᐧᒃ᙮
\q
\v 12 ᒋ ‍ ᒥᓯᓇᐊᒪᑎᓇᐛᐤ ᐅᔅᒋᐛᓯᑐᒄ, ᒋᒥᒋᑥᐅᓄᐛᐛ ᐊᒋ ‍ ᐛᐸᔨᑎᒪᑯᐅᔭᒄ ᐎᔾ ᒋᓴᔅ ᙭ ᐅᒡ᙮
\q
\v 13 ᒋ ‍ ᒥᓯᓇᐊᒪᑎᓇᐛᐤ ᐅᑕᐎᒪᑐᒄ, ᐊ ‍ ᒋᔅᒐᔨᒪᒄ ᐊᓐ ᓴᔅ ᐊᒋ ‍ ᑕᑦ ᐊᑎ ᐊᔅᒄ ᐊᑲ ᓇᔅᒡ ᒐᒂᔪᐤ ᐅᒋ ᐅᓯᑕᑭᓄᔨᒡ᙮
\q ᒋ ‍ ᒥᓯᓇᐊᒪᑎᓇᐛᐤ ᐅᔅᒋᓂᒋᓯᑐᒄ, ᐊᒋ ‍ ᓴᐧᑯᒋᐊᒄ ᒥᒋᒥᓂᑐᐤ᙮
\q ᒋ ‍ ᒥᓯᓇᐊᒪᑎᓇᐛᐤ ᐊᐛᓯᑐᒄ, ᐛᔅ ᒋ ‍ ᒋᔅᒐᔨᒪᐛᐤ ᒋᓴᒪᓂᑐᐤ ᐅᑕᐎᒪᐤ᙮
\q
\v 14 ᒋ ‍ ᒥᓯᓇᐊᒪᑎᓇᐛᐤ ᐅᑕᐎᒪᑐᒄ, ᐊ ‍ ᒋᔅᒐᔨᒪᒄ ᐊᓐ ᓴᔅ ᐊᒋ ‍ ᑕᑦ ᐊᑎ ᐊᔅᒄ ᐊᑲ ᓇᔅᒡ ᒐᒂᔪᐤ ᐅᒋ ᐅᓯᑕᑭᓄᔨᒡ᙮
\q ᒋ ‍ ᒥᓯᓇᐊᒪᑎᓇᐛᐤ ᐅᔅᒋᓂᒋᓯᑐᒄ, ᐛᔅ ᒋ ‍ ᓱᒋᑲᐳᓇᐛᐤ, ᒋᓴᒪᓂᑐᐤ ᐅᑦ ᐃᔨᒧᐅᓐ ᐊ ‍ ᐱᒋᔅᑲᑯᔭᒄ, ᑭᔭ ᐊᒋ ‍ ᓴᐧᑯᒋᐊᒄ ᒥᒋᒥᓂᑐᐤ᙮
\s1 ᐊᑲᐎᔾ ᓴᒋᑕᒄ ᐊᔅᒋᐤ ᒐᒂᓇ
\p
\v 15 ᐊᑲᐎᔾ ᓴᒋᑕᒄ ᐊᔅᒋᔾ ᑭᔭ ᑕᓐ ᐊ ᐃᓯ ‍ ᑎᒂᒡ ᐅᑕ ᐊᔅᒋᒡ, ᐛᔅ ᐊᐛᓐ ᑲ ‍ ᓴᒋᑕᑦ ᐊᔅᒋᔪᐤ ᓇᒪ ᐱᒋᔅᑲᑯᐛᐤ ᐅᑕᐎᒪᐛ ᐅᓴᒋᐃᐛᐅᓂᔪᐤ᙮
\v 16 ᒥᓯᐛ ᑕᓐ ᐊ ‍ ᐃᑕᑎᓯᓇᓄᐅᒡ ᐅᑕ ᐊᔅᒋᒡ, ᐊ ᒥᒋ ‍ ᒧᔅᑕᓇᐸᑕᐧᒃ ᐊᐛᓐ ᒐᒂᔪᐤ, ᐊ ᐃᓯ ᒥᒋ ‍ ᒧᔅᑕᓇᔨᑕᐧᒃ, ᑭᔭ ᐊᓂᔭ ᐊ ‍ ᒋᔅᑕᔨᒧᑦ ᑕᓐ ᐊ ᐃᓯ ‍ ᐱᒪᑎᓯᑦ, ᓇᒪ ᒋᓴᒪᓂᑐᐤ ᐊ ‍ ᑕᑦ ᐅᒋᐱᔪᐤ ᐅ ᐃᑕᑎᓯᐅᓐ, ᐅᑕ ᐊᔅᒋᒡ ᐅᒋᒥᑭᓐ᙮
\v 17 ᒥᓯᐛ ᐊ ‍ ᐃᑕᑎᓯᓇᓄᐅᒡ ᐅᑕ ᐊᔅᒋᒡ ᑭᔭ ᐊ ᐃᓯ ‍ ᑎᒂᒡ ᓂᓇᐧᑯᐤ ᒥᒋ ‍ ᒧᔅᑕᓇᔭᔨᑎᒧᐅᓐ ᒋᑭ ‍ ᐃᔎᐱᔪᐛ᙮ ᒥᒄ ᒪᒃ ᐊᓐ ᐊᐛᓐ ᑲ ‍ ᐃᑐᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᑲᒋᒡ ᒋᑭ ‍ ᐱᒪᑎᓯᐤ᙮
\s1 ᐊᐛᓐ ᑲ ‍ ᓱᒐᔨᒧᑐᑐᐛᑦ ᙭ᑕ
\p
\v 18 ᐊᐛᓯᑐᒄ, ᐊᔪᐅᒄ ᐅᔭ ᒪᔅᑕᔾ ᐊ ‍ ᒋᓯᑲᔨᒡ᙮ ᔅᒋ ‍ ᐎᑎᒪᑯᐅᓇᐛᐤ ᒐ ‍ ᑎᑯᓯᐧᒃ ᐊᓐ ᐊᐛᓐ ᑲ ‍ ᓱᒐᔨᒧᑐᑐᐛᑦ ᙭ᑕ᙮ ᓴᔅ ᒪᒃ ᒥᒐᑦ ᐊᐛᓐ ᙭ᑕ ᑲ ᐎ ‍ ᓱᒐᔨᒧᑐᑐᐛᑦ ᒋ ‍ ᑎᑯᓯᓄᐤ᙮ ᐊᑯᑕ ᒪᒃ ᐛᒋ ‍ ᒋᔅᒐᔨᑎᒪᐧᒄ ᐊᔪᐅᒄ ᐅᔭ ᐊ ‍ ᒪᔅᑕᔾ ᒋᓯᑲᔨᒡ᙮
\v 19 ᐅᒡ ᒪᒃ ᐊᐛᓐᒋ ᓇᒪ ᒋᒋᐛ ᒋ ᐅᒋ ‍ ᐎᒐᐅᑯᓄᐅᒡ, ᐊᐅᒄ ᒪᒃ ᐅᔭ ᐛᒋ ‍ ᓂᑭᑎᑕᐧᑯᒡ᙮ ᐛᔅ ᑕᐸ ᒋ ‍ ᐛᐎᒐᐛᑭᓂᑕᑯᓄᐅᒡ, ᐊᔅᒄ ᒋᐸ ‍ ᐎᒐᐅᑯᓄᐅᒡ᙮ ᐊᓂᔭ ᒪᒃ ᑲ ‍ ᓂᑭᑎᑕᐧᑯᒡ, ᐊᑯᑕ ᑲ ᐅᒋ ᒥᔪ ‍ ᒋᔅᒐᔨᑕᑯᓂᔨᒡ ᐊᑲ ᒋᒋᐛ ᐅᒋ ᐎᒐᐅᑕᐧᑯᒡ᙮
\p
\v 20 ᙭ ᑲ ‍ ᐸᔭᒋᓯᑦ, ᔅᒋ ‍ ᑐᒥᔅᑯᓂᑯᓄᐤ ᐸᔭᒋ ᐊᒐᒂ, ᑭᔭ ᒥᓯᐛ ᒋᔨᐛᐤ ᓂᔅᑐᑎᒧᒄ᙮
\v 21 ᓇᒪ ᐎ ᐊ ‍ ᐃᑕᔨᒥᑎᑯᒡ ᐊᑲ ᒋᔅᒐᔨᑎᒪᒄ ᑕᑈᐅᓐ ᐛᒋ ‍ ᒥᓯᓇᐊᒪᑎᑯᒡ᙮ ᐊ ‍ ᒋᔅᒐᔨᑎᒪᒄ ᑕᑈᐅᓐ ᑭᔭ ᐊ ‍ ᒋᔅᒐᔨᑎᒪᒄ ᐊᑲ ᑎᒂᒡ ᑭᑭᒋᔭᐅᓐ ᐊᓐᑕ ᑕᑈᐅᓂᒡ ᐊᐅᑯᓐ, ᐛᒋ ‍ ᒥᓯᓇᐊᒪᑎᑯᒡ᙮
\v 22 ᐊᐛᓐ ᒪᒃ ᐊᓐ ᑲ ‍ ᑭᑭᒋᔭᑦ ? ᐊᐅᒄ ᐊᓐ ᑭᑈ ᑲ ‍ ᐊᓏᑕᐧᒃ ᒋᓴᓴ ᐊ ‍ ᐊᐎᔨᒋ ᙭ᑕ᙮ ᐊᐅᒄ ᑲ ‍ ᓱᒐᔨᒧᑐᑐᐛᑦ ᙭ᑕ, ᑕᐱᔅᑯᓐ ᐅᑕᐎᒪᐛ ᑭᔭ ᐅᑯᓯᓯᒪᐛ ᑲ ‍ ᐊᑐᐛᔨᒪᑦ᙮
\v 23 ᐛᔅ ᐊᐛᓐ ᑲ ‍ ᐊᑐᐛᔨᒪᑦ ᐅᑯᓯᓯᒪᐛ, ᐊᑐᐛᔨᒪᐤ ᑭᔭ ᐅᑕᐎᒪᐛ᙮ ᐊᑯ ᒪᒃ ᐊᓐ ᐊᐛᓐ ᑲ ‍ ᐃᔅᒋᔄᑦ ᐊ ‍ ᑕᑈᔭᔨᒪᑦ ᐅᑯᓯᓯᒪᐛ, ᑕᑈᔭᔨᒪᐤ ᑭᔭ ᐅᑕᐎᒪᐛ᙮
\p
\v 24 ᐃᔭᒂᒥᒄ ᒪᒃ ᒧᔅ ᒐᒋ ᑭᓄᐛᔨᑎᒪᒄ ᐊᓐ ᓂᔅᑎᒻ ᑲ ᐃᓯ ‍ ᐸᑎᒪᒄ ᐅᔅᑭᒡ ᑲ ‍ ᑕᑈᔭᔨᒪᒄ ᒋᓴᔅ᙮ ᒧᔅ ᑭᓄᐛᔨᑎᒪᒂ ᐅ ᓂᔅᑎᒻ ᑲ ᐃᓯ ‍ ᐸᑎᒪᒄ, ᒧᔅ ᒋᑭ ‍ ᐎᒐᐛᐛᐤ ᐅᑯᓯᓯᒪᐤ ᑭᔭ ᐅᑕᐎᒪᐤ᙮
\v 25 ᐊᐅᒄ ᒪᒃ ᐅᔭ ᑲ ‍ ᐃᔅᒋᔄᑦ ᙭, ᒐᔅᑎᓇᔅ ᒐ ‍ ᒥᔨᑕᐧᒄ ᑲᒋᒡ ᐱᒪᑎᓯᐅᓂᔪᐤ᙮
\p
\v 26 ᒋ ‍ ᒥᓯᓇᐊᒪᑎᓇᐛᐤ ᐊ ‍ ᐊᔨᒧᑎᒪᑎᑯᒡ ᐊᓐᒡ ᑲ ᐎ ‍ ᐎᔭᓯᒥᑕᑯᒡ᙮
\v 27 ᒥᒄ ᒪᒃ ᙭ ᔅᒋ ‍ ᑐᒥᔅᑯᓂᑯᐛᐤ ᐅᑦ ᐊᒐᒂ᙮ ᐊ ‍ ᐊᔭᐅᒪᑯ ᒪᒃ ᐅᔭ ᐅᑦ ᐊᒐᒂ, ᓇᒪ ᒋ ‍ ᓂᑐᐛᔨᒪᐛᐤ ᑯᑎᒃ ᐊᐛᓐ ᒐᒋ ᒋᔅᑯᑎᒪᑕᒄ᙮ ᐛᔅ ᐅᔭ ᙭ ᐅᑦ ᐊᒐᒂ ᐊᐅᒄ ᒐ ‍ ᒋᔅᑯᑎᒪᑕᒄ ᒥᓯᐛ ᒐᒂᔪᐤ, ᒧᔅ ᒪᒃ ᑕᑈᒥᑭᓂᔪᐤ ᐊᓂᔭ ᐊ ᐃᓯ ‍ ᒋᔅᑯᑎᒪᒐᑦ, ᓇᒪ ᑭᑭᒋᔭᒥᑭᓂᔪᐤ᙮ ᓂᓇᐃᑐᐛᐧᒄ ᑕᓐ ᐊ ᐃᓯ ‍ ᒋᔅᑯᑎᒪᑕᒄ ᐊᒐᐧᒄ ᑭᔭ ᐎᒐᐛᐧᒄ ᙭᙮
\p
\v 28 ᐊᐛᓯᑐᒄ, ᒧᔅ ᐎᒐᐛᐧᒄ ᒋᓴᔅ᙮ ᐊᑯ ᒪᒃ ᒐ ‍ ᒐᔅᑎᓇᑕᔨᒧᔭᒄ ᐸᒋ ‍ ᓄᑯᓯᒐ ᑭᔭ ᓇᒪ ᒋᑭ ᐅᒋ ‍ ᓴᒂᔨᒧᓇᐛᐤ ᑎᑯᓯᒐ᙮
\v 29 ᒋ ‍ ᒋᔅᒐᔨᑕᓇᐛᐤ ᙭ ᐊ ‍ ᑯᐃᔅᑯᑕᑎᓯᑦ, ᑭᔭ ᒋᐸ ‍ ᒋᔅᒐᔨᑕᓇᐛᐤ ᐊᓐ ᐊᐛᓐ ᑲ ‍ ᑯᐃᔅᑯᑕᑎᓯᑦ ᐊ ‍ ᐅᑦ ᐊᐛᓯᒥᑐᑕᑯᑦ ᒋᓴᒪᓂᑐᐛ᙮

\c 3
\s1 ᒋᓴᒪᓂᑐᐤ ᐅᑦ ᐊᐛᓯᒪ
\s2 1 John 3.1-7 (Easter-3 Year B)
\p
\v 1 ᑭᓄᐛᐸᑎᒧᒄ ᒪ ᐊᔅᐱᔅ ᓴᒋᐃᑕᐧᒄ ᒋᓴᒪᓂᑐᐤ, ᐊ ‍ ᒥᔨᑕᐧᒄ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯᓂᐧᑲᑎᑯᐅᐛᐧᒄ ! ᑕᑈ ᒪᒃ ᒋ ‍ ᐅᑦ ᐊᐛᓯᒥᑕᑯᓄᐤ ! ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᓇᒪ ᒋ ‍ ᒋᔅᒐᔨᒥᑯᓄᐅᒡ ᐊᐛᓐᒋ ᒋᔭᓄᐤ ᐛᔅ ᑕᐸ ᒋᔅᒐᔨᒪᐅᒡ ᒋᓴᒪᓂᑐᐛ᙮
\v 2 ᓂᐧᑲᓂᓯᑐᒄ ᑲ ‍ ᓴᒋᐃᑎᑯᒡ, ᒋ ‍ ᐅᑦ ᐊᐛᓯᒥᑕᑯᓄᐤ ᒋᓴᒪᓂᑐᐤ ᐊᓄᒡ, ᒥᒄ ᒪᒃ ᐊᔅᒄ ᓇᒪ ᓄᑯᓐ ᑕᓐ ᒐ ‍ ᐃᑕᔨᑕᑯᓯᔭᐧᒄ, ᒥᒄ ᒋ ‍ ᒋᔅᒐᔨᑕᓇᓄᐤ ᐃᔅᐱ ᑎᑯᓯᒐ ᒧᔭᒻ ᐎᔾ ᐊ ‍ ᐃᑕᔨᑕᑯᓯᑦ ᐊᐅᑯᓐ ᒐ ‍ ᐃᑕᔨᑕᑯᓯᔭᐧᒄ᙮ ᐛᔅ ᒋᑭ ‍ ᐛᐱᒪᓄᐤ ᑕᓐ ᐊᓐ ᐊ ‍ ᐃᑕᔨᑕᑯᓯᑦ᙮
\v 3 ᒥᓯᐛ ᒪᒃ ᐊᐛᓐ ᐅᔭᔪᐤ ᑲ ᐃᓯ ‍ ᐊᔅᐸᔨᒧᑦ, ᓂᓇᑭᑐᐛᔨᒥᓱᐤ ᒐᒋ ᐸᔭᒋᓯᑦ ᒧᔭᒻ ᙭ᑕ ᐊ ᐃᓯ ‍ ᐸᔭᒋᓯᔨᒋ᙮
\p
\v 4 ᒥᓯᐛ ᐊᐛᓐ ᑲ ‍ ᒥᒋᑐᑕᐧᒃ, ᐱᑯᓂᒺᐤ ᒋᓴᒪᓂᑐᐛ ᐅᐎᓱᐛᐅᓂᔪᐤ᙮ ᐛᔅ ᐊ ‍ ᒥᒋᑐᑕᑭᓄᐅᒡ ᐱᑯᓂᑭᓄᐤ ᐎᓱᐛᐅᓐ᙮
\v 5 ᒋ ‍ ᒋᔅᒐᔨᑕᓇᐛᐤ ᙭ ᐊᒋ ᐸᒋ ‍ ᑎᑯᓯᐧᒃ ᒐᒋ ᐃᒐᓂᒧᐛᑦ ᐊᐛᔪᐛ ᐅᒥᒋᑥᐅᓂᔪᐛ ᑭᔭ ᐊᑲ ᓂᑕ ᐎᔾ ᐅᒋ ᒥᒋᑐᑕᐧᒃ᙮
\v 6 ᐊᓐ ᐊᐛᓐ ᒧᔅ ᑲ ‍ ᐎᒐᐛᑦ ᙭ᑕ, ᓇᒪ ᒥᒋᑐᑎᒻ᙮ ᐊᓐ ᐊᐛᓐ ᑲ ‍ ᒥᒋᑐᑕᐧᒃ, ᓇᒪ ᐅᒋ ᐛᐱᒪᐤ ᒋᓴᓴ ᑭᔭ ᓇᒪ ᐅᒋ ᒋᔅᒐᔨᒪᐤ᙮
\p
\v 7 ᓂᑦ ᐊᐛᓯᒥᑎᒄ, ᐊᑲᐎᔾ ᒥᔭᐧᒄ ᐊᐛᓐ ᒐᒋ ᐎᔭᓯᒥᑕᒄ᙮ ᐊᓐ ᐊᐛᓐ ᑯᐃᔅᒄ ᑲ ‍ ᐃᑎᑦ, ᑯᐃᔅᑯᑕᑎᓯᐤ ᒧᔭᒻ ᙭ᑕ ᐊ ᐃᓯ ‍ ᑯᐃᔅᑯᑕᑎᓯᔨᒋ᙮
\v 8 ᐊᓐ ᐊᐛᓐ ᑲ ‍ ᒥᒋᐱᒪᑎᓯᑦ ᒥᒋᒥᓂᑐᐛ ᐊᑕᔨᑕᑯᓯᔨᒋ ᐃᑕᔨᑕᑯᓱᐤ᙮ ᐛᔅ ᒥᒋᒥᓂᑐᐤ ᒧᔅ ᒋ ᐸᒋ ‍ ᒥᒋᑐᑎᒻ᙮ ᒋᓴᒪᓂᑐᐤ ᒪᒃ ᐅᑯᓴ ᒋ ᐸᒋ ‍ ᑎᑯᓯᓂᔪᐛ ᐅᑕ ᐊᔅᒋᒡ ᒐᒋ ᓂᓱᐅᓇᒋᑕᐛᔨᒋ ᒥᓯᐛ ᐅᑦ ᐊᑐᔅᒐᐅᓂᔪᐤ ᒥᒋᒥᓂᑐᐛ᙮
\v 9 ᐊᓐ ᐊᐛᓐ ᒋᓴᒪᓂᑐᐛ ᑲ ‍ ᐱᒪᒋᐃᑯᑦ, ᐳᓂᐤ ᐊ ‍ ᒥᒋᑐᑕᐧᒃ᙮ ᐛᔅ ᒋᓴᒪᓂᑐᐛ ᐃᑐᑕᑯᐤ ᒐᒋ ᐃᑕᔨᑕᑯᓯᑦ ᒋᓴᒪᓂᑐᐛ ᐊ ‍ ᐃᑕᔨᑕᑯᓯᔨᒋ᙮ ᓇᒪ ᒪᒃ ᒋ ‍ ᒥᒋᑐᑎᒻ ᒋᓴᒪᓂᑐᐛ ᐊᒋ ‍ ᐱᒪᒋᐃᑯᑦ᙮
\v 10 ᐊᐛᓐ ᐊᑲ ᑯᐃᔅᑯᑕᑎᓯᑦ ᒪᒃ ᐊᑲ ᓴᒋᐊᑦ ᐎᐧᑲᓂᓴ, ᓇᒪ ᐅᑦ ᐊᐛᓯᒥᑐᑕᑯᐤ ᒋᓴᒪᓂᑐᐛ᙮ ᐊᑯᑕ ᐛᒋ ‍ ᒋᔅᒐᔨᒪᑭᓄᐅᑦ ᐊᐛᓐ ᐊᐛᔪᐛ ᐊ ‍ ᐅᑦ ᐊᐛᓯᒥᑐᑕᑯᑦ, ᒋᓴᒪᓂᑐᐛ ᑭᔭ ᒪᒃ ᒥᒋᒥᓂᑐᐛ᙮
\s1 ᒋᐸ ‍ ᓴᒋᐃᑐᓇᓄᐤ
\p
\v 11 ᐅᔅᑭᒡ ᑲ ‍ ᐛᐎᑎᒪᑯᔭᒄ ᒥᔽᒋᒧᐅᓐ ᐊᐅᒄ ᐅ ᑲ ᐃᓯ ‍ ᐎᑎᒪᑯᔭᒄ, ᒐᒋ ᓴᒋᐃᑐᔭᐧᒄ᙮
\v 12 ᓇᒪ ᒋᐸ ᐅᒋ ‍ ᓂᔅᐱᑐᐛᓄᐤ ᑲᐃᓐ᙮ ᒥᒋᒥᓂᑐᐛ ᒋ ‍ ᑎᐸᔨᒥᑯᐤ ᐊᓂᔭ ᑲ ‍ ᓂᐸᐊᑦ ᐎᐧᑲᓂᓴ᙮ ᒐᒂᔪᐤ ᒪᒃ ᐛᒋ ‍ ᓂᐸᐊᑦ ? ᒋ ‍ ᒪᔭᑎᓂᔪᐤ ᐊᓂᔭ ᑕᓐ ᐎᔾ ᑲ ‍ ᐃᑎᑦ, ᒋ ‍ ᑯᐃᔅᑯᓇᑯᓂᔪᐤ ᒪᒃ ᐎ ᐊᓂᔭ ᑕᓐ ᑲ ‍ ᐃᑎᔨᒋ ᐎᐧᑲᓂᓴ᙮
\v 13 ᐊᐅᒄ ᒪᒃ ᐅ ᐅᒋ, ᓂᐧᑲᓂᓯᑐᒄ, ᐊᑲᐎᔾ ᒋᑭ ᐅᒋ ‍ ᒥᔅᑲᑕᔨᑕᓇᐛᐤ ᐊ ‍ ᐛᐧᑲᑎᑕᑯᒡ ᐊᓐᒡ ᐊᐛᓐᒋ ᐊᑲ ᑕᑈᔭᔨᒪᒡ ᒋᓴᓴ᙮
\v 14 ᐊ ‍ ᓴᒋᐊᐧᑯᒡ ᒋᐧᑲᓂᓯᓄᐅᒡ, ᐊᑯᑕ ᐛᒋ ‍ ᒋᔅᒐᔨᑎᒪᐧᒄ ᓂᐳᐅᓂᒡ ᐊᒋ ᐅᒋ ‍ ᐊᓱᑕᐃᑯᐅᔭᐧᒄ ᐱᒪᑎᓯᐅᓂᒡ ᒐᒋ ᐃᓯ ‍ ᑕᔭᐧᒄ᙮ ᐊᐛᓐ ᐊᑲ ᓴᒋᐊᑦ ᐎᐧᑲᓂᓴ ᐊᔅᒄ ᑎᐸᔨᒥᑯᐤ ᓂᐳᐅᓂᔪᐤ᙮
\v 15 ᐊᐛᓐ ᑲ ‍ ᐛᐧᑲᑕᑦ ᐎᐧᑲᓂᓴ ᑲ ‍ ᓂᐸᐃᐛᑦ ᐃᓯᓇᑯᓱᐤ᙮ ᒋ ‍ ᒋᔅᒐᔨᑕᓇᓄᐤ ᒪᒃ ᐅᓂᐸᐃᐛᐤ ᐊᑲ ᐊ ‍ ᐊᔭᑦ ᑲᒋᒡ ᐱᒪᑎᓯᐅᓂᔪᐤ᙮
\s2 1 John 3.16-24 (Easter-4 Year B)
\p
\v 16 ᙭ ᓇᔅᒡ ᑲ ‍ ᐱᔅᑕᔨᒧᑦ ᒐᒋ ᓂᐱᔅᑎᒪᑕᐧᒄ, ᐊᑯᑕ ᑲ ᐅᒋ ‍ ᒋᔅᒐᔨᑎᒥᐃᑕᐧᒄ ᓴᒋᐃᐛᐅᓂᔪᐤ᙮ ᐊᑯ ᒪᒃ ᑭᔭ ᒋᔭᓄᐤ ᓇᑐᐛᔨᑕᑯᓯᔭᐧᒄ ᒐᒋ ᐱᔅᑕᔨᒥᑎᓱᔭᐧᒄ ᒋᐧᑲᓂᓯᓄᐅᒡ ᒐᒋ ᐎᒋᐃᐧᑯᒡ᙮
\v 17 ᐛᐱᒪᒐ ᐊᐛᓐ ᐊ ‍ ᓄᑕᐱᔨᒋ ᐊᐛᔪᐛ ᒐᒂᔪᐤ, ᐊᑲ ᒪᒃ ᐎᔾ ᓄᑕᐱᔨᑦ ᒐᒂᔪᐤ, ᐊᑲ ᒪᒃ ᒋᔅᑎᒪᒐᔨᒪᒐ, ᑕᓐᑕ ᒐᒋ ᐅᒋ ‍ ᐃᔅᒋᔄᑦ ᐊ ‍ ᐱᒋᔅᑲᑯᑦ ᒋᓴᒪᓂᑐᐛ ᐅᓴᒋᐃᐛᐅᓂᔪᐤ᙮
\v 18 ᓂᑦ ᐊᐛᓯᒥᑎᒄ, ᓇᒪ ᒥᒄ ᒋᐸ ᐅᒋ ‍ ᐃᔅᒋᔄᓇᓄᐤ ᐊ ‍ ᓴᒋᐃᐛᔭᐧᒄ᙮ ᒥᒄ ᑕᓐ ᐊ ‍ ᐃᑎᔭᐧᒄ ᐊᑯᑕ ᒋᐸ ‍ ᓄᑯᓐ ᑕᑈ ᐊ ‍ ᓴᒋᐃᐛᔭᐧᒄ᙮
\s1 ᒐᔅᑎᓇᑕᔨᒧᐅᓐ ᒋᓴᒪᓂᑐᐤ ᐃᔅ ᐊ ‍ ᑕᑦ
\p
\v 19 ᐛᔅ ᑕᑈ ᓴᒋᐃᐛᔭᒂ, ᐊᑯᑕ ᒐ ᐅᒋ ‍ ᒋᔅᒐᔨᑎᒪᐧᒄ ᒋᓴᒪᓂᑐᐤ ᐊ ‍ ᑎᐸᔨᒥᑕᐧᒄ ᐎᔾ ᐊ ‍ ᑕᑦ ᐛᒋᐱᔨᒡ ᑕᑈᐅᓂᔪᐤ᙮ ᐊᑯᑕ ᑭᔭ ᐛᒋ ‍ ᒋᔭᒪᔨᑎᒪᐧᒄ ᒋᑕᐃᓇᒡ ᐊ ‍ ᐃᔨᒥᔭᐧᒄ ᒋᓴᒪᓂᑐᐤ ᐊᑎ ᐊ ‍ ᒋᔅᒐᔨᑎᒪᐧᒄ ᐊ ‍ ᐅᓂᑐᑎᒪᐧᒄ ᒪᓐ᙮
\v 20 ᐛᔅ ᒋᑕᐃᓄᐛ ᐎᑎᒪᑯᔭᒂ ᐊ ‍ ᒥᒋᑐᑎᒪᐧᒄ, ᒋᑭ ‍ ᒋᔭᒪᔨᑕᓇᓄᐤ ᐛᔅ ᒋ ‍ ᒋᔅᒐᔨᒪᓄᐤ ᒋᓴᒪᓂᑐᐤ ᐎᔾ ᐅᔅᑕ ᐊ ‍ ᒋᔅᒐᔨᒥᑕᐧᒄ ᑭᔭ ᒥᓯᐛ ᒐᒂᔪᐤ ᐊ ‍ ᒋᔅᒐᔨᑕᐧᒃ᙮
\p
\v 21 ᓂᐧᑲᓂᓯᑐᒄ ᑲ ‍ ᓴᒋᐃᑎᑯᒡ, ᒋᔭᒪᔨᑎᒪᐧᑯ ᒋᑕᐃᓇᒡ, ᓇᒪ ᒋᑭ ᐅᒋ ‍ ᓴᒋᓯᓇᓄᐤ ᒐᒋ ᓇᑕᐧᒄ ᒋᓴᒪᓂᑐᐤ᙮
\v 22 ᒋᑭ ‍ ᒥᔨᑯᓄᐤ ᒐᒂᔪᐤ ᐊ ᐃᓯ ‍ ᓂᑐᐛᔨᑎᒧᐛᐧᒄ, ᐊ ‍ ᐃᑐᑎᒪᐧᒄ ᑕᓐ ᐊ ‍ ᐃᑎᓱᒥᑕᐧᒄ ᑭᔭ ᐊ ‍ ᐃᑐᑎᒪᐧᒄ ᐊᓂᔭ ᒐᒂᔪᐛ ᓂᐊᔨᑎᒥᐃᑯᑦ᙮
\v 23 ᒪᐅᔭᔪᐤ ᒪᒃ ᐊ ‍ ᐃᑎᓱᒥᑕᐧᒄ ᒐᒋ ᐃᑐᐛᐧᒄ, ᒐᒋ ᑕᑈᔭᔨᒪᐧᑯ ᐅᑯᓴ ᒋᓴᔅ ᙭ᑕ ᑭᔭ ᒐᒋ ᓴᒋᐃᑐᐛᐧᒄ ᒧᔭᒻ ᙭ ᑲ ‍ ᐃᑎᓱᒥᑕᐧᒄ ᒐᒋ ᐃᓯ ‍ ᓴᒋᐃᐛᐛᐧᒄ᙮
\v 24 ᒥᓯᐛ ᐊᓐᒡ ᑲ ‍ ᐃᑐᑎᒺᒡ ᑕᓐ ᐊ ‍ ᐃᑎᓱᒥᑯᒡ ᒋᓴᒪᓂᑐᐛ ᒧᔅ ᐎᒐᐛᐅᒡ ᒋᓴᒪᓂᑐᐛ ᑭᔭ ᐎᔨᐛᐤ ᒪᒃ ᒧᔅ ᐎᒐᐅᑯᐅᒡ᙮ ᐊᓂᔭᔪᐛ ᒪᒃ ᐅᑦ ᐊᒐᒂ ᑲ ‍ ᒥᔨᑕᐧᒄ, ᐊᑯᑕ ᐛᒋ ‍ ᒋᔅᒐᔨᑎᒪᐧᒄ ᐊ ‍ ᐎᒐᐅᑕᐧᒄ ᒋᓴᒪᓂᑐᐤ᙮

\c 4
\s1 ᐊᑲᐎᔾ ᑕᑈᑐᐛᐧᑯᒡ ᐊᓐᒡ ᐊᑲ ᑯᐃᔅᒄ ᐊᓯ ‍ ᒋᔅᑯᑎᒪᒐᒡ
\p
\v 1 ᓂᐧᑲᓂᓯᑐᒄ ᑲ ‍ ᓴᒋᐃᑎᑯᒡ ᐊᑲᐎᔾ ᒥᓯᐛ ᐊᐛᓐ ᒋᓴᒪᓂᑐᐛ ᑲ ‍ ᐊᔨᒧᑎᒪᑕᒄ ᒥᒄ ᒋᑭ ᐅᒋ ᐃᓯ ‍ ᑕᑈᑐᐛᐛᐤ᙮ ᐃᔭᒂ ᓂᑐ ‍ ᒋᔅᒐᔨᒪᐧᑯᒡ ᐊᓐᑕ ᒐᒋ ᐅᒋ ‍ ᒋᔅᒐᔨᑎᒪᒄ ᑕᑈ ᒋᓴᒪᓂᑐᐛ ᐊ ‍ ᑕᔨᒋ ᐛᒋᐱᔨᒂ ᑕᓐ ᐊ ᐃᓯ ‍ ᒋᔅᑯᑎᒪᒐᒡ᙮ ᐛᔅ ᒥᒐᑐᐅᒡ ᒥᓯᑕ ᐅᑕ ᐊᔅᒋᒡ ᐊᓐᒡ ᒥᒋ ‍ ᐅᒋᔅᒋᐛᐃᒐᓱᒡ᙮
\v 2 ᒪᐅᑕ ᒐᒋ ᐅᒋ ‍ ᒋᔅᒐᔨᒪᒄ ᐊᐛᓐ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᐃᔭᐱᒋᐃᑯᒂ᙮ ᐊᐛᓐ ᒧᓴ ᑲ ‍ ᐎᑕᐧᒃ ᒋᓴᔅ ᙭ᑕ ᐊᒋ ‍ ᑎᑯᓯᓂᔨᒋ ᐅᑕ ᐊᔅᒋᒡ ᒧᒡ ᓇᐸᐛ ᑲ ‍ ᐃᑕᔨᑕᑯᓯᔨᒋ ᐊᒋ ‍ ᐃᑕᔨᑕᑯᓯᔨᒋ, ᐊᐅᒄ ᐅ ᒋᓴᒪᓂᑐᐤ ᐅᑦ ᐊᒐᐧᑯᔪᐛ ᐃᔭᐱᒋᐃᑯᑦ᙮
\v 3 ᐊᑯ ᐊᓐ ᐊᐛᓐ ᑲ ‍ ᐃᔅᒋᔄᑦ ᐊᑲ ᑕᑈᔭᔨᒪᑦ ᒋᓴᓴ, ᓇᒪ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᐊᐱᒋᐃᑯᐤ᙮ ᐱᒋᔅᑲᑯᐤ ᐊᓂᔭ ᐊᒐᒂ ᑲ ‍ ᓱᒐᔨᒧᑐᑐᐛᔨᒋ ᙭ᑕ᙮ ᔅᒋ ‍ ᐸᑕᓇᐛᐤ ᒐ ‍ ᑎᒂᒡ ᐅ ᐊ ‍ ᐃᑕᔨᑕᑯᓯᓇᓄᐅᒡ᙮ ᓴᔅ ᒪᒃ ᑎᑯᓐ ᐅᑕ ᐊᔅᒋᒡ ᐅ ᐊ ‍ ᐃᑕᔨᑕᑯᓯᓇᓄᐅᒡ᙮
\p
\v 4 ᓂᑦ ᐊᐛᓯᒥᑎᒄ, ᒋᓴᒪᓂᑐᐤ ᔅᒋ ‍ ᐱᒪᒋᐃᑯᐛᐤ᙮ ᓇᒪ ᒪᒃ ᒋ ᐅᒋ ‍ ᓴᐧᑯᒋᐃᑯᐛᐅᒡ ᐊᓐᒡ ᐊᑲ ᑯᐃᔅᒄ ᐊᓯ ‍ ᒋᔅᑯᑎᒪᒐᒡ ᒐᒋ ᑕᑈᑐᐛᑯᒡ᙮ ᐛᔅ ᐃᐛᒃ ᓱᒐᔨᑕᑯᓯᔪᐛ ᐊᓂᔭ ᑲ ‍ ᐱᒋᔅᑲᑎᔨᑕᑯ ᐃᔅᐱᔅ ᐊᓂᔭᔪᐛ ᐊᓐᒡ ᐊᔅᒋᒡ ᑲ ᐃᓯ ‍ ᐱᒪᑎᓯᒡ ᑲ ‍ ᐱᒋᔅᑲᑯᒡ᙮
\v 5 ᐊᓐᒡ ᓂᑎᒥᒄ ᑲ ᐃᓯ ‍ ᒋᔅᑯᑎᒪᒐᒡ, ᐅᑕ ᐊᔅᒋᒡ ᐅᒋᐅᒡ᙮ ᐊᐅᑯᓐ ᒪᒃ ᐛᒋ ᐃᓯ ‍ ᐃᔨᒥᒡ ᐊ ᐃᓯ ‍ ᐃᔨᒥᔨᒋ ᐊᓂᔭᔪᐛ ᐊᐛᔪᐛ ᐊᑲ ᒋᔅᒐᔨᒪᔨᒋ ᒋᓴᒪᓂᑐᐛ, ᑭᔭ ᓇᔅᒡ ᐊᔭᐱᓯᑕᑯᐅᒡ ᐊᓂᔭᔪᐛ ᐊᐛᔪᐛ ᐅᑕ ᐊᔅᒋᒡ ᐊ ‍ ᑕᔨᒋ᙮
\v 6 ᒋᔭᓄᐤ ᐎ ᒋᓴᒪᓂᑐᐤ ᔅᒋ ‍ ᐱᒪᒋᐃᑯᓄᐤ᙮ ᐊᓐ ᐊᐛᓐ ᑲ ‍ ᒋᔅᒐᔨᒪᑦ ᐊ ‍ ᐃᑕᔨᑕᑯᓯᔨᒋ ᒋᓴᒪᓂᑐᐛ ᒋ ‍ ᓂᑐᑕᑯᓄᐤ ᑕᓐ ᐊ ‍ ᐃᔅᒋᔄᐛᐧᒄ᙮ ᐊᑯ ᐊᓐ ᐊᐛᓐ ᐊᑲ ᒋᔅᒐᔨᒪᑦ ᒋᓴᒪᓂᑐᐛ, ᓇᒪ ᒋ ‍ ᓂᑐᑕᑯᓄᐤ᙮ ᐊᑯᑕ ᐛᒋ ‍ ᒋᔅᒐᔨᒪᐧᒄ ᑕᑈᐅ-ᐊᒐᐧᒄ ᑭᔭ ᑲ ‍ ᐎᔭᓯᒧᐛᑦ ᐊᒐᐧᒄ᙮
\s1 ᒋᓴᒪᓂᑐᐤ ᐊ ‍ ᑕᑦ ᐅᒋᐱᔪᐤ ᓴᒋᐃᐛᐅᓐ
\s2 1 John 4.7-21 (Easter-5 Year B)
\p
\v 7 ᓂᐧᑲᓂᓯᑐᒄ ᑲ ‍ ᓴᒋᐃᑎᑯᒡ, ᐊᑯᔅ ᓴᒋᐃᑐᑕᐤ᙮ ᐛᔅ ᓴᒋᐃᐛᐅᓐ ᒋᓴᒪᓂᑐᒡ ᐅᒋᐱᔪᐤ᙮ ᑭᔭ ᒥᓯᐛ ᑕᑐᐤ ᐊᐛᓐ ᑲ ‍ ᓴᒋᐃᐛᑦ ᒋ ‍ ᓂᑕᐅᒋᐃᑯᐤ ᒋᓴᒪᓂᑐᐛ ᑭᔭ ᒋᔅᒐᔨᒪᐤ ᒋᓴᒪᓂᑐᐛ᙮
\v 8 ᐊᓐ ᐊᐛᓐ ᐊᑲ ᓴᒋᐃᐛᑦ, ᓇᒪ ᒋᔅᒐᔨᒪᐤ ᒋᓴᒪᓂᑐᐛ, ᐛᔅ ᒋᓴᒪᓂᑐᐤ ᐊᐅᒄ ᓴᒋᐃᐛᐅᓐ᙮
\v 9 ᐊᑯᑕ ᑲ ‍ ᓄᑯᑥᑕᐧᒄ ᒋᓴᒪᓂᑐᐤ ᑕᓐ ᐊ ᐃᓯ ‍ ᓴᒋᐃᑕᐧᒄ ᑲ ᐸᒋ ‍ ᐃᑎᓴᐛᑦ ᑲ ‍ ᐸᐃᑯᓯᔨᒋ ᐅᑯᓴ ᐅᑕ ᐊᔅᒋᒡ ᒐᒋ ᐅᒋ ‍ ᐊᔭᐛᐧᒄ ᑲᒋᒡ ᐱᒪᑎᓯᐅᓂᔪᐤ᙮
\v 10 ᒪᐅ ᒪᒃ ᐅ ᓴᒋᐃᐛᐅᓐ, ᓇᒪ ᐎ ᒋᔭᓄᐤ ᐊᒋ ‍ ᓴᒋᐊᐧᒄ ᒋᓴᒪᓂᑐᐤ, ᒪᒃ ᐎᔾ ᐊᒋ ‍ ᓴᒋᐃᑕᐧᒄ ᐊᒋ ᐸᒋ ‍ ᐃᑎᓴᐛᑦ ᐅᑯᓴ ᐊᓐᑕ ᒐᒋ ᑎᐸᒪᒐᔅᑎᒪᑕᐧᒄ ᒋᒥᒋᑐᑎᒧᐅᓄᐛ᙮
\p
\v 11 ᓂᐧᑲᓂᓯᑐᒄ ᑲ ‍ ᓴᒋᐃᑎᑯᒡ, ᒧᔭᒻ ᒋᓴᒪᓂᑐᐤ ᐅᔭᔪᐤ ᐊ ᐃᓯ ‍ ᓴᒋᐃᑕᐧᒄ, ᐊᐅᒄ ᐅ ᒋᐸ ᐃᓯ ‍ ᓴᒋᐃᑐᓇᓄᐤ ᑭᔭ ᒋᔭᓄᐤ᙮
\v 12 ᓇᒪ ᓂᑕ ᐊᐛᓐ ᐅᒋ ᐛᐱᒪᐤ ᒋᓴᒪᓂᑐᐛ, ᒧᔭᒻ ᓯᐊᒋᐃᑐᐛᐛᒂ, ᒋ ‍ ᐱᒋᔅᑲᑯᓄᐤ ᒋᓴᒪᓂᑐᐤ ᑭᔭ ᐅᓴᒋᐃᐛᐅᓐ ᒐᔅᑎᓇᑕᔨᑕᑯᓂᔪᐤ ᐊ ‍ ᐱᒋᔅᑲᑯᐛᐧᒄ᙮
\p
\v 13 ᐅᒪ ᒋ ᐅᒋ ‍ ᒋᔅᒐᔨᑕᓇᓄᐤ ᐊ ‍ ᐱᔅᑯᐛᐧᒄ ᐎᔾ ᑭᔭ ᐊᐱᔅᑲᑕᐧᒄ ᐊᒋ ‍ ᒥᔨᑕᐧᒄ ᐅᑦ ᐊᒐᒂ᙮
\v 14 ᓂᒋ ‍ ᐛᐸᑕᓇᓐ ᑭᔭ ᓂᒋ ‍ ᐎᑕᓇᓐ ᐅᑕᐎᒪᐤ ᐊᒋ ᐸᒋ ‍ ᐃᑎᓴᐛᑦ ᐅᑯᓯᒪᐛ ᒐᒋ ᐱᒪᒋᑕᔨᒋ ᐊᔅᒋᔪᐤ᙮
\v 15 ᐊᓐ ᐊᐛᓐ ᒐ ‍ ᐎᑎᒧᒂ ᒋᓴᓴ ᐊ ‍ ᐊᐎᔨᒋ ᒋᓴᒪᓂᑐᐛ ᐅᑯᓯᔪᐛ, ᒋᓴᒪᓂᑐᐛ ᐱᒋᔅᑲᑯᐤ, ᐎᔾ ᑭᔭ ᐱᔅᑯᐛᐤ ᒋᓴᒪᓂᑐᐛ᙮
\v 16 ᐊᑯ ᒪᒃ ᒋᔅᒐᔨᑕᓇᓄᐤ ᑭᔭ ᒋ ‍ ᑕᑈᑕᓇᓄᐤ ᑕᑈ ᐊ ‍ ᓴᒋᐃᑕᐧᒄ ᒋᓴᒪᓂᑐᐤ᙮
\p ᒋᓴᒪᓂᑐᐤ ᐊᐅᒄ ᓴᒋᐃᐛᐅᓐ᙮ ᐊᓐ ᒪᒃ ᑲ ‍ ᑕᑦ ᓴᒋᐃᐛᐅᓂᒡ, ᐱᒋᔅᑯᐛᐤ ᒋᓴᒪᓂᑐᐛ ᑭᔭ ᐱᒋᔅᑲᑯᐤ ᒋᓴᒪᓂᑐᐛ᙮
\v 17 ᐅᒪ ᐊᑯ ᐊ ᐃᓯ ‍ ᒐᔅᑎᓇᑕᔨᑕᒂᒡ ᒋᓴᒋᐃᐛᐅᓄᐤ, ᒐᒋ ᐊᔭᔭᐧᒄ ᒐᔅᑎᓇᐅᓐ ᑎᐸᔅᑯᓂᒐᐅ ᒋᓯᑲᒐ; ᐛᔅ ᐊ ᐃᓯ ‍ ᐊᔭᑦ, ᐊᑯ ᑭᔭ ᐊ ᐃᓯ ‍ ᐊᔭᔭᐧᒄ ᐅᑕ ᐊᔅᒋᒡ᙮
\v 18 ᓇᒪ ᑎᑯᓐ ᓴᒋᓱᐅᓐ ᓴᒋᐃᐛᐅᓂᒡ᙮ ᒪᒃ ᑕᑈ ᓴᒋᐃᐛᐅᓐ ᐎᐎᐛᐱᓂᒧᒥᑭᓐ ᓴᒋᓱᐅᓐ, ᐛᔅ ᓴᒋᓱᐅᓐ ᐊᔭᒥᑭᓐ ᓂᓇᐧᑲᑕᔨᑎᒧᐅᓐ᙮ ᐊᓐ ᑲ ‍ ᓴᒋᓯᑦ ᓇᒪᐎᔾ ᒐᔅᑎᓇᑕᔨᑕᑯᓱᐤ ᓴᒋᐃᐛᐅᓂᒡ᙮
\p
\v 19 ᒋ ‍ ᓴᒋᐃᐛᓇᓄᐤ ᐎᔾ ᓂᔅᑎᒻ ᐊᒋ ‍ ᓴᒋᐃᑕᐧᒄ᙮
\v 20 ᒧᔭᒻ ᐃᔅᒋᔄᒐ ᐊᐛᓐ, “ᓂ ‍ ᓴᒋᐊᐤ ᒋᓴᒪᓂᑐᐤ,” ᐊ ‍ ᐛᐧᑲᑕᑦ ᒪᒃ ᐎᐧᑲᓂᓴ, ᑭᑭᒋᔭᐤ᙮ ᐛᔅ ᐊᓐ ᐊᑲ ᓯᔭᒋᐊᒂ ᐎᐧᑲᓂᓴ ᑲ ‍ ᐛᐱᒪᑦ, ᑕᓐᑕ ᒐᒋ ᐅᒋ ‍ ᓴᒋᐊᑦ ᒋᓴᒪᓂᑐᐛ ᐊᑲ ᐛᐱᒪᑦ᙮
\v 21 ᐊᐅᒄ ᐅᔭ ᑲ ‍ ᐃᑎᓱᒥᑕᐧᒄ ᒋᓴᒪᓂᑐᐤ, “ᐊᓐ ᑲ ‍ ᓴᒋᐊᑦ ᒋᓴᒪᓂᑐᐛ, ᐎᐧᑲᓂᓴ ᐊᓯᒡ ᒋᑭ ‍ ᓴᒋᐊᐤ᙮”
\c 5
\s1 ᑕᓐᑕ ᐛᒋ ‍ ᓴᐧᑯᒋᑕᔭᐧᒄ ᐊᔅᒋᔾ
\s2 1 John 5.1-6 (Easter-6 Year B)
\p
\v 1 ᒥᓯᐛ ᐊᐛᓐ ᑲ ‍ ᑕᑈᑕᐧᒃ ᒋᓴᓴ ᐊ ‍ ᐊᐎᔨᒡ ᙭ᑕ, ᒋᓴᒪᓂᑐᐛ ᐅᑦ ᐊᐛᓯᒥᑐᑕᑯᐤ᙮ ᐊ ‍ ᓴᒋᐊᐧᒄ ᒪᒃ ᐅᑕᐎᒪᐤ ᑭᔭ ᐊᓂᔭᔪᐛ ᐅᑦ ᐊᐛᓯᒪ ᒋ ‍ ᓴᒋᐃᒪᓄᐛ᙮
\v 2 ᐊᑯᑕ ᐛᒋ ‍ ᒋᔅᒐᔨᑎᒪᐧᒄ ᐊ ‍ ᓴᒋᐃᒪᐧᑯ ᒋᓴᒪᓂᑐᐤ ᐅᑦ ᐊᐛᓯᒪ ᐊ ‍ ᓴᒋᐊᐧᒄ ᒋᓴᒪᓂᑐᐤ ᑭᔭ ᐊ ‍ ᐃᑐᑎᒺᐧᒄ ᐊ ‍ ᐃᑎᓱᒥᑕᐧᒄ᙮
\v 3 ᐊ ‍ ᐃᑐᑎᒺᐧᒄ ᒥᓯᐛ ᐊ ‍ ᐃᑎᓱᒥᑕᐧᒄ ᒋᓴᒪᓂᑐᐤ, ᐊᑯᑕ ᐛᒋ ‍ ᓄᒂᒡ ᐊ ‍ ᓴᒋᐊᐧᒄ᙮ ᓇᒪ ᒪᒃ ᐊᔨᒥᓂᔪᐤ ᒐᒋ ᐃᑐᑎᒺᐧᒄ ᐊᓂᔭ ᐊ ‍ ᐃᑎᓱᒥᑕᐧᒄ᙮
\v 4 ᐛᔅ ᐊᓐ ᐊᐛᓐ ᑲ ‍ ᐱᒪᒋᐃᑯᑦ ᒋᓴᒪᓂᑐᐛ, ᓇᒪ ᒋ ‍ ᓴᐧᑯᒋᐃᑯᐤ ᒥᒋᑥᐅᓂᔪᐤ ᐅᑕ ᐊᔅᒋᒡ᙮ ᒋᑕᑈᑎᒧᐅᓄᐤ ᐊᐅᒄ ᐛᒋᐃᑯᔭᐧᒄ ᒐᒋ ᓴᐧᑯᒋᑕᔭᐧᒄ ᒥᒋᑥᐅᓐ ᐅᑕ ᐊᔅᒋᒡ᙮
\v 5 ᐊᓐᒡ ᑲ ‍ ᑕᑈᑕᒡ ᒋᓴᓴ ᐊ ‍ ᐊᐎᔨᒋ ᒋᓴᒪᓂᑐᐛ ᐅᑯᓯᔪᐛ ᐊᐅᑯᓐᒡ ᓯᔭᑯᒋᑕᒡ ᒥᒋᑥᐅᓂᔪᐤ ᐅᑕ ᐊᔅᒋᒡ᙮
\s1 ᐊᐛᓐ ᐅ ᒋᓴᔅ
\p
\v 6 ᐎᔾ ᒋᓴᔅ ᙭ ᒋ ‍ ᑎᑯᓯᓄᐤ ᒋᓴᒪᓂᑐᐛ ᐊᒋ ‍ ᐃᑎᓱᒥᑯᑦ ᒐᒋ ᓯᑲᐃᑐᐛᑭᓄᐅᑦ ᓂᐱᒡ, ᑭᔭ ᒐᒋ ᐅᓂᑕᑦ ᐅᒥᐧᒄ ᒋᐱᔭᑎᑯᒡ ᑲ ‍ ᒋᔅᑕᔎᑕᑭᓄᐅᑦ᙮ ᓇᒪ ᐅᒋ ᑎᑯᓯᓄᐤ ᒥᒄ ᒐᒋ ᓯᑲᐃᑐᐛᑭᓄᐅᑦ ᓂᐱᒡ ᒪᒃ ᐊᔪᐤ ᒐᒋ ᐅᓂᑕᑦ ᐅᒥᐧᒄ᙮
\v 7 ᑲ ‍ ᐸᔭᒋᓯᑦ ᐊᒐᐧᒄ ᒪᒃ ᐊᐅᒄ ᑕᐸᑕᐧᒃ ᐅᔭ᙮ ᑕᑈᐤ ᒪᒃ ᐅ ᐊᒐᐧᒄ᙮
\v 8 ᓂᔅᑐᔨᒡ ᒋ ᐅᒋ ‍ ᐎᑎᒪᑯᓇᓄᐤ ᒐᒋ ᐅᒋ ‍ ᒋᔅᒐᔨᑎᒪᐧᒄ ᒋᓴᔅ ᐊ ‍ ᐊᐅᑦ ᒋᓴᒪᓂᑐᐤ ᐅᑯᓴ᙮ ᐊᒐᐧᒄ ᒋ ‍ ᐎᑎᒪᑭᓄᐤ, ᑭᔭ ᓂᐱᔾ ᑭᔭ ᒥᐧᒄ᙮ ᒥᓯᐛ ᐅᔭ ᐸᐃᑯᓄᒡ ᐃᓯ ᐎᑎᒪᒐᒥᑭᓇ ᑕᑈ ᒋᓴᔅ ᐊ ‍ ᐊᐅᑦ ᒋᓴᒪᓂᑐᐤ ᐅᑯᓴ᙮
\s2 1 John 5.9-13 (Easter-7 Year B)
\p
\v 9 ᒋ ‍ ᑕᑈᑕᓇᓄᐤ ᒪᓐ ᑕᓐ ᐊ ‍ ᐃᑕᒋᒧᔅᑕᑕᐧᒄ ᐊᐛᓐ ᐅᑕ ᐊᔅᒋᒡ᙮ ᐃᐛᒃ ᒪᒃ ᐃᑕᔨᑕᑯᓂᔪᐤ ᒐᒋ ᑕᑈᑎᒪᐧᒄ ᑕᓐ ᐊ ‍ ᐃᑕᒋᒧᑦ ᒋᓴᒪᓂᑐᐤ ᐛᔅ ᐎᔾ ᐅᔭ ᐅᑎᐸᒋᒧᐅᓐ᙮ ᐊᐅᒄ ᒪᒃ ᐅᔭᔪᐤ ᑲ ‍ ᐃᑕᒋᒪᑦ ᐅᑯᓴ᙮
\v 10 ᐊᐛᓐ ᑕᑈ ᐊ ‍ ᑕᑈᔭᔨᒪᑦ ᒋᓴᒪᓂᑐᐛ ᐅᑯᓯᔪᐛ, ᐅᑎᓂᒻ ᑭᔭ ᒥᒋᒥᓂᒻ ᐅᔭ ᑎᐸᒋᒧᐅᓂᔪᐤ᙮ ᐊᐛᓐ ᒪᒃ ᐊᑲ ᑕᑈᑐᐛᑦ ᑕᓐ ᐊ ‍ ᐃᑕᒋᒧᔨᒋ ᒋᓴᒪᓂᑐᐛ, ᐃᔅᒋᔄᐤ ᐊ ‍ ᑭᑭᒋᔭᔨᒋ, ᐛᔅ ᓇᒪ ᑕᑈᑎᒻ ᑕᓐ ᑲ ‍ ᐃᑕᒋᒪᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑯᓯᔪᐛ᙮
\v 11 ᒪᐅᔭ ᒪᒃ ᐊ ‍ ᐃᑕᒋᒪᑦ ᒋᓴᒪᓂᑐᐤ ᐅᑯᓴ, ᒋᓴᒪᓂᑐᐤ ᔅᒋ ‍ ᒥᔨᑯᓄᐤ ᑲᒋᒡ ᐱᒪᑎᓯᐅᓂᔪᐤ, ᐊᓐ ᒪᒃ ᑲᒋᒡ ᐱᒪᑎᓯᐅᓐ ᐊᓐᑕ ᐅᑯᓴ ᐊ ‍ ᑕᔨᒋ ᐅᒋᐱᔪᐤ᙮
\v 12 ᐊᓐ ᐊᐛᓐ ᑲ ‍ ᐊᔭᐛᑦ ᐅᑯᓯᓯᒪᐛ, ᐊᔭᐤ ᐱᒪᑎᓯᐅᓂᔪᐤ᙮ ᐊᑯ ᐊᓐ ᐊᐛᓐ ᐊᑲ ᐊᔭᐛᑦ ᒋᓴᒪᓂᑐᐤ ᐅᑯᓯᔪᐛ, ᓇᒪ ᐊᔭᐤ ᐱᒪᑎᓯᐅᓂᔪᐤ᙮
\s1 ᑲᒋᒡ ᐱᒪᑎᓯᐅᓐ
\p
\v 13 ᒋ ‍ ᒥᓯᓇᐊᒪᑎᓇᐛᐤ ᒋᔨᐛᐤ ᑲ ‍ ᑕᑈᔭᔨᒪᒄ ᒋᓴᒪᓂᑐᐤ ᐅᑯᓴ ᒐᒋ ᒋᔅᒐᔨᑎᒪᒄ ᐊ ‍ ᐊᔭᔭᒄ ᑲᒋᒡ ᐱᒪᑎᓯᐅᓐ᙮
\v 14 ᒪᐅ ᐊ ᐃᓯ ‍ ᒐᔅᑎᓇᑕᔨᒧᔭᐧᒄ ᐊ ‍ ᐊᔭᒥᐊᐧᒄ ᒋᓴᒪᓂᑐᐤ᙮ ᒧᔭᒻ ᒋᔅᒐᔨᑎᒺᒂ ᑭᔭ ᐃᑐᑎᒺᒂ ᐅᑦ ᐃᑕᔨᑎᒧᐅᓐ, ᒋᑭ ‍ ᐃᑐᑎᒻ ᑕᓐ ᐊ ᐃᓯ ‍ ᓂᑐᑎᒧᐛᐧᒄ ᒐᒋ ᐃᑐᑕᐧᒃ᙮
\v 15 ᒧᔭᒻ ᒪᒃ ᒋᔅᒐᔨᑎᒺᒂ ᐊ ‍ ᐸᑕᑕᐧᒄ ᒋᓴᒪᓂᑐᐤ ᒥᒄ ᑕᓐ ᐊ ᐃᓯ ‍ ᓂᑐᑎᒧᐛᐧᒄ ᒐᒂᔪᐤ, ᒋ ‍ ᒋᔅᒐᔨᑕᓇᓄᐤ ᑭᔭ ᐊ ‍ ᐊᔭᐛᐧᒄ ᐊᓂᔭ ᐊ ᐃᓯ ‍ ᓂᑐᑎᒧᐛᐧᒄ᙮
\p
\v 16 ᐊᐛᓐ ᐛᐱᒪᒐ ᐎᐧᑲᓂᓴ ᐊ ‍ ᒥᒋᑐᑎᒥᔨᒋ ᐊᑲ ᒪᒃ ᓂᐳᐅᓂᒡ ᐃᑐᑕᐃᑯᔨᒋ ᐊᓂᔭ ᑲ ᐃᓯ ‍ ᒥᒋᑐᑎᒥᔨᒋ, ᒋᐸ ‍ ᐊᔭᒥᐊᔅᑎᒧᐛᐤ, ᑭᔭ ᒐ ‍ ᒥᔨᑯᔨᒋ ᒋᓴᒪᓂᑐᐛ ᐱᒪᑎᓯᐅᓂᔪᐤ᙮ ᐊᐅᑯᓐ ᒐ ‍ ᐃᔅᐱᔨᒋ ᐊᓂᔭᔪᐛ ᐊᑲ ᓂᐳᐅᓂᒡ ᐃᑐᑕᐃᑯᔨᒋ ᐊᓂᔭ ᑲ ᐃᓯ ‍ ᐅᓂᑐᑎᒥᔨᒋ᙮ ᒥᒄ ᒪᒃ ᑎᑯᓐ ᒥᒋᑥᐅᓐ ᒐ ‍ ᐃᑐᑕᐃᑯᑦ ᐊᐛᓐ ᓂᐳᐅᓂᒡ᙮ ᐅᔭ ᒪᒃ ᐃᓯ ᒥᒋᑐᑕᒐ ᐊᐛᓐ, ᐊᑯᔅ ᐊᑲ ᐊᔭᒥᐊᔅᑎᒧᐤ᙮
\v 17 ᒥᓯᐛ ᐅᓂᑐᑎᒧᐅᓐ, ᒥᒋᑥᐅᓐ ᐊᓐ, ᒥᒄ ᒪᒃ ᑎᑯᓐ ᒥᒋᑥᐅᓐ ᐊᑲ ᓂᐳᐅᓂᒡ ᐃᑐᑕᐃᐛᒡ᙮
\s1 ᐊ ᐃᓯ ‍ ᒋᐸᐊᒃ ᐅᔭ ᐅᒥᓯᓇᐊᒪᒐᐅᓐ ᒠᓐ
\p
\v 18 ᒋ ‍ ᒋᔅᒐᔨᒪᓄᐤ ᐊᐛᓐ ᐊᒋ ‍ ᐱᒪᒋᐃᑯᑦ ᒋᓴᒪᓂᑐᐛ ᓇᒪ ᒋᐸ ᐅᒋ ‍ ᒥᒋᑐᑎᒻ᙮ ᐛᔅ ᒋᓴᒪᓂᑐᐤ ᐅᑯᓯᔪᐛ ᑭᓄᐛᔨᒥᑯᐤ, ᓇᒪ ᒪᒃ ᒐᒂᔪᐤ ᒋ ‍ ᐃᑐᑕᑯᐤ ᒥᒋᒥᓂᑐᐛ᙮
\p
\v 19 ᒋ ‍ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐊ ‍ ᐅᑦ ᐊᐛᓯᒥᑐᑕᑕᐧᒄ᙮ ᒥᓯᐛ ᐊᓐᒡ ᐅᑕ ᐊᔅᒋᒡ ᐊ ‍ ᑕᒡ ᑎᐸᔨᒥᑯᐅᒡ ᒥᒋᒥᓂᑐᐛ᙮
\p
\v 20 ᒋ ‍ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ‍ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ‍ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ‍ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ‍ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮
\p
\v 21 ᐊᐛᓯᑐᒄ, ᐃᔭᒂᒥᒄ ᒐ ᐊᑲ ᒋ ᐊᔭᒥᐊᔅᑐᐛᑯᒡ ᒥᓂᑐᐧᑲᓐᒡ᙮

\id 2JN Adapted from ECree-S to Naskapi, 27 May 2003; Typeset export from CBS 8 May 2007
\h 2 ᒠᓐ
\toc3 2 ᒠᓐ
\toc2 2 ᒠᓐ
\toc1 ᓂᓱ ᒠᓐ ᒥᓐ ᑲ ‍ ᒥᓯᓇᐊᒪᒐᑦ ᒠᓐ
\mt1 ᓂᓱ ᒠᓐ
\mt2 ᒥᓐ ᑲ ‍ ᒥᓯᓇᐊᒪᒐᑦ ᒠᓐ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐅ ᒥᓯᓇᐊᒪᒐᐅᓐ, ᐊᓐ ᐃᔎᐤ ᑲ ‍ ᐅᑎᓇᑭᓄᐅᑦ ᑭᔭ ᐅᑦ ᐊᐛᓯᒪ, ᒋ ‍ ᒥᓯᓇᐊᒧᐛᑭᓄᐎᒡ᙮ ᒂᔄᓐ ᒋᓴᐛᒐ ᐅᔭ ᑲ ‍ ᐃᔅᒋᔄᑦ ᐊ ‍ ᒂᔅᑲᑎᓯᑦ ᐃᔎᐤ ᑭᔭ ᐊᓐᑕ ᐊ ᐃᓯ ‍ ᐸᐃᑯᔅᑲᓇᓯᑦ ᒪᒃ ᑭᔭ ᒋ ‍ ᒋᓴᐛᒐ ᐊᔭᒥᐊᐅᒋᐛᑉ ᑭᔭ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ᙮ ᐅᑕ ᐅᒥᓯᓇᐊᒪᒐᐅᓂᒡ ᒠᓐ ᒋ ‍ ᐎᑎᒻ ᑕᓐ ᐊᔅᐱᔅ ᒋᒋᐛ ᐃᑕᔨᑕᑯᓂᔨᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᒐᒋ ᓴᒋᐃᑐᒡ᙮ ᒋ ‍ ᐎᑎᒻ ᒪᒃ ᐊ ‍ ᓴᒋᐃᑐᓇᓄᐅᒡ ᐊᑯᑕ ᒐᒋ ᐅᒋ ‍ ᓂᓇᐃᑕᑭᓄᔨᒋ ᒋᓴᒪᓂᑐᐤ ᐅᑭᒐᔅᒋᒧᐅᓇ ᑭᔭ ᒋᓴᒪᓂᑐᐤ ᐅᑭᒐᔅᒋᒧᐅᓂᒡ, ᐊᑯᑕ ᐛᑎᒪᑯᔭᐧᒄ ᓴᒋᐃᐛᐅᓂᒡ ᒐᒋ ᐃᓯ ‍ ᐱᒪᑎᓯᔭᐧᒄ᙮ ᑭᔭ ᒋ ‍ ᐃᔭᒂᒥᒧᐛᐤ ᒠᓐ ᒐ ᐊᑲ ᒋ ᐎᔭᓯᐃᑯᒡ ᐅᒪᒧᐊᔭᒥᐊᐅᒡ ᐊᓂᔭᔪᐛ ᓂᑐᐎᔾ ᑲ ᐃᓯ ‍ ᒋᔅᑯᑎᒪᒐᔨᒋ᙮
\c 1
\p
\v 1 ᓂᔾ ᐸᐃᒄ ᑲ ‍ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᒋ ‍ ᒥᓯᓇᐊᒪᑎᓐ ᒋᔾ ᑲ ‍ ᐃᑕᔨᒥᑯᔨᓐ ᐅᒋᒪᔎᐤ ᑭᔭ ᒋᑦ ᐊᐛᓯᒥᒡ ᓂ ‍ ᒥᓯᓇᐊᒧᐛᐅᒡ᙮
\p ᐊᐅᒄ ᒋᔨᐛᐤ ᑕᑈ ᑲ ‍ ᓴᒋᐃᑎᑯᒡ᙮ ᓇᒪ ᒪᒃ ᒥᒄ ᓂᔾ ᒋᓴᒋᐃᑎᓇᐛᐤ᙮ ᒥᓯᐛ ᑭᔭ ᐊᓐᒡ ᑲ ‍ ᒋᔅᒐᔨᑕᒡ ᑕᑈᐅᓂᔪᐤ ᒋᓴᒋᐃᑯᐛᐅᒡ᙮
\v 2 ᐛᔅ ᒋ ‍ ᑭᓄᐛᔨᑕᓇᓄᐤ ᑭᔭ ᒋ ‍ ᓂᓇᐃᑕᓇᓄᐤ ᑕᑈᐅᓐ ᒋᑕᐃᓇᒡ ᑭᔭ ᐊᑯᑕ ᒧᔅ ᑲᒋᒡ ᒐ ‍ ᑎᒂᒡ᙮
\p
\v 3 ᒋᓴᒪᓂᑐᐤ ᐅᑕᐎᒪᐤ ᑭᔭ ᒋᓴᔅ ᙭ ᐊᓂᔭᔪᐛ ᐅᑕᐎᒪᐤ ᐅᑯᓴ ᒋᑭ ‍ ᒋᓴᐛᑐᑕᑭᓄᐅᒡ, ᒋᑭ ‍ ᒋᔅᑎᒪᒐᔨᒥᑯᓄᐅᒡ ᑭᔭ ᒋᑭ ‍ ᒥᔨᑯᓄᐅᒡ ᒋᔭᒪᔨᑎᒧᐅᓂᔪᐤ᙮ ᑕᑈ ᐊᐅᑯᓐ ᒐ ᐃᓯ ‍ ᐊᔭᔭᐧᒄ ᐊ ‍ ᒋᔅᒐᔨᑎᒪᐧᒄ ᑕᑈᐅᓐ ᑭᔭ ᓴᒋᐃᐛᐅᓐ᙮
\s1 ᑕᑈᐅᓐ ᑭᔭ ᓴᒋᐃᐛᐅᓐ ᐊ ‍ ᐊᔨᒧᑕᑭᓄᐅᒡ
\p
\v 4 ᓇᔅᒡ ᑕᑈ ᓂᒋ ‍ ᒧᒋᒐᔨᑕᓐ ᐃᔅᐱ ᒐᔅᒐᔨᑎᒪᓐ ᐱᔅᒐ ᒋᑦ ᐊᐛᓯᒥᒡ ᑕᑈᐅᓂᒡ ᐊ ᐃᓯ ‍ ᐱᒪᑎᓯᒡ ᒧᔭᒻ ᐊᓂᔭ ᑲ ‍ ᐃᑎᓱᒥᑕᐧᒄ ᐅᑕᐎᒪᐤ ᒐᒋ ᐃᓯ ‍ ᐱᒪᑎᓯᐛᐧᒄ᙮
\v 5 ᐊᓄᒡ ᒪᒃ ᒋ ‍ ᓂᑐᑎᒪᑎᓐ ᒋᔾ ᐅᒋᒪᔎᐤ ᒐᒋ ᓴᒋᐃᑐᔭᐧᒄ᙮ ᓇᒪ ᒋ ‍ ᒥᓯᓇᐊᒪᑎᓇᐛᐤ ᐊ ‍ ᐎᑎᒪᑎᑯᒡ ᐊ ‍ ᐅᔅᑲᒡ ᐃᑎᓱᐛᐅᓐ, ᒧᔅ ᔅᒋ ‍ ᐃᑎᑯᓇᓄᐤ ᒐᒋ ᓴᒋᐃᑐᔭᐧᒄ ᐃᔅᐱ ᑲ ‍ ᐸᑎᒪᐧᒄ ᒥᔽᒋᒧᐅᓐ᙮
\v 6 ᒪᐅ ᒪᒃ ᓴᒋᐃᐛᐅᓐ, ᒐᒋ ᐃᑐᑎᒪᐧᒄ ᑕᓐ ᐊ ‍ ᐃᑎᓱᒥᑕᐧᒄ ᒋᓴᒪᓂᑐᐤ᙮ ᐊᐅᒄ ᒪᒃ ᐅ ᐃᑎᓱᐛᐅᓐ ᑲ ‍ ᒥᔨᑯᐅᔭᐧᒄ ᒪᐅᒡ ᓂᔅᑎᒻ ᑲ ‍ ᐸᑎᒪᐧᒄ ᒥᔽᒋᒧᐅᓐ, ᒐᒋ ᐃᓯ ‍ ᐱᒪᑎᓯᔭᐧᒄ ᑕᓐ ᐊ ᐃᓯ ‍ ᐱᒪᑎᓯᒡ ᐊᓐᒡ ᑲ ‍ ᓴᒋᐊᒡ ᒋᓴᒪᓂᑐᐛ ᑭᔭ ᐎᐧᑲᓂᓱᐛᐛ᙮
\s1 ᐊᓐᒡ ᑲ ‍ ᐛᐧᑲᑕᒡ ᙭ᑕ
\p
\v 7 ᒥᒐᑦ ᑲ ‍ ᐎᔭᓯᐃᐛᒡ ᓴᔅ ᐱᐸᒪᒋᒧᐅᒡ ᐅᑕ ᐊᔅᒋᒡ ᐊ ‍ ᐊᓏᑕᒡ ᑕᑈ ᐊᒋ ‍ ᑎᑯᓯᓂᔨᒋ ᒋᓴᓴ ᒧᒡ ᓇᐸᐛ ᐊᒋ ‍ ᐃᑕᔨᑕᑯᓯᔨᒋ᙮ ᐅᔭ ᒪᒃ ᐊ ‍ ᐃᑕᔨᑕᑯᓯᑦ ᐊᐛᓐ, ᐊᐅᒄ ᐅ ᑲ ‍ ᓱᒐᔨᒧᑐᑐᐛᑦ ᙭ᑕ ᑭᔭ ᒧᔅ ᑲ ‍ ᐎᔭᓯᐃᐛᑦ᙮
\v 8 ᐃᔭᒂᒥᒄ ᒪᒃ ᒐ ᐊᑲ ᒋ ᐅᓂᑕᔭᒄ ᐊᓐ ᑎᐸᐊᒪᑯᓯᐅᓐ ᑲ ‍ ᐊᑐᔅᒐᔅᑎᒪᒄ ᒐᒋ ᐊᔭᔭᒄ, ᑕᑈ ᒐᒋ ᒥᔅᑭᒪᒄ ᒥᓯᐛ ᑕᓐ ᐊ ᐃᓯ ‍ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮
\p
\v 9 ᐊᓐ ᐊᐛᓐ ᐊᔪᐛᒃ ᑲ ᐃᓯ ‍ ᒋᔅᑯᑎᒪᒐᑦ ᑕᓐ ᐊ ᐃᓯ ‍ ᒋᔅᑯᑎᒪᒐᔨᒋ ᙭ᑕ ᑭᔭ ᐊᑲ ᓂᓇᐃᑐᐛᑦ ᑕᓐ ᑲ ᐃᓯ ‍ ᒋᔅᑯᑎᒪᒐᔨᒋ, ᓇᒪ ᐊᔭᐛᐤ ᒋᓴᒪᓂᑐᐛ᙮ ᐊᑯ ᐊᓐ ᐊᐛᓐ ᒧᔅ ᐃᔭᒂ ᑲ ‍ ᓂᓇᑭᑐᐛᔨᑕᐧᒃ ᑕᓐ ᐊ ᐃᓯ ‍ ᒋᔅᑯᑎᒪᒐᔨᒋ ᙭ᑕ, ᑕᐱᔅᑯᓐ ᐅᑕᐎᒪᐤ ᑭᔭ ᐅᑯᓯᓯᒪᐤ ᐎᒐᐛᐤ᙮
\v 10 ᓂᑐᐛᐱᒥᔅᒐ ᒪᒃ ᐊᐛᓐ ᐊᑲ ᒋᔅᑯᑎᒪᒐᑦ ᑕᓐ ᐊ ᐃᓯ ‍ ᒋᔅᑯᑎᒪᒐᔨᒋ ᙭ᑕ, ᐊᑲᐎᔾ ᐱᑎᑲᐃ ᒋᒋᒡ᙮ ᐊᑲᐎᔾ ᐛᐛᒡ ᒋᑭ ᐅᒋ ‍ ᐛᒋᔭᒪᐤ᙮
\v 11 ᐛᔅ ᐊᓐ ᐊᐛᓐ ᑲ ‍ ᐛᒋᔭᒪᑦ ᐊᓂᔭᔪᐛ ᓂᑎᒥᒄ ᑲ ᐃᓯ ‍ ᒋᔅᑯᑎᒪᒐᔨᒋ, ᐎᒋᐊᐤ ᐊ ‍ ᒥᒋᑐᑎᒥᔨᒋ᙮
\s1 ᒪᔅᑕᔾ ᐊ ᐊᑎ ‍ ᐃᔅᒋᔄᑦ ᒠᓐ
\p
\v 12 ᐊᑎ ᐊᔅᒄ ᒥᔅᑎ ᐊ ‍ ᑎᒂᒡ ᑕᓐ ᐛ ᐃᑎᑎᑯᒡ, ᓇᒪ ᓂ ᐎ ‍ ᒥᓯᓇᐊᓐ ᑕᓐ ᐛ ‍ ᐃᔅᒋᔄᔭᓐ᙮ ᐃᔭᐱᒡ ᓂ ‍ ᐱᑯᓴᔨᑕᓐ ᒐᒋ ᒧᐱᔅᑕᑎᑯᒡ ᐛᒋᒡ ᒐᒋ ᐃᔨᒥᐃᑐᔭᐧᒄ ᑭᔭ ᑕᑈ ᒐ ‍ ᒥᔽᔨᑎᒪᐧᒄ᙮
\p
\v 13 ᐅᑦ ᐊᐛᓯᒪ ᐊᓐ ᒋᐧᑲᓂᓱᐛᐤ ᒋᓴᒪᓂᑐᐛ ᑲ ‍ ᐅᑎᓂᑯᒡ ᒋ ‍ ᐛᒋᔭᒥᑯᐛᐅᒡ᙮
\id 3JN Adapted from ECree-S to Naskapi, 27 May 2003; Typeset export from CBS 8 May 2007
\h 3 ᒠᓐ
\toc3 3 ᒠᓐ
\toc2 3 ᒠᓐ
\toc1 ᓂᔅᑐ ᒠᓐ ᓂᔍᐤ ᑲ ‍ ᒥᓯᓇᐊᒪᒐᑦ ᒠᓐ
\mt1 ᓂᔅᑐ ᒠᓐ
\mt2 ᓂᔍᐤ ᑲ ‍ ᒥᓯᓇᐊᒪᒐᑦ ᒠᓐ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐊᔪᐅᒄ ᐅᔭ ᐅᒥᓯᓇᐊᒪᒐᐅᓐ ᒠᓐ ᑲ ‍ ᒥᓯᓇᐊᒧᐛᑦ ᐅᐎᒐᐛᑭᓇ ᑲᐃᔭᔅ ᑲ ‍ ᐃᓯᓂᐧᑲᓱᔨᒋ᙮ ᐅ ᓇᐸᐤ ᑲᐃᔭᔅ ᑭᔭ ᐎᔾ ᒋ ‍ ᓂᑲᓂᔅᑭᒻ ᐊᔭᒥᐊᐅᒋᐛᐱᔪᐤ᙮ ᒋ ‍ ᑕᔪᐛ ᒪᒃ ᓇᐸᐛ ᐊᓐᑕ ᐅᑦ ᐊᔭᒥᐊᐅᒋᐛᐱᒡ, ᑎᐅᑦᕆᐸᔅ ᐊᒋ ‍ ᐃᓯᓂᐧᑲᓱᔨᒋ ᐊᑲ ᐅᒋ ᓂᑐᐛᔨᒪᔨᒋ ᐊᐛᔪᐛ ᒠᓇ ᐊᒋ ᐸᒋ ‍ ᐃᑎᓴᐛᔨᒋ᙮ ᑭᔭ ᓇᒪ ᐅᒋ ᐊᐱᑕᔨᑎᒺᐤ ᐊᓂᔭ ᑕᓐ ᑲ ᐃᓯ ‍ ᓂᑲᓂᔅᑲᒐᔨᒋ ᒠᓇ᙮ ᒠᓐ ᒋ ‍ ᒥᓯᓇᐊᒧᐛᐤ ᑲᐃᔭᓴ ᐅᔭ ᒥᓯᓇᐃᑭᓂᔪᐤ ᐊ ‍ ᐎᑎᒧᐛᑦ ᑕᓐ ᐊ ᐃᓯ ‍ ᒪᒥᒋᐃᑯᑦ ᑭᔭ ᒐᒋ ᓂᓇᔅᑯᒪᑦ ᑕᓐ ᐊ ᐃᓯ ‍ ᐎᒋᐃᐛᔨᒋ ᑭᔭ ᒋ ‍ ᐊᓏᔨᒪᐤ ᐊᓂᔭ ᓇᐸᐛ ᑎᐅᑦᕆᐸᔅ ᐊᑲ ᐅᒋ ᐎ ᐊᐱᓯᑎᒪᔨᒋ᙮ ᒠᓐ ᒪᒃ ᒋ ᐃᓯ ‍ ᐎᑎᒻ ᒐᔅᑎᓇᔅ ᒐ ‍ ᐃᑐᑕᑦ ᐊᓐᑕ ᐊᔭᒥᐊᐅᒋᐛᐱᒡ ᐎᔾ ᐛᒋᒡ ᒐᒋ ᐊᑐᔅᒐᔅᑕᐧᒃ ᐅᔭ ᑕᓐ ᐊ ‍ ᐃᔅᐱᔨᒡ᙮
\c 1
\p
\v 1 ᓂᔾ ᒠᓐ ᐸᐃᒄ ᑲ ‍ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᒋ ‍ ᒥᓯᓇᐊᒪᑎᓐ ᒋᔾ ᓂᐎᒐᐛᑭᓐ ᑲᐃᔭᔅ, ᓇᔅᒡ ᑲ ‍ ᓴᒋᐃᑕᓐ᙮
\p
\v 2 ᒋᔾ ᓂᐎᒐᐛᑭᓐ ᑲ ‍ ᓴᒋᐃᑕᓐ, ᒋᑦ ᐊᔭᒥᐊᔅᑎᒪᑎᓐ ᒥᓯᐛ ᒐᒋ ᐃᓯ ‍ ᒥᔪᐱᔨᓐ ᑭᔭ ᒐᒋ ᒥᔪ ‍ ᐱᒪᑎᓯᔨᓐ᙮ ᒋ ‍ ᒋᔅᒐᔨᒥᑎᓐ ᐊ ‍ ᒥᔪᐱᔨᓐ ᒋᑦ ᐊᒐᐧᑯᒡ᙮
\v 3 ᓇᔅᒡ ᑕᑈ ᓂᒋ ‍ ᒥᔽᔨᑕᓐ ᑕᑥᐤ ᑲ ‍ ᑎᑯᓯᒡ ᐱᔅᒐ ᒋᐧᑲᓂᓯᓄᐅᒡ ᐊ ᐸᒋ ‍ ᑎᐸᒋᒥᔅᒡ ᑕᑈ ᐊ ᐃᓯ ‍ ᐱᒪᑎᓯᔪᐅᑦ ᐊ ᐃᓯ ‍ ᓂᑐᐛᔨᒥᔅᒃ ᒋᓴᒪᓂᑐᐤ ᒐᒋ ᐃᓯ ‍ ᐱᒪᑎᓯᔪᐅᑦ᙮ ᒋ ‍ ᒋᔅᒐᔨᒥᑎᓐ ᑕᑈ ᐊᓐ ᐊ ᐃᓯ ‍ ᐱᒪᑎᓯᔨᓐ᙮
\v 4 ᓇᒪ ᑎᑯᓐ ᒐᒂᓐ ᐃᐛᒃ ᒐᒋ ᒥᔽᔨᑎᒥᐃᑯᔭᓐ ᐊ ‍ ᐃᑐᑕᑯᔭᓐ ᐊ ‍ ᐸᑎᒪᓐ ᓂᑦ ᐊᐛᓯᒥᒡ ᑕᑈ ᐊ ‍ ᐱᒪᑎᓯᒡ ᑕᓐ ᐊ ᐃᓯ ‍ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ‍ ᐱᒪᑎᓯᒡ᙮
\s1 ᑲᐃᔭᔅ ᑲ ‍ ᒥᔽᒋᒪᑭᓄᐅᑦ
\p
\v 5 ᒋᔾ ᓇᔅᒡ ᑲ ‍ ᓴᒋᐃᑕᓐ, ᓄᑯᓐ ᑕᓐ ᐊ ᐃᓯ ‍ ᑕᑈᑎᒥᓐ ᓂᓇᐧᑯᐤ ᒪᓐ ᐊ ᐃᓯ ‍ ᐛᐎᒋᐃᑥᐤ ᒋᐧᑲᓂᓯᓄᐅᒡ ᐊ ‍ ᑎᑯᓯᒡ, ᐊᑐᐎᔅ ᒪᒃ ᐊᓐᒡ ᐊᐛᓐᒋ ᐃᔭᒄ ᐊ ‍ ᐛᐱᒥᒡ᙮
\v 6 ᒋ ‍ ᐊᔨᒧᑎᒧᒡ ᐅᒡ ᐊᓐᑕ ᐅᒪᒧᐊᔭᒥᐊᐛ ᐊ ‍ ᑕᔨᒋ ᑕᓐ ᑲ ᐃᔅᐱᔅ ‍ ᒥᔪᑐᑐᐅᑥᐤ᙮ ᒋᑭ ‍ ᒥᔪᑐᑕᓐ ᒪᒃ ᒐᒋ ᒥᔨᑥᐤ ᒐᒂᔪᐤ ᑕᓐ ᒐ ᐃᓯ ‍ ᓂᑐᐛᔨᑕᒡ ᐊ ‍ ᐱᐸᒧᑕᒡ ᒥᔽᒋᒧᐅᓂᔪᐤ᙮ ᐛᔅ ᐊᐅᑯᓐ ᐊ ᐃᓯ ‍ ᒥᔽᒡ ᒐᒋ ᐃᑐᑐᐛᑯᒡ ᐊᓐᒡ ᒋᓴᒪᓂᑐᐛ ᑲ ‍ ᐊᑐᔅᑯᐛᒡ᙮
\v 7 ᐛᔅ ᔅᑐᑕᐅᒡ ᙭ᑕ ᒐᒋ ᐊᑐᔅᑯᐛᒡ᙮ ᓇᒪ ᐅᒋ ᓂᑐᐛᔨᑎᒧᐛᐅᒡ ᐊᓂᔭᔪᐛ ᐊᑲ ᑕᑈᑎᒥᔨᒋ ᒐᒂᔪᐤ ᒐᒋ ᐃᓯ ‍ ᐎᒋᐃᑯᒡ᙮
\v 8 ᒋᔭᓄᐤ ᑲ ‍ ᑕᑈᔭᔨᒪᐧᒄ ᙭ ᒋᐸ ‍ ᐎᒋᐊᓄᒡ ᐅᒡ ᓇᐸᐅᒡ ᑕᓐ ᐊ ᐃᓯ ‍ ᓂᑐᐛᔨᑕᒡ ᒐᒂᔪᐤ ᒐᒋ ᐅᒋ ‍ ᐎᒋᐊᐧᑯᒡ ᐊ ‍ ᐛᐎᑎᒧᐛᒡ ᐊᐛᔪᐛ ᑕᑈᐅᓂᔪᐤ᙮
\s1 ᑎᐅᑦᕆᐸᔅ ᑭᔭ ᑎᒥᑦᕆᔭᔅ ᑲ ‍ ᐊᔨᒧᒪᑭᓄᐎᒡ
\p
\v 9 ᓴᔅ ᓂᒋ ‍ ᒥᓯᓇᐊᒧᐛᐅᒡ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ, ᒥᒄ ᒪᒃ ᐊᓐ ᓇᐸᐤ ᑎᐅᑦᕆᐸᔅ ᑲ ‍ ᐃᓯᓂᐧᑲᓱᑦ ᐊᐅᒄ ᐊᓐ ᓇᔅᒡ ᐛ ᐅᒋᒪᐅᑦ, ᓇᒪ ᐊᐱᓯᑎᒻ ᑕᓐ ᐊ ‍ ᐃᔅᒋᔄᐅᒡ᙮
\v 10 ᑎᑯᓯᓄᐅᒐ ᐊᓐᑕ ᐊ ‍ ᑕᐛᒄ, ᓇᔅᒡ ᓂᑭ ‍ ᐛᐎᑎᒺᓐ ᑕᓐ ᐊᓐ ᐊ ‍ ᐃᑎᑦ, ᓂᑎᒥᒄ ᐊ ‍ ᐃᑕᒋᒥᔨᒥᑦ᙮ ᓇᒪ ᒪᒃ ᒥᒄ ᐊᓂᔭ ᐃᑐᐤ᙮ ᓇᒪ ᒥᔽᔨᑎᒻ ᒐᒋ ᐱᑎᑲᐊᑭᓄᔨᒋ ᐊᓂᔭᔪᐛ ᒋᐧᑲᓂᓯᓄᐛ ᑲ ‍ ᐱᐸᒧᑕᔨᒋ ᒥᔽᒋᒧᐅᓂᔪᐤ᙮ ᒋᑕᐊᒧᐛᐤ ᐊᓂᔭᔪᐛ ᐊᐛᔪᐛ ᑲ ‍ ᐱᑎᑲᐊᔨᒋ ᐅᔭ ᑭᔭ ᐃᒐᑎᓴᐛᐤ ᐊᓐᑕ ᐅᒪᒧᐊᔭᒥᐊᐛ ᐊ ‍ ᑕᔨᒋ ᐅᒡ᙮
\p
\v 11 ᓂᐎᒐᐛᑭᓐ ᑲ ‍ ᓴᒋᐃᑕᓐ, ᐊᑲᐎᔾ ᒋᔅᒋᓄᐛᐸᑕ ᒥᒐᑎᓯᐅᓐ, ᑯᐃᔅᑯᑕᑎᓯᐅᓐ ᐊᐅᒄ ᒋᔅᒋᓄᐛᐸᑕ᙮ ᐊᓐ ᐊᐛᓐ ᑲ ‍ ᑯᐃᔅᑯᑕᑎᓯᑦ ᒋᓴᒪᓂᑐᐛ ᑎᐱᔨᐛᐅᓯᑐᑕᑯᐤ, ᐊᑯ ᐊᓐ ᐊᐛᓐ ᑲ ‍ ᒥᒐᑎᓯᑦ ᓇᒪ ᐅᒋ ᐛᐱᒪᐤ ᒋᓴᒪᓂᑐᐛ᙮
\p
\v 12 ᐊᓐ ᓇᐸᐤ ᑎᒥᑦᕆᔭᔅ ᑲ ‍ ᐃᓯᓂᐧᑲᓱᑦ ᒥᓯᐛ ᐊᐛᔪᐛ ᒥᔽᒋᒥᑯᐤ᙮ ᓄᑯᓂᔪᐤ ᑕᑈ ᑕᑈᐅᓂᒡ ᐊ ᐃᓯ ‍ ᐱᒪᑎᓯᑦ᙮ ᑭᔭ ᓂᔾ ᓂ ‍ ᒥᔽᒋᒪᐤ᙮ ᒋ ‍ ᒋᔅᒐᔨᑕᓇᐛᐤ ᒪᒃ ᐊ ‍ ᑕᑈᒥᑲᒡ ᑕᓐ ᐊ ‍ ᐃᔅᒋᔄᔭᓐ᙮
\s1 ᒪᔅᑕᔾ ᐛᒋᔭᒧᐛᐅᓐ
\p
\v 13 ᓇᔅᒡ ᑕᑈ ᒥᔅᑎ ᑎᑯᓐ ᒐᒋ ᐎᑎᒪᑎᑯᒡ, ᒥᒄ ᒪᒃ ᓇᒪ ᓂ ᐎ ‍ ᒥᓯᓇᐊᓐ ᑕᓐ ᐛ ᐃᓯ ‍ ᐊᔨᒧᑎᒪᑎᑯᒡ᙮
\v 14 ᓂ ‍ ᐱᑯᓴᔨᑕᓐ ᐎᐱᒡ ᒐᒋ ᐛᐱᒥᑎᑯᒡ ᑭᔭ ᐅᑎᔅᑯᐤ ᒐᒋ ᐃᔨᒥᐃᑐᔭᐧᒄ᙮
\p
\v 15 ᓂᑦ ᐊᔭᒥᐊᓐ ᒋᔭᒪᔨᑎᒧᐅᓐ ᒐᒋ ᐊᔭᔭᒄ᙮
\p ᒥᓯᐛ ᒋᐎᒐᐛᑭᓄᐛᐅᒡ ᒋ ‍ ᐛᒋᔭᒥᑯᐛᐅᒡ᙮ ᐎᑎᒧᐛᐧᑯᒡ ᒥᓯᐛ ᐸᐸᐃᒄ ᓂᐎᒐᐛᑭᓇᓐᒡ ᐊᓐᑕ ᐊ ‍ ᑕᔭᒄ ᐊ ‍ ᑕᒡ ᐊ ‍ ᐛᒋᔭᒥᒋᒡ᙮
\id JUD Adapted from ECree-S to Naskapi, 6 May 2003; Typeset export from CBS 8 May 2007
\h ᒍᑦ
\toc3 ᒍᑦ
\toc2 ᒍᑦ
\toc1 ᒍᑦ ᐅᒥᓯᓇᐊᒪᒐᐅᓐ
\mt1 ᒍᑦ
\mt2 ᒍᑦ ᐅᒥᓯᓇᐊᒪᒐᐅᓐ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᒍᑦ ᑭᔭ ᐎᔾ ᑎᐱᔨᐛ ᒋ ‍ ᐎᐧᑲᓂᓱᐤ ᐊᓂᔭ ᒋᓴᓴ ᑭᔭ ᒋᒥᓴ᙮ ᒋ ‍ ᒥᓯᓇᐊᒧᐛᐤ ᐊᓂᔭ ᑲ ‍ ᑕᑈᑎᒥᔨᒋ ᒐᒋ ᐃᔭᒂᒥᔅᑐᐛᔨᒋ ᐊᓂᔭ ᓂᑐᐎᔾ ᑲ ᐃᓯ ‍ ᒋᔅᑯᑎᒪᒐᔨᒋ ᐊᓂᔭᔪᐛ ᐱᑕᕋ ᑲ ‍ ᐊᔨᒧᒪᔨᒋ ᐊᓐᑕ ᐅᒥᓯᓇᐃᒐᐅᓂᔨᒡ᙮ ᐊᓐᒡ ᓂᑐᐎᔾ ᑲ ᐃᓯ ‍ ᒋᔅᑯᑎᒪᒐᒡ ᓇᒪ ᒥᒄ ᐅᒋ ᐃᓯ ᒋᔅᑯᑎᒪᒐᐅᒡ ᒋᓴᓴ ᐊᑲ ᐊᐎᔨᒋ ᒋᓴᒪᓂᑐᐛ ᐅᑯᓴᔪᐛ, ᒋ ‍ ᐃᑐᑐᐛᐅᒡ ᑭᔭ ᐊᓂᔭᔪᐛ ᐃᔪᐛ ᒐᒋ ᒥᒐᑎᓯᔨᒋ᙮ ᒍᑦ ᒪᒃ ᒋ ‍ ᐃᔭᒂᒥᒧᐛᐤ ᐊ ‍ ᐃᔅᒋᔄᑦ ᒋᓴᒪᓂᑐᐤ ᒐ ‍ ᐛᐛᓯᐊᑦ ᑭᔭ ᒐ ‍ ᓂᓱᐅᓇᒋᐊᑦ ᐅᔭ ᓂᑐᐎᔾ ᑲ ᐃᓯ ‍ ᒋᔅᑯᑎᒪᒐᔨᒋ ᒧᔭᒻ ᑕᓐ ᑲ ᐃᓯ ‍ ᐃᑐᑐᐛᑦ ᐊᓂᔭ ᑲ ‍ ᒥᒐᑎᓯᔨᒋ ᐊᓐᑕ ᐛᔅᑭᒡ ᓂᔅᑯᒧᐅ ᒥᓯᓇᐃᑭᓂᒡ ᑲ ‍ ᐊᔨᒧᒪᑭᓄᔨᒋ᙮
\c 1
\s1 ᐛᒋᔭᒧᐛᐅᓐ
\p
\v 1 ᓂᔾ ᒍᑦ, ᒋᒥᔅ ᐎᐧᑲᓂᓴ, ᒋᓴᔅ ᙭ ᓂᑦ ᐊᑐᔅᑯᐛᐤ᙮
\p ᓂ ‍ ᒥᓯᓇᐊᒧᐛᐅᒡ ᐊᓐᒡ ᑲ ‍ ᑕᑈᑎᑯᒡ ᑭᔭ ᓇᔅᒡ ᑲ ‍ ᓴᒋᐃᑯᒡ ᒋᓴᒪᓂᑐᐛ ᐅᑕᐎᒪᐛ᙮ ᒥᔪ ‍ ᑭᓄᐛᔨᒪᑯᐅᒡ ᒋᓴᔅ ᙭ᑕ᙮
\p
\v 2 ᑭᒪ ᐛᔪᒡ ᒋᓴᐛᑐᑕᑕᒄ ᒋᓴᒪᓂᑐᐤ᙮ ᑭᒪ ᑭᔭ ᐛᔪᒡ ᒥᔨᑕᒄ ᒋᔭᒪᔨᑎᒧᐅᓂᔪᐤ ᑭᔭ ᓴᒋᐃᐛᐅᓂᔪᐤ᙮
\s1 ᑲ ‍ ᐎᔭᓯᐃᐛᒡ
\p
\v 3 ᓂᐎᒐᐛᑭᓂᑎᒄ ᑲ ‍ ᓴᒋᐃᑎᑯᒡ, ᓇᔅᒡ ᐊᒋ ‍ ᐃᑕᔨᑎᒪᓐ ᒐᒋ ᒥᓯᓇᐊᒪᑎᑯᒡ ᒐᒋ ᐊᔨᒧᑎᒪᑎᑯᒡ ᐊᓐ ᐱᒪᒋᐃᑯᓯᐅᓐ ᒥᓯᐛ ᑲ ‍ ᒋᔅᒐᔨᑎᒪᐧᒄ᙮ ᒐᒃ ᓂᒋ ‍ ᐃᑕᔨᑕᓐ ᑕᑈ ᐊ ‍ ᓂᑐᐛᔨᑕᒂᒡ ᒐᒋ ᒥᓯᓇᐊᒪᑎᑯᒡ ᒐᒋ ᓯᒋᒥᑎᑯᒡ᙮ ᒋ ᐎ ‍ ᓯᒋᒥᑎᓇᐛᐤ ᒪᒃ ᓱᒃ ᒐᒋ ᐊᒋᔅᑎᒪᒄ ᒐᒋ ᑭᓄᐛᔨᑎᒪᒄ ᐊᓐ ᐸᐃᒂᐤ ᑭᔭ ᒋᒋᐛ ᑲ ᐃᓯ ‍ ᒥᔭᑭᓄᐎᒡ ᒐ ᐃᓯ ‍ ᑕᑈᑕᒡ ᑲ ‍ ᑕᑈᑕᒡ᙮
\v 4 ᐛᔅ ᑕᐅᒡ ᐊᑲ ᓇᔅᒡ ᒐᓴᒪᓂᑐᐛᑎᓯᒡ ᓇᐸᐅᒡ ᒋᒧᑦ ᐊᒋ ᐅᒋ ‍ ᑕᒡ ᒪᒂᒡ ᐊᓐᑕ ᐊ ‍ ᑕᐛᒄ᙮ ᓂᑎᒥᒄ ᐃᓯ ᒋᔅᑯᑎᒪᒐᐅᒡ ᐊ ‍ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐃᔅᒋᔄᐅᒡ ᐊᑲ ᒐᒂᓐ ᐃᑕᔨᑕᑯᓂᔨᒡ ᐊᐛᓐ ᐊᑎ ᓂᑎᒥᒄ ᐊ ‍ ᐃᑕᑎᓯᑦ ᐛᔅ ᐃᔭᐱᒡ ᒋᑭ ‍ ᐛᐸᔨᑎᒪᑯᐅᒡ ᒋᓴᒪᓂᑐᐛ᙮ ᓇᒪ ᐅᒋ ᐎ ᓂᓇᐃᑐᐛᐅᒡ ᐅᑎᐸᔨᒋᒐᐛ ᒋᓴᓴ ᐊᓂᔭ ᐛᒋᒪᒧᐛᐧᒄ᙮ ᐛᔅᑭᒡ ᒪᒃ ᐊᓐᑕ, ᒋᓴᒪᓂᑐᐤ ᐅᒥᓯᓇᐃᑭᓂᒡ ᒋ ‍ ᓂᑲᓐ ᐎᑕᑭᓄᐤ ᐊᓐᑕ ᐊᔅᒄ ᒐ ‍ ᐛᐛᓯᐊᑭᓄᐎᒡ ᐅᒡ᙮
\p
\v 5 ᐊᑎ ᒪᒃ ᓴᔅ ᒥᓯᐛ ᐊ ‍ ᒋᔅᒐᔨᑎᒪᒄ ᐅ ᒐ ᐃᓯ ‍ ᐛᐎᑎᒪᑎᑯᒡ, ᒋ ᐎ ‍ ᒋᔅᒋᓱᒥᑎᓇᐛᐤ ᐅᑎᐸᔨᒋᒐᐤ ᐊᒋ ‍ ᐎᐧᑯᒋᐊᑦ ᐊᓂᔭᔪᐛ ᐃᔅᕋᐃᓪ ᐃᔪᐛ ᐃᒋᑉᑦ ᑲ ‍ ᐃᓯᓂᐧᑲᑕᔨᒡ ᐊᔅᒋᔪᐤ ᐅᒋ, ᐊᑯ ᐊᓂᔭ ᐊᑲ ᑕᑈᑎᒥᔨᒋ ᐸᑎᒪ ᒋ ‍ ᓂᓱᐅᓇᒋᐊᐤ᙮
\v 6 ᒋᔅᒋᓯᑐᑐᐛᐧᑯᒡ ᑭᔭ ᐊᓐᒡ ᐊᓐᒋᓐᒡ ᐊᑲ ᐅᒋ ᓂᓇᑭᑐᐛᔨᑕᒡ ᑕᓐ ᑲ ᐃᔅᐱᔅ ‍ ᒥᔭᑭᓄᐎᒡ ᑎᐸᔨᒋᒐᐅᓂᔪᐤ ᑭᔭ ᑲ ‍ ᓂᑭᑕᒡ ᐊᓐᑕ ᑲ ‍ ᐱᔅᑎᓇᑭᓄᐎᒡ ᒐᒋ ᑕᒡ᙮ ᒪᒂᒡ ᑲᒋᒡ ᐃᓴᒂᔭᐱᔭ ᒪᒋᒂᐱᐧᑲᓱᒡ ᐊᓐᑕ ᑕᒥᒡ ᓇᔅᒡ ᐊ ‍ ᐅᑲᔅᑕᔭᔨᒡ᙮ ᐊᑯᑕ ᒐᐸᐅᑯᒡ ᒋᓴᒪᓂᑐᐤ ᐸᑐᔅ ᐅᑎᒋᐱᔨᒐ ᐊᓂᔭ ᓇᔅᒡ ᒐᔅᑕᔨᑕᑯᓂᔨᒡ ᐊ ‍ ᒋᓯᑲᔨᒡ ᒐ ‍ ᑎᐸᔅᑯᓇᑭᓄᐎᒡ᙮
\v 7 ᒋᔅᒋᓯᑐᐛᐧᑯᒡ ᑭᔭ ᐊᓐᒡ ᐃᔪᒡ ᓱᑕᒻ ᑭᔭ ᑯᒧᕋ ᑭᔭ ᐊᓂᔭᔪᐛ ᑯᑎᑲ ᐅᑕᓇᐛ ᐛᔅᑲ ᑲ ‍ ᑎᑯᓂᔨᒋ ᑲ ‍ ᐅᒋᒡ᙮ ᒧᔭᒻ ᐊᓂᔭᔪᐛ ᐊᓐᒋᓇ ᑲ ‍ ᐃᑎᔨᒋ ᐊᑲ ᐅᒋ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᐅᑯᓐ ᑲ ‍ ᐃᑎᒡ᙮ ᑭᔭ ᒥᓯᐛ ᐊᑲ ᒧᔭᒻ ᐃᑕᔨᑕᑯᓂᔨᒡ ᐎᓂᓱᐤ ᐱᒪᑎᓯᐅᓂᔪᐤ ᒋ ‍ ᐃᑐᑎᒧᒡ᙮ ᓇᔅᒡ ᒋ ‍ ᐃᔎᑕᐛ ᐅᔭ ᐅᑕᓇᐛ ᑭᔭ ᓂᓇᐧᑲᑕᔨᒧᐊᑭᓄᐎᒡ ᐊᓐᒡ ᐃᔪᒡ ᐊᓐᑕ ᒥᒋ ‍ ᐃᔅᑯᑕᒡ ᑲᒋᒡ ᐊ ‍ ᑎᑯᓂᔨᒡ᙮ ᐊᐅᒄ ᒪᒃ ᐛᒋ ‍ ᐃᔭᒂᒥᑯᔭᐧᒄ ᐅᔭ ᒐ ᐃᓯ ‍ ᐛᐛᓯᐊᑭᓄᐅᑦ ᐊᐛᓐ ᐊᑲ ᓇᔅᒡ ᐎ ᓂᓇᐃᑐᐛᑦ ᒋᓴᒪᓂᑐᐛ᙮
\p
\v 8 ᐊᐅᑯᓐ ᒪᒃ ᒧᔭᒻ ᐊ ‍ ᐃᑎᒡ ᐅᒡ ᓇᐸᐅᒡ᙮ ᐎᓂᓱᐤ ᐱᒪᑎᓯᐅᒡ ᑭᔭ ᐎᓂᓱᐤ ᐳᐛᒧᐅᒡ᙮ ᓇᔅᒡ ᓇᒪ ᐊᐱᑕᔨᑎᒧᒡ ᑎᐸᔨᒋᒐᐅᓂᔪᐤ ᑭᔭ ᒪᒪᔭᔨᒪᐅᒡ ᐊᓂᔭᔪᐛ ᑲ ‍ ᒋᔅᑕᔨᑕᑯᓯᔨᒋ ᐃᔅᐱᒥᒡ ᐊ ‍ ᑕᔨᒋ᙮
\v 9 ᓇᒪ ᐛᐛᒡ ᐊᓐ ᑲ ‍ ᓂᑲᓇᔨᑕᑯᓯᑦ ᐊᓐᒋᓐ ᒪᐃᑲᓪ ᑲ ‍ ᐃᓯᓂᐧᑲᓱᑦ, ᐅᒋ ᐃᑕᔨᑎᒻ ᐎᔾ ᒐᒋ ᓱᒐᔨᒧᑐᐛᑦ ᒥᒋᒥᓂᑐᐛ ᒐᒋ ᒪᔭᔨᒪᑦ᙮ ᒥᒄ ᒋ ‍ ᐃᑕᐤ, “ᐅᑎᐸᔨᒋᒐᐤ ᒋᑭ ‍ ᒋᑕᐊᒪᒄ᙮” ᐊᔪᐅᒄ ᐅᔭ ᑲ ‍ ᐃᑕᑦ ᐃᔅᐱ ᑲ ‍ ᐊᔭᔅᑕᒥᑐᒡ ᒥᒋᒥᓂᑐᐛ ᒧᓱᓴ ᐎᔭᔪᐤ ᐅᒡ᙮
\v 10 ᐅᒡ ᒪᒃ ᐎ ᓇᐸᐅᒡ, ᒥᒄ ᐃᓯ ᒪᔭᔨᑎᒧᒡ ᒐᒂᔪᐤ ᐊᑲ ᓂᔅᑐᑕᒡ᙮ ᒧᔭᒻ ᐊᐛᓯᓴ ᒥᒄ ᐛ ‍ ᐃᑎᔨᒋ ᐊ ‍ ᐃᑎᔨᒋ ᐊᐅᑯᓐ ᐊ ‍ ᐃᑎᒡ ᐅᒡ ᓇᐸᐅᒡ᙮ ᓇᒪ ᒪᒥᑐᓇᔨᑎᒥᐃᑯᐅᒡ ᑯᐃᔅᒄ ᐊ ‍ ᐃᑐᐛᒂ, ᐊᔪᐅᒄ ᒪᒃ ᐅᔭ ᐛᓇᒋᐃᑯᒡ᙮
\p
\v 11 ᑕᑈ ᒋᑭ ‍ ᐊᒂᒡ ᒥᒋᐱᔪᐅᒡ᙮ ᒧᔭᒻ ᐊᓂᔭ ᑲᐃᓇ ᑲ ‍ ᐃᑎᔨᒋ ᐊᐅᑯᓐ ᐊ ‍ ᐃᑎᒡ᙮ ᒋ ‍ ᐱᔅᑕᔨᒥᓱᐅᒡ ᒧᔭᒻ ᐊᓂᔭ ᐸᓚᒻ ᑲ ᐃᓯ ‍ ᒥᒋᑐᑎᒥᔨᒋ ᒐᒋ ᐃᓯ ‍ ᒥᒋᑐᑕᒡ ᒥᒄ ᓱᓇᔭᔪᐤ ᐊ ᐎ ‍ ᒪᐅᒋᑎᒪᓱᒡ᙮ ᑭᔭ ᒧᔭᒻ ᐊᓂᔭ ᑯᕋ ᑲ ᐃᓯ ‍ ᓱᒐᔨᒧᔨᒋ, ᐊᐅᑯᓐ ᐊ ᐃᓯ ‍ ᓱᒐᔨᒧᒡ᙮ ᐊᐅᑯᓐ ᒪᒃ ᐊ ᐃᓯ ‍ ᓂᓱᐅᓇᑎᓯᒡ ᑭᔭ ᐎᔨᐛᐤ᙮
\p
\v 12 ᒥᒄ ᐛ ‍ ᐊᓏᑕᓱᐅᒡ ᐊᓐᑕ ᐊ ‍ ᒥᑯᓴᐛᒄ ᐊ ‍ ᓄᑯᑕᔭᒄ ᐊ ‍ ᓴᒋᐊᒄ ᒋᓴᒪᓂᑐᐤ᙮ ᓇᒪ ᓇᔅᒡ ᓴᒂᔨᒧᐅᒡ ᐊ ᒥᔅᑎ ‍ ᒋᔅᐳᐃᓱᒡ ᐊ ‍ ᐎᒋᒥᒋᓱᒥᑕᑯᒡ, ᒥᒄ ᐎᔨᐛᐤ ᐊ ‍ ᓂᓇᑭᑐᐛᔨᒥᓱᐅᒡ᙮ ᒧᔭᒻ ᑭᔅᑯᐅᓂᔅᑯᒡ ᐊ ‍ ᐱᒪᓯᒡ ᐊᑲ ᒪᒃ ᐛᐛᒡ ᓂᐱᔪᐅᒡ, ᐊᐅᑯᓐ ᐊ ‍ ᐃᑕᔨᑕᑯᓯᒡ᙮ ᒧᔭᒻ ᒥᔅᑎᑯᒡ ᐊᑲ ᓇᔅᒡ ᒥᓂᓱᐅᒡ ᐊᑎ ᐊ ‍ ᑎᒂᒋᓂᔨᒋ, ᒥᔅᑎᑯᒡ ᒋᒡ ᐅᑎᐱᔾ ᐊᒋ ‍ ᐱᐧᑯᒋᐱᑕᑭᓄᐎᒡ, ᓇᔅᒡ ᐊ ‍ ᓂᐱᒡ, ᐊᐅᑯᓐ ᐊ ‍ ᐃᓯᓇᑯᓯᒡ᙮
\v 13 ᒧᔭᒻ ᑭᔅᑭᓂᒡ ᐎᓂᐸᑯᒡ ᒪᒂᒡ ᓇᔅᒡ ᐊ ‍ ᒥᔅᑎᔪᑎᒡ, ᐊᐅᑯᓐ ᐊ ᐃᓯ ‍ ᐱᔅᑕᐅᑕᒧᒡ ᐅᐱᒪᑎᓯᐅᓄᐛᒡ ᑕᓐ ᐊ ᐃᓯ ‍ ᓴᒂᔨᑕᑯᓂᔨᒡ ᑎᐱᔨᐛ ᐅᒥᒋᑐᑎᒧᐅᓄᐛᐛ᙮ ᒧᔭᒻ ᐅᒐᑭᑕᐧᑯᒡ ᒥᒄ ᓂᑎᒥᒄ ᑲ ᐃᓯ ‍ ᐱᐸᒥᐱᔨᒡ, ᐊᐅᑯᓐ ᐊ ‍ ᐃᓯᓇᑯᓯᒡ᙮ ᑎᑯᓂᔪᐤ ᒪᒃ ᐊᓐᑕ ᒪᐅᒡ ᐛᑲᔅᑕᔭᔨᒡ ᐊ ‍ ᐊᔭᔅᑯᔅᑎᒪᑯᒡ ᒋᓴᒪᓂᑐᐛ ᑲᒋᒡ ᒐ ‍ ᑕᒡ᙮
\p
\v 14 ᐃᓄᒃ, ᐊᓐ ᓂᔄᐅᑕᒡ ᑲ ‍ ᑕᑦ ᐊᑕᒪ ᐊ ‍ ᑕᔨᒋ ᐊᒋ ᐅᒋ ᐊᓂᔅᒐ ‍ ᐱᒪᑎᓯᑦ, ᓴᔅ ᐊᓐᑕ ᐛᔅᑭᒡ ᓂᑲᓐ ᒋ ‍ ᐊᔨᒧᒪᐤ ᐅᔭ᙮ ᒋ ‍ ᐃᑕᐤ, “ᐃᑕᐱᒄ ᒪ᙮ ᐅᑎᐸᔨᒋᒐᐤ ᒥᒐᑥᐤ ᒐᓯᐱᔪᐤ ᐅᐸᔭᒋ ᐊᓐᒋᓂᒪ ᒋᑭ ᐸᒋ ‍ ᐎᒐᐛᐤ
\v 15 ᒥᓯᐛ ᐊᐛᔪᐛ ᒐᒋ ᑎᐸᔅᑯᓇᑦ᙮ ᒋᑭ ‍ ᑎᑯᓯᓐ ᒐᒋ ᓂᓱᐅᓇᒋᒪᑦ ᒥᓯᐛ ᐅᒥᒋᑥᐛ ᐊᑲ ᒋᓴᒪᓂᑐᐛᑎᓯᔨᒋ ᐊᓂᔭᔪᐛ ᐅᒋ ᐊᒋ ‍ ᐃᑐᑎᒥᔨᒋ ᒥᓯᐛ ᑕᓐ ᐊ ᐃᓯ ‍ ᒪᔭᑎᓂᔨᒡ᙮ ᒋᑭ ‍ ᑎᐸᔅᑯᓇᐤ ᑭᔭ ᐅᔭ ᓇᐸᐛ ᒥᓯᐛ ᑕᓐ ᑲ ᐃᓯ ᒥᒋ ‍ ᐊᔨᒧᒪᔨᒋ ᒋᓴᒪᓂᑐᐛ᙮”
\v 16 ᒧᔅ ᒪᒥᒋ ‍ ᐃᔅᒋᔄᐅᒡ ᐅᒡ ᓇᐸᐅᒡ᙮ ᒧᔅ ᑯᑎᑲ ᐊᐛᔪᐛ ᐊᑕᒪᔨᒪᐅᒡ ᐊᑲ ᒋᐧᑲᐛᒋᐱᔨᒡ᙮ ᐱᓯᒄ ᐃᑐᑎᒧᒡ ᑕᓐ ᐊ ᐃᓯ ᒥᒋ ‍ ᓂᑐᐛᔨᑕᒡ ᒐᒋ ᐃᑎᒡ᙮ ᓇᔅᒡ ᑕᑈ ᐎ ᓂᓇᐸᐅᒧᒡ᙮ ᐊᔭᒡ ᐃᑐᐅᒡ ᐊ ᒥᔪ ‍ ᐊᔨᒧᒪᒡ ᐊᐛᔪᐛ ᒥᒄ ᐊ ᐎ ‍ ᒪᒥᔪᐱᔨᐃᓱᒡ ᒐᒋ ᐃᑎᒡ ᐊᓂᔭ ᑕᓐ ᐛ ᐃᑎᒡ᙮
\s1 ᐃᔭᒂᒧᐛᐅᓐ
\p
\v 17 ᒋᔅᒋᓯᒄ ᒪᒃ ᓂᐧᑲᓂᓯᑐᒄ, ᑕᓐ ᑲ ᐃᓯ ‍ ᓂᑲᓐ ᐊᔨᒧᑎᒪᑕᑯᒡ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑦ ᐊᑈᔅᑕᓂᒪ᙮
\v 18 ᔅᒋ ‍ ᐃᑎᑯᐛᐅᒡ, “ᐅᑎᒋᐱᔨᒂᐛ ᒪᔅᑕᔾ ᐊ ‍ ᒋᓯᑲᒋ, ᒋᑭ ‍ ᑕᐅᒡ ᓇᐸᐅᒡ ᐊ ‍ ᒪᔭᔨᒥᑕᑯᒡ, ᒥᒄ ᑕᓐ ᐊ ᐃᓯ ‍ ᓂᑎᒥᒄ ᐃᑕᔨᑕᒡ ᒐᒋ ᐃᑎᒡ ᐊᓂᔭ ᐊᑲ ᒋᓴᒪᓂᑐᐛᑎᓯᒡ, ᐊᐅᑯᓐ ᒐ ‍ ᐃᑎᒡ᙮”
\v 19 ᐊᐅᑯᓐᒡ ᐅᒡ ᓇᐸᐅᒡ ᐊ ‍ ᐃᑐᑕᑕᑯᒡ ᒐᒋ ᑕᑎᐸᓂᐱᔪᐅᐛᒄ᙮ ᐊᓂᔭ ᑕᓐ ᐊ ᐃᓯ ᒥᒋ ‍ ᓂᑐᐛᔨᑕᒡ, ᐊᐅᑯᓐ ᐊᓂᔭ ᑕᐸᔨᒥᑯᒡ ᒐᒋ ᐃᓯ ‍ ᐱᒪᑎᓯᒡ᙮ ᓇᒪ ᐊᔭᐛᐅᒡ ᑲ ‍ ᐸᔭᒋᓯᔨᒋ ᐊᒐᒂ᙮
\p
\v 20 ᒋᔨᐛᐤ ᒪᒃ ᐎ ᓂᐧᑲᓂᓯᑐᒄ, ᓱᒃ ᐊᑐᐎᔅ ᐎ ᐊᔨᒋᑲᐳᐃᓱᒄ ᐊ ‍ ᑕᑈᑎᒪᒄ ᐊᓐ ᑲ ‍ ᐸᔭᒋᓯᒥᑲᒡ᙮ ᐊᔭᒥᐊᒄ ᑕᓐ ᐊ ᐃᓯ ‍ ᒥᔨᑕᒄ ᒥᔅᑯᓯᐅᓂᔪᐤ ᑲ ‍ ᐸᔭᒋᓯᑦ ᐊᒐᐧᒄ᙮
\v 21 ᑭᓄᐛᔨᒥᓱᒄ ᒋᓴᒪᓂᑐᐤ ᐅᓴᒋᐃᐛᐅᓂᒡ ᐊ ‍ ᐊᓱᐛᐱᒪᒄ ᒋᓴᔅ ᙭ ᒐᒋ ᒥᔨᑕᒄ ᑲᒋᒡ ᐱᒪᑎᓯᐅᓂᔪᐤ ᐊᓂᔭ ᐊ ‍ ᓱᐛᔨᒧᐛᑦ ᐅᒡ᙮
\v 22 ᒋᓴᐛᑐᑐᐛᐧᑯᒡ ᐊᓐᒡ ᑲ ᐎ ‍ ᐊᓏᑕᒡ᙮
\v 23 ᐎᒋᐊᐧᑯᒡ ᑯᑎᑭᒡ ᐊᐛᓐᒋ ᐊ ‍ ᐎᐧᑯᒋᐊᑯᒡ ᐃᔅᑯᑕᒡ ᐅᒋ ᑭᔭ ᒋᓴᐛᑐᑐᐛᐧᑯᒡ ᒥᒄ ᒪᒃ ᐃᔭᒂᒥᒄ, ᒐ ᐊᑲ ᒋ ᓴᐧᑯᒋᐃᑯᐛᒄ ᐅᒥᒐᑎᓯᐅᓄᐛᐤ᙮ ᒥᒄ ᐛᐧᑲᑎᒺᐧᒄ ᐛᐛᒡ ᐅᑦ ᐊᐱᒋᑕᐅᓄᐛᐛ, ᐛᔅ ᑎᑯᓂᔪᐤ ᐊ ᐃᓯ ‍ ᐎᓇᑯᑕᒡ ᐛᐛᒡ ᐊᓂᔭᔪᐛ ᐅᑦ ᐊᐱᒋᑕᐅᓄᐛᐛ ᑕᓐ ᐊ ᐃᓯ ‍ ᐎᓂᓱᐛᑎᓯᒡ᙮
\s1 ᒪᒥᒋᒧᐛᐤ ᓂᑭᒧᐅᓐ
\p
\v 24 ᐊᑯ ᒪᒃ ᐊᓐ ᑲ ‍ ᐸᐃᑯᓯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ, ᐊᓐ ᑲ ‍ ᑭᔅᒋᐅᑦ ᒐᒋ ᑭᓄᐛᔨᒥᑕᒄ ᒐ ᐊᑲ ᒋ ᐸᒋᓯᓄᐛᒄ ᑭᔭ ᑲ ‍ ᑭᔅᒋᐅᑦ ᒐᒋ ᐃᑐᑕᐃᑕᒄ ᐊᓐᑕ ᐊ ‍ ᒋᔅᑕᔨᑕᑯᓂᔨᒡ ᐊ ‍ ᑕᑦ ᐊᑲ ᒐᒂᔪᐤ ᐊᑕᒪᔨᑕᑯᓱᐛᒄ ᑭᔭ ᐊ ‍ ᒥᔽᔨᑎᒺᒄ,
\v 25 ᒋᑭ ‍ ᒥᔭᑭᓄᐤ ᒋᔅᑕᔨᑕᑯᓱᐅᓂᔪᐤ, ᒋᓴᐅᒋᒪᐅᓂᔪᐤ, ᓱᐧᑲᑎᓯᐅᓂᔪᐤ ᑭᔭ ᑎᐸᔨᒐᐅᓂᔪᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒋ, ᑲᒋᒡ ᑭᔭ ᑲᒋᒡ᙮ ᐊᒥᓐ᙮
\id REV Adapted from ECree-S to Naskapi, 27 Jan 2003; Typeset export from CBS 8 May 2007
\h ᒋᔅᒐᔨᑕᑯᑕᒐᐅᓐ
\toc3 ᒋᔅᒐᔨᑕᑯᑕᒐᐅᓐ
\toc2 ᒋᔅᒐᔨᑕᑯᑕᒐᐅᓐ
\toc1 ᒋᔅᒐᔨᑕᑯᑕᒐᐅᓐ ᑕᓐ ᑲ ᐃᓯ ‍ ᒋᔅᒐᔨᑎᒥᐊᑭᓄᐅᑦ ᒠᓐ
\mt1 ᒋᔅᒐᔨᑕᑯᑕᒐᐅᓐ
\mt2 ᑕᓐ ᑲ ᐃᓯ ‍ ᒋᔅᒐᔨᑎᒥᐊᑭᓄᐅᑦ ᒠᓐ
\imt ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ
\ip ᐅ ᒥᓯᓇᐃᑭᓐ ᐊᐅᑯᓐ ᐅ ᒥᒄ ᐊ ‍ ᑎᒂᒡ ᐊ ‍ ᐃᑕᔨᑕᒂᒡ ᐅᑕ ᑲ ‍ ᐅᔅᑲᒡ ᓂᔅᑯᒧᐅ ᒥᓯᓇᐃᑭᓐ᙮ ᐅ ᒥᓯᓇᐃᑭᓐ ᐊᑯᑕ ᐊ ‍ ᐊᔨᒧᑕᒡ ᑕᓐ ᒐ ‍ ᐃᑕᔨᑕᒂᒡ ᐊ ᐊᑎ ‍ ᐃᔎᔭᒡ ᐅ ᐊᔅᒋᔾ ᑭᔭ ᒐ ‍ ᒋᒋᐱᔨᒡ ᐊᑯ ᐊᓐ ᑲ ‍ ᐅᔅᑲᒡ ᒋᒋᒋᓯᒄ ᑭᔭ ᐊᔅᒋᔾ ᑲ ‍ ᐊᔨᒧᑕᒡ᙮ ᒠᓐ, ᐊᓐ ᐊᑈᔅᑕᓐ ᑲ ‍ ᐃᑕᐱᑎᓯᑦ, ᐊᐅᑯᓐ ᑲ ‍ ᒥᓯᓇᐊᐧᒃ ᐅᔭ ᒥᓯᓇᐃᑭᓂᔪᐤ ᒪᒂᒡ ᐊᓐᑕ ᐸᑦᒧᔅ ᐊ ‍ ᐃᓯᓂᐧᑲᑕᔨᒡ ᒥᓂᔅᑎᑯᔪᐤ ᑲ ‍ ᑕᑦ᙮ ᒪᒂᒡ ᐊᓐᑕ ᑲ ‍ ᑕᑦ ᒠᓐ, ᒋ ‍ ᐛᐸᑎᔨᑯᐤ ᒋᓴᓴ ᐛᐸᑎᔨᐛᐅᓂᔪᐤ ᑕᓐ ᒐ ‍ ᐃᔅᐱᔨᒡ ᐊᓐᑕ ᐃᔅ ᓂᔅᑕᒥᒡ᙮ ᐊᐅᒄ ᐅᔭ ᑲ ‍ ᐃᑎᓯᓇᐃᒐᑦ ᒠᓐ ᒐᒋ ᐅᒋ ‍ ᑕᑈᑎᒥᔨᒋ ᐊᓂᔭ ᑲ ‍ ᑕᑈᑎᒥᔨᒋ ᑕᑈ ᐎᔾ ᒋᓴᒪᓂᑐᐤ ᐊ ‍ ᐱᒥᐱᔨᑕᑦ ᑕᓐ ᐊ ‍ ᐃᔅᐱᔨᒡ ᐅᑕ ᐊᔅᒋᒡ᙮ ᐊᓂᔭ ᑕᓐ ᑲ ᐃᓯ ‍ ᐛᐸᑎᔭᑭᓄᐅᑦ ᒠᓐ, ᐊᑯᑕ ᐊ ‍ ᓄᑯᓂᔨᒡ ᑕᑈ ᐎᔾ ᒋᓴᔅ ᐊ ‍ ᑎᐸᔨᒋᒐᑦ ᒥᓯᐛ ᐊᐛᔪᐛ ᐊ ‍ ᑕᔨᒋ ᑭᔭ ᐊᓐᑕ ᒥᓯᐛ ᒐᒂᔪᐤ ᐊ ᐃᓯ ‍ ᑎᑯᓂᔨᒡ, ᐃᔅᐱ ᐎ ᐊᓂᔭ ᒪᐅᒡ ᑲ ‍ ᓱᒐᔨᑕᑯᓯᔨᒋ ᑎᐸᔨᒋᒐᓱᐤ, ᑭᔭ ᒥᓯᐛ ᒋᑭ ‍ ᑎᐸᔅᑯᓂᒻ ᑭᔭ ᒋᑭ ‍ ᓂᓱᐅᓇᒋᑕᐤ ᒥᒐᑎᓯᐅᓂᔪᐤ᙮ ᑭᔭ ᐊᑯᑕ ᐛᒋ ‍ ᐛᐸᑎᔭᑭᓄᐎᒡ ᐊᓐᒡ ᑲ ‍ ᑕᑈᑕᒡ ᑕᓐ ᒐ ‍ ᐃᑕᔨᑕᑯᓂᔨᒡ ᐊᓐᑕ ᒋᒋᒋᓯᑯᒡ ᐊᓐᑕ ᒐ ‍ ᑕᔭᐧᒄ ᒋᓴᔅ ᐊ ‍ ᑕᑦ᙮
\c 1
\s1 ᒠᓐ ᑲ ‍ ᐎᑕᐧᒃ ᑕᓐ ᑲ ᐃᓯ ‍ ᒋᔅᒐᔨᑎᒥᐊᑭᓄᐅᑦ
\p
\v 1 ᐊᐅᒄ ᐅᔭ ᑲ ᐃᓯ ‍ ᐛᐸᑎᔨᐛᑦ ᒋᓴᔅ, ᒋᓴᒪᓂᑐᐛ ᒋ ‍ ᒥᔨᑯᐤ ᒐᒋ ᒋᔅᒐᔨᑎᒥᐊᑦ ᐊᓂᔭ ᑲ ‍ ᐊᑐᔅᑯᐛᔨᒋ ᒋᓴᒪᓂᑐᐛ ᑕᓐ ᒐ ‍ ᐃᔅᐱᔨᒡ ᐎᐱᒡ᙮ ᓂᔾ, ᒠᓐ, ᒋᓴᒪᓂᑐᐛ ᑲ ‍ ᐊᑐᔅᑯᐛᑦ, ᓂᒋ ‍ ᐃᑎᓴᐊᒪᒄ ᙭ ᐊᓐᒋᓇ ᒐᒋ ᐸᒋ ‍ ᐎᑎᒧᔨᒋ ᑕᓐ ᐊᓂᔭᔪᐛ ᓴᔅ ᐎᐱᒡ ᒐ ‍ ᐃᔅᐱᔨᒋ᙮
\v 2 ᒥᓯᐛ ᒪᒃ ᓂᒋ ‍ ᒥᓯᓇᐊᓐ ᑕᓐ ᑲ ᐃᓯ ‍ ᐛᐸᑎᔨᑯᔭᓐ᙮ ᐊᓐ ᒪᒃ ᑲ ᐃᓯ ‍ ᒥᓯᓇᐊᒪᓐ, ᑕᑈ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓂᔭ᙮ ᒋᓴᔅ ᒋ ‍ ᓄᑯᑕᐤ ᑕᑈ ᐊ ‍ ᑕᑈᒥᑭᓂᔨᒡ᙮
\v 3 ᒋᑭ ‍ ᓱᐛᔨᑕᑯᓱᐤ ᐊᓐ ᐊᐛᓐ ᒐ ‍ ᐃᔨᒥᑕᑦ ᐅᔭ ᑕᓐ ᐊ ‍ ᐃᑎᔅᑕᔨᒡ ᐅᑕ, ᐊᓐᑕ ᒐᒋ ᐅᒋ ‍ ᐸᑎᒥᔨᒋ ᑯᑎᑲ ᐊᐛᔪᐛ᙮ ᐊᓐᒡ ᑲ ‍ ᐸᑕᒡ ᑭᔭ ᑲ ‍ ᓂᓇᐃᑕᒡ ᑕᓐ ᐊ ‍ ᐃᑎᔅᑕᔨᒡ ᐊᓐᑕ ᑭᔭ ᐎᔨᐛᐤ ᒋᑭ ‍ ᓱᐛᔨᑕᑯᓱᐅᒡ᙮ ᐛᔅ ᓴᔅ ᐸᓱᓇᑯᓐ ᒐ ‍ ᐅᑎᒋᐱᔨᒡ ᒥᓯᐛ ᒐᒋ ᐃᔅᐱᔨᒡ ᑕᓐ ᑲ ᐃᓯ ‍ ᐛᐸᑎᔨᑯᔭᓐ᙮
\s1 ᒠᓐ ᑲ ‍ ᐛᒋᔭᒪᑦ ᐊᓂᔭ ᐅᒪᒧᐊᔭᒥᐊᐛ ᐊᓐᑕ ᑲ ‍ ᑕᔨᒋ ᓂᔄᐅᑕᒡ ᐊᔭᒥᐊᐅᒋᐛᐸ
\s2 Revelation 1.4-8 (Proper-29 Year B; Easter-2 Year C)
\p
\v 4 ᓂᔾ ᒠᓐ,
\m ᒋᔨᐛᐤ ᒪᒧᐤ ᑲ ‍ ᐊᔭᒥᐊᐛᑎᓯᒡ ᒋ ‍ ᒥᓯᓇᐊᒪᑎᓇᐛᐤ ᐊᓐᑕ ᑲ ‍ ᑕᔭᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᐊᐃᓴ ᑲ ‍ ᐃᓯᓂᐧᑲᑕᒡ ᐊᔅᒋᔾ᙮
\p ᒋᓴᒪᓂᑐᐤ, ᐊᓐ ᐊᓄᒡ ᐊ ‍ ᑕᑦ ᑭᔭ ᒧᔅ ᑲ ᐸᒋ ‍ ᑕᑦ, ᑭᔭ ᐊᓐ ᒐ ‍ ᑎᑯᓯᐧᒃ, ᒋᑭ ‍ ᓱᐛᔨᒥᑯᐛᐤ ᑭᔭ ᒋᑭ ‍ ᒥᔨᑯᐛᐤ ᒋᔭᒪᔨᑎᒧᐅᓂᔪᐤ᙮ ᑭᔭ ᐊᓐᒡ ᓂᔄᐅᑕᒡ ᐊᒐᐧᑯᒡ ᐅᑎᔅᑯᐤ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ ᐊ ‍ ᑕᒡ, ᒋᑭ ‍ ᓱᐛᔨᒥᑯᐛᐅᒡ ᑭᔭ ᒋᑭ ‍ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮
\v 5 ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ‍ ᐎᑕᐧᒃ ᐊ ‍ ᑎᐸᒋᒪᑦ ᒋᓴᒪᓂᑐᐛ, ᓂ ‍ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ‍ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮
\p ᒋᓴᒋᐃᑯᓄᐤ ᑭᔭ ᒋ ‍ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮
\v 6 ᒋ ‍ ᐃᑐᑎᒻ ᒐᒋ ᒥᓯᓇᓱᐛᐧᒄ ᐊᓐᑕ ᐅᒋᓴᐅᒋᒪᐅᓂᒡ ᐊ ‍ ᐊᑐᔅᑲᔅᑐᒪᐧᑯ ᒋᓴᒪᓂᑐᐛ ᐅᑕᐎᔭ ᐊ ‍ ᐊᔭᒥᐊᐅᒋᒪᐤ ᐊᐱᑎᓯᐛᐧᒄ᙮ ᐎᔾ ᒋᑭ ‍ ᒋᔅᑕᔨᑕᑯᐊᑭᓄᐤ ᑭᔭ ᒋᑭ ‍ ᑎᐸᔨᒋᒐᐤ ᑲᒋᒡ ᑭᔭ ᑲᒋᒡ᙮ ᐊᒥᓐ᙮
\q
\v 7 ᐃᑕᐱᒄ ᒪ᙮ ᐸᒋ ‍ ᑎᑯᓯᓄᐤ ᑭᔅᑯᐅᓂᔅᑯᒡ ᐊ ᐸᒋ ‍ ᔭᓯᑦ᙮ ᒥᓯᐛ ᐊᐛᔪᐛ ᒋᑭ ‍ ᐛᐱᒥᑯᐤ, ᐛᐛᒡ ᐊᓂᔭᔪᐛ ᑲ ‍ ᑕᐧᑭᒥᑯᑦ᙮
\q ᒥᓯᐛ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ ᒋᑭ ᒥᔅᑎ ‍ ᒪᔪᐛ ᐛᐱᒥᑯᒐ᙮
\m ᒐᔅᑎᓇᔅ ᒋᑭ ‍ ᐃᔅᐱᔪᐤ ᐅ᙮ ᐊᒥᓐ᙮
\p
\v 8 “ᐊᐅᒄ ᓂᔾ ᓴᔅ ᑲ ‍ ᑕᔭᓐ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᑎᒂᒡ, ᑭᔭ ᐊᐅᒄ ᓂᔾ ᐊᔅᒄ ᒐ ‍ ᑕᔭᓐ ᐃᔅᐱ ᒥᓯᐛ ᒐᒂᓐ ᒋᑎᐱᔨᒐ,” ᐊᐅᒄ ᐊ ‍ ᐃᔅᒋᔄᑦ ᒋᓴᒪᓂᑐᐤ ᐅᑎᐸᔨᒋᒐᐤ, ᐊᓐ ᒪᐅᒡ ᑲ ‍ ᓱᐧᑲᑎᓯᑦ, ᐊᓐ ᐊ ‍ ᑕᑦ ᐊᓄᒡ, ᐊᓐ ᒧᔅ ᑲ ᐸᒋ ‍ ᑕᑦ ᑭᔭ ᐊᓐ ᒐ ‍ ᑎᑯᓯᐧᒃ᙮
\s1 ᒠᓐ ᐛᐸᑎᔨᐛᐅᓂᒡ ᑲ ‍ ᐛᐱᒪᑦ ᒋᓴᓴ
\p
\v 9 ᐊᐅᒄ ᓂᔾ ᒋᐧᑲᓂᓱᐛᐤ ᒠᓐ᙮ ᒥᓯᐛ ᒋ ‍ ᐎᐧᑲᓂᓯᓂᑐᓇᓄᐤ ᒋᓴᔅ ᐊ ‍ ᑕᑦ ᐃᔅ᙮ ᒐ ‍ ᓂᓇᐧᑲᑕᔨᒧᐃᑯᔭᐧᒄ ᐊᓐ ᐅᒋ ᐊ ‍ ᓇᓴᐛᐧᒄ ᒋᓴᔅ, ᒥᒄ ᒪᒃ ᒪᒧᐤ ᒋ ᐎ ‍ ᓯᐱᔪᐛᓯᓇᓄᐤ ᑕᓐᑕ ᐊᓐᑕ ᓇᒋᔅᑭᒪᐧᒄ ᒪᓐ ᐊ ‍ ᐊᔨᒪᒡ ᒐᒂᓐ᙮ ᓂᒋ ‍ ᒪᑯᓂᑯᐅᓐ, ᐊᑯ ᐊᓐᑕ ᐊᓐ ᒥᓂᔅᑎᒄ ᐸᑦᒧᔅ ᑲ ‍ ᐃᓯᓂᐧᑲᑕᒡ ᑲ ‍ ᑎᔨᑯᔭᓐ ᐊᓐ ᐅᒋ ᐊᒋ ‍ ᐛᐎᑎᒪᓐ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᒋ ‍ ᑎᐸᒋᒥᒃ ᒋᓴᔅ ᑕᓐ ᑲ ‍ ᐃᑎᑦ᙮
\v 10 ᐸᐃᒂᐤ ᒪᒃ ᐊ ‍ ᐊᔭᒥᐊᐅᒋᓯᑲᒡ, ᑲ ‍ ᐸᔭᒋᓯᑦ ᐊᒐᐧᒄ ᓂᒋ ‍ ᓴᑭᔅᒋᓇᔅᑲᒄ᙮ ᐊᓐᑕ ᒪᒃ ᓂᔅᐱᔅᑯᓂᒡ ᓂᒋ ᐅᒋ ‍ ᐸᑕᓐ ᐸᑕᑯᓱᐅᓐ ᐊ ‍ ᒋᔄᐛᑦ ᐊᐛᓐ ᐊ ‍ ᐃᔨᒥᑦ᙮ ᒧᔭᒻ ᐳᑕᒋᑭᓐ ᐊ ᐃᔅᐱᔅ ‍ ᒋᔄᐛᒥᑲᒡ, ᐊᑯᓐ ᑲ ᐃᔅᐱᔅ ‍ ᒋᔄᐛᑦ ᐊ ‍ ᐃᔨᒥᑦ᙮
\v 11 ᐊᐅᒄ ᒪᒃ ᐅᔭ ᑲ ‍ ᐃᔅᒋᔄᑦ, “ᒥᓯᓇᐊ ᑕᓐ ᒐ ᐃᓯ ‍ ᐛᐸᑎᒥᓐ ᐊᓄᒡ ᐊᑯ, ᒐ ‍ ᐃᑎᓴᐊᒧᐅᑥᐤ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐸ ᐃᐱᓴᔅ, ᓯᒥᕆᓇ, ᐸᕐᑲᒪᒻ, ᑕᔭᑕᐃᕋ, ᓴᕐᑎᔅ, ᐱᓚᑕᓪᐱᔭ ᑭᔭ ᓚᐅᑎᓯᔭ ᐊ ‍ ᑕᒡ᙮” ᐊᐅᒄ ᐅᔭ ᑲ ᐸᒋ ‍ ᐃᓯᑦ᙮
\p
\v 12 ᓂᒋ ‍ ᒂᔅᒋᑲᐳᐅᓐ ᒪᒃ ᐊ ‍ ᓇᓂᑐᐛᐱᒥᒃ ᐊᓐ ᐊᐛᓐ ᑲ ᐸᒋ ‍ ᐃᔨᒥᐃᑦ᙮ ᐊᑯ ᒂ ‍ ᐛᐸᑎᒪᓐ ᓂᔄᐅᑕᒡ ᐛᔅᑕᓂᐱᒪᑭᓇᑎᒂ ᐊ ‍ ᐎᔄᐅᓱᓇᔭᐱᔅᑯᐅᒋ᙮
\v 13 ᒪᒂᒡ ᒪᒃ ᐊᓂᔭᔪᐛ ᐛᔅᑕᓂᐱᒪᑭᓇᑎᒂ ᐊ ‍ ᑎᒂᒋ, ᐊᑯᑕ ᑲ ‍ ᐛᐱᒥᒃ ᐊᐛᓐ ᒧᔭᒻ ᐃᔪᐤ ᐅᑯᓯᓴᓐ ᐊ ‍ ᐃᓯᓇᑯᓯᑦ᙮ ᐊᓐ ᒪᒃ ᐊᐛᓐ ᒋ ‍ ᒋᔅᑭᒻ ᐊᑯᐱᔪᐤ ᐊᓐᑕ ᐃᔅ ᐅᓯᑎᒡ ᐊ ‍ ᐃᔎᑭᓂᔨᒡ᙮ ᑭᔭ ᒋ ‍ ᐱᒂᑕᐅᐤ ᐅᔅᑲᔅᒋᑭᓂᒡ ᐊ ‍ ᐎᔄᐅᓱᓇᔭᐸᑭᓂᔨᒡ ᐅᐱᒂᑕᐅᓐ᙮
\p
\v 14 ᐅᔅᑎᒂᓐ ᑭᔭ ᐅᐱᔎᐅᓇ ᒋ ‍ ᐛᐸᔪᐛ ᒧᔭᒻ ᒪᔭᑕᓂᔅ ᐅᐱᐎᔭ ᐊ ᐃᔅᐱᔅ ‍ ᐛᐸᔨᒋ ᒪᒃ ᒧᔭᒻ ᑯᓐ ᐊ ᐃᔅᐱᔅ ‍ ᐛᐱᓯᑦ᙮ ᐅᔅᒋᓯᒂ ᒧᔭᒻ ᐊ ‍ ᐃᔅᑯᑕᐅᔨᒋ ᒋ ‍ ᐃᓯᓇᑯᓂᔪᐤ᙮
\v 15 ᐅᓯᑕ ᒧᔭᒻ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᑯᔅ, ᐊᐅᑯᓐ ᑲ ‍ ᐃᓯᓇᑯᓂᔨᒋ᙮ ᒧᔭᒻ ᓇᔅᒡ ᐊ ‍ ᐛᓯᐧᑯᔅᑕᔨᒋ ᑭᔭ ᐊ ‍ ᓱᓱᐛᓯᔨᒋ ᒋ ‍ ᐃᓯᓇᑯᓂᔪᐛ᙮ ᐅᐸᑕᑯᓱᐅᓐ ᒧᔭᒻ ᐊᓐᑕ ᓂᐱᔾ ᐊ ‍ ᒋᔄᐛᔭᒍᐅᒡ, ᐊᑯᓐ ᑲ ‍ ᐃᑎᑕᑯᓂᔨᒡ᙮
\v 16 ᓂᔄᐅᑕᒡ ᐅᒐᑭᑕᒂ ᒋ ‍ ᑕᐧᑯᓇᐤ ᐅᒥᔪᐅᓂᒡ᙮ ᐃᑐᐤ ᐊ ᐃᓯ ‍ ᑲᓴᔨᒡ ᐊᓯᒪᑭᓂᓯᐤ ᓂᑐᐱᔪᐅ-ᒧᐧᑯᒪᓂᔪᐤ ᒋ ‍ ᐅᒋᐱᔪᐤ ᐊᓐᑕ ᐅᑐᓂᒡ᙮ ᐅᑕᔅᑎᒥᐧᒄ ᓇᔅᒡ ᒋ ‍ ᐛᔅᑕᔪᐤ ᒧᔭᒻ ᐱᓯᒻ ᑲ ‍ ᐃᑕᔅᑐᐛᑦ᙮
\p
\v 17 ᐃᔅᐱ ᒪᒃ ᐎᔭᐱᒥᒃ, ᐅᓯᑎᒡ ᐊᓐᑕ ᓂᓯᒋ ᐸᒋᓯᓄᐛᓐ ᒧᔭᒻ ᐊ ‍ ᓂᐳᐅᒡ᙮ ᐅᒥᔪᐅᓐ ᐊ ‍ ᐊᐱᒋᑕᑦ ᓂᒋ ᐸᒋ ‍ ᑕᒋᓂᒄ ᐊᑯ ᒂ ‍ ᐃᓯᑦ, “ᐊᑲᐎᔾ ᑯᔅᑕᒋ᙮ ᐊᐅᒄ ᓂᔾ ᓂᔅᑎᒻ ᑲ ‍ ᑕᑦ ᑭᔭ ᒪᔅᑕᔾ ᒐ ‍ ᑕᑦ᙮
\v 18 ᐊᐅᒄ ᓂᔾ ᑲ ‍ ᐱᒪᑎᓯᑦ᙮ ᓂᒋ ‍ ᓂᐱᓐ, ᒥᒄ ᒪᒃ ᐊᓄᒡ ᑲᒋᒡ ᓂ ‍ ᐱᒪᑎᓯᓐ᙮ ᓂᔾ ᓄᒋᒪᐧᑲᑕᓐ ᓂᐳᐅᓐ ᑭᔭ ᓂᔾ ᓄᒋᒪᐅᓐ ᐊᓐᑕ ᐊ ‍ ᑕᒡ ᐊᓐᒡ ᑲ ‍ ᓂᐱᒡ᙮”
\p
\v 19 “ᒥᓯᓇᐊ ᒥᓯᐛ ᑕᓐ ᒐ ᐃᓯ ‍ ᐛᐸᑎᒥᓐ᙮ ᒥᓯᓇᐊ ᑕᓐ ᐊ ‍ ᐃᔅᐱᔨᒡ ᐊᓄᒡ ᑭᔭ ᑕᓐ ᒐ ‍ ᐃᔅᐱᔨᒡ ᐊᓐᑕ ᓂᔅᑕᒥᒡ᙮
\v 20 ᐊᓐᒡ ᒪᒃ ᓂᔄᐅᑕᒡ ᐅᒐᑭᑕᐧᑯᒡ ᑲ ‍ ᐛᐱᒥᑥᐤ ᓂᒥᔪᐅᓂᒡ ᐊ ‍ ᑕᐧᑯᓂᒂᐤ ᑭᔭ ᐊᓂᔭᔪᐛ ᓂᔄᐅᑕᒡ ᑲ ‍ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ, ᐊᐅᒄ ᐅ ᐊ ᐃᓯ ‍ ᐎᑎᒪᒐᒥᑲᒋ᙮ ᐊᓐᒡ ᓂᔄᐅᑕᒡ ᐅᒐᑭᑕᐧᑯᒡ, ᐊᐅᒄ ᐊᓐᒡ ᐊᓐᒋᓐᒡ ᑲ ‍ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐱᒡ ᐊ ‍ ᑕᒡ᙮ ᐊᑯ ᐊᓂᔭᔪᐛ ᓂᔄᐅᑕᒡ ᑲ ‍ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ ᐊᐅᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᑲ ‍ ᐊᔨᒧᑕᒋ᙮”
\c 2
\s1 ᑕᓐ ᑲ ‍ ᐃᑎᓯᓇᐊᒧᐛᑭᓄᐎᒡ ᐃᐱᓴᔅ ᐊ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊ ‍ ᑕᒡ
\p
\v 1 “ᐊᐅᒄ ᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ‍ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᐃᐱᓴᔅ ᐊ ‍ ᑕᔨᒋ,
\q ᐊᐅᒄ ᐅᔭ ᐊ ‍ ᐃᔅᒋᔄᑦ ᐊᓐ ᑲ ‍ ᑕᐧᑯᓇᑦ ᓂᔄᐅᑕᒡ ᐅᒐᑭᑕᒂ ᐅᒥᔪᐅᓂᒡ, ᐊᓐ ᑲ ‍ ᐱᐸᒧᑕᑦ ᐊᓐᑕ ᓂᔄᐅᑕᒡ ᑲ ‍ ᐎᔄᐅᓱᓇᔭᐱᔅᑯᔨᒋ ᐛᔅᑕᓂᐱᒪᑭᓇᑎᒂ ᐊ ‍ ᑎᑯᓂᔨᒋ᙮
\v 2 ᒋ ‍ ᒋᔅᒐᔨᒥᑎᓇᐛᐤ ᒥᓯᐛ ᑕᓐ ᑲ ᐸᒋ ‍ ᐃᑎᔭᒄ᙮ ᒋ ‍ ᒋᔅᒐᔨᒥᑎᓇᐛᐤ ᑕᓐ ᑲ ‍ ᐃᔅᐱᔅ ᒥᔅᑎ ᐊᑐᔅᒐᔭᒄ᙮ ᒋ ‍ ᒋᔅᒐᔨᒥᑎᓇᐛᐤ ᑭᔭ ᒧᔅ ᐊᒋ ‍ ᓯᐱᔪᐛᓯᔭᒄ ᐊ ‍ ᓂᒋᔅᑭᒪᒄ ᒐᒂᓐ᙮ ᓂ ‍ ᒋᔅᒐᔨᑕᓐ ᐊᑲ ᓂᑐᐛᔨᒪᒄ ᐊᐛᓐ ᐊ ‍ ᒥᒐᑎᓯᑦ ᒐᒋ ᑕᑦ ᐊᓐᑕ ᐊ ‍ ᑕᐛᒄ᙮ ᑭᔭ ᔅᒋ ᓂᑐ ‍ ᒋᔅᒐᔨᒪᐛᐅᒡ ᐊᓐᒡ ᑲ ‍ ᐃᔅᒋᔄᒡ ᐊᑈᔅᑕᓇᒡ ᐊ ‍ ᐃᑕᐱᑎᓯᒡ᙮ ᐊᓐᒡ ᒪᒃ ᑲ ‍ ᒥᔅᑯᐛᑯᒡ ᐊ ‍ ᑭᑭᒋᔭᒡ, ᓇᒪ ᒋ ᐅᒋ ‍ ᐱᔅᑎᓇᐛᐅᒡ ᒐᒋ ᑕᒡ ᐊᓐᑕ ᒥᓯᑕ ᐊ ‍ ᑕᔭᒄ᙮
\v 3 ᒧᔅ ᔅᒋ ‍ ᓯᐱᔪᐛᓯᓇᐛᐤ ᐊ ‍ ᓂᒋᔅᑭᒪᒄ ᒐᒂᓐ᙮ ᔅᒋ ‍ ᐊᔨᒥᐅᓇᐛᐤ ᑭᔭ ᐊ ‍ ᓇᓴᐅᔭᒄ᙮ ᓇᒪ ᒪᒃ ᒋ ᐅᒋ ‍ ᓄᑎᐳᓂᓇᐛᐤ ᐊ ‍ ᑕᑈᑎᒪᒄ᙮
\q
\v 4 ᒥᒄ ᒪᒃ ᐸᐃᒄ ᒐᒂᓐ ᐊᑲ ᒥᔽᔨᑎᒪᓐ ᐊ ‍ ᐃᑎᔭᒄ, ᐊᐅᒄ ᐅ ᐊᑲ ᐃᔅᐱᔅ ᓴᒋᐃᔭᒄ ᑕᓐ ᑲ ᐃᔅᐱᔅ ‍ ᓴᒋᐃᔭᒄ ᐅᔅᑭᒡ ᑲ ᒋᒋ ‍ ᑕᑈᔭᔨᒥᔭᒄ᙮
\v 5 ᒋᔅᒋᓯᒄ ᒪ ᑕᓐ ᑲ ᐃᔅᐱᔅ ‍ ᓴᒋᐃᔭᒄ ᐅᔅᑭᒡ᙮ ᐊᐅᑯᓐ ᐊ ᒪᒃ ᐊ ᐃᔅᐱᔅ ‍ ᓴᒋᐃᔭᒄ ᐊᓄᒡ᙮ ᒂᔅᑲᑎᓯᒄ ᑭᔭ ᑲᐤ ᐃᑎᒄ ᑕᓐ ᑲᒋ ‍ ᐃᑎᔭᒄ ᐊᔅᒄ ᓇᔅᒡ ᐊᒋ ‍ ᓴᒋᐃᔭᒄ᙮ ᐛᔅ ᐊᑲ ᒂᔅᑲᑎᓯᔭᒂ, ᓂᑭ ‍ ᑎᑯᓯᓐ ᒐ ‍ ᐅᑎᓂᒪᓐ ᐊᓐ ᒋᐛᔅᑕᓂᐱᒪᑭᓇᑎᑯᐛᐤ᙮
\v 6 ᒥᒄ ᒪᒃ ᐸᐃᒄ ᒐᒂᓐ ᐊ ‍ ᒥᔽᒡ ᐊ ‍ ᐃᑎᔭᒄ, ᐊᐅᒄ ᐅ ᐊ ‍ ᐛᐧᑲᑕᒺᒄ ᑕᓐ ᐊ ‍ ᐃᑎᒡ ᐊᓐᒡ ᓂᑯᓚᐃᑕᓐ ᑲ ‍ ᐃᓯᓂᐧᑲᑕᑭᓄᐎᒡ, ᒧᔭᒻ ᓂᔾ ᐊ ᐃᓯ ‍ ᐛᐧᑲᑕᒧᒡ᙮”
\p
\v 7 “ᒥᓯᐛ ᒋᔨᐛᐤ ᑲ ‍ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ‍ ᐃᑕᑦ ᑲ ‍ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᐊᐛᓐᒋ ᒐ ‍ ᓴᐧᑯᒋᑕᒡ ᒥᒐᑎᓯᐅᓂᔪᐤ, ᓂᑭ ‍ ᒥᔭᐅᒡ ᒐᒋ ᒥᒋᒡ ᒥᓂᓴ ᐊᓐᑕ ᐅᒋ ᐱᒪᑎᓯᐤ ᒥᔅᑎᑯᒡ᙮ ᐊᐅᒄ ᒥᔅᑎᒄ ᐊ ‍ ᑕᑦ ᐊᓐᑕ ᒋᓴᒪᓂᑐᐛ ᐅᓂᑕᐅᒋᑕᑭᓐ ᐊᔅᒋᔨᒡ᙮”
\s1 ᑕᓐ ᑲ ‍ ᐃᑎᓯᓇᐊᒧᐛᑭᓄᐎᒡ ᓯᒥᕆᓇ ᐊ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊ ‍ ᑕᒡ
\p
\v 8 “ᐊᐅᒄ ᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ‍ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᓯᒥᕆᓇ ᐊ ‍ ᑕᔨᒋ,
\q ᐊᐅᒄ ᐅᔭ ᐊ ‍ ᐃᔅᒋᔄᑦ ᐊᓐ ᓂᔅᑎᒻ ᑲ ‍ ᑕᑦ ᑭᔭ ᒪᔅᑕᔾ ᒐ ‍ ᑕᑦ, ᐊᓐ ᑲ ‍ ᓂᐱᑦ ᑭᔭ ᑲᐤ ᑲ ‍ ᐅᓂᔅᑲᑦ᙮
\v 9 ᓂ ‍ ᒋᔅᒐᔨᑕᓐ ᑕᓐ ᐊ ᐃᓯ ‍ ᓂᓇᐧᑲᑕᔨᒧᐃᑯᔭᒄ᙮ ᓂ ‍ ᒋᔅᒐᔨᑕᓐ ᐊ ‍ ᒋᔅᑎᒪᑎᓯᔭᒄ ᒥᒄ ᒪᒃ ᐃᔭᐱᒡ ᒋ ‍ ᐛᔪᑎᓯᓇᐛᐤ᙮ ᓂ ‍ ᒋᔅᒐᔨᑕᓐ ᑕᓐ ᐊᔅᐱᔅ ᒥᒋ ‍ ᐊᔨᒧᒥᑕᑯᒡ ᐊᓐᒡ ᒍᐤ ᓂᑦ ᐃᑎᔅᑲᓇᓯᓇᓐ ᑲ ‍ ᐃᔅᒋᔄᒡ, ᐊᑲ ᒪᒃ ᒍᐤ ᐃᑎᔅᑲᓇᓯᒡ᙮ ᒥᒋᒥᓂᑐᐤ ᐊ ‍ ᑕᔨᒋ ᐅᒋᐅᒡ ᐊᓐᒡ᙮
\v 10 ᐊᑲᐎᔾ ᑯᔅᑕᒋᒄ ᑕᓐ ᒐ ᐃᓯ ‍ ᓂᓇᐧᑲᑕᔨᒧᔭᒄ᙮ ᒥᒋᒥᓂᑐᐤ ᒋᑭ ‍ ᑯᒂᒋᐃᑯᐛᐤ ᐊ ‍ ᐃᑐᑕᑕᒄ ᐱᔅᒐ ᒐᒋ ᒋᐸᐅᑯᐛᒄ ᑲᒪᑯᓄᐛᓯᐅᒋᐛᐱᒡ᙮ ᐸᐃᑯᔪᐛ ᒋᓯᑲᐛ ᒋᑭ ‍ ᐃᔅᐱᔅ ᓂᓇᐧᑲᑕᔨᒧᓇᐛᐤ᙮ ᐊᑲᐎᔾ ᒪᒃ ᐳᓂᒄ ᐊ ‍ ᑕᑈᔭᔨᒥᔭᒄ ᐊᑎ ᐎ ᓂᐸᐃᑯᔭᒂ᙮ ᐊᑯ ᒪᒃ ᒐ ‍ ᑲᓂᔪᐅᔭᒄ ᒋᓴᐅᒋᒪᐅᑯᓂᔎᐅᓐ ᐊᐅᒄ ᑲᒋᒡ ᐱᒪᑎᓯᐅᓐ᙮”
\p
\v 11 “ᒥᓯᐛ ᒋᔨᐛᐤ ᑲ ‍ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ‍ ᐃᑕᑦ ᑲ ‍ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ‍ ᓴᐧᑯᒋᑕᐛᒂ ᑯᒂᒋᐃᐛᐅᓂᔪᐤ, ᓇᒪ ᒋᑭ ᐅᒋ ‍ ᐊᐧᑯᐃᑯᒡ ᓂᓱ ᓂᐳᐅᓂᔪᐤ᙮”
\s1 ᑕᓐ ᑲ ‍ ᐃᑎᓯᓇᐊᒧᐛᑭᓄᐎᒡ ᐸᕐᑲᒪᒻ ᐊ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊ ‍ ᑕᒡ
\p
\v 12 “ᒪᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ‍ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᐸᕐᑲᒪᒻ ᐊ ‍ ᑕᔨᒋ,
\q ᐊᐅᒄ ᐅᔭ ᐊ ‍ ᐃᔅᒋᔄᑦ ᐊᓐ ᑲ ‍ ᐊᔭᑦ ᐃᑐᐤ ᑲ ᐃᓯ ‍ ᑲᓴᔨᒡ ᓂᑐᐱᔪᐅ-ᒧᐧᑯᒪᓂᔪᐤ᙮
\v 13 ᓂ ‍ ᒋᔅᒐᔨᑕᓐ ᐊᓐᑕ ᐛᒋᔭᒄ, ᐊᓐᑕ ᐊ ‍ ᐅᒋᒪᐅᑦ ᒥᒋᒥᓂᑐᐤ᙮ ᐊᑎ ᒪᒃ ᐊᓐᑕ ᐊ ‍ ᐎᒋᔭᒄ ᐃᔭᐱᒡ, ᓇᒪ ᒋ ‍ ᐳᓂᓇᐛᐤ ᐊ ‍ ᑕᑈᔭᔨᒥᔭᒄ᙮ ᓇᒪ ᒋ ᐅᒋ ‍ ᒋᐛᑲᐳᔅᑐᓇᐛᐤ ᐊᑎ ᐊᓐᑕ ᒪᒂᒡ ᑲ ‍ ᓂᐸᐊᑭᓄᐅᑦ ᐊᓂᔭ ᑲ ‍ ᓇᓴᐅᑦ ᐊᓐᑎᐸᔅ, ᐊᓐ ᑯᐃᔅᒄ ᑲᒋ ᐃᓯ ‍ ᑎᐸᒋᒥᑦ᙮ ᐊᓐᑕ ᐛᒋᔭᒄ, ᐊᑯᑕ ᑲ ‍ ᓂᐸᐊᑭᓄᐅᑦ, ᐊᓐᑕ ᒥᒋᒥᓂᑐᐤ ᐛᒋᑦ᙮
\q
\v 14 ᒋ ᐎ ‍ ᐊᔨᒧᑎᒪᑎᓇᐛᐤ ᒐᒂᔪᐛ ᐊᑲ ᒪᔽᔨᑎᒥᐃᑯᔭᓐ᙮ ᑕᐅᒡ ᐊᐛᓐᒋ ᐊᓐᑕ ᐊ ‍ ᑕᔭᒄ ᐊ ‍ ᓂᑐᑐᐛᒡ ᑕᓐ ᐊ ᐃᓯ ‍ ᒋᔅᑯᑎᒪᒐᔨᒋ ᐸᓚᒪ᙮ ᐅ ᐸᓚᒻ ᒋ ‍ ᒋᔅᑯᑎᒧᐛᐤ ᐸᓚᑲ ᑕᓐ ᒐᒋ ᐃᑐᑐᐛᔨᒋ ᐃᔅᕋᐃᓪ ᐃᔪᐛ ᒐᒋ ᒥᒋᑐᑎᒥᔨᒋ ᐊ ‍ ᒥᒋᔨᒋ ᒐᒂᔪᐤ ᐊᒋ ‍ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓇ ᑭᔭ ᒐᒋ ᐎᓂᓱᐤ ᐱᒪᑎᓯᔨᒋ᙮
\v 15 ᑕᐅᒡ ᑭᔭ ᐱᔅᒐ ᐊᓐᑕ ᐊ ‍ ᑕᔭᒄ ᐊᓂᔭ ᐊ ‍ ᐃᑎᒡ, ᐊ ‍ ᓂᑐᑐᐛᒡ ᑭᔭ ᐊ ‍ ᐃᑐᑎᒧᐛᒡ ᑕᓐ ᐊ ᐃᓯ ‍ ᒋᔅᑯᑎᒪᒐᔨᒋ ᐊᓂᔭ ᓂᑯᓚᐃᑕᓐ ᐊ ‍ ᐃᓯᓂᐧᑲᑎᓱᔨᒋ᙮
\v 16 ᐳᓂᒄ ᐊ ‍ ᒥᒋᑐᑎᒪᒄ, ᒂᔅᑲᑎᓯᒄ᙮ ᐊᑲ ᐅ ᒐ ᐅᒋ ‍ ᐃᑐᐛᒂ, ᐎᐱᒡ ᓂᑭ ‍ ᑎᑯᓯᓐ ᐊᓐᑕ ᐊ ‍ ᑕᔭᒄ᙮ ᐊᑯ ᒐ ‍ ᒪᓯᐧᑲᒂᐤ ᐊᓐᒡ ᐊᑲ ᐎ ᓂᑭᑕᒡ ᐅᒥᒋᑥᐅᓄᐛᐛ ᓂᓂᑐᐱᔪᐅ-ᒧᐧᑯᒪᓐ ᐊ ‍ ᐊᐱᒋᑕᔭᓐ ᓂᑐᓂᒡ ᑲ ‍ ᐅᒋᐱᔨᒡ᙮”
\p
\v 17 “ᒥᓯᐛ ᒋᔨᐛᐤ ᑲ ‍ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ‍ ᐃᑕᑦ ᑲ ‍ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ‍ ᓴᐧᑯᒋᑕᐛᒂ ᑕᓐ ᒐ ᐃᓯ ‍ ᑯᒂᒋᐃᑯᒡ ᒥᒋ ‍ ᒐᒂᔪᐤ, ᓂᑭ ‍ ᐊᓯᒪᐅᒡ ᐊᓂᔭ ᒋᒋᒋᓯᒄ ᐸᒂᓯᑭᓇ ᑲ ‍ ᑲᔭᑭᓄᔨᒋ᙮ ᓂᑭ ‍ ᒥᔭᐅᒡ ᐊᓯᓂᔭ ᐊ ‍ ᐛᐸᐱᔅᒋᓯᔨᒋ ᐊᓐᑕ ᒪᓯᓇᑕᔨᒡ ᐊ ‍ ᐅᔅᑲᔨᒡ ᐃᓯᓂᐧᑲᓱᐅᓂᔪᐤ᙮ ᓇᒪ ᒪᒃ ᐊᐛᓐ ᒋᔅᒐᔨᑎᒻ ᐅᔭ ᐃᓯᓂᐧᑲᓱᐅᓂᔪᐤ, ᒥᒄ ᐊᓐ ᐊᐛᓐ ᒐ ‍ ᒥᔭᑭᓄᐅᒂ, ᐊᐅᑯᓐ ᒐ ‍ ᒋᔅᒐᔨᑕᐧᒃ᙮”
\s1 ᑕᓐ ᑲ ‍ ᐃᑎᓯᓇᐊᒧᐛᑭᓄᐎᒡ ᑕᔭᑕᐃᕋ ᐊ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊ ‍ ᑕᒡ
\p
\v 18 “ᐊᑯ ᒥᓐ ᒂ ‍ ᐃᑎᑯᔭᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ‍ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᑕᔭᑕᐃᕋ ᐊ ‍ ᐃᑕᔨᒡ,
\q ᐊᐅᒄ ᐅᔭ ᐊ ‍ ᐃᔅᒋᔄᔨᒋ ᒋᓴᒪᓂᑐᐤ ᐅᑯᓴ, ᐅᔅᒋᓯᒂ ᒧᔭᒻ ᐃᔅᑯᑕᐤ ᐊ ‍ ᐃᓯᓇᑯᓂᔨᒋ, ᑭᔭ ᐅᓯᑎᔪᐛ ᒧᔭᒻ ᑲ ‍ ᐛᐸᐱᔅᒋᓯᑦ ᓱᓇᔭᐱᔅᒄ ᐊ ‍ ᐛᔅᑕᔭᐱᔅᒋᓯᑦ ᐊ ‍ ᐃᓯᓇᑯᓂᔨᒋ,
\v 19 ᓂ ‍ ᒋᔅᒐᔨᑕᓐ ᒥᓯᐛ ᑕᓐ ᐊ ‍ ᐃᑎᔭᒄ᙮ ᒋ ‍ ᒋᔅᒐᔨᒥᑎᓇᐛᐤ ᑕᓐ ᐊᔅᐱᔅ ᓴᒋᐃᑐᔭᒄ ᑭᔭ ᒧᔅ ᑯᐃᔅᒄ ᐊ ‍ ᐃᑎᔭᒄ᙮ ᒋ ‍ ᒋᔅᒐᔨᒥᑎᓇᐛᐤ ᐊ ‍ ᐛᐎᒋᐊᑯᒡ ᑯᑎᑭᒡ ᐊᐛᓐᒋ ᑭᔭ ᐊ ‍ ᓯᐱᔪᐛᓯᔭᒄ ᐊ ‍ ᓂᓇᐧᑲᑕᔨᒧᔭᒄ᙮ ᒋ ‍ ᒋᔅᒐᔨᒥᑎᓇᐛᐤ ᐊᑐᐎᔅ ᐊᓄᒡ ᒥᔅᑎ ᐊ ‍ ᐃᑐᑎᒪᒄ ᑕᓐ ᑲ ‍ ᐃᑎᔭᒄ ᐅᔅᑭᒡ᙮
\q
\v 20 ᒥᒄ ᒪᒃ ᒋ ᐎ ‍ ᐎᑎᒪᑎᓇᐛᐤ ᒐᒂᓐ ᐊᑲ ᒥᔽᔨᑎᒥᐃᑯᔭᓐ᙮ ᒋᓂᑐᑐᐛᐛᐤ ᐊᓐ ᐃᔎᐤ ᒐᓯᐸᓪ ᑲ ‍ ᐃᓯᓂᐧᑲᓱᑦ ᒧᔭᒻ ᐅᒋᔅᒋᐛᐃᒐᓱᐤ ᑲ ‍ ᐃᑕᐃᓱᑦ᙮ ᐎᔭᓯᐊᐤ ᓂᑦ ᐊᐱᒋᐊᑭᓇ ᐊ ‍ ᒋᔅᑯᑎᒧᐛᑦ ᐎᓂᓱᐅᓂᒡ ᒐᒋ ᐃᓯ ‍ ᐱᒪᑎᓯᔨᒋ ᑭᔭ ᐊ ‍ ᐃᑐᑐᐛᑦ ᒐᒋ ᒥᒋᔨᒋ ᒐᒂᔪᐤ ᒥᓂᑐᐧᑲᓇ ᐊᒋ ‍ ᒥᑐᔅᑕᐊᒧᐛᑭᓄᔨᒋ᙮
\v 21 ᓂᒋ ‍ ᐊᓱᐛᐱᒪᐤ ᒪᒃ ᒐᒋ ᒂᔅᑲᑎᓯᑦ, ᓇᒪ ᒪᒃ ᐅᒋ ᐎ ᓂᑭᑎᒻ ᐅᐎᓂᓱᐛᑎᓯᐅᓐ᙮
\v 22 ᓂᑭ ‍ ᐃᑐᑐᐛᐤ ᒐᒋ ᓂᓇᐧᑲᑕᔨᒧᑦ ᐅᓂᐸᐅᓂᒡ᙮ ᑭᔭ ᐊᓐᒡ ᑲ ᐎᒋ ‍ ᐱᓯᒂᑎᓯᒪᒡ ᐊᓂᔭ ᐃᔎᐛ, ᓂᑭ ‍ ᐃᑐᑐᐛᐅᒡ ᓇᔅᒡ ᒐᒋ ᓂᓇᐧᑲᑕᔨᒧᒡ ᒐ ᐊᑲ ᐅᒋ ‍ ᓂᑭᑎᒧᐛᒂ ᐊᓂᔭ ᐊ ᐃᓯ ‍ ᒥᒐᑎᓯᒡ᙮
\v 23 ᓂᑭ ‍ ᓂᐸᐃᒪᐛ ᐊᓂᔭ ᑲ ‍ ᓇᓴᐅᑯᑦ᙮ ᐊᑯ ᒪᒃ ᒥᓯᐛ ᐊᓐᒡ ᒪᒧᐤ ᑲ ‍ ᐊᔭᒥᐊᐛᑎᓯᒡ ᒐ ‍ ᒋᔅᒐᔨᒥᒡ ᓂᔾ ᐊ ‍ ᐊᐎᔭᓐ ᐊᓐ ᑲ ‍ ᒋᔅᒐᔨᒪᑦ ᐊᐛᔪᐛ ᑕᓐ ᐊᓐ ᐊ ‍ ᐃᑕᔨᑎᒥᔨᒋ ᑭᔭ ᑕᓐ ᐊᓐ ᐊ ᐃᓯ ‍ ᑕᐊᔨᒋ᙮ ᒥᓯᐛ ᐊ ‍ ᑎᓯᔭᒄ ᒋᑭ ‍ ᐛᐛᓯᐃᑎᓇᐛᐤ ᑕᓐ ᒥᒄ ᑲ ᐃᓯ ‍ ᒥᒋᑐᑎᒧᐛᒂ᙮
\v 24 ᒥᓯᐛ ᒪᒃ ᒋᔨᐛᐤ ᑕᔭᑕᐃᕋ ᐊ ‍ ᑕᔭᒄ ᐊᑲ ᐊᐱᑕᔨᑎᒪᒄ ᐅ ᑲ ᐃᓯ ᒥᒋ ‍ ᒋᔅᑯᑎᒪᒐᓄᒡ, ᒋᔨᐛᐤ ᐊᑲ ᒋᔅᒐᔨᑎᒺᒄ ᒥᒋᒥᓂᑐᐤ ᐅᒋᒧᒡ ᐃᑐᐅᓇ, ᓇᒪ ᒋ ‍ ᓂᑐᐛᔨᑎᒪᑎᓇᐛᐤ ᑯᑎᒡ ᒐᒂᓐ ᒐᒋ ᐃᑐᑎᒪᒄ,
\v 25 ᒥᒄ ᓱᒃ ᒐ ᐎ ‍ ᒥᒪᒋᒥᓂᒪᒄ ᑕᓐ ᐊ ᐃᓯ ‍ ᐊᔭᔭᒄ, ᐸᑐᔅ ᐅᑎᒋᐱᔨᒐ ᐊᓐ ᐊ ‍ ᒋᓯᑲᒡ ᒥᓐ ᒐ ‍ ᑎᑯᓯᓂᔭᓐ᙮
\q
\v 26 ᐊᓐᒡ ᒐ ‍ ᓴᐧᑯᒋᑕᐛᒂ ᑕᓐ ᒐ ᐃᓯ ‍ ᑯᒂᒋᐃᑯᒡ ᒥᒋ ‍ ᒐᒂᔪᐤ ᑭᔭ ᒐ ᐊᑲ ‍ ᓂᑕ ᐳᓂᐛᒂ ᐊ ‍ ᐃᑐᑕᒡ ᓂᔾ ᐊ ᐃᓯ ‍ ᓂᑐᐛᔨᒥᒂᐤ ᒐᒋ ᐃᑎᒡ ᒐ ‍ ᐃᔅᐱᔅ ᐊᑲ ᑎᑯᓯᓄᒡ, ᓂᑭ ‍ ᒥᔭᐅᒡ ᒐᒋ ᐅᒋᒪᐅᑐᑐᐛᒡ ᓂᓇᐧᑯᐤ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ᙮
\q
\v 27 ᐊᓂᔭ ᑎᐸᔨᒐᐅᓂᔪᐤ ᑲ ᐸᒋ ‍ ᒥᔨᑦ ᓄᑕᐎᔭ, ᐊᐅᒄ ᐊᓂᔭ ᒐ ‍ ᒥᔨᒂᐤ ᑭᔭ ᐎᔨᐛᐤ᙮
\q ᐊᓐᑕ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ‍ ᐃᑎᔅᑕᔨᒡ, ᓇᔅᒡ ᒋᑭ ‍ ᐅᒋᒪᐧᑲᑐᐛᐤ᙮ ᐊᓂᔭᔪᐛ ᒪᒃ ᒐ ᐊᑲ ‍ ᓂᑐᑕᑯᒂ ᒋᑭ ‍ ᐱᒂᐛᐤ ᒧᔭᒻ ᐎᔭᑭᓐ ᓇᔅᒡ ᐊ ‍ ᐱᒂᐃᑭᓄᐅᒡ, ᐊᑯᓐ ᒐ ‍ ᐃᑐᑐᐛᑦ᙮
\v 28 ᓂᑭ ‍ ᒥᔭᐅᒡ ᑭᔭ ᐛᐱᓐ ᐅᒐᑭᑕᒂ᙮”
\p
\v 29 “ᒥᓯᐛ ᒋᔨᐛᐤ ᑲ ‍ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ‍ ᐃᑕᑦ ᑲ ‍ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮”
\c 3
\s1 ᑕᓐ ᑲ ‍ ᐃᑎᓯᓇᐊᒧᐛᑭᓄᐎᒡ ᓴᕐᑎᔅ ᐊ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊ ‍ ᑕᒡ
\p
\v 1 “ᐊᑯ ᒥᓐ ᒂ ‍ ᐃᑎᑯᔭᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ‍ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᓴᕐᑎᔅ ᐊ ‍ ᑕᔨᒋ,
\q ᐊᐅᒄ ᐅᔭ ᐊ ‍ ᐃᔅᒋᔄᑦ ᐊᓐ ᑲ ‍ ᑎᐸᔨᒪᑦ ᐊᓂᔭᔪᐛ ᓂᔄᐅᑕᒡ ᐊᒐᒂ ᑲ ‍ ᐊᑐᔅᑯᐛᔨᒋ ᒋᓴᒪᓂᑐᐛ, ᐊᓐ ᑲ ‍ ᑕᐧᑯᓇᑦ ᓂᔄᐅᑕᒡ ᐅᒐᑭᑕᒂ᙮ ᒋ ‍ ᒋᔅᒐᔨᒥᑎᓇᐛᐤ ᒥᓯᐛ ᑕᓐ ᐊ ‍ ᐃᑎᔭᒄ, ᐃᑕᐤ᙮ ᒋ ‍ ᒋᔅᒐᔨᒥᑎᓇᐛᐤ ᐊ ‍ ᐃᑕᔨᒥᑯᔭᒄ ᑕᑈ ᐊᒐᐧᑯᐅᓂᒡ ᐊ ᐃᓯ ‍ ᐱᒪᑎᓯᔭᒄ, ᒥᒄ ᒪᒃ ᒋ ‍ ᓂᐱᓇᐛᐤ᙮
\v 2 ᐅᓂᒄ᙮ ᔭᐃᒋᑕᒄ ᐊᓂᔭᔪᐛ ᒐᒂᔪᐛ ᑲ ‍ ᐃᔅᑯᐱᔨᒋ, ᓴᔅ ᒐᑲᑦ ᑲ ‍ ᓂᐱᒥᑲᒋ, ᐛᔅ ᓂ ‍ ᒋᔅᒐᔨᑕᓐ ᐊᑲ ᐊᔅᒄ ᓇᔅᒡ ᐃᑐᑎᒪᒄ ᑕᓐ ᑲ ‍ ᐃᑎᓱᒥᑕᒄ ᒋᓴᒪᓂᑐᐤ᙮
\v 3 ᒋᔅᒋᓯᒄ ᒪ ᑕᓐ ᑲ ᐃᓯ ‍ ᐸᑎᒪᒄ ᐊᓐᑕ ᐸᒋ ᑭᔭ ᑕᓐ ᑲ ᐃᓯ ‍ ᒋᔅᑯᑎᒪᑯᔭᒄ᙮ ᓂᓇᐃᑎᒧᒄ ᑭᔭ ᐃᑐᑎᒧᒄ ᐊᓐ ᑲ ᐃᓯ ‍ ᒋᔅᑯᑎᒪᑯᔭᒄ᙮ ᑭᔭ ᒂᔅᑲᑎᓯᒄ, ᓂᑭᑎᒥᒄ ᒋᒥᒋᑐᑎᒧᐅᓄᐛᐛ᙮ ᐛᔅ ᒐ ᐊᑲ ᐅᒋ ‍ ᐅᓂᔅᑲᐛᒂ, ᓂᑭ ‍ ᑎᑯᓯᓐ ᒐ ᐸᒋ ‍ ᑎᐸᔅᑯᓂᑎᑯᒡ᙮ ᓇᒪ ᒪᒃ ᒋᑭ ᐅᒋ ‍ ᒋᔅᒐᔨᒥᓇᐛᐤ ᑕᐃᔅᐱ ᐊᓐ ᒐ ‍ ᑎᑯᓯᓂᔭᓐ ᒧᔭᒻ ᑲᒋᒧᑎᑦ ᐊ ‍ ᐃᔅᐱᔅ ᐊᑲ ᒋᔅᒐᔨᒪᑭᓄᐅᑦ ᑕᐃᔅᐱ ᒐ ‍ ᑎᑯᓯᐧᒃ᙮
\q
\v 4 ᑕᐅᒡ ᑭᑈ ᐱᔅᒐ ᐊᐛᓐᒋ ᐊᓐᑕ ᓴᕐᑎᔅ ᐊᒋ ‍ ᑭᓄᐛᔨᒥᓱᒡ ᐊᑲ ᐅᒋ ᐎᓇᑯᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᒪᒃ ᐅᒡ ᒐ ‍ ᐱᐸᐎᒐᐅᒡ ᐊ ‍ ᐛᐸᔅᐱᓱᒡ ᐛᔅ ᒋᔅᑕᔨᑕᑯᓱᐅᒡ᙮
\v 5 ᒋᑭ ‍ ᐛᐸᔅᐱᓱᒡ ᐊᓐᒡ ᒐ ‍ ᓴᐧᑯᒋᑕᐛᒂ ᑕᓐ ᒐ ᐃᓯ ‍ ᑯᒂᒋᐃᑯᒡ ᒥᒋ ‍ ᒐᒂᔪᐤ᙮ ᓇᒪ ᓂᑭ ᐅᒋ ‍ ᑲᓯᓯᓇᐊᒺᓐ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᒥᓯᓇᐃᑭᓂᒡ ᐊᓐᑕ ᒪᓯᓇᓱᔨᒋ ᐊᐛᔪᐛ ᒐ ‍ ᐊᔭᔨᒡ ᑲᒋᒡ ᐱᒪᑎᓯᐅᓂᔪᐤ᙮ ᓂᑭ ‍ ᐎᑎᒺᓐ ᐊᓐᑕ ᓄᑕᐎᔭ ᑭᔭ ᐊᓐᒋᓇ ᐊ ‍ ᑕᔨᒋ ᓂᔾ ᐊ ‍ ᑕᐅᒡ ᐊ ᐃᓯ ‍ ᑎᐸᔨᑕᑯᓯᒡ᙮”
\p
\v 6 “ᒥᓯᐛ ᒋᔨᐛᐤ ᑲ ‍ ᓂᑐᑎᒪᒄ ᓱᒃ ᐎ ᓂᔅᑐᑎᒪᒄ ᑕᓐ ᐊ ‍ ᐃᑕᑦ ᑲ ‍ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮”
\s1 ᑕᓐ ᑲ ‍ ᐃᑎᓯᓇᐊᒧᐛᑭᓄᐎᒡ ᐱᓚᑕᓪᐱᔭ ᐊ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊ ‍ ᑕᒡ
\p
\v 7 “ᒥᓐ ᓂᒋ ‍ ᐃᑎᑯᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ‍ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐱᓚᑕᓪᐱᔭᒡ ᐊ ‍ ᑕᔨᒋ,
\q ᐊᐅᒄ ᐅᔭ ᐊ ‍ ᐃᔅᒋᔄᑦ ᐊᓐ ᑲ ‍ ᐸᔭᒋᓯᑦ, ᐊᓐ ᒧᔅ ᑯᐃᔅᒄ ᑲ ‍ ᐃᑎᑦ ᐊ ‍ ᐊᑐᔅᑯᐛᑦ ᒋᓴᒪᓂᑐᐛ᙮ ᑕᐧᑯᓂᒺᐤ ᑎᐱᑕ ᐅᑦ ᐊᐸᐃᑭᓂᔪᐤ᙮ ᔪᑕᓇᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ‍ ᒋᐸᐛᔪᐛ᙮ ᒋᐸᐛᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ‍ ᔪᑕᓇᔪᐛ᙮
\v 8 ᒋ ‍ ᒋᔅᒐᔨᒥᑎᓇᐛᐤ ᑕᓐ ᐊ ‍ ᐃᑎᔭᒄ᙮ ᒋ ‍ ᒋᔅᒐᔨᒥᑎᓇᐛᐤ ᐊᑲ ᓇᔅᒡ ᒋᔅᒐᔨᒥᑯᔭᒄ᙮ ᐃᔭᐱᒡ ᒪᒃ ᔅᒋ ‍ ᓂᓇᐃᑐᓇᐛᐤ ᑕᓐ ᑲ ‍ ᐃᑎᓱᒥᑎᑯᒡ ᑭᔭ ᓇᒪ ᒋ ᐅᒋ ‍ ᐳᓂᓇᐛᐤ ᐊ ‍ ᑕᑈᔭᔨᒥᔭᒄ᙮ ᔅᒋ ‍ ᔪᑕᓂᒪᑎᓇᐛᐤ ᒪᒃ ᒋᐱᔎᐤ ᐊᑲ ᐊᐛᓐ ᒐᒋ ᒋᐸᐛᑦ᙮
\v 9 ᓂᑭ ‍ ᐃᑐᑐᐛᐅᒡ ᒐᒋ ᐅᒋᒋᐧᑯᓂᐱᔪᐅᒡ ᐊ ‍ ᒋᔅᑕᔨᒥᑕᑯᒡ ᐊᓐᒡ ᒥᒋᒥᓂᑐᐛ ᐊ ‍ ᑕᔨᒋ ᑲ ᐃᓯ ‍ ᐎᒋᐃᐛᒡ, ᐊᓐᒡ ᑲ ‍ ᑭᑭᒋᔭᒡ ᐊ ‍ ᐃᔅᒋᔄᒡ, ᒍᐤ ᐃᔪᒡ ᓂᔭᓐ, ᒋᓴᒪᓂᑐᐤ ᐅᑦ ᐃᔨᒪ᙮ ᒋᑭ ‍ ᒋᔅᒐᔨᑎᒧᒡ ᒪᒃ ᐊ ‍ ᓴᒋᐃᑎᑯᒡ᙮
\v 10 ᐊᓐ ᐊᒋ ‍ ᓯᐱᔪᐛᓯᔭᒄ ᑕᓐ ᐊ ᐃᓯ ‍ ᓂᒋᔅᑭᒪᒄ ᒧᔭᒻ ᑲ ‍ ᐃᑎᓱᒥᑎᑯᒡ ᒐᒋ ᐃᑎᔭᒄ, ᒋᑭ ‍ ᑭᓄᐛᔨᒥᑎᓇᐛᐤ ᐊᓐᑕ ᒪᒂᒡ ᐱᒥᐱᔨᒐ ᐊ ‍ ᐊᔨᒥᐅᒡ ᐊᐛᓐᒋ, ᐊᓐᑕ ᒪᒂᒡ ᒐ ᓂᑐ ‍ ᒋᔅᒐᔨᒪᑭᓄᐎᒡ ᒥᓯᐛ ᐊᐛᓐᒋ ᐅᑕ ᐊᔅᒋᒡ ᐊ ‍ ᑕᒡ᙮
\q
\v 11 ᓴᔅ ᐎᐱᒡ ᓂᑭ ‍ ᑎᑯᓯᓐ᙮ ᓱᒃ ᐃᔭᐱᒡ ᑕᑈᐅᔭᔨᒥᒄ ᐊᑲ ᐊᐛᓐ ᒐᒋ ᒥᔅᑭᒥᑕᒄ ᑕᓐ ᑲ ᐃᓯ ‍ ᑲᓂᔪᔭᒄ ᒋᓴᐅᒋᒪᐅᑯᓂᔎᐅᓐ᙮
\v 12 ᐊᓐᒡ ᐊᐛᓐᒋ ᒐ ‍ ᓴᐧᑯᒋᑕᐛᒂ ᑕᓐ ᒐ ᐃᓯ ‍ ᑯᒂᒋᐃᑯᒡ ᒥᒋ ‍ ᒐᒂᔪᐤ, ᓂᑭ ‍ ᐃᓯᐊᐅᒡ ᒧᔭᒻ ᓯᑥᔎᐃᑭᓐ ᒋᒋᐛ ᐊ ‍ ᐊᐱᑎᒡ ᐊᓐᑕ ᐅᒋᓴᐊᔭᒥᐊᐅᒋᐛᐱᒡ ᐊᓐ ᒋᓴᒪᓂᑐᐤ ᑲ ‍ ᐊᑐᔅᑯᐅᒃ ᒐᒋ ᐃᓯᓇᑯᓯᒡ᙮ ᓇᒪ ᒪᒃ ᒥᓐ ᓂᑕ ᒋᑭ ᐅᒋ ‍ ᓂᑭᑎᒧᒡ᙮ ᓂᑭ ‍ ᒥᓯᓇᐊᒺᓐ ᒋᓴᒪᓂᑐᐛ ᐅᑦ ᐃᓯᓂᐧᑲᓱᐅᓂᔪᐤ ᐊᓐᑕ ᐊ ‍ ᑕᒡ᙮ ᓂᑭ ‍ ᒥᓯᓇᐊᒧᐛᓐ ᑕᓐ ᐊ ‍ ᐃᓯᓂᐧᑲᑕᔨᒡ ᒋᓴᒪᓂᑐᐛ ᐅᑦ ᐃᑕᐅᓂᔪᐤ ᐊᓐᑕ ᐊ ‍ ᑕᒡ, ᐊᐅᒄ ᐅ ᑲ ‍ ᐅᔅᑲᒡ ᒋᕈᓯᓕᒻ᙮ ᒋᓴᒪᓂᑐᐤ ᒋᑭ ᐸᒋ ‍ ᐃᑎᓴᐊᒻ ᐅᔭ ᒋᒋᒋᓯᑯᒡ ᐅᒡ᙮ ᑭᔭ ᓂᑭ ‍ ᒥᓯᓇᐊᒺᓐ ᑲ ‍ ᐅᔅᑲᔨᒡ ᓂᑦ ᐃᓯᓂᐧᑲᓱᐅᓂᔪᐤ ᐊᓐᑕ ᐊ ‍ ᑕᒡ᙮”
\p
\v 13 “ᒥᓯᐛ ᒋᔨᐛᐤ ᑲ ‍ ᓂᑐᑎᒪᒄ ᓱᒃ ᐎ ᓂᔅᑐᑎᒪᒄ ᑕᓐ ᐊ ‍ ᐃᑕᑦ ᑲ ‍ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮”
\s1 ᑕᓐ ᑲ ‍ ᐃᑎᓯᓇᐊᒧᐛᑭᓄᐎᒡ ᓚᐅᑎᓯᔭ ᐊ ‍ ᐃᓯᓂᐧᑲᑕᔨᒡ ᐅᑕᓇᔪᐤ ᐊ ‍ ᑕᒡ
\p
\v 14 “ᒥᓐ ᒪᒃ ᓂᒋ ‍ ᐃᑎᑯᓐ᙮ ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ‍ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᓚᐅᑎᓯᔭᒡ ᐊ ‍ ᑕᔨᒋ,
\q ᐊᐅᒄ ᐅᔭ ᐊ ‍ ᐃᔅᒋᔄᑦ ᐊᓐ ᐊᓐᑕ ᐛᒋ ‍ ᒐᔅᑎᓇᑕᔨᑕᑯᓂᔨᒡ ᒥᓯᐛ ᑕᓐ ᐊ ‍ ᐃᔅᒋᔄᑦ ᒋᓴᒪᓂᑐᐤ ᒐ ‍ ᐃᑐᑎᒪᒐᑦ ᑭᔭ ᒐ ‍ ᐃᑎᑦ, ᐊᓐ ᑯᐃᔅᒄ ᑲ ‍ ᐃᑎᑦ ᐊ ‍ ᐎᑕᐧᒃ ᑕᓐ ᐊᓐ ᐊ ‍ ᐃᑕᔨᑕᑯᓯᔨᒋ ᒋᓴᒪᓂᑐᐛ, ᐊᓂᔭᔪᐛ ᑲ ‍ ᐊᐱᒋᐊᑦ ᒋᓴᒪᓂᑐᐤ ᒥᓯᐛ ᒐᒂᔪᐤ ᑲ ‍ ᐅᓯᑕᑦ᙮
\v 15 ᓂ ‍ ᒋᔅᒐᔨᑕᓐ ᑕᓐ ᐊ ‍ ᐃᓯᓇᒂᒋ ᒋᑦ ᐊᑐᔅᒐᐅᓄᐛᐛ᙮ ᓇᒪ ᒋᑕᒋᓯᓇᐛᐤ ᑭᔭ ᓇᒪ ᒋᒋᓱᓇᐛᐤ᙮ ᑭᒪ ᑕᒋᓯᔭᒄ ᑭᔭ ᒪᒃ ᒋᓱᔭᒄ᙮
\v 16 ᐊᓐ ᒪᒃ ᐊᑲ ᑕᒋᓯᔭᒄ, ᑭᔭ ᐊᑲ ᒋᓱᔭᒄ ᒥᒄ ᐊ ‍ ᒋᓱᑭᒥᓯᔭᒄ ᐊ ‍ ᐃᓯᓇᑯᓯᔭᒄ ᒋᑭ ‍ ᐊᐳᐧᑭᑕᒥᑎᓇᐛᐤ᙮
\v 17 ᒋᑦ ᐃᔅᒋᔄᓇᐛᐤ ᓂᐛᔪᑎᓯᓇᓐ, ᓇᔅᒡ ᑕᑈ ᓂ ‍ ᒥᔪᐱᔨᓇᓐ ᑭᔭ ᓴᔅ ᒥᓯᐛ ᒐᒂᓐ ᓂ ‍ ᑭᓄᐛᔨᑕᓇᓐ ᑕᓐ ᐊ ᐃᓯ ‍ ᓂᑐᐛᔨᑎᒪᒡ᙮ ᓇᒪᐎᔾ ᐊ ᒋ ‍ ᒋᔅᒐᔨᑕᓇᐛᐤ ᑕᓐ ᐊ ᐃᓯ ᐊᑲ ‍ ᒋᐧᑲᐛᑕᔨᒧᔭᒄ ᐊᑲ ᒥᔽᔨᒧᔭᒄ ᑭᔭ ᑕᓐ ᐊᔅᐱᔅ ᒋᔅᑎᒪᓯᓇᑯᓯᔭᒄ᙮ ᓇᒪ ᒋ ‍ ᒋᔅᒐᔨᑕᓇᐛᐤ ᑕᓐ ᐊᔅᐱᔅ ᒋᔅᑎᒪᑎᓯᔭᒄ, ᐊ ‍ ᒧᓴᔅᑭᑕᔭᒄ, ᑭᔭ ᐊᑲ ᐛᐸᑎᒪᒄ᙮
\v 18 ᐊᐅᒄ ᐅ ᒐ ᐅᒋ ‍ ᐎᑎᒪᑎᑯᒡ ᑕᓐ ᒐ ‍ ᐃᑎᔭᒄ᙮ ᐊ ‍ ᑕᔭᓐ ᐅᑎᓇᒄ ᐎᔄᐅᓱᓇᔭᐱᔅᒄ᙮ ᐅ ᐎᔄᐅᓱᓇᔭᐱᔅᒄ, ᐃᔅᑯᑕᒡ ᒋ ‍ ᑎᑕᑭᓄᐤ ᒐᒋ ᐸᔭᒋᑕᑭᓄᐅᒡ᙮ ᐊᔭᐛᒂ ᒪᒃ, ᐊᑯ ᒐ ‍ ᐛᔪᑎᓯᔭᒄ ᒋᓴᒪᓂᑐᐤ ᐃᔅ ᐊ ‍ ᑕᑦ᙮ ᐅᑎᓂᒧᒄ ᑭᔭ ᐊ ‍ ᐛᐸᓯᔨᒋ ᐊᐱᒋᑕᐅᓇ ᒐᒋ ᒋᔅᑭᒪᒄ ᒐ ᐊᑲ ᒋ ᓴᒂᔨᒧᔭᒄ, ᐛᔅ ᓇᒪ ᐊᑯ ᒋᑭ ᐅᒋ ‍ ᒧᓴᔅᑭᑕᓇᐛᐤ᙮ ᑭᔭ ᐅᑎᓂᒧᒄ ᓂᑐᐧᑯᐅᓐ ᒐ ‍ ᐊᔅᑕᔭᒄ ᒋᔅᒋᓯᑯᐛᒡ ᒐᒋ ᐛᐸᑎᒪᒄ᙮
\v 19 ᐛᔅ ᓂ ‍ ᐎᑎᒧᐛᐅᒡ ᐛᓂᐱᔨᒡ ᐊᓐᒡ ᑲ ‍ ᓴᒋᐃᒂᐤ ᑭᔭ ᓂ ‍ ᑯᐃᔅᑯᓇᐅᒡ᙮ ᓱᒃ ᒪᒃ ᒋᒋᐛ ᐃᑕᔨᑎᒧᒄ ᐊ ‍ ᑕᑈᔭᔨᒥᔭᒄ, ᒂᔅᑲᑎᓯᒄ, ᓂᑭᑎᒥᒄ ᒋᒥᒋᑥᐅᓄᐛᐛ᙮
\q
\v 20 ᓂᑐᑎᒧᒄ᙮ ᓂ ‍ ᓂᐳᐅᓐ ᒋᐱᔎᒡ ᐊ ‍ ᑎᑥᐛᐃᒐᔭᓐ᙮ ᐊᓐ ᐊᐛᓐ ᒐ ‍ ᐸᑐᐅᒂ ᐱᑎᑲᐃᒐ ᒪᒃ, ᓂᑭ ‍ ᐱᒐᐛᓐ ᐊᓐᑕ ᐊ ‍ ᑕᑦ ᑭᔭ ᒐ ‍ ᐎᒋᒥᒋᓱᒥᑐᔭᒡ᙮
\v 21 ᐊᓐ ᐊᐛᓐ ᒐ ‍ ᓴᐧᑯᒋᑕᒂ ᑕᓐ ᒐ ᐃᓯ ‍ ᑯᒂᒋᐃᑯᑦ ᒥᒋ ‍ ᒐᒂᔪᐤ, ᓂᑭ ‍ ᒥᔭᐤ ᒐᒋ ᐎᑎᐱᒥᑦ ᓂᒋᓴᐅᒋᒪᐤ ᑕᑎᐳᐛᑭᓂᒡ᙮ ᒧᔭᒻ ᓂᔾ ᐊᒋ ‍ ᓴᐧᑯᒋᑕᔭᓐ ᒥᓯᐛ ᒥᒋ ‍ ᒐᒂᓐ, ᓄᑕᐎᔾ ᓂᒋ ‍ ᒥᔨᒄ ᒐᒋ ᐎᑎᐱᒥᒃ ᐅᒋᓴᐅᒋᒪᐤ ᑕᑎᐳᐛᑭᓂᒡ᙮”
\p
\v 22 “ᒥᓯᐛ ᒋᔨᐛᐤ ᑲ ‍ ᓂᑐᑎᒪᒄ ᓱᒃ ᐎ ᓂᔅᑐᑎᒪᒄ, ᑕᓐ ᐊ ‍ ᐃᑕᑦ ᑲ ‍ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮”
\c 4
\s1 ᐊᓐᒡ ᒋᒋᒋᓯᑯᒡ ᐊ ‍ ᑕᒡ ᒪᒥᒋᒪᐅᒡ ᒋᓴᒪᓂᑐᐛ
\p
\v 1 ᐃᔭᒡ ᒥᓐ ᓂᒋ ᐃᓯ ‍ ᐛᐸᑎᔨᑯᐅᓐ᙮ ᐃᔅᐱᒥᒡ ᐊ ‍ ᐃᑕᐱᔭᓐ ᓂᒋ ‍ ᐛᐱᒪᐤ ᔅᑐᐧᑭᓐ ᐊ ‍ ᐊᔪᑕᑯᒋᓂᑦ ᐊᓐᑕ ᒋᒋᒋᓯᑯᒡ᙮ ᐊᑯ ᑲ ᐸᒋ ‍ ᐃᔨᒥᐃᑦ ᒥᓐ ᐊᓐ ᐊᐛᓐ ᓴᔅ ᐊᓐᑕ ᐊᒋ ᐸᒋ ‍ ᐃᔨᒥᐃᑦ᙮ ᒧᔭᒻ ᐳᑕᒋᑭᓂᔪᐤ ᐊ ‍ ᒋᔄᐛᒥᑭᓂᔨᒡ ᐊ ‍ ᐃᑎᑕᑯᓂᔨᒡ, ᐊᑯᓐ ᐊ ‍ ᐃᑎᑕᑯᓂᔨᒡ ᐅᐸᑕᑯᓱᐅᓐ᙮ ᓂᒋ ‍ ᐃᑎᒄ, “ᐊᔅᑎᒻ ᐅᑕ᙮ ᒐ ‍ ᐛᐸᑎᔨᑕᓐ ᑕᓐ ᒥᓐ ᒐ ᐊᑎ ‍ ᐃᔅᐱᔨᒡ᙮”
\v 2 ᑎᐛᒡ ᒪᒃ ᑲ ‍ ᐸᔭᒋᓯᑦ ᐊᒐᐧᒄ ᓂᒋ ᐸᒋ ‍ ᐱᒋᔅᑲᒄ, ᐊᑯ ᒂ ‍ ᐛᐸᑎᒪᓐ ᐊᓐᑕ ᒋᒋᒋᓯᑯᒡ ᒋᓴᐅᒋᒪᐤ ᑕᑎᐳᐛᑭᓐ᙮ ᒋ ‍ ᐊᐳᐤ ᒪᒃ ᐊᓐᑕ ᐊᐛᓐ᙮
\v 3 ᐊᓐ ᒪᒃ ᐊᐛᓐ ᑲ ‍ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ, ᓇᔅᒡ ᑕᑈ ᒋ ‍ ᒥᔽᓯᔪᐤ ᐊ ᐃᓯ ‍ ᒋᐧᑲᔭᔅᑐᐛᑦ, ᒧᔭᒻ ᐊᓯᓂᓯᒡ ᑲ ᒥᔅᑎ ‍ ᒥᔪᓯᒡ ᒐᔅᐸᕐ ᑭᔭ ᑲᕐᓂᓕᔭᓐ ᑲ ‍ ᐃᓯᓂᐧᑲᓱᒡ, ᐊᑯᓐ ᑲ ‍ ᐃᑕᔅᑐᐛᑦ ᐊᓐ ᐊᐛᓐ᙮ ᒥᓯᐛ ᐛᔅᑲ ᐊᓐ ᒋᓴᐅᒋᒪᐤ ᑕᑎᐳᐛᑭᓐ ᒋ ‍ ᐃᑕᐸᑲᒧᐤ ᐎᐧᑯᐱᓴᑭᓐ ᓇᔅᒡ ᐊ ‍ ᒥᔽᔅᑐᐛᒡ ᒧᔭᒻ ᐊᓯᓂᓴ ᐊᒥᕋᓪᑦ ᑲ ‍ ᐃᓯᓂᐧᑲᓱᑦ ᐊ ‍ ᐃᑕᔅᑐᐛᒡ᙮
\v 4 ᐛᔅᑲ ᒪᒃ ᐊᓐ ᒋᓴᐅᒋᒪᐤ ᑕᑎᐳᐛᑭᓐ ᐊᑯᑕ ᑲ ‍ ᑎᒂᒋ ᓂᓱᔪᐤ ᐊᓱ ᓇᐤ ᒋᓴᐅᒋᒪᐤ ᑕᑎᐳᐛᑭᓇ᙮ ᓂᓱᔪᐤ ᐊᓱ ᓇᐤ ᐊ ‍ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ‍ ᐊᐳᐅᒡ ᐊᓐᑕ᙮ ᒋ ‍ ᐛᐸᔪᐛ ᐅᑦ ᐊᐱᒋᑕᐅᓄᐛᐛ ᑭᔭ ᒋ ‍ ᒋᔅᑭᒧᒡ ᐊ ‍ ᐎᔄᐅᓱᓇᔭᐱᔅᑯᔨᒋ ᒋᓴᐅᒋᒪᐅᑯᓂᔎᐅᓇ᙮
\v 5 ᐊᓐᑕ ᐅᒋᓴᐅᒋᒪᐤ ᑕᑎᐳᐛᑭᓂᒡ ᐊᓐ ᑲ ‍ ᐊᐱᑦ ᒋ ᐅᒋ ‍ ᐅᔄᔅᑕᐱᔪᐤ᙮ ᒋ ‍ ᐸᑕᑯᓇ ᐸᑕᑯᓱᐅᓇ ᑭᔭ ᒧᔭᒻ ᓂᒥᔅᒍᐅᒡ ᐊ ‍ ᐸᑕᑯᓯᒡ ᒋ ‍ ᐃᑎᑕᑯᓐ ᐊᓐᑕ ᐊ ‍ ᐊᐱᒡ ᐅᒡ᙮ ᐅᑎᔅᑯᐤ ᒪᒃ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒋ ‍ ᑎᑯᓐ ᓂᔄᐅᑕᒡ ᐃᔅᑯᑕᐤ ᐛᔅᑕᓂᐱᒪᑭᓇ ᐊ ‍ ᐃᔅᑯᑕᐅᒋ᙮ ᐊᐅᑯᓐᒡ ᐅᒡ ᓂᔄᐅᑕᒡ ᐊᒐᐧᑯᒡ ᑲ ‍ ᐊᑐᔅᑯᐛᒡ ᒋᓴᒪᓂᑐᐛ᙮
\v 6 ᐅᑎᔅᑯᐤ ᐊᓐ ᒋᓴᐅᒋᒪᐤ ᑕᑎᐳᐛᑭᓐ ᒋ ‍ ᑎᑯᓐ ᓴᑲᐃᑭᓂᔅ ᒧᔭᒻ ᓯᐳᐛᔅᑕᔨᑕᑭᓇᐱᔅᒄ ᐊ ‍ ᐃᓯᓇᒂᒡ, ᐊ ‍ ᓴᐳᓇᒂᒡ ᒧᔭᒻ ᒥᔅᑯᒥᔾ ᐊ ‍ ᓴᐳᓇᑯᓯᑦ᙮
\p ᒥᒋᒪ ᒪᒃ ᐛᔅᑲ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ, ᓂᒋ ‍ ᐛᐱᒪᐅᒡ ᓇᐤ ᐊᐛᓐᒋ ᐊ ‍ ᐱᒪᑎᓯᒡ᙮ ᒥᓯᐛ ᐊ ‍ ᐃᔅᐱᑎᒡ ᐊ ‍ ᑎᑯᓂᔨᒋ ᐅᔅᒋᓯᑯᐛᐛ᙮
\v 7 ᐊᓐ ᒪᒃ ᓂᔅᑎᒻ ᐊᓐᒡ ᑲ ‍ ᓇᐅᒡ ᑲ ‍ ᐱᒪᑎᓯᒡ ᐊᐛᓐᒋ, ᒧᔭᒻ ᒥᓯᐱᓱᐤ ᒋ ‍ ᐃᓯᓇᑯᓱᐤ᙮ ᐊᓐ ᒥᓐ ᐛᒋ ‍ ᑕᑦ ᒧᔭᒻ ᒥᔅᑐᓯᔅ ᒋ ‍ ᐃᓯᓇᑯᓱᐤ᙮ ᒥᓐ ᐊᓐ ᓂᔅᑐ ᐛᒋ ‍ ᑕᑦ, ᐅᑕᔅᑎᒥᐧᒄ ᒧᔭᒻ ᐃᔪᐤ ᒥᑕᔅᑎᒥᐧᑯᔪᐤ ᒋ ‍ ᐃᓯᓇᑯᓂᔪᐤ ᐊᓂᔭ ᐅᑕᔅᑎᒥᐧᒄ᙮ ᐊᑯ ᐊᓐ ᓇᐤ ᐛᒋ ‍ ᑕᑦ, ᒧᔭᒻ ᒥᒋᓱᐤ ᐊ ‍ ᐱᒥᔭᑦ ᒋ ‍ ᐃᓯᓇᑯᓱᐤ᙮
\v 8 ᒥᓯᐛ ᒪᒃ ᐊ ‍ ᓇᐅᒡ ᐊᓱᑕᒡ ᐃᑕᑎᓂᔪᐛ ᐅᑎᑎᑭᓄᐛᐛ᙮ ᒥᓯᐛ ᐊ ‍ ᐃᔅᐱᑎᒡ ᑎᑯᓂᔪᐛ ᐅᔅᒋᓯᑯᐛᐛ, ᐛᐛᒡ ᓯᐸ ᐅᑎᑎᑯᓂᐛᒡ ᑎᑯᓂᔪᐛ᙮ ᓇᒪ ᒪᒃ ᒋᐱᑐᐛᐅᒡ ᐊ ‍ ᓂᑭᒧᒡ ᐊ ‍ ᑎᐱᔅᑲᔨᒡ ᑭᔭ ᐊ ‍ ᒋᓯᑲᔨᒡ, ᐊ ‍ ᐃᔅᒋᔄᒡ,
\q “ᐸᔭᒋᓯᐤ, ᐸᔭᒋᓯᐤ, ᐸᔭᒋᓯᐤ ᐅᑎᐸᔨᒋᒐᐤ ᒋᓴᒪᓂᑐᐤ ᒪᐅᒡ ᑲ ‍ ᓱᐧᑲᑎᓯᑦ,
\q ᐊᓐ ᒧᔅ ᑲ ᐸᒋ ‍ ᑕᑦ, ᐊᓐ ᐊᓄᒡ ᐊ ‍ ᑕᑦ, ᑭᔭ ᐊᓐ ᒐ ‍ ᑎᑯᓯᐧᒃ᙮”
\m
\v 9 ᐃᔅᐱ ᒪᒃ ᓇᑭᒧᒡ ᐊᓐᒡ ᓇᐤ ᑲ ‍ ᐱᒪᑎᓯᒡ ᐊᐛᓐᒋ ᐊ ‍ ᒋᔅᑕᔨᑕᑯᐊᒡ, ᐊ ‍ ᒋᔅᑕᒋᒪᒡ ᑭᔭ ᐊ ‍ ᓂᓇᔅᑯᒪᒡ ᐊᓂᔭᔪᐛ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑲ ‍ ᐊᐱᔨᒋ, ᐊᓂᔭ ᑲᒋᒡ ᐸᒪᑎᓯᔨᒋ,
\v 10 ᐊᓐᒡ ᓂᓱᔪᐤ ᐊᓱ ᓇᐤ ᑲ ‍ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ‍ ᐅᒋᒋᐧᑯᓂᐱᔪᐅᒡ ᐊᓐᑕ ᐃᔅ ᐊ ‍ ᑕᔨᒋ ᐊᓂᔭᔪᐛ ᑲ ‍ ᐊᐱᔨᒋ ᒋᓴᐅᒋᒪᐤ ᑕᑎᐳᐛᑭᓂᒡ, ᐊ ‍ ᐊᔭᒥᐊᔅᑐᐛᒡ ᐊᓂᔭ ᑲᒋᒡ ᐸᒪᑎᓯᔨᒋ᙮ ᒋ ‍ ᒥᓂᒧᒡ ᐊᓂᔭᔪᐛ ᐅᒋᓴᐅᒋᒪᐅᑯᓂᔎᐅᓄᐛᐛ, ᐊᑯ ᐅᑎᔅᑯᐤ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑲ ᐃᓯ ‍ ᐛᐱᓇᒡ, ᐊ ‍ ᐃᔅᒋᔄᒡ,
\q
\v 11 “ᒋᔾ ᓂᑎᐸᔨᒋᒐᓯᒥᓇᓐ ᑭᔭ ᓂᒋᓴᒪᓂᑐᒥᓇᓐ ᑲ ‍ ᐊᑐᔅᑲᑕᒡ ᒋ ‍ ᒋᔅᑕᔨᑕᑯᓯᓐ ᒐᒋ ᒋᔅᑕᔨᑕᑯᐃᑯᔨᓐ ᑭᔭ ᒐᒋ ᒋᔅᑕᒋᒥᑯᔨᓐ ᑭᔭ ᒐᒋ ᒪᒥᒋᒥᑯᔨᓐ ᐊᔅᐱᔅ ᓱᐧᑲᑎᓯᔨᓐ᙮
\q ᐛᔅ ᒋᔾ ᒥᓯᐛ ᒐᒂᓐ ᔅᒋ ‍ ᐅᓯᑕᓐ᙮ ᒋᔾ ᔅᒋ ‍ ᐃᑕᔨᑕᓐ ᒐᒋ ᑎᒂᒡ ᒥᓯᐛ ᒐᒂᓐ ᐊ ‍ ᑎᒂᒡ ᑭᔭ ᒥᓯᐛ ᑲ ‍ ᐅᓯᑕᔨᓐ᙮”
\c 5
\s1 ᒪᔭᑕᓂᔅ ᑭᔭ ᒥᓯᓇᐃᑭᓂᔅ
\p
\v 1 ᐊᑯ ᒂ ‍ ᐛᐸᑎᒪᓐ ᒥᓯᓇᐃᑭᓐ ᐊᒋ ‍ ᑎᑎᐸᔭᒋᓂᑭᓄᐅᒡ᙮ ᐊᓐ ᐊᐛᓐ ᑲ ‍ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒋ ‍ ᑕᐧᑯᓂᒻ ᐊᓂᔭ ᒥᓯᓇᐃᑭᓂᔪᐤ᙮ ᐃᑐᐤ ᐊᓐᑕ ᒋ ‍ ᒥᓯᓇᐃᑲᓄᑯᐱᓇ ᐊᓐ ᒥᓯᓇᐃᑭᓐ ᑭᔭ ᒋ ‍ ᒋᔅᑕᐸᓱᐤ ᐱᓯᑯᐃᑭᓄᑯᐱᓇ ᓂᔄᐅᑕᒡ ᒋᔅᑕᐸᓱᐤ ᐱᓯᑯᐃᑭᓇ ᐊᒋ ‍ ᐊᐱᑎᒋ᙮
\v 2 ᐊᑯ ᑲ ‍ ᐛᐱᒥᒃ ᐊ ‍ ᓱᒐᔨᑕᑯᓯᑦ ᐊᓐᒋᓐ᙮ ᒋ ‍ ᐃᔅᒋᔄᐤ ᒪᒃ ᐊ ᒥᔅᑎ ‍ ᒋᔄᐛᑦ, “ᐊᐛᓐ ᐊ ‍ ᑕᑦ ᐊ ‍ ᒋᔅᑕᔨᑕᑯᓯᑦ ᒐᒋ ᒥᓇᐧᒃ ᐊᓂᔭᔪᐛ ᒋᔅᑕᐸᓱᐤ ᐱᓯᑯᐃᑭᓇ ᑭᔭ ᒐᒋ ᐸᔅᒋᔭᐅᒋᓇᐧᒃ ᐊᓂᔭ ᒥᓯᓇᐃᑭᓂᔪᐤ ?”
\v 3 ᓇᒪ ᒪᒃ ᐊᐛᓐ ᐅᒋ ᑕᐤ ᐊᓐᑕ ᒋᒋᒋᓯᑯᒡ ᑭᔭ ᒪᒃ ᐅᑕ ᐊᔅᒋᒡ ᑭᔭ ᒪᒃ ᑕᒥᒡ ᐊᔅᒋᒡ ᒐᒋ ᐃᑐᑕᐧᒃ ᒐᒋ ᐸᔅᒋᔭᐅᒋᓇᐧᒃ ᐊᓂᔭ ᒥᓯᓇᐃᑭᓂᔪᐤ ᒐᒋ ᐃᔨᒥᑕᑦ᙮
\v 4 ᓂᒋ ᒥᔅᑎ ‍ ᒪᓐ ᒪᒃ ᐛᔅ ᓇᒪ ᐅᒋ ᒥᔅᑯᐛᑭᓄᐤ ᐊᐛᓐ ᐊ ‍ ᒋᔅᑕᔨᑕᑯᓯᑦ ᒐᒋ ᐸᔅᒋᔭᐅᒋᓇᐧᒃ ᐊᓂᔭ ᒥᓯᓇᐃᑭᓂᔪᐤ ᑭᔭ ᒐᒋ ᐃᔨᒥᑕᑦ᙮
\v 5 ᐊᑯ ᐸᐃᒄ ᐊᓐ ᑲ ‍ ᓂᑲᓇᔨᑕᑯᓯᑦ ᒋᓴᐃᔪᐤ ᒂ ‍ ᐃᓯᑦ, “ᐊᑯᓐ ᐃᔅᐱᔅ ᒪ᙮ ᐊᓐᑕ ᒪ ᐃᑕᐱ᙮ ᑭᓄᐛᐱᒻ ᒪ ᐊᓐ ᒥᓯᐱᓱᐤ ᑲ ‍ ᐃᓯᓂᐧᑲᑕᑭᓄᐅᑦ᙮ ᒍᑕ ᐊ ‍ ᑕᔨᒋ ᐃᑎᔅᑲᓇᓱᐤ ᑭᔭ ᒋᓴᐅᒋᒪᐤ ᑎᐱᑕ ᐊ ‍ ᑕᔨᒋ ᐅᒋ ᐊᓂᔅᒐᐱᔪᐤ ᐊᓂᔭ ᐛᒋ ‍ ᒋᓴᐅᒋᒪᐅᑦ᙮ ᐎᔾ ᒋ ‍ ᓴᐧᑯᒋᐊᐤ ᒥᓯᐛ ᐊᓂᔭᔪᐛ ᑲ ‍ ᐛᐧᑲᑎᑯᑦ᙮ ᐎᔾ ᒪᒃ ᒋᑭ ᒋ ‍ ᐸᔅᒋᔭᐅᒋᓂᒻ ᐊᓂᔭ ᒥᓯᓇᐃᑭᓂᔪᐤ ᑭᔭ ᐎᔾ ᒋᑭ ᒋ ‍ ᒥᓂᒻ ᐊᓂᔭᔪᐛ ᒋᔅᑕᐸᓱᐤ ᐱᓯᑯᐃᑭᓇ᙮”
\p
\v 6 ᐊᑯ ᒂ ‍ ᐛᐱᒥᒃ ᒪᔭᑕᓂᔅ ᑎᐱᔅᑯᒡ ᐊ ‍ ᓂᐳᐅᑦ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ, ᐊᓐᑕ ᒥᓯᑕ ᐊ ‍ ᑕᔨᒋ ᐊᓂᔭ ᓇᐤ ᑲ ‍ ᐱᒪᑎᓯᔨᒋ ᐊᐛᔪᐛ ᑭᔭ ᐊᓂᔭᔪᐛ ᓂᓱᔪᐤ ᐊᓱ ᓇᐤ ᑲ ‍ ᒋᔅᑕᔨᑕᑯᓯᔨᒋ ᒋᓴᐃᔪᐛ᙮ ᒋ ‍ ᓂᓯᑐᓇᑯᓱᐤ ᐸᐃᒂᐤ ᐊᒋ ‍ ᓂᐸᐊᑭᓄᑯᐱᓇ᙮ ᓂᔄᐅᑕᒡ ᒋ ‍ ᐃᑕᑎᓂᔪᐛ ᐅᑦ ᐊᔅᑭᓇ ᑭᔭ ᓂᔄᐅᑕᒡ ᒋ ‍ ᐃᑕᑎᓂᔪᐛ ᐅᔅᒋᓯᒂ᙮ ᐊᓂᔭᔪᐛ ᒪᒃ ᓂᔄᐅᑕᒡ ᐅᔅᒋᓯᒂ, ᐊᐅᑯᓐ ᐊᓂᔭᔪᐛ ᓂᔄᐅᑕᒡ ᐊ ‍ ᑕᑎᓯᔨᒋ ᐅᑦ ᐊᒐᒂ ᒋᓴᒪᓂᑐᐤ ᒥᓯᐛ ᐊ ‍ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ ᑲ ‍ ᐃᑎᓴᐛᑦ᙮
\v 7 ᐊᑯ ᐊᓐ ᒪᔭᑕᓂᔅ ᒂ ‍ ᓇᑕᑦ ᐊᓂᔭᔪᐛ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑲ ‍ ᐊᐱᔨᒋ, ᐊᑯ ᒂ ‍ ᐅᑎᓂᒺᑦ ᐊᓂᔭ ᒥᓯᓇᐃᑭᓂᔪᐤ ᐅᒥᔪᓂᔨᒡ ᑲ ‍ ᑕᐧᑯᓂᒥᔨᒋ᙮
\v 8 ᐃᔅᐱ ᒪᒃ ᑲ ‍ ᐅᑎᓂᒺᑦ ᐊᓂᔭ ᒥᓯᓇᐃᑭᓂᔪᐤ, ᐊᓐᒡ ᑲ ‍ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ‍ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ‍ ᐅᒋᒋᐧᑯᓂᐱᔪᐅᒡ ᐊᓐᑕ ᐊᓂᔭᔪᐛ ᒪᔭᑕᓂᓴ ᐊ ‍ ᑕᔨᒋ᙮ ᒥᓯᐛ ᐸᐸᐃᒄ ᐊᓐᒡ ᓇᐤ ᑲ ‍ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᒋᓴᐃᔪᒡ ᒋ ‍ ᐊᔭᐅᒡ ᐊᔭᒥᐊᐤ ᒋᔍᐛᐱᒋᑭᓂᓴ ᑲ ‍ ᒥᔪᑕᑯᓂᔨᒋ ᑭᔭ ᐊ ‍ ᒧᑕᔭᐱᔅᑲᔨᒋ ᐎᔭᑭᓇ ᐊ ‍ ᐎᔄᐅᓱᓇᔭᐱᔅᑯᔨᒋ᙮ ᒐᒂᔪᐛ ᐊ ‍ ᐎᒋᒪᑯᓯᔨᒋ ᒋ ‍ ᐊᔅᑕᔪᐛ ᐊᓐᑕ ᐊᓂᔭᔪᐛ ᐎᔭᑭᓇ᙮ ᐊᓂᔭ ᒪᒃ ᒐᒂᔪᐛ ᑲ ‍ ᐎᒋᒪᑯᓯᔨᒋ, ᐊᐅᒄ ᐅᔭ ᐅᑦ ᐊᔭᒥᐊᐅᓄᐛᐛ ᐊᓐᒡ ᑲ ‍ ᑕᑈᑕᒡ᙮
\v 9 ᐊᓐᒡ ᒪᒃ ᓇᐤ ᑲ ‍ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ‍ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ‍ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ‍ ᐃᑕᐊᒪᓱᒡ,
\q “ᒋᔾ, ᒪᔭᑕᓂᔅ, ᒋ ‍ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ‍ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ‍ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮
\q ᐛᔅ ᒋᔾ ᔅᒋ ‍ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ‍ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ‍ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ‍ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ‍ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮
\q
\v 10 ᒥᓯᐛ ᔅᒋ ‍ ᒪᒧᓇᐅᒡ ᐊᓐᑕ ᐊ ‍ ᑕᔨᓐ ᐃᔅ ᒐᒋ ᐊᑐᔅᑯᐛᒡ ᒋᓴᒪᓂᑐᐛ ᐊ ‍ ᐊᔭᒥᐊᐅᒋᒪᐤ ᐊᐱᑎᓯᒡ᙮ ᒋᑭ ‍ ᐅᒋᒪᐅᒡ ᒪᒃ ᐅᑕ ᐊᔅᒋᒡ᙮”
\s2 Revelation 5.11-14 (Easter-3 Year C)
\p
\v 11 ᐊᑯ ᒥᓐ ᒂ ‍ ᐃᑕᐱᔭᓐ, ᐊᑯ ᒂ ‍ ᐸᑐᐅᒂᐤ ᐊ ‍ ᒥᒐᑎᒡ ᐊᓐᒋᓐᒡ᙮ ᓇᒪ ᒋᐸ ᐅᒋ ‍ ᐊᒋᒪᑭᓄᐎᒡ ᑲ ‍ ᐃᔅᐱᔅ ᒋ ‍ ᒥᒐᑎᒡ᙮ ᒋ ‍ ᐛᔅᑲᑲᐳᐅᒡ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓂᔭᔪᐛ ᓇᐤ ᑲ ‍ ᐱᒪᑎᓯᔨᒋ ᐊᐛᔪᐛ ᒋ ‍ ᐛᔅᑲᑲᐳᔅᑎᐛᐅᒡ ᑭᔭ ᐊᓂᔭᔪᐛ ᓂᓱᔪᐤ ᐊᓱ ᓇᐤ ᑲ ‍ ᒋᔅᑕᔨᑕᑯᓯᔨᒋ ᒋᓴᐃᔪᐛ᙮
\v 12 ᒋ ‍ ᒋᔄᐛᐅᒡ ᒪᒃ ᐊ ‍ ᓂᑭᒧᒡ,
\q “ᐊᓐ ᒪᔭᑕᓂᔅ ᑲ ‍ ᓂᐸᐊᑭᓄᐅᑦ ᒋᔅᑕᔨᑕᑯᓱᐤ ᐎᔾ ᒐᒋ ᐊᔭᑦ ᓱᐧᑲᑎᓯᐅᓂᔪᐤ, ᐛᔪᑎᓯᐅᓂᔪᐤ, ᑭᒐᑕᐛᔨᑎᒧᐅᓂᔪᐤ, ᒥᔅᑯᓯᐅᓂᔪᐤ, ᒋᔅᑕᒋᒥᑯᓯᐅᓂᔪᐤ, ᒋᔅᑕᔨᑕᑯᓱᐅᓂᔪᐤ, ᑭᔭ ᓱᐛᔨᒋᒐᐅᓂᔪᐤ᙮”
\p
\v 13 ᐊᑯ ᒂ ‍ ᐸᑐᐅᒂᐤ ᒥᓯᐛ ᐊᐛᓐᒋ ᐊᓐᑕ ᒋᒋᒋᓯᑯᒡ ᑭᔭ ᒥᓯᐛ ᐊᐛᓐᒋ ᑭᔭ ᐊᐛᓯᓯᒡ ᐊᔅᒋᒡ ᑭᔭ ᑕᒥᒡ ᐊᔅᒋᒡ ᑭᔭ ᐊᓐᑕ ᓂᐱᒡ ᑭᔭ ᒥᓯᐛ ᐊ ‍ ᐃᔅᐱᑎᔅᑭᒥᑲᔨᒡ ᐊᔅᒋᒡ ᐊ ‍ ᑕᒡ ᐊ ‍ ᓂᑭᒧᒡ, ᐅᔭ ᐊ ‍ ᐃᔅᒋᔄᒡ,
\q “ᐊᓐ ᐊᐛᓐ ᑲ ‍ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑭᔭ ᐊᓐ ᒪᔭᑕᓂᔅ ᑲᒋᒡ ᒋᑭ ‍ ᓱᐛᔨᒪᑭᓄᐎᒡ ᑭᔭ ᒋᑭ ‍ ᒋᔅᑕᒋᒪᑭᓄᐎᒡ ᑭᔭ ᒋᑭ ‍ ᒋᔅᑕᔨᑕᑯᐊᑭᓄᐅᒡ ᑭᔭ ᒋᑭ ‍ ᓱᐧᑲᑎᓯᐅᒡ ᑲᒋᒡ ᑭᔭ ᑲᒋᒡ᙮”
\p
\v 14 ᐊᑯ ᐊᓐᒡ ᓇᐤ ᑲ ‍ ᐱᒪᑎᓯᒡ ᐊᐛᓐᒋ “ᐊᒥᓐ” ᒂ ‍ ᐃᔅᒋᔄᒡ, ᐊᑯ ᐊᓐᒡ ᑲ ‍ ᒋᓴᐃᔪᐅᒡ ᒋ ‍ ᐸᒋᓯᓄᐅᒡ ᑭᔭ ᒋ ‍ ᐊᔭᒥᐊᔅᑐᐛᐅᒡ ᒋᓴᒪᓂᑐᐛ ᑭᔭ ᐊᓂᔭᔪᐛ ᒪᔭᑕᓂᓴ᙮
\c 6
\s1 ᒪᔭᑕᓂᔅ ᑲ ‍ ᒥᓇᐧᒃ ᐊᓂᔭᔪᐛ ᒋᔅᑕᐸᓱᐤ ᐱᓯᑯᐃᑭᓇ
\p
\v 1 ᐊᑯ ᒂ ‍ ᐛᐱᒥᒃ ᐊᓐ ᒪᔭᑕᓂᔅ ᐊ ‍ ᓴᓇᐧᒃ ᐸᐃᒄ ᐊᓂᔭᔪᐛ ᓂᔄᐅᑕᒡ ᑲ ‍ ᐃᑕᑎᓂᔨᒋ ᒋᔅᑕᐸᓱᐤ ᐱᓯᑯᐃᑭᓇ᙮ ᓂᒋ ‍ ᐸᑐᐛᐤ ᒪᒃ ᐸᐃᒄ ᐊᓐᒡ ᑲ ‍ ᐱᒪᑎᓯᒡ ᐊᐛᓐᒋ ᐊ ‍ ᐃᔅᒋᔄᑦ, “ᐊᔅᑎᒻ !” ᒧᔭᒻ ᓂᒥᔅᒍᐅᒡ ᐊ ‍ ᐃᑎᑕᑯᓯᒡ ᐊ ‍ ᒋᔅᑐᒡ ᐊᑯᓐ ᑲ ᐃᔅᐱᔅ ‍ ᒋᔄᐛᑦ ᐊᓂᔭ ᐊ ‍ ᐃᔅᒋᔄᑦ᙮
\v 2 ᐊᑯ ᒂ ‍ ᐃᑕᐱᔭᓐ, ᒂ ‍ ᐛᐱᒥᒃ ᐊ ‍ ᐛᐱᓯᑦ ᑲᐸᐃᑭᔎᐤ᙮ ᐊᓐ ᒪᒃ ᑲ ‍ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ, ᒋ ‍ ᑕᐧᑯᓇᐤ ᐊᒐᐱᔭ᙮ ᒋ ‍ ᒥᔭᑭᓄᐤ ᒋᓴᐅᒋᒪᐅᑯᓂᔎᐅᓂᔪᐤ, ᐊᑯ ᒂ ‍ ᔅᑐᑕᑦ ᒋᒋᒋᓯᑯᒡ ᐅᒡ ᐊᓐᑕ ᐊᔅᒋᒡ ᐊ ‍ ᐃᑐᑕᑦ᙮ ᒋ ‍ ᓴᐧᑯᒋᐊᑯᐱᓇ ᒪᓐ ᐊᐛᔪᐛ ᒐᒋ ᐊᑎ ‍ ᐅᒋᒪᐧᑲᑐᐛᑦ᙮ ᒥᓐ ᒪᒃ ᒋ ‍ ᔅᑐᑕᐤ ᒐᒋ ᓴᐧᑯᒋᐊᑦ ᑭᔭ ᒐᒋ ᐊᑎ ‍ ᐅᒋᒪᐧᑲᑐᐛᑦ ᑯᑎᑲ ᐊᐛᔪᐛ᙮
\p
\v 3 ᐃᔅᐱ ᒪᒃ ᒥᓐ ᑯᑎᒋᔪᐤ ᐊᓂᔭᔪᐛ ᓂᔄᐅᑕᒡ ᑲ ‍ ᐃᑕᑎᓂᔨᒋ ᒋᔅᑕᐸᓱᐤ ᐱᓯᑯᐃᑭᓇ ᒂ ‍ ᓴᓇᐧᒃ ᐊᓐ ᒪᔭᑕᓂᔅ, ᐊᑯ ᒂ ‍ ᐸᑐᐅᒃ ᒥᓐ ᐊᓐ ᐛᒋ ‍ ᑕᑦ ᐊᓐᒡ ᓇᐤ ᑲ ‍ ᐱᒪᑎᓯᒡ ᐊᐛᓐᒋ ᐊ ‍ ᐃᔅᒋᔄᑦ, “ᐊᔅᑎᒻ !”
\v 4 ᐊᑯ ᒥᓐ ᑯᑎᒃ ᑲᐸᐃᑭᔎᐤ ᑲ ᐅᒋ ‍ ᐎᐎᑦ᙮ ᒋ ‍ ᒥᐧᑯᓯᐤ ᐊᓐ ᑲᐸᐃᑭᔎᐤ᙮ ᐊᓐ ᒪᒃ ᑲ ‍ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ ᒋ ‍ ᒥᔭᑭᓄᐤ ᒐᒋ ᐃᑐᑕᐧᒃ ᒐᒋ ᓂᑐᐱᔨᓇᓄᐎᒡ ᑭᔭ ᒐᒋ ᓂᐸᐃᑐᔨᒋ ᐊᐛᔪᐛ ᐊᓂᔭ ᐊ ‍ ᓂᑐᐱᔨᒋ᙮ ᒋ ‍ ᒥᔭᑭᓄᐤ ᐊ ‍ ᒥᒐᐱᔅᑲᔨᒡ ᓂᑐᐱᔪᐅ-ᒧᐧᑯᒪᓂᔪᐤ᙮
\p
\v 5 ᒥᓐ ᒐᒂᓐ ᒂ ‍ ᐃᔅᐱᔨᒡ, ᒥᓐ ᑯᑎᒋᔪᐤ ᐊᓂᔭᔪᐛ ᒋᔅᑕᐸᓱᐤ ᐱᓯᑯᐃᑭᓇ ᑲ ‍ ᓴᓇᐧᒃ ᐊᓐ ᒪᔭᑕᓂᔅ᙮ ᐊᑯ ᓂᔅᑐ ᑲ ‍ ᓴᓇᐧᒃ᙮ ᐊᑯ ᐊᓐ ᓂᔅᑐ ᐊ ‍ ᑕᑦ ᐊᓐᒡ ᓇᐤ ᑲ ‍ ᐱᒪᑎᓯᒡ ᐊᐛᓐᒋ ᒂ ‍ ᐃᔅᒋᔄᑦ, “ᐊᔅᑎᒻ !” ᐃᔅᐱ ᒪᒃ ᐊ ‍ ᐃᑕᐱᔭᓐ ᓂᒋ ‍ ᐛᐱᒪᐤ ᐊ ‍ ᐎᐱᓯᑦ ᑲᐸᐃᑭᔎᐤ᙮ ᐊᓐ ᒪᒃ ᑲ ‍ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ, ᒋ ‍ ᑕᐧᑯᓂᒻ ᑎᐸᐸᑲᐃᑭᓂᔪᐤ᙮
\v 6 ᐊᑯ ᒂ ‍ ᐸᑎᒪᓐ ᐸᑕᑯᓱᐅᓐ ᒧᔭᒻ ᐊᐛᓐ ᐊ ‍ ᐃᔨᒥᑦ ᐊ ‍ ᐃᑎᑕᒂᒡ ᒪᒂᒡ ᐊᓐᒡ ᓇᐤ ᑲ ‍ ᐱᒪᑎᓯᒡ ᐊᐛᓐᒋ ᐊ ‍ ᑕᒡ ᐊ ‍ ᐅᑎᑕᑯᒡ᙮ ᐊᓐ ᐊᐛᓐ ᑲ ‍ ᐃᔨᒥᑦ ᒋ ‍ ᐃᑕᐤ, “ᐸᐃᒄ ᒋᓯᑲᐛ ᐊᔅᐱᔅ ᐊᑐᔅᒐᑦ ᐊᐛᓐ ᒥᒄ ᓂᓱ ᑎᐸᐸᑲᐃᑭᓇ ᐸᒂᓯᑭᓇ ᒋᑭ ‍ ᓴᑯᑕᐛᐤ ᒪᒃ ᐊᓱᑕᒡ ᑎᐸᐸᑲᐃᑭᓇ ᐊᔪᒥᓇ᙮ ᒥᒄ ᒪᒃ ᐊᑲᐎᔾ ᐎ ᓂᓱᐅᓇᒋᑕ ᐊᓐ ᐱᒥᔾ ᑭᔭ ᐊᓐ ᓱᒥᓇᐳᔾ᙮”
\p
\v 7 ᐊᑯ ᐊᓐ ᒪᔭᑕᓂᔅ ᒥᓐ ᑯᑎᒋᔪᐤ ᐊᓂᔭᔪᐛ ᒋᔅᑕᐸᓱᐤ ᐱᓯᑯᐃᑭᓂᔪᐤ ᒂ ‍ ᓴᓇᐧᒃ᙮ ᐊᐅᒄ ᐊᑯ ᓇᐤ ᑲ ‍ ᓴᓇᐧᒃ᙮ ᐊᑯ ᒂ ‍ ᐸᑐᐅᒃ ᐊᓐ ᓇᐤ ᐊ ‍ ᑕᑦ ᐊᓐᒡ ᓇᐤ ᑲ ‍ ᐱᒪᑎᓯᒡ ᐊᐛᓐᒋ ᐊ ‍ ᐃᔅᒋᔄᑦ, “ᐊᔅᑎᒻ !”
\v 8 ᒥᓐ ᒂ ‍ ᐛᐱᒥᒃ ᑲᐸᐃᑭᔎᐤ ᐊ ᐅᒋ ‍ ᐎᐎᑦ᙮ ᒋ ‍ ᐎᐛᐱᓯᐤ ᐊᓐ ᑲᐸᐃᑭᔎᐤ᙮ ᐊᓐ ᒪᒃ ᑲ ‍ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ, ᓂᐳᐅᓐ ᒋ ‍ ᐃᓯᓂᐧᑲᓱᐤ᙮ ᐅᑕᒡ ᒪᒃ ᐊᓐᑕ ᐊ ‍ ᑕᑦ ᐊᑯᑕ ᑲ ‍ ᑎᑯᓂᔨᒡ ᐊᐃᑎᔅ ᑲ ‍ ᐃᓯᓂᐧᑲᑕᔨᒋ ᒋᐱᔾ ‍ ᐊᔅᒋᔪᐤ᙮ ᒋ ‍ ᒥᔭᑭᓄᐎᒡ ᒪᒃ ᐅᒡ ᑎᐸᔨᒋᒐᐅᓂᔪᐤ ᐸᐃᒄ ᐊᓯᑯᒻ ᓇᐤ ᐊ ‍ ᑕᒡ ᐊᐛᔪᐛ ᐅᑕ ᐊᔅᒋᒡ ᒐᒋ ᓂᐸᐊᒡ ᓂᑐᐱᔪᐅᓂᔪᐤ ᐅᒋ, ᑭᔭ ᑯᐅᐧᑭᑕᐅᓂᔪᐤ ᐅᒋ, ᑭᔭ ᓂᓇᐧᑯᐤ ᐊᐧᑯᓯᐅᓇ ᐅᒋ᙮ ᒋ ‍ ᒥᔭᑭᓄᐎᒡ ᑭᔭ ᑎᐸᔨᒋᒐᐅᓂᔪᐤ ᒐᒋ ᐃᑐᑐᐛᒡ ᑲ ‍ ᑯᔅᑕᑎᑯᓯᔨᒋ ᐊᐛᓯᓴ ᐊᓐᑕ ᐊᔅᒋᒡ ᐊ ‍ ᑕᔨᒋ ᒐᒋ ᓇᓂᐸᐊᔨᒋ ᐊᐛᔪᐛ᙮
\p
\v 9 ᐊᑯ ᐊᓐ ᒪᔭᑕᓂᔅ ᒂ ‍ ᓴᓇᐧᒃ ᒥᓐ ᑯᑎᒋᔪᐤ ᒋᔅᑕᐸᓱᐤ ᐱᓯᑯᐃᑭᓂᔪᐤ᙮ ᐊᐅᒄ ᐊᑯ ᐱᑕᑕᒡ ᑲ ‍ ᓴᓇᐧᒃ᙮ ᐃᔅᐱ ᒪᒃ ᑲ ‍ ᓴᓇᐧᒃ ᐊᓂᔭ ᒋᔅᑕᐸᓱᐤ ᐱᓯᑯᐃᑭᓂᔪᐤ ᐊᑯ ᒂ ‍ ᐛᐱᒥᒋ ᐅᑦ ᐊᒐᐧᑯᐛᐛ ᐊᓐᒡ ᑲ ‍ ᓂᐸᐊᑭᓄᐎᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᒋ ‍ ᑕᑈᑎᒺᒡ ᑭᔭ ᐊᒋ ‍ ᐛᐎᑕᒡ ᑕᓐ ᐊ ᐃᓯ ‍ ᑕᑈᑕᒡ᙮ ᐊᓐᑕ ᐱᔅᑎᓂᒐᐤ ᒥᒋᓱᐛᑭᓇᑎᑯᒡ ᐊᓐᑕ ᑲᒋ ‍ ᒪᒥᒋᒪᑭᓄᔨᒋ ᒋᓴᒪᓂᑐᐛ, ᐊᓐᑕ ᒪᒃ ᓂᑕᒡ ᐊᑯᑕ ᒂ ‍ ᐛᐱᒥᒡ ᐅᑦ ᐊᒐᐧᑯᐛᐛ ᐅᒡ᙮
\v 10 ᒋ ‍ ᒋᔄᐛᐅᒡ ᒪᒃ ᐊ ‍ ᑕᑈᒡ, “ᓂᑎᐸᔨᒋᒐᓯᒥᓇᓐ ᑲ ‍ ᓱᐧᑲᑎᓯᔨᓐ, ᑲ ‍ ᐸᔭᒋᓯᔨᓐ, ᑲ ‍ ᒋᔅᑕᔨᑕᑯᓯᔨᓐ ᒐᒋ ᑕᑈᐅᒐᔨᒥᑯᔨᓐ᙮ ᑕᐃᔅᐱ ᒐ ‍ ᑎᐸᔅᑯᓂᑥᐤ ᐊᓐᒡ ᐊᓐᑕ ᐊᔅᒋᒡ ᐊ ‍ ᑕᒡ ᑲ ‍ ᓂᐸᐃᔨᒥᒡ ? ᑕᐃᔅᐱ ᒐ ‍ ᑎᐸᐊᑥᐤ ᐊᓐᒡ ᑲ ‍ ᓂᐸᐃᔨᒥᒡ ?”
\v 11 ᐊᑯ ᐸᐸᐃᒄ ᒂ ‍ ᒥᔭᑭᓄᐎᒡ ᐊ ‍ ᐛᐸᐃᔨᒋ ᐊᑯᐸ᙮ ᒋ ‍ ᐃᑕᑭᓄᐎᒡ ᒪᒃ ᒥᓐ ᐛᐃᐱᔅᒋᔅ ᒐᒋ ᐊᔽᐱᒡ ᐸᑐᔅ ᑎᑉ ᒋ ‍ ᐃᔅᐱᔅ ᓂᐸᐊᑭᓄᔨᒐ ᐎᒋ ‍ ᐊᐱᒋᐊᑭᓄᐛᐛ ᑭᔭ ᐎᐧᑲᓂᓱᐛᐛ ᑕᓐ ᐊᓂᔭᔪᐛ ᒋᐸ ‍ ᓂᐸᐊᑭᓄᐅᔪᐛ ᒧᔭᒻ ᐎᔨᐛᐤ ᐊᒋ ‍ ᓂᐸᐊᑭᓄᐎᒡ᙮
\p
\v 12 ᐊᑯ ᒂ ‍ ᐛᐱᒥᒃ ᐊᓐ ᒪᔭᑕᓂᔅ ᒥᓐ ᑯᑎᒋᔪᐤ ᒋᔅᑕᐸᓱᐤ ᐱᓯᑯᐃᑭᓂᔪᐤ ᐊ ‍ ᓴᓇᐧᒃ᙮ ᐊᐅᒄ ᐊᑯ ᐊᓱᑕᒡ ᑲ ‍ ᓴᓇᐧᒃ᙮ ᐃᔅᐱ ᒪᒃ ᑲ ‍ ᓴᓇᐧᒃ, ᐊᑯ ᒂ ᒥᔅᑎ ‍ ᑯᐃᐧᑯᒡ᙮ ᐱᓯᒻ ᒋ ‍ ᑎᐱᔅᒋᐱᔪᐤ ᒧᔭᒻ ᐊᐱᒋᑕᐅᓐ ᑲ ‍ ᓱᒐᑲᒡ ᐊ ‍ ᐎᐸᑲᒡ ᐊᑯᓐ ᑲ ‍ ᐃᓯᓇᑯᓯᑦ᙮ ᐊᑯ ᑎᐱᔅᑲᐤ ᐱᓯᒻ ᒂ ‍ ᒥᐧᑯᓯᑦ, ᒧᔭᒻ ᐊ ‍ ᓱᐧᑯᓯᑦ ᐊᑯᓐ ᑲ ‍ ᐃᓯᓇᑯᓯᑦ᙮
\v 13 ᐅᒐᑭᑕᐧᑯᒡ ᒋ ‍ ᐸᐸᒋᓯᓄᒡ ᒋᓯᑯᒡ ᐅᒡ ᐊᓐᑕ ᐃᔅ ᐊᔅᒋᒡ ᒧᔭᒻ ᐊ ᐃᓯ ‍ ᐸᒋᓯᓂᒡ ᐛᐱᒥᓂᒡ ᐊᑲ ᐊᑎᓱᒡ ᐊ ᒥᔅᑎ ‍ ᔪᑎᓂᔨᒡ᙮
\v 14 ᒋᓯᒄ ᒪᒃ ᒋ ‍ ᐸᓯᑯᓇᑯᓐ ᒧᔭᒻ ᒥᓯᓇᐃᑭᓐ ᐊ ᐊᑎ ‍ ᑎᑎᐱᓂᑭᓄᐅᒡ ᐊᑯᓐ ᑲ ‍ ᐃᔅᐱᔨᒡ᙮ ᒥᓯᐛ ᐱᔅᑯᑎᓇᐛ ᑭᔭ ᒥᓂᔅᑎᒂ ᒋ ‍ ᐊᒋᐱᔪᐛ ᐊᓐᑕ ᑲ ‍ ᑎᒂᒋ ᐅᒡ᙮
\p
\v 15 ᒥᓯᐛ ᒪᒃ ᐊᐛᓐᒋ ᐊᓐᑕ ᐊᔅᒋᒡ ᐊ ‍ ᑕᒡ ᒋ ‍ ᑲᓱᐅᒡ ᐊᓐᑕ ᐊ ‍ ᐛᑎᒂᐱᔅᑲᐃᑭᓄᐎᒡ ᐱᔅᑯᑎᓇᒡ ᑭᔭ ᒪᒃ ᓯᐸ ᐊᓯᓂᔭ ᐊ ‍ ᒥᒐᐱᔅᒋᓯᔨᒋ᙮ ᐊᑯ ᐊᓐᒡ ᒋᓴᐅᒋᒪᐅᒡ, ᑭᔭ ᐊᓐᒡ ᑲ ‍ ᒋᔅᑕᔨᑕᑯᓯᒡ ᒋᓴᐅᒋᒪᓯᓯᒡ, ᓂᑐᐱᔪᐅ-ᐅᒋᒪᐅᒡ, ᐊᓐᒡ ᑲ ‍ ᐛᔪᑎᓯᒡ, ᐊᓐᒡ ᑲ ‍ ᒋᔅᑕᔨᑕᑯᓯᒡ ᐊᐛᓐᒋ, ᑲ ‍ ᐅᑦ ᐊᐱᒋᐊᑭᓂᑐᑐᐛᑭᓄᐅᒡ ᑭᔭ ᐊᑲ ᐅᑦ ᐊᐱᒋᐊᑭᓂᑐᑐᐛᑭᓄᐅᒡ ᑭᔭ ᒥᓯᐛ ᑯᑎᒃ ᐊᐛᓐ ᒋ ‍ ᑲᓱᐤ ᐊᓐᑕ ᐊ ‍ ᐛᑎᒂᐱᔅᑲᔨᒡ ᐱᔅᑯᑎᓇᒡ ᒪᒃ ᓯᐸ ᐊᓯᓂᔭ ᐊ ‍ ᒥᒐᐱᔅᒋᓯᔨᒋ᙮
\v 16 ᐊᑯ ᒂ ‍ ᑕᑈᒡ ᐊᓐᑕ ᐃᔅ ᐱᔅᑯᑎᓇᒡ ᑭᔭ ᐊᓐᑕ ᐊ ‍ ᑕᔨᒋ ᑲ ‍ ᒪᒥᒐᐱᔅᒋᓯᔨᒋ ᐊᓯᓂᔭ, ᐊ ‍ ᐃᔅᒋᔄᒡ, “ᐸᒋ ‍ ᐱᔅᑐᐅᓇᓐ ᒪ᙮ ᐸᒋ ‍ ᑲᐃᓇᓐ ᒐ ᐊᑲ ᒋ ᐛᐱᒥᔨᒥᑦ ᐊᓐ ᒋᓴᐅᒋᒪᐤ ᑕᑎᐳᐛᑭᓂᒡ ᑲ ‍ ᐊᐱᑦ ᑭᔭ ᒐ ᐊᑲ ᒋ ᑎᐸᔅᑯᓂᔨᒥᑦ ᐊᓐ ᒪᔭᑕᓂᔅ᙮
\v 17 ᐛᔅ ᐊᑯ ᐛᑎᒋᐱᔨᒡ ᐊᓐᑕ ᒥᓯᐛ ᐊᐛᔪᐛ ᒐ ‍ ᐊᒂᒡ ᐛᐛᓯᐊᒡ᙮ ᓇᒪ ᒪᒃ ᐊᐛᓐ ᒋᑭ ᒋ ‍ ᐃᓯᑲᐳᔅᑎᒻ ᐅᔭ ᒐ ᐃᓯ ‍ ᐛᐛᓯᐊᑭᓄᔨᒋ ᐊᐛᔪᐛ᙮”
\c 7
\s1 ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᐃᔅᕋᐃᓪ ᐃᔪᒡ ᑲ ‍ ᒥᓯᓇᐛᑭᓄᐎᒡ ᒋᓴᒪᓂᑐᐛ ᐃᔅ
\p
\v 1 ᐃᔅᐱ ᑲ ‍ ᐃᔅᐱᔨᒡ ᐅ ᑲ ᐃᓯ ‍ ᐛᐸᑎᔨᑯᐅᔭᓐ, ᐊᑯ ᒂ ‍ ᐛᐱᒥᒂᐤ ᓇᐤ ᐊᓐᒋᓐᒡ ᐊ ‍ ᓂᐳᐅᒡ ᒥᓯᐛ ᐊᓐᑕ ᓇᐅᐎᒡ ᐊ ‍ ᐅᑎᓂᔨᒡ᙮ ᒋ ‍ ᐊᑯᔅᒋᑲᐳᐅᒡ ᒐ ᐊᑲ ᒋ ᔪᑎᓂᔨᒡ ᐊᓐᑕ ᐊᔅᒋᒡ ᐃᔅ ᑭᔭ ᒪᒃ ᐊᓐᑕ ᐎᓂᐸᑯᒡ ᐃᔅ ᑭᔭ ᒪᒃ ᐊᓐᑕ ᒥᔅᑎᒂ ᐃᔅ ᐊ ‍ ᑕᔨᒋ᙮
\v 2 ᒥᓐ ᒪᒃ ᑯᑎᒃ ᐊᓐᒋᓐ ᓂᒋ ‍ ᐛᐱᒪᐤ ᐊᓐᑕ ᐛᐱᓄᑕᒡ ᐊ ‍ ᐅᑐᑕᑦ᙮ ᒋᓴᒪᓂᑐᐛ ᐅᒋᔅᒋᓄᐛᒋᒋᑭᓂᔪᐤ ᒋ ᐸᒋ ‍ ᑕᐧᑯᓂᒺᐤ᙮ ᒋ ‍ ᒋᔄᐛᐤ ᐊ ‍ ᑕᑈᑕᑦ ᐊᓂᔭᔪᐛ ᓇᐤ ᐊᓐᒋᓇ ᑲ ‍ ᒥᔭᑭᓄᔨᒋ ᒐᒋ ᓂᓱᐅᓇᒋᑕᔨᒋ ᐊᔅᒋᔪᐤ ᑭᔭ ᐎᓂᐸᑯᔪᐤ᙮ ᒋ ‍ ᐃᑕᐤ ᐊᓂᔭᔪᐛ ᐊᓐᒋᓇ,
\v 3 “ᐊᑲᐎᔾ ᓂᓱᐅᓇᒋᑕᒄ ᐊᔅᒋᔾ ᑭᔭ ᒪᒃ ᐎᓂᐸᒄ ᑭᔭ ᒪᒃ ᒥᔅᑎᑯᒡ ᐸᑐᔅ ᒋ ‍ ᒋᔅᒋᓄᐛᒋᐃᒪᒐᓂ ᒋᓴᒪᓂᑐᐤ ᐅᑦ ᐊᐱᒋᐊᑭᓇ ᐅᔅᑲᑎᑯᐛᒡ᙮”
\v 4 ᐊᑯ ᒂ ‍ ᐸᑎᒪᓐ ᑕᓐ ᑲ ‍ ᐃᑕᑎᓯᒡ ᐊᓐᒡ ᑲ ‍ ᒋᔅᒋᓄᐛᒋᐊᑭᓄᐎᒡ ᒋᓴᒪᓂᑐᐛ ᐅᒋᔅᒋᓄᐛᒋᒋᑭᓂᔪᐤ ᐅᔅᑲᑎᑯᐛᒡ᙮ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᒋ ‍ ᑕᑎᓱᐅᒡ᙮ ᒥᓯᐛ ᐊᓐᑕ ᐊ ‍ ᓂᓱᓴᑉ ᐱᑐᐤ ᑲ ‍ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ ᒋ ‍ ᐅᒋᐅᒡ ᐊᓐᒡ ᑲ ‍ ᒋᔅᒋᓄᐛᒋᐊᑭᓄᐎᒡ᙮
\li1
\v 5 ᓂᓱᓴᑈᐤ ᒐᓯᐱᔪᐤ ᒋ ‍ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᒍᑕ ᐊ ‍ ᑕᔨᒋ ᑲ ‍ ᐅᑎᑎᐸᒋᓯᒡ᙮
\li1 ᓂᓱᓴᑈᐤ ᒐᓯᐱᔪᐤ ᒋ ‍ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᕈᐱᓇ ᐊ ‍ ᑕᔨᒋ ᑲ ‍ ᐅᑎᑎᐸᒋᓯᒡ᙮
\li1 ᓂᓱᓴᑈᐤ ᒐᓯᐱᔪᐤ ᒋ ‍ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᑲᑕ ᐊ ‍ ᑕᔨᒋ ᑲ ‍ ᐅᑎᑎᐸᒋᓯᒡ᙮
\li1
\v 6 ᓂᓱᓴᑈᐤ ᒐᓯᐱᔪᐤ ᒋ ‍ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᐊᓱᕋ ᐊ ‍ ᑕᔨᒋ ᑲ ‍ ᐅᑎᑎᐸᒋᓯᒡ᙮
\li1 ᓂᓱᓴᑈᐤ ᒐᓯᐱᔪᐤ ᒋ ‍ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᓇᑉᑕᓕᔨᒋ ᐊ ‍ ᑕᔨᒋ ᑲ ‍ ᐅᑎᑎᐸᒋᓯᒡ᙮
\li1 ᓂᓱᓴᑈᐤ ᒐᓯᐱᔪᐤ ᒋ ‍ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᒪᓇᓴᔨᒋ ᐊ ‍ ᑕᔨᒋ ᑲ ‍ ᐅᑎᑎᐸᒋᓯᒡ᙮
\li1
\v 7 ᓂᓱᓴᑈᐤ ᒐᓯᐱᔪᐤ ᒋ ‍ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᓯᒥᐅᓇ ᐊ ‍ ᑕᔨᒋ ᑲ ‍ ᐅᑎᑎᐸᒋᓯᒡ᙮
\li1 ᓂᓱᓴᑈᐤ ᒐᓯᐱᔪᐤ ᒋ ‍ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᓕᐸᐃᔨᒋ ᐊ ‍ ᑕᔨᒋ ᑲ ‍ ᐅᑎᑎᐸᒋᓯᒡ᙮
\li1 ᓂᓱᓴᑈᐤ ᒐᓯᐱᔪᐤ ᒋ ‍ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᐃᓴᑲᕋ ᐊ ‍ ᑕᔨᒋ ᑲ ‍ ᐅᑎᑎᐸᒋᓯᒡ᙮
\li1
\v 8 ᓂᓱᓴᑈᐤ ᒐᓯᐱᔪᐤ ᒋ ‍ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᓴᐳᓕᓇ ᐊ ‍ ᑕᔨᒋ ᑲ ‍ ᐅᑎᑎᐸᒋᓯᒡ᙮
\li1 ᓂᓱᓴᑈᐤ ᒐᓯᐱᔪᐤ ᒋ ‍ ᒋᔅᒋᓄᐛᒋᐊᑭᓄᐅᒡ ᐊᓐᒡ ᐊᓐᑕ ᒍᓯᐸ ᐊ ‍ ᑕᔨᒋ ᑲ ‍ ᐅᑎᑎᐸᒋᓯᒡ᙮
\li1 ᐊᑯ ᒪᒃ ᐊᓐᒡ ᐊᓐᑕ ᐱᓐᒋᒥᓇ ᐊ ‍ ᑕᔨᒋ ᑲ ‍ ᐅᑎᑎᐸᒋᓯᒡ, ᓂᓱᓴᑈᐤ ᒐᓯᐱᔪᐤ ᒋ ‍ ᒋᔅᒋᓄᐛᒋᐊᑭᓄᐅᒡ᙮
\s1 ᒥᒐᑦ ᐊᐛᔪᐛ ᒠᓐ ᑲ ‍ ᐛᐱᒪᑦ ᐊᓐᑕ ᒋᒋᒋᓯᑯᒡ
\s2 Revelation 7.9-17 (Easter-4 Year C)
\p
\v 9 ᐃᔅᐱ ᑲ ‍ ᐃᔅᐱᔨᒡ ᐅ ᒪᔅᑕᔾ ᑲ ᐃᓯ ‍ ᐛᐸᑎᔨᑯᐅᔭᓐ, ᐊᑯ ᒂ ‍ ᐛᐱᒥᒂᐤ ᐊ ᒥᔅᑎ ‍ ᒥᒐᑎᒡ ᐊᐛᓐᒋ, ᐊᑲ ᐛᐛᒡ ᒋ ‍ ᐊᒋᒪᑭᓄᐎᒡ ᑲ ‍ ᐃᔅᐱᔅ ᒋ ‍ ᒥᒐᑎᒡ᙮ ᒥᓯᐛ ᐊ ‍ ᐃᑎᔅᑲᓇᓯᓇᓄᐎᒡ ᐊ ‍ ᐅᒋᒡ, ᒥᓯᐛ ᐊ ᐃᓯ ‍ ᒪᒧᑕᐅᓯᓇᓄᐎᒡ, ᑭᔭ ᒥᓯᐛ ᐊ ᐃᓯ ‍ ᐃᔨᒥᓇᓄᐎᒡ, ᒥᓯᐛ ᒋ ‍ ᐅᑎᔅᑯᑲᐳᔅᑎᒺᐅᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓂᔭᔪᐛ ᒪᔭᑕᓂᓴ᙮ ᒥᓯᐛ ᐊ ‍ ᑎᓯᒡ ᒋ ‍ ᐛᐸᔅᐱᓱᐅᒡ ᑭᔭ ᒋ ‍ ᑕᐧᑯᓂᒧᒡ ᓂᐱᓯᔭᑎᒂ ᐅᑎᒋᐛᒡ ᐊ ‍ ᒧᒋᒐᔨᑕᒡ᙮
\v 10 ᒋ ‍ ᐃᑕᐅᒡ ᒪᒃ ᐊ ‍ ᒋᔄᐛᒡ,
\q “ᒋᓴᒪᓂᑐᐤ ᐊᓐ ᑲ ‍ ᐊᐱᑦ ᒋᓴᐅᒋᒪᐤ ᑕᑎᐳᐛᑭᓂᒡ ᑭᔭ ᐊᓐ ᒪᔭᑕᓂᔅ, ᐊᑯᑕ ᐛᒋᐱᔨᒡ ᐱᒪᒋᐃᐛᐅᓐ᙮”
\p
\v 11 ᒥᓯᐛ ᒪᒃ ᐊᓐᒋᓐᒡ ᒋ ‍ ᐛᔅᑲᑲᐳᔅᑎᒧᒡ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓐᒡ ᑲ ‍ ᒋᔅᑕᔨᑕᑯᓯᒡ ᒋᓴᐃᔪᒡ ᒋ ‍ ᐛᔅᑲᑲᐳᔅᑎᒧᒡ ᑭᔭ ᐊᓐᒡ ᑲ ‍ ᓇᐅᒡ ᑲ ‍ ᐱᒪᑎᓯᒡ ᐊᐛᓐᒋ᙮ ᒋ ‍ ᐅᒋᒋᐧᑯᓂᐱᔪᐅᒡ ᐅᑎᔅᑯᐤ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ ᐊ ‍ ᐊᔭᒥᐊᔅᑐᐛᒡ ᒋᓴᒪᓂᑐᐛ,
\v 12 ᐊ ‍ ᐃᔅᒋᔄᒡ,
\q “ᑕᑈ ᐊᐅᑯᓐ ᐊ ‍ ᐃᓯᓇᒂᒡ᙮ ᐊᔭᐤ ᒋᓴᒪᓂᑐᐤ ᓱᐛᔨᒋᒐᐅᓂᔪᐤ, ᑭᒐᑕᐛᔨᑎᒧᐅᓂᔪᐤ, ᒋᔅᑕᔨᑕᑯᓱᐅᓂᔪᐤ ᑭᔭ ᒥᔅᑯᓯᐅᓂᔪᐤ᙮ ᐊᐅᒄ ᒪᒃ ᐛᒋ ‍ ᒪᒥᒋᒥᑯᑦ ᐊᐛᔪᐛ, ᑭᔭ ᐊᐅᒄ ᐅᔭ ᐛᒋ ‍ ᓂᓇᔅᑯᒥᑯᑦ ᑭᔭ ᒋᔅᑕᒋᒥᑯᑦ ᑲᒋᒡ ᑭᔭ ᑲᒋᒡ᙮ ᐊᒥᓐ᙮”
\p
\v 13 ᐊᑯ ᐸᐃᒄ ᐊᓐ ᑲ ‍ ᒋᔅᑕᔨᑕᑯᓯᑦ ᒋᓴᐃᔪᐤ ᒂ ᐸᒋ ‍ ᐃᓯᑦ, “ᐊᓐᒡ ᒪ ᑲ ‍ ᐛᐸᔅᐱᓱᒡ, ᐊᐛᓐᒋ ᐊᓐᒡ ᑭᔭ ᑕᓐᑕ ᐛᒋᒡ ?”
\v 14 ᐊᑯ ᒂ ‍ ᐃᑎᒃ, “ᓇᒪ ᓂᔾ ᓂ ‍ ᒋᔅᒐᔨᒪᐅᒡ᙮ ᒋᔾ ᐊᐅᒄ ᒐᔅᒐᔨᒥᑥᐤ᙮” ᓂᒋ ‍ ᐃᑎᒄ ᒪᒃ, “ᐊᐅᑯᓐᒡ ᐅᒡ ᑲ ‍ ᓴᐳᔅᑲᒡ ᑕᓐ ᑲ ᐃᓯ ‍ ᓂᓇᐧᑲᒋᐊᑭᓄᐎᒡ᙮ ᒋ ‍ ᒋᔅᑕᐸᐅᑕᐅᒡ ᐅᑦ ᐊᑯᐳᐛᐛ ᐊᓂᔭ ᒪᔭᑕᓂᓴ ᐅᒥᐧᑯᐃᒡ ᑭᔭ ᒂ ‍ ᐛᐸᐃᔨᒋ ᐊᓂᔭᔪᐛ ᐅᑦ ᐊᑯᐳᐛᐛ᙮
\v 15 ᐊᐅᒄ ᒪᒃ,
\q ᐅᔭ ᐛᒋ ‍ ᐅᑎᔅᑯᑲᐳᔅᑎᒺᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐛᒋ ‍ ᒧᓯᓇᐤ ᐊᑐᔅᑯᐛᒡ ᐊᓐᑕ ᐅᒋᓴᐊᔭᒥᐊᐅᒋᐛᐱᒡ᙮ ᐊᓐ ᒪᒃ ᑲ ‍ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ, ᒋᑭ ‍ ᐊᑯᓂᔅᑯᐛᐤ ᐊ ᒥᔪ ‍ ᑭᓄᐛᔨᒪᑦ᙮
\q
\v 16 ᓇᒪ ᒪᒃ ᒥᓐ ᓂᑕ ᒋᑭ ᐅᒋ ‍ ᓯᐛᔪᒡ᙮ ᓇᒪ ᒥᓐ ᓂᑕ ᒋᑭ ᐅᒋ ‍ ᓄᑕᔭᐸᒂᐅᒡ᙮ ᓇᒪ ᒋᑭ ᐅᒋ ‍ ᐃᔎᓱᑯᐅᒡ ᐱᓯᒺ ᑭᔭ ᒪᒃ ᒐᒂᔪᐤ ᐊ ᒥᔅᑎ ‍ ᒋᓯᑕᔨᒡ᙮
\q
\v 17 ᐛᔅ ᐊᓐ ᒪᔭᑕᓂᔅ ᑕᑕᐅᒡ ᐊᓐᑕ ᐊ ‍ ᑎᑯᓂᔨᒡ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ, ᐊᐅᒄ ᒪᔭᑕᓂᓯᐅ-ᐃᔪᐤ ᒐ ᒥᔪ ‍ ᑭᓄᐛᔨᒪᑦ ᐅᔭ᙮ ᑭᔭ ᒋᑭ ‍ ᐃᑐᑕᐊᐤ ᐊᓐᑕ ᐊ ‍ ᑎᑯᓂᔨᒡ ᐊ ‍ ᒧᔅᒋᒍᐅᓂᔨᒡ ᐱᒪᑎᓯᐤ ᓂᐱᔪᐤ᙮ ᐊᑯ ᒪᒃ ᒋᓴᒪᓂᑐᐤ ᒐ ‍ ᑲᓯᐊᒧᐛᑦ ᐅᔅᒋᓯᑯᔪᐛ ᒥᓯᐛ ᐊᓂᔭᔪᐛ ᑲ ‍ ᐅᒋᐧᑯᐛᐱᔨᒋ᙮”
\c 8
\s1 ᒪᔭᑕᓂᔅ ᑲ ‍ ᒥᓇᐧᒃ ᐊᓂᔭ ᒪᔅᑕᔾ ᒋᔅᑕᐸᓱᐤ ᐱᓯᑯᐃᑭᓂᔪᐤ
\p
\v 1 ᐊᑯ ᐊᓐ ᒪᔭᑕᓂᔅ ᒥᓐ ᒂ ‍ ᒥᓇᐧᒃ ᒋᔅᑕᐸᓱᐤ ᐱᓯᒂᐃᑭᓂᔪᐤ ᐊᓐᑕ ᒥᓯᓇᐃᑭᓂᒡ ᐅᒡ᙮ ᐊᐅᒄ ᐊᑯ ᐊᓂᔭ ᒪᔅᑕᔾ ᒋᔅᑕᐸᓱᐤ ᐱᓯᒂᐃᑭᓂᔪᐤ᙮ ᐃᔅᐱ ᒪᒃ ᑲ ‍ ᒥᓇᐧᒃ ᐳᔅᒄ ᑎᐸᐃᑭᓇ ᓇᒪ ᓇᔅᒡ ᒐᒂᓐ ᐅᒋ ᐸᑕᑯᓐ ᐊᓐᑕ ᒋᒋᒋᓯᑯᒡ᙮
\p
\v 2 ᐊᑯ ᒂ ‍ ᐛᐱᒥᒂᐤ ᐊᓐᒡ ᓂᔄᐅᑕᒡ ᐊᓐᒋᓐᒡ ᒧᔅ ᐅᑎᔅᑯᐤ ᒋᓴᒪᓂᑐᐛ ᐊ ‍ ᑕᔨᒋ ᐊ ‍ ᓂᐳᐅᒡ᙮ ᓂᔄᐅᑕᒡ ᐳᑕᒋᑭᓇ ᒋ ‍ ᒥᔭᑭᓄᐎᒡ᙮
\p
\v 3 ᒋ ‍ ᑕᐤ ᒥᓐ ᑯᑎᒃ ᐊᓐᒋᓐ ᐊ ‍ ᑕᐧᑯᓇᐧᒃ ᐊ ‍ ᐎᔄᐅᓱᓇᔭᐱᔅᑲᔨᒡ ᐎᔭᑭᓂᔪᐤ ᑲᐎᒋᒪᑯᓂᔨᒡ ᒐᒂᔪᐤ ᑲᒋ ‍ ᐃᔎᓯᑭᓄᐎᒡ ᐊ ‍ ᑎᑯᓂᔨᒡ ᐊᓐᑕ᙮ ᒋ ᐸᒋ ‍ ᓂᐳᐅᐤ ᐅᐱᒪ ᐊᓐᑕ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ᙮ ᒥᔅᑎ ᒪᒃ ᒋ ‍ ᒥᔭᑭᓄᐤ ᐊᓂᔭ ᑲ ‍ ᐎᒋᒪᑯᓯᔨᒡ ᒐᒂᔪᐤ ᒐᒋ ᒋᑲᐅᓇᐧᒃ ᐅᑦ ᐊᔭᒥᐊᐅᓂᔨᒡ ᑲ ‍ ᑕᑈᑎᒥᔨᒋ ᑭᔭ ᒐᒋ ᐱᔅᑎᓂᒧᐛᑦ ᒋᓴᒪᓂᑐᐛ ᐊᓐᑕ ᑲ ‍ ᐎᔄᐅᓱᓇᔭᐱᔅᑯᔨᒡ ᐱᔅᑎᓂᒐᐅᓇᐱᔅᑯᒡ᙮
\v 4 ᐊᓂᔭ ᑲᐎᒋᒪᑯᓯᔨᒡ ᑲ ‍ ᐃᔎᑕᔨᒡ ᑲ ‍ ᑕᐧᑯᓇᐧᒃ ᐊᓐ ᐊᓐᒋᓐ ᐅᑎᔅᑯᐤ ᒋᓴᒪᓂᑐᐛ ᐊ ‍ ᑕᔨᒋ ᑲ ‍ ᓂᐳᐅᑦ, ᐊᓐᑕ ᒋᓴᒪᓂᑐᐛ ᐊ ‍ ᑕᔨᒋ ᒋ ‍ ᐃᑕᐸᑕᐱᔪᐤ, ᐊᔪᐤ ᐊᓂᔭᔪᐛ ᑲ ‍ ᑕᑈᑎᒥᔨᒋ ᐅᑦ ᐊᔭᒥᐊᐅᓂᔪᐛ ᐊ ‍ ᐊᔅᒋᐱᔨᒋ᙮
\v 5 ᐊᑯ ᐊᓐ ᐊᓐᒋᓐ ᑲ ‍ ᓴᑭᔅᒋᓂᑕᑦ ᐊᓂᔭ ᑲ ‍ ᐎᔄᐅᓱᓇᔭᐱᔅᑲᔨᒡ ᐎᔭᑭᓂᔪᐤ ᐃᔅᑯᑕᔪᐤ ᐊ ‍ ᐊᔅᑕᑦ ᐊᓐᑕ ᐱᔅᑎᓂᒐᐅᓇᐱᔅᑯᒡ ᐊ ‍ ᐅᑎᓇᐧᒃ᙮ ᐊᑯ ᐊᓐᑕ ᐊᔅᒋᒡ ᑲ ᐃᓯ ‍ ᐛᐱᓇᐧᒃ ᐊᓂᔭ ᐃᔅᑯᑕᔪᐤ, ᑎᐛᒡ ᒪᒃ ᒋ ‍ ᐸᑕᑯᓱᐅᒡ ᓂᒥᔅᒍᐅᒡ ᑭᔭ ᒋ ᒥᔅᑎ ‍ ᐅᔄᔅᑕᐱᔪᐤ ᑭᔭ ᒋ ‍ ᑯᐃᐧᑯᓐ᙮
\s1 ᐊᓂᔭᔪᐛ ᓂᔅᑎᒻ ᓇᐤ ᐳᑕᒋᑭᓇ
\p
\v 6 ᐊᑯ ᐊᓐᒡ ᓂᔄᐅᑕᒡ ᐊᓐᒋᓐᒡ ᓂᔄᐅᑕᒡ ᐳᑕᒋᑭᓇ ᑲ ‍ ᑕᐧᑯᓇᒡ ᒂ ‍ ᐊᔭᔅᑯᐎᒡ ᒐᒋ ᐳᑕᑕᒡ ᐊᓂᔭᔪᐛ ᐳᑕᒋᑭᓇ᙮
\p
\v 7 ᐊᑯ ᐊᓐ ᓂᔅᑎᒻ ᐊ ‍ ᑕᑦ ᐊᓐᒋᓐ ᒂ ‍ ᐳᑕᑕᐧᒃ ᐅᐳᑕᒋᑭᓐ᙮ ᒋ ‍ ᒥᔅᑯᒥᔪᑕᓐ ᑭᔭ ᐃᔅᑯᑕᐤ ᒋ ‍ ᐸᒋᑎᓐ ᐊ ‍ ᒪᒧᐱᔨᒡ ᒥᐧᒄ ᐊᓐᑕ ᐊᔅᒋᒡ ᐊ ᐃᓯ ‍ ᐸᒋᑎᒡ᙮ ᒐᑲᑦ ᐊᐱᑐᐤ ᐊ ‍ ᐃᔅᐱᑎᔅᑭᒥᑲᒡ ᐊᔅᒋᔾ ᒋ ‍ ᐃᔎᑕᐤ᙮ ᒐᑲᑦ ᒪᒃ ᐊᐱᑐᐤ ᒋ ‍ ᐃᔅᐱᔅ ᐃᔎᓱᐅᒡ ᒥᔅᑎᑯᒡ᙮ ᒥᓯᐛ ᑭᔭ ᒥᔅᑯᓱᐛ ᒋ ‍ ᐃᔎᑕᐛ᙮
\p
\v 8 ᐊᑯ ᒥᓐ ᑯᑎᒃ ᐊᓐᒋᓐ ᒂ ‍ ᐳᑕᑕᐧᒃ ᐅᐳᑕᒋᑭᓐ᙮ ᒧᔭᒻ ᒥᔅᑎ ᐱᔅᑯᑎᓇᐤ ᐊ ‍ ᐃᔅᑯᑕᐅᒡ ᒋ ‍ ᐃᓯᓇᑯᓐ ᒐᒂᓐ ᐎᓂᐸᑯᒡ ᐊ ᐃᓯ ‍ ᐛᐱᓇᑭᓄᐅᒡ᙮ ᒐᑲᑦ ᒪᒃ ᐊᐱᑐᐤ ᐊᓐ ᐎᓂᐸᒄ ᒋ ᐊᑎ ‍ ᓱᐎᐧᑲᐤ᙮
\v 9 ᒥᓯᐛ ᑕᓐ ᑲ ᐃᓯ ‍ ᐱᒪᑎᓯᒥᑲᒡ ᓂᐱᒡ ᒐᑲᑦ ᐊᐱᑐᐤ ᒋ ‍ ᓂᐱᒥᑭᓐ᙮ ᑭᔭ ᐸᐃᒄ ᐊᓯᑯᒻ ᓂᔅᑐ ᐊ ‍ ᒥᓴᒡ ᐅᐤᑕ ᐊᓐᑕ ᑲ ‍ ᑎᒂᒋ ᒋ ‍ ᓂᓱᐅᓇᑎᓇ᙮
\p
\v 10 ᐊᑯ ᐊᓐ ᓂᔅᑐ ᐊ ‍ ᑕᑦ ᐊᓐᒋᓐ ᒂ ‍ ᐳᑕᑕᐧᒃ ᐅᐳᑕᒋᑭᓐ᙮ ᐊ ‍ ᒥᓯᑎᑦ ᐅᒐᑭᑕᐧᒄ ᒋ ‍ ᐸᒋᓯᓄᐤ ᒋᓯᑯᒡ ᐅᒡ ᐊᓐᑕ ᐃᔅ ᐊᔅᒋᒡ᙮ ᒧᔭᒻ ᐊᓐᑕ ᐊ ‍ ᐅᓂᔎᑎᑯᐅᑦ ᒥᔅᑎᒄ ᐊ ‍ ᐱᓱᑦ, ᐊᐅᑯᓐ ᑲ ‍ ᐃᓯᓇᑯᓯᑦ ᐊᓐ ᐅᒐᑭᑕᐧᒄ᙮ ᒐᑲᑦ ᒪᒃ ᐊᐱᑐᐤ ᐊ ‍ ᑕᑎᔨᒋ ᓯᐱᔭ ᑭᔭ ᐊᓐᑕ ᐸᒪᒍᐅᒡ ᓂᐱᔾ, ᐊᑯᑕ ᑲ ᐃᓯ ‍ ᐸᒋᓯᐧᒃ ᐊᓐ ᐅᒐᑭᑕᐧᒄ᙮
\v 11 ᐊᓐ ᒪᒃ ᐅᒐᑭᑕᐧᒄ ᐎᓯᑭᓐ ᒋ ‍ ᐃᓯᓂᐧᑲᓱᐤ᙮ ᒐᑲᑦ ᒪᒃ ᐊᐱᑐᐤ ᐊᓐᑕ ᐊ ᐊᑎ ‍ ᑎᒂᒡ ᓂᐱᔾ ᒋ ‍ ᐎᓯᑲᐧᑭᒧᐤ᙮ ᒥᒐᑦ ᐊᐛᓐᒋ ᒋ ‍ ᓂᐸᐃᑯᐅᒡ ᐊᓂᔭ ᓂᐱᔪᐤ ᐊ ‍ ᒥᓂᒡ ᐊᑲ ᐅᒋ ᒥᔽᑭᒥᔨᒡ᙮
\p
\v 12 ᐊᑯ ᐊᓐ ᓇᐤ ᐊ ‍ ᑕᑦ ᐊᓐᒋᓐ ᒂ ‍ ᐳᑕᑕᐧᒃ ᐅᐳᑕᒋᑭᓐ᙮ ᒐᑲᑦ ᐊᐱᑐᐤ ᐊᓐ ᐱᓯᒻ, ᑭᔭ ᒐᑲᑦ ᐊᐱᑐᐤ ᑎᐱᔅᑲᐤ ᐱᓯᒻ ᑭᔭ ᒐᑲᑦ ᐊᐱᑐᐤ ᐊ ‍ ᐃᑕᑎᓯᒡ ᐅᒐᑭᑕᐧᑯᒡ ᒋ ‍ ᑎᑯᓂᔪᐤ ᑲ ᐃᓯ ‍ ᓂᓱᐅᓇᒋᐊᑭᓄᐎᒡ, ᐊᑯ ᓇᒪ ᓇᔅᒡ ᐊᐱᑐᐤ ᐊ ‍ ᐃᔎᔨᒡ ᐊᔅᐱᔅ ᒋᐧᑲᔭᔅᑐᐛᒡ ᓇᒪ ᐅᒋ ᐃᔅᐱᔅ ᒋᐧᑲᔭᔅᑐᐛᐅᒡ᙮ ᒐᑲᑦ ᐊᐱᑐᐊᒋᓯᑲᔨᒡ ᐃᔅᐱᔅ ᓇᒪ ᐅᒋ ᒋᐧᑲᔭᔅᑐᐛᐤ ᐱᓯᒻ᙮ ᑎᐱᔅᑲᐤ ᐱᓯᒻ ᑭᔭ ᐅᒐᑭᑕᐧᑯᒡ ᑭᔭ ᐎᔨᐛᐤ ᓇᒪ ᐅᒋ ᒋᐧᑲᔭᔅᑐᐛᐅᒡ ᒐᑲᑦ ᐊᐱᑐᐊᑎᐱᔅᑲᔨᒡ ᐃᔅᐱᔅ᙮
\p
\v 13 ᒪᒂᒡ ᒪᒃ ᐊ ‍ ᐃᑕᐱᔭᓐ, ᓂᒋ ‍ ᐛᐱᒪᐤ ᒥᒋᓱᐤ ᐊ ‍ ᐱᐸᒥᔭᑦ ᐊᓐᑕ ᒋᓯᑯᒡ ᐊ ‍ ᒋᔄᐛᑦ ᐊ ‍ ᐃᔅᒋᔄᑦ, “ᑯᔅᑕᑎᑯᓐ, ᑯᔅᑕᑎᑯᓐ, ᒋᑭ ‍ ᑯᔅᑕᑎᑯᓐ ᑕᓐ ᒐ ‍ ᐃᔅᐱᔨᑦ ᒥᓯᐛ ᐊᐛᓐ ᐅᑕ ᐊᔅᒋᒡ ᐊ ‍ ᑕᑦ ᐃᔅᐱ ᐳᑕᑕᒂᐛ ᐅᐳᑕᒋᑭᓄᐛᐛ ᐊᓐᒡ ᓂᔅᑐ ᐊᓐᒋᓐᒡ ᐊᔅᒄ ᐊᑲ ᐅᒋ ᐳᑕᑕᒡ ᐅᐳᑕᒋᑭᓄᐛᐛ᙮”
\c 9
\s1 ᐱᑕᑕᒡ ᐳᑕᒋᑭᓐ
\p
\v 1 ᐊᑯ ᒥᓐ ᑯᑎᒃ ᐊᓐᒋᓐ ᒂ ‍ ᐳᑕᑕᐧᒃ ᐅᐳᑕᒋᑭᓐ᙮ ᐊᐅᒄ ᐊᑯ ᐱᑕᑕᒡ ᐊᓐᒋᓐᒡ ᑲ ‍ ᐳᑕᑕᒡ ᐅᐳᑕᒋᑭᓄᐛᐛ᙮ ᐊᑯ ᒂ ‍ ᐛᐱᒥᒃ ᐅᒐᑭᑕᐧᒄ ᐊᔅᒋᒡ ᐊᒋ ᐃᓯ ‍ ᐸᒋᓯᓂᒂ ᒋᓯᑯᒡ ᐅᒡ᙮ ᒋ ‍ ᒥᔭᑭᓄᐤ ᐊᐸᐃᑭᓂᔪᐤ ᒐᒋ ᓴᓇᐧᒃ ᐊᓂᔭ ᑲ ᒥᔅᑎ ‍ ᐱᑯᓇᔭᔨᒡ ᐊᓐᑕ ᐃᔅ ᑕᒥᒡ ᐊᔅᒋᒡ᙮
\v 2 ᐃᔅᐱ ᒪᒃ ᑲ ‍ ᓴᓇᐧᒃ ᐊᓂᔭ ᑲ ᒥᔅᑎ ‍ ᐱᑯᓇᔭᔨᒡ ᒋ ᐅᒋ ‍ ᐎᐎᔭᐸᑕᐱᔪᐤ ᐊ ᒥᔅᑎ ‍ ᐊᒂᐸᑕᔨᒡ ᒧᔭᒻ ᐊᓐᑕ ᐊ ᒥᔅᑎ ‍ ᐃᔎᑕᒡ ᑲᒋ ᐃᔅᐱᔅ ‍ ᐊᒂᐸᑕᒡ᙮ ᒋ ‍ ᐎᐸᐸᑕᐤ ᒪᒃ ᐊᓐᑕ ᒋᓯᑯᒡ᙮ ᐱᓯᒻ ᑭᔭ ᒋ ᐊᑎ ‍ ᐅᑲᔅᑕᐱᔪᐤ ᐊ ᐃᔅᐱᔅ ‍ ᐊᒂᐸᑕᔨᒡ᙮
\v 3 ᐊᓐᑕ ᒪᒃ ᐊᓐ ᐊ ‍ ᐊᒂᐸᑕᒡ, ᐊᑯᑕ ᑲ ‍ ᐅᒋᐱᔨᒡ ᒥᓐᑐᓯᓯᒡ ᒧᔭᒻ ᒂᔅᑯᑎᓯᓯᒡ ᐊ ‍ ᐃᓯᓇᑯᓯᒡ ᐊᓐᑕ ᐊᔅᒋᒡ ᐊ ᐊᑎ ‍ ᐃᑕᒡ᙮ ᒧᔭᒻ ᒪᒃ ᐊ ‍ ᐃᑎᔨᒋ ᐊᓂᔭ ᒥᓐᑐᓯᓴ ᐊ ‍ ᐱᒋᔅᑲᐛᔨᒋ ᐊᐛᔪᐛ ᑲᒋ ᐅᒋ ‍ ᓂᓱᐅᓇᒋᐊᔨᒋ, ᐊᐅᑯᓐ ᑲ ᐃᓯ ‍ ᒥᔭᑭᓄᐎᒡ ᐅᒡ ᒐᒋ ᐃᑎᒡ᙮
\v 4 ᒋ ‍ ᐃᑕᑭᓄᐎᒡ ᒐ ᐊᑲ ᒋ ᓂᓱᐅᓇᒋᑕᒡ ᒥᔅᑯᓱᐛ ᐊᓐᑕ ᐊᔅᒋᒡ ᑭᔭ ᒥᔅᑎᒂ ᒐ ᐊᑲ ᒋ ᓂᓱᐅᓇᒋᐊᒡ ᑭᔭ ᑕᓐ ᐊ ᐃᓯ ‍ ᓂᑕᐅᒋᓂᔨᒋ ᓂᑕᐅᒋᑕᑭᓇ᙮ ᒥᒄ ᐊᓂᔭᔪᐛ ᐊᐛᔪᐛ ᐊᑲ ᐊᔭᔨᒋ ᒋᓴᒪᓂᑐᐛ ᐅᒋᔅᒋᓄᐛᒋᒋᑭᓂᔪᐤ ᐊᓐᑕ ᐅᔅᑲᑎᑯᐎᒡ, ᐊᐅᑯᓂ ᐊᓂᔭᔪᐛ ᑲ ‍ ᒥᔭᑭᓄᐎᒡ ᒐᒋ ᐎᔭᔅ ‍ ᐃᑐᑐᐛᒡ᙮
\v 5 ᓇᒪ ᐅᒋ ᐱᔅᑎᓇᑭᓄᐎᒡ ᒐᒋ ᓂᐸᐊᒡ ᐅᔭ ᐊᐛᔪᐛ, ᒥᒄ ᒐᒋ ᐛᐎᓯᒐᔨᑎᒥᐊᒡ ᐱᑕᑕᒡ ᑕᑐᐤ ᐱᓯᒺ ᐃᔅᐱ᙮ ᐊᓂᔭ ᒪᒃ ᐊ ᐃᓯ ‍ ᐛᐎᓯᒐᔨᑎᒥᐃᐛᒡ ᒧᔭᒻ ᐊ ᐃᓯ ‍ ᐛᐎᓯᒐᔨᑎᒥᐃᐛᔨᒋ ᒥᓐᑐᓯᓴ ᐊ ‍ ᐱᒋᔅᑯᐛᔨᒋ ᐊᐛᔪᐛ ᑲᒋ ᐅᒋ ‍ ᓂᓱᐅᓇᒋᐊᔨᒋ, ᐊᐅᑯᓐ ᑲ ‍ ᐃᑕᔨᑕᑯᓂᔨᒡ᙮
\v 6 ᐱᑕᑕᒡ ᑕᑐᐤ ᐱᓯᒺ ᒪᒃ ᐃᔅᐱᔅ ᒋᑭ ‍ ᓇᓂᑐᐤ ᒥᔅᑭᒧᒡ ᐊᓐᒡ ᐊᐛᓐᒋ ᑕᓐᑕ ᒐᒋ ᐅᒋ ‍ ᓂᐱᒡ, ᒥᒄ ᒪᒃ ᓇᒪ ᒋᑭ ᐅᒋ ‍ ᒥᔅᑭᒧᒡ᙮ ᒋᑭ ‍ ᓂᑐᐛᔨᑎᒧᒡ ᒐᒋ ᓂᐱᒡ ᓇᒪ ᒥᒄ ᒋᑭ ᐅᒋ ‍ ᓂᐳᐅᒡ᙮
\p
\v 7 ᐊᓐᒡ ᒪᒃ ᒥᓐᑐᓯᓯᒡ ᒧᔭᒻ ᒂᔅᑯᑎᓯᓯᒡ ᑲ ‍ ᐃᓯᓇᑯᓯᒡ ᒧᔭᒻ ᐊᓐᑕ ᑲᐸᐃᑭᔎᐅᒡ ᐊᒋ ‍ ᐊᔭᔅᑯᐊᑭᓄᐎᒡ ᐊᓐᑕ ᐊ ‍ ᒪᓯᒐᓄᐎᒡ ᒐᒋ ᐃᔅᐸᔨᑐᒡ, ᐊᐅᑯᓐ ᑲ ‍ ᐃᓯᓇᑯᓯᒡ᙮ ᐊᓐᑕ ᐅᔅᑎᒂᓂᐛᒡ ᒋ ‍ ᒋᔅᑭᒧᒡ ᒐᒂᔪᐛ ᒧᔭᒻ ᒋᓴᐅᒋᒪᐅᑯᓂᔎᐅᓇ ᐊ ‍ ᐎᔄᐅᓱᓇᔭᐱᔅᑯᔨᒋ ᐊ ‍ ᐃᓯᓇᑯᓂᔨᒋ᙮ ᐅᑕᔅᑎᒥᐧᑯᐛᐛ ᒧᔭᒻ ᐃᔪᐤ ᒥᑕᔅᑎᒧᒂ ᒋ ‍ ᐃᓯᓇᑯᓂᔪᐛ᙮
\v 8 ᐅᐱᔎᐅᓄᐛᐛ ᒧᔭᒻ ᐃᔎᐤ ᐅᐱᔎᐅᓇ ᒋ ‍ ᐃᓯᓇᑯᓂᔪᐛ, ᐊᑯ ᐎᐱᑐᐛᐛ ᒧᔭᒻ ᒥᓯᐱᓱᐤ ᐎᐱᑕ ᐊᐅᑯᓐ ᑲ ‍ ᐃᓯᓇᑯᓂᔨᒋ᙮
\v 9 ᒋ ‍ ᐅᔅᑲᔅᒋᑭᓇᐱᔅᑯᐅᒡ ᒪᒃ᙮ ᐊᓂᔭᔪᐛ ᒪᒃ ᐅᔅᑲᔅᒋᑭᓇᐱᔅᑯᐛᐛ ᒧᔭᒻ ᐃᓴᒄ ᒥᔅᑲᔅᒋᑭᓇᐱᔎ ᐊᐅᑯᓐ ᑲ ‍ ᐃᓯᓇᑯᓂᔨᒋ᙮ ᐅᑎᑎᑭᓄᐛᐛ ᒪᒃ ᒧᔭᒻ ᐊ ‍ ᒥᒐᑎᒡ ᑎᑎᐱᑕᐸᓇᔅᑯᒡ ᐊ ‍ ᐱᒥᑕᐸᒡ ᑲᐸᐃᑭᔎᐅᒡ, ᐊᐅᑯᓐ ᑲ ‍ ᐃᑎᑕᑯᓂᔨᒋ᙮
\v 10 ᐅᓱᐛᐛ ᒧᔭᒻ ᐊᒧᐤ ᐅᐱᒋᔅᑲᐃᑭᓐ ᐊ ‍ ᐃᑕᔨᑕᑯᓂᔨᒡ, ᐊᐅᑯᓐ ᑲ ‍ ᐃᑕᔨᑕᑯᓂᔨᒋ᙮ ᑭᔭ ᒧᔭᒻ ᐊᓐᒡ ᒥᓐᑐᓯᒡ ᑲ ‍ ᐱᒋᔅᑯᐛᒡ ᐊᐛᔪᐛ ᐊ ‍ ᐃᓯᓇᑯᓂᔨᒋ ᐅᓱᐛᐛ, ᐊᐅᑯᓐ ᑲ ‍ ᐃᓯᓇᑯᓂᔨᒋ ᐅᓱᐛᐛ ᐅᒡ ᒂᔅᑯᑎᓯᓯᒡ᙮ ᐊᐅᑯᓂ ᒪᒃ ᐊᓂᔭᔪᐛ ᐅᓱᐛᐛ ᑲ ‍ ᐊᐱᒋᑕᒡ ᒐᒋ ᐛᐎᓯᒐᔨᑎᒥᐊᒡ ᐊᐛᔪᐛ ᐱᑕᑕᒡ ᑕᑐᐤ ᐱᓯᒺ ᐃᔅᐱᔅ᙮
\v 11 ᐊᓂᔭᔪᐛ ᐊᓐᒋᓇ ᑲ ‍ ᐅᒋᒪᐅᑐᑎᒥᔨᒋ ᐊᓂᔭ ᑲ ᒥᔅᑎ ‍ ᐱᑯᓇᔭᔨᒡ, ᐊᐅᑯᓂ ᐊᓂᔭᔪᐛ ᑲ ‍ ᐅᒋᒪᒥᒡ᙮ ᐃᑉᕈᐤ ᐊ ᐃᓯ ‍ ᐃᔨᒥᓇᓄᐎᒡ, ᐊᐸᑐᓐ ᒋ ‍ ᐃᓯᓂᐧᑲᓱᔪᐛ᙮ ᑯᕆᒃ ᒪᒃ ᐊ ᐃᓯ ‍ ᐃᔨᒥᓇᓄᐎᒡ, ᐊᐳᓕᔪᓐ ᒋ ‍ ᐃᓯᓂᐧᑲᓱᔪᐛ᙮ ᑲ ‍ ᓂᓱᐅᓇᒋᐃᐛᑦ ᐃᓯ ᐱᔭᑭᔅᒋᑕᑭᓄᐅᔪᐤ ᐊᓂᔭ ᐅᑦ ᐃᓯᓂᐧᑲᓱᐅᓐ᙮
\p
\v 12 ᐊᓐ ᓂᔅᑎᒻ ᒐ ᐃᓯ ‍ ᓂᓇᐧᑲᑕᔨᒧᓇᓄᐅᒡ ᓴᔅ ᒋᔅᑕᐱᔪᐤ᙮ ᐊᔅᒄ ᒪᒃ ᓂᓱ ᒐᒂᔪᐛ ᐊ ‍ ᑯᔅᑕᑎᒂᒋ ᒋᑭ ‍ ᐸᐱᔪᐛ ᒐ ‍ ᐃᔅᐱᔨᒡ ᐊᐛᓐᒋ᙮
\s1 ᐊᓱᑕᒡ ᐳᑕᒋᑭᓐ
\p
\v 13 ᐊᑯ ᐊᓐ ᐊᓱᑕᒡ ᐊ ‍ ᑕᑦ ᐊᓐᒋᓐ ᒂ ‍ ᐳᑕᑕᐧᒃ ᐅᐳᑕᒋᑭᓐ᙮ ᓂᒋ ‍ ᐸᑐᐛᐤ ᒪᒃ ᐊᐛᓐ ᐊ ‍ ᐃᔨᒥᑦ ᐊᓐᑕ ᓇᐎᒡ ᐊ ᐃᓯ ‍ ᑭᒋᒐᔭᔨᒡ ᐊᓂᔭ ᑲ ‍ ᐎᔄᐅᓱᓇᔭᐱᔅᑯᓂᔨᒡ ᐱᔅᑎᓂᒐᐤ ᒥᒋᓱᐛᑭᓇᑎᑯᔪᐤ ᐅᑎᔅᑯᐤ ᒋᓴᒪᓂᑐᐛ ᐊ ‍ ᑕᔨᒋ ᑲ ‍ ᑎᑯᓂᔨᒡ ᐊ ᐅᒋ ‍ ᐸᑕᑯᓯᑦ᙮
\v 14 ᒋ ‍ ᐃᑕᑭᓄᐤ ᐊᓐ ᐊᓱᑕᒡ ᐊ ‍ ᑕᑦ ᐊᓐᒋᓐ, “ᐊᐱᐧᑯᓂᒡ ᐊᓐᒡ ᓇᐤ ᐊᓐᒋᓐᒡ ᑲ ‍ ᒪᑯᐱᓱᒡ ᐊᓐᑕ ᔪᑉᕆᑎᔅ ᐊ ‍ ᐃᓯᓂᐧᑲᑕᔨᒡ ᒥᔅᑎ ᓯᐱᔪᐤ᙮”
\v 15 ᐊᑯ ᒂ ‍ ᐊᐱᐧᑯᓇᑭᓄᐎᒡ ᐊᓐᒡ ᓇᐤ ᐊᓐᒋᓐᒡ᙮ ᐛᔅ ᐊᐅᒄ ᐅᔭ ᑎᐸᐃᑭᓂᔪᐤ, ᐊᐅᒄ ᐅᔭ ᐊ ‍ ᒋᓯᑲᔨᒡ, ᐊᐅᒄ ᐅᔭ ᐱᓯᒺ ᑭᔭ ᐊᐅᒄ ᐅᔭ ᐊ ‍ ᐱᐳᓂᔨᒡ ᑲ ᐃᓯ ‍ ᐊᔭᔅᑯᐊᑭᓄᐛᐛᒂ ᒐᒋ ᐊᐱᐧᑯᓇᑭᓄᐎᒡ ᑭᔭ ᒐᒋ ᓂᐸᐊᒡ ᐸᐃᒄ ᐊᓯᑯᒻ ᓂᔅᑐ ᒥᓯᐛ ᐊᐛᔪᐛ᙮
\v 16 ᓂᒋ ‍ ᐸᑎᒺᓐ ᒪᒃ ᑕᓐ ᑲ ‍ ᐃᑕᑎᓯᒡ ᐊᓐᒡ ᐊᓯᒪᑭᓂᓯᒡ᙮ ᓂᓱ ᒥᑕᓯᒥᑎᓄᐤ ᒋᓴ ‍ ᒥᑕᑐᒥᑎᓇᐛᐤ ᒐᓯᐱᔪᐤ᙮
\p
\v 17 ᐊᓐ ᒪᒃ ᑲ ᐃᓯ ‍ ᐛᐸᑎᔨᑯᐅᔭᓐ, ᓂᒋ ‍ ᐛᐱᒪᐅᒡ ᑲᐸᐃᑭᔎᐅᒡ ᑭᔭ ᐊᓐᒡ ᑲ ‍ ᑕᑎᐱᒡ ᐊᓂᔭᔪᐛ ᑲᐸᐃᑭᔎᐛ᙮ ᒥᔅᑲᔅᒋᑭᓇᐱᔎ ᒋ ‍ ᒋᔅᑭᒧᒡ ᐊᓐᒡ ᑲ ‍ ᑕᑎᐱᒡ ᐊᓂᔭᔪᐛ ᑲᐸᐃᑭᔎᐛ, ᐊ ‍ ᒥᒂᔨᒋ ᑕᐱᔅᑯᓐ ᐃᔅᑯᑕᐤ ᑲ ᐃᔅᐱᔅ ‍ ᒥᒂᒡ ᑭᔭ ᐊ ‍ ᐱᒋᔅᑭᓇᔨᒋ ᑭᔭ ᐊ ‍ ᐎᔄᐛᔨᒋ᙮ ᐊᓐᒡ ᒪᒃ ᑲᐸᐃᑭᔎᐅᒡ ᐅᔅᑎᒂᓄᐛᐛ ᒧᔭᒻ ᒥᓯᐱᓱᐤ ᒥᔅᑎᒂᓇ ᒋ ‍ ᐃᓯᓇᑯᓂᔪᐛ᙮ ᐅᑐᓄᐛᒡ ᒋ ᐅᒋ ‍ ᓴᑲᐸᑕᐱᔪᐤ ᐊ ‍ ᐊᒂᐸᑕᔨᒡ ᑭᔭ ᐃᔅᑯᑕᔪᐤ ᒋ ᐅᒋ ‍ ᓄᑯᓂᔪᐤ ᑭᔭ ᐊ ‍ ᐎᔄᐛᐸᑕᔨᒡ ᒐᒂᔪᐤ᙮
\v 18 ᒐᑲᑦ ᐊᐱᑐᐤ ᐊ ‍ ᑎᓯᒡ ᐊᐛᓐᒋ ᐊᓐᑕ ᐊᔅᒋᒡ ᒋ ‍ ᓂᐸᐃᑯᐅᒡ ᐊᓂᔭ ᐊ ‍ ᐊᒂᐸᑕᔨᒡ, ᐊᓂᔭ ᐃᔅᑯᑕᔪᐤ ᑭᔭ ᐊᓂᔭ ᑲ ‍ ᐎᔄᐛᐸᑕᔨᒡ ᒐᒂᔪᐤ ᐅᑐᓂᔨᒡ ᐊᓂᔭᔪᐛ ᑲᐸᐃᑭᔎᐛ ᑲ ‍ ᐅᒋᐱᔨᒡ᙮
\v 19 ᐊᓐᒡ ᒪᒃ ᑲᐸᐃᑭᔎᐅᒡ ᐅᑐᓄᐛᒡ ᑭᔭ ᐅᓱᐛᒡ ᒋ ‍ ᑎᑯᓂᔪᐤ ᐅᒥᔅᑯᓯᐅᓄᐛᐤ᙮ ᐊᓂᔭᔪᐛ ᒪᒃ ᐅᓱᐛᐛ ᑕᐱᔅᑯᓐ ᒥᔅᑎᒋᓇᐱᒄ ᒋ ‍ ᐃᓯᓇᑯᓂᔪᐛ, ᐊᒋ ‍ ᐅᔅᑎᒂᓄᓂᔨᒋ᙮ ᐊᐅᑯᓐ ᒪᒃ ᐊᓂᔭᔪᐛ ᑲ ‍ ᐊᐱᒋᑕᒡ ᐊ ‍ ᐛᐎᓯᒐᔨᑎᒥᐊᒡ ᐊᐛᔪᐛ᙮
\p
\v 20 ᐊᓐᒡ ᒪᒃ ᐊᐛᓐᒋ ᐊᑲ ᐅᒋ ᓂᓱᐅᓇᒋᐃᑯᒡ ᑲ ‍ ᓂᓱᐅᓇᒋᐃᐛᒥᑭᓂᔨᒋ ᒐᒂᔪᐛ, ᓇᒪ ᐃᔭᐱᒡ ᐅᒋ ᒥᑕᒋᔨᐛᔨᑎᒧᒡ ᑭᔭ ᓇᒪ ᐅᒋ ᐳᓂᐅᒡ ᑕᓐ ᑲ ᐃᓯ ‍ ᒥᒋᑐᑕᒡ᙮ ᓇᒪ ᐅᒋ ᒂᔅᑲᑎᓯᐅᒡ ᑭᔭ ᓇᒪ ᐅᒋ ᐳᓂᐅᒡ ᐊ ‍ ᐊᔭᒥᐊᔅᑐᐛᒡ ᒥᒋ ‍ ᐊᒐᒂ ᑭᔭ ᐊᓂᔭ ᒥᓂᑐᐧᑲᓇ ᑲ ‍ ᐎᔄᐅᓱᓇᔭᐱᔅᑯᔨᒋ, ᑲ ‍ ᐛᓴᔭᐱᒋᓯᔨᒋ, ᑭᔭ ᑲ ‍ ᐎᔄᐛᐱᔅᒋᓯᔨᒋ ᑲ ‍ ᐃᓯᓇᑯᓯᔨᒋ, ᑭᔭ ᐊᓂᔭ ᑲ ‍ ᐊᓯᓂᐅᔨᒋ, ᑭᔭ ᐊᓂᔭ ᑲ ‍ ᒥᔅᑎᑯᔨᒋ᙮ ᓇᒪ ᐅᒋ ᒥᑕᒋᔨᐛᔨᑎᒧᒡ ᑭᔭ ᓇᒪ ᐅᒋ ᐳᓂᐅᒡ ᐊ ‍ ᐊᔭᒥᐊᔅᑐᐛᒡ ᐊᓂᔭᔪᐛ ᒥᓂᑐᐧᑲᓇ ᐊᑲ ᐛᐸᑎᒥᔨᒋ ᑭᔭ ᐊᑲ ᐸᑎᒥᔨᒋ ᑭᔭ ᐊᑲ ᐱᒧᑕᔨᒋ᙮
\v 21 ᓇᒪ ᑭᔭ ᐅᒋ ᒥᑕᒋᔨᐛᔨᑎᒧᒡ ᑭᔭ ᓇᒪ ᐅᒋ ᐳᓂᐅᒡ ᐊ ‍ ᓂᐸᐃᐛᒡ, ᐊ ‍ ᒥᑕᐛᑎᓯᒡ, ᐊ ‍ ᐎᓂᓱᐤ ᐱᒪᑎᓯᒡ ᑭᔭ ᐊ ‍ ᑭᒐᒧᑎᒡ᙮
\c 10
\s1 ᐊᓐᒋᓐ ᑭᔭ ᐊᓐ ᑲ ‍ ᐊᐱᓴᓯᒡ ᒥᓯᓇᐃᑭᓐ
\p
\v 1 ᒥᓐ ᒂ ᐃᓯ ‍ ᐛᐸᑎᔨᑯᔭᓐ, ᒥᓐ ᑯᑎᒃ ᐊ ‍ ᓱᒐᔨᑕᑯᓯᑦ ᐊᓐᒋᓐ ᓂᒋ ‍ ᐛᐱᒪᐤ ᒋᒋᒋᓯᑯᒡ ᐊ ‍ ᐅᑐᑕᑦ, ᑭᔅᑯᐅᓂᔎ ᐊ ‍ ᐅᑦ ᐊᑯᐱᑦ᙮ ᐎᐧᑯᐱᓴᑭᓂᔪᐤ ᒋ ‍ ᐛᔅᑲᑯᑕᔪᐤ ᐊᓐᑕ ᐅᔅᑎᒂᓂᒡ᙮ ᐅᑕᔅᑎᒥᐧᒄ ᒧᔭᒻ ᐱᓯᒻ ᐊ ᐃᓯ ‍ ᒋᐧᑲᔭᔅᑐᐛᑦ ᒋ ‍ ᐃᓯᓇᑯᓂᔪᐤ᙮ ᐊᑯ ᐅᔅᑲᑕ ᒧᔭᒻ ᓯᑥᔎᐃᑭᓇ ᐊ ‍ ᐃᔅᑯᑕᐅᔨᒋ ᒋ ‍ ᐃᓯᓇᑯᓂᔪᐛ᙮
\v 2 ᒋ ‍ ᑕᐧᑯᓂᒻ ᒥᓯᓇᐃᑭᓂᓯᔪᐤ ᐅᑎᒋᒡ᙮ ᐊᒋ ‍ ᑎᑎᐸᔭᒋᓂᑭᓄᐎᒡ᙮ ᐊᑯ ᐊᓂᔭ ᐅᒥᔪᐅᓂᒡ ᐅᓯᑦ ᐊᓐᑕ ᐃᑕᒐ ᐎᓂᐸᑯᒡ ᒋ ᐃᓯ ‍ ᑕᐧᑯᔅᒐᐤ, ᐊᑯ ᐊᓂᔭ ᐅᓂᔅᐸᒋᐅ ᐅᓯᑦ ᐊᔅᒋᒡ ᒋ ᐃᓯ ‍ ᑕᐧᑯᔅᒐᐤ᙮
\v 3 ᐊᑯ ᒂ ‍ ᑕᑈᑦ ᒧᔭᒻ ᒥᓯᐱᓱᐤ ᐊ ‍ ᐃᑎᑕᑯᓯᑦ᙮ ᐃᔅᐱ ᒪᒃ ᑲ ‍ ᑕᑈᑦ ᐊᓐᒡ ᓂᔄᐅᑕᒡ ᑲ ‍ ᐃᑕᑎᓯᒡ ᓂᒥᔅᒍᐅᒡ ᒋ ᐅᒋ ‍ ᐸᑕᑯᓱᐅᒡ ᒧᔭᒻ ᐊ ‍ ᐃᔨᒥᒡ ᐊ ‍ ᐃᑎᑕᑯᓯᒡ᙮
\v 4 ᐃᔅᐱ ᒪᒃ ᑲ ‍ ᐸᑕᑯᓯᒡ ᐊᓐᒡ ᓂᔄᐅᑕᒡ ᑲ ‍ ᐃᑕᑎᓯᒡ ᓂᒥᔅᒍᐅᒡ ᒧᔭᒻ ᐊ ‍ ᐃᔨᒥᒡ ᑲ ‍ ᐃᑎᑕᑯᓯᒡ, ᓂᒋ ᐎ ᒋᒋ ‍ ᒥᓯᓇᐃᒐᓐ᙮ ᐊᑯ ᒂ ᐅᒋ ‍ ᐸᑎᒪᓐ ᐸᑕᑯᓱᐅᓐ ᒋᒋᒋᓯᑯᒡ ᐅᒡ ᐊ ‍ ᐃᑎᑯᔭᓐ, “ᐊᑲᐎᔾ ᒥᓯᓇᐊ ᑕᓐ ᑲ ‍ ᐃᔅᒋᔄᒡ ᐊᓐᒡ ᓂᒥᔅᒍᐅᒡ᙮ ᐊᑲᐎᔾ ᐊᐛᓐ ᒋᑭ ᐅᒋ ‍ ᒋᔅᒐᔨᑎᒻ᙮”
\p
\v 5 ᐊᑯ ᐊᓐ ᐊᓐᒋᓐ ᓂᐱᑕ ᐊᓐᑕ ᐎᓂᐸᑯᒡ ᑭᔭ ᓂᐱᑕ ᐊᔅᒋᒡ ᑲ ᐃᓯ ‍ ᑕᐧᑯᔅᒐᑦ ᑲ ‍ ᐅᐱᓂᔅᒐᐱᔨᑕᑦ ᐅᒥᔪᓂᑎᒋᔾ ᒋᒋᒋᓯᑯᒡ ᐃᔅ᙮
\v 6 ᐊᑯ ᒂ ‍ ᐃᔅᒋᔄᑦ, “ᐊᐅᒄ ᐅ ᐊ ‍ ᐃᔅᒋᔄᔭᓐ ᐅᑎᔅᑯᐤ ᒋᓴᒪᓂᑐᐤ ᐊ ‍ ᑕᑦ, ᐊᓐ ᑲᒋᒡ ᑲ ‍ ᐱᒪᑎᓯᑦ, ᒋᓯᑯᔪᐤ, ᐊᔅᒋᔪᐤ ᑭᔭ ᐎᓂᐸᑯᔪᐤ ᑭᔭ ᒥᓯᐛ ᐊ ᐃᓯ ‍ ᑎᑯᓂᔨᒡ ᐊᓐᑕ ᒋᓯᑯᒡ, ᐊᔅᒋᒡ ᑭᔭ ᐎᓂᐸᑯᒡ ᑲ ‍ ᐅᓯᑕᑦ, ᐊᑯᓐ ᒐ ᐃᔅᐱᔅ ‍ ᓇᑲᐎᑦ, ᐊᑯ ᒋᓴᒪᓂᑐᐤ ᒐᒋ ᐃᑐᑕᐧᒃ ᑕᓐ ᐊᓂᔭᔪᐛ ᐛ ᐃᑐᑕᐧᒃ᙮
\v 7 ᐃᔅᐱ ᒪᒃ ᐊᓐ ᓂᔄᐅᑕᒡ ᐊ ‍ ᑕᑦ ᐊᓐᒋᓐ ᐳᑕᑕᒐ ᐅᐳᑕᒋᑭᓐ, ᐊᑯ ᒐ ‍ ᒋᔅᑕᑦ ᒋᓴᒪᓂᑐᐤ ᐊ ‍ ᑎᐸᑐᑕᐧᒃ ᑕᓐ ᑲ ‍ ᐃᑕᔨᑎᒥᐃᑯᑦ ᒐᒋ ᐃᑐᑕᐧᒃ ᐊᓂᔭ ᒐᒂᔪᐤ ᐊᑲ ᐊᐛᔪᐛ ᐅᒋ ᒋᔅᒐᔨᑎᒥᔨᒋ, ᐊᓂᔭ ᑲ ᐃᓯ ‍ ᐎᑎᒧᐛᑯᐱᓇ ᐊᓂᔭᐧᑲ ᐅᑦ ᐊᐱᒋᐊᑭᓇ ᑲ ‍ ᒋᔅᒋᐛᐃᒐᔨᒋ᙮”
\p
\v 8 ᐊᑯ ᒥᓐ ᒂ ‍ ᐸᑐᐅᒃ ᐊᓐ ᐊᐛᓐ ᑲ ᐸᒋ ‍ ᐃᔨᒥᐃᑦ ᒋᒋᒋᓯᑯᒡ ᐅᒡ ᐊ ᐸᒋ ‍ ᐃᓯᑦ, “ᒪᒋ ᐅᑎᓂᒻ ᐊᓂᔭ ᒥᓯᓇᐃᑭᓂᓯᔪᐤ ᑲ ‍ ᓴᓂᑭᓄᐎᒡ ᐅᑎᒋᒡ ᐅᒡ ᐊᓐ ᐊᓐᒋᓐ ᐊᓐᑕ ᐎᓂᐸᑯᒡ ᑭᔭ ᐊᔅᒋᒡ ᑲ ᐃᓯ ‍ ᑕᐧᑯᔅᒐᑦ᙮”
\p
\v 9 ᐊᑯ ᒂ ‍ ᓇᑎᒃ ᐊᓐ ᐊᓐᒋᓐ, ᐊᑯ ᒂ ‍ ᐃᑎᒃ ᒐᒋ ᐸᒋ ‍ ᒥᔨᑦ ᐊᓂᔭ ᒥᓯᓇᐃᑭᓂᓯᔪᐤ ᑲ ‍ ᑕᐧᑯᓇᐧᒃ᙮ ᐊᑯ ᒂ ᐸᒋ ‍ ᐃᓯᑦ, “ᐅᑎᓇ ᒐ ‍ ᒥᒋᔨᓐ᙮ ᒋᑭ ‍ ᓯᐅᔅᐱᑯᓐ ᒋᑐᓂᒡ ᒧᔭᒻ ᑲᓯᐛᓯᐛᐳᔾ ᐊᐅᑯᓐ ᒐ ‍ ᐃᔅᐱᑎᒥᓐ᙮ ᒥᒄ ᒪᒃ ᐃᔅᐱ ᒋ ‍ ᑯᒋᐱᔨᑕᔨᓇ, ᒋᑭ ᐊᑎ ‍ ᐎᓯᑭᓐ ᐊᓐᑕ ᒋᔅᑭᑕᒡ᙮”
\v 10 ᒂ ‍ ᐅᑎᓂᒧᒡ ᐊᓂᔭ ᒥᓯᓇᐃᑭᓂᓯᔪᐤ ᑲ ‍ ᑕᐧᑯᓇᐧᒃ ᐊᓐ ᐊᓐᒋᓐ, ᐊᑯ ᒂ ‍ ᒥᒍᐅᒡ᙮ ᐃᔅᐱ ᒪᒃ ᑲ ‍ ᓯᔅᑭᒧᔭᓐ ᓂᒋ ‍ ᒥᔅᐱᑕᓐ ᐊ ‍ ᓯᐛᒡ ᒧᔭᒻ ᑲᓯᐛᓯᐛᐳᔾ ᐊᐅᑯᓐ ᑲ ‍ ᐃᔅᐱᑎᒪᓐ᙮ ᒥᒄ ᒪᒃ ᐃᔅᐱ ᑲ ‍ ᑯᒋᐱᔨᑕᔭᓐ ᒋ ᐊᑎ ‍ ᐎᓯᑭᓐ ᐊᓐᑕ ᓂᔅᑭᑕᒡ᙮
\v 11 ᐊᑯ ᒂ ‍ ᐃᑎᑯᐅᔭᓐ, “ᒥᓐ ᒋᑭ ‍ ᒋᔅᒋᐛᐃᒐᓐ, ᒋᑭ ‍ ᐊᔨᒧᑕᓐ ᑕᓐ ᐊ ᐃᓯ ‍ ᐊᔨᒧᒥᑯᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᒥᒐᑦ ᐊᐛᓐᒋ, ᓂᓇᐧᑯᐤ ᐊ ‍ ᐃᑎᔅᑲᓇᓯᒡ, ᓂᓇᐧᑯᐤ ᐊ ᐃᓯ ‍ ᒪᒧᑕᐅᓯᒡ, ᑭᔭ ᓂᓇᐧᑯᐤ ᐊ ᐃᓯ ‍ ᐃᔨᒥᒡ᙮ ᒋᓴᐅᒋᒪᐅᒡ ᑭᔭ ᑕᓐ ᐊ ᐃᓯ ‍ ᐊᔨᒧᒥᑯᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᒋᑭ ‍ ᐊᔨᒧᑎᒧᐛᐅᒡ᙮”
\c 11
\s1 ᑲ ‍ ᓂᓯᒡ ᑲ ‍ ᐎᑕᒡ ᑕᓐ ᑲ ᐃᓯ ‍ ᐛᐸᑕᒡ
\p
\v 1 ᐊᑯ ᒂ ‍ ᒥᔨᑯᐅᔭᓐ ᒥᔅᑎᒄ ᑎᐸᔎᐃᑭᓐ᙮ ᓂᒋ ‍ ᐃᑎᑯᐅᓐ, “ᒋᓴᒪᓂᑐᐤ ᐃᔅᒋᔄᐤ, ᐱᓯᑯ᙮ ᒐ ‍ ᑎᐸᐊᒥᓐ ᓂᒋᓴᐊᔭᒥᐊᐅᒋᐛᑉ ᑭᔭ ᐊᓐ ᐱᔅᑎᓂᒐᐅᓇᐱᔅᒄ᙮ ᑭᔭ ᒐ ‍ ᐊᒋᒥᑥᐤ ᐊᓐᒡ ᐊᓐᑕ ᐊ ‍ ᑕᒡ ᐊᔭᒥᐊᔅᑐᐅᒡ᙮
\v 2 ᒥᒄ ᐊᑲᐎᔾ ᑎᐸᐊ ᐊᓐᑕ ᐱᑐᔎᒡ ᐛᔅᑲ ᐊᓐ ᒋᓴᐊᔭᒥᐊᐅᒋᐛᑉ᙮ ᐊᑲᐎᔾ ᑎᐸᐊ ᐛᔅ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒋ ‍ ᒥᔭᑭᓄᐎᒡ ᐊᓂᔭ᙮ ᐊᐅᑯᓐᒡ ᐅᒡ ᒐ ‍ ᑕᑕᐧᑯᔅᑲᑕᒡ ᐊᓂᔭ ᐅᑕᓇᔪᐤ ᑲ ‍ ᐸᔭᒋᓯᒥᑭᓂᔨᒡ ᓇᐎᔪᐤ ᐊᓱ ᓂᓱ ᐱᓯᒺ ᐃᔅᐱᔅ᙮”
\v 3 ᒪᒂᒡ ᒪᒃ ᐊᓂᔭᔪᐛ ᐊ ‍ ᒋᓯᑲᒋ, ᓂᑭ ‍ ᐃᑎᓴᐛᐅᒡ ᓂᓱ ᐊᐛᓐᒋ ᒐ ‍ ᐅᑦ ᐊᐱᒋᐊᑭᓂᔭᓐ ᒐᒋ ᒋᔅᒋᐛᐃᒐᒡ᙮ ᑲᐛᑭᓐ ᐱᒍᐎᔭᓂᓯᔪᐤ ᐊ ‍ ᒋᔅᑲᒡ᙮ ᐸᐃᒂᐤ ᒐᓯᐱᔪᐤ ᐊᓱ ᓂᓱ ᒥᑕᓯᒥᑎᓄᐤ ᐊᓱ ᐊᓱᑕᒡ ‍ ᑕᑐᔪᐛ ᒋᓯᑲᐛ ᐊᐅᑯᓐ ᒐ ᐃᔅᐱᔅ ‍ ᐛᐎᑕᒡ ᑕᓐ ᒐ ᐃᔅᐱᔅ ‍ ᒥᔨᒂᐤ ᒐᒋ ᐃᓯ ‍ ᐊᔨᒧᑕᒡ᙮ ᐊᐅᑯᓐ ᐊ ‍ ᑕᑎᒋ ᐊ ‍ ᒋᓯᑲᔨᒋ ᓇᐎᔪᐤ ᐊᓱ ᓂᓱ ᐱᓯᒺ᙮
\v 4 ᐅᒡ ᒪᒃ ᓂᓱ ᐊᐱᒋᐊᑭᓐᒡ, ᐊᐅᑯᓐᒡ ᐊᓐᒡ ᑲ ‍ ᓂᓱᑲᐳᐅᒡ ᐊᓕᑉ ᒥᔅᑎᑯᒡ ᑭᔭ ᐊᐅᑯᓐᒡ ᐊᓐᒡ ᐊᓂᔭᔪᐛ ᓂᓱ ᐛᔅᑕᓂᐱᒪᑭᓇᑎᒂ ᐅᑎᔅᑯᐤ ᒋᓴᒪᓂᑐᐤ ᐊ ‍ ᑕᑦ ᑲ ‍ ᑎᑯᓂᔨᒋ, ᐊᓂᔭᔪᐛ ᒥᓯᐛ ᐊᔅᒋᔪᐤ ᑲ ‍ ᐅᒋᒪᐅᑐᑎᒥᔨᒋ᙮
\v 5 ᐎ ᐎᔭᔅᑐᑕᑯᑥᐛ ᒪᒃ ᐊᐛᔪᐛ ᐅᒡ ᓂᓱ ᐊᐱᒋᐊᑭᓐᒡ, ᐃᔅᑯᑕᔪᐤ ᒋᑭ ‍ ᐅᒋᐱᔪᐤ ᐅᑐᓄᐛᒡ ᐅᒡ᙮ ᐊᑯᑕ ᒪᒃ ᒐ ᐅᒋ ‍ ᓂᓱᐅᓇᒋᐊᒡ ᐊᓂᔭᔪᐛ ᑲ ‍ ᐛᐧᑲᑎᑯᒡ᙮ ᐊᑯᑕ ᑭᔭ ᒐ ᐅᒋ ‍ ᓂᐸᐊᒡ ᒥᒄ ᐊ ‍ ᐃᓯᓇᑯᓯᔨᒋ ᐊᐛᔪᐛ ᐛ ᐎᔭᔅᑐᑕᑯᒡ᙮
\v 6 ᒪᒂᒡ ᒪᒃ ᐊᓂᔭ ᒐ ᐃᔅᐱᔅ ‍ ᒋᔅᒋᐛᐃᒐᒡ, ᒋᑭ ‍ ᐊᔭᐅᒡ ᑎᐸᔨᒋᒐᐅᓂᔪᐤ ᒐᒋ ᐃᑐᑕᒡ ᒐ ᐊᑲ ᒋ ᒋᒧᓂᔨᒡ᙮ ᒋᑭ ‍ ᒥᔭᑭᓄᐎᒡ ᑭᔭ ᒥᓯᐛ ᐊ ᐃᓯ ‍ ᑎᑯᓂᔨᒡ ᓂᐱᔪᐤ ᒐᒋ ᑎᐸᔨᑕᒡ ᑭᔭ ᒐ ‍ ᐃᑐᑕᒡ ᐊᓂᔭ ᓂᐱᔪᐤ ᒥᐧᑯᒡ ᒐᒋ ᐃᓯᓇᑯᓂᔨᒡ᙮ ᒥᒄ ᐛ ᐃᔅᐱᔅ ‍ ᐃᑐᑕᒡ ᒋᑭ ᒋ ‍ ᐃᑐᑎᒧᒡ ᓂᓇᐧᑯᐤ ᐃᑕᔅᐱᓇᐅᓂᔪᐤ ᒐᒋ ᑎᑯᓂᔨᒡ ᐊᔅᒋᒡ᙮
\p
\v 7 ᐃᔅᐱ ᒪᒃ ᒋ ᐃᓯ ‍ ᐛᐎᑕᒂᐛ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᑯ ᐊᓂᔭᔪᐛ ᒥᒋ ‍ ᐊᐛᓯᓴ ᐊᓐᑕ ᑲ ᒥᔅᑎ ‍ ᐱᑯᓇᔭᔨᒡ ᑲ ᐅᒋ ‍ ᒧᔅᒋᐱᔨᒋ ᒐ ‍ ᒪᓯᐧᑲᑯᒡ᙮ ᒋᑭ ‍ ᓴᐧᑯᒋᐃᑯᐅᒡ ᒪᒃ, ᐊᑯ ᒐ ‍ ᓂᐸᐃᑯᒡ᙮
\v 8 ᐊᓂᔭᔪᐛ ᒪᒃ ᐎᔪᐛᐛ ᐊᑯᑕ ᐊᓐᑕ ᒪᔅᑭᓇᒡ ᐊᓂᔭ ᒥᔅᑎ ᐅᑕᓇᔪᐤ ᐊᓐᑕ ᑲ ‍ ᓂᐸᐊᑭᓄᔨᒋ ᑲ ‍ ᒋᔅᑕᔎᑕᑭᓄᔨᒋ ᒋᐱᔭᑎᑯᒡ ᐅᑎᐸᔨᒋᒐᓯᒧᐛᐛ, ᐊᑯᑕ ᒐ ‍ ᑎᑯᓂᔨᒋ᙮ ᐅ ᒪᒃ ᐅᑕᓇᐤ ᒧᔭᒻ ᑕᓐ ᑲ ‍ ᐃᑕᔨᑕᒂᒋ ᐊᓂᔭᔪᐛ ᐅᑕᓇᐛ ᓱᑕᒻ ᑭᔭ ᐃᒋᑉᑦ ᑲ ‍ ᐃᓯᓂᐧᑲᑕᒋ, ᐊᐅᑯᓐ ᒐ ‍ ᐃᑕᔨᑕᒂᒋ, ᓇᔅᒡ ᒋ ‍ ᒥᓴᐤ ᐊᓐᑕ ᒥᒐᑎᓯᐅᓐ᙮
\v 9 ᒥᓯᐛ ᒪᒃ ᐊ ‍ ᐃᑎᔅᑲᓇᓯᒡ ᐊᐛᓐᒋ ᑭᔭ ᓂᓇᐧᑯᐤ ᐊ ᐃᓯ ‍ ᐃᔨᒥᒡ ᑭᔭ ᒥᓯᐛ ᐊ ᐃᓯ ‍ ᒪᒧᑕᐅᓯᒡ ᒥᒄ ᒋᑭ ‍ ᑭᓄᐛᐸᑎᒧᐛᐅᒡ ᐊᓂᔭ ᐎᔭᔪᐤ ᓂᔅᑐ ᒋᓯᑲᐛ ᒪᒃ ᐳᔅᒄ ᐃᔅᐱᔅ᙮ ᓇᒪ ᒋᑭ ᐅᒋ ‍ ᐱᔅᑎᓇᐅᒡ ᒐᒋ ᓇᐃᒂᑭᓄᔨᒋ᙮
\v 10 ᐊᓐᒡ ᒪᒃ ᐊᐛᓐᒋ ᐊᔅᒋᒡ ᐊ ‍ ᑕᒡ, ᒋᑭ ‍ ᒥᔽᔨᑎᒧᒡ ᐊᒋ ‍ ᓂᐸᐊᑭᓄᔨᒋ ᐊᓂᔭᔪᐛ ᑲ ‍ ᓂᓯᔨᒋ᙮ ᒋᑭ ‍ ᒥᔽᔨᑎᒧᒡ ᑭᔭ ᒋᑭ ‍ ᒪᒥᐃᑐᐅᒡ ᒥᔨᐛᐅᓇ ᐊᒋ ‍ ᓂᐸᐊᑭᓂᔨᒋ ᐊᓂᔭᔪᐛ ᑲ ‍ ᓂᓯᔨᒋ ᑲ ‍ ᐃᑐᑎᒥᔨᒋ ᒐᒋ ᓂᓇᐧᑲᑕᔨᒧᓇᓄᐎᒡ ᐅᑕ ᐊᔅᒋᒡ᙮
\p
\v 11 ᒥᒄ ᒪᒃ ᐃᔅᐱ ᐎᒪᐱᔨᒂᐛ ᐊᓂᔭᔪᐛ ᓂᔅᑐ ᒋᓯᑲᐛ ᒪᒃ ᐳᔅᒄ, ᐊᑯ ᒋᓴᒪᓂᑐᐤ ᒐ ‍ ᒥᔭᑦ ᔭᔭᐅᓂᔪᐤ ᐊᓂᔭᔪᐛ ᐊ ‍ ᓂᓯᔨᒋ, ᐊᑯ ᒐ ᐅᒋ ‍ ᐱᓯᑯᔨᔨᒋ᙮ ᒥᓯᐛ ᒪᒃ ᐊᐛᓐᒋ ᒐ ‍ ᐛᐱᒪᒡ ᓇᔅᒡ ᒋᑭ ‍ ᓴᒋᓱᐅᒡ᙮
\v 12 ᐊᑯ ᐊᓐᒡ ᑲ ‍ ᓂᓯᒡ ᒂ ‍ ᐸᑐᐛᒡ ᐊᐛᔪᐛ ᐊ ‍ ᐃᔨᒥᐃᑯᒡ ᒋᒋᒋᓯᑯᒡ ᐅᒡ᙮ ᒋ ‍ ᐃᑎᑯᐅᒡ ᐊ ‍ ᒋᔄᐛᔨᒋ, “ᐊᔅᑎᒧᒄ ᐅᑕ ᐃᔅᐱᒥᒡ᙮” ᐊᑯ ᒪᒂᒡ ᐊ ‍ ᑭᓄᐛᐱᒥᑯᒡ ᐊᓂᔭ ᑲ ‍ ᐛᐧᑲᑎᑯᒡ, ᑭᔅᑯᐅᓂᔅᑯᒡ ᒋ ‍ ᐅᐱᔪᒡ ᒋᒋᒋᓯᑯᒡ ᐃᔅ᙮
\p
\v 13 ᐃᔅᐱ ᒪᒃ ᑲ ‍ ᐃᔅᐱᔨᒡ ᐅ, ᒋ ᒥᔅᑎ ‍ ᑯᐃᐧᑯᓐ᙮ ᐸᐃᒄ ᐊᓯᑯᒻ ᐸᐃᑯᔪᐤ ᒥᒋᐛᐸ ᐊᓐᑕ ᐊᓐ ᐅᑕᓇᒡ ᒋ ‍ ᓂᓱᐅᓇᑎᓇ᙮ ᓂᔄᐅᑕᒡ ᑕᑥᐤ ᒐᓯᐱᔪᐤ ᐊᐛᓐᒋ ᒋ ‍ ᓂᓱᐅᓇᑎᓯᐅᒡ ᐊᓂᔭ ᑲ ᒥᔅᑎ ‍ ᑯᐃᐧᑯᓂᔨᒡ᙮ ᐊᑯ ᐊᓐᒡ ᐊᐛᓐᒋ ᐊᔅᒄ ᐊ ‍ ᑕᒡ ᐊᔅᒋᒡ ᒋ ᒥᔅᑎ ‍ ᓴᒋᓱᐅᒡ᙮ ᒋ ‍ ᐃᔅᒋᔄᐅᒡ, ᑕᑈ ᓱᒐᔨᑕᑯᓯᔪᐤ ᒋᓴᒪᓂᑐᐤ ᒋᒋᒋᓯᑯᒡ ᐊ ‍ ᑕᑦ᙮
\p
\v 14 ᐅ ᒪᒃ ᓂᓱ ᑲ ‍ ᑎᒂᒡ ᑲ ᐃᓯ ‍ ᓂᓇᐧᑲᑕᔨᒧᓇᓄᐅᒡ, ᓴᔅ ᒋ ‍ ᒋᔅᑕᐱᔪᐤ᙮ ᐊᔅᒄ ᒪᒃ ᒥᓐ ᑯᑎᒡ ᐊ ‍ ᓂᓇᐧᑲᑕᔨᒧᓇᓄᐅᒡ ᒋᑭ ‍ ᐅᑎᒋᐱᔪᐤ᙮ ᓴᔅ ᐸᓱᓇᑯᓐ ᒐ ‍ ᐅᑎᒋᐱᔨᒡ᙮
\s1 ᐊᓐᒋᓐ ᑲ ‍ ᐳᑕᑕᐧᒃ ᐊᓂᔭ ᒪᔅᑕᔾ ᐳᑕᒋᑭᓂᔪᐤ
\p
\v 15 ᐊᑯ ᒥᓐ ᑯᑎᒃ ᐊᓐᒋᓐ ᒂ ‍ ᐳᑕᑕᐧᒃ ᐅᐳᑕᒋᑭᓐ᙮ ᐊᐅᒄ ᐅ ᓂᔄᐅᑕᒡ ᐊ ‍ ᑕᑦ ᐊᓐᒋᓐ᙮ ᓂᒋ ‍ ᐸᑐᐛᐅᒡ ᒪᒃ ᐊᐛᓐᒋ ᐊ ‍ ᒋᔄᐛᒡ, ᐊᓐᑕ ᒋᒋᒋᓯᑯᒡ ᐊ ‍ ᐃᔨᒥᒡ ᐊ ‍ ᐃᔅᒋᔄᒡ,
\q “ᐊᐅᑯᐤ ᐛᑎᓂᒪᓱᑦ ᒋᑎᐸᔨᒋᒐᓯᒥᓄᐤ ᑭᔭ ᐊᓂᔭᔪᐛ ᑲ ᐸᒋ ‍ ᐃᑎᓴᐛᑦ ᒐᒋ ᐅᒋᒪᐅᔨᒋ ᐅᑕ ᐊᔅᒋᒡ᙮
\q ᐎᔾ ᒪᒃ ᐅᑎᐸᔨᒋᒐᐤ ᒋᑭ ‍ ᐅᒋᒪᐤ ᑲᒋᒡ ᑭᔭ ᑲᒋᒡ᙮”
\m
\v 16 ᐊᑯ ᐊᓐᒡ ᓂᓱᔪᐤ ᐊᓱ ᓇᐤ ᑲ ‍ ᒋᔅᑕᔨᑕᑯᓯᒡ ᒋᓴᐃᔪᒡ ᑲ ‍ ᐊᐱᒡ ᐅᒋᓴᐅᒋᒪᐤ ᑕᑎᐳᐛᑭᓄᐛᒡ, ᐅᑎᔅᑯᐤ ᒋᓴᒪᓂᑐᐛ ᐊ ‍ ᑕᔨᒋ ᒋ ‍ ᐅᑎᑕᒧᓂᐱᔪᐅᒡ ᑭᔭ ᒋ ‍ ᐊᔭᒥᐊᔅᑐᐛᐅᒡ ᒋᓴᒪᓂᑐᐛ,
\v 17 ᐊ ‍ ᐃᔅᒋᔄᒡ,
\q “ᓂᑎᐸᔨᒋᒐᓯᒥᓇᓐ ᒋᓴᒪᓂᑐᐤ ᒪᐅᒡ ᑲ ‍ ᓱᐧᑲᑎᓯᔨᓐ, ᐊᓐ ᑲ ‍ ᑕᑦ ᑭᔭ ᒧᔅ ᑲ ᐸᒋ ‍ ᑕᑦ, ᒋ ‍ ᓂᓇᔅᑯᒥᑎᓇᓐ ᐊᒋ ‍ ᐊᐱᒋᑕᔨᓐ ᒋᓱᐧᑲᑎᓯᐅᓐ ᒋᔾ ᐊ ‍ ᑎᐸᔨᒋᒐᔨᓐ᙮
\q
\v 18 ᒥᓯᐛ ᐊ ‍ ᐃᑎᔅᑲᓇᓯᒡ ᐊᐛᓐᒋ ᒋ ᒥᔅᑎ ‍ ᒋᔄᓱᐅᒡ᙮ ᐊᑯ ᒪᒃ ᒋᔾ ᐛᑎᒋᐱᔨᒡ ᒐᒋ ᒋᔄᓯᔨᓐ ᑭᔭ ᒐᒋ ᑎᐸᔅᑯᓂᑥᐤ ᐊᓐᒡ ᑲ ‍ ᓂᐱᒡ᙮
\q ᓴᔅ ᐅᑎᒋᐱᔪᐤ ᒐᒋ ᑎᐸᐊᒧᑥᐤ ᐅᑎᐸᐊᒪᑯᓯᐅᓄᐛᐛ ᐊᓐᒡ ᒋᑦ ᐊᐱᒋᐊᑭᓐᒡ ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᐊᓐᒡ ᑲ ‍ ᑕᑈᑕᒡ ᑭᔭ ᐊᓐᒡ ᑲ ‍ ᒋᔅᑕᔨᑕᒡ ᒋᑦ ᐃᓯᓂᐧᑲᓱᐅᓂᔪᐤ, ᐊᓐᒡ ᑲ ‍ ᒋᔅᑕᔨᑕᑯᓯᒡ ᑭᔭ ᐊᓐᒡ ᐊᑲ ᒋᔅᑕᔨᑕᑯᓯᒡ᙮
\q ᓴᔅ ᐅᑎᒋᐱᔪᐤ ᒐᒋ ᓂᓱᐅᓇᒋᐊᑭᓄᐎᒡ ᐊᓐᒡ ᑲ ‍ ᓂᓱᐅᓇᒋᐊᒡ ᐊᐛᔪᐛ ᐅᑕ ᐊᔅᒋᒡ᙮”
\p
\v 19 ᐊᑯ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᒋᒋᒋᓯᑯᒡ ᐊ ‍ ᑎᑯᓂᔨᒡ ᒂ ‍ ᓴᓂᑭᓄᐎᒡ᙮ ᐊᓐᑕ ᒪᒃ ᐱᑎᑭᒥᒡ ᒋ ‍ ᓄᑯᓐ ᐊᓐ ᑲ ‍ ᐸᔭᒋᓯᒥᑲᒡ ᒥᔅᑎᑯᐅᑦ ᐊᓐᑕ ᑲ ‍ ᑎᑕᑭᓄᔨᒡ ᐊᓂᔭ ᓂᔅᑯᒧᐅᓂᔪᐤ ᒋᓴᒪᓂᑐᐤ ᑲ ‍ ᐅᓯᑎᒧᐛᑦ ᐅᑦ ᐃᔨᒪ᙮ ᐊᑯ ᑲ ‍ ᐅᔄᔅᑕᐱᔨᒡ ᑭᔭ ᓂᒥᔅᒍᐅᒡ ᒋ ‍ ᐸᑕᑯᓱᐅᒡ᙮ ᑭᔭ ᒋ ‍ ᑯᐃᐧᑯᓐ ᑭᔭ ᒋ ᒥᔅᑎ ‍ ᒥᔅᑯᒥᑕᓐ᙮
\c 12
\s1 ᐊᓐ ᐃᔎᐤ ᑭᔭ ᐊᓐ ᒥᔅᑎ ‍ ᒥᓐᑐᔅ
\p
\v 1 ᐊᑯ ᒂ ‍ ᓄᒂᒡ ᓇᔅᒡ ᐊ ‍ ᒥᔅᑲᓯᓇᒂᒡ ᒋᔅᒋᓄᐛᐸᑎᔨᐛᐅᓐ ᐊᓐᑕ ᒋᒋᒋᓯᑯᒡ᙮ ᓂᒋ ‍ ᐛᐱᒪᐤ ᐃᔎᐤ, ᐱᓯᒺ ᐊ ‍ ᐅᑦ ᐊᑯᐱᑦ ᐊ ‍ ᐃᓯᓇᑯᓯᑦ ᑭᔭ ᑎᐱᔅᑲᐤ ᐱᓯᒺ ᓯᐸ ᐅᓯᑎᒡ ᐊ ‍ ᑕᔨᒋ᙮ ᒋᓴᐅᒋᒪᐅᑯᓂᔎᐅᓂᔪᐤ ᒋ ‍ ᒋᔅᑭᒻ ᓂᓱᓴᑉ ᐅᒐᑭᑕᒂ ᐊ ‍ ᒋᑭᒧᔨᒋ᙮
\v 2 ᒋ ‍ ᑭᓄᐛᔨᒪᐅᓱᐤ ᐊᓐ ᐃᔎᐤ᙮ ᒪᒂᒡ ᒪᒃ ᒋ ‍ ᐊᐧᑯᓱᐤ ᒐ ‍ ᐛᐱᒪᐅᓱᑦ ᓇᔅᒡ ᒪᒃ ᒋ ‍ ᐎᓯᒐᔨᑎᒻ᙮ ᒋ ‍ ᐊᓯᒂᐤ ᐊᔅᐱᔅ ᐊᐧᑯᓯᑦ᙮
\v 3 ᒥᓐ ᑯᑎᒡ ᒋᔅᒋᓄᐛᐸᑎᔨᐛᐅᓐ ᒋ ᐅᒋ ‍ ᓄᑯᓐ ᐊᓐᑕ ᒋᒋᒋᓯᑯᒡ᙮ ᓂᒋ ‍ ᐛᐱᒪᐤ ᒥᔅᑎ ‍ ᒥᓐᑐᔅ ᐊ ‍ ᒥᐧᑯᓯᑦ ᓂᔄᐅᑕᒡ ᐊ ‍ ᐃᑕᑎᓂᔨᒋ ᐅᔅᑎᒂᓇ ᑭᔭ ᐸᐃᑯᔪᐤ ᐊ ‍ ᐃᑕᑎᓂᔨᒋ ᐅᑦ ᐊᔅᑭᓇ᙮ ᒥᓯᐛ ᒪᒃ ᐊ ‍ ᐃᑕᑎᓂᔨᒋ ᐊᓂᔭ ᐅᔅᑎᒂᓇ ᒋᓴᐅᒋᒪᐅᑯᓂᔎᐅᓂᔪᐤ ᒋ ‍ ᒋᔅᑭᒻ᙮
\v 4 ᒋ ‍ ᐱᐧᑯᒋᐱᑕᐤ ᐸᐃᒄ ᐊᓂᔭᔪᐛ ᐊ ‍ ᓇᓂᔅᑎᔨᒋ ᐅᒐᑭᑕᒂ ᐊᓐᑕ ᒋᓯᑯᒡ ᐅᒡ ᐅᓱᔾ ᐊ ‍ ᐊᐱᒋᑕᑦ, ᐊᑯ ᐊᓐᑕ ᐊᔅᒋᒡ ᑲ ᐃᓯ ‍ ᐛᐱᓇᑦ᙮ ᒋ ‍ ᓂᐳᐅᐤ ᐅᑎᔅᑯᐤ ᐊᓂᔭ ᐃᔎᐛ ᐊ ‍ ᑕᔨᒋ ᒪᒂᒡ ᐊ ‍ ᐊᐧᑯᓯᔨᒋ ᐊ ‍ ᐊᓱᐛᐱᒪᑦ ᒐ ᐃᔅᐱᔅ ‍ ᐱᒪᑎᓯᔨᒋ ᐊᓂᔭᔪᐛ ᐊᐛᓴ ᒐᒋ ᒧᐛᑦ ᐃᔅᐱ ᐱᒪᑎᓯᒐᓂ᙮
\v 5 ᐊᑯ ᐊᓐ ᐃᔎᐤ ᒂ ‍ ᐊᐧᑯᓯᑦ, ᓇᐸᓴ ᒋ ‍ ᐊᔭᐛᐤ᙮ ᐊᐅᒄ ᒪᒃ ᐅ ᓇᔅᒡ ᒐ ‍ ᐅᒋᒪᐅᑐᑐᐛᔨᒋ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ ᐅᑕ ᐊᔅᒋᒡ᙮ ᐎᐱᒡ ᒪᒃ ᑲ ‍ ᐱᒪᑎᓯᑦ ᐊᓐ ᐊᐛᔅ, ᑎᐛᒡ ᒋᓴᒪᓂᑐᐛ ᐊ ‍ ᑕᔨᒋ ᒋ ᐃᓯ ‍ ᐅᑎᓇᑭᓄᐤ ᐊᓐᑕ ᐊ ‍ ᑎᑯᓂᔨᒡ ᒋᓴᒪᓂᑐᐤ ᐅᒋᓴᐅᒋᒪᐤ ᑕᑎᐳᐛᑭᓐ᙮
\v 6 ᐊᑯ ᐊᓐ ᐃᔎᐤ ᐊᓐᑕ ᐸᐧᑯᑎᔅᑭᒥᑲᒡ ᐊᑯᑕ ᑲ ‍ ᐃᑎᓯᒧᑦ, ᐊᓐᑕ ᑲ ‍ ᐊᔭᔅᑯᔅᑎᒪᑯᑦ ᒋᓴᒪᓂᑐᐛ ᒐ ‍ ᑕᑦ᙮ ᐊᑯᑕ ᒪᒃ ᐊᓐᑕ ᒐ ‍ ᑭᓄᐛᔨᒪᑭᓄᐅᑦ ᐸᐃᒂᐤ ᒐᓯᐱᔪᐤ ᐊᓱ ᓂᓱ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐛ ᒋᓯᑲᐛ ᐃᔅᐱᔅ᙮
\p
\v 7 ᒋ ‍ ᓂᑐᐱᔨᓇᓄᐤ ᒪᒃ ᐊᓐᑕ ᒋᒋᒋᓯᑯᒡ᙮ ᒪᐃᑲᓪ ᑭᔭ ᐊᓂᔭ ᐅᑦ ᐊᓐᒋᓂᒪ ᒋ ‍ ᒪᓯᐊᐅᒡ ᐊᓂᔭ ᒥᔅᑎ ‍ ᒥᓐᑐᓴ ᑭᔭ ᐊᓂᔭᔪᐛ ᐅᑦ ᐊᓐᒋᓂᒥᔪᐛ᙮
\v 8 ᒥᒄ ᒪᒃ ᒋ ‍ ᐅᓂᑕᐅᒡ ᐊᓐ ᒥᔅᑎ ‍ ᒥᓐᑐᔅ ᑭᔭ ᐊᓂᔭᔪᐛ ᐅᑦ ᐊᓐᒋᓂᒪ᙮ ᐊᑯ ᒪᒃ ᓇᒪ ᐅᒋ ᑎᑯᓂᔪᐤ ᐊᓐᑕ ᒐ ‍ ᑕᒡ ᐊᓐᑕ ᒋᒋᒋᓯᑯᒡ᙮
\v 9 ᐊᑯ ᒂ ‍ ᓂᒋᐛᐱᓇᑭᓄᐅᑦ ᐊᓐ ᒥᔅᑎ ‍ ᒥᓐᑐᔅ ᒋᒋᒋᓯᑯᒡ ᐅᒡ᙮ ᐊᐅᒄ ᒪᒃ ᐊᓐ ᒋᓇᐱᒄ ᐛᔅᑭᒡ ᐊᓐᑕ ᑲ ‍ ᑕᑦ, ᒥᒋᒥᓂᑐᐤ ᒪᒃ ᓴᑎᓐ ᑲ ‍ ᐃᓯᓂᐧᑲᑕᑭᓄᐅᑦ᙮ ᐊᐅᒄ ᐅ ᑲᒋ ‍ ᐎᔭᓯᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ᙮ ᐊᓐᑕ ᒪᒃ ᐊᔅᒋᒡ ᒋ ᐃᓯ ‍ ᐛᐱᓇᑭᓄᐤ ᑭᔭ ᒥᓯᐛ ᐊᓂᔭ ᐅᑦ ᐊᓐᒋᓂᒪ᙮
\p
\v 10 ᐊᑯ ᒪᒃ ᑲ ‍ ᐸᑐᐅᒃ ᐊᐛᓐ ᐊ ‍ ᒋᔄᐛᑦ ᐊᓐᑕ ᒋᒋᒋᓯᑯᒡ ᐊ ‍ ᐃᔨᒥᑦ᙮ ᒋ ‍ ᐃᔅᒋᔄᐤ,
\q “ᐊᑯ ᒪᒃ ᐎᔭᐸᑎᒪᒡ ᒋᓴᒪᓂᑐᐤ ᒐ ‍ ᐱᒪᒋᐊᑦ ᐅᑦ ᐃᔨᒪ᙮ ᒋ ‍ ᐛᐸᑎᔨᐛᐤ ᑕᓐ ᐊᔅᐱᔅ ᓱᒐᔨᑕᑯᓯᑦ ᒐᒋ ᒋᓴᐅᒋᒪᐅᑦ ᑭᔭ ᓂ ‍ ᐛᐸᑎᒺᓇᓐ ᑕᓐ ᐊ ᐃᓯ ‍ ᑎᑯᓂᔨᒡ ᒐᒋ ᑎᐸᔨᒋᒐᔨᒋ ᐊᓂᔭᔪᐛ ᙭ᑕ ᑲ ᐸᒋ ‍ ᐃᑎᓴᐛᑦ᙮
\q ᐛᔅ ᐊᓐ ᐊ ‍ ᒋᓯᑲᔨᒡ ᑭᔭ ᐊ ‍ ᑎᐱᔅᑲᔨᒡ ᒧᔅ ᑲ ‍ ᒪᒥᓯᒪᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᐅᑎᔅᑯᐤ ᒋᓴᒪᓂᑐᐛ ᐊ ‍ ᑕᔨᒋ ᓴᔅ ᒋ ‍ ᓂᒋᐛᐱᓇᑭᓄᐤ᙮
\q
\v 11 ᒥᒄ ᒪᒃ ᒋᓴᒪᓂᑐᐛ ᐅᑦ ᐃᔨᒥᔪᐛ ᒋ ‍ ᓴᐧᑯᒋᐃᑯᐤ ᐊᓂᔭ ᐅᒋ ᒪᔭᑕᓂᓴ ᐅᒥᐧᑯᔪᐤ, ᑭᔭ ᐊᓂᔭ ᐊ ‍ ᐛᐎᑎᒥᔨᒋ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ᙮
\q ᓇᒪ ᐅᒋ ᓴᒋᑕᐅᒡ ᐅᐱᒪᑎᓯᐅᓄᐛᐛ ᒐᒋ ᓂᐸᐊᑭᓄᐎᒡ᙮
\q
\v 12 ᒥᔽᔨᑎᒧᒄ ᒪᒃ ᒥᓯᐛ ᒋᔨᐛᐤ ᒋᒋᒋᓯᑯᒡ ᐊ ‍ ᑕᔭᒄ᙮ ᐊᑯ ᒋᔨᐛᐤ ᐊᔅᒋᔾ ᑭᔭ ᐎᓂᐸᑯᒡ, ᒋᑭ ‍ ᐊᒂᒡ ᒥᒋᐱᔨᓇᐛᐤ ᐛᔅ ᐊᑯᑕ ᐊᓐᑕ ᐊ ‍ ᑕᔭᒄ ᑲ ‍ ᐃᑐᑕᑦ ᒥᒋᒥᓂᑐᐤ᙮
\q ᐊᔪᐛᒡ ᒪᒃ ᒋᔄᓱᐤ ᐛᔅ ᒋᔅᒐᔨᑎᒻ ᓴᔅ ᐊ ‍ ᑕᒂᔨᒡ ᐅᑎᐸᐃᑭᓐ᙮”
\p
\v 13 ᐃᔅᐱ ᒪᒃ ᒐᔅᒐᔨᑕᐧᒃ ᐊᓐ ᒥᔅᑎ ‍ ᒥᓐᑐᔅ ᐊᓐᑕ ᐊᔅᒋᒡ ᐊᒋ ᐃᓯ ‍ ᓂᒋᐛᐱᓇᑭᓄᐅᑦ, ᐊᑯ ᒂ ᒋᒋ ‍ ᐱᐸᓇᓴᐛᑦ ᐊᓂᔭ ᐃᔎᐛ ᑲ ‍ ᓇᐸᓯᐎᔨᒋ ᐅᑦ ᐊᐛᓯᒥᔪᐛ᙮
\v 14 ᒥᒄ ᒪᒃ ᐊᓐ ᐃᔎᐤ ᒋ ‍ ᒥᔭᑭᓄᐤ ᓂᓱ ᒥᑎᑎᑭᓇ ᒧᔭᒻ ᒥᔅᑎ ᐱᔭᓱᐤ ᐅᑎᑎᑭᓇ ᐊ ‍ ᐃᓯᓇᑯᓂᔨᒋ ᒐᒋ ᐃᔅᐸᔭᑦ ᐊᓐᑕ ᐸᐧᑯᑎᔅᑭᒥᑲᒡ ᐊᓐᑕ ᒐ ‍ ᑭᓄᐛᔨᒥᑯᑦ ᒋᓴᒪᓂᑐᐛ᙮ ᐊᑯᑕ ᒪᒃ ᐊᓐᑕ ᒐ ‍ ᑕᑦ ᓂᔅᑐ ᐱᐳᓇ ᒪᒃ ᐳᔅᒄ ᐃᔅᐱᔅ ᒐ ᐊᑲ ᒋ ᐱᔅᒐᔨᒥᑯᑦ ᐊᓂᔭ ᒥᔅᑎ ‍ ᒥᓐᑐᓴ᙮
\v 15 ᐊᑯ ᐊᓐ ᒥᔅᑎ ‍ ᒥᓐᑐᔅ ᒂ ‍ ᓴᓇᐧᒃ ᐅᑐᓐ᙮ ᓂᐱᔪᐤ ᑲ ‍ ᐅᒋᒍᐅᓂᔨᒡ ᐊᓐᑕ ᐅᑐᓂᒡ ᐅᒡ ᒧᔭᒻ ᓯᐱᔭ ᐊ ‍ ᐃᑕᒍᓂᔨᒋ᙮ ᐊᐅᒄ ᐅᔭ ᐊ ᐎ ‍ ᐛᐸᐳᔭᑦ ᐊᓂᔭᔪᐛ ᐃᔎᐛ ᐊᓂᔭ ᐊ ᐃᓯ ‍ ᐛᔪᑕᒍᓂᔨᒡ ᓂᐱᔪᐤ ᐅᒡ᙮
\v 16 ᐊᔅᒋᔾ ᒪᒃ ᒋ ‍ ᐎᒋᐊᐤ ᐊᓂᔭ ᐃᔎᐛ᙮ ᒋ ‍ ᑕᐅᑎᒥᑭᓐ ᐊᔅᒋᔾ, ᐊᑯ ᒂ ‍ ᐊᑯᒋᐱᔨᑕᒥᑲᒡ ᐊᓐ ᓂᐱᔾ ᒥᔅᑎ ‍ ᒥᓐᑐᔅ ᑲ ‍ ᐊᐳᐧᑯᑕᑕᐧᒃ᙮
\v 17 ᐊᑯ ᐊᓐ ᒥᔅᑎ ‍ ᒥᓐᑐᔅ ᒂ ᒥᔅᑎ ‍ ᒋᔄᐃᑯᑦ ᐊᓂᔭ ᐃᔎᐛ᙮ ᐊᑯ ᒂ ‍ ᓂᑐᐱᔨᑐᐅᒪᑦ ᐊᓂᔭᔪᐛ ᐅᑦ ᐊᓂᔅᒐ ᐅᑦ ᐊᐛᓯᒥᔪᐛ, ᐊᓂᔭ ᒥᓯᐛ ᑲ ‍ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᓂᔭᔪᐛ ᑲ ‍ ᐛᐎᑎᒥᔨᒋ ᑕᓐ ᑲ ᐸᒋ ‍ ᐃᑎᔨᒋ ᒋᓴᓴ ᑲ ᐸᒋ ‍ ᑎᑯᓯᓂᔨᒋ᙮
\c 13
\s1 ᓂᓱ ᒥᒋ ‍ ᐊᐛᓯᓯᒡ
\p
\v 1 ᐊᓐ ᒪᒃ ᒥᔅᑎ ‍ ᒥᓐᑐᔅ ᐊᓐᑕ ᓯᓱᒡ ᐎᓂᐸᑯᒡ ᒋ ‍ ᓂᐳᐅᐤ᙮
\p ᐊᑯ ᒂ ‍ ᐛᐱᒥᒃ ᒥᒋ ‍ ᐊᐛᓯᔅ ᐊᓐᑕ ᐎᓂᐸᑯᒡ ᐊ ᐅᒋ ‍ ᓄᑯᓯᒡ᙮ ᓂᔄᐅᑕᒡ ᒋ ‍ ᐃᑕᑎᓂᔪᐤ ᐅᔅᑎᒂᓇ ᑭᔭ ᐸᐃᑯᔪᐤ ᒋ ‍ ᐃᑕᑎᓯᔪᐛ ᐅᑦ ᐊᔅᑭᓇ᙮ ᒋᓴᐅᒋᒪᐅᑯᓂᔎᐅᓂᔪᐤ ᒋ ‍ ᐊᑯᑕᔪᐛ ᐸᐸᐃᒄ ᐊᓐᑕ ᐊᓂᔭᔪᐛ ᐅᑦ ᐊᔅᑭᓇ᙮ ᐸᐸᐃᒄ ᒪᒃ ᐊᓂᔭᔪᐛ ᐅᔅᑎᒂᓇ ᒋ ‍ ᒥᓯᓇᑕᔪᐛ ᐊᓐᑕ ᐃᓯᓂᐧᑲᓱᐅᓇ ᐊ ‍ ᐸᔅᑕᒥᑯᔨᒋ ᒋᓴᒪᓂᑐᐛ ᐊ ‍ ᐃᑎᑕᑯᓂᔨᒋ᙮
\v 2 ᐊᓐ ᒪᒃ ᒥᒋ ‍ ᐊᐛᓯᔅ ᓄᓴ ᒥᔅᑎᐱᓱᐤ ᒋ ‍ ᐃᓯᓇᑯᓱᐤ᙮ ᐅᓯᑕ ᒧᔭᒻ ᒋᓴᔭᒄ ᒥᓯᑕ ᒋ ‍ ᐃᓯᓇᑯᓂᔪᐛ᙮ ᐅᑐᓐ ᒧᔭᒻ ᒥᓯᐱᓱᐤ ᒥᑐᓂᔪᐤ ᒋ ‍ ᐃᓯᓇᑯᓂᔪᐤ᙮ ᐊᑯ ᐊᓐ ᒥᔅᑎ ‍ ᒥᓐᑐᔅ ᒂ ‍ ᒥᔭᑦ ᐊᓂᔭᔪᐛ ᒥᒋ ‍ ᐊᐛᓯᓴ ᐎᔾ ᑎᐱᔨᐛ ᐅᒥᔅᑯᓯᐅᓐ ᑭᔭ ᐎᔾ ᑎᐱᔨᐛ ᐅᑎᐸᔨᒋᒐᐅᓐ᙮ ᒋ ‍ ᒥᔭᐤ ᒐᒋ ᐊᐱᔨᒋ ᐊᓐᑕ ᐅᒋᓴᐅᒋᒪᐤ ᑕᑎᐳᐛᑭᓂᒡ᙮
\v 3 ᐸᐃᒄ ᐊᓂᔭ ᐅᔅᑎᒂᓐ ᐊᓐ ᒥᒋ ‍ ᐊᐛᓯᔅ ᒧᔭᒻ ᐊᒋ ‍ ᒥᔄᑭᓂᐧᑲᑕᑭᓄᐎᒡ ᒋ ‍ ᐃᓯᓇᑯᓂᔪᐤ᙮ ᒥᒄ ᒪᒃ ᓴᔅ ᒋ ‍ ᒥᔽᔪᐤ᙮ ᒥᓯᐛ ᒪᒃ ᐊᓐᒡ ᐊᔅᒋᒡ ᐊ ‍ ᑕᒡ ᒋ ‍ ᒪᒥᔅᑲᑕᔨᒪᐅᒡ ᐊᓂᔭ ᒥᒋ ‍ ᐊᐛᓯᓴ ᑭᔭ ᒋ ‍ ᓇᓴᐛᐅᒡ᙮
\v 4 ᒥᒐᑦ ᐊᐛᓐᒋ ᒋ ‍ ᐊᔭᒥᐊᔅᑐᐛᐅᒡ ᐊᓂᔭ ᒥᔅᑎ ‍ ᒥᓐᑐᓴ ᐊᓂᔭ ᐊᒋ ‍ ᒥᔨᑯᔨᒋ ᑎᐸᔨᒋᒐᐅᓂᔪᐤ ᒥᒋ ‍ ᐊᐛᓯᓴ᙮ ᑭᔭ ᐊᓂᔭᔪᐛ ᒥᒋ ‍ ᐊᐛᓯᓴ ᒋ ‍ ᐊᔭᒥᐊᔅᑐᐛᐅᒡ, ᐊ ‍ ᐃᔅᒋᔄᒡ, “ᐊᐛᓐ ᐊ ‍ ᐃᑕᔨᑕᑯᓯᑦ ᑕᓐ ᐊ ‍ ᐃᑕᔨᑕᑯᓯᔨᒋ ᐅᔭ ᒥᒋ ‍ ᐊᐛᓯᓴ ? ᐊᐛᓐ ᑲᔅᒋᐅᑦ ᒐᒋ ᒪᓯᐊᑦ ?”
\p
\v 5 ᐊᓐ ᒪᒃ ᒥᒋ ‍ ᐊᐛᓯᔅ ᒋ ‍ ᐱᔅᑎᓇᑭᓄᐤ ᓇᔅᒡ ᒐᒋ ᒪᒥᒋᒧᑦ ᑭᔭ ᒐᒋ ᐸᔅᑕᒪᑦ ᒋᓴᒪᓂᑐᐛ᙮ ᒋ ‍ ᐱᔅᑎᓇᑭᓄᐤ ᑭᔭ ᒐᒋ ᑎᐸᔨᒋᒐᑦ ᓇᐎᔪᐤ ᐊᓱ ᓂᓱ ᐱᓯᒺ ᐃᔅᐱᔅ᙮
\v 6 ᒋ ᒋᒋ ‍ ᐸᔅᑕᒪᐤ ᒋᓴᒪᓂᑐᐛ ᑭᔭ ᒋ ‍ ᒪᔭᔨᑎᒺᐤ ᐅᑦ ᐃᓯᓂᐧᑲᓱᐅᓂᔪᐤ᙮ ᒋ ‍ ᒪᔭᔨᑎᒺᐤ ᐊᓐᑕ ᐊ ‍ ᑕᔨᒋ ᑭᔭ ᒥᓯᐛ ᐊᓂᔭᔪᐛ ᒋᒋᒋᓯᑯᒡ ᐊ ‍ ᑕᔨᒋ ᒋ ‍ ᒪᔭᔨᒪᐤ᙮
\v 7 ᒋ ‍ ᐱᔅᑎᓇᑭᓄᐤ ᒐᒋ ᒪᓯᐊᑦ ᑲ ‍ ᑕᑈᑎᒥᔨᒋ ᑭᔭ ᒐᒋ ᓴᒂᐊᑦ᙮ ᒋ ‍ ᒥᔭᑭᓄᐤ ᑎᐸᔨᒐᐅᓂᔪᐤ ᒐᒋ ᐅᒋᒪᐅᑐᑐᐛᑦ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ ᑭᔭ ᒥᓯᐛ ᓂᓇᐧᑯᐤ ᐊ ᐃᓯ ‍ ᐃᔨᒥᔨᒋ ᑭᔭ ᒥᓯᐛ ᐊ ᐃᓯ ‍ ᒪᒧᑕᐅᓯᔨᒋ᙮
\v 8 ᐊᑯ ᒪᒃ ᒥᓯᐛ ᐊᐛᓐ ᐊᔅᒋᒡ ᐊ ‍ ᑕᑦ ᒋᑭ ‍ ᐊᔭᒥᐊᔅᑐᐛᐤ ᐊᓂᔭ ᒥᒋ ‍ ᐊᐛᓯᓴ᙮ ᒥᒄ ᐊᓐᒡ ᐱᒪᑎᓯᐤ ᒥᓯᓇᐃᑭᓂᒡ ᑲ ‍ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐤ, ᐊᓂᔭ ᒥᓯᓇᐃᑭᓂᔪᐤ ᐊᓐᑕ ᑲ ‍ ᒥᓯᓇᓱᒡ ᐊᐛᓐᒋ ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐊᔅᒋᔾ, ᐊᐅᑯᓐᒡ ᐊᓐᒡ ᓇᒪ ᐅᒋ ᐊᔭᒥᐊᔅᑐᐛᐅᒡ ᐊᓂᔭ ᒥᒋ ‍ ᐊᐛᓯᓴ᙮ ᐅ ᒪᒃ ᒥᓯᓇᐃᑭᓐ ᐊᓐ ᒪᔭᑕᓂᔅ ᑲ ‍ ᓂᐸᐊᑭᓄᐅᑦ ᑎᐸᔨᑎᒻ᙮
\p
\v 9 ᒥᓯᐛ ᒋᔨᐛᐤ ᑲ ‍ ᓂᑐᑎᒪᒄ ᓱᒃ ᓇᔅᒡ ᐎ ᓂᔅᑐᑎᒧᒄ ᐅ᙮
\q
\v 10 ᐊᓐ ᐊᐛᓐ ᑲ ‍ ᐃᑎᔅᑕᔨᑯᐱᓇ ᒐᒋ ᒋᐸᐛᑭᓄᐅᑦ ᒋᑭ ‍ ᒋᐸᐛᑭᓄᐤ, ᑭᔭ ᐊᓐ ᐊᐛᓐ ᑲ ‍ ᐃᑎᔅᑕᔨᑯᐱᓇ ᓂᑐᐱᔪᐅ-ᒧᐧᑯᒪᓂᔪᐤ ᐊ ‍ ᐊᐱᑎᓂᔨᒡ ᒐᒋ ᓂᐸᐊᑭᓄᐅᑦ ᒐᔅᑎᓇᔅ ᐊᑯᓐ ᒐ ‍ ᐃᑐᑐᐛᑭᓄᐅᑦ᙮
\m ᐊᑯ ᒪᒃ ᐊᓐᒡ ᑲ ‍ ᑕᑈᑕᒡ ᓇᑐᐛᔨᑕᑯᓯᒡ ᓱᒃ ᒐᒋ ᓯᐱᔪᐛᓯᒡ ᐊ ‍ ᐊᔨᒋᑲᐳᐅᒡ ᑭᔭ ᓱᒃ ᒧᔅ ᒐᒋ ᑕᑈᑕᒡ᙮
\s1 ᒥᒋ ‍ ᐊᐛᓯᔅ ᐊᔅᒋᒡ ᑲ ᐅᒋ ‍ ᒧᔅᒋᐱᔪᐅᑦ
\p
\v 11 ᐊᑯ ᒥᓐ ᑯᑎᒃ ᒥᒋ ‍ ᐊᐛᓯᔅ ᒂ ‍ ᐛᐱᒥᒃ ᐊᓐᑕ ᐊᔅᒋᒡ ᐊ ᐅᒋ ‍ ᒧᔅᒋᐱᔪᐅᑦ᙮ ᒋ ‍ ᓂᓯᓂᔪᐛ ᐅᑦ ᐊᔅᑭᓇ ᒧᔭᒻ ᒪᔭᑕᓂᔅ ᐅᑦ ᐊᔅᑭᓇ ᐊ ‍ ᐃᓯᓇᑯᓂᔨᒋ, ᐊᑯᓐ ᑲ ‍ ᐃᓯᓇᑯᓂᔨᒋ᙮ ᒧᔭᒻ ᒪᒃ ᒥᔅᑎ ‍ ᒥᓐᑐᔅ ᐊ ‍ ᒋᔅᑐᑦ ᐊᑯᓐ ᑲ ‍ ᐃᑎᑕᑯᓯᑦ ᐊ ‍ ᒋᔅᑐᑦ᙮
\v 12 ᐅ ᒪᒃ ᑯᑎᒃ ᒥᒋ ‍ ᐊᐛᓯᔅ ᒥᔅᑎ ᒋ ‍ ᒥᔨᑯᐤ ᑎᐸᔨᒋᒐᐅᓂᔪᐤ ᐊᓂᔭᔪᐛ ᓂᔅᑎᒻ ᒥᒋ ‍ ᐊᐛᓯᓴ, ᐊ ‍ ᐅᒋᒪᐅᑦ ᒐᒋ ᐃᑕᐱᒋᐃᑯᑦ ᐊᓐᑕ ᐊ ‍ ᑕᔨᒋ᙮ ᐊᑯ ᒂ ‍ ᐊᔨᐧᑭᒥᐊᑦ ᒥᓯᐛ ᐊᐛᔪᐛ ᐊᓐᑕ ᐊᔅᒋᒡ ᑲ ‍ ᐱᒪᑎᓯᔨᒋ ᒐᒋ ᐊᔭᒥᐊᔅᑐᐛᔨᒋ ᐊᓂᔭ ᓂᔅᑎᒻ ᑲ ‍ ᑕᔨᒋ ᒥᒋ ‍ ᐊᐛᓯᓴ, ᐊᓂᔭᔪᐛ ᒥᒋ ‍ ᐊᐛᓯᓴ ᒋᒋᐛ ᑲ ‍ ᒥᓱᐛᑭᓂᐧᑲᑕᑭᓄᐎᒂᓂ ᐅᔅᑎᒂᓂᔨᒡ ᑭᔭ ᑲ ‍ ᒥᓏᒋᑕᑭᓄᔨᒋ᙮
\v 13 ᐊᑯ ᐊᓐ ᑯᑎᒃ ᑲ ‍ ᑕᑦ ᒥᒋ ‍ ᐊᐛᓯᔅ ᓂᓇᐧᑯᐤ ᒋ ᐃᓯ ᒥᔅᑎ ‍ ᒪᒥᔅᑲᒡ ᐃᑐᐤ᙮ ᐛᐛᒡ ᒋ ‍ ᐃᑐᑎᒻ ᐃᔅᑯᑕᔪᐤ ᒐᒋ ᐸᒋᑎᓂᔨᒡ ᒋᓯᑯᒡ ᐅᒡ ᐊᓐᑕ ᐃᔅ ᐊᔅᒋᒡ ᒥᓯᐛ ᐊᐛᔪᐛ ᐊ ‍ ᑭᓄᐛᐱᒥᑯᑦ᙮
\v 14 ᐊᓐᒡ ᒪᒃ ᐊᐛᓐᒋ ᐊᓐᑕ ᐊᔅᒋᒡ ᐊ ‍ ᑕᒡ ᒋ ‍ ᐎᔭᓯᐃᑯᐅᒡ ᐅᔭ ᑲ ᐃᓯ ‍ ᐱᔅᑎᓇᑭᓄᔨᒋ ᐅᔭ ᒥᒋ ‍ ᐊᐛᓯᓴ ᒐᒋ ᒪᒥᔅᑲᒡ ᑎᔨᒋ ᐊ ‍ ᑭᓄᐛᐱᒥᑯᔨᒋ ᐊᓂᔭ ᑯᑎᑲ ᒥᒋ ‍ ᐊᐛᓯᓴ᙮ ᐊᓐᒡ ᐊᐛᓐᒋ ᐊᔅᒋᒡ ᑲ ‍ ᑕᒡ ᒋ ‍ ᐃᑎᑯᐅᒡ ᐊᓂᔭ ᓂᓱ ᐊ ‍ ᑕᔨᒋ ᒥᒋ ‍ ᐊᐛᓯᓴ ᒐᒋ ᐅᓯᐊᒡ ᒥᓂᑐᐧᑲᓇ ᐊ ‍ ᒋᔅᑕᔨᑕᑯᐊᒡ ᐊᓂᔭ ᒥᒋ ‍ ᐊᐛᓯᓴ ᒋᒋᐛ ᑲ ‍ ᒥᓱᐛᑭᓂᐧᑲᑎᑯᔨᒋ ᓂᑐᐱᔪᐅ-ᒧᐧᑯᒪᓂᔪᐤ ᒥᒄ ᒪᒃ ᐃᔭᐱᒡ ᐊᒋ ‍ ᐱᒪᑎᓯᔨᒋ᙮
\v 15 ᒋ ‍ ᐱᔅᑎᓇᑭᓄᐤ ᒪᒃ ᐅ ᒥᒋ ‍ ᐊᐛᓯᔅ ᒐᒋ ᐃᑐᑐᐛᑦ ᐊᓂᔭ ᒥᓂᑐᐧᑲᓐ ᒐᒋ ᐃᔪᐎᔨᒋ᙮ ᐊᑯ ᒪᒃ ᒂ ‍ ᐃᔨᒥᔨᒋ ᑭᔭ ᒋ ‍ ᐃᑐᑐᐛᔪᐛ ᐊᐛᔪᐛ ᐊᑲ ᐎ ᐊᔭᒥᐊᔅᑐᐛᔨᒋ ᐊᓂᔭᔪᐛ ᒥᓂᑐᐧᑲᓇ ᒐᒋ ᓂᐸᐊᑭᓄᔨᒋ᙮
\v 16 ᐅ ᒪᒃ ᒥᒋ ‍ ᐊᐛᓯᔅ ᒋ ‍ ᐊᔨᐧᑭᒥᐊᐤ ᒥᓯᐛ ᐊᐛᔪᐛ ᒐᒋ ᒋᔅᒋᓄᐛᒋᓯᓇᐛᑭᓄᔨᒋ ᐅᒥᔪᓂᔨᒡ ᒥᑎᒋᒡ ᒪᒃ ᐅᔅᑲᑎᑯᐎᒡ, ᒥᓯᐛ ᐊᓂᔭ ᑲ ‍ ᒋᔅᑕᔨᑕᑯᓯᔨᒋ ᑭᔭ ᐊᓂᔭ ᐊᑲ ᒋᔅᑕᔨᑕᑯᓯᔨᒋ, ᐊᓂᔭᔪᐛ ᑲ ‍ ᐛᔪᑎᓯᔨᒋ ᑭᔭ ᐊᓂᔭ ᑲ ‍ ᒋᔅᑎᒪᑎᓯᔨᒋ, ᐊᓂᔭᔪᐛ ᑲ ‍ ᐅᑦ ᐊᐱᒋᐊᑭᓂᑐᑐᐛᑭᓄᔨᒋ ᑭᔭ ᐊᓂᔭ ᐊᑲ ᐅᑦ ᐊᐱᒋᐊᑭᓂᑐᑐᐛᑭᓄᔨᒋ᙮
\v 17 ᓇᒪ ᒪᒃ ᐊᐛᓐ ᐅᒋ ᐊᑕᐛᐤ ᑭᔭ ᓇᒪ ᐊᐛᓐ ᐅᒋ ᐅᑎᓇᓱᐤ ᒧᔭᒻ ᐊᑲ ᐅᒋ ᒋᔅᒋᓄᐛᒋᓯᓇᐛᑭᓄᒂ᙮ ᐊᓂᔭ ᒪᒃ ᐊᓐᑕ ᑲ ‍ ᒋᔅᒋᓄᐛᒋᓯᓇᐛᑭᓄᐎᒡ, ᐊᓂᔭ ᐊ ‍ ᐃᓯᓂᐧᑲᓱᔨᒋ ᐊᓂᔭ ᒥᒋ ‍ ᐊᐛᓯᓴ ᑭᔭ ᒪᒃ ᐊᓂᔭ ᐅᑦ ᐊᒋᑕᓱᐅᓂᔪᐛ ᒋ ‍ ᒥᓯᓇᑕᔪᐤ ᐊᓐᑕ᙮
\p
\v 18 ᐊᑯᑕ ᒪᒃ ᐅᑕ ᑭᒐᑕᐛᔨᑎᒧᐅᓐ ᓇᑐᐛᔨᑕᒂᒡ᙮ ᐊᓐ ᒪᒃ ᐊᐛᓐ ᑲᒐᔨᑕᐛᔨᑎᒧᒂ, ᒋᑭ ᒋ ‍ ᒋᔅᒐᔨᑎᒻ ᑕᓐ ᐊ ᐃᓯ ‍ ᐎᑎᒪᒐᒥᑭᓂᔨᒡ ᐊᓂᔭ ᐊᒋᑕᓱᐅᓂᔪᐤ, ᐛᔅ ᐊᓐ ᐊᒋᑕᓱᐅᓐ ᓇᐸᐤ ᐊᓂᔭ ᐅᑦ ᐃᓯᓂᐧᑲᓱᐅᓐ᙮ ᐊᓱᑕᑕᑐᐤ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᔪᐤ ᐊᓱ ᐊᓱᑕᒡ ᒪᒃ ᐃᑎᓯᓇᑕᔪᐤ ᐅᑦ ᐃᓯᓂᐧᑲᓱᐅᓐ᙮
\c 14
\s1 ᒋᓴᒪᓂᑐᐤ ᐅᑦ ᐃᔨᒪ ᑲ ‍ ᓂᑭᒧᔨᒋ ᐊᓐᑕ ᒋᒋᒋᓯᑯᒡ
\p
\v 1 ᐃᔅᐱ ᒥᓐ ᑲ ‍ ᐃᑕᐱᔭᓐ ᓂᒋ ‍ ᐛᐱᒪᐤ ᐊᓐ ᒪᔭᑕᓂᔅ ᐊᓐᑕ ᐊᓂᔭ ᐱᔅᑯᑎᓇᔪᐤ ᓴᐃᔭᓐ ᑲ ‍ ᐃᓯᓂᐧᑲᑕᔨᒡ ᐊ ‍ ᓂᐳᐅᑦ᙮ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᒋ ‍ ᑕᑎᓯᔪᐛ ᐊᐛᔪᐛ ᐊᓐᑕ ᐊ ‍ ᑕᑦ᙮ ᐊᓂᔭᔪᐛ ᒪᒃ ᐊᐛᔪᐛ ᐅᔅᑲᑎᑯᐎᒡ ᒋ ‍ ᒥᓯᓇᑕᔪᐤ ᐊᓂᔭᔪᐛ ᒪᔭᑕᓂᓴ ᐅᑦ ᐃᓯᓂᐧᑲᓱᐅᓂᔪᐤ ᑭᔭ ᒋᓴᒪᓂᑐᐛ ᐅᑕᐎᒪᐛ ᐅᑦ ᐃᓯᓂᐧᑲᓱᐅᓂᔪᐤ᙮
\v 2 ᐊᑯ ᒂ ‍ ᐸᑎᒪᓐ ᐸᑕᑯᓱᐅᓐ ᒋᒋᒋᓯᑯᒡ ᐊ ᐅᒋ ‍ ᐃᔨᒥᑦ ᐊᐛᓐ ᒧᔭᒻ ᓂᐱᔾ ᐊ ᒥᔅᑎ ᑭᔅᒋ ‍ ᐸᒋᑎᒡ ᐊ ‍ ᐃᑎᑕᒂᒡ ᑭᔭ ᒧᔭᒻ ᓂᒥᔅᒍᐅᒡ ᐊ ‍ ᒋᔅᑐᒡ ᐊ ‍ ᐃᑎᑕᒂᒡ᙮ ᐊᓐ ᐸᑕᑯᓱᐅᓐ ᑲ ‍ ᐸᑎᒪᓐ, ᒧᔭᒻ ᐊ ‍ ᐃᑎᑕᑯᓂᔨᒡ ᐊᐛᓐᒋ ᐊ ‍ ᒪᑐᐛᒡ ᐊᓂᔭᔪᐛ ᑲ ‍ ᒥᔪᑕᑯᓂᔨᒋ ᐊᔭᒥᐊᐤ ᒋᔍᐛᐱᒋᑭᓇ, ᐊᑯᓐ ᑲ ‍ ᐃᑎᑕᒂᒡ᙮
\v 3 ᓂᒋ ‍ ᐛᐱᒪᐅᒡ ᒪᒃ ᐊᓐᒡ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᐊ ‍ ᐃᑕᑎᓯᒡ ᐊᐛᓐᒋ ᐊ ‍ ᐅᑎᔅᑯᑲᐳᔅᑎᒺᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓂᔭᔪᐛ ᓂᓱᔪᐤ ᐊᓱ ᓇᐤ ᑲ ‍ ᒋᔅᑕᔨᑕᑯᓯᔨᒋ ᒋᓴᐃᔪᐛ ᐊ ‍ ᐅᑎᔅᑯᑲᐳᔅᑐᐛᒡ ᑭᔭ ᐊᓂᔭ ᑲ ‍ ᓇᐎᔨᒋ ᑲ ‍ ᐱᒪᑎᓯᔨᒋ ᐊᐛᔪᐛ᙮ ᐊ ‍ ᐅᔅᑲᔨᒡ ᓂᑭᒧᐅᓂᔪᐤ ᒋ ‍ ᓂᑭᒧᐅᒡ᙮ ᓇᒪ ᒪᒃ ᑯᑎᑲ ᐊᐛᔪᐛ ᒋᑭ ᒋ ‍ ᒋᔅᒐᔨᑎᒥᔪᐛ ᐊᓂᔭ ᓂᑭᒧᐅᓂᔪᐤ ᑲ ‍ ᓂᑭᒧᐅᒡ, ᒥᒄ ᐎᔨᐛᐤ ᐊᓐᒡ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᐊ ‍ ᐃᑕᑎᓯᒡ᙮ ᐛᔅ ᐊᐅᑯᓐᒡ ᐅᒡ ᑲ ‍ ᐱᒪᒋᐃᑯᒡ ᒋᓴᒪᓂᑐᐤ ᐊᔅᒋᒡ ᐅᒡ᙮
\v 4 ᐊᐅᑯᓐᒡ ᐅᒡ ᐊᑲ ᐅᒋ ᐎᓂᐃᑯᒡ ᐃᔎᐛ, ᐸᔭᒋᓯᐅᓂᒡ ᑲ ᐃᓯ ‍ ᑭᓄᐛᔨᒥᓱᒡ᙮ ᒧᔅ ᓇᓴᐛᐅᒡ ᐊᓂᔭᔪᐛ ᒪᔭᑕᓂᓴ ᑕᓐᑕ ᒥᒄ ᐊ ‍ ᐃᑐᑕᔨᒋ᙮ ᒋ ‍ ᐱᒪᒋᐊᑭᓄᐅᒡ ᐊᔅᒋᒡ ᐅᒡ ᐎᔨᐛᐤ ᒪᒃ ᓂᔅᑎᒻ ᒋ ‍ ᐱᔅᑎᓇᑭᓄᐎᒡ ᒋᓴᒪᓂᑐᐛ ᑭᔭ ᒪᔭᑕᓂᓴ ᐊ ‍ ᑕᔨᒋ᙮
\v 5 ᓇᒪ ᓂᑕ ᐅᒋ ᑭᑭᒋᔭᐅᒡ, ᐊᑲ ᓂᑕ ᐅᒋ ᐅᓂᔨᑎᒡ ᐃᓯ ᑭᓄᐛᐱᒥᑯᐅᒡ ᒋᓴᒪᓂᑐᐛ᙮
\s1 ᑲ ‍ ᓂᔅᑎᒡ ᐊᓐᒋᓐᒡ
\p
\v 6 ᐊᑯ ᒥᓐ ᑯᑎᒃ ᐊᓐᒋᓐ ᒂ ‍ ᐛᐱᒥᒃ ᓇᔅᒡ ᐊ ‍ ᐃᔅᐸᐅᑦ ᐃᔅᐱᒥᒡ ᐊᓐᑕ ᐊ ‍ ᐱᒥᔭᑦ, ᐊ ᐸᒋ ‍ ᐛᐎᑎᒧᐛᑦ ᐊᓂᔭᔪᐛ ᐊᔅᒋᒡ ᐊ ‍ ᑕᔨᒋ ᒥᔪ ‍ ᑎᐸᒋᒧᐅᓂᔪᐤ ᒧᔅ ᒐ ‍ ᑕᑈᒥᑭᓂᔨᒡ᙮ ᒥᓯᐛ ᐊᐛᔪᐛ ᒋᑭ ‍ ᐎᑎᒧᐛᐤ, ᒥᓯᐛ ᐃᑎᔅᑲᓇᓯᔨᒋ, ᒥᓯᐛ ᐊ ᐃᓯ ‍ ᐃᔨᒥᔨᒋ, ᓂᓇᐧᑯᐤ ᐊ ᐃᓯ ‍ ᒪᒧᑕᐅᓯᔨᒋ᙮
\v 7 ᒋ ‍ ᐃᔅᒋᔄᐤ ᐊᓐ ᐊᓐᒋᓐ ᐊ ‍ ᒋᔄᐛᑦ, “ᒪᒥᒋᒪᐧᒄ ᒋᓴᒪᓂᑐᐤ ᑭᔭ ᒋᔅᑕᔨᒪᐧᒄ᙮ ᐛᔅ ᓴᔅ ᐅᑎᒋᐱᔪᐤ ᐊᓐᑕ ᒐ ‍ ᑎᐸᔅᑯᓇᑦ ᒥᓯᐛ ᐊᐛᔪᐛ᙮ ᐊᔭᒥᐊᔅᑐᐛᐧᒄ ᐊᓐ ᑲ ‍ ᐅᓯᑕᑦ ᒋᒋᒋᓯᑯᔪᐤ, ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᐊ ᐅᒋ ‍ ᒧᔅᒋᒍᐅᓂᔨᒡ ᓂᐱᔪᐤ᙮”
\p
\v 8 ᐊᑯ ᒥᓐ ᑯᑎᒃ ᐊᓐᒋᓐ ᒂ ‍ ᐛᐱᒥᒃ ᐊ ᐅᒋ ‍ ᐱᒥᔭᑦ ᑭᔭ ᐎᔾ ᓇᔅᒡ ᐊ ‍ ᐃᔅᐸᐅᑦ ᐃᔅᐱᒥᒡ ᐊᓐᑕ ᐊ ‍ ᐱᒥᐃᔭᑦ᙮ ᒋ ‍ ᐃᔅᒋᔄᐤ ᐅ ᐊᓐᒋᓐ, “ᐊᓐ ᓇᔅᒡ ᑲ ‍ ᒋᔅᑕᔨᑕᒂᒡ ᐅᑕᓇᐤ ᐸᐱᓗᓐ ᑲ ‍ ᐃᓯᓂᐧᑲᑕᒡ ᓇᔅᒡ ᒋ ‍ ᓂᓱᐅᓇᒋᑕᑭᓄᐤ᙮ ᐛᔅ ᐊᑯᑕ ᐊᓐ ᐅᑕᓇᐤ ᓇᔅᒡ ᑲ ‍ ᐛᑎᒡ ᒥᓯᐛ ᐊ ‍ ᐃᑎᔅᑲᓇᓯᒡ ᐊᐛᓐᒋ ᐊᑲ ᓇᔅᒡ ᒐᒋ ᓇᑲᐎᔅᑕᒡ ᐎᓂᓱᐤ ᐱᒪᑎᓯᐅᓂᔪᐤ ᒧᔭᒻ ᑲ ‍ ᐃᑎᔨᒋ ᐊᓐᑕ ᐊ ‍ ᑕᔨᒋ᙮ ᐊᓂᔭ ᒪᒃ ᑲ ‍ ᐃᑐᑐᐛᒡ ᒧᔭᒻ ᐊ ‍ ᒥᓇᐊᒡ ᐊ ‍ ᓱᒋᓯᒥᑭᓂᔨᒡ ᓱᒥᓇᐳᔪᐤ ᐃᓯᓇᑯᓂᔪᐤ᙮”
\p
\v 9 ᒥᓐ ᑯᑎᒃ ᐊᓐᒋᓐ ᒋ ᐅᒋ ‍ ᐱᒥᔭᐤ ᓇᔅᒡ ᐊ ‍ ᐃᔅᐸᐅᑦ ᐃᔅᐱᒥᒡ ᐊᓐᑕ ᐊ ᐃᓯ ‍ ᐱᒥᔭᑦ᙮ ᐊᑯ ᒪᒧᐤ ᓂᔅᑐ ᐊᓐᒋᓐᒡ ᒂ ‍ ᓄᑯᓯᒡ᙮ ᐊᑯ ᐅ ᓂᔅᑐ ᐊ ‍ ᑕᑦ ᐊᓐᒋᓐ ᒂ ‍ ᐃᔅᒋᔄᑦ ᐊ ‍ ᒋᔄᐛᑦ, “ᐊᓐ ᐊᐛᓐ ᒐ ‍ ᐊᔭᒥᐊᔅᑐᐛᒂ ᐊᓂᔭᔪᐛ ᒥᒋ ‍ ᐊᐛᓯᓴ ᑭᔭ ᐊᓂᔭᔪᐛ ᒥᓂᑐᐧᑲᓇ, ᒧᔭᒻ ᐊᓐ ᒥᒋ ‍ ᐊᐛᓯᔅ ᐊ ‍ ᐃᓯᓇᑯᓯᑦ ᑲ ‍ ᐃᓯᐊᑭᓄᔨᒋ ᑭᔭ ᒐ ‍ ᐱᔅᑎᓂᓱᒂ ᒐᒋ ᒋᔅᒋᓄᐛᒋᐊᑭᓄᐅᑦ ᐅᔅᑲᑎᑯᒡ ᒪᒃ ᐅᑎᒋᒡ,
\v 10 ᒋᑭ ‍ ᒧᓯᑕᐛᐤ ᑕᓐ ᐊ ᐃᓯ ‍ ᒋᔄᐊᑦ ᒋᓴᒪᓂᑐᐛ᙮ ᐊᓂᔭ ᒪᒃ ᒐ ᐃᓯ ‍ ᒧᓯᑕᐛᑦ ᐊ ‍ ᒋᔄᐊᑦ ᒋᓴᒪᓂᑐᐛ, ᒧᔭᒻ ᐊᐛᓐ ᐊ ‍ ᒥᓂᐊᑭᓄᐅᑦ ᓱᒥᓇᐳᔪᐤ ᒋᑭ ‍ ᐃᑕᔨᑕᑯᓂᔪᐤ᙮ ᐅᔭ ᒪᒃ ᐅᒋᔄᓱᐅᓐ ᒋᓴᒪᓂᑐᐤ, ᓇᔅᒡ ᒋ ᐃᓯ ‍ ᑯᑎᐱᓂᒺᐤ ᐊᓐᑕ ᐊᓂᔭ ᒥᓂᒂᑭᓂᔪᐤ ᐊᓐᑕ ᐊ ‍ ᐃᓯᓇᑯᓂᔨᒡ ᐊ ‍ ᑎᑯᓂᔨᒡ ᐅᑦ ᐊᐧᑯᔪᐛᓱᐅᓐ᙮ ᒥᓯᐛ ᒪᒃ ᐊᓐᒡ ᒐ ‍ ᐊᔭᒥᐊᔅᑐᐛᐛᒂ ᐊᓂᔭᔪᐛ ᒥᒋ ‍ ᐊᐛᓯᓴ ᑭᔭ ᐊᓂᔭᔪᐛ ᒥᒋ ‍ ᐊᐛᓯᔅ ᒥᓂᑐᐧᑲᓇ ᑭᔭ ᒐ ‍ ᐱᔅᑎᓂᓱᐛᒂ ᒐᒋ ᒋᔅᒋᓄᐛᒋᐊᑭᓄᐎᒡ ᐅᔅᑲᑎᑯᐛᒡ ᒪᒃ ᐅᑎᒋᐛᒡ ᒋᑭ ‍ ᓂᓇᐧᑲᑕᔨᒧᐊᑭᓄᐎᒡ ᐃᔅᑯᑕᔪᐤ ᑭᔭ ᐃᓴᑯ ᐊᓯᓂᔭ ᑲ ‍ ᐎᓂᒪᓱᔨᒋ ᐊ ‍ ᐃᔎᓯᑭᓄᔨᒋ ᐊ ‍ ᐊᑐᔅᒐᔨᒋ ᐅᑎᔅᑯᐤ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᐅᑦ ᐊᓐᒋᓂᒥᔪᐛ ᑲ ‍ ᐸᔭᒋᓯᔨᒋ ᐊ ‍ ᑕᔨᒋ᙮
\v 11 ᐊᓂᔭ ᒪᒃ ᐊ ‍ ᐊᒂᐸᑕᔨᒡ ᐊᓂᔭ ᐃᔅᑯᑕᔪᐤ, ᒋᑭ ‍ ᓂᓇᐧᑲᑕᔨᒧᐃᑯᐅᒡ ᑲᒋᒡ ᒋᑭ ᐅᒋ ‍ ᐅᐸᐸᑕᐱᔪᐤ᙮ ᓇᒪ ᒪᒃ ᓂᑕ ᒋᑭ ᐅᒋ ‍ ᑎᑯᓂᔪᐤ ᑕᓐᑕ ᒐ ‍ ᐃᔅᑕᐱᔨᒡ ᐊᓂᔭ ᐊ ‍ ᓂᓇᐧᑲᑕᔨᒧᒡ ᐅᒡ ᑲ ‍ ᐊᔭᒥᐊᔅᑐᐛᒡ ᐅᔭ ᒥᒋ ‍ ᐊᐛᓯᓴ ᑭᔭ ᐊᓂᔭᔪᐛ ᒥᒋ ‍ ᐊᐛᓯᔅ ᒥᓂᑐᐧᑲᓇ᙮ ᐊ ‍ ᒋᓯᑲᔨᒡ ᑭᔭ ᐊ ‍ ᑎᐱᔅᑲᔨᒡ ᒋᑭ ‍ ᓂᓇᐧᑲᑕᔨᒧᐅᒡ᙮”
\p
\v 12 ᐊᑯᑕ ᐅ ᐛᒋ ‍ ᓂᑐᐛᔨᑕᑯᓯᒡ ᑲ ‍ ᑕᑈᑕᒡ, ᐊᓐᒡ ᑲ ‍ ᓂᓇᐃᑎᒺᒡ ᐅᐎᓱᐛᐅᓂᔪᐤ ᑭᔭ ᐊᑲ ᐳᓂᒡ ᐊ ‍ ᑕᑈᔭᔨᒪᒡ ᒋᓴᓴ ᒐ ᐊᑲ ᒋ ᓄᑎ ᐳᓂᒡ ᐅᔭ ᐊ ‍ ᐃᑎᒡ᙮
\v 13 ᒥᓐ ᒐᒂᓐ ᑲ ‍ ᐃᔅᐱᔨᒡ᙮ ᓂᒋ ‍ ᐸᑐᐛᐤ ᐊᐛᓐ ᒋᒋᒋᓯᑯᒡ ᐊ ᐅᒋ ‍ ᐃᔨᒥᑦ᙮ ᒪᐅ ᑲ ‍ ᐃᔅᒋᔄᑦ, “ᒥᓯᓇᐊ ᐅ᙮ ᐅᑕ ᐃᔅ ᓂᔅᑕᒥᒡ ᓱᐛᔨᑕᑯᓱᐅᒡ ᐊᓐᒡ ᒐ ‍ ᓂᐱᒡ ᐊᔅᒄ ᐊ ‍ ᐎᒐᐛᒡ ᒋᓴᓴ᙮”
\p ᐊᑯ ᑲ ‍ ᐸᔭᒋᓯᑦ ᐊᒐᐧᒄ ᒂ ‍ ᐃᔅᒋᔄᑦ, “ᓂᐦᐃ, ᑕᑈ ᓱᐛᔨᑕᑯᓱᐅᒡ᙮ ᒋ ‍ ᐊᔨᒥᐅᐅᒡ ᐊ ‍ ᓇᓴᐛᒡ ᒋᓴᓴ ᑭᔭ ᐊᑯ ᒐ ‍ ᐊᔽᐱᒡ᙮ ᑕᓐ ᐊ ᐃᓯ ‍ ᒪᒧᐤ ᑭᓄᐛᐸᑕᑭᓄᔨᒋ ᑲ ᐃᓯ ᐸᒋ ‍ ᐊᐱᒋᐃᑯᒡ ᒋᓴᒪᓂᑐᐤ ᒋᑭ ‍ ᐎᒐᐅᑯᒡ᙮”
\s1 ᑕᓐ ᒐ ‍ ᐃᑕᔨᑕᒂᒡ ᐊᓐ ᐊ ‍ ᒋᓯᑲᒡ ᑎᐸᔅᑯᓇᑭᓄᑥᐛ ᐊᐛᓐᒋ
\p
\v 14 ᒥᓐ ᒂ ‍ ᐃᑕᐱᔭᓐ, ᐊᑯ ᒂ ‍ ᐛᐱᒥᒃ ᐊ ‍ ᐛᐱᓯᑦ ᑭᔅᑯᐅᓂᔅᒄ᙮ ᓂᒋ ‍ ᐛᐱᒪᐤ ᒪᒃ ᐊᐛᓐ ᐊ ‍ ᑕᑎᐱᑦ ᐊᓂᔭᔪᐛ ᑭᔅᑯᐅᓂᔎ ᒧᔭᒻ ᐃᔪᐤ ᐅᑯᓯᓴᓇ ᐊ ‍ ᐃᓯᓇᑯᓯᑦ᙮ ᐊ ‍ ᐎᔄᐅᓱᓇᔭᐱᔅᑯᔨᒡ ᒋᓴᐅᒋᒪᐅᑯᓂᔎᐅᓂᔪᐤ ᒋ ‍ ᒋᔅᑭᒻ ᐊᓐ ᐊᐛᓐ᙮ ᐊ ‍ ᑲᓴᔨᒡ ᒥᔅᑯᓯᐅ-ᒧᐧᑯᒪᓂᔪᐤ ᒋ ‍ ᑕᐧᑯᓂᒻ᙮
\v 15 ᐊᑯ ᒥᓐ ᑯᑎᒃ ᐊᓐᒋᓐ ᒂ ‍ ᐛᐱᒥᒃ᙮ ᐅ ᐎᔾ ᐊᓐᒋᓐ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ ᒋᒋᒋᓯᑯᒡ ᐊ ‍ ᑎᑯᓂᔨᒡ, ᐊᑯᑕ ᑲ ᐅᒋ ‍ ᐎᐎᑦ᙮ ᐊᑯ ᒂ ‍ ᐃᑕᑦ ᐊᓂᔭᔪᐛ ᑭᔅᑯᐅᓂᔅᑯᒡ ᑲ ‍ ᑕᑎᐱᔨᒋ, “ᐅᑎᓇ ᐊᓐ ᒋᒥᔅᑯᓯᐅ-ᒧᐧᑯᒪᓐ, ᒐ ‍ ᑭᒐᒥᓯᒥᓐ ᓂᑕᐅᒋᑕᑭᓇ ᐛᔅ ᓴᔅ ᐅᑎᒋᐱᔪᐤ ᒐᒋ ᒪᒧᓴᒋᓂᑭᓄᐅᒋ᙮ ᓴᔅ ᓇᔅᒡ ᒋ ᐃᓯ ‍ ᓂᑕᐅᒋᓇ᙮” ᒋ ‍ ᒋᔄᐛᐤ ᐊᓂᔭ ᐊ ‍ ᐃᔅᒋᔄᑦ ᐊᓐ ᐊᓐᒋᓐ᙮
\v 16 ᐊᑯ ᐊᓐ ᑲ ‍ ᑕᑎᐱᑦ ᐊᓂᔭᔪᐛ ᑭᔅᑯᐅᓂᔎ, ᑲ ‍ ᐛᐱᐱᔨᑕᑦ ᐊᓂᔭ ᐅᒥᔅᑯᓯᐅ-ᒧᐧᑯᒪᓐ ᐊᓐᑕ ᐃᔅ ᐊᔅᒋᒡ᙮ ᒥᓯᐛ ᒪᒃ ᐊ ‍ ᐃᔅᐱᓴᔨᒡ ᐊᔅᒋᔪᐤ ᒋ ‍ ᒋᒥᓯᒻ ᑕᓐ ᑲ ᐃᓯ ‍ ᓂᑕᐅᒋᓂᔨᒡ᙮
\p
\v 17 ᐊᑯ ᒥᓐ ᑯᑎᒃ ᐊᓐᒋᓐ ᒂ ‍ ᐛᐱᒥᒃ ᐊ ᐅᒋ ‍ ᐎᐎᑦ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ ᒋᒋᒋᓯᑯᒡ ᐊ ‍ ᑎᑯᓂᔨᒡ᙮ ᑭᔭ ᐎᔾ ᒋ ‍ ᑕᐧᑯᓂᒻ ᐊ ‍ ᑲᓴᔨᒡ ᒥᔅᑯᓯᐅ-ᒧᐧᑯᒪᓂᔪᐤ᙮
\v 18 ᐃᔅᐱ ᒪᒃ ᑲ ᐸᒋ ‍ ᐎᐎᑦ ᐅ ᐊᓐᒋᓐ, ᐊᑯ ᒥᓐ ᑯᑎᒃ ᐊᓐᒋᓐ ᒂ ‍ ᐛᐱᒥᒃ ᐊᓐᑕ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ ᐊ ‍ ᑎᑯᓂᔨᒡ ᐊ ‍ ᐅᑐᑕᑦ᙮ ᐊᐅᒄ ᐅ ᐊᓐᒋᓐ ᑕᐸᔨᑕᐧᒃ ᐃᔅᑯᑕᔪᐤ᙮ ᐊᑯ ᐅ ᐊᓐᒋᓐ ᒂ ‍ ᑕᑈᑕᑦ ᐊᓂᔭᔪᐛ ᐊᓐᒋᓇ ᑲ ‍ ᑕᐧᑯᓂᒥᔨᒋ ᐊ ‍ ᑲᓴᔨᒡ ᒥᔅᑯᓯᐅ-ᒧᐧᑯᒪᓂᔪᐤ᙮ ᒋ ‍ ᒋᔄᐛᐤ ᐊᓂᔭ ᐊ ‍ ᑕᑈᑕᑦ᙮ ᒋ ‍ ᐃᑕᐤ ᒪᒃ ᐊᓂᔭᔪᐛ ᐊᓐᒋᓇ, “ᐅᑎᓇ ᐊᓐ ᒋᒥᔅᑯᓯᐅ-ᒧᐧᑯᒪᓐ ᒐ ‍ ᒪᒧᓴᒋᓂᒥᓐ ᐊᓂᔭᔪᐛ ᐊ ‍ ᒪᒧᐅᒥᒋ ᒥᓂᓴ᙮ ᐛᔅ ᓴᔅ ᐅᑎᒋᐱᔪᐤ ᒐᒋ ᒪᒧᓴᒋᓂᑭᓄᐅᒋ᙮ ᓴᔅ ᒥᔽᐛ ᒐᒋ ᒪᒧᓴᒋᓂᑭᓄᐅᒋ᙮”
\v 19 ᐊᑯ ᐊᓐ ᐊᓐᒋᓐ ᒂ ‍ ᐛᐱᐱᔨᑕᑦ ᐊᓂᔭ ᐅᒥᔅᑯᓯᐤ ‍ ᒧᐧᑯᒪᓐ ᐊᓐᑕ ᐃᔅ ᐊᔅᒋᒡ᙮ ᐊᑯ ᒂ ‍ ᒪᒧᓴᒋᓇᐧᒃ ᐊᓂᔭᔪᐛ ᒥᓂᓴ᙮ ᐊᓐᑕ ᒪᒃ ᒐ ‍ ᑎᑯᐃᑭᓄᔨᒋ ᐊᑯᑕ ᑲ ᐃᓯ ‍ ᐛᐱᓇᐧᒃ ᐊᓐᑕ ᐛᐛᓯᐊᑦ ᒋᓴᒪᓂᑐᐤ ᐊᐛᔪᐛ᙮
\v 20 ᐎᐎᑎᒥᒡ ᐊᓐ ᐅᑕᓇᐤ ᐊᑯᑕ ᑲ ‍ ᑎᑯᐃᑭᓄᐅᒋ ᐊᓂᔭᔪᐛ ᒥᓂᓴ᙮ ᐃᔅᐱ ᒪᒃ ᑲ ‍ ᑎᑯᐃᑭᓄᔨᒋ ᒥᔅᑎ ᒋ ᐅᒋ ‍ ᑯᐃᒂᓯᑯᓐ ᒥᐧᒄ ᐊᓐᑕ ᐊᓐ ᓇᐊᐤ ᑲ ‍ ᑎᑯᐃᑭᓄᔨᒋ ᐊᓂᔭᔪᐛ ᒥᓂᓴ᙮ ᐊᓐ ᒪᒃ ᐊ ᐃᓯ ‍ ᑯᐃᒂᓯᑯᒡ ᒥᐧᒄ, ᓴᓯᑲᓐ ᐱᑕᑕᒡ ᑕᑐᔪᐤ ᒥᓯᑦ ᒋ ᐊᑎ ‍ ᐃᔅᐱᓯᐱᔪᐤ᙮ ᓴᓯᑲᓐ ᒪᒃ ᓂᓱ ᒥᑕᓯᒥᑎᓄᐤ ᐊᔅᐱᓴᒡ ᒋ ‍ ᐃᔎᒐ ᐱᓯᒄ ᒥᐧᒄ ᐊ ‍ ᐃᓯᓇᒂᒡ᙮
\c 15
\s1 ᓂᔄᐅᑕᒡ ᐊᓐᒋᓐᒡ ᒐ ‍ ᐸᑕᒡ ᓂᔄᐅᑕᒡ ᓂᓇᐧᑲᑕᔨᒧᐃᐛᐅᓇ
\p
\v 1 ᒥᓐ ᒪᒃ ᑯᑎᒡ ᒐᒂᓐ ᓂᒋ ‍ ᐛᐸᑕᓐ ᐊᓐᑕ ᒋᒋᒋᓯᑯᒡ ᓇᔅᒡ ᐊ ‍ ᒥᔅᑲᓯᓇᒂᒡ᙮ ᓂᒋ ‍ ᐛᐱᒪᐅᒡ ᓂᔄᐅᑕᒡ ᐊᓐᒋᓐᒡ᙮ ᒥᓯᐛ ᐸᐸᐃᒄ ᒋ ‍ ᐊᔭᐅᒡ ᓂᓇᐧᑯᐤ ᒐ ᐃᓯ ‍ ᓂᓇᐧᑲᑕᔨᒧᐊᒡ ᐊᐛᔪᐛ᙮ ᐊᐅᒄ ᒪᒃ ᐅᔭ ᒪᔅᑕᔾ ᒐ ᐃᓯ ‍ ᓂᓇᐧᑲᑕᔨᒧᓇᓄᐎᒡ ᐛᔅ ᐊᑯᑕ ᐅᔭ ᒐ ‍ ᒋᓯᐱᔨᒡ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ᙮
\v 2 ᐊᑯ ᒂ ‍ ᐛᐸᑎᒪᓐ ᒐᒂᓐ ᒧᔭᒻ ᐎᓂᐸᒄ ᐊ ‍ ᓴᑈᔅᑕᓇᒂᒡ ᒧᔭᒻ ᓯᐳᐛᔅᑕᔨᑕᑭᓇᐱᔅᒄ ᐊ ‍ ᐃᓯᓇᒂᒡ ᐊ ‍ ᒪᒧᐱᔨᒡ ᐃᔅᑯᑕᐤ ᐊ ‍ ᑎᒂᒡ ᐊᓐᑕ᙮ ᑭᔭ ᓂᒋ ‍ ᐛᐱᒪᐅᒡ ᐊᓐᒡ ᐊᐛᓐᒋ ᑲ ‍ ᓴᐧᑯᐊᒡ ᐊᓂᔭᔪᐛ ᒥᒋ ‍ ᐊᐛᓯᓴ᙮ ᓇᒪ ᐅᒋ ᐊᔭᒥᐊᔅᑐᐛᐛᑯᐱᓇ ᐅᔭ ᒥᒋ ‍ ᐊᐛᓯᓴ ᑭᔭ ᐊᓂᔭ ᒥᓂᑐᐧᑲᓇ ᑭᔭ ᓇᒪ ᐅᒋ ᐅᑎᓂᒺᐛᑯᐱᓇ ᐊᓂᔭ ᐊᒋᑕᓱᐅᓂᔪᐤ ᐅᑦ ᐃᓯᓂᐧᑲᓱᐅᓂᔪᐤ ᐊ ‍ ᐃᑎᓯᓇᑕᔨᒡ᙮ ᒋ ‍ ᓂᐳᐅᒡ ᐊᓐᑕ ᓯᓱᒡ ᐊᓂᔭ ᓴᑲᐃᑭᓂᔪᐤ ᐊᔭᒥᐊᐤ ᒋᔍᐛᐱᒋᑭᓇ ᐊ ‍ ᑕᐧᑯᓇᒡ ᐊᓂᔭᔪᐛ ᒋᓴᒪᓂᑐᐛ ᑲ ‍ ᒥᔨᑯᒡ᙮
\v 3 ᒋ ‍ ᓂᑭᒧᐅᒡ ᒪᒃ ᒧᓱᓴ ᐅᓂᑭᒧᐅᓂᔪᐤ᙮ ᐊᐅᒄ ᐅ ᒧᓱᔅ ᒋᓴᒪᓂᑐᐛ ᑲ ‍ ᐅᑦ ᐊᐱᒋᐊᑭᓂᑐᑕᑯᑦ᙮ ᐅᔭ ᒪᒃ ᐅᓂᑭᒧᐅᓂᔪᐤ ᒋ ‍ ᓂᑭᒧᐅᒡ ᐊ ‍ ᒋᔅᑕᒋᒪᒡ ᒪᔭᑕᓂᓴ᙮ ᐊᐅᒄ ᐅᔭ ᑲ ᐃᓯ ‍ ᓂᑭᒧᒡ,
\q “ᐅᑎᐸᔨᒋᒐᐤ ᒋᓴᒪᓂᑐᐤ ᒋᔾ ᒪᐅᒡ ᑲ ‍ ᓱᐧᑲᑎᓯᔨᓐ᙮
\q ᓇᔅᒡ ᑕᑈ ᒥᔽᔨᑕᑯᓐ ᑭᔭ ᒋᔅᑕᔨᑕᑯᓐ ᑕᓐ ᐊ ᐃᓯ ‍ ᐃᑐᑎᒥᓐ᙮
\q ᒋᔾ ᒋᒋᓴᐅᒋᒪᐅᑐᑐᐛᐅᒡ ᒥᓯᐛ ᐊ ‍ ᐃᑎᔅᑲᓇᓯᒡ ᐊᐛᓐᒋ, ᒧᔅ ᑯᐃᔅᒄ ᒋᑦ ᐃᑎᓐ ᑭᔭ ᒧᔅ ᑕᑈᒥᑭᓐ ᑕᓐ ᐊ ‍ ᐃᔅᒋᔄᔨᓐ᙮
\q
\v 4 ᐅᑎᐸᔨᒋᒐᐤ, ᐊᐛᓐ ᒐ ᐊᑲ ‍ ᓂᓇᒋᔅᑕᔅᒃ ᑭᔭ ᒐ ᐊᑲ ‍ ᒋᔅᑕᑐᑕᐧᒃ ᒋᑦ ᐃᓯᓂᐧᑲᓱᐅᓂᔪᐤ ?
\q ᐛᔅ ᒥᒄ ᒋᔾ ᒋ ‍ ᐸᔭᒋᓯᓐ᙮
\q ᒥᓯᐛ ᐊᐛᓐᒋ ᐊ ‍ ᐃᑎᔅᑲᓇᓯᒡ ᒋᑭ ᐸᒋ ‍ ᓄᒋᔅᑕᑯᒡ ᐛᔅ ᔅᒋ ‍ ᐛᐸᑎᔨᐛᓐ ᐊᔅᐱᔅ ᑯᐃᔅᒄ ᐃᑎᔨᓐ᙮”
\m ᐊᐅᒄ ᐅᔭ ᑲ ‍ ᐃᑕᐊᒪᓱᒡ ᐊ ‍ ᓂᑭᒧᒡ᙮
\p
\v 5 ᐃᔅᐱ ᒪᒃ ᑲ ‍ ᒋᔅᐱᔨᒡ ᐅ, ᐊᑯ ᒥᓐ ᑯᑎᒡ ᒐᒂᓐ ᒂ ‍ ᐛᐸᑎᒪᓐ᙮ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᐊᓐᑕ ᒋᒋᒋᓯᑯᒡ ᐊ ‍ ᑎᑯᓂᔨᒡ ᒋ ‍ ᔪᑕᐱᔪᐤ᙮ ᐊᐅᒄ ᐅᔭ ᒥᒋᐛᐱᔪᐤ ᐊᓐᑕ ᑲᒋ ‍ ᑕᑦ ᒋᓴᒪᓂᑐᐤ ᐊ ‍ ᐱᐸᐎᒐᐛᑦ ᐅᑦ ᐃᔨᒪ᙮
\v 6 ᐊᑯ ᐊᓐᒡ ᓂᔄᐅᑕᒡ ᐊᓐᒋᓐᒡ ᑲ ‍ ᐸᑕᒡ ᑕᓐ ᒐ ᐃᓯ ‍ ᓂᓇᐧᑲᑕᔨᒧᓇᓄᐎᒡ, ᒂ ᐅᒋ ‍ ᐎᐎᒡ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ᙮ ᒋ ‍ ᐛᐸᔅᐱᓱᐅᒡ ᒪᒃ ᐊ ‍ ᐛᓯᐧᑯᔅᑕᔨᒋ ᐅᑦ ᐊᐱᒋᑕᐅᓄᐛᐛ ᐊᔅᐱᔅ ᐸᔭᐧᑭᓂᔨᒋ, ᐊᑯ ᐊᓐᑕ ᐅᔅᑲᔅᒋᑭᓂᐛᒡ ᒋ ‍ ᒪᑯᐱᓱᒡ ᒐᒂᔪᐤ ᒧᔭᒻ ᐊ ‍ ᐎᔄᐅᓱᓇᔭᐱᔅᑯᓂᔨᒡ ᐱᒂᑕᐅᓂᔪᐤ ᐊ ‍ ᐃᓯᓇᑯᓂᔨᒡ᙮
\v 7 ᐊᑯ ᐸᐃᒄ ᐊᓐᒡ ᐊ ‍ ᓇᐅᒡ ᑲ ‍ ᐱᒪᑎᓯᒡ ᐊᐛᓐᒋ, ᒂ ‍ ᒥᔭᑦ ᐸᐸᐃᒄ ᐊᓂᔭ ᓂᔄᐅᑕᒡ ᐊᓐᒋᓇ ᐎᔭᑭᓂᔪᐤ ᐊ ‍ ᒧᑕᔭᔨᒡ ᐊ ‍ ᓴᑭᔅᒋᓇᔅᑕᔨᒡ ᐊᓐᑕ ᒋᓴᒪᓂᑐᐤ, ᐊᓐ ᑲᒋᒡ ᑲ ‍ ᐱᒪᑎᓯᑦ, ᐅᑦ ᐊᐧᑯᔪᐛᓱᐅᓐ᙮
\v 8 ᒋ ‍ ᒋᔌᐸᑕᐤ ᒪᒃ ᐊᓐ ᒋᓴᐊᔭᒥᐊᐅᒋᐛᑉ ᐊᓐᑕ ᐛᒋᐱᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᑭᔭ ᐅᓱᐧᑲᑎᓯᐅᓐ᙮ ᓇᒪ ᒪᒃ ᐊᐛᓐ ᒋᑭ ᒋ ‍ ᐱᒐᐤ ᐊᓐᑕ ᐸᑐᔅ ᓇᔅᒡ ᒋᔅᐱᔨᒐ ᐊᓐ ᑕᓐ ᒐ ᐃᓯ ‍ ᓂᓇᐧᑲᑕᔨᒧᓇᓄᐅᒡ᙮ ᓇᒪ ᒪᒃ ᐊᐛᓐ ᐅᒋ ᐱᒐᐤ ᐊᓐᑕ ᐸᑐᔅ ᓇᔅᒡ ᑲ ‍ ᒋᔅᐱᔨᒡ ᐊᓂᔭ ᓂᔄᐅᑕ ᑕᑐᐎᒡ ᒋᐸ ᐃᓯ ‍ ᓂᓇᐧᑲᑕᔨᒧᐊᑭᓄᐅᒡ ᐊᐛᓐᒋ ᐊᓐᒡ ᓂᔄᐅᑕᒡ ᐊᓐᒋᓐᒡ ᑲ ᐃᓯ ᐸᒋ ‍ ᐱᔅᑎᓇᒡ ᒐᒋ ᐃᓯ ‍ ᓂᓇᐧᑲᑕᔨᒧᓇᓄᐎᒡ᙮
\c 16
\s1 ᐊᓂᔭᔪᐛ ᐎᔭᑭᓇ ᑲ ‍ ᒧᑕᔭᒂᐤ ᐊᓐᑕ ᐊ ‍ ᑎᑯᓂᔨᒡ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ
\p
\v 1 ᐊᑯ ᑲ ‍ ᐸᑐᐅᒃ ᐊᐛᓐ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ᐅᒋ ‍ ᐸᑕᑯᓯᑦ ᐊ ‍ ᐃᔨᒥᑦ᙮ ᒋ ‍ ᒋᔄᐛᐤ ᐊᓐ ᐊᐛᓐ᙮ ᒋ ‍ ᐃᑕᐤ ᐊᓂᔭᔪᐛ ᓂᔄᐅᑕᒡ ᑲ ‍ ᑕᒡ ᐊᓐᒋᓐ, “ᒪᒋᒄ᙮ ᐊᓐᑕ ᐊᔅᒋᒡ ᐃᔅ ᑯᑎᐱᓂᒧᒄ ᐊᓂᔭ ᓂᔄᐅᑕᒡ ᑲ ‍ ᒧᑕᔭᒂᐤ ᐎᔭᑭᓇ ᐊᓐᑕ ᐊ ‍ ᑎᑯᓂᔨᒡ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ᙮”
\p
\v 2 ᐊᑯ ᐊᓐ ᓂᔅᑎᒻ ᐊᓐᒋᓐ ᑲ ‍ ᑯᑎᐱᓇᐧᒃ ᐊᓂᔭ ᐅᐎᔭᑭᓐ ᐊᓐᑕ ᐃᔅ ᐊᔅᒋᒡ᙮ ᐊᓐᒡ ᒪᒃ ᑲ ‍ ᐊᔭᐛᒡ ᐊᓂᔭᔪᐛ ᒥᒋ ‍ ᐊᐛᓯᓴ ᐅᒋᔅᒋᓄᐛᒋᒋᑭᓂᔪᐤ ᑭᔭ ᑲ ‍ ᒪᒥᒋᒪᒡ ᐊᓂᔭ ᒥᓂᑐᐧᑲᓐ, ᒧᔭᒻ ᐊᓐ ᒥᒋ ‍ ᐊᐛᓯᔅ ᐊ ‍ ᐃᓯᓇᑯᓯᑦ ᑲ ‍ ᐃᓯᐊᑭᓄᔨᒋ ᒋ ‍ ᐅᒥᒋᔪᐱᔪᒡ ᓇᔅᒡ ᐊ ‍ ᒪᔭᓯᓇᑯᓂᔨᒋ ᑭᔭ ᓇᔅᒡ ᐊ ‍ ᐊᐧᑯᐃᑯᒡ ᐊᓂᔭ ᑕᓐ ᑲ ᐃᓯ ‍ ᐅᒥᒋᐅᐱᔨᒡ᙮
\p
\v 3 ᐊᑯ ᒥᓐ ᑯᑎᒃ ᐊᓐᒋᓐ ᒂ ‍ ᑯᑎᐱᓇᐧᒃ ᐅᐎᔭᑭᓐ᙮ ᐊᓐᑕ ᐎᓂᐸᑯᒡ ᐊᑯᑕ ᑲ ᐃᓯ ‍ ᑯᑎᐱᓇᐧᒃ᙮ ᐊᑯ ᐊᓐ ᓂᐱᔾ ᑲ ᐊᑎ ‍ ᓱᐎᐧᑲᑭᒥᒡ ᒧᔭᒻ ᐅᒥᐧᒄ ᐊᐛᓐ ᐊ ‍ ᓂᐱᑦ ᐊᑯᓐ ᑲ ‍ ᐃᓯᓇᒂᒡ᙮ ᒥᓯᐛ ᒪᒃ ᒐᒂᓐ ᐊᓐᑕ ᐎᓂᐸᑯᒡ ᑲ ‍ ᑎᒂᒡ ᒋ ‍ ᓂᐱᒥᑭᓐ᙮
\p
\v 4 ᐊᑯ ᐊᓐ ᓂᔅᑐ ᐊ ‍ ᑕᑦ ᐊᓐᒋᓐ ᒂ ‍ ᑯᑎᐱᓇᐧᒃ ᐅᐎᔭᑭᓐ ᐊᓐᑕ ᐊ ‍ ᑎᑯᓂᔨᒋ ᓯᐱᔭ ᑭᔭ ᐊᓐᑕ ᐛᒋ ‍ ᒧᔅᒋᒍᐅᓂᔨᒡ ᓂᐱᔪᐤ᙮ ᒥᓯᐛ ᒪᒃ ᒋ ᐊᑎ ‍ ᓱᐎᐧᑲᑭᒥᔪᐤ ᐊᓂᔭ ᓂᐱᔪᐤ᙮
\v 5 ᓂᒋ ‍ ᐸᑐᐛᐤ ᒪᒃ ᐊᓐ ᐊᓐᒋᓐ ᒥᓯᐛ ᓂᐱᔪᐤ ᑲ ‍ ᐅᒋᒪᐧᑲᑕᐧᒃ ᐊ ‍ ᐃᔅᒋᔄᑦ ᐊ ‍ ᒪᒥᒋᒪᑦ, ᒋᓴᒪᓂᑐᐛ,
\q “ᓇᔅᒡ ᑯᐃᔅᒄ ᒋᑦ ᐃᑎᓐ ᐅ ᑲ ᐃᓯ ‍ ᑎᐸᔅᑯᓂᒐᔨᓐ, ᒋᔾ ᒥᒄ ᒋ ‍ ᐸᔭᒋᓯᔨᓐ, ᒋᔾ ᑲ ‍ ᑕᔨᓐ ᑭᔭ ᒧᔅ ᑲ ᐸᒋ ‍ ᑕᔨᓐ᙮
\q
\v 6 ᐛᔅ ᓇᐸᐛ ᒋ ‍ ᓂᐸᐃᑯᐅᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᐊᓐᒡ ᑲ ‍ ᑕᑈᑕᒡ᙮ ᐊᑯ ᒪᒃ, ᒋᔾ ᒋᓴᒪᓂᑐᐤ, ᒥᔨᒡ ᒥᐧᑯᔪᐤ ᒐᒋ ᒥᓂᒡ ᐊᓐᒡ ᐊᐛᓐᒋ ᑲ ‍ ᓂᐸᐊᒡ ᐅᔭ᙮ ᐃᑕᔨᑕᑯᓂᔪᐤ ᒪᒃ ᐅᔭ ᒐᒋ ᐃᑐᑐᐅᑥᐤ ᐊᓂᔭ ᐊᒋ ᐸᒋ ‍ ᐃᑎᒡ᙮”
\m
\v 7 ᐊᑯ ᐊᓐᑕ ᐱᔅᑎᓂᒐᐅᓇᐱᔅᒄ ᐊ ‍ ᑎᒂᒡ, ᐊᑯᑕ ᒂ ᐅᒋ ‍ ᐸᑐᐅᒃ ᐊᐛᓐ ᐊ ‍ ᐃᔅᒋᔄᑦ,
\q “ᐅᑎᐸᔨᒋᒐᐤ ᒋᓴᒪᓂᑐᐤ, ᒋᔾ ᒪᐅᒡ ᑲ ‍ ᓱᐧᑲᑎᓯᔨᓐ᙮ ᑕᑈ ᑯᐃᔅᒄ ᒋ ᐊᑎ ᐃᓯ ‍ ᑎᐸᔅᑯᓇᐅᒡ ᐊᐛᓐᒋ ᐊ ‍ ᑎᐸᔅᑯᓂᑥᐤ᙮ ᑕᑈ ᐃᑕᔨᑕᑯᓂᔪᐤ ᑭᔭ ᒐᒋ ᑎᐸᔅᑯᓂᑥᐤ᙮”
\p
\v 8 ᐊᑯ ᐊᓐ ᓇᐤ ᐊ ‍ ᑕᑦ ᐊᓐᒋᓐ ᐱᓯᒺ ᒂ ᐃᓯ ‍ ᑯᑎᐱᓇᐧᒃ ᐅᐎᔭᑭᓐ᙮ ᐱᓯᒻ ᒋ ‍ ᐱᔅᑎᓇᑭᓄᐤ ᒐᒋ ᐃᔎᔄᑦ ᐊᐛᔪᐛ ᓇᔅᒡ ᐊ ᐃᔅᐱᔅ ‍ ᐎᓯᑲᔅᑐᐛᑦ᙮
\v 9 ᒋ ‍ ᐃᔎᓱᐅᒡ ᒪᒃ ᐊᐛᓐᒋ ᐊ ᐃᔅᐱᔅ ‍ ᐎᓯᑲᔅᑐᐛᔨᒋ ᐱᓯᒺ᙮ ᐊᑯ ᒂ ‍ ᐸᔅᑕᒪᒡ ᒋᓴᒪᓂᑐᐛ ᐊᓂᔭᔪᐛ ᑲ ‍ ᐊᔭᔨᒋ ᑎᐸᔨᒋᒐᐅᓂᔪᐤ ᐅᔭ ᒐᒋ ᐃᓯ ‍ ᓂᓇᐧᑲᑕᔨᒧᓇᓄᐎᒡ᙮ ᒥᒄ ᒪᒃ ᓇᒪ ᐊᐛᓐ ᐅᒋ ᒋᔅᑕᒋᒪᐤ ᒋᓴᒪᓂᑐᐛ ᑭᔭ ᓇᒪ ᐅᒋ ᒂᔅᑲᑎᓯᐤ᙮
\p
\v 10 ᐊᑯ ᐊᓐ ᐱᑕᑕᒡ ᐊ ‍ ᑕᑦ ᐊᓐᒋᓐ, ᒂ ‍ ᑯᑎᐱᓇᐧᒃ ᐅᐎᔭᑭᓐ ᐊᓐᑕ ᐃᔅ ᐊᓂᔭ ᒥᒋ ‍ ᐊᐛᓯᓴ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ᙮ ᒋ ‍ ᑎᐱᔅᒋᐱᔪᐤ ᒪᒃ ᐊᓐᑕ ᐊᓐ ᒥᒋ ‍ ᐊᐛᓯᔅ ᐅᒋᒪᐤ ᐅᑦ ᐊᔅᒋᒡ᙮ ᒋ ‍ ᒪᒪᒂᑎᒧᒡ ᐊᐛᓐᒋ ᐅᑕᔨᔪᐛᐛ ᐊᔅᐱᔅ ᐎᓯᒐᔨᑕᒡ
\v 11 ᐊᑯ ᒂ ‍ ᐸᔅᑕᒪᒡ ᒋᓴᒪᓂᑐᐛ ᒋᒋᒋᓯᑯᒡ ᐊ ‍ ᑕᔨᒋ ᐊᓂᔭ ᐊ ‍ ᐎᓯᒐᔨᑕᒡ ᑭᔭ ᐊᐅᒥᒋᒡ ᐅᒡ᙮ ᒥᒄ ᒪᒃ ᓇᒪ ᐃᔭᐱᒡ ᐅᒋ ᒂᔅᑲᑎᓯᐅᒡ᙮
\p
\v 12 ᐊᑯ ᐊᓐ ᐊᓱᑕᒡ ᐊ ‍ ᑕᑦ ᐊᓐᒋᓐ ᒂ ‍ ᑯᑎᐱᓇᐧᒃ ᐅᐎᔭᑭᓐ᙮ ᐊᓐᑕ ᐊᓂᔭ ᓯᐱᔪᐤ ᔪᑉᕆᑎᔅ ᐊ ‍ ᐃᓯᓂᐧᑲᑕᔨᒡ, ᐊᑯᑕ ᑲ ᐃᓯ ‍ ᑯᑎᐱᓇᐧᒃ ᐊᓂᔭ ᐅᐎᔭᑭᓐ᙮ ᐊᑯ ᐊᓐ ᓯᐱᔾ ᒂ ‍ ᐸᒂᐱᔨᒡ ᒥᒄ ᒐᒋ ᐃᓯ ‍ ᐊᓱᐅᑕᒡ ᐊᓐᑕ ᐊᓐᒡ ᒋᓴᐅᒋᒪᐅᒡ ᐛᐱᓄᑕᒡ ᒐ ‍ ᐅᑐᑕᒡ, ᐊᓐᒡ ᒐ ᐸᒋ ‍ ᓂᑐᐱᔨᒡ᙮
\v 13 ᓂᒋ ‍ ᐛᐱᒪᐅᒡ ᒪᒃ ᓂᔅᑐ ᒥᒋ ‍ ᐊᒐᐧᑯᒡ ᓇᔅᒡ ᐊ ‍ ᐎᓇᔨᑕᑯᓯᒡ, ᒧᔭᒻ ᐃᔨᑭᒡ ᐊ ‍ ᐃᓯᓇᑯᓯᒡ᙮ ᐸᐃᒄ ᐊᓐ ᐊᓂᔭᔪᐛ ᒥᔅᑎ ‍ ᒥᓐᑐᓴ ᐅᑐᓂᔨᒡ ᒋ ᐅᒋ ‍ ᐎᐎᐱᔪᐤ, ᐊᑯ ᑯᑎᒃ ᐊᓂᔭᔪᐛ ᒥᒋ ‍ ᐊᐛᓯᓴ ᐅᑐᓂᔨᒡ, ᐊᑯ ᐊᓐ ᓂᔅᑐ ᐊ ‍ ᑕᑦ ᐊᓂᔭᔪᐛ ᒥᒋ ‍ ᐅᒋᔅᒋᐛᐃᒐᓱᐛ ᐅᑐᓂᔨᒡ ᐊᑯᑕ ᑲ ᐅᒋ ‍ ᐎᐎᐱᔨᑦ᙮
\v 14 ᐛᔅ ᐊᐅᑯᓐᒡ ᐅᒡ ᒥᒋ ‍ ᐊᒐᐧᑯᒡ ᒪᒥᔅᑲᒡ ᑲ ‍ ᐃᑎᒡ᙮ ᒥᓯᐛ ᐊ ‍ ᑕᑎᓯᔨᒡ ᒋᓴᐅᒋᒪᐛ ᐅᑕ ᐊᔅᒋᒡ ᒪᒧᓇᐅᒡ ᒐᒋ ᐸᒋ ‍ ᒪᓯᒐᔨᒋ ᐅᑎᒋᐱᔨᒐ ᐊᓂᔭ ᒋᓴᒪᓂᑐᐛ ᒪᐅᒡ ᑲ ‍ ᓱᐧᑲᑎᓯᔨᒋ ᑲ ‍ ᒋᔅᑕᔨᑕᑯᓂᔨᒡ ᐅᒋᓯᑲᒥᔪᐤ᙮
\p
\v 15 ᐅᑎᐸᔨᒋᒐᐤ ᒪᒃ ᐃᔅᒋᔄᐤ,
\q “ᒧᔭᒻ ᑲᒋᒧᑎᑦ ᐊ ‍ ᐃᑕᔨᑕᑯᓂᔨᒡ ᐊ ‍ ᑎᑯᓯᐧᒃ ᐊᐅᑯᓐ ᒐ ‍ ᐃᑕᔨᑕᒂᒡ ᓂᔾ ᑎᑯᓯᓂᔭᓇ᙮ ᒋᑭ ‍ ᓱᐛᔨᑕᑯᓱᐤ ᒪᒃ ᐊᓐ ᐊᐛᓐ ᒐ ᐊᑲ ‍ ᑯᐎᐧᑯᓯᑦ ᐊ ‍ ᐎᓂᐸᑦ ᒪᒂᒡ ᐊ ‍ ᐊᓱᐛᐱᑦ ᑭᔭ ᒐ ‍ ᐊᔭᔅᑯᔅᑕᒂ ᐅᑦ ᐊᐱᒋᑕᐅᓇ ᒥᒄ ᒐᒋ ᐃᓯ ‍ ᐳᔅᑎᔅᑲᐧᒃ ᑭᔭ ᓇᒪ ᒋᑭ ᐅᒋ ‍ ᒧᓴᔅᑭᑕᐤ ᐎᐎᒐ ᒐᒋ ᓯᓴᒂᔨᒧᑦ ᒧᓴ ᐊᓐᑕ ᐊ ‍ ᐛᐱᒪᑭᓄᐅᑦ᙮”
\m
\v 16 ᐊᓐᒡ ᒪᒃ ᒥᒋ ‍ ᐊᒐᐧᑯᒡ ᒋ ‍ ᒪᒧᓇᐅᒡ ᐊᓂᔭ ᒋᓴᐅᒋᒪᐛ ᐊᓐᑕ ᐊᓂᔭ ᐱᔅᑯᑎᓇᔪᐤ ᐊᕐᒪᑲᑎᓐ ᑲ ‍ ᐃᓯᓂᐧᑲᑕᔨᒡ ᐃᑉᕈᐤ ᐊ ᐃᓯ ‍ ᐃᔨᒥᓇᓄᐅᒡ᙮
\p
\v 17 ᐊᑯ ᐊᓐ ᓂᔄᐅᑕᒡ ᐊ ‍ ᑕᑦ ᐊᓐᒋᓐ, ᒂ ‍ ᑯᑎᐱᓇᐧᒃ ᐊᓂᔭ ᐅᐎᔭᑭᓐ ᐊᓐᑕ ᒧᓴ ᒋᓯᑯᒡ ᐃᔅ᙮ ᒋ ᐅᒋ ‍ ᐃᔨᒧᐤ ᒪᒃ ᐊᐛᓐ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐱᑎᑭᒥᒡ ᒋᓴᐊᔭᒥᐊᐅᒋᐛᐱᒡ ᐊ ‍ ᑎᑯᓂᔨᒡ ᐊ ᐅᒋ ‍ ᐸᑕᑯᓯᑦ᙮ ᒋ ‍ ᒋᔄᐛᐤ ᐊ ‍ ᐃᔅᒋᔄᑦ, “ᓴᔅ ᒪᒃ ᒋᔅᑕᑭᓄᐤ᙮”
\v 18 ᒋ ᐅᒋ ‍ ᐅᔄᔅᑕᐱᔪᐤ ᒪᒃ᙮ ᒋ ‍ ᐸᑕᑯᓂᔪᐛ ᐅᐸᑕᑯᓱᐅᓄᐛᐛ ᐊᐛᓐᒋ᙮ ᓂᒥᔅᒍᐅᒡ ᒋ ‍ ᐸᑕᑯᓱᐅᒡ᙮ ᑭᔭ ᒋ ᒥᔅᑎ ‍ ᑯᐃᐧᑯᓐ᙮ ᓇᒪ ᓂᑕ ᐅᒋ ᑎᑯᓐ ᐊ ‍ ᐃᑕᔨᑕᒂᒡ ᐊ ‍ ᑯᐃᒂᒡ ᑲ ‍ ᐃᔅᐱᔅ ᐸᒋ ‍ ᐱᒪᑎᓯᒡ ᐊᐛᓐᒋ᙮ ᐊᐅᒄ ᐅ ᒋᒋᐛ ᑲ ‍ ᑯᔅᑕᑎᒂᒡ ᐊ ‍ ᑯᐃᒂᒡ᙮
\v 19 ᐊᑯ ᐊᓐ ᑲ ‍ ᒋᔅᑕᔨᑕᒂᒡ ᐅᑕᓇᐤ ᐸᐱᓗᓐ ᑲ ‍ ᐃᓯᓂᐧᑲᑕᒡ, ᓂᔅᑐᔨᒡ ᒂ ᐃᓯ ‍ ᐸᒂᐱᔨᒡ᙮ ᒥᓯᐛ ᐅᑕᓇᐛ ᐊᔅᒋᒡ ᑲ ‍ ᑎᒂᒋ ᒋ ‍ ᓂᓱᐅᓇᑎᓇ᙮ ᒋᓴᒪᓂᑐᐤ ᒪᒃ ᓇᒪ ᐅᒋ ᐅᓂᒋᔅᒋᓯᑐᑎᒻ ᐊᓂᔭ ᐅᑕᓇᔪᐤ ᐸᐱᓗᓐ ᑲ ‍ ᐃᓯᓂᐧᑲᑕᔨᒡ᙮ ᒋ ‍ ᐃᑐᑐᐛᐤ ᐊᓂᔭ ᐊᐛᔪᐛ ᐊᓐᑕ ᐊ ‍ ᑕᔨᒋ ᒐᒋ ᒥᓂᔨᒋ ᐊᓂᔭ ᓱᒥᓇᐳᔪᐤ ᐊᓐᑕ ᐅᒥᓂᒂᑭᓂᒡ ᐅᒡ᙮ ᐊᐅᒄ ᐅᔭ ᒥᓂᒂᑭᓂᔪᐤ ᐊᓐᑕ ᐊ ‍ ᑎᑯᓂᔨᒡ ᐅᑦ ᐊᐧᑯᔪᐛᓱᐅᓐ᙮
\v 20 ᒥᓯᐛ ᒥᓂᔅᑎᒂ ᑭᔭ ᐱᔅᑯᑎᓇᐛ ᒋ ‍ ᐸᓯᑯᓇᑯᓇ᙮
\v 21 ᐊᑯ ᒪᒃ ᑲ ᒥᔅᑎ ‍ ᒥᔅᑯᒥᐅᑎᒡ᙮ ᐊᓐᒡ ᒪᒃ ᒥᔅᑯᒥᔨᒡ ᑲ ‍ ᐸᐸᒋᓯᓂᒡ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᑎᐸᐸᑲᐃᑭᓇ ᒋ ‍ ᐃᔅᐱᔅ ᑯᓯᑯᑐᐅᒡ᙮ ᒋ ‍ ᐱᑎᑯᔅᑲᑯᐅᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᐊᓂᔭᔪᐛ ᒥᔅᑯᒥᔭ ᒋᓯᑯᒡ ᑲ ᐅᒋ ‍ ᐸᒋᓯᓂᔨᒋ᙮ ᐊᓐᒡ ᒪᒃ ᐊᐛᓐᒋ ᒋ ‍ ᐸᔅᑕᒪᐅᒡ ᐊ ‍ ᐃᔅᐱᔅ ᒥᔅᑎ ᒋᔄᐃᑯᒡ ᒋᓴᒪᓂᑐᐛ ᑕᓐ ᑲ ᐃᓯ ‍ ᓂᓇᐧᑲᑕᔨᒧᐃᑯᒡ ᐊᓂᔭ ᐊ ‍ ᒋᐧᑭᐧᑯᐱᔨᒡ, ᐛᔅ ᓇᔅᒡ ᑕᑈ ᒋ ‍ ᓂᓇᐧᑲᑕᔨᒧᒡ ᒪᒂᒡ ᐅᔭ ᑲ ‍ ᐃᔅᐱᔨᒡ᙮
\c 17
\s1 ᑲ ‍ ᐱᓯᒂᑎᓯᑦ ᐃᔎᐤ ᑲ ‍ ᑕᑎᐱᑦ ᒥᒋ ‍ ᐊᐛᓯᓴ
\p
\v 1 ᐊᑯ ᐸᐃᒄ ᐊᓐᒡ ᓂᔄᐅᑕᒡ ᑲ ‍ ᐃᑕᑎᓯᒡ ᐊᓐᒋᓐᒡ ᑲ ‍ ᐊᔭᒡ ᐊᓂᔭ ᓂᔄᐅᑕᒡ ᐎᔭᑭᓇ ᑲ ‍ ᒧᑕᔭᔨᒋ, ᑲ ᐸᒋ ‍ ᓂᑐᐛᐱᒥᑦ ᐊᑯ ᒂ ‍ ᐃᓯᑦ, “ᐊᔅᑎᒻ ᒪ᙮ ᒋᑭ ‍ ᐛᐸᑎᔨᑎᓐ ᑕᓐ ᒐ ᐃᓯ ‍ ᐛᐛᓯᐊᑦ ᒋᓴᒪᓂᑐᐤ ᐊᓂᔭ ᐃᔎᐛ ᑲ ‍ ᐱᓯᒂᑎᓯᔨᒋ᙮ ᐊᓐ ᐃᔎᐤ ᑲ ‍ ᐊᐱᑦ ᐊᓐᑕ ᐊ ‍ ᑎᑯᓂᔨᒋ ᒥᒐᑦ ᓯᐱᔭ᙮
\v 2 ᒋᓴᐅᒋᒪᐅᒡ ᐅᑕ ᐊᔅᒋᒡ ᐊ ‍ ᑕᒡ ᒋ ᐎᒋ ‍ ᐱᓯᒂᑎᓯᒪᐅᒡ ᐊᓂᔭᔪᐛ ᐃᔎᐛ᙮ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᐊ ‍ ᑕᑦ ᒋ ‍ ᒥᔽᔨᑎᒧᒡ ᓂᓇᐧᑯᐤ ᐊᒋ ᐃᓯ ‍ ᐎᓂᓱᐤ ᐃᑐᑐᐛᒡ ᐊᓂᔭᔪᐛ ᐃᔎᐛ, ᒧᔭᒻ ᐊᒋ ‍ ᒥᓄᐛᒡ ᐅᓱᒥᓇᐳᔪᐤ, ᐊᐅᑯᓐ ᐊ ‍ ᐃᓯᓇᑯᓯᒡ ᑭᔭ ᑲ ‍ ᒋᔎᐸᒡ᙮”
\p
\v 3 ᐊᑯ ᑲ ‍ ᐸᔭᒋᓯᑦ ᐊᒐᐧᒄ ᑲ ᐸᒋ ‍ ᐱᒋᔅᑯᐅᑦ᙮ ᐊᑯ ᐊᓐ ᐊᓐᒋᓐ ᐊᓐᑕ ᐸᐧᑯᑎᔅᑭᒥᑲᒡ ᒂ ᐸᒋ ‍ ᐃᑐᑕᐃᑦ᙮ ᓂᒋ ‍ ᐛᐱᒪᐤ ᒪᒃ ᐊᓐᑕ ᐃᔎᐤ ᐊ ‍ ᑕᑎᐱᑦ ᒥᒋ ‍ ᐊᐛᓯᓴ ᐊ ‍ ᒥᐧᑯᓯᔨᒋ᙮ ᐅ ᒪᒃ ᒥᒋ ‍ ᐊᐛᓯᔅ ᐃᓯᓂᐧᑲᓱᐅᓂᔪᐤ ᐊ ‍ ᒪᔭᔨᒥᑯᔨᒋ ᒋᓴᒪᓂᑐᐛ ᒋ ‍ ᒥᓯᓇᑕᔪᐛ ᐊᓐᑕ ᐊ ‍ ᑕᑦ᙮ ᓂᔄᐅᑕᒡ ᒋ ‍ ᐃᑕᑎᓂᔪᐛ ᐅᔅᑎᒂᓇ᙮ ᒋ ‍ ᐸᐃᑯᔪᐛᓯᔪᐛ ᐅᑦ ᐊᔅᑭᓇ᙮
\v 4 ᐊᓐ ᒪᒃ ᐃᔎᐤ ᒋ ‍ ᒥᒂᔅᐱᓱᐤ ᑭᔭ ᒋ ‍ ᒥᔪ ᒥᒂᔪᐛ ᐅᑦ ᐊᐱᒋᑕᐅᓇ᙮ ᒋ ‍ ᐛᐛᓯᐅᐤ ᐊ ‍ ᐎᔄᐅᓱᓇᔭᐱᔅᑯᔨᒋ ᒐᒂᔪᐛ ᑭᔭ ᓂᓇᐧᑯᐤ ᐊ ‍ ᒥᔪᓯᔨᒋ ᐊᓯᓂᔭ ᑭᔭ ᐊ ‍ ᐎᔄᐛᐱᔅᒋᓯᔨᒋ ᐊᓯᓂᓴ ᐊ ‍ ᒋᔅᑯᐛᑦ᙮ ᒋ ‍ ᑕᐧᑯᓂᒻ ᒪᒃ ᐊ ‍ ᐎᔄᐅᓱᓇᔭᐱᔅᑯᔨᒡ ᒥᓂᒂᑭᓂᔪᐤ᙮ ᐊᓐᑕ ᒪᒃ ᒥᓂᒂᑭᓂᒡ ᒋ ‍ ᓴᑭᔅᑎᓇᔅᑕᔪᐤ ᓂᓇᐧᑯᐤ ᐎᓂᓱᐤ ᐃᑐᐅᓇ, ᐛᔅ ᐊᐅᑯᓐ ᒥᒄ ᐛ ᐃᑕᑎᓯᑦ ᐅ ᐃᔎᐤ᙮
\v 5 ᐊᓐᑕ ᒪᒃ ᐅᔅᑲᑎᑯᒡ ᒋ ‍ ᒥᓯᓇᑕᔪᐤ ᐃᓯᓂᐧᑲᓱᐅᓂᔪᐤ ᐊᑲ ᒋᔅᒐᔨᑕᑯᓂᔨᒡ ᑕᓐ ᐊ ‍ ᐃᔅᒋᔄᐛᒥᑭᓂᔨᒡ᙮ ᒪᐅ ᑲ ‍ ᐃᑎᔅᑕᔨᒡ,
\q “ᓂᔾ ᐸᐱᓗᓐ ᐊᓐ ᑲ ‍ ᒋᔅᑕᔨᑕᒂᒡ ᐅᑕᓇᐤ᙮
\q ᓂᔾ ᓄᑲᐎᒪᐅᑐᑕᑯᒡ ᐅᐱᓯᒂᑎᓯᔎᐅᒡ ᑭᔭ ᒥᓯᐛ ᐊᓐᒡ ᑲ ‍ ᒥᔽᔨᑕᒡ ᐊ ‍ ᒥᒋᑐᑕᒡ ᐅᑕ ᐊᔅᒋᒡ᙮”
\m
\v 6 ᓂᒋ ‍ ᐛᐱᒪᐤ ᒪᒃ ᐊᓐ ᐃᔎᐤ ᐊ ‍ ᒥᔪᐧᑭᓱᑦ ᐊᒋ ‍ ᒥᓄᐛᑦ ᐅᒥᐧᑯᔪᐤ ᑲ ‍ ᑕᑈᑎᒥᔨᒋ ᑭᔭ ᐅᒥᐧᑯᔪᐤ ᐊᓂᔭᔪᐛ ᑲ ‍ ᓂᐸᐊᑭᓄᐃᑯᐱᓇᓂ ᐊ ‍ ᑕᑈᔭᔨᒪᔨᒋ ᒋᓴᓴ᙮
\p ᐃᔅᐱ ᒪᒃ ᑲ ‍ ᐛᐱᒥᒃ ᓇᔅᒡ ᓂᒋ ‍ ᒥᔅᑲᓯᓄᐛᐤ᙮
\v 7 ᐊᑯ ᒂ ᐸᒋ ‍ ᑯᒂᒋᒥᑦ ᐊᓐ ᐊᓐᒋᓐ ᒐᒂᔪᐤ ᐛᒋ ‍ ᓇᔅᒡ ᒥᔅᑲᓯᓇᒥᒋ᙮ ᐊᑯ ᒂ ‍ ᐃᔅᒋᔄᑦ, “ᒋᑭ ‍ ᐎᑎᒪᑎᓐ ᒐᒂᓐ ᑕᓐ ᐊ ᐃᓯ ᐊᑲ ‍ ᒋᔅᒐᔨᒥᑦ ᐊᓐ ᐃᔎᐤ ᑭᔭ ᐊᓂᔭᔪᐛ ᒥᒋ ‍ ᐊᐛᓯᓴ ᑲ ‍ ᑕᑎᐱᑦ ᓂᔄᐅᑕᒡ ᑲ ‍ ᐃᑕᑎᓂᔨᒋ ᐅᔅᑎᒂᓂᔪᐛ ᑭᔭ ᐸᐃᑯᔪᐤ ᑲ ‍ ᑕᑎᓯᔨᒋ ᐅᑦ ᐊᔅᑭᓂᔪᐛ᙮
\v 8 ᐊᓐ ᒥᒋ ‍ ᐊᐛᓯᔅ ᑲ ‍ ᐛᐱᒥᑦ, ᒋ ‍ ᐱᒪᑎᓯᐤ ᐸᐃᒂᐤ ᒥᒄ ᒪᒃ ᓇᒪ ᓴᔅ ᐱᒪᑎᓯᐤ᙮ ᐊᓐᑕ ᐊᓂᔭ ᑲ ᒥᔅᑎ ‍ ᐱᑯᓇᔭᔨᒡ ᒋᑭ ᐅᒋ ‍ ᓄᑯᐃᓱᐤ ᑭᔭ ᒐ ‍ ᓂᓱᐅᓇᒋᐊᑭᓄᐅᑦ᙮ ᐊᓐᒡ ᒪᒃ ᐊᐛᓐᒋ ᐅᑕ ᐊᔅᒋᒡ ᑲ ‍ ᐱᒪᑎᓯᒡ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᒥᓯᓇᐃᑭᓂᒡ ᐊᓐᑕ ᑲ ‍ ᒥᓯᓇᐛᑭᓄᔨᒋ ᐊᐛᔪᐛ ᒐ ‍ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ, ᒋᑭ ‍ ᒥᔅᑲᓯᓄᐛᐅᒡ ᐛᐱᒪᑥᐛ ᐊᓂᔭᔪᐛ ᒥᒋ ‍ ᐊᐛᓯᓴ᙮ ᐛᔅ ᒋ ‍ ᐱᒪᑎᓯᔪᐛ ᒥᒄ ᒪᒃ ᓇᒪ ᓴᔅ ᐱᒪᑎᓯᔪᐛ᙮ ᑲᐤ ᒪᒃ ᒋᑭ ᐅᒋ ‍ ᓄᑯᓯᔪᐛ ᐊ ‍ ᐱᒪᑎᓯᔨᒋ᙮”
\p
\v 9 “ᐊᑯᑕ ᐅ ᓇᑐᐛᔨᑕᒂᒡ ᑭᒐᑕᐛᔨᑎᒧᐤ ᒥᑐᓇᔨᒋᑭᓐ᙮ ᐊᓂᔭᔪᐛ ᓂᔄᐅᑕᒡ ᑲ ‍ ᐃᑕᑎᓂᔨᒋ ᐅᔅᑎᒂᓇ ᐊᓐ ᒥᒋ ‍ ᐊᐛᓯᔅ, ᐊᐅᑯᓂ ᐊᓂᔭᔪᐛ ᓂᔄᐅᑕᒡ ᐱᔅᑯᑎᓇᓴ ᐊᓐᑕ ᑎᔭᑎᐱᑦ ᐊᓐ ᐃᔎᐤ᙮ ᐊᐅᑯᓐᒡ ᑭᔭ ᓂᔄᐅᑕᒡ ᒋᓴᐅᒋᒪᐅᒡ᙮
\v 10 ᐱᑕᑕᒡ ᐊᓐᒡ ᒋᓴᐅᒋᒪᐅᒡ ᓴᔅ ᓇᒪ ᑕᐅᒡ᙮ ᐸᐃᒄ ᒪᒂᒡ ᒋᓴᐅᒋᒪᐤ᙮ ᐊᑯ ᐊᓐ ᑯᑎᒃ ᒋᓴᐅᒋᒪᐤ ᐊᔅᒄ ᓇᒪ ᓄᑯᐃᓱᐤ᙮ ᐃᔅᐱᔅ ᓄᑯᓯᒐ ᒥᒄ ᐛᐃᐱᔅᒋᔅ ᒋᑭ ‍ ᒋᓴᐅᒋᒪᐤ᙮
\v 11 ᐊᓐ ᒪᒃ ᒥᒋ ‍ ᐊᐛᓯᔅ ᓂᔅᑎᒻ ᑲ ‍ ᐱᒪᑎᓯᑦ, ᒥᒄ ᒪᒃ ᐊᑲ ᓴᔅ ᐱᒪᑎᓯᑦ, ᐊᐅᒄ ᐊᓐ ᔭᓇᐤ ᐊ ‍ ᑕᑦ ᒋᓴᐅᒋᒪᐤ ᑭᔭ ᐊᐅᒄ ᐸᐃᒄ ᐊᓐᒡ ᓂᔄᐅᑕᒡ ᑲ ‍ ᐃᑕᑎᓯᒡ ᒋᓴᐅᒋᒪᐅᒡ᙮ ᒋᓴᒪᓂᑐᐛ ᒋᑭ ‍ ᓂᓱᐅᓇᒋᐃᑯᐤ ᐅ ᒥᒋ ‍ ᐊᐛᓯᔅ᙮”
\p
\v 12 “ᐊᓂᔭᔪᐛ ᒪᒃ ᐸᐃᑯᔪᐤ ᑲ ‍ ᐃᑕᑎᓂᔨᒋ ᐅᑦ ᐊᔅᑭᓇ ᐊᓐ ᒥᒋ ‍ ᐊᐛᓯᔅ, ᐎᑎᒪᒐᒥᑭᓂᔪᐤ ᐸᐃᑯᔪᐤ ᒐ ‍ ᑕᑎᓯᔨᒋ ᒋᓴᐅᒋᒪᐛ ᐊᔅᒄ ᒐ ‍ ᒋᓴᐅᒋᒪᐎᔨᒋ᙮ ᒋ ‍ ᐱᔅᑎᓇᑭᓄᐎᒡ ᑭᔭ ᐎᔨᐛᐤ ᒥᒄ ᐛᐃᐱᔅᒋᔅ ᒐᒋ ᒋᓴᐅᒋᒪᐅᒡ ᐅᒡ ᒋᓴᐅᒋᒪᐅᒡ ᒪᒂᒡ ᒋᓴᐅᒋᒪᐎᔨᒐᓂ ᐊᓂᔭ ᒥᒋ ‍ ᐊᐛᓯᓴ᙮
\v 13 ᒥᓯᐛ ᒪᒃ ᐅᒡ ᐸᐃᑯᔪᐤ ᐊ ‍ ᐃᑕᑎᓯᒡ ᒋᓴᐅᒋᒪᐅᒡ ᐸᐃᑯᓄᒡ ᒋᑭ ‍ ᐃᑕᔨᑎᒧᒡ ᐊᓂᔭ ᑕᓐ ᐛ ‍ ᐃᑎᒡ᙮ ᒥᓯᐛ ᒪᒃ ᑕᓐ ᐊ ᐃᓯ ‍ ᐊᔭᒡ ᓱᐧᑲᑎᓯᐅᓂᔪᐤ ᑭᔭ ᑎᐸᔨᒋᒐᐅᓂᔪᐤ ᐊᓂᔭᔪᐛ ᒥᒋ ‍ ᐊᐛᓯᓴ ᒋᑭ ‍ ᒥᔭᐅᒡ᙮
\v 14 ᐅᒡ ᒪᒃ ᐸᐃᑯᔪᐤ ᒋᓴᐅᒋᒪᐅᒡ ᑭᔭ ᐊᓐ ᒥᒋ ‍ ᐊᐛᓯᔅ, ᒋᑭ ‍ ᓂᑐᐱᔨᑐᐛᐅᒡ ᐊᓂᔭᔪᐛ ᒪᔭᑕᓂᓴ᙮ ᒥᒄ ᒪᒃ ᒋᑭ ‍ ᓴᑯᐃᑯᐅᒡ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᑲ ‍ ᓇᓴᐅᑯᔨᒋ᙮ ᐛᔅ ᐎᔾ ᐊᓐ ᒪᔭᑕᓂᔅ ᒋᒋᐛ ᒋᔅᑕᔨᑕᑯᓱᐤ ᐊ ‍ ᑕᑎᓯᔨᒋ ᒥᓯᐛ ᐅᑎᐸᔨᒋᒐᐛ ᑭᔭ ᐎᔾ ᒋᒋᐛ ᓱᒐᔨᑕᑯᓱᐤ ᐊ ‍ ᑕᑎᓯᔨᒋ ᒥᓯᐛ ᒋᓴᐅᒋᒪᐛ᙮ ᐊᓂᔭᔪᐛ ᒪᒃ ᑲ ‍ ᓇᓴᐅᑯᑦ, ᐊᐅᑯᓂ ᐎᔾ ᐛᒋᒡ ᑲ ‍ ᑕᑈᑕᑦ ᑭᔭ ᑲ ‍ ᐅᑎᓇᑦ ᒐᒋ ᐅᑦ ᐃᔨᒥᑦ ᑭᔭ ᐊᐅᑯᓂ ᐊᓂᔭᔪᐛ ᑯᐃᔅᒄ ᑲ ‍ ᐃᑎᔨᒋ ᐊ ‍ ᓇᓴᐅᑯᑦ᙮”
\p
\v 15 ᐊᑯ ᒂ ‍ ᐃᓯᑦ ᐊᓐ ᐊᓐᒋᓐ, “ᐊᓂᔭᔪᐛ ᓯᐱᔭ ᑲ ‍ ᐛᐸᑎᒥᓐ ᐊᓐᑕ ᑲ ‍ ᐊᐱᑦ ᐊᓐ ᐃᔎᐤ, ᐃᔪᒡ ᐛᔅ ᐊᓐ ᐊᓐᒡ, ᐊ ‍ ᒥᒐᑎᒡ ᐊᐛᓐᒋ, ᓂᓇᐧᑯᐤ ᐊ ‍ ᐃᑎᔅᑲᓇᓯᒡ, ᑭᔭ ᓂᓇᐧᑯᐤ ᐊ ᐃᓯ ‍ ᐃᔨᒥᒡ᙮
\v 16 ᐊᓂᔭᔪᐛ ᒪᒃ ᐸᐃᑯᔪᐤ ᐊᔅᑭᓇ ᑲ ‍ ᐛᐸᑎᒥᓐ ᑭᔭ ᐊᓐ ᒥᒋ ‍ ᐊᐛᓯᔅ, ᒋᑭ ᐊᑎ ‍ ᐛᐧᑲᑕᐅᒡ ᐊᓂᔭᔪᐛ ᐃᔎᐛ ᑲ ‍ ᐱᓯᒂᑎᓯᔨᒋ᙮ ᒥᓯᐛ ᒋᑭ ‍ ᐅᑎᓂᒧᐛᐅᒡ ᑕᓐ ᐊ ᐃᓯ ‍ ᐊᔭᔨᒋ᙮ ᒐ ᐊᑎ ‍ ᒧᓴᔅᑭᑕᓇᒡ ᑭᔭ ᒋᑭ ᐊᑎ ‍ ᒧᐛᐅᒡ ᑭᔭ ᓇᔅᒡ ᒋᑭ ‍ ᓂᓱᐅᓇᒋᐊᐅᒡ ᐊ ‍ ᐃᔎᔄᒡ᙮
\v 17 ᐛᔅ ᒋᓴᒪᓂᑐᐛ ᒋ ‍ ᐃᑐᑕᑯᒡ ᐅᑕᐃᐛᒡ ᒐᒋ ᐅᒋ ‍ ᐃᑕᔨᑕᒡ ᒐᒋ ᐃᑐᑎᒺᒡ ᑕᓐ ᐊ ᐃᓯ ‍ ᓂᑐᐛᔨᑎᒥᔨᒋ ᒐᒋ ᐃᑐᑕᑭᓄᐎᒡ᙮ ᐊᑯ ᒪᒃ ᐸᐃᑯᓄᒡ ᑲ ‍ ᐃᑕᔨᑎᒥᐃᑯᒡ ᒐ ‍ ᒥᔭᒡ ᐊᓂᔭᔪᐛ ᒥᒋ ‍ ᐊᐛᓯᓴ ᑕᓐ ᐊ ᐃᓯ ‍ ᐊᔭᒡ ᒐᒋ ᐅᒋᒪᐅᒡ᙮ ᒋᑭ ‍ ᐱᔅᑕᔨᒥᑎᓱᔅᑐᐛᐅᒡ ᒪᒃ ᐸᑐᔅ ᒥᓯᐛ ᒋ ‍ ᑎᐱᐱᔨᒐ ᑕᓐ ᑲ ᐃᓯ ‍ ᓂᑲᓐ ᐎᑎᒥᔨᒋ ᒋᓴᒪᓂᑐᐛ ᒐ ‍ ᐃᔅᐱᔨᒡ᙮
\v 18 ᐊᓐ ᒪᒃ ᐃᔎᐤ ᑲ ‍ ᐛᐱᒥᑦ, ᐊᐅᒄ ᐛᔅ ᐊᓐ ᑲ ‍ ᒋᔅᑕᔨᑕᒂᒡ ᐅᑕᓇᐤ ᐊᓐᑕ ᐛᒋ ‍ ᐅᒋᒪᐧᑲᑐᐛᑭᓄᐎᒡ ᒥᓯᐛ ᒋᓴᐅᒋᒪᐅᒡ ᐅᑕ ᐊᔅᒋᒡ᙮”
\c 18
\s1 ᑲ ‍ ᐅᓂᑎᒡ ᐊᓐ ᐅᑕᓇᐤ ᐸᐱᓗᓐ ᐊ ‍ ᐃᓯᓂᐧᑲᑕᒡ
\p
\v 1 ᐃᔅᐱ ᑲᒋ ᐃᓯ ‍ ᐛᐸᑎᔨᑯᔭᓐ ᐅ ᒪᔅᑕᔾ ᑲ ᐃᓯ ‍ ᐛᐸᑎᔨᑯᔭᓐ, ᐊᑯ ᒥᓐ ᑯᑎᒃ ᐊᓐᒋᓐ ᒂ ‍ ᐛᐱᒥᒃ ᒋᒋᒋᓯᑯᒡ ᐊ ᐅᒋ ‍ ᔭᓯᑦ᙮ ᓇᔅᒡ ᒥᔅᑎ ᒋ ‍ ᒥᔭᑭᓄᑯᐱᓇ ᑎᐸᔨᒐᐅᓂᔪᐤ ᐅ ᐊᓐᒋᓐ᙮ ᒥᓯᐛ ᐊ ‍ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ ᒋ ‍ ᐛᔅᑐᐛᔪᐤ ᑲ ‍ ᐃᔅᐱᔅ ᒋᐧᑲᔭᔅᑐᐛᑦ᙮
\v 2 ᐊᑯ ᒂ ‍ ᐃᔅᒋᔄᑦ ᐅ ᐊᓐᒋᓐ ᐊ ‍ ᒋᔄᐛᑦ,
\q “ᓂᓱᐅᓇᒋᑕᑭᓄᐤ ! ᓂᓱᐅᓇᒋᑕᑭᓄᐤ ᐸᐱᓗᓐ ᐊᓐ ᑲ ‍ ᒋᔅᑕᔨᑕᒂᒡ ᐅᑕᓇᐤ ᓇᔅᒡ ᓂᓱᐅᓇᒋᑕᑭᓄᐤ᙮
\q ᐊᑯᑕ ᐊᑯ ᐛᒋᒡ ᒥᓯᐛ ᐊ ‍ ᐃᓯᓇᑯᓯᒡ ᒥᒋ ‍ ᐊᒐᐧᑯᒡ ᓇᔅᒡ ᐊ ‍ ᒪᔭᑎᓯᒡ ᑭᔭ ᐊ ‍ ᐎᓇᔨᑕᑯᓯᒡ᙮
\q ᐊᑯᑕ ᑭᔭ ᐊᑯ ᐛᒋᑦ ᒥᓯᐛ ᐊ ‍ ᐃᓯᓇᑯᓯᑦ ᑲ ‍ ᐎᓇᔨᑕᑯᓯᑦ ᑭᔭ ᐊᑲ ᒧᐛᑭᓄᐅᑦ ᐱᔭᓱᐤ᙮
\q
\v 3 ᐛᔅ ᐊᓐᒡ ᐊᓐᑕ ᑲ ‍ ᐎᒋᒡ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ ᓇᔅᒡ ᐛᐸᒻ ᒋ ᐅᒋ ‍ ᓇᐃᐱᔨᑐᐛᐅᒡ ᒐᒋ ᓂᓱᐅᓇᒋᐃᑯᔨᒋ ᐊ ‍ ᐎᓂᓱᐤ ᐱᒪᑎᓯᔨᒋ᙮
\q ᒧᔭᒻ ᐊᒋ ‍ ᒥᓇᐊᒡ ᓱᒥᓇᐳᔪᐤ ᒐᒋ ᒋᔎᐸᔅᑲᑯᔨᒋ, ᐊᑯᓐ ᑲ ‍ ᐃᓯᓇᑯᓂᔨᒡ ᐊᓂᔭ ᑲ ‍ ᐃᑐᑐᐛᒡ᙮
\q ᒋ ᐸᒋ ᐎᒋ ‍ ᐎᓂᓱᐤ ᐱᒪᑎᓯᒥᑯᐅᒡ ᒋᓴᐅᒋᒪᐛ ᐅᑕ ᐊᔅᒋᒡ ᑲ ‍ ᑕᔨᒋ᙮
\q ᐊᑯ ᐊᓂᔭᔪᐛ ᐊ ‍ ᐊᑕᐛᔨᒋ ᒐᒂᔪᐤ ᑲ ᐅᒋ ‍ ᐱᒪᒋᐅᔨᒋ, ᒋ ‍ ᐅᓱᓇᔭᓂᒥᐧᑲᓱᔪᐛ ᑕᓐ ᑲ ᐃᓯ ᐊᑲ ᐅᒋ ‍ ᐳᓂᐱᔨᒡ ᐊ ᐎ ‍ ᐛᔪᑎᓯᒡ᙮
\q ᐎᓂᓱᐱᒪᑎᓯᐅᓂᒡ ᒋ ᐅᒋ ‍ ᐅᓱᓇᔭᓂᒥᐧᑲᓱᐅᒡ᙮”
\p
\v 4 ᐊᑯ ᒥᓐ ᑯᑎᒃ ᐊᐛᓐ ᒂ ‍ ᐸᑐᐅᒃ ᒋᒋᒋᓯᑯᒡ ᐊ ᐅᒋ ‍ ᐃᔨᒥᑦ ᐊ ‍ ᐃᔅᒋᔄᑦ,
\q “ᒋᔨᐛᐤ ᓂᑦ ᐃᔨᒥᑎᒄ ᐊᓐᑕ ᐊ ‍ ᑕᔭᒄ, ᐎᐎᒄ ᐊᓐ ᐅᑕᓇᐤ ᐊᑲ ᑭᔭ ᒋᔨᐛᐤ ᒐ ‍ ᒥᒋᑐᑎᒪᒄ ᒧᔭᒻ ᑕᓐ ᐊ ‍ ᐃᑎᒡ ᐊᓐᒡ ᐊᓐᑕ ᐊ ‍ ᑕᒡ ᑭᔭ ᒪᒃ ᒐ ᐊᑲ ᒋ ᐊᓯᒡ ᐛᐛᓯᐃᑯᔭᒄ ᐃᔅᐱ ᐛᐛᓯᐊᑭᓄᑥᐛ᙮
\q
\v 5 ᐛᔅ ᒋᒋᒋᓯᑯᒡ ᐃᔅᐱᔅ ᐃᔅᐸᓄᔅᑕᔪᐛ ᐅᒥᒋᑐᑎᒧᐅᓄᐛᐛ ᑲ ‍ ᐃᔅᐱᔅ ᐛᓴ ᒋ ᒥᔅᑎ ‍ ᒥᒋᑐᑕᒡ᙮ ᒋᔅᒋᓯᔪᐛ ᒪᒃ ᒋᓴᒪᓂᑐᐛ ᑕᓐ ᑲ ᐃᓯ ‍ ᒥᒋᑐᑕᒡ᙮ ᐊᑯ ᒪᒃ ᒐ ‍ ᐛᐛᓯᑯᒡ᙮
\q
\v 6 ᒧᔭᒻ ᑲ ‍ ᐃᑐᑐᐛᒡ ᓂᑦ ᐃᔨᒪ ᐅᒡ ᐃᔪᒡ ᐊᑯᓐ ᐃᑐᑐᐛᐧᑯᒡ᙮ ᓇᐊᐤ ᑎᑉ ᐎ ᐃᔅᐱᔅ ᐛᐛᓯᐊᐧᑯᒡ ᑕᓐ ᒋᐸ ‍ ᐃᔅᐱᔅ ᐛᐛᓯᐊᑭᓄᐅᒡ ᑲ ‍ ᐃᔅᐱᔅ ᒋ ‍ ᒥᒋᑐᑕᒡ᙮ ᐊᓂᔭ ᑲ ᐃᓯ ᐎ ‍ ᒥᒋᑐᑐᐛᒡ ᐊᐛᔪᐛ ᐃᑐᑐᐛᐅᒡ ᐊᑲ ᓇᔅᒡ ᒐᒋ ᓇᑲᐎᔅᑲᑯᔨᒋ ᒐ ᐃᓯ ‍ ᐊᐧᑯᔪᐛᓯᔅᑕᑯᔨᒋ ᒋᓴᒪᓂᑐᐛ᙮ ᓂᔄᐤ ᒪᒃ ᒐᒋ ᐃᔅᐱᔅ ᐊᐧᑯᔪᐛᓯᔅᑕᑯᐅᒡ ᐎᔨᐛᐤ ᒋᓴᒪᓂᑐᐛ ᐃᑐᑐᐛᐧᑯᒡ᙮
\q
\v 7 ᒧᔭᒻ ᑲ ‍ ᐃᔅᐱᔅ ᒋ ‍ ᒋᔅᑕᔨᑕᑯᐃᓱᒡ ᐅᒡ ᐃᔪᒡ ᑭᔭ ᒧᔭᒻ ᑲ ‍ ᐃᔅᐱᔅ ᓇᔅᒡ ᒥᓯᐛ ᒋ ᐃᓯ ‍ ᒪᒥᔽᔨᑎᒥᐃᓱᒡ ᓂᓇᐧᑯᐤ ᐊ ᐎ ᐃᓯ ‍ ᐛᐛᒋᐃᓱᒡ, ᐊᐅᑯᓐ ᒧᔭᒻ ᐃᑐᑐᐛᐧᑯᒡ ᒐᒋ ᐃᔅᐱᔅ ᒥᒐᔨᑕᒡ ᑕᓐ ᒐ ᐃᔅᐱᔅ ‍ ᓂᓇᐧᑲᑕᔨᒧᐊᑭᓄᐎᒡ᙮
\q ᐛᔅ ᐅ ᐅᑕᓇᐤ ᒧᔭᒻ ᐊ ‍ ᒪᒥᒋᒧᑦ ᐊᐛᓐ ᐅᑕᐃᒡ ᐊᐅᑯᓐ ᐊ ‍ ᐊᐃᒡ᙮ ᐃᔅᒋᔄᒥᑭᓐ, ‘ᒧᔭᒻ ᒋᓴᐅᒋᒪᔎᐤ ᓂᑦ ᐊᐱᓐ᙮ ᓇᒪᔭᐤ ᑲ ‍ ᐸᐃᑯᓯᑦ ᐃᔎᐤ ᓂᔾ᙮ ᑭᔭ ᓇᒪ ᐎ ᓂᔾ ᓂᑕ ᓂᑭ ᐅᒋ ‍ ᒧᓯᑕᓐ ᑕᓐ ᐊ ᐃᓯ ‍ ᒥᓯᒪᔨᑕᐧᒃ ᐃᔎᐤ ᐊ ‍ ᐅᓇᐊᑦ ᐅᓇᐸᒪ᙮’
\q
\v 8 ᐅᔭ ᒪᒃ ᐊ ‍ ᐃᑕᔨᑕᒡ, ᓯᔅᒋᑯᒡ ᒥᓯᐛ ᒋᑭ ‍ ᒪᒧᐅᐱᔪᐤ ᑕᓐ ᒐ ᐃᓯ ‍ ᓂᓇᐧᑲᑕᔨᒧᐊᑭᓄᐎᒡ᙮ ᒋᑭ ‍ ᒺᐅᓯᑯᐱᔪᐛ ᒪᔭᒡ ᐃᑕᔅᐱᓇᐅᓇ, ᒥᓯᒪᔨᑎᒧᐅᓂᔪᐤ ᑭᔭ ᑯᐅᐧᑭᑕᐅᓂᔪᐤ᙮
\q ᐊᓂᔭ ᐅᑦ ᐃᑕᐅᓄᐛᐤ ᓇᔅᒡ ᒋᑭ ‍ ᒪᔅᑕᐧᑲᑕᔪᐤ ᐛᔅ ᓱᐧᑲᑎᓯᔪᐛ ᐊᓂᔭᔪᐛ ᐅᑎᐸᔨᒋᒐᐛ ᒋᓴᒪᓂᑐᐛ ᑕᐸᔅᑯᓂᑯᒡ᙮”
\p
\v 9 “ᐊᓐᒡ ᒪᒃ ᒋᓴᐅᒋᒪᐅᒡ ᒥᓯᐛ ᐊ ‍ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ ᐊ ‍ ᑕᒡ ᑲ ᐎᒋ ‍ ᐎᓂᓱᐤ ᐱᒪᑎᓯᒪᒡ ᐊᓂᔭᔪᐛ ᐊᐛᔪᐛ ᐊᓐᑕ ᐊ ‍ ᑕᔨᒋ ᑭᔭ ᓇᔅᒡ ᒥᓯᐛ ᑲ ᐃᓯ ‍ ᒪᒥᔽᔨᑎᒥᐃᓱᒡ ᓂᓇᐧᑯᐤ ᐊ ᐎ ᐃᓯ ‍ ᐛᐛᒋᐃᓱᒡ ᒧᔭᒻ ᐊᓂᔭ ᐊᐛᔪᐛ ᐊᓐᑕ ᐊ ‍ ᑕᔨᒋ ᐊ ‍ ᐃᑎᔨᒋ, ᒋᑭ ‍ ᒪᐅᒡ ᑭᔭ ᒋᑭ ‍ ᓂᓇᐧᑲᑥᐅᑎᒧᒡ ᐛᐸᑕᒂᐛ ᐊ ‍ ᐃᔎᑕᔨᒡ ᐊᓂᔭ ᐅᑕᓇᔪᐤ᙮
\v 10 ᐛᔪᐤ ᐊᓐᑕ ᒋᑭ ‍ ᐅᒋᑲᐳᐅᒡ ᐛᔅ ᒋᑭ ‍ ᑯᔅᑕᒍᐅᒡ ᑭᔭ ᐎᔨᐛᐤ ᒐᒋ ᐊᓯᒡ ᐛᐛᓯᐊᑭᓄᐎᒡ᙮ ᐊᑯ ᒐ ‍ ᐃᔅᒋᔄᒡ,
\q ‘ᑕᑈ ᑯᔅᑕᑎᑯᓐ᙮ ᑕᑈ ᑯᔅᑕᑎᑯᓐ᙮ ᐊᓐ ᐅᑕᓇᐤ ᐸᐱᓗᓐ ᑲ ‍ ᐃᓯᓂᐧᑲᑕᒡ ᐊᔪᐛᒡ ᒋ ‍ ᓱᒐᔨᑕᑯᓐ ᑭᔭ ᓇᔅᒡ ᒋ ‍ ᒋᔅᑕᔨᑕᑭᓄᐤ᙮ ᒥᒄ ᒪᒃ ᐸᐃᒄ ᑎᐸᐃᑭᓇ ᒋ ‍ ᐃᔅᐱᔅ ᑎᓯᐧᑲᑭᓄᐤ ᓇᔅᒡ ᒐᒋ ᓂᓱᐅᓇᒋᑕᑭᓄᐅᒡ᙮’ ”
\p
\v 11 “ᐊᓐᒡ ᒪᒃ ᑲ ‍ ᐊᑕᐛᒡ ᒐᒂᔪᐤ ᑲ ᐅᒋ ‍ ᐱᒪᒋᐅᒡ ᒥᓯᐛ ᐊ ‍ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ ᐊ ‍ ᐅᒋᒡ, ᒋᑭ ‍ ᒪᐅᒡ ᑭᔭ ᒋᑭ ‍ ᒪᒪᑥᐅᒡ ᐊ ‍ ᓂᓱᐅᓇᒋᑕᑭᓄᐎᒡ ᐊᓂᔭ ᐅᑕᓇᔪᐤ, ᐛᔅ ᑕᐸ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᐅᑦ ᐊᑕᐛᐅᓄᐛᐛ᙮
\v 12 ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᑕᓐ ᐊ ᐃᓯ ‍ ᐊᔭᒡ ᒐᒂᔪᐛ ᐎᔄᐅᓱᓇᔭᐱᔅᑯᒡ ᒪᒃ ᐛᐱᓱᓇᔭᐱᔅᑯᒡ ᐊᒋ ᐅᒋ ‍ ᐅᓯᑕᑭᓄᔨᒋ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓇᔨᒋ ᐅᑦ ᐊᓯᓂᒧᐛᐛ ᑲ ‍ ᒥᔪᓯᓯᔨᒋ, ᒪᒃ ᐊᓂᔭᔪᐛ ᑲ ‍ ᐎᔄᐛᐱᔅᒋᓯᔨᒋ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᐅᑦ ᐊᐱᒋᑕᐅᓄᐛᐛ ᑲ ‍ ᓱᓯᐛᑭᓂᔨᒋ ᓇᔅᒡ ᑲ ‍ ᒥᔪᐛᑭᓯᔨᒋ ᒪᒃ ᐊᓂᔭᔪᐛ ᐅᑦ ᐊᐱᒋᑕᐅᓄᐛᐛ ᑲ ‍ ᐅᑐᒋᒥᒂᑭᓂᔨᒋ ᒪᒃ ᐊᓂᔭᔪᐛ ᑲ ‍ ᐃᓯᓂᐧᑲᓂᔨᒋ ᑭᔭ ᐊᓂᔭᔪᐛ ᑲ ‍ ᒥᒂᑭᓂᔨᒋ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐ ‍ ᐅᑎᓇᔨᒋ ᒥᓯᐛ ᐊ ‍ ᐃᓯᓇᑯᓯᔨᒋ ᑲ ‍ ᐎᒋᒪᑯᓯᔨᒋ ᒥᔅᑎᒂ ᑲ ‍ ᐊᔭᐛᒡ ᒐᒋ ᐊᑕᐛᒡ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᓂᓇᐧᑯᐤ ᐊ ‍ ᐃᓯᓇᑯᓂᔨᒋ ᒐᒂᔪᐛ ᐛᐱᑯᓂᒡ ᒪᒃ ᑲ ‍ ᓱᓇᔭᐎᔨᒋ ᒥᔅᑎᒂ ᒪᒃ ᑲ ‍ ᐎᐸᐱᔅᒋᓯᔨᒋ ᓱᓇᔭᐱᔎ ᑲ ᐅᒋ ‍ ᐅᓯᑕᑭᓄᐎᒡ᙮ ᓇᒪ ᐊᑯ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᐊᓂᔭᔪᐛ ᒐᒂᔪᐛ ᐃᓴᑯᒡ ᒪᒃ ᐊᓯᓂᔭ ᑲ ‍ ᓱᓱᐛᐱᔅᒋᓯᔨᒋ ᑲ ᐅᒋ ‍ ᐅᓯᑕᑭᓄᔨᒋ᙮
\v 13 ᓇᒪ ᑭᔭ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᓂᑕᐅᒋᑕᑭᓂᒡ ᑲ ‍ ᐅᑎᓇᑭᓄᐎᒡ ᐱᒥᔪᐤ ᑲ ‍ ᐎᒋᒪᑯᓂᔨᒡ ᒪᒃ ᐊᓂᔭᔪᐛ ᓂᐱᓯᔭ ᑲ ‍ ᐎᒋᒪᑯᓂᔨᒋ᙮ ᑭᔭ ᒋ ‍ ᐊᔭᐅᒡ ᐊ ‍ ᐊᑕᐛᒡ ᐊᓂᔭᔪᐛ ᑲ ‍ ᐎᒋᒪᑯᓂᔨᒋ ᐊ ‍ ᐃᔎᓯᑭᓄᔨᒋ, ᑲ ‍ ᓱᓇᔭᐎᔨᒋ ᑐᒥᓂᑭᓇ, ᑲ ‍ ᐎᒋᒪᓱᔨᒋ ᐱᒍᐛ, ᑭᔭ ᓱᒥᓇᐳᔪᐤ, ᐱᒥᔪᐤ, ᐸᒂᓯᑭᓇ ᑲ ‍ ᒥᔪᓯᓯᔨᒋ, ᐊᔪᒥᓇ, ᒥᔅᑐᓴ, ᒪᔭᑕᓂᓴ, ᑲᐸᐃᑭᔎᐛ, ᑭᔭ ᐊᓂᔭᔪᐛ ᑎᑎᐱᑕᐸᓇᔎ ᑲᐸᐃᑭᔎᐛ ᑲᒋ ‍ ᐅᑕᐸᔨᒋ᙮ ᑭᔭ ᓇᒪ ᐅᒋ ᑕᔪᐛ ᐊᐛᔪᐛ ᒐ ‍ ᐅᑎᓇᔨᒋ ᐊᓂᔭᔪᐛ ᐊᐱᒋᐊᑭᓇ ᑲ ‍ ᐊᑕᐛᒡ᙮”
\p
\v 14 “ᐊᑯ ᒪᒃ ᐅᒡ ᐊ ‍ ᐊᑕᐛᒡ ᒐᒂᔪᐤ ᑲ ᐅᒋ ‍ ᐱᒪᒋᐅᒡ ᒐ ‍ ᐃᑕᒡ ᐊᓂᔭᔪᐛ ᐊᓐᑕ ᐊ ‍ ᑕᔨᒋ, ‘ᒋᔾ ᐸᐱᓗᓐ, ᒥᓯᐛ ᒐᒂᓐ ᓇᔅᒡ ᐊ ‍ ᒥᔽᓯᒡ ᑲ ᐎ ‍ ᐊᔭᔨᓐ, ᓂᓱᐅᓇᑎᓐ᙮ ᒥᓯᐛ ᐊᓂᔭ ᒐᒂᔪᐛ ᐊᑎ ᓇᔅᒡ ᑲ ᐅᒋ ᐎ ‍ ᒪᒥᔽᔨᑎᒥᐃᓱᔨᓐ ᓂᓇᐧᑯᐤ ᐊ ᐎ ᐃᓯ ‍ ᐛᐛᒋᐅᔨᓐ ᑭᔭ ᒥᓯᐛ ᑕᓐ ᑲ ᐃᓯ ‍ ᒥᔽᓯᒡ ᑲ ᐃᓯ ‍ ᐊᔭᔨᓐ, ᓂᓱᐅᓇᑎᓐ᙮ ᓇᒪ ᒪᒃ ᒥᓐ ᓂᑕ ᒋᑭ ᐅᒋ ‍ ᐊᔭᓐ᙮’ ”
\p
\v 15 “ᐊᓐᒡ ᒪᒃ ᐊ ‍ ᐊᑕᐛᒡ ᒐᒂᔪᐤ ᑲ ᐅᒋ ‍ ᐱᒪᒋᐅᒡ ᒋ ‍ ᐅᓱᓇᔭᓂᒥᐧᑲᑯᒡ ᐊᓂᔭ ᐅᑕᓇᔪᐤ᙮ ᐊᑯ ᒪᒃ ᐛᔪᐤ ᐊᓐᑕ ᒐ ‍ ᐅᒋᑲᐳᐅᒡ ᐛᔅ ᑯᔅᑕᒍᐅᒡ ᑭᔭ ᐎᔨᐛᐤ ᒐᒋ ᐊᓯᒡ ᓂᓇᐧᑲᑕᔨᒧᐊᑭᓄᐎᒡ ᑕᓐ ᐊ ᐃᓯ ‍ ᓂᓇᐧᑲᑕᔨᒧᐊᑭᓄᔨᒋ᙮ ᒋᑭ ‍ ᒪᐅᒡ ᑭᔭ ᒋᑭ ‍ ᓂᓇᐧᑲᑥᐅᑎᒧᒡ᙮
\v 16 ᒋᑭ ‍ ᐃᔅᒋᔄᐅᒡ,
\q ‘ᑕᑈ ᑯᔅᑕᑎᑯᓐ᙮ ᑕᑈ ᑯᔅᑕᑎᑯᓐ᙮ ᐊᓐ ᑲ ‍ ᓱᒐᔨᑕᒂᒡ ᐅᑕᓇᐤ ᓇᔅᒡ ᓂᓱᐅᓇᑎᓐ᙮ ᐱᒍᐎᔭᓂᓴ ᑲ ‍ ᓱᓯᐛᑭᓂᔨᒋ ᓇᔅᒡ ᑲ ‍ ᒥᔪᐛᑭᓯᔨᒋ ᒋ ‍ ᒋᔅᑭᒧᒡ ᐊᓐᒡ ᐊᓐᑕ ᐊ ‍ ᑕᒡ, ᐱᒍᐎᔭᓂᓯᔪᐤ ᑲ ‍ ᐃᓯᓂᐧᑲᓂᔨᒡ ᒋ ‍ ᒋᔅᑭᒧᒡ ᑭᔭ ᐊᐱᒋᑕᐅᓇ ᑲ ‍ ᒥᒂᑭᓂᔨᒋ᙮ ᒋ ‍ ᒥᔽᔅᐱᑎᓱᐅᒡ ᐎᔄᐅᓱᓇᔭᐱᔅᑯᒡ ᐊ ᐅᒋ ‍ ᐅᓯᑕᑭᓄᔨᒋ ᒐᒂᔪᐛ ᐊ ‍ ᒋᔅᑲᒡ ᑭᔭ ᓂᓇᐧᑯᐤ ᐊ ‍ ᒥᔪᓯᔨᒋ ᐊᓯᓂᔭ ᐊ ᐅᒋ ‍ ᐅᓯᑕᑭᓄᔨᒋ ᑭᔭ ᐊ ‍ ᐎᔄᐛᐱᔅᒋᓯᔨᒋ ᐊᓯᓂᓴ ᐊ ‍ ᒋᔅᑯᐛᒡ᙮
\q
\v 17 ᒥᒄ ᐸᐃᒄ ᑎᐸᐃᑭᓇ ᒋ ‍ ᐃᔅᐱᔅ ᑎᓯᐧᑲᑭᓄᐤ ᓇᔅᒡ ᐊ ‍ ᓂᓱᐅᓇᒋᑕᑭᓄᐅᒡ ᒥᓯᐛ ᑲ ᐃᓯ ‍ ᑎᒂᒡ ᐛᔪᑎᓯᐅᓐ ᐊᓐᑕ ᐊᓐ ᐅᑕᓇᐤ᙮’ ”
\p “ᐊᓐᒡ ᒪᒃ ᐊ ‍ ᒥᓴᒡ ᐅᐤᑦ ᐅᒋᒪᐅᒡ ᑭᔭ ᒥᓯᐛ ᐊᐛᓐ ᑲ ‍ ᑎᑯᓂᔨᒡ ᐊᓐᑕ ᐊ ‍ ᐃᔅᐱᔨᑦ ᐊ ‍ ᒥᓴᒡ ᐅᐤᑎᒡ, ᐊ ‍ ᒥᓴᒡ ᐅᐤᑦ ᑯᐸᓇᐅᒡ ᑭᔭ ᐊᓐᒡ ᐊ ‍ ᒥᓴᔨᒡ ᐅᐤᑕ ᑲ ‍ ᐊᐱᒋᑕᒡ ᐊ ᐱᐸ ‍ ᐊᑕᐛᒡ ᒐᒂᔪᐛ ᐛᔪᐤ ᐊᓐᑕ ᒋ ‍ ᐅᒋᑲᐳᐅᒡ᙮
\v 18 ᐃᔅᐱ ᒪᒃ ᐎᔭᐸᑕᒡ ᐊᓂᔭ ᐊ ‍ ᐊᒂᐸᑕᔨᒡ ᐊ ‍ ᐃᔎᑕᔨᒡ ᐊᓂᔭ ᐅᑕᓇᔪᐤ ᒋ ‍ ᒪᐅᒡ ᐊ ‍ ᐃᔅᒋᔄᒡ, ‘ᓇᒪ ᓂᑕ ᐅᒋ ᑎᑯᓐ ᐅᑕᓇᐤ ᐊ ‍ ᐃᔅᐱᔅ ᒋᔅᑕᔨᑕᒂᒡ ᑲ ᐃᔅᐱᔅ ‍ ᒋᔅᑕᔨᑕᒂᒡ ᐅ ᐅᑕᓇᐤ᙮’
\v 19 ᒋ ‍ ᒪᐅᒡ ᑭᔭ ᒋ ‍ ᓂᓇᐧᑲᑥᐅᑎᒧᒡ᙮ ᐃᔭᑲᔪᐤ ᒋ ᐃᓯ ‍ ᐛᐱᓂᒧᒡ ᐅᔅᑎᒂᓂᐛᒡ ᐊ ‍ ᐛᐸᑎᔨᐛᒡ ᐊᔅᐱᔅ ᒥᒐᔨᑕᒡ᙮ ᐊᐅᑯᓐ ᒪᒃ ᑲ ‍ ᐃᑎᑕᑯᓯᒡ,
\q ‘ᑕᑈ ᑯᔅᑕᑎᑯᓐ᙮ ᑕᑈ ᑯᔅᑕᑎᑯᓐ᙮ ᑯᔅᑕᑎᑯᓐ ᑕᓐ ᐊ ‍ ᐃᔅᐱᔨᒡ ᐊᓐ ᑲ ‍ ᒋᔅᑕᔨᑕᒂᒡ ᐅᑕᓇᐤ ᐊᓐᑕ ᑲ ᐅᒋ ‍ ᐅᓱᓇᔭᓂᒥᐧᑲᓱᒡ ᐊᓐᒡ ᐊ ‍ ᒥᓴᒡ ᐅᐤᑕ ᑲᒋ ‍ ᐊᐱᒋᑕᒡ ᓂᓇᐧᑯᐤ ᒐᒂᔪᐛ ᐊ ᐱᐸ ‍ ᐊᑕᐛᒡ᙮ ᐊᓂᔭ ᑲ ᐃᓯ ᒋ ‍ ᐛᔪᒡ ᑎᑯᓂᔨᒡ ᒐᒂᔪᐤ ᐊᓐᑕ ᐊᓂᔭ ᐅᑕᓇᔪᐤ, ᐊᑯᑕ ᑲ ᐅᒋ ‍ ᐅᓱᓇᔭᓂᒥᐧᑲᓱᒡ᙮ ᐸᐃᒄ ᑎᐸᐃᑭᓇ ᒪᒃ ᐃᔅᐱᔅ ᓴᔅ ᒥᓯᐛ ᒋ ‍ ᓂᓱᐅᓇᑎᓐ᙮’
\q
\v 20 ᒋᔨᐛᐤ ᒋᒋᒋᓯᑯᒡ ᐊ ‍ ᑕᔭᒄ, ᒥᔽᔨᑎᒧᒄ ᐊᒋ ‍ ᓂᓱᐅᓇᒋᑕᑭᓄᐅᒡ ᐊᓐ ᐅᑕᓇᐤ᙮ ᒋᔨᐛᐤ ᑲ ‍ ᑕᑈᑎᒪᒄ, ᑭᔭ ᒋᔨᐛᐤ ᐊᑈᔅᑕᓇᒡ, ᑭᔭ ᒋᔨᐛᐤ ᑲ ‍ ᐅᒋᔅᒋᐛᐃᒐᓱᐅᔭᒄ, ᒥᔽᔨᑎᒧᒄ᙮ ᐛᔅ ᒋᓴᒪᓂᑐᐤ ᒋ ‍ ᑎᐸᔅᑯᓇᐤ ᐊᓂᔭᔪᐛ ᐊᓐᑕ ᑲ ‍ ᑕᔨᒋ ᑕᓐ ᑲ ‍ ᐃᑐᑕᑕᑯᒡ᙮”
\p
\v 21 ᐊᑯ ᐊᓐ ᐊᓐᒋᓐ ᓇᔅᒡ ᐊ ‍ ᓱᒐᔨᑕᑯᓯᑦ ᒂ ᐅᒋ ‍ ᐅᑎᓇᑦ ᐊ ‍ ᒥᒐᐱᔅᒋᓯᔨᒋ ᐊᓯᓂᔭ, ᐊᑯ ᐊᓐᑕ ᐎᓂᐸᑯᒡ ᑲ ᐃᓯ ‍ ᐱᑭᔅᑐᐛᐱᓇᑦ᙮ ᒋ ‍ ᐃᔅᒋᔄᐤ ᒪᒃ ᐊᓂᔭ ᐊ ‍ ᐛᐱᓇᑦ,
\q “ᐊᐅᑯᓐ ᒧᔭᒻ ᒐ ‍ ᐃᔅᐱᔅ ᐊᑲ ᒥᓇᒋᑕᑭᓄᐅᒡ ᑕᓐ ᒐ ᐃᓯ ‍ ᓇᔅᒡ ᓂᓱᐅᓇᒋᑕᑭᓄᐅᒡ ᐊᓐ ᐅᑕᓇᐤ ᐸᐱᓗᓐ ᑲ ‍ ᐃᓯᓂᐧᑲᑕᒡ᙮
\q ᓇᒪ ᓂᑕ ᐊᓂᔭ ᒥᓐ ᒋᑭ ᐅᒋ ‍ ᒋᔅᒐᔨᑕᑯᓐ᙮
\q
\v 22 ᓇᒪ ᓂᑕ ᒥᓐ ᒋᑭ ᐅᒋ ‍ ᐸᑕᑯᓐ ᐊᓐᑕ ᐊ ‍ ᑕᔨᓐ ᐸᐱᓗᓐ, ᐊ ‍ ᒥᔪᑕᑯᑕᒡ ᐊᓐᒡ ᐊᐛᓐᒋ ᑲ ‍ ᒪᑐᐛᒡ ᐊᓂᔭᔪᐛ ᑲ ‍ ᒥᔪᑕᑯᓂᔨᒋ ᒋᔍᐛᐱᒋᑭᓂᓴ᙮
\q ᓇᒪ ᓂᑕ ᒥᓐ ᒋᑭ ᐅᒋ ‍ ᐸᑕᑯᓱᐅᒡ ᐊᓐᒡ ᓂᓇᐧᑯᐤ ᒐᒂᔪᐛ ᐊ ‍ ᒥᔪᑕᑯᓂᔨᒋ ᑲ ‍ ᑭᔅᒋᐅᒡ ᐊ ‍ ᒪᑐᐛᒐᒡ ᒪᒃ ᐊᓐᒡ ᓂᓇᐧᑯᐤ ᐳᑕᒋᑭᓇ ᑲ ‍ ᒪᑐᐛᒡ᙮
\q ᓇᒪ ᓂᑕ ᒥᓐ ᒋᑭ ᐅᒋ ‍ ᐛᐱᒪᑭᓄᐎᒡ ᐊᓐᒡ ᐊᐛᓐᒋ ᓂᓇᐧᑯᐤ ᒐᒂᔪᐛ ᑲ ᐃᓯ ‍ ᑭᔅᒋᐅᒡ ᐊ ‍ ᐅᓯᑕᒡ᙮
\q ᓇᒪ ᓂᑕ ᑭᔭ ᒥᓐ ᒋᑭ ᐅᒋ ‍ ᐸᑕᑯᓐ ᐊ ‍ ᑎᑯᐃᑭᓄᐅᒋ ᓂᑕᐅᒋᑕᑭᓇ᙮
\q
\v 23 ᓇᒪ ᓂᑕ ᒥᓐ ᒋᑭ ᐅᒋ ‍ ᓄᑯᓱᐅᒡ ᐛᔅᑕᓂᐱᒪᑭᓐᒡ ᐊ ‍ ᐛᔅᑐᐛᒡ ᐊᓐᑕ ᐊ ‍ ᑕᔨᓐ᙮
\q ᓇᒪ ᓂᑕ ᒥᓐ ᒋᑭ ᐅᒋ ‍ ᐸᑕᑯᓱᐅᒡ ᐊ ‍ ᒧᒋᒐᔨᑕᒡ ᐅᔅᒋᓂᒋᓱᐅᒡ ᑭᔭ ᐅᔅᒋᓂᔎᐅᒡ᙮
\q ᐊᓐᒡ ᓂᓇᐧᑯᐤ ᒐᒂᔪᐛ ᑲ ‍ ᐊᑕᐛᒡ ᐊᓐᑕ ᐊ ‍ ᑕᔨᓐ, ᐊᐅᑯᓐᒡ ᒪᐅᒡ ᑲ ‍ ᒋᔅᑕᔨᑕᑯᓯᒡ ᐊᐛᓐᒋ ᐅᑕ ᐊᔅᒋᒡ᙮
\q ᐊᓐᒡ ᐊᐛᓐᒋ ᐊᓐᑕ ᑲ ‍ ᐎᒋᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ‍ ᐎᔭᓯᐊᐅᒡ ᐅᒪᒥᑕᐛᑎᓯᐅᓄᐛᐤ ᐊ ‍ ᐊᐱᒋᑕᒡ᙮”
\m
\v 24 ᐊᑯᑕ ᐊᓐ ᐅᑕᓇᒡ ᑲ ‍ ᓂᐸᐊᑭᓄᐎᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑭᔭ ᑲ ‍ ᑕᑈᑕᒡ ᑭᔭ ᑯᑎᑭᒡ ᐊᐛᓐᒋ᙮
\c 19
\s1 ᑲ ‍ ᒥᔽᔨᑕᑭᓄᐅᒡ ᒋᒋᒋᓯᑯᒡ
\p
\v 1 ᒥᓐ ᒂ ᐃᓯ ‍ ᐛᐸᑎᔨᑯᐅᔭᓐ ᒐᒂᓐ᙮ ᓂᒋ ‍ ᐸᑕᓐ ᒧᔭᒻ ᓇᔅᒡ ᐊ ‍ ᒥᒐᑐᐛᑕᒡ ᐊᐛᓐᒋ ᐊᓐᑕ ᒋᒋᒋᓯᑯᒡ ᐊ ᐅᒋ ‍ ᐸᑕᑯᓯᒡ ᐊ ‍ ᐃᑎᑕᒂᒡ᙮ ᓇᔅᒡ ᒋ ‍ ᒋᔄᐛᐅᒡ ᐊ ‍ ᐃᔅᒋᔄᒡ,
\q “ᒪᒥᒋᒪᐧᒄ ᒋᓴᒪᓂᑐᐤ᙮ ᐎᔾ ᐊᐅᒄ ᑲ ‍ ᐱᒪᒋᐃᑕᐧᒄ᙮ ᓇᔅᒡ ᑕᑈ ᒋᔅᑕᔨᑕᑯᓱᐤ ᑭᔭ ᓇᔅᒡ ᓱᒐᔨᑕᑯᓱᐤ᙮
\q
\v 2 ᐛᔅ ᒥᓯᐛ ᑕᐱᑐᐤ ᐃᓯ ‍ ᑎᐸᔅᑯᓇᐤ ᐊᐛᔪᐛ ᑭᔭ ᐊᓐ ᐊ ‍ ᐃᑕᔨᑕᑯᓂᔨᒡ ᒐᒋ ᐃᓯ ‍ ᑎᐸᔅᑯᓇᑭᓄᔨᒋ, ᐊᐅᑯᓐ ᐊ ᐃᓯ ‍ ᑎᐸᔅᑯᓇᑦ᙮
\q ᒋ ‍ ᑎᐸᔅᑯᓇᐤ ᒪᒃ ᐊᓂᔭᔪᐛ ᑲ ᒥᔪ ‍ ᒋᔅᒐᔨᒪᑭᓄᔨᒋ ᐱᓯᒂᑎᓯᔎᐛ᙮ ᒥᒐᑦ ᐊᐛᔪᐛ ᐅᑕ ᐊᔅᒋᒡ ᒋ ‍ ᐎᔭᓯᐊᐤ ᐅ ᐃᔎᐤ ᑕᓐ ᑲ ‍ ᐃᑕᑎᓯᑦ᙮
\q ᒋᓴᒪᓂᑐᐤ ᒋ ‍ ᐛᐛᓯᐊᐤ ᐊᓂᔭ ᐱᓯᒂᑎᓯᔎᐛ ᐊᒋ ‍ ᓂᐸᐊᔨᒋ ᐊᓂᔭᔪᐛ ᒋᓴᒪᓂᑐᐛ ᑲ ‍ ᐊᑐᔅᑯᐛᔨᒋ᙮”
\p
\v 3 ᐊᑯ ᒥᓐ ᒂ ‍ ᐃᔅᒋᔄᒡ ᐊ ‍ ᒋᔄᐛᒡ,
\q “ᒪᒥᒋᒪᐧᒄ ᒋᓴᒪᓂᑐᐤ᙮ ᐊ ‍ ᐊᒂᐸᑕᒡ ᐊᓐ ᑲ ‍ ᒋᔅᑕᔨᑕᒂᒡ ᐅᑕᓇᐤ ᑲ ‍ ᐃᔎᑕᒡ, ᑲᒋᒡ ᒋᑭ ‍ ᐃᑕᐸᑕᐱᔪᐤ ᐃᔅᐱᒥᒡ᙮”
\p
\v 4 ᐊᓐᒡ ᒪᒃ ᓂᓱᔪᐤ ᐊᓱ ᓇᐤ ᑲ ‍ ᒋᔅᑕᔨᑕᑯᓯᒡ ᒋᓴᐃᔪᒡ ᑭᔭ ᐊᓐᒡ ᑲ ‍ ᓇᐅᒡ ᑲ ‍ ᐱᒪᑎᓯᒡ ᐊᐛᓐᒋ ᒋ ‍ ᐅᒋᒋᐧᑯᓂᐱᔨᔅᑐᐛᐅᒡ ᑭᔭ ᒋ ᐊᑎ ‍ ᐊᔭᒥᐊᔅᑐᐛᐅᒡ ᒋᓴᒪᓂᑐᐛ, ᐊᓂᔭ ᑲ ‍ ᐊᐱᔨᒋ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ᙮ ᒋ ‍ ᐃᔅᒋᔄᐅᒡ,
\q “ᒪᒥᒋᒪᑕᐤ ᒋᓴᒪᓂᑐᐤ᙮ ᐊᒥᓐ᙮”
\s1 ᐊᓐ ᒪᔭᑕᓂᔅ ᐅᓂᐳᐤ ᒥᑯᓴᐅᓐ
\p
\v 5 ᐊᑯ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒂ ᐅᒋ ‍ ᐸᑕᑯᓯᑦ ᐊᐛᓐ ᐊ ‍ ᐃᔅᒋᔄᑦ,
\q “ᒪᒥᒋᒪᑕᐤ ᒋᒋᓴᒪᓂᑐᒥᓄᐤ, ᒥᓯᐛ ᒋᔨᐛᐤ ᑲ ‍ ᐊᑐᔅᑯᐛᒄ, ᒋᔨᐛᐤ ᑲ ‍ ᓇᓂᒋᔅᑐᐛᒄ, ᒥᓯᐛ ᑲ ‍ ᒋᔅᑕᔨᑕᑯᓯᔭᒄ ᑭᔭ ᒋᔨᐛᐤ ᐊᑲ ᒋᔅᑕᔨᑕᑯᓯᔭᒄ᙮”
\p
\v 6 ᐊᑯ ᒂ ‍ ᐸᑐᐅᒂᐤ ᐊ ‍ ᒥᒐᑐᐛᑕᒡ ᐊᐛᓐᒋ ᒧᔭᒻ ᓂᐱᔾ ᐊ ‍ ᒋᔄᐛᔭᒍᐅᒡ ᑭᔭ ᒧᔭᒻ ᓂᒥᔅᒍᐅᒡ ᐊ ‍ ᐸᑕᑯᓯᒡ ᐊ ‍ ᐃᑎᑕᑯᓯᒡ᙮ ᒋ ‍ ᐃᔅᒋᔄᐅᒡ,
\q “ᐊᓕᓗᔭ, ᐅᑎᐸᔨᒋᒐᐤ ᒋᓴᒪᓂᑐᐤ ᒪᐅᒡ ᑲ ‍ ᓱᐧᑲᑎᓯᑦ ᐎᔾ ᑕᐸᔨᒋᒐᐤ᙮
\q
\v 7 ᒧᒋᒐᔨᑕᑕᐤ ᒪᒃ ᑭᔭ ᓯᒋᔭᓯᑕᐤ᙮
\q ᒪᒥᒋᒪᑕᐤ ᐊᓂᔭ ᐊᔅᐱᔅ ᒋᔅᑕᔨᑕᑯᓯᑦ᙮
\q ᐛᔅ ᓴᔅ ᐅᑎᒋᐱᔪᐤ ᒐ ‍ ᓂᐳᐅᑦ ᐊᓐ ᒪᔭᑕᓂᔅ᙮
\q ᓴᔅ ᒋ ᐃᓯ ‍ ᐊᔭᔅᑯᐎᐧᑲᑎᓱᐤ ᐊᓐ ᐅᔅᒋᓂᒋᔎᐤ᙮
\q
\v 8 ᒋ ‍ ᒥᔭᑭᓄᐤ ᐊᓐ ᐅᔅᒋᓂᒋᔎᐤ ᐱᒍᐎᔭᓂᓯᔪᐤ ᑲ ‍ ᓱᓯᐛᑭᓯᔨᒡ ᓇᔅᒡ ᑲ ‍ ᒥᔽᑭᓯᔨᒡ ᒐᒋ ᒋᔅᑲᐧᒃ᙮
\q ᓇᔅᒡ ᒪᒃ ᒋ ‍ ᐛᓴᔅᑯᔅᑕᔪᐛ ᐅᑦ ᐊᐱᒋᑕᐅᓇ ᑭᔭ ᓇᔅᒡ ᒋ ‍ ᐸᔭᐧᑭᓂᔪᐛ᙮”
\m ᐅ ᒪᒃ ᐊᐱᒋᑕᐅᓐ ᐊᔅᐱᔅ ᒥᔽᑭᓯᒡ, ᐊᐅᑯᓐ ᐊ ‍ ᐃᓯᓇᑯᓂᔨᒋ ᐅᑯᐃᔅᒄ ᐃᑐᓄᐛᐛ ᐊᓐᒡ ᑲ ‍ ᑕᑈᑕᒡ᙮
\p
\v 9 ᐊᑯ ᒂ ᐸᒋ ‍ ᐃᓯᑦ ᐊᓐᒋᓐ, “ᒥᓯᓇᐊ ᐅ, ᓱᐛᔨᑕᑯᓱᐅᒡ ᐊᓐᒡ ᑲ ‍ ᐎᓴᒪᑭᓄᐎᒡ ᐊ ‍ ᒥᑯᓴᓄᐎᒡ ᐊᓂᔭ ᒪᔭᑕᓂᓴ ᐅᓂᐳᐤ ᒥᑯᓴᐅᓂᔪᐤ᙮” ᐊᑯ ᒥᓐ ᒂ ᐊᑎ ‍ ᐃᔅᒋᔄᑦ ᐊᓐ ᐊᓐᒋᓐ, “ᐊᐅᒄ ᐅᔭ ᑲ ‍ ᐃᔅᒋᔄᑦ ᒋᓴᒪᓂᑐᐤ, ᑕᑈᒥᑭᓂᔪᐤ ᒪᒃ᙮”
\p
\v 10 ᓂᒋ ‍ ᐅᒋᒋᐧᑯᓂᐱᔪᐅᓐ ᒪᒃ ᒐᒋ ᐊᔭᒥᐊᔅᑐᐅᒃ ᐅ ᐊᓐᒋᓐ᙮ ᒥᒄ ᒪᒃ ᓂᒋ ‍ ᐃᑎᒄ, “ᐊᑲᐎᔾ ᐊᓐ ᐃᑎᔾ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᑭᔭ ᒋᐧᑲᓂᓯᒡ ᐊ ‍ ᐃᑎᔭᒄ, ᒥᓯᐛ ᐊᓐᒡ ᑯᐃᔅᒄ ᑲ ᐃᓯ ‍ ᐛᐎᑕᒡ ᐊᓂᔭ ᑕᑈᐅᓂᔪᐤ ᒋᓴᓴ ᑲ ‍ ᐛᐸᑎᔨᐛᔨᒋ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮” ᐛᔅ ᐊᓂᔭ ᑕᑈᐅᓂᔪᐤ ᒋᓴᔅ ᑲ ᐸᒋ ‍ ᐛᐸᑎᔨᐛᑦ, ᐊᐅᒄ ᐊᓂᔭ ᑲ ‍ ᓱᒐᔨᑕᑯᐃᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ‍ ᐃᔨᒥᒡ᙮
\s1 ᐊᓐ ᐊᐛᓐ ᑲ ‍ ᑕᑎᐱᑦ ᑲ ‍ ᐛᐱᓯᔨᒋ ᑲᐸᐃᑭᔎᐛ
\p
\v 11 ᐊᑯ ᒂ ‍ ᐛᐸᑎᒪᓐ ᒋᒋᒋᓯᒄ ᐊ ‍ ᔪᑕᐱᔨᒡ᙮ ᒋ ᐅᒋ ‍ ᓄᑯᓱᐤ ᒪᒃ ᑲᐸᐃᑭᔎᐤ ᐊ ‍ ᐛᐱᓯᑦ᙮ ᐊᓐ ᒪᒃ ᑲ ‍ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ ᑲ ‍ ᑕᑈᐅᒐᔨᑕᑯᓯᑦ ᑭᔭ ᑲ ‍ ᑕᑈᑦ ᒋ ‍ ᐃᓯᓂᐧᑲᑕᑭᓄᐤ᙮ ᑯᐃᔅᑯᑕᑎᓯᐅᓂᒡ ᐃᓯ ᑎᐸᔅᑯᓂᒐᐤ ᑭᔭ ᑯᐃᔅᑯᑕᑎᓯᐅᓂᔪᐤ ᒪᓯᒐᔅᑎᒻ᙮
\v 12 ᐅᔅᒋᓯᒂ ᒧᔭᒻ ᐃᔅᑯᑕᔪᐤ ᐊ ‍ ᒋᐧᑲᔭᔅᑐᐛᔨᒡ ᐊ ‍ ᐎᐧᑯᔭᐱᔨᒋ ᐃᓯᓇᑯᓂᔪᐛ᙮ ᒥᒐᓂᔪᐛ ᒋᓴᐅᒋᒪᐅᑯᓂᔎᐅᓇ ᐊ ‍ ᒋᔅᑲᐧᒃ᙮ ᒥᓯᓇᑕᔪᐤ ᐃᓯᓂᐧᑲᓱᐅᓂᔪᐤ ᐊᓐᑕ ᐊ ‍ ᑕᑦ ᐊᑲ ᐊᐛᔪᐛ ᒋᔅᒐᔨᑎᒥᔨᒋ᙮ ᒥᒄ ᐎᔾ ᒋᔅᒐᔨᑎᒻ ᐊᓂᔭ ᐃᓯᓂᐧᑲᓱᐅᓂᔪᐤ᙮
\v 13 ᐊᑯᐱᔪᐤ ᒋᔅᑭᒻ ᒥᐧᑯᒡ ᐊᒋ ‍ ᒋᑕᓂᑭᓄᐃᑯᐱᓇ᙮ “ᒋᓴᒪᓂᑐᐤ ᐅᑦ ᐃᔨᒧᐅᓐ” ᐊᐅᑯᓐ ᐊ ‍ ᐃᓯᓂᐧᑲᑕᑭᓄᐅᑦ᙮
\v 14 ᓂᑐᐱᔪᐅ-ᐃᔪᐛ ᒪᒃ ᒋᒋᒋᓯᑯᒡ ᐊ ‍ ᑕᔨᒋ ᒋ ᐅᒋ ‍ ᓇᓴᐅᑯᐤ ᑲ ‍ ᐛᐱᓯᔨᒋ ᑲᐸᐃᑭᔎᐛ ᐊ ‍ ᐊᐱᒋᐊᔨᒋ᙮ ᓇᔅᒡ ᑲ ‍ ᒥᔽᑭᓂᔨᒡ ᑲ ‍ ᓱᓯᐛᑭᓯᔨᒡ ᐱᒍᐎᔭᓂᓯᔪᐤ ᐊ ‍ ᐛᐸᑭᓯᔨᒡ, ᐊᐅᑯᓐ ᐊ ‍ ᐃᓯᓇᑯᓂᔨᒋ ᐅᑦ ᐊᐱᒋᑕᐅᓄᐛᐛ ᐅᒡ ᓂᑐᐱᔪᐅ-ᐃᔪᒡ᙮ ᓇᔅᒡ ᐸᔭᐧᑭᓂᔪᐛ ᐊᓂᔭᔪᐛ ᐅᑦ ᐊᐱᒋᑕᐅᓄᐛᐛ᙮
\v 15 ᐊ ‍ ᑲᓴᔨᒡ ᓂᑐᐱᔪᐅ-ᒧᐧᑯᒪᓂᔪᐤ ᐅᒋᐱᔪᐤ ᐅᑐᓂᒡ ᐊᓐ ᑲ ‍ ᑕᑎᐱᑦ ᑲᐸᐃᑭᔎᐛ᙮ ᐊᐅᒄ ᐅᔭ ᒐ ‍ ᐊᐱᒋᑕᑦ ᒐᒋ ᓴᒂᐊᑦ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ᙮ ᓇᒪ ᒪᒃ ᒋᑭ ᐅᒋ ‍ ᒪᒥᓇᑎᓯᐤ ᐅᒋᒪᐅᒐ᙮ ᒋᑭ ‍ ᐛᐸᑎᔨᐛᐤ ᒋᓴᒪᓂᑐᐛ ᒪᐅᒡ ᓯᔪᐧᑲᑎᓯᔨᒋ ᐊ ᐃᓯ ‍ ᐊᒂᑕᔨᑕᑯᓂᔨᒡ ᐅᑦ ᐊᐧᑯᔪᐛᓱᐅᓂᔪᐤ᙮ ᒧᔭᒻ ᐊᓐᑕ ᒥᓂᓴ ᑲ ‍ ᒪᒥᒋᒥᓂᑲᓄᔨᒋ ᑲᒋ ‍ ᑎᒂᐃᑭᓄᔨᒋ ᓱᒥᓇᐳᔾ ᐊ ‍ ᐅᓯᑕᑭᓄᐅᒡ, ᐊᐅᑯᓐ ᒐ ‍ ᐃᑕᔨᑕᑯᓂᔨᒡ ᐃᔅᐱ ᐛᐛᓯᐊᒐ ᐊᐛᔪᐛ᙮
\v 16 ᐅᑦ ᐊᑯᐱᒡ ᑭᔭ ᐅᑈᒥᒡ ᒥᓯᓇᑕᔪᐤ ᐃᓯᓂᐧᑲᓱᐅᓂᔪᐤ᙮ ᐃᑎᔅᑕᔪᐤ,
\q “ᒋᒋᐛ ᐊ ‍ ᒋᔅᑕᔨᑕᑯᓯᑦ ᐊ ‍ ᑕᑎᓯᔨᒋ ᒥᓯᐛ ᐅᑎᐸᔨᒋᒐᐛ ᑭᔭ ᐎᔾ ᓇᔅᒡ ᓱᒐᔨᑕᑯᓱᐤ ᐊ ‍ ᑕᑎᓯᔨᒋ ᒥᓯᐛ ᒋᓴᐅᒋᒪᐛ᙮”
\p
\v 17 ᐊᑯ ᒥᓐ ᑯᑎᒃ ᐊᓐᒋᓐ ᒂ ‍ ᐛᐱᒥᒃ ᐊ ‍ ᓂᐳᐅᑦ ᐊᓐᑕ ᐊ ‍ ᒋᐧᑲᓱᐛᔨᒋ ᐱᓯᒺ᙮ ᒥᓯᐛ ᐱᔭᓱᐛ ᑲ ‍ ᐃᔅᐸᐅᔨᒋ ᒋᓯᑯᒡ ᐊ ‍ ᐱᐸᒥᔭᔨᒋ ᒋ ‍ ᑕᑈᑕᐤ᙮ ᒋ ‍ ᒋᔄᐛᐤ ᐊᓂᔭ ᐊ ‍ ᑕᑈᑕᑦ᙮ ᒋ ‍ ᐃᑕᐤ, “ᐊᔅᑎᒧᒄ ᒥᓯᐛ᙮ ᐸᒋ ‍ ᒪᒧᔨᒄ, ᒐ ᐸᒋ ‍ ᒥᑯᓴᔭᒄ ᑕᓐ ᑲ ᐃᓯ ᒥᔪ ‍ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮
\v 18 ᐊᔅᑎᒧᒄ ᒐ ‍ ᒥᒍᐛᒄ ᒋᓴᐅᒋᒪᐅᒡ ᑭᔭ ᓂᑐᐱᔪᐅ-ᐅᒋᒪᐅᒡ ᐎᔭᓱᐛᐛ᙮ ᐸᒋ ‍ ᒥᒍᐛᒄ ᐎᔪᐛᐛ ᐊᓯᒪᑭᓂᓯᒡ, ᑲᐸᐃᑭᔎᐅᒡ ᑭᔭ ᐊᓐᒡ ᑲ ‍ ᑕᑎᐱᒡ ᐊᓂᔭᔪᐛ ᑲᐸᐃᑭᔎᐛ᙮ ᒥᓯᐛ ᐊᐛᓐᒋ ᑲ ‍ ᓂᐱᒡ ᐎᔪᐛᐛ ᐸᒋ ‍ ᒥᒍᐛᐧᒄ, ᑲ ‍ ᑯᐸᓇᐅᒡ ᒪᒃ ᐊᑲ ᑯᐸᓇᐅᒡ, ᑲ ‍ ᒋᔅᑕᔨᑕᑯᓯᒡ ᒪᒃ ᐊᑲ ᒋᔅᑕᔨᑕᑯᓯᒡ᙮”
\p
\v 19 ᐊᑯ ᒂ ‍ ᐛᐱᒥᒃ ᐊᓐ ᒥᒋ ‍ ᐊᐛᓯᔅ ᑭᔭ ᒥᓯᐛ ᒋᓴᐅᒋᒪᐅᒡ ᐅᑕ ᐊᔅᒋᒡ ᐊ ‍ ᒪᒧᐎᒡ ᒐᒋ ᓂᑐᐱᔨᑐᐛᒡ ᐊᓂᔭᔪᐛ ᐊᓐᑕ ᑲ ‍ ᐛᐱᓯᔨᒋ ᑲᐸᐃᑭᔎᐛ ᑲ ‍ ᑕᑎᐱᔨᒋ ᑭᔭ ᐊᓂᔭᔪᐛ ᓂᑐᐱᔪᐅ-ᐃᔨᒥᔪᐛ᙮
\v 20 ᐊᑯ ᒂ ‍ ᒪᑯᓇᑭᓄᐅᑦ ᐊᓐ ᒥᒋ ‍ ᐊᐛᓯᔅ ᑭᔭ ᐊᓐ ᒥᒋ ‍ ᐅᒋᔅᒋᐛᐃᒐᓱᐤ᙮ ᐊᐅᒄ ᐅ ᒥᒋ ‍ ᐅᒋᔅᒋᐛᐃᒐᓱᐤ ᑲ ‍ ᒪᒥᔅᑲᒡ ᐃᑎᑦ ᐅᑎᔅᑯᐤ ᐊᓂᔭᔪᐛ ᒥᒋ ‍ ᐊᐛᓯᓴ ᐊ ‍ ᑕᔨᒋ᙮ ᐊᑯᑕ ᑲ ᐅᒋ ‍ ᐎᔭᓯᐊᑦ ᐊᓂᔭᔪᐛ ᐊᐛᔪᐛ ᑲ ‍ ᐅᑎᓂᒥᔨᒋ ᐊᓂᔭᔪᐛ ᒥᒋ ‍ ᐊᐛᓯᓴ ᐅᒋᔅᒋᓄᐛᒋᐃᐛᐅᓂᔪᐤ ᑭᔭ ᑲ ‍ ᐊᔭᒥᐊᔅᑐᐛᔨᒋ ᐊᓂᔭ ᒥᓂᑐᐧᑲᓇ ᒧᔭᒻ ᐊᓂᔭᔪᐛ ᒥᒋ ‍ ᐊᐛᓯᓴ ᐊ ‍ ᐃᓯᓇᑯᓯᔨᒋ ᑲ ‍ ᐃᓯᐊᑭᓄᔨᒋ᙮ ᑕᐱᔅᑯᓐ ᐊᓐ ᒥᒋ ‍ ᐊᐛᓯᔅ ᑭᔭ ᐊᓐ ᒥᒋ ‍ ᐅᒋᔅᒋᐛᐃᒐᓱᐤ ᐊᐱᒪᑎᓯᒡ ᒋ ᐃᓯ ‍ ᐛᐱᓇᑭᓄᐎᒡ ᐊᓐᑕ ᒥᒋ ‍ ᐃᔅᑯᑕᐤ ᓴᑲᐃᑭᓂᒡ ᐊᓐᑕ ᐊ ‍ ᐃᔎᑕᔨᒡ ᐊ ‍ ᐎᔄᐛᐸᑕᔨᒡ ᒐᒂᔪᐤ ᓇᔅᒡ ᐊ ‍ ᐎᓂᒪᔅᑕᔨᒡ᙮
\v 21 ᒥᓯᐛ ᒪᒃ ᐊᓂᔭᔪᐛ ᐅᑦ ᐊᓯᒪᑭᓂᓯᒧᐛᐛ ᐊᓐ ᒥᒋ ‍ ᐊᐛᓯᔅ ᑭᔭ ᐊᓐ ᑲ ‍ ᐎᔭᓯᐃᐛᑦ ᐅᒋᔅᒋᐛᐃᒐᓱᐤ ᒋ ‍ ᓂᐸᐊᑭᓄᐅᔪᐛ ᐊᓂᔭ ᓂᑐᐱᔪᐅ-ᒧᐧᑯᒪᓂᔪᐤ ᐅᑐᓂᔨᒡ ᐊᓂᔭᔪᐛ ᑲ ‍ ᑕᑎᐱᔨᒋ ᑲᐸᐃᑭᔎᐛ ᑲ ‍ ᐅᒋᐱᔨᒡ ᐊ ‍ ᐊᐱᑎᓂᔨᒡ᙮ ᒥᓯᐛ ᒪᒃ ᐊᓐᒡ ᐱᔭᓱᐅᒡ ᒋ ‍ ᒋᔅᐳᐃᓱᐅᒡ ᐊ ‍ ᒥᒋᒡ ᐊᓂᔭᔪᐛ ᒥᔪᐛ᙮
\c 20
\s1 ᐸᐃᒂᐤ ᒐᓯᐱᔪᐛ ᐱᐳᓇ
\p
\v 1 ᐊᑯ ᒂ ‍ ᐛᐱᒥᒃ ᐊᓐᒋᓐ ᒋᒋᒋᓯᑯᒡ ᐊ ᐅᒋ ‍ ᐸᒋ ‍ ᔭᓯᑦ᙮ ᐅ ᒪᒃ ᐊᓐᒋᓐ ᒋ ‍ ᑕᐧᑯᓂᒻ ᐊᐸᐃᑭᓂᔪᐤ ᒐᒋ ᓴᓇᐧᒃ ᐊᓂᔭ ᑕᒥᒡ ᐊᔅᒋᒡ ᑲ ᐃᓯ ᒥᔅᑎ ‍ ᐱᑯᓇᔭᔨᒡ᙮ ᐃᓴᒂᔭᐱᔪᐤ ᑭᔭ ᒋ ‍ ᑕᐧᑯᓂᒻ᙮
\v 2 ᐊᑯ ᒂ ‍ ᒪᑯᓇᑦ ᐊᓂᔭᔪᐛ ᒥᔅᑎ ‍ ᒥᓐᑐᓴ᙮ ᐊᐅᒄ ᐅ ᒋᓴ ‍ ᒋᓇᐱᒄ ᒥᒋᒥᓂᑐᐤ ᑭᔭ ᓴᑎᓐ ᑲ ‍ ᐃᓯᓂᐧᑲᓱᑦ᙮ ᐊᑯ ᐊᓐ ᐊᓐᒋᓐ ᒂ ‍ ᒪᑯᐱᑕᑦ ᐊᓂᔭᔪᐛ ᒥᔅᑎ ‍ ᒥᓐᑐᓴ᙮ ᐸᐃᒂᐤ ᒐᓯᐱᔪᐛ ᐱᐳᓇ ᒪᒃ ᒋᑭ ‍ ᐃᔅᐱᔅ ᒪᑯᐱᓱᔪᐛ᙮
\v 3 ᐃᔅᐱ ᒪᒃ ᑲ ‍ ᒪᑯᐱᑕᑦ ᐊᓂᔭᔪᐛ ᒥᔅᑎ ‍ ᒥᓐᑐᓴ, ᐊᑯ ᒂ ‍ ᐳᒐᐛᐱᓇᑦ ᐊᓐᑕ ᐊᓂᔭ ᑲ ᒥᔅᑎ ‍ ᐱᑯᓇᔭᔨᒡ᙮ ᒂ ᐊᑎ ‍ ᐊᑎᓴᑲᐛᑦ ᐊᓐᑕ ᑭᔭ ᒋ ‍ ᒋᔅᒋᓄᐛᒋᑕᐤ ᐊᓐᑕ ᐊ ‍ ᑕᔨᒋ ᒐ ᐊᑲ ᒋ ᐊᐸᐛᑭᓄᔨᒋ ᐸᑐᔅ ᒋ ‍ ᒥᔭᐅᐱᔨᒂᐛ ᐊᓂᔭᔪᐛ ᐸᐃᒂᐤ ᒐᓯᐱᔪᐛ ᐱᐳᓇ᙮ ᐊᐅᒄ ᐅᔭ ᑲ ‍ ᐃᑐᑐᐛᑦ ᐊᑲ ᒥᓐ ᒐᒋ ᐎᔭᓯᒪᔨᒋ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ᙮ ᐃᔅᐱ ᒪᒃ ᐸᐃᒂᐤ ᒐᓯᐱᔪᐛ ᐱᐳᓇ ᐅᑎᒋᐱᔨᒐ, ᐊᑯ ᐛᐃᐱᔅᒋᔅ ᒐ ‍ ᐊᐱᐧᑯᓇᑭᓄᐅᑦ᙮
\p
\v 4 ᐊᑯ ᒥᓐ ᑯᑎᒡ ᒐᒂᓐ ᒂ ‍ ᐛᐸᑎᔨᑯᔭᓐ᙮ ᒋᓴᐅᒋᒪᐤ ᑕᑎᐳᐛᑭᓇ ᓂᒋ ‍ ᐛᐸᑕᓐ᙮ ᒋ ‍ ᑕᐅᒡ ᒪᒃ ᐊᓐᒡ ᑲ ‍ ᐊᐱᒡ ᐊᓂᔭᔪᐛ ᒋᓴᐅᒋᒪᐤ ᑕᑎᐳᐛᑭᓇ᙮ ᒋ ‍ ᒥᔭᑭᓄᐎᒡ ᐅᒡ ᒐᒋ ᑎᐸᔅᑯᓂᒐᒡ᙮ ᐊᑯ ᒂ ‍ ᐛᐱᒥᒂᐤ ᐊᓐᒡ ᐊᒐᐧᑯᒡ ᑲ ‍ ᒋᒥᒂᐛᑭᓄᐛᑯᐱᓇ ᐊᓂᔭ ᐅᒋ ᐊᒋ ‍ ᑎᐸᒋᒪᒡ ᒋᓴᓴ ᑕᓐ ᑲ ‍ ᐃᑎᔨᒋ ᑭᔭ ᐊᒋ ‍ ᐛᐎᑎᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓇᒪ ᐅᒋ ᐊᔭᒥᐊᔅᑐᐛᐛᑯᐱᓇ ᐎᔨᐛᐤ ᐊᓂᔭᔪᐛ ᒥᒋ ‍ ᐊᐛᓯᓴ ᒪᒃ ᐊᓂᔭᔪᐛ ᒥᓂᑐᐧᑲᓇ ᒧᔭᒻ ᐊᓐ ᒥᒋ ‍ ᐊᐛᓯᔅ ᐊ ‍ ᐃᓯᓇᑯᓯᑦ ᑲ ‍ ᐃᓯᐊᑭᓄᔨᒋ᙮ ᓇᒪ ᑭᔭ ᐅᒋ ᐊᔭᐛᐅᒡ ᐊᓂᔭ ᐅᒋᔅᒋᓄᐛᒋᒋᑭᓂᔪᐤ ᐅᔅᑲᑎᑯᐛᒡ ᒪᒃ ᐅᒥᔪᓄᐛᒡ᙮ ᑲᐤ ᒋ ‍ ᐱᒪᑎᓯᐅᒡ ᐅᒡ, ᐊᑯ ᑲ ‍ ᑕᑎᐱᒡ ᐊᓂᔭᔪᐛ ᒋᓴᐅᒋᒪᐤ ᑕᑎᐳᐛᑭᓇ᙮ ᒋ ᐎᒋ ‍ ᒋᓴᐅᒋᒪᐅᒪᐅᒡ ᒪᒃ ᒋᓴᓴ ᐸᐃᒂᐤ ᒐᓯᐱᔪᐛ ᐱᐳᓇ ᐃᔅᐱᔅ᙮
\v 5 ᐊᐅᒄ ᒪᒃ ᐅ ᓂᔅᑎᒻ ᒐ ‍ ᐅᓂᔅᑲᓇᑭᓄᐎᒡ ᐊᓐᒡ ᑲ ‍ ᓂᐱᒡ᙮ ᐊᓐᒡ ᒪᒃ ᑯᑎᑭᒡ ᑲ ‍ ᓂᐱᒡ ᓇᒪ ᐅᒋ ᐅᓂᔅᑲᐅᒡ ᐎᔨᐛᐤ ᐸᑐᔅ ᒋ ‍ ᒥᔭᐅᐱᔨᒂᐛ ᐊᓂᔭ ᐸᐃᒂᐤ ᒐᓯᐱᔪᐛ ᐱᐳᓇ᙮
\v 6 ᓱᐛᔨᑕᑯᓱᐅᒡ ᑭᔭ ᐊᔪᐛᒡ ᐸᔭᒋᓯᐅᒡ ᐊᓐᒡ ᑲ ‍ ᐎᒋᐃᐛᒡ ᐊᓐᑕ ᓂᔅᑎᒻ ᑲ ‍ ᐅᓂᔅᑲᓇᑭᓄᔨᒋ ᑲ ‍ ᓂᐱᔨᒋ᙮ ᓇᒪ ᒥᒋ ‍ ᐃᔅᑯᑕᐤ ᓴᑲᐃᑭᓂᔪᐤ ᒋᑭ ᐅᒋ ‍ ᑎᐸᔨᒥᑯᐅᒡ ᐎᔨᐛᐤ᙮ ᒋᑭ ‍ ᐊᑐᔅᑯᐛᐅᒡ ᒋᓴᒪᓂᑐᐛ ᑭᔭ ᒋᓴᔅ ᙭ᑕ ᑭᔭ ᒋᑭ ᐎᒋ ‍ ᑎᐸᔨᒋᒐᒪᐅᒡ ᒋᓴᔅ ᙭ᑕ ᐸᐃᒂᐤ ᒐᓯᐱᔪᐛ ᐱᐳᓇ ᐃᔅᐱᔅ᙮
\s1 ᒥᒋᒥᓂᑐᐤ ᑲ ‍ ᓴᒂᐊᑭᓄᐅᑦ
\p
\v 7 ᐃᔅᐱ ᒪᒃ ᒋ ‍ ᐅᑎᒋᐱᔨᒂᐛ ᐊᓂᔭᔪᐛ ᐸᐃᒂᐤ ᒐᓯᐱᔪᐛ ᐱᐳᓇ, ᐊᑯ ᒐ ‍ ᓴᓇᑭᓄᐅᑦ ᒥᒋᒥᓂᑐᐤ ᐊᓐᑕ ᐊᓂᔭ ᑲ ‍ ᒋᐸᐛᑭᓄᐅᑦ᙮
\v 8 ᒋᑭ ‍ ᐎᔭᓯᒪᐤ ᒪᒃ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ ᐅᑕ ᐊᔅᒋᒡ᙮ ᐊᐅᒄ ᐅᔭ ᒥᓯᐛ ᐊ ‍ ᐃᑎᔅᑲᓇᓯᔨᒋ ᐊᐛᔪᐛ ᑯᒃ ᑭᔭ ᒪᑯᒃ ᑲ ‍ ᐃᓯᓂᐧᑲᑕᑭᓄᔨᒋ᙮ ᒋᑭ ‍ ᒪᒧᓇᐤ ᒐᒋ ᒪᓯᒐᔨᒋ᙮ ᒥᔅᑎ ᒥᒐᑎᔪᐛ ᒪᓯᒐᓱᐛ᙮ ᒧᔭᒻ ᐃᔭᑲᐤ ᓯᓱᒡ ᐊᓐᑕ ᐎᓂᐸᑯᒡ ᐊ ᐃᔅᐱᔅ ‍ ᐛᔪᒋᒥᒐᓂᔨᒋ ᐊᑯᓐ ᐊ ᐃᔅᐱᔅ ‍ ᒥᒐᑎᔨᒋ᙮
\v 9 ᒥᓯᐛ ᐊ ‍ ᐃᔅᐱᑎᔅᑭᒥᑲᔨᒡ ᐊᓂᔭ ᐊᔅᒋᔪᐤ ᒋ ᐊᑎ ‍ ᐃᑐᑕᐅᒡ᙮ ᒋ ‍ ᐛᔅᑲᔅᑭᒧᒡ ᐊᓂᔭᔪᐛ ᐅᑕᓇᔪᐤ ᐊᓐᑕ ᐊ ‍ ᑕᔨᒋ ᑲ ‍ ᑕᑈᑎᒥᔨᒋ, ᐊᐅᒄ ᐊᓂᔭ ᐅᑕᓇᔪᐤ ᒋᓴᒪᓂᑐᐛ ᓇᔅᒡ ᑲ ‍ ᓴᒋᑕᔨᒋ᙮ ᒥᒄ ᒪᒃ ᐃᔅᑯᑕᔪᐤ ᒋᒋᒋᓯᑯᒡ ᒋ ᐅᒋ ‍ ᐸᒋ ‍ ᐸᒋᑎᓂᔪᐤ ᐊᓐᑕ ᐅᒋ ᒋᓴᒪᓂᑐᐤ ᐊ ‍ ᑕᑦ᙮ ᓇᔅᒡ ᑲ ‍ ᐃᔎᓱᑯᒡ᙮
\v 10 ᐊᑯ ᒪᒃ ᒥᒋᒥᓂᑐᐤ, ᐊᓐ ᑲ ‍ ᐎᔭᓯᒪᑦ ᐅᔭ ᐊᐛᔪᐛ, ᑲ ‍ ᑲᔅᑎᓇᑭᓄᐅᑦ, ᐊᑯ ᐊᓐᑕ ᒥᒋ ‍ ᐃᔅᑯᑕᐤ ᓴᑲᐃᑭᓂᒡ ᑲ ᐃᓯ ‍ ᐛᐱᓇᑭᓄᐅᑦ ᐊᓐᑕ ᐊ ‍ ᐃᔎᑕᔨᒡ ᒐᒂᔪᐤ ᐊ ‍ ᐎᔄᐛᐸᑕᔨᒡ ᓇᔅᒡ ᐊ ‍ ᐎᓂᒪᔅᑕᔨᒡ᙮ ᐊᑯᑕ ᓴᔅ ᑲ ᐃᓯ ‍ ᐛᐱᓇᑭᓄᔨᒋ ᐊᓂᔭ ᒥᒋ ‍ ᐊᐛᓯᓴ ᑭᔭ ᐊᓂᔭ ᒥᒋ ‍ ᐅᒋᔅᒋᐛᐃᒐᓱᐛ᙮ ᑲᒋᒡ ᒪᒃ ᒋᑭ ‍ ᐎᓯᒐᔨᑎᒧᒡ ᐊ ‍ ᒋᓯᑲᔨᒡ ᑭᔭ ᐊ ‍ ᑎᐱᔅᑲᔨᒡ᙮
\s1 ᒪᔅᑕᔾ ᑎᐸᔅᑯᓂᒐᐅᓐ
\p
\v 11 ᐊᑯ ᒂ ‍ ᐛᐸᑎᒪᓐ ᐊ ‍ ᒥᓴᒡ ᒋᓴᐅᒋᒪᐤ ᑕᑎᐳᐛᑭᓐ᙮ ᒋ ‍ ᐛᐸᐤ ᐊᓐ ᑕᑎᐳᐛᑭᓐ᙮ ᓂᒋ ‍ ᐛᐱᒪᐤ ᒪᒃ ᐊᓐ ᐊᐛᓐ ᑲ ‍ ᐊᐱᑦ ᐊᓐᑕ᙮ ᒥᓯᐛ ᒋᓯᑯᔪᐤ ᑭᔭ ᐊᔅᒋᔪᐤ ᒋ ᐊᑎ ‍ ᐸᓯᑯᓇᑯᓂᔪᐛ ᐅᑎᔅᑯᐤ ᐊ ‍ ᑕᑦ᙮ ᓇᒪ ᒪᒃ ᒥᓐ ᐅᒋ ᑎᑯᓂᔪᐛ᙮
\v 12 ᓂᒋ ‍ ᐛᐱᒪᐅᒡ ᒪᒃ ᒥᓯᐛ ᐊᓐᒡ ᐊᐛᓐᒋ ᑲ ‍ ᓂᐳᐛᑯᐱᓇ᙮ ᒥᓯᐛ ᑲ ‍ ᒋᔅᑕᔨᑕᑯᓯᒡ ᑭᔭ ᐊᓐᒡ ᐊᑲ ᒋᔅᑕᔨᑕᑯᓯᒡ ᓂᒋ ‍ ᐛᐱᒪᐅᒡ᙮ ᒋ ‍ ᐅᑎᔅᑯᑲᐳᔅᑎᒧᒡ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ᙮ ᒋ ‍ ᑎᑯᓐ ᒪᒃ ᒥᓯᓇᐃᑭᓇ ᐊ ‍ ᓴᓂᑭᓄᐅᒋ᙮ ᒥᓐ ᒪᒃ ᑯᑎᒡ ᒥᓯᓇᐃᑭᓐ ᒋ ‍ ᓴᓂᑭᓄᐤ᙮ ᐅ ᒪᒃ ᒥᓯᓇᐃᑭᓐ ᐊᑯᑕ ᒪᓯᓇᓱᒡ ᐊᓐᒡ ᐊᐛᓐᒋ ᒐ ‍ ᐊᔭᒡ ᑲᒋᒡ ᐱᒪᑎᓯᐅᓂᔪᐤ᙮ ᐊᓐᒡ ᒪᒃ ᑲ ‍ ᓂᐱᒡ ᒋ ‍ ᑎᐸᔅᑯᓇᑭᓄᐎᒡ ᒥᒄ ᑕᓐ ᑲ ‍ ᐃᑐᐛᑯᐱᓇ᙮ ᒥᓯᐛ ᑕᓐ ᑲ ‍ ᐃᑎᒡ ᒋ ‍ ᒥᓯᓇᑕᔪᐤ ᐊᓐᑕ ᐊᓂᔭᔪᐛ ᒥᓯᓇᐃᑭᓇ᙮
\v 13 ᐎᓂᐸᒄ ᒋ ‍ ᐱᔅᑎᓇᐤ ᐊᐛᔪᐛ ᐊᓐᑕ ᑲ ‍ ᑕᔨᒋ᙮ ᒥᓯᐛ ᐊᓂᔭᔪᐛ ᐊᐛᔪᐛ ᓂᐱᒡ ᑲ ‍ ᓂᔅᑕᐸᐛᐃᑯᐱᓇᓂ ᒋ ‍ ᐱᔅᑎᓇᐤ ᒐ ‍ ᑎᐸᔅᑯᓇᑭᓄᔨᒋ᙮ ᓂᐳᐅᓐ ᑭᔭ ᒋᐱᔾ ‍ ᐊᔅᒋᔾ ᒋ ‍ ᐱᔅᑎᓇᐅᒡ ᑲ ‍ ᓂᐱᔨᒋ᙮ ᒥᓯᐛ ᐊᓐᒡ ᑲ ‍ ᓂᐱᔨᒡ ᒋ ‍ ᐱᔅᑎᓇᑭᓄᐎᒡ ᒐ ‍ ᑎᐸᔅᑯᓇᑭᓄᐎᒡ᙮ ᒥᓯᐛ ᒪᒃ ᐸᐸᐃᒄ ᒋ ‍ ᑎᐸᔅᑯᓇᑭᓄᐎᒡ ᑕᓐ ᑲ ‍ ᐃᑐᐛᑯᐱᓇ᙮
\v 14 ᓂᐳᐅᓐ ᑭᔭ ᒋᐱᔾ ‍ ᐊᔅᒋᔾ ᒥᒋ ‍ ᐃᔅᑯᑕᐤ ᓴᑲᐃᑭᓂᒡ ᒋ ᐃᓯ ‍ ᐛᐱᓇᑭᓄᐤ᙮ ᐅ ᒥᒋ ‍ ᐃᔅᑯᑕᐤ ᓴᑲᐃᑭᓐ, ᐊᐅᒄ ᐅ ᓂᓱ ᓂᐳᐅᓐ᙮
\v 15 ᐊᓐ ᒪᒃ ᐊᐛᓐ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓐ ᐊᓐᑕ ᒥᓯᓇᐃᑭᓂᒡ ᐊᓐᑕ ᒪᓯᓇᓱᔨᒋ ᐊᓂᔭᔪᐛ ᐊᐛᔪᐛ ᒐ ‍ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ, ᒥᒋ ‍ ᐃᔅᑯᑕᐤ ᓴᑲᐃᑭᓂᒡ ᒋ ᐃᓯ ‍ ᐛᐱᓇᑭᓄᐤ᙮
\c 21
\s1 ᑲ ‍ ᐅᔅᑲᒡ ᒋᒋᒋᓯᒄ ᑭᔭ ᑲ ‍ ᐅᔅᑲᒡ ᐊᔅᒋᔾ
\s2 Revelation 21.1-6 (New Years Day, Year B, C; Easter-5 Year C)
\p
\v 1 ᐊᑯ ᒂ ‍ ᐛᐸᑎᒪᓐ ᐊ ‍ ᐅᔅᑲᒡ ᒋᒋᒋᓯᒄ ᑭᔭ ᐊ ‍ ᐅᔅᑲᒡ ᐊᔅᒋᔾ᙮ ᐛᔅ ᐊᓐ ᐛᔅᑭᒡ ᒋᒋᒋᓯᒄ ᑭᔭ ᐊᓐ ᐛᔅᑭᒡ ᐊᔅᒋᔾ ᓴᔅ ᒋ ‍ ᐸᓯᑯᓇᑯᓇ᙮ ᐎᓂᐸᒄ ᑭᔭ ᓇᒪ ᐅᒋ ᑎᑯᓐ᙮
\v 2 ᓂᒋ ‍ ᐛᐸᑕᓐ ᒪᒃ ᐊᓐ ᑲ ‍ ᐸᔭᒋᓯᒥᑲᒡ ᐅᑕᓇᐤ ᒋᒋᒋᓯᑯᒡ ᐊ ᐅᒋ ‍ ᔭᓯᒥᑲᒡ᙮ ᒋᓴᒪᓂᑐᐤ ᐊ ‍ ᑕᑦ ᒋ ‍ ᐅᒋᐱᔪᐤ᙮ ᐊᐅᒄ ᐅ ᑲ ‍ ᐅᔅᑲᒡ ᒋᕈᓯᓕᒻ᙮ ᒧᔭᒻ ᐅᔅᒋᓂᒋᔎᐤ ᐊᒋ ‍ ᒥᔪᓇᑯᐃᓱᑦ ᒐ ‍ ᐅᓇᐸᒥᑦ ᐊᐅᑯᓐ ᑲ ‍ ᐃᓯᓇᒂᒡ᙮
\v 3 ᐊᑯ ᒂ ‍ ᐸᑐᐅᒃ ᐊᐛᓐ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᔪᐤ ᐊ ‍ ᑎᑯᓂᔨᒡ ᐊ ᐅᒋ ‍ ᐃᔨᒥᑦ, ᒋ ‍ ᒋᔄᐛᐤ᙮ ᒪᐅ ᑲ ‍ ᐃᔅᒋᔄᑦ, “ᐊᓐᑕ ᐊᐛᔪᐛ ᐊ ‍ ᑕᔨᒋ ᐊᑯᑕ ᒐ ‍ ᑕᑦ ᐊᐅᒄ ᒋᓴᒪᓂᑐᐤ ᒋᑭ ‍ ᐎᒋᒪᐤ᙮ ᐊᐅᑯᓂ ᐊᓂᔭᔪᐛ ᐃᔪᐛ ᒐ ‍ ᐅᑦ ᐃᔨᒥᑦ᙮ ᐎᔾ ᒋᑭ ‍ ᑕᐤ ᒪᒂᒡ ᐊ ‍ ᑕᔨᒋ ᐊᓂᔭᔪᐛ ᐛᒋᓴᒪᓂᑐᒥᑐᑕᑯᑦ᙮
\v 4 ᒋᑭ ‍ ᑲᓯᔭᐸᐛᐤ ᒪᒃ ᑕᑥᐤ ᐊ ‍ ᐅᒋᐧᑯᐛᐱᔨᒋ᙮ ᓇᒪ ᐊᑯ ᒋᑭ ᐅᒋ ‍ ᑎᑯᓂᔪᐤ ᓂᐳᐅᓂᔪᐤ ᒪᒃ ᒥᓯᒪᔨᑎᒧᐅᓂᔪᐤ᙮ ᓇᒪ ᑭᔭ ᐊᑯ ᒋᑭ ᐅᒋ ‍ ᑎᑯᓂᔪᐤ ᒪᐅᓂᔪᐤ ᒪᒃ ᐊ ‍ ᐎᓯᒐᔨᑕᑭᓄᐎᒡ᙮ ᐛᔅ ᒥᓯᐛ ᐊᓐ ᐛᔅᑭᒡ ᑲ ‍ ᐃᔅᐱᔨᒡ ᒐᒂᓐ ᓇᒪ ᓴᔅ ᑎᑯᓐ᙮”
\p
\v 5 ᐊᑯ ᐊᓐ ᑲ ‍ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒂ ‍ ᐃᔅᒋᔄᑦ, “ᒥᓯᐛ ᒐᒂᓐ ᓄᐅᔅᒋᑕᓐ᙮” ᐊᑯ ᒂ ‍ ᐃᓯᑦ, “ᒥᓯᓇᑕᐊ ᐅ᙮ ᐛᔅ ᒋᑭ ᒋ ‍ ᑕᑈᑕᑭᓄᐤ ᑭᔭ ᑕᑈᒥᑭᓐ ᐅ ᐊ ‍ ᐃᔅᒋᔄᔭᓐ᙮”
\p
\v 6 ᐊᑯ ᒪᒃ ᒂ ‍ ᐃᔅᒋᔄᑦ, “ᓴᔅ ᒥᓯᐛ ᒐᒂᓐ ᓄᐅᔅᒋᑕᓐ᙮ ᐊᐅᒄ ᓂᔾ ᓴᔅ ᑲ ‍ ᑕᔭᓐ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᑎᒂᒡ, ᑭᔭ ᐊᐅᒄ ᓂᔾ ᐊᔅᒄ ᒐ ‍ ᑕᔭᓐ ᐃᔅᐱ ᒥᓯᐛ ᒐᒂᓐ ᒋᑎᐱᔨᒐ᙮ ᐊᐅᒄ ᓂᔾ ᒥᓯᐛ ᒐᒂᔪᐤ ᑲ ‍ ᒋᒋᐱᔨᑕᑦ ᑭᔭ ᐊᐅᒄ ᓂᔾ ᒐ ‍ ᒋᔅᑕᔭᓐ ᒥᓯᐛ ᒐᒂᓐ᙮ ᐊᓐ ᐊᐛᓐ ᒐ ‍ ᓄᑕᔭᐸᒂᑦ ᓴᒐᔾ ᓂᑭ ‍ ᒥᓇᐊᐤ ᐊᓂᔭ ᓂᐱᔪᐤ ᐊᓐᑕ ᐊᓂᔭ ᐛᒋ ‍ ᒥᔭᑭᓄᐅᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ ᑲ ᐅᒋ ‍ ᒧᔅᒋᒍᐅᓂᔨᒡ᙮
\v 7 ᐊᐅᒄ ᐅᔭ ᒐ ᐃᓯ ‍ ᐊᓂᔅᒐ ᒥᔨᒃ ᐊᓐ ᐊᐛᓐ ᒐ ‍ ᓴᐧᑯᒋᑕᒂ ᑕᓐ ᒐ ᐃᓯ ‍ ᑯᒂᒋᐃᑯᑦ ᒥᒋ ‍ ᒐᒂᔪᐤ᙮ ᑭᔭ ᓂᔾ ᓂᑭ ‍ ᐅᒋᓴᒪᓂᑐᒥᑐᑕᒄ ᑭᔭ ᐎᔾ ᒐ ‍ ᐅᑦ ᐊᐛᓯᒥᑐᑐᐅᒃ᙮
\v 8 ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ‍ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ‍ ᒋᐛᑲᐳᔅᑕᒡ ᑕᓐ ᑲ ᐃᓯ ‍ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ‍ ᒥᒐᑎᓯᒡ, ᐊᓐᒡ ᑲ ‍ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ‍ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ‍ ᒥᑕᐛᑎᓯᒡ, ᐊᓐᒡ ᑲ ‍ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ‍ ᑭᑭᒋᔭᒡ, ᒥᒋ ‍ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ‍ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”
\s1 ᑲ ‍ ᐅᔅᑲᒡ ᒋᕈᓯᓕᒻ
\p
\v 9 ᐊᑯ ᐸᐃᒄ ᐊᓐᒡ ᓂᔄᐅᑕᒡ ᑲ ‍ ᐃᑕᑎᓯᒡ ᐊᓐᒋᓐᒡ ᑲ ‍ ᑕᐧᑯᓇᐧᒃ ᐸᐃᒄ ᐊᓂᔭᔪᐛ ᑲ ‍ ᒧᑕᔭᔨᒋ ᐎᔭᑭᓇ ᐊᓐᑕ ᑲ ‍ ᓴᑭᔅᒋᓇᔨᒡ ᑕᓐ ᒐ ᐃᓯ ‍ ᓂᓇᐧᑲᑕᔨᒧᐊᑭᓄᐃᑯᐱᓇ ᐊᐛᔪᐛ ᒂ ᐸᒋ ‍ ᓇᓯᑦ᙮ ᐊᑯ ᒂ ‍ ᐃᓯᑦ, “ᐊᔅᑎᒻ ᒪ᙮ ᒋᑭ ‍ ᐛᐸᑎᔨᑎᓐ ᐊᓐ ᐅᔅᒋᓂᒋᔎᐤ, ᐊᓂᔭᔪᐛ ᒐ ‍ ᐎᒋᒪᑦ ᐊᓐ ᒪᔭᑕᓂᔅ᙮”
\s2 Revelation 21.10,22-22.5 (Easter-6 Year C)
\p
\v 10 ᐊᑯ ᑲ ‍ ᐸᔭᒋᓯᑦ ᐊᒐᐧᒄ ᒂ ᐸᒋ ‍ ᐱᒋᔅᑯᐅᑦ᙮ ᐊᑯ ᐊᓐ ᐊᓐᒋᓐ ᐊᓐᑕ ᓇᔅᒡ ᐊ ‍ ᐃᔅᐸᓇᔨᒡ ᐱᔅᑯᑎᓇᔪᐤ ᒂ ᐸᒋ ‍ ᐃᑐᑕᐃᑦ᙮ ᓂᒋ ‍ ᐛᐸᑎᔨᒄ ᒪᒃ ᐊᓂᔭ ᑲ ‍ ᐸᔭᒋᓯᒥᑭᓂᔨᒡ ᐅᑕᓇᔪᐤ ᒋᕈᓯᓕᒻ ᐊ ‍ ᐃᓯᓂᐧᑲᑕᔨᒡ ᒋᒋᒋᓯᑯᒡ ᐊ ᐅᒋ ‍ ᔭᓯᒪᑭᓂᔨᒡ ᒋᓴᒪᓂᑐᐛ ᐊ ‍ ᑕᔨᒋ ᐅᒡ᙮
\v 11 ᐊ ᐃᓯ ‍ ᒋᐧᑲᔭᔅᑐᐛᔨᒡ ᐊᓐᑕ ᐊ ‍ ᑕᑦ ᒋᓴᒪᓂᑐᐤ, ᐊᑯᑕ ᐛᒋ ‍ ᒋᐧᑲᔭᔅᑕᒡ ᐊᓐ ᐅᑕᓇᐤ᙮ ᓇᔅᒡ ᑲ ‍ ᒥᔪᓯᓯᑦ ᐊᓯᓂᔾ ᐊ ‍ ᐃᑕᔅᑐᐛᑦ, ᐊᐅᑯᓐ ᑲ ‍ ᐃᑕᔅᑐᐛᒡ, ᒧᔭᒻ ᐊᓐ ᐊᓯᓂᔾ ᒐᔅᐸᕐ ᑲ ‍ ᐃᓯᓂᐧᑲᓱᑦ ᑲ ‍ ᐎᔄᐛᔅᑐᐛᑦ, ᐊᐅᑯᓐ ᑲ ‍ ᐃᑕᔅᑐᐛᒡ ᐊᓐ ᐅᑕᓇᐤ᙮ ᒋ ‍ ᓴᐳᓄᑯᓐ ᒪᒃ ᒧᔭᒻ ᐊᓐ ᓯᐳᐛᐱᔅᒄ ᐊᓯᓂᔾ ᑲ ‍ ᐃᓯᓇᑯᓯᑦ, ᐊᐅᑯᓐ ᑲ ‍ ᐃᓯᓇᒂᒡ᙮
\p
\v 12 ᓇᔅᒡ ᒋ ‍ ᐃᔅᐸᓇᐤ ᐊᓐ ᑲ ‍ ᐛᔅᑲᑲᐳᐅᒡ ᐛᔅᑲ ᐊᓐ ᐅᑕᓇᐤ᙮ ᒋ ‍ ᓂᓱᓴᐳᓇ ᒋᐱᔎᐛ ᐊᓐᑕ ᐛᒋ ‍ ᐱᒐᓄᐅᒡ ᑭᔭ ᒋ ‍ ᓂᓱᓴᐳᒡ ᐊᓐᒋᓐᒡ ᐊ ‍ ᑭᓄᔅᑯᐛᑐᐛᒡ᙮ ᒥᓯᐛ ᒪᒃ ᐊᓐᑕ ᐊᓂᔭᔪᐛ ᐊ ‍ ᓂᓱᓴᐳᐛᒋ ᒋᐱᔎᐛ, ᒋ ‍ ᒥᓯᓇᑕᔪᐛ ᐅᑦ ᐃᓯᓂᐧᑲᓱᐅᓄᐛᐛ ᐊᓐᒡ ᑲ ‍ ᓂᓱᓴᑉ ᐱᑐᐤ ᐊ ‍ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮
\v 13 ᐊᓐᑕ ᒪᒃ ᓇᐎᒡ ᐊ ᐃᓯ ‍ ᐱᒥᑎᔅᑕᒡ ᐊᓐ ᐅᑕᓇᐤ, ᒋ ‍ ᓇᓂᔅᑎᓇ ᐊᓂᔭᔪᐛ ᒋᐱᔎᐛ᙮ ᐊᓐᑕ ᐃᔅ ᐛᐱᓄᑕᒡ ᒋ ‍ ᓂᔅᑎᓇ᙮ ᑭᔭ ᐊᓐᑕ ᒋᐛᑎᓄᒡ ᒋ ‍ ᓂᔅᑎᓇ᙮ ᒥᓐ ᐊᓐᑕ ᓴᐅᓄᑕᒡ ᑭᔭ ᐊᓐᑕ ᐊᑎᒪᐱᓯᒧᑕᒡ ᒋ ‍ ᓂᔅᑎᓇ᙮
\p
\v 14 ᒋ ‍ ᓂᓱᓴᐳᐅᒡ ᐊ ‍ ᒪᒥᒐᐱᔅᒋᓯᒡ ᐊᓯᓂᔨᒡ ᐊᓐᑕ ᑲ ‍ ᑕᒋᑲᐳᐅᒡ ᐊᓐ ᒥᓯᐛ ᑲ ᐃᓯ ‍ ᐛᔅᑲᑲᐳᐅᒡ ᐊᓐᑕ ᐅᑕᓇᒡ᙮ ᐅᒡ ᒪᒃ ᐊᓯᓂᔨᒡ, ᐊᑯᑕ ᑲ ‍ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐛ ᐊᓐᒡ ᑲ ‍ ᓂᓱᓴᐳᒡ ᐊᑈᔅᑕᓇᒡ ᐊᓂᔭᔪᐛ ᒪᔭᑕᓂᔅ ᑲ ‍ ᐅᑎᓇᑦ᙮
\p
\v 15 ᐊᑯ ᐊᓐ ᐊᓐᒋᓐ ᑲ ᐸᒋ ‍ ᐃᔨᒥᐃᑦ, ᒋ ‍ ᑕᐧᑯᓂᒻ ᑎᐸᔎᐃᑭᓇᑎᑯᔪᐤ ᐊ ‍ ᐎᔄᐅᓱᓇᔭᐱᔅᑯᔨᒡ᙮ ᒋᐸ ‍ ᑎᐸᐊᒻ ᐊᓂᔭ ᐅᑕᓇᔪᐤ ᑭᔭ ᐊᓂᔭᔪᐛ ᒋᐱᔎᐛ ᑭᔭ ᐊᓂᔭ ᑲ ‍ ᐛᔅᑲᑲᐳᐎᒡ ᐛᔅᑲ ᐊᓂᔭ ᐅᑕᓇᔪᐤ᙮
\v 16 ᓇᐎᒡ ᒪᒃ ᑕᐱᑐᐤ ᒋ ᐃᓯ ‍ ᑭᒋᒐᔭᐤ ᐊᓐ ᐅᑕᓇᐤ᙮ ᐸᐃᑯᓄᒡ ᒋ ‍ ᐃᔎᔭᐤ ᐊᔅᐱᔅ ᐃᔨᑭᔅᑲᒡ ᑭᔭ ᐊᔅᐱᔅ ᐃᔅᐸᓇᒡ᙮ ᐊᑯ ᐊᓐ ᐊᓐᒋᓐ ᑲ ‍ ᑎᐸᐊᒃ ᐊᓂᔭ ᐅᑕᓇᔪᐤ ᐊᓂᔭ ᐅᑎᐸᔎᐃᑭᓇᑎᒄ ᐊ ‍ ᐊᐱᒋᑕᑦ, ᐸᐃᒂᐤ ᒐᓯᐱᔪᐤ ᐊᓱ ᐱᑕᑕᑐᐤ ᒥᑕᓯᒥᑎᓄᐤ ᐊᔅᐱᓴᒡ ᒋ ‍ ᐃᔎᔪᐤ ᑭᔭ ᐊᐅᑯᓐ ᒧᔭᒻ ᑲ ᐃᔅᐱᔅ ‍ ᐊᔨᔅᑭᔅᑲᔨᒡ ᑭᔭ ᐊᐅᑯᓐ ᑲ ᐃᔅᐱᔅ ‍ ᐃᔅᐸᓇᔨᒡ᙮
\v 17 ᐊᑯ ᒥᓐ ᐊᓂᔭ ᑲ ‍ ᐛᔅᑲᑲᐳᐎᒡ ᒥᓯᐛ ᐛᔅᑲ ᐊᓂᔭ ᐅᑕᓇᔪᐤ ᑲ ‍ ᑎᐸᐊᒃ᙮ ᓂᓱ ᒥᑕᓯᒥᑎᓄᐤ ᐊᓱ ᐊᓱᑕᒡ ᑕᑐᓴᑉ ᒥᓯᑦ, ᐊᐅᑯᓐ ᑲ ᐃᓯ ‍ ᐃᔅᐸᓇᔨᒡ᙮ ᐊᓂᔭᔪᐛ ᒪᒃ ᑕᓐ ᐊ ᐃᓯ ‍ ᑎᐸᐊᒥᔨᒋ ᓇᐸᐛ ᒐᒂᔪᐤ, ᐊᐅᑯᓐ ᐊᓂᔭ ᑲ ᐃᓯ ‍ ᑎᐸᐊᒃ ᐊᓐ ᐊᓐᒋᓐ᙮
\v 18 ᐊᓐ ᒪᒃ ᑲ ‍ ᐛᔅᑲᑲᐳᐅᒡ ᒥᓯᐛ ᐛᔅᑲ ᐊᓐ ᐅᑕᓇᐤ, ᐊᓯᓂᔾ ᒐᔅᐸᕐ ᑲ ‍ ᐃᓯᓂᐧᑲᓱᑦ ᒋ ᐅᒋ ‍ ᐅᓯᑕᑭᓄᐤ᙮ ᐊᑯ ᐊᓐ ᐅᑕᓇᐤ ᒪᐅᒡ ᐊ ‍ ᐸᔭᒋᓯᔨᑦ ᑭᔭ ᒪᐅᒡ ᐊ ‍ ᒥᔪᓯᑦ ᐎᔄᐅᓱᓇᔭᐱᔅᒄ ᒋ ᐅᒋ ‍ ᐅᓯᑕᑭᓄᐤ᙮
\v 19 ᐊᓐᒡ ᒪᒃ ᑲ ‍ ᒪᒥᒐᐱᔅᒋᓯᒡ ᐊᓯᓂᔨᒡ ᐊᓐᑕ ᑲ ‍ ᑕᒋᑲᐳᐅᒡ ᐊᓐ ᒥᓯᐛ ᑲ ᐃᓯ ‍ ᐛᔅᑲᑲᐳᐅᒡ ᐊᓐᑕ ᐅᑕᓇᒡ᙮ ᒥᓯᐛ ᒋ ‍ ᒥᔪᓇᑯᐊᑭᓄᐎᒡ ᓂᓇᐧᑯᐤ ᐊ ‍ ᐃᓯᓇᑯᓯᒡ ᐊ ‍ ᒥᔪᓯᒡ ᐊᓯᓂᔨᒡ ᐊ ‍ ᐊᐱᑎᓯᒡ᙮
\li1 ᐊᓐ ᓂᔅᑎᒻ ᐊᓯᓂᔾ ᑲ ‍ ᐊᐱᑎᓯᑦ, ᐊᐅᑯᓐ ᒐᔅᐸᕐ ᑲ ‍ ᐃᓯᓂᐧᑲᑕᑭᓄᐅᑦ᙮
\li1 ᒥᓐ ᐊᓐ ᓂᓱ ᐊ ‍ ᑕᑦ ᐊᓯᓂᔾ ᑲ ‍ ᐊᐱᑎᓯᑦ, ᐊᐅᒄ ᓴᐸᐃᕐ ᑲ ‍ ᐃᓯᓂᐧᑲᑕᑭᓄᐅᑦ (ᐱᔅᑭᓇᐱᔅᑲᐤ)᙮
\li1 ᐊᑯ ᐊᓐ ᓂᔅᑐ ᐊ ‍ ᑕᑦ ᐊᓯᓂᔾ ᑲ ‍ ᐊᐱᒋᐊᑭᓄᐅᑦ, ᐊᐅᒄ ᐊᑲᑦ ᑲ ‍ ᐃᓯᓂᐧᑲᑕᑭᓄᐅᑦ᙮
\li1 ᒥᓐ ᐊᓐ ᐛᒋ ‍ ᑕᑦ, ᐊᐅᒄ ᐊᒥᕋᓪᑦ ᑲ ‍ ᐃᓯᓂᐧᑲᑕᑭᓄᐅᑦ᙮
\li1
\v 20 ᐊᑯ ᐊᓐ ᐱᑕᑕᒡ ᐊ ‍ ᑕᑦ ᐊᓯᓂᔾ ᐊ ‍ ᐊᐱᒋᐊᑭᓄᐅᑦ, ᐊᐅᒄ ᐅᓂᑭᔅ ᑲ ‍ ᐃᓯᓂᐧᑲᑕᑭᓄᐅᑦ᙮
\li1 ᐊᓐ ᐊᓱᑕᒡ ᑲ ‍ ᑕᑦ, ᐊᐅᒄ ᑲᕐᓂᓕᔭᓐ ᑲ ‍ ᐃᓯᓂᐧᑲᑕᑭᓄᐅᑦ᙮
\li1 ᐊᑯ ᐊᓐ ᓂᔄᐅᑕᒡ ᐊ ‍ ᑕᑦ, ᐊᐅᒄ ᑲ ‍ ᐅᓯᐊᐅᓯᑦ ᑯᐛᕐᑎᔅ ᑲ ‍ ᐃᓯᓂᐧᑲᓱᑦ᙮
\li1 ᒥᓐ ᐊᓐ ᐛᒋ ‍ ᑕᑦ, ᐊᐅᒄ ᐸᕆᓪ ᑲ ‍ ᐃᓯᓂᐧᑲᑕᑭᓄᐅᑦ᙮
\li1 ᐊᓐ ᐸᐃᑯᔅᑕᐤ ᑲ ‍ ᑕᑦ, ᑥᐸᔅ ᐃᓯᓂᐧᑲᑕᑭᓄᐤ᙮
\li1 ᐊᑯ ᒥᓐ ᐊᓐ ᐛᒋ ‍ ᑕᑦ, ᐊᐅᒄ ᑲᓪᓴᑥᓂ ᑲ ‍ ᐃᓯᓂᐧᑲᑕᑭᓄᐅᑦ᙮
\li1 ᒥᓐ ᐊᓐ ᑲ ‍ ᐊᐱᑎᓯᑦ ᐸᐃᑯᓴᑉ ᐊ ‍ ᑕᑦ, ᑐᕐᒂᐃᔅ ᐃᓯᓂᐧᑲᑕᑭᓄᐤ᙮
\li1 ᐊᑯ ᐊᓐ ᒪᔅᑕᔾ ᑲ ‍ ᐊᐱᑎᓯᑦ, ᐊᒪᑎᔅᑦ ᐃᓯᓂᐧᑲᑕᑭᓄᐤ᙮
\m
\v 21 ᐊᓂᔭ ᒪᒃ ᓂᓱᓴᑉ ᒋᐱᔎᐛ ᑲ ‍ ᒥᔪᓯᓯᑦ ᑭᔭ ᐊ ‍ ᒥᓯᑎᑦ ᐊᔅ ᑲ ‍ ᐛᐱᓯᑦ ᒋ ᐅᒋ ‍ ᐅᓯᑕᑭᓄᐛ᙮ ᐊᑯ ᐊᓂᔭᔪᐛ ᒪᔅᑭᓄᐛ ᐊᓐ ᐅᑕᓇᐤ ᓇᔅᒡ ᒋ ‍ ᐎᔄᐅᓱᓇᔭᐱᔅᑯᐛ, ᒋ ‍ ᓴᐳᓇᑯᓇ ᒧᔭᒻ ᓯᐳᐛᔅᑕᔨᑕᑭᓐ ᐊ ‍ ᐃᓯᓇᒂᒡ᙮
\s2 Revelation 21.10,22-22.5 (Easter-6 Year C)
\p
\v 22 ᓇᒪ ᒪᒃ ᐎ ᓂ ᐅᒋ ‍ ᐛᐸᑕᓐ ᒋᓴᐊᔭᒥᐊᐅᒋᐛᑉ ᐊᓐᑕ᙮ ᐛᔅ ᐅᑎᐸᔨᒋᒐᐤ ᒋᓴᒪᓂᑐᐤ ᒪᐅᒡ ᓯᔪᐧᑲᑎᓯᑦ ᑭᔭ ᐊᓐ ᒪᔭᑕᓂᔅ ᒧᔅ ᑕᐅᒡ ᐊᓐᑕ ᐊᓂᔭ ᐅᑕᓇᔪᐤ᙮ ᓇᒪ ᒋᑭ ᐅᒋ ‍ ᓂᑐᐛᔨᑕᑯᓐ ᒐᒋ ᑎᒂᒡ ᐊᔭᒥᐊᐅᒋᐛᑉ ᐊᓐᑕ ᒐᒋ ᒪᒥᒋᒪᑭᓄᐎᒡ᙮
\v 23 ᓇᒪ ᓂᑐᐛᔨᑕᑯᓱᐤ ᐱᓯᒻ ᒪᒃ ᑎᐱᔅᑲᐤ ᐱᓯᒻ ᒐᒋ ᐅᒋ ‍ ᐛᔅᑐᐛᒡ ᐊᓐ ᐅᑕᓇᐤ᙮ ᐛᔅ ᐊ ‍ ᐃᔅᐱᔅ ᒋᐧᑲᔭᔅᑐᐛᔨᒡ ᐊᓐᑕ ᐊ ‍ ᑕᑦ ᒋᓴᒪᓂᑐᐤ, ᐊᑯᑕ ᐛᒋ ‍ ᒋᐧᑲᔭᔅᑕᒡ ᐊᓐ ᐅᑕᓇᐤ᙮ ᑭᔭ ᐊᓐ ᒪᔭᑕᓂᔅ ᐊ ‍ ᑕᑦ, ᐊᑯᑕ ᐛᒋ ‍ ᒋᐧᑲᔭᔅᑕᒡ᙮
\v 24 ᒥᓯᐛ ᒪᒃ ᐊᐛᓐᒋ ᐊ ‍ ᐃᑎᔅᑲᓇᓯᒡ ᐅᑕ ᐊᔅᒋᒡ, ᐊᑯᑕ ᒐ ᐅᒋ ‍ ᐛᔅᑕᓂᒪᑯᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᐊᓂᔭ ᐅᑕᓇᒡ ᑲ ‍ ᐅᒋᐱᔨᒡ᙮ ᐊᑯᑕ ᐊ ‍ ᐃᑐᑕᒡ ᐅᒋᔅᑕᔨᑕᑯᓱᐅᓄᐛᐛ ᑭᔭ ᐅᐛᔪᑎᓯᐅᓄᐛᐛ ᒋᓴᐅᒋᒪᐅᒡ ᐅᑕ ᐊᔅᒋᒡ ᐊ ‍ ᑕᒡ᙮
\v 25 ᒧᔅ ᒪᒃ ᒋᑭ ‍ ᔪᑕᑯᑕᐛ ᐊᓂᔭᔪᐛ ᒋᐱᔎᐛ ᐊᓐᑕ ᐛᒋ ‍ ᐱᒐᓄᐅᒡ ᐊᓐᑕ ᐅᑕᓇᐤ᙮ ᓇᒪ ᓂᑕ ᒋᑭ ᐅᒋ ‍ ᒋᐸᐃᑭᓄᐛ ᐛᔅ ᓇᒪ ᓂᑕ ᒋᑭ ᐅᒋ ‍ ᑎᐱᔅᑲᐤ ᐊᓐᑕ᙮
\v 26 ᐊᑯᑕ ᒐ ‍ ᐃᑐᑕᒡ ᐅᐛᔪᑎᓯᐅᓄᐛᐛ ᑭᔭ ᐊ ‍ ᓱᓇᔭᐎᔨᒋ ᐅᒥᔨᐛᐅᓄᐛᐛ ᐊᓐᒡ ᐅᑕ ᐊᔅᒋᒡ ᐊ ‍ ᑕᒡ᙮
\v 27 ᓇᒪ ᒋᑭ ᐅᒋ ‍ ᐱᔅᑎᓂᑭᓄᐤ ᒐᒂᓐ ᐊ ‍ ᒪᔭᑎᒡ ᒐᒋ ᑎᒂᒡ ᐊᓐᑕ ᐊᓐ ᐅᑕᓇᐤ᙮ ᓇᒪ ᑭᔭ ᒋᑭ ᒋ ‍ ᐱᒐᐤ ᐊᓐ ᐊᐛᓐ ᓂᑐᐎᔾ ᑲ ‍ ᐃᑎᑦ ᒪᒃ ᑲ ᐎᒋ ‍ ᑭᑭᒋᔭᑦ᙮ ᒥᒄ ᐊᓐᒡ ᑲ ‍ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᐊᓂᔭᔪᐛ ᒪᔭᑕᓂᓴ ᐅᐱᒪᑎᓯᐤ ᒥᓯᓇᐃᑭᓂᔨᒡ ᒋᑭ ᒋ ‍ ᐱᒐᐅᒡ ᐊᓂᔭ ᐅᑕᓇᔪᐤ᙮
\c 22
\s1 ᐱᒪᑎᓯᐤ ᓯᐱᔾ
\p
\v 1 ᐊᑯ ᐅ ᐊᓐᒋᓐ ᒂ ᐸᒋ ‍ ᐛᐸᑎᔨᑦ ᓯᐱᔪᐤ᙮ ᐊᓐ ᒪᒃ ᓂᐱᔾ ᐊᓐᑕ ᐊᓐ ᓯᐱᔾ, ᐊᑯᑕ ᐛᒋ ‍ ᒥᔭᑭᓄᐅᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ᙮ ᓇᔅᒡ ᒋ ‍ ᐛᓴᔭᑭᒥᓱᐤ ᐊᓐ ᓂᐱᔾ ᒧᔭᒻ ᐊᓯᓂᔅ ᓯᐳᐛᔅᑕᔨᑕᑭᓇᐱᔅᒄ ᐊ ‍ ᐃᔅᐱᔅ ᓴᑈᐤ ᐛᔄᐛᐱᔅᒋᓯᑦ, ᐊᐅᑯᓐ ᑲ ‍ ᐃᑕᑭᒥᒡ ᐊᓐ ᓂᐱᔾ᙮ ᓯᐸ ᒋᓴᒪᓂᑐᐤ ᑭᔭ ᐊᓐ ᒪᔭᑕᓂᔅ ᐅᒋᓴᐅᒋᒪᐤ ᑕᑎᐳᐛᑭᓂᐛᒡ, ᐊᑯᑕ ᑲ ‍ ᐅᑕᒍᐅᒡ ᐅ ᓯᐱᔾ᙮
\v 2 ᑕᑕᐅᔅᑭᓄᐤ ᒪᒃ ᐊᓐ ᒥᔅᑎᒪᔅᑭᓄᐤ ᐊᓐᑕ ᐊᓐ ᐅᑕᓇᐤ, ᐊᑯᑕ ᐸᒪᒍᐅᒡ᙮ ᐃᑐᑲᒻ ᒪᒃ ᐊᓐ ᓯᐱᔾ ᒋ ‍ ᒋᒥᓱᐅᒡ ᒥᔅᑎᑯᒡ ᐊᓐᑕ ᐛᒋ ‍ ᐊᔭᑦ ᐊᐛᓐ ᐱᒪᑎᓯᐅᓂᔪᐤ᙮ ᐊᓯᑯᒻ ᐱᓯᒺ ᒪᒃ ᒋ ‍ ᓂᑕᐅᒋᓇ ᒥᓂᓴ ᐊᓐᑕ ᐊᓐᒡ ᒥᔅᑎᑯᒡ, ᓂᓱᓴᑈᐤ ᐸᐃᒄ ᐱᐳᓇ᙮ ᐊᓂᔭ ᒪᒃ ᓂᐱᓯᔭ ᐊᑯᑕ ᐛᒋ ‍ ᒥᓏᒋᐃᓱᒡ ᒥᓯᐛ ᐊ ‍ ᐃᑎᔅᑲᓇᓯᒡ ᐊᐛᓐᒋ᙮
\v 3 ᓇᒪ ᒪᒃ ᐊᑯ ᒥᓐ ᓂᑕ ᒋᑭ ᐅᒋ ‍ ᑎᑯᓐ ᐊᓐᑕ ᐅᑕᓇᒡ ᒐᒂᓐ ᒐᒋ ᐃᔅᒋᔄᑦ ᒋᓴᒪᓂᑐᐤ ᐊ ‍ ᐛᐧᑲᑕᐧᒃ᙮
\p ᒋᓴᒪᓂᑐᐤ ᑭᔭ ᐊᓐ ᒪᔭᑕᓂᔅ ᐅᒋᓴᐅᒋᒪᐤ ᑕᑎᐳᐛᑭᓄᐛᐤ, ᒋᑭ ‍ ᑎᑯᓂᔪᐤ ᐊᓐᑕ ᐅᑕᓇᒡ᙮ ᒋᑭ ‍ ᐊᔭᒥᐊᔅᑕᑯᐤ ᒪᒃ ᒋᓴᒪᓂᑐᐤ ᐅᑦ ᐊᐱᒋᐊᑭᓇ᙮
\v 4 ᐛᒋᒡ ᒋᑭ ‍ ᐛᐸᑎᒥᔪᐛ ᐅᑕᔅᑎᒥᐧᒄ᙮ ᐅᑦ ᐃᓯᓂᐧᑲᓱᐅᓐ ᒋᑭ ‍ ᒥᓯᓇᑕᔪᐤ ᐅᔅᑲᑎᑯᐎᒡ᙮
\v 5 ᓇᒪ ᓂᑕ ᒋᑭ ᐅᒋ ‍ ᑎᐱᔅᑲᐤ ᐊᓐᑕ᙮ ᓇᒪ ᑭᔭ ᒋᑭ ᐅᒋ ‍ ᓂᑐᐛᔨᒪᐅᒡ ᐛᔅᑕᓂᐱᒪᑭᓇ ᑭᔭ ᓇᒪ ᒋᑭ ᐅᒋ ‍ ᓂᑐᐛᔨᒪᐅᒡ ᐱᓯᒺ ᒐᒋ ᐛᔅᑕᓂᐱᒪᑯᒡ᙮ ᐛᔅ ᐊᓂᔭ ᐊ ᐃᔅᐱᔅ ‍ ᒋᐧᑲᔭᔅᑐᐛᔨᒋ ᒋᓴᒪᓂᑐᐛ, ᐊᐅᒄ ᐅᔭ ᒐ ‍ ᐅᐛᔅᑕᓂᐱᒪᑭᓂᒡ᙮ ᑲᒋᒡ ᒪᒃ ᒋᑭ ‍ ᒋᓴᐅᒋᒪᐅᒡ᙮
\s1 ᓴᔅ ᐎᐱᒡ ᒋᑭ ‍ ᑎᑯᓯᓐ ᒋᓴᔅ
\p
\v 6 ᐊᑯ ᐊᓐ ᐊᓐᒋᓐ ᒂ ᐸᒋ ‍ ᐃᓯᑦ, “ᑕᑈᒥᑭᓂᔪᐤ ᐅᔭ ᑲ ‍ ᐃᔅᒋᔄᑦ ᑭᔭ ᒐᔅᑎᓇᑕᔨᑕᑯᓂᔪᐤ ᐊᑯᓐ ᒐ ‍ ᐃᔅᐱᔨᒡ᙮ ᐅᑎᐸᔨᒋᒐᐤ ᒋᓴᒪᓂᑐᐤ, ᐊᓐ ᑲ ‍ ᒥᔭᑦ ᐅᒋᔅᒋᐛᐃᒐᓱᐛ ᐎᔾ ᐅᑦ ᐊᒐᒂ ᒐᒋ ᐱᒋᔅᑲᑯᔨᒋ, ᒋ ᐸᒋ ‍ ᐃᑎᓴᐛᐤ ᐅᑦ ᐊᓐᒋᓇᒪ ᒐᒋ ᐛᐸᑎᔭᔨᒋ ᐅᑦ ᐊᐱᒋᐊᑭᓇ ᑕᓐ ᒐ ‍ ᐃᔅᐱᔨᒡ ᐎᐱᒡ᙮”
\v 7 ᒋᓴᔅ ᒪᒃ ᐃᔅᒋᔄᐤ,
\q “ᓂᑐᑎᒧᒄ, ᓴᔅ ᐎᐱᒡ ᓂᑭ ‍ ᑎᑯᓯᓐ᙮ ᑕᑈ ᒋᑭ ‍ ᓱᐛᔨᒪᑭᓄᐤ ᐊᐛᓐ ᒐ ‍ ᓂᓇᐃᑕᐧᒃ ᐅᔭ ᐃᔨᒧᐅᓂᔪᐤ ᑕᓐ ᑲ ᐃᓯ ‍ ᐛᐸᑎᔨᐛᔨᒋ ᒋᓴᒪᓂᑐᐛ ᐅᑕ ᒥᓯᓇᐃᑭᓂᒡ ᐊᔅᒄ ᒐ ‍ ᐃᔅᐱᔨᒡ᙮”
\p
\v 8 ᓂᔾ, ᒠᓐ, ᓂᔾ ᓂᒋ ‍ ᐸᑕᓐ ᑭᔭ ᓂᒋ ‍ ᐛᐸᑕᓐ ᒥᓯᐛ ᐅᔭ ᒐᒂᔪᐛ᙮ ᐃᔅᐱ ᒪᒃ ᑲ ‍ ᒋᒋᐱᔨᒡ ᐊ ‍ ᐸᑎᒪᓐ ᑭᔭ ᐊ ‍ ᐛᐸᑎᒪᓐ ᐅᔭ ᒐᒂᔪᐛ, ᐊᑯ ᑲ ‍ ᐊᔭᒥᐊᔅᑐᐅᒃ ᐊ ‍ ᐅᒋᒋᐧᑯᓂᐱᔪᐅᔭᓐ ᐅᑎᔅᑯᐤ ᐊ ‍ ᑕᑦ ᐊᓐ ᐊᓐᒋᓐ ᑲ ‍ ᐛᐸᑎᔨᑦ ᐅᔭ ᒐᒂᔪᐛ᙮
\v 9 ᒥᒄ ᒪᒃ ᓂᒋ ‍ ᐃᑎᒄ, “ᐊᑲ ᐸᒋ ‍ ᐊᔭᒥᐊᔅᑐᐎ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᐊ ‍ ᐃᑎᔨᓐ ᑭᔭ ᒧᔭᒻ ᐊ ‍ ᐃᑎᒡ ᒋᐧᑲᓂᓯᒡ, ᐊᓐᒡ ᑲ ‍ ᒋᔅᒋᐛᐃᒐᒡ ᑭᔭ ᐊᓐᒡ ᑲ ‍ ᓂᓇᐃᑕᒡ ᑕᓐ ᐊ ‍ ᐃᑎᔅᑕᔨᒡ ᐅᑕ ᒥᓯᓇᐃᑭᓂᒡ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮”
\v 10 ᐊᑯ ᒥᓐ ᒂ ᐸᒋ ‍ ᐃᓯᑦ, “ᐊᑲᐎᔾ ᒋᒧᑦ ᑭᓄᐛᔨᑕ ᑕᓐ ᐊ ᐃᓯ ‍ ᐊᔨᒧᑕᒡ ᐅᑕ ᒥᓯᓇᐃᑭᓂᒡ ᐊᔅᒄ ᒐ ‍ ᐃᔅᐱᔨᒡ᙮ ᐛᔅ ᓴᔅ ᐸᓱᓇᑯᓐ ᒐ ‍ ᐃᔅᐱᔨᒋ ᐅᔭ ᒐᒂᔪᐛ᙮
\v 11 ᐊᑯ ᒪᒃ ᐊᓐ ᐊᐛᓐ ᑲ ‍ ᒥᒐᑎᓯᑦ, ᐊᑯᔅ ᐃᔭᐱᒡ ᒋᑭ ‍ ᒥᒐᑎᓯᐤ᙮ ᑭᔭ ᐊᓐ ᐊᐛᓐ ᓂᑐᐎᔾ ᑲ ‍ ᐃᑎᑦ, ᐊᑯᔅ ᐃᔭᐱᒡ ᓂᑐᐎᔾ ᒋᑭ ‍ ᐃᑐᐤ᙮ ᐊᑯ ᐊᓐ ᐊᐛᓐ ᑲ ‍ ᑯᐃᔅᑯᑕᑎᓯᑦ, ᐊᑯᔅ ᐃᔭᐱᒡ ᒋᑭ ‍ ᑯᐃᔅᑯᑕᑎᓯᐤ᙮ ᑭᔭ ᐊᓐ ᐊᐛᓐ ᑲ ‍ ᐸᔭᒋᓯᑦ, ᐃᔭᐱᒡ ᒐ ‍ ᐸᔭᒋᓯᑦ᙮”
\s2 Revelation 22.12-21 (Easter-7 Year C)
\p
\v 12 ᒋᓴᔅ ᐃᔅᒋᔄᐤ,
\q “ᓂᑐᑎᒧᒄ, ᓴᔅ ᐎᐱᒡ ᓂᑭ ‍ ᑎᑯᓯᓐ᙮ ᓂᑭ ‍ ᐸᑕᓐ ᒪᒃ ᑕᓐ ᒐ ᐃᓯ ‍ ᑎᐸᐊᒧᐅᒃ ᒥᓯᐛ ᐊᐛᓐ ᒥᒄ ᑕᓐ ᑲ ‍ ᑎᒂ᙮
\v 13 ᐊᐅᒄ ᓂᔾ ᓴᔅ ᑲ ‍ ᑕᔭᓐ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᑎᒂᒡ, ᑭᔭ ᐊᐅᒄ ᓂᔾ ᐊᔅᒄ ᒐ ‍ ᑕᔭᓐ ᐃᔅᐱ ᒥᓯᐛ ᒐᒂᓐ ᒋᑎᐱᔨᒐ᙮ ᐊᐅᒄ ᓂᔾ ᓂᔅᑎᒻ ᑲ ‍ ᑕᔭᓐ, ᑭᔭ ᐊᐅᒄ ᓂᔾ ᒪᔅᑕᔾ ᒐ ‍ ᑕᔭᓐ᙮ ᐊᐅᒄ ᓂᔾ ᒥᓯᐛ ᒐᒂᔪᐤ ᑲ ‍ ᒋᒋᐱᔨᑕᑦ, ᑭᔭ ᐊᐅᒄ ᓂᔾ ᒐ ‍ ᒋᔅᑕᔭᓐ ᒥᓯᐛ ᒐᒂᓐ᙮
\q
\v 14 ᑕᑈ ᒋᑭ ‍ ᓱᐛᔨᑕᑯᓱᐅᒡ ᐊᓐᒡ ᑲ ‍ ᐸᔭᒋᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᐅᒡ ᒐ ‍ ᑕᑈᐅᒐᔨᑕᑯᓯᒡ ᒐᒋ ᐱᒐᒡ ᐊᓂᔭ ᐅᑕᓇᔪᐤ ᑭᔭ ᒐᒋ ᐅᑎᓂᒪᓱᒡ ᒥᓂᓴ ᐊᓐᑕ ᐅᒋ ᐊᓂᔭᔪᐛ ᒥᔅᑎᒂ ᐊᓐᑕ ᐛᒋ ‍ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ᙮
\v 15 ᐊᓐᒡ ᒪᒃ ᑲ ‍ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ‍ ᒥᑕᐅᒡ, ᐊᓐᒡ ᐎᓂᓱᐅᓂᒡ ᑲ ᐃᓯ ‍ ᐱᒥᐧᑯᐛᒡ ᐊᐛᔪᐛ, ᐊᓐᒡ ᑲ ‍ ᓂᐸᐃᐛᒡ ᑭᔭ ᐊᓐᒡ ᑲ ‍ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᐊᓐᒡ ᑲ ᐎᒋ ‍ ᑭᑭᒋᔭᒡ, ᓇᒪ ᒋᑭ ᒋ ‍ ᐱᒐᐅᒡ ᐊᓂᔭᔪᐤ ᐅᑕᓇᔪᐤ᙮
\q
\v 16 ᓂᔾ, ᒋᓴᔅ, ᓂᒋ ‍ ᐃᑎᓴᐛᐤ ᓂᑦ ᐊᓐᒋᓂᒻ ᐊᓐᑕ ᐊ ᐊᑎ ‍ ᑕᔭᒄ ᒐᒋ ᐎᑎᒪᑕᒄ ᐅᔭ ᒐᒂᔪᐛ, ᒋᔨᐛᐤ ᐅᒪᒧᐊᔭᒥᐊᑐᒄ᙮ ᑎᐱᑦ ᐊ ‍ ᑕᑦ ᓂ ᐅᒋ ᐊᓂᔅᒐ ‍ ᐱᒪᑎᓯᓐ᙮ ᐊᐅᒄ ᓂᔾ ᐊᓐ ᐛᐱᓐ ᐅᒐᑭᑕᐧᒄ ᓇᔅᒡ ᑲ ‍ ᒋᐧᑲᔭᔅᑐᐛᑦ᙮”
\p
\v 17 ᑲ ‍ ᐸᔭᒋᓯᑦ ᐊᒐᐧᒄ ᑭᔭ ᐊᓐ ᐅᔅᒋᓂᒋᔎᐤ ᐃᔅᒋᔄᐅᒡ, “ᐊᔅᑎᒻ !” ᑭᔭ ᐊᓐ ᐊᐛᓐ ᑲ ‍ ᐸᑕᐧᒃ ᐊᑯᔅ ᑭᔭ ᐎᔾ ᒋᑭ ‍ ᐃᔅᒋᔄᐤ, “ᐊᔅᑎᒻ !” ᒥᓯᐛ ᒋᔨᐛᐤ ᑲ ‍ ᓄᑕᔭᐸᒂᔭᒄ, “ᐊᔅᑎᒧᒄ, ᓴᒐᔾ ᐸᒋ ‍ ᒥᓂᒄ ᐊᓐ ᓂᐱᔾ ᐊᓐᑕ ᐛᒋ ‍ ᐊᔭᑦ ᐊᐛᓐ ᐱᒪᑎᓯᐅᓂᔪᐤ᙮”
\s1 ᒪᔅᑕᔾ ᐊ ᐃᓯ ‍ ᐊᔨᒧᑕᒡ
\p
\v 18 ᓂᔾ, ᒠᓐ, ᓂᑦ ᐃᔭᒂᒥᒪᐤ ᒥᓯᐛ ᐊᐛᓐ ᑲ ‍ ᐸᑕᐧᒃ ᑕᓐ ᐊ ᐃᓯ ‍ ᓂᑲᓐ ᐎᑕᑭᓄᐎᒡ ᐅᑕ ᒥᓯᓇᐃᑭᓂᒡ, “ᐊᓐ ᐊᐛᓐ ᒐ ‍ ᐃᔭᒋᔅᑕᒂ ᒐᒂᔪᐤ ᑕᓐ ᐊ ‍ ᐃᔅᒋᔄᒥᑭᓂᔨᒡ ᐅᑕ ᒥᓯᓇᐃᑭᓂᒡ, ᒋᓴᒪᓂᑐᐛ ᒋᑭ ‍ ᐃᔭᒋᔅᑕᔪᐛ ᑭᔭ ᐎᔾ ᑕᓐ ᑲ ᐃᓯ ‍ ᐎᑕᑭᓄᐎᒡ ᐅᑕ ᒥᓯᓇᐃᑭᓂᒡ ᒐ ᐃᓯ ‍ ᓂᓇᐧᑲᑕᔨᒧᑦ᙮
\v 19 ᐊᓐ ᒪᒃ ᐊᐛᓐ ᒐ ‍ ᐊᒍᓂᒧᒂ ᑕᓐ ᐊ ᐃᓯ ‍ ᓂᑲᓐ ᐎᑕᑭᓄᐎᒡ ᐅᑕ ᒥᓯᓇᐃᑭᓂᒡ, ᒋᓴᒪᓂᑐᐛ ᒋᑭ ‍ ᐅᑎᓂᒥᔪᐛ ᑕᓐ ᑲ ᐃᓯ ‍ ᐊᔭᑦ ᒐᒋ ᐅᒋ ‍ ᒥᒋᑦ ᒥᓂᓴ ᐊᓐᑕ ᐊᓂᔭᔪᐛ ᒥᔅᑎᒂ ᑲ ‍ ᓂᑕᐅᒋᓂᔨᒋ, ᐊᓐᑕ ᐛᒋ ‍ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ ᑭᔭ ᓇᒪ ᒋᑭ ᒋ ‍ ᐱᒐᐤ ᐊᓐᑕ ᒋᓴᒪᓂᑐᐛ ᐅᑦ ᐃᑕᐅᓂᔨᒡ᙮”
\p
\v 20 ᐊᓐ ᒪᒃ ᐊᐛᓐ ᑲ ‍ ᐎᑕᐧᒃ ᐊ ‍ ᑕᑈᒥᑭᓂᔨᒡ ᒥᓯᐛ ᐅᔭ ᑲ ᐃᓯ ‍ ᐎᑕᑭᓄᔨᒋ ᐃᔅᒋᔄᐤ,
\q “ᒐᔅᑎᓇᔅ ᓴᔅ ᐎᐱᒡ ᒥᓐ ᓂᑭ ‍ ᑎᑯᓯᓐ᙮”
\m ᐊᒥᓐ, ᐅᑎᐸᔨᒋᒐᐤ ᒋᓴᔅ, ᐊᔅᑎᒻ᙮
\p
\v 21 ᒋᑭ ᐎ ‍ ᑭᓄᐛᔨᑕᓇᐛᐤ ᐅᑎᐸᔨᒋᒐᐤ ᒋᓴᔅ ᒥᓯᐛ ᑕᓐ ᐊ ᐃᓯ ‍ ᓱᐛᔨᒋᒐᑦ, ᒋᔨᐛᐤ ᑲ ‍ ᑕᑈᑎᒪᒄ᙮ ᐊᒥᓐ᙮

Naskapi Legends and stories project John Peastitute corpus 1967 tapes, stories 1-36

ᑯᐃᒂᒐᐤ ᑭᔭ ᐊᓯᓂᔾ 02 ᑯᐃᒂᒐᐤ ᑭᔭ ᐊᓯᓂᔾ book source 2019 03 07
ᐎᔭᐱᒪᑦ ᑯᐃᒂᒐᐤ, ᐊᓯᓂᔭ, ᐊᓯᓂᔭ ᐸᒧᑕᐎᔨᒋ ᐱᔅᑯᑎᓇᒡ᙮
“ᒪᓐ ᐊᑯ ᐃᔪᐤ,” ᐃᑕᔨᒪᐤ᙮ ᒐᒋᓇᑦ᙮
ᐊᑯ, ᒥ ᐛᐱᒪᐤ ᐃᔪᐛ ᐊᑯ᙮ ᒥᒄ ᐊᓯᓂᔪᐤ ᐎᔭᐸᑕᐧᒃ, ᐊᐅᑯᓂ᙮ ᑲ ᐃᓯᓄᐛᑦ ᐊᓯᓂᔭ᙮
ᐊᑎ ᓇᑕ ᓇᓂᑐᐛᑕᑦ ᓇᑕ ᒐᒋ ᐱᒧᑕᔨᒋ ᐃᔪᐛ᙮ ᒥ ᐛᐸᑕᐤ ᐊᑎ ᓇᑕ᙮
“ᐊᑯ ᐊᓯᓄᒃ,” ᐃᑕᔨᒪᐤ ᐊᓯᓂᔭ᙮
ᐊᑯ ᐃᑕᐤ, “ᒋᔾ ᐊ ᑭᒋ ᐱᒧᑕᓇᑎᑲ?” ᐃᑕᐤ᙮
“ᑕᐸ ᓂ ᓂᑕ ᐱᒧᑕᓐ᙮ ᒧᓯᓇᐤ ᒂ ᐊᑎ ᐱᔭᓐ᙮ ᒥ ᓂ ᓂᑕ ᐱᒧᑕᓐ᙮”
“ᒋ ᐛᐱᒥᑎᓐ, ᑭᒋ ᐱᒧᑕᓇᑎᑲ,” ᐃᑕᐤ᙮ ᐊᑯ, “ᐎᒐᐎ,” ᐃᑕᐤ, “ᐎᒐᐎ,” ᐃᑕᐤ᙮ “ᒥ ᑕᐤ ᐊᐛᓐ ᒐ ᐎᒐᐅᒃ, ᐅᓴᒻ ᒧᓯᓇᐤ ᓂ ᐸᐃᑯᓯᓐ ᐸᐸᒧᑕᔭᓂ᙮”
“ᒥ ᒋ ᒋ ᐎᒐᐛᑎᓐ,” ᐃᑎᑯᐤ᙮ “ᑕᐸ ᓂ ᐱᒧᑕᓐ!”
ᐊᑯ, ᒐᒋᐸᑕᑦ, ᐊᑯ ᓇᑐᐛᐱᒪᑦ, ᒥ ᐎ ᔅᑐᑕᔪᐛ ᒐᒃ ᐎᔭᐧᑲᐊᑦ᙮
ᒐᒋᐸᑕᑦ! 
ᐱᔭᒋ ᒋᒋᐸᑕᔨᒋ, ᑭᑈ ᑯᔭᒂᑎᐸᑕᔨᒋ, ᐊᓯᓂᔭ ᐃᔭᐱᒡ ᐛᒋᐸᑕᒥᑯᑦ᙮
“ᑭᑈ ᒐ ᒥᔽᔨᑎᒪᓐ,” ᐃᑕᐤ, “ᒐ ᓯᑐᐛᔨᒥᑕᓐ,” ᐃᑕᐤ, “ᐅᓴᒻ ᓂ ᐸᐃᑯᓯᓐ ᐸᐸᒥᐸᑕᔭᓂ᙮”
ᐊᑯ, ᒐᒃ, ᒐᒃ ᒪᒋᐸᑕᔪᐛ ᐊᑎ ᐃᔅᐸᑕᔨᒋ, ᐊᑯ, ᐅᑕ ᐛᔅᑕᑕᐧᑲᐅᐧᑯᑦ ᐅᑎᔅᒋᑕᓂᒡ᙮ ᐊᑯ ᐃᑕᐤ, “ᐊᑲ ᑐᑐᐎ! ᒐᒂᓐ ᐅ ᐊᑐᑐᐎᔨᓐ?”
“ᒪᓐ ᐊᔅᐱᓯᐱᔨᔭᓐ᙮ ᒋᐸ ᐎ ᐃᔅᐱᓯᐱᔨᔨᓐ᙮” “ᓇᒪ,” ᐃᑎᑯ, “ᒂ ᐃᔅᐱᓯᐱᔨᔭᓐ, ᐸᒧᑕᔭᓂ᙮”
ᒐᒃ, ᒐᒃ ᓂᔭᔅᑐᐎᑯᑦ, ᐊᑎ ᑭ ᒋᑎᓯᒪᑦ᙮ ᐊᑎ ᐅᐱᒪᔭᐛᒡ ᐃᔅᐸᑕᐤ ᐱᔅᑯᑎᓇᔪᐤ ᒥᔪᐱᔨᔪᐛ, ᐊᑯᑕ ᐃᔅᐸᑕᔨᒋ, ᑭᔭ ᒥᔅᑎᑯᔅᑲᔨᒡ᙮
ᐊᑯ ᒋᒋᐛ ᓂᔭᔅᑐᐎᑯᑦ᙮ ᐊᑯ ᒐᒃ ᐸᑎᔅᑕᐅᑯᑦ, ᒂᐅᔅᑲᑯᑦ᙮ ᐸᑎᑯᔅᑲᑯᑦ ᐅᑕ ᐅᓱᑭᓂᒡ᙮ ᒐᒋᓯᔨᐧᒃ ᐅᑕ, ᐅᑕ ᐛᒋ ᐱᑎᑯᔅᑲᑯᑦ᙮
“ᐱᔅᑎᔅᑯᐎ!”  ᙮
“ᒥ ᒋᑭ ᒋ ᐱᔅᑎᔅᑲᑎᓐ,” ᐃᑎᑯᐤ᙮
“ᓱᐧᒃ ᑲ ᐎ ᐎᒐᐎᔨᓐ,” ᐃᑎᑯᐤ᙮
“ᐱᔅᑎᔅᑯᐎ!”
“ᒥ ᒋᑭ ᒋ ᐱᔅᑎᔅᑲᑎᓐ᙮” ᐃᑎᑯᐤ᙮
“ᒪ, ᒐ ᐎᓴᒥᒂᐤ, ᓂᓯᒻ!”
“ᓂᑐᒥᒡ,” ᐃᑎᑯᐤ᙮
ᑎᔭᑈᑕᑦ᙮ “ᓂᓯᒻ, ᓂ ᐱᑎᔅᑕᐅᒄ ᐊᓯᓂᔾ!” 
ᐱᔭᑕᑯᑦ ᐅᓯᒪ, ᓂᒥᔅᒍᐛ ᐊᐅᑯᔪᐛ ᑎᔭᑈᑕᑦ᙮ ᐊᐅᑯᓂ ᓂᒥᔅᒍᐛ, ᐱᔭᑥᑎᒥᔨᒋ᙮
“ᐊᑲ ᐱᔅᑎᔅᑯᐎ ᐛ ᐊᑲ ᐱᔅᑎᔅᑯᐎᔨᓐ,” ᐃᑕᐤ᙮
“ᒥ ᒋᑭ ᒋ ᐱᔅᑎᔅᑲᑎᓐ,” ᐃᑎᑯᐤ᙮ 
ᐊᐅᑯᓂ ᓂᒥᔅᒍᐛ ᐱᔭᑥᑎᒥᔨᒋ᙮
“ᒪᓇ ᐊᐊᑲ ᓱᐧᒃ ᐎ ᑎᑎᑭᔅ ᐎ ᐃᑎᑦ ᒋᔅᑕᓯᓄᐤ᙮”
ᐸᑎᑯᔅᑲᑯᑦ ᐊᓯᓂᔭ᙮ ᒋᔅᒐᔨᒥᑯᐤ ᓇᑕ ᐊ ᑕᑦ᙮
ᐊᑯ ᐃᑕᐤ, ᓂᒥᔅᒍᐤ, “ᒐ ᐊᑲ ᓂᐸᐊᐧᒄ ᒋᔅᑕᓯᓄᐤ, ᒥᒄ ᐅᑦ ᐊᑯᑉ ᒐ ᔭᔨᒋᐱᑎᒺᐧᒄ᙮ ᒐ ᐱᑯᐱᑎᒺᐧᒄ᙮”
ᒥᔭᑯᒥᑯᑦ ᑕᑈ, ᐃᔭᓯᒂᔨᒋ ᐅᓯᒪ᙮ ᐱᔭᒋᑎᓂᔨᒡ ᐃᔅᑯᑕᔪᐤ ᐊᓐᑕ ᐊᓯᓂᒡ, ᒂ ᐱᑯᐱᔨᒋ ᐊᓯᓂᔭ᙮
ᐊᑯ ᐅᐱᒍᐎᔭᓐ, ᐅᑦ ᐊᑯᑉ ᐸᑯᐱᑎᒥᔨᒋ᙮ ᒺᓴᔅᑭᑕᑦ᙮ ᒥ ᓂᐳᐤ᙮ ᒺᓴᔅᑭᑕᑲᐳᑦ᙮ “ᐊᑯ ᒐᑎᒪᔨᒡ ᓂᓯᒻ, ᑕᓐᑕ ᓂᑭ ᐅᒋ ᐅᑎᑯᐱᓇᒐ?”
ᓂᔭᓂᑐᐛᐸᑕᐧᒃ ᐅᑦ ᐊᑯᑉ ᒐᒋ ᐊᐱᓯᔅ ᐃᔅᑯᐱᔨᔨᒡ᙮
ᐎᔭᐸᑕᐧᒃ ᐅᑦ ᐊᑯᑉ ᐊᑎ ᐱᐱᐅᔅᑕᔨᒡ᙮ ᒥᔭᒧᓴᒋᓇᐧᒃ᙮ ᑎᔭᔅᑎᒂᒋᓇᐧᒃ᙮
“ᓂᑭ ᓂᑐᐛᐱᒪᐤ ᓂᓯᒻ, ᐃᔨᒃ, ᐃᔨᒃ, ᒋᑭ ᑭᔅᒋᒂᑎᒻ, ᒋᑭ ᑭᔅᒋᒂᑎᒻ, ᐃᔨᒃ᙮” ᓇᑐᐛᐱᒪᑦ ᐃᔨᑲ᙮ 
ᐊᐅᑯᓂ ᐛᒋ ᐱᒋᐱᒐᐱᔪᐎᔨᒋ ᐃᔨᑲ᙮ “ᓂᓯᒻ,” ᐃᑕᐤ, “ᒥᔭᒪᒋᑐᑐᐅᒡ ᒋᔅᑕᓯᒡ! ᐱᑯᐱᑎᒧᒡ ᓂᑦ ᐊᑯᐱᔪᐤ᙮ ᒋᐸ ᑭᔅᒋᒂᑕᓐ, ᒋ ᐎ ᐊᑐᔅᒐᒥᑎᓐ,” ᐃᑕᐤ᙮
“ᓂᐦᐃ,” ᐃᑎᑯᐤ “ᐊᐦᐊᒃ ᓴᑥᑭᔅᑕ,” ᐃᑎᑯᐤ᙮
ᓯᔭᑥᑭᔅᑕᑦ ᐅᑦ ᐊᑯᑉ, ᐊᑯ ᒥᒄ ᐊᑎ ᐱᐱᒐᐱᔪᐎᔨᒋ᙮ ᒥᒄ ᑭ ᓯᒋᐸᑎᒥᐛᓂ ᒂ ᐃᓯᓇᑯᑕᔨᒋ, ᒥᒄ ᑭ ᐱᐱᒐᐱᔪᐛᓂ᙮
“ᐊᑯᓐ, ᓂᓯᒻ, ᒐ ᐃᓯᓇᒂᒡ,”
ᑈᔅᑲᐧᒃ, ᑈᓴᐅᑦ, 
“ᐊᑯᓐ, ᒐ ᐃᓯᓇᒂᒡ᙮”
“ᓂᓯᒻ, ᐊᑯ ᒐ ᐅᐛᓯᔨᑕᓐ,” ᐃᑕᐤ᙮
ᓇᔅᒡ ᑭ ᒋᑲᓂᒺ ᐅᑎᒋᔪᐛ ᐅᔅᐱᑐᓂᓯᔪᐛ, ᑭᔭ ᐅᔅᒋᓯᑯᔪᐛ, ᓇᔅᒡ ᑭ ᐛᐎᐎᒐᔭᐱᔪᐛᓂ ᒂ ᐃᓯᓇᒂᐊᑦ ᐃᔨᑲ ᑭ ᐱᐸᔅᑯᑕᐱᔪᐛᓂ ᒂ ᐃᓯᓇᑯᓯᔨᒋ, ᐃᔨᑲ᙮
“ᐊᑯ ᓂᓯᒻ, ᒐ ᐃᓯᓇᑯᓯᔨᓐ᙮”
“ᓂᐱᒡ ᒋᑭ ᑕᓐ, ᓂᐱᒡ ᒋᑭ ᑕᓐ᙮” ᐎᔭᐱᓇᑦ ᓂᐱᒡ᙮
ᒐᒋᐸᑕᑦ! 
ᐊᑯ ᐅᑎ ᐱᒥᐸᑕ, ᐃᔭᑐᐛᔨᑕᐧᒃ ᐅᑦ ᐊᑯᑉ ᐅᔭᔪᐛ ᐊᓯᒂᑕᔨᒡ᙮ “ᐛᓴ ᑭ ᒥᒋᒂᑎᒺ ᓂᓯᒻ᙮” “ᒥᒄ ᑕᓐᑕ ᐊᔭᔅᐱᔨᑦ, ᑭᔅᒋᒂᑎᒻ᙮”
ᐸᑯᐱᑕᐧᒃ᙮
“ᓂᑭ ᓂᑐᐛᐱᒪᐤ ᓂᓯᒻ ᐊᐱᑯᓯᔅ, ᒋᑭ ᑭᔅᒋᒂᑎᒻ᙮”
ᐊᐅᑯᓂ ᐅᔭ ᐛᒋ ᐱᒥᐸᑕᓯᔨᒋ ᐊᐱᑯᓯᓴ!
“ᓂᓯᒻ,” ᐃᑕᐤ, “ᒪ ᒋᑭ ᒋ ᑭᔅᒋᒂᑕᓐ ᓂᑦ ᐊᑯᑉ?” ᐃᑕᐤ᙮ 
“ᓂᐦᐃ,” ᐃᑎᑯᐤ “ᐊᑯ ᓴᑥᑭᔅᑕ, ᓴᑥᑭᔅᑕ, ᓴᑥᑭᔅᑕ᙮” ᐃᑎᑯᐤ᙮ ᑲᔅᒋᒂᑎᒥᔨᒋ ᐊ ᐃᔅᐸᑕᔨᒋ ᐊ ᐱᐱᑯᐱᔨᒡ ᐅᑦ ᐊᑯᑉ, ᒧᔭᒻ ᐊ ᑭᔅᒋᒂᑎᒥᔨᒋ᙮ ᒥᔪᒂᑎᒥᔪᐛ ᐃᓯᓇᑯᓂᔪᐤ᙮
“ᐊᑯᓐ ᒐ ᐃᓯᓇᒂᒡ, ᓂᓯᒻ,”
ᑈᓴᐅᑦ᙮
ᐊᑯ ᐃᑕᐤ, “ᓂᓯᒻ ᐸᑐᑕ, ᒐ ᐅᐛᓯᔨᑕᓐ᙮”
ᐊᑯ ᐊᓂᔭ ᐅᓱᓯᔪᐤ, ᓇᔅᒡ ᒋᓏᔅᑲᔨᑕᓇᓱᐤ ᑕᓯᒐ ᐊᐱᑯᓯᔅ ᒋᓏᔅᑲᔨᑕᓱᐤ᙮ ᒪ ᑕᓱᐤ ᒋᓏᔅᑲᔨᑕᓯᒡ ᐊᐱᑯᓯᔅ? ᐊᑯ ᓇᑕ ᐅᒍᓂᓯᔪᐤ ᓇᔅᒡ, ᓇᔅᒡ ᒋᓂᔅᑐᐛᓇᓱᐤ᙮ ᐃᓯᓇᒂᐊᐤ ᑯᐃᒂᒐᐤ, ᓇᔅᒡ, ᓇᔅᒡ᙮
ᐊᑯ, ᓇᑕ ᐎᔅᒋᑎᑯᒡ ᐎᔭᐱᓇᑦ᙮ “ᒪ ᓇᑕ ᒐ ᑕᔨᓐ ᓂᓯᒻ, ᒐ ᒋᓱᓯᒧᔨᓐ,” ᐃᑕᐤ᙮
ᒐᒋᐸᑕᑦ! 
ᐊᑯ, ᐅᑎ ᐱᒥᐸᑕ, ᐱᔭᑐᐛᑦ ᐊᐛᔪᐛ᙮ ᑭ ᐃᔨᑎᑭᒋ ᐃᔨᑎᑐᐛᐤ ᐊᔅᐸᑕᑦ, ᒥᓇᔎᒡ ᒥ ᐛᐱᒪᐤ᙮ ᐊᑎ ᐱᐸᒥᐸᑕᐤ᙮ ᒥ ᐛᐱᒪᐤ᙮ ᐊᑯ ᐅᑕ ᐊᓯᓂᔪᐤ ᐊᔅᑕᔨᒡ, ᐊᑯ ᓂᔭᑕᐧᒃ᙮ ᐊᑯ ᐊᓯᓂᒡ ᐊᑯᑕ ᓇᑕᐅᒋᒡ ᐛᐧᑯᓇᐱᔅᑯᒡ ᐃᓯᓂᐧᑲᑕᑭᓄᐅᒡ᙮ ᐊᐅᑯᓂ ᐊᓂᔭᔪᐛ ᐱᔭᑐᐛᑦ᙮
ᐊᑯ ᐃᑕᐤ, “ᐊᐛᐤ ᒋᔨᐛᐤ ᑭ ᒋᑦ ᐃᔨᒧᐛᓇᐛᑎᑲ?”
“ᓂᐦᐃ,” ᐃᑎᑯᐤ, “ᐊᐅᑯᐤ ᓂᔭᓐ, ᐃᔨᒥᐃᑯᐤ ᒥᓯᐛ ᒐᒂᓂᔪᐤ ᑯᐃᒂᒐᐤ᙮”
ᐊᑯ ᐃᑕᐤ, “ᒪ ᒋ ᒧᑯᐅᓇᐤ?”
“ᓂ ᒧᑯᐅᓇᓐ,” ᐃᑎᑯᐤ, “ᓂ ᒧᑯᐅᓇᓐ,” ᐃᑎᑯᐤ᙮
ᒥᔭᒥᓂᐱᑕᑦ ᓴᓴᔅᑭᒧᑦ᙮ ᒧᐛᑦ᙮
ᒐᒋᐸᑕᑦ! 
ᐊᑯ ᐅᑎ ᐱᒥᐸᑕ “ᐳᑉ!” 
“ᐳᑉ!” ᐊᑥᔨᒋ᙮
ᐅᔅᑭᒋᓯᒡ ᑯᐃᒂᒐᐤ, “ᐳᑉ!” ᐊᑥᑎᒥᔨᒋ᙮
“ᓂᑭ ᐸᐱᑯᒋᒥᑯᑎᑭᒋ!” ᐃᑕᔨᒪᐤ᙮
ᐊᑯᓐ ᒥᒄ ᐊᑥᔨᒋ ᓇᓂᑎᒻ ᑭ ᑈᔅᑐᐛ ᑲ ᒧᐛᑦ ᐛᐧᑯᓇᐱᔎ᙮
ᐊᑯ ᒐᒃ, ᐊᑎ ᑭᑈ ᐎ ᓂᐸᑕᑦ ᒐ ᒥᒋᑦ, ᒥ ᒋ ᓂᐸᑕᐤ᙮ ᐊᐅᑯᓂ ᐊ ᑐᑕᑯᑦ ᐅᑈᔅᑐᐅᓇ᙮ ᐛᒋ ᐊᑲ ᒋ ᓂᐸᑕᑦ ᒐ ᒥᒋᑦ; ᒐᒪᐧᑭᑕᑦ᙮
ᒐᒃ ᒋᒋᐛ ᒐᒪᐧᑭᑕᑦ, ᐎᔭᐧᑲᔨᑯᑦ᙮
“ᑕᓐᑕ ᑲᑭᔭ ᓂᐸ ᑐᑐᐛᐅᒡ?” ᐃᑕᔨᒪᐤ᙮ 
ᒂᑐᐛᑦ, ᒂᑐᐛᑦ ᒥᓯᑕᐤ ᐅᑯᑐᐛᓐ᙮ ᐊᑯ ᐃᔭᔨᓴᐧᒃ ᐅᔅᑭᒋᓯᔾ, ᐊᑎᔅᑕᑦ ᑯᑐᐛᓂᒡ᙮ ᐊᑯ ᐊᓯᓂᔭ ᒐᓴᐱᔅᒋᔄᑦ, ᐊᓯᓂᔭ ᐊᑯ ᒐᒥᒋᒥᓴᔨᓱᑦ ᐊ ᒋᔅᒐᐱᔅᒍᐎᔨᒋ᙮ ᐊᑯ ᐊᔎᓴᐧᒃ ᐅᔅᑭᒋᓯᔾ᙮ ᐊᑯ ᒐᐳᐧᑲᑕᔨᒡ ᐅᔅᑭᒋᓯᔾ ᐊᐱᓯᔅ᙮ ᐊᑯ ᐊᐱᓯᔅ ᐱᔭᑕᑯᓯᔨᒋ ᐅᑈᔅᑐᐅᓇ᙮
“ᐊᑯᓐ ᒐ ᐃᓯᓇᑯᓯᔭᓐ,” ᐃᑕᔨᑎᒻ᙮
ᒐᒋᐸᑕᑦ! 
ᐛᒥᒋᑦ ᐅᔅᑭᒋᓯᔾ᙮ ᐊᑯ ᒐᒃ ᐅᑎ ᐱᐸᒥᐸᑕ ᒪᐊᓐ ᒂ ᐊᑎ ᒪᑕᔨᓱᑦ᙮
“ᒪᓐᑕᐤ ᐅᑕ ᑭ ᐱᒧᑕᐛ,” ᐃᑕᔨᑎᒻ᙮ ᐅᔅᑭᒋᓯᔾ ᐃᔭᐱᒡ ᐊᔨᒥᐃᑯᐤ᙮ “ᑭᑈ ᒐ ᒥᑎᑕᐧᒄ,” ᐃᑕᐤ ᒪᑎᒪᐸᑕᑦ ᒪᔅᑭᓇᔪᐤ
ᐎᔭᐸᑕᐧᒃ ᒐᒂᓂᔪᐤ ᐊᔅᑕᐅᐎᔨᒡ᙮ “ᒪᓂᔭᔪᐤ ᐅᒥᒋᒻ ᑭ ᐊᔅᑕᔨᑎᑲ,” ᐃᑕᐤ᙮ ᐱᔭᐧᑯᒋᐱᔨᒡ ᐅᔅᑭᒋᓯᔾ ᑲ ᐃᔎᓱᑦ᙮ ᒥᓯᐛ ᐸᐱᑯᐱᔪᐤ᙮
ᒂ ᐊᑎ ᒋᒋᓇᐧᒃ᙮ “ᐅᐸᔅᒐᐛᓂᒻ, ᐅᐸᔅᒐᐛᓂᒻ, ᒺᑎᒂᓯᐱᓐ,” ᐃᑕᐤ᙮ ᑕᐸᑲ ᓴᔅ ᐊᓂᔭᔪᐤ ᒋᔎᐧᑭᑕᐤ, ᐃᑕᔨᑕᑯᓱᐤ᙮ ᐛᑎᓇᐧᒃ ᐅᒥᒋᔾ, ᐊᓂᔭᔪᐤ ᒪᒋᑦ, ᒪᒋᑦ᙮
ᐊᑯ, ᒥᓐ ᓯᔭᐸᐸᑕᑦ, ᐊᑯᑕ ᒥᓐ ᒥᔭᑕᔨᓱᑦ᙮ ᐊᑯ ᐸᑐᔅ, ᓂᔄᐤ ᒥᔭᑕᔨᓱᑦ᙮
ᓴᔅ ᒋᔅᒐᔨᑕᐧᒃ ᒥᓐ ᑲ ᐊᑎ ᐱᒥᐸᑕᑦ᙮ ᐊᑯ ᒥᔭᒥᑐᓇᔨᑕᐧᒃ, ᒐ ᒋᔅᒐᔨᑕᐧᒃ ᐅᒥᒋᔾ ᑲ ᐸᒋᑕᑦ᙮ 
ᒪᒋᑦ ᐅᒥᒋᔾ!
ᐊᑯ, “ᓇᔅᑐᒡ! ᒋ ᒪᒪᒡ ᐃᑎᓐ! ᐊᐅᒄ ᐅᔭ ᒋ ᒥᒋᓄᐤ ᒪᒋᔭᐧᒄ! ᒋ ᐸᒋᑕᓇᓇᒐ,” ᐃᑕᐤ᙮
ᐃᑕᒋᒪᑭᓄᐤ ᑯᐃᒂᒐᐤ᙮ ᐊᔅᐱᔅ ᑎᑎᑭᔅ ᐃᑎᑦ! ᑕᐸ ᓂᑕ ᐃᔎᔭᒋᒪᑭᓄᐤ᙮
ᑯᐃᒂᒐᐤ ᑭᔭ ᒋᓴᔭᒄ 03 ᑯᐃᒂᒐᐤ ᑭᔭ beᐊᕐ 2014 06 24 Book Source
ᐊᑯ, ᓇᐸᑕᑦ ᒋᑭ ᒥᒍᐤ᙮ ᐊᑯ ᐊᑎ ᐃᔨᔪᑦ, ᐊᑎ ᒥᔪ ᐃᔪᑦ ᐅᑎ ᐱᐸᒥᐸᑕ᙮ ᐎᔭᐱᒪᑦ ᒋᓴᔭᒂ ᐸᒧᑕᐎᔨᒋ᙮
“ᑕᓐᑕ ᓂᐸ ᒋ ᐅᒋ ᐸᓱᐛᐱᒪᐤ?” ᐃᑕᔨᒪᐤ᙮ ᐊᑎ ᐱᐸᒥᐸᑕᐤ᙮
ᑎᔭᑈᑕᑦ, “ᓇᓯ, ᐊᓯᓄᐛᐃ,” ᐃᑕᐤ᙮
ᐊᓯᓄᐛᐃᑯᑦ, ᐊᓯᓄᐛᐃᑯᑦ᙮ ᑲᓄᐛᐱᒥᑯᑦ ᐅᑎ ᐸᑐᑕ᙮ ᑎᔭᐱᑕᑈᑕᑦ, ᐛᑎᒪᐱᒥᑯᑦ, ᒐᒃ ᒂ ᐸᓱᐛᐱᒪᑦ᙮
ᐊᑯ ᐱᔭᓱᐛᐱᒪᑦ ᐊᑯ ᐛᑎᑕᑦ᙮
“ᓇᓯ,” ᐃᑕᐤ, “ᐛᓱᐤ ᒋ ᓇᓂᑐᐛᐱᒥᑎᓐ᙮ ᒋᒋ ᐅᓂᓯᓐ, ᒧᓯᓇᐤ ᒋ ᓇᓂᑐᐛᐱᒥᑎᓐ᙮
ᐊᑯ ᒋᑲᐎᓄᐤ, ᓇᔅᑐᒧᒐᓂᒋ᙮ ᑕᐸ ᓂᑕ ᒋᒺᐅᒡ, ᐊ ᒪᒡ᙮ ᐊ ᓇᓂᑐᐛᔨᒥᔅᒡ,” ᐃᑕᐤ᙮ “ᒋᒋ ᐅᓂᓯᓐ,” ᐃᑕᐤ᙮
“ᓂᐦᐃ,” ᐃᑎᑯᐤ, ᑎᐛᒡ ᒂ ᑕᑈᑕᑯᑦ᙮
ᐛᓴ ᐎᔭᓯᒪᐤ᙮
“ᑭᑈ, ᒐ ᓂᑐᐛᐱᒪᐧᑯᒡ ᒋᑲᐎᓄᐤ,” ᐃᑕᐤ᙮
ᒐᒋᐸᔨᑐᒡ!
ᐅᑎ ᐱᒥᐸᔨᑐᑕᐤ, ᒋ ᐸᒋ ᐱᒥᐸᑕᐤ ᓇᑕ ᐱᔅᑯᑎᓇᒡ, ᒋᒋᐛ ᒋ ᒥᒐᓂᔪᐛ ᒥᓇ᙮
“ᓇᓯ,” ᐃᑕᐤ, “ᓇᒪ ᑭ ᐱᔅᑯᑎᓇᑎᑲ,” ᐃᑕᐤ, ᔭᐅᓇᑯᓂᔪᐤ᙮ “ᑭ ᐱᔅᑯᑎᓇᑎᑲ ᒪ ᒋ ᐛᐸᑕᓐ ᒥᓂᓴ ᑭ ᒥᒐᓂᑎᑭ?”
“ᒥ ᓂ ᐛᐸᑕᓐ,” ᐃᑎᑯᐤ᙮
“ᒋᒋᓂᒧᑕᐤ,” ᐃᑕᐤ᙮
ᐊᑯ ᓇᑕ ᑲ ᐸᒋ ᐱᒥᐸᑕᑦ, ᒥᒄ ᐃᔭᒋᔅ᙮ ᐊᑯᑕ ᐛᒋ ᒋᒋᓇᐧᒃ ᐛᑎᒋᐱᑕᒡ ᒋᒋᐛ ᒥᒐᓂᔪᐛ ᒥᓂᓴ᙮ ᐊᑯ ᒪᒋᒡ, ᒪᒋᒡ᙮
ᐊᑯ ᐃᑕᔨᒪᐤ ᐊᓐ ᒋᓴᔭᒄ, ᒪᔅᒄ, “ᑕᓐᑕ ᐊᑯ ᓱᐧᒃ ᐛᒋ ᓇᐊᐱᑦ ᓂᔅᑕᔅ?”
ᐃᑕᔨᒪᐤ, “ᓂᔭ ᒪ ᐊᔅᐱᔅ ᓇᑯᓂᔨᒡ ᐛᓴᐸᑕᐧᒃ ᒥᓂᓴ ᑭ ᒥᒐᓂᑎᑲᓂ, ᑭ ᑕᑈᐛ ᑲ ᐃᓯᑦ ᓂᔅᑕᔅ,” ᐃᑕᐤ᙮ “ᑕᓐᑕ ᒪ ᓱᐧᒃ ᐛᒋ ᓇᐱᔨᓐ ᓇᒪ ᐊᔅᐱᓴᒡ ᐛᓴᐸᑎᒥᓐ ᒥᓂᓴ, ᐛᑎᓴᐸᑎᒥᓐ?” “ᓂᔾ ᒪ ᑲ ᐛᑎᓴᐸᑎᒪᓐ,” ᐃᑕᐤ᙮ “ᑕᓐ ᓂᐸᑎᓐ ᑲ ᐅᑎᓴᐸᑎᒥᓐ ᒥᓂᓴ᙮”
“ᐛᓴ ᒋᑲᐎᓄᐤ ᑭᔭ ᒍᑕᐎᓄᐤ, ᒋ ᓂᑐᐧᑯᑕᐅᒡ ᓂᔅᒋᓯᒂ,” ᐃᑎᑯᐤ᙮ “ᐎᓯᒋᒥᓇ, ᐊᔨᐅᑯᓂ ᑲ ᒧᓱᒡ᙮ ᐊᑯ ᐊᓯᓂᔭ ᒐᓴᐱᔅᒋᔄᒡ ᐊᑯ, ᐊᑯ ᒪᑎᓴᓂᒐᑦ᙮ ᐊᑯ ᐸᒐᑦ ᒍᑕᐎᓄᐤ, ᐊᑯ ᐸᑎᑲᔨᑦ,” ᐃᑕᐤ᙮ “ᐊᑯ ᐸᐸᔅᒋᒥᓂᒋᓇᐧᒃ ᓂᔅᒋᓯᑯᒡ᙮ ᓂ ᒋ ᐊᐧᑯᐃᑯᓐ᙮ ᐊᑯ ᒍᑕᐎᓄᐤ ᐳᑕᑕᐧᒃ ᓂᔅᒋᓯᒂ, ᐊᑯ ᒪ ᒥ ᓂᑦ ᐃᑎᒪᒋᑕᓐ᙮ ᐊᑯ ᒐᒃ ᒥ ᓂᑦ ᐊᐧᑯᓯᓐ᙮”
“ᐛᔨᐎᔭᓐ᙮ ᒍᑕᐎᓄᐤ ᐸᑯᓇᐧᒃ ᐅᒥᑎᓴᓐ᙮ ᐛᔨᐎᔭᓐ᙮ ᑎᐛᒡ ᐛᔪᐤ ᓂ ᐛᐸᑕᓐ,” ᐃᑕᐤ᙮
ᐊᑯ ᐃᑕᐤ ᒋᓴᔭᒄ, “ᓂᔅᑕᔅ, ᑐᑐᐎ ᒐᒋ ᓇᐊᐱᔭᓐ᙮”
ᐊᑯ ᒧᓱᐤ ᒋᓴᔭᒄ ᑕᐸᑲ ᑭᔅᒋᐤ ᒋᓴᔭᒄ ᒥᓇ, ᐎᓯᒋᒥᓇ ᐊ ᒧᓱᑦ᙮ ᑯᐃᒂᒐᐤ ᐛᓯᑕᑦ, ᒪᑎᓴᓂᒐᑦ, ᐊᔅᒋᔪᐤ ᐊᐱᒋᑕᑦ᙮
ᒂᑐᐛᑦ, ᒐᓴᐱᔅᒋᔄᑦ ᐊᓯᓂᔭ᙮ ᐊᑯ ᓇᑕ ᔭᔭᑦ, ᐊᓯᓂᔭ ᑲ ᑐᑐᐛᑦ, ᐊᑯ ᐸᒐᑦ, ᐊᐅᑯᔪᐤ ᒐ ᓂᐸᐊᑦ, ᒐ ᓂᐸᐊᑦ, ᐅᓯᒪ, ᐅᓯᒪ᙮ ᐊᑯ ᐊᓯᓂᔪᐤ ᐸᑎᑭᑕᑦ, ᒐᓏᐱᔅᑲᔨᒡ ᒐ ᐅᑕᒪᐛᑦ ᐅᓯᒪ᙮
ᐊᐦᐊᒃ, “ᓇᓯ, ᐸᒋ ᐱᒐ,” ᐃᑕᐤ᙮
ᑲᒋ ᐱᒐᑦ ᐊᓐ ᓇᑕ ᐛᒋ ᐱᑕᔎᓯᓂᔨᒋ, ᐊᑎᒋᓂᓯᓂᔪᐛ᙮ ᐸᐸᔅᒋᒥᓂᒋᓂᒺᑦ ᐅᔅᒋᓯᑯᐎᔨᒡ ᒥᓂᓴ, ᐎᓯᒋᒥᓇ ᐃᔭᐧᑯᐃᑯᐎᔨᒋ᙮
“ᒋᒋᐛ ᓂᔅᑕᔅ ᓂᑦ ᐊᐧᑯᐃᑯᓐ,” ᐃᑎᑯᐤ᙮
“ᐊᑯᓇ ᓇᓯ, ᒐ ᐃᑎᒪᒋᑕᔨᓐ,” ᐃᑕᐤ, “ᐊᐅᑯᐤ ᒐ ᓇᐊᐱᔨᓐ ᐊᓐ ᐛᒋ ᐃᑎᒪᒋᑕᔨᓐ᙮”
ᐱᐸᔅᒋᒥᓂᒋᓂᒺᐤ ᐅᔅᒋᓯᑯᐎᔨᒡ᙮
ᐊᑯ ᒐᒃ ᐱᔭᐧᑲᓇᐧᒃ ᐅᒥᑎᓴᓐ᙮ ᐎᔭᐱᒪᑦ ᐸᒥᓯᓂᔨᒋ, ᐊᑎᒋᓂᓯᓂᔪᐛ, ᐅᓯᒪ᙮ ᒪ ᓇᑕ ᐊᓯᓂᒡ ᐊᑯ ᐛᑎᓂᒺᑦ ᐊᓯᓂᔪᐤ, ᒋᓏᐱᔅᑲᔪᐤ, ᒥᒐᐱᔅᑲᔪᐤ᙮ ᐛᑕᒪᐛᑦ ᐅᑕ ᓇᐊᐤ᙮
ᐊᑯ ᐃᑕᐤ, “ᒋ ᐊᑎ ᐎᔅᑎ ᒋᐸ ᒋ ᐅᓯᒥᑕᑯᓐ,” ᐃᑕᐤ᙮
ᐅᔭᔪᐛ ᐛᑕᒪᐛᑦ, ᒂ ᒋ ᐛᓯᐸᔨᒥᑯᑦ, “ᑭᒪ ᐊᑲ ᒋ ᒧᔨᓐ,” ᐃᑕᔨᒥᑯᐤ᙮ ᓇᐱᔨᒋ; ᓇᐱᔨᒋ᙮
ᐸᑯᓇᐧᒃ, ᐅᒥᑎᓴᓐ᙮ ᐛᔭᑦ, ᒥᓯᐛ ᐃᑎᔄᐤ᙮
ᐊᑯ “ᒐ ᒺᔎᔭᐧᒄ, ᓇᔅᑐᒡ, ᒐ ᒺᔎᔭᐧᒄ᙮”
“ᑕᓐ ᒐ ᑎᔭᐧᒄ?” 
ᒥ ᒋᔅᑐᑎᑯᐤ, ᐊᔅᒄ ᒥ ᒋᔅᑐᑎᑯᐤ᙮ ᐸᐸᒂᔄᑦ ᐊ ᐎᐎᔪᐎᔨᒋ ᐊ ᐱᒥᐎᔨᒋ ᔭᔭᒋᓇᑦ ᐅᔅᑭᒋᓯᒡ᙮
“ᐎᐱᒡ ᑕᓐᑕ ᓂᒋ ᐃᑕᔨᑕᓐ ᒋᐸ ᐃᓯ ᐎᑎᒪᑎᓐ ᒐ ᑎᔭᐧᒄ,” ᐃᑎᑯᐤ᙮ ᐅᔅᑭᒋᓯᔭ ᐊᔨᒥᐃᑯᑦ᙮
“ᓇᒪ,” ᐃᑕᐤ “ᒥ ᒋᑭ ᒋ ᐃᑎᑎᓐ,” ᐃᑕᐤ᙮
“ᒐ ᐱᑭᔅᑐᐛᐛᐧᒄ ᒋᒥᔅᑯᒥᓄᐤ᙮ ᐊᑯ, ᒐ ᓂᐸᔭᐧᒄ, ᒐ ᑐᐧᑭᒐᓯᓂᔭᐧᒄ, ᒐ ᑐᐧᑭᒐᓯᓂᔭᐧᒄ, ᓇᑕ ᒋᑦ ᐊᔅᒋᐧᑯᓇᒡ, ᐃᑕᐤ᙮ ᐊᑯ ᒐ ᒋᑐᑕᓐ, ᓄᒋᐧᑲᒐ ᐊᐛᓐ ᐎ ᒋᒧᑎᒥᑕᒂ᙮”
“ᐎᐱᒡ, ᐎᐱᒡ, ᓂᑦ ᐃᑕᔨᑕᓐ ᐊᔅᒄ ᐊᑲ ᐃᓯᔨᓐ; ᓴᔅ ᓂᒋ ᐃᑕᔨᑕᓐ ᐊᓐ ᐊᑕᔨᑎᒥᓐ,” ᐃᑕᐤ᙮ “ᐊᑯᓇ ᒐ ᐃᓯᔨᓐ,” ᒋ ᐃᑎᑯᐤ᙮
ᐎᔭᐧᑲᒪᑦ ᐅᔅᑭᒋᓯ, ᐎᔭᐧᑲᒪᑦ᙮ 
“ᒥ ᓂᑭ ᒋᔅᑐᑕᐤ,” ᐃᑕᔨᒥᑯᐤ᙮
ᐊᑯ ᐸᐱᑭᔅᑐᐛᓱᑦ ᐅᑦ ᐊᔅᒋᐧᒄ᙮ ᓂᔭᔨᓯᒧᑦ ᑐᐧᑭᒐᓯᓂᑦ ᐅᑦ ᐊᔅᒋᐧᑯᒡ᙮ “ᒐᔅᑐᓯᔨᓐ ᐎ ᒋᒧᑎᒥᑕᒂ ᐃᔪᐤ᙮”
ᓂᔭᑎᒥᔨᒋ ᐊᐛᔪᐛ ᐅᑦ ᐊᔅᒋᐧᒄ᙮ ᒪᒋᔨᒋ, ᐊᑯ ᒥᒄ ᐅᔅᑭᓂᒪ ᐸᑭᔅᑐᐛᒥᔨᒋ ᐅᑦ ᐊᔅᒋᐧᑯᒡ᙮ ᐊᑯ ᓂᔭ ᒪᔅᑕᔾ ᐊᓂᔭᔪᐛ, ᐊᓂᔭᔪᐛ, ᒪᒋᔨᒋ ᐊᐛᔪᐛ᙮ ᐊᑯ ᒐᑐᑎᑯᑦ ᓴᔅ ᑐᐸᐎᔪᐛ ᐎᔅᑭᒐᓇ᙮
“ᒋᑭ ᒐᒧᑎᒥᑯᐎᓐ,” ᐛᓂᐱᔨᑦ, ᐊᐅᑯᓂ ᐎᔅᑭᒐᓇ ᐊᑎᒥᔭᔨᒋ᙮
“ᒋᒋᑎᓯᒥᑯᓄᐤ,” ᐃᑕᐤ, ᓴᔅ ᒋᔅᑕᑭᓄᔪᐤ ᐅᑦ ᐊᔅᒋᐧᒄ᙮
ᓴᔅ ᑭ ᒐᒧᑎᒪᑭᓄᐤ, ᐊᑯ, ᓂᔭᑕᐧᒃ ᐅᑦ ᐊᔅᒋᐧᒄ, ᐊᒂᐧᒃ ᒥᒄ, ᐅᔅᑭᓇ ᐅᔅᑭᓇ ᑎᑯᓂᔪᐛ᙮ ᒥ ᑎᑯᓂᔪᐤ ᐊ ᐎᔭᓱᐎᔨᒡ ᒐᒋ ᒧᐛᑦ᙮ ᒥᒄ ᐅᔅᑭᓇ, ᑕᓐᑕ ᒋᔅᑕᑭᓄᔪᐤ ᐊ ᐎᔭᓱᐎᔨᒡ᙮
ᐊᑯ ᐃᑕᐤ ᐅᔅᑭᒋᓯᔾ, “ᒋ ᒋᒧᑎᒥᑯᓇᓄᐤ, ᒥᒄ ᒍᔅᑭᓂᒥᓄᐛ ᑎᑯᓇ᙮” ᐊᑕ ᓂᑐᒂᐊᐧᒃ, ᒥ ᑎᑯᓂᔪᐤ ᐎᔭᓯᔪᐤ ᒐ ᒥᒋᑦ᙮ ᒥᒄ ᐅᔅᑭᓇ᙮
ᐊᑯ, “ᑕᓐᑕ ᓂᑭ ᑎᓇᒐ?” ᐃᑕᔨᑎᒻ᙮
ᐊᑯ ᐊ ᐱᒥᐎᔨᒋ ᐊ ᐱᒥᑕᔨᒡ ᐅᑦ ᐊᔅᒋᐧᒄ ᒪᓇᐧᒃ ᐎᔭᑭᓂᒡ᙮ 
“ᑕᓐᑕ ᓂᑭ ᑐᑕᓇᒐ?” ᐃᑕᔨᑎᒻ᙮
“ᓂᓯᒻ ᐅᒋᔅᒄ, ᐊᐅᑯᐤ ᒋᐸ ᐱᒪᐅᑕᐤ, ᒋᐸ ᒧᓴᐛᐅᑕᐤ ᓇᑕ ᓂᐱᒡ, ᐊᑯ ᒥᔅᑯᑎᓂᔨᒡ ᓂᐸ ᒥᒍᐛᓐ” ᐃᑕᔨᑎᒻ᙮
ᓇᑐᐛᐱᒪᑦ, ᐊᐅᑯᐤ ᐊᓐ ᐅᒋᔅᒄ ᐛᒋ ᒧᓴᐛᓱᑦ᙮
“ᓇᓯ,” ᐃᑕᐤ, “ᐸᑎᑯᒋᓂ, ᒋ ᐎ ᐊᑐᔅᒐᒥᑎᓐ᙮”
ᓂᔭᑕᐅᑯᑦ᙮
“ᓇᓯ, ᐸᒪᐅᑕ ᓂᐱᒥᒻ,” ᐃᑕᐤ᙮ “ᒥᔅᑯᑎᒐ ᐊᑯ ᒐ ᒥᒋᔭᓐ, ᒐ ᐊᓯᒥᑕᓐ᙮”
“ᐸᑕ,” ᐃᑎᑯᐤ, ᒺᓴᐛᐅᑕᔨᒋ ᐊᑯ ᒥᓐ ᐱᔭᒋ ᒋᐛᐅᑕᔨᒋ᙮
“ᒪᐤ ᓂᔅᑕᓴ,” ᐃᑎᑯᐤ᙮
“ᓇᓯ, ᒐᑲᑦ ᒋᒋᐛ ᐃᓯᓇᑯᓐ, ᒐᑲᑦ ᒥᔅᑯᑎᓐ,” ᐃᑕᐤ, 
“ᒥᓐ ᒧᓴᐛᐅᑕ᙮”
ᒥᓐ ᒺᓴᐛᐅᑕᔨᒋ, ᒥᓐ ᒺᓴᐛᐅᑕᔨᒋ, ᐊᑯ ᓇᑕ ᐊᓯᓂᔪᐤ ᐊᔅᑕᔪᐤ ᐊᑯᑕ ᐊᑕᐅᑕᔨᒋ᙮ ᐊᑯᑕ ᐸᑲᔨᒋ᙮ ᐊᑯᑕ, ᒪᒋᔨᒋ, ᒧᐱᒪᓯᔨᒋ᙮
“ᐊᑲ ᑐᑕ ᐊᑯ,” ᐃᑕᐤ, “ᐊᑲ ᑐᑕ ᐊᑯ,” ᐃᑕᐤ, “ᐸᑕ, ᒋᑭ ᐊᓯᒥᑎᓐ ᒥᒋᔭᓇ᙮ ᒐᔅᑕᔨᓐ ᐊᑯ,” ᐃᑕᐤ᙮
ᓇᐊ ᐊᑲ ᐸᑕᑯᓱᐛ ᐅᑎ ᒧᐱᒪᔨ; ᒐᔅᑕᔨᒋ ᐅᐱᒥᒻ᙮
ᐎᔭᑭᓐ ᐛᒋ ᐛᐱᓂᒪᑯᑦ᙮
“ᓂᔅᑕᓴ,” ᐃᑎᑯᐤ, “ᒪᐤ ᒋᐎᔭᑭᓐ!”
ᐛᑎᓇᐧᒃ ᐎᔭᑭᓐ, ᓇᔅᑎᔅ ᒥ ᑎᑯᓂᔪᐤ ᐱᒥᔪᐤ᙮ ᒥᓯᐛ ᒋᔅᑕᔪᐛ᙮ ᒥᒄ ᑭ ᐱᒥᐛᐱᔅᑲᓯᔪᐛ, ᒂ ᐃᓯᓇᑯᓂᔨᒡ ᐎᔭᑭᓐ᙮ ᒂ ᐊᑎ ᓂᓄᒂᑕᐧᒃ᙮ ᓇᔅᑎᔅ ᒥ ᒋ ᒧᐛᐤ ᐅᒥᔅᑯᒪ᙮
ᐊᐅᑯᓐ ᑲ ᐃᑎᑦ ᐊ ᐃᓯ ᑎᑎᑭᔅ ᐃᑐᑐᐛᑭᓄᑦ᙮ ᒋᐸ ᒋ ᐃᑈᐧᑲᐤ, ᑯᐃᒂᒐᐤ, ᑯᐃᒂᒐᐤ ᐃᓯᓂᐧᑲᑕᑭᓄᐤ᙮ 
ᒋ ᐛᐱᒪᐤ, ᓴᔅ ᓂ ᒋᓴᒋᒪᐤ ᐊ ᓂᓯᑦ ᑯᐃᒂᒐᐤ᙮
ᑯᐃᒂᒐᐤ ᑭᔭ ᓯᓯᐱᒡ 25
ᐊᑯ ᑯᐃᒂᒐᐤ ᐸᐸᒥᐸᑕᑦ᙮ ᐎᔭᐱᒪᑦ ᐅᓯᒪ ᓇᑕ ᐊᓱᒡ ᐊᑕᐃᔨᒋ᙮ ᐅ ᐎᓂᐸᒄ ᐊ ᒥᔽᒡ, ᐊᑯᑕ ᐊᑕᐃᔨᒋ ᐊᓯᔅᒋᐅᒡ, ᒥᒐᑎᔪᐛ ᒋᒋᐛ᙮
“ᐊᑯ ᑕᓐᑕ ᓂᐸ ᐅᒋ ᓇᑕᐅᒡ?” ᐃᑕᔨᑎᒻ᙮
(ᒋᒋᐛ ᑕᓐᑕ ᑭᔅᒋᐤ ᐊ ᐎᔭᓯᒪᑦ ᐊᐛᔪᐛ!)
ᐊᑯ ᐊᓂᔭᔪᐤ ᐊᔅᒋᔪᐤ, ᐊᓐ ᑭ ᐛᐸᐛ ᐊᔅᒋᔾ, ᐊᐅᑯᔪᐤ ᐊᓂᔭᔪᐤ ᐱᔭᒂᓇᐧᒃ, ᐛᔎᔭᐱᐧᑲᑕᐧᒃ
(ᓂᑎᒥᒄ ᒐᒂᓂᒡ, ᓂᔭᑕᑦ᙮)
ᑎᔭᑈᑕᑦ, “ᓂᓯ, ᓂ ᐸᑕᓐ ᐊᒧᓐ,” ᐃᑕᐤ᙮ (ᐊᒧᓐ ᐃᓯᓂᐧᑲᑎᒻ ᐅᔭᔪᐤ ᐊᔅᒋᔪᐤ᙮)
“ᒪ, ᐊᐛᒐ ᑭ ᒋᑕᑈᑎᑯᓇᓄᐛ?” ᒥᓐ ᑎᔭᑈᑕᑦ, “ᓂᓯ, ᐊᒧᓐ ᓂᐸᑕᓐ, ᒋᔅᑕᓯᓄᐤ ᐊᐎᒐ᙮”
ᓂᔭᑕᑦ, ᐱᔭᓯᐛᐱᒪᑦ,ᐊᑯ ᐛᑎᑕᑦ, ᒥ ᐅᐸᐅᔪᐛ, ᓂᔭᑕᑦ,
“ᓂᓯ,” ᐃᑕᐤ, “ᐊᒧᓐ ᐅ ᓂ ᐸᑕᓐ᙮”
ᐎᔭᐸᑎᔭᑦ ᐊᓂᔭ ᑲ ᐎᔎᔭᐱᐧᑲᑕᐧᒃ, “ᒪᐤ, ᐛᐸᑎᒧᒄ, ᐊᒧᓐ,” ᐃᑕᐤ᙮
“ᓂᔅᑕᓴ, ᑕᓐ ᐊᑎᓇᓄᐅᒡ ᐊᓐ ᐱᔭᑕᔨᓂ ᐊᒧᓐ?”
“ᑕᓐ ᒋᐸ ᐃᑎᓇᓄᐤ? ᑭᑈ ᒪᔽᔨᑕᑭᓄᒡ ᐱᔭᑕᔭᓂ ᐊᒧᓐ, ᓂᒥᓇᓄᐤ᙮ ᐊᑯ ᓇᑭᒧᔭᓐ, ᐱᓯᒂᐱᒧᓇᓄᐤ ᐊ ᓂᒥᓇᓄᐅᒋ ᓇᒥᓇᓄᐅᒡ, ᒧᒋᒐᔨᑕᑭᓄᒡ!” ᐃᑕᐤ ᐅᓯᒪ᙮
“ᐊᑯ ᓂᓯ, ᓂᒥᒄ, ᓂᒥᒄ, ᒐ ᓂᑭᒧᔭᓐ᙮” ᓇᑭᒧᑦ, ᓇᑭᒧᑦ, ᓇᑭᒧᑕᐧᒃ, ᐅᔭᔪᐤ ᐊᔅᒋᔪᐤ ᑲ ᐸᑕᑦ, 
(ᐊᒧᓐ ᐃᓯᓂᐧᑲᑎᒻ ᐅᔭᔪᐤ ᐊᔅᒋᔪᐤ, ᒋ ᐎᔎᔭᒋᓂᒻ᙮)
ᑭᑈ ᑲ ᐃᑎᓱᒪᑦ ᒂ ᐃᑎᔨᒋ, ᒥ ᑐᐧᑲᐱᔪᐛ, ᐸᓯᒂᐱᔨᒋ, ᓇᒥᔨᒋ᙮ ᐊᑯ ᐊᓂᔭᔪᐛ ᐅᓯᒪ ᐛᒋᐱᑎᒺᑦ ᐅᔅᑎᒂᓂᔪᐛ, ᒐᒥᒂᐱᑕᑦ, ᓇᑕ ᐊ ᐛᐱᓇᑦ ᓂ᙮ ᐊᐅᑯᓐ ᒥᒄ ᐊᑐᑐᐛᑦ ᓂ, ᐎᔭᐳᐛᐱᓇᑦ᙮ ᒐᒃ ᒪᒐᑎᔨᒋ ᓇᐸᐊᑦ, ᓇᑕ ᐊ ᐛᐳᐛᐱᓇᑦ᙮
ᐊᑯ ᐊᓐ ᒺᒄ, ᒋ ᑎᑕᔅᑯᐛᑭᓄᐤ ᐅᔭᔪᐤ ᐅᑎ ᓂᒥᓇᓄᐎ, “ᑕᓐᑕ ᓂᑦ ᐃᑎᓇᒐ ᐊᑲ ᓂ ᓂᑕ ᑕᔅᑲᑯᐛ ᐊᐛᓐ,” ᐃᑕᔨᑎᒻ ᐅᑎ ᓂᒥ᙮
ᐎᔭᐱᒪᑦ, ᓂᐱᑕ ᐛᒋ ᓂᑐᐛᐱᑦ ᐅᔅᒋᓯᒄ᙮ ᐛᒋ ᓴᒋᐛᐱᒪᑦ, ᐎᔭᐱᒪᑦ ᐊᓂᔭᔪᐛ ᓇᑕ ᓇᐸᐊᔨᒋ᙮ ᓇᑕ ᐎᔭᐱᓇᔨᒋ, ᓴᔅ ᒥᒐᑐᓯᒪᔪᐛ᙮
ᐊᑯ ᓇᑕ ᐃᔨᑲ ᐊᑎ ᐃᔅᐱᔨᐅᑦ, ᓇᑕ ᐊᑎ ᓂᓂᒥᑦ ᐊᓱᒡ ᓇᑕ᙮
ᐊᑯ ᐱᔭᓯᐛᐸᑕᐧᒃ ᓂᐱᔪᐤ,
ᐊᑯ “ᓂᐸ ᒋ ᐱᑭᔅᑐᐛᐱᔨᐅᓐ,” ᐃᑕᔨᑎᒻ, ᐅ ᒺᒄ᙮
ᑎᔭᑈᑕᑦ ᐅᔭᔪᐛ ᐎᐧᑲᓂᓴ ᑭᑈ ᒋᐸ ᐃᑕᔨᑕᑯᓱᐤ, “ᐅᐸᐅᒄ, ᒋᒪᒋᐃᑯᓄᐤ ᒋᔅᑕᓯᓄᐤ!” ᐃᑕᐤ᙮
ᐛᐸᐅᔨᒋ᙮
ᓂᔭᓯᐸᑕᒋᒥᐸᑕᑦ ᒺᒄ, ᐸᑭᔅᑐᐛᐱᔨᐅᑦ ᓂᐱᒡ᙮ ᐊᑎ ᒋᒋᓇᐤ, ᒥ ᒐᔅᑎᐱᑕᐤ ᐊᑎ ᐎ ᒧᔅᑎᓇᐤ᙮ ᐊᑯ ᓇᑕ ᐛᒋ ᓄᑯᓯᔨᒋ ᑕᐅᒡ᙮
ᐊᑯ ᓂᔭᑕᑦ ᐅᓯᒪ ᑲ ᓂᐸᐊᑦ᙮ “ᐛᓴ ᐅᓴᒻ ᑭ ᒋᑭ ᒥᔪ ᒥᒋᓱᓇᓄᐛ!”
(ᐅᔅᑭᒋᓯᔾ ᒂ ᐊᔨᒥᑕᑦ, ᐃᔨᒥᐃᑯᐤ ᑕᓐᑕ ᐃᔭᐱᒡ ᐅᔅᑭᒋᓯᔾ᙮ ᒥᓯᐛ ᒐᒂᓂᔪᐤ ᐃᔨᒥᐃᑯᐤ, ᑯᐃᒂᒐᐤ ᑕᓐᑕ᙮)
“ᐊᐦᐊᒃ, ᒐ ᐱᔅᑯᓇᓯᐱᔭᓐ᙮”
ᐸᔅᑯᓇᑦ, ᐸᐱᔅᑯᐱᑕᑦ᙮ ᒥᓯᐛ ᑲᒋ ᒋ ᐃᓯ ᐃᑐᑐᐛᑦ, ᐊᑯ ᐸᑭᔅᑐᐛᐛᑦ ᐅᓯᓯᐱᒪ᙮
“ᐊᐦᐊᒃ, ᑕᓐ ᒐ ᐃᑎᔭᐧᒄ, ᓇᔅᑐᒡ? ᑕᓐ ᒐ ᐃᑎᔭᐧᒄ?”
ᑭᑈ ᒐ ᓂᐸᔭᐧᒄ ᒋ ᐱᑭᔅᑐᐛᓱᔭᒂ ᒋᑦ ᐊᔅᒋᐧᑯᓄᐤ᙮”
“ᓂᐦᐃ, ᒪ ᓂᐦᐃ,” ᐃᑕᐤ, “ᐛᔅ ᐊᓐ ᓂᒋ ᐃᑕᔨᑕᓐ,” ᐃᑕᐤ᙮ ᒂ ᐃᑕᑦ ᐊᑎ ᐃᑎᑯᒋ᙮
“ᐎᐱᒡ ᓂᒋ ᐃᑕᔨᑕᓐ, ᒋ ᐱᑭᔅᑐᐛᓱᔭᒡ ᓂᑦ ᐊᔅᒋᐧᑯᓇᓐ, ᐊᑯ ᓂᐸ ᓂᐸᓇᓐ ᐱᑎᒪ ᓂᑦ ᐃᑕᔨᑕᓐ,” ᐃᑕᐤ᙮ “ᐊᑯ ᒪᒃ ᓯᐛᔨᓯᓂᔭᐧᒄ, ᐊᑯ ᒋᐸ ᒥᒋᓱᓇᓄᐤ,” ᐃᑕᐤ᙮ “ᓴᔅ ᐊᓐ ᓂᒋ ᐛᑕᔨᑎᒥᐃᑯᓐ᙮”
“ᓇᔅᑐᒡ, ᒐ ᒋᑐᓯᔨᓐ ᓇᑕᒐ ᐊᐛᓐ ᒋᒥᒋᒥᓇᓂᔪᐤ, ᒋᑦ ᐊᔅᒋᐧᑯᓄᐤ ᒋᑭ ᒋᒧᑎᒥᑯᓇᓄᐤ, ᓇᑭᑐᐛᐱᒥᒡ ᒋᔾ ᐊᑲ ᐎ ᓂᐸᔨᓇ,” ᐃᑕᐤ᙮ 
ᐎᔭᐧᑲᒪᑦ, ᒥ ᐎ ᒋᑐᑎᑯᐤ᙮
ᐊᑯ ᓇᐸᑦ᙮
“ᒐ ᒋᑐᓯᔨᓐ ᓇᑕᒐ ᐊᐛᓐ ᒋᒥᒋᒥᓇᓂᔪᐤ, ᒋᑦ ᐊᔅᒋᐧᑯᓄᐤ ᒋᑭ ᒋᒧᑎᒥᑯᓇᓄᐤ, ᓇᑭᑐᐛᐱᒥᒡ ᒋᔾ ᐊᑲ ᐎ ᓂᐸᔨᓇ,” ᐃᑕᐤ᙮
ᑕᐸ ᓂᑕ ᓂᐸᔪᐛ, ᒥ ᓂᑕ ᓂᐸᒥᑭᓂᔪᐤ ᐅᔅᑭᒋᓯᔾ᙮
ᓂᔭᑕᐅᑯᑦ ᐃᔪᐛ, ᐸᑲᔨᒋ, ᓂᔭᑎᒥᔨᒋ ᐅᑦ ᐊᔅᒋᐧᑯᐛᐤ᙮ 
ᓇᐊᐤ ᒂ ᐃᑐᑐᐛᑭᓄᑦ ᒋᔅᑕᑭᓄᔪᐤ ᐅᑦ ᐊᔅᒋᐧᒄ ᑲ ᐃᔅᒋᔄᑦ, ᓇᐊᐤ ᐊ ᒂᐛᑭᓄᔨᒋ ᐊᓂᔭᔪᐛ ᐅᓯᓯᐱᒪ, ᒧᐛᑭᓄᔨᒋ᙮
ᐸᑭᔅᑐᐛᐊᑭᓄᔨᒋ ᐅᔅᑭᓂᒪ, ᐊᑯ ᐅᔭᔪᐤ ᐅᔅᑭᒋᓯᔾ ᐊᔨᒥᑕᑭᓄᔨᒋ᙮
“ᒪᐛ ᑭ ᒥᒋᔅᑕᐛᔭᐛ ᐊᑎ ᐊᑯᓯᓄᒋᒐ ᒐᑲᑦ, ᐊᑯ ᒐ ᒋᑐᑎᑦ,” ᐃᑕᑭᓄᔪᐛ ᐊᓂᔭᔪᐤ ᐅᔅᑭᒋᓯᔾ᙮
ᐊᑎ ᐊᑯᓯᓂᔨᒋ ᒐᑲᑦ, ᒐᑐᑎᑯᑦ, “ᓇᔅᑐᒡ, ᐃᔪᒡ ᒋ ᓇᑕᐅᑯᓄᒡ,” ᐃᑎᑯᐤ᙮
ᐊᑎ ᐅᓂᐱᔨᑦ, ᐊᑎ ᓂᑐᐛᐱᒪᑦ, ᑭ ᐊᑎ ᓴᐅᒋ ᐃᑕᔨᒪᐤ᙮ ᒥᒄ ᑭ ᐅᒋ ᓴᒐᐛᑯᒧᒋ ᐃᓯᓄᐛᐤ, ᓴᔅ ᐊᓂᔭ ᓂᑭᑕᐅᑯᐤ ᐊᓂᔭᔪᐛ, ᓴᔅ ᒧᓴᐅᐱᔪᐛ, ᓴᔅ ᒋ ᒥᒋᔪᐛ ᐅᑦ ᐊᔅᒋᐧᒄ᙮
“ᓇᔅᑐᒡ! ᒋ ᓂᑲᐎᔅᑕᑯᓇᓄᒡ ᐅᓴᒻ ᒪᔭᑦ ᒋᒋᑐᓯᓐ, ᒋ ᐱᑲᑥᐤ, ᐊᑯ ᒋᐸ ᑯᔅᑯᒥᓐ,” ᐃᑕᐤ᙮ “ᐊᑯ ᒋᐸ ᒋᔅᒐᔨᒪᓄᒡ ᐊ ᐃᓯ ᐃᔪᒡ,” ᐃᑕᐤ, “ᓂᔭᐧᑲ ᐛᑎᑕᐅᑕᐧᑯᒡ ᐃᔪᒡ, ᓴᔅ ᒋᑭ ᒐᒧᑎᒪᑭᓄᐤ᙮”
ᐊᑯ ᐊᒂᐊᐧᒃ ᐅᔅᑭᓂᒪ, ᐃᔭᐱᒡ ᒂ ᐃᑎᑦ, ᐃᔭᐱᒡ ᒥ ᒋ ᒥᒍᐤ ᒥ ᒋ ᒥᒍᐤ ᐛᐛᒋ ᐅᐱᒥᓄᐛᓐ᙮ ᐃᔭᐱᒡ ᒋᔅᑕᑭᓄᔪᐛ, ᒥᓯᐛ ᐊᓂᔭ ᐅᓯᓯᐱᒪ᙮
ᐊᑯ ᐊᓂᔭᔪᐤ ᒥᒄ ᐅᐱᒥᒻ ᐊ ᑎᑯᓂᔨᒡ ᒋᐸ ᐃᑕᔨᑕᑯᓱᐤ, ᐊᑯ ᐃᔭᐱᒡ ᒂ ᑐᑕᐧᒃ ᐊᓂᔭᔪᐤ ᐅᐱᒥᒻ, ᐊᑯ ᐃᔭᐱᒡ ᐅᒋᔎ, ᐊᐅᑯᓂ ᓂᔭᓂᑐᐛᐱᒪᑦ᙮ ᐊᐅᑯᓂ ᐃᔭᐱᒡ ᒐ ᐅᒋ ᐊᑲ ᒋ ᒥᒋᑦ ᐅᐱᒥᒻ᙮
ᐃᔭᐱᒡ, ᓂᔭᓂᑐᐛᐱᒪᑦ, “ᓂᓯ,” ᐃᑕᐤ, “ᐱᐸᒪᐅᑕ ᓂᐱᒥᒻ,” ᐃᑕᐤ᙮ ᐊᑯ “ᓂᒋᒂᑭᒥᐱᔨᒐ,” ᐃᑕᐤ᙮ “ᒥᔅᑯᑎᒐ ᒐᑲᑦ, ᐊᑯ ᒐ ᒥᒋᔭᐧᒄ, ᒐ ᐊᓯᒥᑕᓐ,” ᐃᑕᐤ᙮
ᒺᓴᐛᐅᑕᔨᒋ, ᐊᑯ ᐱᔭᑕᐅᑕᔨᒋ, ᐊᐱᓯᔅ ᒥᒄ ᑭ ᐎ ᓂᒋᒂᑭᒥᐱᔪᐛ ᒂ ᐃᓯᓇᑯᓂᔨᒡ᙮ “ᐊᑎᑐᐎᔅ, ᐊᑎᑐᐎᔅ, ᓇᓯ, ᒧᓴᐛᐅᑕ ᒥᓐ ᐸᐃᒂᐤ,” 
ᒺᓴᐛᐅᑕᔨᒋ᙮
ᐊᑯ ᓇᑕ ᐊᓯᓂᔪᐤ ᐊᔅᑕᔪᐤ, ᐊᑯᑕ ᓇᑕ ᐸᑲᔨᒋ, ᐊᑯᑕ ᐊᐱᔨᒋ, ᒪᒋᔨᒋ ᐅᐱᒥᒻ,
“ᐛᓴ ᐅᓴᒻ ᐊᑯ ᓇᓯ!” ᐃᑕᐤ, “ᒐ ᒋᑕᔨᓐ ᐊᑯ!” ᐃᑕᐤ᙮ “ᐸᑕ!” ᐃᑕᐤ᙮ “ᒋᑭ ᐊᓯᒥᑎᓐ ᒥᒋᔭᓇ ᑲ ᐃᑕᓐ!” ᐃᑕᐤ᙮
ᐊᑯ ᑲ ᒋᑕᔨᒋ, ᒪᔨᑯᑦ ᐎᔭᑭᓐ, “ᒪᐤ ᒋᐎᔭᑭᓐ ᓂᔅᑕᓴ,” ᐃᑎᑯᐤ᙮
ᓇᔅᑎᔅ ᒥ ᒋ ᒧᐛᐤ ᐊᓂᔭᔪᐛ ᐅᓯᓯᐱᒪ ᐊᓂᔭᔪᐤ ᑲ ᐃᑎᑦ, ᓇᔅᑎᔅ ᒥ ᒐᒂᓂᔪᐤ ᒋ ᐃᑐᐤ, ᐎᔭᓯᒥᑯᐤ ᑭᔭ ᐎᔾ ᐊᐛᔪᐛ᙮
ᐊᑯᑕ ᐊᔎᔭᒋᒪᑭᓄᑦ ᑯᐃᒂᒐᐤ᙮
ᑯᐃᒂᒐᐤ ᑭᔭ ᓂᔅᑭᒡ 26 ᑯᐃᒂᒐᐤ ᑭᔭ Geese 2014 12 27 Book Source
ᐃᔭᐱᒡ ᐊ ᒂ  ᐃᑎᑦ, ᐛᐱᒪᐤ ᐅᓯᒪ ᐊᑕᔨᒋ ᓇᑕ ᐊᓱᒡ, ᐃᔭᐱᒡ ᒥᒐᑎᔪᐛ ᐊᐱᔅᑎᔅᑭᒡ ᐊᐱᔅᑎᔅᒃ ᐊᑕᑭᓄᑦ᙮ 
ᓂᔭᑕᑦ, ᐛᑎᑕᑦ᙮ “ᓂᓯ,” ᐃᑕᐤ, “ᒋ ᐎ  ᓂᑐᐛᔨᑎᒪᑎᓇᐤ ᒐᒂᓐ,” ᐃᑕᐤ᙮
“ᒐᒂᓐ ᐊᑯ,” ᐃᑎᑯᐤ, 
“ᒋᒥᑯᓄᐛᐅᒡ,” ᐃᑕᐤ᙮ “ᒋᐸ ᒥᔨᓇᐤ, ᒋᒥᑯᓄᐛᐃᒡ,” ᐃᑕᐤ᙮ 
ᐊᑯ ᐊᓐ ᑭᑈ ᒐᓴᐃᔪᑦ ᐊᓐ ᐊᐱᔅᑎᔅᒃ “ᐊᑯ,” ᐃᑕᐤ, “ᒥᔨᐧᒄ ᐊᓐᑕ ᒋᔅᑕᓯᓄᐤ ᒋᒥᑯᓄᐛᐛ,” ᐃᑕᐤ᙮ ᒥᔭᒥᓂᒪᑯᑦ ᐸᐸᐃᒄ ᐅᒥᑯᓂᔪᐛ᙮
\p ᐛᒥᐧᑯᓂᐧᑲᓱᑦ, ᐛᒥᐧᑯᓂᐧᑲᓱᑦ  ᐅᑕᒡ ᐅᑕ ᑭᔭ ᐅᑕ ᐅᔅᑭᒋᓯᒡ ᒐ  ᐃᑎᑯᑕᐃᔅᑦ, ᓂᔭ ᑲ ᐃᑎᑯᑕᓂᒋ, ᐊᑯ, ᐛᐸᐅᔅᑦ, ᐸᐱᒥᔪᔅᑦ ᐅᑕ ᐃᔅᐱᒥᒡ, ᐊᑯ ᑎᔭᐅᑦ᙮
“ᓂᓯ,” ᐃᑕᐤ, “ᓂᑭ  ᒥᔽᔨᑕᓇᑎᒃ᙮” “ᐅᓴᒻ ᒧᓯᓇᐤ ᓂᐱᐸᒥᐸᑕᓐ,” ᐃᑕᐤ᙮ “ᐊᑯ ᒐ ᐅᐸᐅᔭᓐ ᐊᓐᑕ ᐛ  ᐃᑐᑕᔭᓂ᙮”
ᐊᑯ, ᐃᑎᑯᐤ ᐊᓂᔭᔪᐛ ᒐᓴᐃᔪᔨᒋ ᑭᑈ, ᐊᓂᔭᔪᐛ ᐊᐱᔅᑎᔅᑲ, ᐊᐱᔅᑎᔅᑲ, “ᓂᔅᑕᓴ,” ᐃᑎᑯᐤ, “ᒋᑭ  ᐅᐸᐅᓇᓄᐤ,” ᐃᑎᑯᐤ, “ᐛᔪᐤ ᐅᑕ᙮ ᒋᑭ  ᐃᔅᐱᔭᓇᓐ, ᒋᐸ  ᐅᐸᐅᓇᓄᐤ, ᒋᐸ  ᐅᐸᐅᓇᓄᐤ, ᒋᐸ  ᐎᒐᒐᓐ ᐎ  ᐎᒐᒐᔨᓐ,” ᐃᑎᑯᐤ᙮
“ᓂᐦᐃ, ᒋᑭ  ᐎᒐᐅᑎᓇᐤ,” ᐃᑕᐤ᙮ ᐛᐸᐅᔨᒋ ᐅᓯᒪ᙮
\p ᐊᑯ ᐅᑕ ᑭᑈ ᐊᔅᐱᔭᔨᒋ, ᐅᑕ ᐃᔪᐤ ᐊᑕᔨᒋ, ᐊᑯᑕ ᐅᑕ ᐊᔅᐱᔭᔨᒋ᙮ ᐊᑯ ᐅᑎ ᐱᒥᔭᑕᐤ, ᐊᑯ ᐃᑎᑯᐤ, “ᐃᑕᐅᒡ ᐅᑕ ᐃᔪᒡ ᐅᑕ ᒐ  ᐃᔅᐱᔭᔭᐧᒄ,” ᐃᑎᑯᐤ, “ᒋᑭ  ᐊᓯᒂᑎᑯᓄᒡ ᐱᒥᔭᐛᒂ, ᐛᐱᒥᑕᒂᐛ,” ᐃᑎᑯᐤ᙮ “ᒐ ᐊᑲ  ᓂᑐᐛᐱᒥᒡ, ᒐ ᐊᑲ  ᒋᑕᐱᒥᑥᐤ, ᒐ  ᐱᓯᒂᐱᔨᓐ,” ᐃᑎᑯᐤ᙮ ᐊᑯ “ᒋᑭ  ᐸᒋᓯᓐ ᐛᐱᒥᑥᐛ, ᐱᓯᒂᐱᔨᓇ, ᐊᑲ ᐱᓯᒂᐱᔨᓇ,” ᐃᑎᑯᐤ᙮
“ᓂᐦᐃ,” 
ᐊᑯ, ᒐᔅᒐᔨᒪᑦ ᐃᔪᐛ ᒐ  ᐅᑎᑕᐛᒡ,
ᐊᑯ “ᐊᑯᑕ ᐅᑕ,” ᐃᑎᑯᐤ, “ᒪᐤ ᐅᑕ,” ᐃᑎᑯᐤ “ᐅᑕ ᐊᑕᒡ ᐃᔪᒡ,” ᐃᑎᑯᐤ ᐅᑎ  ᐱᒥᔭᑕᐤ ᐃᔅᐱᒥᒡ᙮ 
ᐊᑯ ᓇᑭᒧᑦ, ᐃᔭᐱᒡ ᑭᑈ ᓇᑭᒧᑦ, ᐅᓂᑭᒧᓇ, ᑕᓐᑕ ᓂᓯᓂᔪᐛ ᐅᓂᑭᒧᓇ, ᐊᓐ ᒐ  ᓂᑭᒧᑦ, ᐊᓐ ᒐ  ᓂᑭᒧᑦ᙮ ᐱᔭᔄᔨᑕᐧᒃ ᐅᔭᔪᐤ ᓇᑕ ᒐ  ᐅᑎᑕᐛᒡ ᐃᔪᐛ, ᓇᑭᒧᑦ,
“ᓂᓯᒥᒋᔭ ᓄᐛ ᒂ ᐅ ᐊᓇ᙮ ᓂᓯᒥᒋᔭ ᓄᐛ ᒂ ᐅ ᓂ!”
ᐱᔭᑐᐛᑭᓄᑦ ᐱᔭᑥᑕᐧᒃ᙮ 
\p “ᐱᔅᐱᓇ ᑯᐃᒂᒐᐤ ᑲ ᑎᑎᑭᔅ ᐃᔨᑎᑦ,” ᐃᑕᐅᒡ ᐅᒡ ᐃᔪᒡ, “ᒐ ᐊᓯᒂᑎᒪᑯᐤ, ᒋᑭ ᐎ  ᐸᒋᓯᓐ, ᐃᑕᑭᓄᐤ᙮”
ᒧᐛᒡ ᒥᓐ ᓇᐅᔅ, 
“ᑲᐅᑯᔅᑯᐎᓂᑕ, ᑲᓯᓯᒋᔭ᙮ ᑲᐅᑯᔅᑯᐎᓂᑕ, ᑲᔅᐃᔅ!”
ᐃᓯᑕᐤ, ᓂᓯᓂᔪᐛ ᐅᓂᑭᒧᓇ, ᓇᑭᒧᑦ, ᓂᑭᒧᐤ᙮ ᐱᔭᑥᑕᐧᒃ ᑯᐃᒂᒐᐤ, ᐊᑯ, ᐃᔭᓯᒂᔨᒋ ᐅᑕ ᐅᒡ ᐊᐛᔪᐛ᙮ ᐸᓯᒂᐱᑦ, ᐸᓯᒂᐱᑦ᙮
ᐸᒥᐱᔨᔨᒋ ᒐ  ᓂᒂᓂᐱᔨᔨᒋ ᑭᑈ ᐛᔅ ᒋ  ᓂᒂᓂᐱᔪᐤ ᐊᐱᔅᑎᔅᒃ ᐃᔭᓯᒂᑕᑭᓄᒋ, ᓯᐱᔨᔪᐤ᙮ 
ᒐ  ᓂᒂᓂᐱᔨᐅᑦ, ᒂ  ᐃᔅᐱᔨᒋ ᐅᓯᒪ “ᒐ  ᐱᓯᒂᐱᔨᓐ,” ᑕᓐᑕ ᒋ  ᐃᑕᑭᓄᐤ,
ᐸᓯᒂᐱᑦ ᒐ  ᓂᒂᓂᐱᔭᓄᒡ᙮ 
ᐊᑯ ᐅᔭᔪᐤ ᒥᓐ ᐊᔅᐱᔨᓇᓄᔨᒡ, ᓇᑐᐛᐱᒪᑦ ᐅᑕ ᐛᒋ  ᐊᓯᒂᔨᒋ᙮ ᐛᒋ  ᒋᑕᐱᒪᑦ ᐃᔅᐱᒥᒡ, ᑕᓐᑕ ᐱᒥᐱᔭᐤ, ᐛᒋ  ᓂᑐᐛᐱᒪᑦ, ᓇᑐᐛᐱᑦ, ᓇᑐᐛᐱᑦ, ᐎᔭᐸᑕᐧᒃ ᒥᒋᐛᐸ ᒐ  ᒥᑕᔨᒋ, ᐊᐅᑯᔭ ᐱᔭᒋᓯᐧᒃ᙮
ᐊᑯ ᐅᔭᔪᐛ ᒥᒋᐛᐸ ᐊᒋ  ᒥᑕᔨᒋ, ᒥᒄ ᓇᑕ ᐃᔭᒋᔅ ᓇᑕ, ᐊᑯᑕ ᐱᔭᒋᓯᓐᒡ᙮
ᐊᑯ ᓇᑐᐛᐱᒪᑭᓄᑦ, ᐊᐅᑯᐤ ᐅ ᑕᑈ, ᐸᒥᓯᐧᒃ᙮ “ᐊᐎᒐ ᑯᐃᒂᒐᐤ! ᓇᑎᒃ, ᓂᑐᐛᐱᒥᐧᒄ᙮” ᑕᐸ ᓂᐳᐤ, ᒋ ᑐᔅᑐᐛᐤ, ᒥ ᓂᐳᐤ᙮
“ᐊᐦᐊᒃ ᑭ  ᑎᑎᑭᔅ ᐃᔨᑐᐛ,” ᐃᑕᐅᒡ᙮
ᐊᑯ “ᐛ  ᒥᓯᐛᐧᑯ ᒐ  ᓇᑕᐧᒄ,” ᐃᓇᓄᐤ᙮ 
“ᒐ  ᒥᔅᑕᐧᒄ, ᐊᑯᑕ ᐊᓐᑕ ᒐ ᒥᓯᐛᐧᒄ ᐊᓐᑕ ᐸᒥᓯᐧᒃ ᐊᓐ᙮” 
\s ᐊᑯ ᐅᒡ ᑭᑈ ᐃᔪᒡ ᓂᔭᑕᒡ ᐊᓐᑕ ᐸᒥᓯᓂᔨᒋ ᐛ  ᒥᓯᑥᐎ ᐊᑯ ᒪᔅᑕᑭᓄᑦ, ᓂ ᑯᐃᒂᒐᐤ᙮ 
ᐊᑯ ᒐᒃ ᓄᒐᓯᒡ, ᓂᓱᒡ ᐊᓐᒡ, ᑯᐧᑯᒥᓇᓯᒡ, “ᓂᒍᒐᔅ!” ᐃᑕᐤ “ᓂᑐᐛᐱᒪᑕᐤ ᒪ ᐊᑯ ᑯᐃᒂᒐᐤ, ᓂᓱ ᒥᔅᑕᑕᐤ,” ᐃᑕᐤ᙮ “ᐊᑲ ᒋ ᓂᑕ  ᒥᔅᑕᓄᐛ,” ᐃᑕᐤ᙮ ᐊᐦᐊᒃ ᓇᑐᐛᐱᒪᒡ᙮
ᒥ  ᐃᑈᒂᐅᒡ ᐊᓐᒡ ᒥ  ᐃᑈᒂᐅᒡ᙮ ᐊᐅᑯᔪᐤ ᒐ  ᐃᔨᒥᐃᑯᒡ ᐊᑯ᙮ 
“ᑕᓐ ᐊᑎᔭᒄ ᐅ?” ᐃᑕᐤ᙮
“ᒋ ᐎ  ᒥᔅᑎᑎᓇᓐ,” ᐃᑕᐅᒡ᙮ “ᒥᔅᑕᐛᔭᓐ ᓂ ᐎ  ᒥᔅᑕᓇᓐ᙮”
“ᓂᐦᐃ,” ᐃᑎᑯᒡ,
“ᓂᐦᐃ,” ᐃᑕᐤ᙮ 
“ᐊᑯ, ᐊᑲ ᒋ  ᑕᐧᑯᓇᓇᐛ ᒋᑦ ᐊᑈᓇᔎᐛ, ᐛᔅ ᐊᑈᓇᔎ ᑕᐧᑯᓇᑭᓄᐛ ᒪᔅᑎᑯᔭᓂ᙮” 
“ᓂᒋᓄᒐᔅ,” ᐃᑕᐤ, “ᓂᒋᑯᐧᑯᒥᓇᔅ, ᓂᑐᐛᐸᑎᒺᑕᐤ ᒋᑦ ᐊᑈᓇᔅᑯᓄᐛ᙮” ᒐᒋᓇᒡ ᐅᑦ ᐊᑈᓇᔎᐛ᙮ 
ᐊᑈᓇᔅᒄ ᐊᓯᓂᐧᑲᑕᒋ᙮
\p ᐊᑯ ᐛᑎᑕᒡ ᒥᓐ᙮ ᐊᐦᐊᒃ ᓂᔭ ᑭᑈ ᐸᒥᓯᓂᔨᒋ, ᒐ  ᐃᓯᓂᔨᒋ ᐅᔭᔪᐤ ᐊᓯᓂᔨᒋ, ᐛᒋ  ᐃᓯᓂᔨᒋ᙮ “ᐅᑕ ᒋᒥᑕᒄ,” ᐃᑎᑯᒡ, “ᑭᔭ ᒂᔅᑕᒐ,” ᐃᑎᑯᒡ, ᑲ  ᒋᒥᑕᒡ ᐅᔭᔪᐛ ᐅᑦ ᐊᑈᓇᔅᑯᓱᐛᐛ, ᑲ  ᒋᒥᑕᒋ᙮
“ᐊᐦᐊᒃ, ᑕᓐᑕ ᐛ  ᒥᓯᔭᒄ,” ᐃᑎᑯᒡ ᐅᑎ ᐱᒥᓯᓂ᙮ 
ᐛᐛᑎᐱᒡ ᐛ  ᒥᓯᔨᒡ ᐛ  ᒥᔅᑕᒡ ᐅᔭᔪᐤ, ᒐᔅᒐᔨᒥᑯᒡ ᒋᒋᐛ ᐛ  ᒥᔅᑕᒡ, ᐛᑎᓂᑯᑦ ᐅ ᐸᐃᒄ, ᓯᔭᑈᔅᑯᓯᒥᑯᑦ ᐅᔭᔪᐤ, ᐅᔭᔪᐤ ᐅᑦ ᐊᑈᓇᔅᒄ᙮ ᒥᓐ ᑯᑎᑲ ᐛᑎᓇᑦ, ᒥᓐ ᑯᑎᑲ, ᒂ  ᐃᑎᐱᓯᒡ, ᐅᑕ ᐅᒋ ᓴᑈᔅᑯᒋᒥᑯᒡ᙮ ᒂ  ᐃᑎᐱᓯᒡ ᒐᒋᐸᑕᔨᒋ᙮
“ᐅᓴᒻ ᓂ ᐎ  ᐱᐛᔨᒥᑯᒡ,” ᐃᑕᐤ, “ᐸᐛᔨᒥᑯᒡ,” ᐃᑕᐤ᙮ 
ᑯᐃᒂᒐᐤ ᒐᒋᐸᑕᑦ᙮ 
\p ᐊᑯ ᓇᐅᔅ ᐊᑯ ᑭ  ᐱᓯᑎᑭᒋ ᐃᓯᓄᐛᑭᓄᒡ, ᑕᓐᑕ ᓴᑈᔅᑯᓯᒥᑯᒡ, “ᓇᑕᐧᑯᒡ ᒪᓇᒡ ᐊᑯ ᓄᒐᓯᒡ, ᐅᓴᒻ ᐊᑯ ᓇᐅᔅ ᐊᑎᐱᒡ ᒪᓯᒡ, ᒪᔅᑕᒡ ᒥᔅᑕᐛᔾ,” ᐃᑕᑭᓄᒡ᙮ 
ᒐᒋᓇᑭᓄᒡ, ᐊᐅᑯᓂᒡ ᐅᒡ ᑲ  ᓴᑈᔅᑯᓯᒥᑯᐛᒂ ᐅᑦ ᐊᑈᓇᔅᑯᐛᐛ, ᓇᐸᐃᑯᐛᒂ᙮ ᒐᐛᐸᐃᑐᒡ ᐅᒡ ᐃᔪᒡ᙮
“ᓂᐸᐃᑯᓯᐱᓐᒡ ᓂᔭᐧᑲ,” ᐃᑕᐅᒡ, “ᒥ  ᑕᔪᐛ ᓂᔭ,” ᐃᑕᐅᒡ᙮ “ᑭᔭ ᐅᑦ ᐊᑈᓇᔅᑯᐛᐛ ᑭ ᑕᐧᑯᓂᒧᓯᐱᓄᒋ, ᐊᐅᑯᓂ ᐊᓂᔭᔪᐤ ᓯᔭᑈᔅᑯᓯᒧᑯᐛᒂ,” ᐃᑕᑭᓄᒡ᙮ “ᐊᑯ ᒐᔅᑎᓇᒡ ᐃᓯᓇᑯᓱᒡ ᐊᓐᒡ ᑭ  ᐊᐱᑎᑭᒋ ᑭ  ᐃᓯᓇᑯᓱᒋ, ᓂᐸᐃᑯᓯᐱᓐᒡ, ᒋᒋᐸᑕᔨᒐᓂ,” ᐃᑕᐅᒡ, “ᒥ  ᑕᔪᐛ᙮” ᐊᐦᐊᒃ “ᐛᐱᒥᐧᒄ ᐊᓯ ᑎᑎᑭᔅ ᐃᑎᑦ,” ᐃᑕᐅᒡ ᐅᒡ ᐃᔪᒡ᙮
ᒐᒋᐸᑕᑦ᙮ 
ᐊᑯᑕ ᐊᔎᔭᒋᒪᑭᓄᑦ᙮ ᑯᐃᒂᒐᐤ, ᐸᐃᑯᓱᐤ ᐊᓐ ᐊ  ᐃᑕᒋᒪᑭᓄᑦ᙮
ᒥᓐ ᑭ ᑐᑎᒧᓯᐱᓄᐛ ᑯᐃᒂᒐᐤ 15 Further Adventures book source 2019 09 26
\s ᐊᑯ ᑯᐃᒂᒐᐤ ᒐᒋᐸᑕᑦ᙮ 
ᐊᑯ ᐅᑎ ᐱᒥᐸᑕ ᐎᔭᐱᒪᑦ ᓂᒪᓯᓴ ᐊ ᑯᐱᑎᓂᒡ ᐊᑕᔨᒋ ᐳᑎᒪᑯᓯᒡ ᐃᓯᓂᐧᑲᑕᑭᓄᒡ ᐊᓐᒡ ᓂᒪᓯᓯᒡ᙮ ᓄᒋᐧᑯᐛᑦ, ᑲ ᒐᑈᐱᔅᒋᓇᑦ ᐊᓐᑕ ᓯᐱᓯᒡ᙮ ᐃᓯᓇᑯᑕᐤ ᐊᓐᑕ ᐊᑎᔭᑦ᙮ ᒐᒋᐸᑕᑦ ᐸᑐᔅ᙮
ᐊᑯ ᐅᑎ ᐱᒥᐸᑕ, ᐊᐅᑯᓂ ᐅᔭ ᐊᑯᒋᓂᔨᒋ ᐅᔭ ᐅᓯᒪᓴᐛ, ᐅᓯᒪᓴᐛ᙮ ᒪᔪᐛ᙮
\p “ᒻᒻᒻ, ᒐᒂᓐ ᐅ ᐊᑥᔨᓐ?” “ᒐᒂᓐ ᐛᒋ ᒪᔨᓐ?” ᐃᑕᐤ᙮
“ᑭᑈ ᐛᒋ ᒪᔭᓐ, ᒋᒋᐛ ᓂᓇᐊᑲᒐᐊᑭᓄᐤ ᐅᓯᒪ ᑯᐃᒂᒐᐤ᙮” 
“ᐊᑯ ᒐᒂᓂᔪᐤ ᐛᒋ ᑐᑐᐛᑭᓄᔨᒋ,” ᐃᑕᐤ᙮ 
“ᒐᒂᓂᒐ?” ᐃᑕᐤ ᐅᓯᒪᓴᐤ᙮ 
“ᐊᑯ ᑕᓐ ᐊᑐᑐᐛᑭᓄᔨᒋ? ᑎᐸᒋᒧ!”
\p “ᑭᑈ ᐊᓐᒡ ᐃᔪᒡ ᐎᐱᒡ ᑲᒧᓴᑯᑐᐛᓄᒡ, ᐃᔅᑯᑕᐤ ᐊᓐᑕ ᑲ ᑯᑐᐛᓄᒡ᙮ ᐊᑯ ᐅᑕ ᐃᔅᐱᒥᒡ ᐅᑕ, ᐊᑯᑕ ᐅᑕ ᐊᑯᑕᑭᓄᑦ, ᑯᔭᔎᑲᐸᑲᐛᑭᓄᔨᒋ ᐊᓂᔭ ᐅᓯᒪ᙮”
“ᐊᑯ ᐊᔎᓱᔨᒋ ᐅᑕ ᐅᔅᑎᒂᓂᒡ ᓯᔭᐳᑕᑯᓱᔨᒋ᙮ ᐊᑯ ᐛᓯᓄᐛᑭᓄᔨᒋ ᐊᓂᔭᔪᐤ ᐊᑎᐧᑭᓱᔨᒋ,” ᐃᑕᐤ᙮ “ᑕᑈ ᓇᐊᑲᒐᐊᑭᓄᐤ᙮”
“ᐊᑲ ᒋᔅᑐ,” ᐃᑕᐤ᙮ 
\p “ᓇ, ᒪ ᑭ ᐊᑎ ᑯᐱᑎᓄᑎᑲ,” ᐃᑕᐤ᙮ “ᓯᐱᔅ ᓇᑕ ᐱᒥᐱᔪᐤ,” ᐃᑕᐤ, “ᐊᑎ ᑯᐱᑕᒡ,” ᐃᑕᐤ, “ᒐ ᓂᑐᐛᐱᒥᑥᐤ ᓂᒪᓯᒡ,” ᐃᑕᐤ᙮ “ᐳᑎᒪᑯᓯᒡ ᓂᑭ ᒐᑈᐱᔅᒋᓇᐊᐅᒡ,” ᐃᑕᐤ᙮
“ᒐ ᓄᒋᐧᑯᑥᐤ,” ᐃᑕᐤ᙮ 
ᐛᔅ ᐊᓐ ᒧᐛᐤ ᓂᒪᓴ ᐅᓯᒪᓴᐤ ᐊᑕᑭᓄᑦ᙮ 
ᓂᔭᑕᐛᑦ, ᐎᔭᐱᒪᑦ ᐊᓐᑕ ᐊᑕᔨᒋ ᓂᒪᓯᓴ᙮ ᐊᑯ ᓄᒋᐧᑯᐛᑦ, ᐊᐅᑯᓂ ᐛᒋ ᒧᐛᑦ᙮
\s ᐊᑯ ᑯᐃᒂᒐᐤ, ᒐᒋᓇᐧᒃ ᐊᓂᔭᔪᐛ ᒥᒋᐛᐸ, ᒂ ᐊᑎ ᑎᐱᔅᑲᔨᒡ, ᐱᔭᑕᐧᒃ ᓇᑕ ᐱᔭᐸᐱᓇᓄᔨᒡ ᐛᓯᓄᐛᑭᓄᔨᒋ ᐅᓯᒪ, ᓇᑐᐛᐱᒪᑦ᙮ ᐸᔅᐸᐱᑦ ᐅᑕ ᐎᒋᑐᓇᔪᐤ᙮
ᐊᐅᑯᓂ ᐅᔭᔪᐛ ᐊᑯᒋᓂᔨᒋ ᐅᓯᒪ᙮ ᐅᒋᐱᑕᐤ ᐅᔭᔪᐛ ᐅᓯᒪ, ᐅᑕ ᐅᒋ ᐱᔅᐸᐱᓇᓄᔨᒡ ᐅᑕ, ᐊᑯᑕ ᐛᒋ ᐅᒋᐱᑕᑦ᙮
ᑭᑈ ᐸᔅᑲᐱᒐᐱᑕᑦ ᐊᐅᒂᓇ, ᒐᒋᐸᑥᑦ ᐊᑎ ᐅᒋ ᐎᐎᐸᔨᑐᒡ ᐃᔪᒡ, ᑎᐱᔅᑲᔪᐤ ᑕᓐᑕ, ᒥ ᐛᐱᒪᑭᓄᐤ, ᒥ ᐛᐱᒪᐅᒡ, ᒥ ᓄᒋᐧᑯᐛᐅᒡ᙮
\p ᐊᑯ ᓇᑕ ᐃᑲ ᐊᔅᐸᑐᐛᑦ᙮ ᐊᑯᑕ ᓂᓄᒋᐧᑯᐛᑦ ᐅᓯᒪ, ᒂ ᐃᔨᐱᒐᑦ ᐊᓂᔭ ᐅᓯᒪ, ᐊᓯᓇᑯᐊᑭᓄᔨᒋ᙮ ᑕᑈ ᒋ ᓂᑐᐧᑯᐛᐤ ᐅᓯᒪ ᐊᓯᓇᑯᓯᔨᒋ᙮
“ᒪ ᐊᑯᓐ ᓂᓯ, ᒐ ᐃᓯᓇᑯᓯᔨᓐ,” ᐃᑕᐤ, ᒻᒻᒻ᙮
\p ᒻᒻᒻ, ᒐᓱᐛᐃᑯᑦ᙮ ᐛᓯᐊᑦ ᐃᓂᑐᓐ, ᐃᓂᑐᓐ ᐊᑕᑭᓄᑦ᙮ ᐊᔪᑯᓂ ᐛᓯᐊᑦ ᐃᓂᑐᓐ᙮
ᒐᒋᒂᑲᑕᑦ᙮ 
\p ᑕᐱᔅᑲᔨᒡ, ᓇᑐᐛᐱᒪᑦ᙮ 
ᓂᓱᒡ ᐊᓐᒡ ᐃᔪᒡ, ᑕᐛᔎᒡ ᐊᓐᑕ ᐎᒍᒡ, ᐊᔨᑐᐤ ᐊᓐᒡ ᐊᑐᑐᐛᒡ᙮ ᑕᐸ ᐅᓇᔨᒪᐤ ᐊᓂᔭᔪᐛ ᐊᓐᑕ ᐊᑕᔨᒋ, ᒐᑲᒂᑕᑦ ᐃᓂᑐᓐ, ᒥᓐ ᑯᑎᑲ, ᒐᑭᒧᔨᒋ ᐅᑕ ᑭᑈ᙮ ᑕᐸ ᒋ ᒥᓂᐱᔪᐛ᙮
ᒐᒋᐸᑕᑦ᙮ 
\p ᐊᑯ, ᒐᔅᒐᔨᒪᒡ ᐅᒡ ᐃᔪᒡ, ᐊ ᑐᑐᐛᑭᓂᐎᔨᒋ ᐊᓂᔭᔪᐛ ᐎᒋᒪᑭᓄᐛᐛ ᐊᑯ, ᒥᒄ ᒥ ᒋᔅᒐᔨᒪᐅᒡ ᐊᐛᔪᐛ ᐊᑐᑐᐛᔨᒋ᙮᙮ ᐊᑯ ᒥ ᒋᑭ ᒋ ᐃᑐᒡ ᒐ ᓂᐸᐃᑯᒡ ᑭᑈ, ᐃᑕᑭᓄᒡ᙮
“ᓂᑐᐛᐱᒥᐧᒄ ᒪ ᐃᔨᒃ, ᒍᐧᑯᒥᓄᐤ, ᐃᔨᒃ,” ᐃᑕᐅᒡ᙮ 
\s ᐊᐅᑯᐤ ᒋᐸ ᒋ ᐱᐧᑯᐊᐤ, ᐃᑕᑭᓄᐤ ᓇᑐᐛᐱᒪᑭᓄᑦ ᐃᔨᒃ, ᐃᔨᒃ ᐃᓯᓂᐧᑲᓱᐤ᙮ ᒻᒻᒻ, “ᓄᓴ, ᑭᑈ ᐊᔪᐛᒡ ᒐ ᑯᒐᐊᒂᐤ,” ᐃᑕᐤ᙮
“ᐊᑎ ᐅᑕᑯᓯᔨᒐ, ᐊᑎ ᑎᐱᔅᑲᒐ, ᒐ ᐊᑲ ᐊᒋᔭᒄ,” ᐃᑕᐤ᙮ “ᒐ ᑎᑯᓯᓂᔭᓐ,” ᐃᑕᐤ᙮ “ᐊᑎ ᒧᓯᐃᔭᒂ ᐱᒐᔭᓇ, ᒐ ᐊᑲ ᐊᒋᔭᒄ,” ᐃᑕᐤ᙮
“ᓂᐦᐃ,” ᐃᑎᑯᐤ᙮ 
\p ᓂᔭᔨᓯᒧᓇᓄᒡ ᐊ ᑎᐱᔅᑲᒡ᙮ ᑭᑈ, ᓇᐸᓄᒡ᙮ ᓇᓇᒐᓯ, ᐊᑎ ᐊᔅᑐᐛᔨᒡ ᐅᑦ ᐃᔅᑯᑕᒧᐛᐤ ᐅᔭᔪᐤ, ᐱᔭᑐᐛᑕᐧᒃ ᐃᔨᒃ᙮
“ᐱᔭᑥᑕᐧᒄ ᒍᐧᑯᒥᓄᐤ,” ᐃᑕᐅᒡ᙮ 
\p ᒂ ᐃᓯᓇᓄᒡ᙮ ᒥ ᐊᒋᔅᑐᐛᑭᓄᐤ ᐛᒋ ᐱᒐᑦ᙮ ᒥᒄ ᐊᑎ ᒋᓂᒂᓄᑕᐤ ᓂᔭᑕᑦ ᐅᓯᒪ ᐛ ᐱᐧᑯᐊᑦ, ᐃᔨᒃ᙮ ᐊᑯ ᒥᒄ ᓂ ᐊᑎᑦ ᑕᐱᔅᑲᔨᒋ᙮ ᐊᓂᔭᔪᐛ ᓄᒋᐧᑯᐛᑦ ᐛ ᐱᐧᑯᐃᒪᑦ ᐅᓯᒪ ᒐᒂᐧᑲᑕᑭᓄᔨᒋ ᐃᓂᑐᓐ᙮
\p ᐊᑯ ᐅ ᑯᐃᒂᒐᐤ, ᒐᒃ ᐅᑎ ᐱᐸᒥᐸᑕ᙮ 
ᐛᑎᑕᑦ ᐃᔨᑲ, ᐊᓂᔭᔪᐛ ᑲ ᐃᔨᐱᒐᔨᒋ, ᐛᑎᑕᑦ᙮ 
“ᑕᓐ ᐊᑎᔨᓐ ᐅ ?” ᐃᑕᐤ᙮ 
“ᑕᓐ ᓂᐸ ᐃᑎᓐ ?” ᐃᑎᑯᐤ᙮ “ᑭᑈ ᓄᒋᐧᑯᒂᐤ᙮ ᒪ ᒋ ᓂᑕ ᐸᑕᓐ, ᑲ ᒋᒂᐧᑲᑕᑭᓄᒂᓂᒋ ᐃᔪᒡ, ᐃᓂᑐᓐ? ᐊᐅᑯᓂᒡ ᓄᒋᐧᑯᒂᐤ, ᓂ ᐎ ᐱᐧᑯᐊᐅᒡ,” ᐃᑕᐤ, ᐅ ᐃᔨᒃ᙮
ᑕᐸ ᒋᔅᒐᔨᒪᐤ, ᐊᐅᑯᓂ ᒋ ᐃᑐᐛᔨᒋ ᐅᔭᔪᐛ ᐊᔨᒥᐊᑦ, 
“ᐊᑯ ᑕᓐ ᐊᑎᔨᓐ ᐊᓐ, ᐛ ᐱᐧᑯᐊᑥᐤ ᓂ ?" 
“ᒪᐤ ᑭᑈ ᐊ ᑎᐱᔅᑲᒋ ᐅᑦ, ᓂᔭᔨᓯᒧᑥᐎ, ᐊᑎ ᓇᔨᓯᒧᑥᐎ ᐊᑲ ᐃᔭᒋᑥᐎ ᐊᑯ, ᓇᑐᐛᐱᒥᒂᐤ ᓂ᙮”
\p “ᐊᑯ ᐸᒐᔭᓐ, ᓇᑭᒧᔭᓐ ᑭᑈ᙮ ᐊᑯ ᐊᑎ ᓇᑎᒂᐤ ᓇᒡ ᔭᔨᔅᒋᓂᒥᔨᒋ, ᐛ ᔭᔨᔅᒋᓂᒥᔨᒋ ᐊᓂᔭᔪᐛ ᒐᒂᐧᑲᑕᑭᓄᒡ ᐃᓂᑐᓇ,” ᐃᑕᐤ᙮
ᐅ ᐃᔨᒃ ᑕᑎᐸᒋᒧᔅᑐᐛᑦ᙮ 
“ᐊᑯ ᑕᓐ ᐊᓯᑕᔨᓐ ᐊᓐ ᓇᑭᒧᔨᓐ?” 
ᐊᑯ ᑭᑈ ᒐᔅᑯᑎᒧᐛᑦ ᐃᔭᐱᒡ ᐃᔨᒃ, ᐅᓂᑭᒧᓐ ᐊᓯᑕᑦ᙮ ᑕᐸᑲ ᒋᒋᐛ ᑭᔅᒐᐊᐤ ᐊᐛᔪᐛ ᐊ ᑎᑎᑭᔅ ᐃᑐᑐᐛᑦ᙮ 
ᑯᐃᒂᒐᐤ, ᑯᐃᒂᒐᐤ ᐊᑕᑭᓄᑦ᙮
\s ᐊᑯ ᑲᒋ ᐃᓯ ᐎᑎᒪᑯᑦ ᐊᓂᔭᔪᐤ ᐊᑕᐱᑎᓯᔨᒋ, ᐛᑕᒥᔅᑎᒂᓇᐛᑦ, ᐱᔭᐧᑯᓇᑦ᙮ 
ᐊᑯ ᑈᓴᐅᔅᑯᐛᑦ᙮ ᐊᑯ ᐸᒋᐱᒐᑯᒋᐧᒃ, ᐃᔨᑲ ᑲ ᑎᔨᒋ, ᓇᑕ ᐸᒐᑯᒋᐧᒃ᙮
ᐊᑯ ᐊᑎ ᐊᒋᑲᔨᒡ, ᐊᑎ ᐊᒋᑲᔨᒡ, ᐊᔅᒄ, ᐊᔅᒄ, ᐊᔅᒄ ᒥ ᓂᐸᐅᒡ ᐅᒡ ᐃᔪᒡ᙮ ᓴᔅ ᐸᑥᑎᒻ
ᒻᒻᒻ, “ᐛᓴ ᐅᓴᒻ ᒋᔅᑎᐸᐤ ᒍᐧᑯᒥᓄᐤ ᑭ ᐸᑥᑎᒺ!” 
“ᒋᑐᔅᑐᐎᐧᒄ,” ᐃᑕᑭᓄᒡ᙮ ᒐᑐᔅᑐᐛᑭᓄᑦ, ᒐᒋᓯᓇᓄᔨᒡ᙮
ᐛᒋ ᐱᒐᑦ, ᐛᒋ ᐱᒋᐱᒐᐱᔨᐅᑦ᙮ ᓂᑭᒧᐤ, ᐱᔭᑥᑕᐧᒃ᙮
“ᐅ, ᐛᓴ ᐅᓴᒻ, ᐊᑯ ᒍᐧᑯᒥᓄᐤ, ᐊᑲ ᓄᓴᒻ ᐃᑥᐧᑲᑎᒺ ᐅᓂᑭᒧᓐ,” ᐃᑕᐅᒡ᙮ “ᐊᑲ ᐅᒋ ᐃᑎᑕᑯᓱᐛ ᓇᑭᒧᒋ, ᐃᔭᒡ ᑭ ᐃᑥᐧᑲᑎᒺ ᐅᓂᑭᒧᓐ,” ᐃᑕᐅᒡ᙮
ᑕᐸ ᓇᐊᐤ ᒋ ᐃᑥᐧᑲᑎᒺᐤ ᐅᓂᑭᒧᓂᔪᐤ ᐊᑥᐧᑲᑎᒥᔨᒋ ᐃᔨᑲ᙮ “ᐊᐅᑯᔪᐛ ᑭᑈ ᒋᒋᐛ ᐛ ᐱᐧᑯᐊᑦ ᐛᒋ ᐃᑎᑦ,” ᐃᑕᐅᒡ ᐅᒡ ᒋᔅᒐᔪᒡ᙮
\p ᐛᒋ ᐱᒐᑦ, ᐸᒐᑦ; ᓂᔭᑕᑦ ᐊᓂᔭᔪᐛ, ᐊᓂᔭᔪᐛ ᑲᒋᒂᐧᑲᑕᑦ, ᔭᒋᓂᒺᑦ᙮ ᒥᓐ ᑯᑎᑲ ᓂᔭᑕᑦ, ᒥᓐ ᔭᒋᓂᒺᑦ᙮
“ᐃ ᐃ ᐃ ᐃ!” ᐃᑥᐧᑲᑕᑯᐤ, ᐃᑥᐃᑎᑲ᙮ 
“ᐛᓴ ᐅᓴᒻ ᐊᑯ ᒍᐧᑯᒥᓄᐤ ᑭ ᓂᑦ ᐊᒂᒐᐃᑯᐛ! ᐊᑯ ᒂ ᐃᑕᔨᒥᒃ,” ᐃᑎᑯᐤ, “ᑕᓐᑕ ᔭᒋᓂᒺᐤ᙮”
ᐊᑯ ᐛᐎᑦ, ᒂ ᐊᑎ ᐎᐎᑦ, ᔭᔨᒋᐱᑎᒻ ᐅᔭᔪᐤ ᐅᑕ, ᐅᑕ ᐃᔨᑯᔭᓐ ᒋ ᐳᓴᐅᐤ, ᔭᔨᒋᐱᑎᒻ᙮ 
\s ᐊᑯ ᒥᔅᑎᑯᔪᐛ ᐊᓂᔭᔪᐤ ᐛᑎᓇᐧᒃ, ᓇᒪᔅᑯᐛᑦ, ᐊᑯᑕ ᐅᑕ, ᐊᑯ ᐊᑯᑕᑦ ᐊᓐᑕ᙮
ᐊᑯ ᐊᑯᑕ ᐊ ᓯᔅᑲᐃᒐᑦ, ᐊᓐᑕ ᒂ ᐃᓯᑲᐳᐎᑕᑦ᙮ 
\p ᒋᔭᒋᓴᐸᔭᔨᒡ ᐊᑯ, ᐛᔨᐎᒡ ᐅᒡ ᐃᔪᒡ᙮ ᐊᐅᑯᔪᐤ ᐅᔭ ᒐᒥᓱᔨᒋ, ᒐᒥᑕᔨᒡ ᓯᔅᑲᐃᑭᓂᔪᐤ ᐃᔨᑯᔭᓇ ᐊᑯᑕᑭᓄᔪᐛ ᐅᑕ ᐅᒋᑲᐱᓱᔪᐛ, ᓂᔭᔨᑕ ᐃᓯᑲᐳᐛᑭᓂᔪᐛ᙮
“ᐅ, ᓂᐸᐊᑭᓄᐎᓯᐱᓐ ᐅᔭ ᒍᐧᑯᒥᓄᐤ ᐊᐛᒐ ᐊᑯ ᐃᑎᑦ, ᒍᐧᑯᒥᓄᐤ ᐅᔭ ᐅᑦ ᐊᑯᑉ ᐅᑕ ᑭ ᐊᑯᑕᔪᐛ,” ᐃᑕᐅᒡ᙮ “ᑭᑈ ᐊᐎᒐ ᒐᔅᑎᓇᔅ!”
ᐊᐅᑯᐤ ᐊᑕᔨᒪᑭᓄᑦ, ᐊᑯ ᑯᐃᒂᒐᐤ᙮
“ᐊᐎᒐ, ᑯᐃᒂᒐᐤ, ᑲ ᑎᑎᑭᔅ ᐃᑎᑦ ᓱᐧᒃ᙮” ᒻᒻᒻ, “ᑕᓐᑕ ᒋᑭ ᐃᑐᑐᐛᓇᓇᒐ ᒐᒋ ᓂᐸᐊᐧᒄ? ᐎ ᓂᐸᐊᑕᐤ ᒪ ᐊᑯ, ᒐ ᐃᔅᒋᐳᑯᔨᐧᒄ, ᒋᑭ ᐃᔅᒋᐳᑕᐤ ᐊᔅᒋᔾ,” ᐃᓇᓄᐤ᙮
\s ᑕᐸᑲ ᒋᔅᒐᔨᑎᒻ ᐛ ᐃᑐᑐᐛᑭᓄᑦ᙮ 
ᒪᑐᑎᒐᑦ, ᐃᔭᔨᓯᔅᑕᑦ ᒥᔅᑎᒂ, ᐛᓯᑕᑦ ᒥᑐᑎᔪᐤ, ᐅᑎᐱᔭ ᐊᓂᔭᔪᐛ, ᐊᓂᔭᔪᐛ ᐅᑎᐱᑎᒂ ᐊᐅᑯᔪᐤ ᐊᓂᔭ ᒪᒪᑯᐱᑕᑦ᙮ ᓇᔅᒡ ᐊᑯ ᓇᑕ, ᓇᑕ ᐅᑕᒡ ᓇᑕ, ᓇᑕ ᐊ ᐅᔅᒐᐅᔨᒡ, ᐊᑯᑕ ᓇᑕ ᐊᓯᓂᔭ ᐊ ᐊᔅᑕᑦ; ᐊ ᐃᓯ ᐃᑕᐱᐧᑲᑕᐧᒃ ᓇᑕ ᐊᓯᓂᔭ᙮ ᐊᑯ ᐅᔭᔪᐛ ᓂᓯᔪᐛ, ᓂᓯᔪᐛ ᐊᓯᓂᔭ ᐳᓴᐊᑦ, ᐳᓯᑕᑦ ᒥᓯᐛ ᒐᒂᓐ, ᐊᔅᒋᔾ ᐊ ᐃᓯᓇᒂᒡ ᐊ ᓂᑕᐅᒋᒡ, ᐊᐅᑯᐛ ᐳᓯᑕᑦ᙮ ᑭᔭ ᐊᐛᔪᐛ ᐸᐸᒥᐸᑕᓯᑦ ᐊᐛᓐ ᐅ ᓇᑕᐅᒋᑦ ᐊᔅᒋᒡ᙮ ᒥᓯᐛ ᐳᓴᐊᐤ, ᐸᐳᓴᐊᑦ᙮
\s ᐊᐅᑯᐤ ᐱᔭᑎᑯᒋ ᐊᒐᓇ᙮ 
ᒻᒻᒻ, “ᐅᔅᑕ ᐊᑯ ᐊᑲ ᐸᒋ ᐃᑎ!” ᐃᑕᐤ᙮ “ᒋᑭ ᑯᔅᑕᒐᐊᐅᒡ ᓂᓯᒻ,” ᐃᑕᐤ᙮
“ᑕᐸ ᓂᑭ ᒋ ᓄᒋᐧᑯᐛᐅᒡ ᒋᓯᒥᒡ,” ᐃᑕᐤ᙮ “ᑭ ᒋ ᐛᐧᑲᓯᓄᐛᐛ ᐛ ᐳᓯᑕᑕᓐ!” ᐃᑎᑯᐤ᙮ “ᒐᒂᓐ ᓱᐧᒃ ᐛᒋ ᐊᑲ ᐎ ᒥᔪ ᐎᒐᐎᔨᓐ?” ᐃᑕᐤ ᐊᒐᓐ᙮
“ᐅᓴᒻ ᒋ ᒥᒋᓇᑯᓯᓐ, ᒥ ᒋ ᒥᔪ ᐎᒐᐅᑯᓐ!” ᐃᑕᐤ ᑯᐃᒂᒐᐤ᙮ “ᓇᑕ, ᓇᑕ ᐊ ᒋᓇᒡ ᓇᑕ,” ᐃᑕᐤ, “ᓇ ᓂᒥᑐᑦ,” ᐃᑕᐤ᙮ “ᐊᑯᑕ ᓇᑕ ᐊᐱ, ᐊᑎᒥᐱ ᓇᑕ,” ᐃᑕᐤ᙮ “ᒋᑭ ᑯᔅᑎᑯᒡ ᓂᓯᒻ,” ᐃᑕᐤ᙮
\p ᐊᑯᑕ ᓇᑕ ᐊᑕᔨᒋ, ᓇᑕ ᐊᑎᒥᐱᔨᒋ᙮ 
ᒋᔅᒐᔨᒪᑭᓄᐤ ᐛᒥᑐᑎᑦ, ᒻᒻᒻ᙮
\s “ᐊᑯ ᒪ ᓇᑕᐅ ᒥᔅᑎᒥᔎ,” ᒥᔅᑎᒥᔅᒄ ᐊᐅᑯᐤ ᓴᒋᒪᑭᓄᑦ, ᓇᑕᐤ “ᒐ ᐱᑯᑎᑭᒥᑦ,” ᐃᑕᑭᓄᐤ᙮
ᓂᔭᑕᐅᑯᑦ ᒥᔅᑎᒥᔎ, ᐎᔭᐱᒪᑦ ᐱᔭᑎᑯᒋᓂᔨᒋ᙮ 
ᐊᑯ ᐃᑕᐤ, “ᐛ ᐱᑯᑎᑲᐊᒧᓇ,” ᐃᑕᐤ, “ᑕᑎᐸᐊ ᓂᒥᑐᑦ,” ᐃᑕᐤ᙮ 
ᑎᔭᑎᐸᐊᒥᔨᒋ ᐅᒥᑐᑦ, ᓂᔄᐤ ᐱᒥᔅᑲᔪᐛ, ᑎᔭᑎᐸᐊᒥᔨᒋ᙮ 
ᐊᑯ ᐃᑕᐤ, “ᒪᓇᑕ ᐅᒋ ᐱᑯᑎᑲᐊ,” ᐃᑕᐤ᙮ ᓇᑕ ᐊ ᐅᔅᒐᐅᔨᒡ ᐊᓂᔭᔪᐤ ᐅᒥᑐᑦ᙮ “ᐊᑯᑕ ᓇᑕ ᐅᒋ ᐱᑯᑎᑲᐊ!” ᐃᑕᐤ᙮
(ᑕᐸᑲ ᒋ ᐎᔭᓯᒪᐤ, ᒋᐸ ᐊᓯᓂᒻ ᐎᐱᑕ, ᐊᓯᓂᔭ ᒋᐸ ᐱᐱᔅᑕᑎᒻ, ᐃᑕᔨᒪᐤ᙮)
ᐊᓯᓂᔭ ᓇᑕ ᐃᔭᔅᑕᐤ, ᓄᒋᐧᑭᒥᔨᒋ᙮
ᑕᑈ ᐊᓯᓂᒥᔪᐛ ᐱᔅᒐ ᐊᓂᔭᔪᐛ, ᐎᐱᑎᔪᐛ, ᐊᑎ ᐸᐸᒂᑎᒥᔨᒋ᙮ ᐊᑯ ᓇᐅᔅ ᑭᑈ ᓄᒋᐧᑭᒥᔨᒋ ᐅᔭᔪᐛ ᐅᒥᑐᑦ ᑕᓐᑕ ᐊᓯᓂᒥᔪᐛ ᐎᐱᑎᔪᐛ᙮
(ᐊᓯ ᒋ ᒋᓇᐱᑕᑦ ᐊᒥᔅᒄ, ᐊ ᓇᑥᑕᐧᒃ ᒥᔅᑎᑯᔪᐤ᙮)
ᐊᑯ ᐅᔭ ᐊᓯᓂᔭ ᒋ ᐳᓴᐊᐤ, ᐅᑕ ᒋ ᐊᔭᐤ, ᐛᒋ ᑭᓂᑭᓄᐛᐱᒪᑦ᙮ ᒻᒻᒻ, ᐊᑲ ᐃᑕᔨᑎᒺ, ᒐᒃ ᐃᑕᔨᒪᐤ, ᐅᔭᔪᐛ ᐅᑎ ᐱᑯᑎᑲᐅᑯ᙮
\p ᐛᑎᓇᐧᒃ ᐅᔭᔪᐤ ᐅᑦ ᐊᓯᓂᒻ᙮ ᓇᑕ ᐃᑎᑯᒧᔪᐛ ᓇᑕ, ᐸᑯᑎᑲᐅᑯᑦ, ᐛᑎᓇᐧᒃ ᐅᑦ ᐊᓯᓂᒻ, ᐸᒥᓯᓇᑕᐛᑦ! ᓇᐊᒻ ᐅᑕ ᐅᔅᐱᔅᑯᓂᒡ ᒂ ᓇᑥᔭᐛᐛᑦ ᐊᓐᑕ ᐊᓂᔭᔪᐤ ᐛᐅᑭᓂᔪᐤ᙮
ᐊᐅᒂᓇ, ᓇᐸᐊᑦ, ᒂᑕᐱᔨᒋ᙮ 
\s ᐊᑯ ᓇᑕ ᐊᑕᔨᒋ᙮ 
“ᐊᐦᐊᒃ, ᓂᓯ, ᐊᑯ ᒪ ᒐ ᐎ ᐅᓯᑕᔭᓐ ᐊᔅᒋᔾ, ᐊᔅᒋᔾ ᓂᑭ ᐅᓯᑕᓐ᙮” 
ᑎᔭᑎᑯᔅᑕᑦ ᐊᓂᔭ ᐊᔅᒋᔪᐤ᙮ ᒐᑕᐸᑕᐧᒃ ᐊᓂᔭ ᐊᓯᓇᑯᓂᔨᒡ ᐊᔅᒋᔪᐤ ᐊᓂᔭᔪᐤ ᑲ ᐃᑎᔅᑕᑦ᙮
“ᓂᓯ, ᒥ ᑎᑯᓐ ᐅ ᐸᐃᒄ, ᐸᐃᒄ ᒥ ᑎᑯᓐ ᐊᑎᔅᑕᒡ; ᐱᔭᔅᑕᔅᑭᒥᒄ, ᐊᐅᑯᐤ ᒥ ᑎᑯᓐ!” 
\p “ᓂᓱ,” ᐃᑕᐤ, “ᓂᓱ ᒥ ᑎᑯᓐ,” ᐃᑕᐤ᙮ “ᐱᔭᔅᑕᔅᑭᒥᒄ ᒥ ᑎᑯᓐ, ᑭᔭ ᒥᐧᑯᔅᑭᒥᒄ ᐊᐅᑯᐤ ᒥ ᑎᑯᓐ!” “ᒪᓯᐎ ᒋᐸ ᒋ ᐱᐧᑯᑕᓐ,” ᐃᑕᐤ᙮ “ᑕᓐ ᒪᒃ ᐊᓐᑕ ᐃᔅᑕᑎᒥᒐ, ᓇᑕ ᒐ ᐃᔅᐱᔨᔨᒋ; ᒋᐸ ᓂᑐᐛᐸᑕᓐ ᐊᓐ ᒥᐧᑯᔅᑭᒥᒄ ᑭᔭ ᐱᔭᔅᑕᔅᑭᒥᒄ,” ᐃᑕᐤ᙮
“ᓂᐦᐃ,” ᐃᑎᑯᐤ᙮ 
\p ᐊᐅᒂᔭ ᓂᒋᒄ ᐸᑭᔅᑐᐛᐱᔨᐅᑦ, ᓇᑕ ᒪᒃ ᒧᔭᒻ ᓇᑕ ᑕᒋᓯᓐ ᐊᔅᒋᒡ ᐊᔅᑕᑎᒥᒡ ᐊᓂᔭᔪᐤ᙮ ᐊᑯ ᓇᐱᑦ ᓂᒋᒄ, ᓇᐸᐸᐛᑦ! ᐊᑯ, ᒥ ᑕᔪᐛ ᐅᓯᒪ᙮
ᐊᑯ ᐅᔭᔪᐛ ᐅᒥᑐᑦ ᐎᔭᔅᑯᐛᔎᔅᑲᐧᒃ, ᓇᑐᐛᐱᒪᑦ ᐅᓯᒪ ᓇᑐᐛᐱᒪᑦ ᐅᓯᒪ᙮ ᐊᐅᑯᓂ ᐅᔭᔪᐛ ᐅᓯᒪ ᐊᑯᒋᓂᔨᒋ᙮ ᐛᑎᓇᑦ, ᐊᒂᔅᑕᐸᑦ᙮
“ᒻᒻᒻ, ᑭᒪ ᐛ ᒪᒋᑐᑐᒃ!” ᐃᑕᐤ “ᓂᓯᒻ ᐅᔭ,” ᐃᑕᐤ, “ᐊᔭᔪᓯᑦ!” 
\s “ᐊᒋᑲᔅ, ᒪᓯᐎ ᒋᐸ ᒋ ᐃᔨᐱᒐᓐ ᐅ ᒋᔅᑕᔅ ᐊᔭᔪᓯᑦ, ᓇᐸᐃᑯᑦ ᓂᐱᔪᐤ?” 
ᐊᑯ ᐊᓐ ᐊᒋᑲᔅ ᒐᒋᓇᓯᑦ᙮ ᐊᑯ ᐊᓂᔭᔪᐛ ᐎᑐᔾ, ᐊᐅᑯᔪᐤ ᒪᔭᑎᒥᔨᒋ ᐎᑐᔾ, ᐊᐅᑯᔪᐤ ᐊᓯ ᓂᑐᐧᑯᐛᑦ! ᐊᐅᑯᔪᐤ ᐛᒋ ᐃᔨᐅᔨᒋ, ᐛᒋ ᒋ ᐱᒪᑎᓯᔨᒋ, ᐊᓯ ᓂᑐᐧᑯᐛᑦ ᙮
ᒻᒻᒻ, ᐊᔨᐅᐎᔨᒋ, ᐛᓂᔨᒋ, ᔭᔭᒋᑦ ᓂᒋᒄ, ᒻᒻᒻ᙮
\p “ᐊᐦᐊᒃ ᓂᓯ, ᒧᐛᒡ ᒋ ᒋ ᐃᑎᓐ᙮” 
“ᓂᐦᐃ,” ᐃᑕᐤ, “ᒋᒋᐛ ᑎᒥᐤ, ᑎᒥᐤ ᒋᒋᐛ,” ᐃᑕᐤ᙮ 
ᐊᑯ ᐊᓂᔭᔪᐛ ᐊᒋᑲᓴ ᐊᐅᑯᓂ ᒥᓐ ᐊᑎᓴᐛᑦ, ᐊᐅᑯᓂ ᐃᔭᐱᒐᐊᑦ᙮
“ᒪᓯᐎ ᒋᔾ ᐊᒋᑲᔅ,” ᐃᑕᐤ, “ᒋᐸ ᒋ ᐱᐧᑯᑕᓐ,” ᐃᑕᐤ᙮
“ᒋᐸ ᓂᑐᐛᐸᑕᓐ,” ᐃᑕᐤ᙮ “ᓂᑐᐛᐸᑎᒧᒄ ᐊ ᑎᑯᒡ,” ᐃᑕᐤ᙮
“ᒻᒻᒻ, ᓂᐦᐃ,” ᐃᑕᐤ ᐊᒋᑲᔅ᙮ 
ᐊᐅᑯᐛᔭ ᒥᓐ ᐊᒋᑲᔅ, ᐸᑭᔅᑐᐛᐱᔨᐅᓯᑦ᙮ 
\p ᐊᑯ ᑭᑈ ᐸᒥᔅᑲᓯᑦ ᒋᒋᐛ, ᓂᔭᓂᑐᐛᐸᑕᐧᒃ ᐊᓂᔭᔪᐤ ᐊᔅᒋᔪᐤ, ᑕᓂᔭᔪᐤ ᐊᔅᒋᔪᐤ ᒐᒋ ᐱᔭᒂᐱᑕᐧᒃ᙮ 
ᐎᔭᐸᑕᐧᒃ ᐱᔭᔅᑕᔅᑭᒥᑯᔪᐤ, ᐱᔭᒂᓇᐧᒃ᙮ 
ᒥᓐ ᒥᐧᑯᔅᑭᒥᑯᔪᐤ, ᐎᔭᐸᑕᐧᒃ, ᒥᓐ ᐱᔭᒂᓇᐧᒃ, ᒥᔭᒪᑯᓂᒐᑦ ᒥᔭᑯᓂᓯᑦ ᐅᔭᔪᐤ, ᒧᔭᒻ ᐅᑕ ᐊᐱᑐᐤ ᐅᑕ ᐊᔅᒋᒡ ᒋᐛᐱᔪᐤ, ᐊᑯ ᓇᐸᐊᐸᐛᑦ ᒥᓐ! ᒂ ᐃᑎᓇᐧᒃ ᐅᔭᔪᐤ ᑲ ᒪᑯᓇᐧᒃ ᐊᔅᒋᔪᐤ, ᐛᑎᓂᒋ᙮
ᓇᓂᑐᐛᐱᒪᑦ ᐅᓯᒪ᙮ ᐊᐅᑯᓂ ᐊᑯᒋᓂᓯᔨᒋ᙮
ᐛᑎᓇᑦ, ᐊᒂᔅᑕᐸᑦ᙮ 
“ᐅ, ᓂᐱᓯᐱᓐ ᐅᔭ ᒋᓯᒻ, ᒻᒻᒻ, ᒥᒪᒋ ᐃᑐᑐᒃ, ᓇᐸᐃᒃ, ᒋᓯᒻ!” “ᒪᓯᐎ ᒋᐸ ᒋ ᐎᔭᔅ ᐃᑐᑐᐛᐤ ᒋᓯᒻ, ᓂᒋᒄ, ᑲ ᐃᔨᐱᔭᐃᔅᒃ,” ᐃᑕᐤ᙮
\p ᐊᑯ ᐅᔭᔪᐛ ᐅᑎᒋᓯᔪᐛ ᒪᓐ ᒂ ᐃᑎᓂᓯᔨᒋ ᐅᔭᔪᐤ ᐊᔅᒋᔪᐤ, ᒪᑯᓂᓯᔪᐛ ᐊᓂᔪᐤ ᐊᔅᒋᔪᐤ!
ᐛᑎᓂᒺᑦ ᐅᔭᔪᐤ ᐅᑎᒋᔪᐤ, ᓯᔭᑐᓂᒺᑦ, ᓯᔭᑐᓂᒺᑦ ᐅᔭ ᐅᑎᒋ᙮ ᐊᐅᑯᔪᐤ ᐊᔅᑕᓯᔨᒡ ᐊᔅᒋᔪᐤ ᐅᑕ᙮
“ᒻᒻᒻ, ᐊᐅᑯᔪᐤ ᐅᔭᔪᐤ!” ᐃᑕᐤ᙮ ᐛᑎᓂᒺᑦ ᐅᑕ ᐊᔅᑕᐛᑦ, ᒥᓐ ᑯᑎᑭᔪᐤ ᐃᔭᐱᒡ, ᒥᓐ ᓯᔭᑐᓂᒺᑦ, ᐃᔭᐱᒡ ᐊᔅᑕᔪᐤ, ᐛᑎᓂᒺᑦ᙮ ᐊᑯ ᑕᐱᔅᑕᑦ, ᒥᓐ ᑕᐱᔅᑕᑦ ᐊᑎᔅᑕᑦ᙮ ᐊᑯ, ᒥᓯᐛ ᐊ ᑎᒂᒡ, ᐊ ᑎᑯᓂᔨᒡ ᐊᔅᒋᔪᐤ ᐊᓯᓇᑯᓂᔨᒡ᙮
\s ᐊᑯ ᐛᓯᑕᑦ, ᑭ ᐳᐳᑕᑎᒺ ᒂ ᑐᑕᐧᒃ ᐅᑦ ᐊᔅᒋᒻ ᐅᔭᔪᐤ, ᓇᑕᐅᒋᒡ ᐊᔅᒋᔾ᙮ ᑭᔭ ᒥᔅᑎᑯᒡ, ᒥᔅᑎᑯᒡ, ᒥᓯᐛ ᐱᔅᑯᑎᓇᐛ, ᓇᑕᐅᒋᒋ᙮
\p ᐊᑯ, ᓇᑕ ᒪᓴᔨᒡ, ᐎᔭᐸᑕᐧᒃ ᓇᑕ, ᐊᓐᑕ ᐊᓯᓇᒂᒡ, ᓇᑕ ᐊᓯᓇᑯᓂᔨᒡ, ᓇᑕ ᐎᔭᐸᑕᐧᒃ᙮
\s “ᐊᑯ ᒪ ᓂᓯ, ᑲᐧᑲᒍᐤ, ᐛᐸᑎᒪ, ᒐ ᑕᑎᐸᐊᒥᓐ ᒐ ᐃᔅᐱᓴᒂ, ᑲᐧᑲᒍᐤ!”
ᐊᐅᒂᔭ ᐛᐸᐅᑦ ᑲᐧᑲᒍᐤ, ᒐᒋᔭᑦ, ᑎᔭᑎᐸᐊᐧᒃ ᐊᔅᒋᔪᐤ, ᐊᔅᐱᓴᔨᒡ ᑎᔭᑎᐱᔨᑦ᙮ ᐊᑯ, ᑕᑯᓯᐱᔨᔨᒋ, ᑭᑈ ᒥᒐᑦ ᑎᐱᔅᑲᐛ ᒥ ᑕᔪᐛ, ᒋᒋᐛ ᒋᒪᐧᑭᑕᔪᐛ᙮
“ᓂᔅᑕᓴ, ᒋᒋᐛ ᒥᓴᐤ, ᒥᓴᐤ᙮” 
ᐊᑯ ᐃᑕᐤ, “ᑕᐸ ᓂᓯ ᒋᒋᒋᐱᔨᓐ, ᑕᐸ ᒋᒋᓯᐱᔨᓐ,” ᐃᑕᐤ “ᐊᐱᓴᓯᒐ!” ᐃᑕᐤ, ᒻᒻᒻ᙮ 
“ᓇᒪ, ᒥᓴᐤ ᓂᔅᑕᓴ, ᒥᓴᐤ!” 
\s “ᒋᔾ ᒪᒃ, ᑲ ᒋᓂᑯᑕᓯᔨᒋ, ᒋᔾ ᒪᒃ, ᓂᓯ,” ᐃᑕᐤ᙮ ᐊᐅᒄ ᒐᓯᐱᔨᑦ᙮ ᐃᑕᐤ, “ᑕᑎᐸᐊ ᒋᑦ ᐊᔅᒋᓄᐤ!” ᐃᑕᐤ᙮
ᐊᐅᒂᔭ ᐛᐸᐅᔨᒋ, ᑎᔭᑎᔭᑎᐸᐊᒥᔨᒋ ᑭᑈ ᐅᑦ ᐊᔅᒋᔾ᙮ 
ᓇᐊᐤ ᐊᓂᔭᔪᐤ ᐊ ᐃᓯᓇᑯᓂᔨᒡ, ᐊᓂᔭᔪᐤ ᐊᔅᒋᔪᐤ ᐊᓐ ᐊ ᐃᓯᓇᒂᒡ ᐊᔅᒋᔾ᙮ ᒥ ᐃᔅᐱᔨᔪᐛ ᐊᓐ ᐊ ᒥᒥᔅᑕᐛᔭᒡ, ᑭᑲᔅᒐᐛᐱᔪᐤ ᒥᒄ ᑎᐸᐸᑎᒥᔪᐛ ᐊᓐ ᐊᔅᐱᓴᒡ ᐊᔅᒋᔾ᙮ ᒥᒄ ᑭᑲᔅᒐᐛᐱᔪᐤ ᐊᓂᔭᔪᐛ ᐊ ᒥᒥᔅᑕᐛᔭᔨᒡ ᑭᑲᔅᒐᐛᐱᔪᐛ ᒥᒄ ᑐᐛᔅᑲᔭᔪᐛ ᙮
ᐊᑯ ᑕᑯᓯᐱᔨᔨᒋ ᒋᒋᐛ ᒋᒪᐧᑭᑕᔪᐛ ᐅᓯᒪ, ᑕᐸ ᓂᑕ ᒥᒋᓯᔪᐛ ᒥᒄ ᐊ ᐱᒥᐱᔨᔨᒋ᙮ 
\p “ᓂᔅᑕᓴ, ᒋᒋᐛ ᒥᓴᐤ!” ᐃᑎᑯᐤ᙮ 
“ᑕᐸ ᓂᑦ ᐃᔅᐱᔨᓐ ᐊ ᐃᑕᐛᔭᒡ ᐊᓐ ᐊ ᒥᒥᔅᑕᐛᔭᒡ,” ᐃᑎᑯᐤ “ᒐᒋ ᐃᔅᐱᔭᓐ,” ᐃᑎᑯᐤ “ᓂ ᑭᑭᔅᒐᐛᐱᔨᓐ, ᓂ ᑭᔅᑭᒪᐊᓐ,” ᐃᑎᑯᐤ᙮ 
ᒻᒻᒻ, “ᒥᓴᒐ ᑕᑈ ᓂᓯ,” ᐃᑕᐤ, “ᒥᓴᒐ, ᐊᑯᓐ ᒐ ᐃᔅᐱᓴᒡ!” ᐃᑕᐤ᙮
\s ᒻᒻᒻ, ᐊᑯ ᑲ ᐃᑕᑦ, ᐊᑯ ᑭᑈ ᐅᑎ ᐃᑕ ᓂ, ᑕᐸᑲ ᒧᓯᓇᐤ, ᐊᑯ ᐊ ᐃᑕᑦ ᐱᐸᒥᐸᑕᐤ; ᑕᐸ ᒋ ᓂᑕ ᐃᔨᐳᐤ, ᐸᐸᒥᐸᑕᑦ!
ᐊᑯ ᒐᒃ ᐅᑎ ᐱᒥᐸᑕ, ᒪᔅᑯᐛᑦ, ᐅᒋᔅᑯᔎᔅ ᐃᓯᓂᐧᑲᓱᔪᐛ ᐃᔎᐛ, ᐅᒋᔅᑯᔎᔅ ᐃᓯᓂᐧᑲᑕᑭᓄᔪᐛ, ᐃᔎᐛ, ᒪᔅᑯᐛᑦ ᐊᑯ ᐛᑎᒧᓯᑦ᙮ ᐊᑯ ᐛᐅᑦ, ᐊᑯᑕ ᒐ ᐅᒋ ᓂᑕᐅᒋᑦ ᐃᔪᐤ, ᐊᑯ ᐛ ᐎᒋᒪᑦ ᑭᑈ ᐎᐛ᙮
\p ᐊᑯ ᒐᒃ, ᓇᑭᑕᑦ, ᓇᑭᑕᑦ ᐎᐛ, ᐸᐸᒥᐸᑕᑦ, ᒥ ᓂᑕ ᓂᑐᐛᐱᒪᐤ᙮ ᐊᑯ ᐊᓐ ᑭᑈ ᐛᑐᐛᓯᒥᑦ ᐊᓐ ᐃᔎᐤ, ᐅᒋᔅᑯᔎᔅ, ᒥᒐᑐᐎᒪᐤ ᐅᑦ ᐊᐛᓯᒥᔪᐛ, ᒥᒐᑎᑯᓴᐤ ᒋᒋᐛ᙮ ᐊᑯ, ᐊ ᐃᔪᐎᔨᒋ ᐅᑯᓴ, ᐅᑕ ᐊᑲ ᐊᑕᑦ, ᑕᐸ ᓂᑕ ᓂᑐᐛᐱᒪᐤ ᐎᐛ᙮
ᐊᑯ, ᐊᑯ ᒐᒃ, “ᓂᑭ ᓂᑐᐛᐱᒪᐤ ᒪ ᐊᑯ,” ᒻᒻᒻ, ᐃᑕᔨᒪᐤ᙮ ᐎᐛ ᓇᑐᐛᐱᒪᑦ, ᐛᑎᒋᐱᑕᑦ᙮
(ᐊᐅᑯᓂ ᐅᔭᔪᐤ, ᒧᔭᒻ ᐊᓯᓇᒂᒡ ᒪᐤ ᑭ ᒋᑎᑕᓇᓄᐛ ᒂ ᐃᓯᓇᒂᒡ᙮)
\s ᒂ ᐃᓯᓇᑯᓂᔨᒋ ᒥᒋᐛᐸ, ᒥᒐᓂᔪᐛ᙮
ᐊᑯ ᐃᑕᐤ, “ᒐᒄ ᐃᔪᒡ ᐅᒡ?” ᐃᑕᐤ᙮ 
(ᑕᑈ ᐛᐛᒡ ᒥ ᒋᔅᒐᔨᒪᐤ ᐅᑦ ᐊᐛᓯᒪ, ᒋᐸ ᒋ ᐃᑈᐧᑲᐤ!)
“ᒐᒄ ᒪᓂᑕᐅᒡ ᐅᒡ?” ᐃᑕᐤ, “ᑭ ᒋ ᐅᑎᑎᑯᒋ?” ᐃᑕᐤ᙮
“ᐊᐅᒄ ᒋ ᐃᑈᐧᑲᓐ ᐊ,” ᐃᑎᑯᐤ᙮ “ᐊᑲ ᒋ ᐃᑈᐧᑲᓇᐛ ᑕᑈ ᒥᒄ ᐊ ᐃᓯ ᔭᔨᒧᐛᔨᓐ,” ᐃᑎᑯᐤ ᐎᐛ᙮
“ᐊᐅᑯᓂᒡ ᒋᑦ ᐊᐛᓯᒥᓄᒡ,” ᐃᑎᑯᐤ᙮ “ᒪᓂᔭᔪᐛ ᐛᐸᑎᒻ ᐎᒍᐛᐛ,” ᐃᑎᑯᐤ᙮ ᒥᒐᑎᔪᐛ ᐅᑯᓴ᙮
ᐸᑐᔅ ᒐᔅᒐᔨᒪᑦ᙮ 
“ᓂᐦᐃ,” ᐃᑕᐤ᙮ ᐊᐦᐊᒃ, “ᐊᑯ ᑭᑈ ᐎᓴᒥᒡ, ᒐ ᐅᑎᓂᒂᐤ ᒋᑯᓯᓄᒡ” ᐃᑕᐤ, “ᒐ ᓱᐛᔨᒥᒂᐤ᙮” ᐃᑕᐤ᙮ ᐊᑯ ᑭᑈ ᓂᔭᑎᑯᑦ, ᒥᒐᑎᔪᐛ ᐅᑦ ᐊᐛᓯᒪ᙮
\s ᐊᑯ ᑲᒋ ᐃᓯ ᐃᑎᑦ, ᐊᑯ ᐃᑕᐤ, “ᑕᐸ ᐅᒋ ᒋᑭ ᒋ ᐃᓯᓇᑯᓱᒡ ᒋᑦ ᐊᐛᓯᒥᓄᒡ,” ᐃᑕᐤ᙮ “ᐸᐸᒪᐤ ᑭ ᐃᓯᓇᑯᓱᒋ, ᐸᐸᒪᐤ ᒋᐸ ᐃᔅᒋᔄᐅᒡ,” ᐃᑕᐤ᙮ “ᐊᑲ ᓂᔅᑐᑕᑐᒡ ᒋᐸ ᐃᔅᒋᔄᐅᒡ, ᐊᑐᒡ ᑕᐱᔅᑯᓐ ᒋ ᐃᔅᒋᔄᐅᒡ,” ᐃᑕᐤ᙮ “ᒋᑭ ᐊᔨᒥᐃᑲᑐᒡ, ᑕᐱᔅᑯᓐ ᐃᔅᒋᔄᑥᐛ,” ᐃᑕᐤ᙮
ᐃᑈᐧᑲᐅᔅᑎᒂᓇᐤ ᐊᔪᐛᒡ ᑭᑈ, ᒋᒋᐛ ᑯᐃᒂᒐᐤ᙮
\p ᒪᐎᔭ ᐎᐸᐅᐃᔪᐛ ᐛᒥᔅᑎᑯᓱᐤ, ᐊ ᐃᓯᓇᑯᓯᑦ ᐛᒥᔅᑎᑯᓱᐤ, ᐸᐸᒪᐤ ᐊ ᐃᓯᓇᑯᓯᑦ, ᑭᔭ ᐃᔅᒋᒪᐤ, ᑭᔭ ᐃᔪᐤ, ᐊ ᐃᓯᓇᑯᓯᑦ, ᒥᓯᐛ ᒂ ᐃᓯᓇᑯᓯᔨᒋ ᐅᑦ ᐊᐛᓯᒪ᙮ “ᒪᐤ ᐃᔭᒡ ᒋᐸ ᐃᔅᒋᔄᐤ, ᐛᒥᔅᑎᑯᓱᐤ,” ᐃᑕᐤ, “ᑭᔭ ᐅ ᐃᔪᐤ,” ᐃᑕᐤ, “ᑭᔭ ᐃᔅᒋᒪᐤ᙮”
ᒥᓯᐛ ᐊ ᐃᓯᓇᑯᓯᔨᒋ ᐊᐛᔪᐛ, ᐸᐸᒪᐤ ᐊᓯᓇᑯᓯᑦ ᐊᐛᓐ᙮
ᒻᒻᒻ, ᐊᐦᐊᒃ, ᒐᔅᑯᑎᒧᐛᑦ ᑭᑈ ᐃᔨᒥᓄᔪᐤ ᒐ ᐃᓯ ᐃᔨᒥᔨᒋ, ᐊᓂᔭᔪᐤ ᐅᑦ ᐃᔨᒧᓂᔪᐤ ᒐ ᐃᔅᒋᔄᔨᒋ, ᒥᓯᐛ ᐸᐸᒪᐤ᙮ ᐊᑯ ᑲ ᐃᑐᑐᐛᒡ, ᐊᑯ ᒥ ᓂᔅᑐᑕᑐᒡ, ᐃᔭᒡ ᐊ ᐃᓯ ᐃᔨᒥᒡ ᑯᑎᑭᒡ᙮
\p ᐊᑯ ᐊᓐᒡ ᐊ ᐸᐸᐃᑯ ᑕᐅᓯᒡ ᑭᑈ ᓇᔅᑐᑕᑐᒡ ᑭᔭ ᐊᓐᒡ ᑯᑎᑭᒡ, ᑭᔭ ᑯᑎᑭᒡ, ᑯᑎᑭᒡ, ᑭᔭ ᑯᑎᑭᒡ, ᑭᔭ ᐃᔅᒋᒪᐤ ᐅᒡ, ᑭᔭ ᐃᔪᐤ᙮ ᐊᑯ ᐊᓂᔭᔪᐛ ᒥ ᓂᔅᑐᑐᐛᐅᒡ ᐎᐧᑲᓂᓱᐛᐤ ᑯᑎᑲ, ᒋᐸ ᐊᑲ ᑭᑭᔅᒋᐅᑦ᙮ ᐊᐅᑯᔪᐤ ᐛᒋ ᐸᐸᒪᐤ ᐃᓯᓇᑯᓯᑦ ᐃᔪᐤ, ᑭᔭ ᐛᒥᔅᑎᑯᓱᐤ᙮ 
\p ᐛᐱᒻ ᐊᓯ ᐊᑲ ᓂᔅᑐᑐᐛᐧᒄ, ᑭᔭ ᐊᓯ ᐊᑲ ᓂᔅᑐᑕᑕᐧᒄ᙮
ᑯᐃᒂᒐᐛ ᑲ ᐃᑐᑕᑯᑦ ᐅᑕᐎᔭ᙮ 
ᐊᑯ ᐊᑯᑕ ᐊᔎᔭᒋᒪᑭᓄᑦ, ᐊᔎᔭᒋᒪᑭᓄᑦ, ᒻᒻᒻ, ᑯᐃᒂᒐᐤ᙮ 

ᓇᔅᑲᐱ ᕈᒪᓐ
\1 ᒐᐧᑲᐸᔅ ᑭᔭ ᑲᒋᑐᐛᔅᒄ 17 ᒐᐧᑲᐸᔅ 2019 03 07 Book Source\p ᐊᑯ ᐊᓐ ᐃᔪᐤ ᐊᑕᑦ ᐊᓐᑕ, ᒥᒄ ᐅᑕᓂᓴ ᐎᒋᒪᐤ, ᑭᔭ ᐎᐛ, ᑭᔭ ᐎᔾ, ᓂᔅᑐᐅᒡ᙮ 
ᐊᑯ ᐃᑕᐤ, ᓂᔭᔪᐛ ᐅᑕᓂᓴ, “ᓂᑭ ᐃᔭᓐ ᒪ ᐊᑯ ᓂᑭ ᐎ ᐅᓯᑕᓐ ᐊᓐ ᒋᑦ ᐅᐤᑎᓄᐤ,” ᐃᑕᐤ᙮ 
“ᐅᔅᑯᔭ ᐊᓐᑕ ᑕᔪᐛ ᐊᓐᑕ ᐱᔅᑯᑎᓇᒡ ᐊᓐᑕ; ᐊᐅᑯᐤ ᐊᓐᒡ ᒐ ᓇᑎᒋᒡ,” ᐃᑕᐤ᙮
“ᓂᑭ ᒥᓂᐧᑯᒧᓐ,” ᐃᑕᐤ᙮ “ᓂᑭ ᐅᓯᑕᓐ ᐅᔅᑯᐤᑦ,” ᐃᑕᐤ, “ᒐ ᐅᑦ ᐅᐤᑎᔭᐧᒄ,” ᐃᑕᐤ᙮
“ᓂᐦᐃ,” ᐃᑎᑯᐤ᙮ 
ᐊᑯ ᓂᔭᔪᐛ ᐎᐛ, “ᐎᒐᐎ,” ᐃᑕᐤ᙮ 
ᒐᑐᑕᒡ, ᐛᒐᐛᑦ᙮ 
\p ᐊᑯ ᐊᓐ ᐃᔎᔅ, ᐎᒋᐛᐤ ᐊᓂᔭ ᑲᓄᐛᔨᑕᐧᒃ᙮ 
ᐊᑯ ᒥ ᑕᔪᐛ ᐊᑎ ᐅᑕᑯᓯᔨᒡ ᐅᑕᐎᔭ᙮ ᐊᑎ ᓂᑐᐛᐱᒪᑦ, ᒪᐛᒡ᙮ ᐊᑯ ᐊᓐ ᐃᔎᐤ ᒋ ᑕᔪᐛ ᐅᑦ ᐊᐛᓯᒪ᙮ ᐊᔅᒄ ᒥ ᐅᒋ ᐃᔪᐤ, ᐃᔪᐤ, ᒥ ᐅᒋ ᐃᔪᐤ, ᐊᐅᑯᓐ ᐊᓐ ᒐᐧᑲᐸᔅ ᒐ ᐃᓯᓂᐧᑲᑕᑭᓄᐅᑦ, ᐊᓐ ᐊᐛᔅ ᐊᓐ ᒐ ᐃᔪᑦ᙮
ᐊᑯ ᓂᔭᔪᐛ ᑲᒋᑐᐛᔅᒄ ᐃᓯᓂᐧᑲᑕᑭᓂᔪᐛ᙮ ᐊᐅᑯᓂ ᐛᑎᑎᑯᒡ, ᓇᐸᐃᑯᒡ᙮
\p ᐊᑯ ᒧᑯᒡ ᑭᑈ ᓇᐸᐃᑯᒡ᙮ ᐊᑯ ᐊᓐ ᒐᐧᑲᐸᔅ ᐊᑕᑭᓄᐅᑦ, ᓇᑕᐅᒋᑦ ᐊᓐ ᐊᐛᔅ᙮
ᒥ ᒧᑯᐤ᙮ ᒥᒄ ᓂᔭᔪᐤ ᒥᓂᐱᑎᑯᐤ ᓂᔭᔪᐤ, ᓂᔭᔪᐤ ᐊᓐᑕ ᐊᑕᑦ ᐊ ᓂᑕᐅᒋᑦ, ᒪᓇᑕ ᐎᔭᐱᓂᑯᑦ᙮ ᐊᑯ ᓂᔭᔪᐛ ᐅᑲᐎᔭ ᒥᒄ ᒧᐛᔨᒋ ᑭᔭ ᓂᔭᔪᐛ ᐅᑕᐎᔭ; ᒥ ᑕᔪᐛ᙮
\p ᐊᑯ ᒐᒃ ᓇᔅᒡ ᐊᑎ ᐅᑕᑯᓯᔨᒡ ᓇᔅᒡ᙮ “ᓂᑭ ᓂᑐᐛᐱᒪᐅᒡ ᒪ ᐊᑯ ᓄᑕᐎᔾ,” ᐃᑕᔨᑎᒻ ᐊᓐ ᐃᔎᔅ᙮ ᒐᑐᑕᑦ ᓇᑐᐛᐱᒪᑦ᙮
ᐊᐅᑯᓂ ᐅᔭᔪᐛ ᐊᓐᑕ ᐛᑎᑎᒺᑦ ᓇᐸᐃᑯᔨᒂᓂ ᐅᑕ ᐊᐛᔪᐛ᙮ ᐅᑲᐎᔭ ᓇᔅᑎᔅ ᐊᓐᑕ ᒥ ᐃᔅᑯᐳᑯᔪᐛ ᒐᒂᓐ᙮ “ᓴᔅ ᓂᔭᐧᑲ ᓂᐸᐃᑯᓯᐱᓐᒡ ᐊᐛᔪᐛ,” ᐃᑕᔨᒪᐤ᙮
ᐊᑯ ᓂᔭᔪᐤ ᑭ ᓇᓂᑐᐛᐳᐛ ᒂ ᐃᑎᑦ ᐊᓐ ᐃᔎᔅ ᓇᑕ ᐊ ᓯᓱᐎᒂᑯᓂᑲᔨᒡ ᓂᔭᔪᐛ ᑭᑈ ᒐᒂᓂᔪᐤ ᓂᔭᔪᐤ᙮ ᐎᔭᐸᑕᐧᒃ ᓇᑕ ᐛᔅᒐᒋᑯᓇᔨᒡ ᒐᒂᓂᔪᐤ᙮ ᓂᔭᑕᐧᒃ, ᐛᑎᓇᐧᒃ᙮ ᐊᐅᑯᓂ, ᓇᔅᑐᓄᐛᑦ ᐊᐛᓴ ᐊᓐᑕ ᐊᑕᔨᒋ᙮ ᐛᑎᓇᑦ, ᐱᔭᐧᑲᐱᑎᒺᑦ ᓂᔭᔪᐛ ᐊᑕᔨᒋ᙮
ᐊᐅᑯᐤ ᐊᐛᓯᔅ ᐊᓐᑕ ᐊᑕᓯᑦ᙮ ᒥ ᐱᑯᐱᑎᑯᐤ ᑕᓐᑕ᙮ “ᐛᔅ ᐊᐅᑯᐤ ᓂᓯᒻ ᑲ ᑕᑦ,” ᐃᑕᔨᒪᐤ ᐊᓐ ᐃᔎᔅ᙮
ᐊᑯ, “ᑕᓐᑕ ᓂᐸ ᒋ ᐅᒋ ᐃᔨᐱᒐᓐ?”
\p ᐊᑯ ᐊᓐ ᐊᐛᓯᔅ ᐛᑎᓇᑦ ᐊᓂᔪᐛ ᐅᓯᒪ, ᐊᑯ ᐊᓐᑕ ᐊᑎ ᐃᔭᓯᑦ ᐊᓐᑕ ᒐᒂᓂᔪᐤ, ᒋ ᑕᐧᑯᓂᒻ ᒐᒂᓂᔪᐤ᙮ ᐊᔅᒋᐧᑯᓯᔪᐤ ᐊᑯᑕ ᑲ ᑕᐧᑯᓇᐧᒃ, ᐊᐅᑯᔪᐤ ᓂᔭᔪᐤ ᐸᑕᐛᑦ ᓂᔭᔪᐛ ᐊᐛᓯᓴ᙮ ᐊᑯ ᑲ ᐱᑕᐛᑦ ᐊᑯ ᔭᔭᒋᓯᔨᒋ ᓂᔭᔪᐛ ᐊᐛᓴ᙮ ᒐᐱᒋᐛᐛᓯᑦ ᓂᔭᔪᐤ ᒋᐱᒋᐛᐃᑭᓂᔪᐤ᙮
ᐊᑯ ᒐᐛᑕᐊᑦ᙮
ᐊᑯ ᓇᑕ ᑲ ᑎᑯᓯᑕᐊᑦ ᐊᑯ ᒋᒋᐛ ᒐᔄᔭᒋᔨᒋ, ᔭᔭᒋᓯᔨᒋ᙮ 
ᐊᑯ ᑲᓄᐛᔨᒪᑦ ᐅᓯᒪ᙮ 
“ᑕᓐᑕ ᓂᐸ ᒋ ᐅᒋ ᐃᔨᐱᒐᓐ?” ᐃᑕᔨᑎᒻ᙮ 
\p ᐊᑯ ᓂᔭᔪᐤ ᒐᒃ ᓂᔭᔪᐤ ᐅᑦ ᐊᔅᒋᐧᒄ ᓂᔭᔪᐤ, ᐊᑯᑕ ᐊᓐᑕ ᐊᑎ ᐃᔭᓯᑦ, ᐊᓐᑕ ᐅᑦ ᐊᔅᒋᐧᑯᒡ᙮ ᐱᔭᓂᒍᐛᔅᑭᒥᔨᒋ ᓂᔭᔪᐤ ᐅᑦ ᐊᔅᒋᐧᒄ; ᒪᓯᑎᔨᒋ, ᒪᓯᑎᓯᔨᒋ ᒐᒃ᙮ ᐛᐛᒡ, ᐛᐛᒡ ᒋᒋᐛ ᒐᒃ ᒋᔨᐱᒍᐤ ᐊᓐ ᐊᐛᔅ᙮
ᐊᑯ ᐊᑎ ᒥᓯᑎᓯᑦ, ᐊᑎ ᓂᑕᐛᔨᒋ᙮ ᒻᒻᒻ᙮
\s “ᓂᒥᓴ,” ᐃᑕᐤ᙮ ᓴᔅ ᑭᑈ ᒂ ᒋᔅᒐᔨᒪᑦ᙮
“ᓇᓯ,” ᑭᑈ ᐃᑕᒐ ᒧᓯᓇᐤ᙮
“ᓂᒥᓴ,” ᐃᑕᐤ, “ᑕᓐᑕ ᒪ ᐛᒋ ᓂᑕᐅᒋᔭᐧᒄ ᐊᑲ ᒍᑕᐎᓇᓄᐛ ᑭᔭ ᐊᑲ ᒋᑲᐎᓇᓄᐛ?” ᐃᑕᐤ᙮ 
“ᐊᐅᑯᐤ ᓇᓯ, ᐛᔅ ᓂᔭᐧᑲ ᐊᓐᒡ ᒍᑕᐎᓄᐤ ᑭᔭ ᒋᑲᐎᓄᐤ, ᒋ ᓂᐸᐃᑯᒡ ᐊᐛᔪᐛ,” ᐃᑕᐤ᙮ “ᐊᑯ ᑕᒥᒡ ᐊᓐᑕ ᔅᒋ ᐃᑕᓐ ᒋᑲᐎᓄᐤ ᐅᔭᒡ,” ᐃᑕᐤ᙮ “ᐊᑯ ᐊᔅᒄ ᒥ ᒋ ᐅᒋ ᐃᔪᓐ, ᐊᑯ ᓇᐸᐃᑯᒡ ᐊᐛᔪᐛ᙮ ᐊᑯ ᒥ ᒋ ᐱᒪᔨᒥᑯᓯᐱᓐ ᓂᔭᔪᐛ ᑲ ᓂᐸᐃᑯᒡ, ᒋ ᐛᐱᓂᑯᓯᐱᓐ ᐊᓐᑕ᙮
ᓇᑐᐛᐱᒥᑕᓐ, ᒪᔅᑲᑕᓐ,” ᐃᑕᐤ, “ᐊᑯ ᒐᐛᑕᐃᑕᓐ,” ᐃᑕᐤ᙮ ᐛᑎᒧᐛᑦ ᐊᓂᔭ ᐊ ᑐᑐᐛᑦ ᐅᓯᒪ᙮
“ᓂᐦᐃ,” ᐃᑎᑯᐤ᙮ 
ᐸᑐᔅ ᒐᔅᒐᔨᑕᐧᒃ ᐊᓐ ᐊᐛᔅ᙮ ᒻᒻᒻ᙮
\s “ᓂᒥᓴ, ᓂᑭ ᒥᑎᓴᓂᐧᑲᓱᓐ ᒪ,” ᐃᑕᐤ᙮ 
ᒻᒻᒻ᙮ ᒐ ᐃᑎᒂ ᑕᐸ ᒋ ᑭᔅᑐᑎᑯᐤ ᐅᒥᓴ᙮ ᒪᑎᓴᓂᐧᑲᓱᑦ᙮ ᒻᒻᒻ᙮ ᐸᒐᑦ᙮
ᑕᑈ, ᐸᐸᑕᑯᓱᑦ ᐊᓐᑕ ᐅᒥᑎᓴᓂᒡ; ᐊᓐᑕ ᒪᒧᒋᐧᑭᓱᑦ᙮ ᐊᑯ ᒐᒃ, “ᐊᐊᑲ, ᓂᒥᓴ, ᐱᑯᓇ, ᐱᑯᓇ!”
ᐸᑯᐱᑎᒥᔨᒋ ᐅᔭᔪᐛ ᐅᒥᓴ ᐅᒥᑎᓴᓐ᙮ ᒋ ᐊᑯᓇᐊᒻ ᒂ ᑐᑕᑭᓄᐅᒡ ᒥᑎᓴᓐ ᐊᓯᓂᐧᑲᑕᒡ᙮
ᐊᐅᑯᐤ ᐊᐱᑦ, ᓴᔅ ᒥᓯᑐᐤ᙮ ᒥ ᐃᓯᓇᑯᓱᐤ ᓂᔭᔪᐤ ᑲ ᐃᓯᓇᑯᔅᑦ ᑲ ᐃᔅᐱᑎᔅᑦ᙮ ᓇᐊᒻ ᐃᔪᐛ ᐊᔅᐱᑎᔨᒋ ᓴᔅ ᒂ ᐃᔅᐱᑎᑦ ᐊ ᐃᓯᓇᑯᐅᑦ᙮
ᒥ ᑭᔅᑐᑎᑯᐤ ᐃᔭᐱᒡ ᐅᒥᓴ; ᑕᓐ ᒋᐸ ᐃᑎᑯᐤ?
\p ᐊᑯ ᒐᒃ, ᐛᔪᐎᑦ ᒋᔭᒋᓴᐸᔭᔨᒡ᙮ ᒻᒻᒻ᙮
“ᓂᒥᓴ,” ᐃᑕᐤ, “ᓂᑭ ᐃᔭᓐ ᒪ,” ᐃᑕᐤ᙮ “ᓂᑭ ᒥᓂᑲᐛᐅᒡ ᒪ ᓂᑭᔅᑯᒡ ᑭᔭ ᓂᑦ ᐊᒐᐱᔾ,” ᐃᑕᐤ᙮
ᒥᒄ ᐊᐱᓯᓱᐤ, ᒥ ᓇᔅᒡ ᐃᔅᐱᑐᐤ ᐃᔪᐛ ᐊᔅᐱᑎᔨᒋ᙮ ᒥᒄ ᓱᒐᔨᑕᑯᓱᐤ, ᒥᒄ ᑭᒐᒋᑐᐤ ᒋᒋᐛ᙮
“ᓂᐦᐃ,” ᐃᑎᑯᐤ᙮ 
ᐊᑯ ᒐᑐᑕᑦ᙮ 
\p ᐊᑯ ᓂᔭᔪᐛ ᐛᒋᓇᑭᓇᑎᒂ ᐊ ᒥᔽᔅᑯᓯᔨᒋ ᒥᒄ ᐱᐱᒋᑲᐛᐤ, ᒻᒻᒻ, ᑭᑈ ᒐᓏᔎᐊᑦ᙮
ᐊᑯ ᓂᔭᔪᐛ, ᓂᔭᔪᐛ ᒥᔅᑎᒂ ᓄᑎᒪᔅᑯᓯᔨᒋ ᐃᔭᑎᒂ᙮ ᐊᐅᑯᓂ ᐛ ᐅᑭᔅᑯᑲᓱᑦ, ᒥᒄ ᑭᒋᐧᑲᐛᐤ᙮ ᒥᒄ ᐅᔅᑎᒂᓂᑲᒻ ᒥᔅᑎᒂ ᐊᔭᐱᓴᔅᑯᓯᔨᒋ; ᓂᔭᔪᐛ ᐃᔭᔅᐱᑕᔅᑯᓯᔨᒋ ᒥᔅᑎᒂ᙮ ᐅᑕ ᐛᒋ ᑭᒋᐧᑲᐛᑦ ᐊᐅᑯᓂ ᒐ ᐅᑭᔅᑯᑐᐛᑦ᙮ ᒻᒻᒻ᙮ ᒐᐛᑦ᙮
ᓂᔍᔎᐊᐤ ᐅᑭᔎ᙮ 
ᐊᑯ ᑕᐸᑲ ᐊᔍᑯᐤ ᓂ ᒥᒋᒥᔪᐤ ᐊᑲ ᐊᑕᒋ᙮ ᐊᑯ ᒪᒥᒋᓱᑦ ᑲ ᐱᒐᑦ᙮
ᐊᑯ ᑲ ᒥᒋᓱᒡ ᐃᑕᐤ, “ᓂᒥᓴ,” ᐃᑕᐤ, “ᓂᑐᐛᐱᒥᒡ ᒪ ᐊᓐᑕ,” ᐃᑕᐤ, “ᓂᑦ ᐊᒐᐱᔾ,” ᐃᑕᐤ᙮ “ᓂᑭ ᒧᐧᑯᑕᐤ,” ᐃᑕᐤ᙮ ᑕᐸᑲ ᐅᑕᐛᐛ ᐅᒧᐧᑯᑕᑭᓂᔪᐤ ᑎᑯᓂᔪᐤ, ᑭᓄᐛᔨᑎᒺᐅᒡ ᐃᔭᐱᒡ᙮
ᐊᑯ ᓇᑐᐛᐸᑕᐧᒃ᙮ ᐊᐅᑯᓂ ᐅᔭᔪᐛ ᐅᑦ ᐊᒐᐱᔭ ᒥᒄ ᐱᐱᒋᑲᐛᓯᐱᓐ ᒥᔅᑎᒂ᙮ ᒻᒻᒻ᙮
\p “ᒋᐸ ᒋ ᐎ ᑐᑐᐛᐤ, ᓇᓯ; ᐊᑯ ᑕᐸ ᓂᑕ ᐃᓯᓇᑯᐛᑭᓄᐤ ᐊᒐᐱᔾ,” ᐃᑕᐤ᙮ 
“ᐊᑯ ᐸᓱ ᐊᑯᔅ, ᐸᓱ᙮” 
ᐸᑎᑲᐊᔨᒋ᙮ ᐸᑕᔭᔅᑯᓂᒪᑯᑦ᙮ ᒪᒧᐧᑯᑕᑦ ᒐᓴᐊᑦ ᐅᑦ ᐊᒐᐱᔭ᙮ ᒥᒄ ᒪᒪᒥᐧᑯᑕᐤ; ᑕᐸ ᐎ ᒥᒥᔪᐧᑯᑕᐤ᙮
ᐊᑯ ᐃᑕᐤ, “ᐎᐎᑎᓯᓐ,” ᐃᑕᐤ᙮ 
ᐛᔪᐎᑎᓯᓇᔨᒋ᙮ 
“ᐸᒋ ᐱᑎᑲᐊᔨᒡ ᓂᑭᔅᑯᒡ,” ᐃᑕᐤ᙮ ᐸᑎᑲᐊᔨᒋ᙮
ᒪᒧᐧᑯᑕᑦ ᒥᓐ, ᑕᐸ ᐎ ᒥᒥᔪᐧᑯᑕᐤ᙮ ᓇᔅᑎᔅ ᒥ ᐛᐛᑎᐧᑯᑕᐤ ᐅᑕ ᐅᔅᑎᒂᓂᒪᒡ᙮ ᒥᒄ ᐅᑕ ᓱᓱᐛᔅᑯᐧᑯᑕᓱᐤ ᐊᓐᑕ ᐊ ᐱᒪᔅᑯᓯᓂᔨᒋ᙮ ᐊᑯᑕ ᐊᓐᑕ ᒥᒄ ᒧᐧᑯᑕᑦ, ᒋᒋᐛ ᑲᒋ ᓱᓱᐎᐧᑯᑕᑦ ᒂ ᐃᓯᓇᒂᐊᑦ᙮ ᒻᒻᒻ᙮
\s ᐊᐦᐊᒃ, ᐊᐦᐊᒃ; ᐊᐦᐊᒃ ᐊᑯ, “ᓂᒥᓴ, ᒐ ᐃᔭᔭᓐ᙮”
ᒐᒋᓴᐸᔭᔨᒡ ᐛᔪᐎᑦ, ᐛᔪᐎᑦ᙮ 
ᐛᔪᐎᑦ ᑕᓐᑕ ᐛᐛᑕᔨᑕᐧᒃ ᑭᑈ ᐱᑎᒪ; ᐛᔪᐎᑦ᙮ 
“ᓄᑕᐎᔾ ᒪᓂᔭ ᑲ ᓂᐸᐃᑯᐛᒂ ᐊᐛᔪᐛ, ᐊᑐᒡ ᑲᑭᔭ ᓂᒋ ᓂᑐᐛᐱᒪᐤ, ᓂᒋ ᓂᑐᐛᐱᒪᐤ,” ᐃᑕᔨᑎᒻ᙮ 
ᒐ ᐎ ᑎᐸᐊᒧᐛᑦ ᐅᑕᐎᔭ᙮ ᒻᒻᒻ᙮ 
\p ᐊᐦᐊᒃ ᐸᒐᑦ᙮ 
“ᐸᑕ, ᓂᒥᓴ,” ᐃᑕᐤ, “ᒐ ᐅᑕᒐᐸᑐᔭᓐ,” ᐃᑕᐤ᙮ 
ᒪᔨᑯᑦ ᐊᐱᓯᔪᐤ᙮ 
ᐊᑯ ᐅᔭᔪᐛ ᐅᑎ ᓄᒋᐧᑯᐛ ᐅᑭᔎ ᐅᔭᔪᐛ, “ᓂᒥᓴ,” ᐃᑕᐤ, “ᒍᑕᐎᓄᐤ ᒪᓂᔭᐧᑲ,” ᐃᑕᐤ, “ᑕᓐ ᐊᓯᓇᑯᓯᔨᒋ ᐊᓂᔭ ᓇᐸᐃᑯᒡ ᐊᐛᔪᐛ?” ᐃᑕᐤ᙮
\p “ᓇᓯ,” ᐃᑎᑯᐤ, “ᐛᓴ ᒋᒋᐛ ᑯᔅᑕᑕᔨᑕᑯᓱᐤ; ᒥᓯᑐᐤ ᒋᒋᐛ,” ᐃᑎᑯᐤ᙮ 
“ᑲᒋᑐᐛᔅᒄ ᐃᓯᓂᐧᑲᑕᑭᓄᐤ᙮ ᒥᓯᑐᐤ ᒋᒋᐛ,” ᐃᑎᑯᐤ᙮ 
“ᓂᐦᐃ,” ᐃᑕᐤ᙮ 
ᒥ ᒋᔅᑐᑕᐤ; ᒥ ᐎᑎᒧᐛᐤ ᒐ ᓂᑐᐛᐱᒪᑦ᙮ 
“ᓂᒥᓴ,” ᐃᑕᐤ, “ᓇᑕ ᒪ ᓂᑭ ᓇᓂᑐᐛᐱᒪᐅᒡ ᐊᓂᔅᒋᑯᒐᓯᒡ,” ᐃᑕᐤ᙮ “ᐅᑕ ᒥᒋᒪ ᓂᑭ ᐱᐸᒧᑕᓐ,” ᐃᑕᐤ᙮
“ᓂᐦᐃ,” ᐃᑎᑯᐤ᙮ 
\s ᐎᐱᒡ ᑲ ᐊᑎ ᔅᑐᑕᑦ, ᓇᑐᐛᐱᒪᑦ ᑲᒋᑐᐛᔎ᙮ 
ᓂᔭᔪᐤ ᒪᒃ ᐊᓐᑕ ᓂᔭᑎᒺᑦ ᐅᑕᐎᔭ, (ᑕᐸ ᐅᓇᔨᑎᒺᐤ ᐊᓐᑕ ᑲ ᓂᐸᐃᑯᔨᒋ)᙮ 
ᓂᔭᑎᒺᑦ᙮ 
\p ᐊᑯ ᐊᓐᑕ ᐊᓯᓂᔪᐤ ᐊᔅᑕᔪᐤ ᒥᒐᐱᔅᑲᔪᐤ᙮ ᐊᐅᑯᔪᐤ ᓂᔭᑕᐧᒃ᙮ ᐊᑯ ᓂᔭᔪᐛ ᐅᑭᔎ ᑭᔭᔭᑦ ᓇᑕ, ᐛᔪᐎᔅ ᓇᑕ ᑭᔭ ᐅᑦ ᐊᒐᐱᔭ᙮ ᐊᔨᑯᓂᑲᐛᑦ ᓇᑕ᙮ ᐊᑯ ᓂᔭᔪᐤ ᐊᓯᓂᔪᐤ ᓂᔭᑕᐧᒃ᙮ ᐊᑯ ᓇᑕ ᑕᐧᑯᒡ ᓇᑕ ᐊᑯᑕ ᐸᒥᓯᐧᒃ᙮ ᐸᒥᓯᓂᔅᑦ᙮
ᓇᑭᒧᔅᑦ: “ᑲᒋᑐᐛᔅᒄ ᓂᑐᓂᒐᐊᐤ, ᑲᒋᑐᐛᔅᒄ ᓂᑐᓂᒐᐊᐤ᙮”
\s “ᒪ! ᐊᐛᓐ ᐊᑯ? ᓂᑐᑐᐎᐧᒄ ᒪ ᐊ ᐃᑥᐅᑦ᙮ ᓂᑐᐛᐱᒻ! ᒋᓴᔭᒄ, ᓂᑐᐛᐱᒻ! ᒥᔅᒄ, ᒥᔅᒄ ᓂᑐᐛᐱᒻ!”
\p ᓇᑐᐛᐱᒪᑦ ᒥᔅᒄ᙮ ᒻᒻᒻ᙮ 
ᐊᐅᑯᓂ ᐅᔭᔪᐛ ᐸᒥᓯᓂᔨᒋ ᐊᓯᓂᒡ᙮ ᒻᒻᒻ᙮ ᒐᑐᑎᑯᑦ,
“ᐊᐛ ᐅ ᒋᔾ ᑲᒋᑐᐛᔅᒄ ᐊᑎᑯᔨᓐ?”
“ᓇᒪ᙮” ᐃᑕᐤ, “ᓇᒪᔭᐤ ᓂᔾ᙮” 
“ᐊᐦᐊᒃ, ᒋᐛᒪ ᐊᓐᑕ,” ᐃᑕᐤ᙮ “ᑲᒋᑐᐛᔅᒄ ᐊᐅᒄ,” ᐃᑕᐤ᙮ “ᐊᐅᒄ ᓇᑐᓂᒐᐊᒃ᙮”
\p ᑕᑯᓯᐧᒃ ᒥᔅᒄ᙮ 
“ᑕᓐ ᐊᑎᑦ?” ᐃᑕᐅᒡ᙮ 
“ ‘ᒥᔭᐤ ᒋᔾ ᓇᑐᐛᔨᒥᑕᓐ’ ᒂ ᐃᓯᑦ,” ᐃᑕᐤ᙮ “ ‘ᑲᒋᑐᐛᔅᒄ ᐊᐅᑯᓐ ᓇᑐᐛᔨᒥᒃ’ ᒂ ᐃᓯᑦ,” ᐃᑕᐤ᙮
“ᒋᔾ ᒪ, ᒋᔾ ᒪ, ᐛᐱᔅᒄ! ᓂᑐᐛᐱᒻ!” 
\p ᓇᑐᐛᐱᒥᑯᑦ ᐛᐱᔎ᙮ 
ᐊᐅᑯᓂ ᐱᔭᑐᑕᔨᒋ, ᐎᐱᒡ ᐱᔭᒋ ᐸᓱᓇᑯᓯᔨᒋ, ᓴᔅ ᒂ ᒋᑐᑕᑦ᙮
ᐃᑕᐤ, “ᐊᐛ ᒋᔾ ᑲᒋᑐᐛᔅᒄ?” ᐃᑕᐤ᙮ 
“ᓇᒪ,” ᐃᑎᑯᐤ᙮ 
“ᑲᒋᑐᐛᔅᒄ ᐊᐅᒄ ᓇᑐᓂᒐᐊᒃ,” ᐃᑎᑯᐤ᙮ 
\p ᒐᐛᔨᒋ᙮ 
ᑕᑯᓯᓂᔨᒋ, “ᑕᓐ ᐊᑎᑦ?” ᐃᑕᐅᒡ᙮
“ ‘ᑲᒋᑐᐛᔅᒄ ᐊᐅᒄ ᓇᑐᓂᒐᐊᒃ,’ ᑯᔭᑦ,” ᐃᑕᐤ᙮ “ ‘ᒋᐛᒪ,’ ᐊᒂᓯᑦ,” ᐃᑕᐤ᙮ “ᓂ ᒋᐛᑎᓴᐅᒃ᙮”
\p ᐊᑯ ᐊᓐ ᑲᒋᑐᐛᔅᒄ, “ᑕᓐ ᐊᓯᓇᑯᓯᑦ ᐊᓐ?” ᐃᑕᐤ᙮ 
“ᒋᒋᐛ ᐊᐱᓯᓱᐤ,” ᐃᑕᐤ ᐛᐱᔅᒄ᙮ “ᐊᓯᓂᒡ ᐊᓐᑕ ᒋᔅᒋᓂᓱᐤ,” ᐃᑕᐤ᙮ “ᐊᐱᓯᓱᐤ ᒋᒋᐛ,” ᐃᑕᐤ᙮ “ᑭ ᐱᓴᐸᒋᐛᓱᐛ ᒂ ᐃᓯᓇᑯᓯᑦ,” ᐃᑕᐤ᙮ “ᑭ ᒋᓏᐸᒋᓱᐛ ᒂ ᐃᓯᓇᑯᓯᑦ,” ᐃᑕᐤ᙮
\s ᐊᑯ, “ᓂᑭ ᓂᑐᐛᐱᒪᐤ,” ᐃᑕᐤ ᑲᒋᑐᐛᔅᒄ᙮ 
ᐸᓯᑯᑦ᙮ ᒥᓯᑐᐤ ᑕᓐᑕ, ᑭ ᓇᓇᒥᐱᔪᐛ ᐊᔅᒋᔪᐤ ᐸᓯᑯᑦ᙮
ᒻᒻᒻ᙮ “ᐊᐅᒄ, ᐊᐅᒄ ᐊᐎᒐ᙮” ᑕᐸ ᐅᓇᔨᒪᓱᐤ᙮ 
ᓂᔭᔪᐛ ᒥᔅᑎᒂ ᓯᔭᒂᔅᑯᓯᔨᒋ ᐊᐱᑐᐛᔅᒄ ᓇᑕ ᒂ ᐃᔅᑎᑯᑕᔨᒡ ᐅᔅᑎᒂᓂᔪᐤ, ᓯᔭᒂᔎᐊᒥᔨᒋ᙮ 
“ᐊᐅᑯᐎᒐ,” ᐃᑕᔨᒪᐤ᙮ ᒐᑐᔅᑐᐛᑦ, ᒐᑐᔅᑐᐛᑦ, ᑭ ᓂᐱᓱᐛ ᒂ ᐃᑎᑦ, ᒥ ᐊᒋᓱᐤ ᓇᔅᑎᔅ᙮ ᓂᔭᑕᑦ ᑲᒋᑐᐛᔅᒄ, ᐊᐅᑯᓂ ᐸᒥᓯᓂᓯᔨᒋ ᐊᓯᓂᒡ ᑕᐧᑯᒡ᙮
\p “ᓇᐊᐊ,” ᐃᑕᐤ, “ᐊᐛ ᑲᒋᑐᐛᔎ ᑲ ᓇᓂᑐᓂᒐᐊᑦ?” ᐃᑕᐤ᙮ “ᓇᔅᑎᔅ ᐅᐛ ᐊᑲ ᐊᔭᐱᒋᓇᑯᓱᐛ ᐊᑲ ᒋ ᐃᓯᓇᑯᓱᐛ,” ᐃᑕᐤ᙮
ᐛᒋ ᓂᑐᑕᑯᔅᑦ᙮ 
“ᐛᐛᒡ ᐅᔭ ᓴᔅ ᑭ ᓇᔍᔨᑎᒧᓯᐱᓄᐛ,” ᐃᑕᐤ᙮ 
“ᐅᑕ ᐛᒋ ᐅᑕᐛᑦ ᐅᔭ ᐅᔅᒍᓐ ᐅᔭ,” ᐃᑕᔨᒥᑯᐤ ᓇ ᐃᔭᐱᒡ᙮ “ᑭᒪ ᐛᐱᔅᒍᓇᒥᔨᓐ ᓇᑕ ᓂᑭᔅᑯᒡ ᐊᐱᒡ,” ᐃᑕᔨᒥᑯᐤ᙮ ᐛᔪᐎᔅ ᓇᑕ ᐊᐱᔪᐛ ᐅᑭᔎ᙮
\p ᐎᔭᐱᔅᒍᓇᒪᑦ ᐅᔭᔪᐛ ᐅᔅᒍᓐ ᐛᒋ ᐛᐱᔅᑯᐛᑦ᙮ ᓇᑕ ᓇᐊᐤ ᐅᑭᔅᑯᔪᐛ ᐊᐱᔨᒋ, ᐊᑯᑕ ᓇᑕ ᐱᔭᔅᒋᓂᔨᒋ; ᒂ ᒋᓂᔅᑎᐱᑲᐳᓯᔨᒋ᙮
“ᑕᓐᑕ ᐅ ᓂᔭᔍᔨᑎᒥᔨᒋ,” ᐃᑎᑯᐤ᙮ 
ᑭ ᒋᑕᐱᒪᐛ ᑲᒋᑐᐛᔅᒄ᙮ ᒧᔅᒋᐧᑯᓂᒋᓇᔨᒋ ᐅᑭᔅᑯᔪᐛ ᑭᔭ ᐅᑦ ᐊᒐᐱᔪᐛ᙮ ᑲ ᒧᔅᒋᐧᑯᓂᒋᓇᔨᒋ, ᒐᑐᑎᑯᑦ, “ᓄᑕᐎᔾ ᒪ ᑲ ᓂᐸᐃᑯᐛᒂ ᑕᓐ ᐊᔅᐱᔅ ᒥᔅᑯᓯᔨᒋ,” ᐃᑕᐤ᙮
\s ᐊ ᑥᒧᐛᑦ ᐛᒋᓇᑭᓇᑎᒂ ᒋᒥᓱᔪᐛ, ᒥᓯᑎᒋᓱᔽ᙮ 
ᐛᑕᒋᔅᑐᐛᔨᒋ ᐸᒺᔨᒋ᙮ ᓇᐊᐤ ᒥᓯᐛᐤ ᓂᔭᔪᐛ ᐛᒋᓇᑭᓇᑎᒂ ᒂ ᐱᓯᑎᑲᐛᑦ᙮
“ᑕᐸ ᐃᔅᐱᔅ ᒥᔅᑯᓯᔪᐛ, ᒥ ᐃᔅᐱᔅ ᒥᔅᑯᓯᔪᐛ,” ᐃᑕᐤ ᑲᒋᑐᐛᔅᒄ᙮
\p ᐊᑯ ᐅᑕ ᐸᒋᓄᐛᑲᐱᔅᑲᔪᐤ ᐊᓯᓂᔪᐤ, ᐊᓯᓂᔪᐤ ᐱᔅᑯᑎᓇᐤ ᐅᑕ ᐃᓯᓇᑯᓂᔪᐛ, ᐅᑕ ᐊᓯᓂᔪᐤ ᐊᔅᑕᔨᒡ᙮ 
“ᒪᐤ ᒂ ᐃᔅᐱᔅ ᒥᔅᑯᓯᔨᒋ,” ᐃᑕᐤ, “ᓂᔭᔪᐛ ᐊ ᒋᔅᒐᑲᔨᒡ᙮” 
ᐛᑎᓇᔨᒋ ᐅᑭᔅᑯᔪᐛ᙮ ᐸᒧᑎᒥᔨᒋ ᒂ ᓂᑭᓴᑲᐊᒥᔨᒋ᙮
\p ᒂᔅᑕᑦ, ᐊᐅᑯᔪᐤ ᒂᔅᑕᑦ᙮ 
ᐊᑎ ᒋᐛᔪᐛᐱᔪᐅᑦ, ᑕᓐᑕ ᐸᐃᒄ ᐃᔅᑯᓇᔪᐛ ᐅᑭᔅᑯᔪᐛ᙮ ᐸᒧᑯᑦ ᐊᑎ ᒋᐛᔪᐛᐱᔪᐅᑦ ᓇᐅᑕ ᒥᓱᑯᐤ᙮ ᒂ ᐱᑯᓱᑯᓇᐅᑯᑦ ᐊᓂᔭ ᐊᑕᐅᑯᑦ᙮ ᐸᐸᒥᑕᒋᒥᐸᑕᑦ ᑲᒋᑐᐛᔅᒄ᙮
\p ᓂᔭᑕᔨᒋ ᐅᑭᔅᑯᔪᐛ, ᐅᔭᔪᐛ ᑲ ᐱᒧᒐᔨᒋ, ᐛᑎᓇᔨᒋ ᓂᔭᑎᑯᑦ ᒥᓐ ᒂᔅᑕᒐ ᐛᒋ ᐱᒧᑯᑦ᙮ 
“ᓂᐦᐃ ᑕᑈ,” ᐃᑕᐤ, “ᑕᑈ ᒋ ᓂᐸᐃᓐ,” ᐃᑕᐤ ᑲᒋᑐᐛᔅᒄ᙮ ᐃᔨᒥᐃᑯᐤ ᑕᓐᑕ᙮ “ᒋ ᓂᐸᐃᓐ ᑕᑈ᙮ ᒻᒻᒻ᙮ ᐊᑯ ᒪᐤ ᒐ ᑐᑐᐎᔨᓐ: ᒐ ᐱᑯᓱᐎᔨᓐ᙮ ᐊᑯ ᐅᔭᔪᐛ ᓂᑐᑭᔭ ᐅᔭᔪᐛ ᐊᐅᑯᓂ ᒐ ᒥᓂᓯᒥᓐ,” ᐃᑕᐤ᙮ “ᐊᐅᑯᓂ ᐅᔭᔪᐛ ᒐ ᐊᐱᒋᑕᔨᓐ,” ᐃᑕᐤ᙮ 
ᒻᒻᒻ᙮ “ᓂᐦᐃ,” ᐃᑎᑯᐤ᙮ 
\s ᐸᐱᑯᔄᑦ᙮ ᐊᑯ ᐅᔭᔪᐛ ᐎᑐᑲᔪᐛ ᐅᔭᔪᐛ ᐊᐅᑯᓂ ᐅᔭᔪᐛ ᒥᔭᐛᔨᑎᒺᑦ᙮ ᒪᓂᓯᒺᑦ, ᓇᔄᐱᐧᑲᑕᐧᒃ; ᐎᑐᑲᒪ ᓇᔄᐱᐧᑲᑕᐧᒃ᙮
ᐊᑯ ᒐᐛᑐᐅᑕᑦ᙮ 
\p ᐊᑯ ᐅᑕ ᐱᔭᒋ ᐱᔅᑐᐅᑕᑦ ᒋᐱᔎᒡ ᐸᒐᑦ᙮ 
\p ᐊᑯ ᒪᒥᒋᓱᑦ, ᑭᑈ ᐅᒥᓴ ᒪᔨᑯᑦ ᒥᒋᒥᔪᐤ᙮ ᐊᑯ ᐅᔭ ᐅᑎ ᒥᒋᓱ, “ᓂᒥᓴ,” ᐃᑕᐤ, “ᐊᓐᑕ ᒪ ᓂ ᐸᑕᓐ ᒐᒂᓂᒐᓂ, ᐱᑎᑭᑕ,” ᐃᑕᐤ᙮
“ᒐ ᓄᒋᐧᑭᒥᓐ,” ᐃᑕᐤ᙮ 
ᐸᓯᑯᓯᐸᑕᔨᒋ ᐅᒥᓴ ᓇᑐᐛᐸᑎᒥᔨᒋ ᐊᐅᑯᓂ ᐊᔅᑕᔨᒋ᙮ ᐅᐱᔽᐎᔪᐛ ᒐᒂᓂᔪᐛ ᒥᓴᔪᐛ; ᐊ ᓴᐱᐎᔨᒋ ᒂᔅᑎᒥᔨᒋ᙮
“ᓇᓯ,” ᐃᑎᑯᐤ, “ᒐᒂᔪᐛ ᐅᔭᔪᐛ?” ᐃᑎᑯᐤ᙮ 
\p “ᒍᑕᐎᓄᐤ ᑲ ᓂᐸᐃᑯᐛᒂ ᐊᐛᔪᐛ: ᓂᔭᔪᐛ ᐎᑐᑭᔪᐛ ᐊᐅᑯᓂ ᓂᔭᔪᐛ,” ᐃᑕᐤ᙮ “ᓂ ᓂᐸᐃᒪᐛ,” ᐃᑕᐤ᙮ “ᐱᑎᑭᑕ,” ᐃᑕᐤ, “ᒐ ᓄᒋᐧᑭᒥᓐ,” ᐃᑕᐤ᙮ “ᒐ ᐅᓂᐸᑭᓂᐧᑯᔨᓐ, ᑭᔭ ᓂᔅᑦ ᐸᐃᒄ ᒐ ᐅᓂᐸᑭᓂᔨᓐ᙮” ᑕᓐᑕ ᒥᓴᔪᑲᔪᐛ᙮
\p ᐸᑎᑭᑕᔨᒋ ᐊ ᐃᑎᓱᒪᑦ ᐊ ᐃᑎᔨᒋ᙮ ᐊᑯ ᓄᒋᐧᑭᒥᔨᒋ, ᐊᔪᑯᓂ ᐛᓂᐸᑭᓂᐧᑲᑯᑦ᙮
\1 ᒐᐧᑲᐸᔅ ᑭᔭ ᑲᐛᐛᐱᓱᐛᐊᒡ ᐊᐛᔪᐛ \p ᒋᔭᒋᓴᐸᔭᔨᒡ ᐛᓂᑦ᙮ 
ᐱᔭᑐᐛᑦ; ᐱᔭᑐᐛᑦ ᐊᓐᑕ ᐊᐛᔪᐛ ᐊᓐᑕ ᐊᑕᐎᔨᒋ᙮ ᒻᒻᒻ᙮ “ᓂᒥᓴ, ᐊᐛᒐᓂᒋ ᒪᓐᑕ ᑭ ᒥᑥᐛᐱᓱᑎᑭᒋ?”
“ᓇᓯ, ᐊᑲ ᓂᑐᐛᐱᒥᒡ; ᐛᓴ ᐊᓐᒡ ᒋᒋᐛ ᒥ ᐃᑈᐧᑲᐅᒡ᙮ ᐅᑎᑎᑥᐛ, ᐊᑯ ᒐ ᐛᐛᐱᓱᓂᔅᒡ᙮
ᐊᑯ ᑯᑐᐛᐅᒡ, ᐊᓐᑕ ᐊᑯᑕ ᓇᑕ ᐊᔅᑕᒡ ᐅᑦ ᐊᔅᒋᐧᑯᐛᐤ, ᒥᓴᔪᐤ᙮ ᐊᑯ ᐎᔭᐛᐱᓱᓇᑥᐎ ᐃᔪᐛ, ᓂᔭᔪᐛ ᐊᔅᐱᔨᒋ ᓂᔭᔪᐛ, ᐊᑯ ᐸᔅᑲᐸᓯᒺᒡ ᓂᔭᔪᐛ, ᓂᔭᔪᐛ ᐊᐱᓯᔪᐛ᙮ ᐊᑯ ᓂᔭᔪᐛ ᐅᑦ ᐊᔅᒋᐧᑯᐛᐤ, ᓂᔭᔪᐛ ᐊᑯᑕ ᓇᑕ ᐳᑕᑭᒥᐱᔨᒋ᙮ ᐊᑯ ᐊᔎᓱᔨᒋ ᐅᑕᔪᐤ ᓂᔭᔪᐛ ᐅᑦ ᐊᔅᒋᐧᑯᐛᐤ ᓇᐸᐃᑭᓱᔨᒋ᙮”
“ᓂᐦᐃ ᓂᒥᓴ, ᒥ ᓂᑭ ᒋ ᓂᑐᐛᐱᒪᐅᒡ᙮ ᒋ ᑯᔅᑕᒋᒥᓐ ᐅᓴᒻ ᐊ ᐃᑕᒋᒧᔨᓐ,” ᐃᑕᐤ᙮ 
\s ᐎᐱᒡ ᑲ ᐛᑕᔅᐱᓱᑦ, ᓇᑐᐛᐱᒪᑦ᙮ 
ᐊᐅᑯᐤ ᐛᒋ ᓴᑲᔎᔅᑦ, ᒥᓯᑎᔪᐛ ᐅᑦ ᐊᓴᒪ ᑭᔭ ᐅᑦ ᐊᒐᐱᔭ ᒥᓯᑎᔪᐛ, ᑭ ᐊᐱᓯᓯᓱᐛ ᒂ ᐃᓯᓇᑯᓯᑦ᙮ 
“ᒪ! ᒪᓐᑕᐤ ᐛᑎᑕᐧᒄ᙮ ᐛᐛᐱᓱᓂᐃᒄ!” ᑲ ᐃᑎᑯᑦ ᐅᒥᓴ᙮ ᒻᒻᒻ᙮ 
“ᐛᐛᐱᓱ ᒪᓐᑕᐤ!” 
ᐛᐸᑎᒺᐤ ᐅᑦ ᐊᔅᒋᐧᑯᔪᐤ ᐊᔅᑕᔨᒡ᙮ 
\p ᐊᐦᐊᒃ, ᒐᒥᔭᑦ ᓇᑕ ᐅᑭᔎ, ᓂᔅᑎᔪᐛ ᐅᑭᔎ; ᒐᒥᔭᔅᑦ ᓇᑕ᙮ ᐊᑯ ᐅᔭᔪᐛ ᐅᑦ ᐊᒐᐱᔭ, ᐅᔭᔪᐛ ᐅᔭᔪᐤ ᐅᑦ ᐊᒐᐸᔎ, ᐊᐅᑯᓂ ᒥ ᐱᔅᑎᓇᐤ᙮ ᐊᑯ ᓂᔭᔪᐤ ᒐ ᐸᒋ ᒋᑐᑕᑦ ᓂᔭᔪᐤ, ᒋ ᐅᓯᑕᔪᐛ ᑐᒥᒂᓇ ᐅᒥᓴ, ᒋ ᑭᓄᐛᔨᑎᒥᔪᐛ᙮ ᐊᐅᑯᓂ ᑲ ᒐᒧᑎᒪᑦ ᐱᔭᐱᑕᐊᐧᒃ ᐅᑕ ᐅᑕ ᐅᑎᐧᑯᒡ; ᓂᔭᔪᐤ ᑐᒥᒂᓇ, ᐊ ᓂᓯᓂᔨᒋ᙮
ᐊᑯ ᐅᑕ ᐊᑎᑕᐧᒃ ᐅᑕ ᐅᑎᐧᑯᒡ ᒐ ᐱᒂᑕᐅᑦ ᐅᑕ, ᒐ ᐊᑲ ᒋ ᐸᒋᑕᑦ᙮ ᒻᒻᒻ᙮ 
\p ᐛᐛᑎᐱᑦ ᒋᑭᓴᒻ᙮ (ᒥ ᒥᓇᐤ ᐅᑦ ᐊᓴᒪ, ᑭᔭ ᐅᑦ ᐊᒐᐸᔎ ᑕᐧᑯᓇᐤ᙮)
\s ᐊᑯ ᐃᑕᐤ, “ᐛᔅ ᒪᓐ ᒐ ᐃᑐᑐᔭᒄ,” ᐃᑕᐤ, “ᒪᐊᓐ ᐊᒄ ᒋᑦ ᐊᔅᒋᐧᑯᐛᐤ,” ᐃᑕᐤ, “ᒐᔅᑎᓇᔅ ᐊᑯᑕ ᓇᑕ ᒐ ᐸᒋᓯᓂᔭᓐ ᒐ ᐱᔅᑲᐸᓱᔭᒄ,” ᐃᑕᐤ᙮ “ᐊᑯ ᓇᑕ ᐸᒋᓯᓂᔭᓇ,” ᐃᑕᐤ, “ᐱᒥᓱᔭᓇ ᒪᒃ,” ᐃᑕᐤ᙮ “ᐊᑯ ᒐ ᐛᔅᑲᐱᔅᑐᔭᒄ, ᒐ,” ᐃᑕᐤ᙮ “ᒐ ᓄᑕᐳᐛᓯᔭᒄ,” ᐃᑕᐤ, “ᐊ ᐱᒥᓱᔭᓐ,” ᐃᑕᐤ, “ᓂᑭ ᐱᒥᓱᓐ ᒋᒋᐛ᙮” ᐃᑕᐤ᙮ ᒻᒻᒻ᙮
\p ᐎᔭᐛᐱᒐᓂᑯᑦ, ᑭᑈ ᒐᓯᐱᔨᑦ ᐊ ᐃᔅᐱᔨᑦ ᐅᔭᔪᐤ᙮ 
ᐊᑯ ᓂᔭᔪᐤ ᐸᐃᒄ, ᓂᔭᔪᐤ ᐊᐱᓯᔪᐤ, ᐛᑕᐸᑭᒧᔨᒡ ᓂᔭᔪᐤ, ᐛᑕᐸᑭᒧᔨᒡ ᐅᐱᔅ᙮ ᐸᓯᒥᔨᒋ ᐅᔭᔪᐤ ᐊᐱᓯᔪᐤ ᓇᐊᒻ ᐅᔭᔪᐛ ᐊᓂᔭ ᐅᑦ ᐊᔅᒋᐧᑯᔪᐤ, ᐊᑯᑕ ᓇᐊᒻ ᐱᔭᒋᓯᓂᔅᑦ᙮
ᐊᑯᑕ ᓇᑕ ᒐ ᒧᔅᑲᒧᔅᑲᒍᓱᔅᑦ᙮ ᑕᐸ ᓂᐳᐤ, ᒥᒄ ᐅᒋ ᐃᑕᐱᒪᓱᐤ ᓇᑕ, ᐛᒋ ᓇᓇᑭᒐᐊᑦ᙮
\p ᑲ ᐃᑎᓱᒥᑕᐧᒄ, “ᐛᔅᑲᐱᔅᑐᒄ!” ᐎᔭᔅᑲᐱᔅᑕᑯᒡ᙮ ᐊᑯ ᒥᓯᐛ ᑭ ᓇᑎᑯᒋ ᐊᑕᔨᒪᑦ ᑲ ᐛᔅᑲᐱᔅᑕᑯᒡ, ᑭᑈ ᑲ ᑭᓄᐛᐱᒪᑦ᙮
ᐃᔭᔭᒋᐱᔨᑕᐛᑦ ᓂᔭᔪᐤ ᐅᑦ ᐊᔅᒋᐧᑯᔪᐤ, ᐎᔭᐅᔄᐸᑲᒧᐛᑦ ᐅᔭᔪᐛ ᐅᑦ ᐊᒐᐸᔎ᙮ ᒥᓯᐛ ᐃᔎᔄᐤ ᐅᑕ ᐅᔭᔨᒡ; ᒪᒪᔅᐱᓇᔨᒋ, ᐃᔭᓯᒂᔨᒋ᙮
ᑕᓐᑕ ᒥᓯᐛ ᐃᔎᔄᐤ; ᑭᔭ ᐅᑕ ᐅᔅᒋᓯᑯᔨᒡ ᒥᓯᐛ ᐃᔎᔄᐤ᙮ ᐊᑯ ᐛᑎᑕᒥᔅᑎᒂᓇᐛᑦ ᐅᑦ ᐊᒐᐸᔎ᙮
ᐊᑯ ᒥᓯᐛ ᓇᐸᐊᑦ᙮ 
\p “ᐅᓴ ᐅᒡ,” ᐃᑕᐤ, “ᓂ ᐎ ᒪᔭᔨᒥᑯᒡ,” ᐃᑕᐤ᙮ “ᑭ ᓂ ᐎ ᐱᐱᑲᐃᑯᐅᒋ ᐅᑦ ᐊᔅᒋᐧᑯᐛᒡ,” ᐃᑕᐤ᙮ 
ᓂᑭᑕᐤ, ᒐᐛᑦ᙮ 
ᑕᑯᓯᐧᒃ, ᒥ ᐎᑎᒧᐛᐤ ᐅᒥᓴ᙮ 
\1 ᒐᐧᑲᐸᔅ ᑭᔭ ᐊᒐᓂᔎᐤ \p ᐊᑯ ᒥᓐ ᐎᔭᐱᓂᔨᒡ, “ᓂᒥᓴ ᐊᓐᑕ ᒪ ᐊᐛᓐᒋ ᑭ ᒥᑥᐛᔎᐃᒐᑎᑭᒋ, ᑭ ᐱᔎᐃᒐᑎᑭᒋ?”
“ᐊᑲ ᓇᓯᒡ, ᓇᓯ᙮” 
“ᒥᒋᓯᔪᐛ ᐊᓐᒡ ᐅᑲᐎᐛ, ᒋᑭ ᓂᐸᐃᑯᔪᐛ; ᓂᐸᐊᔪᐛ ᐃᔪᐛ,” ᐃᑎᑯᐤ᙮ 
\p ᐊᒐᓂᔎᐤ, ᐊᒐᓂᔎᐤ ᐃᓯᓂᑲᓱᔪᐛ᙮” 
“ᐊᑯ ᐊᓐᒡ ᐃᔎᐅᒡ, ᓂᓱᒡ ᐊᓐᒡ, ᒋᔭᓄᐤ ᐊᑕᔨᑕᑯᓱᐛᐧᒄ, ᒂ ᐃᑕᔨᑕᑯᓯᒡ ᐊᑎᒂ ᐊᓐᒡ ᒧᐛᐅᒡ,” ᐃᑎᑯᐤ᙮ “ᐃᓯ ᒥᒋᓱᐅᒡ, ᐃᓯ ᓂᑐᐎᓱᐅᒡ,” ᐃᑎᑯᐤ᙮ 
“ᐊᑯ ᓂᔭᔪᐛ ᐅᑲᐎᐛ, ᐃᔪᐛ ᓂᔭᔪᐛ ᒂ ᐃᓯ ᓂᑐᐎᓱᔨᒋ᙮” ᐃᑎᑯᐤ᙮ ᒻᒻᒻ᙮ “ᒪᓴᐊᔪᐛ ᓂ ᐅᑲᐎᐛ,” ᐃᑎᑯᐤ᙮ “ᓇᑕ ᐃᓴᑯᔪᐤ ᐊᓐᑕ ᐎ ᒋᒥᑕᔪᐛ ᐊᓐᑕ ᐊᔅᒋᒡ᙮ ᐊᑯᑕ ᐊᓐᑕ ᐎᔭᐱᓇᔨᒋ ᓂ ᒥᔭᓴᐊᔨᒋ ᐅᑲᐎᐛ,” ᐃᑎᑯᐤ᙮ “ᐊᑯ ᓯᔭᑈᔅᑯᓯᒥᑯᔨᒋ ᐊᑯ ᓇᐸᔨᒋ ᓂ᙮”
“ᓂᒥᓴ, ᒥ ᓂᒋ ᓂᑐᐛᐱᒪᐅᒡ᙮ ᒋ ᑯᔅᑕᒋᒥᓐ ᐊ ᐃᑕᒋᒥᑦ,” ᐃᑕᐤ᙮ 
\s ᐊᑯ ᑲ ᐛᑕᔅᐱᓱᔅᑦ᙮ ᐊᑯᑕ᙮ 
ᐃᑕᐤ, “ᓂᒥᓴ,” ᐃᑕᐤ, “ᒥᒋᒪ ᐅᑕ ᓂᑭ ᐱᐸᒧᑕᓐ,” ᐃᑕᐤ᙮ “ᐊᓂᔅᒋᑯᒐᓯᒡ ᓂᑭ ᓄᒋᐧᑯᐛᐅᒡ,” ᐃᑕᐤ᙮ ᑕᐸ ᐎ ᐎᑎᒧᐛᐤ ᓂᔭᔪᐤ ᐛ ᐃᑎᑦ᙮
ᐎᐱᒡ ᓇᑕ ᑲ ᐊᑎ ᐊᑯᐛᔅᑯᓯᐧᒃ, ᓂᑐᐛᐱᒪᐤ ᓇᑕ ᑲ ᐸᑐᐛᑦ ᑲ ᑕᔨᒋ᙮ 
\p ᐊᐅᑯᐤ ᓯᔭᒂᔎᐊᐧᒃ, ᐱᔎᐃᒐᐅᒡ ᐊᓐᒡ ᐃᔎᐅᒡ᙮ ᒻᒻᒻ᙮ “ᒪᓐᑕᐤ ᐛᑎᑕᐧᒄ,” ᐃᑕᐤ ᐅᓯᒪ᙮ ᓂᔭᑕᑦ ᐅᑕ ᐛᒋᑲᐳᔅᑐᐛᑦ᙮ ᐛᓱᓯᓄᐛᒡ, ᒧᒋᐃᑯᒡ ᐊᓐᒡ ᐃᔎᓯᒡ᙮ ᒻᒻᒻ᙮
\s ᐊᑯ ᐅᐛ ᐱᑎᑭᒥᒡ ᐅᑕ ᑕᐤ ᐅᐛ ᐊᒐᓂᔎᐤ ᐊᓯᓂᐧᑲᑕᑭᓄᐅᑦ᙮ 
“ᓂᑕᓂᔅ, ᒐᒂᓐ ᑭ ᒍᓯᓇᓇᐛ?” 
“ᐎᔅᑭᒐᓐ ᐊᓐ ᓄᓯᓄᐛᓇᓐ ᓄᒋᐧᑭᒻ ᐅᐱᐎᔭ,” ᐃᑎᑯᐤ᙮ ᐱᔭᐳᐎᔨᒋ ᐊᓐᑕ᙮ ᓯᔭᒋᐛᐱᒪᑦ, ᓇᑐᐛᐱᒪᑦ᙮
ᐊᐅᑯᓂ ᐅᔭᔪᐛ᙮ 
ᓯᔭᒋᐛᐱᒪᑦ ᐊᐅᑯᔭ ᓇᐳᐎᔨᒋ᙮ ᒻᒻᒻ᙮ 
“ᓂᑕᓂᔅ, ᓇᐸᒋᑭᔅᒄ ᐊ ᐊᓐ?” 
“ᓇᐸᒋᑭᔅᒄ ᐊ?” ᐃᑎᑯᐤ᙮ “ᐊᑲ ᐸᒋ ᐃᔨᒧᐛ ᐊᑯ,” ᐃᑎᑯᐤ ᐅᑕᓂᓴ᙮ ᒥ ᒋᔅᑐᐤ᙮ ᒂ ᐃᓯᑲᐳᐎᔨᒋ᙮
\p ᐊᑯ ᐃᑎᑯᐤ, “ᒐᔅᑎᓇᔅ ᒋᑭ ᓂᐸᐃᒄ ᓂᑲᐎᓇᓐ; ᓂᐸᐊᐤ ᓂ ᐊᐛᔪᐛ ᐊᑎ ᐅᑎᓯᒥᔨᒋ ᓇᐸᐛ,” ᐃᑎᑯᐤ᙮ 
“ᓂᐦᐃ,” ᐃᑕᐤ᙮ 
\p “ᓂᑕᓂᔅ, ᐱᒐᐧᒄ ᐊᑯ, ᐱᒐᐧᒄ᙮” 
ᒥ ᐎ ᐱᒐᔪᐛ ᐅᑕᓂᓴ᙮ ᒻᒻᒻ᙮ ᐊᑯ ᒐᒃ, ᐊᑯ ᐃᑕᐤ ᐊᓐ ᒐᐧᑲᐸᔅ, “ᐱᒐᐛᐧᒄ,” ᐃᑕᐤ᙮ “ᓂᑭ ᐱᒐᐛᓐ ᐱᒐᐛᒂ,” ᐃᑕᐤ᙮ ᐊᑯ ᐸᒐᔨᒋ᙮ ᑲ ᐱᒐᔨᑥᐤ ᐅᑕᓂᓴ, ᐊᑯ ᐸᒐᑦ ᒐᐧᑲᐸᔅ᙮
\p ᐊᑯ ᐊᓐᑕ ᐊᐱᑦ, ᐛᑎᐱᒪᑦ ᐅᔭᔪᐛ ᐃᔎᓴ᙮ 
ᐊᑯ, ᒻᒻᒻ, “ᒐ ᐊᓯᒥᒃ ᒪᓐᑕᐤ᙮” 
ᐊᑯ ᓂᔭᔪᐛ ᐃᔪᐛ ᑲ ᒧᐛᑦ, ᐊᐅᑯᔪᐛ ᐛ ᐃᑎᓯᒪᑦ ᓂᔅᑎᒻ, ᐊᐅᑯᔪᐛ ᐛ ᐊᓯᒪᑦ᙮ 
ᑕᓐᑕ ᒋᔅᒐᔨᒪᐤ ᒐᐧᑲᐸᔅ ᓂᑎᒥᒄ ᐊ ᐃᓯ ᒥᒋᓱᔨᒋ᙮ ᒥ ᐎ ᐅᑎᓂᒺᐤ ᓂᔭᔪᐛ ᐊᓯᒥᑯᑦ, ᐱᒥᔪᐤ ᐊᓯᒥᑯᐤ; ᒥ ᐅᑎᓂᒺᐤ, ᐊᓐᑕ ᐊᔅᑕᔨᒡ᙮
ᐊᑯ ᐅᒡ ᐃᔎᐅᒡ ᒪᔭᒡ ᐅᔭᔪᐛ ᒥᒋᒥᔪᐤ ᐊᓯ ᒥᒋᓱᒡ, ᐊᐅᑯᔪᐛ ᒪᒋᔨᒋ᙮ ᐊᓐ ᒐᐧᑲᐸᔅ ᐊᓯ ᒥᒋᓱᑦ᙮
\s ᐊᐅᒂᓇ ᐛᔪᐎᑦ ᐊᒐᓂᔎᐤ᙮ 
ᐊᐅᑯᓂ ᐅᔭᔪᐛ ᐅᑦ ᐊᒐᐱᔪᐛ ᒐᒥᔭᔨᒋ᙮ ᐛᑎᓂᒺᑦ ᒂ ᐊᑎ ᑯᑎᓂᒺᑦ᙮ ᒻᒻᒻ᙮ “ᐱᒥᒋᑭᔅᑕᐤ, ᐱᒥᒋᑭᔅᑕᐤ᙮” ᒥ ᓱᓂᒪᐤ ᐅᑦ ᐊᒐᐱᔪᐛ ᐊᑎ ᑯᑎᓂᒺᑦ, ᒐᒥᔨᒪᑦ᙮
“ᓂᑕᓂᔅ, ᒋᑭ ᐸᑐᑕᐤ ᒪ ᐊᑯ ᐊᓐᑕ ᐃᔪᐤ ᓂᑭ ᑯᑎᓂᒄ᙮” 
“ᐊᑲ ᐎᐎ!” ᐛ ᐎᐎᐛᑦ ᒐᐧᑲᐸᔅ ᐊᓐᑕ, ᒪᒪᒋᑯᓂᑯᑦ᙮ “ᐊᑲ ᐎᐎ! ᐊᑲ ᓇᔅ!” ᐃᑎᑯᐤ᙮
“ᒪ ᐊᑲ ᑐᑐᐅᒄ᙮ ᓂᑭ ᓂᑐᐛᐱᒪᐤ,” ᐃᑕᐤ᙮ “ᒐ ᐎᐎᐛᒄ, ᒥᓯᐛ ᒐ ᐎᐎᐛᒄ᙮” 
“ᓂᐦᐃ,” ᐃᑎᑯᐤ᙮ 
\p ᐛᔪᐎᒡ, ᓇᑐᐛᐱᒪᒡ᙮ 
“ᐊᐦᐊᒃ, ᓂᑕᓂᔅ! ᒐ ᑯᑎᓂᒃ ᐃᔪᐤ᙮” 
ᑲ ᐃᑕᒋᒪᑭᓄᐅᑦ ᐃᑕᔨᒪᐤ, ᒐᐧᑲᐸᔅ᙮ ᐊᑯ ᐛᐛᑎᓇᑦ, ᒥᔭᓯᐃᑯᑦ᙮
ᐊᑯ ᓂᔭᔪᐤ ᐃᓴᑯᔪᐤ ᓂᔭ ᑲ ᒋᒥᑕᑦ ᓇᑕ, ᒋᒥᑕᐤ ᓇᑕ ᐃᓴᑯᔪᐤ᙮ “ᐊᑯᑕ ᐊᓐᑕ ᒐ ᐛᐱᓂᒃ,” ᐃᑕᔨᒪᐤ᙮ ᐊᑯᑕ ᐊᓐᑕ ᐊᑎ ᐃᔅᐱᑕᑦ᙮ ᒐᐧᑲᐸᔅ ᐅ, ᐎᔭᐸᑕᐧᒃ ᓂᔭᔪᐤ ᐃᓴᑯᔪᐤ ᓇᑕ, ᐛᒋ ᒋᒥᑕᔨᒡ ᓇᑕ; ᐎᔭᐸᑎᒺᑦ᙮ ᒻᒻᒻ᙮
ᐊᑎ ᐅᐱᑕᑦ ᓂ, ᐊᑯᑕ ᓇᑕ ᑭ ᐎ ᐛᐱᓇᐛ, ᒂ ᑐᐛᑦ᙮ ᒥ ᓴᒂᐊᐤ, ᒥ ᒋ ᐛᐱᓇᐤ᙮
ᐊᑯ ᐃᑕᐤ ᒐᐧᑲᐸᔅ ᓂᔭᔪᐛ ᐃᔎᐛ, “ᒋᐸ ᒥᑕᑕᐛᐤ ᐊ ᒋᑲᐎᐛᐤ ᓂᐸᐃᒃ?” ᐃᑕᐤ᙮ 
\p “ᓂᐸᐊᒃ!” ᐃᑥᐧᑲᑐᐛᐤ ᐅᐛ᙮ “ᒋᐸ ᒐ ᐊᓐ ᑐᑐᐛᐤ ᒋᒋᐛ ᑲ ᒪᓯᐃᒐᑦ,” ᐃᑕᐤ᙮ “ᒋᐸ ᒋ ᓂᑕ ᓂᐸᐊᐤ,” ᐃᑕᐤ᙮
\p “ᓇᒪ,” ᐃᑕᐅᒡ ᐅᒡ ᐃᔎᐅᒡ, “ᒥ ᓂᐸ ᒐ ᒥᑕᑕᓇᓐ ᐊᑐᐛᑦ ᒪᓐ ᓇᐸᐛ; ᐊᑎ ᐎ ᐎᒋᒥᒋᒋ, ᓴᔅ ᒂ ᓂᐸᐊᑦ,” ᐃᑕᐅᒡ᙮
\p ᐛᒋᐱᑎᒺᒡ ᐊᓂᔭ ᒥᔅᑎᑯᔪᐤ ᓂᔭᔪᐤ ᐛᑎᑕᒪᐛᒡ ᐅᑲᐎᐛ, ᐅᑕ ᐅᑎᔅᒋᑕᓂᔨᒡ ᐛᑎᑕᒥᔅᑕᐛᒡ᙮ ᐛᑎᑕᒥᔅᒋᑕᐅᓇᐛᒡ; ᐅᑎᔅᒋᑕᓂᔨᒡ ᐅᑲᐎᐛ᙮ “ᒥ ᓂᐸ ᒐ ᒥᑕᑕᓇᓐ ᐊᑐᐛᑦ ᐊᐛᔪᐛ; ᐛ ᐎᒋᒥᒋᑥᐎ ᓇᐸᐛ ᓇᐸᐊᑦ,” ᐃᑎᑯᐤ ᐅᑕᓂᓴ᙮
“ᓂᑕᓂᔅ! ᐊᑲ ᐱᑎᒪ ᑐᑐᐅᒄ! ᑲᐱᑦ ᑐᑐᐅᒄ!” ᐃᑕᐤ᙮ 
\p ᒥᔭᓴᐊᑦ ᐊᓐ ᒐᐧᑲᐸᔅ᙮ 
ᐛᐸᑎᒺᐤ ᑕᓐᑕ ᒐᐧᑲᐸᔅ ᓂᔭᔪᐛ ᐅᑦ ᐃᓴᑯᒥᔪᐤ ᓇᑕ ᐛ ᐛᐱᓂᑯᑦ, ᓇᔭ ᒐᒥᑕᔨᒋ ᓇᑕ᙮ 
ᐊᑯᑕ ᐊᓐᑕ ᐊᑎ ᐃᔅᐱᑕᑦ᙮ ᐛᑎᓇᑦ ᐅᔭᔪᐛ, ᐅᔭᔪᐛ ᒥᔭᓯᐃᑯᑦ ᐅᔭᔪᐛ ᐊᒐᓂᔎᐛ ᒐᐧᑲᐸᔅ᙮ ᐊᑯ ᐅᑕ ᐛᒋ ᐱᔅᑎᓇᑦ ᐅᓱᑭᓂᔨᒡ; ᐊᑯᑕ ᐅᑕ ᐛᒋ ᓴᐳᓯᒪᑦ ᐅᑕ ᐅᓱᑭᓂᔨᒡ, ᐛᒋ ᓴᐳᒋᓂᔨᒋ᙮
ᒂ ᐃᑎᐱᑦ, ᒥ ᒋ ᐊᒋᐤ, ᒥ ᒋ ᐊᒋᔅᑎᒻ ᐅᑦ ᐃᓴᑯᒻ᙮ ᒻᒻᒻ᙮
\p ᐊᑯ ᐃᑕᐤ ᒐᐧᑲᐸᔅ, “ᒋ ᒥᑕᑕᐛᐤ ᐊ ᒋᑲᐎᐛᐤ?” ᐃᑕᐤ᙮ 
ᒻᒻᒻ᙮ “ᓇᒪ,” ᐃᑎᑯᐤ, “ᒥ ᓂ ᒥᑕᑕᓇᓐ,” ᐃᑎᑯᐤ᙮ ᐛᒋᐱᑎᒥᔨᒋ ᒥᔅᑎᑯᔪᐤ ᐛᑎᑕᒪᐊᒥᔨᒋ ᐅᔅᑎᒂᓐ᙮
ᐊᐅᒂᔭ, ᓇᐸᐃᑯᑦ ᐅᑕᓂᓴ᙮ 
\s ᐊᑯ ᐃᑕᐤ ᒐᐧᑲᐸᔅ, “ᓂᒥᔅ ᐊᓐᑕ ᑕᐤ,” ᐃᑕᐤ᙮ “ᒋᐸ ᓂᑐᐛᐱᒪᐛᐤ, ᒋᐸ ᐎᒐᐅᓇᐤ; ᐊᑯ ᒋᐸ ᑕᐱᑐᐎᓇᓄᐤ, ᒋᐸ ᑭᓄᐛᔨᒥᑯᐛᐤ,” ᐃᑕᐤ᙮ 
“ᓂᐦᐃ,” ᐃᑎᑯᐤ᙮ ᒐᑐᑕᒡ, ᓇᑐᐛᐱᒪᒡ᙮
\p ᒻᒻᒻ᙮ ᐱᔭᒋ ᑎᑯᓯᐧᒃ, “ᓂᒥᓴ, ᓂ ᐸᓱᐛᐅᒡ ᐅᒡ ᒋᐎᒐᐛᑭᓂᒡ ᒐ ᓯᑥᔨᒥᑥᐤ,” ᐃᑕᐤ ᐅᒥᓴ᙮ ᐅᑕ ᐛᒋ ᓴᒋᐛᐱᔨᒋ ᐊᐅᒄ ᐅᔭ ᓇᐳᐎᔨᒋ ᐃᔎᐛ ᓂᓯᔪᐛ᙮
“ᓇᓯ,” ᐃᑎᑯᐤ, “ᐱᔅᐱᓇ ᒋ ᓂᐸᐃᒪᒐᓂ ᐅᑲᐎᐛ?” 
“ᓂ ᓂᐸᐃᒪᐛ ᓂᔭ,” ᐃᑕᐤ, “ᓂ ᐎ ᒪᔭᔨᒥᑯᔪᐛ,” ᐃᑕᐤ᙮ ᐸᒐᑦ ᒐᐧᑲᐸᔅ, ᒂ ᐃᓯᑲᐳᐅᒡ ᐊᓐᒡ ᐃᔎᐅᒡ᙮ “ᓂᒥᓴ,” ᐃᑕᐤ, “ᐱᑕᑎᓴᐅᒡ,” ᐃᑕᐤ᙮ ᐊᑯ ᐊᓐ ᐃᔎᐤ ᐊᔪᑕᐱᑕᐧᒃ᙮ “ᐱᒐᒄ,” ᐃᑕᐤ, “ᐸᑐᑕᒄ,” ᐃᑕᐤ᙮
ᐸᒐᔨᒋ, ᐸᑎᑲᐊᑦ᙮ 
ᐊᑯ ᒐᒃ ᐛᒋᒪᔅᑦ ᐊᑯ᙮ ᐊᑯ ᐊ ᐃᑕᑦ᙮
\1 ᒐᐧᑲᐸᔅ ᑭᔭ ᒥᒋ ᐃᔪᒡ\p ᐎᔭᐱᓂᔨᒡ ᒥᓐ, ᐱᔭᑐᐛᑦ ᐊᐛᔪᐛ ᐊᓐᑕ; ᐸᒂᐃᒐᐎᔨᒋ ᒥᔅᑯᒥᒡ᙮ ᒥᔅᑎᒥᔎ ᓄᒋᐧᑲᐛᔪᐛ᙮ ᐱᔭᑐᐛᑦ ᒪᑥᓯᑯᑕᐃᒐᔨᒋ᙮
ᒻᒻᒻ “ᓂᒥᓴ, ᐊᐛᓐᒋ ᒪᓇᑕ ᑭ ᒥᑥᓯᑯᑕᐃᒐᑎᑭᒋ ᐊᓐᑕ?” 
“ᐊᑲ ᑐᑐᐅᒡ ᓇᓯ, ᐊᑲᐎᔾ ᓂᑐᐛᐱᒥᒡ; ᒥᔅᑎᒥᔎ ᐊᓐᒡ ᓄᒋᐧᑯᐛᐅᒡ᙮ ᐅᑎᓂᒥᔎᐊᐅᒡ ᐃᔪᐛ ᐛᑎᑎᑯᑥᐎ, ᐊᑯ ᐸᑭᔅᑐᐛᐱᑎᑯᔨᒋ ᒥᔅᑎᒥᔎ, ᐊᑯ ᐛᓯᓄᐛᒡ᙮”
“ᓂᐦᐃ,” ᐃᑕᐤ᙮ 
“ᒥᒋ ᐃᔪᒡ ᐊᓐᒡ᙮” ᒻᒻᒻ᙮ 
\p ᐛᐛᑕᔅᐱᓱᑦ᙮ ᒻᒻᒻ᙮ 
“ᓂᒥᓴ,” ᐃᑕᐤ, “ᓂᑭ ᓇᓂᑐᐛᐱᒪᐅᒡ ᒪ ᐊᓂᔅᒋᑯᒐᓯᒡ,” ᐃᑕᐤ᙮ “ᓂᑭ ᓄᒋᐧᑯᐛᐅᒡ,” ᐃᑕᐤ᙮ 
ᒻᒻᒻ᙮ ᐎᐱᒡ ᑲ ᐊᑎ ᐊᑯᐛᔅᑯᓯᐧᒃ, ᐊᑯᑕ ᐊᑎ ᔅᑐᑕᑦ ᐊᓐᑕ ᓇᑐᐛᐱᒪᑦ; ᐸᑐᐛᐤ ᐊᓐᑕ ᑕᓐᑕ ᒪᑥᓯᑯᑕᐃᒐᔨᒋ᙮ 
\s ᐊᐅᑯᓂ ᐅᔭᔪᐛ ᑲ ᓄᒋᐧᑯᐛᔨᒋ ᒥᔅᑎᒥᔎ, ᐱᒂᔨᒐᔪᐛ᙮ 
“ᒻᒻᒻ᙮ ᒪᓐᑕᐤ ᐛᑎᑕᒄ, ᒪᓐᑕᐤ᙮” ᓴᔅ ᒋ ᒋᐸᐛᐅᒡ ᐅᒡ ᐅᑕ ᐎᔅᑎᔨᒡ, ᐊᒥᔎ ᒥᔅᑎᒥᔎ᙮ “ᐅᑎᓂᒥᔎᐃᐧᒄ,” ᐃᑕᐅᒡ᙮
ᓴᔅ ᑭᑈ ᑲ ᐸᑐᐛᑦ ᐅᒥᓴ ᑲ ᐃᑕᒋᒪᔨᒋ᙮ ᒻᒻᒻ᙮ 
“ᐅᑎᓂᒥᔎ, ᓂᑥᑭᒥᓂᒡ; ᓴᔅ ᐅᒋ ᒋ ᒋᐸᐛᑭᓄᐅᒡ,” ᐃᑕᐅᒡ᙮ ᒻᒻᒻ᙮
\p ᒂ ᐊᑎ ᐱᑕᔭᑯᓂᒋᐱᔨᐅᓯᑦ ᒋᑭᓴᒻ᙮ ᓇᑥᑭᒥᓇᑦ ᓂᔭᔪᐛ ᐊᒥᔎ, ᓇᑕ ᓇᑥᑭᒥᓂᒐᑦ᙮
ᓇᐊᒻ ᐅᔭᔪᐤ ᐅᓱᔪᐤ ᐅᔭᔪᐛ ᐊᔎᔨᒡ ᐅᔭᔪᐤ ᐅᓱᔪᐤ, ᐊᑯᑕ ᐅᑕ ᐛᒋᓯᒋᓇᑦ ᐛᒋ ᐅᒋᐱᑕᑦ᙮ ᐊᑯ ᐅᔭᔪᐛ, ᐅᑦ ᐊᒐᐱᔭ; ᐅᑦ ᐊᒐᐸᔎ ᐅᔭᔪᐛ ᒥ ᐱᔅᑎᓇᐤ ᐅᑦ ᐊᒐᐸᔎ᙮ ᐊᐅᑯᓂ ᐛᒋ ᐱᔅᑎᓇᑦ ᐛᒋ ᐅᑕᒥᔅᑎᒂᓇᐛᑦ ᐊᓐᑕ ᐊ ᐛᐱᓇᑦ᙮
\p ᒥᓐ ᓇᑥᑭᒥᓂᒐᑦ, ᒥᓐ ᐛᒋ ᐅᑎᓇᑦ ᑯᑎᑲ᙮ ᐃᔭᐱᒡ ᒂ ᑐᐛᑦ; ᐛᑎᑕᒥᔅᑎᒂᓇᐛᑦ ᐊᓐᑕ ᐊ ᐛᐱᓇᑦ, ᓂᓯᔪᐛ᙮
ᐊᑯ ᐅᔭᔪᐛ ᐅᑦ ᐊᒐᐸᑐᔾ, ᐅᑦ ᐊᒐᐸᔎ ᒪᓇᑦ ᐅᑦ ᐊᒐᐸᑐᔾ, ᓇᔄᐱᐧᑲᑕᑦ ᓂᔭᔪᐛ ᐅᑦ ᐊᒥᔅᑯᒪ, ᓴᑲᐱᑕᑦ ᑈᔅᑐᐅᑕᑦ᙮ ᐊᐊ, ᒐᑐᑕᑦ᙮
\s “ᐊᑯ ᑕᓐ ᐊᑎᑦ ᐊᓐ ᐊᑯ? ᑭ ᒋᑐᐅᑕᐛ ᒋᑦ ᐊᒥᔅᑯᒥᓄᐛ᙮ ᓇᑎᐧᒄ! ᒥᓂᒥᐧᒄ!” ᐃᑕᑭᓄᐅᒡ ᐊᓐᒡ ᐅᔅᒋᓂᔅᒍᒡ᙮ 
ᓂᔭᑕᒡ, ᐃᔭᔨᑐᐤ ᐅᑕ ᐅᒋ ᐱᒧᑕᔪᐛ᙮ ᐛᐛᒡ ᑭ ᐊᐱᓯᓱᐛ, ᑭ ᒥᒪᐧᑭᓴᒪᓱᐛ ᒂ ᐃᓯᓇᑯᓯᑦ᙮ ᒻᒻᒻ᙮
\p “ᐃᔭᐅᒄ, ᐃᔭᐅᒄ᙮ ᒐᑐᐅᑕᓂᒄ᙮” 
“ᒐᒂᓐ ᐛᒋ ᐅᑎᓂᑥᐤ ᓂᑦ ᐊᒥᔅᑯᒥᓇᓐᒡ? ᐸᓱᐅᒡ!” ᐃᑎᑯᐤ᙮ ᒻᒻᒻ᙮ 
“ᒐᒂᓐ ᐛᒋ ᐅᑎᓂᑥᐤ?” ᐃᑎᑯᒄ, “ᐸᓱᐅᒡ!” ᐃᑎᑯᐤ᙮ 
“ᒐᑐᐅᑕᓂᒄ, ᒐᑐᐅᑕᓂᒄ᙮ ᐃᑐᐤ ᐅᑕ ᐅᒋ ᐅᑎᓂᐧᑯᒡ᙮” 
ᐊᑯ ᐅᑕ ᐃᑐᐤ ᐛᒋ ᐅᑎᓇᔨᒋ᙮ 
ᐱᒪᐧᑯᓇᐱᑕᓯᑦ ᐅᔭᔪᐛ ᐸᐃᒄ, ᒥᓐ ᑯᑎᒋᔪᐤ᙮ ᐊᑯ ᒥ ᒋ ᐊᒋᐱᑕᔪᐛ ᑕᓐᑕ ᐅᑕ ᐱᐸᓯᒋᓂᒺᐤ ᐅᑕ ᐅᑎᒋᔪᐛ, ᐱᐱᒪᐧᑯᓇᐱᑕᐤ᙮ ᒥᓐ ᑯᑎᑲ᙮ ᐊᑯ ᒥ ᒋ ᐎᔭᔅ ᑐᑕᑯᐤ, ᑕᓐᑕ ᐅᑕ ᐱᐱᒪᐧᑯᓇᐱᑕᐤ ᐱᐸᓯᒂᐱᓇᐱᑕᐤ᙮
\p ᒐᐛᔨᒋ᙮ ᒻᒻᒻ᙮ 
“ᐛᐸᑎᒻ ᐊᓯᓇᒂᐃᒥᑦ! ᓂᑦ ᐊᑎ ᐎ ᒐᑐᐅᑕᓇᓇᓐ ᒋᑦ ᐊᒥᔅᑯᒥᓄᐛ ᓂᔭᐧᑲ ᒐᒧᑎᑦ᙮ ᐛᐸᑎᒻ ᐊ ᑐᑕᐧᒃ᙮” 
ᒥᔨᑕᐤ ᐃᑎᒧᑕᐛᐤ ᐅᑎᒋᔪᐛ᙮ 
“ᓂᑐᐛᐱᒪᑕᐤ! ᓂᑐᐛᐱᒪᑕᐤ!” ᐃᑕᐅᒡ᙮ “ᒐ ᐎ ᑎᐸᐊᒪᓱᐛᐧᒄ᙮ ᓂᑐᐛᐱᒪᑕᐤ!” 
\s ᐊᑯ ᐅᔭᔪᐛ ᐅᒥᓴ ᑕᑯᓱᐅᑕᑦ ᐅᔭᔪᐛ ᐊᒥᔎ, ᒂ ᐊᑎ ᐸᐧᑯᓇᔨᒋ᙮ ᒂ ᐃᑎᓱᒪᑦ ᑕᓐᑕ, ᒂ ᐊᑎ ᐱᑭᔅᑐᐛᐛᑦ ᐅᑦ ᐊᔅᒋᐧᑯᒡ ᐅᑕ᙮ ᒻᒻᒻ᙮ ᐊᑯ ᐅᔭᔪᐛ ᐅᑎ ᐅᓯᒥᔎ ᐅᔭᔪᐛ᙮ “ᓂᒥᓴ, ᐊᑯ ᐊᒂᓂᒡ,” ᐃᑕᐤ, “ᒐ ᒺᒥᔎᔭᐧᒄ,” ᐃᑕᐤ᙮
ᐊᑯ ᓂᔭ ᑯᓇ ᓂᔭᑕᔨᒋ ᐅᒥᓴ, ᒐᒋᓇᔨᒋ ᑯᓇ, ᐱᔭᑐᐛᔨᒋ ᐊᐛᔪᐛ ᐱᔭᑥᑎᒥᔨᒋ᙮
\p “ᓇᓯ,” ᐃᑎᑯᐤ, “ᐸᑥᑎᒧᒡ ᐊᐛᓐᒋ,” ᐃᑎᑯᐤ᙮ “ᐱᔅᐱᓇ ᐅᒡ ᒋᑭ ᒐᒧᑎᓇᒐ ᐅᒡ ᐊᒥᔅᑯᒡ?” ᐃᑎᑯᐤ᙮
ᒻᒻᒻ᙮ “ᓂᒥᓴ, ᓄᑎᓂᒥᔎᐃᑯᒡ ᐅᔭᔪᐛ᙮ ᑲᑭᔭ ᓄᑎᒥᔅᑯᒥᐧᑲᑯᒡ ᓂᑦ ᐃᑕᔨᒪᐅᒡ᙮ ᓂᒥᓴ, ᐸᓱᐅᒡ ᓂᑕᓯᒥᒡ, ᓂᑕᓯᒥᒡ ᐸᓱᐅᒡ᙮
ᒋ ᑭᓄᐛᔨᑎᒻ ᒥᓯᐛ ᒐᒂᓂᔪᐤ᙮ ᒪᔨᑯᑦ᙮ ᐊᓐᑕ ᐊ ᐛᐱᓇᑦ ᑎᔅᑐᐛᐃᑭᓂᒡ ᐛᒂᓴᑲᔨᒡ ᐎᒡ ᐊᑯ ᐊᓐᑕ ᑕᒥᒡ ᐊ ᑕᑦ᙮
\p ᐛᑎᑕᒡ ᐅᒡ ᐃᔪᒡ ᓂᔭᔪᐛ ᒥᒋᐛᐱᔪᐤ᙮ ᒥ ᒋᔅᒐᔨᑎᒧᒡ ᒐ ᐅᒋ ᐱᒐᒡ, ᐎᒂᓴᑲᔪᐤ ᑕᓐᑕ᙮ ᑲ ᐊᑎ ᐅᑎᑕᒪᐊᒧᒋ ᒂ ᑐᑕᒡ᙮ ᒥ ᒋᔅᒐᔨᑎᒧᒡ ᑕᓐᑕ ᒐ ᐅᒋ ᐱᒐᒡ᙮ ᒻᒻᒻ᙮
\p ᐊᑯ ᐅᑕ ᐊᑕᓱᐅᑦ ᐅᑕ ᐱᑎᑭᒥᒡ᙮ 
“ᓂᒥᓴ, ᐊᒂᓂᒡ ᐊᑯ ᒋᑦ ᐊᒥᔅᑯᒥᓄᒡ, ᑭᔅᒍᒐᓂᒋ᙮ ᐊᑯ ᒐ ᒺᒥᔎᔭᐧᒄ᙮” ᐎ ᐱᐸᑕᐛᔨᒧᓱᐤ, ᐎᔭᔪᐛ ᐃᔪᐛ ᐅᑕ ᐊᑕᔨᒋ ᐎᐎᑎᒥᒡ᙮ ᒥ ᒋ ᐎᔭᔅᑐᑕᐧᑯᐤ, ᒥ ᒋ ᐱᑎᒂᑯᐤ, ᑭᔭ ᒥ ᒋ ᐱᒂᐊᒥᔪᐛ ᐎᒡ ᐊᓯᓇᑯᓂᔨᒡ, ᐎᒂᓴᑲᔪᐤ ᑕᓐᑕ᙮ ᒻᒻᒻ᙮
ᐊᑯ ᐃᑕᐅᒡ, “ᐊᑲ ᐱᒪᔨᒪᑕᐤ,” ᐃᑕᐅᒡ, “ᓇᑭᑕᑕᐤ,” ᐃᑕᐅᒡ᙮ “ᐊᔅᒄ ᒐ ᐎᐧᑭᔭᓴᐧᒄ ᐊᑲ ᐃᑕᔨᑕᒐ ᐅᑕ᙮ ᐊᔅᒄ ᒐ ᐎᐧᑭᔭᓴᐧᒄ,” ᐃᑕᐅᒡ᙮ ᒻᒻᒻ᙮
\p ᓇᑭᑎᑯᑦ᙮ ᒻᒻᒻ᙮ ᐊᑯ ᒥᔭᒥᔎᔅᑦ, ᐊᒂᓇᑦ ᐅᑦ ᐊᒥᔅᑯᒪ᙮ ᐊᑯ ᑲ ᒋᓯ ᒥᒋᓱᑥᐤ, ᐊᑯ ᒥᓐ ᐛᑎᓇᑦ ᓂᔭᔪᐛ ᐅᑕᓯᒪ ᑲ ᐃᓯᓇᑯᓂᔨᒡ, ᒥᓐ ᐊᓯᓇᑯᓂᔨᒡ ᐎᒡ᙮
\1 ᒐᐧᑲᐸᔅ ᒪᒥᐧᑯᑎᒋᑭᓱᐤ ᑲ ᑯᒋᐱᐃᑯᑦ \p ᐊᑯ ᓇᐱᓂᔨᒡ, ᐊᑯ ᐅᑎ ᐃᑕ ᓇᐱᓂᔨᒡ᙮ ᐊᑯ ᐊᓱᒡ ᐛᒋᒡ ᓂᐱᒡ᙮
ᐊᑯ ᐃᑕᐤ ᐊᓇ ᐅᓯᒪ, “ᓇᓯ,” ᐃᑕᐤ, “ᒐ ᐊᑲ ᓂᑕ ᐊᓐᑕ ᓂᐱᒡ ᐱᒧᒐᔨᓐ ᒋᑭᔅᒄ,” ᐃᑕᐤ᙮ “ᑕᐤ ᐊᓐᑕ ᓂᒪᔅ ᒪᓯᑎᑦ ᐊᓐᑕ ᓂᐱᒡ,” ᐃᑕᐤ᙮ “ᒂᔅᑕᑎᑯᓯᑦ,” ᐃᑕᐤ, “ᒋᑭ ᓂᐸᐃᒄ,” ᐃᑕᐤ᙮ 
ᒻᒻᒻ᙮ “ᓂᐦᐃ, ᓂᐦᐃ,” ᐃᑕᐤ ᐅᒥᓴ
ᑕᐸ ᒐᔅᑲ ᓂᔅᑯᒪᐤ ᐊᑎ ᐃᑕᒋ, ᑕᐸ ᑎᑕᑈᑐᐛᐤ ᐅᒥᓴ᙮ 
\p ᒻᒻᒻ᙮ “ᓂᒥᓴ,” ᐃᑕᐤ᙮ ᒐᑐᑕᑦ, “ᓂᒥᓴ,” ᐃᑕᐤ, “ᑯᔅᒐ ᒪ,” ᐃᑕᐤ᙮ “ᒋᒋᐛ ᓂ ᐎ ᒧᐛᐤ ᓂᒪᔅ,” ᐃᑕᐤ᙮ “ᑯᔅᒐ,” ᐃᑕᐤ, “ᐛᐱᓂᑯᔅᒐ,” ᐃᑕᐤ᙮ “ᐊᑯ ᐊᓐ ᒋᑦ ᐊᐱᑕᓯᑕᑭᓇᔅᒄ ᐊᓐ,” ᐃᑕᐤ, “ᓂᔭᔪᐛ ᐅᑕᐱᑕᓯᑕᓂᔪᐤ, ᒥᔅᑎᒄ ᐊᓐᑕ ᐛᔅ ᒋᒥᑕᑭᓄᐤ, ᐊᑯᑕ ᐊᓐᑕ ᒐ ᐅᒋ ᓯᑲᐱᑎᒥᓐ ᐊᓐ ᒋᑯᔅᑭᓐ,” ᐃᑕᐤ᙮
ᑕᐸᑲ ᓂᓇᐃᑕᑯᐤ ᐅᒥᓴ ᐊ ᐃᑎᓱᒪᒋ, ᐎᔭᐱᓂᑯᔅᒐᔨᒋ᙮ ᐊᑯ ᐅᔭᔪᐛ ᒥᔅᑎᑯᔪᐤ ᒐᒥᑕᔨᒋ ᐅᔭᔪᐛ ᐊᑯᑕ; ᐅᑕ ᒥᔭᑯᐱᑎᒥᔨᒋ ᐊᑯ ᓇᑕ ᐊᑕᐸᑭᔅᑕᔨᒋ ᐅᑯᔅᑭᓐ᙮
\p ᐊᑯ ᓇᑕ ᐸᐸᒧᑕᑦ᙮ ᒐᒃ ᐅᑎ ᐱᐸᒧᑕ, ᐸᒧᒐᑦ ᓇᑕ ᐅᑭᔎ ᓂᐱᒡ᙮ ᐊᑯᒋᓂᔨᒋ ᐅᑭᔎ᙮ “ᓂᑭ ᓇᑕᐛᐤ,” ᐃᑕᔨᒪᐤ ᐅᑭᔎ᙮ ᓂᔭᑕᐛᔅᑦ ᓂᔭᔪᐛ ᐅᑭᔎ᙮ ᒻᒻᒻ᙮
“ᒪᒥᐧᑯᑎᒋᑭᓱᐤ ᓂᑭ ᐛᐅᑭᒥᒄ, ᒪᒥᐧᑯᑎᒋᑭᓱᐤ ᓂᑭ ᐛᐅᑭᒥᒄ,” ᐃᓯᑕᓱᐤ᙮ 
\p ᐱᔭᑕᑯᑦ, ᓂᔭᑕᐅᑯᑦ᙮ “ᐊᐅᑯᐤ ᐅᐛ ᐸᒥᔅᑲᔅᑦ,” ᐊᐛᓂᔅ ᐅ ᐊᑯ ᐃᑎᑯᐤ, “ᐊᐱᓯᓱᐤ ᐊ ᐃᑎᒋ᙮” ᒂ ᒋᐱᔨᐃᑯᑦ, ᒥᔭᑯᒥᑯᑦ᙮
“ ᐊᐊᐊ!” ᐃᑕᐤ᙮ “ᐊᑲ ᒪᑯᒥ!” ᐃᑕᐤ᙮ “ᓄᑎᒥᑯᒋᐱᔨᐃ!,” ᐃᑕᐤ᙮ 
ᒥ ᒪᑯᒥᑯᐤ, ᒂ ᐊᑎ ᑯᒋᐱᔨᐃᑯᑦ᙮ 
“ᐊᐊ!” ᐃᑕᐤ᙮ “ᐊᑲ ᐃᔅᐱᐃ ᓇᑕ ᐊ ᐎ ᒂᑎᔭᔨᓐ,” ᐃᑕᐤ, “ᓴᒋᔎᓯᒥ,” ᐃᑕᐤ᙮ 
ᐊᑯ ᐅᑕ ᐛᒋ ᓴᔎᓯᒥᑯᑦ ᐅᑕ, ᐅᑕ ᐅᑐᓂᒡ ᐛᒋ ᓴᒋᔎᓯᓂᔅᑦ ᓇᑕ ᐊᓐᑕ ᐅᑐᓂᒡ᙮ 
\p “ᐅᑕ ᓇᑕ ᒪ ᐊᑎ ᐃᔅᐱᔨ,” ᐃᑕᐤ, “ᓇᑕ,” ᐃᑕᐤ, ᐅᑕ ᐅᒥᓴ ᑲ ᐃᑕᔨᑎᒺᑦ ᐅᑯᔅᑭᓂᔪᐤ᙮ ᐊᑯᑕ ᐊᑎ ᐃᔅᐱᔨᔨᒋ ᑕᑈ, ᓇᑐᐛᐸᑎᒺᑦ ᐅᒥᓴ ᐅᑯᔅᑭᓂᔪᐤ ᐎᔭᐸᑕᐧᒃ ᐊᔅᑕᔨᒡ ᐅᒥᓴ ᐅᑯᔅᑭᓂᔪᐤ᙮
ᐃᑕᐤ, “ᐊᓂᔭ ᒪ ᐊᓐᑕ ᒐᒂᓐ ᑭᔅᑕᐛ,” ᐃᑕᐤ᙮ “ᒋᐛᐱᔨ ᒪ᙮” ᐃᑕᐤ᙮ ᐊᑯ ᒥᓐ ᒐᐛᐱᔨᒋ᙮
\p ᐎᔭᐸᑎᒺᑦ ᐅᑕ, ᒪᓐ ᑭᔅᑕᐛ ᒐᒂᓐ᙮ “ᓇᑕᐊ,” ᐃᑕᐤ᙮ ᓂᔭᑕᐊᒥᔨᒋ᙮ 
“ᐅᑕᑕ,” ᐃᑕᐤ᙮ ᐛᑕᑎᒥᔨᒋ᙮ 
\p ᓴᔅ ᒥᒄ ᒧᔅᑎᓂᒺᐤ, ᒧᔅᑎᓂᒺᐤ ᑯᔅᑭᓂᔪᐤ, ᒪᒪᒋᑯᓂᒺᑦ, ᒪᒪᒋᑯᓂᒧᐛᑦ ᑭᑈ ᐃᔭᒋᔅᑎᒥᔨᒋ ᓂᔭᔪᐛ ᐅᑯᔅᑭᓂᔪᐤ ᐅᒥᓴ᙮ ᐊᑯ ᐅᔭᔪᐤ ᑲ ᐅᒋᑲᐱᑎᒥᔨᒋ ᐅᔭᔪᐤ ᐱᑎᑭᒥᒡ ᐅᔭᔪᐤ ᐎᒋᔨᒡ᙮ ᐃᔭᔭᒋᐱᑎᒥᔨᒋ ᐅᔭᔪᐛ ᐅᒥᔅᑎᑯᒥᔪᐛ᙮ ᒐᔅᒐᔨᒪᑦ ᓄᒋᐧᑭᒥᔨᒋ ᐅᑯᔅᑭᓐ ᐅᐛ ᐃᔎᐤ ᓇᑐᐛᐱᒪᑦ᙮
ᓂᔭᓇᔅᑲᓇᑦ᙮ ᐊᒂᔅᑕᐸᑦ ᒪᒥᐧᑯᑎᒋᑭᓱᐛ᙮ ᓇᐸᐊᑦ᙮ ᐛᑎᓇᑦ ᒐᐛᑕᐊᑦ᙮
\s “ᐊᑯᑕ ᓂᒥᔅ ᒐ ᐃᔭᔪᐎᑦ ᒐᔅᑎᓇᔅ ᒐ ᐱᔅᑭᓱᑦ, ᒐ ᐱᔅᑭᔄᑦ ᐅᓂᒪᓯᒪ᙮” 
ᐸᔅᑭᔄᔨᒋ ᐅᔭᔪᐛ ᓂᒪᓴ᙮ ᐊᑯ ᐸᑐᔅ ᐃᔭᒋᑦ, ᓇᔅᒡ ᓇᑕ ᓇᑕ ᓂᒪᓴ ᐊᓯᓇᑯᓯᑦ, ᓇᔅᒡ ᓇᑕ ᐊ ᐎᒂᓯᑦ ᓂᔭᔪᐛ ᓂᒪᔅ ᐊᓯᓇᑯᓯᑦ ᐅᑎᔭ᙮ ᐊᑯᑕ ᐊᓐᑕ ᐊᔅᐱᔪᐅᔅᑦ, ᐊᑯᑕ ᓇᑕ ᐊᑕᐛᑦ᙮ ᐊᑯ ᐎᔭᔪᐤ ᒐ ᒥᓯᒥᔨᒋ ᐅᑕ ᒥᔭᑎᓯᒥᔨᒋ᙮
ᐊᑯ ᓇᑕ ᐊᔅᐱᑎᒥᔨᒋ ᐅᑕᔪᐤ ᐅᔅᒋᐛᔨᒡ ᐛᒋ ᐎᐎᐱᔨᐅᔅᑦ! 
“ᑕᑈ ᐛᓴ ᓂᒥᓴ ᓂ ᐎᒐᑭᑎᔭᒥᒄ,” ᐃᑕᐤ᙮ “ᓂ ᐎᒐᑭᑎᔭᒥᒄ ᒋᒋᐛ,” ᐃᑕᐤ᙮ 
\p “ᐛᓴ ᐅᓴᒻ!” ᐃᑎᑯᐤ᙮ “ᐊᑲ ᒋ ᐃᑈᐧᑲᓇᐛ᙮” ᐃᑎᑯᐤ᙮ “ᒪ ᒋ ᐸᑐᐅᓐ ᒐ ᐊᑲ ᓂᑕ ᐱᒧᒐᔨᓐ ᓂᐱᒡ ᐊᓐᑕ ᐸᒧᒐᔨᓐ ᒋᑭᔅᒄ ᑲ ᐃᑕᓐ?” ᐃᑎᑯᐤ᙮ 
“ᐱᔅᐱᓇ ᒋ ᒧᓴᐛᓇᒐ?” ᐃᑎᑯᐤ᙮ “ᒋᐸ ᓂᐸᐃᒄ ᐊᑯ ᒋ ᑯᒋᐱᔨᑯᒐ᙮” 
ᒥ ᒋ ᓂᐸᐃᑯᐤ ᐃᔭᐱᒡ᙮ ᒻᒻᒻ᙮ 
ᐊᑯ ᐊ ᐃᑕᑦ ᒥᓐ ᐊᓐᑕ᙮ 
\1 ᐅᑎᓇᑭᓄᔪᐛ ᒐᐧᑲᐸᔅ ᐅᒥᓴ \p ᐊᑯ ᒐᒃ ᐅᑎ ᐱᐸᒧᑕ ᒥᓐ, ᐊᑯᑕᑦ ᐅᑭᔎ ᒥᔅᑎᑯᒡ᙮ ᓂᔭᑕᑐᐛᒧᑐᐛᑦ᙮ ᐊᑯ ᐛᑎᑕᒋ ᐅᑭᔎ, ᐊᑯ ᐳᑕᑕᑦ ᓂᔭᔪᐛ ᒥᔅᑎᒂ, ᐊᑯ ᒥᓐ ᐊᑎ ᒋᓏᔅᑯᓯᔨᒋ, ᐊᔅᑭᔭᔅᒄ᙮
ᒐᒃ ᒋᒋᐛ ᒂ ᒋᓏᔅᑯᓯᔨᒋ, ᒐᒃ ᓇᑕ ᒂ ᐅᑎᑕᑦ ᐱᓯᒺ᙮ 
ᐊᓐᑕ ᐊᑕᔨᒋ ᐊᔅᒋᔾ ᒋᐸ ᐃᑕᔨᑕᑯᓂᔪᐤ᙮ ᐊᑯ ᐊᓐᑕ ᐎᔭᐸᑕᐧᒃ ᐊᓯᓇᑯᓂᔨᒡ, ᐸᐸᒧᑕᑦ ᐊᓐᑕ, ᐊᓂᔅᒋᑯᒐᓴ ᐊᐅᑯᓂ ᐊᑕᔨᒋ᙮
ᐊᑯ ᐅᔭᔪᐛ ᐱᓯᒺ ᐊ ᐱᒧᑕᔨᒋ ᐅᒪᔅᑭᓇᔪᐤ, ᐊᐅᑯᔪᐤ ᐎᔭᐸᑎᒺᑦ᙮ ᒋᒋᐛ ᒥᔽᔪᐤ ᓂᔭᔪᐤ ᐊᔅᒋᔪᐤ ᒪᔅᑲᐧᒃ᙮ ᒐᐛᑦ᙮
ᐛᓯᑕᑦ ᐊᓐᑕ ᓂ ᐊᓐᑕ “ᓂᐸ ᓂᐸᓇᓐ,” ᐊᑕᔨᑕᐧᒃ᙮ ᓂᔍᐤ ᐃᓯᓇᑯᑕᐤ ᐛᒋᔅᑎᓂᒐᑦ ᐊᓐᑕ ᒋᐸ ᓂᐸᐅᒡ ᓂᔅᑦ ᓂᔭᔪᐛ ᐅᒥᓴ᙮
\p ᐊᑯ ᐅᔭᔪᐛ ᐊᑲ ᐃᑕᑦ ᐅᔭᔪᐛ, ᐅᔭᔪᐛ ᐊᑲ ᐃᑕᑦ, ᓂᔭᑕᐅᑯᔨᒋ ᒥᒋ ᐃᔪᐛ ᐅᒥᓴ, ᐛᑎᓇᔨᒋ, ᒪᓇᔨᒋ᙮ 
ᐊᐅᑯᔪᐛ ᑕᐸᐊᒪᓱᔨᒋ ᑲ ᑭᒐᒧᑎᒪᑦ ᐅᑦ ᐊᒥᔅᑯᒥᔪᐛ ᒐᑕᐅᔭᔨᒋ᙮ ᐊᑯ ᐎᐛ ᒥ ᐱᒪᐃᒪᔪᐛ, ᐅᒥᓴ ᒥᒄ ᒪᓇᑭᓄᔨᒋ᙮
ᑕᑯᓯᐧᒃ᙮ ᒻᒻᒻ᙮ 
\p ᐊᑯ ᐃᑕᐤ, “ᓂᒥᔅ ᐊᓂᔭ, ᑕᓐ ᐊᑎᑦ?” ᐃᑕᐤ᙮ 
ᒻᒻᒻ᙮ “ᑕᐸ ᑕᐤ ᐅᔭ ᒋᒥᔅ,” ᐃᑎᑯᐤ᙮ “ᐛᔅ ᐊᓂᔭᐧᑲ ᓄᑎᑕᐅᑯᓇᓂᒡ ᐃᔪᒡ᙮ ᒥᓇᐅᔭᐅᒡ ᓂᔭᐧᑲ ᒋᒥᓴ,” ᐃᑎᑯᐤ᙮ “ᒪᓂᔭᔨᑕ ᐊᔅᑲᐱᒥᒋᒡ,” ᐃᑎᑯᐤ, “ᓇᐊᒻ ᐊᔅᒋᒪᒡ,” ᐃᑎᑯᐤ᙮
ᒪᒥᒋᓱᐧᑲᐃᑯᑦ ᐎᐛ ᑲ ᒥᒋᓱᒡ᙮ ᐊᑯ ᐃᑕᐤ, “ᓂᑭ ᓂᑐᐛᐱᒪᐤ ᓂᒥᔅ,” ᐃᑕᐤ, “ᓂᑭ ᓂᑐᐛᐱᒪᐤ,” ᐃᑕᐤ᙮ ᒂ ᐊᑎ ᐎᐎᑦ ᒥᒄ ᐅᑦ ᐊᒐᐱᓴ ᑕᐧᑯᓇᐤ, ᑕᐧᑯᓇᐤ ᐅᑦ ᐊᒐᐱᔭ᙮
\p ᓂᔭᓯᐸᑦ ᒺᓴᔅᑯᐸᑕᔅᑦ᙮ ᐅᔅᑎᐸᒡ ᐱᒥᐸᑕᓱᐤ, ᑕᐸ ᐅᑦ ᐅᐤᑐᐤ ᒧᔭᒻ ᐊ ᐱᒥᔅᑯᐸᑕᔅᑦ, ᒂ ᐃᑎᑦ᙮ ᓯᔅᑲᐅᐸᑕᓱᐤ ᐅᑕ ᐅᑦ ᐊᒐᐱᔭ᙮
ᐊᐅᒂᔭ ᒪᔅᑯᑎᔨᒋ ᑭ ᓱᓇᔎᑕᒺ ᐃᔪᐤ ᒂ ᐃᑎᔅᑦ ᐅᑎ ᐱᒥᐸᑕᓯ ᐅᔅᑎᐸᒡ᙮ ᑭ ᓱᓂᓱᓇᔎᑕᓱᐛ ᐃᓯᓄᐛᐅᒡ ᐅᓇᐸᒥᓱᐛᐛ᙮ ᐊᐅᒂᓇ ᐊᔎᐱᒪᒡ᙮
\p ᓇᑕ ᒪᒃ ᐛᑎᒋᐱᑕᑦ ᐅᑕ ᐅᒥᓴ ᐊᑕᔨᒋ᙮ ᒂ ᐊᑎ ᐱᒐᑦ ᒥᒋᐛᐱᔪᐤ᙮ ᒂ ᐊᑎ ᓇᑕᑦ ᐅᒥᓴ, ᑕᐸ ᐅᓇᔨᒪᐤ ᐊᓐᑕ ᐊᑕᔨᒋ ᐅᒥᓴ, ᐛᑎᓇᑦ ᐅᒥᓴ, ᒂ ᐊᑎ ᐎᐎᑕᐊᑦ, ᐛᓂᓇᑦ᙮
ᑕᐸ ᒋᔅᒋᔪᐛ ᐅᒥᓴ, ᒥ ᒋᔅᒋᔪᐛ, ᒂ ᐊᑎ ᐅᑎᓇᑦ ᓯᑐᑎᒂᒪᓱᐤ ᑕᐸᑲ ᓴᐱᓱᐤ ᒋᒋᐛ, ᒂ ᐊᑎ ᐎᐎᑕᐊᑦ᙮ 
ᓇᑕ ᒪᒃ ᑲ ᐊᑎ ᓇᑕ ᓇᓯᐸᑕᐊᑦ᙮ ᐊᑯᑕ ᐛᔭᓯᑐᑐᐛᑦ ᐅᒥᓴ᙮ ᒥᒄ ᑭ ᐳᐳᑕᑕᓱᐛ ᒂ ᑐᑐᐛᑦ ᐅᒥᓴ, ᓴᔅ ᒂ ᐃᑈᐧᑲᔨᒋ᙮ ᒂ ᐊᑎ ᒋᒋᐸᑕᑦ, ᐊᑎ ᒋᒋᐸᑕᑦ᙮
“ᑕᓐ ᐊᑎᔭᒄ ᐅ ᐊᑲ ᐎᔭᓯᑐᑐᐛᒄ ?” ᐃᑕᐅᒡ ᐅᒡ ᐃᔪᒡ ᑕᐸᑲ ᒥᒐᑐᒡ᙮ ᓄᒋᐧᑯᐛᒡ᙮
ᐱᐱᐱᒺᐅᒡ ᓂᔭᔪᐛ ᐊᑭᑕᔎ, ᓂᔭᔪᐤ ᐱᐱᐱᒧᐛᐅᒡ ᐅᑎ ᐊᑎ ᐱᒥᐸᑕᓯ᙮ ᓂᓇᐅᑎᓂᓱᐤ ᓂᔭᔪᐛ ᐊᑭᑕᔎ ᐱᐱᐱᒧᐛᐤ᙮ ᒥᒄ ᒐᒂᓂᔪᐤ ᐊᓯ ᐅᑎᒋᓇᐧᒃ ᐊᓐ ᒂ ᐃᓯ ᓂᐸᐊᑦ ᓂᔭᔪᐛ᙮
“ᐊᑲ ᑐᑐᐎᐧᒄ, ᐊᑲ ᑐᑐᐎᐧᒄ,” ᐃᑕᐅᒡ ᐊᓐᒡ ᒋᓴᐃᔪᒡ, “ᒋᑭ ᓂᐸᐃᑯᐛᐤ,” ᐃᑕᐅᒡ᙮ “ᒋᒋᐛ ᓴᔅ ᒋ ᒥᔅᑎ ᓂᐸᐃᑯᐛᐤ,” ᐃᑕᐅᒡ᙮ “ᐊᑲ ᓄᒋᐃᑯᐎᐧᒄ,” ᐃᑕᐅᒡ᙮ 
\s ᐊᐅᒂᓇ ᒺᓴᔅᑯᐸᑕᓯᔨᒋ ᓂᐱᒡ ᐅᔅᑎᐸᒡ ᐱᒥᐸᑕᓱᐤ᙮ ᐊᑯ ᐅᑎ ᐱᒥᐸᔨᑐᑕᐤ, ᐅᒥᓴ ᐅᑕ ᐅᔅᑕᐧᑯᓂᑯᐤ ᐅᔅᐱᔅᑯᓂᒡ, ᐊᓐᑕ ᐛᔅᑕᐧᑯᓂᑯᑦ, ᐛᔅᑕᐧᑯᓂᑯᑦ ᐊᓐᑕ ᐅᔅᐱᔅᑯᓂᒡ᙮
“ᑕᓐᑕ ᒂ ᐃᑕᑦ, ᐊᑯᑕ ᐊᓐᑕ ᐎᔅ ᑕᐧᑯᓂ,” ᐃᑕᐤ᙮ “ᒥᒄ ᐊ ᐃᓯᓄᔨᓐ ᐊᑯᓐ ᒐ ᐃᑎᔨᓐ,” ᐃᑕᐤ᙮
ᒂ ᐃᔪᔨᒋ ᐅᑦ ᐊᐛᓯᒥᔪᐛ ᐅᑎ ᐱᒥᐸᔨᑐᑕᐤ, ᓴᔅ ᐅᑦ ᐊᐛᓯᒥᐧᑯᐛᑭᓄᔪᐛ ᒐᐱ ᓂᑕᐅᒋᔨᒋ ᐅᑎᐧᑯᑎᒥᓴ᙮ 
“ᓂᒥᓴ, ᐊᑲ ᐃᔨᐱᒐᑕ ᒪ ᐊᑯᔅ ᒋᐸ ᒥᑯᔅᑲᒋᐧᑯᐛᐅᒡ ᓂᓯᔪᐛ ᓂᑕᐅᒋᔨᒋ᙮ ᒋᐸ ᒥᒐᑐᐅᒡ ᓱᒃ ᐅᓴᒻ ᒋᔨᐱ ᓂᑕᐅᒍᐅᒡ᙮”
ᐛᑕᒥᔅᑎᒂᓇᐛᔅᑦ ᐎᔭᐱᓇᔅᑦ᙮ ᐊᐅᑯᓐ ᒥᒄ ᐊᑐᑐᐛᑦ ᐛᑕᒥᔅᑎᒂᓇᐛᑦ ᓂ ᐎᔭᐱᓇᑦ ᓇᑕ᙮ ᒥᓯᐛ ᐃᔪᔨᒋ ᐊᐅᒄ ᒥ ᒋᔅᑲᑯᔪᐛ ᐅᒥᓴ᙮
ᑕᑯᓯᑕᐊᑦ ᐅᒥᓴ ᐎᒍᐛᒡ᙮ 
\1 ᒐᐧᑲᐸᔅ ᑲ ᑕᐱᒂᑕᑦ ᐱᓯᒺ \p “ᓂᒥᓴ,” ᐃᑕᐤ, “ᐊᑯ ᒪ ᒐ ᔅᑐᑕᔭᐧᒄ, ᒐ ᒋᑎᓯᒪᐧᑯᒡ ᐊᐛᓐᒋ ᐅᓴᒻ ᒋ ᒥᑯᔅᑲᒋᐧᑲᑯᓄᒡ,” ᐃᑕᐤ, “ᐅᑕ ᐊᑕᔭᐧᒄ,” ᐃᑕᐤ᙮ “ᓂ ᒥᔅᑲᓐ ᐊᓐᑕ ᐊᔅᒋᔾ ᒐ ᐃᑐᑕᔭᐧᒄ,” ᐃᑕᐤ᙮ 
“ᓂᐦᐃ,” ᐃᑎᑯᐤ᙮ ᐎᔭᐱᓂᔨᒡ ᒐᑐᑕᒡ᙮
\p “ᐊᐦᐊᒃ ᓂᒥᓴ, ᐊᐅᑯᐤ ᒐ ᐅᒋ ᓴᑭᒍᐛᔭᐧᒄ ᐅ ᒥᔅᑎᒄ,” ᐃᑕᐤ᙮ ᐛᒋ ᓴᑭᒍᐛᔨᒋ ᐅᔭᔪᐛ ᐎᐛ ᑭᔭ ᐅᔭᔪᐛ ᐅᒥᓴ᙮
ᐊᑯ ᐅᑕ ᐎᔾ ᐅᑕᒡ, ᐅᑕ ᐅᑕᒡ, ᐅᑕ ᐊᑯᑕ ᐛᒋ ᐱᒧᑕᔅᑦ᙮ ᐊᑯ ᐊᓐ ᒐᔎᔭᐱᒧᔨᑥᐎ, ᐊᑯ ᐱᔭᔅᒋᓂᔨᒋ ᐊᓐᑕ ᐊᓐᑕ ᐊᓐᑕ ᐃᔭᒥᐱᔨᒋ ᑭᑈ, ᒐᔎᔭᐱᒧᔨᒋ ᑭᑈ᙮ ᐛᒋ ᓄᑎᓇᔅᑦ, ᐊᑯ ᒥᓐ ᐸᔅᑎᓇᔅᑦ, ᐊᑯ ᒥᓐ ᐊᑎ ᔅᑐᑕᔨᒋ᙮ ᐅᑕᒡ ᐅᑕ ᐅᒋ ᐱᒧᑕᓱᐤ᙮
ᓂᔍᐤ, ᓂᔍᐤ ᓂᐸᐅᒡ, ᓂᔍᐤ ᑎᐱᔅᑲᔪᐤ ᐊᓐᑕ ᐊᑎ ᐱᒧᑕᒡ, ᐊᓐᑕ ᐊᔅᐱᓴᔨᒡ ᐛ ᐃᑐᑕᒡ᙮ ᐊᑯ ᐛᑎᑕᒡ, ᑕᑯᓯᒡ ᓂᔭᔪᐛ ᑲ ᒥᔅᑲᐧᒃ ᐊᔅᒋᔪᐤ᙮ ᒻᒻᒻ᙮ ᐊᑯᑕ ᐊᑕᒡ᙮
“ᓂᒥᓴ, ᐊᐅᒄ ᐊᑯ ᓂ ᒥᔅᑲᓐ ᐊᔅᒋᔾ ᑲ ᐃᑕᓐ,” ᐃᑕᐤ᙮ 
“ᓂᐦᐃ,” ᐃᑎᑯᐤ, “ᑕᑈ ᒥᔽᐤ,” ᐃᑎᑯᐤ᙮ ᐊᑯᑕ ᐊᑕᒡ᙮
\s ᐊᑯ ᒐᒃ ᓄᒋᐧᑯᐛᑦ ᓂᔭᔪᐛ ᐱᓯᒺ, ᒥ ᒋ ᐛᐱᒪᐤ ᐊᓐᑕ ᐊ ᐱᒧᑕᔨᒋ᙮ ᐊᑎ ᐊᓐᑕ ᓂ ᒋᐱᔅᑭᓇᒡ ᐃᑕᐤ, ᐊᑯ ᐊᓐ ᐱᔭᒋ ᐸᓱᓇᑯᓯᔨᒋ, ᐊᑯ ᓇᐸᑦ ᓂ᙮
ᐊᑯ ᐸᒧᑕᔨᒂᓂ ᐛᒪᔅᑲᑯᑦ᙮ ᓴᔅ ᒋ ᐱᒧᑕᔨᓯᐱᓂ ᐊᑎ ᐸᑯᐱᔨᒋ᙮ ᒥ ᒋ ᐛᐱᒪᐤ᙮
“ᐊᐛᒐ ᐊᑯ?” ᐃᑕᔨᒪᐤ᙮ 
\p “ᓂᑭ ᑕᐱᒂᑕᐤ, ᓂᑭ ᐎ ᐛᐱᒪᐤ,” ᐃᑕᔨᒪᐤ᙮ “ᐊᐦᐊᒃ, ᓂᒥᓴ᙮” ᓇᑐᐛᐱᒪᑦ᙮ “ᓂᒥᓴ,” ᐃᑕᐤ, “ᐸᑕ ᐊᓐᑕ ᓯᔅᑎᒄ,” ᐃᑕᐤ᙮ “ᓂᑭ ᐊᐱᒋᑕᓐ,” ᐃᑕᐤ᙮ ᒻᒻᒻ᙮ ᐊᑯ ᒪᔨᑯᑦ ᑭᑈ ᓯᔅᑎᑯᔪᐤ ᐊᓯᓂᐧᑲᑕᐧᒃ, ᐊᐅᑯᔪᐛ ᒪᔨᑯᑦ᙮
ᑕᐸᑲ ᒥᓯᑕᐤ, ᒋᓏᐸᒋᑕᐤ ᓂᔭᔪᐛ ᐛᓯᑕᑦ ᐊᓂᔭ ᓯᔅᑎᑯᔪᐤ᙮ ᐳᐳᑕᑕᐧᒃ ᒐᒋ ᓱᐧᑲᐸᑭᓂᔨᒡ ᑭᔭ ᒐ ᐊᑲ ᒋ ᐃᔭᔪᐎᑕᔨᒋ ᐊᐛᔪᐛ ᒂ ᐃᓯᓇᑯᑕᑦ᙮ ᒐᑐᑕᑦ ᐅᓂᒂᓐ ᐊᑯ ᑎᔭᐱᒂᑕᑦ ᐛ ᓂᑯᑕᑦ ᓇᑕ ᐊ ᐱᒧᑕᔨᒋ, ᓇᑯᑕᑦ᙮
ᐊᑯ ᒐᐛᑦ᙮ ᐊᑯ ᓇᐸᑦ᙮
\p ᐊᑯ ᐅᒡ ᐅᑎ ᐃᑎᐱᑕᐤ ᐊᓐᒡ ᐃᔎᐅᒡ ᑕᐱᔅᑲᔨᒡ ᒥ ᓄᑯᓐ ᓇᔅᑎᔅ᙮ ᒂᔅᑯᐱᑕᑭᓄᐅᑦ ᐅ ᒐᐧᑲᐸᔅ, ᐅ ᒐᐧᑲᐸᔅ᙮
“ᓇᓯ,” ᐃᑎᑯᐤ, “ᐛᐸᑕ ᒪ ᐊᓯᓇᒂᒡ,” ᐃᑎᑯᐤ᙮ “ᑲ ᐃᓯᓇᒂᒡ ᓂᔭ ᐊᑲ ᐃᓯᓇᑯᓄᐛ,” ᐃᑎᑯᐤ᙮ ᐛᓂᐱᔨᑦ, ᐊᒋᑲᔪᐤ ᐛᓂᐱᔨᑦ᙮
“ᓂᒥᓴ,” ᐃᑕᐤ, “ᓂᓂᒂᓐ,” ᐃᑕᐤ᙮ ᒐᔅᒋᑕᐧᒃ ᐅᓂᒂᓐ᙮ “ᐸᓱᐤ,” ᐃᑕᐤ, “ᓂᓯᑯᓯᒻ,” ᐃᑕᐤ, “ᑭᔭ ᓂᑦ ᐊᐱᑯᓯᒻ,” ᐃᑕᐤ, “ᑭᔭ ᓂᑦ ᐊᓂᔅᒋᑯᒐᓯᒻ,” ᐃᑕᐤ᙮ ᒪᔨᑯᑦ᙮ ᒐᒋᐸᑕᑦ ᒐᒋᓇᑦ᙮
ᐊᐅᑯᓂ ᐅᔭᔪᐛ ᐱᓯᒺ ᑕᐱᒂᑕᐤ ᐱᓯᒺ᙮ ᑭ ᐛᐛᔨᒐᐱᔪᐛᓂ ᒂ ᑎᔨᒋ᙮ ᒥ ᒋ ᒥᒋᒪ ᒋᒋᓇᐤ ᐊᔅᐱᔅ ᐊᓂᔭ ᒋᓱᔨᒋ ᑭᑈ᙮
ᐅᑕ ᐛᒋ ᐛᐱᓇᑦ ᐅᓯᑯᓯᒪ᙮ “ᐱᔅᑲᑕ!” ᐃᑕᐤ ᐅᓂᒂᓐ᙮ ᒂ ᐊᑎ ᐱᐸᑎᑯᐧᑭᓱᔨᒋ ᒥ ᒋ ᐱᔅᑲᑎᒥᔪᐛ, ᓂᐸᐃᑭᓱᔪᐛ᙮
ᒥᓐ ᐅᑦ ᐊᓂᔅᒋᑯᒐᓯᒪ ᐃᔭᐱᒡ ᒂ ᑎᔨᒋ, ᐃᔭᐱᒡ ᓂᐸᐃᑭᓱᔪᐛ᙮ 
ᐊᐱᑯᓯᓴ ᐊᓐ ᐅᑦ ᐊᐱᑯᓯᒪ ᑭ ᐳᐳᑕᑕᓱᐛ ᒂ ᑐᐛᑦ᙮ ᒂ ᑐᑐᐛᑦ ᐎᔭᐱᓇᑦ᙮ ᓇᐊᒻ ᑕᐛᐱᑕᓯᓂᔪᐛ ᐅᓂᒂᓐ ᒥᔭᒂᑎᒥᔨᒋ ᒂ ᐱᔅᒋᐱᔨᒡ ᐅᔭᔪᐤ ᐅᐱᔅ᙮
ᑭ ᐊᑎ ᐛᐛᔨᒐᐱᔪᐛᓂ ᒂ ᐃᑎᔨᒋ ᒂ ᐊᑎ ᒋᒋᐱᔨᒋ ᓂᔭᔪᐛ ᐱᓯᒺ ᒂ ᐊᑎ ᓴᑕᔭᔨᒡ ᒂ ᐊᑎ ᒋᓯᑲᔨᒡ᙮ 
\p “ᐊᑯᓐ ᒐ ᐃᓯᓇᒂᒡ, ᒋᑭ ᑎᐱᔅᑲᐤ ᓇᓂᑯᑎᓂᔾ ᐊᑯ ᓇᓂᑯᑎᓂᔾ ᒋᑭ ᒋᓯᑲᐤ,” ᐃᑕᐤ᙮
ᑕᑯᓯᐧᒃ᙮ “ᓂᒥᓴ, ᐊᑯᓐ ᒐ ᐃᓯᓇᒂᒡ, ᒐ ᓂᐸᔭᐧᒄ ᑕᐱᔅᑲᒋ; ᒋᑭ ᑎᐱᔅᑲᐤ, ᒋᑭ ᐊᒋᑲᐤ, ᐊᑯ ᒐ ᓂᐸᔭᐧᒄ; ᐊᑯ ᒐ ᒋᓯᑲᒡ ᐊᑯ ᒐ ᐅᓂᔭᐧᒄ,” ᐃᑕᐤ ᐅᒥᓴ᙮
ᐊᐅᒂᑭᓐ ᐛᒋ ᑎᐱᔅᑲᒡ, ᐃᓇᓄᐤ, ᓇᓂᑯᑎᓂᔾ ᐱᓯᒺ ᑲ ᐊᒋᑲᐛ, ᐃᑕᒋᒧᓇᓄᐤ᙮ 
ᐊᑯᑕ ᐊᔎᔭᒋᒪᑭᓄᐅᑦ, ᐃᔪᐤ ᐊᑎᔪᐧᑭᓐ, ᐊᐅᑯᐤ ᒐᐧᑲᐸᔅ, ᒐᐧᑲᐸᔅ᙮ 
ᓇᐊᐳᐤ ᐊᒐᓐ–ᑭᓄᐛᐱᓄᐤ ᑎᐸᒋᒧᐅᓐ 32 Sitting Monster 2015 05 16 book source
ᓄᑕᐎᔾ ᐃᔭᐱᒡ, “ᐅᑕᐎᔭ,” ᐃᔅ, “ᐊᐅᑯᓂᔭ ᑕᐸᒋᒧᐎᔨᒋ,” ᐃᔅ᙮ <pp>
ᐊᔅᒄ ᒥᒄ ᓇᒪ ᓂᑦ ᐃᔨᑕᓐ᙮ ᓄᑕᐎᔾ ᐊᓐ, ᐊᐅᑯᓐ ᑕᐸᒋᒧᑦ᙮ <pp>
ᑭᓄᐛᐱᓄᐤ ᐃᔭᐱᒡ, ᐊᐅᑯᓂ ᓂᔭᔪᐛ ᐛᒋᒪᒡ, ᐸᐃᑯᓯᔪᐛ ᐊᓂᔭ ᐃᔪᐛ, ᑭᓄᐛᐱᓄᐤ ᐊᓯᓂᐧᑲᑕᑭᓄᐅᑦ, ᐊᓐ ᐃᔪᐤ᙮
ᐊᑯᑕ ᐅᑕ ᐅ ᑲᐃᔅᒐᑲᑭᒪᐤ, ᐅᑕ ᒪᒃ ᐊ ᓴᒋᐅᐎᔨᒡ ᐅᑕ, ᐊᑯᑕ ᐅᑕ ᑲ ᑕᒡ, ᓴᑯᓂᑕᒡ᙮
ᐊᑯ ᓂᔭᔪᐤ ᐊᑎ ᐃᔅᒋᒪᒡ ᐊᓂᔭᔪᐤ ᐊᓐ ᐊ ᑯᐱᑕᒡ ᐊᓐ ᑲᐃᔅᒐᑲᑭᒪᐤ, ᐊᑯ ᓂᔭᔪᐤ ᐊᑎ ᐃᔅᒋᒪᒡ, ᐳᓯᒡ, ᓇᑕ ᐛ ᐃᔅᒋᒪᒡ ᐛᔅᑲᐃᑭᓂᒡ, ᒐᐃᒧᐤ᙮ 
ᐊᑯ ᓂᔭᔪᐤ ᑲ ᐊᔅᑐᐎᓇᓄᐅᒡ ᐊᓯᓂᐧᑲᑕᒡ, ᐊᑯᑕ ᑕᒐᓂᒋ ᐱᑲᒐᓂᒋ᙮ ᐊᐅᑯᔪᐤ ᓂᔭᔪᐤ ᐊᓐᑕ ᒂᔅᑕᒋᒡ᙮ ᐃᔭᐱᒡ ᐊᓐ ᒂ ᐃᑎᑦ ᐃᑕᐤ, ᑭᓄᐛᐱᓄᐛ᙮ <pp>
ᐃᔭᐱᒡ ᓱᐧᒃ ᐎ ᑯᓴᐸᑎᒻ ᐃᑕᐤ, ᐊᑎ ᐊᑲ ᐎ ᑯᑯᓴᐸᑎᒧᐊᑭᓄᐅᑦ᙮ 
ᐊᑯ, ᒂᓴᐸᑕᐧᒃ, ᒂᓴᐸᒋᑭᓂᐧᑯᐛᑭᓄᐅᑦ, ᐃᑕᐤ᙮
ᐊᑯ ᐊ ᑎᐱᔅᑲᔨᒡ ᑭᑈ, (ᑕᐱᔅᑲᔨᒋ ᐛᔅ ᐊᑯᑕ ᒂᓴᐸᑕᐧᒃ ᐃᔪᐤ᙮)
ᐊᑯ ᐊ ᑎᐱᔅᑲᔨᒡ ᐊᓐ ᒂᓴᐸᒋᑭᓂᐧᑯᐛᑭᓄᐅᑦ, ᐃᑕᐤ, ᐸᒐᑦ, ᐃᑕᐤ᙮
ᐊᐅᑯᔪᐤ ᐊᑯ ᓂᔭᔪᐤ ᑲ ᐱᒐᑦ, ᓴᔅ ᑭᑈ ᑭ ᐛᐱᒪᐛ ᐃᑎᒐ ᐅᑕ ᐎᐎᑎᒥᒡ ᐊᐛᔪᐛ᙮ <ss>
ᐊᑯᔭᑦ, ᐃᑕᐤ, “ᐊᑯ ᐛ ᒪᒪᒡ ᐃᑕᔨᑎᒪᓐ᙮ 
ᒪᒪᒡ ᐃᓯᓂᒪᓐ,” ᐊᑯᔭᑦ, ᐃᑕᐤ᙮
“ᓇᔅᒡ ᐅᑕ ᒥᒋᒪ ᒐᒂᓐ ᑭ ᒋ ᐅᓴᐱᒥᑯᓇᓄᐛ ᒂ ᐃᑕᔨᑎᒪᓐ, ᑭ ᓂ ᐛᐱᒪᐛ ᐊᐛᓐ,” ᐊᑯᔭᑦ, ᐃᑕᐤ᙮ “ᓇᔅᒡ ᐅᑕ ᒥᒋᒪ ᓴᔅ ᑭ ᒋ ᐅᓴᐱᒥᑯᓇᓄᐛ ᒂ ᐃᓯᓂᒪᓐ,” ᐊᑯᔭᑦ, ᐃᑕᐤ᙮ 
ᐊᑯ ᓂᔭᔪᐛ ᐅᒥᔅᑕᐸᒪ, ᐃᑕᐤ, ᐊᑎ ᐱᒐᔨᒋ, ᐃᑕᐤ, ᓇᔅᑎᔅ ᐊᑲ ᐸᑕᑯᓯᔪᐛᓂ ᒂ ᐃᑎᔨᒋ, ᐃᑕᐤ᙮
ᐊᑎ ᐊᓂᔭᔪᐤ ᑭ ᐎ ᐃᔨᒥᐛᓂ ᒂ ᐃᑎᔨᒋ, ᐃᑕᐤ᙮ <pp>
ᐊᑯ ᒐᔅᑐᑎᒂᐤ, ᐃᑕᐤ ᓄᑕᐎᐱᓐ, ᒥᔅᑕᐸᐛ ᐊᔨᒪᐊᒂᐤ ᐛᔅ ᐃᔨᒪᐊᑭᓄᐅᒡ ᒥᔅᑕᐸᐅᒡ᙮ <pp>
ᒻᒻᒻ “ᐊᑲ ᐃᑎᒄ ᐊᑯ, ᐊᑎᔭᒄ,” ᒂ ᐃᑎᒂᐤ, ᐃᑕᐤ᙮
“ᑕᐸ ᒐᒂᓐ ᒋᔨᐛᐤ ᒋᑭ ᒋ ᐃᓯᓇᑯᓯᓇᐤ, ᓂᔭᓐ ᐎᔭᓯᑐᑐᐎᒥᒐ ᐊᐛᓐ,” ᒂ ᐃᑎᒄ, ᐃᑕᐤ᙮
“ᐊᑯ, ᒋᔨᐛᐤ ᑕᐸ ᒋ ᐎᔭᓯᓇᐤ, ᒐᔅᑲ ᒋᑦ ᐃᑎᓇᐤ ᒂᔅᑕᒋᔭᒄ,” ᒂ ᐃᑎᒂᐤ, ᐃᑕᐤ᙮ 
“ᐊᑯ ᐊᑐᒡ ᒋ ᒋ ᐃᑎᓇᐤ, ᐊᑯ,” ᒂ ᐃᑎᒂᐤ, ᐃᑕᐤ, “ᒐᒂᓐ ᓇᔅᒡ ᒂᔅᑎᒪᒄ,” ᒂ ᐃᑎᒂᐤ, “ᐊᑯ ᒋᐸ ᑎᐸᒋᒧᓇᐤ ᐊᔪᐛᒡ, ᒋᐸ ᐎᑕᓇᐤ,” ᒂ ᐃᑎᒂᐤ, ᐃᑕᐤ᙮ 
ᑕᑈ, ᐱᔭᑕᑯᓯᒡ ᒋᒋ ᒥᔅᑕᐸᐅᒡ ᐸᒐᒡ, ᐃᑕᐤ᙮
ᑭ ᐱᒐᐅᒋ ᒂ ᐃᑎᒡ ᒧᔭᒻ ᐊᑎᑕᒂᒡ ᐊᓐᑕ ᑭ ᐃᔨᒥᒥᑭᓄᐛ, ᑭᔭ ᑭ ᓂᑭᒧᒥᑭᓄᐛ, ᓇᐊᐤ ᒂ ᐃᑕᔨᑕᑯᓂᔨᒡ ᐅᔭᔪᐤ ᐅᑯᓴᐸᒋᑭᓐ, ᐊᓐ ᑯᓴᐸᒋᑭᓐ ᐊᓯᓂᐧᑲᑕᒡ᙮ <pp>
ᐸᑎᒂᑕᐧᒄ ᒥᓐ ᐅᑕ ᐊᐱᑦ᙮ ᓇᐊᐤ ᒂ ᐃᑎᑕᒂᒡ ᒪᓐ ᑭ ᐃᑎᑕᑯᓄᐛ, ᑭᔭ ᐊᓐᑕ ᑭ ᓂ ᐸᑕᑯᓯᓇᑎᑲ, ᓇᐊᐤ ᒂ ᐃᑕᔨᑕᒂᒡ ᑯᓴᐸᒋᑭᓐ᙮ 
ᐊᑯ, [ᐊᔭᑦ,] “ᒥᒋᒪ ᐅᑕ ᒋᒋᐛ, ᓴᔅ ᓂ ᐛᐱᒪᐤ,” ᒂ ᐃᑕᑦ, ᐃᑕᐤ᙮ “ᐊᑯᑕ ᐅᑕ ᑭ ᐸᒋ ᓇᐊᐳᐛ, ᑭ ᐸᒋ ᐅᑎᑎᐳᐛ ᒂ ᐃᓯᓄᐅᒃ,” ᐃᑕᐤ᙮ 
“ᒋᒋᐛ ᒋ ᐸᔄᐱᒥᑯᓄᐤ,” ᒂ ᐃᑕᑦ, ᐃᑕᐤ᙮ <pp>
ᐊᑯ ᒂᔅᑕᒋᒥᑯᒡ, ᐃᑕᐤ, ᓂᔭᐧᑲ ᓂᑲᐎᔭ ᑭᔭ ᓂᔭᔪᐛ ᒋᐅᔅᒐᔎᐱᓇ, ᒂᔅᑕᒋᒥᑯᒡ ᒋᐅᔅᒐᔎᐤ, ᒂᔅᑕᒋᒥᑯᒡ, ᐃᑕᐤ᙮
ᐊᑯ ᒂ ᐃᑎᒃ ᐃᑕᐤ “ᒋᑦ ᐊᑎ ᑭᑈ ᐊᔪᐛᒡ ᐛᐸᑕᓐ ᒋᔾ ᒐᒂᓐ, ᑭᔭ ᐊᔪᐛᒡ ᒋ ᒋᔅᒐᔨᑕᓐ ᒐᒂᓐ ᐃᑕᔨᑕᑯᓐ,” ᒂ ᐃᑎᒃ, ᐃᑕᐤ᙮ <pp>
ᒋᐸ ᐎ ᑭᑈ ᐎᔭᓯᑐᑐᐛᐤ, ᑕᐸᔨᒧᑐᐅᑦ, ᒂ ᐃᑎᒃ, ᐃᑕᐤ, ᑭᓄᐛᐱᓄᐱᓇ᙮ <pp>
ᐊᑯ ᒂ ᐃᓯᑦ, ᐃᑕᐤ “ᒪ ᒋ ᓂᑕ ᑭᓄᐛᔨᒪᐤ ᒥᔅᑎᐧᑯᔾ ᐊ ᐅᓴᐊᑭᓄᐅᑦ᙮” ᒂ ᐃᓯᑦ, ᐃᑕᐤ᙮ <pp>
ᒥᔅᑎᐧᑯᔾ ᐛᔅ ᒋ ᐅᓴᐊᑭᓄᐤ, ᒋ ᒥᔽᐛᑭᓄᐤ ᒥᔅᑎᐧᑯᔾ, ᒋᓯᓇᑭᓄᐤ, ᐊᑯ ᒪᓯᓇᑕᐛᑭᓄᐅᑦ ᐊᓐ ᒥᔅᑎᐧᑯᔾ, ᒪᒥᐧᑯᓇᑭᓄᐅᑦ ᐊᓐ ᒥᔅᑎᐧᑯᔾ᙮
ᐊᐅᑯᓂ ᑲᓄᐛᔨᒪᑦ ᐃᔪᐤ ᐊᓂᔭ ᒥᔅᑎᐧᑯᔭ ᐊᓯᓇᑯᓯᔨᒋ᙮ 
ᐎᐱᒡ ᐊᓐᑕ ᐃᔪᒡ ᑲ ᑐᑐᐛᒡ ᒥᔅᑎᐧᑯᔭ, ᐊᑯ, “ᑭᑈ ᑲᓄᐛᔨᒥᒃ,” ᒂ ᐃᑎᒃ, ᐃᑕᐤ᙮ <pp>
ᐊᑯ ᒺᓴᓂᒃ ᓂᒥᔅᑎᐧᑯᔾ, ᐃᑕᐤ, ᓄᑕᐎᔾ᙮ <ss>
ᐊᑯ ᐅᑕ ᐸᔅᑎᓂᒃ ᐅᑕ, ᐃᑕᐤ, ᐅᑕ ᒥᒋᒪ ᑯᓴᐸᒋᑭᓂᒡ, ᐊᑯᑕ ᐅᑕ ᐊᔨᔨᒃ, ᐃᑕᐤ, ᑕᓐᑕ ᒂ ᐃᑐᓱᒥᑦ, ᐃᑕᐤ, ᑭᓄᐛᐱᓄᐛ᙮
ᑭᔭ ᓂᔅᑦ ᐅᒥᔅᑎᐧᑯᔭ ᑕᔪᐛ, ᐃᑕᐤ, ᒺᓴᓇᑭᓄᐎᒋ, ᐃᑕᐤ, ᓇᑕ ᐊᔭᑭᓄᐎᒋ, ᐃᑕᐤ᙮ <pp>
ᐊᑯ, “ᒋᐸ ᓂᑭᒧᓇᐤ, ᐊᑲ ᓱᐧᒃ ᓇᔅᒡ ᒂᔅᑕᒍᐛᐛᒂ, ᒋᐸ ᓂᑭᒧᓇᐤ,” ᒂ ᐃᓯ ᐃᔨᒥᑦ, ᐃᑕᐤ᙮
“ᐊᔪᐛᒡ ᐸᐸᐃᒄ ᒋᐸ ᒋᑕᐊᓇᐤ ᒋᓂᑭᒧᐅᓄᐛᐛ,” ᒂ ᐃᓯ ᐃᔨᒥᑦ, ᐃᑕᐤ᙮ <pp>
“ᓇᑭᒧᔭᓐ,” ᐃᔪᐤ ᓄᑕᐎᔾ, “ᓂᓱ ᓂ ᒋᑕᐊᓐ ᓂᑭᒧᐅᓇ,” ᐃᔪᐤ, “ᓇᑭᒧᔭᓐ,” ᐃᔪᐤ᙮
ᐊᑯ ᓂᔭᔪᐛ ᒋᐅᔅᒐᔎᐛ, “ᒋᐅᔅᒐᔅᒄ!” ᒂ ᐃᑎᒃ, ᐃᑕᐤ ᐊᑯ “ᒋᐸ ᑎᐸᐊᒧᓐ, ᒋᐸ ᓂᑭᒧᓐ, ᐛᔅ ᒪ ᒋ ᐅᓂᑭᒧᐅᓇᒐ,” ᒂ ᐃᑎᒃ, ᐃᑕᐤ᙮
ᓇᑭᒧᑦ, ᐃᑕᐤ, ᒋᐅᔅᒐᔎᐱᓇ᙮ ᓂᓱ ᐃᔭᐱᒡ ᓂᑭᒧᐤ, ᐃᑕᐤ, ᐅᓂᑭᒧᐅᓇ, ᐃᑕᐤ᙮
ᐊᑯ ᑭᑈ ᑲ ᐃᑎᔭᒡ ᐊᓐ ᐊ ᐃᑎᓱᒧᑯᔭᒡ, ᐃᔪᐤ᙮ <pp>
ᐊᐦᐊᒃ ᐊᑯᔭᑦ, ᐃᑕᐤ, 
“ᒐ ᔭᔭᒄ, ᒐ ᓂᑐᑎᒪᒄ, ᒥᓱᐧᒃ ᐸᑎᒪᒂ ᒐᒂᓐ᙮”
“ᑕᑈ ᒐᒋ ᐎᔭᓯᑐᑐᐛᑭᓄᐅᑦ,” ᐊᑯᔭᑦ, ᐃᑕᐤ᙮ “ᒐ ᓂᑐᑎᒪᒄ,” ᒂ ᐃᓯ ᐃᔨᒥᑦ, ᐃᑕᐤ᙮ <pp>
ᐛᔪᐎᐎᐅᒡ ᒥᔅᑕᐸᐅᒡ ᒂ ᐃᑎᒡ, ᐃᑕᐤ, ᐛᔪᐎᐎᐅᒡ, ᐃᑕᐤ᙮
ᒂᑦ ᐊᑲ ᐊᒋᐱᔨᒡ ᑯᓴᐸᒋᑭᓐ, ᒐᒥᑕᒡ᙮
ᓇᓇᒐᓯ, ᐃᔪᐤ, ᐱᔭᑎᒪᒡ ᒐᒂᓐ᙮
ᐃᔭᐱᒡ ᒂ ᐃᑎᑎᒪᒡ, ᐃᔪᐤ, ᓂᔭᔪᐤ ᑲ ᐃᑎᑕᒡ, ᑭ ᐱᒺᐛᔅᑎᓄᐛ ᓇᑕ, ᑭ ᐱᒥᐱᔪᐛ ᒐᒂᓐ ᒂ ᐃᑎᑎᒪᒡ ᐊᓐᑕ, ᐃᔪᐤ᙮
ᒐᒃ ᑭ ᐱᑎᑯᐱᔪᐛ ᒂ ᐃᑎᑕᒂᒡ, ᑭ ᐸᑕᑯᓄᐛ ᒐᒂᓐ ᒂ ᐃᑎᑕᒂᒡ᙮ 
ᐊᑯ ᐅᐛ ᐊᓯᓂᔭᓐ, ᐊᓐ ᐊᓯᓂᔭᓐ, ᐃᔪᐤ ᓄᑕᐎᐱᓐ, ᐅ ᒥᒋᐛᑉ, ᐅ ᐊᓯᓂᔭᓐ, ᑭ ᓂᑦ ᐊᔭᒋᐱᔨᓇᐛ, ᑭ ᐅᑎᑕᒪᑎᓄᐛ, ᒂ ᐃᑎᑎᒪᓐ᙮
ᒂ ᐃᑕᔨᑎᒪᓐ ᑭ ᓂᑦ ᐃᔅᐱᔨᓇᐛ ᒂ ᐃᑕᔨᑎᒪᓐ᙮ ᓇᑐᑎᒪᓐ᙮ ᒐᒃ ᐊᑲ ᐸᑕᑯᓄᐛ ᒂ ᐃᑎᑕᒂᒡ, ᐃᔪᐤ᙮
ᐊᑯ ᐅᑕ ᓇᐊᒻ ᐅᑕ ᐃᑕᒐ, ᐅᑕ ᒋᐸ ᐊᐳᐤ, ᑲ ᐃᑕᑦ᙮ <ss>
ᐊᑯᑕ ᐅᑕ ᐃᑕᒐ, ᑲ ᑎᐸᒋᒪᑦ, ᐃᑕᐤ᙮
ᐊᑯᑕ ᐅᑕ ᐃᑕᒐ ᐊᑎᓯᑎᒪᒡ, ᐃᔪᐤ, ᒪᓐᑕ ᐃᑕᒐ, ᐃᔪᐤ᙮
ᒪᓐᑕ ᐃᑕᒐ ᑭ ᐸᒋ ᓇᐊᐳᐛ ᑲ ᐃᓯᓄᐅᒃ, ᐃᑕᐤ, ᐊᓐᑕ ᓇᐊᐤ ᐱᓯᒻ ᑭ ᐸᔅᒋᒧᐛ ᐃᑕᒐ᙮ ᐊᑯᑕ ᐊᓐᑕ ᐃᑕᒐ ᑭ ᐸᒋ ᓇᐊᐳᐛ᙮
ᒥᒋᒪ, ᐊᑲ ᓱᐧᒃ ᐅᔭ ᐛᔪᐤ ᑭ ᐊᐳᐛ ᓂᑦ ᐃᓯᓄᐛᐤ, ᑭ ᐃᔪᐛ ᒂ ᐃᓯᓄᐅᒃ᙮ 
ᐊᐅᒂᓇ, ᐛᐱᑕᒡ ᒥᔅᑕᐸᐅᒡ, ᓇᒪ ᑕᐤ᙮ ᐊᑯ ᒥᓐ ᐃᔭᒋᐱᔨᒡ ᑯᓴᐸᒋᑭᓐ᙮ <ss>
ᐊᑯ ᐊᐅᑯᔪᐤ ᓂᔭᔪᐤ, ᐃᑕᐤ, ᑕᐸᒋᒧᑦ, ᐃᑕᐤ᙮
ᓴᔅ, ᓴᔅ ᒋ ᐎᔭᓯᑐᑐᐛᑭᓄᐤ, ᐃᑕᐤ᙮
ᐃᔭᐱᒡ ᓇᑕ ᐛᔪᐤ ᐃᑎᓯᓇᑭᓄᐤ, ᒂ ᐃᑕᑦ, ᐃᑕᐤ᙮
ᒥᔅᑕᐸᐤ, ᒥᔅᑕᐸᐤ ᐊᐅᑯ ᑕᐸᒋᒧᑦ, ᓴᔅ ᒋ ᐃᒐᑎᓯᓇᑭᓄᐤ, ᒂ ᐃᑕᑦ, ᐃᑕᐤ᙮
ᐊᑯ ᐊᑯᔭᑦ, ᐃᑕᐤ, ᑭᓄᐛᐱᓄᐱᓇ, ᑕᑈ ᐊᑯᔭᑦ, ᐃᑕᐤ, “ᐛᔪᐤ ᐊᓐᑕ, ᐊᑯᑕ ᐊᓐᑕ ᑭ ᓂ ᒋᔅᒋᓇᐛ ᑭ ᓂ ᐛᐱᒪᐛ, ᑭ ᓂ ᐛᐱᒪᐛ, ᒂ ᐃᑎᔭᓐ,” ᐊᑯᔭᑦ, ᐃᑕᐤ᙮ 
“ᓴᔅ ᐊᓂᔭ ᐛᔪᐤ ᐊᓐᑕ ᑎᔭᑭᓄᐤ, ᐊᐅᑯᓐ ᓇᑕ,” ᐊᑯᔭᑦ, ᐃᑕᐤ, “ᓇᑕ ᐃᑕᒐ, ᓇᑕ ᐃᑕᒐ ᒧᓱᐛᐅᓯᐱᒡ, ᐊᓐᑕ ᒧᓱᐛᐅᓯᐱᒡ, ᐊᑯᑕ ᐊᓐᑕ ᐃᑕᒐ᙮” <pp>
ᐊᑯ, ᐎᔭᐱᓂᔨᒡ, ᐊᑯ ᐃᑎᑯᒐᓂᒋ, “ᒋᐸ ᐛᐸᑎᒺᓇᐤ ᓇᑕ ᓂᔭᔪᐛ ᑭ ᐅᒋ ᐎᔭᓯᑐᑐᐛᑭᓄᐛ ᑲ ᐃᓯᓂᒪᓐ, ᓇᑕ ᑭ ᐊᐳᐛ ᐊᓯᓂᒪᓐ,” ᐃᑎᑯᒐᓂᒋ᙮
ᓄᑕᐎᐱᓐ, ᐊᑯ ᓂᔭ ᓄᑕᐎᐱᓐ, “ᓂᐦᐃ,” ᐃᑕᒐ, “ᓂᔾ ᓂᑭ ᐛᐸᑕᓐ,” ᐃᑕᒐ᙮ “ᐊᑯ ᒐᑐᑕᔭᒡ,” ᐃᔪᐤ ᓄᑕᐎᐱᓐ᙮ “ᐛᒐᐅᒃ,” ᐃᑕᐤ, “ᑭᓄᐛᐱᓄᐛ᙮”
ᐊᑯ ᓂᔭᔪᐤ ᐊᓐᑕ ᑭ ᐊᐳᐛ, ᑲ ᐃᓯᓄᐛᑦ, ᓂᔭᑎᒪᒡ, ᐃᔪᐤ᙮ ᒥᔅᑎᑯᒡ ᓂᐳᐅᒡ, ᓯᑲᐳᐅᒡ ᒥᔅᑎᑯᒡ, ᐃᑕᐤ᙮
ᐊᑯ ᓇᑕ ᐅᓴᔅᒄ, ᓇᑕ, ᐊᑯᑕ ᓇᑕ ᒋᐸ ᐸᒋ ᓇᐊᐳᐤ, ᐃᑕᐤ, ᐊᓐ ᐊ ᐃᔪᑦ ᑕᑈ᙮ <ss>
ᐃᔪᐤ ᒧᔭᒻ ᐊᐱᑦ ᒂ ᐃᓯᓇᒂᒡ, ᐃᔪᐤ, ᐃᑕᐤ, ᐊᓂᔭᔪᐤ ᐊᓐᑕ ᒋᐸ ᐊᐳᐤ, ᐃᑕᐤ᙮
ᐊᑯ ᒂ ᐃᓯᑦ, ᐃᑕᐤ, “ᐛᐸᑕ ᒪ,” ᒂ ᐃᓯᑦ, ᐃᑕᐤ, “ᒪᓇ,” ᒂ ᐃᓯᑦ, ᐃᑕᐤ, “ᒪᓐᑕ ᑭ ᐊᐳᐛ ᑲ ᐃᓯᓂᒪᓐ,” ᒂ ᐃᓯᑦ, ᐃᑕᐤ᙮ <pp>
“ᐊᑯᑕ ᐅᑕ ᒋᐸ ᐅᒋ ᐎᔭᓯᑐᑐᐛᑭᓄᐤ,” ᒂ ᐃᓯᑦ, ᐃᑕᐤ᙮ ᐊᐅᒂᑭᓐ, ᐃᔪᐤ ᓄᑕᐎᐱᓐ᙮
ᓇᒪ ᓂᒋ ᒥᒄ ᒋᒡ ᓇᑎᒺᓐ, ᐃᑕᐤ᙮ ᓇᒪ ᓂᒋ ᓇᔅᒡ ᓇᑕ ᓇᑎᒺᓐ, ᐃᑕᐤ, ᓂᔭᔪᐤ ᓇᑕ ᒋᐸ ᐊᐱᔪᐛ᙮
ᒥᒄ ᐅᑕ ᓂ ᐅᓴᐸᑕᓇᓐ, ᒥᒋᒪ ᑭᑈ, ᐃᔪᐤ, ᓇᒪ ᓇᔅᒡ ᐛᔪᐤ ᓇᑕ, ᒥᒋᒪ ᐊᔪᐛᒡ, ᓂ ᐅᒋᑲᐳᐅᔅᑕᓇᓐ, ᐃᔪᐤ᙮
ᒧᔭᒻ ᐊᓐᑕ ᐊᐱᑦ ᐊᐛᓐ, ᐅᔭᔪᐛ ᐎᒋᑯᓇ, ᒪᐤ ᐅᔭᔪᐛ ᐎᒋᑯᓇ, ᐊᓯᓇᒂᒋ ᐅᔭ ᐎᒋᑯᓇ, ᑭᔭ ᒪᐤ ᐅᔭᔪᐤ ᐊᓯᓇᒂᒋ, ᑭᔭ ᐅᔅᑲᑦ ᐅᔭᔪᐤ, ᑭᔭ ᐅᓯᑦ, ᓇᐊᐤ ᒂ ᐃᓯᓂᒪᓐ, ᒂ ᐃᓯᓂᒪᓐ, ᒪᓐᑕ, ᒪᓐᑕ ᐊ ᐱᐸᑎᑯᐱᑦ, ᒪᓐᑕ ᐃᔪᐤ᙮ 
ᒪᓐ ᒋᐸ ᐃᑎᐳᐤ ᐊᔅᒋᒡ, ᒪᓐ ᒋᐸ ᐃᑎᐳᐤ᙮
ᐊᑯ ᐅᔭᔪᐛ ᐎᒋᑯᓇ, ᒪᐤ ᐅᔭᔪᐛ ᒋᐸ ᐊᓯᑎᓂᔪᐛ ᐊᓐᑕ ᐊᔅᒋᒡ, ᒋᐸ ᐊᓯᑎᓂᔪᐛ ᐅᑕ ᐊᔅᒋᒡ᙮ <pp>
ᑭᔭ ᓂᔭᔪᐛ ᐅᓯᑕ, ᒪᐤ ᐅᔭᔪᐛ; ᐃᔭᐱᒡ ᐊᓂᔭ ᓄᑯᓂᔪᐤ ᐊᔅᒋᔪᐤ ᐊᓂᔭ ᒋᐸ ᒪᑯᔅᑭᒥᔪᐛ᙮
ᐊᑯ ᒥᒄ, ᒋᐸ ᒥᓯᑐᐤ, ᐃᑕᐤ, ᒋᐸ ᒥᓯᑐᐤ, ᐃᔪᐅᑦ, ᑕᑈ ᑕᑈᑦ, ᐃᑕᐤ ᐊᓂᔭ ᐎᒐᐛᑭᓇ, ᒋᐸ ᒥᓯᑐᐤ, ᐃᑕᐤ᙮
ᐊᑯ ᐅᔭᔪᐤ ᐊᑎᐱᑦ, ᒪᐤ ᐅᔭᔪᐤ ᐊᑎᐱᑦ, ᐛᔅᑲ ᓇᑕ ᒪᓇ ᐃᔅᐱᔅ ᐊᑎ ᐛᔅᑲ ᓇᑕ, ᒥᑕᒂ ᓇᑕ ᐛᔅᑲ᙮ ᒥᓯᐛ ᑭ ᐱᑯᐱᔪᐛ ᒂ ᐃᓯᓇᒂᒡ ᐅᔭᔪᐤ ᐊᔅᒋᔪᐤ, ᒧᔭᒻ ᐊᓐᑕ ᐊ ᐱᔅᑯᐱᔨᒡ ᒂ ᐃᓯᓇᒂᒡ᙮ 
ᐊᑯ ᐅᔭᔪᐤ ᐊᔅᐱᑎᐱᔨᒋ ᐅᔭᔪᐤ, ᐊᑯᑕ ᐅᑕ ᒥᒄ ᓇᒪ ᐱᑯᐱᔪᐤ, ᐃᔪᐤ, ᐅᔭᔪᐤ ᐊᔅᒋᔪᐤ, ᓇᒪ ᐱᑯᐱᔪᐤ ᐊᓐᑕ᙮ 
ᒥᒄ ᐅᔭᔪᐤ, ᒥᒄ ᐅᔭᔪᐤ ᒋᐸ ᑲᔅᐱᔅᑭᒻ ᐊᔅᒋᔪᐤ ᐊ ᐊᐱᑦ, ᐃᑕᐤ᙮
ᓇᐊᒻ ᐃᔪᐛ ᐊᐱᑦ ᒂ ᐃᓯᓇᒂᒡ, ᒂ ᐃᓯᓂᒪᓐ, ᐃᑕᐤ ᓄᑕᐎᐱᓐ, ᐅᔭᔪᐤ ᐎᒋᑯᓂᔪᐛ, ᒪᐤ ᐅᔭᔪᐛ ᑭᔭ ᐅᔭᔪᐛ ᐅᓯᑎᔪᐛ, ᐊᓐᑕ ᐊᔅᒋᒡ᙮ <pp>
ᑭ ᓂ ᐎ ᑕᑈᑐᐛᐛ ᒂ ᑐᑐᐅᒃ, ᐊᓂᔭᔪᐤ ᐊ ᐃᑕᒋᒧᑦ, ᐃᑕᐤ᙮ <ss>
“ᒐᒂᓐ ᐊᓐ ᒋᐸ ᐃᓯᓇᑯᓐ?” ᐊᑯᔭᑦ, ᐃᔪᐤ ᓄᑕᐎᐱᓐ, ᐊᓂᔭᔪᐤ ᐊ ᐃᑎᑦ, ᐊᓂᔭᔪᐤ ᐊ ᐃᑎᑦ᙮
ᐊᑯ ᓇᑕ, ᓇᑕ ᒋᐸ ᐅᑐᑕᐤ ᓇᑕ, ᐃᑕᐤ, ᓇᑕ ᒋᐸ ᐅᑐᑕᔪᐛ᙮ ᓇᒪ ᓂ ᐛᐸᑕᐤ ᓇᑕ, ᐃᑕᐤ ᓄᑕᐎᐱᓐ, ᓇᑕ ᒋᐸ ᐅᑐᑕᔪᐛ᙮ ᓇᒪ ᑎᑯᓂᔪᐤ ᐅᒪᔅᑭᓄᐤ, ᐃᑕᐤ, ᓇᒪ ᓂ ᐛᐸᑎᒺᓐ, ᐃᑕᐤ᙮
ᐊᑯ ᓂᔭᔪᐤ ᒥᒄ ᐅᑕ ᐊᐱᑦ ᐅᔭᔪᐤ, ᐃᑕᐤ᙮ “ᐊᑯᔪᐤ ᐊᓐᑕ ᒥᒄ ᐎᔭᐸᑎᒧᒡ, ᒋᐸ ᐊᐳᐤ,” ᑲ ᐃᑕᑦ, ᐃᑕᐤ ᓄᑕᐎᐱᓐ᙮ <ss>
ᒋ ᒥᒪᑕᐛᒋᒪᓱᐤ ᐊᔪᐛᒡ, ᐊᓂᔭ ᑭ ᑎᐸᒋᒪᐛ᙮
ᐎᒐᐛᐤ ᑕᓐᑕ, ᐛᐸᑎᔨᑯᐤ ᓂᔭᔪᐤ ᐊ ᐃᓯᓂᒥᔨᒋ, ᐊᓂᔭᔪᐤ ᐊ ᐃᑎᔨᒋ᙮ <pp>
ᓇᒪ ᓱᐧᒃ ᐅᒋ ᓂᑐᐎ ᐃᔪᐤ, ᐃᔪᐤ ᓄᑕᐎᐱᓐ, ᒐᒂᓂᔪᐤ ᐅᓴ ᒐᒋ ᑭᑭᒋᔭᑦ ᐊᐛᓐ᙮ 
ᐊᑯ ᑕᐸ ᒋᔅᒐᔨᒪᐅᒡ ᐃᔭᐱᒡ, ᓇᒪ ᒋᔅᒐᔨᒪᐅᒡ, ᓇᒪ ᒋᔅᒐᔨᒪᐅᒡ ᐊᑐᐛᓄᐎᒋ ᓄᑕᐎᔾ, ᐅᔭ ᐊᐛᔪᐛ ᒋᐸ ᐎ ᐃᔪᐛ᙮ ᒋᐸ ᒥᓯᑐᐤ, ᐃᔪᑦ, ᐃᑕᐤ, ᒧᔭᒻ ᐃᔪᐤ ᐊᑕᔨᑕᑯᓯᑦ, ᒂ ᐃᓯᓇᑯᓂᔨᒡ ᐊᓐᑕ ᐊ ᒋ ᐊᐱᑦ, ᐃᑕᐤ, ᐃᑕᐤ᙮ <pp>
ᐊᐅᑯ ᒪᒃ ᐊᓐ ᐃᔪᒡ ᐊᓐᑕ ᐎᐱᒡ, ᐊᒐᓐ ᒋ ᐃᓯᓂᐧᑲᑕᐅᒡ, ᐊᒐᓐ᙮ 
ᓇᒪ ᒋᔅᒐᔨᒪᑭᓄᐤ ᓇᔅᑎᔅ ᐊᒐᓐ ᐊᓯᓂᐧᑲᑕᑭᓄᐅᑦ᙮ ᓇᔅᑎᔅ ᓇᒪ ᒋᔅᒐᔨᑕᑯᓱᐤ, ᓂᑐᐎ ᐃᔪᒡ᙮ ᑕᐸ ᑕᐤ ᐊᒐᓐ᙮
ᒥᒋᐛᓇ ᓂᔭᔪᐛ, ᒥᒋᒥᓂᑐᐛ ᐊᓂᔭ ᐊᐅᑯᔨᒐᓂ ᓄᒋᐧᑲᑯᒡ, ᐊᐅᑯᔨᒐᓂ᙮ <pp>
ᓂᐦᐃ, ᐊᑯᓐ! ᓂᑯᔅᑕᒋᒥᒄ! ᐊᐅᑯᓐ ᑎᐸᒋᒧᐅᓐ᙮ <pp>
ᐊᒐᓇ ᑲ ᓄᒋᐧᑲᑯᒡ ᐃᔪᒡ 11 ᐊᒐᓐ book source 2015 05 16
ᑭᔭ, ᐊᓄᒡ ᐅ ᒥᓐ, ᒥᓐ ᓂᑭ ᑎᐸᒋᒧᓐ᙮ 
ᐅ ᐅᑕ ᐸᑎᔅᒋᐧᑯᐸᐤ ᐊᓯᓂᐧᑲᑕᒡ, ᐅ ᐸᑎᔅᒋᐧᑯᐸᐤ᙮ 
ᒋ ᑎᑯᓐ ᐅᑕ, ᐃᓇᓄᐤ, ᑭᒥᐱᓂ ᐊᑕᐛᐅᒋᐛᑉ, ᐊᑯᑕ ᐅᑕ ᑲ ᑎᒂᒡ, ᐃᓇᓄᐤ᙮
ᑭᔭ ᓇ ᒐᐃᒧᐤ, ᒥᒋᐛᑉ, ᐊᐅᑯᓐ ᑲ ᑎᒂᒡ᙮
ᐊᑯᑕ ᐅᑕ ᐛᒋᒪᒡ, ᐃᑕᑭᓄᐅᒡ ᐃᔪᒡ ᐅᑕ, ᓇᑕ ᒐᐃᒧᐤ ᐛ ᐃᔅᒋᒪᒡ᙮ <ss> 
ᒥᓯᓇᐃᑭᓐ, ᐅᔭ ᒥᓯᓇᐃᑭᓇ ᐸᒪᐅᑕᒡ, ᐛ ᐃᑕᐅᑕᒡ ᓇᑕ ᒐᐃᒧᐤ᙮ <pp>
ᐊᑯ, ᐊᑯ ᓇᑕ ᑕᐸ ᒋ ᓂᑕ ᒋᔅᒐᔨᑕᓇᐤ ᐅ, ᐅ, ᐅ ᒪᑭᓐᓯᔾ, ᑈᑦ ᒪᑭᓐᓯᔾ᙮ <pp>
ᓇᑕ ᒪᒃ ᐅ ᐊᓯᓇᒂᒡ, ᐊᐱᓯᔅ ᓇᑕ ᐅᔅᑕᒐ ᓇᑕ ᐊᑎ ᐃᓯᓇᒂᒡ ᐅ, ᐊᐱᓯᔅ ᓇᑕ ᒪᒥᓯᒡ ᓇᑕ᙮
ᐊᑯᑕ ᓇᑕ ᒥᒋᐛᑉ ᑲ ᑎᒂᒡ ᐃᓇᓄᐤ, ᐅ, ᐅ ᐛᔅᑲᐃᑭᓐ, ᒥᔅᑎᒄ, ᒥᔅᑎᒂ ᐊᓐᑕ ᐃᑕᔅᑯᔅᑕᑭᓄᐎᒐᓂ ᐛᔅᑲᐃᑭᓐ, ᐅ ᐛᔅᑲᐃᑭᓐ᙮
ᓄᑯᓐ ᐊᔅᒄ ᐊᓐ ᐊᔅᒋᔾ, ᐊᓄᒡ ᓂᒋ ᐃᔨᓐ, ᐊᔅᒄ ᐊᔅᐱᔅ ᑕᓄᒡ ᐅᑕ ᒪᑭᓐᓯᔾ᙮
ᑎᑯᓐ ᐊᔅᒄ ᐊᓐ ᐊᔅᒋᔾ ᐊᓐ ᑲ ᐃᓯᓇᑯᓂᑯᐱᓇ ᐊᓐ ᐛᔅᑲᐃᑭᓐ, ᐅ ᐛᔅᑲᐃᑭᓐ᙮
ᓄᑯᓐ ᐊᔅᒄ, ᐊᓐ ᐊᔅᒋᔾ, ᐊᓐᒡ ᒥᔅᑎᑯᒡ, ᐊᓐᒡ ᑲ ᐃᑕᔅᑯᓯᒪᑭᓄᒡ, ᐊᓐᒡ ᓄᑎᒪᔅᑯᓯᒡ ᐊᓐᒡ ᒥᔅᑎᑯᒡ᙮
ᐊᐅᑯᓐ ᐛᔅᑲᐃᑭᓐ ᑲ ᐅᓯᑕᑭᓄᐅᒡ, ᐊᑯᑕ ᐊᓐᑕ ᐅᔭᔪᐤ ᐊ ᐃᔅᒋᒪᒡ ᐅᔭᔪᐤ᙮ <pp>
ᐊᑯ ᐊᐅᑯᔪᐛ ᐅᔭᔪᐤ ᐅᑎᑕᒧᒐᓂᒋ, ᓂᔭᔪᐤ ᐛᔅᑲᐃᑭᓂᔪᐤ, ᒥᒋᐛᐱᔪᐤ, ᐊᑯ ᑎᐱᔅᑲᔨᒐ᙮ 
ᐊᑯ ᐊᑯᑕ ᐎ ᓂᐸᒐᓂᒋ, ᓂᔅᑐᐅᒡ, ᐃᑕᑭᓄᐅᒡ᙮ ᐊᑯ ᓂᔭᔪᐛ ᒥᒋᐛᐱᒡ ᓂᔭᔪᐤ ᓂᔭᑎᑲᒪᐱᔨᒡ, ᐊᓐᑕ ᐛ ᓂᐸᒡ ᓂᔭᔪᐤ ᒥᒋᐛᐱᔪᐤ᙮ <pp>
ᐊᑯ ᐃᑕᐅᒡ ᓂᔭᔪᐛ ᐎᒋᒪᑭᓄᐛᐛ, ᐊᓂᔭ ᑭᑈ ᑕᐸᔨᑎᒥᔨᒋ ᐊᓂᔪᐛ ᐎᒋᒪᑭᓄᐛᐛ, ᑕᒐ ᐸᐃᒄ ᐛᐛᑎᓱᐛᑦ ᒐ ᐃᑎᒡ, ᒐ ᐃᑎᒡ ᐛᒋᒪᐅᑦ, ᒋᐸ ᐃᑕᔨᑕᑯᓱᐤ᙮ “ᓂᐸᑕᐤ ᐊᓐᑕ, ᐊᑯᑕ ᐅᑕ ᓂᐸᑕᐤ, ᐱᑎᑭᒥᒡ ᐅᑕ ᒐ ᓂᐸᔭᐧᒄ ᐅ ᒥᒋᐛᑉ,” ᐃᑕᒐᓂᒋ᙮ ᑕᐸ ᐊᔅᒄ ᐱᑯᐱᔨᒐ, ᑕᐸ ᐊᔅᒄ ᒥᒪᑕᒄ ᐃᓯᓇᑯᓂᔨᒐ, ᒋ ᐃᑎᑯᓐ ᐊᓐᑕ, ᐃᓇᓄᐤ᙮ <ss>
ᐊᑯ ᐃᑎᑯᒐᓂᒋ, “ᐊᑯᑕ ᐅᑕ ᓂᐸᑕᐤ,” ᐃᑎᑯᒐᓂᒋ᙮ “ᓇᑕ ᓂᐸᑕᐤ ᐊᓱᒡ,” ᐃᑎᑯᒐᓂᒋ᙮ <pp>
ᐊᑯ ᓇᑕ ᒥᔽᓱᐤ ᓇᑕ ᒥᔅᑕᐛᔭᓱᐤ, ᐊᓯᓂᔪᓱᐤ ᐊᓐᑕ ᐅᔅᑕᒐ, ᑯᑐᐛᓄᐤ᙮
ᐊᑯ ᓇᑕ ᒥᔅᑎᑯᒡ ᐊᑕᒡ ᓇᑕ, ᐊᓐᒡ, ᐊᓐᒡ ᒥᓇᐃᑯᒡ, ᒥᒐᔅᑯᓱᐅᒡ ᒋᒋᐛ᙮
ᑭ ᐱᑐᓴᔎᐛ, ᐊᓐᒡ, ᐊᓐᒡ ᒥᓇᐃᑯᒡ, ᒪ ᐊᓐᒡ ᐊᓯᓇᑯᓯᒡ ᒥᔅᑎᑯᒡ, ᐊᓐᒡ ᑭ ᒥᓯᑐᐛᓯᐅᒋ, ᒪ ᐊᓐᒡ ᒥᓇᐃᑯᒡ ᑭ ᒋᒥᓱᑎᑭᒋ, ᐊᐅᑯᓐ ᓇ ᒥᓇᐃᒄ ᒂ ᐃᓯᓇᑯᓯᒡ᙮
ᐊᑯ ᓇᑕ ᓇᐸᒡ, ᓇᑕ ᐊᓱᒡ ᐊᑯᑕ ᒂᑐᐛᒡ᙮
ᑭᔭ ᐅᑦ ᐅᐤᑐᐛᐤ ᐊᑯᑕ ᐊᔅᑕᒡ, ᓇᒪ ᓂᐸᐅᒡ ᐅᔭᔪᐤ ᒥᒋᐛᐱᔪᐤ᙮ <pp>
ᐊᑯ ᑲᒋ ᐃᓯ ᐃᑎᑥᐤ ᑲ ᓂᓄᒋᐧᑲᑐᑥᐤ, ᑲ ᒥᒥᒋᓱᑥᐤ᙮ 
(ᐊᔅᐱᔅ ᐊᑲ ᑎᐱᔅᑲᒡ, ᒪᐤ ᐊᑯ ᐊᓄᒡ ᐊᔅᐱᔅ ᐊᑲ ᓇᐅᔅ ᑎᐱᔅᑲᒡ᙮) <pp>
ᐊᑯ, ᐛ ᓂᐸᒡ ᐊᑯ, ᓂᑐᐎ ᐅᑕ ᐅᑦ ᐅᐤᑐᐛᒡ ᐃᔭᔅᒐᒐᓂᒋ, ᐊᑯᑕ ᓇᑕ ᓂᐸᒐᓂᒋ, ᓇᐸᒡ᙮ ᐛ ᓂᐸᒡ ᐊᓐᑕ ᐅᑦ ᐅᐤᑐᐛᒡ᙮ <pp>
ᐊᑯ, ᓂᐸᒐᓂᒋ ᐊᓐᒡ ᓂᓱ, ᓂᐸᒐᓂᒋ᙮
ᐊᑯ ᐅ ᐸᐃᒄ, ᓇᒪ ᓂᐸᐤ, ᓇᑐᑐᐛᑦ, ᐱᔭᑐᐛᑦ ᐊᓐᑕ ᐊᒐᓇ, ᐊᒐᓐ ᐊᓐ ᐃᔭᐱᒡ ᐃᑕᑭᓄᐤ᙮
ᓂᔭᓇᑥᐱᑎᒥᒋ ᓂᔭ ᒥᔅᑎᒂ, ᐊᓂᔭᔪᐛ ᒥᔅᑎᒂ ᐅᑎᐧᑯᓇ, ᐱᔭᑐᐛᑦ᙮
ᐊᑯ ᐅ ᒂᔅᑯᓇᑦ ᐎᒐᐛᑭᓇ᙮ “ᓂᑐᑎᒥᒄ ᒪ ᒐᒂᓐ,” ᐃᑕᐤ᙮
“ᑭ ᓂᐸᑐᐛᐛ ᐊᐛᓐ ᑭ ᒋ ᓄᒋᑲᑯᓂᐛ ᒂ ᐃᑕᔨᒥᒃ,” ᐃᑕᐤ᙮
ᐛᓂᒡ, ᓇᑐᑐᐛᒡ᙮ 
ᓇᑐᑐᐛᒡ, ᐊᑯ, ᐱᔭᑐᐛᒡ, ᒪᒥᑥᑕᔨᒋ ᐅᑕ ᒥᓇᔎᒡ᙮ ᓂᔭᓇᑥᐱᑎᒥᔨᒋ ᓂᔭᔪᐛ ᓂᑎᒥᒄ ᒐᒂᓂᔪᐛ, ᓂᔭᔪᐛ ᒥᔅᑎᒂ᙮
ᐎ ᑯᑐᐛᔨᒐᓂ ᑭᑈ! <pp>
ᐊᑯ ᐃᑕᒐ ᐊᓐ ᐃᔪᐤ, “ᓂᒥᑕᐛᓂᒥᒄ ᒋᑦ ᐅᐤᑎᓄᐤ, ᒧᓴᐅᐱᔨᑕᐤ ᒋᒧᑦ, ᐊᑲ ᒋᔅᑐᒄ᙮” ᐃᑕᒐ᙮ <pp>
ᒂ ᐊᑎ ᓂᔅᑐᓇᒡ ᐅᑎᔨᐛᐛ ᑭᔭ ᐅᑦ ᐅᐤᑐᐛᐤ ᒂ ᐊᑎ ᒂᑎᐱᓇᒡ ᒂ ᐊᑎ ᐱᑭᔅᑐᐛᐊᒡ, ᐳᓯᑕᒡ ᐅᑎᔨᐛᐛ᙮ <pp>
“ᐊᑯ ᐅᔭᔪᐛ ᑭᑈ ᓂ ᑎ ᐃᑐᐛᑕᓐ ᐅᔭᔪᐛ, ᓂ ᒋᔅᒐᔨᒥᑯᓇᓇᒐ,” ᒂ ᐃᑕᒡ, ᐃᑕᑭᓄᐅᒡ᙮ ᒐᒺᐛᑕᑦ, ᓇᒪ ᑎᑐᐛᐛᑕᐤ᙮
ᐳᓯᒐᓂᒋ, ᑈᓯᒡ, ᒂᑦ ᒧᓴᐛᔭᐱᔨᒡ, ᐃᑕᑭᓄᐅᒡ᙮ <pp>
ᓇᑕ ᒪᒃ ᐅᒋᓂᔅᑯᓯᔅ ᐃᓯᓂᐧᑲᑕᐤ, 
ᐊᑯᑕ ᐊ ᑯᐱᑎᒡ, ᒪᐤ ᒂ ᐃᓯᓇᒂᒡ, ᐊᑯᑕ ᐅᑕ ᐊ ᑎᑯᓯᑦ ᒥᓂᔅᑎᑯᔅ᙮
ᐊᐅᑯᔪᐤ ᓂᔭᑕᐊᒡ ᐊᑯᑕ ᐊᑯᒧᒡ᙮
ᐊᑯ, ᒪᐛᒡ ᓇᐅᔅ, ᐅᑎ ᐊᑯᒧᑕᐤ, ᓇᒪ ᐱᑲᐅᒡ, ᒥᒄ ᐅᑕ ᐅᒋ ᐊᒂᒥᔅᒋᐅᒡ᙮
ᐱᔭᑐᐛᒡ ᐊᓐᑕ ᐊᑲᒥᒡ, ᐱᔭᑥᔭᒥᔅᒋᓂᒧᐅᑦ, ᐛᔅ ᐊᑯ ᐊᔭᔎᐊᒪᑦ, ᑭᔭ ᐊᓯᓂᔭ ᐊ ᐃᒐᔅᑲᐊᒃ, ᒂ ᐃᑕᒡ᙮ <pp>
ᐊᐎᒐ ᑕᑈ, ᐃᑎᑯᒐᓂᒋ, ᐊᑯ ᒥᓐ ᒺᓴᐛᔭᐱᔨᒡ, ᒥᓐ ᐊᑎ ᒧᓴᐛᔭᐳᑯᒡ᙮
ᐊᑯ ᓇ “ᓯᑐᐎᔅ” ᐊᓯᓂᐧᑲᑕᒡ, ᑥᑲᒡ ᓇᑕ, ᒥᓂᔅᑎᒄ ᓇᑕ ᐊᑯᑎᓐ᙮ 
ᐛᑎᑕᐊᒡ, ᐊᑯᑕ ᓴᔅ ᒐᐧᑲᓇᑯᓂᔨᒡ ᐊᑯ ᐊᑕᒡ, ᐛᐱᓂᔪᐤ ᓴᔅ, ᓂᔭᔪᐤ ᐊᓐᑕ ᐊᑕᒡ᙮
ᐊᑯ ᓇᑕ ᑲᐛᓴᒍᐅᓐ ᐃᓯᓂᐧᑲᑕᐤ, ᐊᓐᑕ ᐅᒋᐱᔪᐤ ᓯᐱᔅ, ᐊᐅᑯᔪᐤ ᐊᑎ ᓇᑕᐊᒡ᙮
ᐎᔭᐱᒪᒡ ᓂᔅᑲ, ᓇᐳᐎᔨᒋ ᒥᔅᑕᐛᔭᓱᐤ ᔭᑲᐅᓱᐤ᙮
ᐊᑯ ᐊᓐ ᐃᑕᐤ ᐊᓐ ᐃᔪᐤ, “ᓂᑭ ᓇᑕᐅᒡ,” ᐃᑕᐤ, “ᓂᑭ ᒋᒋᓇᐅᒡ,” ᐃᑕᐤ᙮ ᓂᔭᑎᑲᒪᐱᔨᒡ, ᒂ ᐊᑎ ᐱᑲᑦ᙮ <pp>
ᐊᑯ ᐅᔭᔪᐛ ᐊᑎ ᑯᔅᐱᑦ ᐅᔭᔪᐛ, ᓇᑕ ᒪᒃ ᒥᓇᔎᒡ᙮
ᐊᑯᑕ ᐎᔭᐱᒪᑦ ᐅᔭᔪᐤ ᐊᑎ ᑯᔅᐱᑦ᙮ 
ᐛᐛᒡ ᐅᔭᔪᐛ ᓇᒪ ᒋᔅᑐᑕᐤ ᐅᔭᔪᐛ ᐎᒋᒪᑭᓇ᙮ ᓴᔅ ᓇᑕ ᑕᓐᑕ ᓇᒪ ᓄᑯᓱᐤ ᓇᑕ, ᓇᑕ ᒥᓇᔎᒡ ᓇᑕ ᓴᔅ ᒋ ᑕᐤ ᓂᔭᔪᐤ᙮
ᓇᒪ ᒋᔅᑐᐤ ᓇᔅᑎᔅ, ᓇᒪ ᒋᔅᒐᔨᒥᑯᐤ ᓇᔅᑎᔅ ᐊᑕᔨᑕᑯᔅᑦ᙮ <ss>
ᐊᑯ ᓂᔭᔪᐛ ᑲᓄᐛᐱᒪᒡ ᐅᒡ ᐃᔪᒡ ᓂᔭᔪᐛ ᓂᔅᑲ᙮
ᒐᒃ ᒂ ᒧᓴᐛᐊᒥᔨᒋ, ᒐᒃ ᓂᔭᐧᑲᔨᑕ ᐛᔪᐤ ᒂ ᐊᑎ ᐃᔅᒋᒪᔨᒋ᙮
ᓇᒪ ᑕᐤ ᐊᓐ ᐃᔪᐤ, ᓂᔭ ᑲ ᑯᔅᐱᑦ, ᓇᒪ ᑕᐤ, ᐛᓇᐊᒡ᙮ 
ᐊᑯ ᒺᓴᐅᐱᔨᒡ ᐊᑯᑕ ᓇᑕ ᐊᔨᑯᒧᒡ ᐊᓐᑕ, ᐊᓐᑕ, ᐊᓐᑕ ᑕᐅᒡ ᐊᓯᓄᐛᐊᒡ, ᐊᓱᐛᐱᒪᒡ᙮
ᓇᐅᔅ ᐃᔅᐱᔅ ᐊᓱᐛᐱᒪᐅᒡ᙮ <pp>
ᐊᑯ ᒐᒃ, “ᐊᑲ ᓂᑭ ᒋᑕᐱᒪᓇᓇᓯᐱᓄᐛ ᓂᔭᔪᐤ ᒐᒋ ᓂᔭᔪᐛ ᒥᑕᐸᑦ,” ᒂ ᐃᑕᒡ, ᐃᑕᑭᓄᐅᒡ, “ᓂᔭᔪᐤ ᐊ ᔭᑲᐅᓯᔨᒡ ᒥᔅᑕᐛᔭᓱᐤ, ᒥᔅᑕᐛᔭᑲᐅᓱᐤ᙮
ᐊᑯᑕ ᐊᓐᑕ ᐛᒋ ᐎᐛᒡ ᐊᓐ ᑲᐛᓴᒍᐅᓐ ᐊᓯᓂᐧᑲᑕᒡ, ᐎᔭᐱᒥᒋᒡ,” ᒂ ᑕᒡ, ᐃᑕᑭᓄᐅᒡ᙮ 
ᓇᐳᐅᓱᑦ ᓂᔭᔪᐤ ᐊ ᒥᔅᑕᐛᔭᔨᒡ ᓂᔭᔪᐤ ᐊᓯᓇᑯᓂᔨᒡ᙮
ᐊᑯᑕ ᓇᑕ ᓇᐳᐅᓱᑦ, ᒂ ᑕᒡ᙮ ᓂᔭᑕᐛᒡ᙮ ᐊᑯ ᐳᓴᐊᒡ <pp>
ᐊᑯ ᓂᔭᔪᐤ ᑭᑈ ᐊᑎ ᐳᓴᐊᒡ, ᓴᔅ ᑭᑈ ᐎᑎᒧᐛᒐᓂᒋ,
“ᓇᐅᔅ ᐅ ᓱᐧᒃ ᒋᑦ ᐃᓯᓄᐛᐃᑎᓇᓐ!
ᑕᓐ ᐊ ᐃᑎᔨᓐ? ᐊᑯ, ᓴᔅ ᐅ ᒋᒋᐛ ᓇᐅᔅ ᓂᑎᑕᓇᓐ!” ᐃᑕᒐᓂᒋ᙮ 
ᐊᑯ “ᓇᐧᑲᔭᐃᑕ ᐎᐱᒡ ᓂᔭᐧᑲ ᒋ ᒧᓴᐛᐅᐊᒧᒡ ᓂᔅᑭᒡ ᑲ ᐎ ᒋᒋᓂᑥᐤ,” ᐃᑕᐅᒡ᙮ <ss>
ᐊᑯ ᐃᑎᑯᒐᓂᒋ, “ᐛᔅ, ᐛᔅ ᐅ ᒋᒋᐛ ᓂ ᒥᒪᒋ ᐃᓯᓇᓐ,” ᐃᑎᑯᒐᓂᒋ, “ᓂ ᒥᒪᒋ ᐃᑎᓐ,” ᐃᑎᑯᒐᓂᒋ᙮
“ᑲ ᐊᒂᓂᔭᒄ ᐅᔭ ᐊᓐ ᑲ ᐊᑎ ᑯᔅᐱᔭᓐ, ᓇᑕ ᒪᒃ ᒥᓇᔎᒡ ᐊᑎ ᑕᔭᓐ, ᑭ ᓂ ᐛᐱᒪᐛ ᐊᐛᓐ, ᒂ ᑎᔭᓐ᙮ 
ᐊᑯᑕ ᒥᒄ ᒐᔅᒋᓯᔭᓐ ᐊᑯ,” ᐃᑎᑯᒐᓂᒋ, “ᑭ ᓂ ᐛᐱᒪᐛ ᑭ ᓂ ᐎ ᐸᒋ ᒧᔅᑎᓂᑯᐛ ᒂ ᐃᓯᓄᐅᒃ,” ᐃᑎᑯᒐᓂᒋ᙮ 
“ᒂ ᐊᑲ ᒋᔅᒋᔭᓐ” ᐃᑎᑯᒐᓂᒋ, “ᐛᒋ ᐊᑲ ᓂᑕ ᒋᔅᒋᔭᓐ,” ᐃᑎᑯᒐᓂᒋ, “ᓇᑕ ᒪᒃ ᐅᑕ ᐃᑕᒐ, ᐅᑕ ᐅ ᒧᓱᐛᒡ ᐃᔅᒋᒪᐤ ᐊᑕᑦ, ᐅᑕ ᒧᓱᐛᒡ ᐃᑕᒐ᙮ ᐊᑯᑕ ᓇᑕ ᐊᑎ ᒋᔅᒋᔭᓐ,” ᐃᑎᑯᒐᓂᒋ᙮ “ᐊᑯᑕ ᑭ ᓂ ᐛᐱᒪᐛ ᒥᓐ ᒂ ᑐᑐᐅᒃ,” ᐃᑎᑯᒐᓂᒋ᙮
“ᐊᑯ, ᐊᑯ ᓇᑕ ᒥᓐ ᐎᓂᐸᑯᒡ ᓇᑕ, ᐊᓐ ᐎᓂᐸᒄ, ᐊᑯᑕ ᒥᓐ ᑭ ᓂ ᒋᔅᒋᓇᐛ ᒂ ᑎᔭᓐ᙮ 
ᒥᒄ ᐎᓂᐸᒄ ᑭ ᓂ ᐛᐸᑕᓇᐛ ᒂ ᑎᔭᓐ, ᑭ ᓂ ᐛᐱᒪᐛ ᓂᔭ ᑭ ᐃᔨᓯᐱᓄᐛ ᑕᑈ ᓄᒋᐧᑲᑕᐧᒄ,” ᐃᑎᑯᒐᓂᒋ᙮ 
“ᐊᐅᑯᓇᔭ ᑭ ᓂᑦ ᐃᑕᔨᒪᐛ ᐊᓂᔭ ᐎᔭᐱᒥᒃ,” ᐃᑎᑯᒐᓂᒋ᙮ <ss>
ᐊᑯ ᒂ ᐃᑕᒋᒧᑦ, ᒂ ᑕᒡ, ᐃᑕᑭᓄᐅᒡ, ᓂᔭᔪᐛ ᐎᒐᐛᑭᓄᐛᐛ᙮
ᑕᐸ ᓂᑕ ᒋᔅᒐᔨᒪᑭᓄᐤ, ᐃᑕᑭᓄᐤ, ᐊ ᑯᓴᐸᑕᐧᒃ, ᐊᓐ ᐃᔪᐤ᙮
ᐊᓄᒋᒐ ᐃᑕᒋᒧᓇᓄᐤ᙮ <pp>
ᐊᐅᑯᔪᐤ ᓂᔭ ᐊᐃᒪᔭᐳᐃᒐᓂᒋ᙮
ᐊᑯ ᐃᑎᑯᒐᓂᒋ, “ᒐ ᐊᑲ ᑯᔅᑕᒋᔭᒄ ᐊᑯ, ᒐ ᐊᑲ ᐸᔄᔨᑎᒪᒄ ᒐᒂᓐ,” ᐃᑎᑯᒐᓂᒋ ᓂᔭᔪᐛ ᐊᓯᓇᑯᓂᔨᒡ᙮
ᐊᑯ ᓂᔭᔪᐛ ᐊᑎ ᐱᑭᑕᒐᓂᒋ ᑭᔅᒐᑯᓯᔪᐤ ᑭᔭ ᑭᔅᒐᑯᔪᐤ ᑭᔭ ᒥᓂᑐᔪᐤ᙮ <pp>
ᐊᑯ ᓂᔭᔪᐤ ᒐᐃᒧᐤ ᒪᓯᑲᒡ, ᐱᔭᑕᐅᑕᒡ ᒥᓯᓇᐃᑭᓇ᙮ ᓇᒪ ᓂᓄᒋᐧᑲᑯᒡ, ᓇᒪ ᓂᑕ ᒋᔅᒐᔨᒪᐅᒡ᙮
ᐊᔪᑯᓂ ᐊᒐᓇ ᑲ ᓄᒋᐧᑲᑯᒡ ᐃᔭᐱᒡ ᐃᔪᒡ, ᐅ ᑭ ᓂ ᑎᐸᒋᒧᓇᐛ ᐊᓄᒡ ᐅ᙮
ᐊᑯ ᒋᐛᐎᒐᓂᒋ ᒥᓐ, ᒥᓐ ᐸᒋ ᒋᐛᐎᒐᓂᒋ, ᐅᑕ ᐃᔅᒋᒪᒐᓂᒋ ᐸᑎᔅᒋᐧᑯᐸᐤ᙮ 
ᒥᓯᓇᐃᑭᓇ ᓂ ᐃᑕᐅᑕᐅᒡ, ᐃᑕᑭᓄᐅᒡ, ᓂᔭᔪᐛ᙮ ᒥᓯᓇᐊᒪᑐᒐᓂᒋ ᐅᒋᒪᐅᒡ, ᐊᑲ ᐳᓯᑕᑭᓄᒂᓂ ᐃᔅᑯᑕᐅᑎᒡ᙮ <ss>
ᐊᓄᒋᒐ ᐃᑕᒋᒧᓇᓄᐤ᙮
ᓄᑯᓐ ᐊᓐ, ᐊᓐ ᐛᔅᑲᐃᑭᓐ ᐊᓐ ᑭ ᓂ ᑎᐸᑎᑕᓇᐛ᙮
ᐊᓐ ᒪᑭᓐᓯᔾ, ᒥᒋᐛᑉ, ᐊᓐ ᒪᒃ ᐊᓯᓇᒂᒡ, ᐊᓐ ᐊᓯᓇᒂᒡ, ᐊᐱᓯᔅ ᓇᑕ ᐊᑎᒪᒥᓯᒡ ᓇᑕ, ᑲ ᐊᔅᑐᐎᓇᓄᐅᒡ ᐃᓯᓂᐧᑲᑕᐤ᙮
ᐊᑯᑕ ᑲ ᑎᑯᓂᒂ ᐛᔅᑲᐃᑭᓂᔅ, ᒥᒄ ᒋ ᐱᑯᓂᑭᓄᐎᒐ ᐎᐱᒡ, ᒋ ᐱᑯᓂᑯᓂᒥᒐᓂᒋ ᐃᔪᒡ, ᓇᒪ ᑕᐅᒡ ᐊᓐᒡ ᒥᔅᑎᑯᒡ᙮ 
ᐊᑯ ᐊᓐ ᒥᒄ ᐊᔅᒋᔾ ᑲ ᐃᓯᓇᑯᑕᑭᓄᒡ, ᒪᓐᑕ ᑭ ᐃᓯ ᒧᓇᐃᑭᓄᒂ, ᒋ ᒧᓂᑕᐛᐧᑲᐃᑭᓄᐎᒐ᙮
ᐊᑯ ᓇᑕ ᐅᑎᑕᐊᑭᓄᐎᒐ ᓇᑕ ᐊ ᒥᔪᑕᐛᐧᑲᒡ ᓇᑕ ᐊᔅᒋᒡ, ᒪᓐᑕ ᒋ ᐃᓯᓇᑯᓄᒐ᙮
ᐊᑯᑕ ᑕᐧᑯᒡ ᐅᒋ ᐃᑕᔅᑯᓯᓂᒐᓂᒋ ᒥᔅᑎᑯᒡ, ᐛᔅᑲᐃᑭᓂᒡ᙮
ᐊᐅᒂᑭᓐ ᓇᒪ ᓂ ᒋᔅᒐᔨᑕᓐ ᐊᓐ, ᐊᓐ ᑲ ᐊᐱᑦ, ᐊᓐ ᑲ ᑕᑦ ᐛᒥᔅᑎᑯᓱᐤ᙮ ᓇᒪ ᓂᑕ ᑎᐸᒋᒧᐤ ᓄᑕᐎᔾ, ᒥᒄ ᒋ ᒋᒥᑕᐤ, ᐃᓇᓄᐤ, ᒋ ᒋᒥᑕᐤ, ᐃᓇᓄᐤ, ᑲ ᐃᑕᒋᒧᓇᓄᐅᒡ᙮ <pp>
ᑭᔭ ᐅᑕᐃᓂᒄ ᐅ, ᐃᔭᐱᒡ ᐅᑕ ᐛᔅᑲᐃᑭᓐ ᒋ ᑎᑯᓐ ᐅᑕᐃᓂᑯᒡ, ᐃᔭᐱᒡ ᒥᒋᐛᑉ, ᒪᐤ ᐊᓯᓇᒂᒡ ᒋ ᑎᑯᓐ᙮
ᐅᑕᐃᓂᒄ ᐊᓯᓂᐧᑲᑕᒡ, ᒥᓂᔅᑎᑯᒡ ᐃᓇᓄᐤ, ᒥᓂᔅᑎᒄ, ᒥᓂᔅᑎᒄ ᐊᓐ ᐃᓯᓇᑯᓐ᙮
ᐊᑯᑕ ᐅᑕ ᒐᒥᑕᒡ, ᐃᓇᓄᐤ, ᐅ ᐛᔅᑲᐃᑭᓐ ᐃᔭᐱᒡ ᐊᓯᓇᒂᒡ, ᐎᐱᒡ᙮ ᒥᒄ ᓂᔭᓐ ᓇᒪ ᓂ ᐅᒋ ᒋᔅᒐᔨᑕᓇᓐ, ᒥᒄ ᓄᑯᓐ ᐃᔭᐱᒡ ᐊᔅᒋ, ᐃᓇᓄᐤ, ᐊᓐᑕ ᑲ ᒋᒥᑕᒡ ᐅ ᐊᓯᓇᒂᒡ᙮
ᐊᐅᑯ ᐎ ᑎᐸᒋᒧᐅᓐ ᑭ ᓂ ᑎᐸᒋᒧᓇᐛ, ᓇᒪ ᓂᑦ ᐊᑎᔪᒐᓐ᙮ <pp>
ᐛᐸᑕᐤ ᐊᒐᓇ ᐊ ᒥᒪᔅᑭᒥᔨᒋ 30 ᕗᑦᑉᕆᓐᑦᔅ ᐅᕝ ᐊᒐᓐ 2015 05 16 Book Source
ᓂ ᐛᐸᑕᐤ ᐊᐛᒐ, ᓇᐱᒡ᙮ 
ᒧᔭᒻ ᐃᔨᒡ ᒧᔭᒻ ᓂᑦ ᐃᓯᓇᑕᐤ ᐊᓐ, ᐎᔭᐸᑎᒃ ᐊᐛᓐ᙮
ᒥᒄ ᓇᒪ ᐛᔪᐤ ᓂᑦ ᐃᓯ ᐛᐸᑕᐤ ᐊᓐ᙮
ᓂ ᒥᑎᑕᐤ ᓂᔭᔪᐤ, ᓂ ᒥᑎᒋᐱᔨᔅᑐᐛᐤ ᐊᓂᔭᔪᐤ, ᓂ ᐛᐛᐸᑕᐤ ᐊᓂᔭᔪᐤ ᐊᑎ ᐃᑐᑕᑦ᙮
ᐊᓂᔭ ᐊᑎ ᐃᑐᑕᓯᐱᓐ ᑭᑈ, ᐎᔭᐸᑎᒃ᙮ <pp>
ᒧᔭᒻ ᐃᔪᐤ, ᒪᐤ ᐊᓯᓇᒂᒋ ᓂᓯᑕ, ᒧᔭᒻ ᒂ ᐃᑎᔅᑲᐧᒃ, ᒪᐤ ᐊᓯᓇᒂᒋ ᒋᓯᑎᓄᐛ᙮
ᓂᔭᔪᐛ ᐊᑐᑕᑦ, ᓂ ᐛᐸᑕᐤ᙮
ᐊᑯᓐ ᓂᑦ ᐃᔅᐱᔅ ᐛᐸᑕᒐ ᐅ ᑭ ᐱᔅᑯᑎᓇᓱᐛ, ᐅᑕ ᑭ ᐅᓴᔭᓱᐛ᙮
ᐊᐅᑯᓐ ᓂᑦ ᐃᔅᐱᔅ ᐛᐸᑕᒐ, ᐊᑯ ᓇᑕ ᓇᒪ ᓂ ᐛᐸᑕᐤ ᓇᑕ᙮
ᑭᔭ ᐅᑕ ᒋᐸ ᐅᑐᑕᐤ ᐅᑕ, 
ᓇᒪ ᓂ ᐛᐸᑕᐤ ᐊᓐᑕ ᐊᑎ ᐅᑕ ᐃᔭᐱᒡ ᓂᑐᐛᑕᐤ, ᐅᑕ ᒋᐸ ᐅᑐᑕᐤ᙮ 
ᒥᒄ ᐅᔭᔪᐤ ᐅᑕ ᒥᓂᔅ ᓂᑦ ᐃᔅᐱᔅ ᐛᐸᑕᐤ᙮
ᐊᐅᑯᓐ ᑲ ᒪᑕᐛᒋᒧᔭᓐ᙮
ᐊᐅᑯᓐ ᐊᒐᓐ, ᐊᒐᓐ ᑭᑈ ᒋᐸ ᐃᑕᑭᓄᐤ᙮
ᒋᐧᑲᔭᑎᑯᓱᐤ ᓂᔭᔪᐤ, ᓂᔭᔪᐤ ᐊᔅᒋᔪᐤ ᐊ ᑕᐧᑯᔅᑲᑕᐧᒃ᙮ <pp>
ᒥᒄ ᓇᒪ ᓂ ᒋᔅᒐᔨᒪᐤ ᒋᐸ ᐃᔅᐱᔅ ᐱᒧᑕᐤ᙮
ᑭᔭ ᒪᒃ ᐊ ᒥᔅᑯᐅᑎᓂᔨᒡ ᐊᔅᒋᔪᐤ ᒋᐸ ᐱᒧᑕᐤ᙮
ᒪᒃ ᓂᔭᔪᐤ ᓄᑯᓇᑎᑯᓯᑦ ᓂᔭᔪᐤ ᐊᔅᒋᔪᐤ, ᓂᔭᔪᐤ ᐊᑎ ᑕᐧᑯᔅᒐᑦ ᓂᔭᔪᐤ᙮
ᑭᔭ ᒪᒃ ᐊ ᑲᔅᐱᑕᒡ ᐊᔅᒋᔾ, ᒪᐤ ᒐᓯᑕᒋ, 
ᑭ ᑲᔅᐱᑕᐛ ᐊᔅᒋᔾ᙮
ᐊᐅᑯᔪᐤ ᓂᔭ ᒂᔄᓐ ᑭᔭ ᒋᐸ ᐱᒧᑕᐤ ᐅᔭᔪᐤ᙮
ᒋᐸ ᐅᒋ ᓄᑯᓇᑎᑯᓱᐤ᙮ <ss>
[ᒥᓴᔪᐤ ᐊ, ᓂᒧᓱᒻ?] <pp>
ᓂᐦᐃ, ᒥᓴᔪᐤ ᒋᒋᐛ , ᒥᓴᔪᐤ᙮
ᒪᐤ ᐛᐸᑕ, ᒪᐤ ᐊ, ᒪᐤ ᐊᔅᐱᓴᒡ ᓂᔅᐱᑐᓐ, ᒋ ᐛᐸᑕᓐ ᐊ ᐊᔎᒡ, ᐛᐸᑕ᙮ 
ᐊᑲ ᒧᓱᐛᒃ ᑭ ᐃᔎᐛ ᓂᓯᑦ, ᐛᐸᑕ, ᐛᐸᑕ, ᒋ ᐛᐸᑕᓐ ᐊ᙮
ᒪᐤ ᑭ ᐃᔅᑯᔅᑭᒺ ᒂ ᐃᓯᓇᑎᒃ᙮ <pp>
ᓂ ᐛᐸᑕᐤ, ᐸᒧᑕᒂ, ᑭᔭ ᑭᑲᓏᒪᐤ᙮
ᒪᐤ ᐊᔎᒡ ᐸᔅᒋᑭᓐ, ᐊᐅᑯᓐ ᐃᔭᔎᒪᒐ᙮
ᒪᐤ ᐊᓯ ᑎᐸᐊᒧᒡ ᒪᐤ ᐅᔭᔪᐤ, ᑭᔭ ᐅᔭᔪᐤ ᐅᑐᑎᓐ, ᒪᐤ ᐅᔭᔪᐤ᙮ 
ᓂᔭᔪᐤ ᒋᐸ ᐃᔎᔪᐤ, ᒪᐤ ᐅᔭᔪᐛ ᐛᒋ ᑎᐸᐊᒧᒡ᙮ 
ᐸᔅᒋᑭᓐ ᓂ ᑎᐸᔅᑯᔅᑕᓐ, ᐊᐅᑯᓐ ᐃᔎᔅᑯᓄᒐ ᑲ ᒋᓏᔎᒡ ᐃᓯᓂᐧᑲᑕᐤ ᐸᔅᒋᑭᓐ, ᐛᐸᔅᒋᑭᓂᔭᓐ᙮
ᐅᐛ ᐊᔎᒡ ᐸᔅᒋᑭᓐ᙮ <pp>
ᐊᐅᑯᔪᐤ ᑕᐸᔅᑯᔅᑕᐅᒡ, ᐊᐅᑯᔪᐤ ᑕᐸᐃᑲᒐᔭᓐ ᓂᐸᔅᒋᑭᓐ᙮
ᓂᔭᔪᐤ ᒋᐸ ᐃᔭᔎᒪᐤ ᓂᔭᔪᐤ, ᒋᐸ ᐱᒧᑕᐤ᙮ <ss>
ᐊᑯ, ᐊᑯ ᐅᑕ ᒥᔅᑎᒄ ᐅᑕ ᒋᒥᓱᐤ ᐅᑕ ᒥᔅᑎᒄ, ᐛᒋᓇᑭᓐ, ᐅᑕ ᒋᒥᓱᐤ ᐅᑕ ᒥᔅᑎᒄ᙮
ᐊᑯ ᓇᑕ ᐅᑎᐧᑯᓐ ᓇᑕ, ᒪᓐᑕ ᐊᑕᔅᑯᒧᒂ, ᐅᑎᐧᑯᓐ, ᒥᔅᑎᒄ ᓇᑕ,
ᓇᑥᐱᔨᓯᐱᓐ᙮
ᐊᑯᑕ ᐅᑕ ᐊᑎ ᐱᒧᑕᑦ ᐅᔭᔪᐛ ᒥᔅᑎᒂ ᐊ ᒋᒥᓱᔨᒋ, ᐅᔭᔪᐛ ᒥᔅᑎᒂ᙮
ᐊᑯ ᒪᓐ ᐃᔅᐱᔅ ᒋ ᐱᒧᑕᒐ, ᐅᔭᔪᐛ ᒥᔅᑎᒂ ᐊᑯᑕ ᒋᐸ ᐊᑎ ᐱᒧᑕᐤ, ᐅ ᒥᔅᑎᒄ ᒐᒥᓱᑦ᙮ 
ᐊᑯ ᓇ ᒥᔅᑎᒄ ᐊᑕᔅᑯᒧᑦ᙮ ᐊᐅᑯᓐ ᓂᔭᑥᐱᔨᒂ ᐊᓐ ᐅᑎᐧᑯᓐ᙮
ᐊᑯ ᓇᑕ ᐛᔪᐎᔅ, ᒪᓐ ᒂ ᐃᔅᐱᔅ ᐊᔅᑕᒡ ᓇ ᐛᔭᑕᑭᓇᔅᒄ, ᓇᐱᓂᑲᐳᐅᐤ ᐎᒋᒡ᙮ ᐊᑯᓐ ᐃᔅᐱᔅ ᐊᔅᑕᒐ᙮
ᐅ ᒥᔅᑎᒄ ᐛᒋ ᓇᑥᐱᔨᒡ, ᓇᔭᔨᑕ ᑭᑈ ᐸᒋᑎᓄᒐ, ᓂᔭᑥᔭᔅᑎᓂᒂ᙮
ᐊᑯᑕ ᓇᑕ ᐊᑎᔅᑕᔨᒡ᙮ 
ᐊᐅᑯᔪᐛ ᓂᔭᔪᐤ ᐊᑐᑕᑦ ᓂᔭᔪᐤ, ᓂᔭᔪᐤ ᐎᔭᐛᐸᑎᒃ᙮ <pp>
ᐎᔭᐛᐸᑎᒃ ᑭᑈ ᑭ ᐃᔪᐛ ᐊᓯᓇᑎᒃ᙮
ᒋᐸ ᒥᓯᑐᐤ ᐃᔪᑦ ᑭᑈ!
ᓂᔭᔪᐤ ᐊᔅᑯᔅᑲᐧᒃ, ᒪᐤ ᐛᐸᑕ ᐊᔎᒡ ᓂᑎᒋ, ᒪᐤ ᒋᐸ ᐃᔎᔪᐛ ᐅᓯᑕ, ᐅᔭᔪᐤ ᐅᓯᑦ, ᒪᐤ ᒋᐸ ᐃᔎᔪᐤ᙮
ᐊᑯ ᓂᔭᔪᐛ ᑭᑈ ᑲ ᑭᑲᓏᒪᑦ᙮
ᒪᐊᓐ ᐊᒄ ᐊᔎᔅᑲᒡ ᐸᔅᒋᑭᓐ,
ᐊᑐᐎᔅ, ᐊᑐᐎᔅ ᑭ ᒋᓏᔅᑯᓄᐛ ᑲ ᐃᑕᔨᑎᒪᓐ ᓂᐸᔅᒋᑭᓐ, ᑭ ᑕᒂᔅᑯᓄᐛ ᒂ ᐃᓯᓂᒪᓐ᙮
ᐊᑎᑐᐤ ᒋᐸ ᒋᓏᔅᑯᓱᐤ ᐊᐱᓯᔅ ᒥᒄ ᓂᐸᔅᒋᑭᓐ, ᐊᓐ ᑕᐸᔅᑯᔅᑕᔭᓐ᙮
ᐊᑯ ᓇᑕ ᐊᑕᔅᑯᔅᑕᐅᒡ, ᑕᐸᐊᒧᒡ ᐅᔭᔪᐤ ᐊᔅᐱᓴᔨᒡ ᑭᔭ ᐅᔭᔪᐤ ᐊᓂᔭ ᐊᔭᔭᔎᒪᑦ᙮ <ss>
ᐊᐅᒂᑭᓐ ᑲ ᒪᑕᐛᒋᒧᔭᓐ᙮ 
ᐊᑯ ᓇᑕ, ᓇᑕ ᓂᔭᔪᐤ, ᓂᔭᔪᐤ ᓇᑕ ᐊᓯᓇᒂᒡ ᓇᑕ ᓇᑕ, ᓇᒪ ᓂ ᐛᐸᑕᐤ ᓇᑕ, ᓇᑕ᙮
ᑭᔭ ᓇᑕ, ᓇᑕ ᐛᑐᑕᑦ ᓇᑕ, ᒥᔅᒐᑯᐤ ᓇᑕ ᑕᓐᑕ, ᓇᑕ᙮ ᒥᔅᒐᒄ, ᒥᔅᒐᒄ ᑎᑯᓐ, ᓂᐱᐛᒐᐤ, ᒪᔅᒐᑯᐤ᙮ 
ᐊᑯᑕ ᓇᑕ ᓇᒪ ᓂ ᐛᐸᑕᐤ ᓇᑕ᙮ 
ᐊᐅᑯ ᒥᒄ ᑭ ᐛᐸᐛ ᒂ ᐃᓯᓇᒂᒡ ᐊᔅᒋᔾ, ᒪᐤ ᐊ ᐃᓯᓇᒂᒡ ᑭ ᐃᓯᓇᑯᓄᐛ, 
ᒥᒄ ᐊᓐ ᑭ ᐊᔭᐛ, ᑭ ᐊᔭᐛ ᐊᔅᒋᔾ ᑲ ᐃᓯᓇᒂᒡ, ᐊᑲ ᓴᐸᒡ ᐊᓐ ᑭ ᐛᐸᐛ ᐊᔅᒋᔾ᙮ 
ᐊᐅᑯᔪᐤ ᐊᓂᔭ ᒥᒄ ᑭ ᐊᔅᐱᔅᑭᒥᒂ ᓂᔭᔪᐤ ᐊ ᑕᐧᑯᔅᒐᑦ, ᐊᐅᑯᔪᐤ ᐛᒋ ᓄᑯᓇᑎᑯᔅᑦ ᐊᓂᔭ ᐊᔅᒋᔪᐤ, ᒥᒄ ᐊᓂᔭ ᑲᔅᐱᔅᑭᒻ᙮
ᓂᔭ ᐊᑎ ᑕᑕᐧᑯᔅᒐᑦ, ᓄᑯᓂᔪᐤ ᐊᑎ ᑕᑕᐧᑯᔅᒐᑦ᙮
ᐊᑯ ᓇᑕ ᓇᒪ ᓂ ᐛᐸᑕᐤ ᓇᑕ, ᓇᑕ , ᓇᑕ ᒥᓇᔎᐤ ᓇᑕ ᐊᑯ ᐎᔾ ᓇᑕ᙮ 
ᒥᒄ ᑭ ᒥᔅᒐᑯᐛ ᓇᑕ ᒂ ᐃᓯᓇᒂᒡ, ᒥᓇᔎᐤ ᓇᑕ, ᐊᑯᑕ ᓇᑕ ᓇᒪ ᓂ ᐛᐸᑕᓐ ᑭᔭ ᐊᓐᑕ ᒂᔅᑕᒐ᙮ <pp>
ᐊᑎ ᓇᑕ ᐃᔭᐱᒡ ᓂ ᓂᑐᐛᐸᑕᓐ ᓇᑕ᙮ 
ᐊᑎ ᓇᑕ ᐃᔭᐱᒡ ᓂᑦ ᐃᔅᐸᑕᓐ ᓇᑕ, ᐊᓂᔭ ᐛᑐᑕᑦ 
ᑭᔭ ᓂᔭᔪᐤ ᐊᑐᑕᑦ ᓂᔭᔪᐤ᙮
ᐊᑯᑕ ᓇᑕ ᓇᒪ ᓂ ᐛᐸᑕᐤ᙮ <pp>
ᐊᑯᑕ ᐅᑕ ᒥᒄ ᐎᔭᐸᑎᒃ ᐅᑕ᙮
ᐅᑕ ᐅᔭᔪᐤ ᑭ ᓂ ᑎᐸᒋᒧᓇᐛ, ᐊᓯᓇᑎᑯᔅᑦ, ᐊᓯᓇᑎᑯᔅᑦ᙮
ᒧᔭᒻ ᐃᔪᐤ ᐊᓯᓇᑎᑯᔅᑦ, ᐊ ᑕᑯᔅᒐᑦ ᒪᐤ ᒥᓯᑦ ᐊᓯᓇᒂᒡ, ᒂ ᐃᓯᓇᒂᒡ᙮ <ss>
ᐊᑯ ᒐᐛᐸᑕᔭᓐ, ᓂ ᐱᐸᒥᐸᑕᓐ᙮
ᓂ ᓂᑐᑎᒂᓐ, ᐊᑎᒂ ᓂ ᓂᑐᐛᐱᒪᐤ᙮ 
ᐊᑯ ᒐᐛᐸᑕᔭᓐ, ᐊᑯ ᑕᑯᓯᓂᔭᓐ ᐊᓐᑕ ᓂᒋᓇᒡ᙮ 
ᐊᑯ ᒐᒃ, ᐊᑯ ᐛᑎᒧᐅᒂᐤ ᓂᐎᒋᒪᑭᓂᒡ, ᐛᑎᒧᐅᒂᐤ᙮
ᐊᓂᔭ ᒋᒧᓱᒻ ᒋᒥᔅ, ᒥᔅᑎ ᒋᒥᔅ, ᑭᔭ ᓇᑕᐛᐸᐤ, ᐊᐅᑯᓂᒡ ᐊᓐᒡ ᐛᒋᒥᒋᒡ᙮ <pp>
ᓂᑦ ᐃᑕᐅᒡ, “ᓂ ᐛᐸᑕᐤ ᓇᑕ ᐊᐛᒐ ᐊᑎ ᐃᑐᑕᓯᐱᓐ,” ᓂᑦ ᐃᑕᐅᒡ, “ᒋᐸ ᐛᐸᑕᐛᐤ, ᒋᐸ ᓂᑐᐛᐸᑕᐛᐤ, ᒋᐸ ᐛᐸᑕᐛᐤ ᐸᐃᒄ ᒪᐤ ᐊ ᓂᓯᔭᒄ,” ᓂᑦ ᐃᑕᐅᒡ᙮
ᑭ ᐃᔪᐛ ᒂ ᐃᓯᓇᑎᒃ, “ᒧᔭᒻ ᐃᔪᐤ ᐊᑎᔅᑲᐧᒃ ᒂ ᐃᑎᔅᑲᐧᒃ,” ᓂᑦ ᐃᑕᐅᒡ᙮
ᐊᑯ, “ᒥᒄ ᓇᒪ ᓂ ᒋᔅᒐᔨᒪᐤ ᒋᐸ ᐃᑕᔨᑕᑯᓱᐤ,” ᓂᑦ ᐃᑕᐅᒡ᙮ <pp>
ᐊᑯ ᓇᒪ ᐎ ᐛᐸᑕᐅᒡ, ᓇᒪ ᓂ ᐎ ᐎᒐᐅᑯᒡ ᐊᑎᐎ ᓂ ᓂᑐᐛᐸᑎᒧᒡ᙮
ᑭᔭ ᓂᔭᔪᐛ ᐅᑯᓴ, ᐊᓂᔭ ᒋᒧᓱᒻ ᓇᑕᐛᐸᐤ᙮
ᒋ ᑕᔪᐛ ᐅᑯᓴ ᓂ ᐎᒋᒪᓇᓂ᙮ <pp>
ᐊᑎ ᐃᔭᐱᒡ ᓂᒋ ᐎ ᐎᒐᐛᐤ ᐊᑎ ᐎ ᓂᑐᐛᐸᑎᒺᓇᓐ, ᐃᔭᐱᒡ ᓇᒪ ᓂ ᐎ ᐎᒐᐅᒄ᙮
ᐃᔭᐱᒡ ᓇᒪ ᐎ ᓂᑐᐛᑕᐤ, ᓇᒪ ᐎ ᐛᐸᑕᐤ᙮ <ss>
ᐊᐅᒂᑭᓐ ᐅ ᑕᑯᓯᓂᔭᓐ ᐅ ᐊᑎ ᐅᑕᑯᓯᒡ᙮ ᓂ ᑎᑯᓯᐸᑕᓐ᙮ ᑕᐱᔅᑲᒡ᙮
ᐊᑯ ᐅ ᓂᔅᐱᑐᓐ, ᒪᐤ ᓂᔅᐱᑐᓐ, ᐸᒋᐱᔨᓯᐱᓐ ᓂᔅᐱᑐᓐ᙮ ᒪᐤ ᒂ ᐃᔅᐱᔅ ᒪᑕᔨᑎᒪᓐ ᓂᔅᐱᑐᓐ, ᐊᐱᑐᐤ ᓇ ᒂ ᐃᔅᐱᔅ ᐸᒋᐱᔨᒡ ᐅ ᓂᔅᐱᑐᓐ, ᐅ ᓂᐱᑕ ᓂᔅᐱᑐᓐ᙮
ᓇᔅᒡ ᐅᑕ ᐸᒋᐱᔪᐤ, ᑭᔭ ᐅ ᓇᔅᒡ ᒋᒋᐛ ᒥᓴᐤ, ᓂᑎᒋ ᐸᒋᐱᔪᐤ᙮
ᒥᒄ ᓇᒪ ᓂᑦ ᐊᐧᑯᓯᓐ ᓇᔅᑎᔅ, ᓇᒪ ᓂᑦ ᐊᐧᑯᓯᓐ, ᒥᒄ ᐸᐃᒄ ᓂᔅᐱᑐᓐ᙮ 
ᐊᑯ ᓇᒪ ᐃᓯᓇᑯᓐ, ᒥᒄ ᐅ ᐸᐃᒄ ᓂᔅᐱᑐᓐ ᐃᓯᓇᑯᓐ᙮ <pp>
ᓂᐦᐃ, ᐊᐅᒂᑭᓐ ᑲᑭᒋᔭᐛᑕᒋᒧᔭᓐ, ᐅ ᑭ ᓂᑦ ᐃᔅᒋᔄᓇᐛ᙮
ᒪᒪᑕᐛᒋᒧᔭᓐ᙮ <ss>
ᐊᑯ ᓂᑦ ᐃᑎᒄ ᐊᓂᔭ ᒋᒧᓱᒻ ᓇᑕᐛᐸᐤ, ᓇᒪ ᒥᔪᓯᒐ ᐊᓐ ᐊᐛᓐ, ᓂᑦ ᐃᑎᒄ᙮
ᐊᐅᑯᓐ ᐛᒋ ᐃᑎᔨᓐ, ᓂᑦ ᐃᑎᒄ, 
ᐊᓐ ᓂᔅᐱᑐᓐ ᐊᔅᐱᔨᒡ᙮ 
ᓇᒪ ᓂᑦ ᐊᐧᑯᓯᓐ ᓇᔅᑎᔅ, ᓇᒪ ᒪᑕᒄ ᓂᑦ ᐃᑎᒪᒋᑕᓐ᙮ 
ᒥᒄ ᑭ ᐸᒋᐱᔪᐛ ᒂ ᐃᓯᓇᒂᒡ ᐅ ᓂᔅᐱᑐᓐ, ᓇᒪ ᓂᑦ ᐊᐧᑯᓯᓐ᙮ 
ᐊᑯ ᒥᓐ ᐊᑎ ᐊᑲ ᐃᓯᓇᒂᒡ ᐅ ᓂᑎᒋ᙮ <pp>
ᐊᑯ ᐊᐅᒂᑭᓐ ᑲ ᒪᑕᐛᒋᒧᔭᓐ᙮
ᐊᐦᐊᒃ, ᒥᒐᑥᐤ ᓴᔅ ᓂ ᑎᐸᒋᒧᓐ ᐊᓐ ᑭ ᓂ ᑎᐸᒋᒪᐛ!
ᓂ ᒋᔅᒐᔨᑕᓐ ᑭᔭ ᐊᔅᒋᔾ ᐊᓐᑕ ᓇᐊᐤ ᒧᔭᒻ ᐊᓐᑕ ᐊ ᒥᓯᓇᐃᑭᓄᐅᒡ᙮ 
ᒥᔅᑭᒪᓐ ᒧᔭᒻ ᐊᓐᑕ ᐊ ᒥᓯᓇᐃᑭᓄᐅᒡ, ᓇᐊᒻ ᐊᓐᑕ ᓂᐸ ᐎᑕᓐ ᐊᓐᑕ ᑲ ᐛᐸᑎᒃ ᐊᓯᓇᑯᓂᔨᒡ᙮
“ᐛᐸᑕᐤ ᐊᐛᔪᐛ ᐊ ᒥᒪᔅᑭᒥᔨᒋ,” ᐃᔅ, “ᓇᒪ ᒋᔅᒐᔨᒪᐤ,” ᐃᔅ᙮ <pp>
ᐊᒐᓐ ᓇᐸᐊᑭᓄᐅᑦ ᐊᓐᑕ ᐎᓂᐸᑯᒡ 10 ᐊᒐᓐ book source 2015 05 16
ᐊᑯ ᐊᔭᑦ ᐃᑕᑭᓄᐤ, ᐊᒐᓐ, ᐎᔭᐱᒪᑭᓄᐅᑦ, ᐊᒐᓐ᙮ 
ᐊᑎ ᑯᐱᑎᓐ ᓇᑕ ᐃᓇᓄᐤ, ᐸᐸᒪᓱᐛᐊᐧᒃ᙮
ᐸᒪᓱᐛᐊᐧᒃ ᐅᒥᔅᑎᑯᒧᐤ, ᓯᔅᑲᐅᑕᐤ ᐅᒥᔅᑎᑯᒻ᙮ 
ᐊᑯ ᐅᔭᔪᐤ ᐅᑦ ᐊᔅᒋᐧᒄ, ᐛᐅᓯᑦ, ᐃᑕᑭᓄᐤ, ᐅᑦ ᐊᔅᒋᐧᒄ, ᐸᒪᓱᐛᐊᐧᒃ᙮ 
ᐎᔭᔨᑕ ᐃᑕᒐ ᐃᔪᐛ ᐅᑕ ᐊ ᐎᒋᔨᒋ, ᐃᑕᒐᑲᒻ ᐊᑯᑕ ᐊ ᐱᐧᑯᐅᑦ᙮ 
ᐛᐱᒪᑭᓄᐤ ᑕᓐᑕ ᐸᒪᓱᐛᐊᐧᒃ᙮ 
ᑭᔅᒐᑲᐤ ᓇᑕ, ᓯᐳᐤ ᓇᑕ ᐸᒪᓱᑲᓯᑦ, 
ᓴᔅ ᑭᑈ ᐊᓯᓄᐛᑭᓄᐅᑦ᙮ <ss>
ᐊᑎ ᐅᑕᑯᓯᔨᒡ ᐎᔭᐱᒪᑭᓄᑦ, ᐊᔭᓱᐛᐊᐧᒃ᙮ ᒂ ᑎᐱᔅᑲᔨᒡ᙮ 
ᐎᔭᐱᒪᑭᓄᐅᑦ ᐸᒪᓱᐛᐊᐧᒃ ᐅᒥᔅᑎᑯᒧᐤ, ᐎᐅᓱᐤ ᐅᑦ ᐊᔅᒋᐧᒄ᙮ 
ᐊᑎ ᐅᑕᑯᓯᔨᒡ ᐅᔭᔨᑕ ᐃᑕᒐ ᐊᑕᓄᐎᔨᒡ, ᐅᑕ ᐃᑕᒐᑲᒻ ᐊᑯᑕ ᐊ ᐱᐧᑯᐅᑦ᙮ 
ᐊᑎ ᐅᑕᑯᓯᔨᒡ, ᐊᑎ ᑎᐱᔅᑲᔨᒡ, ᒪᒋᓯᒧᒡ ᐊᑎᒧᒡ, ᐱᔭᑐᐛᑭᓄᐅᒡ᙮ 
ᐊᑯ ᐅᑕ ᒥᓇᔎᐤ, ᐅᑕ ᓯᑲᐳᐅᒡ ᒥᔅᑎᑯᒡ, ᐊᑯᑕ ᐅᑕ ᐊᑕᒡ ᐊᑎᒧᒡ᙮ <ss>
ᒋ ᑕᐤ ᒂᓴᐸᑕᐧᒃ ᐃᔪᐤ, ᐛᑯᓴᐸᒋᑭᓂᐧᑯᐛᑭᓄᐅᑦ, ᐛᓯᑕᑭᓄᐅᒡ ᑯᓴᐸᒋᑭᓐ᙮ 
ᐊᑯ ᐅᔭᔪᐤ ᐊᑎᒺ ᐛᑎᒥᐧᑯᐛᑦ, ᐅᔭᔪᐛ ᐊᑎᒺ, ᒐᒃ, ᒐᒃ ᑭᑈ ᓂᐸᐊᒐ ᓂ ᐊᑎᒺ, ᓂᔭᔪᐛ ᓄᒋᐧᑲᑯᑦ᙮ <pp>
ᒥᒄ ᐸᐃᑯᓯᔪᐛ ᒐᒃ ᐊᑎᒺ ᒪᒋᓯᒧᔨᒋ᙮ 
ᐛᑎᒥᐧᑯᐛᑦ᙮ ᓇᒪ ᒋ ᓇᑕᐤ ᐱᑎᒪ ᓂᔭᔪᐛ ᐃᔪᐛ᙮ 
ᒂ ᒋᓯ ᐃᑐᑕᑭᓄᐅᒡ ᐅ ᑯᓴᐸᒋᑭᓐ, ᓄᒋᐧᑲᑭᓄᐅᒡ, ᐛᓯᑕᑭᓄᐅᒡ᙮ 
ᑲ ᐅᓯᑕᑭᓄᐅᒡ, ᐊᑯ ᐸᒐᑦ ᒂᓴᐸᑕᐧᒃ, ᐸᑎᒂᑕᐧᒃ᙮ 
ᑭᑈ ᐃᔭᒋᐱᔨᒡ, ᑕᓐᑕ ᒋ ᐛᐱᒪᑭᓄᐤ ᑲ ᐱᒪᓱᐛᐊᐧᒃ᙮ <ss>
ᐊᑯ ᐅᑕ ᐊᑕᑦ, ᐅᑕ, ᐅᑕ, ᐅᑕ, ᐊ ᐱᓴᔎᒡ ᐅᑕ ᒥᓇᔎᒡ ᐅᑕ, ᐊᑯᑕ ᐅᑕ ᐊᑕᑦ ᐊ ᑎᑐᐛᑕᑦ᙮ 
ᐃᔭᔨᓯᔅᑕᑦ ᓂᔭᔪᐛ ᒥᔅᑎᒂ, ᐊᓂᔭᔪᐛ ᒐ ᑯᑐᐛᑦ, ᐅᔭ ᒐ ᐱᒥᓄᓱᑦ ᓂᐸᐊᒐ ᐊᐛᔪᐛ, ᐅᑦ ᐊᔅᒋᐧᒄ ᑕᓐᑕ ᐎᐅᓱᐤ᙮ 
ᐊᑯ ᐅᔭᔪᐛ ᐛᒋ ᑭᓄᐛᐱᒥᑯᑦ ᓂᔭᔪᐛ ᒂᓴᐸᑎᒥᔨᒋ᙮ 
ᐊᑯ, ᐊᑯ ᑭᑈ ᒂᓴᐸᑕᐧᒃ, ᐊᐅᑯᐤ ᒐ ᐎᔭᓯᑐᑐᐛᑦ, ᐊᐅᑯᐤ ᒐ ᐃᔨᑲᑎᓯᓇᑦ᙮ <pp>
“ᐊᑯ ᑭᑈ, ᐎ ᐎᔭᓯᑐᑐ, ᒐ ᐃᔭᔪᐎᑕᐧᒄ ᐅ ᐊᐛᓐ ᐛᑎᑕᐧᒄ,” ᐃᑕᐅᒡ ᐅᒡ ᒋᓴᔪᒡ ᐅᔭᔪᐛ ᐃᔪᐛ ᒂᓴᐸᑎᒥᔨᒋ᙮ 
ᑭᑈ ᑎᔭᐸᔨᒧᑐᐛᑦ ᐅ ᒂᓴᐸᑕᐧᒃ᙮ 
ᐊᑯ ᐃᑕᐤ, “ᒋᑭ ᐸᑕᓇᐤ ᒐᒂᓐ, ᒋ ᐎᐎᑥᐛ ᒥᔅᑕᐸᐅᒡ,” ᐃᑕᐤ, “ᒥᓯᐛ,” ᐃᑕᐤ᙮ “ᐊᑯ ᒐ ᐸᑎᒪᐧᒄ ᒐᒂᓐ,” ᐃᑕᐤ, “ᒐ ᐸᑎᒪᐧᒃ ᒐᒂᓐ,” ᐃᑕᐤ᙮ 
ᑕᑈ ᐛᔪᐎᒡ ᒥᔅᑕᐸᐅᒡ᙮ ᓇᓇᒐᓯ ᑲ ᐎᐎᑥᐤ ᑲ ᐊᒋᐱᔨᒡ ᐅ ᑯᓴᐸᒋᑭᓐ, ᐱᔭᑕᑭᓄᐅᒡ ᒐᒂᓐ᙮ ᒻᒻᒻ᙮ <pp>
ᑭ ᐱᒺᐛᔅᑎᓄᐛ ᐊ ᔪᑎᒋ ᑲ ᐃᑎᑕᒂᒡ, ᒂ ᐃᑎᑕᒂᒡ ᒐᒂᓐ, ᒋᓴᐛᐱᔪᐤ᙮ 
ᐊᑯᑕ ᐅᑕ ᐊ ᑎᒂᒡ ᐅᑕ, ᐅᑕ, ᐅᑕ ᐃᑕᒐ ᐊᑕᑦ ᐊᒐᓐ, ᒋᐸ ᐃᑕᔨᑕᑯᓱᐤ, ᐅᑕ ᐊᑕᑦ, ᓂᐦᐃ᙮ 
ᐊᔅᒋᔾ ᐅ ᑭ ᒪᑕᔨᑕᑯᓄᐛ, ᑭ ᓇᓇᒥᐱᔪᐛ ᐊᔅᒋᔾ, ᒂ ᐃᑕᔨᑕᒂᒡ ᐅ ᐊᔅᒋᔾ᙮ 
ᐊᐅᑯᔪᐤ ᓂᔭᔪᐤ ᐊᑎ ᐅᐱᑕᒡ ᒥᔅᑕᐸᐅᒡ, ᐛᐱᑕᑭᓄᐅᑦ᙮ 
ᐊᓯᒡ ᓂᔭ ᒂᓴᐸᑕᐧᒃ ᓇᒪ ᑕᐤ᙮ 
ᓇᔭᔨᑕ ᒪᒃ ᐃᑕᒐ ᐊ ᐸᒋᓯᒧᑦ ᐱᓯᒻ ᐃᑕᒐ, ᐊᑯᑕ ᐊᓐᑕ ᐃᑕᒐ ᐊᑎᓯᓇᒡ ᒥᔅᑕᐸᐅᒡ᙮ <ss>
ᐊᑯ, “ᐸᐃᒂᐤ ᓂ ᒋᔅᒋᓐ,” ᑯᔭᑦ, ᐃᑕᑭᓄᐤ ᒂᓴᐸᑕᐧᒃ, “ᐸᐃᒂᐤ ᓂ ᒋᔅᒋᓐ,” ᑯᔭᑦ, ᐃᑕᑭᓄᐤ᙮ “ᐊᑎ ᓄᒋᐧᑯᐛᒡ,” ᒂ ᐃᑕᑦ, ᐃᑕᑭᓄᐤ, ᐅᒥᔅᑕᐸᒪ᙮ 
“ᐅᑕ ᐊᑎᓇᔭᐅᒡ ᓴᔅ ᐸᔄᐸᑎᒻ,” ᒂ ᐃᑕᑦ, ᐃᑕᑲᓄᐤ, “ᐎᓂᐸᒄ᙮” 
“ᒥᓐ ᒐᔅᒋᔭᓐ, ᐊᐅᑯᐤ ᑕᐅᒡ, ᐊᑯ ᐎᓂᐸᑯᒡ ᒐᔅᒋᔭᓐ,” ᑯᔭᑦ᙮ 
“ᓴᔅ ᓇᑕ ᑕᐅᒡ ᓇᑕ ᐎᓂᐸᑯᒡ, ᐃᑎᔭᑭᓄᐤ,” ᑯᔭᑦ, ᐃᑕᑭᓄᐤ᙮ 
“ᐅᔭᔨᑕ ᐃᑎᓯᓇᑭᓄᐎᒐ ᐛᔪᐤ ᐊᒐᓐ, ᐊᑯ ᓴᔅ ᓂᔭ ᐊᑎ ᓄᒋᐧᑯᐛᐅᒡ ᒐ ᐃᔭᔪᐛᐊᒡ,” ᑯᔭᑦ, ᐃᑕᑭᓄᐤ᙮ 
ᓇᑕ ᑭᑈ ᐸᒋᓯᓄᒐ, ᓇᐸᐊᒡ ᐊᓐᑕ ᐎᓂᐸᑯᒡ, ᐱᑭᔅᑎᐛᓯᓄᒐ᙮ <pp>
ᐊᐅᑯᐤ ᐅ ᐃᔪᐤ, ᓇᓇᒐᓯ ᐅ ᐊᓯᓇᒂᒡ ᑯᓴᐸᒋᑭᓐ, ᒪᑥᑎᓄᒡ ᒐᒂᓐ᙮ <ss>
ᐛᓴ ᒂ ᐃᑎᑕᒂᒡ, ᓂᒋ ᐛᐸᑕᓐ ᑯᓴᐸᒋᑭᓐ᙮ 
ᒧᔭᒻ ᐊᓐᑕ, ᒪᐤ ᒂ ᐃᑥᐛᑎᒡ, [ᒠᓐ ᓂᔄᐤ ᐅᑐᑕᒥᑕᐤ ᐅᑎᒋᔭ], ᒥᔅᑕᐸᐅᒡ, ᐊᑐᒡ ᒋ ᐛᐸᑕᓐ ᒐᒂᓐ᙮ <pp>
ᐊᑯ ᐊᓐ ᑲ ᐃᑥᐛᑎᒋ [ᒠᓐ ᐸᐃᒂᐤ ᐅᑐᑕᒥᑕᐤ ᐅᑎᒋᔭ], ᐊᓐ ᐊᑥᐛᑎᒡ᙮ ᐊᑯ, ᐃᔭᔭᔨᒺᐅᑦ ᐊᓐᑕ ᓂ ᐊᐛᓐ, ᒧᔭᒻ ᐊᑎᑕᒂᒡ ᐅ ᑭ ᐃᔭᔨᒺᐊᒥᑭᓄᐛ᙮ 
ᓇᐊᐤ ᑲ ᐃᓯᓇᑯᓯᑦ ᑲᑯᓴᐸᑕᐧᒃ ᐃᔭᔭᔨᒺᐅᑦ ᐅᑕ, ᐅᑕ ᐱᑎᑭᒥᒡ ᐅᑯᓴᐸᒋᑭᓂᒡ᙮ 
ᐊᑲ ᐃᔭᐱᓯᐛᔨᒧᑎᑲ, ᐊᑲ ᑭ ᒋᔅᒋᑎᑲ, ᓂᑎᒥᒄ ᑭ ᐃᓯ ᐃᔭᔨᒺᑎᑲ ᒂ ᐃᑎᑕᑯᓯᑦ, ᐃᑕᑭᓄᐤ, ᐊᑲ ᓂᑕᐛᑎᑲ ᒂ ᐃᑎᑦ, ᐃᑕᑭᓄᐤ᙮ <ss>
“ᐊᑯ ᐎ ᐎᔭᓯᑐᑐᐛᐧᒄ ᐊᑯ ᒍᓯᒧᐛᐤ, ᒋᑦ ᐊᑎ ᐛᔅ ᐛᐱᒪᐛᐤ,” ᐃᑕᐅᒡ ᐅᒡ ᐃᔪᒡ, ᐊᔨᒪᐊᒡ᙮ 
ᑭᑈ ᒥᔅᑕᐸᐤ, ᓄᒋᐧᑯᐛᐅᑦ ᐅ ᒥᔅᑕᐸᐤ, ᒻᒻᒻ, ᐅ ᒥᔅᑕᐸᐤ, ᐊᐅᑯᓐ ᓄᒋᐧᑯᐛᐅᑦ᙮ 
ᑭ ᐳᐳᑕᑕᓯᑎᑲ ᐃᑕᑭᓄᐤ, “ᐳ, ᐳ, ᐳ, ᐳ, ᐳ᙮” <pp>
ᒪᔪ ᐃᔪᐎᒋ, ᒪᔪ ᐃᔨᒧᐅᑦ ᐸᑐᔅ, ᐃᑕᑭᓄᐤ᙮ <pp>
ᐊᑯ ᑕᐸᒋᒧᑦ, ᓂᔭᔪᐤ ᑭ ᓂ ᑎᐸᒋᒺᓇᐛ, ᓂᔭᔪᐤ ᑕᑥᐤ ᒐᔅᒋᓯᑦ, ᓂᔄᐤ ᒐᔅᒋᓯᑦ᙮ 
ᓇᒪ ᑕᐤ ᐊᓐᑕ ᑯᓴᐸᒋᑭᓂᒡ, ᓇᒪ ᑕᐤ ᐊᓐᑕ, ᐃᑕᑭᓄᐤ, ᐊᑎ ᐊᓐᑕ ᓂᑐᐛᐱᒪᑭᓄᐅᑦ, ᐊ ᓂᑐᒋᔅᒐᔨᒪᑭᓄᐅᑦ᙮ 
ᒋᐸ ᑲᑭᔅᒋᐤ ᓂᔅᑦ ᐊᐛᓐ ᐊ ᒪᑕᐅ ᑭᔅᒋᐅᑦ, ᑯᓴᐸᒋᑭᓐ᙮ <pp>
ᐊᑯᑕ ᐊᔎᔭᒋᒪᑭᓄᐅᑦ᙮ 
ᒋᐸ ᓂᐸᐃᑯᒡ ᐅᒡ ᐃᔪᒡ, ᐊᑲ ᑕᑦ ᐊᓐ ᒂᓴᐸᑕᐧᒃ᙮ 
ᒂ ᐃᑕᒋᒧᓇᓄᐅᒡ᙮ <pp>
ᐊᓐᒡ ᑲ ᒥᑕᐛᑎᓯᒡ ᐊᐛᓐᒋ, ᑲ ᓄᒋᐧᑲᑐᒡ
ᐊᓐ ᐱᑯᓄᐤ ᓄᒋᐧᑲᑐᒡ ᐊ ᐅᒋ ᐱᒥᐧᑲᑐᒡ ᒂ ᐃᓯᓇᑯᓂᔨᒡ᙮ 
ᐊᑯ ᐃᔨᒡ, ᐃᔨᒡ ᐊᓯᓇᒂᒡ ᒐᒂᓐ, ᐊᑕᔨᑕᒡ ᐃᔨᒡ ᒐ ᐃᓯᓇᑯᓂᔨᒡ ᒐᒂᓂᔪᐤ᙮ 
ᐊᑯ, ᐊᐅᑯᔪᐤ ᓂ ᐊᑎᓴᒧᐛᒡ ᓂᔭᔪᐛ ᓄᒋᐧᑲᑯᒡ, ᐊᓂᔭ ᓄᒋᐧᑯᐛᒡ᙮ 
ᐊᑯ ᒧᔭᒻ ᐃᔨᒡ ᒂ ᐃᓯᓇᒂᒡ ᐊᓐ ᒐᒂᓐ, ᓂᔭᔪᐤ ᐊᑎᓴᐊᒪᑐᒡ ᒐᒂᓂᔪᐤ᙮ 
ᐊᐅᒂᑭᓐ ᐊᒐᓐ, ᐊᓯᓂᐧᑲᑕᑭᓄᑦ, ᐊᒐᓐ ᑕᐸ ᒥᔭᐤ ᒋᒋᐛ ᐃᔪᐤ, ᐊᒐᓐ, ᐃᔨᒡ ᐃᓯᓇᑯᓐ, ᐃᑕᔨᑕᑯᓐ ᒐᒂᓐ᙮ 
ᐊᑯ, ᐊᐅᑯᔪᐤ ᑲ ᐃᓯᐧᑲᑐᒡ, ᐃᑕᑭᓄᐅᒡ ᐃᔪᒡ, ᐊᓐᑕ ᐎᐱᒡ᙮ <ss>
ᐊᐅᒂᑭᓐ ᐛᒋ ᐃᓯᓇᒂᒡ, ᐊᓐ ᐊᒐᓐ ᓂᔭᔪᐛ ᑭ ᐅᑎᑎᑯᐅᒋ ᐊᐛᔪᐛ, ᑭ ᓄᒋᐧᑲᑯᐅᒋ, ᑲ ᐃᑎᒡ ᐃᔪᒡ᙮ <pp>
ᓄᒋᐧᑲᑯᒋ ᐊᐛᔪᐛ ᐎᒋᔪᐛ ᐊᐛᓐ, ᐊᓐᒡ ᑲ ᒥᑕᐛᑎᓯᒡ ᐊᐛᓐᒋ, ᑲ ᓄᒋᐧᑲᑐᒡ, 
ᐃᑎᓴᒪᑐᒡ ᓂᔭᔪᐛ ᒐᒂᓂᔪᐤ, ᐃᑕᑭᓄᐅᒡ᙮ 
ᐊᑯ ᒪᒃ ᐊᓐ, ᒥ ᒋ ᑐᑕᑐᒡ ᐊᓂᔭᔪᐤ ᐊ ᑯᒂᒋᑐᒡ ᐃᓯᓇᑯᓯᒐᓂᒋ᙮ 
ᓂᔅᑦ ᒐᔅᒐᔨᑎᒥᔨᒋ ᐊᓯᓇᑯᓂᔨᒡ ᒐᒂᔪᐛ ᐛᒋ ᐊᑲ ᒋ ᓴᒂᐊᑦ ᓂᔭᔪᐛ ᐛ ᐃᓯ ᑐᑐᐛᑦ ᑲ ᐃᓯᓇᒂᒡ᙮ <pp>
ᐊᑯ ᐊᓄᒡ ᐅ, ᐊᓄᒡ ᐊᓯ ᐊᑲ ᓄᒋᐧᑲᑭᓄᐅᒡ ᐊᓐ ᑯᓴᐸᒋᑭᓐ ᐅᑕ ᐊᔅᒋᒡ ᑲ ᐃᑎᓇᓄᐅᒡ᙮ 
ᒥ ᑎᑯᓐ ᒐᒂᓐ ᒐᒋ ᐅᑎᓯᐛᒡ ᒐᒂᓐ, ᒋᐸᑲ ᑕᑈᓄᐤ ᐊᓐ ᐊᔅᒋᔄᓄᒡ᙮ 
ᐊᐅᑯᓐ ᐊᓯᓇᒂᒡ, ᑎᐸᒋᒧᓐ ᐊᓐ ᑭ ᓂᑎᐸᒋᒧᓇᐛ, ᐊᑲ ᐎᐱᒡ᙮ <pp>
ᒥ ᓱᐧᒃ ᐎᐱᒡ ᐊᑯ, ᓄᑕᐎᐱᓐ, ᓂᔭ ᓄᑕᐎᔾ, ᐊᐅᑯᔪᐤ ᑲ ᑎᐸᒋᒧᑦ, ᓂᔭᔪᐤ ᑭ ᓂ ᑎᐸᒋᒧᓇᐛ᙮ <pp>
ᐊᒐᓐ ᑭᔭ ᒋᓴᔭᒄ ᓂᓯᔪᐛ ᐅᑯᓴ 06 ᑦᐤᐅ beᐊᕐᔅ ᑭᔭ ᐊᒐᓐ 2015 05 16 Book Source
ᐊᑯ ᒋᓴᔭᒄ, ᐅᑯᓴ, ᐅᑯᓴ ᓂᓯᔪᐛ ᐊᑕᒡ ᐊᓐᑕ ᐎᒋᐛᒡ᙮ 
ᐊᑯ ᐊᑎ ᓂᐱᒡ, ᐛᔪᐎᑦ ᒋᓴᔭᒄ; ᐸᐸᒧᑕᑦ ᐊᓐᑕ, ᓂᔭᓂᑐᐛᐸᑕᐧᒃ ᒥᓂᓴ ᒐ ᒥᒋᑦ᙮ 
ᐊᑯ ᒪᔅᑲᐧᒃ ᒥᓂᓴ, ᓂᔭᔪᐤ ᐊᑯ ᒪᒋᑦ᙮ ᐊᑯ ᒐᐛᑦ ᑲ ᐃᑎᒋ᙮ <pp>
ᐊᑯ ᐊᓂᔪᐛ ᐅᑯᓴ ᒐᐸᐛᑦ ᓂᔭᔪᐛ, ᐛ ᓂᑭᑕᒋ ᐅᑯᓴ᙮ ᐊᑯ ᒥ ᒋ ᒋᑐᑕᔪᐛ᙮
ᐊᑯ ᒐᒃ ᓂᔭᔪᐛ, ᐊᑐᑐᐛᑦ ᓂᔭᔪᐛ ᐅᑎᐛᓯᒪ, ᓂᔭᔪᐤ ᒂᔅᑎᔭᑦ ᒐᒋ ᐎᐎᔨᒋ᙮ <pp>
ᐊᑯ ᑲ ᑎᑯᓯᐧᒃ, ᐊᑯ ᓇᐸᑦ᙮ 
ᐊᑯ ᐊᓂᔭᔪᐤ, ᒥᓂᔪᐤ ᓂᔭᔪᐤ ᐸᐃᒄ ᒐᑭᒧᐎᔨᒡ ᐅᑕ ᐎᐱᑎᒡ᙮ 
ᐊᑯ ᒪᓂᒥᔨᒋ ᓂᔭᔪᐤ ᐎᐱᑎᒡ ᓂᔭᔪᐤ ᒐᑭᒧᐎᔨᒡ ᒐᒂᔪᐤ᙮ ᐊᑯ ᒂᔅᑎᒥᔨᒋ ᓇᔅᑐᔅᐱᑎᒥᔨᒋ ᒥᓂᓴ ᒪᒋᑦ᙮ 
ᐊᑯ ᐃᑕᐤ ᐊᓐ ᒥᔅᑯᔅ ᐅᓯᒪ, “ᒥᒋᓯᐱᓐ ᒐᒂᓂᔪᐤ ᒋᑲᐎᓄᐤ,” ᐃᑕᐤ᙮ 
 “ᐊᐅᑯᐎᔨᒐ ᐛᒋ ᑯᔅᑎᔨᑕᐧᒄ ᒐᒋ ᐎᐎᔭᐧᒄ᙮ ᐎᐎᐛᑕᐤ, ᓂᑐᐛᐸᑎᒺᑕᐤ᙮” 
ᐛᔪᐎᒡ, ᓇᑭᑕᒡ, ᓂᐸᔪᐛ ᐅᑲᐛᐛ, ᓇᑭᑕᒡ᙮ <pp>
ᐊᑯ ᐅᑕ ᐸᐸᒥᐸᔨᑐᒡ, ᒪᔅᑲᒡ ᒥᓂᓴ᙮ 
ᐎᔭᐸᑎᒺᒡ ᐛᒋ ᒥᒥᒋᔨᒋ, ᒪᒋᒡ᙮ 
ᒂᔅᑯᐱᔨᑦ ᐊ ᓂᐸᑦ, ᓇᒪ ᑕᔪᐛ ᐅᑯᓴ᙮ 
ᐛᔪᐎᑦ, ᓇᒪ ᒋᔅᒐᔨᒪᐤ ᑕᓐᑕ ᐊ ᐃᓯ ᒋᒋᐸᔨᑐᐎᔨᒋ᙮ <pp>
ᑎᔭᑈᑦ, “ᓂᑯᓴ, ᓂᐱᓄᓯᐱᓐ ᐅᔭ,” ᐃᑕᐤ ᐅᑯᓴ᙮ 
ᓇᒪ ᒋᔅᑐᑎᑯᐤ᙮ 
ᒐᒃ ᐱᔭᑕᑯᑦ ᐊᒐᓇ᙮ ᐊᒐᓐ ᐃᓯᓂᑲᓱᔪᐛ᙮ <pp>
ᐱᔭᑕᑯᑦ, ᓇᑐᐛᐱᒥᑯᑦ᙮ 
ᐊᐅᑯᐤ ᐛᒋ ᑕᐱᑕᑈᑦ᙮ 
ᐛᑕᒪᐅᑯᑦ, ᓇᐸᐃᑯᑦ᙮ <pp>
ᐊᑯ ᐊᓐᒡ ᒥᔅᑯᓯᒡ ᐱᔭᑐᐛᒡ ᐅᑲᐛᐛ ᓇᐸᐃᑯᐎᔨᒋ᙮ ᒐᒋᐸᔨᑐᒡ, ᓇᒪ ᒪᐧᑭᓱᐤ ᒋᐛᐸᔨᑐᒡ᙮ <ss>
ᐊᑯ ᒪᑕᐸᐸᔨᑐᒡ ᓂᐱᔪᐤ᙮ ᐊᐅᑯᓂ ᐅᔭᔪᐛ ᒥᓯᒋᔭᔎ ᐸᐸᒥᔅᑲᔨᒋ᙮ 
“ᓂᒧᓱ,” ᐃᑕᐅᒡ, “ᑎᔅᑭᒪᐅᔨᓇᓐ,” ᐃᑕᐤ, “ᓂ ᒋᑎᓯᒪᓇᓐ ᐊᒐᓐ,” ᐃᑕᐤ᙮ 
ᑕᔅᑭᒪᐅᔨᑯᒡ᙮ 
“ᓂᒧᓱ, ᒐ ᐊᑲ ᑎᔅᑭᒪᐅᔨᑦ᙮” 
“ᓂᐦᐃ,” ᐃᑕᐤ, “ᓇᒪ ᓂᑭ ᒋ ᑎᔅᑭᒪᐅᔭᐤ᙮” <pp>
ᒐᒋᐸᔨᑐᒡ᙮ <ss>
ᒪᑕᐸᐸᑕᑦ ᐊᒐᓐ᙮ ᐎᔭᐱᒪᑦ ᐸᐸᒥᔅᑲᔨᒋ ᒥᓯᒋᔭᔎ᙮ 
“ᐸᒋ ᓇᑕᐎ,” ᐃᑕᐤ, “ᑎᔅᑭᒪᐅᔨ,” ᐃᑕᐤ, “ᒋ ᑎᔅᑭᒪᐅᔭᒐᓂᒋ ᐅᔭᐧᑲ ᓄᓯᒥᓯᒡ,” ᐃᑕᐤ᙮
“ᑭᑈ ᑕᔅᑭᒪᐅᔨᒂᐤ ᓄᓯᒥᒡ,” ᐃᑎᑯᐤ᙮ 
“ᑎᔅᑭᒪᐅᔨ,” ᐃᑕᐤ᙮ 
“ᒥ ᒋᑭ ᒋ ᑎᔅᑭᒪᐅᔨᑎᓐ,” ᐃᑎᑯᐤ᙮ 
“ᓇᒪ,” ᐃᑕᐤ, “ᑎᔅᑭᒪᐅᔨ,” ᐃᑕᐤ᙮ <pp>
ᒺᓴᐛᐃᑯᑦ᙮ 
ᒥᓯᑐᐤ ᑕᓐᑕ᙮ ᒪᓐᑕ ᒥᒄ ᐅᔅᑎᒂᓂᔪᐤ ᓂᔭᔪᐤ ᐅᑕ ᒥᒄ ᐅᒋ ᐊᔎᓯᒧᔪᐛ᙮ <pp>
ᐅᑕ ᐅᔅᐱᔅᑯᓂᒡ ᐅᑕ ᑕᑕᐅᒡ ᐊᔅᑕᔨᒋ᙮ <pp>
ᑕᔅᑭᒪᐅᔨᑯᑦ᙮ ᒧᔭᒻ ᐊᐱᑐᐤ ᑕᐤ, ᓂᔭᔪᐤ ᐊᓯᓇᑯᓂᔨᒡ, ᒧᔭᒻ ᐊᐱᑐᐤ ᑕᐤ᙮ ᐊᐅᒂᔭ ᒂᑕᐱᔨᐅᔨᒋ ᒋᔭᒐᐧᑭᑕᐅᑯᑦ᙮ 
ᒥᓯᐛ ᐸᐸᐧᑲᐅᑯᐤ ᐅᑕ ᐅᔭᒡ᙮ <pp>
ᓂᔭᑎᑲᒪᐊᐧᒃ᙮ 
ᑕᑈ ᒋ ᐱᑲᐤ ᓇᑕ ᐊᔅᒋᒡ᙮ 
ᐊᑯ ᑲ ᐱᑲᑦ, ᐊᑯ ᒐᑐᑕᑦ᙮ <ss>
ᐊᑯ ᓇᒡ ᒥᔅᑯᓯᒡ ᒥᓐ ᒪᑕᐸᐸᔨᑐᒡ᙮ ᐎᔭᐱᒪᒡ ᐸᐸᒥᔅᑲᔨᒋ ᒺᒂ᙮ 
“ᓂᒧᓱ, ᐸᒋ ᓇᑕᐅᓇᓐ, ᑎᔅᑭᒪᐅᔨᓇᓐ᙮ ᓂ ᒋᑎᓯᒪᓇᓐ ᐊᐛᓐ᙮” 
“ᓂᐦᐃ,” ᐃᑎᑯᐅᒡ᙮ ᑕᔅᑭᒪᐅᔨᑯᒡ᙮ 
“ᓂᒧᓱ, ᒐ ᐊᑲ ᑎᔅᑭᒪᐅᔨᑦ᙮” 
“ᓂᐦᐃ,” ᐃᑎᑯᐤ᙮ <ss>
ᒪᑕᐸᔨᒋ᙮ 
“ᑎᔅᑭᒪᐅᔨ,” ᐃᑎᑯᐤ, “ᒋ ᑎᔅᑭᒪᐅᔭᒐᓂᒋ ᓂᔭᐧᑲ ᓄᓯᒥᓯᒡ,” ᐃᑎᑯᐤ᙮ 
“ᑭᑈ ᑕᔅᑭᒪᐅᔨᒂᐤ,” ᐃᑕᐤ, “ᓄᓯᒥᒡ ᑕᓐᑕ,” ᐃᑕᐤ᙮ 
“ᑎᔅᑭᒪᐅᔨ!” 
“ᒥ ᒋᑭ ᒋ ᑎᔅᑭᒪᐅᔨᑎᓐ,” ᐃᑕᐤ᙮ 
“ᓇᒪ! ᑎᔅᑭᒪᐅᔨ!” <ss>
ᒋᒋᐛ ᐎ ᑕᑈᐊᐤ, ᐊᒐᓐ᙮ ᐊᑯ ᑕᔅᑭᒪᐅᔨᑯᑦ᙮ ᐃᔭᐱᒡ ᒂ ᐃᑎᑦ᙮
ᐊᔎᓯᒧᐛᐤ ᓇᑕ ᐅᔅᐱᔅᑯᓂᔨᒡ᙮ ᑕᐸ ᒋ ᐳᓴᐃᑯᐤ ᐊᔅᐱᑎᓯᔨᒋ᙮ 
ᐊᑯ ᒥᒄ ᓂᔭᔪᐤ ᐅᔅᑎᒂᓐ ᓯᔭᒋᐱᑕᔨᒋ᙮ <pp>
ᑕᔅᑭᒪᐎᐃᑯᑦ᙮ 
ᒧᔭᒻ ᓂᔭᔪᐤ ᐊᔅᐱᓴᒡ ᐅ ᐊᔅᒋᔾ ᓂᔭᔪᐤ, ᐊᐱᑐᐤ ᑕᐤ ᓂᔭᔪᐤ᙮ ᐊᑯ ᒂᑕᐱᔨᐅᔨᒋ᙮ ᒥᓐ ᒥᔭᓯᐧᑲᑯᑦ, ᒋᔭᒐᑭᑕᐅᑯᑦ, ᒥᓯᐛ ᐊᓐᑕ ᐊᔅᐱᑎᑦ ᐅᑕ ᐎᔭᒡ᙮
ᒥᓯᐛ ᐅᑕ ᐸᐸᐧᑲᐅᑯᐤ, ᐸᒥᔅᑲᑦ᙮ 
ᐸᑲᑦ ᓇᑕ᙮ <pp>
ᐊᑯ, ᓇᒪ ᐃᑐᐤ, ᐱᑲᑦ, ᒐᑐᑕᑦ᙮
ᑕᐸ ᓇᔅᑎᔅ ᐃᔭᐱᑕᔨᑎᒻ ᐊᑎ ᐃᓯᓇᑯᓯᑦ, ᐊᑎ ᐸᐸᐧᑲᐛᑭᓄᐅᑦ᙮ 
ᒐᑐᑕᑦ᙮ <ss>
ᐊᐅᑯᓂ ᐊᑯ ᒥᔅᑎᑲᒂ ᐛᑎᑕᔨᒋ ᐅᓯᒪ᙮ 
ᐊᐅᑯᐤ ᐊᐱᑦ ᒥᔅᑎᑲᒄ᙮ 
ᐅᑕ ᐃᓯᓇᑯᓐ ᐱᔅᑯᑎᓇᐤ, ᒪᐤ ᒂ ᐃᓯᓇᑯᓂᔨᒡ, ᐊᑯᑕ ᐅᑕ ᐊᐱᑦ ᒥᔅᑎᑲᒄ᙮ 
ᒥᔅᑎᑲᒄ ᐊᑕᑭᓄᐅᑦ, ᐊᑯᑕ ᐅᑕ ᐊᐱᑦ, ᒪᐅᔭ ᐊᓯᓇᑯᓂᔨᒡ᙮ 
ᒻᒻᒻ, “ᓂᒧᓱ, ᑐᐎᔅᑐᐅᓇᓐ᙮ ᓂ ᒋᑎᓯᒪᓇᓐ ᐊᐛᓐ᙮” 
“ᓂᐦᐃ,” ᐃᑕᐤ᙮ ᑕᐎᔅᑐᐛᑦ, ᑕᐎᔅᑐᐛᑦ ᐊᓐ ᑲᒄ, ᒥᔅᑎᑲᒄ, ᑕᐎᔅᑐᐛᑦ, ᒂ ᐊᑎ ᐃᔅᐸᔨᑐᒡ᙮ ᐊᑯ ᒥᓐ ᒐᐱᐱᔨᐅᑦ᙮ 
“ᓂᒧᓱ, ᒐ ᐊᑲ ᑐᐎᔅᑐᐅᑦ, ᓂ ᒋᑎᓯᒪᓇᓐ ᐊᐛᓐ”᙮ 
“ᓂᐦᐃ,” ᐃᑕᐤ᙮ <ss>
ᐛᑎᑕᑦ ᑲᒂ ᐊᑎᒥᐱᔨᒋ᙮ 
“ᑐᐎᔅᑐᐎ,” ᐃᑕᐤ, “ᑐᐎᔅᑐᐎ,” ᐃᑕᐤ, “ᓂᑭ ᐃᑐᑕᓐ ᓇᑕ,” ᐃᑕᐤ, “ᑐᐎᔅᑐᐃ,” ᐃᑕᐤ᙮ 
“ᒪᐛᒡ,” ᐃᑎᑯᐤ, “ᓇᒪ ᒋᑭ ᒋ ᑐᐎᔅᑕᑎᓐ᙮ 
“ᒋ ᑐᐎᔅᑐᐛᒐᓂᒋ ᓂᔭᐧᑲ ᓄᓯᒥᓯᒡ,” ᐃᑕᐤ᙮ 
“ᑭᑈ ᑕᐎᔅᑐᐅᒂᐤ,” ᐃᑎᑯᐤ᙮ 
ᓇᒪ ᐎ ᑐᐎᔅᑕᑯᐤ, ᒂ ᑎᐱᔨᒋ᙮ <pp>
“ᑕᐸ ᒋᑭ ᒋ ᑐᐎᔅᑕᑎᓐ,” ᐃᑎᑯᐤ᙮ “ᐸᑐᔅ ᐊᓐ ᒋ ᑐᑐᐎᔨᓇ ᐊᓐ ᒐ ᐃᑕᓐ, ᐊᑯ ᒐ ᑐᐎᔅᑕᑕᓐ,” ᐃᑎᑯᐤ᙮ 
“ᐊᑯ ᑕᓐ ᒋᐸ ᑐᑕᑎᓐ?” ᐃᑕᐤ᙮ 
“ᒋᐸ ᑯᑐᐛᓐ ᓇᑕ, ᐊᑯ ᓂᐸ ᐅᒋᐱᓱᓐ᙮ ᐊᑯ ᐊᑎ ᒋᓱᔭᓐ, ᐊᑎ ᒋᓱᔭᓐ, ᐊᑯ ᒋᐸ ᐃᔅᐱᔅᐱᔨᑕᓐ ᐊᓐᑕ ᒋᑕᔅᑎᒥᐧᒄ ᐊᓐᑕ, ᐅᑕ ᓂᔅᐱᔅᑯᓂᒡ,” ᐃᑕᐤ, “ᒋᑕᔅᑎᒥᐧᒄ,” ᐃᑕᐤ, “ᒋᑕᔅᑎᒥᐧᒄ,” ᐃᑕᐤ᙮<pp>
ᐊᑯ, ᒂ ᐃᑐᑐᐛᑦ, ᒂᑐᐛᐛᑦ᙮ 
ᐊᑯ ᐊᓐᑕ ᐊᑎᐱᔨᒋ, ᐊᑎ ᒋᓱᔨᒋ ᐅᔭᔪᐤ ᐅᑲᐅᔭᒂ᙮ 
ᐊᑯ, ᐊ ᐃᔅᐱᔨᑐᐛᑦ ᐊᓐᑕ ᐅᑕᔅᑎᒥᐧᑯᔨᒡ᙮ 
ᐅᑲᐅᔭᑯᔪᐛ ᒋᔭᒐᐧᑲᐎᔅᑕᑯᑦ ᐅᓱᔪᐛ᙮ 
ᒥᓯᐛ ᐅᑕ ᒋᑭᒧᔪᐛ ᐅᑲᐅᔭᒂ ᐅᑕ ᐅᑕᔅᑎᒥᐧᑯᒡ᙮ ᑕᓐᑕ ᒥᓯᐛ᙮<pp>
ᐊᑯ ᑭ ᐊᐱᓴᐱᓱᐛ ᒂ ᐃᓯᓇᑯᓯᑦ᙮ ᐊᑯ ᓇᒪ ᒋ ᒋᔅᑐᑕᐤ᙮
ᐊᑯ ᐊᑎ ᑭᑈ ᒪᒥᓂᐱᑕᐤ ᐊᓂᔭ ᐅᑲᐅᔭᒂ, ᒥᔭᒥᓂᐱᑕᑦ ᐱᔅᒐ᙮ <pp>
ᐊᑯ ᒐᑐᑕᑦ, ᑕᐎᔅᑕᑯᑦ ᐸᑐᔅ᙮ 
ᐊᑯ ᐛᒪᔅᑯᐛᑦ, ᒐᑐᑕᑦ᙮ <ss> 
ᐊᐅᑯᓂ ᐊᑯ ᐃᔪᐛ, ᐃᔪᐛ ᐊᑯ ᐛᑎᑕᑦ᙮ 
ᒪᑕᐸᐸᔨᑐᒡ ᐅᒡ, ᐎᔭᐱᒪᒡ ᐅᒧᓱᒧᐛᐛ ᐊᓐᑕ ᐛᒋᔨᒋ ᐊᑲᒥᒡ᙮ 
ᑎᔭᑈᑕᒡ᙮ ᓂᔭᑕᐅᑯᒡ᙮
ᐊᑯ ᑲ ᒥᓯᑲᒪᐎᑯᑥᐤ ᐊᑯ ᐛ ᒋᒋᐸᔨᑐᒡ᙮ 
ᐊᑯ ᐃᑕᐤ ᐊᓐ ᑯᐧᑯᒥᓇᔅ ᐊᓂᔭ ᐅᓯᒪ, “ᓄᓴ,” ᐃᑕᐤ, “ᐊᑲ ᒋᒋᐸᔨᑐᒄ, ᑕᒄ ᐅᑕ,” ᐃᑎᑯᐤ᙮ 
“ᓂ ᒋᑎᓯᒪᓇᓐ ᐊᐛᓐ, ᒐᔅᑎᓇᔅ ᓂᑭ ᓂᐸᐃᑯᓇᓐ,” ᐃᑎᑯᐤ᙮ 
“ᓇᒪ,” ᐃᑕᐤ, “ᓇᒪ ᒋᑭ ᒋ ᓂᐸᐃᑯᐛᐤ,” ᐃᑕᐤ, “ᒋᑭ ᓂᐸᐊᐤ ᒋᒧᓱᒻ,” ᐃᑕᐤ, “ᐅᑎᑎᑕᒂᓂ᙮” ᐃᑕᐤ᙮ <ss>
ᓇᓇᒐᓯ, ᒪᑕᐸᑦ᙮ 
“ᓂᒧᓱ, ᒪᒪᑕᐸᑦ᙮” 
“ᓄᓴ, ᓂᑭ ᓇᑕᐛᐤ, ᓂᑭ ᓇᑕᐛᐤ᙮” <pp>
ᒺᓴᐅᐱᔨᑦ, ᓂᔭᑕᐛᑦ, ᐸᒥᔅᑲᑦ᙮ 
ᐊᑯ ᐛᑎᑕᐛᑦ ᓂᔭᔪᐛ ᐊᑯ ᐳᓯᔨᒋ᙮ 
ᓇᑕ ᓂᔅᑕᒧᑎᑯᒡ ᒐᑲᑦ, ᐊᑯᑕ ᐳᓯᔨᒋ᙮ <pp>
ᒧᐧᑯᒪᓂᔪᐛ ᐊᓂᔭ ᐅᐳᔭ ᐅᑕ ᐅᒋ, ᒧᐧᑯᒪᓂᔪᐛ ᓂᔭᔪᐛ ᐅᐳᔭ ᐸᒥᔅᑲᐛᒐᑦ᙮ <pp>
ᐊᑯ, ᐊᑯ ᐊᓂᔭᔪᐤ ᐅᑦ ᐅᐤᑦ ᐊᓂᔭᔪᐤ ᓄᑎᒪᓴᐛᒐᑦ, ᒋᐧᑲᒪᑯᓂᔪᐤ᙮ 
ᑭᑈ ᐊ ᐎᓂᒪᓯᑲᒡ ᐊᓐ ᐅᐤᑦ, ᐊᓐ ᐅᐤᑦ᙮ 
ᒻᒻᒻ᙮ “ᐛᓴ ᐅ ᑭ ᐎᒐᑯᓄᐛ ᒋᑦ ᐅᐤᑦ,” ᐃᑕᐤ, “ᑕᓐ ᐊᓯᒪᒂᒡ ᐅ?” ᐃᑕᐤ᙮ 
“ᐊ ᓄᑎᒪᓴᔭᓐ ᑭᑈ, ᐛᒋ ᐃᓯᒪᒂᒡ,” ᐃᑕᐤ ᐊᓐ ᐃᔪᐤ, 
“ᓂᒪᔅ ᐊᓐ ᐊᓯᒪᑯᓯᑦ,” ᐃᑕᐤ᙮ 
“ᐊᓐᑕ ᐱᔅᒋᑕ ᐅᑕ ᒋᔅᑎᒂᓐ ᐅᑕ,” ᐃᑕᐤ, “ᐅᑕ ᓂᐱᒡ᙮” <pp>
ᑕᑈ ᐸᔅᒋᑕᑦ ᐅᔅᑎᒂᓐ ᐅᑕ ᐸᒪᔅᑯᒧᐎᔨᒡ᙮ 
ᑲ ᐱᔅᒋᓯᐧᒃ, ᐊᑯ ᐸᒥᔅᑲᐛᑦ, ᐊᑯ ᐅᑎ ᐱᒥᔅᑲᐛ ᐛᑕᒪᐛᑦ ᐅᔭᔪᐤ᙮ 
ᐅᑕ ᓇᐊᐤ ᐅᑕᒪᐛᐤ᙮ ᐊᑯ ᓇᑕ ᐸᑭᔅᑐᐛᐱᔨᒡ ᐅᔅᑎᒂᓐ ᐊᒐᓐ᙮
ᑕᓐᑕ ᒋᒥᒂᑲᐛᐤ, ᒧᐧᑯᒪᓂᔪᐛ ᐅᑕ ᐅᒡ ᐅᐳᔭ ᐅᑕ, ᐅᑕ ᐛᒋ ᐅᑕᒪᐛᑦ᙮ 
ᒐᒥᒂᑲᐛᐤ, ᐊᑯ ᓇᑕ ᐊᔅᐱᔨᒡ ᐅᔅᑎᒂᓂᔪᐤ᙮ <pp>
ᐊᑯ ᒪᓯᑲᐎᔭᑦ᙮ ᐊᑯ ᐅᔭᔪᐤ ᐎᔭᔪᐤ ᐅᔭᔪᐤ ᐃᔭᒪᔎᐊᒺᑦ ᐊᓐᑕ ᓂᐱᒡ, ᐸᑭᔅᑐᐛᐊᒺᑦ᙮
ᒺᓴᐅᐱᔨᑦ, ᒪᓯᑲᑦ᙮ 
“ᐊᐦᐊᒃ ᐛᐱᒥᐧᒄ, ᐊᓯ ᓂᐸᐊᑦ ᒋᒧᓱᒻ ᐊᒐᓇ᙮ ᒻᒻᒻ, ‘ᒋᑭ ᓂᐸᐊᐤ’ ᑲ ᐃᑎᑯᒡ᙮” 
ᒻᒻᒻ᙮ “ᓂᐦᐃ,” ᐃᑕᐅᒡ᙮ <ss> ‘eᐱᓱde bᕐeᐊᒃ’
ᐊᑯ ᐛᒋᒪᒡ ᐊᑯ ᐅᐧᑯᒧᐛᐛ ᒋᓴᔭᑯᓯᒡ᙮
ᐊᑯ ᒐᒃ, ᑐᐛᒡ, ᒥᔭᑐᐛᒡ᙮ ᐛᑐᐛᓂᐧᑲᑯᒡ ᐅᐧᑯᒧᐛᐛ, ᑐᐛᒡ᙮
ᐊᑯ ᒐᒃ ᐅᑎ ᑐᐛᑕᐤ ᓱᒡ, ᓱᒡ ᑐᐛᐅᒡ ᓇᑕ ᐊ ᐎᒋᔨᒋ ᐅᒧᓱᒧᐛᐛ᙮ <pp>
ᓂᔭᑕᐅᑯᒡ ᒥᒋᔪᐛ, ᓂᔭᑕᐅᑯᒡ ᐅᑎ ᑐᐛᑕᐤ᙮ 
ᐊᑯ ᓂᔭᔪᐛ ᒐᒃ ᐅᑎ ᑐᐛᑕᐤ, ᐱᓯᒂᐳᐅᒡ ᓂᔭᔪᐛ ᐅᑐᐛᓄᐛᐛ, ᓂᔭᔪᐤ ᐎᔭᐳᐛᐸᒪᑐᒡ ᐅᑐᐛᓄᐛᐛ᙮ 
ᒂ ᒋ ᑲᔅᑕᐛᒡ ᓂᔭᔪᐤ, ᓂᔭᔪᐤ ᐅᑎ ᐱᓯᒂᐱᑕᐤ ᑐᐛᒡ᙮ ᐊᑯ ᒐᒃ ᐅ ᐸᐃᒄ ᒥ ᒥᔅᑯᐛᐤ ᐅᑐᐛᓄᐛᐛ᙮
ᓇᑐᐛᐱᑦ᙮ ᐊᐅᑯᓂ ᐅᔭᔪᐛ ᐊᑯᒧᐎᔨᒋ ᒥᒋᒪ, ᒥᒋ ᐃᔪᐛ᙮
ᐊᑯ, ᓇᑕ ᐅᑦ ᐅᐤᑎᔪᐛᒡ ᓇᑐᐛᐱᒪᑦ᙮ 
ᐊᑯ, ᐊᑯ ᓇᑕ ᐅᑦ ᐅᐤᑎᔪᐛᒡ, ᓇᑕ ᐊᑯᑕ ᐊᐱᔨᒋ ᓂᔭᔪᐛ ᐅᑐᐛᓄᐛᐛ᙮ 
ᐊᑯ, “ᐸᓱ ᓇ,” ᐃᑕᐤ, “ ᐸᓱ ᓇ ᓂᑐᐛᓇᓐ,” ᐃᑕᐤ ᓂᔭᔪᐛ ᐅᑐᐛᓄᐛᐛ᙮ <pp>
“ᒪᐛᒡ,” ᐃᑎᑯᐤ, “ᐅᑎᓐ, ᓇᔅ,” ᐃᑎᑯᐤ᙮ 
ᐊᑯ ᐊᓐ ᐊᐛᔅ, ᑕᐸ ᒋᔅᒐᔨᒪᐤ ᐊᓐ ᐊᐛᔅ ᐛ ᑐᑕᑯᑦ᙮ ᓂᔭᑕᑦ ᓂᔭᔪᐛ ᐅᑐᐛᓄᐛᐛ᙮
ᐊᑯ, ᓇᑕ ᐊᑎ ᐅᑎᓇᑦ ᓇᑕ, ᓇᑕ, ᓇᑕ ᐅᐤᑎᒡ ᓇᑕ ᐱᑕᐱᔪᐛ, ᐛᑎᓇᑦ ᓂᔭᔪᐛ, ᓂᔭᔪᐛ ᐅᑐᐛᓄᐛᐛ᙮ 
ᐊᑯ ᐅᔭᔪᐛ ᐅᐳᔪᐛ ᐛᒋ ᐅᑕ ᐳᓱᐛᔎᐅᑯᑦ ᐅᑕ; ᓇᑕ ᐳᓯᐱᔨᑦ᙮ 
ᒺᓴᐛᔭᐧᑲᐎᔨᒋ, ᒺᓴᐅᐱᔨᒋ, ᐸᒥᔅᑲᔨᒋ᙮ 
ᒐᑕᐎᔨᑯᑦ, ᓂᒋᔅᒃ ᐊᓂᔭ ᒋᑕᐎᔨᑯᐤ᙮ <pp>
ᐊᑯ ᐱᔭᐃᑯᓯᑦ, ᐊᓐ ᐸᐃᒄ, ᒥᔭᑦ, ᒪᑕᑕᑦ ᐅᓯᒪ᙮ 
ᐊᑯ ᓂᔭ ᐅᐧᑯᒪ ᓂᔭᑕᑦ᙮ 
“ᓄᐧᑯ,” ᐃᑕᐤ, “ᓇᑕᐅᑯᓇᓂᒡ ᐅᔭᐧᑲ ᐊᐛᓐᒋ; ᒥᓇᐎᔭᐅᒡ ᐊᓂᔭ ᓂᓯᒪ᙮” 
“ᒪᓂᔭᔨᑕ ᐊᑕᐎᔭᒡ,” ᐃᑕᐤ, “ᑕᐸ ᐊᓐᑕ ᓄᑯᓂᔪᐤ ᐊᔅᒋᔪᐤ, ᐊᐅᒂᑭᓐ ᓂᔭᐧᑲ ᐊᑕᐎᔭᒡ᙮” 
“ᓄᓴ, ᑕᐸ ᒋᑭ ᒋ ᓂᑕ ᐛᐱᒪᐤ ᒋᓯᒻ᙮ ᐛᔪᐤ ᒋᒋᐛ ᐅᒋᐅᒡ ᐊᓐᒡ ᐃᔪᒡ, ᐛᑎᓇᒡ ᒋᓯᒪ, ᒥ ᒋᑭ ᒋ ᓂᑕ ᐛᐱᒪᐤ᙮ ” <pp>
ᒪᑕᑕᑦ ᐅᓯᒪ᙮ <ss>
ᐊᑯ ᒐᒃ, “ᓂᒧᓱ,” ᐃᑕᐤ, “ᐅᓯᑕ ᒪ ᓂᑦ ᐅᐤᑦ,” ᐃᑕᐤ, “ᐊᐱᓯᑕᓯ,” ᐃᑕᐤ, “ᓂᑦ ᐅᐤᑦ,” ᐃᑕᐤ, “ᐊᑲ ᑭᑈ ᒥᓯᑕ᙮” ᐃᑕᐤ᙮ 
ᑕᐸᑲ ᓂᑕᐤ ᐊᔅᑐᐎᐤ ᐅ ᒋᓴᐃᔪᐤ᙮ 
ᐛᓯᑕᐛᑦ ᐅᑦ ᐅᐤᑎᔪᐤ ᐅᓯᒪ, ᐊᐱᓯᑕᓱᐛᐤ, ᐸᐸᑯᑕᓱᐤ᙮ 
ᐊᑯ ᒐᓯᑕᑦ, ᑭᔭ ᐛᐳᐧᑯᐛᑦ, ᓂᓱᐎᒪᐤ ᐅᐳᔪᐛ᙮ 
ᐸᐸᒥᔅᑲᑦ ᐊᓐ ᐊᐛᔅ, ᐸᐸᒥᑯᒋᓂᓯᑦ, ᒪᔽᔨᑕᐧᒃ᙮ <pp>
ᐊᑯ ᒐᒃ, “ᓂᑭ ᓂᑐᐛᐱᒪᐤ ᒪ ᓂᓯᒻ, ᑲ ᒥᓇᐎᔨᑯᑦ ᐊᐛᔪᐛ᙮” 
ᓂᔭᑎᑲᒪᐱᔨᑦ᙮ “ᓂᒧᓱ,” ᐃᑕᐤ, ᓂᑭ ᓂᑐᐛᐱᒪᐤ ᒪ, ᓂᓯᒻ,” ᐃᑕᐤ, “ᓇᔭᔨᑕ ᑲ ᐃᑕᐎᔭᑭᓄᐅᑦ᙮” 
“ᒋᐸ ᒐ ᓂᑕ ᐛᐱᒪᐤ,” ᐃᑎᑯᐤ, “ᒋᒋᐛ ᐊᐃᒥᓂᔪᐤ ᐊᓐᑕ ᐊᑕᑦ᙮” 
ᑎᑯᓐ ᐊᓐᑕ ᐊᔅᒋᔾ, ᐊᑯᑕ ᐊᓐᑕ ᐊᑕᑦ,” ᐃᑕᐤ᙮ 
ᐊᑯ, “ᓇᒪ,” ᐃᑕᐤ,” ᓂᑭ ᓂᑐᐛᐱᒪᐤ,” ᐃᑕᐤ᙮ ᐛ ᑕᑈᒪᑦ ᐅᒧᓱᒪ᙮ <ss>
“ᒪᐤ ᓄᓴ, ᓂᔅᑎᒻ ᐊᓯᓇᒂᒡ,” ᐃᑎᑯᐤ᙮ 
“ᓂᐱᔾ,” ᐃᑎᑯᐤ, “ᐅᑎᑕᐊᒥᓐ ᐅ,” ᐃᑎᑯᐤ, “ᑭ ᒪᐧᑲᐊᓄᐛ ᒂ ᐃᑕᔨᑕᒂᒡ,” ᐃᑎᑯᐤ, “ᑭ ᑭᒐᒥᑕᐛ ᓂᐱᔾ ᒂ ᐃᓯᓇᒂᒡ᙮” 
“ᐊᑯᑕ ᓇᑕ ᒋᐸ ᑯᑕᐅᑯᓐ,” ᐃᑎᑯᐤ, “ᐊᑎ ᒋ ᐃᔅᒋᒪᔨᓐ,” ᐃᑎᑯᐤ᙮ 
“ᒥᓱᐧᒃ ᒪᒃ ᒋ ᐱᐧᑯᐅᔨᓐ ᐅ ᐊᓯᓇᒂᒡ, ᐊᑯ ᒋᐸ ᒥᓐ ᒥᔽᐤ,” ᐃᑎᑯᐤ᙮ 
“ᒥᓐ ᒋᐸ ᐅᑎᑕᐊᓐ, ᒥᓐ ᒋᐸ ᐃᓯᓇᑯᓐ, ᐊᐅᒂᑭᓐ ᓇᔅᑎᔅ ᐊᑐᒡ ᔅᒋ ᐃᔅᒋᓱᐛᓐ ᒐᒂᓐ, ᐊᑎ ᐎ ᐱᒥᔅᑲᔨᓐ,” ᐃᑎᑯᐤ᙮ 
“ᒧᔭᒻ ᒐᒂᓐ ᐊᑯᑎᒡ ᒐᒂᓐ ᒂ ᐃᓯᓇᒂᒡ,” ᐃᑎᑯᐤ᙮ 
“ᐊᑐᒡ ᓇᔅᑎᔅ ᒋ ᒋᒋᐱᔨᓐ,” ᐃᑎᑯᐤ, “ᓂᐱᒡ,” ᐃᑎᑯᐤ᙮ 
“ᓇᒪ,” ᐃᑕᐤ, “ᓂᑭ ᓂᑐᐛᐱᒪᐤ,” ᐃᑕᐤ᙮ <ss> 
ᐊᑯ ᐊᓂᔭᔪᐛ ᐊᓯᓂᔭ ᐊᓂᔭᔪᐛ, ᐊᓯᓂᔭ, ᐛᐛᓴᐃᔨᒋ, ᑐᒥᓇᑦ ᐊᓐ ᐱᒥᔪᐤ ᐊᓐ ᒋᓴᐃᔪᐤ, ᐊᓂᔭ ᐊᓯᓂᔭ᙮ 
ᐳᓯᐃᒪᑦ᙮ ᑭᔭ ᐊᓂᔭ ᑯᑎᑲ, ᓂᓱᐃᒪᐤ᙮ <pp>
“ᐊᐦᐊᒃ ᓄᓴ,” ᐃᑕᐤ, “ᒧᓴᐅᐱᔨ,” ᐃᑕᐤ᙮ 
“ᐅᑎᑕᐊᒥᓇ ᐊᓐ ᑲ ᑎᐸᑎᒪᑕᓐ,” ᐃᑕᐤ, “ᓂᐱᔾ,” ᐃᑕᐤ᙮ “ᐊᑯ ᒐ ᐱᑭᔅᑐᐛᐅᑦ ᐅ ᐸᐃᒄ, ᐅ ᐊᓯᓂᔾ, ᒐ ᐱᑭᔅᑐᐛᐅᑦ,” ᐃᑕᐤ᙮
“ᐊᑯ ᓇᑕ ᒐ ᐊᑎ ᒥᔽᒡ ᓇᑕ, ᐊᐅᑯᓐ ᐊᓐ ᒐ ᐊᑎ ᐃᔅᒋᒪᔨᓐ,” ᐃᑕᐤ᙮ <ss>
ᐊᑯ, ᐸᑭᔅᑐᐛᐛᑦ ᐊᓂᔭᔪᐛ ᐊᓯᓂᔭ, ᐊᓂᔭᔪᐛ ᐊᓯᓂᔭ᙮
ᐛᑎᑕᐊᐧᒃ; ᑭ ᑐᐱᔪᐛ ᑭ ᐊᑎ ᒥᔽᑭᒥᔪᐛ, ᒂ ᐃᓯᓇᑯᓂᔨᒡ ᐊᓂᔭᔪᐤ ᒐ ᐊᑎ ᐃᔅᒋᒪᑦ, ᒂ ᐊᑎ ᐃᔅᒋᒪᑦ᙮ 
ᐊᑯ ᒥᓐ ᒪᔽᔨᒡ ᓇᑕ ᐛᑎᑕᐊᐧᒃ, ᐊᑯ ᒥᓐ ᐸᒥᔅᑲᑦ᙮
ᒥᓐ ᐛᑎᑕᐊᐧᒃ, ᐊᐅᑯᔪᐤ ᐊᑯ ᒐᒂᓐ ᑭ ᐊᑯᑎᓄᐛ ᒂ ᐃᓯᓇᒂᒡ, ᐅᔅᒡ ᓂᐱᒡ᙮
ᐊᐅᑯᔪᐤ ᐊᑯ ᓇᔅᑎᔅ ᓇᒪ ᓱᐛᐊᒻ, ᐊᑎ ᓇᑕᐊᐧᒃ᙮ ᓇᔅᑎᔅ ᒥ ᒋ ᓱᐛᐊᒻ᙮ 
ᑭᔭ ᐊᑎ ᐱᒥᔅᑲᑦ, ᒪᐛᒡ, ᐛᑎᓇᑦ ᐅᔭ ᐅᑎᓯᓂᒪ, ᐸᑭᔅᑐᐛᐛᑦ᙮ 
ᐊᑯ ᒥᓐ ᓇᑕ ᑭ ᑐᐱᔪᐛ ᒂ ᐃᓯᓇᑯᓂᔨᒡ ᐊᓂᔭᔪᐤ, ᐊᓂᔭᔪᐤ ᒐ ᐊᑎ ᐃᔅᒋᒪᑦ᙮ <pp>
ᐊᑯ ᒥᓐ ᐸᒥᔅᑲᑦ; ᒻᒻᒻ ᐛᑎᑕᐊᐧᒃ, ᓇᑕ ᐊᑯ ᐊ ᒥᔽᔨᒡ ᒥᓐ᙮
ᐊᑯ ᒋᒋᐛ ᐸᒥᔅᑲᑦ᙮ ᐎᔭᐸᑕᐧᒃ ᐊᔅᒋᔪᐤ᙮
ᐊᑯᑕ ᐊᑕᔨᒋ ᐅᓯᒪ, ᐛᑎᑕᐊᐧᒃ᙮ 
ᓴᔅ ᑎᐱᔅᑲᔪᐤ, ᓴᔅ ᐅ ᑎᐱᔅᑲᔪᐤ ᐛᑎᑕᐊᐧᒃ᙮ 
ᒂ ᐊᑎ ᒂᓇᐧᒃ ᐅᑦ ᐅᐤᑦ, ᒂ ᐊᑎ ᒂᑎᐱᓇᐧᒃ, ᑭᔭ ᐅᐳᔭ ᒂ ᐊᑎ ᓇᐛᔭᑦ, ᒂ ᐊᑎ ᓇᐛᔭᑦ᙮ <pp>
ᒂ ᐊᑎ ᐱᒐᑦ ᐊᓂᔭᔪᐤ ᒥᒋᐛᐱᔪᐤ᙮ ᒂ ᐊᑎ ᓇᑕᑦ ᓂᔪᐛ ᐅᓯᒪ, ᐊᓐᑕ ᓇᐸᔨᒋ᙮ 
ᑕᐸᑲ ᒋᔅᒐᔨᒪᐤ ᐅᓯᒪ, ᐊᓐᑕ ᓇᐸᔨᒋ᙮ 
ᒂ ᐊᑎ ᓇᑕᑦ, ᒂ ᐊᑎ ᓇᐃᓯᒧᔅᑐᐛᑦ, ᐊᑯᑕ ᓇᐸᐛᑦ᙮ 
ᐎᔭᐱᓂᔨᒡ, ᓇᑐᐛᐱᒪᑭᓄᐅᒡ, ᐱᔭᔅᒋᓇᑭᓄᐅᑦ ᐅᐛ᙮ 
ᐊᐅᑯᓂᒡ ᐅᒡ ᓇᓯᒡ, ᓇᓱᒋᒂᒧᐅᒡ, ᓇᓯᒡ᙮ ᒻᒻᒻ᙮ <pp>
ᓇᔅᒡ ᒪᔭᔨᒪᑭᓄᔪᐛ ᐅᓯᒪ, ᐅᑐᐛᓂᑐᐛᑭᓄᔪᐛ ᓇᓂᑯᑎᓂᔾ ᐊᓂᔭᔪᐛ ᐅᓯᒪ᙮ 
ᒂ ᐃᓯ ᒪᑐᐛᒐᒡ ᐊᓐᒡ, ᐊᓐᒡ ᒥᒋᐛᓐᒡ, ᐊᓐᒡ ᒥᒋ ᐃᔪᒡ᙮ 
ᒥᓯᐛ ᐸᐸᑲᐛᑭᓄᔪᐛ ᐅᑕ ᐎᔭᔨᒡ᙮ <pp>
ᐊᐅᑯᔪᐤ ᑕᐸᒋᒧᔅᑕᑯᑦ ᐅᓯᒪ᙮ <pp>
ᑎᔭᑈᒡ ᐅᒡ ᒥᒋ ᐃᔪᒡ, “ᓂᓯᓯᐱᓐᒡ ᒋᑐᐛᓄᐅᒡ,” ᐃᑕᐤ᙮ 
ᐛᓂᐱᔨᒡ ᐊᓐᒡ ᑭᑈ ᑯᑎᑭᒡ ᓇᑕ ᐊᑎ ᐎᒋᒡ᙮ ᓇᑐᐛᐱᒪᑭᓄᐅᒡ᙮
ᐊᐅᑯᓂᒡ ᐅᒡ ᓂᓱᒡ, “ᐊᐦᐊᒃ, ᒐ ᑐᐛᔭᐧᒄ, ᐎᐎᑕᐃᐧᑯᒡ᙮” 
ᐛᔪᐎᑕᑭᓄᐅᒡ᙮ <pp>
ᒥᒄ ᐊᓐᑕ ᐛᐱᓇᑭᓄᐤ ᓂ, ᐊᓐᑕ ᐃᔅᐱᒥᒡ᙮ 
ᐊᑯ ᐸᐸᒥᐱᔨᔨᑦ ᐊᓂᔭᔪᐤ, ᒥᔭᑐᐛᒡ᙮ 
ᐊᑯ ᐊᓂᔭᔪᐛ ᒧᐧᑯᒪᓇ ᐊᓂᔭᔪᐛ, ᐊᐅᑯᓂ ᐊᓂᔭᔪᐛ ᐛᒋ ᑕᐧᑭᒪᒡ ᓂ᙮ 
ᑭᔭ ᓂ ᐊᑭᑕᔎ ᐊᓂᔭ ᐸᐱᐱᒺᒡ, ᑭᔭ ᐊᓯᒪᑭᓇ, ᐊᓯᒪᑭᓇ ᐛᒋ ᑕᐧᑭᒪᒡ ᓂ᙮ <pp>
ᒥ ᒋ ᓂᐸᐊᐅᒡ, ᒥᓯᐛ ᐊᑎ ᑕᑕᑭᒪᐅᒡ, ᒥ ᒋ ᓂᐸᐊᐅᒡ᙮ <pp>
ᐊᑯ, ᐊᑯ ᓂᔭᔪᐛ ᐅᔅᑕᓴ ᓇᔅᒡ ᐛᑎᑕᐅᑯᑦ᙮ 
“ᓇᓯ,” ᐃᑎᑯᐤ, “ᓂᔅᐱᔅᑯᓂᒡ ᐅᑕ,” ᐃᑎᑯᐤ, “ᐊᑯᑕ ᐅᑕ ᒐ ᑕᔨᓐ,” ᐃᑎᑯᐤ᙮ “ᒪᐊᓐ ᒐ ᐃᓯᓇᑯᓯᔨᓐ,” ᐃᑎᑯᐤ᙮
ᑕᑈ ᒂ ᑎᑦ, ᐅᔅᐱᔅᑯᓂᒡ ᐅᑕ ᐅᔅᑕᓴ, ᐊᑯᑕ ᐊᓐᑕ ᐊᑕᑦ ᐛᒋ ᑯᒋᐧᒃ, ᐛᑎᒧᑦ᙮ 
ᐊᑯ ᒥᒄ ᐸᐸᒥᐱᔨᔨᒋ ᐊᓂᔭᔪᐛ ᐅᔅᑕᓴ᙮ 
ᐊᑯ ᐊᓂᔭᔪᐛ ᒧᐧᑯᒪᓇ ᐊᓂᔭᔪᐛ ᐸᒺᑭᓄᐅᒡ, ᑭᔭ ᐊᓂᔭ ᐊᑭᑕᔎ, ᐛᒋᐱᑎᒥᔨᒋ ᐅᓯᒪ, ᐸᒺᔨᒋ᙮ 
ᓇᐸᐊᔨᒋ ᐊᓂᔭᔪᐛ ᒥᒋ ᐃᔪᐛ᙮ 
ᒥᒐᑎᔪᐛ ᒋᒋᐛ᙮ <pp>
ᑭᔭ ᐊᓯᒪᑭᓇ ᐊᓂᔭᔪᐛ, ᑎᔭᐧᑭᒪᑭᓄᐅᑦ ᐊᓂᔭᔪᐛ, ᐛᒋᐱᑎᒺᑦ ᓂ ᐊᑯ, ᑎᔭᑕᐧᑭᒪᑦ ᐊᓂᔭᔪᐛ᙮ 
ᓇᒪ ᒋ ᓂᐸᐃᑯᐅᒡ᙮ ᑕᓐᑕ ᒋᐱᑥᐤ, ᒋᐱᑥᐤ ᐱᐸᒥᐱᔪᒡ᙮
ᒋᐱᑥᐤ ᑕᐅᒡ, ᓇᒪ ᐸᔅᒋᓄᐅᒡ ᐊᓐᑕ ᐊᔅᒋᒡ᙮ 
ᒋᐱᑥᐤ ᐅᑕ ᑕᐅᒡ, ᐅᑕ ᒋᓯᑯᒡ᙮ 
ᐊᑯ ᒧᔭᒻ ᐊ ᐱᐸᒥᔭᑦ ᐊᐛᓐ ᒂ ᐃᓯᓇᑯᓯᑦ᙮ <ss>
“ᐳᓂᐃᑯᒡ ᐊᑯ, ᒋᑭ ᒪᒋᐃᑯᓄᐅᒡ!” ᐃᑕᐅᒡ ᐊᓐᒡ ᒋᓴᔪᒡ, “ᐳᓂᐃᑯᒡ!”
ᐳᓂᐊᑭᓄᐅᒡ᙮ 
ᓴᔅ ᓂᐸᐊᐅᒡ ᒋᒋᐛ, ᐳᓂᐊᑭᓄᒡ᙮ <pp>
ᐊᐅᑯᔪᐤ ᐎᔭᐸᑕᑭᓄᐎᔨᒡ ᐅᑦ ᐅᐤᑐᐛᐤ᙮ ᐊᐱᓴᓯᔪᐤ ᐅᑦ ᐅᐤᑐᐛᐤ, ᐸᐸᑯᑎᑲᓯᔪᐤ᙮ 
“ᒻᒻᒻ, ᒧᓴᐛᔭᑕᐅᓂᒋ ᒪ!
ᐊᑯ ᓇᑕ ᑕᐅᒡ ᒋ ᑕᐅᔭᒂᐛ, ᐊᑯ ᒐ ᒋᔅᑎᓂᒪᐧᑯᒡ, ᒐ ᔪᑎᒡ᙮
ᐊᑯ ᒐ ᓇᑎᑲᒪᐱᔭᐧᒄ ᒋᔭᓄᐤ,” ᐃᔪᒡ [ᐃᔅᒋᔄᐅᒡ] ᐊᓐᒡ ᒥᒋ ᐃᔪᒡ᙮ 
“ᐊᑯ ᒐ ᑯᑕᐅᑯᒡ, ᒋᑭ ᑯᑕᐅᑯᒡ ᑭ ᐱᓴᓯᔪᐛ ᐅᑦ ᐅᐤᑐᐛᐤ᙮” <pp>
ᒺᓴᐛᐎᔭᑭᓄᐅᒡ, ᐊᓐᑕ ᒪᒃ ᑕᐅᒡ ᑲ ᐃᑕᐅᔭᑭᓄᐅᒡ᙮ <ss>
ᐊᑯ ᐊᓐᒡ ᑭᑈ, ᐊᓐᒡ ᒥᒋ ᐃᔪᒡ ᐊᑕᑭᓄᐅᒡ, ᑕᒐ ᑭᑈ ᑲᔅᒋᐅᑦ ᒐᒋ ᔪᑎᓂᔨᒡ ᒐ ᑐᑕᐧᒃ᙮ 
ᒂ ᐃᓯᓇᒂᒡ ᔪᑎᒡ, ᐃᓇᓄᐤ, ᐊᓯᓇᒂᒡ ᓂᐱᔾ᙮ 
ᐊᓐᑕ ᑭᑈ ᐊᓐᑕ ᑲ ᐅᑕᐅᔭᑭᓄᐅᒡ, ᐊᑯᑕ ᓂᔭᑎᑲᒪᐱᔨᒡ ᐊᔅᒋᒡ᙮ 
ᐊᑯ ᐅᒡ ᑲ ᑐᑐᐛᒡ, ᐅᒡ ᒪᒥᒐᑐᑯᒧᒡ ᐊᓐᒡ, ᒥᓴᔪᐛ ᐅᑦ ᐅᐤᑐᐛᐛ ᐊᓐᒡ ᒥᒋ ᐃᔪᒡ, ᒂᑕᐅᑯᒡ, ᓇᐸᐃᑯᒡ ᐎᔨᐛᐤ᙮ 
ᒪᐛᒡ ᓇᑕ ᒥᓯᑲᐅᒡ ᓇᑕ, ᓇᑕ ᒪᓯᑲᒪᐱᔨᒋ, ᓇᑕ ᑲ ᐅᑕᐅᑯᒡ᙮ 
ᐊᐅᑯᔪᐤ ᓂᔭᐧᑲ ᓇᐸᐃᑯᒡ, ᒥᒋ ᐃᔪᒡ, ᓇᐱᒡ, ᒻᒻᒻ᙮ <ss>
“ᓇᒪ ᒋᑭ ᒋ ᑐᑐᐛᐛᐅᒡ, ᓇᒪ ᒋᑭ ᒋ ᓂᐸᐊᐅᒡ, ᐊᑲ ᓄᒋᐧᑯᐎᐧᑯᒡ,” ᐃᑎᑯᒡ ᒋᓴᔪᐛ᙮ 
ᓇᒪ ᑕᑈᑐᐛᐅᒡ᙮ 
“ᐅᑕ ᒪ ᑎᑯᓐ ᓯᐳᐤ, ᐅᑕ ᐱᒥᐱᔪᐤ ᓯᐳᐤ, ᑭᔅᒐᑲᐤ ᐊᓐ, ᒋᒋᐛ ᐃᔅᐱᓴᑲᐤ ᐊᓐ᙮ 
ᒐ ᐊᒥᔅᑯᐛᐧᑯᒡ, ᒐ ᐊᒪᐳᔭᐧᑯᒡ, ᒋᑭ ᓂᐸᐃᑯᐅᒡ, ᒋᐸ ᐃᑐᑕᐊᓄᐅᒡ,” ᐃᑕᐅᒡ᙮ <pp>
ᒻᒻᒻ, ᒐᑐᑕᐊᑭᓄᐅᒡ ᐅᑦ ᐅᐤᑐᐛᐤ᙮
ᐊᑯ ᐃᔭᒪᐳᔭᑭᓄᐅᒡ, ᐃᔭᒥᔅᑯᐛᑭᓄᐅᒡ, ᒂᔅᑎᔭᑭᓄᐅᒡ ᒐᒋ ᓇᑎᑲᒪᐱᔨᒡ᙮
ᐊᑯ ᐊᓂᔭᔪᐤ ᑭᑈ ᐊᑕᐱᑯᒡ ᐊᓂᔭᔪᐤ, ᐊᓂᔭᔪᐤ, ᐊᑯ ᓇᑕ, ᓇᑕ ᐊ ᐸᒋᑎᓂᔨᒡ᙮ 
ᓇᒪ ᒋ ᓇᑎᑲᒪᐱᔪᒡ ᑕᓐᑕ ᑯᔅᑎᔨᑯᒡ ᒐᒋ ᓇᑎᑲᒪᐱᔨᒡ, ᐊᓂᔭᔪᐤ ᒪᒃ ᐊᑎ ᐃᑕᐳᑯᒡ᙮
ᐊᑯ ᐊᓂᔭᔪᐤ ᐛᑎᑕᐳᑯᒡ, ᐊᓂᔭᔪᐤ ᐛᑎᑕᐊᒡ, ᐊᓂᔭᔪᐤ ᑭᑈ ᐊ ᑭᔅᒐᑲᐅᒡ ᓇᑕ ᐊ ᐸᒋᑎᒡ᙮ <pp>
ᐊᐅᒂᓇ ᓂᔭᐧᑲ ᐃᔭᒪᐳᑯᒡ! [ᐊᐛᓐᒡ?] ᐊᓐᒡ ᒋᓴᔭᑯᓯᒡ, ᐃᔭᒪᐳᑯᒡ! <pp>
ᐊᐦᐊᒃ “ᓂᑐᐛᐱᒥᐧᑯᒡ, ᓇᑕ, ᒪᐅᑕ ᓂᑐᐛᐱᒥᐧᑯᒡ ᓇᑕ, ᓇᑕ ᑥᑲᒡ!” ᓇᑐᐛᐱᒪᑭᓄᐅᒡ᙮ ᒻᒻᒻ! <ss>
ᐊᐅᑯᓂᒡ ᐅᒡ ᔭᐃᑯᒧᓯᒡ, ᓇᒪ ᑯᑎᐱᓯᓂᓱᒡ ᐛᐛᒡ, ᐅᑦ ᐅᐤᑎᓱᐛᐤ ᐊᓂᔭ ᒪ ᐊᔅᐱᓴᓯᔨᒡ᙮ 
ᒪ ᒋ ᓂᑕ ᐛᐱᒪᐤ ᒋᓴᔭᑯᔅ ᑲ ᐱᐅᑕᐧᒃ ᐸᐅᔅᑎᑯᔪᐤ᙮ 
ᐊᐅᑯᓐ ᐃᑎᒐᓂᒋ ᐊᑲ ᒋ ᑯᑯᑎᐸᐱᑯᒋ᙮ <pp>
ᐊᐅᑯᒐᓂᒋ ᐊᓐᒡ ᐊᑕᑎᔪᒐᓄᒡ᙮ 
ᐊᑯ, ᐊᐅᑯᓂᒡ ᐅᒡ ᐊᑯᒧᓯᒡ᙮  
[ᐅᑦ ᐅᐤᑎᓱᐛᒡ ᐊ?] ᓂᐦᐃ᙮ [ᓂᐸᐃᑯᒡ ᐊ?] ᓇᒪ ᐅᒋ ᓂᐸᐧᑭᓄᐅᒡ, ᒂ ᐃᓯᓇᑯᓯᒡ᙮ <ss>
ᐊᑯᑕ ᐊᔎᐱᔨᒡ, ᐊᑯᑕ ᐊᔎᔭᒋᒪᑭᓄᐅᒡ, ᐊᐅᑯᓂᒡ ᐊᒃ ᐊᓐᒡ ᒋᓴᔭᑯᓯᒡ ᐊᑕᑭᓄᐅᒡ᙮ <pp>
ᑲᒋᒪᔨᒐᓱᐅᒡ ᑲᒋᒧᑎᒡ 04 ᔅᓐeᐊᒃᔅ 2020 01 08 Book Source
ᓄᒋᐧᑲᓱᐅᒡ ᑲᒋᒪᔨᒐᓱᐅᒡ᙮<pp>
ᐊᑯ, [ᓂᔭᔪᐛ ᐊᓐ ,] ᐊᑯ ᓂᔭᔪᐛ ᐅᑕ, ᐊᑯᑕ ᐊᓐᑕ ᓱᒡ, ᐊᔅᑕᔨᒋ ᐊᓂᔭ ᒥᐅᑕ᙮ 
ᐊᐅᑯᓂ ᑭᑈ ᓄᒋᐧᑭᒧᒐᓂᒋ ᐊᓂᔭ ᒥᐅᑕ᙮ 
ᑭᑈ ᓄᑕᐎᔾ, ᓄᑕᐎᔾ ᐊᓂᔭ ᐎᐅᑕ  ᐊᓂᔭᔪᐤ, 
ᐊᐅᑯᔪᐤ ᓂᔭᔪᐤ, ᑲ ᐃᑎᑕᐧᒃ ᐊᓐᑕ ᑲᓯᐛᓯᔨᒡ, ᐊᓐᑕ ᐎᐅᑎᒡ, ᑲ ᒪᑯᐱᑕᐧᒃ᙮ <pp>
ᐊᑯ, ᐅᔭᔪᐤ ᑕᐱᔅᑲᔨᒡ ᐅᔭᔪᐤ, ᓇᑎᓇᑎᒧᒐᓂᒋ ᐊᓂᔭ ᒥᐅᑕ᙮ 
ᐊᑯ, ᓂᑐᓂᒧᒐᓂᒋ ᐅᔭᔪᐤ ᓇᑐᐛᔨᑕᒡ ᑲᓯᐛᓯᔨᒡ ᐛ ᐊᐱᒋᑕᒡ᙮ 
ᐊᑯ ᓄᑕᐎᔾ ᐅᑲᓯᐛᓯᒻ, ᒥ ᑎᑎᒥᔪᐛ᙮ ᐛᑎᓂᒥᔨᒋ! ᐅᑎᓂᒥᔨᒐᓂ! <pp>
ᐎᔭᐱᓂᔨᒡ ᒥᓐ, ᓇᑐᐛᐸᑕᐧᒃ ᓄᑕᐎᔾ ᐎᐅᑕ, ᐃᔭᐱᐧᑯᓇᐧᒃ᙮ 
ᒪᑯᐱᑕᑭᓄᔪᐛ ᐛᔅ ᐊᓂᔭ ᒥᐅᑕ, ᐊᓐᑕ ᐊᑎᑕᑭᓄᐅᒡ ᒐᒂᓐ, ᒂᔅᐱᓇᓄᐅᒋ᙮ 
ᐊᑯ ᒥ ᑎᑯᓂᔪᐤ ᐅᑲᓯᐛᓯᒻ! ᓄᑎᒻ ᐊᓂᔭ ᒥ ᑎᑯᓂᔪᐤ ᐅᑲᓯᐛᓯᒻ! 
ᐊᐅᑯᒐᓂᒋ ᑭᑈ ᐊ ᑐᑕᒡ ᐊᓐᒡ, ᐊᓐᒡ ᑲᒋᒪᔨᒐᓱᐅᒡ, ᐊᑕᑭᓄᐅᒡ, ᐊᐅᑯᓐᒡ ᐊᓐᒡ ᐊ ᑐᑕᒡ᙮ <ss>
ᑕᐤ, ᑕᐤ ᐅᑕ ᐸᐃᑯᓱᐤ ᐃᔪᐤ , ᐅᑕ ᐊᑕᓄᐅᔨᒡ ᒥᒐᑎᓇᓄᐤ᙮ ᑕᐤ ᐸᐃᒄ ᐃᔪᐤ, ᐎᐱᒡ ᐃᔪᒡ ᑲ ᐃᑕᔨᑕᑯᓯᒡ᙮
ᑭ ᒋᔅᒐᔨᒪᐅᒋ ᐊᓐᑕ ᐊᐛᔪᐛ ᐎᐎᑎᒥᒡ ᑲ ᑎᒡ, ᑲ ᐃᑕᔨᑕᑯᓯᒡ᙮ 
ᐊᓐᒡ ᑲᑯᓴᐸᑕᒡ ᒋ ᐃᓯᓂᐧᑲᓱᒡ ᐃᔪᒡ᙮ ᑯᓴᐸᑎᒧᒡ᙮ 
ᐊᐅᑯᐤ ᐊᐅᑯᓐ ᒪᒃ ᐃᔅᒋᓱᐛᑦ, ᐊᓂᔭᔪᐤ ᐛᑕᐧᒃ, ᐃᓇᓄᐤ, ᐊᐅᑯᓐᒡ ᐊ ᑐᑕᒡ, ᐃᑕᐤ, ᐊᓂᔭ ᓄᑕᐎᔭ ᐅᑲᓯᐛᓯᒥᔪᐤ ᐊᑲ ᑎᑯᓂᔨᒡ᙮ 
ᓇᒪᔭᐤ ᐃᔪᐤ ᐊ ᑐᑕᐧᒃ, ᓇᒪᔭᐤ ᐃᔪᐤ ᒐᒧᑎᑦ᙮ <pp>
ᑕᐱᔅᑲᔨᒡ ᒥ ᑎᑯᓂᔪᐤ᙮ 
ᑕᐱᔅᑲᔨᒡ ᒥ ᑎᑯᓂᔪᐤ ᐊᓐᑕ ᑲ ᐸᒋ ᐱᑲᓄᐅᒡ, ᐊᓐ ᒪᒃ ᑕᐱᔅᑲᔨᒡ ᐊᐅᑯᔪᐤ ᒋᐸ ᐅᑎᓂᒥᔪᐛ᙮ 
ᐊᑯ ᐎᔭᐱᓂᔨᒡ ᐊᑎ ᓂᑐᐛᐸᑕᐧᒃ, ᐊᑯ ᒥ ᑎᑯᓂᔪᐤ᙮ 
ᑭᑈ ᐊᔭᔨᒺᐛᔪᐛᒡ, ᐊᑎ ᐎᑎᒧᐛᑭᓄᐅᒡ ᐃᔪᒡ᙮ 
ᐊᔪᑯᔪᐤ ᒥᒄ ᐅ ᐅᑲᓯᐛᓯᒻ, ᓇᒪ ᑎᑯᓂᔪᐤ, ᐅᑲᓯᐛᓯᒻ᙮ 
ᐊᑯ ᐊᓐ ᐃᔪᐤ ᑭ ᓂ ᑎᐸᒋᒪᐛ, ᑯᓴᐸᑎᒻ ᐊᓐ᙮ 
ᐊᐅᑯᓐ ᒐᔅᒐᔨᑕᐧᒃ, ᐊᐅᑯᓐ ᐃᔭᐱᒡ, ᓂᔭᔪᐛ ᑲ ᑕᔨᒋ, ᐊᓐ ᑭ ᓂ ᑎᐸᒋᒧᓇᐛ᙮ <pp>
ᓂᔅᑦ ᒂ ᐃᑕᔨᑕᐧᒃ, ᒥ ᐃᑕᒪᔨᒪᐤ ᐃᔪᐛ ᓄᑕᐎᔾ᙮
ᐊᐅᑯᓂ ᐊᑕᒪᔨᒪᑦ᙮
ᓂᔅᑦ ᐎ ᒋᔅᒐᔨᒪᒐ ᐊᓐ, ᐊᓐ ᒐᒧᑎᔨᒋ, ᐛᒋ ᐊᑲ ᐃᑕᒪᔨᒪᑦ ᐃᔪᐛ, ᐛᒋ ᐊᑲ ᐃᑕᔨᒪᑦ ᐃᔪᐛ ᐊ ᐅᑎᓂᒥᔨᒋ! <pp>
ᐊᑯ ᐊᓐ ᒋᒋᐛ ᒐᔅᒐᔨᑕᐧᒃ, ᐊᐅᑯᓐ, ᐊᐅᑯᓐ ᒋᒋᐛ ᐛᑕᐧᒃ, ᑲᒋᒪᔨᒐᓱᐛ ᐛᑎᓂᒥᔨᒋ᙮ <pp>
ᒥ ᒋ ᓂᑕ ᐊᓐᒡ ᐛᐱᒪᑭᓄᐅᒡ!
ᒥᒄ ᒋᔅᒐᔨᒪᑭᓄᐅᒡ  ᓄᒋᐧᑲᓱᑥᐎ, ᐊᑕᑥᐎ ᐊᓐᒡ᙮ 
ᒥ ᒋ ᓂᑕ ᐊᓐᒡ ᐛᐱᒪᑭᓄᐅᒡ,
ᒥᒄ ᐸᑐᐛᑭᓄᐅᒡ ᓇᓂᑯᑎᓂᔾ, ᑭᔭ ᓇᓂᑯᑎᓂᔾ ᐊ ᓂᐸᓄᔨᒋ, ᒥᒋᐛᐱᔪᐤ ᐱᒧᓯᓇᑕᐊᒧᒡ᙮ 
ᐛᒋ ᒋᔅᒐᔨᒪᑭᓄᐅᒡ᙮ <pp>
ᒥ ᓂᑕ ᐛᐱᒪᑭᓄᐅᒡ, ᒥ ᓂᑕ ᐛᐱᒪᑭᓄᐤ ᑲᒋᒪᔨᒐᓱᐤ᙮ 
ᑲᒋᒪᔨᒐᓱᐤ ᐊᓯᓂᐧᑲᑎᒋᒡ, ᐃᔅ ! 
ᐛᒥᔅᑎᑯᓱᐤ ᐎ ᒋᔅᒐᔨᒪᒐ! ᒋ ᐛᐱᒪᒐ ᐎᔾ ᐛᒥᔅᑎᑯᓱᐤ! 
ᐊᑯ ᐃᔪᐤ, ᐃᔪᐤ ᐊᐅᒄ ᒥ ᓂᑕ ᐛᐱᒪᐤ᙮<pp>
ᑎᐸᒋᒧᔅᑐ ᐊᑯ᙮<pp> 
ᑲᓂᓱᔅᑎᒂᓇᑦ ᐊᑎᐧᒄ 05 ᑦᐤᐅ eᐊded ᒐᕆbᐅ 2019 03 07 Book Source
ᒋ ᑎᐸᒋᒧᐤ ᓄᑕᐎᔾ, ᒥᒄ ᓇᑕ ᒥ ᐅᒋ ᐛᐱᒪᐤ ᐊᑎᒂ᙮ 
ᓂᓯᓂᐛ ᐅᔅᑎᒂᓇ, ᐃᑕᑭᓄᐤ, ᐃᑕᐤ ᓄᑕᐎᔾ᙮ 
ᐊᑎᐧᑯᔅ, ᓴᔅ ᑭᑈ ᐸᐸᒥᐸᑕᑦ ᒪᓯᑎᑦ ᓴᔅ, ᐊᑎᐧᑯᔅ᙮ 
ᐸᐳᓂᔨᒡ, ᐊᑯ ᓇᐸᐊᑭᓄᐅᑦ, ᐃᑕᑭᓄᐤ᙮ 
ᓂᓯᓂᔪᐛ ᐅᔅᑎᒂᓇ, ᐃᑕᑭᓄᐤ, ᐸᐃᑯᓂᔪᐤ ᐅᔭᔪᐤ ᐅᑯᔪᐤ᙮ <pp>
ᐊᑯ ᓇᑕ ᐅᒋ ᓂᓱᒧᐎᔨᒐᓂ ᐅᔅᑎᒂᓇ, ᒪᓐ ᐃᑎᒧᔨᒐᓂ ᐅᔅᑎᒂᓇ, ᓂᓯᓂᔪᐛ ᐅᔅᑎᒂᓇ, ᐅᔭᔪᐛ ᐅᔅᑎᒂᓇ᙮ 
ᐊᐅᑯᐤ ᑲ ᐸᑎᒪᓐ ᓂᔾ, ᐊᓐᑕ ᐊᔅᐱᔅ ᐸᒋ  ᐅ ᐊᔅᒋᐅᒡ, ᐃᔪᐤ ᐊᔅᐱᔅ ᐸᒋ ᓄᒋᐧᑲᐧᒃ᙮ 
ᑲ ᐃᓯ ᒪᑕᐛᒋᒧᓇᓄᐅᒡ, ᒪᑕᐛᒋᒧᒡ ᓂᔭᐧᑲ ᐎᐱᒡ ᐃᔪᒡ᙮ 
ᓂ ᒋ ᐸᑕᓐ ᐊ ᑎᐸᒋᒧᓇᓄᐅᒡ, ᐊᐅᑯᓐ᙮ 
ᐊᐅᑯᐤ ᑲ ᑎᐸᒋᒧᑦ ᓄᑕᐎᔾ, ᓂᔭᔪᐤ ᑲ ᐃᓯ ᑎᐸᒋᒧᑦ, ᓂᔭᔪᐤ ᑲ ᐃᓯ ᐸᑕᐧᒃ ᓂᔅᑦ᙮ 
ᐊᐅᑯᔪᐤ ᑲ ᐃᓯ ᑎᐸᒋᒧᑦ᙮ <ss>
ᐊᑯ ᒥᓐ, ᒪᐛᒡ ᒥᓐ ᓇᐅᔅ, ᒪᐛᒡ ᐊᓄᒋᒐ,  ᐊᐅᑯᐤ ᐊᑕᔨᑕᒂᒡ᙮ 
ᐊᑯ ᓇ ᓂᑲᐎᔾ ᓂᔭ, ᐊᐅᑯᔪᐤ ᐎᔾ ᐎᔭᐱᒪᑦ ᐊᑎᐧᑯᓴ, <pp>“ᐃᔭᐱᒡ ᒂ ᐃᓯ ᓂᑕᐅᒋᑦ, ” ᐃᑕᐤ, <pp>“ᓂᓯᓂᔪᐛ ᐅᔅᑎᒂᓇ, ” ᐃᑕᐤ᙮ <pp>
“ᐊᔅᒄ, ᐊᔅᒄ ᒥ ᐃᔪᐤ, ” ᐃᑕᐤ,  “ᐊᔅᒄ ᐅᑕ ᑕᔪᐛ ᐊᑎᐧᒄ ᐅᑯᓴ, ” ᐃᑕᐤ, <pp>“ᒥᓯᑐᐤ ᒥᒄ, ᐊᑎᐧᑯᔅ, ᒥ ᐃᔪᐤ ᐊᔅᒄ, ” ᐃᑕᐤ,   “ᐊᑎᐧᑯᔅ᙮ ” <pp>
“ᐊᐅᒂᑭᓐ ᒥᓐ ᐊᓯ ᓂᑕᐅᒋᒂ, ” ᐃᑕᐤ᙮ <pp>
ᐃᔭᐱᒡ ᓇᐊᐤ ᒂ ᐃᓯ ᓂᑕᐅᒋᑦ, ᒂ ᐃᓯᓇᑯᓯᑦ, ᐊᓐ ᑲ ᐃᑕᒋᒪᑲᓄᐅᑦ ᐊᑎᐧᒄ᙮ 
“ᐃᔭᐱᒡ ᓂᓯᓂᔪᐛ ᐅᔅᑎᒂᓇ, ” ᐃᑕᐤ᙮  
ᓂᔄᐤ ᐊᐅᑯᐤ ᐊ ᑎᐸᒋᒧᓇᓄᐅᒡ, ᐅ ᐊᔅᐱᔅ ᐸᒋ ᓄᒋᐧᑲᐧᒃ ᐃᔪᐤ, ᐊᔅᐱᔅ ᓇᑕ ᐸᒋ ᒋᔅᒋᑦ ᓂᔭᐧᑲ ᓄᑕᐎᔾ᙮ 
ᐊᑯ ᓇᑕ ᐅᑕᒡ, ᒥ ᓂᑕ ᐊᓐᑕ ᑎᐸᒋᒧᒡ ᐊᓐᑕ, ᓇᑕ ᐎᔨᐛᐤ ᐊᑲ ᒐᔅᒐᔨᑕᒡ ᐊᔅᒄ᙮ 
ᐊᑯ ᒪᓐ ᑭ ᓂ ᑎᐸᒋᒧᓇᐛ, ᑲ ᐃᑕᒋᒧᑦ ᐊᓂᔭ ᓂᑲᐎᔾ᙮ <pp>
“ᓂ ᐛᐱᒪᓇᓐ ᐊᓐ ᐊᑎᐧᑯᔅ,” ᐃᑕᐤ, “ᐊᓂᔭ ᐊᓯᓇᑯᓯᔨᒋ, ᓂᓯᓂᔪᐛ ᐅᔅᑎᒂᓇ,” ᐃᑕᐤ᙮<pp>
ᐃᔭᐱᒡ ᐃᑕᐤ, “ᓇᐊᐤ ᒂ ᐃᓯ ᓂᑕᐅᒋᑦ, ᒥᒄ ᒥ ᐃᔪᐤ,” ᐃᑕᐤ, “ᐊᔅᒄ ᒥ ᐃᔪᐤ᙮” 
ᑕᔪᐛ ᐊᓐᑕ ᑕᒥᒡ ᐅᑯᓴ, ᐊᓐ ᐊᑎᐧᒄ᙮ 
ᒥᓯᑎᓯᒐ, ᒪᓐ ᐃᔅᐱᑎᓯᒐᓂ, ᐊᑎᐧᑯᔅ, ᐊᓐᑕ ᑕᒥᒡ ᐊᑕᑦ, ᒥᓯᑐᐤ ᐛᔅ, ᐊᔪᒋ ᐊᑎᐧᑯᔅ᙮ <pp>
ᐊᑯ “ᐊᐱᓯᓱᐤ,” ᐃᑕᐤ, “ᓂᔭᔪᐛ ᓇᑕᐅᒋᔨᒋ, ᐊᐅᒂᑭᓐ ᓇᓯᓂᔨᒋ ᐅᔅᑎᒂᓇ, ᓇᐸᐊᑭᓄᐎᔨᒋ ᐊᓂᔭ ᐅᑲᐎᔭ᙮” <pp>
ᐊᑯ ᐎᔭᐱᒪᑭᓄᐅᑦ ᐊᓐᑕ ᐊᑕᑦ᙮ 
ᐊᓐᑕ ᐊᑕᑦ ᐅᑕ ᑕᒥᒡ, ᓇᐱᔨᒋ ᐅᑲᐎᔭ, ᐊᑯ ᒥᓂᔄᑭᓄᐎᔨᒐ᙮ 
ᐸᐧᑲᓇᑭᓄᐎᔨᒐ ᒥᒄ, ᐛᓴ ᒂ ᑐᐛᑭᓄᐅᑦ ᐊᑎᐧᑯᔅ, ᐛᔅ ᐊᓐ ᒧᐛᑭᓄᓱᐤ ᐃᔭᐱᒡ, ᐊᑎᐧᑯᔅ, ᒪᓯᑎᓯᒋ, ᒪᓯᑎᓯᒋ᙮ 
ᒧᐛᐤ ᐃᔭᐱᒡ ᐃᔪᐤ, “ᐊᐅᑯᔪᐤ, ᐊ ᑐᑐᐛᒡ, ” ᐃᑕᐤ ᓂᔭᐧᑲ ᐅᓯᒪ᙮  
ᒋ ᑕᔪᐛ ᓇᐸᐛ, ᐅᓯᒪ, ᒥ ᓂ ᒋᔅᒐᔨᒪᐛ; ᒋ ᒥᒐᑎᔪᐛ ᐅᓯᒪ ᓂᑲᐎᔾ, ᒥ ᓂ ᒋᔅᒐᔨᒪᐛ ᑕᓂᔭᔪᐛ ᐊ ᑐᑐᐛᔨᒋ᙮ 
ᐊᑯ “ᐎᔭᐱᒪᑭᓄᐅᑦ,” ᐃᑕᐤ᙮ <ss>
ᐊᑯ ᓂᔭ ᐊᓯᓇᑯᓯᑦ ᓂᔭᔪᐤ ᐊᑎᐧᑯᔅ, ᐊᓂᔭ ᐊᓯ ᓂᑕᐅᒋᑦ ᐊᑎᐧᑯᔅ, ᐎᔭᐱᒪᒡ ᒋᓴᐃᔪᒡ᙮ 
ᐊᑯ ᐃᔨᒐ [ᐃᔅᒋᔄᒐ] ᐊᓐ  ᒋᓴᐃᔪᐤ ᐸᐃᒄ, “ᒥ ᒋᑭ ᒋ ᐱᒪᑎᓯᐅᒡ; ᒋᑭ ᓂᐳᒡ ᒋᓴᐃᔪᒡ, ᐛᒋ ᐃᓯᓇᑯᓯᑦ ᐅ ᐊᑎᐧᑯᔅ᙮ <pp>
ᐊᑯᑕ ᐛᒋ ᒋᔅᒐᔨᑕᒂᒡ,” ᐃᔨᒐ [ᐃᔅᒋᔄᒐ] ᐊᓐ ᐸᐃᒄ ᐃᔪᐤ᙮ <pp>
ᐊᑯ ᑕᑈ ᐊᒃ, ᐃᓇᓄᐤ, ᒋᓴᐃᔪᒡ ᓇᐱᒡ, ᐊᓐᒡ ᓇᔅᒡ ᒋᓴᐃᔪᒡ ᐊᐛᓐᒋ, ᓇᐱᒡ, ᒥ ᐱᒪᑎᓯᐅᒡ, ᐃᓇᓄᐤ, ᒥᓐ ᐸᐳᒡ᙮ 
ᑭ ᒋᔅᒐᔨᑎᒺ ᐛᒋ ᐃᓯᓇᑯᓂᔨᒡ, ᐊᑯ ᑎᔨᒐ, ᒪᓐ ᐊᓂᔭ ᐊᓯᓇᑯᓂᔨᒡ᙮ <pp>
ᑲ ᐃᓯᓇᒂᒡ, ᒪᓐ ᐛᐸᑕ, ᑭ ᒋ ᐎᑎᒪᑎᓇᐛ᙮ 
ᒋᔅᒐᔨᑎᒧᒐ ᐛᒥᔅᑎᑯᓱᐤ ᐊᓂᔭᔪᐛ ᐊᓯᓇᑯᓂᔨᒡ, ᐊᓯᓇᒂᒡ, ᐊᔅᒋᒡ ᐊᓐ ᒐᒂᓐ ᐛᒋᐱᔨᒡ ᒐᒂᓐ᙮  
ᑲ ᐃᓯ ᓄᒋᐧᑲᐧᒃ ᐊᔅᒋᔪᐤ ᐃᔪᐤ, ᐅᔅᑕ ᐅᑕ ᑲ ᐊᐱᒋᑕᑦ ᐊᔅᒋᒡ ᒐᒂᓂᔪᐤ ᐊᓯᓇᑯᓂᔨᒡ᙮ 
ᐊᐅᑯᐃᒐ ᓂᔭᔪᐤ ᐛᒋ ᐃᓯᓇᑯᓯᑦ, ᐃᔪᐤ ᓇᓂᑯᑎᓂᔾ, ᑭ ᒋᔅᒐᔨᑎᒺ ᓇᓂᑯᑎᓂ ᔾ ᐃᔪᐤ, ᒂ ᐃᑎᑦ,  ᒐ ᐅᒋ ᐃᓯᓇᑯᓯᑦ ᓂᔭᔪᐤ᙮ <pp>
ᑕᑈ ᓇᓂᑯᑎᓂᔾ ᒂ ᐊᑎ ᐃᓯᓇᒂᒡ᙮ 
ᑭᔭ, ᑭ ᐃᓯᓂᒺ ᐊᓐᑕ, ᒂ ᐃᑎᑦ, ᓂᔭᔪᐤ ᐊ ᓂᐸᑦ᙮ <pp>
ᐊᑯ ᐊᓐ ᐛᑕᐧᒃ ᓂᔭᔪᐤ ᐊᓯᓇᐧᒃ ᐊᓂᔪᐤ, ᓇᐸᒋ᙮
ᑭ ᐳᐛᒧᐛ, ᐳᐛᒧᓐ ᐃᓯᓂᐧᑲᑕᐤ᙮ 
ᐊᑯ ᓂᔭᔪᐤ ᐊᓯᓇᐧᒃ, ᓇᓂᑯᑎᓂᔾ ᓂᔭᔪᐛ ᑲ ᐃᓯᓇᐧᒃ, ᒂ ᐃᓯᓇᑯᓂᔨᒡ ᓇᓂᑯᑎᓂᔾ᙮ 
ᒐᔅᒐᔨᑕᑯᓂᔨᒡ ᓇᓂᑯᑎᓂᔾ, ᓂᔭᔪᐤ ᑲ ᐃᓯᓇᐧᒃ᙮ <pp>
ᐊᑯ, ᐊᑯ ᐊᓄᒡ ᐅ, ᐊᓄᒡ ᒪᐤ ᐊ ᐃᓯ ᓄᒋᐧᑲᑭᓄᐅᒡ, ᐊᔭᒥᐊᐅᓐ᙮ 
ᐊᑯ, ᒥ ᓇᑭᑐᐛᔨᑕᑭᓄᐤ, ᐊᓐ ᐳᐛᒧᓐ ᐊᓯᓇᒂᒡ᙮  
ᓇᒪ ᓱᒃ ᓇᑭᑐᐛᔨᑕᑭᓄᐤ, ᓴᔅ, ᐊᓐ ᐊᓯᓇᒂᒡ᙮
ᐊᑯ ᒪᒃ, ᑎᑯᓄᒐ ᐊᔅᒄ ᐊᓯᓇᒂᒡ, ᐊᐛᓐ ᒪᒥᑐᓇᔨᑕᐧᒃ, ᓂᔭᔪᐤ ᑲ ᐃᓯᓇᐧᒃ᙮
ᒂᔄᓐ ᒋᐸ ᒋᔅᒋᐃᑯᐤ ᒐᒋ ᐃᓯᓇᑯᓂᔨᒡ, ᓂᔭᔪᐤ ᑲ ᐃᓯᓇᐧᒃ, ᓂᔭᔪᐤ ᑲ ᐃᓯᓇᑯᓂᔨᒡ ᐛᐸᑕᐧᒃ ᒐᒂᓂᔪᐤ᙮ ᒂ ᐃᑎᑦ ᐃᔪᐤ ᐊᓐᑕ ᐊ ᓂᐸᑦ ᐊᓐᑕ᙮ <pp>
ᑭ ᐛᐸᑎᒺ, ᐃᓯᓂᒻ ᐊ ᓂᐸᑦ, ᐊᐅᑯᐤ ᐳᐛᒧᓐ ᐊᓯᓂᐧᑲᑕᐧᒃ, ᐊᓯᓂᐧᑲᑕᐧᒃ ᐃᔪᐤ, ᐳᐛᒧᓐ ᐃᓯᓂᐧᑲᑎᒻ᙮
ᑲ ᐃᓯᓇᑯᓯᑦ ᐃᔪᐤ, ᐃᔭᐱᒡ᙮ <pp>
ᐊᑯ ᐛᒥᔅᑎᑯᓱᐤ ᒥ ᓂ ᒋᔅᒐᔨᒪᐤ᙮
ᐳᐛᒧᒐ, ᑭᑈ ᑕᐸ ᓂᑕ ᐎᑎᒻ “ᒂ ᐃᓯᓂᒪᓐ ᑕᐱᔅᑲᒋ,” ᒐᒋ ᐃᔨᑦ ᐊ ᓂᐸᑦ᙮
ᐳᐛᒧᒐ ᐃᔭᐱᒡ ᐛᒥᔅᑎᑯᓱᐤ᙮ <pp>
ᒪᓐ, ᒪᐤ ᓇᑕ ᐊᑎ ᐃᑕᑦ ᐃᔪᐤ ᐊᓐᑕ, ᒋᔅᒐᔨᑎᒧᒐ ᑯᑎᒃ ᐊᐛᓐ᙮ ᒪᓐ ᑭ ᓂ ᑎᐸᒋᒧᓇᐛ᙮ <ss>
ᒂᔄᓐ ᐊᑯ ᐃᓯᓇᑯᓯᒐᓐᒋ, ᐊᓐᑕ ᐊᐛᓐᒋ, ᐊᑎ ᐃᑕᒡ ᐊᓐᑕ ᐃᔪᒡ, ᐃᔪᒡ, ᒂᔄᓐ᙮
ᐸᑐᐅᒡ ᐊᔭᔨᒺᐅᒡ, ᐊᔭᔨᒺᐅᒡ᙮
ᐸᑐᐅᑕ ᐊᓐ, ᓂᔅᑐᑐᐅᑦ ᒪᒃ, ᐊᓐ ᑭ ᓂᑦ ᐊᔭᔨᒺᓇᐛ᙮ ᒋᐸ ᒋᔅᒐᔨᑎᒻ ᓂᔭᔪᐤ ᒐᒂᓂᔪᐤ ᑕᐸᑎᒧᒡ, ᐊᓯᓇᑯᓂᔨᒡ᙮ <pp>
ᐊᐦᐊᒃ, ᐎᑎᒧ, ᒂ ᐃᓯᓇᑯᓯᑦ ᐃᔪᐤ, ᑲ ᐃᓯ ᒥᔭᑲᓄᐅᑦ ᑲ ᓄᒋᐧᑲᐧᒃ ᐃᔪᐤ᙮ <pp>
ᒥᔅᑎ ᒥᒋᓱᐤ 09 eᐊgᓪe book source 2016 08 02
ᐊᑯ ᐃᔪᐤ, ᑕᐱᔅᑲᔨᒡ, ᐱᔭᒋ ᐊᓐᑕ ᐱᑎᒂᑯᓂᒋᓯᓂᔨᒋ, ᐅᒋᐱᔎᒥᒡ ᐊᐛᔪᐛ᙮ 
ᓂᔭᑕᐅᑯᑦ ᒥᒋᓱᐛ, ᒥᔅᑎ ᒥᒋᓱᐛ᙮  
ᐊᑯ ᐊᔪᑕᔭᔎᐊᐧᒃ ᐅᔭᔪᐤ, ᐅᔭᔪᐤ ᐅᒋᐱᔎᒻ᙮ 
ᐱᒍᐎᔭᓐ ᐊᓐᑕ ᒥᒄ ᐃᑕᑭᒧᑕᑭᓄᐤ᙮ 
ᐊᔪᑕᔭᔎᐊᐧᒃ᙮ 
ᐎᔭᐱᒪᑦ ᐱᔭᑕᔅᑎᒥᐱᔨᒋ ᒥᒋᓱᐛ᙮ <pp>
ᐊᑯ ᐅᑕ ᒋ ᐊᑯᑕᐤ ᐅᑕ ᒥᔅᑎᑯᔪᐤ ᐅᑕ, ᒋ ᐃᑕᔅᑯᒧᑕᐤ ᐅᑕᔍᔅᒋᑭᓇᓐ, 
ᐊᑎᒂ ᐅᑕᔍᔅᒋᑭᓇᓂᔪᐤ᙮ 
ᐊᐅᑯᓂ ᓂᔭᔪᐤ ᓇᒪᔎᐊᒧᐛᑦ, ᑯᒋᐱᔭᐊᔨᒋ, ᒧᐛᔨᒋ᙮ 
ᑲ ᒧᐛᔨᒋ ᐅᔭᔪᐛ, ᐅᔭᔪᐛ, ᐅᑕᔍᔅᒋᑭᓇᓂᔪᐤ ᐊᓯᒪᑦ ᐊᑎᒂ, 
ᐊᑯ ᒐᑐᑎᑯᑦ ᐸᑐᔅ᙮ <pp>
“ᓄᓴ, ᐊᑯ ᒪᒪᒡ ᐃᑎᔭᓐ, ᓂᑦ ᐃᔭᔪᐎᑕᓇᒐ ᐅᔭ ᓂᓂᑐᐎᓱᐛᑭᓇ,” ᐃᑕᐤ᙮ 
“ᓂᐦᐃ,” ᐃᑎᑯᐤ᙮
“ᐊᑯ ᙮᙮᙮ ᐛᐸᑕ᙮” ᐛᒋ ᓯᓴᐛᑎᔨᒋ ᓂᔭᔪᐛ ᐅᓯᑎᔪᐛ, ᐛᒋ ᓯᓴᐛᑎᔨᒋ᙮ 
ᒥᓯᐛ ᐅᔭᔪᐛ ᓇᓇᑥᐱᔪᐛ ᐅᔅᑭᓯᔪᐛ, ᓂᔭᔪᐛ ᐅᔅᑭᓯᔪᐛ᙮ 
ᐛᓴ ᐊᐅᑯᓂ ᒺᔅᑎᓇᑦ ᒥᒋᓱᐤ ᐊᑎᒂ᙮
ᐊᑯ ᐎᔭᐸᑎᒺᑦ᙮ <pp>
ᐊᑯ “ᓂᒧᓱ, ᒐᒂᓐ ᐊᓐ ᐛᒋ ᐃᓯᓇᑯᓯᔨᓐ ᐊᓐ?” <pp>
ᐊᑯ “ᓄᓴ, ᓂᑦ ᐃᓯᓏᓐ, ᑭ ᐊᑎᐧᑯᐛ ᒂ ᐃᓯᓂᒪᓐ ᒥᔅᑯᒥᒡ᙮ 
ᒥᓂᔅᑎᒂᒥᔅᒄ, ᑭ ᐊᐳᐛ ᑭ ᐊᑎᐧᑯᐛ ᒂ ᐃᓯᓂᒪᓐ᙮ 
ᒺᔅᑎᓂᒪᓐ, ᐊᐅᒂᑭᓐ ᐊ ᓂᔭᓇᑥᓂᒂᐤ ᓂᔅᑭᓯᔨᒡ᙮” 
ᓇᓇᑥᓇᐤ ᐅᔅᑭᓯᔭ, ᐛᔅ ᒋᒋᐛ ᑭ ᑲᓯᒥᓯᔪᐛ ᐅᔅᑭᓯᔭ, ᒥᒋᓱᐤ, ᒻᒻᒻ᙮ <pp>
ᐛᑎᓂᒺᑦ ᐅᒧᐧᑯᑕᑭᓐ, ᑲ ᒋᓂᐧᑯᑎᒪᑦ ᐅᔅᑭᓯᔪᐛ᙮  ᒥᓯᐛ ᐅᑕ ᑭ ᒋᓂᐧᑯᑎᒺᐤ ᐅᔅᑭᓯᔪᐛ, ᐅᔭᔪᐛ ᐅᔅᑭᓯᔪᐛ᙮ 
ᓇᔅᒡ ᑲ ᒋᓂᐧᑯᑎᒪᑦ ᒥᓯᐛ᙮ 
ᐊᐦᐊᒃ, ᐊᑯ ᓇ ᒥᔅᑎᐧᑯᔾ, ᐊᓐ ᐊ ᑲᒋᓱᑦ, ᐊᓐ ᒥᔅᑎᐧᑯᔾ, ᐛᑎᓂᒪᑦ ᐅᒥᔅᑎᐧᑯᔭ, ᐎᔭᐱᓇᑦ ᓇᑕ, ᓇᐅᑎᓇᔨᒋ᙮ 
ᒂ ᓯᓴᐳᓇᔨᒋ ᓂᔭᔪᐛ ᐅᒥᔅᑎᐧᑯᔭ᙮ ᒻᒻᒻ᙮ 
“ᐊᐅᑯᓐ ᓄᓴ, ᐊᐅᑯᓐ ᒐ ᐃᓯᓇᒂᒋ᙮ ᒋᑭ ᓂᑐᐛᐱᒥᑎᓐ ᒥᓐ᙮” 
ᐊᐅᑯᓇ ᐛᐸᐅᔨᒋ᙮ <pp>
ᒪᐛᒡ ᓇᐅᔅ, ᓴᔅ ᑎᑯᓴᐅᔭᔪᐛ, ᐊᑎᒂ ᐱᔭᑕᐅᔭᔨᒋ᙮ 
ᐱᓄᐛ, ᐱᓄᐛ, ᐱᑕᑕᒡ ᑕᑕᑐᓇᔪᐛ, ᐱᓄᐛ᙮ 
ᐸᐃᑯᔪᐛ ᐸᑥᐅᑥᑯᐤ ᐱᓄᐛ᙮ 
“ᓄᓴ,” ᐃᑎᑯᐤ, “ᒥᓐ ᒋᑭ ᓂᑐᐛᐱᒥᑎᓐ,” ᐃᑎᑯᐤ᙮ “ᓂᐦᐃ,” ᐃᑕᐤ᙮ 
ᐊᐅᒂᓇ ᒥᓐ ᐛᐸᐅᔨᒋ᙮ <pp>
ᒥᓐ ᑕᑯᓯᔭᔨᒋ, ᐊᔪᑯᓂ ᐊᑯ ᓄᓴᑎᒂ, ᐸᐸᐃᑯᔪᐛᓇᔪᐛ, ᐅᒧᓱᒪ, ᒪᔨᑯᑦ᙮ 
“ᐊᐦᐊᒃ, ᓄᓴ, ᒐ ᒥᒋᓱᔨᓐ᙮” 
“ᓂᐦᐃ,” ᐃᑕᐤ᙮ ᒻᒻᒻ᙮ <pp>
“ᐊᑯ ᓄᓴ, ᒐ ᐎᑎᒪᑕᓐ ᒐ ᑎᔨᓐ,” ᐃᑕᐤ ᐊᓇ  ᒥᒋᓱᐤ, “ᑕᐱᔅᑲᒋ, ᒐ ᐊᑲ ᓂᑕ ᐱᒧᑕᔨᓐ ᐊ ᑎᐱᔅᑲᒡ᙮” “ᒐ ᐊᑲ ᓂᑕ ᓂᐸᑕᔨᓐ᙮” 
“ᐊᑯ ᑕᐱᔅᑲᒋ, ᓇᐸᑕᔨᓂ, ᒥᔅᑯᒥᔾ ᐸᒥᔅᑯᓯᓂᔨᓂ, ᒋᑭ ᒋᒥᔭᐅᒡ ᐳᔅᒋᓇᐅᒡ᙮  
 ᒋᑭ ᓇᓇᑥᐱᑕᐅᒡ ᒐ ᒋᒥᔨᑥᐛ,” ᐃᑕᐤ ᐅᓯᒪ᙮ <pp>
“ᑕᐤ ᐅᑕ ᒍᐧᑯᒻ,” ᐃᑕᐤ, ᓂᔭᔪᐛ ᐎᐛ᙮ 
“ᒥ ᐃᓯ ᒥᒋᓱᐤ ᒪᐤ ᐊᓯ ᒥᒋᓱᔭᓐ᙮ 
ᐃᔪᐛ ᒧᐛᐤ,” ᐃᑕᐤ, “ᒍᐧᑯᒻ,” ᐃᑕᐤ᙮ <pp>
“ᓂᔅᑦ ᐃᔭᒡ ᓂᑦ ᐃᓯ ᒥᒋᓱᓐ, ᑭᔭ ᒍᐧᑯᒻ᙮” ᐃᑕᐤ᙮ 
“ᒋᑭ ᓂᐸᐃᒄ ᒐᔅᑎᓇᔅ, ᐊᑲ ᑕᑈᑐᐎᓇ ᐅ ᐊᑕᓐ,” ᐃᑕᐤ᙮ 
“ᓂᐦᐃ,” ᐃᑎᑯᐤ᙮ 
ᐊᐅᒂᓇ ᐛᐸᐅᑦ᙮ 
ᐊ ᐃᑕᑦ ᐊᓐᑕ ᓂ᙮ 
ᒧᒪᑦ ᓂᔭᔪᐛ ᐅᒧᓱᒪ ᑲ ᐸᑥᐅᑥᑯᑦ᙮ <ss>
ᐊᑯ ᒐᒃ, ᒐᒋᐱᒋᑦ᙮ 
ᐊᑯ ᐅᑎ ᐱᒥᐱᒋ, ᒪᔅᑯᐛᑦ ᐊᒥᔎ, ᑎᔭᐅᔅᑯᐛᑦ᙮ 
ᐊᑯ ᐃᑕᐤ ᐎᐛ, “ᒪᓂᒐ ᒪ ᐅᑕ ᐊᑯ,” ᐃᑕᐤ᙮ 
“ᓂᑭ ᓄᒋᐧᑯᐛᐅᒡ, ᓂᑭ ᐊᔅᒐᓐ,” ᐃᑕᐤ᙮  ᐊᒥᔎ ᓂᓯᔪᐛ᙮ 
ᐃᔭᔅᒐᑦ, ᓄᒋᐧᑯᐛᑦ, ᐛ ᓂᐸᐊᑦ᙮ <pp>
ᐊᑯ, ᐊᑯ ᐊᓐ ᐃᔎᐤ, ᒐᑕᐸᑦ, ᒐᒋᐱᒋᑦ, ᒪᑕᔅᑯᑕᐸᑦ ᒥᔅᑯᒥᔪᐤ᙮ 
ᒥᔅᑯᒥᑲᔪᐤ, ᑕᔅᑭᒥᔅᑯᑕᐸᑦ᙮ 
ᒥᓐ ᐊᑎ ᑭᔅᒐᐛᑕᐸᑦ ᒥᔅᑯᒥᔪᐤ᙮ 
ᐃᔭᐱᒡ ᒥᔅᑯᒥᑲᔪᐤ᙮ 
ᒺᓴᔅᑯᑕᐸᑦ, ᑕᔅᑭᒥᔅᑯᑕᐸᑦ᙮ 
ᐊᑯ ᓇᑕ ᐊᑲᒥᒡ, ᐊᑯᑕ ᐛᒋᐧᑲᓱᑦ, ᒥᔭᓂᒐᑦ᙮ <pp>
ᐊᑯ ᐅ ᓇᐸᐤ, ᓇᔅᒡ ᐊᑎ ᐅᑕᑯᓯᔨᒡ, ᓇᔅᒡ ᐊᑎ ᐊᒋᑲᔨᒡ, 
ᐊᑯ ᓇᐸᐊᑦ ᐅᔭ ᐅᑎᒥᔅᑯᒪ, ᓇᑐᐛᐱᒪᑦ ᐎᐛ᙮ 
ᐎᐅᑎᐧᑲᓱᐤ, ᓂᔄᐱᑕᐤ ᐅᑎᒥᔅᑯᒪ, ᐛᐅᓯᑦ; ᑭᔭ ᐅᓱᔾ ᑎᔭᐧᑯᓇᐧᒃ᙮ 
ᓂᔭᑎᒺᑦ ᓇᑕ ᑲ ᐅᔅᑭᑕᑦ; 
ᒥ ᑕᔪᐛ, ᒋᒋᐱᒋᔨᓯᐱᓂ᙮ 
ᒪᑎᑕᑦ ᐊᑎ ᐃᔅᐱᒋᔨᒋ, ᒪᑕᔅᑯᑦ ᒥᔅᑯᒥᔪᐤ, ᒥᔅᑯᒥᑲᔪᐤ᙮ 
ᓇᔭᔨᑕ ᒧᓴᔅᑯᐱᒋᔨᒋ᙮ 
ᓂᔭᓇᑥᐱᑕᑦ ᐳᔅᒋᓇᐛ,  ᓴᔅ ᑎᐱᔅᑲᔪᐤ ᑕᓐᑕ᙮ 
ᑎᔭᑯᓇᑦ, ᐳᔅᒋᓇᒐᑦ ᐅᑎ ᐱᒧᑕ᙮ ᒐᒥᔭᑦ ᐅᒥᔅᑎᑯᒪ᙮ 
ᒪᓯᑲᔅᑯᑦ᙮ 
ᒥᓐ ᐊᑎ ᑭᔅᒐᐛᑦ, ᐃᔭᐱᒡ ᒥᔅᑯᒥᑲᔪᐤ ᒥᔅᑯᒥᔪᐤ ᒪᑕᔅᑯᑦ᙮ <pp>
ᓇᔭᐃᑕ ᐃᓯ ᒧᓴᔅᑯᑕᐸᔪᐛ, ᓂᔭᓇᑥᐱᑕᑦ ᒥᔅᑎᒂ᙮ 
ᒐᑐᑕᑦ᙮ 
ᐊᐅᑯᔪᐤ ᒥ ᐃᔅᐱᔪᐤ ᐳᔅᒋᓇᐛ, ᐅᒥᔅᑎᑯᒪ᙮ 
ᒪᔅᑕᔾ ᓂᔭ ᒐᒥᔭᑦ ᐅᒥᔅᑎᑯᒪ, ᐊᐱᓯᔅ ᐊᑎ ᔅᑐᑕᐤ᙮ 
ᒺᔅᑎᓂᑯᑦ ᐅᐧᑯᒪ, ᐛᒋᐱᑎᑯᑦ ᐅ, ᒐᑕᐅᔨᑯᑦ᙮ 
ᐎᔭᐸᑕᐧᒃ ᐅᑕ ᐎᔭᔅᑕᔨᒡ, ᐅᑕ ᐅᑎ ᐱᒪᐅᔨᑯ᙮  
ᓴᔅ ᐊᑎ ᐃᔅᐱᒥᒡ ᑕᐤ, ᐛᒐᐧᑲᔅᑐᐛᔨᒋ ᐎᐛ᙮ <pp>
ᓇᑭᒧᑦ᙮ “ᓂ ᐅᐸᐅᔨᒄ ᐊᐅᒂᔭ ᒥᔅᑎ ᒥᒋᓱᐤ, ᐎᔭᔅᑐᐛᔭᒄ,” ᐃᓯᑕᐤ᙮ 
ᐱᔭᑐᐛᑦ ᐅ, ᐅᑕ ᐸᒺᑎᒥᔨᒋ, ᓂᔭᔨᑕ᙮ 
ᒥᔭᑦ, ᒪᑕᑕᑦ ᐅᓇᐸᒪ᙮ <pp>
ᐊᑯ, ᐛᔪ ᑕᓐᑕ ᐃᑕᐅᔨᑯᐤ,  
ᐊᑯ ᐅᔭᔪᐛ ᐊᔅᑲᑯᑦ ᐅᑎᒥᔅᑯᒪ ᑲ ᐎᐅᓯᒡ᙮ 
ᐸᔅᑲᐸᔄᑦ ᓂᔭᔪᐛ ᐅᑎᒥᔅᑯᒪ, ᓇᔭᐃᑕ ᐱᔭᒋᓯᓂᔨᒋ᙮ ᐸᒪᐅᔨᑯᑦ᙮
ᐊᑯ ᓴᑭᒋᑦ ᑎᔭᐧᑲᔭᔨᒡ, ᐊᓐᑕ ᐊᑯ ᐃᔅᐱᒥᒡ ᐊᑕᐅᔨᑯᑦ᙮ 
“ᓄᐧᑯ,” ᐃᑕᐤ, “ᓂ ᓯᑭᒋᓐ,” ᐃᑕᐤ, “ᐃᔭᑯᑎᒐᒥ,” ᐃᑕᐤ᙮
ᐊᔭᑯᑎᒐᒥᑯᑦ ᑭᑈ ᒐᓱᓂᑯᑦ, ᐅᐱᐛᐎᔪᐛ ᑕᓐᑕ ᐅᐧᑯᒪ, ᒥᔅᑎ ᒥᒋᓱᐤ᙮ <pp>
ᐊᑯ ᒐᒃ ᒂ ᐊᑎ ᒋᐧᑲᓇᑯᓯᔨᒡ ᐅᑎ ᐱᒪᐅᔨᑯ᙮ 
ᐊᑎ ᒋᐧᑲᓇᑯᓂᔨᒡ ᒋᒋᐛ, ᓇᓇᐸᒥᓂᑯᑦ, ᐛ ᐅᑕᐊᒥᓯᒥᑯᑦ᙮  
ᐛᐸᑎᒻ ᐊ ᒋᔅᒐᑲᔨᒡ ᐅᔭᔪᐤ ᒧᐧᑯᒪᓂᒡ ᐅᑕ ᒂ ᐃᓯᓇᑯᓂᔨᒡ᙮ 
ᓇᔅᒡ ᐊᓐᑕ ᑲᓯᒪᐱᔅᑲᔪᐤ, ᐸᒋ ᓇᐅᐊᐱᔅᑲᔪᐤ᙮ 
ᐊᐅᑯᔪᐤ ᒋᐸ ᐊᑎ ᐅᑕᐊᒥᓯᒥᑯᐤ ᓂᔭᔪᐤ, ᓂᔭᔪᐤ ᐊᑕᐱᔅᑲᔨᒡ᙮ ᓂᓇᐸᒥᓂᑯᐤ ᓴᔅ᙮  
ᒋᔭᐧᑭᔅᒐᐛᑦ ᐅᐧᑯᒪ, ᐅᔅᑭᔅᒋᒡ ᒋᔭᐧᑭᔅᒐᐛᑦ᙮ 
ᐊᑯ ᑭ ᐊᑎ ᐃᔅᐱᐱᔪᐛᓂ ᒂ ᑎᔨᒋ᙮ <pp>
ᒥᓐ ᐊᑎ ᒥᓐ ᒋᓂᒂᓂᐱᔨᔪᐤ, ᒥᓐ ᒂ ᐃᑎᔨᒋ; ᐃᔭᐱᒡ ᒂ ᑐᑐᐛᑦ, 
ᒥ ᒋ ᐅᑕᐊᒥᓯᒥᑯᐤ᙮ 
ᐊᑯ, ᐳᓂᐃᑯᑦ, ᐸᔅᑕᐅᔨᑯᑦ ᐊᓐᑕ, ᐊᓐᑕ᙮ <pp>
ᐊᑯ ᐃᑕᐤ ᐅᐛ ᒥᒋᓱᐤ “ᓄᓴ,” ᐃᑕᐤ, “ᐊᐦᐊᒃ ᐛᐸᑕ,” ᐃᑕᐤ, “ᒋᑭ ᓂᐸᐃᒄ ᑲ ᐃᑕᓐ ᒍᐧᑯᒻ,” ᐃᑕᐤ᙮ 
“ᓂᐦᐃ,” ᐃᑕᐤ᙮ <ss>
ᐊᑯ ᐅᔭᔪᐛ ᒥᒋᓯᓴ ᓂᓯᔪᐛ, ᐛᒋ ᒐᒐᐧᑭᑕᐅᑯᑦ, ᐅᑎᑕᒥᑯᑕᐛᐤ᙮ 
ᒥ ᒋ ᓄᒋᐧᑲᑯᐤ, ᐅᓱᔾ ᑕᓐᑕ ᑕᐧᑯᓂᒻ᙮
ᐊᑯ ᐊᑕᐛᑦ ᐅᒧᓱᒪ, ᐅᑕ ᐅᒧᓱᒪ, ᐊᓐᑕ ᐅᑎᑯᐃᒡ ᐅᒥᑯᓂᒡ, ᐊᑯᑕ ᐊᑕᐛᑦ᙮ 
ᒥ ᒋ ᓄᒋᐧᑲᑯᐤ ᒥᒋᓯᓴ᙮ 
ᐊᑯ, ᒥ ᓂᐸᐃᑯᐤ᙮ ᐛᒋᒥᑯᑦ ᐊᑯ, ᐅᒧᓱᒪ᙮ 
ᐊᑯᑕ ᐊᑕᑦ, ᐸᐸᒧᑕᑦ ᓇᑕ ᐊ ᐃᑐᑕᑦ᙮ 
ᐊᓯᓇᑯᔨᒡ ᓇᔭᐃᑕ, ᐊᓐᑕ ᒥ ᐛᐸᑎᒻ ᐊᓐᑕ ᐊᔅᒋᔪᐤ᙮ <pp>
ᐊᑯ ᐊᓂᔭ ᐅᒧᓱᒪ ᐊᑎᒂ ᐛᒋ ᒧᐛᔨᒋ᙮    ᐊᐅᑯᓂ ᐛᒋ ᒥᒥᒋᑦ ᐊᓂᔭᔪᐛ ᐅᔅᑲᑕ ᐸᐸᔅᑕᐃᑭᓱᑦ᙮ 
ᐊᑯ ᒥ ᒋ ᒋᒪᐧᑭᑕᐤ᙮ <pp>
ᐊᑯ ᒐᒃ, “ᑕᓐᑕ ᓂᐸ ᑐᑐᐛᐅᒡ?” ᐃᑕᔨᒪᐤ, “ᓂᑭ ᓂᐸᐊᐅᒡ ᒪ,” ᐃᑕᔨᒪᐤ᙮ 
“ᓂᒧᓱᒻ, ᓂᑭ ᐅᓯᑕᓐ ᒪ, ᐊᓐᑕ ᒐ ᑕᔭᒄ, ᐅᔅᑎᓐ᙮” ᐅᔅᑎᓂᔪᐤ᙮ 
“ᓂᐦᐃ,” ᐃᑎᑯᐤ᙮ <pp>
ᐛᓯᑕᐛᑦ, 
ᒂ ᐱᒐᐛᑦ᙮
ᑲ ᒋᓯᑕᐛᑦ, ᐎᔭᐸᑎᒥᔨᒋ ᐅᐱᐎᔭ, ᐊᑎᑯᐱᐎᔭ, ᒥᔭᐸᐧᑯᓇ, ᐊᑯᔪᐤ ᐎᔭᐸᑎᒥᔨᒋ᙮ 
ᐸᑕᐱᔨᐅᔨᒋ᙮ <pp>
ᒋᒋᐛ ᒥᔪᑕᔪᐛ᙮  
“ᓄᓴ, ᐊᑯᓐ ᒐ ᐃᓯᓇᒂᒡ, ᒋᒋᐛ ᒋ ᒥᔪᑕᓐ᙮” <pp>
ᐊᑯᑕ, ᐊᐱᔨᒋ ᐅᒧᓱᒪ, ᒐᒃ ᓇᐸᔨᒋ ᐅᒧᓱᒪ ᑭᔭ ᐅᐧᑯᒪ, ᑭᔭ ᐊᓂᔭ ᒥᒋᓯᓴ, ᐊᑯ ᐊᓐᑕ ᐎᔾ ᐊ ᐃᑕᑦ᙮ 
ᓴᔅᑲᐛᑦ, ᓴᔅᑲᐛᑦ ᐅᒧᓱᒪ, ᐊᔎᓱᔨᒋ; ᓇᐸᐃᑭᔄᑦ ᑭᔭ ᓂᔭᔪᐛ ᐅᐧᑯᒪ ᑭᔭ ᒥᒋᓯᓴ᙮ 
ᐱᔭᐃᑯᓯᑦ᙮ ᒻᒻᒻ᙮ 
ᒪᑕᑕᑦ ᒥᔅᑯᒡ ᐅᐧᑯᒪ ᑭᔭ ᐅᒧᓱᒪ᙮ <ss>
“ᑕᓐᑕ ᐊᑯ ᓂᑭ ᐃᑎᓇᒐ ᒐ ᐸᐃᑯᓯᔭᓐ᙮ 
ᓂᔭᐧᑲ ᓂᒧᓱᒻ ᐊᔭᔪᐛᐊᒃ ᑲ ᐊᑎ ᓯᑥᔨᒥᒃ᙮” 
ᐛᐛᑕᔨᑕᐧᒃ᙮ <pp>
ᐊᑯ ᐅᔭ ᐅᐧᑯᒪ ᐅᔅᐱᔅᑯᓂᔪᐤ ᒪᓂᓯᒺᑦ, ᐛᐸᔅᒋᒺᑦ ᐊᓐᑕ᙮ 
ᐊᑯ ᐅᑕ ᓴᓯᑕᐊᐧᒃ ᒐᒂᓂᔪᐤ, ᐅᐱᐎᔭ ᑭᔭ ᒥᔅᑎᐧᑯᔭ ᐊᓐᑕ᙮ 
ᐊᑯ ᓇᑕ ᐊᔎᒥᓴᑲᔨᒡ ᐅᔭᔪᐤ, ᐅᔭᔪᐤ, ᐊᔎᒥᓴᑲᔨᒡ, ᐊᑯᑕ ᐅᑕ ᐊᔅᑕᑦ᙮ <pp>
ᐊᑯ ᐸᑎᒂᑕᐧᒃ ᓂᔭᔪᐤ, ᒐᑈᔅᐱᑕᐎᓱᑦ, ᐊᓐᑕ ᐊᑕᑦ᙮ 
ᐊᑯ ᑲ ᒋᑈᔅᐱᑕᐎᓱᑦ, ᔭᔭᒋᐱᔨᐅᑦ, ᔭᔭᒋᐱᔨᑕᐛᑦ ᓂᔭᔪᐤ ᑭᑈ ᐅᔅᐱᔅᑯᓂᔪᐤ ᐅᐧᑯᒪ᙮ 
ᐃᔭᒥᓴᒋᐱᔨᒡ, ᓇᔭᐃᑕ ᑯᔭᒂᑎᐱᔨᑦ᙮ 
ᐊᑯ ᒐᒃ ᒐᒥᐱᔨᑦ᙮ <pp>
ᐊᑎ ᐊᔭᒋᐱᔨᐅᑦ, ᒪᐛᒡ, ᐛᔪᐎᑦ᙮ 
ᐊ ᑲᒐᔨᒡ ᐊᐳᐤ, ᐊᔅᒄ ᒥ ᓄᑯᓂᔪᐤ ᐊᔅᒋᔪᐤ᙮ 
ᒥᓐ ᐊᓐᑕ ᐊᔅᑕᐸᑦ᙮ 
ᒥᓐ ᐸᑐᒂᑕᐧᒃ᙮ 
ᒥᓐ ᒐᑈᔅᐱᑕᐊᐧᒃ ᐊᓂᔭ ᐅᑦ ᐅᐤᑦ ᐃᓯᓇᑯᓂᔪᐤ ᓇᑕ ᐛᒋ ᒪᑯᐱᑕᐧᒃ᙮ 
ᒥᓐ ᒂᒂᑎᐱᔪᐤ, ᒥᓐ ᐸᒥᐱᔨᑦ᙮ <pp>
ᐊᑯ ᒥᓐ ᐊᐱᑦ, ᒥᓐ ᐛᔪᐎᑦ, 
ᐊᐅᑯᔪᐤ ᐊᑯ ᐎᔭᐛᐸᑕᐧᒃ ᓇᑕ ᐊᓯᓇᑯᓂᔨᒡ ᑭ ᐎ ᐳᐛᓄᑯᓄᐛ, ᒐᒂᓐ ᐃᓯᓂᒻ ᓇᑕ ᐊᓇᒡ᙮ 
ᐊᐅᑯᔪᐤ ᓂᔭᔪᐤ ᐊᔅᒋᔪᐤ, ᐊᐅᑯᔪᐤ ᒐ ᐸᒋᓯᓂᑦ ᓇᑕ᙮  
ᒥᓐ ᒂᒂᑎᐱᔨᐅᒐ, ᑕᐸ ᒋ ᐅᓯᑯᓯᓐ ᑕᓐᑕ ᔪᔅᑲᔪᐤ ᐊᓐᑕ ᐊᑕᑦ, ᐊᓂᔭ ᐊᑎ ᐃᔅᐱᔨᑦ᙮ 
ᐊᓐᑕ ᐊᔅᑕᐸᑦ ᐊᓐᑕ ᐊᔎᒥᓴᑲᔨᒡ᙮ 
ᐊᑯᑕ ᒥᓐ ᐸᑎᒂᑕᐧᒃ, ᒥᓐ ᒐᑈᔅᐱᑕᐎᓱᑦ, ᒥᓐ ᔭᔭᒋᐱᔨᐅᑦ᙮ <pp>
ᒻᒻᒻ, ᐃᔭᒥᐱᔨᐅᑦ, ᒐᒋᐱᔨᑦ᙮ 
ᐊᑯᑕ ᐱᔭᒋᓯᐧᒃ ᐊᑯ, ᐊᑎ ᐊᔭᒋᐱᔨᐅᑦ, ᒪᐛᒡ; ᔭᐱᑯᓇᐧᒃ, ᐛᔪᐎᑦ᙮ 
ᒐᑕᐸᑕᐧᒃ, ᐊᐅᑯᔪᐤ ᐊᑯ ᐊᔅᒋᔪᐤ ᐎᔭᐸᑕᐧᒃ, ᑭᔭ ᒥᔅᑎᒂ ᐎᔭᐱᒪᑦ᙮ <pp>
“ᐛᔅ ᐅ ᓴᔅ ᐊᔅᒋᒡ ᓂᑦ ᐃᑕᓐ,” ᐃᑕᔨᑎᒻ᙮ <pp>
ᐸᐱᑯᓯᒺᑦ ᐅᐧᑯᒪ ᓂᔭᔪᐤ ᐅᐱᔅᑯᓂᔪᐤ, ᓇᔅᒡ ᐱᑯᓯᒺᐤ, ᐎᔭᐛᐱᓇᐧᒃ᙮ 
ᐊᐅᒂᑭᓐ ᐛᒋ ᐃᔭᐱᓴᓯᒡ ᒐᒂᓐ, ᐃᓇᓄᐤ, ᓇᑕᐅᒋᒡ᙮ 
ᑲ ᐱᑯᓯᒺᑦ ᐅᔭᔪᐤ ᐅᔅᐱᔅᑯᓂᔪᐤ, ᒥ ᒋ ᒥᓴᔪᐤ᙮ <pp>
ᑲ ᒋᒋᐸᑕᒥᑭᓂᔨᒡ ᐱᔅᒐ ᐅᐸᐅᐎᒥᑭᓂᔪᐤ ᐅᔭᔪᐤ ᐅᐧᑯᒪ ᐅᔅᐱᔅᑯᓂᔪᐤ᙮ 
ᐊᑯ ᒐᑐᑕᑦ, ᐃᑕᑭᓄᐤ᙮ 
ᐸᐸᒧᑕᑦ, ᑕᓐᑕ ᓴᔅ ᑎᑯᓯᓐ ᐅᑕ ᐊᔅᒋᒡ᙮ 
ᐛᒋ ᐃᔪᑦ, ᓂᔭᔪᐤ ᐊᑕᒋᒪᑭᓄᐅᑦ ᑎᔭᑈᓄᒂ᙮ 
ᐊᑯ ᐊᔎᔭᒋᒪᑭᓄᐅᑦ᙮ 
ᐊᐅᒄ ᒥᒋᓱᐤ, ᒥᒋᓱᐤ ᐃᓯᓂᐧᑲᑕᑭᓄᐤ᙮ ᑕᒐ ᐅᑕ ᒥᒋᓱᐤ᙮ 
ᑯᑎᐸᐅᔅᑎᑯᐤ 23 ᑎᐳveᕐ ᕋᐱdᔅ 2016 08 02 Book Source
ᐊᑯ ᒂᓴᐸᑕᐧᒃ ᐃᔪᐤ, ᐃᑕᑭᓄᐤ᙮ 
ᐊᑯ ᐅᑎ ᑯᓴᐸᑕ ᐅᔭᔪᐤ, ᐊᑯ “ᓂᑎᒥᒡ ᐅᑕ, ᓂ ᐛᐱᒪᐅᒡ ᐃᔪᒡ, ᐸᑕᐳᔪᒡ,” ᑯᔭᑦ, ᐃᑕᑭᓄᐤ᙮
ᑕᐱᔅᑲᔨᒡ ᐅᑎ ᑯᓴᐸᑕ᙮ 
“ᐊᑯ ᑭᑈ ᑭᓄᐛᐱᒥᒡ,” ᐃᑕᑭᓄᐤ᙮
ᐊᑯ ᑲᓄᐛᐱᒪᑦ ᑭᑈ᙮ ᐊᑯ ᐱᔭᒋ ᐅᑎᑕᐊᒡ ᐅᔭᔪᐤ, ᐅᔭᔪᐤ ᐸᐅᔅᑎᑯᔪᐤ᙮<pp>
ᐅᔭᔪᐛ ᐛᒋᓇᓄᐎᔨᒡ ᐅ ᐸᐅᔅᑎᑯᐤ, ᑥᑲᒡ ᐅᑕ ᐎᒋᓇᓄᐤ, ᐃᓇᓄᐤ, ᐅ ᐸᐅᔅᑎᑯᐤ᙮
ᓂᒋ ᐛᐸᑕᓐ ᐊᓐ ᐸᐅᔅᑎᑯᐤ, 
ᐃᔅᐱᓴᑲᓱᐤ, ᐃᔅᐱᓴᑲᐤ, ᑭᔅᒐᑲᐤ᙮
ᐊᐅᑯᓐ ᑯᑎᐸᐅᔅᑎᑯᐤ ᐊᓯᓂᐧᑲᑕᑭᓄᐅᒡ᙮
ᐊᓐ ᐛᒋ ᐃᓯᓂᐧᑲᑕᒡ, ᑯᑎᐸᐅᔅᑎᑯᐤ ᐊᓯᓂᐧᑲᑕᒡ, ᐊᓐ ᑯᑎᐸᐅᔅᑎᑯᐤ᙮ <pp>
ᐊᑯᑕ ᐊᓐᑕ ᐛᒋᓇᓄᐅᒡ, ᐊᓐᑕ ᑥᑲᒡ, ᐃᓇᓄᐤ, ᐛᒋᒡ ᐃᔪᒡ᙮ 
ᐊᑯ, “ᒥ ᒋᑭ ᒋ ᐱᑭᑕᐅᒡ,” ᑯᔭᑦ, ᐃᑕᑭᓄᐤ᙮ 
“ᒋᑭ ᐱᐅᑎᒧᒡ,” ᑯᔭᑦ, ᐃᑕᑭᓄᐤ, “ᐊᑎ ᐃᓯ ᓂᔭᔪᐛ ᑭᔅᒐᑲᐅᔨᒡ᙮” <pp>
ᐊᑯ, ᒐᒥᐱᔨᒡ, ᐃᓇᓄᐤ, ᐅ ᑯᓴᐸᒋᑭᓐ᙮ 
ᒥ ᐊᔭᒋᐱᔪᐤ, ᐛᓴ ᐊᔭᒋᐱᔪᐤ ᑯᓴᐱᒋᑭᓐ ᒪᓐ ᒂ ᐃᔅᐱᔨᒡ, ᒐᒥᐱᔨᒡ᙮ <pp>
ᐊᑯ “ᓂᑐᑎᒧᒄ,” ᑯᔭᑦ, ᐃᑕᑭᓄᐤ᙮ 
ᓇᑐᑕᑭᓄᐅᒡ, ᒥ ᔪᑎᓐ, ᓂᑐᑐᐛᑭᓄᐅᒡ᙮
ᒥᒋᒪ ᑕᓐᑕ, ᑥᑲᒡ ᐅᑕ ᐎᒋᓇᓄᐤ, ᒥᒋᒪ ᑎᑯᓐ ᐅ ᐸᐅᔅᑎᑯᐤ ᐅᑕ ᐊᑕᓄᐅᒡ᙮
ᓇᓇᒐᓯ ᑭᑈ ᐊᒪᐳᑯᒐᓂᒋ, ᐃᔭᓯᒂᐅᒡ ᐊᓐᒡ᙮ 
ᑲ ᐊᓯᒂᑎᑭᒋ ᑭ ᐃᔨᑎᑭᒋ ᒂ ᐃᑎᑕᑭᓄᐅᒡ, ᐃᓇᓄᐤ᙮
ᐊᒪᐳᑯᒡ ᒂ ᑕᑦ, ᐃᑕᑭᓄᐤ᙮ 
ᐊᓐ ᑭᑈ ᑐᑎᒧᒐᓂᒋ ᓂ ᐸᐅᑕᒂᐎ ᓂᔭᔪᐤ, ᐸᐅᔅᑎᑯᔪᐤ, ᐛ ᐊᑲ ᐱᑭᑕᑥᐎ᙮
ᐊᑎ ᓂᔭᔪᐤ ᑐᑎᒧᒡ, ᒂ ᑕᑦ, ᐃᑕᑭᓄᐤ᙮
ᓇ, ᓇ ᑎᔭᒂᐧᒃ, ᐊᐅᑯᓐ ᑯᔭᐸᐊᐧᒃ ᓂᐱᔪᐤ, ᒂ ᑕᑦ, ᐃᑕᑭᓄᐤ, ᑯᔭᐸᐊᐧᒃ ᓂᐱᔪᐤ᙮ <pp>
ᐊᑯ ᓇᔅᑕᒧᒐᔨᒋ, ᓂᔭᔪᐛ, ᐊᐅᑯᓂ ᒪᔭᑦ, ᒂ ᐃᑕᑦ, ᐃᑕᑭᓄᐤ, ᓂᔭ ᓇᔅᑕᒧᒐᔨᒋ᙮ 
ᐊᑯ ᓇᑕ ᓂᔅᑕᒧᑎᑯᒡ ᓇᑕ, ᐊᑯᑕ ᐅᑕ ᐊ ᑯᑎᐱᓂᒥᔨᒋ, ᒂ ᑕᑦ, ᐃᑕᑭᓄᐤ᙮ 
ᓇᔅᑎᔅ ᒪᐛᒡ ᐊᒋᒐᐤ ᐃᓯᓇᑯᓂᔪᐤ ᓂᔭᔪᐛ ᐛ ᐱᐅᑕᒡ᙮ 
ᐊᑯ ᓴᔅ ᐊᒪᐳᑯᒐᓂᒋ, ᐃᔭᒪᐳᑯᒡ ᐃᑕᑭᓄᐅᒡ᙮ 
ᐱᔭᑐᐛᑭᓄᐅᒡ ᐃᔭᓯᒂᐅᒡ, ᐃᑕᑭᓄᐅᒡ᙮ 
ᐊᐅᑯᓐᒡ ᑲᒋᒪᔨᒐᓱᐅᒡ, ᐊᓐᒡ ᑲ ᑎᐸᒋᒥᒂᐤ᙮ <pp>
ᐃᔭᒪᐳᑯᒡ ᐊᓐᒡ, ᐊᒪᐳᑯᒡ ᐊᓐᒡ, ᐃᔪᐤ, ᐃᔪᐤ ᐊᓂᔭᔪᐛ ᑐᑐᐛᐤ, ᐃᑕᑭᓄᐤ, ᐛᒋ ᐊᑲ ᑭᔅᒋᑕᔨᒋ᙮ 
ᐛᔅ ᒋᐸ ᑭᔅᒋᑕᔪᐛ, ᐊᑲ ᓄᒋᐧᑯᐛᑦ᙮ 
ᐱᔭᑐᐛᑭᓄᐅᒡ, ᐃᔭᓯᒂᐅᒡ ᐃᑕᑭᓄᐅᒡ, ᐃᔭᒪᐳᑯᒡ᙮ 
ᐊᑯ ᒥᒄ ᒥ ᒥᔅᑯᐛᑭᓄᐅᒡ, ᒥ ᒋᔅᒐᔨᒪᑭᓄᐅᒡ᙮ 
ᐃᔪᐎᒐᓂᒋ, ᒋᐸ ᒋ ᓂᐸᐃᑯᒡ, ᐊᑯ ᒥᒄ ᐊᒪᐳᑯᒐᓂᒋ᙮ <pp>
ᑕᐱᔅᑲᔨᒡ, ᑯᓴᐸᑎᒻ ᐃᔪᐤ, ᐃᑕᑭᓄᐤ, ᐅ ᐛᒋ ᑭᓄᐛᐱᒪᑦ᙮ 
ᒂ ᐃᑕᒋᒧᓇᓄᐅᒡ, ᐛᐱᒪᑯᔅᑐᒡ ᐊᓐᑕ, ᐅ ᐛᐱᒪᑯᔅᑐᒡ, ᐊᑯᑕ ᐊᓐᑕ᙮ 
ᓂᒋ ᐛᐸᑕᓐ ᐊᓐ ᓯᐳᐤ, ᑭᔭ ᐊᓐ ᐸᐅᔅᑎᑯᐤ, ᓂ ᒋ ᐛᐸᑕᓐ, ᐊᓐᑕ ᐃᔭᒪᐳᑯᒡ᙮
ᐊᐅᑯᓐ ᑲ ᐃᔅᒋᒪᔭᒡ ᐛᐱᒪᑯᔅᑐᒡ, ᓂᑦ ᐃᔅᒋᒪᓇᓐ, ᐊᐅᑯᓐ ᑲ ᐊᑎ ᒪᔭᐳᔭᒡ᙮
ᐊᐅᒂᑭᓐ ᑯᑎᐸᐅᔅᑎᑯᐤ ᐃᓯᓂᐧᑲᑕᐤ, ᑯᑎᐸᐅᔅᑎᑯᐤ, ᐊᓐ ᐊ ᐸᒋᑎᒡ᙮ ᑯᑎᐸᐅᔅᑎᑯᐤ ᐃᓯᓂᐧᑲᑕᐤ, ᐛᒋ ᐃᓯᓂᐧᑲᑕᒡ᙮ 
ᐊᐅᑯᓐᒡ ᑲᒋᒪᔨᒐᓱᐅᒡ ᐊᑯ, ᐊᓐᒡ ᑭ ᓂ ᑎᐸᒋᒪᐅᒋ᙮
ᑎᐸᒋᒧᐅᓐ ᐊᓐ, ᓇᒪᔭᐤ, ᓇᒪᔭᐤ ᐊᑎᔪᐧᑭᓐ, ᑎᐸᒋᒧᐅᓐ᙮
ᒂ ᐃᔎᔭᒋᒪᑭᓄᐅᒡ, ᒂ ᐃᓯ ᑎᐸᒋᒪᑭᓄᐅᒡ᙮
ᐊᓂᔅᑯᐛᔨᑯᒡ ᑲ ᓂᒥᒡ 24 ᐊᓐᑦᔅ 2019 12 24 Book Source
ᐸᐳᒡ, ᐸᐳᒡ, ᒐᓯᒡ᙮ 
ᐊᑯ ᐊᓐᒡ ᑯᐧᑯᒥᓇᓯᒡ ᐊᓐᒡ ᓂᓱᒡ, ᑯᐧᑯᒥᓇᓯᒡ᙮ 
“ᓂᑯᑕᑕᐤ ᒪ,” ᐃᑕᐤ ᐎᒋᑯᐧᑯᒥᓇᓴ᙮ 
ᒐᑐᑕᒡ, ᓇᑯᑕᒡ᙮
ᐊᑯ ᓂᔭ ᒥᑕ ᐸᐱᒂᐛᒡ ᐊᓂᔭ ᐱᔎᒋᑎᒂ ᓂᔭᔪᐛ, ᒥᔅᑎᒂ ᐊ ᑭᑯᓯᓂᔨᒋ, ᐊᓂᔭ ᒥᔅᑎᒂ᙮ 
ᐊᐅᑯᓂ ᐱᔭᐱᑲᐛᒡ ᐊᓂᔭ ᒥᔅᑎᒂ, ᑲ ᑕᑐᑎᑲᐛᒡ ᐊᓂᔅᑯᐛᔨᒂ᙮ 
ᐊᑯ ᒐᐛᒡ᙮ 
ᐊᑯ, ᑕᐱᔅᑲᔨᒡ, ᑲ ᓇᔨᓯᒧᓇᓄᐅᒡ, ᐛᒋ ᐱᑕᓯᒧᒡ, ᓂᒧᒡ᙮
ᒥ ᒋᔅᒐᔨᒪᑭᓄᐅᒡ᙮ 
ᐊᐅᑯᓐᒡ ᐅᒡ ᐊᓂᔅᑯᐛᔨᑯᒡ ᐊ ᐃᑎᒡ᙮ 
ᐛᒋ ᐱᑕᓯᒧᒡ; 
ᓂᒧᒡ, ᒥᒄ ᐊᑎ ᐛᔅᑲᐊᓱᒡ᙮ 
ᐊᐅᒂᔭᐧᑲ, ᐊᐅᑯᔪᐤ ᒥᒄ ᐊᑎᒡ ᓂ ᑕᐱᔅᑲᔨᒋ᙮ 
ᒥ ᒋᔅᒐᔨᒪᑭᓄᐅᒡ ᓇᔅᑎᔅ᙮ 
ᐊᑯ ᐃᑕᐅᒡ ᐊᓐᒡ ᑭᑈ ᒋᓴᐃᔪᒡ ᐊᓐᒡ, 
“ᐊᐛᒐᓂᒋ ᒪᐤ ᓂ ᑭ ᐱᑕᓯᒧᒋ ᓂᔭᔨᓯᒧᐛᐧᑯᐃ ᐛ ᓂᐸᐛᐧᑯᐃ?
ᐎ ᒋᔅᒐᔨᒥᐧᑯᒡ ᒪ, ᐎ ᐛᐱᒥᐧᑯᒡ᙮” 
ᑕᐱᔅᑲᔨᒡ ᓂᔭᔨᓯᒧᒡ᙮ 
ᓇᓇᒐᓯ ᑲ ᓇᔨᓯᒧᓇᓄᐎᒡ, ᐛᒋ ᐱᑕᓯᒧᓯᒡ ᐊᓐᒡ᙮ 
ᒥᒄ ᐊᑎ ᐛᔅᑲᐊᒧᒡ ᐅᑕ, ᐊᐅᒂᔭᐧᑲ ᐛᔪᐎᒡ᙮ 
ᒐᔅᒐᔨᒪᒡ ᐊᓐᒡ ᒋᓴᐃᔪᒡ, ᐊᐅᑯᓐᒡ ᒐᔅᒐᔨᒪᒡ᙮ 
“ᐊᑕᐤ ᒋ ᒥᒪᒋᑎᓇᐤ; ᐱᔅᐱᓇ ᒋ ᑕᑐᑎᑲᐛᐛᒐᓂᒋ ᐊᓂᔅᑯᐛᔨᑯᒡ,” ᐃᑕᐅᒡ ᓂᔭᔪᐛ ᐃᔪᐛ᙮ 
“ᐊᑯ ᐊᓯᑕᒡ ᓂ ᑕᓐᑕ ᓇᑭᒧᑥᐎ᙮ 
ᓂᑭᒧᒡ ᓂᔭᔪᐤ ᓂ, ᓂᔭᔪᐤ ᐸᑕᓯᒧᑥᐎ᙮ 
‘ᑎᑯᑎᒋᓐ ᓇ ᓂ ᐃ !ᒐᒋ ᓯᒂᓂᒥᑕᒋ ᐃ !ᑎᑯᑎᒋᓐ ᓇ ᓂ !’ 
ᒂ ᐃᓯᑕᒡ, ᐊᐅᒂᔭᐧᑲ ᓂ ! 
ᐊᑯ, ᓂᑐᐛᐱᒥᐧᑯᒡ, ᓂᑐᐛᐱᒥᐧᑯᒡ᙮ 
ᒐᔅᑎᓇᔅ ᐊᐅᑯᓐ ᒋ ᑐᑐᐛᐛᒐᓂᒋ᙮” 
“ᓂᒋᓴᐃᔪᒐᔅ,” ᐎᒋᑯᐧᑯᒥᓇᓴ, “ᓂᒋᑯᐧᑯᒥᓇᔅ, ᑲ ᓂᑯᑕᔭᐧᒄ᙮” 
“ᓂᑐᐛᐱᒥᑯᒡ,” ᐃᑕᑭᓄᐅᒡ᙮ “ᒐᔅᑎᓇᔅ ᐊᑯ ᒋᔨᐛᐤ ᐊ ᐃᑎᔭᐧᒄ,” ᐃᑕᑭᓄᐅᒡ᙮
ᓇᑐᐛᐱᒪᒡ᙮ 
ᑕᑯᑎᒋᓇᒡ ᐊᓐᑕ ᐊ ᒋ ᑕᔨᒋ ᐊᓐᑕ ᐎᔅᒋᑎᑯᒡ, ᑕᑯᑎᒋᓇᒡ᙮ 
ᒐᐛᒡ, ᓇᐸᓄᐅᒡ᙮
ᓇᒪ ᒋᓯᓐ ᑕᐱᔅᑲᒡ, ᒐᓯᑈᒡ᙮
ᓇᔅᑎᔅ ᒥ ᓯᑭᒋᓇᓄᐤ᙮ 
“ᐊᐦᐊᒃ ᐛᐱᒥᐧᑯᒡ, ᐊᐅᑯᓐᒡ ᐊᓐᒡ, ᒐᔅᑎᓇᔅ ᐊᑐᑐᐛᑯᒡ᙮
ᐛᒋ ᐊᑲ ᒋ ᓂᐸᔭᐧᒄ, ᓴᑭᒋᔭᐧᒄ, ᑕᐱᔅᑲᒋ,” ᐃᔪᒡ [ᐃᔅᒋᔄᐅᒡ] ᐊᓐᒡ ᐃᔪᒡ᙮ 
ᐊᐅᑯᓐᒡ ᐊᓐᒡ ᐊᓂᔅᑯᐛᔨᑯᒡ ᐊᑕᑭᓄᒡ᙮
“ᐊᓂᔅᑯᐛᔨᑯᒡ” ᐃᔅ, ᒂ ᐃᔎᐸᒋᓯᒡ, ᑕᐸᒋᒪᑭᓄᒡ, ᐊᓂᔅᑯᐛᔨᒄ᙮
ᑕᐸ ᒋᑭ ᒋᔅᒐᔨᒪᐤ ᐊᓂᔅᑯᐛᔨᒂ᙮ 
ᐅᒪᔨᒋᔅ 08 ᐅᒪᔨᒋᔅ book source 2016 08 02
ᐊᑯ ᐎᐱᒡ ᐊᓐᑕ ᐃᔪᒡ, ᐃᔭᑎᔪᒐᒡ, ᒂ ᐃᑕᒋᒧᒡ᙮ 
ᑕᒂᒋᒡ, ᐃᓇᓄᐤ᙮ <pp>
ᐊᑯ, ᐊᑯᑕ ᐃᔨᒡ ᐛᒋ ᐃᓯᓇᒂᒡ, ᒪᔾ, ᐃᓇᓄᐤ᙮ 
ᐊᐅᑯᐤ ᐅᒪᔨᒋᔅ ᐛᒋ ᐃᓯᓂᐧᑲᑕᑭᓄᐅᑦ, ᐃᔨᒡ ᐊᓯᓇᒂᒡ᙮<pp>
ᐊᑯ ᓂᔭᔪᐛ, ᓇᑕ ᑲ ᐅᒋ ᔅᑐᑕᒡ ᐅᒡ ᐃᔪᒡ, ᑲ ᐅᒋ ᒋᒋᐱᒋᒡ᙮<ss>
ᓂᔭᑕᐧᒃ ᐊᓂᔭ ᒥᒋᐛᐸ, ᐃᔨᒡ ᑕᓐᑕ ᐃᓯᓇᑯᓱᐤ᙮ <pp>
ᐊᑯ, ᓂᔭᓂᑐᐛᐸᑕᐧᒃ ᒐᒂᓂᔪᐤ, ᐅᐛ ᐊ ᐃᓯᓇᒂᒡ, ᒐ ᐊᐱᒋᑕᑦ᙮ 
ᒪᔅᑲᐧᒃ ᐊᐱᒋᑕᐅᓇ᙮
ᐸᐳᔅᑲᐧᒃ, ᐸᐳᓴᐅᑦ, ᑈᔅᑲᐧᒃ ᑭᔭ ᑭᔅᒋᐱᓱᓇ ᑈᔅᑯᐛᑦ᙮<pp>
ᓂᔭᓂᑐᐛᐸᑕᐧᒃ  ᐊᓯᒪᑭᓂᔪᐤ, ᐊᓯᒪᑭᓂᔪᐤ, ᐊᓯᒪᑭᓂᔪᐤ, ᓂᔭᓂᑐᐛᐸᑕᐧᒃ᙮  
ᒪᔅᑲᐧᒃ ᐊᓯᒪᑭᓂᔪᐤ, ᒥᔽᔪᐤ ᓇᔅᒡ, ᐊᐅᑯᔪᐤ ᐛᒥᔅᑎᑯᒥᑦ᙮ <pp>
ᒥᓯᐛ ᑲ ᐃᑕᔅᐱᓱᑦ ᐃᔨᒡ ᒂ ᐃᓯᓇᑯᐅᔅᑦ, ᐊᑯ ᒐᑐᑕᑦ᙮ <ss>
ᐸᐳᓂᔨᒡ, ᐸᐳᓂᔨᒡ  ᐱᒧᑕᐤ᙮<pp>
ᐊᑯ ᒐᒃ ᐅᑎ ᐱᒧᑕ, ᐛᑎᑕᐧᒃ ᒥᑎᒂᐸ ᒥᓐ᙮ 
ᐊᐅᑯᓂ ᐅᔭᔪᐛ, ᐎᒋᒪᑭᓇ ᒋᐸ ᐃᑕᔨᑕᑯᓱᐤ, ᐅᔭᔪᐛ ᐊᑎ ᐃᑎᔨᒋ᙮ 
ᐎᔭᐸᑕᐧᒃ ᐊᓂᔭ ᐊ ᐃᑎᔨᒋ᙮
ᑭᔭ ᐅᔭᔪᐛ, ᐊᑎ ᓄᑯᓂᔨᒡ ᐅᔭᔪᐛ ᐊᔅᐱᔅ ᐅᑕ ᐊ ᐎᒋᓇᓄᐎᔨᒂ ᐅᑕ᙮  “ᐊᐅᑯᓐᒡ ᐎᔭᐧᑲ ᐊ ᐃᑎᐛᒂ ᒋᐎᒋᒪᑭᓄᒡ,” ᐃᑕᐤ᙮ 
ᐃᔨᒥᓱᐤ᙮ <pp>
ᒐᑐᑕᑦ᙮ ᒥᓐ ᐛᑎᑕᐧᒃ  ᒥᑎᒂᐸ, ᐃᔭᐱᒡ ᒂ ᐃᓯᓇᑯᓂᔨᒡ᙮
ᐸᐃᑯᐳᓇ ᐱᒧᑕᐤ᙮ <ss>
ᒥᓐ ᓇᑭᑕᐧᒃ, ᒥᓐ ᒐᑐᑕᑦ, ᒥᓐ ᐛᑎᑕᐧᒃ᙮ <pp>
ᐊᐅᑯᓂ ᐊᑯ ᐊᒋᒐᐤ, ᐊᒋᒐᐤ  ᐊᑎ ᓄᑯᓂᔨᒡ᙮
ᐊᐅᑯᔪᐤ ᒪᔭᓂᑯᓂᔨᒡ᙮ <pp>
ᐊᑯ, “ᐊᐅᑯᓐᒡ ᐎᔭᐧᑲ ᒋᐎᒋᒪᑭᓄᒡ ᑲ ᐃᑐᐛᒂ ᐅᔭᔪᐛ᙮” <pp>
ᐎᔭᐸᑕᐧᒃ ᓇᑕ ᐊ ᐃᑎᓇᓄᐎᔨᒡ᙮ 
ᒥᓐ ᒐᑐᑕᑦ᙮ <pp>
ᐊᐅᑯᔪᐤ ᐊᑯ ᓴᑯᓂᔨᒡ, ᓴᔅ ᓯᑯᓂᔪᐤ, ᓴᔅ ᐱᔅᒋᓯᑲᔪᐤ᙮ 
ᓯᔅᑭᓂᓯᐱᓐ, ᐊ ᐃᑎᓇᓄᐎᔨᒡ ᓂᔭᔪᐤ᙮ <pp>
ᒥᔭᓂᒧᒡ, ᒥᔭᓄᑯᓐ ᐊᓄᒋᒐ ᐃᑎᓯᐱᓐᒡ᙮
ᒥᓐ ᒐᑐᑕᑦ᙮ <pp>
ᐊᑯ ᒥᓐ ᐅᑎ ᐱᒧᑕ, ᐎᔭᐸᑕᐧᒃ, ᓴᔅ, ᓴᔅ ᑯᓐ ᒥ ᑕᐤ ᐱᔅᒐ᙮ 
ᒥᒄ ᐱᐸᓇᐧᑯᑕᔪᐤ᙮ ᐊ ᐸᓇᐧᑯᑕᔨᒡ ᐊᑯᑕ ᐛᒋᓇᓄᐎᔨᒂ᙮ 
“ᐊᓄᒡ ᐅ, ᐊᓄᒡ, ᐊᐅᑯᓐᒡ ᐎᔭᐧᑲ ᑲ ᐃᑐᐛᒂ ᒋᐎᒋᒪᑭᓄᒡ᙮” 
ᒥᓐ ᒐᑐᑕᑦ᙮ <ss>
ᐊᐅᑯᐤ ᐊᑯ ᐛᑎᑕᐧᒃ ᐅᑕ, ᓇᔅᑎᔅ ᒥ ᑎᑯᓂᔪᐤ ᒐᒂᓂᔪᐤ, ᓴᔅ ᑯᓇ ᒥ ᑕᔪᐛ, ᓂᐱᓂᔪᐤ ᓴᔅ᙮ 
ᓴᔅ ᓂᐱᓂᓯᐱᓐ ᐊ ᐃᑎᒡ᙮ <pp>
ᑕᐸ ᐅᓇᔨᒪᐤ ᐊᓐᑕ ᐊᑕᔨᒋ, ᐊᓐᑕ ᐛ ᓂᑐᐛᐱᒪᑦ᙮
ᒐᑐᑕᑦ᙮<ss>
ᒐᒃ ᐅᑎ ᐱᒧᑕ᙮ 
ᓴᔅᑲᐧᒃ᙮ ᐊᔎᓴᐧᒃ, ᐛᒋ ᐱᒋᑕᒡ ᐎᔭᐸᑕᑭᓄᐅᒡ, ᒻᒻᒻ! <pp>
“ᐱᒋᑕᐤ, ᒧᔅᑕᐤ ᒪᓐᑕᒐ,” ᐃᑕᐅᒡ᙮ 
“ᑭᑈ ᒪᓐᑕᐤ,” ᐃᔅᒋᔄᐅᒡ ᐅᒡ ᒋᓴᐃᔪᒡ᙮ <pp>
ᒪᐛᒡ ᒥᓐ ᓇᐅᔅ, ᐊᔅᑎᒥᑕᒐ ᐸᒡ, ᐊᑯᑕ ᒥᓐ ᐛᒋ ᐱᒋᑕᒡ, ᒻᒻᒻ! <pp>
“ᐸᑐᑕᐤ! ᓴᔅ ᐅ ᒥᓐ ᒥᒋᒪ ᐸᒋ ᐱᒋᑕᐤ, ᒧᔅᑕᐤ,” ᐃᔪᒡ (ᐃᔅᒋᔄᐅᒡ)᙮ <pp>
“ᐊᑯ ᓂᑐᐛᐱᒥᐧᒄ ᑭᑈ ᐊᔭᔅᑯᐎᐧᒄ᙮  ᒪᓐᑕᒐ ᒋᑭ ᒥᑕᐸᐤ, ᒪᓂᔭᔪᐤ ᐊᑲᒥᒡ ᒐ ᐅᑕᐸᑦ,” ᐃᑕᐅᒡ ᐅᒡ ᐃᔪᒡ᙮<pp>
ᒐ ᐛᐸᑎᒺᒡ, ᓇᑐᐛᐱᒪᒡ, “ᐸᓱᓇᑯᓐ, ᐊᓄᒡ ᐅ ᒐ ᒋᓯᑲᔨᒡ ᒋᑭ ᑕᐤ᙮” <ss> 
ᓇᓇᒐᓯ ᐊᓐᑕ ᐊᑎ ᐅᑕᑯᓯᔨᒡ, ᐛᑕᐸᐅᑦ ᐎᔭᐱᒪᑭᓄᐅᑦ᙮ <pp>
“ᓇᑕᐎᐧᒄ, ᓇᑕᐎᐧᒄ,” ᐃᑕᑭᓄᐅᒡ ᐊᓐᒡ ᐃᔪᒡ, ᐅᔅᒋᓂᒋᓱᒡ, ᐊᐛᓯᒡ᙮ <pp>
ᓂᔭᑕᐛᒡ᙮ <pp>ᐱᔭᑎᑯᒋᓂᔨᒋ, ᐱᔭᔄᐱᒥᑯᑦ᙮ <pp>
“ᑕᓐ ᐊᑎᔭᒄ ᐊᓐ?”  ᐃᑕᐤ᙮  <pp>
“ᒋ ᓇᑕᐅᑎᓇᓐ ᐅ,” ᐃᑎᑯᐤ᙮  <pp>
“ᒍᒋᒪᐅᓇᐤ ᐊ?”  <pp>
“ᓇᒪ,” ᐃᑎᑯᐤ᙮  <pp>
“ᐛᒋᒪᐅᑦ ᓂᑭ ᓇᑕᐅᒄ᙮” <pp>
ᐊᑯ, “ᑕᐸ ᑕᐤ ᐅᒋᒪᐤ,” ᐃᑕᐅᒡ᙮ <pp> 
“ᒪᓐ ᒥᒄ ᓂᒋᒪᑭᓐ, ᐅᑕᐎᔭ ᑕᔪᐛ ᓇᑕ, ᐊᐅᑯᓐ ᐛᐛᑎᓱᐛᑦ᙮ ᐊᐅᑯᐤ ᓇᑐᑐᐛᑭᓄᐅᑦ, ᐅ ᒐ ᐃᑎᓇᓄᐅᒡ,” ᐃᑕᐤ᙮  <pp>
“ᐊᐅᒂᑭᓐ, ᐊᐅᒄ, ᐊᐅᒄ ᒐ ᓇᑕᐅᑦ ᐊᐅᒄ᙮”  <pp>
ᒐᐛᐅᒡ, ᓇᑭᑕᐛᒡ᙮ <ss>
ᒥ ᐸᑕᐅᔭᐅᒡ, ᐱᔭᒋ ᓇᑎᑲᒪᐱᔨᒡ᙮ <pp>
“ᐊᑯ ᑕᓐ ᐊᑎᑦ ᐛᒋ ᐊᑲ ᐸᑕᐅᔭᒄ ᐊᓐ?” ᐃᑕᐅᒡ᙮ <pp>
“ᐛᓴ ᒋᒋᐛ ᓂ ᒪᒪᒋ ᐃᑎᑯᓇᓐ᙮ <pp> ‘ᐛᒋᒪᐅᑦ ᓂᑭ ᓇᑕᐅᒄ,’ ᐊ ᑯᔭᑦ,” ᐃᑕᐅᒡ᙮ <pp>
“ ᐊᑯ ᑕᓐ ᐊᓯᓇᑯᓯᑦ ᐊᓐ?” ᐃᑕᐅᒡ᙮<pp>
“ᐃᔪᐤ ᐊᓐ ᑭᑈ,” ᐃᑕᐅᒡ᙮<pp>
“ᒋᒋᐛ ᒥᔽᔪᐛ ᐅᑦ ᐊᐱᒋᑕᐅᓇ᙮  ᐃᔪᐛ ᑭᑈ ᐊᑕᔅᐱᓱᐎᔨᒋ᙮ ᐛᑎᔅᑎᓯᑦ ᑭᔭ ᐛᑎᑯᓂᔎᐅᓂᑦ, ᑭᔭ ᒪᔽᔨᒡ ᐅᑦ ᐊᑯᑉ᙮”<pp>
ᑭᔭ, ᐎᐱᒡ ᐃᔪᒡ ᒋ ᐅᑕᓱᒡ,
ᒪᐅᑕ ᒪᒋᐧᑲᑕᒡ, ᒂ ᐃᑕᔅᐱᓱᑦ᙮ ᒥᔽᔪᐛ ᐅᑦ ᐊᐱᒋᑕᐅᓇ! <ss>
ᐊᑯ ᐊᓐᑕ, ᐃᔪᐤ ᐊᔅᑐᐎᐤ, ᐊᓐ ᐅᒋᒪᐤ ᒋᐸ ᐃᑕᔨᑕᑯᓱᐤ᙮ 
ᐛᓴᒪᑭᓄᐅᑦ ᒐᒋ ᓇᑕᐛᑦ᙮ 
ᓂᔭᑕᐛᑦ, ᒺᓴᐅᐱᔨᑦ᙮ 
ᐊᑯ ᒋᔅᒐᔨᒪᐤ ᑕᓐᑕ, “ᐊᑯᑕ ᒪᓐᑦ,” ᐃᑕᐤ᙮ <pp>
“ᐱᒥᒋᐱᔨᑕ ᒋᑦ ᐅᐤᑦ,” ᐃᑕᐤ᙮ <pp>
ᐸᒥᒋᐱᔨᑕᔨᒋ ᐊᓐᑕ ᐅᑦ ᐅᐤᑎᔪᐤ᙮ ᒥ ᓇᑎᑲᒪᐱᔨᔪᐛ᙮ <pp>
ᒪᐤ ᐅᓯᒪᑭᓐ ᐛᒋ ᐱᑕᔭᔎᐅᓱᑦ᙮ 
ᐱᔭᔅᒋᓯᐧᒃ ᓇᑕ ᐅᐤᑎᒡ, ᒂ ᓇᑥᔅᑯᐛᑦ ᐅᔭᔪᐛ ᐊᐱᐧᑭᓇ, ᐅᔭᔪᐛ ᐸᐃᒄ ᐊᐱᐧᑭᓇ᙮
ᓇᐊᐤ ᐊᑯᑕ ᑎᔭᑯᔅᒐᑦ, ᒂ ᓇᑥᔅᑯᐛᑦ᙮
ᒥ ᓇᐊᐳᐤ, ᒂ ᐃᓯᑲᐳᐅᑦ, ᓇᐳᐅᑦ᙮<pp>
ᑕᔅᑭᒪᐅᔨᑯᑦ᙮ 
ᐅᑎ ᐱᒥᔅᑲᑕᐤ, ᐃᑕᐤ, “ᐊᓂᒪ, ᑕᓐ ᐊᓯᓇᒂᒡ ᐛᒋᓇᑭᓐᒡ ᑭ ᐅᑕᐸᑲᐳᐎᑎᑭᒋ?” ᐃᑕᐤ᙮ <pp>
“ᓯᐱᔅ ᓇ,” ᐃᑎᑯᐤ, “ᐊᐛᓯᒡ ᐊᓐᑕ ᒋ ᒪᑐᐛᐅᒡ,” ᐃᑎᑯᐤ᙮ “ᒋᒋᐛ ᒥᔽᒥᔅᒐᒍᓱᐤ᙮” ᒻᒻᒻ᙮ <pp>
“ᐊᑯᑕ ᐊᑯ ᐊᓐᑕ ᒐ ᐅᑕᐛᐊᐧᒃ, ᑲ ᐱᑯᔅᑯᐛᒂ ᐊᐱᐧᑭᓇ,” ᐃᑕᐤ᙮<pp>
“ᑕᓐ ᐊ ᐃᓯ ᐊᔨᒺᑦ ᐅ?” ᐃᑕᔨᒪᐤ, ᒂ ᐊᑎ ᓇᑎᑲᒪᐱᔨᐛᑦ᙮ <ss>
ᐊᑯ ᒥᓐ ᐊᑎ ᐱᒥᒋᐱᔨᑕᐛᑦ, 
ᐊᑯ ᒥᓐ ᐛᒋ ᒂᔎᐱᔪᓯᔨᒋ, <pp> ᒻᒻᒻ᙮ ᓂᔭᑎᑲᒪᐅᑦ᙮ <pp>
ᐊᑯ, ᒂᔅᐱᑦ, ᓂᔭᑕᐧᒃ ᑭᑈ ᒥᒋᐛᐸ᙮
ᐸᑎᑲᑭᓄᐅᑦ ᓂᔭᔪᐛ ᑭᑈ ᒥᒋᐛᐱᔪᐤ᙮<pp>
ᐛᒋᒪᐅᒐᔨᒪᑭᓄᐅᑦ, ᑕᓐᑕ ᒋᒋᐛ ᒥᔽᔅᐱᓱᐤ,  ᐛᒋᒪᐅᒐᔨᒪᑭᓄᐅᑦ ᐅᒋᒪᐤ᙮ <pp>
ᐸᑎᑲᐊᑭᓄᐅᑦ, ᐸᒐᑦ᙮ <ss>
“ᐊᑯ ᒐᒂᓂᒐ ᒋᑭ ᐊᓯᒪᓇᓇᒐ ᒪᓐᑕᐤ ᐊᑯ᙮ ᑕᐸ ᑎᑯᓐ ᐅ ᓂᑭ ᒥᒋᑕᓐ,” ᐃᑕᐅᒡ᙮ 
“ᐊᔪᐛᒡ ᒪᓐᑕᐤ ᐅᒥᐧᑯᔪᐤ ᐅᓯᑕᐛᐧᒄ,” ᐃᑕᐅᒡ᙮ “ᒋᑭ ᒥᒍᐤ,” ᐃᑕᐅᒡ᙮ <pp>
ᒪᒂᐳᑭᑕᑭᓄᐅᑦ,  ᐛᓯᑕᑭᓄᐎᔨᒡ ᐅᒥᐧᑯᔪᐤ᙮ 
ᐎᔭᐸᑕᐧᒃ ᐅᒥᒋᒻ, ᐊᓂᔭᔪᐤ ᐅᒥᐧᑯᔪᐤ, 
ᐛ ᐱᑯᐱᔨᑦ᙮ ᐊᑯ ᐛ ᐱᑯᐱᔨᑦ! <ss>
ᐊᑯ ᓴᔅ ᐊᑎ ᐅᑕᑯᓯᔪᐤ ᓴᔅ ᒋᒋᐛ, ᓴᔅ ᐸᒋᓯᒧᔪᐛ ᐱᓯᒺ᙮ 
ᐸᑕᐸᔨᑐᒡ ᐊᐛᓯᒡ᙮ <pp>
“ᐊᓐᒡ ᒪ ᐅᒐᐅᒡ, ᐃᔭᔨᒧᐛᐅᒡ, ᓂ ᐸᑐᐛᓇᓂᒡ᙮” <pp>
“ ‘ᐊ ᐃᔨᐧᑲᑎᒪᐧᑯᐤ ᒋᒪᔪᐛᐛ,’ ᑭ ᐃᔪᒋ ᒂ ᐃᑎᑐᒋᒡ᙮” <pp>
“ᐊᑯᔭᑯᐤ ᐊᓐᒡ ᒐᔅᒐᔨᒪᑯᒡ ᐊ ᓂᑕᐛᒡ ᐅᒐᐅᒡ,” ᐃᑕᐤ᙮
“ᓄᑕᐎᓯᐱᓐ, ‘ᐊᓂᔪᐤ ᒪᐤ ᐊᔅᐱᑕᔭᒋ, ᐊᑯ ᓇᑕᐛᒡ ᐅᒐᐅᒡ,’ ᑯᔭᑦ,” ᐃᑕᐤ᙮ <pp>
(ᑕᐸ ᐅᑕᐎᔪᐤ ᑭᑭᒋᔭᐤ!) <ss>
ᒻᒻᒻ, ᒥ ᔅᑐᑕᑭᓄᐤ ᑭᑈ᙮<pp>
ᐛᓴ ᑭ ᑭᒐᔅᒐᔨᑎᒺ ᑭᑈ ᐃᑕᔨᒪᐅᒡ ᐅᒡ ᐃᔪᒡ᙮  <pp>
ᐊᑯ ᒪ ᐎᔭᔨᓯᓇᓄᐅᒡ, ᒻᒻᒻ, “ᐱᓯᒺ, ᐊᑯ ᑲ ᐊᑯᔅᑲᑯᐛ,” ᐃᔅᒋᔄᐅᒡ ᐊᐛᓯᒡ᙮ <pp>
ᐎᔭᐱᒪᒡ, ᐛᔪᐎᐸᔨᑐᓇᓄᐅᒡ᙮ 
ᒻᒻᒻ᙮ “ᓂᔅᑎᒻ ᒪ ᓂᑭ ᐛᐱᒪᐤ, ᒪᑐᑦ ᐱᓯᒻ,” ᐃᔅᒋᔄᐤ᙮ <pp>
ᐛᔪᐎᑦ, ᐎᔭᐱᒪᑦ᙮ 
“ᐃᔭᑯᔅᑲᑯᔪᐛ ᐱᓯᒺ, ᐊᐅᒂᑯᐤ ᐊᓯᓇᑯᓯᑦ,” ᐃᑕᐤ᙮ <pp>
“ᓄᑕᐎᔾ ᐊᓂᔭ ᐃᑕᐤ, ᒥᑐᐤ ᐊᓯᓂᐧᑲᑕᑦ ᐱᓯᒺ, ᐛ ᐃᓯᓇᑯᓯᔨᒋ,” ᐃᑕᐤ᙮ <pp>
“ᐛᓴ ᓇᐊᐤ ᑭ ᑭᒐᔅᒐᔨᑎᒺ!” ᐃᑕᔨᒪᐅᒡ᙮ <ss>
ᓇᑕ ᑭ ᐊᑎ ᐊᑯᐛᔎᐊᒺ ᐊᑎ ᑭ ᔅᑐᑕᐛ ᒂ ᑎᑦ᙮ <pp>
ᓂᒋᔅᒃ ᓂᔭ ᑭᔅᑐᑕᐤ, ᓇᑕ ᒪᒃ ᐛᔪᐎᔅ ᐊᑎ ᑕᑦ, ᐱᔭᒋᑕᑦ ᐅᑎᒋ᙮ <pp>
ᐅᑦ ᐊᔅᑎᓴ ᒋᒡ, ᐸᑯᐱᔨᒋ, ᑭᑈ ᒪᔾ ᐊᓐᑕ ᐊᑎᒂᒡ, ᐊᓐᑕ ᐊᔅᑎᓯᒡ᙮ <pp>
ᒥᓐ ᐊᑎ ᐱᒧᑕᑦ, ᒥᓐ ᐱᔭᒋᑕᑦ ᐅᒥᔅᒋᓐ᙮ <pp>
ᒂ ᐱᒧᑕᑦ, ᒥᓐ ᐅᑕᔅ, ᒪᓂᐱᔨᒡ, ᑭᔭ ᐅᑦ ᐊᑯᓂᔎᐅᓐ᙮    ᐊᑯᓂᔎᐅᓂᔪᐛ ᒥᒋᓱᔪᐤ᙮ <ss>
ᐊᑯ ᒥ ᑕᐤ᙮ <pp>
“ᓂᑐᐛᐱᒥᐧᒄ ᐊᑯ ᐅ ᒪᓐᑕᐤ ᑲ ᔅᑐᑕᑦ, ᐊᑲ ᑕᐛ,” ᐃᑕᑭᓄᐅᒡ ᐊᓐᒡ ᐊᐛᓯᒡ᙮ <pp>
ᒻᒻᒻ, ᐊᑯ ᐊᓐᒡ ᐃᔎᓯᒡ, “ᓂᔭᓐ, ᓂᑭ ᓂᑐᐛᐱᒪᓇᓐ, ᓂᔭᓐ᙮” <pp>
ᒋᒋᐸᔨᑐᒡ᙮ <ss>
ᐊᐅᑯᔪᐤ ᐊᔅᑕᔨᒡ ᐅᒥᔅᒋᓂᔪᐤ᙮ <pp>
ᐊᑯ ᐊᐛᔅ ᐊᓐ, ᐸᐃᒄ ᐊᓐ ᐃᔎᔅ, ᑕᔪᐛ ᐅᒥᓴ, ᐎᒐᐛᐅᒡ᙮ <pp>
“ᓂᒥᓴ,” ᐃᑕᐤ, “ᓂᔾ ᓂᑭ ᐅᒥᔅᒋᓂᐛᓐ, ᒐ ᐊᑲ ᐅᓇᐸᒥᔭᓐ,” ᐃᑕᐤ᙮ <pp>
ᑈᔅᑭᒺᑦ ᐅᒥᔅᒋᓂᔪᐤ᙮ 
ᒥᓯᐛ ᒋᑭᒧᔪᐤ ᒪᔪᐤ ᐅᓯᑎᒡ!<pp>
(ᑕᓐ ᐃᔨᑎᒐ ᐅᔭ?)<pp>
ᒥᓐ ᒐᒋᐸᔨᑐᒡ᙮  ᐊᐅᑯᔪᐤ ᐅᔭᔪᐛ, ᐅᑦ ᐊᔅᑎᓯᔪᐛ ᐊᐱᔨᒋ᙮ <pp>
“ᓂᒥᓴ,” ᐃᑕᐤ, “ᓂᔾ ᓂᑭ ᐅᑎᔅᑎᓱᐛᓐ, ᒐ ᐊᑲ ᐅᓇᐸᒥᔭᓐ᙮”<pp> 
ᑈᔅᑎᔅᑎᓴᐱᔨᑦ, ᒥᓯᐛ ᒪᔪᔪᐤ ᐅᑎᒋ! <pp>
ᐊᑯ ᒥᓐ ᐅᑦ ᐊᑯᓂᔎᐅᓂᔪᐤ ᐊᑎ ᐸᒋᑕᔨᒂᓂ᙮
“ᓂᒥᓴ,” ᐃᑕᐤ, “ᓂᔾ ᓂᑭ ᐅᑎᑯᓂᔎᐅᓄᐛᓐ, ᒐ ᐊᑲ ᐅᓇᐸᒥᔭᓐ,” ᐃᑕᐤ᙮ <pp>
ᑈᔅᑎᑯᓂᔎᐅᓇᐱᔨᑦ, ᒥᓯᐛ ᒪᔪᔪᐤ ᐅᔅᑎᒂᓐ!<pp>
ᒥᓐ ᒐᑐᑕᒡ, ᐊᐅᑯᔪᐤ ᐅᑕᓯᔪᐛ ᐊᑎ ᐊᔅᑕᔨᒡ᙮ <pp>
“ᓂᒥᓴ,” ᐃᑕᐤ, “ᓂᔾ ᓂᑭ ᐅᑕᓱᐛᓐ, ᒐ ᐊᑲ ᐅᓇᐸᒥᔭᓐ᙮”<pp>   
ᐛᑎᓇᐧᒃ, ᑈᔅᑕᓴᑦ᙮ ᒥᓯᐛ ᒪᔪᑲᑕᐤ!  <ss>
ᒪᑕᐸᐸᔨᑐᒡ ᐅᔭᔪᐤ ᓯᐱᓯᔪᐤ ᐊᐛᓴ ᑲ ᒪᑐᐛᔨᒋ᙮ <pp>
ᐊᐅᑯᐤ ᐊᑯᑉ ᐊᔅᑕᒡ, ᐱᓯᒄ ᒪᔾ, ᐃᔨᒡ, ᐃᔨᒡ ᐃᓯᓇᑯᓐ᙮ 
ᐛᒋ ᒪᔅᑕᐱᑯᑦ, ᐛᒋ ᐎᔪᐛᐱᑯᑦ ᓯᐱᓯᔪᐤ᙮  <pp>
ᐊᑯᑕ ᐊᔎᔭᒋᒪᑭᓄᐅᑦ᙮  <ss>
ᐊᐅᑯᐤ ᐅᒪᔨᒋᔅ᙮ ᐅᒪᔨᒋᔅ, ᐃᓯᓂᐧᑲᑕᑭᓄᐤ, ᐅᒪᔨᒋᔅ᙮ ᐅᒪᔨᒋᔅ ᒋᔅᒐᔨᒪᐤ ᐊ? 
ᐊᐊᑲ ᑕᓐ ᐊᓯᓂᐧᑲᑕᑦ ᐛᒥᔅᑎᑯᓱᐤ ᐅᒪᔨᒋᓴ?
ᒪᔾ ᐃᔨᒡ ᐃᓯᓇᑯᓐ, ᐃᓇᓄᐤ ᒋᑭ ᐃᑕᐤ᙮ <pp>
“ᐸᐸᒧᑕᒥᑲᒡ,” ᐃᓇᓄᐤ᙮ 
ᐊᐅᑯᓐ ᐊᑎᔪᐧᑭᓐ ᑭ ᓂ ᑎᐸᒋᒪᐛ, ᐎᐱᒡ, ᐎᐱᒡ ᐊᑎᔪᐧᑭᓐ᙮ 
ᐎᐱᒡ ᐊᓐᑕ ᐃᔪᒡ᙮ ᐊᑯ, ᑎᐸᒋᒧᐅᓐ ᐅ, ᓂᔅᑦ ᐃᔭᑎᓐ ᑎᐸᒋᒧᓇ ᐅ᙮ 
ᐅᒡ ᐃᔪᒡ ᐊᓄᒡ ᐊᑕᒋ ᑕᐸᒋᒧᓇᓄᐅᒋ, ᐊᐅᑯᐤ ᑎᐸᒋᒧᐅᓐ᙮ 
ᓇᔅᑲᐱ
ᑲ ᓯᐧᑭᒋᒡ ᐃᔪᒡ ᐊ ᓂᑐᐎᐅᒡ 01 Almost Froze book source 2017 08 11
ᐊᓐ ᒐ ᑎᐸᒋᒧᔅᑕᑕᓐ᙮
ᐸᐃᒂᐤ, ᓇᐸᐃᒋᒡ ᐊᑎᐧᑯᒡ᙮
ᐊᑯ, ᒐᐛᐸᔨᑐᔭᒡ᙮ 
ᐊᑯ ᓇᑐᐛᐱᒥᒋᒡ ᒥᓐ᙮ 
ᒥᔪᒋᓯᑲᐤ ᒐᒋᐸᔨᑐᔭᒡ ᓇᑐᐛᐱᒥᒋᒡ᙮ 
ᐊᑯ, ᓇᐊᐤ ᓇᑕ ᓂ ᐅᑎᑕᓇᓐᒡ᙮ 
ᒥ ᓄᑯᓐ᙮ 
ᒐᓯᒡ᙮ 
ᐛᐛᒡ ᑭ ᐎ ᓂᐱᐅᐛᓂ ᓂᒥᔅᒋᓇᓇ, ᒂ ᐃᑕᔨᑕᒂᒡ ᐊᑯ᙮ 
ᒥ ᐅᒋ ᒋᓯᓐ ᒋᔭᒋᓴᐸᔭᒡ᙮ 
ᐊᑯ, ᓇᑭᓯᔨᒥᒡ ᓂᐎᒐᐛᑭᓇᓐᒡ᙮ 
ᐊᑯ, ᒂᑐᐛᔭᒡ ᐊᓐᑕ, ᐊᑯ, ᑲ ᒥᓂᔭᒡ ᐊᑯ ᒐᒋᐸᔨᑐᔭᒡ, ᒐᐛᔭᒡ᙮ <pp>
ᐱᔅᑯᑎᓇᐤ, ᐅᒍᐤ, ᓯᔭᑭᒍᐛᔭᒡ᙮ 
ᓂ ᐛᐱᒪᓇᓐᒡ ᓇᑕ ᐊᑎᒧᑕᐅᒡ᙮ 
ᐱᔭᒋ ᓄᒂᒡ, ᐊᑲ ᓄᒂᒡ, ᒥ ᓄᑯᓐ, ᒥ ᓄᑯᓐ ᓇᔅᑎᔅ᙮ 
ᐊᑯ, ᒥ ᓂᒋᔅᒐᔨᑕᓐ ᑕᓐᑕ ᒐ ᒪᒋᔭᒡ᙮ 
ᐊᑯ, ᐊᑎ ᓇᑕ ᐊᑐᑕᔭᒡ ᓇᑕ ᐊᔅᐸᔨᑐᒡ᙮ 
ᒐᒃ ᒂ ᐊᑲ ᒋᔅᒐᔨᒥᒋᒡ ᐊᔅᐸᔨᑐᒡ, ᑕᐸ ᓂ ᐛᐸᑕᓇᓐ ᒐ ᐃᔅᐸᔨᑐᔭᒡ᙮ <pp>
ᐊᑯ, ᑕᐱᔅᑲᒡ ᒐᒃ ᓂᑎ ᐱᒧᑕᑕᓐ᙮ 
ᐊᑯ, ᒂ ᐱᒧᑕᔭᒡ ᑕᐱᔅᑲᒡ᙮ 
ᒂ ᒋᔅᒐᔨᑎᒪᓐ ᑕᓐᑕ ᓇᐊᐤ, ᐊᑎᒂᒋ ᓂᒋᓇᓐ ᐊᓐᑕ ᐊᓐ ᑕᐱᔅᑲᒡ᙮ 
ᑕᐸ ᓂ ᐛᐸᑕᓇᓐ ᒂ ᐱᒧᑕᔭᒡ᙮ 
ᐊᑯ ᒂ ᑎᑯᓯᓂᔭᒡ ᐅᑕ, ᐊᔅᐱᔅ ᒐᒃ ᐊᑲ ᒋᐧᑲᐛᑕᔨᑕᒂᒡ, ᐊᔅᐱᔅ ᒋᓯᒡ᙮ <pp>
ᐊᑯ, ᑕᑯᓯᓂᔭᒡ, ᐊᑯ ᒥ ᑕᐅᒡ ᓂᔭᐧᑲ ᓂᐎᒐᐛᑭᓇᓐᒡ᙮ 
ᑕᐸ ᓂ ᒋᔅᒐᔨᒪᓇᓐᒡ ᓂᔭᐧᑲ ᐊᓐᑕ ᐊᑐᑕᒡ᙮ 
ᐊᑯ, ᐸᐃᒄ ᒥᒄ ᑎᑯᓯᓂᓯᐱᓐ᙮ 
ᐊᑯᔪᐤ ᑕᐸᒋᒪᑦ ᓂᔅᑦ ᐊᓂᔭᔪᐛ ᓂ ᐎᒐᐛᑭᓇᓇ ᐛᒐᐛᑦ, ᓇᑭᑕᑦ ᓇᑕ᙮ 
ᒋᒋᐛ ᒐᑲᑦ ᑎᑯᓯᓄᓯᐱᓐᒡ᙮ 
ᐊᑯᑕ, ᓴᑭᒍᐛᒂ ᓂᓱ᙮ 
ᓇᐅᑕᐅᒡ; ᐊᑯ ᐊᓐᒡ, ᓂᓱ ᐊᓐᒡ, ᐊᐅᑯᓐᒡ ᐊᓐᒡ ᓇᐱᒡ; ᐊᑯ ᐅᒡ, ᓂᓱ ᐅᒡ, ᐊᐅᑯᓐᒡ ᐊᓐᒡ ᑕᑯᓯᒡ ᐅᑕ ᒥᒋᐛᐱᒡ᙮ 
ᓂ ᓯᐧᑭᒋᓇᓐ, ᒋᒋᐛ ᓂ ᓯᐧᑭᒋᓇᓐ, ᒋᒋᐛ ᒋᓯᓐ᙮ <pp>
ᐊᑯ, ᐊᑎ ᓇᑐᐛᐱᒪᑭᓄᐅᒡ ᑕᐱᔅᑲᔨᒡ᙮ 
ᑭᔭ ᓇᑕ ᐛᔪᐤ ᒥ ᒋ ᓂᑐᐛᐱᒪᑭᓄᐅᒡ, ᑎᐱᔅᑲᐤ ᐊᓐ᙮ ᒥ ᒋᔅᒐᔨᒪᑭᓄᐅᒡ ᑕᓐᑕ ᐊᑕᒡ᙮<pp>
ᐊᑯ ᒥᓐ ᐎᔭᐱᓂᔨᒡ ᐊᑎ ᐛᐸᒡ, ᐊᑯ ᓇᑐᐛᐱᒪᑭᓄᐅᒡ ᒥᓐ᙮ 
ᓴᔅ ᒋ ᓂᐱᓯᐱᓐ ᐸᐃᒄ; ᓴᔅ ᒋ ᓯᐧᑭᒋᓯᐱᓐ, ᓯᐧᑭᒍᐅᒡ᙮ 
ᐃᔭᐱᒡ, ᐃᔭᐱᒡ ᐊᔅᒄ ᒪᐛᒡ ᒥᔽᐛ ᒋᓯᒄ᙮ 
ᒥᓐ ᐎᔭᐸᒡ, ᐊᑯ ᒥᓐ ᑯᑎᒃ ᒪᔅᑯᐛᑭᓄᐅᑦ᙮ 
ᓂᓱ ᓂᐳᐅᒡ, ᐃᔪᒡ, ᓂᓱ, ᓂᐳᐅᒡ, ᓯᐧᑭᒍᐅᒡ᙮ <pp>
ᐊᑯᑕ ᑲ ᐊᔨᒥᐅᑦ ᐊᒃ ᐃᔪᐤ; ᒪᓐ ᐊᓯᓇᒂᒡ᙮ 
ᓴᐧᑭᒋᒡ᙮ <ss>
ᓂᔾ, ᓂᔾ ᐅ, ᓂᔾ ᐅ, ᐎᒐᐅᑲᒂᐛ, ᒋᐸ ᑎᑯᓯᓐᒡ᙮ 
ᓂᓱᒡ ᓂᑯᓯᒡ, ᓇ ᐱᓂᑉ ᑭᔭ ᑯᑎᒃ ᐱᓂᑉ, ᓂᓱᒡ, ᑭᔭ ᓂᔾ ᐅ; ᓂ ᓂᔅᑎᓇᓐ᙮ 
ᑕᑯᓯᓂᔭᒡ ᐊᓐᑕ ᐊᑐᑕᔭᒡ, ᑕᑯᓯᓂᔭᒡ ᐅᑕ ᒥᒋᐛᐱᒡ᙮ 
ᓂ ᓂᔅᑎᓇᓐ᙮ 
ᐊᑯ ᓂᔭᐧᑲ ᓇᐅᒡ, ᓇᐅᒡ, ᒪᐤ ᓂ ᑕᑎᓯᓇᓐ ᒪᓐ ᙮᙮᙮ ᒪᓐ ᓂ ᑕᑎᓯᓇᓐ; 
ᓂᔅᑐ ᓂᔭᓐ᙮ 
ᓇᐤ, ᓇᐤ, ᓇᐤ, ᓇᐤ ᓂᑦ ᐃᔪᓇᓐ, ᓇᐤ᙮ 
ᐱᑕᑕᒡ, ᐱᑕᑕᒡ᙮ 
[ᐱᑕᑕᒡ ?] 
ᒻᒻᒻ, ᐱᑕᑕᒡ ᓂ ᒋ ᑕᑎᓯᓇᓐ, ᓂᔾ ᐅ ᑭᔭ ᐱᓂᑉ᙮ 
ᒥ ᓂ ᓯᐧᑭᒋᓇᓐ, ᒥ ᓂ ᓯᐧᑭᒋᓇᓐ ᓇᔅᑎᔅ᙮ 
ᐊᑯ ᐊᓂᔭᐧᑲ ᓂᓱ ᐊᓂᔭᐧᑲ, ᐊᐅᑯᓐᒡ ᐊᓂᔭᐧᑲ, ᓴᐧᑭᒋᒡ, ᓇᐱᒡ, ᓯᐧᑭᒍᐅᒡ᙮ <ss>
ᐊᐅᒄ ᑲ ᐃᓯᓇᒂᒡ ᒐᐃᒧᐤ ᐊᑕᑦ ᐃᔪᐤ, ᓇᑐᐎᓱᑦ ᐊᔅᒄ ᐊᓐᑕ, ᐊᓐᑕ ᓄᒋᒥᒡ, ᑲ ᐃᔅᐱᔅ ᐊᔨᒥᐅᑦ᙮ <pp> 
ᒐᐛᔭᒡ, ᒥᓯᐛ, ᒥᓯᐛ ᒐᐛᔭᒡ᙮ 
ᓇᑐᐛᐱᒥᒋᒡ ᐊᓐᑕ, ᐊᓐᑕ ᐛ ᐃᑎᓯᒧᔭᒡ ᐊᓐᑕ ᒥᒋᒪ, ᐊ ᑎᒂᒡ ᐛᔅᑲᐃᑭᓐ, ᒐᒋ ᐅᒋ ᐱᒪᑎᓯᑦ ᐊᐛᓐ᙮ 
ᐊᑯᑕ ᐊᑐᑕᔭᒡ; ᒐᒋᐱᒋᓇᓄᐅᒡ᙮ 
ᑕᑈ ᒂ ᑎᑯᓯᓂᔭᒡ ᓇᑕ ᓇ ᐛᔅᑲᐃᑭᓐ; ᐛ ᓇᑎᒋᒡ ᓇ ᐅᒋᒪᐤ᙮ 
ᐊᑯ, ᐊᑯᑕ ᐛᒋ ᐃᔪᔭᒡ, ᓂ ᒋᒪᐧᑭᑕᓇᓐ᙮ 
ᒥ ᓂ ᐛᐱᒪᓇᓐ ᐊᑎᐧᒄ, ᒥ ᓂ ᓂᐸᐊᓇᓐ, ᑭᔭ ᓂᒪᔅ, ᐊᐱᓯᔅ ᒥᒄ᙮ 
ᐊᑯ, ᑕᑯᓯᓂᔭᒡ ᐅᑕ ᐛᔅᑲᐃᑭᓂᒡ᙮ 
ᐊᑯ ᒪᒃ ᒪᒋᓱᔭᒡ ᐸᑐᔅ᙮ 
ᒋᒋᐛ ᒥ ᓄᔭᓱᐅᓇᓐ, ᒪᐤ, ᓇᔅᑎᔅ ᒥ ᑎᑯᓐ, ᒥ ᑎᑯᓐ ᓇᔅᑎᔅ, ᐊᐱᓯᔅ ᒥᒄ, ᓇᔅᒡ ᐊᐱᓯᔅ ᑎᑯᓐ, ᓂ ᒋᒪᐧᑭᑕᓇᓐ᙮ 
ᒪᒋᓱᔭᒡ ᐸᑐᔅ᙮ <ss>
ᒋᒋᐛ ᐊᐅᒄ ᐃᔭᔨᒪᒡ ᐊᓐ ᑭ ᒋ ᐎᑎᒪᑎᓇᐛ, ᑭ ᓂ ᑎᐸᒋᒧᓇᐛ, ᒻᒻᒻ᙮ <pp>
ᐊᑯ ᐊᓄᒡ ᐅ, ᐊᔅᐱᔅ ᐎᒋᐃᑯᔭᒡ ᒋᒋᐛ, ᐛᒥᔅᑎᑯᓱᐤ ᐛᒋᐃᒥᑦ᙮ 
ᐊᑯ, ᒥ ᓂᑕ ᑭᑈ ᒋᒪᐧᑭᑕᐤ ᐊᑯ᙮ 
ᓂᔭᑭᑐᐛᔨᒪᑭᓄᐅᑦ, ᒪᔪᓯᒪᑭᓄᐅᑦ᙮ 
ᒥ ᓂᑕ ᒋᒪᐧᑭᑕᐤ, ᒪᔭᑭᓄᐅᑦ ᒐᒂᓂᔪᐤ ᒐ ᐊᐱᒋᑕᑦ᙮ 
ᑲ ᐃᓯᓇᒂᒡ ᐎᐱᒡ ᐊᓐᑕ, ᒋᒋᐛ ᓂ ᒋ ᐊᔨᒥᐅᓇᓐ᙮ 
ᐊᔅᐱᔅ ᐎᒋᐃᒥᑦ, ᐅᒋᒪᐤ, ᒪᔪᑐᑕᑯᐅᔭᒡ ᐊᓄᒡ, ᑭᔭ ᒥᒋᐛᐸ ᒪᔨᑯᐅᔭᒡ ᒪᐅᔭ ᒥᒋᐛᐸ, ᐅ ᑭ ᒋ ᐎᒋᓇᓄᐛ, ᒪᔨᑯᔭᒡ, ᐊᑯ ᒪᔽᒡ᙮ 
ᒥ ᑎᑯᓐ, ᒪᐛᒡ ᓂ ᓯᐧᑭᒋᓇᓐ, ᐅ ᒥᒋᐛᐸ ᐅᔭ ᐊᓯᓇᒂᒋ᙮ 
ᒪᔽᔅᒡ, ᑭᔭ ᒪᒋᓱᔭᒡ, ᒥᒋᒻ ᐊᓯᒥᑯᐅᔭᒡ ᐅᑕ ᑭ ᒥᒋᓱᓇᓄᐛ᙮ 
ᒪᔽᔅᒡ ᐊᓄᒡ ᐅ᙮ 
ᒪᒋᓱᔭᒡ᙮ <pp>
ᐊᓐ ᐊᐛᓐ ᐊᓄᒡ ᐅ, ᒥᔪ ᓇᑭᑐᐛᔨᒪᑭᓄᐤ, ᒐᒋ ᐊᑲ ᐅᓯᑯᐎᓱᑦ ᐃᔪᐤ, ᓇᔅᒡ ᐎ ᒥᔪᑐᑐᐛᑭᓄᐤ ᐃᔪᐤ, ᐊᓄᒡ ᐅ᙮
ᑭᔭ ᐊᓐᑕ ᓄᒋᒥᒡ ᐊᓐᑕ, ᒥ ᒥᔭᑭᓄᐤ ᓱᐧᒃ ᒐᒋ ᑕᑦ ᐊᓐᑕ᙮ 
ᒪᐅᑕ ᐊᓯᓇᒂᒡ ᒐᒋ ᑕᔭᒡ ᐅᑕ᙮ 
ᒥ ᓂᑕ ᐊᓐᑕ ᓂ ᒪᒋᓇᓐ, ᒥ ᓂᑕ ᓂ ᒪᒋᓇᓐ ᓇᔅᑎᔅ, ᐊᓐᑕ ᒐᒋ ᓂᑐᐎᐅᔭᒡ ᐛᔪᐤ᙮ 
ᐊᑯ ᒪᐅᑕ ᒥᒄ ᐊᓯᓇᒂᒡ, ᒐ ᑕᔭᒡ᙮ ᒐ ᑭᓄᐛᔨᒥᑯᐅᔭᒡ᙮ 
ᒐᒃ ᒪᒃ ᒂ ᐊᑎ ᐅᑎᒋᐱᔨᒡ ᐊᓐ, ᒪᓐ ᐊᐛᓯᒡ ᐊᓐ, ᒥᓯᓇᐃᑭᓂᔪᐤ ᐊ ᐅᓯᑕᒡ, ᒐᒃ ᒂ ᐊᑎ ᐅᑎᒋᐱᔨᒡ ᐊᓐ, ᒥᓯᓇᐃᑭᓂᔪᐤ ᐛᓯᑕᒡ ᐊᐛᔅ, ᒪᐅᔭ ᐊᐛᔅ ᐊᔅᐱᑎᓯᑦ, ᐛᓯᑕᑦ ᒥᓯᓇᐃᑭᓂᔪᐤ ᐅᑕ ᑭ ᓂ ᑕᓇᓄᐛ᙮ <pp>
ᐊᓄᒡ ᒧᔭᒻ ᒋᒋᐛ, ᒧᔭᒻ ᐊᓄᒡ, ᐃᔪᐤ ᐊᓄᒡ ᐅ, ᐊᑯ ᒥ ᓂᑕ ᒋᒪᐧᑭᑕᐤ ᐃᔪᐤ, ᐊᓄᒡ᙮ 
ᐊᑲ ᐃᔅᐱᔅ ᐊᓐᑕ ᓇᓂᑯᑎᓂ ᒥᒋᒥᔪᐤ, ᒐᒪᐧᑭᑕᑦ ᐸᒋ ᐅᑕ ᐅᑕᒡ ᐃᔪᐤ᙮ <pp>
ᐊᑯᑕ ᓇᑕ ᑲ ᑭᓄᐛᔨᒥᑯᐅᔭᒡ; ᒐᐃᒧᐤ, ᒐᐃᒧᐤ ᐊᐅᑯᓐ ᐊᓐᑕ ᑲ ᑕᔭᒡ, ᐊᑯ ᒐᐃᒧᐤ, ᐊᑯᑕ ᑲ ᑕᔭᒡ᙮
ᐊᑯ, ᐅᑕ ᐱᔭᒋ ᒋᑐᑕᔭᒡ᙮
ᐊᑯ, ᐅ ᒥᒋᐛᑉ ᒪᐎᔭᔪᐛ, ᐊᐅᑯᔪᐛ ᒪᔨᑯᐅᔭᒡ ᐅ ᒥᒋᐛᑉ, ᐅᑕ ᒐ ᑕᔭᒡ ᐅᐛ᙮ 
ᒐᐃᒧᐤ ᓇᑕ, ᒥ ᑎᑯᓐ ᐅᔭᔪᐛ, ᐅᔭᔪᐛ, ᒥ ᓂ ᒥᔨᑯᐅᓇᓐ, ᓇᑕ ᑲ ᑕᔭᒡ ᒐᐃᒧᐤ᙮ 
ᐅᑕ ᐱᔭᑐᑕᔭᒡ ᐅ ᒐᐃᒧᐤ,
ᐅᑕ ᑲ ᑎᑯᓯᓂᔭᒡ ᐅᑕ, ᐅᑕ ᑭ ᓂ ᑕᓇᓄᐛ, ᐊᑯ ᒪᔨᑯᐅᔭᒡ ᒥᒋᐛᐸ ᐸᑐᔅ, ᒐ ᑕᔭᒡ᙮
ᐊᑯ ᓇᑕ ᒐᐃᒧᐤ ᑲ ᑕᔭᒡ, ᒥ ᑎᑯᓐ ᐅᐛ, ᒥ ᓂ ᒥᔨᑯᐅᓇᓐ, ᓂᔭ ᒥ ᓂ ᒥᔨᑯᐅᓐ ᐅ ᐊᓯᓇᒂᒡ ᒥᒋᐛᑉ᙮<pp> [ᒥᒋᐛᑉ?]<pp>
ᒥᒄ ᒥᒋᐛᑉ ᒪᐤ ᑲ ᐃᓯᓇᒂᒡ, ᐊᐅᑯᐤ ᑲ ᑕᔭᓐ ᒐᐃᒧᐤ, ᐊᓐᑕ ᑲ ᑕᔭᓐ, ᐊᐅᑯᐤ ᒐᐃᒧᐤ ᑲ ᑕᔭᓐ᙮
ᐊᐅᑯᓐ ᒥᒋᐛᑉ, ᐊᐅᒂᑯᓐ ᐊᓐᑕ ᑲ ᑕᔭᒡ ᓇᑕ ᒐᐃᒧᐤ, ᐊᐅᑯᓐ ᑲ ᐊᐱᒋᑕᔭᒡ, 
ᒥ ᑎᑯᓐ ᐅᐛ, ᒥᒋᐛᑉ ᐅᐛ᙮ 
ᐛᔅᑲᐃᑭᓐ ᐃᓯᓂᐧᑲᑕᐤ, ᐅ ᒥᒋᐛᑉ, ᐅᐛ, ᐅ ᒥᒋᐛᑉ ᐅᐛ, ᐛᔅᑲᐃᑭᓐ ᐃᓯᓂᐧᑲᑕᐤ, ᐛᔅᑲᐃᑭᓐ, ᐛᔅᑲᐃᑭᓐ, ᓂᐦᐃ, ᐛᔅᑲᐃᑲᓐ, ᐅᐛ, ᒻᒻᒻ᙮ 
ᐊᑯ ᒥᒋᐛᑉ ᓂᑦ ᐃᓯᓂᐧᑲᑕᓇᓐ ᓂᔭᓐ, ᐊᓐᑕ ᑭ ᐃᓯᓇᑯᓄᐛ ᐊᐅᒄ ᒥᒋᐛᑉ, ᐊᑯ ᐛᔅᑲᐃᑭᓐ ᐅᑕ, ᐅᐛ᙮
ᐊᑯ, ᒥ ᑎᑯᓐ ᓇᑕ ᒐᐃᒧᐤ ᐛᔅᑲᐃᑭᓐ, ᒥ ᑎᑯᓐ, ᐊᑯ ᒥᒄ ᒥᒋᐛᑉ ᐊᓐᑕ ᑲ ᑎᒂᒡ, ᒐᐃᒧᐤ᙮ <pp>
ᐅᑕ ᐅᐤᑦ, ᐅ ᐅᐤᑦ, ᐊᓐᑕ ᑭ ᐃᑐᑕᑭᓄᐛ ᐅᐤᑦ, ᐊᐅᑯᓐ ᒥᒄ ᒐᐃᒧᐤ ᓇᑕ ᑲ ᑎᒂᒡ᙮ 
ᐊᐅᑯᓐ ᒥᒄ ᑲ ᒥᔨᑯᐅᔭᒡ, ᐊᓂᔭᔪᐛ ᐅᐤᑕ, 
ᐊᓐᑕ ᑲ ᑕᔭᒡ ᒐᐃᒧᐤ, ᒻᒻᒻ᙮ 
ᐅ ᒥᒋᐛᑉ ᒥ ᓂ ᐅᒋ ᒥᔨᑯᐅᓇᓐ, ᒥ ᑎᑯᓐ ᒥᒋᐛᑉ, ᐅ ᐛᔅᑲᐃᑭᓐ᙮
ᒪᓐ ᒥᒄ ᒥᒋᐛᑉ ᑲ ᐅᓯᑕᔭᒡ ᒐᐃᒧᐤ ᑲ ᑕᔭᒡ᙮<pp>
ᑲ ᑕᔭᒡ ᐊᓐᑕ ᐛᔅᑲᐃᑭᓂᔅ, ᐊᓐ ᑯᑎᒡ, ᐊᑯ ᐅᑕ ᐊᔅᐱᔅ ᐃᑐᑕᐅᔨᒥᑦ ᒋᓴᐅᒋᒪᐤ, ᐊᑎᓴᐅᔨᒥᑦ ᐅᑕ, ᐅᑕ ᐊᑐᑕᔭᒡ᙮
ᐛᔅ ᒪᔪᑐᑕᑯᐅᔭᒡ ᐅᑕ, ᐊᑯ ᐅᑕ ᒥᒄ ᐊᑕᔭᒡ᙮
ᒪᔨᑯᐅᔭᒡ ᐃᔭᐱᒡ ᒥᒋᒻ᙮
ᐊᑯᑕ ᐊᓐᑕ ᓇᒪ ᓱᒄ ᐊᓐᑕ ᒥᔭᑭᓄᐤ ᐃᔪᐤ ᐊᓐᑕ, ᒐᒋ ᐛᔪᐤ ᑕᑦ, ᒐᒋ ᓂᑐᐎᐅᑦ, ᒐᒋ ᒋᒪᐧᑭᑕᑦ ᐊᐛᓐ᙮
ᐛᒋ ᒥᔨᒥᑦ ᒋᓴᐅᒋᒪᐤ, ᒥᒋᒥᔪᐤ᙮
ᒪᓐ ᒋᐸ ᐃᑕᐤ, ᓂᔅᑐᑐᐅᑦ, ᒥᔪ ᓂᔅᑐᑐᐅᑦ᙮ 
ᒂ ᐃᑕᒋᒧᔭᓐ ᒪᓐ ᑭ ᓂ ᑎᐸᒋᒧᓇᐛ᙮ 
ᓇᔅᑲᐱ
ᐃᔎᒋᐛᑎᓂᓱᐅᒡ 07 bᓕzzᐊᕐd book source 2017 08 11
ᒪᐅᑕ ᒐᒥᑕᒡ ᒥᒋᐛᑉ, ᒪᐅᑦ; ᐊᑯᑕ ᐅᑕ ᒐᒥᑕᒡ᙮ 
ᐛᒥᔅᑎᑯᓯᔅ ᐃᓯᓂᐧᑲᑕᑭᓄᐤ ᐅᔭᔪᐤ ᐛᒋᑦ, ᑲ ᐎᒋᑦ ᐎᐱᒡ, ᒪᐅᑕ, ᒪᐅᑕ ᑲ ᐎᒋᑦ᙮ 
ᐅᑕ, ᒥᓴᐤ ᐅᑕ, ᐅᑕ, ᐅ ᐎᓂᐸᒄ᙮ ᐊᑯ ᐅᑕ ᐛᒋ ᐊᐱᓯᔅᑎᒂᔅᒡ ᐅ ᓯᐱᔾ ᐛᑕᐎᔭᒡ᙮ 
ᐃᔭᐱᒡ ᒂ ᐃᓯᓇᒂᒡ ᐅ ᓴᒋᔅ, ᒥᓴᐤ ᐅᑕ, ᐅᑕ ᒪᐤ ᐊᓯᓇᒂᒡ᙮ <pp>
ᐊᑯ ᐅᑕ ᐛᒋ ᐊᐱᓯᔅᑎᒂᔅᒡ ᐛᒋ ᐎᐛᒡ ᐃᔭᐱᒡ, ᐊᓐ ᓴᒋᔅ ᐊᓯᓂᐧᑲᑕᑭᓄᐅᒡ᙮ <pp>
ᐊᑯ ᑕᓐᑕ ᓂᐸ ᐃᑕᑕᓐ? <ss>
ᐅᑎᐧᑯᓐ ᐅᐛ᙮ 
ᐎᐱᒡ, ᐎᐱᒡ ᐊᑎᐧᒄ ᐅᑕ ᒋ ᑕᐤ, ᐃᑕᑭᓄᐤ, ᐅᑕ, ᐊᑎᐧᒄ, ᐅᐛ, ᐅ ᐅᑎᐧᑯᓐ ᐊᓯᓂᐧᑲᑕᑭᓄᐅᒡ᙮ 
ᐊᑯᑕ ᐅᑕ ᑲ ᑕᑦ ᐊᑎᐧᒄ, ᐃᓇᓄᐤ᙮ <pp>
ᐊᑯ ᐛ ᒥᒋᓱᓇᓄᐅᒡ, ᐃᓇᓄᐤ, ᐛ ᒥᒋᓱᒡ ᐃᔪᒡ᙮ 
ᐊᑯ ᒥ ᑕᐤ ᐊᑎᐧᒄ, ᐃᓇᓄᐤ, ᐊᑯᑕ ᐅᑕ ᐊᑕᓄᐅᒡ ᐅᑕ ᓱᒡ ᐎᓂᐸᑯᒡ᙮ 
ᐊᑯ ᓇᑐᑎᒂᑕᑭᓄᐅᒡ, ᐃᓇᓄᐤ; ᐅ ᐅᑎᐧᑯᓐ ᐊᓯᓂᐧᑲᑕᒡ᙮ 
ᐊᑯ ᓇᐸᐊᑭᓄᐅᒡ ᐅᑕ ᐊᑎᐧᑯᒡ, ᐃᓇᓄᐤ᙮ <pp>
ᐊᑯ ᓇᑯᑎᓱᓇᓄᐅᒡ, ᓂᔭᑕᑭᓄᐅᒡ ᐅ ᐅᑎᐧᑯᓐ᙮ 
ᒧᔭᒻ ᐊᐱᓯᔅ ᒋᐛᐅᒡ, ᒋᐛᐅᒡ ᐅᒡ ᑯᑎᑭᒡ᙮ 
ᑕᐸ ᒥᔅᑎᑯᔎᐤ, ᑭᔭ ᐅ ᒥᔅᑯᒥᔾ, ᐅ ᐎᓂᐸᒄ᙮ <pp>
ᒧᔭᒻ ᐊᐱᓯᔅ ᒋᐛᐅᒡ, ᐊᑯ, ᐃᓇᓄᐤ, ᐊᔎᒋᐛᑎᒡ᙮ 
ᒥ ᓄᑯᓐ, ᐸᐳᒡ᙮
ᐊᑯ, ᐊᑯ ᐊᓐ ᐃᔪᐤ ᐸᐃᒄ, ᐸᐃᑯᑕᓱᐤ, ᐃᑕᑭᓄᐤ, ᐸᐃᑯᓱᐤ, ᐃᑕᑭᓄᐤ᙮ 
ᐊᑯ ᐊᓐ, ᓇᔅᒡ ᐊᑲ ᒐᔅᒐᔨᑕᐧᒃ ᒐ ᐃᑐᑕᑦ᙮ ᒥ ᐎ ᓂᑭᑎᒻ ᐅᑕᐸᓐ᙮ 
ᓄᓴᑎᒂ, ᐊᐅᑯᓂ ᒐᐛᑕᐸᑦ᙮ 
ᐊᑯ ᓂᔭᔪᐤ ᐅᔅᑎᒂᓂᔪᐤ ᓂᔭᔪᐤ, ᐊᐅᑯᔪᐤ ᓂᔭᔪᐤ, ᓴᒥᑎᔅᑕᑦ ᓂᔭᔪᐤ ᐅᔅᑎᒂᓂᔪᐤ᙮ ᓇᑕ ᐊᑐᑕᑦ ᓇᑕ, ᐊᑯᑕ ᓇᑕ ᐊᑎᔅᑕᑦ ᐅᔅᑎᒂᓂᔪᐤ᙮ <pp>
ᒐᑐᑕᑦ ᑲ ᐃᑐᑕᐧᒃ ᓂᔭᔪᐤ ᐅᔅᑎᒂᓂᒻ᙮ ᓴᒥᑎᔅᑕᑦ ᐅᔭ ᐅᔅᑎᒂᓂᒻ᙮
ᒥᒄ ᐊᓐᑕ ᓂᑐᐎ ᐊᑐᑕᑦ, ᑕᐸ ᒋᔅᒐᔨᑎᒻ ᐊᓐᑕ, ᐊᓐᑕ ᒐ ᐃᑐᑕᑦ᙮ ᑕᐸ ᐛᐸᑎᒻ ᐊᓐᑕ ᓇᔅᑎᔅ᙮
ᐊᑯ ᓇᐊᐤ ᐅᑕ ᐛᑕᔅᑯᒧᔨᒡ ᒪᔅᑭᓇᔪᐤ᙮ ᐊᑯᑕ ᒧᔭᒻ ᓂᔭᑎᑲᔅᑯᑦ ᐊᓐᑕ, ᓂᔭ ᒪᔅᑭᓇᔪᐤ᙮ <pp>
ᑕᐸ ᓄᑯᓂᔪᐤ, ᐸᐳᒋ ᐊᓯ ᐊᑲ ᓄᒂᒡ᙮ ᓇᔅᑐᓇᐧᒃ ᐊᓐᑕ ᑲ ᐅᒋ ᒧᓴᔅᑯᓇᓄᐎᔨᒡ ᒥᔅᑎᒂ, ᐛᑎᑕᑦ᙮ ᒂ ᐊᑎ ᓇᑕᐧᒃ ᐊᓂᔭᔪᐛ ᒥᒋᐛᐸ ᐊᓐᑕ ᒐᒥᑕᔨᒋ᙮ 
ᐛᒋ ᐃᔪᐎᔨᒋ ᐊᓂᔭᔪᐛ, ᓂᔭᔪᐛ ᐎᒋᒪᑭᓇ᙮ <ss>
ᐊᑯ ᐊᓐᒡ ᑯᑎᑭᒡ ᐊᓐᒡ ᑲ ᐎᒐᒐᒡ ᑭᔭ ᐊᓐᒡ ᐃᔎᐅᒡ ᐃᑕᑭᓄᐅᒡ ᒋ ᐎᒐᒐᐅᒡ, ᒥᓯᐛ ᓂᔭᐧᑲ ᐃᑕᑭᓄᐅᒡ ᓯᐧᑭᒍᐅᒡ, ᒥᓯᐛ ᓂᐳᐅᒡ᙮ 
ᒥᒄ ᐸᐃᑯᓱᐤ, ᓇᐸᐤ, ᐊ ᐃᔪᑦ᙮ <pp>
ᐃᔎᒋᐛᑎᓂᓱᐅᒡ, ᐃᑕᑭᓄᐅᒡ, ᐊᐅᑯᓐ ᐅᑎᐧᑯᓐ ᐊᓯᓂᐧᑲᑕᒡ᙮ 
ᐊᑯᑕ ᓇᑕ ᓇᐸᐊᑭᓄᐅᒡ ᐊᑎᐧᑯᒡ, ᐃᓇᓄᐤ᙮ 
ᒪᐅᑕ ᑭᑈ ᐅᒋ ᓇᑎᒧᒐᓂᒋ᙮ ᐊᑯ ᒐᐛᒡ ᐅᔭᔪᐤ, ᐊᐅᑯᔪᐛ ᐃᔎᒋᐛᑎᓂᓯᒐᓂᒋ᙮ 
ᒂ ᐃᑕᒋᒧᓇᓄᐅᒡ ᐎᐱᒡ ᐊᓐᑕ᙮
ᓇᔅᑲᐱ
ᐃᔪᒡ ᑲ ᓂᑐᐱᑕᑯᒡ ᐃᔅᒋᒪᐛ 12 ᐛᕐ ᐎᕪ ᐃᓄᐃᑦ book source 2019 03 02
ᐊᑯ ᐃᔪᒡ, ᑲ ᓂᐸᐃᑯᒡ ᐃᔅᒋᒪᐛ, ᑲ ᓂᑐᐳᔨᒡ᙮ <pp>
“ᓂᑐᐛᐱᒪᑕᐅᓐᒋ ᒪ, ᓄᒋᑲᑕᑯᒡ ᒧᓯᓇᐤ ᐃᔅᒋᒪᐅᒡ᙮ ᓂᑐᐛᐱᒪᑕᐅᓐᒋ,” ᐃᔅᒋᐛᐅᒡ᙮ <pp>
ᒐᒋᐸᔨᑐᒡ, ᓇᑐᐛᐱᒪᒡ᙮ 
ᓂᓱᒡ ᐃᔎᐅᒡ ᐛᒐᒐᒡ᙮ 
ᐊᑯ ᒂᓴᐸᑕᐧᒃ, ᐎᐅᑐᐤ ᐅ ᒂᓴᐸᑕᐧᒃ᙮ 
ᐊᑯ, ᒥ ᒥᒐᑐᐸᔨᑐᐅᒡ᙮ <pp>
ᓇᑐᐛᐱᒪᒡ ᑭᑈ ᓇᑕ ᐎᓂᐸᑯᒡ ᐊᑎᒂᒡ ᐅᑕ, ᐛᔅ ᒪᐅᑕ ᐊᑕᑦ ᐃᔅᒋᒪᐤ ᐃᑕᒐ, ᓇᑐᐛᐱᒪᒡ᙮ 
ᐊᑯ, ᐸᐃᒂᐤ ᓇᐸᒡ᙮ 
ᒂᓴᐸᒋᑭᓂᐧᑯᐛᒡ ᐎᒐᐛᑭᓄᐛᐛ ᒂᓴᐸᑎᒥᔨᒋ᙮ 
ᐸᒐᑦ, ᒂᓴᐸᑕᐧᒃ᙮ <pp>
ᑭᑈ ᐊᔨᒥᐃᑯᑦ ᐅᑦ ᐃᔨᒥᐃᑯᓯᒪ, ᐊᔨᒥᐃᑯᑦ, “ᔭᓇᐤ ᒋᑭ ᐃᑕᑎᓱᐅᒡ, ᓂᔅᑎᒻ ᒐᔅᒐᔨᒥᑥᐤ,” ᐃᑎᑯᐤ᙮ 
“ᐊᑯ ᒋ ᐃᑐᑎᒥᓇ ᐅ ᒐ ᐃᑕᓐ, ᒥᓯᐛ ᒋᑭ ᑲᔅᑎᓇᐅᒡ ᐅᒡ ᔭᓇᐤ ᐊᑕᑎᓯᒡ,” ᐃᑎᑯᐤ ᐅᑦ ᐃᔨᒥᐃᑯᓯᒪ᙮ 
“ᐊᑯ ᐸᑐᔅ ᒐ ᐛᐱᒥᑦ, ᒐ ᒋᔅᒐᔨᒥᑦ, ᐊ ᒥᒐᑎᑦ,” ᐃᑎᑯᐤ᙮ 
ᒂᓴᐸᑕᐧᒃ ᐅ ᐃᔪᐤ᙮ 
ᐊᑯ, ᒐᔅᒐᔨᑕᐧᒃ ᑭᑈ ᓂᔭᔪᐤ ᐊᑎᑯᑦ, ᓂᔭᔪᐤ ᐅᒥᔅᑕᐸᒪ, ᓂᔭᔪᐤ ᐊᔨᒥᐃᑯᑦ᙮ <pp>
ᐊᑯ ᐃᑕᐤ ᓂᔭᔪᐛ ᐃᔎᐛ, “ᒋ ᐃᑐᑎᒪᒄ ᑭᑈ ᒐ ᐃᑎᑯᒡ, ᐊᐅᑯᓐ ᐊᓐ ᒋᐸ ᐃᓯᓇᑯᓐ, ᐊᓐ ᐊᑎᑯᒡ, ᐅ ᓂᑯᓴᐸᒋᑭᓐ ᒪᐤ, ᒋᐸ ᓯᐸᑕᒋᒧᓇᐤ ᐅ ᓂᑯᓴᐸᒋᑭᓐ, ᐅ ᓂᑯᓴᐸᒋᑭᓐ᙮” <pp>
ᓂᓯᔪᐛ ᐃᔎᐛ, ᐊᐅᑯᓂ ᐊᑕᑦ ᒐ ᓯᐸᑕᒋᒧᔨᒋ᙮ 
ᒥ ᑕᑈᑕᑯᐤ, ᒥ ᐃᑐᑎᒥᔪᐛ᙮ 
“ᐊᑯ ᒥ ᒋᑭ ᒋ ᐃᑎᓇᓄᐤ, ” ᐃᑕᐤ᙮ ᒐᒋᐸᔨᑐᒡ ᐎᔭᐱᓂᔨᒡ᙮ 
ᐊᐅᑯᔪᐤ ᒐ ᐛᐱᒪᒡ᙮ <pp>
ᐎᔭᐱᒪᒡ ᒪᑕᐸᒡ ᐊᓐᑕ ᑲ ᓂᑐᐛᐱᒪᒡ᙮ 
ᐎᔭᐱᒪᒡ ᐱᔭᑎᑯᒋᓂᔨᒋ, ᐎᓂᐸᑯᒡ, ᓱᒡ ᓇᑕ ᐎᓂᐸᑯᒡ᙮ 
ᔭᓇᐤ ᐃᑕᑎᓯᔪᐛ᙮ 
ᐊᑯ ᐅᑕ ᐱᔎᐱᔅᑲᓱᐤ ᐅᑕ ᐅᑕ ᓱᒡ, ᐊᑯᑕ ᐅᑕ ᐛᒋᓴᐱᒪᒡ᙮ <pp>
 ᐱᔭᒋ ᓇᑎᑲᒪᐱᔨᔨᒋ᙮
ᐱᔭᒋ ᓴᔅᒋᐱᔨᔨᒋ ᓂᔭᔪᐛ ᐅᔭᔪᐛ ᐅᐸᒥᔅᑲᐛᑭᓂᔪᐛ ᓂᔭᔪᐛ᙮ <pp>
ᐊᑯ ᑲ ᓴᔅᒋᐱᔨᑥᐤ, 
ᓇᑐᐛᐸᑕᐧᒃ ᐎᐅᑦ, ᑕᐸᑲ ᐎᐅᑐᐤ, ᒥᐅᑦ ᐊᓯᓂᐧᑲᑕᒡ ᐎᐱᒡ᙮ 
ᒥ ᑎᑯᓂᔪᐤ ᐎᐅᑦ, ᓂᔭᔪᐤ ᐎᐅᑦ, ᒥᐅᑦ ᐊᓯᓂᐧᑲᑕᒡ, ᒥ ᑎᑯᓂᔪᐤ᙮ 
ᒥᒄ ᓂᔭᔪᐤ ᐊ ᒋ ᐛᐛᒋᓇᐧᒃ ᓂᔭᔪᐤ ᐊᓐᑕ ᑲ ᑎᑕᐧᒃ, ᐊᐅᑯᔪᐤ ᒥᒄ ᐊ ᑎᑯᓂᔨᒡ ᐊᑎ ᒧᓴᓇᐧᒃ᙮ 
ᐊᑯ ᐊᓐᒡ ᐃᔅᒋᒪᐅᒡ ᓂᔭᔪᐤ ᐊᑕᔅ ᐅᑎᑕᐅᑯᒡ ᓂᔭᔪᐤ ᒥᐅᑎᔪᐤ᙮ <pp>
ᑭᑈ ᑭ ᓂᐳᐅᒋ ᒂ ᑎᒡ ᓇᑕ᙮ 
ᑕᐸ ᐊᔅᒄ ᒋ ᐱᑲᔪᐛ᙮ 
ᒂ ᑎᐱᔨᒋ ᓂᔭᔪᐛ ᐅᑦ ᐅᐤᑎᔨᒡ᙮ <pp>
ᐊᑯ ᐃᑕᐤ, “ᑕᐸ ᐅᒡ ᒋᑭ ᒋ ᓂᐳᐅᒡ,” ᐃᑕᐤ᙮ 
“ᐃᔭᐅᐧᑯᒡ, ᓇᑎᐧᑯᒡ ᒐ ᓂᐸᐊᐧᑯᒡ,” ᐃᑕᐤ᙮ <pp>
ᒥ ᐎ ᓇᑕᔪᐛ ᐃᔭᐱᒡ, ᐊᑐᐛᔨᑎᒧᒡ ᐊᓐᒡ ᐃᔪᒡ, ᒻᒻᒻ, ᐅᓴᒻ ᒥ ᒥᒐᑐᒡ ᐅᓴᒻ, ᐃᑕᐅᒡ᙮ 
ᒂ ᐊᑲ ᒋᔅᑐᑎᑯᒡ᙮ <pp>
ᓇᓇᒐᓯ ᐊᑯ ᓇᑕ ᐛᒋ ᔪᑎᒡ ᒥᓄᐛᒡ᙮ 
ᒺᓴᐛᔭᐅᑯᒡ᙮ 
ᒥᓯᐛ ᒂ ᑎᒡ, ᑭ ᒧᓴᐛᔭᐅᑯᒋ ᒂ ᑎᒡ᙮ 
ᑲ ᐸᒋ ᓴᔅᒋᐱᔨᒡ ᐃᔅᒋᒪᐅᒡ, ᓇᑕ ᒪᒃ ᑕᐅᒋᔅ ᓇᑕ ᐊᑕᒡ, ᐛᒋ ᐅᓂᑦ ᐸᐃᒄ᙮ 
ᑎᐛᒡ ᐅᑎᓇᐤ ᐅᔭᔪᐤ ᐊᐳᔭ, ᒋ ᐱᒥᑕᔎᔭᐤ ᐅᑕ ᐅᑦ ᐅᐤᑎᒡ᙮ 
ᒥᓯᐛ ᒂ ᑎᒡ, ᑭ ᐊᑎ ᐅᓂᐅᒋ ᒂ ᑎᒡ; ᑕᐸ ᓂᐳᒡ᙮
ᑕᐸ ᒋ ᓂᐱᒐᓂᒋ, ᐛᒋ ᐅᓂᒡ, ᐛᒋ ᒥᓏᑎᓯᒡ ᐅᔭᔪᐤ᙮ <pp>
ᑎᐛᒡ ᐅᑕᐛᐤ ᐊᓇ ᑭᑈ ᓂᑲᓐ ᐅᐤᑦ, ᒥᒄ ᐊᓯᓇᑯᑦ ᐅᔭᔪᐛ ᐎᒐᐛᑭᓇ, ᓂᔅᑦ ᒂ ᑎᔨᒋ, ᒥᓯᐛ ᑭᑈ ᒺᓴᐅᐱᔨᒋ᙮ 
ᐊᑯ “ᐛᐸᑎᒧᒄ,” ᐃᑕᐤ, “ᓂᐸᐃᑯᒡ, ᓇᑎᐧᑯᒡ, ᑲ ᐃᑎᑯᒡ, ” ᐃᑕᐤ᙮ 
ᒂ ᑎᐱᒡ, ᐊᐱᒡ᙮ <ss>
ᓇᓇᒐᓯ ᙮᙮᙮ ᐛᔅ ᒂ ᑎᒡ, ᐃᑕᑭᓄᐅᒡ, 
ᒥᔭᑕᔨᒪᑥᐎ ᐃᔪᐛ, ᐎᔭᐱᒪᑥᐎ ᐃᔪᐛ, 
 ᐊᑯ ᓴᔅᑲᐊᒡ, ᒧᔅᑐᐛᒡ, ᓇᔅᑐᓂᑐᒡ᙮ 
ᐊᑯ ᑎᔭᐱᑐᐎᒡ᙮ 
ᐊᑯ ᐸᑐᔅ ᓇᑐᐛᐱᒪᒡ, ᐃᑕᑭᓄᐅᒡ, ᐃᔪᐛ, ᑲ ᑕᐱᑐᐎᑥᐤ᙮ <pp> 
ᐎᔭᐸᑎᒺᒡ ᐊᓐᑕ ᐊ ᐱᒋᑕᐊᒥᔨᒋ᙮ 
ᒂ ᑎᐱᒡ ᑕᓐᑕ ᐎ ᓂᐸᐊᐅᒡ, ᐎ ᓂᑐᐛᐱᒪᐅᒡ᙮ 
ᐊᑯ, ᓇᓇᒐᓯ ᐅᑎ ᐃᐱᑕᐤ, ᐛᒋ ᓴᒐᐛᔭᓯᔨᒋ, ᐅᒥᔅᑎ ᐅᐤᑎᔪᐛ ᓂᔭᔪᐛ ᐊᐱᒋᑕᔪᐛ, ᒪᒥᒐᑐᐧᑭᒥᔪᐛ, ᐛᒋ ᓴᓴᓴᒐᐛᔭᓯᔨᒋ, ᒥᒐᑎᔪᐛ᙮ 
ᐊᑯ ᐱᔭᒋ ᓇᑎᑲᒪᔭᓯᔨᒋ ᐅᑕ, ᐅᔭᔪᐤ ᐅᑕ ᑲ ᐊᑯᒧᔨᒋ᙮ <pp> 
ᐊᑯᑕ ᑭᑈ ᒋᐸ ᓂᐸᐊᐱᓐ, ᐎᐅᑦ ᑎᑯᓂᑕᒂ᙮ 
ᐊᑯ ᐃᑕᐤ ᓂᔭᔪᐛ ᐅᑎᔭ, ᐎᒐᐛᑭᓇ, “ᓂᑭ ᐊᔅᑐᑕᐊᐅᒡ ᐊᑯ ᐃᔎᐅᒡ᙮ ᒥ ᒋᑭ ᒋ ᐃᑎᓇᐤ, ᒋᑭ ᓂᐸᐃᑯᐛᐅᒡ ᐅᓴᒻ ᒥᒐᑐᐅᒡ,” ᐃᑕᐤ᙮ 
“ᓂᑭ ᐊᔅᑐᑕᐊᐅᒡ ᐃᔎᐅᒡ, ᓴᔅ ᓂᑭ ᐊᔅᑐᑕᐊᐅᒡ,” ᐃᑕᐤ᙮ <pp>
“ᓂᐦᐃ,” ᐃᑎᑯᐤ᙮ <pp>
ᒐᑐᑕᐊᑦ ᐃᔎᐛ, ᒐᐛᑕᐊᑦ᙮ 
ᓇᑕ ᑲ ᐅᑐᑕᒡ ᑭᑈ, ᐊᑯᑕ ᐊᑐᑕᐊᑦ, ᐛᒐᐛᑦ ᐃᔎᐛ᙮ 
“ᐊᑯ ᐛᔪᐃᔅ ᑭ ᑕᐅᒋ ᐃᑕᔨᒥᔭᒐ ᐊᑯ, ᒐ ᐸᒋ ᒋᒋᐸᔨᑐᔭᒄ,” ᐃᑕᐤ᙮ 
“ᒐ ᒋᑎᓯᒪᑯᒡ, ᒐ ᐊᑲ ᓄᒋᐃᐧᑯᐛᑯᒡ,” ᐃᑕᐤ᙮ <pp>
ᐊᑯ ᐎᔭᐱᒪᒡ ᒥᓯᐛ ᐊᓐᑕ ᓴᔅ ᐸᒋ ᐱᑲᔪᐛ, ᒥᓯᐛ ᐊᓐᑕ ᐸᒋ ᐃᑕᔪᐛ, ᑭᔭ ᐅᑕ ᒂᔅᑕᒐ ᐸᒋ ᐃᑕᔪᐛ᙮ 
ᐊᑯ ᓇᑕ ᐊᑎ ᓂᑐᐛᐱᒪᒡ ᓇᑕ, ᓇᑕ ᑭᑈ ᒋᐸ ᐎ ᒋᑎᓯᒪᐅᒡ ᓇᑕ᙮ 
ᓴᔅ ᓇᑕ ᒋ ᑕᔨᓯᐱᓂ ᐱᔅᒐ, ᓇᑕ, ᓇᑕ ᓇᔭᔪᐛ ᓇᑕ ᒐ ᐃᔅᐱᔪᐅᒡ, ᒐ ᐃᔅᐸᔨᑐᒡ᙮ 
ᐊᑯ ᐅᒡ ᑯᑎᑭᒡ, ᓇᐸᐅᒡ, ᒐᒋᐸᔨᑐᒡ᙮ 
ᐊᑯ ᐱᔭᐃᑯᓯᑦ ᐊᑯ, ᐅᐛ ᓇᐸᐤ, ᐅᑕ ᐛᒋ ᑭᓄᐛᐱᒪᑦ, ᐱᔭᐃᑯᓯᑦ᙮ 
ᐊᑯ ᒐᒃ ᒋᒋᐛ ᑭ ᐊᑎ ᒥᒐᑐᒋ ᐊᓯᓄᐛᑦ, ᐅᑕ ᐃᑕᒐ ᐅᔭᔪᐤ ᐅᑕ ᒋᐸ ᐃᑎᓯᒧᐤ ᐅᑕ ᐃᑕᒐ᙮ 
ᒐᒋᐸᑕᑦ, ᐊᑎ ᐛᐱᒪᑦ, ᐃᑕᑭᓄᐤ᙮ 
ᓴᔅ ᓇᑕ ᒋᐳᒋᑲᐳᔅᑕᑯᐤ, ᓴᔅ ᓇᑕ ᒋᐳᒋᑕᔪᐛ, ᓴᔅ ᐅᑕ ᑕᑕᐅᒡ ᑎᔨᑯᐤ᙮ 
ᐸᐃᑯᓱᐤ, ᒪᓇᑕ ᒂ ᐃᓯᑲᐳᐎᔨᒋ᙮
ᐊᑎ ᑭᑈ ᓂᔭᑭᑐᐛᐱᒪᑦ ᓂᔭᔪᐤ, ᐊᓯᓇᑯᓯᔨᒋ, ᐊᓐᑕ ᐊᑲ ᓱᐧᒃ ᒥᒐᑎᔨᒋ ᐊᓯᓄᐛᑦ᙮ ᐊᑯᑕ ᒐᒋᓇᑦ, ᐃᑕᑭᓄᐤ, ᓂᔭᔪᐤ᙮ <pp>
ᐊᔪᐛᒡ ᑭᑈ ᒋ ᒋᔅᒐᔨᑎᒧᒐ ᒐᒂᓂᔪᐤ, ᐛᒋ ᐊᑲ ᒋ ᒥᓱᑯᑦ ᓂᔭᔪᐛ ᒥᐱᓴ, ᐛᑎᒋᐱᑕᑦ, ᐃᑕᑭᓄᐤ᙮ 
ᐸᒧᐅᑯᑦ ᐅᑦ ᐊᒐᐱᔪᐛ, ᒥᒄ ᐛᓂᐱᔨᒋ ᒥᐱᓴ, ᑯᔭᑦ, ᐃᑕᑭᓄᐤ᙮ ᓇᔅᑎᔅ ᒥ ᒋᑭ ᑲᔅᑕᐅᑯᐤ ᐊᓂᔭ ᒥᐱᓴ᙮ 
ᒥᒄ ᑭ ᐱᒥᐱᔪᐛᓂ ᒂ ᓯᓄᐛᑦ, ᐃᑕᑭᓄᐤ᙮ 
ᓇᑕ ᒪᒃ ᑲ ᐎᒪᐱᔅᑐᐛᑦ ᑲ ᒪᓱᑯᑦ ᐊᑯ, 
ᓯᔭᔎᐅᒡ ᒂ ᑕᑦ, ᐃᑕᑭᓄᐤ᙮ <pp>
ᐊᑯ ᒋᒋᐛ ᐛᔨᐳᐎᑦ, ᒐᑎᓯᒪᑦ, ᐛᐛᒡ ᒋᒋᐛ ᒋ ᒋᓯᐱᔪᐤ, ᐃᑕᑭᓄᐤ᙮ 
ᓇᑕ ᒪᒃ ᐊᑎ ᐊᑎᒪᑦ ᐎᒐᐛᑭᓇ ᓇᐸᐛ, ᒂ ᐊᑎ ᐎᒋᐸᑕᒪᑦ ᑭᑈ᙮ 
ᐊᔅᒄ ᐸᐸᔨᑐᔪᐛ ᓂᔭᓂᓱᓇᑯᒡ᙮ <pp>
ᐊᑯ ᐅ ᒋ ᒋᓴᔪᓱᐤ ᒥᐅᑕᔅ ᐃᓯᓂᐧᑲᑕᑭᓄᐤ᙮ 
ᐊᐅᑯᔪᐤ ᓇᑭᑕᑭᓄᐅᑦ, ᐊᑯ ᓂᔭᔅᑐᐃᑯᑦ ᐊᑯ, ᐊᑯ ᐅᑕᒡ ᐊᑎ ᐃᑕᑦ, ᐃᑕᑭᓄᐤ᙮ 
ᓴᔅ ᒋᒋᐛ ᐸᔄᐱᒥᑯᐅᒡ᙮ 
ᐊᑯ ᓇᒡ ᒋᔅᒐᔨᒪᐅᒡ ᑕᐸᑲ ᑭᓄᐛᐱᒪᐅᒡ᙮ ᒐ ᐸᒋ ᐊᑎᒥᑯᔨᒋ, ᐊᑯ ᓇᑕ, ᓇᑕ ᐃᔭᑯᓯᒪᒡ ᓇᑕ᙮ 
ᐊᑯ ᓇᑕ ᐛᒋ ᑭᓄᐛᐱᒪᒡ, ᓇᑕ ᐛᒋ ᐊᐱᒥᐱᔨᐅᒡ, ᐛ ᒋᑕᐱᒥᑯᒡ᙮ <pp>
ᒥᒋᒪ, ᒥᒋᒪ, ᒥ ᓱᐧᒃ ᐛᔪᐤ, 
ᒋᐸ ᐅᑎᑕᐛᐅᒡ ᐸᔅᒋᑭᓂᔪᐤ, ᐃᑕᑭᓄᐅᒡ, ᐊᔅᐱᔅ ᓂᔭ ᐸᒋ ᒧᔅᑎᓇᔨᒋ᙮ ᐱᔭᒋ ᒋᒋᓇᔨᒋ, ᒺᔅᑎᓇᔨᒋ ᓂᔭᔪᐛ, ᒥᐅᑕᓯᐱᓐ, ᒺᔅᑎᓂᑯᑦ, ᓴᓯᐱᓂᔅᒐᐱᑎᑯᑦ, ᐸᐱᐱᒥᐧᑯᑦ ᐊᓐᑕ ᒥᐱᓴ, ᐎᐱᓯᔪᐛ᙮ 
ᒥᓯᐛ ᐸᐱᐱᒥᐧᑯᑦ, ᒥᒐᑎᔪᐛ ᑕᓐᑕ᙮ 
ᐊᐅᑯᔪᐤ, ᒂ ᑕᑦ, ᐃᑕᑭᓄᐤ, ᐊᓐ ᐃᔪᐤ ᓂᔭᔪᐛ ᑎᔭᐱᑐᐧᑯᐛᔨᒋ᙮ <pp>
“ᓂᑦ ᐊᑎ ᐎ ᐸᔅᒋᓯᒺᐛ,” ᒂ ᑕᑦ, ᐃᑕᑭᓄᐤ᙮ <pp>
“ᓂ ᑯᔅᑎᔨᑯᒡ,” ᒂ ᑕᑦ, ᐃᑕᑭᓄᐤ ᐎᒐᐛᑭᓇ᙮ <pp> 
“ᐊᑲ ᐃᑐᑐᐅᒡ" ᐃᑎᑯᒐ᙮ <pp>
“ᓂᑦ ᐊᑎ ᐎ ᐸᔅᒋᓯᒺᐛ,” ᒂ ᑕᑦ, ᐃᑕᑭᓄᐤ᙮ 
“ᒪᐧᑲᓯᓂᔭ ᓂ ᒋᔅᑕᐊᒺᓐ,” ᒂ ᑕᑦ, ᐃᑕᑭᓄᐤ᙮ 
ᐊᔪᐛᒡ ᐸᐃᒄ ᒋᐸ ᐱᐱᓯᓇᐤ ᒋ ᐸᔅᒋᔄᑕᒂ᙮ ᒂᔅᑎᔨᑯᑦ, ᒥ ᒋ ᐸᔅᒋᔄᐤ᙮ 
ᒂ ᐎᐳᐎᒡ ᒥᓐ᙮ <pp>
ᓇᑕ ᒪᒃ ᒥᓐ ᐛᔪᐎᔅ ᑕᐅᒡ, ᐊᑯᑕ ᐊᑎᒪᒡ ᐃᔎᐛ᙮ 
ᑕᓐᑕ ᒋᔅᑐᑕᐤ ᐅ ᐸᐃᒄ ᐃᔪᐤ ᐛᒋ ᐎᒋᐸᑕᒪᑦ᙮ 
ᓇᑐᐛᐱᒪᒡ ᑭᑈ, ᐊᔅᒄ ᐸᐸᔨᑐᔨᑎᑲ, ᒻᒻᒻ, ᐊᑎ ᐃᔅᐸᔨᑐᒡ ᓇᔭᔪᐤ᙮ 
ᐊᑯ ᒐᒃ ᒥ ᒋᔅᒐᔨᑎᒧᒡ ᓂᐱᔪᐤ, ᒪᐤ ᒂ ᓯᑭᒪᒡ ᐊᓐ ᓂᐱᔾ᙮ 
ᐊᑯ ᒪᓐ ᒂ ᓯᓇᒂᒡ ᓂᐱᔾ, 
ᐊᑯ ᓇᑕ ᐛᐸᔅᒡ, ᐅᐸᓱᐤ, ᐅ ᐛᒋ ᐊᑎ ᒥᔅᑕᐛᔭᒡ, ᐊᑯ ᓇᑕ ᐱᔭᓱᑲᒥᑭᔅᒡ, ᒪᓐ ᐃᓯᓇᑯᓄᒐ ᒂ ᐊᑎ ᓂᔭᔪᐤ ᐃᔅᐸᔨᑐᒡ᙮ 
ᐎᔭᐸᑕᒡ ᓂᔭᔪᐤ ᓂᐱᔪᐤ ᐊᓯᓇᑯᓂᔨᒡ ᑭᔭ ᐅᔭᔨᑕ, ᐃᔭᓴᒋᓯᒡ, ᒥᓇᐛᑎᒻ, ᐊ ᒥᔅᑕᐛᔭᒡ᙮ <pp>
ᐊᑯ, “ᓇᐸᐃᑕᐧᑯᒡ, ᓇᐸᐃᑕᐧᑯᒡ᙮ 
ᐊᑯᑕ ᐅᑕ ᒋᐸ ᐊᑎᒥᑯᐅᒡ ᑭᑈ, ᐊᑯ ᓇᐸᐃᑕᐧᑯᒡ,” ᐃᑕᐅᒡ᙮ ᐛᐱᒪᐅᒡ ᐊᔅᒄ ᐸᐸᔨᑐᔪᐛ᙮ <pp>
ᐊᑯ ᐊᓐ ᐃᔪᐤ ᑭᑈ, ᒂᓴᐸᑕᐧᒃ, ᒺᓴᐅᑲᓯᑦ ᐊᓐ ᐃᔪᐤ ᒂᓴᐸᑕᐧᒃ, ᒺᓴᐅᑲᓯᑦ᙮ 
ᐊᑯ ᐃᑕᐤ ᓂᔭᔪᐛ ᐎᒐᐛᑭᓇ, “ᐊᔪᐛᒡ ᐊᓐᑕ ᐸᒋ ᑎᑕᐧᑯᓂᑐᒄ,” ᐃᑕᐤ, “ᐸᒋ ᑎᑕᐧᑯᓂᑐᒄ,” ᐃᑕᐤ᙮ 
“ᑭᔭ ᐊᓐᒡ ᐃᔎᐅᒡ,” ᐃᑕᐤ “ᐸᒋ ᑕᐧᑯᓂᐧᑯᒡ,” ᐃᑕᐤ᙮ 
 ᒺᓴᐅᑲᓯᑦ, ᑎᒥᐤ, ᑭᑈ ᐊᑕᒥᒡ, ᑕᐸ ᐃᓯᓇᑯᓐ ᒐᒋ ᐊᓱᐛᐃᑭᓄᐅᒡ᙮ 
ᒋᐸ ᐃᔅᒋᐸᐤ ᐃᔪᐤ ᐊᑎ ᐎ ᐊᓱᐛᐊᐧᒃ᙮ 
ᒺᓴᐅᑲᓯᑦ ᐊᓐ ᑭᑈ, ᐊᓐ ᑲᑯᓴᐸᑕᐧᒃ᙮ 
“ᒥᓐ ᐊᑯ ᒐ ᒧᔅᒋᑦ ᐊᓐᑕ, ᐊᑕᒥᐸᑯᒡ ᐊᑕᑦ ᐊᓯᓂᔾ ᓂ ᒋ ᐃᑕᔨᑕᓐ,” ᑯᔭᑦ, ᐃᑕᑭᓄᐤ᙮ 
ᒂ ᐊᑎ ᐊᓱᑲᓯᒡ᙮ ᓇᔅᑎᔅ ᒥ ᒐᒂᓂᔪᐤ, ᒧᔭᒻ ᐊᔪᐛᒡ ᒂ ᐃᑕᔨᑕᒂᒡ, ᐊᑎ ᐊᓱᑲᓯᒡ᙮ <pp>
ᓇᑕ ᒪᒃ, ᑲ ᐊᓱᑲᓯᑥᐤ, ᐊᑯᑕ ᐃᔭᐱᒥᐱᔨᐅᒡ, ᐊᑯᑕ ᑲᓄᐛᐱᒪᒡ᙮ 
ᐊᑎ ᐱᑎᑲᒥᑯᓯᔪᐤ, ᒪᑕᐸᐸᔨᑐᒡ, ᒂ ᑕᒡ, ᐃᑕᑭᓄᐅᒡ᙮ 
ᒥ ᒋ ᐃᑎᔪᐛ, ᒥ ᒋ ᐃᑐᑎᒥᔪᐛ ᑲ ᐃᑐᑕᒡ, ᐃᔭᑎᑲᒪᒋᓯᒪᒡ, ᐛᒋ ᐊᑲ ᒋ ᓂᐸᐃᑯᒡ᙮ <pp>
ᐊᐦᐊᒃ, ᒋ ᐛᐸᑕᓐ ᐊ, ᐊᓯᓇᒂᒡ, ᒥᑕᐛᑎᓯᐅᓐ ᓂ᙮ 
ᐊᑯ ᒐᐛᐸᔨᑐᒡ, ᒐᒋᐸᔨᑐᒡ ᐊᑯ᙮ 
ᓂᒋᔅᒃ, ᓂᒋᔅᒃ ᒥ ᐱᒪᐃᒪᐅᒡ᙮ ᒥ ᓄᒋᐧᑯᐛᐅᒡ <pp>
ᒋᐸ ᓂᐸᐊᐱᓐᒡ ᑭᑈ, ᒋ ᑕᑈᑐᐛᑕᒂᐛ ᐅᔭᔪᐤ, ᓂᔭᔪᐛ ᑲ ᐃᑎᓱᒥᑯᒡ᙮ 
ᑕᓐ ᑲ ᐃᑎᓯᒥᑯᒡ ? ᐊᓂᔭᔪᐤ ᐅᔅᑭᒡ ᑭᑈ, ᐅᔅᑭᒡ ᑭᑈ ᒐᒋᐸᔨᑐᒡ ᐅᔭᔪᐤ, ᒂᓴᐸᑎᒥᔨᒋ, ᐊᓐᒡ ᒪᒃ ᐃᔎᐅᒡ “ᓯᐸᑕᒋᒧᒄ ᓂᑯᓴᐸᒋᑭᓐ,” ᑲ ᐃᑎᑯᒡ, ᐊᑲ ᐊᑐᑎᒺᒡ᙮ 
ᐊᐅᑯᔪᐛ ᓂᔭᔪᐛ ᐛᒋ ᐊᑲ ᒋ ᓂᐸᐊᒡ, ᓂᔭᔪᐤ, ᓂᔭᔪᐤ ᓄᒋᐧᑲᑯᒡ, ᐅᔭ ᐃᔅᒋᒪᐛ᙮ <pp>
ᑲ ᐃᑐᑐᐛᒡ ᐃᔪᒡ ᐃᔅᒋᒪᐛ, ᒋ ᓂᐸᐊᐅᒡ, ᐃᑕᑭᓄᐅᒡ, ᐎᔭᐱᒪᑥᐎ ᐃᔅᒋᒪᐛ ᐃᔪᒡ᙮ 
ᒥ ᓂᑕ ᓱᐧᒃ ᒥᔅᑎ ᓂᐸᐃᑯᐅᒡ, ᐃᑕᑭᓄᐅᒡ᙮
ᐃᔪᐛᒃ ᒥᔅᑎ ᓂᐸᐊᑭᓄᐤ, ᐃᑕᑭᓄᐤ, ᐃᔅᒋᒪᐤ, ᒥᔅᑎ ᓂᐸᐊᐅᒡ ᐃᑕᑭᓄᐅᒡ ᐃᔪᒡ ᐃᔅᒋᒪᐛ᙮ <pp>
ᒂ ᐃᔎᐅᒋᒪᑭᓄᐅᒡ ᓂᔭᔪᐤ ᐊᓯ ᑎᐸᒋᒪᑭᓄᐅᒡ᙮ <pp>
ᓇᔅᑲᐱ
ᓇᑐᐛᐅᒡ ᐅᔅᑎᓂᒡ ᑲ ᑕᒡ 13 ᓇᑐᐛᐤ ᐊᑦ ᐅᔅᑎᓐ Book Source 2017 08 11
ᐅᔅᑎᓐ, ᐅᔅᑎᓐ ᐅ ᐊᓯᓂᐧᑲᑕᒡ, ᐅ ᒪᒃ ᒥᓐ ᑲᔎᓯᐱᓐ, ᑲᔎᓯᐱᓐ᙮ 
ᐊᑯᑕ ᐊᓐᑕ ᐃᑕᑭᓄᐅᒡ, ᑲᔎᓯᐱᓂᒡ, 
ᐊᑯᑕ ᐊᓐᑕ ᐛᑎᑕᐛᒡ, ᐃᑕᑭᓄᐅᒡ, ᐊᐛᓐᒋ, ᐊᓐᑕ ᐛᒋᒪᒡ ᐊᓐᑕ ᐛᔪᐤ᙮ 
ᔭᓇᐤ ᑕᑎᓱᐅᒡ, ᐃᑕᑭᓄᐅᒡ᙮ 
ᓇᑐᐛᐅᒡ ᐃᓯᓂᐧᑲᑕᐤ ᐃᔪᐤ, ᓇᑐᐛᐅᒡ ᐃᓯᓂᐧᑲᑕᑭᓄᐅᒡ᙮ 
ᐛᑎᑕᐛᒡ, ᓄᐛᐛᑭᓄᐤ ᐊᑎᐧᒄ, ᐃᓇᓄᐤ, ᑲᔎᓯᐱᓂᒡ᙮ <ss>
ᐊᑯ ᐊᒥᔅᒄ, ᐊᒥᔅᒄ ᐃᓯᓂᐧᑲᓱᐤ ᐃᔪᐤ, ᐊᒥᔅᒄ, ᐊᐅᑯᓐ ᒂᓴᐸᑕᐧᒃ, ᐃᑕᑭᓄᐤ᙮ 
ᐊᐅᑯᓐ ᒐᔅᒐᔨᒪᑦ ᐛᑎᑕᐛᔨᒋ ᐊᐛᔪᐛ, ᐊᒥᔅᒄ᙮
ᐊᑎ ᑕᐅᒡ ᐊᓐᒡ, ᐊᓐᒡ ᑭᑈ ᑯᑎᑭᒡ ᒂᓴᐸᑕᒡ ᐃᔪᒡ, ᐊᑎ ᑕᐅᒡ, ᐃᑕᑭᓄᐅᒡ, ᐃᔭᐱᒡ᙮
ᐊᑯ ᐅ ᐊᒥᔅᒄ, ᐊᒥᔅᒄ, ᐊᒥᔅᒄ ᐊᑕᑭᓄᐅᑦ,
ᐊᐅᑯᐤ ᐊᓱᑎᓂᒧᐛᑭᓄᐅᑦ, ᒐ ᑭᓄᐛᐱᒪᑦ, ᒐ ᓂᓇᑭᒐᐊᑦ, ᓂᔭᔪᐛ ᐛᑎᑕᐅᑯᒡ ᐊᐛᔪᐛ᙮ 
ᑭᑈ ᒂ ᐃᑎᑦ, ᓂᔭᓇᑭᒐᐊᑦ᙮ <pp>
ᐊᑯ ᐃᑕᐤ, “ᐛᓴ ᒋᑭ ᐎ ᓂᐸᐃᑯᓇᓄᐅᒋ,” ᐃᑕᐤ, 
“ᑭ ᒋ ᐎ ᒪᓯᐃᑲᑭᓄᐅᒋ, ᒂ ᐃᑕᔨᒥᒂᐤ,” ᐃᑕᐤ᙮ <pp>
“ᓄᒋᐧᑯᒡ ᑭᑈ,” ᐃᑎᑯᐤ, 
“ᑕᐸ ᓂ ᑕᐸᔨᒧᑐᐛᓇᓐᒡ,” ᐃᑎᑯᐤ ᓂᔭᔪᐛ ᒂᓴᐸᑎᒥᔨᒋ᙮ 
“ᐊᑯ ᑎᔭᐸᔨᒧᑥᐅᑕᓐᒋ ᒋᐸ ᑕᒂᐱᒪᐅᒡ, ᒋᐸ ᓇᓇᑭᒐᐅᒡ, ᒋᔾ, ᐊᒥᔅᒄ᙮”
ᒥᒄ, ᒂ ᐃᑎᑦ᙮ <ss>
ᒥᓯᐛ ᒐᒂᓂᔪᐛ ᑭᓄᐛᔨᑎᒻ, ᐅᐸᔅᒋᑭᓐ, ᑭᔭ ᐅᑦ ᐊᑭᑕᔅᒄ, ᐅᒧᐧᑯᒪᓐ, ᐅᓯᒪᑭᓐ, ᐅᑦ ᐊᒐᐱᔭ, ᐊᓐ ᑭᑈ ᑭᔭᓯᒪᒡ ᒐᒂᓐ ᐊ ᐃᓯᓇᒂᒡ ᒐᒋ ᓂᐸᑕᐛᒐᑦ ᐅᔭᔪᐛ ᒥᓯᐛ ᐊ ᐃᓯᓇᑯᓂᔨᒡ᙮
ᒥᓯᐛ ᓂᔭᔪᐛ ᐃᓯ ᑭᓄᐛᔨᑎᒻ, ᐃᑕᑭᓄᐤ, ᓂᔭᔪᐛ, ᒐᒂᓂᔪᐛ᙮ 
ᐊᓐᑕ ᑭᑈ ᐎᒋᒡ ᑲᓄᐛᔨᑕᐧᒃ, ᐃᑕᑭᓄᐤ᙮ <pp>
ᐊᑯ ᐃᑕᐤ ᓂᔭᔪᐛ ᐃᔪᐛ “ᒋᐸ ᐊᑐᒐᓄᐤ,” ᐃᑕᐤ᙮ 
“ᓇᑕ ᐅᒋ ᒥᔅᑕᐛᔭᐤ ᓇᑕ, ᐊᓐᑕ ᐃᑕᒐ, ᐱᓯᒻ ᐊ ᐸᒋᓯᒧᑦ, ᐅ ᐱᓯᒻ ᐊ ᐸᒋᓯᒧᑦ᙮
ᐊᑯᑕ ᓇᑕ ᐛᒋ ᐸᒋ ᒥᔅᑕᐛᔭᒡ, ᒪᓇᑕ ᐊᑎ ᒥᔅᑕᐛᔭᒡ,
ᐊᑯ ᐊᑯᑕ ᐅᑕ ᒐ ᐎᒋᓇᓄᐅᒡ, ᒥᒋᐛᐸ ᒐ ᐅᓯᑕᑭᓄᐅᒋ, ᒥᒋᐛᐸ, ᓂᔭᔪᐤ ᐊ ᒥᔅᑕᐛᔭᔨᒡ ᐅᑕ,” ᐃᑕᐤ᙮ <pp>
ᐊᑯ ᐅᑕ ᐊᑕᒡ ᐅᒡ, ᐅᒡ ᓇᑐᐛᐅᒡ᙮ 
ᐊᑯ ᐅᑕ ᐛᒋ ᐎ ᓇᑕᒡ᙮ 
ᐊᑯ, ᒥ ᑭᔅᒋᐅᒡ ᐅᔭᔪᐛ ᓇᑕ ᐃᑕᒐ ᐛᒋ ᐎ ᓇᑕᒡ, ᓇᑕ, ᓇᑕ ᐃᑕᒐ, ᐊᓐᑕ ᒪᓐᑕ ᐃᑕᒐ᙮ 
ᐊᑯ ᒪᓐᑕ, ᒪᓐᑕ ᒋ ᑕᑎᐱᔅᑯᐛᑕᐤ, ᐅᑕ ᐱᓯᒺ ᐃᑕᒐ, ᐛᒋ ᒐᐧᑲᔅᑐᐛᔨᒋ ᐃᑕᒐ, 
ᒋ ᐅᒋ ᓇᑕᑥᐤ, 
ᐊᑯ ᒋᐸ ᓂᐸᐊᐅᒡ ᐃᔪᐛ, 
ᐊ ᐃᑐᑕᑯᒡ ᓂᔭᔪᐛ, ᐊᒥᔎ᙮ ᐊᒥᔅᒄ ᐃᓯᓂᐧᑲᓱᐤ, ᐊᓐ ᐃᔪᐤ᙮ <ss>
ᐊᑯᑕ ᐃᔭᑯᒡ, ᐛᔅᑎᐎᐃᑯᒡ ᐛᒋ ᐊᑲ ᒋ ᒪᓯᐧᑯᐛᒡ᙮ 
ᐊᑯ ᐊᓐ ᐱᔭᒋ ᐸᓱᓇᑯᓯᑥᐎ, ᐛ ᓇᑕᑥᐎ ᐃᔪᐛ, ᐛ ᒪᓯᐧᑯᐛᒡ᙮ 
ᐛᔪᐎᑕᑦ ᐊᓐ ᐅᑦ ᐊᐱᒋᑕᐅᓇ, ᐅᐸᔅᒋᑭᓐ ᑭᔭ ᐅᑦ ᐊᑭᑕᔅᒄ, ᐅᒧᐧᑯᒪᓐ, ᐅᓯᒪᑭᓐ, ᐎᐱᓴ᙮ 
ᒂ ᐃᓯ ᑕᐧᑯᓇᓱᑦ ᐊᓐ, ᐛᔪᐎᒋ, ᒂ ᐊᑎ ᓇᑕᑦ᙮ 
ᒂ ᐊᑎ ᓴᔅᑯᐛᑦ ᓂ᙮ <pp>
ᐸᐃᑯᓱᐤ᙮ 
ᔭᓇᐤ ᑕᑎᓯᔪᐛ᙮ 
ᒥ ᒋ ᓂᐸᐃᑯᐤ᙮ 
ᒥ ᒋ ᒪᓯᐧᑲᑯᐤ᙮ 
ᑯᔅᑎᑯᐤ ᐊᑎ ᐃᓯ ᐸᐃᑯᓯᑦ᙮ <pp>
“ᒪᐤ, ᐊᑐᒡ ᒋ ᒥᑥᑕᔪᐤ ᐅᐸᔅᒋᑭᓐ, ᑭᔭ ᐅᑦ ᐊᒐᐱᔭ ᒋᐸ ᓇᑥᐱᑕᐤ,” ᐃᑕᐤ ᐊᓐ ᓇᑐᐛᐤ, 
“ᐊᑯ ᐅᔭᔪᐤ ᐅᒧᐧᑯᒪᓐ, ᒥ ᓂᑦ ᐃᔪᐛᔅᑭᒺᓐ ᐅᒧᐧᑯᒪᓐ, ᑭᔭ ᐅᓯᒪᑭᓐ, ᐅᑦ ᐊᑭᑕᔅᒄ, ᒪ ᐊᓐ ᒋᐸ ᐃᓯ ᐊᐱᒋᑕᐤ ᐎᔭᔅ,” ᐃᑕᐤ᙮ 
ᐊᑯ “ᐅᔭᔪᐛ ᐊᑲ ᒥᑥᑕᔨᒡ ᐅᐸᔅᒋᑭᓐ, ᑭᔭ ᐅᑦ ᐊᒐᐱᔭ ᐊᑎ ᓇᑥᐱᑕᑦ, ᒥ ᓂ ᑎᐱᔅᑯᐛᐤ,” ᐃᑕᐤ᙮ <pp>
ᐊᑯ, ᐊᑯ ᐊᓐ ᐸᐃᒄ ᐊᓐ, ᐊᓐ ᓇᑐᐛᐤ ᐊᓯᓂᐧᑲᑕᑭᓄᐅᑦ, ᐊᑎ ᑯᔅᑎᔭᑦ ᓂᔭᔪᐛ ᓂ ᐎᒐᐛᑭᓇ ᒐ ᐊᑲ ᓄᒋᐧᑯᐛᔨᒋ ᐃᔪᐛ᙮ 
“ᐊᑲ ᓄᒋᐧᑯᐎᐃᑯᒡ ᐊᑯ, ᐊᑲ ᐱᒪᔨᒥᐧᑯᒡ,” ᐊᑕᑦ ᓂ᙮ 
ᒥ ᑕᑈᑕᑯᐤ᙮ <ss>
ᐊᑯ ᓴᒋᒪᐅᒡ, ᐃᓇᓄᐤ, ᒂ ᐃᑕᔨᑕᒂᒡ, ᐃᓇᓄᐤ, ᒪᐤ ᑭ ᐃᑕᔨᑕᑯᓄᐛ ᑭ ᓂ ᑎᐸᒋᒧᓇᐛ ᑭ ᓯᒋᒪᐅᐛ᙮ 
ᐛᔭᓐ ᒂ ᐸᓱᓇᒂᒡ ᐊ ᐅᔅᑲᐅᑦ ᐊᑎᒂ᙮ 
ᓴᒋᒪᐅᒡ ᒋ ᓄᒋᐧᑲᓱᐅᒡ 
ᐛᔭᓐ ᒂ ᐸᓱᓇᑯᔅᑦ ᐅᔅᑲᐅᐱᓯᒻ᙮
ᐛᔅᑲᐅᑦ ᐊᑎᒂ, ᒐ ᐅᔅᑲᐅᑦ᙮
ᐊᔅᒄ ᓄᒋᐧᑲᓱᐅᒡ,
ᐊᑯ ᒐᒪᐧᑭᑕᔪᐛᒡ, ᒐᑎᒺᑭᓄᐅᑦ ᐅ ᐊᑎᐧᒄ ᑲ ᓂᐸᐊᑭᓄᐅᑦ᙮ <pp>
ᐊᑯ, “ᒐ ᒋᒪᐧᑭᑕᐃᑕᐧᑯᒡ! 
ᐊᒥᔅᒄ, ᐊᑯ ᑕᓐ ᐊᑎᔨᓐ ᐊᑯ ᐊᑲ ᓇᔅᑎᔅ, ᐊᑲ ᒋ ᐅᔭᔅ ᐃᑕᒧᒐᔨᓐ ᐊᑯ?” ᐃᑕᐅᒡ᙮ <pp>
ᐊᑯ ᐃᑕᐤ, “ᐊᑯ ᐎᔭᐧᑲᔨᒡ,” ᐃᑕᐤ, “ᐎᔭᐧᑲᔨᒡ,” ᐃᑕᐤ, “ᐛ ᐊᑲ ᐳᓂᑕᐧᑯᒡ,” ᐃᑕᐤ, 
“ᒐᒪᐧᑭᑕᐊᒡ ᐊᑯ ᑕᑈ ᐊᐛᓴ,” ᐃᑕᐤ᙮ <ss>
ᐊᑯ ᐛ ᑯᓴᐸᒋᑭᓂᑯᐛᑭᓄᐅᑦ ᑭᑈ, ᒂᓴᐸᑕᐧᒃ, ᐸᒐᑦ, 
ᐊᔭᔨᒺᐅᑦ ᑭᑈ ᒥᔅᑕᐸᐛ ᐃᔨᒥᐃᑯᑦ, ᐅᑦ ᐃᔨᒥᐃᑯᓯᒪ᙮ <pp>
“ᓂᑭ ᓂᑐᐛᔨᒥᓱᓐ,” ᐃᑕᐤ ᐊᒥᔅᒄ᙮ 
“ᒐ ᐃᔅᐱᑕᔨᑕᑯᓱᐛᓇ,” ᐃᑕᐤ᙮ 
ᐊᑯ ᑭᑈ ᓇᑭᒧᑦ, ᐃᑕᑭᓄᐤ, ᐊᒥᔅᒄ᙮ 
ᒥ ᒋ ᓇᓱᐛᔪᐛ ᑕᓐᑕ ᐎ ᑯᔅᑎᑯᐤ᙮ <ss>
ᐊᑯ ᐅᔭᔪᐤ ᑲ ᐃᑎᑦ ᑲᑯᓴᐸᑕᐧᒃ, ᑭ ᑕᐧᑲᔭᐛ ᒂ ᐃᑕᔨᑕᒂᒡ, ᐃᓇᓄᐤ᙮
ᒐᒃ ᑯᓐ ᒂ ᐸᒋᓯᓂᑦ, ᑯᓐ᙮
ᑕᐸ ᓂᑕ ᑕᐧᑲᔭᐤ, ᐊᔅᒄ ᐊᑲ ᐅᔅᑲᐅᑦ ᐊᑎᐧᒄ, ᒥ ᓂᑕ ᓱᐧᒃ ᐸᒋᓯᓐ᙮ 
ᐊᒋᑭᓐ ᐅ ᓂᒋᔅᒃ ᒐ ᐊᑎ ᐃᑕᔨᑕᒂᒡ ᒐ ᐊᑎ ᐱᐳᒡ ᐅ, ᐅᔅᑲᐅᐱᓯᒻ᙮ 
ᐊᔅᒄ ᒥ ᐅᔅᑲᐅᐤ ᐊᑎᐧᒄ, ᓴᔅ ᐱᐳᓐ, ᐃᓇᓄᐤ᙮
ᒐᔅᒐᔨᑕᒡ ᒐ ᓯᑭᑎᒥᑯᒡ ᐅᒡ ᓇᑐᐛᐅᒡ, 
ᐛ ᒋᐛᐅᒡ ᐅᑦ ᐊᔅᒋᐛᒡ, ᐛ ᐃᔅᒋᒪᒡ, ᐊᑯᑕ ᓇᑕ ᐛᒋᒡ, ᐃᑕᑭᓄᐅᒡ, ᐛ ᒋᐛᐅᒡ, ᐛ ᒋᐛᐅᒡ᙮ <ss>
ᐊᑯ ᑭᑈ ᑲᓄᐛᐱᒪᑦ, ᐃᑕᑭᓄᐤ, ᑎᔭᒂᐱᒥᑯᒡ᙮
ᐊᒥᔅᒄ ᑎᔭᒂᐱᒪᑦ᙮ ᐊᒥᔅᒄ ᐃᓯᓂᐧᑲᓱᐤ ᐊᓐ ᐃᔪᐤ᙮ ᑎᔭᒂᐱᒪᑦ᙮ 
ᓂᔭ ᒪ ᑲ ᐊᑎ ᐃᑎᔨᒋ ᐊ ᑕᒂᐱᒪᑦ᙮ 
ᒪᒪᔅᑎᑎᒪᑦ, ᓴᑭᒋᔨᒋ, ᑕᐸ ᐅᒋ ᒋᓱᐛᔅᐱᓱᐅᒡ᙮ <ss>
ᓂᔭ ᒪᒃ ᐸᐃᒄ ᒥᒄ ᓂᔭᔪᐛ ᒂᔅᑎᒪᒐᔨᒋ ᒐᒋ ᒪᓯᐧᑯᐛᑭᓄᐅᑦ ᐊᒥᔅᒄ᙮ 
ᐊᔪᑯᓂ ᒥᒄ ᐊᔪᐎᔨᒋ ᑕᑯᓯᓂᔨᒋ ᓇᑕ ᐅᑦ ᐊᔅᒋᐛᒡ, ᓇᑕ ᐅᑦ ᐊᔅᒋᔪᐤ, ᓇᑕ ᐛᒋᐱᔨᒋ᙮ 
ᐊᐅᒂᑭᓐ ᑕᐸᒋᒧᑦ, ᐃᑕᑭᓄᐤ, ᐊᓐ ᑕᑯᓯᐱᔨᑦ ᑭᑈ, ᑕᑯᓯᐧᒃ᙮
ᐸᐃᑯᓱᐤ ᒥᒄ, ᐃᑕᑭᓄᐤ ᐊ ᐃᔪᑦ᙮ <pp>
“ᒐ ᐊᑲ ᓂᑕ ᓄᒋᐧᑯᐛᑭᓄᐅᑦ ᐃᔪᐤ, ᓂᑎᒥᒄ ᒐᒋ ᐎ ᐃᑐᑐᐛᑭᓄᐅᑦ ᐃᔪᐤ,” ᐊᑯᔭᑦ, ᐃᑕᑭᓄᐤ᙮ <pp>
ᐊᑯ ᒂᔅᑕᒡ᙮ 
ᒥ ᒋ ᓂᑕ ᓂᑐᐛᐱᒪᐅᒡ ᐃᔪᐛ, ᒋ ᓂᑐᐛᐱᒪᐅᒡ ᓂ ᐃᔪᐛ, ᐃᑕᑭᓄᐅᒡ, ᐛ ᒪᓯᐧᑯᐛᑥᐎ᙮
ᐊᑯ ᒥ ᓂᑕ , ᒥ ᓂᑕ ᑎᑯᓯᓄᒡ, ᐃᑕᑭᓄᐅᒡ᙮ <ss>
ᒋᐸᑲ ᓱᒋᐤ ᐎᐱᒡ ᓇᑕ ᓂᔅᑦ ᐃᔪᐤ ᑲ ᐃᓯᓇᑯᔅᑦ ᓇᑕ, ᓄᒋᐧᑲᐧᒃ ᐊᔅᒋᔪᐤ᙮ 
ᐊᑯ ᒥ ᒋ ᓂᐸᐃᑯᒡ, ᒥ ᒋ ᓄᒋᐧᑲᑯᒡ᙮
ᐊᐅᑯᓐ ᑲᔎᓯᐱᓐ ᒥᓯᓇᐃᑭᓄᐎᒐ ᐅᑕ ᑲᔎᓯᐱᓐ ᐅᑕ ᑭᔭ ᐅᔅᑎᓐ, ᐊᑯᑕ ᓇᑕ ᐃᑕᑭᓄᐅᒡ, ᑲ ᓄᒋᐧᑲᓱᒡ᙮ <pp>
ᐊ ᐃᑕᒋᒧᓇᓄᐅᒡ ᐊᐊᑲ᙮ <pp>
ᓇᔅᑲᐱ
ᓇᑐᐛᐅᒡ ᐛᔅᑲᐃᑭᓂᒡ ᑲ ᑕᒡ 14 ᓇᑐᐛᐤ ᐊᑦ ᒋᒧ Book Source 2017 08 11
ᐊᑯ ᐅ ᒥᓐ ᑯᑎᒃ, ᐊᒂᔅᑕᐤ, ᐊᒂᔅᑕᐤ ᐃᓯᓂᐧᑲᓱᐤ, ᐃᔪᐤ᙮ ᓄᒋᒥᒡ ᐅᑕ ᐊᑕᑦ, ᓇᑐᐎᐅᑦ᙮
ᐛᔅᑲᐃᑭᓐ ᑭᑈ, ᐅᐛ ᒐᐃᒧᐤ ᐊ ᑎᒂᒡ᙮
ᐊᑯ ᐅᑕ ᐊᑕᑦ ᐅᑕ ᓄᒋᒥᒡ ᐅᑕ, ᐊᑯᑕ ᐅᑕ ᐊᑕᑦ, ᐎᐛ ᑭᑈ ᐛᒋᒪᑦ, ᑭᔭ ᐃᔪᐛ ᐛᒋᒪᒡ ᐃᔭᐱᒡ᙮
ᐊᑯ ᐊᑎ ᓯᑯᓂᔨᒡ ᐊᔅᑐᐎᑦ, ᐛᓯᑕᑦ ᐅᑦ ᐅᐤᑦ᙮ <ss>
ᐊᑯ ᐅᔭᔪᐛ ᐊᑎ ᓯᑯᓂᔨᒡ ᒂ ᐊᑎ ᓂᐱᓂᔨᒡ᙮ ᐊᐅᑯᓐᒡ ᐊᓐᒡ ᐊᓯ ᐃᔪᐅᒡ, ᐊᓐᒡ ᐊᐛᓐᒋ, ᐸᒥᔅᑲᒡ, ᒪᓯᑲᒡ ᓇᑕ ᐛᔅᑲᐃᑭᓂᒡ, ᐛᑎᑕᐅᐛᒡ᙮
ᑭᑈ ᒪᒐᑎᒡ, ᒪᒐᑎᑦ ᐊᓐ ᐊᐛᓐ ᐊᓯ ᐃᔪᐅᑦ᙮ ᐊᑯ ᐛᑎᑕᐅᐛᒡ᙮ 
ᐊᑯ ᓂᔭᔪᐛ, ᓂᔭᔪᐛ ᐅᑯᓴ, ᐊᒂᔅᑕᐤ, ᒋ ᑕᔪᐛ ᐅᑯᓴ᙮ 
ᐊᑯᑕ ᓇᑕ ᐛᔅᑲᐃᑭᓂᒡ, ᓇᑕ ᐊᑯᑕ ᐊᑕᔨᒋ᙮
ᐛᒋᒐᒧᔨᒋ ᐃᔪᐛ, ᐛᒋᒪᔨᒋ ᐃᔪᐛ᙮ <pp>
ᓂᓯᔪᐛ ᐅᑯᓴ, ᒥᓯᐛ ᒋ ᓂᐳᐎᔪᐛ ᓂᔭᔪᐛ ᐅᑯᓴ, ᐊᑯ ᓂᔭᔪᐛ ᐅᓇᑭᓂᔎᒪ, ᐊᐅᑯᓂ ᓂᔭᔪᐛ ᐛᑎᓇᔨᒋ ᓂᔭᔪᐛ ᐅᓇᑭᓂᔎᒪ, ᐊ ᓂᓯᔨᒋ, ᐊᓂᔭ ᐅᑯᓴ ᐎᐎᔪᐛ᙮ 
ᐛᑎᓇᔨᒋ ᐊᑐᑕᐊᔨᒋ ᓇᑕ ᐎᒋᔨᒡ᙮ <ss>
ᐊᑯ ᑭᑈ ᒥᔭᓂᑲᓱᑦ ᐊᓐ ᓇᑐᐛᐤ ᐊᑕᑭᓄᐅᑦ ᐃᔭᐱᒡ, ᓇᑐᐛᐤ ᐃᔭᐱᒡ ᐃᓯᓂᐧᑲᓱᐤ᙮ 
ᑭᑈ ᒪᓴᒡ ᒥᒋᐛᑉ, ᒋᓏᐤ, ᐃᓇᓄᐤ ᒥᒋᐛᑉ᙮ 
ᓂᓱᐅᒡ, ᓂᓱᐅᒡ ᐛᒋᒪᐅᒡ ᑭᑈ, ᐅᒋᒪᐅᒡ, ᐊᓐ ᒥᒋᐛᑉ ᐊᓯᓇᒂᒡ, ᐅᑲᑯᔅᒐᓯᒧᐛᐛ ᐛᒋᒪᐅᒡ᙮ <pp>
ᐊᑯ ᑕᐸ ᒋ ᔅᑐᑕᐅᒡ ᐅᒡ ᐃᔪᒡ, ᒂᔅᑕᒡ᙮
ᒂᑐᐤ ᑐᑐᐛᑭᓄᐤ, ᑭᔭ ᐅᒋᒪᐤ ᐅ ᐊᑎ ᑕᑦ, ᒂᔅᑕᑦ, ᒂᔅᑕᑦ ᐅᔭᔪᐛ ᐛᑎᑕᐅᑯᑦ ᐅᔭᔪᐛ᙮ <ss>
ᐊᑯ ᐅ ᐊᒂᔅᑕᐤ ᐛᐛᓯᑕᑦ ᐅᑦ ᐅᐤᑦ, ᓇᔅᑎᔅ ᒧᓇᔨᒪᐤ ᐅᑦ ᐊᐛᓯᒪ ᐊᑲ ᒪᔪᐱᔨᔨᒋ ᐅᑕ ᐊᑕᔨᒋ ᐛᔅᑲᐃᑭᓂᒡ, ᒪᒪᑯᐃᑯᔨᒋ ᒐᒂᓂᔪᐤ᙮ <pp>
ᐊᑯ, ᐃᑕᐤ ᐅᔭᔪᐛ ᐎᐛ, “ᓂᑭ ᐎ ᑭᒐᔨᐱᓐ,” ᐊᑯ, ᐃᑕᐤ, “ᒐ ᓇᓯᐸᔭᐧᒄ,” ᐃᑕᐤ,
“ᐛᓴ ᓂ ᑭ ᒥᒪᑯᐃᑯᑎᑭᒋ ᒋᑯᓯᓄᐤ ᒐᒂᓂᔪᐤ ᒂ ᑕᔨᒥᒂᐤ,” ᐃᑕᐤ᙮ <pp>
ᑲᒐᔨᐱᔨᑦ ᐊᔅᑐᐎᑦ, ᑲ ᒋᓯᑕᑦ ᐅᑦ ᐅᐤᑦ, ᐊᑯ ᒺᓴᐛᔭᐱᔨᑦ ᐛᔅᑲᐃᑭᓂᒡ ᐊᔅᒋᒪᑦ᙮
ᒪᐤ ᐅᐱᒥᒻ, ᐅᒥᔅᑎᐧᑯᔭ, ᓂᓯᓂᔪᐤ ᑲᓄᐛᔨᑕᐧᒃ ᒐᒂᓂᔪᐤ᙮ 
ᒪᓯᑲᑦ᙮ ᒪᓯᑲᒪᐱᔨᑦ, ᑕᑈ ᐎᔭᐸᑕᐧᒃ ᒥᒋᐛᐱᔪᐤ ᒐᒥᑕᔨᒡ, ᒥᓴᔪᐤ, ᓴᐳᑐᐛᐤ᙮ <pp>
ᐊᑯ, ᒂ ᐊᑎ ᓇᑎᑲᒪᐱᔨᑦ ᓇᑕ ᐅᔭᔪᐤ ᐊ ᐎᒋᔨᒋ, ᐊᑯᑕ ᐊᑎ ᓇᑎᑲᒪᐱᔨᑦ᙮ 
ᐱᔭᒋ ᓇᑎᑯᑦ ᐎᒋ ᒋᓴᐃᔪᐛ, ᓂᔭᓯᐸᑕᑯᑦ, “ᐊᒂᔅᑕᐤ, ᓇᔅᒡ ᑕᑈ ᐊᑯ ᐊᔭᔪᐎᒥᑦ ᐊᑯ ᐃᔪᐤ᙮ 
ᒪᒪᑯᐃᒥᑦ ᐊᑯ ᐃᔪᐤ, ᓂ ᐅᑎᑕᐅᑯᓇᓐ, ᒪᐤ ᐅ, ᒋ ᐛᐸᑕᓐ ᐊ ᒥᒋᐛᑉ ᑭ ᒋᒥᑕᐛ᙮” <pp> “ᓂᐦᐃ,” ᐃᑕᐤ᙮ <pp>
“ᐛᐛᒡ ᓂᔭᐧᑲ ᒋᓇᑭᓂᔎᒪ ᓴᔅ ᓂᔭᐧᑲ ᐅᑎᓇᐤ, ᐊ ᓂᓯᔨᒋ,” ᐃᑕᐅᒡ ᐊᓐᒡ ᒋᓴᐃᔪᒡ᙮ <pp>
ᐛᒋ ᓂᓂᑐᑐᐛᑦ ᐎᒋ ᒋᓴᐃᔪᐛ ᑭᑈ ᐅᔭᔪᐤ ᐅᑕ ᐊᔨᒂᓇᓱᑦ ᐅᔭᔪᐤ᙮ 
ᑲᒋ ᐃᓯ  ᐊᓂᔭ ᐊᒂᓇᐧᒃ ᐅᑦ ᐊᐱᒋᑕᐅᓇ, ᒂ ᐊᑎ ᐅᑎᓂᑭᓄᐎᔨᒋ, ᒂ ᐊᑎ ᑯᔅᐱᑕᑭᓄᐎᔨᒋ ᒥᓯᐛ ᐅᑦ ᐊᐱᒋᑕᐅᓇ᙮ 
ᒥᔭᓂᑲᓱᑦ᙮
ᑲ ᒪᓂᑲᓱᑦ ᐊᑯ, ᓇᑐᐛᐱᒪᑦ ᐅᒋᒪᐛ, ᐸᑎᑯᐛᑦ ᐊᓂᔭ ᐅᒋᒪᐛ᙮<pp>
ᓴᔅ ᑭᑈ ᒂ  ᐃᔭᐱᒡ ᐃᑎᑯᑦ, “ᐊᒂᔅᑕᐤ, ᐛᔅ ᐅ ᓂ ᐅᑎᑕᐅᑯᓇᓐ ᐅ, ᒪᓐᑕᐤ᙮ ᒋ ᐛᐸᑕᓐ ᐊ ᒥᒋᐛᑉ ᑭ ᒋᒥᑕᐛ; ᒂᔅᑎᒋᒡ ᐊᑯ,” ᐃᑎᑯᐤ᙮
“ᑭᔭ ᐅᒡ ᐃᔪᒡ, ᒪᐅᒡ ᑭ ᑕᐅᒋ ᐃᔪᒡ, ᓴᔅ ᐅᒡ ᓂᑦ ᐊᑎ ᑯᒂᒋᒪᐅᒡ ᒐᒋ ᑕᐸᔨᒧᑐᐛᒡ ᓂᔭᔪᐛ ᒪᓐᑕᐛ᙮ 
ᒥ ᓂᒥᔅᑯᐛᐤ ᐊᐛᓐ ᒐᒋ ᑕᐸᔨᒧᑐᐛᑦ,” ᐃᑎᑯᐤ, “ᒐᒋ ᓴᒂᐊᑦ, ” ᐃᑎᑯᐤ᙮ <pp> 
“ᒪᓱᐎ ᒋᔾ ᒋᐸ ᒋ  ᒐᒂᓐ ᐃᓯᓇᑯᓯᓐ,” ᐃᑎᑯᐤ ᐊᒂᔅᑕᐤ᙮ ᐊᑯ ᐃᑕᐤ “ᓇᔅᑎᔅ ᐊ ᒥ ᒋ ᑕᐸᔨᒧᑐᐛᐤ ᒋᔾ,” ᐃᑎᑯᐤ᙮ <ss>
ᐊᑯ ᐃᑕᐤ, “ᓂᐸ ᑯᒐᐊᐤ ᑭᑈ ᑕᑈᑐᐎᔨᓇ ᐊᓐ ᒐ ᐃᑎᑕᓐ,” ᐃᑕᐤ ᓂᔭᔪᐛ ᐅᒋᒪᐛ᙮ 
“ᓂᐦᐃ,” ᐃᑎᑯᐤ, “ᑕᓐ ᐛ ᑭᑈ ᐃᓯᔨᓐ, ᐃᓯ?” ᐃᑎᑯᐤ᙮ “ᑕᓐ ᐛ ᐃᔨᓐ?” ᐃᑎᑯᐤ᙮ 
ᐊᑯ ᐃᑕᐤ, “ᒋᐸ ᒥᔨᓐ ᑭᑈ ᐊᑯᐸ, ᒪᔽᒋ, ᐛᔨᐸᒋ ᐊᑯᐸ, ᐅᒋᒪᐅᑯᐸ,” ᐃᑕᐤ, “ᒋᐸ ᒥᔨᓐ,” ᐃᑕᐤ, “ᓄᑎᒻ ᐊᑕᔅᐱᓱᓇᓄᒋ ᒋᐸ ᒥᔨᓐ,” ᐃᑕᐤ᙮ 
“ᑭᔭ ᒪ ᒋᑦ ᐃᑎᑕᓐ ᓂᐱᔾ, ᒪᓇᓄᒡ ᓂᐱᔾ, ᒪ ᒋ ᑭᓄᐛᔨᑕᓐ,” ᐃᑕᐤ᙮
“ᑭᑈ ᑲᓄᐛᔨᑎᒪᓐ,” ᐃᑎᑯᐤ᙮ ᐸᐃᑯᓂᔪᐤ ᐊᔅᒄ ᐛᔭᑕᑭᓇᔎ᙮ <pp> 
ᐊᑯᑕ ᑲ ᑎᒂᒡ, ᐃᓇᓄᐤ, ᐊᐱᓴᓱᐤ, ᐃᓇᓄᐤ, ᐊᓐ ᓂᐱᔾ,
ᐊᓐ ᓂᐱᔾ, ᐛᔭᑕᑭᓇᔅᑯᓱᐤ ᐊᓐ ᓂᐱᔾ᙮
ᒥᓴᐤ, ᐃᓇᓄᐤ, ᒥᓯᐸᔭᐤ, ᐃᓇᓄᐤ, ᐊ ᓱᒋᔅᑕᑭᓄᐎᒡ ᐊ ᐅᓯᑕᑭᓄᐅᒡ᙮
ᑕᐸ , ᑕᐸ ᒋᓴᑎᓂᔪᐤ, ᒥ ᐅᓯᑕᑭᓄᔪᐤ᙮ <pp>
“ᐊᑯ, ᐊᐅᒂᑭᓐ ᒋᐸ ᒥᔨᓐ,” ᐃᑕᐤ᙮ <pp> “ᑭᑈ ᒐ ᒥᔨᑕᓐ,” ᐃᑎᑯᐤ, ᑕᓐᑕ ᑯᔅᑕᔪᐛ ᓂᔅᑦ ᒐᒋ ᒪᓯᐧᑲᑯᐃᔨᒋ᙮ <pp>
ᒪᔨᑯᑦ, ᑭᔭ ᐊᓯᒥᑯᑦ, ᑭᔭ ᒪᔨᑯᑦ ᓂᔭᔪᐛ ᒐ ᐊᐱᒋᑕᑦ, ᓂᔭᔪᐛ ᐊᐱᒋᑕᐅᓇ ᐊᓯᓇᑯᓂᔨᒋ ᑭᔭ ᐱᒋᐅᔭᓂᔪᐤ ᒪᔨᑯᑦ,
ᑭᔭ ᐊᑯᓂᔎᐅᓂᔪᐤ, ᐊᑯᓂᔎᐅᓂᔪᐤ, ᑲ ᒥᔅᑭᓯᐅᐎᔨᒡ ᑭ ᐱᐱᒋᑭᓴᔭᓯᔪᐛ᙮
ᐅᒋᒪᐤ ᐊᑯᓂᔎᐅᓂᔪᐤ, ᐊᐅᑯᔪᐤ ᒪᔨᑯᑦ, ᑭ ᐎ ᐛᐸᓯᔪᐛ ᒂ ᐃᓯᓇᑯᓂᔨᒡ᙮
ᐊᐅᑯᔪᐤ ᒋᒋᐛ ᐛᒋᒪᐅᓇᑯᔅᑦ, ᐊᒂᔅᑕᐤ᙮ 
ᒐᐛᑕᑦ, ᐸᒐᑦ᙮ ᓇᔅᑎᔅ ᒥ ᓇᑭᑐᐛᔨᑎᒻ ᒐᒋ ᒥᒋᓱᑦ᙮ <ss>
ᒂ ᐊᑎ ᐳᔅᑲᐧᒃ ᐅᑦ ᐊᐱᒋᑕᐅᓇ, ᐛᐛᑕᔅᐱᓱᑦ, ᑭᔭ ᐅᔭᔪᐤ ᐅᓂᐱᒻ ᓴᔅ ᐅᑕ ᒋ ᐊᔅᑕᑭᓄᐅᔪᐤ᙮
“ᐊᐦᐊᒃ,” ᐃᑕᐤ᙮ ᐛᔪᐎᑦ, ᐎᒋ ᒋᓴᐃᔪᐛ, ᑭᑈ “ᐊᐦᐊᒃ, ᒐ ᓇᑎᒃ,” ᐃᑕᐤ, “ᒪᓐᑕᐤ,” ᐃᑕᐤ, “ᓂᑭ ᐸᐃᑯᑕᓯᓐ,” ᐃᑕᐤ᙮ <pp>
ᓂᔭᑕᑦ᙮ ᐊᔅᐱᓴᒡ ᐊᓐ ᒥᒋᐛᑉ, ᐛᔅ ᐃᓇᓄᐤ ᐎᐱᒡ ᐱᑕᑕᒋᒧᐤ ᐊᐛᓐ, ᐃᑕᑭᓄᐤ, ᒥᒋᐛᐱᔪᐤ᙮ 
ᒥ ᓂᑕ , ᒥ ᓂᑕ ᐱᒧᑕᐤ ᐊ ᐱᒐᑦ, ᐱᑕᑕᒋᒧᐤ, ᐃᑕᑭᓄᐤ, ᐱᑕᑕᒋᒧᐤ, ᐃᑕᑭᓄᐤ, ᒥᒋᐛᐱᔪᐤ᙮ ᐃᔪᐤ ᐎᐱᒡ ᐊ ᒋᔅᑎᒪᐛᔨᒪᑦ ᐊᐛᔪᐛ, ᐊᑲ ᒐᒂᓂᔪᐤ ᐃᑕᔨᒪᑦ᙮ ᐊᐅᑯᔪᐤ ᐛᒋ ᐃᑎᑦ, ᐃᑕᐤ᙮
ᐊᑯ ᐊᐛᓐ ᒋᑭ ᒋᓱᐛᐳᐤ ᓂᔭᔪᐤ, ᒋᑭ ᐅᔭᔅ ᐃᑕᔨᑎᒻ ᓂᔭᔪᐤ᙮ <pp>
ᐊᐅᑯᔪᐤ ᓂᔭᔪᐤ ᐸᒐᑦ, ᐃᑕᑭᓄᐤ, ᒥ ᐱᒥᑕᒋᒧᐤ, ᐃᑕᑭᓄᐤ᙮
ᑲ ᑎᒡ ᓂᔭᐧᑲ ᐎᐱᒡ ᐃᔪᒡ, ᐱᑕᑕᒋᒧᒡ ᓂᔭ, ᐸᑎᑯᐛᑥᐎ ᐊᐛᔪᐛ᙮
ᐊᑯ ᐛᒋ ᐱᑕᐱᔨᑦ ᐊ ᔪᑕᐱᑕᐧᒃ ᓂᔭᔪᐤ ᓴᐳᑐᐛᓂᔪᐤ᙮ ᐸᑕᐱᔨᑦ᙮
“ᓇᔅᑎᔅ ᒥ ᓂᑭ ᒋ ᓴᐸᔨᑕᓐ, ᓴᐳᑐᐛᓐ ᐊᑎ ᐃᔅᐱᓴᒡ,” ᐃᔪᐤ [ᐃᔅᒋᔄᐤ], ᐅᑎ ᐱᒐ ᐅᔭᔪᐤ᙮ <ss>
ᒂ ᐊᑎ ᓇᑕᑦ ᓂᔭᔪᐛ ᐅᓇᑭᓂᔎᒪ᙮
ᐊᓐ ᐊᓯᓇᒂᒡ ᐊᓐ ᒥᒋᐛᑉ, ᐊᓐ ᐊᔎᒡ ᐊᓐ ᒥᒋᐛᑉ, ᐊᐱᑐᐤ ᓇᐊᐤ, ᐊᑯᑕ ᐊᑕᔨᒋ ᐅᔭᔪᐛ ᐅᓇᑭᓂᔎᒪ᙮
ᒂ ᐊᑎ ᓇᑕᑦ ᓂᔭᔪᐤ᙮
ᒂ ᐊᑎ ᐅᑎᓇᑦ, ᒥᓐ ᐅᑕ ᑯᑎᑲ ᓂᔭᑕᑦ, ᒥᓐ ᐛᑎᓇᑦ᙮
ᒂ ᐊᑎ ᓯᑐᑎᒂᒪᑦ ᓂᔭ ᐅᓇᑭᓂᔎᒪ᙮ 
ᒂ ᐸᒋ ᐎᐎᑕᐊᑦ᙮ 
ᐛᔪᐎᑕᐊᑦ, ᒐᐛᑕᐊᑦ᙮ <ss>
ᐊᑲ ᒋᔅᒍᐅᒋ ᒂ ᑎᒡ, ᐃᑕᑭᓄᐅᒡ ᐊᓐᒡ ᐃᔎᐅᒡ᙮ 
ᑕᐸ ᓂᑕ ᒋᔅᒋᒐᓂᒋ ᓇᑕ ᐊᔅᐱᔅ ᑭᓄᐛᔨᒪᑭᓄᐅᒡ᙮
ᐊᑲ ᒋᔅᒍᐅᒋ ᒂ ᑎᒡ, ᐃᑕᑭᓄᐅᒡ 
ᓇᑕ ᑲ ᐊᑎ ᐎᐎᑕᐊᑦ ᓇᑕ, ᐊᑯᑕ ᐃᑕᑭᓄᐤ ᐛ ᐅᔭᔅ ᐃᑐᑐᐛᑦ ᐅᓇᑭᓂᔎᒪ᙮
ᐸᑐᔅ ᐛ ᐃᔨᐱᒐᑦ ᐊᑲ ᒐᔅᒋᔨᒋ᙮ 
ᑭ ᐳᐳᑕᑕᓱᐛ ᒂ ᐃᑐᐛᑦ, ᐃᑕᑭᓄᐤ᙮ <pp>
ᐅᔭᔭᐅᓐ ᑭᑈ ᐱᑕᐱᔨᑐᐛᒐ᙮
ᐊᑯ ᑭ ᐃᑈᐧᑲᔪᐛᓂ ᒂ ᐃᑎᔨᒋ, ᐃᑕᑭᓄᐤ᙮
ᐊᑯ ᐊᑎ ᐎᒐᐛᑦ, ᐊᑎ ᓯᒋᓂᔅᒐᑕᐊᑦ, ᐃᑕᑭᓄᐤ᙮ ᐸᒐᑦ᙮ <pp>
ᐊᑯ ᒂ ᑎᐱᑦ ᐅᐛ, ᐅ ᓇᑐᐛᐤ᙮
ᒥ ᐊᒋᐤ ᓇᔅᑎᔅ, ᓇᔅᑎᔅ ᒥ ᐊᑎᐳᐤ᙮ <ss>
ᒻᒻᒻ, ᐊᐦᐊᒃ! ᐊᑯ, “ᒥᓐ ᒐ ᓇᑎᒃ, ᒐ ᓇᑎᒃ ᒥᓐ” ᐃᑕᐤ᙮ 
“ᐊᐅᑯᐤ ᒐ ᐎᒐᐅᒡ ᓂᓱ, ᓂᓱ; ᒻᒻᒻ, ᓂᔅᑐ, ᓂᔅᑐ ᓂᑭ ᐎᒐᐅᑯᒡ ᐃᔪᒡ,” ᐃᑕᐤ᙮ <pp>
“ᒪᐤ ᒐ ᑕᐧᑯᓇᐧᒃ ᓂᐱᒥᒥᔪᐤ, ᐸᐃᒄ᙮ <pp>
ᐊᑯ ᐅᐛ ᐅᔭ ᓂᒥᔅᑎᐧᑯᔭ ᐸᐃᒄ ᒐ ᑕᐧᑯᓇᑦ᙮ <pp>
ᐊᑯ ᐅᐤ ᓂᐱᒥᔪᐤ ᐸᐃᒄ ᒐ ᑕᐧᑯᓇᐧᒃ,” ᐃᑕᐤ᙮ ᓂᔅᑐᐅᒡ᙮ <ss>
ᒐᑐᑕᒡ, ᓂᔭᑕᒡ, ᐊᑯ ᓂᔭᔪᐤ ᐊᑎ ᐸᔄᐸᑕᐧᒃ ᓂᔭᔪᐤ, ᓂᔭᔪᐤ ᒥᒋᐛᐱᔪᐤ, ᐊᑯ ᐃᑕᐤ ᓂᔭᔪᐛ, ᓂᔭᔪᐛ ᐎᒐᐛᑭᓇ, 
“ᒪᐤ ᒋ ᐱᒐᔭᒂ ᒥᒋᐛᑉ,” ᐃᑕᐤ, “ᐊᓐᑕ ᒪᒃ ᒋ ᓇᐊᐱᔭᒂ,” ᐃᑕᐤ, “ᐊᓐᑕ ᒋ ᐃᑐᑕᔭᒂ ᒐ ᐊᐱᔭᒄ,” ᐃᑕᐤ᙮ “ᐊᑯ, ᑭ ᒋᒧᓄᐛ, ᐊᐅᑯᓐ ᒐ ᐃᑎᑎᒪᒄ ᒐᒂᓐ ᐊᐸᒂᒡ᙮ <pp>
ᐊᑯᑕ ᒐ ᐸᑕᒂᒡ,” ᐃᑕᐤ, “ᒐᒃ ᐊᑯ ᒐ ᐛᐱᒪᑯᒡ ᐅᑕ, ᐅᑕ, ᐅᑕ … ᐅᑕ ᓯᑕᑯᓂᒡ, ᐅᑕ ᓯᑕᑯᓂᒡ ᐅᑕ,” ᐃᑕᐤ, “ᒐ ᐱᐸᒥᑕᒋᒧᒡ ᐊᐛᓂᒋ ᐅᑕ ᓯᑕᐧᑯᓂᒡ,” ᐃᑕᐤ᙮ <ss>
“ᐊᑯ ᐅᑕ ᓇᑎᑕᒂᐛ ᐅᑕ,” ᐃᑕᐤ, “ᐅᑕ ᐊᓐ ᐊᑎᐱᔭᒄ,” ᐃᑕᐤ, “ᐅᑕ ᓇᑕᒂᐛ, ᐅᑕ ᐸᒧᑕᑥᐛ ᐎᔭᐱᒪᒂᐎ, ᒐ ᐅᑎᓇᑯᒡ ᓇᑕ ᒐ ᐱᔅᑎᓇᑯᒡ᙮ 
ᒐ ᐊᑲ ᓂᐸᐊᑯᒡ,” ᐃᑕᐤ, “ᒐ ᐸᐱᔅᑎᓇᑯᒡ ᓇᑕ,” ᐃᑕᐤ, ᒂ ᐊᑎ ᓇᑕᐧᒃ ᓂᔭᔪᐤ ᒥᒋᐛᐱᔪᐤ, ᓂᔭᑕᐧᒃ᙮ <pp>
ᐎᔾ ᑭᑈ ᓂᔅᑎᒻ ᓇᑲᓄᑕᑦ, ᐱᑕᑕᒋᒧᐤ, ᓂᔭᐊᐱᑦ, ᐱᑕᑕᒋᒧᐤ᙮ <pp>
“ᒋ ᐱᒐᔭᓇ, ᐊᑯ ᒐ ᐸᒋ ᐱᑕᑕᒋᒧᑦ ᐊᐛᓐ, ᒐ ᐱᑎᑭᑕᑦ ᓂᐱᒥᒥᔪᐤ,” ᐃᑕᐤ᙮ 
“ᑭᔭ ᒥᓐ ᑯᑎᒃ ᒐ ᐸᒋ ᐱᑎᑲᐊᑦ ᐊᐅᒄ ᓂᒥᔅᑎᐧᑯᔭ᙮ 
ᒥᓐ ᑯᑎᒃ ᐅᑕᒡ ᐊᓐ ᐊᑎᑎᒪᒄ ᐊᓐ ᓂᓂᐱᒻ, ᒐ ᐸᒋ ᐱᑕᑕᒋᒧᔭᒄ,” ᐃᑕᐤ᙮ <pp>
“ᓂᐦᐃ,” ᐃᑎᑯᐤ᙮ ᓴᔅ ᒋ ᐎᑎᒧᐛᐤ ᒐ ᐃᑎᔨᒋ᙮ <ss>
ᐊᑯ ᐅᔭᔪᐤ ᐊᑎ ᐱᑕᑕᒋᒧᑦ, 
ᐊᑯ ᓂᔭᔪᐛ ᐅᒋᒪᐛ ᐃᑐᐤ ᑕᐅᒡ ᐎᔭᔅᑕᒪᑯᑦ ᓂᔭᔪᐛ ᐅᒋᒪᐛ᙮
ᒂ ᐊᑎ ᓇᑕᑦ, ᐊᓐᑕ ᐊᓯᑕᒋᒧᑦ᙮ 
ᐊᑯᑕ ᐛᑎᐱᒪᑦ ᐅᔭᔪᐛ ᐎᒋ ᐅᒋᒪᐛ᙮ <ss>
ᐛᒋ ᐱᑎᑭᑕᑭᓄᐎᔨᒡ ᓂᔅᑦ ᐱᒥᔪᐤ, ᓇᔅᑎᔅ, ᒥ ᓂᔅᑯᒥᑯᐤ ᓇᔅᑎᔅ᙮
ᒥᓐ ᒥᔅᑎᐧᑯᔨᒡ ᐛᒋ ᐱᑎᑲᑭᓄᐅᒡ, ᒪᑯᐱᑕᑭᓄᐅᒡ᙮ 
ᒥ ᔅᑐᑎᑯᐤ ᓇᑐᐛᐛ᙮ 
ᒥᓐ ᑯᑎᒡ ᐛᒋ ᐱᑎᑭᑕᔨᒋ, ᑯᑎᒃ ᐛᒋ ᐱᑕᐱᑕᔨᒋ, ᐊᐅᑯᐤ ᐛᔭᑕᑭᓇᔅᒄ᙮ 
ᐊᑯ ᐅᓂᐱᒻ, ᐊᔪᐅᒄ ᓇᔅᑯᒧᔨᒋ᙮ <pp>
ᐛᔭᔅ ᐃᑥᔨᒋ, ᐊᑯ ᐅᑕ ᐊᔅᐱᔨᑕᑭᓄᐅᒡ, ᐊᑯ ᐅᑕ ᐊᔅᑕᑭᓄᐅᒡ, ᓂᔅᑐᔅᑕᑭᓄᐛ᙮ <ss>
“ᐊᐦᐊᒃ,” ᐃᑕᐤ, “ᐱᒂᐊᒧᒄ ᓂᐱᒥᒻ,” ᐃᑕᐤ᙮ “ᐊᐅᑯᓐ ᓂᔅᑎᒻ ᓇᑕ ᒐ ᐊᓯᒪᑯᒡ ᓇᒡ,” ᐃᑕᐤ᙮ ᐸᒂᐃᑭᓄᐅᒡ ᐱᒥᔾ, ᐃᔭᐱᓯᑕᑭᓄᓱᐤ᙮ ᐸᒂᐃᑭᓄᐅᒡ᙮ 
ᑲᒋ ᐱᒂᐃᑭᓄᐅᒡ, ᒐᑐᑕᒡ ᓇᒡ, ᓇᒡ, ᓇᒡ ᐊᓯᒪᒡ ᐃᔪᒡ, ᐱᔭᒋ ᒥᔭᒡ ᓂᔭᔪᐤ᙮ <pp>
ᒥᒄ ᑕᑈ ᐸᐃᒂᐤ, ᐊᐱᓯᔅ ᓴᔅᑭᒧᔨᒋ, ᐸᐃᒂᐤ ᒥᒄ ᓯᔅᑭᒧᓇᓄᔨᒐ᙮ 
ᐊᐱᔨᒋ, ᒥᓯᐛ ᒂ ᐃᑎᔨᒋ᙮ 
ᒥᒐᑎᔪᐛ, ᑕᓐᑕ ᐊᑕᔅ ᑕᐸᐛᐅᒡ ᐅᔭ ᐅᐱᒥᒧᐛᐤ, ᐊᔅᐱᓴᓯᔨᒡ ᐅᔭᔪᐤ ᐅᐱᒥᒻ, ᒥᓴᓯᔪᐛ ᐊᑯ ᓂᔭ ᐅᐱᒥᒻ᙮ <pp>
ᐊᑯ ᑲ ᒋᓯ ᐃᑎᑦ, “ᐊᐦᐊᒃ, ᐸᐧᑲᐊᒥᒄ ᐅᐛ ᐅᒋᑯᐎᑕᒄ ᓂᓂᐱᒻ᙮” <ss>
ᐛᒋᑯᐎᑕᑭᓄᐅᒡ ᐅᓂᐱᒻ ᐱᔭᐧᑲᐃᑭᓄᐅᒡ᙮ <pp>
ᐃᔭᐱᒡ, ᒂᑎᓇᓄᐅᒡ ᐃᔭᐱᒡ, ᒂ ᒥᓇᐊᒡ ᓂᔭᔪᐛ ᑭᑈ ᐊᑎᐱᔨᒋ᙮ <pp>
ᓂᔄᐤ ᐱᒥᐱᔪᒡ, ᒪᓇᐊᒡ᙮ ᓂᔄᐤ ᑲ ᐱᒥᐱᔨᒡ, ᐊᑯ ᓴᔅ ᑭ ᐎ ᒪᑕᔨᑎᓯᔪᐛᓂ ᒂ ᐃᑎᔨᒋ᙮ 
ᑭ ᐃᔭᔨᒺᔪᐛᓂ, ᑭ ᐸᑕᑯᓯᔪᐛᓂ, ᒂ ᐃᑎᔨᒋ᙮ <pp>
ᐊᑯ ᑭᑈ ᐅᒋᒪᐤ, ᐅᑲᑯᔅᒐᓯᒪ “ᐊᑲ ᐱᑎᒪ,” ᐃᑕᐤ, “ᐎᔭᑎᓯᒄ,” ᐃᑕᐤ, “ᒋᑭ ᐛᔭᔅᑯᐛᐛᐤ ᒋᓯᓄᐤ,” ᐃᑕᐤ᙮ <pp>
ᐊᐅᒂᔭ, ᒥ ᒋᑐᔪᐛ᙮ <ss>
ᐊᑯ ᒪᓇᓄᐅᒡ, ᐊᑯ ᓂᔭᔪᐛ ᑲ ᑎᐸᒋᒪᔨᒋ ᐅᒥᓐᑐᓯᒥᔪᐛ, ᒂ ᑎᒡ ᑕᑈ ᐊᓐᒡ ᐃᔪᒡ᙮ ᓂᔭᑎᑯᒡ ᓂᔭᔪᐛ ᒥᓐᑐᓴ᙮ <pp>
ᐊᑯ ᐛᑎᓇᒡ, ᐊᑯ ᓇᑕ ᐸᔅᑎᓇᒡ, ᒥ ᓂᐸᐊᐅᒡ “ᑕᓐᑕ ᐊᑯ ᒐ ᐃᑐᑐᐛᐧᑯᒡ ?” ᒋ ᐃᑎᑯᐅᒡ᙮ 
ᐊᑯ ᒐᔎᐸᒡ, ᒻᒻᒻ ᐊᔅᒄ ᒥᓯᐸᔭᔪᐤ ᐅᓂᐱᒧᐛᐤ ᑕᓐᑕ ᓱᒋᔅᑕᑭᓄᐤ, ᑕᐸ ᒧᔅᑕᑭᒧᐤ, ᐛᔅ ᐛᔭᑕᑭᓇᔅᑯᐤ᙮ <pp>
ᐊᑯ ᒐᔅᒐᔨᒪᑦ ᒪᔪᑭᓱᔨᒋ, “ᐊᐦᐊᒃ,” ᐃᑕᐤ, “ᐊᑯ ᒐ ᓂᑭᑎᑯᒡ,” ᐃᑕᐤ᙮ <pp>
“ᒐ ᒋᐛᔭᓐ,” ᐃᑕᐤ ᐊᒂᔅᑕᐤ᙮ “ᐊᑯ ᒪᐤ ᒋ ᒋᐛᔭᓇ, ᐊᑯ ᒪᐤ ᒐ ᒥᓂᔨᓐ, ᒪᐤ ᑭ ᐊᔅᑕᐛ,” ᐃᑕᐤ ᐎᒋ ᐅᒋᒪᐛ᙮ 
ᐊᑯ ᐅᒡ ᓂᒥᔅᑎᐧᑯᔨᒡ, ᒪᐅᒡ ᑭ ᐊᐳᒋ᙮ 
ᐊᐅᑯᓐᒡ ᐅᒡ ᒐ ᑎᐸᔨᒥᑥᐤ ᓄᑎᒻ,” ᐃᑕᐤ, “ᑭᔭ ᒋ ᒋᐛᔭᓇ, ᐊᑯ ᒐ ᒥᓂᔨᓐ,” ᐃᑕᐤ᙮ <pp>
“ᓂᐦᐃ,” ᐃᑎᑯᐤ, ᓂᔭᒥᔎᔨᔅᑕᑯᑦ, ᐛᑎᓂᒥᔨᒋ ᐅᑎᒋ, ᐊᑎᒥᔅᑲᑯᑦ᙮ 
ᑭᔭ ᐊᓐ ᑯᑎᒃ ᐅᒋᒪᐤ ᐊᑎᒥᔅᑯᐛᑦ᙮ <ss>
ᐛᔪᐎᑕᒋᒧᑦ, ᒐᐛᒡ, ᓇᑭᑕᒡ᙮ ᓇᓇᒐᓯ ᓴᔅ ᐅᑕᑯᓯᐤ ᐊᓐ ᐊ ᐃᑎᓇᓄᐅᒡ᙮ <pp>
ᓇᓇᒐᓯ ᑲ ᒋᐛᑥᐤ ᐱᔭᑕᑯᓯᔨᒋ ᒪᔨᐧᑭᓱᐎᔨᒋ᙮ 
ᐛᒋ ᓇᑭᒐᐊᑦ ᑭᑈ ᐊᒂᔅᑕᐤ᙮ 
ᒐᒃ, ᒐᒃ ᒥᔭᓯᐧᑲᑐᒡ ᐊᓐᒡ ᐊᐛᓂᒋ᙮ 
ᒥᔭᓯᐧᑲᑐᒡ, ᑕᐸᑲ ᐅᒧᐧᑯᒪᓄᐅᒡ, ᐃᑕᑭᓄᐅᒡ, ᓂᔭᔪᐛ ᒥᔭᒥᓴᒋ ᒧᐧᑯᒪᓇ᙮ 
ᐊᑯ ᐊᓐ ᒥᒋᐛᑉ, ᒪᐊᓐ ᐊᓯᓇᒂᒡ, ᐛᒋ ᓴᑲᔅᑯᒧᒋ ᒧᐧᑯᒪᓇ, ᑭᔭ ᒧᐧᑯᒪᓇ, ᑭᔭ ᐅᑕ ᑎᔭᐧᑭᒥᑐᒡ ᐅᑕ᙮ <pp>
ᐊᑯ ᑕᐱᔅᑲᔨᒡ, ᒂ ᐊᑲ ᐸᑕᑯᓯᒡ, ᑕᐱᔅᑲᔨᒡ ᐊᒐᑯᐤ, ᐊᑯ ᐊᑎ ᒐᒋᓴᐸᔭᐸᒡ, ᐊᑎ ᒋᐧᑲᓇᒂᒡ, ᓴᔅ ᐸᑕᑯᓂᔪᐛ ᐅᑦ ᐅᐤᑐᐛᐛ ᓄᒋᐧᑲᒡ᙮ 
ᐸᐱᑯᑎᒋᑕᒡ ᐅᑦ ᐅᐤᑐᐛᐛ ᓇᒥᑕᐛᓇᒡ ᐅᔭᔪᐛ, ᐛ ᐳᓯᒡ᙮ 
ᐳᓯᒡ, ᐳᓯᐳᓯᒡ, ᒥᒐᑐᐤ ᑕᓐᑕ ᒋᒋᐛ᙮ <pp>
ᒐᒃ ᒂ ᐸᒋ ᐃᔅᐸᐊᒥᔨᒋ, ᐃᑕᑭᓄᐤ, ᐅᑎ ᒧᓴᐅᐱᔨ ᒋᐸ ᒥᒐᑐᐤ᙮ 
ᐊᐅᒂᔭ, ᒥᓯᐛ ᒥ ᑕᐤ, ᒺᓴᐅᐱᔨᑦ, ᒥ ᓄᒋᐧᑲᓱᐤ ᓇᔅᑎᔅ, ᑯᔅᑕᐅᒡ ᑕᓐᑕ ᐊᒂᔅᑕᐛ, ᐛᒡ ᐊᑲ ᓄᒋᐧᑲᓱᐅᒡ, ᐊᑯ᙮ <ss>
ᐊᑯ ᐃᔪᐤ ᐎᐱᒡ ᒋ ᒥᓇᑭᓄᐤ, ᐃᑕᔨᒪᑭᓄᐤ, ᐊᐅᑯᐤ ᑕᑈ ᑲ ᒥᓇᑭᓄᐅᒂ ᐊᓐ ᐃᔪᐤ, ᒋ ᒥᓂᑯᒐ ᓂᔭᔪᐛ ᐊᓯ ᐃᔪᐎᔨᒋ᙮ 
“ᐊᑯ,” ᐃᑎᑯᐤ ᓂᔭᔪᐛ, ᓂᔭᔪᐛ ᐅᒋᒪᒪ, “ᒐ ᐊᑲ ᐳᓯᔨᓐ, ᒪᐤ ᒐ ᐳᓯᓇᓄᐅᒡ᙮ 
ᒐ ᐎᒋᒥᑥᐤ ᐊᑯ ᒋᒋᐃᔪᒡ,” ᐃᑎᑯᐤ᙮ ᐸᔅᑎᓂᑯᑦ᙮ <ss>
ᐊᑯ ᒥ ᒧᓴᐅᐱᔪᐤ, ᒥᔭᓂᑲᓱᑦ, ᓇᑕ ᐛᔅᑭᑕᐛᑭᓄᐅᑦ, ᒥᔭᓂᑲᓱᑦ ᓇᑕ᙮ 
“ᐊᑯ,” ᐃᑕᐤ, “ᑕᓐ ᐊᐅᑯᓐ ᓄᐧᑯᒥᔅ ᑲ ᒥᓇᑭᓄᒂ,” ᐃᑕᐤ᙮ 
“ᓂᑭ ᓇᑕᐤ ᒪ, ᓂᑭ ᐎ ᐛᐱᒪᐤ,” ᐃᑕᐤ᙮ ᓂᔭᑕᑦ᙮ 
ᓴᔅ ᒋᓯ ᒪᓂᑲᓱᔪᐛ᙮ ᒧᓴᑯᑎᐛᓱᐤ, ᐎᐱᒡ ᑭᑈ ᑲ ᑎᒡ ᐃᔪᒡ ᑲ ᑯᑐᐛᒡ, ᐃᑕᑭᓄᐅᒡ᙮ <pp>
ᐊᓐᑕ ᓯᔭᒋᐛᐱᒪᑦ ᐊᐅᑯᓂ ᐊᐱᔨᒋ, ᐎᔭᔅᑕᒪᑯᑦ, ᓇᑕ ᐊᑲᒥᔅᑯᑕᐤ ᓇᑕ, ᐊᑯᑕ ᐊᓱ ᐛᔅᑕᒪᑯᑦ᙮ 
ᐊᑯ ᓇᑕ ᐊᓯᑕᒋᒧᑦ, ᐊᑯ ᓇᑕ ᐛᓴᐱᒪᑦ ᐊᑲᒥᒡ ᐊᐱᔨᒋ, ᐛᓴᐱᒪᑦ᙮
ᐊᔨᐱᓱᐤ, ᒥᓂᒻ ᐅᔭᔪᐤ ᐅ ᐱᒍᐎᔭᓐ, ᐅᔭᔪᐤ ᐅᑦ ᐊᑯᑉ, ᒺᓴᔅᑭᑕᐅᑦ, ᐃᔭᐱᓱᑦ ᓂᔭᔪᐛ ᐃᔅᑯᑕᔪᐤ᙮ ᐊᐅᑯᔪᐤ ᓂᔭ ᐛᒋ ᐊᐱᓱᑦ ᐊᓂᔭ ᐃᔅᑯᑕᒡ, ᐅᑕ ᒂᑐᐛᑦ ᐅᑦ ᐃᔅᑯᑕᒻ ᐅᔭᔪᐤ ᐛᒋ ᐊᐱᓱᑦ ᐊᓐᑕ᙮ 
ᒥᓯᐛ ᐅᑕ ᐅᒋᓯᐤ ᐅᑕ ᐅᔅᐱᔅᑯᓂᒡ᙮ <pp>
ᑭᔭ ᐊᓄᒡ ᓂᔭᔪᐤ ᐅᑕ ᑲ ᒪᓯᐧᑲᑐᓇᓄᔨᒡ ᓂᔭᔪᐤ ᐊ ᐃᑕᐛᑭᓄᐅᑦ ᓂᔭᔪᐤ, ᓄᑭᓂᔪᐛ ᓂᔭᔪᐛ, ᐊᓄᒡ ᐊ ᑕᐧᑭᒪᑭᓄᐅᑦ, ᒧᐧᑯᒪᓂᔪᐤ ᐊᑎ ᑕᐧᑭᒪᑭᓄᐅᑦ ᐅᑕ᙮ <ss>
ᑯᑎᑲ ᒪᐊᓐ ᒂ ᐃᓯ ᐃᔨᑭᔅᑲᐱᔅᑲᓯᔨᒋ ᒧᐧᑯᒪᓇ, ᑯᑎᑲ ᓯᓴᑯᐛᐱᔅᑲᓯᔪᐛ ᒧᐧᑯᒪᓇ, ᓂᔭᔪᐛ ᐊ ᐸᐸᐧᑲᐛᑭᓄᐅᑦ, ᐊ ᑕᐧᑭᒪᑭᓄᐅᑦ᙮ 
ᐃᔭᐱᒡ ᓂᔭᔪᐤ ᒥ ᒋ ᓂᐳᐤ ᐅᔭ ᐊ ᐃᓯᓇᑯᔅᑦ᙮ ᐊᑯ ᐛᓴ ᐅᓴᒻ ᑭ ᐃᓯᓇᑯᓱᐛ, ᐃᑕᔨᒪᐤ᙮ 
ᒥᒄ ᒪᒥᑐᓇᔨᒪᐤ, ᒥ ᐃᑕᐤ, ᐊᓂᔭ ᒪ ᐊᑕᐛᑭᓄᐅᑦ, “ᑕᑈ ᓯᐱᓇᐤ ᐊᑲ ᑲ ᓂᐱᑦ,” ᐃᑕᔨᒪᐤ᙮ ᒻᒻᒻ᙮
ᐊᑯ ᑕᐸ ᐅᓇᔨᒥᑯᐤ ᓇᑕ ᐛᒋ ᒪᒥᑐᓇᔨᒪᑦ, ᓇᑕ ᐊᑲᒥᒡ ᐅᑎ ᐃᑎᐱ᙮ 
ᐊᑯ ᐅᑕ ᐊ ᒋᐛᐱᔅᑕᑯᑦ ᐅᑕ, ᐊ ᒋᐛᐱᔅᑕᑯᑦ᙮ <pp> 
“ᓂᑐᓯᒻ, ᒋᐸ ᓂᐱᓐ ᐊᐦᐊᒃ ᐊᓐ ᒋᔾ ᐃᑕᐅᑯᐎᔨᓐ, ᐅ ᐊᑕᐅᑯᐅᔭᓐ, ᐊᑲ ᒪᑕᐛᑎᓯᔨᓐ,” ᐃᑎᑯᐤ᙮ 
ᓇᔅᑎᔅ ᒥ ᒥᒪᒂᔨᒧᐤ ᓂᔭᔪᐤ ᐊᓯᓇᑯᔅᑦ᙮ “ᐊᐅᑯᓯᐱᓐ ᐅ ᑕᑈ ᓄᐧᑯᒥᔅ,” ᐃᑕᔨᒪᐤ᙮ ᑕᐸ ᐅᓇᔨᒥᑯᐤ ᐛᑐᓯᒥᑕᑯᑦ᙮ <ss>
ᐊᑯ ᐅᑕ ᐅᒧᐧᑯᒪᓂᔪᐤ ᐊᑯᑕᔪᐤ, ᐊᓐ ᒪᓴᒡ ᒧᐧᑯᒪᓐ, ᐊᑯᑕᔪᐤ ᐅᑕ, ᐛᑎᓂᒥᔨᒋ ᓂᔭᔪᐛ ᒧᐧᑯᒪᓂᔪᐤ, ᔭᔨᔅᒋᐱᑎᒥᔨᒋ᙮ 
ᐊᑯ ᓇᑕ, ᐊᑎᔅᑕᔨᒋ ᓇᑕ, ᐊᑕᔅᑯᔍᑯᑦ ᓇᑕ, ᐊᓐᑕ, ᐅᒧᐧᑯᒪᓂᔪᐤ, ᓇᑕ ᐊᑎᔅᑕᔨᒋ ᐊᓐᑕ, ᐊᑕᐱᔅᑯᔍᑯᑦ ᓇᑕ, ᐊᑲᒥᒡ ᓇᑕ ᐊᐳᐤ ᐅᔭ ᐅᑦ ᐃᔅᑯᑕᒥᒡ, ᐊᑲᒥᒡ ᓇᑕ᙮ ᐊᑕᔅᑯᔅᑕᔨᒋ᙮<pp> 
ᑭ ᐅᔭᔅ ᐃᑥᐛ᙮ 
ᐛᒋ ᓂᓇᑭᒐᐊᑦ᙮ 
ᑭ ᐅᔭᔅ ᐃᑥᔪᐛᓂ᙮ ᒐᒃ ᓇᑐᓂᒐᔨᒋ ᐛᒋ ᐱᔅᑎᓂᒥᔨᒋ ᒐᒂᓂᔪᐤ᙮ 
ᐎᔭᐸᑎᒺᑦ ᓂᔭᔪᐛ ᐛᒋᑕᒋᒧᔨᒋ ᒥᓐᑐᓴ᙮ <pp>
ᓂᔭᔪᐤ ᐅᒧᐧᑯᒪᓂᔪᐤ, ᐊᓐ ᒧᐧᑯᒪᓐ ᐊᓯᓇᒂᒡ᙮ ᑭ ᐊᑎ ᒂᔭᐱᔅᑲᔪᐛ ᒂ ᐃᓯᓇᑯᓂᔨᒡ ᐅᒧᐧᑯᒪᓂᔪᐤ, ᑭ ᒂᔨᔅᑭᒥᔪᐛᓂ ᐅᔭ ᒧᐧᑯᒪᓂᔪᐤ ᓂᔭᔪᐤ ᐃᓴᑯᔪᐤ ᓂᔭᔪᐤ, ᐃᓯᓄᐛᐤ᙮ 
ᐊᑯ ᓂᔭᔪᐤ ᐊᔎᐱᔅᑲᔨᒡ ᐅᔭᔪᐤ ᒧᐧᑯᒪᓂᔪᐤ, ᐊᔎᐱᔅᑭᔅᑕᔨᒡ ᒐᑲᑦ ᐅᑎᑎᒥᔪᐛ, ᐃᓯᓄᐛᐤ᙮ 
ᑭ ᐅᔭᔅ ᐃᑥᐛ ᒂ ᐃᑎᑦ, ᒂ ᐃᑎᔨᒋ, ᒥᓐ ᒐᐛᑕᒋᒧᔨᒋ᙮ <pp>
ᓇᔅᑎᔅ ᒥ ᒪᑕᒄ ᐃᓯᓇᑯᓂᔪᐤ ᐅᒧᐧᑯᒪᓐ, ᐅᔭᔪᐤ ᐱᔭᒋ ᒋᐛᑕᒋᒧᔨᒋ, ᓇᔅᒡ ᑭ ᓱᓱᐛᐱᔅᑲᔪᐛ᙮ 
ᑭ ᒋ ᐊᑎ ᒂᔭᐱᔅᑲᔪᐛ, ᑲ ᐃᓯᓇᑯᓂᔨᒡ ᐅᒧᐧᑯᒪᓂᔪᐤ᙮ ᐊᑯ ᐱᔭᒋ ᒋᐛᑕᒋᒧᑦ, ᓇᔅᒡ ᒥᔽᓯᔪᐤ, ᓇᔅᒡ ᒥᔽᐱᔅᑲᓯᔪᐤ, ᒥ ᒪᑕᒄ ᐃᓯᓇᑯᓂᔪᐤ᙮ 
ᐊᑯᑕ ᑲ ᐱᔅᑎᓇᔨᒋ ᐅᔭᔪᐛ, ᐅᑕ ᑲ ᐃᓯᓄᐛᑦ, ᐛᒋ ᐅᑎᓇᔨᒋ ᓴᔅᑭᒧᔨᒋ᙮ ᐊᐅᒂᔭ ᑯᒋᐱᔨᐊᔨᒋ ᒥᓐᑐᓴ᙮ <pp>
“ᐛᓴ ᐅᓴᒻ, ᐊᐦᐊᒃ ᐛᐸᑕ, ᓂᑐᓯᒻ, ᐊᐅᑯᐤ ᒪᒃ ᐊᓐ ᐛᒡ ᐊᑲ ᒋ ᓂᐸᐃᑯᐅᔭᓐ, ᒋ ᐛᐸᑕᓐ ᐊ?” ᐃᑎᑯᐤ᙮ ᒻᒻᒻ᙮ <pp>
ᒪ, ᐊᑯᑕ ᐊᔎᒋᒪᑭᓄᐅᑦ, ᓇᒪᔭᐤ ᐊᑎᔪᐧᑭᓐ, ᑎᐸᒋᒧᐅᓐ, ᑎᐸᒋᒧᐅᓐ, ᐃᔪᒡ, ᐊᓐᒡ ᐎᐱᒡ ᐃᔪᒡ᙮ <ss>
ᓇᔅᑲᐱ
ᑲ ᒥᔅᑎ ᓂᐸᐊᑦ ᒪᒐᓱᐛ 16 jᑉ ᐅᓐᑎᓐg Book Source 2017 08 11
ᒪᐅᑕ ᐛ ᑎᐸᒋᒧᔭᓐ ᐅ, ᐅᐛ, ᓴᔅ ᐅ ᑎᑯᓐ ᐅ, ᐅ ᒪᑭᓂᓯᔾ, ᓴᔅ ᐊᓐ ᑎᑯᓐ, ᓴᔅ ᑎᑯᓐ ᐊᑕᐛᐅᒋᐛᑉ ᐛ ᑎᐸᒋᒧᔭᓐ᙮ 
ᐸᐃᒂᐤ ᐊ ᓂᑐᐎᐅᔭᓐ ᓂ ᐎ ᑎᐸᒋᒧᓐ, ᐊ ᐸᐃᑯᐳᒡ ᐊ ᓂᑐᐎᐅᔭᓐ᙮ ᐊᐅᑯᓐ ᐛ ᑎᐸᒋᒧᔭᓐ, ᐛ ᑎᐸᒋᒧᔅᑕᑎᑯᒡ᙮ <pp>
ᓂ ᒋ ᒥᔪᐱᔨᓐ ᐸᐃᒂᐤ ᐊ ᐱᐳᒡ, ᓂ ᒋ ᒥᔅᑲᓐ ᓱᓇᔭᐤ ᒐᒋ ᐅᒋ ᐱᑲᔅᒋᐅᔭᓐ᙮ 
ᐊᐅᑯᓐ ᐛ ᑎᐸᑎᒪᓐ ᐊ ᓂᑐᐎᐅᔭᓐ, ᐊᓐ ᑎᒂᑎᐛᐱᓐ ᐃᓯᓂᐧᑲᑕᐤ, ᐅ ᑯᒍᐛᒃ ᓯᐳᐤ ᐊᓐ ᒪᒃ ᐊ ᑎᒂᑎᐛᐱᔨᒡ, ᓇᑕ ᒪᒃ ᓇᑕ ᐃᑕᒐ ᒥ ᑕᐤ ᓇᑕ ᒥᔅᑎᒄ ᓇᑕ᙮ ᒥ ᑎᑯᓐ ᒥᔅᑎᒄ᙮ <ss>
ᐊᑯᑕ ᓇᑕ ᐊ ᑕᔭᒡ ᐊᓐ ᒥᓂᔅᑎᒄ, ᐊᓐ ᐊᔅᒋᐅᒥᓯᓇᐃᑭᓐ, ᐊ ᒥᓯᓇᐃᑭᓄᐅᒡ ᐊᓯᓇᒂᒡ, ᒥ ᑕᐤ ᓇᑕ ᒥᔅᑎᒄ᙮ 
ᐊᑯᑕ ᐊᑯ ᐊᓐᑕ ᐊᑕᔭᒡ ᑕᒂᒋᒡ ᓇᑐᐎᐅᔭᒡ᙮ 
ᐊᑯᑕ ᐊᓐᑕ ᑲ ᑯᔅᐱᔭᒡ᙮ ᓂ ᓂᔅᑎᓇᓐ ᓂᔭᐸᐅᔭᒡ, ᓇᑐᐎᐅᔭᒡ, ᒍᐧᑯᒻ ᑭᑈ ᐊᑕᑦ, ᐅ ᒍᐧᑯᒻ, ᓂᐎᒋᒪᑭᓐ᙮ 
ᐊᑯ ᐊᐅᒂᑭᓐ ᓇᐸᐊᒋᒡ ᐊᓐ, ᐊᓐ ᒪᒐᓱᐤ, ᐊᓐ ᑭ ᐛᐱᓯᐛ ᐅ ᑭ ᐃᓯᓇᑯᓱᐛ ᒪᒐᓱᐤ, ᐊᐅᑯᓐ ᓇᐸᐊᒋᒡ᙮ 
ᓂᔅᑐᒥᑕᓯᒥᑎᓄᐤ ᐊᓱ ᓂᔄᓱᑕᒡ ᑕᑐᔪᐤ ᓂ ᓂᐸᐊᐅᒡ ᒪᒐᓱᐅᒡ, ᐛᐸᒐᓯᓯᒡ, ᐸᐃᑯᐳᓇ᙮ <pp>
ᐊᑯ ᐸᐃᒄ ᒥᒄ ᓂ ᓂᐸᐊᓱᐤ ᐅ ᐊᓯᓇᑯᔅᑦ ᒪᒐᓱᐤ, ᒪᐧᑯᓯᑦ ᒪᒐᓱᐤ, ᐸᐃᒄ ᒥᒄ ᓂᓂᐸᐊᐤ᙮
ᐊᑯ ᑭᑈ ᐊᔪᐛᒡ ᓱᓇᔭᐤ ᑲ ᑲᔅᑎᓂᒪᒡ ᑲ ᒥᔪ ᐎᒋᐃᓱᔭᒡ ᐸᐳᒡ᙮ ᒥ ᓂᑕ ᓄᑕᐱᔨᓇᓐ ᒐᒂᓐ, ᑭᑈ ᐊᓯᓇᒂᒡ ᒥᒋᒻ᙮ 
ᒥᒋᒻ ᐊᔭᔭᒡ, ᑭᔭ ᐅ ᐊᓯᓇᒂᒡ ᒐ ᒋᓱᓂᑯᔭᒡ᙮ 
ᒥᓯᐛ ᒐᒂᓐ, ᑭᔭ ᐅᐤᑕ, ᐅᐤᑕ ᐃᔭᐱᒡ ᓂᑦ ᐃᔭᓇᓐ, ᒥᔅᑎᒄ, ᒥᔅᑎᒄ ᐊᓐ ᐅᐤᑦ, ᐊᓂᔭ ᐊᓯᓇᒂᒋ᙮ 
ᐊᐅᑯᓂ ᓂᔭᔪᐤ ᒐᓯᐧᑭᒪᒡ ᐊᓯᓇᒂᒋ᙮ ᓇᑕ ᐛᔪᐤ ᓇᑐᐛᔨᑎᒪᒡ, ᐱᔭᐱᔨᒋ, ᒐᓯᐧᑭᒪᒡ᙮ <pp> 
ᑭᔭ ᐊᓂᔭ ᐸᔅᒋᑭᓇ, ᓂᓱ ᓂᔾ ᓂᑦ ᐃᔭᓐ ᐸᔅᒋᑭᓇ, ᓂᓱ ᓂᑦ ᐃᔭᓐ ᐊᓯᓇᒂᒋ ᐸᔅᒋᑭᓇ᙮ 
ᐸᐃᒄ ᐊᓐ ᐅ ᐊᓯᓇᒂᒡ ᐸᔅᒋᑭᓐ, ᒧᓯᓯᓂᐤ ᐸᔅᒋᑭᓐ᙮
ᐊᑯ ᐸᐃᒄ ᑲ ᓇᑥᓂᑭᓄᐅᒡ ᐸᔅᒋᑭᓐ, ᑭ ᓇᑥᐱᑕᑭᓄᐛ ᐸᔅᒋᑭᓐ᙮
ᐊᐅᑯᓐ ᐸᐃᒄ ᐊᔭᔭᓐ; ᓂᓱ ᓂᑦ ᐃᔭᓐ ᐸᔅᒋᑭᓇ᙮
ᒥᒄ ᐸᐃᑯᐳᓇ ᐊᓐ ᑭ ᓂ ᑎᐸᒋᒧᓇᐛ, ᓂᐸ ᐃᔅᐱᔅ ᓂᑐᐎᐅᓇᓐ, ᒪᐛᒡ, ᒪᐛᒡ, ᐳᔅᑯᐳᓇ ᓂ ᓂᑐᐎᐅᓇᓐ, ᓴᔅ ᓂ ᐳᓇᐊᓇᓐ ᒪᒐᓱᐤ ᓄᒋᐧᑯᐅᒋᒡ᙮ 
ᒥᒐᑐᐤ ᒋᒋᐛ᙮ <pp>
ᐊᓐ ᑭ ᓂ ᑎᐸᒋᒧᓇᐛ, ᐃᑕᔨᑕᑯᓱᐤ ᒪᒐᓱᐤ᙮ ᑕᐸ ᓂ ᑕᐧᑯᒧᔭᓇᓐ ᐱᔅᒐ, ᓂ ᐸᔏᓇᓐᒡ ᐱᔅᒐ᙮ 
ᓇᓂᑯᑎᓂᔾ ᐸᐃᑯᔪᐤ ᓂ ᐸᓱᐛᐅᒡ ᐸᐃᒄ ᒋᓯᑲᐛ ᓂᔭᑎᒪᓂ ᓂ ᑎᓱᓇᑭᓇ, ᓂᑦ ᐊᔅᒋᐧᑯᒪᓇ, ᐱᔭᑐᐅᑕᔭᓐ ᓂ ᒪᒐᓱᐅᒡ᙮ 
ᐊᑯ ᓇᓂᑯᑎᓂᔾ ᒥᒄ ᓂ ᐸᔅᒋᔄᓇᓐᒡ ᐊᓐᒡ, ᐅᒡ ᒪᒐᓱᐅᒡ, ᐊᔅᐱᔅ ᓂᐸᐊᒋᒡ᙮ 
ᐸᐃᒂᐤ ᒥᒄ ᐊᔅᐱᑎᓯᔭᓐ ᓂ ᒋ ᓂᐸᑕᓐ ᐊ ᐱᐳᒡ; ᐸᐃᑯᐳᓇ ᓱᓇᔭᐤ ᑭ ᓂ ᑎᐸᒋᒧᓇᐛ᙮ <ss>
ᒥ ᓂᑕ ᐃᔅᐱᔅ ᓂᐸᐊᐤ, ᐃᔅᐱᔅ ᓂᐸᑕᐤ ᒐᒂᓂᔪᐤ ᐸᐃᑯᐳᓇ ᐊᐛᓐ ᒐᒋ ᐃᔅᐱᔅ ᓂᐸᑕᑦ, ᐊᓐ ᐃᔅᐱᔅ ᓂᐸᑕᔭᓐ ᐸᐃᑯᐳᓇ, ᐊᔅᐱᔅ ᓂᐸᑕᔭᓐ᙮ 
ᐅ ᒐᐃᒧᐤ, ᒐᐃᒧᐤ ᐃᔪᐤ, ᐊᑕᑎᓯᑦ, ᒐᐃᒧᐤ ᐃᔪᐤ, ᓇᐸᐤ᙮ ᑭᔭ ᓂᔭᐧᑲ ᐎᐱᒡ ᓂᑕᐅ ᓂᑐᐎᐅᒡ ᓇᐸᐅᒡ᙮
ᐃᔭᐱᒡ ᓂᔭᐧᑲ ᒥ ᓂᑕ ᐃᔅᐱᔅ ᓂᐸᑕᓯᐱᓐᒡ ᒪᓂᐅᓂᔪᐤ, ᐸᐃᑯᐳᓇ ᑲ ᐃᔅᐱᔅ ᓂᐸᑕᔭᓐ ᓂᔾ᙮ 
ᓂᔅᑐᒥᑕᓯᒥᑎᓄᐤ ᓂ ᓂᐸᐊᐅᒡ ᐊᓱ ᓂᔄᓱᑕᒡ ᑕᑐᔪᐤ᙮ <ss>
ᐎᔅᑕᐤ ᐊᒋᑕᓱᓂᔪᐤ, ᓂᑎᒥᒄ ᐊᓐᑕ ᒥᓯᓇᐃᑭᓇᒋᒡ, ᐎᔅᑕᐤ, ᒋᑭ ᒥᔪᔅᑕᐤ, ᓂᔅᑐᒥᑕᓯᒥᑎᓄᐤ ᐊᓱ ᓂᔄᓱᑕᒡᑕᑐᔪᐤ᙮
ᐊᑯ ᐸᐃᒄ, ᐃᔅ, ᐅ ᑲ ᐃᓯᓇᑯᔅᑦ ᐎᔄᐛᒐᓱᐤ, ᐎᔄᐛᒐᓱᐤ, ᐸᐃᒄ ᒥᒄ᙮ <pp>
ᐊᑯ, ᒥᒐᑐᐤ ᓱᐧᒃ ᐊᐛᓐ ᑲ ᐎᒋᐃᒃ ᓂᔭᔪᐤ᙮
ᓇᒪᔭᐤ ᒥᒄ ᓂᔾ ᑲ ᐊᐱᒋᑕᔭᓐ ᒪᓐ ᓱᓇᔭᐤ ᐊᔅᐱᔅ ᑲᔅᑎᓂᒪᓐ᙮ ᒥᒐᑐᐤ ᐛᒋᐃᒃ ᐊᐛᓐ᙮
ᒻᒻᒻ, ᒐᒂᓐ, ᒐ ᐛᑎᓂᒪᓐ ᒐᒂᓐ, ᐃᔭᐱᒋᑕᔭᓐ ᓂᓱᓇᔭᒻ᙮ 
ᐛᒋ ᐎᒋᐊᒂᐤ ᐊᓐᒡ ᓂᐧᑲᓂᓯᒡ ᐊᓐ, ᐊᓯᒥᒂᐤ ᒥᒋᒥᔪᐤ ᑭᔭ ᐊᐱᒋᑕᐅᓂᔪᐤ, ᐅᒥᒍᓂᓴ, ᒪᔨᒂᐤ, ᑲ ᑲᔅᑎᓂᒪᓐ ᐊᐱᒋᑕᐅᓐ᙮ <ss>
ᑲ ᐃᓯᓇᑯᓯᔭᓐ ᓇᑕ ᐱᔭᒋ ᓂᑐᐎᐅᔭᓐ ᓂᔅᑦ ᒻᒻᒻ᙮ 
ᑭᑈ ᑲ ᒥᔪᐱᔭᒡ ᐸᐃᑯᐳᓇ᙮ ᐊᐅᑯᐤ ᒥᒄ ᐊᔅᐱᑎᓯᔭᓐ ᐊᓐᑕ ᐸᒋ ᑲ ᒥᔅᑎ ᓱᓇᔭᒐᔭᓐ᙮ 
ᐊᐅᑯᓐ ᑭᒥᐱᓂ ᐊᑐᔅᑯᐅᒃ, ᐅᒋᒪᐤ ᐊᑐᔅᑯᐅᒃ, ᐊᑕᐛᑦ᙮ ᐊᐅᑯᐤ ᑲ ᒥᔅᑎ ᓱᓇᔭᒐᔭᓐ, ᒋᒋᐛ᙮ <pp>
ᐊᐅᑯᐤ ᒪᒃ ᐊᓐ ᐛᒡ ᐊᑲ ᓱᐧᒃ ᓂᑕ ᐎ ᒋᔅᑎᒪᐃᑦ ᐛᒥᔅᑎᑯᓱᐤ᙮ ᒪᐤ ᐊᓄᒡ, ᑲ ᐃᓯᓇᒂᒡ ᓇᑕ, ᐎᐱᒡ ᓇᑕ, ᑲ ᐃᑐᑐᐛᑦ ᐛᒥᔅᑎᑯᓱᐤ ᐃᔪᐛ, ᑲ ᒥᔪᑐᑕᑯᑦ ᑭᔭ ᓂᔅᑦ ᑲ ᒥᔪᑐᑐᐛᑦ᙮
ᓴᔅ ᐅ ᒋ ᑎᑯᓐ ᐛᔅᑲᐃᑭᓂᔅ, ᐊᓐ ᑭ ᓂ ᑎᐸᒋᒧᓇᐛ᙮ 
ᒥᓯᐛ ᓂ ᒋᔅᒐᔨᒥᑯᒐᓂᒋ ᒪᐅᒡ ᐊᓐᒡ ᐊᓐᑕ ᑭ ᐎᒍᐅᒋ ᒪᐅᒡ, ᐊᓐᒡ ᐃᔪᒡ ᐊᓐᒡ, ᐅᒡ ᓂ ᐎᒋᒪᑭᓐᒡ, ᒍᐧᑯᒥᔅ ᑭᔭ ᐊᓇ ᓴᒪᓂ, ᓂ ᒋᔅᒐᔨᒥᑯᒐᓂᒋ, ᒥᓯᐛ ᓂᔭ ᓂ ᒋ ᐛᐱᒥᑯᒡ ᒪᐊᓐ ᐊᔅᐱᔅ ᓂᐸᑕᔭᓐ ᒪᓂᐅᓐ᙮ 
ᐊᑯᑕ ᐅᑕ ᐊᑕᔭᒡ ᒐᐃᒧᐤ ᓂᔭᓐ, ᐊᑯᑕ ᐊᓐᑕ ᑲ ᑕᔭᒡ, ᓇᑕ ᑲ ᐅᒋᔭᒡ᙮ <pp>
ᓴᔅ ᐅ ᒋ ᑎᑯᓐ ᐅᐛ, ᐅ ᑭ ᓂ ᑎᐸᑕᓇᐛ, ᒪᑭᓂᓯᔾ, ᓴᔅ ᐅ ᒋ ᑎᑯᓐ ᐊᑕᐛᐅᒋᐛᑉ, ᐊᓐ, ᐊᓐ ᑭ ᓂ ᑎᐸᒋᒧᓇᐛ᙮
ᐊᑯ ᒥᓐ ᐸᐃᒂᐤ, ᐊᐅᑯᐤ ᓴᒋᔅ, ᐅ ᓴᒋᔅ ᐅ, ᐊᐅᑯᐤ ᒂᔅᐱᔭᒡ, ᐊᔅᒋᒪᔭᒡ, ᐅ ᓴᒋᔅ᙮ <ss>
ᐊᐅᒄ ᐊᑯ ᐃᔭᐱᒡ ᑲ ᓂᐸᑕᔭᓐ, ᑲ ᓂᐸᐃᒃ ᐅᒋᔅᒄ, ᐅᒋᔅᒄ ᐃᔭᐱᒡ ᑲ ᓂᐸᑕᔭᓐ, ᐃᔭᐱᒡ ᑲ ᓂᐸᐃᒃ᙮ 
ᐃᔭᐱᒡ ᒥ ᓂᑕ ᐃᔅᐱᔅ ᓂᐸᑕᓯᐱᓐ ᐊᐛᓐ ᓱᓇᔭᔪᐛ, ᐊᔅᐱᔅ ᓂᐸᐃᒃ ᐊᓐ ᐅᒋᔅᒄ, ᒐᒋ ᐃᔅᐱᔅ ᓂᐸᐊᑦ ᐸᐃᑯᐳᓇ ᐃᔪᐤ, ᐸᐃᑯᓂᐱᓇ ᒐᑲᑦ᙮ <pp>
ᓂᓱ ᐱᓯᒺ, ᓂᓱ ᐱᓯᒺ ᓂᑦ ᐃᔅᐱᓯ ᓄᒋᐧᑯᐛᐤ ᐅᒋᔅᒄ, ᒐᑲᑦ᙮ 
ᐃᔭᐱᒡ ᐊᐅᒄ ᑲ ᓂᐸᐃᒃ ᐅᒋᔅᒄ ᐸᐃᒂᐤ ᒪᐤ ᐊᔅᐱᑎᓯᔭᓐ᙮ ᒥ ᓂᑕ ᐃᔅᐱᔅ ᓂᐸᐊᐅᒡ ᐅᒋᔎ, ᐅᒡ ᐅᑕ ᑭ ᓂ ᐎᒋᒪᐅᒋ ᒪᐅᒡ ᒐᐃᒧᐤ ᐃᔪᒡ᙮ 
ᑭᔭ ᓂᔭᐧᑲ ᐎᐱᒡ ᐃᔪᒡ, ᓂᔭᐧᑲ ᐅᑕᒡ ᐊᓐᑕ, ᒥ ᓂᑕ ᐃᔅᐱᔅ ᓂᐸᐊᓯᐱᓐᒡ, ᐃᔪᐤ ᒐᒋ ᒋᔅᒐᔨᒪᑭᓄᐅᑦ, ᐅᒋᔎ, ᒐᒋ ᓂᑕ ᒥᓯᓇᑕᐛᑭᓄᐅᑦ᙮
ᐸᐃᑯᒥᑕᓯᒥᑎᓄᐤ ᐊᓱ ᔭᓇᐤ ᑕᑐᔪᐤ ᓂ ᓂᐸᐊᐅᒡ᙮ ᐅᒋᔅᒄ, ᐃᔅ᙮ ᓂᔄᐤ ᒥᒄ ᒋᐧᑲᔭᔨᑕᑯᓐ᙮ <pp>
ᓂ ᓂᑐᐎᐅᓐ ᐊᔅᐱᑎᓯᔭᓐ, ᑭᒥᐱᓂ ᐊᔅᐱᔅ ᐊᑐᔅᑯᐅᒃ᙮
ᑭᔭ ᒋ ᒥᓯᓇᐊᒧᐛᐤ, ᒋ ᒥᔭᐤ ᓂ ᒐᒂᓂᔪᐤ ᒂᔅᐱᔨᑥᐎ ᐊᐛᔪᐛ ᑭᒥᐱᓂ, ᒋ ᒥᔭᐤ᙮ ᓂᔅᑦ ᑭᑈ ᑲ ᐃᑐᑕᑯᐅᔭᓐ, ᑲ ᒥᔨᑯᐅᔭᓐ ᒂᔅᐱᔭᓂ ᒐᒂᓐ, ᑲ ᒥᓯᓇᐊᒧᒃ ᑭᒥᐱᓂ᙮
ᐊᑯ ᒐᓯ ᓂᑐᐎᐅᔭᓐ ᓇᔅᑎᔅ ᒥ ᓂ ᐅᒥᓯᓇᐃᑭᓂᓐ ᒐᒋ ᒥᓯᓇᐊᒧᐅᒃ ᐊᓐᑕ ᑭᒥᐱᓂ; ᓇᔅᑎᔅ ᐊᓐᑕ ᒥ ᓂ ᒥᓯᓇᐊᒧᐛᐤ ᑭᒥᐱᓂ, ᒐᒋ ᒥᓯᓇᐊᒧᐅᒃ᙮
ᒥᓯᐛ ᑎᑯᓂᔪᐛ ᐅᒥᓯᓇᐃᑭᓂᐛᐛ, ᑲ ᐃᔅᐱᔅ ᒥᓯᓇᐊᒧᒡ ᓱᓇᔭᔪᐤ ᑲ ᐃᔅᐱᔅ ᐊᐱᒋᑕᐛᒡ ᑭᒥᐱᓂᔨᒋ, ᐅᒡ ᐃᔪᒡ ᐅᒡ ᐊᓐᑕ ᑭ ᑕᐅᒋ, ᒐᐃᒧᐤ ᐃᔪᒡ, ᑭᔭ ᓂᔭᐧᑲ ᑯᑎᑭᒡ, ᓂᐳᒡ ᓂᔭᐧᑲ ᑯᑎᑭᒡ᙮<ss>
ᓂᔾ ᒥᒄ ᐊ ᐸᐃᑯᓯᔭᓐ, ᐛᐸᑕ, ᑭᔭ ᐅᑕ ᐱᓂᑉ, ᑭᔭ ᓇᑕ ᒍᑕᐎᔾ, ᐊ ᓂᔅᑎᔭᒡ ᒥᒄ᙮ ᓇᔅᑎᔅ ᒪᐛᒡ ᐊᐱᓯᔅ ᐊᓐᑕ, ᒥ ᓂ ᐅᒥᓯᓇᐃᑭᓇᓐ ᑭᒥᐱᓂ ᐊᑐᔅᑯᐅᒋᒡ᙮ 
ᑲ ᐃᓯᓇᑯᓯᔭᓐ ᒪᐤ ᐛᐸᑕ, ᐅ ᑭ ᓂ ᑎᐸᒋᒧᓇᐛ᙮ ᓂᔾ ᐊᓐ ᓂᑦ ᐃᑕᔨᑕᑯᓯᓐ᙮ ᓂ ᐎ ᑕᓐ ᒪᐤ ᐊᓯ ᑎᐸᒋᒧᔭᓐ, ᑕᐸᒋᒧᔅᑕᑎᑯᒡ, ᐊᓐ ᑭ ᓂ ᑎᐸᒋᒧᓇᐛ᙮ <ss>
ᐊᔅᐱᔅ ᐸᒋ ᓂᑐᐎᐅᔭᓐ ᓇᑕ ᐊᔅᐱᔅ ᐸᒋ ᐊᑐᔅᒐᔭᓐ᙮
ᐊᑯ ᐊᓄᒡ ᒐᓴᐃᔪᔭᓐ ᐊᑯ, ᒥ ᓂ ᒥᔨᑯᐅᓐ ᒐᒋ ᓂᑐᐎᐅᔭᓐ ᓇᔅᑎᔅ᙮
ᒧᔭᒻ ᐊ ᐳᓂᑦ ᐊᐛᓐ, ᒧᔭᒻ ᐊ ᒋᓯᑕᑦ ᐅᑦ ᐊᑐᔅᒐᐅᓐ ᒂ ᓯᓇᑯᓯᔭᓐ ᐊᓄᒡ᙮
ᐊᐦᐊᒃ ᒋᐸ ᐎᑎᒧᐛᐤ, ᓂᔅᑐᑐᐅᑦ ᐊ ᐃᑕᒋᒧᐅᒡ᙮ <pp>
ᐊᓐ ᑭ ᓂ ᑎᐸᒋᒧᓇᐛ, ᓂᔾ ᐊᓐ, ᓂᔾ ᐊᓐ, ᓂ ᑎᐸᒋᒥᓱᓐ; ᐊᐅᑯᐤ ᑎᐸᒋᒧᐅᓐ, ᓇᒪᔭᐤ ᐊᑎᔪᐧᑭᓐ᙮ <ss>
ᓇᔅᑲᐱ
ᐸᑎᔅᒋᐧᑯᐸᐤ ᐅᒡ ᑲ ᐃᔅᐱᓇᓄᐅᒡ ᐛᔅᑲᐃᑭᓂᒡ ᐃᔅ 18 ᑉeᑎᑦᓯᑲᐸᐅ 2019 10 11 Book Source
ᐊᑯ ᐅ ᐸᑎᔅᒋᐧᑯᐸᐤ ᐊᓯᓂᐧᑲᑕᑭᓄᐅᒡ ᐅᑕ ᑲ ᑕᒡ ᐃᔪᒡ᙮ ᐊᑯ ᒐᑎᓴᐛᑦ ᐅ ᐅᒋᒪᐤ ᓇᑕ ᐃᔪᐛ ᐊᑎᓴᐛᑦ ᓇᑕ, ᐅ ᓯᐳᐤ, ᐅ ᑲᓇᔭᐳᔅᑲᐤ ᓯᐳᐤ, ᐊᓐ ᒪᒃ ᐛᔅᑲᐃᑭᓂᔅ ᐊᑎ ᐎᔨᐛᒡ᙮ 
ᐊᑎᓴᐛᑦ ᒐ ᐛᐸᑎᒥᔨᒋ ᓇᑕ ᒐ ᒋᒥᑕᒡ ᒥᒋᐛᑉ, ᐊᑕᐛᐅᒋᐛᑉ, ᐛᒥᔅᑎᑯᓱᐤ ᒐ ᑕᑦ᙮ 
ᐊᑯ ᓇᑐᐛᐸᑎᒥᔨᒋ, ᐊᐅᑯᓐ ᐛᔅᑲᐃᑭᓐ ᐊ ᒋᒥᑕᒡ ᐊᑲᒥᒡ ᐊᓐᑕ᙮ <pp>
ᐊᑯᑕ ᐊᓐᑕ ᒐᒥᑕᒡ ᐊᓐ, ᐊᓯᓂᔭ ᐃᑎᔅᑕᑭᓄᐛ, ᐊᓯᓂᔭ, ᑎᑕᐧᑯᓯᔅᑕᑭᓄᐛ ᐊᓯᓂᔭ, ᑭ ᒋᒥᑕᐛᓂ ᒂ ᐃᓯᓇᑯᑕᑭᓄᐅᒋ, ᐊᓯᓂᔭ ᐃᑎᔅᑕᑭᓄᐛ, ᒋᐱᑕᐱᔅᒋᓂᑭᓐ ᐃᓯᓂᐧᑲᑕᐤ᙮ 
ᐊᔅᒄ, ᐊᔅᒄ ᒋ ᑎᑯᓐ ᐊᓄᒡ ᐅ᙮ ᐊᑯᑕ ᐊᓐᑕ ᓇ ᐊᓯᓇᐧᑯᑕᑦ ᒐᑎᓄᐛᒋᑕᑦ ᓂᔭᔪᐤ᙮ ᐊᑯ, ᐊᑯ ᐊᓐᑕ ᒐᒥᑕᒋ ᒥᒋᐛᑉ, ᓇᑕ ᐃᑕᒐ ᐱᓯᒻ ᐛᒋ ᓴᑲᔅᑐᐛᑦ ᐃᑕᒐ, ᐊᑯᑕ ᐅᑕ ᐊ ᒋᒥᑕᒡ ᒥᒋᐛᑉ᙮ <pp>
ᐊᑯ ᒋᐛᒐ ᑲ ᑐᑕᐧᒃ, ᓇᐱᓂᔨᒡ ᑐᑎᒧᒐ, ᒋᐛᐅᐎᒐ, ᐊᑯ ᑎᐸᒋᒧᓇᓄᐎᒐ ᓇᑕ, ᐊᑯ ᐃᔅᐱᔨᒐ ᐅᑕ ᐅᐤᑦ ᐅᑕ᙮ 
ᐊᑯ ᐅᔭᔪᐤ ᐱᑕᐱᔨᒐ ᐅᐤᑦ ᐅ ᐊ ᒋᒥᑕᒡ ᒋᐱᑕᐱᔅᒋᓂᑭᓐ, ᐊᑯ ᐛᐸᑎᒧᒡ ᒋᐱᑕᐱᔅᒋᓂᑭᓂᔪᐤ ᒐᒥᑕᔨᒡ, ᐛᓯᑕᑭᓄᐅᒡ᙮ 
ᐊᑯ ᐊᑯᑕ ᐅᓯᑕᑭᓄᐎᒐ ᐛᔅᑲᐃᑭᓐ, ᒥᒋᐛᑉ᙮ <pp>
ᐊᑯ ᐸᑎᒪᓯ ᐊᓐᑕ, ᐊᑯ ᐎᑎᒪᑯᒐᓂᒋ ᐅᔭᔪᐛ ᐅᒋᒪᒧᐛᐛ, ᐅᑕ ᐸᑎᔅᒋᐧᑯᐸᐤ ᐊᑕᐛᐅᒋᐛᑉ ᐊ ᑎᒂᒡ ᐎᑎᒪᑯᒐᓂᒋ᙮ 
ᓴᔅ ᐊᑕᑦ ᓇᑕ ᐛᒥᔅᑎᑯᓱᐤ, ᐊ ᑎᒂᒡ ᒥᒋᐛᑉ᙮ ᐊᑯ ᓂᑐᐛᐸᑎᒧᒐᓂᒋ ᐃᔪᒡ, ᐃᔅᒋᒪᒐᓂᒋ ᐊᓐᑕ ᐛᔅᑲᐃᑭᓂᒡ᙮
ᐊᑯ ᓂᔭᔪᐛ ᑲᔅᒋᓄᐛᒋᑕᒡ ᓂᔭᔪᐛ, ᐊᐅᑯᔪᐤ ᐊᑎ ᓇᑕᒡ ᓂᔭᔪᐛ, ᐃᔅᒋᒪᐛ ᐊᐅᑯᓂ ᒂᔅᑕᒡ, ᐊᔅᒄ ᑭᑈ ᓄᒋᐧᑲᓱᒐᓂᒐ, ᐊᔅᒄ ᑯᔅᑕᒐᓂᒋ ᐃᔅᒋᒪᐛ, ᒐᒋ ᓂᐸᐃᑯᒡ᙮ <pp>
ᐊᑯ ᐅᑕ ᐊᐅᓴᑕᐛᐧᑲᒡ ᐅᑕ ᐃᓯᓂᐧᑲᑕᐤ ᐅᑕ ᐸᒋ ᓂᑎᒥᒡ, ᐅᑕ ᐸᒋ ᓂᑎᒥᓯᒡ, ᐅᑕ ᐊ ᒋᒥᑕᒡ ᒥᒋᐛᑉ᙮ 
ᐊᑯᑕ ᐅᒋ ᐱᑲᒐᓂᒋ, ᐊᑯ ᒋᒋᐸᔨᑐᒐᓂᒋ ᐊᔅᒋᒡ ᐊᑎ ᐃᔅᐸᔨᑐᒡ᙮ 
ᐊᐅᑯᓐ ᓇ ᐛᔅᑲᐃᑭᓐ ᐊ ᒋᒥᑕᒡ, ᑎᐱᔅᑯᒡ ᐊᓐᑕ, ᐱᔅᑯᑎᓇᐤ ᐊᓐᑕ, ᐊᑯᑕ ᐅᒋ ᓂᑐᐛᐸᑎᒧᒐᓂᒋ᙮ 
ᓄᑯᓐ ᐊᓐ, ᐊᓐ ᒥᒋᐛᐸ ᓄᑯᓇ ᒐᒥᑕᒋ ᓯᓱᒡ, ᒐᒃ ᐎᔭᐸᑕᒡ ᒐᒥᑕᔨᒡ ᒥᒋᐛᐱᔪᐤ, ᐛᔅᑲᐃᑭᓂᔪᐤ᙮ <ss>
ᒋ ᐎᒐᒐᐅᒡ, ᓇᒡ, ᓂᓱ ᐃᔎᐅᒡ; ᓂᓱ ᒋ ᐎᒐᒐᐅᒡ ᐃᔎᐅᒡ, ᐃᑕᑭᓄᐅᒡ᙮ 
ᐊᑯ ᐃᑕᑭᓄᐎᒐᓂᒋ, “ᑕᒪᒄ ᐅᑕ,” ᐃᑕᑭᓄᐎᒐᓂᒋ, ᒪᒃ ᑯᑎᑲ ᐃᔪᐛ ᑭᓄᐛᔨᒥᑯᒐᓂᒋ᙮ 
ᐊᑯ, ᓂ ᒋ ᐛᐱᒪᐤ ᐊᓐ, ᐊᓐ ᑲ ᐎᒐᒐᑦ ᐃᔪᐤ, ᐛᔅᑲᐃᑭᓂᔪᐤ ᒪᔅᑲᑭᓄᐅᒡ, ᒥᒋᔅᑲᐤ ᐃᓯᓂᐧᑲᓱᐤ, ᒥᒋᔎᐤ ᐃᓯᓂᐧᑲᑕᑭᓄᐤ ᐊᓐ ᑲ ᐎᒐᒐᑦ᙮ 
ᐊᐅᑯᐤ ᑲ ᑎᐸᒋᒧᑦ, ᐊᑯ “ᒐᒋᐸᔨᑐᒡ ᓇᐸᐅᒡ, ” ᐃᑕᐤ, “ᒐᒋᓇᒡ ᓂᔭᔪᐤ ᐛᔅᑲᐃᑭᓂᔪᐤ, ” ᐃᑕᐤ᙮ 
ᒥ ᑕᔪᐛ ᐃᔅᒋᒪᐛ, ᓇᐊᐤ, ᓇᐊᐤ ᒥ ᑕᔪᐛ ᐃᔅᒋᒪᐛ᙮ <pp>
ᐊᑯ ᐅᑎᑕᒐᓂᒋ ᐊᓂᔭᔪᐛ, ᐊᓂᔭ ᐅᒋᒪᐛ, ᐊᓐᒡ ᐃᔪᒡ᙮ 
ᐊᑯ ᑭᑈ ᒐᔅᒐᔨᒥᑯᒡ ᐅᑕ ᐛᒋᒡ, ᐅᑕ ᐸᑎᔅᒋᑯᐸᒡ ᒐᔅᒐᔨᒥᑯᒡ᙮ 
ᐊᑯ ᐅᔭᔪᐛ ᐃᑕᒐᓂᒋ ᐅᔭᔪᐛ ᐃᔎᐛ ᓇᑭᑕᒡ᙮ “ᐊᑲ ᒐᒂᓂᔪᐤ ᐃᑐᑐᐎᔨᒥᒐ,” ᐃᑎᑯᒐᓂᒋ, “ᒥᓱᐤ ᐊᑲ ᑕᔭᒐ, ᐊᑯ ᑭᑈ ᒐ ᐅᔭᔅ ᐃᑐᑐᐎᔨᒥᒐ,” ᐃᑎᑯᒐᓂᒋ 
ᑯᔅᑕᒐᓂᒋ ᐃᔭᐱᒡ ᐅᔭᔪᐛ ᐛᒥᔅᑎᑯᓱᐛ᙮
ᐊᑯ ᓂᔭᔪᐛ ᐅᒋᒪᐛ, ᐃᑎᑯᒐᓂᒋ, ᐎᑎᒧᐛᒐᓂᒋ ᓂᔭᔪᐛ, ᓂᔭᔪᐛ ᐊᓐᑕ ᐃᔎᐛ ᓇᑭᑕᒡ᙮ 
ᐊᑯ “ᓂᑐᐛᐱᒥᑯᒡ,” ᐃᑎᑯᒐᓂᒋ᙮ 
“ᐊᑯ ᓇᑐᐛᐱᒥᑯᐅᔭᒡ,” ᐃᔅᒋᔄᐤ ᓄᐧᑯᒥᐱᓐ, ᓄᐧᑯᒻ ᐊᓐ, ᒥᒋᔎᐤ ᐊᓯᓂᐧᑲᑕᑭᓄᐅᑦ᙮
ᐊᑯ, ᐊᑐᑕᐃᑯᐅᔭᒡ ᓇᑕ, ᓇᑕ ᒥᒋᐛᐱᒡ, ᐊᑯ ᑭᑈ ᐊᓯᒥᔨᒥᑦ, ᐃᑕᐤ, ᐅᒋᒪᐛ᙮ 
ᐊᑯ ᐊᓐᑕ ᐃᔅᐱᒥᑎᑯᒡ ᐊᓐᑕ ᐎᒋᒡ, ᐊᑯᑕ ᐊᓐᑕ ᓇᐸᔭᒡ, ᐊᑯᑕ ᐊᓐᑕ ᐊᑎᓴᐎᒥᑦ, ᐃᑕᐤ, ᐊᑯᑕ ᓇᑕ ᓇᐸᔭᒡ᙮ 
ᓂᓯᓇ ᒥᒄ ᒥᒋᐛᐸ, ᐅᒋᒪᐅᒋᐛᐱᔪᐤ᙮ 
ᒪᒃ ᐊᓐ ᒐᒂᓐ ᐊᔅᑕᑭᓄᐅᒡ, ᐊᓐ ᒐᒂᓐ ᐸᑎᑭᑕᑭᓄᐅᒡ ᒐᒂᓐ᙮ 
ᓂᔭᔪᐛ ᒐ ᐊᐱᒋᑕᑦ ᐅᒋᒪᐤ ᓂᓯᓇ ᒥᒋᐛᐸ᙮ 
ᐊᑯ ᒪᒃ ᐎᑎᒪᑯᒐᓂᒋ, ᓂᑐᐛᔨᒥᑯᒐᓂᒋ, ᒐᒋ ᓇᑕᒡ, ᑭᔭ ᐎᑎᒪᑯᒐᓂᒋ᙮ ᓇᑐᐛᔨᑕᑭᓄᐅᒡ ᑕᐸᑲ ᒋᔅᒐᔨᑎᒧᒐᓂᒋ ᐅᑕ, ᓇᑐᐛᔨᑕᑭᓄᐅᒡ ᒐᒂᓐ ᐊ ᐃᓯᓇᒂᒡ᙮ 
ᐅ ᒪᓂᐅᓐ, ᓱᓇᔭᐤ, ᒐᒋ ᓂᐸᑕᒡ, ᒐᒋ ᓇᑕ ᐊᑕᐛᒡ ᒐ ᐅᑎᓂᒥᔨᒋ᙮ <pp>
ᐊᑯ ᓂᔭᔪᐛ ᐃᔅᒋᒪᐛ ᐊᔨᒧᑎᒧᐛᒐᓂᒋ, ᒂᔅᑕᒡ ᓇᑕ ᐛᒋ ᐊᑲ ᒋ ᑕᒡ᙮ 
ᐊᑯ ᐃᑎᑯᒐᓂᒋ “ᒋᑭ ᒋᑕᐊᒧᐛᑭᓄᐅᒡ ᒐᒋ ᓄᒋᐧᑲᑕᑯᒡ,” ᐃᑎᑯᒐᓂᒋ᙮ 
ᓴᔅ, ᓴᔅ ᓄᒋᐧᑯᐛᑭᓄᐅᒡ “ᒥ ᒋᑭ ᒋ ᓴᔅ ᓄᒋᐧᑲᑯᐛᐅᒡ,” ᒂᔄᓐ ᐃᑎᑯᒐᓂᒋ᙮ 
ᐊᑯ ᐊᒃ ᒋᐛᐎᒐᓂᒋ᙮ 
ᐊᑯ ᒥᓐ ᐸᐳᓂᔨᒡ, ᐊᑯ ᓇᑕ ᓂᑐᐛᐱᒪᒐᓂᒋ ᐃᔪᒡ, ᓂᔭᑕᔅᑎᑯᓱᐛᒡ᙮ <pp>
ᓴᔅ ᑭᑈ ᐊ ᑎᑯᓂᔨᒡ ᒐᒂᓂᔪᐤ, ᒥᓯᐛ ᒐᒂᓇ ᐊ ᐃᓯᓇᒂᒡ, ᑭᔭ ᐊᓯᓂᔭ, ᐸᔅᒋᑭᓇ᙮ 
ᐊᑯ ᒥᔭᒐᓂᒋ ᓂᔭᔪᐛ, ᓇᐸᑕᒡ ᒪᓂᐅᓂᔪᐤ, ᓱᓇᔭᐤ᙮ 
ᐊᑯ ᐊᑕᐛᒡ, ᐊᑕᒪᒡ, ᐊᑯ ᒋᒋᐛ ᓂᑐᐛᔨᒥᑯᒐᓂᒋ ᓂᒋᔅᒃ ᒐᒋ ᑕᒡ ᓇᑕ᙮ 
ᐊᑯ ᒥᓐ ᒪᐛᒡ ᒥᓐ ᓱᐧᒄ ᓇᐅᔅ, ᐊᑯ ᒥᓐ ᔅᑐᑕᐊᑭᓄᐎᒐ ᐛᒥᔅᑎᑯᓱᐤ᙮ 
ᐊᐅᑯᐤ ᓂᒧᓱᒻ, ᓂᑲᐎᔾ ᐅᑕᐎᔭ, ᑲᐛᐱᔎᑦ ᐃᓯᓂᐧᑲᑕᑭᓄᐤ, ᐃᓯᓂᐧᑲᓱᐤ᙮ 
ᒋᓴᐃᔪᐤ ᒋᒋᐛ ᒪᔅᑕᔾ ᐎᔭᐱᒥᒃ, ᐊᔅᒄ ᐸᒪᑎᓯᑦ; ᓇᔅᒡ ᐛᐸᔪᐤ ᐅᔅᑎᒂᓐ, ᐛᐸᔪᐤ ᐅᔅᑎᒂᓐ; ᔄᓐ ᐃᓯᓂᐧᑲᓱᐤ, ᔄᓐ ᐃᓯᓂᐧᑲᑕᑭᓄᐤ᙮ 
ᐊᐅᑯᐤ, ᐊᐅᑯᐤ ᐛᒐᐛᑦ ᓂᔭᔪᐛ, ᓂᔭᔪᐛ, ᓂᔭᔪᐛ ᒐᑐᑕᐊᔨᒋ ᐛᒥᔅᑎᑯᓱᐛ᙮ 
ᓂᔅᑐᑎᒥᔪᐛ, ᓂᔅᑐᑐᐛᔪᐛ ᐃᔪᐛ, ᓂᔭᔪᐛ ᐛᒋᒪᑦ ᐛᒥᔅᑎᑯᓱᐛ, ᑭᔭ ᐎᐛ ᑭᑈ ᐛᒋᒪᑦ, ᓂᒧᓱᒻ᙮ 
ᒂ ᐃᑕᒋᒧᑦ᙮ ᐃᔭᐱᒡ ᓂ ᐸᑐᐛᐤ ᑕᐸᒋᒧᑦ, ᓂᔭᔪᐤ ᒪᒃ ᐃᔅᐱᒋᒐ ᓂᔭᔪᐛ ᐛᔅᑲᐃᑭᓂᒡ, ᐊᑯᑕ ᐅᑕ ᐅᒋ ᒋ ᐱᒋᒐ᙮ 
ᓂᔭ ᒪᒃ ᐃᑐᑕᒐ ᐸᐳᓂᔨᒡ ᐊᓂᔭᔪᐤ, ᐊᓂᔭᔪᐤ, ᐛᔅᑲᐃᑭᓂᔪᐤ ᐊ ᑎᑯᓂᔨᒡ, ᐊᑯᑕ ᐃᑐᑕᒐ᙮ <pp>
ᓇᑕ ᒪᒃ ᑕᑯᓯᑕᐊᑦ, ᐊᑯ ᓇᑭᑕᑦ ᓇᑕ, ᓇᑭᑕᑦ᙮ 
ᐊᑯ ᐃᔅᒋᒪᐛ ᓂᔭᔪᐛ, ᓂᔭᔪᐛ, ᐊ ᑕᔨᒋ, ᐊᐅᑯᓐ ᓄᒋᐧᑯᐛᒡ ᐊᓐ, ᐊᓐ ᐅ ᑲᔅᒐᐛᑕᑭᓄᐅᑦ ᐅ᙮ 
ᐃᔨᒪᐊᒐ ᒐ ᐊᑲ ᓄᒋᐧᑯᐛᔨᒋ ᐃᔪᐛ ᑕᔨᑥᐛ ᐊᓐᑕ᙮ 
ᐊᑯ ᑭᑈ ᑕᑈᑕᑯᒐ, ᐊᑯ ᐛᒋ ᐊᑲ ᓂᑕ ᓄᒋᐧᑲᓱᒡ ᐃᔅᒋᒪᐅᒡ, ᒐ ᐊᑲ ᓂᑕ ᓄᒋᐧᑯᐛᒡ ᐃᔪᐛ᙮ 
ᐊᑯ ᐊᒃ ᐃᓇᓄᐤ, ᓇᑕ ᒥᓯᐛ ᐊᑕᑦ ᐃᔪᐤ, ᐃᑕᑭᓄᐤ, ᓇᑕ ᒐᐃᒧᐤ, ᐸᑎᔅᒋᐧᑯᐸᐤ ᒥ ᑕᓄᐤ᙮ 
ᐊᑯ ᓇᑕ ᐊᑕᓄᐅᒡ ᒥᓯᐛ ᒐᐃᒧᐤ, ᐊᑯᑕ ᐊᑕᓄᐅᒡ, ᐅᑕ ᑲ ᑕᒡ ᐃᔪᒡ ᐅᑕ, ᓄᑕᐎᓇᓐᒡ ᓂᔭᐧᑲ ᑭᔭ ᓄᐧᑯᒥᓇᓐᒡ᙮ 
ᑭᒐᔅᑎᐱᔎᐤ, ᑭᒐᔅᑎᐱᔎᐤ ᐃᓯᓂᐧᑲᑕᑭᓄᐤ ᓄᐧᑯᒻ, ᓄᑕᐎᔾ ᐅᑲᐎᔭ, ᑭᒐᔅᑎᐱᔎᐤ ᐃᓯᓂᐧᑲᑕᑭᓄᐤ᙮ <pp>
ᐊᑯ ᒥᓯᐛ ᓇᑕ ᒪᒋᒐᓂᒋ ᐃᔪᒡ, ᓇᑕ ᒥᓯᐛ ᐊᑐᑕᓄᐅᒡ, ᐃᓇᓄᐤ᙮ 
ᐊᑯ ᓇᑕ ᒪᒃ ᐊᑕᑦ ᐃᔪᐤ ᐛᔅᑲᐃᑭᓂᒡ ᓇᑕ, ᓇᓂᑎᒻ, ᐊᑯ ᒥ ᑕᓄᐤ, ᐅ ᐸᑎᔅᒋᐧᑯᐸᐤ, ᒥ ᑎᑯᓐ᙮
ᓇᑕ ᒐᐃᒧᐤ ᐊᑕᒡ ᐃᔪᒡ; ᐊᓐᑕ ᒥᔭᒋᒡ ᒥᓯᐛ, ᒪᐅᑕ ᑲ ᑕᓄᐅᒡ, ᐃᓇᓄᐤ, ᐅ ᐸᑎᔅᒋᐧᑯᐸᐤ᙮ 
ᐊᑯᑕ ᐅᑕ ᑲ ᑕᒡ ᐃᔪᒡ, ᐊᑯ ᓇᑕ ᒥᔭᒋᒡ ᓇᑕ ᒐᐃᒧᐤ, ᒪᓐᑕ ᐊ ᑕᒡ, ᐊᑯ ᒥ ᑎᑯᓐ ᐅ ᐸᑎᔅᒋᐧᑯᐸᐤ᙮
ᓇᔅᑲᐱ
ᒂᔅᐸᐅᑕᓱᓇᓄᐅᒡ: ᑈᑎᒪᑭᓂᓯ ᐅᒡ ᐛᔅᑲᐃᑭᓂᒡ ᐃᔅ 19 ᕝᑦ ᒪc ᑐ ᕝᑦ ᒋᒧ 2019 10 10 Book Source
ᐊᑯ ᓇ ᑯᑎᒃ ᓇ ᐱᓯᒻ, ᒍᓐ ᐱᓯᒻ ᐊᑕᑭᓄᐅᑦ ᐊᓐᑕ ᐱᓯᒧᓯᓇᐃᑭᓂᒡ, ᒍᓐ ᐱᓯᒻ ᐊᑕᑭᓄᐅᑦ, ᐊᐅᑯᐤ ᓇᑕ ᒥᔭᒋᓇᓄᐅᒡ ᓂ, ᐸᒥᔅᑲᓄᐅᒡ ᐊᓐ ᐅᐤᑦ, ᐊᓐᑕ ᐊᑎ ᒥᔭᒋᓇᓄᐅᒡ ᓂ᙮ 
ᐊᑯ ᓇᑕ ᒪᓯᑲᓄᐅᒡ ᓂ ᐛᔅᑲᐃᑭᓂᒡ᙮ 
ᓂᔄᐤ, ᓂᔄᐤ ᓂᐸᓄᐤ, ᓂᐸᐤ, ᓇᑕ ᐊᑎ ᒥᔭᒋᓇᓄᐅᒋ ᐅᐛ ᒪᑭᓂᓯ᙮ 
ᓇᑕ ᒪᒃ ᐊᓐ ᒐᐃᒧᐤ ᐊᔅᒋᒪᓄᐅᒡ, ᓂᔄᐤ ᐊᑎ ᓂᐸᓄᐤ, ᐊᑯ ᒐᐃᒧᐤ ᐊᑕᓄᐅᒡ, ᐸᒥᔅᑲᓄᐅᒋ᙮ <pp>
ᐊᑯ ᓇᑕ ᒪᓯᑲᓄᐅᒡ ᐛᔅᑲᐃᑭᓂᒡ, ᐊᑯ ᒥᓐ ᐱᔭᒋ ᒪᒋᓇᓄᐅᒡ, ᐅᑕ ᐱᔭᒋ ᒪᒋᓇᓄᐅᒡ, ᐊᐅᑯᐤ ᙮᙮᙮ ᒪᐤ ᑕᑥᐤ ᓂᐸᓄᐤ, ᓂᐸᓄᐤ, ᐅᑕ ᐱᔭᒋ ᐃᔅᒋᒪᓄᐅᒋ᙮ ᐊᑯ ᐅᑕ ᒪᑭᓂᓯ ᐊᑕᓄᐅᒡ ᒪᓯᑲᓄᐅᒡ᙮ 
ᓂᔄᐤ ᓇᑕ ᓂᐸᓄᐤ ᓇᑕ ᐊᑎ ᐃᔅᒋᒪᓄᐅᒋ, ᓂᔄᐤ ᒥᒄ ᓂᐸᐤ, ᓂᔄᐤ ᓂᐸᓄᐤ, ᒥᒋᐛᑉ ᐊᓐᑕ᙮
ᐊᑯ ᐅᑕ ᒥᔭᒋᓇᓄᐅᒋ, ᐅᑕ ᐱᔭᒋ ᔅᑐᑕᓄᐅᒋ, ᐊᑯ ᒪᐤ ᑕᑥᐤ ᓇᐸᓄᐅᒡ᙮ <ss>
ᐊᑯ ᐅᑕ ᐊᑕᓄᐅᒡ ᐛᔅᑲᐃᑭᓂᒡ, ᐸᒥᔅᑲᓄᐅᒋ᙮ 
ᓂᐱᔾ, ᓂᐱᔾ ᐊᓐᑕ ᐊᓐ ᓯᐳᐤ, ᒪᓇᑕ ᒥᔭᒋᑦ ᓂᐱᔾ᙮
ᐊᑯ, ᐅᐤᑦ ᐊᓐ, ᐊᓐ ᐅᐤᑦ, ᐊᐱᓯᔅ ᒥᒄ ᒪᒋᓱᐤ ᐊᓐ ᐅᐤᑦ, ᐊ ᐱᒥᔅᑲᓄᐅᒡ, ᐊᐱᓯᔅ ᓇᔅᒡ ᒪᓐ, ᒪᓐ ᒂ ᐊᐱᓯᔅ ᒥᒄ, ᒥᒄ ᐊᐱᓯᔅ ᐊᑎ ᓂᐸᓄᐤ᙮ 
ᐊᑯ ᐅᑕ ᒥᔭᒋᓇᓄᐅᒋ, ᒋᒋᐛ ᓂᐱᔾ ᐊᓐ ᒪᒋᐤ, ᐊᑯ ᓇ ᒋᒠ ᓇ ᒋᓯᐱᔨᓇᓄᐤ, ᒪᒋᓇᓄᐤ ᓂ; ᒋᓯᐱᔪᐤ ᒋᒠ ᓂᐱᔾ, ᒥᓴᐤ ᑭᔭ ᓯᐳᐤ ᒋᒋᐛ, ᒋᒋᐛ ᒥᓴᐤ, ᓯᐳᐤ᙮ <pp>
ᐊᐅᑯᐤ ᐱᔭᑕᐅᑕᑭᓄᐅᒡ ᐅᐛ ᐊ ᐃᓯᓇᒂᒡ ᒥᓯᐛ ᒐᒂᓐ, ᑭᔭ ᐊ ᒥᒋᓱᔨᓐ, ᒥᒋᒻ, ᑭᔭ ᑎᔾ, ᑲᓯᐛᔅᒡ, ᒥᓯᐛ ᒐᒂᓐ ᐊ ᐃᓯᓇᒂᒡ, ᓇᑕ ᐊᔅᑕᑭᓄᐅᒡ ᐅᑕ ᒪᑭᓂᓯ᙮ 
ᐛᔅᑲᐃᑭᓐ ᐅᑕ ᑎᑯᓐ, ᐊᑯᑕ ᐸᑎᑭᑕᑭᓄᐅᒡ ᐊᓐ ᒐᒂᓐ᙮ 
ᐱᔭᑕᐅᑕᑭᓄᐅᒡ ᓂ, ᐱᔭᑕᐅᑕᑭᓄᐅᒋ ᑭᔭ ᔪᔎᓂᒡ, ᐱᒥᔾ, ᑎᔾ, ᑲᓯᐛᔅᒡ᙮ 
ᒥᓯᐛ ᒐᒂᓐ ᐊ ᐃᓯᓇᒂᒡ, ᐃᔪᒥᓂᒡ, ᒥᓯᐛ ᒐᒂᓐ ᑯᔅᐸᐅᑕᑭᓄᐅᐤ, ᒥᒋᒻ ᐊ ᐃᓯᓇᒂᒡ, ᐊᐅᑯᓐ ᒪᒋᓱᓇᓄᐅᒡ ᓂ᙮ 
ᒥᒄ ᒂ ᐃᑎᓇᓄᐅᒡ ᒪᓐ, ᒥᒄ ᐊᓯ ᐃᔅᒋᒪᓄᐅᒡ, ᓂᔭᓂᔭᑎᓇᑕᐃᑭᓄᐅᒡ ᓂ ᒐᒂᓐ, ᒂᔅᐸᐅᑕᓱᓇᓄᐅᒡ ᐃᓯᓂᐧᑲᑕᐤ᙮ 
ᐊᐅᑯᐤ ᒂᔅᐸᐅᑕᓱᓇᓄᐅᒡ, ᑯᔅᐸᐅᑕᓱᐅᓐ ᐃᓯᓂᐧᑲᑕᐤ᙮ <ss>
ᐊᑯ, ᐊᑯ ᐊᓐᑕ ᐊᑐᑕᓄᐅᒡ, ᐊ ᐱᒧᑕᓄᐅᒡ ᐅᐛ ᒐᐃᒧᐤ, ᐅᐛ ᒐᐃᒧᐤ ᐊᑐᑕᓄᐅᒋ, 
ᓇᑕ ᒐᐃᒧᐤ ᐊ ᑎᒂᒡ, ᑭᔭ ᒪᑭᓂᓯ᙮ <pp>
ᒪᐤ ᑕᑥᐤ ᓂᐸᓄᐤ, ᓂᐸᐤ, ᒪᐤ ᐅᐛ ᒪᑭᓂᓯ, ᑭᔭ ᒐᐃᒧᐤ, ᓂᐱᓂᐸᓄᐅᒡ ᐊᑯᑕ ᐊᑕᓄᐅᒡ, ᓂᐸᓄᐤ, ᐊᑯᑕ ᐊᑕᓄᐅᒡ, ᓇᐛᐤ ᓂᐸᐤ᙮ 
ᑭᔭ ᒐᐛᓄᐅᒋ, ᐅ ᑕᑥᐤ ᓂᐸᓄᐤ᙮ 
ᑕᓐᑕ ᐅᑕᐸᓄᐤ, ᐅᑕᐸᓄᐤ ᐊᐱᓯᔅ, ᐛᑕᐸᑦ ᐃᔪᐤ ᐊᐱᓯᔅ ᐅᑕᐸᓇᔅᑯᒡ, ᒪᐤ ᑕᑥᐤ ᓂᐸᓄᐤ, ᐊᑯ ᐅᑕ ᐊᑐᑕᒋ, ᒥᒄ ᓇᐛᐤ ᓂᐸᐤ᙮ 
ᐊᑯ ᐸᓯ ᒋᓯᑲᒋ, ᐊᓐ ᐸᓯ ᒋᓯᑲᒋ, ᐱᓯᒻ ᐊᓐᑕ ᐊ ᐱᒧᑕᑦ, ᓂᔄᐤ ᓂᐸᓄᐤ, ᓇᑕ ᒪᒋᓇᓄᐅᒋ᙮
ᐊᑯ, ᐅᑕ ᐱᔭᒋ ᔅᑐᑕᓄᐅᒋ, ᓂᔍᐤ ᓂᐸᓄᐤ᙮ <ss>
ᒥ ᐃᑐᑕᓄᐤ ᐅ ᓯᐳᐤ ᐅ ᐊᔅᐱᔨᒡ, ᐅ ᓂᐱᔾ, ᐅ ᓯᐳᐤ, ᒪᐅᑕ ᐃᑕᒐ ᐊᑐᑕᓄᐅᒡ, ᒪᓇᑕ ᑯᐃᔅᑯᒧᐤ ᐊᑐᑕᓄᐅᒡ᙮ 
ᐊᑯ ᐅ ᓯᐳᐤ ᒪᓐᑕ ᐊᓯᓇᒂᒡ, ᒪᓐ ᒂ ᐃᓯᓇᒂᒡ ᐊᓐ ᓯᐳᐤ, ᐊᐅᑯᓐ ᑲᓇᔭᐳᔅᑲᐤ ᓯᐳᐤ, ᐊᑯ ᒪᓐᑕ ᓇᐊᐤ ᑯᐃᔅᑯᒧᐤ ᐊᓐᑕ ᐊᑐᑕᓄᐅᒡ ᓂ ᐅ ᒪᑭᓂᓯ᙮ <pp>
ᐊᑯᑕ ᐅᑕ ᐛᒋ ᐊᑎ ᐱᒧᑕᓄᐅᒡ, ᒪᓐᑕ ᐊᓯᒪ᙮᙮, ᒥ ᐃᑐᑕᓄᐤ ᐊᓐᑕ ᓇᔭᔨᑕ, ᐅᐛ, ᐅ ᓯᐳᐤ, ᒪᓐᑕ ᐃᑐᑕᓄᐅᒡ, ᑯᐃᔅᑯᒧᐤ, ᐊᓐᑕ, ᒪᓐᑕ ᐊ ᑎᒂᒡ ᒐᐃᒧᐤ, ᐊᑯ ᒪᓐ ᐊᔅᐱᔨᒡ, ᒪᐤ ᒂ ᐃᔅᐱᔨᒡ, ᒪᐤ ᒂ ᐃᔅᐱᔨᒡ ᓯᐳᐤ᙮ 
ᐊᑯ ᑲ ᑎᔅᑭᒧᑕᓄᐅᒡ ᐅᐛ ᐊᑐᑕᓄᐅᒋ ᐅᐛ ᐛᐱᓂᑯᔅᑲᓐ, ᐊᑎ ᐱᒧᑕᓄᐅᒡ, ᑭᔭ ᑲᐎᐳᔅᑲᑭᒪᐤ, ᐅᓯᑯᓂᑎᐧᑭᒪᑯᔅ, ᑲᐅᔅᑯᑎᒧᓱᐤ, ᑲᓱᐛᒂᓄᐅᒡ, ᑲᐱᒥᑎᑯᒧᐤ᙮ 
ᐊᑯᑕ, ᐅᑕ ᐃᑐᑕᓄᐤ, ᑭᔭ ᐊᓐᑕ, ᒪᓐᑕ ᐊᑐᑕᓄᐅᒡ, ᓂᓱᐃᒡ ᐃᑎᒧᐤ ᒪᔅᑭᓄᐤ, ᒪᓐᑕ ᐊᑎᒧᒡ᙮ 
ᐸᐃᑯᑕᐤ ᐃᑎᒧᐤ, ᐅ, ᐅ ᑲᐱᒥᑎᑯᒧᐤ ᐊᓯᓂᐧᑲᑕᑭᓄᐅᒡ᙮ 
ᐊᑯ ᒪᓐᑕ ᐊᑎᒧᒡ, ᐊᑯ ᐅᑕ ᑲᐱᐸᒺᐛᓯᒪᐤ ᐃᓯᓂᐧᑲᑕᐤ, ᐊᑯ ᒥᓐ ᐊᑎ ᑎᒂᒡ ᐊᓐ, ᓂᐱᔾ ᑲᒥᓇᔎᑭᒪᐤ᙮ 
ᐊᑯ ᒥᓐ ᐱᔅᑯᑎᓇᐤ ᐊᑎᒂᒡ, ᐱᔅᑯᑎᓇᐤ, ᑲᐱᔅᑯᑎᓇᒡ ᐃᓯᓂᐧᑲᑕᐤ᙮ <pp>
ᐊᑯ ᓇ, ᐅᑕ ᓯᐳᐤ ᐅᒋᐱᔪᐤ, ᓯᐱᔅ, ᐅᑕ ᒪᒃ ᐊ ᒥᑕᐸᐱᔨᒡ, ᐅ ᑯᒍᐛᒃ ᓯᐳᐤ, ᐅᑕ ᐊ ᑎᒂᑐᐛᐱᔨᒡ᙮ ᐊᑯᑕ ᐊᑎ ᐱᒧᑕᓄᐅᒡ ᐊᓐ ᑲᐛᓴᒍᓐ ᐊᓯᓂᐧᑲᑕᒡ, ᓇᑕ ᐊ ᒥᑕᔅᑯᓇᓄᐅᒡ ᐅ ᑯᒍᐛᒃ ᓯᐳᐤ᙮ 
ᐊᑯ ᐅ ᓯᐱᔅ ᐅᐛ ᐊᐅᑯᐤ, ᑲᐛᓴᒍᓐ ᐃᓯᓂᐧᑲᑕᐤ ᐅ ᓯᐱᔅ ᓇᑕ ᐊᑎ ᐃᔅᐱᔨᒡ, ᑲᐛᓴᒍᓐ ᐃᓯᓂᐧᑲᑕᐤ᙮ ᐊᐅᑯᐤ ᐅ ᒐᐃᒧᐤ ᒥᒋᒪ ᐊᑎᒂᒡ᙮
ᐊᑯ ᐅ ᑲᐱᒥᑎᑯᒧᐤ, ᐊᑯᑕ ᐅᑕ ᐛᒋ  ᐅᑕ ᐃᑐᑕᓄᐅᒡ, ᐊᑯ, ᐊᐅᑯᐤ, ᐊᐅᑯᐤ ᒥᔅᑯᒥᔾ, ᓂᐱᔾ, ᑎᒂᓄᒂᔅ ᐃᓯᓂᐧᑲᑕᐤ᙮
ᐊᑯ ᒥᓐ ᑲᒋᓄᑭᒪᒡ ᐃᓯᓂᐧᑲᑕᐤ, ᐊᑯ ᒥᓐ ᑲᐛᔅᑕᐤ, ᓂᒪᓯᒡ ᑲ ᐎᒋᒡ᙮
ᐊᑯ ᐊᐅᑯᐤ ᐅ, ᐅ, ᐅ ᑲᐛᓴᒍᓐ ᐛᒋᐱᔨᒡ, ᐊᐅᑯᐤ ᑎᒂᓄᒂᔅ ᐛᒋᐱᔨᒡ, ᒪᓐ ᐊᑎ ᐃᔅᐱᔨᒡ ᒪᓇ, ᐊᐅᑯᐤ ᐊᑎ ᐱᒧᑕᓄᐅᒡ ᑎᒂᓄᒂᔅ, ᐊᑯ ᐅᑕ ᐊᑎ ᑎᒂᒡ ᑲᒋᓄᔅᑯᑎᒥᑲᒡ᙮
ᐊᑯ ᑲᐛᔅᑕᐤ, ᐊᑯ ᓂᒪᓯᒡ ᑲ ᐎᒋᒡ᙮ <pp>
ᐊᑯ ᓇᑕ ᐊᑐᑕᓄᐅᒡ, ᐊᑯ ᐊᐅᑯᐤ ᑲᐛᓴᒍᓐ, ᒪᑕᔅᑯᓇᓄᐅᒡ, ᐊᑎ ᒪᒪᔨᔅᑲᑭᓄᐅᒡ, ᐊᑯ ᐊᓐᑕ ᒥᓐ ᐊᑐᑕᓄᐅᒡ, ᐊᐅᑯᐤ ᒥᔅᒐᑯᐱ᙮
ᒥᔅᒐᑯᐱ ᐃᓯᓂᐧᑲᑕᐤ, ᓂᐱᔾ, ᒥᔅᒐᑯᐱ, ᐊᑯ ᒪᓐᑕ ᒥᓐ ᐊᑐᑕᓄᐅᒡ᙮
ᐊᑯ ᐊᐅᑯᐤ ᒐᐃᒧᐤ ᐊᑕᓄᐅᒡ, ᓂᓱᐃᒡ ᐅᑕ ᐅᒋ ᐃᑐᑕᓄᐤ, ᒪᓐᑕ ᐊᓯᓇᒂᒡ᙮ <pp>
ᐊᑯᑕ ᐱᔭᒋ ᐃᑐᑕᓄᐅᒡ; ᒪᔅᑭᓄᐤ, ᐊᐅᑯᐤ ᒪᔅᑭᓄᐤ ᐊᓯᓂᐧᑲᑕᒡ᙮ 
ᒥᓯᐛ ᐅᑕ ᓂ ᒋ ᐛᐸᑕᓐ, ᐅᑕ ᐅ ᒪᑭᓂᓯ, ᐅᑕ ᐊᔅᒋᔾ ᐅᑕ ᐊᓯᓇᒂᒡ᙮ ᒥᓯᐛ ᐅᑕ ᓂ ᒋ ᐛᐸᑕᓐ᙮
ᐊᓂᑕ ᓂᑐᐛᐸᑕ ᐊᓯᓇᒂᒡ ᐊᓐᑕ᙮ 
ᒋᐸ ᐎᑎᒪᑎᓐ ᐊᔅᒋᔾ᙮
ᓇᔅᑲᐱ
ᐅᑲᔅ, ᒥᔅᑎ ᐅᒋᒪᐤ 20 ᐅᑲᔅ 2019 11 02 Book Source
ᐊᑯ, ᐊᐛᔅ ᐃᑕᑭᓄᐤ, ᐊᐱᓯᓱᐤ ᐊᐛᔅ᙮ 
ᐊᑯ ᒋᔭᒋᓴᐸᔭᔨᒋ ᐊᑯ, ᓂᔭᔪᐛ ᐅᑕᐎᔭ, “ᓄᑕ, ᐅᓂ ᐊᑯ, ᓴᔅ ᒋᑭ ᒧᔅᒋᔅᑕᑯᐅᓇᓐ,” ᐊᑕᑦ ᓂ, ᐃᑕᑭᓄᐤ᙮ 
ᒥ ᓯᓴᐱᑐᐛᐤ ᓂᔭᔪᐛ ᐅᑯᓴ, ᓂᔭᔪᐛ, ᓂᔭᔪᐛ ᐊᑎᑯᑦ᙮ 
ᐊᑯ ᒐᒃ ᒋᔭᒋᓴᐸᔭᒡ, ᐅᑎ ᓂᐸᑕᐤ ᓂ, ᐛᑎᑕᐅᑯᒡ, ᐊᐅᑯᓂ ᓂᔭᔪᐛ ᐊᑕᔨᑕᑯᓯᔨᒋ ᐃᔪᐛ᙮ ᐛᑎᑕᐅᑯᒡ, ᑭᑈ ᒪᒐᑎᔨᒋ᙮ 
ᐊᐅᑯᔪᐤ ᐊᒃ ᓂᔭᔪᐤ ᐸᑎᑯᐛᑯᒡ, ᐃᑕᑭᓄᐅᒡ᙮ ᑕᐸ ᐅᓂᐅᒡ ᒋᔭᒋᓴᐸᔭᔨᒡ᙮ 
ᓇᐸᐃᑯᒡ, ᑭᑈ ᒧᐧᑯᒪᓇ ᐃᔭᐱᒋᑕᔨᒋ, ᑭ ᒪᒥᓴᔪᐛᓂ ᒧᐧᑯᒪᓇ᙮ 
ᐛᑕᒪᐅᑯᒡ ᓂ ᒧᐧᑯᒪᓐ‎ᐊ᙮ <pp>
ᐊᑯ ᐊᓐ ᐊᐛᔅ, ᐅᑕ ᐊᐱᑕᓯᑕᓐ ᐅ ᒋᐱᔎᒡ, ᒪᐤ ᐊᓯᓇᒂᒡ ᐛᒋ ᐎᐎᓇᓄᐅᒡ᙮ ᓯᑎᒡ ᐊᓐᑕ ᒋᑭᒧᐛᑭᓄᐅᒡ᙮
ᒥ ᒋ ᓂᑕ ᐛᐸᑕᓐ ᐃᔪᒋᐛᑉ᙮ ᒥ ᒋ ᓂᑕ ᐛᐸᑕᓇᐛᐤ ᐃᔪᒋᐛᑉ, ᐅᑕ ᐃᑕᒐ ᐱᑎᑭᒥᒡ, ᐅᑕ ᐃᑕᒐ, ᐊᑯᑕ ᐅᑕ ᐛᔅᒐᑯᔭᔅᒋᑦ, ᐅᑕ᙮ <pp>
ᐊᑯ ᐸᑕᐸᑕᑦ ᐅ᙮ ᐸᑕᐸᑕᑦ ᐅᔭᔪᐤ᙮ ᑭ ᐃᔪᐛ ᐃᓯᓂᒻ ᐅᑕ, ᐊᐱᒻ ᐅᑕ᙮ ᐊᑯ ᑭᑈ ᐃᑕᐱᔪᐎᒐ ᐊᓐᑕ᙮
ᐊᑯ ᐊᓐᑕ ᐛᑕᒪᐃᒐᑦ ᐅᒧᐧᑯᒪᓐ, ᐊᓐᑕ ᐛᑕᒪᐃᒐᑦ, ᐊᑯ ᐸᑯᒐᐛᑦ, ᒪᐅᑕ ᐸᑯᒐᐛᑦ, ᒥᔭᑎᔄᑦ᙮ <pp> 
ᐊᑯ ᐊᓐ ᐊᐛᔅ ᐛᔨᐎᑕᒋᒧᑦ ᓇᑕ, ᓇᑕ, ᓇᑕ ᐎᐎᑎᒥᒡ ᓇᑕ, ᐊᑯᑕ ᓇᑕ ᐊᑎ ᐎᐎᑕᒋᒧᑦ᙮ 
ᐊᑯ ᓂᐱᒡ, ᓯᓱᒡ ᒋ ᐎᒍᐅᒡ᙮ ᓂᔭᓯᐸᑕᒋᒧᑦ ᓇᑕ, ᐊᓐ ᐊᐛᔅ᙮ ᓇᑕ ᓯᔭᒋᐸᑯᒋᒧᑦ, ᐊᓐ ᐊᐛᔅ᙮ <pp>
ᐊᑯ ᐅᔭᔪᐛ ᑭᑈ ᐛ ᓇᓂᑐᑭᒐᔅᒐᔨᒪᒡ ᐅᒡ, ᒐᒋ ᐅᓯᒥᑯᒡ, ᒐᒋ ᒋᑎᓯᒧᐎᔨᒋ ᐅᔭᔪᐤ; ᐅᒡ, ᐅᒡ ᓇᐸᐊᒡ᙮ <pp>
ᐊᑯ ᒐᒃ ᒐᔅᒐᔨᒪᑦ ᐅᑕ ᑭ ᐃᔪᐛ ᑭ ᓄᑕᒪᐛᐛ ᑲ ᐃᑕᔨᒪᑦ᙮ 
ᓂᔭᓂᑐᐛᐱᒪᑦ, ᐸᐸᒧᑕᑦ᙮ ᒐᔅᒐᔨᒪᑦ ᓇᑕ ᐊ ᐎᐎᔨᒋ ᓇᑕ ᐊ ᐱᑯᓇᔭᔨᒡ ᓂᔭᔪᐤ ᐸᒂᔪᐤ, ᐊᑎ ᐎᐎᑕᒋᒧᔨᒋ᙮ 
ᒂ ᐛᐸᑕᑦ ᓂᔭᔪᐛ ᐊᑎ ᓱᐎᐧᑯᑕᔨᒋ ᐊᑎ ᐃᓯᑕᒋᒧᔨᒋ ᓇᔭᔨᑕ ᓂᐱᒡ᙮ 
ᒂ ᐊᑎ ᒪᒥᑎᑕᑦ ᓂᔭᔪᐤ᙮ 
ᐊᑯ ᓇᔭᔨᑕ ᓂᐱᒡ ᐊᑎ ᐃᓯᑕᒋᒧᔨᒋ᙮ ᓂᔭᔪᐤ ᐎᔭᐸᑎᒺᑦ ᓂᔭᔪᐤ ᐊ ᓱᐎᐧᑯᑕᔨᒋ᙮
ᐊᐅᑯᓂ ᐅᔭᔪᐛ ᐊᐛᓴ ᐊᓐᑕ ᐎᔭᐱᒪᑦ ᐊᑯᒧᔨᒋ᙮ <pp>
ᒐᑕᐱᒪᑦ ᐅ ᐊᐛᔅ ᐅᑕ ᐱᔭᒋ ᓇᑎᑯᑦ᙮ 
ᒐᑐᑎᑯᑦ, “ᓇᒪᔭᐤ ᐊᐤ ᓂᑯᔅ?” ᐃᑎᑯᐤ, ᓇᔅᑐᓇᑯᑦ ᐅᑯᓯᔪᐛ᙮ 
ᐅᑯᓯᒐ ᐊᓐ ᑭᑈ ᐛᒋ ᓂᔅᑐᓄᐛᑦ ᐅᑯᓴ, ᐊᓐ ᑲ ᑐᑐᐛᑦ᙮ 
ᐊᑯ ᐛᑎᓇᑦ ᓂᔭᔪᐛ ᐅᑯᓴ, ᐊᑯ ᐊᓐᑕ ᐊᑐᑕᐊᑦ ᐊᓐᑕ᙮ <pp>
ᐎᐅᑐᐤ, ᒥᐅᑦ ᐊᓯᓂᐧᑲᑕᑭᓄᐅᒡ, ᓇᑐᐛᐸᑕᐧᒃ ᐎᐅᑦ᙮ 
ᒐᓱᓇᑦ, ᓇᑐᐧᑲᐊᑦ, ᒐᓱᓇᑦ᙮ ᑲᓱᓇᑦ ᐅᔭᔪᐤ ᐊᓯᓇᑯᓂᔨᒡ ᐅᔭᔪᐤ, ᐅᔭᔪᐤ ᒥᔭᑎᔄᑦ᙮ 
ᐊᑯ ᓴᔅ ᓇᔅᑎᔅ ᒥ ᒪᑕᒄ ᐃᓯᓇᑯᓯᔪᐛ, ᒪᐤ ᐊ ᐃᓯᓇᒂᒡ ᑲ ᐃᓯᓇᑯᓯᔨᒋ, ᒥ ᒪᑕᒄ ᑎᔪᐛ᙮ ᐊ ᐃᔪᐎᔨᒋ᙮ <pp>
ᐛᑎᓇᑦ, ᓂᐸᐃᒪᐤ ᑕᓐᑕ ᒥᓯᐛ ᐅᑲᐎᔪᐛ ᑭᔭ ᐅᑕᐎᔪᐛ᙮ ᒥᓯᐛ ᐃᔪᐛ ᓂᐸᐊᐅᒡ᙮ <pp>
ᒺᓴᐅᐱᔨᒡ, ᒐᑕᐅᔭᑭᓄᐅᑦ ᐊᓐ ᐊᐛᔅ᙮ 
ᐊᑯ ᐊᓐ ᐸᑲᑥᐎ, ᓇᐸᑥᐎ, ᐊᑯ ᓂᔭᔪᐤ ᓂᐸᑭᓂᔪᐤ ᐸᑎᑯᔅᑯᐛᒡ, ᐊᑯᓇᐛᒡ ᓂ, ᐊᑯ ᐅᑕ ᐃᑐᐤ ᐛᒋ ᓂᐸᐛᒡ, ᒐᒋ ᒧᓴᐊᒡ ᒐᒋ ᓂᑭᑎᑯᒡ᙮ <ss>
ᐊᑯ ᐸᐛᒧᑦ ᐊᓐ ᐊᐛᔅ᙮ 
“ᓂᐸᐃ ᐊᑯ ᒍᑕᐎᔾ,” ᑭ ᐃᑎᑯᐛ ᓂ ᐊᐛᓐ ᐃᑕᔨᑎᒻ ᓇᐸᒋ᙮ 
ᐊᑎ ᓂᑐᐛᐱᔨᐅᑦ, ᒥ ᒋ ᐊᒋᐤ ᑕᓐᑕ ᐛᐳᔭᓂᔪᐤ ᐅᔭᔪᐤ ᐊᓯᓇᑯᓂᔨᒡ, ᑭᔭ ᐅᔭᔪᐤ ᒪᒋᑯᔭᔅᑯᐛᐅᒡ᙮ 
ᐊᑯ ᒐᒃ ᓇ ᐅᑎ ᓂᐸ ᓂᔭᔪᐤ; ᐊᑯ, “ᓂᐸᐃ ᒍᑕᐎᔾ,” ᑭ ᐃᑎᑯᐛ ᓂ ᐊᐛᓐ᙮ ᒋᔭᐧᑲᔎᐱᔨᐅᑦ, ᑎᔭᐧᑯᓇᐧᒃ ᓂᔭ ᒧᐧᑯᒪᓐ‎ᐃᔪᐤ᙮ 
ᐅᑎ ᓂᐸ ᐅᔭᔪᐤ ᒧᐧᑯᒪᓐ‎ᐃᔪᐤ ᑎᔭᐧᑯᓇᐧᒃ, ᐊᐅᑯᔪᐤ ᐛᒋ ᒪᑎᓴᐧᒃ ᐅᔭᔪᐤ ᐅᓂᐸᑭᓂᔪᐤ᙮ 
ᐅᔭᔪᐤ ᐊᓯᓇᑯᓂᔨᒡ ᒥᔭᑎᓴᐧᒃ᙮ <pp>
ᒂ ᐊᑎ ᐅᓂᑦ, ᐎᔭᐱᒪᑦ ᐅᑕᐎᔭ ᓇᑕ ᓇᐸᔨᒋ, ᑭᔭ ᓂᔭ ᑯᑎᑲ᙮ 
ᐛᑕᒪᐛᑦ ᐅᔭᔪᐤ, ᒐᒥᑲᐛᑦ᙮ 
ᒥᓐ ᑯᑎᑲ ᐛᑕᒪᐛᑦ, ᐛᒋᐱᑎᒺᑦ ᐅᔭᔪᐤ ᐅᔅᑎᒂᓂᔪᐤ᙮ 
ᐛᒋ ᐅᒋᐱᑎᒺᑦ, ᓇᓂᒥᓂᒺᑦ, ᐃᔭᓯᒂᐤ ᐅᑎ ᓂᓂᒥᓇ᙮ <pp>
ᐊᑯ ᓂᔭᔪᐛ ᐎᒋᒪᑭᓂᔪᐛ, ᑕᐸᑲ ᒥᓴᔪᐤ ᐎᒋᐛᐤ, ᒥᒋᐛᑉ᙮ ᐛᓂᐱᔨᒋ᙮ 
ᐊᐅᑯᔪᐤ ᐅᔅᑎᒂᓂᔪᐤ ᐛᒋ ᑕᐧᑯᓇᐧᒃ᙮ 
“ᐃᔭᐱᒡ ᐊᑯᓐ ᒐ ᑐᑕᑕᑎᑯᒡ, ᒥᑕᑕᒂ ᒍᒋᒪᒧᐛᐅᒡ,” ᐃᑕᐤ᙮ 
ᐊᐅᒂᔭ ᒥ ᔅᑐᔪᐛ, ᓴᔅ ᑭᑈ ᒥᓯᐛ ᒂ ᑎᐸᔨᒪᑦ᙮ 
ᐅᔭᔪᐛ, ᐅᔭᔪᐛ ᑲᑯᔅᒐᓯᔨᒋ, ᐅᔪᐛ ᐅᑦ ᐃᔨᒥᔪᐛ ᐅᑕᐎᔭ, ᓴᔅ ᑎᐸᔨᒪᐤ ᒥᓯᐛ, ᐛᒋᒪᐅᑦ᙮ <ss>
ᒺᓴᐅᐱᔨᑦ᙮ 
ᓇᑕᐊᒻ ᓯᐱᔪᐤ᙮ ᓇᒪ ᒋᔅᒐᔨᑕᑯᓐ ᓯᐳᐤ, ᑕᓂᔭ ᐅᔭᔪᐛ ᓯᐳᐤ᙮ 
ᑕᓐᑕ ᐊᓐᑕ ᒥᒄ ᑎᐸᒋᒪᑭᓄᐎᒐ ᐅ ᐊᔅᒋᔾ ᐊᓯᓇᒂᒡ᙮ 
ᓂᔭᑕᐊᐧᒃ ᓯᐱᔪᐤ, ᐊᑯ ᐅᑎ ᐱᒥᔅᑲᑕᐤ, ᐎᔭᐸᑕᒡ ᒥᒋᐛᐱᔪᐤ ᒐᒥᑕᔨᒡ᙮ <pp>
ᐊᐅᑯᓂ ᐊᓯ ᐃᔪᔨᒋ ᓇᑐᐛᐛ᙮ ᐛᑎᑕᐛᑦ, ᐱᒥᔅᑲᔪᐛ ᓂᔅᑦ, ᐛᑎᑕᐛᑦ᙮ 
ᒂ ᐊᑎ ᓇᑎᑲᒪᐱᔨᑦ, ᒂ ᐊᑎ ᐅᑎᓇᐧᒃ ᐅᒧᐧᑯᒪᓐ‎᙮ 
ᐅᒧᐧᑯᒪᓐ‎ ᓂᔭᔪᐤ ᐛᑎᓇᐧᒃ᙮ 
ᐊᑯ ᐅᑕ ᐸᑕᐊᐧᒃ ᐅᑕ ᐅᒧᐧᑯᒪᓐ,‎ ᐅᑕ ᓯᔭᑯᑕᑦ᙮ 
ᐊ ᑎᑯᓂᔨᒡ ᐅᑕ ᐅᒧᐧᑯᒪᓐ,‎ ᓂᔭᑕᑦ, ᐸᑕᑕᒋᒧᑦ᙮ 
ᐊᑯ ᓂᔭᔪᐛ ᐅᒋᒪᐛ ᓇᑕ ᐎᒋᔪᐛ, ᑭᔭ ᑯᑎᑲ ᐅᒋᒪᐛ, ᐊᓐ ᒥᒋᐛᑉ ᐊᓯᓇᒂᒡ᙮
ᐎᔭᔅᑕᐊᒪᑯᑦ, ᓇᑕ ᐊᓯᑕᒋᒧᑦ᙮ 
ᐊᑯᑕ ᐊᐱᑦ, ᐃᔭᔭᒋᒧᔅᑕᑯᑦ, ᐊᑯ ᒐᒃ ᐃᑕᐤ ᐊᓐ ᐅᒋᒪᐤ, “ᒋ ᐛᐱᒪᒐᓂᒋ ᒪᐅᒡ ᐊᑯ ᐊᐛᓯᒡ, ᒪᓇᒡ ᐛᐱᒥᒡ,” ᐃᑕᐤ᙮ ᑕᐸᑲ ᒥᒐᑎᔪᐛ᙮ 
“ᒪᐤ ᐊᑎ ᐃᔅᐱᓴᒋ ᒪᐤ ᑯᑐᓱᓐ,” ᐃᑕᐤ, “ᒪᐤ ᑭ ᐃᔅᐱᓴᐛ ᓂᒡ”, ᐃᑕᐤ᙮ “ᑕᑈ ᐊᓐ ᒋ ᐊᔅᑕᐊᒧᒡ ᐛ ᐊᔅᑕᒂᐎ,” ᐃᑕᐤ᙮ <pp> 
ᐊᔅᐱᔅ ᓱᒐᔨᒧᑦ ᓂᔭᔪᐛ, ᐎᔭᐧᑲᒪᑦ᙮ ᐃᔪᐛ ᐅᔭ ᑕᓐᑕ, ᑕᐸ ᒋᔅᒐᔨᒪᐤ ᐊᔪᐎᔨᒋ ᐅᔭᔪᐛ᙮ <ss>
ᐊᑯ ᐅᔭᔪᐤ ᐅᒧᐧᑯᒪᓐ‎ ᐅᑎ ᐃᓯᓂ, ᒋᔅᒋᓐ, ᐛᒋ ᑯᐃᑯᐱᔨᑕᑦ ᓂᔭ ᐅᒧᐧᑯᒪᓐ‎᙮ 
ᑕᐸ ᒋᔅᒐᔨᒥᑯᐤ ᑲ ᐛᑎᓇᐧᒃ ᐅᔭᔪᐤ, ᐅᔭᔪᐤ ᐅᒧᐧᑯᒪᓐ ᐅᔭᔪᐤ‎, ᑲ ᒪᐧᑯᓇᐧᒃ ᐅᑕ᙮
ᐛᓂᐱᔨᑦ, ᐛᑕᒪᐛᑦ, ᒐᒥᒂᐛᑦ, ᐃᔭᐱᒡ ᒋᒥᒂᐛᐤ᙮ 
ᐊᑯ ᐅᔭᔪᐛ ᐊᑲᒥᒡ ᐅᔭᔪᐛ, ᐊᑎ ᐸᒋ ᐅᓂᐱᔨᒋ ᓴᔅ ᒥᓐ ᐅᑕᒪᐛᐤ, ᒐᒥᒂᐛᑦ᙮ 
ᒥᓐ ᐃᔭᐱᒡ ᒂ ᐃᑎᑦ, ᐛᒋᐱᑎᒺᑦ ᓂᔭ ᐅᔅᑎᒂᓂᔪᐤ᙮ 
ᓇᓂᓱᓂᒺᐤ, ᓯᓴᔎᑕᐤ ᓂ᙮
“ᐃᔭᐱᒡ ᐊᑯᓐ ᒐ ᑐᑕᑎᑯᒡ ᒍᒋᒪᒧᐛᐅᒡ ᐊᓐ, ᒋᑭ ᐊᑎ ᒥᑕᑕᐛᐅᒡ,” ᐃᑕᐤ᙮ 
ᐊᐅᒂᔭ ᒥ ᔅᑐᔪᐛ᙮ “ᐱᑯᓂᒧᒄ ᒋᒋᐛᐛ,” ᐃᑕᐤ, ᒂ ᐊᑎ ᐱᑯᓂᑭᓄᐎᔨᒋ ᒥᒋᐛᐸ᙮ 
ᒪᒐᑎᑦ, ᒪᒐᑎᑦ ᐊᑯ, ᓴᔅ ᓂᓯᔪᐛ ᑲᓂᐛᔨᒪᑦ, ᐅᔭ ᓂᓱᐎᒋᔪᐛ᙮ <pp>
ᐅᔭ ᓂᔅᑦ, ᒺᓴᐅᐱᔨᑦ᙮ ᐊᑯ ᐃᑕᐤ, “ᒋᑭ ᐊᒋᓄᐛᐅᐎᑎᓇᐤ,” ᐃᑕᐤ, “ᐅᑕ ᐅᒋ ᑎᒂᑐᐛᐱᔪᐤ ᓯᐱᔪᐤ᙮ 
ᒪᓐ ᒐ ᐃᔅᒋᒪᔭᒄ,” ᐃᑕᐤ, 
“ᐊᑯ ᓇ ᓂᔾ ᒐ ᐃᔅᒋᒪᔭᓐ,” ᐃᑕᐤ, “ᐊᑯ ᓇᑕ ᒐ ᐃᔭᐅᐎᔭᒄ,” ᐃᑕᐤ, “ᒐ ᐊᓱᐛᐱᒥᔭᒄ ᓇᑕ ᐊᑕᐎᔭᒂ ᓇ ᐛ ᐃᔅᒋᒪᔭᓐ ᓇ,” ᐃᑕᐤ᙮ 
“ᐊᑯᑕ ᓇᑕ ᑕᔭᒂ, ᐊᑯᑕ ᒐ ᐊᓯᓄᐛᐊᔭᒄ,” ᐃᑕᐤ᙮ “ᓇ ᓂᔅᑦ ᓂᑭ ᐃᔅᒋᒪᓐ, ᐃᑕᐤ, ᓇ ᓂᔅᑦ ᓂᑭ ᐃᔅᒋᒪᓐ᙮” <ss>
ᐃᔎᐛ, ᐃᔎᐛ, ᒋ ᑕᔭᐛ ᐸᐃᒄ᙮ 
ᓂᔭᔪᐤ ᒪᔅᑕᔾ ᓇᐸᐊᑦ, ᐊᐅᑯᓂ ᓂᔭ ᐛᒋ ᐅᑎᓇᑦ᙮ ᐊᐅᑯᓂ ᐛᒋ ᑭᓂᐛᔨᒪᑦ, ᐸᐃᑯᓯᔪᐛ ᐃᔎᐛ᙮
ᐊᓐᒡ ᑭᑈ ᒋ ᑭᓄᐛᔨᒪᒐᓂᒋ ᐊᓐᒡ ᐃᔪᒡ ᓂᔭᔪᐛ ᓇᐸᐊᑦ ᒪᔅᑕᔾ; ᐛᒋ ᐎᐅᑦ, ᐛᒋ ᐎᐅᑐᐛᐤ ᓂᔭᔪᐛ ᐃᔎᐛ᙮ 
ᐊᐅᑯᓂ ᒥᒄ ᐳᓴᐊᑦ ᓂᔭᔪᐛ ᐎᐛ᙮ <pp>
ᐊᑯ, ᐊᑯ ᓂᔭᔪᐤ ᐊ ᐱᐸᒥᔅᑲᑦ ᓂᔭᔪᐤ, ᐊᑎ ᐃᔅᒋᒪᑦ᙮ ᐊᑯ ᐅᑎ ᐱᒥᔅᑲ, ᐊᐅᑯᓂ ᐅᔭ ᐱᔭᑐᑕᔨᒋ, ᐃᔭ, ᒪᔭᑕᓂᓴ ᐸᒋ ᒪᔨᔅᑭᒥᔪᐛ ᓱᒡ᙮ 
ᐊᑯ ᓇᑕ, ᐸᑐᐛᐤ ᓇᑕ, ᒪᒥᑥᑲᐃᔅᒐᔨᒋ ᐃᔪᐛ ᓇᑕ ᓂᑎᒥᒡ᙮ ᒪᓂᑲᓱᔪᐛ ᓴᔅ᙮ 
ᐊᑯ ᐅᔭᔪᐛ ᐎᔭᐱᒪᑦ ᐊᐛᔪᐛ ᐱᔭᑐᑕᔨᒋ᙮ 
ᐱᔭᔏᑦ ᑲ ᓂᒥᓂᑭᓄᔅᒡ ᐸᔅᒐᐤ, ᓇᐸᐊᑦ᙮ 
ᐊᑯ ᐸᑲᑦ, ᓇᑐᑐᐛᑦ ᓂᔭᔪᐛ, ᒐᒺᐛᐧᑲᐃᔅᒐᐎᔨᒋ᙮ 
ᓴᔅ ᑭᑈ ᒋ ᒋᓯᑕᔨᒐᓂ ᐎᒋᔪᐤ ᐅᔭᔪᐛ, ᒥ ᑎᑥᑕᔪᐛ᙮ 
ᒥᔭᓂᑲᓱᑦ, ᒥ ᓇᑕᐛᐤ, ᒥᔭᓂᑲᓱᑦ᙮ ᑲ ᒋᓯ ᒪᓂᑲᓱᑦ ᐊᑯ ᐊᑎ ᑎᐱᔅᑲᔨᒡ᙮ 
ᑭᑈ ᓇᓄᒋᐧᑯᐛᑦ ᐅᔭᔪᐛ ᐅᒪᔭᑕᓂᓯᒪ, ᐛᒋ ᒧᐛᑦ᙮ 
ᐊᑯ ᑲ ᒋ ᐃᓯ ᐃᑎᑦ ᐊᑯ ᑕᐱᔅᑲᔨᒡ ᐊᑯ, ᐸᒐᒡ ᐅᔭᔪᐤ ᐎᒋᐛᐤ᙮ ᓇᐸᒡ᙮
ᓴᔅ ᐎᐅᑐᐤ, ᐎᐅᑐᐤ ᓴᔅ, ᐅᑕᐎᔭ ᒋ ᐎᐅᑎᔪᐛ, ᐊᑯᔪᐤ ᐛ ᐅᑎᑎᒺᑦ ᐎᐅᑎᔪᐤ, ᒥᐅᑦ ᐊᓯᓂᑲᑕᒡ‎᙮
ᐊᑯ ᐊᓂᔭᔪᐛ ᐎᐛ, ᒐᓱᓇᑦ ᒥᓯᐛ ᐊᔅᐱᑎᔨᒋ ᓂᔭᔪᐤ ᐎᐅᑦ᙮ ᒐᓱᓇᑦ, ᑭᔭ ᐎᔾ ᒂ ᐃᑐᑕᑎᓱᑦ᙮
ᒋᐸ ᒋ ᓂᑕ ᓂᐸᐊᑭᓄᐤ ᓂᔭᔪᐤ ᐊᓯᓇᑯᔅᑦ᙮ 
“ᓇᒪ ᓂᑕ ᓂᐸᐊᑭᓄᐤ,” ᐃᑕᑭᓄᐤ, “ᐊᑎ ᑕᑕᐧᑭᒪᑭᓄᐅᒋ, ᐊᓐ ᐛᐅᑎᑦ ᐊᐛᓐ, ᑭᔭ ᐊᑎ ᒪᑎᔄᑭᓄᐅᒋ᙮” 
“ᒧᔭᒻ ᐊᑲ ᐊᐧᑯᓯᑦ ᒂ ᐃᓯᓇᑯᔅᑦ,” ᐃᑕᑭᓄᐤ‎᙮ <pp>
ᐊᑯ ᐊᐅᑯᔪᐤ ᓇᑐᐧᑯᐛᒐᑦ ᓂᔭᔪᐤ ᐎᐅᑦ᙮ 
ᒐᓱᓇᑦ ᓂ ᐊ ᐅᓯᑯᐎᔨᒋ ᐊᐛᔪᐛ ᐊ ᓂᑐᐧᑲᐊᑦ᙮ 
ᓴᔅ ᒂ ᐊᑎ ᐊᑲ ᓇᔅᑎᔅ ᒐᒂᓂᔪᐤ ᓄᑯᓂᔨᒡ, ᒧᔭᒻ ᒪᐤ ᐊᓯᓇᑯᓂᔨᒡ ᒂ ᐃᓯᓇᑯᓂᔨᒡ, ᐊᓐ ᒥᐅᑦ ᐊᓯᓂᐧᑲᑕᒡ‎᙮ <pp>
ᐊᑯ, ᓇᐸᒡ, ᐛ ᓂᐸᒡ ᑭᑈ, ᐊᓱᐛᐱᒪᑦ ᐊᓂᔭᔪᐛ, ᐱᔭᑐᐛᔭᒥᔅᒋᓂᒥᔨᒋ, ᐱᔭᑐᐛᑦ᙮ 
ᓇᑐᑐᐛᑦ, ᐊᓐᑕ ᐛᔅᑲ ᐎᒋᒡ ᐊᑕᔨᒋ᙮ 
ᐊᑯ ᑭ ᓂᐸᐛ ᒂ ᐃᑎᑦ, ᑭ ᐸᑯᐱᒐᑕᒂᒧᐛ ᒂ ᐃᑎᑦ, ᐅᔭ ᐅᑎ ᓂᐸ ᑭ ᒥᑥᒂᒧᐛ ᒂ ᐃᑎᑕᑯᔅᑦ᙮
ᐊᑯ ᐊᓐᒡ ᐃᑕᐅᒡ ᐃᔪᒡ, “ᐛᓴ ᐅ ᐊᑲ ᒋ ᑯᔅᑎᑯᓄᐛ,” ᐃᑕᐅᒡ᙮ 
“ᒋ ᑭ ᓂᐸᐃᑯᓄᐤ,” ᐃᑕᐅᒡ, “ᐊᑲ ᓄᒋᐧᑯᐛᑕᐤ ᒪ,” ᐃᑕᐅᒡ “ᓂᑭᑕᑕᐤ,” ᐃᑕᐅᒡ᙮ 
ᓇᑭᑕᒡ, ᒐᑐᑕᒡ, ᒐᐛᒡ, ᑕᑯᓯᒡ ᐎᒋᐛᒡ, ᓇᐸᒡ᙮
ᒥᓴᔪᐤ ᐎᒋᐛᐤ᙮ 
ᐊᑯ, ᒥ ᓄᒋᐧᑲᑯᐤ᙮ <ss>
ᒋᔭᒋᓴᐸᔭᔨᒡ ᓇᔅᒡ ᒐᒋᓴᑉ, ᓴᔅ ᒂ ᐊᑎ ᐱᑯᓇᐧᒃ ᐎᒡ, ᒂ ᐳᓯᑕᑦ, ᒂ ᐊᑎ ᓇᑕᐛᑦ᙮
ᐊᐅᑯᔪᐤ ᒐᒥᑕᔨᒡ ᒥᒋᐛᐱᔪᐤ᙮ ᓴᐳᑐᐛᓐ, ᐃᔪᒡ ᑲ ᐃᓯᓇᑯᓂᔨᒋ ᐎᒋᐛᐛ, ᒂ ᐃᓯᓇᑯᑕᒡ, ᐃᑕᑭᓄᐅᒡ, ᐎᒋᐛᐛ᙮ 
ᐊᓐᒡ ᒥᒋ ᐃᔪᒡ ᐊᓯᓂᐧᑲᓱᒡ, ᒥᓴᔪᐤ ᐎᒋᐛᐤ᙮ <pp>
ᐊᑯ, ᐛᑎᓇᐧᒃ ᐅᑎᔾ, ᐅᑎᔾ, ᐅᐸᔅᒋᑭᓐ, ᐅᐸᔅᒋᑭᓐ ᒥᒄ ᐅᑎᓂᒻ᙮ 
ᐊᔭᑦ, ᓂᔭᑕᐧᒃ ᐅᔭᔪᐤ, ᓇᑐᑕᐧᒃ, ᒥ ᐅᓂᓇᓄᐎᔪᐤ ᐊᔅᒄ᙮ 
ᒥ ᐸᑐᐛᐤ ᐊᐛᔪᐛ, ᐱᔭᔅᒐᐧᒃ ᐊᓂᔭ ᑎᔅᑐᐛᐃᑭᓂᔪᐤ, ᓇ ᑎᔅᑐᐛᐃᑭᓐ, ᐱᔭᔅᒐᐧᒃ᙮
ᑲ ᐸᔅᒐᐧᒃ ᐊᓂᔭ ᑎᔅᑐᐛᐃᑭᓂᔪᐤ, ᒋᐱᔎᒡ ᐅᑕ ᓂᐳᐅᐤ, ᐛᒋ ᐎᐎᐸᑕᔨᒋ ᐊᐛᔪᐛ ᐸᐃᒄ᙮ 
ᒥᒄ ᐅᔭᔪᐤ ᐅᑦ ᐊᑯᐱᔪᐤ ᒂ ᐃᑕᔅᐱᓱᔨᒋ, ᑕᐸ ᐅᐛᑕᔅᐱᓱᔪᐛ᙮ ᒥᒄ ᐅᑦ ᐊᑯᐱᔪᐤ ᐳᔅᑭᒥᔪᐛ᙮
ᒂ ᐊᑯᓂᒺᑦ ᐎᑐᑲᔨᒡ, ᐱᔭᔏᑦ᙮ 
ᒥᓐ ᑯᑎᑲ ᐛᒋ ᐎᐎᐸᑕᔨᒋ, ᐊᓐᒡ ᐅᒋᒪᐅᒡ ᑭᑈ, ᐊᐅᑯᓐᒡ ᐛᔨᐎᐸᐃᑐᒡ, ᐃᑕᑭᓄᐅᒡ᙮ 
ᒥᓐ ᐱᔭᔏᑦ᙮ 
ᐊᑯᑕ ᓇᐱᔨᒋ, ᐊᑯ ᓇᓯᔨᒋ, ᓇᓯᔨᒋ, ᒥᓯᐛ ᓂᐸᐊᐤ ᐅᒋᒪᐛ᙮ 
ᐊᑯ ᓂᔭ ᑭᑈ ᐅᑲᑯᔅᒐᓯᒥᔪᐛ, ᑕᐸ ᓄᒋᐧᑲᑯᐤ᙮ ᓇᐸᐃᒪᑦ ᓂᔭᔪᐛ ᐅᒋᒪᐛ, ᓇᐸᐊᒋ᙮ 
ᒥ ᒋ ᓄᒋᐧᑯᐛᑭᓄᐤ ᓇᔅᑎᔅ, ᒥ ᓄᒋᐧᑲᑯᐤ ᓂᔭᔪᐛ᙮ <pp>
ᐊᑯ, ᐊᑯ ᐃᑕᐤ, “ᐱᑯᓂᒧᒄ ᒋᒋᐛᐤ,” ᐃᑕᐤ, “ᒧᓴᐅᐱᔨᒄ,” ᐃᑕᐤ᙮ 
ᒺᓴᐅᐱᔨᒡ, ᐊᑎ ᐃᔅᒋᒪᑦ᙮ <pp>
ᓴᔅ ᓇᑕ ᐸᐃᒂᐤ ᒋ ᐸᒋ ᓂᐸᑕᐤ᙮ ᐊᑯ ᓇ ᒥᓐ ᓇᐸᑕᑦ, ᐊᐅᑯᔪᐤ ᓇᐸᑕᑦ, ᐊᐅᑯᐤ ᓂᔍᐤ ᓇᐸᑕᑦ᙮ ᓇᐸᐊᑦ ᐅᒋᒪᐛ ᓂᔭᔪᐛ ᐊᓯ ᐃᔪᐎᔨᒋ᙮ 
ᐅᑕ ᐊᔅᒋᒪᔨᒋ ᐅᑕ, ᐅᑕ ᐊᔅᒋᔪᐤ᙮ 
ᐊᑯ ᐊᔭᑦ, ᐊᑯᑕ ᐛᑎᑕᐛᑦ ᐅᑎᔭ, ᐅᑎᔭ, ᐎᒋᒪᑭᓇ᙮ 
ᐸᐃᒂᐤ ᐊᓐᑕ ᓂᔅᑦ ᒋ ᐸᒋ ᓂᐸᑕᔪᐛ, ᒋ ᓂᐸᐊᔪᐛ ᐊᐛᔪᐛ ᐊᓂᔭᔪᐛ ᐊᓯ ᓂᐸᐊᑦ ᓂᔅᑦ ᑲ ᐃᓯ ᓂᐸᑕᒐᔨᒋ᙮ 
ᐊᑯ ᐛᒋ ᐅᑎᓇᔨᒋ ᐊᓂᔭᔪᐛ ᐅᑦ ᐃᔨᒥᔪᐛ, ᒥᔭᑯᓇᔨᒋ᙮ 
ᐊᑯ ᒪᒐᑎᔨᒋ ᐅᑦ ᐃᔨᒥᔪᐛ ᑭᔭ ᓂᔅᑦ ᒪᒐᑎᑦ᙮ 
ᑕᓐᑕ ᓂᔅᑦ ᐸᐃᒂᐤ ᐊᓐᑕ ᒋᐸ ᒋ ᓂᐸᐊᐤ ᓂᔅᑦ᙮ 
ᑎᔭᐱᑐᐎᒡ, ᑎᔭᐱᑐᐎᑦ, ᐊᑯ ᒪᒐᑎᑦ, ᒪᒐᑎᑦ ᐊᑯ᙮ ᒪᒐᑎᑦ, ᒪᒐᑎᑦ ᐊᓐᑕ ᐊᑯ᙮ 
ᑕᑥᐤ ᐊᓂᔭᔪᐛ, ᑭᔭᓂᔪᑦ ᐊᓂᔭᔪᐛ, ᓇᐸᐊᑦ ᐅᔭᔪᐛ ᐅᒋᒪᐛ, ᐅᑦ ᐃᔨᒥᔪᐛ, ᒥᔭᑯᓂᒺᑦ, ᐛᑎᔨᒥᑦ, ᒪᒐᑎᑦ᙮ <ss>
ᐊᐅᑯᐤ ᐅᑲᔅ ᐊᓯᓂᐧᑲᑕᑭᓄᐅᑦ, ᐅᑲᔅ ᐃᓯᓂᐧᑲᓱᐤ ᐊᓐ ᐅᒋᒪᐤ, ᐊᓐ ᑭᔭᓂᐅᑦ, ᓯᒪᑭᓂᔅ ᒋᐸ ᐃᑕᔨᑕᑯᓱᐤ, ᐃᔪᐤ ᐊᓐ ᐅᒋᒪᐤ, ᐊᓐ ᐅᑲᔅ ᐊᑕᑭᓄᐅᑦ᙮ 
ᐃᔨᓇᒡ ᐊᓐ ᒋ ᐅᒡ ᐅᑎᓇᑭᓄᐤ, ᐃᑕᑭᓄᐤ᙮ ᒋᐸᑲ ᓱᒋᓯᐤ ᐃᔪᐤ ᐎᐱᒡ ᐊᓐᑕ᙮ 
ᐊᑯ, ᐊᐅᒂᑭᓐ ᒥ ᒋ ᓴᑯᐛᑭᓄᐤ ᐊᑎ ᒪᓯᐧᑯᐛᑭᓄᒋ, ᐃᑕᑭᓄᐤ᙮ 
ᐊᐅᑯᓐ ᐊᓐ ᐊᑕᔨᑕᑯᔅᑦ, ᐊᑎ  ᐊᓐᑕ ᒪᓯᐧᑲᑯᒋ ᐊᐛᔪᐛ ᒪᓐ ᐎᐱᒡ ᑲ ᐃᓯ ᒪᓯᐧᑲᑐᓇᓄᐅᒡ, ᑲ ᐃᓯ ᒪᓯᐧᑲᑐᒡ᙮ 
ᐛᔅ ᐎᐱᒡ ᐊᓐᑕ ᒋ ᐃᓯᓇᑯᓯᓯᐱᓐᒡ ᐊᐛᓐᒋ᙮ ᐊᐅᑯᓐ ᐊᓐ ᐊ ᓄᒋᐧᑲᑐᒡ, ᐊᐅᒂᑭᓐ ᒥ ᒋ ᓂᐸᐊᑭᓄᐤ, ᐃᑕᑭᓄᐤ᙮ 
ᐅᑲᔅ ᐊᓯᓂᐧᑲᑕᑭᓄᐅᑦ, ᒥᒋ ᐃᔪᐛ ᒋ ᐅᑎᓂᑯᐤ, ᐃᑕᑭᓄᐤ᙮ <pp>
ᐊᑯ ᓴᐱᒐ ᒋᒋᐛ ᐊᑕᔨᑕᑯᓯᔨᒋ ᐛᒋ ᐃᑕᔨᑕᑯᓯᑦ᙮ 
ᑭᔭ ᒪᒃ ᐊᓐ ᑲ ᐃᓯ ᒋᔅᒐᔨᑕᐧᒃ ᐊᐱᓯᓯᑦ ᓂᔅᑦ ᒐᒂᓂᔪᐤ, ᐛᔅ ᒋᔅᒐᔨᒪᐤ ᒐ ᓂᐸᐃᑯᒡ ᓂᔭᔪᐛ᙮ 
ᐅᑕᐎᔭ ᐊᔅᒄ ᐸᒪᑎᓯᔨᒋ, ᓴᔅ ᒋᔅᒐᔨᑎᒧᒐ ᒐ ᐃᓯᓇᑯᓂᔨᒡ᙮ 
ᐊᑯ ᒪᒃ ᒋ ᑕᑈᑕᑯᑦ ᐅᑕᐎᔭ, ᐊᑐᒡ ᔅᒋ ᓂᐸᐃᑯᒡ, ᐊᑐᒡ ᔅᒋ ᓂᐸᐊᑭᓄᐎᔪᐛ ᐅᑕᐎᔭ᙮
ᐊᐅᑯᐤ ᐅᑲᔅ ᐊᑕᑭᓄᐅᑦ᙮ ᐊᑯᑕ ᐊᔎᔭᒋᒪᑭᓄᐅᑦ᙮ ᒪ ᓱᒋᑦ, ᐃᑕᑭᓄᐤ᙮
ᐃᔅᒋᒪᐅᒡ ᑲ ᓂᐸᐊᑭᓄᐅᒡ 21 deᐊd ᐃᓄᐃᑦ 2019 10 09 Book Source
ᐃᔅᒋᒪᐅᒡ ᑲ ᓂᐸᐊᑭᓄᐅᒡ
ᐅ ᒐᐃᒧᐤ ᐊ ᑎᒂᒡ, ᐅ ᒐᐃᒧᐤ ᐊᓐᑕ ᐊ ᑎᒂᒡ, ᓇᑕ ᒪᒃ ᐅᔅᑕᒐᓯ ᓇᑕ ᐊᓐ ᓯᐳᐤ ᐊᑎ ᐃᔅᐱᔨᒡ, ᐅᑕ ᐃᑕᒐᑲᒻ ᐸᒋ ᐅ ᐊᔅᒋᔾ ᐊᓯᓇᒂᒡ, ᐊᑯᑕ ᐅᑕ ᒪᔅᑯᐛᑭᓄᐅᒡ, ᒪᔅᑯᐛᑭᓄᐅᒡ, ᐃᑕᑭᓄᐅᒡ, ᐃᔅᒋᒪᐅᒡ᙮ 
ᓂᐸᐃᑯᓯᐱᓐᒡ ᐊᐛᔪᐛ, ᐊ ᓂᐸᐃᑯᒡ ᐅᐛᔪᐛ, ᐃᑕᑭᓄᐅᒡ, ᑕᐸ ᐛᐱᒪᑭᓄᐅᒡ᙮
ᒥᒄ ᒥᔅᑲᑭᓄᔪᐛ ᐅᔅᑭᓄᐛᐛ, ᐃᑕᑭᓄᐅᒡ, ᑭᔭ ᓂᔭᔪᔽ ᐎᒋᐛᐛ, ᐎᒋᐛᐛ᙮
ᓂᐱᓯᐱᓐᒡ, ᐃᑕᑭᓄᐅᒡ, ᐊᑯᑕ ᐊᓐᑕ ᐸᑲᐛᒂ, ᐃᑕᑭᓄᐅᒡ᙮
ᓂ ᒋ ᐛᐸᑕᓐ ᓇᑕ ᐊᓯᓇᒂᒡ ᐅ ᒐᐃᒧᐤ, ᓇᑕ ᒪᒃ ᐊᓯᓇᒂᒡ ᓇᑕ ᐅᔅᑕᒐᓯ᙮
ᓇᑕ ᒥᓯᓇᑕᐃᑭᓄᒡ ᐊᓐ ᒐᐃᒧᐤ, ᐅ ᒐᐃᒧᐤ ᐊ ᑎᒂᒡ, ᓇᑕ ᒪᒃ ᐅ ᐊᐅᐳᓴᑲᒡ ᐊᓯᓂᐧᑲᑕᒡ, ᐅᐳᓴᑲᒡ ᐊᓯᓂᐧᑲᑕᒡ, ᓇᑕ ᒪᒃ ᐊᑎᑐᐤ ᐅᔅᑕᒐ᙮
ᐊᑯᑕ ᐊᓐᑕ, ᐊᑯᑕ ᐅᑕ ᒪᔅᑯᐛᑭᓄᐅᒡ, ᐃᑕᑭᓄᒡ, ᐃᔅᒋᒪᐅᒡ, ᒪᔅᑲᑭᓄᐎᔨᒋ, ᓇᐳᐛᒂ, ᐃᑕᒋᒧᐤ ᓄᑕᐅᐱᓐ, ᑎᐸᒋᒧᐤ᙮
ᑭᔭ, ᑭᔭ ᓂᔭᔪᐛ ᐅᔅᑭᓄᐛᐛ ᐊᔅᒋᒡ ᐊᓐᑕ ᐊᑯᑕ ᐊᓐᑕ ᓯᓱᒡ ᐸᒡ , ᐊᑯᑕ ᐱᔭᒋ ᒥᔅᑲᑭᓄᐎᔨᒋ, ᐃᑕᑭᓄᐤ, ᐅ ᐱᔭᒋ ᓱᓏᐛᔭᒡ, ᐃᑕᑭᓄᐅᒡ᙮ <pp>
ᐊᐅᑯᔪᐤ ᒋᐸ ᐸᒋ ᐃᔅᐸᔨᑐᒡ ᑭᑈ, ᓂᔭᔪᐤ ᒋᐸ ᒋᑎᓯᒪᐅᒡ ᓂᔭᔪᐛ, ᒋᐸ ᓂᐸᐃᑯᐅᒡ᙮ 
ᐊᑯ ᐊᓐᒡ ᑯᑎᑭᒡ ᐱᑎᑭᒥᒡ ᐊᓐᑕ ᐎᒋᐛᒡ,
ᐊᑯᑕ ᐊᓐᑕ ᐸᒥᓯᒡ, ᐃᑕᑭᓄᒡ, ᐊᓐᑕ ᓂᔭ ᐎᒋᐛᐤ, 
ᑭᔭ ᐅᑦ ᐅᐤᑐᐛᐛ ᑭᑈ ᓂᔭᔪᐛ, ᐊᑯᑕ ᐊᓐᑕ ᐊᔅᑕᔨᒋ, ᐃᑕᑭᓄᐅᒡ, ᐅᑦ ᐅᐤᑐᐛᐛ᙮
ᐊᑯ ᐊ ᓂᐸᒡ, ᐊ ᓂᐸᒡ ᐊ ᑎᐱᔅᑲᔨᒡ, ᐃᑕᑭᓄᐅᒡ, ᒋᐸ ᓇᑎᑯᒡ ᐊᐛᔪᐛ, ᒋᐸ ᓂᐸᐃᑯᐅᒡ᙮
ᐃᑕᔨᒪᑭᓄᐅᒡ, ᐃᑕᔨᒪᑭᓄᐅᒡ, ᐃᑕᐤ ᓄᑕᐅᐱᓐ᙮ <pp>
ᒥ ᒋᔅᒐᔨᒪᑭᓄᐅᒡ ᐊᑎᒡ, ᐃᑕᐤ, ᐊᓯ ᓂᐱᒡ ᓂᔭᔪᐤ᙮
ᓇᒪᔭᔪᐤ ᐎᔾ ᒐᒪᐧᑭᑕᒡ, ᐃᑕᐤ, ᒋᐸ ᐊᑲ ᑕᐱᑐᐤ ᒋᒪᐧᑭᑕᐅᒡ, ᐃᑕᐤ᙮ 
ᒋᐸ ᓂᐸᐃᑯᐅᒡ ᒐᒂᓂᔪᐤ, ᐃᑕᐤ, ᒋᐸ ᓂᐸᐃᑯᐅᒡ ᐅᐛᔪᐛ, ᐃᑕᐤ, ᐃᑕᒋᒧᐤ ᓄᑕᐅᐱᓐ᙮ <pp>
ᓂᒋ ᐛᐸᑕᓐ ᐊᓐ ᓇᑕ, ᓇᑕ ᐊᔅᒋᔾ ᐊᓐ ᐊᓯᓇᒂᒡ᙮ 
ᓇᑕ, ᓂᔭᔪᐤ ᐅᑕ ᓇᐸᐃᑯᒡ, ᓂᒋ ᐛᐸᑕᓐ ᓇᑕ ᓯᓱᒡ᙮
ᐊᑯ ᒋᒋᐛ ᒥᒪᑕᐅᓇᑯᓐ, ᐊᓯᓂᔾ ᓇᑕ ᑎᑯᓐ ᐱᔅᑯᑎᓇᒡ᙮
ᒥ ᓱᐧᒄ ᐛᔪᐤ ᐱᔅᑯᑎᓇᐤ, ᒪᐤ ᑭ ᐃᔅᐱᓴᐛ, ᐊᐅᑯᓐ ᐃᔅᐱᓴᒡ ᐱᔅᑯᑎᓇᐤ, ᐊᐱᓴᓱᐤ, ᐊᐱᓴᓱᐤ ᐱᔅᑯᑎᓇᐤ᙮
ᐊᑯᑕ ᐊᓐᑕ ᒪᓐ ᐊ ᐃᓯᓇᒂᒡ, ᐊᑯᑕ ᐅᑕ ᐊᔅᑕᒡ ᐊᓯᓂᔾ, ᐅᑕ ᒪᓐ ᐊ ᐅᐱᒪᔭᒡ᙮
ᐊᑯᑕ ᐅᑕ ᐊᔅᑕᒡ ᐊᓯᓂᔾ, ᒥᒐᐱᔅᑲᐤ᙮ 
ᐅᓴᒻ ᐅ ᒥᓴᐤ ᒋᒋᓄᐤ, ᐊᑎᑐᐤ ᐎ ᐊᐱᓴᓱᐤ ᐅ ᒋᒋᓄᐤ, ᐅ ᒥᒋᐛᑉ ᐊᔅᐱᓴᒡ, ᐊᑎᑐᐤ ᐎ ᐊᐱᓴᓱᐤ᙮
ᐊᓯᓂᔾ ᐅᑕ ᐊᔅᑕᒡ,
ᐊᑯ ᒧᔭᒻ ᒪᓐᑕ ᐊᔅᑕᒋ ᐊᓯᓂᔭ, ᒂ ᐃᓯᓇᒂᒡ, ᒪᓐ ᒂ ᐃᓯᓇᒂᒡ, ᒪᐤ ᐅᑕ ᒂ ᐃᓯᓇᒂᒡ, ᐊᑯ ᐅᑕ ᒂ ᐃᓯᓇᒂᒡ, ᐊᑯ ᐅᑕ ᐛᒋ ᐱᑯᓇᔭᒡ᙮ 
ᐊᑯ ᓂᔭᔪᐛ ᐊᓯᓂᔭ, ᒪᓐ ᑭ ᐃᑎᔅᑕᐛᓂ ᒧᔭᒻ ᐊ ᐃᑎᔅᑕᑭᓄᐅᒋ ᒂ ᐃᓯᓇᒂᒋ᙮ 
ᐊᔅᒄ ᑎᑯᓄᒐ ᐊᔅᒄ, ᑕᐸ ᐱᑯᐱᔨᒐ ᐊᓐᑕ ᑭ ᓂ ᑎᐸᑕᓇᐛ, ᒧᔭᒻ ᐊ ᐛᔅᑲᔅᑕᑭᓄᐅᒋ ᐊᓯᓂᔭ ᒂ ᐃᓯᓇᒂᒡ, ᒪᐤ ᒂ ᐃᓯᓇᒂᒡ᙮ 
ᐊᑯ ᐅ ᐛᒋ ᐱᑯᓇᔭᒡ, ᐊᑯ ᐅ ᐊᓯᓂᔾ, ᐅ ᒥᓴᐤ ᐊᓯᓂᔾ, ᐊᑯᑕ ᐅᑕ ᑕᐧᑯᒡ ᐅ ᐛᒋ ᐊᔅᑕᒡ, ᐛᒋ ᐊᔅᑕᒡ᙮ <pp>
ᐊᑯ ᐅ ᐛᐸᔭᒡ ᐅᑕ, ᐅᑕ, ᒥᓴᐤ ᐊᓐᑕ, ᐅᑕ, ᒥᒐᐱᔅᑲᐤ ᑕᓐᑕ ᑭᔭ ᓱᓱᐛᐱᔅᑲᐤ ᐅ ᐊᓯᓂᔾ ᓇ ᐅᑕ᙮
ᑭᔭ ᐅᔭᔪᐛ ᐊᓯᓂᔭ, ᐅᔭᔪᐛ, ᐅᔭᔪᐛ ᐎᔭᔅᑲᔅᑕᒋ ᐊᓯᓂᔭ, ᒧᔭᒻ ᐊ ᐃᑎᔅᑕᑭᓄᐅᒋ ᒂ ᐃᓯᓇᒂᒋ᙮
ᒋᒋᐛ ᑭᔅᒋᐛᒡ ᐃᓯᓇᑯᓇ ᐅᔭᔪᐛ ᐊᓯᓂᔭ, ᑭᔭ ᑕᐸ ᐃᔭᐱᓴᐱᔅᑲᓱᐛ᙮ 
ᒪᐤ ᐊᑎᑐᐤ ᒥᒐᐱᔅᑲᒐᓂ ᑯᑎᑲ, ᓂᔭᔪᐛ ᓇᑕ ᐊᑎᔅᑕᒋ ᐛᔅᑲ, ᐊᑯ ᐸᑐᔅ ᐛᔅᑕᑯᓯᔅᑕᒡ ᐊᓯᓂᔾ᙮
ᐊᑯ ᐅᑕ ᐛᒋ ᐱᑯᓇᔭᒡ, ᒪᐤ ᒂ ᐃᓯᓇᒂᒡ ᒧᔭᒻ ᐅ ᑭ ᐃᓯᓇᑯᓄᐛ᙮ <pp>
ᐊᑯᑕ ᐊᓐᑕ ᐊᑕᔨᒪᑭᓄᐎᔨᒋ ᓂᔭᔪᐛ, ᒋᐸ ᓂᐸᐃᑯᒡ ᐅᐛᔪᐛ, ᐊᑯᑕ ᓇᑕ ᒋᐸ ᑕᔪᐛ ᐃᑕᔨᒪᑭᓄᐅᒡ᙮
ᐊᑯᑕ ᒋᐸ ᐅᓴᐱᒥᑯᐅᒡ ᐱᔭᒋ ᐱᑲᑥᐤ, ᐊᓂᔭᔪᐤ ᐊᓐᑕ ᐸᑲᒡ, ᐃᑕᒋᒧᓇᓄᐤ᙮ 
ᐊᑯ ᑕᐱᔅᑲᔨᒡ ᓇᐸᒡ ᐅᔭᔪᐤ, ᐊᑯ ᒋᐸ ᓇᑎᑯᐅᒡ᙮
ᐊᑯ ᒋᐸ ᒪᓯᐧᑲᑯᒡ, ᒋᐸ ᓂᐸᐃᑯᐅᒡ᙮ ᐊᑯ ᐊᓐᒡ ᑯᑎᑭᒡ ᐱᑎᑭᒥᒡ ᑭᑈ ᒋᐸ ᓂᐳᐅᒡ ᐊᓐᑕ᙮
ᐊᑯ ᓇᒡ ᑯᑎᑭᒡ ᒋᐸ ᐎᐎᐸᔨᑐᐅᒡ, ᐎᐎᑎᒥᒡ ᐊᓐᑕ ᑯᑎᑭᒡ ᒋᒋᓯᓄᐅᒡ, ᐃᑕᑭᓄᐅᒡ᙮ <pp>
ᓴᔅ ᑕᓐᑕ ᐃᔭᐅᒡ, ᐃᑕᑭᓄᐅᒡ, ᒥᒄ ᐅᔭ ᐅᔅᑭᓄᐛᐛ ᒥᔅᑲᑭᓄᔪᐛ, ᐃᑕᑭᓄᐅᒡ᙮ 
ᒥ ᒋᔅᒐᔨᒪᑭᓄᐅᒡ ᒋᒋᐛ, ᒪᐤ ᐅᒡ ᒋᐸ ᒋᔅᒐᔨᒪᑭᓄᐅᒡ, ᐃᓯᓇᑯᓯᑕᒂᐛ;
ᐊᔎ ᐅ ᒋᑭᒧᑕᑕᒂᐛ ᐎᔭᓱᐛᐛ᙮ <pp>
ᐊᑐᑕᑯᒡ ᐊᐛᔪᐛ, ᑭᔭ ᒥᒄ ᐅᔅᑭᓄᐛᐛ ᒥᔅᑲᑭᓄᔪᐛ ᒂ ᐸᒋ ᐃᑎᔅᑕᒋ ᓂᔭᔪᐛ ᐅᔅᑭᓇ, ᐊ ᐸᒋ ᓱᓏᐛᔭᒡ᙮
ᒋᒋᐛ ᒋ ᒥᒐᑎᓯᐱᓐᒡ, ᐃᑕᑭᓄᐅᒡ, ᐃᔅᒋᒪᐅᒡ᙮
ᒥᒄ ᒥ ᒋᔅᒐᔨᒪᑭᓄᐅᒡ ᑕᓐ ᐊᑕᑎᓯᒡ, ᑲ ᐃᑕᒋᒧᑦ ᓄᑕᐅᐱᓐ᙮
ᐊᐅᑯᓂ ᒪᔅᑲᑭᓄᐎᔨᒋ, ᒪᔅᑲᑭᓄᐎᔨᒋ ᐅᔅᑭᓄᐛᐛ, ᐃᑕᐤ᙮ <pp>
ᒋ ᐎᒋᓯᐱᓐᒡ ᐃᔅᒋᒪᐅᒡ᙮ ᓄᑯᓂᔪᐛ, ᐃᑕᐤ, ᓂᔭᔪᐤ ᐊᓐᑕ ᐊ ᒋ ᐎᒋᒡ ᐊᓂᔭ ᐊᓯᓂᔭ ᑲ ᐃᑎᔅᑕᒡ᙮
ᓇ ᑲ ᐅᒋ ᐱᐸᑎᔅᑕᒡ ᐎᒋᐛᐤ, ᑭᔭ ᑲ ᐅᒋ ᓯᓯᑲᐱᐧᑲᑕᒡ ᓂᔭᔪᐛ, 
ᓂᔭᔪᐛ ᐊᐱᓱᔨᒋ ᐎᒋᐛᐛ, ᓂᔭᔪᐛ ᐅᑦ ᐊᒋᑯᔭᓂᒋᐛᐳᐛᐛ᙮
ᓇᒪᔭᔪᐛ ᐱᒋᐎᔭᓂᒋᐛᐸ, ᐊᒋᑯᔭᓂᒋᐛᐸ, ᐛᔅ ᐊᒋᑯᔭᓂᒋᐛᐸ, ᒋ ᐛᐸᑕᓇᒐ ᐊᓯᓇᒂᒡ, ᒋ ᐊᑯᓂᑭᓄᐤ᙮ 
ᓴᐳᑐᐛᓂᒡ ᒂ ᐃᓯᓇᒂᒡ, ᐊᒋᑯᔭᓐ ᐊ ᒥᒋᐛᐳᐅᑦ, ᒥᒋᐛᑉ᙮
ᐊᐅᑯᓂ ᓂᔭᔪᐛ, ᐃᑕᐤ ᓄᑕᐅᐱᓐ, ᑲ ᐃᓯᓇᑯᓂᔨᒂᓂ ᐎᒋᐛᐛ, ᐃᑕᑭᓄᐅᒡ, ᐊᓯᓇᑯᑕᑭᓄᐅᒋ᙮
ᐊᑯᑕ ᐊᓐᑕ ᐱᑎᑭᒥᒡ ᐊᓐᑕ ᐊᔅᑕᔨᒋ ᐅᔅᑭᓄᐛᐛ, ᑭᑈ, ᐃᑕᐤ᙮ <pp>
ᐸᑐᔅ ᑭᑈ ᐊᑲ ᑎᑯᓂᔨᒋ ᐅᔅᑭᓄᐛᐛ, ᐎᔭᓱᐛᐛ, ᐊᑯ ᒥᔅᑯᐛᑭᓄᐎᒐᓂᒋ᙮
ᐛᒋ ᐊᑲ ᒋᔅᒐᔨᒪᑭᓄᐅᒡ, ᒋᒋᐛ ᐊᑎᔅᐱᓇᐛᑎᓯᔨᒡ᙮ 
ᐊᐅᒂᑭᓐ ᒪᒪᑕᐎᑕᑭᓄᐅᒡ ᐊᓯᓂᔾ, ᐃᓇᓄᐤ, ᐊᓐ ᐊᓯᓇᒂᒡ᙮
ᒧᔭᒻ ᐊᓯᓇᑯᑕᑭᓄᐅᒡ ᐊᓯᓂᔾ; ᒋᒋᐛ ᑭᔅᒋᐛᒡ ᐃᓯᓇᑯᓐ᙮
ᐊᔅᒄ ᑎᑯᓄᒐ ᒋᐸ ᐛᐸᑕᓇᐤ, ᐎ ᐛᐸᑕᐧᒃ ᐊᐛᓐ ᐊᓯᓇᒂᒡ᙮
ᒂ ᐃᑕᒋᒧᓇᓄᐅᒡ ᐊᓐᑕ ᐎᐱᒡ, ᑎᐸᒋᒧᐅᓐ ᐊᓐ, ᓇᒪᔭᐤ ᐊᑎᔪᐧᑭᓐ᙮
ᓇᔅᑲᐱ
ᑲ ᓂᐸᐸᐛᓄᐅᒡ 22 dᕈᐤᓂᓐgᔅ 2019 11 02 Book Source
ᐊᓂᔭᔪᐛ ᐱᔭᒋ ᑯᔅᐱᒡ ᐅᔭᔪᐤ, ᐊᑯ ᑭᔅᒐᒄ ᐊᓯᓂᐧᑲᑕᑭᓄᐅᒡ, ᑭᔅᒐᒄ᙮ 
ᐊᐅᑯᔪᐤ ᐸᒋ ᐱᑭᑕᒐᓂᒋ ᐊᓂᔭ ᑭᔅᒐᑯᔪᐤ, ᐱᔭᒋ ᐱᑭᑕᒡ᙮ ᐊᑯ ᐎᒋᒪᒐ ᐅᔭᔪᐛ ᐎᔅᑕᐛ ᐅᔭᔪᐛ, ᐸᒋ ᐎᒋᒪᒐ ᐅᔭᔪᐤ ᐎᔅᑕᐛ᙮ 
ᐊᑯ ᑲᒋ ᐃᓯ ᐃᑐᑎᒥᔨᒋ ᐅᔭᔪᐛ, ᐅᔭᔪᐛ ᐅᑦ ᐊᐱᒋᑕᐅᓂᔪᐛ, ᑲ ᐱᑭᑕᒡ᙮ <pp>
ᐸᒋ ᓂᑭᑕᐅᑯᒐ, ᐱᔭᒋ ᓂᑭᑕᐅᑯᑦ, ᐅᑕ ᑯᑥᔅᑎᓄᐤ ᐅᑕ ᐊᔅᒋᒪᔨᒋ, ᐅᑕ ᓇᔅᒡ ᐊᑲ ᐸᐅᔅᑎᑯᔨᒡ᙮
ᐊᑯᑕ ᐱᔭᒋ ᐃᔅᒋᒪᔨᒋ ᐅᔭ ᐎᔅᑕᐛ, ᐊᑯ ᐎᔾ ᐊᔅᑯᐤ ᐅᑦ ᐊᐱᒋᑕᐅᓇ ᐸᒋ ᓄᒋᐧᑭᒧᒐ᙮ 
ᓴᔅ ᒥᒄ ᒐᑲᑦ ᒋᒋᐛ ᒋᔅ ᑐᑎᒧᒐ ᒐ ᐸᒋ ᐳᓯᑦ ᓂᔭᔪᐤ, ᐛᒋ ᓂᑭᑕᐅᑯᑦ ᓂᔭᔪᐛ ᐎᔅᑕᐛ᙮ 
ᐊᑯ ᐎᐛ ᐅᔭᔪᐛ ᑕᔪᐛ, ᑭᔭ ᐅᑦ ᐊᐛᓯᒥᓱᐛᐛ, ᑭᔭ ᐎᔾ, ᓂᔅᑐᐅᒡ᙮ <pp>
ᐊᐅᑯᔪᐤ ᐊᑯ ᒥ ᒋᔅᒐᔨᒪᑭᓄᐤ, ᐃᑕᑭᓄᐤ, ᐊᓂᔭᔪᐤ ᐊᑎᑦ᙮ 
ᐊᑯ ᐅᔭᔪᐛ ᐎᐛ ᐃᑕᒐ, “ᔅᑐᑕᒪ!” ᐃᑕᒐ᙮ <pp>
ᐊᑯ ᒋᑐᑕᔨᒐᓂ ᐎᐛ, ᓴᔅ ᐅᔭᔪᐤ ᐱᐳᓯᑕᓱᐤ, ᒂ ᐃᑕᑦ, ᐃᓇᓄᐤ, ᐅᔭᔪᐤ ᐅᑦ ᐅᐤᑐᐛᐤ᙮ 
ᐅᔭ ᒐᑎᓴᐛᑦ ᐎᐛ᙮ <ss>
ᐊᑯ ᐃᓯᓇᑯᓐ ᐊᓐᑕ, ᒥᒋᒪ ᐊᓐᑕ ᐅᒋ ᓄᑯᓐ ᒋᔅᑭᑕᐛᐧᑲᐤ ᐊᓐ ᐛᒋ ᐳᓯᓇᓄᐅᒡ᙮ 
ᐊᑯᑕ ᐅᑕ ᐅᐛ ᐛᒋ ᐳᓯᓇᓄᐅᒡ, ᒪᐤ ᒂ ᐃᓯᓇᒂᒡ᙮ ᐊᑯᑕ ᐅᑕ ᐛᒋ ᐳᓯᓇᓄᐅᒡ᙮ 
ᐊᑯ ᓴᔅ ᐅᑕ ᒂ ᐊᒥᑎᒡ ᐅᐛ ᑭᔅᒐᒄ, ᐅᑕ ᓴᔅ ᐅᑕ ᒂ ᐊᒥᑎᒡ᙮
ᐊᑯ ᐅᑕ ᒪᔽᒐ ᐊᑎ ᐃᔅᒋᒪᓄᐅᒡ, ᐃᓇᓄᐤ, ᐊᑯ ᐅᔭᔪᐤ ᐱᔭᒋ ᔅᑐᑕᔨᒋ ᐅᔭᔪᐤ᙮ <pp>
ᐊᑯ ᐅᑕ ᐅᒋ ᓴᒋᐛᐱᒥᑯᒐ, ᐊᔅᒄ ᐅᑕ ᑕᒐ ᐅᔭᔪᐤ ᐅᑦ ᐅᐤᑐᐛᐤ ᐳᓯᑕᓱᑦ᙮ 
ᐊᑯ ᒥᒄ ᒋᑕᐱᒥᑯᒐ ᐊᑯ ᐸᒋ ᔅᑐᑕᔨᒐᓂ, ᐅᑕ ᐱᔭᒋ ᐃᑐᑕᔨᒋ, ᐊᑎ ᔅᑐᑕᔨᒋ᙮ <pp>
ᐊᑯ ᓇᑕ ᑎᑯᓯᓂᔨᒐᓂ ᐅᔅᑕᓯᔪᐛ ᐊᑕᔨᒋ᙮ 
ᐊᑯ, ᐊᐅᑯᔪᐤ ᐅᔭ ᒧᓴᐅᐱᔨᒐ, ᐊᑯ ᐊᒪᐳᑯᒐ ᐅᔭᔪᐤ ᐸᐅᔅᑎᑯᔪᐤ᙮ 
ᒥᔅᑲᑕᔭᔨᒪᑭᓄᐤ ᒋᒋᐛ ᐊᑎᑦ, ᐃᔭᒪᐳᑯᑦ᙮ <pp>
ᐊᑯ ᐅ ᑎᐛᒡ ᐅᑕ ᐅ, ᐅ ᐊᓯᓇᒂᒡ ᐅ ᐸᐅᔅᑎᒄ, ᐊᐱᓯᔅ ᐅᑕ ᐃᓯᓇᑯᓐ᙮ 
ᐊᑯ ᒥᓐ ᐅᑕ ᑭ ᑎᔭᐛ᙮᙮᙮ ᐊᑯ ᓇ ᒋᒋᐛ ᐱᔭᒋᑎᒡ ᓇ ᐸᐅᔅᑎᒄ᙮ 
ᐊᑯ ᐅ ᐅᔅᑭᒡ ᐊᓯᓇᒂᒡ ᐅᐛ ᐛᒋ ᐳᓯᓇᓄᐅᒡ᙮ 
ᐅ ᒪᒃ ᑎᐛᒡ ᐃᔭᒥᑎᒡ, ᐛᓴᐤ, ᐛᓴᐤ ᐅᑕ, ᒪᐅᑕ ᒂ ᐃᓯᓇᒂᒡ, ᒪᐅᑕ᙮
ᐊᑯᑕ ᐅᑕ ᐊᑯᑎᒡ ᐅᐤᑦ, ᐃᓇᓄᐤ, ᐊᑎᒋᓂᑯᑎᓐ, ᐃᓇᓄᐤ᙮ 
ᒥ ᑯᑎᐱᐤ, ᐃᓇᓄᐤ, ᐅᐤᑦ, ᒋᐸ ᒋ ᒋᔅᒐᔨᒪᑭᓄᐤ ᐊᑎᑦ᙮ <pp>
ᐊᑯ ᑕᑯᓯᐧᒃ, ᓂᔭᑕᑦ ᐊᓂᔭ ᐅᔅᑕᓴ 
ᐊᑯ ᐊᑎ ᐊᓯᓄᐛᐊᒡ, ᐃᓇᓄᐤ᙮
ᐊᑯ ᐸᒋ ᒋᒋᐸᑕᒐ ᐊᓐ ᐃᔪᐤ, ᓂᑐᐛᐱᒪᒐ ᐎᔅᑕᐛ᙮ 
ᒥ ᐛᐱᒪᐤ; ᒂ ᒋᒋᓇᐧᒃ ᓂᔭᔪᐛ ᐛᒋ ᐳᓯᔨᒋ᙮ 
ᒥ ᑎᑯᓂᔪᐤ ᐅᑦ ᐅᐤᑎᔪᐤ᙮ 
ᐊᑯ ᓇᑕ ᒪᒥᒡ, ᓇᑕ ᓂ ᓴᒋᐛᒋᐸᑕᒐ ᓂᔭᔪᐤ ᑭᔅᒐᑯᔪᐤ᙮ <pp>
ᑕᐸᑲ ᑭ ᓱᑕᐛᔭᒥᔅᑲᐛ ᒂ ᐃᓯᓇᒂᒡ, ᐊᓐ ᐊ ᐸᐸᓇᒋᐱᔅᑲᒡ, ᐊᓐ ᐸᐅᔅᑎᑯᔾ ᐊ ᐸᒋᑎᒡ᙮ 
ᐎᔭᐸᑕᐧᒃ ᐅᔭᔪᐛ ᐅᐤᑎᔪᐤ ᑎᐛᒡ ᓯᔭᒋᐛᒋᐸᑕᑦ ᓂᔭᔪᐛ ᐛᒋ ᐳᓯᓇᓄᐅᒡ ᐊᐛᔪᐛ᙮ 
ᐅᑕ ᐊ ᐛᓴᐱᔅᑲᔨᒡ ᐅᑕ, ᒪᐤ ᒂ ᐃᓯᓇᒂᒡ᙮ <pp>
ᐊᐅᑯᐤ ᐅᑕ ᐃᔭᒥᑎᒡ ᐅ ᓂᔅᑎᒻ᙮ 
ᐊᐅᑯᔪᐛ ᐅᔭᔪᐛ ᐊᑎ ᒧᓴᐅᐱᔨᑦ, ᐊᐅᑯᔪᐛ ᒋᐸ ᐊᒥᓂᑯᐤ ᐅᔭᔪᐤ, ᐅᔭᔪᐤ ᑎᐛᒡ᙮ 
ᐊᑯ ᐅᑕ ᐊ ᐛᓴᒡ, ᒪᐤ ᒂ ᐃᓯᓇᒂᒡ᙮ 
ᐊᑯ ᐊᓐ ᐊᑎ ᐃᓯᓇᒂᒡ, ᐊᑯᑕ ᐊᑲ ᓇᑕ ᒋᒋᐛ ᐱᔭᒋᑎᒡ ᐊᓐ ᑭᔅᒐᒄ, ᐊᓐ ᐊᔅᐱᓴᒡ ᓇᑕ ᐃᔭᒥᑎᒡ᙮ 
ᐅ ᑎᐛᒡ ᐅ ᒥᓐ, ᒥᓐ ᐊᓯᓇᒂᒡ ᐅ, ᐅ ᑭᔭᒐᒡ᙮ <pp> 
ᐊᑯᑕ ᐅᑕ ᐊᑯᑎᒡ ᐅᐤᑦ, ᓂᔭᔪᐤ ᐅᑕ᙮ 
ᑭᔭ ᐊᑎᒋᓂᔅᑕᐤ, ᐃᓇᓄᐤ, ᒥ ᑯᑎᐱᔪᐤ, ᐊᑎᒋᓂᔅᑕᐤ ᐅᐤᑦ᙮ 
ᓇᔅᑎᔅ ᒥ ᒋᔅᒐᔨᑕᑭᓄᐤ, ᒥ ᒋᔅᒐᔨᒪᑭᓄᐤ, ᑭᔭ ᓂᔭᔪᐤ ᒂᑎᐱᒂ, ᑭᑈ᙮ 
ᐊᐅᒂᔭ ᐅᑦ ᐊᐱᒋᑕᐅᓐ ᐊᔭᔪᓂᔨᒐᓂ᙮ ᐊᑯ ᐊᓐᑕ ᑲ ᒂᑎᐱᒡ, ᐛᐛᒡ ᐊᓐᑕ ᐊᑲ ᑎᒂᒋ ᐊᐱᒋᑕᐅᓇ᙮ 
ᐛᒋ ᐊᑲ ᒋᔅᒐᔨᒪᑭᓄᐅᑦ ᐊᑎᑦ; ᓇᔅᑎᔅ ᒥ ᒋᔅᒐᔨᒪᑭᓄᐤ, ᐊᑎᑦ᙮ <ss>
ᐸᐃᒂᐤ ᒥᒄ ᒋ ᓂᐸᐃᑯᐤ ᐃᔪᐤ, ᐅ, ᐅ ᑭᔅᒐᒄ ᐊᔅᐱᔅ ᓄᒋᐧᑲᑭᓄᐅᒡ᙮ 
ᐊᔅᐱᔅ ᐱᑭᑕᑦ ᐃᔪᐤ, ᓂ ᒋ ᐛᐱᒪᐤ ᐊᓂᔭ ᐃᔪᐤ, ᑭᔭ ᓂ ᒋ ᐛᐱᒪᐛ ᐎᐛ᙮ 
ᒥᒄ ᒥ ᓂ ᐛᐱᒪᐤ ᓂᔭᔪᐛ ᐊᓐᑕ ᐊᔭᔪᓯᔨᑦ, ᒥᒄ ᓂ ᐸᑎᒺᓐ ᐊᑕᒋᒪᑭᓄᐅᑦ, ᐅᑕ ᓇᑕ ᓂᔭᔪᐛ ᐊᔭᔪᓯᔨᑦ᙮
ᐊᑯ, ᒐᐛᐸᑕᑦ ᐊᓐ ᐃᔪᐤ, ᐊᑯ ᓇᑕ ᐸᑲᓄᐅᒡ ᑭᔅᒐᑯᓯᒡ᙮ ᐊᑯᑕ ᐸᑲᓄᐅᒡ, ᒂᑎ ᒧᓴᐅᐱᔨᑦ᙮
ᐱᒋᑕᐊᒺ, ᐃᑕᑭᓄᐤ ᐅᔭᔪᐤ, ᐅᔭᔪᐤ ᐛᒋ ᒧᓴᐅᐱᔨᑦ, ᐛᒋ ᐱᒋᑕᐊᒧᐅᑦ, ᐃᑕᑭᓄᐤ᙮ 
ᒐᔅᒐᔨᒪᑭᓄᐤ ᐅᑕ ᐛ ᐅᔭᔅ ᐃᑎᑦ᙮ <pp>
ᐊᑯ ᓂᔭᔪᐤ ᐊᑎ ᓴᒋᐛᐱᔨᑦ ᓇ ᑭᔅᒐᑯᓯᔪᐤ, ᒥᔅᑕᐛᔭᔪᐤ, ᐱᔭᔅᒋᒐᐅᑦ, ᐃᑕᑭᓄᐤ᙮ <pp>
ᐊᑯ ᒐᔅᒐᔨᒪᑭᓄᑦ ᐅᑕ ᐊᔭᔪᐎᐅᑦ; ᒪᓯᑲᑦ, ᑕᐸᒋᒧᑦ, ᐃᑕᑭᓄᐤ᙮ 
ᐊᑯ ᓂᔭᑕᐃᑭᓄᐅᒡ, ᐃᓇᓄᐤ, ᓇ ᐅᐤᑦ᙮ 
ᐊᑯ ᑕᐸ ᐱᒪᔨᑎᒻ ᓂᔭᔪᐤ ᐅᐤᑎᔪᐤ᙮ 
ᒂ ᐃᑎᔅᑕᔨᒡ ᓇ ᐅᐤᑦ᙮ 
ᐊᔅᒋᒡ ᓇᑕ, ᐃᓇᓄᐤ, ᒪᓇᑕ ᑭᑈ ᐊᔅᐱᔨᒡ ᐊᓐ ᓂᐱᔪᐤ ᐊᓐ ᐃᔅᐱᔅᐱᔨᒡ ᓂᔭᔪᐤ ᓂᐱᔪᐤ᙮ 
ᐊᐅᑯᓐ ᓇᑕ ᐊᑎ ᐃᔅᐱᔨᒐ ᐊᔅᒋᒡ ᓇ ᐅᐤᑦ, ᐊᑯ ᓇᑕ ᐊᔅᑕᒐ ᐊᓐ ᐅᐤᑦ, ᐊᓐ ᐅᐤᑦ, ᐎᔭᐸᑕᑭᓄᐅᒡ, ᐃᓇᓄᐤ᙮ <pp>
ᐊᑯ ᑭᑈ ᓇᓂᑐᐛᐱᒪᑭᓄᐅᑦ, ᒥ ᒥᔅᑯᐛᑭᓄᐤ᙮ <ss>
ᑭᔭ ᓇᐱᒡ ᐊᑎ ᓇᓂᑐᐛᐃᑭᓄᑦ ᐅ ᓯᐱᔪᐤ, ᓇ ᒪᒃ ᒥᓂᑐᐤ ᐊᑎ ᓇᓂᑐᐛᐱᒪᑭᓄᐤ ᐅᑕ᙮ ᒥ ᒥᔅᑯᐛᑭᓄᐤ᙮ 
ᓂᔄᐤ ᒋ ᐃᔭᔪᐎᐅᒡ, ᐊᓐ ᐊ ᐸᑎᒪᓐ, ᐃᔪᒡ ᓯᐱᒡ᙮ 
ᐊᓐ ᑭ ᓂ ᑎᐸᒋᒪᐛ, ᐊᐅᒂᑭᓐ ᒥ ᒋᔅᒐᔨᒪᑭᓄᐤ ᐊᑎᑦ᙮ “ᒪᓐ ᐛᐱᒻ!” 
ᐸᐃᑯᓱᐤ ᑕᓐᑕ, ᒥᒄ ᑭᔭ ᐛᐛᒡ ᒥ ᐛᐱᒥᑯᐤ ᐅᐛᔪᐛ᙮ 
ᐅᔭᔪᐤ ᐛ ᐃᑎᑦ ᓇᐸᐃᑯᑦ ᓂᐱᔪᐤ, ᑭᔭ ᒐᑎᓴᐛᑦ ᐎᐛ, “ᔅᑐᑕᐊ ᒪ,” ᐊᑕᑦ᙮ <pp>
ᐊᑯ ᓂᔭ ᐅᑕᓂᓱᐛᐛ, ᐊᓂᔭ, ᐊᓂᔭ ᐅᑦ ᐊᐛᓯᒧᐛᐛ, ᐊᐅᑯᓂ ᐛᐅᑎᒪᔨᒋ, ᒐᑐᑕᐊᔨᒋ᙮ 
ᐊᑯ ᐅᔭᔪᐤ ᒋᐸ ᓂᐳᐅᒡ ᑕᐱᑐᐤ, ᒋ ᒋᒪᑕᒂ ᐎᐛ᙮ 
ᑭᔭ ᒪᒃ ᒂᔄᓐ ᐊᑐᒡ ᒋ ᐃᔭᔪᐎᔨᐱᓐ ᒋᒪᑕᒂ ᐎᐛ᙮ <pp>
ᑕᐸ ᓱᐧᒄ ᐊᔨᒥᓇᑯᓐ ᐊᓐ ᑭ ᓂ ᑎᐸᑕᓇᐛ᙮ 
ᒐᔅᑭᑦ ᐃᔅᒋᒪᓄᐤ, ᑭᔭ ᐊᑎ ᒥᓴᒋ ᐅᐤᑦ, ᑭᔭ ᐊᑎ ᑯᓯᒂᒋ, ᐅᑕ ᒋ ᐃᔅᒋᒪᓄᐤ᙮ 
ᐊᐅᑯᓐ ᓇ ᒥᒄ ᑕᐸᒋᒪᑭᓄᐅᑦ ᐅᑕ, ᓇᐸᐃᑯᑦ, ᐃᔭᒪᐳᑯᑦ ᐃᑕᔨᒪᑭᓄᐤ᙮
ᒥ ᐊᒪᐳᑕᔪᐤ ᓇᑕ, ᐃᓇᓄᐤ, ᐅᐤᑦ, ᓇᑕ ᒋᒋᐛ ᐊ ᑯᔅᑕᓯᓇᒂᒡ᙮ 
ᒪᐅᑕ ᐃᔭᒪᐳᑕᒡ, ᐃᓇᓄᐤ, ᐅ ᑎᐛᒡ ᐊ ᑭᔅᒐᑲᐅᒡ ᐅᑕ ᑎᐛᒡ ᐅᐛ᙮ <pp>
ᓇᒪ ᓇᔅᒡ ᐊᓐᑕ ᐃᓯᓇᑯᓐ, ᒥᒄ ᑭ ᐎ ᐸᐅᔅᑎᑯᐛ ᑭ ᒥᓯᑐᒋ ᑭᔅᑭᓂᒡ ᒂ ᐃᓯᓇᒂᒡ, ᓇᑕ ᐊᑎ ᑯᐱᑕᒡ᙮ <ss>
ᐊᑯ ᐅᑕ ᐛᔅᑲᐃᑭᓂᔅ ᐅᑕ, ᐅᑕ ᒪᒃ ᐸᒋ  ᓂᑎᒥᒡ, ᐅ, ᐅ ᑲᓇᔭᐳᔅᑲᐤ ᓯᐳᐤ᙮
ᐊᑯ ᐅᑕ ᐊᐱᑕᒥᔅᒍᓐ, ᐊᓯᓂᐧᑲᑕᒡ, ᑭᔅᒐᑲᐅᐤ ᐃᔭᐱᒡ᙮ 
ᐅᑕ ᒪᒃ ᑯᑥᔅᑎᓄᐤ ᐅᑕ ᐸᒡ, ᐊᑯᑕ ᐊᑎᒂᒋ ᓂᐱᓴ, ᐛᐛᑯᔅ ᐃᓯᓂᐧᑲᑕᐤ᙮ 
ᐃᔭᐤ ᐅᒋ ᑥᔎᔭᐤ ᐊᓐᑕ ᐃᔭᐤ, ᓯᐱᒡ ᐅᑕ ᐅᒋ ᐛᓴᐤ᙮ <pp> 
ᐊᑯ ᓇᑕ ᐳᑐᐛᔭᒡ ᓇᑕ, ᓇᑕ, ᐊᑯ ᐅᔭᔪᐤ ᐊ ᐎᔨᐛᔨᒡ ᐅᔭᔪᐤ, ᐅᔭᔪᐤ, ᐊᓐ ᐛᐛᑯᔅ ᐃᓯᓂᐧᑲᑕᐤ᙮ 
ᐊᑯᑕ ᐱᔅᑕᐛᒐᓂᒋ ᐅᒡ ᐃᔪᒡ᙮ 
ᐊᑯᑕ ᓇᑕ, ᓂᑎᒥᒡ ᓇᑕ, ᐊᑯᑕ ᓇᑕ ᐛᒋᒡ᙮ 
ᐊᑯ ᐅᔭᔪᐤ ᓂᔭᑕᐃᐸᒡ ᐅᔭᔪᐤ, ᓂᓱᐧᑯᒧᒡ ᓂᔭᐧᑲ ᓇᐸᐅᒡ᙮ <pp>
ᓂ ᒋ ᐛᐱᒪᐅᒡ ᓇᔭᐧᑲ ᐅᒡ, ᐊᐅᑯᓐᒡ ᓂᔭᐧᑲ, ᓇᑥᔭᓄᔅ ᐃᓯᓂᐧᑲᑕᑭᓄᐤ᙮ 
ᐊᑯ ᐊᓐ ᐸᐃᒄ ᓯᔭᑯᑕᐤ ᐃᓯᓂᐧᑲᓱᐤ, ᓂᓱᐅᒡ᙮ <pp>
ᐊᑯ ᓂᔭᑕᐛᒡ ᐊᓂᔭᔪᐛ, ᐅᑦ ᐊᐃᐱᐛᐛ ᓂᔭᑕᐃᐸᒡ᙮ 
ᐊᑯᑕ ᐊᒃ ᐊᓐᑕ ᒥ ᒋᔅᒐᔨᒪᑭᓄᐅᒡ ᐊᑎᒡ, ᒂᑎᐱᐛᒂ, ᒂᑎᐱᒡ, ᒂᑎᐱᐛᒂ, ᐊᔭᔪᐎᑯᒡ ᓂᐱᔪᐤ᙮
ᒥ ᒋᔅᒐᔨᒪᑭᓄᐅᒡ, ᑭᔭ ᒪᒃ ᐊᐃᐱᔭ ᑯᑎᐱᓂᑯᒐᓂᒋ, ᐃᑕᔨᒪᑭᓄᐅᒡ ᐃᔭᐱᒡ᙮ 
ᐊᐃᐱᔭ ᐛᔅ ᓄᒋᐧᑯᐛᐅᒡ᙮ 
ᑭᔭ ᒪᒃ ᑯᑎᐱᔅᑭᒧᒐᓂᒋ, ᐊᑯᑕ ᐊᓐᑕ ᐊᔭᔪᐎᐅᒡ᙮ 
ᑕᐸ ᒋᔅᒐᔨᒪᑭᓄᐅᒡ, ᑕᐸ ᒥᔅᑯᐛᑭᓄᐅᒡ, ᐊᑯ ᓇᐱᓂᔨᒡ ᒪᐤ ᐊᑎ ᐱᐳᓂᔨᒡ᙮ <ss>
ᐸᐃᑯᐳᓇ ᐊᓂᔭ ᒪᒃ ᒥᓐ ᐊᑎ ᓂᐱᓂᔨᒡ, ᐊᑯ ᒪᔅᑯᐛᑭᓄᐅᑦ, ᐱᔭᒋ ᑯᔅᐱᒡ ᓇᒡ ᐃᔪᒡ᙮ 
ᓇ ᐅᒋᓂᔅᑯᐎᓯᔅ, ᐸᑕᔅᑎᒥᑕᒐ ᒪᒃ ᐅᑕ ᒥᓂᔅᑎᒄ ᐊᑯᑎᓐ᙮ 
ᐊᑯᑕ ᒪᔅᑯᐛᑭᓄᐅᑦ, ᐃᑕᑭᓄᐤ, ᐸᐃᒄ ᐊᓐᑕ, ᐊᓐᑕ ᐊᒂᔭᐳᑯᒂ, ᐃᑕᑭᓄᐤ᙮ 
ᐊᑯ ᐊᐅᑯᐤ ᐃᑕᔨᒪᑭᓄᐤ ᓯᔭᑯᑕᐤ ᐊᓯᓂᐧᑲᑕᑭᓄᐅᑦ, ᐃᔪᐤ, ᐊᐅᑯᓐ ᐃᑕᔨᒪᑭᓄᐅᑦ᙮ <pp>
ᐊᑯ ᐊᓂᔭ ᐸᐃᒄ, ᓇᔅᑎᔅ ᒥ ᓂᑕ ᒥᔅᑯᐛᑭᓄᐤ, ᐃᑕᑭᓄᐤ᙮ 
ᓇᔅᑎᔅ ᒥ ᓂᑕ ᒋᔅᒐᔨᒪᑭᓄᐤ ᒐᒋ ᒥᔅᑯᐛᑭᓄᐅᑦ᙮ 
ᒥᒄ ᐸᐃᒄ ᒥᔅᑯᐛᑭᓄᐤ᙮ 
ᐊᑎ ᑭᑈ ᓇᓂᑐᐛᐱᒪᑭᓄᐅᑦ ᒧᓯᓇᐤ, ᐅᔅᑭᓇ ᑭᔭ ᒐᒋ ᐊᒂᔭᐳᑕᔨᒋ᙮ 
ᒥ ᒋᔅᒐᔨᒪᑭᓄᐤ ᑕᓐᑕ ᒋᐸ ᐃᑐᐤ᙮ ᒥ ᒥᔅᑯᐛᑭᓄᐤ ᐸᐃᒄ᙮ 
ᐸᐃᒄ ᒥᒄ ᒥᔅᑯᐛᑭᓄᐤ᙮ <ss>
ᓂᔄᐤ ᒋ ᐃᔭᔪᐎᔨᑯᐅᒡ ᓂᐱᔪᐤ ᐅᔭᔪᐤ, ᐅ ᓯᐳᐤ, ᐃᔪᒡ᙮ <pp>
ᐸᐃᒄ ᓂᔭᐧᑲ ᓂ ᒋ ᐛᐱᒪᐅᒡ, ᒥᒄ ᒥ ᓂ ᐛᐱᒪᐅᒡ ᐊᔭᔪᐎᐅᒡ᙮ 
ᒥᒄ ᓂ ᐛᐱᒪᐅᒡ ᓂᔭᔪᐤ ᐱᔭᒋ ᐳᓯᒡ ᐛᔅᑲᐃᑭᓂᒡ᙮ <pp>
ᐊᔅᐱᔅ ᒋᒥᑕᒡ ᐛᔅᑲᐃᑭᓐ, ᒐᐃᒧᐤ, ᓇᐸᐃᑯᒡ ᓂᐱᔪᐤ, ᓂᓱᐅᒡ᙮ 
ᐊᑯ ᐊᓐ ᑭᔅᒐᑯᔪᐤ ᓂᐸᐃᑯᐤ ᑭ ᐃᑕᐛ, ᐸᑐᐛᑭᓐ ᐃᓯᓂᐧᑲᑕᑭᓄᐤ, ᐃᓯᓂᐧᑲᓱᐤ᙮ 
ᐸᐃᒄ ᐊᓐ ᓇ ᓇᐸᐤ ᑭᔅᒐᒄ ᓇᐸᐃᑯᑦ, ᐸᑐᐛᑭᓐ ᐃᓯᓂᐧᑲᑕᑭᓄᐤ᙮ ᓂ ᒋᓯᑐᐛᐤ᙮ <pp>
ᐊᓄᒋᒐ ᒋᐸ ᐊᑲ ᐃᓯᓇᑯᓐ, ᐊᐛᓯᐅᔭᓐ᙮ 
ᒂ ᐃᓯᓇᒂᒡ ᐊᓐᑕ ᐸᒋ ᐅᑕᒡ ᑕᐸᒋᒧᓇᓄᐅᒡ᙮ 
ᒂ ᐃᔎᐸᒋᓯᑦ ᐊᓐ ᑕᐸᒋᒥᒃ᙮ 
ᓇᔅᑲᐱ
ᐛᐱᒪᑯᒡ ᑲ ᓄᒐᐊᑭᓄᐅᒡ 27 ᐤᐊᑉᒪgᐅᔅᑐᐃ ᐃᔅᓚᓐd 2019 10 10 Book Source
ᓂ ᒋ ᐛᐸᑕᓐ ᐊᓐ ᐛᐱᒪᑯᔅᑐᔾ, ᒥᓂᔅᑎᒄ, ᒥᓂᔅᑎᒄ ᒪᑕᐛᑕᑭᓄᐤ᙮ 
ᒥᓂᑐᓂᒄ ᐃᓯᓂᐧᑲᑕᑭᓄᐤ ᐊᓐ ᒥᓂᔅᑎᒄ, ᒥᓯᓂᑲᐤ᙮ 
ᐎᓂᐸᑯᒡ, ᐎᓂᐸᑯᒡ, ᐊᑯᑕ ᐊᓐᑕ ᒪᓂᔅᑎᑯᒡ, ᐊ ᐎᔨᐛᒡ ᐅ ᓯᐳᐤ, ᐅ ᐛᐱᒪᑯᔅᑐᔾ ᐊ ᑎᒂᒡ ᐊᑎ ᐎᔨᐛᒡ᙮ 
ᐊᓐᑕ ᒪᒃ ᑎᐱᔅᑯᒡ ᐊᓐᑕ, ᐊᑯᑕ ᐊᓐᑕ ᑲ ᐊᑯᑎᒡ, ᐃᓇᓄᐤ, ᐃᑕᔨᑕᑭᓄᐤ, ᐃᓇᓄᐤ᙮ 
ᐊᑯ ᐊᓐᑕ ᒥᓂᔅᑎᑯᔅ ᐊᓐᑕ ᑎᑯᓐ ᒥᓐ, ᐊᐱᓴᓱᐤ ᒥᓂᔅᑎᒄ᙮ 
ᐊᐅᑯᐤ ᒪᑎᓯᓂᑯᔅ ᐃᓯᓂᐧᑲᑕᐤ᙮ 
ᐊᐅᒂᑭᓐ ᒪᑎᓯᓂᑯᔅ, ᐊᓐᑕ ᐅᒋ ᓇᐛᐧᑭᑎᓇᐤ ᓇᑕ ᒥᔅᑕᐛᔭᐤ, 
ᓇᑕ ᐊᑕᐛᔭᒡ ᓇ ᐎᓂᐸᒄ, ᐅᑕ ᐅᒋ ᓇᐛᐧᑭᑎᓇᐤ ᙮ 
ᐊᑯᑕ ᓇᑕ ᑲ ᐊᑯᑎᒡ, ᐃᓇᓄᐤ, ᐊᐅᑯᐤ ᐊᓐ ᒥᓂᔅᑎᑯᔅ᙮ 
ᐊᐅᑯᐤ ᒥᓂᑐᓂᒄ ᑎᐱᔅᑯᒡ ᐅᑕ ᐊᑯᑎᓐ, ᐊᑯᑕ ᑲ ᐊᑯᑎᒡ,<pp>
ᐊᑯ, ᒧᔭᒻ ᐊ ᒋᒋᐱᔨᒡ ᒂ ᐃᑕᔨᑕᑭᓄᐅᒡ, ᐃᓇᓄᐤ᙮ 
ᐊᑯ ᐊᑯᒧᓇᓄᐅᒡ ᐅᑕ ᐃᓯᓂᐧᑲᑕᐤ, ᐅᑕ ᐊᑕᐛᔭᒡ ᐅ ᐎᓂᐸᒄ ᐅ, ᓇᑕ ᐊᑎᒪᐱᓯᒻ ᐃᑕᒐ, ᒪᓐᑕ ᐃᑕᒐ᙮ 
ᒐᑲᑦ ᓇᑕ ᐊᑯᑎᓐ ᓇᑕ ᓇ ᒥᓂᑐᓂᒄ ᐊᓯᓂᐧᑲᑕᒡ᙮ ᒐᑲᑦ ᓇᑕ ᐊᑯᑎᓐ, ᐅ ᐛᐱᒪᑯᔅᑐᔾ ᐊ ᐅᒋᓴᐸᑕᑭᓄᐅᒡ᙮ 
ᒐᑲᑦ ᓇᑕ ᐊᑯᑎᓐ᙮ ᐊᑯ ᐅ ᒪᑎᓂᑯᔅ ᐅ ᐊᓯᓂᐧᑲᑕᑭᓄᐅᒡ, ᓇᐊᐤ ᐅᑕ ᑎᐱᔅᑯᒡ, ᐅᑕ ᓇᐊᒻ ᐊᑯᑎᓐ᙮ 
ᑲ ᐛᐸᑎᒪᓐ ᑲ ᐃᓯᓇᒂᒡ, ᐊᐅᑯᓐ ᑲ ᑎᐸᑕᑭᓄᐅᒡ ᐊᓐ ᐊᓯᓇᒂᒡ᙮ 
ᒧᔭᒻ ᐊ ᒋᒋᐱᔨᒡ ᐊᓐ, ᐊᓐ ᒥᓂᔅᑎᒄ ᐃᑕᔨᑕᑭᓄᐤ, ᐃᑕᔨᑕᑭᓄᐤ᙮ 
ᒋᒋᐛ ᐃᑕᑕᑭᓄᐤ ᐊᓐ ᑭ ᓂᑦ ᐃᔅᒋᔄᓇᐛ, ᑭᔭ ᑯᑎᒡ ᒥᓂᔅᑎᑯᔅ᙮ 
ᓂᓱ ᐊᓂᔭ ᒥᓂᔅᑎᑯᓴ ᒋᐸ ᐊᒋᐱᔪᐛ, ᒋᐸ ᐃᑕᔨᑕᑭᓄᐤ᙮ <pp>
ᒋᔅᒐᑲᐤ ᐊᓐ ᒥᓂᔅᑎᒄ, ᓇᔅᒡ ᓱᓱᓴᑲᐤ, ᐅᑕ ᐛᔅᑲ ᐅᑕ ᐊᓐ ᒥᓂᔅᑎᒄ, ᑭ ᐱᔅᑯᑎᓇᐛ ᒂ ᐃᓯᓇᒂᒡ, ᐊᓐ ᒥᓂᔅᑎᒄ, ᓇᔅᒡ ᐅᑕ ᓱᓱᓴᑲᐤ᙮ ᐊᑯ ᓇ ᐅ ᐊᔅᑯᐸᒡ ᐅ ᐎᓂᐸᒄ, ᐅ ᐊᔅᑯᐸᒡ᙮ 
ᐃᔅᐱᒥᒡ ᐅᑕ, ᐊᔅᒋᔾ ᑭ ᐛᐸᐛ ᒂ ᐃᓯᓇᒂᒡ᙮ 
ᐊᐅᑯᐤ ᓇ ᑭ ᐃᔅᑯᐸᐛ ᑲ ᐃᓯᓇᑭᓄᐅᒡ, ᐃᓇᓄᐤ, ᑲ ᐃᑕᔨᑕᑭᓄᐅᒡ, ᐃᓇᓄᐤ᙮ 
ᒪᔅᑲᑕᔨᑕᑭᓄᐅᒡ ᐊᓐ ᑭ ᐅᐱᐱᔪᐛ ᒂ ᐃᓯᓇᒂᒡ ᐊᓐ ᒥᓂᔅᑎᒄ᙮ 
ᓄᑯᓐ ᐊᓐ ᑲ ᐃᓯᓇᑯᓄᑯᐱᓇ ᐱᔅᑯᑎᓇᐤ, ᐊᓐ ᒥᓂᔅᑎᒄ, ᐎᔭᐸᑎᒪᒡ ᐊᓐᑕ᙮ 
ᐊᐅᑯᓐ ᑕᐸᑕᑭᓄᐅᒡ, ᐃᑕᔨᑕᑭᓄᐤ᙮ 
ᐊᐅᑯᔪᐤ ᑲ ᒪᑕᐛᑕᒡ ᐛᐱᒪᑯᔅᑐᐎᔪᒡ ᐅᑦ ᐃᔅᒋᐛᐤ, ᐊᓐ ᑭ ᓂ ᑎᐸᑕᓇᐛ᙮ <ss> 
ᐊᐅᒂᑭᓐ ᐊᓐ ᒥᓂᑐᓂᒄ ᐊᓯᓂᐧᑲᑕᑭᓄᐅᒡ᙮ 
ᐊᔅᒄ, ᐊᔅᒄ ᑲ ᐃᔭᒋᐱᔨᒡ ᐊᓐ, ᐊᓐ ᒥᓂᑐᓂᒄ᙮ 
ᐊᑯ ᓇᒡ ᒋᓴᓯᐱᐎᔪᒡ ᓇᑕ, ᐊᐅᑯᓐᒡ ᓇᒡ, ᒻᒻᒻ, ᒋᓴᓯᐱᐎᔪᒡ ᓇᒡ, ᐊᐅᑯᓐᒡ ᐛᒋ ᒥᓯᑲᒡ ᐊᓐᑕ ᐛᐱᒪᑯᔅᑐᒡ᙮ 
ᐊᑯ ᐃᔨᒐ ᐊᓐ ᐃᔪᐤ, "ᒥ ᒋᑭ ᒋ ᓄᒋᐧᑯᐛᐅᒡ ᐛᐱᒪᒂ, ᐅᔅᒋᓂᒋᓱᒡ," ᐃᔨᒐ᙮ 
"ᒥᒄ ᒋᓴᐃᔪᒡ ᒐ ᓄᒋᐧᑯᐛᒡ ᐛᐱᒪᒂ," ᐃᔨᒐ᙮ <pp>
ᓄᒋᐧᑯᐛᑭᓄᐤ ᓂ ᐛᐱᒪᒄ; ᐊᓐ ᐃᔅᒋᒪᐤ ᐊᑐᑐᐛᑦ ᐛᐱᒪᒂ ᒂ ᐃᑐᑐᐛᑭᓄᐎᔨᒋ᙮ 
ᒋᑲᒂᑕᑭᓄᐅᒡ ᐊᓐᒡ ᐛᐱᒪᑯᒡ᙮ 
ᐊᑯ ᒋᓏᐸᑭᓐ ᒋᒋᐛ ᐊᐱᔅ, ᐊᓐ ᐊᐱᔅ ᐛᓯᑕᑭᓄᐅᒡ᙮ 
ᐊᐅᑯᔪᐤ ᓂᔭᔪᐛ ᒐᒋᐱᑎᑯᒡ, ᐃᑕᑭᓄᐅᒡ᙮ 
ᐃᔪᐤ ᓂᑐᔾ ᐊᓯᓂᐧᑲᑕᒡ, ᒐᒋᐱᑕᐧᒃ ᐊᓂᔭ ᐅᐤᑎᔪᐤ᙮ 
ᑲ ᒋᑲᒂᑕᒋ ᐊᐛᓐ, ᒐᒋᐱᑎᑯᑦ ᓂ᙮ 
ᑲ ᐃᓯᓇᑯᑕᒡ ᐅ ᓂᑐᐛᐛ ᐊᓐᒡ ᐛᐱᒪᑯᔅᑐᐎᔪᒡ 
ᐊᑎᐧᒄ ᐊᐱᔅ ᐊᐅᑯᓐ ᐊᓯᓇᑯᑕᑭᓄᐅᒡ᙮ 
ᐊᐅᑯᓐ ᐛᒋ ᒋᓏᐸᑲᒡ, ᓇᒪᔭᐤ ᐊᓐ ᐛᒥᔅᑎᑯᓱᐤ ᐅᐱᔅ᙮ <pp> 
ᐊᐅᑯᐛᑭᓐ ᐎᑎᒧᐛᑭᓄᐎᒐᓂᒋ ᐊᓐᒡ ᒪᓯᑲᒡ ᐃᔪᒡ᙮ 
“ᒥ ᒋᑭ ᒋ ᓄᒋᐧᑯᐛᑭᓄᐤ ᐛᐱᒪᒄ᙮ 
ᐅᔅᒋᓂᒋᓱᒡ ᒥ ᒋᑭ ᒋ ᓄᒋᐧᑯᐛᐅᒡ,” ᐃᓇᓄᐤ, ᐃᑎᑯᒐᓂᒋ᙮ 
ᐊᑯ ᓇᒪ ᑕᑈᑎᒧᒡ ᐊᓐᒡ ᒋᓴᓯᐱᐎᔪᒡ᙮ <pp>
ᐊᑯ ᐅᔭᔪᐛ ᒺᓴᐅᐱᔪᒡ, ᓂᔭᑎᑯᒡ ᐅᔭᔪᐛ ᐃᔪᐛ᙮ 
“ᐊᑲ ᒧᓴᐛᐱᔨᐧᒄ, ᐊᑯ ᐊᑲ ᓄᒋᐧᑯᐎᐧᒄ ᐛᐱᒪᒄ ᐊᑯᔅ,” ᐃᑎᑯᒐᓂᒋ᙮ 
“ᐛᔅ ᒋ ᐃᓇᓄᐤ, ‘ᒐ ᐊᑲ ᓄᒋᐧᑯᐛᒡ ᐅᔅᒋᓂᒋᓱᒡ ᐛᐱᒪᒂ,’ ” ᐃᑎᑯᒐᓂᒋ᙮ 
ᐊᐅᑯᔪᐤ ᐊᑯ ᐊᑎ ᒧᓴᐛᔭᐧᑲᐅᑦ ᒂ ᔅᑐᔅᑦ ᒂ ᑕᑦ, ᐃᑕᑭᓄᐤ, ᐊᓐ ᐃᔪᐤ᙮ 
“ ‘ᐛᔅ ᐊᐅᑯᐤ ᒐ ᐅᑎᑕᐅᓂᑎᒪᓐ ᓂ ᐃᑕᔨᑕᓐ ᐛᐱᒪᑯᔅᑐᔾ,’ ᒂ ᐃᓯᑦ,” ᒂ ᑕᑦ, ᐃᑕᑭᓄᐤ᙮ 
ᓂᔭᔪᐤ ᒪᒃ ᐊᔅᒋᔄᑦ, ᒺᓴᐅᐱᔨᒡ᙮ <pp>
ᐊᑯ ᑭᑈ ᐊᑯᒧᒡ ᓂᔭᔪᐛ, ᐊᑎ ᐎᐛᔨᒡ ᐛᐱᒪᑯᔅᑐᔪᐤ, ᐱᒪᐳᑯᒡ ᓂᔭᔪᐛ᙮ 
ᐊᑯ ᓇᒡ ᐛᐱᒪᑯᒡ ᓄᑯᓄᑯᓯᒡ, ᐊᓐᒡ ᐛᐱᒪᑯᒡ᙮ 
ᐊᑯᓂ ᓂᔭᔪᐛ ᐊᑎ ᑕᐛᐛᒡ ᐛᐱᒪᒂ ᑭᑈ ᓂᔭᔪᐛ ᐊᑎ ᐃᑕᐳᑯᒡ ᓇᑕ᙮ 
ᑕᐸ ᐱᒥᔅᑲᓄᐤ ᒐᒋ ᑎᑲᔅᑕᔭᑭᒪᑭᓄᐅᑦ ᐛᔅ ᐅ ᑎᑲᔅᑕᔭᑭᒪᐛᑭᓄᐤ ᐛᐱᒪᒄ᙮ 
ᐊᑯᔪᐤ ᓂᔭ ᐊᑎ ᐃᑕᐳᑯᒡ ᓂᔭᔪᐤ ᐊᑎ ᓇᑕᐛᒡ ᓂᔭᔪᐤ᙮ 
ᒪᐛᒡ ᓱᐧᒄ ᓇᐅᔅ, ᐃᑕᑭᓄᐅᒡ, ᓇᑎᑯᒧᔅᑐᐛᒡ᙮ 
ᓴᔅ ᒋᑲᒂᑕᐤ, ᐃᑕᑭᓄᐤ, ᒋᑲᒂᑕᐤ᙮ 
ᑭᑈ ᒐᒋᐱᑎᑯᒡ, ᑎᐛᒡ ᐅᔭᔪᐤ ᑲ ᒋᑲᒂᑕᒡ, ᒐᒋᐱᑎᑯᒡ, ᐃᑕᑭᓄᐅᒡ᙮ 
ᑎᐛᒡ ᐊᑯᑕ ᐊᒃ ᐊᓐᑕ ᒺᓴᐛᐱᔨᒋ, ᐊᓐᑕ ᒥᓂᑐᓂᒄ ᐊᑯᑎᒡ᙮ 
ᐊᑯᑕ ᐊᔅᐱᑎᑯᒡ, ᐃᑕᑭᓄᐅᒡ᙮ 
ᐊᑯ ᐅᒡ ᑭᑈ, ᐅᒡ ᐛᒋ ᑭᓄᐛᐱᒪᒡ, ᑕᐸᑲ ᓄᑯᓐ ᓇᑕ᙮ <pp>
ᐊᑯ ᓇ ᒥᓂᔅᑎᒄ ᐊᑯᑎᒡ, ᐊᑯᑕ ᓇᑕ ᐊᑎ ᐊᑲ ᓄᑯᓯᒡ, ᐃᑕᑭᓄᐅᒡ, ᒥᓂᔅᑎᑯᒡ᙮ 
ᒧᔭᒻ ᓇᑕ ᑯᐃᔅᑯᓄᐤ᙮ <pp> 
ᓂᒋᔅᒃ ᓂᔭᐧᑲ, ᐃᑕᑭᓄᐅᒡ, ᐅᓇᐊᑭᓄᐅᒡ, ᒥ ᒋᔅᒐᔨᒪᑭᓄᒡ, ᐊᑎ ᓇᑕᐃᑭᓄᐅᒡ ᓂᔭᔪᐤ ᒥᓂᔅᑎᑯᔪᐤ ᐃᔭᐱᒡ᙮ 
ᒥᒋᒪ ᐊᑎ ᓇᓂᑐᐛᐸᑕᑭᓄᐎᔨᒡ ᐅᑦ ᐅᐤᑐᐛᐤ ᒐᒋ ᐊᑯᑎᓂᔨᒡ, ᒥ ᑎᑯᓂᔪᐤ ᐅᑦ ᐅᐤᑐᐛᐤ᙮ 
ᓂᓱᒡ, ᐃᑕᑭᓄᐅᒡ, ᐊᓐᒡ ᓇᐸᐅᒡ᙮ 
ᐊᑯ ᐊᐅᒂᑭᓐ ᑲ ᐃᓯᓂᑭᓄᐅᒡ, ᑲ ᑎᑥᐤ ᐃᔪᒡ᙮ <ss>
ᐊᐅᑯᓐ ᑭ ᓂ ᑎᐸᑕᓇᐛ, ᒧᔭᒻ ᐊ ᒋᒋᐱᔨᒡ ᒂ ᐃᑕᔨᑕᑭᓄᐅᒡ, ᐃᓇᓄᐤ, ᐊᓐ ᒥᓂᑐᓂᒄ᙮ 
ᐊᓐᑕ ᐃᑕᒐ ᒋᐸ ᐃᓯ ᒋᒋᐱᔪᐤ, ᐸᒋ᙮ 
ᐊᑯ ᒐᑲᑦ ᓇᑕ ᐊᑯᑎᓐ ᓇ ᐊᑯᒧᓇᓄᐅᒡ ᐊᓯᓂᐧᑲᑕᒡ, ᒥᔅᑕᐛᔭᐤ᙮ ᒐᑲᑦ ᓇᑕ ᐊᑯᑎᓐ, ᓇ ᒥᓂᔅᑎᒄ᙮ <pp>
ᒋᐧᑲᔭᔨᑕᑯᓐ ᒋᒋᐛ᙮ 
ᒥᓯᐛ ᒂ ᐃᑕᑕᒡ ᐊᓐᒡ ᐊᐛᓂᒋ ᑲ ᑎᐸᑕᒡ ᓇᑕ ᐊᑕᔨᑕᑯᓂᔨᒡ᙮ 
ᓂᔭᐧᑲ ᑭᑈ ᐎᐱᒡ ᒋᓴᐃᔪᒡ ᐸᒋ ᐅᑕᒡ ᓂᔭᐧᑲ, ᐊᐅᑯᓐᒡ ᓂᔭᐧᑲ ᐃᑕᒋᒧᒐᓂᒋ᙮ 
ᐊᑯ ᐊᐅᒄ ᐊᑎ ᓂᑕᐅᒋᒡ ᐅᒡ ᑲ ᐛᐸᑕᒡ᙮ 
ᑕᐸᒋᒧᒡ ᐊᓐᒡ ᐛᐱᒪᑯᔅᑐᐎᔪᒡ, ᑲ ᐸᑐᐅᒃ ᐛᐱᒪᑯᔅᑐᐎᔪᐤ, ᓂᔭᔪᐛ ᐊᑕᑕᑭᓄᒡ᙮ <pp>
ᐊᑯᑕ ᐅᑕ ᑭ ᑎᑯᓄᐛ ᑲ ᐃᓯᓂᑭᓄᐅᒡ ᓂ, ᐅᑕ ᑎᐱᔅᑯᒡ᙮ 
ᐊᑯ ᓇ ᒐᑲᑦ ᐊᑲ ᐊᑯᑎᓄᑎᑲ, ᓇ ᒥᓂᑐᓂᑯᔪᐤ, ᒥᓂᑐᓂᒄ ᐃᓯᓂᐧᑲᑕᐤ᙮ <pp>
ᐊᑯ ᒥ ᓂᑕ ᒋ ᓇᑕᐃᑭᓄᐤ, ᐊᓐ ᒥᓂᔅᑎᒄ, ᒂᔅᑕᑭᓄᐅᒡ ᒐᒋ ᓇᑕᐃᑭᓄᐅᒡ᙮ 
ᐊᐅᒂᑭᓐ ᒪᒪᑕᐛᒋᒧᓇᓄᐅᒡ ᐊᓐ ᑭ ᓂ ᑎᐸᑕᓇᐛ᙮ 
ᐊᐅᑯᐤ ᑎᐸᒋᒧᐅᓐ, ᑎᐸᒋᒧᐅᓐ ᑭ ᓂ ᑎᐸᒋᒧᓇᐛ ᐊᔅᐱᔅ ᒥ ᒥᔅᑲᒡ, ᐃᑕᒋᒧᓇᓄᐅᒡ᙮ 
ᑕᐸᒋᒧᓇᓄᐅᒡ, ᐊᓐ ᑭ ᓂ ᑎᐸᑕᓇᐛ, ᐊᑯ ᓂᔭᐧᑲ ᐃᔪᒡ ᓂᒋᔅᒃ ᓂᔭᐧᑲ, ᐃᑕᑭᓄᐅᒡ, ᐅᓇᑭᓄᐅᒡ, ᒥ ᓂᑕ ᒥᔅᑯᐛᑭᓄᐅᒡ, ᐃᑕᑭᓄᐅᒡ᙮ 
ᐊᑯᑕ ᓇᑕ ᑭ ᐊᑎ ᐃᓯᓄᒋ, ᐃᑕᑭᓄᐅᒡ, ᓂᔭᔪᐤ ᒥᓂᔅᑎᑯᔪᐤ᙮ 
ᐊᑯ, ᐊᑯᑕ ᓂᔭᐧᑲ ᐊᓐᑕ ᐃᔅᐱᑎᑯᒐᓂᒋ ᓂᔭᔪᐛ, ᓂᔭᔪᐛ᙮ 
ᒐᒋᐱᑎᑯᒡ ᐛᐱᒪᒂ᙮ 
ᐊᑯ ᐊᔎᐱᔨᒡ, ᑎᐸᒋᒧᐅᓐ᙮ 
ᓇᔅᑲᐱ
ᑲᓂᑐᑎᒂᓄᐅᒡ 28 ᒐᕆbᐅ ᐅᓐᑦ 2019 10 10 Book Source
ᓂ ᒋ ᐛᐸᑕᓐ ᐃᔭᐱᒡ, ᐅᑕ ᐃᑕᒐ ᓇᒧᓇᐤ ᐅᑕ, ᐅᑕ, ᐅᒋᒪᔅ ᐊᓯᓂᐧᑲᑕᒡ᙮ 
ᑕᐱᓯᓂᑦ ᐊᓯᓂᐧᑲᑕᒡ, ᒥᒋᐛᑉ, ᑕᐱᓯᓂᑦ ᐃᓯᓂᐧᑲᑕᐤ, ᐅ ᐛᔅᑲᐃᑭᓐ᙮ 
ᐅᑕ ᒪᒃ ᐸᒋ  ᐅ ᒧᓱᐛᐅᓯᐳᐤ ᐊᔅᐱᔨᒡ, ᐊᓐ ᒪᒃ ᓯᐳᐛ ᓇᑕ ᐊᔅᐱᔨᔨᒋ᙮ 
ᐊᐅᑯᐤ ᐸᐃᒄ ᐊᓐ ᓯᐳᐤ ᓇ ᐊᔅᐱᔨᒡ᙮ 
ᐊᑯᑕ ᐊᒃ ᐊᓐᑕ ᒪᒪᑕᐛᒋᒧᓇᓄᐅᒡ, ᐎᐱᒡ ᐃᔪᒡ᙮ 
ᓄᒋᐧᑯᐛᒡ ᐊᑎᒂ; ᓂ ᒋ ᐛᐸᑕᓐ ᐊᓐ, ᐊᓐ ᓇᐊᒻ ᐊᓐᑕ, ᓂᔭᔪᐤ ᐊᓐᑕ ᓇᐊᒻ, ᑕᐸᒋᒪᑭᓄᐅᑦ ᐅᑕ᙮ 
ᐛᐱᒪᐅᒡ ᓂᔭᔪᐤ ᐅᑕ, ᓇᑕ, ᒥ ᑕᐤ ᐊᓐᑕ ᒥᔅᑎᒄ᙮ 
ᓇᔅᒡ ᒥᔽᐤ ᓇᑕ, ᓇᑕ ᐸᒋ, ᐊᑯ ᐅᑕ ᐱᔅᑯᑎᓇᐤ ᑎᑯᓐ, ᐊᑯᑕ ᐱᔭᒋ ᒥᔽᒡ᙮ 
ᐊᐅᑯᐤ ᐸᒥᐱᔨᒡ ᐅᑕ ᐅ ᓯᐳᐤ, ᓯᐱᔅ, ᒥ ᒥᓯᔅᑎᒂᐤ, ᒥ ᒥᓴᐤ ᓱᐧᒃ ᐊᓐ ᓯᐳᐤ᙮ <pp>
ᑭᔅᒐᑲᐤ ᐅᑕ᙮ 
ᐅᑕ ᒪᒃ ᑕᐧᑯᒡ ᐅᑕ ᐸᒋ, ᐊᑯᑕ ᐅᑕ ᐱᔭᒋ ᐱᒧᑕᑦ ᓂ ᐊᑎᐧᒄ ᐊᔅᑯᐛᑭᓄᐅᑦ᙮ 
ᐊᑯ ᓇᑕ ᑭ ᐊᑎ ᐅᓴᒐᓱᐛ ᒂ ᐃᓯᓇᒂᒡ, ᒪᐤ ᒂ ᐃᓯᓇᒂᒡ, ᐅ ᑭ ᐃᓯᓇᑯᓄᐛ ᑭ ᒋ ᐎᒋᓇᓄᐛ, ᐅ ᑭ ᐅᓴᒐᓱᐛ᙮ 
ᐊᑯ ᒂ ᐃᓯᓇᒂᒡ ᓇᐊᐤ, ᐱᔅᑯᑎᓇᓱᐤ, ᐊᐱᓯᔅ ᐱᔅᑯᑎᓇᓱᐤ, ᐱᔅᑯᑎᓇᓱᐤ᙮ 
 ᐊᑯ ᐅᑕ ᒥ ᐊᐧᑯᑎᓐ ᐅᑕ ᓇᔅᑎᔅ᙮ 
ᐊᑯ ᐎᔭᐱᒪᑭᓄᐅᑦ ᓂᔭᔪᐤ ᐱᔭᒡ ᐱᒥᐸᑕᑦ, ᓂᔭᔪᐤ, ᓂᔭᔪᐤ ᒥᒐᑐᐤ, ᐃᑕᑭᓄᐤ᙮ 
ᐊᑯᑕ ᓇᑕ ᐱᔭᔏᑭᓄᐅᑦ ᓂ, ᐃᑕᑭᓄᐅᐤ, ᓂᔭᔪᐤ, ᐅᔭᔪᐤ ᐱᔭᒋ ᐱᒥᐸᑕᒋ ᐅᔭᔪᐤ᙮ 
ᐅᔭᔪᐤ ᐱᔭᒋ ᒋᒋᓇᒋ ᐅᔭᔪᐤ, ᑭᔅᒐᑲᐤ ᐅᑕ, ᐃᓇᓄᐤ᙮ <ss>
ᐸᐳᓂᔨᒡ, ᐎᔭᐱᒪᑭᓄᐅᑦ ᐱᔭᐸᑕᑦ᙮ 
ᐊᑯ ᐅᒡ ᐃᔪᒡ, ᐅᒡ ᐛ ᓂᐸᐊᒡ, ᐅᑕ ᐃᑕᒐ ᐊᑎ ᐃᔅᐸᔨᑐᒡ, ᐃᑕᑭᓄᐅᒡ, ᐅᑕ᙮ ᓴᔅ ᐅᔭᔨᑕ ᐸᒋ ᐊᑯᓯᓐ ᒂ ᐃᑕᒡ, ᐃᑕᑭᓄᐅᒡ, ᓂᔭᔪᐛ ᐅᑕ ᐊ ᐱᔅᑯᑎᓇᓯᔨᒡ᙮ 
ᐊᑯ ᐅᔭᔪᐤ ᐊᑎ ᐃᔅᐸᔨᑐᒡ ᐅᔭᔪᐤ ᐅᑕ ᐊ ᐅᓴᐛᔭᐧᑲᔨᒡ, ᐅᑕ ᒪᒃ ᐅᐱᒪᓯ, ᐊᑯᑕ ᐊᑎ ᐃᔅᐸᔨᑐᒡ᙮ 
ᐊᑯ ᓂᔭᔪᐛ ᒐ ᐱᒥᐸᑕᔨᒋ ᐊᑎ ᒋᒋᓂᒺᒡ᙮ 
ᒐ ᐸᔅᒋᔄᒡ, ᐊᑯ ᒥ ᑕᔪᐛ, ᒥ ᐛᐱᒪᐅᒡ᙮ <pp>
ᐊᑯ ᒐᒃ ᐳᒪᐊᒡ ᑲ ᑕᔨᒋ, 
ᐊᑯ ᓂᔭᔪᐛ ᒋᐸ ᐱᒥᐸᑕᐤ ᐊᑕᔨᒪᒡ᙮ ᐅᔭᔪᐤ ᐅᑕ ᐛ ᐸᔅᒋᔄᒡ ᐅᔭᔪᐤ᙮ 
ᐊᑯ ᐊᓐᑕ ᑲ ᐸᒋ ᐊᑯᓯᓂᔨᒋ ᓂᔭᔪᐛ ᐊ ᐱᔅᑯᑎᓇᓯᔨᒡ᙮ 
ᒐᒋᓂᒺᒡ ᓂᔭᔪᐤ ᓂᔭ ᒋ ᐸᐱᒥᐸᑕᔪᐛ᙮ “ᓴᔅ ᒋ ᐱᒥᐸᑕᓯᐱᓐ,” ᒂ ᐃᑕᒡ, ᐃᑕᑭᓄᐅᒡ᙮ 
“ᒥ ᓂ ᐛᐱᒪᓇᓐ, ” ᒂ ᐃᑕᑦ, ᐃᑕᑭᓄᐤ, “ᐸᒥᐸᑕᑦ,” ᒂ ᐃᑕᒡ, ᐃᑕᑭᓄᐅᒡ᙮ 
ᒥᒐᑐᒡ ᐊᓐᒡ ᐃᔪᒡ, ᐊᓐᒡ ᐛ ᐸᔅᒋᔄᒡ᙮ <pp>
ᐊᐅᑯᔪᐤ ᒪᒪᑕᐛᒋᒧᑦ ᐃᔭᐱᒡ ᐃᔪᐤ᙮ 
ᐊᐅᑯᓐ ᒪᒪᑕᐛᒋᒧᓇᓄᐅᒡ ᐊᓐ ᑭ ᓂ ᑎᐸᒋᒧᓇᐛ᙮ <ss>
ᐊᓱᐛᐳᐅᓐ, ᐊ ᐎᒂᓴᑲᒡ ᐃᓯᓂᐧᑲᑕᐤ᙮ 
ᐊᓐ ᑭ ᓂ ᑎᐸᑕᓇᐛ ᒂ ᐃᓯᓇᒂᒡ᙮ <pp> 
ᑎᐛᒡ ᐅᑕ ᐅᒋ ᒥᓴᐤ ᐅᑕ ᓯᐳᐤ ᐅᑕ, ᐊᑯ ᐅᑕ ᐱᔭᒋᑎᒡ ᐅ᙮ 
ᐊᑯᑕ ᐊᐱᓯᔅᑎᒂᔅ ᓇᑕ, ᐅᑕ ᑕᐧᑯᒡ, ᐊᑯᑕ ᐸᒥᐸᑕᑕᑦ ᓂ, ᐃᑕᑭᓄᐤ, ᐅ ᐊᑎᐧᒄ᙮ 
ᐊᑯᑕ ᐊᑯ ᐅᑕ ᐛᓇᐊᑭᓄᐅᑦ, ᐃᑕᑭᓄᐤ᙮ 
ᒥ ᐛᐱᒪᐅᒡ, ᒪᑕᐅᓂᒧᒡ᙮ 
ᒥᒄ ᐛᐸᑕᐅᒡ, ᐸᒥᐸᑕᔨᒋ, ᓴᔅ ᒋ ᐱᒥᐸᑕᓯᐱᓐ, ᒂ ᐃᑕᒡ ᐃᑕᑭᓄᐅᒡ᙮ ᑯᓄᒡ᙮ 
ᒂ ᐃᑕᒋᒧᓇᓄᐅᒡ, ᒪᒪᑕᐛᒋᒧᑦ ᐃᔪᐤ᙮ 
ᐊᐅᒂᑭᓐ ᐊ ᐎᒂᓴᑲᒡ ᐃᓯᓂᐧᑲᑕᐤ᙮ <ss>
ᓂ ᒋ ᐛᐸᑕᓐ ᐊᓐ ᓯᐳᐤ᙮ ᐊᐅᒄ ᐅ ᓂᔭᔨᑕ ᐊᔅᐱᔨᒡ ᐅ ᐅᒋᒪᓯᒡ ᐅ, ᑕᐱᓯᓂᑦ ᐊᓯᓂᐧᑲᑕᒡ᙮ 
ᐊᓐ ᒪᒃ ᓇᐃᓐᑦ ᐊᓯᓂᐧᑲᑕᒡ, ᐊᑯ ᓇᔭᔨᑕ ᐊ ᐎᔨᐛᒡ ᐊᓐ ᓯᐳᐤ ᐊᔅᐱᔨᒡ᙮ 
ᓯᐳᐤ ᐊᓐ, ᐊᓐ ᑭ ᓂ ᑎᐸᑕᓇᐛ᙮ 
ᐊᑯᑕ ᐊᒃ ᐊᓐᑕ ᑭ ᓂ ᑎᐸᒋᒧᓇᐛ ᒪᒪᑕᐛᒋᒧᒡ ᓇᒡ᙮ 
ᐊᑲ ᐎᔭᐱᒪᑭᓄᐅᑦ ᐊᑎᐧᒄ ᐸᒥᐸᑕᒂ, ᐃᑕᑭᓄᐤ᙮ <pp>
ᒥ ᐛᐱᒪᐅᒡ ᓂᔭᔪᐛ ᐸᒥᐸᑕᔨᒋ᙮ ᒥᒐᑐᐤ ᐊᒃ, ᐃᑕᑭᓄᐤ᙮ 
ᑕᓐᑕ ᑎᒐᓂᒋ ! ᐅᔅᒋᓯᑯᐛᐛ ᑭᑈ ᐎᔭᓯᓂᒐᓂ ᐛᒋ ᐊᑲ ᐛᐱᒪᒡ ᐸᒥᐸᑕᔨᒋ᙮ 
ᑭᔭ ᒪᒃ ᐊᐅᑯᓐ ᐃᓯᓇᑯᓯᔨᒐᓂ᙮ 
ᐊᐅᑯᓐ ᑲ ᒪᑕᐛᒋᒧᑦ ᐃᔪᐤ ᐃᔭᐱᒡ ᑲ ᐸᑎᒪᓐ᙮ <pp>
ᑭᔭ ᐊᓐ ᑲ ᑎᐸᒋᒥᒃ ᐊᑎᐧᑯᔅ, ᓂᓯᓂᔪᐛ ᐅᔅᑎᒂᓇ ᑲ ᐃᑎᒃ᙮ 
ᐊᐅᑯᓐ ᐃᔭᐱᒡ ᒪᒪᑕᐛᒋᒧᑦ ᐃᔪᐤ, ᒪᒪᑕᐛᒋᒧᓇᓄᐅᒡ ᐊ ᐃᓯᓇᑯᔅᑦ ᐊᐛᓐ, ᐊᓐ ᑭ ᓂ ᑎᐸᒋᒧᓇᐛ᙮ 
ᒂ ᐃᑕᒋᒧᑦ, ᒂ ᐃᔎᐸᑲᒡ ᐊᓐ ᑲ ᑎᐸᑎᒪᓐ᙮ 
ᓇᔅᑲᐱ 
ᓴᒐᔾ ᑲ ᓂᐱᒡ ᐊᑎᐧᑯᓯᒡ 29 deᐊd ᒐᕆbᐅ 2019 10 10 Book Source
ᓇᒪ ᓱᐧᒃ ᐎᐱᒡ, ᐃᓇᓄᐤ, ᐊᓐ, ᐊᐅᒄ ᐊᓐ, ᐊᓐ, ᐃᑕᒋᒧᓇᓄᐤ᙮ 
ᒋ ᐛᐸᑎᒧᓯᐱᓐ ᐊᓂᔭ ᓄᑕᐎᔾ, ᓂᔭᔪᐤ, ᓂᔭᔪᐤ ᐊᑎᔨᒋ ᐊᑎᒂ᙮ 
ᓄᑕᐎᔾ ᐊᐅᑯᓐ ᑲ ᑎᐸᒋᒧᑦ, ᐊᑯ ᐊᓐ ᓂᒧᓱᒥᐱᓐ, ᓂᑕᓂᔅᑯᑕᐸᓂᐱᓐ᙮ <pp>
“ᐊᑎᐧᒄ,” ᐃᑕᐤ, “ᓂᐳᐤ,” ᐃᑕᐤ, “ᓴᔅ ᑭᑈ ᒪᓯᑎᑦ ᐊᑎᐧᑯᔅ, ᓴᔅ ᒋ ᐃᔪᐤ,” ᐃᑕᐤ᙮ 
“ᓴᔅ ᐊᐅᑯᓐ ᐃᔅᐱᑕᔭᔨᒐ,” ᐃᑕᐤ᙮ 
ᑭᔭ ᒪᒃ ᐊᑎᑐᐤ ᐊᐱᓯᓱᐤ, ᐛᔄᐅᓯᔅᑦ ᐊᑎᐧᑯᔅ, ᐊ ᐃᔪᑦ, ᐛᔄᐅᓯᔅᑦ ᐊᑎᐧᑯᔅ᙮
“ᐊᐅᒂᑭᓐ ᓇᐱᑦ, ᓇᐱᑦ ᐊᑎᐧᑯᔅ,” ᐃᑕᐤ᙮ 
“ᐊᑎᐧᑯᔅ ᒥᒄ,” ᐃᑕᐤ,  “ᒥ ᓂᐳᐤ ᐎᔾ ᒋᓴᑎᐧᒄ,” ᐃᑕᐤ᙮ 
“ᐊᑎᐧᑯᔅ ᒥᒄ ᐊᑯ ᐎᔭᐱᒪᑭᓄᐅᑦ, ᓇᐱᑦ,” ᐃᑕᐤ᙮ 
“ᐊ ᐱᒥᐸᑕᑦ ᐊᓂᔭᔪᐤ ᐊᑎᐧᒄ,” ᐃᑕᐤ, “ᐊᓂᔭᔪᐤ ᐊᔅᐸᑕᑦ ᓇ ᐊᑎᐧᒄ,” ᐃᑕᐤ᙮ 
“ᒂ ᐃᑎᐱᒡ ᐊᓐᒡ ᐊᑎᐧᑯᓯᒡ,” ᐃᑕᐤ, “ᓇ ᐊᑎᐧᑯᔅ᙮” <pp>
ᐊᑯ ᒥᒄ ᒥᒪᑕᐛᒋᒪᐤ᙮ 
ᒧᔭᒻ ᐊᓐᑕ ᐊᓯ ᐊᔭᑭᓄᐅᒡ᙮ 
“ᐸᐃᑯᓄᒡ ᐊᓐᑕ ᐊ ᓂᐱᒡ ᒂ ᐃᓯᓇᑯᓯᒡ,” ᐃᑕᐤ, “ᒂ ᐃᔨᑕᑯᓯᒡ,” ᐃᑕᐤ᙮
ᐊᓂᔭᔪᐤ ᐊᑎ ᐃᔅᐸᑕᑦ ᐊᑎᐧᒄ᙮ 
ᐊᓂᔭᔪᐤ ᐊᑎ ᐃᑎᐱᒡ ᐊᑎᐧᑯᓯᒡ, ᒂ ᐃᓯᓇᒂᒡ᙮ <pp>
“ᐊᐅᒄ ᐊᓐᒡ,” ᐃᑕᐤ, “ᒪᔅᑯᐛᒡ ᐃᔪᐤ, 
ᒪᔅᑯᐛᑭᓄᐅᒡ ᑭᑈ᙮ 
ᐊᓐᑕ ᐊᑎ ᐱᐱᒥᐸᑕᑦ, ᐊᑎᐧᒄ, ᐊᑯᑕ ᒪᔅᑯᐛᑭᓄᐅᒡ,” ᐃᑕᐤ᙮ <pp>
ᐊᑯ ᐛᔭᑦ ᐃᔪᐤ ᓂ ᐎᔭᐱᒪᒋ᙮ 
“ᑕᐸ ᒪᑕᒄ ᐃᓯᓇᑯᓱᐅᒡ, ᐊᑎᐧᑯᓯᒡ,” ᐃᑕᐤ᙮
“ᓴᒐᔾ ᐊᓐ ᑭᑈ ᓂᐱᒐ,” ᐃᑕᐤ᙮ 
“ᐊᑯ ᐛᔭᑭᓄᐅᒡ,” ᐃᑕᐤ,
“ᐊᑯ ᐊᓂᔭ ᒥᔭᔽᔨᒪᑭᓄᐅᒡ,” ᐃᑕᐤ, “ᐊᓂᔭ ᒥᔅᑎᒂᓴ”᙮ <pp>
ᐊᑯ ᒥ ᐱᒪᔨᒪᑭᓄᐅᒡ ᐊᓂᔭ ᐊ ᐅᔭᓱᐅᒡ᙮ <ss>
ᐊᑯ ᐸᐳᒡ ᒥᓐ, ᐊᑯ ᒥ ᑕᐤ ᑭᑈ ᐊᑎᐧᑯᔅ᙮ 
ᒥ ᐅᑯᓱᐤ ᐊᑎᐧᒄ, ᐃᑕᐤ, ᐛᔅ ᐊᐅᑯᔪᐤ ᒋᐸ ᐊᑎ ᒥᓯᑐᐤ ᐊᑎᐧᑯᔅ, ᐃᑕᐤ, ᐊ ᐱᐳᓂᔨᒡ ᐊᑎᑦ ᓂ ᐊᑎᐧᑯᔅ᙮ <pp>
“ᐊᑯ ᒥ ᑕᐤ ᐊᑎᐧᑯᔅ,” ᐃᑕᐤ, “ᐊᑯ ᒥᒄ ᒋᓴᑎᐧᒄ ᐊᑕᑦ ᐸᐳᓂᔨᒡ,” ᐃᑕᐤ᙮ 
“ᐊᑯ ᐊᓂᔭᐧᑲ ᐊᑎᐧᑯᓯᒡ ᑲ ᐃᓯ ᓂᐱᒡ,” ᐃᑕᐤ᙮ 
“ᒥᒐᑐᐅᒡ, ᐃᑕᐤ, “ᒥᒐᑐᐤ ᒪᔅᑯᐛᑭᓄᐅᑦ ᐊᓯᓇᑯᔅᑦ ᐊᑎᐧᑯᔅ,” ᐃᑕᐤ᙮ 
“ᐊᓐᑕ ᑭᑈ ᐊᑎ ᐱᒥᐸᑕᑦ, ᐊᑎᐧᒄ,” ᐃᑕᐤ᙮ 
ᐊᑯᑕ ᐊᓐᑕ ᐊᑎ ᒥᒥᔅᑯᐛᑭᓄᐅᒡ ᐊᑎᐧᑯᓯᒡ, ᐃᑕᐤ᙮ <ss>
ᓂᔭᔪᐤ ᑭᑈ ᐊ ᐃᔅᐸᑕᑦ ᐊᑎᐧᒄ᙮ 
ᐛᔅ ᒋ ᐱᐸᒥᐸᑕᐤ ᓂ ᐊᑎᐧᒄ, ᒥ ᓂᑕ ᐸᐃᑯᓄᒡ ᐅᒋ ᐃᑕᐅᒡ, ᐊᑎᐧᒄ᙮ 
ᒋ ᐱᒥᐸᑕᐤ ᓂ ᐊᑎᐧᒄ, ᒧᔭᒻ ᐊ ᐱᐸᒥᐸᑕᑦ ᑲ ᐃᑕᔨᑕᑯᓯᑦ, ᒥ ᓂᑕ ᐸᐃᑯᓄᒡ ᐅᒋ ᐃᑕᐤ ᐊᑎᐧᒄ, ᐊ ᒥᒐᑎᑦ, ᐱᐸᒥᐸᑕᐤ ᓇᑕ ᐅ ᓇᑕ᙮ 
ᐛᔪᐤ ᓇᑕ ᐊᑎ ᐃᔅᐸᑕᐤ, ᐛᔅ ᑕᐱᑐᐎᑦ ᒪᒐᑎᒋ᙮ 
ᑕᓐ ᒋᐸ ᐃᓯᓄᐛᐤ ᑕᐱᑐᐎᑦ ᐊᑎᒂ, ᐊ ᒥᒐᑎᑦ᙮ 
ᒋᒋᐛ ᒥᒐᑐᐤ ᓇᓂᑯᑎᓂᔾ, ᐎᔭᐱᒥᒃ ᐊᑎᒂ ᐊ ᒥᒐᑎᑦ᙮ <ss>
ᐊᑯ ᐊᒃ ᐊᓐᒡ ᐊᑎᐧᑯᓯᒡ, ᐊᑯ ᑕᓐ ᑕᑎᓯᒐᓂᒋ ᐊᓂᔭᐧᑲ ᓇᐱᒡ᙮ 
ᐊᓄᒋᒐ ᐃᑕᒋᒧᓇᓄᐤ᙮ 
ᓄᑕᐅᐱᓐ ᐊᓂᔭ, “ᓂ ᒋ ᐛᐱᒪᐅᒡ,” ᐃᑕᐤ, “ᐊᓂᔭᔪᐛ ᐊᑎᔨᒋ ᐊᑎᐧᑯᓴ᙮ ” 
ᐊᓄᒋᒐ ᐊᓐ ᑎᐸᒋᒧᓇᓄᐤ, ᐊᓐ ᑭ ᓂ ᑎᐸᒋᒧᓇᐛ᙮ <pp>
ᑲ ᐃᑕᒋᒧᒡ, ᓂᔭᐧᑲ ᐎᐱᒡ ᐃᔪᒡ, 
ᑲ ᐃᑕᑕᑭᓄᐅᒡ ᒐᒂᓐ ᐅ ᐊᔅᒋᔾ᙮ 
ᐊᑯᑕ ᐅᑕ ᐊᔎᒋᒧᑦ᙮ 
ᓇᔅᑲᐱ
ᑭᓄᐛᐱᓄᐤ 31 ᓗᔅᑦ ᒪᓐ book source 2020 01 16
ᓄᑕᐅᐱᓐ ᐊᓐ ᒋ ᒪᑕᐛᒋᒧᐤ, ᒋ ᑎᐸᒋᒧᐤ᙮ 
ᐃᔪᐛ ᐃᔭᐱᒡ ᒋ ᑎᐸᒋᒪᐤ ᐊᓂᔭᔪᐛ᙮ 
ᐛᒋᒪᑦ ᐃᔪᐛ᙮ 
“ᓂ ᑯᔅᑕᒋᓇᓐ,” ᐃᔪᐤ᙮ 
“ᓂ ᑯᔅᑕᒋᒥᑯᓇᓐ,” ᐃᑕᐤ᙮ 
ᑭᓄᐛᐱᓄᐤ ᐃᓯᓂᐧᑲᓱᐤ ᐊᓐ ᐃᔪᐤ, ᑭᓄᐛᐱᓄᐤ ᐃᓯᓂᐧᑲᓱᐤ᙮ 
ᐊᑯ ᐊᓂᔭ ᓄᑕᐅᐱᓐ, ᐊᑯ ᒐᑯᔅ ᐃᓯᓂᐧᑲᓱᐤ ᐅᒡ, ᐅᒡ ᐅᑕᐛᐛ, ᐅᒡ, ᐅᒡ ᓱᓴᑉ ᑭᔭ ᒺᑯᔅ, ᐅᑕᐛᐛ, ᒐᑯᔅ ᒋ ᐃᓯᓂᐧᑲᑕᑭᓄᔪᐛ᙮ <pp>
“ᐊᐅᑯᓐ ᓂᔭᓐ    ᐛᒋᒥᒋᒡ,” ᐃᑕᐤ,  “ᓂᔭᔪᐛ᙮”  
“ᐊᑯ ᙮᙮᙮ ᐊᐱᑕᒥᔅᒍᓐ ᐊᓯᓂᐧᑲᑕᒡ, ᐊᑯᑕ ᐊᓐᑕ ᐸᑲᔭᒡ,” ᐃᔪᐤ “ᐊᑯᑕ ᐊᐱᑕᒥᔅᒍᓂᒡ, ᐊᓐ ᐱᑭᑕᑭᓐ᙮ 
ᐊᑯ ᒥᔭᓐᒐᒡ ᐃᔎᐅᒡ,” ᐃᑕᐤ᙮ 
“ᐊᑯ ᐅ ᑎ ᐅᓯᑕᑕᐤ ᒥᒋᐛᐱᔪᐤ,” ᐃᑕᐤ ᐅᔭᔪᐛ ᐃᔎᐛ᙮ 
“ᐊᑯ ᐛ ᑯᓴᐸᑕᐧᒃ,” ᐃᑕᐤ, “ᑯᓴᐸᑎᒻ, ᐊᓐ ᑭᓄᐛᐱᓄᐤ ᐊᑕᑭᓄᐅᑦ, ᑯᓴᐸᑎᒻ, ᐛ ᑯᓴᐸᑕᐧᒃ᙮ 
ᐊᑯ ᐊᓂᔭᔪᐛ ᒐᑯᔅ ᐊᑕᑭᓄᐎᔨᒋ᙮ 
“ᐅᓯᑕ!” ᐃᑕᒐ, “ᓂ ᑭ ᑯᓴᐸᑕᓐ," ᐃᑕᒐ᙮ ᐛᑯᓴᐸᒋᑭᓂᐧᑲᑯᑦ ᐛᓯᑕᔨᒋ᙮" <pp>
ᒂ ᐊᑎ ᐅᓯᑕᒡ ᐅᔭᔪᐤ ᐎᒋᐛᐤ ᐅᔭᔪᐤ, ᒂ ᐊᑎ ᐅᓯᑕᒡ ᐅᔭᔪᐤ ᐎᒋᐛᐤ᙮ 
ᐱᑎᑭᒥᒡ ᐊᓐᑕ ᐅᓯᑕᑭᓄᐤ ᐛᔅ ᑯᓴᐸᒋᑭᓐ, ᐛᓯᑕᔨᒋ ᐅᑯᓴᐸᒋᑭᓐ᙮ 
ᓂᔅᑦ ᐅᔭᔪᐤ ᐊᑎ ᐅᓯᑕᑭᓄᐅᒡ ᒥᒋᐛᐱᔪᐤ᙮ 
ᓂᔅᑦ ᐅᔭ ᒂ ᐊᑎ ᒋᓯᑕᔨᒋ ᐅᔭ ᐅᑯᓴᐸᒋᑭᓐ,   ᐊᐛᔪᐛ ᐛᑯᓴᐸᒋᑭᓂᐧᑲᑯᑦ᙮ 
ᒐ ᑯᓴᐸᑕᐧᒃ ᑭᓄᐛᐱᓄᐤ, ᐊᑕᑭᓄᐅᑦ᙮ <pp>
ᓂ ᒋ ᐛᐱᒪᐤ ᐊᓐ ᑭᓄᐛᐱᓄᐤ ᐊᑕᑭᓄᐅᑦ᙮
ᓂ ᒋ ᐸᑐᐛᐤ ᐊ ᑯᓴᐸᑕᐧᒃ, ᓂ ᒋ ᐛᐱᒪᐤ ᐊ ᑯᓴᐸᑕᐧᒃ, ᐊᓯ ᒥᒪᑕᐤ ᐃᑎᒡ ᓂᔭᐧᑲ ᐎᐱᒡ ᐃᔪᒡ᙮ <pp>
ᐊᑯ ᑲᒋ ᐃᓯ ᐃᑎᑥᐤ ᓇᔅᒡ ᐊ ᑎᐱᔅᑲᔨᒡ, ᐊᓯ ᐱᐸᓱ ᑎᐱᔅᑲᓯᑦ ᓴᒂᒋ, ᐊᓯ ᐊᑲ ᑎᐱᔅᑲᒡ, ᒂ ᐊᑎ ᐱᒐᒡ  ᐎᒋᐛᐤ᙮ 
ᒂ ᐊᑎ ᐊᒋᑲᔨᒡ ᐊᔅᒄ ᓇᔅᒡ ᐊᔅᑯᑯᑕᔨᒡ, ᓇ ᐊ ᑎᐱᔅᑲᔨᒡ, ᐊ ᒋᓯᑲᔨᒡ᙮  
ᒂ ᐊᑎ ᐱᒐᑦ ᐊᓂᔭ ᐅᑯᓴᐸᒋᑭᓐ, ᐸᒐᔨᒋ ᐅᔭ ᐃᔪᐛ᙮ <pp> 
ᐊᐅᑯᔪᐛ ᑕᐸᒋᒪᑦ ᐅᐛᔪᐛ, ᐃᑕᐤ, ᓄᑕᐅᐱᓐ, ᑕᐸᒋᒪᑦ, ᐃᑕᐤ᙮
ᐊᐱᑕᒥᔅᒍᓐ ᐊᓯᓂᐧᑲᑕᒡ, ᐊᑲᒥᒡ ᐊᓐᑕ, ᔭᑲᐤ ᐊᓐᑕ ᐊᑲᒥᒡ, ᒋᔅᑭᑕᐅᐧᑲᐤ᙮ 
ᐊᑯᑕ ᐊᓐᑕ ᑕᐸᒋᒪᑦ ᐅᐛᔪᐛ, ᐃᑕᐤ, ᐊᓐᑕ ᐊᑲᒥᒡ᙮ 
“ᐃᔪᐤ, ᐃᔪᐤ,” ᒂ ᐃᑕᑦ, ᐃᑕᐤ᙮
ᐊᑯ “ᐊ ᒋᒪᐧᑭᑕᑦ ᐃᔪᐤ ᐊ ᐱᐳᒡ ᐊᓐ, ᐊ ᓯᐛᔨᑦ, ᐊᑯᑕ ᐛᒡ ᐊᑲ ᐃᑕᒂ ᐱᑎᑭᒥᒡ ᐃᔪᐤ,” ᐊᑯᔭᑦ, ᐃᑕᐤ᙮ 
ᐎᐱᒡ ᐎᐎᑎᒥᒡ ᒋ ᐃᑕᓯᐱᓐ, ᒂ ᐃᑕᑦ, ᐃᑕᐤ᙮ 
ᐊᑯ “ᐎᑎᒻ ᐊᓐᑕ,” ᐃᑕᐤ, ᐃᑕᐤ, ᐃᑕᐤ, “ᒋᐸ ᐅᒋᔪᐛ ᐊᓐᑕ ᐛᔅᑲᐃᑭᓂᔅ ᐊᓐᑕ ᐃᓯᓂᐧᑲᑕᐤ, ᐊᓐᑕ ᐛᔅᑲᐃᑭᓂᔅ ᐃᓯᓂᐧᑲᑕᐤ᙮
ᐊᑯᑕ ᐊᓐᑕ ᐃᔪᐛ,” ᐃᑕᐤ, “ᐊᑯᑕ ᐊᓐᑕ ᐅᒡ ᐃᔪᐤ,” ᒂ ᐃᑕᑦ, ᐃᑕᐤ᙮ <pp> 
“ᐊᑯ ᐊᓂᔭᔪᐛ ᐅᑎᔪᐛ ᑎᑯᓂᔪᐛ ᓇᑕ,” ᒂ ᐃᑕᑦ, ᐃᑕᐤ, “ᐅᐱᒍᐎᔭᓂᔪᐤ,  
ᐅᔭᔪᐤ ᐅᑦ ᐊᑯᐱᔪᐤ, ᑭᔭ ᐅᔭᔪᐤ ᐅᑦ ᐊᑎᓯᓇᓂᔪᐤ, ᐅᑎᐱᒋᒂᓂᔪᐤ, ᐅᑦ ᐊᓯᓂᐅᐸᔅᒋᑭᓂᔪᐤ, ᐊᓯᓂᐅᐸᔅᒋᑭᓂᔪᐤ᙮”
ᐊᓯᓂᐅᐸᔅᒋᑭᓐ ᓇᒪᔭᐤ ᐅ ᐊᓯᓇᒂᒡ,  ᐊᓯᓂᐅᐸᔅᒋᑭᓐ, ᒋᐸ ᐅᐸᔅᒋᑭᓂᔪᐛ᙮ 
ᐊᑯ ᐊᔅᒄ ᐊᓂᔭᔪᐛ ᒋᑭᒧᑕᐤ, ᒂ ᐃᑕᑦ, ᐃᑕᐤ, ᐊᓂᔭᔪᐛ, ᐊᓂᔭᔪᐛ ᐊᑎᔅᑲᐧᒃ ᒐᒂᓂᔪᐛ᙮ 
ᑭᔭ ᐊᓂᔭᔪᐛ ᐅᑦ ᐊᐱᒋᑕᐅᓂᔪᐛ ᑭᔭ ᐅᐸᔅᒋᑭᓂᔪᐤ ᐊᔅᒄ ᐊᓂᔭ  ᑕᐧᑯᓂᒻ, ᒂ ᐃᑕᑦ, ᐃᑕᐤ᙮ <pp>
ᐸᐳᓂᔨᒡ ᐊᓐ ᑲ ᐃᓯᓇᑯᓯᑦ, ᑲ ᐃᑕᔅᐱᓱᑦ, ᐊᔅᒄ ᒂ ᐃᓯᓇᑯᔅᑦ, ᒂ ᐃᑕᑦ, ᐃᑕᐤ᙮ 
“ᐃᔪᐤ ᒂ ᐃᑕᑦ,” ᐃᑕᐤ, “ᐊᑯᑕ ᐊᓐᑕ ᐛᑕᔨᒥᒄ,” ᒂ ᐃᑕᑦ, ᐃᑕᐤ, “ᐅᑕ ᐃᑕᒐᐛᔅᑲᐃᑭᓂᓯᐎᔪᐛ,” ᐃᑕᐤ, "ᐃᔪᐛ᙮"
ᐊᓐ ᑲᒋ ᓯᐛᔨᑦ ᐊᐛᓐᑲᒋ ᒋᒪᐧᑭᑕᑦ, ᐊᐅᑯᓐ ᒋᐸ ᐃᓯᓇᑯᓯᔪᐛ᙮ 
ᐊᑯ ᐊᓂᔭ ᐊ ᐱᐸᒧᑕᑦ ᐊᓐ ᐃᔪᐤ, ᐊᑯ ᐊᑐᒡ ᒋ ᑎᑯᓯᓐ᙮ 
ᐎᐎᑎᒥᒡ ᐊᓐᑕ ᓂᒋᔅᒃ ᐊᑐᒡ ᒋ ᑕᐤ᙮
ᐊᑯ "ᒋᐸ ᐸᑐᐛᐛᐤ᙮ ᒋᑭ ᐸᑐᐛᐛᐤ ᓂᑐᑐᐛᒂ !” ᐊᑯᔭᑦ, ᐃᑕᐤ᙮ <pp>
ᒪᓂᔭᔪᐤ ᐊᑕᑦ ᐊᑲᒥᒡ, ᒂ ᐃᑕᑦ, ᐃᑕᐤ, ᐊᑯ ᓂ ᑭ ᐸᒋ ᓇᓯᐸᐛ ᓂ, ᐊᑯ ᑭ ᐅᔭᔅ ᐃᑎᑕᑯᓱᐛ ᓂ᙮ 
ᑭ ᐸᑕᑯᓱᐛ ᓂ,  ᐛᑎᑕᒋ ᐊᓂᔭᔪᐤ ᓂᐱᔪᐤ," ᒂ ᐃᑕᑦ, ᐃᑕᐤ,  
"ᑭ ᒋᔅᒐᔨᒥᑯᓄᐛ ᐅᑕ ᐛᒍᐛᐧᒄ, ᐅᑕ ᐊ ᐃᑕᐛᐧᒄ, ᐊᑯᔭᑦ, ᐃᑕᐤ᙮ 
ᐊᑯ, ᒋᐸ ᐸᑐᐛᐛᐤ ᓂᑐᑐᐛᒄ, ᐊᑯᔭᑦ, ᐃᑕᐤ᙮ 
ᐊᐅᒂᑭᓐ ᐃᔪᐤ ᓄᑕᐅᐱᓐ, “ᓯᔭᒋᐛᐱᔭᓐ, ᓂᓐ ᓂ ᓴᒋᐛᐱᓐ,” ᐃᔪᐤ ᓄᑕᐅᐱᓐ,  ᐊᐅᑯᔪᐛ ᐱᔭᑐᐛᑦ ᓄᑕᐅᐱᓐ᙮ <pp>
“ᓂᑐᑕ!” ᒂ ᐃᓯᑦ, ᐃᑕᐤ᙮ 
“ᐊᑯ ᒥᓐ ᑭ ᐸᒋ ᓇᑎᒺ ᓂᐱᔪᐤ, ᒂ ᐃᓯᓄᐅᒃ,” ᒂ ᐃᑕᑦ, ᐃᑕᐤ᙮ 
“ᓂᑐᑕ,” ᒂ ᐃᓯᑦ, ᐃᑕᐤ᙮  “ᓇᑐᑎᒪᓐ,” ᐃᔪᐤ, “ᑕᑈ ᐃᔪᐤ ᑭ ᓂ ᐸᑐᐛᐛ,” ᐃᑕᐤ, “ᒥᔭᒋ ᐊᓐ ᐊᐛᓐ, ᐊᑎᑕᑯᓯᑦ, ᐊᐅᑯᓐ ᑭ ᐃᑎᑕᑯᓯᑎᑲ,” ᒂ ᐃᑎᑎᒪᓐ᙮ 
ᐊᑯ ᐊᓂᔭᔪᐤ ᑭ ᓄᒋᐧᑭᒧᐛ ᐊᓂᔭᔪᐤ ᐅᐸᔅᒋᑭᓐ, ᒂ ᐃᓯᓄᐅᒃ ᑭ ᐱᑕᒐᐛ,” ᒂ ᐃᑕᑦ, ᐃᑕᐤ᙮ 
ᒋᐸ ᐱᑕᒐᔨᒐᔪᐛ ᑭᑈ, ᒋᐸ ᑐᑎᒥᔪᐛ᙮ <pp>
ᐊᐅᑯᔪᐤ ᐊᓂᔭᔪᐤ ᓄᒋᐧᑲᐧᒃ, ᒂ ᐃᑕᑦ, ᐃᑕᐤ᙮ 
“ᐊᑯ ᓂᑐᑕ!” ᐊᔅᒄ ᑭᑈ ᓯᔭᒋᐛᐱᔭᓐ, ᐃᔪᐤ  ᓄᑕᐅᐱᓐ᙮ 
ᓇᑐᑎᒪᓐ, ᓂ ᓂᑐᑕᓐ, ᓇᒪ ᐊᑕᔅᑎᓐ, ᐃᔪᐤ ᓄᑕᐅᐱᓐ᙮ 
ᐊᐅᒂᑭᓐ ᐱᔭᑎᒪᓐ ᒥᓐ ᒐᒂᓐ, ᒧᔭᒻ ᐊᓐᑕ ᒪᑥᑕᒋ ᒂ ᐃᑎᑎᒪᓐ᙮ 
ᐊᑯᑕ ᐊᓐᑕ ᑭ ᑎᑯᓂᑎᑲ ᒂ ᐃᑎᑎᒪᓐ, ᐊᐱᑕᒥᔅᒍᓐ ᐊᑲᒥᒡ, ᒧᔭᒻ ᒪᑥᑕᒋ ᐊᓐᑕ ᒂ ᐃᑎᑕᒂᒡ ᑕᐱᔅᑲᒡ᙮  “ᐊᐛᓐ ᒋᐸ ᑐᑎᒻ?,” ᐃᑕᐤ᙮ <pp>
“ᐊᐅᑯᓐ ᒋᐸ ᐅ” ᒂ ᐃᓯᑦ, ᐃᑕᐤ, “ᐊᐅᑯᓐ,” ᒂ ᐃᓯᑦ, ᐃᑕᐤ, “ᐊᑯ ᑭᑈ ᓇᒪ ᓂ ᒋᔅᒐᔨᒪᐤ ᒋᐸ ᑐᑐᐛᐤ,” ᐃᑕᐤ, “ᓇᔅᑎᔅ  ᐊᑯ,” ᒂ ᐃᑎᒃ, ᐃᑕᐤ, 
“ᐊᑯ ᑭᑈ ᑕᑈ ᐊᐱᓯᔅ ᒐᒂᓐ ᑲᔅᒋᑕᐅᓇ ᒐᒋ ᐅᔭᔅ ᑐᑎᒥᓐ,” ᒂ ᐃᑎᒃ, ᐃᑕᐤ, “ᐛᔅ ᒪ ᐊᔪᐛᒡ ᒋ ᐱᐧᑯᑕᓐ,” ᒂ ᐃᑎᒃ, ᐃᑕᐤ, “ᐊ ᒪᑕᐤ ᐃᑎᔨᓐ,” ᒂ ᐃᑎᒃ, ᐃᑕᐤ᙮ 
“ᐊᑯ ᒋᐸ ᐎ ᐃᒐᑎᓯᓇᐤ ᐊᑯ,” ᒂ ᐃᑎᒃ, ᐃᑕᐤ᙮ 
“ᐛᔅ ᒋᑭ ᑕᒂᐱᒥᑯᓄᐤ ᓇᓂᑎᒻ ᒐ ᐃᔅᐱᔅ ᐊᒋᐛᐧᒄ, ᒂ ᐃᑎᒃ, ᐃᑕᐤ᙮” 
“ᐊᑯᑕ ᐊᓐᑕ ᐛᒋᒪᔭᒡ,” ᐃᔪᐤ, “ᓇᑕ ᒋᓄᓴᐅᑯᔅᑲᓐ ᐊᓯᓂᐧᑲᑕᔨᒡ, ᐊᑯᑕ ᐊᓐᑕ ᐛᒋᒪᔭᒡ,” ᐃᔪᐤ, “ᓂᔭᔪᐤ ᓯᐱᔪᐤ, ᒥᔅᑎᓯᐱᔪᐤ᙮”
ᐊᑯ ᐊᓂᔭᔪᐤ ᐊᐱᑕᒥᔅᒍᐅᓂᔪᐤ, ᐊᑯᑕ  ᒪᑕᔨᒪᒐᓐᒋ ᐃᔭᐧᒄ ᐊᐅᒂᑭᓐ,” ᐃᔪᐤ᙮ 
“ᐊᑯ ᑭᑈ ᒐ ᐎ ᐅᔭᔅ ᑐᑐᐛᑭᓄᐅᑦ, ᓇᒪ ᓂ ᒋᔅᒐᔨᒪᐤ ᒐ ᑐᑐᐅᒃ,” ᐊᑯᔭᑦ, ᐃᑕᐤ᙮ <pp>
“ᑭᔭ ᐊᑐᒡ ᒋ ᐅᑎᓇᑭᓄᐤ,” ᒂ ᐃᑕᑦ, ᐃᑕᐤ, “ᐅᓴᒻ ᐎᐱᒡ ᓇᒪ ᐅᒋ ᑕᓯᐱᓐ ᐎᐎᑎᒥᒡ," ᒂ ᐃᑕᑦ, ᐃᑕᐤ, ᐱᑎᑭᒥᒡ ᒂ ᐃᑕᑦ, ᐃᑕᐤ᙮
ᐊᐅᑯᓐ ᐛ ᐅᔭᔅ ᑐᑐᐛᑦ ᑭᑈ, ᐃᑕᐤ, ᐛ ᐅᔭᔅ ᐃᑕᒧᒐᑦ, ᐃᑕᐤ᙮ 
“ᓂᑐᑎᒥᒄ ᐃᔭᐱᒡ,”  ᐊᑯᔭᑦ, ᐃᑕᐤ, “ᒋᑭ ᐸᑕᓇᐛᐤ ᒐᒂᓐ,”  ᐊᑯᔭᑦ, ᐃᑕᐤ, “ᒐ ᐊᑲ ᔅᑐᔭᒄ,” ᐊᑯᔭᑦ, ᐃᑕᐤ᙮ 
“ᒋᑭ ᒋᒥᐱᔪᐤ ᑯᓴᐸᒋᑭᓐ,” ᐊᑯᔭᑦ, ᐃᑕᐤ, “ᐊᑲ ᐊᒋᐱᔨᒐ ᑯᓴᐸᒋᑭᓐ, ᐊᑯ ᒐ ᓂᑐᑎᒪᒄ ᒐᒂᓐ᙮ “
ᓇᒪ ᐊᒋᐱᔨᔪᐤ ᑕᑈ ᐅᑯᓴᐸᒋᑭᓐ," ᐃᑕᐤ, "ᓇᑐᑎᒪᒡ," ᐃᔪᐤ᙮ 
ᐊᐅᒂᑭᓐ ᐱᔭᑎᒪᒡ ᒐᒂᓐ, ᑭ ᐸᑥᐛᔭᔅᑎᓄᐛ ᐊᓐᑕ ᐛᔪᐤ ᐊᓐᑕ, ᑭ ᐱᒺᐛᔅᑎᓄᐛ ᒂ ᐃᑎᑎᐃᒪᒡ᙮ <pp>
ᒐᒃ ᐊᓂᔭᔪᐤ ᐅ ᑎ ᐃᑎᑕᑕᐤ, ᑭ ᐸᑕᑯᓄᐛ ᐊᓐ ᒐᒂᓐ, ᑭ ᑯᐃᑭᐧᑯᑎᓄᐛ ᑭ ᐃᑎᑕᑯᓄᐛ, ᒂ ᐃᑎᑎᒪᒡ᙮ 
ᐊᑦ ᐅ / [ᐊᑎᑐᐤ] ᐃᑎᑕᒂᒡ ᐅᔭᔪᐤ ᐸᐅᔅᑎᑯᔾ, ᐊᑎᑐᐎᔅ ᒋᔄᐛᒥᑭᓐ, ᐃᔪᐤ,  ᐊᓂᔭᔪᐤ ᐱᔭᑕᒡ ᒐᒂᓂᔪᐤ᙮
ᓂᔭᔪᐤ ᐸᐅᔅᑎᑯᔪᐤ ᐊᑎᑕᑯᓂᔨᒡ ᐊᐱᑕᒥᔅᒍᐅᓂᔪᐤ᙮ 
ᐊᑯ ᒥᓐ ᑭ ᐊᑎ ᐸᑕᑯᓄᐛ ᐛᔪᐤ, ᐊᔭᔅᒄ ᑭ ᐊᑎ ᐸᑕᑯᓄᐛ, ᒂ ᐃᑎᑎᒪᒡ,  ᒂ ᐊᑲ ᐸᑎᒪᒡ ᒐᒂᓐ, ᐃᔅᒋᔄᐤ᙮ <pp>
ᐊᐅᑯᔪᐤ ᐊᓂᔭ ᐊᑯᔭᑦ, ᐃᑕᐤ,  ᐊᓂᔭᔪᐛ ᑭᓄᐛᐱᓄᐛ, “ᓴᔅ ᐊᓂᔭ,” ᒂ ᐃᑕᑦ, ᐃᑕᐤ᙮ 
“ᒥᒄ ᐅᔎᓯᒪᑭᓄᐤ,” ᒂ ᐃᑕᑦ, ᐃᑕᐤ, “ᐃᔨᓯᐱᓐ” ᒂ ᐃᑕᑦ, ᐃᑕᐤ᙮
ᐎᐱᒡ ᓴᔅ ᓇᑕ ᒋ ᒋ ᐸᒋ ᑭᓄᐛᐱᒥᑯᓇᓇᓯᐱᓐ᙮ 
“ᓇᑕ ᐛᒋᒪᔭᐧᒄ ᐅ,” ᐊᑯᔭᑦ, ᐃᑕᐤ, “ᓇᑕ ᐛᒋᒪᔭᐧᒄ,” ᐃᔪᐤ, “ᒥᔅᑎᓯᐱᒡ, ᓇ ᓂᑎᒥᒡ ᐊᓂᔭᔪᐤ ᓇᑕ  ᒋᓄᓴᐅᑯᔅᑲᓐ ᓇᑕ ᐊᓯᓂᐧᑲᑕᒡ᙮ ᓇᑕ ᐛᒋᒪᔭᒡ,” ᐃᑕᐤ᙮ <pp>
“ᐊᑯᑕ ᓇᑕ ᑲ ᓯᑯᓂᑕᔭᒡ,” 
 ᐊᑯ ᓇᔭᔨᑕ ᐃᑕᒐ, ᐃᑕᐤ, ᒪᓐᑕ ᐃᑕᒐ ᐃᓯ ᑎᐸᒋᒪᐤ,  ᐃᑕᐤ᙮ 
ᐅ ᐱᓯᒻ ᐛᒐᐧᑲᔅᑐᐛᑦ ᐅᑕ ᐃᑕᒐ ᐊᓐ ᓯᐳᐤ, ᐊᑯᑕ ᐊᓐᑕ ᐃᑕᒐ, ᓇᑕ ᒋᐸ ᐃᑎᓯᓇᑭᓄᐎᔪᐛ, ᒋᐸ ᐃᓯ ᐊᑲ ᑕᔪᐛ᙮
ᐊᑯ ᓇᒪ ᓂᑕ ᒪᑕᔨᒪᓇᓐ ᐊᐛᓐ, ᐃᑕᐤ᙮ 
ᓇᒪ ᓂᑕ ᒐᒂᓐ ᓂᑦ ᐃᑕᔨᑕᓐ ᓇᔅᑎᔅ, ᐊᓂᔭᔪᐤ ᐊᑎ ᐃᔅᒋᒪᒡ ᐊᓂᔭᔪᐤ ᒐᐃᒧᐤ᙮ 
ᓇᒪ ᓂᑕ ᒐᒂᓐ ᓇᔅᑎᔅ ᓄᒋᐧᑲᑯᓇᓐ, ᓇᒪ ᓂ ᒋᔅᒐᔨᒪᓇᓐ ᐊᐛᓐ᙮  <ss>
ᐊᑯ ᐸᐳᒡ ᐊᓐ, ᒥᓐ ᐸᐳᓂᔨᒡ, ᐊᑯ ᐱᔭᑎᒪᒡ ᑕᐸᒋᒧᓇᓄᐅᒡ᙮ 
ᐊᓐᑕ ᐛᔅᑲᐃᑭᓂᓯᐎᔪᐤ, ᒐᒪᐧᑭᑕᑦ ᐃᔪᐤ, ᐛᓇᐊᑭᓄᐅᑦ ᐊᓐ, ᐊᑲ ᐃᑕᑦ ᐊᓐ ᐊᓐᑕ ᐊ ᐱᐸᒧᑕᑦ ᐊᓐᑕ ᐎᐎᑎᒥᒡ, ᓇᒪ ᑎᑯᓯᓄᐤ ᐅᑕ, ᐅᑕ ᐎᒋᐛᒡ᙮ 
ᐊᑯ ᐊᑯᑕ ᐊᓐᑕ ᐱᒥᓯᓄᒐ ᐊᓐᑕ ᐎᐎᑎᒥᒡ᙮ 
ᐊᐅᑯᔪᐤ ᒋᐸ ᐅᒋ ᐊᑲ ᐃᑕᐤ, ᐃᑕᒋᒧᓇᓄᐤ᙮ 
ᒋ ᐎᑎᒻ ᐊᓂᔭᔪᐤ, ᐃᑕᐤ, ᑭᓄᐛᐱᓄᐱᓄᐤ, ᐃᔭᐱᒡ ᐊᓂᔭ ᒋ ᐃᔭᔨᒺᐛᔨᑯᐤ᙮
“ᒋᑭ ᐸᑕᓇᐛᐤ ᐊᔅᒄ, ᒐ ᑎᐸᒋᒧᓇᓄᐅᒡ ᒐᒂᓐ, ᐊᔅᒄ ᐊᓐᑕ,” ᐊᑯᔭᑦ, ᐃᑕᐤ᙮ 
“ᒐ ᓂᓂᑐᑎᒪᒄ ᒐᒋ ᑎᐸᒋᒧᓇᓄᐅᒡ ᒐᒂᓐ,” ᐊᑯᔭᑦ, ᐃᑕᐤ᙮ <pp>
ᐊᑯ ᐊᒃ ᐱᔭᑎᒪᒡ ᑕᐸᒋᒧᓇᓄᐅᒡ, ᐊᑯᑕ ᐊᓐᑕ ᐃᑕᒐ ᐛᔅᑲᐃᑭᓂᓯᒡ᙮ 
ᐊᓐ ᐊᑕᒋᒧᓇᓄᐅᒡ , ᐃᓇᓄᐤ, ᐊᑲ ᐃᑕᑦ, ᐛᓇᐊᑭᓄᐅᑦ ᐃᔪᐤ ᐸᐳᓂᔨᒡ᙮ 
ᓇᒪ ᐃᑕᐤ ᐊᓐᑕ ᐊ ᐱᐸᒧᑕᑦ, ᓇᒪ ᐃᑕᐤ, ᓇᒪ ᑎᑯᓯᓐ, ᐃᑕᑭᓄᐤ, ᓇᒪ ᒥᔅᑯᐛᑭᓄᐤ ᓇᑕ  ᐊᓂᔭᔪᐤ᙮ 
ᒋ ᐸ ᓯᑭᒍᐤ᙮ ᑭᓄᐛᐱᓄᐤ ᐊᓂᔭ ᐛᑎᑎᑯᑦ, ᓂᒋᔅᒃ ᐊᓂᔭ ᐅᓇᐊᑭᓄᐤ ᐊᑕᒋᒧᓇᓄᐅᒡ᙮ 
ᑲ ᐃᑕᒋᒧᑦ, ᑭᓄᐛᐱᓄᐤ ᐊᐅᒄ ᑲ ᐃᑕᒋᒧᑦ, ᐊᐅᒄ ᑲ ᐃᑕᒋᒧᑦ ᑭᔭ ᓄᑕᐅᐱᓐ᙮ 
ᐛᑎᑎᑯᒡ ᐊᐛᔪᐛ, ᒋᐸ ᐃᑕᔨᑕᑯᓱᒡ, ᐊᐅᑯᔪᐤ ᐊᓂᔭ ᑭ ᓂ ᑎᐸᒋᒪᐅᒋ᙮ 
ᒂ ᐃᔎᐸᑲᒡ ᑎᐸᒋᒧᐅᓐ ᐊᑯᓐ, ᐊᐅᑯᐤ ᑎᐸᒋᒧᐅᓐ᙮
ᓇᔅᑲᐱ
ᑲᐱᓴᐅᑭᓐ 33 ᐊᔅᓴᔅᓯᓇᑎᐅᓐ book source 2020 01 24
ᐊᑯ ᐃᔪᐤ ᐃᑕᑭᓄᐅᒡ, ᐃᔪᐤ ᐃᑕᑭᓄᐤ, ᐅᑯᓴ ᐎᒋᒪᐤ, ᐃᑕᑭᓄᐤ᙮ 
ᐛᒥᔅᑎᑯᓱᐛ ᑭᑈ ᑲᓄᐛᔨᒥᑯᒡ ᐊᑕᒡ᙮
ᐊᑯ ᐊᑎ ᑭᑈ ᐎᒋᐃᑯᓱᒡ ᒐᒂᓂᔪᐤ᙮ 
ᑕᐸ ᒋ ᒥᔅᑎ ᐎᒋᐃᑯᐅᒡ ᒐᒂᓂᔪᐤ ᐊᓐᑕ ᐎᐱᒡ,  ᐊᔅᒄ ᐊᑲ ᒥᓴᒡ ᒐᒂᓐ ᒐ ᐎᒋᐃᑯᒡ, ᒐ ᐎᒋᐊᑦ ᐛᒥᔅᑎᑯᓱᐤ ᐊᐛᔪᐛ᙮ 
ᒥᒄ ᐊᐱᓯᔅ ᐊᑎ ᐎᒋᐃᑯᓯᒡ  ᒐᒂᓂᔪᐤ᙮ <pp>
ᐊᑯ, ᐛ ᒥᒋᓱᒡ ᒐᒃ᙮  
ᐊᑎ ᒥᔨᑯᓯᒡ ᐅᔭᔪᐤ ᒥᒋᒥᔪᐤ, ᐊᓂᔭ ᑲᓄᐛᔨᒥᑯᒡ,  ᐊᓐᑕ ᐊᑕᒡ ᐛᒥᔅᑎᑯᓱᐛ ᐊᑕᔨᒋ᙮ <pp>
ᐊᑯ ᐸᐳᓂᔨᒡ, ᐃᑕᑭᓄᐅᒡ, ᐸᐳᓂᔨᒡ ᐊᓂᔭᔪᐛ ᐅᑯᓴ ᓂᓯᔪᐛ, ᐃᑕᑭᓄᐤ, ᐊᑯ ᐎᔾ, ᐅᓇᐊᑭᓂᔎᒪ, ᐊᑯ ᐎᐛ, ᑭᔭ ᓇᐸᐛ ᐸᐃᒄ ᐎᒋᒪᐅᒡ, ᐅᔭ ᐸᐃᒄ ᓇᐸᐛ, ᐃᑕᑭᓄᐅᒡ᙮ ᓂᔅᑐᐅᒡ ᓇᐸᐅᒡ, ᐃᑕᑭᓄᐅᒡ᙮  ᐊᑯ ᓂᔅᑎᒐᓐᒋ ᓂᔅᑦ ᐅᒡ, ᓂᔅᑐᐅᒡ᙮ 
ᓇᐎᒐᓐᒋ ᓇᐸᐅᒡ, ᐊᑯ ᐃᔎᐅᒡ ᓂᔅᑎᒐᓐᒋ, ᓇᔅᑎᒡ᙮ 
ᐊᐅᑯᔪᐤ ᒐᒃ ᓇᒪ ᒥᔽᔨᒪᒐᓐᒋ ᐊᓂᔭᔪᐛ ᐛᒥᔅᑎᑯᓱᐛ᙮ 
ᐊᑯ ᒐᒃ ᐛ ᓂᐸᐊᒡ ᐊᓂᔭ ᐅᒋᒪᐛ᙮ 
ᐊᑯ ᒐᒃ ᓂᐸᐊᒐᓐᒋ, ᓂᐸᐊᒡ ᐊᓂᔭ ᐅᒋᒪᐛ᙮ 
ᐊᑯ ᐊᓂᔭᔪᐛ ᐎᒋᔪᐤ, ᐊᓂᔭᔪᐤ ᐸᒐᐛᒡ ᐊᓂᔭ ᐎᒋᔪᐤ, ᐊᑕᒡ ᐊᓐᑕ ᐊᓂᔭ ᐎᒋᔪᐤ ᑲ ᓂᐸᐊᑥᐤ᙮ 
ᐊᑯ ᐅᔭᔪᐛ ᐎᒋᒪᑭᓂᔪᐛᐛ, ᐅᔭᔪᐛ ᐃᔪᐛ,  ᒋᑎᓯᒥᑯᐅᒡ ᐅᔭᔪᐛ, ᓇᒪ ᒋ ᓂᐸᐊᐅᒡ, ᒐᑎᓯᒥᑯᒡ᙮  
ᐊᑯ ᓇᑕ ᐃᔭᒡ ᐛᔅᑲᐃᑭᓂᔪᐤ ᐛᑎᑎᒥᔨᒋ ᓇᑕ ᐛ ᐃᑎᓯᒧᔨᒋ᙮ 
ᐊᑯ ᐊᑯᑕ ᐛᒋ ᐎᑎᒥᔨᒋ ᓇᐸᐊᒡ ᐅᔭᔪᐛ ᐅᒋᒪᐛ᙮ <pp>
ᑲᐱᓴᐅᑭᓐ ᐃᓯᓂᐧᑲᑕᑭᓄᐤ ᐊᓐ ᒋᓴᐃᔪᐤ, ᑲᐱᓴᐅᑭᓐ ᐃᓯᓂᐧᑲᓱᐤ᙮ 
ᐊᑯ ᓇᓂᑐᐛᐱᒪᑭᓄᐅᒡ, ᓇᓂᑐᐛᐱᒪᒡ  ᐛᒥᔅᑎᑯᓱᒡ ᐅᔭᔪᐛ  ᓇᑐᐛᐱᒪᒡ, ᒐ ᓂᐸᐊᒡ᙮ 
ᑭᔭ ᐃᔪᒡ ᐛᒐᒐᒡ, ᐛᒐᐛᒡ ᐃᔪᐛ᙮ 
ᐛᑎᑕᒡ ᐊᓂᔭᔪᐛ ᑭᑈ ᐊᓐᑕ ᐊᑕᔨᒋ,  ᑕᑈ᙮ 
ᐅᑯᓴ ᒥᒄ ᑕᔪᐛ, ᐛᑎᑕᑭᓄᐅᒡ ᐅᔭᔪᐤ, ᐅᔭᔪᐤ ᐎᒋᐛᐤ, ᐅᔭᔪᐤ ᐅᑕ  ᐊᑕᒡ᙮ 
ᐊᑯ ᐎᔾ ᓇᒪ ᐃᑕᐤ, ᐃᔭᐤ᙮  ᒋ ᔅᑐᑕᐤ, ᑎᑕᐱᒂᐤ,  ᐛᐳᓴ ᑕᐱᒂᓇ ᐎ ᐊᑯᑕᐤ᙮ 
ᐊᑯ ᐅᔭ ᐅᑯᓴ ᐛᑎᑕᑭᓄᐎᔨᒋ, ᓴᔅ ᒂ ᐊᑎ ᒪᓯᐧᑯᐛᑭᓄᐎᔨᒋ, ᐊᓂᔭᔪᐛ ᐅᑯᓴ ᓇᐸᐊᑭᓄᐎᔨᒋ, ᐊᓂᔭ ᐅᑯᓴ᙮  
ᐊᑯ ᓇᒪ ᐃᑕᐤ, ᓇᑐᐛᐱᒪᑭᓄᐅᑦ ᐅ ᑲᐱᓴᐅᑭᓐ, ᓇᑐᐛᐱᒪᑭᓄᐅᑦ᙮ 
ᐊᑯ ᓇᑕ ᐛᑎᑕᑭᓄᐅᑦ ᓇᑕ ᑭᑈ ᑎᔭᐱᒂᑦ ᓇᑕ ᐊᑕᑦ᙮ 
ᐊᐅᑯᐤ ᐊᐱᑦ, ᓄᒋᐧᑭᒻ ᐅᑕᐱᒂᓇ, ᑕᐱᒂᐤ, ᐎ ᐊᑯᑕᐤ ᐅᑕᐱᒂᓇ᙮ 
ᐊᑯ ᐛᐛᒡ ᓇᒪ ᒋᔅᑐᑕᐅᒡ ᐅᒡ ᐃᔪᒡ᙮ 
ᓴᔅ ᑭᑈ ᐃᔭᐱᒡ ᐊᑎ ᓂᓄᒋᐧᑯᐛᒡ, ᐛ ᓂᐸᐊᒡ᙮ 
ᐱᔭᔏᑭᓄᐅᑦ ᐅ ᑎ ᑕᐱᒂ᙮ 
ᐅᒡ ᑭᑈ ᐛᒥᔅᑎᑯᓱᒡ ᐛ ᓂᐸᐊᒡ, ᐱᔭᔏᒡ᙮ 
᙮᙮᙮᙮᙮᙮᙮ ?   ᓇᓄᒋᐧᑭᒥᔨᒋ ᐅᑕᐱᒂᓂᔪᐤ, ᐊᑲ ᒥᒧᓯᑕᔨᐛᓂ ᐅ ᑎ ᐸᔅᒋᐸᔏᑕᐤ, ᒂ ᐃᑎᔨᒋ᙮  
ᑭᔭ ᐛᐛᒡ ᐊᑲ ᐸᑎᒥᔨᐛᓂ ᒂ ᐃᑎᔨᒋ, ᐊᓂᔭ ᐅ ᑎ ᐸᔅᒋᐸᔏᑕᐤ᙮ 
ᐊᑯ, ᑕᓐ ᐊᑎᑦ ᐊᑲ ᓇᔅᑎᔅ ᒧᓯᑕᐛ ᐱᔭᔏᑭᓄᐅᑦ,  ᐸᔅᒋᑭᓐ᙮᙮᙮᙮ ᐃᑕᐅᒡ ᐅᒡ ᐃᔪᒡ᙮ 
ᒥᒋᒪ ᑕᓐᑕ, ᒥᒋᒪ  ᓇᑕᐅᒡ, ᓇᒪ ᓱᐧᒃ ᐛᔪᐤ ᐊᐱᔪᐛ, ᓂᔭᓄᒋᐧᑭᒥᔨᒋ ᐅᑕᐱᒂᓂᔪᐛ᙮ <pp>
ᐊᑯ ᒐᑐᑕᒡ, ᐛᑎᒧᐛᒡ ᐅᑯᓯᔪᐛ ᓴᔅ ᓇᐸᐊᔨᒪᒡ᙮ 
ᐊᑯ ᐃᑕᐅᒡ, “ᓴᔅ ᓂᔭᐧᑲ ᒋᑯᓯᒡ ᓂᐸᐊᑭᓄᐅᒡ ᒥᓯᐛ,” ᐃᑕᐅᒡ᙮ 
ᒻᒻᒻ, ᑭ ᐸᑎᒺ ᒂ ᐃᑎᑦ  ᐊᓂᔭᔪᐤ ᐅᔭᔪᐤ ᑎᔭᑈᑕᑭᓄᐅᑦ, ᐛᑎᒧᐛᑭᓄᐅᑦ᙮ 
ᒐᑕᐱᒪᑦ ᐊᓂᔭᔪᐛ ᐃᔪᐛ ᑲ ᐸᔅᒍᑯᑦ ᐊᓂᔭᔪᐛ ᐛᒥᔅᑎᑯᓱᐛ᙮ 
ᐊᑯ ᐃᑕᐤ, “ᐊᑲ ᓂᐸᐊᒂᒂᓐᒋ ᓂᑯᓯᒡ, ᐊᔅᒄ ᐊᑲ ᓂᐸᐊᒂᒂᓐᒋ ᓂᑯᓯᒡ, ᐊᑐᒡ ᒋ ᒋ ᓂᐸᐃᔨᓇᐤ,” ᐃᑕᐤ, ᐃᑕᐤ᙮ 
ᑭᑈ ᑕᑈ ᐊᑐᒡ ᒋ ᓂᐸᐃᑯᐤ, ᒪᒃ ᐊᓂᔭᔪᐤ ᐊᑲ ᒧᓯᑕᑦ ᐊᓂᔭ  ᐱᔭᔅᒋᐸᔏᑭᓄᐅᑦ, ᐊᔅᐱᔅ ᐊᑲ ᒧᓯᑕᑦ᙮ <pp>
ᔭᓇᓇᐤ ᑕᑥᐤ ᐸᔏᑭᓄᐤ, ᐃᑕᑭᓄᐤ᙮ 
ᔭᓇᓇᐤ ᑕᑥᐱᔅᑭᒧᔪᐛ ᐊᓯᓂᔭ ᐅᑕ ᐎᔭᒡ, ᐊ ᐸᔏᑭᓄᐅᑦ᙮ 
ᐊᔅᒄ ᓇᒪ ᓂᐳᐤ᙮ 
ᐊᑯ ᐸᑐᔅ ᑲ ᐎᑎᒧᐛᑭᓄᐅᑦ, ᐊᑯ ᐸᑐᔅ ᓇᐱᑦ, ᐃᑕᑭᓄᐤ᙮ <pp>
ᐊᑯ ᐛᐸᑎᒺᒐᓐᒋ ᐊᓂᔭᔪᐛ ᐊ ᐃᑎᐧᑭᓱᐛᒡ, ᐊᓂᔭᔪᐤ, ᐊᓂᔭᔪᐤ ᒪᔎᐛᑭᓄᐅᑦ᙮
ᔭᓇᐤ ᑕᑥᐤ ᒥᔎᐛᑭᓄᐤ, ᐃᑕᑭᓄᐤ, ᐅᑕ ᐎᔭᒡ ᐊᓯᓂᔭ ᒐᔅᑲᐧᒃ᙮ ᒍᒻbᐃᓐe ᐎᕪ 49 ???
ᐱᔭᔏᑭᓄᐅᑦ ᒧᓱᓯᓂᔭ, 
ᓇᒪᔭᔪᐛ ᐊᓯᓇᑯᓂᔨᒋ ᐅᔭᔪᐛ ᒧᓱᓯᓂᔭ, ᑲ ᐱᑕᒐᓄᐅᒡ ᐸᔅᒋᑭᓐ, ᐊᐅᑯᓂ ᐊᓂᔭ᙮ 
ᐅᔭᔪᐛ ᒧᓱᓯᓂᔭ, ᐃᑕᑭᓄᐤ, ᐊᐅᑯᔪᐛ ᐱᔭᔏᑭᓄᐅᑦ ᐛᒋ ᓂᐸᐊᑭᓄᐅᑦ᙮ 
ᒋᐸ ᓂᐸᐃᑯᒡ ᐊᑲ ᓂᐸᐃᒪᑕᒂ ᐅᑯᓯᔪᐛ᙮ 
ᐊᓂᔭᔪᐛ ᐊ ᑕᑥᐱᔅᑭᒥᔨᒋ ᒋᐸ ᓂᐸᐃᑯᐤ᙮ <pp>
ᐊᑲ ᒪᒃ ᓇᔅᑎᔅ ᒧᓯᑕᑦ ᐊᓂᔭᔪᐤ ᐊ ᒥᒥᔎᐛᑭᓄᐅᑦ, ᐅᑕ ᐊᑕᔨᑕᑯᔅᑦ᙮ 
ᐊᑯ ᑲ ᓂᐸᐊᑥᐤ, ᐊᑯ ᐸᑐᔅ ᐎᑕᑭᓄᐎᒐ ᓇᑕ ᐛᔪᐤ, ᑎᐸᒋᒧᓇᓄᐎᒐ ᓇᑕ ᐛᔪᐤ᙮
ᐊᑯ ᓇᒡ ᑭᑈ, ᓇᒡ ᐅᒋᒪᐅᒡ, ᓇᒡ, ᒋᒋᐛ ᐃᔪᐛ ᓇᓄᒋᐧᑯᐛᒡ, ᐊᑯ ᐃᑕᒐᓐᒋ᙮
“ᐊᑯᔅ ᐊᑲ ᓂᐸᐊᒂᒂ ᐊᓐ ᐃᔪᐤ ᐊᑎ ᐃᓯ ᓇᐸᐊᑦ ᐛᒥᔅᑎᑯᓱᐛ,” ᐃᑎᑯᒐᓐᒋ᙮ “ᐊᑯᔅ ᐊᑲ ᐱᒪᔨᒪᒂᒂ,” ᐃᑎᑯᒐᓐᒋ᙮ ᐊᑯ ᐃᔭᓄᒡ ᐊᓐ, ᒂ ᐃᑎᑯᒡ, ᐃᑕᑭᓄᐅᒡ, ᑭᑈ ᒋᒋᐛ ᐅᒋᒪᐛ᙮ <pp>
“ᑕᐸ ᓱᐧᒃ ᒥᒐᑐᐤ ᐃᔪᐤ,” ᒂ ᐃᑎᑯᒡ, ᐃᑕᑭᓄᐅᒡ᙮ 
ᒥᔅᑯᒡ ᒪᑕᑕᑭᓄᐅᑦ ᑲ ᓂᐸᐊᑭᓄᐅᑦ, 
ᑎᐛᒡ ᑕᓐᑕ ᓄᒋᐧᑯᐛᐅᒡ, ᐃᑕᑭᓄᐅᒡ, ᑎᐛᒡ ᓂᐸᐊᐅᒡ ᐊᓐᒡ ᐛᒥᔅᑎᑯᓱᒡ, ᐊᓐᒡ ᐊᓐᑕ ᐊᑕᒡ᙮ 
ᐊᑯ ᐱᑦ ᓇᑕ ᐎᑕᒂᒂᐛ᙮ <pp>
ᐊᑯ ᐸᑐᔅ ᒋᐸ ᒋᔅᒐᔨᒪᑭᓄᐎᔪᐛ ᒐ ᐃᑎᓱᒪᑭᓄᐎᔨᒋ, ᒋᐸ ᐛᓴᑭᓄᐛ᙮ 
ᓇᒪ ᓱᐧᒃ ᐊᓐ, ᓇᒪ ᓱᐧᒃ ᐊᓐ ᙮᙮᙮ ᐊᓯ ᒋ ᑕᑦ ᐛᒥᔅᑎᑯᓱᐤ ᐅᑕ ᐅ ᒋᑦ ᐊᔅᒋᓄᐤ, ᐊᓯ ᒋ ᓄᒋᐧᑲᐧᒃ᙮
ᐊᑯᑕ ᐊᓐᑕ ᒂ ᐃᓯ ᒋ ᐃᑕᒋᒧᓇᓄᐅᒡ ᐊᓐ ᑲ ᑎᐸᒋᒪᑭᓄᐅᑦ ᑲᐱᓴᐅᑭᓐ᙮ 
ᐊᑯ ᐊᑯᔭᓄᒡ, ᐃᓇᓄᐤ, ᐊᑎᑐᐎᔅ ᒐ ᐎᒋᐊᑭᓄᐅᑦ ᐃᔪᐤ, ᐊᑎᑐᐤ ᒐ ᐎ ᒥᔪ ᑐᑐᐛᑭᓄᐅᑦ ᐃᔪᐤ᙮
ᐛᔅ ᐊᐅᑯᔪᐤ ᐛᒋᐧᑯᐛᒡ ᐊᓂᔭᔪᐤ ᒐᒂᓂᔪᐤ ᐊᑲ ᐛᒋ ᐎᒋᐃᑯᒡ ᐊᓂᔭᔪᐤ ᐛᒥᔅᑎᑯᓱᐛ᙮ 
ᐊᐱᓯᔅ ᑭᑈ ᒪᔨᑯᒡ ᒐᒂᓂᔪᐤ᙮ 
ᐊᐅᑯᔪᐤ ᐊᓂᔭᔪᐤ ᐛᒋᐧᑯᐛᒡ, ᐃᑕᑭᓄᐅᒡ,  ᐛᒋ ᓂᐸᐊᒡ, ᐃᑕᑭᓄᐅᒡ᙮ 
ᐊᑯ ᐊᑎ ᒪᒃ ᐊᔭᔅᒄ ᒪᓴᒡ,  ᒪᐤ ᒐᒂᓐ ᐊ ᐎᒋᐊᑭᓄᐅᑦ ᐊᐛᓐ, ᐊᑎ ᐃᑕᐅᑕᑭᓄᐅᒡ ᒐᒂᓐ᙮ <pp>
ᐊᑯ ᐊᔭᔅᒄ ᐊᑎ ᒥᔅᑎ ᐎᒋᐊᑭᓄᐅᑦ ᓂᔅᑦ ᐃᔪᐤ ᑭᔭ ᐊᔭᔅᒄ ᐊᑎ ᒥᔪᐱᔪᐤ᙮ 
ᐊᑯ ᒂ ᐊᑎ ᐊᑲ ᓂᑕ ᓄᒋᐧᑯᐛᑦ ᐃᔪᐤ ᐛᒥᔅᑎᑯᓱᐛ, ᒪᔽᔨᑕᐧᒃ ᓂᔅᑦ ᐊᑎ ᐎᒋᐃᑯᑦ ᒋᒋᐛ᙮  
ᐊᐅᑯᐤ ᒥᒄ ᑲ ᑎᐸᒋᒧᓇᓄᐅᒡ ᐅᔅᑭᒡ ᒐᒋᐱᔨᑦ, ᐃᔪᐤ ᐊᑲ ᒥᔽᔨᑕᐧᒃ ᐊᓂᔭᔪᐤ ᐊ ᑐᑕᑯᑦ ᐛᒥᔅᑎᑯᓱᐛ᙮ 
ᐊᐅᑯᐤ ᑲ ᑎᐸᒋᒪᑭᓄᐅᑦ, ᐊᐅᑯᐤ ᑲ ᐸᑕᒂᒡ ᐃᔪᐤ ᐊ ᓂᐸᐊᑦ ᐛᒥᔅᑎᑯᓱᐛ᙮ <pp>
ᓇᒪ ᓂ ᓂᑕ ᐊᓐᑕ ᐸᑕᓐ ᐊᓄᒡ ᒐᒋ ᐃᓯᓇᒂᒡ ᐃᔪᐤ ᒐᒋ ᓂᐸᐊᑦ ᐛᒥᔅᑎᑯᓱᐛ, ᒐᒋ ᓂᐸᐊᑦ ᐛᒥᔅᑎᑯᓱᐛ ᐃᔪᐤ᙮ 
ᒂ ᐃᓯᓇᒂᒡ, ᐊᓐ ᑭ ᓂ ᑎᐸᒋᒧᓇᐛ᙮ 
ᐊᐅᑯᓐ ᑲᐱᓴᐅᑭᓐ ᑲ ᐃᑕᑭᓄᐅᑦ᙮ ᑲᐱᓴᐅᑭᓐ ᐃᓯᓂᐧᑲᑕᑭᓄᐤ᙮
ᓇᔅᑲᐱ
ᑲᓄᑕᒋᒂᔭᓐ 34 ᐅᑦᑦeᕐ ᐅᓐᑎᓐg book source 2020 01 24
ᐊᓐ ᓇ ᒐ ᑎᐸᒋᒧᔅᑕᑎᑯᒡ, ᐸᐃᒂᐤ ᓇᑐᐎᐅᔭᓐ᙮
ᓂ ᐱᒥᐱᒋᓇᓐ, ᐅ ᐱᓂᑉ ᐛᒋᒥᒂᐤ ᒪᒃ ᐊᓐ ᑐᒪ᙮ 
ᓂ ᓂᔅᑎᓇᓐ ᐅ, ᐸᒥᐱᒋᔭᒡ, ᓂ ᓂᑐᐎᐅᓇᓐ, ᐊᓐᑕ  ᓄᒋᒥᒡ ᐊᓐᑕ ᓂ ᑯᔅᐱᓇᓐ, ᓇᑐᐎᐅᔭᒡ᙮
ᒂ ᐊᑎ ᒋᐛᔭᒡ, ᐛ ᒋᐛᔭᒡ ᐅ, ᐊᑯ ᓂ ᑎ ᐱᒧᑕᑕᓐ ᐊᑯ, ᒥᓇᔎᐤ ᐊᓐᑕ ᑭ ᐎ ᐱᔅᑯᑎᓇᓱᐛ, ᒥᓇᔎᐤ᙮
ᐊᑯᑕ ᐊᓐᑕ ᐊᑎ ᐃᑐᑕᔭᒡ, ᐊᑯ ᒐᒃ ᓂ ᑎ ᐱᒧᑕᑕᓐ ᐎᔭᐸᑎᒋᒡ ᓂᒋᑯᒡ,  ᐸᒥᐱᔨᒡ ᐊᓐᑕ ᓂᒋᑯᒡ, ᓂᔅᑐᐱᔪᒡ᙮
ᐊᓄᒡ ᒐᒋᓴᑉ ᐃᑎᓂᒧᒡ ᐛ ᐸᒥᐱᔨᒡ ᓂᒋᑯᒡ, ᓇᔭᐧᑲᔨᑕ᙮ 
ᐊᑯ ᓂᑦ ᐃᑕᐤ ᐅ ᑐᒪ, ᐊᐅᑯᐤ, ᐊᐅᑯᐤ ᒐᓴᐃᔪᑦ ᒋᐸ ᐃᑕᔨᑕᑯᓱᐤ᙮
ᓂᑦ ᐃᑕᐤ, “ᓂᑭ ᒥᑎᑕᐅᒂᓂᒋ,” ᓂᑦ ᐃᑕᐤ, “ᔅᑐᑕᒪᒄ ᓴᔅ ᒋᒋᐱᒋᒪᒄ,” ᓂᑦ ᐃᑕᐤ᙮ 
“ᐊᑯ ᓇᑕ ᒐ ᐊᓯᓄᐛᔭᒄ ᑯᑐᐛᔭᒂ,” ᓂᑦ ᐃᑕᐤ᙮
“ᒂᔄᓐ ᐎᐱᒡ ᓂᑭ ᐳᓇᐊᐅᒡ ᐊᑲ ᒥᔅᑯᒂᐛ,” ᓂᑦ ᐃᑕᐤ, “ᑭᔭ ᓇᒪ ᓂᑭ ᒋ ᓇᐅᔅ ᐊᔅᑯᐛᐊᐅᒡ ᐊᑎ ᐊᑎᒥᒂᐛ,” ᓂᑦ ᐃᑕᐤ᙮ <pp>
ᒂ ᐊᑎ ᒥᓂᒧᒡ ᓂᐸᔅᒋᑭᓂᔪᐤ ᑭᔭ ᓂᐅᑎᔪᐤ ᑭᔭ ᓂᑎᔅᒋᐧᑯᔪᐤ,  ᐛᐎᐅᓱᒡ ᓂᑎᔅᒋᐧᑯᔪᐤ᙮
ᐊᐅᒂᓇ ᒐᑕᐸᒡ, ᒂ ᐊᑎ ᒥᑎᑎᒂᐤ ᐅᒡ ᓂᒋᑯᒡ᙮ 
ᐊᑯ ᐅᑕ ᑭ ᒥᓇᔎᓱᐛ ᐅᑕ ᒂ ᐃᓯᓇᒂᒡ ᐅᑕ, ᐊᑯᑕ ᓇᑕ ᐊᑎ ᐃᔅᐱᔨᒡ᙮
ᐊᑯ ᐅᑕ ᑭ ᐎ ᐱᓴᐛ ᒂ ᐃᓯᓇᒂᒡ, ᑭ ᐎ ᒥᔅᒐᑯᐛ ᒂ ᐃᓯᓇᒂᒡ᙮ <pp>
ᐊᑯ ᓇᑕ ᓇ ᑭᑈ ᓯᐱᔅ ᐃᔅᐱᔨᒐ, [ᓇᒋ᙮᙮᙮ᒍᐅᓐ ??????]  ᐊᑎ ᐃᓯᑲᐳᐛ ᓯᑲᐛ᙮
ᐊᐅᑯᓐ ᓇ ᑭᑈ ᓯᐱᔅ ᐊᑎ ᐃᔅᐱᔨᓯᒐ, ᐊᐅᑯᔪᐤ ᐊᓂᔭᔪᐤ ᐊᑎ ᐃᔅᐸᐃᑐᐅᒡ ᐊᓂᔭᔪᐤ ᓯᑲᒡ ᐊᓂᔭᔪᐤ, ᐊᐅᑯᔪᐤ ᐊᑎ ᐃᔅᐸᐃᑐᐅᒡ᙮
ᐊᑯ ᓇᑕ ᒐᒃ, ᓇᒪ ᓂ ᐛᐸᑕᐅᒡ ᓇᑕ ᒐᒃ, ᒂᔨᔅᑕᐱᔨᒡ ᐊᓐᑕ, ᐃᓯᓇᑯᓂᒐ ᐊᓐᑕ ᑕᑈ ᒂᔨᔅᑕᐱᔨᒡ, ᓂᐱᐅᐎᒐ ᐊᓐᑕ᙮
ᐊᑯᑕ ᓇᑕ ᓇᒪ ᓂ ᐛᐸᑕᐅᒡ, ᐊᑯ ᓇᑕ ᓂ ᐛᐸᑕᓐ ᓇᑕ ᒥᔅᑯᒥᓯᔅ ᑎᑯᓂᑎᒃ ᓇᑕ, ᓂᐱᓯᒡ᙮
ᐊᐅᑯᓐ ᓇ ᐊᑎ ᓴᒋᐎᒐ ᐅᐛ ᓯᐱᔅ, ᐊᑯ ᐊᐅᑯᓐ ᓂᔭᑎᒪᓐ ᐊᓐ ᓂᐱᔅ᙮
ᒐᑕᐸᑎᒪᓐ ᐅᑕ, ᐅᑕ ᒋᐸ ᐅᒋ  ᐅᑕ ᓴᒋᐅᐤ ᐅᑕ ᐊᓯᓇᒂᒡ᙮
ᑭ ᐃᔅᐱᑲᑯᓂᑲᐛ ᒂ ᐃᓯᓇᒂᒡ ᐊᓐ, ᒥᓯᑐᐤ ᑯᓐ ᒋᒋᐛ, ᒥᔅᑯᒥᔪᐤ᙮ <pp>
ᒂ ᐊᑎ ᒥᓐ ᔅᑐᑕᔭᓐ, ᓇᒪ ᓂ ᓇᑭᑐᐛᔨᒪᐅᒡ ᓇᔅᑎᔅ᙮
ᓇᑕ ᒋᐸ ᑯᐱᑎᓐ ᐊᑕᔨᑎᒪᓐ, ᐊᑯᑕ ᐊᑐᑕᔭᓐ, ᓇ ᐊ ᑯᐱᑕᒡ᙮ 
ᐊᐱᓯᔅᑯᒥᑲᓱᐤ, ᓇᒪ ᓱᐧᒃ ᒥᓯᑲᒥᑲᓱᐤ, ᑭ ᐎ ᓴᑯᑭᒥᑲᓱᐛ, ᒂ ᐃᓯᓇᒂᒡ, ᒥᓇᔎᓱᐤ ᓇᑕ ᐊ ᑎᒂᒡ᙮
ᐊᑯ ᓇ ᐊᑎ ᓇᑎᒪᓐ ᐊ ᑯᐱᑕᒡ, ᐊᐅᑯᐤ ᓇ ᑭ ᐎ ᓂᑎᒋᐛᐱᔨᓱᐛ, ᒂ ᐃᓯᓇᒂᒡ ᐅᑕ ᐊ ᑯᐱᑕᒡ, ᐊᑯᑕ ᐅᑕ ᐊᔅᑯᐎᐅᒡ, ᓇᐱᐅᒡ ᐊᑯ᙮ 
ᓄᑯᓐ ᓇ ᓯᐱᔅ ᐊᑎ ᐃᓯᓇᒂᒡ, ᒂ ᐊᑎ ᐊᓂᔭ  ᓂᑐᐛᑎᒂᐤ ᒐᒋ  ᐊᓂᔭ ᓂᒪᔅᑲᒡ ᐅᑕ, ᓇᔅᑎᔅ᙮ 
ᑭᑈ ᓴᔅ ᒋ ᐃᑕᒐᓐᒋ ᐊᔅᒄ ᓂᑦ ᐃᑕᔨᒪᐅᒡ, ᓴᔅ ᐊᓂᔭᔪᐤ ᒋᐸ ᐃᑕᐅᒡ ᐅᑕ ᒋ ᐱᒥᐸᔨᑐᑕᐤ ᓴᔅ ᐅᑕ, ᒋ ᐱᒥᐱᔨᑥᐤ, ᓂ ᐃᑕᔨᒪᐅᒡ᙮
ᐊᑯ ᐊᔭᔭᓐ, ᓇᐳᐅᔭᓐ ᐊᓐᑕ, ᐊᐅᑯ ᓇ ᑲ ᐅᑐᑕᔭᓐ ᓇ, ᒋᐸ ᐅᒋ ᓴᒋᐅᐤ ᐊᑕᔨᑎᒪᓐ, 
ᐊᐅᑯᓐ ᓇ ᒐᑕᐸᑎᒪᓐ ᓂ, ᒧᓱᐛᓱᐤ ᓇᑕ, ᐱᔎᑯᓂᑲᐤ᙮ <pp> 
ᐊᑯ ᓂᑦ ᐊᑎ ᓂᑐᐛᐱᒪᐅᒡ ᐅᐛ ᓂ ᑎ ᐃᓯᑲᐳᐎ, ᐅᑕ ᓇᐳᐎᔭᓐ᙮ 
ᐊᑯ ᐅᑕ ᒥᒄ ᐊ ᐃᑕᔭᓐ ᐅᑕ ᐊ ᑯᐱᑕᒡ, ᑕᒥᒡ ᓇᑕ ᐸᒋ ᐱᒥᐱᔨᑥᐤ ᒥᔅᑯᒥᓯᓯᔪᐤ ᐅᔭᔪᐤ᙮ 
ᐊᑯ ᐅᑕ ᒋᐸ ᓄᑯᓱᐅᒡ ᓂᑦ ᐃᑕᔨᒪᐅᒡ, ᐅᔭᔪᐤ ᐅᑕ ᐊᔭᔅᑯᐎᒂᐛ, ᓇᐊᐤ ᓇᐳᐎᔭᓐ᙮ 
ᓂ ᐸᔅᒋᑭᓐ ᓂᒋ ᐱᑕᐱᑕᓐ ᐊᓯᓂᔭ, ᑲ ᒋᓏᔎᒡ ᐊᐅᑯᐤ ᐛᐸᔅᒋᑭᓂᔭᓐ᙮ 
ᓇᒪ ᓱᐧᒃ ᓇᐅᔅ ᓂᑦ ᐃᓯᑲᐳᐅᓐ,  ᐊᐅᑯᓐ ᓇ ᒐᑕᐸᑎᒪᓐ ᓇ ᐛᒋ ᓴᒋᐅᒡ ᓇ᙮
ᐛᒋ ᐸᐸᐧᑯᓇᐊᐅᒡ᙮  ᓴᔅ ᒂ ᒋᔅᑎᐸᐱᒥᒂᐤ, ᓇᒪ ᓱᐧᒃ ᔭᐅᓇᑯᓱᒡ᙮ 
ᑭ ᐎᑲᐳᐎᓯᑎᑲ ᒂ ᐃᑐᐅᑦ᙮ <pp>
ᒂ ᐸᒋ ᑯᑕᐱᔨᐅᑦ, ᒂ ᐸᒋ ᒋᒋᐸᑕᐅᑦ ᐅᑕ᙮
ᒥᓐ ᑯᑎᒃ ᐃᔭᐱᒡ ᒂ ᐃᑐᐅᑦ᙮
ᓂᔅᑐᐅᒡ ᐱᔭᒋ ᑯᑕᐱᔨᐅᒡ, ᐱᔭᐸᐃᑐᒡ ᒥᔅᑯᒥᒡ, ᐱᒥᔅᑯᐸᐃᑐᒡ ᙮᙮᙮
ᐊᑯ ᒐᒃ ᒋ ᐸᔅᒍᒂᐤ, ᓂᑦ ᐃᑕᔨᒪᐅᒡ, ᐊᔅᐱᔅ ᑭᓄᐛᐱᒥᒂᐤ᙮
ᐊᐅᑯᔪᐤ ᐱᔭᒋ ᒋᒋᓇᒡ ᐅᔭᔪᐤ ᐊᐳᐅᒡ ᐅᔭᔪᐤ, ᐊᔭᔅᑯᐎᔅᑐᒂᐤ᙮
ᒂ ᐊᔅᑕᐅᒃ ᐅ ᓇᐱᓂᑲᐳᐤ ᐎᒋᒡ ᑭᔭ ᓄᐛ ᐎᒡ᙮
ᒂ ᐃᔅᐱᔅ ᐸᒋ ᐸᐸᑕᑦ ᐅᓴᒻ ᐎᐱᒡ ᓂ ᐸᔏᐅᒡ᙮
ᐊᑎᑐᐎᔅ ᐅᑕ ᒥᒋᒪ ᐸᐸᑕᑕᒂ, ᓂᐸ ᐸᔏᐱᓐ᙮
ᒧᔭᒻ ᐸᑕᔅᑎᒥᐸᑕᓱᐤ ᒧᔭᒻ ᐱᔭᔅᒍᒃ ᒂ ᐸᒋ ᒧᒋᔅᑕᐅᒃ᙮ <pp>
ᒐᐛᐱᔨᐅᒡ ᓇᒡ ᑯᑎᑭᒡ,  ᓂᓱᐅᒡ᙮
ᒂ ᐊᑎ ᐅᑕ ᐃᑐᑕᔭᓐ ᒋᑭᓴᒻ ᓂ ᓂᐳᐅᓐ, ᑕᐸ ᓂ ᒥᓇᐅᒡ ᐅᒡ ᓂᑦ ᐊᓴᒥᒡ᙮
ᒂ ᐊᑎ ᔅᑐᑕᐅᒡ, ᓂᑦ ᐊᑎ ᐸᔅᒋᔄᐅᒡ ᐅ ᑎ ᐱᒥᐱᔨᑥᐤ, ᓂᐱᑕᐛᐤ, ᓂ ᐸᔅᑕᐛᐤ᙮
ᓂᔭᑎᑲᔅᑯᐱᔨᐅᒡ ᓇᑕ ᒥᓇᔎᒡ᙮
ᐊᑯ ᐊᓂᔭᔪᐤ ᓱᒡ ᐊᐅᑯᔪᐤ ᐊᑎ ᐃᔅᐸᔨᑐᒡ᙮
ᐊᑯ ᓇᒪ ᓂ ᓇᑭᑐᐛᔨᒪᐅᒡ ᐊᓂᔭᔪᐤ ᑲ ᐅᒋ ᓄᑯᓯᒡ ᐊᓂᔭᔪᐤ ᐛᒋ ᓴᒋᐅᔨᒡ ᑲ ᐅᒋ ᐎᔨᐳᐎᒡ᙮
ᐊᐅᑯᓐ ᒐᒋᓂᒪᓐ, ᐛᒋ ᑭᑭᓄᐛᐱᒥᒂᐤ ᒥᓇᔎᒡ ᓂᔭᐧᑲ ᐊᔅᐸᐃᑐᒡ᙮
ᐊᑯ ᓇ ᐛᑎᑎᒪᓐ ᐊᓂᔭᔪᐤ ᐛᒋ ᐸᐸᐧᑯᓇᒡ᙮
ᐱᑯᓇᔭᔪᐤ ᐊᓐᑕ ᑕᐸᑲ ᒂ ᐊᑎ ᑕᑕᐧᑯᔅᑲᑎᒪᓐ, ᒐᑈᑯᓇᔅᑭᒧᒡ ᐊᓂᔭᔪᐤ ᐅ ᐛᑎᑯᐛᐤ᙮ <pp>
ᓇᑐᐛᐱᒥᒂᐤ, ᓴᔅ ᐅᑕ ᐸᒋ ᐃᑕᐅᒡ ᒥᒋᒪ᙮ 
ᒂ ᐊᑎ ᓇᑎᒂᐤ, ᒥᓐ ᒂ ᐊᑎ ᒋᐛᑲᐳᐅᔭᓐ ᐊᑎ ᓇᑎᒂᐤ, ᒐᐛᐱᔨᐅᒡ᙮
ᐊᑯ ᓇᑕ ᒥᔅᑎᑯᒡ ᓂᐳᐅᒡ ᒥᒋᒪ, ᓯᑲᐳᒡ᙮ ᐊᑯᑕ ᓇᔭᐧᑲ ᐊᔅᐱᔨᐅᒡ ᑯᓂᒡ, ᓂ ᒋᔅᒐᔨᒪᐅᒡ ᑯᓂᒡ ᒥᒄ ᐊᔅᐱᔨᐅᒡ ᐊᓐᑕ᙮
ᒂ ᐊᑎ ᑕᑎᐸᔎᐊᒪᓐ ᐅ ᐅᒡ ᒥᔅᑎᑯᒡ, ᐎᔭᔅᑲᔅᑯᒂᐤ᙮
ᒥᓐ ᑕᑈ ᓂᑐᑕᓐ, ᓇᒪ ᓂ ᐸᑐᐛᐅᒡ ᐊᑎ ᓂᑐᑐᒂᐤ ᒐᒋ ᐸᑐᒂᐤ᙮
ᐊᑯ ᒐᒃ ᐱᔭᑐᒃ <pp>
ᓴᔅ ᐅᑕ ᐸᐃᒄ ᒋ ᐃᔅᐱᔨᒐ, ᑭᑈ ᐅᔭᔪᐤ ᐊᑐᑕᐅᒡ ᐅᔭᔪᐤ, ᐅᔭᔪᐤ ᓂᒪᔅᑭᓇᔪᐤ ᐊᑎᒧᐃᔨᒡ, ᓴᔅ ᐅᑕ ᒋ ᐃᔅᐱᔨᐅᐃᒐ ᐅᑕ, ᐅᑕ ᐃᑕᒐ᙮
ᐊᑯᑕ ᐅᑕ ᐃᑕᒐ, ᐊᑯᑕ ᐅᑕ  ᐛᒋ ᐸᒂᑯᓇᑦ, ᐊᓂᔭᔪᐤ ᓂᒪᔅᑭᓇᔪᐤ ᐊᑎᒧᔨᒡ ᐊᓂᔭ ᓂᑦ ᐊᓴᒪ ᐊ ᑕᐧᑯᔅᑲᑎᒥᒋ ᑯᓇ, ᐊᑯᑕ ᐅᑕ ᐛᒋ ᓴᒋᔎᑦ᙮
ᒥᒄ ᐅᔅᒍᓐ ᓄᑯᑕᐤ; ᓂ ᐸᔏᐤ᙮
ᓂ ᒥᔎᐛᐤ, ᓂ ᒋᔅᒐᔨᒪᐤ ᒪᔎᐅᒃ; ᓂ ᐱᓇᐛᐤ ᒂ ᓱᐎᒂᔨᒡ, ᒪᐅᑕ ᓇᐊᐤ ᒪᔎᐅᒃ᙮
ᐊᑯ, ᐊᑯ ᓇ ᑯᑎᒃ ᓇᒪ ᓂ ᐸᑐᐛᐤ᙮
ᓇᑐᑐᒃ, ᓇᑐᑐᒃ, ᐊᑯᑕ ᐅᑕ ᐊᑎᑕᔨᒥᒃ, ᐅᑕ ᒥᔅᑎᑯᒡ, ᑎᑐᐛᔭᑯᓂᒋᑕᐤ ᐅᑕ ᒥᔅᑎᑯᒡ, ᐱᐸᒪᔭᑯᓂᒋᐤ᙮
ᐊᔭᔅᑯᐎᔅᑐᒃ, ᒐᔅᑎᓇᔅ ᒋᑭ ᒧᔅᒋᐱᔪᐤ, ᓂᑦ ᐃᑕᔨᒪᐤ᙮
ᐊᑯ ᐊᓂᔭᔪᐛ ᒥᔅᑎᒂ ᐊᓂᔭ ᐊ ᒋᒥᓱᔨᒋ, ᐊᓂᔭ ᐊ ᒋᒥᓱᔨᒋ, ᐊᑯᑕ ᓇᑕ ᐛᒋ ᓄᑯᓯᑦ, ᐛᒋ ᐸᐧᑲᐱᔨᐊᑦ ᑯᓇ᙮ <pp>
ᑭ ᓂᑐᑎᒺ ᒂ ᐃᑎᑦ, ᓇᒪ ᐱᑦ ᓂ ᐸᔏᐤ, ᓇᒪ ᓇᔅᒡ ᒥᔅᑎ ᓄᑯᓱᐤ᙮
ᒥᓐ ᐊᔅᐱᔨᐅᑦ ᐊᑯᔪᐤ ᐅᔅᑎᒂᓐ ᐊᑯ ᓄᑯᓂᔨᒡ ᒐᑲᑦ ᒥᓯᐛ᙮
ᒥᓐ ᐱᔭᔅᒍᒃ᙮
ᐊᑯᑕ ᓇᐸᐃᒂᐤ ᒥᓯᐛ᙮ 
ᐊᑯ ᓇ ᑲ ᐸᔅᒍᒃ ᓇ ᓂᔅᑎᒻ ᓇᑕ, ᓂ ᒋᔅᒐᔨᒪᐤ ᒪᔎᐅᒃ᙮
ᓇᑐᐛᐱᒥᒃ᙮ ᓱᒡ ᑕᐸᑲ ᓂᓂᐳᐛᓐ, ᐊᓐᑕ ᓇᑐᐛᐱᒥᒄ᙮
ᐊᔅᒄ ᐱᒥᓯᓂᑎᒃ, ᒥᔅᑯᒥᒡ ᐱᒥᓯᓐ, ᒂ ᐊᑎ ᐅᑎᓂᒂᐤ ᐅᒡ ᓂᒋᑯᒥᒡ᙮
ᒂ ᐊᑎ ᒪᑯᐱᑎᒂᐤ ᐊᐱᓯᔪᐤ, ᒂ ᐊᑎ ᒋᑕᐸᔭᓐ, ᓂᔭᑎᒃ ᓇ᙮
“ᒪ, ᐛᔅ ᓯᒋᔭᐅᔭᓐ,” ᓂᑦ ᐃᔅᒋᔄᓐ᙮ 
ᑭ ᓂᑦ ᐊᔭᔨᒺᓯᓇᐛ ᒂ ᐃᑎᔭᓐ ᓂᑦ ᐊᑎ ᓄᒋᐧᑯᐛᑎᔨᒡ, ᓂᔅᑐᐅᒡ᙮ <pp>
ᐊᑯ ᐊᔭᐅᒂᐤ, ᐊᓐᑕ ᐊᑐᑕᐃᒂᐤ ᒥᓇᔎᒡ ᐊᓐᑕ ᒥᔅᑎᑯᒡ, ᐊᑯᑕ ᒂᑐᐛᔭᓐ᙮
ᓂ ᓇᑐᐛᐱᑕᓐ ᐅᑎᐧᑯᓇ ᑭᔭ ᒥᔅᑎᑯᓴ, ᓴᔅᑲᐊᒪᓐ ᒥᔭᐸᐧᑯᓇ, ᒂᑐᐛᔭᓐ᙮
ᒂ ᐊᑎ ᑕᑎᔅᑕᔭᓐ ᓂᑦ ᐊᔅᒋᐧᑯᔅ, ᐊᐅᒄ ᐅ ᐛᒋ ᒂᐸᐊᒪᓐ ᐅᐛ ᐊ ᑯᐱᑎᒡ᙮
ᓱᒡ ᐊᓐᑕ ᓇᔅᒡ ᓂ ᑯᑐᐛᓐ᙮
ᑲ ᒥᓂᔭᓐ ᑭᔭ ᑲ ᒥᒋᓱᔭᓐ, ᐊᑯ ᒐᑐᑕᔭᓐ᙮
ᒐᑕᐸᔭᓐ ᓂᒋᑯᒥᒡ, ᐅᑕᐸᓄᐅᒡ ᐛᔅ ᓂᒋᑯᒡ, ᓂ ᓂᔅᑐᑕᐸᓐ ᓂᒋᑯᒥᒡ᙮
ᓇᑕ ᒪ ᓂ ᐸᒋ ᐳᓇᑎᔨᒡ, ᐊᑯᑕ ᒥᓐ ᐊᑎ ᐱᒧᑕᔭᓐ, ᐊᑯᑕ ᐊᑎ ᒪᑕᒪᔭᓐ ᒪᔅᑭᓄᐤ᙮ <pp>
ᐊᑎ ᐃᔅᐱᒍᐛᒂ ᐊᑎ ᒥᑎᑎᒂᐤ, ᒥᔭᒥᑎᑎᒂᐤ ᐊᑎ ᐃᓯᑕᐸᒡ, ᐛᑎᑎᒪᓐ ᒐᒃ ᐅᑕᐸᓇ ᐊᔅᑕᒋ᙮
ᐊᑯ ᐅᐛ ᐅᑕᒡ ᐊᔅᑕᒡ ᐅᑕᐸᓐ, ᐊᑯ ᓂᔭᐃᐱᔭᓐ, ᒂ ᐃᑎᐱᔭᓐ ᓂᔅᑦ, ᓂᑕᐧᑯᑎᐱᓐ ᓄᑕᐸᓐ᙮ 
ᐊᑯ ᐅ ᓄᔌᑭᓐ ᐅ ᓄᒋᐧᑯᒃ, ᐅ ᓄᔌᑭᓐ ᐸᑕᑲᓱᔭᓐ, ᓴᔅᑲᐅᒃ᙮ “ᑕᓐ ᐃᑎᒐᓐᒋ?” ᐊᑯ ᓂᑦ ᐃᑕᔨᒪᐅᒡ᙮
ᐊᑯ ᒐᒃ ᐱᔭᑐᒂᐤ ᓇᑕ ᐃᑕᒐ ᐛᑐᑕᔭᒡ ᓇᑕ, ᐱᔭᒋ ᔭᔭᔨᒺᐅᒡ᙮
ᐊᑯ ᐅᑕ ᑭ ᐊᑎ ᐅᐱᒪᔭᔪᐛ, ᑭ ᐊᑎ ᐅᐱᒪᔭᑯᓂᑲᔪᐛ ᒂ ᐃᓯᓇᑯᓂᔨᒡ ᒥᓇᔎᔪᐤ᙮
ᐊᑯᑕ ᐅᑕ ᐛᑐᑕᒡ, ᓇᒪ ᐅᑐᑕᐅᒡ ᐊᓂᔭᔪᐤ ᓂᒪᔅᑭᓇᓂᔪᐤ ᐅᑕ ᐃᑕᒐ, ᒂᔅᑕᒐ ᐅᑐᑕᐅᒡ᙮ <pp>
ᐱᔭᒋ ᓇᓯᑦ ᑐᒪ᙮  ᒋᑕᐸᑎᒧᒐ ᑭᑈ ᐊᓂᔭᔪᐤ ᒪᔅᑭᓇᔪᐤ ᐊᓐᑕ ᐅᑕᐸᓄᐛᐛ ᐊᔅᑕᔨᒋ᙮
ᐎᔭᐱᒪᑦ ᓂ ᓂᒋᑯᒪ, ᓂ ᓂᔅᑐᓯᒪᐛ, ᐅᑕ ᓂ ᐅᒋ   ᐅᑕᐸᐛᓐ᙮
ᐃᑕᐤ ᐊᓂᔭᔪᐛ ᐱᓂᐸ, “ᐱᓂᑉ,”  ᐃᑕᐤ, “ᒍᑕᐎᔾ ᑭ ᓂᐸᐊᐛ ᓂᒋᒂ,” ᐃᑕᐤ, “ᑭ ᓂᔅᑐᑕᐸᐛ,” ᐃᑕᐤ᙮
ᐃᑎᑯᐤ, “ᑭᑈ ᒋᒋᐛ ᒐ ᒥᒋᓱᔭᐧᒄ,” ᐃᑎᑯᐤ᙮ <ss>
ᑲᒂ ᒥᔅᑯᐛᓯᐱᓐᒡ, ᐊᐅᑯᔪᐤ ᐛᒋ ᐃᑐᐛᒂ, ᓂᑐᐛᐱᒪᓯᐱᓐᒡ ᐊᓐᑕ ᓂᒪᐊᓯᐱᓐᒡ ᑲᒂ᙮ 
ᐊᑯᑕ ᓇᑐᐛᐱᒪᒡ ᐊᓐᑕ, ᑲᑭᔭ ᑕᑈ ᓇᐸᐊᒡ, ᐛᑎᑕᒡ ᐊᓐᑕ ᐊᑯᓯᔨᒋ᙮
ᐊᑯ ᑲ ᐅᑕᒪᐛᒡ, ᐊᑯ ᐱᔭᒋ ᒋᐛᒡ᙮
“ᒋ ᐅᑲᑯᒥᐧᑲᑯᐅᓐ,” ᓂᑦ ᐃᑎᑯᐅᓐ᙮ ᐊᑯ ᐊᓐᑕ ᑭᑈ ᒥᔭᑯᐱᑎᒃ ᐅᔅᒡ ᓄᑕᐸᓂᒡ᙮
ᒐᑕᐸᔭᒡ ᐊᑎ ᐃᔅᐱᒋᔭᒡ᙮ 
ᓇᑕ ᒪᒃ ᐊᑎ ᓂᐸᔭᒡ,  ᐛᒋᔭᒡ᙮
ᓂ ᒋᐛᓇᓐ ᓴᔅ᙮
ᐊᑯ ᐛᐸᒐ ᐊᐅᑯᐤ ᒐ ᑎᑯᓯᓂᔭᒡ ᓂᒋᓇᒡ᙮
ᓂᑦ ᐃᑕᐅᒡ, “ᓂᐸᑕᐤ ᐊᑯ” ᓂᑦ ᐃᑕᐅᒡ᙮ ᓴᔅ ᐊᑎ ᐅᑕᑭᓯᐤ, ᓇᐸᔭᒡ <pp>
ᐊᑯ “ᓇᒪ ᓂᑭ ᒋ ᐸᐧᑯᓇᐅᒡ ᓂ ᓂᒋᑯᒥᒡ, ᐊᐅᑯᓐᒡ ᒐ ᐃᓯᓇᑯᓯᒡ,” ᓂᑦ ᐃᑕᐅᒡ᙮
“ᒥᒄ ᐅ ᐎᑐᐃ ᓇ ᓂᑭ ᒥᓇᓐ” ᓂᑦ ᐃᑕᐅᒡ, ᐊᑯ ᐅ ᐎᑐᐃ ᒥᒄ ᒪᓂᓯᒧᒡ, ᓇᒪ ᓂ ᐸᐧᑯᓇᐤ᙮
ᐊᑯ ᐊᓂᔭᔪᐛ ᑲᒂ, ᐊᓂᔭᔪᐛ, ᐊᐅᑯᓂ ᐱᔭᑕᒂᒡ, ᐊᓂᔭ ᑲᒂ᙮
ᐊᑯ ᓂᑦ ᐃᑕᐅᒡ, “ᐊᑯ ᒐ ᐱᑲᐊᐧᒄ ᐱᔅᒐ ᑲᒄ,” ᓂᑦ ᐃᑕᐅᒡ᙮
“ᓇᒪ ᒥᓯᐛ ᓂᑭ ᐱᑲᐊᓇᓐ,” ᓂᑦ ᐃᑎᑯᒡ᙮
ᒥᓯᑎᓯᔪᐛ ᐊᓂᔭ ᑲᒂ, ᒥᓴᐤ ᓂᑦ ᐊᔅᒋᐧᑯᓇᓐ,  ᐸᑲᐊᒡ, ᒧᔭᒂᔭᒡ᙮ 
ᐊᑯ ᐊᓂᔭ ᐊᓯᒥᒡ, ᓇᒪ ᒥᓯᐛ ᓂ ᒧᒪᐛ᙮
ᐅ ᒍᐧᑯᒻ ᐊᔅᑐᒃ ᐱᔅᒐ, ᐸᐃᒂᐸᒡ ᓂᑦ ᐊᓯᒪᐤ᙮ <pp>
ᐊᑯ ᐎᔭᐸᒡ ᒐᑐᑕᔭᒡ, ᑕᑯᓯᓂᔭᒡ ᓂᒋᓇᒡ᙮
ᐊᑯᑕ ᒧᔭᒋᒂᐃᒂᐤ ᓂᐎᒋᒪᑭᓂᒡ᙮
ᒋᒋᐛ ᓂᒋ ᓯᒋᔭᐅᓐ ᓇᓂᑯᑎᓂᔾ ᐊ ᐃᑎᔭᓐ᙮
ᓂᒋ ᐅᑕᒪᐛᐤ ᐸᐃᒂᐤ ᓂᒋᒄ, ᐸᐃᒂᐤ ᑭ ᓂᑦ ᐃᑕᐛ᙮  ᓇᒪᔭᐤ ᒥᒄ ᐸᐃᒂᐤ ᓄᑕᒪᐛᐤ, ᓂᔄᐤ ᓂᒋ ᐅᑕᒪᐛᐤ ᓂᒋᒄ, ᐊᑲ ᐸᔅᒋᑭᓂᔪᐤ ᐊ ᐸᔅᒋᓱᒃ᙮
ᐊ ᓇᓂᓱᓄᒃ ᓂᒋᒄ, ᐊᑭᑕᔅᑯᔪᐤ ᐸᐃᒂᐤ ᓄᑕᒪᐛᐤ᙮
ᐊᑯ ᐸᐃᒂᐤ ᓂᐸᔅᒋᑭᓂᔪᐤ ᓄᑕᒪᐛᐤ, ᓇᒪ ᓂ ᐸᔏᐤ ᓂᒋᒄ᙮
ᓇᑐᐎᐅᔭᓐ ᐊᔅᑯᐤ ᑲ ᐃᓯᓇᑯᓯᔭᓐ, ᓂ ᐎ ᐱᓯᐃᓴᒪᓐ ᐊᓐ᙮
ᐊᑯ ᒐᑐᑕᔭᓐ, ᒥᒋᒪ ᐅᑕ ᐊ ᐎᒋᔭᒡ ᑎᑯᓐ ᒥᔅᑯᒥᔾ, ᐊᓐ ᐛᓴᐤ᙮
ᐊᐅᑯᓐ ᐊᑎᔅᑭᒥᔅᑯᔭᓐ, ᐊᑎᔅᑭᒥᔅᑯᔭᓐ, ᒧᔭᒻ ᐅ ᑕᔅᑯᒻ ᓂᑦ ᐃᑕᓐ᙮  ᐊᑯ ᓇᑕ ᐊᑐᑕᔭᓐ ᐱᔭᒋ ᒥᑕᔅᑯᐱᔨᐅᑦ ᓂᒋᒄ᙮
ᒂ ᐃᓯᑲᐳᐅᔭᓐ, ᐛᐛᒡ ᓇᒪ ᓂ ᒋ ᒋᐛᐸᑕᓐ᙮ ᒥᒋᒪ ᐅᑕ ᑎᑯᓐ ᓂᒋᓇᓐ᙮ <pp>
ᒥ ᓂ ᒋᒋᓇᓐ ᐸᔅᒋᑭᓐ ᐛᐛᒡ ᐸᓱᓇᑯᓱᐤ, ᑕᓐ ᐊᑕᑦ ᓴᔅ᙮
ᐱᔭᑎᔅᑯᐱᔨᑦ, ᓂᒋᒋᓂᒄ ᐅᔭᔪᐤ, ᐅᔭᔪᐤ, ᐅᔭᔪᐤ ᓇᐳᐅᒡ ᐅᐛᔪᐛ ᙮᙮᙮ “ᓂ ᑭ ᒋᒋᓇᐤ ᐊᔪᐛᒡ,” ᓂᑦ ᐃᑕᔨᒪᐤ᙮ ᒻᒻᒻ “ᒐ ᑎᒂ ?” ᓂᑦ ᐃᑕᔨᒪᐤ᙮
ᐱᔭᒡ ᐸᓱᓇᑯᓯᑦ ᐅᔭᔪᐤ, ᐊᑯ ᑕᐸ ᓂᑦ ᐊᒋᐛᓐ ᓇᔅᑎᔅ᙮ 
ᒐᐛᐱᔨᐅᑦ, ᐊᑯᑕ ᓇᑕ ᐃᔭᐱᒡ ᐊᑎᔅᑯᐱᔨᑦ ᐊᓂᔭᔪᐤ ᑲ ᐅᑕᔅᑯᐱᔨᑦ, ᒐᒋᓂᒃ᙮ ᓇᐊᐤ ᐊᓂᔭ ᒧᔭᒻ ᐊᑎ ᐅᑎᒋᐱᑎᒻ ᐊᓂᔭᔪᐤ ᑲ ᐅᑕᔅᑯᐱᔨᑦ, ᐊᑯ ᐱᔭᔄᐱᒥᒃ, ᐱᔭᔄᐱᒥᒃ᙮
ᒐ ᐃᔅᐱᔅ ᑭᑈ ᓂᑭᓯᒂ, ᓂᑦ ᐃᑕᔨᒪᐤ᙮
ᐊᑯ ᑭ ᐊᑎ ᓱᑕᔅᑯᐱᔪᓱᐛ ᒂ ᐃᑎᑦ᙮ 
ᐊᓂᔭᔪᐤ, ᐊᓂᔭᔪᐤ ᐊᔅᒋᒡ, ᐊᓂᔭᔪᐤ ᐊᐅᑯᔪᐤ ᐊᑎ ᐃᔅᐸᑕᑦ᙮ <pp>
ᓂᒥᔪᓂᒺᓐ ᑕᓐᑕ ᒥ ᓂ ᑕᑥᑯᓂᒋᓯᓄᐛᓐ ᓱᐧᒃ᙮ ᓇᒪ ᓱᐧᒃ ᐛᔪᐤ ᑯᔅᐸᑕᐤ᙮ᑉᑉ?
ᓴᔅ ᓂ ᐅᑎᑎᓇᐤ, ᓴᔅ ᓂᑦ ᐃᑎᑎᒪᐤ᙮
ᐱᔭᒐᐱᒥᐱᔨᐅᑦ ᑭ ᓯᓴᒥᒋᐱᔪᓱᐛ ᒂ ᐃᑎᑦ᙮
ᐛᔅ ᐊᓐ ᒪᒂᒐᐤ, ᒪᑯᒪᐤ ᓇᓂᑯᑎᓂᔾ ᐃᔪᐛ᙮
ᐊᑯ ᐅᑕ ᒥᒄ ᓂ ᑯᔅᑎᔭᐤ ᐅᑕ ᒐᒋ ᐸᒋ ᐃᔅᐱᔨᐅᑦ, ᒐᒋ ᐅᒋ ᒪᑯᒥᑦ᙮
ᐅᑕ ᓂ ᐎ ᐅᒋ ᐅᑕᒪᐛᐤ ᓂᑦ ᐊᑭᑕᔅᑯᔪᐤ, ᒧᔭᒻ ᐅᔅᑎᒂᓂᒡ ᓄᑕᒪᐛᐤ᙮
ᓇᑕ ᐎᔭᐸᐅᐧᒃ, ᒂ ᐊᑎ ᐅᑎᓂᒃ ᒥᓐ, ᒥᓐ  ᐛᑕᒪᐅᒃ ᐊᓐᑕ ᐅᔅᑎᒂᓂᒡ, ᒐᑕᐱᒥᒃ, ᓇᒪ ᐊᒋᐤ᙮ <pp>
ᐊᑯ ᐛᑎᓂᒃ, ᐛᑎᓂᒧᒡ ᐊᓂᔭ ᐅᔅᑎᒂᓐ᙮
ᒥᓯᐛ ᓂ ᐱᒂᐊᒺᓐ ᐅᔅᑎᒂᓐ, ᓂᐦᐃ ᓂ ᐱᑯᔅᑎᒂᓇᐛᐤ᙮ 
ᒂ ᐊᑎ ᒋᐛᑕᐊᒃ, ᒐᐛᑕᐊᒃ, ᐊᑎ ᑎᑯᓯᓂᔭᓐ ᓂᒋᓇᒡ᙮
ᐊᑯ ᓂᔭ ᒪᓇᓂᔅ ᐃᓯᓂᐧᑲᓱᐤ   ᐃᔎᐤ, ᓂᐎᒋᒪᓇᓐᒡ᙮
ᓂᑯᑕᐤ ᐊᓐᑕ, ᓇᑥᑲᐊᒻ ᒥᑕ ᐊᓐᑕ ᒋᐱᔎᒡ ᓂᒋᓇᒡ᙮ 
ᐊᑎ  ᐅᔭᔪᐤ ᒋᓂᔅᐧᑯᑦ ᑭᑈ ᐱᔭᑐᐛᐅᓯᓄᒡ, ᐊᑯ ᐅᑕ ᐱᔭᒋ ᒋᑕᐱᒥᑦ, ᐛᐱᒪᐤ ᓂ ᓂᒋᑯᒪ ᓂ ᑕᐧᑯᓂᒪᐛ᙮
“ᓐᓇᐊ,” ᐃᑕᐤ ᐅᔭᔪᐛ ᒍᐧᑯᒪ, “ᑭ ᐸᓱᐛᐛ ᐅᐛ ᓂᒋᒂ, ᑕᓐᑕ ᐛᑎᓇᑦ,” ᐃᑕᐤ᙮
ᒋᒋᐛ ᓂ ᒋᔨᐱᓐ ᐛ ᓂᐸᐊᐃᒃ ᓂᒋᒄ᙮ 
ᒂ ᐊᑎ ᓇᑕ ᐃᑐᑕᔨᒥᒋ ᒂ ᐊᑎ ᐱᑕᐛᑎᓯᓂᒥᒋ᙮  “ᑕᓐ ᐊᑐᑦ,” ᓂᑦ ᐃᑎᑯᒡ᙮ <pp>
“ᓂ ᓄᐛᒋᒂᓐ ᐅ,” ᓂᑦ ᐃᑕᐅᒡ, “ᓂ ᐅᑕᒪᐛᐤ ᐊᓐ, ᑕᐸ ᓂ ᑕᐧᑯᓂᒺᓐ ᐸᔅᒋᑭᓂᔪᐤ᙮”
ᑭᑈ ᒋᒋᐛ ᓴᒋᔭᐅᔨᓐ, ᓂᑦ ᐃᑎᑯᒡ᙮
ᓂ ᒋᔨᐱᓐ ᒋᒋᐛ ᐛ ᓂᐸᑕᔭᓐ ᒐᒂᓐ,  ᐊᔅᐱᓯᒥᑲᒡ ᒐᒂᓐ ᐛ ᓂᐸᑕᑭᓄᐅᒡ᙮
ᐊᐅᒂᑭᓐ ᑲ ᓯᓯᒋᔭᐅᔭᓐ ᓇᑐᐎᐅᔭᓐ ᑲ ᐃᑎᔭᓐ, ᐛᐸᑕ᙮
ᐊᐅᑯᓐ ᐊᔎᐸᑲᒡ ᓂᑎᐸᒋᒧᐅᓐ᙮
ᓇᔅᑲᐱ
ᐛᐱᓄᑕᒡ ᑲ ᐃᔅᐱᔨᓇᓄᐅᒡ 35 ᑦᕆᑉ eᐊᔅᑦ book source 2020 01 24
ᐊᑯ ᐊᓐ ᒐ ᑎᐸᒋᒧᔭᓐ, ᑭ ᓂ ᐎᑎᒧᐛᐛ, ᓂ ᐛᐸᑕᓐ ᐊᓐᑕ ᓇᓄᐛᐤ ᑭ ᓂᑦ ᐃᔅᒋᔄᓇᐛ᙮
ᒪᐤ ᐛᒋ ᐳᓯᔭᒡ ᐅᐛ ᒪᑭᓂᓯ, ᐊᐅᑯᐤ ᐛᒋ ᐳᓯᔭᒡ᙮ 
ᒪᐤ ᐊᑎ ᐃᔅᒋᒪᔭᒡ ᐅ ᓇᒋᑯᐸᐤ ᑭᔭ ᓇ ᒧᓴᐛᑯᔅᑲᓐ ᒂ ᐊᑎ ᐃᔅᒋᒪᔭᒡ, ᑲᐅᔎᔅᑲᓱᐤ, ᑲᐅᔎᔅᑲᓱᐤ ᐊᓯᓂᐧᑲᑕᒡ, ᑲᐃᐱᐧᑯᐸᐤ, ᑲᐃᐱᐧᑯᐸᐤ, ᑭᔅᒋᑎᑲᐃᑭᓐ, ᑭᔅᒋᑎᑲᐃᑭᓐ, ᐛᓴᐅᐱᔅᑕᐛᑭᓐ᙮
ᓇᓄᐛᐤ, ᑲᐱᓯᔅᒐᔭᐤ,  ᑲᑐᐛᑭᑐᑎᓇᐤ᙮ 
ᐊᐅᑯᓂ ᐅᔭᔪᐛ ᒪᔅᑕᔾ ᐊ ᑎᒂᒋ ᓂᐱᔭ ᒪᓯᑭᒪᒋ, ᓇ ᑲᑐᐛᑭᑐᑎᓐ ᐊᑯᑕ ᐸᒥᐱᔨᒡ ᒧᓱᐛᐤ ᓯᐳᐤ᙮
ᐊᑯᑕ ᒪᑕᐸᔭᒡ ᒧᓱᐛᐅᓯᐳᐤ, ᐊᑯᑕ ᐊᓐᑕ ᐊᑕᔭᒡ ᒧᓱᐛᐅᓯᐳᐤ, ᐊᓐ ᓯᐳᐤ, ᐊᑯᑕ ᐊᓐᑕ ᐊᑕᔭᒡ, ᓂᐱᓐ ᐊᓐ ᐊᔅᒄ᙮
ᐊᑯ ᑯᓄᒡ, ᐊᑎ ᑯᓄᒡ, ᐊᑯ ᓇᑕ ᐊ ᒪᒋᔭᒡ ᓇᑕ ᐊᑲᒥᒡ ᓇᑕ ᐊᓐ ᒧᓱᐛᐅᓯᐳᐤ᙮ ᐊᑯᑕ ᓇᑕ ᐊ ᒪᒋᔭᒡ᙮
ᓯᐱᔅ ᓇᑕ ᐅᒋᐱᔪᐤ, ᒥᓯᔅᑎᒂᐤ, ᐊᐅᑯᓐ ᓇ, ᓇᑕᐃᔅᑭᒪᒡ᙮ ᓇᒪ ᓂᑦ ᐊᐱᒋᑕᓇᓐ ᐅᐤᑕ, ᓂ ᑯᔅᐱᓇᓐ, ᐅᐤᑕ ᓇᒪ ᓂᑦ ᐊᐱᒋᑕᓇᓐ᙮
ᐊᑯ ᓇᑕ ᐊᑕᔭᒡ ᐊᔅᑯᒥᔅᑎᑯᔅᑲᒡ ᓇᑕ, ᐊᑯᑕ ᐛᒋᔭᒡ <pp>
ᓇᒪ ᐃᑕᐤ ᒥᔅᑎᒄ ᓇᑕ᙮
ᒥᒄ ᐊᓐᑕ ᒥᓂᑲᐳᐅᒡ ᐊᓐᑕ ᐊ ᐃᑕᔭᒡ, ᐊᓐᑕ ᐛᒋᔭᒡ, ᒥᓇᐃᑯᒡ᙮ ᐊᑯᑕ ᐊᒃ ᐊᓐᑕ ᐛᒋ ᓂᐸᐊᒋᒡ ᐊᑎᐧᑯᒡ᙮ ᓴᔅ ᑯᓄᓱᐤ, ᐛᓴᑯᑦ, ᐛᓴᑯᑦ ᐊᑎᐧᒄ᙮
ᓇᒪ ᓱᐧᒄ ᐛᔪᐤ ᓂᐸᐊᓇᓂᒡ ᐃᑕᔨᑕᑯᓐ, ᐊᓐᑕ ᐊᑲ ᐃᑕᑦ ᒥᔅᑎᒄ ᑭᑈ᙮ ᐊᑯᑕ ᐊᓐᑕ ᓇᐸᐊᒋᒡ᙮ 
ᐊᐅᑯᓐ ᒪᒃ ᐛᒋ ᓇᑎᒋᒡ ᓂ, ᐊᓐᑕ ᐛᒋᐸᐃᑐᔭᒡ ᓂ, ᓂᔭᑎᒋᒡ ᓂ᙮ 
ᓂ ᐎᐅᓱᓇᓐ, ᑕᐸ ᓂ ᒋ ᐅᑕᐸᓇᓐ, ᓂ ᐎᐅᓱᓇᓐ ᓂ ᓂᔭᑎᒋᒡ, ᓂᔭᑎᒪᒋ ᐎᔭᔅ᙮  <pp>
ᐊᐅᒂᑭᓐ ᒐᒃ ᐊᔅᐸᐃᑐᔭᒡ ᐊᓐ, ᒪᔅᑕᔾ ᐛ ᐃᔅᐸᐃᑐᔭᒡ, ᐊᐅᑯᐛᑭᓐ ᓴᑭᒋᒡ ᐃᔪᒡ, ᐊ ᑎᒂᒋᒡ᙮
ᓴᔅ, ᓴᔅ ᒋᓯᓐ, ᐃᑕᔨᑕᑯᓐ, ᓴᔅ  ᑯᓄᐤ ᑭᑈ, ᐊᑯ ᒥᒄ ᓇᒪ ᓇᔅᒡ ᒋᓯᓐ, ᐃᑕᔨᑕᑯᓐ᙮ 
ᐊᑯ ᒥᒄ ᐅᓴᒻ ᐊᓐᑕ ᓇᒪ ᒋᐧᑲᐛᑕᔨᑕᑯᓐ ᒧᓱᐛᒡ ᐊᓐᑕ ᐊᑲ ᐃᑕᑦ ᒥᔅᑎᒄ᙮ <pp>
ᐛᒋ ᓯᐧᑭᒋᒡ ᓂᔭᐧᑲ ᐃᔪᒡ, ᓴᐧᑭᒋᒡ᙮ 
ᐃᔎᒋᐛᑎᓐ, ᓂ ᒋ ᐃᔎᒋᐛᑎᓂᓯᓇᓐ ᐊᑎ ᐅᑕᑯᓯᒡ, ᐊᐅᑯᔪᐤ ᐛᒋ ᓯᐧᑭᒋᒡ᙮
ᓂᓱᐅᒡ ᓂᔭᐧᑲ ᓇᐸᐅᒡ ᓴᐧᑭᒋᒡ, ᒋᒋᐛ᙮
ᐊᑯ ᓂᔭᓐ, ᓇ ᒐᑭᑉ ᑭᔭ ᑥᒥᔅ ᑭᔭ ᓂᔾ, ᑭᔭ ᐱᓂᑉ ᑭᔭ ᓇ ᑯᑎᒃ ᐱᓂᑉ ᐃᓯᓂᐧᑲᓱᐤ, ᐊᐛᔅ ᓂ ᒋ ᑭᓄᐛᔨᒪᐤ᙮ ᐱᑕᑕᒡ ᓂ ᑕᑎᓯᓇᓐ ᐊ ᐃᔪᐎᔭᒡ᙮ ᐊᑯ ᓂᔭᐧᑲ ᓂᓱ ᓂᐳᐅᒡ᙮ <pp>
ᐊᑯ ᐊᓐᒋ ᓂ ᒋ ᓂᑭᑎᑯᓇᓂᒡ ᐊᓐ ᒋᔅᒐᐃᔪᐤ, ᐊᓐ ᐎᔾ ᒋᔅᒐᐃᔪᐤ, ᑭᔭ ᐅᑕ ᓱᐧᑲᐸᔅ, ᓇᑕ ᒋᒧᓱᒻ ᓱᐧᑲᐸᔅ, ᓇ ᓱᐧᑲᐸᔅ᙮ 
ᐊᐅᑯᓂᒡ ᓇᒡ ᑲ ᓂᑭᓯᔨᒥᒡ, ᐎᐱᒡ ᐎᔨᐛᐤ ᒋ ᒋᐛᐅᒡ, ᐊᐅᑯᓐᒡ ᐊᓐᒡ ᐎᐱᒡ ᑲ ᑎᑯᓯᒡ᙮
ᐊᔅᒄ ᐊᑲ ᐃᔎᒋᐛᑎᓂᔨᒡ, ᓴᔅ ᐊᓐ ᒋ ᑎᑯᓯᓐᒡ᙮
ᐊᑯ ᓂᔭᓐ ᓂ ᓂᑭᑎᑯᓇᓐᒡ ᐅᔭᔪᐤ, ᐛᒋ ᐃᔎᒋᐛᑎᓂᓯᔭᒡ ᐊ ᑎᐱᔅᑲᒡ, ᐊᑎ ᐅᑕᑯᓯᒡ, ᒂ ᐃᔎᒋᐛᑎᓂᓯᔭᒡ᙮
ᐊᑯ ᒂ ᐱᒧᑕᔭᒡ ᐊᓐ ᐊ ᑎᐱᔅᑲᒡ ᐛ ᒋᐛᔭᒡ᙮
ᓴᓯᑲᓐ ᓂᑦ ᐃᑐᑕᓇᓇᓯᐱᓐ ᓇ ᐎᔭᐸᑎᒪᓐ ᒪᔪᒋᓯᑲᒡ ᓇ ᐊᑐᑕᔭᒡ, ᒐᐛᔭᒡ᙮
ᓇᒪ ᓇᔅᒡ ᓂ ᒥᔅᑎ ᐅᓂᓯᓇᓇᓯᐱᓐ ᐊ ᐃᑐᑕᔭᒡ ᑕᐱᔅᑲᒡ ᐛᒋ ᒋ ᑎᑯᓯᓂᔭᒡ᙮
ᐛᒋ ᐊᑲ ᒋ ᓯᐧᑭᒋᔭᓐ, ᑭᔭ ᐛᒋ ᐊᑲ ᓯᐧᑭᒋᒡ ᓂᔭᐧᑲ ᐅᒡ ᐱᓂᑉ, ᒍᐧᑯᒥᔅ᙮  <pp>
ᐊᐅᒂᑭᓐ ᐊᓐ ᑲ ᐃᑎᔭᒡ ᐊᓐᑕ ᑲ ᐊᐱᔭᒡ᙮ 
ᐊᑯ, ᓇᒪ ᓂ ᓂᐸᐊᓇᓐ ᐊᑎᐧᒄ, ᓇᒪ ᓂ ᐛᐱᒪᓇᓐ, ᐊᑯ ᐊᐅᒂᑭᓐ ᒐᒋᐱᒋᔭᒡ,  ᒐᒋᐱᒋᔭᒡ,  ᐊᐅᒂᑭᓐ ᒧᓱᐛᐅᓯᐱᒡ ᐸᒥᐱᒋᔭᒡ᙮
ᓂ ᐎ ᒥᒋᓱᓇᓐ ᒋᒋᐛ, ᑕᐸ ᓂᒪᓱᐅᓐ ᓱᐧᒄ ᐸᐳᒡ ᒧᓱᐛᐅᓯᐳᐤ, ᓇᒪ ᓱᐧᒃ ᑯᔅᒐᓄᐤ, ᐅ ᐛᔅ ᐊᓐ ᐸᒥᐱᒋᔭᒡ᙮ 
ᐊᑯ ᑲ ᐊᑎ ᐳᓂᑕᔭᒡ ᓇᑕ, ᓇᑕ, ᐊᑯᑕ ᒪᒃ ᓇᑕ ᐊᑎᐧᒄ ᐊᑕᑦ, ᐊᓐᑕ ᐊᑲ ᒥᔅᑎᑯᔅᑲᔨᒡ ᐊᓐᑕ, ᐊᑯᑕ ᐊᓐᑕ ᐊᑕᑦ ᐊᑎᐧᒄ᙮  <pp>
ᐊᑯ ᐸᐃᒂᐤ ᐊᓐᑕ ᒥᒄ ᐊᑎ ᓂᐸᐊᑭᓄᐅᒡ ᐊᑎᐧᑯᒡ ᐊᓐᑕ ᐊᑎ ᐃᔅᐱᒋᔭᒡ᙮
ᐊᑯ ᑕᐸ ᒋ ᓂᑐᐛᐱᒪᑭᓄᐤ ᐊᓐᑕ, ᐊᓐᑕ, ᐊᓐᑕ ᐊᑲ ᐃᑕᔨᒋ ᒥᔅᑎᒂ ᐊᓐᑕ ᐊᑕᑦ ᐊᑎᐧᒄ᙮ 
ᐊᑯ ᐅᑕ ᒥᒄ ᒥᔅᑎᑯᐤ, ᒪᐅᑕ ᐊᑕᑦ ᒥᔅᑎᒄ᙮
ᐊᐅᑯᓐ ᓇ ᒥᒄ ᐊᑎ ᐃᔅᐱᒋᔭᒡ, ᐊᐅᑯᓐ ᓇ ᐊᑐᑕᔭᒡ, ᒂ ᐊᑎ ᒥᑕᐸᐱᒋᔭᒡ ᓇᑕ ᐅᒋᒪᓯᒡ, ᑎᐱᔅ ᐃᓂᒡ ᐊᓯᓂᐧᑲᑕᒡ᙮
ᐊᑯᑕ ᓇᑕ ᑲ ᐎᒋᔭᒡ, ᐊᑯ ᐊ ᐃᑕᔭᒡ ᓇᑕ, ᐊᐱᓯᔅ ᐊᓐᑕ ᓂ ᑯᔅᐱᓇᓐ, ᓂ ᑯᔅᐱᒋᓇᓐ, ᓯᐳᐤ ᐅᑕ ᐅᑕᐎᐤ,  ᐊᐱᓯᔅ ᐊᓐᑕ ᓂ ᑯᔅᐱᒋᓇᓐ᙮
ᓇᒪ ᓱᐧᒄ ᐱᒐᐤ, ᐸᐃᑯᒋᓯᑲᐛ ᐊᓯ ᑯᔅᐱᒋᔭᒡ᙮  <pp>
ᐊᑯᑕ ᐊᒃ ᐊᓐᑕ ᓱᓴᓱᐤ, ᓱᓴᓱᐤ,  ᓂᒪᔅ, ᒪᓇᑕ ᐊᓯᓇᑯᓂᔨᒡ ᐊᓐᑕ ᐊᑕᑦ ᓂᒪᔅ᙮
ᐊᐅᑯᔪᐤ ᐛᒋ ᐱᒂᔨᐸᔭᒡ ᐊᐃᐱᔾ, ᐸᑕᐊᒡ ᑭᑈ  ᐊᐅᑯᓐᒡ ᓇᒡ ᑭᑈ ᐛᒋ ᐅᑎᓂᒋᒡ, ᒪᒋᓱᔭᒡ ᐊᓐ ᓂᒪᔅ᙮
ᐊᑯᑕ ᐊᐱᔭᒡ ᐊᓐᑕ᙮ 
ᐊᑯ ᐊᑎᐧᒄ ᓇᑐᐛᐱᒥᒋᒡ ᐊᓐᑕ, ᐊᑎᐧᒄ᙮
ᐱᔭᓱᒋᒡ ᓂ ᐊᑎᐧᒄ, ᓂᔄᐤ ᐊᓐᑕ ᓂ ᒪᒋᓇᓐ, ᓂᔄᐤ ᐊᓐᑕ ᓂᑦ ᐃᑐᑕᓇᓐ, ᐊᑎᐧᒄ ᐱᔭᑐᑕᔨᒋᒡ, ᒪᒋᓱᔭᒡ ᐊᓐᑕ ᐊᐱᔭᒡ᙮
ᐊᑯ ᒐᒋᐱᒋᔭᒡ ᐊᐅᑯᐤ ᐅ ᐱᓯᒻ, ᐊᓐ ᐱᓯᒻ ᑲ ᐛᐸᑎᔨᑕᓐ,  ᐸᐃᑯᔪᐤ ᐃᑎᔅᑕᐤ ᐱᓯᒻ, ᐊᑯ ᐱᔭᒋ ᒋᒋᐱᒋᔭᒡ᙮ <pp>
ᐊᐅᑯᐤ ᐊᔅᐱᒋᔭᒡ ᐅ ᐊ ᒧᓱᐛᒡ ᐅᑕ ᐃᑕᒐ, ᐊᐅᑯᐤ ᐊᔅᐱᒋᔭᒡ᙮ 
ᐊᐎᒂᔭᑯᓂᑲᒡ ᐃᓯᓂᐧᑲᑕᐤ, ᐊᑯ ᐛᒋ ᓴᑲᔅᑯᐱᒋᔭᒡ ᓯᐳᐤ, ᐊᐅᑯᓐ ᒪᔅᑕᔾ ᒪᔅᑎᑯᔅᑲᒡ᙮
ᐊᐅᑯ ᑲ ᒥᓂᑲᐳᐅᒡ ᐊᓯᓂᐧᑲᑕᒡ, ᐊᐅᑯᐤ ᐱᔭᒋ ᐱᒥᐱᒋᔭᒡ᙮
ᐊᑯ ᐅᑕ ᓂ ᒋ ᓂᑭᑕᓱᓇᓐ ᐅᑕ, ᐊᓯᓂᔾ ᓂ ᒋ ᓂᑭᑕᓐ ᐅᑕ, ᐊᓱᐛᐳᐅᓐ ᐊᓯᓂᐧᑲᑕᒡ᙮
ᐊᑯᑕ ᐊ ᒪᒋᔭᒡ, ᐊᓱᐛᐳᐅᓐ ᐃᓯᓂᐧᑲᑕᐤ᙮ 
ᐊᑯ ᒥᓐ ᐱᔭᒋ ᒋᒋᐱᒋᔭᒡ, ᐅᑕ ᐊᔅᐱᒋᔭᒡ ᐅᑕ, [ᒻᒻ, ᑕᓐᑕ ᐃᓯᓂᐧᑲᑕᒐ?] ᑲᐸᐃᒂᔅᑲᐳᐅᑦ, ᑲᐸᐃᒂᔅᑲᐳᐅᑦ ᐃᓯᓂᐧᑲᑕᐤ, ᐊᑯᑕ ᐱᔭᒋ ᐃᔅᐱᒋᔭᒡ᙮
ᐊᑯᑕ ᐊᑎᐧᒄ ᓇᐸᐊᔨᒋᒡ ᐊᑯ, ᓇᐸᐊᔨᒋᒡ ᐊᑎᐧᑯᒡ, ᐊᑯᑕ ᐊᓐᑕ ᐊᑕᔭᒡ᙮ 
ᒪᒋᓱᔭᒡ ᑭᑈ ᐊᑎᐧᒄ ᐊᓐᑕ ᐊᑕᔭᒡ᙮ <pp>
ᐊᑯ ᒥᓐ ᒥᔭᒋᔭᒡ, ᐱᔭᒋ ᒪᒋᔭᒡ, ᒧᓱᐛᐅᓯᐳᐤ, ᐱᔭᒋ ᒪᒋᔭᒡ, 
ᒂ ᐸᒋ ᑯᔅᐱᒋᔭᒡ ᐅᑕ ᒥᓐ ᐅᑕ ᐸᒋ  ᒧᓱᐛᐤ ᓯᐳᐤ ᐸᒥᐱᔨᒡ, ᐅᑕ ᒪᒃ ᐱᔭᒋ ᑯᔅᐱᒋᔭᒡ᙮ 
ᐊᑯ, ᐊᑯ ᐅ  ᐱᔭᒋ ᐱᒥᐱᒋᓇᓄᐅᒡ ᐅ, ᐱᔭᒋ ᑕᐛᐃᑭᓄᐅᒡ ᐊᓐ, ᒪᓐᑕᓯᐱᓐ ᐊ ᐃᑕᑦ, ᒪᓐᑕᓯᐱᓐ ᐊ ᐃᑕᑦ, ᓯᐱᔅ, ᓯᐳᐤ᙮
ᐊᐅᑯᐤ ᐱᔭᒋ ᒪᔨᐱᒋᔭᒡ, ᐊᑯ ᒂ ᐸᒋ  ᐅᑕ ᒥᓐ ᒪᒋᔭᒡ ᐅᑕ ᐃᑕᒐ ᐸᒋ , ᐊᐅᑯᐤ ᑲᐱᓯᔅᒐᔭᐤ, ᐊᐅᑯᐤ ᐸᒥᐱᒋᔭᒡ᙮ 
ᒥᓐ ᒂ ᑭᔅᒐᐛᐱᒋᔭᒡ ᐅ ᐱᑭᑕᑭᓐ ᐅ, ᐊᐅᑯᐤ ᓇᓄᐛᐤ, ᐅᑕ ᒪᒋᔭᒡ, ᓇᓄᐛᐤ, ᐊᑯ ᐱᔭᒋ ᒥᓐ ᓇᑎᒪᒡ ᐅ ᐛᓴᐅᐱᔅᑕᐛᑭᓐ ᒂ ᐃᔅᐱᒋᔭᒡ᙮
ᐛᓴᐅᐱᔅᑕᐛᑭᓐ ᐱᔭᒋ ᓇᑎᒪᒡ, ᐊᑯ ᑲᒋᓄᑭᒪᒡ ᐱᔭᒋ ᐱᒥᐱᒋᔭᒡ, ᐊᑯ ᑭᔅᒋᑎᑲᐃᑭᓐ ᐱᔭᒋ ᐱᒥᐱᒋᔭᒡ᙮
ᐊᐅᑯᐤ ᑲᐃᐱᐧᑯᐸᐤ, ᑲᐃᐱᐧᑯᐸᐤ ᐊᐅᑯᐤ ᓯᐳᐤ, ᓯᐳᐤ ᑲᐃᐱᐧᑯᐸᐤ ᒪᑕᐸᔭᒡ᙮ <pp>
ᐊᑯ ᐱᔭᒋ ᐱᒥᐱᒋᔭᒡ, ᐊᑯ ᑲᐅᔎᔅᑲᓱᐤ, ᑲᐅᔎᔅᑲᓱᐤ ᐊᑯ ᐱᔭᒋ ᑕᐛᐊᒪᒡ᙮
ᐊᑯ ᒧᓴᐛᑯᔅᑲᓐ, ᒥᔭᒋᔭᒡ᙮
ᐊᑯ ᓇᒋᐧᑯᐸᐤ ᐸᒥᐱᒋᔭᒡ᙮
ᐊᐅᑯᓐ ᒥᓐ ᑲᐎᔄᐅᑭᒪᐤ ᐊᑎ ᐱᒥᐱᒋᔭᒡ᙮
ᒂ ᐊᑎ ᓇᑎᒪᒡ ᓇ, ᑈᑎᒪᑭᓂᓯ, ᐊ ᐃᔅᐱᒋᔭᒡ ᓇᑕ ᐛᒋᐱᒋᔭᒡ᙮ ᓂ ᐱᒧᑕᓇᓐ᙮
ᐊᑯ ᓇᐸᔭᒡ, ᐛᒋᔭᒡ ᓂ, ᐊᑯ  ᒐᑐᑕᔭᒡ, ᐊᑯ ᒥᓐ ᓇᐸᔭᒡ ᓂ, ᒥᒐᑥᐤ ᒋᒋᐛ ᓂ ᓂᐸᓇᓐ, ᒥᒐᑥᐤ᙮ 
ᐱᒐᐤ ᒋᒋᐛ ᐊᓐᑕ, ᑭ ᓂ ᑎᐸᑕᓇᐛ᙮
ᐊᐅᒄ ᐅ ᐊᒃ ᐊᓐ ᑕᑯᓯᓂᔭᓐ ᓇᐤ ᒐᔅᑕᐛᑭᓄᐅᑦ ᐱᓯᒻ ᓇᑕ ᒐᐃᒧᐤ᙮
ᐸᐃᑯᐱᓯᒺ ᓂᑦ ᐃᔅᐱᔅ ᐱᒧᑕᓇᓐ ᒪᒃ ᐳᔅᑯᐱᓯᒺ,  ᓂᑦ ᐃᔅᐱᔅ ᐱᒧᑕᓇᓐ, ᐱᔭᒋ ᐃᑐᑕᔭᒡ ᒋᐛᑎᓐ᙮
ᐸᐃᑯᐱᓯᒺ ᐅᔅᑕᓯᔅ, ᐸᐃᑯᐱᓯᒺ ᐊᓱ ᐳᔅᑯᐱᓯᒺ ᓂᑦ ᐃᔅᐱᔅ ᐱᒧᑕᓇᓐ ᐅᑕ᙮  <pp>
ᓴᔅ ᓂ ᒋᓴᐊᐤ᙮ ᓂ ᑎᐸᒋᒧᔅᑐᐛᐤ ᐊᓂᔭ ᒥᒄ ᐊᓐᑕ ᐊᑐᑕᐅᒡ᙮ 
ᓇᔅᑲᐱ
ᒥᔅᑲᑐᔭᐸᐤ 36 ᒥᔎᑐᔭᐸᐤ book source 2020 06 20
ᒥᔅᑲᑐᔭᐸᐤ ᐃᓯᓂᐧᑲᑕᑭᓄᐤ ᐃᔪᐤ᙮
ᓇᒪ ᒋᔅᒐᔨᒪᑭᓄᐤ ᓇᔅᑎᔅ ᐊᑕᔨᑕᑯᓯᑦ, ᐃᑕᑭᓄᐤ; ᒥᔅᑲᑐᔭᐸᐤ ᐃᓯᓂᐧᑲᑕᑭᓄᐤ 
ᐊᑯ ᐊᓂᔭᔪᐛ  ᐅᔅᑕᓴ, ᐛᒋᒪᑦ ᐊᓂᔭᔪᐛ ᐅᔅᑕᓴ᙮ 
ᐊᓐᑕ ᓄᒋᒥᒡ ᐊᓐᑕ ᐊ ᐃᑕᒡ ᐊᓐᑕ ᑯᔅᐱᑎᒥᒡ ᐊᓐᑕ᙮
ᒂᔅᐱᒡ, ᒂᔅᐱᒡ, ᐊᓐᑕ ᓄᒋᒥᒡ ᐊ ᐃᑕᒡ, ᓇᑐᐎᐅᔨᒋ ᑭᑈ ᐅᔅᑕᓴ, ᐛᒋᒪᑦ᙮
ᐊᑯ ᒐᒃ ᓇᒪ ᑎᑎᒧᒡ, ᑎᔪᐤ ᓇᒪ ᑎᑯᓂᔪᐤ, ᑭᔭ ᒋᔅᑕᒪᐛ, ᓇᒪ ᐃᑎᔭᐅᒡ᙮
ᐊᑯ ᐛ ᒧᐛᔨᒋ ᐅᔅᑕᓴ, ᒋᔅᑕᒪᐛ, ᑭᔭ ᑎᔪᐤ ᐛ ᒥᓂᔨᒋ᙮
ᐊᑯ, ᐊᑯ ᐃᑕᔨᒪᐤ ᐊᑎ ᐅᑕᑯᓯᔨᒡ, ᐊᑎ ᐅᑕᑯᓯᔨᒡ, ᒥᔅᑯᒥᒡ ᓇᑕ ᐃᑕᑎᒃ, ᐃᑕᑭᓄᐤ, ᓇᑕ ᒥᔅᑯᒥᒡ᙮
ᒪᒪᑐᐛᑦ ᑭᑈ, ᒋᐸ ᐃᑕᔨᑕᑯᓱᐤ᙮ ᒥᓯᑐᐤ ᐊᓂᔭᔪᐤ,  ᒋᓄᑲᐳᐅᐤ, ᐃᑕᑭᓄᐤ, ᒥᔅᑲᑐᔭᐸᐤ, ᐃᑕᑭᓄᐤ᙮ <pp>
ᐊᑯ, ᒐᒃ ᐅᔭᔪᐤ ᐅ ᑎ ᐃᑕ, ᓇᒪ ᒋᔅᒐᔨᒪᑭᓄᐤ ᐊᓐᑕ ᐊᓯ ᔅᑐᑕᑦ, ᑕᓐᑕ ᒋᐸ ᐊᑲ ᐃᑕᐤ᙮
ᐊᑯ, ᐊᑯ ᓇᑕ ᐛᔅᑲᐃᑭᓂᔪᐤ ᓇ ᐎᓂᐸᑯᒡ ᒐᒥᑕᔨᒡ, ᐊᑯᑕ ᑕᑯᓯᐧᒃ, ᐃᑕᑭᓄᐤ᙮
ᑕᐸ ᐛᐛᒡ ᒋᔅᒐᔨᒪᑭᓄᐤ ᑕᑯᓯᐧᒃ, ᑕᐸ ᓇᑎᒻ ᒥᒋᐛᐸ ᐛᐛᒡ, ᐃᔪᐛ ᐎᒋᔨᐛ᙮
ᐊᑯ ᓇᑕ ᐊᓂᔭᔪᐤ ᑭ ᐸᔎᐛ ᑭ ᓱᓇᔎᐛ ᒂ ᐃᓯᓇᒂᒡ, ᓇᑕ᙮
ᐊᑯᑕ ᓇᑕ ᐊᑕᐅᑦ, ᐃᑕᑭᓄᐤ, ᓱᓱᓇᔎᑕᐊᒧᑎᒃ, ᐃᑕᑭᓄᐤ, ᒥᔭᑐᐛᒋ ᐊᐛᓐ ᑲ ᐃᑎᑦ, ᒂ ᐃᑐᐅᑦ, ᐃᑕᑭᓄᐤ᙮  <pp>
ᐊᑯ ᒐᒋᓇᒡ ᐊᓐᒡ ᐃᔪᒡ, ᐊᐅᑯᐤ ᒥᔅᑲᑐᔭᐸᐤ᙮
“ᒻᒻᒻ, ᒥᔅᑲᑐᔭᐸᐤ, ᑕᓐᑕ ᐊᑯ ᐛᑐᑕᔨᓐ,” ᐃᑕᐅᒡ᙮
ᑕᑯᓯᓂᔨᒋ ᑭᑈ ᒐᔅᒐᔨᒪᒡ᙮
“ᐊᑯᑕ ᑕᓐᑕ ᐛᑐᑕᔭᓐ,” ᐊᑯᔭᑦ, ᐃᑕᑭᓄᐤ᙮ ᓇᒪ ᐎᑎᒻ, ᓇᒪ ᐎᑎᒻ ᐊᓂᔭᔪᐤ ᐊᓐᑕ ᐛᑐᑕᑦ ᐛᔪᐤ᙮ 
ᓂ ᓇᑕᔅᑎᑯᓱᐛᓐ ᐅ, ᓂ ᓇᑕᔅᑎᑯᓱᐛᓐ᙮
ᐎ ᒧᐛᐤ ᒋᒋᐛ ᒋᔅᑕᒪᐛ ᓂᔅᑕᔅ᙮ 
ᑕᐸ ᒋᔅᒐᔨᒪᑭᓄᐤ ᐊᓐᑕ ᐛᒋᑦ ᐊᓐᑕ, ᐊᔅᐱᓴᔨᒡ ᐊᓐᑕ ᐛᒋᑦ ᐛᔪᐤ ᐊᓐᑕ ᑯᔅᐱᑎᒥᒡ, ᓄᒋᒥᒡ᙮  <pp>
ᐊᑯ ᐊᓂᔭᔪᐛ ᐅᒋᒪᐛ ᐊᐅᑯᓂ ᓂᔭᑕᑦ, ᐊᓂᔭᔪᐛ ᐅᒋᒪᐛ᙮
ᐊᑯ ᐊᓂᔭᔪᐛ ᐅᒋᒪᐛ ᐃᑕᐤ, “ᓂ ᓇᑕᔅᑎᑯᓱᐛᓐ,” ᐃᑕᐤ,  “ᒋᔅᑕᒪᐤ ᓂ ᓂᑐᐛᐱᒪᐤ ᑭᔭ ᑎᔾ,” ᐃᑕᐤ, ᑭᔭ ᑲᓯᐛᓯᔨᒡ᙮
ᓂᔅᑎᓂᔪᐤ ᒥᒄ, ᐃᑕᑭᓄᐤ, ᒐᒂᓂᔪᐤ ᓇᑐᐛᔨᑎᒧᐛᑦ ᐅᒋᒪᐛ᙮
ᐎᐱᒡ, ᐎᐱᒡ ᒋ ᒥᔪᑐᑕᑯᐤ, ᐃᑕᑭᓄᐤ, ᐅᒋᒪᐛ ᐊᓐᑕ ᐊ ᐎᒋᐃᑯᑦ ᐊ ᓂᑐᐛᔨᑎᒧᐛᑦ ᒐᒂᓂᔪᐤ ᐊ ᒥᔨᑯᑦ ᐊᓐ ᐊᐛᔅ᙮
ᐊᑯ, ᒪᔨᑯᑦ ᒋᔅᑕᒪᐛ ᑭᔭ ᑎᔪᐤ, ᑕᐸᐸᑲᐊᒥᔨᒋ ᒪᔨᑯᑦ  ᑭᔭ ᑲᓯᐛᓯᔨᒡ᙮ 
ᐊᑯ ᐛᔅᑲᔭᒋᓇᐧᒃ᙮ 
ᐊᔭᑦ, ᒥᔭᑯᐱᑕᐧᒃ ᑕᐱᔅᑲᑭᓂᒡ, ᑕᐱᔅᑲᑭᓂᒡ, ᐊᓐᑕ ᐃᓯᓇᑯᓂᔪᐤ ᐱᒍᐎᔭᓂᔪᐤ, ᐊᑯᑕ ᒥᔭᑯᐱᑕᐧᒃ, ᐊᑯᑕ ᐛᔎᔭᐱᐧᑲᑕᐧᒃ᙮ <pp>
ᐊᑯ ᒂ ᑎᐸᑕᐊᒥᔪᐛ ᐱᓯᒺ, ᐊ ᑎᐸᑕᓯᔨᒋ ᐊᓐᑕ ᐱᓯᒺ, ᐊᑎ ᑕᔨᒋ ᐱᓯᒺ, ᐊᑯ,  “ᓂᑭ ᒋᐛᓐ ᐅ, ᐊᓄᒡ ᐅ ᓂᑭ ᒋᐛᓐ,” ᐊᑯᔭᑦ, ᐃᑕᑭᓄᐤ᙮
ᐊᑯ ᐅᔭᔪᐛ, ᐅᔭᔪᐛ ᐊᑎ ᐎᐎᑦ ᐅᔭᔪᐤ ᒥᒋᐛᐱᒡ, ᑕᐸ ᓂᑕ ᑭᒐᒋᐤ, ᓇᒪ ᓂᑕ ᒥᓂᒻ ᐅᑦ ᐊᐱᒋᑕᐅᓇ ᐅᔭᔪᐛ ᐅᑦ ᐊᔅᑎᓴ ᑭᔭ ᐅᔭᔪᐛ ᐅᒥᔅᒋᓇ᙮ ᐸᐳᓂᔨᒡ ᑲ ᐃᑕᔅᐱᓱᑦ ᐊᓐᑕ ᒐᓱᐛᔅᐱᓱᑦ᙮
ᐊᐅᒂᓇ ᐊᑎ ᐎᐎᑦ, ᐃᑕᑭᓄᐤ, ᓂᒋᔅᒃ, ᓂᒋᔅᒃ ᐊᑎ ᔅᑐᑕᒐ, ᐊᑎ ᔅᑐᑕᑦ᙮ 
ᐛᐛᒡ ᓇᒪ ᒋᔅᒐᔨᒪᑭᓄᐤ ᐊᓐᑕ ᐊ ᔅᑐᑕᑦ᙮ <pp>
ᐊᑯ, ᐊᑯ ᐊᓂᔭᔪᐛ ᐅᔅᑕᓴ, ᐊᓂᔭᔪᐛ ᐅᔅᑕᓴ, ᓴᔅ ᐊᓂᔭᔪᐛ, ᐃᑕᑭᓄᐤ, ᐸᔅᒋᓯᒥᔪᐛ, ᑎᐱᔅᑲᔪᐤ ᓴᔅ᙮ ᑕᑯᓯᐧᒃ, ᑕᑯᓯᐧᒃ, ᒥᔅᑲᑐᔭᐸᐤ, ᑕᑯᓯᐧᒃ᙮  <pp>
ᐊᑯ ᐸᒐᑦ ᐅᔭᔪᐤ ᐎᒋᐛᐤ, ᐊᑯ ᐃᑎᑯᐤ ᐊᓂᔭ ᐅᔅᑕᓴ, “ᑕᓐ ᐊᑎᔨᓐ ᐊᑯ,” ᐃᑎᑯᐤ, “ᐊᑲ ᒋᑦ ᐃᑕᓇᐛ?” ᐃᑎᑯᐤ᙮
“ᓂ ᒋ ᓇᑕᔅᑎᑯᓱᐛᓐ, ᓂ ᒋ ᓇᑕᔅᑎᑯᓱᐛᓐ,” ᐃᑕᐤ᙮ 
ᐊᔅᐱᓴᔨᒡ ᒪ ᓇᑕ ᐎᓂᐸᑯᒡ ᐊᓂᔭᔪᐤ ᐛᔅᑲᐃᑭᓂᔪᐤ, ᐅᑕ ᒪ ᓄᒋᒥᒡ ᐊᔅᐱᔅ ᑕᒡ᙮
ᐊᑯ ᓇᒪ ᔅᑐᑎᑯᐤ, ᑕᐸ ᑭᔅᑐᑎᑯᐤ ᐅᔅᑕᓴ ᐊᓐᑕ ᐊ ᐃᑎᒋ, ᓇᒪ ᔅᑐᑎᑯᐤ᙮ 
ᐊᑯ ᒐᒃ, “ᓂ ᐸᓱᐛᐤ ᐊᓐᑕ, ᓂᔅᑕᓴ, ᒋᔅᑕᒪᐤ ᑲ ᐎ ᒧᐅᑦ, ᒐ ᐱᑥᔨᓐ᙮”
ᓇᒪ ᓂᓂᑐᑕᑯᐤ, ᑕᐸ ᑕᑈᐅᒐᔨᒥᑯᐤ, ᓂᑎᒧᒄ ᑭ ᐃᑕᔨᑕᑯᓱᐛ ᐊᑕᔨᒥᑯᑦ᙮
ᐊᑯ ᒐᒃ, “ᓂᑐᐛᐸᑎᒥᒄ ᒪ, ᒪᓇᑕ ᐊᔅᑕᔭᓐ᙮ ᓂ ᒋ ᐎᔎᔭᒋᓇᓐ ᒋᐱᔎᒡ,” ᐃᑕᐤ᙮  <pp>
ᐛᔨᐎᐸᑕᔨᒋ ᐅᔭᔪᐛ, ᐅᔭᔪᐛ ᐃᔎᐛ, ᐎᐎᔪᐛ ᐅᔅᑕᓴ᙮
ᐊᐅᑯᔪᐤ ᐊᔅᑕᔨᒡ ᒐᒂᓂᔪᐤ ᐎᔎᔭᑲᐱᑎᒧᓯᐱᓐ, ᐛᑎᓂᒥᔨᒋ, ᐸᑎᑭᑕᔨᒋ᙮
ᐊᑯ ᐅᔭᔪᐛ ᐅᔅᑕᓴ, ᒪᔭᔨᒋ ᐅᔭᔪᐛ ᐅᔅᑕᓴ᙮
ᐃᔭᐱᐧᑯᓂᒥᔨᒋ, ᐅᑕ ᑎᔪᐤ ᑭᔭ ᒋᔅᑕᒪᐛ ᐊ ᑎᑯᓂᔨᒡ ᐅᑕ, ᑭᔭ ᑲᓯᐛᓯᔨᒡ᙮
ᐊᑯ ᑭᑈ ᒪᔅᑲᑕᔭᔨᒥᑯᑦ ᐅᔅᑕᓴ, ᑕᓐᑕ ᐊᑯ ᑕᑈᓯᐱᓐ ᑕᑈ, “ᓂ ᓇᑕᔅᑎᑯᓱᐛᓐ,” ᑲ ᐃᑦ᙮  <pp>
ᑕᐸ ᒋᔅᒐᔨᑕᑭᓄᔪᐤ ᐊᓐᑕ ᒋᐸ ᐅᑎᓂᒻ, ᑕᓐᑕ ᒋᐸ ᐅᑎᓂᒻ ᒥᒋᒪ ᐅᑕ ᑭᔭ ᐎᔾ ᒐᒋ ᑭᓄᐛᔨᑕᒃ ᒐᒂᓂᔪᐤ᙮
ᓇᔅᑎᔅ ᓇᒪ ᒋᔅᒐᔨᒪᑭᓄᐤ᙮
ᐊᑯ ᑭᑈ ᐸᑥᔨᒋ ᐅᔅᑕᓴ ᑭᔭ ᑎᔪᐤ ᒪᓂᔨᒋ᙮ <pp>
ᐊᑯ ᓇᐱᓂᔨᒡ ᓇᑕ ᒪᓯᑲᒡ, ᓇᐱᓂᔨᒡ, ᐊᑯ ᐛᑎᒥᔨᒋ, ᐃᑕᑭᓄᐤ, ᐅᔅᑕᓴ, ᑕᐸᒋᒧᔨᒋ᙮
ᐊᑯ ᐛᑎᒧᐛᑭᓄᔨᒋ ᐅᒋᒪᐛ, “ᓂᐦᐃ,” ᒂ ᐃᑎᑯᑦ, ᐃᑕᑭᓄᐤ, “ᒋ ᑎᑯᓯᓐ ᐸᐳᓂᔨᒡ ᐸᐃᒂᐤ,” ᒂ ᐃᑎᑯᑦ, ᐃᑕᑭᓄᐤ, “ᒥᔅᑲᑐᔭᐸᐤ,” ᒂ ᐃᑎᑯᑦ ᐃᑕᑭᓄᐤ, “ᒋ ᑎᑯᓯᓐ ᐸᐃᒂᐤ᙮”
“ᒋᔅᑕᒪᐛ ᓂᑐᐛᔨᒪᐤ, ᑭᔭ ᑎᔪᐤ, ᑲᓯᐛᓯᔨᒡ,” ᐊᑯ ᒂ ᐃᑎᑯᑦ ᐃᑕᑭᓄᐤ, ᐅᒋᒪᐛ᙮
“ᐊᑯ ᒪᔨᒃ,” ᒂ ᐃᑎᑯᑦ ᐃᑕᑭᓄᐤ᙮ 
ᐊᓂᔭᔪᐤ ᐊ ᐃᑎᑦ ᒥᔅᑲᑐᔭᐸᐤ, ᓇᒪ ᒋᔅᒐᔨᒪᑭᓄᐤ ᓇᔅᑎᔅ ᐊᑕᔨᑕᑯᓯᑦ, ᒥᔅᑲᑐᔭᐸᐤ ᐊ ᐃᓯᓂᐧᑲᑕᑭᓄᐅᑦ᙮ 
ᐊᑯᑕ ᐊ ᐃᑕᒋᒪᑭᓄᐅᑦ, ᐃᓇᓄᐤ᙮  <ss>
ᐊᑯ ᒥᓐ ᐊᓐᑕ ᑕᐸᒋᒪᑭᓄᐅᑦ, ᒥᓐ ᑕᐸᒋᒪᑭᓄᐅᑦ᙮ 
ᐊᓐᑕ ᐊᑎᐎᓂᐸᒄ ᐊᓯᓂᐧᑲᑕᒡ, ᐅ ᐛᐱᒪᑯᔅᑐᐤ ᐅᑕ ᒪᒃ  ᐃᑕᒐ, ᐊᑎᐎᓂᐸᒄ ᐊᓯᓂᐧᑲᑕᒡ,  
ᐊᑯ ᐅᑕ ᐛᐱᒪᑯᔅᑐᔅ ᐊᓯᓂᐧᑲᑕᑭᓄᐅᒡ, ᐊᑯᑕ ᐊᒃ ᐊᓐᑕ ᒥᔅᑲᑐᔭᐸᐤ ᐊᑕᑦ᙮ <pp>
ᒋᔅᒐᑲᐤ ᓇ ᐱᔅᑯᑎᓇᐤ ᒪᓐ ᒂ ᐃᓯᓇᒂᒡ, ᒪᐤ ᐊᓯᓇᒂᒡ, ᒂ ᐃᓯᓇᒂᒡ ᐱᔅᑯᑎᓇᐤ᙮ 
ᐊᑯᑕ ᐅᑕ ᒥᒋᐛᐸ ᐊ ᑎᒂᒋ᙮ 
ᐊᑯ ᑕᐱᔅᑲᔨᒡ, ᓇᒪ ᐃᑕᐤ ᑭᔭ ᒐᓯᑲᔨᒡ ᐅᔭᔪᐤ, ᑭᔭ ᐊᑎ ᑎᐱᔅᑲᔨᒡ ᓇᒪ ᐃᑕᐤ᙮ 
ᐊᑯ ᒐᒃ ᑕᐱᔅᑲᔨᒡ ᐅᔭᔪᐤ, ᓴᔅ ᓇᐃᓯᒥᓇᓄᐅᔪᐤ, ᓴᔅ ᐎ ᓂᐸᓄᐅᔪᐤ᙮ 
ᐊᑯ ᐅᑕ ᐊᑕᐅᑦ ᐅᑕ ᐱᔅᑯᑎᓇᒡ᙮
“ᐛᒋ ᐛᔅᑕᐅᒡ ᒐ ᐃᑐᑕᔭᓐ,” ᒂ ᐃᓯᑕᐅᑦ, ᐃᑕᑭᓄᐤ, ᓇᑭᒧᐅᑦ᙮
ᐊᑯ, “ᓇᒪ ᒋᑭ ᒋ ᐃᑐᐤ, ᒐ ᒂᒂᑎᐱᓯᐧᒃ,” ᐃᑕᐅᒡ ᐅᒡ ᐃᔪᒡ᙮  <pp>
ᐊᑯ, ᐱᔭᒋ  ᐅᑕ ᓂᓂᑎᒋᐛᑦ ᐅᔭᔪᐛ ᐊᓯᓇᑯᓂᔨᒡ ᐱᔭᒋ ᐃᑐᑕᑦ᙮
ᑕᓐ ᒪᒃ ᐊᓐᑕ ᐃᓯᓇᑯᓂᔨᒐ ᐊᓐᑕ ᐛᑐᑕᑦ?
ᑕᐸ ᐃᓯᓇᑯᓐ ᒐᒋ ᐃᑐᑕᑦ ᐃᔪᐤ, ᐃᓇᓄᐤ᙮
ᒥᒄ ᐊᐱᓯᔅ ᑭ ᑭᑲᒐᐛ ᒂ ᐃᓯᓇᒂᒡ, ᐃᓇᓄᐤ, ᐊᓐ ᐱᔅᑯᑎᓇᐤ᙮
ᐊᑯᑕ ᐅᑕ ᐛᒋ ᓂᑎᒋᐛᑦ᙮
ᐊᑯ ᓇᓂᑯᑎᓂᔾ ᑕᐸᑲ ᒋᐧᑲᑕᑯᓱᐤ ᐅᑕ ᐅ ᑎ ᐸᒋ ᓂᑎᒋᐛ᙮  <pp>
ᐊᑯ, “ᐊᑯ ᓇᒪ ᓂ ᒋ ᐃᑐᑕᓐ, ᒂᔅᑎᒪᓐ ᐊᑯ,” ᐃᔭᐅᑦ, ᐃᑕᑭᓄᐤ, ᐅ ᑎ ᐸᒋ ᓂᓂᑎᒋᐛ᙮ 
ᒐᒃ ᑕᑈ ᒂ ᐅᒋ ᐱᐧᑯᐅᑦ ᐅᑕ ᓇᑎᒋᐛᑦ, ᐃᑕᑭᓄᐤ,  ᐅᑕ ᒥᒋᐛᐸ ᒐᒥᑕᔨᒋ᙮
ᐊᑯ ᐸᑐᔅ ᑕᑯᓯᐧᒃ ᐊᓐᑕ᙮  
ᑲ ᓂᑎᒋᐛᑦ ᐊᓂᔭᔪᐤ ᐊᓯᓇᑯᓂᔨᒡ ᐱᔅᑯᑎᓇᔪᐤ, ᐅᑕ ᑕᑯᓯᐧᒃ᙮  ᓱᓱᓴᑲᔪᐤ  ᓇᔅᒡ, ᐃᓇᓄᐤ, ᐱᔅᑯᑎᓇᐤ᙮  ᒪᐤ ᐊᓯᓇᒂᒡ, ᒂ ᐃᓯᓇᒂᒡ, ᐃᓇᓄᐤ᙮<pp>
ᐊᑯᑕ ᐅᑕ ᐛᒋ ᓂᑎᒋᐛᑦ, ᐃᑕᑭᓄᐤ, ᒥᔅᑲᑐᔭᐸᐤ᙮
ᐊᑲ ᓂᑕ ᐸᔅᒋᓂᑦ ᒥᔅᑲᑐᔭᐸᐤ, ᒂ ᐃᑕᒋᒪᑭᓄᐅᑦ᙮ <ss>

ᐊᑯ ᐸᐃᒂᐤ, ᐃᑕᑭᓄᐤ, ᐸᒥᔅᑲᓄᐅᒡ, ᒂᔅᐱᓇᓄᐅᒡ, ᐃᑕᑭᓄᐤ, ᓇᒪ ᐃᑕᐤ, ᓇᒪ ᐃᑕᐤ ᐅᔭᔪᐤ᙮  
ᐳᓯᓇᓄᐎᔨᒡ ᑕᐱᔅᑲᔨᒡ᙮  ᐛᑕᑯᓯᔨᒡ ᐊᓐᑕ ᓴᔅ ᐊᓐᑕ ᓇᒪ ᐅᒋ ᐃᑕᐤ, ᐅᓇᑭᓄᐤ᙮
ᓇᒪ ᓂᓇᑭᑐᐛᔨᒪᑭᓄᐤ ᐳᓯᓇᓄᐎᔨᒡ᙮
ᐊᑯ ᓇᑕ ᐸᑲᓄᐅᒡ ᓇᑕ, ᐸᑲᔨᒋ ᐎᒋᒪᑭᓇ, ᓇᒪ ᓂᓇᑭᑐᐛᔨᒥᑯᐤ, ᒂ ᐊᑎ ᑎᐱᔅᑲᒡ᙮
ᐊᑯ ᒧᓴᐊᑭᓄᐅᒡ, ᐃᑕᑭᓄᐅᒡ, ᑲᒋᒪᔨᒐᓱᐅᒡ ᓄᒋᐧᑲᓱᐅᒡ, ᑲᒋᒪᔨᒐᓱᐅᒡ ᓄᒋᐧᑲᓱᐅᒡ᙮  <pp>
ᐊᑯ ᓇᒪ ᒋ ᐎᐎᓇᓄᐤ ᐛᐛᒡ ᒂᔅᑕᑭᓄᐅᒡ ᑲᒋᒪᔨᒐᓱᐅᒡ, ᓄᒋᐧᑲᓱᐅᒡ᙮ 
ᐸᐱᐱᒧᓯᓇᑕᐅᑯᒡ ᐊᓐᒡ ᐃᔪᒡ ᐊᓂᔭᔪᐛ ᑲᒋᒪᔨᒐᓱᐛ᙮
ᐊᑯ ᒐᒃ ᐊᓐᑕ ᐊᑎ ᐊᒂ ᑎᐱᔅᑲᔨᒡ ᑕᐸ ᒋ ᓂᐸᓄᐅᔪᐤ᙮
ᐊᑯ ᐊᓐᑕ ᐸᒋ ᒥᔅᑕᐛᔭᐤ, ᐃᓇᓄᐤ, ᐊᓐᑕ ᒪᐤ ᒂ ᐃᓯᓇᒂᒡ, ᓂᐱᔾ ᐸᒋ ᒥᔅᑕᐛᔭᐤ ᒪᓐ ᒂ ᐃᓯᓇᒂᒡ, ᐊᑯᑕ ᐊᓐᑕ ᐊᑕᐅᑦ, ᐃᑕᑭᓄᐤ᙮
“ᐸᒋ ᓇᑕᐅᒄ, ᐸᒋ ᓇᑕᐅᒄ,” ᐊᑯᔭᐅᑦ, ᐃᑕᑭᓄᐤ᙮ ᐊᑯ ᐅᔭᔪᐛ ᐅᔅᑕᓴ, ᑕᔪᐛ ᐅᔭᔪᐛ ᐅᔅᑕᓴ,  “ᓇᒪ ᒋ ᒋ ᓇᑕᐅᑯᐅᓐ, ᑯᔅᑕᒋᓇᓄᐤ, ᓇᒪ ᒋ ᒋ ᓇᑕᐅᑯᐅᓐ᙮ 
ᐊᑯ ᐎ ᐸᒋ ᐱᐱᐧᑯᐃᑎᓱᐤ ᐊᓐᑕ,” ᐃᑎᑯᐤ ᐊᓂᔭ ᐅᔅᑕᓴ ᐅᑕ ᐛᒋ ᐃᔨᒥᔨᑯᑦ᙮
“ᑭ ᒋ ᒋ ᐱᒧᑕᓇᐛ ᐊᔪᐛᒡ ᑕᐱᔅᑲᒋ,” ᐃᑎᑯᐤ, “ᐊᑯ ᐎ ᐸᒋ  ᐊᓐᑕ ᐱᐱᐧᑯᐤ ᐅᑕ,” ᐃᑎᑯᐤ᙮
ᐛᓴᔪᐤ ᐅᑕ ᐃᓯᓇᑯᓂᔪᐤ, ᐊᑯ ᐅᑕ ᒥᒋᐛᐸ ᒋᒥᑕᔪᐛ, ᐊᑯ ᐅᑕ ᐊᑲᒥᒡ ᐊᑯᑕ ᐊᑕᑦ ᒥᔅᑲᑐᔭᐸᐤ᙮  <pp>
ᐊᑯ ᑭᑈ ᒂᔅᑎᑲᒪᒐ ᓇᔭᔪᐤ ᐃᑐᑕᒐ᙮ 
ᐊᑯ ᐱᔭᑐᑕᑦ, ᐱᔭᒋ ᐸᓱᓇᑯᓯᑦ᙮ 
ᑕᐸᑲ ᐸᑐᐛᑭᓄᐤ ᐊᑐᑕᑦ ᒧᔭᒻ ᐊ ᐃᔨᒪᐊᑦ ᐊᐛᔪᐛ ᒂ ᐃᑎᑕᑯᓯᑦ ᐅᑕ ᐅ ᑎ ᐸᒋ ᐱᒧᑕ᙮
“ᐊᑯ, ᐊᑯ ᓇᒪ ᓂ ᒋ ᐃᑐᑕᓐ ᐊᑯ, ᒂᔅᑕᒋᔭᓐ ᐊᑯ,” ᐃᔭᐅᑦ ᓂ, ᐃᑕᑭᓄᐤ᙮  <pp>
ᐊᑯ ᓇᓂᑯᑎᓂᔾ ᑕᓐ ᒥᒄ ᐃᔨᑎᒐ, ᐃᑕᑭᓄᐤ᙮
“ᐛᓴ ᐊᑯ ᑭ ᓂ ᑯᔅᑕᒋᓇᐛ,” ᐃᔭᐅᑦ ᓂ, ᐃᑕᑭᓄᐤ᙮
ᑭ ᒋ ᐊᐅᑯᓐ ᐊᓂᔭ ᓄᒋᐧᑲᑯᑦ, ᐃᑕᑭᓄᐤ, ᑲᒋᒪᔨᒐᓱᐛ ᐊᓂᔭᔪᐛ ᐅ ᑎ ᐸᒋ ᒂᔅᑎᑲᒪᐊ, ᐊᓂᔭ ᐱᔭᒋ ᒂᔅᑎᑲᒪᐊᑦ᙮
ᐊᑯ ᑕᑯᓯᐧᒃ ᐊᓐᑕ᙮
ᐊᑯ ᐃᑎᑯᐤ ᐊᓂᔭᔪᐛ ᐅᔅᑕᓴ, “ᒥᔅᑲᑐᔭᐸᐤ,” ᐃᑎᑯᐤ “ᑕᐸ ᒋ ᒋ ᓇᑕᐅᑯᐅᓐ,” ᐃᑎᑯᐤ, “ᒥ ᒋ ᒋ ᓇᑕᐅᑯᐅᓐ,” ᐃᑎᑯᐤ, “ᑯᔅᑕᒋᓇᓄᐤ, ᓄᒋᑲᓱᐅᒡ ᑲᒋᒪᔨᒐᓱᐅᒡ,” ᐃᑎᑯᐤ, “ᑕᐱᔅᑲᔨᒡ, ᐊᑯ ᓇᒪ ᒋ ᒋ ᓇᑕᐅᑯᐅᓐ᙮”
 “ᓂ ᐛᐱᒪᐅᒡ,” ᐊᐅᑯᓐ ᒥᒄ ᐃᔭᑦ, ᐃᑕᑭᓄᐤ, “ᓂ ᐛᐱᒪᐅᒡ᙮” ᑕᐸ ᐎᑎᒻ, ᐎᒐᐅᑯᒐ ᐊᓂᔭᔪᐛ ᓄᒋᐧᑲᑯᒡ᙮ ᑕᐸ ᓇᒪ ᐛᐎᑎᒻ᙮  “ᓂ ᐛᐱᒪᐅᒡ,” ᑯᔭᑦ, ᐃᑕᑭᓄᐤ᙮
ᐊᑯ ᑕᑯᓯᐧᒃ, ᐃᑕᑭᓄᐤ, ᒂ ᐃᑕᒋᒪᑭᓄᐅᑦ᙮ <ss>
ᔅecᑎᐅᓐ ᐅᕐ eᐱᓱde bᕐeᐊᒃ?
ᓇᓂᑯᑎᓂᔾ, ᐃᑕᑭᓄᐤ,  ᓂᓱᑎᐱᔅᑲᔪᐤ ᐊᔅᐱᔅ ᔅᑐᑕᑦ ᐊᔅᐱᔅ ᐊᑲ ᒋᔅᒐᔨᒪᑭᓄᐅᑦ᙮
ᐊᑯ ᓇᒪ ᓂᓇᑭᑐᐛᔨᒪᑭᓄᐤ ᐊᓂᔭᔪᐤ ᐊᑎᑦ, ᐃᑕᑭᓄᐤ᙮ 
ᐊᑯ ᒥᓐ ᑕᑯᓯᐧᒃ ᓂ, ᐃᑕᑭᓄᐤ, ᐊᑯ ᐸᐃᒂᐤ, ᐃᑕᑭᓄᐤ, ᑲ ᓂᓱᑎᐱᔅᑲᔨᒡ ᓇᒪ ᐃᑕᐤ, ᐃᑕᑭᓄᐤ, ᓂᓱᑎᐱᔅᑲᐛ ᓇᒪ ᐃᑕᐤ, ᐃᑕᑭᓄᐤ᙮
ᐊᑯ ᐊᓂᔭᔪᐛ ᐅᔅᑕᓴ ᐃᑎᑯᐤ, “ᒥᔅᑲᑐᔭᐸᐤ,” ᐃᑎᑯᐤ, “ᒐᒂᓐ ᒪ ᒪᒋᔨᓐ ᐊᓐᑕ ᐊᑲ ᐃᑕᔨᓂ ᐊᓐᑕ ᓂ? ᓇᓂᑯᑎᓂᔾ ᓂᓱᑎᐱᔅᑲᐛ ᐊᑲ ᒋᑦ ᐃᑕᓇᐛ,” ᐃᑎᑯᐤ᙮
ᐊ, “ᒐᒂᓐ ᐊᓐ ᓂᐸ ᒥᒋᓐ? ᑭᑈ ᒥᓂᓴ ᐊᓂᔭᔪᐛ ᒪᒋᔭᓐ,” ᐃᑕᐤ᙮ <pp>

ᐊᑯ ᐸᐸᒥᓯᓂᔭᓐ, ᒐ ᓯᑯᑕᒐᓯᓂᔭᓐ ᑲ ᒥᒋᔭᓂ, ᑲ ᒋᔅᐳᔭᓂ ᓂᒋᑯᒥᓇᓇ᙮ 
ᒂ ᐃᑕᒋᒧᑦ ᓂ ᒥᔅᑲᑐᔭᐸᐤᑲ ᓂᓱᑎᐱᔅᑲᔨᒋ, ᓂᓱᑎᐱᔅᑲᐛ ᓂ ᓇᒪ ᐃᑕᐤ, ᐃᑕᑭᓄᐤ᙮
ᒐᒂᓂᔪᐤ ᐊᓐᑕ ᒋᐸ ᒥᒍᐤ?  ᑕᐸ ᑎᑯᓂᔪᐤ  ᐊᓐᑕ ᒥᒋᒥᔪᐤ᙮ ᑕᑯᓯᐧᒃ ᒥᓄᐛᒡ᙮ <ss>
ᐊᑯ, ᐊᐅᑯᔪᐤ ᒪᔅᑕᔾ, ᒪᔅᑕᔾ ᑕᐸᒋᒪᑭᓄᐅᑦ᙮ 
ᐊᐅᑯᔪᐤ ᓇᒪ ᐎᒋᒪᐤ ᐊᑯ ᐅᔅᑕᓴ, ᐃᑕᑭᓄᐤ, ᐅᔅᑕᓴ, ᐃᑕᑭᓄᐤ, ᓇᒪ ᐎᒋᒪᐤ, ᐃᑕᑭᓄᐤ᙮
ᒐᒃ ᐊᑯᔪᐤ ᓇᒪ ᐱᒪᑎᓯᔪᐛ ᐅᔅᑕᓴ, ᐊᓂᔭᔪᐤ ᐊᑲ ᐎᒋᒪᑦ᙮ 
ᐃᔭᑎᓯᔨᒐᓂ ᐊᐛᔪᐛ ᑲᓄᐛᔨᒥᑯᑦ ᐃᔪᐛ᙮ 
ᐊᑯ ᒐᒃ, ᐃᑕᑭᓄᐤ, ᐊᑯ “ᐊᐅᒂᔭ ᓂᔅᑕᔅ ᓇᒪ ᐱᒪᑎᓯᐤ,” ᐊᑯᔭᑦ, ᐃᑕᑭᓄᐤ, ᐊᑯ, “ᒐ ᐊᑲ ᐱᒪᑎᓯᔭᓐ,” ᐊᑯᔭᑦ, “ᓂᔅᑕᔅ ᓇᒪ ᐱᒪᑎᓯᒐ ᑕᑈ᙮” <pp>
ᐸᐳᓂᔨᒡ ᐃᔭᐱᒡ, ᒥᒄ ᐃᔭᑎᓯᔪᐛ ᐛᒋᒪᑦ, ᑲᓄᐛᔨᒥᑯᑦ᙮ 
ᐊᑯ ᐊᐅᑯᔪᐤ ᐊᒃ ᐊᓂᔭᔪᐤ, ᐃᑕᑭᓄᐤ, ᐃᓇᓄᐤ, ᐊᓂᔭᔪᐤ ᑲ ᑎᐸᒋᒧᑦ ᐊᓂᔭᔪᐤ᙮
ᐊᐅᑯᓐ ᐊᓂᔭᔪᐤ ᓇᒪ ᐱᒪᑎᓯᔨᓯᐱᓂ, ᐃᑕᑭᓄᐤ, ᐅᔅᑕᓴ, ᓇᐱᔨᒂᓂ ᐅᔅᑕᓴ, ᐃᑕᑭᓄᐤ, ᓂᔭᔪᐤ᙮ “ᓇᒪ ᐱᒪᑎᓯᑎᒃ ᓂᔅᑕᔅ᙮”
ᒐ ᒋᔅᒐᔨᒪᑦ ᐊᓂᔭ ᐅᔅᑕᓴ ᐊᑲ ᐱᒪᑎᓯᔨᒋ, ᐊᑯ ᓂᔅᑦ ᐊᑕᔨᑕᐧᒃ ᒐ ᐊᑲ ᐱᒪᑎᓯᑦ᙮ 
ᐸᒋᑕᔨᒧᑦ ᐊᑯ ᐅᔅᑕᓴ ᐊᑲ ᐱᒪᑎᓯᔨᒋ᙮ <pp>
ᐊᑯ ᐊᐅᒂᔭ ᓇᐱᑦ, ᐃᑕᑭᓄᐤ, ᐊᐅᒂᔭ ᓇᒪ ᐱᒪᑎᓯᔪᐤ, ᐃᑕᑭᓄᐤ, ᐊᓐ ᑭ ᓂ ᑎᐸᒋᒪᐛ᙮
ᓇᒪ ᒋᔅᒐᔨᒪᑭᓄᐅᐤ ᐊᑕᔨᐃᑕᑯᓯᑦ᙮ 
ᑕᐸ ᓂᑕ ᒐᒂᔪᐤ ᐊᓐᑕ ᓂᓄᒋᐧᑭᒻ, ᒂ ᐃᑕᔨᑕᑯᓯᑦ ᐊᑕᔨᑕᑯᓱᐛᐧᒄ ᒂ ᐃᑕᔨᑕᑯᓯᑦ᙮ 
ᐊᐅᑯᐤ ᒪᓐ ᒥᒄ ᒂ ᐃᑎᑦ, ᐃᓇᓄᐤ, ᐊᐅᑯᔪᐤ ᐊᓂᔭᔪᐤ ᓇᒪ ᒋᔅᒐᔨᒪᑭᓄᐤ᙮ 
ᑭᔭ ᐊᓂᔭ ᐊᑲ ᐃᔭᑎᑲᒪᓯᑦ ᓂᐱᔪᐤ ᐊᓐᑕ ᐛ ᐃᑐᑕᒋ ᐊᓐᑕ᙮
ᑭᔭ ᐊ ᓇᑕᔅᑎᑯᓱᐛᑦ ᐊᓂᔭᔪᐤ, ᐊᔅᐱᓯᐱᔨᑦ ᐊᓂᔭᔪᐤ, ᐊᓂᔭᔪᐤ ᓂᔭᑕᔅᑎᑯᓱᐛᑦ᙮
ᐊᔅᐱᓴᔨᒡ ᒪ ᐊᓐᑕ ᓄᒋᒥᒡ, ᐊᓐᑕ ᐊᓂᔭ ᐊᔅᐱᓴᔨᒡ ᐛᒋ ᔅᑐᑕᑦ, ᐊᐅᑯᔪᐤ ᒪᔅᑲᑕᔨᒪᑭᓄᐅᑦ᙮ <pp>
ᓇᒪ ᒋᔅᒐᔨᒪᑭᓄᐤ ᐊᑕᔨᑕᑯᓯᑦ, ᐊᐅᒂᑭᓐ ᒥᔅᑲᑐᔭᐸᐤ ᐊ ᐃᓯᓂᐧᑲᑕᑭᓄᐅᑦ᙮
ᐊᑯᑕ ᐊᔎᔭᒋᒪᑭᓄᐅᑦ, ᓴᔅ ᓂ ᒋᓴᒋᒪᐤ᙮